།།། རྒྱ་གར་སྐད་དུ། བཛྲ་ཀཱི་ལ་ཡ་གུ་ཧྱ་ཏནྟྲ་ཨུ་པ་དེ་ཤ། བོད་སྐད་དུ། རྡོ་རྗེ་ཕུར་པ་གསང་བ་གདམས་ངག་ཅན་གྱི་རྒྱུད། བཅོམ་ལྡན་འདས་དཔལ་བཛྲ་ཀཱི་ལ་ཡ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་རྡོ་རྗེ་གཞོན་ནུ་སྐུ་གསུང་ཐུགས་ཡོན་ཏན་ཕྲིན་ལས་ལྷུན་གྱིས་གྲུབ་པའི་བདག་ཉིད་སངས་རྒྱས་ཀུན་གྱི་ཡེ་ཤེས་སྐུ་ཅན་དེ། ཆོས་ཀྱི་དབྱིངས་ཀྱི་ངང་ཉིད་ལས།། འབར་བའི་ཁྲོ་བོ་ཤིན་ཏུ་མི་བཟད་པ། སྐུ་ཡི་དབྱིག་ཏུ་གྱུར་པར་བཞེངས་ཏེ། ཡེ་ཤེས་འབར་བའི་གཞལ་ཡས་ཁང། རང་སྣང་གསལ་བའི་དཀྱིལ་འཁོར་གྲུ་གསུམ་ཨེའི་དཀྱིལ་འཁོར་ན། ཀེང་རུས་གསར་རྙིང་བརྩེགས་པའི་རི་རབ་ཀྱི་སྟེང། མེ་རི་འབར་བའི་ཀློང། རྡོ་རྗེ་བྲག་ཆེན་གཏམས་པའི་མཎྜལ་ན། རྒྱུ་རིན་པོ་ཆེ་དང་ཐོད་པ་གསར་རྙིང་ལས་གྲུབ་པ། དྲག་པོ་འབར་བའི་གཞལ་ཡས་ཁང། རྩིབས་བརྒྱད་ལ་སྒོ་བཞི་པ་དུར་ཁྲོད་ཀྱི་རྒྱན་རྣམ་པ་སྣ་ཚོགས་པས་བཀླུབས་པར། བདུད་དང་ཕྱོགས་སྐྱོང་དང་ཉི་ཟླའི་གདན་ལ་རབ་ཏུ་བཞུགས་ཏེ། ཐུགས་ཀྱི་སྲས་མཆོག་བཛྲ་འདུས་པ་དང། ཁྲོ་བོ་དང། ཁྲོ་མོ་དང། ཟ་བྱེད་དང། གསོད་བྱེད་དང། སྤྲུལ་པ་དང། ཡང་སྤྲུལ་བརྗོད་ཀྱིས་མི་ལང་བ་དང། གཞན་ཡང་དུར་ཁྲོད་ཀྱི་ཅེ་སྤྱང་དང།། ཟངས་ཀྱི་ཝ་མོ་དང། ལྕགས་ཀྱི་སྤྱང་མོ་དང། དུར་ཁྲོད་ཀྱི་ཁྱི་དང། རྡོ་རྗེ་ལྷ་མོ་ཡ་བྱིན་དང། དེ་བྱིན་དང། ཆུ་བྱིན་དང། ཕག་བྱིན་དང། ནག་མོའི་ཚོགས་རེ་མ་ཏི་དང། རེ་མ་ཛི་དང། རེ་མ་ཛ་དང། རེ་མ་ཛུ་དང། གཞན་ཡང་དུར་ཁྲོད་ཀྱི་མ་བདུན་དང། སྲིང་མོ་བཞི་དང།། སྐྱེས་མཆོག་ཕོ་མོ་དང།། རྡོ་རྗེ་རིགས་ཀྱི་མཁའ་འགྲོ་དང། རིན་པོ་ཆེ་དང། པདྨའི་རིགས་དང། ལས་ཀྱི་རིགས་ཀྱི་མཁའ་འགྲོའི་ཚོགས་རབ་ཏུ་མང་པོ་དང། ཐབས་ཅིག་ཏུ་བཞུགས་ཏེ། དེའི་ཚེ་ཐུགས་ཀྱི་སྲས་མཆོག་བཛྲ་ཀཱི་ལ་ཡ་འདིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མ་ཧོ།། གུ་ཧྱ་བྷ་ག་ཝཱན། ཤྲཱི་བཛྲ་ཀུ་མཱ་ར་ན་མཿ་སརྦ་བིགྷྣཱན་བཾ་ཧཱུཾ་ཀཱི་ལ་ཡ་ཛ་ཧཱུཾ་བཾ་ཧོཿ། ཨ་ལ་ལ་ཧོ་ཞེས་གསོལ་པས། བཅོམ་ལྡན་འདས་ཀྱིས་དྲག་པོ་ཆེན་པོའི་ཏིང་ངེ་འཛིན་གྱིས་སྲིད་པ་ཐམས་ཅད་རྡོ་རྗེར་གྲུབ་པར་མཛད་དེ། འབར་བའི་ཁྲོ་བོ་ཤ་སྟག་པས། ། གཏུམ་པ་དང། རྔམ་པ་དང། བརྟུལ་ཞུགས་ཀྱིས་གདུག་པའི་ཚོགས་རྣམས་དབང་དུ་བསྡུ་བ་དང། ཚར་བཅད་ནས་སླར་ཆོས་ཀྱི་དབྱིངས་སུ་བསྡུ་བར་མཛད་དོ།། རྡོ་རྗེ་ཕུར་པ་གསང་བ་གདམས་ངག་གི་རྒྱུད་ལས་གླེང་གཞིའི་ལེའུ་སྟེ་དང་པོའོ། །།། དེ་ནས་ཐུགས་ཀྱི་སྲས་མཆོག་བཛྲ་ཀཱི་ལ་ཡས། བཅོམ་ལྡན་འདས་ལ་མཆོད་ཅིང་བསྟོད་ནས། འདི་སྐད་ཅེས་གསོལ་ཏོ།། ཨེ་མ་ཧོ། བཅོམ་ལྡན་དཔལ་ཆེན་གྱིས། ། གདམས་ངག་གསང་བའི་རྒྱུད་ཆེན་པོ།། མ་འོངས་པ་ཡི་དོན་ཆེད་དུ།། འཁོར་རྣམས་ལ་ནི་བཤད་དུ་གསོལ།། ཞེས་ཞུས་སོ།། བཅོམ་ལྡན་འདས་ཀྱི་བཀའ་སྩལ་པ།། ཉོན་ཅིག་བཛྲ་ཀཱི་ལ་ཡ།། སྙིང་རྗེ་བསྒྲལ་བའི་དམ་ཚིག་སྟེ། ། བསད་ཅིང་མནན་པ་མ་ཡིན་ཏེ།། རྣམ་ཤེས་གནས་སུ་དག་ཕྱིར་བཤད།། ཅེས་གསུང་སོ།། དེ་ནས་ཡང་བཀའ་སྩལ་པ།། རྒྱུད་འདི་དམིགས་པའི་ཡུལ་དང་ནི།། སྒྲུབ་པའི་ཐབས་ཀྱི་རིམ་པ་དང། ། གྲུབ་པའི་འབྲས་བུ་དག་དང་གསུམ།། མན་ངག་བདག་གི་བཤད་ཀྱི་ཉོན།། ཞེས་གསུངས་སོ།། རྡོ་རྗེ་ཕུར་པ་གསང་བ་གདམ་ངག་གི་རྒྱུད་ལས་གླེང་བསླང་བའི་ལེའུ་སྟེ་གཉིས་པའོ།།།། དེ་ནས་ཐུགས་ཀྱི་སྲས་མཆོག་དེས། ། དེ་ཡི་དོན་ཉིད་ཡང་དག་ཞུས།། བཅོམ་ལྡན་འདས་ཀྱིས་བཀའ་སྩལ་པ།། རང་བཞིན་མ་བཅོས་གནས་པ་དེ།། མ་རྟོགས་གདུལ་བྱའི་ཞིང་དུ་དམིགས།། སྙིང་རྗེ་དམིགས་པར་བྱ་བ་ཡིན། ། བསྒྲུབ་པར་བྱ་བའི་ཐབས་ལ་ཡང།། གཞི་དང་དོན་གྱི་ཁོག་ཉིད་དང།། སྲོག་དང་ཡེ་ཤེས་དབང་དང་ནི།། སྤྱན་འདྲེན་མཆོད་བསྙེན་དངོས་གྲུབ་བླང།། མཇུག་སྡུད་ལས་ཀྱི་ཁ་བསྐང་བའོ།། གྲུབ་པའི་འབྲས་བུ་ཆོས་སྐུ་དང། ། གཟུགས་སྐུ་རྒྱུན་གྱི་ཏིང་ངེ་འཛིན།། གཞི་ནི་ཕུན་སུན་ཚོགས་པ་སྟེ།། བདག་ཉིད་གནས་དང་རྫས་དུས་ཏེ།། འཁོར་རྣམས་ཕུན་སུམ་ཚོགས་པའོ།། དཀྱིལ་འཁོར་རྣམ་པ་གསུམ་དག་ལས།། སྔོན་འགྲོའི་ལས་རྣམས་བྱ་བ་དང། ། དངོས་ལ་རྟེན་དང་བརྟེན་ནས་ཏེ།། འབྱུང་བ་ལྔ་དང་གཞལ་ཡས་ཁང།། བདག་ཉིད་རྩ་བའི་ཕྱོགས་བཅུའི་ཁྲོ།། ཕུར་པ་རྫས་ཀྱི་དཀྱིལ་འཁོར་རོ།། ཁམས་གསུམ་སྲོག་ལ་དབང་བསྐུར་དང། ། དེ་ཡི་སྲོག་ཀྱང་ཡེ་ཤེས་ཏེ།། བདག་གིས་དཀྱིལ་འཁོར་གཉིས་ལ་བསྐུར།། དེ་ཡིས་འགྲོ་དྲུག་དག་ལའོ།། དུས་གསུམ་སངས་རྒྱས་ཐམས་ཅད་ཀྱིས།། སྐུ་གསུང་ཐུགས་སུ་དབང་བསྐུར་བའི།། སྤྱན་དྲང་མཆོད་དང་བསྙེན་པ་དང། ། དངོས་གྲུབ་བཅུད་ནི་བླང་བ་སྟེ།། ཕྱག་དང་མཆོད་པ་གཏོར་མ་དང།། བདུད་རྩི་རཀྟ་སྦྱོར་སྒྲོལ་ལོ།། ཚོགས་དང་ལྷག་མའི་ཆོ་ག་བརྒྱད།། བསྙེན་པ་ལྷ་དང་དམ་ཅན་དང།། ངན་སྔགས་ཉེ་བར་བསྙེན་པའོ། ། དངོས་གྲུབ་ཡེ་ཤེས་ལྷ་དང་ནི།། དགྲ་ལ་ཚེ་ལུང་ཁྲུས་ལུང་དང།། སྒོ་བཞིའི་ཕུར་པ་མཚོ་བཞི་སྟེ།། ཡུམ་བརྒྱད་ལུས་ཀྱི་རྟེན་བརྒྱད་དང།། ཚ་ཁྲོ་བཅུ་ཚོགས་བརྒྱད་ཞར་བྱུང་གཉིས།། གཉིས་ཀྱིས་དགེ་སྡིག་མ་མཉམ་གདབ། ། མཚོན་གྱིས་གཏུབ་དང་ཐུན་གྱིས་བྲབ།། གནས་སྐབས་དག་ནི་ཤེས་པར་བྱ།། མནན་པ་སྦྱིན་སྲེག་ཐུན་དང་གསུམ།། ལས་ཀྱི་མཇུག་ནི་བསྡུ་བར་བྱ།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྒྱུད་ལས་གདམས་ངག་གི་ཁོག་གདོན་བསྟན་པའི་ལེའུ་སྟེ་གསུམ་པའོ། །།། དེ་ནས་ཐུགས་ཀྱི་སྲས་མཆོག་དེས།། དཀྱིལ་འཁོར་རྣམ་གསུམ་རིམ་པར་ཞུས།། བཅོམ་ལྡན་འདས་ཀྱིས་བཀའ་སྩལ་པ།། རྡོ་རྗེ་ཁྲོས་པས་ཞེ་སྡང་གཅོད། ། མཚོན་ཆེན་སྔོན་པོ་འབར་བ་ཡིས།། ནམ་མཁའི་དཀྱིལ་ནས་ཐིགས་པ་ཤར།། སྙིང་གི་གོ་རུ་བསྒོམ་པར་བྱ། ཧཱུཾ་སྥ་ར་ཎ་ཕཊ། སཾ་ཧ་ར་ཎ་ཧཱུཾ། བཛྲ་ཨེ་ཡཾ། ར་སུཾ་ཀེཾ་རཾ་བྷྲཱུཾ། བྷྲཱུཾ་བི་ཤྭ་བི་ཤུདྡྷེ་ཛྙཱ་ན་ཙཀྲ་མཎྜལ་ཨེ་བྷྲཱུཾ། ཛཿཧཱུཾ་བཾཧོཿ། ཧཱུཾ་སྥ་ར་ཎ་ཕཊ། སཾ་ཧ་ར་ཎ་ཧཱུཾ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། སྙིང་རྗེས་བསྒྲལ་བའི་དམ་ཚིག་ནི།། བསད་ཅིང་མནན་པ་མ་ཡིན་ཏེ།། ཕུང་པོ་རྡོ་རྗེས་གཏམས་བྱས་ནས།། རྣམ་པར་ཤེས་པ་རྡོ་རྗེར་བསྒོམ། ཧཱུཾ་རྡོ་རྗེ་གཞོན་ནུའི་རིག་འཛིན་རྣམས།། སྲིད་པ་རྡོ་རྗེ་གྲུབ་མཛོད་ཅིག། སྲི་པ་རྡོ་རྗེ་ཕུར་བུའི་ལྷ།། ཡེ་ཤེས་ཁྲོ་བོ་གྲུབ་པར་མཛོད།། ཧཱུཾ་ཧཱུཾ། ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ། གརྫ་གརྫ་ཧཱུཾ་ཕཊ། ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ། ཧ་ན་ཧ་ན་ཧཱུཾ་ཕཊ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ད་ཧ་ད་ཧ་ཧཱུཾ་ཕཊ། ཨོཾ་བཛྲ་ཀྲོ་ཏ་ཡ་མནྟ་ཀ་ཧཱུཾ། པ་ཙ་པ་ཙ་ཧཱུཾ་ཕཊ། ཨོཾ་བཛྲ་ཀྲོ་ཏ་ཨཱརྱ་ཨ་ཙ་ལ་ཧཱུཾ། བྷནྡྷ་བྷནྡྷ་ཧཱུཾ་ཕཊ། ཨོཾ་བཛྲ་ཀྲོ་ཏ་ཧ་ཡ་གྲཱི་བ་ཧཱུཾ། ཧུ་ལུ་ཧུ་ལུ་ཧཱུཾ་ཕཊ། ཨོཾ་བཛྲ་ཀྲོ་ཏ་ཨ་པ་ར་ཛི་ཏ་ཧཱུཾ། ཏིཥྛ་ཏིཥྛ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཙྪིནྡ་ཙྪིནྡ་ཧཱུཾ་ཕཊ། ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུཾ། བྷིནྡྷ་བྷིནྡྷ་ཧཱུཾ་ཕཊ། ཨོཾ་བཛྲ་ཀྲོ་ངྷ་མ་ཧཱ་བ་ལ་ཧཱུཾ། སྥོ་ཊ་སྥོ་ཊ་ཧཱུཾ་ཕཊ།། ཛཿཧཱུཾ་བཾ་ཧོ། ། བྷིནྡྷ་ཡ་བིང་བིང་ཧཱུཾ་ཕཊ།། ན་མཿས་མནྟ་ཧྲིང་ཧྲིང་ཧཱུཾ་ཕཊ།། སུ་རུ་སུ་རུ་པྲ་སུ་རུ་ཧཱུཾ་ཕཊ། མཱ་ར་ཡ་མཱ་ར་ཡ་ཧཱུཾ་ཕཊ། སངས་རྒྱས་ཀུན་གྱི་ཡེ་ཤེས་སྐུ།། ངང་ཉིད་རྡོ་རྗེ་ཆོས་དབྱིངས་ལས།། འབར་བའི་ཁྲོ་བོ་མི་བཟད་པ། ། སྐུ་ཡི་དབྱིག་ཏུ་བདག་བསྐྱེད་ཅིག། ཧཱུཾ་ས་མ་ཡ་ཏིཥྛ་ལྷན། ཨོཾ་བུངྔྷ་ཀཱི་ལི་ཀཱི་ལ་ཡ་བཛྲ། ཛྭ་ལ་ཛྭ་ལ་པྲ་ཛྭ་ལ་སརྦ་ན་པ་ན་པ་ཡ་ཧཱུཾ་ཕཊ།། ཨོཾ་པདྨ་ཀཱི་ལི་ཀཱི་ལ་ཡ་བཱ་ཀ་བཛྲཱ་ནཱན། སརྦ་དུཥྛན་ཧྲི་ཤོ་ངྷ་ཡ་ཧཱུཾ་ཕཊ།། ཨོཾ་བཛྲ་ཀཱི་ལི་ཀཱི་ལ་ཡ་ཙིཏྟ་བཛྲ་ནཱན། ཙིཏྟ་ཙིཏྟ་ཧཱུཾ་ཕཊ། བེ་ཏ་ལཱི་ས་མན་ཏ་ལ་རཀྵ་ཧཱུཾ་ཕཊ།། མ་གུ་ཏ་ལ་ཏ་ལ་ནི་ཧཱུཾ་ཕཊ། མ་ཧཱ་རཀྟ་ཛྭ་ལ་ནི་ཧཱུཾ་ཕཊ།། རྡོ་རྗེ་ཕུར་པ་གསང་བ་གདམས་ངག་གི་རྒྱུད་ལས་དཀྱིལ་འཁོར་རྣམ་གསུམ་བསྐྱེད་པའི་ལེའུ་སྟེ་བཞི་པའོ། །།། དེ་ནས་ཐུགས་ཀྱི་སྲས་མཆོག་དེས།། སྲོག་དང་ཡེ་ཤེས་དབང་བསྐུར་ཞུས།། བཅོམ་ལྡན་འདས་ཀྱིས་བཀའ་སྩལ་པ།། ཐབས་ཀྱི་སྤྱོད་པས་འགྲོ་དོན་དུ།། བྱམས་དང་སྙིང་རྗེས་གང་འདུལ་བ། ། སངས་རྒྱས་ཕྲིན་ལས་རྫོགས་མཛད་པ།། དབང་དང་བྱིན་རླབས་འདིར་གསོལ་ཅིག། ཧཱུཾ་སྥ་ར་ཎ་ཧཱུཾ་ཕཊ།། ཧཱུཾ་སཾ་ཧ་ར་ཎ་ཧཱུཾ། ཨ་ནརྀ་སུ་ཏྲི་པྲེ་དུ། སཾ་སྥ་ར་ཎ་ཕཊ། ས་ཧ་ར་ཎ་ཧཱུཾ། ཨོཾ་སྥ་ར་ཎ་ཧཱུཾ། ཨཱ་སྥ་ར་ཎ་ཕཊ། སཾ་ཧ་ར་ཎ་ཧཱུཾ། ཧཱུཾ་སྥ་ར་ཎ་ཕཊ། སཾ་ཧ་ར་ན་ཕཊ། ཞེས་གསུངས་སོ། རྡོ་རྗེ་ཕུར་པ་གསང་བ་མན་ངག་གི་རྒྱུད་ལས་ཁམས་གསུམ་སྲོག་ལ་དབང་བསྐུར་བ་དང་སྲོག་ཡེ་ཤེས་སུ་དབང་བསྐུར་བའི་ལེའུ་སྟེ་ལྔ་པའོ། །།། དེ་ནས་ཐུགས་ཀྱི་སྲས་མཆོག་བཛྲ་ཀཱི་ལ་ཡས།། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། སྤྱན་དྲང་མཆོད་པའི་རིམ་པ་སོགས།། བདེ་བར་གཤེགས་པས་བཤད་དུ་གསོལ།། ཞེས་ཞུས་སོ། ། བཅོམ་ལྡན་འདས་ཀྱིས་བཀའ་སྩལ་པ། སྲིད་པའི་ཕུར་བུ་སྒྲུབ་པ་དང།། དབང་དང་དངོས་གྲུབ་བླང་བའི་ཕྱིར།། ཡེ་ཤེས་ཁྲོ་བོ་གཤེགས་སུ་གསོལ།། ཁྲོ་བོ་ཆེན་པོ་གཤེགས་ནས་ཀྱང།། རྟགས་དང་མཚན་མ་བསྟན་པ་དང། ཀཱི་ལ་ཡ་ཡི་དངོས་གྲུབ་སྩལ་དུ་གསོལ། ཛཿཧཱུཾ་བཾ་ཧོཿ། ཨ་ཏི་པུ་ཧོ། པྲ་ཏཱི་ཙྪ་ཧོ། ཨོཾ་བཛྲ་ཀཱི་ལི་ཀཱི་ལ་ཡ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། པུཥྤེ། དྷུ་པེ། ཨཱ་ལོ་ཀེ། གྷནྡྷེ། དམ་ཚིག་ཆེན་པོའི་དུས་ལ་བབ། ། བ་ལིཾ་གཏོར་མ་བཞེས་སུ་གསོལ།། སྤྲུལ་པ་ཆེན་པོའི་དུས་ལ་བབ།། བ་ལིཾ་གཏོར་མ་བཞེས་སུ་གསོལ།། ཕྱག་བརྙན་ཆེན་པོའི་དུས་ལ་བབ།། བ་ལིཾ་གཏོར་མ་བཞེས་སུ་གསོལ།། ཤྭ་ན་མུ་ཁའི་དུས་ལ་བབ།། བ་ལིཾ་གཏོར་མ་བཞེས་སུ་གསོལ། ། ས་བདག་ཆེན་མོའི་དུས་ལ་བབ།། བ་ལིཾ་གཏོར་མ་ཞེས་སུ་གསོལ།། བདག་ཉིད་ཆེན་མོའི་དུས་ལ་བབ།། བ་ལིཾ་གཏོར་མ་བཞེས་སུ་གསོལ།། ཁྱེད་ཀྱི་དམ་ཚིག་དུས་ལ་བབ། ། བ་ལིཾ་གཏོར་མ་བཞེས་སུ་གསོལ།། མཐུ་རྩལ་འབྱུང་བའི་དུས་ལ་བབ།། བ་ལིཾ་གཏོར་མ་བཞེས་སུ་གསོལ།། དམ་ཚིག་ཆེན་པོའི་དུས་ལ་བབ།། བདུད་རྩི་སྨན་གྱི་མཆོད་པ་བཞེས།། སྤྲུལ་པ་ཆེན་པོའི་དུས་ལ་བབ། ། བདུད་རྩི་སྨན་གྱི་མཆོད་པ་བཞེས།། ཕྱག་བརྙན་ཆེན་པོའི་དུས་ལ་བབ།། བདུད་རྩི་སྨན་གྱི་མཆོད་པ་བཞེས།། ཤྭ་ན་མུ་ཁའི་དུས་ལ་བབ།། བདུད་རྩི་སྨན་གྱི་མཆོད་པ་བཞེས།། ས་བདག་ཆེན་མོའི་དུས་ལ་བབ། ། བདུད་རྩི་སྨན་གྱི་མཆོད་པ་བཞེས།། བདག་ཉིད་ཆེན་མོའི་དུས་ལ་བབ།། བདུད་རྩི་སྨན་གྱི་མཆོད་པ་བཞེས།། ཁྱེད་ཀྱི་དམ་ཚིག་དུས་ལ་བབ།། བདུད་རྩི་སྨན་གྱི་མཆོད་པ་བཞེས།། མཐུ་རྩལ་འབྱུང་བའི་དུས་ལ་བབ། ། བདུད་རྩི་སྨན་གྱི་མཆོད་པ་བཞེས་པ།། དངོས་གྲུབ་བར་ཆོད་བྱེད་པའི་བགེགས།། དངོས་གྲུབ་བར་ཆོད་བྱེད་པའི་དགྲ།། གདུག་ཅིང་སྡང་སེམས་ལྡན་པ་རྣམས།། ཟུང་ཞིག་རྒྱོབ་ཅིག་རྣམ་པར་ཆིངས།། རྟོགས་ཤིག་གྲོགས་དང་བྲལ་བར་གྱིས། ། རེངས་པར་ཁུག་ལ་སྨྲར་ཆུག་གཅིག། ཕོག་ཅིག་རྣམ་པར་གཟིར་བར་གྱིས།། ང་ཡི་དབང་དུ་གྱུར་པས་ན།། བསྒོ་བའི་བཀའ་འདི་ཉན་པར་གྱིས།། མ་ཧཱ་རཀྟ་ཁ་ཧི། བྲན་དང་བཀའ་ཉན་ཕོ་ཉའི་ཚོགས། ། ཁྱེད་ཀྱི་དམ་ཚིག་དུས་ལ་བབ།། སྔོན་ཆད་ཇི་བཞིན་དམ་བཅས་པའི།། མངོན་སྤྱོད་ཕྲིན་ལས་མྱུར་དུ་མཛོད།། མ་ཧཱ་རཀྟ་ཁཱ་ཧི།། གདུག་ཅིང་སྡང་སེམས་ལྡན་པ་རྣམས།། ལྷའམ་འོན་ཏེ་བདུད་ཀྱང་རུང། ། ང་ལ་བར་ཆད་བྱེད་པ་རྣམས།། མཐུ་དང་རྫུ་འཕྲུལ་མེད་པར་གྱིས།། མ་ཧཱ་རཀྟ་ཁཱ་ཧི།། ཁྲོ་མོ་འབར་བའི་གཏུན་ཁུང་དུ།། རྡོ་རྗེ་ཐོ་བས་བརྡུང་བྱས་ནས།། ལྷ་ཡང་རུང་སྟེ་བསྒྲལ་བར་བྱའོ།། ཁ་ཐམ། ཁ་ཐམ། དམ་ཚིག་ཆེན་པོའི་དུས་ལ་བབ། ཚོགས་ཀྱི་མཆོད་པ་བཞེས་སུ་གསོལ།། སྤྲུལ་པ་ཆེན་པོའི་དུས་ལ་བབ།། ཚོགས་ཀྱི་མཆོད་པ་བཞེས་སུ་གསོལ།། ཕྱག་བརྙན་ཆེན་པོའི་དུས་ལ་བབ།། ཚོགས་ཀྱི་མཆོད་པ་བཞེས་སུ་གསོལ། ། ཤྭ་ན་མུ་ཁའི་དུས་ལ་བབ།། ཚོགས་ཀྱི་མཆོད་པ་བཞེས་སུ་གསོལ།། ས་བདག་ཆེན་མོའི་དུས་ལ་བབ།། ཚོགས་ཀྱི་མཆོད་པ་བཞེས་སུ་གསོལ།། བདག་ཉིད་ཆེན་མོའི་དུས་ལ་བབ།། ཚོགས་ཀྱི་མཆོད་པ་བཞེས་སུ་གསོལ། ། ཁྱེད་ཀྱི་དམ་ཚིག་དུས་ལ་བབ།། ཚོགས་ཀྱི་མཆོད་པ་བཞེས་སུ་གསོལ།། མཐུ་རྩལ་འབྱུང་བའི་དུས་ལ་བབ།། ཚོགས་ཀྱི་མཆོད་པ་བཞེས་སུ་གསོལ།། ཤྭ་ན་མུ་ཁའི་དུས་ལ་བབ།། ལྷག་མའི་གཏོར་མ་བཞེས་སུ་གསོ། ། བཀའ་ཡི་གཏོར་མ་འདི་བཞེས་ལ།། རྣལ་འབྱོར་བར་ཆད་བསྲུང་དུ་གསོལ།། ས་བདག་ཆེན་མོའི་དུས་ལ་བབ།། ལྷག་མའི་གཏོར་མ་བཞེས་སུ་གསོལ།། བཀའ་ཡི་གཏོར་མ་འདི་བཞེས་ལ།། རྣལ་འབྱོར་བར་ཆད་བསྲུང་དུ་གསོལ། ། བདག་ཉིད་ཆེན་མོའི་དུས་ལ་བབ།། ལྷག་མའི་གཏོར་མ་བཞེས་སུ་གསོལ།། བཀའ་ཡི་གཏོར་མ་འདི་བཞེས་ལ།། རྣལ་འབྱོར་བར་ཆད་བསྲུང་དུ་གསོལ།། ཞེས་གསུངས་སོ། ། རྡོ་རྗེ་ཕུར་པ་གསང་བ་གདམས་ངག་གི་རྒྱུད་ལས་སྤྱན་དྲངས་ཤིང་མཆོད་པའི་ལེའུ་སྟེ་དྲུག་པའོ།།།། དེ་ནས་ཐུགས་ཀྱི་སྲས་མཆོག་དེས།། བསྙེན་པའི་དོན་རྣམས་ཞུས་པ་ལས།། བཅོམ་ལྡན་འདས་ཀྱིས་བཀའ་སྩལ་པ། ། སྙིང་རྗེས་བསྒྲལ་བའི་དམ་ཚིག་ནི།། བསད་ཅིང་མནན་པ་མ་ཡིན་ཏེ།། ཕུང་པོ་རྡོ་རྗེས་གཏམས་བྱས་ནས།། རྣམ་པར་ཤེས་པ་རྡོ་རྗེར་བསྒོམ།། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷ་ནཱན་བཾ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོ། ། ཀ་ཏཾ་ཀ་ཡེ་ཛ་ཡེ་བི་ཛ་ཡེ། ཨ་ཙི་ཏི་ཨ་པ་ར་ཙི་ཏི་མ་ར་ས་ན་པྲ་མརྡྷ་ན་ཡ་ཧཱུཾ་ཕཊ། ཧ་ས་ཡ་ར་ཧྲྀ་ད་ཡ་ན་ཧཱུཾ་ཕཊ། ཨཱ་བེ་ཤ་ཡ། ཨཱ་བེ་ཤ་ཡ་ཧཱུཾ་ཕཊ། ཤི་ཀྲིན་ཨཱ་ན་ཡ་ཧཱུཾ་ཕཊ། ཛྭ་ལ་པ་ཡ་ཛྭ་པ་ཡ་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། བིནྡྷ་ཡ་བིནྡྷ་ཡ་ཧཱུཾ་ཕཊ། རྡོ་རྗེ་གཞོན་ནུའི་རིག་འཛིན་རྣམས།། སྲིད་པ་རྡོ་རྗེ་གྲུབ་མཛོད་ཅིག། སྲིད་པ་རྡོ་རྗེ་ཕུར་པའི་ལྷ།། ཡེ་ཤེས་ཁྲོ་བོ་གྲུབ་པར་མཛོད།། ཅེས་གསུང་སོ།། རྡོ་རྗེ་ཕུར་པ་གསང་བ་མན་ངག་གི་རྒྱུད་ལས་བསྙེན་པ་རྣམ་པར་གསུམ་བསྟན་པའི་ལེའུ་སྟེ་བདུན་པའོ། །།། དེ་ནས་ཐུགས་ཀྱི་སྲས་མཆོག་དེས།། སྒྲུབ་པ་ཆེན་པོའི་དུས་རྣམས་ཞུས།། བཅོམ་ལྡན་འདས་ཀྱིས་བཀའ་སྩལ་པ། ། དམ་ཚིག་ཆེན་པོའི་དུས་ལ་བབ།། སྤྲུལ་པ་ཆེན་པོའི་དུས་ལ་བབ།། ཕྱག་བརྙན་ཆེན་པོའི་དུས་ལ་བབ།། ཤྭ་ན་མུ་ཁའི་དུས་ལ་བབ།། ས་བདག་ཆེན་མོའི་དུས་ལ་བབ།། བདག་ཉིད་ཆེན་མོའི་དུས་ལ་བབ། ། ཁྱེད་ཀྱི་དམ་ཚིག་དུས་ལ་བབ།། མཐུ་རྩལ་འབྱུང་བའི་དུས་ལ་བབ།། བདག་ཅག་རྣལ་འབྱོར་སྒྲུབ་པ་པོ།། བྱང་ཆུབ་མཆོག་ཏུ་སེམས་བསྐྱེད་ནས།། དུས་གསུམ་རྒྱལ་བའི་གདུང་གསོབ་པའི།། རིག་འཛིན་བདག་ཅག་རྣམས་ལ་ནི། ། གནོད་ཅིང་གདུག་པའི་དགྲ་དང་བགེགས།། བདུད་དང་བར་དུ་གཅོད་པ་དང།། དངོས་གྲུབ་འཕྲོག་ཅིང་འཚེ་བ་རྣམས།། ཁྲོ་བོ་ཆེན་པོའི་བྱིན་རླབ་ཀྱིས།། ཡུད་ཙམ་ཀྱིས་ནི་འདིར་ཁུག་ལ། ། མངོན་སྤྱོད་ཚུལ་བཞིན་བསྒྲལ་བ་དང།། ལུས་ངག་རྡུལ་དུ་བཤིགས་ནས་ཀྱང།། སྡུག་བསྔལ་ཉམས་སུ་མྱོང་བར་མཛོད།། ཨོཾ་ལཾ་ཧཱུཾ་བཾ་སྟཾ་བྷ་ཡ་ནན། མོ་ཧ་གྷ་ཡ་བྷ་ག་བཱན་ཤཱི་ཀྲི་བི་ཀྲི། བཛྲ་ཧཱུཾ་ཀཱ་ར་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ། ཛཿཧཱུཾ་བཾ་ཧོ། སརྦ་བིགྷྣཱན། བཛྲ་ཀཱི་ལ་ཡ་ཧཱུཾ་ཕཊ། བཛྲ་ཧཱུཾ་ཀཱ་ར་ཨ་ཨ། ཨཱ་ཝེ་ཨ་ཡ་ཨ་ཨ། ཞེས་གསུངས་སོ།། རྡོ་རྗེ་ཕུར་པ་གསང་བ་གདམས་ངག་གི་རྒྱུད་ལས་ཚེ་ལུང་ཁྲུས་ལུང་གི་དགོངས་པ་ཕུལ་ཏུ་བྱུང་སྟེ་གདབ་པའི་ལེའུ་སྟེ་བརྒྱད་པའོ། །།། དེ་ནས་ཐུགས་ཀྱི་སྲས་མཆོག་དེས།། ཕྲིན་ལས་རྣམ་བཞིའི་དོན་རྣམས་ཞུས།། བཅོམ་ལྡན་འདས་ཀྱིས་བཀའ་སྩལ་པ།། ཤར་ནས་ཞི་བའི་ཕྲིན་ལས་མཛད། ། སྐྱེ་ཀའི་མགོ་ཅན་དུས་ལ་བབ།། དགྲ་བགེགས་ཀུན་གྱི་རུས་པའི་མཚོ།། ཀླད་པའི་རྒྱས་སུ་ཀཱི་ལ་ཡ།། ཨོཾ་བཛྲ་ཀཱི་ལི་ཀཱི་ལ་ཡ་བྷིནྡྷ་ཡ་བིང་བིང་ཧཱུཾ་ཧཱུཾ་ཕཊ།། ལྷོ་ནས་རྒྱས་པའི་ཕྲིན་ལས་མཛད། ། སྲིན་བྱའི་མགོ་ཅན་དུས་ལ་བབ།། དགྲ་བགེགས་ཀུན་གྱི་དབུགས་ཀྱི་མཚོ།། གློ་བའི་དཀྱིལ་དུ་ཀཱི་ལ་ཡ།། ཨོཾ་བཛྲ་ཀཱི་ལི་ཀཱི་ལ་ཡ་མཿས་མནྟ་ཧྲིཾ་ཧྲིཾ་ཧཱུཾ་ཧཱུཾ་ཕཊ།། ནུབ་ནས་དབང་གི་ཕྲིན་ལས་མཛད།། ཁྲ་ཡི་མགོ་ཅན་དུས་ལ་བབ། ། དགྲ་བགེགས་ཀུན་གྱི་ཁྲག་གི་མཚོ།། མཆིན་པའི་དཀྱིལ་དུ་ཀཱི་ལ་ཡ།། ཨོཾ་བཛྲ་ཀཱི་ལི་ཀཱི་ལ་ཡ།། སུ་རུ་སུ་རུ་པྲ་སུ་རུ་ཧཱུཾ་ཕཊ། བྱང་ནས་དྲག་པོའི་ཕྲིན་ལས་མཛད།། པུ་ཤུད་མགོ་ཅན་དུས་ལ་བབ། ། དགྲ་བགེགས་ཀུན་གྱི་ཤ་ཡི་མཚོ།། མཁལ་མ་གཉིས་ལ་མཱ་ར་ཡ།། ཨོཾ་བཛྲ་ཀཱི་ལི་ཀཱི་ལ་ཡ། མཱ་ར་ཡ་མཱ་ར་ཡ་ཧཱུཾ་ཕཊ། རྡོ་རྗེ་ཕུར་པ་རྩ་བ་མན་ངག་གི་རྒྱུད་ལས་ཕྲིན་ལས་རྣམ་བཞིའི་ཕུར་པའི་ལེའུ་སྟེ་དགུ་པའོ། །།། དེ་ནས་ཐུགས་ཀྱི་སྲས་མཆོག་དེས།། ལུས་ཀྱི་རྟེན་ལ་གདབ་པ་ཞུས།། བཅོམ་ལྡན་འདས་ཀྱིས་བཀའ་སྩལ་པ།། དངོས་གྲུབ་བར་ཆོད་བྱེད་པའི་བགེགས།། དངོས་གྲུབ་བར་ཆད་བྱེད་པའི་དགྲ། ། གདུག་ཅིང་སྡང་སེམས་ལྡན་པ་རྣམས།། ཟུང་ཞིག་རྒྱོབ་ཅིག་རྣམ་པར་ཆིངས།། རྟོགས་ཤིག་གྲོགས་དང་བྲལ་བར་གྱིས།། རེངས་པར་ཁུག་ལ་སྨྲར་ཆུག་ཅིག། ཕོབ་ཅིག་རྣམ་པར་གཟིར་བར་བྱོས།། ང་ཡི་དབང་དུ་གྱུར་ནས་ཀྱང། ། བསྒོ་བའི་བཀའ་འདི་ཉན་པར་གྱིས།། ཧཱུཾ་པ་ར་བིད་ཏན། ཚིནྡྷ་ཚིནྡྷ་ཧཱུཾ་ཕཊ། བྷིནྡྷ་བྷིནྡྷ་ཧཱུཾ་ཕཊ། གྲྀ་ཧྣ་གྲྀ་ཧྣ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། བྷནྡྷ་བྷནྡྷ་ཧཱུཾ་ཕཊ།། རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས་ཁྲོ་མོ་བརྒྱད་ཀྱིས་གདབ་པའི་ལེའུ་སྟེ་བཅུ་པའོ། །།། དེ་ནས་ཐུགས་ཀྱི་སྲས་མཆོག་དེས།། ཚོགས་བརྒྱད་དག་ལ་གདབ་པ་ཞུས།། བཅོམ་ལྡན་འདས་ཀྱིས་བཀའ་སྩལ་པ།། བྲན་དང་བཀའ་ཉན་ཕོ་ཉའི་ཚོགས། ། ཁྱེད་ཀྱི་དམ་ཚིག་དུས་ལ་བབ།། སྔོན་ཆད་ཅི་བཞིན་དམ་བཅས་པས།། མངོན་སྤྱོད་ཕྲིན་ལས་མྱུར་བར་མཛོད།། ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། མ་ཐ་མ་ཐ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཀ་ཏང་ཀ་ཡེ་ཛ་ཡེ་བི་ཛ་ཡེ། ཨ་ཙི་ཏེ་ཨ་པ་རཱ་ཙི་ཏི། མ་ར་སེ་ན་པྲ་མརྡ་ན་ཡེ་ཧཱུཾ་ཕཊ། རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས་ཁྲོ་བོ་བཅུའི་ཕུར་པ་གདབ་པའི་ལེའུ་སྟེ་བཅུ་གཅིག་པའོ། །།། དེ་ནས་ཐུགས་ཀྱི་སྲས་མཆོག་དེས།། དགེ་སྡིག་མ་སྙོམས་གདབ་པ་ཞུས།། བཅོམ་ལྡན་འདས་ཀྱིས་བཀའ་སྩལ་པ།། གདུག་ཅིང་སྡང་སེམས་ལྡན་པ་རྣམས།། ལྷའམ་འོན་ཏེ་བདུད་ཀྱང་རུང།། ང་ལ་བར་ཆད་བྱེད་པ་རྣམས། ། མཐུ་དང་རྫུ་འཕྲུལ་མེད་པར་བྱོས། སརྦ་ཨཱ་ན་ཡ་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། ཅེས་གསུངས་སོ།། རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས་ཡུམ་གྱིས་གདབ་པའི་རིམ་པའི་ལེའུ་སྟེ་བཅུ་གཉིས་པའོ། །།། དེ་ནས་ཐུགས་ཀྱི་སྲས་མཆོག་དེས།། ཐུན་གྱིས་བྲབ་པའི་ལས་རྣམས་ཞུས།། བཅོམ་ལྡན་འདས་ཀྱིས་བཀའ་སྩལ་པ།། རྡོ་རྗེ་གསང་བའི་བཀའ་ལས་ནི།། སྡིག་ཅན་གང་ཞིག་འདའ་བྱེད་པ། ། སྟོབས་ཆེན་ཁྲོ་བོ་ཆེན་པོ་ཡིས།། ཀླད་པ་ཚལ་པ་བརྒྱ་རུ་ཁོས།། ཉོན་ཅིག་བགེགས་དང་ལོག་འདྲེན་ཚོགས།། ང་ཡི་བཀའ་ལས་འདའ་མ་བྱེད།། ཧཱུཾ་མ་མ་པ་ཤཾ་ཀུ་རུ་མ་ཏང་ཉ་ཀ་ར་ཨི་ནན་དྷ་ཏི་མ་མ་ཀརྨ་ཤྲི་ཀྲང་ཀ་ར་ཡེ་ཧཱུཾ་ཕཊ། ཨོཾ་བཛྲ་ཀྲོ་ཏ་ཧཱུཾ་ཀཱ་ར་ཧཱུཾ་གརྫ་གརྫ་ཧཱུཾ་ཕཊ། ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ། ཧ་ན་ཧ་ན་ཧཱུཾ་ཕཊ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ད་ཧ་ད་ཧ་ཧཱུཾ་ཕཊ། ཨོཾ་བཛྲ་ཀྲོ་ཏ་ཡ་མནྟ་ཀ་ཧཱུཾ། པ་ཙ་པ་ཙ་ཧཱུཾ་ཕཊ། ཨོཾ་བཛྲ་ཀྲོ་ཏ་ཨཱརྱ་ཨ་ཙ་ལི་ཧཱུཾ། བྷནྡྷ་བྷནྡྷ་ཧཱུཾ་ཕཊ། ཨོཾ་བཛྲ་ཀྲོ་ཏ་ཧ་ཡ་གྲཱི་བ་ཧཱུཾ། ཧུ་ལུ་ཧུ་ལུ་ཧཱུཾ་ཕཊ། ཨོཾ་བཛྲ་ཀྲོ་ཏ་ཨ་པ་ར་ཛི་ཏ་ཧཱུཾ། ཏིཥྛ་ཏིཥྛ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཙྪིནྡ་ཙྪིནྡ་ཧཱུཾ་ཕཊ། ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུཾ། ། བྷིནྡྷ་བྷིནྡྷ་ཧཱུཾ་ཕཊ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ། སྥོ་ཊ་སྥོ་ཊ་ཧཱུཾ་ཕཊ། རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས་ཐུན་གྱི་ལེའུ་སྟེ་བཅུ་གསུམ་པའོ།།།། དེ་ནས་ཐུགས་ཀྱི་སྲས་མཆོག་དེས།། མན་ངག་གབ་པའི་དོན་ཞུས་པས། ། བཅོམ་ལྡན་འདས་ཀྱིས་བཀའ་སྩལ་པ།། ད་ལྟར་དེ་ལྔ་དག་ལ་ཡང།། དང་པོ་ལྷ་དང་དབྲལ་བ་དང།། གཉིས་དང་གསུམ་དང་བཞི་རྣམས་ནི།། ཀུན་གྱི་མགོ་ལ་གདགས་པར་བྱ།། ལྔ་པ་རྡུལ་དུ་བརླག་པ་དང། ། མཚོན་གྱིས་གཏུབ་དང་ཐུན་གྱིས་བྲབ།། ཀུན་གྱིས་ཁོང་ཁྲག་གདགས་པར་བྱ།། མཇུག་ཏུ་ཞལ་དུ་གདབ་བྱ་བ།། བདག་ཉིད་ཆེན་པོའི་དུས་ལ་བབ།། ང་ཡི་དབང་དུ་གྱུར་ནས་ཀྱང།། བསྒོ་བའི་བཀའ་ནི་ཉན་པར་གྱིས། ། བིནྡྷ་ཡ་བིནྡྷ་ཡ་ཧཱུཾ་ཕཊ། བཛྲ་ཡཀྵ་ཀྲོ་དྷ་ཁཱ་ཧི་ཧ་ཧ། ཆོས་ཉིད་ཀྱི་བདེན་པའོ།། ཆོས་ཉིད་ཀྱི་བྱིན་གྱིས་བརླབས་སོ།། གསང་སྔགས་ཀྱི་མཐུའོ།། ཨ་བྷི་ཙཨཱརྱའི་དུས་ལ་བབ་པ་རྣམས་ཀྱིས་བརྣག་པའོ། ། ཨོཾ་བཛྲ་ཀཱི་ལི་ཀཱི་ལ་ཡ་ཉི་ཤུ་རྩ་གཅིག་བཟླས་སོ།། ཧཱུཾ་ཧཱུཾ་ཞེས་པ་ཉི་ཤུ་རྩ་གཅིག་བཟླས་པར་བྱའོ།། དཀར་ནག་གི་མཚམས་སུའོ།། ཀཱི་ལི་ཀཱི་ལ་ཡ་ཞེས་པ་རྒྱ་རྩ་བརྒྱད་བཟླས་པ་བྱའོ།། དཀར་ནག་གི་མཚམས་སུའོ། ། ཧཱུཾ་ཧཱུཾ་ཕཊ་ཕཊ། ཅེས་བཟླས་པ་བྱའོ།། ཞེས་གསུངས་སོ།། རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས་གབ་པའི་དོན་གཏན་ལ་དབབ་པའི་ལེའུ་སྟེ་བཅུ་བཞི་པའོ།།།། དེ་ནས་ཐུགས་ཀྱི་སྲས་མཆོག་དེས། ། དབང་རྣམས་བསྐུར་བའི་རིམ་པ་ཞུས།། བཅོམ་ལྡན་འདས་ཀྱིས་བཀའ་སྩལ་པ།། རྡོ་རྗེ་སློབ་དཔོན་རབ་མཆོག་གིས།། བཀྲ་ཤིས་གཞུང་མཐུན་ཉམས་དགའི་གནས།། བཤགས་སྐོང་ལ་སོགས་ས་ཆོག་དང། ། དཀྱིལ་འཁོར་མཆོད་བུམ་ལ་བརྟེན་པའི།། གཞུང་བསྲང་བསྙེན་པའི་ཆོ་ག་བྱ།། སྟ་གོན་ལྷ་བསྐྱེད་ཆོག་གཞུང་བསྲང།། གསོལ་གདབ་གནང་ཞིང་མཎྜལ་འབུལ།། སོ་ཤིང་དོར་ནས་ཆོས་བཤད་ཅིང།། སྲུང་སྐུད་[(8[)]་གདགས་དང་ཀུ་ཤ་རྨི་ལམ་བརྟག། དེ་ནས་ཐིག་དང་ཚོན་བྲི་ཞིང།། རྒྱན་དང་རྫས་དགོད་ལས་གཞུང་བསྲང།། གདོང་གཡོགས་གསོལ་གདབ་འཇུག་པར་ཞུ།། ལྷ་ལ་གསོལ་གདབ་མེ་ཏོག་དབུལ།། དྲིས་ལན་ཡོན་ཀྱང་ཁས་སུ་བླང། ། དཀྱིལ་འཁོར་བསྐོར་ལ་བགེགས་བསྐྲད་ཅིང།། དམ་ཆུ་བླུད་ནས་དམ་ཚིག། མེ་ཏོག་དོར་ལ་ལྷ་དབོག་ཅིང།། གསང་བའི་མཚན་གདགས་དྲི་བ་བྱ།། བསྟིམ་དང་ཡེ་ཤེས་དབབ་དགྲོལ་བསྟིམ། ། དབང་གི་སྟེགས་འདུག་གུས་དང་ལྡན།། དབང་བསྐུར་བ་ནི་བུམ་པ་དང།། དབུ་རྒྱན་རྡོ་རྗེ་དྲིལ་བུ་སྟེ།། སངས་རྒྱས་ཡབ་ཡུམ་ལ་སོགས་ལྷ། དུར་ཁྲོད་ཆས་བརྒྱད་འདོད་ཡོན་ལྔ།། ཡེ་ཤེས་དབང་བསྐུར་བྱིན་གྱིས་བརླབ། ། བཀྲ་ཤིས་བརྗོད་ཅིང་སྨོན་ལམ་གདབ།། ཡོན་དབུལ་དགེ་བའི་རྩ་བ་བསྔོ།། དབང་དང་བྱིན་རླབ་འདིར་སྩོལ་འགྱུར།། ཞེས་གསུངས་སོ།། རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས་རིན་ཆེན་དབང་གི་ཕྲེང་བའི་ལེའུ་སྟེ་བཅོ་ལྔ་པའོ། །།། དེ་ནས་ཐུགས་ཀྱི་སྲས་མཆོག་དེས།། མཛབ་དགོངས་རྒྱུན་གྱི་ཏིང་འཛིན་ཞུས།། བཅོམ་ལྡན་འདས་ཀྱིས་བཀའ་སྩལ་པ།། ཀཱི་ལ་ཡ་ཡི་བསྙེན་པ་དང།། མཚན་མ་རྟགས་ཀྱི་བསྙེན་པ་སྟེ། ། བསྐྱེད་དང་རྫོགས་པའི་རིམ་གཉིས་ལས།། རྫོགས་པའི་རིམ་པ་རྣམ་བཞྀའི་དོན།། རྨུགས་ན་ཆོས་ཉིད་ཨ་དཀར་ལ།། གཏད་ལ་རང་སེམས་བཟུང་བས་བཟླས།། དེས་ནི་ཏིང་འཛིན་ཟིན་པར་འགྱུར། ། རྒོད་ན་སྐྱེ་མེད་བདེ་བ་ཆེ།། དབུགས་དང་ཤེས་པ་ཡིག་འབྲུར་འགྲོགས།། ཕར་འཕྲོས་ཡུལ་སྟོངས་འདུས་པ་བདེ།། འཕྲོ་ན་བདེ་ཆེན་བསྐོར་ལྡོག་ཅིང།། བྱ་འཕུར་མཁའ་ལ་བདེ་བ་ལྟར།། ཚུར་བསྟིམས་བསྐོར་ཞིང་ལྡོག་སྟེ་བཟླས། ། བྱེད་ན་ཁྲོ་བོའི་བཟླས་པ་ནི།། ཏིང་ངེ་འཛིན་དང་ལྡན་པས་བཟླས།། མཚན་མ་ཅན་གྱི་བཟླས་པ་ནི།། མགལ་མེ་གླད་ལ་བསྐོར་བ་བཞིན།། གསེར་གྱི་བ་ཐག་གཟིངས་པ་དང།། བུང་ཚང་བཤིག་པ་ཇི་བཞིན་དུ། ། མགར་གྱི་ཚྭ་ཚྭ་གདབ་པ་ལྟར།། ཡང་ན་དབྱངས་དང་ཕྲིན་ལས་དང།། ཆོས་ཉིད་ནུས་པ་ལྡན་པར་བྱ།། ཞེས་གསུངས་སོ།། རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས་མཛབ་ཀྱི་དགོངས་པའི་ལེའུ་སྟེ་བཅུ་དྲུག་པའོ། །།། དེ་ནས་ཐུགས་ཀྱི་སྲས་མཆོག་དེས།། མནན་བསྲེག་འཕང་བའི་དོན་རྣམས་ཞུས།། བཅོམ་ལྡན་འདས་ཀྱིས་བཀའ་སྩལ་པ།། སྦྱིན་སྲེག་ཐབ་ཁུང་གྲུ་གསུམ་དུ།། ཚེར་མ་ཅན་གྱི་ཤིང་རྣམས་བཙེར། ། མཆོད་པའི་རྫས་དང་སྲེག་པའི་རྫས།། གཏོར་མ་དག་དང་ལིངྒར་བཅས།། དྲག་པོའི་ཆ་ལུགས་རྫོགས་བྱས་ཏེ།། མཚམས་གཅོད་དགུག་གཞུག་བསྟིམ་ནས་ནི།། ཧོམ་ཁུང་མཐིང་ནག་གཞལ་ཡས་སུ།། མེ་ལྷ་དམར་སེར་ཕུར་པ་འཛིན། ། དགུག་ཅིང་མཆོད་དང་བསྟོད་བྱས་ལ།། ལྟོ་བར་རྩིབས་བརྒྱད་གཞལ་ཡས་ཁང།། ལྷ་ཚོགས་བསྐྱེད་པའི་ཆོ་ག་གཞུང།། སྤྱན་དྲང་མཆོད་དང་སྲེག་རྫས་དབུལ།། གཤེགས་ཤིང་མཇུག་གི་ལས་རྣམས་བྱ། ། སྦྱིན་སྲེག་དག་གི་རིམ་པའོ།། མནན་པའི་འཁོར་ལོ་བཅས་ནས་ནི།། ཏིང་འཛིན་ཆོ་ག་གོང་ལྟར་ཏེ།། ལྷ་རྣམས་ཀུན་ཀྱང་རྟ་མགྲིན་བསྒྱུར།། ཨོཾ་བཛྲ་ཀཱི་ལི་ཀཱི་ལ་ཡ་ཧ་ཡ་གྲཱི་ཝ་ཧུ་ལུ་ཧུ་ལུ་སརྦ་བིགྷྣཱན་བཾ་ཧཱུཾ་ཕཊ། འོད་འཕྲོས་བསམ་གྱིས་མི་ཁྱབ་པས།། དགུག་དང་བསྟིམ་སྟེ་བཅིང་བྱས་ནས།། མཚན་ངན་ཐོད་པར་བཅུག་ལ་བཏབ།། ཐུན་སྔགས་བྲབ་སྟེ་མནན་བྱས་ལ།། རིམ་པར་གཡོགས་ཏེ་སྔགས་ཀྱིས་མནན། ། འཕང་བ་ཐུན་གྱི་ལས་རྣམས་ནི།། རྫས་དང་སྔགས་དང་ཏིང་ངེ་འཛིན།། དེ་ལྡན་པས་ནི་བྱ་བར་བཤད།། གཞན་ཡང་ནཱ་ག་ཀླུ་འདུལ་དང།། ཚེ་དང་བྱིན་རླབ་ལ་སོགས་པ།། ཀུན་ཀྱང་འདི་ཡིས་འགྲུབ་པར་བྱེད། ། ཅེས་གསུངས་སོ།། རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས། ལས་ཀྱི་མཇུག་བསྡུ་བའི་ལེའུ་སྟེ་བཅུ་བདུན་པའོ།།།། དེ་ནས་འདུས་པའི་ཚོགས་ཀྱིས་ཀྱང།། བཅོམ་ལྡན་འདས་ལ་རབ་བསྟོད་པ། ། ཨེ་མ་ཧོ།། ཆོས་ཀྱི་དབྱིངས་ལས་འབར་བའི་སྐུར་སྣང་ཞིང།། སངས་རྒྱས་ཀུན་དང་ཡེ་ཤེས་རྫོགས་པའི་སྐུ།། རྒྱལ་བའི་སྤྲུལ་སྐུ་ཕྲིན་ལས་རྫོགས་མཛད་ཅིང།། དཔའ་སྒེག་འཇིགས་པའི་སྐུ་ལ་ཕྱག་འཚལ་འདུད། ། ཅེས་བསྟོད་དོ། བཅོམ་ལྡན་འདས་ཀྱིས་སྡུད་པ་པོ་ལ་བཀའ་སྩལ་པ།། ཉོན་ཅིག་གཟུང་ཞིག་ཀཱི་ལ་ཡ།། སྙིང་པོ་བསྡུས་པ་མན་ངག་རྒྱུད།། རྡོ་རྗེ་ཕུར་པ་གསང་བའི་དོན།། ཁྱོད་ཉིད་ལ་ནི་གཏད་པར་བྱའོ།། ཞེས་གསུངས་སོ། ། རྡོ་རྗེ་ཕུར་པ་གསང་བ་མན་ངག་གི་རྒྱུད་ལས་སྟོན་པ་ལ་བསྟོད་པ་དང།། སྡུད་པ་པོ་ལ་གཏད་པའི་ལེའུ་སྟེ་བཅོ་བརྒྱད་པའོ།།། རྡོ་རྗེ་ཕུར་པ་རྩ་བ་མན་ངག་གི་རྒྱུད་གདམས་ངག་གི་བཅུད་སྟོན་པར་བྱེད་པ་རྫོགས་སོ། །།། རྒྱ་གར་སྐད་དུ། ཀཱི་ལ་ཡ་དྷ་ཤ་དྭ་ཡ་ཏནྟྲ་མ་ཧཱ་ཡཱ་ན། བོད་སྐད་དུ། ཕུར་བུ་བཅུ་གཉིས་འབྱུང་བའི་རྒྱུད་ཆེན་པོ་བསྟན་པའོ།། བཅོམ་ལྡན་འདས་འཇིགས་བྱེད་ཆེན་པོ་ལ་ཕྱག་འཚལ་ལོ།

CLOSE WINDOW