བོད་ཡིག |
92a2 /mchod pa gang la dmigs te brjod na 'jig rten gyi khams gang ba tsam phul bar 'gyur ro/ /rten cing 'brel par 'byung ba'i snying po/ rdzogs so// // @#/ /rgya gar skad du/ Ar+ya rasmi bi ma la bi shud d+he pra b+ha nA ma d+hA ra NI/ bod skad du/
92a3 'phags pa 'od zer dri ma med pa rnam par dag pa'i 'od ces bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das grong khyer chen po ser skya'i gnas kyi pho brang
92a4 gi 'khor gyi khyams chen po na/ dge slong gi dge 'dun chen po dang / byang chub sems dpa' sems dpa' chen po rab tu mang po dang thabs gcig tu bzhugs pa la 'di lta ste/ byang chub sems dpa' sems dpa' chen po sgrib pa thams cad rnam par sel
92a5 ba dang / lag na rdo rje dang / 'phags pa spyan ras gzigs kyi dbang phyug dang / 'jam dpal dang / shes rab 'od dang / byams pa la sogs pa byang chub sems dpa' sems dpa' chen po grangs med pa rnams dang / lha dang / klu dang / gnod sbyin dang / dri za dang /
92a6 lha ma yin dang nam mkha' lding dang / mi 'am ci dang / lto 'phye chen po dang / mi dang / mi ma yin pa la sogs pa grangs med pas bcom ldan 'das la zhe sar byas/ ri mor byas/ bkur stir byas te/ yongs su bskor ba la chos ston cing bzhugs so/ /
92a7 de'i tshe ser skya'i grong khyer na gnas pa bram ze chen po ser skya'i zla ba zhes bya ba bcom ldan 'das kyis bstan pa la yid mi ches shing log par lta ba zhig gnas pa de dus gzhan zhig gi tshe/ gzhan zhig gi rmi ltas su rmis te bstan pa/ bram ze chen po
92a8 khyod da lte zhag bdun na 'chi ba'i dus byed par 'gyur ro zhes zer ba thos nas/ bram ze de shin du yang mi dga' ste/ 'jigs skrag nas yid la bsams pa/ da bdag gi srog gi skyabs su la btsal bar bya/ yang dge sbyong gau ta mi thams cad
92b1 mkhyen pa rdzu 'phrul dang ldan pa zhig yin no zhes grag na/ bdag de'i gan du song ste/ de thams cad mkhyen pa yin yang dag na de 'jigs pas nyam thag par 'gyur ba'i skyabs mdzad pa'i phyir chos ston gor ma chag go snyam bsams nas/ bcom ldan
92b2 'das kyi gan du song ba dang / rgyang ring po nas bcom ldan 'das 'khor mang po dang thabs gcig tu bzhugs pa mthong nas/ bcom ldan 'das la zhu bar ma spobs te sems shing 'dug pa la/ bcom ldan 'das yang dag par rdzogs pa'i
92b3 sangs rgyas dus gsum mkhyen pa/ thams cad gzigs pa sgrib pa mi mnga' bas bram ze de'i bsam pa mkhyen nas byams pa'i thugs kyis brtse bar dgongs te/ bka' stsal pa/ bram ze chen po khyod da ste zhag bdun na 'chi ba'i dus byas nas ngan
92b4 song ngan 'gro mnar med pa'i sems can dmyal bar skye bar 'gyur ro/ /de nas yang rim gyis sems can dmyal ba chen po bcu drug tu kha brgyud de skye bar 'gyur ro/ /de las thar nas kyang rigs ngan shan pa'i lus su skye bar 'gyur ro/ /de nas shi
92b5 'phos nas yang phag gi lus su skye bar 'gyur te/ rtag tu ngan skyugs mi gtsang ba za zhing 'dam rdzab kyi nang du yang yun ring du gnas te rgyun du sdug bsngal myong bar 'gyur ro/ /de nas gal te mi'i lus thob na yang shin du dbul ba dang / mi gtsang ba dang / dri nga
92b6 ba dang / mdog mi sdug cing gnag pa dang / lus rid cing nyam chung ba dang mdze nad can du 'gyur te/ skye bo yongs la mi sdug cing rtag tu bkres pas nyam thag pa skye bo yongs kyis dmad pa rtag par brdeg brtsog bya zhing shin du sdug bsngal bar 'gyur ro
92b7 zhes bka' stsal pa de thos nas/ bram ze de shin du 'jigs skrag ste yid gdungs pas ngus nas bcom ldan 'das kyi zhabs la mgo bos phyag 'tshal te/ gsol pa/ bcom ldan 'das yang dag par rdzogs pa'i sangs rgyas rnams ni sems can thams
92b8 cad kyi mgon dang skyabs mdzad pa lags na bdag ni sdig pa'i las thams cad 'chags te/ deng slan chad bcom ldan 'das kyi bka' bzhin du bgyid na/ bdag ngan song ngan 'gro sems can dmyal bar skye ba'i sdug bsngal las skyabs mdzad par
93a1 gsol/ de skad ces gsol pa dang / bcom ldan 'das kyis bka' stsal pa/ bram ze chen po khyod song la grong khyer ser skya'i lam gyi sum mdo na mchod rten ring bsrel can snying pa ral ba zhig yod pa de slar brtsigs te/ mchod rten gyi rtse
93a2 mor srog shing btsugs la/ gsang sngags yi ger bris pa de'i nang du bcug ste mchod pa byas nas gsang sngags lan bdun bdun bton na khyod kyi tshe yang phyir nur te 'phel bar 'gyur la/ 'chi ba'i dus byas nas kyang bde 'gro mtho ris kyi gnas longs spyod che
93a3 ba rnams su skye ste/ bskal pa stong phrag brgya'i bar du bde ba'i longs spyod kyang phyir 'phel zhing rgyas par 'gyur/ de nas kyang de bzhin gshegs pa mi 'khrugs pa'i sangs rgyas kyi zhing yongs su dag par skye bar 'gyur te/ bskal pa brgya stong du mar bde
93a4 ba chen po myong bar 'gyur ro/ /de nas yang shi 'phos nas rgyal chen ris bzhi'i lha rnams kyi gnas su skye bar 'gyur te/ der yang bskal pa chen po stong phrag brgya'i bar du bde ba'i longs spyod mi zad pa myong bar 'gyur ro/ /tshe rabs gang du skyes pa'i gnas
93a5 kun du yang yid gzhungs shing tshe'i bar chad med pa dang / las kyi sgrib pa thams cad zad nas nam du yang sems can dmyal bar ltung bar mi 'gyur ro/ /rtag tu yang dag par rdzogs pa'i sangs rgyas 'byung ba rnams dang phrad cing rjes su dgongs par
93a6 mdzad do/ /bram ze chen po gzhan yang dge slong ngam/ dge slong ma 'am/ dge bsnyen nam/ dge bsnyen ma 'am/ rigs kyi bu 'am/ rigs kyi bu mo gang la la tshe thung ba 'am/ nad mang ba zhig yod na/ des mchod rten rnying pa bcos sam/ gsar du
93a7 brtsigs kyang rung ste/ gsang sngags 'di bris la nang du bzhugs nas dkyil 'khor byi dor byas te mchod na/ de dag gi yon tan ni tshe zad pa yang tshe slar nur zhing ring ba dang / nad kyis btab cing sdug bsngal ba yang nad do cog las thar ba dang / nam du
93a8 yang ngan song ngan 'gro sems can dmyal ba dang / byol song gi skye gnas dang / gshin rje'i 'jig rten du skye bar mi 'gyur te/ de dag gi sgra rna lam du yang grag par mi 'gyur na de dag tu skye ba lta ci smos/ de nas bram ze des de skad zer ba thos
93b1 nas shin du yi rangs te/ mchod rten zhig pa bcos par bsams nas de 'khor de nas langs te song ngo / /de'i tshe 'khor de nyid na byang chub sems dpa' sems dpa' chen po sgrib pa thams cad rnam par sel ba zhes bya ba zhig stan las langs nas
93b2 thal mo sbyar te bcom ldan 'das la 'di skad ces gsol to/ /bcom ldan 'das gsang sngags kyi cho ga 'di ji lta bur bgyis na/ yon tan dang legs pa dang / dge ba'i rtsa ba skyed par 'gyur/ de skad ces gsol pa dang / bcom ldan 'das kyis
93b3 bka' stsal pa/ gsang sngags chen po rnams kyi yang mchog bdag nyid che ba dri ma med cing rnam par dag pa'i 'od ces bya ba 'di dkyil 'khor chen po'i cho ga bzhin byas nas/ de bzhin gshegs pa thams cad kyi byin gyi brlabs kyis sems can
93b4 thams cad kyi phan pa dang bde bar 'gyur ro/ /la la zhig gis gsang sngags 'di thos na mtshams med pa lnga byas pa'i sdig pa yang ma lus par 'byang bar 'gyur ro/ /ser sna dang / brnab sems dang / phrag dog la sogs pa mi dge ba'i rtsa ba
93b5 thams cad kyang 'byang bar 'gyur te/ tshe zad pa las kyang tshe ring du nur ba dang / bkra shis dang / legs pa phun sum tshogs pa thams cad 'grub par 'gyur ro/ /de skad ces bka' stsal pa dang / yang byang chub sems dpa' sems dpa' chen po
93b6 sgrib pa thams cad rnam par sel bas bcom ldan 'das la gsol pa/ bcom ldan 'das bcom ldan 'das kyis sems can thams cad kyi srog gi skyabs mdzad pa dang / las kyi sgrib pa thams cad bsal ba'i slad du bcom ldan 'das kyis
93b7 gsang sngags kyi cho ga 'di thams cad dang ldan pa'i 'khor la bka' stsal du gsol/ de skad ces gsol pa dang / bcom ldan 'das kyis gnang ste bcom ldan 'das kyi dbu'i gtsug tor gyi steng nas 'od zer gyi snang ba chen po byung nas
93b8 stong gsum gyi stong chen po'i 'jig rten gyi khams thams cad 'od kyis khyab par mdzad de/ de bzhin gshegs pa thams cad la yang mkhyen par mdzad nas/ 'od zer de dag slar 'dus te bcom ldan 'das kyi dbu'i gtsug gtor du
94a1 nub bo/ /de nas bcom ldan 'das dgyes shing bya ka la ping ka'i gsung dbyangs kyis gsang sngags bka' stsal pa/ na maHsab ta nAn/ sam myag sam bud d+ha ko Ti nAn/ pa ri shud d+he ma na si/ a b+h+yA tsi ta pra TiSh+Ta ta nAn/
94a2 na mo b+ha ga bA te/ a mri ta a yur She s+ya/ ta thA ga tA s+ya/ o~M` sarba ta thA ga ta shud+he/ a yur bi sho d+ha ni/ sang ha sang sang ha ra/ sarba tA thA ga tA bir+ya bA le Na pra ti sang ha ra/ a yu sA ra sA ra/ sarba ta thA ga tA sa ma ya/ bo d+hi bo d+hi/ bud d+h+ya
94a3 bud d+h+ya/ bo d+ha ya bo d+ha ya/ ma ma sarba pA pa a ba ra Na bi shud d+he/ bI ga ta ma lam/ tsha ra su bud d+ha bud d+he/ hu ru hu ru swA hA/ 'di ni rtsa ba'i sngags te gang la la 'di'i cho ga byed par 'dod na tshes brgyad dang / bcu gsum dang / bcu bzhi dang / bcwa
94a4 lnga rnams gang yang rung ba la mchod rten ring srel can la lan bdun bcu rtsa bdun bskor la/ gsang sngags 'di lan bdun bcu rtsa bdun bzlas brjod byas te khrus byas la dkyil 'khor byas nas gsang sngags kyi yi ge bdun bcu rtsa bdun bris te/
94a5 de'i tshe gsang sngags 'don pa dang yi ger 'dri ba yang khrus byas la gos gtsang ma gyon te lus spos kyis byugs nas kha zas gtsang ma zos la me tog dang bdug pas mchod de/ de la rin po che sna bdun yang yon du phul lam/ yang na bdag gi
94a6 nyams kyis ci 'byor par phul yang rung ste sems mgu bar bya'o/ /chos btsun par bya ba'i phyir sti stang dang ri mo cher bya'o/ /gsang sngags kyi yi ge la yang dkon zhing rin po cher 'du shes bzhag ste/ mchod rten che chung ji tsam nus pa bdun bcu
94a7 rtsa bdun gdab par bya zhing / de re re'i nang du gsang sngags bcug ste/ sems rtse gcig tu mchod pa chen po byas na tshe zad pa las tshe slar nur te tshe ring bar 'gyur ro/ /sngon gyi las kyi sgrib pa tshe rabs grangs med pa'i sdig pa thams cad byang nas/
94a8 nam du yang sems can dmyal ba dang / dud 'gro dang / yi dags kyi skye gnas thams cad du skye bar mi 'gyur ro/ /gang du skye ba'i gnas thams cad du yang sngon gyi tshe rabs rjes su dran par 'gyur/ yid la bsams pa thams cad kyang de bzhin
94b1 du 'grub par 'gyur/ de bzhin gshegs pa 'bum phrag bdun bcu rtsa bdun snyed la dge ba'i rtsa ba bskyed par 'gyur/ nad dang sdug bsngal thams cad las thar bar 'gyur ro/ /gang la la zhig nad tshabs po ches btab ste/ 'chi ba'i dus byed pa la
94b2 thug na dkyil 'khor gru bzhi par byas la/ de'i steng du tshon sna lngas ri mor bris te/ dbus kyi char ni 'khor lo dang / rdo rje dang / dung dang / mdung rtse gsum pa dang / g.yung drung ris dang / pad mo rnams bri'o/ /grwa bzhir yang pad mo re re bris te/ de'i steng du
94b3 spos chus bkang ba'i bum pa re re grwa bzhir gzhag go/ bdug spos kyi snod bkang ba spos sna tshogs 'thul ba yang gzhag go/ kha dog sna lnga'i snod du kha zas sna tshogs dang / zas dkar gsum dang 'bras chan du sbyar ba gzhag /yang dri'i chu
94b4 dang / me tog dang / 'bras sam 'bru'i snod bkang ba phor bu re re blugs pa dang / yang kha zas sna tshogs sbyar ba'i gtor ma spos chu bum pa gang dang sbyar te dkyil 'khor steng du gzhag go/ gtor ma de dang 'bras kyi drung du nye bar tshogs kyi bdag
94b5 po'i gzugs bris la de'i spyi bo'i steng du mar me gzhag go/ de nas dkyil 'khor gyi nub phyogs su nad pa bzhag la/ dkyil 'khor gyi nang du kha bstan pa'i nad pa'i mdun du yang mchod pa'i bshos bzhag ste 'bul du gzhug go/ de nas sngags
94b6 mkhan gtsang sbra cher byas te/ nad pa de la gsang sngags bdun bcu rtsa bdun gyis btab ste/ cho ga 'di ltar byas na nad pa tshe zad de 'chi ba'i dus byed du nye ba zhag bdun nas dran pa nyams shing 'khrul par 'gyur ba yang tshe slar nur zhing tshe ring por
94b7 'gyur ro/ /rmi lam gyi sdug bsngal yang myong bar mi 'gyur ro/ /gang la la zhig gis gtsang sbra cher byas te/ nyin gcig bzhin rtag par gsang sngags lan re re ji srid 'tsho'i bar du bton na/ de 'chi ba'i dus byas nas longs spyod dang bde ba
94b8 mi zad pa'i gnas su skye bar 'gyur ro/ /rtag par dus thams cad du bzlas brjod byas na sangs rgyas bzhugs pa'i zhing du skye bar 'gyur zhing tshe rabs rjes su dran par yang 'gyur ro/ /dus ma yin pa'i 'chi ba dang sgrib pa thams cad byang
95a1 bar yang 'gyur ro/ /yang gang la la zhig gis mi shi ba'i ched du phan par 'dod pas sems thag pa nas gsang sngags lan bdun bcu rtsa bdun bzlas brjod byas na/ shi ba de ngan song gi gnas su lhung na yang de'i mod la las
95a2 kyi sgrib pa rnams zad nas mtho ris kyi lha'i gnas su skye zhing bde ba myong bar 'gyur ro/ /yang gang la la zhig gis gsang sngags yi ger bris pa gzhan gyi ming nas smos te/ mchod rten gyi nang du bcug la nan tan du mchod pa byas na/ shi ba
95a3 gang yin pa de ngan song gi gnas nas thar te mtho ris su skye bar 'gyur ro/ /yang na dga' ldan gyi lha'i ris su skye bar 'gyur te/ sangs rgyas kyi byin gyi brlabs kyis ngan song du ltung bar mi 'gyur ro/ /rigs kyi bu 'am/ /rigs kyi bu mo gang
95a4 la la zhig gis mchod rten de la bskor ba byas sam/ phyag byas sam/ mchod pa phul yang rung ste/ de bzhin gshegs pa'i byin gyi brlabs kyis bla na med pa'i byang chub kyi lam las phyir mi ldog par yang 'gyur ro/ /sngon gyi las kyi sgrib pa rnams
95a5 kyang ma lus par 'byang bar 'gyur ro/ /tha na bya dang ri dgas la sogs te gang dag la mchod rten de'i grib ma phog pa de dag kyang nam du yang dud 'gro la sogs pa ngan song gi gnas su skye bar mi 'gyur ro/ /gang la la mtshams med pa lnga'i sdig pa chen po dang ldan pa
95a6 yang mchod rten de la reg gam/ de'i grib mas phog kyang rung ste/ de'i sdig pa thams cad byang zhing zad par 'gyur ro/ /mchod rten de'i gnas na 'byung po dang / gnod sbyin dang / srin po dang / yi dags dang / sha za la sogs pa lus la 'jug cing gnod pa dang /
95a7 gcan gzan khro bo dang / thog 'bab pa dang / sdig sbrul kha gdug pa dang / sbyar dug la sogs pa thams cad kyis kyang mi tshugs shing med par 'gyur ro/ /gzhan yang pha rol gyi dmag tshogs dang / mtshon dang / me dang / chu dang / ser ba dang / mu ge dang / dus
95a8 ma yin par 'chi ba dang / rmi lam ngan pa dang / bkra mi shis pa dang / sdug bsngal gyi gnod pa thams cad med par 'gyur ro/ /yul der ltas ngan zhig byung na yang mchod rten dang / sangs rgyas kyi byin gyi brlabs kyis 'od zer chen po byung bas/ ltas ngan pa
95b1 dang / bkra mi shis pa thams cad zlog par 'gyur ro/ /gang gzhan zhig bsam pa ngan pas dmag dang / chom rkun gyis gnod pa bya bar sems sam/ dgra rgol ba zhig byung na yang gnas der mchod rten de la 'od zer chen po 'byung ste/ de bzhin gshegs
95b2 pa'i rdzu 'phrul gyis me lce kun du 'bar bas bskor ba'i nang nas dmag gi dpung dang / mtshon cha'i char mngon par bstan pas pha rol gyi dmag tshogs thams cad zhi zhing phyir ldog par 'gyur ro/ /lha rnams kyis kyang bsrung ba dang bskyab pa byas te phyogs bzhir
95b3 dpag tshad brgya tshun chad du mtshams bcad de bsrungs pas de'i nang du 'khrug pa dang / nad 'go ba dang / phyugs nad thams cad mi 'byung ngo / /'thab cing rtsod pa mi 'byung ngo / /chos ma yin par spyod pa med par 'gyur ro/ /'di la gsang sngags gzhan gyis gcad pa dang / gnon par mi nus te/
95b4 gsang sngags thams cad kyi rtsa ba yin pa'i phyir ro/ /yang mchod rten de'i srog shing gi gsang sngags bshad pa/ o~M` sarba ta thA ga ta bi pu la yaSh+Ti/ ma Ni ka na ka rA dzA ta/ bi pu shi ta yaSh+Ti d+hu ru d+hu ru/ sa man te bi lo ki te/ sa ra sa ra/ ma ma sarba bA ba
95b5 bi sho d+ha Ni/ sam bo d+ha Ni/ pra ba ra yaSh+Ti/ pa ri ma Ni duSh+Ta hu ru tsi ra ma la bi shud d+he hU~M hU~M swA hA/ rigs kyi bu ci nas kyang gsang sngags 'di nan tan du dgu bcu rtsa dgur yi ger bris te/ mchod rten gyi srog shing gi ngos bzhir gzhug go/ de yang cho ga'i
95b6 gzhung 'di nyid kyang bris te srog shing gi nang du gzhug go/ cho ga de ltar byas na mchod rten dgu khri dgu stong gi srog shing btsugs pa dang 'dra'o/ /de'i gong du yang mchod rten ring bsrel can dgu khri dgu stong bzhengs pa dang 'dra'o/ /de'i yang gong du yang
95b7 rin po che sna bdun gyi mchod rten dgu khri dgu stong byas par 'gyur ro/ /de'i yang gong du de bzhin gshegs pa la mchod pa'i las kyi phyir chos bzangs lha'i 'dun sa dang 'dra ba'i gtsug lag khang gi mchod rten dgu khri dgu stong brtsigs pa dang 'dra'o/ /
95b8 yang gang la la zhig gis 'jim pa las mchod rten chung ngu zhig byas te/ de'i nang du gsang sngags 'di dag bcug na yang rin po che sna bdun gyi mchod rten dgu khri dgu stong brtsigs pa dang 'dra'o/ /yang gang la la zhig gis mchod rten 'di la bskor ba byas sam/
96a1 phyag byas sam/ thal mo sbyar ram/ me tog phul lam/ byug pa dang / bdug spos phul lam/ dril bu dang / ba dan dang / gdugs 'ga' zhig phul na yang / de bzhin gshegs pa dgu khri dgu stong gi mchod rten la phul ba'i bsod nams dang
96a2 mnyam pa yin no/ /dge ba'i rtsa ba thams cad yongs su rdzogs pa'i dpal dang / mthu stobs rgya chen po thob par 'gyur te/ tha na bya dang sbrang ma la sogs pa mchod rten de'i grib mas phog na yang de bzhin gshegs pas mkhyen cing rjes su dgongs par mdzad
96a3 de/ bla na med pa yang dag par rdzogs pa'i byang chub 'thob cing phyir mi ldog pa'i sa la gnas par yang 'gyur ro/ /yang gang la la zhig gis mchod rten 'di lta bu rmi lam du rmis sam/ rgyang nas mthong ngam/ dril bu'i sgra thos sam/ mchod rten bzhengs pa rna bar
96a4 gtam thos pa de dag kyang mtshams med pa lnga la sogs te/ sdig pa dang / sgrib pa thams cad byang ste/ rtag tu de bzhin gshegs pa rnams kyis srung ba dang / rjes su dgongs pa mdzad de/ bla na med pa yang dag par rdzogs pa'i byang chub kyi lam yongs su
96a5 dag pa 'thob par 'gyur ro/ /gsang sngags 'di ni mchod rten gyi srog shing gi gsang sngags zhes bya'o/ /yang rigs kyi bu de bzhin gshegs pa'i mchod rten bya ba'i gsang sngags de dag gi snying po ni 'di yin no/ /oM sarba ta thA ga ta/ ma la bi sho d+ha ni/ rud d+ha
96a6 ba le pra ti sa~M ska ra/ ta thA ga ta d+hA ru d+ha re/ d+ha ra d+ha ra/ san d+ha ra san d+ha ra/ sarba ta thA ga ta a d+hiSh+ThA na a d+hiSh+ThI te swA hA/ dge slong ngam/ dge slong ma 'am/ dge bsnyen nam/ dge bsnyen ma 'am/ gang la la zhig gis mchod rten bdag nyid kyis byas sam/ gzhan
96a7 byed du bcug gam/ mchod rten rnying pa bcos legs byas kyang rung / sa 'jim las mchod rten chung ngu byas sam/ so phag gam/ rdo ba la byas kyang rung ste/ dang por gsang sngags kyi snying po stong rtsa brgyad tshang du bzlas brjod byas te/ de'i 'og tu mchod
96a8 rten sen mo gang tsam gyi sa la byas sam/ khru gang gi tshad du byas sam/ dpag tshad gcig tsam gyi tshad du byas na yang rung ste/ gsang sngags kyi mthu dang / sems rtse gcig tu byas pa'i stobs kyis mchod rten de la yang spos kyi ngad ldang ste/ tsan dan dang /
96b1 ga pur dang / bla rtsi dang / gur gum la sogs pa'i dri bro 'am/ lha'i spos dri zhim po'i ngad ldang bar 'gyur ro/ /bdag dang gzhan mchod rten gyi las byed pa dang / bzlas brjod byed pa de bsam pa thams cad kyang yid bzhin du 'grub par 'gyur ro/ /dge ba'i rtsa ba rgya
96b2 chen po bsags par 'gyur te/ yon tan dang / legs pa phun sum tshogs pa yang 'thob par 'gyur/ tshe thung ba'i las shig yod na yang tshe nur zhing ring bar 'gyur/ nam 'chi ba'i dus byed pa na yang sangs rgyas bye ba khrag khrig 'bum phrag dgu bcu rtsa dgu'i
96b3 zhal mthong zhing / de bzhin gshegs pa de dag gis rjes su dgongs te/ skye gnas phyi mar sangs rgyas kyi zhing yongs su dag par skye bar 'gyur zhing mngon sum du lung ston par 'gyur/ der yang tshe lo bye ba khrag khrig brgya stong thub par 'gyur te/ sngon gyi gnas
96b4 rjes su dran pa dang / lha'i mig dang / lha'i rna ba rnam par dag pa 'thob cing / pha rol gyi sems shes pa dang / 'chi 'pho ba dang / skye ba shes pa 'thob bo/ /lus las tsan dan kyi dri'i ngad 'byung zhing / kha nas ud pa la'i bsung ldang bar 'gyur te/
96b5 bla na med pa yang dag par rdzogs pa'i byang chub kyi lam thob nas phyir mi ldog pa'i sa yang 'thob par 'gyur ro/ /yang dri'i byug pa yungs 'bru tsam yang rung ste/ gsang sngags bzlas nas mchod rten la bskus na yang de dag gi yon tan dang / legs
96b6 pa sngar bshad pa bzhin du thob par 'gyur ro/ /yang dge slong dang / dge slong ma dang / dge bsnyen dang / dge bsnyen ma gang la la zhig gis bdag nyid gtsang bar byas te/ gsang sngags kyi tshig 'di dag dkon pa dang / rin po cher 'du shes
96b7 pas gzung na de de bzhin gshegs pa dang 'dra bar dad par bya ste/ gsang sngags rnams la gus pa bskyed nas yi ger bri bar bya ste/ gong du bshad pa bzhin du gsang sngags dang phyag rgya cho ga bzhin du bris nas mchod rten gyi srog shing gi rtsa bar
96b8 snying po bcug ste mchod rten byas na de dge ba'i rtsa ba rgya chen po bsags par 'gyur te/ yon tan dang legs pa thams cad 'thob par 'gyur ro/ /de nas bcom ldan 'das kyis gsang sngags kyi phyag rgya'i cho ga 'di dag bshad pa'i tshe phyogs
97a1 bcu'i 'jig rten gyi khams na bzhugs pa'i de bzhin gshegs pa thams cad rjes su thugs rang par mdzad nas gsungs pa/ yang dag par rdzogs pa'i sangs rgyas shAkya thub pas sems can thams cad mnyam par dgongs
97a2 shing / thams cad chos kyi dbyings la bkod nas/ gsang sngags chen po'i phyag rgya'i cho ga'i byin gyi brlabs 'thob par bstan pa ni legs so legs so/ /shin tu yang legs te/ dge ba'i rtsa ba de dag gis bla na med pa yang dag par rdzogs pa'i byang chub
97a3 'thob cing phyir mi ldog par yang 'gyur ro/ /de nas 'khor gyi dkyil 'khor de nyid na lha dang / klu dang / gnod sbyin dang / srin po dang / dri za dang / lha ma yin dang / mi 'am ci dang / lto 'phye chen po 'dus pa rnams dang / byang chub sems dpa' lag na rdo rje dang /
97a4 rgyal po chen po bzhi dang / 'jig rten skyong ba'i mes po tshangs pa dang / khyab 'jug dang / dbang phyug chen po dang / brgya byin dang / gshin rje dang / chu lha dang / ku be ra dang / de dag la sogs pa rdzu 'phrul che ba'i lha de dag gis bcom ldan 'das kyis gsungs pa
97a5 de thos nas bdag cag rang rang gi spyod yul la skyo zhing yid byung bar gyur te/ mthar gyis yon tan chen po thob par 'dod pa'i phyir gcig la gcig bos te smras pa/ kye ma yang dag par rdzogs pa'i sangs rgyas 'byung ba ni shin tu yang rnyed par dka'o/ /de'i
97a6 bstan pa dam pa'i chos thos pa yang shin tu rnyed par dka'/ gsang sngags dang phyag rgya'i tshogs yang dag par rdzogs pa'i sangs rgyas kyis bstan pa thos pa yang shin du rnyed par dka' ste/ 'di ni shin du ngo mtshar to zhes smras so/ /de nas de'i tshe bram ze
97a7 ser skya'i zla ba zhes bya ba bcom ldan 'das las de lta bu'i gsang sngags dang / cho ga'i yon tan chen po de dag thos shing thob nas/ sems kyi sgrib pa'i rdul dang rnyog pa rnams dang bar 'gyur/ 'chi ba'i 'jigs pa dang / sdig pa dang / las kyi sgrib pa thams
97a8 cad kyang dag par gyur/ tshe yang phyir nur te ring bar gyur nas/ dga' mgu yi rangs te yid bde ba chen po thob par gyur to/ /de nas 'byung po'i tshogs thams cad kyang sems dang zhing rjes su yi rangs par gyur to/ /de nas byang chub sems dpa'
97b1 sems dpa' chen po sgrib pa thams cad rnam par sel bas de bzhin gshegs pa la mchod pa'i las kyi phyir 'khor der rin po che'i khang pa brtsegs pa nor bu sna tshogs kyis spras pa zhig mngon par sprul nas/ chos la dga' ba'i phyir bcom ldan
97b2 'das la phul te/ lan gsum bskor ba byas nas bcom ldan 'das kyi zhabs la mgo bos phyag 'tshal te/ bcom ldan 'das la gsol pa/ bcom ldan 'das kyis gsang sngags dang / phyag rgya dang / dkyil 'khor gyi cho ga shin du rnyed par dka'
97b3 ba sems can thams cad la phan pa dang bde ba rnams kyi mchog 'dzam bu gling gi sems can sgrib pa che ba rnams kyi don du bshad de/ dge ba'i rtsa ba bskyed cing tshe ring ba dang / sdug bsngal gyi phung po thams cad las thar bar mdzad pa lags nang 'dir
97b4 bdag cag byang chub sems dpa' rnams kyis kyang sangs rgyas bcom ldan 'das thams cad la gsol te/ de bzhin gshegs pa'i spyan sngar yang dag pa'i ye shes chub par bgyid pa'i phyag rgya dang / gsang sngags kyi tshig bshad par 'tshal lo/ /
97b5 na mo b+ha ga bA te/ na ba na ba Ti nA~M/ sa~M myag sa~M bud d+ha ko Ti Na yu ta sha ta sa ha sra nA~M/ na maHsarba Ni ba ra Na/ bi skam bi Ni b+ho d+hi satwA ya/ o~M` tu ru tu ru ma ma sarba A pa ra Na bi sho d+ha ni/ sarba ta thA ga ta a yur ba lA ni/ bi pu la nir mA le/ sarba sid d+hi ni
97b6 ma skri twA/ ba ra ba ra/ sarba satwA a ba lo ki ni/ oM sarba Ni bA ra Na/ bi skam bi Ni/ ma ma sarba pA pa bi sho d+ha Ni ku ru swA hA/ bcom ldan 'das bdag gi gsang sngags 'di ni sangs rgyas bye ba phrag dgu bcu rtsa dgus bshad pa lags te/ gang la la zhig
97b7 gis ma yengs pa'i sems kyis rtse gcig tu byas te/ skad cig gcig bton na yang sdig pa thams cad byang bar 'gyur ro/ /yang gang la la zhig gis gsang sngags 'di cho ga bzhin du dgu bcu rtsa dgu yi ger bris te mchod rten gyi nang du bcug na
97b8 mchod rten de la la la zhig gis phyag byas sam/ tshig snyan pas bstod dam/ spos dang / me tog dang / byug pa dang / mar me 'bul na/ rigs kyi bu de de'i tshe 'di nyid la sdig pa thams cad byang zhing las kyi sgrib pa thams cad bsal te/ bsam pa
98a1 thams cad yid bzhin du grub par 'gyur/ sangs rgyas bcom ldan 'das brgya stong grangs med pa gang gA'i klung gi bye ma snyed la mchod cing bsnyen bkur byas pa dang 'dra bar 'gyur ro/ /de bzhin du mchod rten ring bsrel gyi snying po can
98a2 brgya stong bye ba khrig khrig gang gA'i klung gi bye ma snyed la mchod pa byas par 'gyur ro/ /de'i dge ba'i rtsa ba brgya chen po stsogs par 'gyur ro/ /yang dge sbyong gang zhig gis tshes brgyad dang / bcu bzhi dang / bcwa lnga gang yang rung ba la khrus dang gtsang sbra byas
98a3 te/ gos gtsang ma gyon la zhag gcig bsnyung ba 'am/ yang na zas dkar gsum zos te/ mchod rten la bskor zhing gsang sngags 'di lan brgya rtsa brgyad bzlas brjod byas na bskal pa brgya stong du bsags pa'i las kyi sgrib pa thams cad dang / mtshams
98a4 med pa lnga byas pa yang yongs su 'byang bar 'gyur/ gzhan yang las dang nyon mongs pa'i sgrib pa thams cad rnam par dag par gyur nas byang chub sems dpa' sgrib pa thams cad rnam par sel ba bdag nyid kyi lus mngon par bstan te/ bsam pa
98a5 thams cad dngos grub tu sbyin par mdzad cing / yang dag par rdzogs pa'i sangs rgyas thams cad kyi zhal yang mthong bar 'gyur ro/ /de bzhin du gang la la zhig gis nyis brgya rtsa brgyad bton na ting nge 'dzin thob par 'gyur ro/ /gang gis sum
98a6 brgya rtsa brgyad bton na sgrib pa thams cad byang ste phyir mi ldog pa'i sa la gnas par 'gyur ro/ /yang gang gis bzhi brgya rtsa brgyad bton na rgyal chen ris bzhi'i rgyal po chen po dag kyang nye bar 'ongs nas lus mngon par bstan te/ bsrung ba dang / skyabs byed
98a7 cing shes rab kyi stobs kyang bskyed nas bsod nams thams cad nye bar bsgrub bo/ /gang gis lnga brgya rtsa brgyad bton na dge ba'i rtsa ba de nyid kyis 'dus ma byas kyi lam la gnas pa 'thob bo/ /yang gang gis drug brgya rtsa brgyad du brton na rig sngags
98a8 'chang du 'gyur te/ nam mkha' la rig 'dzin gyi gnas su 'gro bar 'gyur ro/ /yang gang gis bdun brgya rtsa brgyad tshang bar bton na legs pa'i yon tan thams cad dang ldan par 'gyur ro/ /yang gang gis brgyad brgya rtsa brgyad bton na gzhan gyis
98b1 bsgo ba med pa'i rang dbang 'thob ste/ sems rnam par dag par 'gyur ro/ /yang gang gis dgu brgya rtsa brgyad du bton na phung po lnga rnam par dag par 'gyur ro/ /yang gang gis stong rtsa brgyad du bton na rgyun du zhugs pa'i 'bras bu 'thob bo/ /
98b2 gang gis nyis stong tshang bar bton na lan cig phyir 'ong ba'i 'bras bu 'thob bo/ /gang gis sum stong tshang bar bton na phyir mi 'ong ba'i 'bras bu 'thob bo/ /gang gis bzhi stong tshang bar bton na dgra bcom pa'i 'bras bu 'thob par 'gyur ro/ /gang
98b3 gis lnga stong tshang bar bton na rang sangs rgyas kyis 'thob par 'gyur ro/ /gang gis drug stong tshang bar bton na byang chub sems dpa'i rdzu 'phrul gyi gnas 'thob par 'gyur ro/ /yang gang gis bdun stong tshang bar bton na byang chub sems dpa'i
98b4 sa dang po 'thob par 'gyur ro/ /yang gang gis brgyad stong tshang bar bton na byang chub sems dpa'i sa lnga pa gnon par 'gyur ro/ /yang gang gis dgu stong tshang bar bton na rig sngags dang gsang sngags rnams kyi bdag po gsang ba pa'i lus 'thob
98b5 par 'gyur ro/ /yang gang gis khri tshang bar bton na byang chub sems dpa'i sa brgyad pa mi g.yo ba gnon par 'gyur ro/ /yang gang gis nyi khri tshang bar bton na bla na med pa yang dag par rdzogs pa'i sangs rgyas kyi sku 'thob par 'gyur te/ seng ge'i sgra
98b6 chen po sgrogs par 'gyur ro/ /yang gang la la zhig gis pha ma'i don gyi phyir bsod nams kyi las bya bar 'dod na/ mchod rten rnying pa ring bsrel can zhig ral du gyur pa gsos la bcos legs byas te/ g.yas phyogs su bskor ba byed cing
98b7 sngags lan brgya rtsa brgyad tshang gi bar du bskor ba byas na bsam pa thams cad yid bzhin du 'grub par 'gyur ro/ /de nas bcom ldan 'das kyis byang chub sems dpa' sgrib pa thams cad rnam par sel ba la legs so zhes bya ba byin te/
98b8 legs so legs so/ /rigs kyi bu khyod kyis nga'i grogs byas te/ de bzhin gshegs pa'i gsang sngags kyi cho ga tshul bzhin du bshad pa de kho na bzhin no/ /de nas gnod sbyin thams cad kyi rgyal po gsang ba pa'i bdag pos bcom ldan
99a1 'das la gsol pa/ bcom ldan 'das kyis gsang sngags kyi rgyal po/ gsang sngags kyi cho ga 'di dag de bzhin gshegs pa rnams dang 'dra ba/ de bzhin gshegs pa'i chos kyi sku las byung ba lags na/ bcom ldan 'das
99a2 snying po dam pa 'di dag 'dzam bu'i gling na gnas pa'i sems can rnams kyi las kyi sgrib pa dang / sdig pa thams cad bsal nas de phyin cad bcom ldan 'das kyi bstan pa la 'jug par 'gyur ro/ /de skad ces gsol pa dang / bcom ldan
99a3 'das kyis gsang ba pa'i bdag po la bka' stsal pa/ gsang ba pa'i bdag po gsang sngags kyi cho ga 'di dag ma 'ongs pa'i dus na yang de bzhin gshegs pa 'jig rten na bzhugs pa dang 'dra ba yin no/ /ngas cho ga ji skad bstan pa bzhin
99a4 du byas na las kyi sbyor ba chung ngus kyang 'bras bu chen po 'grub cing phan yon che bar gnas par 'gyur na/ las kyi sbyor ba cher byas pa lta ci smos te/ dge ba'i rtsa ba thams cad bsags par 'gyur ro/ /de lta bas na de dag gi yon tan ni
99a5 de bzhin gshegs pa brgya stong bye ba khrag khrig gang gA'i klung gi bye ma snyed kyis bshad kyang mi rdzogs te/ de bzhin gshegs pa de dag gis mkhyen cing gzigs par zad do/ /gsang ba pa'i bdag pos gsol ba/ bcom ldan 'das las tshegs
99a6 chung ngu ji lta bu zhig bgyis na bsod nams kyi 'bras bu chen po 'grub cing bsod nams chen po thob par 'gyur/ bcom ldan 'das kyis bka' stsal pa/ de'i phyir legs par nyon cig dang bshad par bya'o/ /dge slong dang / dge slong ma dang / dge
99a7 bsnyen dang / dge bsnyen ma gang la la zhig gis bsod nams kyi 'bras bu chen po thob cing / yon tan thob par 'dod pas gsang sngags kyi rgyal po'i cho ga sngar bstan pa bzhin du byas te/ dgu bcu rtsa dgu yi ger bris la sangs rgyas kyi mchod
99a8 rten gyi mdun du dkyil 'khor gru bzhir byas la ba'i lci bas byugs te/ grwa bzhir dri'i chu phor bu bkang ba re re bzhag /bdug spos kyi snod 'thul ba yang bzhag nas/ snod chen po'i nang du me tog dang / dri'i chu dang / 'bras skam po
99b1 rnams blugs te/ dkyil 'khor gyi steng du gzhag pa dang / yang til nag po dang / sran ma sha dang / 'bras rnams bsres te/ btsos pa'i 'bras thug kri sa ra zhes bya ba dang / zas dkar gsum dang / 'di rnams bum pa'i nang du blugs pa dang / yang shing tog
99b2 sna tshogs 'bras bu dgu bcu rtsa dgu dang / kha zas ming gis smos pa 'di rnams dang / spos dang / me tog la sogs pa dkyil 'khor gyi steng du bkram la/ gsang sngags kyi yi ge mchod rten gyi srog shing gi nang du bcug nas mchod rten gyi phyogs bzhir
99b3 phyogs bcu'i de bzhin gshegs pa thams cad mngon du dmigs te phyag byas la sems rtse gcig pas gsang sngags 'di dag gdon par bya'o/ /'di lta ste/ o~M` bi pu la bi ma le/ pra ba ra dzi na ba re/ sa ra sa ra/ sarba ta thA ga ta d+hA tu gar b+he/
99b4 a d+hiSh+Thi te swA hA/ a ya ta to ba Ni swA hA/ sarba de ba Na/ ba ha ya bi bud d+ha a d+hiSh+ThA Na sa ma ye swA hA/ bdug spos 'thul ba rgyun mi 'chad par bya zhing / gsang sngags lan nyi shu rtsa brgyad bton na byang chub sems dpa' sems dpa' chen po
99b5 brgyad dang / gnod sbyin gyi sde dpon chen po brgyad dang gsang ba pa'i bdag po dang / rgyal po chen po bzhi dang / tshangs pa dang / dbang phyug chen po dang / sred med kyi bu rnams de'i mod la mchod rten de la mchod pa dang / rim gro byed de srog shing brtan par byed
99b6 do/ /de bas gong du yang sangs rgyas bye ba 'bum phrag dgu bcu rtsa dgu dang / gang gA'i klung gi bye ma snyed kyang gnas der gshegs te/ mchod rten de la mchod pa dang / chos kyi skur byin gyis rlob cing ring bsrel dang ldan par mdzad do/ /de ltar sems thag
99b7 pa nas cho ga tshul bzhin du byas na yon tan de dag dang / gzhan yang mchod rten de yid bzhin gyi nor bu rin po che las byas pa'i bsod nams thob par 'gyur te/ rin po che'i rnam pa bye ba khrag khrig brgya stong du ma las mchod rten byas pa dang 'dra
99b8 bar 'gyur te/ dge ba'i rtsa ba rgya chen po dang ldan zhing lus rnam par dag la tshe ring zhing nad med pa dang / bgegs thams cad kyis mi tshugs par 'gyur ro/ /gzhan gang la la zhig gis mchod rten 'di mthong ngam/ mchod rten de'i dril bu'i sgra thos
100a1 na yang las kyi sgrib pa dang / sdig pa thams cad byang bar 'gyur te/ mtshams med pa lnga byas pa yang yongs su byang nas 'chi ba'i dus byas pa'i 'og tu bde ba can gyi 'jig rten du skye'o/ /gang la la zhig gis mchod rten de'i ming tsam
100a2 thos pa yang 'chi ba'i dus byas nas bla na med pa'i byang chub kyi lam 'thob par 'gyur/ tha na bya dang ri dgas la sogs pa sems can gang gis mthong ba de yang tshe 'phos nas dud 'gro'i skye gnas spangs te/ bsod nams dang ldan pa'i lus 'thob par 'gyur
100a3 ro/ /gang la la zhig gis pha rol tu phyin pa drug yongs su rdzogs par spyod par 'dod pa des snga ma bzhin du dkyil 'khor gru bzhi pa byas te/ sa dang lci bas byugs la de'i steng du spos kyi brkyang nul gyis byugs te/ dkyil 'khor gyi grwa bzhir dri'i chus bkang
100a4 ba'i snod re re bzhag la/ sngar bstan pa'i gsang sngags bzhi po dag las rnam pa gcig kyang dgu bcu rtsa dgu bris te/ rang gi lag gis mchod rten chung ngu dgu bcu rtsa dgu gdab cing gsang sngags rnams gcig kyang re re'i nang du gzhug go/ de nas yang gsang
100a5 sngags 'di dgu bcu rtsa dgu yi ger bris te/ mchod rten gyi 'phang lo rnams kyi nang du bcug la/ mchod rten rnams dkyil 'khor gyi steng du bzhag ste/ me tog dang byug pas mchod la/ lan bdun bdun du bskor zhing gsang sngags 'di yang gdon par
100a6 bya'o/ /na maHna ba na bA Ti nA~M/ ta thA ga ta ga~M gA Na nA~M/ Di bA lu kA~M/ ko Ti Na yu ta sha ta sa ha sra na~M/ oM po po ri/ tsa ri Ni tsa ri/ mo ri ko ri tsa la ba ri swA hA/ cho ga 'di ltar byas na pha rol tu phyin pa drug yongs su rdzogs par spyad par yang ma zad de/
100a7 des ni rin po che'i mchod rten bye ba khrag khrig brgya stong gang gA'i klung gi bye ma snyed byas par 'gyur ro/ /yang dag par rdzogs pa'i sangs rgyas bye ba khrag khrig brgya stong phrag dgu bcu rtsa dgu snyed la mchod cing bsnyen bkur byas par 'gyur ro/ /
100a8 de'i gong du yang lha thams cad kyis mchod pa'i sprin sna tshogs bsdus te/ mchod rten de la yo byad sna tshogs sbyar nas/ de bzhin gshegs pa'i pho brang dang / yo byad sna tshogs sbyar nas mchod par 'gyur te/ yang dag par rdzogs pa'i sangs rgyas de dag snyed kyis mkhyen cing gzigs te byin gyis
100b1 rlob par mdzad do/ /rigs kyi bu 'am/ rigs kyi bu mo de'i dge ba'i rtsa ba rgya chen po'i bsod nams dang / yon tan thams cad thob par mdzad do/ /yang gang la la zhig gis gsang sngags kyi rgyal po 'di snying po ma nor bar yi ger bris la rtag tu bton te/
100b2 mchod pa'i las byas la lus la thogs na rig pa de nyid kyis bsrung ba dang / bskyab pa mdzad de/ phas kyi rgol ba'i dgra thams cad dang / shar gnyer ba rnams dang / gnod sbyin dang / srin po rnams dang / yi dags la sogs pa thams cad kyang gnod pa byed
100b3 par mi 'gyur te/ 'jigs shing skrag nas so sor 'byer bar 'gyur ro/ /gang la la zhig gis rig pa 'don pa de dang gtam byas pa yang mtshams med pa lnga'i las kyi sgrib pa yang yongs su 'byang bar 'gyur ro/ /gang la la zhig gis sngags pa de'i sgra
100b4 thos sam/ grib mas phog gam/ lus la reg kyang rung ste/ de'i tshe rabs gzhan gyi las kyi sgrib pa dang / sdig pa thams cad yongs su byang bar 'gyur ro/ /gang rig pa 'don pa de'i lus la dug gis mi tshugs/ mes mi tshig /chus khyer bar mi
100b5 'gyur/ gdon thams cad kyis kyang glags mi rnyed/ thog 'bab par mi 'gyur te/ sangs rgyas thams cad kyis bsrung ba dang / bskyab pa mdzad cing spyan ras kyis 'tsho bar mdzad do/ /lha thams cad dang / dam tshig can thams cad kyis kyang de la stong grogs
100b6 byed par 'gyur te/ gzhan gyi rig sngags dang / byad dang / sbyor ba thams cad kyis mi tshugs par 'gyur ro/ /de lta bas na rig pa 'don pa gnas gang na 'dug kyang gsang sngags 'di'i cho ga don du gnyer bar bya ste/ gsang sngags yi ger bris la lam gyi
100b7 bzhi mdo 'am/ sum mdo skye bo mang po phan tshun 'gro ba'i gnas su mchod rten byas la/ de'i nang du bcug na/ 'gro ba thams cad dang / bya dang / sbrang ma dang / tha na grog sbur yan chad kyis mthong ba dang / thos pa dang / reg pa dang / de la phog pa'i sa
100b8 dang / rdul dang / rlung dang / grib mas phog na yang byol song dang / yi dags dang / ngan song log par ltung ba sems can dmyal bar skye bar 'gyur ba'i sdig pa thams cad dang bral zhing 'chi ba'i dus byas nas bde 'gro mtho ris lha rnams kyi nang du skye
101a1 bar 'gyur te/ sngon gyi las kyi sgrib pa yongs su byang bas tshe rabs rjes su dran pa 'thob par 'gyur zhing / phyir mi ltung ba'i chos can du 'gyur ro/ /de nas bcom ldan 'das kyis byang chub sems dpa' sems dpa' chen po
101a2 sgrib pa thams cad rnam par sel ba dang / gsang ba pa'i bdag po lag na rdo rje dang / rgyal po chen po bzhi dang / tshangs pa mi mjed kyi bdag po dang / tshangs ris kyi lha rnams dang / dbang phyug chen po la sogs pa'i lha rnams la bka' stsal pa/
101a3 skyes bu dam pa dag ngas gsang sngags kyi rgyal po'i snying po 'di dag khyed rnams la yongs su gtad kyis/ rtag tu rim gror bya zhing yongs su gzung bar bya ste/ rin po che'i za ma tog gi nang du bcug la/ gnas thams cad du bsgrags te/ nam du
101a4 yang rgyun ma gcad par sems can la ston cig /mthong zhing thos par byas na mtshams med pa lnga'i sdig pa yang 'byang bar 'gyur ro/ /de nas byang chub sems dpa' sems dpa' chen po sgrib pa thams cad rnam par sel ba dang / gsang ba pa'i
101a5 bdag po lag na rdo rje dang / rgyal po chen po bzhi dag dang / tshangs pa dang / dbang phyug chen po dang / sred med kyi bu dang / lha dang / klu dang / gnod sbyin dang / srin po dang / lha ma yin dang / lto 'phye chen po la sogs pa thams cad kyis bcom ldan 'das
101a6 kyi zhabs la phyag 'tshal nas/ tshig 'thun par smras te gsol pa/ bcom ldan 'das bcom ldan 'das kyis bdag cag la thugs brtse bar dgongs te/ gsang sngags 'di'i cho ga dang / mchod rten bgyi ba'i cho ga ji skad gsungs pa rnams
101a7 sems can thams cad la sman pa'i slad du bdag cag kun gyis bsrung zhing rim gror bgyi/ rtag par gzungs su gzung zhing mi bskyud par bgyi/ yi ger bri ba dang / bklag pa dang / mchod pa'i las rnams kyang bgyi ste ma 'ongs pa'i dus na sems can
101a8 gang la las chos kyi rnam grangs 'di thos shing khong du chud nas ngan song ngan 'gro sems can dmyal ba la sogs pa dang / sdig pa thams cad las thar bar 'gyur bar bcom ldan 'das kyis gsungs pas na/ bdag cag rnams kyis bcom
101b1 ldan 'das kyi bka' drin spyi bos blangs pa'i slad du gsang sngags kyi cho ga 'di dag rim gror bgyid/ btsun par bgyi/ gus par bgyi/ rin po che'i 'du shes gzhag par bgyi/ rgya cher 'phel bar bgyi/ bcom ldan 'das kyi zhal dang
101b2 'dra bar blta bar bgyi ste/ nam du yang nub par mi 'gyur zhing ci nas kyang rgyas par bgyi ba'i slad du nan tan bgyi bar 'tshal lo/ /de skad ces gsol pa dang / bcom ldan 'das kyis bka' stsal pa/ skyes bu dam pa rnams dam tshig
101b3 la gnas pas gsang sngags kyi cho ga 'di dag bsrung ba dang / rim gror bya ba dang / yongs su bzung bar khas blangs pa ni legs so legs so shin du yang legs so/ /bcom ldan 'das kyis de skad ces bka' stsal nas/ thams cad
101b4 dang ldan pa'i 'khor de dag yi rangs te/ bcom ldan 'das kyis gsungs pa la mngon par bstod do/ /'phags pa 'od zer dri ma med pa rnam par dag pa'i 'od ces bya ba'i gzungs/ rdzogs so// //rgya gar gyi mkhan po bid+ya ka
ra si~M ha dang /