| Wylie |
། ཡང་ཏི་དྲང་དོན་དུ་བཤད་པའོ།། བརྡ་འགྱུར་སྒྲ་འགྱུར་དོན་དུ་བསྟན་པའོ།། ཚིག་གསུམ་རྒྱུད་པས་སངས་རྒྱས་ཀྱི་ཆོས་རྒྱུད་པ་བར་མ་ཆོད་པ་རྫོགས།།།། མངྒལམ། །། ཀུན་བཟང་རྫོགས་པའི་སངས་རྒྱས་ཀྱིས། ། ཐིག་ལེ་ཉག་ཅིག་སྐུ་ལ་ཕྱག་འཚལ་ནས།། རྩ་རླུང་ཐིག་ལེའི་རྒྱུད་བཤད་པ།། ཀྱཻ་ཐེག་པ་ལྷུན་གྱིས་གྲུབ་པའི་གནས།། སྟོན་པ་ཐིག་ལེ་ཉག་ཅིག་སྐུ།། འཁོར་ནི་རང་སྣང་ཆེན་པོ་ལ། ། དུས་གསུམ་དབྱེ་བ་མེད་པའི་དུས།། བསྟན་པ་གཉིས་སྣང་མེད་པར་ཤར།། ཅེས་གསུངས་སོ།། རྩ་རླུང་ཐིག་ལེ་ལེའུ་སྟེ་དང་པོའོ།།།། ཀྱཻ་གསང་བའི་བདག་པོ་རྡོ་རྗེ་སེམས་དཔའ་ཉོན། རྩ་རླུང་ཐིག་ལེ་བཞིན་གནས་ནི།། ངོ་བོ་ཐ་དང་རང་བཞིན་གཅིག། ཐུགས་རྗེའི་རོལ་པ་རང་ཤར་རོ།། ཤར་ཚུལ་སྣང་ཚུལ་གཉིས་སུ་བསྟན།། ང་ནི་གཞི་ཡིས་རང་རྩལ་ལས།། འགག་པ་མེད་པའི་རང་བྱུང་དང།། ཤར་བ་ཡིན་པས་ངེས་པ་མེད།། ཅེས་གསུངས་སོ།། རྩ་རླུང་ཐིག་ལེའི་ལེའུ་སྟེ་གཉིས་པའོ།། རྡོ་རྗེ་སེམས་དཔའ་ཁྱོད་ཉོན་གཅིག། རང་ཤར་ཆེན་པོའི་རྩ་རླུང་ནི།། ཕྱི་རུ་ཤར་བའི་རྩ་ལྔ་དང།། ནང་དུ་ཤར་བའི་རྩ་ལྔ་དང་གསང་བར་ཤར་བའི་རྩ་ལྔ་དང། ། ཡང་གསང་ཡང་ཏིའི་རྩ་ལྔ་དང།། གསང་བར་ཆེན་པོའི་རྩ་ལྔའོ།། དེ་ལ་ཕྱི་རུ་ཤར་བའི་རྩ་ལྔ་ནི།། དབྱིངས་ཀྱི་ཐིག་ལེ་ལྔ་ཡིན་ཏེ།། ཐིག་ལེ་ལྔ་ནི་སྟོང་གསལ་དུ།། སྣང་གསལ་ཆེན་པོའི་རྒྱས་གདབ་པོ། ། རིག་གསལ་ངང་དུ་ངོ་སྤྲད་པས།། ཐིག་ལེ་ལྔ་ཡང་གཅིག་ཏུ་འབྲེལ།། འབྱུང་བ་ལྔ་ནི་རིག་སྟོང་གསལ།། འབྱུང་བ་ལྔ་ལ་ངོ་སྤྲད་དེ།། ས་དང་ཆུ་དང་མེ་དང་རླུང།། མཁའ་ཁྱབ་ནམ་མཁའི་ངང་དུ་ནི། ། ཚོགས་དྲུག་རོལ་པའི་ངོ་སྤྲད་པས།། འདོད་ཡོན་ལྔ་དང་ཆགས་སྡང་ལྔ།། རང་བྱུང་རང་གྲོལ་རང་ཤར་གསལ།། བདེ་གསལ་ངང་དུ་ངོ་སྤྲད་དོ།། ཅེས་གསུངས་སོ།། རྩ་ལུང་གི་ལེའུ་ལས་ཕྱི་རང་གྲོལ་གྱི་ལེའུ་སྟེ་གསུམ་པའོ། །།། རྡོ་རྗེ་སེམས་དཔའ་ཁྱོད་ཉོན་ཅིག། ནང་དུ་བཤད་པའི་རྩ་ལྔ་ནི།། ཡེ་ཤེས་ཆེན་པོའི་རོལ་པའི་རྩ་ལྔ་སྟེ།། གསལ་བྱེད་ཤེས་རབ་རྒྱས་གདབ་པས།། ནང་གི་རྩ་ལྔ་གཅིག་ཏུ་འཁྱིལ།། ཤེས་རབ་ཆེན་པོ་ཅིག་ཏུ་གསལ།། ཡེ་ཤེས་ལྔ་པོ་གཅིག་ཏུ་གྲོལ།། དབྱིངས་ལྔ་རིག་པའི་ཀློང་དུ་གྲོལ།། རང་གྲོལ་རང་ཤར་ངོ་བོ་ཤེས་པས།། དེ་ནི་རྣལ་འབྱོར་མ་ཡིན་ཞེས་གསུངས་སོ།། རྩ་རླུང་ཐིག་ལེའི་ལེའུ་ལས། ནང་རང་གྲོལ་ལེའུ་སྟེ་བཞི་པའོ།།།། རྡོ་རྗེ་སེམས་དཔའ་ཁྱོད་ཉོན་གཅིག། གསང་བར་ཤར་བའི་རྩ་ལྔ་ནི།། ཐིག་ལེ་ཉག་གཅིག་རོལ་པ་ལྔ།། རང་བྱུང་ཡིན་པར་ངོ་ཤེས་པས།། སྒོམ་སྒྲུབ་མེད་པའི་རང་ཤར་བ། ། ད་ལྟར་སྒོམ་སྒྲུབ་བྱེད་པ་ནི།། ང་ཡི་གཞི་ལ་འཆོས་པ་སྟེ།། ཤེས་རབ་ཆུང་བའི་གོལ་ས་ཡིན།། ལྟ་བ་རང་ཤར་ཆེན་པོ་ལ།། སྒོམ་པ་རང་གྲོལ་ཆེན་པོ་ཡིན།། སྤྱོད་པ་ཚོགས་དྲུག་ལྷུག་པ་ལ།། འབྲས་བུ་ཡུལ་སྣང་མེད་པ་ཡིན། ། ཡེ་ཤེས་ཟང་ཐལ་ཆེན་པོ་ལ།། བར་དོ་མེད་པའི་རང་གྲོལ་ཡིན།། ཞེས་གསུངས་སོ།། རྩ་རླུང་གི་ལེའུ་ལས་གསང་བ་རང་གྲོལ་གྱི་ལེའུ་སྟེ་ལྔ་པའོ།།།། བཛྲ་ས་ཏྭ་ཁྱོད་ཉོན་ཅིག། དེ་ཁོ་ན་ཉིད་ཀྱི་རྩ་ལྔ་ནི། ། གཉིས་སྣང་མེད་པའི་ཤེས་རབ་ལ།། ཐོགས་པ་མེད་པའི་ཤེས་རབ་ཀྱིས།། འགག་པ་མེད་པའི་རིག་པ་ལ།། རང་རིག་ཡེ་ཤེས་ཟང་ཐལ།། ལྷངས་ཀྱིས་ཤེས་པ་ཤེས་རབ་ཡིན།། ཞེས་གསུངས་སོ། ། རྩ་རླུང་ཐིག་ལེའི་ལེའུ་ལས་ཡང་གསང་རང་གྲོལ་གྱི་ལེའུ་སྟེ་དྲུག་པའོ།།།། བཛྲ་ས་ཏྭ་ཁྱོད་ཉོན་ཅིག། རྒྱས་པའི་རྩ་ལ་བསམ་མི་ཁྱབ།། བསྡུ་ན་རྣམ་པ་གཉིས་སུ་འདུས།། ཆོས་རྣམས་ཚིག་གི་རྩ་རྣམས་ནི། ། ཡང་དག་དོན་གྱི་རྩ་གཉིས་སོ།། འདི་ནི་ཡང་དག་དོན་གྱི་རྩ།། ཞེས་གསུངས་སོ།། ཀུན་ཏུ་བཟང་པོས་གསུངས་པ་ཡིས།། ཡེ་ཤེས་རྩ་རླུང་གི་རྒྱུད་ཆེན་འདི།། ཀུན་ཏུ་བཟང་པོའི་ཐུགས་ཀྱི་བཅུད།། རྡོ་རྗེ་སེམས་དཔའ་སྲོག་གི་ཐིགས་པ། ། དགའ་རབ་རྡོ་རྗེའི་སྲོག་གི་འཁོར་ལོ།། སྲོག་གི་ཆན་པ། ཐུགས་ཀྱི་རེག་ཆོད། རིག་པ་སྲོག་གི་འཁོར་ལོ་ཞེས་གསུངས་སོ།། རྩ་རླུང་རྒྱུད་འཇམ་དཔལ་འདུས་པའི་རྒྱུད་ལས། བསྡུས་པ་རྫོགས་སོ།།།། བཅོམ་ལྡན་འདས་ཀུན་ཏུ་བཟང་པོ་ཡིས།། ལྷུན་གྲུབ་སྐུ་ལ་ཕྱག་འཚལ་ནས།། ཐིག་ལེ་མཐོང་རྟོལ་རྒྱུད་གསུངས་པ།། སྟོན་པ་ཀུན་ཏུ་བཟང་པོ་ཡིས།། གནས་ནི་ཐིག་ལེ་མཁའ་ཁྱབ་ཏུ།
CLOSE WINDOW