CLOSE WINDOW

J751
བོད་ཡིག

@#/ /rgya gar skad du/ badzra sa twa mA yA dza la gu h+ya sarba A dar sha nA ma tan tra/ bod skad du/ rdo rje sems dpa'i sgyu 'phrul dra ba gsang ba thams cad kyi me long zhes bya ba'i rgyud/ oM rnam par snang mdzad la phyag 'tshal lo/ /hU~M myi bskyod pa la phyag 'tshal lo/ / oM snang ba mtha' yas la phyag 'tshal lo/ /de nas dpal ldan rdo rje 'chang / /rgyal ba kun gyi gsang ba'i bdag /kun gyis dbang bskur gter 'dzin pas/ /dgyes shing spyan gdangs gus bcas pas/ /rgyal ba kun la bstod bskor nas/ /spyan sngar gus 'dug 'di skad gsol/ /e ma 'o sangs rgyas kun gyi gsung / /rtog pa kun gyi rgyal po ste/ /cho ga rgyas par bstan pa'i rgyud/ /dri med zab mo brtag dka' ba/ /'dul ba mdo sde chos mngon dang / /dam tshig bsgrub dang grub pa dang / /sku gsung thugs kyi cho ga'i rgyud/ /ma lus gtan la 'bebs pa 'di/ /rdo rje sems dpa' ji ltar lags/ /sgyu 'phrul gang gis bstan pa de/ /dra ba'i rgyud de gang phyir bstan/ /lung ni gang phyir brjod pa nyid/ /gang phyir spyi zhes bya bar bshad/ /gsang ba zhes ni ji lta bu/ /snying po'i don ni ci yi phyir/ /de kho nyid ces ji ltar brjod/ /nges pa zhes pa ci yi phyir/ /mtshan 'di gang zag gang la gsungs/ /mtshan gyi dri ba dris pa'o/ / thun mong khyad par tshul nyid kyi/ /ston pa zhes ni ci yi phyir/ /gnas dang 'khor ni ji lta bu/ /dus dang sdud pa ji lta bu/ /mi bskyod pa ni ji ltar bya/ /rnam par snang mdzad ji ltar brjod/ /rin chen 'byung ldan gang gi phyir/ /snang ba mtha' yas gang gi phyir/ /don yod grub pa ji lta bu/ /spyan dang nam mkha'i dbyings ma dang / /gos dkar mo dang mA ma kI/ /sgrol ma zhes pa gang gi phyir/ /sa yi snying po ci yi phyir/ /nam snying spyan ras gzigs dbang dang / /phyag na rdo rje gang phyir brjod/ / sgeg mo phreng dang glu gar ci/ /byams dang sgrib sel kun bzang dang / /'jam dpal zhes pa ci yi phyir/ /dus bzhi bdug spos me tog dang / /mar me dri chab gang phyir brjod/ /rnam rgyal gshin rje gshed po dang / /rta mgrin bdud rtsi 'khyil ba ci/ /lcags kyu zhags pa lcags sgrog dang / /dril bu zhes pa gang phyir brjod/ /yid dang chos bzang gnyis kyi phyir/ /gtso bos bdag la nges par gsungs/ /gang phyir thun mong ma yin pa'i/ /nang dang gsang ba'i gleng gzhi las/ /ston pa bstan pa gnas dang 'khor/ /dus dang sdud pa ji ltar brjod/ /grags pa thun mong gleng gzhi las/ /ston pa 'khor gnas dus ji ltar/ /bstan pa sdud pa ji lta bu/ /skyes bu chen pos bshad du gsol/ /'di ni gleng gzhi'i dri ba tshigs su bcad pa'o// //thun mong thun mong ma yin pa'i/ /gleng bslang gnyis su ci phyir 'gyur/ /gang gis gang la gleng bslang zhing / /thabs dang 'bras bu ci yin ston/ /thun mong thun mong ma yin pa'i/ / sems lnga ye shes lnga yi rim/ /gang dang 'brel ba bshad du gsol/ /'di ni gleng bslang ba'i tshigs su bcad pa'o/ /skyes bu chen po ston pa'i gtso/ /sgyu 'phrul dra bar mnga' brnyes shing / /phun sum tshogs pa chos kyi rje/ / gzi brjid phung po phun sum tshogs/ /blta bya gang la ci yi phyir/ /gang gis rtogs par ji ltar 'gyur/ /rtogs dang ma rtogs khyad par ci/ /rtogs pa'i sgo ni de ru gsungs/ /gtan tshigs tshul dang 'bras bu ci/ /'di ni lta ba'i dri ba'o/ /thun mong spyod pa ci yi phyir/ /thun mong thun mong gang ci'i phyir/ /shes rab tshogs dang thugs rje dang / /rtogs dang phyogs gcig spyod pa dang / /'brel dang rig 'dzin spyod pa ci/ /gang gis gang la ji ltar spyad/ /de yi 'bras bu gang phyir 'gyur/ /gang du de dang mi ldan pa'i/ /sbyar ba'i skyon nyid bdag la gsungs/ /'di ni spyod pa'i khyad par gyi dri ba'o/ /thun mong spyi dang khyad par gyi/ /rang bzhin nyid dang lhun grub kyi/ /dkyil 'khor zhes pa gang ci'i phyir/ /de nyid phyi nang gsang ba dang / /'dul thabs gnyis su ji ltar 'gyur/ /ting 'dzin dkyil 'khor rim gsum gang / /lhag pa ting 'dzin zhes bya ba/ /gnyis la sku gsung thugs sbyor dang / /phyi nang gsang ba'i rim pa ci/ /gzugs brnyan dkyil 'khor ji lta bu/ /gang phyir gzugs brnyan zhes brjod cing / /gang gi gzugs brnyan gang la snang / /phyi nang gsang ba ji ltar 'gyur/ /lhag pa zhes pa gang phyir te/ /gzugs brnyan zhes pa ji lta bu/ /gnyis dang gsum dang drug bstan cing / / don dam kun rdzob byang chub sems/ /phyi nang gsang ba ji ltar sbyor/ /tshogs kyi dkyil 'khor gnyis ci zhig /gang gis gang du gang tshogs nas/ /ji ltar spyad pas ci zhig 'grub/ /'di dag bstan pa'i dgongs pa ci/ /gnas skabs gang dang 'brel bar 'gyur/ /yan lag rtsa ba gang dang 'brel/ /dkyil dang 'khor du ji ltar brtag /gsungs shig skyes bu mchog chen po/ /gang dang nges pa ma rnyed pa/ /kun gyi spyod par ma gyur pa/ /legs par gsungs shig rgyal mchog che/ /'di ni dkyil 'khor gyi dri ba dris pa'o/ /gang gis gang la gang dag tu/ /ji ltar dbang bskur phun sum tshogs/ /bdag gis ji ltar shes par bgyi/ /gang dang gang du ji ltar 'brel/ /skyon dang yon tan ji lta bu/ / 'bras bu rim pa bshad du gsol/ /'di ni 'jug pa'i cho ga du/ /las kyi rim pa ji lta bu/ /rdo rje sems dpa' bde chen po/ /sgyu 'phrul dra ba mngon rdzogs pa'i/ /thabs dang shes rab gnyis med pas/ /bdag gi the tshom bsal du gsol/ /'di ni dbang gi don mtha' dag la dri ba dris pa'o/ /gang la gang gis brten pa yi/ /dam tshig ces pa ci yi phyir/ /rtsa ba dam tshig du zhig bstan/ /gang phyir rtsa bar brjod par bya/ /yan lag du zhig bstan pa gsungs/ / 'di dag lam dang bsnyen bsgrub dang / /gang zag gang don ji ltar 'brel/ /bsrungs dang 'das pa'i skyon yon ci/ /phyi nang gsang ba'i ji ltar gsungs/ /lta dang spyod dang sgrub pa dang / /shes bya ting 'dzin dam tshig tu/ /grub dang mi spong bsrung ci zhig /rgyal mchog skyes bus bshad du gsol/ /thun mong thun mong ma yin pa'i/ /mchod dang mchog gyur ma yin pa'i/ /bsgrub pa'i khyad par ji lta bu/ /gang gis gang du ji ltar bsgrub/ /dgug dang bcing dang gso dang bsad/ / dbye dang bskrad dang pham rgyal ci/ /gter dang mig rnon rkang mgyogs dang / /rig 'dzin go 'phang ji ltar sgrub/ /rgyal ba mchog gis bshad du gsol/ /'di sgrub pa'i dri ba dris pa'o/ /phrin las rim pa gang ci zhig /gang gis gang du brtsam par bya/ /thab dang rdzas dang phur bu ci/ /ting 'dzin 'dug stangs hom khung ci/ /gdul bya rim pa gang ci zhig /khyad par rim pa ji ltar bshad/ /'bras bu yon tan ji ltar 'gyur/ /gsungs shig gsungs shig rgyal mchog gtso/ /the tshom legs par chod par mdzod/ /'di ni 'phrin las kyi dri ba dris pa'o/ /rmad byung skyes bu gang zhig gis/ /dang po lam tshul ji lta bu/ /phyi nang gsang ba'i lam ci phyir/ /stong pa'i rnal 'byor snying rje che/ /phyag rgya cig dang spros bcas ci/ /rnam smin dbang sgyur phyag rgya dang / /lhun gyis grub pa'i mtshan nyid ci/ /mthar phyin rnam pa du zhig gsungs/ /phyi nang gsang ba mthar phyin pa'i/ /'bras bu bdag gzhan don nyid ci/ /nyi shu rtsa lnga'i don ci ltar/ / gang dag rtog pa'i rgyal po ste/ /sgyu 'phrul dra ba bla na med/ /kun las 'bras bu thugs chud pa/ /cho ga rgyas par bshad pa'i rgyud/ /skal ngan rnams kyis ma rtogs pa'i/ /gsang ba gsang chen mdo sde dang / /'dul ba chos kyi phung po dag /nam mkha' mtha' thug bshad pa kun/ /gsang ba'i snying po las 'phros pas/ /ji snyed bskyed dang rdzogs pa'i lam/ /ma lus kun gyi snying po 'di/ /theg pa dman dang ma sbyangs dang / /rigs chad dbang dang man ngag bral/ /ji ltar bltas kyang mi snang ba/ /skyes bu mchog gi spyod yul bas/ /rdul snyed sbyangs pa'i gang zag la/ /gsang phyir gsang ba'i thabs dag gis/ /dngos grub mtha' yas grub phyir bstan/ /phyi nang snod bcud ma lus pa'i/ /rten dang brten par bcas pa'i chos/ /ji ltar grags dang grags gyur pa'i/ /thams cad ma lus rgyu gcig kyang / /rkyen stobs nus pa so sor snang / /khyad par rim par gang gnas pa/ /rang bzhin gdul bya bder gshegs dang / /'khrul pa'i dbang gis so sor snang / /ma bcos ngang la tha dad med/ / rang snang las kyis tha dad pa'i/ /bye brag rnam par bstan pa kun/ /de bzhin nyid la dgod bya'i phyir/ /rgyal mchog bde chen yongs gang bas/ /dri ba'i don 'di lung bstan cing / /thabs dang shes rab 'brel gyur pa'i/ /gsang ba'i don la dgod du gsol/ /sgyu 'phrul dra ba rdo rje sems dpa' gsang ba me long gi rgyud las dri ba rtsa ba'i rgyud ces bya ba bshad pa rtog pa'i rgyal po rdzogs s+ho// // de nas gsang bdag rdo rje 'chang / /skyes bu mtshan dpe rab ldan cing / / dpag med rgyal bas rab bskor zhing / /rang 'byung dag pa'i gzhal yas na/ /thabs dang shes rab 'khril sbyor zhing / /kun kyang de dang 'thun pa ste/ /'dzum zhing steg pas sos 'debs shing / /dgyes pa'i tshul gyis bka' stsal pa/ / dpag med rgyal bas gsungs pa dang / /gsung dang gsung 'gyur thugs kyi rgyud/ /thog ma bar dang mthar dge ba/ /thabs dang shes rab dbyer med pa'i/ /cho ga rgyas par dris pa'i mchog /nyon cig da ni sems dpa' bshad/ / chos rnams ma lus gnyis med pa'i/ /rang rig byang chub sems nyid de/ /tha dad med pa'i rang bzhin nyid/ /rdo rje zhes ni bshad pa yin/ /rang bzhin mtha' thug med pa'i chos/ /thabs dang shes rab 'brel pa yis/ /thugs su chud cing mngon rtogs pa/ /phyi nang gsang ba'i sems dpar bshad/ /rang bzhin thabs dang 'bras bu'i don/ /nus pa'i rim pa stsal snang ba/ /thabs dang shes rab 'brel pa'i don/ /sgyu 'phrul zhes ni bzhir bshad do/ /tha dad min las tha dad pa'i/ /ngo bo thabs dang bdag nyid dang / /byin brlabs shugs kyis 'brel pa ni/ /dra ba'i don zhes bshad pa yin/ /ma brjod grags pa'i bstan pa nyid/ /sgro skur med dang zhal nas gsungs/ /dri ma med pa'i lung nyid de/ /las dang ye shes spyi nyid dang / /rdzogs pas rdzogs phyir lung nyid de/ /bstan pa spyi yi bdag nyid ni/ /thams cad kun gyi bdag nyid pas/ /gcig dang du ma mi gnas kyang / /so so'i bstan pa rgya mtsho'i rgyud/ /'di ston 'dis ston 'di phyir ston/ /don kun 'di la yongs rdzogs pas/ /lung gi spyi zhes bshad pa yin/ /gang phyir gsang ba zhes bya ba/ /sku dang gsung thugs bdag nyid de/ /rang bzhin ye nas ngo bo dang / /thabs dang 'bras bur gyur pa nyid/ /gsang ba'i don du 'di brjod do/ /ngang gis dman dang ma sbyangs dang / /dbang dang dam tshig bral ba dang / /rang brtags bsgribs pas sa'i khyad par/ /de dang de yi dbang gis na/ /ro myong bral phyir gsang bar bshad/ /rang bzhin thabs dang 'bras bu yi/ /chos rnams thig le chen po'i don/ / 'jig rten 'das dang 'jig rten pa/ /ma lus ro gcig dbyer med pa/ /ji snyed theg pa'i khyad par dang / /bstan pa'i bye brag gnas pa rnams/ /'dir 'dus thabs 'dis mtshon pa dang / /rtsa bar gyur pa kho na yin/ /thabs dang shes rab gnyis med pa'i/ /byang chub sems nyid bde ba che/ /rang byung ye shes thog mtha' med/ /rdo rje sems dpa'i bdag nyid de/ /rgyal ba'i byin brlabs rab snang ba/ /bsam gyis mi khyab che ba rnams/ /'di las ston pas snying po ste/ /snying po dang ni 'od bzhin no/ /rgyu dang 'bras bu bcud 'dus pas/ /snying po zhes ni bshad pa yin/ /gang phyir thams cad byang chub sems/ /mtha' dbus yongs su ma chad pa/ /dngos po gsum gyis khyab gyur pa/ /yongs su rdzogs pa'i rgyu yin no/ /thabs dang shes rab dbyer med pa'i/ /de bzhin nyid du rdo rjes rig /bdag dang gzhan don nus pa rdzogs/ /'bras bu'i de kho na nyid do/ /gang phyir dngos gnyis tha dad par/ /log par brtags pa'i snang ba rnams/ /mun la snang dang gser 'gyur ltar/ /ro gcig thabs kyis de kho na/ /de phyir de kho na zhes brjod/ /dngos po sna tshogs dbyer med pa'i/ /tha dad don min don gcig min/ /de nyid gsang ba'i nges pa ni/ /gzhi dang lam dang ngo bo dang / /nges pas nges pa gsum du bstan/ /gang du theg pa bzhi gsungs pa/ /'gro ba 'dren phyir ma nges pa/ /ro gcig theg par nges gnas pa/ /nges pa'i theg pa bla na med/ /rang bzhin ma bcos rang byung las/ /bya byed ngang gis bral ba yi/ /sna tshogs sgyu ma'i dkyil 'khor 'phrul/ /rang snang sgyu 'phrul dra ba'o/ /rang bzhin mtha' dbus med pa las/ /rgyu rkyen las kyis so sor 'khrul/ /de nyid byang chub sems nyid de/ /mtha' dbus med par mnyam par gnas/ /de ltar so sor snang ba'i rgyud/ / nam mkha' dang ris phye ba ltar/ /rgyud chen sgyu 'phrul dra ba yi/ /lam gnyis 'brel par mngon bsgoms pas/ /thabs dang shes rab dbyer med pa'i/ /bde chen thig le mngon snang ba/ /'jug dang grol ba'i lam nyid de/ /sgyu 'phrul dra ba'i lam du brjod/ /rang bzhin yongs kyis khyab pa yis/ /dngos dbang thabs kyis 'brel pa yis/ /rim pa ji bzhin stobs gyur pas/ /khyad par thabs kyi sgyu 'phrul yin/ /thog ma med pa'i rdo rje sems/ /chos kun rang gi ngo bo nyid/ /zab mo bstan pa spyi yi lung / /thabs dang shes rab dbyer med pa'i/ /rtog pa'i cho ga rgyas pa'i rgyud/ /bskal pa grangs med sngon rol nas/ /shes rab sbyangs dang snying rje ldan/ /dad dang brtson 'grus dam tshig dang / /cho gas dag par sbyangs pa yis/ /dbang po rab kyi spyod yul yin/ /rdo rje gsang ba'i theg pa 'di/ /ngo bo nyid dang byin brlabs dang / /mtshon dang rdo rjer grub pa ste/ /rdo rje theg pa bde ba che/ /rang bzhin ngan dang dman pa dang / /phyin ci log dang mi mos dang / /dbang dang dam tshig med pa la/ /gsang phyir gsang ba'i theg par gsungs/ /thabs dang bral ba'i slob dpon gyis/ /snod dang bral ba'i slob ma la/ /gsang ba'i snying po bstan gyur na/ /bdag dang gzhan kun sdug bsngal zhing / / sreg dang sgribs par yun ring gnas/ /sgyu 'phrul dra ba rdo rje me long gi rgyud chen po las mtshan gyi don gyi bshad pa dang po'o// // de nas gzhan yang bshad bya ba/ /thun mong ma gyur gsang ba'i don/ /thun mong ma yin 'khor dag la/ /phyogs bcu rgyal ba rdo rje 'chang / /dkyil 'khor mngon du phyung ba yi/ /rdo rje pad ma 'brel ba yis/ /byang chub sems kyis dbang bskur nas/ /thun mong thun mong ma yin pa'i/ /nyon mongs lta dang shes bya rnams/ / skad cig yud la bsal byas te/ /thun mong khyad par gsang ba yi/ /lam gnyis nges par ston pas na/ /ston pa zhes ni brjod pa yin/ /de yi gnas mchog bshad bya ba/ /'byung dang bzhugs dang rten pa dang / /mtshon pa byin gyis brlabs phyir ro/ /thabs dang lam gyi khyad par gyis/ /kun bdag rdo rje 'chang chen nyid/ /gtsang ma rig dag spangs pa yi/ /'og min gnas mchog chen po der/ /yang dag sangs rgyas der sangs rgyas/ /skal med skye bo gdul ba'i phyir/ /sprul pa po ni 'dir sangs rgyas/ /sangs rgyas kun gyi bzhugs pa'i gnas/ /gtsang ma rigs dag rnam spangs pa/ /'jig rten las kyis mthar gyur pa/ /'og min 'bar ba'i gzhal yas khang / /phyogs bcur rgya yongs ma chad pa'i/ /yon tan khyad par spags pa na/ /gsang ba yum gyi b+ha ga la/ /bcu gsum sa yi dbang phyug ldan/ /rdo rje 'chang chen dpag med dang / /til 'bru'i tshul du rab tu bzhugs/ /chos rnams kun gyi de bzhin nyid/ /thog ma tha ma dbus med pa'i/ /rang bzhin don gyi 'og min ni/ /rgyal ba kun gyi pho brang phyir/ /'das dang da ltar ma byon pa'i/ /rgyal ba kun gyi bsten pa'i gnas/ /de dag nye bar mtshon pa yi/ /yid dang mtshan ma las gyur pa'i/ /sgoms dang bris dang byas la sogs/ /de dang 'dra ba'i gzhal yas khang / /rgyal ba sngags dang byin brlabs kyis/ /der gnas don phyir mtshon pa'i gnas/ /thun mong thun mong ma yin pa'i/ /bsod nams ye shes khyad par can/ /bsags pa sna tshogs las byung ba'i/ /rdzogs longs spyod pa chen po ni/ /gtsang ma ris dag spangs pa yi/ /'og min chen po'i gnas mchog na/ /rigs bdag phyag rgya lhun grub sku/ /gcig dang du ma rnam spangs pa/ /sangs rgyas kun gyi spyi gzugs te/ /gdod nas theg mchog mdzod nyid phyir/ /sgrib pa mtha' spangs gdul bya la/ /skad cig gcig gis spang bar mdzad/ /chos rnams sna tshogs ji snyed pa/ /dngos po tha dad med phyir zlum/ /khyab par spags dang tshad med dang / /ye shes bzhi phyir 'khor lo bstan/ /chos dbyings 'du 'bral med pa'i phyir/ /mu khyud zlum por kun nas bskor/ /sku gsung thugs dang byin brlabs dang / /thugs rjes ma khyab med pa'i phyir/ /yon tan rgyas pa'i dbyings su bstan/ /rang 'byung ye shes mtha' bral bas/ /phyogs bcur 'gro 'ong mi gnas pa'i/ /tshad dang bral ba'i sems kyi phyir/ /gzhi rtsa tshad med 'khor lor bstan/ /gdod nas byin brlabs ngo bo'i phyir/ /ma bsags lhun rdzogs mdzod nyid de/ /'gro ba re 'dod skong ba'i phyir/ /rin chen 'bar ba'i gzhal yas khang / /sna tshogs dngos dang dngos med pa'i/ /chos kun ngo bor rang gnas te/ /bdag gzhan gzung 'dzin bral ba'i phyir/ /phyi dang nang bral sgrib pa med/ /thun mong la brten thabs kyi 'bras/ / ye shes thabs kyis 'phags pa nyid/ /gdul bya'i blo la mngon snang bas/ /blo 'bur bzhi ni lhag par mdzes/ /thun mong thun mong ma yin pa'i/ /gdul bya'i rim pa mtho dman kun/ /stong smon mtshan med 'od gsal 'jug /de phyir ye shes sgo bzhir shar/ /thabs mang bsam gyis mi khyab pas/ /lam brgyad rim par bgrod pa yis/ /'bras bu yon tan kun rdzogs pas/ /rta babs rgyu 'bras bcu drug bstan/ /zhen dang spong ba'i lam bral bas/ /'dod yon ye shes lnga rol ste/ /bdag mchod kun mnyes las byung bas/ /'dod yon lha mos 'khrigs par bstan/ /thabs dang shes rab ldan pa yis/ /ma chags thabs dang ldan pa dang / /che ba'i yon tan lhun rdzogs pas/ /nyi zla pad ma rin po che/ /las dang thugs rje smon lam gyis/ / byang chub sems dpa' mthu bo che/ /smon lam dbang gis de dag tu/ /thos pa rgya mtsho bsag phyir gnas/ /de tshe dus kyi tha bral yang / /ngo bo dus bzhi mnyam pa'i dus/ /dus kyi mtha' la mngon rtogs pas/ /thun mong min pa'i dus su bstan/ / de tshe phyogs bcu rgyal ba yis/ /bskal pa bye bar lung bstan pa/ /'dul ba'i dus bab gsang ba'i bdag /lag na rdo rjes bsdu ba mdzad/ /dus gsum rgyal bas byin brlabs phyir/ /'khor gyi nang na skal mchog ldan/ /gsang ba'i rdo rje 'chang bsdus nas/ /'dul ba'i 'khor lo bstan par mdzad/ /'das dang ma byon da ltar gyi/ /sku gsum sku gsung thugs nges pa'i/ /de bzhin nyid du thabs gang gis/ /gshegs shing gshegs dang gshegs gyur pa'i/ /thar pa gsum dang ye shes dang / /pha rol phyin pa drug ldan pa/ /zhing khams yon tan bsam mi khyab/ /bye brag brgyad bcu kun 'dus pa'i/ /rgyal ba rgya mtsho kun gyi mtshan/ /gang phyir rdo rje thugs chud pas/ /las dang spyod pa dka' thub dang / /srid pa'i ri bos mi bskyod pas/ /de ni mi bskyod mchog tu gsungs/ /thabs dang shes rab 'brel ba yis/ /ji snyed sku gsung thugs snang ba/ /mos dang thabs kyi khyad par gyis/ /sna bar snang phyir snang mdzad mchog /rgyal ba kun gyi yon tan ni/ /tshogs rnams 'dus pa'i ngo bo ste/ /yon tan rin chen ltar 'byung bas/ /rin chen 'byung bar gsungs pa yin/ /dpag tu med pa'i gsung gi sgo/ /dbang po thabs kyi bye brag gis/ /don rtags gsung dang yi ge'i sgo/ /mtha' yas snang phyir mtha' yas mchog /dpag med thugs rje mdzad pa yi/ /'gro 'ong med pa'i thugs rje yis/ /'gro ba skyob pa'i don mdzad pas/ /don grub ces ni rnam par bstan/ /rig pa'i rgyal po 'di dag kyang / /tha mal lnga nyid gnas dag cing / /de las thabs des mngon byas pas/ / der dbang sgyur te nyid snang ba/ /rgyal po nyid du brjod pa yin/ /steng 'og gnyis las mngon gyur pa'i/ /sbyor dang 'ju 'dul rlung gi rim/ /gang de thabs las mngon gyur pa'i/ /bde ba'i gzugs dang tshor ba dang / 'du shes dang ni 'du byed dang / /rnam shes zag med bde ba'i ros/ /dbang sgyur ye shes rgyal por bshad/ /gang phyir snang dang bsgoms dang bris/ /phyag rgya rtsa bcud thig le'i mdog /dkar dang dmar dang ser ba dang / /sngo dang ljang dang rims ldan pa'o/ /rgyal ba kun gyi bde skyed cing / / spyod dang de las 'byung ba'i yum/ /thams cad de las skyed pa lnga/ /tha mal zhen pa dag pa dang / /dbang sgyur rgyal mo lnga rang bzhin/ /sra dang gsher dang drod dang bskyod/ /nam mkha'i khams kyis gang phye ba/ /steng 'og thabs las mngon gyur pa/ / yul dang shes rab dbyer med cing / /thugs rjes shes rab 'brel pa yis/ /'khor ba dang ni mya ngan 'das/ /gnyis med gzigs pa spyan gyi mchog /zag med stong pa'i klong chen gyis/ /skyed dang sdud dang gnas pa'i phyir/ /mtha' dbus bral ba'i de bzhin nyid/ /nam mkha'i dbyings zhes gang brjod pa'o/ /thun mong thun mong ma yin pa'i/ /las dang lta ba nyon mongs dang / /shes bya'i dri ma mtha' yas pa/ /rtogs pas sbyong zhing sreg pas na/ /gos dkar ma ru brjod pa yin/ / gang phyir las dang ting 'dzin dang / /ye shes thugs rje bar med chus/ /gang dag 'khrud dang tshim byed pas/ /chu ni mA ma kI ru bshad/ /gang phyir rtogs dang thabs dag dang / /ting 'dzin thabs kyi rlung ngag gis/ /bgrod pa med pa'i zhing khams su/ /sgrol bas sgrol ma nyid du bshad/ /snying po rang byung ye shes nyid/ /kun brten gnas dang khyab pa'i phyir/ /byang chub sems kyi rang bzhin la/ /sa yi snying por brjod pa yin/ /rang byung snying po byang chub sems/ /nam mkha' lta bur bsam brjod med/ /mtha' dbus sgro skur gang 'das pa/ /de ni nam mkha'i snying po nyid/ /gang phyir thugs rje dpag med pas/ /'gro ba chu bo rgal gyi bar/ /skyo ba med par gzigs pas na/ /spyan ras gzigs dbang pad ma'i gtso/ / rtogs dang dbyer med rdo rje yis/ /mtha' yi bdag rtogs mtshan ma dag /'joms pas phyag na rdo rje ste/ /thun mong nyid dang khyad par gyis/ /gsang ba'i rnam par shes pa bzhi/ /thun mong yul dang khyad par ni/ /thabs dang shes rab 'brel pa las/ /mtshon dang rtogs dang bsgoms pa yis/ /lha mo bzhir ni mngon snang ba/ /byang chub sems dang bde ba dang / /thabs kyi bde bas rab sgegs pas/ /lha mo 'di ni sgeg mor bshad/ /grol dang ma grol 'khor ba yi/ / phyi nang sgra yi bye brag kun/ /brag cha lta bur brjod mdzad pas/ /bar chad med pas phreng ba ma/ /tshim pa'i ngo bo gang bstan pa/ /dri dang ldan pa'i khyad par nyid/ /dbyangs nyid tshim zhing yid bde bas/ /de nyid rdo rje gI ti ma/ /ro yis khyab cing gar sgyur ltar/ /bde ba chen po bzhi yi gar/ /khyab dang mdzes dang tshim pa dang / /mi gnas bkrol bas gar mkhan ma/ /rgyan dang chags pa'i sgra dag dang / /yid kyi phreng ba bde ba'i gar/ /lha mo bzhi yi rang bzhin no/ /ma rtogs 'gro ba mtha' yas la/ /rang bzhin thugs rje mdzad pa yis/ /yongs la phan 'dogs skyob pa ni/ /'di ni byams pa zhes bya'o/ /rtogs goms mthar phyin khyad par gyis/ /las dang nyon mongs lta ba'i rim/ /sel ba 'di ni sgrib sel lo/ /thabs dang shes rab gnas rtogs na/ /gang phyir spong len mi gnas bas/ /phyi nang snod bcud ma lus pa/ /dbye ba med pas kun du bzang / /bdag dang gzhan du 'dzin pa kun/ /zag pa med pa'i shes rab kyis/ / lta ba'i dra ba gcod pas na/ /zag med shes rab 'jam dpal sku/ /dbang po yi ge thig ler bcas/ /gnas dang rtogs dang bsgoms pa yis/ /mngon du snang phyir brjod pa yin/ /dus bzhi rim pa gnyis brgyad de/ /de nyid dgrol dang brod skyed dang / /spyod yul dag phyir brjod pa ni/ /dri dang bde bas ngag tshim zhing / /yid ldog med pas rdo rje dri/ /phyi nang khyab pa'i dkyil 'khor la/ /me tog thig ler bder bkod pas/ /rdo rje me tog bla na med/ / phyi nang sems la gnas bcas pa'i/ /mun pa bsal phyir shes rab dang / /ye shes snang ba bla na med/ /rdo rje gsal ba'i mar me ma/ /phyi nang dkyil 'khor ma lus la/ /rang byung ting 'dzin bde ba yis/ /thams cad khyab par gnas pa'i phyir/ /khyab byed rdo rje dri chab ma/ /de bzhin nyid la dgongs pa yis/ /'khor ba'i chos rnams ma lus pa/ /byang chub snying po tshar bcad pas/ /rnam par rgyal ba zhes su brjod/ /gzung 'dzin bral ba'i ye shes ni/ /gnyis 'dzin rtogs pa'i gnyen po ste/ /rtogs goms de yis 'joms pas na/ /ya mAn ta kr-id gshin rje gshed/ /gang phyir 'khor ba'i rgya mtsho las/ /thabs dang bcas pa'i rdzu 'phrul las/ / 'joms dang sgrol bar mdzad pas na/ /rta mgrin rgyal por de bshad do/ /'khor ba'i bdud kyi dug lnga la/ /ye shes lnga ru gsal goms pas/ /gnyis med rtsi ru gang 'khyil ba/ /sgrib zad bdud rtsi 'khyil bar bshad/ /gang du lus dang bcas pa yi/ /dbang po yul dang rnam shes reg /rang rgyud bcad pa'i ye shes nyid/ /sgo ba rnam pa bzhi ru gsungs/ /rang rgyud rtag chad bzlog pa dang / /gzungs dang lha dang bde ba dang / /thig le rig par bcas pa nyid/ /gang phyir gnas nas dgug pa dang / /gang du 'ang 'gro bar mi nus dang / /de las 'da' bar dka' ba dang / /bstims nas bde bas dril bu ma/ /gzung dang 'khyud dang bsdam pa dang / /gnyis su med pas bde chen po/ /rang lus snang srid brtan g.yo la/ /rtogs dang goms pa'i tshul gyis sbyar/ /de dag ma lus dran byed pa/ /rig pa'i rgyal po kun dbyer med/ /kun gzhi rdo rje mi phyed pa/ /kun tu bzang por de bshad do/ /ma lus 'dus byas ma byas chos/ /ma lus zad med khyab pa'i dbyings/ /rtogs dang shes dang gang gyur pa/ /kun tu bzang mor de bshad do/ /mi shigs thig le bde chen po/ /ye shes lnga ldan dngas ma'i bcud/ /rang byung lus can kun gnas pa/ /ston pa rig pa'i gsung can nyid/ /d+harma tsakra chos kyi gnas/ /'od bzhi e sogs tshul du ni/ /lus sbas pa'i tshul dag gis/ /lus can kun la khyab par gnas/ /rang byung thugs kyi bde ba nyid/ /rgyu ba bral ba'i snying po ste/ /par ma ar+tha byang chub sems/ /nam mkha'i ye shes thugs kyi klong / / ma na ma ta dran rtog yid/ /rnam shes rgyu ba'i dran rtog rnams/ /ye shes nam mkha'i gsal 'dod pa/ /dran rtog rig pa 'khor du gnas/ /zag med rnam shes bsam mi khyab/ /ma lus nam mkha'i ye shes su/ /bde chen rig pa'i mi rtog par/ /bsdus te nyams la gnas par mdzad/ /bde ba chen po ma skyes pa/ /nam mkha' lta bur mi phyed pa/ /nam mkha'i ye shes dbyer med sku/ /dus gsum kun gyi ngo bor gnas/ /'di zhes nye bar bstan pa ni/ /e sogs bzhi yi tshul gnas te/ phyi nang bar 'khyams gdong bar bcas/ /gsang ba'i 'og min rgyan rdzogs pa'o/ /thig le ba~M dbyibs spros pa med/ /brjod med bstan pa gsung mdzad cing / /byin brlabs bde chen mi rtog pa/ /'khor la snang bar mdzad pa'o/ / ma ni ma nu ma ta ste/ /sdom byed dran rtog yid kyi dngos/ /las can rnam shes de dag gis/ /gsal bar go bar 'khor du brjod/ /chos rnams kun gyi ngo bo nyid/ /thig le bcu drug sems lnga'i dngos/ /mi rtog lhan cig skyes pa'i don/ /byin brlabs mngon sum tshul gyis gsal/ /thabs dang shes rab gnyis med pa'i/ /thig le zag med skyes pa'i dus/ /bsam med lhan cig skyes pa'i tshe/ /bde ba chen po'i dus su 'dod/ /shes pa rten dang brten par bcas/ /thabs kyi rim pa la brten nas/ /rlung gis bsdus pa'i don gyis ni/ /rang rig thabs kyi rgyal por gsal/ /gang dang gang la gang du ni/ /gang gis gang tshe gang gsungs pa/ /brjod 'byung rtsa bar de gyur pas/ /gleng gzhi zhes ni bstan pa yin/ /de bzhin gshegs pa thams cad kyi/ /dbyer med ye shes gcig gi dang / /rdo rje 'chang chen kun bzang las/ /sna tshogs sku ni rnam par 'phrul/ /de tshe rgyal ba thams cad kyang / /lha la rdo rje 'dzin pa nyid/ /lha min ston pa phrag dog rje/ /mi la thub pa'i dbang po ste/ /byol song sgra yis 'dul mdzad pa/ /yi dags drag pos gdung ba sel/ /dmyal ba sdug bsngal chos kyi rgyal/ / gdul ba'i sprul sku ngo bor shar/ /la la lha las 'pho ba dang / /la lar lhums zhugs bltam pa dang / /dka' thub bdud btul sangs rgyas nas/ /'khor lo bskor te mya ngan 'das/ /gnas la nges pa yod min te/ /dmyal ba yi dgas byol song dang / /mi dang lha dang lha min te/ /so so'i gnas te gang yin pa/ /'gro ba 'dul phyir ston pa'i gnas/ /lha rnams dang ni mi rnams dang / /lha min yi dags dud 'gro dang / /dmyal ba so so'i 'gro ris dag / rang rang mos dang las dbang gis/ /'dul tshul tha dad dbang gis 'khod/ /rang rang mos pas phrad pa'i tshe/ /rang rang brda skad tha dad pas/ /rtogs dang grol bar gang gyur pa/ /rang rang ji bzhin ston pa'i dus/ /bstan pa'i theg pa sna tshogs te/ /rang rang zhen pa mtha' yas phyir/ /tshul dang mos pa'i dbang gis na/ /theg pa sna tshogs tshul du snang / /theg gcig mnyam pa nyid kyi tshul/ /gnyis dang gsum dang bzhi dang lnga/ /dgu dang brgyad khri la sogs pa/ /'gro ba 'dul ba'i tshul gyis snang / /sku dang gsung thugs las dag gis/ /'dul dbang thabs ni sna tshogs kyis/ /chos kyi 'khor lo rab tu bskor/ /de tshe 'gro ba so so yang / /rang gi gzhi rtsa don rig nas/ /rim pa lnga 'am thabs gcig gis/ /rig 'dzin sangs rgyas sa la gnas/ /rang rang cha 'dzin sprul pa'i lus/ /sar gnas 'khor gyi dang po yis/ /de dag zhus pa'i rim gsungs pa/ /blo dang tshig dang yi ger bsdus/ /rgyud ces bya ba rgyun du grags/ /sku dang gsung dang thugs kyi rgyud/ /lta spyod dkyil 'khor dbang dam dang / /sgrub pa 'phrin las lam rim ni/ /phyi dang nang dang sbas pa ste/ /rang bzhin gnas dang mngon byed pa/ /thabs kyi rgyud ni gsum du gsungs/ /phyogs bcu dus bzhi mngon rdzogs pa'i/ /mdo sde 'dul ba mngon pa dang / /sku dang gsung dang thugs kyi rgyud/ /bskyed rdzogs thabs rim gang bstan pa/ /sgyu 'phrul dra bar 'dus pa ste/ /de ltar grags pa'i chos rnams kun/ /rtog pa'i cho ga kun bshad pa'i/ / rgyud chen sgyu 'phrul dra ba ste/ /sangs rgyas kun gyi gsung gi mchog /thog ma bar dang mthar dge ba/ /dus gsum rgyal ba kun gyis gsungs/ /rdo rje sems dpa' sgyu 'phrul dra ba gsang ba me long gi rgyud chen po las gleng gzhi rnam par bshad pa'i le'u ste gnyis pa'o// // de nas gzhan yang bshad bya ba/ /gang zag thabs ni thun mong du/ /blo yi yul du gang gyur pa/ /de ni thun mong yul nyid de/ /gang zag thabs dang ston pa nyid/ /de yi spyod yul ma gyur cing / /thabs chen gsang ba dang ldan pa/ /de ni thun mong ma yin pa'o/ /de nyid skye bo 'khor gnyis don/ /rnam gnyis tshul du snang bar mdzad/ /phung po khams dang skye mched nyid/ /rgyal ba yab yum sems dpa' dang / /sems ma nyid du lhun gyis grub/ /gsang yul dbang po rnam shes reg /ma lus 'joms phyir khro bo ste/ /rtag sogs mtshan ma las skyes phyir/ /yum ste las kyis mi gnas bshad/ /yid chos bzang po bzang mo nyid/ /chags sogs nyon mongs drug po nyid/ /thub pa sprul pa drug tu bshad/ /de nyid phyogs bcu dus bzhi yi/ /phung po 'byung ba rnam shes yul/ /dbang po dus dang lus chos bzhi/ /mtshan ma nyon mongs yum nyid de/ /de nyid sems phyir ma skyes pas/ /lhag pa'i bden gnyis 'brel pa las/ / byang chub sems lnga rnam par 'phrul/ /dngos po snang grags chos thams cad/ /skye ba med dang 'gag med dang / /gnas pa med dang dmigs med dang / /'gro 'ong med pa nyid du snang / /bdag phyir ye shes gsal snang yang / /gzhan phyir de dag ma rtogs pas/ /rang bzhin ngo bo ye nas gsang / /shin du gab sbas gsang ba'i don/ /de nyid legs par bshad pa'i tshe/ /ye nas mnyam nyid gsang ba la/ /ma rig log rtog rkyen dbang gis/ /'khor ba'i sdug bsngal ngo bor snang / /de nyid bde gshegs snying po ste/ /dngos med dngos po'i snying po can/ /'gro ba rnams ni smin bya'i phyir/ /sku gsung thugs kyi rang bzhin las/ /sprul pa rnams ni rnam bar 'phrul/ /sku dang gsung thugs sna tshogs kyis/ /chos kyi 'khor lo rnam par bskor/ /rgyal ba'i dkyil 'khor de dag kyang / /ston pa 'khor gyis gcig la gcig /yab dang yum dang gnyis med dang / /gang la gang gis gleng bslang ba/ /brda' dang dgongs pa tshig gis te/ /bstan pa'i tshogs ni snang bar 'gyur/ /'phen pa rlung gi sbyor ba yis/ /thabs des mum la gang bskul bas/ /gnyis med 'brel pa'i chags pa'i 'od/ /sa ya bcu gsum sku gsung thugs/ /bde chen lha ru gsal byas shing / /nam mkha'i ye shes mngon phyung nas/ /bde ba'i ye shes gsal ba'i ro/ /skye dang dga' dang gnas pa dang / /'gro 'ong nyid las shes par 'gyur/ /gang gis gang la gang bslang bas/ /gang rkyen dbang gis de dag las/ /ye shes gsal bar gang snang bas/ /snang srid lus dang dngos por bcas/ /nam mkha'i ye shes cir yang snang / /nang gi gleng bslang thabs chen yin/ /gang phyir thabs kyis shes rab la/ / chags pa'i glu dang sbyor bas bskul/ /shes rab thabs la lan bskul ba 'ang / /sha da pa yi glu gar dang / /sngags sbyor ba yi rim pa yis/ /phyag rgya bzhi yis mngon sbyar bas/ /thabs dang shes rab gnyis med pa'i/ /rgyu ba rlung gi sbyor ba yis/ /dgug dang bkug pa'i thabs nyid de/ /dbab dang gzung dang bskyil ba dang / /zlog dang gzung dang sbyar ba yis/ /bskyed dang rdzogs dang rdzogs chen po/ /thun mong thun mong ma yin pa'i/ /mthar thug rim pa las byung ba'i/ / kun kyang sems lngar snang ba ste/ /thabs las byung ba'i thig le dang / /shes rab gsang ba'i thig le dang / /gnyis med bde ba las byung ba/ /sems lnga rim par snang bar 'gyur/ /thabs dang shes rab mnyam sbyor zhing / /sku dang gsung thugs las byung ba/ /bye brag brgyad bcu kun 'dus pa/ /dkyil 'khor bzhi bcu rtsa gnyis te/ /sku gsung thugs dang ye shes lngas/ /thabs dang rang bzhin 'brel ba yis/ /'gro ba kun la rgyas btab pa'o/ /snod bcud bde ba'i rang bzhin gyis/ /ma lus lhan cig skyes par gnas/ / g.yo ldang smon 'jug gnas mthar phyin/ /skye ba'i gzhi dang thabs dag dang / /skyes nas mthar phyin ye shes lnga/ /sangs rgyas kun gyi rang bzhin nyid/ /ji lta ba bzhin rnam par gnas/ /'gro ba mos pa'i khyad par gyis/ /gzugs dang kha dog sngags dang 'od/ /dkyil 'khor la sogs so sor gnas/ /gang zag blo dang 'tsham par bstan/ /rten dang brten can las byung ba'i/ /rang byung bde chen me rtog pa/ /lus med lus la gnas pa yi/ /khyab pa gnyis med gang ba'i tshul/ /gang phyir zag med bde ba yi/ /ting 'dzin bde ba khyad par can/ /rang bzhin brtags dang snang ba dang / /byin rlob nus pa'i lha yis ni/ /phyi nang snod bcud sku gsung thugs/ /ma lus sbyor ba gsum las byung / /rtsa dang rlung dang thig le dag /rim par bsten dang sbyor ba dang / /'phen dang sdud pa rlung gis te/ /dngas mar ye shes rlung gis 'jug /steng dang 'og las byung ba yi/ /bde ba'i thig le rim pa dag /dngas snyigs rlung gi khyad par gyis/ / ji ltar 'dod pa'i 'bras bu nyid/ /rkyen gyis nus pa phrad pa ltar/ /rgyu gcig nus pa so sor snang / /'jig rten 'das dang 'jig rten pa'i/ /lam ni rtsa dang thig le dang / /rlung ni phyi nang dngas snyigs dang / /lam dang rgyu ba'i tshul las byung / / gang phyir med dang nus pa med/ /stongs dang log pa'i nus mthu yis/ /rang lus 'jig dang sdug bsngal zhing / /dbang po ma tshang dman par gyur/ /gang phyir thun mong thun mong min/ /sems lnga ye shes lnga bstan pa/ /rang bzhin ting 'dzin gzugs brnyan du/ /gzungs ma rigs la rten bcas pa'i/ /sems lnga yun ring thung bcas pas/ /bdag gzhan chos rnams ma lus pa/ /lhan cig skyes pa'i ye shes te/ /dngos po ma yin dngos med min/ /bdag gzhan gnyis ka gnyis med min/ /rang byung bde chen sgyu ma nyid/ /rdo rje brtan po rang snang ba/ /ye shes sgyu ma lhun gyis grub/ /rdo rje sems dpa' sgyu 'phrul dra ba gsang ba me long gi rgyud chen po las gleng bslang ba bshad pa'i le'u ste gsum pa'o// // de nas gzhan yang bshad bya ba/ /kun gyi shes bya yul bshad pa/ /chos rnams ma lus thams cad kun/ /gcig dang tha dad kun bral ba'i/ /mtha' dang dbus med de bzhin nyid/ /sgro skur kun bral mnyam pa las/ / rtogs dang ma rtogs khyad par las/ /sna tshogs chos ni rnam par 'phrul/ /gzhi dang rtsa ba las 'das pa'i/ /rang bzhin dbyer med de bzhin nyid/ /dngos med dngos po yul 'das la/ /'khor dang mya ngan 'das pa yi/ /ngo bo sna tshogs rang snang ba/ /gnyis med thabs chen rdo rje nyid/ /e ma'o gnyis med bde chen las/ /sna tshogs gnas dang longs spyod dang / /rigs dang kha dog tshe tshad dang / /bde sdug dbang po bye brag dag /rang bzhin sna tshogs rnam par 'phrul/ / sgyu ma chu zla 'ja' tshon ltar/ /byang chub sems kyi ngo bor gnas/ /las dang rkyen gyis gang snang ba/ /rang rang zhen pa'i tha dad gyis/ /dbang po khyad par sna tshogs pa'i/ /rtog pa'i nus pa sna tshogs mthong / /rang bzhin gzhi rtsa med pa'i dbyings/ /lhan cig skyes dang kun brtags pa'i/ /ma mthong log zhen rtas pa yis/ /'khrul 'khor log pa'i stobs su snang / /'khor ba ma gsal dag pa yi/ /zhing dang spyod yul longs spyod dang / /ting 'dzin dbang stobs rdzu 'phrul dang / /mngon shes ye shes dpag med pa'i/ /sna tshogs sku dang gsung thugs dang / /yon tan 'phrin las rang snang ba/ /bdag gzhan lhun gyis grub pa'i don/ /sna tshogs yid bzhin nor bu ltar/ / ma bsags lhun gyis grub pa'i sku/ /sna tshogs kun dang dbyer med pa'i/ /kun la yid bzhin 'thun par snang / /kun kyang rang 'byung byang chub sems/ /bden pa dbyer med don du snang / /gang phyir nam mkha'i rang bzhin ltar/ /gang la de ltar snang ba las/ /yang dag gcig tu gzung du med/ /ma bcos rang 'byung zhi ba nyid/ /rnam par dag pa'i snying po ste/ /'khor ba nyid na mya ngan 'das/ /rnam par dag pa'i dbyings su mkhyen/ /sgro dang skur ba kun bral ba'i/ /thams cad rang snang snying po las/ /sna tshogs ma lus rnam par 'phrul/ /dngos dang dngos po med min zhing / /gang la de nyid yul 'das pa/ /nam mkha' lta bur dpag med pa/ /phyogs ris mtha' dbus rgya dpag med/ /gang gis gang la khyab pa ltar/ / mkha' sogs rdul bral 'byung ba'i bcud/ /zag pa med pa'i snying po nyid/ /lus can kun gyi dbang po dang / /dngas mar 'brel bar gang snang yang / /mthong ba log pa'i stobs kyis sgyur/ /bdag gzhan med pa'i rang snang yin/ /ma lus thams cad dbyer med pa'i/ /thabs dang shes rab bcud lnga'i rgyun/ /longs spyod thabs su bcas pa nyid/ /'gro ba kun la khyab par gnas/ /gang yang thabs dang shes rab kyi/ /sgyu 'phrul dra ba'i rang bzhin nyid/ /rang bzhin dbyer med byang chub sems/ /bde ba chen po'i ngo bo nyid/ /'das dang da ltar ma byon gyi/ /rgyal ba rig 'dzin mtha' yas dang / /ma lus kun gyis rtogs bya ba/ /phyogs med khyab pa'i ngo bor gnas/ /gang snang ma lus de bzhin nyid/ / ma bcos ma byas zhi ba ste/ /gcig dang du ma las 'das pa/ /sangs rgyas kun gyi rang bzhin nyid/ /mtha' bral nam mkha'i rang bzhin ltar/ /ma lus gnas pa de dag kyang / /rtogs pa'i khyad par dbang po yi/ /mthong tshul dag dang ma dag gis/ /rang bzhin yul dang ma gyur pas/ /phyi nang gsang ba la sogs pa'i/ /dbang dang man ngag 'brel ba yis/ /de nyid mthong rtogs don phyir bshad/ /gang phyir rdo rje slob dpon nyid/ /yon tan yongs rdzogs nus pa can/ /dad dang brtson 'grus brtul zhugs can/ /shes rab khyad par gang ldan la/ /dbang dang dam tshig man ngag dang / /rgyu rkyen 'brel ba'i nus pa yi/ /bde ba gsal ba mi rtog pa/ /thabs kyi phun sum tshogs par 'gyur/ /gsang ba'i gsang chen snying po nyid/ /sku gsung thugs kyi dngos grub ste/ /phyi nang bdag gzhan ma lus pa/ /thams cad dbyer med de bzhin nyid/ /thabs bral kun la rgyas btab pas/ /mun pa'i tshogs su gyur pa yin/ /mun snang dug dang gser 'gyur rtsi/ /thabs mkhas rang bzhin nges 'gyur ltar/ /gang de'i lta spyod ting 'dzin gyis/ /de ma thag tu de bzhin 'gyur/ /dbyer med nam mkha'i rang bzhin du/ kha dog dbyibs dang rdzas la sogs/ /ma lus tha dad med pa ltar/ /thabs mkhas ma lus de bzhin 'gyur/ /tha mal pa dang log pa dang / /dka' thub can dang rkyen rtogs dang / /phyi nang can dang tha dad can/ /gtsang sme can dang phyogs rtogs nyid/ /mnyam nyid lta las gang 'das pa/ /ngo bo nyid dang thabs dag dang / /dbang po la sogs log pa yis/ /de nyid gnod pa'i stobs su 'gyur/ /gang la gang gis zin pa'i nad/ /thabs dang brtson 'grus legs pa yis/ /de ltar brtson pa'i khyad par gyis/ /de nyid ma spangs rnam par dag /gang phyir de nyid nges pa las/ /rtogs dang ma rtogs khyad par gyis/ /tha dad chos su gang snang ba/ /dngos la de ltar gnas pa min/ /rdo rje skye med shes rab ste/ /me long thabs nyid sna tshogs snang / /gnyis med 'brel ba'i mnyam pa nyid/ /ma lus dbyer med dam par bshad/ /de nas rtogs sgo bshad bya ba/ /gang la gang gi don med pas/ /lta dang spyod dang lam 'bras dag /'di nyid don gnyer gzhan med pa'o/ /gang gis de dag de don du/ /tshigs dang sngags rdzas dka' thub kyis/ /gang bstan de yi byin brlabs kyis/ /bdag gzhan phan par gang 'dod pa'o/ /gang las gyur pa de zhig pas/ /lus sems 'byung ba'i bag la gnas/ /phyin cad phan gnod chos med pas/ /dka' thub 'bad rtsol mi dgos so/ / gang phyir byed pa'i rgyu bzhi dag /mnyes dang dag pas bde bya'i phyir/ /las dang dka' thub drag shul gyis/ /grol zhing thar bar 'dod par snang / /bde bzhi bcu drug tha dad lam/ khams gsum mthong bsgom song tshul gyis/ /rang don zag pa kun bral nas/ /char don thar pa mya ngan 'das/ /rkyen rtogs bag chags sad pa yis/ /'byung med bcu gnyis rang brtags nas/ /ma rig 'khrul 'khor rgyu 'bras zad/ /yid bzhin bde ba mchog gi sa/ /tha dad med pa'i rig pa'i sems/ /bden brdzun khyad par cir bltas pa/ /gsal la mi rtog snying po nyid/ /bdag gzhan nus pa'i stobs su snang / /chos rnams sgyu ma mig yor dang / /brag cha chu zla 'dra ba yi/ /de nyid mtha' dbus bral ba ni/ / bden gnyis 'brel pa dbu ma'i tshul/ /rdo rje dam pa gsum bkod de/ /dngos po sgyu ma las grol nas/ /dag pa'i rten 'brel la brten nas/ /ye shes sgyu ma mngon sum shar/ /gang phyir las dang bya ba dang / /khrus dang gtsang sbra la brten nas/ /sngags dang phyag rgya'i mthu stobs kyis/ /sgo gsum rdo rje 'dzin pa'i sa/ /de dag las 'thun khyad par nyid/ /de kho na nyid bzhi rtogs nas/ /las dang ting 'dzin 'brel goms pas/ /rdo rje 'chang ba'i sa la gnas/ /ting 'dzin rig pa gtsor byas nas/ /sngags dang phyag rgya bsam pa yis/ /cha lugs ji bzhin mngon sgyur te/ /goms pas bdag gzhan don grub pa'o/ /thabs dang grol ba'i khyad par gyis/ /dbang po yul dang rnam shes dang / /snang srid phyi nang snod bcud kyi/ /spyod yul ji ltar 'gyur ba kun/ /thabs dang shes rab dbyer med pa'i/ /gsang ba'i thabs kyis rgyas btab pas/ /ma lus rdo rje nyid du 'gyur/ /snang srid dpa' bo thabs chen de/ /rang bzhin dbyer med dag pa yi/ /sna tshogs 'phrul pa rang snang bas/ /ma lus gnyis med ye shes yin/ /thabs dang shes rab gnyis med pa'i/ /thabs dang rig pa gang zin pa/ /gzhan gyis dor ba'i 'khor ba'i chos/ /ye shes bdud rtsi'i ngo bor 'gyur/ / ma lus gcig dang tha bral ba'i/ /ji ltar 'thun pa'i snying po la/ /so so'i don ltar mi gnas pas/ /bskyed pa lha dang gzhal yas dang / /rdzogs pa nam mkha'i ye shes dang / /dngos po lhan cig skyes pa ru/ /snang ba rkyen gyis sgyur ba ltar/ /ma lus de yi ngo bor 'gyur/ /de dag bltas pa'i khyad par gyis/ /rang re'i mos dang bsam pa dang / /nus pa'i rim pa cir snang yang / /nam mkha' dang ba'i rang bzhin las/ /nyi zla gza' skar sprin khu rlangs/ /rang byung rang dngas 'gyur med ltar/ /ji ltar snang ba'i chos rnams kun/ /dngos dbang don las ma g.yos pas/ /de dag de ltar nyid snang bas/ /de nyid nam mkha'i khongs su 'du/ /de nas bstan tshigs bshad par bya/ /ma lus 'gro ba thams cad la/ /byang chub snying pos kun khyab pas/ /kun gyis mthong goms bya dgos pas/ /so so thun mong gtan tshigs dang / /thun mong ma yin la sogs pa/ /rgya mtsho klong dang chu bo ltar/ /ma lus 'dul shing 'byung ba yin/ /thun mong bzhi sogs gang yin pa/ /log lta phyogs 'dzin dgag pa dang / /dngos dbang thabs dang 'brel mtshon phyir/ /thun mong gtan tshigs brjod pa yin/ /gang phyir gtan tshigs thams cad kyis/ /rang las 'phrul phyir me long nyid/ /ma lus gcig dang tha dad min/ / gang gi mtha' las yongs grol te/ /dbus su gzung med gtan la phebs/ /gcig dang du ma bral ba'o/ /rgyu dang rkyen dang 'bras bu ste/ /thabs de gdod nas dag pa gsum/ /ma lus rang snang rtogs pa nyid/ /mtshan nyid de yi mtshan nyid do/ /rgyu gcig pa dang yig 'bru'i tshul/ /byin gyis brlabs dang mngon sum pa/ /ma lus rtogs pa bzhir shar te/ /de nyid rtogs pa bzhir snang ngo / /ma skyes ngang las gang snang ba/ /chu dang rlabs bzhin gcig pas na/ /de dang der gcig dbyer med pas/ /dngos po lo rgyus nyid kyis shes/ / 'khor dang mya ngan 'das pa yi/ /rtsa ba chags sdang lnga nyid de/ /gzhi rtsa ma bcos skad cig ma/ /de nyid rang spyir gang snang ba/ /rtogs pas spyi dang rang mtshan shes/ /snod bcud rgyud rnams mtha' yas dang / /mnyam gnyis lhag pa'i mnyam gnyis kyis/ / dngos po snang grags chos rnams kun/ /ma bcos de bzhin nyid du gnas/ /ma lus snying po thig le dang / /lnga bdag brgyad cu rtsa gnyis rgyu/ /sa ya bcu gsum rtsa yan lag /ro dang gnas skabs kun las grol/ /dang po gnas dang gnyis pa gnyis/ / gsum pa ma lus khyab byed pa/ /nyams su myong byed gtan tshigs so/ /thig le gnas dang yig 'bru dang / /de yi byin brlabs 'dres pa yis/ /bde ba chen po mngon du snang / /chu las chu bo tha dad de/ /rgya mtsho las ni chu thigs dang / /lam dang zhing sa'i 'bras bu ltar/ /thabs kyi khyad par snang ba yin/ /dngas ma lnga las gang byung ba/ /ji snyed lus sems rtsa thig le/ khams lnga'i ro dang bcud snang ba/ /ye shes chen por gtogs pa yin/ /gsum dngos brgyad sogs kha dog grangs/ / gnas pa gang yin de snod de/ /so so'i bcud kyi khyad par las/ /byang chub sems nyid gsal bar snang / /don dam kun rdzob dbyer med pa'i/ /bden bzhi dbyer med dngas ma nyid/ /ma lus khyab pa'i tshul gyis snang / /thabs dang shes rab gnyis med pa'i/ /thig le gcig dang du ma nyid/ /bral ba'i ye shes chen po nyid/ /gcig dang du ma las grol ba'o/ /bcud 'dus thig le gnyis ro rgyu/ /rlung dang gdams ngag rkyen ldan pas/ /'bras bu lhan cig skyes par snang / /rang la gnas pa thabs kyis gsal/ /thabs dang shes rab 'brel pa'i ro/ /rtsa yig bcas pa bcud 'dus pas/ /thabs dang rlung gi gdams pa yis/ /ma lus lhan skyes mngon sum gsal/ /bde dang stong nyid mi phyed pa/ /rang rig bde chen ma skyes gzugs/ /ma lus 'od dang rnam pa ltar/ /dbyer med tshul dang rang snang ba'o/ /bde bas bskyed pa'i rtog pa lnga/ /rtsa ba yan lag bcas pa nyid/ /ma lus ye shes chen po nyid/ /ye shes lnga yis rgyas btab pa'o/ /dbang po snod bcud bcas pa yis/ /yab yum 'brel bar bcas pa'i bcud/ /sems lnga'i rgyud du rang snang ba/ /mnyam pa bzhi yi tshul du gsal/ /de la sogs pa mtha' yas pa'i/ /phyi nang gsang ba mthar thug pa'i/ /gtan tshigs mtha' yas bshad pa ste/ /rdo rje me long bshad pa'i rgyud/ /gang gis rtogs pa de nyid ni/ /ma lus rang snang sku gsung thugs/ /yon tan 'phrin las rang snang ba/ /zag med rang 'byung ngang las 'char/ /chos rnams 'bras bur lhun rdzogs pa'i/ /bdag dang gzhan don lhun rdzogs pa/ / ma bcos ji bzhin ngang bzhag las/ /lhun gyis grub pa'i dkyil 'khor 'byung / /gang dag gang la gang brten pas/ /lhun gyis grub pas 'bras bu nyid/ /ma bcos sgyu ma lhun grub nyid/ /dus bzhi phyogs bcu ma lus bar/ /lhun grub 'bras bur rang snang ba'o/ /rdo rje sems dpa'i sgyu 'phrul dra ba gsang ba me long gi rgyud chen po las lta ba ma lus pa bshad pa'i le'u ste bzhi pa'o// // de nas gzhan yang bshad bya ba/ /sgyu 'phrul dra ba mngon rdzogs pa'i/ /spyod pa'i khyad par ma lus pa/ / 'di dag bshad par bya ba ste/ /rang bzhin thabs dang mngon gyur pas/ /spyod pa ma lus bstan pa yin/ /e ma'o rang rig snying po las/ /bde sdug gnas dang longs spyod dang / /tshe dang kha dog la sogs pa/ /la lar mngon par chags pa ste/ / la lar drag shul zhe sdang spyod/ /la lar ri bos non pa nyid/ /la lar ldongs pa'i mun pa nyid/ /la lar phrag dog snang ba yin/ /la lar ser sna 'thab rtsod de/ /la lar 'chal dang bya ba btang / /rtsol dang mi rtsol la sogs pa/ /de la sogs pa mtha' yas rnyed/ /chos dbyings mtha' yas mu med pa'i/ /nam mkha' dbyings ni mtha' yas par/ /spyod pa'i khyad par de nyid do/ /rang byung thabs kyi spyod pa nyid/ /ji ltar bsam zhing brtags pa ltar/ /rang bzhin dbye ba med pa'i phyir/ /sgo gsum byed spyod bsam mi khyab/ /thabs dang shes rab rang bzhin gyis/ /ma lus sangs rgyas gnas gyur kyang / ma rtogs thabs dang bral ba'i phyir/ /bde sdug sna tshogs bsam mi khyab/ /thabs chen dag dang ldan pa la/ /'dod chags zhe sdang gti mug dang / /nga rgyal phrag dog chen po dag /byang chub lam du bde bar bshad/ /thabs dang mi ldan skye bo yis / /thabs dang bya ba sna tshogs kyis/ /mdzad spyod dka' ba sna tshogs pa/ / mi dang lha las thar pa med/ /dper na dug dang ldan pa la/ /thabs kyi khyad par ji bzhin du/ /rtogs pa'i khyad par ji bzhin du/ /bde dang sdug bsngal sna tshogs rgyun/ /rang bzhin gnyis med dag pa las/ /brtags pa'i bye brag khyad par gyis/ / mi mthun bde sdug sna tshogs myong / /ma bcos dbyings las g.yos pa med/ /gang dag mthun mong ngo dag las/ /las dang bya ba'i sgo nas ni/ /spyad dang spyod dang spyod 'gyur phyir/ /'di skad spyod pas spyod par gsungs/ /rang bzhin rgyal ba'i spyod pa yis/ /chu dang rlabs ltar khyab gyur kyang / /spong len bya ba sna tshogs las/ /spyod pa thabs kyis zin pa med/ /gang phyir thabs dang shes rab dang / /sgra dang rtogs pa sna tshogs kyis/ /thun mong yul du ma gyur pa/ /thun mong ma yin thabs spyod de/ /la lar thun mong nyid du ste/ /thar pa dang ni ma thar pa/ /kun tu rgyu dang mu stegs dang / /bud med dang ni ma rabs dang / /rgyal po dpa' bo dka' thub can/ /byis pa la sogs tha dad de/ /la lar dgod dang drag po dang / /gshe dang 'jigs dang zhi ba dang / /la lar de bzhin chags chen pa/ /g.yo sgyu spyod dang g.yem par ston/ /zhi dang sku dang phrag dog spyod/ /'dod dang longs spyod gzir ba dang / /glu bro gar dang 'jo sgeg dang / /de bzhin 'jigs dang sdigs pa dang / /ma rungs pa dang rnam par 'tshe/ /zhing khams rdzu 'phrul spyod pa dang / /ngo mtshar cho 'phrul du ma dag /gang dang gang gis mdzad pa dag /skye bo ma lus 'dul pa'i phyir/ /mdzad pa mtha' yas rnam par ston/ /zhi la tshangs dang khro la khro/ /thar pa na chung mdzes dang rol/ /gdung dang rmongs dang sdug bsngal ba/ /rang rang ded dpon mtha' yas pa'i/ /sku yi rol pa mtha' yas ston/ /byin gyis brlabs dang rang snang dang / /brda' dang rig pa ting 'dzin dang / /tshig tu chags sdang rmongs pa dang / / shin tu rgyal dang phrag dog dang / /'jam dang dal dang snyan mi snyan/ /rtsub dang drag dang sbom phra dang / /ring thung rol mo lha klu dang / /mi dang mi min 'byung po'i sgra/ /khyim bdag dbang chen legs dpon dang / /chags can gtum po la sogs pa'i/ / sna tshogs rol pa mtha' yas pa/ /dag dang ma dag tshul gyis ni/ /gsung gi rol pa mtha' yas snang / /la lar byams dang sdang ba dang / /g.yeng dang mi g.yeng rmongs dang ri/ /sdud dang mi sdud yal ba dang / /grol dang ma grol rno rtul dang / /ma rig ye shes la sogs pa/ /thugs kyi rol pa mtha' yas pa/ /thams cad mkhyen pa'i tshul gyis snang / /mtha' yas dbyer med dam pa nyid/ /lung dang rigs pa man ngag gis/ /tshad ma dag gis gang bcal ba/ / shes bya khong du chud par 'gyur/ /de nas chos rnams ma lus pa/ /bdag gzhan phyi nang dbyer med pa'i/ /thams cad mkhyen pa'i tshul gyis snang / /mtha' yas dbyer med dam pa nyid/ /dran dang shes bzhin brtan po yis/ /dus gsum rgya mtsho gting lta bur/ /mi g.yo gsal ba'i ngang gyur nas/ /sgo gsum mnyam par sbyor ba yis/ /dang po rtogs pa'i spyod pa ste/ /de bzhin nyid la gsal brtan te/ /stong pa shes rab spyod par bshad/ /de nas phyogs bcu ma lus pa/ /rang byung byang chub sems nyid phyir/ /gang snang rang rgyud dngos med de/ /sgyu ma mig yor brag cha dang / /smig rgyu chu bur la sogs pa/ /gong ma'i stobs dang 'di nyid stobs/ /mnyam par sbyor bas bsgom par bya/ /gang la ma bltas mngon byas dang / /ting 'dzin rim pa gnyis med pas/ /kun la snying rje'i spyod pa dag /dam pa 'di ni spyad par bya/ /rang bzhin ched du dmigs pa dang / /khyab dang shugs las gang byung ba'i/ /snying rje'i spyod par rnam par spyad/ /de nas sgyu ma lta bu nyid/ /rang nyid phyogs med snang ba yis/ /cir yang bsgyur du rung ba'i phyir/ /rig pa dbu mar gang gsal ba/ /nyi zla brtsegs pa'i gdan du 'bar/ /sa bon gang las thabs cho gas/ /'phro 'du zhu nas mngon gyur pa/ /rdo rje gsum gyi ngo bor snang / /de nyid gcig dang lnga gsum gyis/ /brtan 'bar mdzes par gsal gyur te/ /mdun dang gzhan du skabs dag sbyor/ /gcig dang nges med rim pa dang / /'khor lo zhes bya bzhi ru gyur/ /gang gis gang de ma brten par/ /'phro 'du bsgoms pa don med de/ /skyon bral gsal brtan 'dris pa yis/ /gang bsgoms gsal par mngon du 'gyur/ /tha mal zhen rtog zlog pa dang / /lam gyi 'brel bar bya ba dang / /dngos grub 'bras la myur 'jug pas/ /rtags kyi lha ni bsgom par bya/ /de ltar brtan 'gyur gsal ba la/ /bdag gzhan phyi nang ma lus pa'i/ /sgo gsum sku gsung thugs gsal bas/ /thun mong spyod pa rnam bcad la/ /sgo gsum mnyam bzhag rjes thob med/ /gang gis de ltar gsal bya'i phyir/ /phyogs gcig spyod pa brtsam par bya/ /de nas rtsa ba goms pa dang / /bslab bya khyad par mthar phyin ltar/ /gang de rim par brtan 'phel phyir/ /yan lag spros pa rnam par bsgom/ /lhag pa bcu gcig dgur ldan pa'i/ / gcig las rgyas bsdus phye ba yis/ /'khor lo'i rtsa ba lha dag kyang / /yab yum gnas dgod gsal bar bsgom/ /de dag lhag pa'i lha dgu dag /yan lag tshul du spros te bsgom/ /'dul ba gnyis kyi rang bzhin gyis/ /mdzes pa'i tshul dang gdug pa 'dul/ /lha dang zhal phyag dbu grangs kyang / /rtsa ba yan lag spros tshul gyis/ /dkyil 'khor grangs dang gang sbyar ba'i/ /rim par spros shing bsgom par bya/ /grangs dang grangs med tshul dag gis/ /dpag tshad rgyad grags mkha' dbyings su/ /zhi dang khro la sogs pa yi/ /sangs rgyas sprin tshogs sna tshogs bsgom/ /dang po'i bar dang tha ma'i bar/ /rig pa'i ting 'dzin gsal brtan nas/ /sku gsung thugs dang ldan pa yi/ /tshom bu rim par bsgom par bya/ /dgon pa'i rim pa 'am nag tshal dang / /chu 'gram ri rtse dur khrod dang / /skyon bral yon tan rdzogs pa ste/ /dgra dang phyogs mtshams skyon med pa'i/ /brtag pa'i rim pa ldan pa yis/ /shes dang 'thad pa'i sa phyogs su/ / gzhal yas rim rtsegs mdzes ldan pa/ /rgyan dang bcas pa ldan byas la/ /ting 'dzin mnyam pa'i shes rab thabs/ /mi ldan gong ma'i 'od kyis sbyang / /bdag dang gzhan gyi nus pa yis/ /mnyam nas tshogs la 'jug par bya/ / yo byad lnga ldan thogs med bar/ /cho ga'i rim pa ji bzhin brtsam/ /bro glu gar dang ting 'dzin bcas/ /bar chad med par bsgrub par bya/ /gal te 'dod pa ma rdzogs par/ /sgyu ma'i lus de ma brtan na/ /yid kyis rdo rje gsum gsal las/ /rnam par smin pa'i rig 'dzin de/ /phyin cad 'jigs bral khyung bzhin no/ /de bas 'brel ba'i spyod ldan na/ /dbang sgyur zag med sa thob ste/ /brgya dang stong sogs 'jig bral zhing / /gling dang 'jig rten brgya stong du/ / 'dul ba'i cho 'phrul mtha' yas snang / /'jig pa med cing mi ldog sa/ /dpa' bo rdzogs pa'i rnal 'byor pas/ /gzhan don spyod pa'i khyad par dag /'dul ba'i dbang ni sna tshogs kyis/ /rnam par brtse ba sna tshogs spro/ /'di ni rgyal ba thams cad kyi/ /shes rab phyi yi spyod pa ste/ /cho ga rgyas par bstan pa yin/ /de nas gzhan yang bshad bya ba/ /nang du 'jug pa'i rim pa yi/ /spyod pa'i khyad par cho ga dag /de nas rim pa 'di dag bshad/ / lus can 'gro ba thams cad la/ /tsakra bzhi dang sku gsung thugs/ /spor dang 'bar ma 'khyil ba dang / /'brel dang ma 'brel khug pa dang / /'dzin dang 'dzag dang gnas pa dang / /de bzhin khyab dang 'khrul ba'i rtsa/ /gang du rgyu dang gnas 'dzin pas/ / rtsa zhes de la mngon bshad de/ /de dag rgyu dang lam 'bras dang / /thabs dang shes rab gnyis med pas/ /bde ba chen po skyed par byed/ /gong dang 'og gi rang bzhin las/ /spyi dang khyad par kha sbyor 'byung / /sa bon khyab byed 'khor lo yis/ /thams cad khyab cing 'dzag pa'i rtsa/ / dngas snyigs rlung dang 'brel ba yis/ /gang de pho mo'i bcud rkyen gyis/ /zag dang zag med bde ba skyed/ /lus kun khyab par gnas pa nyid/ /dngas ma thur gyi rlung dang 'grogs/ /gang na sgra sbyor 'khor lo can/ /des kyang kun khyab rgyu ba can/ /'khrul zhing 'khor bas 'khor lo ste/ /gsung gi 'khor lo ngag gi rten/ /rdzogs dang ma rdzogs gang mi gsal/ /sgra sbyor dag dang ma dag gyur/ /bde dang snyan dang mi snyen dang / /bya dang dri za bung ba dang / /chags pa'i sgra ni sna tshogs byed/ /mdog dmar lus khyab klu la sogs/ /u tha'i rlung dang 'grogs te gnas/ /d+harma tsakra srog gi rten/ /ma lus bzhi rtsa kun gyi srog /rtsa bzhi yan lag brgyad dang ldan/ /dngas ma lnga 'dus kun gyi gtso/ /phyi rim rin chen sul mdangs 'dra/ /mi shigs thig le bde chen po/ /rin chen phung po za ma tog /sna tshogs ye shes lnga'i bdag /thung ngu a'i rang bzhin can/ /srog gi rlung dang 'grogs te gnas/ /phyi rim pad ma 'dab brgyad de/ /chos nyid ye shes yon tan dang / /rang rgyud bzhi la yan lag brgyad/ /thun mong phyi yi rim pa yin/ /'di la rtsa gsum rim pa ste/ /zag pa'i rtsa dang mngon shes rtsa/ /chos nyid rim pa gsum du gnas/ /rlung yang gcig gam gnyis yin te/ /de las bye brag dpag med pa'o/ /gnas pa dang ni rgyu ba'i rlung / /gnas pa srog dang ye shes te/ /rgyu ba bzhi ni mngon par brjod/ /phyi nang can dang gyen thur can/ /de re 'ang dngas snyigs khyad par gyis/ /rim pa brgyad du mngon snang yin/ /gnyid dang 'gro ba'i sa bon gyis/ /chags sdang dran rtog kun gyi gzhi/ /gang du gnas dang gnas ma yin/ /rgyu zhing 'pho ba rlung gis te/ /bde dang sdug bsngal ji snyed pa/ /myong zhing skyed par byed pa yin/ /'di ni gnas dang mi gnas kyis/ /srog dbang dran pa dbang sgyur bas/ /gnas dang 'pho ba pha rol dag /gnas pa srog gi rlung can no/ /gang du 'khrul pa 'dzed pa ni/ /ma lus 'gyed cing spro ba yi/ /gyen thur 'dzeg cing 'gengs 'byung ba'i/ /sgo gnyis lus kun khyab pa'i rtsa/ /drug cu rtsa bzhi snying po can/ /phyi rim bzhi yi rgyun du 'khyil/ /dbus nas 'khyil ba thig le'i rtsa/ /'phen pa bde ba'i rlung dang 'grogs/ /gang du 'ang 'khrul cing sprul pa'i phyir/ /sprul pa'i 'khor lo shes rab nyid/ /de 'og gru gsum 'bar ba'i rtsa/ /gyen du 'bar dang thur du 'phro/ /'od kyis 'bar ba'i sa bon can/ /rtse mo'i 'og nas reg pa'i khams/ /gtum mo lte 'og 'bar ba'i rtsa/ / skyes bu chags pa slong ba ltar/ /'di dag bde ba bskyed pa ste/ /gnas sa tshad dang bcas par gnas/ /de 'og g.yo ba rlung gi rten/ /'gyed dang 'jum pa'i las can nyid/ /de dang de gnyis gang ldan pas/ /lus kyi dngas snyigs 'dis 'byed pa/ / bye brag brgyad bcu rtsa gnyis rtsa/ /'dus pas sku gsung thugs yin te/ /lte ba thur du 'dzag pa'i rtsa/ /rtsa gsum 'dom pa'i bde ba'i gnad/ /rgyu ba rlung ni thig le'i rten/ /'gyed cing 'dud pa g.yas g.yon te/ /bcu drug 'dus pa'i srog rtse gong / /rtsa gsum mgrin par 'dus pa ni/ /sgra sbyor 'khor lo ngag gi gnad/ /de nas dngas ma'i thig le la/ /ma lus 'dus pa'i tshul du gnas/ /rig pa'i rtsa la bcud 'dus pa'i/ /thogs med gsal ba'i mngon shes 'byung / / phyi rol zag pa'i rtsa nyid la/ /bde ba chen po'i bcud 'dus pas/ /bde chen nyams nyid skye bar 'gyur/ /chos nyid thig le mi g.yo ba/ /dngas ma 'dus pa'i bcud thim pas/ /ye shes lnga dang ldan pa yi/ /zag med ye shes bde ba che/ / nam mkha'i dbyings ni rgya che ba/ /thog mtha' med par khyab par 'gyur/ /'di nyid rtogs dang ma rtogs las/ /'khor dang mya ngan 'das pa yi/ /spyod pa sna tshogs 'byung bar 'gyur/ /thabs kyi khyad par phyag rgya lnga/ /bskyod pa rlung dang 'bar ba me/ /thig le chu dang 'dzin pa sa/ /bde chen nam mkha'i phyag rgyar gsal/ /bde bas bde ba'i don mthong bas/ /rtsa dang thig le rlung dag dang / /bde ba rang rig ma skyes pa/ /de nyid bde chen mi rtog pa/ /rang rgyud bral bas zag pa med/ /rang rgyud med pa'i bde ba nyid/ /dngas ma'i thig les kun khyab pas/ /phyi nang dbang por bcas pa yis/ /bde ba sgyu ma'i rang bzhin 'char/ /ma lus bde ba chen po nyid/ /de la de yis rgyas btab pas/ / bde ba mi rtog lhan cig skyes/ /phyag rgya gcig tu gsal bar gnas/ /gang du 'khor lo rtsa bcud ldan/ /sa bon yi ge bde ba dang / khams lnga ye shes ro ldan zhing / /stong dang bde ba'i thig le 'dres/ /rtag tu dran par gnas pa nyid/ /re re 'ang de ltar gnas pa'i phyir/ /'khor lo rtsa bcud thig ler bcas/ /lha dang ye shes sku gsung thugs/ /rang lus snang ba snod bcud kun/ /spros bcas phyag rgya'i grangs su gsal/ /bcud lnga ye shes kho na'i phyir/ /dngas snyigs dbyer med thig le'i don/ /so so'i kha dog dbyibs tshul dang / /spas pa'i sku gsung thugs dag la/ /dbyer med gsal ba'i rig pa yis/ /ma lus bde chen mngon du gsal/ /de nas bde ba chen po nyid/ / gar thabs rlung gis dbang bsgyur nas/ /ma lus bde ba'i rig pa 'char/ /gtsang dang 'dzem pa bral gyur nas/ /bshung ba lnga dang 'dod pa lnga/ /thig le bcud dang dngas mar bcas/ /thig le chen por 'dres pas na/ /mi 'gyur 'chi med tshe la gnas/ /rang rig bde ba chen po nyid/ /thog ma tha ma med par gnas/ /thig le rgyu ba rlung dang bcas/ /zag med dngas ma'i snying por thim/ /mngon shes lnga ldan zag pa med/ /dngas ma'i snying por lam mthar phyin/ /de nas gsang ba bshad bya ba/ /'khor dang mya ngan 'das pa dag /thabs dang shes rab kha sbyor ba'i/ /bden gnyis nyi zla'i khyad par las/ /ma lus thams cad gsal bar snang / /gang du thabs dang bral ba yi/ /gnas dang bde sdug btang snyoms dang / /longs spyod tshe dang kha dog dang / /bdag dang bdag gir zhen bcas pa'i/ /gzugs dang sgra dang dri dang ro/ /reg dang dran pa sna tshogs kyis/ /zhen dang 'ching ba'i rang bzhin gyis/ /rang bzhin bzhi ni gsal bar 'gyur/ /de las tha mal 'khor ba'i lam/ / thog ma med nas lus gnas pa'i/ /bde chen nam mkha'i snying po nyid/ /lus gnyis rtsa bcud ma lus pa/ /thabs dang shes rab sku gsungs thugs/ /srin bu 'khyugs pa'i yi ge ltar/ /dbang po gnyis dang 'brel te gnas/ / thabs dang man ngag ldan pa yis/ /rgyal rigs rje'u dang bram ze dang / /dmangs rigs tshos ma gar mkhan ma/ /rdol ma nyo tshong ma nyid dang / /ma dang sgyug mo sring mo dang / /mthar sgeg lus 'tshong ma la sogs/ /dngos grub skye ba'i zhing du bshad/ /bcu gnyis bcu bzhi bcu drug dang / /bcwa brgyad bcud ldan rab yin te/ /nyi shu la sogs 'bring du bshad/ /rtsa lnga tha ma'i tshad yin te/ /gzhan la dngos grub med par gsungs/ /las dang bya ba ma lus pa/ / cho ga'i sbyor ba rab tu brtsam/ /gnas pa 'byung ba'i bcud bzhi la/ /'byung bzhi gsal rkyen gang phrad pas/ /nyi zla 'dres pa'i gar thabs las/ /lhan cig skyes pa gsum gcig las/ /nyams su ye shes lnga shar ba/ / ma lus bde ba chen por 'gyur/ /gnas bzhi rtsa bcud thig le las/ /thabs dang shes rab gnyis med pa'i/ /phyag rgya bzhir ldan mnyam sbyor bas/ /dngas snyigs rlung gis ngos bzung nas/ /dngos po lhan cig skyes pa dag / bdag po gdung can sbyar ba yi/ /'phro 'du btang dang bzung ba dang / /bzlog pas nyi zla dbyer med myong / /dang po 'jug pa la sogs nas/ /rdo rje 'chang chen gsang bdag par/ /lam lnga sems lnga mthar phyin pas/ /stobs kyi khyad par gsal bar 'gyur/ /thabs dang shes rab gnyis med pa'i/ /'og min nam mkha'i shar sgo nas/ /nyi zla dus gcig shar ba la/ /dus tshod gza' yis gang bzung ba/ /nyin mtshan med pa'i ye shes nyid/ /'phen pa rlung gi sbyor bas 'byung / /rnal 'byor rig pas snang ba yi/ /khyab pa nam mkha'i 'jig rten na/ /bde chen mdzes pa'i me tog la/ /bcud kyis khyad par gang gnas pa/ /thabs dang shes rab 'brel ba yi/ /shes dang byu ru'i bung bsdus nas/ /rnal 'byor bcud kyis rgyas 'gyur nas/ /bcu gsum sa la lhun gyis grub/ /'khyud pa'i gar thabs las byung ba'i/ /bde ba chen po mi rtog pa/ /skad cig cha las byung ba yi/ /zag med ye shes snying po ste/ /ma lus dngas ma'i blo snang ba/ /zhen bral stong rtog mi gnas pa/ /dngos po lhan cig skyes pa ste/ /ma lus khyab par gnas pa yin/ /'du shes zad pa'i rang bzhin te/ /skye dang 'grib pa'i thig le nyid/ /bcwa lnga rdzogs pa'i tha ma nyid/ /sbyor ba kun zad stong pa'i ngang / /de nyid byin brlabs las gyur pa/ /phyogs dus snod bcud ngo bo nyid/ /thig le rdul bral zhen pa med/ /sgyu ma gzugs brnyan brag cha sogs/ /ma lus bde chen rang bzhin du/ /thun mong dran rtog rang 'gags nas/ /bde chen sgyu ma mngon sum snang / /bde ba chen po'i sku gsung thugs/ /bcud lnga zhu ba'i ye shes ro/ /thams cad rtse gcig dran pa nyid/ /dbyer med thabs dang shes rab ste/ /dran pa gcig tu myong ba nyid/ /thabs dang shes rab 'brel ba yis/ /sa ya bcu gsum grangs med pa'i/ /thig le bde ba nyid snang ba/ /rang rang ma 'dres thig le la/ /sku gsung thugs dang dran pa dang / /ye shes lnga'i rgyas btab ste/ /ma lus thig le'i tshogs su snang / /rang 'byung bde chen rig pa'i lha/ /gcig dang grangs las 'das pa yang / /nyi zla gnyis kyi gdan la bzhugs/ /khyab pa thig le'i gur nang nas/ /bzhugs nas bdag po rten bdag can/ /rtsa bcud 'brel ba'i rgyan dang bcas/ /ka ba gsum dang pho brang bzhi/ /lde mig gnyis la 'byed pa bzhi/ /sgo bzhi phye bas gzhal yas khang / /lha dang bcas pa mngon du 'gyur/ /dgon pa dur khrod ldan pa yi/ /gsang ba'i 'og min 'bar ba nyid/ /rim pa phyi nang bar ldan par/ /nyi zla pad ma'i gdan stengs nas/ /dus gsum thig ler ro gcig pa'o/ /bde chen gnyis su med par bzhugs/ /thabs dang shes rab dbyer med pa'i/ /tshom bu'i tshogs kyang de bzhin te/ /thun mong dam tshig ting 'dzin dang / /byang chub shes rab snying rje lnga/ /gzhan du thabs dang shes rab dang / /spyad dang glu gar rgyan dang bcas/ / ma spangs rol par longs spyod pas/ /ye shes nyi zla rgyun 'char ba/ /rlung sems ye shes bcas pa nyid/ /rgyu ba med pas zag pa bral/ /nam mkha'i mthar thug bar nyid du/ /zag med bde ba rgyun mi 'chad/ /de nyid tshad med dkyil 'khor te/ /bde chen mngon du gang bar snang / /de dag lam la zhugs pa yi/ /phyi nang gsang ba ma lus pa'i/ /spyod pa'i khyad par thams cad kun/ /'dir ni rgyas par bstan pa yin/ /thabs dang shes rab ldan gyur pas/ /phyi nang gsang ba la sogs pa/ /skabs la bab pa'i rnal 'byor pa/ /gang yang rung bas spyod par bya/ /dang po rtogs nas mthar thugs pa'i/ /phyi nang gsang ba'i lam spyod la/ /spyad bya yul zhes gang 'dod de/ /thams cad blang dor med par spyod/ /thabs kyi lta spyod ting 'dzin gyis/ /pad ma la ni 'dam bzhin nam/ /mun snang gser 'gyur thabs bzhin du/ /thabs la mkhas pas spyad par bya/ /skyes mchog thabs dang ldan pa yis/ /zhing dang spyod yul dag pa la/ /chags bral bde bar gang spyad pas/ /nam mkha'i dbying kyi longs spyod la/ /bde ba chen por longs spyod cing / /lhun gyis grub pa'i bdag por 'gyur/ /gang dag thabs dang mi ldan zhing / /don med lam la ma 'brel bar/ /sgra dang tshig la brten pa yis/ /gsang ba'i spyod pa gang brtsams pa/ /gang bsgrubs snang bar mi 'gyur gyi/ /nus med g.yul du zhugs pa ltar/ /bdag gzhan gnyis ka brlag pa dang / /mthong ba'i chos la sdug bsngal zhing / /ngan 'gro log pa'i gnas su 'gyur/ /rdo rje sems dpa' sgyu 'phrul dra ba gsang ba me long gi rgyud chen po las spyod pa rgyas par bshad pa'i le'u ste lnga ba'o// // de nas gzhan yang bshad bya ba/ /rang bzhin ting 'dzin gzugs brnyan dang / /lhag gnyis ting 'dzin gzugs brnyan dang / /byang chub sems dang tshogs nyid kyi/ /dkyil 'khor don ni bshad par bya/ /gang phyir dbang yul rnam shes kun/ /gzhan snang tha dad ma yin pa'i/ /ma lus rang rig byang chub sems/ /ma bcos rang bzhin 'od gsal ba/ /ma lus kun gyi snying po ste/ /phyogs bcu 'das dang ma byon pa'i/ /rgyal ba rnams kyi rang bzhin yin/ /'khor dang mya ngan 'das pa yi/ /chos rnams ma lus thams cad kun/ /sna tshogs rang bzhin dbyer med pa/ /de nyid rang bzhin chos sku yin/ /de nyid 'jig rten brtan g.yo ste/ /ji ltar snang grags thams cad kun/ /nges pa'i rang bzhin bzhi bcu gnyis/ /rang bzhin longs spyod rdzogs skur bshad/ /de nyid phyag rgya sna tshogs te/ /kun du sku dang gsung dang thugs/ /yon tan phrin las bsam yas mchog /rang bzhin sprul sku bsam mi khyab/ /ji snyed 'gro ba ma lus gyi/ /lus can snying la gang gnas pa'i/ /rang byung zag med ye shes gzugs/ /mi shigs thig le bde chen po/ /nam mkha' lta bur kun khyab pa/ /mi gnas chos sku rang bzhin yin/ /de nyid rtsa ba'i rang bzhin las/ /ma lus snod bcud rang bzhin can/ /rtog pa ma lus dkyil 'khor te/ /longs spyod rdzogs pa'i rang bzhin nyid/ /de nyid thig le phra rags par/ /snang ba'i mdzad pa bsam mi khyab/ /de yis de 'dul snang ba'i rgyu/ /sprul pa rang bzhin zhes bshad do/ / gang 'dir phung po 'byung ba dang / /rnam shes dbang po yul dus dang / /nyon mongs rtag chad yid chos bcas/ /gang la mngon par mi snang yang / /rang bzhin ma bcos dkyil 'khor te/ /kun la khyab par snang ba yin/ /rang snying dngas ma lngar ldan pa/ /dngas ma'i phung po 'byung ba dang / /dbang po yul du bcas pa yi/ /rtsa bcud thig ler bcas pa nyid/ /sku gsung thugs su rang snang ba/ /ma lus kun la rgyas btab bo/ /bcud 'dus thig le chen po nyid/ /nyi zla 'dres pa'i rang bzhin nyid/ /bde ba'i thig le rang snang ba/ /ma lus 'dus pa'i tshul dag gis/ /thabs kyis mngon du gyur na yang / /gnyis med thig le bde ba'i ro/ /'gro ba kun la rang bzhin snang / /de dag yab yum sku gsung thugs/ /rtsa bcud thig ler bcas pa nyid/ /'du 'bral med par ye gnas pa'o/ /gang phyir rgyal ba thams cad kyi/ /zag med ye shes rang snang ba/ /dpag med yon tan rgya mtsho nyid/ /ye shes 'og min pho brang ste/ /zag med yon tan rgyan ldan pa'i/ /'khor lo 'bar ba'i pho brang dbus/ /mi 'jigs phung po'i gdan stengs na/ / bdag po kun bzang 'khor lo bskor/ /bka' sdod skyes bu mdun na gnas/ /gzhan yang rgyal ba rgya mtsho'i tshogs/ /sku gsung thugs dang yon tan las/ /rang rang rigs lnga gang gyur pa'i/ /rnam thar dbu dang ye shes phyag /so so'i bzhugs tshul ldan pa yis/ /mdun rgyab phyogs bcur 'khod pa nyid/ /yab yum 'brel pa'i tshul gyis gnas/ /rang byung ma bsgribs ye shes phyir/ /zag med tshogs gnyis las byung ba'i/ /nam mkha'i khams dang rgya mnyam pa'i/ / 'jig rten grangs med rdul dang bcas/ /bkod pa phun sum tshogs par gnas/ /gang de zag med ye shes kyi/ /phyag dang zhal dang thabs ldan pas/ /zhal mthong rigs la dbang bsgyur bas/ /rdo rje 'dzin pa chen por gyur/ /rgyal ba de dag ma lus pa'i/ /gsung mchog brjod du med pa nyid/ /nam mkha'i dbyings kyis mthar thug pa/ /brda' dang don dang byin rlabs dang / /gsang ba la sogs ci rigs par/ /dam pa'i chos sgra rgya mtsho sgrogs/ /zag med ye shes rgya mtsho yi/ /byin brlabs cho 'phrul mngon shar ba/ /a A/ i I/ u U/ e ai/ o au/ ri rI/ li lI/ a~M aH ka kha ga g+ha nga / tsa cha dza dz+ha nya/ ta tha da d+ha na/ Ta Tha Da D+ha Na/ pa pha ba b+ha ma/ ya ra la wa/ sha Sha sa ha/ k+Sha/ 'di dag rab tu phyung ba yis/ /phyogs bcu 'jig rten khams bcas pa'i/ /nam mkha'i dbyings dang rgya mtsho dang / /'khor ra yug dang lhun po dang / /'bab chu lteng ka mtshe'u bcas/ /de na gnas pa'i 'gro ba rnams/ /rang rang longs spyod bde sdug bcas/ / phyi nang snod bcud bcas pa rnams/ /ma lus g.yo zhing ldeg par byed/ /sgra bo che yang sgrogs par byed/ /de dag sbyangs nas mi gnas par/ /gsung gi ngo bor byin rlabs te/ /de dag stong nyid la thim pas/ /ma lus stong pa nyid du 'gyur/ / a ni stong dang mi stong gi/ dbu ma dmigs su 'ang yod ma yin/ /ji snyed snang grags chos rnams kun/ /yi ge phreng ba nyid la gnas/ /gang phyir de yi rang bzhin yang / /rang bzhin cho 'phrul ting 'dzin dang / /gsang ba bris par gang snang ba/ / rig pa'i khyad par snang ba yin/ /rtsa ba dang ni rgyan zhes dang / /lha yi yi ge mngon snang bas/ /rang bzhin sku gsung thugs nyid de/ /khyab pa'i tshul gyis ma lus snang / /gang du thugs rje byin brlabs dang / /ting 'dzin rig pa'i cho 'phrul te/ /rang rang khyad par mngon snang yin/ /'di dag rang bzhin sna tshogs pa/ /gang du ji ltar gnas pa kun/ /yi ger ma gyur med par gnas/ /rgyal ba sangs rgyas thams cad kyi/ /ye shes rgya mtsho'i gsang ba'i thugs/ /mthar thugs med pa'i nam mkha' bzhin/ /zag med rgyas pas kun khyab can/ /shes bya'i dkyil 'khor mtha' yas pa/ /gcig dang du ma med tshul gyis/ /ye shes ma bsgribs gsal ba yis/ /nam mkha'i dbyings ltar gsal mkhyen pa/ / dus gsum chos dang 'gro ba dang / /zhing khams rgyal ba dpag med dang / /ri dang rgya mtsho rdul bcas pa/ /snga phyi ma bsgribs da lta nyid/ /me long lta bu'i mngon du snang / /dpal ldan nam mkha'i dkyil 'khor du/ /ye shes lnga yis kun khyab can/ /kun mkhyen stobs bcu mtha' thug med/ / nam mkha'i dbang phyug bde chen po/ /mngon shes rgya mtsho pha rol byon/ /shes bya'i dkyil 'khor thams cad kun/ /sad dang sangs pa'i bdag nyid can/ /thog ma tha ma med pa'i bdag /bde ba chen po sgyu ma nyid/ /rang byung thugs las gzhan pa min/ /'di ni rgyal ba thams cad kyi/ / sku gsung thugs kyi rang bzhin te/ /gdul bya gang gi ngo dag tu/ /sna tshogs mngon par 'phrul ba yin/ /gang du 'khro gtum gdug ldan pa'i/ /srid gsum dregs pa'i bdag po dag /thugs rjes khros pas gdul ba'i phyir/ /khro bo'i de bzhin gshegs par mdzad/ /sku ni ri rab lta bu nyid/ /zhabs dang phyag ni rdul rnyed de/ /gang de gdul ba'i khyad par gyis/ /zhal gsum phyag drug zhabs bzhi dang / /dbu dgu bcwo brgyad phyag la sogs/ /nyi shu rtsa gcig dbu la sogs/ /de bzhin g.yo rdul mi g.yo ba'i/ /phyag zhabs zhal yang de bskyed de/ /mtshon cha sna tshogs 'dzin pa des/ /ji snyed phyogs bcu 'jig rten du/ /cho 'phrul bzhi la sogs pa yi/ /mdzad pa'i gar thabs sna tshogs kyis/ /dregs pa che dang dbang phyug dang / / tshangs pa khyab 'jug brgya byin dang / /dri za gshin rje gnod sbyin bcas/ /gdug pa'i nga rgyal rgyu 'bras can/ /rgyu 'bras rtsad nas bcad pa'i phyir/ /ma lus pa dag ma btang bar/ /nga rgyal khro gtum zhum pa yis/ /ji skad smras kyang rang rang gi/ nyon mongs rgya mtsho ma skams par/ /thugs rje zhe la mnan tshul gyis/ /de dag mngon du btul bar mdzad/ /la lar dpal chen khrag 'thung nyid/ /la lar rdo rje khrag 'thung nyid/ /la lar rin chen khrag 'thung ste/ / la lar pad ma de bzhin gshegs/ /la lar sna tshogs las su bcas/ /rang rang btsun mo'i tshogs dang 'khril/ /rigs kyi mtshon cha sna tshogs 'dzin/ /mdog dang cha lugs de bzhin te/ /de bzhin sras dang bka' nyan dang / /pho nya yang sprul la sogs pa/ /rdo rje ba spu bu ga nas/ /pho nya bye ba drug bcu dag /phyogs bcu kun du rgyas bkye ste/ /nam mkha'i khams dang mnyam pa yi/ /gdug pa'i tshogs ni de dag kun/ /ma lus dus gcig btul nas ni/ / phyir mi ldog pa'i sa la bkod/ /de dag gsung yang sna tshogs te/ /sprul pa 'gyed pas gsung gcig tu/ khams gsum sgra yis gang bar mdzad/ /hU~M hU~M hU~M bi shwa kro d+ha dz+wa lA maN+Da la phaT phaT phaT/ ha la ha la ha la hU~M phaT/ phaT phaT phaT/ trata trata trata/ kro Ta kro Ta kro Ta/ ha la ha la ha la/ hu lu hu lu hu lu/ tiSh+Tha tiSh+Tha tiSh+Tha/ ban+d+ha ban+d+ha ban+d+ha/ da ha da ha da ha/ gr-ih+Na gr-ih+Na gr-ih+Na/ pa tsa pa tsa pa tsa/ ts+tshin+da ts+tshin+da ts+tshin+da/ gardza gardza gardza/ hU~M hU~M hU~M/ b+h+yo b+h+yo b+h+yo/ phaT dz+wa la ra~M/ zhes pa'i sgra yis thams cad gang / /ji srid nam mkha'i mthar thug par/ /ri dang gling dang rgya mtshor bcas/ /'khor yug stong gsum 'jig rten bcas/ /ma lus g.yo zhing sgras bkang ste/ /gdug pa'i tshogs de 'khor bcas pa/ /gang gi dbang du ma btang bar/ /gdug pa dus gcig btul bar mdzad/ /de tshe de yi 'khor g.yog kyang / /zhum pas smras shing gsol btab nas/ /rang snying phul nas dam mnos te/ /dmod btsugs rang gi lam la bzhag /'bar ba'i dkyil 'khor de dag kyang / /la lar gti mug rmugs par mdzad/ /la lar chags la chags chen po/ /la lar g.yem la g.yem par ston/ /sdang la drag shul spyod pa ste/ /nga rgyal can la ri bos gnon/ /zhi las slong dang zhi ba nyid/ /gsal dang zhe la gnon pa dang / /chags khro dang ni sdang khro dang / /rmongs khro gnon khro la sogs pas/ /bskal pa zhing gis rdul snyed du/ /rang gi mkhyen pa'i ye shes kyis/ /gdul ba'i thabs ni sna tshogs su/ /sgyu 'phrul dra ba mngon rdzogs pa'i/ / thugs kyi sprul pa snang bar mdzad/ /gang phyir spros med goms pa nyid/ /de nyid ting 'dzin dkyil 'khor te/ /phyi nang snod bcud ma lus pa/ /ji snyed phyogs bcur gnas pa kun/ /rang rig rgyal por gnas pa nyid/ /'di nyid pho mo ma ning dang / / mtshan med la sogs gang yang min/ /dngos dang dngos med las 'das pa'i/ /de bzhin nyid dbyings ye shes te/ /rig pa skye ba med pa'i ngang / /'di nyid gsal bar bsgom par bya/ /oM d+harma d+hA tu swa b+hA ba At+ma kou0f85ha~M/ skyes dang ma skyes la sogs pa'i/ / tha snyad ming la mi gnas shing / /blo yi sbyor ba las 'das pas/ /'di ni de bzhin nyid ces bshad/ /'di la rim pa med pa ste/ /skyes bu mchog gi yul du gsungs/ /ma lus rang rig rdo rje nyid/ /khyab pa'i tshul gyis nam mkha' ste/ / rnam dag rang bzhin 'od gsal ba/ /dam pa'i ting 'dzin chen po nyid/ /gang gis ma lus mngon gsal nas/ /phyi nang chos rnams thams cad kun/ /goms nas spros med de bzhin nyid/ /de dag ting 'dzin thun mong nyid/ /mi shigs thig le dngas ma'i bdag /bzhi 'dus lnga bdag gnyis su med/ /rtsa bcud thig ler bcas pa nyid/ /thabs dang bcas pa'i ting 'dzin gyis/ /ye shes lnga yi ro dang bcas/ /bde chen skye ba med pa'i don/ /zag med khyab pa mngon du smin/ / ye shes nas mkha'i gzugs can nyid/ /phyi nang med pa'i rang byung ste/ /gsal dang bde ba'i rang bzhin can/ /thabs dang thig les dbang bsgyur nas/ /lus can kun la gsal bar skye/ /gnas bzhi 'byung ba'i dngas ma nyid/ /rten can brten par bcas pa nyid/ /rang 'byung thig le bde ba nyid/ /phyogs cha med par gsal khyab pas/ /bde ba chen po'i lus su 'gyur/ /rang byung snying po dngas ma'i lus/ /'byung ba zag med snying por thim/ /thig le spros pa med pa ste/ /thams cad ma lus khyab par snang / /rang lus rtsa bcud phyi nang kun/ /snyigs ma dngas mar smin byas te/ /dngas ma ye shes snying por gsal/ /de nyid rgyu ba med pa yi/ /rang 'byung thig le spros pa med/ /dngas ma zag med stobs las snang / / gang phyir skyes dang sprul pa dang / /brtags pa'i gzungs ma las byung ba/ /dbang po gnyis ni bsrubs pa las/ /skad cig bcu drug mtha' yi tshe/ /nyi zla 'dres pa'i gar thabs las/ /dngos po lhan cig skyes pa gsal/ / sems lnga rdzogs pa'i snying po nyid/ / brjod med rang snang bstan pa nyid/ /ma lus sku gsung thugs gnas pa/ /'khyud pa'i gar gsum bsdam pa yis/ /gnas dang 'byung ba ma lus pa/ /rang rig ye shes gzugs su snang / / thabs dang shes rab dbyer med pa'i/ /byang chub sems kyi thig le ste/ /rten dang brten par bcas pa nyid/ /rang nyid gsal bar byin brlabs nas/ /ji ltar snang srid chos thams cad/ /lhan cig skyes pa'i ngo bor gsal/ /ma lus bde ba chen po'i rigs/ /dam pa'i sbyor ba snang bar 'gyur/ /'di ni phyi nang gsang ba yi/ /ting 'dzin dkyil 'khor nyid du bshad/ /gang phyir mtshan ma'i rnal 'byor bas/ /dngos dang dngos med rnam spangs pa'i/ /rang rig skye med de bzhin nyid/ /ma bcos rang rig 'od gsal ba/ /de bzhin nyid de dang por bsgom/ /de nas snying rje nam mkha' ltar/ /gsal la stong pa'i rnal 'byor bsgom/ /yang na sgyu ma brag cha dang / /chu zla'i tshul du bsgom par bya/ /de nas rang nyid yi ge nyid/ /gsal la brtan zhing goms pa yis/ /ma dag pa ni sbyang byas te/ /dag pa'i mkha' lnga bsam par bya/ /e ya~M ba~M su la~M/ /sa chu me rlung nam mkha' dag /rig pa rang snang tshul du bsgom/ /de dbus rin chen khang pa dag /mdzes pa'i tshul dang ldan pa ste/ /rtsibs bzhi 'khor lo lte bar bcas/ /mu khyud zlum po thog mtha' med/ /gru chad blo 'bur bar khyams dang / /sgo bzhi rta babs them skas dang / /lnga brtseg pha gu dra phyed dang / /'dod yon ka ba za ra tshags/ /mi sgrib gsal ba'i rgyan dang ldan/ /mi 'jig la sogs lnga dbus gdan/ /nyi zla pad ma la sogs pa/ /lnga dang gsum dang bzhi gcig go/ rim pa 'tsham pa'i gdan stengs su/ /sa bon cho ga las byung ba/ /gtso gzungs mthing ga rdo rje 'dzin/ /'khril sbyor 'dzum pa'i byin brlabs te/ /dbang bskur cho ga lnga ldan pas/ /sbyor bskul sras bskyed so sor dgod/ /chos dbyings dkar po 'khor lo 'dzin/ /mnyam nyid rin chen ser po lho/ /sor rtog pad ma dmar po nub/ /bya grub ral gri ljang khu byang / /btsun mo rigs 'thun dril 'dzin 'khyil/ /'khor lo'i rtsibs mtshan shar lho nas/ /sa snying dkar po myu gu 'dzin/ /sgeg mo dung mdog me long 'khril/ /nam snying sngon po ral gri 'dzin/ /phreng 'dzin mA le nam mkha' mdog /spyan ras le brgan pad ma dkar/ /gI ti pi wang dmar mo mdog /rdor 'dzin ljang gu las kyi rigs/ /phyag gnyis brkyang nas gar mdzad ljang / /gru chad bzhi la rim pa bzhin/ /byams pa dkar ser klu shing 'dzin/ /sgrib sel dmar ser glegs bam bsnams/ /kun bzang dmar ljang rin chen snye/ /'jam dpal dkar ljang uta pal bsnams/ /btsun mo rigs dang 'thun pa ste/ /spos dang mar me me tog dri/ /'khril zhing 'dud pa tshul bzhin bzhugs/ /sgo bzhir rim pa ji bzhin du/ /stobs chen gshin rje gshed po dang / / rta mgrin bdud rtsi 'khyil pa bzhi/ /lcags kyu zhags pa lcag sgrog dril/ /mthing nag ser nag dmar nag dang / /ljang nag rdo rje thod dbyug dang / /thod sprul rdo rje rgya gram dang / /yum yang so so'i phyag mtshan bcas/ /sgo bzhir rngam tshul 'khril sbyor bzhugs/ /khyams kyi mdun dang rgyab tu ni/ /kun bzang yab yum nam mkha'i mdog /phyag rgya ma nges sna tshogs te/ /mnyam bzhag ye shes 'phro ba'i steng / /rdo rje dril bu'i mtshan pa'o/ /thub drug dkar ser mthing ga dang / /dmar nag ser nag dud ka ste/ /phyogs bzhi steng 'og shar nub tshul/ /pi wang go cha sog par sgrom/ /po ti me chur shes par bya/ /mi bskyod byed po la sogs pa/ /rdo rje 'chang bas rnam par brgyan/ /gzhan dag rang rang gis yin te/ /ya mAn+ta kr-ita rtag pa'o/ /thub drug kun bzang brgyan pa nyid/ /sku gsung thugs 'bar byin brlabs ldan/ /rdo rje 'phro 'du snying por ldan/ /cho ga'i rim pa shes par bya/ /dngas ma bcud ldan ye shes nyid/ /ma bcos de bzhin nyid yin te/ /ye shes nam mkha'i ngang dang 'brel/ /kun la khyab pa'i snying rje yis/ /khyab byed bde ba'i snying po nyid/ /tha mal rtog pa gang dag nas/ /bde ba chen por byin gyis rlob/ /'byung lnga dngas ma'i snying po nyid/ /thams cad 'byung ba'i rgyu yin te/ /d+harma tsakra chos kyi dbyings/ / mi shigs thig le kun gyi gnas/ /nus pa'i khyad par phra rags bzhi/ /thig le'i gzugs dang tshor ba dang / /'du shes 'du byed rnam shes nyid/ /ye shes lnga yi rang bzhin nyid/ /rgyal po lnga ru bshad pa yin/ /'byung lnga dngas mar bcas pa ni/ /dgyes pa bskyed phyir btsun mo ste/ /mig sogs bde ba'i rnam shes dang / /de yi ngo bo yul bcas ni/ /gnas pa rtsa bcud thig ler bcas/ /nang gi sems dpa' yab yum nyid/ /so so'i rtsa bcud gnas pa'i rten/ /dbang po dus bzhir bcas pa nyid/ /phyi yi sems dbar bshad pa ni/ /gnas dang dus kyis phye phyir ro/ /gang de dngas mas bskyed pa yis/ /lus kyi chos bzhi rtag chad bcas/ /sgo bzhi yab yum shes par bya/ /bde chen yid chos rang rig nyid/ /kun bzang ro yi bde ba nyid/ /nyon mongs drug gi yul rnams su/ /sprul pa'i thig ler rang shar ba'o/ /'dul ba bzhi yis don mdzad pa/ /sprul pa'i mdzad pa bsam mi khyab/ /kun kyang dngas ma'i rang bzhin las/ / ye shes lnga yi ro ldan pa/ /gnas dang ngo bo lngas brgyan pa/ /ye shes lnga yis rgyas btab pa'o/ /sa bon sku ste yi ge gsung / /bde thugs sku gsung dkyil 'khor ldan/ /'phro 'du rtsa ba'i thig ler bcas/ /ma lus kun la 'di gnas pas/ / yan lag nyid du 'di shes bya/ /stong nyid rdo rje la sogs pa/ /sngon byas rang rgyud med pa yi/ /rigs brtags gzungs ma blang bar bya/ /rang rgyud sgo gsum dag byas pa/ /lha yi rnal 'byor lus su bya/ /rdo rje snying po ge sar nyid/ /phrang ba sa dang gsher ba chu/ /drod me bskyod pa rlung nyid de/ /bde ba'i dngas ma nam mkha' nyid/ /b+h+ru~M dbyings b+ha ga bde ba'i gnas/ /sna tshogs 'dus pa'i gzhal yas khang / /nyi zla pad ma nus pa'i gdan/ /che ba'i yon tan rdzogs par ldan/ /thabs dang shes rab 'brel ba'i ro/ /lnga phung 'byung lnga dag pa yi/ /rang bzhin de dang mnyam sbyar bas/ /ye shes phra rags gnyis su med/ /thabs dang shes rab 'brel ba yi/ /dbang po yul dus rnam shes bcas/ /rang rang bde bar skyes pa'i lha/ /lhan cig skyes pa'i ye shes nyid/ /thabs dang shes rab gnyis med cing / /rgyu ba'i rlung la dbang thob nas/ /thabs lam bde ba'i gnyer dag gis/ /brtags pa rang gi rtog pa zlog /dngos po rnams kyi ngo bo la/ /bzlog bya ngas kyang ma dmigs so/ / bde ba'i thig le sa bon la/ /thabs bzhi rlung gi gar thabs kyis/ /dga' ba'i tshad ldan nus pa bcas/ /dngos 'di lhan cig skyes par brtan/ /bde ba'i phyag rgya chen po ni/ /phyi nang snod bcud ma lus pa/ /bde ba chen por ro gcig phyir/ /ma lus lhan cig skyes par gnas/ /bcud 'dus bde ba'i thig le ni/ /yon tan kun gyi ngo bo bas/ /che ba'i yon tan kun rdzogs pas/ /sangs rgyas kun gyi ngo bor gnas/ /de nas rgyal po rdo rje 'chang / /rgyal ba kun gyi rgyal po yis/ /ma lus lhag pa'i lhar brlab phyir/ /gsung gi snying po brjod par mdzad/ /b+h+ru~M bi shwa bi shud+d+he/ hU~M badzra d+h+rika /oM dzI na dzika /swA~M rat+na d+h+rika /a~MHA ro lig /ha~M pra dz+nyA d+h+rika /mu~M d+hA twI shwa rI/ lA~M dwe Sha ra ti/ mA~M mo ha ra ti/ pyA~M rA gra ra ti/ tA~M badzra ra ti/ k+ShI~M ha ha rA dza ya/ trA~M A gar+b+ha ya/ hrI ha hU~M pad+ma pad+ma/ dzI~M ku ru pA NI hriH hU~M lA s+ye sa ma ya s+t+wa~M/ trA~M mA l+ye sa ma ya hoH hrI gI tI rA gou0f85ha~M/ a nr-i t+ye rA ga yA mye/ me+e d+ha ra Ne swA hA/ th+l+hi~M ni s+sa ra~M b+ha ya swA hA/ hU~M sa rA dzA ya swA hA/ mu~M shrI a ra~M gA ya swA hA/ dzaHd+hU pa pra be sha /hU~M puSh+pa a be sha /ba~M dI pa su khi ni/ ho gan+d+he tsit+ta/ hU~M ya mAn+ta kr-ita dzaHphaT/ hU~M big+h+nAn ta kr-ita hU~M phaT/ hU~M pad+ma n+ta kr-ita ba~M phaT/ hU~M pra dz+nyAn+ta kr-ita hoHphaT/ oM ma hA badzra d+ha ra ma hA kro d+hI shwa ri dz+wa la nI phaT/ oM ma hA rat+na d+ha ra ma hA kro d+hi shwa ri dz+wa la nI phaT/ oM ma hA pad+ma d+hA ra ma hA kro d+hI shwa ri dz+wa la nI phaT/ oM ma hA karma d+ha ra ma hA kro d+hI shwa ri dz+wa la nI phaT/ hU~M hU~M hU~M badzra tsit+ta hU~M/ a a a badzra b+ha dra sa man+ta oM/ oM mu ne kri~M swA hA/ oM mu ne hU~M dru~M swAhA/ oM mu ne sru~M swA hA/ oM mu ne bra~M swA hA/ oM mu ne sha~M swA hA/ oM mu ne ye swA hA/ oM e h+ye hi b+ha ga bAn/ ma hA ku ru NI ka tr-i sh+ya ho/ /sa ma ya s+t+wa~M/ dzaHhU~M ba~M hoH oM AHhU~M swA hA/ ba ba ba ba ba/ dzra dzra dzra dzra dzra/ sa sa sa sa sa/ ma ma ma ma ma/ ya ya ya ya ya/ oM AHhU~M swA hA/ oM sgyu 'phrul dra ba gnyis med pa'i/ /gsang ba zab mo sku gsung thugs/ /gdod nas bdag dang dbyer med pa'i/ /da ltar nyid du dbyer med shog /oM badzra sa ma ya hU~M/ oM badzra sa ma ya s+t+wa~M/ oM badzra sa ma ya hoH dzaHhU~M ba~M hoH zhes brjod pas/ sna tshogs dkyil 'khor mdzes pa dag /gnyis med ro gcig 'dres nas kyang / /stong gsum dkyil 'khor gsal bar 'gyur/ /oM AHhU~M swA hA/ mu~M mA~M lA~M pA~M tA~M/ hU~M hU~M hU~M hU~M/ trA~M trA~M trA~M trA~M/ d+h+ri d+h+ri d+h+ri d+h+ri/ AHAHAHAH/ hU~M hU~M hU~M hU~M hU~M hU~M hU~M hU~M hU~M hUM hU~M hU~M hU~M hU~M hU~M hU~M hU~M hU~M hU~M hU~M/ dzaHhU~M ba~M hoHrab ldan pas/ /gtso bo lnga dang gtso mo lnga/ /'brel pa sum cu rtsa gnyis dang / /rdo rje khro bo khro mo dang / /sgo bzhi rab 'byam la sogs pa/ /dkyil 'khor rgyas par snang bar mdzad/ /'khor lo nyis rtseg rtsibs su bcas/ /khyams dang sgor bcas lha yi rim/ /rang rang phyag mtshan gdan dang bcas/ /bzhugs thabs tshul bzhin gnas pa'o/ /de nas rgyal ba de dag gi/ dkyil 'khor chen po de dag la/ /dbang bskur byin brlabs bya ba'i phyir/ /gsang ba'i sngags ni gsung bar mdzad/ /oM ma hA shU n+ya tA dz+nyA na badzra swA b+hA ba At+ma kou0f85ha~M/ oM ma hA A daR+sha dz+nyA na badzra swa b+hA ba At+ma kou0f85ha~M/ oM ma hA pra t+yA bek+Sha NA dz+nyA na badzra swa b+hA ba At+ma kou0f85ha~M/ oM ma hA sa man+ta dz+nyA na badzra swa b+hA ba At +ma kou0f85ha~M/ oM ma hA kr-i t+ya a nuSh+ThA na badzra swa b+hA ba At+ma kou0f85ha~M/ oM sarba ta thA ga ta ma hA kA ya badzra swa b+hA ba At+ma kou0f85ha~M/ oM sarba ta thA ga ta ma hA wA ka badzra swa b+hA ba At+ma kou0f85ha~M/ oM sarba ta thA ga ta ma hA tsit+ta badzra swa b+hA ba At+ma kou0f85ha~M/ oM sarba ta thA ga ta ma hA a nu rA ga badzra swa b+hA ba At+ma kou0f85ha~M/ oM sarba ta thA ga ta ma hA pU dza badzra swa b+hA ba At+ma kou0f85ha~M/ zhes brjod ye shes sku gsung thugs/ /rtse gcig thim par gsal bar 'gyur/ /tsit+ta 'og min 'bar ba'i gnas/ /rin chen 'bar ba rdzogs pa'i mdzod/ / mi shigs thig le za ma tog /rgyal ba kun gyi bzhugs pa'i gnas/ /tsit+ta'i khams lnga'i snying po la/ /bde ba'i thig le phra rags nyid/ /ye shes lnga yi bdag nyid du/ /gsang ba 'dzin pa'i rgyal por brjod/ /gang de dngas ma ye shes lnga/ / gang du mi phyed rdo rjer gsal/ /dug lnga ye shes bskyed pa dang / /btsun mo dga' bde'i ngo bor brjod/ khams lnga 'dus pa'i ye shes nyid/ /rang 'byung ye shes bde ba'i thugs/ /rnam shes bzhir bcas thig le nyid/ /thugs kyi sems dpa' nyid du bshad/ /de yis gang la dbang sgyur ba'i/ /yul bzhi thig le bde ba'i bcud/ /sgyu ma'i bde bar gang 'char ba/ /yul bzhi rim par bshad pa ste/ /dbang sgyur gnyis med gang yin pas/ /yab yum 'brel ba'i ngo bor bshad/ /rtsa bcud thig ler bcas pa'i rten/ /so so'i nus par bcas pa nyid/ /gang la de dbang de yi phyir/ /'di ni phyi yi rim par bshad/ /gang de khams lnga'i bde ba yis/ /mnyes dang thig le bkod pa dang / /nam mkha'i ye shes gsal ba dang / /de nyid khyab pa'i rang bzhin te/ /zag med bde ba'i rang bzhin gyis/ /phyogs bcu'i zhing khams mnyes par mdzad/ /dgug dang bcing dang mnyes dang gsal/ /thabs lam bcud du 'brel bar gsungs/ /gang de thabs chen gsal byas pas/ /lus kyi chos bzhi rtag chad spangs/ /bde ba'i thig le rang snang ba/ /ma lus 'joms la khro bo'o/ /bcud las 'das pa'i hU~M gsum nyid/ /byed pa bral ba'i ngo bo nyid/ /yul gsum bral bas chos kyi dbyings/ /ma lus rnam dag kun tu bzang / /dngas snyigs snying por 'brel pa yis/ /nyon mongs sa bon drug bcas pas/ /thig les btul nas bstan pa 'chang / /sprul pa'i sku ru bshad pa yin/ /kun kyang ye shes lnga yi ro/ /khyab par gnas pas rgyas btab cing / /snang srid bde chen sku gsung thugs/ /dran pa rtag tu gsal bzung ba'o/ /de nas gzhan yang bshad par bya/ /gsang rtse sna tshogs 'dus pa'i dbus/ /phyi nang rim pa'i dbu rtse can/ /ngo bo byin brlabs 'phags pa ste/ /yon tan byin brlabs kun gyi gnas/ /gsang ba'i pad+ma'i rang bzhin du/ /rdo rje gnyis med thig ler blta/ /nyi zla zil ba'i thig le nyid/ /phan tshun 'dres pa rlung gis phye/ /gsang ba'i khams lngas ye shes rol/ /snyigs ma'i phung po lnga dag nas/ /dngas ma lnga yi rang bzhin gsal/ /rgyal po de bzhin gshegs par gsal/ / gsang ba'i 'byung ba lngar bstan pa/ /dbang yul phrad pa'i skabs las shes/ /rigs mchog yum gyi phyag rgya lnga/ /snyigs ma bral ba'i dus na blta/ /thig le thugs kyi bde ba rnams/ /rang rang thig le bde bar gsal/ /ye shes rnam shes dngas ma rnams/ /bde ba chen po gsal bar shes/ /dam tshig bde ba'i chas kyis sgegs/ /sgo gsum 'brel cing thig ler chags/ /gang du bde ba'i sgra bsgrags te/ /bskyod cing 'phro ba'i gar gyis mnyes/ /thugs gang thig le brten pa'i gnas/ /gang yul bde bar dbang byed pa'i/ /rten dang bcas pa'i bde ba yis/ /rang rang thig le bskyed par byed/ /thabs dang shes rab gnyis med pa'i/ /thugs dang thig ler bcas pa nyid/ /dgug 'dzin 'khyud cing gnas pa dang / / thig le rlung dang stod smad bsdams/ /bskyod dang 'bebs pa'i thabs yin te/ /tshim dang thig le dor ba dang / /ye shes gsal bas bde sems rgyas/ /rim pa ji bzhin gsal bar brtags/ /gsang yul dbang po reg pa dang / /rnam shes gang yin ta krid de/ /bde ba'i rang bzhin ma skyes pas/ /rtag chad mtshan ma bdag med pa/ /sgo ma'i rang bzhin gsang ba'i sngags/ /shes skyob don phyir gsang ba'i sngags/ /shes pa gsum 'das sgrib zad pa/ /rang rig byed pa yid ces bya/ /rgyun gsum zad pa'i chos dbyings nyid/ /rtogs bya kun tu bzang mor bshad/ /'khor ba'i sa bon nyon mongs bcas/ /zil pa'i thig sngon lam bzhin du/ /thabs sbyor thig le'i 'phro 'du yis/ /gsang ba'i mdzad pa bcu gnyis ston/ /sa bon thig le ma skyes gzugs/ /bstan pa rim pa gsum du bstan/ /'dod pa'i yan lag sum brgya dang / /drug cu rtsa bzhi la sogs pas/ /tha mal zhen pa rang grol nas/ /rdo rje ze'u 'bru 'brel bskyod pas/ /rang 'bar thig le gzugs su chags/ /yab yum lnga phyi thabs kyis gzung / /nyi ma zla ba shar ba'i 'od/ /rtse nas rtse ru phyin pa yis/ /'khor ba'i mun pa kun bsal nas/ /ma lus lhan cig skyes par gsal/ /de nyid gsang bar shes par bya/ /rgyal ba'i dkyil 'khor ma lus ba/ /bzhi bcu rtsa lngar gnas pa yi/ /thugs kyi rang bzhin snying po nyid/ /rang rang mtshon pa'i rtags yin te/ /rgyas dang bsdus pa 'ang de bzhin du/ /rdo rje 'khor lo ral gri 'bar/ /dril bu pad+ma rin po che/ /rdo rje 'dzin pa'i rim bshad pa'o/ /gzhan gang gnas su rdo rje shes/ /dang po thugs dang g.yon 'khyud pa'o/ /rin chen myu gu ral gri 'bar/ /pad ma dkar po rdo rje che/ /ut+pal klu shing po ti snye/ /gzugs mdzes rin chen phreng ba dang / / pi wang gar sgyur pog me dang / /byug pa so so rim shes bya/ /nr-i mgo rdo rje thod rgya gram/ /lcags kyu zhags pa s+pho Ta hoH/ /'od 'phro mnyam bzhag rdo rje thal/ /ye shes rtse lnga chos khams dril/ /thugs la brtan pa nyid du gsungs/ / thub chen nges par phyag gnyis shes/ /seg par go mtshon pi wang brdab/ /sgrom stob po ti chos 'chad tshul/ /me dpung bum par shes par bya/ /gzhan yang 'thun pa skabs kyis brtag /mi mthun khyad par rgyas par bstan/ /rdo rje rin chen pad ma dang / /rgya gram dril bu brgyad shes bya/ /rdo rje lcags kyu mda' se gol/ /rin chen nyi ma rgyal mtshan so/ /pad+ma 'khor lo ral gri lce/ /rgya gram khu tshur go cha mche/ /gzhan yang skabs dang 'thun pa ste/ /rang rang don nyid rtse gcig pa'i/ / thugs kyi rtags su shes par bya/ /dngas ma'i ye shes lnga 'bar bas/ /gcod dang ma phyed dga' ba dang / /ma gos bde ba bskyed pa nyid/ /rnam par mi rtog rim par shes/ /yon tan bskyed dang tha mal gcod/ /de bzhin ma gos ye shes nyid/ /so so yon tan cha las byung / /rang rang rtsa bcud thig le'i dbyibs/ /so so nyid ltar rang gnas te/ /bde ba'i thig le nyid du shes/ /rang byung dngas ma'i thig le nyid/ /'brel ba'i tshul gyis kun snang ba/ /khu ba rtsa'i dbyibs gzugs nyid/ /rang rang las dang rtog pa dang / /snying po phyag mtshan dbyibs bzhin pas/ /bde chen thugs su gsal brtan pa/ /thugs kyi dus su shes par bya/ /thabs dang shes rab gnyis med pa'i/ /thig le gsal ba'i rang bzhin las/ /thugs mtshan che ba'i ye shes nyid/ / dpag tu med par rang snang ba/ /bde ba chen po'i thig le'i 'od/ /ma lus de der snang ba nyid/ /ma lus gnyis med thig le yi/ /bde ba chen po'i ye shes lnga/ /de las phye bas mtshon pa'i sgo/ /thugs kyi rang rtags bsam mi khyab/ / bde ba thugs las gzhan ma yin/ /gang phyir dkyil 'khor 'di dag kyang / /thun mongs gnas su bsgoms pa dang / /mi shigs thig le'i snying po las/ /sku gsung thugs nyid gsal bar bya/ /don dam thig le pad rtse la/ /rim pa ji bzhin gsal bar bya/ /de nas gdug pa gdul ba'i phyir/ /'bar ba'i dkyil 'khor gsal bar bshad/ /cho ga'i rim pa ji bzhin gyis/ /rang snying rgyu yi sa bon hU~M/ /dag pas rim pas gsal ba la/ /rang rgyud 'byung lnga nyon mongs lnga/ / rang byung lnga ru snang ba'i phyir/ /'byung ba lnga nyid bsgom par bya/ /e ya~MHra~M su~M keng ra~M/ so so las rnams byas nas ni/ /nam mkha' gru gsum zla gam rlung / /khrag gi dpa' klong 'khrug pa dang / /gti mug ro dang nga rgyal ri/ /zhe sdang me nyid bsgom par bya/ /mdog kyang rim par shes bya ste/ /las dang rang bzhin shes bzhin brtag /b+h+ru~M las dur khrod gzhal yas khang / /'khor lo rtsibs bzhi thod phreng dang / /bar khyams gnyis ni sgo dang bcas/ /thod phreng sbrul gyi za ra tshags/ /zhing gi gdung dang ka ba ste/ /sprin nag dur khrod rgyan dang bcas/ /khro mo bdud rtsi lha mo dang / /thod pa lnga gsum brtsig pa can/ /nyi zla'i rgyan can bsam byas la/ /dregs pa gnod sbyin srin po dang / /dri za gshin rje bzhon par bcas/ / de bzhin gsal bar bsgom par bya/ /sku gsung thugs kyi rdo rje yi/ /cho ga las byung rim pa yis/ /gnyis med gsal bas de brtan phyir/ /dbang bskur byin brlabs rim bzhin bya/ /sbyor ba'i thig le 'phros pa yis/ /gdug pa ma lus btul nas ni/ /rang rang rim pa gsal gyur nas/ /hU~M gis phyogs phyogs gdan la bzhugs/ /ha brgyad sa bon las byung ba/ /dkar mo'i tshogs dang rkun mo'i tshogs/ /rmongs mo dang ni thal byed ma/ /spos mo dang ni gtum mo dang / /sme sha can dang ma tshogs ma'i/ /so so'i cha lugs rngam 'thon nas/ /sprul pa bzhi po la thim zhing / /rang rang las mdzad snying po sgrogs/ /'dus te phyogs phyogs gnas par bya/ /he brgyad sa bon las byung ba/ /stag dang seng ge wa dang khyi/ /bya rgod kAng ka 'ug pa dang / /pho rog la sogs 'phra men rnams/ /'phro 'du las dang phyogs mdog mtshan/ /rim pa ji bzhin de bzhin bsam/ /phaT bzhis rta dang phag gdong dang / /sbrul dang spre'u gdong rim pa bzhin/ /las dang sku mdog phyag mtshan yang / /rim pa bzhin du gnas pa yin/ / de dag 'khor lo dbus dang lnga/ /yab yum phyag rgya 'brel bar gnas/ /rtsibs mchin gru chad bzhi dag la/ /gnas kyi ma mo dgod par bya/ /bar khyams dang por phra men brgyad/ /phyogs mtshams rim par dgod par bya/ /sgo bzhir sgo ba rngam tshul gnas/ /bar khyams tha ma dag la ni/ /slas dang byi mo bran mo'i tshogs/ /sku mdog phyag mtshan bzhugs tshul nyid/ /rim pa bzhin du bkod par bya/ /rin chen thod pa'i dbu rgyan dag /gnas skabs dag tu 'tsham par bya/ /sku gsung thugs kyang de bzhin te/ /yan lag dkyil 'khor nyid du bshad/ /gang phy-ir nam mkha'i ye shes nyid/ /spros med dam pa nyid du 'dod/ /bde ba'i thig les kun khyab la/ /chos nyid snying rje kun du snang / /thig le rang snying sa bon rgyu/ /zag pa med pa'i snying po yin/ /ma lus 'dus pa'i snying po can/ /thig le gong 'og kun dang 'brel/ /gnas pa khong stong tshul dag gis/ /ma lus kun la khyab pa yin/ /dz+ha~M sgo g.yo ba'i sa sgo can/ /bskyod dang las kyis khyab byed pa/ /lus khyab gnas dang las dag ni/ /khyad par so sor snang ba yin/ /de sting ti la ka'i rang bzhin ni/ /'bar ma brgyad dang ldan pa nyid/ /zhu dang 'bar ba'i las byed pa/ /drag mo zhes kyang 'dod pa yin/ /thig le sgo nas 'dzag pa'i bcud/ /gsher dang 'dzag pa'i ba~M snying can/ /sdang dang bebs pa'i rang bzhin can/ /lus can gnas pa gsal bar bya/ /gang la gang rten de yi brten/ /thig le rtsar bcas bde ba'i rten/ /de nyid bskyed dang gnas gyur pa/ /brten pas sa yid dkyil 'khor nyid/ /'khor lo gzhal las rang bzhin te/ /rim pa gong 'og 'brel pa can/ /lus la gnas pas dur khrod de/ kha dog rtsa dang bcud bsdus pa'i/ /rgyan dang gdan du ldan pa yin/ /gang la rten pa'i thig le nyid/ /gnyis med bde ba chen po'i lha/ /sa bon yi ge bde ba yis/ /sku gsung thugs dang ldan pa nyid/ /gcig kyang khams lnga'i bde ba'i ngos/ /ma lus khyab pa'i tshul gyis gnas/ /lus la thig le chen po gnas/ / gnas dang bcud dang bde ba nyid/ /thabs chen thabs las byung ba yi/ /nam mkha'i ye shes dpag tu med/ /'jug pa bzhi dang rim pa brgyad/ /thig le gcig gis khyad par 'phags/ /nyon mongs zad pas zad byed de/ /dngas ma'i ye shes lnga 'bar nyid/ /yul dang bcas pa'i rang bzhin las/ /'bar ba'i dkyil 'khor gsal bar snang / /gnas kyi thig le bde ba can/ /dur khrod ma brgyad gsang ba ste/ /gnyis med 'phra men nyid du bshad/ /thig le thabs dang bcas pa nyid/ / dkyil 'khor 'jug pa'i sgo dang 'brel/ /snying po thig le nyid du sbyor/ /gang dang lhan cig skyes pa las/ /bde ba chen po skye ba med/ /ma lus bde ba chen po nyid/ /khyab pa rgya yongs ma chad pa'o/ /ma lus 'dus pa'i bde ba'i ro/ /sa yang bcu gsum 'dus pa'i mkha'/ /rang byung khyab pa chen po'i gzugs/ /kun 'dus thig le chen por gsal/ /rnam thar gsum ldan e yi gzugs/ /bde ba bskyod dang thig le bskul/ /'phro dang bsdud dang bsdams pa'i rlung / /rdo rje pad+ma 'dus pa'i sa/ /rten dang bral ba bde ba'i sa/ /shu kra'i thig le gang gsher ba/ /gsang ba chu yi rang bzhin yin/ /de dag phyag rgyas gang sbyar bas/ /bde ba'i drod ni rang 'bar skye/ /b+h+ru~M las gsang ba'i gzhal yas khang / /sangs rgyas rin chen za ma rtog /sna tshogs 'dus pa'i snying po can/ /khyad par 'phags pa'i 'og min te/ /yon tan rdzogs pa'i dngos gzhi can/ /dga' bzhi 'jug pa'i sgo dang ldan/ /'bab 'dzeg thig le'i skas dang ldan/ /bde ba nyi zla rgyal la bzhugs/ /thig le 'dres pa bde ba'i ro/ /nyi zla 'brel ba'i bde ba'i lha/ /'thung dang rngub pa'i thabs chen gyis/ /'khor ba'i sa bon zad ces pas/ /za byed khro bor de bshad pa'o/ /dpag med thig le'i rang bzhin gang / /sa ya bcu gsum pho brang na/ /bde ba chen po ye shes gzugs/ /sku gsung thugs dang lhan cig bzhugs/ /'du shes gsum ldan byin brlabs te/ /gsang ba'i ye shes lnga ldan pas/ /dbang thob rnams la rgyas btab bo/ /gsang ba thig le chen po ni/ /rang byung bde ba chen po nyid/ /rnam rtog rgyu ba chad pa yi/ /rdo rje pad+ma'i bar na gnas/ / 'og sgo snying po pad+ma ni/ /rgyal ba kun gyi dkyil 'khor te/ /gsang ba sku gsung thugs nyid du/ /thabs dang shes rab gnyis med gnas/ /ma lus 'dus pa'i thig le nyid/ /gnyis med bcud du gyur pa ni/ /de yi bde ba chen po nyid/ /khyab pa'i tshul gyis gang bar bzhugs/ /ye shes rgya mtsho lhan cig skyes/ /gsang ba'i thig le bde ba'i ro/ /nyi zla 'dres pa'i tshul gyis snang / /gsang ba'i dkyil 'khor chen por bshad/ /de nas rgyal ba thams cad kun/ /gdul bya'i bsam pa'i khyad par gyis/ / nam mkha'i dbyings kyi mthas gtugs par/ /rdo rje khro bor snang gyur te/ /bskyed cing gdug pa 'dul ba yi/ /drag po lha yi sngags dag dang / /de yi gzhal yas snang bar mdzad/ /b+h+ru~M bi shwa bi shud+d+he/ dz+nyA na kA pa la rat+na pany+tsa hU~M/ ma hA de ba s+thi ra ba~M/ sUr+ya tsan+d+ra maN+Da la hU~M/ de steng so so'i sku nyid dag /gsal ba'i rim pa dgod par bya/ /oM bud+d+ha ma hA shrI he ru ka ma hA tsaN+Da sarba duSh+TAn+ta ka ha na da ha pa tsa hU~M hU~M hU~M phaT/ u~M badzra ma hA shrI he ru ka ma hA tsaN+Da sarba duSh+TAn+ta ka ha na da ha pa tsa hU~M hU~M hU~M phaT/ oM rat+na ma hA shrI he ru ka ma hA tsaN+Da sarba duSh+TAn+ta ka ha na da ha pa tsa hU~M hU~M hU~M phaT/ oM pad+ma ma hA shrI he ru ka ma hA tsaN+Da sarba duSh+Tan+ta ka ha na da ha pa tsa hU~M hU~M hU~M phaT/ oM karma ma hA shrI he ru ka ma hA tsaN+Da sarba duSh+TAn+ta ka ha na da ha pa tsa hU~M hU~M hU~M phaT/ oM sarba ta thA ga ta ma hA kro d+hI shwa ri sarba duSh+TAn+ta hU~M phaT/ oM ma hA badzra d+ha ra kro d+hI shwa ri dza la nI hU~M phaT/ oM ma hA sUr+ya rat+na ma hA kro d+hI shwa ri bi da ma hU~M phaT/ oM shrI sha ta sa man+ta pad+ma ma hA kro d+hI shwa ri khA hi hU~M phaT/ oM sarba a mo g+ha ma hA kro d+hI shwa ri bi shwa hU~M phaT/ oM badzra gau rI ha/ badzra tsau rI ha/ badzra pra mo hA ha/ badzra bait+ta lI ha/ badzra puk+ka sI ha/ badzra g+hasma rI ha/ badzra sma shA nI ha/ badzra tsaN+Da lI ha/ badzra si~M ha mu khI he/ badzra byA g+h+ra mu khI he/ badzra sr-ing+gA la mu khI he/ badzra shwa na mu khI he/ badzra gr-i D+ha mu khI he/ badzra kAng+ka mu khI he/ badzra kA ka mu khI he/ badzra u l+lU kA mu khI he/ badzra Ar+ya te dza teng dza/ badzra a mu khA hU~M/ badzra lo ka ba~M/ badzra b+hasm-i sa ma ya ba to hoH b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ badzra ma nu rAk+Sha si badzra pra h+ma NI/ badzra rau tri/ badzra baiSh+Na be/ badzra kau mA rI/ badzra in+d+ra ye/ badzra sUr+ya ye/ badzra ping+ga le/ badzra sau me/ badzra a mri tA/ badzra daN+Da nI/ badzra rAk+Sha si/ badzra b+hak+Sha si/ badzra ra ti ha~M/ badzra ru d+hi ro ma t+ya~M/ badzra e ka tsa ra~M/ badzra ma no ha ra~M/ badzra sid+d+hi ka~M/ badzra bA ya be badzra ma hA mA ra Ni/ badzra ag+na ye/ badzra bA rA hI/ badzra tsa muN+dI/ badzra pU ta nA/ badzra bA ru Ni/ badzra ma hA kA lA/ badzra tsa ka lA badzra kum+b+ha kar+NA/ badzra lam+bo d+ha rA/ ru lu ru lu hU~M/ e h+ye hi A na ya/ dzaHhU~M ba~M hoHra~M/ oM badzra kro d+ha sa ma ya hU~M/ oM khro la khros pas zhi mdzad pa/ /thugs rje khro dpal rngam pa'i tshogs/ /'bar ba'i byin brlabs rmad po che/ /de nyid du ni bdag la stsol/ /oM badzra kro d+ha sa ma ya s+t+wa~M/ oM badzra kro d+ha sa ma ya phaT/ oM badzra kro d+ha sa ma ya hoH a li u li tA li ta pA li/ da~MSh+TA gau na rau tri/ kha ra~M yo gi ni khA hi hoH hU~M ha he phaT b+h+yo ra~M/ gsang sngags drag po mthu yis ni/ /phyogs bcu tshig cing rab tu tshig /kun du rab tu tshig par 'gyur/ /'bar ba rab 'byam kun tu 'bar/ /'bar ba'i dkyil 'khor khro tshogs kyis/ /gang zhig rab gang kun du gang / /'khrugs dang rab 'khrugs kun du 'khrugs/ /'thor zhing rab 'thor kun du 'thor/ /'gul zhing ldeg pa de bzhin te/ /phyogs bcu dus bzhi gang ba yi/ /sgra bo che yang sgrogs par byed/ /phyogs bcu'i gdug pa ma lus pa/ /thul zhing brgyal nas myos gyur te/ /de dag bde bas bslang byas te/ /bde ba chen po dgyes pa'i gar/ / phyogs bcu nam mkha'i mthar thug par/ /rnam par 'phrul pa'i gzugs kyis byed/ /rdo rje gsang ba'i rang bzhin las/ /thig le chen po'i dkyil 'khor bsgyur/ /gdod nas thig le'i rang bzhin nyid/ /ma bcos thig ler gnas pa nyid/ /ma lus thig ler rgyas btab pa/ /nam mkha'i gzugs can de bzhin nyid/ /ma lus bde ba'i thig le nyid/ /khyab pa chen po'i rang bzhin te/ /mtha' dbus bral ba bde ba che/ /snying rje chen por brjod pa yin/ /kun gyi rgyu ni thig le ste/ /ma lus sa bon rtsa ba nyid/ /mi shigs snying ga'i pho brang nyid/ /ye shes rdzogs pa'i gzhal yas khang / /nam mkha' lta bu'i mtshan nyid de/ /rgyal ba kun gyi bzhugs gnas so/ /nyon mongs gdug pa'i gdan khri nyid/ /gdul bya thub pa nyid du bstan/ /phung po nyon mongs lnga dag pa/ /rgyal po lnga yi rang bzhin te/ /rang snying dngas mar bcas pa nyid/ /dbang phyug lnga ru brjod pa nyid/ /rnam shes yul du bcas pa nyid/ /rten dang brten par bcas pa yi/ /bde ba 'phra men bcu drug nyid/ /phyi lta nang lta dkyil 'khor nyid/ /dgug dang 'dzin dang thig les bsdams/ /thig le'i rang bzhin gnyis su med/ /dbu ma'i thig le bcas pa'i lam/ /dbang phyug nam mkha'i dbang mo tshogs/ /dbab pa nye ba'i tshul bzung nas/ /thig le dbab pa'i thabs bzhi yis/ /phab pas rang rgyud dngos po bsreg /dran 'byung rig pa'i 'phro 'du tshogs/ /bde ba chen po'i don la 'jug /gnyis med thim pas dkyil 'khor 'bar/ /sku gsung thugs su kun gsal bas/ /gnyis med thim pas mnyes par mdzad/ /rang bzhin bde ba'i dkyil 'khor kun/ /rig pa nyams myong dbyings la thim/ /dran rtog 'byung ba nyon mongs kun/ /tshig pa gsum du shes par bya/ /ye shes bde ba chen po nyid/ /'bar ba gsum du shes par bya/ /byang chub sems kyi bde ba yis/ /ma lus gang zhig khyab par gyur/ /thig le gong 'og steng 'og nyid/ /thig le gong ma nyid 'og tu/ /'og ma nyid ni steng du 'bar/ /gcig gnyis lus kun khyab par 'thor/ /lus dang rtsar bcas 'gul ba dang / /ldeg cing 'bar ba'i bde bas gang / /bde bsad dbang bsgyur tshim pa'i sgra/ /ma lus khyab par sgrogs par byed/ /sku gsung thugs kyi b+ha ga nyid/ /bde ba chen po'i nam mkha'i dbyings/ /'byung bzhi rdo rje pad+ma nyid/ /reg pa 'dus pa'i bde ba nyid/ /re dogs rgyu ba chad pa nyid/ /de bzhin nyid du blta bar bya/ /thig le 'dres pa'i bde ba yis/ /sa yang bcu gsum khyab pa'i yid/ /ma lus mkha' ltar dri med pa'i/ /rang byung phyogs med kun tu snang / /thabs dang shes rab bde ba yis/ /'byung bzhi rim pa'i dngas ma ste/ /sa bon bde ba'i rgyu zhes grags/ b+ha ga pad+ma'i snying po nyid/ /sku gsung thugs kyi dkyil 'khor gyi/ /bzhugs gnas bde ba chen po'i rten/ /sangs rgyas rin po che yi snod/ /phung po lnga dang nyon mongs lnga/ /ye shes lnga yis zil gyis mnan/ /nyi zla pad+ma'i gdan la bzhugs/ /sangs rgyas kun gyi snying po ni/ /bde ba chen po'i rang bzhin nyid/ /thig le phrad pa'i dus nyid na/ /ye shes lnga yi ro dang ldan/ /gdul bya 'joms pa'i khro bo lnga/ /'byung lnga dbang phyug rnam par bstan/ /myong dang yul bcas rnam shes yul/ /'phra men nyid du shes par bya/ /phyag rgyar bcas pa'i sbyor ba bzhi/ /sgor bcas nyid du shes par bya/ /sgal tshigs 'dzug pa'i thig le nyid/ /dbang phyug bde bar shes par bya/ /gnyis ka phyogs pa'i rang bzhin nyid/ /bde ba chen po spyan drangs pas/ /rtog pa bde ba'i dkyil 'khor 'jug /rim pa gnyis med brda mjal mchog /sku gsung thugs kyi thig le nyid/ /gnyis su med par thim par mdzad/ /rnal 'byor dbang phyug pho mo kun/ /bde ba chen po mnyes par gyur/ /sangs rgyas gang tshe snying po la/ /ma lus bde ba'i rang bzhin ldan/ /thig le gnyis med bde ba'i ro/ /ye shes lnga ldan zag pa med/ /phyi nang gang ba'i dkyil 'khor nyid/ /ma lus 'dus pa'i rang bzhin te/ /nyi zla 'dres pa'i gar thabs las/ /lhan cig skyes pa gsal bar 'gyur/ /sa ya bcu gsum gnyis 'dus pa'i/ /thig le rdo rje'i rang bzhin nyid/ /gnyis med 'khril ba zhes bya ste/ /rang rig bde ba chen por thim/ /sangs rgyas rin chen de yi dbyig kha sbyor snying po za ma tog /sku gsung thugs kyi pho brang las/ /ma lus thig le gnas par mdzad/ /sku gsung thugs kyi pho brang ni/ /bde ba chen po'i gnas nyid de/ /rdo rje snying po rtsa dang 'brel/ /gnyis med bde ba'i thig ler gnas/ /gsang ba'i thig le chen po ni/ /ma lus 'dus pa'i bcud yid de/ /gsang ba yon tan rdzogs pa'i mdzod/ /snying po'i lam la gnas par bya/ /rdo rje nyi ma'i snying po la/ /rdo rje zla ba'i 'od kyis brgyan/ /gnyis med thig les gang ba yi/ /bde ba chen po'i rang bzhin 'char/ /brten nas 'byung ba'i rten can nyid/ /gang la gang gis mnyam sbyar bas/ /thabs chen thabs las byung ba yi/ /bde ba chen po 'bar bar 'gyur/ /de nas rdo rje khrag 'thung nyid/ /rang rang thugs kyi dkyil 'khor nyid/ /gdul bya'i ngo la dgongs mdzad de/ /thugs kyi dkyil 'khor snang bar mdzad/ /rdo rje rdo rje dril bu dang / /'jig rten 'khor yug bcas pa 'degs/ /de bzhin 'khor yug bcas pa 'degs/ /de bzhin 'khor lo dgra sta dang / kha T+rA~M rab tu 'khrol ba'o/ /nor bu rin chen rgyu zhags dang / /rdo rje dgra sta rab tu rdebs/ /chags mchog pad ma chen po dang / /dril bu rnga yi sgra sgrogs pa'o/ /las ni ral gri gshol chen dang / /'jig rten rgyang mar 'phen pa ste/ /bar ma rdo rje dung mar 'khrug /sti ra chen po rab rdebs pa'o/ /btsun mo khrag 'thung chen mo yang / /'khril bas pad ma rag ta stob/ /gnas dang yul gyi phyag rgya ni/ /byis dbyug mda' gzhu rgyal mtshan dang / /byis snying rdo rje za rdeg tshul/ /byis snying dung dmar byis rgyu dang / /mgo lus 'brel ba'i tshul du gnas/ /steng 'og phyi nang bsnol ba dang / / byis ldag khog pa dral zhing lta/ /rgyu mgo zhing khur rgyu gri dang / /rdo rje lcags kyu 'dzin pa'o/ /lcags kyu zhags pa lcags sgrogs dang / /dril bu 'khrol bas slong bar byed/ /slas dang byi mo bran mo'i tshogs/ /bcu gnyis dang ni brgyad kyis mdzes/ /rang gi stan dang lag cha dang / /ci bgyi zhes ni chas te gnas/ /kun kyang mdzes pa'i rgyan dang bcas/ /zhal 'dzum steg mig 'khril tshul can/ /dbu skra ral pa lcang lo bcings/ /sha da pa yi glu len cing / /dmar la rdul ldem chags pa'i tshul/ /snam zhing che la rked pa phra/ /nu 'bur stod smad bye zhing 'gying / /dmar la klan zhing 'dud tshul can/ /gus dang steg pa'i ngang tshul 'chang / /so so'i gdan la 'khod pa ni/ /srin mo smug nag thod rlon 'chang / /tshangs ma dmar ser pad+ma bsnams/ /lha chen dkar ljang tri shU la/ /gtogs 'dod sngon mo 'khor lo 'chang / /gzhon nu dmar mo mdung thung 'phen/ /brgya byin dkar mo in+d+ra gdengs/ /rdo rje ser mo tsan+dan 'thung / / bdud rtsi dmar mo pad ma bsnams/ /zla ba dkar mo puN+Da rI/ /be con ljang gnag dbyug tho 'phyar/ /srin mo dmar mo dung khrag 'thung / /za ba ljang nag ba su 'dren/ /dga' ba dmar mo ka tar 'chang / /stobs chen dkar mo gshol 'dzin ma/ /rdo rje ser mo spu gri gcod/ /'dod pa dmar mo mda' gzhu 'gengs/ /nor bsrung dkar mo bum pa 'dzin/ /rlung lha sngon mo ba dan 'phyar/ /gsod byed dkar mo ral gri so/ /me mo dmar mo gsal shing 'chang / /phag mo nag mo mche zhags can/ /rgan byad dmar mo zhing chung za/ /sna tshogs dkar mo thod khrag 'thung / /chu lha dmar ser sbrul zhags 'dzin/ /rdo rje nag mo lcags kyu 'dzin/ /rdo rje ser mo ra mgo zhags/ /rdo rje dmar mo lcags sgrog sdom/ /rdo rje ljang nag dril 'khrol 'gying / /so so brjid pa'i stabs ldan pa'o/ /de nas gzhan yang bshad bya ste/ /rnam par spro ba'i rgyas pa'i phyir/ /sku dang gsung dang thugs nyid dang / /yon tan phrin las khro bo'i phyir/ / lnga bcu brgyad ldan bye brag lnga/ /sngags dang phyag rgya ting 'dzin dang / /sku mdog bzhugs tshul rim pa dag /rigs rnams ji ltar 'gyur ba brtag /de ltar bsams dang bris pa dang / /brjod dang mos pa'i sbyor ba yis/ /ji ltar 'tsham par bsgom par bya/ /de nas bcom ldan 'das dgyes chen pos/ /rngam pa'i zhal gdams spyan zlog cing / /mche gtsigs phyogs bcur gom pa yis/ /'jigs pa'i stang stabs gar mdzad pas/ /'jigs byed bcu ni rnam par 'phrul/ / oM oM oM oM oM oM oM oM oM oM/ ba ba ba ba ba ba ba ba ba ba/ dzra dzra dzra dzra dzra dzra dzra dzra dzra dzra/ kro kro kro kro kro kro kro kro kro kro/ d+ha d+ha d+ha d+ha d+ha d+ha d+ha d+ha d+ha d+ha/ hU~M kA ra bi dza ya/ nI la daN+Da/ ya mAn+ta ka /Ar+ya a tsa la/ ha ya grI ba/ a ba rI dzi ta/ a mrI ta kuN+Da li/ trai lokya pi dza ya/ ma hA ba la/ hU~M hU~M hU~M hU~M hU~M hU~M hU~M hU~M hU~M hU~M/ phaT phaT phaT phaT phaT phaT phaT phaT phaT phaT/ 'di dag mngon du phyung ba yis/ /ri bo sa gzhi 'gul byed cing / /rgya mtsho ma lus 'khrug pa dang / /sngags kyi sgra chen grag par 'gyur/ /hU~M mdzad rnam rgyal dbyug sngon can/ /gshed po mi g.yo mi g.yo rta mgrin dang / /gzhan 'joms bdud rtsi khams gsum rgyal/ /stobs chen khro bo 'di dag gis/ /rang rang bgegs kun rnam par gzir/ /ma lus 'jigs shing 'joms par mdzad/ /gardza gardza/ ha na ha na da ha da ha/ pa tsa pa tsa/ ban+d+ha ban+d+ha/ hu lu hu lu/ tiSh+Tha tiSh+Tha/ tshin+da tshin+da/ bin+da bin+da/ s+pho Ta s+pho Ta/ hU~M hU~M hU~M hU~M hU~M hU~M hU~M hU~M hU~M hU~M/ phaT phaT phaT phaT phaT phaT phaT phaT phaT phaT/ khro bo'i rgyal po 'di dag kyang / /blo dang ldan pa'i rnal 'byor gyis/ /bskal pa'i me ri nang rol du/ /bri'am bsam 'am dmigs bya ba/ /mthing ga dkar po mthing nag dang / /ljang sngon dmar gnag dud ka ljang / /dkar ljang dud dmar mdog tu snang / /khro mo lus dang gri mar gnas/ /'khor lo nr-i mgo rdo rje stir/ /drang srong 'bar bar bcas pa dang / /gshin rje'i rkang bzung zhing dbyug 'phyar/ /ral gri bden bral stir dbyug gshog /ba dan brgyad thogs be ra~M nyid/ /rin chen nr-i mgo gsum gyi dbyug /rdo rje rtse gsum nr-i mgo dang / /thong gshol gtun shing g.yas g.yon thogs/ /yang na zhal gsum phyag drug ste/ /blo ldan rnam par bsams nas ni/ /bgegs dang gdug pa rnam par 'jig /pho brang 'khor dang rnam par bsgom/ /de nas gzhan yang bshad bya ba/ /rang lus rten dang brten pa yi/ /dkyil 'khor nyid du gsal bar brtag /lte ba snying ste sku gsung thugs/ /thig gis cha chen cha chung bcas/ /gnas bzhi dngas ma 'byung ba ste/ khog pa dur khrod gzhal yas khang / /ka ba gdung dang rta babs dang / /bla bre rdo rje ra ba dang / /'khor lo dra ba dra phyed dang / /nyi zla skar khung rdzing bu dang / /bskyed shing g.yas g.yon 'khor lo brtsegs/ /cod pan nyi zla pad mar bcas/ /rgyal ba bzhugs pa'i gzhal yas khang / /rang 'byung tsit+ta'i 'khor lo na/ /thig le ye shes lnga bdag nyid/ /ma lus thig le 'dus pa'i ros/ /cho 'phrul bstan pa'i gdug pa 'dul/ /so sor 'khor lo dgod pa yi/ /ting 'dzin rdzogs pa'i tshul du bsgom/ /'byung bzhi dngas ma yum nyid de/ /bde ba'i dngas ma nam mkha'i khams/ /thabs dang shes rab gnyis med pa'i/ /rang bzhin khams lnga'i rang bzhin bcud/ /zla ba nyi ma gnas pa yi/ /shrI ra tsi ta'i thig le la/ /nang gi gdug pa 'joms pa dang / /spyod yul bde bar sgyur ba dang / /thig le so sor dgod par nus/ /phye bas rim pa'i 'khor lo ste/ / bsdus pas thig le chen po nyid/ /thig le ye shes lngar ldan pa/ /thabs nyid dngas ma yum du bshad/ /rnam shes thig le nyams myong nyid/ /tha mal 'joms pas khro mor snang / /gnas kyi thig le tsar bcas pa/ /phra men nyid du shes par bya/ /gnas bzhi 'jug pa'i sgo nyid de/ /sgal tshigs la rten bde ba'i bcud/ /'phro zhing sdud pa dbang phyug ma/ /gnas rten bcu yi thig le la/ /'joms pa'i rang bzhin gsal bar byed/ /nyams myong skye dang rnam pa med/ /spyod yul dag pas mang du bshad/ /zla ba nyi ma la brten te/ /sku gsung thugs kyi lam rgyud de/ /thig le g.yo dang 'bar ba dang / /re dogs med par rnam par dran/ /bde ba'i yan lag bzhi ru 'gyur/ /'khyud pa gar gyi phyag rgya bzhis/ /rdo rje snying po'i pad mar 'brel/ /bskyod pa rlung dang mnyam sbyor bas/ /nyi ma zla ba dus gcig 'char/ /de nyid kun tu khyab pa las/ /ma lus lhan cig skyes par 'gyur/ /bde ba chen po gnyis med pa/ kha sbyar bsrub pa'i thabs las skyes/ / thabs las byung ba'i gsang thig le/ /ma lus 'dus pa bcud kyi ro/ /rten las brten can nyams myong ba/ /lhag pa'i ye shes thabs las skyes/ /chos dbyings la sogs ye shes lnga/ /thugs nyid mtshon phyir mtshan ma ste/ /gang la rten dang 'bar dang 'dzag /bde ba'i rlung dang nam mkha'i khams/ /de bzhin btsun mo dgyes skyed pa/ /mi phyed gnyis med lhan cig pa/ /gang de thabs las byung ba yi/ /dngos gnyis yum dang dbang po'i tshogs/ /lhan cig skyes pa'i thig le nyid/ /ma lus bde bar rang snang ba/ /gnyis med 'dus pa'i stobs las byung / /gnas yul phyag rgya'i thig ler bstan/ /dgug dang 'khyud dang bsdams dang 'bebs/ /ye shes 'jug pa'i sgo yin te/ /sgal tshigs brgyud pa'i thig le'i rgyun/ /dbang phyug mar ni shes par bya/ /ba spu thig le 'brel ba nyid/ /'phra mo bsam mi khyab snang ba/ /grangs las 'das pa'i phyag rgya ste/ /bsam byas nam mkha'i zhing du sbyar/ /sku bzhi las byung gsang thig le/ khams gsum bcud 'dus bde chen po/ /yungs kar lhung med brtan pa las/ /ma lus khyab pa'i tshul gyis snang / /thig le bde chen thabs sbyor ba/ /thob dang gom pa'i rang bzhin las/ /zhen pa'i 'du shes bral 'gyur bas/ /rang dbang med pa'i rtags 'byung ste/ /sbar zhing mnan pa'i cho ga bya/ /snang dang rig pa sna tshogs chos/ /bde ba chen po'i thig ler brten/ /nyi ma'i snying po lta ba ltar/ /bltas pas mthong ba med pa'i don/ /ma lus bde chen rgyan du snang / /de nas gzugs brnyan dkyil 'khor bshad/ /'khor dang mya ngan 'das pa yi/ /ji snyed ma lus chos bstan pa/ /rang byung ye shes chen po ste/ /de nyid dngos po sna tshogs mchog /ji snyed brten g.yo snang ba'i chos/ /chen po rags pa gnas pa'i chos/ /ma lus kun la 'thun snang ba/ /rang byung thabs kyi ngo bo nyid/ /de dag gnod nas ma skyes pa'i/ /rdo rje shes rab stong nyid de/ /gang yang dngos min ngo bo nyid/ /shes rab yum gyi rang bzhin no/ /ji snyed nam mkha'i mthar thug pa/ /rang byung byang chub sems kyi gzugs/ /ma lus kun gyi rang bzhin nyid/ /dpag med 'thun par snang ba ste/ /me long dang ba'i rang bzhin nyid/ /sna tshogs gzugs dang 'brel ba bzhin/ /ma lus rig pa'i thig le las/ /ma lus sku yi dkyil 'khor snang / /ji snyed rab 'byam ma lus pa'i/ /'khor dang mya ngan 'das pa dang / /zin dang ma zin gnyis ka'i sgra/ /nges pa dang ni ma nges pa'i/ /'khrul dang ma 'khrul sna tshogs pa/ /brjod dang bsam dang 'phrul pa dang / /byin brlabs mtha' yas rang snang ba/ /byang chub sems kyi gsung mchog ste/ /nam mkha'i sgra dang brag cha ltar/ /rang rgyud med pa'i rig pa nyid/ /bsam pa mtha' yas ji snyed pa/ /ma lus gsung gi dkyil 'khor nyid/ /rang rgyud brtan po min par gnas/ /gang du nam mkha' mtha' klas par/ /bskal pa mtha' thug med pa'i bar/ / nam mkha'i char dang chu bur dang / /sprin dang chu rlabs phung po ltar/ /ye shes bde dang sdug bsngal dang / /nges dang ma nges dam pa dang / /dman dang chags dang chags bral dang / /zin dang zhen dang ma zhen dang / /rnam pa rnam med brtags pa'i chos/ / dran rtog rig pa gang yang rung / /ma lus rig pa rang snang ba/ /snga ma dran pa'i rnam pa 'am/ /rmi lam sgyu ma'i nyams myong ltar/ /sna tshogs snang yang rang rgyud min/ /gang yang rang rgyud kun bral ba'i/ /ma lus dkyil 'khor bshad pa rnams/ / rang rgyud med pas gzugs brnyan te/ /thabs dang shes rab gnyis med pa'i/ /gzugs brnyan dkyil 'khor lhun gyis grub/ /rang byung ye shes skye 'gag med/ /ma lus mi phyed rdo rje'i gzugs/ /rnam pa mthar thug med pa nyid/ / yon tan lhun grub rang snang bas/ /de yi brnyan ma rang bzhin 'char/ /mtha' bral rang byung dkyil 'khor ni/ /cir yang snang la mi dmigs phyir/ /yang dag brtan par mi gnas pas/ /ma lus gzugs brnyan dkyil 'khor shar/ /bde chen rang 'byung lhun grub nyid/ /yon tan rdzogs pa'i nor bu ltar/ /dpag med chos su snang ba'i phyir/ /bde ba chen po'i gzugs brnyan te/ /skye bo dag dang ma dag pa'i/ /gdul bya mtho dman rim pa la/ /rig spyad spro ba bskyed pa'i phyir/ /dang po nas bzung mthar thug par/ /rang rang bsam pa de bzhin du/ /de dag ngo la de ltar snang / /gzugs brnyan phyi yi rim pa ste/ /thun mong yul du gyur phyir ro/ /ma lus tha dad med pa yi/ /phyi nang snod bcud rdzogs pa'i lus/ /bcud ldan bde ba mdzad pa'i gnas/ /mi shigs thig le kun gyi dngos/ /rang 'byung bde ba chen po'i gzugs/ /dngas snyigs 'brel ba'i nus mthu las/ /zag pa yod dang med pa yi/ /dngos po gnyis kyi chos su snang / /rgyu yi thig le'i rang bzhin la/ /nus pa'i khyad par so so yis/ /'byung ba dang ni yum nyid dang / /bde ba chen po la sogs pa/ /thig le nus pa'i stobs las snang / /ma lus 'khor lo'i snying po nyid/ /thig le 'bar ba bde ba'i gzugs/ /rtsa yig bye brag bcas pa ni/ /bcud 'dus thig le ros gang ba/ / ma lus rten can dkyil 'khor nyid/ /ma lus snod bcud kun tu snang / /thabs chen gsang ba'i rim pa nyid/ khams bzhi las brten thig le nyid/ /g.yo dang 'dzag cing gnas dang thim/ /bye brag gsum las rgyud pa yis/ / gru dang sgyu ma'i 'khrul chu la/ /zhugs dang 'thungs ba'i spyod yul lam/ /me long dang ba'i ri bo yi/ /rtser phyin ma lus bltas pa ltar/ /bde chen gzugs brnyan nyid du snang / /rim pa bzhi yi thig le nyid/ /bde ba'i 'du byed gang bskul ba/ /gnas bzhi'i thig le'i bye brag gsal/ /mu tig phreng ba brgyus pa ltar/ /'dzag dang 'bar ba'i thig le nyid/ /til 'bru 'bras bu smin pa ltar/ /ma lus til gyi phung po ltar/ /thig le'i lus su gnas pa yin/ / nyams myong gsal bar 'bar ba'i tshe/ /'dar dang rdul dang pa spu ldang / /'phar dang sgra 'byin dpa' bo'i gar/ /rnam par rol ba'i tshogs su snang / /snang srid bde ba chen po nyid/ /tha mal nub cing brtan gyur na/ /thig le nam mkha'i stobs kyis sbyang / /rtse gcig nam mkha'i mthong stobs kyis/ /thig le stong par thim pa na/ /ye shes nam mkha'i gzugs su nges/ /snang srid snod bcud ma lus kun/ /bde chen rig pa'i gzugs brnyan du/ /rgya mtsho mdzings nas bltas pa ltar/ /ma lus de ltar snang ba yin/ /rig pas nyams su myong ba dang / /spyod yul dag pas nang du bshad/ /rang byung bde ba chen po nyid/ /gsang ba'i gang zag gdul ba dang / /gsang ba'i nyams myong mngon bstan phyir/ / thabs dang shes rab 'dus pa yi/ /cho ga'i bya ba kun ldan cing / /dbang bskur byin brlabs sbyang ba dang / /brgya phrag gsum dang drug bcu dang / /drug bcu rtsa bzhi rdzogs pa yis/ /chu skyes snying po rdo rje can/ /nyi ma me shel 'od 'byung ba/ /rang byung rlung gi phyag rgyas bskyod/ /nor bu chu 'dzag rang dbang med/ /ma lus rig pa'i thig ler bsdus/ /rgyu ba'i rlung ni chad pa na/ /rig pa stong pa'i thig ler thim/ /a ta la rten thig le'i rim/ /rgyu dang mi rgyu'i rang bzhin las/ /'khor dang mya ngan 'das par snang / /gsang ba'i thig le la rten pas/ /ma lus bde chen 'khor los sgyur/ /lus kyi thig le dang por te/ /de nas rig pa'i thig le yin/ /de nas ye shes thig le nyid/ /tha ma chos nyid thig ler thim/ /de nas dus gsum 'du 'bral med/ /bde chen nam mkha'i khams nyid de/ /zab cing rgyu ba med pa yi/ /rang rgyud zhan chags kun bral ba'i/ /bde ba chen po'i gzugs brnyan shar/ /ma rtogs khyab pa'i gzugs brnyan te/ /rtogs pas nyams myong gzugs brnyan nyid/ /mthar phyin ye shes gzugs brnyan 'di/ /dman dang yan lag ma tshang dang / /dbang dang man ngag med pa dang / /dka' thub can dang ma smin dang / /skal med yal ba'i yul min pas/ /gsang ba'i gsang chen dam pa nyid/ /de nas gzhan yang bshad bya ba/ /lhag pa gzugs brnyan dkyil 'khor nyid/ /tha mal brod pa bskyed pa'i phyir/ /cho ga rgyas par bshad par bya/ /dkyil 'khor chen po rtogs 'od kyang / /ji bzhin mngon du ma gyur la/ /lhag par 'di yis rtogs 'gyur pas/ /lhag pa zhes ni bstan pa yin/ /gang gis gang la gang mtshon pas/ /lhag par mtshon bar nye ba dang / /gang la brten te gang bsgrubs pa/ /lhag par myur du 'grub pa'i phyir/ /'dis ni lhag pa nyid du brjod/ /gang las gang de thabs 'di yis/ /mngon par lhag pas lhag pa'o/ / rgyal ba kun gyi sku gsung thugs/ /thabs de gang gis mngon ston cing / /dngos gzhi nyid ma yin pa'i phyir/ /gzugs brnyan nyid du bstan pa yin/ /gang la brten pa'i thabs nyid kyis/ /de nyid 'dra bar snang ba ltar/ /ma mthong mos pa'i gdul bya la/ /de dang 'dra ba'i thabs nyid de/ /dngos min 'dra phyir gzugs brnyan no/ /rgyal ba kun gyi rang bzhin no/ /dpag med ye shes lhun rdzogs pa'i/ /ye shes rang 'byung lnga'i gzugs/ /zag med gdul bya'i ngo la snang / / de yi yon tan gzugs brnyan gyis/ /zag bcas mos pa'i gang zag la/ /sku gsung thugs kyi rnam pa nyid/ /'dra bar mtshon phyir gzugs brnyan no/ /gang phyir chos dbyings ngo bo la/ /tha dad dbye ba mi gnas kyang / /mos dang drag po'i dbang gyur te/ /gang gis gang de mi 'dul bas/ /thugs rjes kun la khyab pa'i phyir/ /longs spyod sprul pa'i dkyil 'khor bstan/ /zhen pa can dang nga rgyal can/ /thabs dang drag pos tshar gcad phyir/ /de ltar so sor 'tsham pa ste/ / lhag pa gzugs brnyan gnyis su bshad/ /gang du bkra shis yid 'ong ba'i/ /steng 'og phyogs bzhi bar mtshams dag /legs pas yid 'od bar chad med/ /phyi nang ri bo dgon pa'i mchog /rang gi sa gzhi legs brtags la/ / pra dang nyams kyi ltas brtags la/ /ma dag mtshan ngan spang byas la/ /dag cing nyams dga' blang bar bya/ /sa gzhi byin brlabs bkra shis pa/ /gal te rtsod pa zhi bya'i phyir/ /snang dang mi snang bdag po la/ /mgu bas bar chad med par bslang / /gang de dbang du bya ba'i phyir/ /cho ga'i yan lag kun brtsams te/ /mchod dang mnyes pas tshim byas la/ /sa gzhi bdag gi dbang du bya/ /thun mong skyon bsal dag byas nas/ /mi dmigs chos la blo sbyangs shing / / dngos grub myur zhing nyams dga' ba'i/ /phyi nang dag pa chen por sbyang / /rang bzhin byin brlabs kun gyi dngos/ /gdod nas ma bcos gnas pa la/ /lhag pa'i bden pa dbyer med pas/ /lha dang gzhal yas ngo bor brlab/ /gang de'i bar chad bsrung ba'i phyir/ /sprul ba'i dkyil 'khor gsal btab la/ /rdo rje khro bo'i 'khor lo spro/ /hU~M bzhi sngags dang bcas pas bsrung / /de dag legs par gzung ba'i phyir/ /ma dag pa ni mtshams bcad de/ /las kyi bya ba kun rdzogs nas/ /rgyal ba kun la gsol btab la/ /'dod pa'i don rnams grub pa'i bar/ /dngos grub gter du ming gis gzung / /gang phyir bshad pa'i cho ga yis/ /ma dag pa dang ngan pa dag /rtogs dang ting 'dzin cho ga yis/ /mnyam pas re dogs med par gnas/ / dkyil 'khor phyi nang bshad pa bzhin/ /tshad ni rjes su 'thun pa ste/ /thugs kyi dkyil 'khor dam pa ste/ /yang na sor bzhi tshad du ste/ /yang na 'dzub gang tshad du bya/ /yang na lus gang tshad du ste/ /yang na lus ni gsum bzhi nyid/ /yang na bcwa brgyad nyid du 'am/ /nyi shu lnga yi tshad du bya/ /yang na rgyang grags dpag tshad de/ /rang gi rig pa rjes 'thun par/ /nam mkha'i dbyings dang mnyam pa'i tshad/ /tshad dang ldan pa'i dkyil 'khor te/ /yid 'ong byug bdug nyi shu lngas/ / mdzes shing legs par byas nas ni/ /gang dang 'brel ba'i cho ga brtsam/ /gzhan du longs spyod ma byas pa'i/ /ras bal dur khrod rgyu las byas/ /gsar zhing grims la 'jur mdud med/ /byin brlabs lnga dang sku gsung thugs/ / thim pas ye shes thig skud de/ /rig pas thig ni gdab par bya/ /thabs dang shes rab gnyis med pa'i/ /gsang ba'i 'phro 'du de bzhin no/ /dkyil 'khor yid 'ong pho brang sa/ /ma nor gsal bas thig tu bshad/ /gang gis gang mtshon de bzhin te/ kha dog lnga dang phung po dang / khams dang skye mched rnam shes sogs/ /ye shes dkyil 'khor mtshon phyir ro/ /rtogs pas 'khor ba'i rgya dral phyir/ /tshon zhes kyang ni brjod pa nyid/ /ma mthong rmongs la ston phyir tshon/ kha dog nyi shu rtsa lnga 'am/ /lnga'i tshon gyis bri bar bya/ /gser dang dngul dang bai dur+yA/ /pad ma in+d+ra nI la nyid/ /rin chen lnga dang ldan pa yis/ /mkhas pas 'byor ldan ci bder bri/ /yang na 'bras dang sA lu la/ /kha dog bsgyur bas de bzhin no/ /dman dang 'byor pa chung ba yis/ /'byung khungs lnga yis bri bar bya/ /thabs dang shes rab gnyis med pa'i/ /rgyal ba bcu nyid thim pa yis/ /ye shes rin chen phyi nang med/ /dag pa'i ngo bor blta bar bya/ /oM a~M hU~M swA hA/ /sarba pany+tsa rad na sa ma ye hU~M/ 'bru bcu spung zhing 'bun pa yi/ /sngags dang phyag rgyas byin gyis brlab/ /zhi pa'i dkyil 'khor ma lus la/ /ye shes rin chen brtsig pa ste/ /dra ba dra phyed rta babs dang / /rdo rje zla phyed 'dod yon dang / /rin chen sa gzhi skyed shing dang / /rdzing bu dril bu g.yer khas spras/ /rtag tu bri zhing bsgom par bya/ /gdug pa 'dul ba'i dkyil 'khor la/ /thod pa sna lnga sna gsum dang / /thod skam brtsig pa'i rim pa bzhin/ /tshangs dang lha dbang la brten pa/ /mchog chen brgyad ni yin par 'dod/ /lhag ma rnams kyis thog phub ste/ /gza' brgyad nyi zla'i glo skar ldan/ /sbrul dang thod pa'i phreng ba nyid/ /dra ba dra phyed rnam par spras/ / phyi nang rgyu 'bras gdug pa dag /gdul phyir rta babs bzhir bshad de/ /sor phreng thod pa'i phreng ba dang / /dbang po nyi zla'i phreng bas spras/ /khro mo sha lnga bdud rtsi dang / /dur khrod 'dod yon ldan pa'o/ /dur khrod sa gzhi khrag dang bcas/ / skyes bu gsal shing phyogs mtshams brgyad/ /raka ta'i mtsho brgyad rba rlabs 'khyil/ /thod tshal brgyus pa dur khrod rlung / /'jigs pa'i sgra dang me 'od ldan/ /zhing 'phan phyogs mtshams brgyad dang bcas/ /lha chen thod pa sbub stengs na/ /tsi ta'i tog las 'od zer 'phro/ /he ru ka'i dkyil 'khor nyid/ /ma lus bri zhing bsgom par bya/ /ma lus 'gro ba'i re skong bas/ /rin chen phreng dang rgyan du ldan/ /mi 'jigs stobs sogs kun ldan pas/ /stobs ldan theg par gnas pa yin/ /spyod pa skyon gyis ma gos pas/ /pad+ma 'bar bas mdzes par snang / /thabs dang shes rab gnyis med pas/ /nyi zla mdzes pa'i gdan la bzhugs/ /bde chen don las mi 'da' bas/ /'khril sbyor dgyes pa'i tshul du bzhugs/ /sku gsung yon tan 'phrin las thugs/ /yongs rdzogs sku'i rgyan du gnas/ /lam dang byang chub yan lag rnams/ /rdzogs phyir phreng ba la sogs tshul/ /thugs rje 'khor ba mi gtong bas/ / chu srin klu phrug bzung ba bzhin/ /thugs rje bar chad mi mnga' bas/ /'brel ba bar chad med par gnas/ /brtson 'grus 'khor pa spong ba'i phyir/ /ri dgas dag ni mnyan par gnas/ /zag med spyan gyis kun gzigs pas/ /dge sdig spyan gyis gzigs par bstan/ /ma lus zil gnon stobs rdzogs phyir/ /bya khyung dag ni gnas par bstan/ /chos kyi 'khor lo bskor byas shing / /nyon mongs tshad pa'i gdung sel bas/ /thugs rje gdugs kyi 'khor lo bstan/ /ma lus gcig tu 'dus pas na/ /tog stong 'od zer 'bar ba ste/ /gdul bya'i bsam pa'i don phyir bstan/ /lha rnams so so'i rnam pa ni/ /sku mdog sna tshogs bzhugs tshul dang / /gdan dang phyag mtshan rgyan du bcas/ /pho mo'i tshul dang bcas pa rnams/ /de bzhin nyid la dmigs pa dang / /gdul bya gzigs pa'i tshul nyid kyis/ /gtso 'khor phyi nang lta tshul gyis/ /bzhugs thabs rim pa so sor bstan/ /rang rang snying po gang yin pa/ kha dog so sor phye nas ni/ /gsung gi dkyil 'khor bstan pa'i phyir/ /rim pa bzhin du gsal bar bya/ /rang rang thugs mtshan gang yin pa/ kha dog dbyibs dang bcas pa nyid/ /thugs kyi dkyil 'khor bstan pa'i phyir/ /rim pa ji bzhin dgod par bya/ /gdug pa 'dul ba'i dkyil 'khor yang / /dung chen ras chen la sogs pa/ /sku gsung thugs kyi 'khor lo nyid/ /rim pa bzhin du gsal bar dgod/ /de bzhin nyid la dmigs med de/ /stong zhing mi dmigs rig pa nyid/ /gang la rtog dpyod mi gnas pa/ /chos dbyings de bzhin nyid du bsgom/ /bden gnyis dbyer med mnyam pa nyid/ /ye nas khyab kyang ma rtogs pas/ /phyogs med snying rje nam mkha' ltar/ /rnal 'byor pas ni bsgom par bya/ /rang 'byung ye shes rnam pas ni/ /yig 'bru rnam pa gsal ba las/ /zhen 'dzin sbyangs nas yig 'bru yi/ /'phro 'dus 'byung lnga rim kyis bskyed/ /bru~M gis gnyis med 'od sbyang nas/ /gzhal yas khang ltar yin par bsgom/ /rnam pa'i gang yin de dag dang / /rang rig sa bon gnyis med las/ /'dres pas gang yin gtso bo nyid/ /bskyed cing dbang bskur byin brlabs nas/ /'khor yang mi phyed 'dres par bsgom/ /yongs rdzogs smin cing rtas pa la/ /dzaHhU~M ba~M hos gnyis med de/ /'dod pa mthar thug bar du bsam/ /las kyi bya ba kun zin nas/ /thun mong mchod pa sna tshogs dang / /kun bzang mchod pa la sogs pa/ /lha mo brgyad dang bcu drug gis/ /mchod pa'i rim pa brtsam par bya/ /rin chen sna lnga rta glang dang / /'bru dang bang mdzod khang khyim dang / /bu dang chung ma bran khol dang / /gnas dang zhing dang na bza' dang / /rgyan phreng bza' btung longs spyod dang / /rdzing dang chu mig 'bab chu dang / /mtshe'u dang khron pa lu ma dang / /ri dang de'u dang bskyed mos tshal/ kho ra yug dang lhun po dang / /skye bo mang bo bro glu dang / /nam mkha'i dbyings dang mnyam pa yi/ /mchod pa sna tshogs rgyas par mchod/ /dpa' bo sha lnga bdud rtsi lnga/ /bcud dang rol mo snang ba dang / /sna tshogs dri dang byug pa mchog /dag cing legs par dbul bar bya/ /thar pa la sogs zhing gi mchog /dngos dang lta spyod ting 'dzin gyis/ /bsgrub bya ma lus kun bsgrol te/ /rdo rje zhing du bskyed par bya/ /lha mo mi mo rig pa mo/ /cho ga'i sbyor ba rang rtog bzhin/ /dngos dang ting 'dzin sbyor ba yis/ /bde ba chen po rol mo yis/ /phyi nang nam mkha'i khams bkang ste/ /rin chen lha mo yo byad dang / /reg pa mnyam myong bde ba yis/ /rgyal sras zhing gi rdul snyed la/ /gnyis med dag pa'i tshul gyis mchod/ /rol mo glu dbyangs bcas pa yis/ /dkyil 'khor rim pa bstod par bya/ /rdo rje gsum gyi bzlas pa yis/ /mtshan ma legs par snang ba na/ /sbyang dang byin brlabs dbang bskur dang / /mchod dang brten pa'i cho ga dag /rtog pa'i cho ga rgyas par bya/ /dkyil 'khor de yi phyogs bzhi ru/ /rnam bzhi las kyi me thab la/ /dus bzhir rang rang rdzas dag gis/ /lha bzhi tshul gyis mchod par bya/ /de nas gnang thob dbang phyug nyid/ /dkyil 'khor zhugs shing nus ldan nas/ /thugs rjes 'khor ba bsgral ba'i phyir/ /skal ldan slob ma gzhug par bya/ /dpal ldan rdo rje sems dpa' yi/ /sku gsung thugs kyi 'khor lo che/ /mngon du mthong zhugs bsod nams gang / /'dir zhugs pa nyid de bzhin no/ /gang du sku gsung thugs ldan pa/ /gang du mos pas spro bskyed phyir/ /rgyal ba kun kyang 'phrul mdzad de/ /sgo gsum byin gyis rlob par mdzad/ /rnal 'byor cho ga rdzogs pas kyang / /gdul bya zhi dang khro ba la/ /so so'i mtshan ma nyid bstan phyir/ /sku gsung thugs kyi rnam pa dag /bris dang brdungs dang blugs pa dag /so so'i gnas su legs par dgram/ /ma lus sku gsung thugs dkyil 'khor/ / 'di las ma gtogs lha gzhan med/ /gang du dbang dang 'brel ba ni/ /bcwa lnga'i rim pas byin brlab phyir/ /bzhi dang brgyad kyi dkyil 'khor la/ /yab yum bcwa brgyad gnas par bya/ /bcu gnyis bcu drug dkyil 'khor la/ /bzhi bcu gnyis dang ldan par bya/ /nyi shu 'am nyi shu rtsa lnga la/ /rgyas pa'i cho ga rim par dgod/ /'di dag lugs dang 'bur dang bzo/ /bri dang bsgom pa dag kyang rung / /'di ni phyi'i dkyil 'khor ro/ /zab mo'i dbang gi dkyil 'khor ni/ /thun mong thun mong ma yin pa'i/ / sor bzhi 'dzub gang la brten te/ /phyi rol rnam pa'i rjes 'brang min/ /mthong dang brtan dang goms pa ni/ /rim pa bzhin du gsal bas 'byung / /brgyud pa lam gyi rim pa yis/ /mthar phyin nyams su myong bar 'gyur/ /dbang bskur thabs kyi rim pa yis/ /byin brlabs man ngag yid ches bya/ /'di ni dbang gi dkyil 'khor te/ /de bzhin gnas skabs gzhan du yang / /thun mong tshogs la sbyar ba'i phyir/ /'byung lnga rgyu dang bdag nyid dang / /mkha' dag byin brlabs so sor gdon/ /rang gi cho ga'i sbyor ba yis/ /ji ltar brtsams pa 'grub par 'gyur/ /bsod nams tshogs zhes bya bar bshad/ /gzhan yang stobs ldan rnal 'byor pas/ /gang 'dod mngon du bsgrub pa'i phyir/ /'chi med tshe'i dkyil 'khor dang / /mtshan ma pra'i dkyil 'khor dang / /dug 'joms bdud rtsi'i dkyil 'khor dang / /cho 'phrul ro langs la sogs pa/ /gang bsgrub don phyir gang bshad pa/ /de nyid bsgrub pa'i dkyil 'khor ro/ /las bzhi lha'i rnal 'byor gyis/ /rigs dang 'thun pa'i sa gzhi la/ /thab khung so so'i mtshan ma can/ /phrin las dkyil 'khor nyid du bshad/ /slob dpon nus pa stobs ldan pas/ /rdo rje lus su brtan bya'i phyir/ /rgyang grags dpag tshad la sogs pa/ /sku gsung thugs su mngon gsal ba/ /rnal 'byor skal ldan spyod yul te/ /tshogs kyi dkyil 'khor nyid du bshad/ /de nas gzhan yang bshad bya ba/ /mtshan ma rtog pa'i rang bzhin gyis/ /mthong bya don la sgrib pas na/ / de dag sbyang ba'i cho ga bshad/ /tha mal zhen pas brtags pa'i don/ /lhag pa'i bden gnyis rtogs bsgoms pas/ /phyi nang snod bcud ma lus pa/ /sku gsung thugs kyi ngang du bsreg /dkyil 'khor lha'i mtshan ma dag /rnam pa ji snyed gnas pa dag /rang rig rnam par 'phrul pa nyid/ /mtshan ma thig le'i ngang du sbyangs/ /thig le rim pa'i snang tshul te/ /phyi nang med pa'i byang chub sems/ /dngos dang dngos med kun sbyangs te/ /rang rig byang chub sems kyi me/ /phyogs bcur 'bar zhing dbyings la sdud/ /rnal 'byor las rung goms pa yis/ /gzhan don rtsom pa'i don byed na/ /dang por nyes byas gsum sbyang phyir/ /rnam gsum khrus kyi rim pa brtsam/ gdug pa 'dul ba'i dkyil 'khor gyis/ /bar chad bgegs dang dbral byas la/ /bkug bcings bstims la rnal du gzhag /bsrung dang byug bdug rgyan gyis brgyan/ /'khor ba'i sa bon kun bkod de/ /las kyi cho ga thim pa dang / /dkyil 'khor 'phro 'du rim pa yis/ /'khor ba'i sa bon sbyang bar bya/ /de tshe sdong bu gnas bkod de/ /sdong bu re la lha rnams kyi/ /snying po tshang par gdags pa dang / /gsol gdab gnang byin sras su bskyed/ /'jug dang dbang bskur las rdzogs nas/ /khro bo'i dkyil 'khor de bzhin te/ / las bzhi me'i las byas nas/ /rtog tshogs lha gsum dbyer med pa'i/ /rang rang gnas su dag pa la/ /sbyin sreg glu bro gar gyis mchod/ /las kyi bya ba kun zin nas/ /thig le chen po'i ngang la bsdu/ /de nas gzhan yang bshad bya ba/ / byang chub sems kyi dkyil 'khor te/ /ma lus byang chub sems nyid de/ /de rtogs bya phyir bshad par bya/ /chos rnams ma lus thams cad dang / /dkyil 'khor ma lus thams cad kun/ /tha dad dbye ba mi gnas te/ /byang chub sems kyi dkyil 'khor nyid/ /rang byung mtho dman med pa yi/ /sku gsung thugs dang lus ngag yid/ /ma lus gzhi rtsa snying po ste/ /rang 'byung byang chub sems la 'dus/ /de nyid rang rig 'od gsal ba/ /dngos po ma yin dngos med myin/ / gnyis ka ma yin gnyis med min/ /mtha' dbus cha shas kun bral ba'i/ /zab cing yangs la rgya che ba/ /de bzhin gshegs pa'i spyod yul te/ /rtog ge rnams kyi yul min pas/ /gsang ba'i gsang ba byang chub sems/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /skye ba med las thams cad skyes/ /skyes pa nyid las skye ba med/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /'gag pa med las thams cad 'gag /'gag pa nyid ni 'gag pa med/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /gnas pa med las thams cad gnas/ /gnas pa nyid la gnas pa med/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /dmigs pa med las thams cad dmigs/ /dmigs pa nyid na dmigs pa med/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /'gro 'ong med las 'gro dang 'ong / /'gro 'ong nyid na 'gro 'ong med/ /ma skyes rig pa'i byang chub sems/ / dngos med dngos po'i rang bzhin du/ /rdo rje sems dpa'i ngo bo nyid/ /g.yo dang mi g.yor bcas pa yis/ /phyi nang snod bcud ma lus pa/ /rang 'byung sems kyi dkyil 'khor nyid/ /rang bzhin gnas dang rtogs pa dang / /bsams dang dmigs dang goms pa yi/ /sku gsung thugs kyi mtshan ma dang / /lha dang lha min gsang ba dang / /sha za 'byung po mi 'am ci/ /grul bum yi dags klu rnams dang / /rgyu ba'i srogs chags ma lus dang / /rtsi shing gel pa 'bras bu dang / /phun sum tshogs pa ma lus pa/ /ma bcos don gyi lha nyid de/ /byang chub sems su khyad par med/ /lha zhes gzhan du bstan pa yang / /tshig gi tha snyad tsam du zad/ /byang chub sems la gnyis med par/ /rtogs pa'i don la gcig tu bstan/ /snying rje chen po'i rang bzhin gang / /gnas pa'i don dang ma phrad pas/ /ma lus snying rje'i gnas gyur pa/ /snying rje byang chub sems yin te/ /mi 'gal don du rab sbyor ba/ / kun rdzob byang chub sems su brjod/ /ji snyed rnam par bcas pa'i chos/ /ma lus mtha' yas bstan pa kun/ /byang chub sems kyi rnam 'phrul te/ /nam mkha'i cho 'phrul ji bzhin du/ /sna tshogs snang bzhin dngos po med/ / de dag ji ltar gnas kyang rung / /byang chub sems las gzhan min yang / /thun mong yul phyir phyi ru bshad/ /rang lus phyag rgya'i dkyil 'khor la/ /rang byung 'khor lo drug gnas pa/ /g.yo ba ya~M gis bskyod byed pa/ / 'gro ba kun gyi lus la gnas/ /'phen dang sdud pa'i rang bzhin can/ /snyigs ma'i dus su 'ang bde ba 'char/ /smin pa gru gsum smad na gnas/ /rnam thar sku gsum rtsa mdud can/ /'bar zhing thig le 'bebs dang gnas/ / rang lus bde chen smin byed pa/ /de la gang rten bde ba'i gnas/ /sangs rgyas rin chen gab tse la/ /thung ngu a snying lte bar gnas/ /'khrul zhing 'dzag dang gnas pa'i rtsa/ /rdo rje dbu ma'i lam dang 'brel/ /khyab cing rgyas pa'i snying po can/ / sum cu gnyis gnyis rtsa yig ldan/ /d+harma tsakra snying po'i gnas/ /rtsa bzhi yan lag brgyad kyi dngos/ /dngas snyigs shes pa brgyad kyi rten/ /rgyu ba bzhi yis shes par bya/ /dngas ma 'dus pa'i thig le nyid/ /a la brten pa'i hU~M gis sdud/ /ye shes lnga yi rang bzhin can/ /bde ba mngon shes chos nyid la/ /rim pas mthar phyin 'byung bar 'gyur/ /bcu drug sgra sbyor thig le can/ /'dab ma a li ldan pa yis/ /ma lus sgra skad bdag nyid can/ /khyab pa gsung gi bdag nyid can/ /sde tshan bcu dang ldan pa nyid/ /'byung 'jug gnas pa'i lam yin te/ /thabs dang shes rab bskul ba yis/ /bde ba 'byung 'gyur the tshom med/ /sum cu rtsa gnyis dkyil 'khor na/ / thig le de yi mnyam pa'i dbyings/ /ma lus 'byung ba'i rgyur gyur cing / /lus can kun la khyab par gnas/ /kun gyi dngos yin kun gyi gtso/ /ma lus kun 'dus gnyis su med/ /spyi gtsug 'dus pa'i snying po nas/ /rkang mthil gsang ba'i gnas yan chad/ /sku gsung thugs kyi ka bas bzung / /snod bcud rgyud rnams rang bzhin bcud/ /dngas snyigs 'dres pa thabs kyis 'byed/ /g.yo ldang smon 'jug gnas mthar phyin/ /skad cig rim pa skye 'gyur ba/ / khams lnga 'dus pa'i ro yi stobs/ /sems lnga rim pas shes par 'gyur/ /'di nyid gsum du bshad pa ste/ /skabs kyi rim pas sbyar ba nyid/ /rtsa dang thig le bde ba yis/ /phyi nang gsang ba'i tshul du bshad/ /de nas rgyal rigs rje rigs dang / /bram ze gdol pa gar mkhan ma/ /yid 'ong na tshod dar la bab/ /nus dang chags pa che ba dang / /bka' blo bde zhing yid mi 'khrug /lus ran sha mdangs dkar dmar phyed/ /skad snyan dran pas yid 'phrog ma/ /bcwa brgyad bcu drug bcu bzhi dang / /bcu gnyis ldan pa'i bu mo la/ /sbyor ba tshang zhing rtags byung nas/ /tha mal spangs pa'i sbyor ba yis/ /sa ya bcu gsum gnyis ldan pa'i/ /gsang dbang 'dus pa'i khams lnga las/ /gser 'gyur sman dang mun sel ltar/ /thabs dang shes rab gnyis med pa'i/ /nyi ma zla ba rtse phrad pa'i/ /ma lus 'dus pa'i rtse 'khor lo/ /'byung 'jug gnas pa rlung dang 'grogs/ /ldang bas tha mal shes pa 'gag /g.yo bas nyams nyid rtse gcig pa/ /smon pas yid gcig 'dres pa ste/ /'jug pa dzaHhU~M ba~M hoHste/ /shes pa bde bar 'jug pa nyid/ /gnas pas yun ring gnas pa ste/ /mthar phyin 'dres pa'i gar thabs kyis/ /brjod bral thig le'i bstan pa mtshar/ /tha mal zhen pa nub gyur nas/ /zhen pa ldog cing rig pa thim/ /rnam shes brgyal ba la sogs 'byung / /yid 'ong gzi ldan phyag rgya ma/ /mthong bas lus sems bde ba dang / /phrad pas sdug bsngal nyams par 'gyur/ / 'dres pas bde ba brtan po 'byung / /thabs dang ldan pas spyad gyur na/ /bskal bar sbyangs pas mi 'byongs pa'i/ /rnam rtog zhen pa log gyur nas/ /da lta bde ba chen por smin/ /thob pa brtan 'dod rnal 'byor pas/ /mthong dang thos dang lhan cig gnas/ /'khyud dang phrad dang spyad pa yis/ /lhan cig skyes pa'i ye shes skye/ /dbang dang mi ldan skal ngan dang / /dman pas mi rtogs yul min pas/ /gsang ba zhes ni bshad pa yin/ /de nas gzhan yang bshad bya ba/ /rim pa'i ting 'dzin mthar phyin nas/ /sku dang gsung dang thugs ldan pa'i/ /tshom bu gsum par ldan pa yi/ /sum cu'i dkyil 'khor bsgom par bya/ /gang du rgyas pa'i dbang gyur la/ /rigs lnga ye shes lngar ldan cing / /sku gsung thugs dang yon tan las/ / bdun cu'i rim pa bsgom par bya/ /mos chung gsang bar spyod 'dod pas/ /tshom bu gcig pa'i dkyil 'khor te/ /bcu 'am yang na bcwa brgyad pa'i/ /tshom bu tha ma bsgom par bya/ /'dir ni dkyil 'khor kun 'dus pa'i/ /tshogs kyi 'khor lo bsgom par bya/ /gang du gdug pa 'dul ba yi/ /dkyil 'khor rim pa de bzhin te/ /rim pa bsgyur ba'i khro bo ni/ /rim pa ma 'dres tsam du bsgom/ /rnal 'byor yo byad tshogs pa yis/ /dkyil 'khor ting 'dzin spyod tshogs pa/ /ma lus tshogs pas tshogs zhes bya/ /dang por dad dang brtson 'grus dang / /dam tshig lta sogs sngon song zhing / /rim bzhin ting 'dzin mthar phyin pas/ /nus pa yod pa'i rnal 'byor pa/ /skal ldan drod tshad mnyam pa 'am/ /mi ldan 'phro 'dus sbyangs pas 'grub/ /rab tu dben zhing yid 'ong ba/ /ri rtse gsang 'dab chu gling ngam/ /dur khrod ri bor nags 'dabs te/ /skye bo 'dus dang rnam bral zhing / /bar chad bral ba'i sa phyogs der/ /rnal 'byor rgyal po lta bu'i phyir/ / rin chen yid 'ong mdzes brgyan pa'i/ /'khor khang phyi nang bar ldan pa/ /'chags sar bcas par brtsam par bya/ /rnal 'byor pho mo grangs mnyam pa/ /lta spyod ting 'dzin dam tshig tshang / /bro gar 'dus 'phro yo byad dang / /glu tshig sgra yi yo byad dang / / bza' dang btung ba'i yo byad dang / /rgyan dang bgo ba'i yo byad dang / /A li kA li mnyam sbyar zhing / /nyi zla brtsegs pa'i ngo bor bzhugs/ /lha dang mi dang yo byad dang / /gnas dang spyod pa kun tshogs pas/ /de dag tshogs su bshad pa yin/ /thabs dang shes rab 'brel gyur nas/ /yab yum gsal ba'i ting 'dzin la/ /mtha' thug med pa'i rgyal ba rnams/ /nam mkha'i char bzhin kun bkug la/ /yab yum gnyis med 'dres pa la/ /dbang bskur byin brlabs rgyan btags te/ /bdud rtsi lnga dang sha lnga dang / /bza' btung lha la lha rol zhing / /'od kyis ma lus tshim pa dang / /'gro mang bde ba thob par bya/ /bro lnga gar lnga stabs tshig lnga/ /bro gar rtse 'jo brjod pa yis/ /rigs kyi 'od zer 'phro 'dur gsal/ /'gro ba'i phyi nang mun bsal te/ /rig 'dzin sa nas sa ru sbyang / /glu lnga chig lnga rigs lnga yis/ /phyogs phyogs bltas te brjod pa ni/ /'gro ba kun gyis bde thob cing / /chos kyi dung chen sgra yang sgrogs/ /phyi nang rgyan gyi yo byad ni/ /rin chen ze'u phrog rna chas dang / /lag gdub rkang gdub mgul to dang / /na bza' rgyan gyis gang brgyan pas/ /yid 'ong ting 'dzin gsal ba dang / /'gro bas blta ba'i 'os su 'gyur/ / rlung dang nus pa'i stobs ldan zhing / /sgo gsum bag chags zad 'gyur te/ /byin brlabs rlung la dbang thob pas/ /A li kA li mnyam sbyar ba/ /bcu drug rdzogs pa'i dus sbyar bas/ /bdag po gdung can phrad pa'i tshe/ /nyi zla dus gcig shar ba'i tshe/ /thun mong thun mong ma yin pa'i/ /spyod yul nus pa kun bzlog nas/ /mthong lam rang gi mtshan nyid skye/ /zla ba 'am zla phyed dus mtshams sogs/ /bde chen nyams myong rgyun mi 'chad/ /mthong ba'i don la mnyam bzhag pas/ /brtan zhing nges pas gdeng du gyur/ /sku ni phyag rgya chen po ste/ /bde chen zag med ting nge 'dzin/ /bskal pa brgya phrag stong du yang / /bde ba chen po rgyun mi 'chad/ /sprul pa'i longs spyod mdzad pa yis/ /'jig rten khams mang 'gro ba dang / /de tshe 'gro ba'i dbyings su sbyor/ /rdo rje lus thob de phyin cad/ /skye shi med pa'i g.yung drung yin/ /bcu gnyis bcu bzhi bcu drug gis/ /dbang sgyur rigs kyi dam pa 'grub/ /de tshe bcu drug tshun chad kyis/ /ye shes thig le de nyid la/ /ye shes thig le nyid snang ba/ /bsam gyis mi khyab mtha' yas mchog /gang zag rim par 'jug pa rnams/ /dang por dngos don mthong ba yis/ /tshe 'dis sa la bgrod bya zhing / / bsam byas lhun grub nyid thob phyir/ /lta spyod ting 'dzin rim 'brel bas/ /bar chad med pa'i lam la 'bad/ /gnas skabs rim pa ji snyed kyang / /tha mal pa dang log spyod dang / /mos pa la sogs yul min te/ / nus dang grub pa thob pa yis/ /gsang ba lam dang 'brel par bya/ /rnal 'byor chen po lnga la gnas/ /rim nas rim par brtan gyur te/ /gsal ldan me g.yo thob pa la/ /nyam nga med pa'i stobs ldan pas/ /pad ma la ni 'dam bzhin te/ /spyod pa so so gnas pa yis/ /rtsa ba spros bcas rnal 'byor te/ /bsgrub pa dus kyi tshogs la gnas/ /yan lag tshogs kyi spyod par gsungs/ /gang phyir dkyil 'khor nges bstan pa/ /rang rig mtha' dbus med pa dkyil/ /ye shes bzhi 'phros 'khor lo'i tshul/ /'jig rten 'das pa dkyil nyid de/ /'jig rten sna tshogs 'khor du bshad/ /rig pa'i don nyid dkyil nyid de/ /cho 'phrul rang byung 'khor du gsungs/ /rdo rje sems dpa' dkyil nyid de/ /rigs bzhi lha dang lha mo dang / /khro bo khro mo 'khor du bshad/ /lha yi ting 'dzin dkyil nyid de/ /spyod pa yo byad 'khor du bshad/ /gang la gang gis rgyas btab pa/ /goms dang rtas pa'i dbang gis na/ / ji ltar snang grags chos thams cad/ /de dang de yi ngo bor 'gyur/ /rdo rje sems dpa'i rgyu 'phrul dra ba gsang ba me long gi rgyud las dkyil 'khor ma lus par bshad pa'i le'u ste drug pa'o// // de nas gzhan yang bshad bya ba/ /dbang bskur cho ga phun sum tshogs/ /thabs kyi sa la sbyor byed pa'i/ /rtog pa'i cho ga bshad par bya/ /rgyal ba kun gyi gsang chen po/ /ma lus pa yi rgya mtsho nyid/ /rgyal ba kun gyi spyi gzugs te/ /'khor tshogs ye shes rgya mtsho la/ /rang bzhin dkyil 'khor lhan cig tu/ /ye shes lha mo la brten nas/ / ye shes chen po'i dbang bskur bas/ /gsang bdag rdo rje 'chang chen 'gyur/ /ye shes rgya mtsho dbang phyug gis/ /dang po nas bzung bcu pa'i bar/ /ting 'dzin 'bar ba'i dkyil 'khor du/ / rig pa'i lha mo la brten nas/ /ting 'dzin chu bos dbang bskur bas/ /sa dang ye shes zhing khams dang / /rdzu 'phrul mdzad pa'i rim par 'phel/ /mthong lam rdo rje sku thob pas/ / nges 'byed nyams ldan rnal 'byor la/ /rig pa nyams kyi dkyil 'khor du/ /rig pa rtsal gyis gzungs brten nas/ /zag med rdo rje sku la sbyor/ /rig pa brtan thob rnal 'byor pas/ /las dang skal ldan rnal 'byor la/ /lhag pa gzugs brnyan dkyil 'khor du/ /rigs ma'i phyag rgya mdzes ma la/ /dbang bskur byin brlabs brten byas nas/ /cho ga thabs kyi dbang bskur zhing / / brgyud pa dbang gi man ngag gis/ /sbyor ba nyams ldan rnal 'byor thob/ /ye shes rgya mtsho blo ldan zhing / /thugs rje rgya mtshos 'gro ba skyob/ /dam tshig dbang dang rig pa'i drod/ /rim par brgyud pa'i dbang thob cing / /dgongs zab don la mkhas pa dang / /rkyen thub sa bon gzi brjid che/ /las dang bya ba ma rmongs shing / /ma yengs brtson 'grus bar chad med/ /ri dgas rgyal po seng ge ltar/ /gzi chen gzhan gyi nyam nga med/ /byin brlabs 'dus pa'i nus pa can/ /tshig dang bden pa'i byin brlabs 'grub/ /de yis dbang bskur cho ga brtsam/ /dad dang dam tshig ldan pa dang / /snying rje che la slob la brtson/ /brtson 'grus shes rab phun sum tshogs/ /bskal pa zhing gi rdul snyed du/ /thos bsam bsgom la rab gnas pa'i/ /'gyur med brtan pa'i bsam pa yis/ /tha mal bsam pa spang byas te/ /bla ma la ni de bzhin gshegs/ /'dul dbang thabs mkhas bsam par bya/ /bla ma sangs rgyas des kyang ni/ /snying rjes nad pa bzhin bsam zhing / /skyon dang mnar dang slu sems spang / /rang rang nus pa ldan pa dang / /bdag gzhan don nus brtson 'grus ldan/ /brtul shugs gsum dang rab ldan zhing / /dngos grub don du gnyer ba yi/ /gsang chen rigs su nges pa dang / /gzhan gyi dbang du mi 'gyur na/ /dbang dang man ngag sbyin par bya/ /ri bo'i phyogs sogs 'byor pa mod/ /ljon shing me tog rgyas pa'i tshul/ / tsan dan dri bsung ldan pa'i ri/ /bdag dbang bar chad med pa'i gnas/ /phyi dang nang dang gsang ba yi/ /ri bo dgon pa yon tan gnas/ /ma lus 'dus pa'i dgon pa der/ /rnyed dang der ni gnas par bya/ /sa bcu mthar phyin gang zag la/ /zhing khams mtha' thug med gnas su/ /rgyal ba rdo rje 'chang chen pos/ /ye shes lha mo la brten te/ /skad cig ye shes dbang bskur bas/ /bcwa brgyad yon tan lhun grub pa/ /skad cig nyid la lhun rdzogs te/ /pad ma spyan gyi sa la gnas/ /yi ge 'khor lo sa la smin/ /bdag gzhan 'byed pa med pa yi/ /bde chen phyogs ris med par dgongs/ /'phel 'grib med pa'i rang bzhin pas/ /gzhan don yid bzhin nor bu bzhin/ /sa thob goms brtan skyes bu la/ /ting 'dzin rig pa'i pho brang du/ /rgyal tshab skyes bu mtha' dag gis/ /rig pa'i lha mo na so med/ /rigs bral ting 'dzin stobs las grub/ /de la slob mas nges brten nas/ /ji ltar chu la ji bzhin du/ /ting 'dzin byin brlabs dbang bskur bas/ /rnam pa dang bral dbang rnams ni/ /nyam myong dbang du rang shar te/ /thob dang brtan dang goms pa yis/ /'jig rten brgya dang stong phrag bcu/ /'bum sogs bdag gzhan don rdzogs te/ /skad cig nyid la rag lus pas/ /rgyal tshab chos kyi rgyal por bshad/ /lam zhugs rigs phyed rtags thob la/ /slob dpon mthar nye lam gnas pas/ /rgyang grags dpag tshad la sogs par/ /rdo rje thig tshad sbyor brjod pa'i/ /phyag rgya dkyil 'khor gsal ldang pa/ /sna tshogs dkyil 'khor mchog tu gsungs/ /sna tshogs rig pas dbang bsgyur ba'i/ / sangs rgyas stong gi dkyil 'khor du/ /stobs ldan bu mo la brten te/ /thabs dang ting 'dzin dbang bskur bas/ /rdo rje tshe la dbang thob cing / /cho 'phrul mngon shes ldan par 'gyur/ /dang po yon tan kun ldan pa'i/ /rigs su nges pa'i bu mchog ste/ /dad brtson brtul zhugs ldan pa yi/ /mi 'gyur brtan pa'i rigs can la/ /drod ldan gnang zhing dbang thob pa/ /rgyal po lta bu bla ma yis/ /lhag pa gzugs brnyan byin ldan du/ /dad mos brtson 'grus 'jug pa'i sems/ /mi ldog dang brtan tshul gyis bzhugs/ /dbu rgyan cod pan phreng ba dang / /gdugs dang bum pa bza' btung dang / /go cha phyag rgya rgyal mtshan dang / /snying po lnga yis dbang bskur ba/ /rang bzhin ngo bos gnas tshul la/ / rdzas thabs ting 'dzin dbang bskur bas/ /nus pa'i byin brlabs mngon shar nas/ /theg chen rdo rje rigs su 'gyur/ /de nas skal ldan slob ma de/ /tha mal 'du shes kun bzlog ste/ /rang rang lhar bcas gsal ba la/ / nus pa'i tshad dang nyams sbyar nas/ /nyan pa'i dbang dang bsgom pa dang / /'chang dang 'phrin las byed pa dang / /rdo rje rgyal po slob dpon dbang / /rang bzhin ngo bos gnas pa la/ /ji ltar chu la chu bzhag dang / / thabs dang ting 'dzin dbang bskur bas/ /mi nus nus pa thob pa'i tshad/ /mi nus pa la bskur ba min/ /tshad ldan rnams la rim par bskur/ /rig ma las kyi phyag rgya mo/ /bcu drug bcwa brgyad ldan pa yi/ / dri zhim yon tan ldan pa la/ /thabs dang shes rab gnyis med pa'i/ /rgyal ba kun gyi bcud 'dus pa'i/ /rdo rje pad ma'i rtsa 'khor lo/ /ye shes lnga yi ro ldan pa/ /thabs dang shes rab snod kyi mchog / thabs gsum tshul gyis rtser bstims pas/ /'dus gsum rgyal ba thams cad kun/ /nyungs kar tshad tsam rdo rje sems/ /rtse nas rtse ru thim pa las/ /gnas ngan len pa gsum sbyangs te/ /rtsa bcud thig le'i ngo bo nyid/ / mar me 'od ltar gsal gyur pas/ /bde chen nyams dang rtags thob pa/ /da ltar nyid 'byung the tshom med/ /rdo rje'i nyi ma rab ldan pa'i/ /bcu bzhi bcu drug rab lon pa/ /phyi nang gsang ba'i yon tan nyid/ / byin brlabs rig ma lha mor byas/ / chags pa bskyed pa'i thabs rnams nyid/ /blo dang ldan pas mngon sum bya/ /de nas cho ga kun rdzogs nas/ /bla mas gnyis med gtad bya'i phyir/ /byin brlabs sbyor ba byas nas yang / / gnyis ka'i srin lag bzung nas ni/ /slob ma 'di la legs gtad la/ /gsang ba'i gnang ba sbyin par bya/ /skyes bu 'di bzung bzang ba yin/ /de ring phan chad bu mchog khyod/ /sgo gsum lha ru mnyam sbyor bas/ / tha mal dman pa'i lta ba spangs/ /bde ba chen po nyams myong bas/ /dka' thub theg pa'i lta ba spangs/ /thabs dang shes rab gnyis med pas/ /bde ba'i nyams myong brtan par byos/ /brtan pa bar chad med bsgoms pas/ / rdo rje 'chang gi sa la 'gro/ /de bas skal ldan rigs bzangs kye/ /gtan du 'bral bar ma byed cig /sbyor ba'i thabs dang ting 'dzin dang / /rgyu ba'i rlung la dbang thob pas/ /thig le'i las la thogs pa med/ /rgyal ba'i dkyil 'khor rdul phran snyed/ /ma lus 'dus pa'i thig le nyid/ /sa yang bcu gsum gnyis ldan pa/ /nyams myong brten cing gnyis med sbyar/ /rlung gis brten pa'i thig le nyid/ /ro gcig dus mnyam tshul byung ba/ / drag pa ma yin dal ba min/ /dgongs pa nyams dang zhen chags min/ /A li kA li zhu ba'i sems/ /sangs rgyas phreng ba gnyis su med/ /rdo rje pad ma rab bskyod cing / /'khyud pa gar gyi phyag rgya las/ /nyi zla rtse phrad 'byor pa na/ /byed pa rlung gi thig le bzung / /rgyu ba bcad cing thig le mnan/ /shes pa nam mkha'i ngang la gtad/ /dbang po shes rab che chung gis/ /lan gsum brtan par gyur pa 'am/ /ma thob bar du sbyin par bya/ /rdo rje zla 'od mdzes ldan ma/ /dman dang rigs ngan rnam par spangs/ /rdo rje dbang pos ma phog cing / /gzhan dbang longs spyod ma byas pa/ /bcu gnyis bcu bzhi bcwa lnga 'ang rung / /thabs dang zas dang spyod lam gyis/ /bsnyen pa'i cho ga gzhung bzhin bya/ /rdo rje lce dang srin lag dang / /srin lag bcos ma la sogs pa/ /thabs dang byug pa'i yan lag gis/ /gsang ba'i pho brang rgyas par bya/ /'khor ba zil gnon rtsa rnyed nas/ /bdag po gdung can rnam par sbyar/ /thig le myur bul rtags byung nas/ /rgyu ba rlung gi tshad du zung / /nyi zla dus gcig shar ba la/ /'khor ba zil gnon thabs chen po/ /myong bas chu rgyun ting 'dzin thob/ /gal te rtsa dang bral pa na/ /phaT dang ldan na 'phro bar 'gyur/ / dngas rlung mnyam pas zin par 'gyur/ /bzlog pa 'dren pa'i hU~M gis shes/ /sdud pa'i hU~M gis bsdams gnas pa/ /thig les lus la khyab par byed/ /dang por sa bon 'jog pa ste/ /gnyis pas nus pa bskyed pa yin/ / gsum pas nyams myong bskyed pa yin/ /bzhi pas de nyid brtan par byed/ /lnga pas brtan pas nyams blangs pas/ /mchog gi dngos grub tshe 'dis 'grub/ /rdo rje slob dpon gnang thob ba/ /nus ldan rab gnas cho ga brtsam/ / de nas slob ma tshul bzhin gzhug /sgo gsum nyes pa kun bral ba'i/ /sdom pa'i dam tshig phog byas la/ /dbang bskur rim pa sbyin par bya/ /dbang gi nyams myong brtan bya'i phyir/ /gdams ngag rjes 'thun sbyin par bya/ /gdams ngag nyams brtan lam rim ste/ /lam mthar phyin pa 'bras bu nyid/ /drod mthar phyin dang sa brgyad dang / /grags chen sangs rgyas sa dag la/ /rang rig rtas dang thugs rje yis/ /'dren stobs mkha' 'gro gsum du snang / /mkha' dang sgra dang gzugs can gyi/ /pad ma can zhes grags pa yi/ /sbyor dang glu dbyangs snang ba dang / /gzugs tsam brtan pas grol bar 'gyur/ /dbang bskur rtsa ba'i dkyil 'khor ni/ /ma bcos rdo rje dbyings dkyil 'khor/ / khro bo'i dkyil 'khor yan lag ste/ /bsgrub dang gdug pa gdul phyir yin/ /dang la rtsa ba'i dbang thob nas/ /phyi ma'i dkyil 'khor dbang thob bya/ /gdul bya mos pa'i dbang brtsan la/ /thun mong tsam du nges pa med/ / dang po gnyis pa gsum pa dag /rdo rje sems dpa'i dbang bskur yin/ /bzhi pa dang ni lnga pa nyid/ /he ru ka yi dkyil 'khor ro/ /dus gsum rgyal bas byin brlabs pa'i/ /ma nor lam ston slob dpon la/ /mnyes dang bkur bar mi byed cing / /rang rang nus shing 'jug pa la/ /dbang bskur gnang ba ma byin par/ /gsang ba bshad dang nyan pa dang / /bsgom dang bsgrub pa la sogs pas/ /bskal pa bye ba dpag med du/ /'bras bu thob par mi 'gyur gyi/ /dmyal ba'i gnas su skye bar 'gyur/ /de ni dam pa kun brnyas pas/ /nad dang sdug sngal mang po dang / /mkha' 'gro ma dang gdon gyis 'tshe/ /de nas nges par 'chi bar 'gyur/ /byin brlabs ldan pa'i bla ma yis/ /dad brtson brtul zhugs rab ldan pa'i/ /rigs des skyes bu mchog nyid la/ /thabs kyis dbang bskur byin brlabs na/ /rgyal ba dang ni mkha' 'gro dang / /rig 'dzin grub pa pho mo yis/ /tshe 'dir bsam pa kun skongs shing / /byin brlabs dbang dang dngos grub kyi/ /phun sum tshogs pa'i bdag por 'gyur/ /gang gis gang la dbang bskur bas/ /tha mal zhen pa dag pa dang / /bde chen lam la mngon zhugs pas/ / dngos grub gang la thogs med de/ /las rnams gang brtsams 'grub pa dang / /'dod pa'i don la rol pa yis/ /sa bcu rim pa mthar phyin nas/ /pad ma spyan gyi sa thob ste/ /yi ge 'khor lo sa la gnas/ /sku gsung thugs dang yon tan las/ /nyi shu rtsa lnga lhun grub pa/ /dbang gi 'bras bu rang las shar/ /thabs chen 'di dang gang bral na/ /bskal pa gang gA'i bye snyed du/ /brtson pas 'bras bu tshol byed pa/ /'dod pa'i 'bras bu stongs par 'gyur// //gang phyir slob dpon slob ma dang / /dkyil 'khor rim pa ji bzhin du/ /las dang ting 'dzin byin brlabs kyis/ /'jug pa'i cho ga gsum du bshad/ / dus gsum sangs rgyas thams cad kyi/ /sku gsung thugs kyi gsang chen po/ /sgyu 'phrul dra ba'i lam chen po/ /ma lus cho ga rgya chen po/ /dpal ldan rdo rje me long gi/ 'jug pa'i rim pa ji bzhin du/ /gsang ba kun la shes par bya// //rdo rje bla ma de nyid kyis/ /cha byad gus ldan mdzes pa yis/ /me tog ldan pas 'khor lo nyid/ /mngon byas sku gsung bskul pa yis/ /dam tshig dran te dgongs par 'gyur/ / rdo rje sems dpa'i dkyil 'khor du/ /gsal dang rig pa'i stobs kyis ni/ /rdo rje slob ma byin brlab phyir/ /slob dpon dag kyang 'jug par bya/ /de nas slob ma 'jug bya ste/ /khrus byas dri zhim gos bzang gyon/ /dad dang gus ldan rin chen bcas/ /gus bcas snyan pa'i tshig gis ni/ /lus dbul dag pa'i sems kyis gnas/ /bdud rtsi 'khyil ba'i sbyor ba yis/ /bar chad sbyor bsal bsrung ba bya/ /cho ga gang yin lhar bskyed la/ / mtshan ma rdzogs par nan tan bya/ /rgyal ba kun gyi dam tshig lnga/ /'bru gsum sku gsung thugs ldan sbyin/ /snying kar rdo rje brtan byas la/ /dam tshig legs par dbog par bya/ /tsan dan dkar dmar byin brlabs chu/ /lan gsum blud la snod dor ro/ /de nas rang gis dam bsgrags te/ /gsang ba'i don la nges par bya/ /rang rang 'brel pa'i lha nyid la/ /rin chen dor de brtag par bya/ /sngags dang phyag rgyas de bkug la/ / bstim la dbyer med gnas pa la/ /rtag tu byin brlabs gnas pa'i phyir/ /legs par brtan pa'i cho ga bya/ /mi shes rab rib bsal byas la/ /'khor lo mngon pa'i nga rgyal bya/ /de nas lha dang dkyil 'khor gyi/ / dag pa rims kyis bstan par bya/ /de nas bla ma sangs rgyas la/ /ma lus ci yod dbul bar bya/ /byin brlabs cho ga dag pa yi/ /dkyil 'khor mchod dang bsgoms pa dang / /zhugs pa'i yon tan bsam mi khyab/ / rdo rje 'dzin pa nyid du 'gyur/ /des na rigs su nges pa yis/ /dang por 'jug pa'i rim pa bstan/ /rtsa ba yan lag kun theb nas/ /rim pa bzhin du dbang bskur ro/ /de nas bla ma'i bka' mnos la/ / 'dod pa'i dngos grub bsgrub par bya/ /rdo rje sems dpa'i sgyu 'phrul dra ba gsang ba'i me long gi rgyud las dbang bskur ba ma lus pa bshad pa'i le'u ste bdun pa'o// // de nas gzhan yang bshad bya ba/ /rdo rje dam tshig bla na med/ / sdom pa brtan po dam bcas pa/ /'di dag legs par bshad par bya/ /dus gsum sangs rgyas thams cad kyis/ /'das dang ma byon dus gsum du/ /rgyal khrims tha tshigs bkas bcad ltar/ /rim pas dmod bor bkas bcad pa'i/ /byin brlabs rang bzhin 'da' dka' ba/ /kun gyis bsrung bya yin par bshad/ /gang phyir dam pas byin brlabs pa'i/ /dam tshig chen po 'di nyid la/ /'das dang da ltar ma byon pa'i/ /rgyal ba sras dang bcas pa dang / /rig 'dzin rnams dang mkha' 'gro dang / /lha rnams dang ni mi rnams dang / /klu dang mi min 'byung po'i tshogs/ /rdzu 'phrul ldan pa'i lha chen kyang / /dam pa 'das pas 'tshig par 'gyur/ / dam pa nyid kyi rang bzhin 'di/ /rgyal ba kun gyi dgongs pa la/ /sgra bzhin spyod pa'i gang zag rnams/ /log par spyad pas tshig par 'gyur/ /dam pa rnams kyis bkas bcad cing / /byin brlabs dmod por rang bzhin grub/ /dam pa 'di las gang 'da' ba/ /rdo rje can yang tshig par 'gyur/ /dam pa rnams kyi dgongs pa la/ /dbang dang byin brlabs thob pa yis/ /dam pa'i tshul bzhin nges spyad na/ / mi mthun phyogs rnams 'tshig par 'gyur/ /de phyir dus gsum sangs rgyas kyis/ /dam tshig ces ni rnam par bsgrags/ /bla na med pa'i dam tshig ni/ /ma lus rang rig byang chub sems/ / mtha' dbus 'gro 'ong las grol ba/ /gzhi rtsa med pa'i sems nyid de/ /gang gis don rtogs gnas gyur pa/ /don dam byang chub sems su brjod/ /ma skyes byang chub sems nyid ni/ /skye ba'i rang bzhin nyid snang ba/ / rang lus rgyal ba'i phyag rgya ste/ /ma lus der snang ngo bo gcig /rang lhar sgo gsum gsal rtogs pa/ /kun rdzob byang chub sems su bshad/ /gsang ba bshad dang dbang bskur dang / /man ngag lung dang nyams chag skong / / mchog dang thun mong la sogs pa/ /dngos grub ster zhing grol byed pa/ /'di ni sangs rgyas mnyam pa'i phyir/ /skad cig gdung ba nyams mi bya/ /rang gi lha dang gnyis med nas/ /phyag rgya bzhir gsal rnal 'byor pas/ /rang gi sgo gsum ma nyams par/ /chu bo lta bur bar chad med/ /sangs rgyas kun gyi gsang ba ni/ /theg chen gsang ba nyid yin pas/ /snod med dman sogs log pa la/ /gsang bcu la sogs brjod mi bya/ / dang por gsang bar srog gcig pas/ /byang chub snying por mi 'bral bas/ /rang srog rang gis gcod kyang sla/ /brtse gdung dam tshig bral mi bya/ /lam dang bsgrub pa'i rtsa ba dang / /dngos grub kun gyi rtsa ba dang / / 'di dag nyams na kun nyams pas/ /rtsa ba zhes su bstan pa yin/ /yan lag thun mong dam tshig dang / /thun mong min par bshad par bya/ /dang por gsang ba'i lung thob nas/ /nus pa mngon du snang bar du/ /bdag dang gzhan gyir thun mong gi/ 'gal dang sgro skur kun 'das shing / /kun dang bsam pa dga' byed pa/ /thun mong dam las mi 'gal ba/ /thun mong dam tshig yin par bshad/ /thun mong ma yin gang zag gis/ /thabs chen thun mong ma yin pa/ /nyon mongs lnga dang spyad pa lnga/ /bdud rtsi lnga dang shes pa lnga/ /grub pa lnga yi chos rnams nyid/ /skyes bu rigs phyed spyod yul te/ /thun mong rnal 'byor yul min pas/ /thun mong ma yin zhes su bshad/ /dang po nas bzung rtags thob bar/ /rtsa ba yan lag bcas pa yi/ /lus sems ma yengs rtse gcig pas/ /rnam pa dang bcas dang du blang / /sa thob goms dang mthar phyin par/ /ting 'dzin don la gnas pa'i tshe/ /'gal ba'i sgo gsum mi 'byung bas/ /ting 'dzin rgyun gyi dam tshig la/ /rnam pa'i dam tshig ma lus 'dus/ /don las langs tshe snying rje dang / /rtsa ba yan lag shugs ldan yin/ /sangs rgyas sa la gnas pa na/ /'da' ba med pa'i dam tshig ste/ /rgya mtsho rlan bzhin thob spangs med/ /bsrung byed ye shes dam tshig ste/ /dam tshig 'di ni rmad po che/ /bsnyen pa rtags dang ldan bar du/ /spyi yi dam tshig bsrung bya zhing / /bsgrub pa gang yin 'grub pa na/ / khyad par rang rang rtog pa yi/ /dam tshig med par 'grub mi 'gyur/ /gang zag gang la dga' ba la/ /dam tshig dka' thub sgo nas ni/ /gsang ba'i don la dgod bya'i phyir/ /dam tshig rnam pa mtha' yas bstan/ /dang po las can rnal 'byor la/ /rtsa ba thun mong dam tshig bstan/ /brtan nas nyams ldan gang zag la/ /thun mong min pa'i dam tshig bstan/ /rtogs pa'i 'jigs med gang zag la/ /'da' nyams med pa'i dam tshig bstan/ /sa thob goms mthar phyin pa la/ /ting 'dzin rgyun gyi dam tshig bstan/ /dngos grub rtogs pa kun dang 'brel/ /dam tshig 'di ni rdo rje che/ /sangs rgyas kun gyis byin brlabs pa'i/ /rtsa ba yan lag bcas pa 'di/ /thob nas dam par gang bsrungs pa/ /yon tan chung yang 'grub par bshad/ /mchog dang thun mong la sogs pa/ /dngos grub rtog pa ma lus pa/ /cho ga gang dang ting 'dzin gang / /bsgrub pa gang dang gang yang rung / /ma nyams tshul du rab brtson pas/ /myur du grub pa nyid du 'gyur/ /gal te byin gyis ma brlabs na/ /rdo rje 'chang nyid brlag par 'gyur/ /rgyal ba kun gyi yon tan nyid/ /dam tshig rdo rje las byung bas/ /dam pa 'di la gang brten pas/ / yid bzhin nor bu lta bur gyur/ /dus gsum rgyal ba thams cad kyi/ /sku gsung thugs dang yan lag gi/ bsrung bya dka' thub dam pa 'di/ /kun gyis 'da' ba ma yin zhing / /gnas pa dam pa nyid yin te/ /las dang skal pa dman pa dang / /rigs dman le lo che ba dang / /rang bzhin ngan pa'i gang zag gis/ /blun po gang zhig 'da' byed cing / /dngos grub gnyis la rgyab phyogs nas/ /dam pa rnams la dmod byed pa/ /sangs rgyas kun la nyes byas pas/ /rdo rje 'dzin rgyal khros nas ni/ /bdun rgyud tshun chad brlag par mdzad/ /mkha' 'gro ma dang rig 'dzin dang / kha 'bar gtum 'khrug rngam pa'i tshogs/ /de ma thag tu srog bcad nas/ / dmyal ba'i gnas su skye bar 'gyur/ /gal te 'jig par gyur na ni/ /'jig rten gang du skye 'gyur zhing / /ji srid nam mkha' 'jig pa 'am/ /phyi yi rgya mtsho zad pa'i tshe/ /thar te gzhan du nam yang min/ /dam pa'i bla ma spong ba dang / /rdo rje mched la 'khu ba dang / /byang chub sems nyid mi dran zhing / /sngags dang phyag rgya yal ba dang / /snod min gsang ba bshad pa dang / /gsang ba'i don la skur ba ni/ /'dir yang sdug bsngal myong 'gyur zhing / /skad cig 'gags pas de ma thag /bar ma'i lus dang bral gyur pa'i/ /rdo rje dmyal bar skye bar 'gyur/ /gang du rtsa ba yan lag bcas/ /bsrung dang dbog par bya ba'i chos/ /thun mong dbang dang 'brel bcas pa'i/ /thun mong spyi yi yul gyur pa/ /de ni thun mong bsrung bya ste/ /'di ni phyi yi dam tshig go/ thabs dang shes rab sbyar ba'i sems/ /thig le'i sems lnga'i lam gyi rim/ / rig pa ma lus gsal ba'i tshe/ /thig le gnyis med nyams su byung / /bde ba'i thig le'i bcud bsgyur bas/ /tshogs drug rang snang thig le'i grogs/ /ma lus thig les byin brlabs pas/ /thams cad bde chen phyag rgyar gsal/ /thig le rig pa khar dbyung min/ /'khor lo kha sbyor bde ba yis/ /tha mal bde bar dbang por bsgyur/ /rgyal ba'i dgongs spyod thabs kyis myong / /tha mal zhen pa rnam par bzlog / thabs ldan don la gsang ba'i don/ /rang snying 'od kyi dkyil 'khor lnga/ /'char dang nub pa'i rim pa yis/ /thabs chen gsang ba'i thig le ltar/ /shes nas spang du med par gnas/ /rang byung gnas pa'i bcud lnga ni/ /rang lus rten pa'i don snang ba/ khyab par rgyu ba'i tshul dag gis/ /dngas snyigs gnyis kyi tshul du gnas/ /rang lus rtogs dngas snyigs dang / kha dog yan lag nyin lag gis/ /bde ba'i ye shes lngar shes dang / /bde ba chen po nyid du gsungs/ khams lnga bcud las skyes pa yi/ /ma lus thig le'i rang bzhin te/ /ye shes lnga yi ro ldan pas/ /rgyal ba lnga ru yang dag gsungs/ /thabs dang shes rab rdo rje dril/ /nyi zla'i rim pa'i 'od gsal ba/ /sems lngas mkha' la gsal ba'i tshe/ /rten can rten dang gnyis med pa/ /lhan cig skyes pa'i ye shes snang / /ma zin rdo rje lce yis blang / /gnyis kyi rtog pa ma lus pa/ /bde chen ro gcig byin gyis brlabs/ /skad cig 'bral med bde ba'i sems/ /dus gsum mi 'bral brtan par gnas/ /rlung dang thig le'i bzlas pa yis/ /thams cad bde chen phyag rgyar gsal/ /bde chen thabs dang nyams kyis ste/ /brjod dang tshig gis phebs pa min/ /gnyis sbyor phrad pa'i bde ba yis/ /tha mal zad dang bde chen sbyor/ /gang gis sbyin par mi nus pa/ /da ltar nus pa rang gis myong / /gzhan gyi brdzun pa'i don 'di ni/ /thabs kyis bde bar mngon du bstan/ /tha mal zhen pa spang ba'i phyir/ kha na ma tho bag tsha bral/ /skyes dang nus dang gnas pa'i tshe/ /rang bzhin lnga ni shugs kyis grub/ /rang gi rtsa bcud so so las/ /bdud rtsi bral ba med par gnas/ /'byung lnga dbang po gzugs sogs bcas/ /thabs ldan sbyor ba'i byin brlabs kyis/ /bde chen lhan cig skyes par shes/ /nyi zla rlung gis zin pa yi/ /mtshan ma bral ba ngo bo las/ /zhen pa med pa'i thabs chen pos/ /lhan cig skyes pa'i rang bzhin las/ /ye shes lnga yi ros gang bas/ /ma lus rgyal ba lnga ru grub/ /'di ni phyi nang gsang ba yi/ /rang bzhin dam tshig chen po yin/ / dam tshig rnam pa mtha' yas pa/ /shin tu bsdus pa rnam pa gnyis/ /'bring du rtsa ba lnga nyid dang / /yan lag bcu ru shes par bya/ /shin tu rgyas pa'i dam tshig ni/ /spyir ni sum brgya drug cu ste/ /rang bzhin 'od gsal ba nyid dang / /nyid kyi dkyil 'khor snang ba dang / /dus bzhi rgyal mchog nyid dang ni/ /bsgrub med mnyam par rdzogs pa nyid/ /lhun grub bde gnas dam tshig dang / /rnam dag byang chub gzung 'dzin bral/ /rtogs nas don 'dzin dam tshig dang / /sems la gnas bcas dam tshig dang / /ye nas ma bcos dam tshig dang / /'dus byas rnam dag dam tshig dang / /chos rnams dbyer med dam tshig dang / /thams cad 'jigs med dam tshig dang / /g.yung drung tshe 'phel dam tshig dang / /thams cad bsrung du med pa ste/ /'di dag lta ba'i dam tshig yin/ /thams cad sbyor ba'i dam tshig dang / /ma lus bsgral ba'i dam tshig dang / /ma byin len pa'i dam tshig dang / /brdzun du smra ba'i dam tshig dang / /thams cad spyod pa'i dam tshig dang / /dam rdzas spyod pa'i dam tshig ste/ /'di dag spyod pa'i dam tshig yin/ /bsgrub pa'i dam tshig rnam gsum ni/ /rdo rje skye gnas dam tshig dang / /'dren byed gnas stobs dam tshig dang / /lam la ston byed dam tshig dang / /rab tu rtogs byed dam tshig dang / /sgyur byed byang chub dam tshig dang / /thams cad dbang sgyur dam tshig dang / /rig 'dzin gnas stobs dam tshig dang / /bsgrub bya rtogs pa'i dam tshig yin/ /yum gyur dbyings phyug dam tshig dang / / thabs nyid shes rab sbyor dam tshig /shes rab thabs su sbyor de bzhin/ /glang po brjid gnon dam tshig dang / /thams cad mi chud dam tshig dang / /thams cad bsrung ba'i dam tshig dang / /ting 'dzin phyag rgya'i dam tshig ste/ /bsgrub pa thabs kyi dam tshig yin/ /tshogs kyi mchod pa'i dam tshig dang / /tshogs kyi dkyil 'khor dam tshig dang / /tshogs kyi 'phrin las dam tshig dang / /'phra men tshim byed dam tshig ste/ /bsgrub pa'i phrin las dam tshig yin/ /yang dag don ston dam tshig dang / /gsung mchog mtha' yas dam tshig dang / /thams cad skad 'jal dam tshig dang / /yi ge med 'jal dam tshig dang / /stong gsum kun grags dam tshig dang / /ye shes gsung mchog dam tshig dang / /bsam yas rdo rje gsung dam tshig /mi 'gyur rdo rje'i dam tshig ste/ /bdag gis shes bya'i dam tshig yin/ /shes bya ting 'dzin dam tshig bzhi/ /nam mkha' snang byed dam tshig dang / /rten byed sa yi dam tshig dang / /sreg byed me yi dam tshig dang / /'khrug byed chu yi dam tshig dang / /g.yengs byed chen po'i dam tshig ste/ /shes rab lnga yi dam tshig dang / /phung po lnga yi dam tshig ni/ /thabs mchog lnga yi dam tshig yin/ /chos rnams gzugs brnyan dam tshig dang / /sgra ltar shes pa'i dam tshig dang / /dri ltar shes pa'i dam tshig dang / /ro ltar shes pa'i dam tshig dang / /reg ltar shes pa'i dam tshig ni/ / gnyis su med pa'i dam tshig yin/ kha dog lnga yi dam tshig dang / /phyogs lnga yid ni dam tshig dang / /dbang lnga yi ni dam tshig ste/ /gsum po spyir khyab dam tshig yin/ /bde ba'i ngang nyid dam tshig dang / / lhun grub ye shes dam tshig dang / /mi 'jigs rgyal mchog dam tshig dang / /mnyam rdzogs lhun grub dam tshig dang / /phyogs dus dbyer med dam tshig dang / /nyid kyi dkyil 'khor dam tshig dang / /chos la skyon med dam tshig dang / /brjod med spros med dam tshig dang / /phyogs dus gnyis med dam tshig dang / /gnyis med byang chub sems dam tshig /'dus ma byas pa'i dam tshig dang / /thams cad rgyas 'debs dam tshig dang / /thams cad mi 'gog dam tshig ste/ /ngo bo ting 'dzin dam tshig yin/ /grub par bya ba lnga bstan pa/ /chos kyi 'khor lo'i dam tshig dang / /rin chen 'byung ba'i dam tshig dang / /pad ma chags med dam tshig dang / /don rnams grub pa'i dam tshig dang / /'jigs byed rdo rje dam tshig dang / /de bzhin sku nyid dam tshig dang / /thams cad 'byor ldan dam tshig ste/ /sku yi dam tshig bdun du bshad/ /yang dag don ston la sogs pa/ /gsung gi dam tshig brgyad po nyid/ /rang la rdzogs par shes bya ste/ /'bras bu'i bsrung bas bsgrub bya yin/ /rang rig dbang sgyur dam tshig dang / /tshe mchog rnam dag dam tshig dang / /rang bzhin 'od gsal dam tshig dang / /byang chub sdom byed dam tshig dang / /thams cad dbang sgyur dam tshig drug /thugs kyi dam tshig nyid du bshad/ /byang chub zhing bkod dam tshig dang / /ye shes bzhugs gnas dam tshig dang / /gzhal yas khang bstan dam tshig dang / /sna tshogs kun sgyur dam tshig dang / /zad med gter ldan dam tshig dang / /bsgrub pa zad med dam tshig dang / /zad med gter chen dam tshig ni/ /yon tan dam tshig bdun du bshad/ /thams cad byin rlob dam tshig dang / /bdud sde tshar gcod dam tshig dang / /sems can don byed dam tshig ni/ /'phrin las dam tshig gsum du bshad/ /spong ba rdo rje dam tshig dang / /chags pa'i ye shes dam tshig dang / /gti mug chen po'i dam tshig dang / /phrag dog chen po'i dam tshig dang / /nga rgyal bde mchog dam tshig dang / /nyon mongs lnga yi dam tshig ste/ / mi spang ba yi dam tshig yin/ /gtan du ma yengs bsrung ba ni/ /mnyam pa lnga yi dam tshig dang / /bden pa dbyer med dam tshig dang / /sku gsung thugs sbyor dam tshig dang / /lam lnga rdzogs pa'i dam tshig dang / /thams cad bde sbyor dam tshig dang / /rdo rje log 'joms dam tshig dang / /'khor ba zil gnon dam tshig dang / /ma bcos lhun grub dam tshig dang / /thig le bde sbyor dam tshig ni/ /lta ba rgyun bsrung dam tshig yin/ /ting 'dzin rgyun bsgom dam tshig dang / /bcing ba phyag rgya'i dam tshig dang / /bzlas pa sgra snyan dam tshig dang / /sgo gsum mnyam pa'i dam tshig dang / /shes rab bde sbyor dam tshig ni/ /ting 'dzin rgyun gyi dam tshig yin/ /tha snyad zil gnon dam tshig dang / /spyod lam bde 'byor dam tshig dang / /rig pa thod rgal dam tshig dang / /ma bcos gnas dag dam tshig dang / /rang 'byung gnas bral dam tshig ste/ /gcig car gnas pa'i bsrung thabs yin/ /thams cad skyed byed dam tshig dang / /rgyud drug sbyor byed dam tshig dang / /rtogs pas tshim byed dam tshig dang / /khyab pa nam mkha'i dam tshig dang / /gzhan don shugs grub dam tshig ni/ /dam tshig che ba bstan pa yin/ / dmyal chen dmyal ba phal pa dang / /yid dgas byol song srin po dang / /gnod sbyin mngal srin kha 'bar lce/ /lha dang lha min ru dra dang / /rtsangs pa la sogs 'khor ba ste/ /chad pa'i skye gnas bstan pa yin/ /bsrung ba'i dam tshig chen po yin/ /gal te stong pa'i don rtogs na/ /bskang dang nyams pa'i tshul med de/ /chad pa'i yul las 'das pa yin/ /gang zag 'ga' zhig spyod yul yin/ /gal te rtsa ba'i dam nyams na/ /bla ma grogs po brgya dag la/ /bshags pa stong phrag brgya ru bya/ /bzlas pa bye ba phrag bdun bya/ /gtor ma 'bum phrag bdun du bya/ /sbyin bsreg 'bum phrag bcu gcig bya/ /de nas slar yang blang ba 'am/ /bla mas gnang nas gnas par bya/ /gal te yul de mi gnas sam/ /lo gsum phan chad 'das pa 'am/ / gal te bshags pa'i tshul mthong bas/ /ma dad 'dod pa'i sems skyes nas/ /bskang ba'i tshang las 'das pa ste/ /bskal pa chen po brgyad khri'i bar/ /bshags kyang dag par mi 'gyur te/ /rdo rje dmyal ba zhes bya bar/ /mi bzad sdug bsngal myong nas ni/ /ji srid nam mkha' gnas pa'i bar/ /mtshon cha'i 'khor lo bzhin du 'khor/ /yan lag dam tshig nyams gyur na/ /zla ba bdun du smra bcad bya/ /sbyin bsreg stong rtsa brgyad du bya/ /bzlas pa bye ba tshad 'bum gcig / gtor ma khri phrag gcig tu gtang / /de nas slar yang blang ba dang / /dag dang tshangs par bsgrags par bya/ /dag pa'i snod dang mi ldan par/ /gsang ba ston cing 'chad pa dang / /dbang ma thob par bka' 'gom dang / /bder gshegs bka' las 'das pa dang / /tshad dang ldan pa'i snod min la/ /gsang ba tshad du sgrogs pa dang / /gsang ba nyams su mi len par/ /'phyar bas kun la spel ba ni/ /tshad las 'das pa'i gang zag ste/ /sangs rgyas kun la brnyas byed pas/ /dus gsum sangs rgyas khros pa yin/ /bdun rgyud tshun chad brlag par mdzad/ /bla ma dang ni grogs rnams dang / /pha ma gnyen bshes rgyal blon dang / /rgyal 'bangs nyes med sdang ba ni/ /dam tshig nyams pa'i rtags su bshad/ /zab mo dag la gegs 'byung dang / /bsgrubs pas 'dod pa mi 'byung zhing / /bsrung ba'i lha rnams g.yel ba dang / /ma nyes ya kha 'byung ba dag /dam tshig nyams pa'i rtags su bshad/ /dang por bla ma'i lung thob nas/ /rang gis nyams pa ma tshor zhing / /bde legs bsam pa 'grub 'gyur zhing / /bdag gzhan bsam pa'i khyad par dag /sngon du yid bzhin nor bu bzhin/ /'grub cing bsngags pas thob pa ni/ /ma nyams don dang ldan pa'i rtags/ / rnal 'byor dbang phyug rgyal po yin/ /gal te ma nyams rtags byung na/ /bkang gso'i cho ga myur du brtsam/ /gal te nyams la rtags med cing / /legs par snang na mi rung ste/ /bdag gi sa bon tshig pa ste/ /bde ba zad byas gtan du sdug /ma nyams rtags byung myur bkangs na/ /sngon gyi bag chags zad par 'gyur// // rdo rje sems dpa' sgyu 'phrul dra ba gsang ba me long gi rgyud las/ /dam tshig ma lus pa bshad pa'i le'u ste brgyad pa'o// // de nas yang dag bshad bya ba/ /mchog dang thun mong la sogs pa/ /bsgrub pa'i khyad par ji snyed pa'i/ /rtog pa'i cho ga mdor bsdus bshad/ /rgyud kyi rgyal po ma lus las/ /thun mong dag la mos zhugs pas/ /thun mong yo byad ting 'dzin dang / /sngags dang phyag rgya bral goms pas/ /rtags dang nus pa mthar phyin pas/ /gang ltar dmigs pa 'grub 'gyur te/ /zag bcas thun mong dngos grub yin/ /de las gzhan pa bshad par bya/ /gang du mchog gi rnal 'byor pa/ /dbang dang dam tshig ting 'dzin dag /phyi nang gsang ba'i rim thob nas/ /mi ldog brtan pa'i rnal 'byor thob/ /mthong nas bsgom lam ma nges rigs/ /ting 'dzin gang bsgom bar chad med/ /tshe 'dis dbang bsgyur 'jigs bral te/ / de nas sku lnga'i bdag nyid thob/ /mchog ldan mchog gi mchog thob pas/ /mchog gi dngos grub thun mong min/ /dad dang dam tshig shes rab dang / /brtson 'grus brtul zhugs bzod pa thob/ /brtan cing snying brtse dbang rdzogs shing / /bsgrub dang lam gyi sbyor ba shes/ /yid thub mi ldog brtan pa can/ /nyams thob dang du len pa ni/ /gcig dang lnga gsum gang zag gis/ /ri bo ri sul gsang bar dang / /chu gling ngam grog brag rdzong dang / /dur khrod ri phug chu mdo dang / /yid 'ong bkra shis nyams dga' bar/ /cho ga byin brlabs rdzogs pa nyid/ /las kyi cho ga gang yin pa/ /bdag gam gzhan gyis byas pa ni/ /bdag dbang bkra shis phun sum tshogs/ /dam tshig dbang dang lta ba dag /sngon du bya ba rdzogs pa yis/ /sngon du rnal 'byor gsum thob bam/ /dang po yid brtan gang yin kyang / /gang la yid kyis dmigs pa de/ /cho ga ting 'dzin 'brel ba nyid/ /rang rang rtog pa ji bzhin du/ /tha mal ba dang le lo dang / /the tsom dad pa'i stobs kyis te/ /gal te de dag mi ldan na/ /sa thob kyis kyang ma yin na/ /gang zag skye bos smos ci dgos/ /gal te dgug pa'i las bya na/ /bdag nyid dbang drag khro bo'i ste/ /dmar thag dud ka'i mdog 'dra ba'i/ /gang ltar gnas pa'i 'phro 'du ni/ /zhags pa lcags kyu sha stag ste/ /dmigs pa brtan cing rtags thob nas/ /mngon du gyur gyi bar du ni/ /rang sngags brjod pa de yi mthar/ /che ge mo zhig dzaH hU~M zhes/ /dgra dang bgegs dang lha dang gzungs/ /mthu dang rdzu 'phrul ldan yang rung / /tha mal dbang med bzhin du dgug /gal te de yi dgos pa dag / myur du grub par ma gyur na/ /de dag legs par grub kyi bar/ /gang yin mkhas pas bcing bar bya/ /dag dang thabs dang ting 'dzin gyis/ /'grub par 'gyur par gdon mi za/ /bdag nyid dbang drag gsal ba yi/ /lce la dbang gi 'khor lo bsam/ /yi ge gsum ldan dgu bkod nas/ /'od kyis nam mkha'i khams bkang zhing / /pad ma rA ga zhu 'dra bas/ /gang thim bdag gi dbang 'gyur zhing / /bden pa bdar zhing ngag gis bcing / /yang na gang la gang chags pa'i/ /rdzas la ring du 'dod pa ltar/ /'dod pa grub na dam bcas zhing / /yid 'ong 'dul ba'i ting 'dzin gyis/ /dga' ba'i thabs kyis bsten byas na/ /gal te 'gro zhing 'phro 'dod na/ /dbang drag phyag rgyas bsdigs bcing gzir/ /dga' ba'i thabs kyis yid 'phrogs nas/ /rol mo sgyu mkhan dag de yis/ /'dus pa'i gang zag chags pa can/ /bya ba thabs kyis bral ba ltar/ /bral ba med par gnas par 'gyur/ /ting 'dzin brtan pa'i nus pa yis/ /gang yang rung ba'i sems can de/ /sna tshogs khro bo khro mo yis/ /'od dang phyag rgya 'bar ba yis/ /bcings nas mdun du gnas par blta/ /dga' dang bsdigs pa rdzas kyi mtha'/ / ting 'dzin brtam pas nges par 'grub/ /med las dngos por nges grub cing / /mi mthun brgyad sogs nges 'grub na/ /yod dang snang ba'i 'gro ba dag /dbang pos bsgyur ba smos ci dgos/ /gal te gso ba'i las byas na/ /las ni gnyis te brtsams pas 'grub/ /bdag nyid rtag par skyes nas ni/ /dbang bskur byin brlabs kun bstims nas/ /mdun du shel gyi bum pa ru/ /thugs las chu yi lha mo bskyed/ /phyogs bcu'i rgyal ba der gyur nas/ /bum par lha mo 'od du zhu/ /nad dang sdug bsngal byang bar bsam/ /dmar ser ba yi 'o ma dang / /sman dang rin chen spos dang 'bru/ /bdud rtsi snying po cha rkyen la/ /mA ma kI yi sngags kyis gdab/ /oM mA ma ki sarba pa pa du ru du ru swA hA/ nad dang sdug bsngal ldan pa'i lus/ /bkrus pas 'tsho bar the tshom med/ /bdag nyid brtul zhugs bde ldan pas/ /sngon du bya ba sngon song bas/ /dgon pa bas mtha' rab dben par/ /ma smas ma rul tshad ldan pa'i/ /dur khrod zhing chen mtshan ldan la/ /khrus dang byug bdug kun byas nas/ /pho mo la sogs yin pa yi/ /las de nges par 'grub par 'gyur/ / de dag maN Dal gtsang ma yi/ /dbus su legs par bzhag nas ni/ /bdag nyid khro bo gang yang rung / /gsal bar tshangs ba brgya byin rung / /rang sngags srog snying dza yis dgug /phyag rgya bzhi yis dbab par bya/ /gal te 'dar dang rgod pa dang / /ngu dang 'jigs pa'i sgra byung na/ /dam tshig phyag rgya bstan par bya/ /dam chu byin la mnas bsgags te/ /gang 'dod las la mngag par bya/ /gal te 'jig rten the tshom zos/ /de yis zos dang brgyal ba dang / /'phral du bdag nyid 'chi bar 'gyur/ /gang zhig ting 'dzin brtan pa yis/ /bar chad med par bsgrubs pa'i tshe/ /mdangs ldan yid 'ong dang po ste/ /dri zhim 'od chags gnyis pa yin/ /dga' ba'i sgra sgrogs gsum pa yin/ /bkrag dang gzi mdangs nyams sod yin/ /zhing chen kha nas hri byung na/ /ting 'dzin rdo rje so yis bcad/ /ro langs brdabs na gser du 'gyur/ /lce yi ral gris de bcad na/ /cis kyang mi tshugs go mtshon te/ /lha min g.yul yang pham byed na/ /dpa' bo stobs ldan smos ci dgos/ /de yi dbang po lnga dag la/ /mngon shes lnga yi dngos grub yod/ /rang gi rtog pa ji bzhin du/ /mkhas pas bsgrubs na 'grub par 'gyur/ /gal te bcu bdun bcwa brgyad ma'i/ /zhing mdzes bkru zhing byugs byas te/ /rgyan dang gos kyis legs par gdags/ / dri zhim dbang po dag pa la/ /bdag nyid dbang drag rnal 'byor gyis/ /ye shes 'jig rten gang rung pa'i/ /lha mo yid 'ong 'od 'bar ma/ /sngags dang phyag rgyas bkug bcings nas/ /rtags byung bar du bstim par bya/ / dri dang sgra dang 'od dag dang / /'dar dang 'gul dang dgod pa dag /dang po'i rtags ni yin par bshad/ /lha dang gtam dang gnyis pa ste/ /dngos su langs pa tshad yin pas/ /dam bdar mnas bsgag dbang du bsdu/ / gal te sbyar du sad pa na/ /cho 'phrul chen zhing log ston na/ /dbang drag nga rgyal chen po yis/ /dbang du bsdu dang zil gyis mnan/ /de dag chags pas rol spyad na/ /skad cig cho 'phrul bzhi thob ste/ / skye shi med par gnas pa dang / /ma lus bde chen 'bar ba dang / /zhing khams kun tu bgrod pa dag /thogs pa med par 'grub par 'gyur/ /gtsang ma byis pa rma med pa/ /yid 'ong legs pa btsal blangs nas/ / dag cing bdud rtsis dri byugs la/ /'da' hU ma tas legs byugs la/ kha dog lnga yi gzungs kyis gdags/ /tshangs pa dang ni brgya byin dang / /lha mo gang rung snying pos dgug /rtag tu phyag rgya bzhis bstim zhing / / bdag nyid ha ya grI ba 'am/ /ya mAn ta ka la sogs pa/ /gang rung khro bor gsal bsgoms la/ /drag tu dgug cing bstim par bya/ /rtags byung mthar thug mngon gyur nas/ /legs nyes de yis smra bar 'gyur/ /gal te 'dar zhing mi brjod na/ /oM gyi 'od dang a mr-i tas/ /lce la thabs kyis dbang bskur zhing / /ha ya grI bas gad mos bsdigs/ /legs par smra bar the tshom med/ /gal te gsad pa'i las byed na/ /gsal la brtan thob rnal 'byor bas/ /dur khrod shing gcig bzhi mdo 'am/ /lha 'dres mngon du gnas pa'i sar/ /bdag nyid zhe sdang rdo rje ste/ /dud kha nag po 'od 'bar ba/ / spyan bzlog mtshon cha me ltar 'bar/ /sprul pa'i char ltar 'khrug par bsam/ /bdun du hom khung khru gang tshad/ /gru gsum dur sol khrag chen byug /nang du ling ga bdud rtsi lnga/ /chags pa'i rgyu dang tsha ba dang / /shes pa chags pa'i rten la byas/ /pho nyas ming rus bcas bkug la/ /bstims la phyag rgyas bcing bar bya/ /lcags sam nag po'i shing las byas/ /drag po'i phur bas gnas gsum gdab/ /hriHSh+TiH drag pos g.yas g.yon nas/ /khros pa'i sems kyis bsreg byas nas/ /de nang drag po tsher ma can/ /nam phyed gcer bus bsregs byas nas/ /lha yang rung ste brlag par 'gyur/ /gal te dbye ba'i las byed na/ / bdag nyid ya mAn ta ka ste/ /rngam zhing gdug gtum nga rgyal can/ /shin tu 'jigs shing sdigs par bsgom/ /nyi mas 'jigs pa'i dang rung dang / /mun pas 'jigs pa'i gung ru la/ /gang yin de nyid bris la blan/ / lha dang lha min gnyis la gtad/ /rlung gi phyogs su de yis bskyod/ /sprul pa pho nyas g.yul 'gyed cing / /'thab cing rtsod par rnam par bsam/ /bar du khra dang bya rog 'thab/ /me chu rlung gis 'bud bsams na/ /de ni gang yin su yang rung / /'bral zhing 'thab pa nyid du 'gyur/ /rgyal po bram ze blon po dag /gdug pa gnod pa can gyi rigs/ /mi gnas bskrad par bya ba'i phyir/ /bdag nyid a par tsi ta ste/ /drag po khros pa'i tshul du bsgom/ /dgra bgegs gang yang rung ba yi/ /'og tu rlung snying bcas pa bri/ /steng du ming rus bcas bskyon la/ /mdun na gnas pa'i gdul bya de/ /rlung lha rnga mo'i steng du zhon/ /pho nya sprul pa mtha' yas kyis/ /'khrid cing 'tshogs par rab bsams la/ /gshin rje'i drung du khrid par bsam/ /'dis ni dbugs med brgyal ba yang / /gzhan du drag pos phyin 'gyur na/ /srog dang ldan pas smos ci dgos/ /gal te dgra dpung pham 'dod na/ / bdag nyid mi g.yo mgon po ste/ /ji ltar gnas par rab tu bsgom/ /de yi gzugs brnyan bris nas kyang / /cho gas de ru byin brlabs la/ /sngags ni bdun 'bum la sogs pa/ /lcags sna bdun las bcu gnyis tshad/ /ral gri snying por bcas pa la/ /gsal bar de dag rtags byung bzlas/ /'od dang sgra dang sa g.yos dang / /ral gri skad ni 'don pa na/ /phyung bas g.yul las ldog par dang / /bskor bas dmag dpung 'bros par 'gyur/ /bdag nyid rgyal zhing che 'dod na/ /bdag nyid gsal zhing brtan gyur nas/ /zhe sdang rdo rjer gsal byas la/ /dur khrod ras la ming rus bri/ /sngags dang phyag rgyas bkug bstims la/ / nges par brtan pa'i ltas byung nas/ /he ru ka yi zhabs kyis gnon/ /rta mgrin gad mo drag pos bsdigs/ /khyung gshogs phyag rgya zil gyis gnon/ /bdag dang khyi yi sgroms nas gdon/ /bdag nyid them pa'i 'og tu mnan/ /yang na bdag gi 'og tu gnon/ /rdo rje rgya gram phyag rgya yis/ /steng nas gnon cing bden pa bdar/ /bdag nyid de yi rgyal por 'gyur/ / dbul po gter dang phrad 'dod na/ /bdag nyid las la goms pa yis/ /rigs lnga lhag pa'i lha gsal nas/ /so so'i phyag mtshan yungs 'bru tsam/ /dbang por mthong gi bar du ni/ /bsam zhing sngags bzlas bden pa bdar/ /mtshan ma brtan po gsal ba na/ /gang na yod pa'i phyogs der dong / /bden pa ting 'dzin sngags bcas mthus/ /'dug gam smra 'am mthong ba 'am/ /phra mo der ni ltung bar 'gyur/ / de nas gter dang phrad gyur nas/ /dbul ba kun las thar bar 'gyur/ /de nas rdo rje rnal 'byor pas/ /mngon shes mig dang ldan 'dod na/ /bdag nyid lha yi rnal 'byor pa/ /rab tu dben pa'i sa phyogs su/ / mig sna lnga dang bdun pa'i zhag /de yi zhun mar dud par bcas/ /'phrul gyi 'o ma dag gis sbyar/ /rdo rje pra yis zhag bdun bsgrub/ /nyams dang drod rtags thob pa na/ /mig la legs par sngags kyis byug /skad cig stong gsum bcas pa yi/ /phyogs bcu mngon par shes pas mthong / /gang zag rgyun ni brtag pa dang / /sdug bsngal drag pos zhen bzlog cing / /so so dag pa'i zhing khams kyis/ /yid bde grub par bya ba'i phyir/ / mngon shes mtshan mas legs par bsgrub/ /rkang mgyogs thob par 'dod pa yis/ /bdag nyid lhag pa'i lhar bsgoms nas/ /brtan zhing bar chad med thob nas/ /zla ba'i dkyil 'khor la 'dug ste/ /ya~M las rlung gi dkyil 'khor ste/ /skad cig dpag tshad brgyar 'gro ba/ /de la gnas bsam ma yengs pas/ /rlung gis khyab pa ji lta bar/ /dpag tshad brgya phrag du ma yang / /skad cig tsam gyis bgrod par 'gyur/ /gal te rdzu 'phrul bzhi dag gis/ /rig 'dzin go 'phang 'gro 'dod na/ /sngon du dag pa'i don thob nas/ /phyag rgya gsal bar gyur pa'i tshe/ /nam mkha'i ling ga zla ba la/ /hU~M las rdo rje cho ga gsum/ /rim par bstan pa'i dbang thob nas/ /dngas ma'i phyag rgya la brten pas/ /rdo rje zlar bcas rlung brten pas/ /gang 'thad zhing du bskyod pa'i sa/ /rdo rje rig pa 'dzin pa yis/ /zhing khams dag pa'i bya ba 'grub/ /mdun gyi nam mkhar zla ba la/ /oM la cho ga'i tshul gyis bsgyur/ /brtan pa'i 'khor lo zla rlung gis/ /dngas ma'i stobs kyis lus gnas pas/ /de bzhin gshegs pa'i rig 'dzin pa/ /zhing khams so sor bskyod byas nas/ /rang gi bsam pa bsgrub par bya/ /nam mkha'i dbyings kyi zla ba la/ /tra~M las skyes pa'i cho ga yis/ /rin chen rlung zlar bcas pa yis/ /ting 'dzin drag po bskyod pa'i shugs/ /dngas ma lus yid bcas pa yis/ /dag pa'i zhing khams kun bskyod de/ /lhag pa'i bsam pa 'grub par 'gyur/ /nam mkha'i dkyil 'khor dbus gnas par/ /pad mar bcas pa'i zla ba bsgom/ /hrIH las sna tshogs chos mchog sems/ /gsal brtan rlung gis stobs bstan pas/ /dngas ma'i lus yid gang yin pa/ /zhing bskyod bsam pa grub par 'gyur/ /nam mkha'i dbyings kyi dbus gnas par/ /gsal byed sna tshogs bcas pa bsgom/ /a 'am ha las rang nyid kyi/ / las kyi phyag rgyar goms par bya/ /brtan nas dngas ma rlung stobs kyis/ /zhing khams gang du mngon bsams pa'i/ /'dod pa'i bsam pa 'grub par 'gyur/ /'dis ni 'byung zhing dbang med cing / /'chi med rlung la dbang thob nas/ /cho 'phrul bzhi yis zil mnan nas/ /mngon shes gdug pa 'dul ba yis/ /las rnams mi 'grub gcig kyang med/ /de nas gzhan yang chags ldan rim/ /skal ldan dman dang sbyor bas zad/ / bde ba'i don 'dod dka' thub can/ /'di dag don la thabs kyis dgod/ /thabs ldan lus kyi gong bu la/ /rang rang cho ga'i thabs ldan na/ /bde chen gar thabs sna tshogs pa/ /rnam par 'phrul pa'i ro yis byed/ / bde chen longs spyod chos kyi gnas/ /sprul pa'i thig le bde ba'i ro/ /ma lus mkha' lnga'i rang bzhin gyis/ /rang lus ma bcos gnas nyid bde/ /brtul zhugs thig le gsum thob nas/ /sgrol ma dang ni thig le dang / /gnas dang thabs dang ting 'dzin gyis/ /bye brag brgyad cu kun 'dus pa'i/ /thabs kyis mtshon pa las byung bas/ /dngos grub cho ga sna tshogs 'grub/ /rang rten thig ler bcas pa yis/ / dngas ma'i rang bzhin khyab gnas pa/ /bskul ba thabs kyi sbyor ba yis/ /ma lus bskyod cing 'gugs par byed/ /dngas snyigs rgyu dang mi rgyu ba'i/ /rlung gi thig les dbang bsgyur nas/ /'phro zhing 'dzag pa'i thig le nyid/ /rlung gis 'ching ba nyid yin te/ /thig le snyigs mar nyams gyur pa/ /thabs dang rlung bcud stobs ldan pas/ /pad ma la ni chu bzhin no/ /rang byung thig le'i rang bzhin las/ /rten dang zag pa snyigs ma dang / /'khor ba'i rtsa dang sa bon dang / /log rtog thig le zhen bcas pa/ /rang byung nam mkha'i thig les 'jig /rang lus bde chen snying po la/ /nam mkha' sprin ltar mi phyed cing / /dngas snyigs bde ba'i rang bzhin nyid/ /thig le chu dang 'o ma dang / /gnas pa rlung dang rten stobs kyis/ /dngas snyigs phye la dngas ma bstim/ /rang snying lus la 'od snang ba'i/ /phyi nang dngos rtogs ma lus pa/ /rlung sogs 'khor lo'i 'phen stobs kyis/ /der mi gnas par goms par bya/ /gang du sa bon snyigs bcas pa/ /nam mkha'i ye shes lnga 'bar bas/ /gang du rgyu bar bcas pa'i yid/ /de ma thag par rnam par brlag / rlung dang rtsa dang thig ler bcas/ /thabs kyis bskul ba'i ro ldan pas/ /ma lus thig le'i rang bzhin pas/ /mi mthun zhen pas rnam grol bas/ /rang sems rten bcas thig le ni/ /dngas ma'i ye shes blo ldan pa/ / kun khyab bde 'byung snying po can/ /gsang ba'i rig pa'i gter kha 'byed/ /phyi nang rgyu ba thig ler bcas/ /snying nang bde bar 'bar gyur nas/ /rang lus rtags su bde chen 'bar/ /mngon shes rin chen rtsa la phog / rig pa'i mngon shes lnga ru 'char/ /de nas mi 'gyur stong pa'i rtsa/ /'gyur med kun snang rlung la thim/ /dman pas mi 'grub khyad par thabs/ /gsang ba'i thig le 'bab bzhon gyis/ /rtsa bcud ting 'dzin 'brel pa'i stobs/ /bskal pa du ma'i stobs 'gags te/ /dngas ma'i ye shes rlung du grub/ /phyin pa med par mthar song ba/ /bde chen goms pa'i stobs las gyur/ /bcud lnga 'dus pa'i thig le ni/ /ro lnga 'dres pa'i bde chen de/ / bsgom dang mthar phyin khyad par gyis/ /bde ba chen po rigs mchog gnas/ de nas gang yin brjod bya ba/ / zab mo kun rdzogs brtul zhugs can/ /dbang po dar zhing smin pa yi/ /chags can nyi zla 'dzin nus pas/ / spyi gtsugs thig le'i 'khor lo dang / /gsang ba'i 'og min nus ldan pa/ /'byor pa'i rten can 'di nyid gnas/ /thabs dang rol pa'i khyad par dang / /ting 'dzin rlung gi dbang thob ste/ /'byung bzhi snyigs phye dngas dus su/ / nyi zla 'dres pa'i gar thabs kyis/ /lha mo rnams dang lhan cig tu/ /rol pa'i thabs kyis gang rtsen pa/ /bye brag brgyad bcu gnyis 'dus pa'i/ /pad ma'i snying po kun bkug ste/ /thig le dpa' bo lnga yi stobs/ / mi sdod 'phro ba'i rang bzhin nyid/ /thabs dang ldan pa'i rnal 'byor gyis/ /bcings la gzung zhing gnas par bya/ /de dang rtse phrad gnyis bzlog pas/ /bde ba'i myu gu gso byas pas/ /tha mal zhen pa kun bral nas/ /rtog dang lhan cig gang skyes pa/ /dngas snyigs phye ba'i nyams dag gis/ /snyigs ma bag chags zhen bcas pa/ /de yi stobs kyis gnas mi 'gyur/ /bsang ba'i thig le stobs ldan pas/ / rigs ngan tha mal zhen chags dang / /dran rtog ma lus pham byas ste/ /phyi nad snod bcud ma lus pa/ /lhan cig skyes pa'i rang bzhin du/ /ma lus dpung btsugs rgyal bar mdzad/ /rdo rje pad ma'i snying po la/ /dga' ba'i rol pa'i bdag nyid kyis/ /thabs dang shes rab gsang ba'i ro/ /phyogs bcu'i rgyal ba 'dus pa'i tshe/ /zag med yon tan gter chen de/ /gsang ba thabs kyi stobs las grub/ /bde chen snying po thig le'i ro/ /dbab dang gzung bzlog 'byongs pa yis/ /rtsa gsum gang zhig thim pa'i tshe/ /bar chad med pa'i bde ba dang / /thams cad mkhyen pa'i mngon shes dang / /skye shi med pa'i tshe thob cing / / mi 'gyur chos sku thig le la/ /rgyu ba spangs pa'i tshul gyis gnas/ /bde chen cho 'phrul dpag med pas/ /gsang ba'i zhing khams dag byed cing / /gsang ba chos kyi 'khor lo bskor/ /bde chen nyams dang dga' ba'i gar/ /chags pa'i sgra ni sna tshogs pas/ /ji srid nam mkha'i mthar thug par/ /glu ni sna tshogs len byed cing / /mdzes dang ngo tsha spangs pa'i tshul/ /mdog dmar rlan dang ldan pa yis/ /rol pa'i tshul ni sna tshogs kyis/ /rdo rje bcud chen zlar bcas pas/ /nyi ma chags pa dang bcas pa'i/ /pad ma'i snying po'i spongs mdzad cing / /dga' ba'i 'od dang 'khyud pa'i gar/ /rlung gi snying po rjod byed cing / /srid pa'i myu gu 'gog par mdzad// //rdo rje sems dpa' sgyu 'phrul dra ba gsang ba'i me long gi rgyud chen po las/ bsgrub pa ma lus pa bshad pa'i le'u ste dgu pa'o// // de nas gzhan yang bshad bya ba/ /rtog pa'i rgyal po ma lus pa/ / bya ba las kyi rim pa dag /bzhir ni gsal bar gsungs pa yin/ /dang por zhi ba'i rang bzhin te/ /de 'og rgyas pas rgyas phyir ro/ /rgyas pas dbang du bya ba dang / /dbang mi 'du ba bsgral phyir te/ /thun mong khyad par yon tan rdzogs/ /bya ba'i las la ma rmongs shing / /nus pa brtan pa'i rang bzhin gyis/ /rim pa ji bzhin brtsam par bya/ /gangs dkar 'dabs dang yid 'dang ba/ /zhi ba'i ljon shing me tog tshal/ /'bras ldan rgyas pa'i rang bzhin no/ /sum mdo ngam grog gting zab pa/ /dbang du bsdu ba'i gnas su bshad/ /dur khrod mtshan gcig rgya gram gnas/ /'byung po 'du sar drag po shis/ /zhi la sa gzhi dkar ldan pa/ /zlum po sum rim oM dang bcas/ /'khor lo 'od dkar dang bcas pa/ /zhi ba'i thab kyi rang bzhin no/ /rgyas la ser po tsan dan bcas/ /gru bzhi rim gsum tra~M dang bcas/ /rin chen 'od zer 'phro bcas pa/ /thab ni rgyas par gsungs pa yin/ /dbang la sa dmar chags 'od can/ /zla gam gzhu 'dra pad mas mtshan/ /rim gsum hri dang bcas pa ni/ /dbang du bya ba'i thab yin no/ /drag po sa nag dur sol can/ /gru gsum rdo rje rtse gsum gdeng / /thod phreng 'od nag rim gsum hU~M/ /drag po'i thab kyi rim pa yin/ /'o ma can dang gser can dang / /chags pa can dang tsher ma can/ /'phrin las bzhi ni so so yi/ /yam shing bsreg shing nyid du bshad/ /ling ga kha dog so so ste/ /gnas kyang thab khung bzhi dang mtshungs/ /mar dkar 'bras dkar til dkar dang / /nas dkar chan dang 'o ma zho/ /dngul phye gtor ma dkar por bcas/ /zhi ba'i bsreg gtor rdzas su bshad/ /mar rnying bu ram sbrang rtsi dang / /'bras dang chan rnams ldong ros dang / /me tog gser dang tsan dan bcas/ /gser phye gtor ma ser por bcas/ /'di dag rgyas pa'i rdzas nyid de/ /dpal dang gzi byin rgyas par 'gyur/ /tsha ba'i mar dang chang skyur dang / /ram bu pad ma rag ta dang / /'bras dmar tsan dan zangs phye dang / /gtor ma dmar po dbang rdzas yin/ /tshil chen mar dang tsha ba gsum/ /klung chen sha khrag sran chan dang / /dug gsum thal chen tsha ba'i mar/ / ske tshe phye gsum mi khrag dang / /ming rus spel mar bcas gtor mas/ /bsgral ba drag po'i rdzas su bshad/ /dngul lam dkar po'i shing rnams la/ /mgo bo rgya mdud rtse zlum po/ /logs la zhi ba'i lha bkod la/ / de bzhin gshegs par gsal bas gdab/ /gser ram ser po'i shing rnams la/ /mgo rtse rgya mdud gru bzhi bcas/ /logs la rgyas pa'i lha bsgoms te/ /rin chen nga rgyal bcas pas gdab/ /zangs sam byu ru dmar shing rnams/ / mgo bo rgya mdud rtse zla gam/ /logs la dbang gi lha bkod la/ /chags pa rdo rjer gsal bas gdab/ /lcags sam nag po'i shing rnams la/ /mgo bo rgya mdud rtse zur gsum/ /logs la drag po'i lha bkod de/ /zhe sdang rdo rjer gsal bas gdab/ /oM dang tra~M hri hU~M nyid las/ /'byung lnga'i rim pa gsal stengs su/ /e ba~M ma ya b+h+ru~M las bskyed/ /gzhal yas zlum po gru bzhi dang / /zla gam gru gsum ji bzhin dbyibs/ kha dog rang gi tshul bzhin bskyed/ /rang rang sa bon gdan stengs la/ /'od bzhi 'phro 'du'i cho ga yis/ /las bzhi gtso bo'i las bzhin bskyed/ /'khor yang gtso bo'i cha 'dra ba/ /phyag mtshan rang rang thugs rtags la/ /las bzhi rtags kyi mtshan ma ste/ kha dog las kyis dbye bar bshad/ /dbang bskur las bzhi rigs kyis brgyan/ /las bzhi 'od kyi 'phro 'du can/ /cho gas gsal bar bskyed byas la/ /spyan drang bstim sogs las rdzogs bya/ / las dang ting 'dzin bzhi nyid kyis/ /las bzhi rtse gcig ting 'dzin bya/ /gang du dmigs pa rtse gcig pas/ /las bzhi bya ba'i cho ga dag /ma lus pa dag 'grub 'gyur na/ /phra mo'i las rnams smos ci dgos/ / shar phyogs su ni kha bltas te/ /dang ba'i yid ni mi g.yo bas/ /rdzogs pa'i dkyil dkrung la gnas te/ /ma rungs gdug pa zhi bar bya/ /lho phyogs su ni kha bltas te/ /dga' ba'i 'du shes rtse gcig pas/ /rin chen dkyil dkrung la gnas pas/ /dpal dang gzi byin 'phel bar bya/ /nub kyi phyogs su kha bltas te/ /chags dang zhen pa rtse gcig pa/ /pad ma'i dkyil dkrung la gnas te/ /ma lus dbang du bsdu bar bya/ /byang phyogs nyid du kha bltas te/ /khros pa'i sems kyis so bca' zhing / /ru sbal dang ni gyad stabs kyis/ /gdug pa bsgral te lam du gzhug /so so'i sngags kyi rim pa dag /snga dro zhi ba'i las byas te/ /gung la rgyas pa nyid du bya/ / rgongs ka dbang gi dus nyid de/ /drag po nam gyi gung la bya/ /nam zla dus bzhir bsgrubs pas na/ /nges par las bzhi 'grub par 'gyur/ /oM che ge mo shAn ting ku ru swA hA/ swA che ge mo puSh+Ting ku ru swA hA/ hrI che ge mo ba shaM ku ru swA hA/ hU~M che ge mo mA ra ya phaT/ ling ga'i gnas kyang las bzhi'i dbyibs/ /dgug dang phur bu bzhi btab la/ /ri lu 'am lhag ma gtubs pa de/ /so so lha yi zhal du bstab/ /rtse mo zhi byed yal ka rgyas/ / sdong po dbang la rtsa ba drag kha dang mngar skyur tsha ba'i shing / /ro yi mchod pa de bzhin te/ /rgyud bzangs rgyal po smad 'tshong ma/ /shan pa'i khyim nas me blangs te/ /las dang 'thun pa'i ra skyes mnan/ /sa bon bzhi las rim pa bzhin/ /pa pa ka dang dbang chen dang / /gzi byin can dang 'joms byed bzhi/ /sku mdog las bzhis phye ba ste/ /'gun de sgrom dang zhags pa dang / /rtse gsum g.yon pa bgrang phreng nyid/ /rigs bzhis las bzhi byin brlabs dbu/ /spyan drang mchod ston las rdzogs nas/ /lto bar b+h+ru~M las gzhal yas su/ /las dang 'thun pa'i lha bskyed la/ /rang rang rtog pa'i cho ga bzhin/ /bsreg dang bro gar las byas pas/ / gang yang 'grub par the tshom myed/ /zhe sdang can dang nga rgyal can/ /sdug bsngal gdug sems nad gzir ba/ /de 'dra zhi bar bya ba'i phyir/ /zhi ba'i las ni rtsom pa yin/ /tshe thung nad mang dpal longs spyod/ /phongs dang nyams nga 'jigs pa dag /dngas snyigs zad nas snying por thim/ /thig le mi shigs bcud 'dus pa/ /stong nyid thig le'i ngang du 'gag /rgyu ba'i rlung la dbang thob cing / /mngon shes skye 'jigs thob bral bas/ /bde chen nam mkha'i ye shes nyid/ /rdo rje thig le 'gyur 'jig med/ /steng dang 'og las gang sbyar bas/ /sku gsung thugs kyi pho brang dag /bde chen til 'bru bcud bzhin du/ /nyi zla gnas pa'i bar du 'bar/ /'bab pa thig le zla ba'i gzugs/ kha bcad rlung gis gzung bya zhing / /'og gis phul zhing steng gis drang / /ma lus bde chen khyab par gnas/ /mi rtog gsal bar mthar phyin pa/ /seng phrug zla ba rdzogs pa ltar/ /thabs dang ting 'dzin sbyor ba yis/ /bde ba'i ye shes chen po la/ /ma lus yon tan rdzogs par gnas/ /chags can brtul zhugs bral ba yi/ /lus dang dran rtogs bag chags bcas/ / rigs dang rigs min gang yang rung / /sgo gsum ma lus bcas pa dag /steng sgo'i gdul bya des 'dul yin/ /dang por gsang ba'i rim thob pas/ /rlung dang thig le'i las goms nas/ /bde chen byang chub sems kyi ro/ / sems lnga'i tshul gyis gang snang ba/ /g.yo thob brtan pa'i nyams nyid kyis/ /lus dang phyi nang dran rtogs bcas/ /nam mkha'i gzugs can nyid du skye/ /lus dang snang bar bcas pa yi/ /nam mkha'i mtha' ltar mi phyed pa/ / bde chen thig le a dang gnas/ /thig le stong pa'i ri mo can/ /gsal bar shes pa rgyu bas mngon/ /'og nas bskul zhing steng nas mnan/ /dngas snyigs bsre ba'i thabs la 'jug /bde ba'i rlung can ya~M gi sgo/ / bskyod pa'i sbyor bas gyen du phul/ /rgyu ba rlung gi snying po can/ /dpa' bo lam nas mthur du 'then/ /rig pa'i ye shes gnas pa'i rlung / /stong nyid nam mkha'i dbyings su thim/ /phyi nang rgyu ba chad pa dang / /rig pa thig le'i ngang la gnas/ /bde ba'i rtags ni 'byung 'gyur te/ /'dar dang rdul dang ba spu ldang / /sgra dang lus bde rgyug pa dang / /dgod dang brgyal sogs gang byung ba/ /brtan dang sbyang ba'i cho ga bya/ /mi mthun log pa'i chos brtags na/ /thabs kyi rim pa'i cho ga yis/ /gdon dang spos dang gnon pa dag /ji ltar rigs par brtag par bya/ /rang lus thig le'i nyams myong la/ /bar chad med par gsal 'jug pa'i/ /tha mal zhen pa bsgyur ba dang / /bde ba'i dbang phyug smin pa dang / /dran rtogs rgyud sogs zhi ba dang / /bde chen rgyas pas khyab pa dang / /rlung dang bde ba'i rnal 'byor kyis/ /thams cad dbang du sdud pa dang / /dran rtog a yi ngang du gnas/ /'di ni nang gi rim pa yin/ /de nas gsang ba bshad bya ba/ /thabs dang shes rab 'brel ba las/ /gsang ba'i phrin las bzhir 'byung ba/ /dka' thub can dang tha mal dang / /thun mong lam las bzlog phyir ro/ /'dod chags zhen cing dbang po smin/ /tshad ldan yum dang bcas pa yi/ /bde chen dgon pa thig le'i gnas/ /yon tan khyad par kun du rdzogs/ /gnyis med 'khril pa'i ngo bo ni/ /bde ba chen po 'byung ba'i gnas/ /gsang ba'i b+ha ga rgyas pa dang / /zhi rgyas dbang drag tshul bzhin dang / /nus pa byin brlabs gang ldan pa/ /gsang ba'i thig le'i tshul la gnas/ /pad ma gsang ba'i thab khung du/ / gsang ba'i sbyin sreg gang phul ba/ /lo dang zla ba ma yin par/ /myur du bde chen lus su gyur/ /thabs dang shes rab las byung ba'i/ /dngas snyigs bcud dang bag chags dang / /nyi zla khu bar bcas pa ni/ / bde chen gsang ba mchod pa'i rdzas/ /gdung dang bde ba bral ba dang / /zhen rtog de nyid chags pa yi/ /rang gi ling ga de nyid la/ /gsang ba'i phur pa bzhi rdzogs pa/ /gsang ba'i yul la btab pa yis/ / lhan cig skyes pa'i ting 'dzin la/ /las bzhi ma btsal rdzogs par ldan/ /rol pa'i tshul dang thig le gnyis/ /pad ma rdo rje snying po'i rtsa/ /nyams dang sbyor tshul gang yin pa/ /gsang ba'i sbyor ba'i dus su blta/ /gnas pa rtsa yaM tshul dag ni/ kha dog dbyibs sogs tha dad pas/ /mchod rdzas nyi zlar bcas kun la/ /gzar bu gnyis bcas thabs phul bas/ /thig le chen por 'bab par 'gyur/ /gsang ba'i don la dga' ba dang / /rig pa'i brtul zhugs spyod pa dang / /dbang po dar cing smin pa dang / /thig le'i don la mos pa dang / /rlung dang bcud la goms pa yis/ /rnal 'byor pho mor bcas pa kun/ /dran rtog phyi ma bcas pa'i yid/ /gdul bya'i don du de bshad do/ /gang dag thabs la mkhas pa dang / /dbang dang dam tshig ldan pa yis/ /thabs dang sbyor ba la brtson zhing / /nyi zla rtse sbyor dbang thob nas/ /gzung zlog 'byongs ba'i gar thabs kyis/ / dngos po lhan cig skyes pa'i don/ /sems lnga'i tshul gyis gsal bar skye/ /nyi zla zhon pa'i rdzu 'phrul dang / /rgyu ba'i rlung la dbang thob pas/ khams bzhi 'dus pa'i snying po las/ /bde chen thig le mi rtog pa/ / thabs kyis da ltar mngon du snang / /thabs dang bral ba'i slob dpon gyis/ /skal med las kyis dman pa la/ /dbang dang brgyud pa bral ba yis/ /tshig dang rigs pas ci bstan kyang / /rigs ngan rgyal sar bzhag pa ltar/ /bdag phung gzhan rlag 'jig par 'gyur/ /gang du gsang ba'i thig le nyid/ /gsang ba'i lam lngar nyams skyes pas/ /zag med bde ba'i dkyil 'khor du/ /mkha' 'gro gsum la gang brten nas/ / ye shes thig le rgya dpag med/ /rim pas mthar thug gnas su 'gyur/ /gang zhig 'di la 'dres goms pas/ /rgyu ba thig ler thim pa dang / /dran rtog nam mkhar gsal ba dang / /bde chen sngon du smin pa yis/ / 'chi med sangs rgyas sa la sbyor/ /'jigs pa kun las grol ba dang / /lha mo tshogs kyis byin brlabs nas/ /rol rtsed sna tshogs sgyur byed cing / /thabs dang shes rab gnyis med cing / /longs spyod rdzogs pa'i zhal mthong zhing / /rdo rje dbang gis mtshams sbyar nas/ /yi ge 'khor lo tshogs mchog mnyes/ /nam mkha'i mthar thug bar du ni/ /bde chen ye shes zag pa med/ /ye shes rgya mtsho byin brlabs can/ /nam mkha' lta bur dpag med pa/ /rgyal ba kun gyi ngo bor 'gyur/ /rdo rje sems dpa' sgyu 'phrul dra ba gsang ba me long gi rgyud las 'phrin las mtha' yas pa bshad pa'i le'u ste bcu pa'o// // de nas gzhan yang bshad bya ba/ /gsang ba'i lam la gang dga' bas/ /thun mong ma gyur gsang ba'i lam/ /rim pa nyid du bshad par bya/ /dad dang brtul zhugs che ba dang / /theg pa chen por rigs nges shing / /snying brtse dbang dang dam tshig ldan/ /sgrub la brtson pa'i gang zag gis/ /lus dang longs spyod 'tsho ba dang / /bu dang chung ma rgyal srid kyis/ /dang por bla ma mnyes byas la/ /thabs la mkhas pas 'dod pa blang / /phyi nang snod bcud ma lus pa/ /rang byung ye shes rang snang ba/ / gcig dang du ma med tshul gyis/ /bden pa gnyis med 'brel pa nyid/ /byin brlabs sgra dang gtan tshigs kyi/ /rang byung ye shes mngon du snang / /rang gnas 'khor lo bsam mi khyab/ /rtog ge spyod yul ma gyur pa/ / thabs chen thabs las byung ba yi/ /'phel dang dga' bde longs spyod phyir/ /rgyas pa'i las la 'bad par bya/ /dbang chen gzi byin che ba dang / /rgyal rigs blon po bram ze dang / /gdug pa dbang du bsdu ba'i phyir/ /rjes dgug dbang gi las brtsam mo/ /dgra dang bgegs sogs ma rungs pa/ /gang gis 'dul bar mi nus pa/ /gzir zhing 'du shes bsgyur ba'i phyir/ /drag po bsgral ba'i 'phrin las brtsam/ /gang yang rung ba'i dngos po la/ / dang po mi mthun zhi bar bya/ /de nas yon tan rgyas par bya/ /de nyid dbang bsdu las la sbyar/ /gal te dbang du ma gyur na/ /drag pos gzir te bsgral bar bya/ /gal te log par lhung srid pas/ /'og min gnas su phaT kyis 'phang / /nges par 'grub 'gyur gdon mi za/ /dang por sngon bya'i las kyis ni/ /nus dang mi nus khyad par brtag /de nas nus pa thob pa ste/ /de nas bde ba'i rtsal thob nas/ /thogs pa med pa'i 'phrin las 'grub/ /zag med lam la goms sbyangs pas/ /cho 'phrul bzhi dang 'phrin las bzhi/ /gdul bya zhing dang nus mthu dang / /byin brlabs rtsal gis khyad par 'phags/ /mthar phyin sku lnga'i zhing thob pas/ /ma rtsal chu dang brlabs bzhin du/ /dpag med yon tan ngo bo'i phyir/ /lhun gyis grub pa'i 'phrin las yin/ /las dang nyon mongs gdug pa dang / /sdug bsngal rtog pa ji snyed pa/ /cho ga thabs dang ting 'dzin gyis/ /lhan ne lhang nger zhi bar 'gyur/ /nga rgyal rin chen gzi brjid kyis/ /dpal dang longs spyod 'phel ba dang / /tshe dang lang tsho stobs ldan zhing / /yon tan nam mkha'i mtha' dang mnyam/ /'dod chags rdo rje ting 'dzin gyis/ /bdud dang gdug pa rgyal po dang / /lha dbang srin po mkha' 'gro ma/ /phyag na rdo rje 'ang dbang du 'gyur/ /zhe sdang rdo rje ting 'dzin gyis/ /cho ga rdzas dang sngags ldan pas/ /chos sku rdo rje 'ang 'jig 'gyur na/ /gzhan lta smos kyang ci zhig dgos/ / rang lus bde chen kun gyi dbyings/ /rang lus thig le'i thabs mkhas pas/ /sbyor ba rlung gi goms stobs can/ /dkyil 'khor nang la gnas gyur pas/ /nyams kyis las bzhi gsal gyur te/ /rim pa ji bzhin 'gyur ba dang / /rang gi mngon par gsal gyur pa/ /nus pa brtan pas mngon du 'gyur/ /gzhan min 'khor lo pho brang nyid/ /gnas dang 'jug dang gzung ba dang / /bstim zhing gnas pa gang yin pa/ /de dag nyid du bshad pa yin/ /d+harma tsakra gzhal yas khang / /rtsa bzhi yan lag brgyad dkyil na/ /e ba~M ma ya las bzhi dbyibs/ kha dog las kyis gtsor gyur pa/ /bag chags sa bon snyigs ma dang / /rtog dang tha mal zhen pa'i rdzas/ /nyams myong 'gyur med bzhir gnas te/ /thig les de nyid zhi ba dang / /rang lus phyi nang thig les rgyas/ /rlung dang thig le rtog par bcas/ /nus pas dbang du 'dus pa dang / /thig les ma bcos nam mkha'i ngang / /srog dang thig ler bcas bsdus pa/ /a yi ngang du thim 'gyur te/ /rgyu ba dngas shing 'phar ba gnon/ /mi 'gyur dbyings la gnas par bya/ /rang lus thabs kyi ngo bo las/ /'khor lo bzhi dang me rlung dang / / bskyod pa rlung gis las rung pas/ /nam mkha'i ye shes cir yang gsal/ /thig les rgyud dang lus rgyas pas/ /bde chen dbang thob zhen chags bral/ /ting 'dzin sbyor bas gang bskul na/ /rim pa'i rtags dang nus pa 'byung / /kha dog grangs dang snying po dang / /dbyibs dang tshad dang thig le yi/ /khyab pa la sogs mtha' yas pa/ /bzhugs tshul de nyid de bzhin no/ /'khor lo bzhi yi thab khung du/ /gtum mo byin za'i las bskul bas/ /dngas snyigs rtog pa'i bag chags dag /mi shigs thig ler mchod pa phul/ /phyi nang rgyu ba ma lus pa/ /rang byung 'khor lo thig le mchog /spyod yul thun mong ma lus pa/ /phyi yi rnam pa lam byed pas/ /thun mong phyi yi lam du bshad/ /de nyid nang du rtsa 'khor lo/ /thig les nang du nyams skyed pa/ /rim pa 'di ni nang du bshad/ /dbang thob sbyangs pa ma rtogs pa/ /skal ngan rigs chad yul min pa/ / gsang bas gsang ba zhes bshad do/ /dang por blo ldan gang zag ni/ /ma lus bden pa dbyer med la/ /rang bzhin rig pa'i gtan tshigs kyis/ /phung po khams dang skye mched la/ /thabs dang shes gnyis med pa'i don/ /ye nas sangs rgyas rdzogs pa nyid/ /de nyid dus gsum ma skyes pa/ /gang la brten nas rtogs pa la/ /lam gyi yan lag kun rdzogs te/ /sa bcu rim par ma bkod rdzogs/ /ma lus yon tan rang shar bas/ /thams cad ma lus ma 'da' la/ /tshogs gnyis rdzogs pa'i 'bras bu nyid/ /dbang po gcig car spyod yul yin/ /gang su blo dang mos pa dang / /rtogs chung mtshan ma dga' ba la/ /thun mong sgo 'thun khyad par can/ /rim pa'i rnal 'byor bslab par bya/ /dang por phyi nang snod bcud kun/ /rang sa nyid na mi dmigs pa/ /ma bcos ma bsal mi gnas pa/ /dngos po ci la 'ang mi brtag cing / / de nyid la yang mi rtog pa/ /'dzin rtog zhen pa mi gnas par/ /bsam dang bsam bya med tshul gyis/ /bdag gzhan phyi nang ma lus pa/ /gang gi ngo bor ma grub pa/ /ci la 'ang mi gnas sbyor ba yis/ / rang sar mi rtog ngo bo nyid/ /bcos pa med pa'i tshul du bsgom/ /gal te mtshan ma'i rgyu ba dag /chu las rnyog pa'i tshul byung na/ /ma bcos rang bzhin bzhag pa yis/ / ma lus rtog med de bzhin nyid/ /rang bzhin bzhag pas dag par 'gyur/ /nam mkha' dag par 'gyur ba'i tshe/ /sprin kyang rang byung dag pa ltar/ /byung tshor dran rtog ma lus pa/ /chos nyid stong pa'i rang bzhin no/ /gang du snang srid ma lus pa/ /phyi nang med pa'i sems nyid de/ /de nyid stong pa'i rang bzhin du/ /goms shing nus pa brtan pa'i tshe/ /de nyid rnal 'byor de nyid ni/ /stong pa chen po rnal 'byor yin/ / sgo gsum byed spyod ma bcos pa/ /ma brtags mi rtog cir mi gnas/ /'di ni rnal 'byor rtse gcig pas/ /bya ba spangs pa'i spyod pa yin/ /de nas de las langs pa'i tshe/ /sgyu ma chu zla smig rgyu dang / / 'ja' mtshon lbu ba chu bur ltar/ /snang yang dngos por gnas ma yin/ /rig pa phyi nang ma lus pa/ /stong pa'i chu 'phrul snang du zad/ /ma lus rig pa'i ngo bo ste/ /de yang sgyu ma'i rang bzhin ltar/ /zhen chags med pa'i tshul du bsgom/ /ye shes sgyu ma'i cho 'phrul ni/ /dpag med ngo bor rang snang yang / /byin brlabs cho 'phrul rang snang ba/ /de ltar ma rtogs dman pa la/ /rang byung snying rje 'char ba'i phyir/ /snying rje chen po rnal 'byor yin/ / 'gro ba gang dang gang dag las/ /snying rje chen po gang gzigs pas/ /sna tshogs mdzad pa'i tshul nyid kyis/ /de snyed spyod la mtha' yas te/ /don dang 'thun pa 'ba' zhig ston/ /tha mal pa dang thabs nyid dang / /lus ngag yid kyis ci 'tsham par/ /don 'gyur spyod pa bsam mi khyab/ /gang du byams dang snying rje yis/ /ma khyab ming gi rnal 'byor te/ /theg pa chen po'i rigs chad cing / /dman pa'i rigs su gyur pa yin/ /rtsa ba med pa'i sems nyid ni/ /chos rnams kun gyi rtsa ba ste/ /nam mkha'i ris dang dbyer med ltar/ /ma lus rang rgyud bral ba yi/ /ngo bo de min brdzun pa min/ /chos rnams ming tsam dngos po med/ /sgo gsum 'di ltar brtan pa ni/ / thugs rje chen po spyod pa yin/ /de nas sgyu ma'i rang bzhin nyid/ /rang bzhin gnyis med rig pa yi/ /yi ge hU~M du gsal bar bsgom/ /phyi nang snod bcud ma lus pa/ /'phro 'dus hU~M du gsal bar bya/ /rdul phran de snyed 'dus pa pa las/ /thig le mi dmigs stong par blta/ /ma dang a las nyi zla'i gdan/ /gang bsgril hU~M bcas gsal bar bya/ /rang rang gsung yang 'gal ba med/ /sgril ma'i snying po phyag mtshan te/ /'phro 'du phra mo'i rang bzhin sku/ /gsal la skyon dang bral bar bsgom/ /de nas rang rang tshad gyur pa/ /rigs pa'i phyag rgya chen po nyid/ /zhi dang khro bo skabs nyid du/ /ji ltar 'thad par bsgom par bya/ /yang na zhal gcig phyag gnyis te/ / yang na zhal gsum phyag drug bsgom/ /gnas gcig gnas gsum gnas lngar yang / /yan lag lha ni tshang bar bsgom/ /goms nas bstims te spyod yul kun/ /de ltar gsal bar brtag par bya/ /rtsa ba gcig pa'i lha bsgom pa/ /phyag rgya gcig pa'i rnal 'byor yin/ /sgo gsum bsgom la rab 'bad pas/ /rnam par g.yeng ba'i chos spyod 'das/ /ma lus rtsa ba'i spyod pa ste/ /phyogs gcig pa yi spyod par gsungs/ /de nas rtog pa'i yan lag dag /gnyis ka thabs dang shes rab tu/ /brtags te de ltar bsgom par bya/ /'od zer 'phro ba 'bru gsum nyid/ /yang na ye shes lnga nyid de/ /gnas gcig snying por gnas par bya/ /de bzhin gtso bo gtso mo dang / / sems dpa' dang ni sems ma dang / /khro bo khro mo sprul pa dang / /yid chos dag la 'ang shes par bya/ /zhal dang phyag dang lha grangs dang / /tshom bu spros pas spros bcas yin/ /sku gsung thugs dang yon tan las/ /tshom bu lnga la khro bcas bsgom/ /yang na sku gsung thugs ldan pa'i/ /tshom bu gsum dang bcas pa yi/ /khro bo khro mo 'khor du bsgom/ /rigs kyi gtso ste thugs kyi mchog /khro bo tshogs dang bcas pa yi/ /mos pa'i tshul dang sbyor ba yis/ /tshom bu gcig pa'i lha rnams bsgom/ /slob dpon mthar nye'i lam gnas pa'i/ /rgyang grags dpag tshad la sogs pa/ /rdo rje thig tshad bor tsam gyis/ /phyag rgya'i dkyil 'khor gsal ldan pa/ /sna tshogs dkyil 'khor mchog tu gsungs/ /dang po brgyang grags dkyil 'khor te/ /de nas dpag tshad dkyil 'khor nyid/ /nam mkha'i dbyings ni bsam yas par/ /sangs rgyas dkyil 'khor sna tshogs bsgom/ /de nas yo byad lnga ldan pas/ /ting 'dzin mos pa spyod 'thun pa'i/ /skye bo tsam du grangs 'thun pas/ /tshom bus 'dod pa'i don bsgrub bya/ /thabs dang shes rab 'brel pa yi/ /pho mo 'dus pa'i grangs mnyam par/ /yo byad 'dus pa'i tshogs ldan pas/ /dgon par 'khor khang rab brtsigs te/ /rang rang thabs dang shes rab tu/ /brtags te yo byad longs spyod cing / /rdo rje glu bro gar thabs kyis/ /zhag ni sum cu phrag drug gam/ / bcu gnyis bcu bzhi bcu drug gis/ /tshe la dbang sgyur zag med thob/ /de nas brgya phrag bcu drug gis/ /sku lnga lhun gyis grub par 'gyur/ /skye bo mdza' ba kun tshogs pa/ /rnal 'byor 'dus pa'i tshogs zhes bya/ /'byor ba'i longs spyod tshang ba ni/ /bde ba'i longs spyod tshogs su bshad/ /lha dang dam can kun 'dus pas/ /'dus pa chen po'i tshogs su gsungs/ /thams cad spyod pa mi 'dzin pas/ /tshogs gnyis rgyun du rdzogs byed pas/ /tshogs chen po ru nges par bshad/ /bar chad med pa'i lam rdzogs pas/ /rig pa'i skyes bu thub pa med/ /lha mi cha byad 'dzin mod kyi/ /'byung lnga cho 'phrul dbang sgyur thob/ /zhing dang longs spyod dag pa yis/ /gong nas gong du mnyam par sbyor/ /rdo rje rig pa 'dzin gyi sku/ /zhing khams kun la gnas par byed/ /gal te mtshan mar zhen dbang gis/ /rtogs pa'i stobs ni chung gyur na/ /byang chub phyag rgya rdo rje sku/ / mtshan dang dpe byad la sogs pa/ /cha lugs mngon du byung na yang / /zhi ba de nyid mthong ba min/ /gang du sbyar ba'i yum rnams kyang / /thun mong lam dang skabs gnyis su/ /nus pa'i khyad par che chung gis/ /'phrin las bzhi ru bshad pa ni/ /dkar mo bong chung skad che la/ /bzhin lus tsug bud g.yas su 'khyil/ /yan lag phra 'jam skad gsal zhing / /rlung khar lci bas zhi ba bya/ /zla dang yan lag mang ba dang / /phra zhing bshad la gzangs su ring / /bzhin lus ser zhing gru bzhir gnas/ /rnam 'phyangs sha dang nu ma rgyas/ /'phel ba'i dus su 'di dag gzung / /bzhin mdog pad 'dra sogs ka la/ /smin skyus ring la stod smad phyed/ /lus dang chu rlung dri zhim zhing / /bde ba ldan zhing yan lag med/ /'di ni sdud pa'i mchog tu 'gyur/ /nag mo gru gsum rtsid mgo ma/ /khro gnyer byis pa'i lus ldan zhing / /gtum zhing brlang tshig 'dzem pa med/ /rtsang sme'i rtog bral gsod par bshad/ /gang du nus pa brtan thob pa/ /de dag sa nas sar sbyong ba/ /rig pa'i skyes bu dam pa nyid/ /rnal 'byor rim pa'i lung ldan pa/ /ma skyes mnyam la dbang sgyur zhing / /ma lus gsal bar mthar phyin pa'o/ /rang rig ye shes rgyud don phyir/ /rang snang rig pa mngon byas pa/ /rig 'dzin mchog ste lhun grub pa'o/ /ting 'dzin nus pa'i mthu med kyang / /sa sbyong sems dpa' bskyed du med/ /bde gshegs nyid dang spyod yul gcig /rig pa'i skyes bu'i lung thob pa'i/ /gal te 'byung ba'i lus 'jig na/ /bdag nyid sgo gsum lha lta zhing / /'byung ba bsags pa'i lus las grol/ /ting 'dzin phyag rgya chen por smin/ /khyung phrug sbubs dang bral ba ltar/ /ma lus phyag rgya sgyu ma'i mchog /rnam par smin ces de la brjod/ /zag pa zad pa rdo rje lus/ /phyin cad 'gyur 'jig chos dang bral/ /bde ba chen po'i lung thob pas/ /zag bcas bslab pa'i chos dang bral/ /zhing la dbang sgyur sprul pa'i lus/ /ting 'dzin longs spyod dpag tu med/ /bsgrubs pa'i nus pa gang brtan pa/ /rdo rje lus gyur 'jig pa med/ /'jig pa lnga bral zag pa zad/ /dbang bsgyur gsum la dbang thob pas/ /bde ba longs spyod dpag tu med/ /grangs med bskal par don byed cing / /mthong bas de bzhin gnyis med rigs/ /rgyal tshab skyes bu sa sbyong ba/ /phyi nang snod bcud ma lus pa/ /nam mkha' lta bur dpag med cing / / mtha' dbus bsam pa'i rgyun las 'das/ /'jigs bral dbugs phyin mya ngan 'das/ /rang snang dpag med zhal mthong bas/ /gzhan du blta ba'i yul dang bral/ /ting 'dzin rig pa goms pa'i mthu/ /mtshan ma sdug po yul las 'das/ /'jig rten stong phrag dbang sgyur zhing / /gnyis med phyag rgya chen po'i rigs/ /nam mkha' mtha' thug med pa ltar/ /bsgoms dang nus pa'i rtsal stobs kyis/ /bag chags mtshan ma'i tshang tshing la/ / ting 'dzin rig pa'i me 'byung bas/ /zhing khams rgya bral dpag med du/ /ting 'dzin rig pas gang sbyangs pa/ /bsgoms dang ting 'dzin rig pa yis/ /rdo rje 'dzin pa'i lung thob pa/ /phyag rgya chen po'i rig 'dzin yin/ / de nas rig pa'i rtsal rdzogs shing / /ye shes lha mo rol dbang gis/ /mthar phyin rig pa'i skyes bu ste/ /zhing khams bye ba'i dbang thob cing / /rdo rje 'dzin pa nyid kyi sras/ /dbang dang cho 'phrul kun thob pa/ /nam mkha'i mtha' ltar dgongs pas khyab/ /mnyam bzhag rjes thob khyad par gyis/ /rgyal ba'i lung gnod bka' la gnas/ /zhing khams dag par kun spyod kyang / /rmad byung gsang ba'i rang bzhin la/ /spyod kyang lta ba'i rang bzhin gyis/ /phyogs bral nam mkha' mi mthong bas/ /dbang dang dgongs pas mthar phyin 'gyur/ /dbang dang dam tshig brtul zhugs te/ /dang po bslab pa mthar phyin cing / /thig le rdzogs par 'dod pa yis/ /gsang ba nang gi don la sbyar/ /thun mong bya ba mthar phyin nas/ /lus dang spyod yul bcas pa dang / /lha'i rnal 'byor ma lus pa/ /bde chen thig le nyid du blta/ /lha dang bde bar mnyam sbyor bas/ / thig le bde bar snang ba nub/ /sku bzhi dkyil 'khor khams thig le/ /dngas ma lnga ru mnyam sbyor ba/ /ngo bo dang ni rkyen dag gis/ /thabs kyi rim pa bskul las shes/ /bde ba'i thig le nyams myong ba/ /mi rtog bde ba cha shas med/ /mi shigs thig le kun gyi bdag /stong nyid 'brel ba'i ri mo can/ /tha mal bya ba kun bral ba/ /spyod pa nyid du bstan pa yin/ /thig le bzhu ba'i rang bzhin gyis/ /'dzag 'bar thim gang bde ba ni/ /sa yang bcu gsum bde bas brgyan/ /lus kun khyab pa'i thig le shum/ /til 'bru bcud kyis khyab pa ltar/ /ma lus khyab pa'i ros gang ba/ /ma lus 'od dang snying po ltar/ /snang srid thig le chen po nyid/ /bde ba chen pos khyab par gsal/ /ma lus 'dus pa'i thig le ni/ khams lnga 'dres pa'i snying po ste/ /mi shig thig le bde ba'i bcud/ /ma lus bde ba'i rgyas btab pas/ /nam mkha'i ye shes cir yang gsal/ /dus gsum rgyal pa'i dgongs pa ste/ /thig le gcig gis kun khyab pas/ /bde chen snying rjes gcig tu 'khyil/ /de nyid bde chen phyag rgya ste/ /nang gi phyag rgya gcig par bshad/ / de nyid nges par las rung bas/ /thig le bde chen dang bcas pa'i/ /bye brag brgyad bcu ma lus par/ /so so'i thig ler sku 'phros shing / khams lnga ye shes ro dang bcas/ /sa bon thig le bde bas brgyan/ / mi rtog thig le thugs mchog sgra/ /rang lus smin nas snang bar spro/ /gang nas gang la spros gyur pa/ /de srid thig le'i phyag rgya ste/ /bde ba'i thig le grangs las 'das/ /ye shes lnga dang sku gsung thugs/ / mi phyed ro yis gang khyab pas/ /grangs 'das bde chen tshogs rdzogs nas/ /ma lus bde ba'i phyag rgyar snang / /gang de de yis rgyas btab pas/ /de nyid bde chen thig ler smin/ /rnam pa phyi nang snyigs mar bcas/ / bde chen thig le'i ngo bor smin/ /snyigs ma 'byung ba'i lus las 'das/ /snying po bar chad med pa'i lus/ /thig les tha ma'i snod gang bas/ /ma lus bde ba chen por smin/ /de nas thabs dang ting 'dzin dang / /rlung gi 'dren pa'i stobs ldan pa/ /rin chen lung gi thig ler zhugs/ /skad cig mngon shes lngar smin cing / /'gro ba ris dang thar par 'gyur/ /mi shigs a la thig le thim/ /'byung 'jug med pa'i rlung 'thob cing / /'gyur 'jig med pa'i lus la gnas/ /'phel 'grib med pa'i bde ba nyid/ /snang ba thig le nyid du ste/ /thig le thung du a ru thim/ /gnyis med bde ba cha shas bral/ /'di ni zag med rang byung ba/ /rkyen dang bral ba'i bde chen nyid/ /dper na me dang tsha ba 'am/ /rgya mtsho dang ni rlan bzhin no/ /rlung dang thig le rig pa dang / /tshe dang longs spyod 'byung ba dang / /'dod lnga kun la dbang sgyur thob/ /bde ba'i phyag rgya chen po ni/ /ma lus zag med thig le ste/ /rgya bral rig pa'i thig le nyid/ /snyigs ma'i zag pa rlung zad pas/ /ting 'dzin bde chen thig ler gsal/ /rig pa bde chen ror gsal bas/ /ci mthong bde chen phyag rgya nyid/ /'du bas sgyur ba'i spyod yul lam/ /mun 'gyur dug rtsi ji bzhin du/ /rgya dang bral ba'i zhing khams dag /bde chen phyag rgya chen por 'gyur/ /gang dag sgoms pa'i skyes bu ni/ /tha mal pa dang brkam chags pa/ /rnam pa'i spros pa ma lus pa/ /bsgoms dang ched du ma byas par/ / bde chen thig ler lhun gyi grub/ /dper na chu dang rlabs bzhin nam/ /rgya mtshor phyin pa'i 'du shes ltar/ /goms pas bde chen gsal mthar phyin/ /rkyen dang gnod pa ma lus pa/ /reg dang mthong thos dran pas kyang / /bde chen thig le nyams su 'bar/ /bskal pa du mar gnas gyur cing / /'byung ba lnga dang spyod yul kun/ /rang lus bde bar bsre ba 'grub/ /gsang ba'i lam la goms byed na/ /mtshon byed rig pa'i bde ba yis/ /lhan cig skyes pa'i dga' ba rtogs/ /mthar phyin lam gyi rim pa 'grub/ /dbang po dar zhing chags pa dang / /bde chen mos pa'i rnal 'byor pas/ /e dang ba~M la gnas pa yi/ /byang chub rdo rje dril las 'byung / /dngos po lhan cig skyes pa yis/ /ma lus bde bar rtogs byas la/ /phyi nang sbyor ba'i cho ga yis/ /gang zhig rtags dang ldan pa'i tshe/ /gsang ba'i phyag rgya bzhi ldan pas/ /bde chen mchog la rol par bya/ /ye shes nyi zla mnyam ldan pas/ /re dogs chad pa'i thig le 'byung / /lhung med gnas dang thim pa dang / /bdag po gdung can phrad pa las/ /nyin mtshan bral ba'i snang ba ltar/ /dus gcig nyi zla shar ba'i tshe/ /ma lus bde bas khyab gyur na/ / g.yo ba med pa'i thig le 'char/ /gal te nyams pa'i ltas byung na/ /thabs dang nyams dang rol pa yis/ /rim pa bzhin du bslab par bya/ /thabs dang shes rab gnyis med pa'i/ /nyi zla 'dres pa'i thig le nyid/ / dngos bral lhan cig skyes pa nyid/ /rgyal ba kun gyi phyag rgya yin/ /lhan cig skyes la gnas pa'i tshe/ /ma lus bde chen ro gcig pas/ /bde chen phyag rgya gcig tu gnas/ /rdo rje pad+ma'i thig le nyid/ /sa ya bcu gsum phrag gnyis rtsa/ /nyi zla 'dres pa'i gar thabs kyis/ /so so bde ba'i pho brang du/ /thig les gang bar spros pa'i tshe/ /sku gsung thugs dang ye shes lnga/ /nyams myong ro yis rgyas btab bo/ /lus kyi bde ba mthar phyin nas/ /rgyu rkyen rten 'brel las 'das pa'i/ /rig pa'i bde ba la gnas bya/ /gal te nyams na bsam pa 'am/ /blta dang mnyan pa la sogs pas/ /bar chad med par bsgom par bya/ /rig pa bde bar gang smin pas/ / sgo gsum bde ba chen por smin/ /spyod yul rlung dang thig ler bcas/ /goms pa'i thabs la dbang sgyur bas/ /rten dang brten par bcas pa yi/ /thig le rlung la dbang sgyur zhing / /lha mo mi mo gnod sbyin mo/ /mkha' 'gro rnams la dbang byed nus/ /thig le dbab dang 'dzin pa dang / /zlog dang sbyor la dbang bsgyur te/ /gal te mkha' la 'phros pa'i tshe/ /dngos grub lam dang bral ba yin/ /phyin chad mchod dang nus pa sbyin/ /rang gi skabs ni ma gtogs pa/ /gzhan du thig le mi ltung zhing / /dbang sgyur lam la goms par bya/ /nyi zla 'dres pa'i bde ba nyid/ /zag med snying por thim pa'i tshe/ /sems kyi bde bar rang snang zhing / /sems kyi bde ba bar chad med/ /gsal byed stobs dang bral ba'i tshe/ /ma lus bde chen phyag rgya ste/ /lus sems mnyam du gnas pa nyid/ /tshad dang rgya dbyings ro las 'das/ /dpag med bde ba'i rol mo ni/ /sangs rgyas kun gyi dgyes chen te/ /thig le sa bon zag pa bral/ / bde chen nyams myong rgyun mi chad/ /rang nyid thig ler nyams myong bas/ /snying po'i thig le bral ba med/ /phra zhing rdul bral dri ma med/ /rdo rje thig le dril bu nyid/ /'bad rtsol med par rang snang ba/ /bral thob med pa'i ngo bor gnas/ /gang du yon tan tshogs kyis rab rgyas pa/ /bde chen chu rgyun lta bu'i rgyun las byung / /tshogs gnyis yongs rdzogs bdag gzhan lhun gyis grub/ /gzhan na med de rang nyid snang bar zad/ /rang bzhin gnas phyir gzhan nas 'ong ba med/ /zhen pa bzlog pas bdag zhal bdag gis mthong / /rdo rje sems dpa' sgyu 'phrul dra ba gsang ba me long gi rgyud chen po las lam gyi khyad par ma lus pa bshad pa'i le'u ste bcu gcig pa'o// // de nas gzhan yang bshad bya ba/ /ma lus kun gyi bsgrub bya nyid/ /phyogs bcu ma lus rdul snyed kyi/ /che ba'i yon tan bshad par bya/ /mthar phyin lnga yi rang bzhin no/ /rtogs dang 'bras bur gnas mod kyi/ /mthong dang goms dang grub pa nyid/ /thun mong 'bras bur yang dag bshad/ /yang dag mthar phyin 'bras bur ni/ /thabs chen thabs las byung ba yi/ /yid bzhin nor bu rin po che/ /dpag med yon tan lhun rdzogs pa/ /tshad dang dmigs pa las 'das pa/ /bsam yas lhun gyis grub pa ste/ /nam mkha'i mtha' ltar dpag med pa/ /thams cad mkhyen pa'i ye shes ni/ /ma lus mchog gi gter gyur pa/ /zad 'phel med pa'i nor bu ste/ / ma lus kun la mnyam du gnas/ /sangs rgyas kun gyi rang bzhin ni/ /rgya dbyings tshad las 'das pa yi/ /dag dang ma dag ci snang yang / /blang dor phyogs ris yongs kyis med/ /rang byung 'od gsal maN Dal la/ /ma lus gcig gi rang bzhin te/ /thugs rje'i byin brlabs tshad med pas/ /ma lus bsam pa skong bar mdzad/ /rang byung ye shes lhun grub ni/ /chos rnams kun gyi ngo bo bas/ /ma lus phyogs med rang snang yang / /zhen dang ched du byas pa med/ /sa dang lam la sogs pa yi/ /theg pa kun gyi 'bras bu ni/ /rang rang ltos pa'i mthar thug kyang / /che mchog lhun grub mnyam dang bral/ /skad cig nyid la lhun rdzogs pa'i/ /sangs rgyas dpag med yon tan rnams/ /rigs bdag rdo rje 'chang chen gyis/ /ye shes lha mo rol dbang gis/ /nyi zla'i bde ba mngon thob ste/ /rdo rje 'chang gi sa la bgod/ /dpag med rgyal ba thams cad kyi/ / 'gro ba'i gdul bya mtha' yas pas/ /sku gsung thugs kyang de bzhin te/ /bzhugs tshul dpag med rnam par snang / /che ba'i yon tan lhun rdzogs pa'i/ /sangs rgyas drug pa'i rang bzhin te/ /nam mkha'i mthas gtugs mtshan pa yis/ /bde chen yi shes rgyas par gnas/ /bcu drug zhag gis rdzogs pa ltar/ /ma lus rdzogs pa'i ye shes nyid/ /sa mtha'i nyes pa kun bral ba/ /kun gyi yon tan bdag nyid gnas/ /sangs rgyas zhing khams mtha' yas pa'i/ /nam mkha'i mtha' thug bar du ni/ /gdul bya'i rdul snyed gnas kyi bar/ /skad cig 'du 'bral med par gnas/ /bcud 'dus thig le chen po ni/ /bde ba'i zag med thig le ste/ /a dang bde bar 'brel pa yi/ /ma lus khyab pa'i tshul du bzhugs/ /thig le'i bye brag brgyad cu'i rtsa/ /bcud 'dus gsang ba'i thig le'i ro/ /ma skyes mnyam la gnas 'gyur zhing / /ma lus gang ba'i tshul gyis ni/ /zhing khams phyogs bcu mtha' yas pa/ /zag med thig ler ro gcig pas/ /nam mkha'i gzugs can de bzhin nyid/ /sku bzhi 'dus pa'i khams thig le/ / dngas ma lnga 'dus snying po can/ /gsum 'dus mi 'gyur snying po ste/ /bdes gang bzhi bcu rtsa gnyis po/ /thig le ro yis gang phye ba/ /dpag med sku gsung yon tan thugs/ /bsam gyis mi khyab yang snang ba/ /thig le phyag rgya bsam mi khyab/ /phyi nang dngas snyigs ma lus pa/ /rang byung dngas ma'i thig le nyid/ /gzhan med phyogs med rang snang ba/ /phyogs med bde ba chen po nyid/ /gsang ba'i thig le chen po ni/ /yon tan rdzogs pa'i ngo bo ste/ /bde ba chen po'i snying po las/ /dpag med yon tan rnam par 'phrul/ /bde ba chen po'i thig le ni/ /'du 'phro brel bas zag pa med/ /phyogs ris 'das pas ma khyab med/ /thog mtha' med par mnyam pa yin/ /rgyal ba kun gyi rang bzhin te/ /thig le ro la mnyam bzhugs pas/ /nam mkha'i mthas gtugs chos thams cad/ /bde ba chen por gsal bar myong / /mtshan dang dpe byad tshad 'das pa/ / rang la rdzogs pa'i thig le nyid/ /ji snyed bde ba'i rol ba kun/ /rang la rdzogs pa nyid du gnas/ /sangs rgyas kun gyi bde ba ni/ /rang byung thig le chen po ste/ /A li kA li zhu ba las/ /nam mkha' khyab pa'i bde ba 'byung / /gsang ba'i thig le kun gyi rgyu/ /nam mkha'i thig le gsang ba'i ngang / /khyab pa chen po phyogs cha med/ /lus gnas rang bzhin ma skyes pa/ /bde ba'i dbang phyug sku gsung thugs/ / nam mkha' lta bur dpag tu med/ /thabs dang shes rab dbyer med pa'i/ /gsang ba'i thig le bzhugs pa'i gnas/ /dpag med til 'bru rdul snyed kyi/ /rgyal ba kun dang ldan cig tu/ /ma lus bde ba chen po'i ro/ /lhan cig skyes pa'i rang bzhin gyis/ /ma gsungs rig pas nyams btang bas/ /mi 'dzin longs spyod chen po'i gnas/ /rang byung nyi zla rten gyi ro/ /ma spangs 'dus pas 'du 'bral med/ /gsang ba'i thig le bcud 'dus pa/ /nam mkha' gang ba bde ba'i ro/ /gnyis med 'khril pa'i stobs las byung / /mkha' dbyings byang chub 'byor pa'i sems/ /ma btang ma spros thig le che/ /nam mkha' rgyas pa'i mtha' bzhin du/ /bde ba'i tshad kyang dpag tu med/ /yab yum gnas pa'i grangs tshad kyang / /nam mkha'i khams kyi rdul snyed de/ /re re 'ang bde ba'i dkyil 'khor ni/ /rdul snyed nam mkha'i mtha' dang mnyam/ /yab yum gnyis med 'brel ba yi/ / thabs dang shes rab bcud 'dus pa/ /gang yang mi sgrib thig le'i ro/ /snang gsum mtshan ma las 'das pa/ /sangs rgyas rin chen kun gyi bcud/ /bye ba rdul snyed grangs 'das pa'i/ /ma lus kun dang lhan cig tu/ / mos dang chags pa'i khyad par gyis/ /cha lug mtha' yas snang ba ni/ /la lar chags par lta ba'i tshul/ /de bzhin 'jam par smra ba dang / /la lar 'khyud cing lta ba ste/ /la lar sen thabs zhal sbyor zhing / /la lar mnye dang rdebs dang 'bud/ /'gyed dang 'dung dang 'gying ba yi/ /dkar 'dzin ston dang lte ba ston/ /'o dang 'tshir dang dgod pa dag /sna tshogs rol pa 'di dag gis/ /ma chags pa dag chags byed cing / /chags pa myur du nyams par byed/ / tha skam myur du bengs byed cing / /bde chen lo tog skyed par byed/ /bye ba rdul snyed bcas pa yi/ /lha dang lha mo 'khor bcas pas/ /steg cing 'dzum pas lhan cig tu/ /rol cing glu ni len par byed/ /e ma 'o sangs rgyas kun gyi rang bzhin bde ba che/ /lhan cig skyes pa mkha' ltar rdul dang bral ba ste/ /rdo rje pad mar bcug bskyod pas ni brtags pa'i snang ba nub/ /ma lus khyab pas mkha' ltar dga' bar byas kyang dbang po rlung gis rlabs/ /bde ba'i sa bon zag pa rnams ni slar yang ldang bar byed/ /rgyu ba rnam par chad pa'i kha sbyor bde chen ni/ /nam mkha'i rgya mnyam yun yang de srid bar du gnas pa ste/ /'dod pa'i yon tan lnga ni lha mo khyod la tshang ba ste/ /bdag ni khyod la bsten cing dga' bas mig bteg ma lus rgyal ba'i zhing du blta/ / gang tshe 'gro ba'i tha mal bder spyod yul la chags par zhugs pa na/ /dga' dang bde dang rtse gcig yid 'ong 'dod par rab zhugs pas/ /dbang po gnyis rol nyi zla phrad cing bde chen mchog skyes che/ /skye rga na 'chi ro dgas ngo tsha mi tsha grags pa'i chos brgyad tshod kyang byis pas mi shes so/ /gang zhig thabs dang shes rab bral bas gsang ba'i don 'jug pa/ /rgya mtsho la ni sa bon btab bzhin 'dod pa'i 'bras bu mi 'byung ste/ /nyan thos rang rgyal byang chub sems dpa' tha skabs te/ /rgyal ba nyid kyang thabs dang shes rab bral bas byang chub myu gu gtan nas skams ho/ /'di ni glu ru blangs pa yis/ /rdul snyed bcas pa'i 'khor tshogs rnams/ /rang rang rgyan dang gos dor te/ /dpa' bo sgeg mo'i tshul 'dzin cing / /dkyil 'khor phyogs bcu'i rdul snyed du/ /glu dang gar ni sna tshogs kyis/ /tha mal yid rtogs bcad nas ni/ /bde chen yid ni 'phrog par mdzad/ /de bzhin dkyil 'khor bsam yas dang / /zhing thabs bde ba rmad byung ba/ /'dul ba'i thabs ni sna tshogs pa/ /dpag med mtha' yas cir snang yang / /rang byung ye shes byang chub sems/ /thig le gcig gi ngo bo las/ /mdzad pa'i gar thabs sna tshogs kyis/ /'dul ba'i dbang du ci yang spro/ /thabs la thabs kyis dbang sgyur bas/ / thabs chen thabs las byung ba yi/ /ngo mtshar ya mtshan rmad po che/ /sangs rgyas kun gyi rang bzhin te/ /thabs chen sgyu ma rmad du byung / /sgyu ma skye 'gag med pa'i dbyings/ /sku gsung yon tan 'phrin las thugs/ /ma lus kun 'dus rnam par dag /thams cad rang rig byang chub sems/ /kun nas 'khyil ba'i dkyil 'khor te/ /kun gyi rang bzhin 'byung gnas nyid/ /bya ba byed la byas pa med/ /zad dang 'phel ba med pa yi/ /dngos grub gter chen bsam mi khyab/ /ye shes thig le rang snang ba/ /bsam gyis mi khyab mtha' yas mchog /mtha' dbus med pa'i ye shes ni/ /gcig ces 'di zhes brjod du med/ /nam mkha' rang byung rtag pa ltar/ / 'pho 'gyur med pas de bzhin no/ /nam mkha' mtha' dbus med pa bzhin/ /rang 'byung ye shes thog mtha' med/ /ma byung ma skyes byang chub sems/ /ye shes nyi ma'i 'od ltar gsal/ /sangs rgyas sems can grol thar kun/ /ma lus rang rig 'od gsal bas/ /rang 'byung ye shes rang snang phyir/ /mkhyen dang bsgribs pa cung zad med/ /mkhyen pa'i ye shes nyag cig la/ /rang gi cha shas chos bral bas/ /nam mkha'i mtha' thug chos rnams kun/ /skad cig ma 'dres tshul du mkhyen/ /rang rig byang chub sems nyid las/ /mtho dman blang dor ma dmigs pas/ /'khor ba'i ngo bor rang snang yang / /ma chags skyon med pad+ma 'dra/ /dpag med yon tan ngo bo rnams/ / rang byung rig pa rang snang bas/ /ma lus ngo mtshar rgya mtsho rnams/ /rang snang gzhan las thob bya med/ /byin brlabs cho 'phrul rmad kyi chos/ /rang byung nyid las rnam par spro/ /tshul ni rnam pa sna tshogs te/ / dag dang ma dag khyad par gyis/ /ngo bo gcig las ma g.yos kyang / /mos pas mthong tshul de bzhin no/ /gsung ni nam mkhas khyab par ni/ /phyogs bcu khyab par sgra sgrogs pa/ /mos pa bzhin du sna tshogs pa'i/ /bsam yas 'dul thabs sna tshogs snang / /thugs ni ma lus mkhyen pa'i thugs/ /phan dang bder bcas brtser ldan pa'i/ /mngon shes mkhyen pa'i ye shes spro/ /ye shes thugs la khyad par med/ /yon tan tshad khyad bral ba ste/ /nam mkha'i nor bu gter 'chang ba/ /dpag med bsam pa bskang ba'i phyir/ /byin brlabs yid bzhin nor bu'i tshul/ /'phrin las byin brlabs rang snang ba/ /'gro 'ong med pa'i don tshul gyis/ /dpag bsam bum dang rin chen gyi/ /bya byed med par don rnams rdzogs/ /ma lus spros pa rnam dag cing / /rang byung rig pa mtha' dbus med/ /ma lus kun gyi 'byung gnas te/ /bde ba chen po chos kyi sku/ /'dod pa'i longs spyod thams cad ni/ /gnyis med ngang la kun rdzogs pas/ /de nyid tshad bral mnga' brnyes pas/ /longs spyod yongs su rdzogs pa'i sku/ /sku gcig thig le'i ngo bo las/ /'jig rten khams ni thams cad du/ /ji ltar 'dul ba'i tshul bzhin du/ /rnam par 'phrul pa sprul pa'i sku/ /ma byung ma skyes don rtogs pas/ /ma lus dbyer med rdo rje nyid/ /mi 'jigs gnyen po kun bral ba/ /rdo rje sku zhes rnam par bstan/ /gang du mngon par byang chub pa'i/ /'od gsal nam mkha'i mtha' dbus med/ /sku bzhi mtha' yis ma reg pa/ /dang po mngon par byang chub pa'o/ /ma lus dbye ba mtha' spangs shing / /de ltar kun dang mnyam par gnas/ /don gyis ma lus khyab 'gyur ba/ /brjod med don gyi gsung nyid do/ /sku dang phyag rgya gzigs tshul gyis/ /ting 'dzin dgongs pas 'dul ba la/ /brjod med tshul gyis gang ston pa/ /brda yi gsung du rnam par bstan/ /gang yang rung ba mthong thos tshe/ /dpa' bos bltas pas g.yul sel ltar/ /dngos pos byang chub nam mkhar rtogs/ /byin brlabs rtogs pa'i gsung zhes bya/ /gang gi don du gang snang ba/ /gnyen po bar chad mi gnas shing / / gzhan dag pham byed mi thub pa/ /zil gyis gnon pa'i gsung du brjod/ /tshig gcig brjod pas tshig mtha' yas/ /mo+os pa de snyed rnam grol cing / /yon tan rgya mtsho phun sum tshogs/ /'di ni brjod pa tshig gi gsung / / ji snyed mang por rnam spros kyang / /chos kyi dbyings la khyad par med/ /rtog la rnam rtog mtshan ma yang / /mi rtog ye shes grol ba'i thugs/ /gnyis med bde ba chen po yis/ /'dod pa'i longs spyod lnga la rol/ / ma lus bde bar snang ba'i tshe/ /'di ni bde ba chen po'i thugs/ /bdag gzhan phyi nang mi mnga' yang / /rang 'byung gnyis kyi phyogs bral bas/ /gdul bya'i bsam pa kun mkhyen pas/ /'gro ba ma lus bsgral ba'i thugs/ /ji snyed rig pa'i don snang zhing / /ma lus kun gyi ngo bo la/ /skye 'jig gnyen po gdod nas stong / /mi 'gyur rdo rje thugs zhes bya/ /dpag med nam mkha'i zhing khams dang / /che ba'i khyad par bstan pa'i gdan/ /zag pa med pa'i rgyan rnams dang / /ye shes 'bar ba'i gzhal yas khang / /mtha' dbus med par khyab pa yi/ /'od zer tshogs ni rnam par snang / /gzhan yang yon tan chen po ni/ /mtha' dbus med pa'i nam mkha' ltar/ /dpag cing gzhal bar mi nus te/ /zag med che ba'i yon tan snang / /gzhan yang mdzad pa'i 'phrin las ni/ /gdul bya'i yul ni ji snyed pa/ /mdzad pa'i sgo ni bsam yas te/ /mtha' thug med par rnam par snang / / 'di dag bsdus pas bshad bya na/ /zhi rgyas dbang drag la sogs pas/ /mtha' yas bzhis ni rnam par bsdus/ /lhun gyis grub par kun kyang 'grub/ /mdor na 'bras bu'i rnam grangs ni/ /bsdus las nyi shu rtsa lngar gnas/ / rdo rje sems dpa' sgyu 'phrul dra ba gsang ba me long gi rgyud chen po las lhun gyis grub pa ma lus pa bshad pa'i le'u ste/ bcu gnyis pa'o// // de nas gsang bdag rdo rje 'dzin/ /dpag med rgyal bas dbang bskur ba/ / gsang ba'i bdag po sngags kyi mdzod/ /gter 'dzin rgyal po stobs po che/ /rang gi lag gi rdo rje nyid/ /dga' zhing mgu bas gsor byas te/ /bye ba rdul snyed bcas pa yis/ /rab tu bskor ba byas pa yis/ / 'jig rten drug tu bcas pa dag /'khrugs shing rnam par g.yo mdzad de/ /kun du rab g.yo rnam par g.yo/ /stong gsum 'jig rten 'khor yug bcas/ /'od dang sgra yis gang mdzad de/ /rmad byung sku gsung thugs rnams kyi/ /ngo mtshar cho 'phrul rnam par snang / /ngo mtshar cho 'phrul rmad byung gi/ phyi nang gsang ba'i mchod pa dang / /'dod yon lnga yis khyab mdzad de/ /rgyal ba'i tshogs kun mnyes par byas/ /kun kyang dga' zhing mos pa yis/ /zhing khams rdul dang mnyam pa yi/ /'khor tshogs rnams ni bstod pa 'di/ /sna tshogs sgras ni glu ru blangs/ /oM AHhU~M a la la ho/ /sgyu 'phrul dra ba'i thugs ni mi skye ye shes bde ba'i thugs/ /mi rtog gsal ba'i thugs ni kun la khyab par gnas/ /gang yang dbyer med 'dus byas ma yin 'dus ma byas min skye 'jig med/ /dam pa'i thugs la byung tshor g.yo 'gog ci yang med pas bde ho/ /sgyu 'phrul dra ba'i sku ni sna tshogs 'od 'bar bde ba'i sku/ / sna tshogs mtha' yas ji ltar snang ba ngo bos dben/ /de nyid 'du ba'i thabs kyis de ltar yid 'phrog tshim pa'i sku/ /mtha' yas sna tshogs bye brag ji ltar gsal yang nam mkha'i ngang du bye brag med ho/ /sgyu 'phrul dra ba'i yon tan yid bzhin nor bu rin po che/ /mi zad par ldan rgyan gyi 'khor lo dpag med rgyas par snang / /'gro ba rnams ni yid 'phrog bltas pas chog shes med par mdzes/ /rgyal ba ma lus yon tan rdzogs par snang la de dag mtha' thug med ho/ /sgyu 'phrul dra ba'i gsung ni zab cing rgya cher nam mkha' 'dra/ /ma lus go zhing tshim mdzad rdo rje'i sgra 'byin snyan sgrogs pa/ /rdo rje sgra chen mtha' yas mos dang 'thad pa de bzhin rnam par snang ho/ /sgyu 'phrul dra ba'i phrin las sna tshogs bya ba lhun gyis grub/ /bskal pa zhing gi rdul snyed 'gro ba ma lus kun 'dul ba/ /thabs dang shes rab 'du 'bral med pa'i rdzu 'phrul sna tshogs 'di ni rnam par rol ho/ /de nas rgyal mchog skyes bu yis/ / rdo rje 'dzin pa la sogs pa/ /bye ba rdul snyed bcas pa la/ /gsang ba 'di ni gtad par mdzad/ /nga yi gsang ba'i snying po 'di/ /dus gsum sangs rgyas thams cad kyi/ /bstan pa kun gyi rang bzhin te/ /ma lus kun gyi thabs su snang / /gsang sngags rdo rje theg pa ste/ /dpal ldan sgyu 'phrul thugs kyi rgyud/ /chos rnams ma lus kun snang ba/ /gsang ba'i me long thabs kyi rgyud/ /rgyal ba rdul snyed kun 'dus nas/ /dam pa 'di la bsngags par mdzad/ /sgyu 'phrul dra ba'i rgyud chen po/ /zab mo'i lung gi nges don 'di/ /rigs chad dman pa'i gang zag gis/ /thams cad la ni me long ltar/ /bltas kyang gzugs brnyan mi snang bas/ /ston pa gnyis la rgyab phyogs shing / /brtags pas phyi rol chos la zhen/ /slob dpon la ni brnyas byed dang / /rdo rje spun la sdang sems che/ /zab mo'i don la skur byed cing / /gsang rgyud don la 'phya ba dang / /ser sna rang phyogs chags pa che/ /dad dang dam tshig mi ldan zhing / /rgyal srid rin chen mi gtong ba'i/ / phyi nang gnyis lta'i gang zag la/ /bskal pa zhing gi rdul snyed du/ /lus sems bral bar byed gyur kyang / /gsang ba'i glegs bam mi bstan na/ /dbang dang dngos grub nams kyang min/ / rmongs pas gal te byin na ni/ /de nyid mnar med dmyal bar ltung / /dad dang dam tshig ldan pa yis/ /phun sum tshogs pa kun gtong zhing / /dam pa'i yo byad ldan gyur pas/ /lus dang srog la 'ang mi lta na/ /dman pa'i longs spyod nams kyang min/ /theg pa che la mos pa dang / /brtul zhugs snying brtser gus par ldan/ /rdo rje slob dpon bsnyen bskur zhing / / skyon dang spyo ba yongs su bzod/ /bskal par 'grogs kyang yid mi 'khrug /nyes dang legs pa ci la yang / /ngo mtshar skyo ba'i 'du shes med/ /rang bzhin bzang dang tshul shes dang / / 'grogs pas dug nang mi sdang ba'i/ /dam pa 'di la gsang ba gtad/ /slob dpon man ngag mi ldan cing / /gsang ba'i don la ma goms pas/ /rang rtags log pa'i tshad ma yis/ / gsang ba'i sbas don gtan la 'bebs/ /blun po mun pas chod pa rnams/ /log par zhen pa'i rjes 'brangs nas/ /mthong ba'i chos la dmyal bar smin/ /de bzhin gshegs pa thams cad kyi/ /phyag rgya gsang chen snying po 'di/ /ma lus kun gyi gsang yin pas/ /rtogs nas gsal bar gang byed pa/ /dbang dang dkyil 'khor rdzogs pa ste/ /bdag dang gzhan don lhun gyis grub/ /rdul snyed zhing la bsnyen bkur zhing / /tshogs kyi bla ma bsten byas pa'i/ /'bras bu gsang chen 'di yin te/ /de bas rgyal sras gcig gi yul/ /rnyed dang bkur stis 'tsho ba yis/ grags pa'i stobs ldan rnam par spangs/ /a ho rdo rje gsang ba'i tshig tu'o/ /rdo rje sems dpa'i sgyu 'phrul dra ba gsang ba me long gi rgyud las mthar phyin pa'i le'u ste bcu gsum pa'o/ / rdo rje sems dpa'i sgyu 'phrul dra ba rdo rje sems dpa' gsang ba me long gi rgyud chen po rdzogs s+ho// //rgya gar gyi mkhan po bi ma la mi tra dang / ban de dz+nyA na ku mA ras bsgyur cing zhus te gtan la phab pa'o/ /slad nas bi ma la mi tra nyid la ze mo dge slong mas yang dang yang du zhus pa 'di gzhan la spel na dam tshig nyamas+ho/ /