336a7 sangs rgyas bcom ldan 'das rnams la phyag 'tshal lo/ /rgyal ba rnam gzigs mya ngan 'tshang la gnas/ /rgyal ba gtsug tor pad ma dkar po'i drung / /
336a8 thams cad skyob pa sa la'i drung na gnas/ /bram ze 'khor ba 'jig ni shir sha'i drung / /sangs rgyas gser thub u dum ba ra'i drung / /'od srung n+ya gro d+ha'i drung na gnas/ /shAkya thub mchog khyad par
336b1 gnas drung du/ /phyin nas byang chub thob gyur gau ta ma/ /sangs rgyas rdzu 'phrul chen po de dag la/ /mngon par dad pa'i lha gang 'khod pa dag /lha rnams de dag yid dga' mgur gyur nas/ /rtag tu dge zhing zhi bar byos// //
336b2 sangs rgyas rnams la phyag 'tshal lo/ /rkang gnyis khyed rnams bde legs shog /rkang bzhi khyed cag bde legs shog /lam du zhugs rnams bde legs shog /phyir 'ong dag kyang bde legs shog /mtshan mo bde
336b3 legs nyin bde legs/ /nyi ma'i gung la bde legs shing / /khyed cag kun du bde legs shog /de dag sdig par ma gyur cig /nyi ma thams cad dge ba yin/ /rgyu skar thams cad bzang po yin/ /sangs
336b4 rgyas thams cad rdzu 'phrul che/ /dgra bcom thams cad zad pa med/ /bden pa'i tshig gis kun du bde legs su gyur cig /rigs sngags kyi rgyal mo rma bya chen mo las gsungs pa'i smon lam
dang bden tshig /