CLOSE WINDOW

Gpb021.003: དྲག་པོའི་སྔགས་རྒོད་སྡིག་པ་སྙིང་འཛིངས་ཀྱི་རྒྱུད་ཅེས་བྱ་བ
Wylie

རྒྱ་གར་སྐད་དུ། རུ་དྲ་མནྟྲ་བིཙྪ་ཧྲྀ་ད་ཡ་ཀཱིརྞ་ཏནྟྲ་ནཱ་མ།། བོད་སྐད་དུ། དྲག་པོའི་སྔགས་རྒོད་སྡིག་པ་སྙིང་འཛིངས་ཀྱི་རྒྱུད་ཅེས་བྱ་བ།། དཔལ་འཇིགས་བྱེད་ཀྱི་རྒྱལ་པོ་ཡ་མཱནྟ་ཀ་ལ་ཕྱག་འཚལ་ལོ། ། དེ་ནས་རྡོ་རྗེ་སྙིང་པོ་ཡིས།། རྡོ་རྗེ་ཁྲོ་བོ་འཇིགས་ཚོགས་ལ།། ཀུན་ཀྱང་གུས་པས་ཕྱག་བཙལ་ཏེ།། བདེ་མཆོག་ཡབ་ལ་འདི་སྐད་གསོལ།། ཨེ་མ་ཧོ།། སངས་རྒྱས་ཀུན་གྱི་རང་བཞིན་ཏེ།། རྡོ་རྗེ་འཆང་གི་ངོ་བོ་ཉིད། ། སྙིགས་མ་ལྔ་ཡི་དུས་ཉིད་དུ།། མཚམས་མེད་ལས་རྣམས་ཀུན་སྤྱོད་པས།། འགལ་བ་ཆོམ་ལ་དབབ་པའི་ཕྱིར།། རང་གཤེད་དྲག་པོ་བཤད་པར་མཛོད།། དེ་ནས་ཕྱག་རྒྱ་ཆེན་པོ་ཡིས།། རྡོ་རྗེ་སྙིང་པོ་ཁྲོ་ཚོགས་ལ། ། གསང་ཚིག་དྲག་པོའི་དམོད་པ་ཡིས།། འགལ་བ་ཆོམ་ལ་དབབ་བའི་མཆོག། འཁོར་ལ་ཉེ་བར་བཀའ་སྩལ་ཏོ།། སྙིགས་མ་ལྔ་ཡི་དུས་ཉིད་དུ།། མཚམས་མེད་ལས་ངན་ཀུན་སྤྱོད་པས།། བན་དགྲ་དམ་ཉམས་བསྒྲལ་བའི་ཕྱིར། ། རི་ཐང་མཚམས་སུ་ཞེ་སྡང་ཅན། ཁྲོས་པའི་གཞུ་བཅག་སྦྱོར་བ་བརྩམ།། དེ་ཡང་ཕྱིར་ལ་བཟློག་པ་དང།། བྱས་པ་བཤིག་དང་ཟུག་པ་དབྱུང།། གསང་ལམ་དགག་དང་གཟིར་གནན་ཏེ།། སྤྱང་མོ་དྲུག་གི་སྦྱོར་བ་ཡིས། ། དང་པོ་འཆི་མེད་དུས་སྦྱོར་ཟློག། བར་དུ་མཁའ་འགྲོ་གཟན་ལ་དབབ།། ཐ་མ་དུག་མདའ་ཁོང་དུ་སྐྱལ།། ཞེས་གསུངས་སོ།། དྲག་པོའི་སྔགས་རྒོད་སྡིག་པ་སྙིང་འཛིངས་ཀྱི་རྒྱུད་ལས། ཞུས་པ་དང་གནང་བའི་ལེའུ་སྟེ་དང་པོའོ། །།། དེ་ནས་འཇིགས་བྱེད་ཆེན་པོ་ཡིས།། དང་པོ་སྟོང་པ་ལྷ་ཡི་འཁོར་ལོ་ཡི།། འཆི་མེད་དུས་ཀྱི་སྦྱོར་བ་བཟློག་པ་འདི་གསུངས་སོ།། ཨེ་ཉིད་སྟོང་པ་ཆོས་འབྱུང་ཞེས།། མ་སྐྱེས་སྐྱེ་འགག་མེད་པ་ལས། ། རྒྱུ་རྐྱེན་སྔགས་ལས་མ་བསྐྱེད་པར།། རོལ་པ་ཆེན་པོའི་སྐུ་རུ་གསལ།། དབུ་གསུམ་ཕྱག་དྲུག་ཞབས་བཞི་བགྲད།། གཡས་དཀར་གཡོན་དམར་དབུས་མཐིང་རྔམ།། རྡོ་རྗེ་འཁོར་ལོ་རལ་གྲི་གཡས། ། བེ་ཅོན་གཏུན་ཤིང་སྡིགས་མཛུབ་གཡོན།། རིགས་ལྔའི་ཁྲོ་བོས་དབུ་ལ་བརྒྱན།། རང་གི་ཕྱག་རྒྱ་ཆེན་པོས་བརྗིད།། སྦྲུལ་དང་རིན་ཆེན་འབར་བ་དང།། དྲེགས་པའི་མགོ་བཅད་ཕྲེང་བས་བརྒྱན།། ཀླུ་རིགས་དུ་མས་སྐུ་ལ་སྤྲས། ། ཡུམ་ནི་དམིགས་མེད་ཆོས་ཀྱི་དབྱིངས།། མཐིང་ནག་ཙིཏྟ་བྷན་དམར་སྟོབ།། ཐུགས་ཀར་སྨུག་ནག་ཡ་མ་གནས།། མེ་ལོང་ཡེ་ཤེས་ངོ་བོ་ཉིད།། འཁོར་བོ་ཙིཏྟ་ཕྱག་ན་བསྣམས།། ཡ་མའི་ཐུགས་ཀར་དྲེགས་པ་ཆེ། ། མཉམ་ཉིད་ཡེ་ཤེས་ངོ་བོ་ཉིད།། ལྗང་ནག་རྡོ་རྗེ་སྙིང་ཕྲེང་འཛིན།། དྲེགས་པའི་ཐུགས་ཀར་ཁྱམས་ཁང་སྟེང།། བྱ་བ་ནན་ཏན་ཡེ་ཤེས་ཉིད།། འཇིགས་བྱེད་ཆེན་པོ་མཐུར་དུ་བལྟ།། སྤྱི་གཙུག་མཁའ་ལྡིང་ཀླུ་ནག་འདུལ། ། སོར་རྟོག་ཡེ་ཤས་ངོ་བོ་ཉིད།། དཀར་པོ་ཟིལ་གནོན་རོ་ཉེ་ཟ།། ཕྲག་གོང་སྨུག་ནག་འཇིགས་པའི་ཁྱུང།། དཔུང་ཁར་སྟག་ཆེན་རོ་ལ་རྔམ།། ནུ་ཁར་སེང་གེ་རལ་པ་སྤྲུག། སྟ་ཟུར་དུག་སྦྲུལ་ནག་པོ་འཁྱུག། སངས་རྒྱས་ཀུན་གྱི་ངོ་བོ་ཉིད།། རྡོ་རྗེ་འཆང་ཆེན་སྤྱི་གཟུགས་ཅན།། མ་བསྐྱེད་ངང་གིས་རང་བཞིན་འཆར།། ཕྱག་རྒྱ་ཀུན་གྱི་ཟིལ་གནོན་ཡིན།། དེ་འདྲའི་སྐུ་རུ་གསལ་བསྒོམས་ལ། ། སྟོང་སྲོག་འཁོར་ལོ་འདི་དག་བཟླས། ཨྱེ་ཨྱེ་ཨྱེ། ཨ་ཀྲེ་ཏེ་ཀ་ཡ་མཱནྟ་ཀ་ཡ་མ་ཡེ། ཀཱ་ལ་རཱུ་པ། ཀ་པ་ཡེ། ཧྲི་སྟི། ཨ་བ་ཡེ། ཨ་ཨཱ་ནེ་ཨཱ་ནེ། ཨུ་ཨུ་ནེ་ཨུ་ནེ། དུ་དུ་ནེ་དུ་ནེ། ཨ་ཨཱི། ཨུ་ཨེ། ཨོ་ཨི། ར་རཱི། ལ་ལི། དུ་རུ་ཡེ། བྱ་ཙ་ཡེ། སིདྷ་ཡེ། ཧྲི་ད་ཡེ། བི་ད་ཡེ། ཙིཏྟ་ཡེ། ཧ་ལ་ཡེ། མུ་ཁ་ཡེ། ཨུ་ཨུ་ནེ། ཨུ་ཨུ་ནེ། བྷི་ཀྲི་ཏ། ཨ་ཨ་ན་ན། ཡ་མ་ར་ཙ། ཡ་མ་རཀྴ། ཡ་མ་རག་ཨཱ། ཡ་མ་རཀྵ། བེ་ཏཱ་ལི། ཀྲོ་ཏཱི་ཤྭ་རཱི། མ་མ་ཨེ་ཀ་ཛ་ཏི། དེ་མ་ཁ་ལ་བཾ་རིལ། རུ་ལུ་རུ་ལུ། ཤྲི་བཛྲ་ཀྲོ་ཏ། ཡ་མ་ཀརྨ། རོ་ཥ་ཎ། ཡ་མ་རཀྴ་ཀྲི་ཏ་ཙན་ཏ། རཀྴ་མོན་ཏ། ཨ་མུག་མྱགས་ཐུམ་རིལ། ཏྲིག་ནན། སྦུར་ནན། ཨེ་ཧུར་ཐུམས་ཛ། ཁཾ་ཤག་རོ་མྱགས། རྨུགས་ཏི་རྦད་ཡ། གསང་སྔགས་ཕྲེང་བ་འདི་ཉིད་ལ།། སྤྱང་མོ་དྲུག་གི་སོ་འདི་གསུངས།། བར་དུ་མིང་དང་བརྡའ་རུ་སྦྱར།། ཞེས་གསུངས་སོ།། དྲག་པོ་སྔགས་རྒོད་སྡིག་པ་སྙིང་འཛིང་ཀྱི་རྒྱུད་ལས། སྟོང་སྲོག་ལྷའི་འཁོར་ལོ་ལས། འཆི་མེད་དུས་ཀྱི་སྦྱོར་བས་སྲུང་བའི་ལེའུ་སྟེ་གཉིས་པའོ།།།། དེ་ནས་འཇིགས་བྱེད་ཆེན་པོ་དེས། མཁའ་འགྲོའི་ཟ་ཁ་དགྲ་ལ་སྦོ་བ་ཡི། སྤྱང་མོ་དྲུག་གི་སོ་འདི་གསུངས་སོ།། ཆེ་གེ་མོ་ཨ་མུ་ཀ་ཏྲིག་ནན། ཨེ་ཧུར་ཐུམས་ཛ། ཁམ་ཤག་རོ་མྱགས་མུགས་ཏི་རྦད། ཆེ་གེ་མོ་ཨ་མུ་ཀ་རྩ་སྦུར་སྲོག་ནན། སྙིང་གཟེར་བྲེང་ཤག་ཡཾ་རྦད། ཨེ་ཧུར་ཐུམས་ཛ། ཁམ་ཤག་རོ་མྱགས་མུགས་ཏི་རྦད་ཡ། ཆེ་གེ་མོ་ཨ་མུ་ཀ་མནྟྲ་དུམ། མ་ཧཱ་ར་ག་དུ་དུ་ཡང་མ་སྟ་ར་དུམ། ཐུམ་རིལ་རྦད། ཨེ་ཧུར་ཐུམ་ཛ། ཁམ་ཤག་རོ་མྱགས། མུགས་ཏི་རྦད་ཡ། ཆེ་གེ་མོ་ཨ་མུ་ཀ་དུ་རམ་ཏྲི་ཡཾ་འདྲིད་ཕྱུང། སྲོག་གཟིར་ནན་ཕྱུང། ཨེ་ཧུར་ཐུམས་ཛ། ཁམ་ཤག་རོ་མྱགས་མུགས་ཏི་རྦད་ཡ། ཆེ་གེ་མོ་ཨ་མུ་ཀ་ཙིཏྟ་སྟྭམྦྷ་ཡ་ནན། ཨེ་ནན་ཡཾ་བཟློག་འདྲིད་བཟློག་བྷྱོ།། ཨེ་ཧུར་ཐུམས་ཛ། ཁམ་ཤག་རོ་མྱགས་མུགས་ཏི་རྦད་ཡ། ཆེ་གེ་མོ་ཨ་མུ་ཀ་བི་ཏཾ་སྟྭམྦྷ་ཡ་ནན། ཨེ་ཧུར་ཐུམས་ཛ། ཁམ་ཤག་རོ་མྱགས་མུགས་ཏི་རྦད་ཡ། དེ་དག་གོང་གི་སྔགས་རིང་ལ།། སྐབས་ཀྱིས་བསྒྱུར་བ་ཤེས་པར་བྱ།། བགྱིང་གཟིར་བྱད་བཟློག་གསང་ལམ་དགག། བྱས་པ་བཤིག་ཅིང་ཟུག་པ་དབྱུང།། སྟོབས་དང་ནུས་པ་མནན་པའོ། ། ཏིང་འཛིན་སྦྱང་མོ་འཕྲོ་འདུ་ནི།། གཡུ་ཡི་སྦྱང་མོ་དྲུག་ཏུ་འགྱུར།། སྦྱང་མོ་རེ་རེས་ཕྲིན་ལས་རེ། མྱུར་དུ་བྱེད་པས་གསལ་བར་བསྒོམ།། ཞེས་གསུངས་སོ།། དྲག་པོ་སྔགས་རྒོད་སྡིག་པ་སྙིང་འཛིངས་ཀྱི་རྒྱུད་ལས། སྤྱང་མོ་དྲུག་གི་མཁའ་འགྲོའི་ཟ་ཁ་དགྲ་ལ་སྤོ་བའི་ལེའུ་སྟེ་གསུམ་པའོ།།།། དེ་ནས་ཡང་སྔགས་ཀྱི་དུག་མདའ་ཁོང་དུ་སྐྱེལ་བ་རང་གཤེད་དབབ་པ་འདི་གསུངས་སོ།། དཔའ་བོ་གྲིར་ཤི་པའམ། ཁྱི་ནག་པོའམ། ར་རོག་པོའི་སྙིང་ནང་དུ། གདུག་བྱེད་རང་གཤེད་དབབ་པའི་འཁོར་ལོ་གཉིས། ཞེ་སྡང་ལྕགས་ཀྱི་སྡིག་པ་ནག་པོ་དང། ཕྲག་དོག་བསེའི་སྦལ་པ་དམར་པོ་གཉིས་ལྟོ་བར་བཅས་ལ། ཙིཏྟའི་ནང་དུ་ཙཀྲ་གཞུག། དེ་ནས་རབས་ཆད་ཐོད་པ་གཤག། ཐོད་པའི་ནང་དུ་ཙིཏྟ་གཞུག། ཨག་ཚེ་བ་ཡར་བསྟན་ལ། དེ་ནས་མནན་རྫས་དང་ཐུན་གྱིས་བརྡེག་གོ།། བདག་ཉིད་ཕྱག་རྒྱ་ཟིལ་གནོན་དུ་བསྒོམས་ལ། ངན་སྔགས་འདི་བཟླས་སོ།། ཨེ་མྱགས་ཡ་རྔུབས་མུགས་ཤག་ཀ་དུན། ཨ་མུ་ཀ་སྲོག་ལ་རྦད། ཐུམ་རིལ་རྦད། རྩ་ཁྲག་ཙིཏྟ་ཕྱུང། ནརྀ་སྲོག་ཧུར་ཐུམས་ཛ། ཞེས་བཟླས་སོ།། ངན་སྔགས་འདི་སྐྱེ་བ་རྒྱུན་གཅོད་ཡིན་ནོ། ། ནག་པོ་རག་ཤ་སྙིང་ལ་སྦུར། ནན་རྦད། ནག་པོ་རག་ཤ་སྲོག་ལ་ཧུར་ཐུམས་རྦད། ནག་པོ་རག་ཤ་སྙིང་ཁྲག་ལ་བྲེང་ཤག་རྦད། ནག་པོ་རག་ཤ་རྩ་ལ་བྲེང་ཤག་རྦད། ནག་པོ་རག་ཤ་སྙིང་ཁྲག་ཚལ་པ་ཤམ་ལོང་རྦད། ནག་པོ་རག་ཤ་གར་བྷ་ནརྀ་ཛ། བྷན་ཏྲ་བྷན་དྷ་རི་ཡང་བྷི་ཏམ་སྟྭམྦྷ་ཡ་ནན། ཞེས་བཟླས་སོ།། ཉིན་མཚན་ཕྱེ་ལ་བཟླས་ཏེ། མཚན་མོ་ནག་པོའི་ལས་བྱའོ།། ཉིན་པར་དམར་པོའི་ལས་བྱའོ།། དེས་ཙིཏྟ་ཡང་གས་པར་འགྱུར་རོ། ། དུས་ཐམས་ཅད་དུ་ཐུན་གྱི་ལས་ཉི་ཚེ་བྱ་བ་གཅེས་སོ།། གསང་བ་ཙིཏྟ་རང་གཤེད་དབབ་པ། ཞེ་སྡང་སྡིག་པ་ནག་པོ་དང། ཕྲག་དོག་བསེའི་སྦལ་པ་དམར་པོ་གཉིས། རང་གཤེད་ཕབ་ལ་གནན་པར་བྱ། ཞེས་གསུང་སོ།། དྲག་པོ་སྔགས་རྒོད་སྡིག་པ་སྙིང་འཛིངས་ཀྱི་རྒྱུད་ལས། སྔགས་ཀྱི་དུག་མདའ་ཁོང་དུ་བསྐྱལ་བ་རང་གཤེད་དབབ་པའི་ལེའུ་སྟེ་བཞི་པའོ།།།། དེ་ནས་དྲག་པོ་ཐུན་ལ་བརྟེན་ཏེ་བསད་པའི་ལས་འདི་གསུངས་སོ། ། གྲི་རྒོད་ཀྱི་ཐོད་པའི་ནང་དུ། གྲི་རྒོད་ཀྱི་སྙིང་ངམ་རོག་པོའི་སྙིང་དུ། དགྲ་བོའི་ལིངྒ་བཅུག་པས། དེ་ཡང་ལིངྒ་ཛ་དགུ་དང། གར་བྷ་ནརྀ་ཛས་བརྒྱན་པ་ནི། སྔོན་དམར་སྲད་བུས་བརྒྱན་ལ་བཞག། བདག་ཉིད་ཕྱག་རྒྱ་ཟིལ་གནོན་བསྒོམ།། ཐུན་རྫས་དུག་དང་སྐེ་ཚེ་དང།། ཉུང་ནག་དང་ནི་ཟི་ར་ཏིལ།། ཤང་ཚེ་མི་ཁྲག་ཁྱི་ཁྲག་དང།། ར་ཁྲག་དང་ནི་ཕག་པའི་ཁྲག། ལྕགས་ཕྱེ་ཟངས་ཕྱེ་ཐུན་དུ་སྦྱར། ། ངན་སྔགས་འདི་དག་དྲག་ཏུ་བཟླས། ཨྱེ་ཨྱེ་ཨྱེ། ཨ་ཀྲོ་ཏེ་ཀ་ཡ་མཱནྟ་ཀ་ཀཱ་ལ་རཱུ་པ། ཧྲི་སྟི་བྱི་ཀྲྀ་ཏ། ཀཱ་ལི་ཀྲོ་ཏ། ཨ་ནེ་ཨུ་ནེ། དུ་ནེ་བྱ་ཙ་ཡེ། དུ་རུ་ཡེ། ཙིཏྟ་ཡེ། ཧ་ལ་ཡེ། ཡ་མ་ཀྲི་ཏ། ཡ་མ་ཀྲོ་ཏ། ཡ་མ་མོ་ན་ཏ། ཡ་མ་རཀྴ། ཡ་མ་བྱི་ཤ་ཙི་དུ་ཏེ་དུ་ཏི་ཡང། མོན་ཏ་ཀྲི་ཏ་ཡ་ཏྲི་ན་ཡ་ཡང། ཨ་མུ་ཀ་ཙིཏྟ་བྲེང་ཤག། མུགས་ཤག་མུག་ཐུན་བྷྱོ། ཐུམ་རིལ་སྲོག་ལ་མྱོག་བྷྱོ། དུར་ཏིང་ཧྲི་ཤག་ཧ་ལ་ཡཾ་བྷྱོ། དགྲ་བོའི་སྙིང་ཁྲག་ཚལ་པ་མྱོག་རྦད། སྲོག་ལ་མཱ་ར་ཡ་རྦད། ནརྀ་ཤ་ཀུ་རུ་ནི་རྦད། ནརྀ་ཧུར་ལོང་བྲེང་དུན་དུན། ཧུར་ཐུམས་ཛ། ཙིཏྟ་རྦད། ཅེས་བཟླས་ལ་སུམ་ཡར་དུ་བརྡེག་གོ། བསྒོམ་པ་ནི་ཕྱག་རྒྱ་ཟིལ་གནོན་དུ་བསྒོམ་མོ།། སྐབས་སུ་བསྐུལ་བ་ཡང་གཏང་ངོ། ། ལིངྒ་ཐུན་གྱིས་ཉུགས་པ་དེ། ལམ་རྒྱ་གྲམ་དུ། གཟའ་རྒྱུ་བ་དང་བདུད་ཀྱི་ཉི་མ་ལ་སྲོད་ལ་མནན། གྲུ་གསུམ་ནང་དུ་མཆོད་རྟེན་བང་རིམ་གསུམ་པས་མནན། བ་བལ་ནག་དང་ཚེར་མས་དགབ། ཕྱིས་ཁ་གསོས་ལ་དུམ་རེ་འཕང་ངོ།། ཞེས་གསུངས་སོ།། དྲག་པོ་སྔགས་རྒོད་སྡིག་པ་སྙིང་འཛིངས་ཀྱི་རྒྱུད་ལ། རང་གཤེད་གསང་བ་སྙིང་ཐུན་གྱི་ལས་ཀྱི་ལེའུ་སྟེ་ལྔ་པའོ།།།། དེ་ནས་འཇིག་རྟེན་གྱི་ལྷ་འདྲེ་སྤྱིའི་རྦོད་གཏོང་མཁན་གྱི་ངག་མནན་པ་འདི་གསུངས་སོ། ། ཕག་ཐོད་དམ་དོད་ཐོད་དུ། ཁོའི་སྲུང་མ་རྣམས་ཤོག་བུ་ལ་བྲིས་ལ། ངོ་མ་ཤེས་ན་རྨི་ལམ་དུ་གང་བྱུང་བ་བྲིས་ལ། རང་དང་གཉིས་ཀྱི་སོ་མཚམས་སུ། དོང་ཁྲུ་གང་བ་བྲུས་ལ། ཁོ་རང་གི་མིང་རུས། དེར་དུག་སྣ་ཚོགས་དང། ཁྲག་དང། ཉུང་ནག་དང། ཚ་བ་གསུམ་དང། གུ་གུལ་དང། གྲི་རྒོད་ཁྲག་དང་ཐལ་ཆེན་སྦྱར་བའི་ཐུན་ལ་ངན་སྔགས་བཟླས་ཏེ། གཟུགས་ཀྱི་ཁར་མནན། རྦོད་གཏོང་མཁན་གྱི་སྲུང་མ་རྣམས་ནུས་པའི་མཐུ་ཉམས་པར་འགྱུར་རོ།། སྔགས་འདིའོ།། ཨེ་མྱགས་ཡ་རྔུབས་མུག་ཤག་ཀ་དུན་སྲོག་ལ་ཐུམ་རིལ་རྦད་བྷྱོ། རྩ་ལ་ཐུན་རྨུགས་རྦད་བྷྱོ། ཁྲག་ལ་མུགས་ཏི་ཐུན་རྦད་བྷྱོ། སྙིང་ཐུར་ནག་པོ་ཁས་ཁས་ཡན་ཡན། གར་བྷ་ན་ཧཱུཾ་ཛ་ཛ་བི་ཏི་སྟྭམྦྷ་ཡ་ནན། ཞེས་བཟླས་ན། ཕོ་ཉ་རྐང་མགྱོགས་ཁོ་རང་ལ། གནོད་ཅིང་བཟློག་པར་འགྱུར་རོ།། དེ་ནས་ཡང་སྔགས་པ་ནུས་པ་ཅན་གྱི་སྟོབས་དང་ནུས་པ་མནན་པ་འདི་གསུངས་སོ། ། ཁོའི་ཟག་པའི་རྫས་བླངས་ལ། ཁོ་རང་གི་འདྲ་འབག་བྱས་ལ་མིང་དང་རུས་དགོད་དོ།། དེའི་ལྕེ་སྙིང་གར་དྲངས་ལ། ལྕེ་ལ་སྔགས་དགོད་དོ། ། ལྕེ་སྟེང་དུ་ཕུར་པ་སོར་བཞི་པ་གཅིག་གདབ་བོ།། དེ་གཏི་མུག་ནག་པོའི་སྙིང་དུ་བཅུག་ལ། མཆོད་རྟེན་བང་རིམ་གསུམ་པས་མནན་ནོ།། དེ་ཡང་ཟླ་བ་ནག་པོ་ཁོ་རང་དུར་དུ་ཞུགས་པ་ལ་བྱའོ།། གཟའ་ཕུར་བུའམ། སྐར་མ་ལག་སོར་ལ་བྱའོ།། དེས་ནི་ཁོའི་སྔགས་བཟླས་པ་ཐམས་ཅད།། གསེར་གྱི་འཁོར་ལོ་རྩིབས་དྲུག་པ་གཉིས་སུ་གྱུར་ནས། ལྕེ་ལ་ལྕགས་ཀྱི་གཟེར་གྱིས་གཏབ་ནས་རི་རབ་ཁོང་སེང་བརྒྱུད་ནས། འགྱུར་དབང་མེད་པར་བསམ་མོ།། ངན་སྔགས་ནི། ཨེ་མྱགས་ཡ་རྔུབས་མུགས་ཤག་ཀ་དུན། ཨ་མུ་ཀ་སྙིང་དུ་ནན། པྲི་དུ་ནན། ཙིཏྟ་ཛ་དི་ནན་ཡང་ནན། སྙིང་གཟིར་སྦུར་ནན། ཀཱ་ཡ་བཱ་ག་ཙིཏྟ་བཛྲ་ཏི་སྟ། མནྟྲ་བྷི་ཏཾ་སྟྭམྦྷ་ཡ་ནན། ཞེས་བཟླས་སོ།། རྟག་ཏུ་ཁ་དང་ལྕེ་ལ་འབྲུམ་པ་འོང་བ་དང་སྐྲང་བར་འགྱུར་རོ།། སྔགས་དེ་ཁྲི་ཕྲག་གཅིག་གམ་གསུམ་རྫོགས་ནས་གནན་པར་བྱའོ།། སྐབས་སུ་ཨྱཻ་རིང་དང་ཏིང་འཛིན་བསྡེབས་ལ་བྱའོ། ། དྲག་པོ་སྔགས་རྒོད་སྡིག་པ་སྙིང་འཛིངས་ཀྱི་རྒྱུད་ལས། སྔགས་པ་སྟོབས་ཅན་ངག་མནན་པའི་ལེའུ་སྟེ་དྲུག་པའོ།།།། དེ་ནས་གཏད་མཁན་ནང་འགྲས་ན། གཏད་བཟློག་ནག་པོ་རུས་སྦལ་མཇིང་བསྣོལ་གྱི་འཁོར་ལོ་འདི་གསུངས་སོ། ། ཏཱ་ལའི་ལོ་མའམ་རྒྱ་ཤོག་ལ། ཀླུ་མགོ་དགུ་པའི་ལྟོ་བར་འཁོར་ལོ་བཅས་ལ། བདག་འཆི་བདག་ནག་པོར་བསྒོམས་ཏེ། ངན་སྔགས་འདི་ཞག་གསུམ་བཟླས་ལ། འཁོར་ལོ་རུས་སྦལ་གྱི་ལྟོ་བར་བཅུག་ལ། རང་གི་གནས་སུ་མཆོད་རྟེན་ནག་པོའི་འོག་ཏུ་མནན་ཏེ། སྐབས་སུ་སྔགས་པ་བརྒྱ་བརྒྱ་ཙམ་བཟླས་ན། གཏད་མཁན་དེ་མྱུར་དུ་བརླག་པར་འགྱུར་རོ།། ངན་སྔགས་ནི། ཨེ་དུན་ཀ་ཡཾ། དགྲ་བོའི་ཙིཏྟ་བྲེང་ཤག་ཛ། སྲོག་ལ་བྲེང་ཤག་ཧུར་ཐུམས་རྦད། ཨྱེ་མྱགས་ཡ་རྔུབས། མུགས་ཤག་ག་དུན། ནག་པོ་བཾ་ཙིཏྟ་ལ་རྒྱོབ། ཏྲག་ཐུར་སྙིང་སྒུལ། མྱགས་མྱགས། རྩ་བཞི་སྐུམས། ཤན་ཤན་དགྲ་བོའི་སྲོག་ལ་ཤན། ཐུར་ཐུར་དགྲ་བོའི་སྙིང་ལ་ཐུར་རྦད་ས་ན་ག་ཧ་ལ་ཙ་མ་རི་དགྲ་བོའི་སྙིང་ལ་ཐུན་བྷྱོ། ཞེས་མཚོན་ཆ་བསྣོལ་མར་བཟླས་ཏེ། རུས་སྦལ་གྱི་ཁོག་པར་བཅུག་ལ་མནན་ནོ།། ཞེས་གསུངས་སོ།། དྲག་པོ་སྔགས་རྒོད་སྡིག་པ་སྙིངས་འཛིངས་ཀྱི་རྒྱུད་ལས། ལས་ཀྱི་འཁྲུལ་འཁོར་ནག་པོ་གཏད་བཟློག་གི་ལེའུ་སྟེ་བདུན་པའོ།།།། འཇམ་དཔལ་གཤིན་རྗེ་གཤེད་ཟླ་གསང་ནག་པོའི་སྙིང་པོ་ལས་ཀྱི་འཁྲུལ་འཁོར་ནག་པོ། དྲག་པོ་སྔགས་རྒོད་སྡིག་པ་སྙིང་འཛིངས་ཀྱི་རྒྱུད། སྙིང་པོ་དོན་གྱི་རྒྱུད་ཅེས་བྱ་བ། བསམ་གཏན་ལྷ་ཡུལ་དུ་གྲགས་པ་རྫོགས་སོ།།།། བལ་ཡུལ་གྱི་རྒྱལ་པོ་བ་སུ་དྷ་ར་དང། བོད་ཀྱི་ལོ་ཙཱ་བ་སངས་རྒྱས་ཡེ་ཤེས་རིན་པོ་ཆེས་བསྒྱུར་བའོ། ། ས་མ་ཡ།། རྒྱ་རྒྱ་རྒྱ།།།། རྒྱ་གར་སྐད་དུ། རུ་དྲ་མནྟྲ་པྲ་ཧ་ར་ཎ་ཀཱ་ལ་ཏནྟྲ། བོད་སྐད་དུ། དྲག་སྔགས་མཚོན་ཆ་ནག་པོའི་རྒྱུད། དཔལ་གཤིན་རྗེ་གཤེད་པོ་ལ་ཕྱག་འཚལ་ལོ།

CLOSE WINDOW