| Wylie |
ཨཱརྱ་མཉྫུ་ཤྲཱི་ཡ་མ་ར་ཛ། ཀྲྀཥྞ་གུ་ཧྱ་ཙནྡྲ་ཏནྟྲ། བོད་སྐད་དུ། འཕགས་པ་འཇམ་དཔལ་གཤིན་རྗེ་གཤེད་ཟླ་གསང་ནག་པོའི་རྒྱུད། གཤིན་རྗེ་གཤེད་པོ་ལ་ཕྱག་འཚལ་ལོ།། ཐམས་ཅད་མཁྱེན་ཉིད་དཔལ་མགོན་མཛད། ། གདུག་པའི་ཚོགས་འཇོམས་གཤིན་རྗེ་གཤེད་པོ་ལ།། དད་པས་སྤྱི་གཏུགས་རྒྱུད་འདི་བསྟན་པར་བྱའོ།། ཉོན་ཅིག་འདུས་པའི་འཁོར་ཚོགས་རྣམས།། ལྷོ་ཡི་ཕྱོགས་སུ་ཁ་བལྟས་པའི། ། ཤིན་ཏུ་དབེན་པའི་དུར་ཁྲོད་དམ།། བྲག་དང་ས་ཕུག་དག་ཏུ་ནི།། བསྒྲུབ་པ་པོས་གནས་བཙལ་ལོ།། ཟླ་གསང་ནག་པོའི་རྒྱུད་ཕྱི་མ་ལས། གནས་བཙལ་བ་དང་བཅས་གཞིའི་སྐབས་ཏེ་དང་པོའོ།།།། དེ་ནས་མཐུ་སྟོབས་ཀྱི་བདག་པོ་དཔལ་ཕྱག་ན་རྡོ་རྗེས་འདི་སྐད་ཅེས་གསུངས་སོ། ། གཞུང་དང་མཐུན་པའི་གནས་དག་ཏུ།། ས་ཆོག་མཚམས་བཅད་སྡིག་སྦྱངས་ལ།། ཆག་ཆག་ཐིག་གདབ་མགོ་མ་ཡེངས།། དཀྱིལ་འཁོར་མཐིང་ནག་གྲུ་གསུམ་ལ། ། ཟླ་གམ་བཞི་དང་ལྡན་པར་བྲི།། ཐོད་འཕྲེང་དང་ནི་མེ་རི་འབར།། སྒོ་དང་སྒོ་ཁྱུད་ལྡན་པའོ།། ཟླ་གསང་ནག་པོའི་རྒྱུད་ཕྱི་མ་ལས། དཀྱིལ་འཁོར་བཅའ་བའི་སྐབས་ཏེ་གཉིས་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། ལྷོ་ཡི་ཕྱོགས་ཀྱི་ཟླ་གམ་ལ།། འཇིགས་བྱེད་རྒྱལ་པོ་གཤིན་རྗེ་གཤེད།། སྐུ་དང་གཟུགས་བརྙན་བཞུགས་སུ་གསོལ།། གཡས་སུ་སྒེག་མོ་རལ་གཅིག་མ། ། གཡོན་དུ་ཟ་བྱེད་པེ་ཏ་ལི།། གཡས་གཡོན་གཉིས་ཀྱི་ཟླ་གམ་ལ།། སྐུ་ཡི་གཟུགས་བརྙན་དགོད་པར་བྱ།། ཡང་ན་སྙིང་པོ་ཡི་གེ་བྲི།། སྐུར་བསྐྱེད་དེ་བཞིན་བསྒོམ་པར་བྱ། ། བྱང་གི་ཕྱོགས་ཀྱི་ཟླ་གམ་སྟེ།། སྙིང་པོ་ཡི་གེ་བྲིས་པ་ལས།། འཇིགས་བྱེད་ཡ་མ་རཱ་ཛ་ཡི།། སྐུར་བསྒོམས་མཆོག་ཕུར་སོར་གསུམ་གཟུགས།། ཟླ་གསང་ནག་པོའི་རྒྱུད་ཕྱི་མ་ལས། ལྷ་དགོད་པའི་བཅའ་གཞིའི་སྐབས་ཏེ་གསུམ་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། གཤིན་རྗེ་ཡབ་ཡུམ་སྐུ་ཡི་གཟུགས།། གཞུང་ལས་སྨོས་པའི་ཡས་སྟགས་རྣམས།། འཚོགས་བར་སྦྱར་བའི་སྣག་ཚ་ཡིས། ། ཀང་ཀའི་སྒྲོ་འམ་འུག་པའི་སྒྲོས།། ཡི་དྭགས་ཀྱི་ནི་གོས་ལ་བྲི།། མཆོད་དེ་རབ་ཏུ་གནས་པར་བྱ།། ཞེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས།། འཁོར་ལོ་བཅའ་གཞིའི་སྐབས་ཏེ་བཞི་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། དགྲ་བོའི་རྐང་རྗེ་ཆུ་ཕུད་དང།། བོང་བུའི་བདུད་རྩི་མཆིལ་སྣབས་དང།། བའི་ལྕི་བས་ས་མར་སྦྱར།། ཁ་དགོངས་རྣམས་ལ་འགག་ཏུ་བྱ། ། བྱ་རོག་རའི་ཁྲག་གིས་བྱུག། རི་ཤོ་མ་དང་གྲོ་ག་ལ།། དགྲ་བོའི་མིང་དང་རུས་བྲིས་ལ།། སྙིང་ཁ་དག་ཏུ་གླན་ཏེ་བཞག། ཅེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། ལིང་ཁང་བཅའ་བའི་སྐབས་ཏེ་ལྔ་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། གཤིན་རྗེ་ཡབ་ཡུམ་བར་དུ་གཞུག། ཚོན་གྱི་སྐུད་པས་བཅིངས་ནས་ནི།། མཚན་ངན་ཐོད་པ་ཁ་སྦྱར་དུ།། བཅུག་ལ་བུད་མེད་ཡུགས་ས་མོའི། ། སྐྲ་ཡི་ཐག་པས་བཅིང་བར་བྱ།། མཐིང་ནག་གྲུ་གསུམ་སྟེང་དུ་བཞག། ཅེས་གསུངས་སོ།། ཟླ་གསང་ནག་པོའི་རྒྱུད་ཕྱྀ་མ་ལས། ལིང་ག་བྱད་དུ་གཞུག་པ་དང། གཞག་ཐབས་ཀྱི་སྐབས་ཏེ་དྲུག་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། གཏོར་མ་གསུམ་དང་ཨརྒ་དང།། བཅས་ཏེ་དཀྱིལ་འཁོར་འགྲམ་དུ་གཞག། རྒྱན་དང་མཆོད་པ་ཀུན་ཀྱང་དགྲམ། ། གསུར་ཆེན་དུད་པ་གཏང་བར་བྱ། ཞེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། མཆོད་པའི་ཡོ་བྱད་དགྲམ་པའི་སྐབས་ཏེ་བདུན་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ། ། དེ་ལྟར་དཀྱིལ་འཁོར་བཤམས་ནས་ནི།། སྔགས་པ་ཆས་གོས་ནག་པོ་གྱོན།། ཁྲོ་བོའི་སྔགས་ཀྱིས་མཚམས་བཅད་དེ།། ལྷོ་ཡི་ཕྱོགས་སུ་ཁ་བལྟས་ཏེ།། ཏིང་འཛིན་རྣམ་གསུམ་རིམ་བཞིན་བསྒོམ། ། ཁྲག་འཐུང་དཀྱིལ་འཁོར་རིམ་ཀྱིས་བསྐྱེད།། སྤྱན་དྲངས་མཆོད་པ་ལ་སོགས་བྱ།། གཏོར་མ་བཏང་ལ་དཀྱིལ་འཁོར་བསྡུ། ཞེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། ཁྲག་འཐུང་གི་འཕྲིན་ལས་ཀྱི་སྐབས་ཏེ་བརྒྱད་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། དེ་ནས་ཏིང་འཛིན་རྣམས་གསུམ་གྱིས།། ཁྲོ་བའི་རྒྱལ་པོ་གཤིན་རྗེ་གཤེད།། སྙིང་པོ་སྔགས་ཀྱིས་ཡབ་ཡུམ་བསྐྱེད། ། དེ་བཞིན་གནས་ནས་སྤྱན་དྲངས་ནས།། གཉིས་སུ་མེད་པར་བསྟིམ་པར་བྱ།། བསྟོད་ཅིང་མཆོད་པ་ཕུལ་ནས་ནི།། ཇི་ལྟར་འདོད་པའི་འཕྲིན་ལས་བཅོལ།། མས་ཡར་བགྲངས་པའི་ཚེས་བརྒྱད་དེ། ། ཉི་ཤུ་གསུམ་ནས་དྲུག་ཏུ་ནི།། ཞག་ནི་བཞི་ཡི་བར་དུ་ནི།། ཡ་མཱནྟ་ཀའི་བསྙེན་པ་དང།། ཨོཾ་ཤྲཱི་མཉྫུ་ཡ་མནྟ་ཀ་ཡ་མ་རཱ་ཛ། དེ་བི་ཀྲོ་དྷཱི་ཤྭ་རི། ཡག་ཤ་ཛ་ཛ། ཨེ་ཀ་ཛ་ཏི་ས་མ་ཡ་སྟྭཾ། ཨོཾ་རུ་ལུ་རུ་ལུ་ཧཱུ~ཾ་བྷྱོ་ཧཱུ~ཾ། དགོངས་དང་ཐོ་རངས་གཏོར་མ་གཏང།། ཅེས་གསུངས་སོ།། ཟླ་གསང་ནག་པོའི་རྒྱུད་ལས། ཕྱི་མ་ལས་ཀྱི་སྐབས་ཏེ་དགུ་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ། ། ལྷོ་ཕྱོགས་ཁ་བལྟས་མདུན་དུ་ནི།། ཧོཾ་ཁུང་གྲུ་གསུམ་རྩེ་མོ་ལྷོ།། ཆག་གང་ཐུར་དུ་བརྐོས་པ་ལས།། མིང་རུས་བསྲེགས་པའི་སོལ་བ་ཡིས།། ཁ་དོག་ནག་པོ་དག་ཏུ་བྱ།། དེ་ཡི་ནང་དུ་བན་དྷ་གཞུག། ཅེས་གསུངས་སོ། ། ཟླ་གསང་ནག་པོའི་རྒྱུད་ཕྱི་མ་ལས། དབང་དུ་བསྡུ་བའི་བཅའ་གཞིའི་སྐབས་ཏེ་བཅུ་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། གཤིན་རྗེ་དབང་དུ་བསྡུ་བའི་ཕྱིར། ། ཁྲོ་བོའི་ཞབས་ནི་གཡས་བ་ལ།། རྡོ་རྗེ་ཕུར་པ་རྩེ་གཅིག་བསྒོམ།། ལས་ཀྱི་གཤིན་རྗེའི་སྙིང་ཁར་མནན། ཅེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། ཏིང་ངེ་འཛིན་གྱི་དབང་དུ་བསྡུ་བའི་སྐབས་ཏེ་བཅུ་གཅིག་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། དགུག་ཅིང་དབང་དུ་བསྡུ་བའི་ཕྱིར།། སྙིང་པོ་སྔགས་ཀྱི་བཟླས་བརྗོད་ནི།། ཉིན་མཚན་ཕྱེ་ལ་མཚན་མོ་བཟླས། ། གཤིན་རྗེ་ནག་པོ་འཁོར་དང་བཅས།། རང་དབང་མེད་པར་དབང་དུ་བསྡུ།། ཇི་ལྟར་བཅོལ་བའི་ལས་ཀྱང་བྱེད།། དགུག་ཅིང་དབང་དུ་སྔགས་འདིས་བསྡུ།། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷནྫ་ཧཱུ~ཾ་ཕཊ། ཡཱ་བ་ཉ་ཤཱ་ཤཱ། ཛ་ཛ། ཐུན། ཡཱ་མཱ་སྙིང་དུ་པཱ་ཤ། ཡ་མ་ཨཱ་ཀརྵ་ཡ་ཧཱུ~ཾ་ཕཊ། ཅེས་ནི་མཚན་མོ་བཞི་བཟླས་སོ།། ཞེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། སྔགས་ཀྱི་དབང་དུ་བསྡུ་བའི་སྐབས་ཏེ་བཅུ་གཉིས་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། སྙིང་པོ་སྔགས་ཀྱི་བར་བར་དུ།། ཁྲོ་བོའི་བསྟོད་པ་སྟང་བར་བྱ།། རཀྟ་བཏབ་ཅིང་མཆོད་པ་དབུལ།། དྲག་པོའི་སྔགས་འདས་བཏབ་ཅིང་དབུལ། ། ཨོཾ་ཤྲཱི་མཉྫ་ཡ་མཱནྟ་ཀཱ། ཨེ་ཨ་ར་ལི། པཱུ་ཙ་ཁཱ་ཧི། ཁ་ཁ་ཁཱ་ཧི། ཞེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། བསྟོད་ཅིང་མཆོད་པ་དབུལ་བའི་སྐབས་ཏེ་བཅུ་གསུམ་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། ཉི་ཤུ་བདུན་ནས་གནམ་སྟོང་བར།། ཞག་ནི་བཞི་ཡི་བར་དུ་ནི།། གསད་པ་ཡི་ནི་ལས་བྱའོ།། ཞེས་གསུངས་སོ། ། ཟླ་གསང་ནག་པོའི་རྒྱུད་ཕྱི་མ་ལས། གསད་པ་བཅའ་གཞིའི་སྐབས་ཏེ་བཅུ་བཞི་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། གཤིན་རྗེ་ལས་ལ་བཙུད་ནས་ནི།། དགྲ་པོ་མྱུར་དུ་གསད་པའི་ཕྱིར། ། བན་དྷ་དཀྱིལ་འཁོར་ཐོག་ཏུ་ཞག། བཅོལ་བ་ལས་ཀྱི་སྔགས་བཞི་ནི།། ཉིན་མཚན་ཕྱེ་ལ་ཉིན་མོ་བཟླས།། ཉི་མ་དང་པོ་སྔགས་འདི་བཟླས།། ཨོཾ་ཧྲིཥྟིཿབི་ཀྲི་ཏཱ་ནན། ཆེ་གེ་མོ་ཤ་ཏྲུཾ་ནཱ་ཤ་ཡ་ཧཱུ~ཾ་ཕཊ། ཡ་མ་ར་ཛ་ས་དོ་མེ་ཡ། ཆེ་གེ་མོ་ལ་མུ་ཀཾ། ས་མ་ཡ་ཧཱུ~ཾ་ཕཊ། བདག་ཐུགས་འོད་འཕྲོས་སྲས་མཆོག་བསྐུལ།། དེ་བཞིན་ཕྱོགས་ཀྱི་གཤིན་རྗེ་བསྐུལ།། བཟས་པ་པོ་བཀུག་འཁོར་ལོར་བཅུག། བེ་ཅོན་ཕྱག་རྒྱ་མགོ་ལ་བརྒྱབ། ། མགོ་འཁོར་ནད་ཀྱིས་ཟིན་པར་བསྒོམ།། ཉི་མ་གཉིས་ལ་སྔགས་འདི་བཟླ།། ཨོཾ་ཧྲི་ཥྟྲཱིཿབི་ཀྲི་ཏཱ་ན་ན། ཆེ་གེ་མོ། ཤ་ཏྲུཾ་ནཱ་ཤ་ཡ་ཧཱུ~ཾ་ཕཊ། ཡ་མེ་དོན་ཡ་ད་ཡ། མུ་ཀ་མ། མུར་ཙ་ཡ་ཧཱུ~ཾ་ཕཊ། འོད་འཕྲོས་གནས་ཀྱི་གཤིན་རྗེ་བསྐུལ། ། བཟས་པ་པོ་བཀུག་ལྟོ་བར་བཅུག། བེ་ཅོན་ཕྱག་རྒྱ་ལུས་ལ་བརྒྱབ།། ལུས་པོ་བརྒྱལ་ཞིང་རེངས་བར་བསྒོམ།། ཉི་མ་གསུམ་ལ་སྔགས་འདི་བཟླས།། ཨོཾ་ཧྲིཥྟིཿབི་ཀྲི་ཏཱ་ན་ན། ཆེ་གེ་མོ་ཤ་ཧྲཱུཾ་ནཱ་ཤ་ཡ་ཏྲུཾ་ཕཊ། ཡ་ཏ་ཡོ་ན་ར་ཀྵེ་ཡ། ཨ་མུ་ཀཾ་རཀྟ་ཙིཏྟ་ཡ་ཧཱུ~ཾ་ཕཊ། འོད་འཕྲོས་གནས་ཀྱི་གཤིན་རྗེ་བསྐུལ།། གཟས་པ་པོ་བཀུག་ལྟོ་བར་བཅུག། བེ་ཅོ་ན་ཕྱག་རྒྱས་མགྲིན་པར་བརྒྱབ།། ཁྲག་ཏུ་སྐྱུག་ཅིང་འཆི་བར་བསྒོམ། ། ཉི་མ་བཞི་ལ་སྔགས་འདི་བཟླས།། ཨོཾ་ཧྲིཥྟྲཱིཿབི་ཀྲི་ཏཱ་ན་ཎ། ཆེ་གེ་མོ།། ཤ་ཏྲུཾ་ནཱ་ཤ་ཡ་ཧཱུ~ཾ་ཕཊ། ཡ་ཀྵེ་ཡ་ཙ་ནི་ར་མ་ཡ། ཨ་མུ་ཀཾ། མཱ་ར་ཡ་ཧཱུ~ཾ་ཕཊ། འོད་འཕྲོས་གནས་ཀྱི་གཤིན་རྗེ་བསྐུལ།། གཟས་བ་བཀུག་སྟེ་ལྟོ་བར་བཅུག། བེ་ཅོན་ཕྱག་རྒྱས་སྙིང་ཁར་བརྒྱབ།། ལུས་སྲོག་ཕྲལ་ཏེ་གསོད་པར་བྱེད།། གནམ་སྟོང་དག་གི་ནུབ་མོ་ནི།། མ་གཤིན་རྗེ་ཐུན་ཟོར་གཞན་ཡང་བརྡེག། དྲག་པོ་བདུད་ཀྱི་ཧོཾ་ནག་བཅའ། ། དགོངས་ཀྱི་དམར་ཐག་ཆད་པ་དང།། ཚོགས་དང་མཆོད་པ་གཏོར་མ་དབུལ།། དབང་གཟུགས་བཅོལ་བསྐུལ་དྲག་ཏུ་བྱ།། ནུབ་མོ་དབང་བསྡུ་ཉིན་མོ་བསད། ཅེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། གསང་བ་ལས་ཀྱི་སྐབས་ཏེ་བཅོ་ལྔ་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། སྔགས་ཀྱི་སྔགས་བཟླས་བརྗོད་པར་དུ།། རྫ་རྔ་བརྡུངས་ཏེ་གཤིན་རྗེ་བོད།། རཀྟ་སྦྲེངས་ཏེ་མཆོད་པ་དབུལ། ། ཁུར་བུར་དེངས་ཏེ་སྤྱུགས་གླ་བླངས།། དུན་ཏིང་ཁ་ཡའི་སྔགས་བརྗོད་ལ།། དགྲ་བོ་དེ་ལ་གཤིན་རྗེ་རྦད། ཅེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། ལས་ཀྱི་གཤིན་རྗེ་རྦད་པའི་སྐབས་ཏེ་བཅུ་དྲུག་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། ཚེ་གཅིག་ཏུ་ནི་བརྩིས་པའི།། ཉིན་མཚན་གཉིས་ཀྱི་བར་དུ་ཡང།། མནན་པའི་ཆོ་ག་བྱ་བར་གསུངས། ། ལྷ་ཀླུ་གདུག་པའི་འདུག་ས་འམ།། རོ་ཁུང་དུར་མཆད་རྒྱ་གྲམ་ལམ།། མནན་པའི་བན་དྷ་ཉིད་ལ་ནི།། རི་རབ་བང་རིམ་གསུམ་པའི་གཟུགས།། སྙིང་པོ་ལ་ཧཱུ~ཾ་བྲི་བར་བྱ།། འཇིགས་པ་ཡ་མ་རཱ་ཛ་ཡི། ། མཆོག་གི་ཕུར་བ་སོར་གསུམ་པ།། མནན་པའི་སྔགས་ནི་སྟོང་བཟླས་ཏེ།། རྡོ་རྗེ་ཕུར་པ་རྩེ་གཅིག་པ།། གཟས་པའི་ལིང་ཁའི་སྙིང་ཁར་གདབ།། གཤིན་རྗེ་ཡབ་ཡུམ་ལྟོ་རུ་གཞུག། མཚན་ངན་བན་དྷར་བཅུག་ནས་ནི། ། སྔ་མ་བཞིན་དུ་ཐག་པས་བཅིངས།། རོ་ཡི་ཁུང་དུ་སྦས་ཏེ་བཞག། གཤིན་རྗེ་ནག་པོའི་ལག་ཏུ་གཏད།། ཡ་མནྟ་ཀའི་སྔགས་ཀྱིས་གཟིར།། གདོན་མི་ཟ་བར་གསོད་པར་བྱེད།། ཏིང་འཛིན་སྔགས་ཀྱི་རི་རབ་བསྐྱེད། ། རི་རབ་ཆེན་པོའི་འོག་ཏུ་གཞུག། སྟེང་དུ་ལྷ་ཡི་ཕོ་བྲང་གདབ།། བསྐལ་པ་མཐའ་ཡི་བར་དུ་གནས།། ཞེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། མནན་པའི་སྐབས་ཏེ་བཅུ་བདུན་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། ལས་རྣམས་འགྲུབ་པར་མ་གྱུར་ན།། ལན་གསུམ་བར་དུ་ཆོ་ག་སྤོགས།། དེས་ཀྱང་གྲུབ་པར་མ་གྱུར་ན།། འཁོར་ལོ་བཟློག་ཅིང་གཤིན་རྗེ་གཟིར། ། ཅེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས།། གནད་ལ་དབབ་པའི་སྐབས་ཏེ་བཅོ་བརྒྱད་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། ལས་རྣམས་གྲུབ་ནས་ཐོད་པ་དབྱུང། ། ལས་ཀྱི་རྣམ་སྨིན་སྦྱང་བའི་ཕྱིར།། བསྐང་གསོའི་ཆོ་ག་རྒྱ་ཆེར་བྱ།། བདག་དང་གཤིན་རྗེ་ཟས་པ་གསུམ།། ཡ་མནྟ་ཀ་བརྟག་པར་བྱ།། ཡ་མནྟ་ཀ་རྟོགས་པ་ནི།། ལས་ཀྱི་རྣམ་སྨིན་སྦྱོངས་པ་ཡིན། ། ཞེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། ལས་ཀྱི་རྣམ་སྨིན་སྦྱངས་བའི་སྐབས་ཏེ་བཅུ་དགུ་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། དྲག་པོ་འཁོར་ལོའི་སྔགས་རྫོགས་ནས། ། ཚེས་གཅིག་དག་གི་ཉི་ཕྱེད་ན།། དྲག་པོ་ཧོཾ་གྱི་ལས་བརྩམ་སྟེ།། དཀྱིལ་འཁོར་ཆེན་པོའི་ལྷོ་ངོས་སུ།། ཧོཾ་ཁུང་ཁ་ཁྱེར་ཆག་གང་བ།། གཏིང་དུ་དེ་ཡི་ཕྱེད་བརྐོས་བྱ།། དུར་ཁྲོད་སོལ་བས་ནག་པོར་བྱ། ། ཞབས་སུ་ཡི་གེ་རཾ་གཅིག་བྲི།། ཁ་ཁྱེར་མཚམས་སུ་མེ་རི་བྲི།། ཁ་ལ་རྡོ་རྗེ་རྭ་བ་བྲི།། ཕྱི་རོལ་ཟླ་གམ་གསུམ་གྱིས་བསྐོར།། དུག་ཤིང་ཚེར་མ་ཅན་གྱི་ཤིང།། སྨེ་བའི་ཁྲག་གིས་སྤང་བར་བྱ། ། ཧོཾ་ཁུང་ཇི་བཞིན་བྱས་ཏེ་གཟུགས།། དུར་ཁྲོད་སྐྲ་ཡི་ཐག་པས་བཀྱིག། མིང་བྱང་བྲིས་ལ་ཧོཾ་ལ་གདགས།། ཁྲོ་བོའི་པར་པས་དུག་དང་སྤེལ།། རྩང་དུ་རེ་སྣམ་འབྲུ་ན་ག་སྟེ།། མཆོད་རྫས་བསྲེག་རྫས་ལིང་ག་བཞག། ཅེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། དྲག་པོ་ཧོཾ་ནག་གི་སྐབས་ཏེ་ཉི་ཤུ་པའོ།།།། དེ་ནས་ཡང་མཐུ་སྟོབས་ཀྱི་བདག་པོ་དཔལ་ཕྱག་ན་རྡོ་རྗེས་འདི་སྐད་ཅེས་གསུངས་སོ། ། ནག་པོ་ཤིང་ཤིང་ཕུར་སོར་བཞི།། གྲུ་གསུམ་སུམ་བརྩེག་རྩེ་ལ་གཟུགས།། གཏོར་མ་ནག་པོ་རྒྱུན་དུ་བཏང།། ལིང་ག་ཇི་ལྟར་འདོད་པའི་དབྱིབས།། དབང་པོ་ཡན་ལག་ཚང་དུ་དགོད།། ལས་ཀྱི་གཤིན་རྗེ་དྲག་ཏུ་བསྐུལ། ། ཕུར་པ་ཉིད་ཀྱི་མགོ་མཇུག་གདབ།། མནན་པ་དུར་ཁྲོད་ཀླུ་གནས་ཆུ།། ཨོཾ་ཏི་ར་ཤེ་རྨེ་དུ་ཙོ་ཏ་རུ་མེ་ཡ་ནན། ཆེ་གེ་མོ་ཛ།། ག་ཏུ་ད་རྨེ་ལན་དུ་ཡ་རྦད། དྷི་མ་ཀུ་ཏ་པཾ་རིལ་རྦད། ཨོཾ་རོ་ཏ་ཤིག་རྦད། སྲོག་ལ་ཕྲ་དུ་ཏི་རིལ་རྦད། ཚ་དུ་ཀ་ནན་ཤིག་ཤིག། ཆུཾ་ཆུཾ་རྦད་ཁྲག་ཏུ་ཏྲ་བཾ་རིལ་རྦད་སུ་རུ་ར་ན་ཁུག་རྦད། སྨེ་དུ་ཤ་རྦད། ཨོཾ་དུ་ས་ཧ་ར་ཙ་དུ་རྦད་དུར་ཙ་རྦད། ནི་ར་དུ་བཾ་རིལ་རྦད། ཙིཏྟ་རོ་ལ་ཤན་ཏི་ཙ་དུར་ནན་རྦད། ཁྲག་ཏུ་ཙ་རྦད། རྨེ་ལེན་ནུ་ཀ་བཾ་རིལ་རྦད། ཙུ་ཤ་ཙུ་ཤ་ཙུ་རྦད། ཙ་དུ་ར་བཾ་རིལ་རྦད། ཅེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། མ་ར་ཡ་ཙ་སྒྲོལ་གྱི་སྐབས་ཏེ་རྩ་གཅིག་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། གྲུ་གསུམ་ནག་པོ་སུམ་བརྩེག་ཏུ།། མེ་རི་རྡོ་རྗེ་ལྕགས་ཀྱུ་དང།། ཐོ་བ་ཞགས་པ་ལྕགས་སྒྲོག་བྲི།། ནང་དུ་གཟུགས་བཅའ་ཐོད་པར་གཞུག། གདུག་ཤིང་རྩ་དགུ་དུག་གིས་བྱུག། སེམས་ཅན་སྣ་དགུའི་སྙིང་དགུ་ཡང།། གྲུ་གསུམ་རྩང་གི་རྩ་ལ་དགལ།། མོན་མོ་མཆོད་དགུའི་སྙིང་ལ་བོད།། རྟགས་བཟངས་མཐོང་ནས་གཙང་གིས་བརྡེག། ཐོད་པའི་ལིང་ག་དུར་ཁྲོད་མནན།། རཀྵ་མོའི་སྙིང་ལ་ཁུག། རཾ་རིལ་རྦད། ཙ་ཏྲ་མུ་ཀྲི་ཀྲུ་ཏོ་ཤ་རི་བཾ་རི་ལ་རྦད། རཀྵ་མོ་ཁ་ལོ་ཁ་ཧི། སྲིང་མོ་རཀྵ་ལོང་ལ་ཁུག་ཐུམ་རི་ལི་ལི་རྦད། ཁ་ལོང་ཧ་ཁཱ་ཧི། རཀྵ་མོ་སྙིང་ལ་ཁུག་སྙིང་ཚལ་པ་བཾ་རི་ལ་རྦད། དགྲ་བོ་མཱ་ར་ཡ་ཁ་ལོང་ཁ་ལོང་ཁཱ་ཧི། ཡ་མ་རཀྵ་མོ་སྙིང་ལ་རྦད། ཁ་ལོང་ཁཱ་ཧི་ཧ། ཡ་མ་སྙིང་ལ་ཁུག། གློ་སྙིང་ལ་ཁ་ལོང་ཁཱ་ཧི། ཡ་མ་རགྴ་མོ་གློ་སྙིང་ཁུག་ལོང་ཁཱ་ཧི། རགྴ་མོ་སྙིང་ལ་ཁུག་ལ་ཐུམ་རིལ་རྦད། དགྲ་བོ་མཱ་ར་ཡ་ཐུམ་རིལ་རྦད། ཅེས་ནི་གཟུགས་མིང་སྙིང་ལ་བརྡེག། ཁྱི་དང་བུ་ཆུང་སྐད་ངན་དང།། རུས་པ་བཙས་པ་མནམ་ན་སྦྱར།། ཟླ་གསང་ནག་པོའི་རྒྱུད་ཕྱི་མ་ལས། མོན་མོ་སྙིང་འབྲུ་བཅུ་གསུམ་གྱི་སྐབས་ཏེ་རྩ་གཉིས་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། དུར་ཁྲོད་གློ་ནས་རོ་བླངས་ནས།། དབང་པོ་བཀྲོལ་ལ་གཏོར་མ་བྱ།། པགས་པའི་ཁུང་དུ་འཁོར་ལོའོ། ། རྒྱབ་ཏུ་མ་རིའི་གཟུགས་བྲིས་ལ།། མཐའ་མ་གདུག་པའི་སྔགས་ཀྱིས་བསྐོར།། སྙིང་ཁར་ཏྲག་ནར་རྦད་ཅེས་བྲི།། འདོམས་སུ་ཡ་མ་དུ་ཞེས་བྲི།། ལྟེ་བར་ཛ་ནརྀ་ཕཊ་ཅེས་བྲི།། ཐ་མ་མུ་ནརྀ་ཛ་ཡིས་བསྐོར། ། ཉུངས་ཀར་ཉུངས་ནག་སྐྱེ་ཚེ་ལ།། དྲག་སྔགས་འདི་བཟླས་གཟུགས་ལ་བྲབ།། ཨོཾ་སྙིང་རོ་ཙེ་ཀྲོ་དྷི་ཤྭ་རི་དུན་བྷྱོ། ཙིཏྟ་སྙིང་ལ་རོག་བ་ཐུམ་རི་ལི་ལི་རྦད་རྨུགས་ཛ། མྱག་ཚལ་རོག་བ་སྙིང་རོ་རྩལ་ཤིག་ཤིག། དེ་ནས་ཞིང་གི་འཁོར་ལོ་དེ།། དགྲའི་ཁང་པའི་རྨང་དུ་མནན།། སྣ་ཚོགས་གཏོར་མ་རྟག་ཏུ་བཏང།། དེ་ལྟར་བྱས་ན་གདོན་མི་ཟ།། ཟླ་གསང་ནག་པོའི་རྒྱུད་ཕྱི་མ་ལས། མ་མོ་སྙིང་ལ་ཉི་མ་རྨོངས་བྱེད་པའི་དྲག་སྔགས་ཀྱི་སྐབས་ཏེ་རྩ་གསུམ་པའོ། །།། དེ་ནས་ཡང་མཐུ་སྟོབས་ཀྱྀ་བདག་པོས་འདི་སྐད་ཅེས་གསུངས་སོ།། མཚན་ངན་ཐོད་པ་སུལ་མངས་སུ།། སྣ་ཚོགས་འབྲུ་སྣ་ཕྱེར་བཏགས་ལ།། ཟུར་གསུམ་ཉི་ཤུ་རྩ་ལྔར་བཤམ། ། མི་ཁྱི་རྟའི་ཁྲག་གིས་བྱུག། གདུག་པའི་ཤིང་གི་གཙང་རེ་གཟུགས།། བརྣག་པའི་མིང་དང་གཟུགས་བྱས་ལ།། དཀྱིལ་འཁོར་བྱང་ཤར་གྲུ་གསུམ་གཞུག། དྲག་སྔགས་བཟླས་ཤིང་རྩང་གིས་བརྡེག། རཀྨོ་ཙིཏྟ་རོ་ཤན་སྙིང་རུམ་ཐུམ་རི་ལི་ལི་མཱ་ར་ཡ་རྦད། རཀྨོ་ཙིཏྟ་མེ་རི་ཙ་རྦད། ཤིག་ཐུམ་ནརྀ་རྦད། མཛེ་མོ་ཕག་པའི་གཟུགས་བྱུང་ན།། དྲག་པོའི་སྔགས་འདིས་གནད་ལ་དབབ།། རཀྨོ་ཙ་ཏྲ་ཙ་ཀྲ་རྟྲལ་ཧཱུ~ཾ་ཙིཏྟ་རྦད་ནན་ནན། ཅེས་ནི་དམ་ཚིག་ཕྱག་རྒྱ་བསྟན།། མེ་ཆེན་འབར་བའི་འོད་གསལ་དང།། དངོས་དུ་འོད་དང་པི་ཝང་སྒྲོགས།། དེ་ལྟར་བྱུང་ན་གྲུབ་རྟགས་ཏ།། གོང་གི་གཏོར་མ་དགྲ་ཕྱོགས་འཕང།། གཙང་དང་ལིང་ཀ་དགྲ་ཕྱོགས་སྦ། ། ཞེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། སྲིན་མོ་ནད་གཏོང་མའི་དྲག་སྔགས་ཀྱི་སྐབས་ཏེ་རྩ་བཞི་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ། ། ལུང་གསུམ་མདོ་འམ་བྲག་ཆུ་འཐབ།། བྱང་དུ་ཁ་བལྟས་བྲག་ཁུང་ངམ།། བདུན་ན་ཤིང་རྩི་འཐུག་པོ་ཡོད།། ཆུ་མིག་བྱང་ནུབ་ཁ་བལྟས་པ།། ཀླུ་བདུད་གནས་པའི་ས་ཡིན་ཏེ།། དུས་ཚོད་དབྱར་ཟླ་གསུམ་པ་ལོ། ། ཕ་མེས་རྗེད་དཔོན་རབས་ཆད་མགོ། མོན་ནམ་རབས་ཆད་ཐོད་པ་རུ།། ར་ཁྱི་མི་ཡི་ཁྲག་ཀྱང་བླུགས།། མཛེ་ཅན་དྲག་ཅན་རིམས་ནད་ཁྲག། ཀླུ་ནད་སྣ་ཚོགས་ཁྲག་ཀྱག་བླུགས།། གྲུ་གསུམ་མཐིང་ནག་དབུས་སུ་གཞག། ཟག་པའི་རྫས་བསྡུས་གཟུགས་བྱས་ལ།། ཆག་གང་ལིང་གའི་ཚད་དུ་བྱ།། ཏ་ལའི་ཤིང་ལ་མིང་རུས་བྲིས།། སྦྲུལ་ནག་ཁ་རུ་ཆུད་པ་ལ།། སྡིག་པ་ནག་པོས་འཇུག་ནས་རྡུལ།། སྡོམ་དང་སྦལ་ནག་ཟ་བའི་གཟུགས། ། སྨེ་བའི་ཁྲག་གིས་མཁས་པས་བྲི།། གཟུགས་དང་མིང་རུས་བཅས་པ་དེ།། རོ་ཉེ་ཤུན་པའི་ནང་དུ་གཏུམ།། སྔོན་དམར་ཐག་པས་རྒྱ་གྲམ་བཀྱིག། གུ་གུལ་ནག་པོའི་དུད་པས་བདུག། མཛེ་ཅན་རབས་ཆད་ཐོད་པར་གཞུག། དུར་ཁྲོད་རས་ལ་འཁོར་ལོ་ནི།། བཅུ་གཉིས་རྩིབས་དང་བཅས་པ།། ཐོད་པ་འཁོར་ལོའི་ནང་དུ་དྲིལ།། ཟ་མོའི་ཕུར་བུ་སོར་བརྒྱད་པ།། ནག་པོ་འོག་རྒུར་དབང་བསྐུར་ལ།། དཀྱིལ་འཁོར་གྲུ་གསུམ་དབུས་སུ་གཟུགས། ། དཀར་གསུམ་གཏོར་མ་རྟག་ཏུ་བཏང།། གཤིན་རྗེའི་བསྙེན་པ་རྫོགས་པ་དང།། དྲག་པོའི་སྔགས་འདི་རྒྱུན་དུ་དྲང།། ཨོཾ་ནག་པོ་ཏི་པ་ཙ་པ་ཡ། ནཱ་ག་རགྴ་ཆེ་གེ་ཧི་ལ་ནུ་ལ་ཕེ་ཤ་ན་ཕོབས། ཤིག་ཤིག་ཆུཾ་ཆུཾ། ཧུ་ཡ་ཧུ་ཡ། ཀླུ་ནག་པོ་མགོ་དགུ་པ་དགྲ་བོ་ལ་མཱ་ར་ཡ་ཛ་ཛ། སྤྲུལ་དང་སྤལ་པ་སྡོམ་དང་སྡིག་པ་དང།། མོན་དང་བྱོལ་སོང་གཟུགས་འདྲ་བདག་ལ་སྟོན།། དེ་འདྲ་རྟག་ཏུ་བྱུང་ན་འགྲུབ་པ་སྟེ། ། དྲག་སྔགས་འདིས་ནི་རབ་ཏུ་གསད་པར་བྱ།། ནག་པོ་ཏི་པ་ཙ་རག་ར་ཀ་ཨུ་ནག་ནན། ནག་པོ་ཏི་པ་ཙ་ཡ། ཙི་ར་ཙི་ར། ཙ་པ་རུ་ཤུན། ཆེ་གེ་ལ་ཡམ། ནག་པོ་ཏི་བ་ཙ་པ་ཡ། ཙུ་ཏ་རུ་ཙུ་ཏ་ར། ཀ་ལ་ཀྵ་ཆེ་གེ་མོ་ལ་ཡམ། ཨ་ཤན་ནག་པོ་ཏི་པ་ཙ་པ། ནཱ་ག་དགྲ་བོ་ཀྲོ་དྷཱི་ཤྭ་རི་ཏེ་ཤན་རྦད། ཀུ་ར་ཤ་རྦད། ཏི་པ་ཙ་བ། ཛ་ལ་ཛ་ལ། ཁ་ཡན་ཧཱུ~ཾ་ཤ། ཆེ་གེ་མོ་ལ་མཱ་ར་ཡ། ཨོཾ་ནག་པོ་ཏི་པ་ཙ་པ་ཨུ་ཤུག་ཤ་རྦད། ནག་པོ་ཤ་པ་ན་ཏྲ་དྲེ་བ་ཏྲ་བ་ཏི་རྦད། བ་དུ་ན་བེ་ཤ་ནཱ་ག་རྦད། ནཱ་ག་ཕེས་ཡེ། ཕེ་ཤན་ཧཱུ~ཾ་ནན། བེ་ལང་ཤ་ཤག་ཤིག་ཡན། དགྲ་བོ་མཱ་ར་ཡ་ཛ། ཞེས་ནི་རབ་ཏུ་ཁྲོས་ལ་བརྡེག། ནུབ་བྱང་ཁ་བལྟས་ཆུ་མིག་བརྔོག། ཁྲུ་གང་བརྐོས་ལ་ཐོད་པ་སྦ། ། སྟེང་ནས་གྲ་མའི་ཕུར་པས་གདབ།། རྩལ་ནག་སྤྲུལ་གྱི་དུད་པས་བཏང།། དཀར་གསུམ་མངར་གསུམ་མཆོད་པ་དབུལ།། བདག་ཉིད་གཤེད་པོས་གཏད་ཁྲམ་བྱ།། ཡང་ན་ཆུ་མིག་སྔོ་ཐུབ་ཏུ། ། སྒྱེད་བུ་བཙུགས་ཏེ་ཐུན་ཁྲག་བསྐོལ།། དེས་ནི་གནད་ལ་དབབ་པའི་ལས།། ཡང་ན་ཐུན་དེ་ཟོར་དུ་འཕང།། དེ་ལྟར་བྱས་ན་བརླག་པར་འགྱུར།། ཟླ་གསང་ནག་པོའི་རྒྱུད་ཕྱི་མ་ལས། མཱ་ར་ཡ་མཛེ་ཅན་གྱི་སྐབས་ཏེ་རྩ་ལྔ་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། མཛེ་ཅན་ཕོ་མོའི་ཐོད་པ་རུ།། སྣ་ཚོགས་ཁྲག་དང་དུག་ཏུ་སྦྱར།། གཙོར་ནི་མཛེ་ཁྲག་བཙན་དུ་གཅེས།། ཕྱིར་ཡང་དེ་བཞིན་སྦྱར་ཏེ་བྱུག། ཟངས་ཕྱེ་ལྕགས་ཕྱེ་རྡོ་ཕྱེ་དང།། གཙོར་ནི་ཉུངས་ཀར་ཉུངས་ནག་གཅེས།། ཐོད་པ་རེ་བ་ནག་པོའམ།། ཡུགས་ས་མོ་ཡི་ཞབས་མས་གཏུམ།། དུར་ཁྲོད་རས་ལ་སྐྱག་ནུལ་བྱ།། ལྡོང་རོས་བཾ་གྱི་ཁྲག་གིས་བྱུག། མགོ་ཕུར་བདུད་ཀྱི་ཉི་མ་འམ།། ཀིའུ་ཀང་རྒྱུ་བའི་དུས་ཉིད་དུ།། མཁས་པས་འཁོར་ལོ་འདི་ལྟར་བྱ།། རིམ་པ་གསུམ་དང་ལྡན་བྱས་ཏེ།། སུམ་ཅུ་རྩ་གཉིས་ཡི་གེ་དང།། དྲག་བོའི་སྔགས་པའི་སྔགས་འདི་སྤེལ་ཏེ་བྲི། ། ནག་པོ་ཏི་བ་ཙ་བ་ནཱ་ག་རཀྵ་ཆེ་གེ་མོ་ཧི་ལ་ནུ་ལ། ཕེ་ཤ་ན་བོབས་ཤིག་ཤིག་ཆུཾ་ཆུཾ་ཧུ་ཡ་ཧུ་ཡ། མཱ་ར་ཡ། གསོད་པའི་དྲག་སྔགས་སུམ་ཅུ་གཉིས།། རྟག་ཏུ་བཟླས་ཅིང་འཁོར་ལོ་བསྐོར། ། འཁོར་ལོ་བསྐོར་ལ་ཐུན་གྱིས་བསད།། ཁོལ་ལམ་རླངས་བ་བྱུང་ན་འཕང།། ཐུན་གྱིས་བཏིག་ཅིང་བསྔགས་འདིས་གསད།། ཏདྱ་ཐཱ་ཨོཾ། ཏ་ཀི་ཤ་ཤ་ཤུ་ཤུ་ཏི་ཏེ་ཏི་བ་རེ་ནཱ་ག་ཧུ་ཡུ་ཧུ་ཡུ་སྭཱཧཱ། ནཱ་ག་རཱ་ཛ་མ་ར་ཡ་ཙིཏྟ་ཛ་ལ་ཡ། ཨོཾ་མ་ཡུར་ཤིག་སོད།། ཡན་རེ་ཤིག་སོད། ཐུན་ཏྲི་ཤིག་སོད། རྦད་ཤིག་སོད། ཡིད་ཤིག་སོད། ཐུན་དང་ཐོད་པ་སྔགས་འདིས་འཕང།། ཨོཾ་ཨཱ་ཡུ་ཚེ་ཤིག། སོད། ནཱ་ག་ལི་ཡག་ཡམ། སུ་ར་ཏ་རྦད། བཾ་དེར་ཙ་ཐུན་བྷྱོ། འཁོར་ལོའི་ནང་དུ་ལིང་ཁ་གྲིལ།། ནུབ་བྱང་ཁ་བལྟས་ཆུ་མིག་ཏུ།། ཁྲུ་གང་བརྐོས་ལ་སྔགས་འདིས་གཏད།། ཏདྱ་ཐཱ། ཨོཾ་ཏ་ཀི་ཙི་ཀི་ཤར་ལེ་ཤུ་མུ་ལེ་ཤ་ཤ་ཤུ་ཤུ་ཏི་ཏེ་བི་བ་རེ། ན་ག་ཧུ་ཡུ་ནཱ་གཱ་ཧུ་ཡུ་སྭཱ་ཧཱ། ཞེས་གཏད་པར་བྱའོ།། ཟླ་གསང་ནག་པོའི་རྒྱུད་ཕྱི་མ་ལས། མཛེའི་ལེའུ་ནག་པོའི་སྐབས་ཏེ་རྩ་དྲུག་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ། ། དཀྱིལ་འཁོར་མཐིང་ནག་གྲུ་གསུམ་ལ།། མཐའ་མ་མེ་རི་འབར་བ་བྲི།། དབུས་སུ་དམར་ནག་ཡ་གཅིག་བྲི།། ལྕགས་ཀྱི་ཕུར་པ་སོར་བཞི་པ།། གྲུ་གསུམ་དབུས་སུ་གཟུགས་པར་བྱ།། ཁྱི་མི་རྟ་ཡི་སྙིང་ཁྲག་དང། ། ཤ་སྣ་ཁྲག་སྣའི་གཏོར་མས་བསྐང།། ཚིལ་ཆེན་དུད་པ་རྒྱུན་མི་གཅད།། མིང་རུས་ཕུར་པའི་མགུལ་དུ་གདགས།། དྲག་པོའི་སྔགས་འདི་རྒྱུན་དུ་དྲང།། ཨོཾ་མཉྫུ་ཤྲཱི་དྷི་ད་ཡ། གཤིན་རྗེ་ནག་པོ་དགྲ་བོའི་སྙིང་ལ་ཛ་ཛ། མོན་དང་གཡག་དང་བན་དེ་དང།། རྦབ་དང་ཐུག་ཅོམ་འོད་དང་སྒྲ།། གཤིན་རྗེ་གྲུབ་པའི་རྟགས་ཡིན་ཏེ།། གཏོར་མ་གཏང་ལ་གསད་པར་བྱ།། གཤིན་རྗེ་ནག་པོ་དགྲ་བོའི་སྙིང་རྩ་རྩ་ནན་ནན། རྦད་རྦད་རྨུགས་རྨུགས། དགྲ་བོ་མཱ་ར་ཡ་ཛ། ཞེས་བརྡེག་གོ། དེ་ནས་དུར་ཁྲོད་ཀླཽང་དུ་མནན།། བཅོམ་ལྡན་འདས་ཀྱང་འཇིག་པར་འགྱུར།། ཟླ་གསང་ནག་པོའི་རྒྱུད་ཕྱི་མ་ལས། བླ་ཕུར་ནག་པོའི་སྐབས་ཏེ་རྩ་བདུན་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། དུར་ཁྲོད་དཀྱིལ་དུ་གནས་བཙལ་ཏེ།། དུར་ཁྲོད་རས་སམ་པགས་པ་ལས།། འཆི་བདག་ནག་པོ་ཞལ་གཅིག་པ།། མ་ཧེ་སྔོན་ནག་ཞོན་པ་བྲི། སྙིང་ཁར་ཡ་མཱ་རཱ་ཛ་ཞེས་བྲིས།། མཆོག་གི་ཕུར་པ་སོར་བཞི་པ།། ཡ་མནྟ་ཀར་དབང་བསྐུར་ལ།། འཆི་བདག་ནག་བོའི་སྙིང་ཁར་གདབ།། ཨོཾ་མ་མཉྫུ་ཤྲཱི་ཡ་མནྟ་ཀ་པ་ལ་ཡ་མ་ཙིཏྟ་ཀཱི་ལ་ཡ་རྦད། ཡ་མ་ཀྲྀ་སྣ་ཙིཏྟ་བྲེང་བྲེང། སྲོག་ཐུམས་རིལ་རྦད། ཅེས་ནི་གཤིན་རྗེ་གཟིར་གྱུར་ནས།། གནམ་རིས་ས་བྲག་འགེམས་པར་བྱེད།། དེ་ནས་སྙིང་ཁར་ཧོཾ་བཙུགས་ལ།། མིང་དང་རུས་བྲིས་ཧོཾ་ལ་བསྲེག། ཡ་མ་ཀ་ལ་ཆེ་གེ་མོ་ཙིཏྟ་རཱ་ཛ་རྦད། ཡ་མ་སྙིང། ཡ་མ་ཁྲག། ཡ་མ་རྩ་ལ་ཧུར། དབུགས་ཐུམ་རི་ལི་ལི་ཛ་ཛ་རྦད། འཁོར་ལོར་ཧོཾ་དང་ལིང་ཁར་བཅས།། དུར་ཁྲོད་གླིང་དུ་སླན་ཏེ་བཞག། མ་ཧེ་སྐད་ངན་འདོན་པའོ།། ཝ་འམ་བྲག་སྲིན་བརྒྱལ་བའོང། ། ཅེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། གཤིན་རྗེ་སྲོག་ཕུར་ནག་པོ་སྲོག་འཕྲོག་པའི་སྐབས་ཏེ་རྩ་བརྒྱད་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ། ། དུར་ཁྲོད་ཀློང་ནས་རས་བཙལ་ལ།། མདའ་གང་གྲུ་བཞིའི་ཚད་དུ་བྱ།། མཐིང་ནག་གྲུ་གསུམ་དཀྱིལ་འཁོར་ཚད་དུ་བྲི།། ནཱ་ག་དུ་ཡ་ཀ་ཤ་ཛ་ཞེས་བྲི།། མཐའ་མར་ཐལ་ཆེན་དཀར་པོར་བཏང། ། སྣ་ཚོགས་ཤ་ཁྲག་གཏོར་མ་བཤམ།། མཆོག་ཏུ་གླང་ནག་སྙིང་ལ་རྟེན།། གཤིན་རྗེའི་བསྙེན་པ་རྫོགས་པ་དང།། དུར་ཁྲོད་བདག་པོའི་སྲོག་ནས་བཟུང།། ཡཀྴ་ཀ་ལ་ས་མ་ཡ་ཛ་ཛ། ཡག་མེ་ཀ་ལི་མ་མ་ཤཾ་ཤཾ་ཛ་ཛ། བཙུན་པོ་ཕོ་མོར་གང་བྱེད་ཀྱང།། མོན་དང་བུད་མེད་སྨྲ་བྱེད་དེ།། འོད་ནི་གསལ་ལ་གདངས་པའོ།། གཟུགས་བཅས་གྲུ་གསུམ་ནང་དུ་གཞུག། ཕུར་པ་གཅིག་ལ་སྔགས་འདིས་བརྡེག། ཡག་ཤ་འབར་བའི་སྲོག་དུང་དུང། དྷ་ཤ་གྲྀ་བ་ན་དུང་དུང། ཡ་ཀ་ཤ་ཙིཏྟ་རོ་ལ་སྲོག་ཆོད། སྙིང་ཕུར་ཁྲག་ཞིབས། གནོད་སྦྱིན་མོ་རོལ་རོལ་རྩ་ལ་ཧུར་ཐུམས། དཀྱིལ་འཁོར་ལིང་གར་བཅས་པ་རྣམས།། དུར་ཁྲོད་ལྟ་བུའི་གནས་སུ་སྦ། ། ཡང་ན་ཕ་ཚན་ཕུང་ཤུལ་དུ།། གནོད་སྦྱིན་ལྕམ་དྲལ་འཚོགས་ཏེ།། དེ་རུ་སྦས་ན་ཕུང་བར་འགྱུར།། ཟླ་གསང་ནག་པོའི་རྒྱུད་ཕྱི་མ་ལས། གནོད་སྦྱིན་ནག་པོ་ལྕམ་དྲལ་གྱི་དྲག་སྔགས་ཀྱི་སྐབས་ཏེ་རྩ་དགུ་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། གདུག་ཅན་གྱི་ཤིང་རྣམས་ལ།། སོར་བརྒྱད་པ་འམ་སོར་བཞིའི་ཚད།། གུ་གུ་ལ་དུད་པས་བདུགས་ནས་ཀྱང།། རྩེ་མོ་གྲི་ལྕགས་མ་དེ་འུར་གཞུག། རྟག་ཏུ་བསྙེན་པ་རྫོགས་པ་དང།། མིང་དང་གཟུགས་ལ་སྔགས་འདིས་གདབ།། ཨོཾ་ཨ་ནི་མ་ར་ནི་མ་ར་དུ། ཡ་མ་སྙིང། ཡ་མ་ཁྲག། ཚལ་པ་བཾ་རིལ། དུམ་པ་དུམ་བུ་ཧཱུ~ཾ་ཕཊ། ཡ་མ་རཱ་ཛ་ས་དོ་མེ་ཡ། བབས་སྙིང་ལ་རོ་ཤ་སྙིང་ལ་བབས། ཡ་མ་རཱ་ཛ་སྙིང་ལ་ཁ་ཁུག་ཐུམ་རིལ་རྦད། ཡ་མ་རཱ་ཛ་སྙིང་ལ་ཁུག་ཐུམ་རིལ་རྦད། ཡ་མ་རཱ་ཛ་ས་ཏོ་མེ་ཡ། ཡ་མ་རཱ་ཛ་སྙིང་རྩ་རོ་མོ་བཾ་རིལ་རྦད། ཡ་མ་རཱ་ཛ་སྙིང་ལ་ཁུག། རོ་ཤ་སྙིང་ལ་བཾ་རིལ་རྦད།། ཅེས་བཏབ་ན་ལྷ་ཡང་བརླག་པར་འགྱུར་རོ།། ཟླ་གསང་ནག་པོའི་རྒྱུད་ཕྱི་མ་ལས། ཕུར་ཐུན་ནག་པོའི་སྐབས་ཏེ་སུམ་ཅུ་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ། ། མོན་ནམ་རབས་ཆད་ཐོད་པ་རུ།། དུག་སྣ་སྟོང་རྩ་བརྒྱད་སྦྱར་ཏེ།། འབྲུབ་ཁུང་ནང་དུ་ལིང་ག་གཞུག། ཡ་མའི་བསྙེན་པ་རྫོགས་པ་དང།། དུག་གིས་བརྡེག་ཅིང་སྔགས་འདི་བཟླས།། ཡ་མ་རཱ་ཛ་ཁྲམ་ཐོགས་རྦད། ཡ་མ་རཱ་ཛ་མུགས་ཐིབས་ཐིབས་རྦད། ཡ་མ་རཱ་ཛ་སུབས་རིལ་རྦད། ཡ་མ་རཱ་ཛ་སྙིང་དུ་ཡ་རྦད། ཡ་མ་ར་ཛ་མྱགས་བྱིང་ཡ་མ་འུབས་ཐུལ། སྙིང་གི་ཆོད་ཁ་ལ་ཟོ། ཚལ་པ་སྙིང་རྩ་རོ་ལ་བཾ་རིལ་རྦད། དུག་དང་ཐོད་པ་དུར་དུ་མནན། ཅེས་གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། མྱོས་པ་དུག་ཐུན་གྱི་སྐབས་ཏེ་སུམ་ཅུ་སོ་གཅིག་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ། ། རབས་ཆད་ཕོ་མོའི་ཐོད་པ་རུ།། ཉུངས་ཀར་རྒྱལ་པོས་དགང་བྱ་སྟེ།། དུག་དང་ཁྲག་གིས་ཉུངས་ཀར་བྱུག། གྲུ་གསུམ་ནང་དུ་ལིང་ག་གཞུག། ཡ་མའི་བསྙེན་པ་རྫོགས་པ་དང། ། ཉུངས་ཀར་བརྡེག་ཅིང་སྔགས་འདི་བཟླས།། ཡ་མ་རཱ་ཛ་ཆེ་གེ་མོ། དྷི་ཏིཡ་མནྟ་ཀ་སྙིང་ཁྲག་ཚལ་པ་བཾ་རིལ་རྦད། ཡ་མ་རཱ་ཛ་གློ་ལ་རྩ་རོ་མེ་ཐ་རིལ་རྦད། ཡ་མ་རཱ་ཛ་གློ་རྩ་བཾ། མཆིན་རྩ་རུལ་རྒྱུ་རྩ་ཁུཾ། སྙིང་རྩ་པྲ་མ་ཡ། སྲོག་ལ་ཏེ་པར་རྩ་སྙིང་ལཾ་རྦད། རྩ་རོ་ཤ་ཁུག་སྙིང་ལ་རོལ། ཚལ་པ་བཾ་རིལ་རྦད། ཅེས་བརྡེག་པར་བྱའོ།། རབས་ཚད་ཁ་སྦྱར་ཐོད་པ་དེ།། ལྷ་ཁང་ཐེམ་པའི་འོག་དག་གམ།། མཆོད་རྟེན་སྙིང་པོའི་འོག་ཏུ་མནན། ། ཟླ་གསང་ནག་པོའི་རྒྱུད་ཕྱི་མ་ལས། རྩ་སྐེམས་ཉུང་ཐུན་གྱི་སྐབས་ཏེ་སོ་གཉིས་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། མི་བསད་མདའ་ལ་གྲི་མདེའུ་གཞུག། འུག་ས་བྱ་རོག་ཞིང་ལྤགས་དང།། གདུག་པ་གསུམ་གྱི་སྒྲོ་བསྐྱོན་ལ།། མདའ་དང་ལྟས་ངན་སྣ་ཚོགས་གཟུགས།། མཁས་པས་མི་ཡི་ཁྲག་གིས་བྲི།། འོད་མའི་གཞུ་ལ་རྒྱུས་ཆེན་རྒྱུད།། གཞུ་མཆོག་གཉིས་ལ་ཡབ་ཡུམ་བྲི། ། ཆང་པར་མ་ར་བྷྱོ་ཞེས་བྲི།། མདའ་ནི་ཡ་མ་རཱ་ཛར་དམིགས།། བརྣག་པའི་གཟུགས་བཅས་འབྲུབ་ཁུང་གཞུག། ཡ་མའི་བསྙེན་པ་རྫོགས་པ་དང།། བརྣག་པའི་གཟུགས་ལ་སྔགས་འདི་བརྡེག། ཡ་མ་རཱ་ཛ་སྙིང་ལ་གཏོད་པར་ཀ་ཤ་མེ་བཾ་རིལ་རྦད། ། ཨཾ་ཤུ་ཤ་སྙིང་ལ་ཁུག། མཆིན་རྩ་རྦད། ཀས་པ་ཀས་རྩ་ལ་ཤོས། རྩ་རོ་མ་གཡོབས། རོ་ལ་རྩ་མེ་བཾ་རིལ་རྦད། ཁྲག་རྩ་སྙིང་ལ་ཤོས། རོ་རྩ་ཤོས་བཾ་རིལ་རྦད། དགྲ་བོ་མཱ་ར་ཡ་བཾ་རིལ་རྦད། ཅེས་ནི་བརྣག་པའི་གཟུགས་ལ་བརྡེག། དེ་ནས་མདེའུ་མེ་བཏང་ལ།། ལིང་ག་བསྲེགས་ལ་དགྲ་ཕྱོགས་འཕང།། སྨལ་པོ་གཞལ་ལག་ནུབ་མོའི་ཡི།། གསུངས་སོ།། ཟླ་གསང་ནག་པོའི་རྒྱུད་ཕྱི་མ་ལས། མདའ་ཐུན་ནག་པོའི་སྐབས་ཏེ་སོ་གསུམ་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། རྒྱ་ཚིལ་གུ་གུལ་སྦྱར་ནས་ཀྱང།། གཡག་རུ་ནག་པོའི་ནང་དུ་གཞུག། མིང་དང་གཟུགས་བྲིས་དུད་པས་བདུག། གུ་གུལ་མེ་བཏང་ལིདྒ་བདུག། ཡ་མའི་བསྙེན་པ་རྫོགས་པ་དང།། དྲག་པོས་སྔགས་འདིས་བརྡེག་བར་བྱ།། ཡ་མ་རཱ་ད་ས་ཏྭ་མེ། ཡ་མ་ར་ཛ་སྙིང་ལ་རོ་དུ་མེ་ཡ། ཡ་ད་ཡོ་ནི་སྙིང་ལ་ཏོ་རུ་མེ་ཡ། བཾ་རིལ་རྦད། རཀྴ་ཀྴ་ཡ། ཨ་ཀྲ་མ་ཀྲ་མ་སྙིང་ལ་རྩ་རོ་མེ་བཾ་རིལ་རྦད། ཅེས་ནི་ལས་དེ་རྫོགས་པ་དང།། དགྲ་བོའི་ཡུལ་ལྷ་རྟེན་འོག་སྦ།། ཡང་ན་ཁང་པའི་རུ་ལ་སྦ།། ཟླ་གསང་ནག་པོའི་རྒྱུད་ཕྱི་མ་ལས། གུ་གུལ་གྱི་སྐབས་ཏེ་སོ་བཞི་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། རྣེལ་དྲི་མོ་འམ་ཁ་ར་ལ་མ།། མཛེ་མོ་སྤྲང་མོའི་མགོ་ཐོད་དུ།། རིམས་ཁྲག་མཛེ་ཁྲག་རྨེ་ཁྲག་ཚོགས། ། ཐོད་པའི་ནང་དུ་བླུགས་ནས་ནི།། ཕྱིར་ཡང་དེ་བཞིན་བཅུག་པར་བྱ།། ཡུགས་ས་མོ་ཡི་དོར་རྟར་གྲིལ།། ཡ་མའི་བསྙེན་བ་རྫོགས་པ་དང།། བརྣག་པའི་གཟུགས་བཅའ་སྔགས་འདིར་བརྡེག། ཡ་མ་རཱ་ཛ་རྩ་ལ་རོད་པ་ཁུག་ཐུམ་རིལ་རྦད། སྙིང་ལ་རག་ཤ་མྱེ་བཾ་རིལ་རྦད། ཡ་མཱ་རཱ་ཛ་སྙིང་ལ་རྩ་རྩ་ནན་ནན། སྡིགས་སྡིགས། རྨུགས་རྨུགས། ཆེ་གེ་མོ་ཐུམ་རིལ་རྦད། མཁའ་རས་དངོས་སམ་ཕྱོགས་དག་ཏུ། ། བགྲོད་ཁར་འགྲོ་ཞིང་སྔགས་བཟླས་ཏེ།། གཤིན་རྗེའི་ཆས་སུ་ཞུགས་ལ་འཕང།། ཟླ་གསང་ནག་པོའི་རྒྱུད་ཕྱི་མ་ལས། རྨེ་བ་ཁྲག་ཐུན་གྱི་སྐབས་ཏེ་སོ་ལྔ་པའོ།།།། དེ་ནས་ཡང་མཐུ་སྟོབས་ཀྱི་བདགས་པོས་འདི་སྐད་ཅེས་གསུངས་སོ། ། མོན་ནམ་གླེན་པའི་སྙིང་ནང་དུ།། གླང་རོག་བྱ་རོག་ར་རོག་སྙིང།། རྟ་ནག་ཁྱི་ནག་ཉ་ཡི་སྙིང།། སྟག་དང་བྱ་རྒོད་མི་ཡི་སྙིང།། ཕྱེ་མར་བཏགས་ཏེ་བླུགས་པར་བྱ། ། ཉུངས་ཀར་ཉུངས་ནག་དུག་རྫས་ལ།། ཡ་མའི་བསྙེན་པ་རྫོགས་པ་དང།། སྙིང་ནང་ལིང་ཀ་བཅུག་ལ་བརྡེག། ཡ་མ་རཱ་ཛ་ས་ཏོ་མེ་ཡ། སྙིང་ལ་རོ་ཤ་བཾ་རིལ་རྦད། དགྲ་པོའི་མཆིན་རྩ་གློ་རྩ་སྙིང་ལ་ཁུག་ཀས་པ་ཀས་པ། ཚལ་པ་ཚལ་པ། སྙིང་ལ་རོལ་པ་རྩ་བཾ་རིལ་རྦད། ཁ་རཾ་ནརྀ་ཙིཏྟ་ཁ་རཾ་ཁཱ་ཧི། རལ་གྲིས་གཏུབས་ལ་གཏོར་མར་དབུལ།། ཟླ་གསང་ནག་པོའི་རྒྱུད་ཕྱི་མ་ལས། དྲག་པོའི་སྙིང་ཐུན་སྐབས་ཐུན་གྱི་སྐབས་ཏེ་སོ་དྲུག་པའོ། ། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། ལྕགས་སམ་ནག་པོའི་སྣོད་ནང་དུ།། སྣ་ཚོགས་ཁྲག་དང་བསེ་ཞོར་སྦྱར།། ལིང་ག་ཇི་ལྟར་འདོད་པའི་དབྱིབས།། མིང་དང་རུས་བྲིས་གཞུག་པར་བྱ། ། ཡང་ན་རྦའི་སྦར་བུ་རུ།། དུག་དང་སྦྱར་ཏེ་གཟུགས་ལ་བསྐུ།། ཡ་མའི་བསྙེན་པ་རྫོགས་པ་དང།། སྔགས་འདི་བཟླས་ལ་ཁར་ལ་བརྡེག། ཨོཾ་དྷྲི་ཏཱི་ཡ་མན་ཏ་ཀྲ་ཤྲཱི་མཉྫུ། ཨ་ཀྲོ་མན་ཛ་ཡེ། བེ་ཏ་པི་དགྲ་བོའི་རོ་ལ་ཙིཏྟ་རོ་ལ་ཤནྟི། སྙིང་ལ་རོག་པ། རྩ་ཁུག། ཀྲོ་དྷཱི་ཤྭ་རི་པེ་ཏེ་ལི་ཁུག། ཁུག་བཾ་རིལ་རྦད། ཡ་མ་རཱ་ཛ་སྲོག་ལ་བཾ། ཨ་མཉྫུ་སྙིང་ལ་ཁུག། སྲོག་ལ་རྒལ་དེ་བཾ་རིལ་རྦད། ནི་མ་ར་ཡ་ཏོ་པ་མ་ཡ། ཏོད་པ་པས་སྨི་དེ་ཧཱུ~ཾ་ཛ། ཨོཾ་ཤ་མཉྫུ་ཡ་མ་ཏ་པེ་ཏ་ལེ་ཀྲོ་དྷཱི་ཤྭ་རི། སྙིང་ཁ་རཀྴ་ས་མ་ཡ་ཐུམ་རིལ་རྦད། ཡ་མ་རཱ་ཛ་ས་དོ་མེ་ཡ། ཁྲག་ལ་ཧོ་དུ་མེ་ཡ། ཀླད་པ་ལ་ཧ་རེ་ཧོ་རེ། བཾ་རིལ་རྦད། ཅེས་ནི་ལིང་གའི་སྙིང་ཁར་བརྡེག། ཕྱོགས་སུ་མི་འཕང་དངོས་ལ་བརྡེག། བཅོམ་ལྡན་འདས་ཀྱང་འཇིག་པར་འགྱུར། སེར་བ་འབེབས་ན་ལོ་ཏོག་ལའོ།། སྨྱོ་འབོག་གཏོང་ན་ལྷ་ཁང་དུའོ།། མཛེ་ནད་གཏོང་ལ་ཆུ་མིག་ལའོ།། ཐོག་ཏུ་འབེབས་ན་ལྷ་རྟེན་ལའོ། ། ཟླ་གསང་ནག་པོའི་རྒྱུད་ཕྱི་མ་ལས། དྲག་པོ་བསྙེན་ཐུན་གྱི་སྐབས་ཏེ་སོ་བདུན་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། ཟུག་པའི་རྫས་དང་སྣ་མ་ལ་དང། ། གྲོགས་མཁར་ས་དང་ཐིགས་པ་ལ།། མ་ར་ཡ་ཡི་གཟུགས་བྱས་ཏེ།། དབང་པོ་ཡན་ལག་ཚང་བར་དགོད།། གྲུ་གསུམ་མདའ་གང་ནང་དུ་གཞུག། མཆོག་གི་ཕུར་བ་སོར་བརྒྱད་པ།། ཡ་མའི་བསྙེན་པ་རྫོགས་བྱས་ཏེ། ། རྩ་སྲོག་བཅད་པའི་སྔགས་འདི་བཟླས།། ཨོཾ་བཛྲ་ཀཱི་ལི་ཀཱི་ལ་ཡ། ཁྲག་ཐིབས་བ་རིལ་རྦད། མུག་ཐིབས་རྦད། སུབས་རིལ་རྦད། གླིང་དུ་ཡ་རྦད། གཤིན་དུ་རྦད། ཁྲག་གཤམ་དུ་རྦད། ཁྲག་ཀ་ཁྲག་ཀ་བཾ་རིལ། ཙིཏྟ་རོ་ལ་ཤནྟི་རྩ་ནན་ནན། གཤིན་རྗེ་ནག་པོའི་ཕོའི་མོའི་སྙིང་ལ་ཁ་ལ་གློ་སྙིང་ཁུག། དགྲ་བོ་མཱ་ར་ཡ་བཾ་རིལ་ཐུམ་རིལ་རྦད། ཛ་ཛ་ཞེས་བརྡེག་གོ། དེ་ནས་གཟུགས་ཀྱི་ལྷག་མ་དེ།། དུག་ཤིང་མེ་བཏང་སྦྱིན་སྲེག་བྱ། ། ཟླ་གསང་ནག་པོའི་རྒྱུད་ཕྱི་མ་ལས། རྩ་ཐུན་ནག་པོའི་སྐབས་ཏེ་སོ་བརྒྱད་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། བྲག་ནག་བདུད་ཀྱི་རྟེན་གནས་ཏེ། ། དཀྱིལ་འཁོར་མཐིང་ནག་གྲུ་གསུམ་ལ།། དུར་ཁྲོད་སོལ་བས་ནག་པོར་བྱུག། དེ་ལ་ཐལ་ཆེན་སྦར་ཁབ་དགྱེ།། གྲུ་གསུམ་ཁ་ལ་རྗེས་ངན་བརྡེག། གླ་བ་ནག་པོའི་སྙིང་ལ་བོད།། ཙ་ར་རོག་པོ་དམིགས་པའི་རྟེན། ། ཉུངས་ཀར་ཉུངས་ནག་བརྡེག་པའི་རྫས།། སྣ་ཚོགས་ཤ་ཁྲག་གཏོར་མ་ལ།། གཙོ་རུ་སྲིད་པ་ཕྱི་མི་རྟ།། སྙིང་དང་རཀྟ་བསྐངས་བའི་རྫས།། བརྡ་མི་འཕྲད་དང་མོན་མོའི་གཟུགས།། བཙུན་པའི་གཟུགས་དང་སྔགས་པའོ། ། སྔགས་ནི་རྟག་ཏུ་འདི་དག་གདོན།། བདུད་པྲ་མ་ཡ་བདུད་མཱ་ར་ཡ། བདུད་སྙིང་མགོ་ཆོད། དུ་རུ་དུ་རུ། ཧ་ར་ཏི་ཧ་རྟི། དགྲ་སྙིང་ལ་ཛ་ཛ། ནག་པོ་ཏི་པ་ཙ་པའི། དགྲ་སྙིང་རྩལ་བཾ་རིལ་རྦད། ནཱ་ག་ཀྲོ་དྷི་ཤྭ་རི་སྙིང་ལ་པ་ཙ་ལ། ཏྲག་མ་ཏྲག་ཤི། དགྲ་སྙིང་ལ་ཁ་རཾ་ཁཱ་ཧི། ནག་པོ་ཤ་པ་ཏི། རྩ་བཾ་རིལ་རྦད། ནག་པོ་ཧེར་ཧཾ་བཾ་རིལ་རྦད། ནཱ་ག་སྙིང་མགོ་ཆོད། ཁ་ལ་ཟོ་སྙིང་མགོ་ཆོད། རྩ་ལ་རིག་པའི་དགྲ་སྙིང་ལ་ཛ་ཛ། དགྲ་བོའི་སྙིང་ལ་ཧ་རེ་ཧུ་རེ། བེ་ར་བཾ་རིལ་རྦད། ཧུ་ཡ་དགྲ་སྙིང་ལ་དུ་ར་དུ་རི་གློ་རྩ་ལ་བཾ་རིལ་རྦད། ཡང་ན་མྱོས་ཤིང་ལྐུགས་སུ་ཅིག། ཡང་ན་སྨྱོས་ཞིང་འབོག་ཏུ་ཆུག། ཡང་ན་རྩ་རྒྱུད་བདུན་རྒྱུན་ཆོད། ། ཡང་ན་དོན་སྙིང་ཐལ་བར་རློགས།། ཡང་ན་མཛེ་དང་འབྲུམ་བུ་ཐོང། ཞེས་རལ་བརྡེག་པར་བྱའོ།། དེ་ནས་ར་བསྒྲལ་ཏེ། མནན་པ་ཧོཾ་ཁུང་རྙིང་པར་བྱ།། ཐུགས་དམ་བསྐང་ལ་གཏད་ཁྲཾ་བྱ།། ཟླ་གསང་ནག་པོའི་རྒྱུད་ཕྱི་མ་ལས། བདུད་ཀྱི་དྲག་སྔགས་ཀྱི་སྐབས་ཏེ་སོ་དགུ་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། ལྷ་ཁང་ལྟ་བུར་སོང་ནས་ཀྱང།། དར་དཀར་བཏིང་ལ་འབྲུ་སྣ་སྤུང། ། སྤྱན་གཟིགས་སྣ་ཚོགས་ལེགས་པར་དགྲམ།། སྙིང་ཆེན་གཅིག་ལ་རྟེན་བཅས་ཏེ།། སྤྱན་གཟིགས་ཚོགས་ཀྱིས་ཐུགས་དམ་བསྐང།། བརྣག་པའི་གཟུགས་མིང་བཅས་པ་ཡང།། དགྲ་ཡི་གོས་ལ་བྲི་བར་བྱ། ། མཆོག་གི་ཕུར་བུ་སོར་བརྒྱད་ལ།། ཡ་མའི་བསྙེན་པ་རྫོགས་པར་བྱ།། ཨོཾ་མཉྫུ་ཤྲཱི་རཱི་ཛ་མ་ཧཱ་ཏྲི་ཀྲ་ཤར་ལི་པྲ་མ་ནི་རཱ་ཛ་ཏྲྀ་ཏྲྀ་ཛ་ཛ། འོད་ལ་སོགས་ཏེ་སྒྲ་རྣམས་དང།། མི་མ་ཡིན་པའི་གཟུགས་ཀྱང་སྟོན། ། རཱ་ཛ་མ་ཧཱ་པཱུ་ཙ་པྲ་ཏི་ཙ་ཧོ་ཁ་རཾ་ཁཱ་ཧི། ཞེས་ནི་མཆོད་དབུལ་ཐུགས་དམ་བསྐང།། བསད་ན་མཆོག་གི་ཕུར་པ་ལ།། སྔགས་ལ་ལིང་ག་དག་ལ་བརྡེག། ཨོཾ་ནི་མ་ར་ནི་མ་ར་དུ། ཡ་མ་སྙིང་ཡ་མ་ཁྲག། ཚལ་བ་བཾ་རིལ་རྦད། དཾ་པ་དུཾ་བུ། གཤིན་རྗེ་པོ་དེ་ཀུན་ཁུག་ཁུག། དགྲ་བོ་མ་རཱ་ཡ་ཛ་ཛ། ཨོཾ་ནི་མ་རི་ནི། དྷྲི་ཏ་ཡ་ཡ་མན་ཏ་ཀྲི་རཱ་ཛ། ཏེ་པ་ལི་ཀྲོ་དྷི་ཤྭ་རི། སྙིང་མགོ་ཆོད། རྩ་ལ་ཤོས། ཁྲག་མགོ་ཆོད། ཁྲག་ལ་ཀཱི་ལི་ཀཱི་ལ་ཡ། བཾ་རིལ་རྦད། ཡ་མ་རཱ་ཛས་ཏོ་མེ་ཡ་དུན་བྷྱོ། ཡ་མ་རཱ་ཛ་སྙིང་དོ་མེ་དུན་བྷྱོ། ཡ་མེ་དོ་རུ་མེ་ད་ཡ། ཡ་ཏ་ཡོ་ནི་སྙིང་ལ་ཁྲེ་ཀྵེ་ཡ་བཾ་རིལ་རྦད། ཨོཾ་ཤྲཱི་མཉྫུ་གཤིན་རྗེ་ནག་པོ། དགྲ་སྙིང་ལ་གུ་ར་གུ་ར་བཾ་རིལ་རྦད། ཧ་ར་ཏུ་ཧ་རུ་བཾ་རིལ་ལ་རྦད། ཏྲ་ཧ་ར་ཏྲ་ཧ་ར་བཾ་རིལ་རྦད།། རྨེ་རུ་མེ་རུ་བཾ་རིལ་རྦད། ཧཱུ་ར་ཤ་ཧུ་ར་ཤ་བཾ་རིལ་རྦད། ཏ་ཀ་ཀ་ཧ་རི་ཀ་བཾ་རིལ་རྦད། དུ་རཾ་སུ་རུ་རཾ་བཾ་རིལ་རྦད། ཧ་ར་ཙ་ར་ནན་ནན་ཧ་ར་ར་ནན། སྲུཾ་ཧཱུ~ཾ་ར་བཾ་རིལ་རྦད། ཀྲ་ཡ་ཧ་ཀྲ་ཡ་ཧ། སྨེའུ་ལུ་སྨེའུ་ལུ། ཙུར་ད་ཙུར་ད་བཾ་རིལ་རྦད། སྨྲེ་ཤ་སྨེ་ཤ་ཀྲ་ཤུ་མེ་ཀྲ་ཤུ་མེ། ཚུར་ཧཾ་ཚུར་ཧཾ། གུ་རཾ་གུ་བ་རཾ་བི་ལ་རྦད། ཙ་དུ་ར་ཙ་དུ་ར་སླེ་ཤ་སླེ་ཤ་བཾ་རིལ་རྦད། མི་རུས་དར་དཀར་སྤྱན་གཟིགས་བཅས། ། ལྷ་ཁང་མགོན་པོའིསྙིང་ཁརརྦད། ཟླ་གསང་ནག་པོའི་རྒྱུད་ཕྱི་མ་ལས། ཁུ་ཐུན་སྨྱོ་བའི་སྐབས་ཏེ་བཞི་བཅུ་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། དུར་ཁྲོད་དགོན་པའི་གནས་དག་ཏུ།། དཀྱིལ་འཁོར་མཐིང་ནག་གྲུ་གསུམ་བྲི།། ནང་དུ་རབས་ཆད་ཐོད་པ་རུ།། གྲི་མོར་ཤི་བའི་སྙིང་ཆེན་གཞུག། སྙིང་གཤགས་ནང་དུ་མིང་རུས་ནི།། ཧ་ལའི་ཤིང་ལ་བྲིས་ཏེ་གཞུག། རྒྱས་ཆེན་བཙེམས་ལ་སྔགས་འདིས་སྲབ།། ཨོཾ་མཉྫུ་ཤྲཱི་ཡ་མ་རཱ་ཛ་ཀྲྀ་སྣ་བྲི་མཱ་ར་ཡ་ཛ་ཛ། ཡ་མ་རཱ་ཛ་སྙིང་ལ་རྦད། རྩ་ལ་སྟུངས་དབུགས་ལ་ཐུམས། སྙིང་ལ་ཁ་རཾ་ཁཱ་ཧི། ཞེས་ནི་རལ་གྲིས་གཏུབ་པར་བྱ། ། ཕྱེད་ན་དུག་ཤིང་སྦྱིན་བསྲེག་བྱ།། ཕྱེད་ནི་གཏོར་མའི་ནང་དུ་དབུལ།། ཟླ་གསང་ནག་པོའི་རྒྱུད་ཕྱི་མ་ལས། སྙིང་ཟོར་ནག་པོའི་སྐབས་ཏེ་ཞེ་གཅིག་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ། ། ཁྲག་གིས་སྦྲུས་པའི་མཎྜལ་ནི།། ཆག་གང་གྱེན་ལ་བརྩིག་པར་བྱ།། ཁྲུ་གང་ཐུར་ལ་བྲུ་བར་བྱ།། ཁ་ཁྱེར་ཐལ་ཆེན་དཀར་པོར་བཏང།། མ་གུ་ཁ་སྤྲད་ཚུལ་དུ་བྲི།། དབུས་སུ་ཡི་གེ་ཡ་གཅིག་བྲི། ། གཙང་དགུས་གྲུ་གསུམ་ཁ་ལ་བསྐོར།། ཤ་ཁྲག་གཏོར་མ་སྣ་ཚོགས་བཤམ།། རྒྱུན་དུ་སྔགས་འདིས་བསྒྲུབ་པར་བྱ།། ཨོཾ་མཉྫུ་ཤྲཱི་ཏྲ་ཀ་རཀྨོ་སྙིང་ཏེ་ཀེམ་སྙིང་རྩ་སྲོག་སྲོག་བྲེང་བྲེང་མ་མ་ཛ་ཛ། དམ་ཚིག་ཕྱག་རྒྱ་བཅས་ནས་ནི། ། མ་མ་རགྨོ་ས་མ་ཡ་དཾ་དཾ་ཛ་ཛ། ཞེས་དམ་བསྒྲག་གོ། མ་མོ་གཤེད་མོ་འདི་རྣམས་ནི།། ཧོར་བ་གཟན་ལ་བཅུམ་གཞིན་འོང།། གྲུ་གསུམ་ནང་དུ་རྗེས་ངན་འོང།། ཝའམ་བྲག་སྲིན་སྐད་ངན་འོང། ། གྲུ་གསུམ་ནག་པོར་ལིང་ག་གཞུག། དྲག་སྔགས་དགུ་པོ་འདི་ཡིས་བསད།། ཏྲག་རཀྨོ་ནི་ཁུག་རྦད། མ་མ་གཟེར་ཤད་མ་རྦད།། མ་མ་འདར་ཡེད་ཡེད་རྦད། མ་ནརྀ་ཤ་ཀུ་རུ་ཐུན་ནརྀ་རྦད། ར་ཀ་ཤ་མོ་ཁ་ལོང་ནརི་ཁ་ལོང་རྦད། མ་ཤ་མ་ར་ཀ་མོ་སྙིང་ལིང་རྦུད། མ་མ་རཀྨོ་སྲོག་བྱེ་ཤག་སྙིང་རྩ་ཀུམ་རྦད། མ་མ་དུང་སྲོག་བྱེ་མཱ་ར་ཡ་རྦད། མ་མ་ཏྲིག་ཏྲིག་ཤ་ལོང། ཁྲག་ལིང་མཱ་ར་ཡ་རྦད། ཅེས་ནི་རྩ་དགུས་གཟུགས་ལ་བརྡེག། དེ་ནས་དོང་ནང་ཚེར་མས་དགང།། མེ་བཏང་ལིང་ག་སྦྱིན་སྲེག་བྱ།། ཟླ་གསང་ནག་པོའི་རྒྱུད་ཕྱི་མ་ལ། གཤེད་མོ་དགུའི་དྲག་སྔགས་ཀྱི་སྐབས་ཏེ་ཞེ་གཉིས་པའོ།།།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ། ། དཀྱིལ་འཁོར་གྲུ་གསུམ་ནག་པོ་ལ།། ཟླ་གམ་དམར་པོ་ཁ་སྤྱོད་རྒྱུ།། དཀྱིལ་དུ་ཁྲག་གི་ཛ་རོ་བྲི།། བན་དྷ་དགུ་རུ་སྙིང་ཆེན་དགུ།། ཤ་ཁྲག་སྣ་ཚོགས་སྦྱར་ལ་བཞག། ལྕགས་ཕུར་དགུ་ལ་ལིང་ག་དགུ།། རང་རང་སྔགས་ཀྱིས་བཏབ་ནས་ཀྱང།། གཏོར་མ་རོ་རུ་མཆོད་པ་དབུལ།། མ་མ་ཏྲག་ཁ་མུན་ལོང་ཛ་ཛ། མ་ནི་རག་ཏ་ཏྲག་མོ་ཛ་ཛ། མ་མ་སྙིང་རྩ་ཤད་ཤད་ཛ་ཛ། མ་མ་སྲོག་སྙིང་རྩ་ཤམ་ཤམ་ཛ་ཛ། མ་ཐིག་ནིག་སྲོག་ཐུན་སྙིང་ཐུན་ཛ་ཛ། རཀྨོ་ཡགྨོ་ཀ་ལི་དཾ་ཛ་ཛ། མ་གར་ཟ་མ་སྙིང་ཐིག་སྲོག་ལ་ཛ་ཛ། ས་མ་རཀྨོ་སྲོག་སྐེམས་མ་ཛ་ཛ། ཆེ་གེ་མོ་ནི་ཤ་ཏུ་སྲོག་ལ་རྦད། སྙིང་ཁ་ལོང་རྩ་ཐུན་སྲོག་ཐུན་མཱ་ར་ཡ་རྦད། ཅེས་ཕུར་པས་གདབ་བོ།། ཐུགས་དམ་བསྐང་ངོ།། ཟླ་གསང་ནག་པོའི་རྒྱུད་ཕྱི་མ་ལས། སྲིན་མོ་ཁྲག་འཐུང་སྦར་སྡེབས་མ་དགུའི་དྲག་སྔགས་ཀྱི་སྐབས་ཏེ་ཞེ་གསུམ་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། མཆོག་གི་ཕུར་པ་སོར་བརྒྱད་དགུ།། དགུ་དང་ཁྲག་ཏུ་སྦྱར་བས་བྱུག། སྔོན་དམར་སྐུད་པས་འོག་ནས་བཀྱིག། སྔགས་འདིས་བཟླས་ལ་གཟུགས་ལ་བརྡེག། བལ་མོ་ཤཾ་ཤཾ་སྲོག་ལ་ཤམ། ཏྲྀ་རག་མོ་སྲོག་གུ་རུ་ཙིཏྟ་མ་ར་རྦད་རྦད། ཅེས་བཏབ་ན་བརླག་པར་འགྱུར་རོ།། ཟླ་གསང་ནག་པོའི་རྒྱུད་ཕྱི་མ་ལས། བལ་མོ་ནད་གཏོང་བའི་དགུའི་སྐབས་ཏེ་ཞེ་བཞི་པའོ། །།། དེ་ནས་ཡང་མཐུ་སྟོབས་ཀྱི་བདག་པོས་འདི་སྐད་ཅེས་གསུངས་སོ།། ཁྱི་མོ་དཀར་ནག་གྲོད་པ་ནི།། གཉིས་གཤགས་སྦྱར་ལ་ཁ་ཡར་བཙེམ།། གྲོད་པ་དཀར་མོར་ཁྲག་གིས་དགང།། གྲོད་པ་ནག་པོ་དུག་གིས་དགང། ། ནག་དུ་དམིགས་པའི་མིང་རུས་གཞུག། དུག་ལ་ཁྲག་གི་གྲིགས་དང་སྦྱར།། ཉུངས་ཀར་ཉུངས་ནག་སྐེ་ཚེ་ལ།། ཕོ་སྔགས་གྲོད་པ་ནག་པོར་གདབ།། རག་ཤ་རྦད་ཛ་ཛ། རུ་ཏྲ་རྦད་ཛ་ཛ། ཡཀྴ་རྦད་ཛ་ཛ། པག་ཤ་རྦད་ཛ་ཛ། རཱ་ཛ་རྦད་ཛ་ཛ། མོ་སྔགས་གྲོད་པ་དཀར་མོར་གདབ།། རཀྨོ་མཱ་ར་ཡ་ཏྲྀ་ནི་སད། རཀྨོ་སྙིང་ཁ་རཀ་བ་ཏི་སྙིང་རྩ་རིལ། ཡཀྨོ་སྙིང་རྩ་རིལ། ཏྲག་མོ་ཤིག་ཤིག། སྙིང་ལ་རོལ།། རུ་ཏྲ་མ་མ་རྩ་ཤིག། ཡ་མ་སྙིང་ཁྲག་ཤ་རུ་རུ་པ་ཏྀ་སྲོག་པྲྀ་ཤམ་ཁྱེར་བྷྱོ། ཞེས་གྲོད་པ་ཁབ་ཀྱིས་བཙེམ།། རྨེ་ལུག་ནག་པོ་ལྕགས་རུ་ལ།། མགོ་བོ་མཐིང་ནག་དར་གྱིས་གཏུམས།། ཁལ་དུ་བཀལ་ལ་དགྲ་ཡུལ་བཏང། ། དེ་བཞིན་སྔགས་འདིས་ཕྱོགས་སུ་བཏང།། རག་མོ་སྲོག་བཾ་ཁ་འུར་ཁུག་མཱ་ར་ཡ་ཁུག། བྷྱོ་བྷྱོ། ཞེས་ནི་ཉུངས་ཀར་ཕྱོགས་སུ་འཕང།། ཟླ་གསང་ནག་པོའི་རྒྱུད་ཕྱི་མ་ལས། སྦྲེ་ནག་གཏོར་སྐྱེལ་གྱི་སྐབས་ཏེ་ཞེ་ལྔ་པའོ། །།། ཟླ་གསང་ནག་པོའི་རྒྱུད་ཕྱི་མ་རྫོགས་སོ།།།། རྒྱ་གར་གྱི་སློབ་དཔོན་ཁྲག་འཐུང་ནག་པོ་དང། བོད་ཀྱི་ལོཙྪ་བ་གནུབས་སངས་རྒྱས་ཡེ་ཤེས་ཀྱིས། དུར་ཁྲོད་ཧ་ལ་སྒྲོགས་པའི་སྒྲུབ་གནས་སུ་བསྒྱུར་ཅིང་ཞུས་ཏེ་གཏན་ལ་ཕབ་པའོ། །།།
CLOSE WINDOW