226a1 @#/ /rgya gar skad du/ Ar+ya a mo g+ha pA sha pA ra mi tA Sha Ta pa ri pU ra ya nA ma d+hA ra NI/ bod skad du/ 'phags pa don yod zhags pa'i pha rol tu phyin pa drug yongs su rdzogs par byed pa zhes bya ba'i gzungs/ sangs rgyas dang
226a2 byang chub sems dpa' thams cad la phyag 'tshal lo/ /dus gsum du gshegs shing bzhugs pa'i de bzhin gshegs pa thams cad la phyag 'tshal lo/ /byang chub sems dpa' sems dpa' chen po snying rje chen po dang ldan
226a3 pa 'phags pa spyan ras gzigs dbang phyug la phyag 'tshal lo/ /oM a mo g+ha pA sha ma hA dA na pA ra mi tA pA ri pU ra ya hU~M/ da ra da ra/ bi bi d+ha ra/ bi tsi trai/ sarba satwA u pa b+ho ga /sarba ta thA ga ta/ ma hA dA na pU dza me g+ha pra brta ya/ ta ra ta
226a4 ra/ ta ra ya ma hA pad ma ma Ni hU~M phaT swA hA/ 'di ni don yod pa'i zhags pa'i sbyin pa'i pha rol tu phyin pa'i snying po chen po ste/ gang gis yungs 'bru tsam gyi sbyin pa yang byin te dran pa tsam gyis lan bdun bzlas brjod byas na mchod sbyin
226a5 chen po rnam par 'phrul pa chen po shin du rgyas pa chen po'i sbyin pa'i pha rol tu phyin pa yongs su rdzogs par 'gyur ro/ /dus gsum gyi de bzhin gshegs pa thams cad la phyag 'tshal lo/ /byang chub sems dpa' sems dpa'
226a6 chen po snying rje chen po dang ldan pa 'phags pa spyan ras gzigs dbang phyug la phyag 'tshal lo/ /oM a mo g+ha shI la/ sa~M b+ha ra sa~M b+ha ra/ b+ha ra b+ha ra/ ma hA shud d+ha sa twa pad ma b+hi b+hU Shi ta b+hu dza/ d+ha ra d+ha ra/ sa man ta a ba lo ki te hU~M phaT
226a7 swA hA/ gzungs 'di gso sbyong gi yan lag brgyad bzung nas bsnyung bar gnas pa byas te mi smra bar lan nyi shu rtsa gcig tu dran pas brjod par bya'o/ /de nas don yod pa'i zhags pa'i snying po bzlas brjod bya'o/ /bzlas brjod
226a8 byas pa tsam gyi mod la tshul khrims dag pa chen po dang ldan par 'gyur ro/ /tshul khrims kyi pha rol tu phyin pa yongs su rdzogs par 'gyur ro/ /tshul khrims kyi dri zhim po mang po lus la 'byung zhing / phyogs bcu'i 'jig rten du
226b1 grags par 'gyur ro/ /gang zhig nyi ma re re zhing gzungs 'di dran par byed na de ni rtag tu tshul khrims yongs su dag par 'gyur ro/ /dge slong gang la la zhig tshul khrims zhig cing nyams par gyur pas bsnyung bar gnas pa byas te/ gzungs
226b2 'di bzlas brjod byas pa tsam gyi mod la tshul khrims yongs su dag par 'gyur zhing / tshul khrims mang po dang ldan par 'gyur ro/ /dus gsum gyi de bzhin gshegs pa thams cad la phyag 'tshal lo/ /byang chub sems dpa'
226b3 sems dpa' chen po snying rje chen po dang ldan pa 'phags pa spyan ras gzigs dbang phyug la phyag 'tshal lo/ /oM a mo g+ha k+ShAn ti sarba bo d+hi sa twa k+Sha ma Ni/ k+Sha Na k+Sha Na ma hA mai tri ku ru Na/ sarba satwa bad sa la/ ma hA kA ru Ni ka /sarba
226b4 satwa k+Sha mi Ni hU~M phaT swA hA/ gzungs 'di dran pas sems can du gyur pa thams cad la bzod pa dang / bzod pa chen po dang / snying brtse ba dang / snying rje chen po dang ldan pa'i sems kyis mnyam par gnas pa dang / byol song gi skye
226b5 gnas su gtogs pa'i ri dgas dang / bya dang / ltos 'gro la sogs pa gang dag 'das pa gang yin pa dang / gnas pa gang yin pa dang / skye bar 'gyur ba gang yin pa de dag rnams la snying brtse ba'i phyir gang la la zhig gzungs
226b6 'di dran pas bzod pa'i mchog sgom par byed na de sems can dmyal ba dang / yi dags dang / dud 'gro thams cad las yongs su thar bar 'gyur zhing / skye bo'i tshogs mang po sdug bsngal la gnas pa rnams las rnam par
226b7 grol bar 'gyur ro/ /nam sangs rgyas kyi zhing yongs su dag pa la gnas par gyur gyi bar du bzod pa'i pha rol du phyin pa yongs su rdzogs par 'gyur ro/ /dus gsum gyi de bzhin gshegs pa thams cad la phyag 'tshal lo/ /byang
226b8 chub sems dpa' sems dpa' chen po snying rje chen po dang ldan pa 'phags pa spyan ras gzigs dbang phyug la phyag 'tshal lo/ /oM ma hA bIr+ya a mo g+ha bi lo ki te/ ba ra ba ra/ dri D+ha bIr+ya ma hA ba la/ ba la ba la/ ma hA bo d+h+ya~M ga /ba la/
227a1 bo d+ha ni hU~M phaT swA hA/ gzungs 'di dus rtag tu dran pa'am/ yongs su dag cing spro ba'i yid kyis dran pa tsam gyi mod la brtson 'grus kyi pha rol du phyin pa yongs su dag par 'gyur ro/ /gang 'di yid la byed pa dang ldan pas dge ba sna
227a2 'ga' tsam byas pa yang dpag tu med pa byas par 'gyur/ stobs dang ldan par 'gyur/ myur bar 'gyur ro/ /byang chub kyi snying po la 'dug gi bar du brtson 'grus nyams par mi 'gyur/ brtson 'grus kyi pha rol du phyin pa dang nam yang mi 'brel
227a3 bar 'gyur/ brtson pa chen por 'gyur ro/ /dus gsum gyi de bzhin gshegs pa thams cad la phyag 'tshal lo/ /byang chub sems dpa' sems dpa' chen po snying rje chen po dang ldan pa 'phags pa spyan ras gzigs dbang phyug la
227a4 phyag 'tshal lo/ /oM sarba ta thA ga ta ma hA a mo g+ha kA ru Na/ d+h+yA na/ sa mA d+hi/ sarba bi mo k+Sha/ a pra kam pya ka /tsu ru tsu ru hU~M phaT swA hA/ gzungs 'di 'phags pa spyan ras gzigs dbang phyug gi drung du yid la byed pas rtse gcig tu dran
227a5 par byas na dran pa tsam gyi mod la bsam gtan gyi pha rol du phyin pa yongs su rdzogs par 'gyur ro/ /gzhan yang ting nge 'dzin stong phrag brgya so sor rab tu thob par 'gyur ro/ /sangs rgyas kyi zhing thams cad du zhugs par 'gyur ro/ /
227a6 bzlas brjod byas pa tsam gyi mod la ting nge 'dzin thams cad la dbang byed par 'gyur ro/ /dus gsum gyi de bzhin gshegs pa thams cad la phyag 'tshal lo/ /byang chub sems dpa' sems dpa' chen po snying rje chen po dang ldan pa/
227a7 'phags pa spyan ras gzigs dbang phyug la phyag 'tshal lo/ /oM a mo g+ha ma hA pradz+nyA pA ra mi tA a ba b+hA sa swa b+hA ba/ sa ma~M ta s+pha ra Na/ bud d+hi/ pra sa ra pra sa ra/ sa man ta bud d+hi/ a ba lo ki te/ b+ha ga bAn pradz+nyA a ba lo ki te tsak+Shu ShA ma hA
227a8 pradz+nyA/ ba ra da mA Ni ma hA pradz+nyA/ pad ma d+ha ri Na b+hu dze hU~M phaT swA hA/ gzungs 'di dran pa tsam gyi mod la shes rab kyi pha rol tu phyin pa yongs su rdzogs par 'gyur ro/ /thabs dang shes rab sna tshogs kyi dge ba'i blo chen po rab tu 'phel
227b1 bar 'gyur ro/ /rtag tu rgyun mi 'chad par pha rol du phyin pa bcu'i blo dang ldan par 'gyur ro/ /phyogs bcu'i de bzhin gshegs pa thams cad dang / 'das pa dang / ma 'ongs pa na 'byung bar 'gyur ba'i de bzhin gshegs pa thams cad yid
227b2 la byed cing / sangs rgyas rjes su dran pa'i shes rab kyi blo dang rab tu ldan par 'gyur ro/ /lan 'ga' yang pha rol tu phyin pa drug dang 'bral bar mi 'gyur ro/ /sbyin pa dang tshul khrims dang / bzod pa dang / brtson 'grus dang / bsam
227b3 gtan dang / shes rab kyi pha rol tu phyin pa las yongs su nyams par mi 'gyur ro/ /byang chub tu mngon par rdzogs par sangs rgyas kyi bar du nam yang rmongs par mi 'gyur ro/ /chos thams cad kyi de bzhin nyid la yang dag par rjes
227b4 su song ba zhes bya ba'i de kho na nyid dang rab tu ldan par 'gyur ro/ /blo gros dpag tu med pa dang ldan pa phun sum tshogs par 'gyur ro/ /phyogs bcu'i de bzhin gshegs pa thams cad kyis rab tu dgongs par 'gyur ro/ /byang chub sems
227b5 dpa' thams cad rjes su sems par 'gyur ro/ /'phags pa don yod pa'i zhags pa'i pha rol tu phyin pa drug yongs su rdzogs par byed pa'i gzungs chen po/ rdzogs s+ho// //paN Di ta many+dzu shrI warma dang / lo ts+tsha ba blo ldan shes
rab kyis bsgyur te gtan la phab pa'o/