| Wylie |
རྒྱ་གར་སྐད་དུ། ཨཱརྱ་དེ་བཱ་ཀཱ་ལཱི་མན་ཏྲ་ཏན་ཏྲ། བོད་སྐད་དུ། འཕགས་པ་ལྷ་མོ་ནག་མོའི་སྔགས་རྒྱུད།། བཅོམ་ལྡན་འདས་ཡབ་མངོན་རྫོགས་ཀྱི་རྒྱལ་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། ཡབ་མངོན་རྫོགས་ཀྱི་རྒྱལ་པོ་ཆོས་ཀྱི་སྐུའི་ངང་ལས་ལོངས་སྤྱོད་རྫོགས་པའི་སྐུར་བཞེངས་ནས། འགྲོ་བ་ཇི་ལྟར་འདུལ་བ་བཞིན་དུ་དགོངས་ནས། འབྱུང་བ་ལྔ་སྲིད་པོའི་རྒྱུར་བཤིག་ནས། རི་རབ་རི་ཡི་རྩེ་མོ་གཡུང་དྲུང་ལྷའི་གནས་སུ། ཡུམ་ཆེན་མུ་ཁ་ལེ་དང་གཉིས་སུ་མེད་པའི་མཁའ་དབྱིངས་ལས། ཐིག་ལེ་ཆོས་ཀྱི་སྐུའི་ངང་ལས་ལོངས་སྤྱོད་རྫོགས་པའི་སྐུ་སྣང་སྲིད་ཀྱི་བདག་མོ་སྣོད་བཅུད་ལ་དབང་སྒྱུར་བའི་འབྱུང་བའི་རྒྱལ་མོ་དྲུག་དང། ཡེ་ཤེས་ཚོགས་ཀྱི་རྗེ་མོ་བཅུ་བཞི་དང། སྤྲུལ་པའི་སྐུ་དམན་མོ་ལྔ་བཅུ་རྩ་དྲུག་དང། འདོད་པ་ཁམས་ཀྱི་གནོད་སྦྱིན་མང་པོའི་ཚོགས་རྣམས་འདི་ལྟ་སྟེ། རྒྱ་མཚོའི་ངོས་ན་གནས་པའི་དམོད་པའི་མཚོན་ཆ་ཅན་དང། མ་བདུན་སྲིང་བཞི་དམོད་པའི་མཚོན་ཆ་ཅན་དང། སྲིད་པའི་ཁྲོ་མོ་དམོད་པའི་མཚོན་ཆ་ཅན་དང། མ་བདུན་དཔོན་གཡོག་དམོད་པའི་མཚོན་ཆ་ཅན་དང། གནོད་སྦྱིན་སྤུན་གསུམ་དམོད་པའི་མཚོན་ཆ་ཅན་དང། རེ་མ་ཏི་སྤུན་བཞི་དམོད་པའི་མཚོ་ཆ་ཅན་དང། དུས་ཀྱི་ཞགས་པ་མ་དང། རབ་ཏུ་འཕྱང་མ་མོ་དང། དུས་ཀྱི་མཚམས་སྦྱོར་མ་དང། གཤིན་རྗེའི་ཞགས་ཐོགས་མ་དང། དཔལ་ལྡན་དམར་སེར་མ་དང། དཔལ་ལྡན་དུང་མགྲིན་མ་དང། སྤྲེའུ་ལྟར་དམར་སེར་མ་དང། རྣམ་པར་འཕྱང་བ་མོ་དང། ཚོགས་ཀྱི་ཕྱག་ཚང་མ་དང། རྣ་ཉན་ཕྲ་མ་མོ་དང། གཏུམ་མོ་ཙ་མུན་ཏིང་དང། དེ་དག་ལ་སོགས་པ་བསམ་གྱིས་མི་ཁྱབ་པ་སྟེ། དམོད་པའི་མཚོན་ཆ་ཐོགས་པས། སེམས་ཅན་གྱི་ཤ་ཁྲག་དང་སྲོག་དབུགས་ལ་དབང་བྱེད་པ། དུས་མ་ཡིན་པའི་ཆོ་འཕྲུལ་དང། བསྐལ་པ་མ་ཡིན་པའི་བསྐལ་པ་དང། རིམས་ནད་ལ་སོགས་པ་མི་མཐུན་པའི་ནད་གཏོང་བ། བཀའ་ནན་ཆེ་བ། ཟློག་པར་དཀའ་བ་ལག་པའི་བརྡའ་གཏོང་བ་དང། འཇིགས་པའི་སྤྱུགས་གླུ་ལེན་པ། བརྡ་མི་འཕྲོད་པ་དེ་དག་དང་ཐབས་ཅིག་ཏུ་བཞུགས་ཏེ། དེའི་ཚེ་དེ་དག་གི་ནང་ནས། འདོད་པའི་ཁམས་ཀྱི་ལྷ་མོ་ནག་མོས། བཅོམ་ལྡན་འདས་ཡབ་མངོན་རྫོགས་ཀྱི་རྒྱལ་པོ་ལ་འདི་སྐད་ཅེས་གསོལ་བ་བཏབ་བོ།། ཧེ་ཧེ་དཔའ་བོ་བཀའ་སྩལ་མཛོད། ། ཡེ་ཤེས་མ་མོའི་ཚོགས་རྣམས་དང།། བདག་ཅག་གི་ཡང་འཁོར་ཚོགས་རྣམས།། འཚལ་བའི་སྐལ་བ་གང་ལ་བགྱི།། ལས་སུ་བགྱི་བ་བཀའ་སྩལ་མཛོད།། དཔའ་བོ་ཆེན་པོས་བཀའ་སྩོལ་ཉན། ། མངོན་རྫོགས་རྒྱལ་པོས་བཀའ་སྩལ་པ།། ཉོན་ཅིག་དམན་མོའི་འཁོར་ཚོགས་རྣམས། ཁྱེད་ཀྱི་ཟས་དང་ལས་དག་ནི།། སངས་རྒྱས་བསྟན་ལ་གནོད་པ་དང།། ནག་པོའི་ཕྱོགས་སུ་གཏོགས་པ་དག། དམན་མོ་ཁྱོད་ཀྱི་ཟས་སྐལ་གྱིས། ། སངས་རྒྱས་བསྟན་པ་གནས་པ་ཡི།། རྣམ་བཞིའི་འཁོར་རྣམས་བསྲུང་བར་བྱས[[]བྱོས[]]།། ཉོན་ཅིག་དཔལ་ལྡན་ལྷ་མོ་ཆེ།། ས་བརྒྱད་ནོན་པའི་སེམས་མ་ཁྱོད།། རྟག་ཏུ་དཀར་པོའི་ཕྱོགས་རྣམས་ལ། ། བསྲུང་དང་ཞི་བ་རྒྱས་པ་གྱིས།། ཞེས་གསུངས་སོ།། ནག་མོ་སྔགས་ཀྱི་རྒྱུད་ལས་གླེང་གཞིའི་ལེའུ་སྟེ་དང་པོའོ།།།། དེ་ནས་ལྷ་མོ་ནག་མོ་ཡི།། སྒྲུབ་པ་ཇི་ལྟར་བཤད་བྱ་བ།། རི་ཟླུམ་དག་གམ་ཆུ་བོའི་འགྲམ། ཁྲག་དམར་ཆོལ་ཟངས་འདྲ་བའམ། ཁང་ཁམ་ཀྱང་རུལ་དབེན་པར་སོང་ནས་སུ།། རྫས་དང་ཡོ་བྱད་ཚང་བར་བསག། བདག་དབང་བར་ཆད་མེད་པར་བྱ།། གདེང་དང་ལྡན་པའི་རྣལ་འབྱོར་པས། ། དཀྱིལ་འཁོར་གྲུ་གསུམ་མཐིང་ནག་བྱ། ཁྲག་ལས་བྱས་པའི་ཟླ་གམ་གསུམ།། སྒོ་དང་སྒོ་ཁྱུད་དེ་བཞིན་བྱ།། སྤོས་ཆེན་མེ་མར་ཆེན་པོ་གཏོང།། སྤྱི་བླུགས་ཞྭ་གོན་ཕྲེང་ཆེན་བགྲང།། བྷནྡྷའི་ཆ་ལང་རྐང་གི་དུང། ། ཐོད་པ་ལྟག་སྤྲོད་རྔ་ཆེན་དང།། ཤུན་གྱི་རྒྱལ་མཚན་དེ་བཞིན་བྱ།། གནོན་སྦྱིན་དཔོན་གཡོག་གང་བསྒྲུབ་ཀྱང།། གཞུང་དང་མཐུན་པར་བྱས་ནས་ནི།། བོད་དང་རྦད་དང་གསད་སྔགས་བཟླས། ། ཏྲག་རཀྴ་མུ་ཏྲ་ཡ། སྙིང་ཁ་རག་མོ་བྷྱོ་བྷྱོ། ཏྲག་རཀྴ་ཁ་མུན་ཏྲ་རུ་ལུ་རུ་ལུ་ཧཱུཾ་བྷྱོ། རག་མོ་ཏེ་ཀུམ་ཛ་ཛ་ཁ་ལ་བྷྱོ། རུ་ལུ་རུ་ལུ་མ་ཧིཾ་བྷྱོ། ཏྲ་རཀྴ་ཁ་མུན་ཏྲ་རག་མོ་ཛ་ཛ། ཧེ་ཁུཾ་ཁ་ལ་མ་ཁི་བྷྱོ། ཏྲག་རཀྴ་ཁ་མུན་སྙིང་ཁ་རག་རྦད་ཐུམ་རི་ལི་ལི་བྷྱོ། བརྣག་པ་སྔགས་ཀྱི་ལེའུ་སྟེ་གཉིས་པའོ།།།། ཁར་ནག་བདག་གིས་བཤད་བྱ་བ།། དཀར་པོ་ནག་པོ་སྔོན་པོ་དང།། དམར་པོ་སེར་པོ་དེ་བཞིན་ཏེ།། དེ་དག་སྔགས་སུ་གསུངས་པའོ། ། ཨོཾ་བཛྲ་པཾ་ཀི་ཡང་རི་ཧཱུཾ། མ་ཧཱ་པ་ར་ག་ཡ་ཧཱུཾ། མ་ཧཱ་ས་ཤི་སི་ཤི་བླ་ཤིས་ཟང་ཧཱུཾ། ལོ་ཤི་ཁ་ལ་རག་ན་རྦད་ན་ཧཱུཾ། དུ་ནས་ར་ཐིབ་ན་གྲོ་བོ་ཧཱུཾ། ཁར་ནག་སྔགས་ཀྱི་ལེའུ་སྟེ་གསུམ་པའོ།།།། དེ་ནས་ཡང་དག་བཤད་བྱ་བ། ། ལྕགས་ཀྱུའི་ཕྱག་རྒྱ་བཅས་ནས་ནི།། སྤྱན་དྲང་མཆོད་ཅིང་བཞུགས་སུ་གསོལ།། ནག་མོ་དུན་ཏིང་མ་ལས་ལ་བྷྱོ།། མ་མོ་ནག་མོ་ཐུན་བྷྱོ། ཨོཾ་ཨཱ་ཧཱུཾ་ས་མ་ཡ། ཨེ་ཧྱེ་ཧི་ཛ། ཨཱ་རལླི་ཧཱུཾ་ཧྲིཾ་ཧྲིཾ་མ་མ་བྷྱོ་བྷྱོ་རུ་ལུ་རུ་ལུ་རག་མོ་བྷྱོ། ཙིཏྟ་དམར་མོ་ལ་དུན་བྷྱོ། མ་ཧཱ་ཀཱ་ལི་བྷྱོ་རུ་ལུ་རུ་ལུ། ནག་མོ་སྔགས་ཀྱི་རྒྱུད་ལས་སྤྱན་དྲང་ཞིང་མཆོད་པ་སྔགས་ཀྱི་ལེའུ་སྟེ་བཞི་པའོ།།།། དེ་ནས་ཡང་དག་བཤད་བྱ་བ།། ཤིན་ཏུ་དྲག་པོའི་སྣོད་ནང་དུ། ། ཙིཏྟ་དང་ནི་རཀྟ་དང། བཙན་དུག་རྣམས་ནི་བླུག་པར་བྱ།། གདུག་པའི་དམོད་མོ་འདིས་དམོས་ཏེ།། ལྷ་ལ་སོགས་པ་དེ་བཞིན་ན།། དེ་བཞིན་མི་ལ་སོགས་ཅི་སྨོས།། ཐང་མུ་ལེ་ཐང་མུ་ལེ། རྩ་ཐང་རྩ་ཐང། རྦད་རྦད། མུཾ་སྣི་མུཾ་སྣི། ནན་ནན། རག་མོ་ནི་རག་མོ་ནི། ཁ་ལོ་རྦད། དུག་སྣི་དུག་སྣི་ཁ་ལོ་རྦད། ཀྱི་ཁ་ལོ་རྦད། མུ་ཁ་ལོ་རྦད། རྩ་སྟི་རྩི་སྟི་རྦད། ནིར་སྟི་ནིར་སྣི། མུགས་མུགས། ཐུབ་ཐུབ། སུབས་སུབས་སྟི་རྦད། སེ་ཁ་ལོ་རྦད། མུ་ཁ་ལོ་རྦད། ཐོད་པ་ཆུ་མིག་དེ་བཞིན་དུ།། ཀླུ་དང་མ་མོ་དཀྲུགས་པའི་སྔགས།། དེ་ལྟར་བཟླས་ན་དེ་བཞིན་འགྱུར།། འུར་ཀཾ་ཀ་མེ། ཤ་རག་ཁ་ཁ་ཧ་ཧ་ཧྲ་ཧི་ཛ། མ་མོ་ལས་བྱེད་མ་བཏུབ་ན། ཞིང་ཤུན་དག་ལ་གཟུགས་བྱས་ལ།། གཟུགས་དེ་བརྡུང་ཞིང་དཀྲུགས་སྔགས་བཟླས།། ཛ་ཛ་ཨེ་ཧྱེ་ཧི་ས་མ་ཡ་སྙིང་ཁ་རག། དེ་དག་དེ་བཞིན་བཟླས་བྱས་ཤིང།། ཀཱི་ལ་ལ་ཡང་བརྗོད་པར་བྱ།། དེ་ནས་ཐོད་པ་གང་ཡིན་པ། ཁར་ནག་དག་གིས་དཀྲི་བར་བྱ།། དཀར་པོ་དག་ལ་སྔགས་འདི་བཟླས།། སྙིང་ལ་ཟ་བའི་ཙི་ཙིཏྟ་ལ་ཡང་མ་ཤ། རོ་ལ་ཁྲག་འཐུང། ཀང་ཀ་ཤ་ཟན། ཡཾ་ཏཾ་པ་ར་ལ་ཧོ། ཤ་ལ་ཀྱི་སྤྱང། རོ་ལ་ཁྲག་འཐུང། པ་ཙང་ཤིག་པ་ཙང་ཤིག། དེ་ནས་ཐོད་པའི་དངོས་པོ་དེ།། ཞག་ནི་དེ་བཞིན་བཅོ་ལྔ་སྦ།། དེ་ནས་བླངས་ཏེ་དེ་བཞིན་དུ།། ལྷ་ཁང་རོ་ཁང་ཡང་ན་ནི།། ལམ་སྲང་དག་ཏུ་གནན་པར་བྱ།། དེ་ཡང་ཡང་དག་བཤད་བྱ་བ། ། ཞལ་ནས་དམོས་པའི་ཐང་སྔགས་ལ།། དེ་དག་བཞི་རུ་དམོས་པ་སྟེ། དང་པོ་བཅུ་ཡི་དྲུག་པ་དང།། བདུན་པ་རྣམ་པ་ལྡན་པ་སྟེ།། འདོད་ཁམས་ལྷ་གནས་དག་ཏུ་དམོས།། དེ་ལ་ཐང་སྔགས་གཉིས་པ་ནི། ། ཀླུ་ཡི་གནས་སུ་དམོས་པ་སྟེ།། དེ་ལ་བཅུ་ཡི་དྲུག་དག་དང།། དེ་བཞིན་བརྒྱད་ཀྱི་རྣམ་པས་མཛེས།། ཐང་སྔགས་གསུམ་པ་གང་ཡིན་པ།། མི་ཡི་གནས་སུ་དམོས་པ་སྟེ།། བཅུ་ཡི་རྣམ་པ་བདུན་དང་ཡང། ། དེ་བཞིན་བཞི་དང་ལྡན་པ་ཡིན།། དེ་ལ་ཐང་སྔགས་བཞི་པ་ནི།། ཤིན་ཏུ་གསང་བའི་དམོད་མོ་སྟེ།། དེ་དག་དགུ་དང་ལྡན་པ་སྟེ།། དང་པོ་དང་ནི་གཉིས་པ་ལ།། ཐོག་མར་རུ་དང་ཨེ་བཞག་ནས། ། མཇུག་ཏུ་གཅད་པའི་སྔགས་དང་ལྡན།། དེ་བཞིན་གསུམ་པ་བཞི་པ་ལ།། དེ་ནི་ཕྱག་འཚལ་མེད་པ་ལ།། གསུམ་ལ་དུ་ཡང་དང་བཞག་བཞི་བར་དུ།། དེ་བཞིན་འོག་ཏུ་བཅད་སྔགས་ལྡན།། ལྔ་པ་དུ་སྟེ་དྲུག་ལ་ཀྱི། ། དེ་ལྟར་བཅད་སྔགས་ལྡན་པ་སྟེ།། བདུན་བརྒྱད་དགུ་ལ་འདི་ལྟ་སྟེ།། ན་མ་རྩེ་གསུམ་མགོར་བཞག་ནས།། སྔོན་བཞིན་བཅད་པ་འོག་ཏུ་ལྡན།། རུ་རུ་རག་མོ་དགྲ་བོའི་སྙིང་མཱ་ར་ཡ། ཙ་ཐང་ཙ་ཐང། ཐང་མུ་ལེ་ཐང་མུ་ལེ་སྲོག་ལ་རྦད། ཨེ་ར་རྩ་ར་ཨེ་ར་རྩ་ར། དུ་ནི་དུན་ཏིང་དུ་ལ་ཡ་བཛྲ། དུ་རུ་ཙ་ལ་ནི་ཧ་ན་བཛྲ། དུ་མ་ར་ཧ་ན་བཛྲ་བྷྱོ། ནཱ་ག་ར་ཙ། ཀྱི་མ་སྲོག་གི་མ་རྩ། མ་ར་ཏིག་མ་ར་ཏིག་ཙེ་ཙེ། ན་མ་ར་ཏིག་ཙེ་ཙེ། ན་མ་ར་ཏིག་དེ་དག་སྔོན་བཞིན་ཐང་སྔགས་ཏེ།། རྩིས་ཀྱི་ན་ཡ་འདི་རྣམས་བཞིན།། རུ་ལ་བཞི་ཡི་རྣམ་པ་སྟེ།། ཨེ་ལ་བརྒྱད་དུ་ཤེས་པར་བྱ།། དུ་ལ་ཡང་ནི་བརྒྱད་དུ་སྟེ།། དེ་དག་དུ་ལ་བརྒྱད་དུ་གྲགས།། དུ་ལ་དྲུག་སྟེ་ན་ལ་བཞི། ། ཀྱི་ཡི་རྣམ་པ་དྲུག་ཏུ་བརྩི།། མ་ནི་དྲུག་ཏུ་ཤེས་པར་བྱ།། རྩེ་ནི་བཅུ་གཉིས་དག་ཏུ་བརྩི།། དེ་དག་ཡན་ལག་བརྩི་བ་ནི།། དང་པོ་ལ་ནི་ཨུ་ཨུ་དང།། ཨོ་ཡི་རྣམ་པས་མཚན་པ་ཡིན།། ཨ་གཉིས་ཨེ་དང་ལྡན་པ་ནི། ། གཉིས་པ་དག་ཏུ་ཤེས་པར་བྱ།། དེ་བཞིན་ཨུ་དང་ཨི་དང་ནི།། ཨུ་དང་ཨི་དང་ཨུ་རྣམས་དང།། ལྔ་དང་ལྡན་ན་གསུམ་པའོ།། ཨུ་དང་ཨུ་སྟེ་ཨི་དང་ལྡན།། གསུམ་གྱིས་བརྒྱན་པ་བཞི་པ་ཡིན།། ཨུ་དང་ཨོ་དང་ལྡན་པ་དང། ། བ་ཡི་སྣ་ལ་ཧ་ཡིས་མཛེས།། ཧ་ལ་དེ་བཞིན་ཡ་འོག་ལྡན།། ལྔ་པ་དག་ཏུ་ཤེས་པར་བྱ།། ཀླུ་ཡི་སྒྲ་རུ་བརྗོད་པར་བྱ།། རྒྱན་ཆས་སྤངས་པ་དྲུག་པའོ།། ཨི་ལ་འོག་ཏུ་ཡ་དང་ལྡན།། དེ་བཞིན་ཨོ་དང་ཨི་ཡང་ར་ཡང་ཡིན་ནམ་ཨེ་འོག་ཡ། ། དེ་དག་ལྡན་པ་བདུན་པ་ཡིན།། ཨི་ཨི་གཉིས་ཀྱིས་བརྒྱན་པ་ན།། བརྒྱད་པ་དག་ཏུ་བརྗོད་པ་ཡིན། ཨེ་ཨེ་ཨི་དང་ཨེ་ཨེ་ཨི།། དྲུག་གིས་བརྒྱན་པ་དགུ་པའོ།། འདི་ལྟར་གྲངས་དང་རྒྱན་ཆ་དང། ། རྩིས་ཀྱི་ན་ཡ་མ་བརྩིས་ན།། ཆད་དང་ལྷག་དང་ནོར་བ་འབྱུང།། དེ་དག་བྱུང་ན་དོན་མེད་འགྱུར།། དེ་ཡི་ཕྱིར་ན་བརྩི་བ་ཡིན།། གསལ་བར་མ་སྨྲས་གསང་ཕྱིར་གསང།། དེ་ཡི་ཕྱིར་ན་ཐུན་མོང་མིན། ། དེས་ན་རྒྱུད་འདིར་སྦས་པ་ཡིན།། ཐང་མུ་ལེ་ཐང་མུ་ལེ། རྩ་ཐང་རྩ་ཐང། རྦད་རྦད། མུཾ་སྣི་མུཾ་སྣི། ནན་ནན། རག་མོ་ནི་རག་མོ་ནི། ཁ་ལ་རྦད། དུག་སྣི་དུག་སྣི་ཁ་ལོ་རྦད། ཀྱི་ཁ་ལ་རྦད། མུ་ཁ་ལ་རྦད། ཙ་སྟི་ཙ་སྟི་རྦད། ནིར་སྟི་ནིར་སྟི་རྦད། མུགས་མུགས། ཐུབ་ཐུབ་སུབ་སུབ་སྟི་རྦད། སེ་ཁ་ལོ་རྦད། མུ་ཁ་ལོ་རྦད་རྦད། རྩིས་ཀྱི་ན་ཡ་བརྩི་བ་ནི།། འདི་ལྟར་ཡང་དག་བཤད་བྱ་བ།། མ་ལ་བཞི་ཡི་རྣམ་པ་ལ། ། ཨུ་ཨེ་བཞི་ཡི་རྒྱན་གྱིས་མཛེས།། དེ་བཞིན་མ་ས་བཞི་ལ་ཡང།། ས་ཡི་འོག་ཏུ་ན་ཡི་མཛེས།། ཨུ་ཨི་བཞི་ཡིས་རྣམ་པར་བརྒྱན།། མ་ན་བཞི་ཡི་དངོས་པོ་ལ།། ཨོ་ཨི་བཞི་ཡི་རྒྱན་དང་ལྡན།། དང་པོ་ཐང་སྔགས་དག་ལ་ནི། ། རིམ་བཞིན་ལ་སྟེ་ཨོ་དང་ལྡན།། འདོད་ཁམས་ལྷ་གནས་དག་ཏུ་དམོས།། དེ་ལ་ཐང་སྔགས་གཉིས་པ་ནི།། ལ་སྟེ་ཨོ་ཡི་རྣམ་པ་སྤངས།། ཀླུ་ཡི་ཡུལ་དུ་ཨོ་ཉིད་སྤང།། ད་ས་བཞི་ལ་ཨུ་ཨི་བཞི། ། ས་གཉིས་ན་ཡིས་འོག་ཏུ་ལེགས།། ལ་སྟེ་ཨོ་ཡི་རྣམ་པས་བརྒྱན།། འདོད་ཁམས་ལྷ་གནས་དག་ཏུ་དམོས།། ཀ་ཡི་སྣ་ལ་ལ་ཡིས་མཛེས།། དེ་ལྟ་བུ་ཡིས་ཀླད་དུ་མཛེས།། ལ་སྟེ་ཨོ་ཡིས་བརྒྱན་པ་ནི།། ལྷ་ཡིས་ཡུལ་དུ་དམོས་པའོ། ། ལ་སྟེ་ཨོ་སྤང་ཀླུ་ཡུལ་ཡིན།། མ་ལ་ཨུ་ཨོ་ལྡན་པ་ལ།། ས་གཉིས་ཨི་དང་རྣམ་པར་ལྡན།། ས་ཡི་འོག་ཏུ་ཏ་ཡིས་བརྒྱན།། ན་གཉིས་ས་གཉིས་ཨི་བཞིས་བརྒྱན།། ས་འོག་ཏ་ཡི་བརྒྱན་གྱིས་མཛེས། ། དེ་བཞིན་མ་གཉིས་ཨུ་ཡི་མཛེས།། ཐ་གཉིས་ཨུ་ཨུས་བརྒྱན་པ་ལ།། ས་ས་གཉིས་ལ་ཨུ་ཡིས་མཛེས།། ཨི་ཨི་ས་ལ་ཏ་དང་ལྡན།། དེ་བཞིན་ས་ང་ལ་གཉིས་ལ།། ཨེ་ཨོས་ཀླད་དུ་རྣམ་བརྒྱན་མཚན།། མ་ལ་ཨུ་ཨོ་ཡང་དག་ལྡན། ། མཇུག་ཏུ་བཅད་པའི་རྦད་སྔགས་མཛེས།། ལྷ་ཡི་ཡུལ་དུ་རྦད་ཅིག་སྤངས།། ཀླུ་ཡི་ཡུལ་དུ་ཨོ་ཉིད་སྤངས།། འདི་ལྟར་བརྩི་བའི་ཡི་གེ་ནི།། ཐོག་མ་རྒྱན་ཆ་ལྡན་པ་སྟེ།། རྒྱན་གྱིས་བརྒྱན་པ་གསལ་བར་བཤད། ། གྲོགས་ཀྱི་ཡི་གེ་མང་པོ་ནི།། དེ་དག་གསལ་བར་མ་བཤད་དེ།། གྲངས་ཀྱི་རྣམ་པ་རྩིས་སུ་ཤེས།། དེ་ལ་དང་པོ་ཐང་སྔགས་ལ།། བཅུ་དྲུག་དག་ལ་དྲུག་ཅུ་སྟེ།། བདུན་དང་ལྡན་པས་རོ་བདུན་ཡིན། ། ཐང་སྔགས་གཉིས་པ་སྔོན་བཞིན་དུ།། བརྒྱད་དང་ལྡན་པས་དེ་བཞིན་དུའོ།། ཐང་མུ་ལེ་ཐང་མུ་ལེ། རྦད་རྦད། མུཾ་སྣི་མུཾ་སྣི་ནན། རག་མོ་ནི་རག་མོ་ཁ་ལོ་རྦད་རྦད། དུག་སྣི་དུག་སྣི། ཁ་ལོ་རྦད་རྦད། ཀྱི་ཁ་ལོ་ཀྱི་ཁ་ལོ་རྦད་རྦད། ཙ་སྟེ་ཙ་སྟེ་རྦད་རྦད། ནི་སྟི་ནི་སྟེ། སྙིང་ལ་མུགས་མུགས། ཐུབ་ཐུབ་སུབས་ཏི་རྦད། ཁ་འདར་ཡེད་ཡེད་ཐུམས་ཐུམས་རྦད་རྦད། སེ་ཁ་ལོ་མུ་ཁ་ལོ་རྦད་རྦད།། མི་ཡུལ་གླིང་བཞིའི་དམོད་མོ་འདི། ། བཅུ་བདུན་ལ་ནི་བདུན་ཅུ་སྟེ། བཞི་དང་ལྡན་པ་རྩ་བཞི་ཡིན།། རྩིས་ཀྱི་ན་ཡ་བཤད་བྱ་བ།། མ་ལ་བཞི་སྟེ་ཨུ་ཨཾ་བརྒྱན།། མ་ལ་ཀླད་དུ་ཐིག་ལེས་བརྒྱན།། འོག་ཏུ་ཨུ་ཡེ་རྣམ་པས་མཛེས།། ས་ཡི་འོག་ཏུ་ན་ཡིས་མཛེས། ། ཀླད་དུ་ཨི་ཡིས་རྣམ་པར་བརྒྱན།། མ་ཡི་ཀླད་དུ་སྔོན་བཞིན་ལ།། ས་ཡི་རྒྱན་ཡང་དེ་བཞིན་དུ།། མ་ན་མ་སྟེ་ཨོ་ཨི་ཨོ།། ལ་སྟེ་ཀླད་དུ་ཨོ་ཡིས་མཚན།། ད་སྟེ་ཨུ་དང་ལྡན་པ་ལ།། ས་ཡི་འོག་ཏུ་ན་ཡིས་མཛེས། ། ཀླད་དུ་ཨི་ཡིས་ཡང་དག་བརྒྱན།། དེ་བཞིན་ད་ནི་ཨུ་དང་ལྡན།། ས་འོག་ན་ཡིས་མཛེས་པ་ལ།། ཀླད་དུ་ཨི་ཡི་མཚན་མ་ཡིན།། ལ་སྟེ་ཨོ་ཡིས་ཀླད་དུ་མཛེས།། ཀ་ཡི་འོག་ཏུ་ཡ་ཡིས་མཛེས། ། ཀླད་དུ་ཨི་ཡི་ཡང་དག་བརྒྱན།། ལ་སྟེ་ཨོ་ཡིས་བརྒྱན་བྱས་ལ།། ཀ་ལ་སྔོན་བཞིན་ཡ་ཡིས་མཛེས།། ཀླད་དུ་ཨི་དང་ལྡན་བྱས་ལ།། ལ་སྟེ་ཀླད་དུ་ཨོ་དང་ལྡན།། ས་ཡིས་སྣ་ལ་ཏ་ཡིས་མཛེས།། ཀླད་ལ་ཨི་ཡིས་མཛེས་པས་བརྒྱན། ། དེ་བཞིན་ས་ཡང་ཏ་མཛེས་ཏེ།། ཨི་ཡིས་མཚན་པ་ཡང་དེ་བཞིན་ཏེ།། ན་སྟེ་ཀླད་དུ་ཨི་ཡིས་མཚན།། ས་ཡི་འོག་ཏུ་ཏ་ཡིས་མཛེས།། ཀླད་དུ་ཨི་ཡི་ཡང་དག་བཤད།། ན་ཡང་ཀླད་དུ་སྔོན་བཞིན་ལ། ། ས་ཡང་ཏས་མཛེས་དེ་བཞིན་ནོ།། ས་འོག་ཉ་མཛེས་ཀླད་དུ་ཨི།། མ་གཉིས་ཨུ་ཡིས་རྣམ་པར་བརྒྱན།། ཐ་གཉིས་ཨུ་ཡི་འོག་ཏུ་ལེགས།། ས་ལ་ཨུ་ཡིས་བརྒྱན་པ་སྟེ།། ཏ་ལ་ཨི་ཡིས་ཡང་དག་བརྒྱན།། ཡ་གཉིས་ཨེ་དང་ལྡན་པ་ལ། ། ཐ་གཉིས་ཨུ་ཨུས་འོག་ཏུ་ལེགས།། ས་ཡང་ཨེ་ཡི་ཀླད་དུ་མཛེས།། ལ་ནི་ཨོ་དང་ལྡན་པ་ལ།། མ་ལ་ཨུ་ཡིས་འོག་ཏུ་བརྒྱན།། ལ་ནི་ཨོ་དང་ལྡན་པ་ལ།། ཐ་མར་རྦད་གཉིས་སྦྱར་བར་བྱ། ། འདི་ལྟར་ཡི་གེ་བརྩི་བ་ནི།། རྒྱན་གྱིས་བརྒྱན་པ་བརྩི་བ་སྟེ།། གྲོགས་བྱེད་ཡི་གེ་འདིར་མ་བཤད།། རྩིས་སུ་སྔོན་དུ་དེ་བཞིན་བརྩིས།། རྒྱན་དང་ལྡན་པའི་ཡི་གེ་ནི།། སྐྱེས་བུ་མཚོན་ཆ་ཅན་དང་འདྲ།། གྲོགས་བྱེད་ཡི་གེ་དམག་མི་འདྲ། ། ཡན་ལག་བརྒྱན་པ་མཚོན་ཆ་འདྲ།། དེ་ཕྱིར་ཡན་ལག་བརྩི་བ་གཅེས།། ལྷ་མོའི་སྔགས་ཀྱི་རྒྱུད་ལས། ཐང་སྔགས་དམོད་པའི་ན་ཡ་རྩིས་པའི་ལེའུ་སྟེ་ལྔ་པའོ།།།། དེ་ནས་ཡང་དག་བཤད་བྱ་བ། ། སྔགས་ཀྱི་སྙིང་པོ་འདི་ལྟ་སྟེ།། ཐོག་མ་ཉིད་ལ་ཏྲག་རག་ཤ། དེ་བཞིན་ཁ་མུན་ཏྲ་ཞེས་བརྗོད།། མུ་རུ་ལུ་ཧཱུཾ་བྷྱོ་བརྗོད་པ།། ལྷ་མོ་ཉིན་མོ་རྒྱུ་བའི་སྔགས།། རག་མོ་ཏེ་ཀེམ་ཙ་ཙ་ཞེས།། ཐ་མར་ཁ་ལ་བྷྱོ་བརྗོད་པ། ། མཚན་མོ་རྒྱུ་བའི་སྔགས་སུ་ཤེས།། རུ་ལུ་རུ་ལུ་མ་ཧྲི་བྷྱོ།། ལྷ་མོ་རྟག་ཏུ་རྒྱུ་བའི་སྔགས།། ཐུཾ་ལིང་ཐུཾ་ལིང་ཙ་འདུ་འདུ་ཞེས།། དེ་ནས་སྲོག་ཕྲིག་གཉིས་བརྗོད་ནས།། ཐ་མར་ཤཾ་ཤཾ་ཁྱེར་བྷྱོ་ཞེས།། ཐ་མར་འདུ་འདུ་བརྗོད་པ་ནི། ཨེ་ཀ་ཙ་ཏིའི་སྔགས་སུའོ།། ཐོག་མར་མ་མ་བརྗོད་ནས་ཀྱང།། ཐ་མར་ཨ་ཤ་ཛྭ་ལ་བརྗོད།། དེ་ནས་དེ་ཡི་མཇུག་ཏུ་ཧྲཱིཿ། སྐུ་ཡི་སྙིང་པོ་བརྗོད་པ་ཡིན།། མ་ནི་སྲོག་ཅེས་བརྗོད་ནས་ཀྱང། ། ཐ་མར་ཛྭ་དང་དེ་ནས་ལ།། དེ་དག་དེ་ཡི་མཇུག་ཏུ་ཧཱུཾ།། འདི་ནི་གསུང་གི་སྙིང་པོའོ།། ཐོག་མ་ལ་ནི་ཨོཾ་བཞག་ལ།། ཐ་མར་རུ་རུ་བག་ཤ་བརྗོད།། མཇུག་ཏུ་ཧཱུཾ་བརྗོད་ཐུགས་སུ་བསྟན།། ཐོག་མར་མ་ཧཱ་སྲོག་ཐུན་ཞེས། ། ཐ་མར་སྙིང་ལ་བྷྱོ་ཞེས་བརྗོད།། ཕྲིན་ལས་སྙིང་པོར་བསྟན་པ་ཡིན།། ཨོཾ་དང་བཛྲ་དང་པོར་བཞག། སྙིང་ཁ་རག་ཅེས་ལན་གཉིས་བརྗོད།། ཐ་མར་བྷྱོ་ཞེས་བརྗོད་ནས་ཀྱང།། མཇུག་ཏུ་རུ་ལུ་བྷྱོ་ཞེས་བརྗོད། ཁམ་བུ་སྒྲུབ་པའི་ཐུན་སྔགས་ཡིན།། ཐོག་མ་ཉིད་ལ་ཏྲག་རག་ཤ། མུ་ཏྲ་མཱ་ར་ཡ་ཞེས་བརྗོད།། ཐ་མར་ཐུན་ཡ་སྦྱར་བ་ནི།། དབུས་ཀྱི་ཐུན་ལ་བཟླས་པའོ།། ཐོག་མར་ཁ་མུན་ཏྲ་ཞེས་བརྗོད། ། རག་མོ་ཛ་ཛ་མཱ་ར་ཡ།། ཐ་མར་ཐུན་ཡང་བརྗོད་པ་ནི།། མདུན་དུ་བཟླས་པའི་སྔགས་སུ་ཤེས། ཁ་ལ་མ་ཏི་བྷྱོ་བརྗོད་ནས།། ཐ་མར་རཀྴ་མཱ་ར་ཡ།། མཇུག་ཏུ་ཐུན་ཡ་བརྗོད་པ་ནི།། གཡས་ཀྱི་ཕྱོགས་སུ་བརྗོད་པའོ། ། ཐོག་མ་ལ་ནི་ཏྲག་རག་ཤ། མུ་ཏྲ་ལན་གཉིས་བརྗོད་ནས་ཀྱང།། སྙིང་ཁ་རག་ཅེས་བརྗོད་ནས་ནི།། དེ་བཞིན་མཱ་ར་ཡ་ཞེས་བརྗོད།། ཐ་མར་ཐུན་ཡ་སྦྱར་བ་ནི།། གཡོན་གྱི་ཐུན་སྔགས་ཞེས་བྱའོ།། ཨཱ+ོཾ་ཞེས་བྱ་བ་ཐོག་མར་བཞག། དེ་ནས་མ་མ་ཏྲག་རག་ཤ། མཱ་ར་ཡ་དང་ཐུན་ཡ་བརྗོད།། དབུས་ཀྱི་ཐུན་ལ་བཟླས་པའོ།། ཙ་པ་ལ་ཞེས་བརྗོད་ནས་ཀྱང།། ལ་མ་ཏི་མཱ་ར་ཡ།། མཇུག་ཏུ་ཐུན་ཡ་བརྗོད་པ་ནི།། ཟུར་གྱི་བཅུ་ལ་བཟླས་པའོ། ། སྙིང་ལ་ཟ་བ་ཙིཏྟ་ལ་ཞེས་བརྗོད་ནས་ཀྱང།། མཱ་ར་ཡ་དང་ཐུན་ཡ་བརྗོད།། ལྷ་མོའི་ཐུན་ལ་བཟླས་པ་ཡིན།། ཐོག་མར་རག་ཤ་མུ་ཏྲ་བྷྱོ།། མཱ་ར་ཡ་ཞེས་བརྗོད་ནས་ཀྱང།། ཐ་མར་ཐུན་ཡ་བརྗོད་པ་ནི། ། གཡོན་ཕྱོགས་སུ་ནི་བཟླས་པ་བྱ།། ཨཱ+ོཾ་ནི་ཐོག་མ་ཉིད་དུ་སྟེ།། རུ་རུ་རོ་རུ་མཱ་ར་ཡ།། ཐ་མར་ཐུན་ཡ་བརྗོད་པ་ནི། ཁྲི་སྨན་ཁམ་བུའི་སྔགས་སུའོ།། ཐོག་མར་རུ་རུ་རག་ཤ་ན།། ཐ་མར་མཱ་ར་ཡ་བརྗོད་ནས། ། མཇུག་ལ་ཐུན་ཡ་བརྗོད་པ་ནི།། དབུས་ཀྱི་ཐུན་ལ་བཟླས་པའོ།། ཐོག་མ་ལ་ནི་རུ་རག་ཤ། དེ་ནས་ཏྲག་ཤ་མཱ་ཡ།། མཇུག་ཏུ་ཐུན་ལ་བརྗོད་པ་ནི། ལྷོ་ཡི་ཕྱོགས་ལ་གཡས་སུ་བཟླས།། རུ་རུ་རོ་རུ་རུ་ལུ་བརྗོད་བྱས་ནས། ། ཐ་མར་རག་ཤ་མཱ་ར་ཡ།། མཇུག་ལ་ཐུན་ཡ་སྦྱར་བ་ནི།། གཡོན་གྱི་ཕྱོགས་སུ་འཕང་བའི་སྔགས།། རུ་རུ་རོ་རུ་རུ་ལུ་ཞེས།། ཐ་མ་ལ་ནི་ཙཀྴ་སྦྱར།། མཱ་ར་ཡ་ཐུན་ཡ་བརྗོད་པ། ཁྲི་སྨན་ཁམ་བུ་སྒྲུབ་པའོ། ། ཐོག་མ་ཉིད་ལ་ཏྲག་རག་ཤ། ཐ་མར་སྙིང་ཁྲག་སྙིང་བྷྱོ་ཞེས།། ཐ་མར་ཐུན་ཡ་བརྗོད་པ་ནི།། དྲེའུ་སྣ་ཁམ་བུ་སྒྲུབ་པའི་སྔགས།། སྥོ་ཊ་སྥོ་ཊ་བྷྱོ་ཞེས་གཉིས་བརྗོད་ནས།། དེ་བཞིན་མཱ་ར་ཡ་ཞེས་བརྗོད།། ཐ་མ་ལ་ནི་ཐུན་ཡ་བརྗོད། ཁམ་བུ་སྒྲུབ་པའི་དུས་སུ་བཟླས།། ཐོག་མ་ཉིད་ནི་སྙིང་ཁ་རག། མཱ་ར་ནི་ཤ་མཱ་ར་ཡ།། མཇུག་ལ་ཐུན་ཡ་བརྗོད་པ་ནི།། ནུབ་ཟུར་ཁམ་བུ་བཅུ་ལ་བཟླས།། རུ་ལུ་རག་ཤ་ཐོག་མར་བརྗོད།། ཐ་མར་ཏི་ན་མཱ་ར་ཡ། ། མཇུག་ལ་ཐུན་ཡ་བརྗོད་པ་ནི།། དབུས་ལ་བཟླས་པའི་སྔགས་སུའོ།། རག་མོ་ཙ་ཙ་ཞེས་བརྗོད་ནས།། མ་ར་མ་ར་ཤ་ཤ་མཱ་ར་ཡ།། མཇུག་ལ་ཐུན་ཡ་བརྗོད་པ་ནི།། གཡས་ཀྱི་ཕྱོགས་སུ་བཟླས་པའོ། ། ཐོག་མར་སྙིང་ཁྲག་རྩ་ལ་ཡ།། ཐ་མར་མཱ་ར་ཡ་ཞེས་བྱའོ།། མཇུག་ཏུ་ཐུན་ཡ་བརྗོད་པ་ནི།། གཡོན་དུ་བཟླས་པའི་སྔགས་སུའོ།། སྔགས་ཚན་བཞི་ནི་བཅུ་ནུབ་ཕྱོགས་བཟླས།། ནག་མོ་སྔགས་རྒྱུད་ལས། ཐུན་སྔགས་དམོད་མོའི་ལེའུ་སྟེ་དྲུག་པའོ།།།། དེ་ནས་ཡང་དག་བཤད་བྱ་བ།། རྦད་པའི་སྔགས་དང་སྒྲུབ་པ་དང། དེ་ཡི་གསང་བའི་རིམ་པ་འདིའོ།། རྦད་དུ་རྦད་དུ་ཡག་མོ་སོད་ཅིག་ནརྀ་ཛ། ཐུཾ་དྲི་ལི་ལི་ནརྀ་ཛ་ཐུཾ་རིལ། མྱུར་དུ་བསྒྲལ་བའི་སྙིང་པོའོ།། ཏྲག་རཀྴ་མུ་ཏྲ་སྙིང་ཁ་རག་མོ་བྷྱོ།། གཏོར་བའི་ལས་སུ་ཤེས་པར་བྱ།། ཨོཾ་བཛྲ་ཀྲོ་ཏ་ནི་ཨེ་ཀ་ཙ་ཏཱི་ཧཱུཾ་ཧཱུཾ། རགྴ་རཀྴ་ཧི་ཧི། མ་མ་ཧཱུཾ་ཛ། དམ་རྩ་ལ། མ་མ་བྷྱོ་བྷྱོ། རུ་ལུ་རུ་ལུ་རག་མོ་བྷྱོ། ། ཙི་ཙི་སྟ་ཏ་མ་སོ་ལ་དུན་བྷྱོ། ཤི་ལི་ཤི་ལི་ཀིང་ཀ་ལི་ཧཱུཾ། ཁ་རག་ཀི་ལི་ཧཱུཾ། ཤ་ཀ་ལི་ཧཱུཾ། པྲ་བི་གིང་ནན། ཡམ་འགྲི་ནི་ཡཾ། ལུཾ་བ་ཏི་ཡང། བྱི་ལི་མ་ཏི་ཡཾ་ཡཾ། ཞེས་བྱ་བ་དེ་དག་ནི་དཀྲུགས་པའི་སྔགས་སུ་ཤེས་པར་བྱ། རག་མོ་ནི་ཤ་སུ་རུ་ཐུམ་རིལ་རྦད། རག་མོ་ཁ་ལ་ཙ་ཙ་དུན་བྷྱོ་བྷྱོ། རག་ཏ་ཐུཾ་རྦད། ཁ་ལ་ཙ་ཙ་བྷྱོ་བྷྱོ། ཙ་ཙ་རྦད་སྙིང་ལ་དུན་རག་མོ་ཁ་ལ་ཙ་ཙ་དུན་བྷྱོ་བྷྱོ། ས་མ་ཡ་དུན་བྷྱོ་བྷྱོ། འུར་ཀཾ་མེ་ཤཾ་ནན་བྱད་ཀྱང་འུ་ཀ་མེ་ནཾ་ཤ་བྷྱོ། ནག་མོ་སྔགས་རྒྱུད་ལས། རྦད་སྔགས་གསང་བའི་ལེའུ་སྟེ་བདུན་པའོ།།།། དེ་ནས་ཡང་དག་བཤད་བྱ་བ།། དཔོན་གཡོག་གསུམ་པའི་སྒྲུབ་པ་ནི།། ས་ཆོག་གཏོར་མ་སྨན་མཆོད་དང། ། ལས་ཀྱི་བྱ་བ་གཞུང་བཞིན་བྱ།། དཀྱིལ་འཁོར་ཚད་ནི་མཐོ་ལྔར་བྱ།། ཟུར་བཞིའི་འོག་ཏུ་གཟུགས་བརྙན་གཞུག། དེ་ལ་གནན་པའི་ཆོ་ག་བྱ།། མ་མོ་གཤིན་རྗེ་ཁྲོ་བཅུ་དང།། དེ་རྣམས་སྔགས་ནི་ཐམས་ཅད་དང། ། དཔོན་གཡོག་གསུམ་པའི་སྔགས་དང་ནི།། ཨེ་ཀ་ཛ་ཏིའི་སྔགས་རྣམས་ཀྱིས།། ཕུར་པ་བཞི་ལ་སྔགས་ལ་གནན།། སྟེང་དུ་དཀྱིལ་འཁོར་ཟླུམ་པོར་བརྩིག། ཆག་གང་དཔངས་སུ་བྱས་ནས་ནི། ། དེ་ཡི་ཕྱེད་དུ་ནག་པོ་བྱ།། ཕྱེད་ནི་མི་ཁྲག་རྟ་ཁྱིའི་ཁྲག། བསྲེས་ལ་ཡན་ཆད་བྱུག་པར་བྱ།། དེ་ནས་དཀྱིལ་འཁོར་བྲི་བ་ནི།། དབུས་ཟླུམ་ཟླ་གམ་གསུམ་བསྐོར་ལ།། ཤར་དང་ལྷོ་དང་བྱང་དག་ཏུ།། རེ་མ་ཁྲི་སྨན་དྲེའུ་སྣ་དགོད། ། ཟླ་གམ་གསུམ་པོ་དག་ལ་ཡང།། ཕག་ཐོད་ཁྲག་སྣས་བཀང་ནང་དུ།། མཱ་ར་ཡ་ཡི་མིང་བྲིས་གནན།། ཕྱི་སྐོར་དཔོན་གཡོག་སྔགས་ཀྱང་བྲིས།། ཕྱི་རིམ་ཟླ་གམ་དྲུག་ལ་ནི།། དྲག་སྔགས་དྲུག་དང་སྒོ་ང་དྲུག། ཕུར་དྲུག་ཚུལ་བཞིན་དགོད་པར་བྱ།། དེ་ཡི་ཕྱི་རིམ་དག་ལ་ཡང།། ཟླ་གམ་ཕྱིར་བལྟས་རྩ་གཅིག་ལ།། ཟླ་གམ་རེ་ལ་སྒོ་ང་དང།། ཕུར་པ་སྙིང་སྣ་རྩ་གཅིག་དང།། སྙིང་པོ་ཉི་ཤུ་རྩ་གཅིག་དགོད།། དེ་ལ་འདི་ནི་བྲི་བའི་སྔགས། ། མ་མ་ཏྲག་རགྴ་མུ་ཏྲ་ཁ་མུ་ཏྲ། མུ་རུ་མུ་རུ་མུ་རུ་རུ་ལུ་བྷྱོ་ཧཱུཾ་བྷྱོ། ཏྲག་རག་ཤ་ཁ་མུ་ཏྲ། དུ་ར་མ་མ་ཏི་རག་མོ་ཛ། མ་མ་དུ་ར། དུ་མ་མོ་ན། སྙིང་ཁྲ་ལ་རགྴ་རྦད་གཏུབས། ཙིཏྟ་བཾ། གལ་ཐུཾ་མྱོས། སྙིང་ཁྲག་ཏོ་པྲ། རུ་རུ་སྲི་བ་ཐུཾ་ཧེ་པ་ཐུཾ། དུ་ཐུཾ་དུ་ཐུཾ། པྲ་རཾ་ཐུཾ། དུམ་ལོ་ན། ཞི་ནི་ཐུཾ། ཨི་ཨུ་ཨ་ས་མ་ཡ་ཐིབས་ཐིབས། ལིཾ་ཤར་ཡཾ་ངེས་སོ།། ས་མ་ཡ་ཏི་སྟ་མ་མ་མ་རུ་ཐིབས་ཐིབས། ཐབས་བྲ་ཕུར་ཁ་ཤ་བཾ། ཡཾ་ཐུཾ་རི་ལི་ལི། ཐིག་ནིག་གཅིག་མེད། གཉིས་དྲག་བརྒྱད་གཅད་གནམ་མཐོངས་ཕྱེ། ལྕགས་སྒྲོགས་ཁྲོལ། མི་རེངས་སོད། བཛྲ་ནེ་སོད། བཛྲ་ཏེ་ཕཊ། བཛྲ་ཛྭ་ལ་ཏེ་ཕཊ། བཛྲ་ཏེ་ཕཊ། བཛྲ་ཨི་ཧིང་ཨི་ཧིང། ནཱ་ག་ལེ་ནཱ་ག་ལེ། སུཾ་བ་ལེ་སུཾ་བ་ལེ། ཙིན་ཡང་ཙིན་ཡང། ལེན་ཡང་ལེན་ཡང། ཁ་ཤ་བཾ། ཁ་ཤ་བཾ། མ་དུང་ང་བྷྱོ་མ་དུད་ད་བྷྱོ།། སྒོང་ཟོར་དུག་སྣ་མང་པོ་ལ།། དེ་དག་སྔགས་ནི་བཟླས་པ་ཡིན།། མདུང་གསུམ་དར་སྣ་བཏགས་པ་གསུམ། ། རེ་མ་ཏི་ཡི་མདུང་དམར་ལ།། དྲེའུ་སྣའི་མདུང་ནི་ནག་པོར་བྱ། ཁྲི་སྨན་མདུང་ནི་སེར་པོ་ལ།། དར་གྱི་ཁ་དོག་དེ་བཞིན་བྱ།། དྲེའུ་སྣ་མ་ཡིས་སྣ་དྲངས་ལ།། རེ་མ་ཏི་ཡིས་དབུས་བྱས་ལ། ཁྲི་སྨན་དག་གིས་མཇུག་བྱས་ལ།། ཐུན་ཁག་ལག་ཏུ་ཐོགས་ནས་ཀྱང།། གཡས་སུ་མདུང་ཐོགས་ཕྱར་བ་བགོ། མ་མོའི་བདུད་ཆས་ཞུགས་ནས་ཀྱང།། སྒོ་ངའི་ཐུན་སྩོགས་འཕང་བར་བྱ།། ནག་མོ་སྔགས་རྒྱུད་ལས། ། སྒོང་ཐུན་དམོད་མོའི་ལེའུ་སྟེ་བརྒྱད་པའོ།།།། དེ་ནས་ཡང་དག་བཤད་བྱ་བ།། སྐུ་གཅིག་མཎྜ་འདོམ་གང་ལ།། གྲུ་བཞི་རྒྱས་པའི་རང་བཞིན་ལ།། ཟླུམ་པོ་ཞི་བའི་ཚུལ་དུ་སྟེ།། ཟླ་གམ་རྣམ་གསུམ་དབང་གི་ཚུལ། ། མཐིང་ནག་གྲུ་གསུམ་དྲག་པོའོ།། མཐིང་ནག་གྲུ་གསུམ་དབུས་ལ་གང་དམིགས་གཞག། ལུག་ཁྲག་ར་ཁྲག་ཁྱི་ཁྲག་ཡང་མི་ཁྲག་ཕག་ཁྲག་གསུམ།། ཟླ་གམ་གསུམ་ལ་རིམ་པ་བཞིན་དུ་བསྐུ། ། དུག་གཏོར་རྒྱུན་གྱི་གཏོར་མ་དང།། རྟག་པ་བཞུགས་པའི་གཏོར་མ་ཡང།། ཟླ་གམ་དག་ལའང་རིམ་བཞིན་ནོ།། གྲུ་གསུམ་མཐིང་ནག་ཟླ་གམ་དམར།། གྲུ་ཆད་ཟླ་གམ་ལྡན་པ་ལ།། གྲུ་བཞི་སེར་པོ་ལྕགས་དང་སྒོ། ། ཟླ་གམ་གསུམ་ལ་ཕུར་པ་དགོད།། འདི་ནི་སྐུ་གཅིག་དཀྱིལ་འཁོར་ཡིན།། གཞན་ཡང་གྲུ་གསུམ་མཐིང་ནག་ལ།། ཟླུམ་པོ་གྲུ་གསུམ་ཨེ་དང་ལྡན།། ཟླ་གམ་གསུམ་ལྡན་དམར་པོ་ལ།། སྒྲུབ་གཏོར་དང་ནི་དུག་ཐུན་དང། ། རྒྱུན་གཏོར་རིམ་བཞིན་དགོད་པར་བྱ།། དབུས་སུ་གང་དམིགས་མཱ་ར་ཡ། ཕྱི་རིམ་གྲུ་གསུམ་དག་ལའང།། སེམས་ཀྱི་རྩ་ལག་ཤི་ཀའི་མཚལ།། མི་དབང་འབྲས་བུ་གཞག་པར་བྱ།། ཕྱི་རིམ་ཁ་ཁྱེར་མེ་རིས་མཛེས། ། ཟུར་གསུམ་འོག་ཏུ་ཐོད་པ་གནན།། ལྷ་མོ་ནག་མོའི་སྔགས་རྒྱུད་ལས། སྐུ་ཡི་མཎྜལ་གསང་བའི་ལེའུ་སྟེ་དགུ་པའོ།།།། དེ་ནས་ཡང་བདག་བཤད་བྱ་བ།། རྩ་བའི་གསང་སྔགས་འདི་དག་གསུངས། ། ཨོཾ་རུ་རུ་རོ་རུ་ཙ་པ་ལ་ཨ་ཤུག་མེ་མ་ཧཱུཾ་མ་བྷྱོ་ཛ་ཛཿ་དཔོན་གྱིའོ།། ཨོཾ་ཙ་པ་ལ་ཨ་ཤུག་མེ་སྭཱ་ཧཱ། དེ་ཉིད་དོ།། ཨོཾ་བཛྲ་ཁ་རག་སྙིང་ཁ་རག་ཏྲག་ཤ་ཙ་མུན་ཙག་ཤ་མ་ཉིད་ཀྱིའོ།། ཏྲ་རཀྴ་ཁ་མུ་མུནྟྲ། བྷྱོ་རུ་ལུ་རུ་ལུ་ཏྲག་རཀྴ་སྙིང་ཁྲག་སྙིང་བྷྱོ་སྤུ་ཏ་སྤུ་ཏ་བྷྱོ། ཤ་ཤ་ཏྲག་ཤ་ཤ་ཏྲག། ཏྲག་མོ་ཏྲབ་སྙིང་ཏྲབ་སྙིང་ཁྲག་དྲག་ཏྲག་མུ་ཏྲག་མ། སྙིང་ཁྲག་རྩ་བྲེང་བྲེང། ཨོཾ་ཛྭ་ལ་ཛྭ་ལ་ཏིང། ཨོཾ་བཛྲ་ཁ་རག་སྙིང་ཁ་རག་བཛྲ་ཀ་ལཾ་བྷྱོ་ཛ། ཏྲག་རཀྴ་ཁ་མུ་ཏྲ་བྷྱོ་མཱ་ར་ཡ་ཐུན་ཡ། ཏྲག་རཀྴ་སྙིང་ཁྲག་སྙིང་བྷྱོ་མཱ་ར་ཡ། ཐུན་ཡ། སྤུ་ཏ་སྤུ་ཏ་བྷྱོ་མཱ་ར་ཡ་ཐུན་ཡ། ས་མ་ཡ་ཏི་སྟ། མ་མ་རུ་རུ་ཐིབས་ཐིབས། ཐབ་པྲ་བུར་ཁ་ཤ་བཾ། ཡཾ་ཐུཾ་རི་ལི་ལི། ཐིག་ནིག་གཅིག་མེད། གཉིས་དྲག། བརྒྱད་གཅད། གནམ་མཐོངས་ཕྱེ་ལྕགས་སྒྲོག་ཁྲོལ། མི་རེངས་སོད། བཛྲ་ནེ་ཕཊ། རམ་བུ་སྐྱེ་ཚེ་ནས་ནག་དང།། བྲ་བོ་ལ་སོགས་ཁྲག་བསྐུས་ལ།། སྒོ་ངར་བཅུག་ལ་བཟླས་པ་བྱ། ། དེ་ནི་མཱ་ར་གདོན་མི་ཟ།། ནག་མོ་སྔགས་ཀྱི་རྒྱུད་ལས། རྩ་བ་སྔགས་ཀྱི་ལེའུ་དང། ཐུན་སྔགས་གསང་བའི་ལེའུ་སྟེ་བཅུ་པའོ།།།། དེ་ནས་ཐུན་དགོངས་བཤད་བྱ་བ།། བ་སུ་ཞིང་སྐྲ་སུམ་སྒྲིལ་དག། གར་སྦྱིན་ཁྲག་གི་རྣམ་པ་ཡིས།། ལྷ་མོ་ཉིད་ཀྱི་ཐུགས་ཀར་སྦྱར།། རྣལ་འབྱོར་སྲིན་ལག་དག་ལ་གདགས།། རྣལ་འབྱོར་ཙིཏྟ་ཁ་སྦྱར་བའི།། ག་བུར་རིན་ཆེན་གཞལ་ཡས་ཁང།། ཉི་མའི་དཀྱིལ་འཁོར་བསམ་བྱས་ལ། ། དེ་དཀྱིལ་སྨུག་ནག་མ་བསམས་ལ།། བཟླས་པའི་ཡིག་འབྲུ་ཕྱི་རིམ་བསམ།། གཟུངས་ཐག་སྲོག་རྩའི་རང་བཞིན་ནམ།། གསེར་ལྕེའུ་སུམ་སྒྲིལ་ཁོང་སྟོང་ནས།། ཡིག་འབྲུ་སྨུག་ནག་བསམ་བྱ་ཞིང།། འཕྲོ་འདུ་མགལ་མེ་བསྐོར་བ་བཞིན། ། དངོས་གྲུབ་སྩོལ་དང་མཆོད་འབུལ་དུ།། མ་དང་བུ་ཡི་ཚུལ་གྱིས་བྱ།། དེ་ནས་ཡང་དག་བཤད་བྱ་བ།། ཐོད་ཟོར་གསང་བའི་ལེའུ་ལས།། མོན་ནམ་རབས་ཆད་ཐོད་པ་རུ། ཁྲག་སྣ་དུག་སོགས་བླུགས་བྱས་ལ། ། བོང་བུ་ཞོན་ནས་བདུད་ཆས་ཞུགས།། ཞིང་ཆེན་གཡབ་ཅིང་གསུར་ཆེན་བཏང།། དུམ་བུ་གཉིས་བརྗོད་ཚལ་པ་གཉིས།། ཧ་ན་གཉིས་བརྗོད་ཐུན་སྔགས་བརྗོད།། འདབ་ཆགས་ནག་མོའི་ཟོར་དག་ལས། ། མཐིང་ནག་དར་ལྕེའུ་ནང་དུ་ཡང།། ཡུངས་ཀར་དག་ལ་ཐུན་སྔགས་བརྗོད།། འདབ་ཆགས་ནག་མོ་སོགས་པར་ཡང།། སྐྱེ་རུ་གཟས་པའི་མིང་བྱང་གདགས།། ཙིཏྟའི་རྩེ་མོའི་ཕྲེང་བ་ཡང།། དེ་ཡི་སྐྱེ་ལ་བསྐོན་བྱས་ལ། ། གོ་ཟུ་ནག་པོ་གོན་པ་ཡིས།། བུད་མེད་དག་ལ་འདབ་ཆགས་བསྐུར།། གཏོར་མ་ནག་པོ་དག་ཀྱང་ནི།། བུད་མེད་དེ་ལ་དེ་བཞིན་བསྐུར།། ཆུ་བོ་ཆེན་པོའི་གཞུང་ལ་གཏོང།། སྙིང་ཟོར་ནག་མོ་བཤད་བྱ་བ། ། ཤེལ་ནག་སྙིང་གི་ནང་དག་ཏུ།། ཉུང་ནག་དག་ལ་ཐུན་སྔགས་བཟླས།། སྐྱུང་ཀའི་མདའ་ལ་གདགས་ཏེ་འཕང།། དེ་ལྟར་ལས་རྣམས་བྱས་གྱུར་ན།། གང་ལ་བྱ་བ་མཱ་ར་ཡ།། དེ་ནས་གནོད་སྦྱིན་མ་ཚོགས་རྣམས། ། དགའ་བའི་མདངས་ཀྱིས་པད་མ་སྟོན།། དཔའ་བོས་བཀའ་སྩལ་རྒྱུད་འདི་ལ།། ལེགས་པའི་རྣམ་གྲངས་མང་པོ་བརྗོད།། གཙོ་བོ་ཉིད་ཀྱི་ཐུགས་ཀ་རུ།། དེ་ཉིད་དུ་ནི་མི་སྣང་གྱུར།། དཔལ་ལྡན་ནག་མོའི་སྔགས་རྒྱུད་ལས། ། ཟོར་སྔགས་གསང་བའི་ལེའུ་དང།། རྗེས་སུ་ཡི་རང་བའི་ལེའུ་སྟེ་བཅུ་གཅིག་པའོ།།།། !་མངའ་བདག་རྒྱལ་པོ་ཆེན་པོའི་སྙན་དབལ་དུ།། བདག་གི་གདམས་པའི་བཀའ་མཆིད་གཅིག་གསོལ་ན།
CLOSE WINDOW