CLOSE WINDOW

J744(a)
བོད་ཡིག

@#/ /dkon mchog gsum la phyag 'tshal lo/ /zas skom bzang po ro zhim zhing mdog sdug la dri bsung dang ldan zhing ngad ldang ba/ yon tan phun sum tshogs pas brgyan pa/ dpag bsam gyi shing ljon pa'i nags tshal dkon zhing dri ma med la rgyan gyis klubs pa/ yal ga'i thor to'i ljid kyis g.yur za la mgo lcogs me tog kha phye zhing 'dab mas legs par brgyan te/ bung ba lang long khyus lding zhing 'phungs pa rnams kyis bzhib cing non pa'i shugs kyis bag tsam 'dar ldem ldem la/ rin chen yal ga dang ma rgad lcug phran gyi bla re 'jol ba dag mngon par sgrub par byed pa/ 'gro ba dag tu ma tshor bar 'gro ba'i g.yang sa chen po ya nga ba dag tu mar me snang gsal dag cing dri ma med pa lta bu byin pa gang las bsod nams dang / bsod nams kyi rgyu 'thun pa dang / dge ba dang / dge ba'i rgyu dang 'thun pa bde dgu'i gzhir gyur pa des na sbyin bdag chen po bdag nyid che ba che ge mo zhig gi lus dge ba bcu'i las kyi lam gyis bsgrubs pa la tshe dang / kha dog dang / stobs dang / gzi byin dang / longs spyod dang / dbang phyug dang / shes rab dang / spobs pa phun sum tshogs par gyur cig /sbyin bdag gi bsod nams ma skyes pa rnams ni skye bar gyur cig /sbyin bdag gi longs spyod skyes zin pa rnams ni 'phel zhing rgyas par gyur cig /de bzhin du sbyin bdag gi pha ma mchog tu dka' ba byed byed pa/ gso gso/ gnam gnam/ bskyed bskyed/ bsring bsring la 'dzam bu'i gling bkra yer yer mig gis mthong bar byed pas kyang bsod nams kyi phud kyi skal shas thob par gyur cig /de bzhin du sbyin bdag gi chung ma rnams dang / bu rnams dang / bu mo rnams dang / sbyin bdag gi gnyen mdab mdza' bshes rgyas pa'i tshan ris gang dag 'khod cing 'tsho la gnas pa de dag kyang tshe ring zhing / longs spyod che la g.yog 'khor mang bar gyur cig /gang dag 'das shing tshe 'phos pa de dag kyang 'gro ba dang / skye ba'i gnas dang gnas tha dad pa'i khyad par thob par gyur te/ lha'i gnas su skyes par gyur nas/ 'phags pa byams pa'i zhal snga nas mnyes par byed par gyur cig /de bzhin du rgyal po'i mchog rgyal po chen po mnga' bdag dam pa dpal lha btsan pos ma phebs pa rnams ni phebs par gyur cig /phebs zin pa rnams ni cham du phebs par gyur cig /stobs kyi 'khor los sgyur ba'i rgyal srid kyang brnyes par gyur cig /de bzhin du nye 'khor gyi grong na gnas pa'i rigs bzhi ste/ bram ze dang / rgyal rigs dang / rje'u rigs dang / dmangs rigs la sogs pa yul gyi mi rnams la nad med cing gnod pa med par gyur cig /de bzhin du mi mjed kyi bdag po tshangs pa dang / lha'i dbang po brgya byin dang / 'jig rten skyong ba bzhi dang / gnod sbyin gyi sde dpon chen po nyi shu rtsa brgyad dang / klu'i rgyal po dga' bo dang bsnyen dga' bo dang / gnod sbyin gyi sde dpon bde ba'i ri bo dang / gangs can dang / lngas rtsen dang / lnga len la sogs pa dang / nor bu bzang dang / rdzogs bzang gnyis dang / 'phrog ma bu lnga brgya 'i 'khor dang bcas pa dang / gzhan yang bcom ldan 'das kyi bstan pa la mngon par dga' ba'i lha dang klu dang / gnod sbyin dang lha ma yin dang / nam mkha' lding dang / dri za dang / mi 'am ci dang / lto 'phye chen po dang / sbyin bdag gi khyim 'di na gnas pa'i lha rnams dang / sbyin bdag gis bsten pa'i lha'i khyad par gyis de dag gzi byin dang / stobs dang gzhal med khang rnams rgyas par gyur cig /de dag gzi byin dang ldan par gyur/ stobs dang ldan par gyur/ gzhan gyis mi tshugs par gyur/ che bar grags par gyur nas/ sbyin bdag bdag nyid chen po 'di nyid kyi mdzod dang / bang ba dang / ba lang gi khyu dang / phyugs gdags sna tshogs kyi khyu dang / zhing gi rmo brko dang / las kyi sgo rnams dang / bla 'og gi bya ba thams cad la chos bzhin du bsrung ba dang / bskyab pa dang / sba ba byed par gyur cig /gnod pa rnams ni zlog par gyur cig /don du bsgrubs pa rnams ni snang bar gyur cig /de bzhin du sbyin bdag gi dad pa dang sbyar te/ dmyal bar skyes pa rnams kyi gnod pa'i sdug bsngal thams cad zhi bar gyur cig /dud 'gro rnams gcig la gcig za ba rnams zlog par gyur cig /yi dags kyi bkres shing skom pa'i sdug bsngal thams cad zhi bar gyur cig /mi rnams tshol khros g.yen spyo ba'i sdug bsngal thams cad zhi bar gyur cig /lha rnams kyi 'chi 'pho ba dang / ltung ba dang / rnam par 'thor ba dang / rnam par 'jig pa'i sdug bsngal thams cad zhi bar gyur cig /mdor na khams gsum du skyes pa'i sems can thams cad dang / srog chags thams cad kyis kyang mya ngan las 'das pa ma skyes ma byung ba/ ma byas ma bcos pa/ 'chi 'pho med pa/ mi gnas pa/ dmigs su med pa/ bde ba/ zhi ba/ gya nom pa/ bde legs can/ gnas dang gling dang / skyob pa dang / skyabs dang / dpung gnyen dang / mi g.yo ba gang yin pa'i mya ngan las 'das pa'i chos kyi mchog de reg cing thob par gyur cig /gnod sbyin gang dag bzhon pa mi zad dpung can lha rdzas gos gyon phreng ba thogs/ /gang dag 'jig rten gsum mchod mkhas pa rnams kyis brjod pa'i sangs rgyas skyabs song ba/ /lngas rtsen lag na rdo rje nor sbyin dpal can nor bu bzang sras la sogs pa/ /de dag thams cad lhan cig rtag tu khyod kyi khyim du chos bzhin srung bar shog /lngas rtsen dang ni 'phrog ma bu sdug 'khor bcas nor bu bzang sras dpung dang bcas rnams dang / /gnod sbyin dbang po lag na rdo rje rang gi sde tshan bcas dang rang gi sder bcas dang / /gzhan yang gnod sbyin dbang po gang dag sde chen grags ldan bstan pa dag la dga' ba rnams/ /thams cad 'thun par khyod kyi pha tshan dang ni gnyen sdug bcas la rtag tu skyong gyur cig / mtshan mo dang ni nyi ma 'char kha nyi ma'i gung rnams dang / /nyi ma nub kar rtag tu khyod la bkra shis ldan par shog /dpal chen lag na rdo rje nor bu bzang dang 'phags skyes sogs/ /khyod dang gnyen 'dun rnams dang bcas la yongs su skyong gyur cig /gtong la dpa' ba rnams kyang khyim 'khor stobs dang 'byor pa grub cing mi nad med par shog /yon gnas rnams kyang yon tan tshogs pas 'phel bar 'gyur zhing 'bru rnams rab tu rgyas par shog /mchod rten rnams kyang mchod par 'gyur zhing bcom ldan 'das kyi bstan pa yun ring 'bar bar shog /rgyal po chos bzhin byed pas skyong gyur sems can mtha' dag rab zhi bde ba myong gyur cig /