བོད་ཡིག |
327b5 / //yang zhus so/ /stag lung rgyud 'bum la gtugs nas zhus// // 'phags pa spyan ras gzigs dbang phyug yid bzhin gyi nor bu'i rtog pa las smon lam 'byung ba/ de bzhin gshegs
327b6 pa dgra bcom pa yang dag par rdzogs pa'i sangs rgyas 'od dpag med la phyag 'tshal lo/ /dkon mchog gsum la phyag 'tshal lo/ /'phags pa spyan ras gzigs dbang phyug la phyag 'tshal lo/ /byang chub sems dpa'
327b7 sems dpa' chen po thugs rje chen po dang ldan pa mthu chen thob la phyag 'tshal lo/ /btsun pa spyan ras gzigs dbang phyug thugs rje chen po dang ldan ba dgongs su gsol/ 'phags pa thugs rje'i dbang phyug
327b8 bdag gis rjes su dran pa dang / mtshan nas brjod pas bdag dang sems can thams cad kyi sdug bsngal mi bzad pa thams cad zhi zhing rgyun chad par gyur cig /btsun pa spyan ras gzigs dbang phyug thugs rje chen po dang
328a1 ldan pa la phyag 'tshal lo/ /'phags pa thugs rje'i dbang phyug bdag gis rjes su dran pa dang mtshan nas brjod pas/ bdag dang sems can thams cad kyi 'jigs pa dang gnod pa dang / phyir rgol ba thams
328a2 cad rgyun chad par gyur cig /btsun pa spyan ras gzigs dbang phyug thugs rje chen po dang ldan pa la phyag 'tshal lo/ /'phags pa thugs rje'i dbang phyug bdag gis rjes su dran pa dang mtshan nas brjod pas/ bdag dang sems
328a3 can thams cad kyi las dang nyon mongs pa thams cad dang / mi dge ba'i chos dang / bdud kyi las skyes pa thams cad byang zhing grol bar gyur cig /btsun pa spyan ras gzigs dbang phyug thugs rje chen po dang ldan pa la phyag
328a4 'tshal lo/ /'phags pa thugs rje'i dbang phyug bdag gis rjes su dran pa dang mtshan nas brjod pas/ bdag dang sems can thams cad kyis btsun pa spyan ras gzigs dbang phyug zhal rtag tu mthong zhing smon lam
328a5 ji skad bstan pa thams cad kyang myur du thob par gyur cig /btsun pa spyan ras gzigs dbang phyug thugs rje chen po dang ldan pa la phyag 'tshal lo/ /'phags pa spyan ras gzigs thugs rje'i dbang phyug bdag gis
328a6 rjes su dran pa dang mtshan nas brjod pas/ bdag dang sems can thams cad 'phags pa gang dag zhal mngon sum du lta zhing dam pa mchog gsol ba thams cad kyang de bzhin du grub par gyur cig /btsun pa spyan ras
328a7 gzigs dbang phyug thugs rje chen po dang ldan pa la phyag 'tshal lo/ /'phags pa thugs rje'i dbang phyug bdag gis rjes su dran pa dang mtshan nas brjod pas/ bdag dang sems can gyi 'jig rten dag na phongs shing
328a8 nyams thag ba thams cad la phan pa dang / bde bar bgyid pa la mthu chen po thob par gyur cig /btsun pa spyan ras gzigs dbang phyug thugs rje chen po dang ldan pa la phyag 'tshal lo/ /'phags pa thugs rje'i
328b1 dbang phyug bdag gis rjes su dran pa dang mtshan nas brjod pas/ 'jig rten dag na mu ge'i dgon pa chen po dang / me dang / chu dang / rlung la sogs pa'i gnod pa gang byung bas skye bo mang po nyams thag pa de dag zhi ba dang
328b2 ma mchis par bgyid par gyur cig /btsun pa spyan ras gzigs dbang phyug thugs rje chen po dang ldan pa la phyag 'tshal lo/ /'phags pa thugs rje'i dbang phyug bdag gis rjes su dran pa dang mtshan nas brjod pas/
328b3 bdag dang sems can gang dag 'jig rten 'di nas pha rol tu 'chi 'pho ba'i 'jig rten chen po nye bar gnas pa na yang / 'phags pa thugs rje'i dbang phyug khyod zhal mngon sum du mthong zhing dbugs 'byin pa chen po
328b4 mdzad par gyur cig /bdag dang sems can gzhan 'chi 'pho ba dag gis kyang nyon mongs pa' dag gis ma spros pa chos bdag med pa dran pa dang ldan pa/ byang chub kyi sems tshad med par brtan pa/ sems ma zhum pa/
328b5 spobs pa thogs pa med pa dang ldan zhing / sdug bsngal gyi tshor ba thams cad nye bar zhi zhing / dran pa nye bar gzhag bzhin du 'chi 'pho bar gyur cig /tshe rabs thams cad du yang 'phags pa spyan ras gzigs dbang phyug
328b6 gi zhabs drung du skye zhing tshe rabs rjes su dran pa dang / byang chub kyi sems phun sum tshogs pa dang ldan pas/ 'phags pa thugs rje'i dbang phyug la sogs pa mnyes par bgyid cing / ji skad bstan pa bzhin du grub
328b7 pa'i mthu dang ldan par gyur cig /ji ltar thugs rje'i dbang phyug des thugs rje chen po'i rnam par thar pa'i sgo lhun gyis grub pa dang / sangs rgyas thams cad kyi thugs rje dang ro gcig par gyur cig /ji ltar
328b8 thugs rje'i dbang phyug gis sems can yongs su smin par mdzad pa dang / sangs rgyas kyi zhing yongs su dag pa dang / sangs rgyas kyi chos thams cad yongs su rdzogs par 'gyur ba de bzhin du bdag dang
329a1 sems can thams cad kyis kyang sems can thams cad yongs su smin par bgyid pa dang / sangs rgyas kyi zhing thams cad yongs su dag pa dang / sangs rgyas kyi zhing gi chos thams cad yongs su rdzogs par
329a2 bgyid par gyur cig /ji ltar dus gsum gyi sangs rgyas dang / byang chub sems dpa' thams cad kyi thugs rje'i bdag nyid 'phags pa spyan ras gzigs dbang phyug rjes su dran pa dang mtshan nas brjod pas/ dus gsum
329a3 gyi rgyal ba sras dang bcas pa thams cad kyi mtshan nas brjod cing bsnyen bkur bgyis par gyur cig /ji ltar dus gsum gyi rgyal ba sras dang bcas pa thams cad kyis thugs rje'i rang bzhin 'phags pa spyan ras gzigs
329a4 dbang phyug de rjes su dran pa dang mtshan nas brjod cing mchod pa bgyis pas/ thugs rje chen po'i yul du gyur pa sems can thams cad la yang snying rje chen po'i thabs kyi sbyor ba rgyun mi 'chad par 'byung bar gyur cig /
329a5 ji srid bdag ni 'khor ba'i tshe/ /de snyed bdag ni lus skyes par/ /de srid mgon po mchod bgyid cing / /de snyed lus sbyor tshogs bgyid shog /ji srid bdag ni 'khor ba'i tshe/ /ji skad bdag gis ngag skyes par/ /de srid mgon
329a6 po mtshan brjod cing / /ngag gi sbyor ba tshogs bgyid shog /ji srid bdag ni 'khor ba na/ /de snyed bdag gi yid 'byung ba/ /de snyed mgon po rjes dran zhing / /yid sbyor tshogs par bgyid gyur cig /de ltar lus dang ngag yid
329a7 kyis/ /thugs rje'i dbang phyug rten bgyis pas/ /lus dang ngag yid skyon bral zhing / /yon tan phun sum tshogs gyur cig /de ltar lus ngag yid kyis su/ /thugs rje'i dbang phyug sku gsung thugs/ /rtag tu sbyor bar
329a8 bgyis pas na/ /thugs rje'i dbang phyug spyan ras gzigs/ /srid gsum re ba'i gnas gcig po/ /de 'drar bdag kyang grub gyur te/ /srid gsum re rdzogs bgyid gyur cig /na mo rad na tra yA ya/ na ma Ar+yA pa lo
329b1 ke te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ oM tsakra ba ti/ tsin+ta ma Ni ma hA pa du me ru ru tiSh+Tha/ dz+wa la A kar Sha ya hU~M phaT swA hA/ rtsa ba'i sngags rdzogs s+ho// //oM pa du me tsin+tA ma Ni dz+wa la hU~M/ snying po'o/ /
329b2 oM ba r-i da pa du me hU~M/ nye ba'i snying po'o/ /oM ma Ni badzre Ni hU~M/ gsang ba'i snying po'o/ /sngags snying bzhin du 'byung / smon lam dang tshigs su bcad pa dang sngags su bcas pa rdzogs s+ho// //stag lung rgyud 'bum la gtugs nas zhus/ /