CLOSE WINDOW

J670
བོད་ཡིག

/ye shes skar mda'i snying po rdzogs s+ho// // rgya gar skad du/ a mri ta b+ha ba nA ma d+hA ra NI/ bod skad du/ bdud rtsi 'byung ba zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das rgyal po'i khab byang chub kyi shing drung na/ 'khor rnam bzhi dang / lha dang / mi rnams kyis bskor nas bzhugs so/ /de nas 'khor rnams kyi nang nas khyim bdag bzang skyong gis/ bcom ldan 'das kyi 'khor rnams pa bzhi dang / rig drug gi sems can thams cad la/ /spos dang / sman dang / zhal zas kyi mchod pa chen po bshams nas/ bcom ldan 'das la 'di skad ces gsol to/ /bcom ldan 'das bza' ba dang / bca' ba dang / btung ba 'di rnams sems can rnams kyi don du byin gyis brlab tu gsol/ de nas bcom ldan 'das kyis bdud rtsi 'byung ba zhes bya ba'i ting nge 'dzin la snyoms par zhugs te/ zhal zas kyi steng du zla ba'i dkyil 'khor gyi steng du ra~M dkar po la chos thams cad rdul dang bral ba'o/ /zhes bya ba'i sgra byung bas zhal zas kyi dri ma dag par gyur to/ /yang zla ba'i dkyil 'khor gyi steng du a dkar po bsams te/ zhal zas lha'i bdud rtsi dang / yo byad du gyur to/ /yang zla ba'i dkyil 'khor gyi steng du/ oM zhes pas 'phags pa dang sems can thams cad mnyes shing tshim par gyur to/ /de nas bcom ldan 'das kyis phyag rdo rje ltar byas te gzungs 'di gsungs so/ /oM sarba d+harma ta badzra sid ta hU~M/ oM a mr-i ta hU~M/ na maHsarba ta thA ga te b+h+yoHbi shwa mu ge b+h+yaHsarba tad kha~M ud ga te s+pha ra na hi ma~M ga ga na kha~M swA hA/ oM na maHsarba ta thA ga ta a ba lo ki te sa~M b+ha ra sa~M b+ha ra hU~M/ oM ru ru spu ru dz+wA la tiSh+Tha sid d+ha lo tsa ni sarba ar+tha sA d+ha ne swA hA/ zhes gzungs 'di brjod ma thag tu mchod pa'i zhal zas kyis mchod nas/ 'phags pa thams cad mnyes pa dang / sems can thams cad bde bar gyur to/ /de nas khyim bdag bzang skyong gis bcom ldan 'das kyi spyan sngar thal mo sbyar nas 'di skad ces gsol to/ /sangs rgyas dang byang chub sems dpa' thams cad kyi mthu dang / chos kyi dbyings rnam par dag pa'i byin gyis brlabs kyi mthu dang / bdag gi bsam pa rnam par dag pa'i stobs kyis 'phags pa thams cad kyi pho brang dang / sems can thams cad kyi gnas dang / sems can thams cad kyi rgyud la chos dang zang zing gi longs spyod dpag tu med cing brjod kyis mi khyab pa/ brjod kyis mi rdzogs pa 'byung zhing rgyas par gyur cig /sangs rgyas kyi bden pa dang / chos kyi bden pa dang / dge 'dun gyi bden pa dang / gsang sngags dang / rig sngags dang / phyag rgya dang / ting nge 'dzin gyi bden pa'i byin gyis brlabs kyis pha rol tu phyin pa la sogs te chos kyi sbyin pa dang / bdag gi zang zing gi sbyin pa 'dis bde ba dang / dga' bar gyur cig /bcom ldan 'das kyis legs so zhes bya ba byin te/ khyim bdag bzang skyong legs so/ /dka' ba'i spyod pa 'di lta bu byed pa legs so/ /nga'i 'khor lha dang mi rnams kyis kyang 'di ltar mchod par bya'o/ /bcom ldan 'das kyis de skad ces bka' stsal nas/ thams cad dang ldan pa'i 'khor dang / khyim bdag bzang skyong rjes su yi rangs te/ bcom ldan 'das kyis gsungs pa la mngon par bstod de dga' bar gyur to/