བོད་ཡིག |
196a2 pra dz+nyA barma dang / zhu chen gyi lo tsa ba ban de ye shes sde la sogs pas bsgyur cing zhus te gtan la phab pa// // rgya gar skad du/ Ar+ya sa mA d+hi a gra ud ta ma/ bod skad du/ 'phags pa ting nge 'dzin mchog dam
196a3 pa/ bam po gcig go/ /'di skad bdag gis thos pa dus gcig na/ bcom ldan 'das rgyal po'i khab na dge slong chen po'i dge 'dun sum khri dang / byang chub sems dpa' skyes bu chen po lnga stong tsam dang / lha dang
196a4 klu la sogs pa sde brgyad dang / lha dang mi la sogs pa 'khor mang po dang thabs gcig tu bzhugs so/ /de ma yin pa gzhan yang phyogs bzhi'i mgon po bzhi dang / srin po dang / yi dags la sogs pa sde bzhi yang
196a5 'khor der 'dus par gyur to/ /de'i tshe na bcom ldan 'das 'od zer gyi ting nge 'dzin du bzhugs nas cang mi gsung zhing bzhugs pa las 'khor mang po rnams the tsom du gyur to/ /de nas byang chub sems dpa' 'jam dpal
196a6 gzhon nu chos kyi rgyal bu 'dug pa las langs te/ sangs rgyas la lan gsum bskor ba byas nas tshigs su bcad pa 'di dag gis mngon par bstod do/ /shin tu legs so chos kyi rje/ /ting nge 'dzin la zhi bar bzhugs/
196a7 'khor gyi dkyil 'khor mang po rnams/ /thams cad the tsom skyes par gyur/ /shin tu legs so nyi zla'i 'od/ /cang mi gsung bar snang mi mdzad/ /shin tu legs so rin chen gter/ /dbul phongs rnams la sbyin mi mdzad/ /
196a8 shin tu legs so mi yi rgyal/ /ting nge 'dzin las bzhengs su gsol/ /shin du legs so klu yi rgyal/ /bdud rtsi'i char pa dbab tu gsol/ /shin du legs so lha yi mchog /myur du chos rnams bstan du gsol/ /shin du legs
196b1 so sems can la/ /theg pa gcig don bstan du gsol/ /de nas bcom ldan 'das ting nge 'dzin de las bzhengs nas 'khor mang po rnams la 'di skad ces bka' stsal to/ /nga la rin po che bla na med pa'i ye shes mang du yod
196b2 pa khyod la phan pa dang bde bar mdzad cing dbul phongs pa dang bral bar bya ba yod kyis the tsom ma byed par ci dang ci 'dod pa dris shig /de nas dga' bo stan las langs te sangs rgyas la 'di skad ces gsol to/ /bcom ldan 'das bdag
196b3 gis ni mang du thos pas bla na med pa'i byang chub myur du 'thob snyam na mdo sde dag las bshad pa thos pa ltar na mang du thos shing shes rab rno ba'i dbang po dang ldan pa ni byang chub thob pa shin tu dka' ste bgegs brgyad du skye'o zhes 'byung na/ bdag gis ji ltar bla na med pa'i byang chub thob par 'gyur/
196b4 bcom ldan 'das kyis dga' bo la bka' stsal pa/ dga' bo mang du thos pa la sems rnam pa gnyis te/ gang zhe na/ ting nge 'dzin gyi sems dang / 'khrul pa'i sems so/
196b5 sems ting nge 'dzin la gnas na ni mang du thos pas kyang gnod pa med do/ /sems 'khrul pa la gnas na ni mang du thos pas kyang phan pa med de/ gang gis ting nge 'dzin dang shes rab dang shin du ldan na myur du bla na med pa'i byang chub
196b6 thob par 'gyur ro/ /dga' bos gsol pa/ bcom ldan 'das ci'i slad du mdo kun las ting nge 'dzin dang / shes rab ni mchog dam pa'o zhes bstod/ bcom ldan 'das kyis dga' bo la bka' stsal pa/ dga' bo ting nge
196b7 'dzin dang / shes rab tu ldan pa ni dper na ri dgas kyi nang na seng ge mchog tu gyur pa dang / snang ba thams cad kyi nang na nyi ma mchog tu gyur pa dang / ri'i nang na ri rab lhun po mchog tu gyur pa lta bu'o/ /de yang ci'i phyir zhe na/ ting
196b8 nge 'dzin dang / shes rab tu ldan pa'i shugs ni mchog dam pa yin pa'i phyir ro/ /bcom ldan 'das kyis dga' bo la bka' stsal pa/ dga' bo gal te mi zhig gis shing tsan dan las stong gsum gyi stong chen po'i 'jig rten gyi khams
197a1 gang ba'i gtsug lag khang brtsigs pa dang / mi gzhan zhig gis rin po che sna bdun las stong gsum gyi stong chen po'i 'jig rten gyi khams gang ba'i gtsug lags khang byas na/ mi de gnyis kyi bsod nams
197a2 mnyam pa yin nam/ dga' bos gsol pa/ mi de gnyis kyi nang na rin po che sna bdun las bgyis pa'i bsod nams mchog go/ /sangs rgyas kyis dga' bo la bka' stsal pa/ gzhan yang mi zhig gis gser tha mal pa las
197a3 stong gsum gyi stong chen po'i 'jig rten gyi khams gang ba'i gtsug lag khang byas pa dang / mi gzhan zhig gis gser btso ma las stong gsum gyi stong chen po'i 'jig rten gyi khams gang ba'i gtsug lag khang byas na/ de gnyis kyi
197a4 bsod nams mnyam pa yin nam/ dga' bos gsol pa/ gser btso ma las bgyis pa'i bsod nams rab tu che'o/ /sangs rgyas kyis dga' bo la bka' stsal pa/ gal te mi zhig gis shing tsan dan dang / spos kyi shing gzhan dag
197a5 las stong gsum gyi stong chen po'i 'jig rten gyi khams gang ba'i sku gzugs byas te mchod pa byed cing phyag 'tshal ba dang / mi gzhan zhig gis gser btso ma dang / rin po che sna bdun las stong gsum gyi stong chen po'i 'jig rten gyi khams
197a6 gang ba'i sku gzugs byas te mchod pa byed cing phyag 'tshal na mi de gnyis kyi bsod nams la khyad par yod dam/ dga' bos gsol pa/ rin po che sna bdun dang / gser btso ma las sku gzugs bgyis pa'i bsod nams
197a7 che'o/ /sangs rgyas kyis dga' bo la bka' stsal pa/ gal te mi zhig gis sbyin pa chen po'i sems bskyed de/ rin po che sna bdun gyi bang mdzod dang / chung ma dang / bu sbyin pa byin pa dang / mi gzhan zhig gis yan lag
197a8 gis dam pa mgo dang / mig dang / lus dang / rnyed dka' ba'i rin po che sna bdun gyi bang mdzod kyi sbyin pa byin na mi de gnyis kyi bsod nams la khyad par ci yod/ /dga' bos gsol pa/ rin po che sna bdun dang / lus dang / chung
197b1 ma dang / bur bcas pa'i sbyin pa'i bsod nams che ba lags so/ /sangs rgyas kyis dga' bo la bka' stsal pa/ gal te mi zhig gis mdo sde bcu gnyis stong gsum gyi stong chen po'i 'jig rten gyi khams gang ba'i mi rnams
197b2 la 'jig rten du spel te klog cing kha ton byed du 'jug pa dang / de la mi zhig gis stong gsum gyi stong chen po'i 'jig rten gyi khams gang ba'i mi rnams yi ge bzhin du 'don cing yi ge yang don ston cing khong du chud na mi de gnyis kyi bsod
197b3 nams gang che/ dga' bos gsol pa/ yi ge bzhin du 'don cing khong du chud pa'i bsod nams che'o/ /sangs rgyas kyis dga' bo la bka' stsal pa/ gal te mi zhig gis mdo sde bcu gnyis kyang thogs pa med
197b4 par kha ton du shes la don zab mo mi shes par mdo sde glegs bam yang stong gsum gyi stong chen po'i 'jig rten gyi khams gang ba tsam 'chang ba dang / de la mi zhig mdo sde bcu gnyis kyang byang bar kha ton shes la
197b5 don zab mo yang rtogs te/ mdo sde'i gleg bam yang stong gsum gyi stong chen po'i 'jig rten gyi khams gang ba tsam 'chang na mi de gnyis kyi bsod nams gang mchog tu gyur pa yin/ dga' bos gsol pa/ kha ton
197b6 bgyis la don yang rtogs te/ gzhan la yang ston cing 'chad pa'i bsod nams mchog tu gyur pa lags so/ /sangs rgyas kyis dga' bo la bka' stsal pa/ gal te mi zhig gis mdo sde bcu gnyis 'grel cing 'chad la/
197b7 sbyin pa dang / tshul khrims dang / bzod pa dang / byams pa dang / snying rje dang / dga' ba dang / btang snyoms mi spyod pa dang / gal te mi zhig gis mdo sde bcu gnyis kyang 'grel cing 'chad la/ sbyin pa dang / tshul khrims dang /
197b8 bzod pa dang / byams pa dang / snying rje dang / dga' ba dang / btang snyoms kyang rgya cher spyod/ sems can rnams la bu gcig pa dang 'dra bar sems snyoms na mi de gnyis bsod nams gang che ba yin/ dga' bos gsol pa/ byams
198a1 pa dang / snying rje dang / dga' ba dang / btang snyoms dang / tshul khrims dang / bzod pa spyod cing sems can la sbyin pa byin pa'i bsod nams che zhing mang ba lags so/ /bcom ldan 'das kyis dga' bo la
198a2 bka' stsal pa/ gal te mi zhig gis mdo sde bcu gnyis kyang 'grel cing 'chad shes la bstan bcos 'u ta bcwa lnga yang byang bar 'chad shes te 'jig rten du spel ba dang / de la mi zhig gis mdo sde bcu gnyis kyang 'grel cing 'chad shes la/ bkri
198a3 ba'i bstan bcos dang / nges pa'i bstan bcos dang / phung po lnga'i bstan bcos dang / rten cing 'brel par 'byung ba bcu gnyis kyi bstan bcos dang / khams bcwa brgyad kyi bstan bcos dang / stong pa chen po'i bstan bcos dang /
198a4 nyi zla'i bstan bcos dang / zla ba sprin gyi bstan bcos dang / mdo sde rgyan kyis bstan bcos dang / don dam pa nyid kyi bstan bcos dang / rdo rje snying po'i bstan bcos dang / rnam pa thams cad mkhyen pa'i bstan bcos dang /
198a5 rnam par thar pa'i sgo gsum gyi bstan bcos la sogs pa bstan bcos 'u ta bcwa lnga yang shes la sbyin pa dang / tshul khrims dang / bzod pa dang / byams pa dang / snying rje dang / dga' ba dang / btang snyoms kyang spyod de/ tshul
198a6 khrims 'chal pa dang / tshul khrims srung ba dang / sems gnyis su med cing nam mkha' ltar mnyam pa dang / sems can gyi skyon thams cad mi mthong zhing sems can rnams la bu gcig pa dang 'dra bar snyoms te/
198a7 dgra sdang ba la yang nam mkha' ltar mnyam pa dang / de la mi zhig gis phyogs su rgyas pa'i mdo sde bcu gnyis la skur pa mi 'debs na mi de gnyis kyi bsod nams gang che ba yin/ dga' bos gsol pa/
198a8 phyogs su rgyas pa'i mdo sde bcu gnyis la skur pa ma btab na mi de'i bsod nams tshad ma mchis grangs ma mchis te/ bsam gyis mi khyab pa lags so/ /bcom ldan 'das kyis dga' bo la bka' stsal
198b1 pa/ gzhan yang mi zhig gi gong du smos pa'i bsod nams thams cad kyang stong gsum gyi stong chen po'i 'jig rten gyi khams gang bar byed nus la mdo sde bcu gnyis dang / bstan bcos 'u ta bcwa lnga snyed kyang kha ton dang
198b2 'brel cing 'chad nus te/ tshul khrims dang / bzod pa dang / byams pa la sogs pa yang spyod/ sbyin pa yang byed de/ mang du thos pa'i mchog tu yang gyur la chos thams cad stong zhing zhi ba'i don yang ston te/ nyan pa'i mngon par
198b3 shes pa lnga thob par byed de/ de ltar phan pa dang bde ba'i don byas kyang des ni mi zhig nyin gcig gam/ mtshan gcig ting nge 'dzin du zhugs pa tsam du mi phod do/ /de ci'i phyir zhe na/ mang du thos pa'i gang zag ni ri'am
198b4 rgya mtsho ltar nga rgyal gyi sems che'o/ /de ltar rgya che ba ni ngan song du bskal pa grangs med kyi bar du sdug bsngal myong bar 'gyur ro/ /dmyal ba de las thar na yang 'dab chags kyi byar skye bar 'gyur na mang du thos pa la phan
198b5 pa ci yod/ gang la bsam gtan gyi ting nge 'dzin yod pa ni skye shi'i 'khor ba'i sdig kha na ma tho ba'i las lci ba byang bar nus so/ /mang du thos pa ni rtswa dang 'dra'o/ /ting nge 'dzin ni me dang 'dra'o/ /mang du thos pa ni lcags
198b6 dang 'dra'o/ /bsam gtan gyi ting nge 'dzin ni gser dang 'dra'o/ /mang du thos pa ni rtsi bdug pa dang 'dra'o/ /bsam gtan gyi ting nge 'dzin ni rtsi'i sdong po dang 'dra'o/ /mang du thos pa ni gtsang po dang 'dra'o/ /bsam
198b7 gtan gyi ting nge 'dzin ni rgya mtsho dang 'dra ste/ ngas bsam gtan gyi ting nge 'dzin gyi bsod nams dang / yon tan bshad na zad pa'i mtha' med de bskal par yang mi rdzogs so/ /bcom ldan 'das kyis dga' bo la
198b8 bka' stsal pa/ nga mngon sum du dran pa sngon 'das pa'i dus na mang du thos pa'i skye bor gyur pa'i tshe 'jam dpal dang nga gnyis yod med gnyis la rtsod par gyur te/ 'jam dpal ni yod ces smra/ ngas ni med do zhes smras te/
199a1 yod med gnyis kyi bden pa la rtsod par gyur te gcig tu ma chad do/ /mtha' ma tshe 'phos nas ngan song du skyes par gyur te/ bskal pa grangs med kyi bar du lcags kyi thu lum za bar gyur to/ /dmyal ba de las thar
199a2 te sangs rgyas 'od srung dang phrad nas yod pa dang med pa'i bden pa gnyis 'od srung gis 'di skad du bshad do/ /chos thams cad kyi rang bzhin ni gcig tu nges shing chad pa med de/ khyed yod pa dang med par smra ba ni don de lta bu ma yin no/
199a3 de ci'i phyir zhe na/ chos thams cad ni stong pa nyid kyis zhi ba ste/ bden pa 'di gnyis ni yod pa yang ma yin te/ med pa yang ma yin te/ khyed shes pa ni yi ge'i don shes par zad kyi don zab mo mi shes pas don 'di lta bu ni khyed
199a4 dmus long ngam 'on pa lta bu yin na/ don zab mo 'di lta bu ji ltar shes shing rtogs par gyur zhes bshad pa thos nas ri dben par song ste/ bdag nyid yid la byas nas bsam gtan gyi ting nge 'dzin la zhugs so/ /zhag
199a5 bdun lon pa dang bsam gtan zhi ba'i ting nge 'dzin dang / ting nge 'dzin rnam gsum dang / ye shes rnam gsum dang / chen po stong pa nyid dang / don dam pa stong pa nyid dang / stong pa nyid stong pa nyid 'di dag rtogs shing
199a6 khong du chud par gyur te/ chos thams cad stong pa nyid kyis zhi ba ci yang med par rtogs so/ /de ci'i phyir zhe na/ chos thams cad ni ngo bo nyid kyis stong pa'i phyir ro/ /de bas na bsam gtan bsgom pa ni mchog dam par rig par
199a7 bya ste/ gang zhig nyin gcig gam/ mtshan gcig gam/ nyin zhag bdun gyi bar du bsam gtan gyi ting nge 'dzin bsgoms na bskal pa grangs med pa tshun chad kyi kha na ma tho ba'i sdig lci ba yang khad kyis zhi zhing byang bar 'gyur ro/ /gzhan yang kha na ma
199a8 tho ba'i sdig lci ba yang 'byang bar 'gyur te/ de yang gang zhe na/ pha ma bsad pa dang / dgra bcom pa bsad pa dang / mchod rten dang / gtsug lag khang bshig pa dang / dge 'dun gyi gnas khang mes btang ba yin te/ phas pham pa bzhi dang / phas pham
199b1 pa brgyad dang / lci ba lnga dang / rang bzhin gyi lci ba drug nyams pa yin/ phyogs su rgyas pa'i mdo sde la bskur pa btab pa yin/ pha rol po'i nyes pa'i skyon smra zhing bkur sti mi byed pa yin/ gang du skyes par nga rgyal che ba
199b2 dang / rang bzhin gyis sdig lci ba yang yin te/ de yang bsam gtan gyi ting nge 'dzin bsgoms na rang zhi zhing 'byang bar 'gyur/ de yang bsam gtan gyi ting nge 'dzin gyi mthus 'byang gi gzhan gyis 'byang ba ma yin no/ /
199b3 nyin zhag bdun tsam gyis kyang de ltar yon tan dang bsod nams dpag tu med pa 'thob na tshe gcig tu dben sar ri dang shing drung du 'dug ste/ rtog pa bsal ba dang / 'dug pa dang / spong ba yid la byed pa lta smos kyang
199b4 ci dgos/ de ci'i phyir zhe na/ sems ni 'bab chu dang 'dra ste skad cig kyang mi sdod/ sems ni spre'u dang mtshungs te gcig btang yang gcig la 'dzin to/ /mdor na sems ni ting nge
199b5 'dzin gyi dbang gis mi g.yo'o/ /gal te sems g.yo na/ chos thams cad la 'khrul pa'i 'du shes skye'o/ /gal te ting nge 'dzin la gnas na ni 'jig rten na skye ba dang / gnas pa dang / 'gog pa'i
199b6 'du shes shing rtogs te/ chos thams cad stong pa nyid kyis zhi ba/ mi rtag par/ 'gyur zhing 'pho ba/ stong zhing bdag med pa/ sgyu ma dang 'dra ba/ sprul pa lta bu/ glog dang / rlung
199b7 dang / dri za'i grong khyer lta bu/ chu'i dbu ba dang / smig rgyu dang / brag ca dang / bar snang gi bya'i rjes lta bur rtogs so/ /'jig rten na srid pa ri dang / tshal dang / gtsang
199b8 po dang / 'bab chu dang / mtshe'u dang / lteng ka dang / rgya mtsho la sogs pa chu thams cad kyang me'i bskal pa chen po byung ba'i tshe/ thams cad tshig cing zad par 'gyur yang / bsam
200a1 gtan bzhi dang / gzugs med pa'i ting nge 'dzin bzhi ma gtogs te/ chos thams cad stong pa nyid du shes na bsam gtan gyi mthu ni shin du bsam gyis mi khyab par rig par bya'o/ /sems ting nge 'dzin la gnas
200a2 na phyogs bcu'i stong gsum gyi stong chen po'i 'jig rten gyi khams kyi nyi ma dang / zla ba dang / skar ma dang / 'bab chu dang / gtsang po dang / rgya mtsho dang / ri dang / tshal dang / klu dang / lung pa dang / skyu ru ra'i 'bras bu lag mthil du bzhag
200a3 pa bzhin du mthong bar 'gyur ro/ /bsam gtan gyi ting nge 'dzin la gnas na rdzu 'phrul gyis phyogs bcu'i 'jig rten gyi khams gang gA'i klung gi bye snyed du yang phyin cing phyogs bcu'i 'jig rten gyi khams kyi rlung dang / me dang / sa dang /
200a4 chu dang / nyi ma dang / zla ba dang / skar ma dang / gza' dang / ri dang / tshal dang / chu dang / shing dang / lha'i pho brang dang / klu'i pho brang yang rdzu 'phrul gyis sprul nus te/ de bas na bsam gtan gyi mthu ni shin du bsam gyis mi khyab par rig
200a5 par bya/ /bsam gtan gyi ting nge 'dzin gyi shugs kyis stong gsum gyi stong chen po'i phyogs bcu'i 'jig rten gyi khams kyang sprul nus so/ /dga' bo maud gal gyi bu chen po ting nge 'dzin du zhugs nas ting nge 'dzin gyis rnam pa
200a6 sna tshogs su sprul cing ting nge 'dzin gyis sa chen po 'di yang mgal me bskor ba bzhin du bskyod nus te/ mang du thos pas ni de ltar mi nus par rig par bya'o/ /bcom ldan 'das kyis dga' bo la khyod sa chen po sgul cig ces
200a7 bka' stsal pa dang / dga' bos gsol pa/ bdag la bsam gtan gyi ting nge 'dzin ma mchis pas sgul rngo mi thog go/ /bcom ldan 'das kyis dga' bo la bka' stsal pa/ bsam gtan gyi ting nge 'dzin bsgom pa
200a8 dge sbyong gis 'bras bu bzhi ma thob kyang mang du thos pa las khri phrag brgya stong gis 'phags so/ /de'i tshe de'i dus na 'od ma'i tshal na gnas pa'i dge slong lnga brgya tsam zhig thams cad mang du thos pa rlom pa las/
200b1 bcom ldan 'das kyis dga' bo la maud gal gyi rdzu 'phrul dang / ting nge 'dzin mchog go zhes gsungs pa thos nas sangs rgyas gang na ba der lhags nas/ bcom ldan 'das kyi zhabs la mgo bos phyag 'tshal nas
200b2 sangs rgyas la 'di skad ces gsol to/ /bcom ldan 'das bdag cag mang du thos pa bslabs te/ mdo sde bcu gnyis kyang khong du chud pas rgyal khams chen po bcu drug snyed kyang bdag cag la sangs rgyas dang 'dra
200b3 bar gus shing bkur sti bgyi na/ ci'i slad du bcom ldan 'das kyis mang du thos pa ni nam yang bla na med pa'i byang chub thob par mi 'gyur ro/ /zhes gsungs zhes gsol pa dang / bcom ldan 'das la dge slong lnga brgya
200b4 po 'thun par dus gcig tu bdag cag ni mang du thos pa spang zhing bsam gtan gyi ting nge 'dzin la slob bo zhes gsol to/ /bcom ldan 'das kyis dge slong rnams la bka' stsal pa/ dge slong khyed mang du thos pa spangs te/
200b5 bsam gtan gyi ting nge 'dzin la 'jug go zhes ma smra shig /ngas bltas na khyed kyi shes rab ni sbrang bu'i 'dab mas nyi zla sgrib par 'dod pa dang / dmus long gis ri rab lhun po la 'dzeg par 'dod pa dang /
200b6 gru gzings med par rgya mtsho la rgal bar 'dod pa dang / bya 'dab ma chag pa nam mkha' la 'phur 'dod pa bzhin khyed kyang de dang 'dra'o zhes bka' stsal pa dang / dge slong rnams shi ba tsam du 'jigs shing
200b7 skrag pa'i sems skyes so/ /de nas bcom ldan 'das kyis dge slong rnams la bka' stsal pa/ dge slong khyod ma 'jigs ma skrag par sems ting nge 'dzin la zhog shig /dge slong rnams kyis gsol pa/ bdag cag
200b8 la bsam gtan gyi mthu yang ma mchis na/ ting nge 'dzin du ga la 'gyur/ bcom ldan 'das kyis bka' stsal pa/ nga la sman dam pa yod de khyod ting nge 'dzin thob par bya'o zhes bka' stsal pa dang / dge slong rnams kyis bcom ldan 'das
201a1 bstan du gsol/ bdag cag gis de bzhin du spyod par 'tshal lo zhes gsol to/ /bcom ldan 'das kyis bka' stsal pa/ sman dam pa zhes bya ba ni 'di lta ste/ rtog pa dang / bsal ba dang / 'jug pa dang / spong ba'o/ /dge
201a2 slong rnams kyis gsol pa/ rtog pa dang / bsal ba dang / 'jug pa dang / spong ba ci lags bdag cag gis ma 'tshal na bcom ldan 'das kyis bstan du gsol/ de nas sangs rgyas kyis 'di skad ces bka' stsal to/ /dang po'i
201a3 sems ni rtog pa zhes bya/ sems gnyis byung ba ni bsal ba zhes bya/ sems gsum byung ba ni 'jug pa zhes bya/ sems bzhi byung ba ni spong ba zhes bya'o/ /gzhan yang 'di lta ste/ bsam gtan dang po la rtog pa
201a4 zhes bya/ bsam gtan gnyis pa la bsal ba zhes bya/ bsam gtan gsum pa la 'jug pa zhes bya/ bsam gtan bzhi pa la spong ba zhes bya'o/ /gzhan yang 'di lta ste/ bsam gtan zhes bya ba ni lus dran pa
201a5 nye bar gzhag pa dang / sems dran pa nye bar gzhag pa dang / chos dran pa nye bar gzhag pa dang / tshor ba dran pa nye bar gzhag pa yin te/ de bzhin du mngon par shes pa bzhi dang / chos thams cad ni 'di ltar yang
201a6 dag par spong ba bzhi dang / rdzu 'phrul gyi rkang pa bzhi dang / bden pa bzhi dang / ting nge 'dzin bzhi dang / mtshan ma med pa bzhi dang / byang chub bzhi yin na/ dge slong khyed bsam gtan dang po yang gsal bar ma
201a7 rtogs na bsam gtan bzhi dang / chos thams cad lta ci smos/ dge slong dag thabs sna tshogs kyis bsam gtan gyi ting nge 'dzin la 'jug par bya'o/ /gal te mi gtsang ba la rtog na lus kyi chen po bzhi lpags
201a8 pa dang / rus pa dang / tshigs pa dang / rnag khrag zags pa dang / snod bu ga dgu yod pa'i nang du chu blugs na zag pa bzhin du mi gtsang ba'i dngos po bshang gci che chung dang / btsog pa shin du skyor rung ba zag pa mthong
201b1 ngo / /ting nge 'dzin de las kyang dngos po rnam pa sna tshogs mthong ba ni 'di ltar g.yo ba dang / gnas pa dang / rnam par sngos pa dang / rnam par ser ba dang / rnam par dkar ba dang / rnam par gnag pa tha dad pa sna tshogs mthong bas
201b2 sems ma 'khrul bar gyur na dngos po de dag mthong ba'i tshe phyir bzlog par bya'o/ /rus pa dkar po dang / dbugs phyi nang du rgyu ba bgrang ba'i rtog pa yang de dang 'dra'o/ /gal te tshul khrims kyi rtsa ba bzhi nyams pa dang / dge
201b3 slong mas rtsa ba brgyad nyams pa dang / dge bsnyen mas khrims kyi rtsa ba lnga nyams pa dang / dge tshul gyis khrims bcu nyams pa dang / dge slob mas lci ba drug nyams pa dang / sangs rgyas dang chos dang dge 'dun gyi
201b4 spyi'i dkor brkus pa dang / mkhan po dang / slob dpon dang / bla ma dang / pha ma dang / dge 'dun gyi dkor brkus pa dang / phyogs su rgyas pa'i mdo sde la skur pa'i gang zag de lta bu ni bsam gtan gyi ting nge 'dzin la 'jug
201b5 pa'i tshe bdag gis lus dang / ngag rlung nag po lta bu dang / khrag ni me rab tu 'bar ba 'dra ba dang / rus pa ni ri dang brag lta bu dang / rtswa ni shing lta bu dang / nang grol lnga ni sbrul lam rtsangs pa lta bur mthong ba dang /
201b6 lag na me chen po thogs te rlung chen po la rgyug pa dang / mgo la ri chen po khyer zhing langs kyang rdab 'chos pa dang / kha nas seng ge 'byung ba dang / mig nas 'bar ba mo 'byung ba dang / sna nas sbrul chen po 'byung ba dang /
201b7 rna ba nas 'phar spyang 'byung ba dang / bshang gci che chung chu lta bur 'bab cing rgya mtsho lta bur mthong ba dang / gal te phyogs bcu'i sangs rgyas thams cad cho 'phrul rnam pa mang po ston pa mthong na mtshan ma de lta bu mthong
201b8 ba'i tshe bsam gtan las langs te/ tshal lam ri dgon par song ste/ phyogs su rgyas pa'i mdo sde 'don cing 'gyod tshangs bya'o/ /de ltar sngon gyi kha na ma tho ba'i sdig 'gyod tshangs bya ba yang zhag bdun nam/ bdun
202a1 gnyis sam/ bdun gsum 'am/ bdun bzhi 'am/ bdun lnga 'am/ bdun drug gam/ bdun bdun gyi bar du 'thol tshangs bya'o/ /de ltar sdig sbyangs nas bsam gtan bsgom par bya ste/ de la sdig
202a2 chung ba na bags kyis bdag gi lus bai dUr+ya'i ri lta bur mthong bar 'gyur ro/ /gang rtsa ba bzhi ma nyams pa nas/ rang bzhin gyi khrims lci ba lnga'i bar du ma nyams pa ni ting nge 'dzin du 'jug pa'i tshe phyogs bcu'i sangs rgyas dus
202a3 gcig tu chos ston pa dang / de yang bden pa bzhi'am/ yang dag pa'i spong ba bzhi 'am/ rdzu 'phrul gyi rkang pa bzhi 'am/ sdug bsngal ba 'am/ bzod pa 'am/ spyi bo dang / 'jig rten mchog gi chos ston pa dang
202a4 yang na byang chub kyi yan lag bdun dang / bsam gtan bzhi dang / skyes bu ya brgyad kyi chos dang / stong pa nyid bzhi dang / ting nge 'dzin gsum dang / rnam par thar pa brgyad ston par mthong ba dang / ting nge 'dzin las mun nag
202a5 mthong ba dang / snang ba mthong na ting nge 'dzin de las langs te/ shin tu dga' ba'i sems bskyed par bya'o zhes bka' stsal pa dang / dge slong dag phyir gnas pa'i tshal du dong ste/ bsam gtan gyi ting nge 'dzin nyin zhag
202a6 bdun bsgoms pas thams cad kyis dgra bcom pa thob par gyur nas/ bcom ldan 'das gang na ba der lhags te/ sangs rgyas la 'di skad ces gsol to/ /bcom ldan 'das bdag cag ni sangs rgyas kyis bstan
202a7 pa bzhin 'khor ba las thar te bla na med pa'i 'bras bu thob bo/ /bcom ldan 'das kyis bka' stsal pa/ de ltar thob na cho 'phrul bstan pa'i dus la bab bo zhes bka' stsal pa dang / dge slong lnga brgya rnams
202a8 steng gi bar snang la 'phags te/ nyal ba dang / 'dug pa dang / 'gro ba dang / sdod pa dang / lus la me dang / chu la sogs pa 'byung ba'i cho 'phrul rnam pa bcwa brgyad mngon par bstan te/ de'i tshe mang du thos pa'i dge slong
202b1 rnams bsam gtan bsgoms pas maud gal gyi bu chen po dang 'dra bar rdzu 'phrul tha mi dad par gyur to/ /de nas dga' bos bcom ldan 'das la 'di skad ces gsol to/ /bcom ldan 'das dam pa'i chos 'di de bzhin gshegs
202b2 pa mya ngan las 'das nas ji srid du gnas shing dus ngan pa'i tshe sems can ji snyed cig chos 'di bsgoms pas/ dge sbyong gi 'bras bu bzhi thob par 'gyur/ bcom ldan 'das kyis dga' bo la bka' stsal pa/ nga da phyin chad dpyid
202b3 zla 'bring po la rtsa mchog gi grong khyer du mya ngan las 'da'o/ /nga mya ngan las 'das nas lo brgyad bcu'i bar du chos la spyod pa'i sems can mang du 'byung ste/ dur khrod dang shing drung na gnas shing 'di yid la byed de/ rtog pa dang /
202b4 bsal ba dang / 'jug pa dang / spong ba'i chos spyod pa stong phrag bcu la stong phrag dgus dge sbyong gi 'bras bu bzhi thob par 'gyur ro/ /lo sum brgya'i bar du ni sems can stong phrag bcus dge sbyong gi 'bras bu bzhi 'thob
202b5 par 'gyur ro/ /lo sum brgya phan chad/ lo lnga brgya tshun chad ni nga'i nye gnas rnams bags kyis mi dge ba'i chos spyod do/ /phrag dog gi sems kyis log pa'i 'tsho bas 'tsho bar 'gyur ro/ /stong phrag lnga brgya la
202b6 stong phrag bcus dge sbyong gi 'bras bu thob po/ /lo lnga brgya phan chad brgyad brgya tshun chad nga'i nye gnas rnams khyim pa'i gos gyon nas ba lang dang / lug dang / byi la dang / bong bu dang / rta gso zhing 'bru mang po bsog
202b7 ste/ rang gi lag dar zhing rang za ba dang / bran po dang / bran mo yang gso bar 'gyur te/ de'i tshe stong phrag stong la stong phrag gcig gis dge sbyong gi 'bras bu bzhi thob par 'gyur ro/ /lo brgyad brgya phan chad nas lo
202b8 stong tshun chad ni nga'i nye gnas rnams sdig pa'i chos bslab ste/ rgyal po dang / rgyal bu dang / blon po chen po dang / khyim bdag la grogs por bsten cing phan tshun tha na phrin gyis 'drul zhing / zhing rmo brko byed de/ 'bru gzan mang po dang /
203a1 gser dang / dngul dang / rin po che sna bdun sog cing sha za zhing chang 'thung ste/ chen po bzhi gso zhing rtas par byed pa dang / smad 'tshong ma ltar gos sbu gu gyon zhing 'drid pa dang / slu ba'i las byed de/ de la 'bum phrag khri la brgya
203a2 tsam zhig gis dge sbyong gi 'bras bu bzhi thob bo/ /lo stong phan chad sum brgya tshun chad ni che thang du 'khrugs te/ nga'i nye gnas rnams lus chos gos gyon yang shing gi kha la 'phan rnying btags pa 'dra ste/ gzi byin yang med/ khyim pas mthong na yang
203a3 bkur sti mi byed pas shan pa dang 'dra bar 'gyur ro/ /de'i dus na yul khams kyang 'khrugs te/ gcig la gcig dgra byed cing gsod pas rgyal po dang blon po dang / pha ma dang / bu dang / bu mo yang gcig la gcig dgra byed de/ byams pa dang
203a4 snying brtse ba'i sems kyang med pas bza' ba dang btung bas nyon mongs te/ khyim thab med pa dang / chung ma med pa dang / bu pho med pa dang / bu mo med pa dang / long ba dang / 'on pa dang / lkugs pa dang / dbang po ma tshang ba dang /
203a5 bran pho dang / bran mo las bros pa yul khams phung bar byed pa/ 'tsho bas rang mi sos pa dag nga'i chos la zhugs nas khyim pa rnams kyis kyang rngon pa dang 'dra bar lta ste/ dper na lha'i glang dang / rta rgod dam bal glang myos pa ltar gdul dka'
203a6 ba/ rang dgar yang 'gro ba/ slob dpon dang / slob ma yang mi rgod ma rungs pa dang 'dra ste/ 'dod chags la bag med par spyod cing bla ma dang 'og ma'i rim pa yang med pa dang / bzang ngan gyi rim pa yang med de/ dud 'gro phyugs dang 'dra ba/
203a7 kha na ma tho ba'i sdig pa mang po byed cing ngan song gsum gyis mi 'jigs par gar song bar gnas kyang chang 'tshong ba dang / shan pa dang / rngon pa dang / smad 'tshong ma dang / sten cing 'grogs pa/ kha nas ngag sdig pa smra zhing sems la yang sdig pa sems
203a8 pa dang / yang na blon po dang sten cing dge ba'i mi dag la thabs sna tshogs kyis bsdigs shing nor phrogs te bu smad gso'o/ /yang na rngon pa'i yo byad nya rgya la sogs pa 'chang zhing nya la sogs pa bcus nas rang gi lag bdar te gsod pa dang / sreg pa dang / zla ba nya ba dang / shi ba'i
203b1 tshe gso sbyong mi byed de rang nyams su gtong ba dang / tshul khrims kyi las byed pa rnams phan tshun rtsod cing bla ma dang / 'og ma dang / grogs po la zhe sdang ba dang / gdug pa'i sems bskyed pa dang / slob dpon dang /
203b2 slob ma yang gcig la gcig skyon 'dru zhing / 'phya ba dang sgrogs pa'i gtam smra ste/ dper na rtsangs pa mang po kun gcig tu 'dus pa dang 'dra ba dang / phan tshun dpung dang / sde tshan gcig la gcig tshig ngan gyis sma 'bebs
203b3 pa dang / bla 'og gi rim pa yang med pa dang / mi rgod ma rungs pa ltar dge ba byed pa las 'phrog rlom byed pa dang / khe dang grags pa la chags te/ chos mi shes par gyur pa de'i tshe/ mdo sde bcu gnyis kyang nub par gyur
203b4 te/ klog pa dang / 'don pa yang med pa dang / de'i slob ma rnams kyang dgra chos dang / gtsug lag dang / yi ge dang / rtse ba dang / bzhon pa dang / bon chos dang / mig mangs dang / glu gar dang /
203b5 du ba dang / spyugs pa dang / 'phong rtsal dang / rta rgyug pa la sogs pa'i chos ma yin slob cing spyod de de ltar ma legs pa'i chos spyod pas tshe 'phos ma thag tu ngan song du lhung ste/ bskal pa grangs
203b6 med par ngan song gi sdug bsngal myong nas de las thar nas yang byol song du skye ste/ ltogs pa dang / skom pa dang / sdug bsngal gyis nyen pa dang / khal lci ba 'gel zhing 'gro bar 'gyur ro/ /phyi zhig na sbyangs pa'i yon tan
203b7 slob pa yang chos ma yin pa mang du byed de/ ri dang / tshal dang / dur khrod dang / shing drung na mi gnas shing rtag tu grong du rgyug ste/ sems la rtogs pa mang zhing khe dang grags pa tshol te/ nor
203b8 rdzas dang / longs spyod la chags shing / chog mi shes pa dang / chos ston pa'i bshad mkhan zhig yin na yang sangs rgyas kyi chos ston pa yang khri tsam la gcig tsam yang thog tu mi phebs te/
204a1 'khor mang po dang 'grogs nas grong rgyu zhing khyim pa'i khyim du zhugs nas khyim pa la chos ston pa yang khe dang grags pa'i phyir te/ longs spyod mang du sogs shing shan pa dang 'dra'o/ /sha dang chang la mi spyod pa dag gis dge slong dag khyed ni btsun pa khyim nas khyim med par rab tu
204a2 byung ba yin na/ snying rje'i sems kyang med de/ 'di ltar chos ma yin pa mang du spyod pas khyed ni shan pa dang 'dra'o zhes spyo zhing brgyad par 'gyur ro/ /dge slong de dag de skad ces gshe ba thos nas kun log ste/ de la rdeg pa dang / gshe ba dang / brgyad bkag ste/ gcig la gcig 'di skad du
204a3 smra'o/ /de bzhin gshegs pa bzhugs pa'i tshe na ni nged sha dang chang 'thung ba ma gnang ste/ de dang de bzhin gshegs pa mya ngan las 'das nas da ni ci yang snang bas nged sha dang chang 'thung ba yin no/ /khyim pa dang bral ba'i 'og tu de dag gcig la gcig bdag cag gis shes pa ni
204a4 sangs rgyas kyi zhal nas gsungs pa dang 'dra'o zhes smra zhing la la ni tshig kyal pa dang / don med pa'i tshig dang / 'gran dor gyi tshig dang / 'khrul pa'i tshig tu gtam smra zhing dper na/ dmus long zhig 'dzub mo gnyis nyi ma la btsugs te/ nyi ma ya gi ni byin chung ngo / /yangs so/ /dog go zhes
204a5 smra ba 'am/ mi 'on pa zhig bdag gis gnam gyi steng na chos 'chad pa'i sgra thos so zhes zer ba dang 'dra bar dmus long mang po tshogs te/ 'jig rten na 'jam dpal dang 'od srung chen po la sogs pa sprul te/ de'i nang na bzhugs kyang kun gyis rdeg cing gshe ste/ de nas skrod cing 'dug tu mi ster ro/
204a6 gzhan yang dper na seng ge ni spos kyi ri la gnas te/ ri dgas dang / gcan zan gang yang gnas der nye mi bzod do/ /seng ge ri de las byung ste song ba'i 'og tu ni gcan zan gdug pa khro bo la sogs pa gcig gis gcig bos te/ spos kyi ri la lhags nas 'bras bu zhim po za zhing
204a7 chu mig la 'thung ngo / /de ltar za zhing 'thung ba las thams cad skams shing med par gyur te/ spos kyi ri la gnas pa'i lha rnams kyang skyob par mi 'gyur bas rtswa gdugs pa skyes te zos ma thag tu tshe'i dus byas par 'gyur ro/ /nga mya ngan las 'das pa'i 'og tu dge slong thams
204a8 cad kyis ngas bstan pa'i mdo sde bcu gnyis 'don cing klog pa yang gong ma ni bar du bcug /bar ma ni 'og tu bcug /'og ma ni gong du bcug /bar ma ni 'og dang / tha mar bcug ste/ don ma yin pa la don zhes zer/ don la ni don ma yin zhes zer te/
204b1 ji ltar mu stegs can dag so so nas nga'i gzhung ni bden pa yin no zhes zer ba dang 'dra'o/ /de'i dus na mdo sde bcu gnyis 'jig rten na spyod kyang gzi brjid dang mthu med do/ /la la zhig 'don tam klog kyang mi gcig 'ga' yang dge sbyong gi 'bras bu bzhi thob pa
204b2 med do/ /de ltar nga'i slob ma rnams kyang rgyal srid stor ba 'am/ bya 'dab ma med pa dang 'dra ste/ gtsug lag khang dang / mchod rten yang stongs shing zhig ral gso ba yang med do/ /de ltar sku gzugs deng ba dan dang / rin po che'i gdugs yod pa yang dgra cha zhig pa
204b3 'dra ste/ phug ron dang / bye'u dang / phag dang / khyi dang / lug la sogs pa'i tshang dang / gnas su 'gyur ro/ /dge slong so so na 'dug pa'i gnas ni byi dor bzang du byed do/ /bcom ldan 'das kyis dga' bo la bka' stsal pa/ 'di yang khyed la mdo tsam zhig
204b4 bshad pa yin no/ /dga' bos sangs rgyas kyis gsungs pa thos nas mchi ma blags te ngus so/ /de ltar dga' bos yid gdung zhing ngu ba ma btang ba las/ bcom ldan 'das kyis dga' bo la bka' stsal pa/ khyod de ltar ma ngu bar mdo sde 'di gzungs su zung la 'jig
204b5 rten du rgyas par spel cig /de nas dga' bos gdong mchi ma phyis nas/ bcom ldan 'das la bdag gis gzungs su bzung ngo / /zhes gsol to/ /brgya byin dang / lha dang / mi rnams kyis kyang dga' bo la 'di skad ces smras so/ /btsun pa bdag cag gis
204b6 yongs su bzung ste/ gang zhig mdo sde 'di ri 'am/ tshal lam/ shing drung ngam/ bas mtha' 'am/ dur khrod na gnas te 'don tam/ klog na bdag cag gis lha dang / mi'i 'khor dang / mi ma yin pa dang bcas te/ gnas der 'gro zhing chung ngu na tshigs su bcad pa gcig gam
204b7 tshig gcig tsam yang mi brjed mi nyams par bzung ngo zhes gsol to/ /mdo sde 'di gsungs pa'i tshe dge slong stong snyed kyis dge sbyong gi 'bras bu bzhi thob par gyur to/ /dge slong ma stong lnga brgyas rgyun du zhugs pa'i 'bras bu thob par gyur to/ /dge bsnyen lnga brgya yongs
204b8 su dag par gyur te/ lha dang mi dang lha ma yin la sogs pas phyag byas nas phyir dong ngo / /'phags pa ting nge 'dzin mchog dam pa rdzogas+ho// //maM ga laM b+ha ba tu/ shu b+ha ma stu sarba dzA ga ta~M/ shu b+ha~M/ ye d+harmA he tu pra b+ha bA he tun te ShAn ta thA ga to h+ya ba data/ te ShAnya tsa yo ni ro d+ha e ba~M bA dI ma hA shra ma Na:/
CLOSE WINDOW