བོད་ཡིག |
58b1 @/ /rgya gar skad du/ sarba ta thA ga ta mA ta nI tA ra/ bi shwa kar ma b+ha ba tan tra nA ma/ bod skad du/ de bzhin gshegs pa thams cad kyi yum sgrol ma las sna tshogs 'byung ba zhes bya ba'i rgyud/ 'phags pa 'jam dpal la phyag
58b2 'tshal lo/ /'di skad bdag gis thos pa dus gcig na/ bcom ldan 'das dga' ldan gyi gnas na bzhugs te/ byang chub sems dpa' byams pa dang / 'jam dpal la sogs pa dpag tu med pa dang / ku ru kul+le dang ri khrod lo
58b3 ma can la sogs pa dang / tshangs pa dang brgya byin la sogs pa dpag tu med pa dag gis lha rdzas kyi me tog pad ma dang ku mu ta dang / man dA ra ba la sogs pa lha rdzas kyi me tog dpag tu med pa dag dang / dung dang / ping bang dang / rnga dang /
58b4 rdza rnga dang gau rgyud mangs la sogs pa lha'i rol mo dpag tu med pa dang lha'i gdugs dang / rgyal mtshan dang ba dan la sogs pa dpag tu med pa thogs te/ bcom ldan 'das la g.yas phyogs nas bskor te/ mchod pa sna tshogs kyi
58b5 mchod pa'i sprin gyis mchod do/ /de nas bcom ldan 'das kyis pha rol gyi sde rab tu 'joms pa rdo rje lta bu zhes bya ba'i ting nge 'dzin la mnyam par bzhag ste/ bzhag ma thag tu sa chen po yang g.yos/ bdud kyi dkyil 'khor
58b6 yang pham par byas te/ 'od kyi snang ba chen po yang bkye'o/ /de yang 'di lta ste/ dkar po dang dmar po dang / ser po dang ljang ku dang / mthing ka dang 'dres pa ste 'od sna tshogs bkye ste/ sdug bsngal dang bcas pa rnams sbyangs te/
58b7 sangs rgyas thams cad kyi yum sgrol ma ku ru kul+le'i gtsug tu nub par gyur to/ /gtsug tu nub ma thag tu mchod pa'i sprin gyi char pa yang 'bab par gyur to/ /de nas lha mo de dper na sprin dang bral ba'i nyi ma'i dkyil 'khor lta
58b8 bur gyur to/ /de'i tshe bstod pa'i tshigs su bcad pa 'dis bstod pa/ zhing khams thams cad yongs su dag pa la/ /rin chen me tog mang po char du phab/ /dus gsum sangs rgyas thams cad bskyed pa'i yum/ /yum gyur
59a1 sgrol ma khyod la phyag 'tshal bstod/ /ces gsungs so/ /de'i tshe byang chub sems dpa' 'jam dpal gzhon nur gyur pas bla gos phrag pa gcig tu gzer nas/ pus mo g.yas pa'i lha nga sa la btsugs te/
59a2 bcom ldan 'das la gsol pa/ bcom ldan 'das dus gsum gyi sangs rgyas thams cad zab pa'i phyir ci'i phyir bskyed/ gang gis na yum yin zhe na/ bcom ldan 'das kyis gsungs pa/ 'jam dpal bden mod kyi dus
59a3 gsum gyi sangs rgyas thams cad kyang ma skyes pa/ ma 'gags pa/ dri ma med pa/ dri ma dang bral ba med pa 'grib pa med pa 'phel ba med pa rang bzhin gyis mya ngan las 'das pa'o/ /de'i phyir chos thams cad kyi rang bzhin ni
59a4 de'o/ /byang chub sems dpa' 'jam dpal gzhon nur gyur pas smras pa/ bcom ldan 'das dus gsum gyi sangs rgyas ni ma skyes pa/ ma 'gags pa dri ma med pa dri ma dang bral ba med pa/ 'grib pa med pa 'phel ba med
59a5 pa rang bzhin gyis mya ngan las 'das pa de ji ltar skye bar 'gyur/ bcom ldan 'das kyis gsungs pa/ 'jam dpal mya ngan las 'das pa zhes bya ba ni don dam pa'o/ /mya ngan las 'das pa zhes bya ba ni chos kyi dbyings so/ /
59a6 yang dag pa'i mtha'i tshig bla dgas so/ /snying rje chen po'o/ /kun rdzob ngo bo 'khor ba'i tshig bla dgas so/ /de las 'das pa ni dus gsum gyi sangs rgyas bskyed pa'i yum mo/ /de'i phyir 'khor ba dang mya ngan las 'das
59a7 pa'o/ /'jam dpal de ltar na yum du yid la bya'o/ /bcom ldan 'das kyis gsungs pa/ 'jam dpal de bas na chos rnams kyi de kho na nyid shes pas 'di bsgom par bya'o/ /gzungs sngags 'di brjod par bya'o/ /nan tan
59a8 du bsgrub par bya'o/ /'di'i yon tan shes par bya'o/ /'di mchod par bya'o/ /lung nod par bya'o/ /the tshom med par bya'o/ /las la nan tan du bya'o/ /'di'i bsngags pa yid la bya'o/ /las so so'i sgo nas bsgrub par bya'o/ /
59b1 de skad ces byang chub sems dpa' 'jam dpal gzhon nur gyur pa la bstan to/ /des ni gleng gzhi'i le'u bstan pa ste le'u dang po'o// // de nas byang chub sems dpa' 'jam dpal gzhon nur gyur pas bcom ldan 'das
59b2 la gsol pa/ bcom ldan 'das 'di ji ltar bsgom par bya/ 'di la ji ltar du nan tan du bya zhes smras pa dang / bcom ldan 'das kyis gsungs pa/ 'jam dpal 'di ltar yid la bya'o/ /'jam dpal chos thams cad ni ma skyes
59b3 pa'o/ /chos thams cad ni ma 'gags pa'o/ /chos thams cad ni dri ma dang bral ba'o/ /chos thams cad ni mya ngan las 'das shing rang bzhin gyis rnam par dag par bsgom par bya'o/ /'jam dpal de'i phyir sngags 'di brjod
59b4 par bya'o/ /oM swa b+hA ba shud d+haHsarba d+harmAHswa b+hA ba shud d+hou0f85ha~M/ zhes brjod par bya'o/ /yang bcom ldan 'das kyis gsungs pa/ mngal las skyes pa dang / sgo nga las skyes pa dang / drod gsher las skyes pa dang / brdzus te
59b5 skye ba dag la bltas te byams pa bsgom par bya'o/ /skye ba dang rga ba dang na ba dang 'chi ba la snying rje chen po bskyed par bya'o/ /stong pa nyid dang mtshan ma med pa dang / smon pa med pa dang rang bzhin gyis 'dus ma byas pa la dga'
59b6 ba dang btang snyoms bsgom par bya'o/ /'jam dpal de lta bas na/ rgyu ni tshad med pa bzhi'o/ /des bskyed pa ni byang chub kyi sems so/ /de'i phyir de la nan tan du yid la bya'o/ /'jam dpal de'i phyir sngags 'di brjod par bya'o/ /
59b7 oM b+ho d+hi tsita ta ut+pa dA ya a haM/ zhes brjod par bya'o/ /yang bcom ldan 'das kyis gsungs pa/ mchod pa 'di rnams kyis mchod par bya'o/ /gang yang phyogs bcu'i 'jig rten khams bzhugs pa'i/ /sangs rgyas
59b8 rnams kyis byin gyis brlabs pa yi/ /phye ma phur ma bdug pa'i bye brag rnams/ /rgyal ba bskyed pa'i yum la mchod par bya'o/ /gang yang phyogs bcu'i 'jig rten khams bzhugs pa'i/ /bde bar gshegs pa'i yum
60a1 mchog sangs rgyas spyan/ /me tog sil ma phreng ba'i bye brag rnams/ /rgyal ba bskyed pa'i yum la mchod par bgyi/ /gang yang phyogs bcu'i 'jig rten khams bzhugs pa'i/ /bde bar gshegs pa'i yum mchog
60a2 rin po che/ /rin chen mar me'i bye brag phreng ba rnams/ /rgyal ba skyed pa'i yum la mchod par bgyi/ /gang yang phyogs bcu'i 'jig rten khams bzhugs pa'i/ /de bzhin gshegs pa'i yum mchog na bza' dkar/ /dri zhim chu
60a3 gtsang spos ngad ldang ba'i chu/ /rgyal ba bskyed pa'i yum la mchod par bgyi/ /gang yang phyogs bcu'i 'jig rten khams bzhugs pa'i/ /rgyal ba bskyed pa'i yum mchog 'phrin las ldan/ /bza' dang bca' ba la sogs zhal
60a4 zas rnams/ /rgyal ba bskyed pa'i yum la dbul bar bgyi/ /sdug bsngal thams cad rab tu zhi mdzad pa'i/ /glu dang rol mo sil snyan bcas pa'i sgra/ /gdugs dang rgyal mtshan ba dan 'phan gdugs bcas/ /phyogs bcu kun
60a5 nas sprin bzhin gtibs gyur cig /dpag bsam gyis ni shing dag dang / /ljon pa'i shing dang shing dag gis/ /dri zhim lo 'dab bcas pa'i shing / /phyogs bcu kun nas gtibs gyur cig /spos kyi dri ngad ldang ba'i char/ /
60a6 'bru dang me tog la sogs pa'i/ /yid du 'ong ba'i dri zhim char/ /nges par kun tu 'bab par shog /'bab chu lteng ka lu ma dang / /mtsho dang rdzing bu dag dang ni/ /ro brgya dag dang ldan pa'i mtsho/ /dad pa la sogs bcas pa yi/ /
60a7 rin chen khang pa yid 'ong ba'i/ /dra ba dra ba phyed pa dang / /shar nub 'od bcas nyi zla dag dang ni/ /khang pa shin du yid du 'ong ba rnams/ /rgyal ba skyed pa'i yum la mchod bya'o/ /'jam dpal de'i phyir mchod pa'i sngags 'di brjod
60a8 par bya'o/ /oM sarba ta thA ga ta d+hU pa pU dza me g+ha sa mu drA s+phA ra Na sa ma ye hU~M/ oM sarba ta thA ga ta puSh+pa pU dza me g+ha sa mu drA s+phA ra Na sa ma ye hU~M/ oM sarba ta thA ga ta a lo ka pU dza me g+ha sa mu drA s+phA ra Na sa ma ye hU~M/
60b1 oM sarba ta thA ga ta gan d+ha pU dza me g+ha sa mu drA s+phA ra Na sa ma ye hU~M/ oM sarba ta thA ga ta nai wi d+ye pU dza me g+ha sa mu drA s+phA ra Na sa ma ye hU~M/ oM sarba ta thA ga ta shab+da pU dza me g+ha sa mu drA s+phA ra Na sa ma ye hU~M/ zhes brjod par bya'o/ /mchod pa'i
60b2 le'u ste gnyis pa'o// // de nas yang 'jam dpal gzhon nur gyur pa la gsungs pa/ 'jam dpal yum 'di ni dus gsum gyi sangs rgyas thams cad kyi yum mo/ /'jam dpal de'i phyir dus gsum gyi sangs rgyas
60b3 thams cad kyis bstod pa 'di 'jam dpal khyod kyi yid la gyis shig /de nas bcom ldan 'das kyis bstod pa'i gzungs sngags gsungs pa/ na maHsarba ta thA ga tA nA~M/ tad+ya thA/ oM na maH spu ka saM/ na maH tA ra ye tA ra mi
60b4 ta na ma stA re tu ra bI ra/ k+Sha Ne d+yu ti ni b+he k+Sha Ne/ trai lo kya nA thA bi ka sad ke sha rod b+ha be/ na maH sha ta sa rats+tsan dra/ saM pU raN+Na pa Ta lA na ne/ tA rA sa ha sra ni ka ra/ pra ha sad kir No dz+dzA le/ na maH ka na ka nI a ba/
60b5 dza/ pA Ni pad ma bi b+hU Shi te/ dA na bId+ya ta baH shAn ti/ ti ti k+ShA d+h+yA na go tsa re/ na masta thA ga to Sh+NI Sha/ bi dza yA nan ta tsA ri ni/ a she Sha pA ra mi ta prA ba ta/ dzi na pu tra ni se bi te/ na mastu t+tA ra hU~M ka ra/ pU ri tA shA di gan ta re/ sa ba ta lo
60b6 ke kra mA krAn+ti niH she ShA kar Sha Na k+Sha me/ na maH sha kra na la brah+ma/ ma rud dwi shwe shwa ra ar ts+tshiti/ b+hU ta be tA Da gan d+harba/ gan yak+Sha pu ra skri te/ na ma s+t+ra Di ti phaT kA ra/ pa ra yan tra pra mar d+ha ni/ pra t+yA lA D+hi pa da n+yA sa/
60b7 shi khi dz+wa lA ku lo k+Sha ne/ na ma stu re ma hA g+ho re/ mA ra bI ra bi nA sha ne/ b+h+ri ku TI kr-i ta bak+t+ra a ba dza/ sarba sha truM ni sU da ni/ na mas+t+ri rad na mu drAM ka /hr-i d+yAng gu li bi b+hU Shi te/ b+hU Shi tA she Sha dig tsakra / ni ka ra swa ka rA ku le/
60b8 na maH pra mu di tA To pa/ mu ku TA k+Ship+ta mA li ni/ ha sat+p+ra ha sat+tut+tA re/ mA ra lo ka ba shang+ka ri/ na maH sa man+ta b+hU pA la/ pa Ta lA kaR+Sha Na k+Sha me/ tsa la ta b+h+r-i ku Ti hU~M kA ra/ sarba pa da bi mo tsa ni/ na maH shi khaN Da khaN Den du/
61a1 mu ku TA b+ha ra No li/ a mi tA b+ha dza TA b+hA ra/ b+ha swa re ke ra No d+h+ru be/ na maHkan+ta hu ta b+hu ga /dz+wA lA mA lAn tar s+thi te/ A lI D+ha mu di tA bad d+ha/ ri pu tsakra bi nA sa ni/ na maH ka ra ta lA g+hA ta/ tsa ra NA ha ta lo b+hU ta le/
61a2 b+h+r-i ku TI kr-i ta hU~M kA ra/ sa pa ta pA tA la b+he di ni/ na maH shi be shu b+he shAn ta/ shAn te/ nirbA Na go tsa ri/ swA hA/ pra Na ba saM yu ka te/ ma hA pA pa ka nA sa ni/ na maH pra mu di tA ban d+ha/ ri pu gA tra pra b+he di ni/ da shak+Sha ra pa da n+yA sa/ bi d+yA hU~M kA ra dI pi te/
61a3 na mastu re pA da ga ta/ hU~M kA rA kA ra bi dzi te/ me ru man da ra kai lA sa/ b+hU ba na tra ya tsa li ni/ na maH su ra sa rA kA ra/ ha ri NAng ka ka ra s+thi te/ hA ra dwi rug ta phU Ta kA a she Sha bi Sha nA sa ni/ na maH su ra ga NA d+h+ya k+Sha su ra/ ra Tha kin+na
61a4 ra se bi te/ A ba d+ha mu di tA b+ho ga ka li/ duH swap+na nA sa ni/ na maH tsan dra arka saM pUr Na/ na ya na dwi ti b+hA swa re/ ha ra dwi rug ta tuta tA re/ bi Tha ma dz+wa ra nA/ sa ni/ na ma s+t+ri ta twa bi n+yA sa/ shi ba sha ka ti sa ma n+wi taiH gra ha be tA
61a5 la yak+Shau ga Na/ nA sha nI pra b+ha re tu re/ man tra mU la mi da~M sto traM/ na ma skA rai ka bi sha kaM/ yaH pa the ta pra yat+na d+hI maM/ de byA b+haka ti sa man+na bi taH sha yam+bA prA ta ru thA ya/ ya sma raid sarba b+ha ya pra daM/ sarba pA pa pra sha
61a6 ma ni/ sarba dur ga ti nA sha na/ a b+hi Shi ka to b+ha be ta tU r+N+Na~M/ sa ba ta b+hir dzi na/ ko Ti b+hiH/ a smin ma ha taH mA sa d+ya/ son te baud+d+ha ba taM pra dza ta/ bi Shan ta s+ya ma hA g+hau raM s+tha ba raM/ ba tha dzaM ga maM/ sma ra NAta pra la yaM yA
61a7 ti/ khA ti taM pI ta me ba bA/ gra ha dz+wa ra bi ShA ra t+tA naM/ pa ra mA ra t+ti bi nA sha nA~M/ a n+ye ShAM ts+yai ba satwA nA~M/ dwi sti sap+tA b+hi ba ra t+ti nA~M/ pu tra kA mo la b+he ta pu traM/ d+ha na kA mo la b+hed d+ha naM/ sarba kA mo na bA pa no ti/ na big+h+naiH
61a8 pra ti h+ya n+ya te/ tA ra b+ha ga ba te yaM su traM/ samyaka saM bud+d+ha ba she traM/ sarba ka ra/ sa ma yA u la ka re ya/ bud+d+ha ni tsa d+harma ni tsa/ saM g+ha ni tsa tA ra ye swA hA/ 'jam dpal gzungs 'di ni dus gsum gyi
61b1 sangs rgyas thams cad kyis byin gyis brlabs shing / dus gsum gyi sangs rgyas thams cad bskyed pa'i yum sgrol ma la ma rungs pa 'joms pa'i sgo nas bstod pa ste/ phan yon ni bsam gyis mi khyab pa'o/ /'jam dpal de'i
61b2 phyir brjod par bya'o/ /gzungs 'di brjod pa'i gang zag ni sems can dmyal ba dang / yi dags dang dud 'gro la sogs pa'i gnas su nam yang skye bar mi 'gyur ro/ /yul mtha' 'khob dang kla klo dang / dbang po ma tshang ba la
61b3 sogs par nam yang skye bar mi 'gyur ro/ /rims dang 'brum bu dang / nad 'go ba la sogs pa'i nad kyi 'jigs pa thams cad las grol zhing nad kyi 'jigs pa mi 'byung ngo / /'jigs pa chen po brgyad la sogs pa
61b4 las grol bar 'gyur ro/ /'jam dpal dus gsum gyi sangs rgyas thams cad kyi bstod pa 'di 'dzin pa'i gang zag de ni/ dus gsum gyi sangs rgyas thams cad la mchod pa byas par 'gyur ro/ /'di 'dzin pa'i gang zag
61b5 de ni mtshams med pa la sogs pa'i sdig pa ma lus par byang bar 'gyur ro/ /sangs rgyas thams cad mthong bar 'gyur ro/ /dus ma yin par 'chi ba mi 'byung zhing / nam 'chi ba'i dus kyi tshe/ dus gsum gyi sangs rgyas
61b6 thams cad bskyed pa'i yum sgrol ma mthong bar 'gyur ro/ /'di 'dzin pa'i gang zag ni yid la ci bsams pa thams cad 'grub par 'gyur ro/ /yum sgrol ma'i gzugs phun sum tshogs par 'gyur ro/ /
61b7 'khor phun sum tshogs pa la sogs pa phun sum tshogs pa thams cad thob par 'gyur ro/ /rmi lam ngan pa ltas ngan pa dang / mi ma yin pa'i bar du gcod pa thams cad zhi bar 'gyur ro/ /dus gsum gyi bden
61b8 pa yang mthong bar 'gyur ro/ /yum sgrol ma'i sku dngos su mthong bar 'gyur ro/ /na maH sarba ta thA ga ta saM myag saM bud+d+ha ya tre yaM te tA ra te tu tA ra/ zhes brjod par bya'o/ /bstod pa'i le'u ste gsum pa'o// //
62a1 de nas byang chub sems dpa' 'jam dpal gzhon nus bcom ldan 'das la gsol pa/ gzungs sngags 'di gang la brten nas yid la nan tan du bya ces gsol pa dang / bcom ldan 'das kyis bka'
62a2 stsal pa/ sdug bsngal las grol bar 'dod cing zab mo'i don la mos pas nan tan du bya'o/ /de nas taM las byung ba'i 'od zer las steng 'og thams cad du rdo rjer gyur te/ 'jam dpal sngags 'di brjod par bya'o/ /
62a3 oM badzra dz+wa la badzra ta na hU~M phaT/ zhes brjod par bya'o/ /de nas taM las byung ba'i yi ge e dkar po bsgom par bya'o/ /de'i steng du baM sngon po bsgom par bya'o/ /de'i steng du laM ser po bsgom par bya'o/ /de'i steng du yaM ljang
62a4 khu bsgom par bya'o/ /de'i steng du raM dmar po bsgom par bya'o/ /de rnams kyi 'od zer 'phro ba dang bsdu ba bya ste/ oM d+harma d+hA tu bi shud d+ha hU~M/ oM aM d+ha ra bu bi shud d+ha hU~M/ oM sa man ta bi shud d+ha hU~M/ oM prak+Sha bi shud
62a5 d+ha hU~M/ oM k+Sha ta bu thA na bi shud d+ha hU~M/ oM na maH sarba ta thA ga ta maN Da la sa man ta shud d+ha hU~M/ 'jam dpal de ltar sngags de brjod pas dkyil 'khor gyi khang pa bskyed par bya ste/ pad ma 'dab ma bzhi pa kha dog
62a6 sna tshogs pa la rdo rje ra bas bskor ba gru tshad bzhi dang ldan pa gru bzhir 'dug cing sgo bzhir ka ba brgyad dang ldan pa/ dra ba dang dra ba phyed pa dang rin po che'i chun 'phyang dang twa ra ni la sogs pas mdzes pa'o/ /
62a7 de ltar dkyil 'khor gyi khang pa de 'dra ba bskyed de dbus kyi ze 'bru la ni zla ba dang pad ma'i steng du taM ljang khu las byung ba'i ud pa la taM dang bcas pas 'jig rten gyi khams thams cad du 'od kha dog sna tshogs
62a8 pas 'jig rten thams cad sprul pa lta bu dang sgyu ma dang 'ja' tshon dang smig rgyu dang chu zla dang gzugs brnyan lta bur mthong ngo / /de yis ud pa la las byung ba'i sgrol ma'i sku ljang khu zhal gcig phyag gnyis
62b1 pa phyag g.yas pa mchod sbyin/ g.yon pa sdong bu dang bcas pa'i ud pa la 'dzin pa/ mdzes pa'i sku rin po che'i do shal dang snyan cha dang dpung rgyan dang rgyan rnam pa sna tshogs pas brgyan pa/ gzhon nu ma lang tsho la bab
62b2 pa zhal 'dzum bag dang bcas pa/ mnyam pa'i dkyil mo dkrung dang bcas pas zla ba dang pad ma'i steng du bzhugs pa'o/ /shar du zla ba dang pad ma'i steng du taM las bskyed pa'i ud pa la mthing ka sa bon dang bcas pa las/
62b3 'jig rten gyi khams thams cad du khyab ste 'od kha dog sna tshogs pas 'jig rten gyi khams thams cad sprul pa lta bu dang sgyu ma dang 'ja' tshon dang smig rgyu dang chu zla dang gzugs brnyan lta bur mthong ngo / /de yis ud pa la
62b4 las byung ba'i sgrol ma mthing ka phyag gnyis pa phyag g.yas kyis tri shU la 'dzin pa/ phyag g.yon sdong bu dang bcas pa'i ud pa la 'dzin pa mdzes pa'i sku rin po che'i do shal dang snyan cha dang dpung rgyan dang rgyan rnam pa
62b5 sna tshogs pas brgyan pa/ gzhon nu lang tsho la bab pa zhal 'dzum bag dang bcas pa/ mnyam pa'i dkyil mo dkrung dang bcas pas zla ba dang pad ma'i steng na bzhugs pa'o/ /lho ru zla ba dang pad ma'i steng du re las bskyed pa'i
62b6 ud pa la ser po sa bon dang bcas pa las 'jig rten gyi khams thams cad du khyab ste/ 'od kha dog sna tshogs pas 'jig rten thams cad sprul pa lta bu dang sgyu ma dang 'ja' tshon dang smig rgyu dang chu zla dang gzugs
62b7 brnyan lta bur mthong ngo / /de yi ud pa la las byung ba'i sgrol ma sku mdog gser bsregs pa lta bu phyag gnyis pa/ phyag g.yas na ral gri 'dzin pa g.yon na sdong bu dang bcas pa'i ud pa la 'dzin
62b8 pa/ mdzes pa'i sku rin po che'i do shal dang snyan cha dang dpung rgyan dang rgyan sna tshogs kyis brgyan pa/ gzhon nu lang tsho la bab pa zhal 'dzum bag dang bcas pa mnyam pa'i dkyil mo dkrung dang bcas pa/
63a1 zla ba dang pad ma'i steng du bzhugs pa'o/ /nub tu zla ba dang pad ma'i steng du tu las byung ba'i ud pa la dmar po sa bon dang bcas pa las/ 'jig rten gyi khams thams cad tu khyab ste/ 'od kha dog
63a2 sna tshogs pas 'jig rten thams cad sprul pa lta bu dang sgyu ma lta bu dang 'ja' tshon dang smig rgyu dang chu zla dang gzugs brnyan lta bur mthong ngo / /de yis ud pa la las byung ba'i sgrol ma dmar mo phyag gnyis pa
63a3 phyag g.yas pa na 'khor lo 'dzin pa/ g.yon pa na sdong bu dang bcas pa'i ud pa la 'dzin pa/ mdzes pa'i sku rin po che'i do shal dang snyan cha dang dpung rgyan dang rgyan sna tshogs kyis brgyan pa gzhon nu lang tsho la bab
63a4 pa zhal 'dzum bag dang bcas pa/ mnyam pa'i dkyil mo dkrung dang bcas pa zla ba dang pad ma'i steng na bzhugs pa'o/ /byang du zla ba dang pad ma'i steng du taM las byung ba'i ud pa la ljang khu sa bon dang bcas pa las
63a5 'jig rten gyi khams thams cad du khyab ste 'od kha dog sna tshogs 'jig rten thams cad sprul pa lta bu dang sgyu ma dang 'ja' tshon dang smig rgyu dang chu zla dang gzugs brnyan lta bur mthong ngo / /de yi ud pa la las
63a6 byung ba'i sgrol ma ljang khu phyag gnyis ma phyag g.yas na gdugs 'dzin pa g.yon na gdong bu dang bcas pa'i ud pa la 'dzin pa mdzes pa'i sku rin po che'i do shal dang snyan cha dang dpung rgyan dang rgyan rnam pa sna tshogs
63a7 pas brgyan pa gzhon nu lang tsho la bab pa zhal 'dzum bag dang bcas pa mnyam pa'i dkyil mo dkrung dang bcas pa/ gdan zla ba dang pad ma'i steng du bzhugs pa'o/ /shar gyi sgor zla ba dang pad ma'i steng du taM las byung ba'i
63a8 ud pa la sa bon dang bcas pas 'jig rten gyi khams thams cad du 'od kha dog sna tshogs pas 'jig rten gyi khams thams cad sprul pa lta bu dang sgyu ma dang 'ja' tshon dang smig rgyu dang chu zla dang gzugs brnyan
63b1 lta bur mthong ngo / /de yis ud pa la las byung ba'i sgrol ma lcags kyu ma sku mdog dkar mo phyag gnyis lcags kyu 'dzin pa khros pa'i sku rin po che'i do shal dang snyan cha dang dpung rgyan dang rgyan rnam pa sna tshogs
63b2 pas brgyan pa gzhon nu lang tsho la bab pa cung zhig khros pa'i zhal dang bcas pa zhabs brkyang bskum du zla ba dang pad ma'i steng na bzhugs pa'o/ /lho'i sgor pad ma dang zla ba'i steng du re las byung ba'i ud pa la
63b3 sa bon dang bcas pas 'jig rten gyi khams thams cad du 'od kha dog sna tshogs pas 'jig rten gyi khams thams cad sprul pa lta bu dang sgyu ma dang 'ja' tshon dang smig rgyu dang chu zla dang gzugs brnyan lta bur mthong
63b4 ngo / /de yis ud pa la las byung ba'i sgrol ma zhags pa ma sku mdog ser mo zhal gcig phyag gnyis pa zhags pa 'dzin pa/ khros pa'i sku rin po che'i do shal dang snyan cha dang dpung rgyan dang rgyan rnam pa sna
63b5 tshogs pas brgyan pa gzhon nu lang tsho la bab pa cung zhig khros pa'i zhal dang bcas pa/ zhabs brkyang bskum du zla ba dang pad ma'i steng na bzhugs pa'o/ /nub kyi sgor zla ba dang pad ma'i steng du tu las skyed
63b6 pa'i ud pa la sa bon dang bcas pa 'jig rten gyi khams thams cad du 'od kha dog sna tshogs pas 'jig rten gyi khams thams cad sprul pa lta bu dang sgyu ma dang 'ja' tshon dang smig rgyu dang chu zla dang gzugs brnyan
63b7 lta bur mthong ngo / /de yis ud pa la las byung ba'i sgrol ma lcags sgrog ma sku mdog dmar mo phyag gnyis lcags sgrog 'dzin pa khros pa'i skur rin po che'i do shal dang snyan cha dang dpung rgyan dang rgyan rnam
63b8 pa sna tshogs pas brgyan pa gzhon nu lang tsho la bab pa khros pa'i zhal dang bcas pa zhabs brkyang bskum du zla ba dang pad ma'i gdan la bzhugs pa'o/ /byang gi sgor zla ba dang pad ma'i steng du re las
64a1 byung ba'i ud pa la sa bon dang bcas pas 'jig rten gyi khams thams cad du 'od kha dog sna tshogs pas 'jig rten gyi khams thams cad sprul pa lta bu dang sgyu ma dang 'ja' tshon dang smig rgyu dang chu zla dang
64a2 gzugs brnyan lta bur mthong ngo / /de yis ud pa la las byung ba'i sgrol ma dril bu ma sku mdog ljang sngon ma/ phyag gnyis na dril bu 'dzin cing khros pa sku la rin po che'i do shal dang snyan cha dang dpung rgyan dang rgyan rnam
64a3 pa sna tshogs pas brgyan pa gzhon nu lang tsho la bab pa/ khros pa'i zhal dang bcas pa zhabs brkyang bskum du pad ma dang zla ba'i steng na bzhugs pa'o/ /'jam dpal de ltar lha'i 'khor lo bsgom par bya'o/ /'jam
64a4 dpal gyis gsol pa/ bcom ldan 'das sprul pa la sogs pa rnams ni ji lta bu/ bcom ldan 'das kyis bka' stsal pa/ 'jam dpal 'gro ba drug po rnams ni nyon mongs pa dang bcas pa'i khams so/ /de lta bas
64a5 na sprul pa lta bu dang sgyu ma dang 'ja' tshon dang smig rgyu dang chu zla dang gzugs brnyan lta bur rig par bya'o/ /lha'i le'u ste bzhi pa'o// // de nas 'jam dpal gyis zhus pa/ bcom ldan 'das lha de lhas ji
64a6 ltar byin gyis brlab par bya/ bcom ldan 'das kyis bka' stsal pa/ 'jam dpal sprul pa lta bu dang sgyu ma lta bu dang 'ja' tshon lta bu dang smig rgyu lta bu dang chu zla lta bu dang gzugs brnyan lta bus so/ /'jam dpal
64a7 gyis smras pa/ bcom ldan 'das sprul pa zhes bya ba ji lta bu/ bcom ldan 'das kyis bka' stsal pa/ sprul pa zhes bya ba ni yang dag pa ma yin zhing gnyis ga 'khrul pa'o/ /sgyu ma ni gzhan 'phrul ba'o/ /
64a8 'ja' tshon ni stong pa'o/ /smig rgyu ni yul 'khrul cing stong pa'o/ /chu zla ni rgyu 'bras so/ /gzugs brnyan ni dri za'i grong khyer te/ 'jam dpal 'khrul pa ni de bzhin te nyon mongs pa dang bcas pa'i khams kyang de
64b1 bzhin no/ /'jam dpal de lta bas na lhas lha la byin gyis rlob pa yang 'dra'o/ /'jam dpal sprul pa dang sgyu ma dang 'ja' tshon dang smig rgyu dang chu zla dang gzugs brnyan ni thogs pa med cing thogs pa dang bral ba'o/ /
64b2 tha dad pa med cing tha dad pa dang bral ba'o/ /'jam dpal de'i phyir de'i rang bzhin de dang 'dra bar yid la gyis shig /de nas bcom ldan 'das kyis byin gyis brlab pa mdzad pa ni/ lag pa thal mo khang stong du sbyar te/
64b3 gung mo gnyis brkyang ste rtse sbyar nas/ 'dzub mo gnyis dang srin lag gnyis gung mo la reg ste zur bcag nas mthe'u chung dang mthe bo rtse sprad nas nang sbyar ba ni rdo rje'i phyag rgya'o/ /de'i sngags ni oM sarba ta thA ga ta a ta~M
64b4 a ha~M badzra sta na sarba ta thA ga ta badzra sta na hU~M zhes brjod par bya'o/ /de nas yang bcom ldan 'das kyis dbang bskur bar mdzad pa ni/ lag pa thal mo sbyar te mthe'u chung dang srin lag gnyis phyir bkan te/ gung mo rtse
64b5 sprad de mthe bos 'dzub mo gnyis mnan pa ni rin po che'i phyag rgya ste mgo'i steng du bzhag nas sngags brjod pa ni/ oM sarba ta thA ga ta tsin+tA d+ha ma Ni dz+wa la ni sarba ta thA ga ta a ha~M shud d+ha pa ri shud d+hA ya swA hA/
64b6 zhes bya ba'i sngags 'dis phyogs bcu'i sangs rgyas thams cad kyis dbang bskur zhing byin gyis brlabs pa'o/ /de nas bcom ldan 'das kyis thugs kyi rigs thams cad kyi dam tshig gi phyag rgya ni lag
64b7 pa gnyis thal mo sbyar te sor mo rnams phan tshun du so sor bsnol gung mo bsgreng ste/ mthe bo dang mthe'u chung yang gshibs te bsgreng ba ni dam tshig gi phyag rgya ste sngags ni oM sarba ta thA ga ta badzra sa ma ya hU~M
64b8 zhes brjod par bya'o/ /dbang bskur ba'i le'u ste lnga pa'o// // de nas byang chub sems dpa' 'jam dpal gzhon nus gsol pa/ zla ba nyi ma'i sku 'dra ba'i/ /ljang khu'i mdog can 'gying bag can/ /
65a1 pad ma zla ba'i steng na bzhugs/ /sangs rgyas thams cad bskyed pa'i yum/ /sems can kun gyi skyabs gyur pa'i/ /ud pal bsnams la phyag 'tshal bstod/ /ces yum la bstod nas gsol pa/
65a2 bcom ldan 'das 'di'i gsang sngags ni gang gis 'grub ces gsol pa dang / bcom ldan 'das kyis bka' stsal pa/ 'di'i gzungs sngags ni 'di'o/ /oM na mo rat+na tra yA ya/ na ma s+t+rai yad d+h+wa sarba ta thA ga tA naM
65a3 na ma stA ra ye/ na mastA re tu re bI rak+Sha Ne d+yu/ ti ni b+hi k+Sha Ne/ trai lo kya na thA bak+tA ba dza bi ka shad+ke sa rod b+ha be/ na maH sha ta sha rats+tsan+d+ra sa~M pUr+N+Na pa Ta lA na ne/ tA rA sa ha shra ni ka ra pra ha shat+ki ra No dz+dz+wa li/ na maH ka na ka nI/ lA badza
65a4 pA Ni pad ma bi b+hU Sha te dA na bI r+ya ta paH shAn ti ti ti k+Sha/ d+h+ya na go tsa re na mas ta thA ga to Sh+NI Sha bi dza yA man+ta tsa ri/ a shi Sha pa ra mi tA prA b+ha dzi na pu tra Ni si bi te tA re tut+tA re tu re swA hA/ zhes bzlas par bya'o/ /
65a5 gzungs sngags ni 'di'o/ /snying po ni 'di'o/ /oM tA re tut+tA re tu re swA hA/ zhes bzlas par bya'o/ /oM tut+tA re tu re tu re swA hA/ pad ma'i rigs kyi snying po'o/ /oM tA re tu re tu swA hA/ rin po che'i rigs kyi snying
65a6 po'o/ /oM tu re tut+tA re swA hA/ las kyi rigs kyi snying po'o/ /oM tA re tut+tA re tA re swA hA/ rdo rje'i rigs kyi snying po'o/ /oM tA re tut+tA re tu re swA hA/ las sna tshogs pa'i snying po'o/ /oM tA re tA re tut+tA re hU~M kA ra pU ri tA
65a7 sha di gan+ta re sa pa ta lo ka tra mA trAn ti/ a she Sha kaR+Sha k+Sha mi hrIH dbang du bsdu ba'i sngags so/ /oM tA re tA re tut+tA re hU~M swA hA/ kA ra pu ri shA di gan+ta re sapa ta lo ga krA mA krAM ti a she Sha puSha ting ku ru kar sha na k+Sha mi
65a8 ho/ /rgyas pa'i sngags so/ /oM tA re tA re tud tA re hU~M kA ra pU ri tA shA di ga~M tsa ri sapa ta lo ka krA mA/ krAn ti uSh+Ni Sha a li ka ra yA kar Sha Na k+Sha mi phaT/ de ni las kyi sngags so/ /oM tA re tA re tud tA re+e tu re hU~M kA rA pu ri tA
65b1 shA di gaM tsa ri sa ba ta lo ka krA mA krAn ti niH a shi Sha shAn ting ku ru kAr sha na k+Sha mi swA hA/ klu ba'i sngags so/ /oM tA re tA re tu re tud tA re swA hA/ sha krAn la brah+ma ru dwi shwe shwe rA rtsi te b+hu ta be tA la gaM dar ba ga na yak+Sha pu
65b2 ra skr-i te phaT kA ra pA ra/ yan tra pra mar da ni pra t+yA lI D+ha pA da ne sa shi khi dz+wA lA ku li dza li ri ma hA g+ho ri mA ra bI ra bi nA sha ni/ b+h+ri ku Ti kr-i ta ba ga trA ba dza sarba sha tru ni su da ni rad na mu traM ka hr-i d+yAM gu li bi b+hU Shi t+ya b+hU Shi tA she Sha
65b3 di ka tsakra kA ra so ka rA ku li hU~M hU~M hU~M phaT phaT phaT/ las sna tshogs pa'i sngags so/ /oM in dra ya/ ya ma ya/ ba ru Na ya/ yak+Sha ya/ ag ni ya/ ba ya be ye/ nai ri ti rak+Sha se/ oM in dra ba la ye/ s+'ur+ye tsan
65b4 dra ye/ u ti a ya bu mi ye/ a kA ro mu khaM/ sarba d+harmA nA~M/ ad+yA nut+pan+na/ twata oM AHhU~M phaT swA hA/ zhes bya ba ni las thams cad grub pa'i sngags so/ /sngags kyi le'u ste drug pa'o// //
65b5 'jam dpal las ni 'di'o/ /spos kyi khang pa yid du 'ong bar dri zhim po'i chag chag btab ste/ maN+Dal dkar po tsan dan dkar po'i chus byugs la me tog sil ma gtor te/ bum pa dkar po rin po che las byas
65b6 pa'i nang du rin po che lnga ni/ gser dang mu tig dang man shel dang byi ru dang mu men gzhug par bya'o/ /spos lnga ni tsan dan dang a ga ru dang du ru ka dang ga bur dang pu shel tse gzhug par bya'o/ /'bru lnga ni nas dang gro dang
65b7 sran ma dang 'bras dang til mar gzhug par bya'o/ /snying po lnga ni bu ram dang sbrang rtsi dang mar dang lan tshwa dang til bzhug par bya'o/ /gtsang ma'i ras kha tshar ma nyams pas dkris te dbus su gzhag go/ gang ba'i bum
65b8 pa bzhi yang bzhag par bya'o/ /pog phor bzhi dang me tog la sogs pa bzhi yang gzhag par bya'o/ /de ltar rdzogs pas 'di bsam gtan du bya'o/ /yi ge taM las byung ba'i brtson 'grus dang ldan pa'i yum sgrol ma
66a1 dpa' mo rnal 'byor ma'i lus su bsgom pa ni/ pad ma rgyas pa las byung zhing zla ba rgyas pa la bzhugs pa sku mdog ston ka'i zla ba ltar dkar ba gzhon nu lang tsho la bab pa lta bu'i sku do shal dang dpung rgyan dang rin po
66a2 che'i chun 'phyang la sogs pas mdzes par brgyan pa panya tsa li ga'i gos kyis smad dkris pa ka shi ka'i ras kyis stod g.yogs pa dkyil dkrung phyed pa dang bcas pa zhal gcig phyag gnyis pa zhal 'dzum zhing spyan 'khyug pa/ phyag g.yas pa mchog sbyin mdzad pa/
66a3 g.yon pa ud pal sdong bu dang bcas pa 'dzin pa/ sku las 'od 'phro zhing pad ma dkar po ge sar dang bcas pa'i dkyil na bdud rtsi'i rgyun sku las 'od 'phro ba can du byang chub sems dpa'
66a4 dpag tu med pa dang bcas pa bsams te bzlas pa 'di bya'o/ /oM tA re tud tA re tu re swA hA/ zhes bzlas par bya'o/ /de nas las kyi sngags dang bcas pa la ni gcig gam bdun nam nyi shu rtsa gcig gam brgya rtsa brgyad bzlas nas
66a5 gsol ba btab na 'grub par 'gyur ro/ /'jam dpal de'i phan yon ni mtshams med pa lnga dang de dang nye ba lnga dang sdang ba dang rmi lam ngan pa thams cad zhi bar 'gyur ro/ /'jam dpal de'i phan yon ni ngan song gsum gyi
66a6 sdug bsngal zhi bar 'gyur ro/ /mi khom pa brgyad du nam yang skye bar mi 'gyur ro/ /'jam dpal 'di'i phan yon ni tshe rabs dran pa dang dbang po gsal ba dang yid gzhungs par 'gyur ro/ /bzo'i gnas thams cad la mkhas
66a7 par 'gyur ro/ /stobs dang mdangs dang gzi mdangs phun sum tshogs par 'gyur ro/ /'jig rten skyong ba thams cad kyis bsrung ba dang skyob pa dang sbed pa dang phan par byed de/ gang du phyin pa thams cad du bkra shis par 'gyur ro/ /
66a8 zhi ba'i las kyi le'u ste bdun pa'o// // 'jam dpal rgyas pa'i las 'di'o/ /spos kyi khang pa dri zhim pa dang ldan pa'i gnas su ba ser skya'i rnam lngas brkyang nul bya ste dri zhim pos byugs pa'i
66b1 maN+Dal bya'o/ /me tog gi tshom bu yang dgram par bya'o/ /rgyas pa las byung ba'i thang ka yang dgram par bya'o/ /rin po che rnam pa lnga dang 'bru dang sman la sogs pa dag la ri lu nyi shu rtsa gcig bya ste/ rin po che'i ga bur
66b2 bcug la maN+Dal gyi dbus su gzhag par bya'o/ /pog phor bzhi yang gzhag par bya'o/ /me tog la sogs pa yang gzhag par byas nas bsam gtan bsgom par bya ste/ yi ge taM las bskyed pa'i myur ba'i brtson 'grus
66b3 dang ldan pa'i yum sgrol ma dpa' mo gcig ma rnal 'byor ma'i lus su bsgom pa ni pad ma rgyas pa las byung zhing nyi zla'i steng du rgyas pa'i sku ston ka'i zla ba ltar gsal ba sprin dang bral ba'i nyi ma lta bu gzhon nu lang tsho la bab pa
66b4 lta bu'i sku mdog ser po do shal dang dpung rgyan dang rin po che'i chun 'phyang la sogs pas mdzes par brgyan pa/ panya tsa li ga'i gos kyis smad dkris pa/ ka shi ka'i ras kyis stod g.yogs pa dkyil dkrung phyed pa dang bcas
66b5 pa zhal gcig phyag gnyis pa zhal 'dzum zhing spyan 'khyug pa/ phyag g.yas pa mchog sbyin mdzad pa/ g.yon pa ud pa la sdong bu dang bcas pa 'dzin pa sku las 'od 'phro zhing pad ma'i ge sar dang bcas pa'i dkyil na
66b6 bdud rtsi'i rgyun sku la 'od 'phro ba lha'i tshogs dang lha ma yin gyi tshogs dang nam mkha' lding gi tshogs dang mi 'am ci'i tshogs dang mi'i tshogs dang dri za'i tshogs dang lto 'phye chen po'i tshogs dang srin po la sogs
66b7 pa'i stobs zil gyis gnon pa'i byang chub sems dpa' dpag tu med pa dang bcas pa bsgom ste bzlas pa 'di bya'o/ /oM tA re tA re tut+tA re tu swA hA/ zhes bzlas pa bya'o/ /de nas las kyi sngags dang bcas pas
66b8 lan gcig gam bdun nam nyi shu rtsa gcig gam brgya rtsa brgyad brjod nas gsol ba btab na 'grub par 'gyur ro/ /'jam dpal de'i phan yon ni lha'i tshogs dang lha ma yin gyi tshogs dang nam mkha' lding gi tshogs dang
67a1 mi 'am ci'i tshogs dang mi'i tshogs dang dri za'i tshogs dang lto 'phye chen po'i tshogs dang / srin po'i tshogs thams cad kyis de'i stobs thub par mi 'gyur la/ srung ba dang skyob pa yang byed par 'gyur ro/ /dus ma yin par 'chi
67a2 ba dang rtsod pa dang rmi lam ngan pa dang ltas ngan pa dang rims dang 'brum bu dang g.yan pa la sogs pas mi tshugs so/ /nam 'chi ba'i tshe yang stobs dang ldan par 'gyur ro/ /ngan song gsum du mi 'gyur ro/ /'jam dpal las
67a3 des yo byad dang tshe dang bkrag dang stobs dang ldan par 'gyur ro/ /de bzhin gshegs pa mthong ba dang stobs dang ldan par 'gyur ro/ /rgyas pa'i las kyi le'u ste brgyad pa'o// // 'jam dpal dbang du bsdu ba'i
67a4 las ni 'di'o/ /dur khrod dam shing gcig gam chu bo chen po'i 'gram 'am gtsug lag khang du bya'o/ /khang pa der ba'i rnam lngas brkyang nul byas te dri zhim pos byugs pa'i maN+Dal me tog sil ma dgram par bya'o/ /
67a5 yum gyi sku gzugs kyang bzhugs te pog phor dang me tog la sogs pa yang bsham par bya'o/ /me tog dang 'bras bu nus pa dang ldan pa'i rdzas dag rin po che'i ga 'ur bcug la maN+Dal gyi dbus su gzhag par bya'o/ /
67a6 de nas bsam gtan bsgom pa ni/ taM las byung ba'i myur ba'i brtson 'grus dang ldan pa'i yum sgrol ma dpa' mo rnal 'byor ma'i lus su bsgom pa ni pad ma las byung zhing nyi zla'i steng na sku mdog ban du ka'i me tog
67a7 ltar dmar ba gzhon nu lang tsho la bab pa lta bu'i sku do shal dang dpung rgyan dang rin po che'i chun 'phyang la sogs pas mdzes par brgyan pa/ panya tsa li ka'i gos kyis smad dkris pa/ ka shi ka'i ras kyis stod g.yogs
67a8 pa/ 'gying bag gi tshul gyis bzhengs pa/ zhal gcig phyag gnyis pa zhal bzhad cing cher bzhad pa spyan 'khyug pa phyag g.yas ni thugs ka na mdud pa/ g.yon sdong bu dang bcas pa'i ud pa la 'dzin pa/
67b1 sku las 'od 'phro ba dang bcas pa las rang dang 'thun pa'i 'od 'khrug pa dang bcas pa'i sku byang chub sems dpa' dpag tu med pa lha mo dpag tu med pa dang bcas pa bsam ste bzlas pa 'di bya'o/ /oM tud tA re tu re swA hA/
67b2 zhes bzlas par bya'o/ /de nas las kyi sngags dang bcas pa lan gcig gam bdun nas nyi shu rtsa gcig gam brgya rtsa brgyad bzlas nas gsol ba btab na 'grub par 'gyur ro/ /'jam dpal de'i phan yon ni sa bdag
67b3 gi rgyal po la sogs pa 'jig rten gsum po thams cad dbang du 'gyur ro/ /thams cad khugs par 'gyur ro/ /dbang gi las kyi le'u ste dgu pa'o// // 'jam dpal drag po'i las bya bar 'dod pas gnas ni dur
67b4 khrod dam shing gcig gam chu bo chen po'i 'gram 'am gtsug lag khang du bya'o/ /khang pa der ba'i rnam lngas chag chag btab te dri zhim po'i chus maN+Dal bya'o/ /sku gzugs la sogs pa yang dgram par bya'o/ /gro ga 'am
67b5 ras sam shing shun la rgyal po la sogs pa'i gzugs nim pa'i chus bris la maN+Dal gyi steng du kham pa'i ga 'ur gzhug par bya'o/ /de nas maN+Dal gyi steng du gzhag par bya'o/ /pog phor la sogs pa'i mchod
67b6 pa yang bsham par bya'o/ /de nas bsam gtan bsgom par bya ste yi ge taM las bskyed pa'i myur ba'i brtson 'grus dang ldan pa'i yum sgrol ma dpa' mo rnal 'byor ma'i lus su bsgom pa ni pad ma rgyas pa las byung
67b7 zhing nyi zla'i steng na bzhugs pa sku mdog ljang khu kun nas gsal ba gzhon nu lang tsho la bab pa lta bu'i sku do shal dang dpung rgyan dang rin po che'i chun 'phyang la sogs pas mdzes par brgyan pa/ panya tsa li ka'i gos
67b8 kyis smad dkris pa ka shi ka'i gos kyis stod g.yogs pa zhabs g.yas brkyang ba g.yon bskum pas bzhugs pa zhal gcig phyag gnyis pa zhal mche ba gtsigs pa spyan ni rab tu 'bar zhing dbu skra gyen
68a1 du brdzes pa dbu'i zla ba'i steng na a mi tA b+ha dang bcas pa bskal pa'i me dpung nang na bzhugs pa phyag g.yas na 'khor lo 'dzin pa g.yon sdigs 'dzub dang bcas pa'i ud pa la sdong bu dang bcas pa
68a2 'dzin pa/ sku las khro bo 'phro ba khro mo dpag tu med pa dang lhan cig tu'o/ /de'i bzlas pa ni 'di'o/ /oM tu re tud tA re tu re swA hA/ zhes bzlas par bya'o/ /de nas las kyi sngags dang bcas pa lan gcig gam bdun nam
68a3 nyi shu rtsa gcig gam brgya rtsa brgyad bzlas shing nyin lan gsum mtshan lan gsum bzlas nas gsol ba btab na 'grub par 'gyur ro/ /'jam dpal 'di'i phan yon ni nyon mongs pa dang las dang rnam par smin pa dang
68a4 ngan song la sogs pa thams cad 'joms pa'o/ /'jam dpal ma rungs pa'i dgra dang gdon dang bgegs la sogs pa thams cad 'joms par 'gyur ro/ /drag po'i phrin las kyi le'u ste bcu pa'o// //
68a5 'jam dpal phrin las sna tshogs pa'i las ni 'di'o/ /dur khrod dam shing gcig gam mchod rten gyi mdun nam chu bo chen po'i 'gram du las bya'o/ /khang pa der ba'i rnam lngas brkyang nul bya ste/ dri zhim pos
68a6 byugs pa'i maN+Dal la me tog sil ma dgram par bya'o/ /yum gyi sku gzugs kyang bzhugs te/ spra tshil las byas pa'i gzugs kyi snying kar dur khrod kyi ras la sngags bcu pa dang gsal ba'i yi ge gnyis dang
68a7 bcas pa la ming gi yi ge mtha' dang bcas pa bcug ste/ maN+Dal gyi dbus su gzhag par bya'o/ /pog phor dang me tog la sogs pa yang gzhag par byas nas/ de nas bsam gtan bsgom pa ni taM las byung ba'i
68a8 myur ba'i brtson 'grus dang ldan pa'i sku/ yum sgrol ma dpa' mo rnal 'byor pa'i lus su bsgom pa ni/ pad ma las byung zhing nyi zla'i steng na sku mdog nag po shin tu 'tsher ba gzhon nu lang tsho la bab pa lta bu'i sku
68b1 do shal dang dpung rgyan dang rin po che'i chun 'phyang la sogs pas mdzes par brgyan pa panya tsa li ka'i gos kyis smad dkris pa ka shi ka'i gos kyis stod g.yogs byas pa zhabs brkyang bskum du bzhugs pa zhal gcig
68b2 phyag gnyis pa mche ba zla ba phyed pa lta bu gtsigs pa zhal khro gnyer hU~M sgra dang bcas pa dbu skra dmar ser gyen du phyogs pa dbu la zla ba'i steng na a mi ta b+ha bzhugs pa/ bskal pa'i me dpung dang bcas pa'i 'od las
68b3 'jigs pa brgyad las bsrung ba'i lha mo brgyad 'phro ba phyag g.yas na gri gug 'dzin cing g.yon pa sdong bu dang bcas pa'i ud pa la'i steng na me tog gis bkang ba'i bram ze'i thod pa can 'dzin pa khro bo'i tshogs
68b4 dang bcas pa bsgom par bya'o/ /sngags ni 'di bzlas par bya'o/ /oM tA re tu re tud tA re swA hA/ zhes bzlas par bya'o/ /de nas las kyi sngags dang bcas pa lan gcig gam bdun nam nyi shu rtsa gcig gam/
68b5 brgya rtsa brgyad bzlas nas gsol ba btab na 'grub par 'gyur ro/ /'jam dpal 'di'i phan yon ni phrin las bzhi 'grub par 'gyur ro/ /'jigs pa las bsrung bar 'gyur ro/ /phrin las sna tshogs kyi
68b6 le'u ste bcu gcig pa'o// // de nas yang bcom ldan 'das la sangs rgyas thams cad bskyed pa'i yum ni rigs lnga'i bdag nyid kyi yum ji ltar lags/ bcom ldan 'das kyis bka' stsal pa/
68b7 'jam dpal rdo rje rigs kyi yum ni zhal bzhi ma phyag brgyad ma dung gi mdog can gzhon nu lang tsho la bab pa/ zhal dkar ba dang gnag pa dang dmar ba dang ser po'i zhal bzhi'o/ /rigs lngas dbu la mtshan pa
68b8 spyan gsum pa'o/ /phyag brgyad ni rdo rje dang mda' dang mdung thung dang tha ma la mchog sbyin gyi phyag rgya'o/ /ud pa la dang gzhu dang rdo rje lcags kyu dang zhags pa dang sdigs 'dzub ni g.yon pa'i phyag rgya'o/ /
69a1 rdo rje dkyil dkrung gis bzhugs shing chos sku'i rang bzhin can no/ /'jam dpal de'i sngags ni 'di'o/ /na mo rad na tra yA ya/ na maHAr+ya dz+nyA na sA ga rA ya/ ak+Sho b+h+yaH byu ha rA dzA ya/ ta thA ga tA ya/
69a2 a ra ha te b+h+yaH saM myag saM bud+d+hA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM tA re tu re tud tA re swA hA/ zhes brjod pas rdo rje'i rigs thams cad kyis me tog
69a3 dang mar me dang dri chab dang gshos gtsang gis mchod do/ /'jam dpal de'i las ni 'di'o/ /spre tshil las gang la bya ba'i gzugs byas te/ skrod pa'i rdzas ni bya rog dang hu lu'i 'ug pa'i sha ming dang bcas pa'i
69a4 snying kar bcug nas sngags 'di brjod par bya'o/ /oM a mu kaM me ba sha ma na ya swA hA/ zhes brjod nas rlung gi phyogs su sbas na 'jam dpal 'thab cing 'byer bar 'gyur te gzhan du 'bros par 'gyur ro/ /
69a5 rdo rje rigs kyi yum gyi le'u ste bcu gnyis pa'o// // 'jam dpal pad ma'i rigs kyi yum ni zhal bzhi pa phyag brgyad pa/ rtsa ba'i zhal ni dmar mo ban du ka'i me tog gi mdog can gyi sku gzhon nu lang
69a6 tsho la bab pa g.yas zhal dkar po/ g.yon zhal nag po rgyab zhal ser po rigs bzhis dbu la mtshan pa spyan gsum pa'o/ /phyag brgyad na pad ma dang mda' dang mdung dang tha ma mchog sbyin gyi phyag rgya'o/ /
69a7 ud pa la dang gzhu dang rdo rje lcags kyu dang zhags pa sdigs 'dzub ni g.yon pa'i phyag rgya'o/ /rdo rje dkyil mo dkrung gis bzhugs shing chos sku'i rang bzhin can no/ /'jam dpal de'i sngags ni 'di'o/ /na mo rad na tra yA ya/
69a8 na maHAr+ya dz+nyA na sA ga rA ya/ a mi ta b+ha byu ha rA dzA ya/ ta thA ga tA ya/ a ra ha te b+h+yaH saM myag saM bud+d+hA ya/ na maH Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM tud tA re
69b1 tu re swA hA/ zhes brjod pas pad ma'i rigs thams cad kyis me tog dang bdug pos dang mar me dang dri chab dang zhal zas kyis mchod do/ /'jam dpal de'i las ni 'di'o/ /d+ha du ra dang nim pa dang mya ngan tshang gis
69b2 me tog btags te phye ma sbrang rtsi dang lde gu byas nas sngags 'di brjod par bya'o/ /oM a mu ka a mi ta naM ku mA ri ma hA mu ri dra ba he na da s+ya pa ti ba ya ts+tsha du hU~M hrIH zhes brjod nas lus la byugs na rang dbang med
69b3 par khugs par 'gyur ro/ /pad ma rigs kyi yum gyi le'u ste bcu gsum pa'o// // 'jam dpal de bzhin gshegs pa'i yum ni zhal bzhi phyag brgyad pa ser mo gser bsregs pa lta bu'i sku gzhon nu lang
69b4 tsho la bab pa/ rtsa ba'i zhal ser po g.yas dkar ba g.yon dmar ba rgyab kyi zhal gnag pa rigs bzhis dbu la mtshan pa spyan gsum pa'o/ /phyag brgyad na 'khor lo dang mda' dang mdung dang tha ma mchog sbyin mdzad pa'o/ /
69b5 ud pa la dang gzhu dang rdo rje lcags kyu dang zhags pa sdigs 'dzub dang bcas pa g.yon na 'dzin pa'o/ /rdo rje dkyil mo dkrung gis bzhugs shing chos sku'i rang bzhin can no/ /'jam dpal de'i sngags ni 'di'o/ /na mo rat+na
69b6 tra yA ya/ na mo Ar+yA dz+nyA na sa ga rA ya bai ro tsa na byu ha rA dzA ya/ ta thA ga tA ya/ a ra ha te b+h+yaH sa~M myag sa~M bud+d+hA ya/ tad+ya thA/ oM tA re tud tA re tu re swA hA/ zhes brjod pas ni de bzhin gshegs pa'i rigs thams cad kyis mchod
69b7 pa'i me tog dang mar me dang bdug pa dang dri la sogs pas mchod do/ /'jam dpal de'i las ni 'di'o/ /thal chen dang sa zhag la gzugs bya ste snying kar gsal byed gnyis kyi yi ge'i mtha' can bcug la sngags
69b8 'di brjod par bya'o/ /oM mA ra ya mA ra ya kA ra ya kA ra ya/ sta~M b+ha ya sta~M b+ha ya/ dzam b+ha ya dzam b+ha ya/ hU~M hU~M hU~M/ la~M la~M la~M la~M la~M/ zhes brjod nas lam rgya gram du sba bar bya'o/ /de bzhin gshegs pa'i yum gyi le'u ste bcu bzhi pa'o// //
70a1 'jam dpal rin po che'i rigs kyi yum ni zhal bzhi phyag brgyad pa rtsa ba'i zhal ni mthing ka gzhon nu lang tsho la bab pa mthing ka'i sku zhal g.yas dkar ba g.yon dmar ba rgyab zhal ser ba rigs bzhis dbu la
70a2 mtshan pa spyan gsum pa'o/ /phyag brgyad ni rin po che dang mda' dang mdung dang tha ma mchog sbyin mdzad pa'o/ /ud pa la dang gzhu dang rdo rje lcags kyu dang zhags pa dang sdigs 'dzub g.yon pa na 'dzin pa'o/ /rdo rje dkyil mo dkrung gis
70a3 bzhugs shing chos sku'i rang bzhin can no/ /'jam dpal de'i sngags ni 'di'o/ /na mo rad na tra yA ya/ na ma Ar+yA dz+nyA na sa ga rA rad na saM b+ha ba byU ha rA dzA ya/ ta thA ga tA ya/ a ra ha te b+h+yaH sa~M myag sa~M bud+d+he b+h+yAH na maHAr+yA ba
70a4 lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM tA re tA re tud tA re tu swA hA/ zhes brjod pas rin po che'i rigs thams cad kyis me tog dang bdug spos dang mar me dang dri chab kyis mchod do/ /
70a5 'jam dpal de'i las ni 'di'o/ /stag ma'i rtsa ba rul pa dang rnying pa las skyes pa'i srin bu dang sa bon gnyis su bsres pa kham pa'i ga 'ur bcug ste sngags 'di brjod par bya'o/ /oM a mu ka i bi TA na~M/ A kaR+Sha ya
70a6 A kaR+Sha ya a mu ki ma ye ba se traM sa ban ka tha hU~M hrIH/ zhes bzlas te mal 'og tu sbas na yon tan shes shing mi phyed par 'gyur ro/ /rin po che'i rigs kyi yum gyi le'u ste bco lnga pa'o// // 'jam dpal las kyi
70a7 rigs kyi yum ni zhal bzhi phyag brgyad pa rtsa ba'i zhal ni ljang khu gzhon nu lang tsho la bab pa g.yas dkar ba g.yon dmar ba rgyab zhal ljang khu rigs bzhis dbu la mtshan pa spyan gsum pa/ phyag brgyad la ral gri dang
70a8 mda' dang mdung dang tha ma mchog sbyin mdzad pa'o/ /ud pa la dang gzhu dang rdo rje lcags kyu dang / zhags pa dang sdigs 'dzub ni g.yon na 'dzin pa'o/ /rdo rje dkyil mo dkrung gis bzhugs shing chos sku'i rang bzhin can no/ /
70b1 'jam dpal de'i sngags ni 'di'o/ /na mo rad na tra yA ya/ na maHAr+yA dz+nyA na sa ga rA a mo g+ha sid+hi byU ha rA dzA ya/ ta thA ga tA ya/ a ra ha te b+h+yaH saM myag sa~M sa~M bud+d+hA ya/ na maHA r+yA ba lo ki te shwa rA ya/ bo d+hi satwA ya/ ma hA sa
70b2 twA ya/ ma hA kA ru Ni kA ya/ tad+ya thA/ oM tu re tud tA re swA hA/ zhes brjod pas las kyi rigs thams cad kyis me tog dang bdug spos dang mar me dang dri chab kyis mchod do/ /'jam dpal de'i las ni phrag dog med par mo
70b3 thams cad 'gugs pa ni phug ron gyi mig dang lce dang snying dang go ro tsa na dang dngul rdo dang de rnams nim pas ril bu byas te 'di brjod par bya'o/ /tsa la pra tsa la shI g+h+raM ga mi de ba tad ta u tsa tA ya a mu kaM ba sA nAM mug
70b4 taM ku ru na yaM na ma ha ri had te hrIHswA hA/ zhes bzlas te byugs na mo thams cad khugs par 'gyur dbang du 'gyur te phrag dog med par 'gyur ro/ /las kyi rigs kyi yum gyi le'u ste bcu drug pa'o// //
70b5 de ltar las kyi bye brag bstan nas 'jam dpal gzhon nur gyur pas smras pa/ las rnams thams cad kun rdzogs par byed pa sbyin bsreg ji ltar nan tan du bya zhes smras pa dang / bcom ldan 'das kyis bka' stsal
70b6 pa/ 'jam dpal 'di thams cad kyi sngon du 'gro zhing so so'i las bsgrub pa'i phyir sbyin bsreg bya'o/ /de la dang po zhi ba'i las bya ba ni tshes gsum pa'i zla ba la kha dog dang 'thun pa'i khang bu bya ste rdo rje dkar po
70b7 dgod par bya'o/ /bud shing ni tsan dan dkar po'i shing la sogs pa la bya'o/ /de la me sbar te sku gzugs mdun du bzhag ste 'bras dang khre dang ju tshe dang til dkar po la sngags gdab pa ni/ oM tA re tud tA re tu re
70b8 swA hA/ lan bdun nam nyi shu rtsa gcig bzlas te me'i nang du dor bar bya'o/ /zho dang 'o ma la sngags btab te shan ting ku ru dang bcas pas dbul bar bya'o/ /'o ma can gyi shing dang mar dkar po la ni sarba pA paM dang
71a1 bcas pas phul ste bstod pa bya'o/ /'jam dpal me tog dkar po dang bcas pa'i me'i khang par tsan dan la sogs pa'i dri zhim po'i shing la me sbar te/ sku gzugs mdun du bzhag la chu dang yungs kar la
71a2 sngags btab la mer gtor ba'i sngags ni/ tad+ya thA/ oM sarba ta thA ga ta/ tA re tud tA re tu re swA hA/ zhes bya ba'i sngags dang sarba pA paM shan+tiM ku ru swA hA/ zhes bya ba chu khyor ba brgya rtsa brgyad dbul bar bya'o/ /'jam dpal de'i
71a3 phan yon ni mtshams med pa la sogs pa'i sdig pa zhi bar 'gyur ro/ /nad 'go ba dang gdon la sogs pa thams cad kyang zhi bar 'gyur ro/ /skye ba thams cad du tshe rabs dran par 'gyur ro/ /'jam dpal ba'i rnam
71a4 pa lngas byug pas byugs te/ me'i khang bu dri dang ldan pa'i khang par spra tshil la gzugs byas pa dang bcas pa sngags 'dis bsreg go/ oM tA re tud tA re tu re swA hA/ zhes bya bas bsregs na dbang du 'gyur zhing
71a5 tshar gcad par yang 'gyur ro/ /sbyin bsreg gi le'u ste bcu bdun pa'o// // de nas bcom ldan 'das kyis 'dzum pa mdzad de byang chub sems dpa' 'jam dpal gzhon nu la 'khor lo'i rim pa bka' stsal
71a6 to/ /'khor lo ling tshe dgu pa la oM dang hA gnyis kyi dbus su che ge mo dang bcas pa bri/ rak+ShaHrak+ShaHzhes pa ni bsrung ba'o/ /phyogs mtshams su oM tA re tud tA re tu re swA hA/ zhes bya ba bris te kun la swA hA'i
71a7 bar du bcug pa gro ga la gur kum gyis bris nas dpung pa la btags na bsrung ba'i mchog tu 'gyur ro/ /zhi ba'i bsrung ba'i 'khor lo'i le'u ste bcwa brgyad pa'o// // de nas dbang gi bsrung ba ni 'khor
71a8 lo ling tshe dgu pa la oM dang hA gnyis kyi dbus su ni che ge mo dang bcas pa bri/ rak+ShaHrak+ShaHzhes pa ni bsrung ba'o/ /phyogs mtshams su tA re tud tA re tu re swA hA/ zhes bya ba bri ste kun la mu dang mu'i (bar )snar thang pa'i dpe la 'dug)du sa bon
71b1 no/ /de gro ga dmar po la rgya skyegs kyi khu bas bris te lte bar mi mngon par btags na bsrung ba'i mchog tu 'gyur zhing dbang du sdud do/ /dbang gi bsrung ba'i 'khor lo'i le'u ste bcu dgu pa'o// //
71b2 de nas rgyas pa'i bsrung ba ni 'khor lo rtsibs brgyad pa bya ste/ oM tA re tud tA re tu re brgyad po dgod par bya'o/ /dbus su swA hA'i mtha' can gyi ming rak+ShaHrak+ShaHdang bcas pa gro ga la gur kum gyis bris pa dpung pa 'am/
71b3 mgul du btags na bsrung ba'i mchog tu 'gyur ro/ /rgyas pa'i bsrung ba'i 'khor lo'i le'u ste nyi shu pa'o// // de nas bar chad thams cad bsrung ba'i 'khor lo ni mu khyud gsum la tha ma ling tshe brgyad pa'o/ /
71b4 dbus su ming gi mtha' can gyi swA hA rak+ShaHdang bcas pa'o/ /mu khyud nang ma la u u u u u u u u zhes bya ba dgod par bya'o/ /ling tshe brgyad pa phyi ma la ni/ oM tA re tu re tud tA re zhes bya ba'i yig 'bru rnams
71b5 u dang u'i bar du bcug pa bkod la gro ga 'am shing shun la gur kum gyis bris te spyi bo 'am mchan khung du mis mi mthong bar btags na gnod pa thams cad las thar ro/ /sngags ni ci mang du grangs dang ldan
71b6 par bzlas so/ /shin tu rgyas pa'i bsrung ba'i 'khor lo'i le'u ste nyi shu rtsa gcig pa'o// // de nas phrin las thams cad bsgrub pa'i 'khor lo ni gro ga 'am ras la ling tshe dgu pa'i 'khor lo tsan dan dkar
71b7 po'i chus bris te sngags dgod pa ni/ a A i I u U e ai o au r-i r-I l-i l-I aM aHzhes bya ba phyi'i mu khyud la'o/ /nang gi mu khyud la tA re tud tA re tu re swA hA/ oM dang hA'i bar du rak+ShaHshAn+tiM ku ru swA hA zhes pa
71b8 ni steng gi 'khor lo'o/ /'og gi 'khor lo ni sngags bzlog pas so/ /phyi'i dbyangs yig kyang bzlog par shes par bya'o/ /dbus su ni oM dang hA'i bar du rak+ShaHshAn+tiM ku ru bri bar bya'o/ /zhi ba chen po'i 'phrul
72a1 'khor gyi bsrung ba ste le'u nyi shu rtsa gnyis pa'o// // de nas phrin las bzhi'i las so so'i 'khor lo ni zhi ba ni kham pa la ga 'u kha sbyor bya ste mer bsregs la kha dog dkar pos byug par bya'o/ /
72a2 de'i nang du 'khor lo ling tshe dgu pa bris te sngags dgod pa ni/ oM tA re tud tA re tu re zhes bya ba re'u mig brgyad la'o/ /ru ru oM ru ru/ ru ru ta ru ru/ ru ru re ru ru/ ru ru tud ru ru/ ru ru tA ru ru/ ru ru re ru ru/ ru ru tu ru ru/ ru ru re ru ru/
72a3 zhes bri'o/ /dbus su ni ku ru shan ting ku ru swA hA zhes bris te ga 'ur sbyar te dbus su srad bu dkar po dang ldan pa'i ga'u maN+Dal thog tu bzhag la/ me tog dkar pos mchod cing mchod pa rnam pa lnga yang dbul te dus gsum
72a4 du mchod na zhi bar 'gyur ro/ /zhi ba'i 'khor lo'i le'u ste nyi shu rtsa gsum pa'o// // de nas zhi ba chen po'i las bya ba ni kham pa la ga'u kha sbyor bya ste tsan dan dkar pos snag tsha byas la 'khor lo phyi nang dang ldan
72a5 pa'i ling tshe dgu pa bri bar bya'o/ /sngags dgod pa ni swA shan ting ku ru hA zhes bya ba dbus su bri'o/ /mu khyud nang ma la ni a a zhes bya ba brgyad dgod par bya'o/ /mu khyud phyi ma la ni a oM a a tA a a re a/ a tud
72a6 a/ a tA a/ a re a/ a tu a/ a re a/ zhes bya ba bri bar bya'o/ /ga 'u me tog gi phreng ba bcings te maN+Dal gyi steng du bzhag nas dus bzhir mchod cing zhag bdun du sngags ma nor bar bzlas na zhi ba chen por 'grub
72a7 par 'gyur ro/ /zhi ba chen po'i le'u ste nyi shu rtsa bzhi pa'o// // de nas rgyas pa'i las bya ba na gur kum 'am gi wang gis gro ga la 'khor lo phyi nang dang ldan pa'i ling tshe dgu pa bri ste/ dbus su sar+b+ba puSha Ting ku ru/
72a8 oM a zhes bya ba dgod par bya'o/ /ling tshe nang ma brgyad la oM brgyad bri bar bya'o/ /ling tshe phyi ma brgyad la/ oM oM oM/ oM ta oM/ oM re oM/ oM tud oM/ oM tA oM/ oM re oM/ oM tu oM/ oM re oM/ zhes bya ba
72b1 bris nas kham pa'i ga 'u ra bcug ste me tog ser po nA ga puSha pa'i me tog dang mchod pa lnga dus bzhir zla ba rgyas nas bzung nas zhag bdun du mchod na tshe dang bsod nams thams cad rgyas par 'grub bo/ /rgyas pa'i
72b2 'khor lo'i le'u ste nyi shu rtsa lnga pa'o// // de nas dbang du bsdu bar 'dod na/ kaN Da ka ri'i shun pa dang seng ldeng gi shun pa dang mdzo mo shing gi shun pa bkus pa'i khu bas gse gab bam ga 'u la 'khor lo bri ba
72b3 ni ling tshe dgu pa'o/ /sngags dgod pa ni dbus su a swA tsa a mo g+ha A hriHha/ zhes bri bar bya'o/ /ling tshe brgyad la ni/ a oM a/ a tA a/ a re a/ a tud a/ a tA a/ a re a/ a tu a/ a re a/ zhes
72b4 bris nas thod pa kha sbyor gyi nang du bcug la skud pa sngon pos dkris te me tog dmar po dang mchod pa lngas dus bzhir zla ba khaM pa'i dus su mchod na thams cad dbang du 'du'o/ /dbang drag gi 'khor lo'i le'u ste nyi shu rtsa
72b5 drug pa'o// // de nas dbang du 'du bar byed pa ni/ srin lag gi khrag dang rgya skyegs kyi khu ba dang dur khrod kyi sol ba dang ka na ka'i khu ba rnams kyis bris te dur khrod kyi ras sam mi shi ba'i gos la 'khor lo
72b6 ling tshe dgu pa bri'o/ /dbus su a mo g+ha hrIHte zhes bri'o/ /rtsibs brgyad la oM de oM/ tA ba tA/ re data re/ tud tA tud/ tA a tA/ re mo re/ tu g+ha tu/ re hriHzhes bya ba bris te ga 'ur srin mgo dmar po dang 'khor lo
72b7 phral nas gtsang po phar 'gram tshur 'gram du sbas na dbye zhing dbang du 'gyur ro/ /dbye zhing dbang du bsdu ba'i 'khor lo'i le'u ste nyi shu rtsa bdun pa'o// // de nas bskrad par 'dod na ra dug pa dang khrag dang
72b8 rams rnams sbyar nas/ dur khrod kyi ras la 'khor lo gnyis bris te ling tshe dgu pa'i dbus su ha sa u tsa ha ha ha/ bri bar bya'o/ /ling tshe brgyad la ha oM ha/ ha hA ha/ ha re ha/ ha tud ha/ ha tA ha/
73a1 ha re ha/ ha tu ha/ ha re ha/ zhes bris te kha sbyar ka pa lar bcug ste skud pa sngon pos bcings te dur khrod tu sbas na bskrad par 'gyur ro/ /bskrad pa'i 'khor lo'i le'u ste nyi shu rtsa brgyad pa'o// //
73a2 de nas dbye ba'i 'khor lo ni/ dur khrod kyi sol ba dang bya rog dang 'ug pa'i khrag dang dug rnams mnyam par bsres pa'i snag tshas 'khor lo phyi nang dang bcas pa'i ling tshe dgu pa bris te dbus su phaT swA de ba data ta hA
73a3 phaT zhes bya ba bri'o/ /ling tshe nang ma brgyad la phaT phaT phaT phaT/ phaT phaT phaT phaT zhes bya ba bri'o/ /ling tshe phyi ma brgyad la phaT oM phaT/ phaT tA phaT/ phaT re phaT/ phaT tud phaT/ phaT tA phaT/ phaT re phaT/ phaT tu phaT/
73a4 phaT re phaT zhes bya ba bri ste/ bya rog dang 'ug pa'i sgo ngar bcug ste brag dang chu 'thab par sgo nga sbas na 'bye bar 'gyur ro/ /dbye ba'i 'khor lo'i le'u ste nyi shu rtsa dgu pa'o// // de nas gsad pa'i 'khor lo ni/
73a5 dug dang khrag dang ske tshe rnams mnyam par sbyar bas ling tshe dgu pa'i 'khor lo phyi nang dang bcas pa bris te/ dbus su hU~M swA ma ra ya hA phaT zhes bya ba bri'o/ /ling tshe nang ma la hU~M phaT hU~M/ phaT hU~M phaT/ hU~M phaT hU~M phaT/
73a6 hU~M phaT/ hU~M phaT hU~M/ phaT hU~M phaT/ hU~M phaT hU~M/ phaT hU~M phaT/ zhes bya ba bri'o/ /ling tshe phyi ma la hU~M oM phaT/ hU~M tA phaT/ hU~M re phaT/ hU~M tud phaT/ hU~M tA phaT/ hU~M re phaT/ hU~M tu phaT/ hU~M re phaT/ zhes bya ba bris te/ rabs
73a7 chad pho mo'i thod pa la bris te sngags mang du bzlas nas dur khrod du sbas na 'chi bar 'gyur ro/ /gsad pa'i 'khor lo'i le'u ste sum bcu pa'o// // de nas myos pa'i 'khor lo ni d+ha du ra'i chus ras sam
73a8 sho gu la ling tshe dgu pa phyi nang du bcas pa bris te/ dbus su ha ha de ba data ta ha ha/ zhes bri'o/ /ling tshe nang ma la h+ha h+ha h+ha h+ha h+ha h+ha h+ha h+ha/ zhes bri bar bya'o/ /phyi ma brgyad la/ h+ha oM h+ha/ h+ha tA h+ha/ h+ha re h+ha/
73b1 h+ha tuta h+ha/ h+ha tA h+ha/ h+ha re h+ha/ h+ha tu h+ha/ h+ha re h+ha/ zhes bya ba bris te rtswa'i ga 'ur bcug nas bzlas pa ci nas kyang myur bar bya ste/ lam rgya gram du sbas te d+ha du ra spangs na myos par 'gyur ro/ /gso na mar sbrang rtsi ba'i 'o mas
73b2 ling ga bkrus na 'tsho bar 'gyur ro/ /myos byed kyi 'khor lo'i le'u ste sum bcu rtsa gcig pa'o// // de nas mnan pa'i 'khor lo ni g.yam pa la ling tshe dgu pa'i 'khor lo bris te yung ba'i chus ling tse dgu
73b3 pa'i dbus su/ ga swa sta~M b+ha ya/ staM b+ha ya g+ha ha zhes bya ba bri'o/ /ling tshe brgyad la/ ga oM ga /ga tA ga /ga re ga /ga tud ga /ga tA ga /ga re ga /ga tu ga /ga re ga /zhes bya ba bris te 'khor lo kha sbyar nas lam rgya graM
73b4 du sbas na 'gul mi shes par 'gyur ro/ /mnan pa'i 'khor lo'i le'u ste sum bcu rtsa gnyis pa'o// // de nas mnan pa chen po ni yung ba'i khu bas snag tsha byas te/ kham pa'i ga 'u'i nang du phyi nang le'u tshe
73b5 dgu pa'i 'khor lo bris te sngags dgod pa ni/ dbus su rga swA staM b+ha ya staM b+ha ya rga ha zhes bya ba bri'o/ /nang ma la ha ha ha ha/ ha ha ha ha/ zhes bya ba brgyad bri'o/ /phyi rol gyi ling tshe brgyad la ni/ rga oM rga/
73b6 rga tA rga/ rga re rga/ rga tud rga/ rga tA rga/ rga re rga/ rga tu rga/ rga re rga/ zhes bya ba bris te/ bsgrub pa 'phags ma la byas la dgra gang nas 'ong ba'i phyogs su sbas na bsrung bar 'gyur zhing dgra'i sgor sbas na mnan
73b7 par 'gyur ro/ /dgra mnan pa'i 'khor lo'i le'u ste sum bcu rtsa gsum pa'o// // de nas rig sngags kyi sbyor ba gnon par byed pa'i 'khor lo ni yung ba'i khu bas g.yam pa 'am/ lhang tsher ma gnyis
73b8 gang yang rung ba la 'khor lo bris te/ ling tshe dgu pa phyi nang dang bcas pa bri'o/ /sngags dgod pa ni/ dbus su wa swA staM b+ha ya staM b+ha ya hA/ 'khor lo nang ma la/ wa wa wa wa wa wa wa wa/ zhes bya ba
74a1 bri'o/ /phyi ma la/ wa oM wa/ wa tA wa/ wa re wa/ wa tud wa/ wa tA wa/ wa re wa/ wa tu wa/ wa re wa/ zhes bya ba bris te phan tshun g.yas g.yon du 'khor lo re re sbas na gnon par 'gyur ro/ /rig sngags kyi
74a2 sbyor ba gnon pa'i le'u ste sum bcu rtsa bzhi pa'o// // de nas bcom ldan 'das la byang chub sems dpa' 'jam dpal gzhon nus me tog man dA ra ba dang pad ma dang ku mu ta la sogs pa bsam gyis mi khyab
74a3 pas bcom ldan 'das la gtor to/ /lha rdzas kyi rol mo'i sgra du ma yang bsgrags so/ /de nas bcom ldan 'das la gsol pa/ dam tshig kyang gang gis 'grub par 'gyur zhes zhus pa dang / bcom ldan 'das
74a4 kyis bka' stsal pa/ so so'i dam tshig sdom gnas te/ /lha yi 'khor lo dang ldan pas/ /srog chags dag ni gsad pa spangs/ /ma byin blang bar mi bya zhing / /bud med mi bsten dmad mi bya/ /brdzun ni rnam
74a5 pa kun tu spang / /myos 'gyur dag dang sha dag dang / /rku zhing rnam pa rtag tu spang / /mo rnams thams cad kun la ni/ /chags pa'i sems ni spang ba ste/ /ma bzhin du ni kun la ni/ /phan pa'i sems kyis kun la
74a6 bkur/ /dam tshig sdom la gnas pa yis/ /las rnams kun la mthu yod 'gyur/ /zhes bcom ldan 'das kyis gsungs so/ /dam tshig dang sdom pa bstan pa'i le'u ste sum bcu rtsa lnga pa'o// //
74a7 de nas lha'i dbang po brgya byin dang tshangs pa la sogs pa'i lha dpag tu med pa dang / byang chub sems dpa' 'jam dpal gzhon nu la sogs pa'i byang chub sems dpa'i 'khor dpag tu med pa dang lha dang /
74a8 mi dang lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /bcom ldan 'das ma sgrol ma'i rgyud las sna tshogs bstan pa zhes bya ba
rdzogs so/