| Wylie |
།།། བསྟན་པ་ཐམས་ཅད་ཀྱི་བུ་གཅིག་པ་རྫོགས་སོ།།།། ཐ་མ་སྐད་ཅིག་མ་གསུམ་ལ་སངས་རྒྱའོ།། ཞེས་གསུངས་སོ།། རིགས་ཀྱི་བུ་འདི་ལྟ་སྟེ། རང་གི་སྙིང་གི་ནང་ན་རིགས་ལྔའི་སྐུ་མངོན་སུམ་དུ་བཞུགས་སོ། ། འཆར་བ་མངོན་སུམ་དུ་འཆར་རོ།། ཀྱེ་གསང་བའི་བདག་པོ་གདམས་པ་བསྟན་པའི་ཚེ། སངས་རྒྱས་ཀྱི་སྐུ་མེ་ལོང་གི་གཟུགས་བརྙན་བཞིན་འཆར་རོ།། རྡོ་རྗེ་སེམས་དཔའི་ཞལ་ཆེམས་ཚིག་གསུམ་པོ། ། དགའ་རབ་རྡོ་རྗེའི་ཐུགས་ཀྱི་གཏེར་དུ་སྦོས། ཞེས་གསུངས་སོ།། དེ་ནས་ཡང་སངས་རྒྱས་རྡོ་རྗེ་སེམས་དཔའི་ཞལ་ནས། དགའ་རབ་ལ་རིགས་ཀྱི་བུ། ངས་འཇིག་རྟེན་ཁམས་སུ་རང་ལ་ལོ་ཉི་ཤུ་རྩ་བཞི་ལོན་ནས། སྤྲུལ་པའི་སྐུར་བཞུགས་སོ།། སེམས་ཅན་གྱི་ལོ་སྟོང་བརྒྱད་བརྒྱ་ལོན་ནོ།། ཞེས་ཕུང་པོ་ལྷག་མེད་དུ་མངོན་སངས་རྒྱའོ།། དེ་ན་རིམ་པར་བརྒྱུད་ནས། ལྕེ་བཙུན་གྱིས་མ་ཆད་པ་སྟག་ཅན་དུ་སྦས་སོ།། དེ་ནས་ལྕེ་སྒོམ་ནག་པོས་བཏོན་ཕྱི་སྐོར་དང། ནང་སྐོར་གསང་སྐོར་གསུམ་པོ་གཞན་ལ་ཡང་བྱིན་ནོ།། གསང་བ་བླ་ན་མེད་པ་འབྲས་བུ་རིན་པོ་ཆེའི་སྐོར་ནི་ཤོར་རེ་སྐན། ས་མ་ཡ། ན་ར་ཀན་རྫོགས་སོ།།།། ཨྠི+ྀ། གསང་ངོ། ། སྦའོ།། ན་མོ་གུ་རུ། གནད་ཀྱི་གདམས་ངག་སྐོར་གསུམ། འདི་ལ་གཉིས་ཏེ། བརྒྱུད་པ་དང་མན་ངག་གོ། བརྒྱུད་པ་ལ་གསུམ་ཏེ། ཐུན་མོང་ཕྱི་ལྟར་འཇམ་དཔལ་ཤྲཱི་སིདྷ་བི་མ་ལ་མི་ཏྲ་དེ་གསུམ་ལ་རྒྱལ་བ་དགོངས་པའི་བརྒྱུད་པ། རིག་འཛིན་རིག་པའི་བརྒྱུད་པ་གང་ཟག་སྙན་ཁུང་གིས་བརྒྱུད་པའོ།། བརྒྱུད་པ། ཟབ་མོ་རྡོ་རྗེ་སེམས་དཔའ་དགའ་རབ་རྡོ་རྗེ་ཡུལ་གསུམ་བླ་མ་བརྒྱུད་པ། ཡི་དམ་ལྷ་ནས་བརྒྱུད་པ། ཌཱ་ཀི་ནས་བརྒྱུད་པ་ལ་གསུམ། ཤེས་དོན་ངོ་ཤེས་པ་པས་བརྒྱུད་པ་ལ། རིག་པ་ལས་བརྒྱུད་པའོ། ། བློ་ནས་བརྒྱུད་པ་ཚིག་ཏུ་ཟིན་པ། རིག་པ་ལས་སུ་རུང་བ། ནང་ལྟར་བརྒྱུད་པ། གསང་བ་སྦས་དོན་ལྟར་བརྒྱུད་པའོ།། གཉིས་པ་མན་ངག་ལྟར་ལའང་གསུམ་སྟེ། ད་ལྟ་ཉམས་སུ་བླངས་པའི་མན་ངག་དང། འཆི་བའི་ལམ་ཁྱེར་དང། བར་དོའི་མན་ངག་དང་གསུམ་མོ།། དེ་ཡང་ལུང་ལས་ད་ལྟ་འཆི་ཁ་བར་དོ་གསུམ།། གདམས་ངག་གདབ་པའི་ཞིང་ས་ཡིན།། ཞེས་བཤད་པས་ད་ལྟའི་མན་ངག་ཉམས་སུ་བླངས་ལ་གསུམ་སྟེ། གནས་ལུགས་མའི་གོ་བ། འཆར་ལུགས་བུའི་གོ་བ། མ་བུ་སོར་བཞག་དང་གསུམ་མོ།། དེ་ལ་མ་ནི་ཆོས་ཉིད་སྟོང་པ་ཅིའི་ངོ་བོར་ཡང་མ་གྲུབ་པར་གནས་ལུགས་སྟོང་སང་ངེ་བ་འདི་ཡིན་ནོ།། བུ་ནི་ད་ལྟར་གྱི་ཤེས་པའམ། རིག་པ་གསལ་ལ་མ་འགགས་པས། སལ་ལེ་ཧྲིག་གེ་བ་འདི་ཡིན་ཏེ། མ་བུ་རྐང་བློག་འབེབས་པ་ལ་བཤད་དོ།། སོར་བཞག་པ་ནི་འདས་པ་དང། མ་འོངས་ལྔ་ལྡན་ཞེས་བྱ་སྟེ། ངོ་བོ་དྲི་མེད་ཀ་དག་གི་སྐུ་ལ་རྩལ་གྱི་འཆར་གཞི་མ་འགགས་པར་ལྷུན་གྱིས་གྲུབ་པའོ། ། དེའི་འོད་འབྲི་ཀུ་ཏ་གཉིས་ལ་ཟུག་སྟེ། དེ་ཡང་རྩ་རིན་པོ་ཆེ་གསེར་གྱི་སྦུ་གུ་ཙམ་གཅིག་གི་རྩེ་མོ་སུམ་ཕྲག་ཏུ་གྱེས་ཏེ། གཉིས་ཀྱི་འབྲི་ཀུ་ཏ་ཞེས་བྱའོ།། མིག་གཉིས་ལ་ཟུག། གཅིག་ཚངས་པའི་བུ་གར་ཤར་རོ།། དེ་ནས་ཡེ་ཤེས་རྒྱུ་བའི་ལམ་ཞེས་བྱ་སྟེ། དེའི་ནང་ན་ཡར་རིག་པ་ཚུད་པས་མྱ་ངན་ལས་འདས་པའི་ལམ་དུ་ཚུད་པ་ཡིན་ནོ།། དེ་ནི་གནས་ལུགས་དོན་གྱི་སངས་རྒྱས་ཞེས་བྱའོ། ། རང་ལ་གནས་པའི་ཆོས་ཉིད་མངོན་སུམ་དུ་གཏན་ལ་ཕེབས་པ་ཡིན་ནོ།། སངས་རྒྱས་ཀྱི་དགོངས་པ་རང་ཆས་སུ་གནས་པ་དེ། ཐབས་བླ་མའི་གདམས་ངག་ལ་བརྟེན་ནས། གནས་ལུགས་དོན་གྱི་ཡེ་ཤེས། ངོས་ཙེར་གྱིས་ཟིན་པ་དེ་ཀ་ཡིན་ནོ།། དེ་ངོ་ཤེས་པས་སངས་རྒྱའོ།། དེའི་ཕྱིར་སེམས་ཅན་ཐམས་ཅད་རང་གིས་ངོ་ཤེས་པས་སངས་རྒྱས་དཀའ་ཐུབ་དང་བྲལ་ལོ།། འདོད་པའི་དོན་རིན་པོ་ཆེ་གྲུབ་པ་ཡིན་ནོ། ། དེ་ལྟར་ཡིན་པ་ལ་ཡིན་པར་ངོ་མ་ཤེས་མ་རྟོགས་པའི་སེམས་ཅན་རྣམས་ནི། འགྱུ་བྱེད་དབུགས་ཀྱི་རྟ་ཕོ་ལ། དངོས་པོ་དང་རྫས་སུ་མ་གྲུབ་པའོ།། བྱ་བྱེད་སྤྲེའུའི་རིག་པ་ཞོན་ནས། གཟུང་འཛིན་དང་ཆགས་སྡང་གི་དབང་གིས་འཁོར་བར་ལྷུང་བའོ། ། འཆི་ཁ་མའི་མན་ངག་ལམ་དུ་ཁྱེར་བ་ལ་གསུམ་སྟེ། འཆི་ལྟས་བསྟན་པ་དང། བསླུ་བ་བསྟན་པ་དང། མ་སླུས་ན་འཕོ་བ་བསྟན་པ་དང་གསུམ་མོ།། ལྟས་ལ་གཉིས་ཏེ། རྟགས་དང་ལྟས་སོ། ། དེ་ལ་གསུམ་གསུམ་སྟེ་དྲུག་གོ། དེ་ལ་རྟགས་གསུམ་ནི་ལུས་རྟག་པ་རྡོ་རྗེ་སེམས་དཔའི་མོ་ངན་ན་འཆི་བས་ཏེ། དགྲ་ཡིན་རྐྱེན་གྱི་ཀུན་བླངས་ཉོན་མོངས་སྐྱེས་ན། དགྲ་ཡིན་ཆགས་སེམས་དྲག་པོ་སྐྱེས་ན་དགྲ་ཡིན། ལག་པའི་སོར་མོ་རྣམས་རྩེ་སྤྲད་དེ། བསྒྲེངས་ལ་གུང་མོ་གཉིས་ནང་དུ་བསྐུམ་པ། ཁ་བྲལ་མ་བཅུག་པར་སྲིན་ལག་ཚིག་གཉིས་ཆད་ན་བླ་ཚེ་འགྲོས་པས། གཉིས་ཁ་ཕྱེད་དམ་བལྟ། ཕྱེད་ན་འཆི་མ་གྲོལ་བར་འདུག་ན་ཡིད་ཆིའོ་བླ་ཚེ་འབྲོས་པ་ཡིན་ནོ། ། འཆི་ཁའི་དགྲ་གསུམ་ནི་འཆི་ཁར་གདམས་ངག་མེད་པས་དམྱལ་བར་སོང་ན། ངག་གི་ད་ལྟར་ལ་མི་བསམ་རིག་པ་སོ་མར་བཞག། ཅེས་པས། དུས་གསུམ་གྱིས་མི་སྙེགས་པར། གནས་ལུགས་ཀྱི་སྟེང་དུ་ཤེས་པ་རང་ལུགས་ཕྱམ་གྱིས་བཞག་ཏེ། དེའི་རིག་པ་མིག་ལ་གཏད། མིག་བར་སྣང་སྟོང་པ་ལ་གཏད་ནས་བཞག་པས། མ་བུ་སོར་བཞག་སྟེང་མི་དགོངས་པ་གནས་ལུགས་ངོ་བོ་མ་སྟོངས་པར་རིག་པའི་རང་བཞིན་གསལ་ལ་མ་འགགས་པར། མཚན་ཉིད་དེ་ཡང་ལུས་ལས་ཆོས་ཉིད་སྟོང་པ་ལ་རང་རིག་ཡེ་ཤེས་སུ། མ་བུ་སོར་བཞག་མཉམ་ཉིད་དགོངས་པའོ།། ཞེས་སོ།། སྟོང་གསལ་དབྱེར་མེད་ཀྱི་དགོངས་པ་ཤེས་པ་གསལ་བྱ་དང་བཅས་པ། ཉམས་གཟུང་འཛིན་དང་བྲལ་བ། རིག་པ་གསལ་ལ་འཛིན་མེད་དུ་འཆར་རོ།། དེའི་གདངས་ཙིཏྟ་རིན་པོ་ཆེའི་ནང་ན། འོད་ཁ་དོག་ལྔའི་རང་བཞིན་དུ། ཚོམ་བུ་ལྔའི་དཀྱིལ་འཁོར་དང་བཅས་པ་བཞུགས་སོ།། ཡང་ཙིཏྟ་རིན་པོ་ཆེ་ཟུར་བརྒྱད་པ། གུར་ཕུབ་པའི་ནང་ན་རྩ་བཞི་གསུངས་སོ།། དེ་ལ་ཀུན་གཞིའི་རྒྱུ་རྣམ་ཤེས་ཆོས་ཉིད་དང་རང་བྱུང་གི་རྩ་མཐིང་ག་ཉོན་མོངས་ཅན་གྱི་ཡིད་རྒྱུ།། ཡེ་ཤེས་ཀྱི་སེར་པོ། ཡིད་ཀྱི་རྣམ་ཤེས་རྒྱུ་རང་རྒྱུད་ཀྱི་རྩ་དམར་པོ། སྒོ་ལྔའི་རྣམ་ཤེས་རྒྱུ་ཡོན་ཏན་གྱི་རྩ་ལྗང་གུའོ།། དེ་བ་ཐག་ཁུག་པའི་ཚུལ་དུ་ཡོད། དེ་བཞིའི་རྩེ་མོ་གཅིག་ཏུ་འདུས་པ་ལས། རྩའི་དྭངས་མ་དར་དཀར་ལུས་ཤ་རུས་བསྐྱེད་གྱི་སྐུད་པ་ཙམ་གཅིག། དེ་ལ་ཁྲག་གི་དྭངས་མ་མཚལ་ཅོག་ལ་མ་ལྟ་བུར་གནས་སྟེ། དེ་ལ་དྲོད་ཀྱི་དྭངས་མ་མེ་ལོང་ངོས་ལ་ཉི་མ་ཤར་བ་ཙམ་གཅིག་གནས་སོ།། དེ་རླུང་རྩལ་དང་སྟོབས་བསྐྱེད། གི་དྭངས་མ་གསེར་ས་འོག་ཏུ་བཅུག་པའི་རླངས་པ་ཙམ་གཅིག་གནས་སོ། ། དེ་བཞིའི་དཀྱིལ་ན་འོད་ཀྱི་དྭངས་མ་ཚོན་གྱི་གྲུ་གུ་བསྒྲིལ་བ་ལྟ་བུ་གནས་སོ།། དེའི་དཀྱིལ་ན་རིག་པ་ཤེས་བྱེད་ཀྱི་གཞི་དྲན་པའི་རྟེན། སྲོག་མི་ཤིགས་པའི་ཐིག་ལེ། ཨ་བ་དྷཱུ་ཏཱི་ཞེས་བྱ་བ། དྲན་རིག་གི་ངོ་བོ། དངོས་པོ་དང་རྫས་སུ་མ་གྲུབ་པ། རིག་པ་དང་སྣང་བ་མེད་པ། ངོ་བོ་དང་དོན་དུ་ནི་ཡོད་དེ། ཡེ་ཤེས་ཀྱི་དབང་པོ་ལྔ་དང་བཅས་པ། གདངས་འོད་ཁ་དོག་ལྔ་ཤར་བའི་ཀློང་ནས་རྒྱལ་བ་རིགས་ལྔའི་སྐུ་ཚོམ་བུ་དཀྱིལ་འཁོར་དང་བཅས་ནས་བཞུགས་པ། དེ་མི་སྟོང་པ་ཡེ་ཤེས་གསང་ལམ་ནས་འཕོ་བ་ནི། ཕྱི་འབྲིང་གི་འོད་གསལ་ལ་འཕོ་ཏིང་ངེ་འཛིན་ནི། སྙིང་གི་རྩེ་མོ་གྱེན་ལ་ལྷག་བཟློག་ལ། རྩ་རིན་པོ་ཆེ་གསེར་གྱི་སྦུ་གུ་ཙམ་གཅིག་སྙིང་ནང་ནས་ཚངས་པའི་བུ་གར་འཇུག་གོ། དེའི་ནང་ནས་ཡར་འོད་ཁ་དོག་ལྔ་ལྡན་ཕྲ་མོ་རྟ་སྙིང་གི་རྩེ་མོ་ནས་ཡར་ལ་རྩ་རིན་པོ་ཆེ་གསེར་གྱི་རྣམ་དག་ཅེས་བྱ་བ། གསེར་གྱི་སྦུ་གུ་ཅན་རྩ་གསུམ་དྲག་ཏུ་གྱེས་ཏེ། མིག་གཉིས་ལ་གཅིག་རྩ་བུ་རུ་ཟུག་ཡོད་པས་དེའི་ནང་ནས་ཡར་རིག་པ་ཚུད་པས་མྱ་ངན་ལས་འདས་པའི་ལམ་དུ་ཚུད་པ་ཡིན་ནོ། ། རྔ་ཙམ་གཅིག་བསམ་ལ། དེ་ལ་ཨ་དཀར་པོ་ཉི་ཤུ་རྩ་གཅིག་སྟར་ལ་བརྒྱུས་པ་ལྟར་དཀར་ཁྲིག་གེ་བསྒོམ་ལ། ཨ་ཨ་ཞེས་དབུགས་ཀྱིས་ཐུབ་ཚད་བཟླས་པས། ཨ་གཅིག་ལ་གཅིག་ཐིམ་ནས་ཚངས་པའི་བུ་ག་ནས། རིག་པ་ཨའི་ཕྱིར་རྒྱང་རྩེར་འཐོན་པས་སྣང་བ་ཐམས་ཅད་རང་གི་རིག་པའི་རང་མདངས། འོད་གསལ་གྱི་ཀློང་དུ་གྱུར་པ་ལ། རིག་པ་གཏད་ལ་དབུགས་ཐུབ་ཚད་བསྡམ་མོ། ། དེའི་ངང་ལ་ཕྲག་དོག་གིས་འགྲོའོ།། གསེབ་ལམ་ནས་འཕོ་བ་ནི། རིག་པ་མིག་ལ་གཏད། མིག་བར་སྣང་ལ་གཏད། ཡིད་འོད་གསལ་ལ་གཏད་ལ་འཕོའོ།། གསང་བློ་མཐའ་མ་མཚན་བཅས་སུ་འཕོ། ལམ་ལ་འཕོ་བ་ནི། སྣ་སྒོ་ནས་རིག་པ་དབུགས་དང་འགྲོགས་ནས་ཧཱུཾ་དུ་འཐོན་ཧཱུཾ་དཀར་པོ་བདུན་གྱི་ནམ་མཁའ་ལ་བླ་མ་དང་ཡི་དམ་གསལ་བའི་ཐུགས་ཀར་ཡང་དང་ཡང་དུ་བསྟིམ་མོ། ། འཕོ་བའི་དུས་དེ་རྣམས་སུ་སྐྱེལ་མ་གསུམ་སྔར་ཉམས་སུ་བླངས་པའི་སྐྱེལ་མ་ཉམས་གདེང་དུ་ཆུད་པས་འཆི་ཁར་གསལ་ཐེབས་པའི་སྐྱེལ་མའོ།། སུན་མ་གསུམ་ནི་སྐུའི་བསུན་མ་སྣང་སྲིད་ཐམས་ཅད་འོད་ཁ་དོག་ལྔ་རུ་འཆར་རོ།། གསུང་གི་བསུན་མ་སྒྲ་རུ་འཆར་རོ། ། ཐུགས་ཀྱི་བསུན་མ་ཟེར་དུ་འཆར་རོ།། དེ་རྣམས་སྐུ་གསུང་ཐུགས་སུ་ངོ་ཤེས་པར་བྱའོ།། རིག་པ་རང་འོད་གཉིས་སུ་མེད་པར་ཐིམ་པ།། དཔེར་ན་ཆུ་དང་འོ་མ་འདྲེས་ཙ་ན་ཆུ་ཡང་འོ་མའི་རང་བཞིན་དུ་འགྱུར་བས། དེ་ལྟར་རིག་པ་འོད་གསལ་དུ་ཐིམ་མོ།། དང་ལྡན་པར་བྱས་ཏེ། སུན་མ་གསུམ་ནི་སྟེང་དུ་འཕོའོ།། དེ་ནི་རང་གི་རིག་པའི་འོད་གསལ་གཉིས་སུ་མེད་པར་ཐིམ་ནས། སྐྱེ་མེད་ཆོས་ཀྱི་སྐུར་སངས་རྒྱའོ།། གསུམ་པ་བར་དོའི་མན་ངག་ངོས་གཟུང་བ་ལ་གསུམ་སྟེ། ཆོས་ཉིད་བར་དོ་དང། སྲིད་པ་ལོངས་སྐུ་དབང་པོ་འབྲིང། བར་དོ་དང། རྨི་ལམ་སྤྲུལ་སྐུ་དབང་པོ་ཐ་མ། ངོ་བོ་ནི་དགེ་སྡིག་འཁོར་འདས་ཀྱིས་ཕྱོགས་ཀྱང་ད་རུང་མ་སྨིན་པ་སྟེ། གཞི་ངོ་བོ་ཉིད་ཀྱི་གནས་ལུགས་མི་འགྱུར་བའོ།། བར་དོ་དང་གསུམ་མོ།། ཆོས་ཉིད་བར་དོ་ལ་གཉིས་ཏེ། སྣང་བ་དེ་ལ་འདྲིས་ཤིང་གོམས་པ་དང། དེ་ལ་འདུག་གོ། སྣང་བ་གསུམ་དང་འོད་རིག་པའི་རང་གདངས། ཟེར་དང་ཤེས་པའི་དུད་འཕྲོ། སྒྲ་དང་གསུམ་མོ།། དང་པོའི་མཚམས་སྦྱོར་གསུམ་ན། འོད་ཀྱི་སྔོན་ལ་མ་འགྲོ་ཞེས་བྱ་སྟེ་འོད་དངས་སོ། ། རང་ཁ་མ་ཡིན་ལྟ་ཞིང་དགའ་བྲོད་མི་བྱའོ།། འོད་ཀྱི་གདེངས་ལ་མི་གཏད། ཞེས་བྱ་སྟེ་འོད་རང་འོད་དུ་ཤེས་པར་བྱས་ལ་འཇིགས་པར་མི་བྱའོ།། འོད་ཀྱི་ལོགས་ལ་མི་འགྲིམ་ཞེས་བྱ་སྟེ། འོད་བཏང་སྙོམས་སུ་མ་བཞགས་པར་དྲན་པར་ཟིན་པར་བྱའོ།། འོད་ནི། དབུགས་ཆད་པའི་དུས་སུ། སྣང་སྲིད་ཐམས་ཅད་ཁ་དོག་ལྔ་རུ་ཞག་ལྔ་འཆར་ཏེ། བསམ་གཏན་གྱི་ཞག་གསུམ་གནས་སོ།། འོད་ཀྱི་ཟེར་ནི་གདམས་ངག་མ་བསྟན་པ་ལ་ཟེར། མཚོན་ཆར་སྣང། བཏབ་པ། ཆོས་མཛད་ལ། རྡོ་རྗེ་བུ་ག་ཁོང་སེང་དུ་འོང་ངོ།། སྐད་རིང་པོ་གཅིག། སྐད་འབྲིང་པོ་གཅིག། སྐད་ཐུང་ངུ་གཅིག། གསུམ་གྱི་བར་ཞག་གསུམ་ཟེར་རོ།། སྒྲ་ནི་ཕལ་པ་ལ་འཇིགས་པའི་སྒྲ་ཐོས། རྣལ་འབྱོར་པ་ཆོས་ཉིད་ཀྱི་སྒྲར་ཐོས། དེ་ལྟར་སྦྱར་ན་འོད་ཀྱི་ཕྱིའི་འོད་ལྔ་པོ་དེ་ཉིད་དབང་པོ་ལྔའི་རྩ་ལ་ཟུག་ཅིང་ཤར་ཏེ་འོད་མཐིང་ག་མིག་ལ་ཟུག་གོ། འོད་དཀར་པོ་རྣ་བའི་རྩ་ལ་ཟུག་གོ། འོད་སེར་པོ་སྣའི་རྩ་ལ་ཟུག་གོ། འོད་དམར་པོ་ལྕེའི་རྩ་ལ་ཟུག་གོ། འོད་ལྗང་གུ་ལུས་ལ་ཟུག་ཅིང་ཤར་རོ།། དེ་ལྟར་ཤར་བས་མིག་གིས་གཟུགས་མཐོང་བས་ཐམས་ཅད་གསལ་ལོ། ། རྣ་བས་སྒྲ་ཐོས་པས་ཐམས་ཅད་དྲན་སྟོང།། སྣས་དྲི་ཚོར་ན་ཐམས་ཅད་ཚོར་སྟོང། ལྕེས་རོ་མྱོང་བ་ཐམས་ཅད་རོ་སྟོང་ལུས་ཀྱིས་རེག་བྱ་ཐམས་ཅད་རེག་སྟོང་འོད་ལྔའི་རྩལ་དབང་པོ་ལྔ་ལ་ཤར། དབང་པོ་ལྔའི་རྩལ་འབྱུང་བ་ལྔར་སྣང་བས་ཡིན་པས་དོན་ལ་ཕྱི་འབྱུང་བ་ལྔ་པོ་འདི་ཐམས་ཅད་ཆོས་ཉིད་འོད་གསལ་དུ་གོ་དགོས་སོ། ། ཡུལ་དུ་འབྱུང་བ་ལྟར་སྣང་ལ། ཟེར་ནི་ཚོགས་དྲུག་འགག་མེད་དོ།། ཉོན་ཅིག་མ་ཡེངས་ཉོན་ཅིག། རིགས་ཀྱི་བུ་གང་ཞིག་ཕུང་པོ་ལྷག་མ་མེད་པར་སངས་རྒྱ་བར་འདོད་པས་ཡིད་འདི་ལྟར་ཤེས་པར་བྱའོ། ། རང་གི་སྙིང་ནང་ན་འོད་ཁ་དོག་ལྔའི་དཀྱིལ་ན་སངས་རྒྱས་རྒྱལ་བ་རིགས་ལྔའི་སྐུ་ཚོམ་བུའི་དཀྱིལ་འཁོར་བཅས་པ་སྐུ་ཉུང་འབྲུ་ལ་སྤྱན་ཕུལ་ཐག་ཙམ་སྣ་ཚོགས་གཅེར་བུར་བཞུགས་སོ། ། སྐུ་དེ་ཡང་ངོ་བོ་གསལ་བ་ཟང་ཐལ་བ་འཛིན་རྟོག་དང་བྲལ་བའི་ཡེ་ཤེས་སུ་བཞུགས་སོ།། དེ་ལྟར་རང་གི་སྙིང་གི་ནང་ན་སངས་རྒྱས་ཀྱི་སྐུ་ཡུངས་འབྲུ་ཙམ་བཞུགས་ཤིང་འཁྲུལ་སྣང་འགགས་པའི་དུས་སུ་སྐུ་ཆེན་པོ་ནམ་མཁའི་མཐའ་དང་མཉམ་པ། འབྲིང་པོ་རི་རབ་ཙམ་གྱིས་ཁེངས་ནས་རང་འཆར་རོ།། དེ་ལ་མ་འཇིགས་ཤིག། དེ་ངོ་ཤེས་པས་ཆོག་གོ། ཀྱེ་གསང་བའི་བདག་པོ་ལེགས་པར་ཟུང་ཞིག། རང་འཆི་ཁར་ཆོས་ཉིད་རང་སྣང་གི་ནམ་མཁའ་ལ། སངས་རྒྱས་ཀྱི་སྐུ་མངོན་སུམ་དུ་འཆར་རོ།། དེ་ངོ་ཤེས་པས་ཆོག་གོ། རང་གི་རིག་པ་འོད་ལྔ་དང་འདུ་འབྲལ་མེད་པར་འགྲོགས་པ་ཡིན་ནོ། ། མ་ནུ། སརྦ། བུདྡྷ། ཛྙཱ་ན། ཀཱ་ཡ། པཉྩ། རིགས་ཀྱི་བུ་རང་ལ་སངས་རྒྱས་ཀྱི་སྐུ་རང་ལ་ཡོད་པས་གཞན་དུ་མ་འཚོལ་ཅིག། སངས་རྒྱས་འོད་ལྔའི་ལུས་སུ་བཞུགས་ནས་གསལ་འགྲིབ་དང་བྲལ་ལོ། ། སངས་རྒྱས་ཀྱི་སྐུ་ལ་འགྱུར་བ་མེད་པས་སྐྱེ་འཆི་དང་བྲལ་ལོ།། སངས་རྒྱས་ཐམས་ཅད་རང་ངོ་ཤེས་པས་སངས་རྒྱས་པའི་དཀའ་ཐུབ་དང་བྲལ་ལོ།། སངས་རྒྱས་འོད་ཀྱི་སྐུ་གསལ་ལ་རྟོག་པ་མེད་པས། རང་ལ་རང་བཞིན་མེད་པ་བདེ་བ་རྒྱུན་ཆད་མེད་པར་རང་གི་སྙིང་གི་ནང་ན་བཞུགས་སོ། ། བསྟན་པ་ཐམས་ཅད་ཀྱི་བུ་གཅིག་བུའི་རྒྱུད་ལས། སངས་རྒྱས་སྐུ་གསུམ་བསྟན་པའི་ལེའུ་སྟེ་གསུམ་པའོ།།།། ཨྱ་སྤང་ཐོབ་མེད་པ་རྩ་དར་དཀར་གྱི་སྐུད་པ་ཙམ་འདིའི་ནང་གང་ན་ཡར་ཡེ་ཤེས་འགྱུའོ། ། ཤྱ་ཡངས་པ་ཆེན་པོ་ཆོས་ཀྱི་གནས་ལུགས་ཡིན། བཱ་མཐའ་རྣམ་པར་གྲོལ་བ། བ་ལས་ཀྱི་མཐའ་མ་བསྒྲིབས་པས། ཨཱ་བདེ་བ་ཆེན་པོ།། ཨ་འུབ་ཆུབ་པ། ཧྭ་ཡེ་ཤེས་ཉི་མ་རང་ལ་སྣང་བའོ།། ནྱ་ས་ལེ་བ། མཀསྟོང་ངེ་བ། དྱ་མེ་རེ་བ། སྱ་སངས་རྒྱས་མཐོང་བའོ།། མདྱ་གོང་ན་གཞན་མེད་པའོ།། དྲ་ཎཱ་བསྒོམ་པ། ཀྱཾ་ལྟ་བ་མི་གཡོ་བར་བྲིས། ཧྲིཏྭཾ་འོད་ལྔ་གསལ་ལམ་མི་གཡོ་བར། ཆུ་བོ་རྒྱུད་ཀྱི་ཏིང་འཛིན། དྭ་སྤྱོད་པ་མི་གཡོ་བ། དལདག་པ་ཆོས་སྐུའི་གནས་ལུགས་འགྱུར་བ་མེད་ཅིང་གསལ་སྒྲིབ་མེད། ཤ་འབྲས་བུ་མི་འགྱུར་བ་སྤང་ཐོབ་མེད། མ་མ་ཝ་དྲག་པོ་མེད་པས་འགྱུར་བ་མེད་ཅིང་སྒྲིབ་མེད། ཨཱ་གསུང་གི་གནས་ལུགས་སྨྲ་བསམ་བརྗོད་བྲལ་ཡིན། སཊ་སྐུ་གནས་ལུགས་འོད་ལྔའི་དུས་སུ་ཡོད། འོད་ལྔ་ལ་གསལ་འགྲིབ་མེད་དོ།། གསལ་ལ་མ་འགགས་པས་འོད་ལྔར་གསལ་ལོ། ཉས་ཐུགས་ཀྱི་གནས་ལུགས་རྣམ་རྟོག་བྲལ་བ་ཡིན། མཾཾ་སྐྱེ་བ་མེད་པ་འགྱུར་བ་མེད་པ་ཡིན། སངས་རྒྱས་ཐམས་ཅད་མེས་པོ་རང་ལ་ཡོད། འདིའི་ནང་ན་ཡེ་ཤེས་རྒྱུའོ།། རྩ་དར་དཀར་གྱི་སྐུད་པ་ཙམ་འདིའི་ནང་ན་ཡར་ལ་ཡེ་ཤེས་འགྱུའོ། ། ངོ་བོ་སྟོང་པར་བཞུགས། ཡུལ་གྱི་ཡེ་ཤེས་ཀློང་བརྟོལ་ཏེ། དཔལ་བེའུའི་ཡེ་ཤེས་ལྔ་ཡིན། ལྷག་མཐོང་གི་ཡེ་ཤེས་ཀྱིས་མ་རིག་པ་གདར་ཤ་གཅོད། རིག་པ་ཆོས་ཀྱི་སྐུ་ཡིན། ཨཱ+ོཾ་བདག་ཏུ་རྟོག་པའི་སྔོ་དང་བྲལ་བའི་ཡེ་ཤེས་ཆེན་པོའི་ངང་ལ་བཞག་གོ། ཨ་རྣམ་རྟོག་དང་བྲལ་བ་ཡིན། རང་སངས་ངེས་པ་ཡིན། ཨ+་རང་སྣང་གི་དགོངས་པ་ལ་གནས་པ་ཡིན།། མྨ་བསྒོམ་པའི་དཔེ་མར་མེ་རླུང་གིས་མ་བསྐྱོད་པ་ལྟ་བུ། དང་པོའི་ཉི་མ་ཡིན་ནོ།། ཡོན་ཏན་གྱི་དཔེ་ནོར་བུ་ཆུ་དངས་ལྟར་ཡིན། ཨ+ཾ་དཔལ་རྟོག་མེད་ཡོན་ཏན་འགྱུར་བ། ཧཱུཾ་སྙིང་རྗེས་བཏང་སྙོམས་ཟིན་པས་འབྲེལ་བ་སྟོང་ཉིད་སྙིང་རྗེའི་སྙིང་པོ་ཅན་རང་གི་རྒྱུད་ལ་ཤར་བ་ཡིན་པས་འཁོར་བ་ལ་རང་བཞིན་ཡོད་མ་མྱོང། ཀྐ་ཡེ་ཤེས་རོལ་བ་འགགས་པ་མེད་པས་ཤག་གིས་འཆར་རོ།། ཏྲྟྲ་མ་བཅོས་པའི་སྤྱོད་པ་ལྷུག་པར་བཞག་བུན་ནི་ལོང་བ་ཡིན། ཨིབ་ཆོས་ཉིད་སྟོང་པ་ཉིད་ངོ་བོར་མ་གྲུབ་པའོ།། ཡེ་ཤེས་ལ་རྟོག་པ་མེད་དོ།། སྐུ་ངོ་བོར་བཏུབས་པས་སངས་རྒྱས་ཀྱི་ཡིན། ག།:་འབྲས་བུས་འདི་སྟེ་བཏུབས་པས་སྐུ་ལྔ་ཡེ་ཤེས་ལྔ་ཡིན་ནོ། མ་རིག་པ་རྣམ་རྟོག་ཐམས་ཅད་སྤང་བྱ་ཡིན་ནོ། ངོ་སྤྲོད་གསུམ་གྱི་སངས་རྒྱས་ཀྱི་ལམ་ཡིན། སངས་རྒྱས་དང་སེམས་ཅན་རྒྱུ་གཅིག་ཡིན། དེ་ངོ་ཤེས་ན་སངས་རྒྱས་མ་ཤེས་ན་འཁོར་བ་ཡིན། བུདྡྷ། སམཏི། རོ་མ་ཧ་རང་ཆས་སུ་ཡོད། ཀ་ལ་འོད་ལྔ་ཞུགས། བྷྱིད་ཏྱ་རིག་པ་ཡེ་ཤེས་འོད་འཕྲོ་བ་བཞུགས། ཛྙཱ་ན། ཡེ་ཤེས་རྟོག་མེད། ཙིཏྟ་སྙིང་གི་ནང་ནས་སངས་རྒྱས་བཞུགས། བུདྡྷ། བཛྲ་མ་ཧཱ། རྡོ་རྗེའི་སྐུ་ཡིན་ནོ།། ཙཀྵུ་ཡེ་ཤེས་སྤྱན་ལ་གསལ་འབྲིབ་མེད་པ་ཡིན། བྷྱིདཏྱ་མ་རིག་པ་རང་ངོ་ལ་འཁྲུལ་པ་མེད་པ་ཡིན། ཨ་མལ་སྐྱེ་བ་མེད་པ་མཉམ་པ་ཉིད། མ་ཧཱ། པཉྩ་སངས་རྒྱས་སྐྱེ་འཆི་མེད་པ་ཆེན་པོ་ཡིན། ཀཱ་ཡ་དྷརྨ་ལ། མཉམ་པ་ཉིད་ཡིན། ཨ་སྐྱེ་བ་མེད་དོ། གསུངས་ནས་ཅང་མེད་དོ།། གསལ་ལ་འཚེར་བ་མེད་པ་ཡིན། རང་ངོ་ཤེས་ན་འཁོར་བའི་སྡུག་བསྔལ་དང་བྲལ་བའི་སྣང་བ་འདི་རྨི་ལམ་དང་ཁྱད་མེད་དེ་ཡོད་མ་མྱོང་འཁྲུལ་སྣང་རྨི་ལམ་དང་འདྲ་བས་བདེན་པར་མ་འཛིན། དགའ་རབ་རྡོ་རྗེས་འདི་སྐད་ཅེས་སྨྲས་སོ།། ཀྱེ་ཀྱེ་སངས་རྒྱས་ཐུགས་རྗེ་ཅན། སེམས་ཅན་གྱི་སྡུག་བསྔལ་བསལ་དུ་གསོལ། ཅེས་ཞུས་སོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ། གསང་བའི་བདག་པོ་སངས་རྒྱས་རང་ལ་ཡོད་དོ།། ཞེས་གསུངས་སོ།། བསྟན་པ་ཐམས་ཅད་ཀྱི་བུ་གཅིག་པུའི་རྒྱུད་ལས། སངས་རྒྱས་ཀྱི་གདམས་ངག་བསྟན་པའི་ལེའུ་སྟེ་བཞི་པའོ།།།། བྷྱིད་ཏྱ་ཨཱ་ཏ་ཐཱ་ག་ཏ། ཀུ་ལ་པཉྩ་པ་ནི་བུདྡྷ་ཀུ་ལ་ཙིཏྟ་པ་ནི་བུདྡྷ་ཀཱ་ཡ་ཧ་མ་ས་ཨ་སི། གསུངས་ནས་དགོངས་པ་ལ་གཤེགས་སོ།། ནམ་མཁའི་དཀྱིལ་ནི་ཆོས་ཀྱི་དབྱིངས་ཡིན་ནོ། ནམ་མཁའི་དཀྱིལ་ན་ཉི་ཟླའི་ཉི་ཟླ་ནི་ཡེ་ཤེས་ལྔ་ཡིན་ནོ། ཁང་པ་རིན་ཁང་པ་ནི་རང་གི་ལུས་ཡིན་འོད་ལྔ་ནི་ཁ་དོག་ལྔ་ཡིན་ནོ།། པོ་ཆེ་འོད། དེ་ནས་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་ཀྱེ་སངས་རྒྱས་རྡོ་རྗེ་འཆང། སངས་རྒྱས་ཀྱི་བཞུགས་ཚུལ་གསུམ་གསུང་དུ་གསོལ།། ཅེས་ཞུས་སོ།། བཅོམ་ལྡན་འདས་ཀྱིས་བཀའ་སྩལ་པ། ཕྱག་ན་རྡོ་རྗེ་ཁྱོད་མ་ཡེངས་པར་ཉོན་ཅིག། རང་གི་སྙིང་གི་ནང་ན་སངས་རྒྱས་འོད་ལྔའི་ཕུང་པོར་བཞུགས་སོ། ། རང་གི་སྙིང་གི་དཀྱིལ་ན་སངས་རྒྱས་ཀྱི་སྐུ་ཉུང་འབྲུ་ཙམ་ལ་སྤྱན་ཕུལ་ཐག་གང་བཞུགས་སོ།། རང་གི་སྙིང་གི་ནང་ན་འོད་ཁ་དོག་ལྔའི་དཀྱིལ་ནས། སངས་རྒྱས་རྒྱལ་བ་རིགས་ལྔ་འཁོར་དང་བཅས་པ་ཐམས་ཅད་སེང་གེ་དང། གླང་པོ་ཆེ་དང། རྟ་དང། རྨ་བྱ་དང། ཤང་ཤང་གི་གདན་དང། སྐུ་ཁ་དོག་ལྔ་དང་ལྡན་པ། ཕྱག་མཚན་རྡོ་རྗེ་རྩེ་ལྔ་བསྣམས་པ། ནོར་བུ་རིན་པོ་ཆེ་དང། པདྨ་འདབ་མ་བརྒྱད་པ་དང། རྡོ་རྗེ་རྒྱ་གྲམ་དང། འཁོར་ལོ་རྩིབས་བརྒྱད་པ་རྣམས་བསྣམས་ནས། རིན་པོ་ཆེ་འོད་འབར་བའི་སྐུ་དང། རང་གི་སྙིང་གི་ནང་ན་ད་ལྟ་བཞུགས་སོ།། རང་གི་ཀླད་པའི་ནང་ན། སངས་རྒྱས་ཁྲོ་བོའི་སྐུ་བཛྲ་ཧེ་རུ་ཀ་དང། བུདྡྷ་ཧེ་རུ་ཀ་དང། རཏྣ་ཧེ་རུ་ཀ་དང། པདྨ་ཧེ་རུ་ཀ་དང། ཀརྨ་ཧེ་རུ་ཀ་དང། ཁྲག་འཐུང་གི་ལྷ་ཚོགས་ཐམས་ཅད་མངོན་སུམ་དུ་བཞུགས་སོ།། ཀྱེ་གསང་བའི་བདག་པོ་རང་གི་ཀླད་པའི་ནང་ན་ཁྲག་འཐུང་གི་ལྷ་ཚོགས་སྣ་ཚོགས་གཅེར་གྲོལ་དུ་བཞུགས་སོ། ། རང་གི་ལུས་འདི་ལ་སངས་རྒྱས་ཀྱི་གྲོང་ཁྱེར་ཉི་ཁྲི་དང་ཆིག་སྟོང་ཡོད་དོ།། གྲོང་ཁྱེར་དེ་དག་ཐམས་ཅད་ན་སངས་རྒྱས་ཀྱི་སྐུ་ཐམས་ཅད་ན་སངས་རྒྱས་ཀྱི་སྐུ་ཐམས་ཅད་ཀྱིས་ཁྱབ་ནས་ཡོད་དོ། ། རང་གི་རྩའི་ནང་ཐམས་ཅད་བདེ་བར་གཤེགས་པའི་སྐུས་ཁེངས་ནས་ཡོད་དོ།། ཀྱེ་གསང་བའི་བདག་པོ་ལེགས་པར་ཉོན་ལ་ཡིད་ལ་ཟུང་ཞིག། གངས་སམ་གཡའ་ལས་བྱུང་བའི་མན་ཤེལ་དྲི་མ་མེད་པ་ཉི་མ་ལས་ཕྱར་བས། འོད་ཁ་དོག་ལྔ་ལྷུག་པར་འཆར་རོ།། དེ་ཡང་འདི་ལྟ་སྟེ། ཁ་དོག་མཐིང་ག་དང། དཀར་པོ་དང། སེར་པོ་དང། དམར་པོ་དང། ལྗང་གུའོ།། དེ་བཞིན་དུ་རང་གི་སྙིང་གི་དཀྱིལ་ན་བཞུགས་སོ།། རང་འཆི་བའི་དུས་སུ་འོད་ལྔ་གསལ་ལ་འཚེར་བ། རང་བཞིན་གྱིས་བཀྲག་ལ་ཉམ་ང་བ། སོས་ཀའི་བྱང་ཐང་ཆེན་པོ་ལ། སྨིག་རྒྱུ་རྒྱུ་བ་བཞིན་མེར་མེར་འོང་ངོ། ། དེ་ལ་མ་འཇིགས་ཤིག། འོད་ཟེར་མཚོན་ཆའི་ཆར་པ་བབས་པ་འདྲ་བ་འོང་ངོ།། དེ་ལ་མ་སྐྲག་ཅིག། འོད་ཀྱི་ནང་ཐམས་ཅད་ནས་ཆོས་ཉིད་རང་སྒྲ་འབྲུག་སྟོང་ལྡིར་བ་ལྟར་དྲག་ལ་ཆེ་བ་འོང། དེ་ལ་མ་དངངས་ཤིག། དེ་གསུམ་ལ་མི་འཇིགས་མི་དངངས་མི་བྲེད་པ་དེ་ནི་སངས་རྒྱས་ཡིན་ནོ།། དེ་གསུམ་ལ་བྲེད་འཇིགས་སྐྲག་པ་དེ་ནི་རྫོགས་ལྡན་མུན་པ་ནག་པོའི་རྒྱལ་ཁམས་ཞེས་བྱ་བ། ཉིན་མོ་ཉི་མའི་སྣང་བ་མེད། ནུབ་མོ་ཟླ་བའི་སྣང་བ་མེད། ནང་ནུབ་མེའི་སྣང་བ་མེད་པ། རླུང་དང་ཆར་དང་མུན་པ་ནག་པོའི་གསེབ་ན། ཤིན་ཏུ་སྡུག་བསྔལ་ལ། འཁོར་བ་སྲིན་གྱི་ཁ་ཆུ་དང་འདྲ་བས་འཁོར་ཞིང་འཁྱམས་སོ།། དེས་ན་གདམས་པ་འདི་གནད་ཆེའོ། ། འདི་མ་ཤེས་ན་ཕན་མེད་དོ།། ཞེས་གསུངས་སོ།། བསྟན་པ་ཐམས་ཅད་བུ་གཅིག་པུའི་རྒྱུད་ལས། སངས་རྒྱས་ཀྱི་བཞུགས་ཚུལ་བསྟན་པའི་ལེའུ་སྟེ་ལྔ་པའོ།།།། དེ་ནས་གསང་བའི་བདག་པོས་འདི་སྐད་ཅེས་ཞུས་སོ། ། ཀྱེ་ཀྱེ་བཅོམ་ལྡན་རྡོ་རྗེ་འཆང། སངས་རྒྱས་ཀྱི་མངོན་རྟགས་གསུམ་གསུང་དུ་གསོལ། ཅེས་ཞུས་སོ།། བཅོམ་ལྡན་འདས་ཀྱིས་བཀའ་སྩལ་པ། ཕྱག་ན་རྡོ་རྗེ་ཁྱོད་ཉོན་ཅིག། སངས་རྒྱས་ལ་གཉིས་མངོན་པར་རྫོགས་པར་སངས་རྒྱ་བ་དང། ཡང་དག་པར་རྫོགས་པར་སངས་རྒྱ་བའོ།། མངོན་པར་རྫོགས་པར་སངས་རྒྱ་བ་དེ་ལ། འོད་དང་སྒྲ་དང། གདུང་དང། སྐུ་འོང་ངོ། ། འོད་གྱེན་ལ་འགྲེངས་ནས། སྤྲས་པའི་སྐས་ཀྱི་ཡིན་ནམ་ཚུལ་དུ་འོང་ངོ།། དབུགས་ཆད་པ་དང། སངས་མི་རྒྱ་བར་ཞག་ལྔ་ནས་སངས་རྒྱའོ།། འོད་ཁང་ཁྱྀམ་གྱི་ཚུལ་དུ་བྱུང་ན། ཞག་ལྔ་ནས་བརྟན་པ་ཐོབ་ནས་སངས་མི་རྒྱ་བར། དབུགས་ཆད་པ་དང་སངས་རྒྱའོ།། སྒྲ་ལ་གཉིས་ཏེ་སྒྲའུར་ཟེར་ན་ཞག་ལྔ་ནས་སངས་རྒྱས་སོ།། སྒྲ་ཐུགས་ཟེར་ན་ཞག་བདུན་ནས་སངས་རྒྱའོ།། གདུང་ལྔ་དཀར་པོ་བྱུང་ན། རྡོ་རྗེ་སེམས་དཔའི་ཞིང་ཁམས་སུ་སྐྱེའོ། ། སྐྱེས་ནས་མངོན་པར་རྫོགས་པར་སངས་རྒྱའོ།། སེར་པོ་བྱུང་ན། རིན་ཆེན་འབྱུང་ལྡན་གྱི་ཞིང་ཁམས་སུ་སྐྱེས་ནས་མངོན་པར་སངས་རྒྱའོ།། གདུང་ཁ་དོག་དམར་པོ་བྱུང་ན། སྣང་བ་མཐའ་ཡས་ཀྱི་ཞིང་ཁམས་སུ་མངོན་པར་རྫོགས་པར་སངས་རྒྱའོ། ། གདུང་ཁ་དོག་ལྗང་ཁུ་བྱུང་ན། དོན་ཡོད་གྲུབ་པའི་ཞིང་ཁམས་སུ་སྐྱེའོ། ཁ་དོག་མཐིང་ག་བྱུང་ན། རྣམ་པར་སྣང་མཛད་ཀྱི་ཞིང་ཁམས་སུ་སངས་རྒྱ་བ་ཡིན་ནོ། ། སྐུ་ལ་གཉིས་ཏེ་ཞི་བའི་སྐུ་བྱུང་ན་སྣང་བ་འདི་འགགས་པ་དང་སངས་རྒྱའོ། ཁྲོ་བོའི་སྐུ་བྱུང་ན་ཞག་ལྔ་ནས་སངས་རྒྱའོ།། དེ་བཞིན་དུ་འོད་དང། སྒྲ་དང། གདུང་དང། སྐུ་འབྱུང་ངོ།། ཞེས་གསུངས་སོ།། བསྟན་པ་ཐམས་ཅད་ཀྱི་བུ་གཅིག་པུའི་རྒྱུད་ལས། མངོན་རྟགས་བསྟན་པའི་ལེའུ་སྟེ་དྲུག་པའོ།།།། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་ཀྱེ་བཅོམ་ལྡན་རྡོ་རྗེ་འཆང།། སྐུ་ལྔའི་གནས་ལུགས་གསུང་དུ་གསོལ། ། ཅེས་ཞུས་སོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ། གསང་བའི་བདག་པོས་ཞུས་པ་ལེགས་སོ།། རང་གི་སྙིང་གི་དཀྱིལ་ན། དབུས་རྣམ་པར་སྣང་མཛད་སྐུ་མདོག་མཐིང་ག་ཡབ་ཡུམ་འཁོར་དང་བཅས་པ་བཞུགས་སོ། ། རང་གི་སྙིང་གི་ནུབ་ན་སྣང་བ་མཐའ་ཡས་ཡབ་ཡུམ་འཁོར་དང་བཅས་པ་བཞུགས་སོ།། རང་གི་བྱང་ན་དོན་ཡོད་གྲུབ་པ་ཡབ་ཡུམ་འཁོར་དང་བཅས་པ་བཞུགས་སོ།། རང་གི་ཀླད་པའི་ནང་ན་སངས་རྒྱས་ཁྲོ་བོའི་སྐུས་ཁེངས་ནས་ཡོད་དོ། ། རང་གི་རིག་པ་མ་འགགས་པར་གསལ་བ་འདི་ཆོས་སྐུ་ཡིན་ནོ།། སངས་རྒྱས་རྒྱལ་བ་རིགས་ལྔ་རང་གི་སྙིང་གི་ནང་ན་བཞུགས་པ་ལོངས་སྐུ་ཡིན་ནོ།། རང་གི་ཀླད་པའི་དུང་ཁང་དཀར་པོའི་ནང་ན་ཡོད་པ་དེ་སྤྲུལ་པའི་སྐུ་ཡིན་ནོ། ། རང་གི་ཀླད་པའི་ནང་གི་དབུས་འོད་ཁ་དོག་ལྔ་ཡོད་དོ།། འོད་ལྔའི་ནང་ན་སངས་རྒྱས་ཀྱི་སྐུ་བཞུགས་སོ།། རང་གི་གཞུངས་པའི་ནང་ན་སངས་རྒྱས་ཀྱི་སྐུ་བཞུགས་སོ། ། རང་གི་ལུས་རྩའི་དྲ་བར་ཡོད་དོ།། རྩའི་ནང་ན་སངས་རྒྱས་ཀྱི་གྲོང་ཁྱེར་ཡོད་དོ།། འོད་ལྔ་སངས་རྒྱས་ཀྱི་རང་ལུས་སུ་ཤེས་ན་སངས་རྒྱའོ། ཁུག་པ་ལྔ་ཤེས་ན་དབུགས་མ་ཆད་པ་ལ་སངས་རྒྱའོ། ། ཞེས་གསུངས་སོ།། དེ་ནས་རྡོ་རྗེ་སེམས་དཔའི་ཞལ་ནས། སློབ་དཔོན་དགའ་རབ་རྡོ་རྗེ་ལ། རིགས་ཀྱི་བུ་ངས་འཇིག་རྟེན་གྱི་ཁམས་སུ་རང་ལོ་ཉི་ཤུ་རྩ་བཞིར་སྤྲུལ་པའི་སྐུ་རུ་བཞུགས་སོ། ། སེམས་ཅན་གྱི་ལོ་སྟོང་བརྒྱད་བརྒྱ་ལོན་ནོ།། ཞེས་གསུངས་སོ།། ནམ་མཁའ་འོད་ཀྱིས་བཀང་ནས་ཕུང་པོ་ལྷག་མ་མེད་པར་སངས་རྒྱས་སོ།། དེ་དགའ་རབ་རྡོ་རྗེ་བརྒྱལ་ནས། ཀྱེ་ཀྱེ་ཀྱི་ཧུད་ཟེར་ནས་སྐད་ཕྱོགས་བཅུར་བོས་པས། དེ་བརྒྱལ་བ་སངས་ཙམ་ན་སངས་རྒྱས་རྡོ་རྗེ་སེམས་དཔའ་ཆོས་ཉིད་རང་སྣང་གི་ནམ་མཁའ་ལ་ཡེ་ཤེས་སྒྱུ་མ་ལྟ་བུའི་སྐུས་བྱོན་ནས། ཕྱག་གཡས་པའི་སོར་མོ་བརྐྱང་ནས། དྷརྨ་རཏྣ་སིདྡྷ་མ་ཡ། ཞེས་པའི་སྒྲ་བྱུང་ནས་རིན་པོ་ཆེ་གཡུའི་ཟ་མ་ཏོག་སེན་གང་བ་ཅིག་དབུའི་ཐོག་ཏུ་བབས་སོ།། དེ་ཁ་ཕྱེ་ནས་གཟིགས་པས་གསེར་གྱི་ཤོག་བུ་ལ་གཡུའི་ཡི་གེ་བྲིས་པ་གཅིག་འདུག་ནས། དེ་བལྟས་པས་སངས་རྒྱས་རྡོ་རྗེ་སེམས་དཔའི་ཞལ་ཆེམས་ཚིག་གསུམ་པ་ཞེས་བྱ་བ་ཕུང་པོ་ལྷག་མ་མེད་པར་སངས་རྒྱ་བ་འདི་འདུག་གོ། དེར་དགའ་རབ་རྡོ་རྗེས་བལྟས་པས། དགའ་རབ་རྡོ་རྗེ་ཕུང་པོ་ལྷག་མ་མེད་པར་སངས་རྒྱས་སོ། ། བསྟན་པ་ཐམས་ཅད་ཀྱི་བུ་གཅིག་པུའི་རྒྱུད་ཀྱི་སྐུ་ལྔ་བཤད་པའི་ལེའུ་སྟེ་བདུན་པའོ།།།། རྫོགས་སོ།། དབང་པོ་རབ་རྟོགས་པའི་ཁྱད་པར་ཅན་ལ་སྐད་ཅིག་མ་གསུམ་མམ། ལྔ་ལ་སངས་རྒྱས་རྒྱལ། དང་པོ་འཁོར་བ་དོང་ནས་སྤྲུགས། གཉིས་པ་ལ། བདེན་པ་མཐོང། གསུམ་པ་ལ་རྡོ་རྗེ་ལྟ་བུའི་ཏིང་ངེ་འཛིན་ཐོབ། བཞི་པ་ཆོས་ཐམས་ཅད་ཀྱི་དེ་བཞིན་ཉིད་མཁྱེན། གསལ་རིག་པ་ཐུགས་རྡོ་རྗེ་འབྱུང་ངོ།། ཐ་མ་སྐད་ཅིག་གསུམ་ལ་སངས་རྒྱའོ། ། ཞེས་གསུངས་སོ།། རིགས་ཀྱི་བུ་འདི་ལྟ་སྟེ། སྙིང་གི་ནང་ན་རིགས་ལྔའི་སྐུ་མངོན་སུམ་བཞུགས་སོ།། འཆར་བ་མངོན་སུམ་དུ་འཆར་རོ།། ཀྱེ་གསང་བའི་བདག་པོ་གདམས་པ་བསྟན་པའི་ཚེ། སངས་རྒྱས་ཀྱི་སྐུ་མེ་ལོང་གི་གཟུགས་བརྙན་བཞིན་འཆར་རོ།། རྡོ་རྗེ་སེམས་དཔའི་ཞལ་ཆེམས་ཚིག་གསུམ་པའོ།། དགའ་རབ་རྡོ་རྗེས་ཐུགས་ཀྱི་དཀྱིལ་དུ་སྦོས།། ཞེས་གསུངས་སོ།། དེ་ནས་ཡང་རྡོ་རྗེ་སེམས་དཔའི་ཞལ་ནས། དགའ་རབ་རྡོ་རྗེ་ངས་འཇིག་རྟེན་གྱི་ཁམས་སུ། ལོ་ཉི་ཤུ་ལོན་ནས་སྤྲུལ་པའི་སྐུར་བཞུགས་སོ།། སེམས་ཅན་གྱི་ལོ་སྟོང་བརྒྱད་བརྒྱ་ལོན་ནོ།། ཞེས་ཕུང་པོ་ལྷག་མེད་དུ་སངས་རྒྱས་སོ།། དེ་ནས་རིམ་པར་བརྒྱུད་ནས། ལྕེ་བཙུན་གྱིས་འཆད་པ་སྟག་ཅན་དུ་སྦས་སོ།། དེ་ནས་ལྕེ་སྒོམ་ནག་པོར་བཏོན་ནས། ཕྱི་སྐོར་ནང་སྐོར་གསང་སྐོར་གསུམ་བྱོན་ནོ།། གསང་སྐོར་བླ་ན་མེད་པ་འབྲས་བུ་རིན་པོ་ཆེའི་སྐོར་འདི་མི་ལ་བྱིན་རེ་སྐན། ས་མ་ཡཱ། ན་ར་ཀན་རྫོགས་སོ།།།། རྒྱ་རྒྱ་རྒྱ། ཨྠི+ྀ།
CLOSE WINDOW