CLOSE WINDOW

J8(o)
བོད་ཡིག

bcom ldan 'das la lha'i dbang po brgya byin gyis bkra shis tshigs su bcad pa'o// // dkon mchog gsum la phyag 'tshal lo/ /bkra shis dam pa gang zhig gis/ /sangs rgyas grags pa'i dam par mtshan btags pa/ /nor bu'i gtsug tu gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /'jig rten sgron ma blo zhes mtshan btags pa/ /sbyangs pa'i lam du gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /sgribs med gzigs pa 'dzum pa'i spyan du mtshan btags pa/ /brgyan gcig ldan par gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /'jig rten sgron ma mar me mdzad ces mtshan btags pa/ /rnam par rgyal bar gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /bde gshegs yang dag don gzigs pa zhes mtshan btags pa/ /dri med rtse mor gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /de bzhin gshegs pa rang byung mchog ces mtshan btags pa/ /rin chen spos su gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /'jig rten sgron ma dbyig gi lha zhes mtshan btags pa/ /dri med sna tshogs gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /'gro ba med pa smra ba'i stag ces mtshan btags pa/ / thams cad tshal du gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /yon tan kun mnga' dpal gyi rgyal bar mtshan btags pa/ /dga' ba'i rgyan du gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /'jig rten phan brtson dka' thub drag por mtshan btags pa/ /kun nas mchog tu gshegs pa ltar/ /des ni 'dir yang bkra shis mchog gyur cig /