| Wylie |
ཨེ་མ་ར་ན་མན་ཏྲ་ཏནྟྲ་པྲ་ཏྱཾ་གིར་ཏནྟྲ་རཱ་ཛ་ནཱ་མ། བོད་སྐད་དུ། དྲག་པོ་སྔགས་རྒོད་དེ་ཁོ་ན་ཉིད་ཕྱིར་བཟློག་པའི་སྔགས་སྡེབས་ཀྱི་རྒྱལ་པོ་ཞེས་བྱ་བ། དཔལ་ཆེན་པོ་འཇིགས་བྱེད་འབར་བ་ཁྲག་འཐུང་ཆེན་པོ་ལ་ཕྱག་འཚལ་ལོ། ། འདི་སྐད་བདག་གིས་ཐོས་བའི་དུས་གཅིག་ན། བཅོམ་ལྡན་འདས་ཁྲག་འཐུང་ཆེན་པོ་དང། ཡུམ་པེ་ཏ་ལི་ནག་མོ་དང། རྔམ་ཆེན་མོ་དང། སྤྱན་གསུམ་མ་དང། ཕྱོགས་བཅུ་ནས་ལྷགས་པའི་ཁྲོ་བོ་དང་ཁྲོ་མོ་གྲངས་མེད་པ་དུས་གསུམ་གྱིས་བསྡུས་པ་རྣམས་རྔམ་པའི་ཆ་ལུགས་དང་ལྡན་པར་ལྷགས་ནས། བཅོམ་ལྡན་འདས་རིགས་གསུམ་མགོན་པོའི་སྤྱན་སྔར་ལྷགས་པར་གྱུར་ཏོ། ། དེ་ནས་ལས་ཀྱི་གཤིན་རྗེ་རྣམས་ཀྱིས། མགོན་པོ་རིགས་གསུམ་ལ་འདི་སྐད་ཅེས་གསོལ་ཏོ།། ཧོ་མགོན་པོ་ཆེ་པོ་ལགས།། དུས་ངན་ཐ་མ་བྱུང་དུས་སུ།། ནང་འགྲས་རྩོད་པ་བྱུང་བ་དང།། དེ་ཚེ་རྩོད་པ་ཇི་ལྟར་བཟློག། རྩོད་པ་དྲག་པོ་ནམ་ཞིག་འབྱུང།། ཞེས་ཞུས་པས། རིགས་གསུམ་མགོན་པོས་བཀའ་སྩལ་པ།། རྩོད་པ་འབྱུང་དུས་འདི་ལྟ་སྟེ།། དུས་ངན་ཐ་མ་བྱུང་དུས་སུ།། སེམས་ཅན་ཚེ་ཐུང་བསོད་ནམས་ཟད། ། སྐྱེ་བོ་དམོད་པ་རྟོག་རྟོག་སྤྱོད།། དྲག་སྔགས་མཚོན་ཆ་སྣ་ཚོགས་སྤྱོད།། གསང་བའི་རྡས་ལ་དམོད་པ་རོལ།། གསང་བར་འོས་པ་ཀུན་ཀྱང་འབྱིན།། ཤ་ཆེན་ལ་སོགས་ཟས་ཟ་ཞིང།། གཡང་གཞིའི་རྒྱལ་མཚན་ཁུར་དུ་ཁུར། ། མང་པོ་ཚོགས་རྣམས་ལྷ་སྲིན་འབོད།། སྨྱོན་པའི་སྤྱོད་པ་སྣ་ཚོགས་བྱེད།། དེ་ཚེ་སྡེ་བརྒྱད་ལྷ་སྲིན་འཁྲུགས།། སྣ་ཚོགས་ཡམས་དང་ནད་རྣམས་དང།། རིམས་དང་བཀྲ་མི་ཤིས་པ་འབྱུང།། ནང་འགྲས་རྩོད་པ་དེ་དུས་སུ། ། དེ་ཚེ་སློབ་དཔོན་སློབ་བུ་དང།། མཆེད་དང་རྡོ་རྗེ་སྤུན་ལ་སོགས།། འཁྲུག་ཅིང་ཉམས་པ་ཆེན་པོ་འབྱུང།། ཞེས་གསུངས་སོ།། ཡང་གསོལ་པ། ནང་འགྲས་བཟློག་པ་བཤད་དུ་གསོལ།། བཀའ་སྩལ་པ། དྲག་པོ་སྔགས་ཀྱིས་བཟློག་པ་དང།། འཁོར་ལོ་སྦྱོར་ལས་བཟློག་པ་དང།། ཐུན་གྱི་སྦྱོར་བས་གསད་པའོ།། ཞེས་གསུངས་སོ།། ཕྱིར་བཟློག་དྲག་པོ་སྔགས་སྡེབས་ཀྱི་རྒྱུད་ལས། གླེང་གཞི་དང་གླེང་སླང་གི་ལེའུ་སྟེ་དང་པོའོ། །།། དེ་ནས་ཡང་གསུངས་པ། དང་པོ་འཆི་མེད་དུས་ཀྱི་སྦྱོར་བ་བཟློག་ཅིང། རང་གི་གནོད་བྱེད་མཐའ་དག་གཟིར་བ་དང།། བར་དུ་མཁའ་འགྲོ་གཟན་ཁ་དགྲ་ལ་སྤོ་ཞིང་སྔགས་ཀྱི་དུ་མདའ་ཁོང་དུ་བརྡེག་པ་དང། ཐ་མར་རང་སྲོག་རང་གིས་བཅད་པ་དང། གཤེད་མའི་ཡི་གེ་རྒྱུད་ལ་བསླང་སྟེ། ལྷ་བཞི་བདུད་དུ་དབབ་པའོ།། ཞེས་གསུངས་སོ།། དེ་ཡི་དོན་རྣམས་ཇི་ལྟར་ལགས།། བདག་ཅག་རྣམས་ལ་བཤད་པར་འཚལ། ། བཀའ་སྩལ་པ། དང་པོ་རྩོད་པ་ནང་འགྲས་ཚེ།། གང་ལ་བྱ་བྱའི་གཟས་པ་པོ།། འཁོར་ལོ་མིང་བྱང་ལེགས་བྲིས་ལ།། རབས་ཆད་མོན་གྱི་ཐོད་པ་རུ།། ཁྲག་དང་དུག་གིས་ནང་བྱུགས་ལ།། དེ་ཡི་ནང་དུ་དྲིལ་ལ་གཞུག་མིང་རུས་སྙིང་ཁར་བྲི་བ་ཡང། ། གྲི་དང་ཧུར་ཐུམས་ཛ་མཱ་ར་ཡ་རྦད།། དཀར་ནག་མཚམས་སུ་ལེགས་པར་བྲི།། ཡན་ལག་བཞི་ལ་ཧཱུ~ཾ་བཞི་བྲི།། འདོམས་སུ་ཕཊ་དང་མགོ་ལ་ཛ། ། ལྟེ་བདག་ལ་ཐུམ་རི་ལ་ཞེས།། མི་ཐག་དུག་གི་སྣག་ཚས་བྲི།། ཡུགས་ས་དར་མའི་ཞབས་མའམ།། མི་ལྤགས་རོ་རས་གར་རུས་གཏུམ།། ཚོན་སྣ་ལྔ་ཡི་སྐུད་པ་ཡིས།། རྒྱ་གྲམ་བཅིངས་ལ་ཧོམ་ཁུང་གཞུག། གཡམ་པ་ནག་པོས་ཁ་བཅད་ལ།། དེ་ཡི་སྟེང་དུ་མཆོད་རྟེན་ནི།། ནག་པོ་སོར་བཅུ་གཉིས་པ་ཅིག། དུས་དུས་གསང་སྔགས་དྲག་པོ་བཟླས།། གང་ཡིན་སྦོད་པ་ངོས་གཟུང་བྱ།། སྔགས་ཀྱི་བར་དུ་མིང་རུས་དང། ། སྦོད་པའི་སྦྱོར་བ་གང་ཡིན་གཞུག། ཧཱུ~ཾ་ཧཱུ~ཾ་ཧཱུ~ཾ། ཨུ་ནེ་ཨུ་ནེ་ཨུ་ནེ། ཨུ་ཨུ་ཨུ། ཨེ་ཨེ་ཨེ། ཡ་ཨ་ཧྲི། མ་ཨེ་སྟི། ཨ་ཀྲོ་ཏེ་ཀ་ཡ་མན་ཏཀ། ཨ་པ་ཡེ། ཧྲི་སྟི་ཀཱ་ལ་རཱུ་བ་ཡེ། བི་ཏྲི་ཏ་མཉྫུ་ཀ་ཡེ། བཛྲ་ཀྲོ་དྷ་བ་ཀ་བག་ཏོ། བཛྲ་ཙཎྜ་བཛྲ་པ་ཎི། ཧྲི་ཧ་ཡ་གྲྀ་བ་མ་ཧཱ་རཱ་ཛ་ཏྲི་ཏྲ་ཡ་མ་ཡེ། ཨུ་ནེ་ཨུ་ནེ་ཨུ་ནེ། ཧཱུ~ཾ་ཛ་ཛ། བར་དུ་གང་ཡིན་དམིགས་པའི་སྲོག། དེ་བཞིན་སྲུངས་མ་རྣམས་ཀྱང་གཞུག། དུས་དུས་ཕུར་པ་ཐོད་པ་ལ།། བརྡེག་ཅིང་གཟིར་བའི་ཚུལ་དུ་བྱ། ། དེ་ཡིས་སྦྱོར་བ་བཟློག་པ་དང།། གནོད་བྱེད་མཐའ་དག་འཇོམས་པར་འགྱུར།། ཞེས་སོ།། ཕྱིར་བཟློག་ནག་པོའི་སྔགས་སྡེབས་ཀྱི་རྒྱུད་ལས། འཆི་མེད་དུས་ཀྱི་སྦྱོར་བ་བཟློག་ཅིང་གནོད་མཐའ་དག་གཟིར་བ་སྟེ་ལེའུ་སྟེ་གཉིས་པའོ། །།། དེ་ནས་ཡང་རིགས་གསུམ་མགོན་པོ་ཆེན་པོ་ཡིས། བར་དུ་མཁའ་འགྲོའི་གཟན་ཁ་དགྲ་ལ་དབབ་ཅིང་སྔགས་ཀྱི་དུག་མདའ་ཁོང་དུ་བརྡེག་པའི་སྦྱོར་བའི་གསུངས་སོ། ། མཁའ་འགྲོ་གཟན་ཁ་དབབ་པ་ནི།། དང་པོ་དགྲ་བོའི་ལིང་ཁ་བྱ།། འཁོར་ལོ་བྱས་ལ་ཐུན་གྱིས་བརྡེག། འབྲུབ་ཁུང་ནང་དུ་ལིང་བདུན་གཞུག། ཧོམ་ཁུང་ཁ་ལ་ནག་པོ་རྩང།། ཉི་ཤུ་རྩ་གཅིག་གཟུགས་པར་བྱ། ། ཐ་མར་ཐུན་རྫས་བསོགས་པར་བྱ།། ཐུན་རྫས་རྣམས་ནི་འདི་ལྟ་སྟེ།། ཉུངས་ཀར་མི་ཁྲག་དུག་ཆུས་སྦྱར།། དེ་ཡི་ཐུན་རྫས་བསོག་པ་ནི།། རྡོ་ལྕགས་ཟངས་ཀྱི་ཕྱེ་མ་དང།། ཁྲག་ལ་སོགས་པ་མང་དུ་བསོག། ཐུན་གྱི་རྫས་སུ་བསྟན་པ་ཡིན།། མདའ་ནི་ཐུན་རྫས་ཡིན་པར་གསུངས།། དུག་ནི་སྔགས་ཀྱི་འོད་ཟེར་དེ།། དུག་མདའ་ཞེས་སུ་བསྟན་པ་ཡིན།། ཞེས་གསུངས་སོ།། གཟས་ཁ་སྤོ་བའི་འཁོར་ལོ་ནི།། ཕྱི་རྩིབས་བཅུ་དྲུག་མུ་ཁྱུད་ལྡན། ། ནང་དུ་རྩིབས་བརྒྱད་ལེགས་པར་བྲི།། རྩིབས་ལ་དྲག་སྔགས་སྤུ་གྲི་བྲི།། བར་དུ་མིང་བྱང་ལེགས་པར་བྲི།། བཅུ་དྲུག་རྩིབས་ལ་གཅོད་པའི་སྔགས།། ལེགས་པར་བྲིས་ལ་ཧོམ་ཁུང་དུ། ། ཕོ་ཐོད་མོ་ཐོད་ཁ་སྦྱོར་དུ།། མིང་བྱང་འཁོར་ལོ་ཁོག་པར་གཞུག། ཧོམ་ཁུང་བཅུག་ལ་རྩང་གིས་བསྐོར།། གྲི་ལྕགས་ཕུར་པ་སོར་བཅུ་གཉིས།། མདུན་དུ་བཙུགས་ལ་ཐོད་པར་གདགས།། མེ་དང་འོད་ལ་སོགས་པ་དང། ། མདངས་ལ་སོགས་པ་ཡོང་མི་བསྟན།། གསང་བའི་མཐུན་རྫས་བསྟན་པ་ནི།། ལྕེ་སྤྱང་སྔོན་པོའི་ཐོད་པ་ཡིས།། མིང་བྱང་དག་ལ་ཕོག་པར་བརྡེག། དུས་དུས་ཐོད་པ་རྟེན་ལ་བརྡེག། གསང་སྔགས་དྲག་པོ་སྡེབས་ལ་བརྡེག། དོན་དྲུག་བསྙེན་པའི་རྒྱས་སྡེབས་དང།། ཕྲ་མེན་རྐྱང་སྡེབས་ཤེས་པར་བྱ།། དོན་དྲུག་བསྙེན་པའི་རྒྱས་སྡེབས་ཀྱིས།། ཡེ་ཤེས་ལྷ་ཡི་བསྙེན་སྡེབས་ཡིན།། རྒྱབ་རི་དམག་དཔུང་སྡེབས་ཡིན་པས། ། ཤིན་ཏུ་ཚན་གྱི་ཆེ་བར་འགྱུར་དམག་མི་སྡེབས་ནི་སྡེ་བརྒྱད་འཁོར།། སྐྱེས་བུ་སྡེབས་ཀྱིས་རྣོ་བར་བྱེད།། དམོད་པ་དྲུག་སྡེབས་གསང་བར་བསྟན།། མཁའ་འགྲོའི་གཟན་ཁ་དབབ་པའོ།། ཞེས་གསུངས་སོ། ། ཕྱིར་བཟློག་ནག་པོ་སྔགས་སྡེབས་ཀྱི་རྒྱུད་ལས། མཁའ་འགྲོ་གཟས་ཁ་དགྲ་ལ་སྤོ་བ་ལ་སྔགས་ཀྱི་དུག་མདའ་ཁོང་དུ་སྡེབ་པའི་ལེའུ་སྟེ་གསུམ་པའོ།།།། དེ་ནས་ཡང་མགོན་པོ་དེས། ཐ་མ་རང་སྲོག་རང་གིས་གཅོད་པ། གཤེད་མའི་ཡི་གེ་རྒྱུད་ལ་བླང་ཞིང་ལྷ་བཞི་དུད་དུ་དབབ་སྟེ་སྔགས་ཀྱི་དུག་མདའ་འཁོང་དུ་འཕང་བ་འདི་གསུངས་སོ།། ལྷ་བཞི་བདུད་དུ་དབབ་པ་སྟེ།། ཀླད་པ་དུང་ཁང་གཞལ་ཡས་ནས། ། གཏི་མུག་རྒྱལ་པོའི་གཤེད་དབབ་སྟེ།། རང་གི་རྒྱུད་ལས་གཤེད་མ་བསྐུལ།། མགྲིན་པ་ང་རྒྱལ་གནས་དག་ཏུ།། དྲེགས་པ་ཅན་གྱིས་རྒྱུད་བསྐུལ་གསད།། སྙིང་ཁ་ཞེ་སྡང་ཧཱུ~ཾ་གནས་སུ།། སྲོག་བདག་ཤན་པའི་བདུད་བསྐུལ་གསད། ། ལྟེ་བ་སྲིད་པའི་འདོད་ཆགས་གནས།། མ་མོ་བདུད་བསྐུལ་གསད་པར་བྱ།། འཕྲོག་བྱེད་ཡི་གེ་འབྲུ་གསུམ་གྱིས།། ཡི་གེ་ནརི་ཡི་མཐའ་མ་བསྐོར།། ཡང་སྙིང་གསང་བ་འབྲུ་དགུ་ཡིས།། མགོ་དང་ཡན་ལག་བཞི་ལ་བྲི། ། མཱ་ར་ཡ་ཞེས་ནརི་ལ་དགོད།། གཤེད་མའི་ཡི་གེ་བཏུས་ལ་བཟླས།། མཚོན་ཆ་སྔགས་ཀྱི་ཐུན་དུ་དབབ།། དེ་ཡི་མན་ངག་བསྟན་པ་ཡང།། ཕག་པ་ནག་པོའི་ཐོད་པའི་ནང།། དུག་དང་རྨེ་ཁྲག་དག་གིས་བྱུག། རོ་རས་དང་ནི་མི་ལྤགས་ལ།། འཁོར་ལོ་ལྟོ་སྦྱར་ལེགས་བྲིས་ལ།། རྩིབས་བརྒྱད་པ་ལ་མུ་ཁྱུད་གཉིས།། ཕོ་མོ་སྔགས་ནི་སོ་སོར་བྲི།། དེ་ཡི་གསང་སྔགས་བསྟན་པ་ཡང།། ཡ་མ་མེ་ཏ་ཀྵེ་ཀླད་ཁྲག་མྱོགས་མཱ་ར་ཡ་ཛ་ཛ། ར་ཙ་ས་ཧོ་མེ། ཀྲི་ན་མྱགས་ཀ་པ་ཡེ་རྦད། རུ་ན་ཡོ་ནི། རྦད་ཤག་སྲོག་ཁྱེར་བྷྱོ། ཤག་རྦད། ཡ་ཙ་ནི། མཱ་ར་ཡ་ཐུམས་རིལ་རྦད། ས་ཏོ་རུ་ན་ཡོ་ཏེ། མྱགས་ཐུམས་རིལ་མཱ་ར་ཡ་རྦད། རུ་ཏོ་ས་ན་ཡ། ཨུ་ནེ་ཨུ་ནེ་མཱ་ར་ཡ། ཡ་ར་ཙ་ན་ཡ། ཤག་རྦད་མུར་ཏི་རྦད། ཡ་མེ་ཏོ་ས་ཙ། ཁཾ་མྱགས་ཨ་མུ་ཁཱ་མཱ་ར་ཡ་རྦད། ཕོའི་འཁོར་ལོའི་སྔགས་རྣམས་སོ།། ཤག་ཏི་ཨོ་ཏེ། བཾ་ཧྲི་དེ་དུན་ཁྲག། མགྲིན་ཁྲག་མྱོགས་མཱ་ར་ཡ་རྦད། མོ་ཡི་འཁོར་ལོ་གཅོད་པའི་སྔགས། ཧས་ཐིབས་ཧུབ་ལིང་དུན་ཏི་ཏ་ཁྲག་རྦད། ཀླད་ཁྲག་མྱོགས་མཱ་ར་ཡ་རྦད། ཙན་དྷ་རུ་ཁྲག་ཧ་ཧ་ཡ་དུ་ཧུ་སྟི། སྙིང་ཁྲག་མྱོགས་མཱ་ར་ཡ་མྱོགས་རྦད། མ་ར་ཧུ་ཏི་ཏན་ཧབ་ཁྲག། ལྟེ་ཁྲག་མྱོགས་མཱ་ར་ཡ་རྦད། ཨེ་ཨཱ་ཀརྵ་ཡ་ཛ་ཡ་ཛ། ཨེ་ཙ་ཙ་མཱ་ར་ཡ་མཱ་ར་ཡ་རྦད། སྟམྦྷྱ་ཡ་ནན། ཨུ་ནན་ཨུ་ནན་ཏང། ཨ་མར་ཡ་ནན། བི་ཏ་ཡ་ཧ་ཧ་པྲ་མ་ཀ་ར་ས་ད་ཨ། པ་ར་ཡ་ཐུམས་ཛ། ཨི་ཛ་ལ་ཕྱ་ཤག། ཤག་ཁཾ་ཤག་བི་ཤ་ཕྱེ། པྲ་ཙ་ལི་ཕཊ་ཕཊ་མ་ར་ཡ། འཁོར་ལོ་སྤུ་གྲི་གཟས་པ་བསྒྲལ་ཅེས་གསུངས་སོ།། ཕྱིར་བཟློག་ནག་པོ་སྔགས་ཀྱི་རྒྱུད་ལས། འཁོར་ལོ་ལ་གཤེད་མའི་སྔགས་བྲི་བའི་ལེའུ་སྟེ་བཞི་པའོ། །།། དེ་ནས་གཤེད་མའི་ཡི་གེ་རྒྱུད་ལ་བླང་ཞིང། རང་བདུད་རང་ལ་དབབ་པ་འདི་གསུངས་སོ།། གསང་སྔགས་དྲག་པོའི་ཡི་གེ་སྡེབས།། ཕྲ་མེན་དང་ནི་དམག་དཔོན་དང།། དམག་མི་དང་ནི་སྐྱེས་བུ་དང། ། དེ་བཞིན་སྔགས་རྣམས་བསྡུས་ལ་བཟླས།། གཤེད་མའི་ཡི་གེ་འདི་ལྟ་སྟེ།། ཆེ་གེ་མོ་ཨུ་ཨུ་ཨུ་ནེ་ཨུ་ནེ་ཆེ་གེ་མོ་ཙིཏྟ་སྦུར་ནན། ཏྲི་མཱ་ར་ཡ་སྟམྦྷ་ཡ་ནན། ཏྲི་མཱ་ར་ཡ་སྟམྦྷ་ཡ་མྱོགས་ཐིབས་རོ་མྱགས་མཱ་ར་ཡ་རྦད་ནན། བྷ་ཏི་དུ་ན་ཏི་མཱ་ར་ཡ་ཧུར་ཐུམས་ཛ།། ཨུ་ནན་ཨེ་ནན་རི་རི་ཏིང་ཏིང། མི་ལ་ནི་ཛོ་ནི་ཏྲག་ནན་བིག་ནན། རག་ཤེ་ཡག་མོ་ཤུ་ལ་ཡཾ་ཏྲི་དུན་དུན་ཙིཏྟ་དུན། སྙིང་ཁྲག་རྦད། རྩ་རི་ཏྲི་ཤམ། དེ་བ་སུམ། ཡག་ཤ་ཁྱེ། རག་ཏི་ཁཾ། སྙིང་ལ་ཐིབས། ཆེ་གེ་མོ་སྙིང་མཱ་ར་ཡ་ཧྲིལ་རྦད། རྟྲིད་ཨུ་ནེ་ཨུ་ནེ། རི་རི་ཧ་ཧ་ར་ཡི། ཧུར་ཐུམས་ཛ། མཱ་ར་ཡ། ཧྲི་སྟི་གརྦ། ཁུག་དྲོངས། བཛྲ་སཱ་དུ་གིང་ཀ་ར། ཧུར་ཐུམས་རིལ་སྙིང་ལ་རྦད། སྙིང་ལ་མཱ་ར་ཡ་འདུས། ཏྲི་ཕྲིལ་ཤག་རྦད་ཨེ། གཤེད་མའི་ཡི་གེ་བཏུ་སྟེ། དོན་མེད་བཟླས་ན་རང་ལ་གཅོད།། དབྱེ་དང་དྲིལ་དང་མན་ངག་གཅོད།། དེ་བཞིན་མཁས་པར་ཤེས་པར་བྱ།། གཤེད་མས་གསད་པའི་ཕག་རྒོད་སྟེ། ། གསང་ཐུན་བརྡེག་ཅིང་གསད་པའི་ལས།། རང་གི་སྲུང་མ་བདུད་དུ་འབེབས།། ཞེས་གསུངས་སོ།། ཕྱིར་བཟློག་ནག་པོའི་ངན་སྔགས་ཀྱི་སྡེབས་ཀྱི་རྒྱུད་ལས། གཤེད་མའི་ཡི་གེ་རྒྱུད་ལ་བསླང་བའི་ལེའུ་སྟེ་ལྔ་པའོ། །།། དེ་ནས་མགོན་པོ་ཆེན་པོ་དེས། སྤུ་གྲི་ནག་པོའི་སྔགས་ཀྱི་ནང་འགྲས་ཀྱི་སྟོབས་གཞོམ་པ་འདི་གསུངས་སོ།། ཨོཾ་ཤྲཱི་མཉྫུ་བ་ར་ཀྲོདྷ། ཨ་ཀྲོ་ཏེ་ཀ་ཡ་མན་ཏ་ཀ་ཧྲིསྟི་ཀཱ་ལ་རཱུ་པ་ཛ། སྙིང་ཁ་རག་ཧྲི་ཏི་དེ་མ། ཏྲག་རག་ཤ་རུ་ལུ་བྷྱོ། ཐུམ་རི་ལི་ལི་བྷྱོ། ཧྲིཾ་ཧྲིཾ་ཁ་ལ་བྷྱོ། ཀ་ལ་ཀྲིན་མྱགས་བྷྱོ། ཧྲི་ཏི་ཨ་པ་ཡེ་རྦད། ཀ་ལ་ཡེ་རྦད། དུ་ཁ་དུ་ས་རྣིར་ཤ་ཀུ་མཱ་ར་ཡ་རྦད་ཨེ། ཆེ་གེ་མོ་ནི་ཤ་ཀུ་རུ་ཐུམ་རི་ལི་ལི་ཁྱེར་བྷྱོ། ཧྲིཾ་ཧྲིཾ་ཁ་ལོང་བྷྱོ། ཙིཏྟ་ཧབ་ཤབ་ཏྲི་ཤག་བྷྱོ། པྲ་མ་ཡ་རྦད། མུར་རྩ་ཡ་རྦད་རཀྟ་ཙ་ར་ཡ་རྦད། ཆེ་གེ་མོ་མཱ་ར་ཡ་རྦད། སྲོག་ཁྱེར་མཱ་ར་ཡ་རྦད། སིང་ང་ཡེ་མཱ་ར་ཡ་རྦད། དུ་རུ་ཨེ་མཱ་ར་ཡ་རྦད། བྱ་ཙ་ཡེ་མཱ་ར་ཡ་རྦད། ཐུམ་ས་རྦད། ཨེ་བན་ཏྲ་སྔགས་པ་ཙི་ཏི་མ་རི་བྷྱོ། སྲོག་ཁྱེར་བཟློག་ཐུམ་རིལ་མཱ་ར་ཡ་བཟློག་བྷྱོ།། སྤུ་གྲི་ནག་པོ་སྔགས་རྒོད་ཀྱིས།། ནང་འགྲས་པ་དག་འཇོམས་པར་འགྱུར།། གང་ལ་བརྒྱབ་ཀྱང་ཐོགས་པ་མེད།། མི་ཁྲག་སྐམ་དང་ཉུངས་ནག་དང། ། བོང་ང་དང་ནི་ཟི་རའི་ཐུན། བརྒྱབ་ན་ཀུན་ཀྱང་བརླག་པར་འགྱུར།། ཅེས་གསུངས་སོ།། ཕྱིར་བཟློག་ནག་པོ་སྔགས་སྡེབས་ཀྱི་རྒྱུད་ལས། དྲག་སྔགས་སྤུ་གྲི་ནག་པོའི་སྡེབས་ཀྱི་ལེའུ་སྟེ་དྲུག་པའོ། །།། དེ་ནས་ཡང་མགོན་པོ་ཆེན་པོས། ཕས་ཀྱི་ནུས་པ་གཞོམ་པ་འདི་གསུངས་སོ།། དག་དག་གི་ལྤུགས་པའི་སྙིང་ཤུན་ནམ།། ཡང་ན་པགས་པའི་རོ་རས་ལ།། ལིང་ག་ཁྱིད་གང་བྱས་པ་ལ།། ཕྱི་བའི་ཁྲག་གིས་མིང་རུས་བྲི། ། ལྟོ་ཆེ་མགོ་བོ་ཆེ་ལ་ཡན་ལག་ཕྲ།། མགོ་དང་ཁ་ལ་སྔགས་འདི་བྲི།། ཙི་ར་ན། ཨུ་ནེ་ཨུ་ནེ་ཨུ་ནེ། ཨུ་ཨུ་ཨུ། སྟམྦྷ་ཡ། ལྕེ་པ་སྟི་འུབ་རི་ལི་ལི་རྦད། སྟམྦྷ་ཡ་ནན། ཨ་སིབ་ཡེ། བྱ་ཙ་ཡེ། དུ་རུ་ཡེ། སརྦ་ཁ་ཐམ་ནཱ་ཤ་ཡ་ཐུམ་ཛ། ཏྲིག་ནན། ཧུར་ཐུམས་ཆེ་གེ་མོའི་ངག་ལིང་སྟམྦྷ་ཡ་རྦད། ཅེས་བྲིའོ།། བྱ་རྒོད་ཕུར་པས་མགོ་ལ་གདབ།། ཕྱི་ཐོད་བཅུག་ལ་བྲག་གཉན་སྦ།། དེ་ཡིས་ཁོའི་ངག་གི་ནུས་པ་ཉམས། ཞེས་གསུངས་སོ།། ཕྱིར་བཟློག་པའི་རྒྱུད་ལས་ངག་གནན་པའི་ལེའུ་སྟེ་བདུན་པའོ།།།། དྲག་པོ་སྔགས་སྡེབས་དེ་ཁོ་ན་ཉིད་ཕྱིར་བཟློག་པའི་སྔགས་ཀྱི་རྒྱུད་ཐོད་པ་ནག་པོ་ཞེས་བྱ་བ་སྤུ་གྲི་གཅོད་པའི་རྒྱུད་རྫོགས་སོ། །།།
CLOSE WINDOW