བོད་ཡིག |
93a6 lan gnyis zhus/ phyis shin tu dag par skar mas zhus shing bar du ma dag pa mang po bcos 'dug pa da bcos par bzhag go/ /
93a7 @#/ /rgya gar skad du/ Ar+ya ta thA ga ta ma hA ka ru NA ni ra de sha nA ma ma hA yA na sU tra/ bod skad du/ 'phags pa de bzhin gshegs pa'i snying rje chen po nges par bstan pa zhes bya ba theg pa chen po'i mdo/ bam po dang po/
93a8 sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ rgyal po'i khab na bya rgod kyi phung po'i ri sngon rgyal ba bzhugs bzhugs pa'i
93b1 mchod rten chen po de bzhin gshegs pa'i byin kyis brlabs kyis brlabs pa sa'i snying po/ byang chub sems dpas mngon par bstod pa/ chos kyi gdan lha dang / klu dang / gnod sbyin dang / dri za dang / lha ma yin gyis phyag
93b2 byas pa'i sa phyogs/ dge ba'i rtsa ba yang dag par skul ba de bzhin gshegs pa 'byung ba chos kyi sgo mngon par brjod pa/ byang chub sems dpa' 'byung ba/ yon tan tshad med pa las yang dag par byung ba/ de bzhin gshegs
93b3 pa'i spyod yul na/ bcom ldan 'das chos thams cad kyi mnyam pa nyid ni mngon par rdzogs par sangs rgyas/ chos kyi 'khor lo ni shin du bskor/ slob ma shin du dul ba mtha' yas pa'i tshogs ni mnga'/ chos thams
93b4 cad la mnga' dbang ni brnyes/ sems can thams cad kyi bsam pa sgrub pa ni legs par mkhyen/ dbang po dam pa'i pha rol du phyin pa ni brnyes/ sems can thams cad kyi bag chags kyi mtshams sbyor ba legs
93b5 par 'joms pa la ni mkhas/ sangs rgyas kyi mdzad pa lhun kyis grub pa ni rgyun mi 'chad cing dge slong stong phrag drug bcu'i dge slong gi dge 'dun chen po dang thabs gcig tu bzhugs te/ thams cad kyang cang shes pa/
93b6 glang po chen po/ bya ba byas pa/ byed pa byas pa/ khur bor ba bdag gi don rjes su thob pa/ srid par kun du sbyor ba yongs su zad pa/ yang dag pa'i shes pas sems shin du rnam par grol ba/ shes rab shin du rnam
93b7 par grol ba/ nyon mongs pa'i bag chags kyi mtshams sbyor ba thams cad legs par bcom pa/ de bzhin gshegs pa chos kyi rgyal po'i sras/ chos zab mo la gnas par mkhas pa/ dmigs pa med pa'i
93b8 chos kyis nges par byung ba/ spyod lam mdzes pa phun sum tshogs pa/ sbyin pa'i gnas chen por gyur pa/ de bzhin gshegs pa'i bka' la shin du zhugs pa sha stag go/ /byang chub sems dpa'i dge 'dun
94a1 dpag tu med pa dang yang thabs gcig ste/ byang chub sems dpa' sems dpa' chen po thams cad mkhyen pa chags pa med pa'i spyod yul gyis nges par byung ba/ byams pa chen po dang / snying rje chen po'i
94a2 chos kyi sprin las lhag mthong dang / rig pa dang / rnam par grol ba'i glog phyung zhing bdud rtsi'i chu'i rgyun gyi char 'bebs pas 'gro ba thams cad tshim par byed pa/ sems can thams cad la sems sa dang
94a3 mnyam pa rjes su chags pa dang / khong khro ba dang bral ba/ byang chub kyi phyogs kyi chos sna tshogs kyi lo thog yang dag par 'phel bar byed pa/ nyi ma'i dkyil 'khor bas lhag pa'i shes rab kyi 'od zer rab tu gtong bas gti mug
94a4 gi mun pa sel ba'i lam gyi snang ba thob pa kun du ston pa dang / sems can gyi pad ma kha 'byed pa dang / dge ba'i rtsa ba yongs su smin par byed pa dang / sred pa'i chu skems pa dang / shes pa'i las kyi mtha'
94a5 la rab tu 'jog pa la mngon par shes pa chen po dang / zhi gnas kyis rgyu ba/ zla ba lta bur 'gro ba thams cad la sems mnyam pas mngon par zhi bar bya ba'i bsam pa tshim par bya ba'i thabs la mkhas pas 'grib
94a6 pa dang 'phel ba kun du ston pa/ ri rab lta bu'i lhag pa'i bsam pas tshangs pa'i gnas pa'i rin po che shin du brtan te/ ngos bzhi nas yul gyi rlung thams cad kyis mi sgul cing 'jig rten gyi chos las mngon
94a7 par 'phags pa'i sangs rgyas kyi zhing thams cad kun du bstan pa snang bar gyur pa/ rgya mtsho chen po ltar gzungs dang dran pa'i snod rgya chen po chos kyi chus yongs su gang ba dang / byang chub sems dpa'i spyod pa rin
94a8 po ches 'gro ba thams cad nye bar 'tsho ba/ ri dgas kyi rgyal po ltar bden pa'i rkang pa dang / byams pa rab tu 'phel ba'i mjug ma dang / zhi gnas dang lhag mthong gi mig dang ldan zhing chos
94b1 zab mo la skrag pa med pas pha rol rgol ba thams cad 'joms pa/ bskal pa brgya stong phrag dpag tu med cing mtha' yas thug pa med par byang chub sems dpa'i spyod pa rgyun ma bcad pas yon tan thams cad dang ldan pa sha stag dang
94b2 thabs gcig pa la 'di lta ste/ byang chub sems dpa' sems dpa' chen po kun nas snang zhing sgrib pa med par lta ba zhes bya ba dang / byang chub sems dpa' sems dpa' chen po zhing thams cad kyi rgyun bkod pa kun du ston pa zhes
94b3 bya ba dang / byang chub sems dpa' sems dpa' chen po de bzhin gshegs pa'i rigs las byung ba'i spyod pa'i blo gros shes bya ba dang / byang chub sems dpa' sems dpa' chen po spyod lam thams cad kyis 'dul ba mi
94b4 'khrugs pa kun du ston pa zhes bya ba dang / byang chub sems dpa' sems dpa' chen po spobs pa mtha' yas pa'i tog gi rgyal mtshan rnam par sprul pa'i dbyangs shes bya ba dang / byang chub sems dpa' sems dpa' chen po
94b5 gser bzang po bsags pa'i 'od kyi gzi brjid kyi 'od zer zhes bya ba dang / byang chub sems dpa' sems dpa' chen po shes rab kyis rnam par nges pa'i tshig la spobs pa zhes bya ba dang / byang chub sems dpa' sems dpa'
94b6 chen po bsod nams dang ye shes kyi tshogs dpag tu med pas brtan pas bsags pa zhes bya ba dang / de la sogs pa byang chub sems dpa' sems dpa' chen po grangs med dpag tu med pa dag dang thabs gcig go/ /de nas bcom
94b7 ldan 'das byang chub sems dpa'i spyod pa la 'jug pas nges par 'byung ba sgrib pa med pa'i sgo zhes bya ba'i chos kyi rnam grangs yang dag par rab tu ston to/ /de nas bcom ldan 'das mngon par rdzogs par sangs rgyas nas
94b8 lo bcu drug bzhes te/ tshangs par spyod pa rgyas par gyur par mkhyen/ byang chub sems dpa' 'dus pa chen po de yang gzigs shing mkhyen te/ kye ma byang chub sems dpa' 'dus pa 'di dag ni de bzhin gshegs
95a1 pa'i chos kyi mdzod 'dzin par mkhyen nas 'di snyam du gang gi phyir ngas byang chub sems dpa' rgya cher rjes su yongs su gzung ba dang / 'di lta ste/ byang chub sems dpa' sems dpa' chen po rnams de bzhin gshegs pa'i
95a2 yul la gzud pa'i phyir de bzhin gshegs pa'i rnam par 'phrul pa chen po dang / de bzhin gshegs pa'i cho 'phrul chen pos byang chub sems dpa'i spyod pa la 'jug pas nges par 'byung ba sgrib pa med pa'i sgo zhes bya ba'i chos kyi rnam grangs
95a3 yang dag par bstan par bya'o snyam du dgongs so/ /de nas de'i tshe bcom ldan 'das de bzhin gshegs pa'i ting nge 'dzin sangs rgyas kyi yul rnam par sprul pa ji lta ba bzhin du yang dag par ston pa zhes bya ba la snyoms par zhugs so/ /
95a4 bcom ldan 'das de bzhin gshegs pa'i ting nge 'dzin sangs rgyas kyi yul rnam par sprul pa ji lta ba bzhin du yang dag par ston pa zhes bya ba de la snyoms par zhugs ma thag tu de nas de'i tshe sangs rgyas kyi mthus steng gi bar snang la 'dod pa'i
95a5 khams dang / gzugs kyi khams kyi bar du 'khor kyi khyams/ sangs rgyas kyi gnas de bzhin gshegs pa'i dge ba'i rtsa bas mngon par grub pa/ byang chub sems dpa'i bsam pa yongs su sbyong ba/ phyogs bcu'i 'jig rten gyi
95a6 khams snang bar byed pa/ sems can tshad med pa'i bsam pa tshim par byed pa/ lha'i gzhal med khang thams cad zil gyis gnon pa/ phyogs bcu'i byang chub sems dpa' yang dag par skul ba/ gzhi bai dUr+ya dkar po'i
95a7 dbyings dang / 'dzam bu'i gling gi gser gyi khang pa dag dang / dpal gyi snying po'i rta babs dag dang / rin po che rdo'i snying po'i sgo khang dag dang / nor bu rin po che snying po'i kha khyer dag dang / rin po che dri ma med pa'i 'od
95a8 kyi stegs bu dag dang / rin po che kun nas 'od kyi khang pa brtsegs pa dag dang / rin po che thams cad kyis dgab pa dang / mu tig gi rgyan phreng rab tu spyangs pa dang / gdugs dang / rgyal mtshan dang / ba dan sgreng ba dang /
95b1 lha'i dar gyi lda ldi mngon par spyangs pas bsngags pa bstan pa dpag tu med cing thug pa med pa stong gsum gyi stong chen po'i 'jig rten gyi khams kyi tshad tsam zhig byung ste/ 'khor kyi khyams de yang tsan dan sbrul gyi snying pos bskus pa/
95b2 tsan dan dus kyi rjes su 'brang ba'i dri yid du 'ong ba dang ldan pa/ dri'i mchog a ga ru dam pa'i snying pos bdugs pa/ klu'i mu tig dang rin po che'i me tog gis rnam par spras pa/ me tog sil ma bkram pa/ rin po che'i shing dang /
95b3 rin po che'i mkha' rten gyis mdzes par byas pa ste/ phyogs bcu'i 'jig rten gyi khams thams cad na rgyan mdzes pa bkod pa ji snyed pa de dag thams cad 'khor gyi khyams de nyid na kun du snang ngo / /der gdan seng ge'i khri bye ba khrag
95b4 khrig brgya stong phrag mang po dpag tu med pa/ grangs med pa/ sna tshogs pa/ blta na sdug pa/ mtho ba/ rab tu bzang ba/ yangs pa/ rgya che ba/ yid du 'ong ba/ yid dga' bar byed pa dag byung bar gyur to/ /gling bzhi pa'i
95b5 'jig rten gyi khams 'dir them skas kha khyer mi bdun gyi 'phang tsam gyis bskor ba/ rgyar dpag tshad phyed kyis yongs su bzung ba/ rin po che an da rnyil dang / mthon kha chen pos snying por gyur pa/ brgya byin thogs
95b6 pa'i nor bu rin po che chen po'i gdugs can/ tshangs pa'i ne tso 'am ci dang / rin po che ser pos spras pa rin po che'i dril bu g.yer kha'i dra ba kun du bskyod pas sgra 'byung ba/ sa'i steng nas 'khor gyi khyams la thug gi bar du
95b7 gyen du mngon par 'phags pa/ drang ba ma yo ba bzhi stong byung bar gyur to/ /gling bzhi pa'i 'jig rten gyi khams 'dir ji lta ba bzhin du stong gsum gyi stong chen po'i 'jig rten gyi khams thams cad kyi gling bzhi pa'i 'jig rten gyi
95b8 khams thams cad du yang de lta bu'i them skas chen po dag byung bar gyur to/ /de nas bcom ldan 'das dgongs shing mkhyen bzhin du ting nge 'dzin de las bzhengs par gyur to/ /bcom ldan 'das ting nge 'dzin de las bzhengs ma
96a1 thag tu stong gsum gyi stong chen po'i 'jig rten gyi khams 'di rnam pa drug tu g.yos te/ snang ba chen po yang byung bar gyur to/ /de nas bcom ldan 'das byang chub sems dpa'i tshogs dang thabs gcig /nyan thos kyi
96a2 tshogs dang thabs gcig tu byang chub sems dpa'i tshogs kyis yongs su bskor cing nyan thos kyi tshogs kyis mdun du bdar te/ lha dang / klus mngon par bstod cing me tog gi char chen po ni 'bebs/ na bza'i char chen pos ni
96a3 mngon par 'gebs/ phye ma dang / spos dang / byug pa'i char chen po ni 'thor/ sil snyan dang / sgra dbyangs chen po ni rab tu sgrogs/ 'jig rten gyi khams dpag tu med pa ni rab tu g.yo bar mdzad/ 'jig rten gyi khams grangs
96a4 med pa ni snang bar mdzad cing sangs rgyas kyi mthu chen po dang / sangs rgyas kyi rdzu 'phrul chen po dang / sangs rgyas kyi cho 'phrul chen po dang / sangs rgyas kyi khyu mchog tu gyur pa chen po dang / sangs rgyas kyi byin kyi brlabs chen po dang /
96a5 sangs rgyas kyi gzi brjid chen po dang / sangs rgyas kyi byin chen po dang / sangs rgyas kyi rnam par 'phrul pa chen pos bya rgod kyi phung po'i ri las mi snang bar gyur te/ lha dang / klu dang / gnod sbyin dang / dri za dang / lha ma yin dang / nam mkha'
96a6 lding dang mi 'am ci dang / lto 'phye chen po bye ba phrag du ma zhabs 'bring du 'brang zhing nor bu rin po che sna tshogs kyi them skas kyi dbus nas 'khor gyi khyams bkod pa ga la ba der gshegs so/ /de nas rgyal po chen po bzhi la sogs pa rgyal
96a7 chen bzhi'i ris kyi lha rnams kyis bcom ldan 'das them skas su zhugs par rig nas bcom ldan 'das la mchod pa'i las kyi phyir lha'i me tog gi sprin kyi char rab tu phab ste thal mo sbyar nas bcom ldan 'das la mngon par bstod pa/ nyi zla me dang nor bu'i 'od dang lha yul pa yi lha 'od shin du dri med pa/
96a8 /thub pas 'od kyis thams cad zil gyis mnan nas ngan song gsum po dag kyang zhi bar mdzad/ /ri bo lhun po dang ni kho ra khor yug rtse mo brnyil te zhing
96b1 rnams gsal bar gyur pas na/ /dga' zhing yid rnams mgu nas don rnams thams cad grub pa'i rgyal ba la ni skyabs su mchi/ /de nas rgyal chen bzhi'i ris kyi lha rnams kyis bcom ldan 'das la tshigs su bcad pa 'dis mngon par bstod
96b2 nas bcom ldan 'das gshegs pa'i zhabs 'bring du 'brang ngo / /de nas lha'i dbang po brgya byin la sogs pa sum bcu rtsa gsum gyi lha rnams kyis bcom ldan 'das them skas su zhugs par rig nas bcom ldan 'das la mchod pa'i las kyi
96b3 phyir lha'i spos kyi sprin gyi char rab tu phab ste/ thal mo sbyar nas bcom ldan 'das la mngon par bstod pa/ rdzu 'phrul dam pa brnyes shing rab tu mtshungs pa med pa rnam par 'phrul pa shin du ston/ /rgyal ba nyi ma ji bzhin 'phags te
96b4 zhing rnams bye ba brgya dag tu yang rab tu gda'/ /rgyal bas rang gi yon tan kun kyis zhing rnams thams cad brgyan te shin du mdzes mdzad pa/ /gang zhig shin du mnyam med mtshungs pa med cing rdzu 'phrul dbang du gyur la phyag 'tshal lo/ /
96b5 de nas sum bcu rtsa gsum gyi lha rnams kyis bcom ldan 'das la tshigs su bcad pa 'dis mngon par bstod nas bcom ldan 'das kyi zhabs 'bring du 'brang ngo / /de nas lha'i rgyal po rab 'thab bral la sogs pa 'thab bral gyi lha
96b6 rnams kyis bcom ldan 'das them skas su zhugs par rig nas bcom ldan 'das la mchod pa'i las kyi phyir lha'i na bza'i sprin gyi char rab tu phab ste thal mo sbyar nas bcom ldan 'das la mngon par bstod pa/ bde gshegs
96b7 khyod kyi mkhyen pa mtha' yas yangs pas sems can bsam pa mkhyen/ /mkha' 'dra'i lam gyi chos gsum dag la chags med thams cad mkhyen pa nyid/ /sems kyi 'jug pa gcig gis 'gro ba'i sems kyi spyod pa
96b8 thams cad mkhyen/ /des na srid pa gsum po dag na lus can rnams kyis mchod par 'os/ /de nas 'thab bral gyi lha rnams kyis bcom ldan 'das la tshigs su bcad pa 'dis mngon par bstod nas bcom ldan 'das kyi
97a1 zhabs 'bring du 'brang bar gyur to/ /de nas lha'i rgyal po rab dga' ldan la sogs pa dga' ldan gyi lha rnams kyis bcom ldan 'das them skas su zhugs par rig nas bcom ldan 'das la mchod pa'i las kyi phyir lha'i rin po
97a2 che'i sprin gyi char rab tu phab ste thal mo sbyar nas bcom ldan 'das la mngon par bstod pa/ gang gi slad du sgra dang yi ge ma mchis gang du'ang rgyu ba ma mchis pas/ /khyod kyis chos rnams mi g.yo ya ma brla dang sgyu ma smig rgyu
97a3 'drar mkhyen nas/ /bcom ldan 'das kyis thugs rjes sems can rnams la ched du chos mchog gsungs pas na/ /chos kyi dngos po'i rang bzhin mkhas pa bdag med gsung ba'i rgyal la phyag 'tshal lo/ /de nas dga'
97a4 ldan gyi ris kyi lha rnams kyis bcom ldan 'das la tshigs su bcad pa 'dis mngon par bstod nas bcom ldan 'das kyi zhabs 'bring du 'brang ngo / /de nas lha'i rgyal po rab 'phrul la sogs pa 'phrul dga'i lha rnams kyis
97a5 bcom ldan 'das them skas su zhugs par rig nas/ bcom ldan 'das la mchod pa'i las kyi phyir lha rgyan gyi sprin gyi char rab tu phab ste/ thal mo sbyar nas bcom ldan 'das la tshigs su bcad pa 'dis mngon par bstod do/
97a6 chos kyi zong gis rang gi stobs bcu mkha' 'dra 'od zer ldan pa dang / /thugs rje brnyes nas byams pa'i dgongs pas sems can rnams la gzugs ston pa/ /gru tshul chos la gnyis su med par zhugs kyang rgyal ba
97a7 mtshungs par mkhyen/ /chos kyi khyad par sems lhag don kun grub pa'i rgyal la phyag 'tshal lo/ /de nas 'phrul dga'i lha rnams kyis bcom ldan 'das la tshigs su bcad pa 'dis mngon par bstod nas bcom ldan 'das
97a8 kyi zhabs 'bring du 'brang bar gyur to/ /de nas lha'i rgyal po dbang sgyur la sogs pa gzhan 'phrul dbang byed kyi lha rnams kyis bcom ldan 'das them skasu zhugs pa dang 'khor gyi khyams su mngon par phyogs par rig nas
97b1 bcom ldan 'das la mchod pa'i las kyi phyir mu tig gi do shal gyi sprin gyi char rab tu phab ste/ thal mo sbyar nas bcom ldan 'das la tshigs su bcad pa 'di dag gis mngon par bstod do/ /tshul khrims dri ma mi mnga' rnam
97b2 dag rnam par nges pa dam pa ting nge 'dzin mchog mi g.yos pa/ /mnyam med blo ldan rgya mtsho 'dra bar gnas shing srid las rnam grol dbang sgyur zhabs la phyag 'tshal lo/ /rim gyis byams dang ldan pa'i thugs rje yis ni
97b3 bden pa'i lam gyi rnam pa rab tu gnas mdzad pa/ /rnam thar gsum gyi lam gyi khyim na gnas pa'i bde gshegs seng ge khyod la bdag cag phyag 'tshal lo/ /snying rje'i chu bo ting nge 'dzin gyis rnam 'phel ba/ /zhi gnas
97b4 mdab ma rnam par grol ba'i me tog rgyas/ /slob ma'i tshogs kyi bung bas nges par bsnyen gyur pa/ /bde gshegs pad ma la ni spyi bos phyag 'tshal lo/ /mnga' bdag g.yo ba ma mchis tshul khrims sar gnas pas/ /
97b5 brtson 'grus mtshungs pa ma mchis stobs kyis yang dag 'phags yul gyi rlung rnams langs pa chen pos mi g.yos pa/ /sangs rgyas ri bo dam pa khyod la phyag 'tshal lo/ /mnga' bdag thugs rjes dbyangs kyi dkyil 'khor
97b6 rnam dag pa/ /blo gter blo mchog gis ni rab tu 'joms mdzad pa/ /sems can brgya dag gis ni mang pos mchod gyur pa/ /bde gshegs zla ba khyod la bdag cag phyag 'tshal lo/ /mkha' ltar zhi ba'i rnam par
97b7 thar pa'i lam gshegs pa/ /shes rab 'od kyis phyogs bcu dag ni rgyas 'gengs shing / /skye bo mang po mtshungs med pad ma kha 'byed pa/ /sangs rgyas nyi ma dam pa khyod la phyag 'tshal lo/ /mnga' bdag phyogs
97b8 bcu'i 'jig rten gsum po dag na yang / /'dren pa khyod dang mnyam pa dmigs par ma gyur te/ /khyod ni yon tan kun gyis yang dag grub pa lags/ /bdag cag khyod la bstod pas ngoms par 'gyur ma lags/ /
98a1 lha dbang klu dang lha ma yin gyis phyag bgyis pa/ /lha mchog brgya dag gis kyang yang dag mngon bstod pa/ /bsngags pa brgya phrag mang pos yang dag mngon bstod pa/ /bde bar gshegs pa bstod 'os khyod la phyag 'tshal lo/ /
98a2 de nas gzhan 'phrul dbang byed kyi lha rnams kyis bcom ldan 'das la tshigs su bcad pa 'di dag gis mngon par bstod nas bcom ldan 'das kyi zhabs 'bring du 'brang ngo / /de nas bcom ldan 'das de ltar sangs rgyas kyi yul rnam par
98a3 sprul pa tshad med pa lha 'bum gyis mngon par bstod nas 'khor gyi khyams rin po che bkod par gshegs te/ ji ltar bcom ldan 'das gling bzhi pa'i 'jig rten gyi khams mi mjed 'dir them skas nas 'khor gyi khyams rin po che
98a4 bkod par gshegs pa shes pa de bzhin du/ stong gsum gyi 'jig rten gyi khams thams cad kyi gling bzhi pa'i 'jig rten gyi khams thams cad na yang gshegs par shes so/ /de nas bcom ldan 'das 'khor gyi khyams
98a5 stong gsum gyis yongs su gzung ba rin po che bkod par gdan seng ge'i khri ji ltar bshams pa la bzhugs so/ /byang chub sems dpa' dang nyan thos chen po dag kyang stan ci rigs pa la 'khod par gyur to/ /de nas bcom ldan
98a6 'das de'i tshe sangs rgyas kyi ting nge 'dzin rnam par thar pa sgrib pa med pa la sangs rgyas rnam par rol pa zhes bya ba la snyoms par zhugs so/ /bcom ldan 'das sangs rgyas kyi ting nge 'dzin rnam par thar pa sgrib pa med pa la sangs
98a7 rgyas rnam par rol pa zhes bya ba la snyoms par zhugs ma thag tu/ de nas bcom ldan 'das kyi sku'i spu'i khung bu thams cad kyi spu'i khung bu re re nas kyang 'od zer gang gA'i klung gi bye ma snyed byung ste/ byung nas kyang shar phyogs
98a8 kyi 'jig rten gyi khams thams cad snang bar byas so/ /de bzhin du lho dang / nub dang / byang gi phyogs rnams dang / 'og dang / steng dang / phyogs mtshams rnams kyi 'jig rten gyi khams thams cad snang bar byas so/ /
98b1 'jig rten gyi khams rnams snang bar byas ma thag tu/ de nas sems can dmyal ba pa'i sems can thams cad kyi sems can dmyal ba'i sdug bsngal gyi tshor ba rgyun chad do/ /dud 'gro'i skye gnas pa'i sems can rnams
98b2 dang gshin rje'i 'jig rten pa'i sems can rnams kyi sdug bsngal gyi tshor ba yang rgyun chad do/ /sems can thams cad kyang skad cig de la 'dod chags kyis gnod par ma gyur cing / zhe sdang gis ma yin gti mug gis
98b3 ma yin te/ nyon mongs pa gzhan gyis kyang gnod par ma gyur to/ /de'i tshe sems can thams cad kyang byams pa'i sems dang / pha ma lta bu'i 'du shes su gyur to/ /byang chub sems dpa' yang dag par
98b4 bskul ba'i phyir sangs rgyas kyi mthus de bzhin gshegs pa'i 'od de las tshigs su bcad pa 'di byung ngo / /gang gis brtson 'grus stobs ni mtha' yas yangs pa brtan pa brtsams gyur te/ /gang gis brtson 'grus
98b5 chen po'i stobs kyis bskal pa dag las phyir phyogs spangs gang gis yon tan dag ni phyogs bcu rnams na mthu ldan rab brjod pa/ /shAkya thub pa'i 'od yangs 'gro ba thams cad snang bar byed pa mdzes/ /gang chos rgya chen bla
98b6 med mnyan slad de yi zhabs la phyag 'tshal te/ /mkhas pa blo gros brtan pa dag ni bskal pa grangs med rtag tu nyan/ /blo rgyas gang zhig rdzogs pa'i byang chub sems dpa'i bsam pa tshim skyed pa/ /thub pa des ni gang phyir sems
98b7 can bde bar bzhed pas 'od 'di phyung / /mnga' bdag gang zhig brtson 'grus kyis ni bdud stobs mu stegs tshogs bcas pham mdzad nas/ /pad ma byung ba bzhin du 'phags shing phyogs bcu dag tu lhun po ji bzhin mdzes/ /
98b8 gang zhig nyi ma bzhin du sku yi 'od kyis 'gro ba ma lus snang mdzad pa/ /de yi chos kyi 'khor lo gzhag pa don chen gsan du rgyal ba gshegs su gsol/ /rab tu bskor bar ma gyur mtshungs pa med cing rgyal ba kun gyis
99a1 bskor gyur pa/ /'khor lo dam pa stobs bcu sems can thugs brtse phyir ni de ring skor bar mdzad/ /srog chags rnams kyis bsten par rnyed dka' legs pa rgya chen de ring 'byung bar 'gyur/ /gang dag dad pa dang
99a2 ba che yangs don du gnyer ba de dag de ring ltos/ /de nas 'od zer de dag gis sangs rgyas kyi zhing thams cad tshigs su bcad pa 'di dag gis go bar byas/ byang chub sems dpa' thams cad yang dag par bskul/ 'jig rten gyi
99a3 khams thams cad rab tu g.yo bar byas/ sems can thams cad bde bar byas/ nyon mongs pa'i khams thams cad rnam par sbyangs/ mun pa mun nag thams cad bsal/ bdud kyi khyim thams cad mog mog por byas
99a4 nas byang chub sems dpa'i 'khor dpag tu med pa dag dang 'jig rten gyi khams mi mjed du slar 'ongs te/ bcom ldan 'das kyi dbu'i gtsug tu mi snang bar gyur to/ /de nas shar phyogs na de bzhin gshegs pa dri med rnam
99a5 dag rin chen 'od byang chub kyi yan lag dang ldan pa'i chos rgyun mi 'chad pa'i 'od zer bkod pa'i rgyal po'i sangs rgyas kyi zhing 'jig rten gyi khams yon tan mtha' yas pa'i rin po che'i bsod nams bkod pas rgya che ba dang ldan pa na/ byang chub sems dpa' me rtog dpal gyi snying po chos thams cad la dbang sgyur ba zhes bya ba 'od des bskul ma thag tu byang chub sems dpa' gang gA'i klung bcu'i bye ma snyed kyis yongs su bskor cing /
99a6 mdun du bdar te/ lhan cig tu sangs
99a7 rgyas kyi zhing de nas mi snang bar gyur nas skad cig thang cig yud tsam de la 'jig rten gyi khams mi mjed 'dir phyin te/ 'khor gyi khyams rin po che bkod par bcom ldan 'das kyi spyan sngar 'dug nas des bcom ldan 'das kyi
99a8 zhabs la mgo bos phyag 'tshal te lan khri bskor ba byas nas bcom ldan 'das la mchod pa'i las kyi phyir lha'i nor bu bai dUr+ya'i dra ba'i char rab tu phab ste/ bcom ldan 'das la tshigs su bcad pa 'di dag gis mngon par
99b1 bstod do/ /bcom ldan rab tu mtshungs med yon tan pha rol phyin/ /khyod kyi yon tan bsngags phreng phyogs bcu kun na brjod/ /khyod kyi yon tan tshogs mchis zhing gang yon tan gter/ /der ni chos don gnyer ba bdag cag rab tu mchi/
99b2 chos dbyings mnyam nyid rnam rtog ma mchis ji bzhin du/ /bcom ldan dri med 'od kyis mnyam pa nyid mkhyen kyang / /shin du bslabs pa'i sgyu ma mkhan ltar chos kyi rgyal/ /sems can rnam par dgrol slad tha dad bstan pa mdzad/ /de nas
99b3 byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas/ shar phyogs logs su gnas te/ rang gi rdzu 'phrul gyi stobs kyis sprul pa'i rang rang gi stan dag la
99b4 'khod do/ /de nas lho phyogs na de bzhin gshegs pa yon tan mtha' yas rin chen spobs pa'i sangs rgyas kyi zhing 'jig rten gyi khams sangs rgyas kyi spobs pa na/ byang chub sems dpa' rin chen srog shing zhes bya ba 'od des bskul ma
99b5 thag tu byang chub sems dpa' gang gA'i klung bcu'i bye ma snyed kyis yongs su bskor cing mdun du bdar te/ lhan cig tu sangs rgyas kyi zhing de nas mi snang bar gyur nas skad cig thang cig yud tsam de la 'jig rten gyi khams mi mjed
99b6 'dir phyin te/ 'khor gyi khyams rin po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag 'tshal te/ lan khri bskor ba byas nas/ bcom ldan 'das la mchod pa'i las
99b7 byed cing gser gyi dra bas bcom ldan 'das la mngon par bkab te/ tshigs su bcad pa 'di dag gis bcom ldan 'das la mngon par bstod do/ /bcom ldan thugs rje'i sprin gyis 'jig rten rgyas bkang nas/ /'od kyi glog
99b8 phyung stong pa bdag med sgra bsgrags te/ /yan lag brgyad pa'i lam gyi chu yis zhi mdzad cing / /dkar po'i stobs dbang nags tshal gel pa 'phel bar mdzad/ /bde gshegs shes rab 'od kyis gti mug mun bsal
100a1 nas/ /ring nas srid mtshor gnyid log sems can sad mdzad de/ /lam yang bstan cing sred pa dag kyang skams par mdzad/ /thar pa'i grong gnas rnams kyi mig kyang rnam par sbyong / de nas byang chub sems dpa'
100a2 de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas lho phyogs logs su gnas te/ rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas
100a3 nub phyogs na de bzhin gshegs pa kun nas snang ba'i sangs rgyas kyi zhing 'jig rten gyi khams snang ba dang ldan pa na/ byang chub sems dpa' sgra bsgrags pa'i stobs kyi rgyal po zhes bya ba 'od des bskul ma thag tu byang chub sems
100a4 dpa' gang gA'i klung bcu'i bye ma snyed kyis yongs su bskor cing mdun du bdar te/ lhan cig tu sangs rgyas kyi zhing de nas mi snang bar gyur nas skad cig thang cig yud tsam de la 'jig rten gyi khams mi mjed 'dir phyin te/
100a5 'khor gyi khyams rin po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag 'tshal te/ bcom ldan 'das la lan khri bskor ba byas nas bcom ldan 'das la mchod
100a6 pa'i las byed cing nor bu mu tig gi do shal gyi phreng ba'i dra bas bcom ldan 'das la mngon par bkab ste/ tshigs su bcad pa 'di dag gis bcom ldan 'das la mngon par bstod do/ /khyod kyi sku yi phrin las nam
100a7 mkha'i khams 'dra zhing / /smon lam dge bas dag pa bye ba phrag mang ldan/ /dri med rnam par dag cing zag pa med pa des/ /phyogs bcu'i sangs rgyas zhing rnams bsam gyis mi khyab gsal/ /khyod kyi tshig ni rgyun
100a8 chags gsal zhing mtshungs pa ste/ /'gro ba bsam dag bsam pa mnyam nyid yongs tshim bgyid/ /sems kyi rgyu dang rnam rtog gang yang mi mnga' yang / /sems can bsam pa rnams la rgyal ba dag gi 'byung / /de nas byang chub
100b1 sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas nub phyogs logs su gnas te/ rang gi rdzu phrul gyi stobs kyis sprul pa'i rang rang gi stan dag la 'khod do/ /de nas
100b2 byang phyogs na de bzhin gshegs pa yon tan mtha' yas rin chen spobs pa'i sangs rgyas kyi zhing 'jig rten gyi khams rin po che thams cad kyis spras pa na byang chub sems dpa' blo mchog rgya mtsho zhes bya ba 'od des bskul ma thag tu byang chub
100b3 sems dpa' gang gA'i klung bcu'i bye ma snyed kyis yongs su bskor cing mdun du bdar te/ lhan cig tu sangs rgyas kyi zhing de nas mi snang bar gyur nas skad cig thang cig yud tsam de la 'jig rten gyi khams mi mjed 'dir phyin te/ 'khor gyi
100b4 khyams rin po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag 'tshal te/ bcom ldan 'das la lan khri bskor ba byas nas bcom ldan 'das la mchod pa'i las byed cing nor
100b5 bu'i do shal dang rin po che'i dra bas bcom ldan 'das la mngon par bkab ste/ tshigs su bcad pa 'di dag gis bcom ldan 'das la mngon par bstod do/ /'dzam bu'i chu gser btso ma lta bur ser ba'i sku/ /kun nas spyan
100b6 mnga' phyogs bcu dag tu rnam par mdzes/ /mtshungs med sku la sems can gang dag nges rtog pa/ /de dag skyon med bde zhing dga' ba thob par 'gyur/ /gang gis lhun po brtsegs pa lta bu'i khrun tsam du/ /'jig rten
100b7 mkhyen pa mtshungs med rgyal ba bltas kyang ni/ /de yi rdzu 'phrul kun gyi stobs dang brtson 'grus kyi/ /rnam par sprul pas rgyal ba'i spyi gtsug mthong mi nus/ /de nas byang chub sems dpa' de dag gis byang chub sems dpa'i
100b8 bstod pa tshad med pa dag gis bcom ldan 'das la mngon par bstod nas byang phyogs logs su gnas te rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas shar dang lho'i mtshams phyogs na de bzhin
101a1 gshegs pa mya ngan thams cad bcom pa'i sangs rgyas kyi zhing 'jig rten gyi khams mya ngan med pa na/ byang chub sems dpa' kun nas snang ba zhes bya ba 'od des bskul ma thag tu byang chub sems dpa' gang gA'i klung bcu'i
101a2 bye ma snyed kyis yongs su bskor cing mdun du bdar te/ lhan cig tu sangs rgyas kyi zhing de nas mi snang bar gyur nas skad cig thang cig yud tsam de la 'jig rten gyi khams mi mjed 'dir phyin te/ 'khor gyi khyams rin po che bkod par
101a3 bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag 'tshal te/ bcom ldan 'das la lan khri bskor ba byas nas bcom ldan 'das la mchod pa'i las byed cing rin po che'i dra bas bcom
101a4 ldan 'das la mngon par bkab ste/ tshigs su bcad pa 'di dag gis bcom ldan 'das la mngon par bstod do/ /spu yis mtha' dbung ma mchis pa yi zhing 'dzin kyang / /sems can rnams la mi gnod zhing la mi gnod
101a5 pas/ /mig med rnams kyis rgyal ba'i spyod yul 'tshal bar dka'/ /sangs rgyas sras ni rgyal ba'i byin gyis yang dag 'tshal/ /zhing gcig phyogs la zhing mang rab 'byam ston mdzad de/ /kun tu bstan kyang rnam par
101a6 'phel dang 'grib ma mchis/ /bsam pa chen po dag ldan ci 'drar gyur de la/ /dpag med rdzu 'phrul rnam par sprul pas de ston to/ /de nas byang chub sems dpa' de dag gis byang chub sems dpa'i bstod pa tshad med pa dag gis bcom
101a7 ldan 'das la mngon par bstod nas shar dang lho'i phyogs mtshams logs su gnas te/ rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas lho dang nub kyi mtshams phyogs na de bzhin gshegs pa
101a8 thugs rje chen pos sems can thams cad la gzigs pa'i sangs rgyas kyi zhing 'jig rten gyi khams mig bzang po na/ byang chub sems dpa' snying rje chen po sems pa zhes bya ba 'od des bskul ma thag tu byang chub sems dpa' gang
101b1 gA'i klung bcu'i bye ma snyed kyis yongs su bskor cing mdun du bdar te/ lhan cig tu sangs rgyas kyi zhing de nas mi snang bar gyur nas skad cig thang cig yud tsam de la 'jig rten gyi khams mi mjed 'dir phyin te/ 'khor gyi khyams rin po che
101b2 bkod par bcom ldan 'das kyi spyan sngar 'dug nas des bcom ldan 'das kyi zhabs la mgo phyag 'tshal te/ bcom ldan 'das la lan khri bskor ba byas nas bcom ldan 'das la mchod pa'i las byed cing na bza'i dra bas
101b3 bcom ldan 'das la mngon par bkab ste/ tshigs su bcad pa 'di dag gis bcom ldan 'das la mngon par bstod do/ /sems can dam pa g.yag rnga thogs pa ji bzhin du/ /tshul khrims dri med nor bu rin
101b4 chen 'dra ba srung / /tshul khrims med gzigs mgon po shin du thugs rje zhing / /bdag la bstod pa mi mdzad gzhan la smod mi mdzad/ /lhun po ji bzhin khyod brtan bla ma rgya chen sten/ /chu gter zab mo bzhin du shin du
101b5 gting dpag dka'/ /srid pa thog mar bcings pa kun nas grol ba ste/ /sems can khrag khrig nyes pa chen pos bcings las grol/ /de nas byang chub sems dpa' de dag gis byang chub sems dpa'i bstod pa tshad
101b6 med pa dag gis bcom ldan 'das la mngon par bstod nas lho dang nub kyi mtshams phyogs logs su gnas te/ rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas nub dang byang gi
101b7 mtshams phyogs na de bzhin gshegs pa 'od bkod pa'i rgyal po'i sangs rgyas kyi zhing 'jig rten gyi khams mun pa dang bral ba na/ byang chub sems dpa' 'od zer dra ba can zhes bya ba 'od des bskul ma thag tu byang chub
101b8 sems dpa' gang gA'i klung bcu'i bye ma snyed kyis yongs su bskor cing mdun du bdar te/ lhan cig sangs rgyas kyi zhing de nas mi snang bar gyur nas skad cig thang cig yud tsam de la 'jig rten gyi khams mi mjed 'dir phyin te/
102a1 'khor gyi khyams rin po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag 'tshal te/ bcom ldan 'das la lan khri bskor ba byas nas bcom ldan 'das la
102a2 mchod pa'i las byed cing rgyan gyi dra bas bcom ldan 'das la mngon par bkab ste/ tshigs su bcad pa 'di dag gis bcom ldan 'das la mngon par bstod do/ /srid pa'i rang bzhin sgyu ma'i rang bzhin rtogs mdzad nas/ /
102a3 byed pa sgyu ma lta bu dngos po med par ston/ /sgyu ma lta bu sems can khams ni 'dul mdzad kyang / /'di na sems can rang bzhin ma mchis khams ma mchis/ /dper na mi zhig gnyid kyis log pa'i rmi lam na/ /gzugs
102a4 mthong yang dag 'du shes de bzhin mthong ma lags/ /'dus byas dngos po ma mchis rmi lam 'dra bar gsung / /chos rnams snang yang 'di na chos la chags ma mchis/ /de nas byang chub sems dpa' de dag gis byang chub
102a5 sems dpa'i bstod pa tshad med pa dag gis bcom ldan 'das la mngon par bstod nas/ nub dang byang gi mtshams phyogs logs su gnas te/ rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas
102a6 byang dang shar gyi mtshams phyogs na de bzhin gshegs pa nam mkha'i dkyil dri ma med pa rnam par sems pa'i sangs rgyas kyi zhing 'jig rten gyi khams yongs dag dri ma med par rab tu gnas pa na/ byang chub sems dpa' blo
102a7 mtha' yas dri med ces bya ba 'od des bskul ma thag tu byang chub sems dpa' gang gA'i klung bcu'i bye ma snyed kyis yongs su bskor cing mdun du bdar te/ lhan cig tu sangs rgyas kyi zhing de nas mi snang bar gyur nas/ skad cig thang
102a8 cig yud tsam de la 'jig rten gyi khams mi mjed 'dir phyin te/ 'khor gyi khyams rin po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag 'tshal te/ bcom
102b1 ldan 'das la lan khri bskor ba byas nas bcom ldan 'das la mchod pa'i las byed cing rtag tu sgra 'byung ba'i sil snyan gyi dra bas bcom ldan 'das la mngon par bkab ste/ tshigs su bcad pa 'di dag gis bcom ldan 'das la
102b2 mngon par bstod do/ /zab mo'i chos la mkhas shing rab tu zhi la mos/ /khyod kyis chos kun stong zhing mtshan ma med par mkhyen/ /khyod kyi thugs kyi dgongs pa 'jig rten kun ma 'tshal/ /mtha' yas blo mnga'
102b3 sems kyi bsam pa cho ga mkhyen/ /sems can gcig gi spyod bzhin sems can kun gyi spyod/ /gang dag dus gsum ldan pa de dag khyod kyis mkhyen/ /sems can 'du shes mi 'jug sems kyi 'du shes mun/ /'du shes
102b4 yongs shes mkhas shing mnyam pa nyid dang ldan/ /de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas byang dang shar gyi phyogs mtshams
102b5 logs su gnas te/ rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas 'og gi phyogs na de bzhin gshegs pa rin chen ud pa la dmar po'i dpal gyi sangs rgyas kyi zhing 'jig rten gyi khams
102b6 rnam par snang byed du snang ba na/ byang chub sems dpa' spobs pa'i rgyan bkod pa zhes bya ba 'od des bskul ma thag tu byang chub sems dpa' gang gA'i klung bcu'i bye ma snyed kyis yongs su bskor cing mdun du bdar te/ lhan cig
102b7 tu sangs rgyas kyi zhing de nas mi snang bar gyur nas skad cig thang cig yud tsam de la 'jig rten gyi khams mi mjed 'dir phyin te/ 'khor gyi khyams rin po che bkod par bcom ldan 'das kyi spyan sngar 'dug nas des bcom ldan
102b8 'das kyi zhabs la mgo bos phyag 'tshal te/ bcom ldan 'das la lan khri bskor ba byas nas bcom ldan 'das la mchod pa'i las byed cing nor bu rin po che'i gling gi phreng gi dra bas bcom ldan 'das la mngon par bkab ste/
103a1 tshigs su bcad pa 'di dag gis bcom ldan 'das la mngon par bstod do/ /gal te khrag khrig zhing na ji snyed rdul mchis pa/ /de snyed bde gshegs sras po rgyal ba'i drung lhags te/ /bskal pa bye ba stong mang zhu ba zhus
103a2 pa dag /de dag thams cad tshig gcig dus kyis go bar mdzad/ /blo la mkhas pa rab rdzogs shes rab shin tu rdzogs/ /gzungs dang ting 'dzin rab rdzogs bsod nams mtha' yas te/ /bskal pa mang po mtha' yas
103a3 bsngags pa rab brjod kyang / /skra rtses rgya mtsho ji bzhin zad par mi nus so/ /de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas 'og gi
103a4 phyogs logs su gnas te/ rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas steng gi phyogs na de bzhin gshegs pa sgra bsgrags mchog gi rgyal po'i sangs rgyas kyi zhing 'jig rten gyi khams
103a5 rgyan gyis brgyan pa na/ byang chub sems dpa' chos thams cad rnam par 'phrul pa'i rgyal po zhes bya ba 'od des bskul ma thag tu byang chub sems dpa' gang gA'i klung bcu'i bye ma snyed kyis yongs su bskor cing mdun du bdar te/
103a6 lhan cig tu sangs rgyas kyi zhing de nas mi snang bar gyur nas skad cig thang cig yud tsam de la 'jig rten gyi khams mi mjed 'dir phyin te/ 'khor gyi khyams rin po che bkod par bcom ldan 'das kyi spyan sngar 'dug nas des bcom ldan 'das
103a7 kyi zhabs la mgo bos phyag 'tshal te/ bcom ldan 'das la lan khri bskor ba byas nas bcom ldan 'das la mchod pa'i las byed cing rgyan thams cad bkod pa dang / rin po che'i dril bu g.yer ka'i dra bas bcom ldan 'das
103a8 la mngon par bkab ste/ tshigs su bcad pa 'di dag gis bcom ldan 'das la mngon par bstod do/ /bde gshegs sku yi 'phrin las mtha' dang dbung ma mchis/ /bla med rnams kyi gsung thugs spyod yul
103b1 mtha' yas pa/ /de ni sangs rgyas mkhyen gyi sems can gzhan gyis min/ /dper na nam mkha'i mtha' ma skye bos mi rnyed bzhin/ /mtshungs med spyod pa mtha' dbung med pa ji bzhin du/ /byang chub 'khor lo de bzhin
103b2 'on te mya ngan 'das/ /sa bon ji bzhin de ltar 'bras bu 'byung ba ltar/ /de bzhin phyogs bcur rgyal ba'i gnas kyang tshad ma mchis/ /de nas byang chub sems dpa' de dag gis byang chub sems dpa'i bstod pa tshad
103b3 med pa dag gis bcom ldan 'das la mngon par bstod nas steng gi bar snang la dong ste/ rang gi rdzu 'phrul gyi stobs kyis sprul pa'i rang rang gi stan dag la 'khod do/ /de ltar phyogs bcu dag nas byang chub sems dpa' bcu 'dus pa la
103b4 sogs pa byang chub sems dpa' tshad med pa dag 'od des bskul ma thag tu skad cig thang cig yud tsam de la 'jig rten gyi khams mi mjed 'dir phyin te/ 'khor gyi khyams rin po che bkod par bcom ldan 'das kyi spyan sngar 'khod do/ /
103b5 de nas bcom ldan 'das dran pa dang ldan zhing mkhyen bzhin du ting nge 'dzin de las bzhengs te/ gsung gsal ba'i sgra mdzad nas/ gsung bsal ba'i sgra des stong gsum gyi stong chen po'i 'jig rten gyi khams dbyangs kyis
103b6 go bar gyur te/ stong gsum gyi stong chen po'i 'jig rten gyi khams 'di na gang dag dad pa dang ldan zhing snod du gyur pa'i dge slong dang / dge slong ma dang / dge bsnyen dang / dge bsnyen ma dang / mi dang mi ma yin pa de dag gis
103b7 bcom ldan 'das kyis gsung bsal ba'i sgra de thos nas lus dang / sems tshim par gyur te/ sangs rgyas kyi mthus ji ltar byung ba'i them skas dag nas skad cig thang cig yud tsam de la 'khor gyi khyams rin po che bkod
103b8 par phyin te/ de dag gis bcom ldan 'das kyi zhabs la mgo bos phyag 'tshal nas phyogs gcig tu ji ltar 'thun pa'i stan dag la 'khod do/ /gsung bsal ba'i sgra de nyid kyis tshangs pa'i lha rnams dang / tshangs ris dang /
104a1 tshangs pa'i mdun na 'don dang / tshangs 'khor dang / tshangs chen dang / 'od chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang /
104a2 'bras bu che ba dang / 'du shes med pa'i sems can dang / mi che ba dang / mi gdung ba dang / gya nom snang dang / shin du mthong dang / 'og min gyi lha rnams kyang bskul nas skad cig thang cig yud tsam de la 'khor gyi khyams rin po che bkod
104a3 par phyin te/ de dag gis bcom ldan 'das kyi zhabs la mgo bos phyag 'tshal nas stan rab tu brtan pa dag la 'khod do/ /de nas bcom ldan 'das kyis 'khor 'dus pa chen po de mkhyen nas smin mtshams kyi mdzod spu nas byang chub
104a4 sems dpa'i stobs nye bar ston pa zhes bya ba'i 'od zer phyung ste/ des thams cad dang ldan pa'i byang chub sems dpa'i tshogs la lan bdun bskor ba byas nas byang chub sems dpa'i tshogs de nyid kyi spyi bor mi snang bar gyur to/ /
104a5 de nas byang chub sems dpa' me tog dpal gyi snying po chos thams cad la dbang sgyur ba 'od des reg ma thag tu/ de'i tshe sangs rgyas kyi mthus byang chub sems dpa'i ting nge 'dzin rgyan thams cad bkod pa zhes bya ba la snyoms
104a6 par zhugs so/ /byang chub sems dpa' me tog dpal gyi snying po chos thams cad la dbang sgyur ba byang chub sems dpa'i ting nge 'dzin rgyan thams cad bkod pa la snyoms par zhugs ma thag tu/ de nas de'i tshe 'khor
104a7 gyi khyams rin po che bkod pa'i dbus nas bcom ldan 'das kyi gdan seng ge'i khri 'phang du shing ta la bye ba khrag khrig brgya stong phrag brgyad bcu tsam du mtho ba/ rin po che thams cad kyis spras pa/ kha khyer rgyan thams cad
104a8 las byas pa/ ras bkod pa thams cad bting ba/ me tog sil ma sna tshogs thams cad bkram pa/ bla re yid du 'ong ba thams cad bres pa/ byang chub sems dpa'i lus thams cad kyis yang dag par bzung ba/
104b1 'khor thams cad kyi mig gis bltas pa/ sems can thams cad kyi bsam pa ji lta ba bzhin du ston pa/ bsam pa tshim par byed pa zhig byung bar gyur to/ /de nas byang chub sems dpa' me tog dpal gyi snying po chos
104b2 thams cad la dbang sgyur bas de bzhin gshegs pa'i gdan seng ge'i khri chen po bskul bar bsngags pa mtha' yas shes bya ba mngon par sprul nas dran pa dang ldan zhing shes bzhin du ting nge 'dzin de las langs te/ gus pa dang
104b3 bcas shing zhe sa dang bcas par thal mo sbyar nas bcom ldan 'das la tshigs su bcad de gsol pa/ nyi ma'i 'od kyis 'gro ba'i dgos pa rab tu bgyid/ /lha dbang gzi brjid yon tan sum bcu rtsa gsum dga'/ /tshangs
104b4 pa'i dbyangs kyis tshangs pa'i 'jig rten rnam par mdzes/ /sangs rgyas mthu yi yul gyis rnam par 'phrul pa 'di/ /chos rnams mi g.yo nam mkha'i rang bzhin ya ma rla/ /sgyu ma smig rgyu lta bu chu yi zla 'dra zhing / /rje med
104b5 byed pa po dang tshor ba po med par/ /mkhyen nas mgon po 'dir ni rnam par sgrub pa ston/ /bkod pa'i sems kyi dbang 'gro sems ni gzugs can min/ /rnam sgrub thams cad sems kyi rang bzhin dbang du 'gro/ /bkod pa
104b6 thams cad 'dir ni sgyu ma'i rang bzhin 'dra/ /rnam sgrub bdag gis ma mchis gang na 'ang gnas ma mchis/ /gang gis sems rgyun ma mchis rang bzhin dag 'tshal ba/ /de la glo bur gnas pa'i nyon mongs ma mchis so/ /rtog dang
104b7 kun rtog yongs su rtog las sems grol ba/ /de ni sgyu ma'i rnam par sprul pa sna tshogs ston/ /sa steng rdul tsam mngon par 'phags pa ma mchis kyang / /sa steng nor bu rin chen sna tshogs kun du bstan/ /gdan gang bzhugs
104b8 nas sems can bye ba 'dul 'gyur ba/ /khyod kyi seng ge'i khri gdan rab mdzes bdag gis bgyis/ /gdugs dang rgyal mtshan mchog dang dar gyi phreng ba bsgreng / /de ni gang du 'ang 'gro ba ma mchis 'ong ma mchis/ /khyod kyis
105a1 gang nas chos rnams 'du ba mkhyen nas kyang / /sems can dam pa rnam par 'phrul pa sna tshogs ston/ /tshangs pa'i dbyangs ldan legs shing shin du bsrungs pa'i gsung / /'jig rten sgron ma mdzad pa bsod nams gzi brjid mang / /
105a2 bdag la thugs brtse'i slad du 'dzegs te gdan la bzhugs/ /rga dang 'chi dang na ba gcod pa'i chos bshad gsol/ /khyod la bsnyen bkur bgyi dang chos ni mnyan slad du/ /rnam dag sems can 'di rnams phyogs bcu dag nas lhags/ /
105a3 gang gi don du lhags pa'i don de stsal du gsol/ /seng ge'i khri la bzhugs te chos kyang bshad du gsol/ /de nas bcom ldan 'das kyis byang chub sems dpa' me tog dpal gyi snying po chos thams cad la dbang sgyur ba'i lhag pa'i
105a4 bsam pa mkhyen nas gdan seng ge'i khri de la bzhugs so/ /de nas bcom ldan 'das sgrib pa med pa'i rnam par thar pa brnyes nas byang chub sems dpa'i spyod pa la 'jug pas nges par 'byung ba sgrib pa med pa'i sgo zhes bya
105a5 ba'i chos kyi rnam grangs byang chub sems dpa'i lam bkod pa la dmig pa dang / sangs rgyas kyi chos zab mo thams cad dang / stobs bcu dang / mi 'jigs pa yongs su sgrub pa dang / ye shes kyi 'byung gnas chos thams cad
105a6 la dbang sgyur ba'i gzungs kyi phyag rgya'i sgor 'jug pa/ so so yang dag par rig pa la rnam par gtan la dbab pa la gzhol ba'i sgor 'jug pa/ mngon par shes pa chen po'i ye shes la gzhol ba'i sgor 'jug pa/ phyir mi ldog pa'i
105a7 'khor la mi skye ba'i chos ston pa theg pa thams cad theg pa gcig tu mnyam pa nyid du yang dag par 'du ba/ chos kyi dbyings tshul gcig cing ma 'dres pa la 'jug pa/ sems can thams cad kyi bsam pa dang dbang po la 'jug pa ston
105a8 pa snying po dang ldan pa chos rnam par gdon mi za ba/ bdud kyi dkyil 'khor thams cad rnam par 'jom par byed pa/ tshul bzhin gyi chos kyi tshul la gzhol bar 'jug pa/ nyon mongs pa dang lta bar gyur pa thams cad 'dul ba/
105b1 chags pa med pa'i ye shes kyi rjes su 'jug pa/ thub pa med par yongs su bsngo ba la mkhas pa'i thabs dang ye shes ston pa/ sangs rgyas thams cad kyi mnyam pa nyid kyi ye shes la 'jug pa/ chags pa med pa'i byin gyi brlabs
105b2 kyi sgor 'jug pa/ chos thams cad ji lta ba bzhin du rnam par nges pa ston pa/ rtog pa med pa dang rnam par rtog pa med pa mnyam pa nyid du 'jug pa/ bsod nams dang ye shes kyi tshogs thams cad bsags pa'i phyir
105b3 rten cing 'brel bar 'byung ba zab mo mnyam pa nyid rtogs par byed pa/ sangs rgyas kyi sku dang / gsung dang / thugs mnyam pa nyid kyi rgyan dang ldan pa dran pa dang / blo gros dang / rtogs pa dang / mos pa dang / shes rab zad
105b4 mi shes pa mngon par sgrub pa/ nyan thos kyi theg pas 'dul ba'i phyir 'phags pa'i bden pa'i tshul la 'jug pa/ rang sangs rgyas kyi theg pas 'dul ba'i phyir lus dang / ngag dang sems rab tu dben par shes pa/ theg pa
105b5 chen pos 'dul ba'i phyir thams cad mkhyen pa'i ye shes kyi sar dbang bskur ba rab tu thob pa/ de bzhin gshegs pa'i yon tan thams cad brjod pa'i phyir chos thams cad la dbang sgyur ba'i tshul la 'jug pa 'di lta bu'i chos kyi
105b6 rnam grangs yang dag par rab tu bstan pa dang / bsnyad pa dang / bshad pa dang bklag pa dang / gzung ba dang / rnam par shes par bya ba dang / byang chub sems dpa'i tshogs thams cad kyi bsam pa yongs su bskang ba dang / de bzhin
105b7 gshegs pa'i rnam par sprul pa yang dag par bstan pa dang / 'khor gyi the tsom thams cad bcad pa dang / bdud kyi dkyil 'khor thams cad tshar bcad pa dang / de bzhin gshegs pa'i bstan pa 'bar bar bya ba dang / sangs
105b8 rgyas kyi mdzad pa chen po yongs su thob par bya ba'i phyir bcom ldan 'das gdan seng ge'i khri de la bzhugs so// // bam po gnyis pa/ de nas sangs rgyas kyi mthus byang chub sems dpa' rin chen srog shing zhes bya bas
106a1 sangs rgyas kyi rgyan bkod pa zhes bya ba'i ting nge 'dzin la snyoms par zhugs nas thams cad dang ldan pa'i 'khor sangs rgyas kyi rgyan kyis brgyan par byin gyis brlabs so/ /de nas sangs rgyas kyi mthus byang chub sems dpa'
106a2 sgra bsgrags stobs kyi rgyal pos pad ma bkod pa zhes bya ba'i ting nge 'dzin la snyoms par bzhugs nas/ thams cad dang / ldan pa'i 'khor gyi lag pa rnams su me tog gi lda ldi dag dang / me tog gi skon bu rnams byin gyis
106a3 brlabs te/ me tog gi lda ldi dang / me tog gi skon bu de dag gis bcom ldan 'das dang / byang chub sems dpa'i tshogs thams cad la mngon par 'thor ro/ /de nas sangs rgyas kyi mthus byang chub sems dpa'i blo mchog
106a4 rgya mtshos dri bkod pa zhes bya ba'i ting nge 'dzin la snyoms par zhugs nas thams cad dang ldan pa'i 'khor gyi spu'i khung bu thams cad du tsan dan sbrul gyi snying po'i dri byin gyis brlabs so/ /de nas sangs rgyas kyi mthus byang chub
106a5 sems dpa' 'od zer dra ba can gyis 'od bkod pa zhes bya ba'i ting nge 'dzin la snyoms par zhugs nas thams cad dang ldan pa'i 'khor la lus kyi 'od mtha' yas par byin gyis brlabs so/ /de nas sangs rgyas kyi mthus byang chub
106a6 sems dpa' snying rje chen po sems pas mig mi 'dzums pa zhes bya ba'i ting nge 'dzin la snyoms par zhugs nas thams cad dang ldan pa'i 'khor de bzhin gshegs pa la mngon par phyogs shing mig mi 'dzums par
106a7 byin gyis brlabs so/ /de nas sangs rgyas kyi mthus byang chub sems dpa' blo mtha' yas dri med kyis chos la mchog tu dga' ba zhes bya ba'i ting nge 'dzin la snyoms par zhugs nas thams cad dang ldan pa'i 'khor
106a8 chos don du gnyer zhing chos la dga' ba dang mos par byin gyis brlabs so/ /de nas sangs rgyas kyi mthus byang chub sems dpa' spobs pa'i rgyan bkod pas rab tu zhi ba dang ldan pa zhes bya ba'i ting nge 'dzin la
106b1 snyoms par zhugs nas thams cad dang ldan pa'i 'khor sgrib pa lnga rnam par sel bar byin gyis brlabs so/ /de nas sangs rgyas kyi mthus byang chub sems dpa' chos thams cad rnam par 'phrul pa'i rgyal pos brjed pa med
106b2 par spyod pa zhes bya ba'i ting nge 'dzin la snyoms par zhugs nas/ thams cad dang ldan pa'i 'khor byang chub kyi sems dran zhing de bzhin gshegs pa la dmigs pa mi brjed par byin gyis brlabs so/ /de nas de'i tshe
106b3 sangs rgyas kyi mthus byang chub sems dpa' sems dpa' chen po kun nas snang ba zhes bya bas zil gyis mi non pa zhes bya ba'i ting nge 'dzin la snyoms par zhugs nas thams cad dang ldan pa'i 'khor bdud dang / phyir rgol
106b4 ba bcom par byin gyis brlabs so/ /de nas de'i tshe sangs rgyas kyi mthus byang chub sems dpa' bdud rab tu 'joms pas bdud kyi dkyil 'khor thams cad rnam par 'joms pa zhes bya ba'i ting nge 'dzin la snyoms
106b5 par zhugs te/ byang chub sems dpa'i bdud rab tu 'joms pas bdud kyi dkyil 'khor thams cad rnam par 'joms pa'i ting nge 'dzin de la snyoms par zhugs ma thag tu/ de nas de'i tshe stong gsum gyi stong chen po'i 'jig rten
106b6 gyi khams na bdud bye ba phrag brgya ji snyed pa de dag thams cad dpung dang bcas/ g.yog 'khor dang bcas te myur ba myur bar rings thabs su rang rang gi bdud kyi gnas nas mi snang bar gyur te/ 'khor gyi khyams rin po che
106b7 bkod par bcom ldan 'das kyi spyan sngar 'khod nas de dag gis bcom ldan 'das kyi zhabs la mgo bos phyag 'tshal te/ lha'i mchod pa rnam pa brgya stong phrag du mas bcom ldan 'das la mchod nas gus pa dang bcas shing
106b8 zhe sa dang bcas par thal mo sbyar te/ bcom ldan 'das la gsol ba btab nas bcom ldan 'das bdag cag gsol ba 'tshal na bcom ldan 'das chos bshad du gsol/ bde bar gshegs pa chos bshad du gsol/
107a1 byang chub sems dpa' bdud rab tu 'joms pa'i byin gyi brlabs kyis bdag cag bdud kyi sug las 'dor zhing slan chad sems can rnams la mig gis mi rtsol bar 'gyur ba'i las mi bgyid do/ /bcom ldan 'das bdag cag
107a2 la dbugs dbyung ba stsol cig dang / bcom ldan 'das kyi thad du mchis te/ bdag cag chos nyan par bgyid do/ /de nas bcom ldan 'das kyis bdud de dag dbugs dbyung ba'i phyir 'di skad ces bka' stsal to/ /grogs po dag
107a3 legs so legs so/ /gang gi phyir khyed bdud kyi las kyang 'or la de bzhin gshegs pa la chos bshad par gsol ba yang thob shig dang / de nyid khyed kyi bdud kyi lam thams cad las 'da' ba'i rgyur 'gyur ro/ /de ci'i phyir zhe na/
107a4 sangs rgyas la dge ba'i rtsa ba bskrun pa'i stobs bskyed pa'i phyir ro/ /grogs po dag 'di lta ste/ dper na mun pa mun nag lo du mar bsags pa ni mar me gcig gis med par 'gyur ro/ /grogs po dag de bzhin du nyon
107a5 mongs pa'i mun pa mun nag bskal pa brgyar bsags pa yang ye shes kyi stobs bskyed pa gcig gis med par 'gyur ro/ /grogs po dag 'di lta ste/ dper na zla ba'i dkyil 'khor gcig dang / nyi ma'i dkyil 'khor gcig dang /
107a6 nor bu rin po che chen po gcig gis mun pa mun nag thams cad sel to grogs po dag de bzhin du dge ba'i sems lhag mthong dang ldan pa gcig gis mi shes pa'i mun pa mun nag thams cad sel to/ /grogs po dag de'i phyir khyed dge ba'i rtsa ba
107a7 'dis rim gyis mi shes pa'i mun pa mun nag thams cad bsal nas chos kyi snang ba chen po thob par 'gyur ro/ /de nas byang chub sems dpa' chos kyi dbang phyug gi rgyal po zhes bya ba 'khor de nyid du 'dus par gyur te 'dug pa des bcom ldan
107a8 'das la 'di skad ces gsol to/ /bcom ldan 'das sangs rgyas kyi yul de bzhin gshegs pas byin gyis brlabs pa dang / kun du bstan pa 'di ni bsam gyis mi khyab bo/ /deng ni de bzhin gshegs pa byang chub sems dpa'i
107b1 spyod pa la 'jug pas nges par 'byung ba sgrib pa med pa'i sgo zhes bgyi ba 'dus pa chen po'i le'u'i chos kyi rnam grangs bshad par bzhed par the tsom ma mchis so/ /de ci'i slad du zhe na/ bcom ldan 'das e ma byang chub sems dpa'
107b2 rnams kyi 'dus pa 'di ni che ste/ bcom ldan 'das 'di ni byang chub sems dpa' bsam gyis mi khyab pa'i go cha bgos pa/ mngon par shes pa'i ye shes chen pos rnam par rol pa/ phyogs bcur sgra bsgrags pa sems shin du byang bar
107b3 bgyis te dri ma ma mchis par rig pa dang / rnam par grol bas snang bar gyur pa/ sangs rgyas thams cad kyis bstod cing bsngags pa/ chos thams cad la dbang phyug gis dbang sgyur ba/ pha rol du phyin pa thams cad kyi pha rol du
107b4 son pa thabs la mkhas pa thams cad las nges par skyes pa/ bdud kyi las dang / rtsod pa dang / nyon mongs pa thams cad bsal ba/ phas kyi rgol ba dang / ngan pa'i tshogs can gyi tshogs thams cad rab tu 'dul ba tshig thams
107b5 cad rab tu dbye ba bstan pa shes pa la mkhas pa/ shes rab kyi pha rol du phyin pa chags pa ma mchis pa'i pha rol du son pa/ dran pa dang / blo gros dang / rtogs pa dang / khrel yod pa dang / mos pa dang / gzungs dang / ye shes
107b6 rab tu thob pa byin gyi brlabs thogs pa ma mchis shing spobs pa rgyun mi 'chad pa/ sems can thams cad kyi dbang po mchog dang / mchog ma lags pa shes pa la mkhas pa/ sems can thams cad kyi mos pa ji lta ba
107b7 bzhin du chos ston pa/ 'khrul pa ma mchis par kha na ma tho ba ma mchis pa'i chos ston pa/ sems can thams cad kyi sgra dang / skad la mkhas pa/ mi 'am ci dang bya ka la ping ka dang / khrung khrung gi sgra dang / tshangs pa'i sgra
107b8 dbyangs can/ shin du bshes gnyen bgyis pas sems can thams cad yongs su mya ngan las 'das pa la 'god pa byams pa chen po dang / snying rje chen po'i lhag pa'i bsam pa can/ brtan zhing shin du gnas la mi g.yo zhing
108a1 ji skad smras pa de bzhin du bgyid pa/ chos kyi rgyal mtshan yang dag par bsgreng bar bgyid pa/ rdo rje ltar sra zhing mi shigs pa'i khor yug lta bu smon pa ma mchis pa'i smon lam dang ldan pa/ rten cing 'brel bar 'byung ba zab mo
108a2 blta dka' zhing rtogs par dka' ba la zhugs pa/ chad pa dang / rtag pa'i mtha' gnyi ga dang / lta bar gyur pa thams cad dang / bag chags kyi mtshams sbyor ba yang dag par bcad pa tshogs can chen po'i tshogs kyi rgyal po yongs su 'gugs
108a3 pa/ ded dpon chen po bskal pa grangs med par chos dkon mchog gis bsod nams yang dag par bsgrubs pa/ sman pa'i rgyal po chen po sems can thams cad kyi nyon mongs pa gzugs can ma lags pa'i nad gso bar bgyid pa/ seng ge'i
108a4 sgra chen po sgrog pa/ snrel zhi'i rgyud dang / spyi'u tshugs kyi rgyud thams cad dang / de bzhin gshegs pa'i gsang ba la mi skrag pa/ mtshan dang dpe byad bzang pos lus legs par brgyan pa/ gtan pa med pa'i mchod sbyin bgyid pa/
108a5 thams cad la sems dpa'/ bdud bzhi dang / nyon mongs pa'i g.yul 'dul ba/ mnyan pa lta bur gyur pa/ dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin la
108a6 snyoms par 'jug pa/ shin du yongs su sbyang ba bgyis pa/ sems can thams cad rab tu sgrol ba la brtson pa/ ri lta bur gyur pa/ 'jig rten gyi chos brgyad po rnyed pa dang / ma rnyed pa dang / grags pa dang / ma grags pa dang / smad pa dang /
108a7 bstod pa dang / bde ba dang / sdug bsngal las log pa/ dga' ba dang / dang ba dang / mchog tu dga' ba'i chos la sems zhugs pa/ chos dkon mchog gi 'od zer dang ldan pa/ shes rab kyis ngoms nas ngoms par bgyid pa/ pad ma
108a8 lta bu 'dus byas kyi chos thams cad kyis mi gos pa/ 'od kyi dkyil 'khor rnam par dag pa/ zla ba dang / nyi ma dang / brgya byin dang / tshangs pa'i 'od mog mog por bgyid pa/ rgya mtsho'i phyag rgya'i ting nge 'dzin thob pa/ chos dkon
108b1 mchog thams cad la yang dag par gzhol ba/ dkon mchog gsum gyi gdung mi gcod pa/ sems can thams cad yongs su smin par bgyi ba dang / 'dul ba'i cho ga 'tshal ba/ sangs rgyas kyi chos dkon mchog thams cad kyi mdzod
108b2 yang dag par 'dzin pa bsngags pa mtha' yas pa dang yang dag par ldan pa bsod nams tshad ma mchis pa bsags pa/ rnam pa thams cad kyi mchog dang ldan pa'i thams cad mkhyen pa'i ye shes la nye bar gyur pa/ phyi ma'i mtha'i
108b3 mu'i bskal par bsngags pa mthar mi phyin pa 'di lta bu rnams kyi 'dus pa lags so/ /bcom ldan 'das de la bdag 'di snyam du bcom ldan 'das ni byang chub sems dpa'i spyod pa la 'jug pas nges par 'byung ba sgrib pa med
108b4 pa'i sgo zhes bgyi ba 'dus pa chen po'i le'u'i chos kyi rnam grangs bshad par bzhed pa snyam bgyid do/ /bcom ldan 'das ji tsam du sangs rgyas 'byung ba ni phan 'dogs par 'gyur ba/ sems can thams cad tshim par
108b5 'gyur ba/ ma 'ongs pa'i byang chub sems dpa' rnams kyi dge ba'i rtsa ba yang dag par skyed pa/ sems dang po bskyed pa'i byang chub sems dpa' rnams kyi bsam pa yongs su sbyong ba/ spyod pa la zhugs pa'i byang chub
108b6 sems dpa' rnams kyi tshul gcig la 'jug pa/ phyir mi ldog pa'i byang chub sems dpa' rnams sangs rgyas kyi chos la dbang bskur ba/ skye ba gcig gis thogs pa'i byang chub sems dpa' rnams kyi rgyu dang 'bras
108b7 bu chud mi za ba/ nges pa'i sems can rnams la rkyen nye bar sgrub pa/ ma nges pa'i sems can rnams la snying rje chen po nye bar sgrub pa/ log pa nyid du nges pa'i sems can rnams 'dzud pa/ theg pa gsum
108b8 la mos pa'i sems can rnams la rnam par dgod pa ston pa ste ngo mtshar to/ /bcom ldan 'das sangs rgyas 'byung ba ni lha dang / mi dang / lha ma yin du bcas pa'i 'jig rten gyi rgyan lags so/ /de ci'i slad du zhe na/
109a1 bcom ldan 'das sangs rgyas byung bar gyur na ngo mtshar rmad du byung ba'i chos 'di lta bu 'di dag 'jig rten du 'byung bar 'gyur ro/ /bcom ldan 'das skyes bu dam pa 'di dag gis 'khor gyi khyams 'dir sems bskyed pa gcig gis
109a2 bkod pa gang byin gyis brlabs pa 'di ni nyan thos dang / rang sangs rgyas thams cad kyis bskal pa brgya phrag stong du yang ston pa'i rngo mi thog go/ /bcom ldan 'das de la bdag 'di snyam bgyid de/ e ma ji tsam du gang rdzu 'phrul gyis rnam
109a3 par sprul pa'i cho 'phrul 'di lta bu 'di mthong yang nyan thos kyi theg pa 'am/ rang sangs rgyas kyi theg pa la re ba skyed pa'i sems can shes rab 'chal pa can de dag ni ngo mtshar che ba snyam bgyid do/ /de ci'i slad du zhe na/ bcom ldan 'das
109a4 byang chub sems dpa' sems dang po bskyed pa nyid kyis nyan thos dang / rang sangs rgyas thams cad zil gyis non pa'i slad du'o/ /bcom ldan 'das 'di lta ste/ dper na shes rab 'chal pa'i rang bzhin can gyi mi la la zhig nor bu rin
109a5 po che bai dUr+ya bor nas nor bu mching bu la dmigs pa snyam du sems pa dang / bcom ldan 'das gang dag theg pa chen po bor nas nyan thos dang / rang sangs rgyas kyi theg pa la dmigs par bgyi ba snyam du sems pa'i sems can dag ni
109a6 'dra ba nyid du bdag la gda'o/ /bcom ldan 'das rigs kyi bu 'am/ rigs kyi bu mo gang dag lhag pa'i bsam pas bla na med pa yang dag par rdzogs pa'i byang chub tu sems bskyed pa dang / skyed par 'gyur ba de dag thams cad ni
109a7 ring por mi thogs par chos 'di lta bu dang ldan par 'gyur ro/ /byang chub sems dpa' chos kyi dbang phyug gi rgyal pos bstan pa 'di bshad pa na lha dang mir bcas pa'i skye dgu'i 'khor de las srog chags bye ba khrag khrig brgya stong
109a8 phrag sum bcus bla na med pa yang dag par rdzogs pa'i byang chub tu sems bskyed do/ /rgyan bkod pa zhes bya ba 'dus pa'i le'u'o// //de nas bcom ldan 'das kyis byang chub sems dpa'i 'dus pa chen po de gzigs
109b1 nas e ma byang chub sems dpa' 'dus pa 'di dag ni chos don du gnyer ba de bzhin gshegs pa'i chos kyi mdzod 'dzin par mkhyen nas byang chub sems dpa'i spyod pa la 'jug pas nges par 'byung ba/ sgrib pa med pa'i sgo'i le'u'i chos kyi rnam
109b2 grangs rab tu bshad pa'i phyir mi 'jigs pas spobs pa zhes bya ba'i 'od zer skyes bu chen po'i mtshan spyi gtsug nas byung ngo / /bcom ldan 'das kyis 'od zer de phyung ma thag tu de nas thams cad dang ldan pa'i byang chub sems dpa'i tshogs
109b3 la lan bdun bskor ba byas te/ byang chub sems dpa' gzungs kyi dbang phyug gi rgyal po'i lus la lan brgyar bskor ba byas nas byang chub sems dpa' gzungs kyi dbang phyug gi rgyal po'i spyi gtsug du mi snang bar gyur to/ /'od des
109b4 byang chub sems dpa' gzungs kyi dbang phyug gi rgyal po la reg ma thag tu de nas sangs rgyas kyi mthus byang chub sems dpa' gzungs kyi dbang phyug gi rgyal pos thams cad dang ldan pa'i byang chub sems dpa'i tshogs kyi 'od dang / seng ge'i
109b5 khri dang / lus brgya 'gyur du zil gyis mnan nas lam me/ lhang nge / lhan ne'o/ /de nas byang chub sems dpa' gzungs kyi dbang phyug gi rgyal pos de bzhin gshegs pa'i byin gyis brlabs rig nas stan las langs te/
109b6 bla gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das kyi dbu'i gtsug gi drang thad kyi steng gi bar snang la rin po che'i gdugs
109b7 de bzhin gshegs pa'i rgyan ces bya ba yu ba ni bai dUr+ya/ g.yogs ma ni gser/ snying po ni rin po che ne tsho 'am ci/ rtsibs ni an da rnyil las byas pa/ mu tig gi do shal rab tu spyangs pa/ dar gyi lda ldis mdzes par
109b8 byas pa/ dril bu g.yer ka'i dra ba 'khrol ba/ byang chub sems dpa'i lus kyis bzung ba/ rgyar stong gsum gyi stong chen po'i 'jig rten gyi khams kyi tshad tsam zhig byin gyis brlabs so/ /de bzhin gshegs pa la
110a1 mchod pa'i las kyi phyir rin po che'i gdugs de lta bu byin gyis brlabs nas me tog gi char yang phab ste/ sil snyan dang / sgra dbyangs rtag tu rgyun mi 'chad par sgra 'byung bar byin gyis brlabs nas bcom ldan 'das la
110a2 tshigs su bcad pa 'di dag gis mngon par bstod do/ /kun du snang ba kun nas 'od zer can/ /don rnams ma lus ston pa kun nas spyan/ /rang byung chos kyi ngo bo nyid la mkhas/ /bsam gyis mi khyab yon tan kun dang
110a3 ldan/ /skyes bu khyu mchog gis ni 'od zer phyung / /zhal yang rnam par sbyong zhing 'od mdzad pa/ /'dren pa de ni bdag gi lus la yang / /lan brgyar bskor ba bgyis nas spyi bor zhi/ /mi yi 'dren pa'i 'od kyis reg pas na/ /
110a4 gang dag bdag gis sngon thob dran pa dang / /blo gros spobs pa snang ba de bzhin gzungs/ /rnam pa stong du khyad par 'phags par gyur/ /bdag lus rab sim sems ni rnam par dag /bdag gi blo gros dga' mgu
110a5 mnyam par gyur/ /gzhan yang sangs rgyas mkhyen pa mtha' yas dang / /spobs pa bdag gi lus la rab tu zhugs/ /sangs rgyas mthu chen bsnyen par dka' ba la/ /nyams chung dag gis mnyes par bgyid mi nus/ /sangs
110a6 rgyas gnang nas 'gro kun phan slad du/ /sangs rgyas la ni zhu ba zhu bar 'tshal/ /rdzogs pa'i byang chub sems dpa'i spyod 'jug dang / /'jig rten rnam 'dren dag gi 'byung ba dang / /snang dang nges 'byung rnam par sprul pa dang / /
110a7 dbang bskur ye shes yongs su zhu bar 'tshal/ /theg mchog dam pa rtogs par khong chud cing / /mtha' yas rgya che ba yi 'khor lhags dang / /gang dag rgya chen chos don gnyer ba dag /de dag phan slad sangs rgyas la
110a8 yang zhu/ /bdud kyi dkyil 'khor shin du tshar gcad cing / /sangs rgyas bstan pa 'di ni shin du gzung / /bcom ldan phung po ma mchis dam chos mdzod/ /lus can rnams la bshad pa'i dus 'di lags/ /skyes bu khyu
110b1 mchog mkhyen pa mtha' yas pas/ /bcom ldan de la bdag gi blo mi chud/ /bde gshegs mkhyen pa shes pas mi dpogs pas/ /mkhas pa yangs pa bdag ni zhu bar 'tshal/ /ji ltar bcom ldan 'das kyi mkhyen
110b2 'jug dang / /ji ltar yun ring nas ni bslabs pa dang / /chos kyi dbang phyug rgyal po rab bslabs pa/ /'dren pa rnams kyi spyod yul bshad du gsol/ /de nas byang chub sems dpa' gzungs kyi dbang phyug gi rgyal po'i tshigs su bcad pa
110b3 'di dag gis bcom ldan 'das la mngon par bstod nas bcom ldan 'das la 'di skad ces gsol to/ /bcom ldan 'das de bzhin gshegs pa'i yul ni bsam gyis mi khyab/ byang chub sems dpa'i spyod yul ni tshad ma mchis te/
110b4 bcom ldan 'das bdag gis de bzhin gshegs pa ni yongs su mi skyo bar chos ston pa lags par rig cing de bzhin gshegs pa ni sems can thams cad mi gtong ba'i thugs rje chen po la gnas par mthong nas don 'di zhu bar 'tshal lo/ /
110b5 bcom ldan 'das byang chub sems dpa' rnams kyi rgyan dag ni gang lags/ bcom ldan 'das byang chub sems dpa' rgyan gang dag gis brgyan na byang chub sems dpa'i spyad pa spyod pa na mdzes pa lags/ bcom ldan 'das ji ltar na byang
110b6 chub sems dpa' chos kyi snang ba bsam gyis mi khyab pa thob nas gti mug gi mun pa dang bral zhing the tsom ma mchis pa dang / chos kyi sgo chen po shin du yongs su sbyangs pa rnams lags/ bcom ldan 'das ji ltar na byang chub sems
110b7 dpa' sems can thams cad kyi mi gtong ba'i snying rje chen po dang snying rje chen po la gnas pa mchog dang ldan zhing sems can thams cad yongs su mi gtong bar gnas pa rnams lags/ bcom ldan 'das ji ltar na byang chub sems
110b8 dpa' dag byang chub sems dpa'i las yang dag pa la zhugs pa dang / legs par bgyid pa'i las bgyid pa dang / las kyi mtha' gdung ba ma mchis pa rnams lags/ bcom ldan 'das ci nas kyang byang chub sems dpa'
111a1 bdud dang phyir rgol ba bcom zhing the tsom dang bral nas de bzhin gshegs pa'i yul la 'jug par 'gyur ba dang / byang chub sems dpa'i yul la mngon du 'phags par 'gyur ba dang / sems can thams cad kyi bsam pa la 'jug par
111a2 'gyur ba dang / sems can thams cad kyi sems kyi spyod pa dag yongs su 'tshal bar 'gyur ba dang / sangs rgyas kyi zhing rnams rnam par sbyong bar 'gyur ba dang / bdud kyi dkyil 'khor tshar gcod par 'gyur ba dang / de bzhin gshegs
111a3 pa'i bstan pa yang dag par 'dzin par 'gyur ba dang / myur du chos thams cad la dbang ba 'thob par 'gyur bar de bzhin gshegs pas blo shin du rnam par nges pas byang chub sems dpa'i spyod pa la 'jug pas mngon par 'phags
111a4 pa'i chos kyi sgo de legs par bshad du gsol/ de skad ces gsol pa dang / bcom ldan 'das kyis byang chub sems dpa' gzungs kyi dbang phyug gi rgyal po la 'di skad ces bka' stsal to/ /skyes bu dam pa khyod legs so/ /
111a5 legs so/ /khyod ji ltar de bzhin gshegs pa'i spyod yul tshad med pa la rnam par nges pa thob nas khyod blo rnam par nges pa 'di lta bus de bzhin gshegs pa la don 'di 'dri bar sems pa ni skyes bu dam pa khyod legs so/ /de'i phyir
111a6 rigs kyi bu khyod shin tu legs par nyon la yid la zung shig dang / byang chub sems dpa' sems dpa' chen pos ji ltar yon tan 'di dag dang / byang chub sems dpa'i yon tan tshad med pa gzhan dag kyang yongs su rdzogs
111a7 par 'gyur ba dang / myur du chos thams cad la dbang sgyur ba 'thob par 'gyur ba ngas khyod la bshad do/ /byang chub sems dpa' gzungs kyi dbang phyug gi rgyal pos bcom ldan 'das legs so zhes gsol te/ bcom
111a8 ldan 'das kyi ltar nyan pa dang / bcom ldan 'das kyis 'di skad ces bka' stsal to/ /rigs kyi bu byang chub sems dpa' rnams kyi rgyan ni bzhi po 'di dag ste/ bzhi gang zhe na/ 'di lta ste/ tshul khrims kyi rgyan dang /
111b1 ting nge 'dzin kyi rgyan dang / shes rab kyi rgyan dang / gzungs kyi rgyan te/ rigs kyi bu byang chub sems dpa' rnams kyi rgyan ni bzhi po 'di dag go/ /rigs kyi bu de la byang chub sems dpa' rnams kyi tshul khrims kyi rgyan gang zhe na/ rigs kyi bu
111b2 byang chub sems dpa' rnams kyi tshul khrims kyi rgyan ni gcig ste/ gcig gang zhe na/ 'di lta ste/ sems can thams cad la gnod pa mi byed pa ste/ byang chub sems dpa' zhe sdang ba'i sems med pa ni sems can thams cad kyi
111b3 yid du 'ong zhing dga' ba ste/ rigs kyi bu 'di ni byang chub sems dpa' rnams kyi tshul khrims kyi rgyan gcig go/ /rigs kyi bu byang chub sems dpa' rnams kyi tshul khrims kyi rgyan ni gnyis po 'di dag ste/ gnyis gang zhe na/
111b4 'di lta ste/ ngan 'gro'i sgo gcod pa dang / bde 'gro'i sgo 'byed pa ste gnyis po 'di dag go/ /rigs kyi bu byang chub sems dpa' rnams kyi tshul khrims kyi rgyan ni gsum po 'di dag ste/ gsum gang zhe na/ 'di lta ste/ lus rnam par
111b5 dag pa dang / ngag rnam par dag pa dang / yid rnam par dag pa ste/ gsum po 'di dag go/ /rigs kyi bu byang chub sems dpa' rnams kyi tshul khrims kyi rgyan ni bzhi po 'di dag ste/ bzhi gang zhe na/ 'di lta ste/ gang 'dod pa de
111b6 'byor pa dang / gang smon pa de yang dag par 'grub pa dang / gang 'dod pa de 'thob pa dang / gang rtsom pa de nyams 'og tu chud par byed pa ste/ bzhi po 'di dag go/ /rigs kyi bu byang chub sems dpa' rnams kyi tshul khrims kyi rgyan ni
111b7 lnga po 'di dag ste/ lnga gang zhe na/ 'di lta ste/ tshul khrims dang ldan pa'i ting nge 'dzin sgyu med pa yin/ shes rab sgyu med pa yin/ rnam par grol ba sgyu med pa yin/ rnam par grol ba'i ye shes mthong ba sgyu med pa yin/
111b8 yongs su mya ngan las 'das pa chen po bla na med pa sgyu med pa yin te lnga po 'di dag go/ /rigs kyi bu byang chub sems dpa' rnams kyi tshul khrims kyi rgyan ni drug po 'di dag ste/ drug gang zhe na/ 'di lta ste/ yid la chags
112a1 pa med pa'i tshul khrims kyi phyir skyon med pa'i tshul khrims dang / kha na ma tho ba med pa'i tshul khrims kyi phyir nyams pa med pa'i tshul khrims dang / 'dren ma ma yin pa'i tshul khrims kyi phyir 'dres pa ma yin pa'i
112a2 tshul khrims dang dge ba'i chos shin du rnam par 'phel ba'i phyir/ sra sre ma yin pa'i tshul khrims dang / gang gis 'dod par 'gro ba'i tshul khrims kyi phyir rang dga'i tshul khrims dang / gzhan la rag ma lus pa'i shes
112a3 pas rang gi dbang sgyur ba'i tshul khrims te drug po 'di dag go/ /rigs kyi bu byang chub sems dpa' rnams kyi tshul khrims kyi rgyan ni bdun po 'di dag ste/ bdun gang zhe na/ 'di lta ste/ tshul khrims dang ldan pa'i sbyin pa rnam par dag pa
112a4 dang / bzod pa rnam par dag pa dang / brtson 'grus rnam par dag pa dang / bsam gtan rnam par dag pa dang / shes rab rnam par dag pa dang / thabs rnam par dag pa dang / bag yod pa rnam par dag pa ste/ bdun po 'di dag go/ /rigs kyi bu
112a5 byang chub sems dpa' rnams kyi tshul khrims kyi rgyan ni brgyad po 'di dag ste/ brgyad gang zhe na/ 'di lta ste/ spobs pa phun sum tshogs pa dang / sa phun sum tshogs pa dang / rnam par 'phro ba med pa phun sum tshogs pa dang / lhod pa
112a6 med pa phun sum tshogs pa dang / 'khon du 'dzin pa med pa phun sum tshogs pa dang / sangs rgyas 'byung ba mnyes par byed pa phun sum tshogs pa dang / dal ba phun sum tshogs pa dang / dge ba'i bshes gnyen mgu bar byed pa
112a7 phun sum tshogs pa ste brgyad po 'di dag go/ /rigs kyi bu byang chub sems dpa' rnams kyi tshul khrims kyi rgyan ni dgu po 'di dag ste/ dgu gang zhe na/ 'di lta ste/ 'jigs pa med pa yin/ skrag pa med pa
112a8 yin/ bsam pa nges pa yin/ nye bar zhi ba yin/ bsil ba yin/ bcings pa lhod pa yin/ sems las su rung ba yin/ sems cang shes pa yin/ dul ba'i sa rjes su 'thob pa yin te/
112b1 dgu po 'di dag go/ /rigs kyi bu byang chub sems dpa' rnams kyi tshul khrims kyi rgyan ni bcu po 'di dag ste/ bcu gang zhe na/ 'di lta ste/ mtshan dang dpe byad bzang po yongs su rdzogs pa'i phyir lus kyi rgyan dang / ji skad smras pa de bzhin byed
112b2 pa'i phyir ngag gi rgyan dang / nyon mongs pa med pa'i phyir sems kyi rgyan dang / smon lam yongs su rdzogs pa'i phyir zhing gi rgyan dang / bsam pa yongs su spyod pa'i phyir sems can yongs su smin par byed pa'i rgyan dang / sdig pa thams cad
112b3 mi byed pa'i phyir skye ba'i rgyan dang / de bzhin gshegs pa'i spyod pa la rjes su slob pa'i phyir byang chub sems dpa'i spyod pa'i rgyan dang / nga rgyal med pa'i phyir shes pa'i rgyan dang / dge ba'i rtsa ba yongs su bsngo ba'i phyir byang chub kyi snying
112b4 po'i rgyan dang / tshul khrims kyi rtsa ba la gnas pa mi 'dor ba'i phyir stobs dang / mi 'jigs pa dang / sangs rgyas kyi chos ma 'dres pa'i rgyan te/ rigs kyi bu bcu po 'di dag ni byang chub sems dpa' rnams kyi tshul khrims kyi rgyan no/ /
112b5 rigs kyi bu de la byang chub sems dpa' rnams kyi ting nge 'dzin gyi rgyan gang zhe na/ rigs kyi bu byang chub sems dpa' rnams kyi ting nge 'dzin gyi rgyan ni gcig ste/ gcig gang zhe na/ 'di lta ste/ sems can thams cad la byams
112b6 pa ste 'di ni gcig go/ /rigs kyi bu byang chub sems dpa' rnams kyi ting nge 'dzin kyi rgyan ni gnyis po 'di dag ste/ gnyis gang zhe na/ 'di lta ste/ drang ba dang / mnyen pa ste gnyis po 'di dag go/ /rigs kyi bu byang chub sems dpa' rnams
112b7 kyi ting nge 'dzin kyi rgyan ni gsum po 'di dag ste/ gsum gang zhe na/ 'di lta ste/ sgyu med pa dang / g.yo med pa dang / bcos ma med pa ste gsum po 'di dag go/ /rigs kyi bu byang chub sems dpa' rnams kyi ting nge 'dzin gyi rgyan ni
112b8 bzhi po 'di dag ste/ bzhi gang zhe na/ 'di lta ste/ 'dun pas 'gro ba ma yin par mi 'gro ba dang zhe sdang gis 'gro ba ma yin par mi 'gro ba dang / gti mug gis 'gro ba ma yin par mi 'gro ba dang / 'jigs pas 'gro ba ma
113a1 yin par mi 'gro ba ste bzhi po 'di dag go/ /rigs kyi bu byang chub sems dpa' rnams kyi ting nge 'dzin gyi rgyan ni lnga po 'di dag ste/ lnga gang zhe na/ 'di lta ste/ sgrib pa lnga spong ba ste/ lnga po de dag gang zhe na/ 'dod pa la 'dun pa dang /
113a2 gnod sems dang / rmugs pa dang gnyid dang / rgod pa dang / 'gyod pa dang / the tsom ste/ sgrib pa lnga po 'di dag spong ba'o/ /rigs kyi bu byang chub sems dpa' rnams kyi ting nge 'dzin gyi rgyan ni drug po 'di dag ste/ drug gang zhe na/ 'di lta ste/
113a3 sangs rgyas rjes su dran pa dang / chos rjes su dran pa dang / dge 'dun rjes su dran pa dang / btong ba rjes su dran pa dang / tshul khrims rjes su dran pa dang / lha rjes su dran pa ste drug po 'di dag go/ /rigs kyi bu byang chub sems dpa'
113a4 rnams kyi ting nge 'dzin gyi rgyan ni bdun po 'di dag ste/ bdun gang zhe na/ 'di lta ste/ byang chub kyi sems mi brjed pa'i byang chub kyi yan lag bdun bsgom pa ste/ dran pa yang dag byang chub kyi yan lag dang / chos rab tu 'byed pa yang
113a5 dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin du sbyangs pa yang dag byang chub kyi yan lag dang / ting nge 'dzin yang dag byang chub kyi yan
113a6 lag dang / btang snyoms yang dag byang chub kyi yan lag ste/ bdun po 'di dag go/ /rigs kyi bu byang chub sems dpa' rnams kyi ting nge 'dzin gyi rgyan ni brgyad po 'di dag ste/ brgyad gang zhe na/ 'di lta ste/ 'phags pa'i
113a7 lam yan lag brgyad pa bsgom pa ste/ 'di ltar yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang yang dag pa'i
113a8 dran pa dang / yang dag pa'i ting nge 'dzin te brgyad po 'di dag go/ /rigs kyi bu byang chub sems dpa' rnams kyi ting nge 'dzin gyi rgyan ni dgu po 'di dag ste/ dgu gang zhe na/ rigs kyi bu 'di la byang chub sems dpa' brjed pa
113b1 med pa'i sems kyis snying rje chen po'i gnas la gnas te/ sems can thams cad yongs su mi gtong bar gnas nas 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang
113b2 bcas pa dben pa las skyes pa'i dga' ba dang / bde ba can bsam gtan dang po rdzogs par byas te gnas so/ /de rtog pa dang / dpyod pa dang bral zhing nang yongs su dang ste/ sems kyi rgyud gcig tu gyur pas rtog pa med pa dpyod pa
113b3 med pa'i ting nge 'dzin las skyes pa'i dga' ba dang bde ba can bsam gtan gnyis pa rdzogs par byas te gnas so/ /de dga' ba'i 'dod chags dang bral bas btang snyoms la gnas shing dran pa dang shes bzhin can yin te/ bde ba lus kyis
113b4 myong la 'phags pa rnams kyis gang de dran pa dang ldan pa/ bde ba la gnas pa btang snyoms pa'o zhes brjod pa ste/ dga' ba med pa'i bsam gtan gsum pa rdzogs par byas te gnas so/ /de bde ba yang spangs te/ snga nas sdug
113b5 bsngal ba yang spangs shing yid bde ba dang / yid mi bde ba yang nub pas bde ba yang ma yin/ sdug bsngal ba yang ma yin pa/ btang snyoms dang dran pa yongs su dag pa bsam gtan bzhi pa rdzogs par byas te gnas so de rnam pa
113b6 thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas/ nam mkha' mtha' yas so/ /snyam nas nam mkha'
113b7 mtha' yas skye mched rdzogs par byas te gnas so/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas rnam shes mtha' yas skye mched rdzogs
113b8 par byas te gnas so/ /de rnam pa thams cad du rnam shes mtha' yas skye mched las yang dag par 'das te ci 'ang med do snyam nas ci yang med pa'i skye mched rdzogs par byas te gnas so/ /de rnam pa thams cad du ci yang med
114a1 pa'i skye mched las yang dag par 'das nas 'du shes med 'du shes med min skye mched rdzogs par byas te gnas so/ /de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba
114a2 'gog pa'i snyoms par 'jug pa la snyoms par 'jug kyang thabs mkhas pas yang dag pa'i mtha' mngon sum du 'ang mi byed la sngon gyi byin gyis brlabs kyis yang dag par gnas/ sems can rnams kyang yongs su smin par
114a3 byed pa ste/ ting nge 'dzin gyi rgyan ni dgu po 'di dag go/ /rigs kyi bu byang chub sems dpa' rnams kyi ting nge 'dzin gyi rgyan ni bcu po 'di dag ste/ bcu gang zhe na/ 'di lta ste/ mi 'khrugs pas nges par sems pa dang / zhi
114a4 gnas yongs su rdzogs par byed pa dang / mngon par brtson pa mi 'dor ba dang / nang du yang dag 'jog sbed pa dang / dge ba'i rtsa ba rnams chud mi za ba dang / sems dben pa dang / lus shin du sbyangs pa dang / chos rnams la sems shing
114a5 'jal la so sor rtog pa dang / sems la dbang sgyur ba dang / 'phags pa'i rigs thob pa ste/ rigs kyi bu byang chub sems dpa' rnams kyi ting nge 'dzin gyi rgyan ni bcu po 'di dag go/ /rigs kyi bu de la byang chub sems dpa'
114a6 rnams kyi shes rab kyi rgyan gang zhe na/ rigs kyi bu byang chub sems dpa' rnams kyi shes rab kyi rgyan ni gcig ste/ gcig gang zhe na/ 'di lta ste/ chos thams cad la the tsom med pa ste/ 'di ni gcig go/ /rigs kyi bu byang chub
114a7 sems dpa' rnams kyi shes rab kyi rgyan ni gnyis po 'di dag ste/ gnyis gang zhe na/ 'di lta ste/ 'gyod pa dang bral ba dang / kun nas ldang ba dang bral ba ste/ gnyis po 'di dag go/ /rigs kyi bu byang chub sems dpa' rnams
114a8 kyi shes rab kyi rgyan ni gsum po 'di dag ste/ gsum gang zhe na/ 'di lta ste/ gti mug spong ba dang / ma rig pa'i sgo nga'i sbubs nges par gcog pa dang / mun pa mun nag sel ba ste/ gsum po 'di dag go rigs kyi bu byang chub
114b1 sems dpa' rnams kyi shes rab kyi rgyan ni bzhi po 'di dag ste/ bzhi gang zhe na/ 'di lta ste/ sdug bsngal yongs su shes par bya ba'i shes pa dang / kun 'byung ba spang ba'i snang ba dang / 'gog pa mngon sum du bya ba'i mngon
114b2 gsal dang lam bsgom pa'i byin gyis brlabs te/ bzhi po 'di dag go/ /rigs kyi bu byang chub sems dpa' rnams kyi shes rab kyi rgyan ni lnga po 'di dag ste/ lnga gang zhe na/ 'di lta ste/ dmigs pa med pas tshul khrims kyi phung po yongs
114b3 su dag pa dang / shes rab mchog gis bsam gtan pa yin pas ting nge 'dzin gyi phung po yongs su dag pa dang / gnyis dang bral bas rnam par grol ba'i phung po yongs su dag pa dang / dus gsum mnyam pa nyid pas rnam
114b4 par grol ba'i ye shes mthong ba'i phung po yongs su dag pa dang / 'dod chags dang bral ba'i chos nyid pas chos kyi phung po yongs su dag pa ste/ lnga po 'di dag go/ /rigs kyi bu byang chub sems dpa' rnams kyi shes rab kyi
114b5 rgyan ni drug po 'di dag ste/ drug gang zhe na/ 'di lta ste/ 'khor gsum yongs su dag pa'i sbyin pa'i pha rol du phyin pa ni sgyu ma dang mnyam pa nyid pas bdag gi 'khor yongs su dag pa dang / rmi lam dang mnyam pa nyid pas sems
114b6 can gyi 'khor yongs su dag pa dang / rnam par smin pa la re ba med pas byang chub kyi 'khor yongs su dag pa'o/ /'khor gsum yongs su dag pa'i tshul khrims kyi pha rol du phyin pa ni gzugs brnyan lta bu'i phyir lus kyi 'khor yongs su
114b7 dag pa dang / brag cha lta bu'i shes pas ngag gi 'khor yongs su dag pa dang / sgyu ma dang mnyam pa nyid pas sems kyi 'khor yongs su dag pa'o/ /'khor gsum yongs su dag pa'i bzod pa'i pha rol du phyin pa ni nyes par smras pa'i tshig
114b8 rnams la khong khro ba spong ba yongs su dag pa dang / bstod pa dang bsngags pa dang / rjes su chags pa spong ba yongs su dag pa dang / yan lag dang nying lag gcod pa dag la chos kyi sku la rab tu rtog pa yongs su dag pa'o/ /'khor gsum
115a1 yongs su dag pa'i brtson 'grus kyi pha rol du phyin pa ni 'khor ba rmi lam lta bur mos pas yongs su mi skyo ba yongs su dag pa dang / rdo rje lta bu'i bsam pas bstan pa yongs su dag pa dang / mtshan ma thams cad las sgrol bas
115a2 blang ba med pa dang dor ba med pa yongs su dag pa'o/ /'khor gsum yongs su dag pa'i bsam gtan gyi pha rol du phyin pa ni 'gyur bar shes pas de la ma chags pa yongs su dag pa dang / mngon par zhen pa med pas lhag mthong yongs su
115a3 dag pa dang / mngon par shes pa skyed pas dmyigs pa yongs su dag pa'o/ /'khor gsum yongs su dag pa'i thabs kyi pha rol du phyin pa ni sems can yongs su smin par byed pas bsdu ba'i dngos po yongs su dag pa dang / dam pa'i chos
115a4 yongs su 'dzin pas gzungs yongs su dag pa dang / sangs rgyas kyi zhing gi rgyan gyi phyir smon lam yongs su dag pa ste/ drug po 'di dag go/ /rigs kyi bu byang chub sems dpa' rnams kyi shes rab kyi rgyan ni bdun po 'di dag ste/
115a5 bdun gang zhe na/ 'di lta ste/ dran pa nye bar gzhag pa rnams la dran pa med cing yid la byed pa med pa dang / yang dag par spong ba rnams la skye ba med pa dang 'gag pa med par shes pa dang / rdzu 'phrul gyi rkang pa rnams kyis lus
115a6 dang sems dben pa dang / dbang po rnams la dbang po yongs su shes pa dang / stobs rnams kyis bdud dang nyon mongs pa thams cad tshar gcod pa dang / byang chub kyi yan lag rnams kyis chos thams cad kyi ngo bo nyid dang /
115a7 lam rnams la 'ong ba med pa dang 'gro ba med par shes pa ste bdun po 'di dag go/ /rigs kyi bu byang chub sems dpa' rnams kyi shes rab kyi rgyan ni brgyad po 'di dag ste/ brgyad gang zhe na/ 'di lta ste/ shin du zhi ba'i phyir zhi gnas
115a8 shes pa dang / rab rib dang bral ba'i phyir lhag mthong shes pa dang / chos kyi phung po rjes su rtogs pa'i phyir phung po shes pa dang / nam mkha'i khams dang mnyam pa nyid kyi phyir khams shes pa dang / grong stong dang mnyam pa
115b1 nyid kyi phyir skye mched shes pa dang / bdag med pa'i phyir rten cing 'brel par 'byung ba shes pa dang / mi 'khrugs pa'i phyir bden pa shes pa dang / yang dag pa ji lta ba bzhin rab tu rtogs pas chos thams cad nges par rtogs pa shes
115b2 pa ste/ brgyad po 'di dag go/ /rigs kyi bu byang chub sems dpa' rnams kyi shes rab kyi rgyan ni dgu po 'di dag ste/ dgu gang zhe na/ sngon gyi mtha' dag pas 'das pa shes pa dang / phyi ma'i mtha' dag pas ma 'ongs pa shes pa
115b3 dang bar gyi mtha' dag pas da ltar byung ba shes pa dang / rgyu chud mi za bas nges pa rnams shes pa dang / rkyen nye bar bsgrub pas ma nges pa rnams shes pa dang / yongs su smin par byed pas log pa nyid du ma nges pa rnams shes pa dang
115b4 chos kyi skus rab tu phye ba'i phyir sangs rgyas thams cad mnyam pa nyid du shes pa dang / 'dod chags dang bral ba'i chos kyi phyir chos thams cad mnyam pa nyid du shes pa dang / 'dus ma byas kyis rab tu phye ba'i phyir 'phags pa thams cad
115b5 mnyam pa nyid du shes pa ste/ dgu po 'di dag go/ /rigs kyi bu byang chub sems dpa' rnams kyi shes rab kyi rgyan ni bcu po 'di dag ste/ bcu gang zhe na/ 'di lta ste/ rnam par bsgrub pa'i mtshan nyid kyi phyir sgyu ma lta bur shes pa dang /
115b6 yongs su rtog pa'i mtshan nyid kyi phyir rmi lam lta bur shes pa dang / rnam par 'khrul pa'i mtshan nyid kyi phyir smig rgyu lta bur shes pa dang / 'pho ba med pa'i mtshan nyid kyi phyir gzugs brnyan lta bur shes pa dang / 'du 'phrod kyi mtshan nyid
115b7 kyi phyir mig yor lta bur shes pa dang / rkyen gyi mtshan nyid kyi phyir brag cha lta bur shes pa dang / chos kyi dbyings 'dres pa med pa'i mtshan nyid du shes pa dang / de bzhin nyid gnas med pa'i mtshan nyid du shes pa dang / yang dag pa'i mtha'
115b8 mi 'khrugs pa'i mtshan nyid du shes pa dang / 'dus byas dag 'dus ma byas kyi mtshan nyid du shes pa ste/ rigs kyi bu byang chub sems dpa' rnams kyi shes rab kyi rgyan ni bcu po 'di dag go/ /rigs kyi bu de la byang chub sems dpa'
116a1 rnams kyi gzungs kyi rgyan ni gang zhe na/ rigs kyi bu byang chub sems dpa' rnams kyi gzungs kyi rgyan ni gcig ste/ gcig gang zhe na/ 'di lta ste/ dran pa brjed pa med pa ste/ 'di ni gcig go/ /rigs kyi bu byang chub sems
116a2 dpa' rnams kyi gzungs kyi rgyan ni gnyis po 'di dag ste/ gnyis gang zhe na/ 'di lta ste/ kun du 'dzin pa dang / 'dzin pa ste/ gnyis po 'di dag go/ /rigs kyi bu byang chub sems dpa' rnams kyi gzungs kyi rgyan ni gsum po 'di
116a3 dag ste/ gsum gang zhe na/ 'di lta ste/ don la mkhas pa dang / tshig 'bru la mkhas pa dang / nges pa'i tshig la mkhas pa ste/ gsum po 'di dag go/ /rigs kyi bu byang chub sems dpa' rnams kyi gzungs kyi rgyan ni bzhi po 'di dag ste/
116a4 bzhi gang zhe na/ 'di lta ste/ chags pa med pa'i tshig dang / rtsub pa ma yin pa'i tshig dang / rab tu grol ba'i tshig dang / brdzun pa med pa'i tshig ste/ bzhi po 'di dag go/ /rigs kyi bu byang chub sems dpa' rnams kyi gzungs kyi rgyan ni
116a5 lnga po 'di dag ste/ lnga gang zhe na/ 'di lta ste/ thos pa thams cad kyi nang nas don la rton pa dang / yi ge'i tshogs thams cad kyi nang nas ye shes la rton pa dang / mdo sde thams cad kyi nang nas nges pa'i don gyi mdo sde la rton pa dang / gang zag gi
116a6 sgra thams cad las chos nyid la rton pa dang / 'jig rten thams cad las 'jig rten las 'das pa la rton pa ste/ lnga po 'di dag go/ /rigs kyi bu byang chub sems dpa' rnams kyi gzungs kyi rgyan ni drug po 'di dag ste/ drug gang zhe na/
116a7 'di lta ste/ ji skad smras pa de bzhin du byed pa dang / bden pa'i rjes su 'thun pa'i tshig rab tu thob pa dang / nga rgyal med pas gzung bar 'os pa'i tshig dang / g.yo med pas blang bar 'os pa'i tshig dang / snying rje chen po la sbyor bas
116a8 'bras bu yod pa'i chos ston pa dang / snod la mkhas pas phyed par chos ston pa dang / 'jig rten shes pas dus su chos ston pa ste/ drug po 'di dag go/ /rigs kyi bu byang chub sems dpa' rnams kyi gzungs kyi rgyan ni
116b1 bdun po 'di dag ste/ bdun gang zhe na/ 'di lta ste/ mgyogs pa'i spobs pa dang / shugs can gyi spobs pa dang / myur ba'i spobs pa dang / chags pa med pa'i spobs pa dang / rgyun chad pa med pa'i spobs pa dang / 'khrul pa med
116b2 pa'i spobs pa dang / shin du nges pa'i tshig gi spobs pa ste/ bdun po 'di dag go/ /rigs kyi bu byang chub sems dpa' rnams kyi gzungs kyi rgyan ni brgyad po 'di dag ste/ brgyad gang zhe na/ 'di lta ste/ lha'i skad shes pa dang /
116b3 klu'i skad shes pa dang / gnod sbyin gyi skad shes pa dang / dri za'i skad shes pa dang / lha ma yin gyi skad shes pa dang / nam mkha' lding gi skad shes pa dang / mi 'am ci'i skad shes pa dang / lto 'phye chen po'i skad shes pa nas sems can
116b4 thams cad kyi bar gyi skad shes pa ste/ brgyad po 'di dag go/ /rigs kyi bu byang chub sems dpa' rnams kyi gzungs kyi rgyan ni dgu po 'di dag ste/ dgu gang zhe na/ 'di lta ste/ 'khor gyi nang du spa gong ba med pa dang / smra ba'i nang du
116b5 zhum pa med pa dang chos bshad pa'i nang du 'jigs pa med pa dang / 'dri ba rnams la nges par 'byung ba shes pa dang / mngon pa'i nga rgyal can rnams la snrel zhi bstan pa shes pa dang / yang dag par zhugs pa rnams la rjes su 'thun pa
116b6 bstan pa shes pa dang / khengs pa dag la lag na rdo rje ston pa dang / mngon par chags pa rnams la sreg pa'i bskal pa ston pa dang / yongs su smin pa rnams la theg pa'i rim pa ji lta ba bzhin du ston pa ste/ dgu po 'di dag
116b7 go rigs kyi bu byang chub sems dpa' rnams kyi gzungs kyi rgyan ni bcu po 'di dag ste/ bcu gang zhe na/ 'di lta ste/ dogs pa thams cad la the tsom med par ston pa shes pa dang / blos chos skye ba'i sgo dang / shes rab kyi
116b8 snang ba gzhan la lhag ma ma lus pa dang / yi ge bstan pa mi zad pa dang / don bstan pa rgyun chad pa med pa dang / sangs rgyas kyi bsngags pa mtha' yas pa yang dag par rab tu brjod pa dang / kun nas nyon mongs pa'i skyon
117a1 mu med par brjod pa dang / rnam par byang ba'i bsngags pa tshad med pa ston pa dang / dbang po thams cad la gzhol bar 'jug pa chags pa med pa dang / sangs rgyas kyis gnang ba'i so so yang dag par rig pa la 'jug pa shes pa
117a2 ste/ rigs kyi bu byang chub sems dpa' rnams kyi gzungs kyi rgyan ni bcu po 'di dag go/ /de nas bcom ldan 'das kyis don de nyid rgya cher bstan pa'i phyir tshigs su bcad pa 'di dag gsungs so/ /gang gis theg mchog dam pa
117a3 'di mdzes pa/ /blo gros chen po rnams kyi rgyan bzhi ste/ /tshul khrims ting 'dzin de bzhin shes rab mchog /shin du rnam nges don dang de bzhin gzungs/ /de ni lus can kun gyi yid 'ong dga'/ /lus dang ngag rnams dang
117a4 ni yid dag cing / /de yi rnam par ltung ba kun chad pa/ /'di ni tshul khrims ldan pa'i rgyan yin no/ /lha mi rnams kyi nang du mkhas pa skye/ /de yi smon lam ji ltar 'dod bzhin 'grub/ /nan tan snying por byed dang yang dag
117a5 ldan/ /'di ni tshul khrims dag pa'i rgyan yin no/ /de yi ting 'dzin sgyu ma ma yin te/ /shes rab rnam grol de bzhin ye shes mthong / /de yi mya ngan 'das pa sgyu ma min/ /'di ni tshul khrims rnam par dag pa'i rgyan/ /tshul
117a6 khrims skyon med tshul khrims rnam par dag /tshul khrims sra sre ma yin 'dren ma med/ /de yi rang dga' de bzhin rang dbang yin/ /'di ni gang dag tshul khrims dag pa'i rgyan/ /tshul khrims kyis ni sbyin pa dag par 'gyur/
117a7 bzod pa dag cing de bzhin brtson 'grus dag /bsam gtan dag cing de bzhin shes rab dag /thabs dang de bzhin bag yod dag pa yin/ /g.yo ba med cing brtan la shin du gnas/ /sa mchog thob cing rnal 'byor rnam 'phro med/ /
117a8 lhod pa spangs shing dgang sla gso yang sla/ /'di ni gang dag tshul khrims dag pa'i rgyan/ /brtson 'grus 'bar zhing tshul khrims bsngags pa ste/ /de yi sems ni nam yang gdung mi 'gyur/ /de la yid la chags par
117b1 'gyur med de/ /'di ni gang dag tshul khrims dag pa'i rgyan/ /'jigs pa med cing mi skrag mi zhum ste/ /bsam pa des shing zhi la yid rab zhi/ /'dir ni de yi bcings pa lhod par gyur/ /'di ni gang dag tshul khrims dag pa'i rgyan/ /
117b2 grags chen sems ni las su rung ba yin/ /de ni dul zhing de bzhin cang shes yid/ /'dir ni rang lus mtshan kyis brgyan byed pa/ /'di ni gang dag tshul khrims dag pa'i rgyan/ /de ni ji skad smras pa de bzhin byed/ /mkhas pa de ni ngag
117b3 gi rgyan thob ste/ /de ni nyon mongs med pas rtag sems brgyan/ /'di ni gang dag tshul khrims dag pa'i rgyan/ /khyad par 'phags pa'i zhing ni legs par brgyan/ /theg pa mchog la sems can yongs smin byed/ /gang phyir sdig
117b4 pa thams cad mi byed pas/ /rang gi skye ba legs par rgyan par byed/ /byang chub spyod pa rtag tu rgyan byed cing / /byang chub snying po dam pa rgyan par byed/ /stobs dang mi 'jigs pa dag rgyan byed cing / /nga rgyal med pas shes pa legs
117b5 par brgyan/ /de ni byams pas sems can kun khyab byed/ /mkhas pa rtag tu drang dang mnyen pa yin/ /g.yo ni med cing sgyu med bcos pa med/ /gti mug 'dod sdang 'jigs pas 'gro ma yin/ /de ni sgrib pa lnga po rnam par sel/ /
117b6 bag yod gyur nas rjes su dran drug bsgom/ /byang chub yan lag bdun dang lam sgom ste/ /mthar gyis dgu dang ting 'dzin bsam gtan byed/ /rnal 'byor pa ni zhi gnas nges sems sbyor/ /de ni tshul bzhin dge ba chud mi
117b7 gson/ /dben dang shin du sbyangs dang so sor rtog /'phags pa'i rigs la dbang ni sgyur ba yin/ /chos rnams la ni the tsom med par gyur/ /de la kun nas ldang dang 'gyod pa med/ /de la ma rig gti mug mun pa med/ /
117b8 bden pa snang ba yongs su shes pa shes/ /tshul khrims dag pa dmigs pa med pa ste/ /shes rab dam pa bsam gtan ting 'dzin dag /gnyis bsal nas ni rnam par grol ba dag /lhag pa'i nga rgyal med cing shes pa dag /
118a1 dus gsum dag la ye shes mthong mi chags/ /'dod chags bral ba'i shes pas chos kyang dag /dag nas 'dir ni de la rlom sems med/ /'di ni gang dag shes rab ldan pa'i rgyan/ /shes rab kyis ni sbyin pa brgyan
118a2 gyur te/ /rmi lam sgyu ma tshol ba med pa'i phyir/ /bdag dang byang chub de bzhin sems can rnams/ /'khor gsum po dag de dag rnam par sbyong / /shes rab kyis ni tshul khrims brgyan gyur te/ /gzugs brnyan sgyu ma brag cha 'dra ba'i
118a3 phyir/ /lus dang ngag rnams dang ni de bzhin sems/ /'khor gsum po dag de ni rnam par sbyong / /shes rab kyis ni bzod pa brgyan gyur te/ /mkhas dang mtho min dma' bar 'gyur min dang / /dam pa'i chos sku rtag tu rab rtog pa/ /
118a4 'khor gsum po dag de ni rnam par sbyong / /shes rab kyis ni brtson 'grus brgyan gyur te/ /skyo ba med cing bsam pa brtan pa dang / /de ni blang ba med cing dor med pa/ /'khor gsum po dag de ni rnam par sbyong / /shes rab
118a5 kyis ni bsam gtan brgyan gyur te/ /de la ma chags gyur dang lhag mthong dang / /mkhas dang mngon par shes pa skyed pa dang / /'khor gsum po dag de ni rnam par sbyong / /shes rab kyis ni thabs kyang brgyan byed de/ /
118a6 shin du sdud dang gzungs dang yang dag smon/ /'khor gsum po dag de ni rnam sbyong zhing / /sems can chos dang de bzhin zhing rnams sbyong / /dran pa nye bar gzhag la dran mi 'jug /yang dag spong ba rnams la gnyis med de/ /
118a7 rdzu 'phrul gyis ni lus dang sems kyang dben/ /sems can gyis ni dbang po kun mi shes/ /bdud dang nyon mongs rnams kyis zil mi non/ /chos kyi rang bzhin tshul bzhin rjes su rtogs/ /de bzhin lam
118a8 la 'ong med 'gro ba med/ /'di ni gang dag shes rab ldan pa'i rgyan/ /de ni shin du zhi bas zhi gnas shes/ /de yi lhag mthong spyod yul mtha' yas te/ /chos kyi phung po ci zhig phung po shes/ /
118b1 khams ni nam mkha' mtshungs shing 'dra bar shes/ /des ni stong pa lta bur skye mched shes/ /rten pas bsags pas chos rnams 'byung med de/ /don dam bden par 'khrugs pa med par shes/ /tshul bzhin gyis ni nges par rtogs
118b2 par shes/ /dus gsum la ni chags med ye shes 'jug /rnam par gzhag phyir phung po gsum yang shes/ /dkon mchog gsum ni mtshan nyid gcig tu shes/ /'di ni gang dag shes rab ldan pa'i rgyan/ /rnam bsgrubs mtshan nyid
118b3 sgyu ma lta bur shes/ /yongs brtags rtsa ba rmi lam ji bzhin no/ /rnam 'phrul mtshan nyid smig rgyu 'dra ba ste/ /'pho med chos rnams gzugs brnyan mtshan nyid do/ /'du 'phrod byung ba mig yor lta bu ste/ /rkyen rnams kyis ni brag cha ji
118b4 bzhin no/ /chos kyi dbyings ni rtag tu ma 'dres shes/ /de bzhin nyid ni gnas med de rab shes/ /yang dag mtha' ni rtag tu mi g.yo chos/ /'dus ma byas dang 'dus byas gnyis su med/ /shes rab zab cing blo ni rab yangs par/ /brgyan nas
118b5 sangs rgyas chos rnams tshol bar byed/ /de ni nam yang dran pa brjed pa med/ /chos rnams kun du 'dzin cing 'dzin par byed/ /don dang tshig 'bru la ni rtag tu mkhas/ /nges tshig shes pa rtag par rtogs khong chud/ /chags med
118b6 tshig dang rtsub pa ma yin dang / /rab tu grol ba'i tshig dang brdzun med tshig /thos pa kun don rtag tu rtog pa dang / /mkhas pa de ni ye shes rton par byed/ /nges don mdo sde rtogs par rab tu shes/ /gang zag med pa'i chos nyid
118b7 rton byed cing / /'jig rten 'das pa'i chos nyid la yang rton/ /de ni gzungs kyis brgyan par gyur pa yin/ /de yi tshig ni bden pa'i rjes su 'thun/ /gzung bar 'os dang dus su 'os pa yin/ /de yi chos bstan de ni 'bras
118b8 bu yod/ /phyed pa dang ni dus su rgyun chags 'jug /de yi spobs pa mgyogs pa skye ba ste/ /shugs can dang ni myur dang rtag mi chags/ /rgyun chad med dang 'khrul med nges pa'i tshig /legs par brgyus pa'i phreng bas
119a1 legs brgyan bzhin/ /lha dang klu yi skad ni rab tu shes/ /gnod sbyin dag dang dri za lha min dang / /mkha' lding mi 'am ci dang lto 'phye che/ /sems can kun gyi skad kyang rab tu shes/ /'khor lhags shes nas spa gong med
119a2 pa ste/ /smra ba mthong nas zhum par gyur pa 'ang med/ /'jigs pa med par chos kyi gtam yang rjod/ /'dri ba rnams la nges 'byung rab tu shes/ /lhag pa'i nga rgyal can mthong snrel zhi yi/ /gtam brjod rnal 'byor mthong
119a3 nas rjes su 'thun/ /nga rgyal can la lag na rdo rje ston/ /yul mngon chags la sreg pa'i bskal pa ste/ /theg pa gsum gyi rim pa'i gtam yang rjod/ /dogs pa kun gyi the tsom gcod pa ste/ /blo yi chos rnams mngon sum 'gyur ba
119a4 yin/ /de yi shes rab nam yang gzhan mi ltos/ /yi ge thams cad rtag tu zad mi shes/ /don rnams nges pa dag la rgyun chags te/ /'di ni sangs rgyas chos rnams mtha' yas brjod/ /de ni gzungs kyis brgyan par gyur pa yin/ /
119a5 kun nas nyon mongs skyon ni mtha' yas shes/ /rnam par byang ba'i phan yon thug pa med/ /de bzhin sems can dbang po thams cad shes/ /sangs rgyas gnang ba'i so so rig pa thob/ /de ni gzungs kyis brgyan par gyur pa ste/ /
119a6 de yi yon tan 'di dang gzhan dag kyang / /bskal par rgyun chad med par rab brjod kyang / /yon tan mtha' ni rtogs par mi nus so// // bam po gsum pa/ bcom ldan 'das kyis gzhan yang byang chub sems dpa' gzungs kyi
119a7 dbang phyug gi rgyal po la bka' stsal pa/ rigs kyi bu snang ba gang dag gis snang bar gyur na byang chub sems dpa' mun pa mun nag dang bral zhing byang chub sems dpa'i spyod pa yongs su dag pa spyod par 'gyur ba byang chub sems dpa'
119a8 rnams kyi snang ba ni brgyad po 'di dag go/ /brgyad gang zhe na/ 'di lta ste/ dran pa'i snang ba dang / blo gros kyi snang ba dang / rtogs pa'i snang ba dang / chos kyi snang ba dang / shes pa'i snang ba dang / bden pa'i snang ba dang /
119b1 mngon par shes pa'i snang ba dang / sgrub pa'i snang ba ste/ rigs kyi bu byang chub sems dpa' rnams kyi snang ba ni brgyad po 'di dag go/ /rigs kyi bu de la byang chub sems dpa' rnams kyi dran pa'i snang ba gang zhe na/ rigs kyi bu byang chub
119b2 sems dpa' rnams kyi dran pa'i snang ba ni brgyad po 'di dag ste/ brgyad gang zhe na/ 'di lta ste/ sngon byas pa'i dge ba'i rtsa ba chud mi gzon pa dang / dge ba'i rtsa ba ma byas pa sogs pa dang / thos pa'i chos rnams mi brjed pa dang don
119b3 rnam par nges pa rjes su thob pa dang / yul drug gis mi 'phrogs pa dang / mi dge ba'i chos spang zhing dge ba'i chos yongs su rdzogs par bya ba'i phyir dran pa rgya chen po phun sum tshogs par gyur pa dang / de dran pa phun sum tshogs par
119b4 rig nas sangs rgyas bcom ldan 'das rnams kyis chos kyi grong khyer srung bar 'jog pa dang / dran pa sngon du 'gro bas chos thams cad la snang ba thob pa yin te/ rigs kyi bu byang chub sems dpa' rnams kyi dran pa'i snang ba ni
119b5 brgyad po 'di dag go/ /rigs kyi bu byang chub sems dpa' rnams kyi blo gros kyi snang ba ni brgyad po 'di dag ste/ brgyad gang zhe na/ 'di lta ste/ don kyi blo gros yin gyi tshig 'bru'i blo gros ma yin pa dang / ye shes kyi blo gros yin
119b6 gyi rnam par shes pa'i blo gros ma yin pa dang / chos kyi blo gros yin gyi nyon mongs pa'i blo gros ma yin pa dang / rig pa'i blo gros yin gyi 'gal ba'i blo gros ma yin pa dang / byang chub kyi sems kyi blo gros yin gyi nyan thos dang
119b7 rang sangs rgyas kyi blo gros ma yin pa dang / rlabs po che'i blo gros yin gyi dman pa'i blo gros ma yin pa dang / sangs rgyas kyi blo gros yin gyi bdud kyi blo gros ma yin pa dang / snying rje chen po'i blo gros yin gyi sems can la rnam par 'tshe
119b8 ba'i blo gros ma yin pa ste/ rigs kyi bu byang chub sems dpa' rnams kyi blo gros kyi snang ba ni brgyad po 'di dag go/ /rigs kyi bu byang chub sems dpa' rnams kyi rtogs pa'i snang ba ni brgyad po 'di dag ste/ brgyad gang zhe na/
120a1 'di lta ste/ chos thams cad rtogs par khong du chud par 'gyur ba dang / dgongs te bstan pa rnams rtogs par khong du chud par 'gyur ba dang / sems can gyi bsam pa rnams rtogs par khong du chud par 'gyur ba dang / so so
120a2 yang dag par rig pa'i shes pa rnams rtogs par khong du chud par 'gyur ba dang / rten cing 'brel bar 'byung ba zab mo rtogs par khong du chud par 'gyur ba dang / snrel zhi'i rgyud bstan pa rtogs par khong du chud par 'gyur ba dang / spyi'u
120a3 tshugs kyi rgyud bstan pa rtogs par khong du chud par 'gyur ba dang / sangs rgyas kyi chos thams cad rtogs par khong du chud par 'gyur ba ste/ rigs kyi bu byang chub sems dpa' rnams kyi rtogs pa'i snang ba ni brgyad po
120a4 'di dag go/ /rigs kyi bu byang chub sems dpa' rnams kyi chos kyi snang ba ni brgyad po 'di dag ste/ brgyad gang zhe na/ 'di lta ste/ sems can rnams la las kyi bya ba la 'jug pa ston pas 'jig rten pa'i chos kyi snang ba dang /
120a5 thar pa 'dod pa rnams la shes rab kyis ston pas 'jig rten las 'das pa'i chos kyi snang ba dang / lam shin du bsgoms pa'i phyir sgrib pa med pa'i chos kyi snang ba dang / 'dod pa dang / srid pa dang / ma rig pa dang / lta ba'i zag
120a6 pa mi slong ba'i phyir zag pa med pa'i chos kyi snang ba dang / 'phags pa rnams kyi nges par gyur pa mngon sum du byed pa'i phyir 'dus ma byas pa'i chos kyi snang ba dang / glo bur gyi nyon mongs pa la shin du rtogs pa'i phyir kun nas
120a7 nyon mongs pa'i chos kyi snang ba dang / sems rang bzhin gyis 'od gsal ba'i phyir rnam par byang ba'i chos kyi snang ba dang / chos rnams shin du nye bar zhi ba'i phyir mya ngan las 'das pa'i chos kyi snang ba ste/ rigs kyi
120a8 bu byang chub sems dpa' rnams kyi chos kyi snang ba ni brgyad po 'di dag go/ /rigs kyi bu byang chub sems dpa' rnams kyi shes pa'i snang ba ni brgyad po 'di dag ste/ brgyad gang zhe na/ 'di lta ste/ brgyad pa'i shes pa'i
120b1 snang ba dang / rgyun du zhugs pa'i shes pa'i snang ba dang / lan cig phyir 'ong ba'i shes pa'i snang ba dang / phyir mi 'ong ba'i shes pa'i snang ba dang / dgra bcom pa'i shes pa'i snang ba dang / rang sangs rgyas kyi shes pa'i snang ba dang /
120b2 byang chub sems dpa'i shes pa'i snang ba dang / yang dag par rdzogs pa'i sangs rgyas kyi mkhyen pa'i snang ba ste/ rigs kyi bu byang chub sems dpa' rnams kyi shes pa'i snang ba ni brgyad po 'di dag go/ /rigs kyi bu byang chub
120b3 sems dpa' rnams kyi bden pa'i snang ba ni brgyad po 'di dag ste/ brgyad gang zhe na/ 'di lta ste/ bden pa bsgom pa gang gis nges par gyur pa la 'jug pa de la de'i snang ba dang / bden pa bsgom pa gang gis 'bras bu dang po 'thob par 'gyur ba de la de'i
120b4 snang ba dang / bden pa bsgom pa gang gis 'bras bu gnyis pa 'thob par 'gyur ba de la de'i snang ba dang / bden pa bsgom pa gang gis 'bras bu gsum pa 'thob par 'gyur ba de la de'i snang ba dang / bden pa bsgom pa gang gis 'bras bu bzhi pa 'thob par 'gyur ba
120b5 de la de'i snang ba dang / bden pa bsgom pa gang gis rang sangs rgyas nyid 'thob par 'gyur ba de la de'i snang ba dang / bden pa bsgom pa gang gis byang chub sems dpa'i bzod pa rab tu 'thob par 'gyur ba de la de'i snang ba dang / bden pa bsgom pa gang gis sangs rgyas
120b6 kyi byang chub mngon par rdzogs par 'tshang rgya bar 'gyur ba de la de'i snang ba ste/ rigs kyi bu byang chub sems dpa' rnams kyi bden pa'i snang ba ni brgyad po 'di dag go/ /rigs kyi bu byang chub sems dpa' rnams kyi mngon par shes pa'i
120b7 snang ba ni brgyad po 'di dag ste/ brgyad gang zhe na/ 'di lta ste/ lha'i mig gis gzugs thams cad yang dag par mthong ba'i phyir gsal ba'i snang ba dang / lha'i rna bas sgra thams cad thos pa'i phyir nges par rtog pa'i snang ba dang sngon gyi gnas bskal
120b8 pa grangs med pa rjes su dran pa'i phyir rjes su dran pa'i snang ba dang / sems can thams cad kyi sems la lta ba'i phyir rang bzhin gyis 'od gsal ba'i snang ba dang / sangs rgyas kyi zhing mtha' yas par rdzu 'phrul gyis 'gro ba'i phyir nam mkha'
121a1 sgrib pa med pa'i snang ba dang / zag pa med pa'i shes pa yongs su rdzogs par byed pa'i phyir shes pa'i snang ba dang / sems can thams cad nye bar 'tsho ba'i phyir bsod nams kyi tshogs kyi snang ba dang / sems can thams cad kyi dogs pa
121a2 gcod pa'i phyir ye shes kyi tshogs kyi snang ba ste/ rigs kyi bu byang chub sems dpa' rnams kyi mngon par shes pa'i snang ba ni brgyad po 'di dag go/ /rigs kyi bu byang chub sems dpa' rnams kyi sgrub pa'i snang ba ni dgu po 'di dag ste/ dgu gang zhe na/
121a3 'di lta ste/ sgrub pas ye shes kyi snang ba dang / sgrub pas shes rab kyi snang ba dang / sgrub pas blo'i snang ba dang / sgrub pas yang dag pa'i lta ba'i snang ba dang / sgrub pas zhi gnas kyi snang ba dang / sgrub pas lhag mthong gi snang ba dang / sgrub pas sems
121a4 can gyi bsam pa snang ba dang / sgrub pas 'khrugs pa med par sems rnam par grol ba'i snang ba dang / sgrub pas shin du mthar thug pa'i snang ba snang ba ste/ rigs kyi bu byang chub sems dpa' rnams kyi sgrub pa'i snang ba ni dgu po 'di dag go/ /de nas
121a5 bcom ldan 'das kyis de'i tshe tshigs su bcad pa 'di dag gsungs so/ /dran pa de dang yang dag 'dres pa ni/ /sngon chad las dge bsags pa chud mi gzon/ /phra bar sngo ba phun sum tshogs pa de/ /phyi phyir zhing ni yang dag sgrub par byed/ /
121a6 thos pa'i chos rnams la ni brjed pa med/ /rnam par nges pa myur du 'thob par 'gyur/ /nye bar zhi bas yul rnams las ni sbas/ /dran dang ldan pa mi dge rnams dang bral/ /dran pa rgya bo che ni shin du bsags/ /bya ba bya ba dag ni rnam
121a7 par 'byed/ /dran pa dag dang ldan par rig nas ni/ /rgyal ba rang byung dag gi byin gyis rlob/ /dam pa'i chos kyi grong khyer skyong byed pa/ /de ni 'gro ba rnams la chos ston nus/ /shes rab ldan pa mun pa rnam bral te/ /lha dang mi rnams kyi ni
121a8 don kyang byed/ /blo gros bzang ldan snang ba thob gyur nas/ /dogs pa dang ni the tsom rnams kyang gcod/ /dran dang ldan pa rang 'byung ye shes kyis/ /byang chub myur du rjes su rtogs par byed/ /de ni don gyi blo gros can yin gyi/ /tshig 'bru'i rjes su mi rgyug sgra
121b1 la'ang min/ /sems can dag pa ye shes blo gros can/ /rnam par shes pa'i blo gros 'dod ma yin/ /chos kyi blo gros ldan par gyur pa de/ /nyon mongs blo gros sel cing gti mug bral/ /shes rab dang ni thabs kyi tshul shes pa/ /de ni rgyal
121b2 ba'i byang chub 'gal mi byed/ /de ni sangs rgyas 'gyur ba'i blo gros ldan/ /nyan thos 'gyur min rang rgyal 'gyur ma yin/ /rtag tu rlabs chen blo gros can yin gyi/ /de ni blo gros chung ngu 'dod ma yin/ /sangs rgyas blo gros rtag tu ldan yin gyi/ /bdud kyi
121b3 blo gros su ni 'gyur ma yin/ /blo gros ldan pa snying rje cher gzhol gyi/ /sems can gang la 'ang rnam par 'tshe ba min/ /chos 'ga' bstan pa gang yin de la ni/ /the tsom med cing rtogs par khong du chud/ /de ni dgongs te gsungs la mkhas
121b4 'gyur zhing / /sems can spyod pa rnams la rtogs dang ldan/ /so so yang dag rig la rtogs ldan zhing / /de yi shes pa 'jug pa chags pa med/ /rkyen byung byed pa po dang rnam bral bar/ /rten pa'i chos rnams dag ni rab tu shes/ /de ni snrel zhi'i
121b5 rgyu la mkhas gyur cing / /spyi'u tshugs tshul ni rtogs par khong du chud/ /sangs rgyas kyi ni chos rnams ji snyed pa/ /thams cad kyang ni rtogs par khong du chud/ /'jig rten pa yi chos kyi snang ba yis/ /lha mi rnams kyi las kyi bya ba shes/ /
121b6 'jig rten las ni 'das pa'i ye shes kyis/ /shes rab snang ba dang ni ldan pa yin/ /kha na ma thor bcas dang ma tho med/ /ye shes rab tu gsal ba chen po 'jug /lam ni shin du bsgoms par gyur pa'i phyir/ /rtag tu 'bras bu yod par chos ston to/ /
121b7 zag par bcas dang zag pa med pa yi/ /chos la de yi snang ba rab tu 'jug /de ni zag pa thams cad spong byed cing / /lha dang mi rnams kyi ni don kyang byed/ /'dus ma byas dang 'dus byas chos rnams la/ /de yi shes pa rtag tu rab tu 'jug /de ni
121b8 de yis dri bral rab rib med/ /skyon med thob nas spyad pa rnams kyang spyod/ /rnam par byang dang kun nas nyon mongs la/ /de yi shes pa sgrib pa med pa 'jug /rang bzhin gyis ni sems 'od gsal ba dang / /kun nas nyon mongs pa yi tshul yang shes/ /
122a1 ji ltar mya ngan 'das par gyur pa ni/ /skye ba med cing 'byung ba med par shes/ /'di 'dra 'di ni theg pa chen po la/ /chos kyi snang ba mtha' yas gyur pa yin/ /de ni brgyad pa yi ni shes pa dang / /rgyun du zhugs la shes pa 'jug pa dang / /lan cig
122a2 phyir 'ong ba yi shes pa dang / /phyir mi 'ong la shes pa 'jug pa dang / /de ni dgra bcom pa dang rang rgyal dang / /'jig rten mgon po byang chub sems dpa' dag /kun la de yi shes dang sgrub pa rnams/ /lhag ma lus pa med par rab tu 'jug /gang gis 'bras bu
122a3 'thob par 'gyur ba dang / /'khrugs med don dam nges par 'byung 'gyur ba/ /de la rab bsgoms smra ba dpa' bo rnams/ /bden pa'i snang ba dag dang ldan pa yin/ /bden pa dag ni bsgom pa byas pas na/ /skyon med 'jug dang 'bras bu dang po 'thob/ /
122a4 gnyis dang gsum dang de bzhin bzhi pa dang / /rang rgyal rnams kyi 'bras bu thob par 'gyur/ /bsgom pa gang gis su ni smra ba'i stag /de dag bzod pa dag ni thob 'gyur dang / /gang gis rgyal ba byang chub 'tshang rgya ba/ /bden pa de dag la ni snang bar 'gyur/ /lha yi
122a5 mig gis su ni de yis kyang / /gzugs kyi rnam pa dag ni thams cad mthong / /lha yi rna ba nges par rtogs pa yis/ /phyogs bcu dag gi sgra rnams rtogs par 'gyur/ /sngon gyi gnas shes pa yi snang ba yis/ /bskal pa khrag khrig dag ni rjes su dran/ /
122a6 'od gsal ba'i shes pa'i snang ba yis/ /gzhan gyi sems kyi spyod pa rnams la mkhas/ /rdzu 'phrul gyi ni shes pa'i snang ba yis/ /phyogs bcu'i zhing ni khrag khrig rnams su 'gro/ /zag pa med pa'i shes pa'i snang ba ni/ /nam mkha' dang ni
122a7 mtshungs shing 'dra ba yin/ /bsod nams kyi ni snang ba mtha' yas pa'i/ /mngon shes thog ma 'gro ba nye bar 'gro/ /de yi shes pa chags pa med pa yis/ /'gro ba'i dogs pa dag ni gcod par byed/ /nan tan snying por byed pa'i rnal 'byor pa/ /
122a8 dran dang blo gros rtogs dang chos shes snang / /bden pa yi ni snang ba mtha' yas te/ /mngon par shes pa'i snang bar gyur pa yin/ /sgrub pas ye shes dang ni shes rab dang / rgya chen blo dang spobs pa mtha' yas dang / yang dag lta ba dang ni lhag mthong
122b1 dang / /shin du 'khrugs pa med pa mthar thug gyur/ /snang ba shin du rnam par dag pa brgyad/ /'di dag mthu chen gang la yod pa ni/ /re shig byang chub thob par ma gyur kyang / /de ni sangs rgyas mdzad pa byed par 'gyur/ /bcom ldan 'das kyis gzhan yang byang chub sems dpa'
122b2 gzungs kyi dbang phyug gi rgyal po la bka' stsal pa/ rigs kyi bu byang chub sems dpa' rnam pa bcu drug gis sems can rnams la byang chub sems dpa'i snying rje chen po skye'o/ /bcu drug gang zhe na/ rigs kyi bu 'di la byang chub sems dpa' 'di snyam du kye ma
122b3 sems can 'di dag ni 'jig tshogs la lta bas bcings pa/ lta ba sna tshogs dang 'dres pa dag ste/ lta ba thams cad spang ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can
122b4 'di dag ni yod pa ma yin pa'i phyin ci log tu gyur nas mi rtag pa la rtag par 'du shes/ sdug bsngal ba la bde bar 'du shes/ bdag med pa la bdag tu 'du shes/ mi sdug pa la sdug par 'du shes pa dag ste/ phyin ci log thams cad spang ba'i phyir de dag la chos
122b5 bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni ngar 'dzin pa dang / nga yir 'dzin pa la gnas pa dngos po med pa la dngos por 'du shes pa dag ste ngar 'dzin pa dang nga yir 'dzin pa spang
122b6 ba'i phyir de dag la chos bstan par bya'o/ snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni sgrib pa lngas bsgribs te 'dod pa'i zug rngus zug pa/ khong khro ba mang ba/ rmugs pa dang gnyid la chags pa/
122b7 dam pa ma yin pa la 'gyod pa kun nas langs pa/ zab mo'i chos la nges pa ma thob pa dag ste/ sgrib pa thams cad spang ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang kye ma sems can
122b8 'di ni skye mched drug gis chags pas chags te/ mig gis gzugs rnams mthong nas mtshan mar 'dzin cing mngon rtags su 'dzin pa yin/ rna bas sgra thos/ snas dri snams lces ro myangs/ lus kyis reg bya rnams la reg /yid kyis chos
123a1 rnams rnam par shes nas mtshan mar 'dzin cing mngon rtags su 'dzin pa dag yin te/ skye mched drug gis chags pa spangs ba'i phyir de dag la chos bstan par bya'o snyam du sems can rnams la byang chub sems dpa'i snying rje chen
123a2 po skye ba dang / kye ma sems can 'di dag ni nga rgyal dang / lhag pa'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / mngon pa'i nga rgyal dang / chung zad snyam pa'i nga rgyal dang / log pa'i nga rgyal gyis bcom pas chung ngu
123a3 dag pas bdag cag che'o snyam du bdag la rlom sems su byed pa/ mtshungs pa dag pas ni bdag cag che'o snyam du bdag la rlom sems su byed pa dang / ches che ba dag pas kyang bdag cag ches che'o snyam du bdag la rlom sems su byed pa/
123a4 gzugs la bdag tu khas len pa nas rnam par shes pa'i bar la bdag tu khas len pa/ ma thob par bdag la thob pa snyam du shes pa/ bdag cag ni 'phags pa'o snyam du bdag la sems pa/ log pa'i lta ba la yang dag pa'i lta bar
123a5 mos pa dag ste/ nga rgyal gyi rnam pa thams cad spang ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni lam ngan par zhugs pa/ 'phags pa'i
123a6 lam dang bral ba dag ste/ lam ngan pa spang zhing 'phags pa'i lam thob par bya ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni sred pa'i
123a7 khol po chung ma dang / bu pho dang / bu mo la yongs su zhen pas sbags pa/ rang dbang med pa/ bdag la mi dpogs pa dag ste rang dbang yod cing bdag la dpogs par bya ba dang / gar dga' bar 'gro bar bya ba'i phyir de dag la
123a8 chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni phan tshun mi 'phrod pa/ khro ba dang / zhe sdang dang / gnod sems mang ba
123b1 dag ste/ khro ba dang / zhe sdang dang / gnod sems spang bar bya ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni sdig pa'i grogs pos yongs su zin pa/ dge ba'i
123b2 bshes gnyen dang bral ba/ sdig pa'i las byed pa dag ste/ dge ba'i bshes gnyen gyis yongs su zin pa dang / sdig pa'i grogs po yongs su spang bar bya ba'i phyir de dag la chos bstan par bya'o snyam du sems can rnams la byang chub sems
123b3 dpa'i snying rje chen po skye ba dang / kye ma sems can 'di dag ni brkam pa/ chags pas zil gyis non pa/ chog mi shes shing 'phags pa'i shes rab kyi gnas pa dang bral ba dag ste/ chags pa spangs pa dang / 'phags pa'i shes
123b4 rab bskyed pa'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni las kyi rnam par smin pa med par lta zhing rtag pa dang chad pa la gnas pa dag
123b5 ste/ rten cing 'brel bar 'byung ba zab mo dang / las dang / bya ba la gzud pa'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni ma
123b6 rig pa dang gti mug gis ldongs pa/ bdag dang / sems can dang / srog dang / gso ba dang / skyes bu dang / gang zag la mngon par zhen pa dag ste/ 'phags pa'i shes rab kyi mig rnam par dag par bya ba dang / lta bar gyur pa thams cad
123b7 spang bar bya ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni 'khor ba la mngon par dga' ba/ phung po lnga'i gshed mas yongs su zin pa dag ste/
123b8 khams gsum thams cad las dbyung ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang kye ma sems can 'di dag ni bdud kyi zhags pa'i bcing bas bcings pa/ g.yo ba dang / rlom
124a1 sems la gnas pa dag ste/ bdud kyi zhags pas bcings pa thams cad las rnam par dgrol ba dang / g.yo dang rlom sems spang ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po
124a2 skye ba dang / kye ma sems can 'di dag ni mya ngan las 'da' ba'i sgo bcad cing ngan 'gro'i sgo phye ba dag ste/ mya ngan las 'da' ba'i sgo dbye ba dang / ngan 'gro'i sgo bcad pa'i phyir de dag la chos bstan par bya'o snyam du sems can rnams la byang chub
124a3 sems dpa'i snying rje chen po skye ba ste/ rigs kyi bu rnam pa bcu drug po de dag gis sems can rnams la byang chub sems dpa'i snying rje chen po skye'o/ /rigs kyi bu 'di dag ni byang chub sems dpa' rnams kyi las ma 'dres pa
124a4 sum bcu rtsa gnyis te/ de dag la brtson na byang chub sems dpa' rnams legs par byed pa'i las byed pa rnams yin no/ /sum bcu rtsa gnyis gang zhe na/ 'di lta ste/ sems can dag gti mug gi gnyid kyis log pa dang /
124a5 bdag shes rab kyis sad pa mthong nas shes rab kyis sems can rnams sad par byed pa 'di ni byang chub sems dpa'i las ma 'dres pa dang po'o/ /sems can dag chung ngu la mos pa dang / bdag rgya chen po la mos par mthong nas
124a6 theg pa chen po la sems can rnams yang dag par 'dzin du 'jug pa dang / sems can dag chos ma yin pa 'dod pa dang / bdag chos la gnas par mthong nas sems can rnams chos 'dod pa la rab tu 'god pa dang / sems can
124a7 dag 'tsho ba yongs su ma dag pa dang / bdag 'tsho ba yongs su dag par mthong nas sems can rnams 'tsho ba yongs su dag par sbyor ba dang / sems can dag lta bar gyur par bying ba dang / bdag yang dag pa'i lta bar zhugs par mthong nas
124a8 sems can rnams 'phags pa'i yang dag pa'i lta ba la rab tu 'god pa dang / sems can dag ma rig par gyur cing tshul bzhin ma yin pa yid la byed pa bsags par mthong zhing bdag rig pa'i rjes su 'thun pa'i tshul bzhin yid la byed pa la gnas par
124b1 rig nas sems can rnams rig pa'i rjes su 'thun pa'i tshul bzhin yid la byed pa la rab tu 'god pa dang / sems can dag log pa'i chos la gnas pa dang / bdag yang dag pa'i chos la zhugs par mthong nas yang dag pa'i chos
124b2 bsgrub par bya ba'i phyir sems can rnams la chos ston pa dang / sems can dag ser sna can du gyur te kun du 'dzin pa'i sems dang ldan pa dang / bdag bdog pa thams cad yongs su gtong bar mthong nas sems can rnams bdog
124b3 pa thams cad yongs su gtong ba la sbyor ba dang / sems can dag ngang tshul ngan pa can du gyur te/ sdom pa la mi gnas pa dang / bdag tshul khrims yongs su dag par gnas nas/ sems can rnams tshul khrims kyi sdom
124b4 pa la rab tu 'god pa dang / sems can dag gnod sems mang zhing khro ba shas che ba dang / bdag bzod pa'i stobs dang / byams pa la gnas par mthong nas sems can rnams bzod pa'i stobs dang byams pa la gnas
124b5 pa yang dag par 'dzin du 'jug pa dang / sems can dag le lo can du gyur te/ brtson 'grus chung ba dang / bdag le lo med cing brtson 'grus brtsams par mthong nas sems can rnams brtson 'grus rtsom pa la sbyor ba dang /
124b6 sems can dag sems g.yengs shing dran pa nyams pa dang / bdag mnyam par bzhag ste/ bsam gtan la bsam gtan byed par mthong nas sems can rnams sems mi g.yeng ba dang / dran pa dang / shes bzhin la
124b7 rab tu 'god pa dang / sems can dag shes rab 'chal par gyur te/ dman zhing gti mug dang ldan pa dang / bdag shes rab dang ldan zhing gti mug dang bral bar mthong nas sems can rnams shes rab chen po dang /
124b8 gti mug dang bral ba yang dag par shin du 'jug pa dang / sems can dag rigs pa ma yin par lhung zhing ya nga ba'i byed pa brtsams pa dang / bdag thabs mkhas pa dang ldan zhing yang dag pa'i las brtsams par mthong nas sems can
125a1 rnams thabs mkhas pa dang / yang dag pa'i las rtsom pa yang dag par 'dzin du 'jug pa dang / sems can dag nyon mongs pas bcom zhing kun du rtog pa dang / rnam par rtog pa dang / yongs su rtog pa'i
125a2 spyod yul par gyur pa dang / bdag nyon mongs pa thams cad las log par mthong nas sems can rnams nyon mongs pa thams cad spong ba la rab tu 'god pa dang / sems can dag 'jig tshogs la lta ba'i bcings bas
125a3 bcings shing dmigs pa la rab tu gnas pa dang / bdag 'jig tshogs la lta ba yongs su mos pa dang ldan zhing dmigs pas bcings pa las yongs su grol bar mthong nas sems can rnams 'jig tshogs la lta ba yongs su
125a4 shes pa dang dmigs pa dang bral ba la sbyor ba dang / sems can dag ma dul zhing ma sbas te byang ba ma yin pa dang / bdag dul zhing sbas te byang bar mthong nas sems can rnams dul ba dang / sbas pa dang / byang ba la rab tu
125a5 'god pa dang / sems can dag byas pa mi gzo zhing byas pa mi shes te/ dge ba'i rtsa ba 'jom pa dang / bdag byas pa gzo zhing byas pa shes te dge ba'i rtsa ba bsrung bar gnas par mthong nas sems can rnams byas pa
125a6 gzo ba dang / byas pa shes pa dang / dge ba'i rtsa ba chud mi gzon pa la rab tu 'god pa dang / sems can dag chu bor lhung zhing sdig pa 'dod pa'i dbang du song ba dang / bdag chu bo thams cad las yang dag par 'das par mthong nas
125a7 sems can rnams chu bo thams cad las yang dag par 'da' ba la sbyor ba dang / sems can dag bka' blo mi bde zhing 'thun par 'dzin pa ma yin pa dang / bdag bka' blo bde zhing 'thun par 'dzin par mthong nas sems can rnams
125a8 la bka' blo bde zhing 'thun par 'dzin pa yang dag par 'dzin du 'jug pa dang / sems can dag phongs pa mang zhing dam pa ma yin pa la yongs su zhen pa dang / bdag ma phongs pa mang zhing dge ba bdud rtsi la gnas par mthong nas sems can
125b1 rnams yongs su zhen pa dang bral zhing dge ba'i rtsa ba la gnas par sbyor ba dang / sems can dag dbul zhing 'phags pa'i nor dang bral ba dang / bdag 'phags pa'i nor dang ma bral zhing nor bdun dang ldan par mthong nas
125b2 sems can rnams 'phags pa'i nor thob par bya ba la rab tu 'god pa dang / sems can dag rtag tu na zhing khams rnam pa bzhi po'i sbrul gdug pas zin pa dang / bdag nad med cing bde la 'gyur ba med par mthong
125b3 nas sems can rnams nad thams cad spong ba yang dag par 'dzin du 'jug pa dang sems can dag mi shes pa'i mun pas kun du gtibs shing ye shes kyi snang ba dang bral ba dang / bdag ye shes kyi snang ba thob par mthong
125b4 nas sems can rnams ye shes kyi snang ba chen po la rab tu 'god pa dang / sems can dag khams gsum la chags pas chags shing rgyud lnga'i 'gro ba'i 'khor ba'i 'khor lo'i rjes su 'jug pa mthong zhing bdag khams
125b5 gsum yongs su shes pa la mkhas par shes nas sems can rnams khams gsum yongs su shes pa la mkhas pa yang dag par 'dzin du 'jug pa dang / sems can dag g.yon phyogs kyi lam du zhugs shing g.yas
125b6 phyogs kyi lam dang bral ba dang / bdag g.yas phyogs kyi lam la gnas par mthong nas sems can rnams g.yas phyogs kyi lam la rab tu 'god pa dang / sems can dag lus dang srog la chags shing nyes pa ma mthong
125b7 ba dang / bdag lus dang srog la mi lta zhing nyes pa mthong ba yin par mthong nas sems can rnams lus dang srog la mi lta ba dang / nyes pa mthong ba la rab tu 'god pa dang / sems can dag sangs rgyas dang / chos dang dge 'dun dang bral ba dang /
125b8 bdag dkon mchog gsum gyi rigs rgyun mi gcod par gnas par mthong nas sems can rnams dkon mchog gsum gyi rigs rgyun mi gcod pa la 'dzud pa dang / sems can rnams dam pa'i chos las nyams pa dang bdag dam pa'i chos
126a1 yongs su 'dzin par gnas par mthong nas sems can rnams dam pa'i chos yongs su 'dzin pa la rab tu 'god pa dang / sems can dag ston pa rin po che dang ring du gnas shing / rjes su dran pa drug dang bral ba dang bdag rjes su
126a2 dran pa drug ma btang ba mthong nas sems can rnams rjes su dran pa drug bsgom pa la rab tu 'god pa dang / sems can dag las dang nyon mongs pa'i sgrib pas bsgribs pa dang / bdag las dang nyon mongs pa dang bral bar mthong nas
126a3 sems can rnams las dang nyon mongs pa dang bral ba la rab tu 'god pa dang / sems can dag mi dge ba'i chos thams cad dang ldan zhing dge ba'i chos thams cad spangs pa dang / bdag mi dge ba'i chos thams cad spangs shing /
126a4 dge ba'i chos thams cad dang ldan par mthong nas sems can rnams mi dge ba'i chos thams cad spong ba dang / dge ba'i chos thams cad yongs su rdzogs par byed pa la rab tu 'god pa ste/ rigs kyi bu byang chub sems dpa'i las sum
126a5 bcu rtsa gnyis po 'di dag ni byang chub sems dpa' rnams kyi yang dag phul yin te/ de dag la gnas nas byang chub sems dpa' rnams legs par byed pa'i las byed pa rnams yin no/ /rigs kyi bu yang byang chub sems dpa'i las
126a6 ni tshad med do/ /de ci'i phyir zhe na/ rigs kyi bu sems can rnams kyi kun nas nyon mongs pa'i sgo ji snyed par byang chub sems dpas rnam par byang ba'i sgo yang dag par bsgrub par bya ba yang de snyed do/ /rigs kyi bu gal te gang dag gang
126a7 gA'i klung gi bye ma snyed kyi 'jig rten gyi khams kyi sems can de dag thams cad nyan thos kyi theg pa 'am/ rang sangs rgyas kyi theg pa la rab tu gnas par gyur kyang sems can de dag thams cad kyi las gang yin pa de sems dang po
126a8 bskyed pa'i byang chub sems dpa'i las kyi brgya'i char yang nye bar mi 'gro/ stong gi cha dang / brgya stong gi cha dang / bye ba'i cha dang / bye ba brgya phrag stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /
126b1 de ci'i phyir zhe na/ nyan thos dang / rang sangs rgyas dag ni rang gi rgyud kyi nyon mongs pa spong bar nye bar gnas pa yin gyi/ byang chub sems dpa' dag ni sems can thams cad kyi nyon mongs pa spong bar nye bar gnas pa yin no/ /rigs kyi bu de
126b2 ltar na sems can thams cad kyi las gang yin pa dang / nyan thos dang / rang sangs rgyas thams cad kyi las gang yin pa bas 'dir byang chub sems dpa'i las nyid mchog ces brjod do/ /de ci'i phyir zhe na/ byis pa so so'i skye bo rnams
126b3 kyi las ni phyin ci log dang ldan pa/ nyan thos dang / rang sangs rgyas thams cad kyi las ni nyi tshe ba dang ldan pa yin gyi/ byang chub sems dpa'i las ni phyin ci log med cing tshad med pa'i rnam pa'i yon tan rtsom pa ste/ byang chub
126b4 sems dpa' rgyu 'dis sems can thams cad dang / nyan thos dang / rang sangs rgyas thams cad zil gyis non to/ /de nas byang chub sems dpa' gzungs kyi dbang phyug gi rgyal po tshim zhing mgu la yi rangs shing rab tu dga' ste/
126b5 dga' ba dang yid bde ba skyes nas bcom ldan 'das kyis gsungs pa la mngon par dga' ste rjes su yi rang nas/ yang bcom ldan 'das la 'di skad ces gsol to/ /bcom ldan 'das ji tsam du de bzhin gshegs pas byang chub
126b6 sems dpa'i rgyan dang / byang chub sems dpa'i snang ba dang / byang chub sems dpa'i snying rje chen po dang / byang chub sems dpa'i las legs par gsungs pa de dag ni ngo mtshar to/ /bcom ldan 'das de bzhin gshegs pa
126b7 dgra bcom pa yang dag par rdzogs pa'i sangs rgyas kyis yang bshad du gsol/ bcom ldan 'das ji ltar sems can dag la sangs rgyas bcom ldan 'das rnams kyi thugs rje chen po 'jug /de bzhin gshegs pa'i
126b8 thugs rje chen po ni ci tsam/ rnam pa ni gang lags/ rtags ni gang lags/ mtshan ma ni gang lags/ gnas ni gang lags/ sangs rgyas bcom ldan 'das rnams 'phrin las ni ji ltar mdzad de bzhin gshegs pa'i phrin las
127a1 ci tsam rnam pa ni gang lags/ rtags ni gang lags/ mtshan ma ni gang lags/ gnas ni gang lags pa de bcom ldan 'das thams cad mkhyen pa/ thams cad gzigs pa/ de bzhin gshegs pa'i 'phrin las rnams mngon sum
127a2 du gyur pas mngon sum du bdag cag la legs par yang dag par bshad du gsol/ de skad ces gsol pa dang / bcom ldan 'das kyis byang chub sems dpa' gzungs kyi dbang phyug gi rgyal po la 'di skad ces bka' stsal to/ /rigs kyi
127a3 bu khyod de'i phyir legs par nyon la yid la zung shig dang de bzhin gshegs pa'i snying rje chen po dang / de bzhin gshegs pa'i 'phrin las la 'jug pa tsam cung zad cig khyod la bshad par bya'o/ /rigs kyi bu sems can rnams la
127a4 sangs rgyas bcom ldan 'das rnams kyi thugs rje chen po ni skye ba yang med/ 'jug pa yang med do zhes brjod par bya'o/ /de ci'i phyir zhe na/ sangs rgyas bcom ldan 'das rnams kyi thugs rje chen po ni rtag tu 'jug pa'i phyir ro/ /
127a5 de ni bskal pa grangs med par yongs su sbyang ba byas pas yang dag par bskyed pa ste/ 'jug pa yang med/ log pa yang med do/ /sangs rgyas bcom ldan 'das rnams kyi thugs rje chen po ni ma btang ba/ sems can thams
127a6 cad la gnas pa'o/ /de bzhin gshegs pa'i thugs rje chen po de ni ci tsam du las yongs su thob par bya bar sla ba ma yin pa de tsam du tshad med/ de tsam du bsam gyis mi khyab ste/ de tsam du mi zad cing / de tsam du ring du song ba'o/ /
127a7 de ci'i phyir zhe na/ rigs kyi bu de bzhin gshegs pas ji ltar byang chub thob pa de ltar sems can rnams la thugs rje chen po 'jug go/ /byang chub ci 'dra ba thugs rje chen po yang de 'dra'o/ /de bzhin gshegs pas byang chub
127a8 ji ltar thob ce na/ de bzhin gshegs pas rtsa ba med pa dang / gnas med par byang chub thob bo/ /de la rtsa ba ni gang / gnas ni gang zhe na/ 'jig tshogs ni rtsa ba'o/ /yang dag pa ma yin pa kun rtog pa ni gnas so/ /de gnyis ni
127b1 de bzhin gshegs pas byang chub dang mnyam pa nyid kyis mnyam par yongs su shes te/ de'i phyir de bzhin gshegs pas rtsa ba med pa dang gnas med par byang chub mngon par rdzogs par sangs rgyas shes bya'o/ /sems can 'di dag
127b2 gis ni rtsa ba med pa dang / gnas med pa'i chos 'di dag khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go/ /rigs kyi bu byang chub ni zhi ba dang nye
127b3 bar zhi ba'o/ /de la zhi ba ni gang / nye bar zhi ba ni gang zhe na/ nang ni zhi ba'o/ /phyi ni nye bar zhi ba'o/ /de ci'i phyir zhe na/ mig ni bdag dang / bdag gis stong ste/ de ni de'i rang bzhin no/ /rna ba dang / sna dang / lce dang / lus dang / yid ni
127b4 bdag dang bdag gis stong ste/ de ni de'i rang bzhin no/ /mig stong par yongs su shes nas gzugs rnams la mi rgyug ste/ de'i phyir nye bar zhi ba zhes bya'o/ /rna ba stong par yongs su shes nas sgra rnams la mi rgyug ste/
127b5 de'i phyir nye bar zhi ba zhes bya'o/ /sna stong par yongs su shes nas dri rnams la mi rgyug ste/ de'i phyir nye bar zhi ba zhes bya'o/ /lce stong par yongs su shes nas ro rnams la mi rgyug ste/ de'i phyir nye bar zhi ba zhes
127b6 bya'o/ /lus stong par yongs su shes nas reg bya rnams la mi rgyug ste/ de'i phyir nye bar zhi ba zhes bya'o/ /yid stong par yongs su shes nas chos rnams la mi rgyug ste/ de'i phyir nye bar zhi ba zhes bya'o/ /sems can 'di
127b7 dag gis ni zhi ba dang / nye bar zhi ba khong du ma chud pas de dag gi khong du chud par bya'o/ /snyam du sems can rnams la de bzhin gshegs pa'i thugs rje chen po 'jug go/ /rigs kyi bu sems rang bzhin gyis 'od gsal
127b8 ba'i phyir byang chub rang bzhin 'od gsal ba'o/ /ci'i phyir rang bzhin 'od gsal ba zhes bya zhe na/ rang bzhin gang yin de ni kun nas nyon mongs pa med pa/ nam mkha' dang mtshungs pa/ nam mkha'i rang bzhin/ nam mkha' dang mnyam
128a1 par gzhol ba/ nam mkha' dang mnyam pas mnyam pa ste/ rang bzhin de ni shin du 'od gsal ba nyid do/ /byis pa so so'i skye bo rnams kyis ni rang bzhin 'od gsal ba 'di khong du ma chud pas glo bur gyi nyon mongs pa rnams kyis kun
128a2 nas nyon mongs te/ rang bzhin 'od gsal ba de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go/ /rigs kyi bu byang chub ni blang ba med pa dang / dor ba med pa'o/ /de la blang
128a3 ba med pa ni gang / dor ba med pa ni gang zhe na/ blang ba med pa zhes bya ba ni chos thams cad mi 'dzin pa'o/ /dor ba med pa zhes bya ba ni chos thams cad mi 'dor ba'o/ /de la de bzhin gshegs pa blang ba med pa dang / dor ba med
128a4 par chu bor 'jug pa na/ ji ltar de bzhin nyid la pha rol med pa dang / pha rol med pa ma yin par yang dag par rjes su mthong ba de ltar rgal to/ /de ltar de bzhin gshegs pas chos thams cad pha rol med pa dang / pha rol dang
128a5 bral bar mngon par rdzogs par sangs rgyas te/ de'i phyir de bzhin gshegs pa zhes bya'o/ /byis pa so so'i skye bo dag gis ni blang ba med pa dang / dor ba med pa 'di khong du ma chud pas de dag gis khong du chud par bya'o/ /snyam
128a6 du sems can rnams la de bzhin gshegs pa'i thugs rje chen po 'jug go/ /rigs kyi bu byang chub ni mtshan ma med pa dang / dmigs pa med pa'o/ /de la mtshan ma med pa ni gang / dmigs pa med pa ni gang zhe na/
128a7 mig gi rnam par shes pa dmigs su med pa ni mtshan ma med pa'o/ /gzugs yang dag par rjes su mi mthong ba ni dmigs pa med pa'o/ /rna ba'i rnam par shes pa dmigs su med pa ni mtshan ma med pa'o sgra mnyan du med
128a8 pa ni dmigs pa med pa'o/ /sna'i rnam par shes pa dmigs su med pa ni mtshan ma med pa'o/ /dri bsnam du med pa ni dmigs pa med pa'o/ /lce'i rnam par shes pa dmigs su med pa ni mtshan ma med pa'o ro myang du med pa ni
128b1 dmigs pa med pa'o/ /lus kyi rnam par shes pa dmigs su med pa ni mtshan ma med pa'o/ /reg bya reg par byar med pa ni dmigs pa med pa'o/ /yid kyi rnam par shes pa dmigs su med pa ni mtshan ma med pa'o/ /chos yang dag
128b2 par rjes su mi mthong ba ni dmigs pa med pa'o/ /de ltar na mtshan ma med pa dang / dmigs pa med pa ni 'phags pa rnams kyi spyod yul lo/ /'phags pa rnams kyi spyod yul gang zhe na/ gang khams gsum pa'i spyod yul
128b3 ma yin pa de ni 'phags pa rnams kyi spyod yul lo/ /de ltar na gang spyod yul ma yin pa de ni 'phags pa rnams kyi spyod yul te/ 'phags pa'i spyod yul 'di byis pa so so'i skye bo rnams kyis khong du ma chud pas de dag gis khong du
128b4 chud par bya'o snyam du sems can rnams la de bzhin gshegs pa'i thugs rje chen po 'jug go/ /rigs kyi bu byang chub ni 'das pa ma yin/ ma 'ongs pa ma yin/ da ltar byung ba ma yin te/ dus gsum mnyam pa 'khor gsum
128b5 yongs su chad pa'o/ /de la 'khor gsum yongs su chad pa gang zhe na/ gang 'das pa la sems mi 'jug pa dang / ma 'ongs pa la rnam par shes pa mi rgyug pa dang / da ltar byung ba la yid la byed pa mi 'jug pa'o/ /
128b6 de sems dang / yid dang / rnam par shes pa mi gnas pas 'das pa la rtog par mi byed/ ma 'ongs pa la mi sems/ da ltar byung ba spros par mi byed do/ /de ltar dus gsum mnyam pa nyid dang / 'khor gsum yongs su
128b7 dag pa 'di sems can rnams kyis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go rigs kyi bu byang chub ni lus med cing 'dus ma byas
128b8 pa'o/ /de la lus med pa ni gang mig gi rnam par shes pas rnam par shes par bya ba ma yin/ rna ba dang / sna dang / lce dang / lus dang / yid kyi rnam par shes pas rnam par shes par bya ba ma yin pa'o/ /'dus ma byas shes
129a1 bya ba ni gang la skye ba med pa dang / 'jig pa med pa dang / gnas med pa ste/ de ni mtshan nyid gsum dang bral ba'i 'dus ma byas shes bya'o/ /'dus ma byas ji lta bar 'dus byas kyang de bzhin du khong du chud par bya'o de ci'i
129a2 phyir zhe na/ chos thams cad kyi rang bzhin gang yin pa de ni med pa'o med pa gang yin pa de la ni gnyis med do/ /lus med pa dang 'dus ma byas 'di byis pa so so'i skye bo dag gis khong du ma chud pas de dag gis khong du chud par bya'o snyam du
129a3 sems can rnams la de bzhin gshegs pa'i thugs rje chen po 'jug go/ /rigs kyi bu byang chub ces bya ba de ni dbyer med pa dang gnas so/ /de la gnas ni gang / dbyer med pa ni gang zhe na/ de bzhin nyid ni gnas so/ /gnas med
129a4 pa ni dbyer med pa'o/ /chos kyi dbyings ni gnas so/ /tha dad pa ma yin pa ni dbyer med pa'o/ /yang dag pa'i mtha' ni gnas so/ /g.yo ba med pa ni dbyer med pa'o/ /stong pa nyid ni gnas so/ /dmigs su med pa ni dbyer med pa'o/ /
129a5 mtshan ma med pa ni gnas so/ /rnam par rtog pa med pa ni dbyer med pa'o/ /smon pa med pa ni gnas so/ /smon lam 'debs pa med pa ni dbyer med pa'o/ /sems can med pa nyid ni gnas so/ /sems can ngo bo nyid med pa ni
129a6 dbyer med pa'o/ /nam mkha' ni gnas so/ /dmigs su med pa ni dbyer med pa'o/ /skye ba med pa ni gnas so/ /'gog pa med pa ni dbyer med pa'o/ /'dus ma byas ni gnas so/ /rgyu ba med pa ni dbyer med pa'o/ /
129a7 byang chub ni gnas so/ /nye bar zhi ba ni dbyer med pa'o/ /mya ngan las 'das pa ni gnas so/ /mngon par grub pa med pa ni dbyer med pa'o/ /de ltar dbyer med pa dang / gnas 'di sems can rnams kyis khong du ma chud pas
129a8 de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go/ /rigs kyi bu byang chub ni lus kyis kyang mngon par rdzogs par 'tshang mi rgya/ sems kyis kyang ma yin no/ /
129b1 de ci'i phyir zhe na/ lus ni bems po'o/ /sems ni sgyu ma lta bu'o/ /gang lus dang sems 'di lta bur khong du chud pa de ni tha snyad btags nas byang chub ces bya'i byang chub ni lus sam sems sam/ chos sam chos ma yin pa 'am yang dag pa 'am yang dag pa ma
129b2 yin pa 'am bden pa 'am brdzun pa gang gis kyang brjod par bya ba ma yin no de ci'i phyir zhe na/ byang chub ni chos thams cad kyis brjod par bya ba ma yin no/ /byang chub ni gang gis tshig tu tha snyad gdags par 'gyur ba'i dbyibs ci yang med de/ ji
129b3 ltar nam mkha' dbyibs med cing brjod par bya ba ma yin pa de bzhin du byang chub kyang dbyibs med cing brjod par bya ba ma yin no/ /de ltar yang dag pa ji lta ba bzhin du yongs su btsal na chos thams cad ni brjod par bya ba ma yin pa ste chos la tshig
129b4 med do/ /tshig la yang chos med do/ /chos kyi tshul gyi rnam pa 'di sems can rnams kyis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go/ /rigs kyi bu
129b5 byang chub ni gzung du med pa dang / gzhi med pa'o/ /de la gzung du med pa ni gang gzhi med pa ni gang zhe na/ mig yongs su shes pa ni gzung du med pa'o gzugs dmigs su med pa ni gzhi med pa'o/ /rna ba yongs su shes pa ni gzung du
129b6 med pa'o/ /sgra dmigs su med pa ni gzhi med pa'o/ /sna yongs su shes pa ni gzung du med pa'o/ /dri dmigs su med pa ni gzhi med pa'o/ /lce yongs su shes pa ni gzung du med pa'o/ /ro dmigs su med pa ni gzhi med pa'o/ /
129b7 lus yongs su shes pa ni gzung du med pa'o/ /reg bya dmigs su med pa ni gzhi med pa'o/ /yid yongs su shes pa ni gzung du med pa'o/ /chos dmigs su med pa ni gzhi med pa'o/ /de ltar de bzhin gshegs pas byang chub gzung
129b8 du med pa dang / gzhi med par mngon par rdzogs par sangs rgyas so/ /mngon par rdzogs par sangs rgyas nas kyang mig gzung du med/ gzugs gzhi ma yin rnam par shes pa gnas pa med do/ /rna ba gzung du med sgra gzhi ma yin rnam par shes pa
130a1 gnas pa med do/ /sna gzung du med/ dri gzhi ma yin/ rnam par shes pa gnas pa med do/ /lce gzung du med/ ro gzhi ma yin/ rnam par shes pa gnas pa med do/ /lus gzung du med/ reg bya gzhi ma yin/ rnam par shes pa gnas
130a2 pa med do/ /yid gzung du med chos gzhi ma yin/ rnam par shes pa gnas pa med do/ /de rnam par shes pa gnas pa med pas sems can thams cad kyi sems kyi gnas rnams rab tu shes so/ /sems can dag gi sems kyi
130a3 gnas rnams gang zhe na/ sems can rnams kyi sems kyi gnas ni bzhi po 'di dag go/ /bzhi gang zhe na/ 'di lta ste/ gzugs sems can rnams kyi sems kyi gnas dang / tshor ba dang / 'du shes dang / 'du byed dag sems can
130a4 rnams kyi gnas te/ sems kyi gnas de dag kyang de bzhin gshegs pas gnas med par mkhyen to/ /gnas med pa'i mtha' 'di sems can rnams kyis khong du ma chud pas de dag gis khong du chud par bya'o/ snyam du sems can
130a5 rnams la de bzhin gshegs pa'i thugs rje chen po 'jug go/ /rigs kyi bu byang chub ces bya ba 'di ni stong pa nyid kyi tshig bla dgas so/ /stong pa nyid gang gis byang chub stong pa'i stong pa nyid des chos thams cad stong ngo / /
130a6 stong pa nyid ji lta ba bzhin du chos de dag thams cad de bzhin gshegs pas mngon par rdzogs par sangs rgyas te/ stong pa nyid kyis stong pa nyid mngon par rdzogs par sangs rgyas pa ma yin no/ /de ni 'di lta ste/ stong pa nyid dang
130a7 byang chub ces bya ba tshul gcig par shes pa ste/ de la gnyis gang gis stong pa nyid dang / byang chub gnyis su dbye ba'i gnyis chung zad kyang med do/ /de ci'i phyir zhe na/ chos thams cad ni gnyis su med pa/ gnyis su dbyer med pa/
130a8 mtshan nyid med pa/ ming med pa/ mtshan ma med pa/ rgyu ba med pa/ rab tu rgyu ba med pa/ kun du 'byung ba med pa'o/ /gang stong pa zhes bya ba de ni mngon par zhen pa med cing 'dzin pa med pa'i tshig bla dgas so/ /'di la don dam par
130b1 gang stong pa zhes bya ba'i chos gang yang dmigs su med kyang stong pa zhes kyang brjod do/ /ji ltar nam mkha' la nam mkha' zhes rjod kyang nam mkha' ni brjod par bya ba ma yin pa de bzhin du stong pa la stong pa zhes rjod kyang stong pa ni brjod
130b2 par bya ba ma yin no/ /'di lta ste/ ming med pa la ming du tha snyad 'dogs pa de ni chos thams cad la 'jug pa'o/ /ming de yang yul na gnas pa ma yin/ phyogs na gnas pa ma yin no/ /ji ltar ming yul na gnas pa ma yin/
130b3 phyogs na gnas pa ma yin pa de bzhin du ming gang gis chos gang brjod pa'i chos de yang yul na gnas pa ma yin phyogs na gnas pa ma yin no/ /de ltar de bzhin gshegs pas chos de dag thams cad mkhyen te/ bzod ma nas ma
130b4 skyes pa dang / ma 'gags pa dang / mtshan nyid med pa dang / sems dang / yid dang / rnam par shes pa dang bral ba dang / yi ge med pa dang / sgra med par shes so/ /ji ltar shes pa de bzhin du rnam par grol te/ bcings pa yang med/
130b5 grol ba yang med do/ /mnyam pa nyid 'di yang byis pa so so'i skye bo dag gis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go/ /rigs kyi bu byang chub ni
130b6 nam mkha' dang mnyam ste/ nam mkha' ni mnyam pa 'ang ma yin/ mi mnyam pa 'ang ma yin no/ /byang chub kyang mnyam pa'ang ma yin/ mi mnyam pa 'ang ma yin no/ /chos gang la yang dag par yongs su grub pa med pa de mnyam
130b7 pa 'am mi mnyam par brjod pa ma yin no/ /de ltar de bzhin gshegs pas chos thams cad mnyam pa 'ang ma yin/ mi mnyam pa 'ang ma yin par mngon par rdzogs par sangs rgyas te/ ji ltar chos chung zad tsam yin
130b8 yang mnyam par yang mi byed/ mi mnyam par yang mi byed pa de ltar mngon par rdzogs par sangs rgyas so/ /chos 'di dag ci 'dra bar yang dag pa'i ye shes kyis mkhyen to/ /yang dag pa'i ye shes kyang gang zhe na/
131a1 'di lta ste/ chos thams cad ni rtsa ba med pa ma skyes pa/ ma 'gags pa ste/ de dag ni ma byung ba las 'byung ba/ byung nas kyang 'bral ba'o/ /de dag ni bdag po med par 'byung ba/ bdag po med par 'bral ba'o/ /de ltar 'byung
131a2 ba dang / 'jig pa la brten nas 'jug kyang 'di la 'jug pa gang yang med de/ lam bcad pa'i phyir de bzhin gshegs pa chos ston to/ zhes kyang brjod do/ /lam chad pa de yang sems can rnams kyis khong du ma chud pas de dag
131a3 gi khong du chud par bya'o/ snyam du sems can rnams la de bzhin gshegs pa'i thugs rje chen po 'jug go/ /rigs kyi bu byang chub ces bya ba de ni ji lta ba bzhin gyi gnas so/ /de la ji lta ba bzhin gyi gnas gang zhe na/ byang chub
131a4 ji lta bar gzugs kyang de bzhin te/ de bzhin nyid las mi 'da'o/ /byang chub ji lta bar tshor ba dang / 'du shes dang / 'du byed rnams dang / rnam par shes pa yang de bzhin te/ de bzhin nyid las mi 'da'o/ /byang chub ji lta bar sa'i khams dang / chu'i khams dang /
131a5 me'i khams dang / rlung gi khams kyang de bzhin te/ de bzhin nyid las mi 'da'o/ /byang chub ji lta bar mig gi khams dang / gzugs kyi khams dang / mig gi rnam par shes pa'i khams kyang de bzhin te/ de bzhin nyid las mi 'da'o/ /
131a6 byang chub ji lta bar rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par
131a7 shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams kyang de bzhin te/
131a8 de bzhin nyid las mi 'da'o/ /chos su btags pa ni 'di dag du zad de/ 'di ltar phung po dang / khams dang / skye mched du btags pa'o/ /de dag ni de bzhin gshegs pas ji lta ba bzhin du mngon par
131b1 rdzogs par sangs rgyas so/ /phyin ci ma log par mngon par rdzogs par sangs rgyas so/ /de dag ni sngon gyi ji lta bar phyis kyang de bzhin bar du yang de bzhin te/ sngon gyi mthar yang ma skyes/ phyi ma'i mthar yang mi 'pho/
131b2 bar du yang dben pa dag go/ /de ltar na 'di ni ji lta ba bzhin gyi gnas yin no/ /gcig ji lta bar thams cad kyang de bzhin/ thams cad ji lta bar gcig kyang de bzhin te/ ji lta ba bzhin la ni gcig pa 'am mang bar
131b3 mi dmigs so/ /ji lta ba bzhin gyi gnas 'di 'ang byis pa so so'i skye bo rnams kyis khong du ma chud pas de dag gis khong du chud par bya'o/ /snyam du sems can rnams la de bzhin gshegs pa'i thugs rje chen po 'jug go/ /
131b4 rigs kyi bu byang chub ni rnam pa la 'jug pas/ rnam pa med pa la zhugs pa'o/ /de la rnam pa ni gang / rnam pa med pa ni gang zhe na/ rnam pa zhes bya ba ni dge ba'i chos thams cad rtsom pa'o/ /
131b5 rnam pa med pa zhes bya ba ni chos thams cad mi dmigs pa'o/ /rnam pa zhes bya ba ni gnas pa med pa'i sems kyi gnas so/ /rnam pa med pa zhes bya ba ni mtshan ma med pa'i ting nge 'dzin gyi rnam par thar pa'i
131b6 sgo'o/ /rnam pa zhes bya ba ni chos rnams la sems pa dang / 'jal ba dang / bgrang ba dang / so sor rtog pa'o/ /rnam pa med pa zhes bya ba ni 'jal ba las shin du 'das pa'o/ /'jal ba las
131b7 shin du 'das pa gang zhe na/ gang la rnam par shes pa'i las med pa'o/ /rnam pa zhes bya ba ni 'dus byas la so sor rtog pa'o/ /rnam pa med pa zhes bya ba ni 'dus ma byas la mngon sum du
131b8 byed pa'o/ /rnam pa dang rnam pa med pa la 'jug pa 'di yang byis pa so so'i skye bo rnams kyis khong du ma chud pas de dag gis khong du chud par bya'o/ /snyams du sems can rnam la de bzhin gshegs pa'i thugs rje
132a1 chen po 'jug go/ /rigs kyi bu byang chub ni zag pa med pa dang / nye bar len pa med pa'o/ /de la zag pa med pa ni gang / nye bar len pa med pa ni gang zhe na/ zag pa med pa zhes bya ba ni zag pa bzhi dang bral ba'i phyir te/ 'di lta
132a2 ste/ 'dod pa'i zag pa dang bral ba dang / srid pa'i zag pa dang bral ba dang / ma rig pa'i zag pa dang bral ba dang / lta ba'i zag pa dang bral ba'i phyir ro/ /nye bar len pa med pa zhes bya ba ni nye bar len pa bzhi dang bral ba'i phyir te/ 'di ltar
132a3 'dod pa'i nye bar len pa dang bral ba dang / lta ba'i nye bar len pa dang bral ba dang / bdag tu smra ba'i nye bar len pa dang bral ba dang / tshul khrims dang btul zhugs mchog tu 'dzin pa'i nye bar len pa dang bral ba'i phyir ro/ /de la nye bar len pa bzhi po
132a4 'di dag thams cad kyang ma rig pas mun par byas shing sred pas bsnyen te/ bdag go snyam du mngon par zhen pas nye bar len pa dag go/ /de la de bzhin gshegs pas bdag nye bar len pa'i rtsa ba yongs su shes nas/ bdag rnam par
132a5 dag pas sems can rnam par dag par rtogs so/ /bdag rnam par dag pa gang yin pa dang / sems can thams cad rnam par dag pa gang yin pa de gnyis su med cing gnyis su dbyer med do/ /gnyis su med pa'i don gang yin pa de skye
132a6 ba med do/ /skye ba dang 'gag pa med pas sems dang / yid dang / rnam par shes pa rnams mi 'jug go/ /gang la sems dang / yid dang / rnam par shes pa mi 'jug pa de la yongs su rtog pa gang gis tshul bzhin ma yin pa yid la
132a7 byed par 'gyur ba'i yongs su rtog pa gang yang med do/ /der tshul bzhin yid la byed pa dang ldan pas ma rig pa kun nas mi slong ngo / /gang ma rig pa kun nas mi ldang ba de srid pa'i yan lag bcu gnyis kun nas mi ldang ngo / /gang
132a8 srid pa'i yan lag bcu gnyis kun nas ma ldang ba de mi skye ba'o/ /gang mi skye ba de nges par gyur pa'o/ /gang nges par gyur pa de nges pa'i don to/ /nges pa'i don gang yin pa de don dam pa'o/ /don dam pa gang yin pa de gang zag med pa'i don to/ /gang zag med pa'i don
132b1 gang yin pa de brjod du med pa'i don to/ /brjod du med pa'i don gang yin pa de rten cing 'brel par 'byung ba'i don to/ /rten cing 'brel par 'byung ba'i don gang yin pa de chos kyi don to/ /chos kyi don gang yin pa de de bzhin nyid kyi don to/ /
132b2 de bzhin nyid kyi don gang yin pa de de bzhin gshegs pa'i don to/ /des na sus rten cing 'brel par 'byung ba mthong ba des chos mthong ngo / /sus chos mthong ba des de bzhin gshegs pa mthong ngo zhes bya ste/ ji ltar de bzhin nyid kyis yongs su btsal na ci yang
132b3 mi mthong ba de ltar mthong ngo / /de la ci yang zhes bya ba gang zhe na/ 'di lta ste/ mtshan ma dang dmigs pa'o/ /des gang gi tshe sems med pa dang / dmigs pa med par mthong ba de'i tshe yang dag pa mthong ngo / /de ltar de bzhin gshegs
132b4 pas chos de dag mnyam pa nyid kyis mnyam par mngon par rdzogs par sangs rgyas so/ /zag pa med pa dang / nye bar len pa med pa 'di yang sems can rnams kyis khong du ma chud pas de dag gis khong du chud par bya'o snyam du sems can rnams la de bzhin
132b5 gshegs pa'i thugs rje chen po 'jug go/ /rigs kyi bu byang chub ni dag pa dang / dri ma med pa dang / nyon mongs pa med pa'o/ /de la dag pa ni gang / dri ma med pa ni gang / nyon mongs pa med pa ni gang zhe na/ stong pa nyid ni dag
132b6 pa'o mtshan ma med pa ni dri ma med pa'o/ /smon pa med pa ni nyon mongs pa med pa'o/ /skye ba med pa ni dag pa'o/ /mngon par 'du byed pa med pa ni dri ma med pa'o/ /'byung ba med pa ni nyon mongs pa med pa'o/ /rang bzhin ni dag pa'o/ /
132b7 yongs su dag pa ni dri ma med pa'o/ /'od gsal ba ni nyon mongs pa med pa'o/ /spros pa med pa ni dag pa'o/ /ma spros pa ni dri ma med pa'o/ /spros pa nye bar zhi ba ni nyon mongs pa med pa'o/ /de bzhin nyid ni dag
132b8 pa'o/ /chos kyi dbyings ni dri ma med pa'o/ /yang dag pa'i mtha' ni nyon mongs pa med pa'o/ /skabs 'byed pa ni dag pa'o/ /nam mkha' ni dri ma med pa'o/ /nam mkha' ni nyon mongs pa med pa'o/ /nang yongs su shes pa ni
133a1 dag pa'o/ /phyi rol du mi rgyu ba ni dri ma med pa'o/ /nang dang phyi mi dmigs pa ni nyon mongs pa med pa'o/ /phung po yongs su shes pa ni dag pa'o/ /khams kyi ngo bo nyid ni dri ma med pa'o/ /skye mched 'dor ba ni nyon mongs pa med pa'o/ /'das
133a2 pa la zad par shes pa ni dag pa'o/ /ma 'ongs pa la mi skye bar shes pa ni dri ma med pa'o/ /da ltar byung ba la chos kyi dbyings gnas par shes pa ni nyon mongs pa med pa'o/ /de ltar na dag pa dang / dri ma med pa dang / nyon mongs pa med pa ni 'di lta ste/
133a3 zhi ba'i gnas kyi gnas gcig tu yang dag par 'du'o/ /zhi ba gang yin pa de rab tu zhi ba'o/ /rab tu zhi ba gang yin pa de nye bar zhi ba'o/ /nye bar zhi ba gang yin pa de nye bar zhi bar byed pas mtshan ma med pa zhes bya'o/ /mtshan ma
133a4 med pa gang yin pa de nye bar zhi ba'o/ /nye bar zhi ba gang yin pa de blo gros shes bya'o/ /rigs kyi bu de ltar na nam mkha' ji lta bar byang chub kyang de bzhin no/ /byang chub ji lta bar chos thams cad kyang de bzhin no/ /chos rnams
133a5 ji lta bar sems can rnams kyang de bzhin no/ /sems can rnams ji lta bar zhing rnams kyang de bzhin no/ /zhing rnams ji lta bar mya ngan las 'das pa yang de bzhin no/ /des na chos thams cad ni mya ngan las 'das pa dang mnyam pa
133a6 zhes bya ste/ mthar phyin cing mur thug pa'i phyir gnyen po med pa'o/ /gnyen po med pa'i phyir chos thams cad ni bzod ma nas dag pa/ gzod ma nas dri ma med pa/ gzod ma nas nyon mongs pa med pa'o/ /de la de bzhin gshegs
133a7 pas de lta bu'i tshul dang 'thun par chos thams cad mngon par rdzogs par sangs rgyas te ma dag pa dang dri ma med pa ma yin pa dang nyon mongs pa dang bcas pa'i sems can gyi khams la rnam par gzigs nas sems can thams cad la rnam par rol pa zhes
133a8 bya ba'i thugs rje chen po 'jug go/ /de bzhin gshegs pa ni thabs mkhas pas tshangs pa la gzhes te/ gsol ba ma btab par chos kyi 'khor lo mi bskor ro/ /de nas tshangs pa gtsug phud can tshangs pa brgya stong phrag brgyad kyis yongs su
133b1 bskor te mdun du bdar nas lhan cig tu tshangs pa'i 'jig rten nas mi snang bar gyur te de bzhin gshegs pa'i spyan sngar 'dug nas/ des de bzhin gshegs pa'i zhabs gnyis la gtugs te chos kyi 'khor lo bskor ba'i
133b2 slad du bcom ldan 'das kyis chos bshad du gsol/ bde bar gshegs pas chos bshad du gsol zhes de bzhin gshegs pa la gsol ba btab bo/ /de'i tshe tshangs pa gtsug phud can gyis de bzhin gshegs pa la tshigs su bcad pas kyang
133b3 gsol to/ khyod kyi chos ni zhi zhing rab zhi la/ /dag cing rnam dag dri med 'od gsal te/ /brjod med sgra med yi ge med 'phags par/ /sangs rgyas ye shes kyis ni thugs su chud/ /yun ring gnyid log gti mug rgyags pas bsgribs/ /nor ba'i sems can
133b4 sad par mdzad don du/ /de slad khyod kyis bskal dpag med par ni/ /btul zhugs dka' thub shin du dka' ba spyad/ /gang dag sngon gyi rgyal ba'i rgyus lhags pa/ /de dag chos mchog 'di ni rtogs 'gyur te/ /'di na sems dge bsam pa mang mchis kyis/ /
133b5 de bzhin gshegs pas chos rab 'khor lo bskor/ /khyod kyis bdud 'khor shin du tshar bcad de/ /khyod kyis bdud rtsi'i sgo ni rab tu phye/ /ded dpon chen po lam log 'khyams pa yi/ /sems can dag ni 'phags pa'i lam du khrid/ /khyod kyi sangs rgyas thugs
133b6 rje bla na med/ /'gro la phan par bsam gyis mi khyab 'jug /ston pa khyod la bdag ni gsol 'debs kyis/ /chos mchog 'khor lo rab tu bskor du gsol/ /ji ltar rgyal ba 'khor ba 'jig gis bskor/ /ji ltar gser thub rgyal bas bskor
133b7 ba dang / /bde gshegs 'od srung gis kyang bskor ba ltar/ /bcom ldan 'das kyang chos kyi 'khor lo bskor/ /ji ltar sprin gyi chu yis tshim bgyis te/ /de yis lo thog sman rnams bskyed pa ltar/ /thugs rje'i sprin gyis
133b8 'jig rten khyab mdzad de/ /de bzhin gshegs pa khyod kyis chos char phob/ /rnam par 'dren mchog gang zhig skyes ma thag /'gro ba thar bar mdzad slad sgra phyung ba/ /deng dus deng lags lha mi skom pa rnams/ /
134a1 chos chen chu yis skom pa bsal du gsol/ /rigs kyi bu de ltar de bzhin gshegs pas tshangs pa gtsug phud can gyis gsol ba btab par mkhyen nas nyid kyis thugs rje chen po ma btang bas grong khyer bA rA Na si drang
134a2 srong lhung ba ri dgas kyis nags su dge sbyong dang / bram ze 'am/ lha 'am/ bdud dam/ tshangs pa 'am/ gang gis kyang 'jig rten du chos dang 'thun par ma bskor ba'i chos kyi 'khor lo bla na med pa bskor te/ der mi rtag pa'i
134a3 sgras stong gsum gyi stong chen po'i 'jig rten gyi khams go bar byas so/ /kauN+Di n+yas kyang thog mar chos kun du shes so/ /de nas de'i tshe ched du brjod pa 'di ched du brjod do/ /brjod du med cing zab pa ste/ /yi ge med cing nges pa'i don/ /kauN+Di n+yas
134a4 ni 'di shes pas/ /nga yi 'bad pa don med min/ /de bzhin gshegs pas chos kyi 'khor lo bskor bas sems can grangs med dpag tu med pa dag btul bar gyur to/ /de bzhin gshegs pa thugs rje chen pos rnam par rol par rig nas sems
134a5 can tshad med/ grangs med pa dag gis byang chub tu sems bskyed par gyur to/ /rigs kyi bu sangs rgyas bcom ldan 'das kyi thugs rje chen po rnam pa bcu drug po 'di ni lhun gyis grub par rtag tu 'jug pa ste yang gtang bar bya ba ma yin no/ /
134a6 thugs rje chen po de dang ldan pas de bzhin gshegs pa sems can re re'i ched du yang bskal pa gang gA'i klung gi bye ma snyed du sems can dmyal ba chen po rnams su gnas par spro ste/ gal te sems can de dag 'phags pa'i chos 'dul ba la
134a7 'dul bar 'gyur ba lta na de bzhin gshegs pa yang yongs su mi skyo zhing / thugs rje chen po de yang yongs su mi mnyam mo/ /de ltar sems can rnams la sangs rgyas bcom ldan 'das rnams kyi thugs rje chen po bsam gyis mi khyab pa 'jug
134a8 go/ /nyan thos dang rang sangs rgyas rnams kyi snying rje ni lpags pa'i rnam pa lta bu'o/ /byang chub sems dpa' rnams kyi snying rje ni sha'i rnam pa lta bu'o/ /sangs rgyas bcom ldan 'das rnams kyi thugs rje chen po ni rus pa dang rkang gi rnam pa lta bu'o/ /
134b1 nyan thos rnams kyi snying rje ni sangs rgyas kyi ye shes la rjes su yi rang ba'o/ /byang chub sems dpa' rnams kyi snying rje ni byang chub kyi sems yang dag par 'dzin du 'jug pa'o/ /sangs rgyas bcom ldan 'das rnams kyi thugs rje chen po ni byang chub tu
134b2 lung ston par byed pa'o/ /nyan thos rnams kyi snying rje ni byams pa la ltos pa'o/ /byang chub sems dpa' rnams kyi snying rje ni sems can yongs su smin pa la ltos pa'o/ /sangs rgyas bcom ldan 'das rnams kyi thugs rje chen po ni shin du yongs su smin
134b3 par bya ba la ltos pa'o/ /nyan thos rnams kyi snying rje chen po ni rtsom pas yongs su skyo ba'o/ /byang chub sems dpa' rnams kyi snying rje ni rtsom pa nyams 'og tu chud par byed pa'o/ /sangs rgyas bcom ldan 'das rnams kyi thugs rje chen po ni rtsom pa
134b4 thams cad nyams 'og tu chud par byed pa'o/ /rigs kyi bu de ltar na sangs rgyas bcom ldan 'das rnams kyi thugs rje chen po ni mchog yin te/ gang gi phyir sangs rgyas kyis 'dul ba'i ched du bskal pa 'am/ bskal pa brgya 'am/ bskal pa
134b5 stong ngam/ bskal pa brgya phrag stong du gnas kyang de srid shin du yongs su mya ngan las 'da' bas yongs su mya ngan las mi 'da'o/ /rigs kyi bu khyod kyis rnam grangs 'dis kyang 'di ltar rig par bya'o/ /rigs kyi bu sngon byung ba 'das pa'i dus
134b6 na bskal pa grangs med pa bas kyang ches grangs med par gyur pa de'i tshe de'i dus na/ dri mchog gi bskal pa la 'jig rten gyi khams dri ldan du de bzhin gshegs pa dgra bcom pa yang dag par rdzogs pa'i sangs rgyas tsan dan khyim zhes bya ba rig
134b7 pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ngo / /bcom ldan 'das tsan dan khyim de
134b8 bzhin gshegs pa de'i tshe'i tshad ni lo brgyad khri bzhi stong phrag bcu drug thub par gyur to/ /de'i nyan thos kyi 'dus pa ni nyan thos brgyad bcu rtsa bzhi phrag bcu drug go/ /bcom ldan 'das tsan dan khyim de bzhin gshegs pa de'i spu'i khung bu gcig
135a1 nas dri'i ngad byung ba gang yin pa des stong gsum gyi stong chen po'i 'jig rten gyi khams der dri zhim po'i drir byed do/ /'jig rten gyi khams de na dri nga ba 'byung ba med do/ /yang 'jig rten gyi khams de na rtsig pa dang / shing dang / ri dang / gzugs snang ba
135a2 rnams de bzhin gshegs pa'i dri des yongs su bsgos par gyur te/ des na 'jig rten gyi khams de dri ldan zhes bya'o/ /sems can gang dag 'jig rten gyi khams der skyes par gyur pa de dag thams cad de bzhin gshegs pa'i dri des lus dang / ngag dang /
135a3 yid kyi spyod pa kha na ma tho ba med par gyur to/ /sems can gang dag bcom ldan 'das de'i bstan pa la rab tu byung ba de dag kyang dri de bsnams pas bsam gtan bzhi dag bskyed par gyur to/ /'jig rten gyi khams der sangs rgyas stong phrag bcu cig char
135a4 byung bar gyur te/ thams cad kyang 'di ltar tsan dan khyim zhes bya bar ming mthun par gyur to/ /des na bskal pa de dri mchog ces bya'o/ /bcom ldan 'das tsan dan khyim de bzhin gshegs pa des sangs rgyas kyi mdzad pa mdzad nas yongs su mya ngan
135a5 las 'das pa'i dus kyi tshe sems can sangs rgyas kyis 'dul ba gang zhig ngas gdul bar bya zhes sems can gyi khams la rnam par gzigs na/ des lha'i spyan rnam par dag pa mi'i las 'das pas/ 'du shes med 'du shes med min gyi lha'i nang na sems
135a6 can sngon dge ba'i rtsa ba bskyed pa rgya chen po la mos pa/ sangs rgyas kyis 'dul ba gcig cig der bskal pa stong phrag brgyad bcu rtsa bzhir gnas nas/ de nas shi 'phos te mi rnams dang skal ba mnyam par skye zhing / gal te 'dod pa rnams la ma
135a7 rtses par theg pa chen po'i bsngags pa thos pa lta na bla na med pa yang dag par rdzogs pa'i byang chub tu sems skyed par 'gyur/ bla na med pa yang dag par rdzogs pa'i byang chub las phyir mi ldog par 'gyur ba zhig gzigs so/ /de nas bcom
135a8 ldan 'das tsan dan khyim de bzhin gshegs pa de thabs mkhas pas thugs rje chen po mngon du mdzad nas dge slong rnams la bka' stsal pa/ dge slong dag nga yongs su mya ngan las 'da' ba'i dus la bab kyis deng yongs su mya ngan las 'da' bar
135b1 bya'o/ /de nas bcom ldan ldan 'das tsan dan khyim de bzhin gshegs pas thugs rje chen po la lta bas yongs su skyo ba zhes bya ba'i ting nge 'dzin la snyoms par zhugs nas yongs su mya ngan las 'das pa bstan to/ /de yongs su mya ngan las 'das nas sku gdung
135b2 ni rgyas par gyur te/ de'i dam pa'i chos ni lo brgyad khri bzhi stong phrag brgyad du gnas par gyur to/ /de'i dam pa'i chos gnas pa yang skye bo mang pos thob par gyur te/ de'i dam pa'i chos ltar bcos pa gang yang med par gyur to/ /bcom ldan 'das ting nge
135b3 'dzin gyi stobs bskyed pa dang / rdzu 'phrul gyi byin gyi brlabs kyis bskal pa stong phrag brgyad bcu rtsa bzhir sku mi snang bar gnas par gyur to/ /de ltar bskal pa stong phrag brgyad bcu rtsa bzhi po de dag 'das nas sems can de 'du shes med 'du shes med min skye mched kyi lha rnam
135b4 kyi nang nas shi 'phos te/ mi'i 'jig rten du tshong dpon zhig gi rigs su skyes par gyur to/ /khye'u de gang gi tshe lo brgyad lon par gyur pa de'i tshe bcom ldan 'das tsan dan khyim de bzhin gshegs pa de bskal pa stong phrag brgyad bcu rtsa bzhi 'das nas ting
135b5 nge 'dzin de las bzhengs te/ khye'u de'i mdun du sangs rgyas kyi kha dog dang / gzugs kyis bzhugs nas khye'u de ma gtogs par gzhan gang gis kyang de ma mthong ste/ des ci nas kyang khye'u de sems thag pa nas bla na med pa yang dag par rdzogs pa'i
135b6 byang chub tu sems bskyed de/ bla na med pa yang dag par rdzogs pa'i byang chub las phyir mi ldog par 'gyur ba de ltar theg pa chen po 'di las brtsams te khye'u de la chos bstan to/ /'dod pa'i nyes pa'i gtam yang yang dag par bshad do/ /
135b7 bcom ldan 'das des de lhag pa'i bsam pa phun sum tshogs par rig nas lha'i bu dag khye'u 'di bskal pa grangs med pa brgya stong phrag bdun bcu rtsa gnyis na bla na med pa yang dag par rdzogs pa'i byang chub tu mngon par rdzogs par 'tshang rgya ste/
135b8 de bzhin gshegs pa rin chen mchog ces bya bar 'jig rten du 'byung ngo zhes lung bstan to/ /de'i lung bstan pa de ni khye'u de ma gtogs par mir gyur pa gang gis kyang ma thos so lha'i bu snod du gyur pa stong phrag bcu gnyis kyis de'i lung bstan pa
136a1 de thos nas bla na med pa yang dag par rdzogs pa'i byang chub tu sems skyed par gyur te/ 'di skad du gang gi tshe bcom ldan 'das rin chen mchog de bzhin gshegs pa des byang chub brnyes par gyur pa de'i tshe bdag cag sangs rgyas
136a2 kyi zhing der skye bar shog shig ces smon lam yang btab bo/ /bcom ldan 'das de dag thams cad sangs rgyas kyi zhing der skye bar bya ba'i phyir de bzhin gshegs pa rin chen mchog de khyod la bla na med pa yang dag par rdzogs pa'i byang chub
136a3 tu lung ston par 'gyur ro zhes lung bstan to/ /de nas bcom ldan 'das tsan dan khyim de bzhin gshegs pa des byang chub sems dpa' de dag lung bstan nas de'i 'og tu shin du yongs su mya ngan las 'das pas yongs su mya ngan las 'das
136a4 par gyur to/ /de'i sku gdung ni lha rnams kyis mchod par gyur to/ /rigs kyi bu sangs rgyas bcom ldan 'das rnams ni gang na nyan thos dang rang sangs rgyas thams cad kyi sa med pa de lta bu'i thugs rje chen po dang ldan no/ /rigs kyi bu
136a5 de ltar sangs rgyas bcom ldan 'das rnams ji ltar sangs rgyas kyi rigs rgyun mi gcod pa de ltar gang dag sangs rgyas rnams la yon 'bul ba de dag gis dge ba'i rtsa ba de yang yongs su mya ngan las ma 'das kyi bar du rgyun mi 'chad de/ rgyun chud mi za ba'i phyir ro/
136a6 /de bzhin gshegs pa'i thugs rje chen po bstan pa 'di bshad pa na 'khor de las sems can gang gA'i klung gi bye ma'i sum cha snyed kyis ni bla na med pa yang dag par rdzogs pa'i byang chub tu sems bskyed par gyur to/ /
136a7 byang chub sems dpa' gang gA'i klung gi bye ma'i phyed snyed kyis ni rjes su 'thun pa'i bzod pa thob par gyur to/ /byang chub sems dpa' gang gA'i klung gi bye ma'i snyed kyis ni snying rje chen po rnam pa bcu drug thob par gyur to/ /sangs rgyas kyi
136a8 chos thams cad dbang bskur ba dang ldan pa'i chos kyi bzod pa yang thob par gyur to/ /de nas thams cad dang ldan pa'i 'khor de bstan pa 'di thos nas tshim zhing mgu la yi rangs shing rab tu dga' ste/ dga' ba dang yid bde ba skyes nas bcom ldan 'das
136b1 la legs so zhes bya ba gsol te lha dang mi'i mchod pas bcom ldan 'das la mchod do// // bam po bzhi pa/ de nas bcom ldan 'das kyis yang byang chub sems dpa' gzungs kyi dbang phyug gi rgyal po la bka' stsal pa/ rigs kyi bu de la de bzhin gshegs pa'i las gang zhe na/
136b2 rigs kyi bu de bzhin gshegs pa'i las ni sum bcu rtsa gnyis po 'di dag go/ /sum bcu rtsa gnyis gang zhe na/ rigs kyi bu 'di la de bzhin gshegs pas ye shes bla na med pas gnas la yang gnas su yang dag pa ji lta ba bzhin du rab tu mkhyen to/ /gnas ma yin pa la yang
136b3 gnas ma yin par yang dag pa ji lta ba bzhin du rab tu mkhyen to/ /rigs kyi bu de la gnas ni gang gnas ma yin pa ni gang zhe na/ rigs kyi bu 'di ni gnas ma yin zhing go skabs med de gang lus kyis nyes par spyad pa dang ngag gis nyes par spyad pa dang yid kyis nyes par spyad
136b4 pa'i rnam par smin pa 'dod pa dang sdug pa dang dga' ba dang yid du 'ong bar 'gyur ba 'di ni gnas med do 'di ni gnas yin zhing go skabs yod pa ste/ gang lus kyis legs par spyad pa dang ngag gis legs par spyad pa dang yid kyis legs par spyad pa'i rnam par smin pa 'dod
136b5 pa dang sdug pa dang dga' ba dang yid du 'ong bar 'gyur ba 'di ni gnas yin no/ /rigs kyi bu gnas ma yin zhing go skabs med de gang ser snas longs spyod chen po mngon par 'grub pa dang / 'chal pa'i tshul khrims kyis lha dang mir skye ba dang / gnod sems kyis mdzes par
136b6 'gyur ba dang / le los mngon par rtogs pa 'thob pa dang / /sems rnam par g.yengs pas nges par gyur pa la 'jug pa dang / gang 'chal pa'i shes rab kyis bag chags kyi mtshams sbyor ba legs par 'joms par 'gyur ba ni gnas ma yin zhing
136b7 go skabs med de de ni gnas ma yin no/ /'di ni gnas yin zhing go skabs yod pa ste/ gang sbyin pas longs spyod chen po mngon par 'grub pa dang / tshul khrims kyis lha dang mir skye ba dang / bzod pas mdzes par 'gyur ba dang / brtson
136b8 'grus kyis mngon par rtogs pa 'thob pa dang / bsam gtan gyis nges par gyur pa la 'jug pa dang / gang shes rab kyis bag chags kyi/
137a1 mtshams sbyor ba thams cad legs par 'jom pa 'di ni gnas yin zhing go skabs yod do/ /gnas ma yin zhing go skabs med de/ gang mtshams med pa byed pa sems gnas par 'gyur ba 'di ni gnas med do/ /gang tshul
137a2 khrims rnam par dag pa'i sems gnas par 'gyur ba 'di ni gnas yin zhing go skabs yod do/ /gnas ma yin zhing go skabs med de/ gang dmigs pa can gyis rjes su 'thun pa'i bzod pa 'thob par 'gyur ba de ni gnas med do/ /gang stong pa
137a3 nyid la mos pas bzod pa 'thob par 'gyur ba 'di ni gnas yin zhing go skabs yod do/ /gnas ma yin zhing go skabs med de/ gang 'gyod pa la rab tu gnas pas sems shin du sbyangs par 'gyur ba 'di ni gnas med do/ /gang kun nas ldang
137a4 ba med pa'i sems shin du sbyangs par 'gyur ba 'di ni gnas yin zhing go skabs yod do/ /gnas ma yin zhing go skabs med de/ gang bud med kyi lus de nyid kyis 'khor los sgyur ba'i rgyal po 'am/ brgya byin nam/ tshangs pa 'am/ sangs
137a5 rgyas su 'jig rten du 'byung ba 'di ni gnas med do/ /'di ni gnas yin zhing go skabs yod de/ gang bud med kyi lus brjes nas 'khor los sgyur ba'i rgyal po 'am/ brgya byin nam/ tshangs pa 'am/ sangs rgyas su 'jig rten du 'byung
137a6 ba 'di ni gnas yin no/ /gnas ma yin zhing go skabs med de/ gang 'khor los sgyur ba'i rgyal po mi mnyam pas rgyal srid byed pa 'di ni gnas med do/ /gang mnyam pas byed pa 'di ni gnas yin zhing go skabs yod do/ /gnas ma
137a7 yin zhing go skabs med de/ gang byang gi sgra mi snyan gyi mi log par ltung bar 'gro ba 'di ni gnas med do/ /bde 'gror 'gro ba ni gnas yin zhing go skabs yod do/ /gnas ma yin zhing go skabs med de/ gang srog gcod pa'i skyes bu gang zag
137a8 srog gcod pa'i rgyus tshe ring bar 'gyur ba nas/ log par lta ba dag log par lta ba can log pa'i las yang dag par blangs pa'i rgyus 'phags pa'i lam 'thob par 'gyur ba'i bar 'di ni gnas med do/ /'di ni gnas yin zhing go skabs yod de/
137b1 gang srog gcod pa spangs pa'i rgyus tshe ring bar 'gyur ba nas/ yang dag par lta ba 'phags pa'i lam 'thob par 'gyur ba'i bar 'di ni gnas yin no/ /gnas ma yin zhing go skabs med de/ gang brgyad pa 'bras bu ma thob par ldang ba 'di ni gnas
137b2 med do/ /gang 'bras bu thob nas ldang ba 'di ni gnas yin zhing go skabs yod do/ /gnas ma yin zhing go skabs med de/ gang rgyun du zhugs pa srid pa brgyad pa mngon par 'grub pa 'di ni gnas med do/ /gang re ltar thogs kyang srid pa bdun du 'gyur ba 'di ni gnas yin no/ /gnas
137b3 ma yin zhing go skabs med de/ gang lan cig phyir 'ong ba srid pa gnyis pa mngon par 'grub pa 'di ni gnas med do/ /gang lan cig phyir 'ong ba 'jig rten 'dir 'ongs nas sdug bsngal mthar 'byin par byed pa 'di ni gnas yin zhing go skabs yod do/ /gnas ma
137b4 yin zhing go skabs med de/ gang phyir mi 'ong ba 'jig rten 'dis 'ong ba 'di ni gnas med do/ /gang de nyid du yongs su mya ngan las 'da' ba 'di ni gnas yin zhing go skabs yod do/ /gnas ma yin zhing go skabs med de/ gang dgra bcom pa nying mtshams
137b5 sbyor bar 'gyur ba 'di ni gnas med do/ /gang dgra bcom pa nying mtshams sbyor ba med pa 'di ni gnas yin zhing go skabs yod do/ /gnas ma yin zhing go skabs med de/ gang 'phags pa'i gang zag ston pa gzhan gyi lung nod pa 'di ni gnas med
137b6 do/ /gang lha gzhan med pa 'di ni gnas yin no/ /gnas ma yin zhing go skabs med de/ gang mi skye ba'i chos la bzod pa rab tu thob pa'i byang chub sems dpa' phyir ldog par 'gyur ba 'di ni gnas med do/ /gang byang chub mngon par rdzogs par
137b7 'tshang rgya ba 'di ni gnas yin no/ /gnas ma yin zhing go skabs med de/ gang byang chub sems dpa' byang chub kyi snying po la 'dug nas mngon par rdzogs par sangs ma rgyas par ldang ba 'di ni gnas med do/ /gang byang chub mngon par rdzogs par
137b8 sangs rgyas nas ldang ba 'di ni gnas yin no/ /gnas ma yin zhing go skabs med de/ gang de bzhin gshegs pa la bag chags kyi mtshams sbyor ba snang ba 'di ni gnas med do/ /gang de bzhin gshegs pa bag chags kyi mtshams sbyor ba thams
138a1 cad legs par bcom pa 'di ni gnas yin zhing go skabs yod do/ /gnas ma yin te/ gang de bzhin gshegs pa'i ye shes thogs par 'gyur ba 'di ni gnas med do/ /gang de bzhin gshegs pa'i ye shes thogs pa med pa 'di ni
138a2 gnas yin no/ /gnas ma yin zhing go skabs med de/ gang de bzhin gshegs pa'i spyi gtsug mthong bar 'gyur ba 'di ni gnas med do/ /gang de bzhin gshegs pa'i spyi gtsug bltar mi mthong ba 'di ni gnas yin no/ /gnas ma yin
138a3 zhing go skabs med de/ gang sangs rgyas kyi mthu ma gtogs par de bzhin gshegs pa'i sems kyi rgyu ba shes pa 'di ni gnas med do/ /gang mi shes pa 'di ni gnas yin no/ /gnas ma yin te/ gang de bzhin gshegs pa la sems mnyam
138a4 par ma bzhag pa dmigs pa 'di ni gnas med do/ /gang de bzhin gshegs pa rtag tu mnyam par gzhag pa 'di ni gnas yin no/ /'di ni gnas ma yin te/ gang de bzhin gshegs pa la log pa'i tshig 'byung ba 'di ni gnas med do gang bden
138a5 pa'i tshig 'byung ba 'di ni gnas yin no/ /rigs kyi bu gnas ma yin zhing go skabs med de/ de bzhin gshegs pa la 'khrul pa dmigs pa 'di ni gnas med do/ /'di ni gnas yin zhing go skabs yod de/
138a6 gang de bzhin gshegs pa la 'khrul pa med pa 'di ni gnas yin no/ /rigs kyi bu de ltar gang de bzhin gshegs pa'i gnas dang gnas ma yin pa mkhyen pa'i stobs de yi ge rnams kyis tshad bstan du med de yang dag pa'o/ /
138a7 de kho na'o/ /gzhan ma yin pa nyid do/ /de la 'di skad ces bya'o/ /sa kun 'grum par 'gyur yang srid/ /nam mkha' g.yo bar 'gyur srid kyi/ /sangs rgyas gnas min bshad pa ni/ /gnas su 'gyur ba mi srid do/ /
138a8 skyes bus kha dog lnga can du/ /nam mkha' gzugs su byed kyang srid/ /sangs rgyas gnas min bshad pa ni/ /gnas su 'gyur ba mi srid do/ /tha ma dang ni 'bring dang mchog /gang dag sangs rgyas gnas bshad pa/ /de kun de
138b1 bzhin bshad pa ste/ /gzhan du 'gyur ba yod ma yin/ /tha ma dang ni 'bring dang mchog /gang dag gnas min bshad pa yang / /de kun de bzhin bshad pa ste/ /gzhan du 'gyur ba yod ma yin/ /gnas dang gnas
138b2 min rab shes pa/ /sems can bsam pa ji bzhin du/ /des ni phyad par yang dag dang / /chos kyang srog chags rnams la bshad/ /dge sbyong dang ni bram ze gzhan/ /gang du thams cad rgyug byed cing / /gnas dang gnas min ma shes pa/ /sangs
138b3 rgyas la ni de med do/ /gnas gang dang ni ldan pas na/ /sems can thar byed dpung 'gyur ba/ /yon tan kun ldan sangs rgyas kyis/ /de ni yang dag rab tu bshad/ /sems can gang dag snod min gang / /de la sangs rgyas btang snyoms mdzad/
138b4 gang gi dus na 'grol 'gyur ba/ /de yi dus la rab tu gzhes/ /gang gis sems can thar byed pa/ /kha na ma tho med pa'i las/ /sangs rgyas blo mchog ldan pa yin/ /phrin las dang po 'di yin no/ /gnas dang gnas min bshad pa ni/ /
138b5 dpag tu med cing grangs med de/ /drang srong chen po'i stobs 'di ni/ /pha rol rgol bas thub par dka'/ /rigs kyi bu gzhan yang de bzhin gshegs pas 'das pa dang / ma 'ongs pa dang / da ltar byung ba'i las rnams dang las len
138b6 pa rnams gnas dang rgyu dang dngos po dang / rnam par smin pa la mkhas pa yang dag pa ji lta ba bzhin rab tu mkhyen to/ /ji ltar rab tu mkhyen ce na/ rigs kyi bu 'di la 'das pa'i las len pa gang dge ba'i rgyu las byung ba/ mi dge
138b7 ba dang bral ba gang ma 'ongs pa'i dus na dge ba'i rgyu las byung ba 'byin pa de de bzhin gshegs pas rab tu mkhyen to/ /las len pa gang mi dge ba'i rgyu las byung ba/ dge ba dang bral ba gang ma 'ongs pa'i dus na mi dge ba'i rgyu las
138b8 byung ba 'byin pa de'ang de bzhin gshegs pas rab tu mkhyen to/ /las len pa gang ma 'ongs pa'i dus na dman pa la rten par 'gyur ba de 'ang de bzhin gshegs pas yang dag pa ji lta ba bzhin du rab tu mkhyen to/ /las len pa gang ma 'ongs
139a1 pa'i dus na khyad par la rten par 'gyur ba de yang de bzhin gshegs pas rab tu mkhyen to/ /las len pa gang da ltar byung ba'i dus na dman pa la rten la ma 'ongs pa'i dus na khyad par rten par 'gyur ba de 'ang de bzhin gshegs pas rab
139a2 tu mkhyen to/ /las len pa gang da ltar byung ba'i dus na khyad par la rten la ma 'ongs pa'i dus na dman pa la rten par 'gyur ba de 'ang de bzhin gshegs pas rab tu mkhyen to/ /las len pa gang da ltar byung ba'i dus na yang dman pa la rten la ma 'ongs
139a3 pa'i dus na yang dman pa la rten par 'gyur ba de 'ang de bzhin gshegs pas rab tu mkhyen to/ /las len pa gang da ltar byung ba'i dus na yang khyad par la rten la ma 'ongs pa'i dus na yang khyad par la rten par 'gyur ba de 'ang de bzhin gshegs pas rab tu
139a4 mkhyen to/ /las len pa gang 'das pa na sbyor bar dman la de ma 'ongs pa'i dus na rgya che zhing sbyor ba rgya che bar 'gyur ba de 'ang de bzhin gshegs pas rab tu mkhyen to/ /las len pa gang rtsom pa chung la khyad par chen por 'gyur ba dang / las len pa gang
139a5 rtsom pa chen por gyur la khyad par chung ngur 'gyur ba dang / las len pa gang nyan thos nyid kyi rgyu 'byin pa de 'ang de bzhin gshegs pas rab tu mkhyen to/ /las len pa gang rang sangs rgyas nyid kyi rgyu 'byin pa de 'ang de bzhin gshegs pas rab tu mkhyen to/ /
139a6 las len pa gang sangs rgyas nyid kyi rgyu 'byin pa de 'ang de bzhin gshegs pas rab tu mkhyen to/ /las len pa gang da ltar byung ba na sdug bsngal la ma 'ongs pa na rnam par smin pa bde bar 'gyur ba dang / las len pa gang da ltar byung ba na bde ba la ma 'ongs pa na
139a7 rnam par smin pa sdug bsngal bar 'gyur ba dang / las len pa gang da ltar byung ba na sdug bsngal la ma 'ongs pa na yang rnam par smin pa sdug bsngal bar 'gyur ba dang / las len pa gang da ltar byung ba na yang bde la ma 'ongs pa na yang rnam par smin
139a8 pa bde bar 'gyur ba de yang de bzhin gshegs pas rab tu mkhyen to/ /rigs kyi bu de ltar na 'das pa dang / ma 'ongs pa dang / da ltar byung ba'i sems can rnams kyi las gang yin pa dang / rkyen gang yin pa dang / rnam par smin pa gang yin pa de de bzhin
139b1 gshegs pas de kho na dang / gzhan ma yin pa la rten par yang dag pa ji lta ba bzhin du rab tu mkhyen to/ /mkhyen nas kyang de bzhin du chos ston te/ 'di ni de bzhin gshegs pa'i de bzhin gshegs pa'i phrin las gnyis pa'o/ /de la 'di skad
139b2 ces bya'o/ /de bzhin gshegs pa rgyu la mkhas pa ste/ /las kyi rnam smin tshul mkhyen spyan dang ldan/ /dus gsum dag la chag pa mi mnga' ste/ /sems can kun gyi spyod pa rab tu mkhyen/ /rgyu ni gang zhig bde bar 'gyur ba ste/ /lha dang mi yi rnam par
139b3 smin ldan dang / /gang yang sdug bsngal dag tu 'gyur byed pa/ /de ni bde bar gshegs pas rab tu mkhyen/ /dge ba dang ni mi dge las rnams kyi/ /rgyu dang rnam par smin pa cir 'gyur ba/ /de ni bde bar gshegs pas rab mkhyen te/ /nor bu
139b4 rin chen phyag tu bzhag pa bzhin/ /las gang chung ngu'i rgyu las byung gyur la/ /tshad med rgyud yang 'byin par 'gyur ba dang / /gang yang rgya che ba dang chung ngu yang / /de ni ji lta bzhin du sangs rgyas mkhyen/ /gang yang nyan thos kyi ni rgyu 'byin dang / /
139b5 rkyen gyi theg pa de bzhin 'byin pa dang / /gang yang rgyal ba'i rgyu ni 'byin 'gyur ba/ /de kun bde bar gshegs pas rab tu mkhyen/ /rgyu ni gang zhig sdug bsngal 'gyur byed la/ /de yang bde ba dag tu 'gyur ba dang / /rgyu ni gang zhig bde
139b6 bar 'gyur byed la/ /de yang sdug bsngal dag tu 'gyur ba dang / /rgyu ni bde la sdug bsngal gnas pa dang / /rgyu yang bde la bde bar gnas pa dang / /las kyi ngo bo nyid kyi chos nyid ni/ /rgyu dang 'thun par bde gshegs rab tu mkhyen/ /
139b7 dus gsum dag tu sems can thams cad kyi/ /rgyu gang las 'jug byed dang las kyang ni/ /gzhan ma yin par sangs rgyas ye shes kyis/ /de bzhin rgyal bas phyed par rab tu mkhyen/ /rigs kyi bu gzhan yang de bzhin gshegs pas
139b8 sems can gzhan rnams dang / gang zag gzhan dag gi mos pa du ma dang / mos pa sna tshogs yang dag pa ji lta ba bzhin du rab tu mkhyen to/ /rigs kyi bu de bzhin gshegs pas sems can gzhan dag dang / gang zag gzhan rnams
140a1 kyi mos pa du ma dang / mos pa sna tshogs yang dag pa ji lta ba bzhin du ji ltar rab tu mkhyen zhe na/ gang zag gang 'dod chags la gnas shing zhe sdang la mos pa dang / gang zag gang zhe sdang la gnas shing 'dod chags la mos pa dang /
140a2 gang zag gang gti mug la gnas shing 'dod chags dang / zhe sdang dang / gti mug la mos pa de yang de bzhin gshegs pas rab tu mkhyen to/ /gang zag gang dge ba la gnas shing dge ba la mos pa de yang de bzhin gshegs pas rab tu mkhyen to/ /
140a3 gang zag gang dag sbyor ba dman zhing bsam pa rgya chen po la mos pa de dag kyang de bzhin gshegs pas rab tu mkhyen to/ /gang zag gang dag sbyor ba rgya che zhing bsam pa dman pa la mos pa de dag kyang de bzhin gshegs pas rab tu mkhyen to/ /mos pa
140a4 gang gis sbyor ba dman zhing khyad par la gnas par 'gyur ba dang / mos pa gang gis sbyor ba khyad par du 'phags shing dman pa la gnas par 'gyur ba dang / mos pa gang gis log pa nyid du nges la nges pa'i khams thob par 'gyur ba dang / mos pa
140a5 gang gis ma nges la yang dag pa nyid du nges pa'i khams thob par 'gyur ba dang / mos pa gang gis yang dag pa nyid du nges la rnam par grol ba thob par 'gyur ba de yang de bzhin gshegs pas yang dag pa ji lta ba bzhin du rab tu mkhyen to/ /
140a6 mos pa gang gis 'dod pa'i khams las yang dag par 'da' bar 'gyur ba dang / mos pa gang gis gzugs kyi khams las yang dag par 'da' bar 'gyur ba dang / mos pa gang gis khams gsum pa las yang dag par 'da' bar 'gyur ba
140a7 de yang de bzhin gshegs pas rab tu mkhyen to/ /mos pa gang gis dman pa la sten cing khyad par gnon par 'gyur ba dang / mos pa gang gis khyad par du gyur nas kyang dman pa la gnas par 'gyur ba de yang de bzhin gshegs pas rab tu
140a8 mkhyen to/ /mos pa gang gis skye ba tha dad pa dang / kha dog tha dad pa dang / yongs su longs spyod pa tha dad pa yongs su 'dzin par 'gyur ba de 'ang de bzhin gshegs pas rab tu mkhyen to/ /mos pa gang gis rtse mo las nyams par par 'gyur
140b1 ba dang / mos pa gang gis rnam par grol ba thob par 'gyur ba de 'ang de bzhin gshegs pas rab tu mkhyen to/ /mkhyen nas kyang de bzhin du chos ston to/ /'di ni de bzhin gshegs pa'i de bzhin gshegs pa'i phrin las gsum pa'o/ /de la
140b2 'di skad ces bya'o/ /'jig rten mos pa sna tshogs mos pa du mar blo gros tshad med pa/ /de'i mos pa de bzhin gshegs pas lhag ma ma lus mkhyen par gyur/ /'di na gang gi mos pa zhe sdang rgyus byung 'dod chags gnas pa dang / /zhe sdang gnas
140b3 shing gti mug mos pa sangs rgyas kyis ni rab tu mkhyen/ /gti mug gnas pa'i sems ni dge dang 'dod chags la yang 'jug pa dang / /de 'og gang 'jug pa dang sems can sbyor ba dman la rgya chen mos/ /bsam pa rgya che ba dang gang dag sbyor ba rgya
140b4 chen yod kyang ni/ /mos pa dam pa gyu pa de yang bde bar gshegs pas rab tu mkhyen/ /mos pa gang gis sems can sbyor ba dman la rgya cher 'gyur ba dang / /sems can blo gros rgya chen 'gyur la dman par 'gyur ba de yang mkhyen/ /log pa nyid
140b5 du gang nges pa yang yang dag nyid du nges 'gyur dang / /khams gsum pa las rnam par grol ba'i mos pa 'ang sangs rgyas rab tu mkhyen/ /dus gsum thams cad dag gi sems can kun gyi skye dang kha dog dang / /de bzhin longs spyod tha dad pa
140b6 dang rtse mo las ni nyams 'gyur dang / /gang yang rnam par grol bar 'gyur ba'i mos pa rgyal bas thams cad mkhyen/ /mkhyen nas chos ston mdzad pa 'di yang bde gshegs phrin las yin zhes gsungs/ /rigs kyi bu gzhan yang de bzhin
140b7 gshegs pas khams du ma dang / khams sna tshogs can gyi 'jig rten yang dag pa ji lta ba bzhin du rab tu mkhyen to/ /ji ltar rab tu mkhyen ce na/ khams gang gis 'jig rten bsod nams kyi 'du byed sogs pa'i khams de yang de bzhin
140b8 gshegs pas yang dag pa ji lta ba bzhin du rab tu mkhyen to khams gang gis bsod nams ma yin pa'i 'du byed gsogs pa de yang de bzhin gshegs pas rab tu mkhyen to/ /khams gang gis mi g.yo ba'i 'du byed gsogs pa de yang de bzhin
141a1 gshegs pas rab tu mkhyen to/ /khams gang gis 'byung ba'i khams su 'ang 'jog par 'gyur ba de yang de bzhin gshegs pas rab tu mkhyen to/ /gzhan yang de bzhin gshegs pas mig gi khams dang / gzugs
141a2 kyi khams dang / myig gis rnam par shes pa'i khams rab tu mkhyen to/ /ji ltar rab tu mkhyen ce na/ nang stong pa nyid dang / phyi stong pa nyid dang / phyi nang stong pa nyid du rab tu mkhyen to/ /rna ba'i khams dang / sgra'i khams dang / rna ba'i
141a3 rnam par shes pa'i khams rab tu mkhyen to/ /ji ltar rab tu mkhyen ce na/ nang stong pa nyid dang / phyi stong pa nyid dang / phyi nang stong pa nyid du rab tu mkhyen to/ /sna'i khams dang / dri'i khams dang / sna'i rnam par shes pa'i khams rab
141a4 tu mkhyen to/ /ji ltar rab tu mkhyen ce na/ nang stong pa nyid dang / phyi stong pa nyid dang / phyi nang stong pa nyid du rab tu mkhyen to/ /lce'i khams dang / ro'i khams dang / lce'i rnam par shes pa'i khams rab tu mkhyen to/ /ji ltar rab tu
141a5 mkhyen ce na nang stong pa nyid dang / phyi stong pa nyid dang / phyi nang stong pa nyid du rab tu mkhyen to/ /lus kyi khams dang / reg bya'i khams dang / lus kyi rnam par shes pa'i khams rab tu mkhyen to/ /ji ltar rab tu mkhyen ce na/ nang stong
141a6 pa nyid dang / phyi stong pa nyid dang / phyi nang stong pa nyid du rab tu mkhyen to/ /yid kyi khams dang / chos kyi khams dang / yid kyi rnam par shes pa'i khams rab tu mkhyen to/ /ji ltar rab tu mkhyen ce na/ nang stong pa nyid dang / phyi stong pa nyid dang / phyi nang
141a7 stong pa nyid du rab tu mkhyen to/ /sa'i khams dang / chu'i khams dang / me'i khams dang / rlung gi khams rab tu mkhyen to/ /ji ltar rab tu mkhyen ce na/ nam mkha'i khams ji lta ba de bzhin du rab tu mkhyen to/ /
141a8 'dod pa'i khams dang / gzugs kyi khams dang / gzugs med pa'i khams rab tu mkhyen to/ /ji ltar rab tu mkhyen ce na/ kun du rtog pa las byung bar rab tu mkhyen to/ /'dus byas kyi khams ni mngon par 'du byed
141b1 pa'i mtshan nyid du rab tu mkhyen to/ /'dus ma byas kyi khams ni mngon par 'du mi byed pa'i mtshan nyid du rab tu mkhyen to/ /kun nas nyon mongs pa'i khams ni blo bur gyi nyon mongs pa'i mtshan nyid du rab tu mkhyen to/ /rnam par byang ba'i khams ni rang
141b2 bzhin gyis 'od gsal ba'i mtshan nyid du rab tu mkhyen to/ /'khor ba'i khams ni tshul bzhin ma yin pa ma rig pa'i mtshan nyid du rab tu mkhyen to mya ngan las 'das pa'i dbyings ni tshul bzhin rigs pa'i mtshan nyid du rab tu mkhyen to/ /de ltar na
141b3 'jig rten gnas pa'i khams gang yin pa dang / rab tu gnas pa'i khams gang yin pa dang / rjes su khrid pa'i khams gang yin pa dang / thogs pa'i khams gang yin pa dang / sbyor ba'i khams gang yin pa dang / bsam pa'i khams gang yin pa dang /
141b4 nges par sems pa'i khams gang yin pa dang / rten pa'i khams gang yin pa de de bzhin gshegs pas rab tu mkhyen to/ /mkhyen nas kyang de bzhin du chos ston te/ 'di ni de bzhin gshegs pa'i de bzhin gshegs pa'i phrin las bzhi pa'o/ /
141b5 de la 'di skad ces bya'o/ /mi'i seng ge khams rnams kun gyi tshul la mkhas/ /gang du gang gi khams ni ci 'dra 'jug pa dang / /khams gang dge ba rgya chen kun du 'byung byed pa/ /de kun bde bar gshegs pas ma lus rab mkhyen to/ /bsod nams bsod nams
141b6 min dang mi g.yo rgyus byung myong / /gang gis 'byung ba thob par 'gyur ba zhi ba'i khams/ /khams gang gnas nas khams las rnam par grol 'gyur ba/ /khams de shes rab chen po bde bar gshegs pas mkhyen/ /mig gi khams dang de bzhin
141b7 gzugs dang yid kyi khams/ /rang bzhin stong par rgyal bas spyod pa'i bdag nyid mkhyen/ /de bzhin rna ba sna dang lce dang de bzhin lus/ /yid dang chos kyi khams kyang rtag tu stong par mkhyen/ /chu dang me dang sa dang rlung gi khams 'di dag /nam mkha'
141b8 mnyam par mi'i seng ges rab tu mkhyen/ /'dod pa dang ni gzugs dang gzugs med khams 'di dag /yongs su rtog las yang dag byung bar ma lus mkhyen/ /nyon mongs khams ni rgyal bas rang bzhin med par mkhyen/ /rnam byang rang bzhin 'dra bar bde bar gshegs pas mkhyen/
142a1 mi mkhas dag gis 'khor ba rtag tu 'dus byas dang / /mya ngan 'das pa gang la mtshan nyid gsum med dang / /khams gang mi dge bas ni 'jug pa'i mtshan nyid dang / /gang yang dge bas 'jug pa thams cad gcod pa dang / /sna tshogs
142a2 khams dang du ma'i khams can 'jig rten 'di/ /sangs rgyas mkhyen kyang ngas mkhyen snyam du rlom sems med/ /nam mkha' ji lta bzhin du mtha' yas phyogs rnams kyi/ /khams rnams de bzhin mi yi seng ges rab tu mkhyen/ /rgyal ba'i ye shes dam pa
142a3 de ni thug pa med/ /de yi mtha' ni 'gro ba rnams kyis shes mi nus/ /'di ni skyob pa rdul med rnams kyi phrin las bzhi/ /de yis sems can 'dul ba'i khams rnams cho ga mkhyen/ /gang dag las legs byas pas dul gyur de dag la/ /'khrul pa
142a4 brgya lam na yang nam yang mi 'byung ngo / /rigs kyi bu gzhan yang de bzhin gshegs pas sems can gzhan dag dang / gang zag gzhan rnams kyi dbang po'i rim pa yang dag pa ji lta ba bzhin du rab tu mkhyen to/ /rigs kyi bu de bzhin gshegs pas ji ltar
142a5 sems can gzhan dag dang / gang zag gzhan rnams kyi dbang po'i rim pa yang dag pa ji lta ba bzhin du rab tu mkhyen ce na/ rigs kyi bu 'di la de bzhin gshegs pas sems can dbang po rtul po rnams kyang sems can dbang po rtul por yang dag pa ji lta ba bzhin
142a6 du rab tu mkhyen to/ /de bzhin du dbang po 'bring yang rab tu mkhyen to/ /dbang po rno ba yang rab tu mkhyen to/ /dbang po khyad par du 'phags pa yang rab tu mkhyen to/ /dbang po dman pa yang rab tu mkhyen to/ /yongs su rtog pa'i dbang po ji lta bus
142a7 mthar phyin pa'i 'dod chags skye ba dang / mthar phyin pa'i she sdang skye ba dang / mthar phyin pa'i gti mug skye ba de'ang de bzhin gshegs pas rab tu mkhyen to/ /yongs su rtog pa'i dbang po ji lta bus 'dod chags dang / zhe sdang dang / gti mug bcos ma skye
142a8 ba de yang de bzhin gshegs pas rab tu mkhyen to/ /yongs su rtog pa'i dbang po ji lta bus snrel zhi'i 'dod chags dang / zhe sdang dang / gti mug skye ba de yang de bzhin gshegs pas rab tu mkhyen to/ /yongs su rtog pa'i dbang po ji lta bus tshar bcad cing
142b1 'dod chags dang / zhe sdang dang / gti mug skye ba de yang de bzhin gshegs pas rab tu mkhyen to/ /yongs su rtog pa'i dbang po ji lta bus dbang po gang dag dge ba'i rgyu las byung ba dang dbang po gang dag mi dge ba'i rgyu las byung ba dang / dbang po gang dag mi g.yo ba'i rgyu las byung ba
142b2 dang dbang po gang dag 'byung ba'i rgyu las byung ba de dag thams cad kyang de bzhin gshegs pas rab tu mkhyen to/ /rigs kyi bu gzhan yang de bzhin gshegs pas mig gi dbang po rab tu mkhyen to/ /rna ba'i dbang po dang / sna'i dbang po dang / lce'i dbang po dang /
142b3 lus kyi dbang po dang / yid kyi dbang po dang / pho'i dbang po dang / mo'i dbang po dang / srog gi dbang po dang / bde ba'i dbang po dang / sdug bsngal gyi dbang po dang / yid bde ba'i dbang po dang / yid mi bde ba'i dbang po dang btang snyoms kyi dbang po rab tu mkhyen
142b4 to/ /dad pa'i dbang po dang brtson 'grus kyi dbang po dang dran pa'i dbang po dang ting nge 'dzin gyi dbang po dang shes rab kyi dbang po rab tu mkhyen to mi shes pa kun shes par byed pa'i dbang po dang kun shes pa'i dbang po dang ldan pa'i dbang po rab tu mkhyen to/ dbang
142b5 po gang mig gi dbang po'i rgyu las byung la rna ba'i dbang po la gnas par gyur te sna dang lce dang lus kyi dbang po la ma yin pa de'ang de bzhin gshegs pas rab tu mkhyen to dbang po gang rna ba'i dbang po'i rgyu las byung la sna'i dbang po la gnas par 'gyur ba dang dbang po gang sna'i
142b6 dbang po'i rgyu las byung la lce'i dbang po la gnas par 'gyur ba dang dbang po gang lce'i dbang po'i rgyu las byung la lus kyi dbang po la gnas par 'gyur ba dang dbang po gang lus kyi dbang po'i rgyu las byung la mig gi dbang po la gnas par 'gyur ba de yang de bzhin gshegs pas
142b7 rab tu mkhyen to sems can gang sbyin pa'i dbang po can yin la de yang tshul khrims la sbyor ba de la de bzhin gshegs pas dbang po mchog dang mchog ma yin pa mkhyen pas sbyin pa'i gtam ston to/ sems can gang tshul khrims kyi dbang po can yin la de yang sbyin pa la sbyor ba de
142b8 la de bzhin gshegs pas dbang po mchog dang mchog ma yin pa mkhyen pas tshul khrims kyi gtam ston to sems can gang bzod pa'i dbang po can yin la de 'ang brtson 'grus la sbyor ba de la de bzhin gshegs pas dbang po mchog dang mchog ma yin pa mkhyen pas bzod
143a1 pa'i gtam ston to/ /sems can gang brtson 'grus kyi dbang po can yin la de 'ang bzod pa la sbyor ba de la de bzhin gshegs pas dbang po mchog dang mchog ma yin pa mkhyen pas brtson 'grus kyi gtam ston to/ /sems can gang bsam
143a2 gtan gyi dbang po can yin la de yang shes rab la sbyor ba de la de bzhin gshegs pas dbang po mchog dang mchog ma yin pa mkhyen pas bsam gtan gyi gtam ston to/ /sems can gang shes rab kyi dbang po can yin la de yang bsam
143a3 gtan la sbyor ba de la de bzhin gshegs pas dbang po mchog dang mchog ma yin pa mkhyen pas shes rab kyi gtam ston to/ /de bzhin du byang chub kyi phyogs kyi chos thams cad la yang rgyas par khong du chud par bya'o/ /sems can gang nyan
143a4 thos kyi theg pa'i dbang po can yin la de 'ang rang sangs rgyas kyi theg pa la sbyor ba de la de bzhin gshegs pas dbang po mchog dang mchog ma yin pa mkhyen pas nyan thos kyi theg pa'i gtam ston to/ /sems can gang rang sangs rgyas
143a5 kyi theg pa'i dbang po can yin la de 'ang nyan thos kyi theg pa la sbyor ba de la de bzhin gshegs pas dbang po mchog dang mchog ma yin pa mkhyen pas rang sangs rgyas kyi theg pa'i gtam ston to/ /sems can gang theg pa chen po'i
143a6 dbang po can yin la de 'ang nyan thos dang rang sangs rgyas kyi theg pa la sbyor ba de la de bzhin gshegs pas dbang po mchog dang mchog ma yin pa mkhyen pas theg pa chen po'i gtam ston to/ /sems can gang tha ma'i dbang po can yin
143a7 la de yang theg pa chen po la sbyor ba de la de bzhin gshegs pas dbang po mchog dang mchog ma yin pa mkhyen pas tha ma'i gtam ston to/ /sems can skal ba med pa'i dbang po can skal ba med par snang ba de dag de bzhin
143a8 gshegs pas snod ma yin par rigs nas btang snyoms su 'jog go/ sems can skal ba yod pa'i dbang po can skal ba yod par snang ba dag la de bzhin gshegs pas skal ba yod par rig nas ri mor byas shing chos ston te/
143b1 rigs kyi bu de ltar de bzhin gshegs pas sems can thams cad kyi dbang po yongs su smin pa rnams kyang rab tu mkhyen/ dbang po yongs su ma smin pa rnams kyang rab tu mkhyen/ 'byung ba ma yin pa'i dbang po rnams
143b2 kyang rab tu mkhyen/ 'byung ba dang bcas pa'i dbang po rnams kyang rab tu mkhyen te/ sems can gyi dbang po'i rnam pa gang yin pa dang / sbyor ba gang yin pa dang / bsam pa gang yin pa dang / gang gi rgyu las byung ba dang / rkyen gang yin pa dang /
143b3 dmigs pa gang yin pa dang / rgyu 'thun pa gang yin pa dang sems can gyi dbang po'i mtha' gang yin pa de dag thams cad de bzhin gshegs pas yang dag pa ji lta ba bzhin du rab tu mkhyen te/ 'di ni de bzhin gshegs pa'i de bzhin gshegs pa'i phrin las
143b4 lnga pa'o/ /de la 'di skad ces bya'o/ /gang zhig dbang po shes pa'i pha rol son pa sems can bsam pa rnams la mkhas/ /gang gi dbang po'i spyod pa ci 'drar gyur pa thams cad rgyal bas rab tu mkhyen/ /rgyal ba dbang po khyad par can dang 'bring
143b5 dang tha ma'i cho ga mkhyen gyur te/ /gang gis 'gro ba grol byed mtshungs pa med pa'i las 'di khyad par 'phags pa yin/ /gang gis mthar phyin pa'i nyon mongs gyur dang gang gis bcos par gyur pa dang / /dbang po gang gis gsog tu gyur pa dang ni gang gis
143b6 snrel zhir gyur pa dang / /nyon mongs pa dag tshar gcod 'gyur dang dge ba'i dbang po dang ni mi g.yo dang / /de bzhin mi dge ba dang gzhan yang grol bar 'gyur ba dag kyang rab tu mkhyen/ /gang gis mig dang yid dang pho mo srog gi dbang po dang ni bde ba dang / /sdug
143b7 bsngal dang ni yid bde ba dang gang gis yid mi bde bar 'gyur ba dang / /gang gis btang snyoms dad dang brtson 'grus dran dang shes rab de bzhin rtse gcig 'gyur/ /kun shes byed dang kun shes dbang po'i cho ga dang ni grol ba'i dbang po gang yin mkhyen/ /
143b8 mig gi rgyu las byung la rna bar gnas par byed kyi sna dang lce la min/ /lus kyi bar gyi rgyu las byung bar gyur la de yang mig la gnas pa dang / /sbyin pa'i dbang po yin la tshul khrims snang ba'i mi de la ni sbyin pa'i gtam/ /tshul khrims dbang po yin la sbyin pa'i
144a1 snang ba'i mi de la ni tshul khrims gtam/ /bzod pa'i dbang po yin la brtson 'grus snang ba'i mi la bzod pa'i gtam ston to/ /brtson 'grus dbang po yin la bzod par snang ba'i mi de la ni brtson 'grus gtam/ /bsam gtan dbang po shes
144a2 rab snang ba'i mi de la ni bsam gtan gtam ston to/ /shes rab dbang po yin la bsam gtan snang ba'i mi de la ni shes rab gtam ston to/ /gang dag nyan thos theg pa'i dbang po yin la rang rgyal sbyor bar byed pa'i mi/ /de dag la ni nyan thos gtam ston byed kyi rang
144a3 rgyal gtam ni spong bar byed/ /gang gi dbang po rkyen gyi theg par nges la sgra la sbyor byed gnas byed pa/ /de dag la ni rkyen gyi theg pa bstan pa'i cho ga dag dbang rab tu ston gang dag dbang po theg pa chen por nges la sbyor ba dman pa'i mi rnams gang yin pa/ /de dag
144a4 la ni thugs rje che la gnas pa'i rgyal ba'i pha rol phyin gtam ston skal ba yod med mkhyen nas rgyal ba gsung zhing kha cig la ni btang snyoms 'jog /dbang po yongs su smin dang gang yang dbang po yongs ma smin pa stobs bcus mkhyen/ /mi'i dbang po'i spyod pa'i rnam pa
144a5 gang dang gang gi sbyor ba ji lta dang / /bsam pa ji lta ba dang rkyen gang yin dang ji ltar rgyu gang yin pa 'ang mkhyen/ /dmigs pa ji lta ba dang mthar thug ji 'drar gyur dang rgyu 'thun de bzhin du/ /rang byung ye shes kyis mkhyen ston pa'i phrin las 'di
144a6 na nor ba yod ma yin/ /rigs kyi bu gzhan yang de bzhin gshegs pas thams cad du 'gro ba'i lam yang dag pa ji lta ba bzhin du rab tu mkhyen to/ /ji ltar rab tu mkhyen ce na/ yang dag pa nyid du nges pa'i sems can gyi khams kyang rab tu
144a7 mkhyen to/ /ma nges pa'i sems can gyi khams kyang rab tu mkhyen to/ /log pa nyid du nges pa'i sems can gyi khams kyang rab tu mkhyen to/ /nges pa dang bcas pa'i sems can gyi khams kyang de bzhin du rab tu mkhyen to/ /sems can
144a8 gang dag rgyu'i stobs can/ sngon gyi sbyor ba phun sum tshogs pa/ zur tsam gyis go ba/ dbang po rno ba'i sems can de dag la de bzhin gshegs pas chos bstan kyang rung / ma bstan kyang rung ste rnam par grol ba'i skal ba yod pa de dag de bzhin
144b1 gshegs pas sngon gyis rgyu'i stobs mkhyen nas ci nas de dag myur du rnam par grol bar 'gyur ba de lta de ltar chos ston te/ ma nges pa'i sems can gyi khams kyang rab tu mkhyen te/ gang dag rkyen gyi stobs can yongs su smin par bya ba'i mtshan nyid kyi
144b2 sems can de dag gal te 'thun par 'doms shing rjes su ston pa dang phrad na rnam par grol bar 'gyur gyi ma phrad na rnam par grol bar mi 'gyur ba de dag la yang de bzhin gshegs pa de lta de ltar rgyu dang rkyen dang ldan pa'i gtam yang dag par gsung ste/ 'di ltar de bzhin gshegs pa las de lta bu'i chos thos nas tshul bzhin rab tu sbyor bas 'bras bu thob par 'gyur ba de dag gi don du sangs rgyas bcom ldan 'das rnams 'byung ngo /
144b3 /log pa nyid du nges pa'i sems can gyi khams kyang de bzhin du
144b4 rab tu mkhyen te/ yongs su sbyong ba ma byas pa/ kho re chung ba blun pa/ snod du ma gyur pa'i sems can de dag la de bzhin gshegs pas chos bstan kyang rung / ma bstan kyang rung ste sems can de dag rnam par dgrol ba'i skal ba med pas/
144b5 de dag de bzhin gshegs pas snod ma yin par rig nas btang snyoms su 'jog ste/ de dag gi ched du byang chub sems dpa' rnams go cha gyon to/ /rigs kyi bu gzhan yang de bzhin gshegs pas 'dod chags kyi lam rnam gsum rab tu mkhyen te/
144b6 rnam gsum gang zhe na/ 'dod chags kyi lam sdug pa'i rnam pa las skye ba yang yod/ 'dod chags kyi lam rjes su chags pa'i rnam pa las skye ba yang yod/ 'dod chags kyi lam sngon gyi rgyu las skye ba yang yod do/ /zhe sdang gi
144b7 lam rnam pa gsum yang rab tu mkhyen te/ zhe sdang gi lam khong khro ba'i rgyu las skye ba yang yod/ zhe sdang gi lam bsam pa yongs su ma rdzogs pa las skye ba yang yod/ zhe sdang gi lam sngon gyi bag la nyal las skye ba yang yod do/ /
144b8 gti mug gi lam rnam pa gsum yang rab tu mkhyen te/ gti mug gi lam ma rig pa'i rgyu las skye ba yang yod/ gti mug gi lam 'jig tshogs la lta ba'i rgyu las skye ba yang yod/ gti mug gi lam the tsom gyi rgyu las skye ba yang yod de/
145a1 de dag kyang de bzhin gshegs pas rab tu mkhyen to/ /rigs kyi bu gzhan yang dbang po rno ba'i phyir mngon par shes pa myur la dka' ba'i lam yang de bzhin gshegs pas rab tu mkhyen to/ /dbang po rtul ba'i phyir mngon par shes
145a2 pa bul la dka' ba'i lam yang rab tu mkhyen to/ /dbang po rno ba'i phyir mngon par shes pa myur la sla ba'i lam yang rab tu mkhyen to/ /dbang po rtul ba'i phyir mngon par shes pa myur la dka' ba'i lam yang rab tu mkhyen to/ /dmigs pa bor ba'i phyir
145a3 mngon par shes pa bul la bul ba'i lam yang rab tu mkhyen to/ /lam gyi rgyun ma bcad pa'i phyir mngon par shes pa myur la bul ba'i lam yang rab tu mkhyen to/ /yongs su thug pa med par dbugs 'byin pa'i phyir mngon par
145a4 shes pa bul la myur ba'i lam yang rab tu mkhyen to/ /de la ma chags pa'i phyir mngon par shes pa myur la bul ba'i lam yang rab tu mkhyen to/ /so sor rtog pa'i stobs yongs su rdzogs par byed kyi sgom pa'i stobs la ma yin pa'i lam yang
145a5 yod de/ de 'ang de bzhin gshegs pas rab tu mkhyen to/ /sgom pa'i stobs yongs su rdzogs par byed kyi/ so sor rtog pa'i stobs la ma yin pa'i lam yang yod de/ de yang de bzhin gshegs pas rab tu mkhyen to/ /
145a6 so sor rtog pa'i stobs kyang yongs su rdzogs par mi byed la sgom pa'i stobs la yang ma yin pa'i lam yang yod de/ de 'ang de bzhin gshegs pas rab tu mkhyen to/ /so sor rtog pa'i stobs dang / sgom pa'i stobs kyang yongs
145a7 su rdzogs par byed pa'i lam yang yod de/ de yang de bzhin gshegs pas rab tu mkhyen to/ /bsam pa phun sum tshogs la sbyor ba phun sum tshogs pa ma yin pa'i lam yang yod de/ de yang de bzhin gshegs pas rab tu
145a8 mkhyen to/ /sbyor ba phun sum tshogs la bsam pa phun sum tshogs pa ma yin pa'i lam yang yod de/ de yang de bzhin gshegs pas rab tu mkhyen to/ /sam pa yang phun sum tshogs pa ma yin la sbyor ba yang phun sum tshogs pa ma
145b1 yin pa'i lam yang yod bsam pa yang phun sum tshogs la sbyor ba yang phun sum tshogs pa'i lam yang yod de/ de 'ang de bzhin gshegs pas rab tu mkhyen to/ /lus sbyong gi/ ngag la ma yin/ sems la ma yin pa'i lam
145b2 yang yod/ ngag sbyong gi/ lus la ma yin/ sems la ma yin pa'i lam yang yod/ lus dang / ngag dang / sems kyang sbyong ba'i lam yang yod/ lus la ma yin/ ngag la ma yin la/ sems kyang mi sbyong ba'i lam
145b3 yang yod de/ de ltar sems can thams cad kyi 'jug pa'i rgyu las byung ba dang / log pa'i rgyu las byung ba'i lam gang ji snyed pa de dag thams cad du de bzhin gshegs pa'i ye shes mthong ba thogs pa med pa 'jug ste/ 'di ni de bzhin
145b4 gshegs pa'i de bzhin gshegs pa'i phrin las drug pa'o/ /de la 'di skad ces bya'o/ /bde bar gshegs pas lam kun rab tu mkhyen cing nges dang rgyu dang bcas pa'i sems can khams kyang mkhyen/ /ma nges yongs su smin par
145b5 bya ba'i mtshan nyid dang ni de bzhin snod min log par lta ldan dang / /'dod chags rnam gsum lam ldan dag dang zhe sdang rnam pa gsum dang de bzhin gti mug ldan pa dang / /nyon mongs khams kyi rnam pa mtha' yas pa dang lam gyi rgyu
145b6 dang rkyen kyang ston pas rab tu mkhyen/ /rno bar gyur la dka' ba'i lam dang de bzhin dbang po rnams ni zhan phyir bul bar gyur pa dang / /rno bar 'gyur la sla ba'i lam dang de bzhin bul ba 'jig rten gyi ni mgon pos rab tu mkhyen/ /
145b7 bul ba'i lam la de yi blo yang bul zhing de bzhin bul bar gyur la rno zhing dag pa'ang yod/ /bul bar gyur la myur ba'i lam dang de bzhin de la ma chags phyir ni shin du myur ba dang / /so sor rtog pa skyed par byed kyi bsgom pa'i lam ni skyed par
145b8 mi byed pa'i lam yang yod/ /sgom pa skyed par byed dang khyad par can gyi sbyor dang ldan pas gnyi ga skyed par byed pa 'ang yod/ /bsam pa rnam par sbyong bar byed kyi sbyor ba dag par byed pa ma yin pa'i lam yang yod/ gnyi ga sbyor bar byed pa 'ang yod
146a1 de de yang sangs rgyas bdag nyid chen po thams cad gzigs pas mkhyen/ /lus ni rnam par sbyong bar byed kyi ngag la ma yin pa dang sems kyang sbyong bar mi byed yod/ /tshig dang de bzhin lus kyang sbyong bar byed kyi nam yang sems
146a2 ni rnam par sbyong bar mi byed dang / /sems ni rnam par sbyong bar byed kyi nam yang ngag ni rnam par sbyong bar mi byed pa yang yod/ /ngag dang de bzhin sems kyang sbyong bar byed kyi nam yang lus ni rnam par sbyong bar mi byed dang / /lus dang de bzhin
146a3 sems kyang sbyong bar byed pa'i lam dang ji ltar 'jug par 'gyur dang ldog pa yang / /ye shes dang ni sems gzigs pas mkhyen 'di yang bde gshegs phrin las khyad par 'phags pa drug rigs kyi bu gzhan yang de bzhin gshegs pas bsam
146a4 gtan dang rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang / ldang ba thams cad yang dag pa ji lta ba bzhin du rab tu mkhyen to/ /ji ltar rab tu mkhyen ce na/ sems can
146a5 rnams kyi kun nas nyon mongs pa skye ba'i rgyu gang yin pa dang / rkyen gang yin pa de yang de bzhin gshegs pas rab tu mkhyen to/ /sems can rnams rnam par dag par 'gyur ba'i rgyu gang yin pa dang / rkyen gang yin pa de yang de bzhin
146a6 gshegs pas rab tu mkhyen to/ /de la rgyu ni gang / rkyen ni gang zhe na/ sems can rnams kyi kun nas nyon mongs pa'i rgyu ni tshul bzhin ma yin pa yid la byed pa'o/ /sems can rnams kyi kun nas nyon mongs pa'i rkyen
146a7 ni ma rig pa'o/ /ma rig pa ni rgyu'o/ /'du byed rnams ni rkyen to/ /'du byed ni rgyu'o/ /rnam par shes pa ni rkyen to/ /rnam par shes pa ni rgyur 'o/ /ming dang gzugs ni rkyen to/ /ming dang gzugs ni rgyu'o/ /
146a8 skye mched drug ni rkyen to skye mched drug ni rgyu'o reg pa ni rkyen to reg pa ni rgyu'o/ /tshor ba ni rkyen to/ /tshor ba ni rgyu'o/ /sred pa ni rkyen to/ /sred pa ni rgyu 'o/ /nye bar len pa ni rkyen to/ len pa ni rgyu'o/ /srid pa ni rkyen to/ /srid pa ni
146b1 rgyu'o/ /skye ba ni rkyen to/ /skye ba ni rgyu'o/ /rga shi ni rkyen to/ /nyon mongs pa rnams ni rgyu'o/ /las rnams ni rkyen to/ /lta ba ni rgyu'o/ /sred pa ni rkyen to/ /bag la nyal ni rgyu'o/ /kun nas ldang ba ni rkyen to/ /'di ni sems can rnams kyi kun
146b2 nas nyon mongs pa'i rgyu 'o/ /'di ni rkyen to/ /de la sems can rnams kyi rnam par dag par 'gyur ba'i rgyu ni gang / rkyen ni gang zhe na/ sems can rnams kyi rnam par dag pa'i rgyu gnyis dang / rkyen gnyis so/ /gnyis gang zhe na/ gzhan las
146b3 rjes su 'thun pa'i sgra dang / so so bdag nyid tshul bzhin yid la byed pa ste/ gnyis po 'di dag go/ /gzhan yang sems can rnams kyi rnam par dag pa'i rgyu gnyis dang / rkyen gnyis te/ zhi gnas la rtse gcig pa dang / lhag mthong la
146b4 mkhas pa'o/ /gzhan yang rgyu gnyis dang / rkyen gnyis te/ 'ong ba med par shes pa dang / 'gro ba med par shes pa'o/ /gzhan yang rgyu gnyis dang / rkyen gnyis te/ skye ba med par rab tu rtog pa dang / nges par gyur pa la reg par byed pa'o/ /
146b5 gzhan yang rgyu gnyis dang / rkyen gnyis te/ rkang par ldan pa dang / rig pas rnam par grol ba mngon sum du byed pa'o/ /gzhan yang rgyu gnyis dang / rkyen gnyis te/ rnam par thar pa'i sgo la sgom pa dang rang bzhin gyi rnam par grol bar shes
146b6 pa'o/ /gzhan yang rgyu gnyis dang / rkyen gnyis te/ zad pa shes pa dang / mi skye ba shes pa'o/ /gzhan yang rgyu gnyis dang / rkyen gnyis te/ bde ba rjes su rtogs pa dang / bden pa rjes su thob pa ste/ 'di ni sems can rnams kyi rnam
146b7 par dag pa'i rgyu'o/ /'di ni rkyen te/ de'ang de bzhin gshegs pas rab tu mkhyen to/ /rigs kyi bu gzhan yang kun nas nyon mongs pa la dmigs pa tshad med/ rnam par dag pa la dmigs pa yang tshad med de yang dag pa ji lta ba bzhin du so sor
146b8 rtog pas kun nas nyon mongs pa la dmigs pa rnam par byung ba la dmigs par 'jog pa yang yod/ lhag pa'i nga rgyal gyis 'dzin pas rnam par dag pa la dmigs pa kun nas nyon mongs pa la dmigs par 'jog pa yang yod de de la snrel zhi'i rnam grangs kyis de bzhin
147a1 gshegs pa'i ye shes 'jug go/ /rigs kyi bu de bzhin gshegs pa ni ye shes 'di lta bu dang ldan pas 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang
147a2 bcas pa dben pa las skyes pa'i dga' ba dang bde ba can/ bsam gtan dang po la snyoms par zhugs te 'gog pa las ldang ngo / /'gog pa las snyoms par zhugs te bsam gtan dang po las ldang ngo / /rnam par thar pa brgyad la
147a3 rjes su 'thun par snyoms par 'jug go/ /mi 'thun par yang snyoms par 'jug go/ /thod rgal du yang snyoms par 'jug go/ /ting nge 'dzin ni snyoms par 'jug par ston/ snyoms par 'jug pa ni ting nge 'dzin du ston kyang de bzhin
147a4 gshegs pa'i ting nge 'dzin la 'dres pa gang yang med cing de bzhin gshegs pa la ni dmigs pas ting nge 'dzin la snyoms par 'jug par bya ba med do de bzhin gshegs pa'i ting nge 'dzin gcig gis ting nge 'dzin thams cad mngon par 'grub ste de bzhin
147a5 gshegs pa ni ting nge 'dzin gcig las ma bzhengs par ting nge 'dzin thams cad la snyoms par 'jug kyang de bzhin gshegs pa la sems gcig nas gcig tu 'jug pa med do de bzhin gshegs pa la sems mnyam par ma bzhag pa mi dmigs so de bzhin
147a6 gshegs pa'i ting nge 'dzin ni sus kyang blta bar mi nus te nyan thos kyi ting nge 'dzin ni rang sangs rgyas kyi ting nge 'dzin gyi zil gyi non to rang sangs rgyas kyi ting nge 'dzin ni byang chub sems dpa'i ting nge 'dzin gyi zil gyi non to byang chub sems dpa'i ting nge 'dzin ni
147a7 de bzhin gshegs pa'i ting nge 'dzin gyi zil gyis non to de bzhin gshegs pa'i ting nge 'dzin ni zil gyi mi non pa ste 'di la de bzhin gshegs pa'i ye shes ni zil gyi mi non par 'jug go gdams pa gang dang rjes su bstan pa gang gis nyan thos rnams ting nge 'dzin
147a8 skyed pa de yang de bzhin gshegs pas rab tu mkhyen to de bzhin du rang sangs rgyas dang de bzhin du byang chub sems dpa' rnams kyi de dag kyang de bzhin gshegs pas rab tu mkhyen to mkhyen nas kyang de bzhin du 'doms shing de bzhin du rjes su ston te 'di ni de bzhin gshegs pa'i de bzhin
147b1 gshegs pa'i phrin las bdun pa'o/ /de la 'di skad ces bya'o/ /'dir ni 'gro ba'i kun nas nyon mongs rgyu dang rkyen/ /rgyal ba rang byung ye shes ldan pas de kun mkhyen/ /de bzhin mngon par brtson rgyus rnam dag 'gyur ba yi/ /rgyu dang rkyen de chos kyi rjes ni rab tu
147b2 mkhyen/ /tshul bzhin ma yin rgyu ste rkyen ni ma rig pa/ /rgyu ni ma rig pa ste rkyen ni 'du byed yin/ /rnam par shes dang gzugs dang dbang po drug /thams cad sred pa'i yan lag 'gro ba'i rgyu dang rkyen/ /nyon mongs rnams ni rgyu ste de bzhin las rnams rkyen/ /
147b3 lta ba rgyu ste de bzhin sred pa rkyen du gsungs/ /kun du sbyor dang bag la nyal 'di 'dir rgyu ste/ /mi gang rgyu las kun du byung ba de 'dir rkyen/ /'gro ba rnam dag 'gyur ba'i rgyu dang rkyen gnyis te/ /gzhan las 'thun pa'i sgra thos pa dang thos nas kyang / /chos
147b4 rnams stong par nang du tshul bzhin rtog byed pa/ /de ni srid pa'i mtsho las rnam par sgrol bar 'gyur/ /zhi gnas lhag mthong gnyi ga zung du 'brel ldan pa/ /sgom pa gang du 'ang 'gro ba med cing 'ong ba med/ /de la skye med 'chi 'pho dang ni rtog med de/ /de ni skyon med
147b5 reg cing rnam par dag par 'gyur/ /rkang par ldan nas rig pa gsum ni rjes su nyal/ /bag yod gyur nas rnam thar gsum gyi sgo la sgom/ /zad pa dang ni mi skye shes dang bden pa thob/ /'di ni rnam dag lam du 'dren pa'i rgyu dang rkyen/ /rgyal ba bsam
147b6 gtan gcig la yang dag snyoms zhugs nas/ /'gog par reg ste de bzhin dran dang ldan par bzhengs/ /rjes su 'thun dang mi mthun pa dang thod rgal du/ /chos kyi rgyal po rnam thar brgyad la snyoms par 'jug /mtshungs pa med pa mnyam pa nyid
147b7 la gnas nas ni/ /ting 'dzin gcig las ting 'dzin bye ba mtha' yas ston/ /sems la 'dres pa med cing chos la rnam rtog med/ /de phyir rgyal ba mnyam par ma bzhag sems kyang med/ /gang dag nyan thos de bzhin rang rgyal ting nge 'dzin/ /
147b8 byang chub sems dpa'i ting 'dzin rnam pa bye ba dag /de kun bde gshegs ting nge 'dzin gyi zil gyis non/ /gdams pa shes la mkhas pa bde gshegs phrin las so/ /rigs kyi bu gzhan yang de bzhin gshegs pas bdag dang sems can
148a1 gzhan rnams dang / gang zag gzhan dag gi sngon gyi gnas rnam pa du ma rjes su dran no/ /'di lta ste/ skye ba gcig rjes su dran no/ /gnyis sam/ gsum 'am/ bzhi 'am/ lnga 'am/ bcu 'am/ nyi shu 'am/ sum bcu 'am/
148a2 bzhi bcu 'am/ lnga bcu 'am/ /skye ba brgya 'am/ skye ba stong ngam/ skye ba brgya phrag stong ngam/ skye ba bye ba rgya phrag stong ngam/ 'jig pa'i bskal pa 'am/ 'chags pa'i bskal pa 'am/ 'jig pa dang 'chags pa'i bskal pa 'am/ 'jig pa'i bskal pa du ma 'am/ 'chags
148a3 pa'i bskal pa du ma 'am 'jig pa dang 'chags pa'i bskal pa du ma rjes su dran no/ /sems can de dag ming 'di zhes bya bar gyur to/ /nga der byung ste ming ni 'di zhes bya/ rus ni 'di zhes bya/ rigs ni 'di zhes bya/ kha zas ni 'di lta bu zhig za za/ kha dog
148a4 ni 'di lta bu/ dbyibs ni 'di lta bu/ yun ni 'di srid zhig tu gnas gnas/ bde ba dang sdug bsngal ni 'di lta bu zhig myong ste/ bdag de nas shi 'phos nas che ge mo zhig tu skyes so/ /de nas shi 'phos nas 'dir skyes par rnam pa dang bcas/
148a5 yul phyogs dang bcas/ gzhi ci las gyur pa dang bcas par bdag dang / sems can gzhan dag gi sngon gyi gnas rnam pa du ma rjes su dran no/ /de sems can de'i sngon gyi gnas rjes su dran no/ /sngon gyi rgyu ji lta bu dang / rgyu gang gis sems
148a6 can gang kun du byung ba de'i sngon gyi rgyu de bzhin gshegs pas rab tu mkhyen te/ mkhyen nas kyang de bzhin du chos ston to/ /'das pa'i sems can thams cad kyi sems kyi rgyu ba yang de bzhin gshegs pas rab tu mkhyen to/ /sems kyi dmigs pa gang gi
148a7 'og tu gang la dmigs pa'i sems skye ba dang / dmigs pa gang gis skyes pa dang / dmigs pa gang ma tshang bas 'gags pa de 'ang de bzhin gshegs pas rab tu mkhyen to/ /de ltar ji tsam du sems can gcig gi sems gcig nas gcig tu brgyud de
148a8 'jug pa sems de lta bu zhig gi 'og tu sems 'di lta bu zhig byung ba de bskal pa gang gA'i klung gi bye ma snyed du yang tshig tu bstan pas bstan par dka'o/ /de bzhin du sems can thams cad kyi 'ang de lta bur so so'i sems gcig nas gcig tu brgyud pa
148b1 de bzhin gshegs pas rab tu mkhyen to/ /yongs su brtag pa nye bar bzung ste/ de bzhin gshegs pas phyi ma'i mtha'i mur thug par bstan kyang de'i ye shes mthar thug par mi 'gyur ro/ /de bzhin gshegs pa'i sngon gyi gnas rjes su dran pa'i
148b2 mkhyen pa 'di ni bsam gyis mi khyab cing mtshungs pa med la tshad med de/ de'i mtha'i gnas ni bstan par sla ba ma yin no/ /sangs rgyas kyi khyu mchog tu gyur pas de bzhin gshegs pa sems can de dag la/ kye sems can dag dge ba'i rtsa ba sangs rgyas
148b3 la bskyed pa 'am/ nyan thos la bskyed pa 'am/ rang sangs rgyas la bskyed pa de lta bu de dran par gyis shig /dran par gyis shig ces dran par mdzad do/ /'di lta ste/ sangs rgyas kyi mthus de dag gis kyang dran par 'gyur ro/ /de bzhin gshegs
148b4 pas de dag la de dge ba'i rtsa ba la dmigs pa des gang gi phyir ci nas kyang theg pas rnam par grol ba las phyir mi ldog par 'gyur ba de lta de ltar chos ston te/ 'di ni de bzhin gshegs pa'i de bzhin gshegs pa'i phrin las brgyad pa'o/ /de la 'di skad
148b5 ces bya'o/ /de ni bdag dang de bzhin gzhan dag gi/ /sngon gyi mtha' ni bye ba khrag khrig dag /thug pa med par 'jig rten sgron mas dran/ /skyu ru ra lnga phyag mthil bzhag pa bzhin/ /ming rus de bzhin kha dog rnam rtog dang / /tshe gnas 'chi 'pho dang ni 'gro ba dang /
148b6 rgyu gang gis ni sems can gang 'ongs pa/ /de la dus mkhyen nas ni chos kyang ston/ /'gro ba'i sems dang sems las byung ba'i chos/ /gang dag 'das pa mtha' yas thug med dang / /gang gi 'og tu sems ni gang 'byung ba/ /ye shes che ldan rgyal
148b7 bas thams cad mkhyen/ /sems can gcig gi sems ni snga ma gang / /'das pa gang yin bde bar gshegs pas mkhyen/ /bskal pa gang gA'i klung gi bye snyed du/ /de ni bstan kyang de la thug pa med/ /gang yang sngon gyi spyod pa bye ba dag /mtha' yas
148b8 thug pa med pa bstan kyang ni/ /mtshungs pa med pa'i ye shes mi zad de/ /bde gshegs ye shes rgya mtsho de 'dra'o/ /sems can gang dag bsam pa dge gyur dang / /gang gis sngon chad rgyal ba bsti stang byas/ /sangs rgyas rdzu 'phrul stobs kyi shugs gnas te/ /
149a1 sngon chad dkar po byas pa dran par byed/ /sngon chad dkar po des byas ci 'dra ba/ /sangs rgyas mthu ni de dag dran par 'gyur/ /de dran nas kyang theg pa gsum gnas te/ /de dag thar lam dge las phyir mi ldog /bde gshegs rnams kyi sngon byung mtha' yas pa/
149a2 sems can kun gyis bsam par mi nus te/ /gang gis sems can thug pa med btul ba/ /skyes bu chen po rnams kyi phrin las brgyad/ /rigs kyi bu gzhan yang de bzhin gshegs pas lha'i mig rnam par dag pa mi las shin du 'das pas sems can rnams 'chi
149a3 'pho dang / skye ba dang / bzang po dang / ngan pa dang / kha dog mdzes pa dang / kha dog mi sdug pa dang / bde 'gror 'gro ba dang ngan 'gror 'gro ba rnams gzigs so/ /kye ma sems can 'di dag ni lus kyis nyes par spyod pa dang ldan pa/ yid kyis
149a4 nyes par spyod pa dang ldan pa/ 'phags pa rnams la skur pa 'debs pa/ log par lta ba dag ste/ log par lta ba'i las yang dag par blangs pa'i rgyus lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ /sems can
149a5 'di dag ni lus kyis legs par spyod pa dang ldan pa/ ngag gis legs par spyod pa dang ldan pa/ yid kyis legs par spyod pa dang ldan pa/ 'phags pa rnams la skur pa mi 'debs pa/ yang dag par lta ba dag ste/ yang dag par lta ba yang dag par blangs pa'i rgyus lus
149a6 zhig ste shi ba'i 'og tu bde 'gro mtho ris kyi 'jig rten du lha rnams kyi nang du skye bar 'gyur ro zhes ji ltar las kyis nye bar 'gro ba'i sems can dag rab tu mkhyen to/ /de la de bzhin gshegs pa'i lha'i mig ni 'di yin te/ mig des phyogs bcu'i 'jig rten chos
149a7 kyi dbyings kyis klas pa/ nam mkha'i khams kyi mthas gtugs pa tshad med pa/ grangs med pa/ bgrang ba las shin du 'das pa'i sangs rgyas kyi zhing dag na zhing gang dag kha cig snang ba de dag thams cad ni 'jig pa dang 'chags par gzigs so/ /sems can
149a8 gang dag kha cig snang ba de dag thams cad ni 'chi 'pho ba dang skye bar gzigs so/ /byang chub sems dpa' gang dag kha cig snang ba de dag thams cad ni 'chi 'pho ba dang / mngal du 'jug pa dang / btsa' bar gzigs so/ /sangs rgyas gang dag kha cig snang ba de dag thams
149b1 cad ni mngon par rdzogs par 'tshang rgya ba dang / chos kyi 'khor lo skor ba dang / tshe'i 'du byed 'dor ba dang / yongs su mya ngan las 'da' bar gzigs so/ /nyan thos gang dag kha cig snang ba de dag thams cad ni rnam par 'grol ba yongs su mya ngan las 'da' bar gzigs so/
149b2 rang sangs rgyas gang dag kha cig snang ba de dag thams cad ni rdzu 'phrul ston cing yon sbyong bar gzigs so/ /sems can gang dag snang bar ma gyur pa dag dang / gang dag phyi rol gyi mngon par shes pa lnga dang ldan pa rnams kyis mig gi lam du ma gyur pa dang / nyan thos rnams kyi
149b3 ma yin pa dang / rang sangs rgyas rnams kyi ma yin pa dang / byang chub sems dpa' dag gi/ ma yin pa de dag kyang de bzhin gshegs pa lha'i mig la snang bar 'gyur ro/ /yang shing rta'i phang lo tsam gyi sa phyogs na snang bar ma gyur pa'i sems can gang dag de bzhin gshegs
149b4 pa la snang bar gyur pa de dag ni ches mang gi/ stong gsum gyi stong chen po'i 'jig rten gyi khams kyi lha dang mi rnams ni de lta ma yin te/ de ltar snang bar ma gyur pa'i sems can gyi khams ni tshad med do/ /de ltar sangs rgyas kyis 'dul ba'i sems can gang yin zhes de
149b5 bzhin gshegs pa'i lha'i mig gis sangs rgyas kyi zhing thams cad du sems can gyi khams la rnams par gzigs te/ sangs rgyas kyis 'dul ba'i sems can gyi ris ji snyed pa de dag gi mdun na de snyed kyi de bzhin gshegs pa bzhugs shing sems can
149b6 de dag 'dul yang de dag ma yin pa'i sems can gzhan gyis mi shes te/ 'di ni de bzhin gshegs pa'i de bzhin gshegs pa'i phrin las dgu pa'o/ /de la 'di skad ces bya'o/ /de bzhin gshegs pa'i lha yi mig ni dri med 'od gsal te/ /mig ni rnam sbyangs mtha' yas bsod
149b7 nams gzi brjid gzi brjid gyur/ /phyogs bcu dag gi zhing rnams kun du mtshan nyid rnam gzigs te/ /gang dag 'byung dang gang dag 'byung bar 'gyur dang gang dag byung / /de na sems can gzugs can gzugs med gang dag yod pa dang / /bde 'gro ngan
149b8 'gro dag na rab 'bring tha ma gang mchi dang / /sdig pa byed pa gang dag ngan 'gro rnams su 'gro ba dang / gang yang mtho ris bsod nams las can de dag rgyal bas gzigs/ /byang chub sems dpa' gang dag zhing rnams kun na spyod spyod dang / /mngal du 'jug dang 'byung dang
150a1 dang byang chub shing drung 'gro ba dang / /gang dag la la byang chub shing drung gnas nas bdud 'dul ba/ /de kun sangs rgyas thams cad gzugs pas lha'i mig gis gzigs/ /sangs rgyas chos kyi rgyal po gang dag byang chub mchog sangs rgyas/ /gang
150a2 dag chos kyi 'khor lo skor zhing lha dang mi rnams 'grol/ /sangs rgyas mdzad pa mchog mdzad nas ni rgyal ba tshe 'dor dang / /gang yang mya ngan 'das pa ston pa de dag rgyal bas gzigs/ /gang dag 'dren pa'i chos thos nas ni tshul bzhin rab sbyor ba/ /dam pa
150a3 bsil bar gyur pa rims med zhi ba'i gnas la reg /gang yang bdag kyang chos thos nas ni srid pa'i rgya mtsho las/ /rgal te bde ba pha rol phyin pa de dag rgyal bas gzigs/ /gsang ba pa dang nyan thos rang rgyal byang chub sems dpa' yi/ /lha mig lam
150a4 du ma gyur sems can khams ni mtha' yas gang / /de bzhin gshegs pa'i lha mig rnam dag dri ma med pa yis/ /sems can kun gyi lus phra shin du gnas pa rnams kyang gzigs/ /gang yang phang lo tsam la sems can khams phra rgyal bas gzigs/ /de ni ches mang stong
150a5 gsum lha mi skye dgu de lta min/ /'gro ba yangs pa dag na sems can khams 'khor mtha' yas pa/ /rab tu shes kyang thams cad gzigs la sems can 'du shes med/ /de bzhin gshegs pas 'dul ba'i sems can dbang po rno ba gang / /de yi mdun na 'jig rten mgon
150a6 po chos mchog gsung yang ni/ /sems can tshogs gzhan gang gis kyang ni de bzhin gshegs mi mthong / /'di ni 'dren pa'i lha yi mig gi stobs kyi phrin las yin/ /rigs kyi bu gzhan yang de bzhin gshegs pa zag pa thams cad zad pas bdag skye ba ni zad/
150a7 tshangs par spyod pa ni bsten/ bya ba ni byas te/ 'di las srid pa gzhan mi shes so zhes zag pa med pa/ sems rnam par grol ba/ rang gi mngon par shes pas mngon sum du byas nas rdzogs par byas te gnas so/ /de la de bzhin gshegs pa'i zag pa zad pa mkhyen pa
150a8 de ni dag pa/ dri ma med pa/ yongs su dag pa/ 'od gsal ba/ bag chags kyis mtshams sbyor ba thams cad legs par bcom pa'o/ /nyan thos rnams kyi zag pa zad pa ni tshad yod pa'i bag chags legs par bcom pa'o/ /rang sangs rgyas rnams kyi zag pa zad pa ni tshad yod pa/
150b1 snying rje chen po dang bral ba/ spobs pa dang bral ba'o/ /de bzhin gshegs pa'i zag pa zad pa ni rnam pa thams cad kyi mchog dang ldan pa dang / bag chags kyis mtshams sbyor ba thams cad legs par bcom pa/ snying rje chen pos kun du bzung ba/ mi 'jigs pa dang
150b2 spobs pa dang ma bral ba/ 'jig rten thams cad kyi zil gyis mi non pa ste/ sems kyi skad cig gcig dang ldan pa'o/ /de ci'i phyir zhe na/ de bzhin gshegs pa la las kyi bag chags med/ nyon mongs pa'i bag chags med/ spyod lam 'khrul pa'i bag chags med do/ /'di lta ste/
150b3 dper na nam mkha' rang bzhin gyis yongs su dag pas rdul dang du ba dang ldan cig mi gnas pa de bzhin du/ de bzhin gshegs pa'i zag pa zad pa mkhyen pa de yang las dang nyon mongs pa'i bag chags thams cad dang lhan cig mi gnas so/ /de zag pa zad pa mkhyen
150b4 pa de 'di lta bu la rab tu gnas ma thag tu zag pa dang bcas pa len pa dang bcas pa'i sems can rnams la zag pa zad par bya ba dang / len pa spang ba'i phyir chos ston to/ /kye ma sems can yang dag pa ma yin pa kun du rtog pa las kun du byung ba dag khyed zag pa dang
150b5 len pa de dag la yang dag pa ji lta ba bzhin du so sor rtogs shig ces de dag la de bzhin gshegs pas ci nas kyang zag pa rnams yang dag pa ma yin par yang dag pa ji lta ba bzhin rab tu shes par 'gyur ba dang / rab tu shes nas kyang chos gang yang mi len te/ de dag mi
150b6 len pas yongs su mya ngan las 'da' bar 'gyur ba de lta de ltar dpe nye bar bkod pa'i dpe rnams kyis chos ston te/ da rigs kyi bu 'di ni de bzhin gshegs pa'i de bzhin gshegs pa'i phrin las bcu pa'o/ /de la 'di skad ces bya'o/ /'dren pa'i zag pa zad pa mkhyen pa ni/ /
150b7 shin du rgya che ma bsgribs tshad med ldan/ /stobs bcu stobs ni de yis byang chub mchog /zhi ba 'di ni rtogs shing rab tu phye/ /nyan thos rnams kyi zag zad shes pa ni/ /bag chags ma bcom tshad dang ldan pa yin/ /mi yi mchog gi rab mchog 'dren pa yi/ /bag chags bcom
150b8 zhing tshad dang ldan ma yin/ /de bzhin gang dag rang rgyal byang chub reg /de la snying rje che dang spobs pa med/ /zag pa dag ni yongs su zad gyur nas/ /snying rje che dang spobs pa tshad kyang med/ /sangs rgyas zag zad mkhyen la gnas nas ni/ /'gro ba'i
151a1 zag pa yang dag ma yin mkhyen/ /rigs pa'i gnas kyi tshul 'di ma shes pas/ /sems can 'di dag thams cad log par sbyor/ /de la rgyal bas snying rje mi zad bskyed/ /mi rtag stong pa bdag med chos kyang ston/ /chos 'di dngos med
151a2 sgyu ma lta bur ni/ /rtogs la zhi mchog yang dag thob par gyis/ /'di ni srog dang gang zag shed skyes dang / /shed bu de bzhin byed pa po med kyang / /sems can 'di kun log par zhen pas na/ /snying rje bskyed pa ston pa thar pa 'chad/ /bde bar gshegs
151a3 la yongs su skyo med cing / /yang dag shes la nam yang nyes pa med/ /des ni rgyal ba rtag tu rnal 'byor brtson/ /'gro la phan phyir chos kyang rab tu ston/ /'di ni pha rol rgol ba rab 'dul ba/ /stobs bcu ldan gyi rgyal dang mthun pa'i las/ /stobs
151a4 bcu mnga' ba stobs der gnas nas ni/ /mtshungs med 'khor lo dam pa rab tu skor// // bam po lnga pa/ rigs kyi bu gzhan yang de bzhin gshegs pa ni de bzhin gshegs pa'i mi 'jigs pa bzhi po dag la rab tu gnas te/ phrin las
151a5 mdzad cing yang dag par rdzogs pa'i sangs rgyas so zhes bdag nyid zhal gyis 'che ba de la lha dang bcas pa'i 'jig rten gang gis kyang khyod kyis chos 'di dag mngon par rdzogs par sangs ma rgyas so zhes chos dang 'thun pas de bzhin gshegs
151a6 pa la rgol mi nus so/ /ci'i phyir de bzhin gshegs pa yang dag par rdzogs pa'i sangs rgyas shes bya zhe na de bzhin gshegs pas chos thams cad mi mnyam pa med par yang dag par mngon par rdzogs par sangs rgyas te/ so so'i skye bo'i chos
151a7 rnams gang yin pa dang / slob pa'i chos rnams gang yin pa dang / mi slob pa'i chos rnams gang yin pa dang / rang sangs rgyas kyi chos rnams gang yin pa dang / byang chub sems dpa'i chos rnams gang yin pa dang / sangs rgyas kyis chos rnams
151a8 gang yin pa de dag thams cad de bzhin gshegs pas mnyam pa nyid du yang dag par mngon par rdzogs par sangs rgyas so/ /'jig rten pa dang / 'jig rten las 'das pa dang / kha na ma tho ba dang bcas pa dang / kha na ma tho ba med pa dang / zag pa dang bcas
151b1 pa dang / zag pa med pa dang / 'dus byas dang 'dus ma byas kyi chos gang yin pa de dag thams cad kyang de bzhin gshegs pas mnyam pa nyid du yang dag par mngon par rdzogs par sangs rgyas so/ /de la mnyam pa nyid gang zhe na/ lta ba'i ngo bo nyid kyis stong pa nyid du mnyam pa nyid do/ /
151b2 mtshan ma'i ngo bo nyid kyis mtshan ma med par mnyam pa nyid do/ /khams gsum pa'i ngo bo nyid kyis smon pa med par mnyam pa nyid do/ /skye ba'i ngo bo nyid kyis mi skye bar mnyam pa nyid do/ /mngon par 'du byed pa'i ngo bo nyid kyis mngon par 'du byed pa med par
151b3 mnyam pa nyid do/ /'byung ba'i ngo bo nyid kyis 'byung ba med par mnyam pa nyid do/ /kun gzhi'i ngo bo nyid kyis kun gzhi med par mnyam pa nyid do/ /dus gsum gyis ngo bo nyid kyis ji lta ba bzhin du mnyam pa nyid do/ /ma rig pa dang / srid pa dang / sred pa'i ngo bo
151b4 nyid kyis rig pa dang rnam par grol bar mnyam pa nyid do/ /'khor ba'i ngo bo nyid kyis mya ngan las 'das par mnyam pa nyid de/ de ltar de bzhin gshegs pas chos thams cad mnyam pa nyid du mngon par rdzogs par sangs rgyas pas de'i phyir yang dag par rdzogs pa'i
151b5 sangs rgyas shes bya'o de bzhin gshegs pas ji ltar chos de dag mngon par rdzogs par sangs rgyas pa de bzhin du thugs rje chen po la gnas te bstan pa sna tshogs dang / rnam grangs sna tshogs dang / rkyen sna tshogs rnams kyis sems can gzhan dag dang gang zag
151b6 gzhan rnams la yang dag par rab tu ston te/ de'i chos de yang de byed pa'i sdug bsngal yang dag par zad par bya ba'i phyir nges par 'byung ngo / /gang dag ston pa ma yin par ston pa'o zhes khas 'che ba dang / yang dag par rdzogs pa'i sangs rgyas ma yin par
151b7 yang dag par rdzogs pa'i sangs rgyas so zhes khas 'che ba de dag de bzhin gshegs pa'i mi 'jigs pa 'dis zil gyis non par 'gyur zhing med par yang 'gro bar 'gyur te/ 'di ni de bzhin gshegs pa'i de bzhin gshegs pa'i phrin las bcu gcig pa'o/ /
151b8 de la 'di skad ces bya'o/ /rang byang gis ni chos rnams kun/ /mnyam pa nyid du rjes rtogs pas/ /des na yang dag rdzogs sangs rgyas/ /de bzhin gshegs pas mnyam par gzigs/ /so so'i skye bo'i chos rnams dang / /slob dang mi slob chos
152a1 rnams dang / /rang rgyal chos rnams gang yin pa/ /de dag sangs rgyas chos dang mnyam/ /'jig rten pa dang de bzhin du/ /'jig rten las ni 'das pa dang / /dge dang mi dge gang yin pa/ /mya ngan 'das dang mtshungs shing 'dra/ /stong pa mtshan ma med
152a2 pa dang / /smon pa rnam par spangs pa dang / /skye med mngon par 'du mi byed/ /thams cad mnyam pa nyid du gzigs/ /de dag rtogs nas thugs rje yis/ /sems can rnams la rab ston to/ /des na sems can rnam par 'grol 'di ni thub pa'i las kyi mchog /
152a3 rigs kyi bu gzhan yang de bzhin gshegs pas nga zag pa zad do zhes bdag nyid zhal gyis che ba de la lha dang bcas pa'i 'jig rten gang gis kyang khyod zag pa 'di dag ma zad do zhes chos dang 'thun pas de bzhin gshegs pa la rgol mi nus so/ /de la de bzhin gshegs
152a4 pa'i zag pa zad pa ni 'di yin te/ 'dod pa'i zag pa rnams las de bzhin gshegs pa'i sems rnam par grol bas 'dod chags la spyod pa'i bag chags thams cad legs par bcom mo/ /srid pa'i zag pa rnams las de bzhin gshegs pa'i sems
152a5 rnam par grol bas zhe sdang la spyod pa'i bag chags thams cad legs par bcom mo/ /ma rig pa'i zag pa rnams las de bzhin gshegs pa'i sems rnam par grol bas gti mug la spyod pa'i bag chags thams cad legs par bcom mo/ /lta ba'i zag
152a6 pa rnams las de bzhin gshegs pa'i sems rnam par grol bas nyon mongs pa la spyod pa'i bag chags thams cad legs par bcom ste/ de'i phyir 'jig rten gyi kun rdzob nye bar bzung nas de bzhin gshegs pa zag pa zad pa zhes bya'o/ /don dam par ni
152a7 'phags pa'i shes rab dang ye shes kyi mdun na gang yongasu shes par bya ba 'am spang bar bya ba 'am sgom par bya ba 'am mngon sum du bya bar 'gyur ba'i chos gang yang mi gnas so de ci'i phyir zhe na gang zad pa zhes bya ba de ni nam du yang mi zad pa yin no de ni shin du zad pa nyid
152a8 yin gyi gnyen pos zad pa zhes ni mi bya ste de ni ji lta ba bzhin du zad pa'o ji lta ba bzhin du zad pa gang yin pa de la zad pa gang yang med do gang la zad pa gang yang med pa de 'dus ma byas pa'o 'dus ma byas pa gang yin pa de la skye ba med 'jig pa med/ gnas pa med de/
152b1 de'i phyir de bzhin gshegs pa rnams byung yang rung / ma byung yang rung ste/ chos nyid dang / chos kyi dbyings de ni gnas pa nyid do/ /chos kyi dbyings de ji ltar gnas pa de bzhin du de la ye shes zhugs te/ ji ltar 'jug pa med pa dang / ldog pa med pa de ltar
152b2 zhugs so/ /de lta bu'i chos kyi tshul gyis zag pa dang / zag pa spong ba mi dmigs te/ de bzhin gshegs pa ni thugs rje chen po la gnas nas sems can rnams kyi zag pa spang ba'i phyir sems can rnams la chos ston te/ 'di ni de bzhin gshegs pa'i de bzhin
152b3 gshegs pa'i phrin las bcu gnyis pa'o/ /de la 'di skad ces bya'o/ /rgyal bas 'dod pa'i zag pa spangs pas na/ 'dod chags bag chags phyis ni yod ma yin/ /mi dbang srid pa kun las rnam grol bas/ /de yi nyes pa ma lus yang dag 'chad/ /bde gshegs
152b4 rig pa kun la gnas pas na/ /de yi gti mug lhag ma ma lus bral/ /mi yi seng ge lta ba kun dang bral/ /des ni nyon mongs spyod pa'i bag chags med/ /kun gyis zag pa zad pa 'thob 'gyur bar/ /rgyal ba kun rdzob tu ni chos ston to/ /gang zhig 'phel ba dang ni zad
152b5 'gyur ba/ /chos de dam pa'i don du yod ma yin/ /zad pa gnyen pos zad pa ma yin te/ /sngon nas zad pas de phyir zad ces bstan/ /zad pa gang yin de ni 'dus ma byas/ /de la mtshan nyid gsum ni yod ma yin/ /dbyings de gnas pa yin te 'gyur ba med/
152b6 dbang gi pha rol son pas chos rnams mkhyen/ /de dag shes nas de bzhin chos ston te/ /'di ni rgyal ba'i phrin las bcu gnyis pa/ /rigs kyi bu gzhan yang de bzhin gshegs pas bar du gcod pa'i chos rnams mtshungs par bar du gcod par yang dag pa
152b7 ji lta ba bzhin du rab tu mkhyen pa de la lha dang bcas pa'i 'jig rten gang gis kyang chos 'di dag bar du gcod par mi 'gyur ro zhes chos dang 'thun pas de bzhin gshegs pa la rgol mi nus so/ /de la bar du gcod pa'i chos rnams gang zhe na/ bar du gcod
152b8 par 'gyur ba'i chos gcig ste/ gcig gang zhe na/ 'di lta ste/ dang ba med pa'i sems so/ /bar du gcod pa'i chos gnyis te/ gnyis gang zhe na/ 'di lta ste/ ngo tsha mi shes pa dang / khrel med pa'o/ /bar du gcod par 'gyur ba'i chos gsum ste/
153a1 gsum gang zhe na/ 'di lta ste/ lus kyis nyes par spyad pa dang / ngag gis nyes par spyad pa dang / yid kyis nyes par spyad pa ste/ gsum po 'di dag go/ /bar du gcod par 'gyur ba'i chos bzhi ste/ bzhi gang zhe na/ 'di lta ste/ 'gro ba ma yin par
153a2 'gro ba bzhi ste/ 'dun pas 'gro ba ma yin par 'gro ba dang / zhe sdang gis 'gro ba ma yin par 'gro ba dang / gti mug gis 'gro ba ma yin par 'gro ba dang / 'jigs pas 'gro ba ma yin par 'gro ba ste/ bzhi po 'di dag go/ /bar du gcod par 'gyur ba'i chos lnga
153a3 ste/ lnga gang zhe na/ 'di lta ste/ srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang / chang 'thung ba ste/ lnga po 'di dag go/ /bar du gcod par 'gyur ba'i chos drug ste/ drug gang zhe na/ 'di lta ste/ sangs rgyas
153a4 la ma gus pa yin/ chos la ma gus pa yin/ dge 'dun la ma gus pa yin/ bslab pa la ma gus pa yin/ ting nge 'dzin la ma gus pa yin/ gding ba la ma gus pa yin te/ drug po 'di dag go/ /bar du gcod par 'gyur ba'i chos bdun te/ bdun gang
153a5 zhe na/ 'di lta ste/ nga rgyal dang / che ba'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / mngon pa'i nga rgyal dang / chung zad snyam pa'i nga rgyal dang / log pa'i nga rgyal te/ bdun po 'di dag go/ /bar du gcod par 'gyur ba'i chos
153a6 brgyad de/ brgyad gang zhe na/ 'di lta ste/ log pa'i lta ba dang log pa'i rtog pa dang / log pa'i ngag dang log pa'i las kyi mtha' dang / log pa'i 'tsho ba dang / log pa'i rtsog ba dang / log pa'i dran pa dang / log pa'i ting nge 'dzin te brgyad po 'di dag go bar du gcod par 'gyur ba'i
153a7 chos dgu ste/ dgu gang zhe na/ 'di lta ste/ bdag la gnod pa byas so byed do byed par 'gyur ro zhes kun nas mnar sems kyi sems skyed pa dang / bdag gi mdza' bo gang yin pa de la gnod pa byas so/ /byed do/ /byed par 'gyur ro zhes kun nas mnar
153a8 sems kyi sems skyed pa dang / bdag dang mi mdza' ba gang yin pa de'i don byas so/ /byed do/ /byed par 'gyur ro zhes kun nas mnar sems kyi sems skyed pa ste/ dgu po 'di dag go/ /bar du gcod par 'gyur ba'i chos bcu ste/ bcu gang zhe na/ 'di lta ste/
153b1 mi dge ba bcu'i las kyi lam rnams yin no/ /bcu gang zhe na/ 'di lta ste/ srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang / phra ma dang / ngag rtsub po dang / tshig kyal pa dang / brnab sems dang /
153b2 gnod sems dang / log par lta ba ste/ tshul bzhin ma yin pa yid la byed pa dang ldan pa'i kun du sbyor bar 'gyur ba'i chos rnams ro myang ba la rjes su lta zhing gnas pa dang / phyin ci log dang ldan pa dang / sgrib pas kun nas dkris pa dang / srid pa dang lta ba
153b3 la mngon par zhen pa'i zang zing dang bcas pa dang / phung po dang bcas pa'i lus kyi las dang / ngag gi las dang yid kyi las ji snyed pa de dag thams cad bar du gcod pa'i chos su de bzhin gshegs pas mkhyen cing bar du gcod par 'gyur ro zhes de bzhin
153b4 gshegs pa de bzhin du yang dag pa ji lta ba bzhin du ston te/ 'di dag ni bar du gcod par 'gyur ba'i chos rnams so/ /bar du gcod par 'gyur ba'i chos de dag zhi bar bya ba dang / nye bar zhi bar bya ba dang / spang bar bya ba'i phyir/ de bzhin gshegs pas chos
153b5 ston te/ 'di ni de bzhin gshegs pa'i de bzhin gshegs pa'i phrin las bcu gsum pa'o/ /de la 'di skad ces bya'o/ /rgyal ba yis ni chos gang rjes rtogs pa/ /de dag bsten na rnam par grol mi 'thob/ /gang la dad pa spang ba yod pa dang / /gang la ngo tsha
153b6 khrel ltas chung zad med/ /de bzhin lus dang ngag dang sems sdom pa/ /gang dag la ni nam yang med pa dang / /'dun pa dang ni zhe sdang gti mug nas/ /srog gcod gzhan gyi longs spyod 'jig pa'i bdag /gzhan gyi chung ma brdzun smra de bzhin chang / /ma gus drug
153b7 po dag dang nga rgyal bdun/ /log pa brgyad ni gang yin de dag kyang / /thams cad rnam par grol ba'i lam gyi bgegs/ /kun nas mnar sems dngos po dgur gsungs dang / /mi dge bcu po'i las kyi lam rnams dang / /gang yang tshul bzhin mi ldan de dag la/
153b8 mngon par shes dang thar pa nam yang med/ /de dag phyin ci log dang ldan pa dang / /mthar zhen yang dag ma yin chags rig nas/ /chos rnams 'di dag rnam par spang ba'i phyir/ /rgyal ba dbang po byams pas 'chad pa mdzad/ /rigs kyi bu gzhan yang de bzhin gshegs
154a1 pas 'phags pa'i nges par 'byung ba'i lam ni de byed pa'i sdug bsngal yang dag par zad par 'gyur ba'i 'phags pa'i nges par 'byung ba'i lam du yang dag pa ji lta ba bzhin du rab tu mkhyen te de la bsten na sems can rnams nges par 'byung ba de la lha dang bcas
154a2 pa'i 'jig rten gang gis kyang 'di nges par 'byung ba'i lam ma yin no zhes chos dang mthun pas de bzhin gshegs pa la rgol mi nus so/ /nges par 'byung ba'i lam gang zhe na/ 'di lta ste/ sems can rnams rnam par dag par 'gyur ba'i bgrod pa gcig pu'i lam mo/ /
154a3 nges par 'byung ba'i lam gyi chos gnyis te/ gnyis gang zhe na/ 'di lta ste/ zhi gnas dang / lhag mthong ngo / /nges par 'byung ba'i lam gyi chos gsum ste/ gsum gang zhe na/ 'di lta ste/ stong pa nyid dang / mtshan ma med pa dang / smon pa med pa ste/ gsum po 'di dag
154a4 go/ /nges par 'byung ba'i lam gyi chos bzhi ste/ bzhi gang zhe na/ 'di lta ste/ lus su gtogs pa'i dran pa dang / tshor bar gtogs pa dang / sems su gtogs pa dang / chos su gtogs pa'i dran pa ste/ de la nang gi lus la lus kyi rjes su lta ba'i dran pa nye bar gzhag
154a5 pa dang / phyi'i lus la lus kyi rjes su lta ba'i dran pa nye bar gzhag pa dang / nang dang phyi'i lus la lus kyi rjes su lta ba'i dran pa nye bar gzhag pa dang / nang gi tshor ba dang / phyi'i tshor ba dang / nang dang phyi'i tshor ba la tshor ba'i rjes su lta ba'i dran pa nye bar gzhag pa dang /
154a6 nang gi sems dang / phyi'i sems dang / nang dang phyi'i sems la sems kyi rjes su lta ba'i dran pa nye bar gzhags pa dang / nang gi chos dang / phyi'i chos dang / nang dang phyi'i chos rnams la chos kyi rjes su lta ba'i dran pa nye bar gzhag pa ste/ bzhi po 'di dag go/ /nges par 'byung
154a7 ba'i lam gyi chos lnga ste/ lnga gang zhe na/ 'di lta ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ lnga po 'di dag go/ /nges par 'byung ba'i lam gyi chos drug ste/ drug gang zhe na/
154a8 'di lta ste/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / gtong ba rjes su dran pa dang / tshul khrims rjes su dran pa dang / lha rjes su dran pa ste/ drug po 'di dag go/ /nges par 'byung ba'i lam gyis chos bdun ste/
154b1 bdun gang zhe na/ 'di lta ste/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin du sbyangs pa yang dag
154b2 byang chub kyi yan lag dang / ting nge 'dzin yang dag byang chub kyi yan lag dang / gtang snyoms yang dag byang chub kyi yan lag ste/ bdun po 'di dag go/ /nges par 'byung ba'i lam gyi chos brgyad de/ brgyad gang zhe na/ 'di lta ste/ yang dag pa'i lta ba dang / yang dag
154b3 pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ brgyad po 'di dag go/ /nges par
154b4 'byung ba'i lam gyi chos dgu ste/ dgu gang zhe na/ 'di lta ste/ bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa dang / nam mkha' mtha' yas skye mched kyi snyoms par 'jug pa dang / rnam shes mtha'
154b5 yas skye mched kyi snyoms par 'jug pa dang / ci yang med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa dang / 'du shes dang tshor ba 'gog pa'i snyoms par 'jug pa ste/ dgu po 'di dag go/ /
154b6 nges par 'byung ba'i lam gyi chos bcu ste/ bcu gang zhe na/ 'di lta ste/ dge ba bcu'i las kyi lam rnams so/ /de dag kyang gang zhe na/ 'di lta ste/ srog gcod pa spong ba dang / ma byin par len pa spong ba dang /
154b7 'dod pa la log par g.yem pa spong ba dang / brdzun du smra ba spong ba dang / phra ma spong ba dang / ngag rtsub po spong ba dang / tshig kyal pa spong ba dang / brnab sems spong ba dang / gnod sems spong ba dang / log par lta ba spong ba ste/ nges par 'byang ba'i lam gyi
154b8 chos bcu po 'di dag go/ /de ltar ji tsam byang chub kyi phyogs kyi chos dge ba tshul khrims kyi phung po dang ldan pa 'am/ ting nge 'dzin gyi phung po dang ldan pa 'am/ shes rab kyi phung po dang ldan pa 'am/ rnam par grol ba'i phung po dang ldan pa 'am/ rnam par
155a1 grol ba'i ye shes mthong ba'i phung po dang ldan pa 'am/ 'phags pa'i bden pa dang ldan pa de yang nges par 'byung ba'i lam zhes bya'o/ /gzhan yang nges par 'byung ba'i lam zhes bya ba ni gang yang yang dag par sgrub pa'o/ /yang dag par sgrub pa gang yin
155a2 pa de la ni sogs pa 'am/ mi sogs pa 'am/ blang ba 'am/ dor ba 'am/ gzung ba 'am/ spong ba'i chos gang yang med do/ /de ci'i phyir zhe na/ yang dag par zhugs pa ni gnyis la blo mi 'jug ste/ chos thams cad gnyis su med par yang dag pa ji lta ba
155a3 bzhin du ye shes kyis mthong ba ni nges par 'byung ba'i lam ste/ de bzhin gshegs pa nges par 'byung ba'i lam de sems can rnams la yang dag par ston to/ /de la sten na/ de byed pa'i sdug bsngal yang dag par zad par 'gyur ba'i phyir sems can
155a4 rnams nges par 'byung ste/ 'di ni de bzhin gshegs pa'i de bzhin gshegs pa'i phrin las bcu bzhi pa'o/ /de la 'di skad ces bya'o/ /gang sbyangs bde ba tshad med 'gyur ba dang / gang bsten pas na mis ni zhi rig pa/ /thams cad rgyal bas
155a5 mkhyen te rang thos shing / /mkhyen nas 'chi med 'gro ba'i chos ston to/ /rgyal bas bsngags pa dge ba byang chub phyogs/ /dge chos mang po ji snyed yod pa dag /blo gros can gyis bsten na mi 'grol ba'i gnas med ces ni bde bar gshegs pas
155a6 bshad/ /yang dag chos la mkhas dang yang dag ldan/ /tshul bzhin gyis ni nyon mongs rgya chen zhi/ /chos min ma zhen chos la 'ang ma yin pa/ /de ni rnam grol nad med zhi la reg /rten la mkhas pa gang zhig chos rnams la/ /gsob gsog ya ma rla
155a7 dang mkha' 'dra dang / /sgyu ma'i gzugs mtshungs rmi lam 'drar rtog pa/ /de ni srid pa'i mtsho las thar bar 'gyur/ /'di ni drang srong rgyal po thub pa'i las/ /snying rje bskyed nas skye bo myos pa dang / /gang phyir srid pa'i 'khor lo las 'grol ba/ /de phyir
155a8 de dag 'dre ba med pa yin/ /rigs kyi bu gzhan yang gang gi phyir de'i lus 'khrul bas byis pa 'am/ mkhas pas kyang rung ste/ chos dang 'thun pas rgol bar 'gyur ba'i 'khrul pa de bzhin gshegs pa la med do/ /de ci'i phyir zhe na/ sangs rgyas
155b1 bcom ldan 'das rnams ni sku'i phrin las 'khrul pa med pa dang ldan pa ste/ kun du gzigs pa dang / rnam par gzigs pa dang / bskum pa dang / smyang ba dang / chos gos snam sbyar dang / thang ba dang / lhung bzed dang / chos gos
155b2 thogs pas spyod lam mdzes pa bzhud pa dang / byon pa dang / 'chag pa dang / bzhengs pa dang / bzhugs pa dang / gzims pa dang / grong dang / grong khyer dang / grong rdal du 'jug pa dang 'byung ba na zhabs kyi mthil sa la mi reg ste/ 'khor lo rtsibs
155b3 stong pa sa las 'byung zhing dri yid du 'ong ba'i pad ma mngon par 'byung ste/ de la de bzhin gshegs pa'i zhabs 'jog go/ /de la gang dud 'gro'i skye gnas su song ba'i sems can gang dag de bzhin gshegs pa'i zhabs la reg pa de dag zhag
155b4 bdun rab tu bde ba dang ldan par 'gyur ro/ /shi 'phos na yang bde 'gro mtho ris kyi 'jig rten du skye bar 'gyur ro/ /de bzhin gshegs pa'i sku la chos gos sor bzhi tsam gyis mi reg mod kyi/ rnam par 'thor rlung gi rlung gis kyang bzlog par
155b5 mi nus so/ /sku'i 'od kyis mnar med pa'i bar gyi sems can bde bar byed de/ de'i phyir de bzhin gshegs pa'i sku la 'khrul pa med ces bya'o/ /rigs kyi bu yang gang gi phyir de'i gsung gi 'khrul pas byis pa 'am/ mkhas pas
155b6 kyang rung ste/ chos dang mthun pas rgol bar 'gyur ba'i gsung gi 'khrul pa de bzhin gshegs pa la med do/ /de ci'i phyir zhe na/ rigs kyi bu de bzhin gshegs pa ni dus su gsung ba/ tshigs su gsung ba/ yang dag par gsung ba/
155b7 bden par gsung ba/ ji skad gsungs pa de bzhin du mdzad pa'o/ /shin du nges pa'i tshig dang ldan pa'o/ /sems can thams cad tshim par byed pa'i tshig dang ldan pa'o/ /mi zlos pa'i tshig dang ldan pa'o/ /don dang tshig 'brus brgyan pa'i tshig
155b8 dang ldan pa'o/ /skad cig brjod pas sems can thams cad kyi bsam pa tshim par byed pa ste/ de'i phyir de bzhin gshegs pa'i gsung 'khrul pa med ces bya'o/ /rigs kyi bu yang gang gi phyir de'i thugs 'khrul pas byis pa 'am/ mkhas pas kyang
156a1 rung ste/ chos dang 'thun pas rtsod par 'gyur ba'i sems kyi 'khrul pa de bzhin gshegs pa la med do/ /de ci'i phyir zhe na/ 'di ltar de bzhin gshegs pa ni mnyam par gzhag pa'i gnas mi 'dor zhing sangs rgyas kyi mdzad pa thams cad
156a2 mdzad kyang sems der mi gtong zhing chos thams cad la chags pa med pa'i ye shes kyi mthong ba 'jug ste/ de'i phyir de bzhin gshegs pa'i sems 'khrul pa med ces bya'o/ /ji ltar de'i sems 'khrul pa med pa de bzhin du 'khrul pa thams cad sel ba'i
156a3 phyir sems can rnams la chos ston te/ 'di ni de bzhin gshegs pa'i de bzhin gshegs pa'i phrin las bcwa lnga pa'o/ /de la 'di skad ces bya'o/ /sku dang gsung dang thugs kyi 'khrul pa dag /rnam par 'dren la cung zad yod ma yin/ /'jig rten mgon
156a4 po kha na ma tho med/ /'khrul med 'gro la phan byed kun nas gzigs/ /ji ltar rgyal ba cung zad 'khrul med pa de ltar chos mchog zhi ba 'gro la ston/ /'khrul pa 'di dag thams cad rnam spongs pa/ /'di ni rgyal ba'i phrin las bcwa lnga pa/ /rigs kyi bu
156a5 gzhan yang de'i ca co gang las bdud dam/ bdud kyi ris kyi lha 'am/ gzhan mu stegs can dag gis glags rnyed par 'gyur ba'i ca co de bzhin gshegs pa la med do/ /de ci'i phyir zhe na/ de bzhin gshegs pa la ca co 'am rjes su ca co med do/ /de ci'i phyir
156a6 zhe na/ de bzhin gshegs pa ni rjes su chags pa dang / khong khro ba dang bral ba ste/ sems can thams cad kyis bkur sti byas kyang mtho bar mi sems/ sems can thams cad kyis bkur sti ma byas kyang sro shi bar mi 'gyur ro/ /gang gi phyir de 'gyod pas
156a7 rjes su ca co 'byung bar 'gyur ba bya dka' ba'i bya ba 'am/ mthar ma phyin pa cung zad kyang de bzhin gshegs pa la med do/ /de bzhin gshegs pa ni 'jig rten gang dang yang rtsod pa ma yin te/ de'i phyir de bzhin gshegs pa la ca co med do/ /de bzhin
156a8 gshegs pa ni nyon mongs pa med pa la gnas pa ste/ nga'i ba med pa yongs su 'dzin pa med pa/ len pa med pa/ mdud pa thams cad dang bral ba ste/ de'i phyir de bzhin gshegs pa la ca co med do/ /ji ltar de la ca co med pa de bzhin du sems can thams
156b1 cad kyis ca co thams cad spang ba'i phyir chos ston te/ 'di ni de bzhin gshegs pa'i de bzhin gshegs pa'i phrin las bcu drug pa'o/ /de la 'di skad ces bya'o/ /bsngags pa thos kyang mtho bar sems pa med/ /mi bsngags thos kyang sro shir mi 'gyur te/ /
156b2 rjes su 'chags dang khong khror 'gyur ba med/ /sngon spyod legs par spyad pa smad pa min/ /rgyal bas nyon mongs med pa rtag tu bsgoms/ /de la nga yi med cing 'dzin mdud med/ /ji ltar gnas pa de ltar chos ston te/ /'di ni bden pa mthong ba'i lam gyi mchog /
156b3 rigs kyi bu gzhan yang bsnyel ba gang gis chos gang la yang rmongs par 'gyur ba'i bsnyel ba de bzhin gshegs pa la med do de ci'i phyir zhe na de bzhin gshegs pa ni gsam gtan dang rnam par thar pa dang ting nge 'dzin dang / snyoms par 'jug pa thams cad la bsnyel ba
156b4 med do de bzhin gshegs pa ni sems can thams cad kyi sems kyi spyod pa dang / g.yo ba la rnam par lta zhing so so ci rigs par chos ston pa la bsnyel ba med do/ /de bzhin gshegs pa ni don dang / chos dang / nges pa'i tshig dang / spobs pa so so yang dag par rig
156b5 pa rnams la bsnyel ba med do/ /de bzhin gshegs pa ni 'das pa dang / ma 'ongs pa dang / da ltar byung ba la chags pa med pa'i ye shes mthong ba la bsnyel ba med do/ /de bzhin gshegs pa ji ltar bdag bsnyel ba med pa de ltar sems can thams cad brjed par
156b6 mi 'gyur bar chos ston te/ 'di ni de bzhin gshegs pa'i de bzhin gshegs pa'i phrin las bcu bdun pa'o/ /de la 'di skad ces bya'o/ /chos dang ye shes rnam thar spyod yul la/ /rnam par 'dren pa bsnyel ba med pa ste/ /bsam pa ji bzhin chos rnams
156b7 bstan pa'i phyir/ /sems can bsam pa rnams la spyod mtha' yas/ /so so yang dag rig la bsnyel ba med/ /dus gsum la ni ye shes bsgribs pa med/ /ji ltar mi bsnyel de ltar chos ston te/ /'di ni skyes mchog rnams kyi phrin las yin/ /
156b8 rigs kyi bu gzhan yang de bzhin gshegs pa la sems mnyam par ma gzhag pa med do/ /de bzhin gshegs pa ni 'chag gam/ bzhengs sam/ bzhugs sam/ gzims sam/ bshos gsol lam/ gsung ngam/ cang mi gsung yang rung ste/
157a1 rtag tu mnyam par bzhag pa/ ting nge 'dzin zab mo'i mchog thob pa/ sgrib pa med pa'i bsam gtan la bsam gtan byed pa ste/ de bzhin gshegs pa'i byin gyis brlabs ma gtobs par sems can gyis ris na sems can gang mnyam par bzhag
157a2 kyang rung mnyam par ma gzhag kyang rung ste su yang de bzhin gshegs pa'i sems la lta bar nus pa med do/ /de bzhin gshegs pa ji ltar rtag tu mnyam par gzhag pa de ltar de bzhin gshegs pa sems can rnams ting nge 'dzin las mi g.yeng bar bya ba'i phyir chos ston te/ 'di ni de bzhin
157a3 gshegs pa'i de bzhin gshegs pa'i phrin las bcwa brgyad pa'o/ /de la 'di skad ces bya'o/ /bzhengs sam bzhugs sam gzims sam 'chag pa rnamasu yang / /sangs rgyas sems ni mnyam par ma bzhag nam yang med/ /mi gsung bzhugs dang gsung ba dang
157a4 bshos gsol dang / /rgyal ba mnyam par bzhag la g.yeng ba mi dmigs so/ /gang zhig bde gshegs mnyam par bzhag pa'i sems shes pa/ /gang zag de ni phyogs bcu dag na 'ang yod ma yin/ /de ni ji ltar mnyam bzhag de ltar 'gro ba la/ /rtag tu chos
157a5 rnams ston te 'di ni rgyal ba'i las/ /rigs kyi bu gzhan yang tha dad pa'i 'du shes gang gis sems mi mnyam par gnas par 'gyur ba'i tha dad pa'i 'du shes de bzhin gshegs pa la med do/ /de ci'i phyir zhe na/ nam mkha' bzhin du zhing mi zad pa'i phyir de bzhin
157a6 gshegs pa zhing rnams la tha dad pa'i 'du shes med do/ /rang bzhin gyis bdag med pa'i phyir de bzhin gshegs pa sems can rnams la tha dad pa'i 'du shes med do/ /chos kyi dbyings 'dres pa med cing mnyam pa nyid du shes pa'i phyir de bzhin gshegs
157a7 pa sangs rgyas kyi zhing rnams la tha dad pa'i 'du shes med do/ /'dod chags dang bral ba'i chos nyid kyi phyir de bzhin gshegs pa chos rnams la tha dad pa'i 'du shes med do/ /de bzhin gshegs pa ni tshul khrims dang ldan pa rnams la yang rjes su
157a8 chags pa med/ tshul khrims 'chal pa rnams la yang khong khro ba med/ phan btags pa rnams la yang lan du phan 'dogs pa med/ gnod pa byas pa rnams la yang lan du gnod pa byed pa med/ 'dul bar 'os pa rnams la yang mnyam pa nyid du ma yin/
157b1 log par nges pa rnams la yang smod pa ma yin gyi/ de bzhin gshegs pa ni chos thams cad la mnyam pa nyid du gnas pa ste/ de'i phyir de bzhin gshegs pa la tha dad pa'i 'du shes med ces bya'o/ /ji ltar de bzhin gshegs pa la tha dad pa'i 'du shes
157b2 med pa de ltar sems can thams cad kyi tha dad pa'i 'du shes spang ba'i phyir chos ston te/ 'di ni de bzhin gshegs pa'i de bzhin gshegs pa'i 'phrin las bcu dgu pa'o/ /de la 'di skad ces bya'o/ /zhing dang sems can de bzhin chos rnams la/ /tha dad 'du shes bde bar gshegs pa
157b3 med/ /mnyam nyid gnas shing grags pa che rnams la/ /tha dad 'du shes nam yang yod ma yin/ /khrims ldan kha na ma tho med pa'i khrims/ /sems can 'dul ba'i 'os dang gdul dka' ba/ /de la rkang gnyis dam pa sems mnyam ste/ /sems can tha
157b4 dad 'dzin pa thar bar byed/ /rigs kyi bu gzhan yang de bzhin gshegs pa la so sor ma brtags pa'i btang snyoms med do/ /de ci'i phyir zhe na/ de bzhin gshegs pa'i btang snyoms ni lam bsgoms pa yin gyi/ lam ma bsgoms pa ma yin te/ lus
157b5 bsgoms pa/ sems bsgoms pa/ tshul khrims bsgoms pa'o/ /de bzhin gshegs pa'i btang snyoms ni shes rab bsgoms pa yin gyi/ ma bsgoms pa ma yin no/ /de bzhin gshegs pa'i btang snyoms ni ye shes dang ldan pa yin gyi/ gti mug dang ldan
157b6 pa ma yin no/ /de bzhin gshegs pa'i btang snyoms ni 'jig rten las 'das pa yin gyi/ 'jig rten par ltung ba ma yin no/ /de bzhin gshegs pa'i btang snyoms ni 'phags pa nges par 'byung ba yin gyi/ 'phags pa ma yin pa nges par mi 'byung ba ma yin no/ /de bzhin gshegs pa'i
157b7 btang snyoms ni chos kyi 'khor lo skor ba ste/ sems can la snying rje chen po dang bral ba ma yin no/ /de bzhin gshegs pa'i btang snyoms de ni rang gi tshul gyis sgrub pa ste gnyen po'i rjes su song ba ma yin/ mtho bar sems pa ma yin/ dma' bar sems pa ma yin te/
157b8 gnas pa mi g.yo bar gyur pa / dmigs pa dang bral ba/ rtog pa dang sel ba las shin du 'das pa/ dus la lta ba/ dus las ma yol ba/ mi g.yo ba/ mi sems pa/ mi rtog pa/ rnam par mi rtog pa/ rnam par ma bsgrubs pa/ bstan du med pa/
158a1 yang dag pa/ de kho na/ de bzhin nyid/ gzhan ma yin pa de bzhin nyid de/ de bzhin gshegs pa ni btang snyoms chen po de lta bu phun sum tshogs pas sems can thams cad la btang snyoms de lta bu yongs su rdzogs par bya ba'i phyir chos
158a2 ston te/ 'di ni de bzhin gshegs pa'i de bzhin gshegs pa'i phrin las nyi shu pa'o/ /de la 'di skad ces bya'o/ /legs spyad lam mchog shin du bsgoms pa'i phyir/ /so sor ma brtags btang snyoms yod ma yin/ /gang zag mchog ni lus
158a3 dang de bzhin sems/ /tshul khrims shes rab bden pa shin du bsgoms/ /rgyal ba rjes su chags dang khong khro med/ /rtog dang rnam par rtog dang rnam bsgrubs med/ /btang snyoms yang dag de bzhin gzhan ma yin/ /de ltar yin yang 'gro ba
158a4 kun la 'chad/ /rigs kyi bu gzhan yang de bzhin gshegs pa'i 'dun pa nyams pa med do/ /de la 'dun pa gang zhe na/ 'di lta ste/ dge ba'i chos la 'dun pa'o/ /de yang gang zhe na/ byams pa chen po la de bzhin gshegs pa'i 'dun pa nyams pa med do/ /
158a5 snying rje chen po la de bzhin gshegs pa'i 'dun pa nyams pa med do/ /chos ston pa la 'dun pa nyams pa med do/ /sems can 'dul ba la 'dun pa nyams pa med do/ /sems can yongs su smin par bya ba la 'dun pa nyams pa med do/ /rab tu dben pa la 'dun pa nyams
158a6 pa med do/ /sems can byang chub yang dag par 'dzin du 'jug pa la 'dun pa nyams pa med do/ /dkon mchog gsum gyi rigs rgyun mi gcod pa la 'dun pa nyams pa med do/ /de bzhin gshegs pa ni 'dun pas 'gro ba ma yin gyi/ de bzhin gshegs pa'i 'dun
158a7 pa ni ye shes sngon du 'gro ba nyid de/ de'i phyir de bzhin gshegs pa'i 'dun pa nyams pa med ces bya'o/ /sems can thams cad la bla na med pa'i 'dun pa yongs su rdzogs par bya ba'i phyir chos kyang ston te/ 'di ni de bzhin gshegs pa'i de bzhin gshegs pa'i 'phrin
158a8 las nyi shu rtsa gcig pa'o/ /de la 'di skad ces bya'o/ /rgyal ba'i 'dun pa rtag tu dge ba'i chos kyi tshul la 'dod cing dga'/ /sems can rab tu thar bar bya phyir byams dang snying rje chos kyang sbyin/ /sems can yongs smin bya dang nags tshal dga' la mos pa/
158b1 nyams pa med/ /rab tu mang po byang chub 'dzin 'jug dkon mchog gsum gyi rgyun mi gcod/ /'dod dang zhe sdang dang ni 'jigs dang gti mug gis ni 'gro ma yin khyad par gyur nas mkhas de shes pas byas pa'i chos kun rtogs par 'gyur/ /rgyal ba sems can
158b2 'dun bral le lo can dag mthong nas 'dun la sbyor/ /gang gis 'gro ba 'dun pa'i las ni mtshungs pa med pa'i shes pas rig /rigs kyi bu gzhan yang de bzhin gshegs pa'i brtson 'grus nyams pa med do/ /de la de bzhin gshegs pa'i brtson 'grus
158b3 ni 'di yin te/ 'di lta ste/ 'dul ba'i sems can rnams yal bar mi 'dor ba'i brtson 'grus dang / chos nyan pa dag la brnyas pa med pa'i brtson 'grus so/ /gal te de bzhin gshegs pas chos kyi snod chos nyan pa gang bskal par yang chos
158b4 nyan pas skyo bar mi 'gyur ba rnyed na de bzhin gshegs pa yang chos ston/ kha zas dang bral ba'i rgyud du gyur kyang bskal par yang mi ldang ngo / /de bzhin gshegs pa ni sems can la lta bas tha na gang na sangs rgyas kyis 'dul ba'i sems can gcig gi phyir
158b5 yang sangs rgyas kyi zhing gang gA'i klung gi bye ma snyed 'da' zhing bzhud de/ de bzhin gshegs pa la sku mnyel ba 'am/ gsung mnyel ba 'am/ thugs mnyel ba med do/ /de bzhin gshegs pa ni sems shin du sbyangs pa/ brtson 'grus brtsams pa/
158b6 rtson 'grus kyi bsngags pa smra ba ste/ yang dag par sbyor ba'i brtson 'grus gang gis sems can rnams kyis 'phags pa'i rnam par grol ba thob par 'gyur ba'i brtson 'grus de sems can rnams la bsngags par byed de/ 'di ni de bzhin gshegs pa'i
158b7 de bzhin gshegs pa'i phrin las nyi shu rtsa gnyis pa'o de la 'di skad ces bya'o/ /brtson 'grus gang gis mi yi seng ge 'phags 'gyur ba/ /brtson 'grus stobs de'i bsngags pa rtag tu rjod par byed/ /brtson 'grus stobs ni gang du'ang nyams pa yod min te/ /
158b8 snod du gyur pa rnyed nas chos kyang ston par byed/ /bde bar gshegs kyi brtson 'grus gnas pa yod min te/ /lus dang ngag dang sems ni gang du 'ang skyo ba med/ /ji ltar rang byung brtson 'grus kun du sdig med pa/ /de ltar blo sbyangs sems can yang dag 'dzin du 'jug /
159a1 rigs kyi bu gzhan yang de bzhin gshegs pa'i dran pa ni thams cad kyi thams cad rnam pa thams cad kyi thams cad du nyams pa med do de ci'i phyir zhe na de bzhin gshegs pa la bsnyel ba med do rigs kyi bu de bzhin gshegs pas bla na med pa yang dag par
159a2 rdzogs pa'i byang chub mngon par rdzogs par sangs rgyas ma thag tu 'das pa dang / ma 'ongs pa dang / da ltar byung ba'i sems can rnams kyi sems kyi rgyud la rnam par gzigs kyang de la de bzhin gshegs pa bsnyel ba shin du med do/ /sems can gyi spyod pa ji lta
159a3 ba bzhin du mkhyen kyang de la de bzhin gshegs pas ye shes yang gtong ba med do/ /de bzhin gshegs pa ni phung po gsum du rnam par dgod pa dang / sems can gyi dbang po la 'jug pa dang sems can gyi bsam pa la 'jug pa dang / sems can gyi spyod pa la rnam
159a4 par gzigs pas dran pa nyams pa med pa nyid de/ de bzhin gshegs pa ni dran par byas sam/ bsams sam/ rnam par brtags te sems can rnams la chos ston pa med do/ /ston kyang nyams pa med do/ /de ci'i phyir zhe na/ de bzhin gshegs pa'i dran pa ni ji ltar nyams
159a5 pa med do/ /de ji ltar bdag dran zhing bsnyel ba med pa de ltar sems can rnams la chos ston te/ 'di ni de bzhin gshegs pa'i de bzhin gshegs pa'i phrin las nyi shu rtsa gsum pa'o/ /de la 'di skad ces bya'o/ /ston pa'i dran pa gang yang nyams med de/ /rgyal ba'i
159a6 dran pas dran par bya ba med/ /rgyal bas gang tshe byang chub sangs rgyas nas/ /'gro ba'i sems ni ma lus rnam par mkhyen/ /bsam pa dbang po sems can spyod pa dang / /phyis yang rnam par shes par bya ba med/ /lhun gyis grub pa'i bya bar gnas nas ni/ /rgyal ba'i
159a7 dbang po 'gro la chos ston to/ /rigs kyi bu gzhan yang de bzhin gshegs pa'i ting nge 'dzin nyams pa med do/ /de bzhin gshegs pa'i ting nge 'dzin gang yin pa de ni chos thams cad mnyam pa nyid dang chos thams cad mi mnyam pa ma yin pa dang / chos thams
159a8 cad ji lta ba bzhin no/ /ci'i phyir de bzhin gshegs pa'i ting nge 'dzin nyams par mi 'gyur zhe na/ de bzhin nyid gang dang mnyam pa de dang ting nge 'dzin dang mnyam mo/ /ting nge 'dzin gang dang mnyam pa de dang de bzhin gshegs pa mnyam ste/ de'i phyir mnyam par bzhag pa zhes bya'o/ /
159b1 'dod chags kyi mtha' gang dang mnyam pa 'dod chags dang bral ba'i mtha' yang de dang mnyam mo/ /zhe sdang gi mtha' gang dang mnyam pa zhe sdang dang bral ba'i mtha' yang de dang mnyam mo/ /gti mug gi mtha' gang dang mnyam pa gti mug dang bral ba'i mtha' yang de dang
159b2 mnyam mo/ /'dus byas kyi mtha' gang dang mnyam pa 'dus ma byas kyi mtha' yang de dang mnyam mo/ /'khor ba'i mtha' gang dang mnyam pa mya ngan las 'das pa'i mtha' yang de dang mnyam ste/ mnyam pa nyid de dag la snyoms par zhugs pas de'i phyir
159b3 mnyam par bzhag pa zhes bya'o/ /de'i phyir de bzhin gshegs pa'i ting nge 'dzin nyams pa med ces bya'o/ /de ci'i phyir zhe na/ mnyam pa nyid de la nyams pa med/ yongs su nyams pa med do/ /de bzhin gshegs pa'i ting nge 'dzin de yang mig dang ldan pa ma
159b4 yin/ rna ba dang / sna dang lce dang lus dang yid dang ldan pa ma yin mod kyi/ de bzhin gshegs pa dbang po ma tshang ba yang ma yin no/ /de bzhin gshegs pa'i ting nge 'dzin ni sa'i khams la mi gnas so/ /chu'i khams la ma yin/ me'i khams la ma yin te/
159b5 rlung gi khams la yang mi gnas so/ /'dod pa'i khams la mi gnas/ gzugs kyi khams la mi gnas/ gzugs med pa'i khams la mi gnas 'jig rten 'di la mi gnas/ 'jig rten pha rol la mi gnas so/ /mi gnas pa'i phyir nyams pa med de/
159b6 de'i phyir de bzhin gshegs pa'i ting nge 'dzin nyams pa med ces bya'o/ /de bzhin gshegs pa sems can thams cad kyang ting nge 'dzin thob par bya ba'i phyir chos ston te/ 'di ni de bzhin gshegs pa'i de bzhin gshegs pa'i phrin las nyi shu rtsa bzhi pa'o/ /de la 'di
159b7 skad ces bya'o/ /sangs rgyas rtag tu mnyam par bzhag /de yi ting 'dzin nyams pa med/ /chos rnams kun dang mnyam par ldan/ /sangs rgyas mnyam nyid mnyam par bzhag /sa chu me la ma yin te/ /rlung dang 'dod gzugs gzugs med la/ /rgyal ba
159b8 gnas te bsam gtan min/ /des 'di ting 'dzin nyams pa med/ /rigs kyi bu gzhan yang de bzhin gshegs pa'i shes rab nyams pa med do/ /shes rab gang zhe na/ gang chos thams cad rab tu shes pa ste/ gzhan gyi dring mi 'jog pa'i shes pa'o/ /
160a1 sems can gzhan dag dang / gang zag gzhan rnams la chos yang dag par ston pa'i shes pa'o/ /so so yang dag par rig pa la mkhas pas tshig rab tu dbye ba shes pa'o/ /tshig gcig la 'jug pas bskal pa brgya stong du gnas shing ston
160a2 pa shes pa'o/ /ji ltar dris pa bzhin du the tsom gcod pa'i shes pa'o/ /thams cad du chags pa med pa shes pa'o/ /theg pa gsum rnam par dgod pa bstan pa shes pa'o/ /sems can gyi sems kyi spyod pa brgyad khri bzhi stong yongs su shes pa'i shes pa'o/ /
160a3 chos kyi phung po brgyad khri bzhi stong so so ci rigs par chos ston pa shes pa'o/ /'di ni de bzhin gshegs pa'i shes rab mtha' yas pa thug pa med pa/ zad pa med pa/ tshad med pa bstan pa'o/ /ji ltar de bzhin gshegs pa la nyams pa med cing yongs su
160a4 nyams pa med pa de ltar sems can thams cad kyang shes rab mi zad par bya ba'i phyir chos ston te/ 'di ni de bzhin gshegs pa'i de bzhin gshegs pa'i phrin las nyi shu rtsa lnga pa'o/ /de la 'di skad ces bya'o/ /shes rab kyis ni tshul rnams mngon sum ste/ /so so
160a5 yang dag rig dbang pha rol son/ /bsam bzhin rang byung sems can chos ston te/ /'bru gcig tshig la mtha' yas tshig rnams 'jug /'gro ba'i spyod pa thug med rab shes nas/ /de bzhin brgyad khri bzhi stong chos ston kyang / /nam yang bde gshegs
160a6 shes rab nyams med de/ /stobs bcu'i las 'di 'gro las khyad par 'phags/ /rigs kyi bu gzhan yang de bzhin gshegs pa'i rnam par grol ba nyams pa med do/ /de bzhin gshegs pa'i rnam par grol ba gang zhe na/ nyan thos rnams kyi rnam par grol
160a7 ba ni sgra'i rjes su 'gro ba'o/ /rang sangs rgyas rnams kyi rnam par grol ba ni rkyen khong du chud pa'o/ /sangs rgyas rnams kyi rnam par grol ba ni chags pa dang / 'dzin pa thams cad dang bral bas rnam par grol ba zhes bya ste/ sngon gyi mthar yang ma bcings/
160a8 phyi ma'i mthar yang mi 'pho/ da ltar byung ba la yang mi gnas so/ /mig dang gzugs la gnyis su 'dzin pa las rnam par grol ba'o/ /rna ba dang sgra dang / sna dang dri dang / lce dang ro dang / lus dang reg bya dang / yid dang chos la gnyis su 'dzin pa las rnam par grol
160b1 ba ste/ 'dzin par mngon par zhen pa'i gnas las rnam par grol ba'o/ /sems rang bzhin 'od gsal ba de bzhin du shes pa ste/ de'i phyir sems kyi skad cig gcig dang ldan pa'i shes rab kyis bla na med pa yang dag par rdzogs pa'i byang chub mngon par rdzogs
160b2 par sangs rgyas shes bya'o/ /ji ltar de bzhin gshegs pas mngon par rdzogs par sangs rgyas pa de ltar de bzhin gshegs pa sems can gzhan dag dang / gang zag gzhan rnams la chos ston to/ /
160b3 'di ni de bzhin gshegs pa'i de bzhin gshegs pa'i phrin las nyi shu rtsa drug pa'o/ /de la 'di skad ces bya'o/ /nyan thos rnams kyi rnam grol sgra rjes 'gro/ /rang sangs rgyas kyi brten nas skyes pa'o/ /sangs rgyas ma smad rnams kyi rnam grol
160b4 ni/ /chags las rab 'das dri med nam mkha' 'dra/ /sems ni sngon nas bcings par ma gyur te/ /sems rgyun 'di dag rang bzhin rnam par grol/ /ji ltar rnam grol de ltar yang dag shes/ /shes nas rnam grol nyams pa gang yang med/ /rigs
160b5 kyi bu gzhan yang de bzhin gshegs pa'i lus kyi las thams cad ye shes sngon du 'gro zhing ye shes kyi rjes su 'brang ba'o/ /de bzhin gshegs pa lus kyi las de dang ldan pas lta bas kyang sems can rnams 'dul/ smra bas kyang sems can rnams 'dul/
160b6 cang mi smra bas kyang sems can rnams 'dul/ za bas kyang sems can rnams 'dul/ spyod lam gyis kyang sems can rnams 'dul/ mtshan dag gis kyang sems can rnams 'dul/ dpe byad bzang po dag gis kyang sems can rnams 'dul/
160b7 spyi gtsug bltar mi snang bas kyang sems can rnams 'dul/ bltas pa tsam gyis kyang sems can rnams 'dul/ 'od gtong bas kyang sems can rnams 'dul/ gom pa 'dor bas kyang sems can rnams 'dul/ grong khyer du 'jug pa dang 'byung bas kyang sems
160b8 can rnams 'dul te/ sangs rgyas bcom ldan 'das rnams kyi spyod lam gang sems can 'dul bar mi 'gyur ba de gang yang med do/ /de'i phyir de bzhin gshegs pa'i lus kyi las thams cad ye shes sngon du 'gro zhing ye shes kyi rjes su 'brang ba zhes bya'o/ /'di ni de bzhin
161a1 gshegs pa'i de bzhin gshegs pa'i phrin las nyi shu rtsa bdun pa'o/ /de la 'di skad ces bya'o/ /'dren pa rnams kyi spyod lam ston pa dang / /'gro dang 'jug dang de bzhin 'byung ba dang / /dpe byad bzang dang mtshan dang spyi gtsug gis/ /sangs rgyas dag ni sems can
161a2 'dul bar sbyor/ /rnam par 'dren pa gang tshe 'od gtong ba/ /de tshe skye bo du ma bde bar gyur/ /'od kyis reg nas 'dul bar rab tu 'gro/ /'di ni rkang gnyis dam pa rnams kyi las/ /rigs kyi bu gzhan yang de bzhin gshegs pa'i ngag gi las thams cad
161a3 ye shes sngon du 'gro zhing ye shes kyi rjes su 'brang ba'o/ /de ci'i phyir zhe na/ de bzhin gshegs pa ni 'bras bu yod pa'i chos ston pa'o/ /phyad par lung ston pa'o/ /shin du nges pa'i tshig smra ba'o/ /de bzhin gshegs pa'i ngag de yang kun shes par
161a4 byed pa'o/ rnam par shes par byed pa'o/ /mi mtho ba'o/ /mi dma' ba'o/ /ma yo ba'o/ /ldab ldib can ma yin pa'o/ /gya gyu ma yin pa'o/ /mi brlang ba'o/ /mi rtsub pa'o/ /ma 'chal ba'o 'jam pa'o mnyan pa'o las su rung ba'o/ /ra ra po ma yin pa'o/ /
161a5 byung rgyal ma yin pa'o/ /brtag pa ma yin pa'o/ /rnam par myur ba ma yin pa'o/ /rab tu myur ba ma yin pa'o/ /shin du rnam par phye ba'o/ /shin du nges pa'i tshig go/ /shin du dga' ba skyed pa'o/ /shin du snyan pa'o/ /shin du gdangs snyan pa'o/ /
161a6 shin du gsal ba'o/ /thags thogs med pa'o/ /rdzogs pa'o/ /snyan pa'o/ /'bel ba'o/ /bsgrags pa'o/ /mchod par gyur pa'o/ /mdzes pa'o/ /rdul med pa'o/ /rdul dang bral ba'o/ /tha ba med pa'o/ /dri ma med pa'o/ /dri ma dang bral ba'o/ /rmongs pa
161a7 pa med pa'o/ /shin du zur phyin pa'o/ /chags pa med pa'o/ /rab tu grol ba'o/ /'od gsal ba'o/ /drang ba'o/ /mi dman pa'o ma 'dzings pa'o/ /dib dib po ma yin pa'o/ /bde ba skyed pa'o/ /lus tshim par byed pa'o/ /sems dga' ba skyed pa'o/ /'dod
161a8 chags zhi bar byed pa'o/ /zhe sdang 'dul ba'o/ /gti mug sel ba'o/ /bdud 'jom pa'o/ /sdig pa sel ba'o/ /rgol ba 'dul ba'o/ /rnam par shes par byed pa'o/ /rnga'i sgra'o/ /mkhas pa dga' bar byed pa'o/ /ka la ping ka'i sgra dbyangs so/ /brgya byin gyi sgra'o/ /
161b1 tshangs pa'i sgra'o/ /rgya mtsho'i rlabs kyi sgra'o/ /sprin gyi sgra'o/ /sa'i sgra dbyangs so/ /khrung khrung gi sgra'o/ /rma bya'i sgra skad do/ /khu byug gi sgra'o/ /shang shang te'u yi sgra'o/ /ngang pa'i rgyal po'i sgra'o/ /ri dgas kyi rgyal po'i sgra'o/ /pi bang dang / pi bang rgyud
161b2 gsum pa dang / khar rnga dang / gling bu dang / dung dang / sil snyan gyi sgra'o/ /kun shes par bya ba'o/ /rnam par shes par bya ba'o/ /yid du 'ong ba'o/ /mnyan par 'os pa'o/ /zab pa'o/ /brdzun pa ma yin pa'o/ /rna ba bde bar byed pa'o/ /dge ba'i rtsa ba skyed pa'o/ /tshig dang yi ge
161b3 nyam pa med pa'o/ /tshig dang yi ge shin du nges pa'i tshig go/ /don dang ldan pa'o/ /chos dang ldan pa'o/ /dus dang ldan pa'o/ /dus tshigs thams cad dang ldan pa'o/ /dus las mi g.yo ba'o/ /dbang po mchogs dang mchogs ma yin pa shes pa ston pa'o/ /sbyin pas
161b4 brgyan pa'o/ /tshul khrims kyis rnam par dag pa'o/ /bzod pas yang dag par bsgrubs pa'o/ /brtson 'grus kyis shin du sbyangs pa'o/ /bsam gtan gyis las su rung bar byas pa'o/ /shes rab kyis nges par btags pa'o/ /byams pas shin du brtsams pa'o/ /
161b5 snying rjes skyo ba med pa'o/ /rab tu dga' ba'o/ /'od gsal ba'o/ /btang snyoms kyis nges par brtag pa'o/ /theg pa gsum rnam par 'jog pa'o/ /dkon mchog gsum gyi rigs rgyun mi gcod pa'o/ /phung po gsum rnam par 'byed pa'o/ /rnam par thar
161b6 pa'i sgo gsum gyis rnam par sbyangs pa'o/ /bden pas yongs su bsgos pa'o/ /ye shes kyis yongs su bsgos pa'o/ /mkhas pas ma smad pa'o/ /'phags pas bsngags pa'o/ /nam mkha'i tshad kyi rjes su 'gro ba'o/ /rnam pa thams cad kyi mchog
161b7 dang ldan pa'o/ /rigs kyi bu de bzhin gshegs pa'i ngag ni de lta bu ste/ de'i phyir de bzhin gshegs pa'i ngag gi las thams cad ye shes sngon du 'gro zhing ye shes kyi rjes su 'brang ba zhes bya'o/ /'di ni de bzhin gshegs pa'i de bzhin gshegs pa'i phrin las
161b8 nyi shu rtsa brgyad pa'o/ /de la 'di skad ces bya'o/ /mtshungs pa med pa'i ngag ni gsal zhing dri med yon tan kun gyis 'phags/ /zhing stong rgyas par 'gengs shing skad cig las kyang skad rnams kun grag ste/ /sems can kha cig nyan thos theg dang de bzhin rang rgyal theg pa thos/
162a1 thos nas sangs rgyas bdag nyid chen pos de bzhin byang chub 'dir yid 'dzud/ /yi ge rnams ni mtshams sbyor ma yin phan tshun 'gal bar 'gyur ba 'ang min/ /de ltar chos rab ston kyang sems ni rnam par rtog par 'gyur ba med/ /ji ltar brag ca g.yo ba
162a2 med cing byed pa med par sgra sgrog pa/ /de ltar mi yi dam pa sgra rnams sgrog cing sems can tshim par byed/ /rigs kyi bu gzhan yang de bzhin gshegs pa'i yid kyi las thams cad ye shes sngon du 'gro zhing ye shes kyi rjes su 'brang ba'o/ /de ci'i phyir zhe na/ de bzhin
162a3 gshegs pa ni sems kyis brjod par bya ba ma yin/ yid kyis ma yin/ rnam par shes pas ma yin gyi de bzhin gshegs pa ni ye shes kyis rab tu phye ba ste/ ye shes kyi bdag por gyur pa'o/ /de bzhin gshegs pa'i ye shes de ni sems can thams cad kyi
162a4 sems kyi rjes su song ba'o/ /sems can thams cad kyi yid kyi rjes su zhugs pa'o/ /sems can thams cad kyi shes pa rig pa'o/ /chos thams cad nges par bsams pa'o/ /ting nge 'dzin thams cad la gzhan gyi dring mi 'jog pa'o/ /dmigs pa las shin
162a5 du 'das pa'o/ /rkyen las skye ba dang bral ba'o/ /srid pa gsum bsal ba'o/ /nga rgyal gyi rim pa thams cad las shin du 'das pa'o/ /bdud kyi las thams cad las rnam par grol ba'o/ /sgyu dang g.yo thams cad dang bral ba'o/ /ngar 'dzin pa dang nga yir
162a6 'dzin pa spangs pa'o/ /ma rig pa dang gti mug gi mun pa dang rab rib kyi ling tog dang bral ba'o/ /lam gyi yan lag shin du yongs su bsgoms pa'o/ /nam mkha' ltar rnam par mi rtog pa'o/ /chos kyi dbyings dang dbyer med pa ste/ de bzhin gshegs pa'i
162a7 yid kyi las ye shes sngon du 'gro ba ni de lta bu'o/ /'di ni de bzhin gshegs pa'i de bzhin gshegs pa'i phrin las nyi shu rtsa dgu pa'o/ /de la 'di skad ces bya'o/ /rgyal ba rkang gnyis dbang po sems dang yid kyis gzhal ma yin/ /ye shes rnam par dag
162a8 gis 'dren pa kun gyi las rnams dag /bde gshegs ye shes de ni sems can kun gyi bsam pa la/ /mnyam pa nyid du rjes su zhugs shing chos dbyings rang bzhin no/ /bsam gtan dang ni de bzhin ting 'dzin kun dang rab tu ldan/ /sems dang yi kyi rnam par
162b1 rtog pa kun du rgyu ba med/ /bdud kyi yul las grol zhing bdud kyi las las shin du 'das/ /nam mkha'i rang bzhin mtshungs shing dri med rnam par 'gyur ba med/ /rigs kyi bu gzhan yang 'das pa'i dus la de bzhin gshegs pa'i ye shes mthong ba chags pa med cing
162b2 thogs pa med par 'jug go/ /ji ltar 'jug ce na 'das pa'i dus kyi sangs rgyas kyi zhing byung ba dang zhig pa ji snyed pa de dag thams cad bgrang ba'i tshul gyis rab tu mkhyen to/ /sangs rgyas kyi zhing de dag na rtswa dang / shing gel pa dang / sman dang / nags tshal du gyur
162b3 pa de dag thams cad kyang rab tu mkhyen to/ /sangs rgyas kyi zhing de dag na sems can gyi tshogs sems can du btags par gyur pa ji snyed pa de dag thams cad kyang rab tu mkhyen to/ /sems can de dag gi spyod pa sna tshogs su gyur pa ji snyed pa de dag
162b4 thams cad kyang rab tu mkhyen to/ /sangs rgyas kyi zhing de dag tu sangs rgyas byung ba ji snyed pa de dag thams cad kyang rab tu mkhyen to/ /sangs rgyas re res chos bstan cing brjod pa ji snyed pa de dag thams cad kyang rab tu mkhyen to/ /sems can ji snyed
162b5 cig nyan thos kyi theg par btul ba de dag thams cad kyang rab tu mkhyen to/ /sems can ji snyed cig rang sangs rgyas kyi theg par btul ba de dag thams cad kyang rab tu mkhyen to/ /sems can ji snyed cig theg pa chen por btul ba de dag thams
162b6 cad kyang rab tu mkhyen to/ /sangs rgyas kyi zhing rnam par phye ba thams cad kyang rab tu mkhyen to/ /dge slong gi dge 'dun rnam par phye ba yang rab tu mkhyen to/ /tshe yi tshad rnam par phye ba yang rab tu mkhyen to/ /chos gnas pa rnam par phye ba yang rab tu
162b7 mkhyen to/ /dbugs 'byung ba dang rngub pa yang rab tu mkhyen to/ /zas kyi mchog gi longs spyod kyang rab tu mkhyen to/ /sems can thams cad kyi 'das pa'i rnam pa dang / 'chi 'pho dang / 'gro bar skye ba rnams kyang de bzhin gshegs pas rab tu
162b8 mkhyen to/ /dbang po sna tshogs dang spyod pa sna tshogs dang / bsam pa sna tshogs rnams kyang rab tu mkhyen to/ /sems kyi rgyud kyang rab tu mkhyen to/ /sems gang gi 'og tu sems gang byung ba de dag thams cad kyang de bzhin gshegs pas mngon sum
163a1 gyi shes pa dang rjes su rtogs pa'i shes pas bgrang ba'i tshul gyis rab tu mkhyen te/ de dang de bzhin gshegs pa'i sems kyi rgyud 'das pa btang ba rnams kyang dmigs so/ /de bzhin gshegs pa ni ye shes de lta bu dang ldan pas sems can
163a2 rnams la bsam pa ji lta ba bzhin du phyad par chos ston te/ 'di ni de bzhin gshegs pa'i de bzhin gshegs pa'i phrin las sum bcu pa'o/ /de la 'di skad ces bya'o/ /zhing dang sems can dang ni chos smra la/ /sangs rgyas ye shes chags med tshad kyang med/ /
163a3 'dren pas sems can gang dag thar byas dang / /zhing du dge slong dge 'dun gyur grangs dang / /sems can bsam pa dbang po gang yin dang / /dbyibs dang sgra'i rim pa gang dang sems/ /ming dang sbyor ba gang dag 'das pa kun/ /rdzogs pa'i sangs rgyas yang
163a4 dag gzigs pas rtogs/ /rigs kyi bu gzhan yang ma 'ongs pa'i dus la de bzhin gshegs pa'i ye shes mthong ba chags pa med cing thogs pa med pa 'jug go/ /ji ltar 'jug ce na/ sems can nam/ chos sam/ zhing gang dag kha cig ma 'ongs
163a5 pa'i dus na 'byung ba 'am/ 'gag pa 'am/ 'byung bar 'gyur ba 'am/ 'jig par 'gyur ba de dag thams cad de bzhin gshegs pas rab tu mkhyen to/ /bskal pa'i mes tshig par 'gyur ba ji snyed pa dang / chus 'jig par 'gyur ba ji snyed pa dang /
163a6 sangs rgyas kyi zhing gnas par 'gyur ba ji snyed pa dang / sangs rgyas kyi zhing de dag na sa'i khams su 'gyur ba ji snyed pa dang / rdul phra rab kyi rdul du 'gyur ba ji snyed pa dang / rtswa dang / shing gel pa dang / sman dang nags tshal du 'gyur ba ji snyed pa dang /
163a7 skar ma'i gzugs su 'gyur ba ji snyed pa dang / zhing rab 'byam re rer sangs rgyas 'byung bar 'gyur ba ji snyed pa dang / nyan thos 'byung bar 'gyur ba ji snyed pa dang / rang sangs rgyas 'byung bar 'gyur ba ji snyed pa dang / byang chub sems dpa' 'byung bar
163a8 'gyur ba ji snyed pa dang / zas kyi mchog gi longs spyod dang / dbugs 'byung ba dang / rngub pa dang / 'chag pa dang / 'dug pa dang / spyod lam du 'gyur ba ji snyed pa dang / de bzhin gshegs pa rab 'byam re res nyan thos kyi theg pa dang / rang sangs rgyas kyi
163b1 theg pa dang / theg pa chen pos sems can thar bar byed par 'gyur ba ji snyed pa de dag thams cad de bzhin gshegs pas rab tu mkhyen to/ /zhing rab 'byam re re na sems can rnams kyi skye ba'i gnas ji snyed pa dang / sems dang sems las byung ba ji
163b2 snyed cig 'byung bar 'gyur ba de dag thams cad de bzhin gshegs pas rab tu mkhyen kyang de bzhin gshegs pa'i ma 'ongs pa'i sems kyi rgyun bskal par 'gyur ba ma yin par ma 'ongs pa la lta bas sems can rnams la chos ston te/ 'di ni de bzhin gshegs
163b3 pa'i de bzhin gshegs pa'i phrin las sum bcu rtsa gcig pa'o/ /de la 'di skad ces bya'o/ /dri med mig gis ma 'ongs dus na ni/ /chung zad 'byung bar 'gyur dang 'jig 'gyur dang / /sangs rgyas zhing rnams kun na rgyal ba dang / /de dag thams cad ma lus sangs
163b4 rgyas mkhyen/ /ma 'ongs pa'i dmigs par gtong ba na/ /de yi sems ni nams kyang g.yeng ba med/ /sems can rnams la de bzhin chos ston te/ /'di ni rkang gnyis mchog gi phrin las yin/ /rigs kyi bu gzhan yang da ltar byung ba'i dus la de bzhin
163b5 gshegs pa'i ye shes mthong ba chags pa med cing thogs pa med pa 'jug go/ /ji ltar 'jug ce na/ 'di la de bzhin gshegs pas phyogs bcu dag na da ltar byung ba'i sangs rgyas kyi zhing thams cad bgrang ba rnam pa gsum gyi tshul gyis rab tu mkhyen to/ /da ltar byung
163b6 ba'i sangs rgyas thams cad rab tu mkhyen to/ /da ltar byung ba'i byang chub sems dpa' thams cad rab tu mkhyen to/ /da ltar byung ba'i nyan thos thams cad rab tu mkhyen to/ /da ltar byung ba'i rang sangs rgyas thams cad rab tu mkhyen to/ /da ltar byung ba'i skar
163b7 ma'i gzugs thams cad rab tu mkhyen to/ /da ltar byung ba'i rtswa dang / shing gel pa dang / sman dang / nags tshal rnams rab tu mkhyen to/ /phyogs bcu dag na da ltar byung ba'i sa'i khams rdul phra rab kyi rdul gyi char brlags pa thams cad bgrang ba'i tshul gyis
163b8 rab tu mkhyen to/ /phyogs bcu'i chu'i khams skra'i rtse mos blangs pa'i thegs pa thams cad kyang bgrang ba'i tshul gyis rab tu mkhyen to/ /phyogs bcu'i me'i khams kyi skye ba dang / 'gag pa thams cad kyang bgrang ba'i tshul gyis rab tu mkhyen to/ /phyogs bcu'i rlung gi
164a1 khams thams cad kyang gzugs su gyur pa la bab pa'i tshul gyis rab tu mkhyen to/ /phyogs bcu'i nam mkha'i khams thams cad kyang skra'i rtse mos rgyas par dgang ba'i tshul gyis rab tu mkhyen to/ /da ltar byung ba'i sems can gyi khams rnam
164a2 pa gsum yang rab tu mkhyen to/ /da ltar byung ba'i sems can dmyal ba pa'i sems can gyis khams kyang rab tu mkhyen to/ /de yi skye ba'i rgyu dang thar pa'i rgyu yang rab tu mkhyen to/ /da ltar byung ba'i dud 'gro'i skye gnas su song ba'i sems can gyi khams kyang rab
164a3 tu mkhyen to/ /de yi skye ba'i rgyu dang thar pa'i rgyu yang rab tu mkhyen to/ /da ltar byung ba'i gshin rje yi 'jig rten pa'i sems can gyi khams kyang rab tu mkhyen to/ /de yi skye ba'i rgyu dang thar pa'i rgyu yang rab tu mkhyen to/ /da ltar byung ba'i mir gyur pa'i sems
164a4 can gyi khams kyang rab tu mkhyen to/ /de yi skye ba'i rgyu dang / thar pa'i rgyu yang rab tu mkhyen to/ /da ltar byung ba'i lha'i sems can gyi khams kyang rab tu mkhyen to/ /de'i skye ba'i rgyu dang thar pa'i rgyu yang rab tu mkhyen to/ /da ltar byung ba'i sems can rnams
164a5 kyi sems kyi rgyun kyang rab tu mkhyen to/ /de dag nyon mongs pa dang bcas pa dang / nyon mongs pa dang bral ba yang rab tu mkhyen to/ /da ltar byung ba'i sems can gdul bar 'os pa rnams kyi dbang po rnams kyang rab tu mkhyen to/ /gdul bar 'os pa ma yin pa dag gi dbang
164a6 po rnams kyang rab tu mkhyen to/ /de bzhin gshegs pas de ltar rab tu mkhyen kyang de bzhin gshegs pa la gnyis kyi rjes su 'brang ba'i rnam par shes pa med cing gnyis su med pa la gzud pa'i phyir sems can rnams la chos kyang ston te/ 'di ni de bzhin gshegs pa'i
164a7 de bzhin gshegs pa'i phrin las sum bcu rtsa gnyis pa'o/ /de la 'di skad ces bya'o/ /rgyal ba rnams kyi spyod yul thug pa med/ /tshad med gzhal du med cing bsam mi khyab/ /nam mkha' mtshungs shing dpe yang med pa ste/ /'gro ba kun gyis shes par mi nus so/ /
164a8 phyogs bcu dag na da ltar byung ba yi/ /'gro ba'i bya bar gyur pa ji snyed pa/ /de dag thams cad rgyal bas rjes su mkhyen/ /'di ni rang byung rnams kyi las kyi mchog /rigs kyi bu de bzhin gshegs pa'i phrin las ni sum bcu rtsa gnyis po 'di dag ste/
164b1 de bzhin gshegs pa'i phrin las de dag dang ldan pas sems can gyi khams 'dul lo/ /de bzhin gshegs pa'i phrin las ni tshad med mod kyi/ sems can rnams gzud pa'i phyir mdo tsam du tshad kyis bstan to// // bam po drug pa/ rigs kyi bu gzhan yang de bzhin gshegs pa'i
164b2 de bzhin gshegs pa'i phrin las gang yin pa de ni tshad med pa'o/ /bsam gyis mi khyab pa'o/ /'jig rten thams cad kyis rnam par shes par bya ba ma yin pa'o/ /yi ge rnams kyis brjod par bya ba ma yin pa'o/ /gzhan dag gis thob par dka' ba'o/ /sangs rgyas kyi zhing
164b3 thams cad du rgyun chad pa med pa'o/ /sangs rgyas thams cad dang mnyam pa nyid du rjes su song ba'o/ /'bad pa'i bya ba thams cad las shin du 'das pa'o/ /nam mkha' dang mnyam pa nyid pas rnam par mi rtog pa'o/ /chos kyi dbyings kyi bya ba ma yin pas sna tshogs su byar med
164b4 pa'o/ /de ci'i phyir zhe na/ rigs kyi bu sangs rgyas bcom ldan 'das rnams ni gtam sna tshogs kyi ched du 'byung ba ma yin te/ sems can sna tshogs kyi gtam gyi phyir ma yin/ zhing sna tshogs kyi gtam gyi phyir ma yin/ bstan pa sna tshogs kyi gtam gyi phyir ma yin/
164b5 bsam pa sna tshogs kyi gtam gyi phyir ma yin/ rnam par grol ba sna tshogs kyi gtam gyi phyir ma yin/ yongs su mya ngan las 'das pa sna tshogs kyi gtam gyi phyir ma yin gyi/ de bzhin gshegs pa ni chos kyi dbyings ro gcig pa/ sgrib pa med pa/ sems can thams cad
164b6 la go skabs 'byed pa/ mngon par rdzogs par sangs rgyas nas sems can rnams chos khong du chud par bya ba'i phyir sgrib pa med pa'i chos kyi 'khor lo 'di lta ste phyir mi ldog pa'i 'khor lo rab tu bskor ro/ /rigs kyi bu 'di lta ste/ dper na nor bu mkhan
164b7 mkhas pa nor bu sbyang ba'i cho ga shin du shes pa des nor bu'i rigs las sbyang ba ma byas pa'i nor bu rin po che blangs nas bul thog gi chu rnon pos bkrus te/ skra nag po'i la bas byi dor bya bas byi dor byed kyang de tsam gyis brtson 'grus rgyun mi gcod kyi/ de'i 'og
164b8 tu dngul chu rnon po dang bcas pas bkrus te/ shing dang snam bus byi dor bya bas byi dor byed do/ /de tsam gyis kyang brtson 'grus rgyun mi gcod de/ de'i 'og tu yang sman chen po'i khu bas bkrus te/ ras phra mos byi dor bya bas byi dor byed do/ /byi dor byas te nor bu mching bu'i
165a1 rigs dang bral nas bai dUr+ya zhes bya'o/ /rigs kyi bu de bzhin du de bzhin gshegs pas yongs su ma dag pa'i sems can gyi khams rig nas mi rtag pa dang / sdug bsngal ba dang / bdag med pa dang / mi sdug pa yid 'byung bar 'gyur ba'i gtam gyis
165a2 'khor ba la mngon par dga' ba'i sems can rnams yid 'byung bar byed/ 'phags pa'i chos 'dul ba la 'jug par byed do/ /de tsam gyis de bzhin gshegs pa brtson 'grus rgyun mi gcod cing / de'i 'og tu stong pa nyid dang / mtshan ma med pa dang / smon pa med pa'i
165a3 gtam gyis de bzhin gshegs pa'i tshul khong du chud par byed do/ /de tsam gyis kyang de bzhin gshegs pa brtson 'grus rgyun mi gcod kyi/ de'i 'og tu phyir mi ldog pa'i 'khor gsum yongs su dag pa'i gtam gyis sems can de dag de bzhin gshegs pa'i yul la
165a4 'dzud do/ /sems can rgyu dang rang bzhin sna tshogs pa de dag mnyam du zhugs nas de bzhin gshegs pa'i chos nyid khong du chud pas sbyin gnas bla na med pa rnams shes bya'o/ /de'i phyir rigs kyi bu khyod kyis ji ltar de bzhin gshegs pa'i phrin las bsam gyis mi
165a5 khyab pa dang / kun gyi rjes su song ba dang / thams cad du kha na ma tho ba med pa dang / dus gsum gyi rjes su song ba dang / dkon mchog gsum gyi rigs rgyun mi gcod pa rnam grangs 'dis kyang 'di ltar rig par bya ste/ de bzhin gshegs pa ni de bzhin
165a6 gshegs pa'i phrin las bsam gyis mi khyab pa de la yang gnas so/ /nam mkha'i rang bzhin gyi lus kyang mi 'dor ro/ /sangs rgyas kyi zhing thams cad du 'ang ston to/ /brjod du med pa'i chos ston pa'i tshig kyang mi 'dor ro/ /sgra ji bzhin gyi rnam par
165a7 rig byed kyis sems can rnams la chos kyang ston to/ /sems can thams cad kyi sems dmigs pa dang bral ba dang / sems can thams cad kyi sems kyi bsam pa yang rab tu mkhyen to/ /sangs rgyas bcom ldan 'das rnams ni byang chub sems dpa'i bsam pa rnam
165a8 par dag par bya ba'i phyir 'byung ngo / /rigs kyi bu gang rgyun chad pa med pa rgyun chags pa/ rgyun mi gcod pa/ byang chub sems dpa' lung bstan pa'i gtam rgyun mi gcod pa 'di ni de bzhin gshegs pa rnams kyi de bzhin gshegs pa'i phrin las yang dag pa'o/ /de bzhin
165b1 gshegs pa'i phrin las bstan pa 'di bshad pa na phyogs bcu'i sangs rgyas kyi zhing dpag tu med pa/ grang med pa/ bgrang ba las shin du 'das pa dag rnam pa drug tu g.yos par gyur to/ /snang ba chen pos kyang gsal bar gyur to/ /me tog gi sil
165b2 mas kyang gtor bar gyur to/ /'khor gyi khyams rin po che bkod par gzi brjid che ba gzi brjid che ba'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa
165b3 dang / dge slong dang / dge slong ma dang / dge bsnyen dang / dge bsnyen ma ji snyed 'dus pa de dag thams cad kyis de bzhin gshegs pa'i phrin las bstan pa'i chos kyi rnam grangs 'di thos nas tshim zhing mgu ste yi rangs nas de bzhin gshegs pa la mchod pa'i
165b4 las kyi phyir me tog dang / bdug pa dang / spos dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan rnam pa sna tshogs rnams sil snyan dang / pheg rdob pa dang / glu dbyangs byed pas bcom ldan 'das rnams
165b5 mchod do/ /dbu'i gtsug tu me tog rnams kyis kyang gtor to/ /theg le lta bu'i rgyan dang / rna cha dang / dpung rgyan dang / nor bu'i rgyan phreng dang / mu tig gi rgyan phreng dang / rgyan zla gam dang / spen tog rgyan dang / rgyan ne'u le can dang / sor gdub rgyan dang /
165b6 gdu bu rgyan ta la 'dab dang / rgyan lcam khris can dang / se ral phreng dang / rkang gdub dang / do shal dang / mgo rgyan dang / lag rgyan dang / rna rgyan dang / rkang rgyan rnams kyis kyang gtor to/ /rin po che bai dur+ya dag kyang gtor to/ /'dzam bu'i chu bo'i gser rin po
165b7 che rnams dang rin po che rdo'i snying po rnams dang / rin po che dpal gyi snying po rnams dang / rin po che an da rnyil rnams dang / rin po che me mdog rnams dang / rin po che skar 'od rnams dang / rin po che kha dog mtha' yas rnams kyis kyang gtor to/ /
165b8 gser phye dang / dngul phye dang / a ga ru'i phye ma dang rgya spos kyi phye ma dang / tsan dan gyi phye ma dang / tsan dan dus kyi rjes su 'brang ba'i phye ma dang / tsan dan dmar po'i phye ma dang / ke sa ra'i phye ma rnams kyis kyang mngon par gtor to/ /
166a1 lha'i me tog rnams kyang mngon par gtor ba la 'di lta ste/ me tog mAn dA ra ba dang / mAn dA ra ba chen po dang / yongs 'du dang / man dzu Sha ka dang / man dzu Sha ka chen po dang / mdog mdzes dang / mdog mdzes chen po dang / s+Tha la dang /
166a2 s+tha la chen po dang / me tog 'khor lo dang / 'khor lo dri med dang / 'dab rgya dang / 'dab stong dang / 'dab 'bum dang / kun nas 'od dang / kun du bstsung dang / kun du cher snang mig tu sdug dang / skar 'od dang / 'od byed dang / kha dog mtha' yas
166a3 dang / me tog de lta bu dag kyang mngon par gtor to/ /chu nas skyes pa'i me tog ud pa la dang / pad ma dang / ku mu da dang / pad ma dkar po rnams kyang gtor to/ /thang las skyes pa sna ma'i me tog dang / pa ri sha ka dang / a ti mug ta ka dang / tsam pa
166a4 ka dang / mya ngan 'tshangs dang / da nu ska ri dang / skya snar dang / me tog btang gzung dag kyang gtor to/ /sil snyan dang pheg rdob pa dag kyang kun du yang dag par sbyar ba la 'di lta ste/ pheg rdob pa dang / gling bu dang / rnga bo che dang / dung dang / rdza rnga dang / kha rnga dang /
166a5 sil snyan dang / glu dbyangs rnam pa sna tshogs kyang byas so/ /spos kyi char dang / phye ma'i char dang / rin po che'i char dang / rgyan gyi char dang / mu tig gi rgyan phreng gi char dang / gos kyi char dang / sil snyan dang / rol mo'i sgra'i char yang mngon
166a6 par phab po/ /byang chub sems dpa' gang dag phyogs bcu 'jig rten gyi khams sna tshogs nas 'dus pa de dag steng gi bar snang la mngon par 'phags te/ bcom ldan 'das la mchod pa'i las kyi phyir rang rang gi lus bor ro/ /
166a7 byang chub sems dpa' de dag gis lus bor ma thag tu de nas steng gi bar snang la thams cad dang ldan pa'i 'khor gyi khyams rin po che bkod pa khebs par byas te/ rin po che'i dra ba mu tig gi rgyan phreng du ma spyangs pa/ kun nas mig mangs ris
166a8 su bres pa shin du yongs su las su byas pa/ dril bu g.yer ka'i dra bas mdzes par byas pa/ rin po che'i pad mas spras pa byung bar gyur to/ /mu tig gi rgyan phreng de dag gi mu tig gi 'bru re re las kyang byang chub sems dpa'i lus dpag tu med
166b1 cing grangs med pa dag byung bar kun du snang ngo / /de dag byung nas bcom ldan 'das la lan bdun bskor ba byas te/ rin po che bkod pa'i pad ma'i seng ge'i khri de dag la 'khod do/ /phyogs bcu'i sangs rgyas kyi zhing tshad med pa nas sangs rgyas bcom
166b2 ldan 'das tshad med pa dag gis chos kyi rnam grangs 'di la mchod pa'i las kyi phyir de bzhin gshegs pa re res kyang bskal par brjod pa yongs su thug pa med pa zhes bya ba'i mchod pa bkod pa bsgrubs te 'jig rten gyi khams mi mjed 'dir btang ba dang / sangs rgyas kyi mthus bkod pa de dag 'jig rten gyi khams mi mjed 'dir phyin te/
166b3 de dag gis 'khor kyi khyams rin po che bkod pa la rgyan gyi mchog gis brgyan par gyur to/ /'khor 'di las sems can tshad med pa yang dag par rdzogs pa'i byang chub
166b4 tu sems skyed do/ /byang chub sems dpa' tshad med pa dag mi skye ba'i chos la bzod pa thob par gyur to/ /de nas bcom ldan 'das kyis thams cad dang ldan pa'i byang chub sems dpa'i tshogs la glang po che'i lta stangs kyis gzigs nas 'di skad ces bka'
166b5 stsal to/ /skyes bu dam pa khyod rnams las rgyan bkod pa bsam gyis mi khyab pa/ byang chub sems dpa'i ting nge 'dzin gyis byin gyi brlabs pa de bzhin gshegs pas btang ba rnam par brtags pa ma yin pa ma 'khrugs pa/ ma rnyings pa/ ma nyams pa 'di
166b6 de bzhin gshegs pa byams pa mngon par rdzogs par sangs rgyas nas lo bcu drug lon te/ 'khor gyi khyams rin po che bkod par 'dug nas byang chub sems dpa'i spyod pa la 'jug pas nges par 'byung ba/ sgrib pa med pa'i sgo/ 'dus pa chen
166b7 po'i le'u'i chos kyi rnam grangs 'di rgya cher yang dag par rab tu ston pa na bstan pa dang thams cad dang ldan pa'i byang chub sems dpa'i tshogs 'dun par bya ba dang / mchod pa 'dis de bzhin gshegs pa byams pa dang / bskal pa bzang po'i de bzhin gshegs pa thams cad
166b8 la mchod par su spro/ de nas byang chub sems dpa' chos thams cad rnam par 'phrul pa'i rgyal po zhes bya ba 'khor de nyid du 'dus par gyur nas 'dug pa de pad ma'i stan las langs te pus mo g.yas pa'i lha nga pad ma'i snying po la btsugs nas bcom ldan 'das ga
167a1 la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das bdag rgyan bkod pa/ rnam par ma brtags pa ma 'khrugs pa/ mi rnyings pa/ ma nyams pa 'dis de bzhin gshegs pa byams pa dang /
167a2 de ma lags pa bskal pa bzang po'i/ de bzhin gshegs pa dgra bcom pa yang dag par rdzogs pa'i sangs rgyas gzhan thams cad la'ang mchod pa bgyid par spro'o/ /de'i tshe bdud rnam par 'phrul pa zhes bya ba shin du gnas pa'i gling bzhi pa na gnas pa 'khor de nyid
167a3 du 'dug nas byang chub sems dpa' chos thams cad rnam par 'phrul pa'i rgyal po la 'di skad ces smras so/ /rigs kyi bu snod gang gis bkod pa 'di rnyings par gyur gyi bar du 'dzin pa'i khyod kyi snod de ji tsam zhig de skad ces smras pa dang / byang chub sems dpa' chos
167a4 thams cad rnam par 'phrul pa'i rgyal pos bdud rnam par 'phrul pa la 'di skad ces smras so/ /rigs kyi bu snod ji snyed pa de dag thams cad ni 'chags par 'gyur ba/ bar du gcod pa dang bcas pa dag go/ /nam mkha' ni mi shigs pa bar du gcod pa med pa ste
167a5 snod de thams cad kyi mchogs yin no/ /grogs po mig ma 'dzums par nga'i lus la ltos shig dang / snod chen po mthong bar 'gyur ro/ /de nas bdud rnam par 'phrul pas byang chub sems dpa' chos thams cad rnam par 'phrul pa'i lus la mig mi
167a6 mdzums par bltas pa dang / des byang chub sems dpa' chos thams cad rnam par 'phrul pa'i lus kyi dkyil lte ba'i dkyil 'khor na chu'i rgyal por snang ba zhes bya ba'i 'jig rten gyi khams mthong ngo / /ci'i phyir chu'i rgyal por snang ba zhes bya zhe na/ 'jig rten
167a7 gyi khams de chus rab tu gang ste rgya mtsho gcig pa ltar snang ngo / /de na de bzhin gshegs pa rin chen ud pa la'i dpal zhes bya ba bzhugs so/ 'tsho'o/ /gzhes so/ /byang chub sems dpa' nyi tshe la chos kyang ston to/ /chu'i phung po de las rin po che bkod pa'i
167a8 pad ma mngon par 'phags te/ de la bcom ldan 'das de dang byang chub sems dpa' de dag bzhugs so/ /de nas bdud rnam par 'phrul pas thal mo sbyar te byang chub sems dpa' chos thams cad rnam par 'phrul pa'i rgyal po la phyag 'tshal to/ /de nas byang chub
167b1 sems dpa' chos thams cad rnam par 'phrul pa'i rgyal pos bdud rnam par 'phrul pa la 'di skad ces smras so/ /grogs po khyod kyis byang chub sems dpa' rnams kyi snod mthong ngam/ smras pa mthong ngo / /skyes bu dam pa khyod kyis snod 'di lta bu 'dis bskal pa bye ba
167b2 khrag khrig brgya stong du rin po che bkod pa chen po ma skams pa/ ma rnyings pa 'di 'dzin par nus sam/ de nas bdud rnam par 'phrul pas bcom ldan 'das la phyag 'tshal te/ tshig 'di skad kyang smras so/ /bcom ldan 'das bdag gis sngon chad skyes bu dam pa 'di
167b3 yang ma mthong ngo / /chos kyi rnam grangs 'di 'ang ma thos pas ci bdag nyan thos kyi theg pas myur du yongs su mya ngan las 'das par bgyi 'am snyam pa las/ deng bdag gis chos kyi rnam grangs 'di 'ang thos/ byang chub sems dpa' chos thams cad rnam
167b4 par 'phrul pa'i rnam par sprul pa'i byin gyi brlabs pa 'di yang mthong bas lhag pa'i bsam pas bla na med pa yang dag par rdzogs pa'i byang chub tu sems bskyed par bgyi'o/ /bcom ldan 'das gal te bskal pa gang gA'i klung gi bye ma snyed du sems can dmyal ba
167b5 chen por bsregs la/ de'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur du lags kyang bla na med pa yang dag par rdzogs pa'i byang chub 'di lta bu yongs su mi gtong ngo / /de nas bcom ldan 'das kyis bdud rnam
167b6 par 'phrul pa la legs so zhes bya ba gnang ste/ skyes bu dam pa khyod kyis bla na med pa yang dag par rdzogs pa'i byang chub tu go cha bgos pa dang / rnam par sprul pa'i byin gyi brlabs 'di lta bu dang ldan par 'gyur ba legs so/ /legs so/ /de nas byang chub sems
167b7 dpa' seng ge'i tog ces bya ba 'khor de nyid du 'dus par gyur te 'dug pa des byang chub sems dpa' gzungs kyi dbang phyug gi rgyal po la 'di skad ces smras so/ /rigs kyi bu byang chub sems dpa' dag gzungs gang la rab tu gnas na sangs rgyas thams cad
167b8 kyis gsungs pa kun du 'dzin pa dang / chos bstan pa na zad par mi 'gyur ba dang / legs par bshad pas sems can thams cad tshim par byed par 'gyur ba byang chub sems dpa' rnams kyi gzungs gang yin de skad ces smras pa dang / byang chub sems dpa'
168a1 gzungs kyi dbang phyug gi rgyal pos byang chub sems dpa' seng ge'i tog la 'di skad ces smras so/ /rigs kyi bu byang chub sems dpa' rnams gzungs gang dag la rab tu gnas na/ sangs rgyas bcom ldan 'das rnams kyis gsungs pa kun du 'dzin pa
168a2 dang / chos bstan pa na zad par mi 'gyur ba dang / legs par bshad pas sems can thams cad tshim par byed par 'gyur ba byang chub sems dpa' rnams kyi gzungs ni brgyad po 'di dag go/ /brgyad gang zhe na/ 'di lta ste/ sgra dbyangs rnam par dag pa zhes
168a3 bya ba'i gzungs dang / mi zad pa'i za ma tog ces bya ba'i gzungs dang / 'khyil pa mtha' yas pa shes bya ba'i gzungs dang / rgya mtsho'i phyag rgya zhes bya ba'i gzungs dang / pad ma bkod pa zhes bya ba'i gzungs dang / chags pa med pa'i sgor 'jug pa zhes
168a4 bya ba'i gzungs dang / so so yang dag par rig pa rnam par nges pa la 'jug pa zhes bya ba'i gzungs dang / sangs rgyas kyi rgyan byin gyis brlabs pa zhes bya ba'i gzungs te/ rigs kyi bu byang chub sems dpa' rnams kyi gzungs ni brgyad po 'di dag ste/
168a5 byang chub sems dpa' rnams gzungs 'di dag la rab tu gnas nas sangs rgyas thams cad kyi gzungs kun du 'dzin to/ /chos bstan pa na zad par mi 'gyur ro/ /legs par bshad pas sems can thams cad tshim par byed par 'gyur ro/ /de nas byang chub
168a6 sems dpa' seng ge'i tog gis byang chub sems dpa' gzungs kyi dbang phyug gi rgyal po la 'di skad ces smras so/ /rigs kyi bu khyod byang chub sems dpas gang thos pas gzungs 'di dag thob par bya ba'i phyir brtson par 'gyur ba'i gzungs 'di dag
168a7 rgya cher rnam par dbye ba la 'jug pa bstan pa la spobs par gyis shig /byang chub sems dpa' gzungs kyi dbang phyug gi rgyal pos smras pa/ de'i phyir rigs kyi bu khyod kyis shin du legs par nyon la yid la zung shig dang gzungs 'di dag rgya cher rnam par
168a8 dbye ba la 'jug pa kho bos khyod la bshad par bya'o/ /rigs kyi bu de la sgra dbyangs rnam par dag pa'i gzungs gang zhe na/ rigs kyi bu 'di la byang chub sems dpa' gzungs 'di la rab tu gnas pa na chags pa med pa la 'jug pa'i sgo shin du rnam par dag pas snying
168b1 po dang ldan pa'i blos shin du gnas te/ chos bstan pa'i byin gyi brlabs nges par byas nas chos ston pa na sangs rgyas kyi zhing gcig dbyangs kyis go bar byed do/ /gnyis sam/ gsum 'am/ bzhi 'am/ lnga 'am/ bcu 'am/ nyi shu 'am/ sum bcu 'am/ bzhi
168b2 bcu 'am/ lnga bcu 'am/ brgya yang dbyangs kyis go bar byed do/ /sangs rgyas kyi zhing stong dbyangs kyis go bar byed pa nas sangs rgyas kyi zhing stong phrag bcu 'am/ nyi shu 'am gsum bcu 'am/ bzhi bcu 'am lnga bcu 'am/ brgya'i bar du dbyangs kyis go bar byed do/ /
168b3 sangs rgyas kyi zhing bye ba khrag khrig brgya stong phrag mtha' yas mu med pa'i bar dag dbyangs kyis go bar byed do/ /des rgyang grags kyi tshad tsam gyi seng ge'i khri byin gyis brlabs te/ de la 'dug nas chos ston to/ /ji ltar mos pa'i sems can rnams
168b4 mos pa de lta bus tshim par bya ba'i phyir dpag tshad phyed kyi tshad tsam 'am/ dpag tshad kyi tshad tsam 'am/ ri rab kyi tshad tsam 'am/ tshangs pa'i 'jig rten gyi tshad tsam gyi seng ge'i khri byin gyis brlabs te/ de la 'dug nas chos ston to/ /de ltar seng
168b5 ge'i khri de la 'dug pa na phyogs bcu'i sangs rgyas thams cad snang bar gyur to/ /sangs rgyas bcom ldan 'das de dag gis chos gang bshad pa de thams cad kyang thos so/ /thos nas kyang gzungs kyi stobs kyis kun du 'dzin to/ /mi brjod do/ /chos des chos kyi
168b6 don so sor myong bar byed do/ /de chos gzhan nyan pas chos ston pa la sgrib par mi byed do/ /chos ston pas chos nyan pa la sgrib par mi byed do/ /yi ge'i sgra gcig la 'jug pas yi ge'i sgra thams cad la 'jug pa ston to/ /yi ge'i dang po a zhes bya ba
168b7 brjod pa'i tshul gyis chos kyi sgo mtha' yas pa brjod de/ 'di lta ste/ 'ong ba med pa'i mtshan nyid kyi tshul gyis chos thams cad ni 'ongs pa med pa'o/ /'pho ba med pa'i tshul gyis chos thams cad ni song ba med pa'o/ /gnas med pa'i tshul gyis chos thams
168b8 cad ni gnas pa med pa'o/ /gzod ma nas rnam par dag pa'i phyir chos thams cad ni ngo bo nyid med pa'o/ /gzod ma nas ma skyes pa'i phyir chos thams cad ni rtsa ba med pa'o/ /gzod ma nas byung ba med pa'i phyir chos thams cad ni mtha' ma med pa'o/ /rnam par
169a1 'gro ba med pa'i tshul gyis chos thams cad ni zad pa med pa'o/ /mngon par 'du bya ba med pa'i tshul gyis chos thams cad ni ma skyes pa'o/ /byed pa po med pa'i tshul gyis chos thams cad ni skye ba med pa'o/ /rgyu ba med pa'i tshul gyis chos thams cad ni 'byung ba
169a2 med pa'o/ /phan tshun yang dag par 'du ba'i tshul gyis chos thams cad ni mi mthun pa med pa'o/ /bdag po med pa'i tshul gyis chos thams cad ni ma 'gags pa'o/ /smon pa med pa'i phyir chos thams cad ni rgyu ba med pa'o/ /mi rtog cing rnam par mi
169a3 rtog pa'i tshul gyis chos thams cad ni spros pa med pa'o/ /shin du sgra la zhugs pa'i phyir chos thams cad ni rjod pa med pa'o/ /sgra med pa'i phyir chos thams cad ni smra ba med pa'o/ /rnam par gnas pa med pa'i phyir chos thams cad ni bstan du med pa'o/ /
169a4 rtog pa med pa'i phyir chos thams cad ni rnam par brtags pa ma yin pa'o/ /rnam par bsgrubs pa ma yin pa'i phyir chos thams cad ni rlom sems med pa'o/ /rlom sems med pa'i phyir chos thams cad ni g.yo ba med pa'o/ /nam mkha' dang mnyam pa'i
169a5 phyir chos thams cad ni rnam par shes pa med pa'o/ /tshig gi lam med pa'i phyir chos thams cad ni tha snyad med pa'o/ /yul na mi gnas pa'i phyir chos thams cad ni gnas med pa'o/ /phyogs na mi gnas pa'i phyir chos thams cad ni skye ba med
169a6 pa'o/ /nyon mongs pa med pa'i phyir chos thams cad ni gzod ma nas rnam par dag pa'o/ /bdag gi rang bzhin med pa'i phyir chos thams cad ni bdag med pa'o/ /gzod ma nas rnam par dag pa'i phyir chos thams cad ni sems can med pa'o/ /dbang po med pa'i phyir
169a7 chos thams cad ni srog med pa'o/ /don dang bral ba'i phyir chos thams cad ni gang zag med pa'o/ /nang nye bar zhi ba'i phyir chos thams cad ni gzod ma nas stong pa'o/ /mtha' med par gyur pa'i phyir chos thams cad ni mtshan ma med pa'o/ /nye bar len
169a8 pa med pa'i phyir chos thams cad ni smon pa med pa'o/ /'dus byas ma yin pa'i phyir chos thams cad ni mngon par 'du byed pa med pa'o/ /gnas med pa dang / gnas las shin du 'das pa'i phyir chos thams cad ni 'dus ma byas pa'o/ /
169b1 gzhan gyi dring mi 'jog pa'i phyir chos thams cad ni thun mong ma yin pa'o/ /len pa med pa'i phyir chos thams cad ni blang ba med pa'o/ /'dor ba med pa'i phyir chos thams cad ni dor ba med pa'o/ /lus med pa'i phyir chos thams cad ni ngo bo nyid
169b2 med pa'o/ /rnam par dag pa'i phyir chos thams cad ni rnam pa med pa'o/ /byed pa po med pa'i phyir chos thams cad ni las med pa'o/ /'pho ba med pa'i phyir chos thams cad ni rnam par smin pa med pa'o/ /sa bon med pa'i phyir chos thams cad ni
169b3 gdung ba med pa'o/ /'dzin pa med pa'i phyir chos thams cad ni mtshan ma med pa'o/ /mdud pa med pa'i phyir chos thams cad ni log pa'i las med pa'o/ /rnam par bsgrubs pa ma yin pa'i phyir chos thams
169b4 cad ni mdud pa med pa'o/ /byas pa ma yin pa'i phyir chos thams cad ni rnam par bsgrubs pa ma yin pa'o/ /zag pa mi slong ba'i phyir chos thams cad ni zag pa med pa'o/ /gzod ma nas byung ba med pa'i phyir chos thams cad ni ma byung ba'o/ /gnyen po med
169b5 pa'i phyir chos thams cad ni gsal ba'o/ /rnam pa sna tshogs med pa'i phyir chos thams cad ni gnyen po med pa'o/ /'byung ba chen po las ma byung ba'i phyir chos thams cad ni gzugs can ma yin pa'o/ /tshor ba med pa'i phyir chos thams cad ni tshor ba
169b6 med pa'o/ /'du shes kyi lam las shin tu 'das pa'i phyir chos thams cad ni 'du shes med pa'o/ /sred pa dang bral ba'i phyir chos thams cad ni 'du byed pa med pa'o/ /so sor rnam par rig pa med pa'i phyir chos thams cad ni rnam par shes pa med pa'o/ /
169b7 khams nam mkha' dang mtshungs pa'i phyir chos thams cad ni khams med pa'o/ /yul gyi lam las shin du 'das pa'i phyir chos thams cad ni 'dren pa med pa'o/ /rgyu ba med pa'i phyir chos thams cad ni yul med pa'o/ /kun brtags pa ma yin pa'i phyir
169b8 chos thams cad ni 'dod pa med pa'o/ /'jug pa med pa'i phyir chos thams cad ni gzugs med pa'o/ /nges par sems pa med pa'i phyir chos thams cad ni gzugs med pa ma yin pa'o 'khrugs pa spangs pa'i phyir chos thams cad ni 'khrugs pa med pa'o/ /gzung
170a1 ba ma yin pa'i phyir chos thams cad ni bsam gyis mi khyab pa'o/ /gnyis su dbyer med pa'i phyir chos thams cad ni yid med pa'o/ /yul gyi lam las shin du 'das pa'i phyir chos thams cad ni gzung ba ma yin pa'o/ /rtag pa med pa'i phyir chos thams
170a2 cad ni kun gzhi med pa'o/ /rten pa dang mi mthun pa med pa'i phyir chos thams cad ni ther zug ma yin pa'o/ /mtshan ma med pa'i phyir chos thams cad ni ming med pa'o/ /phan tshun gcig nas gcig tu brgyud pa med pa'i phyir chos thams cad ni 'dres pa med pa'o/ /
170a3 gnas med pa'i phyir chos thams cad ni gnas pa med pa'o/ /'gyod pa med pa'i phyir chos thams cad ni rjod pa med pa'o/ /sdig pa dang bral ba'i phyir chos thams cad ni 'gyod pa med pa'o/ /dri ma med pa'i phyir chos thams cad ni bag chags med pa'o/ /gzod ma nas
170a4 rnam par dag pa'i phyir chos thams cad ni dri ma med pa'o/ /nyon mongs pa med pa'i phyir chos thams cad ni gzod ma nas rnam par dag pa'o/ /rten pa med pa'i phyir chos thams cad ni nyon mongs pa med pa'o/ /g.yos pa med pa'i phyir chos thams cad ni rten pa med pa'o/ /
170a5 chags pa med par 'jug pa'i phyir chos thams cad ni g.yo ba med pa'o/ /sgrib pa med pa'i phyir chos thams cad ni chags pa med par 'jug pa'o/ /nam mkha' dang mtshungs pa'i phyir chos thams cad ni sgrib pa med pa'o/ /rnam par rtog pa med pa'i phyir chos thams
170a6 cad ni nam mkha' dang mtshungs pa'o/ /rgyu ba med pa'i phyir chos thams cad ni gzugs can ma yin pa'o/ /snang ba med pa'i phyir chos thams cad ni bstan du med pa'o/ /snang ba dang bral ba'i phyir chos thams cad ni snang ba med pa'o/ /mi mnyam pa med pa'i phyir
170a7 chos thams cad ni mnyam pa med pa'o/ /nam mkha' dang mtshungs pa'i phyir chos thams cad ni mi mnyam pa med pa'o/ /gsal ba med pa'i phyir chos thams cad ni mun pa med pa'o/ /gnyen po med pa'i phyir chos thams cad ni snang ba med pa'o/ /ltung ba
170a8 dang bral ba'i phyir chos thams cad ni kha na ma tho ba med pa'o/ /las byas pa med pa'i phyir chos thams cad ni kha na ma tho ba med pa'o/ /brdzun pa slu ba'i chos yin pa'i phyir chos thams cad ni ji lta ba bzhin du ma yin pa'o/ /gzod ma nas gnas pa'i phyir chos
170b1 thams cad ni phye ba med pa'o/ /gzugs can ma yin pa'i phyir chos thams cad ni lta ba po med pa'o/ /sgra med pa'i phyir chos thams cad ni nyan pa po med pa'o/ /dri med pa'i phyir chos thams cad ni snom pa po med pa'o/ /ro med pa'i phyir chos thams cad ni
170b2 myang ba po med pa'o/ /reg bya med pa'i phyir chos thams cad ni reg pa po med pa'o/ /chos med pa'i phyir chos thams cad ni rnam par shes pa po med pa'o/ /sems dang / yid dang / rnam par shes pa dang bral ba'i phyir chos thams cad ni dmigs pa med
170b3 pa'o/ /byang chub dang mtshungs shing 'dra ba'i phyir chos thams cad ni bsam gyis mi khyab pa'o/ /gzod ma nas ma skyes pa'i phyir chos thams cad ni gzod ma nas yongs su mya ngan las 'das pa'o/ /rigs kyi bu de ltar sgra dbyangs rnam par dag pa'i gzungs
170b4 rab tu thob pa'i phyir byang chub sems dpa'i yi ge'i dang po a zhes bya ba yongs su rjod pa na bskal pa 'am/ bskal pa las lhag par chos ston kyang yi ge a zhes bya ba'i sgra mi 'dor bar ston to/ /de bzhin du sbyar te/ yi ge thams cad kyi nang nas yi ge gang
170b5 dang gang gis chos ston par rtsom pa'i yi ge dang de zad par mi 'gyur ro/ /rgyun chad pa med par chos kyi tshul don dang tshig 'bru dang ldan pa ston to/ /gzungs 'di la rab tu gnas pa'i byang chub sems dpa' ni spyod lam gyis lus rnam par dag pa yin no/ /spobs
170b6 pas ngag rnam par dag pa yin no/ /byams pa sgom pas sems rnam par dag pa yin no/ /chos dang zang zing sbyin pa la ser sna med pas sbyin pa rnam par dag pa yin no/ /tshul khrims nyams pa med pas tshul khrims rnam par dag pa yin no/ /zhe 'gras
170b7 pa'i sems med pas bzod pa rnam par dag pa yin no/ /legs par byed pa'i las byed pas brtson 'grus rnam par dag pa yin no/ /de la ma chags pas bsam gtan rnam par dag pa yin no/ /ye shes kyi snang ba rab rib med pas shes rab rnam par
170b8 dag pa yin no/ /kha na ma tho ba med pas las rnam par dag pa yin no/ /lha'i mig yongs su dag pas mig rnam par dag pa yin no/ /lha'i rna ba thob pa dang / de bzhin gshegs pa thams cad kyis chos bstan pa nyan pas rna ba rnam par dag pa yin no/ /de bzhin
171a1 gshegs pa'i tshul khrims kyi dri la snom pa'i phyir sna rnam par dag pa yin no/ /ro zhim po la brkam pa med pa'i phyir lce rnam par dag pa yin no/ /rdzus te skye bas mngal gyi dri mas mi gos pa'i phyir lus rnam par dag pa yin no/ /chos rab tu
171a2 'byed pa la mkhas pas sems rnam par dag pa yin no/ /mtshan gyis legs par brgyan pas gzugs rnam par dag pa yin no/ /yid du 'ong ba'i sgra rjod pas sgra rnam par dag pa yin no/ /tshul khrims dang / thos pa dang / gtong ba'i dris yongs su bsgos pas/
171a3 dri rnam par dag pa yin no/ /skyes bu chen po'i mtshan ro bro ba'i mchog thob pas ro rnam par dag pa yin no/ /'jam zhing mnyen pa'i rkang lag thob pas reg pa rnam par dag pa yin no/ /chos la snang ba thob pas chos rnam par dag pa yin no/ /ji ltar thos pa'i
171a4 chos rnams ma brjed pas dran pa rnam par dag pa yin no/ /bdud kyi lam las shin du 'das pas blo gros rnam par dag pa yin no/ /chos zab mo rtogs par khong du chud pas rtogs pa rnam par dag pa yin no/ /gzugs 'di la rab tu gnas pa'i byang chub sems
171a5 dpa' ni sangs rgyas kyi zhing ji snyed sgras go bar byed pa de snyed 'od kyis rgyas par 'gengs so/ /'di lta ste/ gzungs 'di nyid kyi ma 'dres pa'i khyad par rab tu thob pas 'od des phyogs bcu'i sangs rgyas thams cad kyis gsungs pa'i chos kyi tshul 'byung bar byed do/ /
171a6 rigs kyi bu sgra dbyangs rnam par dag pa'i gzungs 'di ni gang chung zad gzhol bar 'jug pa ste/ sgra dbyangs rnam par dag pa'i gzungs 'di bstan pa ni tshad med de/ yi ge rnam par phye bas bsam gyis mi khyab pa'o/ /nges par bstan pas mtha' yas pa'o/ /
171a7 rnam par gdon mi za bas tshad med pa'o/ /bshad pas thug pa med pa'o/ /gzhol bar 'jug pas chags pa med pa'o/ /rigs kyi bu de la mi zad pa'i za ma tog gi gzungs gang zhe na/ 'di lta ste/ gzugs mi rtag go zhes mi rtag par bstan pa mi zad
171a8 pa dang / gzugs sdug bsngal lo zhes sdug bsngal bar bstan pa mi zad pa'o/ gzugs bdag med pa'o zhes bdag med par bstan pa mi zad pa dang gzugs zhi ba'o zhes zhi bar bstan pa mi zad pa dang / gzugs dben pa'o zhes dben par bstan pa mi zad pa dang /
171b1 gzugs dbu ba rdos pa lta bu'o zhes dbu ba rdos pa lta bur bstan pa mi zad pa dang / gzugs sgyu ma lta bu'o zhes sgyu ma lta bur bstan pa mi zad pa dang / gzugs smig rgyu lta bu'o zhes smig rgyu lta bur bstan pa mi zad pa dang / gzugs chu'i zla ba lta bu'o zhes
171b2 chu'i zla ba lta bur bstan pa mi zad pa dang / gzugs rmi lam lta bu'o zhes rmi lam lta bur bstan pa mi zad pa dang / gzugs brag ca lta bu'o zhes brag ca lta bur bstan pa mi zad pa dang / gzugs mig yor lta bu'o zhes mig yor lta bur bstan pa mi zad pa dang /
171b3 gzugs gzugs brnyen lta bu'o zhes gzugs brnyan lta bur bstan pa mi zad pa dang / gzugs ngo bo nyid med pa'o zhes ngo bo nyid med par bstan pa mi zad pa dang / gzugs dngos po med pa'o zhes dngos po med par bstan pa mi zad pa dang / gzugs
171b4 gnas med pa'o zhes gnas med par bstan pa mi zad pa dang / gzugs stong pa'o zhes stong par bstan pa mi zad pa dang / gzugs mtshan ma med pa'o zhes mtshan ma med par bstan pa mi zad pa dang gzugs smon pa med pa'o zhes smon pa med par bstan pa mi
171b5 zad pa dang / gzugs mngon par 'du byed pa med pa'o zhes mngon par 'du byed pa med par bstan pa mi zad pa dang / gzugs ma skyes pa'o zhes ma skyes par bstan pa mi zad pa dang / gzugs skye ba med pa'o zhes skye ba med par bstan pa mi zad pa dang /
171b6 gzugs sngon gyi mthar ngo bo nyid med pa'o zhes sngon gyi mthar ngo bo nyid med par bstan pa mi zad pa dang / gzugs phyi ma'i mthar ngo bo nyid med pa'o zhes phyi ma'i mthar ngo bo nyid med par bstan pa mi zad pa dang / gzugs bar du ngo bo nyid med pa'o zhes
171b7 bar du ngo bo nyid med par bstan pa mi zad pa dang / gzugs bar du zhi ba'o zhes bar du zhi bar bstan pa mi zad pa dang / gzugs nye bar zhi bar zhi ba'o zhes nye bar zhi bar bstan pa mi zad pa dang / gzugs rgyu ba med pa'o zhes rgyu ba med par bstan pa mi zad pa
171b8 dang / gzugs spros pa med pa'o zhes spros pa med par bstan pa mi zad pa dang / gzugs bsam gyis mi khyab pa'o zhes bsam gyis mi khyab par bstan pa mi zad pa dang / gzugs mtshungs pa med pa'o zhes mtshungs pa med par bstan pa
172a1 mi zad pa dang / gzugs bdag med pa'o zhes bdag med par bstan pa mi zad pa dang / gzugs sems can med pa'o zhes sems can med par bstan pa mi zad pa dang / gzugs srog med pa'o zhes srog med par bstan pa mi zad pa dang
172a2 gzugs gso ba med pa'o zhes gso ba med par bstan pa mi zad pa dang / gzugs gang zag med pa'o zhes gang zag med par bstan pa mi zad pa dang / gzugs bems po'o zhes bems por bstan pa mi zad pa dang / gzugs g.yo ba med pa'o zhes g.yo
172a3 ba med par bstan pa mi zad pa dang / gzugs byed pa med pa'o zhes byed pa med par bstan pa mi zad pa dang / gzugs rtswa dang / rtsig pa dang / shing dang / bong ba dang / mig yor lta bu'o zhes rtswa dang / rtsig pa dang / shing dang / bong ba dang / mig yor lta bur bstan pa mi zad
172a4 pa dang / gzugs rnam par bsgrubs pa'i mtshan nyid do/ /zhes rnam par bsgrubs pa'i mtshan nyid du bstan pa mi zad pa dang / gzugs 'byung ba chen po bzhi las gyur pa'o zhes 'byung ba chen po bzhi las gyur par bstan pa mi zad pa dang / gzugs sgra
172a5 med pa'o zhes sgra med par bstan pa mi zad pa dang / gzugs rnam par rig pa ma yin pa'o zhes rnam par rig pa ma yin par bstan pa mi zad pa dang / gzugs brjod du med pa'o zhes brjod du med par bstan pa mi zad pa dang / gzugs rang gi ngang gis
172a6 yongs su dag pa'o zhes rang gi ngang gis yongs su dag par bstan pa mi zad pa dang / gzugs rten cing 'brel bar 'byung ba'o zhes rten cing 'brel bar 'byung ba bstan pa mi zad pa dang / gzugs chad pa med pa'o zhes chad pa med par bstan pa mi zad
172a7 pa dang / gzugs rtag pa med pa'o zhes rtag pa med par bstan pa mi zad pa dang / gzugs byed pa po med pa'o zhes byed pa po med par bstan pa mi zad pa dang / gzugs tshor ba po med pa'o zhes tshor ba po med par bstan pa mi zad pa dang / gzugs las
172a8 kyi rnam par smin pas grub pa'o zhes las kyi rnam par smin pas grub par bstan pa mi zad pa dang / gzugs chos kyi dbyings dang mnyam pa'o zhes chos kyi dbyings dang mnyam par bstan pa mi zad pa dang gzugs de bzhin nyid la rab tu gnas pa'o zhes
172b1 de bzhin nyid la rab tu gnas par bstan pa mi zad pa dang / gzugs yang dag pa'i mtha' la rab tu gnas pa'o zhes yang dag pa'i mtha' la rab tu gnas par bstan pa mi zad pa dang / gzugs nga'i ba med pa'o zhes nga'i ba med par bstan
172b2 pa mi zad pa dang / gzugs yongs su 'dzin pa med pa'o zhes yongs su 'dzin pa med par bstan pa mi zad pa dang / gzugs zin pa med pa'o zhes zin pa med par bstan pa mi zad pa dang / gzugs bsam gyis mi khyab pa'o zhes bsam gyis mi khyab
172b3 par bstan pa mi zad pa dang / gzugs mtshungs pa med pa'o zhes mtshungs pa med par bstan pa mi zad pa dang / gzugs tshad med pa'o zhes tshad med par bstan pa mi zad pa dang / gzugs thug pa med pa'o zhes thug pa med par bstan pa mi zad pa dang /
172b4 gzugs byang chub kyi rang bzhin no zhes byang chub kyi rang bzhin du bstan pa mi zad pa dang / gzugs nam mkha' dang mnyam pa'o zhes nam mkha' dang mnyam par bstan pa mi zad pa dang / gzugs mya ngan las 'das pa'i rang bzhin no zhes mya ngan las 'das pa'i
172b5 rang bzhin du bstan pa mi zad pa'o/ /de bzhin du phung po rnams dang / khams rnams dang / skye mched rnams dang / ming gi tshogs dang / tshig gi tshogs dang / yi ge'i tshogs thams cad dang / chos thams cad kyi bar la yang sgra gcig brjod pa la
172b6 'jug pas bstan pa mi zad pa shes par thams cad la rgyas par sbyar ro/ /'byung ba chen po bzhi las gyur pa lus kyi za ma tog 'di'i mi zad pa yongs su brjod pa shes pa dang / rin po che'i za ma tog chos kyi rnam grangs mi zad pa la 'jug pa shes pa dang /
172b7 bstan pa shes pa mi zad pa 'di ni mi zad pa'i za ma tog gi gzungs shes bya ste/ gang chung zad 'jug pa tsam zhig bstan gyi/ bskal pa 'am de las lhag par yang mi zad pa'i za ma tog ces brjod du yod do/ /rigs kyi bu de la 'khyil ba mtha' yas
172b8 kyi gzungs gang zhe na/ mtha' zhes bya ba ni chad pa dang rtag pa'o/ /'khyil ba zhes bya ba ni rten cing 'brel bar 'byung ba yan lags bcu gnyis pa ste/ 'di lta ste/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa rnam par shes
173a1 pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen
173a2 gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar sdug bsngal gyi phung po chen po 'di 'ba' shig 'byung bar 'gyur ro/ /de la sngags kyi dgongs pa mtha'
173a3 yas pa dang / sngags bstan pa'i sgo mtha' yas pa dang / gzhol bar 'jug pa mtha' yas pa 'di ni/ 'khyil ba mtha' yas pa'i gzungs shes pa'o/ /mtha' zhes bya ba ni len pa dang 'dor ba'o/ /'khyil ba zhes bya ba ni mi len mi 'dor ba'o/ /mtha' zhes bya ba ni skye ba dang
173a4 'gags pa'o/ /'khyil ba zhes bya ba ni skye ba med pa dang 'gags pa med pa'o/ /mtha' zhes bya ba ni kun nas nyon mongs pa dang / rnam par byang ba'o/ /'khyil ba zhes bya ba ni rang bzhin gyis rnam par dag pa'o/ /mtha' zhes bya ba ni mtshan ma dang spros pa'o/ /'khyil ba
173a5 zhes bya ba ni kun du 'byung ba med pa'o/ /mtha' zhes bya ba ni rtog pa dang rnam par rtog pa'o/ /'khyil ba zhes bya ba ni rtog pa med pa dang / rnam par rtog pa med pa'o/ /mtha' zhes bya ba ni rgyu dang lta ba'o/ /'khyil ba zhes bya ba ni rgyu dang lta ba yongs su shes pa'o/ /mtha'
173a6 zhes bya ba ni ming dang gzugs so/ /'khyil ba zhes bya ba ni rnam par rig byed ma yin pa'o/ /mtha' zhes bya ba ni 'dus byas dang 'dus ma byas pa'o/ /'khyil ba zhes bya ba ni 'khor gsum yongs su dag pa'o/ /mtha' zhes bya ba ni nang dang phyi'o/ /'khyil ba zhes
173a7 bya ba ni rnam par shes pa mi gnas pa'o/ /mtha' zhes bya ba ni las dang rnam par smin pa'o/ /'khyil ba zhes bya ba ni las med pa dang rnam par smin pa med pa'o/ /mtha' zhes bya ba ni dge ba dang mi dge ba'o/ /'khyil ba zhes bya ba ni mngon par 'du byed pa
173a8 med pa'o/ /mtha' zhes bya ba ni kha na ma tho ba dang bcas pa dang kha na ma tho ba med pa'o/ /'khyil ba zhes bya ba ni gnyis su med pa'o/ /mtha' zhes bya ba ni las dang nyon mongs pa rnams so/ /'khyil ba zhes bya ba ni rang bzhi 'od gsal ba'o/ /mtha' zhes bya ba ni bdag dang bdag med pa'o/ /
173b1 'khyil ba zhes bya ba ni shin du rnam par dag pa'o/ /mtha' zhes bya ba ni 'khor ba dang mya ngan las 'das pa'o/ /'khyil ba zhes bya ba ni chos thams cad rang bzhin gyis yongs su mya ngan las 'das pa'o/ /rigs kyi bu de ltar mtha' yas pa bstan pa
173b2 tshad med do/ /'khyil ba bstan pa tshad med do/ /'khyil ba mtha' yas pa'i gzungs 'di la rab tu gnas pa'i byang chub sems dpa' ni mtha' yas pa'i rjes su song / chos 'khyil ba'i rjes su song bas bskal pa brgya stong phrag mtha' yas par chos ston
173b3 kyang don dang tshig 'brus gzungs kyi ye shes 'di'i mtha' mi phyin to/ /'di ni 'khyil ba mtha' yas pa'i gzungs la gzhol bar 'jug pa dang / rjes su 'gro bar bstan pa dang / ye shes kyi snang ba rjes su rtogs pa dang / rnam par dag pa'i sgo la rab
173b4 rib med pa'i ye shes kyi rjes su 'gro ba rjes su rtogs pa'o/ /rigs kyi bu de la rgya mtsho'i phyag rgya'i gzungs gang zhe na rigs kyi bu 'di lta ste dper na gling bzhi pa chen po'i 'jig rten gyi khams na gang dag gzugs su snang ba dang / sems can gyi gzugs su snang ba
173b5 'am/ ri'i gzugs su snang ba 'am/ shing gi gzugs su snang ba 'am/ rtswa dang / shing gel pa dang / sman dang nags tshal dang lo tog gi gzugs su snang ba 'am/ zla ba dang / nyi ma dang / skar ma dang / nor bu dang / sprin dang / me dang / glog gi gzugs su
173b6 snang ba 'am/ grong dang / grong khyer dang / grong rdal gyi dbyibs kyi gzugs su snang ba 'am/ gzhal med khang dang longs spyod kyi gzugs su snang ba 'am/ bskyed mos tshal dang / chu mig dang / mtshe'u dang / lteng ga dang 'bab chu'i gzugs su snang ba 'am/ nye bar spyod
173b7 pa 'am/ yongs su spyod pa thams cad kyi gzugs su snang ba ngan pa dang / 'bring dang / rab dang / gzugs su snang ba de dag thams cad rgya mtsho chen po la rgya dang bcas par mi nyung / mi mang / lhag pa med pas de'i phyir rgya mtsho chen po zhes bya'o/ /rigs kyi
173b8 bu de bzhin du rgya mtsho'i phyag rgya'i gzungs la rab tu gnas pa'i byang chub sems dpa' yang sems can thams cad la lus rgya dang mtshungs pa yin no/ /sems can thams cad la ngag rgya dang / mtshungs pa yin no/ /sems can thams cad la sems
174a1 rgya dang mtshungs pa yin no/ /phyogs bcu dag na sangs rgyas bcom ldan 'das chos ston pa'i gsung gi phrin las ji snyed 'jug pa de dag byang chub sems dpa' de'i kha'i sgo nas phyag rgyas btab pa dang mtshungs par 'byung ngo / /
174a2 byang chub sems dpa' de bzhin gshegs pa'i phyag rgyas btab de gang ci rjod pa de thams cad de bzhin gshegs pa'i phyag rgyas rnam par mi rtog par phyag rgya thams cad ston pa la gzhan gyi dring mi 'jog par 'gyur ro/ /de la phyag rgya bstan pa ni 'di yin te/ 'di
174a3 lta ste/ a zhes bya ba ni mngon par 'du byed med pa'i phyag rgya'o/ /ra zhes bya ba ni chos thams cad la 'dod chags dang bral ba thob pa'i phyag rgya'o/ /pa zhes bya ba ni don dam pa bstan pa'i phyag rgya'o/ /tsa zhes bya ba ni mig rnam par dag pa'i phyag rgya'o/ /na zhes
174a4 bya ba ni ming dang gzugs thams cad yongs su shes pa'i phyag rgya'o/ /la zhes bya ba ni sred pa'i 'khri shing dang bral ba'i phyag rgya'o/ /da zhes bya ba ni stobs bcu yongs su dag pa'i phyag rgya'o/ /ba zhes bya ba ni stobs dang byang chub kyi yan lag yongs su dag
174a5 pa'i phyag rgya'o/ /Da zhes bya ba ni khrag khrug dang bral ba dang gdung bas gdung ba dang bral ba'i phyag rgya'o Sha zhes bya ba ni mngon par shes pa drug 'thob pa'i phyag rgya'o/ /ba zhes bya ba ni g.yon phyogs kyi lam rnam par spangs pa'i phyag rgya'o/ /ta zhes bya ba
174a6 ni de kho na bstan pa'i phyag rgya'o/ /ya zhes bya ba ni ji lta ba bzhin gyi phyag rgya'o/ /sta zhes bya ba ni khengs pa'i tha ba dang bral ba'i phyag rgya'o/ /ka zhes bya ba ni the tsom dang bral ba'i phyag rgya'o/ /sa zhes bya ba ni bden pa bstan pa'i phyag rgya'o/ /ma zhes bya
174a7 ba ni lam rnam par dag pa'i phyag rgya'o/ /ga zhes bya ba ni zab mo la 'jug pa'i phyag rgya'o/ /s+tha zhes bya ba ni mthu dang stobs kun du bstan pa'i phyag rgya'o/ /dza zhes bya ba ni rga shi las shin du 'da' ba'i phyag rgya'o/ /shwa zhes bya ba ni gcan zan gyi nyes pa
174a8 rnam par spangs pa'i phyag rgya'o/ /d+ha zhes bya ba ni chos kyi dbyings 'dres pa med pa'i phyag rgya'o/ /sha zhes bya ba ni zhi gnas yongs su rdzogs pa'i phyag rgya'o/ /kha zhes bya ba ni nam mkha' mi zad pa'i chos nyid kyi phyag rgya'o/ /k+Sha zhes bya ba ni zad pa shes pa dang /
174b1 mi skye ba shes pa'i phyag rgya'o/ /su zhes bya ba ni rmugs pa'i sgrib pa rnam par spang ba'i phyag rgya'o/ /sa zhes bya ba ni sems can thams cad kun du shes par byed pa'i phyag rgya'o/ /ha zhes bya ba ni nyams pa la bsten pa'i chos rnam par spang ba'i phyag rgya'o/ /b+ha zhes
174b2 bya ba ni dngos po dang dngos po med pa rjes su rtogs par byed pa'i phyag rgya'o/ /tsha zhes bya ba ni 'dod pa dang / zhe sdang dang / 'jig pa dang / gti mug rnam par spong ba'i phyag rgya'o/ /sma zhes bya ba ni dran pa dang / shes bzhin dang / brjed pa med pa'i phyag rgya'o/ /
174b3 hwa zhes bya ba ni bod pa'i phyag rgya'o/ /sa zhes bya ba ni nyon mongs pa thams cad dor ba'i phyag rgya'o/ /g+ha zhes bya ba ni thibs po dang / ling tog dang / ma rig pa sel ba'i phyag rgya'o/ /Tha zhes bya ba ni mthar thug par 'gro ba'i phyag rgya'o/ /Na zhes bya ba ni gya nom pa'i
174b4 chos rjes su rtogs par byed pa'i phyag rgya'o/ /pha zhes bya ba ni 'bras bu thob par byed pa'i phyag rgya'o/ /ska zhes bya ba ni phung po yongs su shes par bya ba'i phyag rgya'o/ /dz+wa zhes bya ba ni rims nad sel ba'i phyag rgya'o/ /sh+tsa zhes bya ba ni ngo mtshar rmad du byung ba'i chos mngon par
174b5 rdzogs par byang chub par bya ba'i phyag rgya'o/ /ba zhes bya ba ni lam gyi rgyun gcod cing mya ngan las 'das pa rjes su thob par byed pa'i phyag rgya'o/ /la zhes bya ba ni yi ge'i mtha' thug pa med pa'i phyag rgya'o/ /rigs kyi bu de ltar byang chub sems dpa'
174b6 rnam pa ji snyed kyis chos ston pa'i yi ge de dag thams cad kyi phyag rgya bstan pa rab tu shes te/ rigs kyi bu 'di ni rgya mtsho'i phyag rgya'i gzungs kyi sgor 'jug pa'o/ /rigs kyi bu de la pad ma bkod pa zhes bya ba'i gzungs de gang zhe na/
174b7 rigs kyi bu 'di la byang chub sems dpa' gzungs 'di la rab tu gnas pa ni 'khor gyi dkyil 'khor gang dang gang du chos bstan pa de dang der de'i pad ma'i stan sna tshogs pa blta na sdug pa 'byung ste/ de pad ma'i stan de la 'dug ma thag tu steng gi bar
174b8 snang las pad ma'i char 'bab bo/ /pad ma de dag las kyang chos bstan pa rnam pa sna tshogs 'byung ste/ 'di lta ste/ zab mo bstan pa dang / sna tshogs bstan pa dang / dpe brjod pa bstan pa dang / mdo dang dbyangs kyis bsnyad pa dang / lung bstan pa dang /
175a1 tshigs su bcad pa dang / ched du brjod pa dang / gleng gzhi dang / de lta bu 'byung ba dang / skyes pa'i rabs dang / shin du rgyas pa dang / chos gtan la dbab pa bstan pa dag ston par 'gyur ro/ /pad ma las chos brjod pa byung ba de 'ang de byed pa'i sdug
175a2 bsngal yang dag par zad par 'gyur ro/ /byang chub sems dpa' de yang btang snyoms su byed cing mi smra ba dang / mnyam par bzhag pa'i gnas kyang mi 'dor ro pad ma 'byung ba las nges par byung ba de yang de byed pa'i sdug bsngal yang dag par zad par 'gyur te/ sangs rgyas
175a3 kyi mdzad pa yang byed do/ /byang chub sems dpa' de'i lus kyi spu'i khung bu thams cad nas 'od zer dag 'byung ngo / /'od zer de dag las kyang pad ma dag 'byung ngo / /pad ma de dag las kyang byang chub sems dpa'i gzugs rnams 'byung ste/ de dag phyogs bcu'i 'jig rten
175a4 gyis khams mtha' yas mu med pa dag tu dong nas sangs rgyas kyi mdzad pa byed de/ 'di ni pad ma bkod pa'i gzungs kyi sgor 'jug pa'o/ /rigs kyi bu de la chags pa med pa'i sgor 'jug pa zhes bya ba'i gzungs gang zhe na/ 'di lta ste bstan pa gcig la mi chags so/ /
175a5 bstan pa gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dag la mi chags so/ /bstan pa nyi shu dang / sum bcu dang / bzhi bcu dang / lnga bcu dang / drug bcu dang / bdun bcu dang / brgyad bcu dang / dgu bcu dang / brgya
175a6 dag la mi chags so/ /bstan pa stong la mi chags so/ /bstan pa bye ba brgya phrag stong la mi chags so/ /bstan pa ther 'bum dang / khrag khrig dang / gtams dang / dkrigs dang / mi 'khrugs pa dang / tshad med pa dang / grangs med pa dang / mtshungs pa med pa dang / gzhal du
175a7 med pa dang / dpag tu med pa la mi chags so/ /bstan pa gang gA'i klung gi bye ma'i rdul phra rab kyi rdul snyed la mi chags so/ /bstan pa 'dzam bu'i gling gi rdul phra rab kyi rdul snyed la mi chags so/ /bstan pa gling bzhi pa'i rdul phra rab kyi rdul snyed la mi chags so/ /
175a8 bstan pa stong gsum gyi stong chen po nyi shu dang / sum bcu dang / bzhi bcu dang / lnga bcu dang / sangs rgyas kyi zhing gi rdul phra rab kyi rdul snyed la mi chags so/ /bstan pa sangs rgyas kyi zhing gang gA'i klung gi bye ma snyed kyi rdul phra rab kyi rdul snyed la mi chags pa nas/ bstan
175b1 pa sangs rgyas kyi zhing thams cad kyi rdul phra rab kyi rdul snyed la mi chags so/ /rigs kyi bu de ltar chos kyi sgo gang dang gang brtsams pa'i chos kyi sgo de dang de'i bstan pa sangs rgyas kyi zhing thams cad kyi rdul phra rab kyi rdul snyed dag bstan pa gcig gis ston to/ /gnyis dang /
175b2 gsum dang / bzhi dang / lnga dang / drug dang / bcu dang / nyi shu dang / sum bcu dang / bzhi bcu dang / lnga bcu dang / brgya dang / stong dang / tshad med pa'i bstan pas ston te/ ldan pa dang / 'byor pa dang / shin du nges pa'i tshig dang / don dang / tshig 'bru dang ldan par ston kyang
175b3 chags pa med cing rgyun chad pa med de/ 'di ni chags pa med pa'i sgor 'jug pa zhes bya ba'i gzungs so/ /rigs kyi bu de la so so yang dag par nges pa la 'jug pa'i gzungs gang zhe na/ gang don so so yang dag par rig pa bstan pa mi zad pa shes pa dang / chos so so
175b4 yang dag par rig pa bstan pa mi zad pa shes pa dang / nges pa'i tshig so so yang dag par rig pa bstan pa mi zad pa shes pa dang / spobs pa so so yang dag par rig pa bstan pa mi zad pa shes pa ste/ shes pa 'di lta bu rab tu thob pa de la shar phyogs kyi sems can
175b5 ji snyed pa de dag thams cad gcig tu 'dus te/ rang rang gi skad kyis don la mkhas pa yongs su dris/ gang dag lho phyogs kyi sems can de dag gis ni chos la mkhas pa yongs su dris/ gang dag nub phyogs kyi sems can de dag gis ni nges pa'i tshig la mkhas pa
175b6 yongs su dris/ gang dag byang phyogs kyi sems can de dag gis ni spobs pa la mkhas pa yongs su dris na de la byang chub sems dpa'i ngag gi las kyang de snyed du tshad med de/ dus gcig tu brjod cing skad sna tshogs la 'jug pa la brjed par mi 'gyur/ sems g.yeng
175b7 bar mi 'gyur ro/ /skad la 'jug pa shes pas skad thams cad kyi rjes su zhugs te/ skad cig brjod pas sems can thams cad kyi sems kyi rnam par rig pa tshim par byed de/ 'di ni so so yang dag par rig pa rnam par nges pa la 'jug pa zhes bya ba'i gzungs
175b8 so/ /rigs kyi bu de la sangs rgyas kyi rgyan byin gyis brlabs pa zhes bya ba'i gzungs gang zhe na rigs kyi bu 'di la byang chub sems dpa' gzungs 'di lta bu rab tu thob pa/ chos kyi stan chen po la 'dug pa/ 'khor gyi dkyil 'khor chen po'i dbus na 'dug pa'i
176a1 spyi gtsug gi drang thad kyi steng na de bzhin gshegs pa'i sku gser gyi mdog can/ mtshan dang dpe byad kyis legs par brgyan pa'i lus dang ldan pa'i gzugs 'byung ste/ de bzhin gshegs pa'i gzugs des phyag g.yas pa de'i spyi gtsug tu 'jog go/ /
176a2 phyag bzhag ma thag tu byang chub sems dpa' de sangs rgyas kyi rgyan gyis rgyan pa'i lus kyi las dang ldan par 'gyur ro/ /sangs rgyas kyi rgyan gyis brgyan pa'i ngag gi las dang ldan par 'gyur ro/ /sangs rgyas kyi rgyan gyis brgyan pa'i dran pa'i las dang ldan par
176a3 'gyur ro/ /de chos de lta bu dang ldan te/ 'khor thams cad kyi sems kyi bsam pa la 'jug pas so so ci rigs par chos ston to/ /zhag gcig gam/ zhag gnyis sam/ zhag gsum 'am zhag bzhi 'am/ zhag bdun nam/ zla ba phyed dam/ zla ba gcig gam/
176a4 dus sam/ lo khyud kor 'am/ lo brgya 'am/ stong ngam/ lo brgya phrag stong ngam/ ji tsam du 'dod pa de tsam du kha zas dang bral ba'i rgyud kyis chos ston kyang de bzhin gshegs pa'i byin gyi brlabs kyis shin du yongs su bzung ba'i phyir de'i chos kyi sgo yongs
176a5 su zad par mi 'gyur/ lus dang sems ngal bar mi 'gyur ro/ /shes pa chen po bzhi dang ldan par 'gyur te/ bzhi gang zhe na/ sems can gyi bsam pa dang / tshig rab tu dbye ba shes pa dang / so so yang dag par rig pa mi zad pa shes pa dang / theg pa ji ltar rnam par
176a6 dgod pa shes pa dang / so so ci rigs par chos bstan pa shes pa dang ldan par 'gyur te/ rigs kyi bu 'di ni sangs rgyas kyi rgyan byin gyis brlabs pa'i gzungs kyi gang chung zad gzhol ba'i sgor 'jug pa zhes bya'o/ /gzungs 'di ni mi zad pa/ thug pa med pa'i rjes
176a7 su song ba/ de bzhin gshegs pa'i mtshams dang bcas pa dang bstan pa tshad med pa'o/ /rigs kyi bu byang chub sems dpa' rnams kyi gzungs ni brgyad po 'di dag ste/ gzungs de dag la rab tu gnas pa'i byang chub sems dpa' rnams ni sangs rgyas
176a8 thams cad kyis gsungs pa kun du 'dzin to/ /chos ston pa ni mi zad par 'gyur ro/ /legs par bshad pas sems can thams cad tshim par byed par 'gyur ro/ /de nas de'i tshe byang chub sems dpa' gzungs kyi dbang phyug gi rgyal pos tshigs
176b1 su bcad pa 'di dag smras so/ /bde gshegs rnams kyis rab tu gsungs pa'i gsung brgya po/ /theg pa 'dir ni de dag rnam par nges thob pa/ /mdo sde bye ba stong phrag thug pa med 'chad kyang / /de ni don dang tshig 'bru gang la 'ang chags pa med/ /yid 'ong shin du snyan
176b2 cing chags par 'gyur ba'i dbyangs/ /bye ba stong phrag tshad med zhing du go byed pa/ /sems can rnams kyis de thos mya ngan 'das par 'gro/ /sgra dbyangs rnam par dag pa'i gzungs 'di thug pa med/ /yi ge thams cad shes pa mkhas pa blo gros ldan/ /bskal pa
176b3 mang por 'chad kyang chos la zad pa med/ /rtsa ba'i tshig gcig brjod pa 'ang zad par mi 'gyur te/ /mi zad chos kyi za ma tog 'di dran pa yi/ /gang gis gzungs thob mtha' mar thug par yongs bcad pa/ /mnyam nyid tshul bzhin chos la sems pa blo gros ldan/ /
176b4 mthar 'dzin thams cad rnam par spangs te yongs dag pas/ /khyu mchog gyur pa de ni dbus la gnas mi 'gyur/ /gang gis mtsho chen phyag rgya'i gzungs ni rab thob pa/ /de yi kha nas phyag rgya bsam yas rjod pa na/ /gang dag gling bzhi gzugs kyi rnam pa ji snyed pa/ /
176b5 de dag kun dang rgya mtsho mtsho chen bcas mi rtog /'khor du gal te bdag nyid chen po de chos ston/ /nam mkha' las ni pad ma dag gi char chen 'bab/ /pad ma dag las chos mang bye ba rab tu 'byung / /'di ni pad ma bkod pa'i gzungs te yongs su dag /chags pa med
176b6 pa'i gzungs ni gal te thob gyur na/ /tshig gcig brjod pa rab tu smra dang gnyis dag dang / /gsum dang bzhi dang lnga dang bye ba dag dang ni/ /khrag khrig thug pa med par smra la chags pa med/ /gang gis rnam par gdon mi za ba'i gzungs thob pa/ /don dang chos
176b7 dang nges tshig spongs pa ji snyed pa/ /phyogs bcu'i sems can ji snyed mang pos yongs dris na/ /de dag the tsom kun bcad dogs pa med par 'gyur/ /gang gis sangs rgyas rnam par 'phrul pa'i gzungs thob pa/ /gzi brjid chen po de ni stan la 'dug pa na/
176b8 sangs rgyas phyag g.yas de yi spyi bor 'jog mdzad de/ /de yang rgyal ba'i spobs pa ci 'dra bzhin du 'gyur/ /gang gis gzungs rnams 'di dag rab tu thob 'gyur ba/ /de yi yon tan bsam yas thug pa med 'gyur te/ /gang gA'i snyed kyi bskal pa bye ba
177a1 stong brjod kyang / /khyu mchog gyur pa'i bsngags pa brjod pas zad pa med/ /gang gis gzungs kyi mchog rnams rab tu thob gyur pa/ /de yi shes pa srid pa gsum la mnyam 'jug ste/ /pad ma bzhin du srid pa gsum las 'phags 'gyur zhing / /
177a2 ri rab bzhin du yul rnams kyis ni mi bskyod 'gyur/ /gang gis gzungs kyi mchog rnams rab tu thob gyur pa/ /de ni srid kun rnam par spangs pa'i spyad spyod de/ /mu stegs can gyi tshogs kun 'jom pa sgrog pa na/ /seng ge bzhin du 'khor du 'jigs pa med
177a3 par 'gyur/ /sa ltar dge ba rnams ni rnam par skyed par 'gyur/ /chu ltar dri ma rnams ni rab tu ded par 'gyur/ /me ltar rlom sems med cing rnam rtog med par 'gyur/ /rlung ltar yul rnams la ni chags pa med par 'gyur/ /gang gis gzungs kyi mchog rnams
177a4 rab tu thob gyur pa/ /de ni smra tshe shes dang dbang po 'khrug pa med/ /de ni sman pa bzhin du 'gro ba thar byed 'gyur/ /phan par 'dod pas chos kyi bkru sman sbyin par byed/ /gang gis gzungs kyi mchog rnams rab tu thob gyur pa/ /skye bo'i tshogs
177a5 rnams de la lta bas mi ngoms te/ /zla ba bzhin du dge ba dag ni rnam sbyong 'gyur/ /sems snyoms gzi brjid chen po 'od zer mnyam par gtong / /gang gis gzungs kyi mchog rnams rab tu thob gyur pa/ /de ni 'gro ba'i srid pa ma lus skems
177a6 par byed/ /nyi ma bzhin du 'od byed mun pa sel bar 'gyur/ /gnyid log sems can srid pa gsum las sad par byed/ /gang gis gzungs kyi mchog rnams rab tu thob gyur pa/ /de ni kun la chung zad tsam yang 'dzin pa med/ /de ni rgyal po
177a7 bzhin du 'jig rten dbang phyug che/ /rnam thos bu bzhin nor ldan chos rnams ston par byed/ /gang gis gzungs kyi mchog rnams rab tu thob gyur pa/ /rdzu 'phrul chen po dran ldan klu dang 'drar 'gyur te/ /sprin gyi bya ba
177a8 med cing mkha' las glog phyung nas/ /zhi bar bya phyir de ni chos kyi char pa 'bebs/ /gang gis gzungs kyi mchog rnams rab tu thob gyur pa/ /'khor rnams thams cad khyu mchog gyur pa'i gdong du blta/ /brgya byin bzhin du dman pa ma yin gzugs
177b1 mchog ldan/ /blo chen 'gro ba rnams la chos dang don rnams sems/ /gang gis gzungs kyi mchog rnams rab tu thob gyur pa/ /de ni tshangs pa'i gnas pa yongs dag bsam gtan byed/ /tshangs pa bzhin du mnyam bzhag snying rje ldan par
177b2 'gyur/ /'jig rten 'di kun zil gyis mnan nas bsam gtan byed/ /gang gis gzungs kyi mchog rnams rab tu thob gyur pa/ /de ni phyogs bcu'i sangs rgyas mang la mchod pa byed/ /de ni rtag tu mngon shes lnga las nyams mi 'gyur/ /
177b3 zhing brgya bsam gyis mi khyab dag tu mkha' nas 'gro/ /gang gis gzungs kyi mchog rnams rab tu thob gyur pa/ /de ni ring por mi thobs sangs rgyas yon tan 'thob/ /phyogs na rgyal ba rnams ni de yi bsngags brjod de/ /bu gcig pa
177b4 zhig yon tan ldan pa bzhin du bstod/ /gang gis gzungs kyi mchog rnams rab tu thob gyur pa/ /de yi spobs pa phreng ba legs brgyus ji bzhin te/ /mdo sde zab mo sna tshogs mang po 'chad pa na/ /spobs pa rgya che yangs shing zad pa med par
177b5 'gyur/ /gang gis gzungs kyi mchog rnams rab tu thob gyur pa/ /de la rgyags pa med cing g.yo med nga rgyal med/ /dran ldan blo gros ldan zhing blo ldan rtogs dang ldan/ /ye shes mtha' yas spyod yul nam mkha' bzhin du 'gyur/ /gang gis
177b6 gzungs kyi mchog rnams rab tu thob gyur pa/ /de yi 'dus byas nyes pa thams cad rab tu chad/ /shes rab ye shes thabs dang zung du 'brel bar 'gyur/ /byams dang snying rje dag kyang zung du 'brel bar 'gyur/ /gang gis gzungs kyi mchog rnams rab tu thob gyur pa/ /
177b7 de ni smra tshe 'khrul pa chung zad mi dmigs te/ /bdag nyid che de sems can rnams kyi sgra skad shes/ /spyod dang dbang po dang ni mos pa thams cad shes/ /gang gis gzungs kyi mchog rnams rab tu thob gyur pa/ /des ni chos la lhag mthong dge dang dran pa dang / /rdzu 'phrul dang
177b8 ni spong dang dbang po stobs lnga dang / /byang chub yan lag de bzhin lam mchog zhi gnas 'thob/ /gang gis gzungs kyi mchog rnams rab tu thob gyur pa/ /de ni bde gshegs rnams kyi spyod yul rang gis rtogs/ /pha rol phyin pa dag ni kun gyi pha rol son/ /
178a1 bsdu ba'i dngos po kun la mkhas shing blo gros ldan/ /gang gis gzungs kyi mchog rnams rab tu thob gyur pa/ /de la nam yang 'khrul pa chung zad mi dmigs te/ /nges pa de ni zhi zhing nyer zhi myos pa med/ /de ni spyod la rab tu gnas gyur shin du dul/ /
178a2 gang gis gzungs kyi mchog rnams rab tu thob gyur pa/ /de ni bde gshegs spyan sngar pad ma'i steng na 'dug /de yi lus ni chos kyi rgyus byung rdul dang bral/ /de yi lus la mngal gyi dri mas gos mi 'gyur/ /gang gis gzungs kyi mchog rnams rab tu thob
178a3 gyur pa/ /de ni rgyal ba kun gyis byin brlabs chos smra ste/ /de ni lus dang ngag yid las rnams gang byed pa/ /thams cad shes pas byas te skye bo phan par byed/ /gang gis gzungs kyi mchog rnams rab tu thob gyur pa/ /de ni smra tshe bsngags pa zad par mi
178a4 'gyur te/ /sems can thams cad 'dren pa shes rab cher gyur kyang / /de yi bsngags pa bskal pa mang por bsam mi khyab// // bam po bdun pa ste tha ma/ de nas bcom ldan 'das kyis byang chub sems dpa' sems dpa' chen po gzungs kyi dbang
178a5 phyug gi rgyal po la legs so bya ba gnang ste/ gzungs kyi dbang phyug gi rgyal po khyod kyis gzungs rnam par nges par bstan pa 'di legs par bshad pa dang ji ltar yang khyod chos 'di dag la gzhan gyi dring mi 'jog pa dang / ji ltar yang khyod sngon gyi de bzhin gshegs
178a6 pa rnams la gzungs kyi sgo'i tshig zab mo rnams yongs su 'dri ba'i rang bzhin can du gyur pa legs so legs so/ /de'i phyir gzungs kyi dbang phyug gi rgyal po khyod kyis rnam grangs 'dis kyang 'di ltar rig par bya'o/ /gzungs kyi dbang phyug gi rgyal po sngon
178a7 byung ba 'das pa'i dus na bskal pa grangs med pa'i yang ches grangs med pa rgyas pa tshad med pa/ bsam gyis mi khyab par gyur pa de'i tshe de'i dus na rnam par snang byed kyi bskal pa la 'jig rten gyi khams dri ma med par de bzhin gshegs pa dri ma med par
178a8 snang ba zhes bya ba sangs rgyas bcom ldan 'das shes bya ba'i bar du gyur pa 'jig rten du byung ngo / /'jig rten gyi khams dri ma med pa de yang bai dUr+ya ltar dag par gyur te/ me long lta bur shin du byi dor byas pa/ lag mthil ltar mnyam pa'o/ /'jig rten gyi
178b1 khams der rin po che sna bdun gyi shing ljon pa rin po che'i yal ga dang / lo ma dang / me tog dang / 'bras bur ldan pa dag byung bar gyur to/ /'dzam bu'i chu bo'i gser gyi pad ma tshad shing rta'i phang lo tsam du gyur pa sna tshogs pa/ blta na sdug pa dag kyang byung
178b2 bar gyur to/ /lha dang mi de dag kyang rin po che'i khang pa brtsegs pa la yongs su longs spyod par gyur to/ /zas dang skom yang bsams pa tsam gyis 'byor te/ 'di lta ste/ dper na gzhan 'phrul dbang byed kyi lha rnams kyi longs spyod dag yongs su spyod pa
178b3 ltar lha dang mi de dag gi longs spyod dang / yongs su spyod pa yang de 'dra bar gyur to/ /lha dang mi de dag kyang 'dod chags chung ba/ zhe sdang chung ba/ gti mug chung ba/ rnam pa bzang ba/ shin du rnam par rig par byed par gyur to/ /'jig rten gyi khams de ni nyi ma
178b4 dang zla bar btags pa rnams med par gyur te/ bcom ldan 'das de bzhin gshegs pa dri ma med par snang ba de ni lus kyi 'od kyis thams cad dang ldan pa'i sangs rgyas kyi zhing gsal bar gyur to/ /'jig rten gyi khams de na pad ma kha zum pas mtshan mo zhes bya ba dang
178b5 pad ma kha bye bas nyin mor bgrang ba ma gtogs par nyin mtshan du gdags pa med do/ /bcom ldan 'das de bzhin gshegs pa dri ma med par snang ba de'i byang chub sems dpa'i dge 'dun ni byang chub sems dpa' rab tu byung ba snyoms par zhugs pa'i byang chub
178b6 sems dpa' bye ba brgya phrag drug cur gyur to/ /khyim pa tshad med pa dag ni bla na med pa yang dag par rdzogs pa'i byang chub la yang dag par zhugs par gyur to/ /de ni theg pa chen po ma gtogs par theg pa rnam par dgod pa gzhan med par gyur to/ /bcom ldan 'das
178b7 de ni phyir mi ldog pa dag pa'i gtam yang dag par ston to/ /bcom ldan 'das de'i sku tshe'i tshad ni bskal pa phyed du gyur to/ /mi rnams kyang bar ma dor 'chi ba'i dus byed pa med par gyur to/ /sangs rgyas kyi zhing de na gang dag sa la gnas pa'i khang pa brtsegs pa rnams na
178b8 gnas pa de dag ni mi zhes bya ba'i grangs su 'gro/ gang dag nam mkha' la gnas pa'i khang pa brtsegs pa rnams na gnas pa de dag ni lha zhes bya ba'i grangs su 'gro ba ma gtogs par lha dang mi rnams kyi kha dog dang / yongs su spyod pa tha dad du bya ba med par
179a1 gyur to/ /'jig rten gyi khams de na bcom ldan 'das chos kyi rgyal po bla na med pa de ma gtogs par rgyal po gzhan gang yang med do/ /lha dang mi de dag thams cad kyang de bzhin gshegs pa la mchod pa'i las byed pa dang / chos nyan pa la 'dun
179a2 par gyur pa ma gtogs par lha gzhan med/ ston pa gzhan med/ gzhan la phyag mi 'tshal/ las gzhan mi byed/ gzhan yid la mi byed par gyur to/ /'jig rten gyi khams de na bud med du gdags pa med do/ /sems can de dag bslab pa gsum pa
179a3 dag la slob pa ma gtogs par ltung bar gdags pa med do/ /bslab pa las 'da' bar gdags pa med do/ /bslab pa gsum gang zhe na/ 'di lta ste/ lhag pa'i tshul khrims kyi bslab pa dang / lhag pa'i sems kyi bslab pa dang / lhag pa'i shes rab
179a4 kyi bslab pa'o/ /de la lhag pa'i tshul khrims kyi bslab pa gang zhe na/ gang thams cad mkhyen pa'i sems mi gtong ba dang / mngon par 'du byed pa thams cad rnam par spong ba'o/ /de la lhag pa'i sems kyi bslab pa gang zhe na/ gang ting nge 'dzin la
179a5 rab tu gnas nas lhag pa'i shes rab thob pa'o/ /de la lhag pa'i shes rab kyi bslab pa gang zhe na/ gang shes rab kyi pha rol du phyin pa la rab tu gnas nas so so yang dag par rig pa thob pa'o/ /byang chub sems dpa' de dag ni lung phog pa med par
179a6 bslab pa 'di lta bu dag la slob pa dag go/ /'jig rten gyi khams de ni de lta bur yongs su dag par gyur to/ /bcom ldan 'das de'i chos bstan pa yang de lta bur yongs su dag par gyur to/ /de'i tshe byang chub sems dpa' 'od dpal zhes bya ba
179a7 'khor de nyid du 'dus te 'dug par gyur pa de stan las langs te/ bcom ldan 'das de bzhin gshegs pa dri ma med par snang ba de la 'di skad ces gsol to/ /bcom ldan 'das gzungs gzungs shes bgyi na/ bcom ldan 'das byang chub sems
179a8 dpa' dag gzungs gang la rab tu gnas nas sangs rgyas bcom ldan 'das thams cad kyis gsungs pa kun du 'dzin pa dang chos bstan pa na zad par mi 'gyur ba dang / legs par bshad pas sems can thams cad tshim par bgyid pa'i gzungs de gang
179b1 lags/ de skad ces gsol pa dang / bcom ldan 'das de bzhin gshegs pa dri ma med par snang ba des byang chub sems dpa' 'od dpal la 'di skad ces bka' stsal to/ /rigs kyi bu khyod gang gi phyir de bzhin gshegs pa la don 'di yongs su dri bar sems pa
179b2 legs so legs so/ /rigs kyi bu rin chen sgron ma zhes bya ba'i gzungs yod de/ byang chub sems dpa' dag gzungs de la rab tu gnas nas sangs rgyas thams cad kyis gsungs pa kun du 'dzin to/ /legs par bshad pas sems can thams cad
179b3 tshim par byed do/ /de skad ces bka' stsal pa dang / de bzhin gshegs pa dri ma med par snang ba la byang chub sems dpa' 'od dpal gyis 'di skad ces gsol to/ /bcom ldan 'das gang thos pas bdag cag de bzhin du sgrub cing gzungs 'di 'thob par
179b4 'gyur bar de bzhin gshegs pas rin chen sgron ma'i gzungs la gang chung zad 'jug pa tsam zhig legs par bshad du gsol/ de nas de bzhin gshegs pa dri ma med par snang bas byang chub sems dpa' 'od dpal la tshigs su bcad de bka'
179b5 stsal pa/ nyon mongs rnams kyi rdul dang bral gyur te/ /dri ma med cing dri ma kun du spangs/ /sems ni rtag tu dag cing dri med pa/ /'di ni rin chen sgron ma'i gzungs yin no/ /lus kyis ngag rnams dag cing yid kyis ni/ /zla ba lta bur dri bral
179b6 dri med 'od/ /byams pa'i sems dang yid kyang snyoms gyur pa/ /'di ni rin chen sgron ma'i gzungs yin no/ /gnyis su lta ba dag las rnam grol zhing / /rtog dang rnam par rtog dang kun du bral/ /'du shes rnams ni yongs su shes gyur pa/ /
179b7 'di ni rin chen sgron ma'i gzungs yin no/ /dran dang blo gros rtog la 'jug pa 'grub/ /shes rab che ldan yon tan rnams dang ldan/ /nam mkha'i dkyil ltar dri ma med cing dag /'di ni rin chen sgron ma'i gzungs yin no/ /dkon mchog gsum
179b8 po rgyun mi 'chad pa dang / /dri gsum rnam spangs srid pa gsum las grol/ /gnyis la yid gnyis za ba mthar 'byin pa/ /rin chen sgron ma'i gzungs ni dag pa yin/ /'dod chags dang ni zhe sdang gti mug bcom/ /dus ngan rnyog spangs yon tan kun dang ldan/ /nyon mongs
180a1 mun pa rab rib sel byed pa/ /rin chen sgron ma gzungs kyi mchog yin no/ /'jig rten dag na sgra skad tha ma dang / /'bring dang mchog ni ji snyed yod pa dag /sgra rnams kun la shin du zhugs gyur pa/ /rin chen sgron ma'i gzungs ni rdul dang bral/ /
180a2 zab mo'i chos rnams dang ni ldan gyur cing / /tshig dang yig 'bru sna tshogs mtha' yas mang / /bdag dang sems can dag tu lhung ba med/ /gnyis med ldan pa 'di ni gzungs yin no/ /so so yang dag rig pa thob gyur cing / /rkang pa snying po bzhi la rab gnas te/ /bsam
180a3 gtan bzhi dang yang dag rab ldan pa/ /'di ni rin chen sgron ma'i gzungs yin no/ /dam pa'i don gyi chos kyi tshul gyur cing / /tshangs pa'i gnas pa bzhi dang bsdu dang ldan/ /mngon par shes pa lnga la 'gro byed pa/ /'di ni rin chen sgron ma'i gzungs yin no/ /dran pa nye bar
180a4 gzhags pa rnams la gnas/ /yang dag spong ba rnams dang rtag tu 'thun/ /rdzu 'phrul rkang pa bzhi la spyod byed pa/ /'di ni rin chen sgron ma'i gzungs yin no/ /dbang po lnga po dag dang ldan gyur cing / /stobs lnga dag la gnas pa mi g.yo'i shugs/ /byang chub
180a5 yan lag rnams dang rab ldan pa/ /'di ni rin chen sgron ma'i gzungs yin no/ /yan lag brgyad pa'i lam gyis 'gro byed cing / /zhi gnas mchog dang lhag mthong zung du 'brel/ /rig dang rnam par grol bas 'gro byed pa/ /'di ni rin chen sgron ma'i gzungs
180a6 yin no/ /sa rnams gnon pa dag ni rab ldan zhing / /mtshams sbyor grol ba'i lam dang rjes su 'thun/ /nyes pa rnams ni kun du spangs gyur pa/ /'di ni rin chen sgron ma'i gzungs yin no/ /'jig rten thams cad na ni snang byed cing / /nyi dang zla yi 'od
180a7 kyi dkyil 'khor ltar/ /rnam par dag cing mig ni 'byed byed pa/ /'di ni rin chen sgron ma'i gzungs yin no/ /'dir ni lha mig dag ste rab rib med/ /shes rab mchog gi mig kyang rnam dag pa/ /'dir ni chos kyi mig kyang dag gyur te/ /rgyal ba dam pa'i spyan
180a8 ni rnams par dag /'dir ni nyon mongs bdud kyang dag par gyur/ /phung po lnga yi nyes pa 'dir yongs dag /'dir ni 'chi bdag bdud kyang dag gyur cing / /'dir ni sde dang bcas pa'i bdud kyang bcom/ /'dir ni gzungs la rab tu gnas nas su/ /
180b1 bye ba khrag khrig dag gi zhing du 'gro/ /sangs rgyas khrag khrig dag kyang mthong 'gyur zhing / /bla na med pa'i chos kyang nyan par byed/ /rgya chen chos ni thos par gyur nas kyang / /gzung kyi dran pa'i stobs kyis 'dzin par byed/ /don dang tshig 'bru dag kyang
180b2 gzungs ldan par/ /sems can thams cad la ni ston par byed/ /rgyu dang rkyen gyis rnam par phye bas na/ /sems ni skad cig 'jig par shes gyur te/ /chos rnams rab tu dbye ba shes thob pa/ /gzungs 'di la ni gnas par gyur pa yin/ /spobs pa thob cing
180b3 gsum rig chags pa med/ /mig gsum rnam par dag pa 'ang rab tu thob/ /rnam par thar pa gsum gyi don kyang thob/ /'dir ni gzungs rnams thob par gyur dang ldan/ /gang dag gzungs rnams mang po gzhal yas shing / /tshad med pa dag nges par
180b4 bstan pa yang / /gzungs kyi dam pa 'di ni thob gyur na/ /de dag thams cad rab tu thob par 'gyur/ /bsam gtan gang dang rnam thar gang dag dang / /snyoms 'jug ting 'dzin gang dag mtha' yas dang / /mngon par shes pas rnam par rol dang gzungs/ /mtha'
180b5 yas de dag la ni rab tu 'jug /ji ltar rgya mtsho dpag tu med pa la/ /mtha' yas sgo nas klung mtsho mtshe'u 'jug pa/ /de ltar gzungs 'di 'dzin par byed pa yang / /mtha' yas chos rnams kyi ni sgo mor 'jug /zad pa med pa'i sgra la 'jug pa yang / /
180b6 zad pa med pa'i shes pas khong du chud/ /gzungs 'di smra bar byed pa de yi ni/ /bsod nams thams cad zad par mi 'gyur ro/ /gzungs 'di rab tu thob par gyur pa ni/ /rin chen dam pa dri med lag tu 'gyur/ /gzugs dang mtshan rnams dang ni rigs dang yang / /
180b7 rus dang skye ba dag ni rnam par dag /zab mo'i tshul dag la ni 'jug pa dang / /mi skye ba la bzod dang ma skyes dang / /phyir mi ldog pa'i shes pa'i sa dag kyang / /gzungs 'di yin par nges par bstan pa yin/ /byang chub bla med mchog 'di tshol byed pa'i/ /byang chub
180b8 sems dpa' mang po gang dag gis/ /gzungs 'di rab tu thob par gyur na ni/ /byang chub bla na med pa rnyed mi dka'/ /gang dag phyogs bcu rnams na bde bar gshegs/ /'gro la phan dang bde phyir chos ston pa/ /gzungs kyi dam pa 'di ni thob
181a1 gyur na/ /de dag spobs pa rgyun chad mi 'gyur ro/ /gzungs 'di rab tu thob par gyur pa dag /dga' dang mos dang bsam pa shes nas ni/ /de dag 'bras bu yod pa ston pas na/ /sems can khrag khrig dag ni tshim par byed/ /gzungs 'di la ni gnas pa'i
181a2 dpa' bo dag /'khor lo dam pa rab tu skor byed cing / /sems can sdug bsngal sna tshogs rnams las 'grol/ /theg pa dam pa la yang 'jog par byed/ /bskal pa bye ba khrag khrig mang por ni/ /bsngags dang yon tan legs pa brjod byas kyang / /drang srong chen pos
181a3 de yi yon tan gyi/ /mtha' ma brjod du nus par mi 'gyur ro/ /rigs kyi bu de ltar bcom ldan 'das de bzhin gshegs pa dri ma med par snang ba des gzungs bstan pa 'di bshad pa na byang chub sems dpa'i 'khor chen po de las byang chub sems dpa' stong phrag sum
181a4 bcu rtsa gnyis kyis gzungs thob par gyur to/ /byang chub sems dpa' sems dpa' chen po 'od dpal gyis ni rin chen sgron ma'i gzungs 'di thob par gyur to/ /gzungs kyi dbang phyug gi rgyal po khyod de'i tshe de'i dus na/ byang chub sems dpa' 'od dpal zhes bya
181a5 bar gyur pa de gzhan zhig yin pa snyam du dogs shing yid gnyis su gyur tam/ the tsom za ba lta na/ khyod kyis de ltar mi blta'o/ /de ci'i phyir zhe na/ khyod nyid de'i tshe de'i dus na byang chub sems dpa' 'od dpal zhes bya bar gyur te/ gzungs kyi dbang
181a6 phyug gi rgyal po khyod kyis de tshun chad bgrang ba las 'das pa'i de bzhin gshegs pa dag la gzungs rnam par nges pa 'di yongs su dris so/ /yongs su dri ba byas so/ /des na khyod da ltar yang de bzhin gshegs pa la yongs su 'dri ba de ltar 'jigs pa med cing
181a7 gzungs kyi rnam par nges pa 'di 'ang ston to/ /khyod kun du lta ba'i blos chos 'di mngon sum du gyur pas rnam grangs 'dis na ngas khyod byang chub sems dpa' gzungs thob pa dang / byang chub sems dpa' dran pa dang ldan pa rnams kyi mchog tu bstan to/ /de nas byang chub sems dpa'
181a8 shes rab brtsegs shes bya ba 'khor de nyid du 'dug par gyur pa des bcom ldan 'das la 'di skad ces gsol to/ /bcom ldan 'das ji ltar na byang chub sems dpa' rin chen sgron ma'i gzungs 'di rab tu thob cing / thob nas kyang chab 'tshal bar mi bgyid
181b1 pa dang / 'di lta ste/ gzungs kyi stobs bskyed pas sems can thams cad nye bar 'tsho ba lags/ de skad ces gsol pa dang / bcom ldan 'das kyis byang chub sems dpa' shes rab brtsegs la 'di skad ces bka' stsal to/ /rigs kyi bu gang
181b2 gi tshe byang chub sems dpa' shes rab kyi rtsa ba la gnas par gyur pa dang / shes rab kyi las byed par gyur pa de'i tshe gzungs 'di rab tu 'thob bo/ /chud za bar mi byed do/ /sems can thams cad kyi nye bar 'tsho bar yang 'gyur ro/ /de skad ces
181b3 bka' stsal pa dang / bcom ldan 'das la byang chub sems dpa' shes rab brtsegs kyis 'di skad ces gsol to/ /bcom ldan 'das shes rab kyi rtsa ba ni gang lags/ shes rab kyi las ni gang lags/ de bzhin gshegs pas legs par
181b4 bshad du gsol/ bcom ldan 'das kyis bka' stsal pa/ de'i phyir rigs kyi bu khyod shin du legs par nyon la yid la zung shig dang / ngas khyod la bshad par bya'o/ /rigs kyi bu byang chub sems dpa' ma thos pa'i chos nyan pa gang yin pa 'di
181b5 ni shes rab kyi rtsa ba'o/ /ji ltar thos pa'i chos gzhan dag la rgya cher yang dag par ston pa gang yin pa 'di ni shes rab kyi las so/ /dpyod pa ni shes rab kyi rtsa ba'o/ /gang dpyad pa gzhan dag la nye bar ston pa 'di ni shes rab kyi las so/ /tshul
181b6 bzhin so sor rtog pa ni shes rab kyi rtsa ba'o/ /sems can rnams tshul bzhin la rab tu dgod pa 'di ni shes rab kyi las so/ /yang dag par sbyor ba ni shes rab kyi rtsa ba'o/ /yang dag par sgrub pa ni shes rab kyi las so/ /sems la nges
181b7 par sems pa ni shes rab kyi rtsa ba'o/ /sems la nges par sems pa yang dag par ston pa ni shes rab kyi las so/ /rab tu dben par gnas pa ni shes rab kyi rtsa ba'o/ /lus dang sems dben par shes pa ni shes rab kyi las so/ /gcig pur dga' ba
181b8 ni shes rab kyi rtsa ba'o/ /gcig pur bgrod pa'i lam sgrub pa ni shes rab kyi las so/ /zhi gnas dang lhag mthong sgom pa ni shes rab kyi rtsa ba'o/ /rig pa dang rnam par grol ba 'thob pa ni shes rab kyi las so/ /rnam par thar pa gsum sgom pa ni shes
182a1 rab kyi rtsa ba'o/ /rig pa gsum mngon sum du byed pa ni shes rab kyi las so/ /dran pa nye bar gzhag pa sgom pa ni shes rab kyi rtsa ba'o/ /dran pa med cing yid la byed pa med pa ni shes rab kyi las so/ /yang dag par spong ba sgom pa ni shes rab kyi
182a2 rtsa ba'o/ /chos thams cad rang bzhin gyis spangs par rab tu shes pa ni shes rab kyi las so/ /rdzu 'phrul gyi rkang pa sgom pa ni shes rab kyi rtsa ba'o/ /mngon par 'du bya ba med pa rdzu 'phrul thob pa ni shes rab kyi las so/ /dad pas mos te
182a3 yid ches pa ni shes rab kyi rtsa ba'o/ /chags pa thams cad las yang dag par 'da' ba ni shes rab kyi las so/ /sems mi 'jum pa ni shes rab kyi rtsa ba'o/ /lus dang sems shin du sbyangs pa ni shes rab kyi las so/ /dran pa dang shes bzhin ni shes
182a4 rab kyi rtsa ba'o/ /dran par bya ba rjes su dran pa ni shes rab kyi las so/ /ting nge 'dzin rim gyis rjes su rtogs par byed pa ni shes rab kyi rtsa ba'o/ /rtag tu mnyam par bzhag par gnas pa 'thob pa ni shes rab kyi las so/ /shes rab kyi dbang po la sten pa ni shes
182a5 rab kyi rtsa ba'o/ /dbang po mchog dang mchog ma yin pa shes pa ni shes rab kyi las so/ /stobs lnga'i gnas shes pa ni shes rab kyi rtsa ba'o/ /bdud dang nyon mongs pas mi rdzi ba ni shes rab kyi las so/ /byang chub kyi yan lag rjes su 'thun pa'i bzod pa ni
182a6 shes rab kyi rtsa ba'o/ /chos thams cad kyi rang bzhin rjes su rtogs pa ni shes rab kyi las so/ /lam gyi yan lag yang dag par sgrub pa ni shes rab kyi rtsa ba'o/ /chos thams cad gzings lta bur shes nas chos dang chos ma yin pa la mi gnas pa ni shes rab
182a7 kyi las so/ /sdug bsngal dang / kun 'byung ba dang / 'gog pa dang / lam sgom pa ni shes rab kyi rtsa ba'o/ /'gog pa mngon sum du byed pa ni shes rab kyi las so/ /drang ba'i don gyi mdo sde kun chub par byed pa ni shes rab kyi rtsa ba'o/ /nges pa'i
182a8 don gyi mdo sde la rton pa ni shes rab kyi las so/ /thos pa thams cad 'dzin pa ni shes rab kyi rtsa ba'o/ /don la rton pa ni shes rab kyi las so/ /rnam par shes pa la so sor rtog pa ni shes rab kyi rtsa ba'o/ /ye shes la rton pa ni shes rab kyi las
182b1 so/ /gang zag gi sgra la mngon par zhen pa med pa ni shes rab kyi rtsa ba'o/ /chos nyid la rton pa ni shes rab kyi las so/ /'du byed thams cad mi rtag par so sor rtog pa ni shes rab kyi rtsa ba'o/ /gdod ma nas ma skyes par rab tu shes pa ni shes rab kyi las
182b2 so/ /'du byed thams cad sdug bsngal bar so sor rtog pa ni shes rab kyi rtsa ba'o/ /chos thams cad mngon par 'du bya ba med par shes pa ni shes rab kyi las so/ /chos thams cad la bdag med par so sor rtog pa ni shes rab kyi rtsa ba'o/ /sems can gzod ma
182b3 nas rnam par dag par shes pa ni shes rab kyi las so/ /mya ngan las 'das pa la zhi bar so sor rtog pa ni shes rab kyi rtsa ba'o/ /chos thams cad rang bzhin gyis yongs su mya ngan las 'das par shes pa ni shes rab kyi las so/ /don thos nas skrag pa med pa
182b4 ni shes rab kyi rtsa ba'o/ /don so so yang dag par rig pa ni shes rab kyi las so/ /yang dag pa'i chos nyid thos nas skrag pa med pa ni shes rab kyi rtsa ba'o/ /chos thams cad yang dag par rig pa ni shes rab kyi las so/ /nges pa'i tshig thams
182b5 cad la skrag pa med pa ni shes rab kyi rtsa ba'o/ /nges pa'i tshig so so yang dag par rig pa ni shes rab kyi las so/ /sangs rgyas kyi spobs pa thos nas skrag pa med pa ni shes rab kyi rtsa ba'o/ /spobs pa so so yang dag par rig pa ni shes rab kyi las
182b6 so/ /sems can la dmigs pa dang / chos la dmigs pa'i byams pa ni shes rab kyi rtsa ba'o/ /dmigs pa med pa'i byams pa ni shes rab kyi las so/ /bdag la byed pa dang / gzhan la byed pa la snying rje ba ni shes rab kyi rtsa ba'o/ /mtha' gnyi ga bsal
182b7 ba'i snying rje chen po ni shes rab kyi las so/ /chos la sems pa la mchog tu dga' bar byed pa'i dga' ba ni shes rab kyi rtsa ba'o/ /blang ba med pa dang dor ba med pa ni shes rab kyi las so/ /rjes su chags pa dang / khong khro ba dang bral ba'i btang snyoms
182b8 ni shes rab kyi rtsa ba'o/ /gnyis dang bral ba ni shes rab kyi las so/ /sangs rgyas rjes su dran pa ni shes rab kyi rtsa ba'o/ /chos kyi sku rab tu shes pa ni shes rab kyi las so/ /chos rjes su dran pa ni shes rab kyi rtsa ba'o/ /'dod chags dang
183a1 bral ba'i chos nyid shes pa ni shes rab kyi las so/ /dge 'dun rjes su dran pa ni shes rab kyi rtsa ba'o/ /'dus ma byas su so sor rtog pa ni shes rab kyi las so/ /gtong ba rjes su dran pa ni shes rab kyi rtsa ba'o/ /nyon mongs pa thams cad yongs
183a2 su gtong ba ni shes rab kyi las so/ /tshul khrims rjes su dran pa ni shes rab kyi rtsa ba'o/ /tshul khrims mngon par 'du bya ba med par shes pa ni shes rab kyi las so/ /lha rjes su dran pa ni shes rab kyi rtsa ba'o/ /rnam par dag pa'i chos nyid ni shes
183a3 rab kyi las so/ /thos pa la rtog pa ni shes rab kyi rtsa ba'o/ /'jig rten thams cad la rtog pa ni shes rab kyi las so/ /ma byas pa'i las byed pa ni shes rab kyi rtsa ba'o/ /las kyi rnam par smin pa med par shes pa ni shes rab kyi las so/ /nga rgyal med
183a4 pa ni shes rab kyi rtsa ba'o/ /ye shes chen po thob pa ni shes rab kyi las so/ /bdag gi don ni shes rab kyi rtsa ba'o/ /gnyi ga'i don ni shes rab kyi las so/ /chos kyi phung po brgyad khri bzhi stong kun du 'dzin pa ni shes rab kyi rtsa ba'o/ /chos kyi phung
183a5 po brgyad khri bzhi stong yongs su shes pa ni shes rab kyi las so/ /chos bstan pa shes pa ni shes rab kyi rtsa ba'o/ /'bras bu yod pa'i chos ston pa ni shes rab kyi las so/ /sems can rnams byang chub yang dag par 'dzin du 'jug pa ni shes rab kyi
183a6 rtsa ba'o/ /shes rab kyi pha rol du phyin pa dang thabs mkhas pas sems can rnams phyir mi ldog pa'i sa la rab tu dgod pa 'di ni shes rab kyi las so/ /srid par 'gro bar skye ba thams cad kyis skrag pa ni shes rab kyi rtsa ba'o/ /bsams
183a7 bzhin du skye ba ni shes rab kyi las so/ /sgra'i rjes su 'gro ba'i bzod pa ni shes rab kyi rtsa ba'o/ /bsgom pa las byung ba'i bzod pa ni shes rab kyi las so/ /zad pa shes pa ni shes rab kyi rtsa ba'o/ /mi skye bar shes pa ni shes rab kyi
183a8 las so/ /rjes su 'thun pa'i bzod pa ni shes rab kyi rtsa ba'o/ /mi skye ba'i chos la bzod pa ni shes rab kyi las so/ /phyir mi ldog pa'i sa ni shes rab kyi rtsa ba'o/ /dbang bskur ba'i sa ni shes rab kyi las so/ /byang chub kyi snying po la
183b1 'dug pa ni shes rab kyi rtsa ba'o/ /gang ci shes par bya ba dang / thos par bya ba dang / rtogs par bya ba dang / mngon par rdzogs par 'tshang rgya bar bya ba de thams cad sems kyi skad cig gcig dang ldan pa'i shes rab kyis bla na med pa yang dag par rdzogs
183b2 pa'i byang chub mngon par rdzogs par 'tshang rgya ba 'di ni shes rab kyi las so/ /shes rab kyi rtsa ba dang las bstan pa 'di bshad pa na phyogs bcu'i sangs rgyas kyi zhing grangs med dpag tu med pa dag rnam pa drug tu g.yos par gyur to/ /'khor gyi khyams
183b3 rin po che bkod pa yang rnam pa drug tu g.yos so/ /de nas bcom ldan 'das la byang chub sems dpa' shes rab brtsegs kyis 'di skad ces gsol to/ /bcom ldan 'das gang gis phyogs bcu'i sangs rgyas kyi zhing grangs ma mchis dpag tu ma
183b4 mchis pa 'di dag rab tu g.yos par gyur pa dang / nam mkha' la gnas pa'i 'khor gyi khyams 'di yang rnam pa drug tu g.yos par gyur pa'i rgyu gang lags/ rkyen gang lags/ bcom ldan 'das kyis bka' stsal pa/ rigs kyi bu shes rab kyi
183b5 rtsa ba dang / las bstan pa'i chos kyi rnam grangs 'di 'das pa'i de bzhin gshegs pa rnams kyis sngon bshad pa na rigs kyi bu khyod nyid kyis nam mkha' yongs su 'dzin pa 'di nyid du de bzhin gshegs pa de dag la yongs su dris shing yongs su dri ba
183b6 byas te/ sa chen po g.yos pa 'jig rten du byung ba'i rgyu ni 'di yin no/ /de nas bcom ldan 'das la byang chub sems dpa' so so yang dag par rig pa la spobs pa zhes bya bas 'di skad ces gsol to/ /bcom ldan 'das ci'i slad du byang chub sems
183b7 dpa' shes rab brtsegs la shes rab brtsegs shes bgyi/ bcom ldan 'das kyis bka' stsal pa/ rigs kyi bu sngon byung ba 'das pa'i dus na dri ma med pa'i bskal pa la 'jig rten gyi khams 'byung ba bzang po na de bzhin gshegs pa dpal sbas
183b8 shes bya ba'i sangs rgyas bcom ldan 'das shes bya ba'i bar gyur pa 'jig rten du byung ngo / /'jig rten gyi khams 'byung ba bzang po de'i sems can rnams ni bde bas tshim pas gnas par gyur to/ /de bzhin gshegs pa dpal sbas de'i byang chub sems dpa'i
184a1 dge 'dun ni byang chub sems dpa' stong phrag bzhi bcu rtsa gnyis su gyur to/ /de'i nyan thos kyi dge 'dun ni nyan thos stong phrag brgyad bcu rtsa bzhir gyur to/ /rigs kyi bu de ltar bcom ldan 'das de bzhin gshegs pa dpal sbas des byang chub
184a2 sems dpa' de dag gi spobs pa rgya chen po nye bar bzung ste/ dri ba bye ba phrag brgya ched du mdzad nas byang chub sems dpa' de dag la bka' stsal pa/ skyes bu dam pa khyod kyi nang nas su dus ji srid cig na dri ba bye ba phrag brgya po 'di dri ba re re la bstan pa bye ba
184a3 phrag brgya brgyas lan 'debs par spro/ de'i nang nas byang chub sems dpa' kha cig gis gsol pa mtshan mo 'di bas te lan gdab par bgyi'o/ /kha cig gis gsol pa/ dgung bdun na'o/ /kha cig gis gsol pa/ dgung zla phyed na'o/ /kha cig
184a4 gis gsol pa/ bcom ldan 'das dris pa 'di dag bdag cag gis dgung zla gcig na lan gdab par bgyi'o/ /de'i tshe byang chub sems dpa' dran pa'i blo zhes bya ba 'khor de nyid du 'dus te 'dug par gyur pa des bcom ldan 'das de bzhin gshegs pa dpal sbas
184a5 de la 'di skad ces gsol to/ /bcom ldan 'das bdag stan las mi ldang zhing spyod lam 'khrug pa ma mchis par de bzhin gshegs pa dbang du bgyis te dri ba 'di bas par lan gdab par bgyi'o/ /skyes bu dam pa des seng ge'i sgra bsgrags ma thag tu de nas
184a6 stong gsum gyi stong chen po'i 'jig rten gyi khams 'di rnam pa drug tu g.yos so/ /snang ba chen po yang 'jig rten du byung bar gyur to/ /snang ba des bskul nas sa bla ba'i lha nas bzung ste/ gnas gtsang ma'i ris kyi bar gyi lha rnams 'dus so/ /dge slong
184a7 dang / dge slong ma dang / dge bsnyen dang / dge bsnyen ma stong phrag mang po yang 'dir 'dus par gyur to/ /de ltar skad cig thang cig yud tsam de la dpag tshad stong phrag bcur 'khor gyi dkyil 'khor gcig tu gnas par gyur to/ /de nas byang chub sems dpa' dran
184a8 pa'i blos 'khor 'dus pa chen po de mthong nas rang gi bsod nams kyi stobs dang / ye shes kyi stobs dang / dran pa'i stobs dang gzungs kyi stobs dang / spobs pa'i stobs dang / mi 'jigs pa'i stobs dang / sangs rgyas kyi byin gyi brlabs dang stobs kyis dri ba ched du mdzad
184b1 pa bye ba phrag brgya po de kun du bzung nas bcom ldan 'das de'i spyan sngar thams cad dang ldan pa'i 'khor de'i mdun du dri ba bye ba phrag brgya po re re la bstan pa bye ba phrag brgyas lan btab ste/ phyad pa dang / rgyun chad pa med pa dang / rjes su 'brel ba dang tshig dang yig 'bru ldan pa dang /
184b2 shin du nges pa'i tshig rnams kyis de'i lan btab pa dang / 'khor de las srog chags stong phrag drug bcus bla na med pa yang dag par rdzogs pa'i byang chub tu sems bskyed do/ /byang chub sems dpa' stong phrag bzhi bcu ni mi skye ba'i chos la bzod pa thob par gyur
184b3 to/ /bcom ldan 'das de bzhin gshegs pa dpal sbas des de la legs so zhes bya ba byin te/ legs so zhes bya ba'i sgra des stong gsum gyi stong chen po'i 'jig rten gyi khams dbyangs kyis go bar gyur to/ /sa bla ba'i lha nas bzung ste/ gnas gtsang
184b4 ma'i ris kyi bar gyi lha rnams kyis/ kye ma gang shes rab dang / spobs pa dang / bstan pa 'di 'dra ba 'di ni byang chub sems dpa' shes rab brtsegs su 'gyur ro zhes sgra phyung ste sgra bsgrags so/ /de ltar na de shes rab brtsegs shes rab brtsegs shes
184b5 ming du btags so/ /rigs kyi bu de'i tshe de'i dus na byang chub sems dpa' dran pa'i blo zhes bya bar gyur pa de gzhan yin pa snyam du dogs shing yid gnyis su gyur tam/ the tsom za ba lta na khyod kyis de ltar mi blta'o/ /de ci'i phyir zhe na/ /byang chub sems dpa' shes
184b6 rab brtsegs 'di nyid de'i tshe de'i dus na byang chub sems dpa' dran pa'i blo zhes bya bar gyur to/ /de nas bcom ldan 'das kyis don 'di rgya cher brjod pa'i phyir de'i tshe tshigs su bcad pa 'di dag gsungs so/ /ma mos gyur nas ma thos chos rnams
184b7 rtag nyan pa/ /shes rab rtsa ba sems can dag pas thob nas ni/ /'dzin cing byams pas 'gro ba dag la ston byed pa/ /shes rab las te byang chub sems dpa' rtag tu byed/ /dpyod pa'i dran pa chen po 'di ni shes rab rtsa/ /dpyad nas 'gro la rtag tu ston
184b8 pa shes rab las/ /gal te tshul bzhin rab sreg 'di ni shes rab rtsa/ /de la sbyar nas ston pa shes rab las shes bya/ /yang dag sbyor la gal te sbyor ba shes rab rtsa/ /sgrub cing ston par byed pa de ni shes rab las/ /sems la nges par sems rnyed 'di ni
185a1 shes rab rtsa/ /nges par sems pa spyod pa 'di ni shes rab las/ /gcig pu dben par spyod pa 'di ni shes rab rtsa/ /lus dang sems la nga'i med 'di ni shes rab las/ /gang tshe 'du 'dzis 'jigs gyur de ni shes rab rtsa/ /gcig pu bgrod pa'i lam
185a2 la rig byed shes rab las/ /zhi gnas lhag mthong dga' ba 'di ni shes rab rtsa/ /rig dang rnam par grol la reg 'di shes rab las/ /rnam thar gsum la mngon par brtson pa shes rab rtsa/ /rig gsum mngon du byed pa shes rab las shes bya/ /gal te dran
185a3 pa nyer gzhag sgom pa shes rab rtsa/ /dran med yid la byed med de ni shes rab las/ /sdig pa spangs te dge ba spyod pa shes rab rtsa/ /chos 'di rang bzhin spangs pa de ni shes rab las/ /gal te rdzu 'phrul rkang pa bzhi sgom shes rab rtsa/ /lhun grub rdzu
185a4 'phrul thob pa 'di ni shes rab las/ /dad pas mos nas yid ches pa ni shes rab rtsa/ /chags pa thams cad gang bral de ni shes rab las/ /zhum med rtag tu brtson pa de ni shes rab rtsa/ /lus dang yid sems rab sbyangs de ni shes rab las/ /dran dang
185a5 shes bzhin mkhas pa 'di ni shes rab rtsa/ /gnas rnams kun la mi gnas 'di ni shes rab las/ /rang gis ting 'dzin rtogs pa de ni shes rab rtsa/ /rang bzhin mnyam par bzhag la spyod 'di shes rab las/ /gal te shes rab dbang por rab gnas
185a6 shes rab rtsa/ /'gro ba'i dbang po thams cad thos pa shes rab las/ /stobs lnga po dag rjes su sgom pa shes rab rtsa/ /bcom nas ye shes thob pa de ni shes rab las/ /byang chub yan lag rjes 'thun bzod pa shes rab rtsa/ /chos kun rjes su gang rtogs
185a7 de ni shes rab las/ /lam gyi yan lag skye gnas sgrub pa shes rab rtsa/ /chos dang chos min spong ba 'di ni shes rab las/ /sdug bsngal rang bzhin mkhas pa 'di ni shes rab rtsa/ /gal te 'gog pa mngon sum byed 'di shes rab las/ /drang ba'i don
185a8 gyi mdo sde tshig 'dzin shes rab rtsa/ /nges pa'i don la rton pa 'di ni shes rab las/ /thams cad thos pas mi ngoms 'di ni shes rab rtsa/ /don la rab tu rton pa 'di ni shes rab las/ /rnam par shes la tshul bzhin tshol ba shes rab rtsa/ /ye shes la ni rab tu rton
185b1 'di shes rab las/ /gang zag gang la 'ang ma zhen 'di ni shes rab rtsa/ /gal te chos nyid rton pa 'di ni shes rab las/ /'du byed mi rtag yongs su tshol ba shes rab rtsa/ /gal te gzod nas ma skyes shes pa shes rab las/ /'du byed sdug bsngal mos par byed
185b2 pa shes rab rtsa/ /chos rnams 'dus ma byas su mos pa shes rab las/ /chos rnams bdag med the tsom med pa shes rab rtsa/ /sems can 'di dag gdod nas dag de shes rab las/ /mya ngan 'das la zhi bar mos pa shes rab rtsa/ /'gro ba shin
185b3 du mya ngan 'das 'di shes rab las/ /don gyi rjes su rtogs pa 'di ni shes rab rtsa/ /don rtogs so so yang dag rig pa shes rab las/ /gal te chos nyid mos par byed pa shes rab rtsa/ /chos la so so yang dag rig pa shes rab las/ /sgra rnams
185b4 kun la skrag pa med 'di shes rab rtsa/ /nges tshig so so yang dag rig 'di shes rab las/ /skrag med blo yis spobs pa de ni shes rab rtsa/ /spobs pa so so yang dag rig pa shes rab las/ /gal te sems can gnas pa'i byams de shes rab rtsa/ /
185b5 dmigs pa med pa'i byams thob de ni shes rab las/ /bdag dang gzhan la snying rje 'di ni shes rab rtsa/ /gang gis gnyi gar mi rtog de ni shes rab las/ /mchog tu dga' la dga' ba thob 'di shes rab rtsa/ /dga' med gdung ba med pa 'di ni shes
185b6 rab las/ /byams dang gnod par mi byed de ni shes rab rtsa/ /gnyis las sems grol thob pa de ni shes rab las/ /blo gros ldan pa sangs rgyas dran 'di shes rab rtsa/ /gang tshe chos sku rjes su rtogs pa shes rab las/ /chos kyang rtag tu dran pa 'di ni
185b7 shes rab rtsa/ /chos rnams 'dod chags bral bar rtogs pa shes rab las/ /yon tan las ni dge 'dun dran de shes rab rtsa/ /de yang 'dus ma byas su rtogs pa shes rab las/ /blo ldan gtong ba dran pa de ni shes rab rtsa/ gang phyir nyon mongs kun
185b8 'dor 'di ni shes rab las/ /tshul khrims shin du dag pa dran 'di shes rab rtsa/ /tshul khrims zag pa med la gnas ni shes rab las/ /che ba'i bdag nyid lha dran 'di ni shes rab rtsa/ /dag nas dag pa dran pa 'di ni shes rab las/ /gang phyir bsgrims
186a1 te thos pa tshol ba shes rab rtsa/ /gzhan dag las ni phyis mi tshol ba shes rab las/ /legs par byed pa'i las byed 'di ni shes rab rtsa/ /las phyis mngon par 'du mi byed pa shes rab las/ /nga rgyal med cing 'dud par byed pa shes
186a2 rab rtsa/ /ye shes che ba'i bdag nyid thob 'di shes rab las/ /bdag gi don la brtson 'gyur 'di ni shes rab rtsa/ /sems can rnams kyi don byed 'di ni shes rab las/ /gal te chos kyi phung po 'dzin byed shes rab rtsa/ /sems can spyod pa
186a3 rjes su rtogs byed shes rab las/ /gzhan gyi blo la yang dag thob byed shes rab rtsa/ /sems can theg gsum nges 'byung byed pa shes rab las/ /blo gros ldan pa sbyin dang snyan par smra ba dang / /don byed sems can yongs su smin byed shes rab
186a4 rtsa/ /gal te don 'thun pa yis sangs rgyas yon tan 'god/ /'di ni skyes bu dam pa rnams kyi shes rab las/ /srid pa kun du 'bar shes skrag pa shes rab rtsa/ /mi skye bzod pa thob pa de ni shes rab las/ /phyir mi ldog pa'i sa 'di shes rab
186a5 rtsa ba ste/ /dbang bskur de yi sa thob de ni shes rab las/ /gal te byang chub shing drung 'dug pa shes rab rtsa/ /kun mkhyen ye shes reg pa 'di ni shes rab las/ /byang chub sems 'di shes rab rtsa ba zhes kyang bya/ /sems ni gnas
186a6 su gang byed de ni shes rab las/ /gang dag byang chub sems la rtag gnas mi g.yo ba/ /de dag shes rab kyis ni rtag tu las bya byed/ /rtsa ba 'di 'dra byang chub spyod pa mchog gi sems/ /sangs rgyas stobs dang de bzhin so so yang dag rig /
186a7 de yi bsngags pa bskal pa bye ba mang brjod kyang / /sangs rgyas yon tan mtha' mar thug par 'gyur ba med/ /gang dag 'das pa'i bde gshegs de bzhin da ltar byung / /gang dag ma 'ongs pa dang phyogs bcu'i thub dbang po/ /tshad med pa la bsnyen bkur
186a8 tshad med byed 'dod gang / /de ni ma myos byang chub sems la dga' ba yin/ /de nas bcom ldan 'das la byang chub sems dpa' gzungs kyi dbang phyug gi rgyal pos 'di skad ces gsol to/ /bcom ldan 'das kye ma ji tsam du sangs rgyas bcom ldan
186b1 'das rnams kyi bla na med pa yang dag par rdzogs pa'i byang chub 'di shin du rnam par nges shing yi ge rnams kyis bstan pa mtha' yas pa/ don gyis 'jug pa/ mtha' yas pa/ mi brtson pa rnams kyis 'jug par dka' ba/ rten cing 'brel bar
186b2 'byung ba rjes su rtogs pas zab pa/ gnyis la spyod pa rnams kyis 'tshal bar dka' ba/ skye mched drug la brten pa rnams kyis mthong bar dka' ba/ theg pa dman pa la mos pa rnams kyis yid ches par dka' ba/ nyan thos dang rang sangs
186b3 rgyas rnams kyis ma lags pa/ byang chub sems dpa' rnams kyi spyod yul/ chos thams cad kyi phyag rgya/ chos kyi dbyings mnyam pa nyid pas phye ba ma mchis pa/ nam mkha'i mtshan nyid kyi slad du 'gyur ba ma mchis pa/ shin du 'das pas kun
186b4 gzhi ma mchis pa/ sems can thams cad kyi spyod pa rab tu shes pa/ rgyu thams cad yongs su shes pa/ shes rab kyi pha rol chu phyin pa'i snang ba/ nges par 'byung ba rnams kyi 'byung ba/ dge ba'i rtsa ba rnams kyi thabs so so yang dag par
186b5 rig pa thob pa rnams kyis rnam par dbye bar bgyi ba/ mngon par shes pa thob pa rnams kyis rnam par dgrol bar bgyi ba/ tshul gcig la gnas pa rnams kyis mnyam pa nyid du rtogs par bgyi ba/ sna tshogs ma mchis par spyod pa rnams la khyad par ma
186b6 mchis pa/ nam mkha' dang mnyam pa nyid pas mnyam pa/ gnyen po ma mchis pas mnyam pa ma mchis pa/ sangs rgyas thams cad dang mnyam pa nyid pas mi mnyam pa dang mnyam pa/ 'gog pas rab tu phye bas gnyis dang bral ba/ yi ge rnams kyis
186b7 dpyad du ma mchis pa/ don gyi yang dag par bzhag pa/ sgras rnam par rig par bgyi ba/ don dam par brjod du ma mchis pa/ kun rdzob du mchis pa/ dkon mchog gsum gyi mthu dang ldan pa/ theg pa gsum la rnam par rtog pa/ rnam par thar pa'i
186b8 sgo gsum po dag rab tu ston pa/ khams gsum pa las shin du 'das pa/ rig pa gsum po dag khong du chud par bgyid pa/ rdo rje lta bu'i ting nge 'dzin bskyed pa/ chos thams cad kyi gnas/ sangs rgyas kyi ye shes las byung ba/ sems can thams cad
187a1 kyi nye bar 'tsho ba/ sangs rgyas thams cad kyis gsal bar mdzad pa ni ngo mtshar to/ /bcom ldan 'das rigs kyi bu 'am/ rigs kyi bu mo gang dag sangs rgyas bcom ldan 'das rnams kyi byang chub bstan pa tshad ma mchis pa 'di la mos par bgyid pa dang /
187a2 bla na med pa yang dag par rdzogs pa'i byang chub tu yang sems skyed par bgyid pa dang / dam pa'i chos yongs su gzung ba'i slad du mdo sde 'di lta bu 'di mnyan par bgyid pa dang / mos par bgyid pa dang / 'dzin pa dang / 'chang ba dang / klog pa dang / kun chub par bgyid
187a3 pa dang / gzhan dag la yang rgyas par yang dag par ston par bgyid pa de dag ni bcom ldan 'das bsod nams mang du skyed pa lags so/ /de bzhin gshegs pa rnams la yang byas pa gzo ba dang / byas pa 'tshal ba lags so/ /bcom ldan 'das kyis bka' stsal
187a4 pa/ rigs kyi bu de de bzhin no/ /ji skad smras pa bzhin te/ de dag bsod nams mang du skyed par 'gyur ro/ /rigs kyi bu gang gis de bzhin gshegs pa'i spyan gyis gzigs pa'i sangs rgyas kyi zhing thams cad rin po che thams cad kyis rab tu bkang ste de bzhin gshegs
187a5 pa rnams la sbyin pa byin pa bas gang gis dam pa'i chos yongs su bzung ba dang / dkon mchog gsum rgyun mi 'chad par bya ba'i phyir mdo sde 'di lta bu 'di nyan tam/ mos sam/ 'dzin tam/ 'chang ngam/ klog gam/ kun chub par byed dam/ ston tam/ gzhan dag la
187a6 yang rgyas par yang dag par ston tam bsgom pa'i rnal 'byor la brtson par gnas na 'di ni de bas bsod nams ches mang du skyed do/ /de nas bcom ldan 'das kyis de'i tshe tshigs su bcad pa 'di dag bka' stsal to/ /sangs rgyas spyan gyis zhing gang ngas mthong ba/ /
187a7 rin chen bkang ste de bzhin gshegs byin yang / /'di lta bu yi chos 'di ma thos na/ /de ni bsod nams chung zhes nga smra'o/ /gang gis dam pa'i don ldan phra zab pa/ /mdo sde bzang po 'di ni thos gyur na/ /kun du 'dzin cing bzung nas klog byed pa/ /'di ni de bas
187a8 bsod nams mchog tu 'phags/ /'di ltar rgyal ba'i chos kyis nyer gnas shing / /chos kyis nges par 'byung gi zang zing min/ /de bas gang zhig bde gshegs chos 'dzin pa/ /de ni sangs rgyas kun la byas pa gzo/ /de nas bcom ldan 'das kyis
187b1 byang chub sems dpa'i tshogs chen po de la bka' stsal pa/ skyes bu dam pa dag khyed kyi nang nas nga yongs su mya ngan las 'das pa'i phyi na dam pa'i chos yun ring du gnas par bya ba'i phyir chos kyi rnam grangs 'di rgyas par bya ba dang / sangs rgyas bcom ldan 'das rnams
187b2 kyi byang chub 'di yongs su bsrung bar su spro/ de nas byang chub sems dpa'i 'khor de'i nang nas byang chub sems dpa' bye ba phrag drug bcus mgrin gcig tu tshig smras pa/ bcom ldan 'das bdag cag rnams de bzhin gshegs pa'i byang chub bskal pa grangs ma
187b3 mchis par bsgrubs pa 'di 'dzin pa dang / slad ma'i tshe slad ma'i dus de na yang rgyas par bgyid par spro'o/ /bcom ldan 'das 'on kyis kyang ci nas de'i dus na skye bo mang po gnas par 'gyur ba/ dge ba'i rtsa ba bskrun pa'i sems can de dag gi rna bar grags par 'gyur
187b4 bar de bzhin gshegs pas chos kyi rnam grangs 'di byin gyis brlab tu gsol/ de nas bcom ldan 'das kyis de'i tshe tshigs su bcad pa 'di dag bka' stsal to/ /rdzogs pa'i sangs rgyas bden pa gsung / /bden pa'i chos la rab tu gnas/ /byin gyi
187b5 brlabs kyis de dag la/ /mdo sde 'di ni byin gyis brlabs/ /snying rje chen po'i go cha bgos/ /byams pa chen po rab tu gnas/ /kun la byams pa nyid kyi phyir/ /mdo sde 'di ni byin gyis brlabs/ /bsod nams tshogs ni phun sum tshogs/ /ye shes tshogs
187b6 kyis byung gyur pa/ /tshogs rnams kun dang ldan pa yis/ /mdo sde 'di ni byin gyis brlabs/ /bdud rnams thams cad nges 'joms la/ /smra ba thams cad rab 'dul zhing / /lta ba thams cad rgyun gcod pa/ /mdo sde 'di ni byin gyis brlabs/ /'jig
187b7 rten skyong dang brgya byin dang / /de bzhin lha ma yin rnams dang / /lha dang dri za klu dag kyang / /ngas ni byin gyis brlab pa byas/ /sa dang de bzhin bar snang la/ /lha rnams mang po gang 'khod pa/ /sangs rgyas rnams kyi byin brlabs kyis/ /tshul 'di rab tu 'dzin
187b8 par 'gyur/ /'khor 'di bsrung bar bya ba'i phyir/ /tshangs pa'i gnas pa rnams ldan zhing / /bden pa bzhi yis brgyan gyur pa/ /mdo sde 'di ni byin gyis brlabs/ /nam mkha' gzugs can byed kyang srid/ /gzugs ni gzugs med byed srid kyi/ /
188a1 sangs rgyas rnams kyi byin brlabs ni/ /rnam par dkrug par mi nus so/ /de nas bcom ldan 'das la rgyal po chen po bzhi po dag gis mgrin gcig tu tshigs su bcad pa 'di gnyis gsol to/ /de bzhin gshegs pa bdag cag rnams/ /
188a2 mdo 'di kun du bsrung slad du/ /rtsa lag dang ni bcas rnams kyis/ /bsrung ba bzang po bgyi bar 'tshal/ /mkhas pa byang chub blo gros kyis/ /gang dag 'dzin par bgyid pa dag /de dag la ni phyogs bzhi nas/ /rtag par kun du bsrung ba bgyi/ /de nas bcom
188a3 ldan 'das la lha'i dbang po brgya byin gyis tshigs su bcad pa 'di gnyis gsol to/ /bdag ni bcom ldan mdzad pa gzo/ /'dren pa chos kyi dbang bdag lags/ /mgon po mdo sde mchog 'di las/ /sangs rgyas 'byung ba rab tu bstan/ /sangs rgyas
188a4 rnams ni thams cad kyi/ /mdzad pa gzo ba bsrung bgyid cing / /'di 'dra'i mdo dang de bzhin du/ /mdo sde 'dzin pa bsrung bar 'tshal/ /de nas bcom ldan 'das la mi mjed kyi bdag po tshangs pas tshigs su bcad pa 'di gnyis gsol to/ /bsam gtan
188a5 gang dang tshad med dang / /theg pa kun gyis 'byung ba gang / /de dag don ldan zab mo yi/ /mdo sde 'di las nges par 'byung / /bdag ni tshangs pa'i bde bor te/ /gang na tshul 'di 'chad par ni/ /mnyan pa'i slad dang de bzhin du/ /bsrung ba'i slad du mchi bar bgyi/ /de nas bcom ldan 'das la
188a6 lha'i bu rab dga' ldan gyis tshigs su bcad pa 'di gnyis gsol to/ /gang zhig sangs rgyas gsungs pa yi/ /mdo sde 'di ni 'dzin 'gyur ba/ /skye ba gcig gis rab gnas nas/ /dga' ldan rnams su gnas par 'gyur/ /mgon po bdag ni lha yul ba'i/ /
188a7 phun sum tshogs pa bor nas su/ /tshul 'di rab tu ston bgyid cing / /'dzam bu gling du gnas par spro/ /de nas bcom ldan 'das la bdud kyi bu ded dpon gyis tshigs su bcad pa 'di gnyis gsol to/ /gang zhig gdon dang ldan pa yi/ /mdo sde 'di ni 'dzin
188a8 'gyur ba/ /de dag bdud las 'di sbyangs pas/ /bdud kyi dbang du mi mchi'o/ /de bzhin gshegs pa bdag kyang ni/ /mdo 'di kun du bsrung slad du/ /ci nas kyang ni rgyas 'gyur bar/ /brtson par bgyid cing 'dun par bgyid/ /de nas bcom ldan 'das la bdud
188b1 sdig can gyis tshigs su bcad pa 'di gnyis gsol to/ /rnam par 'dren pa gang zhig ni/ /nyon mongs thams cad tshar gcod pa/ /'di 'dzin bgyid pa de dag la/ /bdag ni sgrib par mi bgyid do/ /mdo sde mchog ni 'byung ba der/ /bdud kyi go
188b2 skabs ma mchis so/ /mgon pos gsungs pa dran bgyid pa/ /de la bsrung ba bgyid par 'tshal/ /de nas bcom ldan 'das la lha'i bu mtshams rab kyis tshigs su bcad pa 'di gnyis gsol to/ /sangs rgyas kun gyi byang chub ni/ /mdo sde
188b3 'di las rab bshad pas/ /gang zhig mdo sde 'di 'dzin pa/ /des ni sangs rgyas kun la mchod/ /mgon po bdag ni mdo sde 'di/ /lha ni bye ba rnams la bshad/ /gang dag gus par nyan pa dag /byang chub yang dag 'dzin du stsal/ /de nas bcom
188b4 ldan 'das la byang chub sems dpa' byams pas tshigs su bcad pa 'di gnyis gsol to/ /mi gang byang chub rab zhugs te/ /dam chos yongs su bsrung slad du/ /bdag kyang stong bgyid de dag ni/ /gsol ba ma btab bshes gnyen lags/
188b5 bdag ni dga' ldan mchis nas su/ /sangs rgyas kyi ni byin brlabs kyis/ /'di lta bu yi mdo sde 'di/ /shin du rgyas par bgyid par 'tshal/ /de nas bcom ldan 'das la tshe dang ldan pa 'od srungs chen pos tshigs su bcad pa 'di gnyis gsol to/ /
188b6 ston pa las ni bdag gis su/ /mdo sde stong phrag mang thos kyang / /bdag gis mdo sde 'di lta bu/ /sngon chad nam yang ma thos so/ /mngon sum du ni mdo sde 'di/ /blangs shing kun du bzung lags te/ /byang chub sems dpa'i ched du ni/ /shin
188b7 du rgyas par bgyi bar 'tshal/ /de nas bcom ldan 'das kyis brgya byin dang / tshangs pa dang / 'jig rten skyong ba de dag dang / lha'i bu de dag dang / byang chub sems dpa' de dag dang / nyan thos chen po de dag la legs so zhes bya ba gnang ste/ skyes bu dam pa dag khyed kyis dam pa'i chos yongs su
188b8 bzung ba'i phyir 'di lta bu'i seng ge'i sgra bsgrags pa legs so legs so/ /skyes bu dam pa dag khyod la bsgo'o khyod kyi khong du chud par bya'o sems can gang dag theg pa chen po la zhugs pa bzod pa ma thob pa de dag sangs rgyas bcom ldan 'das rnams kyi byin gyi brlabs kyis chos kyi
189a1 rnam grangs 'di kun du bzung ste/ bzung nas kyang kun chub par byas nas bla na med pa yang dag par rdzogs pa'i byang chub tu lung bstan pa ma thob kyi bar du de bzhin gshegs pa bdun pa las 'da' bar mi 'gyur ro/ /gang dag nyan thos kyi theg pa par 'gyur ba de dag ni
189a2 de bzhin gshegs pa byams pa'i nyan thos 'dus pa dang po'i grangs su chud par 'gyur ro/ /rang sangs rgyas kyi theg pa pa gang dag chos kyi rnam grangs 'di 'dzin par 'gyur ba de dag ni nga yongs su mya ngan las 'das pa'i 'og tu gzhan las ma thos par rang byang chub 'thob par
189a3 'gyur ro/ /gzungs kyi dbang phyug gi rgyal pos yongs su zhus pa bstan pa'i chos kyi rnam grangs 'di bcom ldan 'das kyis bstan pa na sems can dpag tu med pa dag byang chub tu sems bskyed do/ /byang chub sems dpa' grangs med pa dag ni phyir mi ldog pa la rab tu gnas
189a4 so/ /'jig rten gyi khams grangs med pa dag ni rnam pa drug tu g.yos so/ /snang ba chen pos kyang gsal bar gyur to/ /me tog sil mas kyang gtor bar gyur to/ /phyogs bcu'i 'jig rten gyi khams nas 'dus pa'i byang chub sems dpa' de dag gis bcom ldan 'das dang /
189a5 chos kyi rnam grangs 'di la mchod pa'i las kyi phyir thams cad dang ldan pa'i 'khor kyi khyams rin po che bkod pa rin po che sna bdun gyi me tog gis rnam par bkra bar byas te/ ched du brjod pa 'di ched du brjod do/ /bcom ldan 'das bdag cag gis rnyed par bgyi ba
189a6 legs par rnyed do/ /gang gi slad du bdag cag gis rnam par nges pa'i chos kyi rnam grangs 'di lta bu thos pas bdag cag 'dir mchis pa don ma mchis pa ma lags so/ /kye ma bcom ldan 'das shAkya thub pa'i sku tshe yongs su bskyang du gsol/ 'dzam bu'i
189a7 gling gi mi rnams la chos kyi rnam grangs 'di yun ring du gnas par gyur cig /dge slong dang / dge slong ma dang / dge bsnyen dang / dge bsnyen ma gang dag mdo sde 'di lta bu 'dzin pa de dag kyang dus ring por yun du tshe yongs su skyong bar gyur cig sems can thams cad la
189a8 yang phan pa byed par gyur cig /de nas bcom ldan 'das la byang chub sems dpa' gzungs kyi dbang phyug gi rgyal pos 'di skad ces gsol to/ /kye ma bcom ldan 'das ji tsam du rnam par nges pa'i chos kyi rnam grangs 'di don bzang ba dang / tshig 'bru bzang ba dang / legs
189b1 par brgyan pa dang / byang chub sems dpa' thams cad mchog tu dga' ba skyed pa dang / bdud dang pha rol rgol ba thams cad 'joms pa dang / chos thams cad la mkhas par 'dzin pa dang / sems can thams cad kyi bsam pa tshim par bgyid pa dang / theg pa thams cad kyi
189b2 nges par 'byung ba'i phyir 'byung ba dang / de bzhin gshegs pa thams cad kyi yon tan la 'jug pa'i rjes su song ba dang / thams cad kyis brtson par bgyi ba las gti mug ma mchis par ston pa ngo mtshar to/ /bcom ldan 'das chos kyi rnam grangs 'di'i ming ci lags/ 'di ji ltar
189b3 gzung bar bgyi/ de skad ces gsol pa dang / bcom ldan 'das kyis byang chub sems dpa' gzungs kyi dbang phyug gi rgyal po la 'di skad ces bka' stsal to/ /de'i phyir gzungs kyi dbang phyug gi rgyal po khyod kyis chos kyi rnam grangs 'di de bzhin gshegs pa'i snying rje chen
189b4 po bstan pa zhes bya bar zung shig /de bzhin gshegs pa'i las don yod pa nyan pa lung bstan pa zhes bya bar yang zung shig /bcom ldan 'das kyis de skad ces bka' stsal nas/ byang chub sems dpa' gzungs kyi dbang phyug gi rgyal po dang / byang chub sems dpa'i
189b5 tshogs dang / nyan thos kyi tshogs de dag thams cad dang / lha dang / mi dang / lha ma yin dang / dri zar bcas pa'i 'jig rten yi rang ste/ bcom ldan 'das kyis gsungs pa la mngon par bstod do/ /'phags pa de bzhin gshegs pa'i snying rje chen po bstan pa zhes bya ba theg
chen po'i mdo/
CLOSE WINDOW