| Wylie |
།།། རྒྱ་གར་སྐད་དུ། ཀྲྀཥྞ་ཡ་མ་རི་ཀཱ་ལ་མན་ཏྲ་ཏན་ཏྲ་ནཱ་མ། བོད་སྐད་དུ། གཤིན་རྗེ་ནག་པོའི་སྔགས་རྒྱུད་ནག་པོ་ཞེས་བྱ་བ། འཇམ་དཔལ་གཤིན་རྗེ་གཤེད་པོ་ལ་ཕྱག་འཚལ་ལོ། ། འདི་སྐད་བདག་གིས་ཐོས་པ་དུས་གཅིག་ན། ཆོས་ཐམས་ཅད་རང་བཞིན་གྱིས་རྣམ་པར་དག་པའི་ཞིང་ཁམས་བདལ་བ་ཆེན་པོ་ན། སྤྲོས་པ་དང་བྲལ་བའི་གཞལ་ཡས་ཁང་ན། སྐྱེ་བ་མེད་པ་ཆོས་ཀྱི་སྐུ་ཆེན་པོའི་ངང་ལ་བཞུགས་ཏེ། དེའི་ཚེ་ས་བཅུའི་བྱང་ཆུབ་སེམས་དཔའ་ཆེན་པོའི་དོན་དུ། སྔོན་གྱི་སྨོན་ལམ་དག་ཐུགས་རྗེའི་མཐུས། གཞན་ཡང་རྫོགས་པར་ལོངས་སྤྱོད་པའི་ཏིང་ངེ་འཛིན་ལ་སྙོམས་པར་ཞུགས་ཏེ། མཚན་དང་དཔེ་བྱད་ཀྱིས་བརྒྱན་པའི་སྐུ་བསྟན་ཏེ། ཡེ་ཤེས་ཆེན་པོ་རྫོགས་པར་མཛད་དོ།། དེའི་སྐད་ཅིག་ལ་དམན་པའི་གདུལ་བྱ་ལ། སྤྲུལ་བའི་སྐུ་ཐུན་མོང་པ་ཁྱེའུ་ཟུར་ཕུད་ཅན་དུ་སྤྲུལ་ཏེ་དོན་མཛད་པ་ལས། གདུལ་བྱ་གདུལ་བར་མ་གྱུར་ཏེ། སེ་གོལ་བརྡབས་ཏེ་ནམ་མཁའ་ལ་མི་སྣང་བར་གྱུར་ཏོ།། དེའི་དུས་ན་མཁྱེན་བཞིན་དུ། ནམ་མཁའ་ཉིད་ཀྱང་མཐིང་ནག་གྲུ་གསུམ་དུ་གྱུར་ཏོ།། ཡེ་ཤེས་ཀྱི་རླུང་ཕྱོགས་བཅུར་འཐོར་རོ། ། ཁྲག་གི་རྒྱ་མཚོ་འཁྲུག་གོ། ཀེང་རུས་ཀྱི་རི་སྙིལ་བར་གྱུར་ཏོ།། དེའི་དབུས་ན་སྒྲ་ཆེན་པོ་གྲག་པར་གྱུར་ཏོ།། ཨ་ཀྲོ་ཏེ་ཀ་ཡ་མན་ཏ་ཀ་ཧཱུ~ཾ་ཧཱུ~ཾ། ཤྲཱི་མཉྫུ་ཡ་མན་ཏ་ཀ་ཧཱུ~ཾ་ཧཱུ~ཾ། དེ་ལས་དྲག་པོའི་སྐུར་གྱུར་ཏེ། ། ཞལ་དྲུག་ཕྱག་ཀྱང་བཅུ་གཉིས་ཏེ། ཞབས་བརྒྱད་ཡུམ་དང་བཅས་པར་བསྟན།། ཐུགས་ཁའི་ཡ་ལས་འོད་འཕྲོས་ཏེ།། དམྱལ་བ་ཡི་དགས་བྱོལ་སོང་དང།། ལྷ་མིན་མི་སོགས་སྡུག་བསྔལ་གསལ།། སླར་འདུས་ཕྱག་མཚན་འོད་ཟེར་འཕྲོས། ། འགྲོ་དྲུག་བདེ་ལྡན་སེམས་མཆོག་བསྐྱེད།། སླར་འདུས་ཐུགས་ཁར་སྲས་མཆོག་བསྐྱེད།། གང་མོས་དེ་མཐུན་ཐེག་པ་བཤད།། དེ་ནས་མདུན་དུ་བཀའ་ནོད་ཚུལ།། གཤིན་རྗེའི་ཚོགས་ཀྱིས་འཇིག་རྟེན་བཀང། ། སྐུ་གསུང་ཐུགས་ཀྱི་སྤྲུལ་པ་དང།། ནག་འཇོམས་ཕྱ་སངས་བྲག་གྱོན་དང།། ཨ་བ་ཡ་བ་དམིག་དམར་དང།། དམིགས་པ་རྟེལ་བ་ལྷ་ཚོགས་དཀར།། ཆོས་རྒྱལ་ཐོད་དམར་ཡུམ་དང་བཅས། ། ཐུབ་དྲུག་བདག་པོ་མཁའ་འགྲོ་ཚོགས།། བདུད་དང་གིང་ཆེན་ཀླུ་ཡི་འཁོར།། སངས་རྒྱས་པས་ན་སྤྲུལ་བ་བསྟན།། གཤིན་རྗེ་ནག་པོའི་སྔགས་རྒྱུད་ལས། སྔོན་བྱུང་སྤྲུལ་བ་བསྟན་པ་གླེང་གཞིའི་ལེའུ་སྟེ་དང་པོའོ། །།། ཐུགས་ཁའི་སྲས་མཆོག་ཁྱེའུ་ཆུང་སྔོན།། ཡ་མ་ར་ཛ་གཤིན་རྗེ་ཡིས།། བདེ་ཆེན་ཡབ་ལ་འདི་སྐད་གསོལ།། སྔོན་བྱུང་དེ་ལྟར་སངས་རྒྱས་ན།། མ་འོངས་སྨན་པའི་བསྒྲུབ་པ་པོས།། སྐུ་གསུང་ཐུགས་སུ་ཇི་ལྟར་བསྒྲུབ། ། བདེ་ཆེན་ཡབ་ཀྱིས་བཀའ་སྩལ་འཚལ།། བཅོམ་ལྡན་འདས་ཀྱི་བཀའ་སྩལ་པ།། སྐུ་གསུང་ཐུགས་དང་ཡབ་ཡུམ་སྔགས།། གཙུག་དང་མགྲིན་པ་ཐུགས་ཁ་ནས།། བྱིན་བརླབས་བསྐུལ་བའི་སྔགས་འདི་ག་སུང་ཤ། ། ཨ་ཀྲོ་དྷེ་ཡ་མན་ཏེ་ཀ་ཨོཾ། ཨ་ཀྲོ་དྷེ་ཀ་ཡ་མན་ཏ་ཨཱཾ། ཨོཾ་ཀྲོ་དྷེ་ཀ་ཡ་མ་ཏ་ཧཱུ~ཾ། ཨ་ཀྲོ་དྷེ་ཀ་ཡ་ཏ་ཀ་ཧཱུ~ཾ་ཧཱུ~ཾ། ཤྲཱི་མཉྫུ་ཡ་མཱན་ཏ་ཀ་ཧཱུ~ཾ་ཧཱུ~ཾ། ར་ཙ་ཙ་ཀྲ་ཧཱུ~ཾ་ཧཱུ~ཾ། མ་རག་མོ་ཐུམ་རིལ། ཙིཏ་ཏ་ན་ལིང་བྲམ་ནན། ཧཾ་རཾ་ཧཱུར་ཐུམ་བྷྱོ། གཤིན་རྗེ་ནག་པོའི་སྔགས་རྒྱུད་ལས། སྐུ་གསུང་ཐུགས་བྱིན་གྱིས་བརླབས་པ་དང། ཐུགས་དམ་བསྐུལ་བར་འཕྲིན་ལས་བསྟན་པའི་ལེའུ་སྟེ་གཉིས་པའོ།།།། ཐུགས་ཁའི་སྲས་མཆོག་ཐུགས་ཀྱི་སྲས། ། ཐུགས་ལ་བསྟོད་པ་འདི་སྐད་གསུངས།། མཐིང་ནག་གྲུ་གསུམ་འབར་བའི་དཀྱིལ་འཁོར་ནས།། འཕགས་པའི་རྒྱལ་པོ་འཇམ་དཔལ་གཤིན་རྗེའི་གཤེད།། སྲིད་གསུམ་ཟིལ་གྱིས་གནོན་མཛད་ཡིད་བཞྀན་ཀུན་གྱི་གཏེར། ། ཁ། མས་གསུམ་དབང་དུ་སྡུང་མཛད་འཕྲིན་ལས་གསུང་གི་བདག། སྐྱེ་ཤི་རྩད་ནས་གཅོད་མཛད་སྒྲོལ་བྱེད་གིང་གི་གཙོ།། རི་རབ་ངོས་ལ་བྱ་ཡི་ཚང་བཅས་ནས།། བྱ་ཡི་རང་བཞིན་བོར་ནས་གསེར་དུ་སྣང། ། ལྷ་མཆོག་ཁྱོད་ལ་གང་དག་སུ་རྟེན་པ།། མི་ཡི་ཐ་མ་རྣམས་ཀྱང་མཆོག་ཏུ་འགྱུར།། གཡོན་གྱི་ཕྱོགས་ནས་ཡུམ་གཅིག་མ།། ཨེ་ཀ་ཛ་ཏི་མ་ཡིན་ནམ།། ནམ་མཁའ་ཁམས་ཀྱི་དཔལ་མོ་བཙན།། སྒེག་མོ་རལ་གཅིག་མ་ཡིན་ནམ། ། ལྷ་དང་ལྷ་མིན་གཡུལ་ཟློག་མཐུ་མོ་ཆེ།། ཞེས་བསྟོད་དོ།། གཤིན་རྗེ་ནག་པོའི་སྔགས་རྒྱུད་ལས། དྲིན་ལ་ལན་གཅིག་སླན་པ་དང།། ཞུ་བའི་བསྟོད་པ་བསྟན་པ་སྟེ་ལེའུ་གསུམ་པའོ། །།། ཐུགས་ཀྱི་བདག་པོ་གསུང་གི་སྲས།། སྡུད་པ་པོས་ནི་འདི་སྐད་ཞུས།། བསམ་གྱིས་མི་ཁྱབ་ཆོས་ཀྱི་དབྱིངས།། བརྗོད་དུ་མེད་དེ་གཅིག་དང་བྲལ།། མཐོང་བའི་ཡུལ་མེད་དམིགས་པ་མེད།། དཔེ་ཡིས་མཚོན་ན་ནམ་མཁའ་བཞིན། ། ཁྱོད་ལ་ཡོན་ཏན་དཔག་མེད་ཀྱང།། མའོངས་སེམས་ཅན་གདུལ་དཀའ་ལ།། དྲག་པོའི་འཕྲིན་ལས་ཇི་ལྟར་བསྒྲུབ།། འཕྲིན་ལས་བདག་པོས་བཀའ་སྩལ་འཚལ།། བདེ་ཆེན་དཔའ་བོས་འདི་སྐད་གསུངས། ། གདུལ་བྱའི་བསམ་པའི་དབང་གིས་ནི།། ང་ལ་བསྒྲུབ་པ་མཐའ་ཡས་ཡོད།། ཁྱད་པར་དྲག་པོའི་བསྒྲུབ་པ་ཉོན།། བསྙེན་པ་འཕྲིན་ལས་འཇུག་གིས་བསྒྲུབ།། གནས་དབྱེ། སྔགས། གྲངས། ཚད་དང། ཐབས། རྟག་དང། དུས། དཀྱིལ། རྫས། བཅུའོ།། བསྙེན། དགོན་ཤིང་དུར་ཁྲོད་གང་ག་ཕྱི།། ལུས་པ་ཆོས་དབྱིངས་ནང།། གསང་བ་དེ་ཉིད་རྣམས་སུ་ཤེས་པར་བྱ།། ཐུན་མོང་མ་ཡིན་དབྱེ་བ་དང།། སྤྱོད་ལམ་རྣམ་བཞིར་རྣལ་འབྱོར་སྒྲུབ། ། ཐུན་མོང་བསྙེན་པར་ཤེས་པར་བྱ།། ཐུན་མོང་མིན་པ་རྣམ་གཉིས་ཏེ།། དོན་དབྱེ་ཁྱད་པར་དབྱེ་བ་གཉིས།། དགུན་བསྙེན་ཉེ་བསྙེན་དོན་དབྱེ་བ།། གྲངས་ཚད་དུས་ཚད་ཁྱད་པར་དབྱེ། ། གཅིག་བཅུ་བརྒྱ་སྟོང་ཁྲི་འབུམ་བྱེ།། ས་ཡ་དུང་ཕྱི་གྲངས་མེད་གྲངས། ཞལ་བརྩེགས་བན་ཛ་བཅུན་དང།། ཧྲི་སྟེ་བཅུ་གཉིས་ས་མ་ཡའི།། བཅུ་ནི་སུམ་ཅུ་རྩ་གཉིས་ཡིན།། གཡོན་བསྐོར་བསྙེན་པའི་སྔགས་ཞེས་བྱ། ། འབུམ་གཅིག་ཁྲི་ལྔ་ཉེ་བསྙེན་ཚད།། འབུམ་བཅུ་ནས་ནི་འབུམ་གཉིས་བར།། རབ་འབྲིང་ཐ་གསུམ་ཆེ་འབྲིང་དགུ།། བསྙེན་པའི་ཚད་དུ་རྒྱལ་བས་གསུངས།། མི་སྨྲ་གླལ་སྦྲིད་གཉིད་རྨུགས་དང།། སྒྲ་ཆེན་སྒྲ་ཆུང་སྤང་བ་དང། ། དྲག་བརྡུལ་རིང་ཐུང་རྫོགས་པ་དང།། ཡིད་ལ་ཤི་ཕུར་བཟླས་པའི་ཐབས།། མཐོང་དང་ཐོས་དང་རྨི་ལམ་གསུམ།། བསྙེན་པའི་རྟགས་སུ་ཤེས་པར་བྱ།། ཟླ་བ་ཡར་ངོ་གཟའ་གང་བཟང། ། མདའ་འཕེན་པ་ཡི་ཟླ་བའི་དུས།། ཏིང་འཛིན་ལྷ་ཡི་འཁོར་ལོ་དཀྱིལ།། ཕྱི་ནང་གསང་བ་དེ་ཉིད་རྫས།། གཤིན་རྗེ་ནག་པོའི་སྔགས་རྒྱུད་ལས། བསྙེན་པའི་ལེའུ་སྟེ་བཞི་པའོ།།།། གནས་དབྱེ་སྔགས་བགྲངས། ཚད་དང་ཐབས། རྟགས་དུས་དཀྱིལ། རྫས། བཅུའོ།། འཕྲིན་ལས་གནས་ནི་སྔར་བཞིན་དབྱེ་བ་གཉིས།། འཕྲིན་ལས་ངོས་དང་སྤོགས་པའོ།། ཉིན་གཏོར་མཚན་དྲིལ་ཐུན་སྔགས་བརྒྱད།། ལས་བྱེད་འགོར་ན་འབྲུ་དེད་དང། ། རོ་ལངས་འདས་པ་འཕྲིན་ལས་སྔགས།། གྲངས་ནི་སྔར་བཞིན་ཁྲི་བཞི་དང།། སྟོང་བཞི་སྟོང་གཅིག་བརྒྱ་རྩ་བརྒྱད།། འབུམ་གཅིག་ཡང་ན་ཁྲི་ཕྲག་ལྔ།། འཕྲིན་ལས་བཟླས་པའི་ཚད་དུ་བསྟན། ། འབྲུག་ལྟར་སྒྲོགས་ཤིང་བསྒྲུབ་བྱ་སྲེག། ལྷ་རྣམས་འདར་ཞིང་གནམ་ས་འཁྲུག། འཕྲིན་ལས་སྒྲུབ་པའི་ཐབས་ཞེས་བྱ།། དངོས་ཀྱིས་དངས་བསང་འཕྲ་མེན་བསད།། བླ་བཀུག་བསད་གཉིས་འཕྲིན་ལས་རྟགས། ། མར་ངོའི་གཟའ་སྐར་ངན་པ་ལ།། བདུད་ཀྱི་ཉི་མ་སྲུང་བ་དང།། འབྲུག་སྒྲ་འཚུབས་ནག་དུས་ཞེས་བྱ།། ལྷ་དྲུག་རྒྱས་པའི་དཀྱིལ་འཁོར་དང།། དྲག་པོ་གྲུ་གསུམ་དཀྱིལ་འཁོར་རོ།། འཁོར་ལོ་ཟུང་ངམ་ཐིག་བྲིས་ཏེ། ། ལྡེར་ཚོའི་ནང་ངམ་གཟུགས་བརྙན་ནམ།། གའུའི་ནང་ངམ་སྟེགས་བུའི་སྟེང།། ཡང་ན་རོ་ཁུང་བཅུག་ལ་བཟླས།། ལྷོ་ཤར་མཚམས་སུ་འབྲུབ་ཁུང་བྱ།། བསྒྲུབ་པའི་རྫས་དང་བརྟེན་པའི་རྫས། ། དགྲ་བོ་བསད་པའི་རྫས་དང་གསུམ།། མི་རྟ་ར་ཁྱྀའི་སྙིང་དང་ཁྲག། ཤ་དང་དུག་སོགས་བསྒྲུབ་པའི་རྫས།། བམ་དང་སྲོག་ནི་བརྟེན་པའི་རྫས།། བམ་ནི་རོ་ལངས་བསྒྲུབ་པར་བལྟ།། ཐུགས་རྗེས་སྒྲལ་ལམ་གནས་སུ་སྒྲལ། ། ཕུར་བུ་ཉུངས་ཀར་དུག་དང་མདའ།། གུ་གུལ་ཁྲག་དང་སྐེའི་མཚོན།། དགྲ་བོ་སྒྲོལ་བའི་རྫས་ཞེས་བྱ།། གཤིན་རྗེ་སྔགས་རྒྱུད་ནག་པོ་ལས། འཕྲིན་ལས་བསྟན་པའི་ལེའུ་སྟེ་ལྔ་པའོ། །།། བྱིན་གྱིས་བརླབས་དང་རྫས་དགོད་སོགས།། རྒྱུད་གཞུང་གཞན་ནམ་བླ་མ་ཤེས།། གནས་དབྱེ་སྔགས་དང་གྲངས་ཚད་ཐབས།། རྟགས་དུས་དཀྱིལ་རྫས་བཅུ་པོ་འཇུག། གནས་ནི་བཞི་སྟེ་སྔ་མ་བཞིན། ། སྤྱི་ཕྱོགས་འཁོར་ལོ་ལྷུ་ཐུབས་དབྱེ།། དྲག་སྔགས་ཐམས་ཅད་བཟླས་པ་དང།། ཧྲི་སྟི་བཞི་བསྐོར་གནན་པའི་ཐབས།། གྲངས་ནི་སྔར་བཞིན་བརྒྱ་གཅིག་ཚད།། མནན་པ་ལྷ་དང་རིམ་པ་ཐབས།། ས་སྙི་དོན་གསལ་རྟགས་ཞེས་བྱ། ། གནན་པ་གང་ཡིན་གྲུ་གསུམ་བྲུ།། ཉི་ཤུ་དགུ་འམ་གནམ་སྟོང་ངམ།། སྐྱ་རེངས་ཤར་བ་དུས་ཞེས་བྱ།། དཀྱིལ་འཁོར་གཉིས་ཏེ་སྔ་མ་བཞིན།། ཐོད་པའི་འཁོར་ལོ་དུག་ཁྲག་སོགས།། རི་རབ་གླིང་བཞི་རི་བདུན་མཚོ། ། བྲིས་པ་མནན་པའི་རྫས་ཞེས་བྱ།། གཤིན་རྗེ་ནག་པོའི་སྔགས་རྒྱུད་ལས། འཇུག་གནན་པའི་ལེའུ་སྟེ་དྲུག་པའོ།།།། ཐུགས་ཀྱི་སྤྲུལ་པ་གསུང་གི་བདག། ཨ་བ་གླང་མགོས་འདི་སྐད་ཞུས། ། སྤྱིར་ན་རྒྱས་པར་བཀའ་སྩལ་བ།། ཁྱད་པར་མིང་གི་སྔགས་བཀའ་སྩོལ།། བདུད་འདུལ་རྒྱལ་པོས་འདི་སྐད་གསུངས།། སྐུ་གསུང་ཐུགས་ལས་ཕྱུང་བ་ནི།། ཡང་དག་སྔགས་ནི་འདི་རྣམས་སོ།། ཨོཾ་ཨ་ཀྲོ་དྷེ་ཀ་ཡ་མཱན་ཏ་ཀ་ཧ་ན་མ་ཐ་བྷན་ཛ་ཧཱུ~ཾ་ཕཊ། ཨོཾ་ཧྲི་ཥྟིཿཝི་ཀྲྀ་ཏ་ན་ན་ཧཱུ~ཾ་ཕཊ། ཡ་མ་མེ་ཏ་ཀྴེ་ར་ཙ་ས་ཏོ་རུ་ན་ཡོ་ནི་ར་ཡ་ཙ་ནི། མ་མ་ཏ་ཀྵེ། ཡ་ནི་ཙ་ཡ། ར་ནི་ཡོ་ན། ཏོ་ས་ཙ་ར། ཡ་མ་ར་ཙ་ས་ཏོ་མེ་ཡ། ཡ་མེ་དོ་རུ་ཎ་ཡོ་ད་ཡ། ཡ་ད་ཡོ་ནི་ར་ཡཀྵེ་ཡ། ཨ་ཀྵེ་ཡ་ཙྪ་ནི་ཡ་མ་ར། བྲ་མ་ཡ་ཧཱུ~ཾ་ཕཊ། རཀྟ་ར་ཙ་ཡ་ཧཱུ~ཾ་ཕཊ། མུར་ཙ་ཡ་ཧཱུ~ཾ་ཕཊ། མཱ་ར་ཡ་ཧཱུ~ཾ་ཕཊ། ཡ་མ་ར་ཙ་ས་ཏོ་མེ་ཡ། ཡ་མེ་དོ་རུ་ཎ་ཡོ་ཏ་ཡ། ཡ་ད་ཡོ་ནི་ར་ཡཀྵེ་ཡཱ་ཡཙྪ་ནི་ར་མ་ཡ། དགྲ་བོ་མཱ་ར་ཡ་ཧཱུ~ཾ་ཕཊ། ཡ་མ་དུ་སྦུད། ནི་ཛ་ཁུག་ཤིག། ཡ་མ་ཙ་ཚ་རྦད། སྲོག་རྩ་རྩ་རྦད། ཁྲག་རྩ་རྩ་རྦད། ཨོཾ་ནི་མ་ར་དུ་ཡ་མ་སྙིང། ཡ་མ་ཁྲག། ཡ་མ་དུ་ཡ་མ་རྦད། ཚལ་པ་བཾ་རིལ་ཚལ་པ་དཾ་པ་དུཾ་བུ་ཧཱུ~ཾ་ཕཊ། བསབས་སོ་རོ་ཤ་སྙིང་ལ་བསབས།། མ་ར་ཛ་དགྲ་བོའི་སྙྀང་ལ་ཁྲག་ཐུན་རིལ་རྦད། ཡ་མ་རཱ་ཙ་ཤ་སྙིང་ཤ་རྩ་ལ་ཁྲག་ཐུན་རིལ་རྦད། ཡ་མ་རཱ་ས་དོ་མེ་ཡ། ཡ་མ་ར་ཙ་སྙིང་ཏེ་མེ་ཡ། ཡ་མ་རཱ་ཙ་སྙིང་ལ་རོ་མེ་བཾ་རིལ་རྦད། ཡ་མ་ར་ཙ་སྙིང་ལ་ཁྲག་རོ་ཤ་ཙིཏྟ་ལ་བཾ་རིལ་རྦད། ཡ་མ་རཱ་ཙ་དགྲ་བོ་ཧྲིཥྟཱིཿཡ་མ་ཏ་ཏྲི་སྙིང་ལ་ཁྲག་ཐུམ་རིལ་རྦད། ཡ་མ་རཱ་ཙ་ཁྲག་ཐིབས་རྦད། ཡ་མ་ར་ཙ་མུག་ཐིབས་རྦད། ཡ་མ་རཱ་ཙ་སུ་བས་རིལ་རྦད། ཡ་མ་རཱ་ཙ་གླིང་དུ་ཡ་རྦད། ཡ་མ་རཱ་ཙ་ཛ་ཛ་ཉག་ཚལ་བ་བྱི་མ་ཡ་འུབ་ཐུལ། སྙིང་མགོ་ཆོད་ཁ་ལ་ཤ་ཟོ་ཚལ་པ་སྙིང་རྩ་ལ་ཁྲག་བཾ་རིལ་རྦད། ཡ་མ་རཱ་ཙ་ཀློག་རྩ་ལ་རྩ་རོ་མེ་བཾ་རིལ་རྦད། ཡ་མ་རཱ་ཙ་རྩ་ལ་བཾ་རིལ་རྦད། མཆིན་རྩ་རུལ་སྙིང་ལ་ཧྲི་ཥྟྲཱིཿརྩ་རོ་བལ། རྒྱུ་རྩ་ཁུག། སྙིང་རྩ་པྲ་མ་ལ། སྲོག་ལ་རེ་བར་རྩ་སྙིང་ལ་རྦད། རག་ཤ་ཁྲག་སྙིང་རོལ་རྦ་རིལ་རྦད། ཡ་མ་ར་ཙ་སྙིང་ལ་ཏོ་ད་པ་རག་ཤ་མེ་བཾ། ཡ་འགྲ་ན་ཛ་ཛ། སྙིང་ལ་ཁུག་ཁུག། མཆིན་རྩ་བཀས་པ་དུ་དུ། ཙ་རམ་ག་གཡོན། རོལ་གཤའ་མོ་བཾ་ཁྲག་རྩ་སྙིང་ལ་ཤོས་རོ་རཾ་རོ། རྩ་རྟོག་དགྲ་བོ་མ་ར་ཡ་བཾ་རིལ་རྦད། ཡ་མ་ར་ཙ་ས་དོ་མེ་ཡ་སྙིང་ལ་དོ་རུ་མེ་ར་ཡཀྵེ། ཡ་ད་ཡོ་ན་སྙིང་ལ་དོ་རུ་མེ་ར་ཡཀྵེ་ཡ་ཨ་ཀྲ་མ་ཨ་ཀྲ་མ་སྙིང་ལ་རྩ་རོ་མེ་བཾ་རིལ་རྦད། ཡ་མ་ར་ཙ་ཙ་རོད་པ་ཁུག་ཁུག་ཐུམ་རིལ་སྙྀང་ལ་རག་ཤ་བཾ་རིལ་རྦད། ཡ་མ་རཱ་ཙ་སྙིང་ལ་ཙ་ཙ་ནན་ནན། སོངས་སྲོག་མུག་དགྲ་བོ་ཁྲག་ཐུམ་རིལ་རྦད། ཡ་མ་རཱ་ཙ་ས་དོ་མེ་ཡ་སྙིང་ལ་རོ་ཤ་བཾ་རིལ་ཆེ་གེ་མོ་རྩ་རྩ་ཀྲོངས། སྙིང་ཁུག་བཀས་པ་རྩ་བཾ་རིལ་རྦད། ཡ་མ་ར་ནི་ཙ་ཡཀྵེ་ཡ། ཆེ་གེ་མོ་སྙིང་ལ་བཾ་རིལ་རྦད་ཡ། ཡཀྵེ་ཡ་ར་ནི་ཡོ་ད་ཡ་ཆེ་གེ་མོ་ཁ་དངོས་ལ་མུ་ངོ་རྦད་ཡ། ཡ་ད་ཡོ་ན་རུ་དོ་མེ་ཡ་ཆེ་གེ་རུ་རྟ་ནན་ཁྲཾ་ཏི་རྦད་ཡ། ཡ་མེ་དོ་ས་ཙ་ར་མ་ཡ་ཆེ་གེ་མོ་མཱ་ར་ཡ་ཁྲག་དུ་རྦད། ཡཱ་མ་རཱ་ཙ་ས་ཏྭ་མེ། ཡ་མེ་དོ་རུ་ཎ་ཡོ་ད། ཡ་ད་ཡོ་ཏི་ར་ཡཀྵེ། ཡཀྵེ་ཡ་ཙ་ནི་ར་མ། རཱ་ཙ་ས་དོ་མེ་ཡ། དོ་རུ་ཎ་ཡོ་ད་ཡ། ཡོ་ན་ར་ཡཀྵེ་ཡ། ཡ་ཙ་ནི་ར་མ་ཡ། ཙ་ས་དོ་མེ་ཡ། རུ་ན་ཡོ་ད་ཡ། ནི་ར་ཡཀྵེ་ཡ། ཛ་ནི་ར་མ་ཡ། ཐུམས་རྦད་ཡ། ར་མ་ཡ། རོ་མེ་ཡ། སྥོ་ཊ་ཡ། ཡཀྵེ་ཡ། ཐུམས་རྦད་ཡ། གཤིན་རྗེ་ནག་པོའི་སྔགས་རྒྱུད་ལས། སྔགས་བསྟན་པའི་ལེའུ་སྟེ་བདུ་པའོ།།།། དེ་ནས་མཐུ་ཆེན་དཔའ་བོ་ལ།། འཁོར་གྱི་བདག་པོས་འདི་སྐད་གསུངས།། སྒྲུབ་བྱེད་གང་ཟག་མ་ཚན་ཉིད་དང།། ཉམས་སུ་བླང་བའི་གོ་རིམས་ཞུས། ། ཐུབ་པའི་རྒྱལ་པོས་འདི་སྐད་གསུངས།། རིགས་ཡོད་སྡོམ་དང་ལྡན་ཞིང་དབང་ཐོབ་མན་ངག་ཐོབ།། རྒྱུད་ཐོས་དམ་ཚིག་བསྲུང་ཞིང་སྙིང་རྗེ་ཆེ་དང་བདུན།། དེ་བདུན་ལྡན་པའི་རྣལ་འབྱོར་པས། ། ཉམས་སུ་འདི་ལྟར་བླང་བར་བྱ།། མཐུན་པའི་གནས་སུ་མཐུན་པའི་རྫས་བསགས་ཏེ།། ཕྱི་ནང་ཚོགས་བསགས་ཕྱི་ནང་སྡིག་པ་བཤགས།། ཕྱི་ནང་མཚམས་གཅད་བསྒྲུབ་པར་བྱ།། གཤིན་རྗེའི་མཆོད་པ་ལྷོ་རུ་དབུལ། ། ཞེས་བྱ་སྟེ།། མཆོད་པ་བྱ་ཞིང་བསྙེན་པ་ལ་འཇུག། བདེ་གཤེགས་གཟུགས་བརྙན་ཉི་ཟླ་མཁའ་ལ་ཤར།། མགོན་གཉེར་བཤེས་ལ་སོགས་རྨིན་རྟགས།། ཉེ་བསྙེན་གཡོན་བསྐོར་སྔགས་ལ་འཇུག་བར་བྱ། ། གོ་གོན་མཚོན་ཐོགས་དམག་སྣ་འདྲེན་པ་དང།། དགྲ་ཡི་བླ་བཀུག་ཐུགས་རྗེས་བསྒྲལ་རྨིས་ན།། འཕྲིན་ལས་དྲག་པོའི་ལས་ལ་འཇུག་བར་བྱ།། ཕྱག་མཚན་ཐམས་ཅད་ཤར་དུ་བསྒྲུབ།། ལིང་ག་ཐུན་གྱི་ནུབ་ཏུ་བརྩམ། ། ལས་ངན་ཐམས་ཅད་བྱང་དུ་བྱ།། ཞེས་བྱ་སྟེ།། ཕུར་བུ་ལ་དུག་ཁྲག་ཏོར་ཞིང་ཐུན་སྔགས་ཀྱིས་ངར་བླུད་པ་དེས།། ནུབ་ཕྱོགས་ཀྱི་ཧོཾ་ཁུང་དུ་ལིང་ག་བཙེམ། དེ་ནས་བྱང་གི་གྲུ་གསུམ་དུ་ལིང་ག་དང། ཤ་ཆེན་དང་བཅས་པ་དུག་ཤིང་གི་མེ་ལ་བསྲེག་པར་བྱའོ།། དེ་ནས་གཤིན་རྗེའི་བསྒྲུབ་པ་རྫོགས་ནས་ནི། གའུ་དག་ན་ནན་ཏན་བྱ་ཞེས་བྱ་སྟེ། བསྲེགས་པའི་ཐལ་བ་དང་ལིང་ཀ་ར་མགོ་འམ། ཐོད་པ་ལ་སོགས་པར་བཅུག་ལ། ལམ་རྒྱ་གྲམ་གྱི་མདོ་ལ་སོགས་པར་སྦ་བར་བྱའོ།། དེ་ལྟར་གསུམ་ལྔ་བདུན་སོགས་བྱའོ།། ནག་པོ་ཐུགས་ཀྱི་བསྒྲུབ་པ་ལ།། བསྙེན་པ་བྱིན་རླབས་ཞལ་བརྩེགས་བཟླས།། འཕྲིན་ལས་ཉི་མ་བཞི་པའོ། ། སྤྱི་བོའི་འཁོར་ལོ་བསྒྲུབ་པ་ཧྲི་ཏྲི་དང།། སུམ་ཅུ་གཉིས་དང་སྦྲེལ་ཏེ་བཟླས།། སྤྱི་ཡི་འཁོར་ལོ་བསྙེན་པར་བསྟན།། འཕྲིན་ལས་བསྟན་པ་སྔ་མ་བཞིན།། རྩ་བའི་འཁོར་ལོ་རྒྱས་འབྲིང་དང།། བསྡུས་པ་བསྒྲུབ་པའི་གསང་སྔགས་ནི། ། ཡིག་འབྲུ་བཅུ་བདུན་རྒྱུན་བསྙེན་པ།། སུམ་ཅུ་རྩ་གཉིས་གཡོན་བསྐོར་སྔགས།། ཉེ་བར་བསྒྲུབ་པའི་བསྙེན་པའོ།། ཉིན་གཏོར་མཚན་དྲིལ་ཐུན་བརྒྱད་དང།། གནན་པ་སྩོག་པ་སྔ་མ་བཞིན། ། བྷན་ཛཱ་བཅུ་ནི་བསྐྱེད་པའི་སྔགས།། རྒྱུ་ཡི་སྔགས་དང་རྦོད་གཏོང་སྔགས།། རིམ་པ་ཇི་བཞིན་ཤེས་བྱས་ལ།། རྒྱུན་སྔགས་ཉེ་བསྙེན་འཕྲིན་ལས་སྔགས།། རྟགས་དང་སྦྱར་ལ་རིམ་པས་བཟླས།། རྟགས་མེད་ན་ནི་གོང་ཉིད་བཟླས། ། གཤིན་རྗེ་ནག་པོའི་སྔགས་རྒྱུད་ལས། བསྒྲུབ་པ་པོའི་མཚན་ཉིད་དང།། ཉམས་སུ་བླང་བའི་གོ་རིམས་བསྟན་པའི་ལེའུ་སྟེ་བརྒྱད་བའོ།།།། དེ་ནས་ཐུགས་མཆོག་ཡ་བ་ཏིས།། བདེ་ཆེན་ཡབ་ལ་འདི་སྐད་ཞུས། ། ཡ་མཱན་ཏ་ཀ་གཅིག་པུ་ལ།། ནག་པོ་དམར་པོ་སྒྲུབ་པ་དང།། རོ་ལངས་སྒྲུབ་པ་ཇི་ལྟ་བུ།། ཉིན་བཞིའི་དོན་དང་འཁོར་ལོའི་དོན།། བསྐོར་བའི་སྔགས་དང་རྒྱུད་དོན་གསུངས།། མ་འོངས་པ་ཡི་གདུལ་བྱ་ནི། ། མཆོག་དང་དམན་པའི་གང་ཟག་གཉིས།། དོན་དམ་ངེས་དོན་མཆོག་ལ་བསྟན།། ཀུན་རྫོབ་དྲང་དོན་དམན་ལ་བཤད།། ནག་པོ་མི་འགྱུར་ཆོས་ཀྱི་དབྱིངས།། ནག་པོ་ཡེ་ཤེས་མི་རྟོག་པ།། ཆོས་དབྱིངས་ཨེ་ཀ་ཛ་ཏི་ཡུམ། ། མི་རྟོག་ཡ་མཱན་ཏ་ཀ་ཡབ།། ཨེ་ནི་རྒྱུ་སོགས་མཚན་མ་མེད།། ཀ་ནི་ངོ་བོ་སྟོང་པ་ཡིན།། ཙ་ནི་འབྲས་བུ་སྨོན་པ་མེད།། ཡ་ནི་ཡབ་སྟེ་རྟོག་མེད་ཐབས།། མ་ནི་ཡུམ་སྟེ་སྟོང་པ་ཉིད། ། ཏ་ཀས་གཉིས་མེད་ལྷུན་གྱིས་གྲུབ།། གཤིན་རྗེའི་ཐུགས་ལས་གཟུགས་ལ་སོགས།། མཚན་མའི་ཆོས་རྣམས་ཡེ་ནས་སྟོང།། ཕྱི་རོལ་པ་ལ་ཀུན་རྫོབ་བསྟན།། ནག་པོ་བསྙེན་པའི་བསྒྲུབ་པ་སྟེ།། དམར་པོ་འཕྲིན་ལས་ཤེས་པར་བྱ། ། ཡང་ན་སོ་སོར་བསྙེན་པ་དང།། འཕྲིན་ལས་བསྙེན་པ་སྔ་མ་བཞིན།། དམར་ནག་གཉིས་ལ་བསྒྲུབ་པ་བརྒྱད།། ཡབ་བསྒྲུབ་གཉིས་དང་ཡུམ་བསྒྲུབ་གཉིས།། སྲས་བསྒྲུབ་གཉིས་དང་རྒྱས་བསྒྲུབ་གཉིས། ། ནག་པོའི་སྔགས་རྒྱུད་ལས། དམར་ནག་སྒྲུབ་པ་སྤྱིར་བསྟན་པའི་ལེའུ་སྟེ་དགུའོ།།།། དེ་ནས་བདེ་ཆེན་དཔའ་བོ་ཡིས།། རོ་ལངས་སྒྲུབ་པ་བཤད་ཀྱིས་ཉོན།། ཕན་གདགས་པ་དང་ཚར་གཅད་གཉིས། ། རོ་ལངས་ཕན་གདགས་དྲུག་ཏུ་བསྔུ།། རྒྱུ་རྐྱེན་དགོས་པ་དབྱེ་བ་དང།། བྱད་བའི་ཚུལ་དང་འབྲས་བུ་ཐབས།། རྒྱུ་ནི་མཚན་དང་ལྡན་པའི་ར།། རྐྱེན་ནི་དུས་ཚོད་འཛོམ་པའོ།། དགོས་པ་ཕན་གདགས་ཚར་གཅད་དོ། ། དབྱེ་བ་རིལ་པོ།། སིལ་མ། རིལ་ལུ་གསུམ། བྱེད་ཚུལ་ལྷ་དང། མཆོད་པ། མཐར་ཐུག་གོ། ཐབས་ལ་ལྔ་སྟེ། ལྷ་དང། བླང་བའི་ཚུལ་དང། དཀྱིལ་འཁོར་སྔགས་དང་གོ་རིམས་སོ།། ལྷ་ལ་སློབ་དཔོན་ཡ་མཱན་ཏ་ཀར་བསྒོམ། སློབ་མ་ལས་ཀྱི་གཤིན་རྗེ་གསུམ་མམ། ཡ་མ་ར་ཙར་བསྒོམ། བླང་ཚུལ་རོ་ལྷར་བསྐྱེད། རོ་ཁུང་གཞལ་ཡས་ཁང་དུ་བསམ། ལས་ཀྱི་གཤིན་རྗེ་རོ་ཁུང་ཁ་འབྱེད་ཙམ་ན། གཞལ་ཡས་ཁང་ཕྱེ་བར་བསམ། ལག་པ་ལྕགས་ཀྱུས་རོའི་སྙིང་ཁ་ནས་དྲངས་ལ། སྐྲ་དང་གོས་དུམ་རོ་ཁུང་བཅུག་ལ། རོའི་ཡི་དགས་ཁྱོད་དེ་ལ་རྟེན་ཆོས་ལ། རོའི་ཕྱི་རོལ་མ་འབྲང་ཞིག་ཅེས་བརྗོད་ལ། མཚོན་ཆ་དང་སྟང་ཐབས་ཀྱིས་མཚམ་གཅད་དོ། ། དེ་ནས་གནས་ཀྱི་ཕྱི་རོལ་དུ།། ཁྲུས་བྱ་དྲིས་བྱུག་གོས་བསྐོན་ལ།། རྒྱན་དང་བྱང་བུ་ཀུན་ཀྱང་གདགས།། དཀྱིལ་འཁོར་ནི་རྡུལ་ཚོན་དང། འཁྲུལ་འཁོར་དང། ཏིང་འཛིན་གྱི་དཀྱིལ་འཁོར་རོ། ། སྔགས་ནི་བསྙེན་པ་དང། འཕྲིན་ལས་དང། འཇུག་གི་སྔགས་སོ།། གོ་རིམས་ནི། མཚན་ལྡན་བྱང་བུ་ཅན་དེ། ཆོ་ག་གསུམ་གྱིས་ལྷར་བསྐྱེད། ཡེ་ཤེས་ཀྱི་ལྷ་བསྟིམ། དབང་བསྐུར། ཏིང་འཛིན་གསུམ་གྱི་གཞི་བཟུང་ལ། ལྷ་རྣམས་བསྐྱེད་ལ་མཚན་ལྡན་དབུལ། བསྐང་གསོའི་ལས་བྱ། ཕྱི་ནང་གི་གཏོར་མ་གཏང་སྟེ་བགེགས་བསྐྲད། མཚམ་གཅད་དོ།། ཡང་བླངས་ལ་ཕྱི་རོལ་ཏུ་གཞག་ལ། ཁྲུས་བྱ། ལྷར་བསམ། ནང་དུ་ཕྱིན་ལ་ལྷ་རྣམས་ལ་དབུལ། བསྐང་གསོ་དང་གཏོར་མ་གཏང་བ་ལ་སོགས་པ་བྱའོ།། དེ་ནས་ཞག་ལྔ་འམ། བདུན་ནམ། དགུ་འམ་གང་བྱེད་ཀྱང། བླང་བ་སྔ་མ་བཞིན་དུ་བྱས་ལ། དང་པོ་ནུབ་མོ་རྒྱུན་སྔགས་དང་ཉེ་བསྙེན་སྔགས་སྦྲེལ་ལ་བཟླས། ནུབ་གཉིས་ནས་ལྔའི་བར་དུ་ཞི་རྒྱས་ཀྱི་སྔགས་དང་སྦྲེལ་མ་གཉིས་ལ་ཉི་མ་བཞི་པ་བྱ། ནམ་ཕྱེད་ཡོལ་ནས་ཞི་རྒྱས་ཀྱི་སྦྱིན་སྲེག་དང་གཏོར་མ་ལ་སྩོགས་པ་བྱའོ། ། ཞག་བདུན་བྱེད་ན་སྔ་མ་བཞིན་དུ་བྱས་ལ། དང་པོའི་ནུབ་མོ་རྒྱུན་བསྙེན་བཟླས། ནུབ་གཉིས་པ་ལ་སྒྲུབ་པའི་བསྙེན་པ་བཟླས། ནུབ་གསུམ་པ་ནས་དྲུག་པའི་བར་དུ་ཞི་རྒྱས་གང་ཡང་རུང་བའི་ཉི་མ་བཞི་པ་བྱ། ནུབ་བདུན་པ་ལ་སྦྱིན་སྲེག་དང་གཏོར་མ་འཇུག་གི་ལས་བྱ། བསྲེ་བའི་ཚུལ་ནི། རོའི་ཁོག་པ་གཞལ་ཡས་ཁང་དུ་གསལ། སེམས་དང་སེམས་ལས་བྱུང་བ་ལྟར་བསམ་ལ། ཁ་སྤུབ་ལ་ཐིག་བཏབ་ལ་རིམ་པས་བསྲེའོ། ། དེ་ཡང་མཆོད་རྫས་དང་ལྷར་བྱ་བ་གཉིས་ལས། དང་པོ་གཞལ་ཡས་ཁང་དུ་བྱ་བ་ནི། རོ་དེའི་ཁོག་པ་གཞལ་ཡས་ཁང། རྟེན་མཐིང་ནག་གྲུ་གསུམ་དུ་བྱིན་གྱིས་བརླབས་སོ།། རོ་དེའི་གཡང་གཞི་གཡོ་བ་ནི། གཞལ་ཡས་ཁང་གི་རྟེན་རླུང་གི་དཀྱིལ་འཁོར་དུ་བསམ། རོ་དེའི་དྲོད་ནི་མེའི་མཎྜལ། རོ་དེའི་རླན་ཆུའི་མཎྜལ། རོ་དེའི་ཤ་གསེར་གྱི་ས་གཞི། རོ་དེའི་ཚིགས་ཆེན་ཚིགས་ཆུང་གསེར་གྱི་རི་བདུན། ཁྲག་རོལ་མཚོ་ཆེན་པོ་བདུན། སྐལ་ཚིགས་རི་རབ་འདོམ་གང་གྲུ་བཞི་རིན་ཆེན་གཞལ་ཡས་ཁང། བན་དྷ་དུར་ཁྲོད་གཞལ་ཡས་ཁང་དུ་བྱིན་གྱིས་བརླབས་སོ།། པགས་པ་ནི་བླ་རེ་དང་གདུགས་སུ་དབུལ་ལོ།། སྐྲ་དང་སྤུ་ཀུ་ཤའི་ཆུན་པོར་དབུལ་ལོ། ། དབང་པོ་རྣམ་ལྔ་མེ་ཏོག་ཏུ་དབུལ་ལོ།། ཀླད་པ་སྤོས། ཚིལ་མར་མེར་དབུལ་ལོ།། དྲི་ཆུར་དབུལ། རྒྱུངས་པ་ཨ་རྒར་དབུལ། སྙིང་སྲོག་པ་རྩ་དང་བཅས་པ་ཡ་མཱན་ཏ་ཀ་ལ་དབུལ། མཆིན་པ་ཡ་མ་ར་ཙ་ལ་དབུལ། གློ་བ་གཤིན་རྗེ་ཐུགས་ཀྱི་སྤྲུལ་པ་ལ་དབུལ། མཁལ་མ་སྐུའི་སྤྲུལ་པ་ལ་དབུལ། མཆེར་པ་གསུང་གི་སྤྲུལ་པ་ལ་དབུལ། མིག་གི་དབང་པོ་མཐོང་བྱེད་ཀྱི་རྩ་དང་བཅས་པ་ཕྱ་སངས་རྒྱས་ནག་འཇོམས་ཡབ་ཡུམ་ལ་དབུལ། རྣ་བ་ཏི་ལ་དབུལ། སྣ་དམིགས་པ་ལ་དབུལ། ལྕེ་ལྷ་མཆོད་དུད་ཀ་ལ་དབུལ། ལུས་རྡོ་རྗེ་སྲིད་པ་རྒྱལ་བྱེད་ཀྱི་རྩ་དང་བཅས་པ་ཐོད་དབྱུག་དམར་པོ་ཡབ་ཡུམ་ལ་དབུལ། མགོ་རུས་ཀོ་རྩེ་བྲག་གྱོན་ལ་དབུལ། ལག་པ་གཡས་པ་གླང་མགོ་ལ་དབུལ། ལག་པ་གཡོན་པ་མིག་དམར་ལ་དབུལ། རྐང་པ་གཡས་པ་རྟེལ་ཕ་ལ་དབུལ། རྐང་པ་གཡོན་མ་ཆོས་ཀྱི་རྒྱལ་པོ་ལ་དབུལ། ལོང་ཁ་གཤིན་རྗེ་ཁ་ཐུན་གྱི་ཚོགས་ལ་དབུལ། གྲོད་པ་དུག་ཐུན་ཚོགས་ལ་དབུལ། གཉེ་མ་ཕུར་ཐུན་ཚོགས་ལ་དབུལ། རྒྱུ་མ་མདའ་ཐུན་ཚོགས་ལ་དབུལ། ཕོ་བ་ཉུངས་ཐུན་ཚོགས་ལ་དབུལ། མཁལ་མ་སྙྀང་ཐུན་ཚོགས་ལ་དབུལ། དེ་དེའི་རང་བཞིན་དུ་ཤེས་པ་འམ། ཡང་ན་བྱིན་གྱིས་བརླབས་ལ་དབུལ་ལོ།། རོ་དེའི་རྣམ་པར་ཤེས་པའི་ཕུང་པོ་རྣམ་པར་དག་པ་ནི། ཡ་མཱན་ཏ་ཀ་ཡབ་ཡུམ་མོ།། ཚོར་བ་རྣམ་པར་དག་པ་ནི། ཡ་མ་རཱ་ཛའོ།། གཟུགས་རྣམ་པར་དག་པ་ནི། སྐུའི་སྤྲུལ་པའོ།། འདུ་ཤེས་རྣམ་པར་དག་པ་ནི། གསུང་གི་སྤྲུལ་པའོ།། འདུ་ཤེས་རྣམ་པར་དག་པ་ནི། ཐུགས་ཀྱི་སྤྲུལ་པའོ།། མིག་གི་རྣམ་པར་ཤེས་པ་རྣམ་པར་དག་པ་ནི། ཕྱ་སངས་དང་ནག་འཇོམས་སོ། ། རྣ་བའི་རྣམ་པར་ཤེས་པ་རྣམ་པར་དག་པ་ནི། ཡབ་ཏིའོ།། སྣའི་རྣམ་པར་ཤེས་པ་རྣམ་པར་དག་པ་ནི་སྨིགས་པ། ལྕེའི་རྣམ་པར་ཤེས་པ་རྣམ་པར་དག་པ་ནི། ལྷ་མཆོག་དུད་ཁ། ལུས་ཀྱི་རྣམ་པར་ཤེས་པ་རྣམ་པར་དག་པ་ནི། དམར་པོ་ཐོད་དང་ཐོད་དབྱུག། ཉོན་མོངས་པའི་ཡིད་རྣམས་པར་དག་པ་ནི། ཀོ་ཚེ་བྲག་གྱོན། ཡིད་ཀྱི་རྣམ་པར་ཤེས་པ་དག་པ་ནི། ཨ་བ་གླང་མགོ་ཅན། ཀུན་གཞི་རྣམ་པར་དག་པ་ནི། མིག་དམར། ཡིད་རང་བྱུང་དག་པ་ནི། རྟེལ་བ། རང་བཞིན་གྱིས་འོད་གསལ་བ་ནི། ཆོས་ཀྱི་རྒྱལ་པོ་ཡབ་ཡུམ་མོ།། དེ་དང་དེའི་རང་བཞིན་དུ་ཤེས་པ་འམ། ཡང་ན་བསྐྱད་པའོ།། དབུལ་བའི་བསམ་པ་ནི། བྱིན་གྱི་བརླབས་པ་འམ། དེའི་རང་བཞིན་ཤེས་པའོ།། དབུལ་བའི་སྔགས་ནི་བསྙེན་པའི་སྔགས་སམ། ཡང་ན་སོ་སོའི་སྔགས་ཀྱིས་དབུལ་ལོ།། དབུལ་བའི་ཚིག་ནི། བཅོམ་ལྡན་ཡ་མཱན་ཏ་ཀ་དང། ཡུམ་གཅིག་ཨེ་ཀ་ཛ་ཏི་ལ། ། མཐུན་པའི་རྫས་ཆེན་སྙིང་མཆོག་གིས།། ཐུགས་དམ་བསྐང་ཕྱིར་དབུལ་ལགས་ན།། དངོས་གྲུབ་སྩལ་ཕྱིར་བཞེས་སུ་གསོལ།། གཤིན་རྗེ་སྲས་མཆོག་ཡབ་ཡུམ་ལ།། མཐུན་པའི་རྫས་ཆེན་གློ་བ་འབུལ། ། བྱིན་གྱིས་བརླབ་ཕྱིར་བཞེས་སུ་གསོལ།། རོ་མཚར་གཅད་པ་ལ། རོ་བླངས་ཚུལ་ལ། རོ་དེ་བཟའ་བ་བོར་བསམས་ལ། རོ་ཁུང་ནས་འདྲེན་ཙམ་ན། བཟའ་པ་པོའི་ཁྱིམ་ནས་འདྲེན་པར་བསམ། ཁྲུས་བྱ་དྲག་པོའི་རྫས་བྱུག། བཟའ་བ་བོའི་ལུས་ངག་ཡིད་གསུམ་རོ་ལ་བསྟིམ། ལིང་ག་གདགས་སྡིག་སྒོ། ལྷ་དང་དབྱེ་བར་བྱའོ།། དེ་ནས་ཤར་ལྷོ་འབྲུབ་ཁུང་གི་དྲུང་དུ་གཞག་ལ། གཤིན་རྗེའི་ལྷ་ཚོགས་ལ་དབུལ། བསྐང་གསོ་དང་གཏོར་མ་གཏང་བ་བྱས་ལ། བསྙེན་པའི་སྔགས་བཟླས། དེ་ནས་སྙིང་ལ་སོགས་པ་ཕྱུང་ལ་ལྷ་སོ་སོའི་བཏབ། དབང་དྲག་གི་ཉི་མ་བཞི་པ་བྱ། དེ་ནས་དབང་དྲག་གི་སྦྱིན་སྲེག་བྱ། གཏོར་མ་གནན་པའི་ཆོ་ག་བྱའོ། ། རོའི་ཤ་ཁྲག་རུས་པ་ལ་སོགས་པ་ལྷ་རྣམས་ལ་དབུལ་ལོ།། སེམས་དང་སེམས་ལས་བྱུང་བ་ལྟར་མོས་པར་བྱའོ།། རོ་དེ་ཇི་ལྟར་སྤྱོད་ཀྱང་དགྲར་དམིགས་ལ་སྤྱོད། རིམ་པ་ཀུན་གོང་མ་དང་འདྲའོ།། བསྟབ་པའི་ཚིག་ནི། ཡབ་གཅིག་ཡ་མཱན་ཏ་ཀ་ནི།། སྐུ་མདོག་མཐིང་ནག་འབར་བ་ལ།། གཤིན་རྗེ་ཕོ་མོའི་གདན་ལ་བཞུགས།། མ་མོ་སྨུག་ནག་ལས་ལ་འགྱེད།། དམ་ཉམས་དམ་སྲི་མ་རུངས་པའི།། སྙིང་གི་མཆོད་པ་འདི་འབུལ་གྱིས། ། དགྲ་བོ་སྒྲལ་ཕྱིར་བཞེས་སུ་གསོལ།། དེ་ལྟ་བུའི་བསྒྲུབ་པ་ནི་རིལ་པོའི་བསྒྲུབ་པའོ།། སིལ་མིའི་བསྒྲུབ་པ་ནི། རྫས་རྣམས་རྡུལ་ཚོན་གྱི་དཀྱིལ་འཁོར་ལ་གནས་གནས་སུ་བཀོད་ལ། དང་པོ་བསྙེན་པ་བྱ། དེ་ནས་ཕན་འདོགས་པ་ལ། ཞི་བའམ་རྒྱས་པའི་ཉི་མ་བཞི་པ་བྱ། སྦྱིན་སྲེག་དང་གཏོར་མ་སྔ་མ་དང་འདྲའོ།། རི་ལུའི་བསྒྲུབ་པ་ནི། བླ་མའི་ཞལ་ལམ། རྟོག་པ་གཞན་ལས་ཤེས་པར་བྱའོ།། ནག་པོ་སྔགས་རྒྱུད་ལས། རོ་ལངས་སྒྲུབ་བའི་ལེའུ་སྟེ་བཅུ་པའོ།།།། དེ་ནས་བདེ་ཆེན་དཔའ་བོ་ཡིས།། ཉི་མ་བཞི་པའི་དོན་གསུངས་པ།། བཞི་ལ་རྣམ་པ་བཞིར་དབྱེ་སྟེ།། ལོ་ཟླ་ཉིན་ཞག་དུས་རྣམས་སོ།། ལོ་ལ་ཡང་ནི་རྣམ་པ་གཉིས་ཏེ། ལོ་བཅུ་གཉིས་དང། ལོ་གཅིག་ཁྱུད་བསྐོར་བསྒྲུབ་པའོ།། གཉིས་ཀ་འམ་ནི་གསུམ་གསུམ་སྔུད་དེ་བཞི།། ཟླ་བ་ལ་ཡང་རྣམ་གཉིས་ཏེ།། ཟླ་བ་གཅིག་ཏུ་སྒྲུབ་པ་དང།། ཟླ་བ་དྲུག་ཏུ་སྒྲུབ་པའོ། ། ལོ་ཕྱེད་སྒྲུབ་པ་འདི་བཞིན་ཏེ།། ཟླ་བ་བཞི་ལ་ཉིན་བཞི་བྱ།། ཟླ་བ་སྔ་ལ་སྦྱིན་སྲེག་ཡིན།། དྲུག་པ་དག་ནི་གནན་པ་ཡིན།། ཟླ་བ་གཅིག་གི་སྒྲུབ་པ་ལ།། ཚེས་གཅིག་ནས་ནི་བཅཝ་ལྔ་ལ།། རྒྱུན་བསྙེན་བཟླས་ཏེ་བཅུ་དྲུག་གནས། ། ཉི་ཤུ་བཞི་ལ་སྒྲུབ་བསྙེན་བཟླས།། ཉི་ཤུ་ལྔ་དང་བརྒྱད་པར་དུ།། ཉིན་བཞིའི་འཕྲིན་ལས་བྱ་བར་བསྟན།། དགུ་ལ་སྲེག་ཅིང་སྟོང་ལ་མནན།། ཉིན་ཞག་དག་གི་ཉིན་བཞི་ལ།། རྣམ་གཉིས་ཉིན་ཞག་བརྒྱད་ལ་བཞི། ། ཉིན་མཚན་སོ་སོ་བཞི་བཞི་བརྒྱད།། དུས་ཚོད་ཉིན་བཞི་རྣམ་གཉིས་ཏེ།། སྤྱི་དང་ཁྱད་པར་ཤེས་པར་བྱ།། དཔྱིད་དབྱར་སྟོན་དགུན་སྤྱི་ཉིན་བཞི།། ནང་བར་ཉི་ཕྱེད་དགོང་མཚན་ཕྱེད།། མགོ་འཁོར་ཁྲག་སྐྱུག་དང། ། གསུམ་པ་ཡིད་འཁྲུག་གདོན་མི་ཟ།། སྤྱྀར་བརྒྱད་ཁྱད་པར་སུམ་ཅུ་གཉིས།། ཉི་མ་བཞི་པ་ཞེས་བྱའོ།། ནག་པོ་སྔགས་རྒྱུད་ལས། ཉི་མ་བཞི་པའི་སྤྱི་དོན་བསྟན་པའི་ལེའུ་སྟེ་བཅུ་གཅིག་པའོ། །།། དེ་ནས་རྒྱུད་བདག་གཤིན་རྗེ་ཡིས།། འཁོར་ལོ་སྤྱི་ཡི་དབྱེ་བ་གསུངས།། དོན་དམ་འཁོར་ལོ་མི་འགྱུར་བ།། དོན་དམ་ཀུན་རྫོབ་མི་སླུ་བ།། གཅོད་དང་བཟློག་དང་འཇམ་པ་གསུམ།། ཏིང་འཛིན་ལྷ་ཡི་འཁོར་ལོ་དང། ། ཡིག་འབྲུ་རྫས་ཀྱི་འཁོར་ལོ་དང།། གཅོད་བྱེད་མཚོན་ཆའི་འཁོར་ལོ་གསུམ།། བསྙེན་འཕྲིན་མནན་པ་གསུམ་དང་སྦྲེལ།། ཡིག་འབྲུའི་འཁོར་ལོ་གཉིས་སུ་དབྱེ།། སྤྱི་དང་ཉི་ཚེ་རྣམ་པ་གསུམ། ། ཧྲིཥྟྲཱིཿའི་སྔགས་དང་འབྲུ་བཅུ་བདུན།། སྡོམ་པ་སྤྱི་ཡི་འཁྲུལ་འཁོར་ཡིན།། ཉི་ཚེ་བ་ལ་རྣམ་པ་གཉིས།། རྩ་བ་དང་ནི་ཡན་ལག་གཉིས།། རྩ་བ་ལ་ཡང་རྣམ་པ་གསུམ།། རྒྱས་འབྲིང་བསྡུས་པར་ཤེས་པར་བྱ། ། སུམ་ཅུ་གཉིས་དང་བཅུ་བདུན་དང།། ཡིག་འབྲུ་ལྔ་པོ་གོ་རིམས་བཞིན།། ཡན་ལག་ལ་ཡང་རྣམ་པ་བཞི།། སྙིང་བོ་ཞལ་དང་མཚོན་ཆ་དང།། གོ་ཆའི་འཁོར་ལོ་མཚོན་ཆ་དང།། འཁོར་ལོ་སྒྲུབ་པ་གང་བྱེད་ཀྱང། ། བསྙེན་པ་འཕྲིན་ལས་གནན་པ་གསུམ།། ཀུན་ལ་ཡོད་པར་ཤེས་བར་བྱ།། ནག་པོ་སྔགས་རྒྱུད་ལས། འཁོར་ལོ་སྤྱིའི་དབྱེ་བ་བསྟན་པའི་ལེའུ་སྟེ་བཅུ་གཉིས་པའོ།།།། དེ་ནས་རྒྱུན་འཆད་སྐྱེས་བུ་ཡིས། ། འཁོར་ལོ་ལ་འཁོར་ལོ་བསྐོར་གསུངས།། ཚིག་དང་དོན་དུ་ཤེས་པར་བྱ།། དོན་བསྐོར་བླ་མའི་ཞལ་ལས་བཞེས།། ཚིག་ལ་ཡང་ནི་རྣམ་གསུམ་སྟེ།། རབ་ཏུ་གཏོར་དང་གཏོར་བ་གསུམ།། སུམ་ཅུ་གཉིས་དང་བཅུ་བདུན་དང། ། ཡིག་འབྲུ་ལྔ་སྟེ་གོ་རིམས་བཞིན།། ཡང་ན་རྣམ་པ་བཞིར་དབྱེ་སྟེ།། ཐུན་མོང་བ་དང་བྱེ་བྲག་དང། ཕྱི་ནང་གནས་སུ་ཀླག་པའོ།། ཐུན་མོང་བ་ལ་གཉིས་སུ་དབྱེ།། ཐུན་མོང་ཕྱོགས་སུ་ཀླག་པ་དང། ། ཕྱོགས་མཚམས་སྤེལ་ཏེ་ཀླག་པའོ།། བྱེ་བྲག་ནང་ལ་རྣམ་གསུམ་སྟེ།། ཕྱི་ལ་གསུམ་དུ་ཤེས་པར་བྱ།། ཕྱོགས་དང་མཚམས་དང་ཐུན་མོང་བའོ།། གནས་ཀྱི་ཚུལ་ལ་རྣམ་གཉིས་ཏེ།། སྡོམ་དང་སོ་སོར་ཀླག་པའོ། ། སྡོམ་དུ་ཀླག་ན་རྣམ་པ་གསུམ།། སུམ་ཅུ་གཉིས་དང་འཕེལ་བའི་སྔགས་ལ།། འགྲིབ་པའི་སྔགས་སུ་ཤེས་པར་བྱ།། སོ་སོར་ཀླག་པ་རྣམ་དྲུག་སྟེ།། མུ་བཞིའི་སྔགས་དང་འཇུག་བའི་སྔགས།། ལྡོག་པའི་སྔགས་དང་ཐུན་མོང་སྔགས། ། བཅུ་བདུན་རྐང་པ་བཞིར་གདོན་པའོ།། ཡ་མ་རཱ་ཛ་མེ་ཡ། ཡ་མེ་དོ་རུ་ཎ་ཡོ་ད་ཡ། ཡ་ད་ཡོ་ནི་ར་ཡཀྵེ་ཡ། ཡཀྵེ་ཡཙྪ་ནི། ར་མ་ཡ། རཱ་ཛ་ས་ཏྭོ། དོ་རུ་ཎ་ཡོ། ཡོ་ནི་ར་ཡ། ཡ་ཙ་ནི་ར། མེ་ཏ་ཀྵེ་མ། ཏ་ཀྵེ་མ་མེ། ཡ་ར་དོ་ཡོ། མ་མེ་ཏ་ཀྵེ། ར་ཙ་ས་ཏྭ། རུ་ན་ཡོ་ནི། ར་ཡ་ཛ་ནི། ཡང་ན་གཉིས་སུ་ཤེས་བྱ་སྟེ།། ཕུང་པོ་ལྔ་ལ་བརྡེག་པ་དང།། ལུས་ངག་ཡིད་ལ་བརྡེག་བའོ།། དོན་བསྐོར་ཞེས་བྱ་བསྒྲུབ་པ་སྟེ། ། བསྒྲུབ་པ་ལ་ཡང་རྣམ་བཞི་སྟེ།། གཤིན་རྗེ་སྲོག་གི་བསྒྲུབ་པ་དང།། ཕྱི་ཡི་འཁོར་ལོ་བསྒྲུབ་པ་དང།། རྩ་བའི་འཁོར་ལོ་བསྒྲུབ་པ་དང།། འཁོར་རྣམས་རྒྱས་པའི་བསྒྲུབ་པའོ།། སྲོག་གི་བསྒྲུབ་པ་ཞེས་བྱ་ལ། ། བསྙེན་པ་འཕྲིན་ལས་མནན་པ་གསུམ།། བསྙེན་པ་གཉིས་ཏེ་རྒྱུན་བསྙེན་དང།། ཉེ་བར་བསྒྲུབ་པའི་བསྙེན་པའོ།། རྩ་འཁོར་བསྙེན་པ་རྣམ་གསུམ་སྟེ།། རྒྱུན་དང་ཉེ་བར་བསྙེན་པའོ།། སྤྱི་ཡི་འཁོར་ལོ་རྣམ་བཞི་སྟེ། ། རྒྱུན་དང་ཉེ་བར་བསྙེན་པའོ།། འཁོར་རྒྱས་བསྒྲུབ་པ་རྣམ་གཉིས་ཏེ།། དམར་ནག་གནིས་ཀྱི་བྱེ་བྲག་གོ། ནག་པོ་འཁོར་རྒྱས་བསྒྲུབ་པ་ལ།། རྒྱུན་དང་ཉེ་བར་བསྙེན་པའོ།། ཉེ་བར་བསྙེན་ལ་རྣམ་གཉིས་ཏེ། ། སྙིང་པོ་ཉེ་བའི་སྙིང་བོའོ།། ཨོཾ་བཛྲ་ས་ཏྭ་པར་ཧཱུ~ཾ་ཕཊ། ཨོཾ་ར་ཙ་ས་ཏྭོ་མེ་ཨེ་ཀ་ཛ་ཏི་མུ་ཀ་ཨ་ཤོ་མེ། ཨོཾ་ཨཱཿཧཱུ~ཾ། རྟེ་རི་རག་ཤ་ར་ག་ས་མ་ན་སྭཱཧཱ། འཕྲིན་ལས་མནན་པ་སྔ་མ་བཞིན།། ནག་པོ་སྔགས་རྒྱུད་ལས། འཁོར་ལོ་བསྐོར་བ་བསྟན་པའི་ལེའུ་སྟེ་བཅུ་གསུམ་པའོ།།།། དེ་ནས་ཐུགས་རྗེའི་བདག་པོ་ཡིས།། འཁོར་ལ་རྒྱུད་ཀྱི་དོན་གསུངས་པ།། རྒྱུད་ནི་བསྡུས་བར་ཤེས་པར་བྱ།། བདག་དོན་གཞན་དོན་གཉིས་ཀའི་དོན། ། སྐུ་དང་གསུང་ཐུགས་ཡོན་ཏན་དང།། འཕྲིན་ལས་སྡུད་བས་རྒྱུད་ཅེས་བྱ།། དོན་གྱི་རྒྱུད་དག་ཚིག་གི་རྒྱུད།། རྒྱུའི་རྒྱུད་དང་ཐབས་ཀྱི་རྒྱུད།། འབྲས་བུའི་རྒྱུད་དང་རྣམ་པ་གསུམ།། རྩ་བའི་རྒྱུད་དང་ཕྱི་མའི་རྒྱུད། ། ཕྱི་མའི་ཕྱི་མ་རྟོག་པའི་རྒྱུད།། རྒྱུད་ཀྱི་བདག་བོ་ཆོས་ཀྱི་སྐུ།། འཆད་པ་གཟུགས་སུ་རྣམ་པ་གཉིས།། བདག་དོན་ལ་ཡང་རྣམ་པ་གཉིས།། ཐུན་མོང་བ་དག་མཆོག་ཉིད་དང།། ཐུན་མོང་བ་ལ་རྣམ་པ་བཞིའོ། ། མཆོག་གི་གཉིས་སུ་ཤེས་པར་བྱ།། བསྐྱེད་དང་རྫོགས་པའི་རིམ་པའོ།། གཉིས་ཀའི་དོན་ལ་འང་རྣམ་པ་བཞི།། གཞན་དོན་ལ་ཡང་རྣམ་གཉིས་ཏེ།། ཕན་གདགས་པ་དང་ཚར་གཅད་དོ།། ཕན་གདགས་བ་ནི་རྣམ་བ་བཅུ། ། ཚར་གཅད་པ་ནི་མཐའ་ཡས་ཀྱང།། བསྡུ་ན་བརྒྱ་དང་རྩ་གཅིག་ཡིན།། དུ་ལས་བསྡུ་ན་ལྔ་བཅུ་གཅིག། དེ་ལས་བསྡུ་ན་ཉི་ཤུ་གཅིག། དེ་ལས་སྡུ་ན་བཅུ་གཉིས་ཏེ།། དེ་ལས་ཀྱང་ནི་རྣམ་པ་བདུན། ། དེ་ལས་སྐུ་གསུང་ཐུགས་དང་གསུང།། བསྒྲུབ་པ་གསུམ་དུ་ཤེས་པར་བྱ།། སྐུ་བསྒྲུབ་གཟུགས་ཅན་རགས་ཚུལ་དང།། གསུང་བསྒྲུབ་ཡིག་འབྲུའི་འཁོར་ལོ་སྟེ།། ཐུགས་བསྒྲུབ་ཕྱག་མཚན་མཚོན་ཆ་ཡིན། ། ཐུགས་བསྒྲུབ་ཡབ་ཡུམ་གཉིས་ཀྱི་སྟེ།། ཡུམ་ལ་སྲོག་ཐིགས་ཕྲན་ཚེགས་གཉིས།། དབབ་ཡར་ཤུགས་སྒྲོལ་རག་སྔགས་ཐུན།། མ་བྱུང་འབྱུང་བར་མི་འགྱུར་རོ།། ཡབ་ཀྱི་སྲོག་སྡུད་ཚེ་སྡུད་གཉིས།། སྲོག་སྡུད་གསད་པའི་ག་བུ་དང།
CLOSE WINDOW