བོད་ཡིག |
218a8 yi dags kha nas me 'bar ba la skyabs mdzed pa'i gzungs/ de'i tshe bcom ldan 'das yul ser skya na dge 'dun gyi gnas na/ dge slong gi dge 'dun dang / byang chub sems dpa' grangs med pas yongs su bskor ba la chos ston to/ /de'i tshe na
218b1 tshe dang ldan pa kun dga' bo bas mtha' zhig na chos yid la byed cing dran pa mngon du bzhag nas 'dug la/ de'i nub mo nam gyi cha smad la yi dags kha nas me 'bar ba zhes bya ba gzugs byed mi sdug pa/ shin tu rid cing skem pa/ kha nas me 'bar ba/ mgrin pa
218b2 mo khab tsam du phra ba/ skra 'dzings pa/ sen mo dang mche ba ring ba rno ba shin tu 'jigs su rung ba zhig dga' bo'i drung du 'ongs nas dga' bo la 'di skad ces smras so/ /khyod da ste zhag bdun na tshe'i dus byas te/ yi dags kyi khams su skye bar 'gyur ro zhes
218b3 smras so/ /dga' bos des smras pa de thos nas shin tu 'jigs skrag ste/ yi dags de la 'di skad ces smras so/ /gal te tshe'i dus byas nas yi dags kyi khams su skye bar 'gyur ba 'di thabs ci byas na sdug bsngal de las yongs su thar bar 'gyur/ de nas
218b4 yi dags des dga' bo la 'di skad ces smras so/ /gal te khyod kyis sang gi nyi ma la yi dags gang gA'i klung gi bye ma khrag khrig brgya stong snyed la gtor ma byin te/ bram ze dang drang srong brgya stong snyed la yul dbus 'gyur tshal gyi bre tshad ma re re'i zhal zas
218b5 mchis pa phul te/ kho bo'i phyir dkon mchog gsum la mchod pa byas na tshe ring zhing yi dags kyi sdug bsngal dang bral te mtho ris kyi lhar 'gyur ro/ /de'i tshe dga' bos yi dags kha nas me 'bar ba/ lus mi sdug pa dang / shin tu rid cing skem pa dang /
218b6 kha nas me 'bar ba dang / mgrin pa mo khab tsam la skra 'dzings pa dang / sen mo dang / mche ba ring zhing rno ba yang mthong la/ yid du mi 'ong mi 'dod pa'i tshig kyang thos nas/ lus skyi bung byed pa tsam du 'jigs skrag nas 'dug pa las langs te myur bar
218b7 bcom ldan 'das ga la ba der song ngo / /bcom ldan 'das kyi spyan sngar phyin nas lus smad lnga sa la gtugs te/ bcom ldan 'das kyi zhabs la spyi bos phyag 'tshal nas/ lus 'dar bzhin du sdug bsngal gyis gdungs pa'i dpung gnyen mdzad
218b8 du gsol/ zhes bcom ldan 'das la 'di skad ces gsol to/ /bdag bas mtha' zhig na chos yid la bgyid cing mchis pa las/ yi dags kha nas me 'bar ba zhes bgyi ba de bdag la 'di skad mchi'o/ /khyod da ste zhag bdun na nges par tshe'i dus byas te/
219a1 yi dags kyi khams su skye bar 'gyur ro zhes mchi'o/ /bdag gis de la thabs ci bgyis na yi dags kyi sdug bsngal de las yongs su thar bar 'gyur zhes dris na/ des bdag la khyod kyis yi dags gang gA'i klung gi bye ma khrag khrig brgya stong snyed la
219a2 gtor ma byin te/ bram ze dang drang srong la sogs pa brgya stong snyed la zhal zas mchog dam pa phul na tshe ring bar 'gyur zhes mchi na/ bcom ldan 'das bdag gis ji lta bur yi dags dang drang srong la sogs pa de snyed kyi kha zas 'byor par 'gyur/ de nas
219a3 bcom ldan 'das kyis dga' bo la bka' stsal pa/ khyod 'jigs par ma byed cig /khyod kyis yi dags gang gA'i klung gi bye ma khrag khrig brgya stong snyed dang / bram ze dang drang srong la sogs pa la kha zas dang / gtor ma mang po 'byor pa'i thabs nga la
219a4 yod kyis yid klong bar ma byed cig /de nas bcom ldan 'das kyis dga' bo la bka' stsal pa/ nga la gzungs sngags gzi brjid tshad med pa'i dbang du gyur pa'i 'od zer rnam par rgyal ba'i shugs zhes bya ba yod de/ gang zhig gis gzungs 'di brjod na yi dags
219a5 gang gA'i klung gi bye ma khrag khrig brgya stong snyed dang / bram ze dang drang srong la sogs te/ mang po'i kha zas dang / gtor ma mchog dam par 'gyur te/ de dag la sogs pa gcig kyang kha zas yul dbus 'gyur tshal gyi bre tshad mas gcal ba'i bre bdun bdun snyed thob
219a6 par 'gyur ro/ /dga' bo nga yang bram zer gyur pa na byang chub sems dpa' spyan ras gzigs dang / de bzhin gshegs pa dbang sgyur yon tan zhes bya ba las gzungs 'di thos pas na/ de'i dbang gis yi dags tshad med pa snyed dang / drang srong mang po la kha zas dang
219a7 gtor ma byin par gyur te/ yi dags kyi khams su skyes pa de dag sdug bsngal las rnam par grol nas mtho ris kyi lhar skyes par gyur to/ /dga' bo khyod kyis gzungs 'di zung shig /bsod nams dang tshe'i tshad kyang 'phel zhing skye bar 'gyur ro/ /de'i tshe
219a8 bcom ldan 'das kyis dga' bo la gzungs sngags 'di bka' stsal to/ /na maHsarba ta thA ga tA a ba lo ki te/ oM sam b+hA ra sam b+hA ra hU~M/ bcom ldan 'das kyis dga' bo la bka' stsal pa/ rigs kyi bu 'am/ rigs kyi bu mo gang la la zhig tshe
219b1 ring bar 'dod dam/ bsod nams che zhing 'phel ba dang / sbyin pa'i pha rol tu phyin pa myur du yongs su rdzogs par 'dod na ni/ rtag tu snga dro'i dus sam/ yang na dus thams cad du byas kyang bar chad du 'gyur ba med do/ /snod gtsang ma'i nang du chu gtsang
219b2 ma blugs la/ chan nam/ phye 'am/ mkhur ba la sogs pa cung zad cig btab ste/ lag pa g.yas pa snod kyi steng du bzhag la/ gzungs 'di lan bdun bsngags nas de bzhin gshegs pa bzhi'i mtshan nas brjod par bya'o/ /de bzhin gshegs pa rin
219b3 chen mang la phyag 'tshal lo/ /de bzhin gshegs pa rin chen mang gi mtshan nas brjod pa'i byin gyi brlabs kyis yi dags thams cad kyi skye ba mang po'i ser sna byas pa'i mi dge ba'i las bcom zhing bsod nams yongs su rdzogs par 'gyur ro/ /
219b4 de bzhin gshegs pa gzugs dam pa la phyag 'tshal lo/ /de bzhin gshegs pa gzugs dam pa'i mtshan nas brjod pa'i byin gyi brlabs kyis yi dags mang po byad gzugs mi sdug pa bcom zhing gzugs dang mtshan phun sum tshogs par 'gyur ro/ /
219b5 de bzhin gshegs pa sku 'byam klas la phyag 'tshal lo/ /de bzhin gshegs pa sku 'byam klas kyi mtshan nas brjod pa'i byin gyi brlabs kyis yi dags mang po'i skom pa spangs shing tshim par 'gyur te/ sbyin pa'i gnas yid bzhin du za ba dang chog
219b6 cing 'drangs par 'gyur ro/ /de bzhin gshegs pa 'jigs pa dang bral ba la phyag 'tshal lo/ /de bzhin gshegs pa 'jigs pa dang bral ba'i mtshan nas brjod pa'i byin gyi brlabs kyis yi dags mang po'i 'jigs pa thams cad dang bral te/ yi dags
219b7 kyi khams zhi bar 'gyur ro/ /bcom ldan 'das kyis dga' bo la bka' stsal pa/ rigs kyi bu la sogs pas de bzhin gshegs pa bzhi'i mtshan nas brjod de byin gyis brlabs pa'i 'og tu se gol lan gsum byas te/ gtor ma'i snod blangs
219b8 nas lag pa brkyang ste/ sa gtsang mar blug par bya'o/ /de ltar gtor ma sbyin par byas na phyogs bzhi nas lhags pa'i yi dags gang gA'i klung gi bye ma khrag khrig brgya stong snyed so so nas yul dbus 'gyur tshal gyi bre tshad mas bcal ba'i bre
220a1 bdun bdun thob par 'gyur ro/ /kha zas de dag yi dags kyis yid bzhin du za ba dang / chog 'drangs pa dang / yi dags kyi khams spong ba dang / mtho ris kyi lhar skye bar 'gyur ro/ /dga' bo gal te dge slong pha dang / dge slong ma dang / dge bsnyen nam/
220a2 dge bsnyen ma gang zhig rtag tu gzungs 'dis kha zas la bsngags te yi dags la sbyin pa byin na bsod nams tshad med pa snyed yongs su rdzogs par 'gyur zhing / de nas sangs rgyas bye ba khrag khrig brgya stong snyed la mchod pa byas pa'i bsod nams dang khyed par med de/
220a3 tshe ring ba dang / bsod nams dang / mdangs dang / stobs skye zhing 'phel ba dang / dge ba'i rtsa ba yongs su rdzogs pa dang / mi ma yin pa dang / gnod sbyin dang / srin po dang / yi dags ma rungs pa thams cad kyis gtse zhing gnod par byed mi nus pa dang / gzhan la gzi brjid tshad
220a4 med pa dang ldan par 'gyur ro/ /gal te gang zhig bram ze dang drang srong la sbyin pa byed 'dod na kha zas yongs su dag pa snod gcig gi nang du bkang ste/ gzungs sngags 'di lan bdun bzlas te 'bab chu gtsang mar gtor na/ de ltar byas pas lha rdzas kyi zhal
220a5 zas mchog dam par 'gyur te/ des na bram ze dang / drang srong de dag kyang sngags kyis btab pa'i zas thob nas/ sngags kyi byin gyis so so nas sngon chad ci dang ci la dga' zhing mos pa'i dge ba'i rtsa ba'i bsod nams yongs su 'gyur bas/ so so nas
220a6 'thun par dus gcig tu de la tshe ring ba dang / mdangs dang stobs su ldan te bde skyid par gyur cig ces smon lam 'debs so/ /gzhan yang mi de sems bsam pa bzhin du mthong ba dang / thos pa'i sgo nas yongs su dag cing / shes pa mi nor ba
220a7 dag tshangs pa lha'i spyod pa mchog dang ldan zhing yongs su rdzogs par 'gyur ro/ /gzhan yang sangs rgyas bcom ldan 'das gang gA'i klung gi bye ma khrag khrig brgya stong snyed la mchod pa byas pa'i bsod nams dang 'dra ste/ phas kyi rgol ba thams cad
220a8 kyis gnod pa byed mi nus par 'gyur ro/ /gal te dge slong pha dang / dge slong ma dang / dge bsnyen nam/ dge bsnyen ma gang zhig sangs rgyas dang / chos dang / dge 'dun la mchod pa byed par 'dod na/ spos dang / me tog dang / zhal zas dam pa la gzungs
220b1 sngags 'di lan nyi shu rtsa gcig tu bzlas te/ dkon mchog gsum la dbul bar bya'o/ /de nas rigs kyi bu pho dang rigs kyi bu mo des phul ba'i zhal zas de lha rdzas kyi zhal zas su gyur te/ phyogs bcu'i 'jig rten gyi khams na sangs rgyas dang / chos dang /
220b2 dge 'dun la mchod pa byas par 'gyur ro/ /des na bstod pa dang / gsol ba gdab pa dang / rjes su yi rang ba'i bsod nams dang ldan par 'gyur te/ rtag tu sangs rgyas bcom ldan 'das kyis bsngags shing dgongs par 'gyur ro/ /lha mang pos rtag tu
220b3 srung zhing skyob pa dang / sbyin pa'i pha rol tu phyin pa yang yongs su rdzogs par 'gyur ro/ /dga' bo khyod kyis 'di'i rjes su chos bzhin yid la byas te/ sems can thams cad kyis mthong zhing thos par bya ba'i phyir yongs su rgyas par ston cig dang
bsod nams tshad med pa thob par 'gyur ro/