| Wylie |
རྒྱ་གར་སྐད་དུ།། ཤྲཱི་སརྦ་སིངྔྷི་ཏི་སྟི་ཨ་བ་ལོ་ཀ་མ་ཧཱ་ཏནྟ་རཱ་ཛ།། བོད་སྐད་དུ།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ།། བྱང་ཆུབ་སེམས་དཔའ་སེམས་དཔའ་ཆེན་པོ་སྨོན་ལམ་གྱི་ཏིང་ངེ་འཛིན་མི་གཡོ་བར་སྣང་བ་ལ་ཕྱག་འཚལ་ལོ། ། འདི་སྐད་བདག་གིས་ཐོས་པའི་དུས་གཅིག་ན།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཚོགས་ཐམས་ཅད་ཤིན་ཏུ་རྣམ་པར་དག་པའི་ཆོས་ཀྱི་དབྱིངས་ཀྱི་ཕོ་བྲང། ཡུམ་གྱི་བྷ་ག་རྣམ་པར་དག་པའི་དབྱིངས་ན་བཞུགས་པའི་ཚོགས།། འདི་ལྟ་སྟེ། དེ་བཞིན་གཤེགས་པ་དབུ་མ་རྣམ་པར་རོལ་པའི་ཚོགས་དང། ། དེ་བཞིན་གཤེགས་པ་རྡོ་རྗེ་འདུས་མ་བྱས་པའི་ཚོགས་དང།། དེ་བཞིན་གཤེགས་པ་དོན་དམ་པའི་ཡོན་ཏན་རྩོལ་པས་མ་བསྐྱེད་པར་སྣང་བའི་ཚོགས་དང།། དེ་བཞིན་གཤེགས་པ་ཡུལ་རྣམ་པར་དག་པ་ཡེ་ཤེས་ཀྱི་ཚོགས་དང། ། དེ་བཞིན་གཤེགས་པ་སྨོན་པ་མེད་པའི་རྣམ་པར་ཐར་བས་རང་བཞིན་གཅིག་པས་མུན་པ་འཇོམས་པའི་ཚོགས་སོ། བྱང་ཆུབ་སེམས་དཔའ་གསང་བའི་བདག་པོ་ལག་ན་རྡོ་རྗེ་ལ་སོགས་པ་དང། ། སྲིད་པའི་ལྷ་མ་སྲིན་སྡེ་བརྒྱད་ལ་སོགས་པ་རྣམས་ཀྱང་འདུས་པར་གྱུར་ཏོ།། དེ་ནས་འདི་སྐད་གསུངས་སོ།། ཆོས་ཉིད་ཁོ་ནའི་ཡོན་ཏན་ནི།། གཟུགས་སྐུ་དཔག་མེད་གང་དང་གང།། དབུ་མ་འདུས་མ་བྱས་པའི་དོན། ། ཡུལ་ཉིད་དབྱིངས་ཉིད་སྨོན་པ་མེད། སྐུ་གསུམ་ཡེ་ཤེས་ཁྱད་པར་ཆེ།། སངས་རྒྱས་ཡོན་ཏན་ཀུན་གྱི་གཞི།། འདི་ལྟར་དེ་བཞིན་གཤེགས་པ་དང།། དེ་བཞིན་གཤེགས་པའི་ཚོགས་ཀྱིས། ། བྱང་ཆུབ་ཀྱི་སེམས་སྨོན་ལམ་གྱི་ཏིང་ངེ་འཛིན།། མི་གཡོ་བར་སྣང་བ་ཉིད་ལ་དབང་བསྐུར་ཏེ།། ཡུལ་རྣམ་པར་འདུས་པར་གྱུར་ཏོ།། དེ་ལྟར་དེ་བཞིན་གཤེགས་པའི་ཚོགས་དང།། ཚོགས་ཆེན་པོ་བྱང་ཆུབ་སེམས་དཔའ་དེ་ཉིད་ལ་གཟིགས་པ་དང། ། རབ་ཏུ་གཟིགས་པ་དང།། ཆེར་གཟིགས་པར་གྱུར་ཏོ། བྱང་ཆུབ་སེམས་དཔའ་དེ་ཉིད་ཀྱང།། དེ་བཞིན་གཤེགས་པའི་མཐུས་འཛུམ་པར་གྱུར་ནས།། དེ་བཞིན་དུ་ཡན་ལག་དང་ཉིང་ལག་ལས་འོད་ཀྱི་དྲ་བ་འཇིག་རྟེན་གྱི་ཁམས་སུ་བཀྱེ་བས། ། འདི་ལྟར་སེམས་ཅན་དམན་པར་སྣང་བ་ཐམས་ཅད་སེམས་ཀྱི་དྲི་མ་བསལ་བའི་ཕྱིར།། དེ་བཞིན་གཤེགས་པས་དབང་བསྐུར་པ་དང།། རྫུ་འཕྲུལ་གྱི་སྤོབས་པ་བསྟན་ཏེ། ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ནམ་མཁའི་དཀྱིལ་འཁོར་ཞབས་ཀྱིས་མནན་ཏེ། དེ་བཞིན་གཤེགས་པས་དབང་བསྐུར་བ་དང།། རང་གི་སྨོན་ལམ་ལས་གྲུབ་པས། ། ཁྲོ་བོ་ཆེན་པོ།། རྣམ་པར་སྣང་མཛད་ཅེས་བྱ་བར་གྱུར་པ།། འདི་ལྟ་སྟེ།། སངས་རྒྱས་ཉིད་དང། དམ་པའི་ཆོས་ཆེན་པོ་དང།། དགེ་འདུན་དག་པ་དང།། སྣ་ཚོགས་རྡོ་རྗེ་ལ་སོགས་པ་དང།། སྣ་ཚོགས་འཁོར་ལོ་ལ་སོགས་པ་དང། ། སྣ་ཚོགས་རིན་པོ་ཆེ་ལ་སོགས་པ་དང།། སྣ་ཚོགས་པདྨ་ལ་སོགས་པ་དང།། སྣ་ཚོགས་རྒྱ་གྲམ་ལ་སོགས་པ་བསྣམས་པ།། རང་གི་ཡོན་ཏན་སྐུ་དང་ཡེ་ཤེས་ལ་སོགས་པའི་ཕྱག་མཚན་དང། ། འགྲོ་བ་ཡོངས་སུ་འདུལ་བའི་ཕྱག་མཚན་ཐུགས་རྗེ་དང།། སྨོན་ལམ་གྱི་འཁོར་ལོ་གཉིས་ཀ་རྣམ་པར་སྨོན་པར་གྱུར་པ།། གྲོ་བ་དང་འགྲོ་བ་རྣམས་ཀྱི་དོན་མཛད་པ།། དངོས་གྲུབ་དང་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ནས། ། ཁྲོ་བོ་ཆེན་པོ་དེས་ཀྱང་ཉིད་ཀྱི་སྐུའི་ཡན་ལག་ལས།། འོད་ཟེར་གྱི་དྲ་བ་ཐ་དད་པས་འཇིག་རྟེན་དག་པར་བྱས་སོ།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ལས་གླེང་གཞིའི་ལེའུ་སྟེ་དང་པོའོ། །།། དེ་ནས་བཅོམ་ལྡན་འདས་ཀྱིས་ཡོངས་སུ་རྫོགས་པའི་སྐུ་འདི་བསྟན་ཏོ།། གསུང་ངོ།། འབྱུང་བར་འགྱུར་བ་འདི་ལྟ་སྟེ།། དངོས་གྲུབ་ཀུན་གྱི་མཆོད་ཆེན་པོ།། ནམ་མཁའི་དཀྱིལ་འཁོར་ཇི་བཞིན་དུ། ། རྣམ་པར་སྣང་མཛད་ཁྲོ་བོ་ཡི།། སྐུ་ནི་ནམ་མཁའི་མཐའ་འདྲ་སྟེ།། རྣམ་པར་གསལ་བའི་དབུ་བཅུ་མཛེས།། ཕྱ་ནི་བཅོ་བརྒྱད་ཕྱག་མཚན་སྟོང།། སུམ་ཅུ་རྩ་གཉིས་ཞགས་ཀྱིས་མཛེས། ། དེ་བཞིན་གནན་ཁྲི་སུམ་ཅུ་གཉིས།། སྐུ་ནི་ལྗང་ཁུ་མཛེས་པའི་མཆོག། དང་པོའི་དབུ་ནི་བྱང་ཆུབ་སེམས།། གཉིས་པ་ཉན་ཐོས་ཞི་བའི་དབུ།། གཡོན་པ་རང་རྒྱལ་སྐྱེས་པས་དབུ།། དབུ་མའི་སྟེང་ན་སྤྲུལ་པའི་དབུ། ། དེ་ཡི་ལོངས་སྤྱོད་གཡས་པ་དང། འདི་ལྟར་གཡོན་ན་ཆོས་ཀྱི་དབུ།། དེ་སྟེང་དབུ་མ་གསང་སྔགས་དང།། གཡས་པ་རིག་སྔགས་ཐབས་ཀྱིས་མགོན།། ཤེས་རབ་གཟུངས་སྔགས་གཡོན་པར་མཛེས། ། ཀུན་གྱི་སྟེང་ན་ཟབ་མོའི་དབུ།། ཞི་བ་མཉམ་ཉིད་དཔག་པར་དཀའ།། དཀར་པོ་དམར་དང་སེར་བའི་ངང།། དམར་པོ་སེར་དང་ཤིན་ཏུ་སྔོ།། དུད་ཀ་ལྗང་ཁུ་དམར་ལ་བརྗིད།། ཤིན་ཏུ་གནག་པའི་ངང་ཚུལ་ཅན། ། རྣམ་པར་འཇིགས་པའི་དབུ་བཅུ་སྟེ།། སངས་རྒྱས་རྣམས་ཀྱི་ཡུལ་ན་གསལ།། བརྗིད་པའི་ཞབས་ནི་སུམ་ཅུ་གཉིས།། ཁམས་གསུམ་གནོན་པའི་ཐབས་མཆོག་སྟེ།། དམྱལ་བ་ཡི་དྭགས་དུད་འགྲོ་དང། ། མི་རྣམ་དང་ལྷ་རྣམས་གོ་རིམ་བཞིན།། གཡས་པའི་ཞབས་ནི་བཅུ་དྲུག་དང།། གཡོན་དུ་བརྐྱང་པ་བཅུ་དྲུག་གོ།། གཡས་པས་ཇི་བཞིན་གནོན་པ་ནི།། ཚ་བའི་མེ་དང་གྲང་བའི་ཆུ།། གནོན་པར་ཡུལ་སྣང་ཡི་དྭགས་པ། ། སེམས་དཔའ་མེད་པའི་བཀྲེས་པ་གནོན།། དུད་འགྲོ་རྣམ་པ་བཞི་མནན་པ།། འདབ་ཆགས་ལ་སོགས་མཁའ་འགྲོ་དང།། ཉ་ལ་སོགས་པ་ཆུ་ལ་གནས།། སྲིན་བུ་རྡུལ་གྱི་ནང་པ་དང།། སེང་གེ་ལ་སོགས་ས་སྟེང་གནོན། ། མི་རྣམས་ཞབས་ཀྱིས་མནན་པའི།། དཀར་པོ་ཟླ་གམ་ལུས་འཕགས་དང།། སྔོན་པོ་སོག་ཀ་འཛམ་བུ་གླིང།། དམར་ཞིང་ཟླུམ་པ་བ་གླང་སྤྱོད།། སྒྲ་མི་སྙན་ལྗང་ཁུ་གྲུ་བཞི་གདན།། དེ་བཞིན་ཞབས་ཀྱིས་བར་རིམ་ལྷ། སུམ་ཅུ་རྩ་གསུམ་རི་རབ་དང།། འཐབ་བྲལ་དགའ་ལྡན་རྣམ་པར་གནོན།། གཡོན་པའི་ཞབས་ཀྱིས་གོ་རིམ་ལྟར། འཕྲུལ་དགའ་གཞན་འཕྲུལ་དབང་བྱེད་དང།། ཚངས་པའི་ཞིང་ཁམས་དང་བོ་དང། དེ་བཞིན་གཉིས་དང་གསུམ་པ་དང། བཞི་པ་ཡང་དག་དེ་མནན་པ།། གཟུགས་ཆེན་འདུ་ཤེས་མེད་པ་དང།། མི་ཆེ་གནོན་ཅིང་མི་གདུང་པས།། གྱ་ནོམ་དང་ནི་ཤིན་ཏུ་གནོན།། གཟུགས་ཅན་ཀུན་གྱི་བླ་མ་གནོན། ། ནམ་མཁའ་མཐའ་ཡས་བསམ་པ་དང། རྣམ་ཤེས་དང་ནི་ཅི་ཡང་མེད།། ཡོད་མིན་མེད་མིན་ཞབས་ཀྱིས་གནོན།། ཇི་ལྟར་གཟུགས་དང་ཁ་དོག་དང།། རང་གི་མཚན་ཉིད་ཅི་འདྲ་བར།། སོ་སོར་ཞབས་ཀྱིས་རྣམ་པར་གནོན། ། རང་གི་སྟེང་ན་པདྨ་སྟེ།། ཞབས་ཀྱི་འོག་ན་ཟླ་བ་དཀར། སེམས་ཅན་གང་དག་སྨིན་ཕྱི་རུ།། སྲིན་ནམ་ཞབས་ཀྱིས་མཁའ་ལྟར་བརྫིས།། འཇིག་བྱེད་ཆེན་པོ་རྣམ་སྣང་མཛད།། རྣམ་པ་སྟོང་གི་ཕྱག་གི་མཚན། ། མདུན་དུ་བཞག་པའི་ཕྱག་རྒྱ་དང།། མདུན་དུ་བསྒྲེང་པའི་ཕྱག་རྒྱ་སྟེ། མདུན་དུ་བརྐྱང་བའི་ཕྱག་རྒྱ་དང།། ཐུར་དུ་བཞག་པའི་ཕྱག་རྒྱ་དང།། ཐུང་དུ་བརྐྱང་པའི་ཕྱག་རྒྱ་ཉིད།། ཟུར་དུ་ཕབ་པའི་ཕྱག་རྒྱ་ནི། ཟུར་དུ་བརྐྱང་བའི་ཕྱག་རྒྱ་སྟེ།། ཟུར་དུ་བསྒྲེང་བའི་ཕྱག་རྒྱ་དང།། སྟེང་དུ་བཀན་པའི་ཕྱག་ཀྱང་རྒྱ།། རྣམ་པ་བཅུ་ནི་སྟོང་དུ་བརྐྱང།། ཕྱག་གི་མཚན་མ་རྣམ་པ་བཅུ།། གཡས་དང་གཡོན་གྱི་རིམ་པ་ཡས། རྣམ་པ་ལྔ་བཅུར་གྱུར་པ་ཉིད། ། མདུན་དུ་མཉམ་གཞག་གཡས་གཡོན་ཕྱག།། ཟླ་བ་གི་སྟེང་གནས་པའི།། ཐུགས་ཁར་སྐུ་བཞུགས་སངས་རྒྱས་ཡིན།། མཉམ་གཞག་གཉིས་པ་དམ་ཆོས་འཛིན།། འདི་ལྟ་གསུང་བའི་དགེ་འདུན་ཆེ། ། བཞི་པ་ཉིད་ན་ཨ་ལིའི།། ལྔ་པ་འབའ་ཞིག་ཉི་མ་ཀ།། དེ་ནས་དྲུག་པ་འཁོར་ལོ་བསྣམས།། བདུན་པ་ལ་ནི་རྡོ་རྗེ་དང།། བརྒྱད་པ་འདི་ལྟར་རིན་པོ་ཆེ།། པདྨ་བཞག་པ་དགུ་པ་སྟེ།། བཅུ་པ་རྒྱ་གྲམ་མདུན་དུ་བཞུག། ། འཁོར་ལོ་ལ་སོགས་སྣ་ཚོགས་ཡིན།། དགུ་ནི་ཟླ་བའི་སྟེང་ནའོ།། དེ་འོག་མདུན་བཞག་བརྒྱད་ཅུ་སྟེ།། གཡས་པ་བཞི་བཅུ་སོ་སོར་གསལ།། འདི་ནི་དང་པོ་རལ་གྲི་བསྣམས།། གཉིས་པ་གསེར་གྱི་འཁོར་ལོ་བསྣམས། ། ཟླ་བ་གསུམ་འཛིན་བཞི་པས་དུང།། ལྔ་པ་བན་ངྷ་ཁ་སྐུད་དྲུག། ནམ་མཁའི་ཉི་སྦྲིན་སྐར་མ་དང།། རིམ་པ་འདི་ལྟར་བཅུ་ཁོ་ནའོ།། བཅུ་གཅིག་པ་ན་ཁོ་ཊཾ་ཐོགས།། ཤ་བ་ཁྲག་དང་ཆུ་སྲིན་སྦྲུལ། ། མ་ཧེ་རྔ་མོ་སྦྲུལ་ལག་དང།། རྒྱ་མཚོ་ལ་སོགས་གོ་རིམ་རིམས་བཅུ།། རྩ་གཅིག་འཕྲེང་བ་དཀར་པོ་འཛིན།། རྔ་ཡབ་ཀླུ་དང་སྲིན་འཛིན།། ཐམ་མོ་སྦྱར་ཞིང་སྡིགས་མཛུབ་དང།། གླང་པོ་ཆེ་དང་རྟག་ཤང་ཤང། ། སེང་གེ་རྨ་བྱ་དབྱུག་པ་དང།། རིན་པོ་ཆེ་ཡི་འཕྲེང་བ་དང།། རིན་ཆེན་སྙེ་མ་བའི་ཞོ།། ཀྲུང་ཀྲུང་བྱ་རྒོད་འཛིན་པ་དང། རྩེ་གསུམ་ཕྱག་རྒྱ་བཅས་པ་དང།། རྩེ་ལྔ་རྡོ་རྗེའི་ཕྱག་རྒྱ་དང།། ཁུ་ཚུར་རབ་ཏུ་ཕྱར་པའོ། ། འདི་ཡི་གཡོན་པ་ནེའུ་ལེ་དང།། ཆུ་ཡི་བུམ་པ་ཏྲཾ་ཤུལ་དང།། ཁ་ཊྭཱི+ེ་འུ་ཆུང་དྲིལ་བུ་ཅན།། སྲིན་ལག་འཛིན་དང།། གནམ་ལྕགས་འཕྲེང་བ་འདྲེན་པ་དང།། ཟ་བྱེད་མགོ་ཡི་འཕྲེང་བ་ཐོགས། མེ་དང་ཆུ་འབབ་གསལ་ཤིང་དང། གྲི་གུག་གཞུ་དང་མདའ་བོ་ཆེ།། སེར་མོ་བརྐྱང་དང་སྲིན་ལག་བསྒྲེང།། ཐོ་བ་དང་ནི་གཏུན་ཤིང་འཛིན།། མཆེ་བ་ཟླ་ཚེས་གཅིགས་པ་དང།། འདོད་པ་ཁ་ཟས་ཐོགས་པ་དང།། ཆོས་ཀྱི་འཁོར་ལོ་བསྐོར་བ་དང། ནམ་མཁའི་སྐར་ཁུང་ཕྱེད་པ་དང།། ས་ཡི་དཀྱིལ་འཁོར་འཛིན་པ་དང།། རིན་ཆེན་འབར་བའི་རྒྱལ་མཚན་དང།། བོང་བུ་དང་ནི་རྨ་བྱའི་གཟུགས།། གནོད་སྤྱིན་མ་དང་ཀེང་རུས་དང། བོང་བུའི་མཛེ་དང་བོང་ཆུང་སྙིང་དང། ། ཁྲམ་ཤིང་དང་ནི་ཤད་ཀྱི་སྣོད།། འདི་དག་མདུན་དུ་བཞག་པའི་ཕྱག། སེམས་དཔའ་དཀར་པོའི་དབུས་ལ་སོགས།། གཡས་གཡོན་རྒྱ་ཡི་མཛེས་པའོ།། དཔའ་པོ་རྣམ་པར་མཛད་ཕྱག། མདུན་དུ་བསྒྲེང་པ་རྒྱ་པ་སྟེ།། གཡས་པ་ལྔ་བཅུ་གསེག་ཤང་ཅན།། དེ་ལྟར་གཡོན་པ་པར་པུ་བསྣམས།། ཉན་ཐོས་ཞི་དམར་དབུའི་ཕྱག།། རྣམ་པ་བརྒྱད་དང་ལྡན་པ་སྟེ།། གསུང་གི་འགྲོ་དོན་སྤྱོད་པ་དང། ། སྤྱིན་པས་འདུལ་པའི་ཡོན་ཏན་གྱིས།། གསེག་ཤིང་པར་བུ་རྣམ་པར་མཛེས།། རྣམ་པར་སྣང་མཛད་ཁྲོ་བོ་ཡི།། ཞིང་ཁམས་དང་པོར་བྱུང་བ་ནི།། ཉན་ཐོས་ཞི་བ་རྣམ་པ་བརྒྱ།། ཐེག་པ་ཆེན་པོའི་བཞིན་པ་ལ། ། ཉན་ཐོས་སྐལ་ངན་དྲང་བའི་ཕྱིར།། ཐབས་ཉིད་ཡིད་ཡོན་ཏན་འདི་ཁོ་ནའོ།། ཁ་དོག་སེར་པོ་གཡོན་པ་ན།། རང་རྒྱལ་སྐྱེས་བུ་དཔའ་བོ་དབུ།། རྣམ་པ་བརྒྱ་ཡིས་མཛེས་པའི་ཕྱག། མདུན་དུ་བརྐྱང་བའི་ཕྱག་མཚན་ནི། ། འཁོར་ལོའི་མཐའ་དང་བསམ་མི་ཁྱབ།། ལྟེ་བ་མུ་ཁྱུད་རྩིབས་དང་བཅས།། རྟེན་འབྲེལ་སྟོབས་གྲུབ་པ་ཡི།། ཆོས་རྟགས་ཕྱག་མཚན་གཉིས་པ་སྟེ། གཉིས་སུ་འཐུན་དང་ཡ་གཅིག་སྟེ། ། ཚོགས་དང་གཅིག་པུའི་ཁྱད་པར་ཅན།། ཁ་དོག་རྣམ་པ་ཀུན་གྱི་མཛེས།། མི་གཡོ་སྨོན་ལམ་ལས་བྱུང་བའི།། རང་གི་རྒྱུད་ཀྱང་དག་པ་སྟེ།། དམིགས་པ་ཕྲ་མོ་རྡུལ་ཕྱིར་དུ།། འཁོར་ལོ་འགྲོ་བ་གདུལ་ཕྱིར་ཡིན། ། གཡོན་ཞལ་སེར་པོའི་དབུ་ལས་འཕྲོས།། གསུམ་པའི་སྟེང་ན་དབུ་མའི་ཞལ།། དམར་པོ་མཁས་པའི་སྤྱོད་ཡུལ་ཅན།། འདི་ལས་བསྐྱེད་ཕྱག་ནི་རྒྱུ།། ཐུར་དུ་བཞག་པའི་དབུ་ལས་འཕྲོས།། གསུམ་པའི་སྟེང་ན་དབུ་མའི་ཞལ། ། དམར་པོ་མཁས་པའི་སྤྱོད་ཡུལ་ཅན།། འདི་ལས་བསྐྱེད་ཕྱག་ནི་རྒྱུ།། ཐུར་དུ་བཞག་པའི་ཕྱག་མཚན་ནི།། ལྔ་བཅུ་གཉིས་ན་ཐོགས་པ་སྟེ། གཡས་ན་ལྕགས་སྐྱུ་དང་པོ་སྟེ།། གཟུགས་དང་སྒྲ་དང་དྲི་དང་རོ་དང། རེག་བྱ་འཇམ་པར་སྲེགས་བཅུ།། འདི་ལྟར་ལྔ་བཅུ་གཡས་པ་ན་དེ་ཡི་ཞིང་ལྔ་གཡོན་པ་སྟེ།། འདས་པ་ཐམས་ཅད་མར་མེ་མཛད།། ཐམས་ཅད་ད་ལྟར་ཤཱཀྱ་ཐུབ།། མ་འོངས་ཐམས་ཅད་བྱམས་པ་བསྣམས། ། ཐམས་ཅད་ཐ་མར་རིན་ཆེན་དཔལ།། ད་ལྟར་ཐམས་ཅད་བྱང་ཆུབ་སེམས།། བོང་བུ་ཞོན་ཞིང་སྲིན་མོ་འདུལ།། ལྔ་ལས་བཅུར་བསྐྱེད་ལྔ་བཅུའི་ཕྱག། མཆོད་ནས་དམ་པ་འདི་ལྟར་འཕགས།། འདི་དག་གཡོན་པའི་ཕྱག་ན་མཛེས། ། དམར་པའི་ཞལ་ནས་སྤྲུལ་པའོ།། རྣམ་པར་སྣང་མཛད་ཁྲོ་བོ་ཡི།། གཡས་པ་ལོངས་སྤྱོད་རྫོགས་པའི་དབུ།། ཅུང་ཟད་སེར་བ་རྒྱན་གྱི་ཞལ།། མཚན་རྣམས་རྫོགས་པའི་ཞབས་ཀྱིས་ནི། ། དུས་གསུམ་སྨིན་པའི་གཟུགས་ཅན་འདྲེན།། དེ་ཡི་ཕྱག་ཀྱང་རྣམ་པ་བརྒྱ།། གཡས་ཀྱི་ལྔ་བཅུ་ལྕགས་ཀྱུ་དམར།། གཡོན་གྱི་ལྔ་བཅུ་ལྕགས་ཀྱུ་དམར།། ཐུར་དུ་བརྐྱང་པའི་ཕྱག་མཚན་གྱིས།། མིག་དང་རྣ་བ་སྣ་དང། ། ལྕེ་དང་ལུས།། ཟླ་བའི་དཀྱིལ་འཁོར་ཕྱེད་ཡན་ཆད།། ལ་སོགས་གཡས་པས་འདྲེན་པ་དང། གཏི་མུག་གདུལ་པ་ཡན་ཆད་དུ།། ཇི་བཞིན་ལྕགས་ཀྱུས་རྣམ་པར་འདྲེན།། ལོངས་སྤྱོད་རྫོགས་པའི་ཏིང་ངེ་འཛིན་གྱིས། ། འཁོར་བ་ཉིད་ན་རྒྱུན་དུའོ།། རྣམ་པར་སྣང་མཛད་ཁྲོ་བོ་ཡི།། ཟུར་དུ་ཕབ་པ་རྣམ་པར་བརྒྱ།། གཡོན་ཞལ་སྔོན་པོ་ཉིད་ལས་འཕྲོས།། ཀུན་གྱི་ཕྱག་ན་བསྣམས་པ་ནི།། རྣམ་པ་ཐར་པ་གསུམ་པའི་ཞལ། ། གཞལ་ཡས་ཁང་ནི་དཀར་པོ་འཛིན།། སྟོང་ཉིད་མཚན་མེད་སྨོན་པ་མེད།། འདས་པའི་རང་བཞིན་ཐམས་ཅད་ནི།། སྟོང་པ་ཉིད་ཀྱི་རྣམ་པ་དང།། ད་ལྟར་མཚན་མ་མེད་བསྟན་པས།། མ་འོངས་པ་ལ་སྨོན་པ་མེད། ། ནམ་མཁའ་ཁྱབ་པའི་འཇིག་རྟེན་ན།། རྣམ་པ་བཅུས་བཤད་བྱིས་པ་ལ།། རེ་རེ་དག་ཀྱང་རྣམ་པ་བཅུ།། འདི་ལྟར་འདས་དང་ད་ལྟར་དང།། མ་འོངས་པ་ན་མཚན་ཉིད་ནི།། རྣམ་པར་ཐར་པ་གསུམ་བརྒྱ་བསྣམས། ། ཆོས་ཉིད་དབུ་མས་རྣམ་པར་ཐར།། དུད་ཀ་འཇིགས་པའི་ཞན་ནས་ནི།། ཐུར་དུ་བརྐྱང་པའི་ཕྱག་མཚན་བརྒྱ།། གཡས་ཀྱི་ཕྱག་ནི་ལྔ་བཅུ་ལ།། སྲིད་པའི་རྩེ་མོའི་གཞལ་ཡས་ན།། ལྔ་བཅུ་ཐམ་པའི་ཕྱག་རྒྱ་ཅན། ། ལས་ཀྱི་དྲ་བ་མཇོམས་མཛད་པའི།། དངོས་གྲུབ་མང་པོའི་དཀྱིལ་འཁོར་ནི།། དཔག་བསམ་ཤིང་ལས་བརྒྱན་པ་སྟེ།། རིན་ཆེན་འབར་བའི་ཅོད་པན་ཅན།། གྲུབ་གསུམ་ནང་ན་ཕྱག་རྒྱ་ཆེ། ། གཡོན་པ་ལས་ལས་བྱུང་བ་ཡི།། སྲིད་པའི་གྲོང་ཁྱེར་གདུལ་བྱ་ཉིད།། རྣམ་པ་ལྔ་ཡི་གྲོང་ཁྱེར་ཉིད།། གྲོང་ཁྱེར་གཅིག་ལས་ཁྱད་པར་བཅུ།། དེ་ལྟར་ལྔ་བཅུ་ལྡན་པ་ཡི།། གདུལ་བྱ་རྨ་བྱའི་རྒྱལ་མཚན་འདྲ། དབུ་མས་རྣམ་པར་འཇོམས་པ་ནི།། དག་པ་ཉིད་དང་མ་དག་པ།། གཡོན་པའི་ཕྱག་ན་རྣམ་པར་མཛེས།། དེ་ལྟར་གཡས་པ་ལྗང་ཁུ་ནི།། ཐབས་ཀྱི་ཕྱག་རྒྱ་ཟུར་དུ་བསྒྲེང།། གཡས་པ་ལྔ་བཅུར་ལྡན་པ་ནི།། དུས་གསུམ་ནམ་མཁའི་མཐའ་འདྲ་བར། ། རྒྱལ་བས་ཐབས་ཀྱི་ཕྱག་རྒྱ་ནི།། ཁྲོ་བོ་བཅུ་ལས་འཕྲོས་པ་ཡིས།། དེ་རེ་ལྔ་ལྔ་གྱུར་པ་ནི།། གཡས་པ་རྣམ་པར་བརྒྱན་པ་ཡིན།། གཡོན་པ་ལྔ་བཅུས་བསམས་པ་ནི།། ཁྲོ་བོ་དང་ནི་མ་མོ་དང། ། སྲིན་མོ་དང་ན་གནོད་སྦྱན་མ།། ལྷ་མོ་དང་ནི་ཀླུ་མོ་དང།། དྲི་ཟ་མོ་དང་གྲུལ་བུམ་མོ།། རྣལ་འབྱོར་མ་དང་མཁའ་འགྲོ་མོ།། དབུ་གཅིག་མ་དང་གཉིས་པ་དང།། དེ་བཞིན་གསུམ་བཞི་ལྔ་པ་དང། ། དྲུག་པ་བདུན་པ་བརྒྱད་ཀྱི་དབུ།། དགུ་ནས་བཅུའི་བར་དུའོ།། དངོས་གྲུབ་ཐམས་ཅད་གསོལ་མཛད་པ། རིག་སྔགས་རྣམ་པར་གྲགས་པ་སྟེ།། ལྗང་ཁུ་ཞལ་ནས་འཕྲོས་པ་ཡིན།། གཟུངས་ཀྱི་ཕྱག་ན་བསྣམས་པ་ནི། ། གཡོན་ཞལ་དམར་པ་ཉིད་ལས་འཕྲོས།། གཡས་ན་ཐོགས་པ་ཕུར་པ་ཡིན། དེ་བཞིན་གཡོན་པ་པདྨ་སྟེ།། འདི་རྒྱ་ནི་གྱེན་དུ་བ་བཀན།། ཐབས་དང་ཤེས་རབ་ཁྱད་པར་གྱིས།། རབ་ཏུ་གསལ་བ་གང་དག་གོ། ། རྣམ་པར་སྣང་མཛད་ཁྱད་པར་ལས།། ཀུན་གྱི་སྟེང་ན་ཟབ་པའི་དབུ།། རྒྱ་ཆེན་རྣམས་དང་མ་འདྲེས་པ།། སྟེང་གི་དབུ་མཆོག་གནག་པ་སྟེ།། སྟེང་དུ་བརྐྱང་བའི་ཕྱག་རྒྱ་པ། སྟོང་པ་ཉིད་ཀྱི་རང་བཞིན་གྱིས། ། འདི་ལ་མཚན་མ་ག་ལ་འབྱུང། རྣམ་པར་སྤྲོས་པ་མེད་པ་ཡི།། ཕྱག་ན་ནམ་མཁའི་དཀྱིལ་དུ་ཐིམ།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། ཁྲོ་བོ་རྣམ་པར་སྣང་མཛད་ཀྱི་སྐུ་ནམ་མཁའ་དང་མཉམ་པར་སྒོམ་པའི་ལེའུ་སྟེ་གཉིས་པའོ། །།། དེ་ནས་བཅོམ་ལྡན་འདས་རྡོ་རྗེ་མཁའ་འགྲོས།། ཉིད་ཀྱི་སྐུ་དང།། གསུང་དང།། ཐུགས་རྡོ་རྗེ་རྣམས་ལས། རང་བཞིན་གྱི་དཀྱིལ་འཁོར་འདི་ཕྱུང་ངོ། ། སྣ་ཚོགས་འདུས་པའི་ཐིག་ལེ་ཆེ།། རྒྱུད་ཀུན་འབྱུང་བའི་དཀྱིལ་འཁོར་ཏེ།། ཨོཾ་གྱི་ཡེ་ཤེས་ལས་བྱུང་བ།། སྣ་ཚོགས་འཁོར་ལོའི་བདག་ཉིད་ཆེ།། ཧཱུ~ཾ་གི་ཡེ་ཤེས་ལས་བྱུང་བས།། རྡོ་རྗེའི་དང་པོ་རྣམ་པར་མཛེས། ། སྭ་ཡི་ཡེ་ཤེས་ལས་བྱུང་བས།། རིན་ཆེན་འབར་བའི་ཅོད་པན་མཛེས།། ཨཾ་གི་ཡེ་ཤེས་ལས་བྱུང་བས།། སྣ་ཚོགས་པདྨ་ཏི་ཁྱད་པར་འཕགས།། ཧ་ཡི་ཡེ་ཤེས་ལས་བྱུང་བས།། སྣ་ཚོགས་རྒྱ་གྲམ་རབ་ཏུ་མཛེས། ། ཧྲི་ཡི་ཡེ་ཤེས་ལས་བྱུང་བས།། པདྨ་འབར་བའི་གཞལ་ཡས་ཁང།། ཧཱུ~ཾ་གི་ཡེ་ཤེས་ལས་བྱུང་བས།། སྣ་ཚོགས་རྡོ་རྗེའི་འཕྲེང་བའི་མཛེས།། ཀ་ཡི་ཡེ་ཤེས་ལས་བྱུང་བས།། འཁོར་ལོའི་ཞབས་དང་ཡང་དག་ལྡན། ། ཁ་ཡི་ཡེ་ཤེས་ལས་བྱུང་བས།། གནས་པ་ཞབས་ཀྱི་མཆོག་ཏུ་འགྱུར།། ག་ཡི་ཡེ་ཤེས་ལས་བྱུང་བས།། དྲ་བར་འབྲེལ་བའི་སོར་མོ་ཉེས།། གྷ་ཡི་ཡེ་ཤེས་ལས་བྱུང་བས།། རྣམ་པར་གཞོན་པའི་ཡན་ལག་ཅན། ། ང་ཡི་ཡེ་ཤེས་ལས་བྱུང་བས།། བདུན་པ་མཐོ་བ་ཉིད་དང་ལྡན།། ཙ་ཡི་ཡེ་ཤེས་ལས་བྱུང་བས།། སོར་མོ་རིང་བ་ཉིད་དང་ལྡན།། ཚ་ཡི་ཡེ་ཤེས་ལས་བྱུང་བས།། རྟིང་པ་ཡངས་པའི་འབྲས་བུ་ཅན། ། ཛ་ཡི་ཡེ་ཤེས་ལས་བྱུང་བས།། ཡེ་ཤེས་སྐུ་མཆོག་ཤིན་ཏུ་ཆེ།། ཛྷ་ཡི་ཡེ་ཤེས་ལས་བྱུང་བས། མཐོ་བར་གྱུར་བའི་ཞབས་དང་ལྡན།། ཉ་ཡི་ཡེ་ཤེས་ལས་བྱུང་བས།། བ་སྤུ་གྱེན་དུ་འཁྱིལ་བར་མཛེས།། ཊ་ཡི་ཡེ་ཤེས་ལས་བྱུང་ལས། ། ཨེ་ནྱ་ཡ་ཡི་བྱིན་པ་འདྲ།། ཋ་ཡི་ཡེ་ཤེས་ལས་བྱུང་བས། རྣམ་པར་རིང་བའི་ཕྱག་ཏུ་མཛེས།། ཌ་ཡི་ཡེ་ཤེས་ལས་བྱུང་བས།། གསང་པའི་གནས་མཆོག་སྦུབས་སུ་ནུབ།། ངྷ་ཧཡི་ཡེ་ཤེས་ལས་བྱུང་བས། གསེར་གྱི་ཁ་དོག་རྣམ་པར་གསལ།། ཎ་ཡི་ཡེ་ཤེས་ལས་བྱུང་བས།། འཇམ་པར་གྱུར་པའི་རང་བཞིན་འཆང།། ཏ་ཡི་ཡེ་ཤེས་ལས་བྱུང་བས།། གཡས་སུ་འཁྱིལ་པའི་སྤུ་ཡིས་མཛེས།། ཐ་ཡི་ཡེ་ཤེས་ལས་བྱུང་བས། ། མཛོད་སྤུ་རྣམ་པར་དག་པའོ།། ད་ཡི་ཡེ་ཤེས་ལས་བྱུང་བས།། སེང་གེ་ལྟ་བུའི་སྐུ་སྟོད་མངའ།། ངྷ་ཡི་ཡེ་ཤེས་ལས་བྱུང་བས།། དཔུང་པ་ཟླུམ་པོར་གྱུར་པའོ།། ན་ཡི་ཡེ་ཤེས་ལས་བྱུང་བས།། ཕྲག་པ་རྣམ་པར་རྒྱས་པ་ཡིན། ། པ་ཡི་ཡེ་ཤེས་ལས་བྱུང་བས།། ལྗགས་ལ་རོ་མཆོག་མངའ་བའོ། ཕ་ཡི་ཡེ་ཤེ་ལས་བྱུང་བས།། ནྱ་གྲོ་ངྷ་ལྟར་ཆུ་ཞེང་གབ།། བ་ཡི་ཡེ་ཤེས་ལས་བྱུང་བས།། རྣམ་པར་མཐོ་བའི་སྤྱི་གཙུག་མངའ། ། བྷ་ཡི་ཡེ་ཤེས་ལས་བྱུང་བས།། རབ་ཏུ་ཡངས་པའི་ལྗགས་དང་ལྡན།། མ་ཡི་ཡེ་ཤེས་ལས་བྱུང་བས།། རྣམ་པར་གསལ་བའི་ཚངས་པའི་གསུང།། ཡ་ཡི་ཡེ་ཤེས་ལས་བྱུང་བས།། སེང་གེའི་འགྲམ་པ་འཕགས་པའོ། ། ཝ་ཡི་ཡེ་ཤེས་ལས་བྱུང་བས།། ཤིན་ཏུ་དཀར་བའི་ཚེམས་དང་ལྡན། ར་ཡི་ཡི་ཤེས་ལས་བྱུངབས།། དེ་དག་ཤིན་ཏུ་མཉམ་པའོ།། ལ་ཡི་ཡེ་ཤེས་ལས་བྱུང་བས།། ཐག་བཟངས་རྣམ་པར་མཛེས་པ་ཡིན།། ཤ་ཡི་ཡི་ཤེས་ལས་བྱུངབས། ། བཞི་བཅུ་ཚང་བའི་ཚེམས་དངལྡན།། ས་ཡི་ཡེ་ཤེས་ལས་བྱུང་བས།། དཀར་གནག་ཕྱེད་པའི་སྤྱན་དང་ལྡན།། ཧ་ཡི་ཡེ་ཤེས་ལས་བྱུང་བས།། བ་ཡི་རྫི་མ་ལྟ་བུ་ཡིན།། ཀ་ཡི་ཡེ་ཤེས་ལས་བྱུང་བས། སེན་མོ་ཟངས་དང་འདྲ་བའོ།། ཁ་ཡི་ཡེ་ཤེས་ལས་བྱུང་བས།། དེ་ཡི་མདོག་ཀྱང་སྣུམ་པ་ཡིན།། ག་ཡི་ཡེ་ཤེས་ལས་བྱུང་བས།། དེ་ཉིད་གནས་པ་མཐོ་བ་ཡིན།། གྷ་ཡི་ཡེ་ཤེས་ལས་བྱུང་བས། ། ཕྱག་གི་སོར་མོ་རྣམ་པར་ཟླུམ།། ང་ཡི་ཡེ་ཤེས་ལས་བྱུང་བས།། སོར་མོ་རྣམ་པར་རྒྱས་པའོ།། ཙ་ཡི་ཡེ་ཤེས་ལས་བྱུང་བས།། སོར་མོ་ཉིད་ནི་ཕུ་བ་ཡིན།། ཚ་ཡི་ཡེ་ཤེས་ལས་བྱུང་བས།། ཡན་ལག་རྩའི་ལྟར་མི་མངོན། ། ཛ་ཡི་ཡེ་ཤེས་ལས་བྱུང་བས།། དེ་ལ་མདུན་པ་མེད་པ་ཡིན།། ཛྷ་ཡི་ཡེ་ཤེས་ལས་བྱུང་བས།། ལོང་བུ་མངོན་པ་མེད་པ་ཡིན།། ཉ་ཡི་ཡེ་ཤེས་ལུས་བྱུང་བས།། ཞབས་ཀྱང་རྣམ་པར་མཉམ་པ་ཡིན།། ཊ་ཡི་ཡེ་ཤེས་ལས་བྱུང་བས། ། སེང་གེའི་སྟབས་དང་ཡང་དག་ལྡན།། ཋ་ཡི་ཡེ་ཤེས་ལས་བྱུང་བས།། གླང་ཆེན་འགྲོས་དང་འདྲ་བ་ཡིན། ཌ་ཡི་ཡེ་ཤེས་ལས་བྱུང་བས།། དཔའ་པོ་ངང་པའི་སྟབས་དང་འདྲ།། ཌྷ་ཡི་ཡེ་ཤེས་ལས་བྱུང་པས། ། ཁྱོད་ནི་ཁྱུ་མཆོག་སྟབས་སུ་བཞུགས།། ཎ་ཡི་ཡེ་ཤེས་ལས་བྱུང་བས།། ཁྲོ་བོའི་གཡས་ཀྱི་ཕྱོགས་སུ་བཞུད།། ཏ་ཡི་ཡེ་ཤེས་ལས་བྱུང་བས།། བལྟ་ན་མཛེས་པར་བཞུད་པ་ཁྱོད།། ཐ་ཡི་ཡེ་ཤེས་ལས་བྱུང་བས། ། དཔའ་བོ་གཡོ་བ་མེད་པར་བཞུད།། ད་ཡི་ཡེ་ཤེས་ལས་བྱུང་བས།། ལེགས་པར་བཞུད་པའི་སྐུ་མཆོག་ཡིན།། ལྷ་ཡི་ཡེ་ཤེས་ལས་བྱུང་བས།། སྦྱངས་པའི་ལམ་དུ་བཞུད་པ་ཡིན།། ན་ཡི་ཡེ་ཤེས་ལས་བྱུང་བས། ། བགས་ཀྱི་གཞོལ་པའི་སྐུ་མཆོག་ཡིན།། པ་ཡི་ཡེ་ཤེས་ལས་བྱུང་བས། སྐུ་ནི་ཤུན་ཏུ་གཙང་བ་ཡིན།། ཕ་ཡི་ཡེ་ཤེས་ལས་བྱུང་བས།། རྟག་ཏུ་འཇམ་པ་བརྙེས་པ་ཡིན།། བ་ཡི་ཡེ་ཤེས་ལས་བྱུང་བས།། སྐུ་ནི་ཤིན་ཏུ་འཇམ་པ་ཡིན། ། བྷ་ཡི་ཡེ་ཤེས་ལས་བྱུང་བས།། རྣམ་པར་དག་པའི་སྐུ་མཆོག་ཡིན།། མ་ཡི་ཡེ་ཤེས་ལས་བྱུང་བས།། ཤིན་ཏུ་རྫོགས་པའི་དཔེ་བྱད་ཡིན།། ཡ་ཡི་ཡེ་ཤེས་ལས་བྱུང་བས།། སྐུ་ནི་ཆེ་ཞིང་མཛེས་པ་ཡིན། ། ཝ་ཡི་ཡེ་ཤེས་ལས་བྱུང་བས།། སྐུ་ནི་ཀུན་ཏུ་མཉམ་པ་ཡིན།། ར་ཡི་ཡེ་ཤེས་ལས་བྱུང་བས།། གཞོན་ནུར་གྱུར་པའི་སྐུ་དང་ལྡན།། ལ་ཡི་ཡེ་ཤེས་ས་ལས་བྱུང་བས།། སྐུ་ནི་ཞུམ་པ་མེད་པ་ཡིན།། ཤ་ཡི་ཡེ་ཤེས་ལས་བྱུང་བས། ། སྐུ་ནི་ཡོན་ཏན་གྱིས་བརྒྱན་ནོ།། ས་ཡི་ཡེ་ཤེས་ལས་བྱུང་བས། སྐུ་ནི་ཤིན་ཏུ་མཁྲེགས་པ་ཡིན།། ཧ་ཡི་ཡེ་ཤེས་ལས་བྱུང་བས།། ཡན་ལག་ཉིང་ལག་མཛེས་པ་ཡིན།། ཨ་ཡི་ཡེ་ཤེས་ལས་བྱུང་བས། ། ཐམས་ཅད་གཟིགས་པ་མངའ་པའོ།། ཨཱ་ཡི་ཡེ་ཤེས་ལས་བྱུང་བས།། ཕྱལ་ནི་རྣམ་པར་ཟླུམ་པའོ།། ཨི་ཡི་ཡེ་ཤེས་ལས་བྱུང་བས།། ཁྱོད་ཀྱི་ཕྱལ་ནི་ལས་བྱུང་བས། ཨཱི་ཡི་ཡེ་ཤེས་བྱུང་བས།། ཕྱལ་ནི་རྣམ་པར་མ་ཞོམ་པའོ། ། ཨུ་ཡི་ཡེ་ཤེས་ལས་བྱུང་བས།། དཔའ་བོའི་ཕྱིལ་ནི་བྱམ་མེ་བ།། ཨཱུ་ཡི་ཡེ་ཤེས་ལས་བྱུང་བས།། སྐུ་ཡི་ལྟེ་བ་ཟབ་པ་ཡིན།། ཨེ་ཡི་ཡེ་ཤེས་ལས་བྱུང་བས།། ལྟེ་བ་གཡས་ན་རབ་ཏུ་མཛེས། ། ཨཻ་ཡི་ཡེ་ཤེས་ལས་བྱུང་བས།། དེ་ནི་ཀུན་ནས་མཛེས་པ་ཡིན།། ཨོ་ཡི་ཡེ་ཤེས་ལས་བྱུང་བས།། རྣམ་པར་དག་པར་གྱུར་པ་ཁྱོད།། རཱྀ་ཡི་ཡེ་ཤེས་ལས་བྱུང་བས།། རྨེ་བ་ཐ་དད་སྤངས་པར་མཛད།། ལྀ་ཡི་ཡེ་ཤེས་ལས་བྱུང་བས། ། ཁྱོད་ཀྱི་ཕྱག་ན་རྟག་ཏུ་འཇམ།། ལཱྀ་ཡི་ཡེ་ཤེས་ལས་བྱུང་བས།། ཕྱག་ལ་རི་མོ་སྣུམ་པར་མཛེས།། ཨོ་ཡི་ཡེ་ཤེས་ལས་བྱུང་བས།། དེ་དག་ཀྱིང་ཀྱང་ཟབ་པ་ཡིན།། ཨོཾ་ཡི་ཡེ་ཤེས་ལས་བྱུང་བས། ། རི་མོ་རིང་པོའི་རྒྱུན་མ་ཆད།། ཨོཾ་གྱི་ཡེ་ཤེས་ལས་བྱུང་བས།། ཞལ་ནི་རྣམ་པར་རིང་བ་ཡིན།། ཨ་ཡི་ཡེ་ཤེས་ལས་བྱུང་བས།། ཞལ་ནི་ཆོས་ཀྱི་གཟུགས་བརྙན་མངའ། ཀ་ཡི་ཡེ་ཤེས་ལས་བྱུང་བས།། ཤིང་བལ་ལྟ་བུའི་ལྗགས་དང་ལྡན། ། ཁ་ཡི་ཡེ་ཤེས་ལས་བྱུང་བས།། ཁྱོད་ཀྱི་ལྗགས་ཀྱང་ཡངས་པར་མངའ། ག་ཡི་ཡེ་ཤེས་ལས་བྱུང་བས།། རབ་ཏུ་དམར་པའི་ལྗགས་དང་ལྡན།། གྷ་ཡི་ཡེ་ཤེས་ལས་བྱུང་བས།། ཁྱོད་ཀྱི་གསུང་ནི་རྣམ་པར་ཟབ། ང་ཡི་ཡེ་ཤེས་ལས་བྱུང་བས། ཡིད་དང་མཐུན་པའི་གསུང་མཆོག་སྒྲོགས།། ཙ་ཡི་ཡེ་ཤེས་ལས་བྱུང་བས།། སྤྲོས་མེད་མཆེ་བ་རྣམ་པར་ཟླུམ།། ཚ་ཡི་ཡེ་ཤེས་ལས་བྱུང་བས།། དྲི་ཞིམ་དབུ་དང་ཡང་དག་ལྡན། ། ཛ་ཡི་ཡེ་ཤེས་ལས་བྱུང་བས།། དུག་གསུམ་དབུགས་པའི་མཆེ་བ་རྣོ།། ཛྷ་ཡི་ཡེ་ཤེས་ལས་བྱུང་བས།། དག་པའི་ཚོམས་མཆོག་དཀར་བ་ཡིན། ཉ་ཡི་ཡེ་ཤེས་ལས་བྱུང་བས།། ཁྱོད་ནི་མཉམ་པའི་ས་ལ་བཞུགས། ། ཊ་ཡི་ཡེ་ཤེས་ལས་བྱུང་བས།། ཞལ་གྱི་ཚེམས་ཀྱང་རིང་བ་ཡིན།། ཋ་ཡི་ཡེ་ཤེས་ལས་ཕྱུང་བས།། ཤངས་མཆོག་རྣོན་པོར་གྱུར་པ་ཁྱོད།། ཌ་ཡི་ཡེ་ཤེས་ལས་བྱུང་བས།། དག་པར་གྱུར་པའི་ཤངས་མཆོག་མངའ། ། ཌྷ་ཡི་ཡེ་ཤེས་ལས་བྱུང་བས།། འཁོར་བའི་བར་དུ་སྤྱ་ཡང་རིང།། ཎ་ཡི་ཡེ་ཤེས་ལས་བྱུང་བས། སྤྱན་ནི་ཤིན་ཏུ་རྣམ་པར་དག།། ཏ་ཡི་ཡེ་ཤེས་ལས་བྱུང་བས།། སྤྱན་གྱི་རྫི་མ་ཤིན་ཏུ་སྡུག།། ཐ་ཡི་ཡེ་ཤེས་ལས་བྱུང་བས། ། སྤྱན་ནི་ཤིན་ཏུ་དཀར་གནད་ཕྱེད།། ད་ཡི་ཡེ་ཤེས་ལས་བྱུང་བས།། ཞལ་གྱི་སྨིན་མ་རིང་བ་ཡིན།། ངྷ་ཡི་ཡེ་ཤེས་ལས་བྱུང་བས།། སྨིན་མ་ཉིད་ཀྱང་རྣམ་པར་འཇམ།། ན་ཡི་ཡེ་ཤེས་ལས་བྱུང་བས། ། དེ་ཉིད་རྣམ་པར་མཉམ་པ་ཡིན།། པ་ཡི་ཡེ་ཤེས་ལས་བྱུང་བས།། སྣུམ་པར་གྱུར་པའི་སྨིན་མ་མངའ།། ཕ་ཡི་ཡེ་ཤེས་ལས་བྱུང་བས།། སྙན་ཀྱང་རིང་བར་གྱུར་པ་ཡིན།། བ་ཡི་ཡེ་ཤེས་ལས་བྱུང་བས།། ཁྱོད་ཀྱི་སྙན་ནི་རྣམ་པར་མཉམ། ། བྷ་ཡི་ཡེ་ཤེས་ལས་བྱུང་བས།། དེ་ཡི་དབང་པོ་རྣམ་པར་དག།། མ་ཡི་ཡེ་ཤེས་ལས་བྱུང་བས། དཔྲལ་བར་ཤིན་ཏུ་མཛེས་པ་ཡིན།། ཡི་ཡེ་ཤེས་ལས་བྱུང་བས།། དཔྲལ་པ་རྣམ་པར་སྤངས་པ་ཡིན། ། ཝ་ཡི་ཡེ་ཤེས་ལས་བྱུང་བས།། དབུ་ནི་ཤིན་ཏུ་རྒྱས་པ་ཡིན།། ར་ཡི་ཡེ་ཤེས་ལས་བྱུང་བས། དབུ་སྐྲ་རྣམ་པར་གནག་པ་ཡིན།། ལ་ཡི་ཡེ་ཤེས་ལས་བྱུང་བས།། དབུ་སྐྲ་ཀུན་ནས་གསིགས་པ་ཡིན། ། ཤ་ཡི་ཡེ་ཤེས་ལས་བྱུང་བས།། དབུ་ནི་རྣམ་པར་འཇུམ་པ་ཡིན།། ས་ཡི་ཡེ་ཤེས་ལས་བྱུང་བས།། རྣམ་པར་འཛིངས་པར་མ་གྱུར་པ།། ཧ་ཡི་ཡེ་ཤེས་ལས་བྱུང་བས། དབུ་ཉིན་ཤུན་ཏུ་འཇམ་པ་ཡིན།། ཨ་ཡི་ཡེ་ཤེས་ལས་བྱུང་བས། ། ལྷ་ཡི་གྲོང་ཁྱེར་ཉི་ཤུ་གནོན།། ནརི་ཡི་ཡེ་ཤེས་ལས་བྱུང་བས།། མི་ཡི་གྲོང་ཁྱེར་རྣམ་བཞི་གནོན།། ཏི་ཡི་ཡེ་ཤེས་ལས་བྱུང་བས།། དུད་འགྲོའི་གྲོང་ཁྱེར་རྣམ་བཞི་གནོན།། སུ་ཡི་ཡེ་ཤེས་ལས་བྱུང་བས། ། ཡི་དགས་གྲོང་ཁྱེར་རྣམ་བཞི་གནོན།། དུ་ཡི་ཡེ་ཤེས་ལས་བྱུང་བས།། དམྱལ་པའི་གྲོང་ཁྱེར་རྣམ་གཉིས་གནོན།། སུམ་ཅུ་རྩ་གཉིས་འཁོར་ལོ་ཡི།། སུམ་ཅུ་རྩ་གཉིས་མཚན་དང་ལྡན།། རལ་གྲི་ནེའུ་ལེ་ལ་སོགས་ཏེ། ། རྣམ་པ་བརྒྱད་ཅུའི་དཔེ་བྱད་ཅན།། ཟླ་བའི་དཀྱིལ་འཁོར་ན་ཡིག་འབྲུ་གསལ།། ཏི་ཡི་ཡེ་ཤེས་རྣམ་བཞི་ལས།། སེང་གེ་སྟག་དང་འབྲུག་ཁྱ་དང།། ཞན་པ་བརྫིས་པའི་མཁའ་འགྲོ་བཞི།། དུར་ཁྲོད་ལྟ་བུའི་གྲུ་ཆད་འཛིན། ། ཧཱུ~ཾ་གི་རྣམ་པ་དེ་གཉིས་ལས།། རྣམ་པར་གྱུར་པ་རྣམ་པ་བརྒྱད།། འཇིག་རྟེན་སྐྱོང་བའི་རྗེ་མེ་ནི།། མཁའ་འགྲོ་ཆེན་མོའི་རིགས་དང་འདྲ།། ཧཱུ~ཾ་གི་རྣམ་པ་རྣམ་བཞི་ནི།། བྱམས་པ་སྙིང་རྗེ་དགའ་བ་ཅན། ། ཡེ་ཤེས་བཞི་ཡི་འཁོར་ལོ་བསྐོར།། ཚད་མེད་མཁའ་འགྲོ་ལས་བཞི་མས།། འཁོར་ལོ་ཟླ་དཀྱིལ་ལྟ་བུར་མཛེས།། འཁོར་ལོ་འཁོར་བ་སུམ་ཅུ་གཉིས།། དུད་འགྲོ་གནོན་པའི་མཁའ་འགྲོ་བཞི།། འདས་པ་དེ་ཡི་ཕ་རོལ་ན། ། འཇིག་རྟེན་སྐྱོང་བའི་གཙོ་བོ་ནི།། རང་བཞིན་ཡེ་ཤེས་རྒྱན་གྱིས་མཛེས།། དཔལ་དངོས་གྲུབ་ཐམས་ཀྱིས་བརྟན་པར་གཟིགས་པའི་རྒྱུད་རྒྱལ་པོ་ཆེན་པོ་ལས།། རང་བཞིན་གྱི་དཀྱིལ་འཁོར་རྣམ་པར་སྦྱོར་བ་སྟེ་ལེའུ་གསུམ་པའོ། །།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང།། གསུང་དང།། ཐུགས་རྣམས་ལས།། སྔགས་ཀྱི་འཕྲེང་བ་འདི་ཆེར་གསུངས་སོ།། རྣམ་པར་སྣང་མཛད་བཅོམ་ལྡན་འདས།། མི་གཡོ་བྱང་ཆུབ་སེམས་ཉིད་དང། ། དཔལ་གྱི་ལྷ་མོ་རྒྱས་པར་ལྡན།། རྡོ་རྗེ་མཁའ་འགྲོ་རྣམ་པར་ཐར།། ལྷ་མོ་ནག་མོ་མཚན་དང་ལྡན།། དཔག་མེད་མཚན་གྱིས་ཞིང་ཁམས་སྦྱོར།། མི་ཕྱེད་འཇིགས་ཅིང་ཞིང་ཁམས་གདུག་པ་ན། ། བོད་བུ་ཞོན་ཞིང་ཁམས་གསུམ་འདུལ།། རྒྱལ་པ་ཀུན་གྱི་བླ་མ་དེ།། དངོས་གྲུབ་ཀུན་གྱི་འབྱུང་གནས་ལ།། འདི་ལ་མ་བརྟེན་སྦྱོར་བ་རྣམས།། བསྒྲུབ་པ་གང་དག་ཡང་ཐོབ་མི་འགྱུར།། དཀྱིལ་འཁོར་འཇུག་པར་ནུས་པ་དང། ། སྔགས་རྣམས་དང་པོར་སྒྲུབ་པར་ཤིས།། ཨ་ཨཱ། ཨི་ཨཱི། ཨུ་ཨཱུ། ཨེ་ཨཻ།། ཨོ་ཨཽ།། ཨཾ་ཨ།། ཀ་ཁ་ག་གྔ་ང།། ཙ་ཚ་ཛ་ཛྷ་ཉ།། ཊ་ཋ་ཌ་ཌྷ་ཎ།། ཏ་ཐ་ད་དྷ་ན།། པ་ཕ་བ་བྷ་མ།། ཡ་ཝ་ར་ལ། ། ཤ་ཥ་ས་ཧ་ཀྵ།། ཐབས་དང་ཤེས་རབ་དཀྱིལ་འཁོར་ནི།། ནམ་མཁའ་དང་ཡང་མཉམ་པ་ཡིན། སྐུ་དང་ཡེ་ཤེས་རང་བཞིན་ནི།། སེམས་རྣམས་དང་ཡང་མཉམ་པ་ཡིན།། ལས་དང་རྣམ་པར་སྨིན་པ་ནི། ། སངས་རྒྱས་ཉིད་དང་མཉམ་པའོ། འཁོར་བའི་འཁོར་ལོ་ནི།། སུམ་ཅུ་རྩ་གཉིས་འཇུག་འདོད་པས།། ཇི་བཞིན་སྔགས་འདི་བསྟན་པའོ།། ཨོཾ་སརྦ་བུ་ངྔྷ་བཻ་རོ་ཙ་ན་སརྦ་ཏ་ཐཱ་ན་ག་ག་ན་ཨོཾ།། ཧཱུ~ཾ་བཛྲ་ས་ཏྭ་སརྦ་ཏ་ཐཱ་ན་ག་ག་ན་ཧཱུ~ཾ། སྭ་རཏྣ་སརྦ་ཏ་ཐཱ་ན་ག་ག་ན་སྭ། ཨོཾ་པདྨ་སརྦ་ཏ་རྠཱ་ན་ག་ག་ན་ཨཾ།། ཧ་ཀ་རྨ་སརྦ་ཏ་ཐཱ་ན་ག་ག་ན་ཧ།། རྩའི་དཀྱིལ་འཁོར་མངོན་པར་བསྟན་པའོ།། ཨོཾ་བུ་ངྔྷ་ངྷ་རྨ་སཾ་གྷ།། ཨ་ཝ་ལོ་ཀ་ཡ། ཨོཾ་ཨཾ་ཧཱུ~ཾ་སྭཱ་ཧཱ། ། སྦྱོར་བ་ཐུན་མོང་གིའོ།། ཨཱ+ོཾ་བཛྲ་ཌཱ་གི་ནི་ད་ཡ་སིང་ཧ་ཨ་པ་ས་ནི། ཨོཾ་བཛྲ་ཌཱ་ཀི་ནི་ད་ཡ།། བྱ་ཀི་ཨ་པ་ས་ནི།། ཨོཾ་བཛྲ་ཌཱ་ཀི་ནཱི་ད་ཡ།། ཨུར་མོ་ཨ་བ་ནི།། ཨོཾ་བཛྲ་བཛྲ་ཌཱ་ཀི་ནཱི་ད་ཡ།། གུ་རུ་ཌཱ་ཀི་ནཱི་ད་ཡ། ། ཨ་བ་ས་ནི།། ཨ་ར་ལི་དི། ཁ་མུ་ཁི་ཧོ།། གྲུ་ཆད་ཀྱི་མཁའ་འགྲོ་མ་ཆེན་མོ་བཞིའོ།། ཨ་ནརི་སུ་ཏྲི་པྲེ་དུ་ཨ་པས་ནི་མ་ཧ་པདྨ་སྟཾ།། ཁམས་གསུམ་པའི་གདན་ནོ།། ཨོཾ་ཨ་ར་ལི་ཏ་ར་གོ་ར་ཨ་པ་ས་ནི། ཛཱ་ལ། ཨི་ནྟྲ་ཏྲ་ར་ཧུ་ལ། ། ན་མ་ཨ་བ་ལོ་ཀ་ཡ།། ཤར་དུའོ།། ཨོཾ་ཨ་ར་ལི་ག་ཏ་ཧ་ཀ་བི་ར་ཨ་བ་ས་ནི།། ཡ་མ་ར་ཧུ་ལ་ན་མ་ཨ་པ་ལོ་ཀ་ཡ།། ལྷོར་རོ།། ཨོཾ་ཨ་ར་ལི་ག་ཏ་ཧ་ཀོ་གོ་ར་ཨ་པ་ས་ནི།། ཛ་ལ་ར་ཧུ་ལ།། ན་མ་ཨ་པ་ལོ་ཀ་ཡ། ། ནུབ་པོ།། ཨོཾ་ཨར་ལི་ག་ཏ་ཧ་ཧ་ཨ་པ་ས་ནི་ཡཀྵ་ར་ཧཱུ་ལ་ནཱ་མ་ཨ་བ་ལོ་ཀ་ཡ།། བྱང་དུའོ།། ཨོཾ་ཨ་ར་ལི་ཏ་ཧ་བི་ལ་ཡ་ཨ་པ་ས་ནི།། ཨགྣེ་ར་ཧཱུ་ལ་ནཱ་མ་ཨ་པ་ས་ནི།། ཤར་ལྷོར་རོ།། ཨོཾ་ཨ་ར་ལི་ག་ཏ་ཧ་གོ་ར་ཨ་པ་ས་ནི། ། རཀྵ་ར་ཧུ་ལ་ནཱ་མ།། ཨ་བ་ལོ་ཀ་ཡ།། ལྷོ་ནུབ་ཏུའོ།། ཨོཾ་ཨ་ར་ལི་ག་ཏ་ཧ་ཀ་ལ་ཡི་ཨ་བ་ས་ནི།། བ་ཡེ་བེ་ར་ཧུ་ལ་ནཱ་མ་ཨ་པ་ལོ་ཀ་ཡ།། ནུབ་བྱང་དུའོ།། ཨོཾ་ཨ་ར་གི་ག་ཏ་ཧ་གོ་ས་ཨ་བ་ས་ནི།། བུངྔྷ་ར་ཧཱུ་ལ་ཨ་པ་ལོ་ག་ཡ། ། བྱང་ཤར་དུའོ།། འདི་དག་ནི་འཇིག་རྟེན་ཕྱི་རོལ་གྱི་རང་བཞིན་མངོན་པར་དག་པའི་དཀྱིལ་འཁོར་གྱི་ཕྱོགས་མཚམས་བརྒྱད་ན་གནས་པའི་མཁའ་འགྲོ་མ་གཙོ་མོ་བོང་ཞོན་མ་བརྒྱད་དོ།། ཧཱུ~ཾ་ཧཱུ~ཾ་ཧཱུ~ཾ་ཧཱུ~ཾ། ། ཧཱུ~ཾ་བཛྲ་ཌཱ་ཀི་ནཱི། ངྷ་ཡ་མ་ཧཱ་མེ་ཏྲི་རུ་པ་གོ་ར་ཨོཾ་ཨཾ་ཧཱུ~ཾ།། ཤེ་གྱི་སྒོར་རོ།། ཨོཾ་བཛྲ་ཌཱ་ཀི་ནཱི་ངྷ་ཡ་མ་ཧཱ་ཀུ་རུ་རུ་པ་ཀའི་ར་ཨོཾ་ཨཱཿཧཱུ~ཾ།། ལྷོར་རོ།། ཨོཾ་བཛྲ་ཌཱ་ཀི་ནཱི་ངྷ་ཡ་མ་ཧཱ་ཨ་ནན་ཏ་རུ་པ་བ་ལི།། ཨོཾ་ཨཱཿཧཱུ~ཾ།། ནུབ་ཏུའོ། ཧཱུ~ཾ་བཛྲ་ཌཱ་ཀི་ནཱི་ངྷ་ཡ་མནྚལ་ན་ག་ག་ན་རུ་པ་ག་ཡ་ཧ་ར།། ཨོཾ་ཨཱཿཧཱུ~ཾ། བྱང་དུའོ།། འདི་དག་ནི་བྱམས་པ་མངོན་པར་གྲུབ་པ་དང།། སྙིང་རྗེ་མངོན་པར་གྲུབ་པ་དང། དགའ་བ་མངོན་པར་གྲུབ་པ་དང། བཏང་སྙོམས་མངོན་པར་གྲུབ་པ་དང། ། མཁའ་འགྲོ་མ་ཆེན་མོ་འདི་བཞིའི་རང་བཞིན་ནི། དེ་བཞིན་གཤེགས་པ་ཐམས་ཅད་དང་མཉམ་པའོ།། ཨོཾ་སརྦ་ཏ་ཐཱ་ག་ཏ་མ་ཧཱ་སརྦ་ཏ་ཐཱ་ག་ཏ།། བུངྔྷ་ངྷ་རྨ་སང་གྷ་པུ་ཥྤ་མཎྜལ་སྟཾ། ། མེ་ཏོག་གི་ལྷ་གསང་པའོ།། ཨོཾ་སརྦ་ཏ་ཏྠཱ་ག་ཏ། བུ་ངྔྷ་ངྷ་རྨ་སང་གྷ་ཛྙ་ནི་ཀཱ་ཡ་མ་ཧཱ་ཨ་ར་ལི་ཨ་ཧཱུ~ཾ།། སྔགས་ཐམས་ཅད་ཡོངས་སུ་སྦྱོང་བའོ།། ཨོཾ་བུངྔྷ་ངྷ་རྨ་སང་གྟ་བཛྲ་ཌཱ་ཀི་ནཱི་ད་ཡ།། ཡོ་གི་ཤྭ་རི། ། ཨོཾ་ཨཱཿ་ཧཱུ~ཾ་=འདི་ཉིད་ནི་རྩེ་གཅིག་ཏུ་བཟླས་པའོ། ཨབྷྱི་ཥི་ཉྩ་ཨོཾ་ཧཱུ~ཾ།། འདི་དག་ནི་ཀུན་ཏུ་སློབ་མ་ལ་སྦྱིན་པའོ།། ཨོཾ་ཨ་ཁ་རོ་མུ་ཁམས་སརྦ་ངྷ་རྨ་ཨ་དྱ་ནུད་པན་ནད་དྭ་ཏ་ཏ།། འདི་ནི་སྔགས་ཐམས་ཅད་ཀྱི་རང་བཞིན་དང་ཡོན་ཏན་ནོ། གདོད་ནས་མ་བྱུང་མ་སྐྱེས་པ།། ཆོས་རྣམས་ཐམས་ཅད་སྟོང་པ་ཉིད།། སྤྲོས་བྲལ་དེ་ཉིད་འོད་གསལ་ཆོས།། འདི་ལྟར་ན་ཐེག་པ་ཆེན་པོ་ས་གཞི་ལྟ་བུའི་བཞོན་པས་འདེགས་པ།། རང་བཞིན་གྱིས་ཤིན་ཏུ་རྣམ་པར་དག་པའི་ལམ་གྱི་ཁྱད་པར་ཏེ། འདི་དག་ནི་རྡོ་རྗེའི་ལམ་མོ།། རིན་པོ་ཆེའི་ལམ་མོ།། པདྨའི་ལམ་མོ།། ལས་མཐར་ཕྱིན་པའི་ལམ་མོ།། ཤིན་ཏུ་ཞི་བ་དང།། ཐམས་ཅད་རྒྱས་པ་དང། ། ཐམས་ཅད་དབང་དུ་སྡུད་པ་དང། ཐམས་ཅད་མངོན་དུ་འཇོམས་པའི་ལམ་མོ།། རྒྱུ་ཉིད་འབྲས་བུ་གྱུར་པ་དང།། འབྲས་བུ་ཉིད་རྒྱུར་གྱུར་པ་དང།། ཡེ་ཤེས་ཉིད་རྐྱེན་དུ་གྱུར་པའོ།། ལམ་མོ།། འདི་ལྟ་སྟེ། ། འདི་ནི་རྡོ་རྗེའི་སྐུ་དང།། རྡོ་རྗེའི་གསུང་དང།། རྡོ་རྗེའི་ཐུགས་ཡོངས་སུ་དག་པ་ལམ་དུ་སྣང་པའོ།། ལམ་འདི་དག་ནི་གཞན་ལ་བརྟེན་པ་མ་ཡིན་ནོ།། གཞན་ཐམས་ཅད་ནི་འདི་ལས་བྱུང་པའོ།། འདི་ཉིད་ནི་གཞན་དུ་གྱུར་པ་ཐམས་ཅད་འདུས་པའོ། ། འདིས་ནི་བདག་ཉིད་རྣམ་པར་དག་པའོ།། བདག་ཉིད་ནི་སྣ་ཚོགས་འཁོར་ལོའོ།། བདག་ཉིད་ནི་སྣ་ཚོགས་རྡོ་རྗེའོ།། བདག་ཉིད་སྣ་ཚོགས་རིན་པོ་ཆེའོ།། བདག་ཉིད་ནི་སྣ་ཚོགས་པདྨའོ། ། བདག་ཉིད་ནི་སྣ་ཚོགས་རྒྱ་གྲམ་མོ།། དེ་དག་ནི་རང་གིས་མཐོང་བའོ།། དེ་དག་ནི་གཞན་ལ་བསྟན་པའོ། དེ་ཉིད་དང་བསྟན་དུ་མེད་པའོ།། དེ་རྣམས་ནི་ཐབས་ཀྱི་ཆོ་འཕྲུལ་ལོ།། ཐམས་ཉིད་ནི་ནམ་མཁའ་ལ་ལོངས་སྤྱོད་པའོ། ། ནམ་མཁའ་ནི་སེམས་ཅན་རྣམས་ཀྱི་དགྲར་གྱུར་པའོ།། སེམས་ཅན་ནི་སངས་རྒྱས་འབྱུང་གནས་སོ།། སངས་རྒྱས་ནི་ནམ་མཁའི་དཀྱིལ་ལོ།། ནམ་མཁའ་ནི་སྤྲིན་གྱི་ཆོ་འཕྲུལ་གྱི་གནས་སོ། ། སྤྲིན་ནི་བྱང་ཆུབ་སེམས་དཔའ་འོ།། བྱང་ཆུབ་སེམས་དཔའ་ནི་མི་གཡོ་བའི་ཏིང་ངེ་འཛིན་གྱི་སྨོན་ལམ་མོ།། སྨོན་ལམ་ནི་དཔལ་གྱི་ལྷ་མོའི་རྣམ་པར་འཕྲུལ་པའོ།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས། ། སྔགས་ཀྱི་འཁོར་ལོ་རྡོ་རྗེ་ལམ་དུ་སྦྱོར་བ་སྟེ་ལེའུ་བཞི་པའོ།།།། དེ་ནས་བཅོམ་ལྡན་འདས་ཀྱིས་འཇིག་རྟེན་གྱི་ཁམས་སྟོང་དུ་སྦྲུལ་པའི་སྐུ་མཐོང་ནས།། བྱིན་གྱིས་བརླབས་པའི་དངོས་གྲུབ་ཐམས་ཅད་ཀྱི་འཁོར་ལོ་ཞེས་བྱ་བ་འདི་ཉིད་ཀྱི་སྐུ་དང། ། གསུང་དང་ཐུགས་རྣམས་ལས་ཆེར་ཕྱུང་ངོ།། ཨོཾ་ཞེས་རྣམ་པར་སྣང་མཛད་སྦྱར།། དྲུག་པའི་བསམ་པ་ཉིད་དང་སྦྱར།། དབྱངས་ཡིག་དྲུག་པ་དེ་བཞིན་གཉིས། ། ལྔ་པའི་བཞི་པ་དེར་རྟེན་ནས།། དབྱངས་ཡིག་བརྒྱད་པའི་རྒྱལ་མཚན་ཅིག།། གསུམ་པའི་དང་པོ་རབ་བསྟན་ལ།། དབྱངས་ཡིག་གསུམ་པ་ཡང་དག་ལྡན།། བདུན་པའི་གཉིས་པ་རབ་བསྟན་ལ། ། གསུམ་པའི་དང་པོ་མགོ་ན་ལྡན།། ལྔ་པའི་གསུམ་པ་རབ་གསལ་པས།། བཞི་པའི་དང་པོ་རྣམ་བརྟགས་ཏེ།།། དབྱངས་ཡིག་བཅུ་པས་ལྡན་པ་ཡིན།། བདུན་པའི་གསུམ་པ་རབ་གསལ་ཞིང། ། དབྱངས་ཡིག་གསིམ་པས་རྣམ་པས་མཛེས།། དྲུག་པའི་གསུམ་པ་གཉིས་སུ་སྦྱར།། དབྱངས་ཡིག་དྲུག་པ་གཉིས་སུ་ལྡན།། དྲུག་པ་གསུམ་པ་རབ་གསལ་ལ།། དབྱངས་ཡིག་བཅུ་པས་ངེས་ལྡན་ཡིན།། དེ་བཞིན་དྲུག་པའི་གསུམ་པ་ནི། ། དབྱངས་ཡིག་དྲུག་པ་ཡང་དག་ལྡན།། ལྔ་པའི་བཞི་པ་དེ་བཞིན་ཏེ། དབྱངས་ཡིག་བརྒྱད་པར་རྣམ་པར་ལྡན།། གསུམ་པའི་དང་པོ་རབ་བསྟན་ལ།། དབྱངས་ཡིག་གསུམ་པས་ཡང་དག་ལྡན། བདུན་པའི་གཉིས་པ་དེ་བཞིན་ཏེ།། གསུམ་པའི་དང་པོ་མགོ་ན་ལྡན།། ལྔ་པའི་གསུམ་པ་ཡང་དག་ཆེ། བཞི་པའི་དང་པོ་ཡང་དག་བསྟན།། དབྱངས་ཡིག་བཅུ་པ་རྣམ་པར་ལྡན།། བདུན་པའི་གསུམ་པ་རབ་གསལ་ལ། དབྱངས་ཡིག།། པས་རྣམ་པར་མཚན།། དེ་བཞིན་བདུན་པའི་གསུམ་པ་ལ།། དྲུག་པའི་གཉིས་པ་ཡང་དག་ལྡན།། བདུན་པའི་བཞི་པ་དེ་ཁོ་ནའོ།། དབྱངས་ཡིག་གཉིས་པས་ཡང་དག་ལྡན།། འཇིག་རྟེན་ཉི་ཤུ་རྩ་གཅིག་གི། ། འཕྲེང་བ་འདིར་ནི་བསྟན་པ་སྟེ།། དངོས་གྲུབ་ཀུན་གྱི་འཁོར་ལོ་ཡིན།། འདིར་ནི་དྲན་པ་ཙམ་གྱིས་ཀྱང།། དེ་བཞིན་སྒྲུབ་པ་མ་བྱས་ཀྱང། འདི་ཡི་ཡོན་ཏན་བསམ་མི་ཁྱབ།། འདི་ནི་དྲན་པ་ཙམ་གྱིས་ཀྱང། ། ངན་སོང་གསུམ་ལ་རྒྱབ་ཀྱིས་ཕྱོགས།། སངས་རྒྱས་ཉིད་ཀྱང་མངོན་དུ་འགྱུར།། དེ་བཞིན་འདི་ནི་དྲན་གྱུར་ན།། རང་གི་སེམས་ནི་རིན་ཆེན་འདྲ། དེ་བཞིན་ལུས་དང་ཉེ་འབྲེལ་ན།། དཔག་བསམ་ཤིང་གི་ཡོན་ཏན་འདྲ། ། གང་ཞིག་གང་དུ་བརྗོད་ནུས་ན།། ཚངས་པའི་གསུང་ཉིད་ཁོ་ནར་འགྱུར།། གང་དག་འཇིག་རྟེན་འཕོས་དང་འཕོ།། ཤེས་པ་མེད་པའི་ཕུང་པོ་ལ།། འདི་ནི་བརྗོད་ན་བདེ་བ་ཐོབ།། དཀྱིལ་འཁོར་གང་དུ་བརྗོད་པ་དེར། ། ཁམས་གསུམ་གནས་པའི་ཁྱད་པར་གྱིས།། ས་ཕྱོགས་མཆོད་རྟེན་ལྟ་བུར་འཛིན།། གང་གིས་འདི་ལ་འཇུག་ནུས་ན།། རང་ཉིད་ཆོས་ཀྱི་རྒྱལ་པོར་འགྱུར།། གང་དག་མོས་པ་ཙམ་ཡོད་པ། ། རིན་ཆེན་སེམས་དེར་སོང་བ་ཡིན།། ཉོན་མོངས་རྒྱ་མཚོ་ཆེན་པོ་ལས། གང་དག་སྤྱི་ཚུགས་ལྷུང་པ་དང།། དྲན་པ་རྒྱ་མཚོ་རྐང་པས་གནོན།། འདི་ཡི་ཡོན་ཏན་དཔག་མེད་དེ།། སངས་རྒྱས་རྣམས་ཀྱིས་བརྗོད་མི་ནུས། ། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། དངོས་གྲུབ་ཐམས་ཅད་ཀྱིས་འཁོར་ལོ་ཉི་ཤི་རྩ་གཅིག་མཐོང་བའི་ཁྱད་པར་གྱི་རྟགས་བརྟན་ཏེ་ལེའུ་ལྔ་པའོ། །།། དེ་ནས་བཅོམ་ལྡན་འདས་ཀྱིས་དངོས་གྲུབ་ཀྱི་འཁོར་ལོ་དེ་ཉིད་ཀྱི་དཀྱིལ་འཁོར་གསུངས་པ།། གྲུ་བཞི་པ་ལ་སྒོ་བཞི་པ།། ལྟེ་བ་ཟླ་དཀྱིལ་ཕྱེད་ཀྱི་སར།། འཁོར་ལོ་ལྗང་ཁུ་མུ་ཁྱུད་དཀར། ། ཨིནྜ་ནི་ལ་རྣམ་པ་དྲུག། གྲུ་ཆད་རབ་ལྡན་བར་ཁྱམས་ལ།། མཆོད་པ་ཐུན་མོང་སོགས་ཀྱིས་བརྒྱན།། དཀྱིལ་འཁོར་ཇི་ལྟར་རྣམ་པར་མཛེས།། བྷེ་ཡི་ཡེ་ཤེས་ལས་བྱུང་བས།། གནོད་སྤྱིན་རྒྱལ་པོ་རྣམ་པར་འཕགས། ། བྷེ་ཡི་ཡེ་ཤེས་ལས་བྱུང་བས།། གནོད་སྤྱིན་རྒྱལ་པོ་ནོར་གྱི་རྒྱུན།། ཟླ་གམ་དཀར་དམར་རྣམ་པར་འཛིན།། རུ་ཡི་ཡེ་ཤེས་ལས་བྱུང་བས།། གཡས་དཀར་གཡོན་དམར་ཕྱེད་ཀྱི་ལུས།། རུ་ཡི་ཡེ་ཤེས་ལས་བྱུང་བས། ། ཕྱེད་སེར་དམར་པོ་ལྷོ་ཡི་ལུས།། རུ་ཡི་ཡེ་ཤེས་ལས་བྱུང་བས།། ཕྱེད་དམར་དམར་མོ་ནུབ་ཀྱི་ལུས།། རུ་ཡི་ཡེ་ཤེས་ལས་བྱུང་བས།། ཕྱེད་ལྗང་དམར་མོ་བྱང་གི་ལུས།། རོ་ཡི་ཡེ་ཤེས་ལས་བྱུང་བས། ། མཐིང་ཀ་ཕྱེད་དམར་སྟེང་གི་ལུས།། རུ་ཡི་ཡེ་ཤེས་ལས་བྱུང་བས།། ཕྱེད་གནག་དམར་མོ་འོག་གི་ལུས།། ཨོཾ་གྱི་ཡེ་ཤེས་ལས་བྱུང་བས།། ཞི་དང་རྒྱས་དང་དབང་དང་དྲག།། མཛེས་པའི་ཁ་དོག་ཡང་དག་ལྡན། ། ཏི་སྟ་བ་ཏོ་སི་ཞེས་པའི།། སྒོ་བཞི་མཁའ་འགྲོ་བཞི་དང་ལྡན།། ཏི་སྟ་བ་ཏོ་སི་ཞེས་པའི།། ཡེ་ཤེས་འདི་ནི་ཐ་མས་བསྟན།། སྭཱ་ཧཱའི་ཡེ་ཤེས་ལས་བྱུང་བས།། བཅུ་དྲུག་ལྷ་ནི་གནོད་སྤྱིན་དང།། སྲིན་མོ་རྣམས་ཀྱིས་བརྒྱན་པ་སྟེ། ། འབྱུང་བོ་མ་ཡིན་བཀྲ་ཤིས་ཉིད།། རིན་ཆེན་འཕྲེང་བ་རྣམ་པར་ཕགས།། ནོར་གྱི་རྒྱུན་གྱིས་ནེའུ་ལེ་འཛིན།། རིན་ཆེན་འབ་དང་དཔག་བསམས་ཤིང། དུང་དང་འཁོར་ལོ་རལ་གྲི་ཆེ།། ཉི་མ་ཟླ་བ་བུམ་པ་དང། ། མཆོད་རྟེན་འབར་དང་པདྨ་འབར།། གླང་པོའི་མགོ་དང་མེ་ལོང་དང།། ལྕགས་ཀྱུ་རྨ་བྱའི་རྒྱལ་མཚན་རྣམས།། རིམ་པ་བཞིན་དུ་ཡང་དག་ཐོགས།། རབ་ཏུ་དཔའ་བའི་རྣལ་འབྱོར་མ།། ཤིན་ཏུ་ཞི་བའི་ཡུལ་ན་སྣང། ། གསང་སྔགས་རྣམ་པར་བརྗོད་ལ་མཁས།། དོན་རྣམས་འཛིན་པའི་ཡེ་ཤེས་ཀྱིས།། ཡི་གེའི་མཚན་ཉིད་སྤངས་ནས་ཀྱང།། འབུམ་ཕྲག་བརྗོད་པའི་འོག་ཏུ་ནི།། བྱེ་བ་བརྩོན་པར་རྣལ་འབྱོར་བྱེད། ། དེ་ནས་འདི་ཉིད་ནང་དུ་ནི།། དངོས་གྲུབ་ཕྲ་མོ་བསྡུ་བར་བྱ།། རིན་ཆེན་སྣ་ཚོགས་ལས་གྲུབ་པའི།། འཕྲེང་བ་འཛིན་ཅིང་གྱུར་ཅིག་པའི།། འོག་ཏུ་སྦྱར་ན་དེ་བཞིན་འགྱུར།། ནེའུ་ལེའུ་ནང་ན་ནོར་བུ་ལྡན།། ཟླ་བ་ཕྱེད་རས་དེ་བཞག་དེ། ། འདི་དག་ནོན་དང་ལྡན་འགྱུར་ཞེས།། འོག་ཏུ་སྦྱར་ན་ཟླ་ཉིད་ནི། ལྷ་མིན་དབང་པོ་བཀག་པའི་ཚེ།། བཀག་ནས་བཟུང་ཚེ་བཟུང་ཞིང་བཟླས། བཏང་མ་ཐག་ཏུ་དེར་ཟད་མེད།། རིན་ཆེན་འབར་བྲིས་གྱུར་ཅིག་ཅེས། ། སྨོན་ལམ་བཏབ་ཅིང་བཟླས་ལ་བརྩོན།། ཟླ་ཉིད་གཟས་ཟིན་དེ་ཚེ་ན།། འབར་འགྱུར་ཆོས་ཀྱི་རྒྱལ་མཚན་འཛིན།། རིན་ཆེན་ཐོགས་ཏེ་མཁའ་ལ་སོང།། སངས་རྒྱས་ཞིང་ཁམས་མང་པོ་ལྟོས། ། དཔག་བསམ་ཤིང་བྲིས་འཁོར་ལོས་གནས།། ཟླ་བ་གཟའ་ཡིས་ཟིན་པའི་ཚེ།། ལག་ཏུ་དཔག་བསམ་གང་འོངས་པའི།། དེ་དག་ཁྱེར་ནས་མཁའ་ལ་སོང།། ལས་ཀྱི་གྲོང་ཁྱེར་མང་པོ་ལས། ། འདོད་པ་བསམ་ཡས་སྦྱིན་པ་མཐོང།། བདག་ཉིད་གྲགས་པ་སྒྲུབ་པ་ཡིས།། དང་ལ་དངོས་གྲུབ་འཁོར་ལོ་བཀོད།། གནམ་ལྕགས་འབར་བར་གྱུར་པའི་ཚེ།། དྲག་ཏུ་བུས་པའི་ཡོན་ཏན་གྱིས།། སྒྲ་སྐད་འདི་ཡིས་ཟིལ་གྱིས་གནོན། ། རིན་ཆེན་རྒྱུ་ལས་བསྒྲུབས་པ་ཡི།། འཁོར་ལོ་རྩིབས་དྲུག་འབྲུ་བརྒྱད་ཆན།། བཟླས་པ་རྫོགས་ནས་འཁོར་འགྱུར་ཏེ།། ཁྲོས་ན་ཚངས་པའི་སྒྲ་ཡང་གཅོད།། འཁོར་ལོའི་སྟེང་ན་རལ་གྲི་མཛེས། ། གླང་པོ་སོ་ལས་བྱས་པ་སྒྲུབ།། བཟླས་པ་རྫོགས་ནས་དྲོ་བ་ན།། ཡང་ཞིང་འགུལ་བར་གྱུར་པའི་ཚེ།། གང་གིས་གཟུགས་བརྙན་གཏུམ་བྱས་ན།། སྐད་ཅིག་དེ་ལ་འཆད་པར་འགྱུར།། ཉི་མ་ཤེལ་ལས་བྱས་པ་ལ། འབྲུ་བརྒྱད་ཕྱི་རོལ་ཀ་ལ་ཡིན།། རྣམ་པར་བཟླས་དག་གསལ་འགྱུར་ཏེ། འཚམས་མོ་གང་ནས་མུན་པ་འཇོམས།། ཟླ་བ་ཡི་འབྲུ་བརྒྱད་དབུས།། གསལ་ནི་སྤྱི་བོར་བདུད་རྩི་འཛག།། བུམ་པ་དཀར་བཟངས་རྣམ་པར་བརྒྱན། ། ལྷ་མིན་ཟླ་བ་འཛིན་པའི་ཚེ།། དྲག་ཏུ་བཟླས་པས་བདུད་རྩི་དེ།། དངོས་གྲུབ་འཁོར་ལོ་བཀོད་པ་དེས། བུམ་པས་བཀྲུས་ན་སྐྲ་དཀར་དང། གཉེར་མ་རྣམ་པར་ཟད་པར་བྱེད།། མཆོད་སྡོང་རྒྱུ་ལས་བྱས་པས་སྒྲུབ། ། འབར་བར་གྱུར་ན་འཕགས་པ་མཆོད།། པདྨ་རྣམ་པར་མཛེས་པ་ཟངས།། འབར་འགྱུར་འཇིག་རྟེན་ཆོས་མཆོག་མཉེས།། གླང་པོའི་རྟེན་བྱས་ན།། རང་གི་དཀྱིལ་འཁོར་ཉིད་དུའོ།། གླང་པོའི་ཀླད་པ་འབྱུང་འགྱུར་ཏེ། ། དེ་ནས་གཏི་བྲུས་ཏེ་སྤྱད།། མེ་ལོང་རལ་གྲི་གནས་འདུལ་ལ། དངོས་གྲུབ་འཁོར་ལོ་སྔགས་དང་ལྡན།། བཟླས་པ་རྫོགས་ནས་འཇིག་རྟེན་མཐོང།། ཟངས་ལས་བྱས་པས་ལྕགས་ཀྱུ་ནི།། བཟང་པོ་འཕན་མེད་སོར་བཅུ་དྲུག། དངོས་གྲུབ་འཁོར་ལོ་སྔགས་དང་ལྡན། ངག་གི་རིག་བྱེད་རྫཽགས་པ་དང།། གང་ནས་ཆི་བམས་དྲངས་བྱས་ནས།། སྐད་ཅིག་དེ་ལ་དབང་དུ་འགྱུར། རྨ་བྱའི་རྒྱལ་མཚན་རྩེ་མོ་ལ།། ཨཱ་ཀི་ཀཱ་ལི་འཁོར་ལོའི་སྔགས། ། རྣམ་པར་བརྒྱན་པ་བྱང་སྒོར་བཙུགས།། རང་སེམས་བལྟས་ཤིང་བཟླས་པ་དང།། སརྦ་ངྷ་རྨའི་སྔགས་དང་ལྡན།། ལས་ལས་གྲུབ་པའི་འཇིག་རྟེན་རྣམས།། རྨ་བྱའི་སྒྲོ་ལྟར་མཐོང་བར་འགྱུར། ། སྲིན་མོ་རིན་ཆེན་འབར་མ་དང།། དེ་བཞིན་སྲིན་མོ་དཔག་བསམ་ཤིང།། སྲིན་མོ་དུང་དང་འཁོར་ལོ་དང།། རལ་གྲི་ཉི་ཟླ་བུམ་པ་དང།། མཆོད་སྡོང་འབར་དང་པདྨ་འབར།། གླང་པོ་མེ་ལོང་ལྕགས་ཀྱུ་དང། ། སྲིན་མོ་རྨ་བྱའི་རྒྱལ་མཚན་གྲགས། རིགས་འདིན་ཉིད་ནི་དེ་ཡིས་ཐོབ།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། དངོས་གྲུབ་ཐམས་ཅད་ཀྱི་འཁོར་ལོ་ཞེས་བྱ་བའི་གསང་སྔགས་ཀྱི་འཁོར་ལོ་མཐོང་བ་སྟེ་ལེའུ་དྲུག་པའོ། །།། དེ་ནས་བཅོམ་ལྡན་འདས་ཉིད་ཀྱི་སྐུ་དང།། གསུང་དང། ཐུགས་རྡོ་རྗེ་རྣམས་ལས།། དངོས་གྲུབ་ཐམས་ཅད་སྦྱོར་བའི་གསང་སྔགས་འདི་གསུངས་སོ། རྣམ་པར་སྣང་མཛད་དང་པོར་བཞག། ལྔ་པའི་ལྔ་རྣམས་བསམས་ཏེ།། བདུན་པ་བཞི་པ་དེ་བཞིན་གསལ།། དང་པོ་གཅིག་པ་དེ་དམིགས་ཏེ།། དྲུག་པ་བཞི་པ་ཡང་དག་ལྡན།། དབྱངས་ཡིག་བཞི་པས་ཡང་གསལ་པའོ། ། དྲུག་པའི་དང་པོ་དེ་བཞིན་ལ།། དབྱངས་ཡིག་བརྒྱད་པའི་རྒྱལ་མཚན་ཅན།། བདུན་པའི་བཞི་པའི་རྣམ་བརྟགས་ལ།། དབྱངས་ཡིག་དྲུག་པ་དེ་བཞིན་ལྡན།། དང་པོའི་ལྔ་པ་དེ་བཞིན་མཆོད། ། ལྔ་པའི་གཉིས་པ་ཉིད་དང་ནི།། གསུམ་པའི་དང་པོ་སྦྲེལ།། དངོས་གྲུབ་ཀུན་ལ་རབ་སྦྱར་བའི།། རིམ་པ་འདིར་ཡང་རྣམ་པར་སྦྱར།། ལྷ་ཅིག་མ་ལ་སྦྱོར་བ་མང།། རྣམ་པར་སྣང་མཛད་ལ་སོགས་ཏེ། ། དྲུག་པ་གསེར་གྱི་འཁོར་ལོ་འཛིན།། ཧཱུ~ཾ་གི་རྣམ་པ་ཡེ་ཤེས་དབུས།། དེ་ཡི་འོག་མ་གོ་བཞིར་གནས།། བདག་དང་ཉེ་བའི་མུ་ཁྱུད་ནི།། དབྱངས་ཡིག་རྣམ་པར་མཛེས་པས་བརྒྱན།། འཁོར་ལོ་བསྐོར་བའི་མུ་ཁྱུད་ནི། ། སྡེ་ཚན་རྣམ་པར་བརྒྱན་པས་འཕགས།། ཧཱུ~ཾ་གི་རྣམ་པ་ཉིད་ལས་ནི།། གྱུར་པའི་སྐུ་ནི་རྣམ་པར་བསྒྱུར།། ཀུན་ལ་ཆེར་སྦྱོར་འདོད་པ་སྟེ།། དང་པོ་གསང་སྔ་གས་རྣམ་པར་སྦྱོར།། དེ་ནས་སྐུ་ཡང་ཆེར་སྦྱོར་དེ། ། གལ་ཏེ་ཤེལ་ལས་བྱས་པ་ཡི།། ཕྱག་ན་ཟླ་བ་རྣམ་རྒྱས་འཛིན།། ཤིན་ཏུ་དཀར་གསལ་ནུ་མ་འབུར།། དེ་ཉིད་དཀྱིལ་འཁོར་གནས་བཞག་སྟེ།། གང་དག་ཞི་བར་འདོད་པ་བསམ།། ཁྱད་པར་སྦྱོར་པ་ཞགས་སུ་ལྡན། ། མཐོ་གང་ཚད་ཀྱི་སྐུ་ཉིད་ནི།། སྐུ་ནི་འདི་དག་བསྒོམས་ནས་ཀྱང། སྔར་བསྙེན་བསྒྲུབ་པ་མ་བྱས་ཀྱང།། གང་དག་བཞག་དང་བསམ་པ་ཞི།། གལ་ཏེ་རྒྱལ་སྲིད་སྒྲུབ་འདོད་པས།། གསེར་ལས་མཛུབ་མོ་བཀུག་པའི་ཚད། ། འཁོར་ལོ་རྩི་བས་དྲུག་ཐོགས་པ་ཡིན། དེ་ལ་བཟླས་པ་མང་ཕུལ་ནས།། རྒྱལ་སྲིད་རྩོལ་ཞེས་བྱ་བར་སྦྱར།། གང་དག་བསམ་པས་མྱུར་དུ་འགྲུབ།། བདག་གི་ལོངས་སྤྱོད་མི་འགྱུར་ན།། ཞུ་བའི་ཚུལ་ལ་འཛུབ་གང་བ། ། རྡོ་རྗེ་རྒྱ་གྲམ་སྟན་ལ་འདུག།། གང་ན་གནས་པའི་ས་ཕྱོགས་ཀྱང།། བསྐལ་བ་ཆེན་པོའི་བར་དུ་བརྟན། ནད་རནསམ་ཐམས་ཅད་གསོ་བའི་ཕྱིར། ཁུ་ཚུར་བཅངས་པའི་གྲུ་གང་ལ། ། བདུད་རྩི་བུམ་པ་ཐོགས་པ་ནི།། ལྷ་མོ་ནུ་མ་རལ་པ་ཅན།། མེ་ཏོག་དཀར་པོས་མཆོད་ན་ནི།། ནད་ཀྱི་རྐྱལ་པ་ཞི་བར་ནུས།། གང་ལ་གནས་པའི་ས་ཕྱོགས་ཀྱང།། བདུད་རྩིའི་དཀྱིལ་འཁོར་ཇི་བཞིན་ནོ། ། བསམ་པ་བརྟན་པོས་སྒྲུབ་འདོད་པས།། ཟངས་ལ་སོར་ནི་ཉི་ཤུ་གཉིས།། དྲུང་དུ་བཞག་སྟེ་བསྙེན་པ་དབུལ།། གང་དག་འདོད་པའི་ཚིག་སྨོན་ཏེ།། རིན་ཆེན་ཐོགས་པ་དེ་ལ་ནི།། མེ་ཏོག་རྣམ་པ་བདུན་གྱིས་མཆོད། ། བདག་ཉིད་བསྒྲོད་དང་གཞན་ཡང་ལྟོས།། གོག་དུ་འདོད་པ་ཡོད་པའི་ཕྱོགས།། རྣམ་པར་ཕྱོགས་པ་ལྷའི་སྐུ།། ཅི་འདོད་དོན་རྣམས་འགྲུབ་པར་འགྱུར།། གལ་ཏེ་བུ་མོ་འགུགས་འདོད་ན། ། ཙན་དན་ཤིང་ལས་བྱས་པ་ཡི།། སེར་མོ་བཅུ་དྲུག་དེ་བསྒྲུབས་ནས།། གེ་སར་རྩེ་ནས་ལྕགས་ཀྱུ་ཅན།། མིང་དང་ཨ་ཀྵ་ཡར་ལྡན།། ཟིལ་པ་ཆུ་དང་རླངས་པ་ཡིས།། བདག་གི་དྲུང་ན་འདུག་པ་སྟེ།། དངོས་གྲུབ་ཀུན་གྱི་རྟེན་དུ་འགྱུར། ། ཀླུ་ཡི་བུ་མོ་འགུགས་འདོད་པས།། འཕགས་པས་སྐུ་ནི་ནཱ་ག་སྟེ།། གེ་སར་ཤིང་ལས་མཁས་པས་བྱས།། སོར་མོ་བཅུ་དྲུག་ཙད་དུ་བྱས།། བྷ་ག་ལེགས་བྱས་པ་ཡི་སྤྲོས།། རྣམ་པར་མཆོད་ན་འགུགས་པར་གྱུར། ། ལྷ་ཡི་བུ་མོ་འགུགས་དགའ་ན།། ཨ་ཤོ་ཀ་ཡི་སྡོང་བུ་ལ།། མཁས་པས་ལེགས་བྲིས་བྷ་ག་ཅན།། དང་པོར་ནང་དུ་བའོ་འོ།། དེའི་ཀུ་མ་ར་ཞེས་བརྗོད།། དྲི་ཟའི་བུ་མོ་གང་དག་ལ།། དྲག་ཏ་འགུགས་པའི་ཐབས་མཆོག་ནི། ། ཏ་ལའི་ཤིང་དང་ལྷ་མོའི་སྐུ།། ནུ་མ་གཉིས་ཀ་ཐོར་ཏོ་དཀར།། ཨ་པ་སེ་ཡིས་ནུ་མ་གཡོན།། བཏགས་ལ་སྲིན་ལག་ལ་བཏགས་ཏེ།། ཁུགས་པར་གྱུར་ནས་ནུ་མ་ལས། འོ་མ་དཀར་པོ་འཛག་འགྱུར་ཏེ། དེ་དག་བཞོས་ཏེ་བདག་གིས་ནི།། རྡོ་རྗེ་ཉིད་ལ་དེ་བསྐུས་ནས། བཅུ་དྲུག་གཟུགས་ལས་མི་འདའ་ཞིང།། དྲི་ཟའི་བུ་མོའི་འོ་མ་འཐུང།། གལ་ཏེ་ལྷ་མིན་བུ་མོ་ལ།། དངོས་གྲུབ་ཐོབ་པར་འདོད་པ་དག། ། ཀུ་ཤའི་ཤིང་ལས་བྱས་པ་ཡི། སོར་མོ་ཉི་ཤུ་རྣམ་པར་ལྡན།། དེ་ཉིད་པོ་ཝང་ཐོགས་པའི་སྐུ།། སོར་གཉིས་བྷ་གའི་གེ་སར་ལ།། གཟུངས་ཐག་དམར་པོས་དཀྲིས་བཟུང་ན།། གསང་སྔགས་ཐེམ་པར་གྱུར་པ་དང། ། གེ་སར་ཉིད་ལས་འོ་མ་འདྲ།། དེ་ཉིད་སྦོམ་ཞིང་ཆུ་ཡང་འཛག།། དེ་ཡི་ཚེ་ན་ལྕེ་ཡང་གཏད། རྣམ་པར་བཞིབས་ན་སྨྲ་བར་འགྱུར།། གལ་ཏེ་དགྲ་བོ་གསད་འདོད་པས།། མི་ཡི་མགོ་ལ་ཕག་པའི་གཟུགས།། ལྷ་མོ་གནག་ལ་སྐེམ་པའི་ཚུལ། ། བོང་བུ་ཞོན་པའི་མཐོ་གང་བ།། བེ་ཅོན་འཕྱར་བ་གནག་ལ་གདེངས།། བྷ་ག་བགྲད་པའི་ནང་དུ་ནི།། གང་ལ་བྱ་བའི་མིང་བྲིས་ནས།། སྐུད་པ་ནག་པོས་དབུས་བཏགས་ཏེ།། བསྙེན་པ་མང་ཕུལ་ཞབས་སུ་ཚིག། ཚིགས་སུ་བཅད་པས་བསྐུལ་པ་དང།། དེ་ནི་དྲི་མ་འམ་རླངས་པ་འབྱུང།། དེ་ལ་ལིང་ག་ཆེན་གཏུབས་ཏེ།། གསང་བར་གྱུར་ན་རྣམ་པར་བཞག། དེ་བཞིན་དེ་ཉིད་ཁྲོས་ནས་སུ། ། གནོད་སྤྱིན་བུ་མོ་འགུགས་འདོད་ན།། ནེའུ་ལེ་པགས་པས་སྐུ་ཡང་བྲིས།། ནོར་བུ་ཐོགས་པའི་བུ་མོ་ཅན།། བྷ་གའི་དཀྱིལ་ན་གེ་སེ་ལ།། གནོད་སྤྱིན་བུ་མོའི་མིང་བྲིས་ཏེ།། སེར་པོའི་ཐག་པས་རྣམ་པར་བཏགས། ། དེ་ནས་དྲོ་འགྱུར་རླངས་པ་ལ།། བདག་ཉིད་རྣ་བའི་དབང་པོ་གཏད།། གལ་ཏེ་དུ་འཆད་པ་དང།། ཟླ་བ་གཟས་ཟིན་ཚེ་ན་ཡང།། ཕྱོགས་བཅུར་དབུགས་ཀྱིས་ཚོར་བར་ནི།། འཇིག་རྟེན་ཀུན་གྱི་ནོར་དང་གཏེར། ། རྣ་བའི་དབང་པོས་ཚོར་བར་འགྱུར།། དགྲ་དང་ཆོམ་རྐུན་བཟློག་པ་དང།། དེ་དག་མཐོང་པ་མེད་འདོད་པས།། མ་ཧེ་ཀོ་བ་དག་ལ་ནི།། དཔལ་ལྡན་ལྷ་མོ་ནག་མོ་བྲིས།། གཡས་གཡོན་ཕྱག་ན་ཁབ་སྐུད་ཅན། ། ནུ་མ་འཕྱང་བ་མཆེ་བ་གཙིགས།། འགྲོ་བ་རྣམ་པར་འཕྱར་བ་ལ། བྷ་གའི་དཀྱིལ་འཁོར་ཇི་བཞིན་དུ།། སྤྱན་དང་སྦྱར་བ་རྣམ་བྲིས་ཏེ།། ཙ་ར་ཀུ་ཤས་ནང་དུ་བྲིས།། ཙ་ཀུའི་སྔགས་ཀྱིས་དམ་བར་བཙེམ། ། ཟངས་མའི་ཁབ་ལ་སྒྲུབ་པ་ནི།། རྨ་བྱའི་རྒྱུས་པ་སུམ་སྒྲིལ་བྱ།། སྦྱོར་བའི་སྔགས་ནི་འབྲུ་བརྒྱད་པོས།། དང་པོར་སྒྲུབ་པའི་ཤམ་བུས་མཚན།། མེ་ཏོག་སྔོན་པོས་མཆོད་པ་ནི།། བྷ་ག་ཉིད་ལ་རྟག་པར་དབུལ། ། སྦྱོར་བ་ཐིམ་དང་དེ་ཉིད་སྦྱར།། དཔེར་ན་ཟངས་ཁབ་བརྒྱུས་པ་ཡིས།། བསྐུལ་བ་དང་བཅས་གྲོ་བ་འཚེམ།། དེ་ནས་མཆོད་པ་མང་ཕུལ་ནས།། གླང་པོའི་པགས་པ་གང་དག་གིས།། ས་ཕྱོགས་གར་འགྲོ་དེར་ཞི་ནས། མཐོང་བ་མེད་དང་མཐོང་བ་ཡི།། དེ་ནི་སེམས་ཀྱི་ཁྱད་པར་ཡིན། གང་དུ་བཙེམས་བ་གྲོལ་ན་འཇིགས།། རྟག་ཏུ་ངུ་བར་བྱེད་འདོད་ན།། ལ་ཕུག་གཟུགས་དང་བྷ་གར་སྒྲུབ།། ལག་པ་མིག་ནས་ཆུ་འབབ་ཐོགས། ། བྷ་གའི་ནང་གི་གེ་སར་ལ།། དུ་བར་གྱུར་པ་སྐུ་ལ་མིང་བྲིས།། བར་བུའི་ནང་དུ་དེ་བཅུག་ནས།། སྒོག་པ་བསྲེགས་པའི་དུ་བ་ཡིས།། བྷ་གའི་ནང་དུ་ཐིམ་པར་རོ།། བྷ་ག་དེ་ལ་དྲོད་བྱུང་ཞིང།། མིག་ནས་ཆུ་འབབ་བྷ་གར་ཐིམ། ། མཆི་མ་ཅན་གྱི་སྦྱོར་བ་ནི། ཚངས་པ་ཉིད་ཀྱང་དུ་བར་འགྱུར།། སྒོག་པའི་ཐལ་བའི་ཚངས་ནས་སུ།། ཐལ་བས་བཀྲུས་ཏེ་ལ་ཕུག་ནི།། ཆུ་ཡི་ནང་དུ་བསྐྱུར་བས་ཞི།། སྦྱོར་བ་འབྲུ་བརྒྱད་རྣམ་པར་འཕགས། ། གང་ཞིག་བརྗེད་པར་བྱེད་འདོད་པས། ཤ་བའི་སྙིང་ལ་གཟུགས་སམ་དབྱིབས།། དེ་ཡི་ར་ནི་སེན་ཟླུམ་ཙམ།། བསྐུལ་ཚིག་བྲིས་ལ་བྷ་གར་གཞུག།། དེ་ཡི་ཁྲག་དང་དུག་གིས་ནི། བྷ་གའི་ནང་དུ་མཆོད་པ་དབུལ། ། དེ་ཉིད་འགུལ་བར་གྱུར་པ་དང། ཁྲག་གིས་བྷ་གའི་སྒོ་གཅད་དེ།། ཞག་ནི་སྲིད་པ་པར་དུ་བརྗོད། ལྷ་ཡི་དབང་པོ་དེ་ལ་ཡང།། བྱས་ན་རང་གིས་རིན་ཆེན་བརྗེད།། འབྲུ་བརྒྱད་འཁོར་ལོ་བསྐོར་བ་ཡིས། ། སྔུན་དུ་བསྙེན་པས་འདི་བརྗོད་འགྱུར།། ཙིཏྟ་བསྲེགས་ནས་ཐལ་བ་ནི། ཆུ་ལ་བསྐུར་ན་ཞི་བའི་མཆོག། འདི་ལ་རྣམ་པར་དཔྱད་མི་དགོས།། གང་དག་རྨི་ལམ་མེད་འདོད་པས། རི་བོང་སྙིང་ལ་བྷ་གའི་གཟུགས། ། བསྐུལ་ཚིག་ནང་དུ་ངེས་བཅུག་སྟེ།། རྐེད་པ་སྙེག་པ་ཚིལ་བུའི་མེས།། བསྲོ་ཞིང་མེ་མར་གསལ་བྱས་ཏེ།། བཟླས་པ་ཐིམ་པའི་མཁས་པ་ཡིས།། བསྲེགས་ནས་ཆུ་ལ་བསྐྱུར་ན་ཞི།། འདི་ལ་རྣམ་པར་དཔྱོད་ན་འགལ། ། འབྲུ་བརྒྱད་འཁོར་ལོའི་དྲུང་དུ་ནི།། སྔགས་པས་གསང་སྔགས་རྫོགས་བྱས་ཏེ།། དེ་ནས་གང་དག་བསྐྲད་འདོད་ན།། བྱ་རོག་སྙིང་ལ་བྷ་གའི་དབྱིབས།། རྣམ་པར་མཛེས་པ་ལྡན་བྱས་ཏེ།། སྒྲོ་རྩ་ཉིད་ལ་མིང་དང་སྔགས། ། བྲིས་ནས་དྲིལ་ཞིང་བཟླས་ལ་བརྩོན།། སྒྲོ་བཙུགས་ནང་དུ་སྦས་ཏེ་གནོན།། བསྲེགས་ཏེ་ཐལ་བ་ཆུང་ཕོ་ན།། དེ་མ་ཐག་ཏུ་ཞི་པར་འགྱུར།། གལ་ཏེ་རྟག་ཏུ་བསྐྲད་འདོད་ན།། བྷ་ག་ལ་ནི་གཟུགས་དང་ལྡན། ། རྐང་པ་རླུང་ལ་བརྟན་པ་ཡི།། རྒྱལ་མཚན་གཉིས་ནི་ལག་པས་འཛིན།། རས་དང་གྲོ་ག་ལ་སོགས་ཏེ།། བརྐྱང་བ་གང་ལ་རྣམ་པར་བྲི།། བྷ་གའི་ནང་དུ་བྱ་རོག་སྟེ།། དེ་ཡི་གཤོག་པ་གཡས་གཡོན་ལ། ཕོ་མོའི་ཚུལ་གྱིས་བྲིས་ཏེ་གདགས།། འབྲུ་བརྒྱད་འཁོར་ལོའི་མཐའ་མ་བསྐོར།། བཟླས་པ་རྫོགས་དང་རི་ཀར་འགྲོ།། གླང་པོ་ཆེ་ཡི་རྨིག་པ་ལ།། མིང་མཚན་དག་ནི་གཟུགས་བྲིས་ཏེ།། དེ་ཡི་ནང་དུ་བསྒྲུབ་བྱ་ཅན། ། མེ་ཏོག་སེར་པུལ་སྦྱོར་པ་བརྩམས།། རྒྱལ་པོའི་རྐང་རྗེས་ས་བླངས་ཏེ། རྒྱ་གྲམ་དཀྱིལ་དུ་རྣམ་སྣང་མཛད།། ཡུམ་གྱི་མཐའ་མར་རྣམ་པར་གནོན།། འཕགས་པར་འདོད་ན་རྣམ་པར་གཤིག། དཔལ་ལྡན་གཟུགས་ལ་བརྟེན་ནས་སུ། ། འབྲུ་བརྒྱད་འཁོར་ལོ་བསྐོར་བ་ཡིས།། རང་གི་རཱ་ལ་བྷ་གའི་དབྱིབས། འབྲུ་བརྒྱད་འཁོར་ལོས་རྣམ་པར་བསྐོར།། སོར་བརྒྱད་ཞུགས་ཐབ་ཐོགས་པ་བྲིས། བྷ་གའི་ནང་དུ་མེ་ལྷ་ཡིས། བུ་མོའི་བསྐུལ་ཚིག་བཅས་པ་དང།། ཐོར་ཐོ་ཉིད་ལ་མ་མོའི་བུ།། བཟླས་ནས་འབར་ཞིང་དུ་བར་འབྱུང།། དེ་དག་ཉིད་ཀྱི་དུ་བ་ལ།། གང་དག་བསྣུན་ན་འཆི་བར་འགྱུར།། བོང་བུ་མོ་ཡི་མགོ་བོ་ལ། དཔལ་ལྡན་གཟུགས་ནི་མཐོ་གང་བ། ། དཔྲལ་བ་ཕྱོགས་སུ་བྲིས་ནས་ནི།། མིག་ནི་ཅུང་ཟད་དམར་ལ་དཀར།། བྷ་ག་ཉིད་ལ་བསྒྲུབ་བྱ་སྟེ།། མཛེས་པར་བྲིས་ཏེ་འབྲུ་བརྒྱད་པོས།། བསྐོར་ནས་བཟླས་ན་མིག་དམར་ཏེ། ། བསྒྲུབ་བྱ་མི་གནས་ཁྲག་འཛག་འགྱུར།། ཞི་བར་འདོད་པས་འོ་མས་བཀྲུ།། མཁའ་ལ་ཕོ་ཉ་གཏང་འདོད་པས།། རླུང་ལྷའི་བུ་མོ་རྣམ་པར་དགུག། ཨེ་ནྱ་ཡ་ཡི་དབྲལ་བ་ལ།། བ་དན་འཛིན་པའི་གཟུགས་བྱས་ཏེ། ། བྷ་ག་ཟླ་བ་གཞུ་ལྟ་བུར།། དབུས་སུ་གང་དག་བསྒྲུབ་པའི་མིང།། འབྲུ་བརྒྱད་བསྐོར་དེ་གཡོ་བ་ན།། འབྲུ་བརྒྱད་ཐ་མ་རླུང་དང་བཅས།། དགྲ་ཡི་ཁྱིམ་དུ་སོང་ཞེས་བསྒོ།། སྨྱོ་བར་འདོད་པས་རྣམ་པ་ནི། ། འབྱུང་པོའི་བུ་མོ་རྣམ་པར།། གླང་པོའི་དཔྲལ་པར་གཟུགས་བྲིས་ཏེ། སོར་མོ་བཅུ་གཉིས་རྔ་ཡབ་ཅན།། བྷ་གའི་དཀྱིལ་དུ་དེ་ཉིད་ཀྱི།། ཁྲག་གིས་གཟུགས་བྲིས་སྔགས་ཀྱིས་བསྐོར།། ཙན་དན་མེ་ལ་བསྲེ་བྱས་ཏེ། ། དྲོས་ནས་བཟླས་པ་རྫོགས་ནས་སྨྱོ།། ར་གན་དག་ལ་གཟུགས་བྱས་ཏེ།། སོར་མོ་ཉི་ཤུ་གཉིས་ཀྱི་ཚད།། གཡས་པ་བུམ་པ་གཡོན་ལྕགས་ཀྱུ།། པདྨའི་སྟེང་ན་འདུག་པའོ།། པདྨ་བྷ་གའི་དཀྱིལ་དུ་ནི།། བདག་ཉིད་གསང་མཚན་རྣམ་པར་དགོད། ། སྐུ་གཟུགས་ནུབ་ཏུ་ཁ་བལྟས་ཏེ།། འབྲུ་བརྒྱད་འཁོར་ལོས་ལེགས་བརྒྱན་ཏེ། བསྐུལ་ཚིག་ཇི་བཞིན་རབ་གསལ་སྦྱར།། འདིས་ནི་བདག་ཉིད་དུ་འདོད་ན།། འཁོར་བར་གནས་ཀྱང་སྐྱོ་བ་མེད། ། ཚེ་ལ་དབང་པའི་རིགས་འཛིན་ཐོབ།། ར་གན་སྐ་གཟུགས་འདི་དག་ཉིད།། བཟུང་ངམ་བསམས་པ་ཙམ་གྱིས་ཀྱང།། དགྲ་རྣམས་ཡོངས་སུ་ཟད་པར་བྱེད།། གལ་ཏེ་མཐུན་ལྡན་འདོད་གྱུར་ན། བཟོ་བོ་མཁས་པས་ལྕགས་ལས་བྱས།། བོང་བུ་ནག་པོ་རྣམ་པར་གནན།། སྦལ་པའི་ཚུལ་གྱིས་རྣམ་པར་འཇིགས།། གྲུ་གསུམ་བྷ་གའི་དཀྱིལ་དུ་ནི།། ནརྀ་ཏྲི་དམར་ནག་གསལ་པའོ།། འདི་ལ་ཡང་ནི་འབྲུ་བརྒྱད་བསྐོར། ། གཞན་གྱིས་མཐོང་བ་མ་ཡིན་ཏེ།། རང་གི་སྤྱོད་ཡུལ་ཉིད་བུའོ། འདི་ནི་གང་དུ་དགོས་པའི་སར།། བསྐོར་ཞིང་མེ་ཏོག་ནག་པོས་མཆོད།། གྲུ་གང་སྦྱོར་བས་རྣམ་པར་གསོད།། རྟག་ཏུ་སྔགས་པས་བརྟེན་བྱས་ཏེ། ། རང་གི་གནས་སུ་དམ་ཚིག་ནི།། ས་ཡི་དཀྱིལ་འཁོར་མཎྜལ་ལ།། མཁས་པས་ཅི་རིགས་བྲིས་པ་ནི།། ཡུགས་ས་མོ་ཡི་རྐང་རྗེས་ལ།། བོང་བུ་ཕོ་ཡི་གཅིན་གྱིས་སྦྲུས།། ས་ལ་ལྡེར་སོ་རྣམ་པར་བརྩིགས། ། དཀྱིལ་འཁོར་བཅས་པའི་གྲུ་གང་ནི།། བོང་བུའི་སྟེང་ན་རྣམ་པར་ལྡན།། སྐུ་མདོག་ནག་ལ་དུད་པ་ཁ།། རལ་གྲི་དང་ནེའུ་ལེ་མཛིན།། ཇི་ལྟར་མཛེས་པའི་ལྡེར་སོ་ལ།། མིག་གསུམ་གདོང་ལ་འཇིགས་པར་དགོད། ། མཆེ་བ་གཙིགས་པ་སྐྲ་ཡང་ཁམ།། ཟླ་བ་ཚེས་པ་དབུ་ལ་འཛིན།། ཉི་མའི་དཀྱིལ་འཁོར་ལྟེ་བ་ཉིད།། ཕྱག་རྒྱ་ལྔ་ཡིས་རྣམ་པར་འཛིན།། སྦྲུལ་ལ་སོགས་པའི་རྒྱན་གྱིས་མཛེས།། དེ་ཡི་ནང་དུ་ཐོད་པ་དང། ། རུས་པ་མང་པོའི་བརྩིག་པ་བྱ།། ཀླད་པ་མང་པོའི་གཞལ་ཡས་བྱས།། ནད་དུ་མེ་ཡི་དཀྱིལ་འཁོར་ལ།། ཕྱི་རོལ་རླུང་ནག་འཁྱིལ་པ་ཅན།། སྐར་མ་བྲ་ཉེའི་རྐང་པ་ནི།། དམྱོད་པ་ཅན་གྱི་སྙིང་ལ་འདུད།། དེ་ཡི་ཁང་པ་བྷ་ག་ཅན། ། དེ་སྟེང་འབྲུ་བརྒྱད་འཁོར་ལོ་ཅན།། སྤུ་གྲི་ལྟ་བུ་དྲུག་གིས་མཛེས།། གནན་པར་བྱ་བའི་ཞིང་ཁམས་ཉིད།། མཁས་པས་དེ་སྟེང་མཎྜལ་བྲི།། དུར་ཁྲོད་ལ་སོགས་པ་དང།། བོང་བུའི་ཁྲག་གིས་མཛེས་པར་བྱས། ། མཆོད་དང་བཟླས་དང་བསྒོམ་པར་བསྐོར།། གསངས་ནས་ལས་འདི་བསྒྲུབས་ན་ཐོབ།། ཡང་དག་མཁས་པས་བསྒྲུབ་བྱ་ཞིང།། མཛའ་བོ་རྣམ་པར་འབྱེད་འདོད་ན།། འུག་པ་དང་ནི་བྱ་རོག་སྟེ། ། སྦྲུལ་གྱིས་འཛུལ་པའི་ས་དག་དང།། སྲེ་མོ་འཛུལ་པའི་ས་དག་སྟེ།། སྦྲུལ་གྱི་ས་ལ་བྱ་རོག་ཁྲག། ཉི་མ་ཕྱེད་ན་དེར་སོང་བྱེད།། སྲེ་མོའི་ས་ལ་འུག་པའི་ཁྲག། ནམ་ཕྱེད་དག་ན་གཟུགས་ཕྱེད་བྱས།། ནམ་མཁའ་སྐྱ་ན་གཅིག་ཏུ་སྦྱར། ། ལྡོང་རོས་ནུབ་མོ་འུག་པས་བསྐུས།། དུར་ཁྲོད་སོལ་བའི་བྱ་རོག་ལ།། ཉི་མ་ཕྱེད་ན་ལེགས་པར་བསྐུས། ཕྱེད་སེར་ཕྱེད་ནག་སྒྲོ་གཉིས་ཐོགས།། འདིར་ནི་ཉི་མ་སྤྱི་བོར་འཛིན།། ཟླ་བ་ཟད་པ་རྐང་བའི་འོག། ། མདུན་དང་རྒྱབ་ཀྱི་དྲང་ཐད་དུ།། འབྲུ་བརྒྱད་འཁོར་ལོ་གཉིས་བྲིས་ཏེ།། མདུན་དུ་དཔྲལ་བར་མགོ་བཞག་དང།། རྒྱབ་ཏུ་རྐྱང་པ་སྔགས་ཀྱི་མགོ། དེ་ནས་བྷ་ག་བསྒྲུབ་བྱ་སྟེ།། ཁྲུ་གང་སོར་གསུམ་བྷ་གའི་དབྱིབས། ། དེ་ཉིད་ནང་དུ་བསྒྲུབ་བྱ་དང།། དེ་ཡི་དེ་རྣམས་རྣམ་པར་དགོད།། དེ་ནས་རྣལ་འབྱོར་དཔའ་བོ་ཡིས།། དེ་བཞིན་འུག་པའི་དང་རུ་ལ།། ཉིན་མོ་རྣམ་པར་བྲབ་བར་བྱ།། དེ་བཞིན་འུག་པའི་དང་རུས་ཀྱང། ། བྱ་རོག་སྒྲོ་ལ་ནུབ་མོ་གདག། དེ་གཉིས་བར་གྱི།། གེ་སར་ལ།། བྷ་ཡ་བྷེ་ཞེས་རྣམ་པར་དགོད།། ཐ་མར་བསྐུལ་ཚིག་ཡང་དག་ལྡན།། ཉི་ཤུར་གནས་པའི་འཇིག་རྟེན་ཀྱང།། དབྲལ་ན་མོད་ལ་འཇིག་པར་འགྱུར། ། གང་དག་ཞིག་ན་སྦྱོར་བ་གཅད།། དུམ་པར་འདོད་ན་འོ་མས་གཞིག། ལྷ་དང་མི་དང་བྲན་མཛེ་དང།། དགེ་སྦྱོང་རིག་པ་འཛིན་པ་དང།། དཀར་པོའི་ཕྱོགས་ལ་གནོད་པ་བྲལ།། ཆར་གྱི་རྒྱུན་ལ་དབང་འདོད་ན། ། ཀླུ་རྒྱལ་གནས་པའི་ཁྱིམ་ནས་ཆུ།། ན་ག་གེ་སར་ཕུལ་ནས་ནི།། བརྒྱད་དང་བཅུ་དྲུག་ཆུ་ལ་སྦྲུལ།། ས་ནི་རྒྱ་མཚོ་ཆེན་པོའི་དྲུང།། བླངས་ནས་དཔལ་ལྡན་གཟུགས་བྱས་ཏེ།། གཡས་པ་སྦྲིན་གྱི་འཁོར་ལོ་ཅན། ། གཡོན་པ་ཆུ་ཡི་བུམ་པ་ཅན།། ཕྱེད་དཀར་ཕྱེད་ལྗང་ཁྲུ་གང་བ།། བྷ་ག་ལེགས་པར་བྱས་པ་ལ།། གེ་སར་ལོགས་ནས་ཆར་གྱི་རྒྱུན།། བསྐུར་ཚིག་བྲིས་ཏེ་འབྲུ་བརྒྱད་ཟླས།། འདི་ནི་ཀླུ་ཡི་ཁྱིམ་དུ་བྱ། ། ཉིན་མཚན་མང་དུ་རྣམ་པར་འབབ།། གལ་ཏེ་འཆད་པར་འདོད་ན་ཡང།། དཔལ་ལྡན་ནུ་མ། གཉི་གའི་རྩེ།། ཤུགས་པའི་མེ་ཡིས་བསྲོས་ནས་ཀྱང།། སྐད་ཅིག་དེ་ལ་རྣམ་པར་འཆད།། བདག་གིས་མིག་གིས་འཇིག་རྟེན། ། རིགས་གཅིག་པའི་ཉི་མ་ཡིན།། བསམ་པར་མཐོང་བར་འདོད་པ་ཡིས།། བཞི་བཅུ་རྩ་དགུའི་མིག་འབྲས་ལ།། དཔལ་ལྡན་སྦྱན་ལེགས་པ་བྲིས་ཏེ།། ཕྱག་ན་མེ་ལོང་ཁྲུ་གང་སྐུ།། རྒྱལ་པོའི་རྐང་རྗེས་ལ་བྱས་ལ། ། བྷ་གའི་ནང་དུ་འབྲུ་བརྒྱད་བྲིས།། ཐོར་ཏོ་ལ་ནི་བྱ་རྒོད་མིག།། བཅུགས་ནས་ཉིན་དང་མཚན་དུ་བཟླས། བཟླས་པ་རྫོགས་ནས་བྷ་ག་ལས། དུ་བ་བྱུང་ན་མཐོང་བར་འགྱུར།། དུ་བ་རང་གི་མིག་ལའོ།། དེ་ནས་རྟག་པར་དེ་འདྲའོ། ། དགྲ་བོ་གནོད་པས་གསད་པ་འམ།། ཁྲག་ཏུ་འབབ་པམ་ཚ་འདོད་ན།། ཁྲག་གི་བརྒྱ་དང་རྩ་གཅིག་ལ།། བག་ཕྱེད་གཟུགས་ནི་ཁྲག་གི་སྦྲུས།། ཕྱི་ཡི་ཁྲག་གིས་བྷ་ག་ལའོ།། ཆུ་ལ་གནས་པའི་ཁྲག་གིས་ནི། ། གཟུགས་ལ་རྣམ་པར་ཀུན་ཏུ་བསྐུས།། གཟུགས་ནི་ཁྲུ་གང་ཉིད་དུའོ།། བསྒྲུབ་བྱ་བྷ་གའི་ནང་དུ་ཡིན།། ཙན་དན་ཤིང་ལས་མེ་སྤར་ནས།། བྷ་ག་སྤྲོས་ནས་ཁྲག་ཏུ་འབད།། འཆི་བར་འདོད་ན་རྐེད་པ་ནི། ། མན་ཆད་མེ་ཡིས་ཀུན་ཏུ་བསྲེགས།། འཚོ་བར་འདོད་ན་འོ་མས་ནི།། རྣམ་པར་བཀྲུས་ཏེ་སྨོན་ལམ་གདབ།། དཔལ་ལྡན་མ་མོ་མཁའ་འགྲོ་རྣམས།། བསྙེན་ཅིང་འོང་བར་འདོད་པ་ཡིས།། ས་ལ་བྷ་ག་རྣམ་བཀོད་པ། ཉི་མ་ཟླ་བ་སྔགས་དང་བཅས།། དེ་སྟེང་བན་ངྷ་པདྨ་ལ།། འབྲུ་བརྒྱད་འཁོར་ལོ་རྣམ་པར་སྒྲུབ།། སོར་མོ་གཉིས་གཉིས་བར་དུ་བསྡམ།། བྷ་ག་ཟླ་གམ་ཉིད་ལ་ནི།། ཛཿཧཱུ~ཾ་བཾ་ཧོའི་བཀའ་ལུང་སྒྲོགས། ། བྱང་ཆུབ་སེམས་ནི་ཐོར་ཏིང་འཛིན།། སེང་ལྡེང་མེ་སྤར་སྤོས་ཆེན་བདག། སྦྱན་དྲངས་བརྟན་པ་བྱ་བར་ཤིས།། དཔལ་ལྡན་བྷ་གའི་དཀྱིལ་འཁོར་ནི།། ངེས་པར་བཀོད་པ་རྣམ་རྒྱས་ནི།། སྐུ་ནི་འདོམ་གང་ཉིད་ལ་ཤིས། ། སྣ་ཚོགས་རྒྱ་གྲམ་སྤྱི་བོར་འཛིན།། སྣ་ཚོགས་རྡོ་རྗེ་སྙིང་ཁར་འཛིན།། སྣ་ཚོགས་འཁོར་ལོ་ལྟེ་བར་འཛིན།། སྣ་ཚོགས་རིན་ཆེན་གཡས་ན་ཐོགས།། གཡོན་ན་སྣ་ཚོགས་པདྨ་འཛིན།། བྷ་ག་གསང་བའི་གནས་མཆོག་ནི། ། རྣམ་སྣང་སྐུ་ཕྱེད་དབུས་ན་དཀར།། རྒྱལ་བ་རྣམ་བཞི་མགྲིན་པར་འབྱུང།། མེ་ཡི་དཀྱིལ་འཁོར་འབྱིང་བའི་སྐུ།། རལ་བའི་རླུང་ནག་དབུས་ན་འབར།། རྡོ་རྗཻ་བྲག་གི་ནང་ན་འདུག། ལྷག་པའི་སྤྱན་ནི་རྣམ་པར་འཇིགས།། དངོས་གྲུབ་ཀུན་གྱི་བདག་མོ་སྟེ།། བཀྲ་ཤིས་སྐུ་མཆོག་ཡོན་ཏན་འཆང།། མཁའ་འགྲོ་བླ་མའི་ཕྱག་རྒྱ་ཡིན།། འཇིག་རྟེན་གྱི་སྤྲུལ་པ་མོ།། ཕྱག་སྟོང་འགྲོ་བའི་འདུ་བྱེད་མཛད། ། དཔལ་ལྡན་ནག་མོའི་རྣམ་པར་གཟུང།། དངོས་གྲུབ་འདུས་དང་བསྡུས་མཛད་མ།། སྐུ་མཆོག་བསམས་པ་བསམ་པར་བདེ།། སྐུ་མཆོག་བྲས་ན་རྣམ་པར་འཕགས།། སྐུ་མཆོག་དྲན་ན་རྣམ་པར་རྒྱལ། སྐུ་མཆོག་བསྒོམས་ན་རྣམ་པར་འགྲོ་ལ། ། སྐུ་མཆོག་མཐོང་ན་རྣམ་པར་ཞི།། བྷ་ག་དངོས་གྲུབ་ཀུན་སྦྱོར་སྐུ།། འདི་ནི་རྣམ་པར་གསང་པ་སྟེ།། རྒྱལ་བ་རྣམས་ལ་བསྟན་པ་ཡིན།། མཁས་པ་གང་གིས་བྷ་གའི་སྐུ།། གཞན་ལ་ཡང་དག་བསྟན་པས་ནི། ། རང་གི་སྦྱོར་པ་རྣམ་པར་སྲེག། གལ་ཏེ་གཞན་ལ་སྨྲས་པ་ནི།། བདག་ཉིད་ཡོན་ཏན་རྣམས་དང་བྲལ།། བྷ་ག་གང་གིས་མཐོང་གྱུར་ནི།། རྡོ་རྗེ་དམྱལ་བའི་ནང་དུ་སོང།། ཐབས་དང་ཤེས་རབ་རྣམ་པར་བྲལ། ། ནམ་མཁའི་ཕ་རོལ་ཚུན་ཆད་དུ།། ཟབ་མོའི་དཀྱིལ་འཁོར་དྲན་པ་མེད།། དལ་བ་མེད་པའི་ཡུལ་དུ་འཁྱམ།། མཁས་པས་བསྟན་ཅིང་སྨྲ་བ་མེན།། ཟབ་མོའི་དཀྱིལ་འཁོར་མཐོང་བར་འགྱུར། ། ཡང་དག་བྷ་ག་རྣམ་སྤངས་ཏེ།། ཤེས་རབ་དཀྱིལ་འཁོར་མ་མཐོང་བས།། རྣམ་པ་གཞན་ལ་འཇུག་བྱེད་ལ།། མུན་པ་དེ་ཉིད་ནམས་ཀྱང་བརླག། དཔལ་དངོས་གྲུབ་ཐམས་ཅད་ཀྱི་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས། ། གསང་སྔགས་འབྲུ་བརྒྱད་པའི་འཁོར་ལོ་རྣམ་པ་སྦྱོར་བ་སྟེ་ལེའུ་བདུན་པའོ།།།། དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་སྐུ་དང།། གསུང་དང། ཐུགས་རྡོ་རྗེ་རྣམས་ལས། སྤྱིན་སྲེག་ཐམས་ཅད་དང། ། ཡོངས་སུ་སྦྱོར་བའི་གསང་སྔགས།། ཡི་གེ་བཅཱ་ལྔ་པའི་ཚོགས་འདི་གསུངས་སོ།། རྣམ་པར་སྣང་མཛད་དང་པོར་བཞག།། དྲུག་པའི་གསུམ་པ་གཉིས་སྦྱར་ན།། དབྱངས་ཡིག་དྲུག་པ་གཉིས་སུ་ལྡན། ། དེ་བཞིན་དྲུག་པའི་གསུམ་པ་ལ།། དབྱངས་ཡིག་བཅུ་པས་རྣམ་པར་བརྒྱན།། དེ་བཞིན་དྲུག་པའི་གསུམ་པ་ནི།། གསུམ་པའི་སྡེ་ཚན་རྣམས་པ་དང་འདྲ། གཉིས་པའི་དང་པོར་སྦྱར་བ་ནི།། དེ་འོག་ལྔ་པའི་དང་པོའོ། འདི་ལྟར་དྲུག་པའི་བཞི་པ་ཡོད།། འདི་ནི་སྣང་བ་མཐའ་ཡས་ཅན། བདུན་པའི་གཉིས་པ་ཡང་དག་གསལ།། དབྱངས་ཡིག་ལྔ་པ་དེ་ལྟར་མཛེས།། དང་པོའི་གསུམ་པ་འདི་དང་འབྲེལ།། ལྔ་པའི་ལྔ་པ་དེ་ཉིད་ནི། ། དབྱངས་ཡིག་བརྒྱད་པ་དེ་དང་ལྡན།། བདུན་པའི་བཞི་པ་དེ་ཉིད་ནི།། དབྱངས་ཡིག་དྲུག་པས་རྣམ་པར་ལྡན།། དང་པོའི་ལྔ་པ་སྤྱི་བོར་འཛིན། ལྔ་པ་ཡི་ནི་བཞི་པ་ལ།། དྲུག་པའི་དང་པོའི་སྒྲ་ཅན་དེ། ། དབྱངས་ཡིག་དགུ་པས་མཚན་པའོ།། གཉིས་པའི་གསུམ་པ་གཉིས་དང་ལྡན།། བཅཱ་ལྔ་མེ་ཡི་ཁང་པ་སྟེ། སྤྱིན་སྲེག་ལས་བཞི་ཀུན་ཏུ་སྦྱོར།། འདི་ཡི་དཀྱིལ་འཁོར་རྣམ་བཤད་པ།། གེ་སར་པདྨ་འདབ་མ་བཅུ། ། སྒོ་དང་བཅས་པའི་གཞལ་ཡས་ཁང།། རྣམ་པར་སྣང་མཛད་ལས་སྐྱེས་པའོ། ལྷ་མོ་དབུས་ན་རྣམ་པར་དམར།། ཞུགས་ཐབ་བསྣམ་པའི་འཕྲེང་བ་འཛིན།། དབུ་ལ་རྨ་བྱའི་མདོངས་དང་ལྡན།། ར་སྐྱེས་དམའ་པོ་རྣམ་པར་ཞོན། ། མེ་འབར་དབུས་ན་རྣམ་པར་བརྗིད།། མེ་ལ་སོགས་པའི་ཡེ་ཤེས་ནི།། མེ་ཡི་ལྷ་མོ་དམར་མོ་དང།། མེ་ཡི་མདངས་ལ་དགའ་བ་དང།། འཇིག་རྟེན་མེར་འབད་ལྷ་མོ་དང།། ཡེ་ཤེས་མེར་འབར་ལྷ་མོ་དང། ། བུད་ཤིང་སྲེག་བྱེད་ལྷ་མོ་དང།། ཉོན་མོངས་སྲེག་མཛད་ལྷ་མོ་དང།། བགྲང་འཕྲེང་འཛིན་པ་མེ་ཡི་ལྷ།། བདུད་རྩི་སྲེགས་པ་མེ་ཡི་ལྷ།། འཇིག་རྟེན་སྐྱོང་བ་མེ་ཡི་ལྷ།། སྦྱིན་སྲེག་ཟ་བ་མོ་ཞེས་བྱ།། རྡོ་རྗེ་སྙིང་པོ་ལ་སོགས་ཏེ། ། སྒོ་བཞི་གནས་པ་མེ་ཡི་ལྷ།། ཞི་བར་འདོད་པའི་གཙོ་མོ་ནི།། དཀར་མོ་མཛེས་བྱེད་གཟར་བུ་ཅན།། རྒྱས་པར་བྱེད་པའི་སྒོ་མོ་ནི།། སེར་མོ་རྒྱས་མཛད་གཟར་བུ་ཅན།། དབང་དུ་སྡུད་པའི་སྲེག་པ་མོ། ། དམར་མོ་དཀར་མོ་གཟའ་བུ་ཅན།། རྣམ་པར་གསོད་པའི་སྲེག་པ་མོ།། གཟར་བུ་འཛིན་པའི་བྱང་ཕྱོགས་མ།། ཟླ་བ་འཁོར་ལོ་ལྕགས་ཀྱུ་དང།། རྡོ་རྗེ་དབྱུག་ཐོ་གཡས་རྣམས་འཛིན།། དབྱིབས་དང་ཁ་དོག་ཐམས་ཅད་ལ། ། རྣམ་པར་སྦྱོར་བ་ལས་བཞི་ཅན།། བཅུ་ནི་དམར་མོ་གཟར་བུ་ཅན།། ཐམས་ཅད་ར་ལ་ཡང་དག་ཞོན།། ཐམས་ཅད་ཀུན་གྱི་སྤྱི་བོ་ནས།། རྨ་བྱུའི་མདོངས་དང་ཡང་དག་ལྡན།། འདི་ལྟར་དཀྱིལ་འཁོར་རྣམ་བསམས་ཏེ། ། མེ་ལྷ་བརྟེན་པར་བྱ་བ་དང།། དངོས་གྲུབ་ཐམས་ཅད་སྒྲུབ་ཕྱིར་དུ།། གསང་སྔགས་བྱིན་གྱིས་བརླབས་པ་ཡིན།། ཡང་དག་བཟླས་པ་རྫོགས་གྱུར་ནས།། སྤྱིན་སྲེག་ཀུན་ལ་འགྲུབ་འགྱུར་ཏེ། ། མེ་ཡི་བུ་མོ་བཅུ་བཞིས་ནི།། མེ་ཡི་བུ་མོ་རྣམ་པར་མཆོད།། མེ་ཡི་དངོས་གྲུབ་གཞན་ལ་སྟེར།། མེ་ཡི་བུ་མོ་བཅཱ་ལྔ་ལ།། རྟེན་པར་ནུས་དངོས་གྲུབ་ཐོབ།། འདི་ནི་སྦྱོར་བ་ཐུན་མོང་སྟེ།། ཞི་བ་དཀར་པོ་ལ་སོགས་འཛིན། ། དེ་བཞིན་རྒྱས་པ་གྲུ་བཞི་སེར།། དབང་དུ་དམར་དང་གསོད་ལ་གནག་ཛཿཧཱུ~ཾ་བཾ་ཧོ།། མ་ཧཱ་ཨག་ནེ། དེ་བི་ས་མ་ཡ། མ་ཧཱ་པཱུ་ཙ་ཁཱ་ཧི།། སྦྱོར་བ་ཀུན་གྱི་ཤམ་བུའོ།། རྣམ་རྟོག་མེད་པའི་རྣལ་འབྱོར་གྱིས།། ཟླ་བ་ལ་ནི་ཞལ་བཞིར་བསྒྱུར། བཅཱ་ལྔ་ཉིད་ལ་ཞི་བའི་གནས།། བཅཝ་བརྒྱད་ལ་ནི་དེ་བཞིན་རྒྱས།། བརྒྱད་ལ་དབང་དུ་སྡུད་པ་དང།། ཉི་ཤུ་གསུམ་ལ་ཤིན་ཏུ་གསོལ་བ།། ཉི་མ་ཤར་དང་ཕྱེད་པ་དང། ། ནུབ་དང་མཚན་མོ་ཕྱེད་དུ་བྱ།། ལྷ་ཉིད་ཞལ་ནི་ཤར་ལྷོ་མཚམས།། བདག་གམ་གཞན་ལ་རིམ་པར་སྦྱོར།། ཞི་བ་དཀར་པོ་སེར་ལེ་བརྒན།། མཐིང་ཁ་ལྟ་བུར་སོ་སོར་འགྱུར།། རྫས་ཀྱང་དེ་བཞིན་རྣམ་པར་སྲེག། སརྦ་བཛྲ་ཌཱ་ཀི། ནི་ངྷི་ཡཱ།། མ་ཧཱ་དེ་བ་པུ་ཙ་ཤནྟིཾ་ཀུ་རུ།། པུཥྟིང་ཀུ་རུ།། པ་ཤང་ཀུ་རུ།། མ་ར་ཡ་ཀུ་རུ་ཧཱུ~ཾ་ཕཊ་སྭཱ་ཧཱ། འདི་དག་སྦྱོར་བ་ཐུན་མོང་དང་ཁྱད་པར་གྱིའོ།། འདི་ནི་ཟླ་བའི་འབའ་ཞིག་སྟེ།། གསོད་པར་བྱེད་པ་གཞན་ཡང་ནི། ། རོ་ཡི་ཁ་ཞེས་བྱ་བ་ཡོད།། ཡང་ན་བྲན་མཛེས་བུ་མོའི་མཁར།། ཙན་དན་ཤིང་ལས་མེ་སྦར་ཏེ།། ཟུར་གསུམ་རུས་པའི་ཟར་བུ་ཡིས།། རེ་རེ་རྣམ་པར་འདོར་ཞིང་ནི།། སྔགས་ཀྱང་དེ་ལྟར་བསྐུལ་ཚིགས་མིང། ། མཚན་མོ་མང་དུ་ཉིན་མོ་དང།། སྦྱོར་བ་ནུས་ན་ཡང་དག་གསོད།། མི་རོ་རྣམས་ལ་ཡང་དག་སྲེག། ཡང་ན་གཅན་གཟན་རྣམ་པ་དང།། དུང་དང་སྒྲ་དང་སྐད་ཀྱང་འབྱིན།། མི་རྣམས་སྐྲག་དང་ཚ་ངེས་འདེབས། གང་འདོད་བསྐུལ་ཚིག་ཞབས་སུ་སྦྱོར། རྣམ་པར་སྨྱོ་དང་ངེས་པར་གསད།། གཅན་གཟན་སྔོན་པོའི་ཐོད་པ་ལ།། མེ་ཡི་འཁོར་ལོ་བཅས་ལ་དཀོད།། སྣུམ་གྱིས་གཤེར་བའི་ཤིང་བུ་ལ།། རིམ་པ་ཉིད་དུ་ཁར་ཡང་བཙངས། ། རྟག་ཏུ་སྔགས་རྣམས་དཔའ་བར་ཟློས། སྐད་ཅིག་དེ་ལ་ཞི་བར་འགྱུར།། གལ་ཏེ་གཞན་དུ་སྐྲོད་འདོད་ན།། གཤོག་པ་ཅན་གྱི་མགོ་བོ་ལ།། མར་གྱི་དངོས་པོའི་ཤིང་བཙུགས་ནས། མགོ་དང་བཅས་པའི་སྲེག་ཐལ་ལ། ། རླུང་ལ་ཕྱར་ན་འཁྱམ་པར་ནུས། མི་དང་མི་མེན་འབྱུང་པོ་རྣམས།། མིང་དང་བཅས་བསྲེག་བཟླས་ན་འབྲོས།། ཨ་ཤོ་ཀ་ཡི་འདབ་མ་ཡིས།། རྒྱལ་པོ་ཁ་ལ་མེས་བསྲེགས་ན།། ཡུལ་ཁམས་བདག་གི་དབང་དུ་འགྱུར། ། མུ་ར་ཤིང་གི་འབྲས་བུ་ལ།། སྦྲུམ་མའི་ཁ་ལ་བསྲེགས་ན་ནི།། དབང་རིགས་ཐམས་ཅད་བྲན་དུ་འགྱུར།། རྣལ་འབྱོར་དཔའ་བོའི་ཁ་ལ་ཡང།། རྒྱ་སྐྱེགས་ཤིང་ལ་མེ་སྤར་ན།། སྲིན་པོ་བདུད་བཅས་འདར་ཞིང་འདུད། ། རྣལ་འབྱོར་མའི་ཁ་གདངས་ཏེ།། ཛ་ཏི་གུར་ཀུམ་ཆུས་བཀྲུས་ལ།། མེ་ཡི་བུ་མོ་བཅཝ་ལྔ་ནི།། རྣམ་པ་བརྒྱའི་སྤྱིན་སྲེག་གིས།། མ་མོ་མཁའ་འགྲོ་བརྒྱད་དང་ཕྲད།། དེ་བཞིན་སྟོང་དང་ཁྲི་དང་འབུམ། ། མཁའ་འགྲོ་རེ་རེའི་སྐུ་མཐོང་བས།། བདེ་བ་རེ་རེ་སྟེར་བར་འགྱུར།། འདི་ལ་དཔག་མེད་བརྩོན་པར་བྱ།། མ་མོའི་ཁོང་ནས་རྙེད་པ་ཡི། གཞོན་ནུ་མའི་མཁའ་ལ་སྙིང་པོ་ནི།། བསྲེགས་ན་ཟངས་ཀྱི་བདེ་བ་ཐོབ། ། དམངས་ཀྱི་ཁ་ལ་བོང་ངའི་ཤིང།། ནག་པོས་བསྲེགས་ན་མྱུར་དུ་འཆི།། སྲེག་ཤང་འཛིན་པའི་ཁ་ལ་ནི།། ར་ཚ་ཨ་རྒས་བསྲེགས་བྱས་ན།། དྲན་པ་ཉམས་པ་ཞི་བར་འགྱུར།། བུད་མེད་རྒན་མོའི་མཁའ་ལ་ཤིང། ། ཤོག་བུ་སྲེགས་པས་ཁྱིམ་མཛེས་འཕམ།། བུ་མོ་གཞོན་ནུའི་མཁའ་ལ་ནི།། འོ་མ་ཅན་གྱི་ཤིང་དག་གིས།། བསྲེགས་ན་སྦྲུམ་མ་རྣམ་པར་འཚིག།། མུ་སྟེགས་མཁན་པོའི་མཁའ་ལ་ནི། སྨྱུག་མའི་ཤིང་དང་འབྲས་བུ་ཡིས།། བསྲེགས་ན་གནོད་སྤྱིན་དགའ་བ་དང།། རྣལ་འབྱོར་དཔའ་པོ་དེ་ཉིད་ལ།། རྟག་ཏུ་གཟུགས་ཀྱང་སྟོན་པ་དང།། ནོར་རྣམས་ཡང་དག་ལྡན་པར་བྱེད།། གྲུབ་མཐའ་མེད་པའི་མཁའ་ལ་ནི། སྐྱུ་རུ་ར་ཡི་ཤིང་གིས་བསྲེག། གཞན་གྱི་ནོར་རྣམས་འབྱེད་པར་བྱེད།། ཙེ་ལུ་མའི་མ་མཁའ་ལ།། ཤོ་ཤའི་ཤིང་ལ་མེ་སྤར་ནས། མི་དང་མི་མིན་ཁྲོས་པ་ཞི།། རོ་རྣམས་བླངས་ཏེ་ཤར་ལྷོར་ནི།། མགོ་བསྟན་སྦྱིན་པ་རྣམས་བསྲེགས་ཏེ། ། ཞི་བ་དགུ་ལས་མི་རིང་བར།། འཇིག་པ་མེད་པར་བརྩོན་ན་འགྲུབ།། ཡུལ་རྣམས་མཐོང་བའི་རི་བོའི་རྩེར།། འབྲས་ཀྱི་ཕུབ་མ་སྲེག་ན་ནད།། ཁྲོས་པའི་བགེགས་དང་བཅས་པ་བཞི། ། དུར་ཁྲོད་དག་ཏུ་སོང་ངམ་དབེན།། སྤྲ་ཚིལ་བསྐུལ་ཞིག་རྟག་པ་བསྲེགས། འཐབ་ན་ལྷག་པར་རྒྱལ་བར་བྱེད།། མེ་ཡི་དཀྱིལ་དུ་མེ་ཡི་ལྷ།། གུར་ཀུམ་ཕྱེ་མ་བསྲེགས་པ་དང།། ཡུངས་ཀར་བསྲེགས་པར་ནུས་ན་ནི། ། ཚེ་ཚད་དཔག་མེད་རྣམས་དང་ལྡན།། མཛའ་བོ་རྣམ་པར་འབྱེད་འདོད་པས། ལུང་པ་གཉིས་ཀྱི་མདོ་རུ་ནི།། ཏ་ལའི་སྡོང་བུ་བསྲེགས་པའི་སར།། བྱ་རོག་འུག་པའི་ཤ་གཏོར་ན།། དེ་ཉིད་མོད་ལ་རྣམ་པར་འཐབ། ། དགྲ་བོ་འགུགས་པར་འདོད་པ་ཡིས།། བླག་ཤའི་ཡལ་ག་དེ་ཉིད་ལ།། ལུག་གི་ལྕེ་ལ་གསང་སྔགས་བྲིས།། མང་དུ་བསྲེགས་པས་ལྐུགས་པར་འགྱུར།། གྲོང་ཁྱེར་ཆེན་པོ་འཚིག་འདོད་པས།། མེ་ཏོག་ལྔ་བཅུ་ཐམ་པ་དང། ། དེ་བཞིན་ཤིང་ཐོག་ལྔ་བཅུ་སྟེ།། ཡམས་ཤིང་བཅས་དང་སྔགས་ཚིག་བསྐུལ།། གྲོང་ཁྱེར་ཕྱོགས་དང་བཅས་པ་འཚིག། བདག་གི་དྲུང་དུ་གང་དག་གིས།། སྤོབས་པ་མེད་པར་བྱ་འདོད་པས།། པྲི་ཡང་ཀུ་ཡི་སྙེ་མ་སྲེག། ། མུ་སྟེགས་གཟུགས་བྱས་ཐབ་ཀུན་ནང།། གཟི་སྤྱིན་ཚ་བས་ལྟར་མི་བཟོད།། གཞན་ཡང་མེ་ཡི་དཀྱིལ་འཁོར་ནི།། བཅཝ་ལྔ་འཁོར་ལོ་ཉིད་ལ་བབས།། ཞི་རྒྱས་དབང་དྲག་གཅིག་ཏུ་ནི།། མི་རོ་ཆེན་པོའི་ཁ་ནས་ནི། ། མར་ཁུ་ཆེན་པོ་མཆོད་པ་འབུམ།། དེ་ནས་མི་ཡི་དཀྱིལ་འཁོར་ནི།། གྲུ་གསུམ་རྣམ་པར་གདེངས་པ་ལ།། ཚེར་མ་ཚ་བ་སྤུ་དང་བཅས།། བརྒྱ་རྩ་བརྒྱད་ཀྱིས་ཤིང་གིས་བསྲེག། འདི་དག་རྣམ་པར་སྦྱར་བས་ནི། ། ཁྲོས་ནས་འཇིག་རྟེན་ཁམས་ཀྱང་བསྲེག། དངོས་གྲུབ་ཕྲ་མོ་སྨོས་ཅི་དགོས།། མཁའ་འགྲོ་རྣམས་དབང་སྡུད་པ་དང།། བུད་མེད་རྣམ་པར་སྲོག་འདོད་པས།། བརྒྱ་རྩ་བརྒྱད་ཀྱི་ཤ་སྣ་རྣམས། ། འབྲས་བུ་ཆག་པའི་ཤིང་བརྒྱ་བཅུ།། བསྲེགས་ན་དངོས་གྲུབ་འཕྲལ་དུ་འབྱུང།། འཇིག་རྟེན་སྐྱེས་པ་རླག་འདོད་པས།། ནང་དུ་རྡོ་རྗེ་བཞག་པ་དང། ཕྱི་རོལ་གདུག་པ་འབྱུང་པོ་གསོད།། བོང་བུ་རྟ་དང་རྔ་མོ་དང། ། ར་ཁྱི་ཕག་དང་བྱ་རྒོད་སྟག། གླང་ཆེན་ཝ་དང་ཉ་ཉིད་དང།། མེ་དང་སྤྲེའུ་ལུག་ཁྲི་སྙན་དང།། ཤ་བ་རྨ་བྱ་ནེ་ཙོ་དང།། འུག་པ་ཁྲ་དང་བྱ་རོག་དང།། རི་ཡི་བོང་བུ་རྣམས་ཀྱིས་ནི།། ཉི་ཤུ་གསུམ་དང་བརྒྱད་ལ་ནི། ། ཅོང་བྲི་བསྲེགས་ཤིང་འདི་བསྲེགས་པས།། ཤིང་སྣ་མང་པོ་སྦྱར་ནས་ནི།། ཇི་ལྟར་འདོད་པས་དངོས་གྲུབ་ཀྱང།། མཁའ་འགྲོ་མང་པོས་དུས་འདིར་གཏེར།། གང་དུ་བསམ་པའི་སྦྱོར་བ་ཡང། ། ཐབས་ཀྱི་རིམ་པ་འདི་ཡིས་འགྲུབ།། དཔལ་དངོས་གྲུབ་ཐམས་ཅད་ཀྱི་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། མེའི་བུ་མོ་བཙྭ་ལྔའི་དངོས་གྲུབ་སྦྱོར་བར་བསྟན་པའི་ལེའུ་སྟེ་བརྒྱད་པའོ། །།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང།། གསུང་དང།། ཐུགས་རྣམས་ལས།། དེ་བཞིན་གཤེགས་པའི་བཙུན་མོ།། རྒྱལ་སྲས་མང་པོས་བཙུན་མོ། སྦྱོར་བ་དང་སྒྲོལ་བའི་རིགས་སུ་སྨིན།། དྲག་མོར་གྱུར་པ། ། རོ་ལངས་རྣམ་པར་འདུལ་བ།། ཁྲོ་མོ་ཆེན་མོ་པ་ཏ་ལི་ཞེས་བྱ་བ་དང།། རྣམ་པར་སྦྱོར་བ།། སངས་རྒྱས་དམ་ཚིག་ཡི་གེ་བཅུ་གསུམ་པ་ཞེས་བྱ་བ།། སྦྱོར་བའི་གསང་སྔགས་འདི་གསུངས་སོ།། དང་པོར་རྣམ་པར་སྣང་མཛད་ཅན། ། གཉིས་པ་སྣང་པ་མཐའ་ཡས་ཡིན།། རྡོ་རྗེ་སྙིང་པོ་གསུམ་པ་ཡིན།། བི་པའི་དང་པོ་དེ་ཉིད་དང།། དྲུག་པའི་དང་པོ་དབྱངས་ཡིག་གསུམ། དྲུག་པའི་གསུམ་པ་དེ་བཞིན་ཏེ།། བདུན་པའི་ལྔ་པ་དེ་བཞིན་མཛེས་དེ་བཞིན་དྲུག་པའི་གསུམ་པ་ཅན། ། དེ་ལྟར་བདུན་པའི་ལྔ་པ་ཡི།། ལྔ་པའི་ལྔ་པ་དེ་ཉིད་དང།། བདུན་པའི་གསུམ་པ་ལ་ཡང་ནི།། དྲུག་པའི་གཉིས་པ་དེ་བཞིན་ནོ།། དེ་ནས་བདུན་པའི་བཞི་པའོ། ། འདི་ནི་གསང་སྔགས་ཡི་གེ་བཅུ་གསུམ་པ་སྟེ།། གཤིན་རྗེ་དང་ཕྱི་རོལ་ཉིད་ཀྱིས་ཡོངས་སུ་འཛིན་པར་མཐོང་བའོ།། གསང་སྔགས་དང་ལྡན་པ་རྣམས་ཀྱིས་འཆི་བདག་ཡོངས་སུ་འཇོམས་པའི་ཚེ།། དཀྱིལ་དུ་ནང་དུ་བལྟས་པའོ། ། རྒྱལ་སྲས་རྣམས་འབྱུང་བའི་དབྱིབས་སུ་ཡོངས་སུ་འཛིན་པ་རྣམས་ཀྱི་གསང་བས་སོ།། དེ་བཞིན་གཤེགས་པའི་ཡབ་ཡུམ་གྱི་ཚུལ་ལས་ཡོངས་སུ་འདས།། སངས་རྒྱས་ཀྱི་སའི་ངོ་བོ་བཅུ་གསུམ་རྣམ་པར་ཐར་པ། ། ཟབ་མོ་ཉིད་དུ་རྣམ་པར་ཐར་པའོ།། དེ་ཡི་དཀྱིལ་འཁོར་དེ་བཞིན་དུ། འཁོར་ལོ་རྩིབས་བརྒྱད་མུ་ཁྱུད་དང།། ལྟེ་བ་གྲུ་ཆད་བར་ཁྱམས་དང།། དུར་ཁྲོད་བརྒྱན་གྱིས་སྒོ་བཞི་མཛེས།། མི་རོའི་སྟེང་ན་རོ་བོ་བདག་མོ། ། རོ་ལ་ཞོན་པ་མཆེ་བ་གཙིགས།། མིག་གསུམ་ཁམ་པ་གནམ་གྱི་སྐྲ།། ཁ་ཊཱཾ་ཐོགས་པ་གཤིན་རྗེ་བསྐོར།། རོ་ལ་ཞོན་པ་མ་ཧེ་གནོན། བེ་ཅོན་ཅན་ནི་འཁོར་ལོའོ།། སྒོ་དང་གྲུ་ཆང་པར་ཁྱམས་ལ། ། རོ་ལ་དུར་ཁྲོད་སེམས་ཅན་འཐོག། འདི་ཉིད་འབུམ་དུ་སྦྱོར་བ་དང།། རོ་ལངས་གཤིན་རྗེ་འཇིགས་པ་ཡིས།། གཤིན་རྗེ་དག་ནི་བཀའ་ཡང་ནོད།། སྐྲག་པར་གྱུར་ན་སྔགས་པ་གསོད།། རྣམ་པར་འཇིག་ན་མི་སྐྲག་པ། ། དཔའ་བོ་དངོས་གྲུབ་དེ་ཉིད་ཡིན།། བཟླས་པ་རྫོགས་ནས་ཅི་འདོད་ཅེས།། མངོན་དུ་མཐོང་ན་མི་འཇིགས་པར།། གུས་དང་མཆོད་ཅེས་རོ་ཟ་ཞིང།། གང་འདོད་པའི་གསོལ་བ་གདབ།། རོ་ལངས་འཁོར་ལོ་དང་པོ་ཡིན། ། སྒྲོལ་བདག་ཆེན་མོ་གཤིན་རྗེ་འཇོམས།། གཤིན་རྗེ་ཉིད་ཀྱིས་ཆེད་ཆེར་བསྟོད།། ཕྱི་རོལ་རྣམས་ལ་གྲགས་པ་སྟེ། གསོད་པའི་གཟུགས་ཀྱིས་སྲིན་མོ་ཡིན།། འདི་ཉིད་འཆི་བདག་རྣམ་བཅོམ་པས། ། ཚེ་ཡི་ལྷ་མོ་དམར་མོར་འགྱུར།། པདྨ་སྒོ་མེད་བཅུ་གཉིས་ནི།། གེ་སར་བཅས་པའི་དབུས་ན་འགྱིང།། དེ་ཡི་བུམ་པ་ལྕགས་ཀྱུ་ཅན།། རྡོ་རྗེ་ཚེ་ཡི་འོད་ཟེར་ཅན།། བཅུ་གསུམ་གསང་སྔགས་འབུམ་དུ་སྦྱར། ། བསྐུལ་ཚིག་རྣམས་ཀྱང་རབ་ཏུ་སྦྱར།། རྡོ་རྗེ་དང་ནི་པདྨ་དང།། འཁོར་ལོ་རྒྱ་གྲམ་དབང་བསྐུར་པས།། སོ་སོའི་ཚེ་ཚད་ཐོབ་པར་འགྱུར།། འདི་ཉིད་གསང་བའི་དཀྱིལ་འཁོར་ཏེ།། རྡོ་རྗེ་འཁོར་ལོ་རིན་པོ་ཆེ། ། པདྨ་རྒྱ་གྲམ་སྐྱེ་བ་ནི།། བྷ་གའི་དཀྱིལ་ནས་རྣམ་པར་འཕགས།། རྒྱལ་བ་སྐྱེད་པ་གསང་བའི་ཡུམ།། འདི་ཉིད་བཅུ་གསུམ་འཁོར་ལོ་ཡིས།། ཡི་གེའི་ཚིགས་དང་མིང་ལས་འདས།། གཟུགས་དང་ཁ་དོག་རྣམས་དང་བྲིལ། ། རང་གི་ཤེས་པ་དག་པའི་གནས།། སངས་རྒྱས་རྟེན་པའི་ས་གཞི་ཉིད།། རྒྱལ་པ་ཡོན་ཏན་བརྗོད་མི་ནུས།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས། ། འཕགས་པ་རོ་ལངས་ལྷ་མོར་གྱུར་པའི་ཡི་གེ་བཅུ་གསུམ་གྱི་སྦྱོར་བ་བཞི་པ་སྟེ་ལེའུ་དགུ་པའོ།།།། དེ་ནས་བཅོམ་ལྡན་འདས་ཀྱིས་ཉིད་གྱི་སྐུ་དང།། གསུང་དང།། ཐུགས་རྡོ་རྗེ་རྣམས་ལས།། རྣལ་འབྱོར་མ་ཆེན་པོ་གཅིག་པུ་གྲུབ་པ་མ་ཞེས་བྱ་བའི་གསང་སྔགས་ཡི་གེ་བཅུ་གཅིག་པ་འདི་གསུངས་སོ། ། དང་པོ་རྣམ་པར་སྣང་མཛད་སྤྱན།། གཉིས་པ་ལ་ནི་སྣང་མཐའ་ཡས། གསུམ་པ་རྡོ་རྗེ་སྙིང་པོ་སྟེ།། ལྔ་པའི་ལྔ་པ་གཉིས་དང་ལྡན། ། དབྱངས་ཡིག་བདུན་པ་དེ་ཉིད་བླང།། བཅིང་པའི་དང་པོ་དེ་བཞིན་ཏེ།། བཞི་པའི་དང་པོ་དབྱངས་ཡིག་གསུམ།། གཉིས་པའི་གསུམ་པ་གཉིས་དང་ལྡན།། ཡི་གེ་བཅུ་གཅིག་རྣམས་དང་ལྡན།། ཟབ་ཅིང་རྒྱ་ཆེ་ཆོས་ཀྱི་དོན། ། རྒྱལ་བ་རྣམས་ཀྱི་ཡུམ་དུ་གྲགས།། དངོས་གྲུབ་ཀུན་གྱི་བདག་མོ་ལ།། ཕྱག་འཚལ་ཕྱག་འཚལ་རྡོ་རྗེའི་དོན།། གཉིས་དང་བྲལ་བའི་ཡུམ་ན་བཞུགས།། ཡེ་ཤེས་གཅིག་པུ་རྣམས་པར་རྟེན། ། སེམས་ཅན་རྣམས་དང་ན་ཟླ་མཛད།། ཅིར་ཡང་སྣང་ལ་མངོན་པར་འདུད།། ནམ་མཁའི་དཀྱིལ་འཁོར་ཐམས་ཅད་དུ།། བདག་ཉིད་རྒྱལ་མཚན་འཕྱར་མཛད་ཅིང།། གཉིས་སུ་རྟགས་པ་སྐྲག་མཛད་མ།། སྟོང་པ་ཉིད་ལ་མངོན་དུ་ཕྱོགས། ། འདི་ལྟ་སྟེ། རྣལ་འབྱོར་མ་གཅིག་པུ་གྲུབ་མ་འདི་ནི་དཔག་པར་དཀའ་འོ།། འདི་ནི་དཔག་མི་དགོས།། འདི་ནི་རྩོལ་བས་གྲུབ་པའོ།། འདི་ནི་བརྩལ་བས་མི་འགྲུབ་པའོ།། འདི་ནི་བརྩལ་བས་མི་འགྲུབ་པའོ། ། འདི་ནི་ནོར་ཅན་རྣམས་ལ་ནོར་དུ་སྦྱིན་པར་ཁས་བླངས་པའོ།། ཏིང་ངེ་འཛིན་ཉིད་ཡོངས་སུ་རྫོགས་པའི་སྐུ།། བདག་ཉིད་གཅིག་པུ་རྣལ་འབྱོར་ནི།། དང་པོའི་འཁོར་ལ་བསྐོར་བར་འདོད། ། གསེར་ལས་བྱས་པའི་ཁྲི་ལ་འདུག་སྣ་ཚོགས་རྩིབས་བཞི་མཉམ་བཞག་སྟེ།། ལྟེ་བའི་དབུས་སུ་མངོན་པར་བཞག། ཀུན་ཏུ་སྦྱོར་བའི་ཡིག་འབྲི་ནི།། རྣམ་པར་སྣང་མཛད་ཀླད་པ་ལ།། སྣ་ལ་མི་བསྐྱོད་བཞུགས་པ་སྟེ། ། སྣང་མཐའ་ཡས་ནི་སྙིང་ལ་གནས། ལྟེ་བར་བསྒྲིལ་མར་རང་རྟགས་གཉིས།། བྷ་གར་བསྒྲིལ་མ་གཅིག་པུའི་བརྡ།། བྱིན་པ་ལ་ནི་གྲུབ་པའི་མཚན།། ཞབས་ལ་ལྕགས་ཀྱུ་རྣམ་པར་བསྣམས།། དཀྱིལ་འཁོར་ཀུན་ལ་རྣམ་པར་སྦྱོར། ། སྐུ་ནི་ཀུན་ཏུ་གཡོན་པ་དམར།། འཁོར་ལོ་འདོད་པའི་གཡས་པ་སེར།། འཁོར་ལོ་རྩིབས་དང་བཅས་པ་ལ།། རྣམ་པར་སྣང་མཛད་ལྔ་བཞག་པ།། ཁ་དོག་ཐམས་ཅད་རྣམ་བསྣམས་ནས། ཐམས་ཅད་བདག་གི་སྙིང་ལས་ནི།། སྐྱེ་བ་མེད་པའི་ངང་ལས་སྐྱེས།། ལྕེ་ལ་རྣམ་པར་སྣང་མཛད་ཅན།། དེ་ནས་རྩེ་གཅིག་བསྒྲུབས་པ་ཡིས།། ལྗགས་བརྡབས་པ་ལས་སྣང་མཛད་འཕྲོ།། དེ་བཞིན་ཁ་དོག་ལྔར་ལྡན་པས། ། སོ་སོའི་ཡི་གེ་རྣམས་ལ་ཐིམ།། དེ་ནས་འཁོར་ལོ་འཁོར་བ་ལས།། འོད་ཟེར་སྣང་ལྔས་ལས་ལྔ་བསྲེག། དེ་ཡི་འཁོར་ལོ་ཐོབ་པར་འགྱུར།། དེ་ཡི་རིག་པ་འཛིན་པ་ཡང།། བཅུ་གཅིག་གསང་སྔགས་འདི་ཡིས་བྱེད། ། དེ་ནས་དཔག་མེད་ཞིང་སྦྱོང་བའོ།། དོན་རྣམས་འདི་ཡིས་བྱེད་པར་འགྱུར།། གལ་ཏེ་རྡོ་རྗེ་འདོད་པ་ཡིས།། དེ་ལྟར་སྔར་འགྱུར་ཡི་གེ་ལ།། སྐུ་ནི་གཡས་པ་དེ་བཞིན་དཀར།། མཉམ་པའི་སྟེང་ན་རྡོ་རྗེ་ཅན། ། བཅུ་གཅིག་སྙིང་པོ་ཡང་དག་འབར།། ལྕེ་ལ་ཡང་རྡོ་རྗེ་སྙིང་པོ་ཡོད།། རྣམ་པར་བརྡབས་ན་འོད་ཟེར་ནི།། ཁ་དོག་སྣ་ཚོགས་རྡོ་རྗེ་ཐིམ།། འདི་ལྟར་གསོད་ན་འོད་ཟེར་ལྔས།། རྣམ་པ་ལྔ་པོ་མངོན་བཅོམ་ནས། ། རྡོ་རྗེའི་དེ་ཉིད་གྲུབ་འགྱུར་ཏེ།། དེ་ཡི་རིག་པ་འཛིན་པའོ།། ནམ་མཁའི་རྡོ་རྗེ་ཐོབ་ནས་ཀྱང།། ནམ་མཁའི་དཀྱིལ་འཁོར་སྐྱོང་མཛད་མ།། བཅུ་གཅིག་གསང་སྔགས་འདི་ལས་འབྱུང། དེ་ནས་རིན་ཆེན་ལྟ་བུ་ཡི། ། རིན་ཆེན་འབར་བའི་མཆོད་འདོད་པས།། སྐུ་ནི་རྣལ་འབྱོར་ཕྱེད་ཀྱང་སྔོ།། ཞི་བའི་ཡི་གེ་ཁ་དོག་ལྔ།། ཡི་གེ་རིན་ཆེན་རྩེ་ལ་འབར།། མཉམ་གཞག་དབུས་སུ་འབར་པའོ།། ཞི་བའི་གསང་སྔགས་སྔོན་པོ་ནི། ། རིན་ཆེན་ལྕེ་ལ་རྣམ་པར་གནས།། རིན་ཆེན་བརྡབས་པས་བཟླས་པ་ཡིན།། རིན་ཆེན་ཁ་དོག་ལྔ་པ་ཡིས།། དེ་བཞིན་འཕྲོས་དང་ཞིང་སྦྱོང་བའི།། འོད་ཟེར་ལྔ་ཡིས་བྱེད་པར་འགྱུར།། དེ་དག་འབར་ཞིང་ནམ་མཁའ་འདྲ། ནམ་མཁའ་རིན་ཆེན་དེས་ཐོབ་ནས།། རིན་ཆེན་ལྟ་བུར་མཁའ་ལ་གསལ།། རིན་ཆེན་ཐིག་པས་གཞན་ཡང་ཚིམ།། དེ་ཡི་རིགས་འཛིན་འདོད་པ་མཉེས།། སྣ་ཚོགས་རིན་ཆེན་ཐོབ་པའོ།། བཅུ་གཅིག་གསང་སྔགས་ཉིད་ལས་འབྱུང། ། ཇི་ལྟར་པདྨ་སྤོར་འདོད་པས།། སྐུ་ཡི་ཕྱེད་ནི་གཡས་ཀྱང་དམར།། སྣ་ཚོགས་པདྨའི་རིགས་འཛིན་ཉིད།། སྣ་ཚོགས་ཁ་ཡི་པདྨ་ལས།། སྣ་ཚོགས་ནམ་མཁའ་ཉིད་དུ་འགྱུར། ། སྣ་ཚོགས་རྒྱ་གྲམ་བརྟན་འདོད་པས། སྐུ་ཡི་གཡས་པ་ཕྱེད་ལྗང་སྟེ།། ལྟེ་བའི་སྟེང་དུ་མཉམ་གཞག་པས།། སྣ་ཚོགས་རྡོ་རྗེ་ལག་གི་སྟེ།། ལྕེ་ལ་སྣ་ཚོགས་སྙིང་པོར་ལྡན།། ཡི་གེ་རྣམ་པ་ལྔ་ལྡན་པ།། སྣ་ཚོགས་རྡོ་རྗེའི་སྟེང་ན་འབར། ། སྣ་ཚོགས་རྡོ་རྗེའི་ལྕེ་བརྡབས་པས། སྣ་ཚོགས་རྡོ་རྗེ་ཉིད་ལ་བསྐུལ།། སྣ་ཚོགས་རྡོ་རྗེ་ཉིད་ཀྱིས་ནི།། ནམ་མཁའི་འཇིག་རྟེན་རྣམ་པར་སྦྱོར།། སྣ་ཚོགས་རྒྱ་གྲམ་བཟླས་པ་ཡིས།། སྣ་ཚོགས་རྒྱ་གྲམ་མཉེས་པར་འགྱུར། ། དེ་ཡི་རིགས་འཛིན་དེ་ཉིད་ཀྱིས།། སྣ་ཚོགས་ནམ་མཁའི་རྒྱ་གྲམ་གཉིས།། དེ་ནས་རྣལ་འབྱོར་དམ་པ་ཡིས།། སྣ་ཚོགས་མཆོད་རྟེན་འདོད་པ་ཡིས།། སྐུ་ནི་གཡས་པ་དེ་བཞིན་དཀར། ། མཉམ་གཞག་སྟེང་ན་མཆོད་རྟེན་ཅན།། གཞལ་ཡས་ཁང་གི་སྙིང་པོ་ཡོད།། ལྔའི་ཁ་དོག་ཕྱོགས་བཞི་དབུས། དེ་བཞིན་ལྕེ་ལ་ཡང་དག་གནས།། སྦྱོར་བ་འདུས་པའི་རིགས་པ་འཛིན།། བརྡབས་པའི་སྦྱོར་བའི་བཟླས་པ་ཡིས། ། སྣ་ཚོགས་མཆོད་རྟེན་བཟླས་པ་སྟེ།། བཅུ་གཅིག་གསང་སྔགས་ལས་གྲུབ་པ།། སྣ་ཚོགས་ནམ་མཁའི་མཆོད་རྟེན་འཐོར། ཡང་དག་མཁས་པ་དཔའ་བོ་ཡིས།། སྣ་ཚོགས་ཆོས་ཀྱི་འབྱུང་གནས་ཉིད། ། སྦྱོར་བར་ནུས་ན་ལས་འདི་ནི།། མཉམ་གཞིག་སྟེང་ན་ཆོས་འབྱུང་གནས།། དཀར་ལ་ཞི་བ་ནམ་མཁའ་འདྲ།། ཡི་གེ་མེད་པའི་ཁ་དོག་ཅིག།། བཟླས་པར་བྱ་བ་མ་ཡིན་ཏེ།། སྐུ་ཉིད་ཡོངས་སུ་ཞུ་བ་ལས། ། མཚན་དང་ཡི་གེ་གཞན་ན་མེད།། གཟུགས་དང་སྤྲོས་པ་ཀུན་ལས་འདས།། ཤིན་ཏུ་བལྟས་པའི་ཆོས་ཀྱིས་སྦྱོར།། དཔལ་ལྡན་གཅིག་པུ་གྲུབ་པ་ཡིས།། འདི་ནི་རང་བཞིན་གཞལ་ཡས་ཁང།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས། རྣལ་འབྱོར་མ་ཆེན་པོ་གཅིག་པུ་གྲུབ་པའི་གསང་སྔགས་བཅུ་གཅིག་པའི་ཡོངས་སུ་སྦྱོར་བ་བདུན་པ་སྟེ་ལེའུ་བཅུ་པའོ།།།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང། ། གསུང་དང།། ཐུགས་རྡོ་རྗེ་རྣམས་ལས། སྲིན་མོ་ཆེན་མོའི་དཀྱིལ་འཁོར་ཁ་ཊྭཾ་ཁ་ཡོངས་སུ་འཛིན་པར་སྦྱོར་བའི་གསང་སྔགས་ཡི་གེ་བཅཱ་ལྔ་པ་འདི་བྱིན་གྱིས་བརླབས་ཏེ་གསུངས་སོ། ། དང་པོར་རྣམ་པར་སྣང་མཛད་ཅན།། གཉིས་པ་སྣང་བ་འཐའ་ཡས་འཛིན།། རྡོ་རྗེ་སྙིང་པོ་གསུམ་པ་སྟེ།། དྲུག་པའི་གསུམ་པ་དེ་བཞིན་ཏེ།། བདུན་པའི་ལྔ་པ་རྣམ་པར་ལྡན།། གཅིག་པའི་དང་པོ་དབྱངས་ཡིག་དགུ། ། དྲུག་པའི་གསུམ་པ་དེ་བཞིན་ལྡན།། བཞི་པའི་དང་པོ་དབྱངས་ཡིག་གསུམ།། བདུན་པའི་དང་པོ་དེ་ཉིད་ནི།། དྲུག་པའི་གཉིས་པ་འོག་དང་ལྡན།། དྲུག་པའི་གསུམ་པ་དབྱངས་ཡིག་གསུམ། །། གཅིག་པའི་གཉིས་པ་དེ་བཞིན་ཏེ།། བཞི་པའི་དང་པོ་དབྱངས་ཡིག་དགུ། གཅིག་པའི་ལྔ་པ་ཉིད་དང་གྲོགས།། དེ་བཞིན་གཅིག་པའི་གཉིས་པ་ཅན།། གཉིས་པའི་གསུམ་པ་ཉིད་དང་ལྡན། ། བདུན་པའི་བཞི་པ་དབྱངས་ཡིག་དྲུག། གཅིག་པའི་ལྔ་པ་དང་པོར་བཞག། འཇིག་རྟེན་དྲེགས་པའི་དངོས་གྲུབ་ཀྱང།། གསང་སྔགས་བཅཱ་ལྔ་བསྡུས་ན་འགྲུབ།། དེ་ནས་དེ་ཡི་ཆོ་ག་ནི།། ཁ་ཊྭཱཾ་རྣམ་པར་བཀོད་པ་ཡི། ། སྦྱོར་བ་ཀུན་གྱི་དཀྱིལ་འཁོར་ཡོད།། དཀྱིལ་འཁོར་རེ་མིག་བཅུ་བཞི་ལ།། དབུས་ན་སྲིན་མོ་ཡབ་ཡུམ་འཁྲིལ།། བཅུ་བདུན་སྲིན་མོའི་འདུགས་ནི།། རེ་མིག་ཀུན་ཀ་ཁ་ཊྭཱཾ་ཁ།། རྣམ་པར་མཛེས་པར་བྲིས་པ་ཡིན། ། དེ་ནས་སེང་ལྡེང་ཁ་ཊྭཱཾ་ཁ།། ཡུ་བ་བཟང་པོས་བྱས་ན་ནི།། བུན་མཛེའི་མཐོད་སོ་ཡང་བཟང།། སོ་རྣམས་ལ་ནི་སྔགས་རྣམས་དགོད།། བཟང་པོ་ཕན་མེད་གཡས་ན་ཐོགས།། གཡོན་ན་ཐོད་པའི་ནང་ན་ནི། ། ཁྲག་སྣ་མང་པོ་དེར་བླུག་ལ།། དཔའ་པོ་ཉིད་ཀྱི་གཡོན་ན་ཐོགས།། ཁ་ཊྭཱཾ་བཟང་པོར་རྩི་བ་ནི།། སྲིན་མོ་སོ་སོའི་མིང་དང་ལྡན།། འདི་ལྟར་དཔའ་པོས་དཀྱིལ་འཁོར་དང།། དུར་ཁྲོད་འགྲོ་ཞིང་མི་ཤ་བཟའ། ། ཁྲག་སྣ་མང་པོའི་གཏོར་མ་གཏོང།། རྣལ་འབྱོར་མ་ཡི་དམ་ཚིག་ནི།། གཅེར་བུར་ཕྱུང་ནས་ཐལ་བས་བྱུག། ཐོར་མཆོག་བརྐྱང་ནས་ཁ་ཏྲཾ་གསོར།། ཐོད་པའི་ཁྲག་ཆེན་རབ་གཏོར་ཞིང།། དཀྱིལ་འཁོར་བསྐོར་ལ་རྟག་ཏུ་དགའ། རྩེ་གཅིག་སེམས་མཐུན་གྲོགས་མོ་ནི།། ཡོན་ཏན་ཤེས་པ་དེ་དང་བསྡེབས།། གཡས་པ་གཡོན་ནས་གང་བསྐོར་བ།། གང་དུ་ཕྲད་པའི་ས་ཕྱོགས་སུ།། རྣམ་པར་འཁྱུད་ཅིང་འོ་ཡང་བྱེད། ། སྔགས་པས་སྲིན་པོ་ལྟ་བུར་དཔའ།། མིང་ནས་ཕྱུང་ཤ་ཁྲར་གིས།། གཏོར་མ་འཁོར་ལ་དུས་བཞིར་སྟེར།། གསང་སྔགས་ཉིད་ལ་རྣམ་པར་བརྩོན།། འབུམ་མམ་བྱེ་བར་བཟླས་ཁ་སྦྱོར།། དེ་ཚེ་འཁོར་གྱི་ཤ་ཟ་མོ། ། སྲིན་མོ་ཁྲག་འཐུང་ཆེན་མོ་རྣམས།། བདག་གི་གྲལ་དུ་འདུ་བར་འགྱུར།། འཇིགས་པར་གྱུར་ན་རང་སྲོག་གཅོད།། ཁྱེད་རྣམས་འདི་ལ་ཇི་བཞིན་སྦྱོར།། དེ་ལ་དེ་སྐད་བསྟན་པར་ཤིས།། སྲིན་མོ་ཁྱེད་ཀྱི་མིང་གང་ཡིན། ། ང་ནི་མི་ཡི་རོ་ལ་ཟ།། དེ་ནས་མིང་སྨྲས་དེ་གཟུང་ནས།། དེ་ཡི་གསང་བའི་མིང་ཡང་གཟུང།། ཁ་ཊྭཱཾ་གསོར་ནས་ལས་རྣམས་བྱེད།། གང་དུ་བཏབ་དང་གང་དུ་བཙུགས།། གང་བསྐོར་གང་དང་གང་དུ་བལྟས། ། གང་དུ་བོས་པའི་བཅོལ་བ་དག། སྲིན་མོ་འདི་དང་གསང་སྔགས་འདི།། ཁ་ཊྭཱཾ་འདི་དག་རྣམས་ལས་བྱུང།། སྦྱོར་བ་གཞན་ཡང་གཟུང་བྱ་སྟེ།། དཀྱིལ་འཁོར་བསྐོར་པའི་བཟླས་པ་ཡིས།། ཁ་ཊྭཱཾ་རྩ་བར་སྲིན་མོའི་མིང། ། གང་གི་ཁ་ཏྲཾ་འགུལ་དེ། དེ་མིང་ལ་བྲི། ཁ་ཊྭཱཾ་འགུལ་བ་དེ་ཉིད་དུ།། འགུལ་བའི་ས་དེ་བླངས་ནས་ནི།། དངོས་གྲུབ་མང་དུ་འབྱུང་བའོ།། འགུལ་པའི་ས་དེ་བླངས་ནས་ནི།། དེ་བཞིན་གང་གི་མིང་ཡང་གདགས། ། མིང་ལ་དེ་ཡིས་རབ་བསྐུལ་ན།། དེ་ཡི་ཇི་ཙམ་མཐོང་བ་ཡིས།། གཟུགས་མཐོང་བ་ཡང་དུས་འདིར་འགྱུར།། ས་དེ་བླངས་ནས་མཆོད་རྟེན་བྱས།། རྒྱལ་པོའི་མིང་དེ་རབ་མནན་ན། ། རྒྱལ་པོའི་ལོངས་སྤྱོད་དབང་དུ་འགྱུར།། འཕེལ་བར་འདོད་ན་ཕྱུང་ནས་ཀྱང།། སྲིན་མོ་ལ་ནི་ཚིག་གིས་བསྐུལ།། ས་དེ་ཁྱེར་ནས་རྒྱ་མཚོའི་འགྲམ།། སྲིན་མོའི་མིང་ནས་བསྐུལ་ལ་ནི།། ས་དེ་རྒྱ་མཚོའི་ནང་དུ་གདབས། ། ཡིད་བཞིན་ནོར་བུ་འདོད་ཅེས་བྱས།། དེ་ནས་དཀྱིལ་འཁོར་ཆེར་བྱས་ཏེ།། སྔ་མའི་བེ་ཅོན་མིང་གི་སར།། ས་དང་བེ་ཅོན་འགུལ་པར་འགྱུར།། དེ་ཡི་ཚེ་ནས་འོག་ནས།། ནོར་བུ་རབ་ཏུ་བཟང་པོ་འབྱུང། ། བདག་ཉིད་ཅི་དགའ་ལོངས་སྤྱོད་པའི།། དཀྱིལ་འཁོར་ཕུན་སུམ་ཚོགས་པར་འགྱུར།། གཞན་ཡང་སྲིན་པོའི་དངོས་གྲུབ་ཡོད།། དུར་ཁྲོད་ཆེན་པོར་སོང་ནས་ནི།། མི་རོ་མང་པོ་བསྡུས་ནས་བརྩིག། མི་རོ་འགྲེང་བའི་སྤྱི་བོར་གནས། ། ཁ་ཊྭཱཾ་ཐོགས་པའི་ཐོད་པ་ཅན།། སྲིན་མོ་ཉིད་ཀྱིས་བདག་བསྐོར།། བདག་ཉིད་ཕྱག་རྒྱ་ལྔ་དང་ལྡན།། ཐོད་པའི་སིལ་སྙན་ཁ་ཊྭཱཾ་འཁྲོལ།། བསྒོམ་དང་བཟླས་ལ་དགའ་བ་དང།། མཚན་མོ་ཕྱེད་ན་སྲིན་པོ་ནི། ། ཁ་ཊྭཱཾ་དཀྲོལ་ཞིང་འོང་བར་བྱེད།། དེ་ལ་འཇིགས་པ་མེད་པར་ནི།། ཡན་ལག་གར་ནི་འཁོར་ལོ་འདྲ།། ཧཱུ~ཾ་གི་གླུ་ཡང་དག་འབར་ལེན།། དེ་ནས་སྲིན་པོ་དཔའ་བོ་ཡིས།། རང་གི་ཁ་ཊྭཱཾ་སྟེར་བར་བྱེད། ། དེ་བཞིན་སྔགས་པས་རྣམ་པར་གཟུང།། དེ་ནས་སྲིན་པོའི་མིང་ཡང་ནི།། སོ་སོའི་ནང་དུ་བྲི་བར་བྱ།། གང་དག་འདོད་པའི་ཕྱོགས་སུ།། ཁ་ཊྭཱཾ་དཀྲོལ་ཞིང་འདོད་པའི་མིང།། མིང་ནས་སྨོས་ན་གང་ཡང་གྲུབ། ། མཚན་མོ་བགེགས་ཆེན་མ་ལུས་འདུས།། རྣམ་པར་འཇིགས་པར་སྒྲོགས་པའི་ཚེ།། དཔའ་བོ་ཡབ་ཡུམ་དྲན་བྱས་ནས།། ཁ་ཊྭཱཾ་དཀྲོལ་ཞིང་བལྟས་ན་ནི།། ཅི་ཡི་ཡོན་ཏན་གསུངས་འདི་ནི།། བརྗོད་པ་འགག་མེད་ནམ་མཁའ་འདྲ། ། དུར་ཁྲོད་རྣམས་སུ་འགྲོ་བ་ན།། མ་མོ་སྡུད་པར་བྱེད་པའོ།། འབྱུང་པོ་སྐྲག་པར་འདོད་པ་དང།། གསང་སྔགས་རྣམས་ཀྱི་སྤྱོད་པ་དང།། འཇིག་རྟེན་དངོས་གྲུབ་ཐོབ་འདོད་པས། སྲིན་མོ་ཀྲོ་དྷི་ཤྭ་རི་ཡི། ། ཕྱག་མཚན་འདི་ལ་བསྟན་པར་བྱ།། དཔལ་དངོས་འགྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པ་ལས།། སྲིན་མོ་ཆེན་མོའི་དཔའ་མཚན་ཁ་ཊྭཱཾ་ཡོངས་སུ་འཛིན་པའི་སྦྱོར་བ་གསུམ་པ་སྟེ་ལེའུ་བཅུ་གཅིག་པའོ། །།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང།། གསུང་དང།། ཐུགས་རྡོ་རྗེ་རྣམས་ལས་ནི།། བོང་བུ་ཞོན་པ་རྗེ་མོ་དང།། དཔོན་མོ་ཞེས་བྱ་བ་འཇིག་རྟེན་གྱི་ཁམས་ཡོངས་སུ་རྐང་པས་གནོན་པ། ། དགུ་ཚིགས་ཀྱི་རྐང་པ་ཅན་ཞེས་བྱ་བ་ཡོད་པས་གསང་སྔགས་འདི་གསུངས་སོ།། འདི་དག་ནི་འཁོར་ལོ་རྩིབས་བཅུ་པ་རྣམ་པར་བགྲོད་པ།། དེ་དག་ནི་ཟུར་གསུམ་པའི་ནང་དུ་འདུས་པ་དེ་དག་ནི། ། ཁམ་བུ་དྲུག་པའི་ནང་དུ་འདུས་པར་འགྱུར་པའི་དཀྱིལ་འཁརོ་བསྒོམ་པ་དང།། གནན་པ་དང་སྤར་བར་བྱ་བའོ།། ལྔ་པའི་ལྔ་པ་གཉིས་སུ་ལྡན།། གཉིས་པའི་དང་པོ་དབྱངས་ཡིག་གསུམ། ། ལྔ་པའི་ལྔ་པ་དབྱངས་ཡིག་དགུ།། གཉིས་པའི་དང་པོ་དབྱངས་ཡིག་གསུམ།། བཞི་པའི་དང་པོ་དབྱངས་ཡིག་གསུམ།། དེ་ཉིད་གཉིས་སུ་ཡང་དག་སྦྱར།། དེ་ནས་ལྔ་པའི་ལྔ་པ་ཅན།། དེ་བཞིན་དྲུག་པའི་གསུམ་པར་ལྡན། ། བདུན་པའི་བཞི་པ་དབྱངས་ཡིག་དྲུག།། དང་པོ་ལྔ་པ་མགོ་ལ་ཡོད།། གཉིས་པའི་གསུམ་པ་གཉིས་དང་ལྡན།། སྔར་བསྟན་དཀྱིལ་འཁོར་རབགསལ་ལ།། འདི་ནི་སྒོ་མེད་འཇིགས་པའི་ཁང། ། དཀྱིལ་འཁོར་ནང་གི་མུ་ཁྱུད་ལ། རྗེ་མོ་བོང་ཞོན་ལྗང་ཁུའི་སྐུ།། ཉི་ཤུ་རྩ་གཅིག་འཇིག་རྟེན་གྱི།། སྟེང་ན་སྣ་ཚོགས་རྡོ་རྗེ་ཅན།། འོག་ན་རྡོ་རྗེའི་གདན་ཡང་ཡོད།། ཕྱག་གཉིས་དག་གིས་རྣམ་པར་འཛིན། ། ལྗང་ཁུ་བོང་བུ་རྐང་པ་གསུམ།། སྐར་མ་དགུ་ཡི་འཁོར་ལོ་ཅན།། གཙོ་བོ་བོང་བུ་ནག་མོ་ཞོན།། ཁ་དོག་ནག་མོ་རལ་བ་ཅན།། འཇིགས་པའི་མཆེ་བ་མིག་ཀྱང་གསུམ།། དེ་བཞིན་རྐང་པ་གསུམ་པ་ལ། ། སྐར་མ་དགུ་ཡི་འཁོར་ལོ་ཅན།། གཡས་ན་ལྕགས་ཀྱུ་འཁོར་ལོ་བསྣམས།། གཡོན་ན་རི་རབ་ངེས་པར་འཛིན།། སྔོན་དུ་བསྟན་པའི་རྗེ་མོ་དང།། ཕྱི་ནས་ཡིག་འབྲུའི་གཙོ་མོ་ཡིན།། གདན་ཁྲི་དག་ཀྱང་དེ་བཞིན་ནོ། མ་གཉིས་ས་བོན་དབུས་བཞག་སྟེ།། བཅུ་ནི་འཁོར་ལོ་ཉིད་ལའོ།། དེ་ཡི་ཕྱི་རོལ་ཟུར་གསུམ་པ།། སྐར་མ་གསུམ་གྱི་ཁང་པ་བསྒྲུབ།། དཀར་དང་སེར་དང་དམར་བའི་མདོག།། དེ་ཡི་ཕྱི་ཁྱམས་ཁང་པ་དྲུག། ། སྐར་མ་དྲུག་གི་ཁང་པ་ནི།། དཀར་དང་སེར་དང་དམར་བའོ།། སྤུ་གྲི་ལྟ་བུའི་རྣམ་པ་ཡིན།། ཟུར་གསུམ་ཐོད་པའི་རྩིག་པ་ཅན།། ཟུར་ལ་ཐོད་པ་བཞི་ཡིས་བརྒྱན།། ཁམ་བུ་དྲུག་ལ་རྡོ་རྗེའི་འཕྲེང།། རྒྱ་གྲམ་རྣམ་པ་བཅུ་གཉིས་ཅན། ། འདི་དག་བསྒྲུབ་པའི་དཀྱིལ་འཁོར་ཡིན།། འཇིག་རྟེན་ཡོངས་ཀྱི་རྗེ་མོ་དང།། བསྐལ་པ་འཁྲུག་པའི་གཙོ་མོ་ཡིན།། རྣམ་པར་གནོད་པ་མཛད་པའི་རི།། ཟད་པ་མཛད་པའི་དབྱིངས་མཆོག་མ། ། ཟླ་གམ་དཀར་ནག་སྟེང་དུ་འདུག། མཚོན་པའི་འཁོར་ལོ་རྣམ་པར་བསྐོར།། དགུ་ཚིག་རྐང་གིས་རྣམ་པར་འདེགས།། གཙོ་མོ་བསྟན་པར་བྱས་པ་ནི།། འདི་ཡིས་འཇིག་རྟེན་གནོན་པར་ནུས།། འདི་དག་ལ་ནི་སྒྲུབ་པ་དང། ། བསྙེན་པ་མང་དུ་ཡང་དག་བསམ།། དུས་ལ་བབ་པའི་ལས་མཆོག་ནི།། ཁམ་པ་ས་ལ་ཡང་དག་བསྒྲུབ།། འོག་གི་རྒྱ་ཁྱོན་ཅི་རིགས་པར།། ཁང་བུ་ཉིད་ལ་སོར་མོ་ནི།། ཟུར་གསུམ་འདི་ལྟར་སོར་བཞི་སྟེ། ། འཁོར་ལོ་མུ་ཁྱུད་སོར་བཞིས་འཕགས།། དེ་བཞིན་འཁོར་ལོ་སོར་བཞི་མཐོ།། གང་གིས་མུ་ཁྱུད་དཀར་པོས་མཛེས་པའོ།། འདི་ལྟར་ལྟེ་བ་སོར་བཞི་པའོ།། འདས་པ་རྣམས་ལ་ཁྲུ་གང་ཚད།། དེ་ལྟར་དེ་ཡི་རིམ་པ་ལ། ། ལྟེ་བ་ཉིད་ལ་མ་ཞེས་པའི།། རྣམ་པར་བརྒྱན་པའི་འཕྲེང་བས་བསྐོར།། བྷྱེ་ཞེས་མུ་ཁྱུད་རྣམ་པར་བརྒྱན།། ཀརྨ་ཙཀྲས་རྣམ་པར་བརྒྱན།། འཁོར་ལོའི་ལྕེ་ལ་རྣམ་པར་བརྒྱན།། མུ་ཁྱུད་ལཾ་ཞེས་རྣམ་པ་བརྒྱད། ། ཟུར་གསུམ་ནན་ཞེས་རྣམ་པར་བརྒྱན།། ཁང་བུ་ལ་ནི་རྣམ་པར་བརྒྱན།། ཁྱད་པར་གང་གི་མིང་དང་བཅས།། ཉི་ཤུ་བཞིའི་ཁྲུ་ལ་ནི།། བཅུ་གཅིག་སྔགས་ཀྱི་འཕྲེང་བ་བཀོད།། བསྐུལ་ཚིག་དག་དང་གང་དག་གིས། ། རྣམ་པར་སྦྱར་ན་གདོན་མི་ཟ།། གང་དག་གནན་པར་འདོད་པ་ལ།། སྦྱོར་བ་འདི་ནི་རབ་ཏུ་བསྔགས།། སྔགས་དང་སྙིང་རྗེ་ཆེར་ལྡན་ཅིང།། བདག་ཉིད་བདེ་བར་འདོད་པ་ཡིས།། གྲུབ་ན་མྱུར་དུ་ཕན་པར་བྱ། ། མྱུར་དུ་གྲུབ་ན་མི་ཕན་པ།། སྔགས་པ་ན་རག་ཁྱིམ་དུ་འགྲོ།། བྲ་ཉེ་དབང་པའི་ཉིན་མཚན་དུས།། མེ་ཡི་ནང་དུ་ཞོ་བླུགས་ཏེ།། ཕྱོགས་མཚམས་བརྒྱད་དུ་རྣམ་པར་བཞག། འབྲུ་དང་ཏིལ་གྱི་ཕུང་པོ་ནི། ། ལྷོ་ཕྱོགས་ཉིད་དུ་སྤུང་བར་བྱ།། གང་དག་སྦྱིར་གནས་ལྷོ་ཕྱོགས་སུ།། གནན་པའི་ལས་ནི་རྒྱ་ཆེར་བཤད།། སོ་སོའི་ལས་རྣམས་གྲུབ་པ་ནི།། ཕྱོགས་ཕྱོགས་རྣམས་སུ་བྱ་བའོ།། འདི་ནི་རྣམ་པར་གནོན་པ་ནི། ། དམ་རྫས་འཆང་བའི་མཛེས་པ་ཡིས།། གནས་དེ་བསྲེགས་ནས་བྱས་པ་ཡི།། རི་རབ་གཟུགས་སུ་རབ་གསལ་བ།། བྱས་ཏེ་སྟེང་ནས་ཡང་དག་གནན།། གལ་ཏེ་རྒྱལ་པོ་གསང་འདོད་ན།། བྲ་ཉེ་དབང་པའི་ཉིན་མཚན་ལ། ། ཤར་ཕྱོགས་ཉིད་དུ་ཡང་དག་གནན།། འདབ་མ་ཅན་གྱི་མགོ་བོ་སྲེག་རྒྱལ་པོའི་བཙུན་མོ་ནུབ་ཕྱོགས་སུ།། གླང་ཆེན་མགོ་ལ་བསྲེགས་ཏེ་གནན། དམངས་ཀྱི་སྨད་གནན་པ་ནི།། ཉ་མགོ་བསྲེགས་པས་ཤར་ལྷོ་རོ། ། ཤུ་མོ་གནེན་ན་རི་བོང་གི་མགོ་བསྲེགས་བྱང་ཤར་མཚམས་སུའོ།། གང་ཞིག་བློན་པོ་གནོན་པ་ཡིས།། རྟ་ཡི་མགོ་བོ་བསྲེགས་པ་ཡིས།། ལྷོ་ནུས་མཚམས་སུ་གནན་པར་བྱ།། བརྡ་ལ་རྟེན་པ་ཉམས་འདོད་ཀྱིས། ། ཤ་བའི་མགོ་བསྲེགས་ལྷོ་ནུབ་གནན།། འདི་དང་དམ་པ་ལ་གནོད་པ།། ར་མགོ་བསྲེགས་པས་ཤར་ལྷོར་གནན།། མི་རྣམ་གདོན་གྱིས་ཟིན་པ་ལ།། གླང་མགོ་བསྲེགས་པས་ལྷོ་ཕྱོགས་གནན།། གནོད་པར་བྱེད་པའི་ཀླུ་གནན་པ། ། སྤྲེའུ+ི་མགོ་བསྲེགས་ནུབ་ཏུའོ།། གནོད་སྤྱིན་གནོད་ན་སྲེ་མོང་གི། མགོ་བསྲེགས་བྱང་ཕྱོགས་ཉིད་དུའོ།། མ་མོ་གནོད་པ་གནོན་འདོད་ན། ལྷོ་ནུབ་མཚམས་སུ་ཁྱི་ཡི་མགོ། ནད་ཀྱི་ཡུལ་ཁམས་གནོད་པ་ན། གནན་པ་ཕག་པའི་མགོ་ལ་ཤར། ནོན་རྣམས་འདོད་པའི་གནོད་པ་ནི། བྱ་རྒོད་མགོ་ལ་བྱང་ཕྱོགས་གནན།། ཡུལ་ཁམས་ཆེན་པོ་གནོན་འདོད་པས། བྱ་རྒོད་ཆེན་པོའི་མགོ་བོ་ལ།། གྲོང་ཁྱེར་གང་ཡིན་ཕྱོགས་སུའོ། ། ཞིང་དང་ཡུལ་ཁམས་རྔ་མོའི་གོས།། གནོད་དང་མནན་ན་གསང་སྔགས་ཤར།། ནུབ་ཀྱི་རོ་བོང་ལུག་གི་མགོ།། ངག་རྣམས་གནན་པར་འདོད་པ་ཡིས།། བྱ་གག་ཉིད་ལ་རྣམ་པར་གནན།། མེ་ཡིས་ཚིག་པར་འདོད་པ་ཡིས། ། རོ་བསྲེགས་ཤུལ་དུ་གནན་པ་བྱ།། ཆུ་ཡི་ནང་དུ་ཆུ་དཀར་པོ།། རི་ལ་ལྷུན་པོར་འདོད་པ་ཡིས།། གད་པའི་ཁ་ལ་རྣམ་པར་བཞག། འདི་དག་རྣམས་ནི་སྦྱོར་བ་མང།། གནོན་པ་ཆེན་པོའི་རི་རབ་ཡིན། ། གཅེར་བུ་ཐལ་བས་བསྐུས་ནས་ནི།། ས་གཞི་བསྐོར་ཞིང་ཁ་ཊྭཱཾ་དཀྲོལ།། ཕྱོགས་དང་རྫས་རྣམས་ཇི་བཞིན་སྦྱར།། བཅུ་གཉིས་སྔགས་པ་དཔའ་བོ་དང།། བཅུ་གཅིག་སྦྱོར་བར་ཤེས་པ་དང། ། འོག་ཏུ་གང་འདོད་བྲིས་བྱས་ན།། ཐམས་ཅད་བརླག་པར་འདི་ཡིས་ནུས།། གང་དུ་གནོད་པ་སྣང་བ་དང།། ཤི་བའི་སེམས་ཀྱིས་ཡང་དག་བླངས།། རྣམ་པར་བཤིག་པའི་མཆོད་རྟེན་ནི།། གཙང་མ་དཀར་པོས་མཆོད་པ་དབུལ། ། ཤར་ཕྱོགས་ཉིད་དུ་ཡང་དག་བཞག། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། བོང་བུ་ཞོན་པའི་གཙོ་མོ་རྗེ་མོ་གསང་སྔགས་བཅུ་གཉིས་བྱིན་གྱིས་བརླབས་པ། ། དགུ་ཚིག་རྐང་གིས་གནོན་པ་ཞེས་བྱ་སྟྭེ་ལེའུ་བཅུ་གཉིས་པའོ།།།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང།། གསུང་དང།། ཐུགས་རྡོ་རྗེ་རྣམས་ལས།། སྔགས་ཀྱི་འཁོར་ལོ་བཅུ་གཉིས་པ་རྣམ་པར་བཀོད་པ་ཞེས་བྱ་བའི་གསང་སྔགས་སུམ་ཅུ་པ་འདི་བྱིན་གྱིས་བརླབས་ཏེ་གསུངས་སོ། ། རྣམ་པར་སྣང་མཛད་དང་པོར་བཞག། དང་པོའི་གཉིས་པ་དེ་བཞིན་ཏེ།། ལྔ་པའི་ལྔ་པ་དབྱངས་ཡིག་ལྔ།། དེ་དང་བཞི་པའི་ལྔ་པར་ལྡན། ། གསུམ་པའི་དང་པོར་འོག་ན་ནི།། དྲུག་པའི་གསུམ་པ་རྣམ་པར་མཛེས།། ལྔ་པའི་དཀྱིལ་ནས་བླངས་པ་དང།། དེ་བཞིན་ལྔ་པའི་བཞི་པ་ཅན།། གསུམ་པའི་དབང་པོ་འོག་ལྡན་པ།། དྲུག་པའི་གསུམ་པ་ཡང་དག་ལྡན། ། བཞི་པའི་དང་པོ་འོག་ལྡན་པ།། དེ་བཞིན་དྲུག་པའི་གསུམ་པ་ཡིན།། དང་པོའི་གསུམ་ལས་བསྡུས་པའི་སྒྲ།། དྲུག་པའི་གསུམ་པའི་རྣམ་པ་ལ།། དང་པོའི་གསུམ་པ་ཡང་དག་ལྡན།། འདི་ལྟར་བདུན་པའི་ལྔ་པའོ། ། དྲུག་པའི་གསུམ་པ་ཉམས་སུ་སྦྱར།། དབྱངས་ཡིག་ལྔ་པ་གཉིས་དང་ལྡན།། དྲུག་པའི་གསུམ་པ་ཡང་བླངས་ཏེ།། དབྱངས་ཡིག་དགུ་པའི་རྣམ་པ་ཅན།། དེ་བཞིན་དྲུག་པའི་གསུམ་པ་ནི། ། རྣམ་པར་གྱུར་པའི་ང་རོ་ཅན།། བཅུ་གཉིས་པ་དང་ཡང་དག་ལྡན།། དེ་ནས་བདུན་པའི་གསུམ་པ་དང།། དྲུག་པའི་བཞི་པ་རྣམ་པར་འགྱུར།། དབྱངས་ཡིག་བཅུ་གཉིས་ལྔ་དང་ལྡན།། དེ་ནས་དང་པོའི་གཉིས་པ་ནི། ། དབྱངས་ཡིག་གཉིས་པ་ཉིད་དང་ལྡན།། དེ་ནས་བདུན་པའི་གསུམ་པ་དང།། དྲུག་པའི་བཞི་པ་རྣམ་པར་འགྱུར།། དབྱངས་ཡིག་གསུམ་པའི་རྣམ་པ་ཅན།། བཅུ་གཉིས་པ་དང་ཡང་དག་ལྡན།། དྲུག་པའི་གསུམ་པ་ཡང་དག་ལྡན། ། འདས་པའི་སྒྲ་ལྟར་རྣམ་པར་སྦྱར། ལྔ་པའི་ལྔ་པ་དབྱངས་ཡིག་ལྔ། བཞི་པའི་ལྔ་པ་ཉིད་དང་ལྡན། འདས་པ་བཞིན། དུ་བཞི་པ་ཡི། དང་པོ་ཉིད་ལ་སྦྱང་བར་བྱའོ།། བཞི་པའི་དབུ་མ་དབྱངས་ཡིག་ལྔ། དྲུག་པའི་གསུམ་པ་ཉིད་དང་ལྡན།། ལྔ་པའི་ལྔ་ལྔ་ཉིད་དང་ནི།། གསུམ་པའི་དང་པོ་དབྱངས་ཡིག་གསུམ།། དེ་བཞིན་ལྔ་པའི་ལྔ་པ་ཅན།། བཞི་པའི་གསུམ་པ་དབྱངས་ཡིག་དྲུག།། དང་པོའི་ལྔ་པ་རྣམ་པར་གྱུར། ། ལྔ་པའི་བཞི་པ་དབྱངས་ཡིག་བཅུ།། རྣམ་པར་བསྲིངས་པའི་ང་རོ་ཅན།། སུམ་ཅུ་ཆོས་ཀྱི་འཁོར་ལོ་ཡིན།། རྣམ་པར་འདོད་པའི་བཅུ་གཉིས་ཀྱི།། ཡོན་ཏན་ནོར་བུའི་རྒྱལ་མཚན་ནོ།། འདི་ལྟ་སྟེ། ། དཔལ་ཨརྱ་རེ་མ་ཏི་ཞེས་བྱ་བའི་གསང་སྔགས་ཡོངས་སུ་གྲུབ་པའི་རྣལ་འབྱོར་མ།། དཀའ་ཐུབ་ཀྱི་སྦྱོར་བ་རྣམ་པར་བརྟན་པ།། བརྟུལ་ཞུགས་ཀྱི་སྤྱོད་པ་ལ་ཆེར་གནས་པ།། རང་བཞིན་ཡོངས་སུ་དག་པའི་གཟུགས་འཆང་བ། ། འཇིག་རྟེན་གྱི་དྲེགས་པ་ཐམས་ཅད་ཀྱི་རྗེ་མོར་འགྱུར་བ།། འདི་ཚུལ་མཐུན་པ་དང།། གསང་སྔགས་ཀྱི་བརྟུལ་ཞུགས་གང་ན་སྤྱོད་པའི་ས་ཕྱོགས་སུ་དངོས་གྲུབ་ཐམས་ཅད་ཀྱི་ཚོགས་ཡོངས་སུ་འབེབས་པ་ཡོད་དེ། ། གསང་སྔགས་ཀྱི་བརྟུལ་ཞུགས་ལ་གནས་པའི་མ་མོ་རྣམས་ཀྱི་སྤྱོད་པ་དང་དུ་ལེན་ཅིང།། འདིའི་སྒོ་ནས་ཕན་པ་དང་གནོན་པར་སྦྱོར་བས་དངོས་གྲུབ་རྣམ་པར་འདོད་པའི་རྣལ་འབྱོར་པས། ། དང་པོ་སྐུ་ཡོངས་སུ་བསྟན་པའི་མདོས་ཞེས་བྱ་བ་བསྒྲུབ་སྟེ།། འཇིག་རྟེན་གྱི་ནི་བདག་ཆེན་མོ།། བྱང་ཕྱོགས་གནམ་གྱི་ཁང་སྟེངས་ནས།། ཁང་པ་བདུན་ལ་བུ་མོ་གཅིག། སྐུ་ནི་རྣམ་པར་འཇིག་ལ་གནག།། ཏྲི་ཤུལ་བོང་ཞོན་སྤྱན་གསུམ་མ། ། རལ་པའི་གསེབ་ནས་ཟླ་བ་འཆར།། ལྟེ་ནས་ཉི་མའི་འོད་ཟེར་སྡུད།། གནོད་སྤྱིན་མ་ཚོགས་ས་འཛིན་རྣམས།། མ་མོ་མཁར་འགྲོ་དུར་ཁྲོད་པ།། ཐ་དད་དབུ་སྐྲ་སྐུ་མདོག་དང།། མཆེ་བ་གཙིགས་པའི་ནུ་མ་ཅན། ། སྣ་ཚོགས་ཕྱག་རྒྱ་ཕྱག་མཚན་ཅན།། བོང་བུའི་དཀྱིལ་འཁོར་རྣམ་པར་བརྒྱན།། རིན་ཆེན་རྫས་ལས་རྣམ་པར་གྲུབ།། མཁའ་དང་སྤྲིན་ལས་རྣམ་ལྡང་བ།། རི་དང་ཤིང་དང་རྒྱ་མཚོ་དང། ། རྣམ་པར་གནོན་པའི་མ་མོ་རྣམས།། དཔལ་ལྡན་ལྟེ་བ་མན་ཆད་འཛིན།། སྤྱི་བོར་སྣ་ཚོགས་རྡོ་རྗེ་སྟེ།། མི་གཡོ་རྣམ་པར་སྣང་མཛད་འཛིན།། བདག་ཉིད་རུས་པའི་ཕྱག་རྒྱ་འཛིན།། རྣམ་པ་ལྔ་ལ་སོགས་པས་བརྒྱན། ། སྐུ་ནི་གདན་ཁྲི་ཡན་ལག་ལ།། བསོད་ནམས་རབ་ཀྱིས་བརྒྱད་ཅུ་ནི།། གྲུ་མོ་རྣམ་པར་གཅལ་བ་དང།། འབྲིང་གིས་མཐོ་བརྒྱད་སྦྱར་བ་དང།། ཐ་མས་ཀྱང་ནི་ཁྲུ་གང་དང།། ལྷ་ཡི་ཁང་པ་བརྩིག་པའམ། ། ཡང་ན་མིའི་བརྩིག་པའང་ཡང་ཤེས།། ཨོཾ་སརྦ་ཏ་ཐཱ་ག་ཏ་བུ་ངྔྷ་བཻ་རོ་ཙ་ན་མ་ཧཱ་ག་ཡ་བ་ལེ་རུ་རྩེ་ཧཾ།། རྣམ་པར་ཐར་པའི་ཕྱག་རྒྱའོ།། ཨོཾ་བཛྲ་ཌཱ་ཀི་ནཱི་ངྷ་ཡཱ། མ་མ་བྷྱོ།། རུ་པ་ཏི་སྟ་སརྦ་སིངྷ་ཨ་ཧཾ།། ལྟེ་བ་མན་ཆད་ཀྱི་ཕྱག་རྒྱའོ། ། ཨོཾ་ཡོ་གི་ནི་ཤྭ་རི།། སརྦ་སིངྔྷ་ན་མ་མ་ཧཱ་རུ་པ།། ངྷེ་པི་ཀ་ལི་ན་མོ་ཨ་ཧཾ། ཐམས་ཅད་ཀྱིས་དངོས་གྲུབ་བསྡུས་པ་སྟེ་བཟླས་པའོ།། བཛྲ་མ་ཧཱ་རུ་པ་དེ་བི་ནི།། བཛྲ་མུ་སརྦ་ཀཱ་ཡ་ཧོ། བཛྲ་མ་ཧཱ་ཨཱ་རྱ་རེ་མ་ཏི། ། བཛྲ་སརྦ་ཨ་ར་ལི་རུ་པ་ཨ་ཧཾ།། བཛྲ་མ་ཧཱ་ཀ་ལི་མ་མ་སརྦ་སིངྔྷི་པ་ར་མི་ན།། བཛྲ་ཀ་ལི་སརྦ་སི་ངྔྷི་མ་ཧཱ་སུ་ཁྲོ་ཧོ།། རྡོ་རྗེ་དབྱངས་དྲུག་རྣམ་སྒྲོགས་པ།། འཇིག་རྟེན་དྲུག་གི་གཙོ་མོ་སྟེ། ། མ་མོ་རྣམས་ཀྱི་རྗེ་མོ་ཉིད།། རྟག་ཏུ་མ་མོ་བསྐོར་ཤིང་མཆོད།། རབ་ཏུ་དཔའ་པའི་རྣལ་འབྱོར་སྦྲུལ།། དཔལ་ཨཱ་རྱ་རེ་མ་ཏིའི་དངོས་གྲུབ་འདོད་པས།། སྐུ་འདི་ཉིད་ཀྱིས་མདོས་པར་གྱུར་ཏེ།། མཆོད་པ་དང། ། མཆོད་པ་ཆེན་པོ་དང།། སྒོམ་པ་དང།། བཟླས་པ་དང།། འགྱིང་བ་ལྟ་བ་དང།། རྒོད་པ་དང།། རྒོད་པ་ཆེན་པོ་དང།། ཤིན་ཏུ་དགོད་པ་དང།། ཡང་དག་པར་དགོད་པ་དང།། རྣམ་པར་བསྐོར་བ་དང། ། དཀྲོལ་བ་དང།། འགུལ་བ་དང།། འཁྲིལ་བ་དང།། གར་ཐབས་དང།། འོ་བྱེད་པ་དང།། རྡོ་རྗེའི་རྩེ་འཇིབ་པ་དང།། རྡོ་རྗེ་སོར་བ་དང།། རྡོ་རྗེ་ཆེན་པོ་གསོར་བ་དང།། གཡོ་བ་མེད་པ་དང། ཤིན་ཏུ་གཡོ་བ་མེད་པ་དང། ། རྣམ་པར་རྟོག་པ་དང།། རྣམ་པར་རྟོག་པ་མེད་པ་དང།། དངོས་གྲུབ་སློབ་པ་དང།། དངོས་གྲུབ་སྟེར་བར་ཤེས་པས།། ཐམས་ཅད་ཚང་བར་ཤེས་ཏེ་འཇུ་བའོ།། མཁས་པའི་ཡན་ལག་ཅན།། བརྡ་རེ་ལ་ཡང་དོན་བཞི་ཡིས། ། ཟབ་མོ་ཉིད་དུ་སྟོན་པར་འགྱུར།། སྤྱོད་ལམ་རྩ་ལྔ་རྣམ་པར་སྦྱོད།། མཛེས་པའི་སྐུ་ལ་རྣམ་པར་གནས།། དུར་ཁྲོད་རྒྱུ་བའི་དཔའ་བོ་ལ།། ནམས་ཀྱང་དངོས་གྲུབ་རྣམ་པར་འབེབས། ། འཇིག་རྟེན་འདིར་ཡང་མཁའ་འགྲོ་དག། འཕགས་པ་རེ་མ་ཏི་ལྟ་བུར།། སྐུ་ནི་ཡང་དག་རྟེན་པར་འགྱུར།། ཐ་དད་མཆོད་པ་རྣམས་ཀྱིས་གྲུབ།། མ་མོ་རྣམས་དང་མངོན་དུ་རོལ།། དངོས་གྲུབ་ཐམས་ཅད་འདི་ལས་འབྱུང། ། དེ་ཡི་མིང་ནི་གཟུགས་ཞེས་བྱ།། དཔལ་ཨཱ་རྱ་རེ་མ་ཏིའི་སྐུ་ཡོངས་སུ་སྒྲུབ་པའི་མདོས་སོ།། དཔལ་ཨཱ་རྱ་རེ་མ་ཏི་ཡོངས་སུ་སྒྲུབ་པར་འདོད་པ་ནི།། འདི་ལྟ་སྟེ།། པདྨའི་འདབ་མ་ཆེན་པོའི་སྟེང་དུ་གེ་སར་ལ། ། དཔལ་ཨཱ་རྱ་རེ་མ་ཏིའི་སྐུ་བརྩིག་པར་བྱའོ།། དེ་དག་ཀྱང་ཁྲུ་གང་བར་བྱས་པ་ནི་གདན་ནོ།། ཁྲུ་གང་བར་བྱས་པ་ནི་སྐུའོ།། ཁྲུ་རྣམ་པ་གཉིས་དང་ལྡན་པ་ནི་དབྱིབས་སོ།། མདྨའི་མུ་ཁྱུད་ལ་ཆོས་ཀྱི་འཁོར་ལོ་སུམ་ཅུ་དགོད་པར་བྱའོ། ། པདྨའི་ཆེན་པོའི་གདན་སྟེངས་ན།། གནས་པ་གསུང་གི་ཕྱག་རྒྱ་ཡིན།། སྐུ་མདོག་དམར་མོ་ནུབ་ཏུ་བལྟས།། སྣ་ཚོགས་པདྨའི་གདན་སྟེངས་ན།། བོང་བུ་དམར་མོ་རྣམ་པར་ཞོན། ། སྣ་ཚོགས་པདྨའི་དབུ་རྒྱན་ཅན།། སྣང་བ་མཐའ་ཡས་ཡང་དག་འཛིན།། སྐུ་ནི་ལྟེ་བ་མན་ཆད་དུ།། དམར་མོ་ཁ་ཏྲཾ་དཀྲོལ་བ་ཡི།། མཁའ་འགྲོ་མ་མོ་འཁོར་གྱིས་བསྐོར།། བོང་བུ་མན་ཆད་དག་ལ་ཡང།། པི་ཝང་ལྡོར་རུའི་གླིང་བུ་དང། ། དྲིན་ཆེན་དཀྲོལ་པ་ལ་སོགས་གནས།། སྤྱན་གསུམ་དམར་མོ་ཐོར་ཚུགས་ཅན།། པདྨའི་མཆོད་པ་མང་པོས་མཆོད།། ཨོཾ་ཨ་མེ་ད་བ་ཏ་ཐཱ་ག་ཏ་ན་མ་བག་ཏི་སྟ་སྟཾ།། པདྨ་ཡོ་གི་ཤྭ་རི་ས་མ་ཡཱ། ། མ་ཧཱ་པདྨ་ཊཱ་ཀི་ནཱ་དི་ཡ་ཧཱུ~ཾ།། མ་ཧཱ་པདྨ་བག་ཏི་སྟ་སུ་ཀྲི་ཧོ།། པདྨ་མ་ཧཱ་ཛོ་གི་ནི་ཨ་ནན་ཏ་ཧཱུ~ཾ།། པདྨ་བག་མ་ཧཱ་པདྨ་སརྦ་སིངྔྷི་པདྨ་བག།། མ་ཧཱ་པ་ར་མི་ཤ་ཧཱུ~ཾ།། ངག་གི་རྡོ་རྗེ་རྣམ་སྟེར་བ།། མཁའ་འགྲོ་པདྨ་རི་མ་ཏི། ། རྒྱལ་བ་སངས་རྒྱས་ཀུན་གྱི་གསུང།། མཁའ་འགྲོ་མ་མོས་རྣམ་པར་མཆོད།། གསུང་གི་བདེ་མཆོག་ཐོབ་པར་འགྱུར།། རྣམ་པར་འདོད་པ་གདོན་མི་ཟ།། པདྨ་དག་པའི་དབྱངས་དྲུག་ལ།། རྣམ་པར་གནས་པ་ཅིར་ཡང་གྲུབ། ། དཔལ་ཨཱ་རྱ་རེ་མ་ཏིའི་གསུང་ཡོངས་སུ་ཟློས་པའོ།། དེ་ནས་ཡང་དག་བསྒྲུབ་པ་ནི།། ཐུགས་ཀྱི་མདོས་ཞེས་བྱ་བ་ཡོད།། དཔལ་ལྡན་བོང་དུ་ཆིབས་པ་ནི།། རྣམ་པར་དཀར་བའི་རྡོ་རྗེའི་གདན། ། དེ་བཞིན་སྣ་ཚོགས་རྡོ་རྗེ།། དེ་སྟེང་རྡོ་རྗེ་སེམས་དཔའ་དཀར།། ཡང་དག་ཐུགས་ལ་གནས་པ་ནི།། སངས་རྒྱས་དཔའ་ནོར་བུ་ཞེས་པའི།། དབང་ཕྱུག་དམ་པ་རྨ་བྱ་ཆིབས།། མཉམ་གཞག་སྔགས་ཀྱི་འཁོར་ལོ་ཅན། མ་མོ་མཁའ་འགྲོ་དཔག་མེད་ལ།། སྐུ་ནི་ལྟེ་བ་མན་ཆད་བརྒྱན།། སྣ་ཚོགས་རྡོ་རྗེ་གླུ་ཡང་དཔའ།། ཨོཾ་བཛྲ་ས་ཏཱ་ཏ་ཐཱ་ག་ཏ་ནཱ་མ་ཙིཏྟ་སངྔྷི་ཧཱུ~ཾ།། སརྦ་ཏ་ཐཱ་ག་ཏ་ར་ཏྣ་ཤྲི་ངྷི་ཁ་ན་མ་སརྦ་སིངྔྷི་ཙིཏྟ་སིངྔྷི་ཧཱུ~ཾ། ། བཛྲ་ཙི་ཏྟ་དེ་བི་ཧཱུ~ཾ། མཧཱ་བཛྲ་ཡོ་ཀི་ནི་ཤྭ་རི་ས་མ་ཡ་ཧཱུཾ། ཙིཏྟ་སདྡྷི་ཧཱུཾ། བཛྲ་མཧཱ་དེ་དེ་རི་རི་མ་ཏི་ཙི་ཏྟ་མ་ཧཱ་བོ་དྷི་ཧཱུཾ། བཛྲ་ཌཱ་ཀི་ནི་དྷ་ཡ། བཛྲ་ཡོ་གི་ཤྭ་རི། ཨ་བ་ལོ་ཀ་ཡ་ཧཱུཾ།། མ་ཧཱ་བཛྲ་སརྦ་སིངྔྷི་ཨཱ་རྱ་རེ་མ་ཏི། ། བོ་ངྷི་ཙཏྟི་སིངྔྷི་ཧཱུ~ཾ།། རྡོ་རྗེའི་དབྱངས་རྣམ་པར་སྒྲོགས་ཤིང།། ཐུགས་ཀྱི་མདོས་ནི་རྟག་ཏུ་སྒྲུབ།། བརྟུལ་ཞུགས་མཆོད་པ་བསམ་ཡས་ཀྱི།། ཨཱ་རྱ་ཐུགས་ཀྱི་དངོས་གྲུབ་རྣམས།། ནན་ཏན་སྦྱོར་བ་དག་ལ་ནི།། རྡོ་རྗེ་ཐུགས་མཆོག་གྲུབ་པ་ཡང། ། སུམ་ཅུ་ཆོས་ཀྱི་འཁོར་ལོ་སྟེ།། འདི་དག་རྟག་ཏུ་བསྒྲུབ་པར་བྱ།། དཔལ་ཨ་རྱ་རེ་མ་ཏིའི་ཐུགས་ཀྱི་མདོས་རྣམ་པར་བསྟན་པའོ།། དེ་ནས་དཔལ་ཨཱ་རྱ་རེ་མ་ཏིའི་ཡོན་ཏན་གྱི་མདོས་རྣམ་པར་བསྟན་པའོ། ། དེ་ནས་དཔལ་ཨཱ་རྱ་རེ་མ་ཏིའི་ཡོན་ཏན་གྱི་མདོས་རྣམ་པར་བསྟན་པའོ།། དེ་ནས་དཔལ་ཨཱ་རྱ་རེ་མི་ཏྀའི་ཡོན་ཏན་གྱི་མདོས་ཞེས་བྱ་བའི་གཟུགས་དུར་ཁྲོད་དུ་བརྟེན་པར་བྱ་བ་ཡོད་དེ།། དཔལ་ལྡན་ཡོན་ཏན་རྣམ་པ་ནི། ། རྣམ་པར་མདོས་པ་འདི་ལྟ་སྟེ།། མཐིང་ཀ་བོང་བུ་རྣམས་པར་ཞོན།། ཁྲོ་མོ་མང་པོས་དབུས་སུ་མཆོད།། སྐུ་ནི་ལྟེ་བ་མན་ཆད་གནས།། སྣ་ཚོགས་རིན་ཆེན་སྤྱི་བོར་གནས།། སྟེང་ན་རིན་ཆེན་འབྱུང་ལྡན་ཅན། ། རིན་ཆེན་འབར་བ་སྙིང་ཀ་ན།། དཔག་བསམ་ཤིང་ནི་ཕྱག་ན་ཐོགས།། འདོད་པའི་ཡོན་ཏན་འཛག་པའི་རྒྱུ།། ཤིང་དང་ས་འམ་ཁང་པའང་རུང།། བྱིན་གྱིས་བརླབས་དང་རྟག་ཏུ་སྒྲུབ།། སྐུ་དང་སྤྱོད་ལ་མཆོད་པ་ཡང། ། བཟླས་པ་དག་དང་འདྲ་བརྟ་སྦྱར།། སུམ་ཅུ་ལ་ནི་རྟག་ཏུ་སྒྲུབ།། ཨོཾ་རཏྣ་སཾ་བྷ་བ་ཏ་ཐཱ་ག་ཏ་མ་ཧཱ་ག་ན་ཧཱུ~ཾ།། མ་ཧཱ་དེ་བི་རཏྣ་གུ་ན་ས་མ་ཡ་ཧཱུ~ཾ།། མ་ཧཱ་ཨརྱ་རེ་མ་ཏི་གུ་ན་པ་ར་མི་ཤ་ཧཱུ~ཾ།། རཏྣ་མ་ཧཱ་རཏྣ་གུ་ན་སིངྔྷི་ཧཱུ~ཾ། ། ཨཱ་རྱ་རེ་མ་ཏི་ཨ་བ་ལོ་ཀོ་ཡཱ།། ཨི་བ་ལོ་ཀ་ཡ་ཧཱུ~ཾ།། མ་ཧཱ་ཨཱ་རྱ་རེ་མ་ཏི་སརྦ་སངྔྷི་སུ་ཁི་ཧོ།། ས་མ་ཡ་གུ་ན་ཨ་རྱཱ་རེ་མ་ཏི་ཧཱུ~ཾ།། དཔག་མེད་ཡོན་ཏན་ཐམས་ཅད་ཀྱང།། དཀྱིལ་འཁོར་འདི་ལས་རྣམ་པར་འབྱུང། ། འཇིག་རྟེན་འདས་དང་འདིར་གནས་པའི།། ཡོན་ཏན་མདོས་ལས་འགྲུབ་པར་འགྱུར།། ཡོན་ཏན་ཀླུ་ལ་རབ་དགའ་བས།། ཡོན་ཏན་ཐམས་ཅད་འཕེལ་བར་འགྱུར།། བྱིན་གྱིས་བརླབས་པ་རྟག་ཏུ་གྲུ། ། འཕྲིན་ལས་རྣམ་པར་མདོས་པ་ཡོད།། ལྗང་ཁུ་བོང་བུ་རྣམ་པར་འཆིབས།། དང་པོ་སྦྱོར་བའི་ལས་རྣམས་ལྟར་འདི་ལ་ཡང་དག་དཔའ་བར་བྱ།། སྣ་ཚོགས་རྒྱ་གྲམ་སྦྱི་བོར་འཛིན།། དེ་ཡི་དབུས་ན་དོན་ཡོད་གྲུབ། ། ཨོཾ་སརྦ་ཏ་ཐཱ་ག་ཏ་ཨཱ་མོ་གྷ་སིངྔྷི་ཧཱུ~ཾ།། ཀརྨ་ཡོ་གི་ཤཱ་རི།། མ་ཧཱ་དེ་བ་སིངྔྷི་ཧཱུ~ཾ།། སརྦ་སིངྔྷི་ཨ་ར་ལི་ད་ཀ་ནི་ན་ངྷ་ཡ།། ཀརྨ་ཡོ་གི་ནི་མ་ཧཱ་རུ་དྲ་པཱུ་ཙ་ཧཱུ~ཾ།། ཨཱ་རྱ་རེ་མ་ཏི་གྲོ་ངྷི་ཀརྨ། ཨ་བ་ལོ་ཀ་ཡ།། སངྔྷི་སངྔྷི་མཧཱ་ཀརྨ་ལོ་ཀ་ཡ།། ཨཱ་རྱ་རེམ་ཏི་ཀརྨ་སརྦ་སིདྡྷི་ཧཱུ~ཾ།། དེ་བི་མཧཱ་ཀ་བ་ལ་སྟོཾ།། འདི་ནི་ལས་བྱེད་བྱེད་པ་སྟེ།། རྣལ་འབྱོར་དཔའ་པོ་དགོན་པར་རྟེན།། གཞན་ཡང་གསང་བའི་མདོས་ཆེན་ཡང།། རྣམ་པར་སྦྱར་བར་བསྒྲུབ་པར་བྱ། ། དཔལ་ལྡན་སྐུ་ནི་རྣམ་པར་བཞེངས།། བྱང་ཤར་དུ་ནི་དབུ་གཙུག་ནས།། ལྷོ་ནུབ་ཉིད་དུ་བྷ་ག་རྟེན།། གསང་བའི་དབྱིངས་ནས་བཞེངས་པ་ནི།། རྡོ་རྗེ་སེམས་དཔའ་ལྟེ་བར་བསྐྱེད།། སྲིད་པའི་མ་མོས་བསམ་ཡས་པ། ། བྷ་གའི་དཀྱིལ་འཁོར་རྣམ་པར་གནས།། ནུ་མ་རལ་པ་མཆེ་བ་ཅན།། བསམ་གྱིས་མི་ཁྱབ་སྦྱོར་པའོ། ཨོཾ་བཛྲ་སཏཱ་བྷ་ག་པདྨ་སྟཾ།། བོངྷི་ཙིཏྟ་ཨོཾ་ཨཱ་ཧཱུ~ཾ།། ཨཱ་རྱ་རེ་མ་ཏི་གུ་ཡ་སིངྔྷི་ཧཱུ~ཾ།། ཨཱ་རྱ་རེ་མ་ཏི་གུ་ཡ་བོ་ངྷི་ཙིཏྷ་ཧཱུ~ཾ། ། ཨཱརྱ་རེ་མ་ཏི་གུ་ཡ་བག་ཏི་སྟ་ཧཱུཾ། ཨཱ་རྱ་རེ་མ་ཏི་གུ་ཡ་བ་ག་སྟ་ཧཱུ~ཾ། ཨཱ་རྱ་རེ་མ་ཏི་ཡོ་གི་ཤྭ་རི་ཧཱུ~ཾ་ཨཱ་རྱ་རེ་མ་ཏི་ཊཱ་ཀི་ནཱི་ངྷ་ཡ་ཧཱུ~ཾ།། སིདྡྷི་སརྦ་སི་དྡྷི་ཀརྨ་མི་ཤ་གུ་ཡ་ཧཱུ~ཾ།། དཔལ་ལྡན་གསང་མདོ་ལས་ནི། ། སུམ་ཅུ་ཆོས་ལ་བརྟེན་བྱས་ཏེ།། རྩ་ལྔ་སྤྱོད་པས་འཇུག་འདོད་པས།། གསང་སྔགས་དོན་རྣམས་རྟོགས་པར་འགྱུར།། དུར་ཁྲོད་རྣམས་སུ་བྱར་བྱས་ན།། མཁའ་འགྲོ་རྣམས་ཀྱི་མངོན་དུ་ཕྱོགས། ། དཔལ་ཨ་རྱ་རེ་མ་ཏིའི་གསང་བའི་མདོས་རྣམ་པར་བསྒྲུབ་པའོ།། དེ་ནས་གཞན་ཡང་མེ་མར་གྱི།། མདོས་ནི་རྒྱ་ཆེར་སྦྱོར་བ་ཡོད།། རྨ་མེད་པ་ཡི་རོ་མཆོག་ནི།། རབ་ཏུ་ཤི་བ་བླངས་ནས་ཀྱང།། མར་ཁུས་རླན་ཞིང་བཅོས་པའི་ཤིང། ། གསལ་ཤིང་རྐུ་ཏུ་བཙུགས་པ་ལ།། བརྟན་པར་དུར་ཁྲོད་དབུས་སུ་གཟུགས།། དེ་བཞིན་ལག་པ་ཡང་དག་བརྐྱངས།། མགོ་ནས་རྐང་པ་མཐིལ་གྱི་བར།། ཀླུ་དང་མ་མོ་དག། འཇིག་རྟེན་འདིར་ཡང་གང་གནས་པ། ། ཐམས་ཅད་མིང་ནི་ཡང་དག་དགོད།། སྤྱི་བོ་གཙུག་ཏུ་རྣམ་བཞུགས་པ།། འཕགས་པ་ཨ་རྱ་རེ་མ་ཏི།། གསང་སྔགས་རྣམ་པར་བྲིས་པ་ཡི།། ཁ་ཊྭཱཾ་དགྲོལ་བར་ཀླད་པར་ཕུག། རྩ་ལྔའི་ཚུལ་གྱིས་ཁ་ཊྭཱཾ་དཀྲོལ།། མར་ཁུ་བཅོས་པའི་རས་ཆེན་གྱིས།། ལུས་ནི་རྣམ་པར་དཀྲིས་ནས་ཀྱང།། རྡོལ་བའི་མེ་ཡིས་མདོམས་ནས་སྦར།། གླུ་རྣམས་ལེན་ཅིང་བསྐོར་བ་ནི།། ཨོཾ་མ་ཧཱ་ཨཱ་རྱ་རེ་མ་ཏི། བཛྲ་ཨ་བ་ལོ་ཀ་པཱུ་ཙ་ཏོ། ཨག་ནེ་མ་ཧཱ་པཱུ་ཙ་ཧོ།། མ་ཧཱ་ཨ་རྱ་རེ་མ་ཏི་སིདྡྷི་པ་ར་མི་ཤ་ཧོ།། མ་ཧཱ་ཨཱ་རྱ་རེ་མ་ཏི།། ཡོ་ཀུ་ཤྭ་རི་སུ་ཀྲི་ཧོ།། མ་ཧཱ་ཨ་རྱ་རེ་མ་ཏི།། ཨ་ནན་ཏ་པཱུ་ཙ་སུ་ཁི་ཧོ།། མ་ཧཱ་ཨ་རྱ་རེ་མ་ཏི། ། ཨ་བ་ལོ་ག་ཡ།། མ་ཧ་སིརདྡྷི་པ་ར་མི་ཤ་སུ་ཁི་ཧོ།། མཆོད་པའི་གླུ་རྣམས་ལེན་པར་བྱེད།། མ་མོ་མཁའ་འགྲོ་ཀུན་འདས་ཏེ།། རྣམ་པར་འདོད་པ་དག་ལ་འབེབས།། དཔལ་ཨཱ་རྱ་རེ་མ་ཏིའི་བརྟུལ་ཞུགས་མེ་མར་གྱི་མདོས་ཆེན་པོའོ། ། གཞན་ཡང་ཀེང་རུས་ཞེས་བྱ་བའི་མདོས།། མ་མོ་ཡི་ནི་སྤྱོད་ལམ་ཡོད།། རྨ་མེད་མྱུར་དུ་ཤི་བ་ཡི།། གཞོན་པ་གསར་པའི་རོ་ལངས་ལ།། རུས་པ་རྣམས་འབྲེལ་བར་བསྐམས།། དེ་ཡི་འོག་ནས་དཀར་པོའི་བར། ། སུམ་ཅུ་རྩ་གཉིས་མཚོན་རྣམས་བྲིས།། ཨ་ཡི་ཡི་གེ་མགོ་ལ་ཡོད།། དེ་ཡི་རུས་པ་རྣམས་ལ་ཡང།། མ་མོ་ཀུན་གྱི་མིང་བྲིས་ཏེ།། སུམ་ཅུ་གསང་སྔགས་སྦྱི་བོར་བྲི།། ཤིང་རྟ་ཆེ་ལ་དེ་བསྐྱོན་ནས། ། རྒྱན་རྣམས་དང་ཡང་ལྡན་བྱས་ཏེ།། གཅེར་པུ་ཐལ་བས་བྱུག་པ་ནི།། དུར་ཁྲོད་ཆེན་པོར་འགྲོ་བའི་ཚེ།། གསང་སྔགས་གླུ་ནི་འདི་སྐད་བླངས།། ཨ་ར་ལི།། མ་ཧཱ་ཨ་ར་ལི།། ས་མ་ཡ་སིདྡྷི་ཧོ།། ཀེང་ནི་རི་ནི་མ། ། ས་མ་ཡཱ།། ཊཱ་ཀི་ནཱི་དྷ་ཡ་ཧོ།། ཨཱ་རྱ་རེ་མ་ཏི།། ཡོ་ཀི་ནི་ཤྭ་རི་ཧོ།། ཨཱ་རྱཱ་རེ་མ་ཏི་བཛྲ་དྷ་དུ་ཤྭ་རི་ཀེ་ཧོ།། ཨ་བ་ལོ་ཀ་ཡཱ།། སིདྡྷི་སུ་ཁྲི་ཧོ།། མ་མ་འདི་ཁ་དེ་བི་ཧོ།། གྷ་ཏ་ཧ་པ་ས་ནི།། མ་མ་ཤ་ཏྲུཾ་ད་ན་མེ་ཀ་ན་ཧོ། ། དུར་ཁྲོད་དག་ན་ཀུན་ལྡན་པས།། མཁའ་ལ་དུང་སྟོང་སྒྲ་ཡང་སྒྲོགས།། མངོན་དུ་མཁའ་འགྲོ་རྣམས་ཀྱིས་འདུད།། དངོས་གྲུབ་ཀུན་གྱི་རྒྱལ་མཚན་ཡིན།། གསངསྔགས་སྤྱོད་པའི་ཚུལ་གྱིས་ནི།། མ་མོ་རྣམས་ནི་འདི་ལ་དགའ། ། བརྟུལ་ཞུགས་སྤྱོད་པའི་རིམ་པ་ཡིས།། དངོས་གྲུབ་རྣམས་ནི་འདི་ལས་འབྱུང།། རྣལ་འབྱོར་དཔའ་པོ་རྣམས་ཀྱི་ནི།། ཡིད་བཞིན་མཛོད་ནི་དུར་ཁྲོད་ཡིན།། གསང་སྔགས་གྲུབ་པ་རྣམས་ཀྱི་ཡུལ། ། དུར་ཁྲོད་སྤངས་པའི་ཕ་རོལ་ན།། དགོན་པ་ཡོད་པར་མི་འགྱུར་ཏེ།། ནམས་ཀྱང་འགྲུབ་པ་མེད་པ་ཡིན།། དཔལ་ཨརྱ་རེ་མ་ཏིའི་བརྟུལ་ཞུགས་ཀེང་རུས་རྒྱལ་མཚན་གྱི་མདོས་ཆེན་པོའོ།། དེ་ནས་གཞན་ཡང་བསྒྲུབ་བྱ་སྟེ། ། མ་ཊྲཾ་གནན་པ་ཞེས་བྱ་བའི།། མདོས་ནི་རྣམ་པར་བསྒྲུབ་པར་བྱ།། ལྷོ་ནུབ་ཉིད་དུ་མགོ་བསྟན་ཏེ།། དེ་བཞིན་བྱང་ཤར་རྐང་པ་བརྒྱངས།། རྣམ་པ་སྟོང་གི་མཆོད་ཚོགས་ཀྱང།། མ་ཏྲཾ་ཁོག་པའི་སྟེང་ནའོ། ། དེ་སྟེང་དཔལ་ལྡན་སྐུ་བཞག་སྟེ།། ཞབས་ཀྱི་ཐ་མར་མར་མེ་ནི།། མར་ཁུ་ཆེན་པོའི་འཕྲེང་བ་བརྒྱ།། བོང་བུ་ཞོན་པའི་མཁའ་འགྲོ་མ།། ལྟེ་བ་མན་ཆད་ལ་བརྒྱ་གནས།། ཁ་ཊྭཱཾ་ཁ་ནི་ལྟེ་བར་འགྲེང།། ཉི་མ་ཉིད་ཀྱི་སྟེང་ནའོ། ། རྣམ་པར་ཐར་པའི་སྙིང་ལའོ།། སྤྱི་བོར་སྣ་ཚོགས་རྡོ་རྗེ་འཛིན།། ཟླ་བ་ཚེས་པའི་དབུ་རྒྱན་ཅན།། ཁ་ཊྭཱཾ་སིལ་སྙན་གཡས་པ་ན།། རྒྱལ་བ་ཆེན་པོ་གཡོན་པ་ན།། བླ་རི་ལ་སོགས་ཀུན་ལའང་ཡོད། ། སུམ་ཅུ་སྔགས་ཀྱི་འཁོར་ལོས་གྲུབ།། རྩ་ལྔ་ལ་སོགས་སྦྱར་ནས་ནི།། གླུ་ནི་འདི་སྐད་བླང་བར་བྱ།། ཨོཾ་མ་ཧཱ་དེ་བི་ཀི་ལི་སྟཾ།། མ་ཌཾ་ཀ་མ་ཊཾ་ཀ་ཧཱུ~ཾ།། མ་ཧཱ་བེ་བ་ཀ་ལི་སྟཾ།། མ་ཧཱ་མ་ཊཾ་ཀ་མ་ཊཾ་ཀ་ཏྲི་ཤུ་ལ་མ་ཡ་ཧཱུ~ཾ། ། མ་ཧཱ་ཀ་ལི་སྟཾ།། མ་ཊཾ་ཀ་མ་ཊཾ་ཀ། རཀྴ་རཀྴ་ཧཱུ~ཾ།། མ་ཧཱ་ཀ་ལི་སྟཾ།། མ་ཊྭཾ་ཀ་མ་ཊཾ་ཀ།། ཨ་ནན་ཏ་དེ་བི་ས་མ་ཡ་ཧཱུ~ཾ།། མ་ཧཱ་ཀ་ལི་སྟཾ།། མ་ཊཾ་ཀ་ལི་སྟཾ།། མ་ཊཾ་ཀ་མ་ཊཾ་ཀ། གྷ་ཏ་ཧ་གྷ་ཏ་ཧ།། ཨ་པ་ས་ནི་ཧཱུ~ཾ། ། མ་ཧཱ་ཀ་ལི་སྟཾ།། གྷ་ཏ་ཧ་ཨ་པ་ས་ནི།། ཨ་བ་ལོ་ཀ་ཡ།། མ་ཊཾ་ཀ་ཏྲི་ནི་བྲི་ས་མནྟ་སིདྡྷི།། སརྦ་ཨ་པར་མི་ཤ་སུ་ཁི་ཧོ་ཧོ་ཧཱུ~ཾ།། འདི་ནི་དངོས་གྲུབ་ཀུན་གྱི་གཞི།། ཐེག་པ་ཆེན་པོའི་གཞལ་ཡས་ཁང།། འདི་ནི་དཔལ་ཨརྱ་རེ་མ་ཏི་བརྟུལ་ཞུགས་མ་ཊཾ་ཡོངས་སུ་གནོན་པར་སྦྱོར་བའི་མདོས་ཆེན་པོའོ། ། གཞན་ཡང་རྒྱ་མཚོ་འདེགས་པའི་མདོས་ཆེན་ཞེས་བྱ་བ་བསྟན་པར་བྱ།། རིན་ཆེན་རྒྱུ་ལས་བྱས་པ་འདི་ནི་མཆོད་རྟེན་ལྟ་བུ་ཡིན། ། བོང་བུའི་སྟེང་ན་ཡང་དག་བཞུགས།། རྒྱན་དང་གསང་སྔགས་རྣམས་ཀྱིས་བརྒྱན།། བུམ་པའི་སྟེང་ན་རྣམ་ཐར་ཅན།། དཔལ་ལྡན་གཟུགས་ནི་འཁར་བ་ལ།། མཁས་པས་བྱས་པ་བོང་བ་ཆིབས།། ཐུགས་ཀ་ན་ནི་རྡོ་རྗེ་ཡི། ། ལུང་ལ་མུ་ཏིག་འཕྲེང་བས་བཏགས།། རྒྱ་མཚོ་ལ་ནི་གཟིངས་བཅས་ཏེ།། རླུང་གིས་ཁྲིད་དེ་དེར་འགྲོ་ཞིང།། མ་མོའི་དཀྱིལ་འཁོར་རྣམས་ཀྱིས་བརྒྱན།། གླུ་ལེན་ཞིང་ནི་རྣམ་པར་བསྐོར།། དཔལ་ལྡན་ཉིད་དང་ལུང་ཐོབ་ནས། ། རྒྱ་མཚོ་རྐང་པས་མ་ནན་ནས་ནི།། གང་འདོད་ཕྱོགས་སུ་སྟབས་ཀྱིས་འགྲོ།། ནམ་མཁའ་ཉིད་ལ་རྣམ་པར་བསྐྱོད།། དཔལ་ལྡན་ཉིད་དང་ཐ་དད་མིན།། བོ་དྷི་ས་ཏྭ་མ་ཧཱ་དེ་བི་ཧོ། ཙའི་ཏ་བོ་དྷི་སཏྭ་མ་ཧཱ་བི་ཧི། ཙའི་ཏ་མ་ཧཱ་ཧི་ཧཱུཾ། བོ་དྷིསཏྭ་མ་ཧཱ་ཧི་ཧཱུཾ། བོ་དྷི་སཏྭ་མ་ཧཱ་དེ་བི་ཧོ། མ་ཧཱ་ས་མུ་ཧ་མ་ཧཱ་ཀ་དུ་ནི་སུ་རྱ་ཁ་མ་ཙ་ཧཱུཾ། བོ་དྷི་ས་ཏྭ་མ་ཧཱ་དེ་བི་ཧོ།། ཙའི་ཏ་མ་ཧཱ་མ་ཧཱ། ས་མུད་ཏ་ཕྲད་ཉ།། ཨ་པ་ས་ནི།། ཨ་བ་ལོ་ཀ་ཡ་ཧཱུ~ཾ། ། བོ་དྷི་སཏྭ་མ་ཧཱ་ས་མུད་ཏྲ་མ་ཧཱ། གྷ་ན་ཨ་པ་ས་ནི།། ཨ་བ་ལོ་ཀ་ཡ་བོདྷིསཏྭ་ཧཱ་དེ་བི་ཧོ། ཙི་ཏྟ་མ་མ་ཧཱ་མུད་ཏྲ་མ་ཧཱ་གྷ་ན་ཨ་པ་ས་ནི། ཨ་བ་ལོ་ཀ་ཡ་ཧཱུཾ། བོདྷི་སཏྭ་མ་ཧ་དེ་བི་ཧོ།། མ་ཧཱ་ས་མུད་ཏྲ་ཀརྨ་ཨ་པ་སེ་ནེ། ། ཨ་བ་ལོ་ཀ་ཡ།། འདི་ནི་དཔལ་ཨཱ་རྱ་རེ་མ་ཏིའི་བརྟུལ་ཞུགས་ཡོན་ཏན་རྒྱ་མཚོའི་མདོས་ཆེན་པོའོ།། གཞན་ཡང་འཕགས་པ་རེ་མི་ཡི།། དཀྱྀལ་འཁོར་ཆེན་པོའི་མདོས་ཅེས་པ།། ཟུར་གསུམ་ལྔ་པའི་སྟེང་ན་ཡོད། ། སྣ་ཚོགས་རྡོ་རྗེ་སྤྱི་བོར་འཛིན།། མཉམ་གཞག་སྙིང་ཁར་སྙིང་གི་གཟུགས།། སྐུ་ནི་ཐུགས་ཀ་ཡན་ཆད་འབྱུང།། རྣམ་པར་དམར་དབུ་གསུམ་པ།། སྐུ་གསུང་ཐུགས་ཀྱི་སྤྲུལ་པ་གསུམ།། གཡོན་པས་ཁ་ཊྭཱཾ་དཀྲོལ་མཛད་ཅིང། ། བོང་བུའི་མགོ་དང་ལྕེ་སྙིང་རྣམས།། གཡས་པས་གཙོ་ལ་གྱེན་དུ་སྟོབ།། སྙིང་ཁ་མན་ཆད་རྣམ་པར་འཕགས།། འདི་ལྟར་འོག་མའི་དཀྱིལ་འཁོར་ལ།། དབང་ཕྱུག་ཆེ་སྟེ་ནག་པོ་སྟེ། ། གཤིན་རྗེ་རྣམས་ནི་གཡས་པ་ན།། བློ་སྙིང་མཁལ་མར་བཅས་པ་རྣམས།། གྱེན་ལ་གཙོ་ལ་སྟོབས་པར་བྱེད།། རྩེ་གསུམ་བེ་ཅོན་ཁྲམ་ཤིང་གཡོན།། ལྟེ་བའི་ཚད་ནས་སྙིང་ཁ་འཕགས།། འདི་ཡི་འོག་ནས་འབྱུང་བ་ནི། ། གནོད་སྤྱིན་མ་མོ་སྲིན་མོ་རྣམས།། མཆེར་པ་རྒྱུ་མ་ཕྱག་མཚན་བསྣམས།། ལག་པ་གཉིས་ཀས་གྱེན་དུ་ནི།། མིག་ནི་གྱེན་དུ་བགྲད་ནས་སྟོབས།། རྣམ་པར་དམར་པའི་དཀྱིལ་འཁོར་ནི།། ཀེང་རུས་ཁྲག་དང་མཚན་མ་རྣམས། ། གཙོ་མོ་ལ་ནི་གནམ་དུ་སྟོབས།། མདུན་གྱི་བྷ་ག་གསང་པའི་གནས།། མཚན་མ་ཐོགས་པ་གནམ་དུ་སྟོབས།། དེ་ནི་ཕྱེད་དཀར་ཕྱེད་ཀྱང་གནག། བར་མ་དོ་ནི་གཡོན་ན་ཐོགས།། དེ་ཡི་མ་མོ་གཉིས་པོས་ནི། ། དགེ་སྡིག་ཡི་གེ་གཡོན་པས་འཛིན།། མཚན་མོ་དབང་མོ་རྣམ་པར་གནག། དེ་བཞིན་ཉིན་མོ་རྣམ་པར་དཀར།། སྲིད་བ་གསུམ་གྱི་ཉུ་ལེ་མ།། གཙོ་མོ་ཉིད་ལ་རྣམ་པར་སྟོན།། སྤྲུལ་པ་ཟབ་མོའི་ཆོ་འཕྲུལ་ནི། ། སྲིད་པ་འདུལ་པའི་ཕྱག་རྒྱ་ཡིན།། བརྟུལ་ཞུགས་གསང་སྔགས་དཀྱིལ་འཁོར་འདི།། དངོས་གྲུབ་ཀུན་གྱི་འབྱུང་གནས་ཉིད།། རྡོ་རྗེ་བྱིན་བརླབས་ཆེན་པོ་ཡིས།། དཀྱིལ་འཁོར་མཆོད་པའི་གླུ་དྲུག་བླངས། ། མཧཱ་མཎྜལ། མ་ཧཱ་ཎྜལ་ཡོ་གི་ཤྭ་རི།། ས་མ་ཡ་སིདྷི་ཧཱུཾ། མཎྜལ་ལ་མ་ཧཱ་མཎྜལ་ལ།། ས་མ་ཡ་ཌཱ་ཀི་ནཱི་དྷ་ཡ། སིདྷི་པར་མི་ཤ་ཧཱུཾ། མཎྜལ་མ་ཧཱ་མ་ཧཱ་མཎྜལ།། ཨཱ་རྱཱ་རེ་མ་ཏི་མནྚལ། ཨཱ་རྱཱུ་རེ་མ་ཛ་མཎྜལ། ཨཱ་རྱཱ་རེ་མ་ཛུ་སདྡྷི་ཧཱུ~ཾ། ། མནྚལ་མ་ཧཱ་མནྚལ།། སདྡྷི་མནྚལ།། ཨ་པ་ས་ནི།། ཨ་ན་ཏ་སུ་ཁི་ཧོ།། མཧཱའ་མནྚལ་མཧཱ་མནྚལ།། རུ་པ་ས་པ་ར་མི་ཤ་སདྡྷི་ཧཱུ~ཾ།། མནྚལ་མ་ཧཱའ་མནྚལ།། ཀཱ་ཡ་ཝཱ་ག་ཙིཏྟ་སུ་ཁི་ཧྲ་ཧོ།། པ་ར་མི་ཤ་ཧཱུ~ཾ། ། འདི་ལྟར་གྲུ་ཆེན་པོ་བླང་ཞིང།། སྟོབས་ཆེན་པོས་འགྲོ་ཞིང།། ཆང་ཆེན་པོ་བཏུང་བ་དང།། དུར་ཁྲོད་ལ་སོགས་པར་འགྲོ་བ་དང།། ཆོས་ཀྱི་འཁོར་ལོ་བཅུ་གསུམ་བསྐོར་བར་བསྐོར་པའོ།། རྩེ་གཅིག་ཏུ་དཔའ་བའི་བརྟུལ་ཞུགས་འདི་སྤྱད་ན། ། ཁམས་གསུམ་ཞབས་ཀྱིས་གནོན་པའོ།། དཔལ་ཨཱ་རྱ་རེ་མ་ཏིའི་བརྟུལ་ཞུགས་ཀྱི་དཀྱིལ་འཁོར་གྱིས་སོ།། དེ་ནས་གཞན་ཡང་ཟབ་མོ་ཡི།། རྡོ་རྗེ་ཆེན་པོའི་མདོས་ཀྱང་ཡོད། ། ཨའི་དུས་ལས་སྐྱེས་པ་ཡིས།། རྡོ་རྗེ་ཧཱུ~ཾ་གི་ལྟེ་བ་ཅན།། རྩེ་མོ་བཅུ་གཉིས་རྣམ་པར་འཕགས།། ཨ་ཨི་ཨུ་ཨེ་ཨོ་ཨ།། འདི་དག་རྡོ་རྗེ་ཟབ་མོ་ཡི།། ཡེ་ཤེས་གནས་པའི་རང་བཞིན་ཉིད།། ཨཱ་ཨཱི་ཨཱུ་ཨཱ+ཻ་ཨཱ+ོ་ཨཱཾ། ། འདི་ནི་རྡོ་རྗེ་ཆེན་པོ་ཡི།། དེ་ལྟར་ཤེས་པའི་ཁྱད་པར་ཡིན།། འདི་ལྟ་སྟེ།། མེ་ལོང་ལྟ་བུའི་ཡེ་ཤེས་དང།། མཉམ་པ་ཉིད་ཀྱི་ཡེ་ཤེས་དང།། སོ་སོར་རྟོག་པའི་ཡེ་ཤེས་དང།། བྱ་བ་ནན་ཏན་ཡེ་ཤེས་དང།། ཆོས་ཀྱི་དབྱིངས་ཀྱི་ཡེ་ཤེས་དང། ། རང་བཞིན་གྱིས་འོད་གསལ་བའི་ཡེ་ཤེས་ཆེན་པོའོ། རྩིག་དང་བྲི་དང་སྒོམ་དང་ཤེས།། དེ་བཞིན་ཡི་གེ་རྡོ་རྗེའོ།། ཨ་བཛྲ་སརྦ་དྷ་རྨཱ་དྷ་ཛྙཱ་ན་ཧཱུ~ཾ།། མཧཱ་སྟི་སྲ་ཨ་པ་ར་མི་ཤ་ཧཱུ~ཾ་ཨ། ། ཨི་བཛྲ་ཛྙཱ་ན་ས་མ་ནན་ཏ་ཧཱུ~ཾ།། བོདྷི་སཏྭ་སརྦ་ཏ་ཐཱ་ག་ཏ་རེ་ར་སིདྡྷི་ཨི།། མ་ཧཱ་ཛྙཱ་ན་ཨ་ཨ་པ་ར་མི་ཤ་ཡུ།། ཨེ་བཛྲ་གྷ་ན་ས་ཁི་ཧོ་ཧཱུ~ཾ།། མ་ཧཱ་དྷ་རྨཱ་དྷཱ་ཏུ་ཨ་པ་ས་ནི་ཨེ།། བཛྲ་ཛྙཱ་ན་རུ་པ་བཛྲ་ཤ་ཀ་ར་ཛྙཱ་ན་ཧཱུ~ཾ། ། ཛྙཱ་ན་མཧཱ་སུ་ཁ་སིདྡྷི་ཨོ།། ཨོཾ་བཛྲ་དྷ་རྨཱ་ཀ་ཡ་དྷ་དུ་ཨ་པ་ས་ནི་པ་ར་མི་ཤ་ཧཱུ~ཾ། ད་དུ་སརྦ་སབ་པ་ཉིན་རྨི་ཏི་བཱའ་ག་བཛྲ་ས་མ་ཏི་ཨ།། ཟབ་མོ་རྡོ་རྗེ་རྣམ་པར་མདོས།། མདོས་ནི་མེ་མོའི་བརྟུལ་ཞུགས་ཡིན།། རྣལ་འབྱོར་མ་འདིས་དང་པོར་ནི། ། ཆོས་མཐོང་ཕྱག་རྒྱ་བསྟན་པ་ཡིན།། སུམ་ཅུ་ཆོས་ཀྱི་འཁོར་ལོ་ལས།། རྣམ་པར་མདོས་པ་བཅུ་གཉིས་འཕྲོས།། རྩ་ལྔ་སྤྱོད་པ་ལ་སོགས་སྒྲུབ།། བརྟུལ་ཞུགས་ཆེན་པོ་རྣམ་པར་ཕྱེ། ། དབྱིངས་སུ་ཡང་དག་ལྟ་བས་བརྟུལ།། ཉོན་མོངས་སྤྱོད་པ་རྣམས་ལ་ཞུགས།། ཉིན་མོངས་བརྟུལ་བར་འདོད་པ་རྣམས།། གྲོ་བ་ཉིད་ལ་ཞུགས་པ་མིན།། དཔལ་ཨཱ་རྱ་རེ་མ་ཏིའི་བརྟུལ་ཞུགས་ཆེན་པོས་མདོས་སོ། ། སྙིང་རྗེ་ཅན་གྱི་ཆོ་འཕྲུལ་ནི།། སྡུག་བསྔལ་རྣམས་ལ་སྣང་འགྱུར་ཏེ།། མངོན་པར་དག་པ་རྣམས་ལ་ནི།། རྣམ་པ་ཐར་པས་བསྒྲལ་མི་དགོས།། རྣམ་པར་དཔའ་བའི་རྣལ་འབྱོར་གྱིས།། སངས་རྒྱས་དུར་ཁྲོད་གྲོང་ཁྱེར་ཡིན། ། མདོས་ནི་བརྟུལ་ཞུགས་ཆེར་སྤྱད་ན།། ནམས་ཀྱང་རྣམ་གྲོལ་གཞན་དོན་སྤྱོད།། མཁའ་འགྲོ་རྣམས་ཀྱིས་འདིར་འཇིགས་ན།། ཕྱིས་ནི་ནམས་ཀྱང་སྐྱོབ་མི་ནུས།། དངོས་གྲུབ་ཉིད་ཀྱིས་ཆེར་སྐྲག་ན།། སྟོང་པ་ཉིད་ཀྱིས་བརྒྱལ་ཏེ་འགས། ། གསང་སྔགས་རྣམས་ཀྱི་འཁོར་ལོ་ནི།། གདུག་པ་འབའ་ཞིག་འདུལ་པའོ།། མ་མོ་མཁའ་འགྲོ་རྣམས་ཀྱིས་ནི།། བརྟུལ་ཞུགས་འདི་ཡིས་རྣམ་པར་འཕགས།། མདོས་ཀྱི་བརྟུལ་ཞུགས་སྤངས་པས་ནི། ། རྣལ་འབྱོར་མ་དང་འབྲེལ་པ་མེད།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། མདོས་ཀྱི་སྦྱོར་བའི་རིམ་པར་ཕྱེ་བ་སྟེ་ལེའུ་བཅུ་གསུམ་པའོ།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང། ། གསུང་དང།། ཐུགས་རྡོ་རྗེ་རྣམས་ལས། བོང་བུའི་མཚན་མ་རྣམ་པར་སྦྱོར་བ་འདི་གསུངས་སོ།། འབྱུང་བ་རྣམས་ཀྱི་སྟེང་ན་འདུག། ལས་བཞི་རྣམས་ལས་རྣམ་པར་སྦྱོར། ། ཡན་ལག་བརྒྱད་པ་གྲུབ་པར་ནུས།། རྣམ་པར་སྣང་མཛད་དང་པོར་ཏེ།། དེ་བཞིན་གཉིས་པ་སྣང་མཐའ་ཡས།། རྡོ་རྗེ་སྙིང་པོ་དེ་ལྟར་གསུམ།། ནཱ་མ་ཞེས་བྱར་བརྟགས་ཏེ།། གྷ་ཧ་ཧ་ཞེས་བདག་པོའི་མིང། ། ཀ་ར་ཀ་ར་མས་རྣམ་པར་སྒྲུབ།། སདྡྷི་འདོད་པས་འདི་སྦྱར་ནས།། པ་ར་མི་ཤིའི་འཕྲིན་ལས་བཅོལ།། གང་གིས་དགོས་པ་དུས་འདིར་བསྐུལ།། ཡི་གེ་བཅཝ་བརྒྱད་རྣམ་པར་འཕགས།། དཀར་སེར་དམར་དང་གནས་པའི་མདོག། ། ཀུན་ཏུ་ཁྲུ་གང་སྦུ་གུ་ཅན།། ཤར་ལྷོ་ནུབ་བྱང་མདུན་དུ་གཞག། ཆུ་ལ་ཤི་བར་བྱ་བ་ནི།། ཆུ་རྡོ་བཏགས་པས་གཟུགས་ཀྱང་འཛིན།། ཆུ་ལ་ཤི་བའི་ཁྲག་དང་ལྡན།། བྱ་ཡིས་བསད་པའི་ཉ་ཤ་དབུལ། ། ཆུ་ཤིང་མེ་མར་སྙིང་པོ་གཟུགས།། ཆུ་ལ་མིང་དང་གཟུགས་བཀྲུས་ཏེ།། དུང་གི་སྤྲུལ་པས་ཡང་དག་ཀླུག། ཁེངས་དང་སྔགས་དང་རྫོགས་དང་འགྲུབ།། འདི་ནི་དྲག་པོའི་སྦྱོར་བ་ཡིས། དེ་བཞིན་ཡང་དག་ལྡན་བྱས་ཏེ། ། ཀླུ་ཡི་ཁྱིམ་ནི་བརྒྱ་ནས་ཀྱང།། བླངས་པའི་ཆུ་ལས་གཟུགས་ཀྱང་དཀར།། ཉི་མའི་འོག་ནས་ཆུ་ཡང་བླུགས།། ཀླུ་རྣམས་ལ་མཆོད་པའོ།། ཁེངས་དང་གསང་སྔགས་འཐེབས་ན་འགྲུབ། ། མཁའ་ལ་ཆར་འབབ་འདོད་ན་འཆད།། དེ་བཞིན་ཡང་དག་རྣམ་པར་བསྟན།། ནད་རྣམས་གཙད་པས་ནད་ཀྱི་མིང།། ཨཱ་རྱ་ཞེས་བ་རྣམ་པར་བཀུ།། མེ་ལ་གནོད་པ་བསྲེགས་པ་ན།། རྡོལ་བའི་མགལ་བ་དེ་ལྟར་བསྲོ། ། སྦྱིན་སྲེག་གསུམ་གསུམ་འབྲུ་ལ་བྱ།། མང་པོའི་གསང་སྔགས་ཐེན་ན་འཇིག། གང་ལ་གནམ་ལྕགས་འཕེན་པར་འདོད།། དེ་ཡི་ཚིག་པའི་སོལ་བས་བསྲོ།། ཆུ་རྡོ་མཁྲེགས་པས་གནམ་ལྕགས་འདར།། ཕུ་ཡིས་བཏང་ཅིང་མེ་ལ་བསྲོ། ། ཇི་ལྟར་བསྐུལ་ཚིག་བཞིན་དུ་འོང།། ས་གཞི་གཡོས་ཏེ་གནོད་བྱ་བ།། དེ་དང་དེ་ནས་ས་ཡང་བླངས།། རླུང་གིས་གཞུ་དང་འདྲ་བ་ལ།། བ་དན་གཉིས་ཀྱིས་ཡང་དག་མཛེས།། མཁའ་ལ་བཞག་སྐོར་བྱེད་ཅིང། ། བསྐུལ་ཚིག་སྦྱར་བས་ཉུང་དུ་འོང།། རྒྱལ་པོ་ལ་སོགས་དབང་སྡུད་ན།། དམར་པོ་འཇིགས་པའི་སྦུ་གུ་ལ།། གླང་པོའི་ཀླད་པས་རྣམ་པར་བཀབ།། སེང་ལྡེང་ཤིང་ལ་དེ་བཞིན་དུའོ། ། བསྲོས་ན་ཅི་འདོད་དབང་དུ་སྡུད།། མྱུར་དུ་གསང་པའི་དྲག་པོ་ནི།། གང་དང་བདག་དག་ཡང་བསམས་དང།། བསྐུལ་ཚིག་སྔགས་དང་བཅས་པ་ཡིས།། ཐམས་ཅད་རྣམ་པར་སྦྱར་བྱས་ཏེ།། ཀ་ར་བཱི་རའི་ལྕགས་ཀྱིས་བརྡབ། ། སྣག་མ་ཕུང་བར་ཡང་དག་བྲལ།། གང་འདོད་རྫས་དང་རྣམ་པར་སྦྱར།། དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། བོང་བུའི་མཚན་མ་རྣམ་པར་སྒྲུབ་པར་འདོད་པའི་ཡན་ལག་བརྒྱད་པ་སྟེ་ལེའུ་བཅུ་བཞི་པའོ། །།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང།། གསུང་དང། ཐུགས་རྡོ་རྗེ་རྣམས་ལས།། ངེས་པར་བསྒྲུབ་པའི་གསང་སྔགས་སྤུ་གྲིའི་སོའི་འཕྲེང་བ་འདི་གསུངས་སོ། ། དང་པོ་ལོངས་སྤྱོད་རྫོགས་པ་ཡིན།། བདུན་པའི་གཉིས་པ་དྲུག་པའི་གསུམ། དབྱངས་ཡིག་གསུམ་པའི་རྣམ་པ་ཅན།། ལྔ་པའི་ལྔ་པ་དེ་བཞིན་ནོ།། བདུན་པའི་བཞི་པ་དེ་ལྟར་ཡིན། ། གཅིག་པའི་དང་པོ་དེ་བཞིན་ཏེ།། དྲུག་པའི་བཞི་བ་དབྱངས་ཡིག་གསུམ། དྲུག་པའི་གསུམ་པ་དབྱངས་ཡིག་ལྔ།། ལྔ་པའི་དང་པོ་བདུན་པ་ཅིག། བཞི་པའི་དག་པོས་འབྲེལ་པས་ནི།། དྲུག་པའི་གསུམ་དང་དབྱངས་ཡིག་ལྔ། ། གཅིག་པའི་ལྔ་པའི་གཙུག་ཕུད་ཅན།། བཞི་པའི་ལྔ་པ་དྲུག་པའི་གསུམ།། དབྱངས་ཡིག་གསུམ་པ་དེ་བཞིན་ལྡན། ལྔ་པའི་ལྔ་པ་དྲུག་པའི་གསུམ།། དྲུག་པའི་དང་པོ་ཡང་དག་ལ། ། བཞི་པའི་གཉིས་པ་དབྱངས་ཡིག་ལྔ།། བཞི་པའི་ལྔ་འདི་ལྟར་འབྲེལ།། དེ་བཞིན་དྲུག་པའི་དང་པོ་ཡིན།། དེ་ལས་མ་སོ་གཉིས་པའི་གསུམ།། དྲུག་པའི་གསུམ་པ་རྣམ་པ་རིང།། དྲུག་པ་ཡིན་ནི་བཞི་པ་ཡིན། ། དྲུག་པའི་གསུམ་པ་དབྱངས་ཡིག་ལྔ།། དང་པོ་བདུན་པའི་མགོ།། བཞི་པའི་དང་པོར་འབྲེལ་པ་ནི།། དྲུག་པའི་གསུམ་པ་དབྱངས་ཡིག་ལྔ།། གཅིག་པའི་ལྔ་པས་གཙུག་ཕུད་བྱས།། གཉིས་པའི་དང་པོ་བཞི་ལྔར་ལྡན། ། བཞི་པའི་དང་པོ་དྲུག་པའི་གསུམ།། ལྔ་པའི་དང་པོ་དྲུག་གསུམ་དགྲ།། དེ་ནས་ལྔ་པའི་གསུམ་པ་སྟེ།། ལྔ་པའི་ལྔ་པ་དྲུག་པའི་གསུམ།། དེ་ལྟར་དྲུག་པའི་དང་པོ་ཡིན།། ལྔ་པ་གཉིས་པ་བཞི་པའི་མགོ། སུམ་ཅུ་རྩ་གཉིས་སྔགས་ཀྱི་མིང།། སྤུ་གྲི་སོ་ཡི་དབང་བསྐུལ་ནི།། ཡ་སོ་མ་སོ་བཅུ་དྲུག་ཕྱེད།། བཅུ་དྲུག་འོག་གི་ཕྱེད་ལྡན་པས།། ལས་ནི་རྣམ་པར་ཕྱེད་པ་ཡིན།། ཆུ་ཤེལ་སྣང་བ་དག་པས་ནི།། བཞི་ཁྲིའི་འོག་ན་བཀྲ་མི་ཤིས། ། བན་གླང་སྤྱོད་དང་འགྲོ་བ་ན།། སྐྱ་རིངས་ལག་པས་ཡང་དག་འཇོམས།། རའི་གཞུ་གཟུང་དང་བྱན་ལ་སྒྲོས། བརྒྱན་པ་མི་སྔགས་ཚང་པའི་བརྡ། གསད་པའི་མདེའུ་ཡང་ནི་སྲེགས། ཡུལ་ཅན་ཉིད་ཀྱི་པགས་པ་ལ། ། ཤི་བ་ཁྲག་གིས་རྣམ་པར་བྲིས།། འདིལ་འགྲུབ་དྲུག་ཅིང་བདག་ལ་ནི།། ཟླ་བ་འོད་ཟེར་སྣང་བ་དང།། སྤུ་གྲི་སྔགས་ནི་སུམ་ཅུ་གཉིས།། མ་མཁལ་བསྒྲལ་པ་ཡང་དག་ཡིན།། རྣམ་པར་བསད་པ་སྐད་ཅིག་ལ། ། སྐྱ་རེངས་ཉིད་ཀྱང་འགྲོ་ན་སྦྱོར།། སྐར་ཆེན་མིག་ལ་བཏགས་པ་ནི།། བདག་གི་རྣམ་པར་མཐོ་བའོ།། བསྟན་པ་དག་ལ་གནོད་བྱེད་པ།། མུ་སྟེགས་ལྟས་ངན་འཕམ་པ་ལ།། བསོད་ནམས་ཡེ་ཤེས་ཡང་དག་སྦྱར། ། དཔལ་ལྡན་བྱང་ཆུབ་སེམས་དཔའ་ཡི།། སྦྱོར་བའི་ཁམ་བུ་ཡང་དག་ལྡན།། འཇིག་རྟེན་འདི་ན་གང་དག་ཀྱང།། རྣམ་པར་གཤིག་པ་འདི་ལྟར་ཡིན།། གལ་ཏེ་གནོད་པར་བྱེད་པ་ཡི།། སྐྱེ་བརྒྱུད་རྣམ་པར་འཆད་འདོད་པས། ། ཆུ་སོ་འགགས་པའི་རྡོ་བོ་ལ།། བཏགས་ཏེ་གྲོག་མའི་ཚང་དང་སྦྱར། ཡུམ་ཅན་ཁྲག་གིས་སྦྲུས་པ་ལ།། ཕོ་མོ་གང་གི་དབང་པོ་ཅན།། ཁྲོ་ཆུ་རྣམ་པར་བསྣོས་པ་ཡིས།། ཟོར་བ་ཡང་དག་བསྲེགས་པ་ལ། ། རྒྱ་བའི་དུས་དང་ཕྱོགས་བཞིན་དུ།། སྐར་ཆེན་མིག་ལ་བཏགས་པ་ཡང།། སྔོན་སྦྱར་ལྟ་བུའི་སྐད་ཅིག་ལ།། བཅུ་དྲུག་ཕྱེད་པ་ཕྱེད་ཀྱི་དབང།། མ་མཁལ་བསྒུལ་བས་ཡང་དག་འཇོམས།། དང་པོར་ཟོར་བས་རྣམ་པར་གཅད། ། སྐད་ཅིག་དེ་ལ་བདག་གི་དབང། སྐྱེ་བ་གཞན་ལ་གནོད་པར་འགྱུར།། བསྟན་པ་འདི་ལ་གནོད་པ་ཡི།། ལོག་ལྟ་ངན་པའི་སྐྱེ་རྒྱུད་ཉིད།། གཏན་དུ་ཕུར་བར་ཟད་སྦྱར་ཏེ།། འདི་ལྟར་མཁས་པས་འདི་ལྟར་དཔའ། ། ལྐུགས་པར་འདོད་པས་སྦྲུལ་གྱི་པགས།། སྐད་ཅིག་དེ་ལ་སྤུ་གྲི་ཡིས།། རྣམ་པར་བཅིངས་པས་གཡོན་མི་འགྱུར།། གྲོལ་བར་འདོད་ན་ལུས་འཕགས་ནས།། ཡང་དག་བྱུང་ན་རྒྱལ་ལས་བཀྲོལ། ། གང་གི་ཆུ་རྒྱུན་བརྡབས་པས་བསད་པ་འམ།། སྐད་ཅིག་དེ་ལ་བྱན་ལག་སྦུས།། བཙངས་པ་ཡུལ་ཅན་རྒྱུས་པས་བཙེམས། སྤུ་གྲི་སོ་ཡིས་མ་མཁལ་བརྒྱུས།། ཡང་ན་སོ་སོ་གངའདོད་པ།། ཐམས་ཅད་འདི་ལ་སྦྱང་ན་འགྲུབ། དཔལ་དངོས་གྲུབ་ཐམས་ཅད་ཀྱིས་བསྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། སྤུ་གྲི་སོའི་གསང་སྔགས་ཡང་དག་པར་བསྟན་པ་སྟེ་ལེའུ་བཅཝོ་ལྔ་པའོ།།།། དེ་ནས་བཅོམ་ལྡན་འདས་ཉིད་ཀྱི་སྐུ་དང། ། གསུང་དང།། ཐུགས་རྡོ་རྗེ་རྣམས་ལས། བྱང་ཆུབ་སེམས་དཔའ་སེམས་དཔའ་ཆེན་པོ་མི་གཡོ་བའི་ཏིང་ངེ་འཛིན་གྱི་སྨོན་ལམ་གྱི་རྣམ་པར་འཕྲུལ་བ་བསྟན་པའི་ཕྱིར།། བཀྲ་ཤིས་པའི་ལྷ་མོ་གསང་སྔགས་བཅུ་གཅིག་པའི་བྱིན་གྱིས་བརླབས་སོ། ། ཨོཾ་པརྣ་ཤ་བ་རཱི་པོ་ཤ་ཙི་སྭཱ་ཧཱ། ཡི་གེ་བཅུ་གཅིག་ལས་བྱུང་བ།། གསང་སྔགས་བཅུ་གཅིག་འཛིན་པའི་ལྷ། བཀྲ་ཤིས་ཀུན་གྱི་བདག་མོ་སྟེ།། ལུས་ཅན་ཀུན་གྱི་སྐྱབས་སུ་འགྱུར། ། སྲིད་པ་མ་སྟོངས་པར་དུ་ནི།། འཇིག་རྟེན་ཀུན་ལ་བར་ཅད་མེད།། ཕན་པར་མཛད་པའི་བརྩོན་འགྲུས་ཅན།། བྱང་ཆུབ་སེམས་ཀྱི་རྡོ་རྗེ་ཞགས།། སྲིད་པ་གཅོད་པའི་དགྲ་སྟ་འཛིན།། སྐུ་མདོག་སེར་དང་དགྲ་སྟ་དམར། ། ཟླ་བའི་སྟེང་ན་ཟླ་བའི་ཐུགས།། རང་མཚད་ཡི་གེ་ལྔ་སྒྲོགས་ཤིང།། མེ་ཏོག་ཆར་བ་འབབ་པའི་ཡུལ།། རང་གི་མཆོད་པ་ཡང་དག་ལྡན།། མཁས་པའི་ཡུལ་ལ་རྟེན་པ་བདེ།། འདི་མ་བཅོམ་ལྡན་འདས་མའི་ཏིང་ངེ་འཛིན། ། བརྣ་ཤ་བ་རིའི་འོ།། འདི་དག་ཡོངས་སུ་རྟེན་པར་བྱེད་པ།། གང་ལུས་དང།། ངག་དང།། ཡིད་རྣམ་པར་དག་པར་འགྱུར་རོ།། བྱང་བར་འགྱུར་རོ།། དག་པར་འགྱུར་རོ། ། ཡུལ་བདེ་བར་འགྱུར་བ་དང།། གནོད་པ་ཐམས་ཅད་པར་སྦྱོང་བར་འགྱུར་རོ།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས། རྣམ་པར་འཕྲུལ་པ་བཀྲ་ཤིས་གསང་སྔགས་ཏེ་ལེའུ་བཅུ་དྲུག་པའོ། །།། དེ་ནས་བཅོམ་ལྡན་འདས་ཉིད་ཀྱི་སྐུ་དང།། གསུང་དང། ཐུགས་རྡོ་རྗེ་རྣམས་ལས།། འཇིགས་པ་བདེ་བར་ལམ་དུ་བྱེད་ཚད་མེད་རྣམ་པར་འཕྲུལ་པ་འདི་གསུངས་སོ།། ཨོཾ་མ་རི་ཙེ་རྩོ་ར་ཚག་ཁྲུ་ཨ་ཐ་རིངས་སུ་ཁྲོ་ཧོ། ། བསྐུལ་ཚིག་དང་བཅས་པའི་གསང་སྔགས་ཡི་གེ་བཅུ་བཞི་པོ་འདི།། སྡང་བ་རྣམས་ལ་མཚན་མོ་སྐུད་པར་བྱེད་པའོ།། འདི་དག་རྣམ་པར་འཆང་མཛད་མ།། མདོག་སེར་ཁབ་སྐུད་ཕག་པ་ཆིབས། ། ཞག་གཅིག་ཕྱག་གཉིས་མེ་ཏོག་སྩོལ། བཟླས་དང་བཙེམས་པས་རྣམ་པར་གྲུབ།། དཔལ་དངོས་གྲུབ་ཐམས་ཅད་ཀྱིས་བསྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། མ་རཱི་ཙེའི་རྣམ་པར་འཕྲུལ་པ་སྟེ་ལེའུ་བཅུ་བདུན་པའོ། ། དེ་ནས་བཅོམ་ལྡན་འདས་ཀྱི་སྐུ་དང་གསུང་དང།། ཐུགས་རྡོ་རྗེ་རྣམས་ལས།། རྟགས་རྣམ་པར་སྐུལ་བར་བྱེད་པའི་ལྷ་མོའི་རྣམ་པར་འཕྲུལ་པར་བྱེད་པའི་གསང་སྔགས་འདི་གསུངས་སོ། ། ཨོཾ་ཙ་ལེ་ཙུ་ལེ་ཙུ་ན་དེ་དར་ཤ་ཡ།། དར་ཤ་ཡ་སརྦ་སརྦ་ཙ་མ་སྭཱ་ཧཱ།། འདི་ནི་མདོག་སེར་ཨུད་པད་ཅན།། རྣམ་པ་སྟོང་གི་ཕྱག་ལས་འཕྲོས།། འདྲ་བའི་གཡོག་མོ་ཉི་ཤུ་མངའ། མེ་ལོང་ངལ་གྲི་མེ་མར་ཆུ། ། གཞོན་ནུ་རྣམས་ལ་འཇིག་རྟེན་སྟོན།། དཔལ་དངོས་གྲུབ་ཐམས་ཅད་ཀྱིས་བསྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། ལྷ་མོ་སྐུལ་བྱེད་མའི་རྣམ་པར་འཕྲུལ་པ་སྟེ་ལེའུ་བཅཝོ་བརྒྱད་པའོ། ། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང།། གསུང་དང།། ཐུགས་རྡོ་རྗེ་རྣམས་ལས།། མཚན་མོ་སྟོན་པར་བྱེད་པའི་སྔགས་འདི་བྱིན་གྱིས་བརླབས་སོ།། ཨོཾ་ཙནྡྲ་དེ་བ་སུ་ཧི་ན་པ་ར་མི་ཤ།། བྱང་ཆུབ་སེམས་དཔའ་མི་གཡོ་བའི་ཏིང་ངེ་འཛིན་གྱིས་རྣམ་འགྱུར་བ། ། ལྷའི་བུ་དྲི་མ་མེད་པ་ཟླ་བ་ལྟར་སྣང་བ་དང།། ཆེར་སྣང་བ་ལ་ཕྱག་འཚལ་ལོ།། མནྚལ་དང་ནི་རོ་ལ་གསོལ།། ཡར་ཡི་བྱེད་པའི་ཆ་གསུམ་ལ། ཆུ་ལ་སྣང་བའི་སྔགས་ཀྱིས་བཏབ། ། སྐད་ཅིག། འདི་ཉིད་སྨྲ་པའོ།། དཔལ་དངོས་གྲུབ་ཐམས་ཅད་ཀྱིས་བསྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། དྲི་མ་མེད་པ་ལྷའི་བུ་ཟླ་བ་ལྟར་སྣང་བའི་རྣམ་པར་འཕྲུལ་པ་བསྟན་པ་སྟེ་ལེའུ་བཅུ་དགུ་པའོ། ། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང།། གསུང་དང།། ཐུགས་རྡོ་རྗེ་རྣམས་ལས།། གཞོན་ནུ་ཁ་བྱིན་གྱིས་བརླབས་པ་འདི་གསུངས་སོ།། ཨོཾ་ཨཱཿ་ཧཱུ~ཾ་ན་མོ་པུདྷ་དྷ་རྨ་དང་གྷ་ཀུ་མ་ར་ཛི་བ་པྲ་པེ་ཤ་ཡ། ། ཛ་པར་མི་ཤ་མ་ཧཱ་དེ་བི་ཀུ་མ་ར་ཛི་བ་ཨ་བ་ས་ནི་ན་མོ།། གསང་སྔགས་ཡི་གེ་བཅུ་བཞིས་འདི།། གཞོན་ནུ་ལྕེ་ལ་གནས་པའི་ལྷ་མོ་ལྕེ་གཡོ་མའི་རྣམ་པར་འཕྲུལ་བ་གཞོན་ནུ་དག་པར་བྱས་པ་བཅུ་དྲུག་མན་ཆད་དུ་གནས་པ་སྟེ། ། མེ་ཏོག་གཏོར་ནས་རྣམ་པར་དྲི་བ་དང་ལྡན་པར་དྲི་བ་དང་ལྡན་པར་འགྱུར་རོ།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས། ། སྨྲ་བ་མེད་པའི་ལྷ་མོ།། གཞོན་ནུ་མའི་ལྕེ་ལ་གནས་པ་སྟེ་ལེའུ་ཉི་ཤུ་པའོ།།།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང། གསུང་དང།། ཐུགས་རྡོ་རྗེ་རྣམས་ལས།། ཚིག་འདྲི་བར་བྱེད་པའི་གསང་སྔགས་འདི་གསུངས་སོ། ། ཨོཾ་ཨཱཿཧཱུ~ཾ།། ཀརྨ་དྷ་རྨཱ་པྲ་པེ་ཤ་པ་ར་མི་ཤ་ཤྲི་མ་ཧཱ་དེ་བི་ན་མོ།། མི་གཡོ་བའི་རྣམ་པར་འཕྲུལ་བའི་ཚོགས་དང།། ཚིག་གིས་ཚོགས་སྟོན་པར་བྱེད་པའི་ཕྱག་འཚལ་ན།། སྟོན་པར་བྱེད་པ་སྟེ། ། ངག་རྣམ་པར་བསྡམས་པ་ལས་གྱུར་པའོ།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། ཡི་གེའི་ཚོགས་སྟོན་པའི་ལྷ་མོ་སྟེ་ལེའུ་ཉི་ཤུ་གཅིག་པའོ།།།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང། ། གསུང་དང།། ཐུགས་རྡོ་རྗེ་རྣམས་ལས།། རྟགས་མེད་པར་བསྣམས་པའི་ལྷ་མོའི་གསང་སྔགས་འདི་བྱིན་གྱིས་བརླབས་སོ།། ན་མོ་བུདྡྷ་དྷ་རྨཱ་སང་གྷ་བྱ།། བཛྲ་ཨ་བ་ལོ་ཀ་ཛྙཱ་ན། ། ཨ་ག་ནེ་པྲ་བེ་ཤ་སྭཱ་ཧཱ།། དེ་ནས་རྡོ་རྗེ་མར་མེ་ཐོགས་པའི་ལྷ་མི་གཡོ་བའི་འཕྲུལ་པ་འདིར་སྣང་བ།། རྡོ་རྗེ་མར་ལུས་ཅན་རྣམས་ལ་རྣམ་པར་གསལ།། གནས་དང་ཞིང་ཁམས་རྟགས་སུ་སྟོན། ། པདྨ་ཉི་མ་ཟླ་བ་ལ།། གཅིག་པུ་དགོན་པའི་ས་ཕྱོགས་སུའོ།། དཔལ་དངོས་གྲུབ་ཐམས་ཅད་ཀྱིས་བསྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། རྡོ་རྗེ་མར་མེ་རྟགས་བསྟན་པ་སྟེ་ལེའུ་ཉི་ཤུ་གཉིས་པའོ། །།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང།། གསུང་དང།། ཐུགས་རྡོ་རྗེ་རྣམས་ལས།། འཚོ་བའི་ཕྱིར་རྣམ་པར་སྨྲ་པའི་གསང་སྔགས་འདི་གསུངས་སོ།། ན་མོ་བུདྡྷ་དྷ་རྨཱ་སང་གྷ་བྷྱ།། ཛི་པ་པྲ་པེ་ཤ་པ་ར་མི་ཤ། ། ཁ་ཁ་ཁཱ་ཧི་པྲ་བེ་ཤ་ཛཱ་ཛཱ། གསང་སྔགས་ཉི་ཤུ་རྩ་དགུ་པ།། ཙན་དན་ལ་སོགས་བྲིས་པ་བར།། རྣམ་པར་འདྲེས་པའི་ཁ་ཟས་ནི།། མི་ཁྱི་ཚིག་དང་རྟགས་སུ་བསྟན།། ཁ་ཟས་སྟོབས་པའི་ངང་ཚུལ་ཅན། ། དཔལ་དངོས་གྲུབ་ཐམས་ཅད་ཀྱིས་བསྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། ཁ་ཟས་སྟོབས་པའི་ལྷ་མོའི་གསང་སྔགས་ཏེ་ལེའུ་ཉི་ཤུ་རྩ་གསུམ་པའོ།།།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང། ། གསུང་དང།། ཐུགས་རྡོ་རྗེ་རྣམས་ལས།། དམིགས་པ་བསྒྲུབ་བྱ་དབང་དུ་གྱུར་པའི་ཁྱད་པར་དྲག་པོ་རྟེན་འབྲེལ་པའི་ལིང་ག་ཐམས་ཅད་སྔགས་ཀྱིས་བྱིན་གྱིས་བརླབ་པའི་འཁོར་ལོ་འདི་གསུངས་སོ། ། རྣམ་པར་སྣང་མཛད་ལ་ཕྱག་འཚལ་ལོ།། སྣང་བ་མཐའ་ཡས་ལ་ཡང་ཡང་དག་གནས།། རྡོ་རྗེ་སེམས་དཔའི་བརྡ་ཕྱག་འཚལ།། བདུན་པའི་གསུམ་པ་དེ་འདོད་པ།། ལྔ་པའི་གསུམ་པ་དྲུག་གསུམ་ཅན།། འདི་ལྟར་བདུན་དང་པོ་ཅན། ། བཞི་པའི་དང་པོ་དྲུག་གསུམ་སྒྲ།། དབྱངས་ཡིག་ལྔ་པ་ད་ཡི་རྐྱེན།། དང་པོའི་ལྔ་པའི་སྒྲ་ཡང་ཡོད།། དབྱངས་ཡིག་དང་པོས་ས་བོན་ཏེ།། ལྔ་པའི་ལྔ་པ་དབྱངས་ཡིག་ལྔ།། གཅིག་པའི་དང་པོ་ལྔ་པའི་ལྔ། དྲུག་པའི་གསུམ་པ་དབྱངས་ཡིག་ལྔ།། ལྔ་པའི་དང་པོ་དེ་ཡི་གེ་སྒྲ།། དབྱངས་ཡིག་དང་པོ་དེ་དང་ལྡན།། ལྔ་པའི་གསུམ་པ་དེ་ལྟར་རོ།། དེ་ལྟར་བདུན་པའི་གསུམ་པ་ཡི།། བཞི་པའི་ལྔ་པ་དབྱངས་ཡིག་གསུམ། ། གཉིས་པའི་གསུམ་པ་གཉིས་དང་ལྡན།། ཡི་གེ་བཅཝ་བརྒྱད་ནུས་པ་ནི།། སངས་རྒྱས་རྣམས་ཀྱི་སྙིང་ལ་སྟེ།། རྟེན་འབྲེལ་འཁོར་ལོ་སྟོན་པར་ནུས།། ལུས་ཅན་ངག་གི་གཟུགས་ཅན་ལ།། འདི་ཡིས་རྣམ་པར་བརླན་པར་བྱ། ། བཟླས་ན་རྟེན་དང་རྟེན་ཅན་བྱ།། བྲིས་པ་ལུང་དང་ཡན་ལག་སྟེ།། འདི་ཡིས་ངེས་པར་སྦྱར་པ་ལ།། སངས་རྒྱས་རྣམས་ཀྱིས་སྐྱོབ་མི་ནུས།། སྦྱོར་བ་བརྟེན་དང་ངེས་འདོད་པས།། འདི་དག་རྣམ་པར་ཡང་དག་གོ། གདུག་པ་སྟོབས་ཆེན་མཆེ་བས་དྲུག་པའི་ས།། དུག་འཕེལ་ཐུར་དུ་རྐོས་པའི་རྐང་པ་ཅན།། དུས་སུ་དུས་གཅིག་ཐམས་ཅད་ཤི་བའི།། དམར་གནག་རོ་བཅས་པའི་ས་བླངས་ཏེ།། དེ་ནི་བཀྲ་ཤིས་མེད་པའི་ཡན་ལག་བཅུ། ། གདུག་པའི་ཁྱིམ་དུ་གྲོག་མོའི་ཡུལ་ན་ཡོད།། དེ་ལ་དེ་དག་གི་ནི་གཟུགས་དེ་བྱ།། དེ་ནི་ཡུལ་མཚོན་པའི་ཉེ་བར་འབྲེལ།། ངག་ཅན་རྣམ་པར་གནས་དང་གསང་བ་ནི།། རྐྱེན་ལས་སྐྱེས་ནས་རྐྱེན་གྱི་འགྱུར་བའི་མདོག། རང་རྐྱེན་ཟད་ནས་ལས་རླུང་རྐྱེན་གྱིས་འདས།། རང་རྐྱེན་རྟེན་འབྲེལ་སྟོབས་ཀྱིས་བཟུང་བ་ནི།། འཕེན་པའི་བར་ཆོད་ཞེ་སྡང་སྟོབས་ཀྱིས་གཏུབས།། འཛིན་པའི་རྐྱེན་ལ་མ་བྱུང་མཁའ་ལ་ཟིན། ། མཁའ་ཉིད་རང་བཞིན་མེད་པས་རང་བཞིན་ཅན།། གཞིག་པར་ནུས་པའི་རྟེན་འབྲེལ་དཔའ་པོས་བསྟན།། རྐྱེན་གྱིས་དྲག་པོར་བསྒྲུབས་ན་ཡང་དག་འགྲུབ།། རྐྱེན་གྱིས་བསྒྲུབས་ན་ངག་ཅན་ཉེས་པ་ཡི། ། རྣམ་པར་གནས་པ་དག་ལ་སྡང་པའི་རྒྱུ།། གནོད་པར་འབྲེལ་བའི་ཤིང་ལོ་རླུང་ཁྱེར་ཉིད།། གང་དག་མིང་ཅན་ཡང་དག་སྦྱོར་བ་ནི།། གསལ་བར་གཅོད་པའི་དབང་པོ་རྣམ་དང་བྲལ།། སྡུག་བསྔལ་སྐྱེས་པའི་ཚོར་བ་རྣམས་དང་བྲལ། ། གཤིན་རྗེའི་ཁྱིམ་དུ་འགྲོ་བའི་རྣམ་པ་ཅན།། མི་ཡུལ་བསོད་ནམས་ལྟ་བའི་ཐ་མ་དེ། བསོད་བྱེད་རྗེ་བོ་གཤིན་རྗེ་རྣམས་ཀྱི་བསྐོར།། མཐུ་དང་ལྡན་པ་གཞན་ཡང་རུང་ན་རྔམ།། བློ་བུར་དུས་འདིར་དེ་ལ་བར་ཆེད་སྣང། རིགས་མཐུན་ལས་ཀྱི་འབྲེལ་བ་རྣམས། ཀྱང་རྔམ།། ཤེས་ལྡན་སེམས་ཅན་ཕྲ་མོ་འགའ་ཡང་འཇིགས།། འཆི་བར་ངེས་པས་གསོད་པར་མི་ངེས་ཏེ།། སྐད་ཅིག་དེ་ལ་དྲོ་བའི་ཁྲག་དེ་ནི། ། གཤིན་རྗེ་རྣམས་ལ་བེ་ཅོན་ཕྱག་རྒྱ་བླང།། ཕྱག་རྒྱ་ཉིད་དང་ཡན་ལག་བཅུ་གསུམ་ནི།། དྲག་པོའི་རྟེན་འབྲེལ་དེ་ཡིས་དེ་ཕྱིར་ཡིན།། ཡུལ་ན་གྲོག་ཚང་འདྲ་སྟེ་ངག་ནི་རླུང།། གང་གི་མིང་ནི་དེ་ཡི་ཁྲག་ལས་བྱས། ། དེ་ཡི་ཆུ་ཡིས་ཐམས་ཅད་བསྡུས་པ་ཡིན།། གཟུགས་སུ་གྱུར་པ་དེ་ལ་མིང་དུ་བཏགས།། ནམ་མཁའ་གཟུགས་མེད་མིང་དུ་བཏགས་པ་ཡང།། དེ་ཡི་ཐ་སྙད་སྡུད་པར་བྱེད་པའི་ཆུ།། དེ་བས་འཆི་ཀའི་ཁྲག་སྐྱུགས་དམར་ལ་དྲོངས། ། ལུས་ཅན་གང་དག་འདི་ལྟར་གསད་པར་བྱས།། གང་དག་སྡང་བ་བྱམས་པ་རྣམས་དང་བྲལ།། གླང་པོ་ལས་ལས་གྲུབ་པའི་མཚན་མ་ཅན།། རང་གི་མ་ཡིས་བསད་པའི་སྨིན་པའི་གཟུགས། ། མིང་དང་སྐད་དང་མེད་པ་བླུན་པོའི་གཟུགས།། མ་མོ་རྣམས་ཀྱིས་ཡང་དག་བཟུང་བའུ+ི་རྫས།། རང་རྒྱུད་སྟོང་པ་སྲིད་ལ་གས་པའི་དབྱིབས།། མཚན་མ་བཅུ་གཅིག་དྲག་པོའི་ལས་ཅན།། ལུས་ཅན་གང་དག་གསད་ཕྱིར་ལུས་འདི་བྱས། ། དངོས་པོ་ཐམས་ཅད་རྟེན་འབྲེལ་ཉིད་ཀྱིས་འགྲུབ།། དེ་བས་ལུས་ཅན་དང་ཅན་མིང་ཅན་དང།། འདི་ནི་ཡུལ་ཅན་རྣམས་ལ་རྣམ་པར་གསུངས།། སེམས་དང་ལྡན་པ་བསད་པའི་ཕ་རོལ་ན། ། སེམས་ནི་གསད་བྱ་རྒྱལ་བས་མ་གསུངས་སོ།། ཅིའི་ཕྱིར་དེ་ཉིད་གསད་བར་གྱུར་པ་ནི།། མུ་སྟེགས་ཁྱེད་ཀྱི་ཚུལ་ལ་བདག་མི་འཛུག། འོ་ན་ལུས་ཅན་ངག་ཅན་མིང་ཅན་དང།། ཡུལ་ཅན་གསོད་པར་བྱེད་པའི་གཙོ་བོ་ནི། ། དགེ་བ་གཞན་གྱིས་འདི་ལ་ཉེ་བར་བསྐྲུན་པ་མེན།། ལུས་ངག་འཁྲུས་པས་བརྟགས་པའི་དངོས་པོ་གཞན།། གང་དག་སྦྱོར་བ་ཡང་དག་གྲོལ་མི་འགྱུར།། དངོས་པོ་འདི་དག་ཤེས་པ་ནམ་མཁའི་དཀྱིལ། ། སྔོན་ནས་དག་པ་སེམས་ཉིད་རྣམ་པར་དག། གདོད་ནས་མ་བྱུང་སེམས་ཉིད་ཤི་བ་མེད།། རྣམ་དག་སེམས་ལ་སྒྲིབ་པ་ལུས་ངག་ཡིད།། ཡུལ་ལ་འཁྲུལ་པས་དགེ་བ་འདི་ལ་བསྐྲུན།། རྟོག་པ་འདི་ཞི་བསལ་ཕྱིར་རྟེན་འབྲེལ་བརྟགས། ། ཡུལ་ནི་འཁྲུལ་པས་བག་ཆགས་བརྟག་པ་སྟེ།། མིང་ནི་ཁྲག་གིས་སྡུད་པ་ཁྲག་གི་རྐྱེན།། ཁྲག་ནི་བདག་མེད་སྔོན་ནས་འདི་བཞིས་བསླུས།། འདི་བཞི་བསད་ན་སེམས་ནི་རྣམ་པར་གྲོལ། ། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། བསྒྲུབ་བྱ་རྟེན་འབྲེལ་གྱི་ནུས་པའི་ཆོས་བསྟན་པ་སྟེ་ལེའུ་ཉི་ཤུ་རྩ་བཞི་པའོ།།།། དེ་ནས་བཅོམ་ལྡན་འདས་ཀྱིས་ཉིད་ཀྱིས་སྐུ་དང། ། གསུང་དང།། ཐུགས་རྡོ་རྗེ་རྣམས་ལས།། དཔལ་མཁའ་འགྲོ་མའི་ཕྱག་རྒྱ་རྣམ་པར་སྦྱོར་བ་འདི་གསུངས་སོ།། རླུང་གི་མེ་སྦར་བོང་ཞོན་དབང་ཕྱུག་མ།། ལྕགས་ཀྱུས་བོས་ནས་ཐོད་པས་དབང་བསྐྲུར་ཏེ། ། ཐོད་རློན་དམ་ཚིག་བསྟན་ཅིང་གཉིས་མེད་བསམ།། ཡན་ལག་ཕྱག་རྒྱས་བསྐུལ་ན་ལས་རྣམས་བྱེད།། ཡཾ་ཡཾ་ཡཾ།། མ་ཧཱ་ཀ་ལི།། བ་ཡ་བེ།། མ་ཏྲ་སྤ་ར་ན།། བ་ཡ་བྷེ།། ཡ་མ།། ཡཾ་ཡཾ་ཡཾ།། ཨོཾ་མཧཱ་ཀ་ལི། ། ཨ་ག་ནེ་ཛྭ་ལི།། མ་ཧཱ་ཀ་ལི།། རཾ་རཾ།། ཛྭ་ལ་ཛྭ་ལ།། པྲ་བ།། མུ་ཏྲ་མ་ཧཱ་མུ་ཏྲ་ཛྭ་ལ་རཾ།། ཨོཾ་མ་ཧཱ་ཀ་ལི་ཡེ།། མཎྡྲལ་མ་དེ།། ཡ་ཏ་ཡ་ཀ་ཏ་ཡ། ཨ་ཀ་ཡ།། ཨ་ཀ་ཏ་ཡ།། པྲ་བེ་ཤ་ཡེ།། པྲ་བེ་ཤ་ཡ།། ཏི་སྟ་ཏི་སྟ། ། ཨ་བ་ལོ་ཀ་ཡ་ཨབ་ལོ་ཀ་ཡ་ཧཱུ~ཾ།། ཨོཾ་མ་ཧཱ་ཀ་ལི་ཡེ། མ་མ་ས་མ་ཡཱ། ཏི་ཏི་ཏི་ཤྟ་སྟྭཾ། མུ་ཏྲ་ཏྲི་ཏྲི་མ་མ་ས་མ་ཡ་སྟྭཾ།། ཨོཾ་མ་ཧཱ་ཀ་ལི་ཡེ་ཧཱུ~ཾ་ཕཊ།། ཨོཾ་རུ་རུ་ཙ་པ་ལ་ཨ་ཤུག་མེ་ཧཱུ~ཾ།། ཨོཾ་ཏྲག་རག་ཤ་ས་མ་ཡ་ཧཱུ~ཾ།། མ་མ་ཙ་པ་ལ་ས་མ་ཡཱ་ཧཱུ~ཾ། ། ཨ་ཤུག་མེ་ཨ་ཤུག་མེ་ཧཱུ~ཾ།། རུ་རུ་ཙ་པ་ལ་ཧཱུ~ཾ་ཨོཾ་ཙ་ཏི་ཀུ་མ་ར་ཨ་བྷི་ཥིཉྩ།། ཀ་པ་ལ་ཏྲི་ནི།། མ་ཧཱ་ཛྙཱ་ན་ཀཱ་ཡ་ཝཀྐ་ཙིཏྟ་ཧཱུ~ཾ།། མ་མ་ས་མ་ཡཱ།། མ་ཧཱ་ཀ་པ་ལ།། ས་མ་ཡ།། མ་ཧཱ་ཀ་ལི་ཀཱ་ཡ་ས་མ་ཡ། ། མ་ཧཱ་ཀ་ལི་བཱ་གྒ་ས་མ་ཡ།། མ་ཧཱ་ཀ་ལི་ཙཏྟི་ས་མ་ཡ།། མ་ཧཱ་མུད་ཏྲ་ཀ་པ་ལ་ཧཱུ~ཾ།། ཨོཾ་མཧཱ་ཤྲི་ཧེ་རུ་ཀ། ཀྲོ་ཏི་ཤྭ་རི་སྟྭཾ།། ཨོཾ་མཧཱ་ཀ་ལི་ཡེ་ཧཱུ~ཾ།། ཨ་བྷི་ཥིཉྩ།། བཛྲ་ཀེའུ་ཧཱུ~ཾ་ཨ་བྷི་ཥིཉྩ།། ཙེའུ་རི།། པྲ་མོ་ཧ།། པེ་ཏ་ལི། ། པུ་ཀ་སི།། ཀས་མ་རི།། སྨ་ཤ་ནི།། ཙཎྜ་ལི། སིང་ང་མུ་ཀ། བྱ་ཏྲི་མུ་ཀ། པྲི་ལ་མུ་ཀ། ཤོ་ན་མུ་ཀ།། ཀྲི་ཏ་མུ་ཀ། ཀང་ཀང་མུ་ཀ། ཁ་ཁ་མུ་ཀ། ཧུ་ལུ་མུ་ཀ།། མཧཱ་ཀ་ལི་ཡེ་ཧཱུ~ཾ།། ཨོཾ་མཧཱ་ཀ་ལི་ཡེ།། ཡཀྵ་རནྡ་མུ་ཏྲ། ། ཨོཾ་མ་ཧཱ་ཀ་ལི།། བཛྲ་ཤག་ཏི། ཨོཾ་མཧཱ་ཀ་ལི་མ་མ་སརྦ་མུ་ཏྲ་ཧཱུ~ཾ་ཧཱུ~ཾ་ཧཱུ~ཾ།། འཇིག་རྟེན་འདི་ན་དངོས་གྲུབ་ཀྱང།། ཕྱག་རྒྱས་མཚོན་ན་འགྲུབ་པར་འགྱུར།། དཔལ་ལྡན་བྱང་ཆུབ་སེམས་དཔའ་ཡི། ། དམ་ཚིག་འཛིན་པར་ནུས་པ་རྣམས།། འདི་དག་ཡང་དག་འགྲུབ་པའོ།། ཡན་ལག་ཕྱག་རྒྱ་བསམ་མི་ཁྱབ།། དཔལ་དངོས་གྲུབ་ཐམས་ཅད་ཀྱིས་བསྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། མཁའ་འགྲོ་མའི་ཕྱག་རྒྱ་རྣམ་པར་སྦྱོར་བ་བསྟན་པ་སྟེ་ལེའུ་ཉི་ཤུ་རྩ་ལྔ་པའོ། །།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང།། གསུང་དང།། ཐུགས་རྡོ་རྗེ་རྣམས་ལས།། དཀྱིལ་འཁོར་ཐམས་ཅད་ཡོངས་སུ་བསྒྲུབ་པར་སྦྱོར་པའི་ས་བོན་འདི་གསུངས་སོ། ། ཨེ་ཡི་ཡེ་ཤེས་ལས་བྱུང་བ།། ཐམས་ཅད་གནས་ཡུལ་ནམ་མཁའ་ཆེ།། ཡཾ་གྱི་ཡེ་ཤེས་ལས་བྱུང་བས།། ཡང་དག་འདེགས་པ་ནམ་མཁའི་སྣོད།། རཾ་གྱི་ཡེ་ཤེས་ལས་བྱུང་བས། ། དཀྱིལ་འཁོར་སྨིན་པའི་ལས་རྣམས་བྱེད།། བཾ་གྱི་ཡེ་ཤེས་ལས་བྱུང་བས།། ཡོན་ཏན་སྡུད་བྱེད་ཏིང་ངེ་འཛིན་བརླབས།། ལས་ཀྱི་ཡོན་ཏན་སྣ་ཚོགས་བདག། ལཾ་གྱི་ཡེ་ཤེས་ལས་བྱུང་བས།། ཐམས་ཅད་རིན་ཆེན་གསེར་གྱི་གཞི། བྷྲུཾ་གྱི་ཡེ་ཤེས་ལས་བྱུང་བས།། གཙོ་བ་དག་ནི་སྤྲུལ་པའི་གནས།། ཡེ་ཤེས་འདུས་པའི་ཆོ་འཕྲུལ་ཅན།། སངས་རྒྱས་རྣམས་ཀྱིས་བསྟན་པ་ཡིན།། དཔལ་དངོས་གྲུབ་ཐམས་ཅད་ཀྱིས་བསྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས། ། འབྱུང་པའི་དཀྱིལ་འཁོར་ཐམས་ཅད་རྣམ་པར་སྦྱོར་བ་སྟེ་ལེའུ་ཉི་ཤུ་རྩ་དྲུག་པའོ།།།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང།། གསུང་དང།། ཐུགས་རྡོ་རྗེ་རྣམས་ལས། ། ཡེ་ཤེས་སྒྱུ་མའི་རྟགས་འདི་གསུངས་སོ།། བདེ་གཤེགས་གསང་བ་འདི་ལྔ་རྣམས།། ཞིང་ཁམས་འདི་ན་རྟག་ཏུ་སྣང།། ཟླ་བ་མེ་ལོང་ཡེ་ཤེས་རྣམས།། མཉམ་ཉིད་རྟག་ནི་ཉི་མ་ཆེ།། ཕྱག་མཚན་ས་བོན་སོ་སོར་རྟོགས། ། མཚན་ཉིད་གཅིག་པ་ནན་ཏན་ཆེ།། ཆོས་ཀྱི་དབྱིངས་སུ་གཟུགས་བརྙན་རྫོགས།། འདི་དག་མངོན་སུམ་པ་ཡིན་ཏེ།། མེ་ལོང་གཟུགས་བརྙན་ཉིད་དང་འདྲ།། རང་བཞིན་རྣམ་པར་དག་པ་ཡིས། ། ཅིར་ཡང་བརྟགས་པའི་དངོས་པོ་འགྲུབ།། ཐ་དད་མཚན་ཉིད་བསྟན་པ་ཡིས།། བསམ་གྱིས་མི་ཁྱབ་ས་ལ་སྦྱོར།། འདི་དག་ཡོད་པ་མ་ཡིན་ཏེ།། དངོས་པོ་རྣམས་ལ་བསྟན་པའོ།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས། ། མི་གཡོ་བའི་ཏིང་ངེ་འཛིན་གྱིས།། དཀྱིལ་འཁོར་ཐམས་ཅད་རྣམ་པར་སྦྱོང་བས་གསུངས་པ་སྟེ་ལེའུ་རྩ་བདུན་པའོ།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང། ། གསུང་དང།། ཐུགས་རྡོ་རྗེ་རྣམས་ལས།། དཔལ་མཁའ་འགྲོ་མའི་དམ་རྫས་མི་དབང་འབྲས་བུ་སྨིན་པའི་སྦྱོར་བ་ཞེས་བྱ་བའི་གསང་སྔགས་འདི་གསུངས་སོ།། ཨོཾ་མ་ཧཱ་ཀ་ལ་སརྦ་ཤ་ཏྲུཾ་ཨ་མུ་ཁཾ། ། རུ་པ་མ་ཧཱ་རུ་པ་པུ་ཙ་ཧཱུ~ཾ།། དུར་ཁྲོད་རས་ཀྱིས་དཀྲིས་པ་དང།། ཡང་ན་དེ་ཉིད་སྣུམ་གྱིས་བྱུགས།། མི་སྦར་དཀྱིལ་འཁོར་དབུས་སུ་བསྲེག། སྔགས་རྣམས་ཀྱང་ནི་ལུས་ལ་བྲི།། དེ་ཉིད་སྙིང་ལ་སྔགས་མའི་སྔགས། ། རྣམ་པར་བཀོད་པ་ཡང་དག་སྒྲུབ།། མགོ་ལ་ཉི་ཟླའི་སྔགས་བྲིས་སྒྲུབ།། མི་དབང་སར་པའི་གཟུགས་ལ་ནི།། གསང་སྔགས་འདི་དག་ཁྱབ་པར་བྲི།། དཀྱིལ་འཁོར་གྲུ་གསུམ་ལྔ་བརྩེགས་སུ། ། དང་པོར་བརྐོས་པའི་ནང་དུ་དེ།། མགོ་བོ་མངོན་དུ་བསྲེགས་པས་རྩིག། རྣམ་པར་བསྲེགས་དང་བཟླས་པའོ།། མེ་ལ་པྲ་དེ་རྣམས་ཀྱིས་བསྟན།། དཀར་པོ་སེར་དང་དམར་ལ་གནག། ཁ་ཊྭཱཾ་བཞིན་དུ་ལས་རྣམས་འགྲུབ། ། རྩེ་མོར་འཁྱིལ་ནས་ཐུར་དུ་འཁྱིལ།། བགེགས་ཀྱིས་དངོས་གྲུབ་རྣམས་ལ་གནོད།། རྣམ་པར་འཕྲོས་དང་མེ་སྟག་ཅན།། སྦྱིན་པ་བསྲེགས་པ་རྣམས་ལ་སྡང།། ཁ་དོག་མི་གསལ་དུད་པ་ཅན།། རབ་དགའ་བཀྲ་ཤིས་སྣང་བ་མེད། ། གང་ཞིག་ཁ་ཊྭཱཾ་མ་ནོར་ཞིང།། རྩེ་མོར་ཕྱིན་པ་འཕྲ་ལ་མཐོ།། ཐམས་ཅད་དེ་ལས་མྱུར་དུ་འགྲུབ།། བཀྲ་ཤིས་མཆོད་པ་སོ་སོ་ཡི།། རྫས་དང་ཁ་དོག་རྣམ་པར་བཏབ།། མེ་སྟག་བྱུང་ནས་བུད་ཤིང་ཡང། ། སོ་སོའི་ཁ་དོག་རིགས་ཀྱི་བུད།། དང་པོ་ཡང་ན་བཞི་པའི་ཤིང།། ཕྱོགས་གཅིག་པ་ལ་ཡང་དག་བྱ།། དེ་ལྟར་བསྲེགས་ཤིང་སྔགས་པ་ཡིས།། སྟོང་དུ་བཀྲོལ་ཞིང་ཕྱག་རྒྱ་བཀྲོལ།། རྣམ་པར་དཔའ་ཞིང་ལས་ལ་བརྩོན། ། མཆོད་པར་དབུལ་པའི་སྦྱིན་སྲེག་གིས།། ཐམས་ཅད་ལས་རྣམས་ཀུན་ཏུ་སྦྱོར།། དེ་བས་ཐལ་བ་དེ་ཉིད་དང།། དགྲ་བོའི་གཟུགས་ཀྱི་ཐལ་བ་ལ།། སྔགས་བཏབ་བཏག་སྙོམས་ཁང་པར་གཞུག། མཚན་མོ་ལྟ་བུའི་དྲུང་དུ་ནི།། དེ་ཡི་ཐོད་པ་གཟུགས་བརྙན་གཟུགས།། ཡང་ན་གསང་སྔགས་མཐུ་ཡི་སྟོབས།། རྟེན་འབྲེལ་རྫས་པ་འདི་ལྟར།། མཚན་མོ་རྣམ་པར་མཁོན་པ་ཡི།། ཉལ་བའི་ས་གཉིས་མ་འདྲེས་བར། ། ཆུ་ཡི་བཅད་པའི་ས་ཡང་དགོས།། ཁོ་མོ་མ་ནོར་གཟུགས་བྱས་པ།། མི་དབང་དེ་ཡི་ཐལ་བས་བཏབ། རྣམས་པར་བར་ཆད་བར་དུ་ནི།། བདག་ཉིད་ཡང་དག་འདུག་སྟེ་བཟླས།། སྤ་སྨན་ཐམས་ཅད་འཁོན་པར་འགྱུར། ། མདོག་ལྡན་མུ་སྟེགས་གནོད་ལ་བྱེད།། གཞན་ཡང་མི་དབང་དེ་གཟུགས་བྲི།། རྩ་བརྒྱད་བརྒྱ་ཡིས་མར་མེ་དབུས། སྔགས་དང་ལྡན་པར་སྣང་བ་དབུལ།། དཀྱིལ་འཁོར་གང་གི་སྟེང་ན་འབར། ། འདི་ཡིས་ཡང་དག་མཆོད་པ་ཡིས།། མཁའ་འགྲོ་དཔོན་གཡོག་ཐམས་ཅད་དགའ།། དེ་དུས་གཅིག་ཏུ་དངོས་སུ་གྲུབ།། ཡང་ན་མཁས་པས་མི་དབང་ལ།། དགྲ་བོ་གང་དག་སྡང་བ་ཡི།། མིང་བྱང་རྣམ་པར་བྲིས་པ་ལ། ། མེ་བཏང་བསྲེགས་པའི་ཤིང་ལ་བདུག། བཟླས་པ་བརྩོན་ན་དགྲ་བོ་འཚིག། ཡང་ན་སྔགས་པ་ཁྲོས་པ་ཡིས།། མི་དབང་ལུས་ནི་མར་ཡང་གདགས།། དབང་གི་ཁང་པར་ཡང་ཡང་བསྲེག། ཤིང་ནི་དམར་ལ་གནག་པ་ཡིས། ། མཚན་མ་ཚངས་པའི་བུད་ཤིང་བྱ།། བྱ་རོག་དང་ནི་འུག་པ་ཡི།། ཤ་ཁྲག་སྤུ་དང་བཅས་པ་དང།། དགྲ་བོའི་མིང་དང་རྟགས་སུ་ལྡན།། དོར་ཞིང་ཡང་དག་བསྐུལ་ཚིག་སྦྱར།། རྣམ་པར་ཚིག་པའི་ཐལ་བ་ཡང། ། གང་དག་སྡང་པའི་གཟུགས་བྱས་ཏེ།། བོང་བུའི་ཁ་ལ་ཡང་དག་གཞག། ཀ་ར་བཱི་རའི་ལྕག་གིས་བྲབ།། རྣམ་པར་དབབ་པའི་གདོན་མི་ཟ།། ཞི་བར་འདོད་པས་འོ་མས་བཀྲུ།། ཆུ་ཡང་རྒྱ་མཚོའི་ཕྱོགས་སུ་དོར། ། ཡང་ན་སྒྲུབ་པར་བྱེད་པ་ཡི།། བོང་བུའི་མགོ་བོ་སྐམ་པོ་ཡི།། གླད་པའི་ནང་དུ་མི་དབང་སྙིང།། མ་ཞེས་བྱ་བ་བྲིས་པ་ལ།། དེ་ཡི་རྒྱུས་པ་བཏགས་པས་བཟུང།། བཟླས་པས་ཏིང་ངེ་འཛིན་བོང་ཞོན་མ། ། ཁ་ཊྭཱཾ་ཐོགས་པའི་སྔོན་མོ་སྒོམ།། རྟག་ཏུ་གུས་པའི་ཡུལ་ན་འདུག། གལ་ཏེ་སྔགས་པས་པགས་པ་ཡང།། རྣམ་པར་དུལ་བ་སྔགས་དང་མིང།། དགོས་པ་བསྐུལ་ཚིག་ཞབས་སུ་ལྡན།། ཟླ་བ་ནུབ་པའི་དུས་སུ་ནི། ། བསྐོར་ཞིང་ས་ལ་ཡང་དག་བརྡ།། དེ་དག་དུས་རྟག་ཕུང་བར་འགྱུར།། འདི་དང་འདྲ་བར་དེ་ལ་ནི།། མ་མོ་ཉིད་ཀྱི་གཟུགས་བྲིས་ཏེ།། རྒྱལ་མཚན་ཕྱར་ནས་དུར་ཁྲོད་འགྲོ།། ཧ་ཧས་འདེབས་ཤིང་མཆོངས་པ་དང། ། སྤྱོད་པ་དཔའ་ན་གཟུགས་ཀྱང་སྟོན།། མཐོང་ན་དངོས་གྲུབ་ཅིང་འདོད་ཟེར།། དངོས་གྲུབ་ཐོབ་པས་གང་འདོད་སྤྱོད།། ཡང་ན་མི་དབང་ཤ་དང་ནི།། དགྲ་བོའི་གཟུགས་ཀྱང་རྣམ་པར་བཙོ། ། རླངས་པ་དང་ཡང་མ་བྲལ་བར།། མཁའ་འགྲོ་བོས་ཏེ་ཆུ་ལ་སྐྱུར།། འདི་ཡིས་དྲག་པོ་རྣམ་པར་གྲུབ།། ཡང་ན་གཞན་ནི་སྦྱོར་བ་ཡོད།། རྣམ་པར་སྐམས་པའི་མི་དབང་ཤ།། རྡོ་རྗེ་ཐོ་བས་རྣམ་པར་བཏགས། ། དགྲ་བོའི་གཟུགས་ཀྱང་དེ་བཞིན་ཏེ།། ཐ་དད་ཕྱེ་མར་སྣང་གྱུར་ཡང།། བཟླས་དང་རླུང་ལྷ་བོས་ནས་ཀྱང།། རླུང་རྒྱུད་ལོག་པའི་དུས་སུ་ནི།། མཁའ་ལ་ཕྱར་ན་ཟད་པ་དང།། འཐབ་ཅིང་རྣམ་པར་འབུམ་དང་དབུལ། ། མི་དབང་སར་པའི་ཁོག་པ་རུ།། གནོད་པར་བྱེད་པའི་མིང་དང་ཚིག། བཅུ་གནས་བུ་ག་དགུགས་བཙེམས།། སྔགས་རྣམས་ལུས་ལ་དེ་བཞིན་ཏེ།། འོག་ཏུ་གཏོར་མ་བླུག་ནས་ནི།། སྟེང་དུ་ས་དང་རི་རབ་བྲི། ། གཟུགས་དང་དྲང་དུ་པྲ་ཉེ་ལའོ།། ཐབས་དང་གནད་མཐུན་པ་སྤངས།། བསོད་ནམས་དམ་པའི་མཐུ་ཉིད་སྟོན།། གཞན་ལ་བསྟན་དུ་མི་དབང་གིས།། ཡུས་ལ་སྔགས་རྣམས་གཞན་ཡང་བྲི།། ལག་པ་བརྐྱང་བའི་ཁུ་ཚུར་གྱིས། ། ལྕགས་ཀྱི་རལ་པ་ཁ་ཊྭཱཾ་དཀྲོལ།། རྐུབ་ཏུ་གསལ་ཤིང་བཙུགས་པ་སྟེ།། དཀྱིལ་འཁོར་གསང་བའི་དབུས་སུ་བཞག། མཁའ་འགྲོ་རྣམས་ཀྱི་རྟེན་དུ་འགྱུར།། གཞན་ཡང་སྔགས་པ་དཔའ་བ་ནི།། མི་དབང་པགས་པ་དུལ་བ་ལ། ། གོས་བྱས་རྒྱབ་ཏུ་བསྣམས་ནས་ཀྱང།། ཕྱིར་བལྟོས་བོང་བུ་ཉིད་ལ་ཞོན།། དུར་ཁྲོད་རྒྱུ་ཞིང་མི་ཤ་བཟའ།། ཟོར་དང་ཐུན་ཡང་རྣམ་པར་འཕེན།། རྣམ་པ་ཐམས་ཅད་འདི་ལས་འགྲུབ། ། མི་དབང་སྤངས་པའི་ཕ་རོལ་ན།། མཁའ་འགྲོ་མཐུ་ཡི་དངོས་གྲུབ་མེད།། ཡང་ན་ཤིང་སྲིན་བུས་བྲུས་པའི་ཕྱེས།། མི་དབང་ཤ་དང་འདྲེས་པའི་ཕྱེས་གཟུགས།། ཤིང་བུ་གཅོད་པའི་བྱ་རྐང་ལ། ། ལྕགས་ཀྱི་མདེའུ་བཙུགས་བཟླས་དང་སྦྱར།། རྟག་ཏུ་འཁྱམ་ཞིང་ངེས་པར་འཆི།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། མི་དབང་འབྲས་བུའི་ནུས་པ་བསྟན་པ་སྟེ་ལེའུ་ཉི་ཤུ་རྩ་བརྒྱད་པའོ། །།། དེ་ནས་བཅོམ་ལྡན་འདས་ཀྱིས་ཉིད་སྐུ་དང།། གསུང་དང། ཐུགས་རྡོ་རྗེ་རྣམས་ལས།། སྦྱིན་སྲེག་གསུམ།། བྱིན་གྱིས་བརླབས་པ་དང།། སློབ་པར་འགྱུར་བའི་སྔགས་འདི་དག་དང་ལྡན་པར་གསུངས་སོ། ། གཟུགས་ཅན་རྣམས་ལ་བསྟན་པ་ནི།། ཁ་ཟས་འདོད་པས་ཆོས་འདི་ནི།། རྟག་ཏུ་ཟོས་པ་མཁས་པ་ཡིན།། ཨ་ཡི་ཡེ་ཤེས་ལས་བྱུང་བས།། སྐྱེ་བ་མེད་པའི་ཟླ་བ་ལ།། མ་བསྐྱེད་རྫོགས་པར་ཡེ་ཤེས་ཆེ། ། མཁས་པའི་ཡེ་ཤེས་ཀུན་ལ་གནས།། རྒྱུ་མེད་འདས་པའི་རྒྱལ་པོ་ནི།། ལུས་ཅན་ཀུན་གྱི་སྙིང་ལ་གནས།། དྲན་པར་འདོད་པའི་ལུས་ཅན་གྱིས།། རང་གི་འདོད་ལྷ་གང་ཡིན་པ།། འདི་དང་མཚུངས་པར་རྟགས་པར་བསམ། ། ཧཱུ~ཾ་གི་ཡེ་ཤེས་དང་ལྡན་པ།། ལྟེ་བར་རྡོ་རྗེ་དཀར་པོ་གནས།། དབུ་རྒྱན་ལ་ནི་འདོད་ལྷའི་གཙོ།། རྐྱེན་གྱིས་བསྒྲུབས་པའི་ཁ་ཟས་ཀྱང།། ཡེ་ཤེས་ས་ལས་བྱུང་བ་ནི།། ཨོཾ་གྱི་ཡེ་ཤེས་ལས་བྱུང་བས། ། རྣམ་པར་སྣང་མཛད་བདུད་རྩིར་འགྱུར།། ཨ་ཡི་ཡེ་ཤེས་ལས་བྱུང་བས།། སྣང་བ་མཐའ་ཡས་བདུད་རྩིའི་ངང།། ཧཱུ~ཾ་གི་ཡེ་ཤེས་ལས་བྱུང་བས།། མི་བསྐྱོད་བདུད་རྩི་ཡང་དག་ཡིན།། སྭ་ཡི་ཡེ་ཤེས་ལས་བྱུང་བས། ། རིན་ཆེན་འབྱུང་ལྡན་བདུད་རྩིའི་རྐྱེན།། ཧ་ཡི་ཡེ་ཤེས་ལས་བྱུང་བས།། དོན་ཡོད་གྲུབ་པ་བདུད་རྩིའི་མཆོག། ལག་པ་གཡས་པ་སྟོབས་པའི་གཟར།། ཁ་ནི་ཞི་རྒྱས་དབང་དྲག་སྟེ།། ཁུང་བུར་གྱུར་པའི་སྒོ་ཡང་ཡིན། ། ཁ་ཟས་བདུད་རྩིར་གྱུར་བྱས་པ།། རང་གི་ལྷ་ལ་ཕུལ་བ་ནི།། སྤྱིན་པ་སྲེག་པ་ནང་གི་མེན།། ཕྱི་རོལ་མཆོད་པ་འདི་མཆོག་སྟེ།། བཟའ་དང་ཟ་བ་ཐ་དད་མེད། ལྷ་དག་དགའ་བའི་གཙོར་གྱུར་ཏོ། ། ཐལ་བ་ད་བ་ཐལ་བར་ལྷགས།། རྟག་ཏུ་འདི་ལྟར་ཤེས་བྱས་ནས།། ཕུང་པོ་སྒྱུ་མར་བརྟེན་བྱས་ཏེ།། འདི་ནི་ཕྱི་ཡི་སྤྱིན་སྲེག་སྟེ།། ཁ་ཟས་ཅན་ལ་བྱིན་གྱི་བརླབས།། མཁས་པ་ཉིད་ལ་དག་པའི་ཕྱིར།། ནང་གི་སྤྱིན་སྲེག་རྣམ་པར་བསྟན། ། སྤྱིན་པའི་རྫ་ས་ནི་བྱང་ཆུབ་སེམས།། སྔོན་དུ་རྒྱལ་བ་རྣམས་ལ་ཕུལ།། བསྲེག་པར་བྱ་བའི་བུད་ཤིང་ནི།། ཕུང་པོ་ལ་སོགས་རྣམ་པར་བསྲེགས།། མེ་ནི་ཡེ་ཤེས་ཆེན་པོ་སྟེ།། རྣམ་པར་མོ་རྟོག་པ་ལས་བྱུང། ། འདི་དག་ནང་དུ་འདུས་པ་ལ།། ནང་གི་སྤྱིན་པ་སྲེག་པར་ཤིས།། འདི་དག་རྣམས་ལས་གཟུད་པའི་ཕྱིར།། རྟོག་པ་རྣམས་ལ་རྫས་ཀྱིས་ནི།། སྤྱིན་སྲེགས་ན་རྟག་ཀྱང།། ཨོཾ་མ་ཧཱ་ཀ་ལི་ནི་ཡེ་སརྦ་ཨགྣེ་དེ་བ་པྲ་བེ་ཤ། ། མ་ཧཱ་པ་ར་མི་ཤ།། གསང་སྔགས་བྱིན་གྱིས་བརླབས་པ་ཡི།། ཉི་ཤུ་རྩ་བཞི་བཟློས་ཤིང་ནི།། མེ་ལ་མཁས་པས་མེ་པྲ་བརྟགས།། དུ་བ་མེད་པར་རྣམ་པར་བདེ།། དུ་བུས་འོད་ཟེར་བསྒྲིབས་ན་གནོད། ། ཧ་ཅང་ཆེ་བའི་དུ་བ་ངན།། ཤིན་ཏུ་ཕྲ་ཞིང་དུ་བ་མཛེས།། སྔོན་མ་མཐོང་བའི་དུ་བ་ངན།། ཞི་བ་ལ་ནི་སྔོ་ནག་ངན།། རྒྱས་པ་ལ་ནི་སེར་ནག་ཏུ།། ཅུང་ཟད་འབར་ན་ཤིས་པ་ཡིན།། དམར་ནག་ཉིད་ནི་དབང་གིའོ། ། ནག་པོར་གྱུར་པ་དྲག་པོ་གྲུབ།། རལ་གྲི་ལྟ་བུར་ཆད་པ་ནི།། གང་གི་ཕྱོགས་སུ་སོང་བ་ངན།། བུམ་པ་དང་ཡང་འདྲ་བ་ཞིག། གང་གི་ཕྱོགས་སུ་གྱུར་པ་ཡིས།། ཁ་དོག་གིས་ནི་ལུས་ལ་སྦྱར། ། ནེའུ་ལེ་འདྲ་ནོར་དང་ལྡན།། ཐུམ་པོ་འདྲ་ན་བཀྲ་མི་ཤིས།། གང་དུ་དུད་པ་འགྲོ་བ་ཡི།། དེ་ན་དེ་ཡི་ལས་རྣམས་ཡོད།། འོད་ཟེར་མེད་པ་དུད་པར་བཅས།། ལས་ལ་སྦྱོར་བ་ཉིད་ལ་ནི།། མཆོད་རྟེན་འདྲ་བ་ལས་རྣམས་བརྟན། ། དུད་པ་ཀུན་ཏུ་འགྲོ་བ་ནི།། ཞི་དང་ལྡན་པས་ལས་རྣམས་བསྐུལ།། དང་པོར་དུད་པ་དྲག་པ་ཤིས།། བར་དུ་བྱུང་བ་བར་དུ་གཅོད།། ཐ་མར་དུད་པ་དག་པ་དགེ།། ཀུན་ཏུ་དུ་བ་བྱུང་ན་བསྐྲད། ། ཀུན་ལ་དུ་བ་མེད་ན་བཤགས།། མེ་ནི་དཀར་ལ་དམར་སེར་ལྗང།། ནག་དང་སྔོ་བ་རྣམས་སྨུག། ཞི་དབང་རྒྱས་དང་དྲག་པོའི་བརྟགས།། ཤིན་ཏུ་དྲག་དང་ཤིན་ཏུ་རྒྱས།། ཤིན་ཏུ་དབང་དུ་གྱུར་པའོ།། མེ་སྟག་འཕྲོས་པས་རང་ལ་གནོད། ། སྒྲ་དང་ལྡན་པར་འབར་པ་ངན།། སྒྲ་མེད་དབྱིབས་ཀྱང་ཟླུམ་ལ་ཞི།། རྣམ་པར་ཕྲ་ལ་རིང་བ་དབང།། ཅུང་ཟད་སེར་ལ་གྲུ་བཞི་རྒྱས།། ཟུར་བ་ནག་ལ་ཁྲོ་ན་དྲག། འབར་པའི་འཕྲོ་ལ་མེ་ཤི་ན། ། སྔགས་པ་ཉིད་ལ་རྣམ་པར་གནོད།། འབར་པའི་འཕྲོ་ལ་ཆེར་འབར་ནས།། ཆུང་དུ་ཤི་བ་སྔ་མི་སྔ།། ལས་རྣམས་གང་བྱེད་མྱུར་དུ་འགྲུབ།། ཀུན་ཏུ་མེ་སྟག་འཕྲོ་བ་ནི།། ཕྱོགས་བཞིར་གཏོར་བ་ཡང་དག་སྟབ། ། མེ་ནི་རླུང་གིས་བཅད་པ་ལ།། ཕྱོགས་ནི་གར་འགྲོ་དེ་ལ་གནོད།། མེ་ལྕེ་ཐུར་དུ་ལྷུང་པ་ངན།། མེ་རྣམས་རྩེ་མོ་མེད་པ་དང།། གྱེན་དུ་འགྲོ་བར་མི་བྱེད་ཅིང།། ཁ་དོག་མི་གསལ་དུ་བ་དྲག། མེ་སྟག་འཕྲོ་ཞིང་སྨྲ་བ་འདྲ། ། ཟུག་ངུ་ཅན་གྱི་དབྱིབས་དང་ལྡན།། འདི་དག་གནོད་པ་ཡང་དག་མེད།། དངོས་གྲུབ་མེད་པ་དེ་ཉིད་དོ།། བཤགས་དང་བསྒོམས་དང་ཕྱག་རྒྱ་དང།། ཁ་ཊྭཱཾ་དཀྲོལ་ཞིང་རྣམ་པར་བལྟ།། གསང་སྔགས་ཉི་ཤུ་བཞི་ཡང་བཟླས། ། མེ་ཏོག་གཏོར་ཞིང་པྲ་དབབ་བཤགས།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། སྦྱིན་སྲེག་གསུམ་རྣམ་པར་བསྟན་པའི་ལེའུ་སྟེ་རྩ་དགུ་པའོ། །།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང།། གསུང་དང།། ཐུགས་རྡོ་རྗེ་རྣམས་ལས།། མཆོད་པའི་དཀྱིལ་འཁོར་གྱི་ཚོགས་ཆེན་པོ་རྣམ་པར་བསགས་པ་དང།། བསག་པ་དང།། གསོག་པར་གྱུར་པའི་གསང་སྔགས་འདི་བྱིན་གྱིས་བརླབས་ཏེ་གསུངས་སོ། ། ཨོཾ་བཛྲ་དུ་པ་མ་ཧཱ་ཀ་ལི་པཱུ་ཙ་སྭཱཧཱ།། པུཥྤ་པ།། དི་པ།། གྷན་དྷ།། བར།། འདི་དག་ཉིད་ཀྱི་ནི་རྣམ་གསལ་བ།། སེམས་དཔའ་གསུམ་གྱི་མཚན་ཉིད་ཀྱིས། ། ཡེ་ཤེས་སེམས་དཔའི་ཐུགས་ཀ་ནས།། དྲིའི་ལྷ་མོ་ལྷ་མོ་བདག་ལ་འཕྲོ།། ཙན་དན་བླངས་པ་ནམ་མཁར་ཁྱབ།། དེ་བཞིན་མེ་ཏོག་མར་མེ་དང།། དྲི་ཆབ་ཞལ་ཟས་རྣམ་པར་ཐོགས།། དཔག་མེད་མཁའ་འདྲ་དེ་རྣམས་ལའང། ། ཕྱི་རོལ་རྣམས་ལ་བརྟེན་བྱས་ཏེ།། གཅིག་ལའང་ལྔ་ལྔར་ཤེས་པར་བྱའོ།། འདི་དག་ནི་དཔལ་བྱང་ཆུབ་སེམས་དཔའི་ཐུན་མོང་གི་ཚོགས་སོ།། ཨོཾ་མ་ཧཱ་ཀ་ལི་ས་མ་ཡ་པོ་དྷི་ཙིཏྟ་མཧཱ་པཱུ་ཙ། ། གུ་ཧ་སྟྭཾ།། ཨོཾ་མ་ཧཱ་ཀ་ལི་ས་མ་ཡ།། མ་ཧཱ་རཀྟ་གུ་ཧྱ་སྟྭཾ།། ཙན་དན་དཀར་དམར་དྲི་ཞིམ་ཞིང།། ཙན་དན་དཀར་དམར་དེ་ཉིད་འདྲེས།། ཙན་དན་ཉི་ཤུ་བྱང་ཤར་བལྟས།། ཁྱིམ་གྱི་འགྲོན་ལྔ་གཉིས་དབུས་གཉིས། ། ཙན་དན་དཀར་པོའི་གཟུགས་བརྙན་ཡུལ།། གདན་གྱི་ཙན་དན་དཀར་ཏིབ་བདུན།། སུརྱ་པྲ་བ་ཉི་ཤུ་པ།། མགྲིན་བཅུའི་ཁྱིམ་ན་ཁ་བལྟས་ལ།། དུས་ལ་བབ་བམ་ཁམས་ཀྱིས་བསྒྱུར།། གལ་ཏེ་སྲན་མའི་མེ་ཏོག་གིས། ། གདན་ཁྲི་ཙན་དན་དཀར་ཐིག་ལ།། གཟུགས་བརྙན་ཡུལ་འདྲ་བླ་ར་སེར།། ཐབས་དང་ཤེས་རབ་གཉིས་སྦྱོར་རབ།། འབྲིང་ནི་སོ་སོར་རྟན་པའི་གཞི།། ཐ་མ་སྲན་མ་ཙན་དན་དཀར།། དཔལ་དངོས་གྲུབ་ཐམས་ཅད་ཀྱིས་བསྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས། ། དཔལ་བྱང་ཆུབ་སེམས་དཔའ་ལ་མཆོད་པའི་ཚོགས་སུ་བསགས་པ་སྟེ་ལེའུ་སྟེ་སུམ་ཅུ་པའོ།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང། ། གསུང་དང་ཐུགས་རྡོ་རྗེ་རྣམས་ལས།། སྔོན་བྱང་ཆུབ་སེམས་དཔའི་ཚོགས་པའི་བཤེས་གཉེན་ལ་བརྟེན་ནས།། དེ་བཞིན་དུ་ཚོགས་བསགས་ཤིང།། དཀྱིལ་འཁོར་བསྒྲུབ་པར་བྱ་བ་འདི་གསུངས་སོ། ། དཔལ་ལྡན་གསང་སྔགས་འདི་ལ་རྣམ་བརྟེན་པ།། སེམས་ཅན་ཐམས་ཅད་བདེ་བའི་ཞིང་དུ་འགྲོ།། རིན་པོ་ཆེ་ཡི་མེ་ཏོག་དེ་བཞིན་གཤེགས།། གསེར་གྱི་རི་བོ་མདོག་མཛེས་བདེ་གཤེགས་དང།། སྤྱན་རས་གཟིགས་དབང་རྒྱལ་སྲས་དམ་པ་རྣམས། ། འདས་པའི་སངས་རྒྱས་དགེ་བའི་བཤེས་གཉེན་ཉིད།། གང་འདི་ད་ལྟར་འདི་གནས་དགེ་འདུན་ཆེ།། མ་འོངས་དུས་ན་སངས་རྒྱས་དཔལ་ནོར་བུ།། རིན་ཆེན་ལས་བྱུང་རིན་ཆེན་བརྒྱན་པའི་ཞིང། ། རྒྱལ་བ་འདི་ལྔ་མཛེས་པའི་སྐུ་ཡང་བྲི།། དེ་ཡི་དྲུང་དུ་ཕ་རོལ་ཕྱིན་དྲུག་གི།། མཎྜལ་ཉིད་ནི་རྟག་ཏུ་གུས་པར་བསྒྲུབ།། མེ་ཏོག་ཚོམ་ལྔ་དབུས་ནི་རིན་པོ་ཆེ།། མེ་ཏོག་སྤྱིན་པ་མཁས་པས་འབད་པའི་ལམ། ། ཤེས་རབ་ཕྱག་རྒྱ་མི་འདའ་ཚུལ་ཁྲིམས་བསྲུང།། དེ་ཉིད་ཚོགས་ལ་གནས་པར་རྟག་བཟོད་པ།། རྟག་ཏུ་བརྩོན་ལ་ལྷ་སྒོམ་བསམ་གཏན་ཅན།། འདི་ལྟར་ཤེས་ན་ཚོགས་ཆེན་རྣམ་པར་འཕེལ། ། གཞན་ཡང་དེ་བཞིན་གཤེགས་པ་དཔལ་ནོར་བུ་རིན་པོ་ཆེ་ལས་བྱུང་བའི་གཟུགས་ཁམ་པ་ལ་བྱའོ།། འདི་ལྟར་ཉི་མ་ལ་མ་འོངས་པའི་སངས་རྒྱས་ནོར་བུ་རིན་པོ་ཆེ་ལས་བྱུང་བ།། མཉམ་པ་ལ་ཞུགས་པའམ། ། རིན་པོ་ཆེ་བསྣམས་པའི་གཟུགས་བརྙན་ཅི་ནུས་པར་བྱ་བ་དང།། མཚན་མོའི་དུས་སུ་བྱང་ཆུབ་སེམས་དཔས་མཐོང་བའི་ལམ་བརྙེན་པའི་རྟགས་སུ། བརྗོད་པའི་གསང་སྔགས་ཉི་ཤུ་རྩ་གཅིག་རྟག་པར་བརྗོད་ན། ། བྱུང་ཆུབ་སེམས་དཔའི་ཚོགས་འཕེལ་བར་འགྱུར་ཏེ།། གསང་སྔགས་ཀྱི་རིག་འཛིན་འབའ་ཞིག་གོ། གཞན་ཡང་བྱང་ཆུབ་སེམས་དཔའི་ཚུལ་གྱིས།། གསང་སྔགས་ཀྱི་རིགས་འཛིན་པར་འདོད་ཅིང། ། འགྲོ་བ་ལ་ཕན་པར་འདོད་པ་འམ།། བདག་དོན་ཕུན་སུམ་ཚོགས་པར་འདོད་པ་འམ།། མཚན་མོའི་དུས་སུ་བྱང་ཆུབ་སེམས་དཔའ་དཔལ་རྣལ་འབྱོར་ཆེན་མོ་བརྟེན་པར་འདོད་པས།། མཎྜལ་དང།། མཎྜལ་ཆེན་པོ་དང། ། ཤིན་ཏུ་མཎྜལ་དང།། ཟབ་མོའི་མཎྜལ་སྒྲུབ་པོ།། དེ་བཞིན་དུ་ཕྱིའི་མཆོད་པ་དང།། ནང་གི་མཆོད་པ་དང།། གསང་པའི་མཆོད་པ་དང།། ཟབ་མོའི་མཆོད་པ་སྒྲུབ་པོ།། འདི་ལྟར་སྐུ་རྣམ་པ་ལྔ་ཕྱི་རོལ་དུ་བྲི་བ་དང། ། ནང་དུ་བྲི་བ་དང།། གསང་བར་བྲི་བ་དང།། ཟབ་མོར་བྲིའོ།། སྐུ་ས་ལ་བརྩིགས་པའི་ཕྱི་རོལ་ཏུ་བྱ་བ་དང།། ནང་དུ་བྱ་བ་དང།། གསང་བར་བྱ་བ་དང།། ཟབ་མོར་བྱ་བའོ།། རིག་སྔགས་ཕྱི་རོལ་ཏུ་བཟླས་པ་དང། ། གཟུངས་སྔགས་ནང་དུ་བཟླས་པ་དང།། གསང་སྔགས་གསང་ལ་བཟླས་པ་དང།། ཟབ་མོ་མི་འགྱུར་ལ་གནས་པར་བསྒྲུབ་པའོ།། གཞན་ཡང་ལུས་ངག་གི་ནུས་པས་བསམ་གྱིས་མི་ཁྱབ་པ་དང་དུ་བླངས་ཏེ།། མི་སྤང་ཞིང་ཟབ་མོའི་རྟེན་དུ་ཚོགས་རྣམ་པར་བསག་གོ། དཔལ་དངོས་གྲུབ་ཐམས་ཅད་ཀྱིས་བསྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། ཚོགས་ཡོངས་སུ་བསགས་པའི་ལེའུ་སྟེ་སོ་གཅིག་པའོ།། དེ་ནས་བཅོམ་ལྡན་འདས་ཀྱིས་སྐུ་དང།། གསུང་དང།། ཐུགས་རྡོ་རྗེ་རྣམས་ལས།། དཔལ་བྱང་ཆུབ་སེམས་དཔའི་རྣམ་པར་འཕྲུལ་པ།། འཇིག་རྟེན་གྱི་ཁམས་སྲིད་པའི་ཞིང་ཁམས་ན།། སྲིད་པའི་རྒྱལ་མོ་ཆེན་མོ་བཞི་ཞེས་བྱ་བའི་གསང་སྔགས།། དྲག་པོ་ཁྲག་འཐུང་གི་སྦྱོར་བ་གནོད་པར་གྱུར་པའོ།། གསོད་པའི་སྔགས་འདི་གསུངས་སོ།། བོས་ནས་རྦད་པས་གསད་པ་ཡི།། སྲིད་པའི་མ་མོ་སྟོང་རྩ་བརྒྱད།། རྗེ་མོ་བཞི་ཡི་སྔར་འདུས་པས།། ཐམས་ཅད་དང་པོར་བོད་པར་བྱ།། མ་མོ་ཙིཏྟ་ཁ་རག་ཅེས།། ཙིཏྟ་ཁ་རག་མ་རག་ཤ་རག་མོ་ཙིཏྟ་རག་ཏ་མ།། ཐུན་ཐུན་ཞེས་ནི་དྲག་ཏུ་གདབ།། ཏྲག་དང་རག་ཤ་མ་ཞེས་བོད་ཙིཏྟ་ཏེ་ཀེ་མ་རྣམ་པར་སྦྱར།། མ་རུ་ལུ་རུ་ལུའི་སྲོག་བྷྱོ་བྷྱོ།། ཞེས་ནི་ལས་ཀྱིས་གདགས་ཀྱིས་གདགས།། ཙིཏྟ་ཁ་རག་འདི་ལ་འབོད།། ས་མ་ཡ་ཞེས་དམ་ཚིག་སྨོས།། དཾ་དཾ་ཛཱ་ཛཱ་མྱུར་དུ་དགུག། སྟོང་རྩ་བརྒྱད་པོ་མྱུར་དུ་དགུག་པ་ཡི། ། རྩེ་མོར་བཅས་པའི་བོད་པ་འདི།། མཁས་པས་དཔའ་བོ་དང་པཽར་བརྗོད།། བོས་ནས་དགྲ་ལ་རྦད་འདོད་ན།། མ་མ་ནིར་ཏི་ཙིཏྟ་ལ།། ཐུན་ཐུན་ནི་ཙིཏྟ་ཉིད་ལ་རྦད།། རག་ཏ་མ་ཐུན་ཞེས་ཀྱང་རྦད། ། ཤ་ཏི་སྟོཾ་ཞེས་བོས་ནས་ཀྱང།། ཙིཏྟ་ཡ་ཡ་བྷྱོ་ཞེས་རྦད།། རྦད་ནས་དེར་གསོད་འདོད་ན།། མ་ཤི་མ་དྷི་གཉིས་སུ་ལྡན།། མ་མ་ས་མ་ཡ་ཞེས་བགེགས།། ཆེ་གེ་ཞེས་ནརྀ་ལ་བོད།། མཱ་ར་ཡ་ཞེས་གསད་པ་ཡང། ། མ་ནི་ཙིཏྟ་ཛཱ་ལ་རམ།། ཙིཏྟ་མ་ལ་རིལ་བརྗོད།། ཆུམ་ཐུམ་རིལ་ནས་བྷྱོ་ཞེས་བྱ།། འདི་ལྟར་བོད་རྦད་གསད་པ་ཡི།། གསང་སྔགས་རྣམ་གསུམ་བྱིན་གྱིས་བརླབས།། རྣལ་འབྱོར་དཔའ་བོས་རིམ་པ་ལྟར། ། མཁས་པས་བརྗོད་ན་ཐམས་ཅད་འགྲུབ།། བྷྱོ་ཡི་ཡེ་ཤེས་ལས་བྱུང་བས།། ཁྲམ་བམ་སྟོང་གི་དབང་མོ་ཆེ།། དམར་མོ་གཡས་ན་ལྕགས་མདུང་དང།། མདའ་གཞུ་བསྣམས་པས་ལྷ་ཆེན་གནོད།། བྷྱོ་ཡི་ཡེ་ཤེས་ལས་བྱུང་བས། ། ས་གཞི་འགེངས་པའི་དབང་མོ་ཆེ།། མཐིང་ནག་དར་རྣམས་མཚོན་ཆ་ཅན། བྷྱོ་ཡི་ཡེ་ཤེས་ལས་བྱུང་བས།། རི་རབ་གླིང་བཞི་དབང་མོ་ཆེ།། སེར་ནག་ལྕགས་མཐུན་རལ་གྲི་བསྣམས།། བྷྱོ་ཡི་ཡེ་ཤེས་ལས་བྱུང་བས། ། རྒྱ་མཚོ་གླིང་གི་དབང་མོ་ཆེ། དཀར་མོ་ལྕགས་ཀྱུ་མཚོན་ཆ་ཅན།། སྟག་དང་སྦྲུལ་ལ་སོགས་པས་བརྒྱན།། ཁམ་ནག་གྱེན་བརྫེས་མཆེ་བ་གཙིགས།། ལྗགས་འདྲིལ་རྐན་རྡེབ་ཐོད་པ་ཅན། ། སྤྱན་དགུ་མེད་དཔུང་དཀྱིལ་ན་འགྱིང།། རུ་ཙིཏྟ་རག་ཤ་ནི་རྦད།། ཐུམ་རི་ལི་ལི།། ཁྲི་ཁ་སྟོང་གི་སྙིང་པོའོ།། ཙིཏྟ་རག་ཤན།། ཤ་ཏི་སྟ་ན་རྦད།། ཐུམ་རི་ལི་ལི། རི་རབ་གླིང་བཞིའོ།། ནི་ཤ་ཀུ་རུ་རག་ཏ་ཁ་རམ་ནི། ། ཁུ་ནི་ཁུ་རུ་ཁུ་རམ།། ཐེག་ཆེན་ས་གཞིའི་དབང་མོ་ཆེའི།། ཏྲག་རག་ཤ་མུ་ཛ་ཙིཏྟ།། ཙཏྟི་ཁ་ར་མ་མ་བྷྱོ།། རྒྱ་མཚོ་གླིང་གི་དབང་མོ་ཆེའི་འོ།། སྲིད་པ་དུས་བཞིར་སྣང་བའི་རྒྱལ་མོ་བཞི།། རིག་པའི་རྒྱལ་མོ་གཙོ་མོ་ཉིད་ཀྱིས་འདུལ། ། ཁྲོ་བཅུས་ཕྱོགས་སྐྱོང་བཅུ་ཡང་མནན།། ཁྲོ་བོ་བཅུ་ནི་རིགས་ལྔས་བརྫིས།། རིགས་ལྔ་འདོད་པའི་དབང་མོ་ཆེའོ།། མི་དགེ་བཅུ་ནི་ཕྱོགས་སྐྱོང་བཅུ།། དགེ་བ་བཅུ་ནི་ཁྲོ་བོས་ཡང་དག་མནན། ། དགེ་བ་ཡེ་ཤེས་ལྔ་ནི་ཆོགས་ཀྱི་དབྱིངས།། གདན་དུ་གྱུར་པ་འདོད་པའི་དབང།། ཕྱི་ནང་གསང་བ་ཟབ་མོ་ཡི།། དོན་གྱིས་རྒྱལ་པའི་དངོས་པོ་དཔོག། དྲག་པོ་རྫས་ཀྱི་སྦྱོར་བ་ཡང།། ཡུངས་ཀར་ཡུངས་ནག་སྐེ་ཚེ་དང། ། ཐལ་ཆེན་རྡོ་དྲེག་ཐལ་བའི་ཆུ།། མི་ཁྱི་རྟག་གཡག་ར་ཡི་ཁྲག།། ལྕགས་ཕྱེ་ཟངས་ཕྱེ་དུག་ལ་སོགས།། ཤ་ཟན་བྱ་ཡི་མཆུ་སྡེར་དང།། ནས་དང་ཏིལ་དང་བྲའོ་སྲན།། ནག་མོ་རོ་བསྲེགས་སོལ་བ་དང། ། རྒྱ་གྲམ་ས་དང་ཆུ་ཡི་ཁྱིམ།། སེར་བ་གནམ་ལྕགས་ཕྱེ་མ་དང།། གཟེར་སྔགས་དང་ནི་མི་ཤའི་མདེའུ།། གྲོག་མཁར་མི་སོ་སེན་མོ་མང། ཤྭ་ཡིས་བདས་པའི་ཕྱེ་བ་དང།། ཆུ་ཡི་ནང་དུ་བདས་པ་དང།། གཅན་གྱི་མཆེ་བ་སྡེར་མོ་དང། ། རའི་རྩེ་མོ་མིག་པ་དང།། མི་སྐྲ་ཚ་དང་མཁྲིས་པའི་ཚོགས།། གདུག་པའི་སྤུ་རིས་བསམ་མི་ཁྱབ།། ཤ་རྣམ་པར་འདུས་པ་ཁྲག་གི་ཐུན།། ཡང་དག་སྦྱོར་བ་ཐམས་ཅད་འཆི། ། དཔལ་དངོས་གྲུབ་ཐོབས་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། སྲིད་པའི་རྒྱལ་མོ་ཆེན་མོ་བཞིས།། ཁྲག་གི་ཐུན་རྣམ་པར་དབབ་པ་སྲེ་ལེའུ་སུམ་ཅུ་གཉིས་པའོ།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང། ། གསུང་དང།། ཐུགས་རྡོ་རྗེ་རྣམས་ལས།། འཆི་བདག་ཆེན་མོ་ལུས་ཅན་རྣམས་ཀྱི་ལྟག་པ་ན་ཡོད་པ།། གསོད་པར་བྱེད་པ།། མྱུར་དུ་གསོད་པར་མཛད་པའི་སྨོན་ལམ་ཅན་དེ་གང་ཡིན་པའི་སྔགས་འདི་གསུངས་སོ། ། དང་པོ་རྣམ་པར་སྣང་མཛད་བཞུགས།། དེ་ནས་རང་གི་སྙིང་པོ་བསྟན།། ཙ་མུན་ཏི་ཡེ་ཤེས་མིང་བརྗོད།། དེ་ནས་རྡོ་རྗེའི་སྙིང་པོ་ཅན།། ཕཊ་ཅེས་བརྗོད་པས་ཐམས་ཅད་འགྲུབ།། ཡི་གེ་འབྲུ་བརྒྱད་རྣམ་པར་གསལ། ། དམར་མོ་མིག་ཀྱང་སྐམ།། སྦྲང་བུ་མཆུ་རིངས་ཀྱིས་བསྐོར།། མདོ་ལ་བསྒོམས་ན་ཤེས་པར་འགྱུར།། གསོད་དང་འཆི་བ་བཟློག་པར་འགྱུར།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས། ། འཆི་བདག་ཆེན་མོ་གཤིན་རྗེའི་ཆུན་མ་ཞེས་བྱ་བའི་གསང་སྔགས་ཏེ་ལེའུ་སུམ་ཅུ་གསུམ་པའོ།།།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང།། གསུང་དང། ། ཐུགས་རྡོ་རྗེ་རྣམས་ལས།། དཔལ་གྱི་ཕོ་ཉ་ཞེས་བྱ་བ་གསང་སྔགས་འདི་གསུངས་སོ།། རྣམ་པར་སྣང་མཛད་དང་པོར་བཞག། ཀ་མ་རུ་པ་ཞེས་ནི་མིང་བརྗོད་དོ།། ཚུ་ལ་ཚུ་ལ་ཞེས་རབ་སྦྱར་བ། ། བེན་ཏ་པེན་ཏ་དྲག་ཏུ་བརྗོད།། ཏ་ཀི་ཏ་ཀི་འཇིགས་པར་སྒྲོགས།། ཞི་རྒྱས་དང་རྣམ་པར་སྦྱོར།། གྲྀ་ན་གྲྀ་ན་ཞེས་བརྗོད་པས།། ཚིན་དྷ་ཚིན་དྷ་ཧཱུ~ཾ་ཕཊ་ཡིན།། མ་མ་གི་ཡེ་ཤེས་ལས་བྱུང་བས།། ནག་མོ་ཁྲག་ཞག་ཐལ་བས་བརྒྱན། ། ཐོད་པ་རྣམ་གསུམ་ཡང་དག་འཛིན།། དྲག་པོ་དབང་མོ་གཞོན་ནུ་མོ།། ཆུ་ལྷ་མོ་དང་ཕག་མོ་དང།། ལུས་ངན་སྣང་ཆེན་མ་མོ་བདུན།། སྤྲུལ་པའི་དབུ་རྒྱན་རྣམ་པར་མཛེས།། མི་ལྤགས་དང་ནི་པགས་ཆེན་རྣམས། ། གཡས་པ་ཏྲི་ཤུལ་ཁོང་ཁྲག་འཇིབ།། གཞན་ནི་པན་དྷ་རཀྟས་བཀང།། ཁྱོད་ནི་གནས་ཀྱི་ཀཱ་པ་ལ།། དེ་བཞིན་ཁང་པའི་ནང་ན་ཡང།། བཅུད་ཀྱི་རྣམ་པ་ཁྱོད་ཉིད་ཡིན།། འདི་ལྟར་ཀཱ་པ་ལ་ལ་ཡང་དག་རྟེན། ། བསྒྲུབས་ན་བརྟགས་ཀྱང་མདུན་དུ་འབྱུང།། དེ་བཞིན་ཁྱོད་ནི་ཞལ་དབུ་སྟེ།། ཁྲག་སྣ་མང་དུ་མཆོད་ན་འགྲུབ།། མུ་སྟེགས་ཉི་མ་འཕམ་པར་བྱས།། གཞན་ཡང་བདུན་རྣམས་འཇིགས་བྱེད་པས། ཉི་མ་པལ་ཡང་བལྟ་མི་བྱ། ། བདག་ཉིད་བསྒོམས་དང་ལས་རྣམས་བྱ།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས།། དཔལ་གྱི་ཕོ་ཉ་ཞེས་བྱ་བའི་ཕོ་ཉ་སྦྱོར་བ་སྟེ་ལེའུ་སུམ་ཅུ་བཞི་པའོ། །།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང།། གསུང་དང།། ཐུགས་རྡོ་རྗེ་རྣམས་ལས།། ལས་རྣམ་བཞི་ཐུན་མོང་དུ་སྦྱོར་བ་སྟེ།། གསང་སྔགས་འདི་བྱིན་གྱིས་བརླབས་སོ། ། མ་ཡི་ཡེ་ཤེས་ལས་བྱུང་བས། ཐམས་ཅད་ཐ་མར་དང་པོ་བཞི།། ཡ་ཡི་ཡེ་ཤེས་ལས་བྱུང་བས།། འདི་ལྟར་རྒྱས་པ་ད་ལྟ་འགྲུབ།། བམ་གྱི་ཡེ་ཤེས་ལས་བྱུང་བས།། ཐམས་ཅད་དབང་སྡུད་དབང་དུ་སྟོབས།། ཨེ་ཡི་ཡེ་ཤེས་ལས་བྱུང་བས། ། ཐམས་ཅད་གསོད་པ་དྲག་པོར་འགྱུར།། སྔོན་དུས་སྲིད་པའི་རྣམ་པ་དང།། འཆི་བ་དང་ནི་བར་མ་དོ།། སྐྱེ་བའི་སྲིད་པ་འདི་ལྟ་སྣང།། བར་མ་དོ་ནི་རྣམ་པར་ཟབ།། ཟླ་རྒྱས་སྟེང་ན་མཆོད་རྟེན་ནི། ། ཞི་བའི་རྒྱལ་མཚན་ཡང་དག་བསྟན།། ཟླ་གམ་སྟེང་ན་དཀྱིལ་དང་འཁོར།། དབང་གི་རྣལ་འབྱོར་རྣམ་པར་འཕགས།། འཁོར་ལོའི་སྟེང་ན་ཐ་དད་སྐུ།། རྒྱལ་བའི་སྦྱོར་བ་ཡང་དག་འཕགས།། བོང་བུའི་སྟེང་ན་རེ་མ་ཏེ། ། རྣམ་པར་གསོད་པ་བསམ་མི་ཁྱབ།། སྤྱན་དྲངས་མཆོད་ལ་སོགས་པ་དག། རྣམ་པ་འདི་ཡིས་ཆོས་རྣམས་སྦྱོར།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས། ། ལས་རྣམ་པ་བཞི་ཐུན་མོང་དུ་བཀོད་པ་སྟེ་ལེའུ་སུམ་ཅུ་ལྔ་པའོ།།།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་དང། གསུང་དང།། ཐུགས་རྡོ་རྗེ་རྣམས་ལས།། གསང་བ་དམ་ཚིག་གི་ཁྱད་པར་གྱི་སྤྱི་དང་ཁྱད་པར་ཞེས་བྱ་བའི་དམ་ཚིག་འདི་རྣམས་གསུངས་སོ། ། བླ་ན་མེད་པ་གཅིག་ཏུ་མཆོད།། བསྟན་པ་སྡུད་པ་རྣམས་དང་མཐུན།། བུད་མེད་ཤེས་རབ་ཕྱག་རྒྱ་བསྟེན།། བླ་མ་བརྙས་པར་མི་བྱེད་ཅིང།། གསང་བ་གཞན་ལ་མི་བརྗོད་ཅིང། ། རྟགས་དང་སྒྱུ་མར་ཆོས་རྣམས་ཤེས།། སྔགས་དང་ཕྱག་རྒྱ་རྒྱུད་ཙམ་བསྟེན།། འདི་དག་ཐུན་མོང་སྡོམ་པ་སྟེ།། ཐུན་མོང་ཅན་གྱི་སྦྱོར་བར་བྱ།། དཔལ་ལྡན་ཁྱད་པར་དམ་ཚིག་ནི། ཡུགས་ས་མོ་དང་སྦྲུམ་མ་དང། ། གཞན་གྱི་བུ་དང་བོང་བུ་དང།། རལ་གྲི་དང་ནི་རྨ་བྱ་དང།། བྱང་ཆུབ་སེམས་ནི་དཀར་དམར་དང།། མེ་དང་ནེའུ་ལེའུ་རྐྱལ་པ་དང།། རྡོ་སོལ་ཤིང་ལོ་འདབ་མ་རླུང།། གསང་དང་མཆོད་དང་སྙིང་པོ་དང། ། བདེ་གཤེགས་སྐུ་དང་རིགས་འཛིན་བདག། ཕྱག་རྒྱ་རྟེན་དང་མཆོད་ལ་བྱམས།། འདི་དག་ཁྱད་པར་སྡོམ་པ་སྟེ།། ཁྱད་པར་ཅན་གྱིས་ཡང་དག་སྦྱོར།། དཔལ་དངོས་གྲུབ་ཐམས་ཅད་ཀྱིས་བརྟན་པར་གཟིགས་པའི་རྒྱུད་ཀྱི་རྒྱལ་པོ་ཆེན་པོ་ལས། ། ཐུན་མོང་དང་ཁྱད་པར་གྱི་དམ་ཚིག་བསྟན་པ་སྟེ་ལེའུ་སུམ་ཅུ་རྩ་དྲུག་པའོ།།།། དཔལ་དངོས་གྲུབ་ཐམས་ཅད་ཀྱིས་བསྟན་པར་གཟིགས་པའི་རྩ་རྒྱུད་ཆེན་པོ་ལས། ། ལས་རྣམ་པ་བཞི་ཡོངས་སུ་རྫོགས་པའི་རྩ་བའི་རྒྱུད་ཆེན་པོའོ།། རྫོགས་སོ།།།།
CLOSE WINDOW