བོད་ཡིག |
1a1 (ja) @#/ ! /mdo sde sna tshogs kyi skor bzhugs so/ /
1a2 (黃) 經藏第七部
1b1 @##/ /rgya gar skad du/ sad d+harma puN Da rI ka nA ma ma hA yA na sU tra/ bod skad du/ dam pa'i
1b2 chos pad ma dkar po zhes bya ba theg pa chen po'i mdo/ bam po dang po/ /sangs rgyas dang byang chub
1b3 sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan
1b4 'das rgyal po'i khab na/ bya rgod kyi phung po'i ri la bzhugs te/ dge slong khri nyis stong gi dge slong gi
1b5 dge 'dun chen po thams cad kyang dgra bcom pa/ zag pa zad pa/ nyon mongs pa med pa/ dbang dang ldan par
1b6 gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen
1b7 po/ /bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba
1b8 yongs su zad pa/ yang dag pa'i shes pas sems shin tu rnam par grol ba/ sems kyi dbang thams cad kyi dam
2a1 pa'i pha rol tu son pa/ mngon par shes pa/ mngon par shes pa'i nyan thos chen po sha stag la 'di lta ste/ tshe dang ldan pa kun shes kauN+Di n+yi dang / tshe dang ldan pa rta thul dang / tshe dang ldan pa rlangs pa dang / tshe dang ldan
2a2 pa ming chen dang / tshe dang ldan pa bzang po dang / tshe dang ldan pa 'od bsrung chen po dang / tshe dang ldan pa lteng rgyas 'od srung dang / tshe dang ldan pa chu klung 'od srung dang / tshe dang ldan pa ga yA 'od srung dang / tshe dang ldan pa shA ri'i bu dang / tshe dang ldan
2a3 pa maud gal gyi bu chen po dang / tshe dang ldan pa kA t+yA'i bu chen po dang / tshe dang ldan pa ma 'gags pa dang / tshe dang ldan pa nam gru dang / tshe dang ldan pa ka pi na dang / tshe dang ldan pa ba lang bdag dang / tshe dang ldan pa pi lin da'i bu dang /
2a4 tshe dang ldan pa bak+ku la dang / tshe dang ldan pa gsus po che dang / tshe dang ldan pa b+ha ra dwA dza dang / tshe dang ldan pa dga' bo dang / tshe dang ldan pa nye dga' dang / tshe dang ldan pa mdzes dga' dang / tshe dang ldan pa byams ma'i bu gang po dang / tshe dang ldan pa
2a5 rab 'byor dang / tshe dang ldan pa sgra gcan zin dang / de dag dang nyan thos chen po gzhan dag dang / slob pa tshe dang ldan pa kun dga' bo dang / gzhan yang slob pa dang mi slob pa'i dge slong nyis stong dang / skye dgu'i bdag mo chen mo la sogs
2a6 pa dge slong ma drug stong dang / sgra gcan zin dang / dge slong ma grags 'dzin 'khor dang bcas pa dang thabs gcig go/ /byang chub sems dpa' brgyad khri thams cad kyang bla na med pa yang dag par rdzogs pa'i byang chub las
2a7 phyir mi ldog pa/ gzungs thob pa/ spobs pa chen po la gnas pa/ phyir mi ldog pa'i chos kyi 'khor lo skor ba/ sangs rgyas brgya stong mang po la bsnyen bkur byas pa/ sangs rgyas brgya stong mang po la dge ba'i rtsa
2a8 ba bskyed pa/ sangs rgyas brgya stong mang pos yang dag par bstod pa/ lus dang ngag dang sems byams pas yongasu bsgos pa/ de bzhin gshegs pa'i ye shes 'dzud pa la mkhas pa/ shes rab chen po/ shes rab kyi pha rol tu
2b1 phyin pa rtogs par khong du chud pa/ 'jig rten gyi khams brgya stong mang por rnam par grags pa/ srog chags bye ba khrag khrig brgya stong mang po yang dag par sgrol ba sha stag la 'di lta ste/ byang chub sems dpa' sems dpa'
2b2 chen po 'jam dpal gzhon nur gyur pa dang / byang chub sems dpa' spyan ras gzigs dbang phyug dang / byang chub sems dpa' mthu chen thob dang / byang chub sems dpa' don thams cad ces bya ba dang / byang chub
2b3 sems dpa' rtag tu brtson dang / byang chub sems dpa' brtson pa mi gtong ba dang / byang chub sems dpa' lag na rin chen dang / byang chub sems dpa' sman gyi rgyal po dang / byang chub sems dpa' sman yang dag
2b4 'phags dang / byang chub sems dpa' bkod pa'i rgyal po dang / byang chub sems dpa' rab tu sbyin dpa' dang / byang chub sems dpa' rin chen zla ba dang / byang chub sems dpa' rin chen 'od dang / byang chub sems
2b5 dpa' zla gang dang / byang chub sems dpa' gnon pa chen po dang / byang chub sems dpa' mtha' yas gnon dang / byang chub sems dpa' 'jig rten gsum gnon dang / byang chub sems dpa' spobs pa chen
2b6 po dang / byang chub sems dpa' rtag par rgyun tu brtson dang / byang chub sems dpa' sa 'dzin dang / byang chub sems dpa' blo gros mi zad pa dang / byang chub sems dpa' pad ma'i dpal dang / byang chub sems
2b7 dpa' skar ma'i rgyal po dang / byang chub sems dpa' byams pa dang / byang chub sems dpa' sems dpa' chen po seng ge dag dang yang thabs gcig go/ /bzang skyong la sogs pa skyes bu dam pa bcu drug 'di lta ste/
2b8 bzang skyong dang / dkon mchog 'byung gnas dang / ded dpon bzang po dang / mes byin dang / phug sbas dang / chus byin dang / dbang pos byin dang / bla ma'i blo gros dang / khyad par blo gros dang / 'phel ba'i blo gros dang /
3a1 mthong ba don yod dang / shin tu yang dag zhugs dang / rab kyi rtsal gyis rnam par gnon pa dang / dpe med blo gros dang / nyi ma'i snying po dang / sa 'dzin dag dang yang thabs gcig ste/ de dag la sogs pa
3a2 byang chub sems dpa' brgyad khri dag dang yang thabs gcig go/ /lha rnams kyi dbang po brgya byin dang / 'khor lha'i bu nyi khri 'di lta ste/ lha'i bu zla ba dang / lha'i bu nyi ma dang / kun du dri dang / rin chen 'od dang / lha'i
3a3 bu snang 'od dang / de dag la sogs pa lha'i bu nyi khri dang yang thabs gcig go/ /rgyal po chen po bzhi dang / 'khor lha'i bu sum khri 'di lta ste/ rgyal po chen po 'phags skyes po dang / rgyal po chen po mig mi bzang
3a4 dang / rgyal po chen po yul 'khor srung dang / rgyal po chen po rnam thos kyi bu dang / lha'i bu dbang phyug dang / lha'i bu dbang phyug chen po dang / 'khor lha'i bu sum khri dag dang yang thabs gcig go/ /mi mjed kyi
3a5 bdag po tshangs pa dang / 'khor tshangs ris kyi lha'i bu khri nyis stong 'di lta ste/ tshangs pa gtsug phud can dang / tshangs pa skar ma'i 'od dang / de dag la sogs pa tshangs ris kyi lha'i bu khri nyis stong dang yang thabs
3a6 gcig go/ /klu'i rgyal po brgyad 'di lta ste/ klu'i rgyal po dga' bo dang / nye dga' dang / rgya mtsho dang / nor rgyas kyi bu dang / 'jog po dang / gzi can dang / ma dros pa dang / klu'i rgyal po ud pa la dang /
3a7 'khor klu bye ba brgya stong mang po dag dang yang thabs gcig go/ /mi 'am ci'i rgyal po bzhi 'di lta ste/ mi 'am ci'i rgyal po ljon pa dang / mi 'am ci'i rgyal po chos chen dang / mi 'am ci'i rgyal po chos bzang dang /
3a8 mi 'am ci'i rgyal po chos 'dzin dang / 'khor mi 'am ci bye ba brgya stong mang po dag dang yang thabs gcig go/ /dri za'i ris kyi lha'i bu bzhi 'di lta ste/ dri za yid du 'ong ba dang / yid 'ong dbyangs dang / 'jam snyan dang /
3b1 dri za dbyangs snyan dang / 'khor dri za bye ba brgya stong mang po dag dang yang thabs gcig go/ /lha ma yin gyi dbang po bzhi 'di lta ste/ lha ma yin gyi dbang po stobs can dang / phrag rtsub dang / thag bzang ris dang /
3b2 lha ma yin gyi dbang po sgra gcan dang / 'khor lha ma yin bye ba brgya stong mang po dag dang yang thabs gcig go/ /namakha' lding gi dbang po bzhi 'di lta ste/ namakha' lding gi dbang po gzi brjid chen po dang / lus
3b3 chen po dang / rdzogs chen dang / namakha' lding gi dbang po 'phrul chen thob dang / 'khor namakha' lding bye ba brgya stong mang po dag dang yang thabs gcig go/ /lus 'phags ma'i bu yul ma ga d+hA'i rgyal po ma skyes
3b4 dgra dang yang thabs gcig go/ /de'i tshe na bcom ldan 'das 'khor bzhi po de dag gis yongs su bskor cing mdun gyis bltas te/ sti stang du byas/ btsun par byas/ ri mor byas/ mchod par byas/ rjed par
3b5 byas/ gsol ba byas te/ nges par bstan pa chen po zhes bya ba'i chos kyi rnam grangs mdo sde shin tu rgyas pa chen po byang chub sems dpa' la gdams pa/ sangs rgyas thams cad kyis yongs su bzung ba
3b6 bshad de/ chos kyi gdan de nyid la skyil mo dkrung bcas nas/ mtha' yas nges par bstan pa'i gnas shes bya ba'i ting nge 'dzin la snyoms par zhugs ste sku mi g.yo zhing sems mi g.yo bar gyur nas bzhugs
3b7 so/ /bcom ldan 'das snyoms par zhugs ma thag tu/ bcom ldan 'das la lha'i me tog man dA ra dang / man dA ra chen po dang / many+dzu Sha ka dang / many+dzu Sha ka chen po rnams kyi me tog gi char chen po mngon
3b8 par bab ste/ bcom ldan 'das dang 'khor bzhi po de dag la 'thor ro/ /thams cad dang ldan pa'i sangs rgyas kyi zhing yang rnam pa drug tu g.yos par gyur te/ 'gul kun tu rab tu 'gul/ ldeg kun tu rab tu ldeg /
4a1 'khrugs kun tu rab tu 'khrugs so/ /de'i tshe dge slong dang / dge slong ma dang / dge bsnyen dang / dge bsnyen ma dang / lha dang klu dang gnod sbyin dang / dri za dang lha ma yin dang namakha' lding dang / mi 'am
4a2 ci dang lto 'phye chen po dang / mi dang mi ma yin pa rnams dang / rgyal phran dang / stobs kyi 'khor los sgyur ba dang / gling bzhi'i 'khor los sgyur ba gang dag 'khor der 'dus nas 'khod par gyur pa 'khor dang bcas
4a3 pa de dag thams cad bcom ldan 'das la lta zhing 'khod de ngo mtshar du gyur/ rmad du gyur/ shin tu dga' bar gyur to/ /de nas de'i tshe bcom ldan 'das kyi smin mtshams kyi mdzod spu nas 'od zer gcig byung nas/
4a4 de shar phyogs su sangs rgyas kyi zhing khri brgyad stong du song ste/ sangs rgyas kyi zhing de dag thams cad mnar med pa'i sems can dmyal ba chen po yan chad srid pa'i rtse mo man chad 'od zer de'i 'od kyis shin tu khyab
4a5 par snang ngo / /sangs rgyas kyi zhing de dag gi 'gro ba drug po de dag na sems can gang yod pa de dag thams cad ma lus par snang ngo / /sangs rgyas kyi zhing de dag na sangs rgyas bcom ldan 'das gang dag bzhugs shing
4a6 'tsho gzhes pa de dag thams cad kyang snang ngo / /sangs rgyas bcom ldan 'das de dag chos gang 'chad pa de dag thams cad kyang ma lus par grag go/ /sangs rgyas kyi zhing de dag na dge slong dang dge slong ma dang / dge bsnyen
4a7 dang dge bsnyen ma dang / rnal 'byor can dang / rnal 'byor spyod pa gang dag 'bras bu thob pa dang / 'bras bu ma thob pa de dag thams cad kyang snang ngo / /sangs rgyas kyi zhing de dag na/ byang chub sems dpa' sems
4a8 dpa' chen po gang dag nyan pa dang / dmigs pa dang / mos pa rnam pa sna tshogs du ma'i rgyu'i thabs mkhas pa dag gis byang chub sems dpa'i spyad pa spyod pa de dag thams cad kyang snang ngo / /sangs rgyas kyi zhing de dag na/
4b1 sangs rgyas bcom ldan 'das gang dag yongs su mya ngan las 'da' ba de dag thams cad kyang snang ngo / /sangs rgyas kyi zhing de dag na/ sangs rgyas bcom ldan 'das gang dag yongs su mya ngan las 'das pa rnams kyi ring
4b2 bsrel gyi mchod rten rin po che las byas pa de dag thams cad kyang snang ngo / /de nas byang chub sems dpa' sems dpa' chen po byams pa 'di snyam du sems te/ kye ma de bzhin gshegs pas ltas cho 'phrul
4b3 chen po bstan pa 'di 'dir ci'i rgyur 'gyur zhig gu/ ci'i phyir bcom ldan 'das kyis ltas cho 'phrul chen po 'di lta bu 'di bstan te/ bcom ldan 'das kyang ting nge 'dzin la snyoms par zhugs shing rdzu 'phrul gyi cho
4b4 'phrul chen po ngo mtshar rmad du byung ba chen pos bsam gyis mi khyab pa 'di lta bu 'di dag kyang snang bar gyur pa 'di'i don bdag gis su la dri 'di na don 'di'i lan ldon nus pa ni su yod snyam mo/ /de yang 'di snyam du 'jam dpal
4b5 gzhon nur gyur pa 'di sngon gyi rgyal ba rnams la lhag par bya ba byas pa/ dge ba'i rtsa ba bskyed pa/ sangs rgyas mang po la bsnyen bkur byas pa ste/ 'jam dpal gzhon nur gyur pa 'dis sngon chad kyang sngon gyi de
4b6 bzhin gshegs pa dgra bcom pa yang dag par rdzogs pa'i sangs rgyas rnams kyi ltas 'di lta bu byung ba rnams mthong zhing sngon chad chos chen po'i 'bel ba'i gtam dag kyang myong bas na/ bdag gis 'jam dpal
4b7 gzhon nur gyur pa la de'i don dri'o snyam du sems so/ /dge slong dang dge slong ma dang / dge bsnyen dang dge bsnyen ma'i 'khor bzhi po de dag dang / lha dang klu dang gnod sbyin dang / dri za dang lha ma yin dang / namakha' lding dang /
4b8 mi 'am ci dang / lto 'phye chen po dang / mi dang mi ma yin pa mang po de dag kyang / bcom ldan 'das kyi ltas kyi rdzu 'phrul gyi cho 'phrul chen po'i snang ba 'di lta bu 'di mthong nas/ ngo mtshar du gyur rmad du gyur ltad mor gyur te/
5a1 'di snyam du/ bcom ldan 'das kyis rdzu 'phrul gyi cho 'phrul chen po'i snang ba 'di lta bu 'di bstan pa bdag cag gis su la dri snyam du sems so/ /de nas byang chub sems dpa' sems dpa' chen po
5a2 byams pas skad cig thang cig yud tsam de nyid la 'khor bzhi po rnams kyi sems kyi rnam par rtog pa sems kyi shes nas 'jam dpal gzhon nur gyur pa la 'di skad ces smras so/ /'jam dpal bcom ldan
5a3 'das kyis ltas ngo mtshar rmad du byung ba rdzu 'phrul gyi snang ba 'di lta bu 'di bstan te/ sangs rgyas kyi zhing khri brgyad stong po 'di dag rnam par bkra ba/ mchog tu lta na sdug pa/ de bzhin gshegs pa sngon du bzhud pa/
5a4 de bzhin gshegs pa yongasu 'dren par snang ba 'di'i rgyu gang rkyen gang / de nas byang chub sems dpa' sems dpa' chen po byams pas 'jam dpal gzhon nur gyur pa la tshigs su bcad pa 'di dag smras so/ /
5a5 'jam dpal ci yi phyir na 'di lta bu/ /mi yi mgon pos 'od zer gcig po 'di/ /zhal gyi smin mtshams kyi ni mdzod spu nas/ /shin tu snang ba'i 'od zer rab tu btang / /lha rnams dga' bas tsan dan phye ma dang / /lha yi spos rab yid du 'ong ba
5a6 dang / /man dA ra dang many+dzu Sha ka yi/ /me tog dag gi char chen rab tu phab/ /des ni sa 'di kun tu mdzes gyur cing / /'khor bzhi 'di dag dga' ba rab tu thob/ /zhing rnams 'di dag thams cad rnam drug tu/ /shin tu 'jigs pa'i gzugs
5a7 su kun nas g.yos/ /'od zer de yis shar gyi phyogs logs kyi/ /zhing ni stong phrag bcwa brgyad tshang ba rnams/ /skad cig gcig gis thams cad rab tu snang / /zhing rnams gser gyi kha dog bzhin du mdzes/ /mnar med yan chad
5a8 srid pa'i rtse mo'i bar/ /zhing de dag na sems can ji snyed pa/ /'gro ba drug po de na yod pa rnams/ /gang dag der yang shi 'pho skye ba rnams/ /de dag las kyi rnam pa sna tshogs dang / /'gro ba bde dang mi bde rnams kyang snang / /bzang po ngan pa
5b1 de bzhin bar ma yang / /'di na 'dug kyang de dag thams cad mthong / /sangs rgyas seng ge mi yi dbang po rnams/ /chos nyid rab ston rnam par dbye ba mthong / /sems can bye ba mang la rab ston pa/ /snyan pa'i sgra dang dbyangs su gsung ba dag /
5b2 zab cing rgya che rmad du byung ba'i sgra/ /so so'i zhing rnams su yang rab tu 'byin/ /dpe dang gtan tshigs khrag khrig bye ba yis/ /sangs rgyas chos 'dir rab tu ston pa ni/ /sems can gang rnams sdug bsngal gzir ba dag /skye dang rga bas yid
5b3 skyo mi shes la/ /'di ni dge slong sdug bsngal tha ma zhes/ /de la rab zhi mya ngan 'das pa ston/ /mi rnams gang gis rgya che mthu thob cing / /sangs rgyas mthong bas de bzhin bsod nams ldan/ /de dag la ni chos tshul 'di brjod cing / /rang rgyal
5b4 theg pa yang ni ston pa mdzad/ /gzhan yang bde bar gshegs pa'i sras po gang / /bla na med pa ye shes tshol ba dag /bya ba sna tshogs rtag tu byed pa la/ /de dag la ni byang chub phyir bsngags gsung / /'di na 'dug bzhin de na 'di 'dra dang / /
5b5 khyad par gzhan yang stong phrag bye ba dag /shin tu mthong zhing thos te 'jam pa'i dbyangs/ /de dag las ni phyogs tsam smos par bya/ /bdag mthong zhing rnams mang po de dag na 'ang / /byang chub sems dpa' gang gA'i bye ma snyed/
5b6 gang rnams bye ba stong phrag mi nyung ba/ /brtson 'grus rnam pa mang pos byang chub skyed/ /la la sbyin pa sbyin pa 'ang de bzhin te/ /nor dang gron bu gser dang dngul rnams dang / /mu tig nor bu man shel byi ru dang / /bran pho bran mo rta dang shing
5b7 rta lug /de bzhin rin chen dag gis brgyan pa'i khyogs/ /yongs su dga' ba'i yid kyis sbyin pa gtong / /bdag cag gis kyang theg pa thob shog ces/ /byang chub mchog 'dir yongasu bsngo bar bya/ /sbyin pa 'di 'dra 'di dag byin byas
5b8 na/ khams gsum nang na theg mchog khyad par can/ /sangs rgyas theg pa bde gshegs gang bsngags pa/ /de ni bdag gis myur du thob gyur cig /la la rta bzhi can gyi shing rta la/ kha khyer bcas pa me tog rgyal mtshan
6a1 brgyan/ /rin chen dag las byas pa'i ba dan can/ /la las de lta bu yang sbyin pa byin/ /de bzhin bu dang chung ma rnams kyang byin/ /la la phangs pa'i sha yang sbyin par byed/ /byang chub dam pa 'di ni
6a2 tshol ba'i phyir/ /lag pa dang ni rkang pa blangs na byin/ /la la dag gis mgo dang la las mig /la la bdag gi lus mchog rab kyang gtong / /dang ba'i sems kyis sbyin pa rnams byin nas/ /de bzhin
6a3 gshegs kyi ye shes don du gnyer/ /'jam dpal bdag gis mthong ba la la na/ /rgyal srid skyid pa rnam par spangs byas te/ /btsun mo'i 'khor dang de bzhin gling kun dang / /gnyen dang blon po thams cad rnam
6a4 spangs nas/ /'jig rten rnam par 'dren gyi drung dong ste/ /zhi ba'i phyir ni chos rab mchog 'dri zhing / /ngur smrig gos rnams rab tu gyon byed de/ /skra dang kha spu dag kyang 'dreg par byed/ /bdag mthong byang chub
6a5 sems dpa' la la ni/ /dge slong gyur cing nags tshal gnas pa dag /dgon pa stong pa rnams su gnas 'cha' zhing / /la la lung nod kha ton byed la dga'/ /bdag mthong byang chub sems dpa' la la dag /
6a6 ri sul dag tu zhugs pa'i brtan pa rnams/ /sangs rgyas ye shes 'di la rnam par sgom/ /yongs su sems shing nye bar rtogs par byed/ kha cig gis ni 'dod pa ma lus spangs/ /yongs bsgoms
6a7 bdag nyid spyod yul rnam par dag /mngon par shes pa lnga yang der thob nas/ /bde bar gshegs pa'i sras po dgon par gnas/ /brtan pa la la rkang gshibs der gnas te/ /'dren pa'i spyan sngar thal
6a8 mo sbyar byas nas/ /dga' ba bskyed de rgyal dbang rgyal po la/ /tshigs su bcad pa stong gis mngon par bstod/ /dran dang ldan zhing dul ba mi 'jigs pa/ /la la spyod pa phra ba shes pa dag /rkang
6b1 gnyis gtso la chos kyang 'dri bar byed/ /thos nas de dag chos rnams 'dzin par 'gyur/ /yongs bsgoms bdag nyid rgyal dbang sras po rnams/ /la la dag gis de dang der mthong ba/ /dpe dang gtan tshigs khrag khrig
6b2 du ma yis/ /srog chags bye ba mang la chos rnams ston/ /mchog tu dga' skyes chos rnams rab ston cing / /byang chub sems dpa' mang po yang dag 'dzud/ /bdud rnams stobs dang bzhon par bcas bcom ste/ /chos kyi rnga 'di
6b3 shin tu rdung bar byed/ /la la bde bar gshegs pa'i bstan pa la/ /bder gshegs sras la lha mi gnod sbyin dang / /srin pos mchod kyang ngo mtshar mi 'dzin cing / /snyems med zhi zhing rab zhi spyod pa mthong / /phal cher nags
6b4 gnas de bzhin gzhan dag kyang / /snang ba'i 'od ni lus las rab gtong ste/ /sems can dmyal nas sems can rnams 'don cing / /de dag byang chub la yang yang dag 'dzud/ /rgyal ba'i sras po la la brtson 'grus gnas/ /
6b5 kha cig gis kyang ma lus gnyid spangs nas/ /'chag pa byed cing nags tshal gnas pa dag /de dag brtson pas byang chub mchog la zhugs/ /la la tshul khrims ma ral srung ba ni/ /rtag tu rnam dag nor bu rin chen bzhin/ /
6b6 la la spyad pa yongs su rdzogs par 'gyur/ /de dag khrims kyis byang chub mchog la zhugs/ /rgyal sras la la bzod pa'i stobs can te/ /dge slong nga rgyal can dag khro ba dang / /de bzhin gshe zhing sdig pa 'ang bzod par
6b7 byed/ /bzod pas de dag byang chub mchog la zhugs/ /bdag mthong byang chub sems dpa' la la ni/ /rtsed mo dga' ba thams cad rnam spangs te/ /byis pa'i grogs po rnams kyang yongs spangs nas/ /'phags pa
6b8 rnams dang 'grogs dga' mnyam par gzhag /rnam par g.yeng ba'i sems ni rnam spangs nas/ /lo stong bye bar nags dang ri sul na/ /rtse gcig sems su bsam gtan byed pa rnams/ /de dag bsam gtan byang chub
7a1 mchog la zhugs/ /dge 'dun slob bcas rgyal ba mngon sum du/ /bza' dang bca' dang de bzhin zas dang skom/ /na ba'i sman ni mi nyung mang po dag /kha cig de ltar sbyin pa sbyin par byed/ /dge 'dun slob bcas
7a2 rgyal ba mngon sum du/ /de dag gos brgya bye ba sbyin par byed/ /la la stong phrag bye ba brgya ri dang / /rin thang med pa'i gos rnams rab tu 'bul/ /rin po che dang de bzhin tsan dan gyi/ /gtsug lag khang ni bye ba brgya byas nas/ /
7a3 stan dang mal cha mang pos brgyan pa rnams/ /bde bar gshegs pa rnams la mngon sum 'bul/ /kun dga' ra ba yid 'ong gtsang ma rnams/ /me tog 'bras bu sna tshogs ldan pa dag /skyes bu khyu mchog nyan thos bcas
7a4 pa la/ /la la nyin par zhugs phyir rab tu 'bul/ /dga' ba skyes nas sna tshogs rnam mang po/ /de lta bu yi sbyin pa sbyin par byed/ /byin nas byang chub phyir yang brtson 'grus bskyed/ /sbyin pas de dag byang chub mchog la
7a5 zhugs/ /la la zhi ba'i chos kyang rab 'chad de/ /dpe dang gtan tshigs khrag khrig du ma yis/ /de dag srog chags bye ba stong la ston/ /de dag ye shes byang chub mchog la zhugs/ /byed pa med pa'i chos rab shes pa
7a6 ni/ /gnyis med rab zhugs namakha' mtshungs 'dra ba/ /ma chags bde bar gshegs pa'i sras po rnams/ /de dag shes rab byang chub mchog la zhugs/ /bdag gis gzhan yang mthong ba 'jam pa'i dbyangs/ /bder gshegs
7a7 mya ngan 'das pa'i bstan pa la/ /byang chub sems dpa' brtan pa mang byung nas/ /rgyal ba'i ring bsrel dag la rim gro byed/ /mchod rten bye ba stong phrag mi nyung ba/ /ji ltar gang gA'i klung gi bye ma bzhin/ /gang gis bye ba
7a8 zhing rnams rtag brgyan pa/ /rgyal sras de dag byed du 'jug pa mthong / /rin chen sna bdun mchog gi rgyal mtshan gdugs/ /de na bye ba stong rnams bsgreng ba ni/ /'phang du dpag tshad lnga stong phyin pa ste/ /khor yug tu ni dpag tshad
7b1 nyis stong yod/ /rnam rgyal ba dan bcas pa khor mor mdzes/ /dril dang dril bu g.yer kha rtag tu 'khrol/ /me tog dri dang de bzhin sil snyan gyis/ /lha mi srin po gnod sbyin rnams kyis mchod/ /yongs 'dus shing
7b2 gi me tog rgyas pa bzhin/ /de ltar phyogs bcu de dag mdzes byas te/ /rgyal ba'i ring bsrel dag la 'di 'dra 'dir/ /bde gshegs sras kyis mchod pa byed du btsud/ /rgyal bas 'od zer gcig pu 'di btang
7b3 bas/ /lhar bcas 'jig rten 'di dag rab rgyas pa/ /bdag dang srog chags bye ba mang po 'dis/ /'di na 'dug bzhin de dag thams cad mthong / /gang gis 'od zer gcig pa der btang bas/ /zhing rnams stong phrag mang
7b4 por ston pa de/ /kye ma skyes bu khyu mchog de yi mthu/ /kye ma ye shes rgya che zag med do/ /rmad du byung ba tshad med 'di 'dra ba'i/ /ltas rnams mthong nas bdag cag ngo mtshar gyur/ /'di yi don rnams 'jam dbyangs rab ston te/ /
7b5 sangs rgyas sras rnams the tsom gyur pa sol/ /'khor bzhi 'di dag rab tu dga' sems kyis/ /dpa' bo khyod dang bdag la mngon par lta/ /bde bar gshegs pas de ring ci yi phyir/ /snang ba 'di 'dra 'di ni rab tu
7b6 btang / /bde gshegs sras po khyod kyis lung ston la/ /dga' ba skyed cing the tsom rnam par sol/ /'di ltar 'od zer rgya chen rab btang ba/ /de dag ci 'dra'i don du 'gyur ba zhig /bde bar gshegs pa skyes bu dam pa yis/ /
7b7 byang chub snying por chos mchog gang brnyes pa/ /de dag 'jig rten mgon po 'dir 'chad dam/ /byang chub sems dpa' 'di dag lung ston tam/ /zhing rnams stong phrag du ma gang bstan pa/ /sna tshogs rab tu bkra ba rin
7b8 chen brgyan/ /mtha' yas spyan can sangs rgyas rnams snang ba/ /'di ni mi chud rgyur 'gyur gor ma chag /rgyal ba'i sras la byams pas kun dris nas/ /lha mi gnod sbyin srin po de dag dga'/ /'jam dbyangs 'dir ni ci
8a1 zhig lung ston ces/ /'khor rnams bzhi po de dag shin tu sdod/ /de nas 'jam dpal gzhon nur gyur pas byang chub sems dpa' sems dpa' chen po byams pa dang / thams cad dang ldan pa'i byang chub sems
8a2 dpa'i tshogs de la smras pa/ rigs kyi bu dag 'di ni de bzhin gshegs pa chos chen po bsgrags pa'i 'bel ba'i gtam mdzad par dgongs pa'o/ /rigs kyi bu dag 'di ni de bzhin gshegs pas chos kyi char chen
8a3 po mngon par 'bab pa dang / chos kyi rnga chen po rab tu rdung ba dang / chos kyi rgyal mtshan chen po bsgreng ba dang / chos kyi sgron ma chen po rab tu 'bar bar mdzad pa dang / chos kyi dung chen po rab tu 'bud pa dang / chos kyi rnga bo che chen
8a4 po rab tu rdung ba dang / chos bstan pa chen po mdzad par dgongs pa ste/ rigs kyi bu dag bdag ji ltar spobs pa dang / ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi snga
8a5 ltas 'di lta bu 'di bdag gis mthong ste/ sngon gyi de bzhin gshegs pa de dag gis kyang / 'od zer gyi snang ba 'di btang bas/ bdag ni 'di ltar de bzhin gshegs pa yang chos chen po bsgrag pa'i 'bel ba'i
8a6 gtam mdzad par bzhed pa dang / chos chen po bsgrag pa thos par mdzad bzhed pas 'di lta bu'i snga ltas 'di mdzad pa snyam byed do/ /de ci'i phyir zhe na/ de bzhin gshegs pa dgra bcom pa yang dag par
8a7 rdzogs pa'i sangs rgyas 'jig rten thams cad dang mi mthun pa'i chos kyi rnam grangs bsgrag par bzhed pas snga ltas cho 'phrul chen po 'od zer rab tu btang ba'i snang ba 'di lta bu 'di ston to/ /rigs kyi bu dag bdag gis dran
8a8 pa'i dus na bskal pa grangs med pa'i yang ches grangs med pa yangs pa dpag tu med pa bsam gyis mi khyab pa dpag gis mi lang ba tshad med pa de'i pha rol gyi yang ches pha rol tu gyur pa de'i tshe de'i dus na/ d
8b1 e bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa skyes bu 'dul ba'i kha lo sgyur ba bla na med pa lha dang mi rnams kyi ston pa
8b2 sangs rgyas bcom ldan 'das nyi zla sgron ma zhes bya ba 'jig rten du byung ste/ des chos bstan pa tshangs par spyod pa thog mar dge ba bar du dge ba tha mar dge ba don bzang po tshig 'bru bzang po ma 'dres pa yongs su rdzogs pa yongs
8b3 su dag pa yongs su byang ba yang dag par ston te 'di lta ste/ nyan thos rnams la ni skye ba dang rga ba dang / na ba dang 'chi ba dang / mya ngan dang smre sngags 'don pa dang / sdug bsngal ba dang / yid mi bde ba dang 'khrug pa las shin tu
8b4 bzla ba'i phyir/ mya ngan las 'das pa'i mthar thug pa 'phags pa'i bden pa bzhi dang ldan pa/ rten cing 'brel par 'byung ba la 'jug pa'i chos ston to/ /byang chub sems dpa' sems dpa' chen po rnams la ni bla na med
8b5 pa yang dag par rdzogs pa'i byang chub la brtsams te/ pha rol tu phyin pa drug dang ldan pa thams cad mkhyen pa'i ye shes kyi mthar thug pa'i chos ston to/ /rigs kyi bu dag de bzhin gshegs pa dgra bcom pa yang dag
8b6 par rdzogs pa'i sangs rgyas nyi zla sgron ma de'i pha rol gyi yang ches pha rol na/ yang de bzhin gshegs pa dgra bcom pa yang dag par rdzogs pa'i sangs rgyas nyi zla sgron ma zhes bya ba zhig 'jig rten du byung ste
8b7 ma pham pa 'di ltar snga rol dang snga rol brjod pa'i tshul 'dis/ de bzhin gshegs pa dgra bcom pa yang dag par rdzogs pa'i sangs rgyas nyi zla sgron ma zhes bya bar mtshan gcig pa rigs dang
8b8 gdung gcig pa sha stag ste/ 'di ltar b+ha ra dwA dza'i rigs su 'thun pa de bzhin gshegs pa nyi khri byung ngo / /ma pham pa de la de bzhin gshegs pa nyi khri po de dag thog ma'i de bzhin
9a1 gshegs pa nas tha ma'i de bzhin gshegs pa'i bar du de dag gis chos bshad pa yang / tshangs par spyod pa thog mar dge ba bar du dge ba tha mar dge ba don bzang po tshig 'bru bzang po ma 'dres pa yongs su
9a2 rdzogs pa yongs su dag pa yongs su byang ba yang dag par ston te 'di lta ste/ nyan thos rnams la ni skye ba dang rga ba dang na ba dang 'chi ba dang / mya ngan dang smre sngags 'don pa dang / sdug bsngal ba dang / yid mi bde ba dang
9a3 'khrug pa las shin tu bzla ba'i phyir/ /mya ngan las 'das pa'i mthar thug pa 'phags pa'i bden pa bzhi dang ldan pa rten cing 'brel par 'byung ba la 'jug pa'i chos ston to/ /byang chub sems dpa' sems
9a4 dpa' chen po rnams la ni bla na med pa yang dag par rdzogs pa'i byang chub la brtsams te/ pha rol tu phyin pa drug dang ldan pa thams cad mkhyen pa'i ye shes kyi mthar thug pa'i chos ston to/ /ma pham pa 'di ltar
9a5 yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla sgron ma de sngon gzhon nur gyur cing khab na bzhugs pa las mngon par ma byung ba'i tshe sras brgyad yod par
9a6 gyur te 'di lta ste/ rgyal bu gzhon nu blo gros shes bya ba dang / bzang po'i blo gros dang / mtha' yas blo gros dang / dkon mchog blo gros dang / khyad par blo gros dang / the tsom kun bcom dang / dbyangs
9a7 kyi blo gros dang / rgyal bu gzhon nu chos kyi blo gros shes bya ba yod do/ /ma pham pa bcom ldan 'das nyi zla sgron ma de'i sras rgyal bu gzhon nu brgyad po de dag rdzu 'phrul chen por gyur te/ de dag re re yang
9a8 gling chen po bzhi la kun tu longs spyod par gyur cing de dag na rgyal po byed do/ /de dag gis bcom ldan 'das de khab nas mngon par byung bar shes shing / bla na med pa yang dag par rdzogs pa'i byang chub tu
9b1 mngon par rdzogs par sangs rgyas par thos nas/ rgyal po'i longs spyod thams cad spangs te/ bcom ldan 'das de'i rjes su rab tu byung nas thams cad kyang bla na med pa yang dag par rdzogs pa'i byang
9b2 chub tu yang dag par zhugs te chos smra bar gyur to/ /rgyal bu gzhon nu de dag rtag tu tshangs par spyod cing sangs rgyas brgya stong mang po la dge ba'i rtsa ba bskyed par gyur to/ /ma pham pa de'i tshe na yang bcom ldan
9b3 'das de bzhin gshegs pa dgra bcom pa yang dag par rdzogs pa'i sangs rgyas nyi zla sgron ma des/ nges par bstan pa chen po zhes bya ba'i chos kyi rnam grangs mdo sde shin tu rgyas pa chen po byang chub
9b4 sems dpa' rnams la gdams pa sangs rgyas thams cad kyis yongs su bzung ba bshad nas/ de'i tshe skad cig thang cig yud tsam de nyid la 'khor 'dus pa de nyid du chos kyi gdan chen po de nyid la skyil mo
9b5 dkrung bcas te/ mtha' yas nges par bstan pa'i gnas shes bya ba'i ting nge 'dzin la snyoms par zhugs te sku mi g.yo zhing sems mi g.yo bar gyur nas bzhugs so/ /bcom ldan 'das de
9b6 snyoms par zhugs ma thag tu/ bcom ldan 'das la me tog man dA ra ba dang man dA ra ba chen po dang / many+dzu Sha ka dang / many+dzu Sha ka chen po dang / lha'i me tog dag gi char chen po mngon par bab ste/
9b7 bcom ldan 'das 'khor dang bcas pa la mngon par 'thor ro/ /thams cad dang ldan pa'i sangs rgyas kyi zhing yang rnam pa drug tu rab tu g.yos par gyur te/ 'gul kun tu rab tu 'gul/
9b8 ldeg kun tu rab tu ldeg /'khrugs kun tu rab tu 'khrugs so/ /ma pham pa yang de'i tshe 'khor der dge slong dang dge slong ma dang / dge bsnyen dang /
10a1 dge bsnyen ma dang / lha dang klu dang gnod sbyin dang / dri za dang lha ma yin dang / nam mkha' lding dang mi'am ci dang lto 'phye chen po dang / mi dang mi ma yin pa rnams dang / rgyal phran dang / stobs kyi
10a2 'khor los sgyur ba dang / gling bzhi'i 'khor los sgyur ba rnams 'dus nas 'khod par gyur pa 'khor dang bcas pa de dag thams cad bcom ldan 'das la lta zhing ngo mtshar du gyur rmad du gyur dga' bar gyur to/ /de
10a3 nas de'i tshe bcom ldan 'das de bzhin gshegs pa nyi zla sgron ma'i smin mtshams kyi bar gyi mdzod spu nas 'od zer gcig byung nas de shar phyogs su sangs rgyas kyi zhing nyi khri byung ste/ sangs rgyas kyi zhing
10a4 de dag thams cad 'od zer de'i 'od kyis shin tu khyab par snang bar gyur te/ ma pham pa 'di lta ste dper na/ da ltar sangs rgyas kyi zhing 'di dag snang bar gyur pa bzhin no/ /ma pham pa yang de'i tshe bcom ldan 'das
10a5 de'i zhabs 'bring na/ byang chub sems dpa' bye ba phrag nyi shu 'khod pa dang / 'khor de na chos nyan pa de dag 'od zer chen po'i snang ba des 'jig rten snang bar byas pa mthong nas ngo mtshar du gyur rmad du gyur te ltad
10a6 mo cher byung ngo / /ma pham pa de'i tshe na yang bcom ldan 'das de'i bstan pa la byang chub sems dpa' sems dpa' chen po 'od mchog ces bya ba byung ste de'i slob ma brgyad brgya yod do/ /bcom ldan 'das
10a7 de yang ting nge 'dzin de las bzhengs nas byang chub sems dpa' 'od mchog las brtsams te/ dam pa'i chos pad ma dkar po'i chos kyi rnam grangs yang dag par ston te/ bar gyi bskal pa drug bcu tshang bar
10a8 gdan gcig la bzhugs nas sku mi bskyod/ sems mi g.yo bar bshad do/ /'khor de dag thams cad kyang stan gcig la 'khod de/ /lus mi bskyod sems mi g.yo bar bar gyi bskal
10b1 pa drug bcur bcom ldan 'das de la chos nyan te/ 'khor de na sems can 'ga' yang lus ngal ba yang med/ sems skyo ba yang med do/ /de nas bcom ldan 'das de bzhin gshegs pa dgra bcom pa yang
10b2 dag par rdzogs pa'i sangs rgyas nyi zla sgron mas bar gyi bskal pa drug bcu 'das kyi bar du/ dam pa'i chos pad ma dkar po'i chos kyi rnam grangs mdo sde shin tu rgyas pa chen po byang chub sems dpa' rnams
10b3 la gdams pa/ sangs rgyas thams cad kyis yongs su bzung ba bshad nas/ skad cig de nyid la mya ngan las 'da'o zhes lha dang bcas bdud dang bcas tshangs pa dang bcas pa'i 'jig rten dang dge sbyong
10b4 dang bram zer bcas pa'i skye dgu'i mdun du/ dge slong dag do mod nam gyi gung thun la de bzhin gshegs pa phung po'i lhag ma med pa'i mya ngan las 'da' ba'i dbyings su yongs su mya ngan las 'da'o zhes
10b5 gsungs so/ /mi pham pa de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla sgron ma des/ byang chub sems dpa' sems dpa' chen po dpal gyi
10b6 snying po zhes bya ba bla na med pa yang dag par rdzogs pa'i byang chub tu lung bstan nas 'khor de dag thams cad la bka' stsal pa/ dge slong dag byang chub sems dpa' dpal gyi snying po 'di/
10b7 nga'i 'og tu bla na med pa yang dag par rdzogs pa'i byang chub mngon par rdzogs par 'tshang rgya ste/ de bzhin gshegs pa dgra bcom pa yang dag par rdzogs pa'i sangs rgyas dri ma med pa'i spyan
10b8 zhes bya bar 'gyur ro zhes bya bar gsungs so/ /ma pham pa de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla'i sgron ma de'i nub mo nam gyi gung
11a1 thun la/ phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /dam pa'i chos pad ma dkar po'i chos kyi rnam grangs de yang byang chub sems dpa' sems dpa' chen po
11a2 'od mchog des blangs te/ bar gyi bskal pa brgyad bcu'i bar du/ bcom ldan 'das mya ngan las 'das pa de'i bstan pa la yang dag par bstan to/ /ma pham pa de la bcom ldan 'das de'i sras blo gros la sogs
11a3 pa brgyad po de dag byang chub sems dpa' 'od mchog de'i slob mar gyur te/ des de dag bla na med pa yang dag par rdzogs pa'i byang chub tu yongs su smin par byas so/ /de dag gis de'i 'og tu sangs rgyas bye ba khrag khrig brgya
11a4 stong mang po mthong ste/ bkur sti byas nas de dag thams cad kyang bla na med pa yang dag par rdzogs pa'i byang chub mngon par rdzogs par sangs rgyas te/ de dag gi tha ma'i de bzhin gshegs pa dgra bcom pa yang dag
11a5 par rdzogs pa'i sangs rgyas mar me mdzad yin no/ /slob ma brgyad brgya po de dag las gcig rnyed pa la rab tu gdu ba bkur sti la gdu ba shes kyi khe la gdu ba grags pa 'dod pas de la bstan pa
11a6 bstan pa'i tshig dang / yi ge mi zin mi chags te de'i ming yang grags 'dod ces bya bar gyur to/ /des kyang dge ba'i rtsa ba des sangs rgyas bye ba khrag khrig brgya stong mang po mnyes par byas so/ /mnyes
11a7 par byas nas sti stang byas btsun par byas ri mor byas mchod pa dang / bkur ba dang / rim gro byas so/ /ma pham pa de'i tshe de'i dus na byang chub sems dpa' 'od mchog ces bya ba chos smra bar
11a8 gyur pa de/ gzhan zhig yin pa snyam du khyod som nyi 'am yid gnyis sam the tshom za bar gyur na de ltar mi blta'o/ /de ci'i phyir zhe na/ kho bo de'i tshe de'i dus na byang chub sems dpa' 'od
11b1 mchog ces bya ba chos smra bar gyur to/ /gang yang byang chub sems dpa' grags 'dod ces bya ba le lo can du gyur pa de ni/ ma pham pa khyod nyid de'i tshe de'i dus na/ byang chub sems dpa' grags 'dod ces bya ba le lo
11b2 can du gyur pa yin no/ /ma pham pa de ltar kho bos rnam grangs 'dis na bcom ldan 'das kyi snga ltas 'di lta bu'i 'od zer btang ba mthong nas/ bcom ldan 'das kyang dam pa'i chos pad ma dkar po'i chos kyi rnam
11b3 grangs mdo sde shin tu rgyas pa chen po de bshad par bzhed pa snyam byed do/ /de nas 'jam dpal gzhon nur gyur pa don de nyid rgyas par ston cing de'i tshe tshigs su bcad pa 'di dag smras so/ /'das pa'i dus
11b4 rnams rjes su dran pa ni/ /tshad med bsam gyis mi khyab bskal pa na/ /de tshe rgyal ba byung ba skye dgu'i mchog /mtshan ni nyi zla sgron ma zhes bya ba/ /skye dgu 'dren pa de ni chos ston te/ /sems can
11b5 mtha' yas bye ba rnam par 'dul/ /byang chub sems dpa' bsam yas bye ba stong / /mang po de dag ye shes yang dag 'dzud/ /rnam par 'dren pa gzhon nur gyur pa yi/ /de tshe de yi sras gyur rgyal po dag /
11b6 thub chen rab tu byung ba de mthong nas/ /'dod spangs thams cad myur bar rab tu byung / /'jig rten mgon po de yi chos bshad pa/ /mtha' yas nges par bstan pa mdo sde mchog /de ming shin tu rgyas
11b7 pa'i mdo zhes bya/ /srog chags stong phrag bye ba dag la ston/ /rnam par 'dren pa de yis bshad ma thag /de tshe skad cig dkyil mo dkrung bcas nas/ /mtha' yas nges bstan ting 'dzin dam pa
11b8 la/ /thub mchog chos gdan bzhugs nas bsam gtan mdzad/ /lha yi me tog man dA ra ba 'bab/ /ma brdungs par ni rnga yi sgra yang byung / /lha dang gnod sbyin par snang gnas 'khod pa/ /
12a1 rkang gnyis dam pa la ni mchod pa byed/ /zhing rnams thams cad de ma thag tu g.yos/ /de na ngo mtshar rmad du byung bar gyur/ /smin mtshams nas ni shin tu mdzes pa yi/ /'dren pas 'od zer gcig po
12a2 rab btang ba/ /shar gyi phyogs su 'od zer de song bas/ /zhing rnams stong phrag bcwa brgyad tshang ba dag /rab tu snang bas 'jig rten thams cad mdzes/ /sems can rnams kyi shi 'pho skye ba ston/ /rnam par
12a3 'dren pa'i 'od zer de yi mthus/ /de ltar de na la la rin chen zhing / /de bzhin kha dog bai dUr+ya yi mdog /blta na sdug pa sna tshogs snang bar gyur/ /lha dang mi dang de bzhin gnod sbyin klu/ /lha yi bu mo dri
12a4 za mi 'am ci/ /gang rnams bde bar gshegs la mchod brtson pa/ /de dag 'jig rten khams na mchod byed snang / /sangs rgyas rang 'byung de dag nyid kyang snang / /gser gyi mchod sdong lta bur blta na
12a5 sdug /bai dUr+ya yi dbus na gser gzugs bzhin/ /'khor gyi dbus na chos ni rab tu gsung / /de na nyan thos grangs yod ma yin te/ /bde gshegs nyan thos de snyed tshad med pa/ /so so'i zhing du rnam par
12a6 'dren pa yi/ /'od zer 'od kyis de dag thams cad ston/ /brtson 'grus ldan zhing tshul khrims ma nyams te/ /tshul khrims skyon med nor bu rin chen 'dra/ /mi mgon sras dag ri yi sul dag na/ /gnas shing spyod pa
12a7 de dag snang bar gyur/ /bdog pa thams cad ma lus yongasu gtong / /brtan pa bzod pa'i stobs can bsam gtan dga'/ /byang chub sems dpa' gang gA'i bye snyed mang / /'od zer de yis thams cad rab tu snang /
12a8 bskyod pa med cing g.yo ba med par yang / /bzod nas bsam gtan dga' zhing mnyam par bzhag /de dag bsam gtan byang chub mchog zhugs pa/ /bde bar gshegs pa'i thugs kyi sras rnams snang / /yang
12b1 dag zhi ba zag pa med pa'i gnas/ /shin tu shes nas yang dag rab ston te/ /'jig rten khams mang du ni chos kyang 'chad/ de 'dra'i byed pa bder gshegs mthu yis byung / /nyi ma zla ba sgron ma de yi mthus/ /
12b2 skyong ba'i 'khor bzhis de dag mthong nas su/ /de tshe thams cad dga' bar gnas gyur te/ /'di ltar ci zhig ces ni phan tshun 'dri/ /gnod sbyin lha mis de mchod mi ring bar/ /'jig rten 'dren pa ting nge 'dzin las
12b3 bzhengs/ /chos smra byang chub sems dpa' gang mkhas pa/ /'od mchog sras la de tshe 'di skad gsungs/ /mkhas pa khyod ni 'jig rten mig dang lam/ /nga yi chos 'dzin shin tu yid brtan pas/ /ji ltar srog
12b4 chags phan phyir ngas bshad pa/ /nga yi chos mdzod 'di la khyod mngon sum/ /byang chub sems dpa' mang po kun bkod de/ /dga' bar byas shing shin tu bsngags bstod nas/ /bar gyi bskal pa drug bcu tshang bar ni/ /
12b5 de tshe rgyal ba de yis chos mchog bshad/ /gdan gcig steng bzhugs 'jig rten mgon po yis/ /chos mchog dam pa dag ni gang bshad pa/ /de dag thams cad 'od mchog rgyal ba'i sras/ /chos smrar gyur pa de yis shin
12b6 tu bzung / /rgyal ba des ni chos kyi mchog bshad de/ /skye bo du ma rab tu dga' byas nas/ /de yi nyin par lhar bcas 'jig rten mdun/ /rnam par 'dren pa de ni 'di skad gsung / /nga yis chos kyi tshul 'di rab bstan te/ /
12b7 chos kyi rang bzhin ci 'dra bshad zin gyis/ /dge slong do nub nam gyi gung thun la/ /nga ni mya ngan 'da' ba'i dus la bab/ /nga yi bstan pa 'di la rab sbyor la/ /bag med ma yin dad pa snying por gyis/ /bskal pa
12b8 bye ba khrag khrig 'das par yang / /rgyal ba drang srong chen po rnyed par dka'/ /rkang gnyis dam pa shin tu myur ba ru/ /mya ngan las ni 'da' ba'i sgra thos nas/
13a1 sangs rgyas sras rnams mang po mya ngan skyes/ /sdug bsngal rab dang shin tu ldan par gyur/ /srog chags bsam yas bye mang de dag la/ /mi yi dbang po rgyal pos dbugs phyung ba/ /mya ngan nga 'das dge
13a2 slong ma 'jig shing / /nga yi 'og tu sangs rgyas 'byung ba ni/ /byang chub sems dpa' dpal snying mkhas pa 'di/ /zag med ye shes 'di ni rtogs par rig /nga yi byang chub mchog rab 'thob 'gyur te/ /spyan dang
13a3 yan lag dri med rgyal bar 'ong / /de tshe de yi nam gyi gung thun la/ /rgyu zad me dang 'dra bar mya ngan 'das/ /de yi sku gdung shin tu rgyas gyur te/ mchod rten bye ba khrag khrig mtha' yas so/ /de na dge slong de
13a4 bzhin dge slong ma/ /gang rnams byang chub mchog la rab zhugs shing / /bde gshegs de yi bstan la mngon brtson pa/ /de dag mi nyung gang gA'i bye ma snyed/ /de tshe chos smrar gang gyur dge slong ni/ /gang gis
13a5 chos de bzung ba 'od mchog ste/ /bar gyi bskal pa brgyad bcu tshang bar des/ /bskal pa de la chos mchog rab tu ston/ /de yi slob mar gyur pa brgyad brgya dag /de dag thams cad yongs su smin par byas/
13a6 de dag sangs rgyas bye ba mang po mthong / /drang srong chen po de dag bkur sti byas/ /de tshe spyad pa rjes su 'thun spyad nas/ /'jig rten mang po khams su sangs rgyas gyur/ /gcig 'og gcig tu de dag rjes bzhin
13a7 du/ /byang chub mchog tu gcig gis gcig lung bstan/ /sangs rgyas de dag rim gyis byung ba yi/ /tha mar gyur pa mar me mdzad pa ste/ /lha yi lha mchog drang srong mang po'i mchog /srog chags bye ba
13a8 stong yang rnam par btul/ /gang sngon bde bar gshegs pa de yi sras/ /de yi tshe na 'od mchog chos smra ba'i/ /slob ma sred dang ldan zhing le lo can/ /shes kyi khe dang rnyed pa tshol ba dang / /shin tu grags pa 'dod pa'i shas
13b1 che zhing / /grong nas grong du rgyu bar gyur pa ste/ /de yi kha ton lung nos de bzhin kun/ /de yi tshe na bshad pa rnams mi zin/ /de yi ming yang 'di zhes bya bar gyur/ /grags pa 'dod ces phyogs su rnam par grags/ /
13b2 de yang dge ba rnams kyi las de dag /'dren mar gyur pa mngon par 'dus byas pas/ /sangs rgyas stong phrag bye ba mnyes byas te/ /de dag mchod pa rgya che byas par gyur/ /rjes su mthun pa'i spyod pa rab spyad nas/ /sangs
13b3 rgyas shAkya seng ge 'di yang mthong / /de ni 'dir yang tha mar byung ba ste/ /rjes bzhin byang chub mchog kyang 'thob 'gyur ba/ /byams pa'i rigs su bcom ldan 'das su 'gyur/ /srog chags stong phrag bye ba rnam
13b4 par 'dul/ /bder gshegs mya ngan 'das pa'i bstan pa la/ /de tshe le lo can du gang gyur pa/ /de na de 'drar gyur pa khyod nyid do/ /de tshe chos smrar gyur pa kho bo ste/ /kho bos de dang de yi rgyu dang bzhis/ /ye shes grags
13b5 pa de yi ltas byung ba/ /sngon tshe de na kho bos mthong gyur pa/ /de 'dra'i ltas 'di deng yang mthong bas na/ /nges par rgyal ba'i dbang po kun tu spyan/ /shAkya'i rgyal chen don dam gzigs pas kyang / /de tshe kho bos rnam
13b6 grangs mchog thos gang / /de dag nyid ni 'dis kyang bshad par dgongs/ /de yi ltas nyid de ring yongs rdzogs kyis/ /rnam par 'dren pa rnams kyi thabs mkhas pa/ /shAkya seng ge yang dag 'jog mdzad de/ /chos kyi
13b7 dngos nyid phyag rgya ston par 'gyur/ /thal mo sbyar te sems bzang brtson par gyis/ /'jig rten phan zhing thugs brtse gnon gyur te/ /mtha' yas pa yi chos kyi char pa bab/ /gang dag byang chub phyir zhugs ngoms
13b8 par mdzad/ /byang chub sems dpa' byang chub 'dir zhugs pa/ /gang dag mkhas pa nyid las skyes gyur pa/ /de dag rnams kyi som nyi gang yin dang / /yid gnyis the tshom gang yin de sel gyur/ /dam pa'i chos pad ma dkar
14a1 po'i chos kyi rnam grangs las gleng gzhi'i le'u zhes bya ste dang po'o// // dam pa'i chos pad ma dkar po bam po gnyis pa/ de nas bcom ldan 'das dran pa dang ldan zhing mkhyen bzhin du ting
14a2 nge 'dzin de las bzhengs so/ /bzhengs nas tshe dang ldan pa shA ra dwa ti'i bu la bka' stsal pa/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas rnams kyis thugs su chud pa/
14a3 sangs rgyas kyi ye shes ni zab pa mthong bar dka' ba rtogs par dka' ba ste/ nyan thos dang rang sangs rgyas thams cad kyis shes par dka'o/ /de ci'i phyir zhe na/ shA ri'i bu de bzhin gshegs pa dgra bcom
14a4 pa yang dag par rdzogs pa'i sangs rgyas rnams ni/ sangs rgyas bye ba khrag khrig brgya stong mang po la bsnyen bkur mdzad mdzad pa/ sangs rgyas bye ba khrag khrig brgya stong mang po la bla na med pa yang dag
14a5 par rdzogs pa'i byang chub tu spyod pa spyad spyad pa/ yun ring po nas rjes su zhugs pa/ brtson 'grus mdzad mdzad pa ste/ ngo mtshar dang rmad du byung ba'i chos dang ldan zhing shes par dka' ba'i chos rnams
14a6 mkhyen pa'i phyir ro/ /shA ri'i bu de bzhin gshegs pa dgra bcom pa yang dag par rdzogs pa'i sangs rgyas rnams kyi ldem por dgongs te bshad pa ni shes par dka'o/ /de ci'i phyir zhe na/ rang gis rig
14a7 pa'i chos rnams thabs mkhas pa dang / ye shes mthong ba dang / rgyu dang gzhi dang dmigs pa dang / nges pa'i tshig dang / rnam par rig byed sna tshogs rnams kyis yang dag par ston te/ thabs mkhas pa de dang
14a8 de dag gis sems can de dang de la chags pa rnams rab tu 'grel pa'i phyir ro/ /shA ri'i bu de bzhin gshegs pa dgra bcom pa yang dag par rdzogs pa'i sangs rgyas rnams ni thabs mkhas pa chen po dang /
14b1 ye shes mthong ba dam pa'i pha rol tu byon pa'o/ /shA ri'i bu de bzhin gshegs pa dgra bcom pa yang dag par rdzogs pa'i sangs rgyas rnams ni/ chags pa med cing thogs pa med pa'i ye shes mthong ba dang / stobs
14b2 dang mi 'jigs pa dang ma 'dres pa dang dbang po dang stobs dang byang chub kyi yan lag dang bsam gtan dang / rnam par thar pa dang ting nge 'dzin dang snyoms par 'jug pa dang / rmad du byung ba'i chos dang ldan te/ chos
14b3 rnam pa sna tshogs yang dag par ston pa'o/ /shA ri'i bu de bzhin gshegs pa dgra bcom pa yang dag par rdzogs pa'i sangs rgyas rnams ni ngo mtshar chen po brnyes pa'o/ /shA ri'i bu de tsam gyis bshad pa chog
14b4 par gyis shig /shA ri'i bu de bzhin gshegs pa dgra bcom pa yang dag par rdzogs pa'i sangs rgyas rnams ni ngo mtshar mchog brnyes pa ste/ shA ri'i bu de bzhin gshegs pas chos gang mkhyen pa'i chos de yang
14b5 de bzhin gshegs pas de bzhin gshegs pa nyid la 'chad do/ /shA ri'i bu chos thams cad kyang de bzhin gshegs pa nyid ston to/ /chos thams cad kyang de bzhin gshegs pa nyid kyis mkhyen te chos de
14b6 dag gang yin pa dang / chos de dag ji lta bu yin pa dang / chos de dag ci 'dra ba dang / chos de dag gis mtshan nyid gang yin pa dang / chos de dag gi ngo bo nyid ci yin pa dang / chos de dag gang yin pa dang / ji lta bu yin pa
14b7 dang ci 'dra ba dang / mtshan nyid gang yin pa dang ngo bo nyid ci yin pa yang mkhyen to/ /de nas bcom ldan 'das kyis don de nyid rgyas par ston cing de'i tshe tshigs su bcad pa 'di dag bka' stsal to/ /lha mir bcas pa'i
14b8 'jig rten na/ /dpa' bo chen po dpag med pa/ /rnam 'dren sems can thams cad kyis/ /rnam pa kun tu shes mi nus/ /de dag stobs dang rnam thar dang / /'jigs med gang dag ci 'dra dang / /sangs rgyas chos rnams ci 'dra ba/ /
15a1 sus kyang shes par mi nus so/ /sangs rgyas bye ba gang dag na/ /zab cing shin tu phra ba dang / /rig dka' mthong bar dka' ba yi/ /spyod pa dag ni sngan chad bsnyen/ /bskal pa bye ba bsam yas su/ /spyod pa de dag
15a2 spyad pa yi/ /'bras bu de ni ci 'dra ba/ /byang chub snying por ngas mthong ngo / /de ni 'jig rten rnam 'dren pa/ /gzhan dag na ni ngas kyang de/ /ci lta yin dang ci 'dra dang / /de yi mtshan nyid ci 'dra shes/ /de ni bstan du
15a3 mi nus te/ /de ni brjod tu yong med do/ /mos pa la ni gang gnas pa/ /byang chub sems dpa' ma gtogs par/ /gang la chos de bstan pa dang / /bstan pa dag kyang shes pa yi/ de 'dra'i sems can su yang ni/ /
15a4 'jig rten dag na yod ma yin/ /gang dag 'jig rten mkhyen pa'i nyan thos pa/ /lhag par byas pa bde bar gshegs pas bsngags/ /zag zad tha ma'i lus 'dzin de dag gi/ /yul ni rgyal ba'i ye shes 'di la med/ /
15a5 gal te 'jig rten de dag thams cad du/ /shA ri'i bu dang 'dra bas gang gyur te/ /gcig tu 'dus par gyur nas rnam bsams kyang / /de dag bder gshegs ye shes shes mi nus/ /gal te khyod dang 'dra ba'i mkhas
15a6 rnams kyis/ /phyogs rnams bcu car gang bar gyur pa dang / /gang yang nga yi nyan thos 'di gzhan rnams/ /de dag gis kyang de bzhin gang gyur te/ /de dag thams cad gcig tu deng 'dus nas/ /bde bar gshegs pa'i
15a7 ye shes rnams bsams kyang / /ji tsam tshad med ye shes ngas shes pa/ /thams cad 'dus pas shes par mi nus so/ /zag pa med par gyur pa'i rang sangs rgyas/ /dbang po rno ba tha ma'i lus 'dzin pas/ /ji ltar
15a8 smig dang 'dam bu'i tshal bzhin du/ /phyogs bcu thams cad gang bar gyur pa dag /gcig tu 'dus nas rnam par bsams byas kyang / /nga yi chos kyi mchog gi phyogs tsam yang / /bskal pa bye ba khrag
15b1 khrig mtha' yas su/ /de yi yang dag don ni yong mi shes/ /byang chub sems dpa' theg par gsar zhugs pa/ /sangs rgyas bye ba mang la bya ba byas/ /shin tu nges don chos smra mang po rnams/ /de dag gis kyang phyogs bcu
15b2 gang gyur te/ /smig dang 'dam bu bzhin du 'jig rten kun/ /bar mtshams med par rtag tu gang gyur la/ /gcig tu 'dus nas rnam par sems byed cing / /shes rab phra bas gzhan du mi sems par/ /bskal pa bye ba
15b3 mang po dpag med pa/ /gang gA'i bye ma snyed du bsam byas kyang / /chos gang bde bar gshegs pas mngon gzigs pa/ /'di la de dag rnams kyi yul med do/ /phyir mi ldog pa'i byang chub sems dpa' gang / /
15b4 mi nyung gang gA'i bye ma snyed rnams kyis/ /gzhan du mi sems rnam par bsams byas kyang / /'di la de dag gi yang yul med do/ /zab cing shin tu phra ba'i chos rtogs shing / /rtog pa med la thams cad zag med pa/ /
15b5 phyogs bcu'i 'jig rten rgyal ba de dag dang / /ngas ni 'di na de dag ci 'dra shes/ /gzhan min gsung ba rgyal ba drang srong che/ /yun ring dus na mchog gi don 'chad kyis/ /bde bar gshegs pas gang bstan de la ni/ /
15b6 mos pa phun sum tshogs 'byor shA ri'i bu/ /nyan thos pa ni 'di dag thams cad dang / /rang sangs rgyas su mi gang zhugs pa dang / /mya ngan 'das la ngas ni gang bkod cing / /sdug bsngal rgyud las yang dag dkrol
15b7 la bsgo'o/ /gang phyir 'jig rten du ni chos mang bshad/ /de dang de la chags pa rab dgrol zhing / /theg pa gsum dag nye bar bstan pa ni/ /de dag nga yi thabs mkhas mchog yin no/ /de nas 'khor de na kun shes
15b8 kauN+Di n+ya la sogs pa nyan thos chen po gang dag dgra bcom pa zag pa zad pa dbang dang ldan par gyur pa stong nyis brgya dang / gzhan yang gang dag nyan thos kyi theg pa la zhugs pa'i dge slong dang / dge slong ma dang /
16a1 dge bsnyen dang dge bsnyen ma dag dang / gang yang rang sangs rgyas kyi theg pa la zhugs pa de dag thams cad 'di snyam du sems te/ bcom ldan 'das kyis de bzhin gshegs pa rnams kyi thabs mkhas pa cher bsngags
16a2 pa dang / chos zab mo de yang mngon par rdzogs par sangs rgyas so zhes gsung zhing nyan thos dang / rang sangs rgyas thams cad kyis shes par dka'o zhes gsung ba'i rgyu ni gang / gzhi ni ci zhig /'di ltar bcom ldan 'das kyis
16a3 rnam par grol ba gcig go/ /zhes bka' stsal to/ /bdag cag rnams kyang sangs rgyas kyi chos rnams rnyed par 'gyur zhing mya ngan las 'das pa thob pa yin mod kyi/ bcom ldan 'das kyis gsungs pa de'i don bdag
16a4 cag gis ma rig go snyam mo/ /de nas tshe dang ldan pa shA ri'i bus 'khor bzhi po de dag som nyi dang the tshom za bar rig ste sems kyi rnam par rtog pa sems kyis shes nas/ bdag nyid kyang chos la the tshom za bar gyur te de'i
16a5 tshe bcom ldan 'das la 'di skad ces gsol to/ bcom ldan 'das 'di ltar bcom ldan 'das kyis de bzhin gshegs pa rnams kyi thabs mkhas pa mkhyen pa'i chos bstan pa yang dang yang bsngags pa mdzad pa
16a6 dang / chos zab mo ngas mngon par rdzogs par sangs rgyas so zhes bgyi ba dang / ldem por dgongs te bshad pa yang shes par dka'o zhes yang dang yang gsungs pa'i rgyu gang lags rkyen gang lags/ bdag gis
16a7 bcom ldan 'das las chos kyi rnam grangs 'di lta bu sngan chad ma thos te/ bcom ldan 'das 'khor bzhi po 'di dag kyang the tshom dang som nyi 'tshal na/ de bzhin gshegs pas ci la dgongs te de bzhin gshegs pa'i chos
16a8 zab mo yang dang yang gsung ba mdzad pa de bcom ldan 'das kyis legs par bshad du gsol/ de nas tshe dang ldan pa shA ri'i bus de'i tshe tshigs su bcad pa 'di dag gsol to/ /stobs dang rnam thar
16b1 bsam gtan dag /dpag tu med pa ngas thob ces/ /ring nas mi yi nyi ma yis/ /deng gdod bka' mchid 'di 'dra mdzad/ /khyod la zhu ba ma mchis par/ /byang chub snying po'ang brjod pa mdzad/ /khyod la su yang mi zhu bar/ /
16b2 ldem por dgongs te bshad pa brjod/ /ma zhus par ni gsung mdzad de/ /nyid kyi spyod pa bsngags pa mdzad/ /ye shes brnyes pa brjod mdzad cing / /zab mo dag kyang rab bshad pas/ /dbang ldan gyur cing zag med pa/ /
16b3 mya ngan 'das par gang bzhugs rnams/ /rgyal ba ci zhig gsung snyam ste/ /de ring 'di dag the tshom 'gyur/ /rang rgyal byang chub gang 'tshal ba/ /dge slong de bzhin dge slong ma/ /lha dang klu dang gnod sbyin dang / /
16b4 lto 'phye che dang dri za dag /the tshom 'tshal zhing rnam sems te/ /de dag phan tshun gtam mchi zhing / /rkang gnyis mchog la rab lta na/ /thub pa chen po lung bstan gsol/ /bde bar gshegs pa'i nyan
16b5 thos rnams/ /'di na ji snyed mchis pa kun/ /de yi nang na bdag mchog ces/ /drang srong mchog gis bstan lags na/ /mi yi gtso bo nyid kyi gnas/ /'di la bdag kyang the tshom 'tshal/ /mya ngan 'das
16b6 mthar bdag phyin tam/ /'on te bdag la spyod bstan tam/ /rnga mchog dbyangs kyis rab tu gsung phyung ste/ /chos 'di ji lta lags pa bshad du gsol/ /rgyal sras thugs sras mchis pa 'di dag rnams/ /
16b7 thal mo sbyar bar bgyis nas rgyal la lta/ /lha dang klu dang gnod sbyin srin por bcas/ /bye ba stong phrag gang gA'i bye ma snyed/ /byang chub mchog 'di 'tshal ba gang lags pa/ /brgyad khri tshang bar gang mchis de dag
16b8 dang / /sa bdag 'khor lo bsgyur ba'i rgyal po gang / /bye ba stong gi zhing nas lhags pa dag /spyod pa ji ltar yongs su rdzogs bgyi zhes/ /thams cad thal mo sbyar te gus par mchis/ /de skad ces gsol pa dang /
17a1 bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu don 'di bshad pas ci zhig bya/ de ci'i phyir zhe na/ shA ri'i bu don 'di bshad na lha dang bcas pa'i 'jig rten 'di dngangs
17a2 par 'gyur ro/ /yang tshe dang ldan pa shA ri'i bus bcom ldan 'das la lan gnyis su gsol ba btab pa/ don 'di nyid bcom ldan 'das bshad du gsol/ bde bar gshegs pa bshad du gsol/ de ci'i slad du zhe na/
17a3 bcom ldan 'das 'khor 'di na srog chags brgya phrag mang po/ srog chags stong phrag mang po/ srog chags brgya stong phrag mang po/ srog chags bye ba khrag khrig brgya stong phrag mang po sngon gyi sangs rgyas mthong ba
17a4 shes rab dang ldan pa gang dag /bcom ldan 'das kyis bshad pa la dad pa dang yid ches pa dang 'dzin par 'gyur ba mchis so/ /de nas tshe dang ldan pa shA ri'i bus tshigs su bcad pa 'di gsol to/ /srog chags stong
17a5 rnams 'khor na mchis pa dag /dad dga' bde bar gshegs la gus pa ste/ /khyod kyis chos bstan de dag 'tshal bar 'gyur/ /mi dbang rgyal po gsal bar bshad tu gsol/ /de nas bcom ldan 'das kyis
17a6 tshe dang ldan pa shA ri'i bu la lan gnyis su yang 'di skad ces bka' stsal to/ /shA ri'i bu don 'di bshad pas ci zhig bya/ shA ri'i bu don 'di bshad na lha dang bcas pa'i 'jig rten 'di dngangs par 'gyur te/
17a7 dge slong lhag pa'i nga rgyal can du gyur pa rnams g.yang sa chen por lhung bar 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /nga yi chos 'di bshad pas chog /
17a8 ye shes 'di phra brtag mi nus/ /byis pa mang 'khod nga rgyal can/ /nga yis chos bshad mi shes spong / /de nas tshe dang ldan pa shA ri'i bus bcom ldan 'das la lan gsum du yang gsol ba btab pa don 'di nyid/
17b1 bcom ldan 'das bshad du gsol/ bde bar gshegs pa bshad du gsol/ bcom ldan 'das 'khor 'di na bdag dang 'dra ba brgya phrag mang du mchis so/ /bcom ldan 'das srog chags brgya phrag mang po srog
17b2 chags stong phrag mang po srog chags bye ba khrag khrig brgya stong phrag mang po dag bcom ldan 'das sngon gyi srid pa dag na yongs su smin par mdzad pa gzhan dag kyang mchis te/ bcom ldan 'das kyis bshad
17b3 pa la dad par 'gyur yid ches par 'gyur 'dzin par 'gyur ro/ /de yang de dag gi yun ring po'i don dang sman pa dang bde bar 'gyur ro/ /de nas tshe dang ldan pa shA ri'i bus de'i tshe tshigs su bcad pa 'di dag gsol
17b4 to/ /rkang gnyis rnams kyi mchog gis chos bshad gsol/ /khyod la sras kyi thu bo bdag gsol pa/ /'di na srog chags bye ba stong mchis pa/ /de dag khyod kyis chos bshad 'di dad 'gyur/ /sngon gyi srid pa
17b5 rnams su khyod kyis gang / /yun ring rtag tu sems can smin mdzad pa/ /de kun thal mo sbyar te 'di na mchis/ /de dag chos 'di la ni dad par 'gyur/ /bdag 'dra brgya phrag bcu gnyis 'di dag dang / /gang dag
17b6 byang chub mchog tu zhugs pa dag /de la gzigs nas bde gshegs rab bshad de/ /de dag dga' ba mchog kyang bskyed du gsol/ /de nas bcom ldan 'das kyis tshe dang ldan pa shA ri'i bus lan gsum du
17b7 gsol ba btab pa mkhyen nas/ tshe dang ldan pa shA ri'i bu la 'di skad ces bka' stsal to/ /shA ri'i bu 'di ltar de bzhin gshegs pa la lan gsum gyi bar du gsol ba 'debs na/ shA ri'i bu de
17b8 ltar gsol ba 'debs pa la khyod la ji skad byas/ shA ri'i bu de'i phyir legs par rab tu nyon la yid la zung shig dang ngas khyod la bshad do/ /bcom ldan 'das kyis bka' de
18a1 stsal ma thag tu/ 'khor de nas dge slong dang dge slong ma dang dge bsnyen dang dge bsnyen ma lhag pa'i nga rgyal can lnga stong stan las langs te/ bcom ldan 'das kyi zhabs gnyis la mgo bos
18a2 phyag 'tshal nas 'khor de nas dong ngo / /'di ltar lhag pa'i nga rgyal gyis dge ba'i rtsa ba ma thob par ni thob par 'du shes/ khong du ma chud par ni khong du chud par 'du shes pa de dag rang gi skyon shes te/
18a3 'khor de nas dong ba la bcom ldan 'das kyis cang mi gsung bar gyur pas gnang ngo / /de nas bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu nga'i 'khor
18a4 shin te ma med par gyur te/ shA ri'i bu snying po ma yin pa med par gyur la dad pa'i snying po la gnas te lhag pa'i nga rgyal can dag dong ba yang legs so/ /shA ri'i bu de lta bas na de'i don bshad do/ /bcom
18a5 ldan 'das legs so zhes gsol nas/ shA ri'i bu bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /shA ri'i bu de bzhin gshegs pa ni brgya la res
18a6 'ga' zhig 'di lta bu'i chos bstan pa gsung ngo / /'di lta ste dper na/ u dum ba ra'i tshal la me tog ni brgya la res 'ga' 'byung ngo / /shA ri'i bu de bzhin gshegs pa yang brgya la res 'ga' zhig chos bstan
18a7 pa 'di lta bu gsung ngo / /shA ri'i bu nga la yid ches par gyis shig nga ni bden par smra ba'o/ /nga ni yang dag par smra ba'o/ /nga ni gzhan ma yin par smra ba'o/ /shA ri'i bu de bzhin gshegs pa'i ldem por dgongs te bshad pa'i
18a8 don khong du chud par dka'o/ /de ci'i phyir zhe na/ shA ri'i bu ngas nges pa'i tshig dang bstan pa dang brjod pa dang dpe sna tshogs dang thabs la mkhas pa rnam pa brgya stong dag gis chos rab tu bshad pa ni brtag tu med cing rtog
18b1 ge'i spyod yul ma yin pa'i phyir te/ shA ri'i bu chos de ni de bzhin gshegs pas mkhyen par bya ba'o/ /de ci'i phyir zhe na/ shA ri'i bu bya ba gcig dang byed pa gcig dang bya ba chen po dang byed pa chen po'i phyir/ de
18b2 bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ba'i phyir ro/ /shA ri'i bu de bzhin gshegs pa'i bya ba gcig po dang byed pa gcig po dang bya ba chen po dang byed pa chen
18b3 po dang bya ba gang dang byed pa gang gis de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ba gang zhe na/ de ni sems can rnams de bzhin gshegs pa'i ye shes mthong ba
18b4 yang dag par 'dzin du gzud pa'i rgyu'i phyir/ de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ngo / /sems can rnams la de bzhin gshegs pa'i ye shes
18b5 mthong ba yang dag par bstan pa'i rgyu'i phyir/ de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ngo / /sems can rnams de bzhin gshegs pa'i ye shes mthong
18b6 ba la zhugs pa'i rgyu'i phyir/ de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ngo / /sems can rnams de bzhin gshegs pa'i ye shes mthong ba khong du
18b7 chud par bya ba'i rgyu'i phyir/ de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ngo / /sems can rnams de bzhin gshegs pa'i ye shes mthong ba'i lam du
18b8 gzud pa'i rgyu'i phyir/ de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ste/ shA ri'i bu de ni de bzhin gshegs pa'i bya ba gcig po dang byed pa gcig po dang bya ba chen
19a1 po dang byed pa chen po dang 'jig rten du 'byung ba'i dgongs pa gcig pa'o/ /shA ri'i bu de ltar de bzhin gshegs pas bya ba gcig po dang byed pa gcig po dang bya ba chen po dang byed pa chen po de de bzhin
19a2 gshegs pas mdzad do/ /de ci'i phyir zhe na/ shA ri'i bu nga ni de bzhin gshegs pa'i ye shes mthong ba yang dag par 'dzin du 'jug pa'o/ /shA ri'i bu nga ni de bzhin gshegs pa'i ye shes mthong ba yang dag par
19a3 ston pa'o/ /shA ri'i bu nga ni de bzhin gshegs pa'i ye shes mthong ba la 'jug par byed pa'o/ /shA ri'i bu nga ni de bzhin gshegs pa'i ye shes mthong ba khong du chud par byed pa'o/ /shA ri'i bu nga ni de bzhin
19a4 gshegs pa'i ye shes mthong ba'i lam la 'dzud pa'o/ /shA ri'i bu nga yang theg pa gcig las brtsams te sems can rnams la chos ston pa 'di lta ste/ sangs rgyas kyi theg pa thams cad mkhyen pa nyid
19a5 kyi mthar thug pa ste/ theg pa gnyis sam gsum zhes bya ba gang yang med do/ /shA ri'i bu phyogs bcu'i 'jig rten thams cad na yang chos nyid ni 'di'o/ /de ci'i phyir zhe na/ shA ri'i bu de bzhin gshegs pa dgra
19a6 bcom pa yang dag par rdzogs pa'i sangs rgyas gang dag 'das pa'i dus na phyogs bcu'i 'jig rten gyi khams dpag tu med grangs med pa rnams su byung ste/ sems can mos pa tha dad pa dang khams dang bsam pa tha
19a7 dad pa rnams kyi bsam pa mkhyen nas skye bo mang po la phan pa dang skye bo mang po la bde ba dang 'jig rten la snying brtse ba dang skye bo phal po che dang lha dang mi rnams kyi don dang phan pa dang bde ba'i phyir sna tshogs mngon par bsgrub
19a8 pa bstan pa dang rgyu dang gzhi dang dpe dang dmigs pa dang nges pa'i tshig dang thabs mkhas pa rnam pa sna tshogs kyis chos bstan pa'i sangs rgyas bcom ldan 'das de dag thams cad kyang / shA ri'i bu theg pa gcig la
19b1 brtsams nas sems can rnams la chos bstan te de yang 'di ltar sangs rgyas kyi theg pa thams cad mkhyen pa nyid kyi mthar thug pa ste/ gang 'di sems can rnams de bzhin gshegs pa'i ye shes mthong ba nyid yang dag
19b2 par 'dzin du 'dzud pa/ de bzhin gshegs pa'i ye shes mthong ba nyid ston pa/ de bzhin gshegs pa'i ye shes mthong ba nyid la 'jug par byed pa/ de bzhin gshegs pa'i ye shes mthong ba nyid khong du
19b3 chud par byed pa/ sems can rnams de bzhin gshegs pa'i ye shes mthong ba nyid kyi lam du 'jug par byed pa'i chos ston te/ shA ri'i bu 'das pa'i de bzhin gshegs pa dgra bcom pa yang dag par rdzogs
19b4 pa'i sangs rgyas de dag las sems can gang dag gis chos de thos pa de dag thams cad kyang bla na med pa yang dag par rdzogs pa'i byang chub thob par gyur to/ /shA ri'i bu ma 'ongs pa'i dus na phyogs bcu'i
19b5 'jig rten gyi khams dpag tu med grangs med pa rnams su de bzhin gshegs pa dgra bcom pa yang dag par rdzogs pa'i sangs rgyas gang dag 'byung ba/ sems can mos pa tha dad pa dang bsam pa tha dad pa dang khams tha dad
19b6 pa rnams kyi bsam pa mkhyen nas/ skye bo mang po la phan pa dang skye bo mang po la bde ba dang 'jig rten la snying brtse ba dang skye bo phal po che dang lha dang mi rnams kyi don dang phan pa dang bde ba'i phyir sna tshogs
19b7 mngon par bsgrub pa bstan pa dang rgyu dang gzhi dang dpe dang dmigs pa dang nges pa'i tshig dang thabs mkhas pa rnam pa sna tshogs kyis chos ston par 'gyur ba'i sangs rgyas bcom ldan 'das de dag
19b8 thams cad kyang / shA ri'i bu theg pa gcig las brtsams nas sems can rnams la chos ston par 'gyur te/ de yang 'di ltar sangs rgyas kyi theg pa thams cad mkhyen pa nyid kyi mthar thug pa ste/ gang 'di
20a1 sems can rnams de bzhin gshegs pa'i ye shes mthong ba nyid yang dag par 'dzin du 'jug pa/ de bzhin gshegs pa'i ye shes mthong ba nyid ston pa/ de bzhin gshegs pa'i ye shes mthong ba nyid
20a2 la 'jug par byed pa/ de bzhin gshegs pa'i ye shes mthong ba nyid khong du chud par byed pa/ sems can rnams de bzhin gshegs pa'i ye shes mthong ba nyid kyi lam du 'jug par byed pa'i chos ston par 'gyur te/
20a3 shA ri'i bu ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas de dag las sems can gang dag chos nyan pa de dag thams cad kyang bla na med pa yang dag par rdzogs pa'i byang chub
20a4 thob par 'gyur ro/ /shA ri'i bu da ltar byung ba'i dus na phyogs bcu'i 'jig rten gyi khams dpag tu med grangs med pa dag na de bzhin gshegs pa dgra bcom pa yang dag par rdzogs pa'i sangs rgyas gang dag
20a5 bzhugs te 'tsho zhing bzhes pa/ sems can mos pa tha dad pa dang khams dang bsam pa tha dad pa rnams kyi bsam pa mkhyen nas/ skye bo mang po la phan pa dang skye bo mang po la bde ba dang 'jig rten la snying brtse ba dang
20a6 skye bo phal po che dang lha dang mi rnams kyi don dang phan pa dang bde ba'i phyir sna tshogs mngon par bsgrub pa bstan pa dang rgyu dang gzhi dang dpe dang dmigs pa dang nges pa'i tshigs dang thabs mkhas pa rnam pa sna tshogs kyis chos
20a7 ston pa'i sangs rgyas bcom ldan 'das de dag thams cad kyang / shA ri'i bu theg pa gcig las brtsams nas sems can rnams la chos ston te/ de yang 'di ltar sangs rgyas kyi theg pa thams cad mkhyen pa nyid
20a8 kyi mthar thug pa ste/ gang 'di sems can rnams de bzhin gshegs pa'i ye shes mthong ba nyid yang dag par 'dzin du 'jug pa/ de bzhin gshegs pa'i ye shes mthong ba nyid ston pa/ de bzhin
20b1 gshegs pa'i ye shes mthong ba nyid la 'jug par byed pa/ de bzhin gshegs pa'i ye shes mthong ba nyid khong du chud par byed pa/ sems can rnams de bzhin gshegs pa'i ye shes mthong ba nyid kyi lam du 'jug par byed pa'i
20b2 chos ston te/ shA ri'i bu da ltar gyi de bzhin gshegs pa dgra bcom pa yang dag par rdzogs pa'i sangs rgyas de dag las/ sems can gang dag chos nyan pa de dag thams cad kyang bla na med pa yang dag par rdzogs pa'i byang
20b3 chub thob par 'gyur ro/ /shA ri'i bu de ltar de bzhin gshegs pa dgra bcom pa yang dag par rdzogs pa'i sangs rgyas nga yang sems can mos pa tha dad pa dang khams dang bsam pa tha dad pa rnams kyi bsam pa mkhyen nas
20b4 skye bo mang po la phan pa dang skye bo mang po la bde ba dang 'jig rten la snying brtse ba dang skye bo phal po che dang lha dang mi rnams kyi don dang phan pa dang bde ba'i phyir/ sna tshogs mngon par bsgrub pa bstan pa dang rgyu dang gzhi dang dpe
20b5 dang dmigs pa dang nges pa'i tshig dang thabs mkhas pa rnam pa sna tshogs kyis chos ston to/ /shA ri'i bu nga yang theg pa gcig la brtsams nas sems can rnams la chos ston te/ 'di ltar sangs rgyas kyi theg pa
20b6 thams cad mkhyen pa nyid kyi mthar thug pa ste/ gang 'di'i sems can rnams de bzhin gshegs pa'i ye shes mthong ba nyid yang dag par 'dzin du 'jug pa/ de bzhin gshegs pa'i ye shes mthong ba nyid
20b7 ston pa dang / de bzhin gshegs pa'i ye shes mthong ba nyid la 'jug par byed pa/ de bzhin gshegs pa'i ye shes mthong ba nyid khong du chud par byed pa/ sems can rnams de bzhin gshegs pa'i
20b8 ye shes mthong ba nyid kyi lam du 'jug par byed pa'i chos ston te/ shA ri'i bu sems can gang dag da ltar nga la 'di ltar chos nyan pa de dag thams cad kyang bla na med pa yang dag
21a1 par rdzogs pa'i byang chub thob par 'gyur ro/ /shA ri'i bu rnam grangs 'dis kyang 'di ltar rig par bya ste/ 'di ltar phyogs bcu'i 'jig rten gang na yang theg pa gnyis su gdags pa yang med na gsum
21a2 du lta ga la yod/ 'on kyang de bzhin gshegs pa dgra bcom pa yang dag par rdzogs pa'i sangs rgyas nam bskal pa'i snyigs ma las byung ngam sems can gyi snyigs ma 'am/ nyon mongs pa'i snyigs ma 'am/ lta ba'i
21a3 snyigs ma 'am/ tshe'i snyigs ma las byung na/ shA ri'i bu 'di lta bur bskal pa dang 'khrul pa'i snyigs ma dang dri ma mang po dang brkam pa'i sems can dge ba'i rtsa ba chung ba de'i tshe/ shA ri'i bu de bzhin gshegs pa dgra bcom pa
21a4 yang dag par rdzogs pa'i sangs rgyas rnams thabs mkhas pas sangs rgyas kyi theg pa gcig po de las theg pa gsum du bshad de bstan to/ /shA ri'i bu de ltar gang nyan thos sam dgra bcom pa 'am rang sangs rgyas rnams de
21a5 bzhin gshegs pa'i bya ba sangs rgyas kyi theg pa yang dag par 'dzin du 'jug pa la mi nyan mi 'jug khong du chud par mi byed pa de dag ni/ shA ri'i bu de bzhin gshegs pa'i nyan thos ma yin par rig par bya'o/ /dgra bcom pa
21a6 yang ma yin rang sangs rgyas kyang ma yin par rig par bya'o/ /shA ri'i bu yang dge slong ngam dge slong ma la la dgra bcom par khas 'che zhing / bla na med pa yang dag par rdzogs pa'i byang chub tu smon lam yongs su mi 'dzin te/
21a7 nga ni sangs rgyas kyi theg pa bcad pa'o zhes zer zhing nga'i lus 'di tha ma mya ngan las 'da' ba'o zhes zer ba ni/ shA ri'i bu de lhag pa'i nga rgyal can du shes par bya'o/ /de ci'i phyir zhe na/ shA ri'i bu dge slong
21a8 dgra bcom pa zag pa zad pa des/ de bzhin gshegs pa mngon sum du gyur te/ chos 'di thos nas dad par mi 'gyur ba'i go skabs med cing gnas ma yin te/ de bzhin gshegs pa
21b1 yongs su mya ngan las 'das pa ni ma gtogs so/ /de ci'i phyir zhe na/ shA ri'i bu de bzhin gshegs pa yongs su mya ngan las 'das pa de'i tshe/ mdo sde 'di lta bu 'di 'dzin pa 'am 'chang ba'i nyan thos mi 'byung
21b2 ste/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas gzhan la chos 'di la the tshom med par 'gyur ro/ /shA ri'i bu nga la dad par gyis shig yid ches par gyis shig
21b3 rtogs par gyis shig shA ri'i bu de bzhin gshegs pa rnams la rdzun du smra ba med de/ shA ri'i bu theg pa 'di ni gcig tu zad de 'di lta ste sangs rgyas kyi theg pa'o/ /de nas bcom ldan 'das don de nyid
21b4 rgyas par ston cing de'i tshe tshigs su bcad pa 'di dag bka' stsal to/ /nga rgyal can gyi dge slong dang / /dge slong ma dang dge bsnyen dang / /dge bsnyen ma rnams ma dad pa/ /lnga stong las ni mi nyung ba/ /bslab pa
21b5 zhig gral ldan pa rnams/ /nyes pa 'di dag mthong gyur nas/ /skyon rnams yongs su sbed pa'i phyir/ /byis pa'i blo can de dag dong / /gang gis chos 'di nyan par 'gyur ba yi/ /de dag la ni dge ba de byed de/ /
21b6 'khor gyi snyigs ma nyid du mkhyen nas su/ /'jig rten mgon po ngas kyang bstsal ba yin/ /nga yi 'khor ni legs par 'khod/ /shin pa med cing dag pa ste/ /snying po ma yin kun med gyur/ /'di dag snying
21b7 po rab tu gnas/ /skyes bu dam pa skyob pa sangs rgyas dag /thabs la mkhas pa brgya phrag du ma yis/ /rdzogs pa'i sangs rgyas chos ni ci gsung ba/ /ci 'dra nga la nyon cig shA ri'i bu/ /de dag spyod pa
21b8 bsam pa ci 'dra 'ang mkhyen/ /srog chags bye ba mos pa tha dad pa/ /de dag sngon chad dge ba ci byas dang / /las rnams sna tshogs dag ni mkhyen nas su/ /nges pa'i tshig dang gzhi
22a1 rnams sna tshogs kyis/ /srog chags de dag khong du chud par byed/ /ngas ni rgyu dang dpe yang brgya dag gis/ /sems can de lta de ltar mgu bar byas/ /mdo sde de bzhin tshigs su bcad pa 'ang
22a2 bshad/ /de lta byung dang skyes rabs rmad byung dang / /gleng gzhi de bzhin gtan la dbab pa dang / /dbyangs snyan dpe brgya sna tshogs rnams kyis bshad/ /mi mkhas gang dag dman la mngon dga' zhing / /sangs
22a3 rgyas bye ba mang la spyod ma spyad/ /'khor bar chags shing shin tu sdug bsngal ba/ /de la mya ngan 'da' ba nye bar bstan/ /sangs rgyas ye shes rab tu rtogs bya'i phyir/ /da ltar rang byung ba ni thabs
22a4 mdzad de/ /khyed cag sangs rgyas su yang 'grub bo zhes/ /de rnams la ni re shig mi gsung ngo / /ci'i phyir zhe na skyob pa dus la bzhes/ /dal ba gzigs te de nas gdod 'chad do/ /dal ba de ni brgya la
22a5 deng thob pas/ /de phyir yang dag nges pa 'dir bshad do/ /nga yi bstan pa yan lag dgu po yang / /sems can dag gi mthu dang stobs las bshad/ /'di ltar thabs kyis mchog sbyin ye shes la/ /
22a6 rab tu gzud pa'i phyir ni ngas bshad do/ /gang dag rtag tu rnam par dag gyur pa/ /gsal gtsang rab tu des pa sangs rgyas sras/ /sangs rgyas bye ba mang la lhag byas pa/ /de dag la ni rab rgyas mdo rnams
22a7 bshad/ /'di ltar de dag bsam pa rdzogs pa dang / /rnam par dag pa'i tshul dang ldan gyur pa/ /de dag la ni ma 'ongs dus na yang / /phan zhing brtse ba'i sangs rgyas 'gyur zhes gsung / /thos nas 'gro
22a8 mchog sangs rgyas 'gyur snyam ste/ /thams cad shin tu dga' bas khyab par 'gyur/ /de dag spyod pa rnams kyang ngas shes nas/ /shin tu rgyas pa'i mdo sde rab tu bshad/ /'di ltar 'dren pa'i
22b1 nyan thos de dag las/ /gang dag nga yi bstan pa 'di thos pa/ /tshigs bcad gcig tsam thos sam bzung yang rung / /thams cad the tshom med par byang chub 'gyur/ /theg pa tha dad par ni gang ston pa/ /skyes
22b2 mchog rnams kyi thabs mkhas ma gtogs par/ /theg pa gcig ste gnyis su yod ma yin/ /'jig rten na ni nam yang gsum du med/ /sangs rgyas rnams kyi ye shes bstan pa'i phyir/ /'jig rten
22b3 du yang 'jig rten mgon po byung / /bya ba gcig ste gnyis su yod ma yin/ /sangs rgyas theg pa dman pas mi 'dren to/ /rang 'byung bdag nyid ci la gnas pa dang / /sangs rgyas ji lta bu dang ci 'dra
22b4 ba/ /stobs dang bsam gtan rnam thar dbang po rnams/ /de dag nyid la sems can rab tu 'jog /byang chub rdul med dam pa thob nas su/ /theg pa dman la sems can gcig bkod na/ /'di ni nga yi legs
22b5 pa ma yin te/ /ser sna'i nyes pa'ang nga la yod par 'gyur/ /nga la ser sna dag ni cung zad med/ /nga la phrag dog med cing 'dod chags med/ /sdig pa'i chos rnams thams cad ngas bshad de/ /de phyir 'gro ba rtogs
22b6 pas nga sangs rgyas/ /ji ltar mtshan rnams kyis ni nga brgyan te/ /'jig rten 'di dag thams cad rab snang byed/ /srog chags brgya phrag du mas mdun bltas shing / /chos kyi rang bzhin phyag rgya 'di bshad do/ /
22b7 nga ni 'di snyam sems te shA ri'i bu/ /sum cu rtsa gnyis mtshan gyi gzugs ldan zhing / /bdag 'od rang byung 'jig rten rig par yang / /de ltar ci nas sems can kun 'gyur snyam/ /ji ltar mthong
22b8 zhing ji ltar bsams pa dang / /nga yis sngan chad ji ltar brnags pa de/ /nga yi smon lam de dag yongs rdzogs te/ /byang chub sangs rgyas nas ni ma bstan to/ /sems can
23a1 rnams la byang chub 'dun skyed ces/ /ngas ni de skad smras na shA ri'i bu/ /mi shes sems can rnams ni 'dir myos te/ /nga yi legs bshad 'dzin par gzhar mi 'gyur/ /de dag 'di 'dra'i tshul du
23a2 ngas shes te/ /tshe rabs snga mar spyod pa rnams ma spyad/ /'dod pa'i yon tan rnams la chags shing zhen/ /sred pas brgyal zhing gti mug myos pa rnams/ /de dag 'dod rgyus ngan 'gror rab tu ltung / /'gro
23a3 ba drug tu kun tu nyon mongs te/ /dur khrod de dag phyi phyir 'phel bar byed/ /bsod nams chungs bas sdug bsngal kun gyis gzir/ /lta ba'i thibs por rtag tu rnam par chags/ /yod dang med dang de bzhin
23a4 yod med pa/ /ltar gyur drug bcu gnyis la brten nas su/ /dngos po med la yongs su 'dzin cing gnas/ /sbyang bar dka' zhing log byed nga rgyal can/ /byis pa thos nyung yon po g.yo byed rnams/ /tshe rabs bye
23a5 ba phrag stong nam du yang / /de dag sangs rgyas sgra 'di mi thos so/ /nga yi thabs kyis de la shA ri'i bu/ /sdug bsngal mthar phyung shig ces de skad smras/ /sems can sdug bsngal gzir ba mthong bas
23a6 na/ /de dag mya ngan 'das pa nye bar bstan/ /'di ltar ngas ni chos rnams 'di dag kun/ /gdod nas rab zhi mya ngan rtag 'das bshad/ /sangs rgyas sras de spyod pa kun rdzogs nas/ /phyi ma'i
23a7 dus kyi tshe la rgyal bar 'gyur/ /theg pa gsum du gang rnams bstan pa ni/ /nga yi thabs mkhas tshul ni de 'dra ste/ /theg pa gcig ste de bzhin tshul yang gcig /de ltar 'dren pa rnams kyis
23a8 bshad pa gcig /gang 'dir la la the tshom yod pa dag /the tshom za dang de bzhin som nyi spongs/ /gzhan du mi gsung 'jig rten 'dren pa rnams/ /theg pa 'di ni gcig ste gnyis su med/ /sngon gyi
23b1 de bzhin gshegs pa gang 'byung ba/ /sangs rgyas stong ngam mya ngan yongs 'das shing / /'das pa'i dus na bskal pa grangs med la/ /gang dag tshad ni nam yang yong med pa/ /skyes bu dam pa de dag thams cad
23b2 kyis/ /dpe dang gzhi dang rgyu dang bcas pa dang / /thabs la mkhas pa brgya phrag du ma yis/ /rnam par dag pa'i chos rnams rab bshad pa/ /de dag thams cad theg pa gcig ston cing / /srog chags stong
23b3 phrag bye ba bsam yas rnams/ /theg pa gcig po la yang rab 'dzud de/ /theg pa gcig la yongs su smin par byed/ /mos dang de bzhin bsam pa rnams mkhyen nas/ /de bzhin gshegs pas lhar
23b4 bcas 'jig rten du/ /rgyal ba'i thabs gzhan rnam pa mang po dag /gang gis chos mchog 'di ni rab bstan pa/ /sems can gang gis de las mngon sum der/ /chos nyan pa dang 'on te thos ldan pa/ /
23b5 sbyin pa sbyin zhing tshul khrims spyod pa dang / /bzod pas spyod pa thams cad bsgrub pa dang / /brtson 'grus bsam gtan lhag par byas pa dang / /shes rab kyis ni chos 'di rnams bsams te/ /rnam pa tha
23b6 dad bsod nams sus byas pa/ /de dag thams cad byang chub thob par 'gyur/ /mya ngan 'das pa'i rgyal ba de dag gi/ /bstan pa de la sems can gang zhugs te/ /de na bzod cing zhi la dul ba ni/ /de dag thams
23b7 cad byang chub thob par 'gyur/ /rgyal ba mya ngan 'das pa de dag gi/ /rgyal ba'i ring bsrel dag la su mchod cing / /rin chen mchod rten stong phrag du ma dag /gser dang dngul dang 'on te shel gyi 'am/ / rdo rje
23b8 'i snying po'i mchod rten gang gis byas/ /bai dUr+ya mchog de bzhin an da rnyil/ /la las mu tig ke ke ru las byas/ /de dag gis kyang byang chub thob par 'gyur/ /gang gis mchod rten
24a1 rdo las byas pa dang / /gang gis a ga ru dang tsan dan nam/ /gang gis thang shing mchod rten byas pa dang / /la las shing mang gzhan las byas pa dang / /sa dang sa phag las ni rtsigs pa yi/ /rgyal
24a2 ba'i mchod rten dga' zhing byas pa dang / /de phyir sa rdul phung po dag las kyang / /mya ngam dgon pa dag tu byas pa dang / /byis pa rtsed mor de dang de dag tu/ /gang gis rgyal ba de phyir mchod rten dag /bye ma las ni phung
24a3 po byas pa yang / /de rnams kyis kyang byang chub thob par gyur/ /la las de bzhin rin chen gzugs byas pa/ /sum bcu rtsa gnyis mtshan dang ldan pa'i gzugs/ /gang gis de phyir byas pa de dag kyang / /de dag
24a4 thams cad byang chub thob par gyur/ /la las der ni rin chen sna bdun dang / /la las de bzhin zangs dang khar ba las/ /bde bar gshegs pa rnams kyi gzugs byas pa/ /de dag thams cad byang chub
24a5 thob par gyur/ /ro nye dang ni lcags sam sa yang rung / /bde bar gshegs pa rnams kyi gzugs byas te/ /blta na sdug pa 'jim pa'i las byed bcug /de dag thams cad byang chub thob par gyur/ /
24a6 gang gis rtsig ngos gzugs kyi ri mo dag /bsod nams brgya mtshan yongs su rdzogs pa'i sku/ /bdag gis bris sam 'dri ru bcug kyang rung / /de dag thams cad byang chub thob par gyur/ /skyes bu
24a7 dag gam 'on te gzhon nu 'ang rung / /gang dag la la de ni slob pa'i tshe/ /rtsed mo dga' dang gsang bar byed pa na/ /rtsig ngos sen mo shing bus gzugs bris pa/ /de dag thams cad byang chub thob gyur te/ /
24a8 de dag thams cad snying rje can du gyur/ /thams cad kyang ni srog chags bye ba sgrol/ /byang chub sems dpa' mang po yang dag 'dzud/ /de bzhin gshegs pa rnams kyi ring bsrel dang / /
24b1 'jim pa'i gzugs dang mchod rten dag la 'ang rung / /rtsig ngos bris dang rdul phung mchod rten la/ /de la me tog dang ni spos gsol te/ /der ni gang gis rab snyan cang te'u dang / /dung dang rnga chen rol mo'i sgra byed
24b2 bcug /byang chub mchog rab mchod par bya ba'i phyir/ /gang dag rnga rnams rab tu rdung byed cing / /pi bang dang ni pheg dang 'khar ba'i rnga/ /rdza rnga rgyud gcig gling bu yid 'ong dang / /e ko na dang rab tu snyan 'byin
24b3 pa/ /de dag thams cad byang chub thob par 'gyur/ /bde bar gshegs pa rnams la mchod pa'i phyir/ /gang dag lcags kyi sil khrol rdung bcug dang / /chu la bdabs dang thal mo brdabs pa dang / /yid tu
24b4 'ong zhing snyan pa'i glu blangs dang / /ring bsrel de dag rnam mang mchod byas pa/ /de dag thams cad 'jig rten sangs rgyas gyur/ /bde gshegs ring bsrel la ni cung zad dang / /sil snyan gcig brdungs pa yi
24b5 sgra phyung ngam/ /me tog gcig tsam gyis ni mchod pa dang / /bde gshegs gzugs dag rtsig ngos bris pa la/ /'khrug bzhin pa yi sems kyis mchod na yang / /de dag rim gyis sangs rgyas bye ba mthong / /mchod
24b6 rten dag la gang gis thal mo sbyar/ /yongs su tshang ba'am thal mo ya gcig gam/ /yang na mgo bo skad cig btud pa dang / /de bzhin len gcig lus kyang btud pa dang / /gang gis ring bsrel gnas pa de
24b7 dag la/ /g.yengs pa'i sems kyis phyag 'tshal sangs rgyas shes/ /tshig gcig lan 'ga' brjod par byas pa yang / /de dag kun gyis byang chub mchog 'di 'thob/ /de tshe bde bar gshegs pa
24b8 de dag ni/ /mya ngan 'das sam yang na bzhugs kyang rung / /sems can gang gis chos 'di ming thos pa/ /de dag thams cad byang chub thob par 'gyur/ /phyis 'byung sangs rgyas bye ba mang po
25a1 rnams/ /de dag bsam gyis mi khyab tshad kyang med/ /'jig rten mgon mchog rgyal ba de dag kyang / /thabs 'di rnams ni rab tu ston par 'gyur/ /gang gis sangs rgyas ye shes zag med pa/
25a2 'di la srog chags bye ba 'dul mdzad pa/ /'jig rten rnam par 'dren pa de dag gi/ /thabs la mkhas pa dag ni mtha' yas 'gyur/ /chos 'di thos nas sangs rgyas mi 'gyur ba/ /sems can
25a3 de dag nam yang gcig kyang med/ /byang chub phyir spyad nas ni spyod par gzhug /de ni de bzhin gshegs rnams smon lam mo/ /chos sgo bye ba stong phrag du ma dag /ma 'ongs dus na rab tu ston 'gyur te/ /
25a4 theg pa gcig po 'di ni mngon ston cing / /de bzhin gshegs pa nyid du chos ston 'gyur/ /chos kyi tshul 'di rtag tu gnas pa dang / /chos kyi rang bzhin rtag tu 'od gsal bar/ /rkang gnyis dam pa
25a5 sangs rgyas rnams mkhyen nas/ /nga yi theg pa gcig ces ston par 'gyur/ /chos kyi gnas nyid skyon med chos nyid ni/ /'jig rten 'di na rtag tu mi g.yo nas/ /sa yi snying por byang chub
25a6 sangs rgyas te/ /thabs la mkhas pa shin tu ston par 'gyur/ /lha mi rnams kyi mchod pa'i sangs rgyas rnams/ /phyogs bcu bzhugs pa gang ga'i bye ma snyed/ /'di na srog chags thams cad bde bya'i phyir/ /
25a7 de dag rnams kyang theg pa mchog 'di 'chad/ /zhi ba'i sa mchog 'di ni sangs rgyas nas/ /thabs la mkhas pas rab tu ston mdzad cing / /theg pa rnam pa tha dad mngon par 'chad/ /theg pa gcig po 'ang
25a8 yongs su ston mdzad do/ /lus can kun gyi spyod pa rig pa dang / /de bzhin sngon chad ci bsgoms ci bsams pa/ /de yi mthu dang brtson 'grus rnams kyang rig /shin tu dad pa mkhyen nas rab tu ston/ /
25b1 'dren pa'i ye shes stobs kyis rgyu mang dang / /dpe dang gzhi yang mang po rab ston te/ /sems can mos pa sna tshogs rig nas ni/ /sna tshogs mngon par bsgrub pa nye bar ston/ /da ltar rgyal dbang 'dren pa nga yang
25b2 ni/ /sems can rnams la bde bya'i phyir byung ste/ /sna tshogs bsgrub pa bye ba phrag stong gis/ /sangs rgyas byang chub 'di ni yang dag bstan/ /srog chags rnams kyi mos dang bsam mkhyen nas/ /chos rnams
25b3 rnam pa mang po rab bshad de/ /rnam pa sna tshogs thabs kyis dga' ba bskyed/ /de ni nga yi rang rig ye shes stobs/ /nga yis mthong ba sems can dbul po rnams/ /shes rab bsod nams rnams dang bral
25b4 gyur cing / /'khor bar bying la mya ngan zhugs pa rnams/ /sdug bsngal rgyud tu shin du nub pa ste/ /sred pas chags pa g.yag gi rnga ma bzhin/ /'dod pas 'di dag rtag tu ldongs par byas/ /sangs rgyas mthu
25b5 chen rnams kyang mi tshol zhing / /sdug bsngal mthar 'gro ba yi chos mi tshol/ /'gro ba drug po rnams su zin pa'i sems/ /log par mthong ba'i lta la mi g.yo gnas/ /sdug bsngal ba yi sdug bsngal rab
25b6 myong ba/ /de la nga yi snying rje stobs ldan te/ /byang chub snying por der ni nga sems shing / /bdun phrag gsum du tshang bar rab gnas te/ /nga ni 'di 'dra'i don la rab sems shing / /de na sdong po de la bltas pa ni/ /shing
25b7 mchog de la mig mi 'dzums par lta/ /de'i drung na phan tshun 'chag cing gnas/ /ye shes 'di ni dam pa ngo mtshar te/ /sems can 'di dag mi mkhas gti mug ldongs/ /de tshe nga la tshangs dang brgya byin dang / /dbang
25b8 phyug che dang 'jig rten skyong bzhi dang / /de bzhin dbang phyug dag kyang gsol 'debs te/ /lha rnams bye ba stong phrag mang po yang / /thams cad thal mo sbyar nas gus par 'khod/ /
26a1 don rnams ji ltar bya ba rab tu bsams/ /nga yis byang chub yon tan bsngags pa ni/ /sems can 'di dag sdug bsngal gzir ba ste/ /nga yi chos la byis pa'i blo can skur/ /de ltar skur bas ngan song
26a2 gnas su 'gro/ /ngas ni yod ma bshad na dger 'gyur gyis/ /nga deng bye bar mya ngan 'da' sla snyam/ /sngon gyi sangs rgyas rnams dang de dag gi/ /thabs mkhas ji lta ba yang rab dran te/ /ngas kyang
26a3 'di ltar sangs rgyas byang chub 'di/ /rnam pa gsum du 'dir byed rab tu bshad/ /nga yis don de de ltar bsams pa na/ /phyogs bcu'i sangs rgyas de dag gzhan gyis kyang / /de dag rang gi lus kyang
26a4 nga bstan nas/ /legs shes bya ba'i sgra yang rab bsgrags te/ /thub pa'i 'jig rten rnam par 'dren pa'i mchog /bla na med pa'i ye shes 'di rtogs nas/ /thabs la mkhas pa rnam par
26a5 bsams pa dang / /'jig rten 'dren pa rnams kyi rjes slob legs/ /nged kyang dam pa'i gnas ni rtogs pa'i tshe/ /rnam pa gsum du phye ste rab tu ston/ /mkhas pa ma yin dad pa chung ba'i mi/ /
26a6 sangs rgyas rnams la dad par mi 'gyur te/ /de bas nged kyis rgyu rnams kun bsdus pas/ /thabs la mkhas pa rnams ni rab spyad cing / /'bras bu 'dod pa yongs su brjod byas te/ /byang chub sems dpa' mang po
26a7 yang dag btsud/ /skyes bu khyu mchog dag gi yid 'ong sgra/ /thos nas de tshe nga ni dga' bar gyur/ /dga' ba'i sems kyis skyob pa de dag la/ /drang srong che mchog don yod gsung ba ste/ /mkhas pa 'jig
26a8 rten 'dren pas gsungs pa ltar/ /bdag kyang de bzhin spyad par bgyi zhes smras/ /nga ni 'khrug dang mi bzad 'di yi tshe/ /sems can snyigs mar gyur pa'i nang du skyes/ /de ltar ngas rig nas ni shA ri'i bu/ /
26b1 de yi tshe na bA rA Na sIr song / /de na dge slong lnga po dag la yang / /rab zhi sa yi chos ni thabs kyis bshad/ /de nas nga yis chos kyi 'khor lo bskor/ /mya ngan 'da' ba'i sgra yang 'jig rten byung / /
26b2 dgra bcom sgra dang de bzhin chos kyi sgra/ /dge 'dun sgra yang de tshe byung bar gyur/ /lo grangs mi nyung bar ni rab bshad do/ /mya ngan 'da' ba'i sa yang mngon par bstan/ /'khor ba sdug bsngal mtha'
26b3 ni 'di yin zhes/ /de bzhin rtag par dus su ngas smras so/ /ngas ni de yi tshe na shA ri'i bu/ /rkang gnyis dam pa'i sras rnams mthong ba ni/ /gang dag byang chub dam pa mchog zhugs pa/ /bye ba khrag
26b4 khrig stong phrag mtha' yas pa/ /nga yi drung du de dag nyer lhags nas/ /thal mo sbyar te thams cad gus par 'khod/ /gang dag thabs la mkhas pa rnams mang po/ /rgyal ba bdag la chos
26b5 thos de dag mthong / /de nas skad cig de la 'di snyam du/ /nga yis chos mchog bshad pa'i dus la bab/ /gang phyir nga ni 'jig rten 'dir skyes pa/ /byang chub mchog rab de ni 'dir bstan to/ /
26b6 mtshan mar 'du shes byis pa'i blo dang ldan/ /mi mkhas lhag pa'i nga rgyal ldan pa rnams/ /de ring 'di la dad par dka' 'gyur gyi/ /byang chub sems dpa' 'di dag nyan snyam ste/ /de tshe nga ni 'jigs
26b7 med rab tu dga'/ /yang dag nang 'jog thams cad rnam spangs nas/ /bde bar gshegs pa'i sras kyi dbus su bshad/ /de dag byang chub la ni yang dag btsud/ /'di 'dra'i sangs rgyas sras rnams
26b8 mthong nas ni/ /khyod kyang som nyi rnam par spangs bar 'gyur/ /gang dag zag zad brgya phrag bcu gnyis po/ /'di dag thams cad 'jig rten sangs rgyas 'gyur/ /snga ma'i skyob pa de dag ci 'dra dang / /ma 'ongs rgyal ba'i chos nyid ji lta bar/ /ngas kyang de la rnam
27a1 par rtog spangs te/ /de bzhin du ni khyod la ngas deng bshad/ /res 'ga' gang du ci yis 'jig rten du/ /skyes bu khyu mchog dag ni 'byung bar 'gyur/ /mtha' yas mig can 'jig rten byung na
27a2 yang / /res 'ga' 'di 'dra ba yi chos 'chad de/ /bskal pa bye ba khrag khrig snyed du yang / /'di 'dra'i chos mchog rab tu rnyed par dka'/ /gang dag chos mchog thos nas dad 'gyur ba/ /de 'dra'i sems
27a3 can shin tu rnyed par dka'/ /u dum ba ra'i me tog rnyed dka' bzhin/ /res 'ga' gang zhig ci yis snang gyur na/ /gzugs de 'gro ba'i yid tu 'ong ba ste/ /lhar bcas 'jig rten rnams la ngo mtshar
27a4 gyur/ /de bas legs bshad chos 'di sus thos nas/ /rjes su yi rang tshig gcig brjod na yang / /shin tu ngo mtshar che bar 'dir bstan te/ /des ni sangs rgyas thams cad mchod par 'gyur/ /'di la the
27a5 tshom som nyi rnam par spongs/ /chos kyi rgyal po ngas ni kun bstan te/ /byang chub dam pa 'di la yang dag gzud/ /'di na nga la nyan thos gang yang med/ /shA ri'i bu khyod 'di ni gsang chen gyis/ /nga yis nyan
27a6 thos gang 'di thams cad dang / /byang chub sems dpa' gtso bo 'di dag gis/ /nga yi gsang chen 'di ni thub par gyis/ /ci phyir zhe na snyigs ma lnga yi tshe/ /sems can ngan pa gtum po 'byung bas na/ /
27a7 byis pa'i blo can 'dod pas ldongs gyur pa/ /de dag rnams kyang byang chub sems mi skye/ /theg pa gcig po 'di ni rgyal ba des/ /sngon rab bshad pa yin zhes thos nas su/ /ma 'ongs dus na
27a8 sems can myos gyur te/ /mdo sde spangs pa sems can dmyal bar 'gro/ /sems can gang dag 'dzem zhing gtsang ba dang / /gang dag byang chub dam pa mchog zhugs pa/ /de dag la ni
27b1 'jigs pa med gyis la/ /theg pa gcig gi bsngags pa mtha' yas shod/ /'dren pa rnams kyis bshad pa de lta bu/ /thabs la mkhas pa dam pa mchog 'di ni/ ldem po ngag rnams rab tu mang
27b2 por bshad/ /'di ni ma bslabs rnams kyis rig par dka'/ /de bas 'jig rten slob dpon sangs rgyas kyi/ /skyob pa'i ldem po gang ni shes rab kyis/ /the tshom chod la som nyi rnams spongs te/ /
27b3 sangs rgyas 'gyur gyis dga' ba rab tu skyed/ /dam pa'i chos pad ma dkar po las thabs la mkhas pa'i le'u zhes bya ste gnyis pa'o// // dam pa'i chos pad ma dkar po bam po gsum pa/ de nas
27b4 tshe dang ldan pa shA ri'i bu de'i tshe tshim zhing mgu la yid rangs shing rab tu dga' ste/ dga' ba dang yid bde ba skyes nas bcom ldan 'das ga la ba de logs su thal mo sbyar ba btud de/ /bcom ldan 'das kyi
27b5 spyan snga na bcom ldan 'das kho na la rab tu lta zhing bcom ldan 'das la 'di skad ces gsol to/ /bcom ldan 'das 'di lta bu'i gsung 'di bcom ldan 'das las thos nas/ bdag ngo mtshar dang rmad du gyur
27b6 te dga' ba thob bo/ /de ci'i slad du zhe na bcom ldan 'das byang chub sems dpa' gzhan dag kyang mthong / byang chub sems dpa' rnams kyi ma 'ongs pa'i dus kyi sangs rgyas kyi mtshan yang thos te/ 'di
27b7 lta bu'i chos ni bcom ldan 'das las bdag gis ma thos la/ bdag de bzhin gshegs pa'i ye shes gzigs pa 'di lta bu las nyams so snyam nas shin tu mya ngan du gyur/ shin tu yongs
27b8 su gdung bar gyur pa'i slad du'o/ /bcom ldan 'das bdag ri dang ri sul dang / nags khrod dang kun dga' ra ba dang / chu 'gram dang / shing drung dben par gdugs la gnas
28a1 pa'i tshe/ rtag par nam 'chi ba de'i tshe yang bcom ldan 'das 'di ltar chos kyi dbyings la 'jug pa mtshungs na/ bcom ldan 'das kyis bdag cag theg pa dman pa bas nges par bton pa snyam
28a2 du gnas pa de lta bus mang du gnas te/ bcom ldan 'das de yang bdag cag gis nongs kyis/ bcom ldan 'das kyis ma nongs so zhes de'i tshe bdag de snyam du sems so/ /de ci'i slad du zhe na/ gang 'di
28a3 bcom ldan 'das kyis bla na med pa yang dag par rdzogs pa'i byang chub la brtsams te/ yang dag phul gyi chos bstan pa gsung ba bdag cag gis bsdad na ni/ bcom ldan 'das bdag cag kyang chos 'di
28a4 nyid la nges par 'byung bar 'gyur ba zhig na/ bcom ldan 'das byang chub sems dpa' ma tshogs par/ bcom ldan 'das kyis ldem por dgongs te bshad pa de bdag cag gis ma rtogs te/ rings
28a5 thabs su de bzhin gshegs pas chos bstan pa thog mar gsungs pa nyid thos nas gzung zhing bsgoms te bsams shing yid la bzung bas/ bcom ldan 'das bdag nyid la de ltar 'gyod
28a6 pas mang du gdugs mtshan bas par 'gyur ro/ /bcom ldan 'das rmad du byung ba'i chos kyi sgra sngon ma thos pa 'di lta bu bcom ldan 'das las thos pas/ bcom ldan 'das deng bdag gis mya ngan
28a7 las 'das pa thob ste/ bcom ldan 'das deng bdag bsil bar gyur to/ /bcom ldan 'das deng bdag yongs su mya ngan las 'das so/ /bcom ldan 'das deng bdag gis dgra bcom pa thob
28a8 bo/ /bcom ldan 'das deng bdag bcom ldan 'das kyi sras thu bo/ thugs kyi sras zhal nas skyes pa chos las skyes pa/ chos kyi sprul pa/ chos kyi bgo skal la spyod pa chos kyis grub pa
28b1 ste/ deng bdag yongs su gdung ba dang bral lo/ /de nas tshe dang ldan pa shA ri'i bus de'i tshe bcom ldan 'das la tshigs su bcad pa 'di dag gsol to/ /sgra 'di thos nas tshim pa rab skyes te/ /rnam 'dren chen po
28b2 bdag ni ngo mtshar gyur/ /bdag la the tshom nam yang phyis mi 'byung / /theg pa mchog 'dir bdag ni yongs smin bgyis/ /bde bar gshegs pa'i gsung de ngo mtshar te/ /srog chags rnams kyi the tshom mya ngan
28b3 bsal/ /zag pa zad pa bdag gi mya ngan kyang / /gsung thos pas ni thams cad bsal bar gyur/ /gdugs la gnas shing phan tshun mchi ba yang / /nags tshal khrod dang kun dga' shing drung dang / /ri dang ri sul
28b4 gnas par 'gyur ba'i tshe/ /bsam pa 'di dag nyid ni rjes su sems/ /zag pa med pa'i chos su mtshungs pa la/ /'di ltar khams gsum pa yi chos kyi mchog /ma 'ongs dus na ston par mi 'gyur ba/ /
28b5 kye ma bdag ni sdig pa'i sems kyis bslus/ /mtshungs pa'i chos rnams la ni bdag rmongs pas/ /bdag ni sum bcu rtsa gnyis mtshan las nyams/ /gser gyi kha dog mdog kyang rab tu ston/ /stobs dang
28b6 rnam thar 'di dag kun las nyams/ /thub pa chen po dpe byad bzang po gang / /mchog rab dam pa brgyad bcu tshang ba dang / /gang yang ma 'dres pa yi bcwa brgyad chos/ /de las kye ma bdag cag nyams shing bslus/ /
28b7 'jig rten phan pa thugs brtse khyod mthong nas/ /gdugs la mchis nas gcig tu gnas pa'i tshe/ /ma chags ye shes bsam gyis mi khyab las/ kye ma bdag ni bslus shes rnam par sems/ de ltar mang du
28b8 rnam par sems pa yis/ /mgon po gdugs dang mtshan yang bas par gyur/ /'di las bdag ni nyams sam ma nyams shes/ /bcom ldan 'das la re shig zhu snyam bgyid/ /byang chub sems
29a1 dpa' mang po gzhan dag la/ /'jig rten 'dren pas bstod pa mthong nas su/ /rgyal ba dbang po bdag ni de sems shing / /gdugs dang mtshan mo rtag du de bzhin pas/ /ye shes brtag med phra zhing zag med pa/ /
29a2 rgyal bas byang chub snying por gsungs pas na/ /'di ni ldem por dgongs te gsungs pa zhes/ /sangs rgyas chos 'di thos nas dga' bzod do/ /sngan chad bdag ni lta la chags gyur pa/ /mu stegs can gyis bkur ba'i
29a3 kun tu rgyu/ /de nas mgon pos bdag gi bsam mkhyen nas/ /lta ba dgrol phyir mya ngan 'da' ba gsungs/ /lta bar gyur pa de dag kun las dkrol/ /bdag gis stong pa nyid kyi chos thob ste/ /de phyir bdag ni mya ngan
29a4 'das snyam bgyid/ /mya ngan 'das shes bgyi ba de ma lags/ /gang tshe sangs rgyas sems can gtsor gyur te/ /lha mi gnod sbyin srin pos mdun du bdar/ /sum bcu rtsa gnyis mtshan gyi gzugs ldan pa/ /
29a5 de tshe ma lus mya ngan 'das pa lags/ /lhar bcas 'jig rten rnams kyi mdun du yang / /gang tshe bdag ni byang chub mchog lung bstan/ /gsung thos bdag ni de ring mya ngan 'das/ /'di ltar rlom sems kun
29a6 kyang rnam par bsal/ /thog ma rnam par 'dren gyi gsung thos nas/ /sa 'dir sangs rgyas cha byad mngon sprul nas/ /'di bdud rkyal ka byed pa ma yin grang / /de ltar bdag ni bag tsha'i stobs skyes so/ /
29a7 gang gi tshe na rgyu dang gzhi rnams dang / /dpe rnams bye ba khrag khrig rnams kyis kyang / /sangs rgyas byang chub mchog de gnas par bstan/ /de nas bdag ni chos thos the tshom bral/ /gang tshe bdag la sangs
29a8 rgyas bye ba stong / /mya ngan yongs 'das rgyal ba 'das pas brjod/ /thabs mkhas pa la rab tu gnas nas ni/ /de dag gis kyang chos 'di shin tu bshad/ /ma byon sangs rgyas mang dang 'jig rten na/ /
29b1 don dam gzigs pa gang dag bzhugs pa rnams/ /thabs la mkhas pa brgya yis rang gi chos/ /shin tu ston par 'gyur zhing de ltar 'chad/ /de ltar khyod nyid spyod pa ci 'dra bar/ /khab nas byung ba tshun
29b2 chad rab bstan cing / /chos kyi 'khor lo ci 'dra khyod kyis mkhyen/ /ji ltar khyod kyis chos bshad gnas pa las/ /de bas 'di ni bdud ma lags par 'tshal/ /'jig rten mgon po yang dag spyod ston pa/ /
29b3 'di la bdud kyi spyod yul ma mchis na/ /bdag nyid de ltar sems la the tshom skyes/ /gang tshe 'jam zhing zab mo snyan pa yi/ /sangs rgyas gsung gis bdag gi dga' ba bskyed/ /de na bdag gi dogs pa kun
29b4 bsal gyur/ /bdag ni the tshom bral te ye shes gnas/ /lhar bcas 'jig rten dag gis mdun bdar te/ /de bzhin gshegs par bdag 'gyur the tshom bral/ /byang chub sems dpa' mang po kun 'dzud
29b5 cing / /sangs rgyas byang chub 'di yang dgongs par bshad/ /de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu lha dang bcas pa'i 'jig
29b6 rten 'di dag gi bdud dang bdud du bcas tshangs par bcas dge sbyong dang bram zer bcas pa'i skye dgu'i mdun du khyod mos par bya'o/ /khyod khong du chud par bya'o/ /shA ri'i bu ngas khyod sangs rgyas bye ba khrag khrig brgya
29b7 stong phrag nyi shu'i drung du bla na med pa yang dag par rdzogs pa'i byang chub tu yongs su smin par bya ste/ shA ri'i bu khyod yun ring po nas nga yi rjes su slob par gyur pa yin te/ shA ri'i bu khyod byang chub sems
29b8 dpa'i man ngag dang / byang chub sems dpa'i gsang chen gyis/ nga'i gsung rab 'di la skyes par gyur to/ /shA ri'i bu 'di ltar khyod byang chub sems dpa'i byin gyi rlabs kyis
30a1 sngon gyi spyod pa dang smon lam dang byang chub sems dpa'i man ngag dang byang chub sems dpa'i gsang chen mi dran nas/ bdag mya ngan las 'das so snyam du sems te/ shA ri'i bu ngas khyod sngon gyi spyod pa dang
30a2 smon lam dang ye shes khong du chud pa dran par bya bar 'dod de/ dam pa'i chos pad ma dkar po'i chos kyi rnam grangs mdo shin tu rgyas pa chen po/ byang chub sems dpa' rnams la gdams pa/ sangs rgyas thams cad
30a3 kyis yongs su bzung ba 'di/ nyan thos rnams la yang dag par bstan to/ /shA ri'i bu khyod ni 'di ltar ma 'ongs pa'i dus na/ bskal pa dpag yas bsam gyis mi khyab pa dpag tu med par de bzhin gshegs pa
30a4 bye ba khrag khrig brgya stong mang po'i dam pa'i chos bzung zhing / mchod pa rnam pa sna tshogs byas te/ byang chub sems dpa'i spyod pa 'di dag yongs su rdzogs par byas nas/ de bzhin gshegs pa dgra bcom pa
30a5 yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom
30a6 ldan 'das pad ma'i 'od ces bya bar 'jig rten du 'byung bar 'gyur ro/ /shA ri'i bu de'i tshe na/ bcom ldan 'das de bzhin gshegs pa pad ma'i 'od de'i sangs rgyas kyi zhing rdul med pa zhes bya bar 'gyur te/
30a7 mnyam pa nyams dga' ba bzang ba sdug pa yongs su dag pa 'byor pa rgyas pa bde ba lo legs pa mi dang lha mang pos rab tu gang ba/ gzhi bai dUr+ya la gser gyi skud pas mig mangs ris su bris pa/
30a8 mig mangs ris de kun tu rin po che'i shing skyes te/ rtag par rgyun du rin po che sna bdun gyi me tog dang 'bras bu dang ldan par 'gyur ro/ /shA ri'i bu de bzhin gshegs pa dgra bcom pa yang dag par
30b1 rdzogs pa'i sangs rgyas pad ma'i 'od de yang theg pa gsum la brtsams nas chos ston te/ gzhan yang shA ri'i bu de bzhin gshegs pa de bskal pa'i snyigs ma la mi 'byung mod kyi/ 'on kyang sngon gyi smon lam gyi dbang
30b2 gis chos ston par 'gyur ro/ /shA ri'i bu bskal pa de'i ming yang rin po che chen pos brgyan pa zhes bya bar 'gyur ro/ /shA ri'i bu 'di ji snyam du sems/ ci'i phyir bskal pa de rin po che chen pos brgyan pa zhes bya
30b3 zhe na/ shA ri'i bu sangs rgyas kyi zhing de na byang chub sems dpa' rnams ni rin po che chen po zhes bya ste/ de'i tshe de'i dus na 'jig rten gyi khams rdul med pa der/ de dag dpag tu med pa bgrang du med pa
30b4 bsam gyis mi khyab pa bgrang ba las 'das pa mang po 'byung te/ de bzhin gshegs pas bgrang ba ni ma gtogs so/ /de'i phyir bskal pa de rin po che chen pos brgyan pa zhes bya'o/ /shA ri'i bu 'di ltar
30b5 yang de'i tshe/ byang chub sems dpa' rnams sangs rgyas kyi zhing de na phal cher rin po che'i pad ma'i steng nas gom pa 'dor zhing 'gro bar 'gyur te/ byang chub sems dpa' 'byung ba de dag ni las dang po
30b6 pa ma yin te/ dge ba'i rtsa ba yun ring po nas spyad pa/ lo brgya stong mang por tshangs par spyod pa spyad pa/ de bzhin gshegs pas yongs su bstod pa/ sangs rgyas kyi ye shes la brtson pa/ mngon
30b7 par shes pa chen po yongs su sbyangs pa las skyes pa/ chos kyi tshul thams cad la mkhas pa/ mnyen pa dran pa dang ldan pa yin te/ shA ri'i bu phal cher ni byang chub sems dpa' de lta bus sangs
30b8 rgyas kyi zhing de yongs su gang bar 'gyur ro/ /shA ri'i bu 'di ltar yang de bzhin gshegs pa pad ma'i 'od de'i tshe'i tshad ni/ gzhon nur gyur pa ma gtogs par bar gyi bskal
31a1 pa bcu gnyis su 'gyur ro/ /sems can de dag gi tshe'i tshad ni bar gyi bskal pa brgyad tu 'gyur ro/ /shA ri'i bu de bzhin gshegs pa pad ma'i 'od de'i bar gyi bskal pa bcu gnyis 'das pa dang /
31a2 dge slong dag byang chub sems dpa' sems dpa' chen po mos pa rdzogs pa 'di nga'i 'og tu bla na med pa yang dag par rdzogs pa'i byang chub mngon par rdzogs par 'tshang rgya ste/ de bzhin gshegs pa dgra bcom
31a3 pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs rgyas
31a4 bcom ldan 'das pad ma'i khyu mchog rnam par gnon pa zhes bya bar 'jig rten du 'byung zhes byang chub sems dpa' sems dpa' chen po mos pa rdzogs pa zhes bya ba bla na med pa yang dag par rdzogs pa'i byang
31a5 chub tu lung bstan nas/ yongs su mya ngan las 'da' bar 'gyur ro/ /shA ri'i bu de bzhin gshegs pa pad ma'i khyu mchog rnam par gnon pa de'i sangs rgyas kyi zhing yang rnam pa de 'dra bar 'gyur ro/ /yang shA ri
31a6 'i bu de bzhin gshegs pa pad ma'i 'od de yongs su mya ngan las 'das nas bar gyi bskal pa sum bcu rtsa gnyis su dam pa'i chos gnas par 'gyur ro/ /bar gyi bskal pa sum bcu rtsa gnyis su dam pa'i chos
31a7 kyi gzugs brnyan gnas par 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /ma 'ongs dus na shA ri'i bu khyod kyang / /rgyal ba de bzhin gshegs par 'byung
31a8 'gyur te/ /pad ma'i 'od ces bya ba kun tu spyan/ /srog chags bye ba stong dag rnam par 'dul/ /sangs rgyas bye ba mang la bkur sti byas/ /der ni spyod pa stobs rnams rab bsgrubs nas/ /stobs bcu dag
31b1 kyang mngon par bskyed byas te/ /byang chub dam pa mchog kyang thob par 'gyur/ /tshad med bsam gyis mi khyab bskal pa na/ /de tshe bskal pa rin chen mang po 'byung / /'jig rten ming yang de tshe rdul med pa/ /rkang gnyis
31b2 gtso bo'i zhing ni rnam par dag /bai dUr+ya yis de bzhin sa gzhi yog /gser gyi skud pas so sor rab tu brgyan/ /me tog 'bras bus brgyan zhing blta sdug pa'i/ /rin chen shing ljon brgya dang rab tu ldan/ /dran
31b3 ldan byang chub sems dpa' de na mang / /spyod pa mngon par bsgrub la rab mkhas shing / /gang gis sangs rgyas brgya las spyod bslabs pa/ /de dag sangs rgyas zhing der skye bar 'gyur/ /rgyal ba de yi tha ma'i dus
31b4 kyi tshe/ /gzhon nu'i sa las shin tu 'das gyur nas/ /'dod pa rnam par spangs nas mngon 'byung ste/ /byang chub dam pa mchog kyang thob par 'gyur/ /de na rgyal ba de'i tshe tshad ni/ /bar gyi bskal pa bcu gnyis
31b5 tshang bar 'gyur/ /de na mi de dag gi tshe tshad ni/ /bar gyi bskal pa brgyad tu thub par 'gyur/ /rgyal ba de ni mya ngan 'das nas kyang / /bar gyi bskal pa sum cu gnyis tshang bar/ /lhar bcas 'jig rten rnams
31b6 la phan pa'i phyir/ /de yi tshe na dam pa'i chos gnas so/ /dam pa'i chos nub de yi gzugs brnyan yang / /bar gyi bskal pa sum bcu gnyis su gnas/ /skyob pa de yi sku gdung rgyas 'gyur te/ /lha dang mi
31b7 yis rtag tu rim gro byas/ /bcom ldan 'das de de ltar 'byung 'gyur gyis/ /shA ri'i bu khyod rab tu dga' bar gyis/ /zil gyis mi non rkang gnyis gtso bo ste/ /de ltar 'gyur ba de ni khyod nyid yin/ /de nas dge
31b8 slong dang dge slong ma dang dge bsnyen dang dge bsnyen ma 'khor bzhi po de dag dang lha dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen po dang mi dang mi ma yin pa rnams tshe
32a1 dang ldan pa shA ri'i bu bla na med pa yang dag par rdzogs pa'i byang chub tu lung bstan pa 'di/ bcom ldan 'das las mngon sum du thos nas/ tshim zhing mgu la yid rangs te rab tu dga' nas/ dga' ba dang yid bde ba
32a2 skyes te/ rang rang gi gos bcom ldan 'das kyi sku la gsol to/ /lha'i dbang po brgya byin dang mi mjed kyi bdag po tshangs pa dang lha'i bu gzhan bye ba brgya stong dag gis kyang / bcom ldan 'das kyi sku la lha'i na bza' gsol/
32a3 lha'i me tog man da ra dang man dA ra chen po dag kyang mngon par gtor/ steng gi bar snang la lha'i gos dag kyang bskon/ lha'i sil snyan brgya stong dang rnga dag kyang steng gi bar snang la brdungs te/ me tog gi char chen po yang mngon par phab
32a4 nas/ tshig 'di skad du bcom ldan 'das kyis/ sngon yul bA rA Na sIr drang srong lhung ba/ ri dgas kyi nags su chos kyi 'khor lo bskor te/ deng 'dir yang bcom ldan 'das kyis bla na med pa'i chos kyi 'khor lo bskor to zhes smras nas/
32a5 lha'i bu de rnams kyis de'i tshe tshigs su bcad pa 'di dag gsol to/ /bA rA Na sIr 'jig rten na/ /mtshungs med gang zag dpa' chen gyis/ /phung po'i skye 'jig ston pa yi/ /chos kyi 'khor lo rab bskor te/ /
32a6 der ni thog mar rab tu bskor/ /'dren pas 'di dang lan gnyis te/ /yid ches dka' ba gang lags te/ /rnam 'dren khyod kyis de bshad do/ /'jig rten mgon po'i spyan sngar ni/ /bdag cag chos mang thos na yang / /
32a7 'di 'dra ba yi chos 'di ni/ /sngan chad nam yang ma thos so/ /drang srong chen po'i ldem ngag la/ /dpa' bo bdag cag rjes yid rang / /ji lta 'jigs med shA ri'i bu/ /'phags pa 'di la lung bstan bzhin/ /
32a8 de 'dra bdag cag 'jig rten du/ /bla med sangs rgyas grub 'gyur nas/ /dgongs te bshad pa sangs rgyas kyi/ /byang chub bla med ston par shog /'jig rten 'di dang gzhan dag tu/ /rdzogs pa'i sangs rgyas
32b1 mnyes bgyis te/ /bdag cag dge ba ci bgyis pa/ /byang chub tu yang smon par shog /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das bdag bla na med pa yang dag
32b2 par rdzogs pa'i byang chub tu lung bstan pa/ bcom ldan 'das las mngon sum du thos nas/ bcom ldan 'das bdag the tshom ma mchis par gyur/ som nyi dang bral bar gyur to/ /bcom ldan 'das
32b3 gang dag dbang dang ldan par gyur pa stong nyis brgya po sngon bcom ldan 'das kyis slob pa'i sa la bkod de/ dge slong dag gang 'di skye ba dang / rga ba dang na ba dang 'chi ba las yang dag par 'da' ba/ mya ngan las
32b4 'das pa'i mthar thug pa/ mya ngan las 'das pa la yang dag par gzhol ba de ni/ nga'i chos 'dul ba'i mthar thug pa yin no zhes de skad gtams shing de skad rjes su bstan pa 'di dag dang / bcom ldan 'das
32b5 slob pa dang mi slob pa'i dge slong bdag tu lta ba dang 'byung bar lta ba dang 'jig par lta ba'i lta ba thams cad rnam par spangs pa/ bcom ldan 'das kyi nyan thos nyis stong po 'di dag thams cad kyang bdag mya ngan
32b6 las 'das pa'i sa la gnas so snyam bgyid de/ 'di dag sngon ma thos pa'i chos 'di lta bu 'di/ bcom ldan 'das las thos nas/ the tshom 'tshal bar gyur na/ bcom ldan 'das ci nas 'khor
32b7 bzhi po 'di dag the tshom ma mchis/ som nyi ma mchis par gnas par 'gyur bar/ /dge slong 'di dag gi dogs pa bsal ba'i slad du/ bcom ldan 'das kyis legs par bka' stsal du gsol/
32b8 de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu sems can mos pa tha dad pa dang / bsam pa tha dad pa dang khams tha dad pa rnams kyi bsam pa mkhyen nas de bzhin gsheg
33a1 pa dgra bcom pa yang dag par rdzogs pa'i sangs rgyas 'di ltar sna tshogs mngon par bsgrub pa dang / rgyu dang gzhi dang dpe dang dmigs pa dang nges pa'i tshig dang thabs mkhas pa rnam pa sna tshogs kyis chos ston to/ /bla na med pa yang dag par rdzogs
33a2 pa'i byang chub 'di las brtsams te/ chos bstan pa thams cad kyis byang chub sems dpa'i theg pa 'di nyid la yang dag par 'dzud do zhes ngas khyod la bstan zin pa ma yin nam/ shA ri'i bu 'on kyang don de rgyas par bstan pa'i phyir khyod la dpe bstan par bya'o/ /
33a3 de ci'i phyir zhe na/ skyes bu mkhas pa la la ni smras pa'i don dpes shes par 'gyur ba'i phyir ro/ /shA ri'i bu 'di lta ste dper na grong ngam grong khyer ram grong brdal lam ljongs sam yul 'khor ram/ rgyal po'i pho brang 'khor la la zhig na
33a4 khyim bdag rgan po 'khogs pa gtugs pa dus yol ba dgog tu phyin pa phyug pa nor che ba longs spyod che ba zhig 'dug la/ de'i khang pa yang mtho zhing yangs la brtsigs nas ring du lon pa 'grums pa srog chags brgya
33a5 phrag gcig gam gnyis sam gsum 'am bzhi 'am lnga'i gnas sgo gcig pa zhig yod de/ rtswas g.yogs pa khyams rnams kyang 'grums pa ka ba'i rtsa ba rul ba/ rtsigs pa dang sgo'i brkyang nul gogs par gyur pa'i khang
33a6 pa de la blo bur du me'i phung po chen po ngos thams cad kun nas rab tu 'bar bar gyur la/ /skyes bu de la yang khye'u lnga 'am bcu 'am nyi shu 'am mang zhig yod de/ skyes bu de ni khang pa de nas byung bar gyur la/ shA ri'i
33a7 bu de nas skyes bu des/ bdag gi khang pa la me'i phung po chen po kun nas 'bar ba mthong ste/ sngangs skrag nas sems mi bde bar gyur te/ 'di ltar bdag ni me'i phung po chen po 'dis ma reg ma reg ma tshig cing bde bar
33a8 myur du khyim 'bar ba 'di'i sgor byung ste 'gro nus mod kyi/ bdag gi bu byis pa gzhon nu 'di dag khyim 'bar ba 'di na rtsed mo dag gis rtse dga' zhing dga' mgur spyod de/ khyim 'di tshig par ma tshor mi shes
33b1 ma rig ma rtogs nas 'di ltar me'i phung po chen pos shin tu gdungs te/ sdug bsngal gyi phung po chen pos kyang mi dga' mi byed de/ sdug bsngal du yang yid la mi 'dzin/ phyir 'byung bar yang yid la bya ba
33b2 mi skyed do snyam du sems so/ /shA ri'i bu skyes bu de yang stobs dang ldan zhing lag stobs che ba yin te/ de 'di ltar bdag stobs dang ldan zhing lag stobs yod na/ bdag gis khye'u 'di dag
33b3 thams cad gcig tu bsdus la/ pang par blangs te khyer la khyim 'di nas byung ngo snyam du bsams pa dang / des kyang 'di snyam du bsams te/ khang pa 'di sgo gcig po yod la/ sgo yang
33b4 dog gzhon nu 'di dag ni g.yo zhing rgod de byis par gyur pas/ 'then par 'gyur du 'ong ste/ de dag me'i phung po chen po 'dis tshul ma yin par nyon mongs par 'gyur gyis/ 'di dag la sbran to snyam
33b5 du de ltar bsams nas/ gzhon nu de dag la smras pa/ khyim 'di la me'i phung po chen po 'bar te/ 'dir thams cad me'i phung po chen po 'dis tshig nas/ tshul ma yin par nyon mongs par
33b6 'gyur du 'ong gis/ gzhon nu khyed tshur shog /phyir byung zhes byas pa dang / de ltar phan par 'dod pa'i skyes bu des de skad du bsgo ba/ gzhon nu de dag gis de 'bar ba 'di lta go ci zhig ces mi shes nas
33b7 mi dgar mi byed/ mi 'jigs mi skrag /'jigs par ma gyur te me sems phyir 'byung du mi btub cing / ma rig mi shes te/ gzhan du na de dang de dag tu 'phyan zhing phyi phyir rgyug te
33b8 pha de la lta'o/ /de ci'i phyir zhe na/ de dag 'di ltar byis par gyur pa'i phyir ro/ /de nas yang skyes bu de 'di snyam du sems te/ khyim 'di la
34a1 'dir la me'i phung po chen po 'bar te/ 'dir bdag dang gzhon nu 'di dag /tshul ma yin par me'i phung po chen po 'dis nyon mongs par 'gyur du 'ong gis/ 'di ltar bdag gis thabs mkhas
34a2 mkhas pas gzhon nu 'di dag khyim 'di nas gdon to snyam nas/ skyes bu des gzhon nu de dag gis bsam pa shes/ mos pa rig par gyur te/ gzhon nu de dag gi brtsen pa ni du ma ste/ rnam pa tha dad pa yang du ma
34a3 zhig yin la/ dga' bar 'gyur ba la 'dod pa dang mdzes pa dang sdug pa dang yid tu 'ong ba rnams du ma yin na de dag kyang dkon par gyur te/ de nas skyes bu des gzhon nu de dag gi bsam pa shes pas 'di skad ces smras te/
34a4 gzhon nu dag khyed kyi rtsed mor bya ba dga' bar 'gyur ba/ ngo mtshar rmad du byung ba/ gang ma rnyed pa'i phyir mi dga' bar gyur pa de dag kha dog sna tshogs rnam pa mang po de 'di lta ste/ glang gi shing rta dang / ra'i shing rta dang /
34a5 ri dgas kyi shing rta khyed kyis ji ltar bsams pa/ mdzes pa dang sdug pa dang yid du 'ong ba de dag thams cad khyed rtser bzhugs pa'i phyir/ ngas khang pa'i phyi sgor bkod kyis khang pa 'di nas khyed phyir byung la rgyug te shog shig
34a6 dang / ngas khyed cag su ci 'dod pa de la de sbyin gyis/ de dag gis phyir myur du rgyugs te shog shig ces byas pa dang / gzhon nu de dag 'dod pa dang / mdzes pa dang sdug pa dang yid du 'ong ba ji lta bur 'dod pa dang ji lta bur
34a7 bsams pa rnams kyi ming thos nas 'bar bar gyur pa'i khang pa de nas rtsed mor bya ba dang / dga' bar bya ba'i phyir myur ba kho nar brtson 'grus brtsams nas/ mthu dang ldan pa'i bang gis
34a8 gcig la gcig sdod pa med par su snga ba de bas kyang / su snga zhes lus gcig la gcig bsngos shing brgyugs te/ khyim 'bar ba de nas myur du phyir 'thon to/ /de nas skyes bu des byis
34b1 pa de dag bde zhing legs par 'thon pa mthong nas/ 'jigs pa med par gyur par rig ste/ grong gis dpong sa bla gab med par 'dug nas dga' ba dang rangs pa skyes te/ mya ngan med cing sgrib pa dang bral nas/
34b2 'jigs pa med pa thob par gyur te/ de nas byis pa de dag pha de ga la 'dug pa der dong nas phyin pa dang / 'di skad du yab rtsed mor bgyi ba rnam pa mang po dga' bar 'gyur ba de dag 'di lta ste/ glang
34b3 gi shing rta dang rta dang ra'i shing rta dang / ri dgas kyi shing rta bdag cag la stsal du gsol zhes smras pa dang / shA ri'i bu de nas skyes bu des bdag gi bu rnams la rlung ltar mgyogs shing mthu dang
34b4 ldan pa'i glang gi shing rta byin te/ rin po che sna bdun las byas pa/ logs dang ldan pa/ dril bu g.yer kha'i dra ba rab tu spyangs pa/ mtho zhing brten pa/ rin po che ngo mtshar rmad du byung
34b5 ba'i rgyan gyis brgyan pa/ rin po che'i phreng bas mdzes par byas pa/ me tog gi phreng bas brgyan pa/ shing bal gyi stan bting ba ras bcos bu dang dar gyis g.yogs pa/ rgyab rten dmar po
34b6 gnyis su gzhag pa/ glang dkar po thal kar shin tu mgyogs pa dag la bcas nas/ ba dan dang ldan pa skyes bu mang pos bzung ba/ glang stobs dang ldan zhing rlung bzhin du mgyogs pa/
34b7 kha dog mthun pa rnam pa sna tshogs pa'i glang gi shing rta byis pa rnams la re re byin no/ /shA ri'i bu de ci'i phyir zhe na/ mi de de ltar phyug la nor che ba bang mdzod mang bas des 'di snyam bsams te/ bdag gis
34b8 byis pa 'di rnams la bzhon pa ngan pa byin te/ bdag la cig zhig bya snyam mo/ /de ci'i phyir zhe na/ gzhon nu 'di dag kun kyang bdag nyid kyi bu ste/ thams cad kyang bdag la sdug cing yid tu 'ong la/ bdag la yang bzhon pa chen po
35a1 lta bu 'di dag yod na/ bdag gis gzhon nu 'di dag thams cad la snyoms par bsam gyi/ mi snyoms par mi bya'o/ /bdag kyang bang mdzod mang gis bdag gis sems can thams cad la yang bzhon pa chen
35a2 po 'di 'dra ba dag sbyin na/ bdag gi bu rnams la lta ci smos snyam pa'i phyir ro/ /de'i tshe gzhon nu de dag kyang bzhon pa chen po de dag la zhon nas/ ngo mtshar dang rmad du byung ba thob par gyur na shA ri'i bu 'di ji snyam du sems/
35a3 skyes bu des gzhon nu de dag la 'di ltar sngon du bzhon pa rnam pa gsum bstan la/ phyis thams cad kyang bzhon pa chen po byin te/ bzhon pa rlabs po che byin na brdzun du smras par mi 'gyur ram/ shA ri'i bus
35a4 gsol pa/ bcom ldan 'das de ltar ma lags so/ /bde bar gshegs pa de lta ma lags so/ /skyes bu des 'di ltar thabs mkhas pas byis pa de rnams khyim 'bar ba de nas phyung ste/ srog stsal ba'i
35a5 slad du de nyid kyis rgyus skyes bu de sho be mchi ba ma lags so/ /de ci'i slad du zhe na/ bcom ldan 'das bdag gi lus thob pa nyid kyis/ rtsed mor bgyi ba thams cad kyang thob pa lags te/ 'di ltar bcom ldan 'das
35a6 skyes bu des gzhon nu de dag la shing rta cig ma stsal du lags kyang / bcom ldan 'das skyes bu de sho be bar mchi bar mi 'gyur ro/ /de ci'i slad du zhe na/ bcom ldan 'das skyes bu des thog ma nas thabs mkhas
35a7 pas gzhon nu de dag bdag gis sdug bsngal gyi phung po chen po las thar bar bgyi'o snyam du bsams pa'i slad du ste/ rnam grangs 'dis kyang skyes bu de sho be mchi ba ma lags na/ skyes bu de bdag la bang
35a8 mdzod mang po yang mchis la/ bu yang sdug par bsams nas/ legs su 'dod pas spu mdog mthun pa'i bzhon pa/ bzhon pa chen po stsal ba lta smos kyang ci 'tshal te/ bcom ldan 'das
35b1 skyes bu de sho be mchi ba ma lags so/ /de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu legs so legs so/ /de de bzhin te ji skad smras pa
35b2 bzhin no/ /shA ri'i bu de bzhin du de bzhin gshegs pa dgra bcom pa yang dag par rdzogs pa'i sangs rgyas 'jigs pa thams cad sel ba/ 'tshe ba dang 'khrug pa dang gnod pa dang sdug bsngal dang yid mi
35b3 bde ba dang ma rig pa'i mun pa mun nag gi rab rib sgrib pa dang / yongs su dkris pa thams cad las yong ye rnam par grol ba de bzhin gshegs pa'i ye shes dang stobs dang mi 'jigs pa dang
35b4 sangs rgyas kyi chos ma 'dres pa dang ldan pa/ rdzu 'phrul gyi stobs kyis shin tu stobs dang ldan pa 'jig rten gyi pha/ thabs chen po la mkhas pa'i ye shes dam pa'i pha rol tu son pa/
35b5 snying rje chen po mi skyo ba'i yid kyis phan par 'dod pa/ snying brtse ba dang ldan pa de/ khams gsum sdug bsngal gyi phung po chen po 'bar ba gdung phyam dang steng gi g.yogs ma zhig pa'i khang pa dang
35b6 'dra bar sems can skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal ba dang yid mi bde ba dang 'khrug pa dang / ma rig pa'i mun pa mug nag gi rab rib sgrib pa dang yongs
35b7 su dkris par zhugs pa rnams 'dod chags dang zhe sdang dang gti mug las yongs su grol bar bya ba dang bla na med pa yang dag par rdzogs pa'i byang chub tu gzud pa'i phyir 'byung ste/ de byung ma thag tu
35b8 sems can rnams skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal ba dang yid mi bde ba dang 'khrug pas sreg pa dang btso ba dang gdung ba dang yongasu gdung ba dang longs spyod kyi phyir 'dod pa'i
36a1 rgyu'i gzhis sdug bsngal rnam pa mang po rab tu myong ba dang / da ltar gyi tshe la tshol ba dang yongs su bsags pa'i phyir/ tshe phyi ma la sems can dmyal ba dang dud 'gro'i skye gnas dang gshin rje'i 'jig rten du sdug
36a2 bsngal rnam pa mang po rab tu myong ba dang / lha dang mi dbul po dang mi sdug pa dang phrad pa dang sdug pa dang bral ba'i sdug bsngal rab tu myong ba de nyid du/ sdug bsngal gyi phung por 'khor zhing / rtse dga' la dga' mgur spyod de/
36a3 mi skrag mi dngang dngang bar mi 'gyur/ ma rig ma tshor skyo bar mi byed 'byung ba mi tshol bar khang pa 'bar ba dang 'dra ba'i khams gsum der mngon par dga' nas/ de dang de dag tu rgyug ste/ sdug bsngal gyi phung
36a4 po chen po de lta bus gzir kyang / sdug bsngal du 'du shes pa yid la bya ba mi skyed par gzigs so/ /shA ri'i bu de la nga ni sems can 'di dag gi pha ste/ ngas sems can 'di dag sdug bsngal gyi phung po chen po
36a5 'di lta bu 'di las yongs su thar bar bya zhing ngas gang gi sems can 'di dag rtse ba dang dga' ba dang dga' mgur spyod pa dang rnam par rtse bar byed par 'gyur ba sangs rgyas kyi ye shes bde ba dpag tu med cing bsam gyis mi
36a6 khyab pa/ sems can 'di dag la sbyin pa bya bar de bzhin gshegs pas de ltar gzigs so/ /shA ri'i bu de la nga ye shes kyi stobs dang ldan zhing rdzu 'phrul gyi stobs dang ldan zhes gal te thabs ma yin pas sems
36a7 can 'di dag la de bzhin gshegs pa'i ye shes gzigs pa dang stobs dang mi 'jigs pa rnams thob par byas su zin na/ sems can 'di dag chos 'di dag gis nges par 'byung bar mi 'gyur ro/ /
36a8 de ci'i phyir zhe na/ sems can 'di dag ni 'dod pa'i yon tan lnga po dag la shin tu chags pa/ sems can 'di dag ni khams gsum gyi dga' ba la shin du chags pa/ skye ba dang rga ba dang na ba dang 'chi ba dang /
36b1 mya ngan dang smre sngags 'don pa dang sdug bsngal ba dang yid mi bde ba dang 'khrug pa las ma thar ba/ bsreg btso gdung yongs su gdung ba steng g.yogs dang / gdung phyam 'bar ba'i khyim dang 'dra ba'i khams gsum
36b2 nas ma byung ba ste/ de dag gis sangs rgyas kyi ye shes la ji ltar longs spyod par 'gyur zhes de bzhin gshegs pas de ltar gzigs so/ /de la shA ri'i bu 'di ltar skyes bu lag stobs can des lag stobs bzhag
36b3 ste/ thabs mkhas pas gzhon nu de dag khyim 'bar ba de nas 'don te bton nas/ de dag phyis rlabs che ba'i bzhon pa chen po byin pa de bzhin du/ shA ri'i bu de bzhin gshegs pa dgra bcom pa yang dag
36b4 par rdzogs pa'i sangs rgyas de bzhin gshegs pa'i ye shes dang stobs dang / mi 'jigs pa dang ldan pa yang / de bzhin gshegs pa'i ye shes dang stobs dang mi 'jigs pa bzhag ste/ thabs mkhas pa'i
36b5 ye shes kyis gdung phyam dang steng g.yogs 'bar ba'i khyim dang 'dra ba'i khams gsum nas sems can rnams 'don pa'i phyir theg pa gsum ston pa 'di lta ste/ nyan thos kyi theg pa dang / rang sangs
36b6 rgyas kyi theg pa dang / byang chub sems dpa'i theg pa ste/ theg pa gsum gyis sems can rnams brongs te/ de dag la 'di skad ces gsungs te/ khyed cag khyim
36b7 'bar ba dang 'dra ba'i khams gsum gyi gzugs dang sgra dang dri dang ro dang reg bya ngan pa la dga' bar ma byed cig /khyed cag khams gsum 'dir mngon par dga' bas 'dod pa lnga'i yon tan dang bcas
36b8 pa'i srid pas/ bsreg btso gdung yongs su gdung bar gyur gyis/ khams gsum 'di nas 'byung ba 'di lta ste/ nyan thos kyi theg pa dang rang sangs rgyas
37a1 kyi theg pa dang byang chub sems dpa'i theg pa ste/ theg pa gsum po dag thob par gyis shig /nga ni gnas 'di la khyed kyi snying rdeng ba ste/ ngas khyed la theg pa 'di gsum sbyin gyis/ khams gsum
37a2 nas 'byung ba'i phyir brtson par gyis shig /kye sems can dag theg pa 'di dag ni gang 'phags pa rnams la/ 'phags pa rnams kyis rab tu bstod pa/ dga' ba chen po dang ldan pa yin te/ khyed cag mi 'phong
37a3 par brtson zhing dga' la/ dga' mgur spyod par 'gyur gyis/ dbang po dang stobs dang byang chub kyi yan lag dang / bsam gtan dang / rnam par thar pa dang / ting nge 'dzin dang snyoms par 'jug pas dga' ba chen po
37a4 rab tu myong bar 'gyur ro/ /bde ba dang yid bde ba chen po dang yang ldan par 'gyur zhes gsung ngo / /shA ri'i bu de la sems can gang mkhas par gyur pa de dag ni de bzhin gshegs pa 'jig rten gyi pha la mngon
37a5 par yid ches par 'gyur ro/ /mngon par yid ches nas kyang de bzhin gshegs pa'i bstan pa la brtson par byed do/ /de la sems can kha cig gzhan gyi sgra thos pa'i rjes su 'gro bar 'dod pa de dag ni/ bdag
37a6 yongs su mya ngan las bzla ba dang / 'phags pa'i bden pa bzhi khong du chud par bya ba'i phyir/ de bzhin gshegs pa'i bstan pa la brtson par byed de/ de dag ni nyan thos kyi theg pa 'dod cing / khams gsum nas byung
37a7 ba zhes bya ste/ dper na khyim 'bar ba de nas byis pa kha cig ri dgas kyi shing rta 'dod de phyir byung ba lta bu'o/ /sems can gzhan yang slob dpon med pa'i ye shes dang / dul bar gnas pa dang zhi gnas 'dod
37a8 pa dag ni/ bdag yongs su mya ngan las bzla ba dang / rgyu dang rkyen yongasu khong du chud par bya ba'i phyir/ de bzhin gshegs pa'i bstan pa la brtson par byed de/ de dag ni rang sangs rgyas kyi theg pa 'dod
37b1 cing khams gsum nas byung ba zhes bya ste/ dper na khyim 'bar ba de nas byis pa kha cig ra'i shing rta 'dod de byung ba lta bu'o/ /yang sems can kha cig thams cad mkhyen pa'i ye shes sangs rgyas kyi ye shes rang 'byung
37b2 gi ye shes slob dpon med pa'i ye shes 'dod pa dag ni/ skye bo mang po la phan pa dang skye bo mang po la bde ba dang / 'jig rten la snying brtse ba dang lha dang mi dang skye bo phal po che'i don dang phan pa dang / bde ba dang / sems
37b3 can thams cad yongs su mya ngan las bzla ba dang / de bzhin gshegs pa'i ye shes dang stobs dang mi 'jigs pa khong du chud par bya ba'i phyir/ de bzhin gshegs pa'i bstan pa la brtson par byed de/ de dag ni theg
37b4 pa chen po 'dod cing / khams gsum nas 'byung ba zhes bya'o/ /de'i phyir byang chub sems dpa' sems dpa' chen po zhes bya ste/ dper na khyim 'bar ba de nas byis pa kha cig glang gi shing rta 'dod de phyir byung ba lta bu'o/ /
37b5 shA ri'i bu 'di lta ste dper na/ mi des khyim 'bar ba de nas gzhon nu de dag 'thon par mthong nas/ bde zhing legs par thar te/ 'jigs pa med par rig la/ bdag kyang nor mang bar
37b6 shes nas/ byis pa de dag la bzhon pa rlabs chen po gcig byin pa de bzhin du/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas kyang sems can
37b7 bye ba du ma sdug bsngal dang / 'jigs pa dang / bag tsha ba dang / gtse bas yongs su gang ba'i khams gsum nas yongs su thar te/ de bzhin gshegs pa'i
37b8 bstan pa'i sgo nas byung nas/ 'jigs pa dang gtse ba'i gnod pa dag las yongs su thar te mya ngan las 'das pa'i bde ba thob par gzigs nas/ shA ri'i bu de dag la de'i tshe/ de
38a1 bzhin gshegs pa dgra bcom pa yang dag par rdzogs pa'i sangs rgyas bdag la ye shes dang stobs dang mi 'jigs pa'i mdzod mang bar mkhyen te/ de dag thams cad kyang bdag nyid kyi bu yin par thugs su
38a2 chud nas sems can de dag thams cad kyang sangs rgyas kyi theg pa nyid kyis yongs su mya ngan las 'da' bar mdzad kyi/ sems can gang la yang so so bdag gi mya ngan las 'das pa mi gsung ste/ sems can de
38a3 dag thams cad kyang de bzhin gshegs pa'i mya ngan las 'da' ba mya ngan las 'da' ba chen pos yongs su mya ngan las 'da' bar mdzad do/ /shA ri'i bu sems can gang dag khams gsum nas thar bar gyur pa de dag la
38a4 yang de bzhin gshegs pas bsam gtan dang rnam par thar pa dang ting nge 'dzin dang snyoms par 'jug pa/ 'phags pa'i bden pa'i mchog dang brtsen pa dga' bar 'gyur ba thams cad kha dog gcig
38a5 pa sbyin par mdzad do/ /shA ri'i bu 'di lta ste dper na/ skyes bu des 'di ltar gzhon nu de dag la bzhon pa gsum bstan nas de dag thams cad la bzhon pa chen po gcig byin te/ rin po che sna bdun las
38a6 byas pa/ rgyan thams cad kyis brgyan pa/ kha dog gcig pa/ bzhon pa rlabs po che bzhon pa'i mchog thams cad la byin pa'i phyir/ brdzun smra ba ma yin pa de bzhin du/ shA ri'i bu de
38a7 bzhin gshegs pa dgra bcom pa yang dag par rdzogs pa'i sangs rgyas kyang / 'di ltar thabs mkhas pas/ dang po theg pa gsum bstan pas/ phyis theg pa gcig pa nyid kyis sems
38a8 can rnams yongs su mya ngan las 'da' bar mdzad pa'i phyir brdzun du smra ba ma yin no/ /de ci'i phyir zhe na/ shA ri'i bu de bzhin gshegs pa ni ye shes dang / stobs dang mi 'jigs pa'i bang mdzod mang po
38b1 dang ldan te/ sems can kun la thams cad mkhyen pa'i ye shes dang ldan pa'i chos bstan pa'i mthu mnga' ba'i phyir ro/ /shA ri'i bu 'di ltar thabs mkhas pa sna tshogs dang / ye shes mngon par bsgrubs
38b2 pas/ de bzhin gshegs pa theg pa chen po gcig du ston par rnam grangs 'dis kyang de lta bur rig par bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /
38b3 ji ltar skyes bu zhig gi khyim yod pa/ /che la rab tu 'grums te zhig la thug /de bzhin khyams rnams zhig par gyur pa ste/ /ka ba'i rtsa ba dag kyang rul bar gyur/ /pu shu dang ni skar khung phyogs
38b4 rer bral/ /rtsig pa re lde brkyang nul rnams kyang gogs/ /stegs bu dag kyang rnyings nas 'grums shing zhig /rtswa yis g.yogs pa kun kyang 'dral zhing 'dzag /brgya phrag lnga dag las ni mi nyung ba/ /
38b5 de na de dag gi yang gnas su gyur/ /khang phran shin du dog pa mang po dag /sme bas rab tu gang zhing smad par gyur/ /de na phyam rnams dgu po thams cad 'grums/ /ra ba rtsig pa dag kyang de bzhin zhig /
38b6 bya rgod bye ba dag ni de na gnas/ /de bzhin phug ron 'ug pa bya gzhan dang / /mi bzad gdug pa'i sbrul rnams de na yod/ /dug chen drag po rnams kyang phyogs phyogs na/ /sdig pa dang ni byi ba sna tshags
38b7 dang / /shin du gtum pa'i srog chags rnam mang gnas/ /mi ma yin pa'ang gnas dang gnas dag na/ /bshang gci dag gis rab tu sme bar byas/ /srin bu me khyer grog ma sbur bus gang / /khyi rnams dang
38b8 ni bdag nga ro 'ang na/ /ci spyang mi bzad khro bo de na 'khod/ /mi ro rnams la 'khren cing rab tu za/ /de yi the rel sdod cing lta ba yang / /wa dang khyi dag de na du ma 'khod/ /de dag nyam chung rtag tu bkres pas nyen/ /
39a1 gnas dang gnas na rnam par 'cha' zhing za/ /thab mo byed de rab tu sgra yang 'byin/ /rnam pa de 'drar khyim de rab tu 'jigs/ /mi yi ro dag la yang rnam 'khren zhing / /shin tu drag sems gnod sbyin de na
39a2 'khod/ /sbrul dang rkang brgya pa dang gcan zan rnams/ /de yi gnas dang gnas na rab tu 'khod/ /de dag phyogs dang phyogs su tshang bcas te/ /phrug gu rnams kyang klog cing 'jog par byed/ /de dag gis ni
39a3 bzhag cing bkod pa la/ /gnod sbyin rnams kyang de la phal cher za/ /rab tu gtum sems sems can gzhan zos pas/ /ji tsam gnod sbyin de dag 'drangs gyur te/ /sems can gzhan gyi sha yis lus
39a4 rgyas nas/ /de tshe de na rab tu thab mo byed/ /mi bzad gtum sems khro ba'i grul bum rnams/ /zhig pa'i khyim de rnams su gnas 'cha' ste/ /mtho gang tshad dang de bzhin khru gang tshad/ /khru do'i tshad kyi phan
39a5 tshun rgyu zhing 'gro/ /de dag khyi yi rkang nas bzung nas ni/ /de bzhin sa la gan rkyal de bzhag ste/ /mgul bar rab tu bgags shing bsdigs pa yis/ /'khang du bcug pa de la dga' bar byed/ /
39a6 gcer bu gnag cing de bzhin rid pa yi/ /yi dags che zhing ring ba 'ang der gnas te/ /rab tu bkres pas kha zas kun tshol zhing / /de dag de na nyams thag cho nges 'debs/ /la la glang gi mgo la khab
39a7 kyi kha/ /mi tsam dang ni de bzhin khyi tsam dag /zas la sred pas rab tu gdungs pa'i phyir/ /skra dag lhug par bzhig cing sgra yang 'byin/ /gnod sbyin sha za yi dags de dag kyang / /sred brkam
39a8 kha zas dag ni tshol ba'i phyir/ /rtag tu mthongs dang skar khung dag nas kyang / /de na phyogs bzhir rab tu lta bar byed/ /de ltar khyim de mi bzad 'jig gyur la/ /che zhing mtho la rab tu mi brtan
39b1 te/ /rnam par 'grums shing 'jig nye 'jigs pa de/ /skyes bu gcig cig yongs su dbang gyur la/ /skyes bu de yang khyim gyi phyi rol byung / /khyim de kun kyang rab tu 'bar gyur te/ /ngos bzhi thams cad nas ni
39b2 glo bur du/ me lce stong snyed kun du 'bar bar 'gyur/ 'od ma dang ni shing dag mes tshig ste/ /drag po'i sgra rnams shin tu 'jigs par 'byung / /ka ba dang ni de bzhin rtsig pa 'bar/ /gnod sbyin yi dags
39b3 dag kyang sgra dag 'byin/ /bya rgod brgya yang rag rog tshig par 'gyur/ /grul bum dag ni gdong tshig ldom zhing 'phyan/ /de na kun tu sbrul brgya mang po dag /me yis tshig nas tser lhang sgra yang 'byin/ /
39b4 bsod nams med pa me yis kun tshig cing / /de na sha za mang po phan tshun rgyu/ /de dag gcig la gcig ni sos btab ste/ /tshig par gyur pa dag la khrag gis 'thor/ /de na lce spyang dus byas shi ba
39b5 la/ /sems can dag ni phan tshun rnam par za/ /ngan skyugs tshig pa'i dri nga yid mi 'ong / /'jig rten dag na phyogs bzhir rab tu 'thul/ /srin bu rkang brgya pa dag bros pa la/ /
39b6 de la grul bum dag ni shin du za/ /bkres pa dang ni skom pas rab gdungs shing / /yi dags rnams kyang sgra 'bar kun 'phyan te/ /de ltar khyim de shin tu mi bzad 'jigs/ /
39b7 me lce dag ni stong snyed 'bar bar 'gyur/ /skyes bu khyim de'i bdag po de nyid ni/ /shin tu rnam par lta zhing sgo na 'dug /de na de yis thos pa bdag gi bu/ /'di ltar byis pa dag ni mi shes
39b8 pas/ /rtsed mo brtsen pa dag la dga' ba'i blo/ /rtsed mo dga' 'am rab tu dregs myos shes/ /de thos bdag gi byis pa khye'u 'di kun/ myur du tshig cing chud zos mi
40a1 'gyur bar/ bdag gi bu rnams rab tu thar bya'i phyir/ /khyim de'i nang du myur du zhugs nas su/ /de la des ni khyim gyi nyes brjod de/ /sdug bsngal 'di dag mi bzad rigs kyi bu/ /sems
40a2 can rnam pa mang zhing mi 'di dang / /sdug bsngal chen po dag kyang gcig phyir gcig /sbrul gdug shin du gtum sems gnod sbyin dang / grum bum dang ni yi dags mang po gnas/ /ce spyang dag dang wa dang khyi
40a3 yang mang / /bya rgod dag kyang kha zas kun du tshol/ /de 'dra ba dag 'di na mang gnas te/ /me med zin yang shin tu mi bzad 'jigs/ /'di yi kho ra yug tu me 'bar te/ /'di na de 'dra'i sdug bsngal
40a4 'ba' zhig go/ /de ltar byis pa'i blo can de sbran te/ /gzhon nu rnams ni rtsed mos rab myos pas/ /pha yis bsgo ba de la mi sems te/ /de dag gi ni yid la ci mi snyam/ /de tshe skyes bu de ni yang sems pa/ /
40a5 bu phyir sems pas bdag ni sdug bsngal te/ /bdag gi bu dang rgyud dag med pa ru/ /me 'dis 'di dag tshig na mi rung zhes/ /de yi dus na de yi thabs bsams pa/ /rtsed mo dag la byis pa 'di chags te/ /
40a6 'di ni rtsed mo dga' ba ci yang med/ /kye ma 'di ltar byis pa glen zhing rmongs/ /de la de yis smras pa gzhon nu nyon/ /bzhon pa rnam pa gsum po nga la yod/ /ra dang glang po ri dgas mchog las bcas/ /
40a7 che zhing mtho la legs par brgyan pa dag /khyim gyi phyi rol na ni de dag yod/ /phyi rol byung la de la dgos par spyod/ khyed cag rnams kyi phyir ni ngas byas kyis/ /de la dga' bar lhan cig
40a8 phyir thong cig /bzhon pa de 'dra yod par shes nas su/ /de dag brtson 'grus brtsams te rings gyur nas/ /de yi mod la thams cad phyi rol 'thon/ /sdug bsngal dag las thar te
40b1 stong par 'dug /mi des byis pa 'thon pa mthong nas su/ /grong khyer dbus kyi dpong sar gnas pa ni/ /seng ge'i khri la 'dug nas de skad smras/ /kye ma nga ni de ring mya ngan 'das/ /nga yis dka' bar rnyed pa nyon mongs dag /
40b2 bu sdug nyi shu 'di dag snying gi bu/ /skye bo mang pos gang zhig 'jigs pa yi/ /de dag mi bzad gdon dka' khyim na 'khod/ /kun tu 'bar zhing me lce gcig gis gang / /de dag rtsed mo dga' la chags par gyur/
40b3 ngas ni de ring de dag thar byas te/ /de bas nga deng mya ngan 'das par gyur/ /pha de bde bar 'dug par rig nas su/ /byis pa de dag lhags nas 'di skad smra/ /bzhon pa yid tu 'ong ba gsum po rnams/ /yab kyis
40b4 gsungs pa bzhin du bdag cag stsol/ /gzhon pa rnam pa gsum po khyed sbyin zhes/ /yab khyod kyis ni khyim der gang gsungs pa/ /gal te de dag thams cad med na ni/ /da 'dir dus la bab kyis de dag stsol/
40b5 mi de mdzod kyi gter dang ldan pa ste/ /gser dang dngul dang nor bu mu tig dang / /bran dang mgron bu dag ni mi nyung bas/ /bzhon pa de yang rnam pa sna gcig byin/ /glang gi shing rta rin chen dam pa ste/ /logs bcas
40b6 dril bu g.yer kha'i dra bas bres/ /gdugs dang rgyal mtshan dag gis legs par brgyan/ /mu tig dang ni nor bu'i dra bas g.yogs/ /gser gyi me tog rnams kyi phreng ba dag /phyogs dang phyogs rnams su ni shin
40b7 du spyangs/ /rab tu che ba'i gos rgyus de g.yogs te/ /dkar bzangs bcos bu'i ras rnams shin du bting / /de na de bzhin 'jam pa'i dar rnams dang / /shing rta de la shing bal mchog kyang bting / /gos rab
40b8 ko tam ba mchog ngang pa'i mtshan/ /bye ba phrag stong ri ba rnams kyis g.yogs/ /rin chen shing rta bcas pa de dag ni/ /glang po dkar zhing tsho la stobs dang ldan/ /blta na sdug cing shin du
41a1 bong yang che/ /skyes bu dam pa dag gis rab tu brten/ /skyes bu de ni bu rnams thams cad la/ /de lta bu yi shing rta mchog byin te/ /des ni de dag dga' zhing rangs nas su/ /phyogs dang phyogs
41a2 mtshams dag tu rtse zhing dong / /de bzhin drang srong nga yang shA ri'i bu/ /sems can rnams kyi skyabs dang pha yin te/ /srog chags 'di dag thams cad nga yi bu/ /byis pa dag ni khams gsum 'dod la
41a3 chags/ /khams gsum dag ni khang pa de 'dra ste/ /sdug bsngal shin tu mi bzad brgya yis dkrugs/ /na ba dang ni skye rga du ma rgyas/ /ma lus thams cad nas kyang rab tu 'bar/ /nga ni khams gsum dag las
41a4 thar cing zhi/ /nags tshal dag na gnas shing dben par 'dug /ngas ni khams gsum 'di dag yongs bzung ste/ /'di na gang rnams sreg pa nga yi bu/ /nga nyid de yi skyabs su rig nas su/ /de la nyes pa dag ni ngas bstan
41a5 te/ /'di ltar 'dod la rnam par chags pa'i blo/ /byis pa 'di kun nga yi mi nyan to/ /thabs la mkhas pa dag ni ngas sbyar te/ /de dag la yang theg pa gsum du bshad/ /khams gsum dag gi nyes pa mang mkhyen nas/ /
41a6 gdon par bya ba'i phyir ni thabs bshad do/ /bu gang nga la rten par gyur pa dag /mngon shes drug dang gsum rig mthu chen dang / /'di na nga rgyal rnams ni gang yod dang / /phyir mi ldog pa'i byang chub sems dpa' gang / /
41a7 ngas ni bu 'drar mkhas pa de dag la/ /de yi tshe na dpe mchog 'di dag gis/ /sangs rgyas theg pa gcig pu 'di bshad de/ /thams cad rgyal bar 'gyur gyis 'di zung shig /sangs rgyas rkang gnyis mchog gi ye shes
41a8 de/ /khyad par 'phags shing shin tu yid tu 'ong / /'jig rten 'di dag kun na khyad par can/ /yangs pa'i dngos po de bzhin phyag byar 'os/ /stobs dang bsam gtan de bzhin rnam thar dang / /ting nge 'dzin dag bye ba du ma
41b1 brgya/ /shing rta de ni de 'dra mchog yin te/ /de la sangs rgyas sras rnams rtag tu dga'/ /de la brtson pas nyin mtshan 'das par byed/ /dus dang zla ba phyed dang zla ba dang / /de bzhin lo dang bar gyi bskal pa dang / /
41b2 bskal pa bye ba stong yang 'das par byed/ /bde gshegs nyan thos gang rnams nyan pa dang / /byang chub sems dpa' mang po rnam brtsen zhing / /'dis ni byang chub snying po der 'gro ste/ /rin chen theg pa 'di ni
41b3 dam pa mchog /skar rgyal khyod kyis 'di ltar rig par gyis/ /phyogs bcu thams cad du ni btsal byas kyang / /skyes bu dam pa'i thabs rnams ma gtogs par/ /de la theg pa gnyis su gang na 'ang med/ /
41b4 khyod kyi pha nga khyed kyang nga yi bu/ /khyed rnams khams gsum rab tu 'jigs pa na/ /bskal pa bye ba mang por bsregs pa yi/ /sdug bsngal dag las ngas ni rab tu bton/ /'di ltar mya ngan 'das par ngas
41b5 bstan pa/ /'khor ba'i sdug bsngal dag las khyed thar te/ /khyed ni da dung mya ngan yongs ma 'das/ /sangs rgyas theg pa nyid ni brtsal bar bya/ /'di na byang chub sems dpa' gang 'khod pa/ /nga yi sangs
41b6 rgyas tshul 'di kun nyon cig /'dis ni byang chub sems dpa' mang po 'dul/ /'di ni rgyal ba'i thabs la mkhas pa yin/ /gang tshe theg pa dman pa smad pa la/ /de la sems can dga' bar gyur pa na/ /
41b7 de tshe sdug bsngal 'phags pa'i bden pa dag /gzhan mi gsung ba 'jig rten 'dren pa 'chad/ /gang rnams byis pa'i blo dag mi shes pas/ /sdug bsngal dag ni rtsa ba mi mthong ba/ /de dag la yang lam rnams
41b8 bstan par bya/ /sred pa kun 'byung las ni sdug bsngal skye/ /rtag tu mi gnas srid pa 'gog pa yang / /'di ni nga yi 'gog bden gsum pa yin/ /gzhan ma yin pa gang gis skyes bu 'thar/ /lam rnams bsgoms nas rnam
42a1 par thar bar 'gyur/ /de dag ci las rnam grol shA ri'i bu/ /med par 'dzin las de rnams rnam grol te/ /kun las de dag da rung thar ma yin/ /mya ngan de ma 'das shes 'dren pa gsung / /de la thar bar ci phyir
42a2 bshad ma mdzad/ /byang chub dam pa mchog 'di ma thob phyir/ /'jig rten bde bya'i phyir ni nga skyes pas/ /chos kyi rgyal po nga ni de ltar 'dod/ /tha mar de ring ngas ni gang bshad pa/ /nga yi chos kyi rgya 'di shA ri'i bu/ /lhar
42a3 bcas 'jig rten dag la phan bya'i phyir/ /phyogs dang phyogs mtshams dag tu bshad par gyis/ /khyod kyis bstan pa'i tshe na sems can gang / /rjes su yi rang ngo zhes tshig smra zhing / /mdo 'di mgo bos rab tu len pa ni/ /
42a4 mi de phyir mi ldog par khyod zung shig /mdo sde 'di la dad par gang gyur pa/ /des ni sngon gyi de bzhin gshegs pa mthong / /de dag la yang bkur sti byas pa yin/ /rnam pa 'di lta bu yi chos kyang thos/ /nga yis bshad pa 'di
42a5 la gang dad pa/ /des ni khyod dang nga yang mthong ba yin/ /nga yi dge slong dge 'dun 'di kun dang / /byang chub sems dpa' 'di dag kun kyang mthong / /mngon par shes pas rig nas ngas 'di bstan/ /mdo 'dis skye bo byis pa
42a6 myos par 'gyur/ /'di la nyan thos rnams kyi yul yang med/ /'di la rang sangs rgyas kyi 'gro ba med/ /shA ri'i bu khyod mos par mi byed na/ /nga yi nyan thos 'di dag gzhan ci smos/ /'di dag nga la dad phyir 'brang
42a7 ba ste/ /so sor rang gis rig pa'i ye shes med/ /khyod kyis nga rgyal can dang khengs pa dang / /mi rigs zhugs pa dag la 'di ma bshad/ /byis pa 'dod la rtag tu rab myos shing / /mi shes pas na chos bstan spong bar
42a8 byed/ /'jig rten rtag du legs gnas sangs rgyas tshul/ /nga yi thabs mkhas 'di ni rab spangs shing / /khro gnyer byas te theg pa spangs pa yi/ /de yi mi bzad rnam smin 'dir nyon cig /nga ni 'dug gam mya ngan 'das
42b1 kyang rung / /rnam pa 'di 'dra mdo sde rab spangs shing / /dge slong de dag la yang sdang 'dod pas/ /de yi rnam par smin pa nga las nyon/ /de dag mi las 'chi 'phos mnar med du/ /bskal pa tshang bar rab tu gnas par
42b2 'gyur/ /de nas bar gyi bskal pa du mar yang / /byis pa shi zhing 'phos nas der yang lhung / /sems can dmyal las nam zhig shi 'phos kyang / /de nas dud 'gro dag tu skye bar 'gyur/ /shin tu rid pa'i wa dang
42b3 khyir gyur cing / /gzhan dag rtsed mo byed pa'i gzhir 'gyur te/ /de na de dag kha dog gnag par 'gyur/ /sre 'o rma can g.yan pa dag gis gang / /spu yang byi zhing shin tu nyam chung 'gyur/ /nga yi byang chub mchog 'dir zhe
42b4 sdang bas/ /srog chags nang na rtag tu smad 'gyur te/ /rdo dang bong bas phog nas shin tu 'khang / /de dang de na dbyig pas kun bsdigs la/ /bkres shing skom par gyur pas lus kyang skams/ /byis pa'i blo dag
42b5 sangs rgyas tshul spong ba/ /rnga mo dang ni bong bur yang 'gyur te/ /kha zas bsam pa dag la rjes sems shing / /khal rnams bkal nas dbyug pa brgya yis brdegs/ /phyir yang de dag der ni war gyur te/ /
42b6 shin tu mi sdug zhar ba 'theng por 'gyur/ /grong gi gzhon nu dag gis rab gtses shing / /byis pa de dag rdo dang bong bas rdeg /de nas byis pa'i blo can shi 'phos nas/ /dpag tshad dag kyang lnga
42b7 brgya mnyam pa yi/ /srog chags lus ring rnams su gyur nas su/ /shin du blun zhing rmongs pa 'gre zhing ldog /'di 'dra ba yi mdo sde spangs pas na/ /de dag rkang pa med pa'i lto 'phyer 'gyur/ /
42b8 srog chags bye ba mang pos bza' bas na/ /de dag shin tu mi bzad tshor ba myong / /nam zhig mi lus thob par gyur pa na/ /nga yi mdo sde 'di la ma dad pas/ /de na de dag lus gnag theng por 'gyur/ /sgur po zhar ba
43a1 ldongs pa glen zhing smad/ /sangs rgyas byang chub 'di la ma dad pas/ /'jig rten dag na yid kyang mi ches te/ /de dag kha nas rul mnam rgyun mi 'chad/ /de yi lus la gnod sbyin gdon kyang gnod/ /
43a2 dbul zhing gzhan gyi mngag gzhug byed pa ste/ /nyam chung gzhan gyis rtag tu bkol bar 'gyur/ /de dag shin du nad dang gnod pa mang / /mgon med 'gyur cing 'jig rten dag na rgyu/ /de na de yis gang la
43a3 nyer bsnyen kyang / /de la de dag sbyin par dad mi 'gyur/ /byin na yang ni myur du stor 'gyur te/ /de yi sdig pa'i 'bras bu de 'dra'o/ /des na de yis sman dag rnyed pa ni/ /shin tu sbyar legs mkhas pas byin na
43a4 yang / /des kyang de dag nad ni phyir zhing skye/ /nam yang de yi nad rnams mthar mi 'byung / /gzhan gyis rkun po byas par gyur pa dang / /'khrug cing de bzhin dpung 'cha' 'thab pa dang / /de bzhin gzhan gyis
43a5 nor rnams 'phrogs pa yang / /sdig pa'i las kyis de yi steng du 'bab/ /nga yi sangs rgyas tshul 'di spangs pas na/ /mi dbang rgyal po 'jig rten ston pa yi/ /'jig rten mgon po des ni yong mi mthong / /
43a6 de ni mi khom par yang gnas par 'gyur/ /byis pa des ni chos kyang mi thos te/ /de dag sems pa med cing 'on par 'gyur/ /byang chub 'di 'dra ba ni spangs pas na/ /de dag nams kyang zhi bar mi 'gyur ro/ /bskal
43a7 pa gang gA'i klung gi bye ma snyed/ /khrag khrig dag ni brgya stong mang po yang / /lus ni ma grims yan lag ma tshang 'gyur/ /de ni mdo sde 'di spangs sdig pa'i 'bras/ /de yi skyed mos tshal ni sems can dmyal/ /
43a8 ngan song dag ni de yi khyim yin te/ /phag dang bong bu wa dang sa 'dzul bar/ /de na de dag rtag tu gnas par 'gyur/ /de dag mi yi lus su gyur na yang / /ldongs pa dang ni 'on pa glen pa ste/ /rtag tu dbul zhing gzhan
43b1 gyis mngag par 'gyur/ /de tshe de yi rgyan ni de dag go/ /de na de yi gos ni nad yin te/ /lus la rma ni bye ba khrag khrig 'byung / /de bzhin shu ba g.yan pa 'brum bu dang / /de bzhin sha bkra mdze dag bshul bar mnam/ /
43b2 de yi 'jig tshogs lta ba stug por 'gyur/ /de yi khro ba'i stobs kyang shin du che/ /de yi 'dod chags dag kyang shin du bdo/ /de ni dud 'gro'i skye gnas rnams su rtag /gang gis nga yi mdo sde 'di spangs pa/ /de ring
43b3 gal te nga yis shA ri'i bu/ /de yi nyes pa bskal par marjod na yang / /nyes pa'i mthar ni phyin par yong mi nus/ /ngas ni de yi don rnams rab mthong bas/ /shA ri'i bu khyod yang dag bstan pa ni/ /khyod kyis skye bo
43b4 byis pa'i mdun du yang / /mdo sde 'di 'dra ma bshad cig ces bsgo/ /'di ltar gang dag btsal zhing mang thos pa/ /dran dang ldan zhing gang mkhas ye shes ldan/ /byang chub dam pa mchog la gang zhugs pa/ /de la khyod
43b5 kyis don dam 'di sgrogs shig /gang gis sangs rgyas bye ba mang po mthong / /gang gis dpag tu med pa'i dge ba bskyed/ /gang rnams lhag pa'i bsam pa shin du brtan/ /de la khyod kyis don dam 'di sgrogs shig /
43b6 gang rnams brtson 'grus ldan zhing rtag byams sems/ /byams pa de la de dag ring du bsgoms/ /lus dang de bzhin srog kyang rab tu btang / /de dag la ni mdo 'di mngon sum shod/ /phan tshun rtog cing rim gror
43b7 bcas pa dang / /gang rnams byis pa dag kyang mi sten zhing / /gang dag ri sul rnams su dga' ba dag /de la mdo sde bzang po 'di sgrogs shig /dge ba'i bshes gnyen dag la rab bsnyen zhing / /sdig pa'i grogs po
43b8 dag ni yongs spong ba/ /de lta bu yi sangs rgyas sras mthong na/ /de dag la yang mdo sde 'di ston cig /tshul khrims ma nyams nor bu rin chen bzhin/ /shin du rgyas pa'i mdo sde gzung bar gnas/ /de 'dra sangs rgyas sras
44a1 po mthong na yang / /de dag mdun du mdo sde 'di shod cig /khro ba med cing rtag tu drang ba ste/ /srog chags thams cad la yang snying rjer ldan/ /bde bar gshegs pa dag la rim gror bcas/ /de yi mdun du mdo sde 'di shod
44a2 cig /gang dag 'khor gyi dbus su chos ston pa/ /dpe rnams bye ba khrag khrig du ma yis/ /ma chags gyur cing nan tan yid kyis 'chad/ /de dag la yang mdo sde 'di shod cig /thams cad mkhyen pa nyid ni yongs tshol zhing / /
44a3 gang dag thal mo sbyar te mgo la 'thug /legs par smra ba'i dge slong tshol ba'i phyir/ /gang dag phyogs bcu kun tu rab tu 'gro/ /shin du rgyas pa'i mdo sde kun 'dzin te/ /de ni nam yang gzhan la dga' mi byed/ /gzhan las
44a4 tshigs bcad gcig kyang mi 'dzin pa/ /de dag la yang mdo sde mchog 'di shod/ /ji ltar de bzhin gshegs pa'i sku gdung 'dzin/ /de ltar mi dag la la de tshol te/ /de bzhin du yang 'di 'dra mdo sde tshol/ /rnyed nas kyang ni de
44a5 dag spyi bos len/ /mdo sde gzhan la nam yang mi sems te/ /'jig rten rgyang 'phan pa dang bstan bcos gzhan/ /de 'dra byis pa rnams kyi spyod yul te/ /de dag khyod kyis spongs la 'di shod cig /bskal pa tshang bar
44a6 yang ni shA ri'i bu/ /byang chub dam pa mchog 'dir gang zhugs pa'i/ /rnam pa bye ba phrag stong mang smra ba/ /de dag mdun du mdo sde 'di shod cig /dam pa'i chos pad ma dkar po
44a7 las dpe'i le'u zhes bya ste gsum pa'o// // dam pa'i chos pad ma dkar po bam po bzhi pa/ de nas tshe dang ldan pa rab 'byor dang tshe dang ldan pa kA t+yA'i bu chen po dang tshe dang ldan pa 'od srung chen po dang tshe dang ldan pa maud
44a8 gal gyi bu chen pos/ sngon ma thos pa'i chos rnam pa 'di lta bu 'di bcom ldan 'das las thos shing / tshe dang ldan pa shA ri'i bu bla na med pa yang dag par rdzogs pa'i byang chub tu mngon sum du lung bstan pa thos nas/ ngo mtshar du gyur/
44b1 rmad tu gyur/ shin tu dga' bar gyur te/ de'i tshe stan las langs nas/ bcom ldan 'das ga la ba der dong ste phyin pa dang / bla gos phrag pa gcig tu gzar te pus mo g.yas pa'i lha nga sa la btsugs nas/ bcom ldan 'das ga
44b2 la ba de logs su thal mo sbyar ba btud de/ bcom ldan 'das la mngon du lta zhing / lus btud lus mngon par btud/ lus rnam par btud/ lus shin du btud de/ de'i tshe bcom ldan 'das la 'di skad ces gsol to/ /bcom
44b3 ldan 'das bdag cag rgas gtugs 'khogs nas/ dge slong gi dge 'dun 'di'i nang na yang gnas brtan du 'dzin te/ rgas 'khogs shing bdag cag mya ngan las 'das pa thob snyam nas/ bcom ldan 'das bdag cag la bla na
44b4 med pa yang dag par rdzogs pa'i byang chub tu brtson pa ma mchis te/ bdag cag ni brtson 'grus brtsam pa'i rngo mi thog pa'o/ /gang gi tshe bcom ldan 'das chos ston cing / bcom ldan 'das ring du yang bzhugs par
44b5 gyur te chos bshad pa de la bdag cag kyang mchis par gyur pa de'i tshe na ni/ bcom ldan 'das bdag cag kyang ring du mchis shing / bcom ldan 'das la ring du bsnyen bkur bgyis pas/ yan lag dang nying lag
44b6 kyang bro 'tshal/ tshigs dang tshigs phre'u rnams kyang bro 'tshal to/ /bcom ldan 'das de'i slad du/ bcom ldan 'das kyis chos bstan pa na yang stong pa nyid dang mtshan ma med pa dang smon pa med pa thams cad bdag cag gis
44b7 brjod kyi/ sangs rgyas kyi chos 'di dag dang sangs rgyas kyi zhing gi bkod pa 'di dag dang byang chub sems dpa'i rnam par rol pa dag dang de bzhin gshegs pa'i rnam par rol pa dag la bdag cag gis re ba ma bskyed do/ /de ci'i slad du zhe
44b8 na/ bcom ldan 'das 'di ltar bdag cag khams gsum nas byung ste/ mya ngan las 'das par 'du shes shing / bdag cag ni rgas 'khogs pas/ de'i slad du bcom ldan 'das bdag cag gis byang chub sems dpa' gzhan bla na med pa
45a1 yang dag par rdzogs pa'i byang chub tu lung bstan cing btams mod kyi/ bcom ldan 'das de la bdag cag gis re ba'i sems gcig kyang bskyed par ma gyur te/ bcom ldan 'das bdag cag gis bcom ldan 'das kyi
45a2 drung nas/ nyan thos rnams kyang bla na med pa yang dag par rdzogs pa'i byang chub tu 'gyur bar lung bstan pa thos nas/ ngo mtshar dang rmad du gyur to/ /bcom ldan 'das deng 'phral la/ de bzhin gshegs pa'i gsung sngon ma
45a3 thos pa rnam pa 'di lta bu 'di thos nas/ bdag cag gis rnyed pa chen po thob po/ /bcom ldan 'das bdag cag gis rin po che chen po thob po/ /bcom ldan 'das bdag cag gis tshad ma mchis pa'i rin po che chen po thob po/ /bcom
45a4 ldan 'das bdag cag gis ma bslabs ma btsal ma bsams ma smon par rnam pa 'di lta bu'i rin po che chen po 'di thob ste/ bcom ldan 'das bdag cag spobs so/ /bde bar gshegs pa spobs so/ /bcom ldan 'das 'di
45a5 lta ste dper na/ mi la la zhig 'di ltar pha'i gan nas logs shig tu mchis la/ de logs shig tu mchis nas yul phyogs gcig tu phyin te/ /de dang der dgung lo mang du nyi shu 'am/ sum cu 'am bzhi bcu lnga bcur
45a6 gnas te/ bcom ldan 'das de nas mi de chen po zhig tu lags la/ de yang dbul por gyur nas 'tsho ba tshol zhing / 'tshal ma dang rad pa'i slad du phyogs dang phyogs mtshams su mchis nas/ yul phyogs gcig
45a7 cig tu phyin te/ de'i pha de yang yul gzhan du mchis la/ nor dang mgron bu dang mdzod dang bang ba mang por gyur te/ gser dang dngul dang nor bu dang mu tig dang / bai dUr+ya dang dung dang man shel dang byi ru dang sa le sbram dang dngul dgog
45a8 dang ldan par gyur la/ bran pho dang bran mo dang sug las bgyid pa dang zho shas 'tsho ba'i mi mang por gyur la/ glang po che dang rta dang shing rta dang ba lang dang lug mang po dang ldan par gyur te/ g.yog mang zhing yul chen po'i nang na nor
45b1 dang ldan pa lags la/ 'du ba dang 'phel ba dang rmo ba dang tshol ba yang mang du gyur te/ bcom ldan 'das de nas mi dbul po de 'tshal ma dang rad pa tshol ba'i slad du/ grong dang grong khyer dang grong rdal dang ljongs dang yul 'khor dang
45b2 rgyal po'i pho brang du mthar gyis 'khyam pa las/ de na nor dang mgron bu dang mdzod dang bang ba mang po mchis pa'i mi de gang na mchis pa'i grong khyer der phyin par gyur te/ bcom ldan 'das de nas mi dbul po de'i pha nor dang
45b3 mgron bu dang mdzod dang bang ba mang po can de grong khyer de na gnas shing / bu lo lnga bcu'i bar du stor ba de rtag par rgyun du dran yang bdag gcig bu nang du gdung ba ma gtogs par gzhan su la yang mi smra bar 'di snyam du yang
45b4 bdag ni rgas shing 'khogs te gtugs na/ bdag la mgron bu dang gser dang nor dang 'bru dang mdzod dang bang ba mang du yod la/ bdag la bu ni gcig kyang med na/ bdag ni 'chi ba'i dus byed par 'gyur te/ 'di dag
45b5 thams cad ma spyad par chud zos par mi 'gyur ram snyam du de'i phyir zhing bu de dran nas/ kye ma gal te bdag gi bu de nor gyi tshogs 'di la spyod par gyur na ni/ bdag mya ngan med par 'gyur bar sems la/ bcom
45b6 ldan 'das de nas mi dbul po de rad pa dang 'tshal ma tshol zhing mthar gyis 'gron bu dang gser dang nor dang 'bru dang mdzod dang bang ba mang po can gyi mi de'i gnas ga la ba der mchis te/ bcom ldan 'das de nas mi
45b7 dbul po'i pha de bdag gi mchis brang gi sgo na bram ze dang rgyal rigs dang rje'u rigs dang dmangs rigs kyi 'khor chen pos yongs su bskor cing mdun gyis bltas te/ seng ge'i khri chen po sug rten dang bcas
45b8 pa gser dang dngul gyis shin du brgyan pa la mchis nas/ 'gron bu bye ba brgya stong gis spyod pa bgyid de/ rnga yab kyis g.yob cing bla re bres pa'i sa'i phyogs/ me tog sil ma gtor cing rin po
46a1 che'i phreng ba spyangs pa na 'byor cing longs spyod pa chen pos mchis la bcom ldan 'das mi dbul po des rang gi pha de rang gi mchis brang gi chab sgo na rnam pa 'di lta bu'i longs spyod mchis shing / skye bo phal po ches yongs su
46a2 bskor nas khyim bdag gi sug las bgyid pa mthong ste/ mthong nas kyang 'jigs shing skrag la mi dga' nas spu zing zhes bgyid de/ rab tu yid mi bde nas 'di snyam du sems te/ rgyal po 'am blon po chen po 'di
46a3 dang bdag blo bur du phrad de/ 'di na bdag gi bya ba ci yang med kyis bdag dbul po'i gnas ga la ba der song la/ der bdag gi zas dang gos nyon mi mongs par rnyed kyi/ bdag 'dir ring du thogs su zin na mi rung ngo / /
46a4 'dir bag tsam gzungs su zin tam/ nyes pa gzhan la la dang phrad par gyur du mi 'ong ngam snyam nas/ bcom ldan 'das de nas mi dbul po de 'jigs pa brgyud mar yid la bgyid cing skrag nas/ de na mi gnas par rings par bros
46a5 te mchis pa dang / bcom ldan 'das de nas mi phyug po de/ bdag gi mchis brang gi chab sgo na seng ge'i khri la mchis pas/ bdag gi bu de mthong ma thag tu ngo mtshar te/ mthong nas kyang dga' mgu rangs te/ rab tu dga' zhing
46a6 dga' ba dang / yid bde ba skyes par gyur nas 'di snyam du 'gron bu dang gser dang / nor dang / 'bru dang mdzod dang bang ba'i longs spyod chen po 'di la spyod pa 'di ltar rnyed de/ bdag ni
46a7 rgas 'khogs gtugs nas/ bdag kyang 'di nyid phyir zhing dran na 'di yang kho bdag nyid 'dir 'ongs pa ngo mtshar che'o/ /snyam du sems so/ /bcom ldan 'das de nas mi de bu la
46a8 sred pas gdungs pas/ de'i tshe skad cig thang cig yud tsam de nyid la/ mi mgyogs pa dag bkye ste/ grogs po dag deng la mi de myur du khrid de shog cig ces bsgo nas/ bcom ldan 'das de nas mi de dag thams cad kyis mgyogs par brgyug
46b1 nas/ mi dbul po de bzung ba dang / bcom ldan 'das/ de nas mi dbul po de de'i tshe na 'jigs shing skrag la mi dga' nas ba spu zing zhes bgyid cing rab tu yid mi bde ste sngangs pa'i sgra drag po phyung nas/ ku co 'don cing
46b2 kho bos khyed la nyes pa cung zad kyang ma byas na zhes tshig tu smras te/ de nas mi de dag gis nan gyis mi dbul po de ku co 'don bzhin du khrid pa dang / de nas mi dbul po de 'jigs shing skrag la mi dga' nas/ spu
46b3 zing zhes bgyid cing rab tu yid mi bde ste/ 'di ltar bdag gsod tu bcug nas ma rung bar mi bya 'am snyam sems shing / de brgyal te dogs la 'gyel nas myos par gyur la/ de'i pha de yang nye ba zhig na mchis
46b4 nas/ des mi de dag la khyed kyis mi 'u ni khrid de ma 'ong bar/ 'u na chu grang mos gtor cig ces de skad smras nas gzhan mi mchis te/ de ci'i slad du zhe na/ khyim bdag de bdag ni mthu chen po dang ldan la/
46b5 mi dbul po 'di ni dman pa la mos par 'tshal nas/ khyim bdag gi bu lags par yang 'tshal na/ bcom ldan 'das/ de nas khyim bdag de thabs mkhas pa'i slad du/ 'di bdag gi bu lags shes su
46b6 la yang mi mchi ste/ bcom ldan 'das de nas khyim bdag des mi gzhan zhig la/ kye mi khyod song ste mi dbul po pha bi la/ kye mi khyod btang gis gar dga' bar 'gro la rag go zhes bsgo shig ces mchi nas/
46b7 lha bka' bzhin 'tshal zhes mi des de las mnyan nas/ mi dbul po de ga la ba der mchis te phyin nas/ mi dbul po de la kye mi khyod btang gis gar dga' bar 'gro la rag go zhes bgyis nas/ de nas mi dbul po de'i tshig de thos pa dang /
46b8 ngo mtshar dang rmad du byung ba thob par gyur te/ sa'i phyogs de las langs nas/ de mi dbul po'i gnas ga la ba der 'tshal ma dang rad pa tshol ba'i slad du mchis te/ de nas khyim bdag des mi dbul po de dgug pa'i slad du thabs mkhas pa sbyar ba/ des de la
47a1 mdog mi sdug cing mdangs ngan pa'i mi gnyis shig mngags te/ khyed gnyis deng la gang 'dir 'ongs pa'i mi 'di khyed rang gis tshig gis nyi ma'i gla thang gis gla gyis la/ nga'i khyim 'dir las byed du chug cig
47a2 de gal te 'di skad du las ci bya zhes zer ba dang / khyed gnyis kyis de la 'di skad du/ nged gnyis dang lhan cig tu phyag dar gyi phung po phyag go zhes smros shig ces bgyis nas/ mi de gnyis kyis mi dbul po de
47a3 btsal te sug las de bzhin du bsgrubs nas/ de nas mi de gnyis dang mi dbul po des mi nor chen po de las gla blangs te/ khyim de nyid na phyag dar gyi phung po 'phyag cing / mi nor po che de nyid kyi khyim drung gi spyil po na
47a4 gnas shing mchis nas/ mi phyug po des mthongs khung dang skar khung dag nas bdag gi bu phyag dar 'phyag pa mthong ste/ mthong nas ngo mtshar du gyur to/ /de nas khyim bdag de phreng ba dang rgyan bkrol te/
47a5 rad pa bzang po 'jam po chan pa phud nas/ rad pa dri ma can 'tshal te/ bdag gi gnas nas babs nas sug pa g.yon pa na skon pa thogs te/ phyag dar gyis bdag gi lus la gos par bgyis nas/
47a6 rgyang ring po nas/ smra zhing bu ga la ba der mchis te phyin nas/ 'di skad du khyod ma 'khod par skon pa thogs la phyag dar skyos shig ces mchis zhing / thabs 'dis bu de la smras te/ yang
47a7 'di skad bsgo'o/ /kye mi khyod 'di nyid na las byos la phyir gzhan du ma 'gro zhig dang / ngas khyod gla bskyed de sbyin no/ /khyod la ci dang ci dgos pa yang na bum pa'i rin nam/ yang na ril ba'i rin nam/ yang na phru ba'i
47a8 rin nam/ yang na shing gi rin nam/ yang na lan tshwa'i rin nam/ yang na zas sam/ yang na gos kyang rung ste/ de dag nga la mdzem pa med par slongs shig /kye skyes bu nga la ras rnying pa yang yod de/ de ste de yang khyod la dgos na yang slongs
47b1 shig dang / ngas khyed la sbyin no/ /kye skyes bu yo byad kyi rnam pa de lta bu de dag khyod la ci dang ci dgos pa de dang de dag thams cad ngas khyod la sbyin gyis/ mi khyod mya ngan med par byos la/ khyod kyi pha ci lta ba de bzhin du khyod kyis nga
47b2 la soms shig /de ci'i phyir zhe na/ nga ni rgan khyod ni gzhon te khyod kyis nga'i phyag dar gyi phung po 'di phyags shing las mang po byas te/ kye mi khyod las 'di byed pa'i tshe/ sgyu 'am gya gyu 'am g.yo 'am nga rgyal lam 'chab
47b3 pa sngon byas pa 'am/ byed pa yang med de kye skyes bu ji ltar mi dag gzhan las byed pa'i tshe/ skyon de dag yod pa/ khyod la rnam pa thams cad du nyes pa de dag las gcig kyang ma mthong gis deng phan chad nga la khyod ni
47b4 snying gi bu ci lta ba de dang 'dra ba yin no/ /bcom ldan 'das de nas khyim bdag des mi dbul po de la bu zhes ming du btags so/ /mi dbul po de yang khyim bdag de la phar 'du shes bskyed de/ bcom ldan 'das rnam grangs
47b5 'dis khyim bdag de bu 'tshal bas skom nas/ dgung lo nyi shu'i bar du bu de phyag dar gyi phung po 'phyag tu stsal te/ de nas dgung lo nyi shu 'das pa dang / mi dbul po de khyim bdag de'i mchis brang gi slad
47b6 nang du mchi ba la mdzem pa ma mchis par gyur te/ spyil po de nyid na gnas shing mchis pa las/ bcom ldan 'das de nas khyim bdag de bro 'tshal bar gyur te/ bdag 'gum
47b7 pa'i dus la bab par mthong nas/ de mi dbul po de la 'di skad du/ kye mi khyod tshur shog /nga'i 'gron bu dang gser dang nor dang 'bru dang mdzod dang bang ba shin tu mang du yod pa 'di dag nga ni nad tshabs che na/ de dag
47b8 su la sbyin pa dang / su las blang ba dang / gang sba bar bya ba de dag thams cad khyod kyis shes par 'dod do/ /de ci'i phyir zhe na/ ji ltar nga nor 'di'i bdag por gyur pa ltar khyed kyang de bzhin gyis nga'i 'di las khyod kyis cung zad kyang chud ma gzan
48a1 cig ces mchi nas/ bcom ldan 'das de nas mi dbul po de rnam grangs 'dis/ khyim bdag de'i 'gron bu dang gser dang nor dang 'bru dang mdzod dang / bang ba rab tu mang ba de dag mchis par 'tshal la/ bdag nyid de la re ba ma
48a2 mchis shing / /tha na phye phul gang gi rin thang tsam yang de la cung zad kyang slong ba ma mchis te/ rtswa'i spyil po de na gnas shing mchis nas/ dbul po'i bsam pa de nyid rjes su sems so/ /bcom ldan 'das de ni khyim bdag des
48a3 bu de srung nus shing yongs su smin par 'tshal/ sems btul te/ rgya chen por sems shing / sngon dbul po bsams na nyam nga zhing ngo tsha ste smod par 'tshal nas bdag 'gum pa'i dus la bab pa dang mi dbul po de bkug ste/ nye du
48a4 'dus pa mang po dang sprad nas/ rgyal po dang blon po dang grong rdal gyi mi dang / yul mi'i mdun du mngon sum du 'di skad ces bsgrags so/ /khyod nyon cig /'di ni kho bo'i snying gi bu kho bos bskyed pa ste/ grong khyer gyi ming
48a5 'di zhes bya ba nas 'khyams nas lo lnga bcu lon te/ 'di'i ming 'di zhes bya/ kho bo'i ming ni 'di zhes bya ste/ kho bo 'di tshol ba'i phyir grong khyer de nas 'dir 'ongs so/ /'di ni kho bo'i bu/ kho bo ni 'di
48a6 'i pha ste/ bdag gi spyod pa dang / longs spyod ci yod pa thams cad ni mi 'di la byino/ /kho bo'i nang gi nor cung zad ci yod pa de kun kyang 'di nyid shes so zhes bgyis pa dang / bcom ldan 'das
48a7 de nas mi dbul po des de'i tshe 'di lta bu'i sgra thos nas/ ngo mtshar dang rmad du gyur te/ 'di ltar bdag gis 'phral la 'gron bu dang gser dang nor dang 'bru dang mdzod dang / bang ba mang po rnyed do snyam du sems so/ /bcom ldan
48a8 'das de bzhin du bdag cag ni de bzhin gshegs pa'i sras dang 'dra ste/ de bzhin gshegs pa bdag cag la khyed ni nga'i bu'o zhes bka' stsal te/ khyim bdag de ci lta ba bzhin no/ /bcom ldan 'das bdag cag ni sdug bsngal
48b1 gsum gyis gzir to/ /gsum gang zhe na 'di lta ste/ sdug bsngal gyi sdug bsngal nyid dang / 'du byed kyi sdug bsngal nyid dang / 'gyur ba'i sdug bsngal nyid do/ /'khor ba na dman pa la mos pas bdag cag bcom ldan 'das chos ngan
48b2 pa mang po phyag dar gyi phung po dang 'dra ba la sems su stsal te/ de rnams la bdag cag zhugs nas 'bad cing btsal nas/ bcom ldan 'das bdag cag mya ngan las 'das pa zhig gdugs kyi gla bzhin du tshol zhing gsol te/
48b3 bcom ldan 'das bdag cag ni mya ngan las 'da' ba de rnyed pas na dga' bar gyur te/ de bzhin gshegs pa las chos 'di dag la zhugs te/ 'bad cing btsal bas/ mang po rnyed par sems so/ /de bzhin gshegs pas bdag cag
48b4 dman pa la mos par mkhyen to/ /de'i slad du bcom ldan 'das kyis bdag cag yal bar bzhag ste/ 'di ltar de bzhin gshegs pa'i ye shes kyi mdzod du khyed 'gyur ro zhes ma btol ma bstan te/ bcom ldan 'das thabs
48b5 mkhas pas bdag cag de bzhin gshegs pa'i ye shes kyi mdzod la bgo skal spyod par bkod na/ bcom ldan 'das bdag cag de la re ba ma mchis te/ 'di ltar bdag cag gis de bzhin gshegs pa las mya ngan
48b6 las 'da' ba gdugs kyi bla thang bzhin du bgyis pa ni/ de nyid bdag cag gis mang du bgyis par 'tshal to/ /bcom ldan 'das bdag cag gis byang chub sems dpa' sems dpa' chen po rnams
48b7 la/ de bzhin gshegs pa'i ye shes la brtsams nas/ chos rgya chen po bshad de/ de bzhin gshegs pa'i ye shes 'byed cing ston te/ nye bar ston du lags kyang / bcom ldan 'das
48b8 bdag cag de la re ba ma mchis so/ /de ci'i phyir zhe na/ de bzhin gshegs pa thabs mkhas pas bdag cag gi mos pa rab tu mkhyen na de bdag cag gis ni ma 'tshal ma rtogs so/ /bcom ldan
49a1 'das kyis 'di ltar bdag cag la bcom ldan 'das kyi sras yang dag pa zhes gsungs te/ bcom ldan 'das kyis bdag cag de bzhin gshegs pa'i ye shes kyi bsgo skal la spyod pa dran par mdzad do/ /de ci'i slad
49a2 du zhe na/ 'di ltar bdag cag de bzhin gshegs pa'i sras yang dag pa lags mod kyi/ bdag cag dman pa la mos pa'i slad du'o/ /gal te bcom ldan 'das kyis bdag cag gi mos pa'i stobs gzigs na/
49a3 bcom ldan 'das kyis bdag cag la byang chub sems dpa' zhes bgyi bar bka' stsal to/ /bcom ldan 'das kyis bdag cag bgyi ba rnam gnyis bgyid du stsal te/ de dag byang chub sems dpa' rnams kyi mdun du
49a4 ni dman pa la mos pa zhes bka' stsal te/ de dag ni sangs rgyas kyi byang chub rgya chen po la yang dag par btsud do/ /bcom ldan 'das kyis bdag cag gi mos pa'i stobs mkhyen nas/ de skad ces bka' stsal to/ /bcom
49a5 ldan 'das rnam grangs 'dis bdag cag 'di skad ces bdag cag re ba ma mchis mi 'tshal ma slangs ma btsal ma bsams ma gsol bar 'phral la/ de bzhin gshegs pa'i sras 'di dag bzhin du thams cad mkhyen pa'i
49a6 rin po che thob bo zhes mchi'o/ /de nas tshe dang ldan pa 'od srung chen pos de'i tshe tshigs su bcad pa 'di dag gsol to/ /da ltar 'phral la de ring bdag cag gis/ /'dren pa'i gsung sgra yid du 'ong ba thos/ /gsung thos
49a7 pas na bdag cag dga' ba thob/ /bdag cag ngo mtshar de bzhin rmad tu gyur/ /rin chen chen po mchog gi phung po rnams/ /bsams pa ma mchis nam yang ma gsol bar/ /de dag yud tsam gyis ni deng rnyed de/ /
49a8 bdag cag thams cad deng thos ngo mtshar gyur/ /ji ltar byis par gyur pa'i mi zhig ni/ /skye bo byis pa rnams kyis bslus nas su/ /pha yi gnas nas gar te mchis pa ni/ /gzhan gyi yul yang shin du ring bar mchis/ /bdag
49b1 gi bu ni 'khyams par btsal bas na/ /de tshe pha yang de yi mya ngan bgyid/ /dgung lo lnga bcu las kyang mi nyung bar/ /mya ngan de bgyid phyogs dang phyogs mtshams tshol/ /de ni de ltar bu de tshol ba na/ /grong khyer chen po gzhan du
49b2 mchis pa dang / /'dod pa'i yon tan lnga dang ldan par ni/ /khyim rnams rtsigs shing de na rab tu gnas/ /de la gser rnams dang ni 'gron bu dang / /nor dang 'bru dang man shel byi ru dang / /glang po che dang rta dang dpung bu chung / /
49b3 de bzhin phyugs dang ba lang lug mang ste/ /'phel zhing 'du ba dang ni de bzhin shing / /bran pho bran mo dmag pa'i tshogs mang ste/ /srog chags bye ba stong gis ri mo bgyis/ /rgyal ba la yang de ni rtag tu gnang / /grong na
49b4 su gnas pa yi grong pa dang / /grong khyer bas ni de la thal sbyar gyur/ /dgos pa mang la shin du dbang bas na/ /tshong pa mang po de yi drung du mchi/ /de ltar mi de 'byor par ldan pa ste/ /rgas shing 'khogs la shin du
49b5 gtugs par 'gyur/ /de ni bu yi mya ngan bgyid sems pas/ /nyin dang mtshan mo rtag tu bas par gyur/ /bdag gi bu ni de 'dra blo gros log /de ni 'khyams nas lo yang lnga bcu lon/ /'di ltar bdag la mdzod
49b6 ni mang du yod/ /bdag ni 'chi ba'i dus la nye bar gyur/ /de'i bu byis pa de ni de yi tshe/ /dbul zhing rtag tu phongs par gyur pas na/ /zas dang de bzhin gos rnams tshol ba'i phyir/ /grong dang grong rnams su
49b7 yang rjes su rgyu/ /cung zad tsam ni res 'ga' tshol ba na/ /cung zad rnyed cing res 'ga' ci mi rnyed/ /byis pa de ni gzhan gyi khyim na rke/ /g.yan pa dang ni rkom pos lus kyang yog /gang na pha mchis grong khyer
49b8 der mchi zhing / /'tshal ma dang ni rad pa tshol ba na/ /rang gi pha yi khyim de ga la bar/ /de ni mthar gyis de ru phyin par gyur/ /skyes bu de ni phyug cing nor mang ste/ /sgo na seng ge'i khri yi steng na mchis/ /srog
50a1 chags brgya phrag du mas 'khor bar bskor/ /de steng bar snang la yang bla re bres/ /skye bo yid brtan de yi gam yo 'khor/ /la la dag ni nor dang 'gron bu 'grang / /la la dag ni de la spring ba 'dri/ /la la skyed dang spogs
50a2 su rab tu gtong / /khyim bdag de khyim rab tu brgyan pa dag /dbul po des ni khyim de mthong nas su/ /bdag ni deng 'dir ga las ci ltar 'ongs/ /'di ni rgyal po'am yang na blon po yin/ /'di ni nyes par gyur na
50a3 mi rung zhes/ /tsham zungs su yang gzung bar mi 'gyur grang / /mi de de snyam sems shing 'bros bgyid la/ /dbul po rnams kyi shul srang kun tu 'dri/ /phyug po des ni bdag gi bu mthong nas/ /seng ge'i khri la
50a4 mchis shing dga' bar gyur/ /des ni de yi gan du 'dzin par btang / /skyes bu dbul po de ni khrid de shog /de yi mod la mi de bzung ba dang / /bzung ma thag tu de ni brgyal bar gyur/ /gor ma chag par bdag
50a5 gsod nye bar lhags/ /bdag la zas dang gos kyis ci zhig bya/ /nor mang mkhas pa de yis de mthong nas/ /byis pa log yid 'di ni dman la mos/ /nga yi 'byor pa 'di la dad mi byed/ /'di ni bdag gi pha zhes
50a6 yid mi ches/ /de yis sems can dman zhing gos ngan la/ /yon po zhar ba theng 'grums gyur pa yi/ /de 'dra'i mi dag kha cig btang nas su/ /las byed pa yi mi de rab tshol cig /nga yi 'di na phyag dar rul pa dang /
50a7 gcin dang bshang bas ma rung gyur pa rnams/ /de dag 'phyag pa'i phyir ni las byos shig /khyod ni gla yang nyis gyur sbyin par bya/ /mi des 'di lta bu yi sgra thos nas/ /'ongs te sa phyogs de dag de yis phyags/ /khyim gyi
50a8 drung du rtswa yi spyil po na/ /der yang gnas bcas nas ni 'dug par byed/ /skar khung snang ba nas ni rtag par yang / /phyug po des kyang skyes bu de bltas te/ /dman la mos pa bdag gi bu 'di ni/ /phyag dar phung po rnams ni
50b1 'phyag par byed/ /de ni babs te skon bu thogs bgyid cing / /dri ma can gyi gos dag 'tshal nas su/ /de yi gan du nye bar mchis nas ni/ /las rnams mi byed ces ni rab tu spyos/ /khyod las gla yang nyis gyur sbyin par bya/ /
50b2 de bzhin rkang pa bsku ba'ang nyis gyur du/ /lan tshwa can gyi zas ni khyod la sbyin/ /ras dang tshod ma dag kyang sbyin par bya/ /de tshe de ltar de lta spyos nas ni/ /mkhas pas de ni slar yang rab tu dkris/ /khyod kyis 'dir ni shin
50b3 du las byos shig /nga yi bu yin yang dag the tsom med/ /de ni bags kyis bags kyis khyim bzhag ste/ /lo grangs nyi shu bar du tshang bar yang / /mi de las rnams legs par bgyid tu stsal/ /bags kyis mi de rnam par
50b4 yid phab nas/ /des ni shel dang 'gron bu mu tig kyang / /khyim de nyid du rab tu sbed par byed/ /de ni thams cad bgrang zhing brtsi bar bgyid/ /don dang nor rnams kun la'ang de sems so/ /de yi mchis brang gi ni slad rol na/ /
50b5 byis pa de ni gcig pu spyil bur gnas/ /bdag la longs spyod 'di dag yod med ces/ /dbul po'i bsam pa dag ni rjes su sems/ /bu de 'du shes rgya cher gyur pa ni/ /de yi rnam pa de 'dra des 'tshal nas/ /mdza' bo
50b6 gnyen bshes mang po kun bsogs te/ /nor 'di thams cad 'di la gtad par bya/ /de yis rgyal po'i grong dang grong khyer mi/ /tshong pa mang po dag kyang bsogs nas su/ /'khor gyi dbus su 'di skad
50b7 tshig smras pa/ /bdag gi bu 'di stor nas yun ring ste/ /sngar ni lo grangs lnga bcu tshang bar lon/ /gzhan yang bdag gis mthong nas nyi shu lags/ /grong khyer 'di zhes bgyi bar bdag gis stor/ /
50b8 de tshol slad du bdag ni 'dir mchis so/ /bdag gi nor 'di kun gyi bdag po ste/ /'di dag thams cad ma lus 'di la gtad/ /pha yi nor gyis dgos dgur spyad par gyis/ /bran gza' 'di
51a1 dag kun kyang rab tu sbyin/ /dman la mos dang pha yi yon tan dang / /sngon gyi dbul zhing phongs pa dran nas ni/ /mi de shin du ngo mtshar thob par gyur/ /bran gza' rnyed pas de ring shin du bde/ /de bzhin bdag
51a2 cag rnam par 'dren pa yis/ /dman pa la ni mos par mkhyen pas na/ /sangs rgyas su yang 'gyur zhes ma bstan te/ /khyod ni nyan thos nga yi bu yin no/ /bdag la 'jig rten mgon pos bka' stsal pa/ /
51a3 mchog rab byang chub la ni su zhugs rnams/ /lam gang bsgoms pas sangs rgyas 'gyur ba yi/ /bla med lam ni de la 'od srung shod/ /de phyir bde bar gshegs pas bka' stsal nas/ /byang chub sems
51a4 dpa' stobs chen mang po la/ /rgyu dang dpe yang bye ba khrag khrig gis/ /bdag cag gis kyang bla med lam bstan to/ /rgyal ba'i sras kyis bdag las thos nas ni/ /byang chub mchog lam de ni goms par
51a5 bgyid/ /sangs rgyas su ni 'jig rten 'di 'gyur zhes/ /de ma thag tu de dag lung yang bstan/ /chos mdzod 'di ni yang dag srung bgyid cing / /rgyal ba'i sras rnams la ni bstan pa yang / /ji ltar mi de'i
51a6 yid brtan de bzhin du/ /rnam par 'dren pa de 'dra'i las bgyid do/ /dbul po dag gi bsam pa rnam par sems/ /sangs rgyas mdzod 'di rnams ni rab sbyin zhing / /rgyal ba'i ye shes rab tu bshad mod kyi/ /
51a7 rgyal ba'i ye shes 'di ni don mi gnyer/ /bdag nyid mya ngan las kyang 'da' bar rtog /ye shes 'di tsam las ni gzhan mi 'byung / /sangs rgyas rnams kyi zhing gi bkod thos nas/ /bdag cag nam yang
51a8 dga' bar ma gyur to/ /chos 'di thams cad zag med zhi ba ste/ /'gog pa dang ni skye ba rnam par spangs/ /'di ni chos rnams gang yang ma mchis shis/ /de ltar bsams na dad par ma gyur to/ /
51b1 sangs rgyas ye shes bla na med pa la/ /bdag cag yun ring dus nas mi re zhing / /bdag cag nam yang 'di la ma smon te/ /rgyal bas 'di ni dam pa'i mthar gsungs so/ /mya ngan 'das pa'i mthar thug lus
51b2 'di las/ /stong pa nyid du yun ring yongs su bsgoms/ /khams gsum sdug bsngal gzir las yongs su thar/ /bdag cag gis ni rgyal ba'i bstan pa bgyis/ /rgyal ba'i sras la gang tshe rab bstan te/ /
51b3 byang chub mchog la yang dag su zhugs pa/ /de dag la ni chos gang ci bshad pa/ /de la bdag cag nam yang re ma mchis/ /bdag cag 'jig rten slob dpon rang byung gis/ /dus la bzhes pa mdzad nas yal bar
51b4 bzhag /bdag cag rnams kyi dad pa rab brtags nas/ /yang dag ldem dgongs tshig don de ma bshad/ /de yi thabs mkhas pa ni ji lta bur/ /dus su nor mang po yi skyes bu ltar/ /dman par dad pa bu de legs
51b5 par btul/ /btul nas de la nor yang rab tu stsal/ /thabs la mkhas pas rab tu ston mdzad de/ /dman la mos pa'i sras rnams 'dul mdzad cing / /btul nas sangs rgyas ye shes 'di stsol ba/ /
51b6 'jig rten mgon po shin du dka' ba mdzad/ /sangs rgyas bstan pa 'di la bdag cag rnams/ /thog ma'i 'bras bu zag med dam pa thob/ /ji ltar dbul pos nor rnams rnyed pa bzhin/ /de ring 'phral la bdag
51b7 cag ngo mtshar thob/ /bdag cag tshul khrims gang rnams yun ring du/ /'jig rten mkhyen pa'i bstan la legs gsungs pa/ /mgon po sngon chad tshul khrims spyad pa yi/ /de yi 'bras bu de ring bdag cag thob/ /tshangs par
51b8 spyod pa mchog rab rnam dag gang / /'dren pa'i bstan la shin du bsnyen bgyid pa/ /de yi 'bras bu zhi ba khyad par can/ /rgya chen zag pa ma mchis de ring thob/ /mgon po de ring bdag cag sgrogs gyur te/ /byang chub dam pa yang dag bsgrag
52a1 par bgyi/ /byang chub pa yi sgra yang rab tu brjod/ /de bas bdag cag sgrogs pa mi bzad 'dra/ /mgon po deng ni bdag cag 'os gyur te/ /lha dang bcas pa'i 'jig rten bdud dang bcas/ /tshangs par bcas pa'i sems
52a2 can thams cad kyis/ /bdag cag shin du mchod par 'os pa lags/ /mi yi 'jig rten 'di na gang dka' ba/ /dka' ba 'di 'dra bdag cag mdzad pas na/ /bskal pa bye ba mang por 'bad pas kyang / /khyod la lan glon rngo
52a3 thog ga la mchis/ /mgo dang lag pa dang ni rkang pas kyang / /lan du phan par bgyi ba shin du dka'/ /gang gA'i bye snyed bskal pa rdzogs par yang / /mgo dang phrag la gang gis khyer ba dang / /bca' dang bza' dang skom
52a4 dang gos rnams dang / /mal cha stan dang steng g.yogs chen po phul/ /tsan dan dag las gtsug lag khang bgyis te/ /bcos bu'i ras phrugs rab tu bting ba dang / /na ba'i gsos sman rnam pa mang po yang / /bde bar
52a5 gshegs pa mchod phyir rtag phul te/ /gang gA'i bye snyed bskal par phul yang ni/ /de la nam yang lan glon rngo mi thog /mtshungs med mthu mnga' che ba'i chos ldan pa/ /bzod pa'i stobs gnas rdzu 'phrul che
52a6 rnams dang / /sangs rgyas rgyal chen zag med rgyal ba ni/ /byis pa dag gi 'di 'dra shin du bzod/ /de bzhin rtag tu rjes su 'thun 'jug cing / /mtshan ma spyod pa rnams la chos ston te/ /chos kyi dbang phyug 'jig rten
52a7 kun la dbang / /dbang phyug chen po 'jig rten 'dren dbang po/ /sems can gnas rnams rab tu mkhyen pas na/ /so sor bsgrub pa rnam pa mang por ston/ /de dag mos pa sna tshogs mkhyen nas su/ /brgya phrag stong
52a8 gis rab tu chos 'chad do/ / sems can thams cad dang ni gang zag gi/ / de bzhin gshegs kyi spyod pa rab mkhyen pas/ / byang chub dam pa 'di ni rab ston cing / / chos rnams rnam pa mang po shin du gsung / /dam pa'i chos pad ma dkar
52b1 po las mos pa'i le'u zhes bya ste bzhi pa'o// // de nas bcom ldan 'das kyis tshe dang ldan pa 'od srung chen po dang / gzhan yang gnas brtan nyan thos chen po de dag la bka' stsal pa/ 'od srung legs so legs so/ /khyed kyis
52b2 de bzhin gshegs pa'i yang dag pa'i yon tan bsngags pa brjod pa ni/ 'od srung khyed legs so/ /'od srung de dag ni de bzhin gshegs pa'i yon tan no/ /de bas gzhan yang mang zhing tshad med grangs med de/ bskal pa dpag tu med
52b3 par bshad kyang / de dag gi mtha' rtogs par sla ba ma yin no/ /'od srung de bzhin gshegs pa ni chos kyi rje/ chos thams cad kyi rgyal po gtso bo mnga' ba ste/ 'od srung de bzhin gshegs pas chos gang du bzhag pa dang / ji ltar
52b4 bzhag pa de dag de bzhin du 'gyur ro/ /'od srung de bzhin gshegs pa chos thams cad rig par 'jog ste/ de bzhin gshegs pa'i ye shes kyis 'jog go/ /ji ltar chos de dag thams cad mkhyen pa'i sa nyid du 'byung bar de ltar
52b5 'jog go/ /chos thams cad kyi don gyi rim pa la de bzhin gshegs pa gzigs te/ chos thams cad la lhag pa'i bsam pa thob/ chos thams cad nges par gtan la dbab pa la thabs mkhas pa'i ye shes dam pa mchog thob
52b6 ste/ 'od srung de bzhin gshegs pa dgra bcom pa yang dag par rdzogs pa'i sangs rgyas ni thams cad mkhyen pa'i ye shes ston pa'o/ /thams cad mkhyen pa'i ye shes la 'dzud pa'o/ /thams cad mkhyen pa'i ye shes la 'jog
52b7 pa'o/ /'od srung 'di lta ste dper na/ stong gsum gyi stong chen po'i 'jig rten gyi khams 'di na/ rtswa dang shing gel pa dang sman dang nags tshal kha dog sna tshogs rnam pa du ma dang / sman mang po ming tha dad tu btags pa/ sa dang ri sul
52b8 dag nas ji snyed skyes pa/ sprin chu chen pos rgyas pa 'dus nas/ thams cad dang ldan pa'i stong gsum gyi stong chen po'i 'jig rten gyi khams khebs par byas so/ /kun khebs par byas nas dus gcig tu char
53a1 mnyam par phab ste/ 'od srung stong gsum gyi stong chen po'i 'jig rten gyi khams 'di'i rtswa dang shing gel pa dang sman dang nags tshal de na/ sdong bu dang yal ga dang lo ma dang 'dab ma gzhon zhing 'jam pa ci yod pa dang sdong bu dang yal
53a2 ga dang lo ma dang 'dab ma bar ma ci yod pa dang sdong bu dang yal ga dang lo ma dang 'dab ma chen po dang rtswa dang shing gel pa dang sman dang nags tshal gyi sdong po dang sdong po chen po ci yod pa de dag thams cad/ sprin chen po las char bab pa la mthu
53a3 dang yul ji lta ba bzhin du chu'i khams so sor 'thungs te/ de yang sprin chen po gcig las byung ba/ ro gcig pa'i chu mang pos sa bon ji lta bar rjes su 'thun par skyes te/ 'phel zhing rgyas par 'gyur ro/ /de bzhin du me tog dang
53a4 'bras bu 'byung ste/ de dag kyang so so'i ming thob po/ /sa gcig la gnas pa'i sman mang po sa bon mang po de thams cad chu ro gcig pas bangs pa de bzhin du/ 'od srung de bzhin gshegs pa dgra bcom pa yang dag par rdzogs
53a5 pa'i sangs rgyas 'jig rten du byung ngo / /ji ltar sprin chen po 'dus pa de bzhin du/ de bzhin gshegs pa byung nas/ lha dang mi dang lha ma yin du bcas pa thams cad dang ldan pa'i 'jig rten la dbyangs kyis go bar mdzad do/ / 'od srung 'di
53a6 lta ste dper na sprin chen po des thams cad dang ldan pa'i stong gsum gyi stong chen po'i 'jig rten gyi khams khebs pa de bzhin du/ 'od srung de bzhin gshegs pa dgra bcom pa yang dag par rdzogs pa'i sangs rgyas kyis/ lha dang mi dang
53a7 lha ma yin du bcas pa'i 'jig rten gyi mdun du/ sgra 'di skad 'byin cing dbyangs kyis thos par byed de/ lha dang mi dag nga ni de bzhin gshegs pa dgra bcom pa yang dag par rdzogs pa'i sangs rgyas te/ rgal nas bsgral lo grol nas
53a8 dgrol lo/ /dbugs phyin nas dbugs dbyung ngo / /yongs su mya ngan las 'das nas yongs su mya ngan las bzla'o/ /nga ni da ltar gyi 'jig rten dang 'jig rten gzhan yang yang dag pa'i shes rab kyis yang dag pa ji lta ba bzhin du rab tu
53b1 mkhyen to/ /thams cad mkhyen cing thams cad gzigs so/ /lha dang mi dag chos nyan pa'i phyir nga'i drung du shog cig /nga ni lam ston pa'o/ /lam 'chad pa'o/ /lam rig pa'o/ /lam mkhas pa'o/ /'od srung de ltar srog chags bye ba khrag
53b2 khrig brgya stong mang po/ /de bzhin gshegs pa la chos nyan zhing nye bar lhags pa'i sems can de dag gi dbang po dang / brtson 'grus kyi rim pa de bzhin gshegs pas mkhyen nas/ de dag la chos kyi rnam grangs nye bar sbyor ro/ /de dag la chos kyi
53b3 gtam mang po sna tshogs dga' ba tshim pa mgu bar byed pa phan pa dang bde bar 'gyur ba'i gtam gang gis/ sems can tshe 'di la bde bar 'gyur zhing 'chi ba'i dus byas nas kyang bde 'gror skye la/ gar skyes pa der 'dod pa mang po spyod kyang chos
53b4 nyan zhing / chos de thos nas sgrib pa med par 'gyur te/ mthar gyis thams cad mkhyen pa'i chos la stobs ji lta ba dang yul ji lta ba dang mthu ji lta ba bzhin du 'jug pa 'gyur ba gsung ngo / /'od srung 'di lta ste dper na/
53b5 sprin chen po des stong gsum gyi stong chen po'i 'jig rten gyi khams khebs nas char mnyam par phab ste/ rtswa ba dang shing gel pa dang sman dang nags tshal thams cad chus ngoms te/ stobs ji lta ba dang yul ji lta ba dang
53b6 mthu ji lta ba bzhin du rtswa dang shing gel pa dang sman dang nags tshal la sogs pas chu 'thung ste/ bdag bdag gi rigs dang tshad tu skye'o/ /'od srung de bzhin du de bzhin gshegs pa dgra bcom pa yang dag
53b7 par rdzogs pa'i sangs rgyas kyis chos bshad pa/ chos thams cad ro gcig pa ste/ de ni rnam par grol ba dang 'dod chags dang bral ba dang / 'gog pa
53b8 dang / thams cad mkhyen pa'i ye shes kyi mthar ro gcig go/ /'od srung de bzhin du de bzhin gshegs pas chos bshad
54a1 pa de la/ sems can gang nyan pa dang 'dzin pa dang 'dzud pa de dag bdag gis bdag shes pa 'am rig pa 'am rtogs pa med do/ /de ci'i phyir zhe na/ 'od srung de bzhin gshegs pas 'di ltar sems can de dag de
54a2 bzhin du mkhyen te/ de dag su yin pa dang de dag ci lta bu yin pa dang de dag ci 'dra ba dang de dag ci la sems pa dang de dag ji ltar sems pa dang de dag cis sems pa dang de dag ci la sgom pa dang de dag ji ltar sgom pa dang de
54a3 dag cis sgom pa dang de dag ci 'thob pa dang de dag ji ltar 'thob pa dang de dag cis 'thob pa de dag thams cad ni 'od srung de bzhin gshegs pa la mngon sum ste/ mngon sum du gzigs/ ji lta ba bzhin du
54a4 gzigs pa'i phyir ro/ /'od srung 'di lta ste/ rnam par grol ba'i ro dang mya ngan las 'das pa'i mthar thug pa dang rtag par yongs su mya ngan las 'das pa dang / sa gcig pa dang nam mkha'i spyod yul du ngas chos
54a5 rnams ro gcig par rtogs kyang / sems can rnams kyi dad pa bsrung ba'i phyir/ sa de dang de dag na gnas pa'i sems can rtswa dang shing gel pa dang sman dang nags tshal rab 'bring tha ma de dag lta bu la/ thams cad
54a6 mkhyen pa'i ye shes blo bur du mi ston to/ /'od srung de bzhin gshegs pas ldem por dgongs te bshad pa la/ khyed 'jug mi nus pas khyed ngo mtshar du gyur to/ /de ci'i phyir zhe na/ 'od srung de bzhin gshegs
54a7 pa dgra bcom pa yang dag par rdzogs pa'i sangs rgyas rnams kyis dgongs te bshad pa ni shes par dka' ba'i phyir ro/ /de nas bcom ldan 'das kyis de'i don rgyas par ston cing / de'i tshe tshigs su
54a8 bcad pa 'di dag bka' stsal to/ /chos rgyal srid pa 'joms mdzad pa/ /nga ni 'jig rten byung nas su/ /mos pa rnam par mkhyen gyur nas/ /sems can rnams la chos 'chad do/ /
54b1 dpa' bo chen po blo brtan pas/ /bshad pa rnams ni yun ring srung / /gsang chen dag kyang 'dzin mdzad cing / /srog chags rnams la mi ston to/ /ye shes de ni shes dga' ste/ /byis pa rnams kyis 'phra la thos/ /mi shes
54b2 pas na the tshom gyur/ /de las nyams shing de dga' 'khyam/ /de yi stobs kyang ci 'dra dang / /yul yang ji bzhin bshad par bya/ /tha dad pa yi don rnams kyis/ /lta ba dag ni drang por bya/ /'od srung sprin ni ji lta bur/ /
54b3 'dus nas 'jig rten khams rnams su/ /sa rnams rab tu yog par ni/ /thams cad du yang khebs par gyur/ /de ni rab tu chus rgyas te/ /sprin chen glog gi phreng bar bcas/ /skad kyis shin du sgra 'byin cing / /
54b4 lus can rnams la dga' bar byed/ /nyi ma'i 'od ni bsgribs pas na/ /dkyil 'khor dag kyang bsil bar byas/ /lag gis slebs par 'dug nas su/ /thams cad du ni char yang 'bebs/ /de ni snyoms par
54b5 'bebs pa yang / /chu yi phung po mi chung bar/ /kun du bab par gyur pas na/ /sa 'di rnams kyang ngoms par byas/ /gang dag sa 'di rnams las ni/ /skye bar gyur pa sman rnams dang / /rtswa dang gel
54b6 pa nags tshal dang / /sdong po dang ni sdong chen dang / /'bru yi rnam pa mang po dang / /sngon por gyur pa dag kyang rung / /ri dang ri sul nags rnams sam/ /sman ljongs nas ni gang 'khrungs pa/ /
54b7 sprin gyis thams cad ngoms par byed/ /rtswa dang gel pa nags tshal dang / /gdungs pa'i sa yang ngoms par byas/ /sman rnams la yang kun tu phab/ /chu de rnams kyang ro gcig ste/ /sprin las
54b8 bab pa 'di na gnas/ /ji ltar stobs dang yul gzhan du/ /rtswa dang gel pa de 'thung ngo / /sdong po dang ni sdong po chen po rnams/ /chung ngu bar ma na tshod ji bzhin du/ /ji ltar stobs bzhin thams cad chu 'thung ste/ /
55a1 'thungs nas ji ltar 'dod pa bzhin du skye/ /sprin las char pa bab pas rtsi chen rnams/ sdong bu sbu gu shun pa ci lta bar/ /yal ga gyes dang 'dab ma ji bzhin du/ /'bras bu me tog rnams kyang de bzhin
55a2 'phel/ /char pa ro gcig pa yang bab pas na/ /ji lta'i stobs dang yul ni ci 'dra bar/ /gang gis sa bon dag ni ci 'dra las/ /de dag rang rang las ni skye ba 'byin/ /'od srung de bzhin sangs rgyas 'jig
55a3 rten 'dir/ /'jig rten char 'dzin sprin dang 'dra bar 'byung / /'jig rten mgon po byung nas chad par 'gyur/ /srog chags la ni yang dag spyod par ston/ /lhar bcas 'jig rten dag gis mdun bdar
55a4 nas/ /de ltar drang srong chen po rab sgrogs te/ /de ni rkang gnyis mchog rgyal de bzhin gshegs/ /sprin lta bur ni 'jig rten 'dir byung te/ /rab tu lus skams srid pa gsum chags pa/ /sems
55a5 can thams cad ngas ni ngoms par byas/ /sdug bsngal dag gis skams pa bde la dgod/ /ngas ni 'dod dang mya ngan 'das pa 'ang sbyin/ /lha dang mi tshogs rnams kyang nga la nyon/ /nga la lta ba'i phyir ni nye bar shog /
55a6 de bzhin gshegs pa bcom ldan zil mi non/ /bsgral ba'i phyir ni 'jig rten 'dir skyes te/ /rnam dag shin du mthong bar bya ba'i chos/ /srog chags bye ba stong la bshad par bya/ /de yi mnyam pa nyid
55a7 dang yang dag gcig /de ni rnam grol mya ngan 'da' ba yin/ /rtag tu byang chub phyir ni zhugs par yang / /dbyangs gcig gis ni rab tu chos bshad de/ de ni mnyam pa nyid de mi mnyam med/ /'dod
55a8 chags med cing zhe sdang dag kyang med/ /nam yang nga la rjes su chags pa med/ /su la 'ang nga ni mdza' zhing sdang ba med/ /sems can gcig bzhin 'gro ba gzhan la ste/ /lus can rnams la chos
55b1 ni snyoms par 'chad/ /las gzhan mi byed rab tu chos 'chad de/ /'gro ba dang ni 'greng dang 'dug pa dang / /mal du zhugs te nyal ba'i tshe na yang / /nam yang nga la skyo bar gyur pa med/ /sprin gyis char
55b2 pa mnyam par phab pa bzhin/ /'jig rten 'di rnams thams cad ngoms par bya/ /'phags pa dang ni ma rabs mtshungs pa'i blo/ /tshul khrims ldan dang tshul khrims 'chal pa dang / /de bzhin mi gang
55b3 spyod pa nyams pa dang / /spyod dang cho ga rnams su ldan pa dang / /lta la gnas shing lta ba gang nyams dang / /yang dag gang lta lta ba rnam dag dang / /blo gros ngan pa dang ni dam pa 'ang rung / /dbang po brtul po rnams
55b4 la chos bshad de/ /skyo ba thams cad rab tu rnam spangs nas/ /ngas ni yang dag chos kyi char pa phab/ /ji lta'i spobs bzhin nga la mnyan nas ni/ /lha mi nang na yang tu 'ong ba dang / /'khor los bsgyur dang brgya byin tshangs pa
55b5 yi/ /rnam pa mang po'i sa la gnas par 'gyur/ /phran tshegs phran tshegs sman rnams 'di dag dang / /'jig rten 'di na gang chung 'di dag dang / /bar ma chen po dman rnams gzhan dag kyang / /de dag thams cad rab tu bshad kyis nyon/ /
55b6 zag pa med pa'i chos rnams rab shes nas/ /mi dag mya ngan 'das thob gnas pa dang / /drug mngon shes shing gsum rig gang 'gyur ba/ /de ni bar ma'i sman zhes bya ba yin/ /gang dag ri sul rnams na gnas pa dang / /mi gang rang rgyal
55b7 byang chub 'dod byed pa/ /de 'dra 'bring du rnam par dag pa'i blo/ /de ni bar ma'i sman zhes bya ba yin/ /brtson 'grus dang ni bsam gtan rnams bsten cing / /lha dang mi mgon sangs rgyas 'gyur bya zhes/ /skyes bu khyu mchog tu yang gang smon pa/ /
55b8 de ni sman gyi mchog ces bya ba yin/ /bde bar gshegs pa'i sras po gang zhugs pa/ /byams pa bsnyen cing 'di la zhi ba spyod/ /skyes bu khyu mchog tu yang the tshom med/ /de 'dra 'di na sdong po yin zhes bya/ /phyir mi ldog pa'i 'khor lo rab skor zhing / /rdzu 'phrul stob
56a1 la gnas pa gang dpa' ba/ srog chags bye ba mang po rab tu 'grol/ /de ni 'di na sdong po chen po yin/ /rgyal bas chos de mnyam par bshad pa ni/ /sprin gyis char pa mnyam pa phab pa bzhin/ /sna tshogs mngon shes
56a2 'di 'dra 'di dag kyang / /sa steng sman rnams ji ltar gnas pa bzhin/ /de lta bu yi dpe dag bstan pa yis/ /de bzhin gshegs pa'i thabs rnams shes par gyis/ /ji ltar de yis chos gcig bshad pa yang / /sna tshogs tshig
56a3 ni char gyi thigs pa bzhin/ /ngas kyang chos kyi char pa phab pas na/ /'jig rten 'di dag thams cad ngoms par gyur/ /rab tu bshad pa ro gcig chos la yang / /ci 'dra stobs bzhin rjes su rnam par sems/ /ji ltar
56a4 rtswa dang gel pa'i shing rnams dang / /bar ma'i sman rnams la yang ji lta bar/ /sdong po dang ni sdong po chen po de/ /char bab phyogs bcu kun na'ang mdzes pa bzhin/ /'di ni rtag tu 'jig rten phan pa'i chos/ /'jig rten
56a5 'di kun chos kyis ngoms par byed/ /'jig rten thams cad ngoms par byas nas ni/ /sman rnams las ni me tog rab tu 'byung / /bar ma sman rnams rab tu skye ba ni/ dgra bcom gang dag zag pa zad gnas dang / /
56a6 nags tshal khrod nas rang sangs rgyas rnams la/ /legs par gsungs pa'i chos rnams bstan par bya/ /byang chub sems dpa' mang po dran ldan brtan/ /byang chub mchog 'di yongs su tshol ba na/ /khams gsum thams
56a7 cad rtogs par khong chud pa/ /de dag rtag tu skye ba sdong po bzhin/ /rdzu 'phrul gang ldan bsam gtan bzhir zhugs pa/ /gang dag stong pa nyid thos dga' skyed cing / /'od zer stong phrag rab tu gtong ba rnams/ /
56a8 de dag sdong po chen po zhes kyang bya/ /'od srung 'di lta bu yi chos bshad pa/ /sprin gyis char pa mnyam par phab pa bzhin/ /mi yi me tog mang po mtha' yas pa/ /des ni mang po'i sman bzhin rnam par skyed/ /
56b1 rang gis rig pa'i chos rnams rab tu bshad/ /sangs rgyas byang chub dag ni dus su bstan/ /de ni 'jig rten 'dren pa thams cad dang / /nga yi thabs la mkhas pa mchog yin no/ /'di ltar don dam yang dag ngas bshad pa/ /
56b2 nyan thos de kun mya ngan ma 'das te/ /de dag byang chub spyod pa rab spyad nas/ /nyan thos 'di dag thams cad sangs rgyas 'gyur/ /'od srung gzhan yang de bzhin gshegs pa ni/ sems can 'dul bar mtshungs te mi
56b3 mtshungs pa med do/ /'od srung 'di lta ste dper na/ nyi ma dang zla ba'i 'od kyis 'jig rten thams cad tu snang bar byed pa ni/ dge ba byed pa dang mi dge ba byed pa dang steng na gnas pa dang 'og na gnas pa dang dri zhim pa dang dri mi
56b4 zhim pa thams cad la mnyam par 'od kyis phog ste/ mi mnyam pa ma yin no/ /'od srung de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyi thams cad mkhyen pa'i ye shes kyi sems kyi
56b5 'od kyis 'gro ba lngar skyes pa'i sems can thams cad ji ltar mos pa de bzhin du theg pa chen po pa dang rang sangs rgyas kyi theg pa can dang / nyan thos kyi theg pa can rnams la chos bshad pa de mnyam par 'jug la de
56b6 bzhin gshegs pa'i ye shes ni skye ba yang med/ 'bri ba yang med de/ 'di ltar bsod nams dang ye shes yang dag par sdud par 'gyur ro// // dam pa'i chos pad ma dkar po bam po lnga pa/
56b7 'od srung theg pa ni gsum du med de/ sems can spyod pa tha dad pas/ de'i phyir gyi na theg pa gsum du btags par zad do/ /de skad ces bka' stsal nas/ bcom ldan 'das la tshe dang ldan pa 'od srung chen
56b8 pos 'di skad ces gsol to/ /bcom ldan 'das gal te theg pa gsum du ma mchis na/ ci'i slad du da ltar byung ba'i dus na/ nyan thos dang rang sangs rgyas dang byang chub sems dpar
57a1 gdags pas rab tu gdags/ de skad ces gsol nas/ bcom ldan 'das kyis tshe dang ldan pa 'od srung chen po la 'di skad ces bka' stsal to/ /'od srung 'di lta ste dper na/ rdza mkhan gyis 'ji ba
57a2 mtshungs pa la snod byas te/ de las kha cig ni bu ram gyi snod tu gyur/ kha cig ni mar gyi snod kha cig ni zho dang 'o ma'i snod kha cig ni ngan pa mi gtsang ba'i snod tu gyur/ 'ji ba la tha dad pa med mod kyi/ rdzas bcug pa tsam gyis
57a3 snod tha dad par snang ngo / /'od srung de bzhin du theg pa gcig pu 'di nyid de/ 'di lta ste sangs rgyas kyi theg pa ste/ theg pa gnyis sam gsum du med do/ /de skad ces bka' stsal nas/ bcom ldan 'das la tshe dang ldan pa 'od
57a4 srung chen pos 'di skad ces gsol to/ /bcom ldan 'das gal te sems can mos pa tha dad pa gang dag khams gsum nas byung ba de dag gi mya ngan las 'das pa gcig gam/ 'on te gnyis sam gsum/ bcom
57a5 ldan 'das kyis bka' stsal pa/ 'od srung chos thams cad mnyam pa nyid du khong du chud pa'i phyir/ mya ngan las 'da' bas na/ de ni gcig ste gnyis su med gsum du yang med do/ /'od srung skyes bu mkhas
57a6 pa mkhas cig ni dpes bshad pa'i don rig par 'gyur te/ de'i phyir khyod la dpe bstan par bya'o/ /'od srung 'di lta ste/ dper na/ mi dmus long zhig 'di skad du kha dog bzang po dang kha dog ngan
57a7 pa'i gzugs med kha dog bzang po dang / kha dog ngan pa'i gzugs mthong ba yang med nyi ma dang zla ba yang med skar ma yang med gza' mthong ba yang med do zhes zer ro/ /de nas mi gzhan dag gis
57a8 dmus long de'i mdun du 'di skad ces/ kha dog bzang po dang kha dog ngan pa dag kyang yod/ kha dog bzang po dang kha dog ngan pa'i gzugs mthong ba yang yod/ de bzhin du nyi ma dang zla ba dang skar ma yang yod gza' yang yod gza' mthong ba yang yod do
57b1 zhes smras na/ mi dmus long de mi de dag la yid mi ches shing smras pa bzhin mi 'dzin to/ /de nas sman pa nad thams cad shes pa la la zhig gis mi dmus long de mthong nas de 'di snyam du sems te/ mi de sngon gyi sdig
57b2 pa'i las kyis nad tu gyur te/ gang cung zad nad du gyur pa de thams cad rnam par zhi ste/ rlung las gyur pa dang mkhris pa las gyur pa dang bad kan las gyur pa dang 'dus pa las gyur pa'o snyam mo/ /de nas sman pas de'i
57b3 nad zhi bar bya ba'i phyir yang dang yang thabs bsams te/ gang 'di na sman yod pa rnams kyis ni nad de phyin par mi nus kyi/ gangs kyi ri'i rgyal po la sman sna bzhi yod de/ bzhi gang zhe na 'di lta ste/ gcig tu
57b4 ni kha dog dang ro thams cad kyi gnas dang ldan pa zhes bya ba dang gnyis su na nad thams cad las rab tu thar bar byed pa zhes bya ba dang gsum du na dug thams cad las thar bar byed pa zhes bya ba dang bzhir na gnas gang na 'dug
57b5 par bde ba sbyin pa zhes bya ba dang de bzhi yod do snyam mo/ /de nas dmus long de la sman pa des snying rje bskyed nas/ thabs gang gis gangs kyi ri'i rgyal po la 'gro nus pa de lta bu'i thabs bsams te/
57b6 song nas yar yang 'dzegs mar yang babs ngos la yang btsal to/ /de ltar btsal te sman de sna bzhi rnyed nas/ rnyed pa dang kha cig ni sos bcas te byin/ kha cig ni btags kha cig
57b7 ni phrad gzhan dang sbyar la btsos te sbyin no kha cig ni phrad rlon pa dang sbyar te byin/ kha cig ni lus kyi gnas thur mas phug ste blugs/ kha cig ni mes bsregs te byin kha cig ni phrad gzhan dang sbyar te/
57b8 zas dang skom la sogs pa dang bsres te byin no/ de nas dmus long de thabs sbyar ba des mig thob bo/ /des mig thob nas/ phyi dang nang dang ring po dang nye ba dang zla ba dang nyi ma'i 'od dang skar ma dang gza'i
58a1 gzugs thams cad kyang mthong nas/ 'di skad ces kye ma a la la blun po kho bo sngon ni bstan kyang yid mi ches shing smras pa bzhin mi 'dzin na da ni kho bos thams cad mthong nas dmus long
58a2 las thar te kho bos mig thob pas/ kho bo lta bur khyad par du 'phags pa gang yang med do zhes smras so/ /de'i tshe na drang srong mngon par shes pa lnga dang ldan pa lha'i mig dang lha'i rna ba dang pha rol gyi sems shes pa dang
58a3 sngon gyi gnas dran pa'i shes pa dang / rdzu 'phrul mngon sum du bya ba la mkhas pa dag cig yod de/ de dag gis mi de la 'di skad ces smras te/ kye mi khyod ni mig rnyed pa 'ba' zhig tu zad kyi khyod gzhan ci yang mi shes na
58a4 khyod kyi nga rgyal de ci las byung khyod la ni shes rab kyang med/ mkhas pa yang ma yin no/ /de dag gis yang de la 'di skad ces smras te/ kye mi khyod gang gi tshe khyim gyi nang na 'dug pa na/ phyi logs kyi gzugs gzhan
58a5 dag mi mthong mi shes/ khyod kyis sems can gang dag byams par sems pa dang / gnod par sems pa de dag kyang mi shes/ dpag tshad lnga'i bar na 'dug pa'i smra ba dang rnga dang dung la sogs pa'i sgra yang mi shes
58a6 mi thos/ rgyang grags gcig gi bar du gom pa mi 'dor bar 'gro yang mi nus/ ma'i lto na skye zhing 'phel ba'i byed pa de dag kyang mi dran na/ ji ltar mkhas pa yin/ ji ltar na thams cad
58a7 mthong zhes smra/ kye mi khyod kyis snang ba gang yin pa de ni mun par shes so/ /mun pa gang yin pa de ni snang bar shes so zhes smras pa dang / de nas mi des drang srong de dag la 'di skad ces smras te/
58a8 thabs gang dang dge ba'i las ci byas na/ 'di 'dra ba'i shes rab 'thob/ khyod kyi bya dga' la yon tan de dag thob par gyis shig de nas drang srong de dag gis mi de la 'di skad ces smras so/ /gal te 'dod na 'brog
58b1 dgon par gnas par gyis/ yang na brag phug tu 'dug la chos sems shing khyod kyis nyon mongs pa rnams spang bar bya ste/ de bzhin du sbyangs pa'i yon tan dang ldan na/ mngon par shes pa rab tu 'thob bo/ /
58b2 de nas mi des de'i don blangs te/ rab tu byung nas dgon pa la gnas te/ sems rtse gcig pas 'jig rten gyi sred pa spangs te/ mngon par shes pa lnga thob bo/ /mngon par shes pa lnga thob nas bsams
58b3 pa/ sngon bdag gis las gzhan byas pa des bdag gis yon tan gang yang ma thob bo/ /da ni gar bsams par 'gro'o/ /sngon bdag ni shes rab chung zhing rtogs pa chung ste/ bdag gi ni dmus long du gyur pa'o snyam mo/ /
58b4 'od srung de ltar don de rig par bya ba'i phyar/ dpe 'di byas te de'i don ni 'di ltar blta'o/ /'od srung dmus long zhes bya ba de ni sems can 'gro ba lnga'i 'khor ba na gnas pa rnams kyi tshig bla dgas te/
58b5 gang dag dam pa'i chos mi shes shing / nyon mongs pa'i mun pa mun nag skyed pa de dag ma rig pas ldongs so/ /ma rig pas ldongs pas 'du byed stsogs so/ /'du byed kyi rkyen gyis ming dang gzugs nas/
58b6 de bzhin du sdug bsngal gyi phung po chen po 'ba' zhig pa de'i bar du 'byung bar 'gyur ro/ /de ltar ma rig pas ldongs te/ sems can 'khor ba na gnas pa rnams la de bzhin gshegs pas
58b7 thugs rje bskyed nas/ khams gsum las 'das kyang bu gcig pa'i pha byams pa bzhin du/ thugs rje chen po bskyed nas khams gsum du gshegs te/ sems can rnams 'khor ba'i 'khor lo na 'khyam
58b8 zhing nyon mongs kyang de dag 'khor ba las 'byung ba yang dag pa ji lta ba bzhin du mi shes par de dag bcom ldan 'das kyi shes rab kyi spyan gyis gzigs so/ /gzigs nas kyang sems can 'di dag sngon dge ba byas pas zhe sdang
59a1 chung la 'dod chags che ba dang / 'dod chags chung la zhe sdang che ba dang kha cig shes rab chung ba dang kha cig mkhas pa dang kha cig yongs su smin cing dag pa dang kha cig log par lta ba mkhyen nas/ sems can de dag la
59a2 de bzhin gshegs pa thabs mkhas pas theg pa gsum du bshad do/ /de la ji ltar drang srong chen po de dag mngon par shes pa lnga dang ldan zhing mig rnam par dag pa de bzhin du byang chub sems dpas byang chub tu sems bskyed
59a3 de/ mi skye ba'i chos la bzod pa thob nas/ bla na med pa yang dag par rdzogs pa'i byang chub mngon par rdzogs par 'tshang rgya bar blta'o/ /de la sman pa chen po de ci lta ba bzhin du de bzhin gshegs par blta'o/ /dmus
59a4 long ji lta ba bzhin du gti mug gis ldongs pa'i sems can du blta'o/ /rlung dang mkhris pa dang bad kan ji lta ba de bzhin du 'dod chags dang zhe sdang dang gti mug dang lta ba drug bcu rtsa gnyis su gyur par blta'o/ /ji
59a5 ltar sman sna bzhi po de ltar stong pa nyid dang mtshan ma med pa dang smon pa med pa dang mya ngan las 'das pa'i sgor blta'o/ /ji lta ji lta bur sman rnams btang bas/ de lta de lta bur nad rab tu zhi ba de bzhin du rnam par thar
59a6 pa'i sgo stong pa nyid dang mtshan ma med pa dang smon pa med pa bsgoms pas ma rig pa 'gag par byed cing / ma rig pa 'gag pas 'du byed 'gag pa nas/ de bzhin du sdug bsngal gyi phung po chen po
59a7 'ba' zhig pa de'i bar du 'gag par gyur te/ de bzhin du de'i sems dge ba la yang mi gnas sdig pa la yang mi gnas te/ ji ltar dmus long gis mig mthong ba de bzhin du nyan thos dang rang sangs rgyas
59a8 kyi theg pa can du blta'o/ /'khyor ba'i nyon mongs pas bcings pa gcod cing nyon mongs pa'i bcing pa las rnam par grol te khams gsum gyi 'gro ba drug las rab tu thar bas na/ de'i phyir nyan thos kyi theg pa can gyi
59b1 'di ltar shes nas/ 'di skad ces mngon par rdzogs par 'tshang rgya bar bya ba'i chos gzhan med de bdag ni mya ngan las 'das pa thob po zhes zer ro/ /de nas de bzhin gshegs pa de la chos ston te/ gang gis chos thams cad
59b2 ma thob pa de la mya ngan las 'das pa ga la yod ces de bzhin gshegs pas de dag byang chub tu btsud de/ de byang chub kyi sems bskyed nas 'khor ba la yang mi gnas mya ngan las 'da' ba thob par yang mi 'gyur ro/ /des
59b3 khams gsum rab tu rtogs nas phyogs bcu'i 'jig rten stong pa dang sprul pa lta bu dang sgyu ma lta bu dang rmi lam dang smig rgyu dang brag ca lta bu dang chos thams cad ma skyes pa dang ma 'gags pa dang ma bcings pa dang ma grol ba dang
59b4 mun pa yang ma yin snang ba yang ma yin par mthong ngo / /gang gis de ltar chos zab mo mthong ba des khams gsum thams cad gang ba'i sems can gyi bsam pa dang mos pa tha dad pa mi mthong ba'i tshul gyis mthong ngo /
59b5 de nas bcom ldan 'das kyis de'i don rgyas par ston cing de'i tshe tshigs su bcad pa 'di dag bka' stsal to/ /ji ltar nyi ma zla ba'i 'od/ /yon tan ldan dang sdig can gyi/ /mi la mnyam par rab 'char te/ /de la skye zhing
59b6 'bri ba med/ /de bzhin gshegs kyi shes rab 'od/ /snyoms pa nyi ma zla ba bzhin/ /lhag cing chad pa med par ni/ /sems can thams cad rnam par 'dul/ /ji ltar kham snod rdza mkhan gyis/ /
59b7 'ji ba mtshungs las byas pa dag /de las snod tu gyur pa ni/ /bu ram 'o ma mar dang chu/ /yang na la la mi gtsang dang / /kha cig zho yi snod tu gyur/ /kham pa sna gcig des blangs te/ /rdza mkhan
59b8 gyis ni snod tu byas/ /ji ltar dngos po bcug pa bzhin/ /des ni snod kyang so sor rtogs/ /de bzhin sems can bye brag med/ /tha dad mos pas de bzhin gshegs/ /theg pa tha dad rab ston kyang / /
60a1 theg pa sangs rgyas theg par des/ /'khor ba'i 'khor lo mi shes pas/ /mya ngan 'das pa 'ang shes ma yin/ /chos rnams bdag nyid rnam srangs shing / /stong par gang dag rnam shes pa/ /de dag
60a2 sangs rgyas bcom ldan gyi/ /byang chub yang dag nyid tu shes/ /shes rab bar mar gdags pa ni/ /de ni rang rgyal zhes kyang bya/ /stong par shes nas rnams btul ba/ /de ni nyan thos nyid tu bzhag /chos
60a3 rnams thams cad rtogs pa ni/ /yang dag rdzogs pa'i sangs rgyas yin/ /ji ltar dmus long la las ni/ /nyi zla gza' dang skar ma rnams/ /des ma mthong bas 'di skad ces/ /gzugs ni rnams kun med ces
60a4 smra/ /sman pa chen pos dmus long la/ /snying rje chen po bskyed nas su/ /gangs kyi ri la de song ste/ /gyen 'dzegs thur babs thad kar song / /kha dog ro kun gnas ldan pa/ /de la sogs pa sna bzhi dag /ri
60a5 las sman yang kun rnyed de/ /de nas de dag rab tu sbyar/ /kha cig dag ni sos kyang bcas/ /kha cig btabs te de bzhin gzhan/ /yan lag tu yang khab rtse bcug /dmus long la ni rab tu gtong / /
60a6 de yis mig thob nyi zla dang / /skar ma gza' rnams mthong bar gyur/ /mi shes pas na sngon smras shes/ /de ni de ltar sems par gyur/ /de bzhin sems can mi shes tshe/ /dmus long
60a7 'dra dag 'di na 'khor/ /rten 'byung 'khor lo mi shes pas/ /sdug bsngal chu bo'i lam du gyur/ /de bzhin mi shes rmongs pa yi/ /'jig rten du ni kun gyi mchog /sman pa chen po de bzhin
60a8 gshegs/ /snying rje bdag nyid 'dir byung ste/ /ston pa thabs la mkhas pas na/ /des ni dam pa'i chos bshad de/ /bla med yang dag rdzogs byang chub/ /theg pa dam par zhugs la bshad/ /'dren pas shes
60b1 rab 'bring la yang / /bar ma dag gi rab tu bshad/ /'khor bas 'jigs la byang chub kyang / /gzhan du rab tu bshad pa yin/ /khams gsum las ni byung ba yi/ /nyan thos rnams kyis 'di ltar shes/ /mya ngan 'das pa'i dri med
60b2 zhi/ /bdag gis rab tu thob snyam sems/ /chos kun khong du chud gyur na/ /mi 'chi mya ngan 'das pa thob/ /drang srong che rnams de la ni/ /shin du snying rje bskyed nas su/ /de la smras pa blun po khyod/ /ye shes can du bdag
60b3 ma sems/ /gang tshe khyod ni khang pa yi/ /nang na 'dug par gyur pa na/ /phyi rol dag na gang yod pa/ /shes rab chung khyod de mi shes/ /gang zhig nang na 'dug pa des/ /byas dang ma byas phyi rol gyi/ /shes bya da dung
60b4 mi shes nas/ /shes chung khyod kyis ga la shes/ /dpag tshad lnga tsam bar dag gi/ /sgra gang byung ba de rnams kyang / /de yang thos par mi nus na/ /de bas ring ba gzhan ci smos/ /khyod la gang dag nyes sems dang / /de bzhin
60b5 na gzhan dag byams pa yang / /khyod kyis de dag shes mi nus/ /ci phyir khyod kyis nga rgyal bya/ /rgyang grags tsam du 'gro na yang / /gom pa ma bor 'gro mi nus/ /ma yi mngal du ci byung ba/ /de dag de ma thag tu
60b6 brjed/ /su la mngon shes 'di lnga yod/ /de 'dir thams cad shes shes bya/ /khyod ni gti mug cang mi shes/ /bdag ni thams cad shes shes smra/ /thams cad mkhyen par khyed 'dod na/ /'di ltar mngon
60b7 par shes pa sgrubs/ /mngon par shes pa de bsgrubs na/ /dgon par gnas shing rnam dag chos/ /bsam par bya ste de yis khyod/ /mngon par shes pa thob par 'gyur/ /don gzung dgon
60b8 par de song ste/ /shin tu mnyam bzhag rnam par sems/ /mngon par shes pa lnga thob ste/ /ring por mi thogs yon tan ldan/ /de bzhin nyan thos thams cad kyang / /mya ngan 'das thob 'du shes te/ /rgyal bas bshad pa
61a1 de dag la/ /mya ngan ma 'das de ngal bso/ /gang yang tshul 'di gsung ba ni/ /sangs rgyas rnams kyi thabs 'di ste/ /thams cad mkhyen pa ma gtogs par/ /mya ngan 'da' med 'di rtsoms shig /
61a2 dus gsum ye shes mtha' yas dang / /pha rol phyin drug dge ba dang / /stong pa nyid dang mtshan ma med/ /smon lam rnam par spangs pa dang / /byang chub sems dang gzhan yang gang / /mya ngan 'da' bar 'gro ba'i
61a3 chos/ /tshangs pa'i gnas pa rnam bzhi dang / /bsdu ba rnams su gang brjod pa/ /sems can rnams ni 'dul ba'i phyir/ /drang srong mchog gis rab tu brjod/ /rmi lam sgyu ma'i rang bzhin dang / /snying po med pa
61a4 chu shing phung / /brag cha dang yang mtshungs par ni/ /gang gis chos rnams rab shes shing / /khams gsum lhag ma ma lus par/ /de yi rang bzhin shes par yang / /bcings med rnam grol med pa'i/ /mya ngan 'das
61a5 pa mi shes so/ /chos kun stong zhing mnyam pa ste/ /tha dad dbyer med bdag nyid do/ /de dag la ni mi rtogs te/ /chos ni gang yang mthong med na/ /chos kyi sku ni ma lus par/ /shes rab chen po des mthong ngo / /theg pa
61a6 gsum du yong med de/ /'di na theg pa gcig pu yod/ /chos kun mnyam ste thams cad kyang / /mnyam zhing snyoms te rtag tu mnyam/ /de ltar rig nas zhi ba yi/ /mi 'chi mya ngan 'da' ba shes/ /dam pa'i chos
61a7 pad ma dkar po las sman gyi le'u zhes bya ste lnga pa'o// // de nas bcom ldan 'das kyis tshigasu bcad pa de dag bka' stsal nas/ thams cad dang ldan pa'i dge slong gi dge 'dun la bka' stsal pa/ kye dge slong
61a8 dag khyed mos par bya/ khong du chud par bya'o/ /nga'i nyan thos dge slong 'od srung 'di/ sangs rgyas bye ba stong phrag sum bcu la bkur sti byed btsun par byed ri mo byed mchod pa byed par 'gyur te/ sangs rgyas bcom
61b1 ldan 'das de dag gi dam pa'i chos 'dzin par 'gyur ro/ /de lus tha ma'i tshe bskal pa bkod pa chen po zhes bya ba la 'jig rten gyi khams snang ba thob pa zhes bya bar/ de bzhin gshegs pa dgra bcom pa yang dag par rdzogs
61b2 pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo bsgyur ba/ bla na med pa lha dang mi rnams kyi ston pa sangs rgyas bcom ldan 'das 'od zer rab tu snang ba zhes
61b3 bya ba 'jig rten du 'byung ngo / /de'i tshe'i tshad ni bar gyi bskal pa bcu gnyis su 'gyur ro/ /bar gyi bskal pa nyi shur ni dam pa'i chos gnas par 'gyur ro/ /bar gyi bskal pa nyi shur ni dam pa'i chos kyi gzugs brnyan
61b4 gnas par 'gyur ro/ /de'i sangs rgyas kyi zhing de yang dag par 'gyur te/ gtsang zhing gyo mo dang gseg ma med pa ngam grog dang g.yang sa med pa 'jim ngan dang sme ba med de mnyam pa nyams dga' ba mdzes pa blta na sdug pa
61b5 bai dUr+ya'i gzhi la rin po che'i shing ljon pas rab tu brgyan pa gser gyi skud pas mig mangs ris su bris pa me tog gis gang ba ste/ der byang chub sems dpa' brgya stong mang po 'byung bar 'gyur ro/ /der nyan thos bye ba khrag
61b6 khrig brgya stong grangs med par 'byung ngo / /de na bdud sdig can dang bdud kyi dkyil 'khor yang mi snang ngo / /der bdud dang bdud kyi 'khor dag byung na yang / bcom ldan 'das de bzhin gshegs pa 'od zer rab tu snang
61b7 ba de'i bstan pa la dam pa'i chos yongs su 'dzin pa la brtson par 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /dge slong khyed dag
61b8 sangs rgyas kyi spyan gyis ngas/ /grangs med bskal par gnas brtan 'od srung 'dis/ /rkang gnyis rnams kyi dam pa mchod byas nas/ /ma 'ongs dus na sangs rgyas 'gyur bar mthong / /
62a1 stong phrag gsum du yongasu tshang ba yi/ /rgyal ba rnams ni 'od srungs 'di yis mthong / /sangs rgyas ye shes phyir ni dge slong 'di/ /de na tshangs par spyad pa spyod 'gyur zhing / /rkang gnyis gtso bo rnams la mchod byas
62a2 nas/ /bla na med kyi ye shes 'di bsgrub te/ /de ni tha ma'i lus tshe 'jig rten mgon/ /mtshungs pa med pa drang srong chen por 'gyur/ /de yi zhing yang rnam bkra mchog 'gyur te/ /bzang zhing rnam dag nyams
62a3 dga' blta na sdugs/ /rtag tu dga' byed yid tu 'ong ba'i gzugs/ /gser gyi skud pa dag gis legs par rgyan/ /de yi rin chen shing ljon sna tshogs pa/ /mig mangs ris bres de nang re re ste/ /yid tu 'ong
62a4 ba'i dri yang rnams par 'byung / /de ni dge slong 'di yi zhing du 'gyur/ /me rtog mang pos legs par brgyan pa ste/ /me tog sna tshogs rnams kyis mdzes par byas/ /ngam grog g.yang sa rnams kyang de na
62a5 med/ /mnyam zhing bzang la blta na sdug par 'gyur/ /de na byang chub sems dpa' bye ba stong / /rdzu 'phrul che zhing shin tu dul ba'i sems/ /skyob pa'i mdo sde shin tu rgyas 'dzin pa/ /stong phrag du ma
62a6 mang po 'byung bar 'gyur/ /de tshe chos kyi rgyal po'i nyan thos ni/ /zag med tha ma'i lus 'dzin rnams 'byung 'gyur/ /bskal par lha yi shes pas bgrangs na yang / /de dag tshad ni nams kyang mi zin to/ /
62a7 de ni bar gyi bskal pa bcu gnyis gnas/ /dam pa'i chos ni nyi shu tshang bar gnas/ /bar gyi bskal pa nyi shur gzugs brnyan te/ /'od zer rab snang de yi bkod pa de ltar 'gyur/ /de nas tshe dang ldan pa gnas rten maud gal
62a8 gyi bu chen po dang / tshe dang ldan pa rab 'byor dang / tshe dang ldan pa kA t+yA ya'i bu chen po lus 'dar nas mig mi 'dzums par bcom ldan 'das la lta zhing / de'i tshe so so'i yid la brjod nas/ tshigasu bcad pa 'di dag gsol to/ /
62b1 dpa' bo chen po dgra bcom pa/ /shAkya seng ge mi yi mchog /bdag cag la ni thugs brtse'i phyir/ /sangs rgyas sgra ni bsgrag tu gsol/ /skabs mkhyen pas na nges par yang / /bdag cag la ni mi mchog gis/ /bdud rtsi
62b2 dag gis rab gtor te/ /rgyal bas bdag cag lung bstan 'gyur/ /mu ge byung tshe mi 'ga' zhig /kha zas bzang po rnyed nas su/ /bdag gis kha zas rnyed do zhes/ /de yang bstan nas rab tu smra/ /de bzhin bdag cag
62b3 spro ba ni/ /theg pa dman par sems pa las/ /sangs rgyas ye shes thob 'gyur te/ /dus ngan sems can zas rnyed bzhin/ /bdag cag rdzogs pa'i sangs rgyas kyi/ /thub pa chen pos lung ma bstan/ /ji ltar sug pa
62b4 bcug nas ni/ /kha zas de yang ma brtsal bzhin/ /dpa' bo bdag cag spro ba yang / /bla na med pa'i gsung thos shing / /gang tshe lung bstan gyur pa na/ /de tshe mya ngan 'das par 'gyur/ /phan par bzhed pa thugs brtse ba/ /
62b5 dpa' bo chen po lung bstan gsol/ /dbul por sems pa rnams kyang ni/ /thub pa chen po mthar 'gyur ro/ /de nas bcom ldan 'das kyi gnas brten nyan thos chen po de dag gi sems kyi rtog pa de lta bu de thugs kyis
62b6 thugasu chud nas/ yang thams cad dang ldan pa'i dge slong gi dge 'dun la bka' stsal pa/ dge slong dag nga'i nyan thos chen po gnas brten rab 'byor 'di sangs rgyas bye ba khrag khrig brgya stong phrag sum bcu la bkur sti byed
62b7 ri mo byed mchod pa byed rjed pa byed gsol ba byed cing de na tshangs par spyod pa spyad de byang chub sgrub par 'gyur ro/ /de lta bur lhag par bya ba byas te/ lus tha ma la de bzhin gshegs pa dgra bcom
62b8 pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha
63a1 dang mi rnams kyi ston pa sangs rgyas bcom ldan 'das zla ba'i tog ces bya ba 'jig rten du 'byung ste/ sangs rgyas kyi zhing rin po che 'byung ba zhes bya bar 'gyur ro/ /bskal pa de ni rin po che snang ba zhes bya bar 'gyur ro/ /
63a2 sangs rgyas kyi zhing de ni mnyam pa nyams dga' ba/ shel gyi gzhi la rin po che'i shing ljon pas rnam par spras pa/ ngam grog dang g.yang sa med pa/ 'jim ngan dang sme ba med pa/ yid tu 'ong ba'i me tog dag bkram par
63a3 'gyur te/ khang pa brtsegs pa'i yongs su spyod pa dag na/ mi rnams gnas par 'gyur ro/ /der nyan thos mang po tshad med par 'byung bar 'gyur te/ de dag gi mtha' ni bgrang bar rtogs par mi nus so/ /der byang
63a4 chub sems dpa' bye ba khrag khrig brgya stong phrag mang po 'byung bar 'gyur ro/ /bcom ldan 'das de'i tshe'i tshad ni/ bar gyi bskal pa bcu gnyis su 'gyur/ dam pa'i chos 'di ni bar gyi bskal pa nyi shur gnas
63a5 par 'gyur/ dam pa'i chos kyi gzugs brnyan yang bar gyi bskal pa nyi shur gnas par 'gyur ro/ /bcom ldan 'das de nam mkha' bar snang la gnas nas rtag tu chos ston te/ /byang chub sems dpa' brgya
63a6 stong mang po dang / nyan thos brgya stong mang po 'byung bar 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /ngas deng dge slong dag ni mos par bya/ /khong du chud par bya 'o nga
63a7 las nyon/ /nga yi nyan thos gnas brtan rab 'byor ni/ /ma 'ongs dus kyi tshe na sangs rgyas 'gyur/ /bye ba khrag khrig sum bcu tshang ba yi/ /sangs rgyas mthu chen rnams kyang rab tu mthong / /ye shes 'di
63a8 yi phyir yang 'di nyid ni/ /de tshe mthun pa'i spyod pa spyad par 'gyur/ /tha ma'i lus kyi tshe na dpa' bo de/ /sum bcu rtsa gnyis mtshan gyi gzugs dang ldan/ /drang srong chen po gser gyi mchod sdong 'dra/ /
63b1 'jig rten rnams la phan zhing thugs brtser 'gyur/ /srog chags bye ba khrag khrig bsgral nas ni/ /'jig rten rtsa lag de ni gnas pa yi/ /zhing de shin tu blta na sdug pa dang / /skye bo mang po'i yid 'ong mdzes par 'gyur/
63b2 de na byang chub sems dpa' mthu chen mang / /phyir mi ldog pa'i 'khor lo skor byed pa/ /rgyal ba de yi bstan la dbang po rno/ /de dag rnams kyis sangs rgyas zhing mdzes 'gyur/ /de yi nyan thos mang po grangs med de/ /
63b3 de dag tshad ni nams kyang mi zin no/ /drug mngon shes shing gsum rig rdzu 'phrul che/ /rnam thar brgyad la shin du gnas pa'o/ /byang chub mchog 'di rab tu bshad pa na/ rdzu 'phrul stobs ni bsam gyis mi khyab
63b4 'gyur/ /gang gA'i bye ma snyed kyi lha dang mi/ /de la rtag tu thal mo sbyor bar 'gyur/ /de ni bar gyi bskal pa bcu gnyis gnas/ /dam chos bar gyi bskal pa nyi shur gnas/ /de bzhin rkang gnyis mchog gi
63b5 gzugs brnyan yang / /bar gyi bskal pa nyi shur gnas par 'gyur/ /de nas yang bcom ldan 'das kyis/ thams cad dang ldan pa'i dge slong gi dge 'dun la bka' stsal pa/ dge slong dag khyed mos par bya/
63b6 khyed khong du chud par bya'o/ /nga yi nyan thos gnas brtan kA t+yA ya'i bu chen po 'di/ sangs rgyas bye ba stong phrag brgyad la bkur sti byed btsun par byed ri mor byed mchod par byed rjed par byed gsol ba byed par 'gyur
63b7 ro/ /de bzhin gshegs pa de dag yongs su mya ngan las 'das nas kyang / rin po che sna bdun 'di lta ste/ gser dang dngul dang bai dUr+ya dang shel dang mu tig dmar po dang rdo'i snying po dang rin po che sna bdun pa
63b8 spug las mchod rten 'phang du dpag tshad stong / khor yug tu dpag tshad lnga brgya ba dag byed par 'gyur te mchod rten de dag la me tog dang bdug pa dang spos dang phreng ba dang byug pa dang phye ma dang gos dang
64a1 gdugs dang rgyal mtshan dang lha'i ba dan dang rnam par rgyal ba'i ba dan dag gis mchod pa byed par 'gyur ro/ /de'i pha rol gyi yang ches pha rol tu/ sangs rgyas bye ba phrag nyi shu la de lta bu'i bkur sti
64a2 byed btsun par byed ri mo byed mchod pa byed rjed pa byed gsol ba byed par 'gyur ro/ /de nas lus tha ma la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan
64a3 pa/ bde bar gshegs pa 'jig rten mkhyen pa/ skyes bu 'dul ba'i kha lo bsgyur ba/ bla na med pa lha dang mi rnams kyi ston pa sangs rgyas bcom ldan 'das 'dzam bu'i chu bo'i gser gyi 'od ces bya bar
64a4 'jig rten du 'byung ngo / /de'i sangs rgyas kyi zhing yang yongs su dag par 'gyur te mnyam pa nyams dga' ba mdzes pa blta na sdug pa shel gyi gzhi la rin po che'i shing ljon pas rnam par spras pa/ gser
64a5 gyi skud pa bris pa me tog gis chal par bkram pa/ sems can dmyal ba dang dud 'gro'i skye gnas dang gshin rje'i 'jig rten dang lha ma yin gyi ris med de lha dang mi mang pos yongs su gang ba nyan thos
64a6 brgya stong mang pos mdzes par byas pa byang chub sems dpa' brgyad stong mang pos brgyan par 'gyur ro/ /de'i tshe'i tshad ni bar gyi bskal pa bcu gnyis su 'gyur/ de'i dam pa'i chos ni bar gyi bskal pa nyi
64a7 shur gnas par 'gyur/ dam pa'i chos kyi gzugs brnyan yang bar gyi bskal pa nyi shur gnas par 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /gzhan
64a8 du mi 'gyur ba yi tshig brjod kyis/ /de ring nga las dge slong kun nyon cig /nga yi nyan thos gnas brtan kA t+yA yi bu/ /'di ni rnam 'dren rnams la mchod par 'gyur/ /'jig rten 'dren pa mya ngan yongs 'das nas/ /
64b1 de dag rnams kyi mchod rten rnam mang byed/ /bkur sti rnam pa mang po byed 'gyur zhing / /spos dang me tog gis kyang mchod par 'gyur/ /de yis tha ma yi ni lus thob nas/ /yongs su dag pa'i zhing du rgyal bar 'gyur/ /
64b2 ye shes 'di nyid yongs su rdzogs byas te/ /srog chags bye ba stong la 'chad par byed/ /lhar bcas 'jig rten dag na bkur sti byas/ /'od byed gtso bo bcom ldan 'das su 'gyur/ /de ming 'dzam bu'i chu bo gser gyi
64b3 'od/ /lha mi bye ba dag kyang shin tu sgrol/ /byang chub sems dpa' de bzhin nyan thos mang / /sangs rgyas zhing der tshad med grangs med de/ /thams cad 'byung dang 'jigs pa rab spangs nas/ /sangs rgyas bstan pa
64b4 mdzes par byed par 'gyur/ /de nas bcom ldan 'das kyis thams cad dang ldan pa'i dge slong gi dge 'dun la bka' stsal pa/ dge slong dag khyed mos par bya khong du chud par bya'o/ /nga yi nyan thos gnas brtan maud gal gyi bu chen po
64b5 'di/ sangs rgyas nyi khri brgyad stong mnyes par byed par 'gyur te/ sangs rgyas bcom ldan 'das de dag la rnam pa mang pos bkur sti byed/ btsun par byed ri mor byed mchod pa byed rjed pa byed gsol bar byed par 'gyur ro/ /
64b6 sangs rgyas bcom ldan 'das de dag yongs su mya ngan las 'das nas kyang / rin po che sna bdun 'di lta ste/ gser dang dngul dang bai dUr+ya dang shel dang mu tig dmar po dang rdo'i snying po dang spug gi mchod rten 'phang du dpag
64b7 tshad stong / khor yug tu dpag tshad lnga brgya ba dag byed par 'gyur te/ mchod rten de dag la me tog dang bdug pa dang spos dang phreng ba dang byug pa dang phye ma dang gos dang / gdugs dang / rgyal mtshan dang lha'i ba dan dang / rnam
64b8 par rgyal ba'i ba dan dag gis mchod par byed par 'gyur ro/ /de'i pha rol gyi yang ches pha rol du yang sangs rgyas bye ba khrag khrig brgya stong phrag nyi shu rnams la/ de bzhin du 'di ltar bkur sti byed btsun par
65a1 byed ri mor byed mchod par byed rjed pa byed gsol ba byed par 'gyur ro/ /de'i 'og tu lus tha ma la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar
65a2 gshegs pa 'jig rten mkhyen pa skyes bu 'dul ba'i kha lo bsgyur ba bla na med pa lha dang mi rnams kyi ston pa sangs rgyas bcom ldan 'das ta ma la'i lo ma dang tsan dan gyi dri zhes bya bar 'jig rten du 'byung ste/ de'i sangs rgyas kyi zhing ni mngon par dga' ba zhes bya bar 'gyur ro/
65a3 /bskal pa de ni dga' bas gang ba zhes bya bar 'gyur ro/ /de'i sangs rgyas kyi zhing de yongs su dag pa ste mnyam pa nyams dga' ba mdzes pa
65a4 blta na sdug pa shel gyi gzhi la rin po che'i shing ljon pas rnam par spras pa me tog sil mas gtor ba lha dang mi mang pos rab tu gang ba ste/ 'di ltar nyan thos dang byang chub sems dpa'i drang srong brgya stong gnas par 'gyur
65a5 ro/ /de'i tshe'i tshad ni bar gyi bskal pa nyi shu rtsa bzhir 'gyur/ de'i dam pa'i chos ni bar gyi bskal pa bzhi bcur gnas par 'gyur/ dam pa'i chos kyi gzugs brnyan yang bar gyi bskal pa bzhi bcur
65a6 gnas par 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /nga yi nyan thos maud gal rigs 'di ni/ /mi yi lus su gyur pa de bor nas/ /
65a7 skyob pa rgyal ba stong phrag nyi shu dang / /gzhan yang rdul dang bral ba brgyad rnams mthong / /tshangs par spyad pa yang ni der spyad de/ /sangs rgyas ye shes 'di ni tshol byed cing / /rkang
65a8 gnyis gtso bo 'dren pa de dag la/ /de tshe bkur sti rnam pa mang po byed/ /de dag gsungs pa dam chos dri med pa/ /bskal pa bye ba stong du 'dzin par 'gyur/ /bde gshegs de dag mya ngan yongs 'das nas/ /mchod rten
65b1 dag la de tshe mchod byed 'gyur/ /rgyal mchog de dag rnams kyi mchod rten ni/ /rin chen mchod rten ba dan bcas pa byed/ /'jig rten phan pa mdzad pa skyob rnams la/ /rol mo'i sgra dang me tog spos kyis mchod/ /de nas 'di
65b2 ltar tha ma'i lus kyi tshe/ /blta sdug yid du 'ong ba'i zhing der ni/ /'jig rten phan pa thugs brtser der 'gyur te/ /ming ni ta ma la'i lo ma tsan dan dri/ /bar gyi bskal pa nyi shu bzhi tshang bar/ /bde bar gshegs pa'i tshe'i
65b3 tshad tu 'gyur/ /rtag tu lha rnams dang ni mi dag la/ /sangs rgyas tshul 'di rab tu ston par 'gyur/ /de nas rgyal ba de yi nyan thos mang / /bye ba stong phrag gang gA'i bye ma snyed/ /drug mngon shes shing gsum rig rdzu 'phrul che/ /bde
65b4 gshegs bstan la mngon par shes pa thob/ /phyir mi ldog pa'i byang chub sems dpa' mang / /brtson 'grus brtsams shing rtag tu shes bzhin can/ /bde bar gshegs kyi bstan la brtson byed pa/ /stong phrag mang po de dag
65b5 de na yod/ /rgyal ba de dag mya ngan yongs 'das nas/ /bar gyi bskal pa bzhi bcu tshang bar ni/ /de yi tshe na dam chos gnas par 'gyur/ /gzugs brnyan tshad kyang de dang mnyam par 'gyur/ /nga yi nyan thos 'phrul chen lnga po 'di/
65b6 ngas ni de dag byang chub mchog lung bstan/ /ma 'ongs dus na rang 'byung rgyal ba yi/ /de dag gi ni spyod pa nga las nyon/ /dam pa'i chos pad ma dkar po las nyan thos lung bstan pa'i le'u zhes bya ba ste drug pa'o// //
65b7 dge slong dag sngon byung ba 'das pa'i dus na/ bskal pa grangs med pa'i yang ches grangs med pa dpag tu med bsam gyis mi khyab pa gzhal du med pa tshad med pa'i pha rol gyi yang ches pha rol du gyur pa/ de'i tshe de'i dus na
65b8 bskal pa gzugs chen po zhes bya ba la/ 'jig rten gyi khams 'byung ba zhes bya bar/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde
66a1 bar gshegs pa 'jig rten mkhyen pa skyes bu 'dul ba'i kha lo bsgyur ba/ bla na med pa lha dang mi rnams kyi ston pa sangs rgyas bcom ldan 'das mngon par shes pa'i ye shes chen pos zil gyis gnon pa zhes bya ba
66a2 'jig rten du byung ngo / /dge slong dag de bzhin gshegs pa de byung nas ji srid lon zhe na/ dge slong dag 'di lta ste dper na/ mi la la zhig gis stong gsum gyi stong chen po'i 'jig rten gyi khams 'di'i sa'i khams thams cad
66a3 btabs te phye mar byas la/ de nas mi des 'jig rten gyi khams de nas rdul phra rab kyi rdul cig blangs te/ shar phyogs su 'jig rten gyi khams stong 'das nas/ der rdul phra rab kyi rdul cig bzhag /de nas yang
66a4 mi des rdul phra rab kyi rdul cig blangs te/ de'i pha rol gyi yang ches pha rol 'jig rten gyi khams stong 'das nas rdul phra rab kyi rdul cig bzhag la/ rnam grangs 'dis mi des shar phyogs su sa'i khams de thams cad bzhag na/
66a5 dge slong dag de ji snyam du sems/ 'jig rten gyi khams de dag gi mtha' ma dang mu bgrang bas rtogs par nus sam/ de dag gis gsol pa/ bcom ldan 'das de rngo mi thog go/ /bde bar gshegs pa de rngo mi thog go/ /
66a6 bcom ldan 'das kyis bka' stsal pa/ dge slong dag gang dag tu rdul phra rab bzhag pa dang gang dag tu ma bzhag pa'i 'jig rten gyi khams de rnams ni rtsis pa 'am rtsis pa chen po la la zhig gis bgrang zhing rtogs par nus kyi/
66a7 bcom ldan 'das de bzhin gshegs pa mngon par shes pa'i ye shes chen pos zil gyis gnon pa/ yongs su mya ngan las 'das nas bskal pa bye ba khrag khrig brgya stong ji snyed lon pa'i bskal pa ni bgrang ba'i tshul
66a8 gyis mtha' rtogs par mi nus te/ dge slong dag de bzhin gshegs pa de yongs su mya ngan las 'das nas/ de tsam du yun ring ba ni de ltar bsam gyis mi khyab cing de ltar tshad med de/ ngas ni de bzhin
66b1 gshegs pa'i ye shes mthong ba'i stobs bskyed pas/ khar sang ngam de ring yongs su mya ngan las 'das pa bzhin dran no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /rjes su dran pa
66b2 'das pa'i bskal pa mang / /de tshe thub chen rkang gnyis rnams kyi mchog /mngon shes ye shes chen pos zil gyis gnon/ /rgyal ba dam pa 'jig rten byung bar 'gyur/ /'di ltar stong gsum 'di yi 'jig
66b3 rten khams/ /la las phra rab rdul gyi rdul du byas/ /de nas phra rab rdul cig khyer nas su/ /zhing stong rnams ni 'das nas de bzhag la/ /de bzhin du ni gnyis dang gsum bzhag ste/ /des ni rdul du gyur pa
66b4 kun bzhag pas/ /'jig rten 'di yi khams ni stongs gyur cing / /rdul phran de yang thams cad zad gyur la/ /'jig rten khams de dag na yod pa yi/ /rdul phran phye ma de yang tshad med pa/ /de dag ma
66b5 lus gang gis rdul byas te/ /bskal pa brgya 'das mtshan mar 'jog byed pa/ /de ltar bde gshegs mya ngan de 'das nas/ /bskal pa bye ba mang po dpag tu med/ /phra rab rdul kun mtshan mar mi chog
66b6 ste/ /de snyed bskal pa mang po zad par gyur/ /'dren pa mya ngan 'das ring de srid lon/ /nyan thos byang chub sems dpa' de dag kyang / /de 'dra de bzhin gshegs kyi ye shes kyis/ /thams cad dran pa khar sang de
66b7 ring bzhin/ /dge slong gang dag ye shes mtha' yas can/ /de bzhin gshegs kyi ye shes 'di 'dra'o/ /dran pa phra zhing zag pa med pa yis/ /bskal pa du ma brgyas ni nga sangs rgyas/ /dge slong dag 'di ltar de bzhin
66b8 gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de'i tshe'i tshad ni bskal pa bye ba khrag khrig brgya stong phrag lnga bcu rtsa bzhir gyur to/ /bcom ldan 'das de bla na med pa yang
67a1 dag par rdzogs pa'i byang chub mngon par rdzogs par sangs ma rgyas par/ sngar byang chub kyi snying po mchog dam par song nas/ bdud kyi sde thams cad rab tu bcom zhing pham par byas so/ /rab tu bcom zhing pham
67a2 par byas nas/ bla na med pa yang dag par rdzogs pa'i byang chub mngon par rdzogs par sangs rgyas par bya'o snyam na yang / de srid tu de la chos de dag mngon sum du ni ma gyur to/ /de byang chub kyi shing drung du byang chub kyi snying por
67a3 bar gyi bskal pa gcig tu gnas/ bar gyi bskal pa gnyis su gnas kyang de srid tu bla na med pa yang dag par rdzogs pa'i byang chub tu mngon par rdzogs par sangs ma rgyas nas/ bar gyi bskal pa gsum dang bzhi dang lnga dang drug
67a4 dang bdun dang brgyad dang dgu dang bcu yang byang chub kyi shing drung du byang chub kyi snying po dkyil mo dkrung lan cig bcas pa las/ bar du ma langs par 'dug cing sems mi g.yo lus mi 'gul zhing / mi 'gyur bar 'dug kyang de srid tu
67a5 yang de la chos de dag mngon du ma gyur nas/ dge slong dag sum bcu rtsa gsum pa'i lha rnams kyis/ bcom ldan 'das byang chub kyi snying po mchog dam par song ba'i bcom ldan 'das de gang la 'dug ste/ bla na med pa yang dag
67a6 par rdzogs pa'i byang chub tu mngon par rdzogs par sangs rgyas pa'i seng ge'i khri chen po 'phang du dpag tshad lnga brgya pa bshams te/ bcom ldan 'das de byang chub kyi snying por 'dug ma thag tu/ de nas tshangs ris kyi
67a7 lha'i bu dag gis/ byang chub kyi snying po de'i khor yug dpag tshad bcu tshun chad du me tog gi char mngon par phab bo/ /bar snang las rlung langs pas me tog gang dag rnyis pa de dag sel to/ /de ltar me tog gi char de rab tu phab
67a8 pa de bcom ldan 'das byang chub kyi snying po la 'dug pa de la/ rgyun mi 'chad par rab tu phab ste/ bcom ldan 'das de la bar gyi bskal pa bcu tshang bar mngon par phab bo/ /de ltar me tog gi char de rab tu phab ste bcom ldan
67b1 'das de de yongs su mya ngan las 'da' ba'i dus kyi bar du rab tu phab cing / bcom ldan 'das de la mngon par 'thor ro/ /rgyal chen bzhi'i ris kyi lha'i bu dag kyang / bcom ldan 'das byang chub kyi snying po mchog dam pa na 'dug
67b2 pa de la bkur sti bya ba'i phyir/ lha yul pa'i lha'i rnga rab tu brdungs te bar gyi bskal pa bcu tshang bar rab tu brdungs nas/ de nas bcom ldan 'das de nam yongs su mya ngan las 'da' ba chen po'i dus kyi bar du/ lha'i sil
67b3 snyan dag rgyun mi 'chad par rab tu bsil to/ /dge slong dag de nas bar gyi bskal pa bcu 'das pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i
67b4 ye shes chen pos zil gyis gnon pa de/ bla na med pa yang dag par rdzogs pa'i byang chub mngon par rdzogs par sangs rgyas so/ /mngon par rdzogs par sangs rgyas ma thag tu/ bcom ldan 'das de gzhon nur gyur pa'i
67b5 tshe/ de la snying gi bu sha stag bcu drug yod de/ de dag gi bu thu bo ni ye shes 'byung gnas shes bya bar 'gyur te/ dge slong dag 'di ltar rgyal bu gzhon nu bcu drug po de dag re re la yang rtsed mor bya ba/ sna tshogs bkra
67b6 ba dga' bar 'gyur ba blta na sdug pa rnam pa du ma yod la/ dge slong dag de nas rgyal bu gzhon nur gyur pa bcu drug po de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon
67b7 par shes pa'i ye shes chen pos zil gyis gnon pa de/ bla na med pa yang dag par rdzogs pa'i byang chub tu mngon par rdzogs par sangs rgyas par rig nas/ rtsed mor bya ba dga' bar 'gyur ba rnam pa mang po de
67b8 dag spangs te/ ma dang ma ma dag tu du bzhin du yongs su bskor cing mdun du bdar nas/ 'khor lo bsgyur ba'i rgyal po 'phags pa'i mdzod mang po dang rgyal po'i blon po dang srog
68a1 chags bye ba khrag khrig brgya stong mang pos yongs su bskor cing mdun du bdar te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i
68a2 ye shes chen pos zil gyis gnon pa byang chub kyi snying po mchog dam pa na 'dug pa ga la ba der dong ngo / /bcom ldan 'das de la bkur stir bya ba dang btsun par bya ba dang ri mor bya ba dang mchod pa dang rjed pa dang gsol ba'i
68a3 phyir der dong ste lhags nas/ bcom ldan 'das de'i zhabs la mgo bos phyag 'tshal te/ bcom ldan 'das la lan gsum bskor ba byas nas thal mo sbyar te/ bcom ldan 'das de'i spyan sngar tshul dang 'dra ba'i tshigs
68a4 su bcad pa 'di dag gis mngon par bstod do/ /mngon pa chen po drug ldan bla na med/ /bskal pa mtha' yas dag gis yang dag bsgrubs/ /lus can thams cad ma lus bsgral ba'i phyir/ /khyod kyi brnag pa
68a5 bzang de 'dir rdzogs so/ /rab tu dka' mdzad bskal pa bar ma bcur/ /gdan cig de la bzhugs te mdzad pa na/ /bar du nam yang khyod kyi sku ma g.yos/ /phyag zhabs ma g.yos de bzhin gar ma gshegs/ /
68a6 khyod thugs zhi bar gyur cing shin du gnas/ /rtag par mi g.yo gyur cing mi 'gul te/ /khyod la nam yang g.yeng ba mi mnga' la/ /khyod ni rab zhi zag pa med la gnas/ /dge ba dang ni bde ba dga' ba dang / /gnod
68a7 pa med par byang chub mchog 'di brnyes/ /de lta bu ni bdag cag rnams kyi khe/ /mi dbang seng ge bdag cag dge bar skyes/ /skye dgu 'di kun mgon med sdug bsngal te/ /mig phyung bde ba dag las rnam par
68a8 nyams/ /sdug bsngal mthar mchi lam rnams mi 'tshal bas/ /thar pa'i phyir ni brtson 'grus mi skyed do/ /yun ring du ni ngan song 'phel bar bgyid/ /lha yi lus las yongs su nyams pa'i chos/ /
68b1 de na rgyal ba'i sgra ni yong mi grag /'jig rten 'di kun gti mug mun gnag go/ /zag med dam pa zhi ba'i go 'phang ni/ /'jig rten rig pa khyod kyis deng brnyes pas/ /bdag cag rnams dang 'jig rten rjes su bzung / /
68b2 mgon po khyod la rab tu skyabs su mchi/ /dge slong dag de nas rgyal bu gzhon nur gyur pa byis pa bcu drug po de rnams kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon
68b3 par shes pa'i ye shes chen pos zil gyis gnon pa de la tshul dang 'dra ba'i tshigs su bcad pa 'di dag gis mngon par bstod nas/ skye bo mang po la phan pa dang skye bo mang po la bde ba dang 'jig rten la thugs brtse ba dang lha dang mi
68b4 dang skye bo phal po che'i don dang phan pa dang bde ba'i slad du/ bcom ldan 'das chos bshad tu gsol/ bde bar gshegs pa chos bshad tu gsol zhes bcom ldan 'das de la chos kyi 'khor lo bskor bar gsol ba btab ste/ de'i tshe tshigs
68b5 su bcad pa 'di dag gsol to/ /bsod nams brgya yi mtshan can chos bshad gsol/ /rnam par 'dren pa mtshungs med drang srong che/ /ye shes dam pa khyad par 'phags brnyes pa/ /lha dang bcas pa 'jig rten rnams la ston/ /bdag cag rnams
68b6 dang sems can 'di dag sgrol/ /ci nas byang chub mchog 'di bdag cag dang / /sems can 'di rnams kyis kyang thob 'gyur bar/ /de bzhin gshegs kyi ye shes bstan du gsol/ /spyod pa dang ni ye shes kun kyang mkhyen/ /bsam pa rnams dang
68b7 sngon gyi bsod nams dang / /srog chags kun gyi mos pa rnams mkhyen pa/ /bla med 'khor lo dam pa bskor du gsol// //dam pa'i chos pa dam dkar po bam po drug pa/ /dge slong dag de nas yang de'i tshe na/ bcom ldan 'das de bzhin gshegs pa dgra bcom
68b8 pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de/ bla na med pa yang dag par rdzogs pa'i byang chub mngon par rdzogs par 'tshang rgya ba dang / phyogs bcu'i phyogs re rer yang 'jig rten gyi khams bye ba khrag khrig brgya stong phrag lnga
69a1 bcu rnam pa drug tu g.yos nas snang ba chen pos khyab par gyur te/ 'jig rten gyi khams de dag thams cad kyi 'jig rten gyi bar mi khom par gyur cing / mun pa mun nag tu gyur pa gang dag na/ nyi ma dang zla ba 'di ltar rdzu 'phrul che ba/ 'di
69a2 ltar mthu che ba 'di ltar gzi brjid che ba/ de dag gi 'od kyis kyang snang bar mi nus te/ de dag gi kha dog gis kyang kha dog dang gzi brjid tu byed mi nus pa de dag tu yang de'i tshe snang ba chen por 'byung bar gyur to/ /'jig rten gyi bar de dag tu sems
69a3 can gang dag skyes pa de dag kyang / gcig gis gcig mthong nas/ e ma kye sems can gzhan dag cig kyang 'dir skyes shing 'khod pa lte/ e ma kye sems can gzhan dag cig kyang 'dir skyes shing 'khod pa lta zhes gcig gis gcig shes
69a4 so/ /'jig rten gyi khams de dag thams cad na lha'i gnas dang lha'i gzhal med khang gang dag yod pa nas/ tshangs pa'i 'jig rten gyi bar du yang rnam par drug tu g.yos par gyur nas/ snang ba chen pos khyab ste/ lha rnams kyi lha'i mthu las kyang
69a5 'das so/ /dge slong dag de ltar de'i tshe/ 'jig rten gyi khams de dag tu sa cher g.yos shing snang ba chen po yang byung bar gyur to/ /de nas shar phyogs su 'jig rten gyi khams bye ba khrag khrig brgya stong phrag lnga bcu de dag na tshangs pa'i gzhal med khang gang dag yod pa de dag
69a6 shin tu mdzes shing lhan ne lhang nger gyur la/ dpal dang ldan zhing gzi brjid can du gyur to/ /dge slong dag de nas tshangs pa de dag 'di snyam du/ tshangs pa'i gzhal med khang 'di dag shin du mdzes shing lhan ne
69a7 lhang nger gyur la/ dpal dang ldan zhing gzi brjid can du gyur pa 'di su'i snga ltas su 'gyur snyam sems so/ /dge slong dag de nas 'jig rten gyi khams bye ba khrag khrig brgya stong phrag lnga bcu po
69a8 de dag na/ tshangs pa chen po gang dag 'khod pa de dag thams cad gnas dag tu phan tshun dong nas smra'o/ /dge slong dag de nas tshangs pa chen po sems
69b1 can thams cad skyob pa zhes bya bas/ /tshangs pa chen po'i tshogs de la tshigs su bcad de smras pa/ bdag cag thams cad de ring shin du dga'/ /gzhal med khang mchog 'di dag rab tu 'bar/ /dpal ldan lham me yid du 'ong ba ste/ /ci
69b2 yi phyir na de ring 'di 'drar gyur/ /don 'di btsal bar byas na rab tu legs/ /lha yi bu zhig de ring skyes gyur te/ /'di 'dra bar ni de yi mthus gyur tam/ /sngon chad ma byung 'di ni de ring snang / /gal te sangs rgyas mi dbang rgyal
69b3 po de/ /'jig rten ga shed tu ni deng byung ste/ /de ring phyogs bcu dag na dpal 'bar ba/ /'di 'dra 'di ni de yi ltas yin nam/ dge slong dag de nas 'jig rten gyi khams bye ba khrag khrig brgya stong phrag lnga bcu po de dag na/
69b4 tshangs pa chen po gang dag 'khod pa de dag thams cad lhan cig 'dus nas/ de dag rang rang gi tshangs pa'i lha'i gzhal med khang de dag tu bzhugs te/ lha'i me tog gi phur ma ri rab tsam bkod nas/ phyogs bzhir rgyu zhing 'dong
69b5 ba las/ nub phyogs logs su dong ba dang / dge slong dag de nas tshangs pa chen po de dag gis/ nub phyogs logs na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par
69b6 shes pa'i ye shes chen pos zil gyis gnon pa/ byang chub kyi snying po mchog dam par gshegs shing / byang chub kyi shing drung na seng ge'i khri la bzhugs te/ lha dang klu dang gnod sbyin dang dri za dang lha ma yin dang nam
69b7 mkha' lding dang mi 'am ci dang lto 'phye chen po dang mi dang mi ma yin pa dag gis ni yongs su bskor cing mdun gyis bltas te/ sras rgyal bu gzhon nu bcu drug po de dag gis ni/ chos kyi 'khor lo bskor bar gsol ba 'debs
69b8 par mthong ngo / /mthong nas kyang bcom ldan 'das de ga la ba der dong nas lhags pa dang / bcom ldan 'das de'i zhabs la mgo bos phyag 'tshal te/ bcom ldan 'das de la lan brgya stong du ma bskor ba byas nas/ me tog gi phur ma ri rab tsam de dag
70a1 gis bcom ldan 'das de la gtor rab tu gtor te/ byang chub kyi shing de'i dpag tshad bcu tshun chad gtor nas/ tshangs pa'i gzhal med khang de dag kyang bcom ldan 'das de la phul te/ bcom ldan 'das bdag cag la thugs
70a2 brtse ba'i slad tu/ tshangs pa'i gzhal med khang 'di dag bzhes su gsol/ bcom ldan 'das bdag cag la thugs brtse ba'i slad tu/ tshangs pa'i gzhal med khang 'di dag yongs su spyad tu gsol/ bde bar gshegs pa yongs
70a3 su spyad tu gsol zhes gsol to/ /dge slong dag de nas tshangs pa chen po de dag gis rang rang gi gzhal med khang de dag bcom ldan 'das de la phul nas/ de'i tshe bcom ldan 'das de'i spyan sngar tshul dang 'dra ba'i tshigs su bcad
70a4 pa 'di dag gis mngon par bstod do/ /ngo mtshar gyur pa rgyal ba tshad med pa/ /'jig rten phan pa thugs brtse 'dir byung ste/ /mgon po bla ma ston pa byung gyur pas/ /deng ni phyogs bcu po dag rjes su gzung / /'di dag nas kyang
70a5 'jig rten mkhas rnams ni/ /bye ba khrag khrig lnga bcu tshang ba nas/ /bdag cag de nas rgyal la phyag 'tshal lhags/ /gzhal med khang mchog rnam pa kun tu spangs/ /bdag cag rnams kyis sngon chad las
70a6 bgyis pas/ /gzhal med khang pa ri mo bkra 'di dag /bdag cag rnams la thugs brtse'i slad tu bzhes/ /'jig rten mkhyen pa ci dgyes spyad tu gsol/ /dge slong dag de nas tshangs pa
70a7 chen po de dag /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de'i spyan sngar tshul dang 'dra ba'i tshigs su
70a8 bcad pa de dag gis mngon par bstod nas/ bcom ldan 'das la 'di skad ces gsol to/ /bcom ldan 'das 'jig rten du chos kyi 'khor lo bskor du gsol/ bcom ldan 'das mya ngan las 'da' ba bshad du
70b1 gsol/ bcom ldan 'das sems can rnams bsgral du gsol/ bcom ldan 'das 'jig rten 'di dag rjes su gzung du gsol/ bcom ldan 'das lha dang bcas bdud dang bcas tshangs pa dang bcas pa'i 'jig rten
70b2 dang dge sbyong dang bram zer bcas pa'i skye dgu rnams dang lha dang mi dang lha ma yin du bcas pa la chos bstan du gsol/ de ni skye bo mang po la sman pa dang skye bo mang po la bde ba dang 'jig rten la thugs brtse ba dang skye bo phal po che dang /
70b3 lha dang mi rnams kyi don dang sman pa dang bde bar 'gyur ro/ /dge slong dag de nas tshangs pa chen po bye ba khrag khrig brgya stong phrag lnga bcu po de dag gis sgra skad gcig tu mthun par brjod de/ bcom ldan 'das de la tshigs su bcad pa
70b4 'di dag gsol to/ /bcom ldan 'das kyis chos bshad gsol/ /rkang gnyis gtso bos bstan du gsol/ /byams pa'i stobs kyis bshad tu gsol/ /sems can sdug bsngal rnams las sgrol/ /'jig rten sgron
70b5 ma rnyed dka' ste/ u dum ba ra'i me tog bzhin/ /dpa' bo chen po byung bas na/ /de bzhin gshegs la gsol bar 'tshal/ /dge slong dag de nas tshangs pa chen po de dag la/ bcom ldan 'das des cang mi gsung bar
70b6 gyur pas gnang ngo / /dge slong dag de'i tshe na shar lho'i phyogs mtshams kyi 'jig rten gyi khams bye ba khrag khrig brgya stong phrag lnga bcu dag na/ tshangs pa'i gzhal med khang gang dag yod pa de dag shin du mdzes shing
70b7 lhan ne lhang nger gyur la/ dpal dang ldan zhing gzi brjid can du gyur to/ /dge slong dag de nas tshangs pa chen po de dag 'di snyam du/ tshangs pa'i gzhal med khang gang dag yod pa de dag shin du mdzes shing / lhan ne lhang nger gyur la
70b8 dpal dang ldan zhing gzi brjid can du gyur pa 'di/ su'i snga ltas su 'gyur snyam du sems so/ /dge slong dag de nas 'jig rten gyi khams/ bye ba khrag khrig brgya stong phrag lnga bcu po de dag na tshangs pa chen po gang dag 'khod pa de dag thams cad gnas dag tu phan
71a1 tshun dong nas smra'o/ /dge slong dag de nas tshangs pa chen po rab tu snying rje can zhes bya bas/ tshangs pa'i tshogs chen po de la tshigasu bcad de smras pa/ grogs dag su yi snga ltas kyis/ /gzhal med khang rnams
71a2 deng mdzes shing / /shin du gzi brjid ldan gyur par/ /de ring 'di na snang bar 'gyur/ /ci ste de ring lha yi bu/ /bsod nams can zhig 'dir 'ongs te/ /de'i mthu ni gzhal med khang / /'di dag thams cad mdzes gyur
71a3 tam/ /'on te sangs rgyas rkang gnyis mchog /'jig rten 'dir ni byung 'gyur tam/ /gang gi mthus ni 'di ltar deng / /gzhal med khang 'di 'di 'drar gyur/ /thams cad 'dus te brtag par bya/ /'di ni don chung
71a4 ma yin te/ /sngan chad dag ni 'di 'dra ba'i/ /ltas ni nam yang ma mthong ngo / /phyogs bzhi dag tu 'dong bar bya/ /bye ba snyed kyi zhing yang bskor/ /de ring sangs rgyas 'jig rten du/ /gdon mi za bar 'byung bar 'gyur/ /
71a5 dge slong dag de nas tshangs pa bye ba khrag khrig brgya stong phrag lnga bcu po de dag /rang rang gi tshungs pa'i lha'i gzhal med khang de dag tu zhugs te/ lha'i me tog gi phur ma ri rab tsam thogs nas/ phyogs bzhir rgyu zhing
71a6 'dong ba las/ nub byang gi phyogs mtshams su dong ba dang / dge slong dag de nas tshangs pa chen po de dag gis/ nub byang gi phyogs mtshams na/ bcom ldan 'das de bzhin gshegs pa dgra bcom pa yang dag par rdzogs
71a7 pa'i sangs rgyas mngon par shes pa'i ye shes chen pos zil gyis gnon pa de/ byang chub kyi snying po mchog dam par gshegs shing / byang chub kyi shing drung na/ seng ge'i khri la bzhugs te/ lha dang klu dang gnod sbyin dang dri za dang /
71a8 lha ma yin dang namakha' lding dang mi'am ci dang lto 'phye chen po dang mi dang mi ma yin pa dag gis ni yongs su bskor cing mdun gyis bltas te/ sras rgyal bu gzhon nu bcu drug po de dag ni/ chos kyi 'khor lo bskor bar gsol ba 'debs pa mthong ngo / /
71b1 mthong nas kyang bcom ldan 'das de ga la ba der dong ste lhag nas/ bcom ldan 'das de'i zhabs la mgo bos phyag 'tshal te/ bcom ldan 'das de la lan brgya stong du mar bskor ba byas nas me tog gi phur ma ri rab tsam de dag gis
71b2 bcom ldan 'das de la gtor rab tu gtor te/ byang chub kyi shing de'i dpag tshad bcu tshun chad gtor nas/ tshangs pa'i gzhal med khang dag kyang bcom ldan 'das de la phul te/ bcom ldan 'das bdag cag la thugs brtse ba'i
71b3 slad du tshangs pa'i gzhal med khang 'di dag bzhes su gsol/ bde bar gshegs pa bdag cag la thugs brtse ba'i slad du tshangs pa'i gzhal med khang 'di dag yongasu spyad tu gsol zhes gsol to/ /dge slong dag de nas
71b4 tshangs pa chen po de dag gis rang rang gi gzhal med khang de dag bcom ldan 'das de la phul nas/ de'i tshe bcom ldan 'das de'i spyan sngar tshul dang 'dra ba'i tshigs su bcad pa 'di dag gis mngon par bstod do/ /mtshungs med drang
71b5 srong che la phyag 'tshal lo/ /ka la ping ka'i dbyangs snyan lha yi lha/ /rnam par 'dren pa lhar bcas 'jig rten na/ /'jig rten phan brtse khyod la phyag 'tshal lo/ /mgon po shin du yun ring rgya lam na/ /ngo mtshar gyur pa de ring
71b6 'jig rten byung / /bskal pa brgya tshang tshol ba'i 'jig rten 'di/ /sangs rgyas brgyad bcu dag dang mtshungs par gyur/ /bskal pa khrag khrig brgyad bcu rdzogs par ni/ /rkang gnyis gtso bos sngon chad stongs par
71b7 gyur/ /de srid ngan song sa 'di rnam par 'phel/ /lha yi lus ni rtag tu nyams par gyur/ /da ni bdag cag rnams kyi bsod nams kyis/ /chos kyi rgyal po mig dang rten dang gnas/ /skyob dang pha dang rtsa lag
71b8 phan mdzad pa/ /thugs brtser ldan pa 'jig rten 'dir byung ngo / /dge slong dag de nas tshangs pa chen po de dag gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon
72a1 par shes pa'i ye shes chen pos zil gyis gnon pa de'i spyan sngar tshul dang 'dra ba'i tshigs su bcad pa 'di dag gis mngon par bstod nas/ bcom ldan 'das de la 'di skad ces gsol to/ /bcom ldan 'das
72a2 'jig rten du chos kyi 'khor lo bskor du gsol/ bcom ldan 'das mya ngan las 'da' ba bshad du gsol/ bcom ldan 'das sems can rnams bsgral du gsol/ bcom ldan 'das 'jig rten 'di dag rjes su
72a3 gzung du gsol/ bcom ldan 'das lha dang bcas bdud dang bcas tshangs pa dang bcas pa'i 'jig rten dang dge sbyong dang bram zer bcas pa'i skye dgu rnams dang lha dang mi dang lha ma yin du bcas pa la chos bshad du gsol/ de ni skye bo
72a4 mang po la sman pa dang skye bo mang po la bde ba dang 'jig rten la thugs brtse ba dang / skye bo phal po che dang lha dang mi rnams kyi don dang sman pa dang bde bar 'gyur ro/ /dge slong dag de nas tshangs pa chen po bye ba khrag khrig brgya stong phrag
72a5 lnga bcu po de dag gis sgra skad gcig tu mthun par brjod de/ bcom ldan 'das la tshigs su bcad pa 'di dag gsol to/ /thub pa chen po 'khor lo mchog bskor gsol/ /phyogs bcu rnams su chos rab bshad tu
72a6 gsol/ /sdug bsngal chos kyis gzir ba'i sems can sgrol/ /lus can rnams la dga' zhing rangs pa skyed/ /de thos pas na byang chub thob 'gyur te/ /lha yi gnas rnams su yang mchi bar 'gyur/ /
72a7 kun gyis lha ma yin gyis lus spangs te/ /dul zhing zhi la rab tu bde bar 'gyur/ /dge slong dag de nas tshangs pa de dag la yang / bcom ldan 'das des cang mi gsung bar gyur pas gnang ngo / /dge slong dag de'i tshe lho
72a8 phyogs kyi 'jig rten gyi khams bye ba khrag khrig brgya stong phrag lnga bcu po de dag na tshangs pa'i gzhal med khang gang dag yod pa de dag shin du mdzes shing lhan ne lhang nger gyur la dpal dang ldan zhing gzi brjid can du gyur to/ /
72b1 dge slong dag de nas tshangs pa chen po de dag 'di snyam du tshangs pa'i gzhal med khang 'di dag ni shin du mdzes shing lhan ne lhang nger gyur la dpal dang ldan zhing gzi brjid can du gyur pa 'di su'i snga ltas su 'gyur snyam du sems so/ /dge slong
72b2 dag de nas 'jig rten gyi khams bye ba khrag khrig brgya stong phrag lnga bcu po de dag na/ tshangs pa chen po gang dag 'khod pa de dag thams cad gnas dag tu phan tshun dong nas smra'o/ /dge slong dag de nas tshangs pa chen po chos
72b3 bzang zhes bya bas tshangs pa'i tshogs chen po de la tshigs su bcad pa smras pa/ grogs po de ring rgyu med rkyen med par/ /gzhal med khang 'di thams cad gzi can gyur/ /'jig rten 'dir ni cung zad ltas ci ston/ /
72b4 de yi don ni legs par btsal bar bya/ /bskal pa brgya phrag mi nyung 'das pa nas/ /'di 'dra'i ltas sngon nam yang byung ma gyur/ /yang na 'dir ni lha yi bu zhig skyes/ /yang na 'jig rten 'dir ni sangs rgyas byung / /
72b5 dge slong dag de nas 'jig rten gyi khams bye ba khrag khrig brgya stong phrag lnga bcu po de dag na tshangs pa chen po gang dag 'khod pa de dag thams cad lhan gcig tu 'dus nas/ rang rang gi tshangs pa'i gzhal med khang de dag tu bzhugs
72b6 te/ lha yi me tog gi phur ma ri rab tsam de dag thogs nas/ phyogs bzhir rgyu zhing 'dong ba las byang phyogs su dong ba dang / dge slong dag de nas tshangs pa chen po de dag gis byang phyogs logs na bcom ldan 'das
72b7 de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de/ byang chub kyi snying po mchog dam par gshegs shing byang chub kyi shing drung
72b8 na seng ge'i khri la bzhugs te/ lha dang klu dang gnod sbyin dang dri za dang lha ma yin dang namakha' lding dang mi 'am ci dang lto 'phye chen po dang mi dang mi ma yin pa dag gis ni yongs su bskor cing mdun gyis blta
73a1 te/ sras rgyal bu gzhon nu bcu drug po de dag ni chos kyi 'khor lo bskor bar gsol ba 'debs pa mthong ngo / /mthong nas kyang bcom ldan 'das ga la ba der dong ste lhags nas bcom ldan 'das de'i zhabs
73a2 la mgo bos phyag 'tshal te/ bcom ldan 'das de la lan brgya stong du mar bskor ba byas nas/ me tog gi phur ma ri rab tsam de dag gis bcom ldan 'das de la gtor rab tu gtor te/ byang chub kyi shing de'i dpag
73a3 tshad bcu tshun chad gtor nas tshangs pa'i gzhal med khang de dag kyang bcom ldan 'das de la phul te/ bcom ldan 'das bdag cag la thugs brtse ba'i slad tu tshangs pa'i gzhal med khang 'di dag bzhes su
73a4 gsol/ bde bar gshegs pa bdag cag la thugs brtse ba'i slad tu tshangs pa'i gzhal med khang 'di dag yongs su spyad tu gsol zhes gsol to/ /dge slong dag de nas tshangs pa chen po de dag gis kyang rang rang gi
73a5 gzhal med khang de dag bcom ldan 'das de la phul nas/ de'i tshe bcom ldan 'das de'i spyan sngar tshul dang 'dra ba'i tshigs su bcad pa 'di dag gis mngon par bstod do/ /'dren pa mthong ba shin du rnyed par dka'/ /
73a6 legs gshegs khyod ni srid pa'i 'dod chags 'joms/ /'jig rten gyi ni ring lon khyod de mthong / /bskal pa brgya snyed tshang nas snang bar 'gyur/ /'jig rten mgon po skye dgu skom ngoms mdzod/ /
73a7 sngon chad ma mthong brgya lam snang bar gyur/ /rnyed dka' u dum ba ra'i mi rtog bzhin/ /de bzhin rnam par 'dren pa brgya la mthong / /rnam par 'dren pa bdag cag gzhal med khang / /khyod kyi mthus ni de ring mdzes
73a8 par gyur/ /kun tu spyan gyis 'di dag bzhes su gsol/ /bdag cag thugs brtse'i slad tu spyad pa mdzod/ /dge slong dag de nas tshangs pa chen po de dag gis bcom ldan 'das de bzhin gshegs pa dgra bcom pa yang dag
73b1 par rdzogs pa'i sangs rgyas mngon par shes pa'i ye shes chen pos zil gyis gnon pa de'i spyan sngar/ tshul dang 'dra ba'i tshigs su bcad pa 'di dag gis mngon par bstod nas/ bcom ldan 'das de la 'di skad
73b2 ces gsol to/ /bcom ldan 'das 'jig rten du chos kyi 'khor lo bskor du gsol/ bcom ldan 'das mya ngan las 'da' ba bshad du gsol/ bcom ldan 'das sems can rnams bsgral du gsol/ bcom ldan 'das
73b3 'jig rten 'di dag rjes su gzung du gsol/ bcom ldan 'das lha dang bcas bdud dang bcas tshangs pa dang bcas pa'i 'jig rten dang dge sbyong dang bram zer bcas pa'i skye dgu rnams dang lha dang mi dang lha ma yin du bcas pa la
73b4 chos bshad du gsol/ de ni skye bo mang po la sman pa dang skye bo mang po la bde ba dang 'jig rten la thugs brtse ba dang skye bo phal po che dang lha dang mi rnams kyi don dang sman pa dang bde bar 'gyur ro/ /dge slong dag de nas tshangs pa
73b5 bye ba khrag khrig brgya stong phrag lnga bcu po de dag gis sgra skad gcig tu mthun par brjod de/ bcom ldan 'das de la tshigs su bcad pa 'di dag gsol to/ /rnam par 'dren pa bcom ldan chos bshad gsol/ /
73b6 chos kyi 'khor lo rab tu bskor du gsol/ /chos kyi rnga rnams rab tu brdung du gsol/ /chos kyi dung yang rab tu bud par gsol/ /dam chos char pa 'jig rten dbab tu gsol/ /dbyangs snyan pas ni legs par bstan du gsol/ /
73b7 gsol ba bzhin du chos ni bshad du gsol/ /sems can bye ba khrag khrig dgrol du gsol/ /dge slong dag de nas tshangs pa chen po dag la yang bcom ldan 'das des cang mi gsung bar gyur pas gnang ngo / /de bzhin du sbyar te de bzhin du
73b8 lho nub kyi phyogs dang de bzhin du nub kyi phyogs dang de bzhin du nub byang gis phyogs dang de bzhin du byang gis phyogs dang de bzhin du byang shar gyi phyogs dang 'og gi phyogs kyang de bzhin no/ /dge slong dag de nas steng gi phyogs kyi 'jig rten gyis
74a1 khams bye ba khrag khrig brgya stong phrag lnga bcu po de dag na tshangs pa'i gzhal med khang gang dag yod pa de dag shin du mdzes shing lhan ne lhang nger gyur la dpal dang ldan zhing gzi brjid can du gyur to/ /dge slong dag de nas
74a2 tshangs pa chen po de dag 'di snyam du tshangs pa'i gzhal med khang 'di dag shin du mdzes shing lhan ne lhang nger gyur la dpal dang ldan zhing gzi brjid can du gyur pa 'di su'i snga ltas su 'gyur snyam du sems so/ /dge slong dag de nas
74a3 'jig rten gyi khams bye ba khrag khrig brgya stong phrag lnga bcu po de dag na/ tshangs pa chen po gang dag 'khod pa de dag thams cad gnas dag tu phan tshun dong nas smra'o/ /dge slong dag de nas tshangs pa chen po gtsug tor can zhes bya bas
74a4 tshangs pa'i tshogs chen po de dag la tshigs su bcad de smras pa/ grogs po ci yi rgyu yis 'di ltar gyur/ /gzhal med khang rnams gang gis yongs su khyab/ /gzi dang kha dog dang ni 'bar bas kyang / /shin du rgyas pa rgyu ci yod/ /
74a5 'di 'dra sngon chad bdag cag yong ma mthong / /sus kyang sngon chad 'di 'dra ma thos te/ /de ring 'di ltar 'od kyis 'di khyab pa/ /shin du cher mdzes 'di la rgyu ci yod/ /ci ste dge ba'i las dang ldan pa yi/ /lha'i bu zhig de ring 'dir byung ste/ /
74a6 byung ba de yi mthu ni 'di yin nam/ /yang na brgya la sangs rgyas 'jig rten byung / /dge slong dag de nas 'jig rten gyi khams bye ba khrag khrig brgya stong phrag lnga bcu po de dag na tshangs pa chen po gang dag 'khod pa de dag thams cad lhan
74a7 cig 'dus nas/ rang rang gi tshangs pa'i gzhal med khang de dag tu zhugs te/ lha'i me tog gi phur ma ri rab tsam thogs nas/ phyogs bzhir rgyu zhing 'dong ba las/ 'og gi phyogs logs su dong ba dang /
74a8 dge slong dag de nas tshangs pa chen po de dag gis 'og gi phyogs na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil
74b1 gyis gnon pa byang chub kyi snying po mchog dam par gshegs shing / byang chub kyi shing drung na seng ge'i khri la bzhugs te/ lha dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye
74b2 chen po dang mi dang mi ma yin pa dag gis ni yongs su bskor cing mdun gyis bltas te/ sras rgyal bu gzhon nu bcu drug po de dag ni chos kyi 'khor lo bskor bar gsol ba 'debs pa mthong ngo / /mthong nas kyang
74b3 bcom ldan 'das de ga la ba der dong ste/ lhag nas bcom ldan 'das de'i zhabs la mgo bos phyag 'tshal te/ bcom ldan 'das de la lan brgya stong du mar bskor ba byas nas/ me tog gi phur ma ri rab
74b4 tsam de dag gis bcom ldan 'das de la gtor rab tu gtor te/ byang chub kyi shing de'i dpag tshad bcu tshun chad gtor nas/ tshangs pa'i gzhal med khang de dag kyang bcom ldan 'das de la phul te/ bcom ldan 'das
74b5 bdag cag la thugs brtse ba'i slad tu tshangs pa'i gzhal med khang 'di dag bzhes su gsol/ bde bar gshegs pa bdag cag la thugs brtse ba'i slad tu tshangs pa'i gzhal med khang 'di dag yongs su spyad tu
74b6 gsol zhes gsol to/ /dge slong dag de nas tshangs pa chen po de dag rang rang gi gzhal med khang de dag bcom ldan 'das de la phul nas/ de'i tshe bcom ldan 'das de la tshul dang 'dra ba'i tshigs su bcad pa
74b7 'di dag gis mngon par bstod do/ /khams gsum dag na sems can rnams/ /bcings pa gang dag 'grol ba yi/ /'jig rten mgon po skyob mdzad pa/ /sangs rgyas rnams ni mthong
74b8 ba legs/ /'jig rten dbang po kun tu spyan/ /phyogs bcur rnam par gzigs mdzad cing / /'chi ba med pa'i sgo phye nas/ /skye bo mang po shin du sgrol/ /sngan chad bskal pa bsam mi khyab/ /'das pa de dag
75a1 stongs gyur te/ /rgyal ba dbang po ma mthong bas/ /phyogs bcu dag ni ldongs par gyur/ /mi bzad sems can dmyal ba dang / /lha min dud 'gro skye gnas 'phel/ /srog chags bye ba phrag stong ni/ /yi dag rnams
75a2 su skye bar 'gyur/ /lha mi lus las nyams nas ni/ /'chi zhing 'phos nas ngan 'gror mchis/ /sangs rgyas rnams kyi chos ma thos/ /de yi 'gro ba sdig can gyur/ /srog chags kun gyi spyod dag pa'i/ /
75a3 rgyud kyi shes rab nyams par gyur/ /de dag bde ba rnam par zhig /bde ba'i 'du shes zhig par gyur/ /de dag cho ga log pa lags/ /dam chos ma lags rnams la gnas/ /'jig rten mgon gyis ma
75a4 brtul bas/ /ngan 'gro rnams su de dag ltung / /dge ba 'jig rten sgron ma yi/ /shin du ring nas byon par 'gyur/ /sems can kun gyi slad tu yang / /rjes su thugs brtse 'dir byung ngo / /sangs rgyas ye shes
75a5 bla med pa/ /dga' zhing bde bar rab tu brnyes/ /lha dang bcas pa'i 'jig rten dang / /bdag cag khyod la rjes yid rang / /gtso bo khyod kyi mthu yis ni/ /gzhal med khang dag rnam bkra ba/ /dpa' bo chen po khyod
75a6 la 'bul/ /thub pa chen po bzhes su gsol/ /bdag cag rnams la thugs brtse'i slad/ /rnam 'dren yongs su spyad tu gsol/ /bdag cag rnams dang sems can kun/ /byang chub mchog la reg par bgyi/ /
75a7 dge slong dag de nas tshangs pa chen po de dag gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de'i spyan sngar tshul dang
75a8 'dra ba'i tshigs su bcad pa 'di dag gis mngon par bstod nas/ bcom ldan 'das de la 'di skad ces gsol to/ /bcom ldan 'das 'jig rten du chos kyi 'khor lo bskor du gsol/ bcom ldan 'das mya ngan las 'da' ba bshad du
75b1 gsol/ bcom ldan 'das sems can thams cad bsgral du gsol/ bcom ldan 'das 'jig rten 'di dag rjes su gzung du gsol/ bcom ldan 'das lha dang bcas bdud dang bcas tshangs pa dang bcas pa'i 'jig
75b2 rten dang dge sbyong dang bram zer bcas pa'i skye dgu rnams dang lha dang mi dang lha ma yin du bcas pa la chos bshad du gsol/ de ni skye bo mang po la sman pa dang skye bo mang po la bde ba dang 'jig rten la thugs brtse ba dang skye bo phal
75b3 po che dang lha dang mi rnams kyi don dang sman pa dang bde bar 'gyur ro/ /dge slong dag de nas tshangs pa chen po bye ba khrag khrig brgya stong phrag lnga bcu po de dag gis sgra skad gcig tu mthun par brjod de/ bcom ldan 'das de
75b4 la tshul dang 'dra ba'i tshigs su bcad pa 'di dag gsol to/ /'khor lo bla med dam pa bskor du gsol/ /'chi ba med pa'i rnga yang brdung du gsol/ /sems can sdug bsngal brgya las thar bar mdzod/ /mya ngan 'das
75b5 pa'i lam yang bstan du gsol/ /bdag cag gsol ba bzhin du chos gsung zhing / /'jig rten 'di dang bdag cag rjes su gzung / /bskal pa bye ba stong du bsgrubs pa yi/ /gsung snyan 'jam pa de dag dbyung du
75b6 gsol/ /dge slong dag de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de/ tshangs pa bye ba khrag
75b7 khrig brgya stong phrag mang po de dag dang sras rgyal bu gzhon nu bcu drug po de dag gis gsol ba btab par mkhyen nas/ de'i tshe dge sbyong ngam bram ze 'am lha 'am bdud dam mtshangs pa 'am gang gis kyang 'jig rten du chos
75b8 dang mthun pas ma bskor ba'i chos kyi 'khor lo 'di lta ste/ 'di ni sdug bsngal ba'o/ /'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gro ba'i lam mo zhes bya ba lan
76a1 gsum du bzlas te rnam pa bcu gnyis su bskor ro/ /dge slong dag 'di ltar ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang
76a2 gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/
76a3 skye ba'i rkyen gyis rga shi dang mya ngan dang smre sngags 'don pa dang sdug bsngal ba dang yid mi bde ba dang 'khrug pa rnams 'byung ste/ de ltar sdug bsngal gyi phung po chen po 'ba' shig po 'di 'byung bar 'gyur ro/ /ma rig pa 'gag
76a4 pas 'du byed 'gag /'du byed 'gags pas rnam par shes pa 'gag /rnam par shes pa 'gag pas ming dang gzugs 'gag /ming dang gzugs 'gags pas skye mched drug 'gag /skye mched drug
76a5 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba
76a6 'gag /skye ba 'gags pas rga shi dang mya ngan dang smre sngags 'don pa dang sdug bsngal ba dang yid mi bde ba dang 'khrug pa rnams 'gag ste/ de ltar sdug bsngal gyi phung po chen po 'ba' shig po 'di 'gag par 'gyur ro/ /
76a7 zhes bya ba rten cing 'brel bar 'byung ba la 'jug pa yang rgya cher rab tu ston to/ /dge slong dag de ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i
76a8 ye shes chen pos zil gyis gnon pa des/ chos kyi 'khor lo 'di lha dang bcas bdud dang bcas tshangs pa dang bcas pa'i 'jig rten dang dge sbyong dang bram zer bcas pa'i 'khor gyis mdun du bskor nas/ skad cig thang cig yud tsam
76b1 de la srog chags bye ba khrag khrig brgya stong phrag drug bcu len pa med par zag pa rnams las sems rnam par grol nas/ de dag thams cad kyang rig pa gsum dang ldan pa dang mngon par shes pa drug dang ldan pa dang
76b2 rnam par thar pa brgyad la bsam gtan par gyur to/ /dge slong dag de nas yang mthar gyis/ bcom ldan 'das de chos bstan pa lan gnyis su mdzad de/ de bzhin lan gsum lan bzhi'i bar du chos bstan
76b3 pa mdzad do/ /dge slong dag de nas bcom ldan 'das de'i chos bstan pa lan re re la yang srog chags bye ba khrag khrig brgya stong gang gA'i klung gi bye ma snyed len pa med par zag pa rnams las sems rnam par grol
76b4 lo/ /dge slong dag de'i 'og tu bcom ldan 'das de'i nyan thos kyi dge 'dun bgrang ba las 'das pa byung ngo / /dge slong dag de nas yang de'i tshe rgyal bu bcu drug po de dag gzhon nur gyur bzhin du dad de khyim nas khyim med
76b5 par rab tu byung nas de dag thams cad dge tshul phar gyur te/ 'dzangs shing gsal la yid rno zhing mkhas te sangs rgyas brgya stong mang po la spyad pa bla na med pa yang dag par rdzogs pa'i byang chub don du gnyer ba ste/
76b6 dge slong dag de nas dge tshul bcu drug po de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de la
76b7 'di skad ces gsol to/ /bcom ldan 'das de bzhin gshegs pa'i nyan thos bye ba khrag khrig brgya stong mang po 'di dag bcom ldan 'das kyis chos bstan pas rdzu 'phrul che zhing mthu che ba dang dbang che bar yongs su grub po/ /
76b8 bcom ldan 'das de ltar lags pas bdag cag la thugs brtse ba'i slad tu/ bla na med pa yang dag par rdzogs pa'i byang chub las brtsams te chos bstan du gsol/ bdag cag kyang de bzhin gshegs pa'i
77a1 rjes su slob bo/ /bcom ldan 'das de bzhin gshegs pa'i ye shes bdag cag mthong bar 'tshal lo/ /bdag cag gi don 'di la bcom ldan 'das nyid mngon sum ste/ bcom ldan 'das khyod
77a2 sems can thams cad kyi bsam pa mkhyen pas/ bdag cag gi bsam pa yang mkhyen to/ /dge slong dag de nas de'i tshe na rgyal bu gzhon nu byis pa khye'u rab tu byung ba dge tshul de dag mthong nas/ 'khor los
77a3 bsgyur ba'i rgyal po de'i 'khor du gyur pa ji snyed yod pa'i phyed srog chags bye ba khrag khrig brgya stong phrag brgyad bcu rtsa bzhi rab tu byung bar gyur to/ /dge slong dag de nas bcom ldan 'das de bzhin gshegs pa
77a4 dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa des dge tshul de dag gis gsol ba btab pa mkhyen te/ bskal pa nyi khri 'das nas dam pa'i
77a5 chos pad ma dkar po zhes bya ba'i chos kyi rnam grangs mdo sde shin du rgyas pa chen po byang chub sems dpa' rnams la gdams pa/ sangs rgyas thams cad kyis yongs su gzung ba de 'khor bzhi po de dag thams
77a6 cad la rgya cher rab tu bstan to/ /dge slong dag de nas yang de'i tshe na bcom ldan 'das kyis bshad pa dge tshul bcu drug po de dag gis blangs so bzung ngo / /kun chub par byas so/ /dge slong dag de nas bcom ldan 'das de
77a7 bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa des/ dge tshul bcu drug po de dag bla na med pa yang dag par rdzogs pa'i byang chub tu lung bstan to dge
77a8 slong dag de nas yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pas chos kyis rnam grangs 'di bshad pa la/ nyan thos rnams
77b1 dge tshul bcu drug po de dag mos par gyur to/ /srog chags bye ba khrag khrig brgya stong mang po ni the tshom za bar gyur to/ /dge slong dag de nas bcom ldan 'das de bzhin gshegs pa dgra bcom pa yang dag par rdzogs pa'i
77b2 sangs rgyas mngon par shes pa'i ye shes chen pos zil gyis gnon pa des/ dam pa'i chos pad ma dkar po'i chos kyi rnam grangs 'di bskal pa brgya stong gi bar du mi mna' bar bstan nas/ nang du yang dag 'jog la
77b3 'jug pa'i phyir gtsug lag khang du zhugs so/ /dge slong dag de bzhin gshegs pa de 'di ltar/ bskal pa brgyad khri bzhi stong gi bar du gtsug lag khang du gnas te nang du yang dag 'jog la zhugs so/ /dge slong
77b4 dag de nas dge tshul bcu drug po de dag gis/ bcom ldan 'das de nang du yang dag 'jog la zhugs par rig nas so so nas chos kyi stan seng ge'i khri bshams te/ de dag la 'khod nas dam pa'i chos pad ma dkar
77b5 po'i chos kyi rnam grangs 'di 'khor bzhi po dag la bskal pa brgyad khri bzhi stong du rgya cher rab tu bstan to/ /dge slong dag de na dge tshul byang chub sems dpa' re res kyang / srog chags bye ba khrag khrig brgya stong phrag
77b6 gang gA'i klung drug bcu drug bcu'i bye ma snyed la yang dag par bstan te/ yang dag par gzeng bstod/ yang dag par rab tu dga' bar byas/ yang dag par 'dzin du bcug /zhugs par byas nas bla na med pa yang dag par
77b7 rdzogs pa'i byang chub tu yongs su smin par byas so/ /dge slong dag de'i tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil
77b8 gyis gnon pa de/ bskal pa brgyad khri bzhi stong po de dag 'das nas/ dran pa dang ldan zhing mkhyen bzhin du ting nge 'dzin de las bzhengs so/ /bcom ldan 'das de bzhengs nas chos kyi gdan ga la ba der bzhud de
78a1 byon nas gdan bshams pa la bzhugs so/ /dge slong dag de nas bcom ldan 'das de chos kyi gdan de la bzhugs ma thag tu/ de nas 'khor 'dus pa thams cad la gzigs nas dge slong gi dge 'dun la
78a2 bka' stsal pa/ dge slong dag dge tshul bcu drug po 'di dag ngo mtshar du gyur pa rmad du gyur pa shes rab dang ldan pa sangs rgyas bye ba khrag khrig brgya stong mang po la bsnyen bkur byas pa shin du spyod pa spyad pa sangs rgyas
78a3 kyi ye shes 'dzin du 'dzud pa sangs rgyas kyi ye shes yang dag par ston pa yin gyis/ dge slong dag dge tshul bcu drug po 'di dag la phyir zhing bsnyen bkur gyis shig /dge slong dag nyan thos kyis theg pa can nam rang
78a4 sangs rgyas kyi theg pa can nam/ byang chub sems dpa'i theg pa can yang rung ste/ gang dag kha cig rigs kyi bu 'di dag gis chos bshad pa la mi spong mi smod pa de dag thams cad myur du bla na med pa yang dag par rdzogs
78a5 pa'i byang chub thob par 'gyur ro/ /de dag thams cad de bzhin gshegs pa'i ye shes thob par 'gyur ro/ /dge slong dag rigs kyi bu bcu drug po de dag gis bcom ldan 'das de'i bstan pa la dam pa'i chos pad ma dkar
78a6 po'i chos kyi rnam grangs 'di yang dang yang du rab tu bstan to/ /dge slong dag dge tshul byang chub sems dpa' sems dpa' chen po bcu drug po byang chub sems dpa' de dag re res kyang sems can bye ba khrag
78a7 khrig brgya stong phrag gang gA'i klung drug cu drug bcu'i bye ma snyed byang chub tu yang dag par btsud par gyur ste/ de dag thams cad kyang de dag nyid dang / tshe rabs de dang de dag tu rab tu byung ste de dag la lta zhing de dag la chos
78a8 nyan to/ /de dag gis sangs rgyas bye ba stong phrag bzhi bcu mnyes par byas so/ /kha cig ni da dung yang mnyes par byed do/ /dge slong dag khyed mos par bya khong du chud par bya'o/ /rgyal bu
78b1 gzhon nu bcu drug po de dag gzhon nur gyur bzhin du bcom ldan 'das de'i bstan pa la dge tshul chos smra bar gyur pa de dag thams cad bla na med pa yang dag par rdzogs pa'i byang chub tu mngon par rdzogs par
78b2 sangs rgyas nas/ de dag thams cad da lta na bzhugs te 'tsho zhing gzhes so/ /phyogs bcu'i sangs rgyas kyi zhing tha dad pa dag na nyan thos dang byang chub sems dpa' bye ba khrag khrig brgya stong phrag mang po la
78b3 chos ston to/ /dge slong dag 'di lta ste/ shar phyogs na 'jig rten gyi khams mngon par dga' ba na/ de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa zhes bya ba dang /
78b4 de bzhin gshegs pa dgra bcom pa yang dag par rdzogs pa'i sangs rgyas lhun po brtseg pa zhes bya ba'o/ /dge slong dag shar lho'i phyogs na de bzhin gshegs pa dgra bcom pa yang dag par rdzogs pa'i sangs
78b5 rgyas seng ge'i sgra zhes bya ba dang / de bzhin gshegs pa dgra bcom pa yang dag par rdzogs pa'i sangs rgyas seng ge'i rgyal mtshan zhes bya ba'o/ /dge slong dag lho phyogs na de bzhin gshegs pa dgra bcom
78b6 pa yang dag par rdzogs pa'i sangs rgyas namakha' la gnas pa zhes bya ba dang / de bzhin gshegs pa dgra bcom pa yang dag par rdzogs pa'i sangs rgyas rtag par yongs su mya ngan las 'das pa zhes
78b7 bya ba'o/ /dge slong dag lho nub kyi phyogs na de bzhin gshegs pa dgra bcom pa yang dag par rdzogs pa'i sangs rgyas dbang po'i rgyal mtshan zhes bya ba dang / de bzhin gshegs pa dgra bcom pa yang dag
78b8 par rdzogs pa'i sangs rgyas tshangs pa'i rgyal mtshan zhes bya ba'o/ /dge slong dag nub phyogs na de bzhin gshegs pa dgra bcom pa yang dag par rdzogs pa'i sangs rgyas tshe dpag med ces bya ba dang / de bzhin
79a1 gshegs pa dgra bcom pa yang dag par rdzogs pa'i sangs rgyas 'jig rten gyi khams thams cad kyi gnod pa dang skyo ba las rab tu rgal ba zhes bya ba'o/ /dge slong dag nub byang gi phyogs na de bzhin gshegs
79a2 pa dgra bcom pa yang dag par rdzogs pa'i sangs rgyas ta ma la'i 'dab ma dang tsan dan gyi dri mngon par shes pa zhes bya ba dang / de bzhin gshegs pa dgra bcom pa yang dag par rdzogs pa'i sangs rgyas lhun po lta bu zhes bya ba'o/ /
79a3 dge slong dag byang phyogs na de bzhin gshegs pa dgra bcom pa yang dag par rdzogs pa'i sangs rgyas sprin sgra mar me zhes bya ba dang / de bzhin gshegs pa dgra bcom pa yang dag par rdzogs pa'i sangs rgyas sprin sgra
79a4 rgyal po zhes bya ba'o/ /dge slong dag byang shar gyi phyogs na de bzhin gshegs pa dgra bcom pa yang dag par rdzogs pa'i sangs rgyas 'jig rten thams cad kyi 'jigs pa dang pham pa dang bag tsha ba rnam par 'joms pa zhes
79a5 bya ba'o/ /dge slong dag de bzhin gshegs pa dgra bcom pa yang dag par rdzogs pa'i sangs rgyas shAkya thub pa de na bcu drug pa ste/ dbus kyi 'jig rten gyi khams mi mjed 'dir/ bla na med pa yang dag
79a6 par rdzogs pa'i byang chub mngon par rdzogs par sangs rgyas so/ /dge slong dag dge tshul du gyur pa nged las sems can gang dag gis chos thos shing / bcom ldan 'das de'i bstan pa la byang chub sems
79a7 dpa' re res kyang / sems can brgya stong phrag mang po gang gA'i klung gi bye ma snyed nged kyis so sor bla na med pa yang dag par rdzogs pa'i byang chub la yang dag par btsud pa de dag /dge slong dag da dung nyan thos kyi sa
79a8 na gnas te/ bla na med pa yang dag par rdzogs pa'i byang chub la yongs su smin par byed de/ bla na med pa yang dag par rdzogs pa'i byang chub mngon par rdzogs par 'tshang rgya ba'i go rim/ ni de lta'o/ /
79b1 de ci'i phyir zhe na/ dge slong dag 'di ltar de bzhin gshegs pa'i ye shes la mos par dka' ba'i phyir ro/ /dge slong dag nga byang chub sems dpar gyur pas/ bcom ldan 'das de'i bstan pa la sems can bye ba khrag khrig
79b2 brgya stong phrag dpag tu med bgrang du med pa gang gA'i klung gi bye ma snyed gang dag thams cad mkhyen pa'i chos thos par bya ba'i sems can de dag gang zhe na/ dge slong dag de dag ni khyed yin te de'i tshe de'i dus na sems can dag
79b3 tu gyur to/ /dge slong dag nga mya ngan las 'das nas ma 'ongs pa'i dus na nyan thos gang dag 'byung ba de dag /byang chub sems dpa'i spyod pa nyan yang bdag cag byang chub sems dpa' yin par mi shes pas/
79b4 de dag thams cad kyang yongs su mya ngan las 'da' bar 'du shes nas yongs su mya ngan las 'da' bar 'gyur ro/ /dge slong dag 'on kyang 'jig rten gyi khams gzhan dag na/ nga ming gzhan dang gzhan dag gis gnas
79b5 pa der de dag de bzhin gshegs pa'i ye shes tshol zhing skye bar 'gyur ro/ /de na yang de bzhin gshegs pa rnams kyi yongs su mya ngan las 'das pa 'di gcig pu ste/ 'di las gud na mya ngan las 'da' ba gnyis
79b6 su gzhan med do/ /zhes de lta bu'i bya ba 'di nyan par 'gyur ro/ /dge slong dag chos bstan pa mngon par bsgrub pa de ni/ de bzhin gshegs pa rnams kyi thabs mkhas par rig par bya ste/ dge slong dag gang gi
79b7 tshe na de bzhin gshegs pa bdag nyid yongs su mya ngan las 'da' ba'i dus kyang gzigs la 'khor yongs su dag cing mos pa snying por byed pa/ stong pa'i chos rtogs par byed pa/ stong pa'i chos rtogs par khong du chud pa/ bsam gtan dang ldan pa
79b8 bsam gtan chen po dang ldan pa yang gzigs na/ dge slong dag de bzhin gshegs pa dus la bab par mkhyen nas/ byang chub sems dpa' thams cad dang nyan thos thams cad la sogs te phyis don 'di yang dag par
80a1 sgrogs so/ /dge slong dag 'jig rten na theg pa 'am yongs su mya ngan las 'das pa gnyis su gang yang med na/ gsum du lta ci smos/ dge slong dag 'di ni de bzhin gshegs pa rnams kyi thabs mkhas pa
80a2 ste/ sems can ring du ma rung zhing dman pa la dga' ba 'dod pa la chags par mkhyen nas/ dge slong dag de dag gang la mos pa bzhin du de dag la de bzhin gshegs pa mya ngan las 'das pa de 'chad do/ /dge slong dag 'di
80a3 lta ste dper na/ 'di ltar rin po che'i gling la 'dong ba'i phyir 'brog dgon pa dpag tshad lnga brgya pa der skye bo'i tshogs lhags par gyur te/ de dag gi nang na lam mtshon pa 'dzangs shing gsal la/ yid gzhungs shing mkhas pa
80a4 gcig pu yod pa des mya ngam dgon pa de las 'gron pa mang po de dag sgrol lo/ /de nas skye bo phal po che de dag ngal zhing chad de skrag nas 'di skad ces/ kye 'phags pa mtshon ma yongs su 'dren pa bdag cag ngal zhing chad de 'jigs
80a5 shing skrag pas mya ngan de las ma 'das par mkhyen par mdzod cig /'brog dgon pa 'di ni shin du ring bas slar ldog go zhes byas pa dang / dge slong dag de nas mtshon ma de dag thabs mkhas pas mi de dag slar ldog par 'dod par
80a6 shes nas/ 'di snyam du nyon mongs 'di dag rin po che'i gling chen po de lta bur mi 'gro bar gyur na mi rung ngo snyam du bsams nas des de dag la snying brtse ba'i phyir thabs mkhas pa sbyar te/ dgon pa'i dbus su dpag tshad
80a7 brgya 'am dpag tshad nyis brgya 'das pa dang rdzu 'phrul gyi grong khyer mngon par sprul nas de nas des mi de dag la 'di skad ces/ khyed cag ma 'jigs shig /slar ma ldog par yul chen po 'dir ngal so shig bya ba gang
80a8 dag ci yod pa de dag thams cad kyang 'dir gyis shig /'dir mya ngan las 'da' ba thob par gnas par gyis shig /'dir ngal sos nas su la dgongs par gyur pa de ni rin po che'i gling chen po 'dir 'dong ngo zhes bsgo ba dang / dge slong
80b1 dag de nas dgon par phyin pa'i mi de dag bdag cag ni 'brog dgon pa las thar nas 'dir mya ngan las 'da' ba thob ste gnas so snyam nas ngo mtshar thob par gyur to/ /dge slong dag de nas mi de dag rdzu 'phrul gyi grong khyer der
80b2 zhugs nas phyin pa snyam du 'du shes par gyur/ rgal ba snyam du 'du shes par gyur/ mya ngan las 'das par 'du shes par gyur/ bdag cag mya ngan las 'das shing bsil bar gyur par sems par gyur to/ /de nas mtshon
80b3 mas de dag ngal sos par shes nas rdzu 'phrul gyi grong khyer de mi snang bar byas so/ /mi snang bar byas nas mi de dag la 'di skad ces grong khyer chen po 'di ni khyed ngal bso ba'i phyir kho bos sprul pa yin te/ rin po che'i
80b4 gling chen po de dang yang nye bas sems can khyed 'dong ngo zhes bsgo ba de bzhin du dge slong dag de bzhin gshegs pa dgra bcom pa yang dag par rdzogs pa'i sangs rgyas kyang / khyed dang sems can thams cad kyi mtshon ma'o/ /dge slong dag de nas
80b5 de bzhin gshegs pa dgra bcom pa yang dag par rdzogs pa'i sangs rgyas kyis/ 'di ltar nyon mongs pa'i dgon pa chen po 'di la skyob par bya/ bzla bar bya spang bar bya na/ sems can 'di dag sangs rgyas kyi ye shes gcig pu
80b6 thos nas sngangs te phyir ldog cing / sangs rgyas kyi ye shes bsgrub pa 'di nyon mongs pa mang ngo zhes mi 'jug par mi 'gyur grang zhes gzigs te/ de la de bzhin gshegs pas sems can bsam pa'i stobs
80b7 chung bar mkhyen nas/ ji ltar mtshon ma des sems can de dag ngal bso ba'i phyir rdzu 'phrul gyi grong khyer de mngon par sprul te/ sems can de dag ngal bso nas 'di ni rdzu 'phrul gyi grong khyer
80b8 yin no/ /zhes bsgo ba de bzhin du dge slong dag de bzhin gshegs pa dgra bcom pa yang dag par rdzogs pa'i sangs rgyas thabs mkhas pa chen pos sems can
81a1 rnams ngal bso ba'i phyir/ bar du mya ngan las 'da' ba'i sa gnyis bshad cing rab tu bstan te/ 'di ltar nyan thos kyi sa dang rang sangs rgyas kyi sa ste/ dge slong dag gang gi dus na sems can de dag de la gnas par gyur pa
81a2 de na/ dge slong dag de bzhin gshegs pa dgra bcom pa yang dag par rdzogs pa'i sangs rgyas kyis 'di skad tu/ dge slong dag khyed bya ba byas pa ma yin te byed pa byas pa ma yin la/ dge slong dag khyed de bzhin
81a3 gshegs pa'i ye shes la nye bar gyur gyis ltos shig /rtogs shig /gang khyed kyi mya ngan las 'das pa mya ngan las 'das pa ma yin te/ dge slong dag gang theg pa gsum du bshad pa de ni de bzhin gshegs pa dgra
81a4 bcom pa yang dag par rdzogs pa'i sangs rgyas rnams kyi thabs mkhas pa'o zhes yang dag par sgrogs so/ /de nas bcom ldan 'das kyis don 'di nyid rgyas par bstan cing de'i tshe tshigs su bcad pa 'di dag bka'
81a5 stsal to/ /mngon shes ye shes zil gnon 'jig rten 'dren/ /'di ltar byang chub snying por zhugs gyur pa/ /de yang bar gyi bskal pa bcu tshang bar/ /don dam gzigs pa byang chub ma brnyes so/ /lha dang klu dang
81a6 lha min gsang ba pa/ /rgyal ba de la rab tu mchod par brtson/ /mi yi 'dren pa byang chub sangs rgyas la/ /der ni me tog char pa rab tu phab/ /rgyal ba de la mchod cing bkur sti'i phyir/ /steng gi mkha'
81a7 la de dag rnga rdung ngo / /ring nas bla na med pa'i gnas rtogs phyir/ /de nas rgyal ba shin du sdug bsngal gyur/ /de nas bar gyi bskal pa bcu 'das nas/ /bcom ldan zil gnon de yis byang chub thob/ /
81a8 de tshe lha min klu dang lha ma yin/ /thams cad rab tu dga' zhing mgu bar gyur/ /yon tan phyug pa mi gtso de yi sras/ /gzhon nur gyur pa dpa' bo bcu drug rnams/ /srog chags bye ba stong gis mdun bdar te/ /
81b1 rkang gnyis dbang po mchog de'i drung du 'dong / /rnam par 'dren gyi zhabs la phyag 'tshal nas/ /mi dbang seng ges 'dir ni legs bshad pas/ bdag cag 'jig rten 'di rnams tshim mdzad cing / /chos rab bstan du gsol
81b2 zhes gsol ba btab/ /ring nas phyogs bcu'i 'jig rten 'di rnams su/ /rnam 'dren chen po byung bar rab tu rig /ltas kyis srog chags rnams ni bskul ba'i phyir/ /tshangs pa'i gzhal med khang rnams rab tu bskyod/ /
81b3 shar gyi phyogs su zhing rnams bye ba phrag /stong phrag lnga bcu de dag g.yos par gyur/ /de nas tshangs pa gzhal med khang mchog dag /de dag rab tu gzi brjid ldan par gyur/ /de dag snga ltas 'di 'dra rig gyur nas/ /
81b4 'jig rten 'dren dbang drung du nye bar lhags/ /'dren pa de la me tog mngon par 'thor/ /de la gzhal med khang de thams cad phul/ /'khor lo rab tu bskor bar gsol ba 'debs/ /tshigs su bcad pa'i dbyangs kyis
81b5 mngon par bstod/ /da dung nga yi chos bshad dus min zhes/ /mi dbang rgyal po de ni mi gsung gyur/ /de bzhin du ni lho yi phyogs logs dang / /de bzhin du yang nub dang 'og dang byang / /steng gi phyogs dang phyogs mtshams
81b6 de bzhin te/ tshangs pa bye ba phrag stong lhags gyur nas/ /'dren pa de la mngon par yang gtor te/ /rnam par 'dren pa'i zhabs la phyag 'tshal nas/ /gzhal med khang rnams thams cad der phul te/ /mngon par bstod
81b7 pa byas nas yang gsol pa/ /mtha' yas spyan ldan 'khor lo bskor du gsol/ /bskal pa bye ba mang khyod rnyed rab dka'/ /sngon chad byams pa'i stobs bsnyen bstan du gsol/ /'chi ba
81b8 med pa'i sgo yang dbye bar gsol/ /gsol ba mtha' yas spyan gyis mkhyen nas ni/ /rnam pa mang por chos rnams rab bstan pa/ /bden pa bzhi rnams rab tu rgyas pa dang / dngos po 'di dag thams
82a1 cad rten nas byung / /ma rig la sogs 'chi bzhi sdug bsngal yang / /mtha' yas par ni spyan dang ldan pas gsungs/ /skye ba las ni nyes pa 'di kun byung / /mi yi 'chi bdag 'di yang shes par gyis/ /
82a2 rnam pa mang po sna tshogs mtha' yas pa/ /chos rnams de yis bshad ma thag tu yang / /thos nas sems can bye ba khrag khrig phrag /brgyad bcu nyan thos sa la myur du gnas/ /rgyal ba de yi chos mang bshad pa ni/ /
82a3 gzhan yang lan gnyis su ni gyur pa na/ /sems can gang gA'i bye snyed rnam dag ste/ /skad cig gis ni de kun nyan thos gyur/ /de yi 'og tu de tshe 'jig rten gyi/ /rnam 'dren de yi dge 'dun grangs med byung / /
82a4 bskal pa khrag khrig bye bar bgrangs na yang / /re re la yang de dag mthar mi phyin/ /rgyal bu bcu drug po ni de dag kyang / /thams cad gzhon nur gyur pa snying gi bu/ /'dren pa khyod kyis chos mchog bstan gsol zhes/ /
82a5 rgyal ba de la dge tshul de dag gsol/ /ji ltar skye dgu kun mchog khyod bzhin du/ /bdag cag 'jig rten mkhyen par 'gyur bar shog /ji ltar dpa' bo spyan dag khyed bzhin du/ sems can 'di dag thams
82a6 cad de bzhin shog /de sras gzhon nur gyur pa de dag gi/ /bsam pa dag ni rgyal ba des mkhyen pas/ /dpe rnams bye ba khrag khrig du ma yis/ /byang chub dam pa mchog ni rab tu bstan/ /rgyu ni mang po
82a7 stong gis nyer bstan te/ /mngon par shes dang ye shes rab tu bsgrags/ /byang chub sems dpa' mkhas pa spyod pa bzhin/ /'jig rten mgon pos yang dag spyod pa bstan/ /gang dag tshad ni gang
82a8 ga'i bye snyed kyi/ /tshigs su bcad pa stong phrag mi nyung bar/ /rab rgyas mdo sde dam chos pad ma dkar/ /'di nyid bcom ldan 'das kyis rab tu bshad/ /rgyal ba des kyang mdo sde 'di bshad nas/ /
82b1 'jig rten mgon po gtsug lag khang bzhugs te/ /stan gcig steng du mnyam par gzhag nas su/ /bskal pa brgyad bcu rtsa bzhir tshang bar brtags/ /'dren pa gtsug lag khang bzhugs mi 'byung bar/ /dge tshul
82b2 de dag rnams kyis rig gyur nas/ /sangs rgyas ye shes zag med zhi ba 'di/ /srog chags bye ba mang po rnams la bsgrags/ /so sor khri stan bshams te 'dug nas ni/ /de dag la yang mdo sde 'di nyid bshad/ /
82b3 bde bar gshegs pa de yi bstan pa la/ /de dag de 'dra'i tshul du dbang byed do/ /bde gshegs sras po de dag re res kyang / /de yi tshe na sems can stong phrag ni/ /gang gA drug bcu'i bye ma snyed la bsgrags/ /sems
82b4 can mtha' yas pa dag rnam par 'dul/ /rgyal ba de dag mya ngan yongs 'das nas/ /de dag spyan nas sangs rgyas bye ba mthong / /de tshe thos byas rnams dang lhan cig tu/ /rkang gnyis dam pa la yang mchod pa byed/ /
82b5 spyod pa yangs pa khyad par 'phags spyad nas/ /de dag phyogs bcur byang chub sangs rgyas te/ /rgyal ba de yi sras de bcu drug po/ /phyogs rnams kun na rgyal ba gnyis gnyis so/ /de tshe gang dag thos
82b6 byas de dag kyang / /rgyal ba de yi nyan thos thams cad de/ /bdag gis rnam pa tha dad thabs rnams kyis/ /byang chub 'di nyid rab tu thob par byas/ /nga yang de dag nang du gtogs par gyur/ /
82b7 ngas kyang khyed rnams thams cad thos par byas/ /de phyir da dung nga yi nyan thos khyed/ /byang chub 'di la thams cad thabs kyis dgra/ /gang gi phyir na nga ni chos 'chad cing / /gang phyir byang chub
82b8 mchog 'di ngas dkri ba/ /rgyu 'di rkyen 'di de tshe sngon byung ngo / /dge slong dag gi gnas 'dir ma 'jigs shig /ji ltar dgon pa ma rungs bzod rlag pa/ /stong pa gnas med rten kyang med pa la/ /
83a1 gcan zan rab tu mang zhing chu med do/ /de ni byis pa 'jigs par byed pa yin/ /de la skyes bu stong phrag du ma rnams/ /dgon pa der ni de dag zhugs par gyur/ /dgon pa de yang stong zhing ring ba ni/ /
83a2 dpag tshad lnga brgya snyed tu tshang bar gyur/ /mya ngam dgon pa rab tu 'jigs pa na/ /de na de yi mtshon mar gang gyur pa/ /skyes bu phyug cing dran ldan gsal ba ste/ shin tu dpa' zhing rtul la 'jigs pa med/ /
83a3 srog chags bye ba mang po de dag skyo/ /de tshe mtshon ma de la smras pa ni/ /'phags pa bdag cag skyo ste mi nus na/ /bdag cag de ring 'di nas ldog par dga'/ /de tshe mkhas shing shin du 'dzangs pa yi/ /'dren pa de
83a4 yang de tshe thabs sems te/ /kyi hud byis pa 'di dag thams cad ni/ /bdag nyid ldog par rin po che las nyams/ /'di ltar nga yis rdzu 'phrul stobs kyis deng / /khang pa bye ba stong gis rab brgyan zhing / /
83a5 gtsug lag khang dang tshal bus brgyan pa yi/ /grong khyer chen po mngon par sprul nas su/ /rdzing dang 'bab chu dag kyang mngon par sprul/ /kun dga' dang ni me tog dag gis brgyan/ /sgo dang rtsig pas shin
83a6 du mdzes byas shing / /skyes pa bud med mtshungs med rnams ldan pa/ /sprul nas de dag rnams la 'di skad du/ /'jigs par ma byed rab tu dga' bar byos/ /grong khyer mchog tu khyed rnams da phyin gyis/ /
83a7 zhugs te don rnams myur du gyis shes smras/ /ci nas de dag thams cad phar 'gro bar/ /dbugs phyung bya ba'i phyir ni tshig smras pa/ /dgon pa ma lus kun las rgal zin te/ /mya ngan 'das zin
83a8 sems ni dga' bar byos/ /thams cad ngal sos gyur pa'i tshul rig nas/ shin tu ri mo byas te yang smras pa/ /tshur shog kho bos smras pa rnams la nyon/ /'di ni rdzu 'phrul grong khyer sprul pa ste/ /
83b1 khyed rnams skyo bar kho bos rig pas na/ /khyed rnams phyir mi ldog par bya ba'i phyir/ /'di 'dra 'di ni kho bos thabs mkhas yin/ /gling du 'gro ba'i phyir ni brtson 'grus bskyed/ /dge slong nga yang de bzhin mtshon
83b2 ma ste/ /srog chags bye ba stong gi 'dren pa yin/ /nyon mongs sgo nga'i sbubs rtol mi nus zhing / /skyo ba'i sems can dag kyang de bzhin mthong / /de phyir de yi don du ngas bsams te/ /bsti ba'i gnas su
83b3 mya ngan 'das 'di byas/ /sdug bsngal thams cad rjes su rtogs pa 'di/ /dgra bcom sa la khyed cag bya ba byas/ /gang gi tshe na khyed cag lugs gnas 'dir/ /gnas par dgra bcom thams cad mthong nas
83b4 ni/ /de yi 'og tu thams cad 'dir bsdus te/ /chos 'di ji bzhin yang dag don bshad do/ /drang srong chen pos theg pa gsum bstan pa/ /rnam 'dren rnams kyi thabs la mkhas pa ste/ /theg pa gcig ste gnyis
83b5 su yod ma yin/ /bsti ba'i don du theg pa gnyis bstan to/ /dge slong dag gi de phyir de ring ngas/ /'di tsam gyis ni mya ngan mi 'da' ste/ /khyod kyis thams cad mkhyen gyi ye shes phyir/ /brtson 'grus
83b6 rlabs chen dam pa bskyed par gyis/ /nam zhig thams cad mkhyen gyi ye shes thob/ /rgyal ba'i chos rnams gang dag stobs bcu dang / /sum bcu rtsa gnyis mtshan gyi gzugs ldan pa/ /sangs rgyas gyur
83b7 nas mya ngan 'das pa yin/ /'dren pa rnams kyi bstan pa 'di 'dra ste/ /bsti ba'i phyir ni mya ngan 'das pa gsung / /ngal sos rig nas mya ngan bzla phyir kun/ /thams cad mkhyen gyi shes la dkri
83b8 zhes bshad/ /dam pa'i chos pad ma dkar po las sngon gyi sbyor ba'i le'u zhes bya ste bdun pa'o// // dam pa'i chos pad ma dkar po bam po bdun pa/ de nas tshe dang ldan pa byams ma'i bu gang
84a1 pos/ bcom ldan 'das thabs mkhas pa'i ye shes gzigs pa dang / ldem por dgongs te gsungs pa bstan pa 'di lta bu 'di yang thos nyan thos chen po de dag lung bstan pa yang thos sngon gyi sbyor ba dang ldan
84a2 pa'i gtam 'di dang bcom ldan 'das kyi khyu mchog tu gyur pa 'di yang thos nas/ ngo mtshar du gyur rmad tu gyur te zang zing med pa'i sems kyis dga' ba dang mchog tu dga' bas khyab par gyur nas/
84a3 de mchog tu dga' ba chen po dang chos la gus pa chen pos stan las langs te/ bcom ldan 'das kyi zhabs la phyag 'tshal nas 'di snyam du 'di ltar khams tha dad pa'i 'jig rten gyi rjes su 'thun par 'jug pa dang thabs
84a4 mkhas pa'i ye shes gzigs pa mang pos sems can rnams la chos ston pa dang de dang de la chags pa'i sems can rnams rab tu 'grel pa ni/ de bzhin gshegs pa dgra bcom pa yang dag par rdzogs pa'i sangs rgyas rnams
84a5 shin du dka' ba mdzad de/ bcom ldan 'das ngo mtshar to/ /bde bar gshegs pa ngo mtshar to/ /bcom ldan 'das 'di la ni bdag cag gis bgyid pa'i rngo ga la thog /de bzhin gshegs pa nyid kyis bdag cag gi bsam
84a6 pa dang sngon gyi sbyor ba'i spyod pa mkhyen to snyam du sems bskyed nas/ bcom ldan 'das kyi zhabs la mgo bos phyag 'tshal te phyogs gcig tu 'dug nas bcom ldan 'das nyid la phyag 'tshal zhing mig mi
84a7 'dzums par lta'o/ /de nas bcom ldan 'das kyis tshe dang ldan pa byams ma'i bu gang po'i sems kyi bsam pa la gzigs nas thams cad dang ldan pa'i dge slong gi dge 'dun la bka' stsal pa/ dge slong dag
84a8 khyed nga'i nyan thos byams ma'i bu gang po 'di la ltos/ 'di ni ngas dge slong gi dge 'dun 'di'i nang na chos sgrog pa rnams kyi mchog tu bstan pa yang dag pa'i yon tan mang pos bstod pa/ nga'i bstan pa 'di la
84b1 rnam pa mang pos dam pa'i chos yongs su 'dzin par mngon par brtson pa/ 'khor bzhi yang dag par rab tu dga' bar byed pa yang dag par 'dzin du 'jug pa yang dag par gzeng stod pa chos 'chad pas ngal ba med pa chos 'di 'chad
84b2 nus pa tshangs pa mtshangs par spyod pa rnams la phan 'dogs nus pa ste/ dge slong dag de bzhin gshegs pa ma gtogs par gzhan gyis byams ma'i bu gang po/ don nam tshig 'brus yongs su gtug par
84b3 mi nus so/ /dge slong dag 'di ji snyam du sems/ 'di nga 'ba' zhig gi dam pa'i chos 'dzin pa yin snyam du sems na dge slong dag khyed kyis de ltar mi blta'o/ /de ci'i phyir zhe na/ dge slong dag ngas mngon
84b4 par dran te/ 'das pa'i dus na sangs rgyas bye ba phrag dgu bcu rtsa dgu byung ba'i sangs rgyas bcom ldan 'das de dag gi bstan pa la 'di nyid kyis dam pa'i chos yongs su bzung ste/ ji ltar da ltar nga yi chos
84b5 sgrog pa rnams kyi mchog tu gyur pa bzhin du thams cad du yang gyur to/ /thams cad du yang stong pa nyid rtogs par khong du chud par gyur to/ /thams cad du yang so so yang dag par rig pa thob par gyur
84b6 to/ /thams cad tu yang byang chub sems dpa'i mngon par shes pa legs par rtogs par khong du chud par gyur to/ /shin tu nges par chos ston pa dang the tshom med par chos ston pa dang yongs su dag par chos
84b7 ston par gyur to/ /sangs rgyas bcom ldan 'das de dag gi bstan pa la chos gcal te tshangs par spyod pa spyad do/ /thams cad du yang nyan thos su kun gyis shes te/ de thabs 'dis
84b8 sems can bye ba khrag khrig brgya stong dpag tu med grangs med pa rnams kyi don byas so/ /sems can dpag tu med grangs med pa dag bla na med pa yang dag par rdzogs pa'i byang chub tu yongs su smin par
85a1 byas so/ /thams cad tu yang sangs rgyas kyi bya bas sems can rnams la nye bar gnas par gyur to/ /thams cad du yang bdag gis sangs rgyas kyi zhing yongs su dag par byas so/ /sems
85a2 can dag yongs su smin par bya ba la brtson par gyur to/ /dge slong dag rnam par gzigs la sogs pa de bzhin gshegs pa bdun po de dag gi tha ma ni nga yin te/ de dag gi yang chos rjod pa'i mchog tu gyur to/ /
85a3 dge slong dag bskal pa bzang po 'di la ma 'ongs pa'i dus na sangs rgyas stong du sangs rgyas bzhis ma tshang ba gang dag 'byung ba de dag gi bstan pa la yang / byams ma'i bu gang po 'di nyid chos ston pa'i mchog tu 'gyur/
85a4 dam pa'i chos yongs su 'dzin par 'gyur ro/ /de bzhin du ma 'ongs pa'i dus na sangs rgyas bcom ldan 'das dpag tu med grangs med pa'i dam pa'i chos kun 'dzin par 'gyur ro/ /sems can dpag tu med grangs
85a5 med pa rnams kyi don byed par 'gyur ro/ /sems can dpag tu med grangs med pa rnams bla na med pa yang dag par rdzogs pa'i byang chub tu yongs su smin par byed par 'gyur ro/ /rtag tu rgyun mi chad par 'gyur ro/ /
85a6 bdag gi sangs rgyas kyi zhing yongs su dag par bya ba dang / sems can yongs su smin par bya ba la brtson par 'gyur ro/ /des byang chub sems dpa'i spyod pa 'di lta bu yongs su rdzogs par byas te/
85a7 bskal pa grangs med dpag tu med pa na bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs
85a8 pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/
85b1 sangs rgyas bcom ldan 'das chos rab tu snang ba zhes bya ba 'jig rten du 'byung ste/ sangs rgyas kyi zhing 'di nyid tu 'byung bar 'gyur ro/ /dge slong dag yang de'i tshe sangs rgyas kyi zhing 'di stong gsum gyi stong chen
85b2 po'i 'jig rten gyi khams gang gA'i klung gi bye ma snyed sangs rgyas kyi zhing gcig tu 'gyur te/ de rin po che sna bdun gyi gzhi la lag mthil ltar mnyam pa ri med pa rin po che sna bdun gyi khang pa brtsegs pas
85b3 yongs su gang bar 'gyur ro/ /lha'i gzhal med khang dag dang nye bar gyur te/ lha dag gis kyang mi mthong mi dag gis kyang lha mthong bar 'gyur ro/ /dge slong dag de'i tshe sangs rgyas kyi zhing 'di na ngan
85b4 song med par 'gyur bud med kyang med de sems can de dag thams cad kyang brdzus te skye ba/ tshangs par spyod pa yid la byed pa'i lus 'od rang la yod pa rdzu 'phrul can nam mkha' la 'gro ba brtson 'grus dang ldan pa
85b5 dran pa dang ldan pa shes rab dang ldan pa lus gser gyi kha dog can skyes bu chen po'i mtshan sum bcu rtsa gnyis kyis lus brgyan par 'gyur ro/ /dge slong dag yang de'i tshe sangs rgyas kyi zhing 'dir sems can de dag gi
85b6 zas rnam pa gnyis su 'gyur te gnyis gang zhe na/ 'di lta ste/ chos kyi dga' ba'i zas dang bsam gtan gyi dga' ba'i zas so/ /de'i byang chub sems dpa' bye ba khrag khrig brgya stong grangs med dpag tu med pa
85b7 'byung ste/ thams cad kyang mngon par shes pa chen po thob pa so so yang dag par rig pa rnams rtogs par khong du chud pa sems can la 'dems mkhas pa sha stag ste/ de'i nyan thos bgrang ba las 'das pa
85b8 'byung ste/ rdzu 'phrul che ba mthu che ba rnam par thar pa brgyad la bsam gtan pa sha stag go/ /sangs rgyas kyi zhing de/ de lta bu'i yon tan tshad med pa dang ldan par 'gyur ro/ /bskal pa ni rin po che snang ba zhes bya
86a1 bar 'gyur ro/ /'jig rten gyi khams de ni shin tu rnam par dag pa zhes bya bar 'gyur ro/ /de'i tshe'i tshad ni bskal pa grangs med dpag tu med par 'gyur ro/ /bcom ldan 'das de bzhin gshegs
86a2 pa dgra bcom pa yang dag par rdzogs pa'i sangs rgyas chos rab tu snang ba de yongs su mya ngan las 'das nas kyang / dam pa'i chos yun ring du gnas par 'gyur/ 'jig rten gyi khams de rin po che'i mchod rten gyis
86a3 gang bar 'gyur ro/ /dge slong dag de ltar bcom ldan 'das de'i sangs rgyas kyi zhing de yon tan bsam gyis mi khyab pa dang ldan par 'gyur ro/ /bcom ldan 'das kyis de skad ces bka' stsal te/ bde bar
86a4 gshegs pas de skad ces gsungs nas/ ston pas gzhan yang 'di skad ces bka' stsal to/ /nga yi bu ni thabs mkhas legs bslabs pas/ /ji ltar spyod pa spyad par gyur pa dang / /
86a5 ji ltar byang chub spyod pa 'dir spyad pa/ /don de nga las nyon cig dge slong dag /theg pa rlabs po ches ni skrag 'gyur zhing / /'di na sems can dman la mos rig nas/ /byang chub sems dpa' 'di
86a6 dag nyan thos gyur/ /rang rgyal byang chub par yang rab tu ston/ /thabs la mkhas pa brgya phrag du ma yis/ /byang chub sems dpa' mang po smin par byed/ /'di skad bdag cag nyan thos bdag
86a7 cag ni/ /byang chub dam pa mchog las ring zhes smra/ /de dag rjes su spyod pa de slob pas/ /sems can bye ba 'di dag smin par 'gyur/ /dman la mos shing le lo can gyi tshul/ /de dag thams cad
86a8 mthar gyis sangs rgyas 'gyur/ /de dag mi tshor bar ni spyad pa spyod/ /bdag cag nyan thos byed pa chung ba yin/ /shi 'pho skye ba kun las rab tu skyo/ /bdag gi zhing yang yongs su dag par byed/ /bdag nyid 'dod chags bcas
86b1 shing zhe sdang bcas/ /gti mug bcas par yang ni rab tu ston/ /sems can lta la chags par rig nas kyang / /de yi lta ba rnams la nye bar gnas/ /nga yi nyan thos mang du de ltar spyod/ /sems can thabs kyis rnam
86b2 par grol bar byed/ /de yis spyod pa thams cad rab bstan na/ /mi mkhas mi rnams shin tu myos par 'gyur/ /dge slong gang po nga yi nyan thos 'di/ /sangs rgyas rnams kyi ye shes 'di tshol phyir/ /sngon gyi
86b3 sangs rgyas bye ba stong la spyad/ /de dag rnams kyi dam chos yongs su bzung / /kun du 'di ni nyan thos mchog tu gyur/ /mang du thos shing 'jigs med sna tshogs rjod/ /rtag tu mi skyo yang dag dga' bar byed/ /
86b4 rtag tu sangs rgyas bye bas nye bar gnas/ /rtag tu mngon shes chen pos rtogs par rig /so so yang dag rig pa thob par gyur/ /sems can rnams kyi dbang po spyad yul shes/ /rtag tu rnam par dag pa'i chos
86b5 kyang 'chad/ /dam pa'i chos kyi mchog kyang rab 'chad cing / /bla na med pa'i theg pa mchog 'di la/ /sems can bye ba phrag stong yongs smin byed/ /bdag gi zhing mchog rnam par dag par byed/ /ma 'ongs dus kyi
86b6 tshe yang de bzhin du/ /sangs rgyas bye ba phrag stong mchod par 'gyur/ /dam pa'i chos mchog rnams kyang rab tu 'dzin/ /bdag gi zhing yang yongs su dag byed 'gyur/ /rtag tu 'jigs pa med par chos 'chad de/ /
86b7 thabs la mkhas pa bye ba phrag stong gis/ /thams cad mkhyen gyi ye shes zag med la/ /sems can mang po yongs su smin par byed/ /mi yi 'dren pa rnams la des mchod nas/ /dam pa'i chos mchog rtag tu
86b8 bzung nas ni/ /'jig rten du yang rang byung sangs rgyas 'gyur/ /chos rab snang zhes phyogs su rab tu grags/ /de yi zhing yang shin du rnam dag 'gyur/ /rin chen sna bdun rtag tu khyad par 'phags/ /bskal pa de ni rin chen snang
87a1 ba yin/ /'jig rten khams de shin du rnam dag yin/ /mngon shes che la shin du mkhas pa yin/ /byang chub sems dpa' bye ba stong mang ste/ /rnam dag blo can rdzu 'phrul che rnams kyis/ /'jig rten khams
87a2 de yongs su gang bar 'gyur/ /de bzhin nyan thos dag kyang bye ba stong / /de tshe 'dren pa'i dge 'dun 'byung ba ni/ /rnam thar brgyad la bsam gtan rdzu 'phrul che/ /so so yang dag rig pa rtogs par rig /sems can
87a3 thams cad sangs rgyas zhing de na/ /tshangs par spyod cing rab tu dga' bar 'gyur/ /thams cad gser gyi mdog can brdzus te skye/ /sum bcu rtsa gnyis mtshan gyi gzugs dang ldan/ /chos la mngon shes dga' ba
87a4 ma gtogs par/ /de na zas kyi 'du shes med par 'gyur/ /der ni bud med rnams kyang mi 'byung ste/ /ngan song dang ni ngan 'gros 'jigs pa med/ /sems can rab tu dge bas kun gang ste/ /gang po yon tan yang
87a5 dag rdzogs ldan gyi/ /zhing mchog de ni de 'drar 'gyur ba ste/ /'di ni cung zad tsam zhig bshad pa yin/ /de nas dbang dang ldan par gyur pa stong nyis brgya po de dag 'di snyam du sems te/ gal te bdag cag kyang
87a6 bcom ldan 'das kyis nyan thos chen po gzhan dag ji ltar lung bstan pa de bzhin du/ de bzhin gshegs pas bdag cag so sor lung bstan na ngo mtshar du gyur rmad du gyur snyam mo/ /de nas bcom ldan 'das kyis nyan
87a7 thos chen po de dag gi sems kyi rnam par rtog pa thugs kyis thugs su chud nas/ tshe dang ldan pa 'od srung chen po la bka' stsal pa/ 'od srung dbang dang ldan par gyur pa stong nyis brgya po gang dag de ltar nga mngon sum du gyur pa'i
87a8 'od srung dbang dang ldan par gyur pa stong nyis brgya po gang dag da ltar nga mngon sum du gyur pa'i stong nyis brgya po 'di dag thams cad 'di'i 'og tu lung bstan to/ /'od srung de la nyan thos chen po dge slong kauN+Di n+ya sangs rgyas bye ba khrag khrig
87b1 brgya stong phrag drug bcu rtsa gnyis kyi pha rol gyi yang ches pha rol du de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i
87b2 kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das kun tu snang ba zhes bya bar 'jig rten du 'byung ste/ 'od srung de na ming 'di gcig tu btags pa de bzhin gshegs pa lnga brgya 'byung bar
87b3 'gyur ro/ /nyan thos chen po lnga brgya po thams cad gcig gi 'og tu gcig bla na med pa yang dag par rdzogs pa'i byang chub mngon par rdzogs par 'tshang rgya ste/ thams cad kyang kun du snang ba zhes bya bar 'gyur ro/ /
87b4 'di lta ste ga yA 'od srung dang chu klung 'od srung dang lteng rgyas 'od srung dang nag po dang 'char ka nag po dang ma 'gags pa dang nam gru dang ka pi na dang ba ku la dang skul byed dang legs 'ongs la sogs pa dbang dang ldan par gyur pa lnga brgya'o/ /
87b5 de nas bcom ldan 'das kyis de'i tshe tshigs su bcad pa 'di dag bka' stsal to/ /kauN+Di n+ya rigs nga yi nyan thos 'di/ /ma 'ongs dus kyi bskal pa mtha' yas na/ /de bzhin gshegs pa 'jig rten mgon du 'gyur/ /srog chags
87b6 bye ba phrag stong rnam par 'dul/ /ma 'ongs dus kyi mtha' yas bskal pa na/ /sangs rgyas mang po mtha' yas mthong nas ni/ /kun du snang zhes bya ba'i rgyal bar 'gyur/ /de yi zhing yang yongs
87b7 su dag par 'gyur/ /sangs rgyas stobs dang 'od tu ldan par 'gyur/ /phyogs bcu dag tu sgra yang rnam par bsgrags/ /srog chags bye ba stong gis mdun gyis bltas/ /byang chub dam
87b8 pa mchog kyang ston par 'gyur/ /de nas byang chub sems dpa' brtson pa rnams/ /gzhal med khang mchog du ni mngon zhugs nas/ /de na gnas shing rjes su rnam par sems/ /rnam
88a1 dag tshul khrims rtag tu legs pa'i tshul/ /rkang gnyis gtso bo de yi chos thos nas/ /zhing gzhan du ni de dag rtag tu yang / /de dag sangs rgyas stong la phyag 'tshal 'gro/ /de dag la ni rgya che'i
88a2 mchod byas te/ /skad cig gis ni rnam par 'dren pa yin/ /zhing der de dag phyir yang 'ong bar 'gyur/ /rab tu snang zhes bya ba mi yi gtso/ /spyod pa'i stobs ni de ltar de 'drar 'gyur/ /bde gshegs de yi tshe tshad
88a3 'gyur bar ni/ /bskal pa stong phrag drug bcu tshang bar 'gyur/ /skyob pa yongs su mya ngan 'das nas ni/ /de las nyis gyur dam chos der gnas 'gyur/ /de yi gzugs brnyan 'byung bar 'gyur ba ni/ /
88a4 de yi sum 'gyur de srid dus su'o/ /skyob pa de yi dam chos med gyur nas/ /lha rnams dang ni mi dag sdug bsngal 'gyur/ /skyes mchog kun du snang zhes bya bar yang / /ming gcig pa yi rgyal ba 'byung ba ni/ /
88a5 'dren pa lnga brgya yongs su tshang ba ste/ /de dag gcig gi 'og tu gcig 'byung 'gyur/ /de dag kun gyi bkod pa de 'dra ste/ /rdzu 'phrul stobs dang de bzhin sangs rgyas zhing / /'dus pa de bzhin dam chos de 'dra
88a6 ste/ /dam pa'i chos gnas pa yang mnyam par 'gyur/ /kun tu snang ba skyes bu dam pa yi/ /ji ltar nga yis sngar ni bshad pa bzhin/ /de tshe sgra ni lhar bcas 'jig rten du/ /thams cad de dag lta bur 'gyur ba yin/ /
88a7 ji ltar 'jig rten thams cad ngas bstan bzhin/ /'di ni nga yi 'og tu 'byung ngo zhes/ /mthar gyis de ltar de dag gcig nas gcig /phan zhing snying brtse ba dag lung bstan 'gyur/ /'od srung khyod kyis de ring dbang ldan pa/ /
88a8 lnga brgya las ni mi nyung 'di dag dang / /nga yi nyan thos gzhan yang de ltar zung / /de bzhin du yang nyan thos gzhan la bsgo/ /de nas dgra bcom pa lnga brgya po de dag /bcom ldan 'das las bdag cag bla na med pa yang dag par rdzogs pa'i byang chub tu
88b1 mngon sum du lung bstan pa thos nas tshim zhing mgu la yid rang ste/ dga' ba dang yid bde ba skyes nas bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te 'di skad ces gsol
88b2 to/ /bcom ldan 'das bdag cag gis rtag tu rgyun mi chad par 'di ni bdag cag gi mya ngan las 'da' ba lags te/ bdag cag ni yongs su mya ngan las 'das so snyam sems la/ yongs su bsgoms pa'i nongs pa de dag
88b3 bdag cag gis bshags so/ /bcom ldan 'das 'di ni bdag gis mi rtogs ma 'tshal mi mkhas pa lags te/ de ci'i slad du zhe na/ 'di ltar bdag cag de bzhin gshegs pa'i ye shes kyis mngon par rdzogs par 'tshang
88b4 rgya bar bgyi ba lags na/ 'di lta bu'i ye shes chung ngus 'tshal lo snyam mo/ /'di lta ste dper na/ mi la la zhig mdza' bo'i mchis brang du mchis nas/ de phyag las khom 'am mchis nyal ba la mdza' bo des/ 'di'i nor bu
88b5 rin po cher 'di bya'o zhes rin thang ma mchis pa'i nor bu rin po che de gos kyi mtha' mar phur ro/ /bcom ldan 'das de nas mi de mchis langs te 'phags nas yul phyogs gzhan du mchis te/ de de na nyon mongs par gyur
88b6 nas 'tshal ma dang rad pa tshol ba'i slad du/ shin tu nyon mongs shing cher 'bad de/ gzhig nas kha zas cung zad rnyed nas des mgu ste rab tu dga' bar gyur to/ /bcom ldan 'das de nas mi de'i mdza' bo rnying pas de'i
88b7 gos kyi mtha' mar rin thang ma mchis pa'i nor bu rin po che phur ma bgyis pa'i mi des yang mthong nas/ des de la 'di skad ces/ kye mi khyod zas dang skom tshol ba'i phyir/ ci ste nyon mongs su 'ong zhes/
88b8 kye mi khyod bde bar gnas par bya ba'i phyir ngas 'dod pa thams cad grub par byed pa rin thang med pa'i nor bu rin po che gos kyi mtha' mar phur te/ kye mi khyod ngas nor bu rin po che de byin nas/
89a1 kye mi khyod kyi gos kyi mtha' ma la nor bu rin po che rin thang med pa phur na/ bdag la nam phur/ su zhig gis phur/ ci'i rgyu ci'i phyir phur ba/ kye mi khyod cung zad kyang mi lta 'am/ kye mi khyod byis pa'i rang bzhin can te/
89a2 kye mi khyod nyon mongs par zas dang gos tshol ba tsam gyis chog par 'dzin tam/ kye mi khyod song la rin thang med pa'i rin po che 'di khyer te/ grong khyer chen por song la nor des nor gyi bya ba thams cad byos shig ces mchi
89a3 ba de bzhin du/ bcom ldan 'das bdag cag kyang / de bzhin gshegs pas thog ma byang chub sems dpa'i spyad pa spyod pa na/ thams cad mkhyen pa nyid kyi sems bskyed par gyur pa ste/ bdag cag gis ma rtogs ma 'tshal
89a4 te/ bcom ldan 'das de'i slad du bdag cag kyang dgra bcom pa'i sa nas mya ngan las 'das pa snyam bgyid do/ /bcom ldan 'das bdag cag nyon mongs par tshol zhing / bcom ldan 'das 'di lta bu'i ye shes chung ngus 'tshal
89a5 bar 'dzin to/ /thams cad mkhyen pa'i ye shes su smon pa rtag tu ma nyams pa des bcom ldan 'das bdag cag de bzhin gshegs pas khong du chud par bstan pa/ dge slong dag khyod 'di ltar mya ngan las 'das par ma sems
89a6 shig dge slong dag ngas sngon yongs su smin par byas pa'i dge ba'i rtsa ba de dag khyed kyi sems la yod do/ /chos bshad cing brjod pas da ltar mya ngan las 'da' ba yin par sems pa de yang / nga yi thabs mkhas pa'o zhes
89a7 de ltar bcom ldan 'das kyis bdag cag khong du chud par bgyis te/ de ring bla na med pa yang dag par rdzogs pa'i byang chub tu lung bstan to/ /de nas kun shes kauN+Di n+ya la sogs pa dbang dang ldan par gyur pa lnga brgya po de dag
89a8 gis de'i tshe tshigs su bcad pa 'di dag gsol to/ /gang phyir mchog rab byang chub lung bstan te/ /'di 'dra ba yi dbugs 'byin bla med pa/ /'di thos nas ni bdag cag dga' mgu ste/ /bcom ldan mtha' yas spyan la phyag
89b1 'tshal lo/ /ci ltar byis pa mi mkhas ma 'tshal bzhin/ /bde bar gshegs pa'i bstan la bdag cag ni/ /mya ngan 'das pa tsam gyis 'tshal 'dzin pa/ /nongs pa de dag khyed la rab tu bshags/ /ji ltar dper na mi 'ga' la la zhig /
89b2 de yi mdza' bo'i khyim der phyin gyur nas/ /grogs po de ni nor bdag phyug po ste/ /des ni de la bza' bca' mang stsal nas/ /zas kyis de ni yang dag tshim par bgyis/ /rin chen du ma ri ba de stsal te/ /de yi bla gos mtha' mar phur te
89b3 mdud/ /de la stsal nas de ni dga' bar gyur/ /byis pa de yang de nas mchis gyur pa/ /langs nas de yang grong khyer gzhan du mchis/ /de ni nyon mongs gyur te phongs shing tshol/ /'tshal ma yongs su tshol bas shin tu skyo/ /
89b4 kha zas de btsal mya ngan 'das par gyur/ /de ni kha zas rgya che mi sems shing / /de yi rin po che yang mi dran gyur/ /bla gos la ni phur bar dran ma mchis/ /de ni grogs po snga ma de mthong nas/ /bdag gi khyim du
89b5 rin chen byin pa de/ /de la shin du yongs su spyos brgyad nas/ /rin chen gos kyi mtha' na mchis pa bstan/ /de yis mthong nas bde ba mchog dang ldan/ /rin chen de yi mthu ni de 'dra ste/ /nor mang
89b6 mdzod stobs can du de gyur nas/ /'dod pa'i yon tan lnga dang shin du ldan/ /de bzhin bcom ldan bdag cag 'di lta bur/ /sngon gyi srid pa shin du yun ring nas/ /de bzhin gshegs pa nyid kyi 'di stsal te/ /
89b7 sngon gyi smon lam rnams ni ma 'tshal bas/ /bcom ldan bdag cag 'di na byis pa'i blo/ /bdag cag bde gshegs bstan pa ma 'tshal bas/ /bdag cag mya ngan 'das tsam 'tshal bar gzung / /bla ma
89b8 mi re mi tshol mi sems so/ /'di 'dra'i mya ngan 'das pa yod med ces/ /'jig rten gnyen gyis bdag cag 'tshal bar bgyis/ /mya ngan 'das gang mchog tu bde ba de/ /skyes bu dam pa rnams kyi ye shes mchog /'di ltar yangs pa rgya chen
90a1 rnam mangs kyi/ / bla na med pa'i lung bstan rab thos te/ / mgon po gcig la gcig lung ston pa yis/ / bdag cag dga' zhing mgu ba rangs pa skyes/ / dam pa'i chos pad ma dkar po las dge slong lnga brgya lung bstan pa'i le 'u zhes
90a2 bya ste brgyad pa'o// // de nas de'i tshe tshe dang ldan pa kun dga' bo 'di snyam du bdag kyang lung bstan pa 'di lta bu thob par bya'o snyam du sems/ de snyam du bsams te rjes su rnam par bsams te smon nas stan las langs te/ bcom ldan 'das
90a3 kyi zhabs la gtugs/ /tshe dang ldan pa sgra gcan zin gyis kyang / de snyam du bsams te rjes su rnam par bsams shing smon nas/ bcom ldan 'das kyi zhabs la gtugs te tshig 'di skad ces gsol to/ /bcom ldan 'das
90a4 bdag cag la yang skabs dbye bar gsol/ bde bar gshegs pa bdag cag la skabs dbye bar gsol/ bcom ldan 'das ni bdag cag gi pha dang skyed pa dang skyabs dang gnas dang dpung gnyen lags so/ /bcom ldan 'das bdag
90a5 kyang bcom ldan 'das kyi sras/ bcom ldan 'das kyi zhabs 'bring ba ste/ bcom ldan 'das kyi chos kyi mdzod 'dzin pa lags so/ /zhes lha dang mi dang lha ma yin du bcas pa'i 'jig rten na shin du ri mo bgyid par gyur to/ /de'i slad
90a6 tu bcom ldan 'das kyis bdag cag bla na med pa yang dag par rdzogs pa'i byang chub tu myur du lung bstan na/ bcom ldan 'das mthun pa lags so/ /gzhan yang dge slong nyis stong lhag tsam slob pa dang mi slob pa de dag stan las langs te bla
90a7 gos phrag pa gcig tu gzar nas thal mo sbyar te bcom ldan 'das kyi spyan snga na/ bcom ldan 'das la lta zhing 'dug nas bsams pa 'di nyid 'di lta ste/ sangs rgyas kyi ye shes 'di nyid la rjes su sems te/
90a8 bdag cag kyang bla na med pa yang dag par rdzogs pa'i byang chub tu lung bstan pa thob par gyur cig snyam mo/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod ma 'ongs
90b1 pa'i dus na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i
90b2 kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das rgya mtsho mchog 'chang blo rnam par rol pa'i mngon par shes pa zhes bya bar 'jig rten du 'byung ste/ sangs rgyas bye ba
90b3 phrag drug bcu rtsa gnyis la bsti stang du byas/ btsun par byas/ ri mor byas mchod par byas te/ sangs rgyas bcom ldan 'das de dag gi dam pa'i chos blangs shing bstan pa yongs su bzung ste/ bla na med pa yang
90b4 dag par rdzogs pa'i byang chub mngon par rdzogs par sangs rgyas nas/ byang chub sems dpa' bye ba khrag khrig brgya stong phrag gang gA'i klung nyi shu'i bye ma snyed bla na med pa yang dag par rdzogs pa'i byang chub tu
90b5 yongs su smin par byed par 'gyur ro/ /khyod kyi sangs rgyas kyi zhing de shin du 'byor cing / sa gzhi bai dUr+ya las grub par 'gyur ro/ /'jig rten gyi khams de ni ma bsnyal ba'i rgyal mtshan zhes bya bar 'gyur ro/ /bskal
90b6 pa de ni yid tu 'ong ba'i sgra mngon par bsgrags pa zhes bya bar 'gyur ro/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgya mtsho mchog 'chang blo rnam par rol pa'i mngon
90b7 par shes pa de'i tshe'i tshad ni bskal pa dpag tu med par 'gyur te/ bcom ldan 'das de'i tshe'i tshad bgrang bas mthar phyin par mi nus pa'i bskal pa bye ba khrag khrig brgya stong grangs med par 'gyur ro/ /kun dga' bo bcom
90b8 ldan 'das de bzhin gshegs pa dgra bcom pa yang dag par rdzogs pa'i sangs rgyas rgya mtsho mchog 'chang blo rnam par rol pa'i mngon par shes pa de'i tshe'i tshad ji tsam du 'gyur ba de'i nyis 'gyur du yongs su mya ngan las
91a1 'das nas dam pa'i chos gnas par 'gyur ro/ /bcom ldan 'das de'i dam pa'i chos ci tsam du gnas par 'gyur ba de'i nyis gyur du dam pa'i chos kyi gzugs brnyan gnas par 'gyur ro/ /yang kun dga' bo
91a2 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgya mtsho mchog 'chang blo rnam par rol pa'i mngon par shes pa de la phyogs bcu'i sangs rgyas bye ba khrag khrig brgya stong
91a3 phrag mang po gang gA'i klung gi bye ma snyed dag bsngags pa brjod par 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /ngas ni dge slong dge 'dun mos par bya/ /kun
91a4 dga' bzang po nga yi chos 'dzin pa/ /bde gshegs bye ba drug bcu mchod byas nas/ /ma 'ongs dus kyi tshe na rgyal bar 'gyur/ /de yi ming ni rgya mtsho blo 'dzin te/ /mngon par shes thob ces kyang de na grags/ /
91a5 blta na sdug pa yongs su dag pa'i zhing / /ma bsnyal rgyal mtshan rgyal ba'i ba dan no/ /byang chub sems dpa' gang gA'i bye snyed der/ /de bas lhag par yongs su smin par byed/ /rgyal ba de ni rdzu 'phrul che bar 'gyur/ /
91a6 phyogs bcu'i 'jig rten du ni sgra yang grags/ /de tshe tshe yang dpag tu med par 'gyur/ /'jig rten rnams la phan zhing brtse phyir gnas/ /skyob pa de ni mya ngan 'das 'og tu/ /nyis gyur de yi dam chos gnas par
91a7 'gyur/ /de nas gzugs brnyan de yi nyis gyur du/ /gnas te rgyal ba de yi bstan pa la/ /de nas sems can gang gA'i bye ma snyed/ /sangs rgyas byang chub 'di la rgyu yang skyed/ /de nas 'khor de na byang
91a8 chub sems dpa' theg pa la gsar du yang dag par zhugs pa brgya stong 'di snyam du sems te/ byang chub sems dpa' rnams la yang de lta bur rgya cher lung bstan pa/ bdag cag gis sngon ma thos
91b1 na nyan thos rnams la lta ci smos te/ 'di la rgyu gang dang rkyen ci zhig yod snyam mo/ /de nas bcom ldan 'das kyis byang chub sems dpa' de dag gi sems kyi rnam par rtog pa thugs kyis thugs su chud
91b2 nas/ byang chub sems dpa' de dag la bka' stsal pa/ rigs kyi bu dag skad cig yud tsam gcig la mnyam du nga dang kun dga' bo de bzhin gshegs pa dgra bcom pa yang dag par rdzogs pa'i sangs rgyas chos kyi
91b3 nam mkha' mngon 'phags rgyal po'i spyan sngar/ bla na med par yang dag par rdzogs pa'i byang chub tu sems bskyed de/ de nas rigs kyi bu 'di ni rtag tu rgyun mi chad par mang du thos pa la brtson par gyur to/ /nga ni brtson 'grus rtsom pa la brtson
91b4 te/ de'i phyir nga myur du bla na med pa yang dag par rdzogs pa'i byang chub tu sangs rgyas so/ /kun dga' bo bzang po 'di ni sangs rgyas bcom ldan 'das rnams kyi dam pa'i chos kyi mdzod 'dzin par 'gyur te rigs kyi bu dag 'di lta ste/ byang chub
91b5 sems dpa' rnams yongs su grub par bya ba'i phyir/ rigs kyi bu 'di'i smon lam ni 'di yin no/ /de nas tshe dang ldan pa kun dga' bos/ bcom ldan 'das las bdag nyid bla na med pa yang dag par rdzogs pa'i byang chub tu lung bstan pa thos/
91b6 bdag gi sangs rgyas kyi zhing gi yon tan bkod pa thos/ sngon gyi spyod lam dang spyod pa yang thos nas tshim zhing mgu la yid rangs te/ rab tu dga' zhing dga' ba dang yid bde ba skyes par gyur te/ de'i tshe sangs rgyas bye ba khrag khrig brgya stong
91b7 mang po'i dam pa'i chos dang bdag gi sngon gyi smon lam dran no/ /de nas tshe dang ldan pa kun dga' bos de'i tshe tshigs su bcad pa 'di dag gsol to/ /ngo mtshar gyur pa rgyal ba dpag med pas/ /skyob pa yongs su mya ngan 'das rnams kyi/ /
91b8 chos bstan pa dag bdag la dran mdzad pas/ /khar sang de ring bzhin du dran par gyur/ /the tsom ma mchis byang chub don du gnas/ /bdag gi thabs la mkhas pa 'di 'dra ste/ /bdag ni bde bar gshegs pa'i zhabs 'bring lags/ /
92a1 byang chub don du dam pa'i chos kyang 'dzin/ /de nas bcom ldan 'das kyis tshe dang ldan pa sgra gcan zin la bka' stsal pa/ sgra gcan zin khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i
92a2 sangs rgyas 'jig rten gyi khams bcu'i rdul phra rab kyi rdul snyed la sti stang du byas btsun par byas ri mo byas mchod par byas nas de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan
92a3 pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das rin po che sna bdun gyi pad ma la gom pas 'gro ba zhes bya bar 'gyur
92a4 ro/ /rtag tu yang sangs rgyas bcom ldan 'das de dag gi sras thu bor 'gyur te 'di lta ste dper na/ da ltar yi bzhin no/ /sgra gcan zin bcom ldan 'das de bzhin gshegs pa dgra bcom pa yang dag par rdzogs pa'i sangs
92a5 rgyas rin po che sna bdun gyi pad ma la gom pas 'gro ba de'i tshe'i tshad kyang 'di lta bur 'gyur/ yon tan rnam pa thams cad phun sum tshogs pa yang 'di lta bur 'gyur te/ ji ltar bcom ldan 'das de bzhin gshegs pa dgra
92a6 bcom pa yang dag par rdzogs pa'i sangs rgyas rgya mtsho mchog 'chang blo rnam par rol pa'i mngon par shes pa'i yon tan rnam pa thams cad dang ldan pa'i sangs rgyas kyi zhing gi yon tan bkod pa bzhin du 'gyur ro/ /sgra gcan
92a7 zin de bzhin gshegs pa dgra bcom pa yang dag par rdzogs pa'i sangs rgyas rgya mtsho mchog 'chang blo rnam par rol pa'i mngon par shes pa de yi sras thu bor yang khyod nyid 'gyur te/ de yi 'og tu bla na med pa yang dag par
92a8 rdzogs pa'i byang chub mngon par rdzogs par 'tshang rgya bar 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /sgra gcan zin 'di nga'i bu thu bo ste/ /gzhon nur gyur pa'i tshe na snying gi
92b1 bu/ /byang chub thob kyang nga yi bu yin te/ /drang srong chen po chos kyi bsgo skal 'dzin/ /ma 'ongs dus na sangs rgyas bye mang po/ /de dag tshad med pa ni mthong bar 'gyur/ /byang chub yongs su btsal bar bya ba'i phyir/ /rgyal ba de dag kun gyi
92b2 sras su 'gyur/ /sgra gcan zin gyis spyod 'di mi shes te/ /'di yi smon lam dag ni ngas shes so/ /bdag ni de bzhin gshegs pa'i sras po zhes/ /'jig rten gnyen la yang dag spyoms par byed/ /sgra gcan zin pa nga yi bu 'di yi/
92b3 yon tan bye ba khrag khrig dpag tu med/ /de la nam yang tshad gzung yod med de/ /de ltar 'di ni byang chub don du gnas/ /de nas bcom ldan 'das kyis nyan thos slob pa dang mi slob pa nyis stong po de dag bcom ldan 'das kyi spyan snga na/ bcom ldan
92b4 'das la lta zhing sems dang ba dang sems mnyen pa dang sems 'jam par bcom ldan 'das kyis gzigs te/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo nyan thos slob pa dang mi slob pa nyis
92b5 stong po 'di dag mthong ngam/ gsol pa bcom ldan 'das mthong lags so/ /bde bar gshegs pa mthong lags so/ /bcom ldan 'das kyis bka' stsal pa/ kun dga' bo dge slong nyis stong po de dag thams cad mnyam du byang chub
92b6 sems dpa'i spyod pa yang dag par sgrub par 'gyur te/ sangs rgyas bcom ldan 'das 'jig rten gyi khams lnga bcu'i rdul phra rab kyi rdul snyed la sti stang byas btsun par byas ri mor byas mchod pa byas/ dam pa'i chos bzung nas/ lus
92b7 tha ma la skad cig thang cig yud tsam gcig la phyogs bcu'i 'jig rten gyi khams gzhan dang gzhan dag gi sangs rgyas kyi zhing rnams su/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin
92b8 gshegs pa dgra bcom pa yang dag par rdzogs pa'i sangs rgyas rin po che'i me tog gi rgyal po zhes bya bar 'jig rten du 'byung ste/ de dag gi tshe'i tshad ni bskal pa tshang bar 'gyur/ de dag gi sangs rgyas kyi zhing gi yon tan bkod
93a1 pa yang mtshungs par 'gyur ro/ /de dag gi nyan thos kyi tshogs dang / byang chub sems dpa'i tshogs kyang mnyam par 'gyur ro/ /de dag mnyam du yongs su mya ngan las 'da' bar 'gyur ro/ /de dag gi dam pa'i chos kyang mnyam par
93a2 gnas par 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /kun dga' gang dag nga yi mdun 'khod pa/ /nyan thos nyis stong 'di dag thams cad ni/ /ma 'ongs dus na de bzhin gshegs
93a3 'gyur zhes/ /ngas ni mkhas rnams de ring lung bstan no/ /dpe bstan pa ni mtha' yas rnam dag gis/ /sangs rgyas rnams la mchod pa mchog byas nas/ /tha ma'i lus de la ni gnas nas su/ /nga yi byang chub mchog 'di thob
93a4 par 'gyur/ /phyogs bcu rnams su ming ni gcig 'gyur te/ /skad cig de bzhin yud tsam cig la ni/ /shing mchog rnams kyi drung du 'khod nas su/ /ye shes thob ste sangs rgyas rnams su 'gyur/ /de dag rnams kyi ming ni gcig
93a5 gyur te/ /rin chen tog ces bya bar 'jig rten grags/ /de dag rnams kyi zhing mchog mtshungs par 'gyur/ /nyan thos byang chub sems dpa'i tshogs kyang mnyam/ /rdzu 'phrul gyur pa'ang 'jig rten 'di kun na/ /mnyam zhing de dag phyogs
93a6 bcu rnams su yang / /chos bshad nas ni mnyam du mya ngan 'da'/ /de dag dam chos mnyam du gnas par 'gyur/ /de nas slob pa dang mi slob pa'i nyan thos de dag /bcom ldan 'das las mngon sum du rang rang gi lung bstan pa thos nas
93a7 tshim zhing mgu la yi rangs te rab tu dga' zhing dga' ba dang yid bde ba skyes nas/ bcom ldan 'das la tshigs su bcad pa 'di dag gsol to/ /lung bstan pa 'di thos pas na/ /'jig rten sgron ma bdag cag ngoms/ /bdud rtsi ji ltar
93a8 gtor ba bzhin/ /de bzhin gshegs pa bdag cag bde/ /bdag cag mi mchog mi 'gyur zhes/ /bdag cag yid gnyis dogs ma mchis/ /lung bstan pa ni 'di thos pas/ /de ring bdag cag bde ba thob/ /dam pa'i chos
93b1 pad ma dkar po las/ kun dga' bo dang sgra gcan zin dang dge slong nyis stong lung bstan pa'i le'u zhes bya ste dgu pa'o// // de nas bcom ldan 'das kyis byang chub sems dpa' sman gyi rgyal po la sogs pa byang chub sems dpa'
93b2 brgyad khri po de dag la bka' stsal pa/ sman gyi rgyal po 'khor 'di'i lha dang klu dang gnod sbyin dang dri za dang lha ma yin dang namakha' lding dang mi 'am ci dang lto 'phye chen po dang mi dang mi ma yin pa dang dge slong dang dge slong ma dang dge bsnyen dang
93b3 dge bsnyen ma nyan thos kyi theg pa can dang byang chub sems dpa'i theg pa can mang po 'di dag gis chos kyi rnam grangs 'di de bzhin gshegs pa las mngon sum du thos pa de dag mthong ngam/ gsol pa bcom ldan 'das mthong
93b4 lags so/ /bde bar gshegs pa mthong lags so/ /bcom ldan 'das kyis bka' stsal pa/ sman gyi rgyal po 'di dag thams cad byang chub sems dpa' sems dpa' chen po ste/ 'khor 'di'i nang na gang dag tha na
93b5 tshigs su bcad pa gcig thos pa dang / tshig gcig thos pa dang gang dag gis tha na mdo sde 'di la sems bskyed pa gcig tsam gyi rjes su yi rang ba'i 'khor bzhi po de dag thams cad ni sman gyi rgyal po ngas bla na med pa yang dag par rdzogs pa'i
93b6 byang chub tu lung bstan to/ /sman gyi rgyal po gang la la de bzhin gshegs pa yongs su mya ngan las 'das nas/ chos kyi rnam grangs 'di nyan pa dang tha na tshigs su bcad pa gcig thos nas/ sems bskyed pa gcig
93b7 tsam gyis kyang rjes su yi rang bar 'gyur ba'i rigs kyi bu 'am rigs kyi bu mo de dag sman gyi rgyal po ngas bla na med pa yang dag par rdzogs pa'i byang chub tu lung bstan to/ /sman gyi rgyal po rigs
93b8 kyi bu 'am rigs kyi bu mo de dag gis sangs rgyas bye ba khrag khrig brgya stong tshang ba la bsnyen bkur byas pa yin no/ /sman gyi rgyal po rigs kyi bu 'am rigs kyi bu mo de dag sangs rgyas bye ba khrag
94a1 khrig brgya stong mang po la smon lam btab pa yin te/ sman gyi rgyal po rigs kyi bu 'am rigs kyi bu mo de dag sems can rnams la snying brtse ba'i phyir/ 'dzam bu'i gling 'dir mir skyes par rig par bya'o/ /gang
94a2 dag chos kyi rnam grangs 'di las tha na tshigs su bcad pa gcig tsam yang 'dzin tam klog gam ston tam yang dag par rjod dam yi ger 'dri 'am bris nas rjes su dran par byed dam dus dus su lta 'am/ glegs
94a3 bam de la de bzhin gshegs pa la bya ba bzhin du gus pa skyed dam ston pa la bya ba bzhin du gus par bkur sti byed dam btsun par byed dam rim gror byed dam mchod dam glegs bam de la me tog dang bdug pa dang spos dang
94a4 phreng ba dang byug pa dang phye ma dang gos dang gdugs dang rgyal mtshan dang lha'i ba dan dang rol mo'i sgra la sogs pa dang phyag 'tshal ba dang thal mo sbyor bar byed pas mchod dam/ sman gyi rgyal po rigs kyi bu 'am rigs kyi bu
94a5 mo gang la la chos kyi rnam grangs 'di las tha na tshigs su bcad pa gcig tsam yang 'dzin tam rjes su yi rang na sman gyi rgyal po de dag thams cad ngas bla na med pa yang dag par rdzogs pa'i byang chub tu lung bstan to/ /sman
94a6 gyi rgyal po de la skyes pa 'am bud med gang la la zhig 'di skad du ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyasu 'gyur ba'i sems can de dag ci lta bu dag cig
94a7 ces zer na/ sman gyi rgyal po skyes pa 'am bud med de la rigs kyi bu 'am rigs kyi bu mo de bstan par bya ste gang gis chos kyi rnam grangs 'di las tha na tshig bzhi pa'i tshigs su bcad pa gcig tsam yang 'dzin
94a8 tam thos par byed dam bshad dam chos kyi rnam grangs 'di la ri mo byed na/ rigs kyi bu 'am rigs kyi bu mo de ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas su 'jig rten du 'byung bar
94b1 ltos shig ces bya'o/ /de ci'i phyir zhe na/ sman gyi rgyal po rigs kyi bu 'am rigs kyi bu mo de de bzhin gshegs par rig par bya ba'i phyir te/ gang gis chos kyi rnam grangs 'di las tha na tshigs su bcad pa gcig tsam bzung na
94b2 yang lha dang bcas pa'i 'jig rten gyis/ de bzhin gshegs pa la bkur sti bya ba bzhin du bya na/ gang zhig chos kyi rnam grangs 'di mtha' dag chub par 'dzin tam 'chang ba 'am kun chub par byed pa 'am rab tu ston pa 'am yi ger
94b3 'dri 'am bris nas rjes su dran par byed pa 'am/ glegs bam de la me tog dang bdug pa dang spos dang phreng ba dang byug pa dang phye ma dang gos dang gdugs dang rgyal mtshan dang lha'i ba dan dang rol mo'i sgra dang thal mo sbyar te/ phyag 'tshal
94b4 zhing rab tu 'dud pa dag gi ri mo byed pa lta ci smos/ sman gyi rgyal po rigs kyi bu 'am rigs kyi bu mo de bla na med pa yang dag par rdzogs pa'i byang chub tu yongs su grub par rig par bya'o/ /des de bzhin gshegs pa
94b5 mthong bar rig par bya'o/ /'jig rten la phan zhing snying brtse ba smon lam gyi dbang gis chos kyi rnam grangs 'di rab tu bstan pa'i phyir/ 'dzam bu'i gling 'dir mir skyes te/ bdag nyid rgya cher chos mngon par 'du
94b6 byed pa dang sangs rgyas kyi zhing rgya chen por skye ba bzhag ste/ chos kyi rnam grangs 'di shin du yang dag par bstan pa'i phyir nga yongs su mya ngan las 'das nas sems can rnams phan zhing snying brtse ba'i don
94b7 du skyes par rig par bya'o/ /sman gyi rgyal po de bzhin gshegs pa yongs su mya ngan las 'das nas/ gang gis chos kyi rnam grangs 'di bshad dam tha na gsang ste rkun bur sems can gcig la yang yang
94b8 dag par bshad dam bstan na yang / sman gyi rgyal po rigs kyi bu 'am rigs kyi bu mo de/ de bzhin gshegs pa'i pho nya yin par rig par bya'o/ /rigs kyi bu 'am rigs kyi bu mo de de bzhin gshegs pa'i bya ba byed pa
95a1 ste/ de bzhin gshegs pas mngags par rig par bya'o/ /sman gyi rgyal po sems can sdang ba'i sems dang ldan pa dang sdig pa'i sems dang ldan pa dang drag shul gyi sems dang ldan pa gang la las/ de bzhin gshegs
95a2 pa la mngon du bskal par mi snyan par smra ba bas/ gang zhig mdo sde 'di 'dzin pa chos smra ba de lta bu khyim na gnas pa 'am rab tu byung ba de dag la bden pa 'am mi bden pa'i tshig mi snyan pa gcig bsgrags pa de sdig pa'i
95a3 las shin tu mi zad par bshad do/ de ci'i phyir zhe na/ sman gyi rgyal po rigs kyi bu 'am rigs kyi bu mo de ni de bzhin gshegs pa'i rgyan gyis brgyan par rig par bya ba'i phyir te/ sman gyi rgyal po gang gis chos
95a4 kyi rnam grangs 'di yi ger bris nas glegs bam du byas te phrag pa la thogs pa des/ de bzhin gshegs pa phrag pa la thogs par 'gyur te/ de gang dang gang du 'gro ba de dang der sems can rnams kyis thal mo sbyar
95a5 bar bya bkur stir bya btsun par bya ri mo bya mchod par bya'o/ /lha dang mi'i me tog dang spos dang phreng ba dang byug pa dang phye ma dang gos dang gdugs dang rgyal mtshan dang lha'i ba dan dang rol mo'i sgra dang bza' ba dang bca' ba dang kha
95a6 zas dang btung ba dang bzhon pa dang mchog tu 'gyur ba'i lha'i rin po che'i phung po dag gis chos smra ba de la bskur sti bya/ chos smra ba de la lha'i rin po che'i phung po dag dbul bar bya'o/ /de ci'i phyir zhe na/ chos kyi rnam grangs 'di
95a7 lan cig yang dag par rab tu bstan na yang 'di thos pas dpag tu med grangs med pa'i sems can rnams myur du bla na med pa yang dag par rdzogs pa'i byang chub tu yongs su 'grub par 'gyur ba'i phyir ro/ /de nas bcom ldan
95a8 'das kyis de'i tshe tshigs su bcad pa 'di dag bka' stsal to/ /sangs rgyas nyid tu gnas 'dod cing / /rang 'byung ye shes 'dod pa yis/ /gang rnams tshul 'di 'dzin byed pa/ /sems can de dag bkur sti bya/ /thams cad
95b1 mkhyen nyid gang 'dod de/ /ji ltar myur du thob snyam pa/ /des ni mdo sde 'di bzung ste/ /'dzin pa la yang bkur sti bya/ /sems can rnams la brtse don du/ /mdo sde 'di ni su klog pa/ /sems can rnam par 'dul ba'i phyir/ /'jig rten
95b2 mgon gyis bkye ba yin/ /sems can rnams la snying brtse'i phyir/ /gang zhig mdo sde 'di 'dzin pa/ /skye ba bzang po btang nas su/ /dpa' bo de ni 'dir 'ongs so/ /bla na med pa'i mdo sde 'di/ /phyi ma'i dus la rab
95b3 'chad cing / /gang phyir de na de snang ba/ /skye ba la ni de dbang ngo / /chos smra ba la rin chen 'thor/ /mi yi spos rab thams cad dang / /lha yi me tog dag gis mchod/ /lha yi gos kyis kun du 'gebs/ /phyi dus
95b4 'jigs pa de na yang / /mya ngan nga 'das mdo 'dzin pa/ /ji ltar rgyal dbang rang byung bzhin/ /de la rtag tu thal sbyor 'gyur/ /lan cig mdo sde 'di smra ba/ /rgyal sras de ni mchod pa'i phyir/ /bza' bca' de bzhin
95b5 zas dang skom/ /gnas dang mal cha gos bye sbyin/ /gang rnams mdo 'di phyi dus na/ /yi ger 'dri 'chang nyan pa ni/ /mi yi srid par ngas btang ste/ /de bzhin gshegs pa'i bya ba byed/ /gang zhig nga yi mdun 'dug
95b6 nas/ /khro gnyer byas shing gnod sems kyis/ /bskal pa tshang bar mi snyan bsgrags/ /mi de sdig pa mang du 'phel/ /mdo sde 'di ni rab ston pa/ /gang rnams mdo 'dzin de dag la/ /gshe zhing mi bsngags smra ba de/ /
95b7 sdig pa shin tu de mang bshad/ /byang chub mchog 'di yongs tshol zhing / /bskal pa rdzogs par thal sbyar te/ /tshigs bcad du ma khrag khrig gis/ /mi gang la la mngon par bstod/ /dga' skyes nga la bstod pa ni/ /de las
95b8 bsod nams ches mang rnyed/ /mi gang de yi bsngags brjod pa/ /de bas bsod nams mang du 'phel/ /bskal pa bye stong bcwa brgyad tu/ /sgra dang gzugs dang bro rnams dang / /lha yi reg dang lha spos kyis/ /gzugs brten de dag sus mchod de/ /bskal pa
96a1 bye stong bcwa brgyad tu/ /rten la de ltar mchod pa bas/ /lan cig mdo sde 'di thos na/ /ngo mtshar chen po des thob 'gyur/ /sman gyi rgyal po khyod mos par bya/ khyod kyis khong du chud par bya'o/ /sman gyi rgyal po ngas chos kyi rnam grangs
96a2 mang po bshad do 'chad do bshad par bya'o/ /sman gyi rgyal po chos kyi rnam grangs de dag thams cad kyi nang na/ chos kyi rnam grangs 'di ni 'jig rten thams cad dang mi mthun pa ste/ 'jig rten thams cad yid ches par mi 'gyur
96a3 ba'o/ /sman gyi rgyal po 'di ni de bzhin gshegs pa'i mngon par shes pa'i nang gi gsang chen te/ de bzhin gshegs pa'i stobs kyis bsrungs pa sngon ma 'phel ba'o/ /gnas 'di ni sngon ma bstan pa ste/ sman gyi rgyal
96a4 po de bzhin gshegs pa bzhugs pa na yang / chos kyi rnam grangs 'di la skye bo mang po spong na/ de bzhin gshegs pa yongs su mya ngan las 'das nas lta ci smos/ sman gyi rgyal po de bzhin gshegs pa yongs su mya ngan
96a5 las 'das nas/ gang dag chos kyi rnam grangs 'di la dad pa dang klog pa dang yi ger 'dri ba dang bkur sti byed pa dang / gzhan dag la yang thos par byed pa'i rigs kyi bu 'am rigs kyi bu mo de dag ni/ de bzhin gshegs pa
96a6 'i chos gos kyis g.yogs par rig par bya'o/ /'jig rten gyi khams gzhan na bzhugs pa'i de bzhin gshegs pa rnams kyis gzigs shing byin gyis brlabs pa'o/ /de dag so so rang gi
96a7 dad pa'i stobs dang dge ba'i rtsa ba'i stobs dang smon lam gyi stobs can du 'gyur ro/ /sman gyi rgyal po rigs kyi bu 'am rigs kyi bu mo de dag de bzhin gshegs pa dang gnas gcig na 'dug par 'gyur
96a8 te/ de dag gi spyi bo la de bzhin gshegs pa'i phyag gis snyugs par 'gyur ro/ /sman gyi rgyal po sa phyogs gang na chos kyi rnam grangs 'di 'chad dam ston tam yi ger 'dri 'am kha ton byed dam yang dag par rjod pa'i
96b1 sa phyogs der/ sman gyi rgyal po de bzhin gshegs pa'i mchod rten rin po che las byas pa mtho zhing che ba bya'o/ /der de bzhin gshegs pa'i sku gdung nges par gzhag mi dgos so/ /de ci'i phyir zhe na/ der de bzhin gshegs pa'i
96b2 sku gdung gcig tu 'dus pa gzhag par 'gyur ba'i phyir ro/ /sa phyogs gang na chos kyi rnam grangs 'di 'chad dam ston tam klog gam yang dag par rjod dam yi ger 'dri 'am glegs bam du byas te gzhag pa der mchod
96b3 rten bzhin du/ bkur sti dang btsun par bya ba dang ri mo dang mchod par bya'o/ /me tog dang bdug pa dang spos dang phreng ba dang byug pa dang phye ma dang gos dang gdugs dang rgyal mtshan dang lha'i ba dan dang rnam par rgyal ba'i ba dan thams cad dang /
96b4 glu dang rol mo'i sgra dang gar dang sil snyan dang pheg brdob pa thams cad kyis mchod par bya'o/ /sman gyi rgyal po sems can gang dag de bzhin gshegs pa'i mchod rten de la phyag 'tshal ba 'am mthong ba rnyed pa de dag thams
96b5 cad ni/ sman gyi rgyal po bla na med pa yang dag par rdzogs pa'i byang chub dang shin du nye bar gyur par rig par bya'o/ /de ci'i phyir zhe na/ sman gyi rgyal po khyim na gnas pa dang rab tu byung ba'i byang chub sems dpa' mang
96b6 po dag /byang chub sems dpa'i spyad pa spyod kyang chos kyi rnam grangs 'di lta ba 'am mnyan pa 'am yi ger 'dri ba 'am mchod par yang mi rnyed do/ /sman gyi rgyal po ji tsam du chos kyi rnam grangs
96b7 'di mi nyan pa de tsam du/ byang chub sems dpa' byang chub sems dpa'i spyod pa la mkhas pa ma yin no/ /gang gi tshe chos kyi rnam grangs 'di mnyan te thos nas mos pa dang rtogs
96b8 pa dang 'jug pa dang shes pa dang yongs su 'dzin pa de'i tshe bla na med pa yang dag par rdzogs pa'i byang chub tu bsnyen par 'gyur te/ nye bar gnas pa yin no/ /sman gyi rgyal po 'di lta ste dper na/ mi la la zhig
97a1 chu 'dod par gyur te chu tshol zhing / des chu'i phyir skam sa'i phyogs shin tu khron pa rkor bcug ste/ de rko ba na skam zhing skya ba'i sa 'byin par mthong ste/ mthong nas 'di ltar 'di nas chu da dung thag ring ngo
97a2 snyam du sems so/ /de nas dus gzhan zhig na/ mi des sa gsher ba dang 'dres pa 'dam rdzab dang chu'i thigs pa zag pa 'byin cing khron pa rko ba'i mi de dag lus la 'dam rdzab kyis gos par mthong ste/ de nas
97a3 yang sman gyi rgyal po mi des snga ltas de mthong nas/ dgos pa dang the tshom med de 'di nas chu ni nye'o snyam mo/ /sman gyi rgyal po de bzhin du ci tsam du chos kyi rnam grangs 'di mi nyan/ mi 'dzin khong du chud par mi byed
97a4 mi 'jug mi sems pa'i bar du dang / byang chub sems dpa' sems dpa' chen po 'di dag bla na med pa yang dag par rdzogs pa'i byang chub las ring ba yin no/ /sman gyi rgyal po gang gi tshe byang chub sems dpa'
97a5 sems dpa' chen po dag chos kyi rnam grangs 'di nyan cing 'dzin pa dang 'jug pa dang kha ton du byed pa dang sems pa dang sgom pa de'i tshe/ de dag bla na med pa yang dag par rdzogs pa'i byang chub tu nye bar gyur pa yin te/ sman
97a6 gyi rgyal po chos kyi rnam grangs 'di las sems can rnams kyi bla na med pa yang dag par rdzogs pa'i byang chub skye'o/ /de ci'i phyir zhe na/ chos kyi rnam grangs 'di ni ldem por dgongs te bshad pa 'grel ba'i
97a7 mchog yin pa'i phyir te/ de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po rnams yongs su grub par bya ba'i phyir chos gsang ba'i gnas bshad pa
97a8 'o/ /sman gyi rgyal po byang chub sems dpa' gang la la zhig chos kyi rnam grangs 'dis skrag cing sngangs te sngangs par gyur na/ sman gyi rgyal po byang chub sems dpa' sems dpa' chen po de theg pa la gser du zhugs par rig par bya'o/ /gal
97b1 te yang nyan thos kyi theg pa can zhig chos kyi rnam grangs 'dis skrag cing sngangs te sngangs par gyur na/ sman gyi rgyal po de ni nyan thos kyi theg pa can gyi gang zag nga rgyal can du rig par bya'o/ /sman gyi rgyal po byang chub sems dpa' sems dpa'
97b2 chen po gang la la zhig /de bzhin gshegs pa yongs su mya ngan las 'das nas phyi ma'i dus phyi ma'i tshe na/ chos kyi rnam grangs 'di 'khor bzhi la yang dag par ston na/ sman gyi rgyal po byang chub sems dpa' des de bzhin
97b3 gshegs pa'i gnas su zhugs te/ de bzhin gshegs pa'i chos gos bgos la de bzhin gshegs pa'i stan la 'dug ste chos kyi rnam grangs 'di phyis 'khor bzhi la yang dag par bshad par bya'o/ /sman gyi rgyal po de bzhin gshegs
97b4 pa'i gnas gang zhe na/ sman gyi rgyal po sems can thams cad la byams par gnas pa ni sman gyi rgyal po de bzhin gshegs pa'i gnas te sman gyi rgyal po der rigs kyi bu de 'jug par bya'o/ /sman gyi rgyal po de bzhin gshegs pa'i
97b5 chos gos gang zhe na/ sman gyi rgyal po bzod pa dang des pa chen po ni de bzhin gshegs pa'i chos gos te/ sman gyi rgyal po de yang rigs kyi bu des bgo bar bya'o/ /sman gyi rgyal po de bzhin gshegs pa'i chos kyi stan gang
97b6 zhe na/ chos thams cad stong pa nyid du 'jug pa ste/ sman gyi rgyal po de bzhin gshegs pa'i chos kyi stan de la rigs kyi bu des 'dug par bya'o/ /'dug nas chos kyi rnam grangs 'di 'khor bzhi po dag la yang dag par
97b7 bstan par bya'o/ /byang chub sems dpa' mi zhan pa'i sems kyis byang chub sems dpa'i tshogs dang byang chub sems dpa'i theg pa la yang dag par zhugs pa'i 'khor bzhi po dag gi mdun du rab tu bstan par
97b8 bya'o/ /sman gyi rgyal po nga 'jig rten gyi khams gzhan na 'dug na yang sprul pas rigs kyi bu de'i 'khor dang mthun par bya'o/ /sprul pa'i dge slong dang dge slong ma dang dge bsnyen dang dge bsnyen ma dag chos nyan du dgye'o/ /
98a1 chos smra ba des bshad pa de la de dag phyir mi zlog cing spong bar mi byed do/ /gal te de dgon pa na 'dug par gyur na der lha dang klu dang gnod sbyin dang dri za dang lha ma yin dang namakha' lding dang mi 'am ci dang lto 'phye chen po mang po
98a2 chos nyan du dgye'o/ /sman gyi rgyal po nga 'jig rten gyi khams gzhan na 'dug na yang rigs kyi bu de la nga yi ngo nye bar bstan to/ /gang dag chos kyi rnam grangs 'di las tshig dang yi ge 'chad par gyur pa de dag kha ton byed pa
98a3 na slar thon par bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /zhen pa thams cad rnam spangs te/ /'di 'dra ba yi mdo sde nyon/ /'di ni shin du thos par dka'/ /mos pa rnyed par shin du dka'/ /
98a4 ji ltar la la chu 'dod pas/ /skam sar khron pa rkor bcug la/ /phyi phyir rab tu rko ba na/ /sa skam dag ni 'byung bar mthong / /des mthong de na sems pa ni/ /'di nas chu yang rgyang ring ste/ /sa skam rko bar byed pa yang / /
98a5 'di ni rgyang ring mtshan ma snyam/ /phyi phyir sa dag snum pa yi/ /gsher ba gang tshe mthong gyur pa/ /de na de la thug par 'gyur/ /de nas chu yang thag mi ring / /de bzhin mdo 'di mi nyan cing / /phyi phyir shin du ma bsgoms
98a6 pa/ /de dag sangs rgyas ye shes ni/ /'di 'dra ba las shin du ring / /gang tshe nyan thos rnams kyi ni/ /gtan la phab pa mdo sde'i rgyal/ /zab mo 'di ni nyan 'gyur zhing / /lan gcig ma yin sems byed pa/ /
98a7 mkhas pa de dag sangs rgyas kyi/ /ye shes la ni nye bar gyur/ /ji ltar sa ni gsher ba yis/ /chu dang nye zhes bya ba bzhin/ /rgyal ba'i gnas der rab zhugs te/ /chos gos dag kyang bgo nas su/ /nga yi
98a8 bstan la 'dug nas ni/ /mdo sde 'di ni mi 'jigs shod/ /byams pa'i stobs ni nga yi gnas/ /bzod dang des pa chos gos te/ /stong pa nyid ni nga yi stan/ /de la 'dug nas rab tu ston/ /dbyig pa bong ba mdung
98b1 thung dang / /gshe ba sdig par byed pa ni/ /gang du bshad pa de byung yang / de dran nas ni de bzod bya/ /bye ba phrag stong zhing du yang / /nga yi lus kyi dngos po brtan/ /bskal pa bye ba bsam yas su/ /sems can rnams la chos ston to/ /yongs su
98b2 mya ngan nga 'das nas/ /mdo sde 'di ni gang ston pa/ /ngas ni dpa' bo de la yang / /sprul pa mang po dgye bar bya/ /dge slong rnams dang dge slong ma/ /dge bsnyen rnams dang dge bsnyen ma/ /de dag de la mchod pa byed/ /'khor rnams
98b3 la yang ri mo byed/ /bong dbyug de bzhin gshe ba dang / /sdigs par byed cing spyos pa dag /de la gang rnams byed pa yang / /sprul pa rnams kyis de dag zlog /mi dang bral ba'i yul phyogs dang / /dgon pa rnams dang ri dag
98b4 la/ /nam zhig gcig tu gnas nas su/ kha ton byed par 'gyur ba na/ /de na 'od gsal nga yi lus/ /ngas ni de la bstan par bya/ /de yi kha ton nor ba yang / /phyir zhing thon par 'gyur bar bya/ /gcig pur
98b5 nags na rgyu byed cing / /de ni de na gnas pa'i tshe/ /lha dang gnod sbyin du ma dag /de yi grogs su dgye bar bya/ /'khor bzhi la ni rab ston pa/ /de yi yon tan de 'drar 'gyur/ /nags tshal ri sul gcig gnas
98b6 shing / /kha ton byed pa des nga mthong / /nga yi spobs pa thogs med 'gyur/ /chos dang nges tshig mang po shes/ /'di ltar sangs rgyas byin brlabs pas/ /srog chags bye stong des tshim byed/ /sems
98b7 can gang dag der rten pa/ /byang chub sems dpar de myur 'gro/ /de dang sten cing 'grogs pa kun/ /sangs rgyas gang gA'i bye snyed mthong / /dam pa'i chos pad ma dkar po las/ /chos smra ba'i le'u zhes bya ste bcu pa'o// //
98b8 dam pa'i chos pa dam dkar po bam po brgyad pa/ de nas bcom ldan 'das kyi spyan sngar sa phyogs de'i 'khor gyi dbus nas rin po che sna bdun gyi mchod rten byung ste/ 'phang du ni dpag tshad lnga brgya khor yug tu ni de dang 'tsham pa bkra ba blta na sdug pa
99a1 me tog bkram pa'i stegs bu lnga stong gis legs pa brgyan pa rta babs stong phrag mang pos brgyan pa/ lha'i ba dan dang rnam par rgyal ba'i ba dan stong gis brgyan pa rin po che'i phreng ba stong spyangs pa dar dang dril bu stong
99a2 rab tu spyangs pa mngon par byung nas nam mkha' bar snang la gnas te/ ta ma la'i 'dab ma dang tsan dan gyi dri rab tu byung bas dri des thams cad dang ldan pa'i 'jig rten 'di khyab par gyur to/ /de yi gdugs kyi phreng ba rgyal chen
99a3 bzhi'i ris kyi lha'i khang pa'i bar du 'phags par gyur to/ /rin po che sna bdun las byas pa 'di lta ste/ gser dang dngul dang bai dUr+ya dang spug dang rdo'i snying po dang mu tig dmar po dang ke ke ru'o/ /mchod rten de la sum bcu rtsa gsum ris kyi
99a4 lha'i bu rnams lha'i me tog man dA ra ba dang man dA ra ba chen pos rin po che'i mchod rten de la 'thor ro/ /mngon par rab tu 'thor ro/ /rin po che'i mchod rten de las bcom ldan 'das shAkya thub pa khyod kyis dam pa'i chos pad ma dkar po zhes bya ba
99a5 'i chos kyi rnam grangs 'di legs par gsungs pa legs so legs so/ /bcom ldan 'das de de lta'o/ /bde bar gshegs pa de de lta'o zhes bya ba'i sgra 'di 'dra ba byung ngo / /de nas 'khor bzhi po de dag gis rin po che'i mchod rten chen
99a6 po namakha' bar snang la 'dug pa de mthong nas/ dga' ba skyes shing mgu ba dang rangs pa dang mchog tu dga' bar gyur te/ de'i tshe stan las langs nas thal mo sbyar te 'khod do/ /de nas de'i tshe byang chub sems dpa' sems dpa' chen po
99a7 spobs pa chen po zhes bya bas/ lha dang mi dang lha ma yin du bcas pa'i 'jig rten ngo mtshar du 'dzin par gyur par rig nas/ bcom ldan 'das la 'di skad ces gsol to/ /bcom ldan 'das rin po che'i mchod rten
99a8 chen po 'di lta bu 'di byung ba'i rgyu gang lags rkyen gang lags/ bcom ldan 'das rin po che'i mchod rten chen po 'di lta bu'i sgra 'byin pa su lags/ de skad ces gsol pa dang bcom ldan 'das kyis byang chub sems
99b1 dpa' sems dpa' chen po spobs pa chen po la 'di skad ces bka' stsal to/ /spobs pa chen po rin po che'i mchod rten chen po 'di'i nang na de bzhin gshegs pa'i sku gcig tu 'dus pa zhugs so/ /'di ni de'i mchod rten te/
99b2 des sgra 'di phyung ngo / /spobs pa chen po shar phyogs su 'jig rten gyi khams stong phrag grangs med pa 'das pa na/ 'jig rten gyi khams rin po che rnam par dag pa zhes bya ba yod de/ der de bzhin gshegs pa dgra bcom pa
99b3 yang dag par rdzogs pa'i sangs rgyas rin chen mang zhes bya ba byung ste/ bcom ldan 'das des smon lam 'di skad tu/ nga sngon byang chub sems dpa'i spyad pa spyod pa na/ ji srid tu ngas dam pa'i chos pad ma dkar po'i chos kyi
99b4 rnam grangs byang chub sems dpa' rnams la gdams pa 'di ma thos pa de srid tu/ bla na med pa yang dag par rdzogs pa'i byang chub la nges par 'byung bar mi bya'i/ gang gi tshe ngas dam pa'i chos pad ma dkar po'i chos kyi rnam
99b5 grangs 'di thos pa de'i 'og tu/ nga bla na med pa yang dag par rdzogs pa'i byang chub tu yongs su grub par gyur cig ces smon lam btab po/ /spobs pa chen po yang bcom ldan 'das de bzhin gshegs pa dgra bcom
99b6 pa yang dag par rdzogs pa'i sangs rgyas rin chen mang de yongs su mya ngan las 'da' ba'i dus kyi tshe/ lha dang bcas pa'i 'jig rten gyi mdun du 'di skad ces dge slong dag nga yongs su mya ngan las 'das nas/ de
99b7 bzhin gshegs pa'i lus gzugs kyi rin po che'i mchod rten chen po gcig byos shig /mchod rten lhag ma rnams ni nga yi phyir gyis shig ces mos par byas so/ /spobs pa chen po yang bcom
99b8 ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang des/ nga yi mchod rten 'di phyogs bcu'i 'jig rten gyi khams thams cad na/ sangs
100a1 rgyas kyi zhing gang dang gang du dam pa'i chos pad ma dkar po'i chos kyi rnam grangs 'di yang dag par rab tu ston pa de dang de dag tu/ nga'i lus gzugs kyi mchod rten 'di mngon par byung ste/ sangs rgyas bcom ldan
100a2 'das de dang de dag dam pa'i chos pad ma dkar po'i chos kyi rnam grangs 'di 'chad pa na/ 'khor gyi dkyil 'khor gyi steng gi nam mkha' la 'dug nas/ sangs rgyas bcom ldan 'das de dang de dag dam pa'i chos pad ma dkar
100a3 po'i chos kyi rnam grangs 'di ston pa la nga'i lus gzugs kyis legs so zhes bya ba sbyin no zhes de ltar byin gyis brlabs so/ /spobs pa chen po de'i phyir bcom ldan 'das de bzhin gshegs pa dgra bcom pa yang
100a4 dag par rdzogs pa'i sangs rgyas rin chen mang de'i sku gdung gi mchod rten 'di/ 'jig rten gyi khams mi mjed 'dir dam pa'i chos pad ma dkar po'i chos kyi rnam grangs 'di ngas bshad pa na/ 'khor gyi dkyil 'khor
100a5 'di'i dbus nas mngon par byung ste/ steng gi nam mkha' bar snang la 'dug nas legs so zhes bya ba byin no/ /de nas bcom ldan 'das la byang chub sems dpa' sems dpa' chen po spobs pa chen pos 'di skad ces
100a6 gsol to/ /bcom ldan 'das bdag cag bcom ldan 'das kyi mthus de bzhin gshegs pa'i sku 'di blta'o/ /de skad ces gsol pa dang / bcom ldan 'das kyis byang chub sems dpa' sems dpa'
100a7 chen po spobs pa chen po la 'di skad ces bka' stsal to/ /spobs pa chen po bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang de'i smon lam lci
100a8 bar gyur to/ /de'i smon lam ni 'di lta ste/ gang gi tshe sangs rgyas kyi zhing gzhan dag tu sangs rgyas bcom ldan 'das rnams dam pa'i chos pad ma dkar po'i chos kyi rnam grangs 'di 'chad pa de'i
100b1 tshe/ nga yi lus gzugs kyi mchod rten 'di dam pa'i chos pad ma dkar po 'di mnyan pa'i phyir de bzhin gshegs pa rnams kyi gan du 'gro bar gyur cig /gang gi tshe yang sangs rgyas bcom ldan 'das de dag
100b2 'khor bzhi la nga yi lus gzugs phye ste bstan par 'dod par gyur na/ de nas de bzhin gshegs pa de dag gis phyogs bcu'i sangs rgyas kyi zhing so so na de bzhin gshegs pa'i sku lus sprul pa ming tha
100b3 dad pa gang dag sangs rgyas kyi zhing de dang de dag na chos ston pa de dag thams cad sogs la de'i 'og tu/ de bzhin gshegs pa'i sku lus sprul pa de dag dang lhan cig du nga yi lus gzugs kyi mchod rten 'di
100b4 phye ste 'khor bzhi la bstan par bya'o zhes smon lam btab bo/ /spobs pa chen po de'i phyir ngas de bzhin gshegs pa'i gzugs sprul pa mang po gang dag phyogs bcu'i sangs rgyas kyi zhing 'jig rten gyi
100b5 khams gzhan dang gzhan stong dag na sems can rnams la chos ston pa de dag thams cad 'dir bsdu bar bya'o/ /de nas bcom ldan 'das la byang chub sems dpa' sems dpa' chen po spobs pa chen pos
100b6 'di skad ces gsol to/ /bcom ldan 'das de bzhin gshegs pa'i sku/ de bzhin gshegs pas sprul pa de dag thams cad la bdag cag gis phyag bgyi'o/ /de nas de'i tshe bcom ldan 'das
100b7 kyis zhal gyi mdzod spu nas 'od zer btang ste/ 'od zer btang ma thag tu shar phyogs kyi 'jig rten gyi khams bye ba khrag khrig brgya stong phrag gang gA'i klung lnga bcu'i bye ma snyed dag na/ sangs rgyas bcom
100b8 ldan 'das gang dag bzhugs pa de dag thams cad snang ngo / /sangs rgyas kyi zhing de dag ni shel gyi gzhi la rin po che'i shing ljon pas brgyan pa/ ras bcos bu dang dar gyi lda ldis legs par brgyan pa byang chub sems
101a1 dpa' brgya stong mang pos yongasu gang ba/ bla re bres pa rin po che sna bdun dang gser gyi dra bas g.yogs par snang ngo / /de dag na sangs rgyas bcom ldan 'das de dag dbyangs snyen cing 'jam pas sems
101a2 can rnams la chos ston par snang ngo / /sangs rgyas kyi zhing de dag byang chub sems dpa' brgya stong gis yongasu gang bar snang ngo / /de bzhin du shar lho'i phyogs dang de bzhin du lho phyogs dang de
101a3 bzhin du lho nub kyi phyogs dang de bzhin du nub kyi phyogs dang de bzhin du nub byang gi phyogs dang de bzhin du byang gi phyogs dang de bzhin du byang shar gyi phyogs dang de bzhin du steng gi phyogs dang de bzhin du 'og gi phyogs te/ phyogs
101a4 bcu thams cad kyi phyogs re re na yang 'jig rten gyi khams bye ba khrag khrig brgya stong phrag mang po gang gA'i klung gi bye ma snyed dag na sangs rgyas bcom ldan 'das bye ba khrag khrig brgya stong phrag mang po gang gA'i klung gi bye ma snyed gang
101a5 dag bzhugs pa de dag thams cad snang ngo / /de nas phyogs bcu'i de bzhin gshegs pa dgra bcom pa yang dag par rdzogs pa'i sangs rgyas de dag gis rang rang gi byang chub sems dpa'i tshogs la bka' stsal pa/ rigs kyi bu
101a6 dag nged ni de bzhin gshegs pa rin chen mang gi sku gdung gi mchod rten la phyag bya ba'i phyir/ 'jig rten gyi khams mi mjed tu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya
101a7 thub pa'i gan du 'dong ngo / /de nas sangs rgyas bcom ldan 'das de dag bdag bdag gi zhabs 'bring ba dang lhan cig tu bdag dang gnyis sam bdag dang gsum 'jig rten gyi khams mi mjed 'dir gshegs so/ /'di ltar
101a8 de'i tshe thams cad dang ldan pa'i 'jig rten gyi khams mi mjed 'di rin po che'i shing ljon pas rab tu brgyan par gyur to/ /bai dUr+ya'i gzhi la rin po che sna bdun dang gser gyi dra bas bres pa/ rin po che chen po'i spos dang bdug pas bdug
101b1 pa/ me tog man dA ra ba dang man dA ra ba chen pos kun du bkram pa/ dril bu g.yer ka'i dra bas brgyan pa/ gser gyi skud pas mig mangs ris su bris par gyur te grong dang grong khyer dang grong rdal dang ljongs dang yul 'khor dang
101b2 rgyal po'i pho brang 'khor kyang med par gyur/ ri nag po yang med par gyur/ ri btang zung dang btang zung chen po yang med par gyur/ khor yug dang khor yug chen po yang med par gyur/ ri'i rgyal po ri rab kyang med par gyur/
101b3 ri chen po dang ri gzhan yang med par gyur/ rgya mtsho chen po yang med par gyur/ /'bab chu dang 'bab chu chen po yang med par yongs su gnas par gyur to/ /lha dang mi dang lha ma yin gyi tshogs kyang med par gyur/ sems
101b4 can dmyal ba dang dud 'gro'i skye gnas dang gshin rje'i 'jig rten yang med par gyur to/ /'di ltar de'i tshe 'jig rten gyi khams mi mjed 'dir 'gro ba drug tu skyes pa'i sems can de dag thams cad kun 'jig rten gyi
101b5 khams gzhan dag tu bkod par gyur to/ /gang dag 'khor der 'dus pa de dag ni ma gtogs so/ /de nas sangs rgyas bcom ldan 'das de dag zhabs 'bring ba dang gnyis sam zhabs 'bring ba dang gsum 'jig rten gyi
101b6 khams mi mjed 'dir gshegs so/ /de bzhin gshegs pa gshegs shing byon pa de dag rin po che'i shing ljon pa'i drung na gnas shing bzhugs te/ rin po che'i shing ljon pa re re'i 'phang yang dpag tshad lnga brgya par gyur te/
101b7 yal ga dang lo ma dang 'dab ma dang sboms ni ri bzhin/ me tog dang 'bras bus ni rab tu brgyan pa ste/ rin po che'i shing ljon pa re re'i drung na yang seng ge'i khri 'phang du dpag tshad lnga brgya pa/ rin po che chen pos brgyan pa bshams pa de
101b8 la de bzhin gshegs pa kyil mo dkrung bcas te bzhugs par gyur to/ /rnam grangs 'dis stong gsum gyi stong chen po'i 'jig rten gyi khams 'di thams cad na rin po che'i shing ljon pa thams cad kyi drung na/ de bzhin gshegs
102a1 pa rnams kyil mo dkrung bcas te bzhugs par gyur to/ /de'i tshe stong gsum gyi stong chen po'i 'jig rten gyi khams 'di thams cad/ de bzhin gshegs pas rab tu gang bar gyur kyang / bcom
102a2 ldan 'das de bzhin gshegs pa shAkya thub pa'i sku sprul pa phyogs gcig nas kyang thams cad chogs pa ni ma yin no/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs
102a3 rgyas shAkya thub pas de bzhin gshegs pa'i sku gshegs shing byon pa de dag gi mngon par sprul te phyogs bcu thams cad tu sangs rgyas kyi zhing bye ba stong phrag nyi shu thams cad bA+ai dur+ya las ni byas/ rin po che sna bdun dang gser gyi
102a4 dra ba ni bres dril bu g.yer ka'i dra bas ni brgyan/ me tog man dA ra ba dang man da ra ba chen po ni kun du bkram lha'i bla re ni bres/ lha'i me tog gi phreng ba ni spyangs/ lha'i spos dang bdug pas ni bdugs te/ sangs rgyas kyi zhing bye
102a5 ba stong phrag nyi shu po de dag thams cad na grong dang grong khyer dang grong rdal dang ljongs dang yul 'khor dang rgyal po'i pho brang 'khor kyang med/ ri nag po yang med/ ri btang zung dang btang zung chen po yang med/ ri khor yug dang /
102a6 khor yug chen po yang med/ ri'i rgyal po ri rab kyang med/ ri chen po dang ri gzhan yang med/ rgya mtsho chen po yang med par gyur cing / 'bab chu dang 'bab chu chen po yang med par yongs su gzhag go/ /lha dang mi dang
102a7 lha ma yin gyi tshogs kyang med par gyur/ sems can dmyal ba dang dud 'gro'i skye gnas dang gshin rje'i 'jig rten yang med par gyur te/ sangs rgyas kyi zhing de thams cad sangs rgyas kyi zhing gcig dang mtshungs shing
102a8 phyogs gcig dang 'dra bar yongs su gnas par gyur te/ mnyam zhing nyams dga' la/ rin po che sna bdun gyi shing ljon pa dag gis brgyan par gyur te/ shing ljon pa de dag 'phang du ni dpag tshad lnga brgya pa
102b1 sboms ni ri bzhin/ yal ga dang lo ma dang me tog dang 'bras bu dang ni ldan no/ /rin po che'i shing ljon pa thams cad kyi drung na/ seng ge'i khri khor yug tu ni dpag tshad lnga brgya pa/ lha'i rin po che las byas pa bkra ba
102b2 blta na sdug pa bshams par gyur te/ de bzhin gshegs pa gshegs shing byon pa rnams shing drung de dag na seng ge'i khri dag la kyil mo dkrung bcas te bzhugs so/ /rnam grangs 'dis gzhan yang phyogs re rer yang 'jig rten
102b3 gyi khams bye ba stong phrag nyi shu de bzhin gshegs pa shAkya thub pas yongs su gang bar mdzad do/ /de bzhin gshegs pa byon cing gshegs pa de dag gi go dbye ba'i phyir/ gzhan yang phyogs re rer yang 'jig rten
102b4 gyi khams bye ba stong phrag nyi shur grong dang grong khyer dang grong rdal dang ljongs dang yul 'khor dang rgyal po'i pho brang 'khor kyang med par gyur/ ri nag po yang med par gyur/ ri btang zung dang btang zung chen po yang
102b5 med par gyur/ ri khor yug dang ri khor yug chen po yang med par gyur/ ri'i rgyal po ri rab kyang med par gyur/ ri chen po gzhan yang med par gyur/ rgya mtsho chen po yang med par gyur/ 'bab chu dang 'bab chu chen po
102b6 yang med par yongs su bzhag go/ /lha dang mi dang lha ma yin gyi tshogs kyang med par gyur/ sems can dmyal ba dang dud 'gro'i skye gnas dang gshin rje'i 'jig rten yang med par gyur te/ sems can de dag
102b7 thams cad 'jig rten gyi khams gzhan dag tu bkod do/ /sangs rgyas kyi zhing de dag ni bai dUr+ya las grub pa rin po che sna bdun dang gser gyi dra bas bres pa/ dril bu g.yer ka'i dra bas brgyan pa/ me tog
102b8 man dA ra ba dang man dA ra ba chen pos kun du bkram pa/ lha'i bla re bres pa/ lha'i me tog gi phreng ba mngon par spyangs pa/ lha'i spos dang bdug pas bdugs pa/ rin po che'i shing ljon pas mdzes par byas pa ste/
103a1 rin po che'i shing ljon pa de dag thams cad kyi tshad kyang dpag tshad lnga brgya pa'o/ /seng ge'i khri dpag tshad lnga brgya pa de dag kyang mngon par sprul te/ rin po che'i shing ljon pa'i drung dag na/ so
103a2 so'i seng ge'i khri la de bzhin gshegs pa de dag kyil mo dkrung bcas te bzhugs so/ /yang de'i tshe bcom ldan 'das shAkya thub pas sprul pa'i de bzhin gshegs pa gang dag shar phyogs na sangs
103a3 rgyas kyi zhing bye ba khrag khrig brgya stong phrag gang gA'i klung gi bye ma snyed dag na chos ston pa de dag thams cad gshegs so/ /de bzhin du phyogs bcu nas gshegs shing byon pa de dag ni phyogs brgyad na
103a4 bzhugs par gyur to/ /de'i tshe phyogs brgyad nas gshegs pa'i de bzhin gshegs pa de dag gi phyogs re rer yang 'jig rten gyi khams bye ba phrag sum bcu kun du non par gyur to/ /de nas de bzhin gshegs
103a5 pa de dag rang rang gi seng ge'i khri la bzhugs nas rang rang gi zhabs 'bring ba dag bcom ldan 'das shAkya thub pa'i thad tu bkye ste/ rin po che'i me tog gi phur ma bskur nas 'di skad ces bka' stsal to/ /
103a6 rigs kyi bu dag khyed rgyal po'i khab kyi bya rgod kyi phung po'i ri la song ste/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la phyag 'tshol la/
103a7 nga yi tshig gis byang chub sems dpa'i tshogs dang nyan thos kyi tshogs dang bcas pa la/ gnod pa nyung ngam snyun nyung ngam stobs dang ldan nam bde bar reg pa la gnas sam zhes dris la/ rin po che'i phung po 'dis
103a8 gtor te 'di skad ces/ bcom ldan 'das kyis de bzhin gshegs pa rin po che'i mchod rten chen po 'di dbye bar dad pa dbul lo zhes gsol cing / de ltar de bzhin gshegs pa de dag thams cad kyis
103b1 rang rang gi zhabs 'bring bkye'o/ /de nas bcom ldan 'das de bzhin gshegs pa shAkya thub pas de'i dus na/ bdag gis sprul pa ma lus par tshogs par mkhyen/ so sor seng ge'i khri dag la bzhugs par
103b2 mkhyen/ de bzhin gshegs pa dgra bcom pa yang dag par rdzogs pa'i sangs rgyas de dag gi zhabs 'bring ba lhags par mkhyen te/ de bzhin gshegs pa dgra bcom pa yang dag par rdzogs pa'i sangs rgyas
103b3 de dag gis dad pa phul bar mkhyen nas/ de'i tshe rang gi chos kyi gdan las bzhengs te nam mkha' bar snang la bzhugs so/ /'khor bzhi po de dag thams cad kyang stan las langs nas/ thal mo sbyar te
103b4 bcom ldan 'das la lta zhing 'khod do/ /de nas bcom ldan 'das kyis rin po che'i mchod rten chen po nam mkha' la 'dug pa de phyag g.yas pa'i sor mos dbus nas phye'o/ phye nas logs gnyis so sor gdangs so/ /'di lta
103b5 ste dper na/ grong khyer chen po'i sgo 'phar chen po bcad pa'i gtan pa phyung nas so sor dbye ba de bzhin du/ bcom ldan 'das kyis rin po che'i mchod rten chen po de phyag g.yas pa'i sor mos dbus nas phye ste sa ler
103b6 mdzad do/ /de bzhin gshegs pa'i rin po che'i mchod rten chen po de phye ma thag tu/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang seng ge'i khri la
103b7 bzhugs te/ skyil mo dkrung bcas nas sku kun bskams shing sku ma g.yos par/ ji ltar ting nge 'dzin la snyoms par zhugs pa de bzhin du snang ste/ 'di skad ces bcom ldan 'das shAkya thub pa khyod kyis/ dam
103b8 pa'i chos pad ma dkar po'i chos kyi rnam grangs 'di legs par bshad pa legs so legs so/ /bcom ldan 'das shAkya thub pa khyod kyis dam pa'i chos pad ma dkar po'i chos kyi rnam grangs 'di bshad
104a1 pa yang legs so/ /bcom ldan 'das dam pa'i chos pad ma dkar po'i chos kyi rnam grangs 'di nyan pa'i phyir kho bo 'dir 'ongs so zhes gsung ngo / /de nas 'khor bzhi po de dag bcom ldan 'das
104a2 de bzhin gshegs pa dgra bcom pa yang dag par rdzogs pa'i sangs rgyas rin chen mang bskal pa bye ba khrag khrig brgya stong phrag mang po nas/ yongasu mya ngan las 'das pa de skad gsungs pa thos nas ngo mtshar dang rmad
104a3 tu gyur te/ de'i tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas
104a4 shAkya thub pa la lha dang mi'i rin po che'i phung pos mngon par gtor to/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang gis bcom ldan 'das de bzhin
104a5 gshegs pa dgra bcom pa yang dag par rdzogs pa'i sangs rgyas shAkya thub pa la seng ge'i khri de phyed bdar te rin po che'i mchod rten chen po de'i nang nas/ bcom ldan 'das de bzhin gshegs pa shAkya thub pa 'dir bzhugs
104a6 zhes de skad gsung ngo / /de nas bcom ldan 'das de bzhin gshegs pa shAkya thub pa gdan de'i phyed la bzhugs so/ /de bzhin gshegs pa de dang lhan cig tu de bzhin gshegs pa gnyi ga rin po che'i mchod rten
104a7 chen po de'i dbus na/ seng ge'i khri la bzhugs nas nam mkha' bar snang la gnas par snang ngo / /de nas 'khor bzhi po de dag 'di snyam du bdag cag de bzhin gshegs pa 'di dag dang thag ring na bdag cag kyang
104a8 de bzhin gshegs pa'i mthus/ nam mkha' la 'phags par bya'o snyam du sems so/ /de nas bcom ldan 'das kyis 'khor bzhi po de dag gi sems kyi rtog pa thugs kyis thugs su chud nas/ de'i
104b1 dus na rdzu 'phrul gyi stobs kyis 'khor bzhi po de dag nam mkha' bar snang la bkod do/ /de nas bcom ldan 'das de bzhin gshegs pa shAkya thub pas de'i tshe 'khor bzhi po de dag la bka' stsal pa/
104b2 dge slong dag khyed kyi nang na 'jig rten gyi khams mi mjed 'dir/ dam pa'i chos pad ma dkar po'i chos kyi rnam grangs 'di yang dag par 'chad par spro ba su yod/ de bzhin gshegs pa mngon sum du
104b3 bzhugs te/ de'i dus 'di'o de'i tshe 'di'o/ /dge slong dag de bzhin gshegs pa dam pa'i chos pad ma dkar po'i chos kyi rnam grangs 'di bzhag ste yongasu mya ngan las 'da' bar 'dod do/ /de nas bcom ldan
104b4 'das kyis de'i tshe tshigs su bcad pa 'di dag bka' stsal to/ /dge slong gang dag 'dren pa drang srong che/ /mya ngan 'das 'di rin chen mchod rten 'dir/ /bzhugs nas chos 'di gsan cing gshegs mdzad na/ /
104b5 chos kyi ched du brtson 'grus su mi skyed/ /mya ngan yongs 'das bskal pa bye ba mang / /'on kyang da dung de ni chos gsan te/ /chos kyi ched tu de dang der yang gshegs/ /'di 'dra'i chos 'di shin du rnyed par dka'/ /
104b6 rnam par 'dren pa 'di yi smon lam ni/ /srid pa snga ma dag la bsnyen gyur pas/ /mya ngan 'das kyang 'jig rten 'di kun na/ phyogs bcu thams cad du yang yongs su rgyu/ /bye ba stong phrag gang gA'i bye ma snyed/ /
104b7 'di dag thams cad nga yi lus yin te/ /mgon po mya ngan 'das pa 'di lta dang / /chos kyi bya ba bya phyir de dag lhags/ /ci nas chos tshul yun ring gnas 'gyur bar/ /thams cad dam pa'i chos 'di
104b8 bsrung ba'i phyir/ /nyan thos de bzhin mi dang lha kun dang / /so so rang rang gi ni zhing bor te/ /sangs rgyas 'di dag bzhugs par bya ba'i phyir/ /ngas ni rdzu 'phrul stobs kyis 'di lta bur/ /'jig
105a1 rten khams mang stong phrag bye ba nas/ /sems can thams cad spos shing yang dag byas/ /chos kyi tshul 'di ji ltar bstan bya zhes/ /de lta bur ni nga yang shin tu brtson/ /shing dbang drung na sangs rgyas
105a2 tshad med pa/ /ji ltar pad ma'i phung po bzhin du bzhugs/ /bye ba phrag ni mi nyung shing drung na/ /seng ge'i khri la 'dren pa bzhugs pa ni/ /rab tu mdzes par rtag tu der bzhugs te/ /mun nag chen po'i nang na me bzhin
105a3 no/ /'jig rten rnam 'dren rnams kyi yid 'ong dri/ /phyogs bcu rnams su rab tu ldang ba de/ /sems can 'di dag kun dang 'dres par gyur/ /rlung rnams 'dir ni rtag par langs pa bzhin/ /nga ni mya ngan 'das nas
105a4 gang / /chos kyi rnam grangs 'di 'dzin pa/ /'jig rten mgon po'i spyan snga 'dir/ /tshig gi myur du smra bar gyis/ /sangs rgyas mya ngan yongs 'das pa/ /thub pa rin chen mang po yang / /'di la spro bar su
105a5 byed pa/ /de yi seng ge'i sgra gsan to/ /gnyis pa nga dang 'dren pa bye ba phrag /mang po gang dag lhags pa 'di dag kyang / /gang rnams chos 'di bshad par spro ba yi/ /rgyal ba'i sras kyi brtson pa nyan par byed/ /
105a6 'di lta bu yi chos 'di mnyan pa'i phyir/ /phyogs dang phyogs mtshams rtag tu su 'gro ba/ /des ni nga dang rin chen mang ba yi/ /rgyal ba rang byung rtag tu mchod pa yin/ /mdo sde rab tu bstan pas 'jig rten mgon/ /
105a7 gang 'di lhags par gyur cing gang dag gis/ /sa 'di bkra mdzes byas pa de kun la/ /mchod pa rgya che mi chung byas par 'gyur/ /mchod rten nang bzhugs bcom ldan 'das 'di dang / nga yang stan gyi steng na 'dug pa dang / /zhing
105a8 brgya du ma dag nas gang lhags pa/ /'jig rten mgon gzhan mang po 'di mthong ba/ /sems can kun la snying brtse'i phyir/ /rigs kyi bu dag khyed cag soms/ /shin tu bya dka' gnas 'di la/ /rnam par 'dren pas
105b1 spro bar mdzad/ /mdo sde stong phrag mang po dag /gang gA'i bye ma ji bzhin pa/ /de dag gang zhig ston byed pa/ /de ni dka' ba ma yin no/ /gang gi lag gis ri rab ri/ /chang par blangs par byas nas su/ /zhing rnams
105b2 bye bar 'phen byed pa/ /de ni dka' ba ma yin no/ /gang gis stong gsum 'di dag kyang / /rkang pa'i mthe bos bskyod nas su/ /zhing rnams bye bar 'phen pa yang / /de ni dka' ba ma yin no/ /mi gang srid pa'i rtser gnas nas/ /
105b3 mdo sde gzhan dag stong rnams kyi/ /chos 'di rab tu 'chad pa yang / /de ni dka' ba ma yin no/ /'jig rten dbang po mya ngan 'das/ /phyi dus shin du mi bzad la/ /gang zhig mdo sde 'di 'dzin tam/ /'chad pa de ni shin du dka'/ /gang
105b4 zhig nam mkha'i khams kun yang / /chang pa gcig gi nang bcug cing / /rab tu bcug ste 'gro ba ni/ /de ni dka' ba ma yin no/ /nga ni mya ngan 'das pa'i tshe/ /gang zhig mdo sde 'di 'dra ba/ /phyi dus yi ger 'drir 'jug pa/ de ni shin du
105b5 dka' ba yin/ /gang zhig sa yi khams rnams kun/ /sen mo'i rtse mor 'jug byed la/ /rab tu bcu nas 'gro byed cing / /tshangs pa'i 'jig rten 'dzeg byed pa/ /'jig rten kun gyi mdun du 'dir/ /de ltar dka' ba byas pa yang / /des ni
105b6 dka' ba byas ma yin/ /brtson 'grus dag kyang de tsam min/ /nga ni mya ngan 'das pa'i tshe/ /phyi ma'i dus na mdo sde 'di/ /su zhig smra bar byed pa de/ /de bas shin du dka' bar byed/ /bskal pas bsreg par mi gang zhig /rtswa yi khur
105b7 bu thogs nas su/ /tshig bzhin du ni dbus 'gro ba/ /'jig rten na ni de mi dka'/ /nga ni mya ngan 'das pa'i tshe/ /gang gis mdo 'di bzung nas kyang / /sems can cig la 'ang thos byed pa/ /de bas shin du dka' ba yin/ /chos kyi phung
105b8 po stong phrag ni/ /brgyad bcu rtsa bzhi 'dzin byed cing / /lung bcas ji skad gsungs pa bzhin/ /srog chags bye ba rnams la 'chad/ /de tshe gang zhig dge slong rnams/ /'dul byed nga yi nyan thos rnams/ /mngon par shes la bkod
106a1 pa yang / /de ni dka' ba ma yin no/ /gang zhig mdo 'di 'dzin pa 'am/ /dad dam mos par byed pa 'am/ /yang dang yang du 'chad byed pa/ /'di ni de bas shin du dka'/ /stong phrag bye ba mang po rnams/ /gang gA'i
106a2 bye ma ji bzhin pa/ /mngon shes drug ldan skal chen dang / /dgra bcom nyid la dgod pa bas/ /nga ni mya ngan 'das 'og tu/ /gang zhig mdo mchog 'di 'dzin pa/ /mi mchog de ni de bas kyang / /shin tu las mang byed pa
106a3 yin/ /sangs rgyas ye shes ched kyi phyir/ /'jig rten khams ni stong rnams su/ /nga yis shin du chos mang bshad/ /da dung du yang nga 'chad do/ /'di ni mdo sde thams cad las/ /mdo sde dam pa mchog ces bya/ /mdo
106a4 sde 'di ni su 'dzin pa/ /de ni rgyal ba'i sku 'dzin to/ /rigs kyi bu dag phyi dus na/ /khyed cag rnams las gang su zhig /mdo sde 'dzin par spro ba khyed/ /de bzhin gshegs pa'i spyan sngar smros/ /shin du gzung dka'
106a5 mdo 'di ni/ /gang zhig yud tsam 'dzin pa yang / /'jig rten mgon la rnam kun du/ /dka' ba chen po byas par gyur/ /'jig rten mgon gyis thams cad du/ /de ni shin tu bsngags pa yin/ /shin du dpa' zhing nus
106a6 pa ste/ /byang chub tu ni mngon shes myur/ /mdo sde 'di ni su 'dzin pa/ /gces pa khyer ba de yin te/ /'jig rten mgon gyi thugs kyi sras/ /dul ba'i sa yang rjes su thob/ /mi gtso mya ngan 'das pa na/ /mdo
106a7 sde 'di ni rab ston pa/ /lha dang mir bcas 'jig rten na/ /de ni mig tu gyur pa yin/ /gang zhig phyi ma'i dus kyi tshe/ /mdo sde 'di ni yud tsam zhig /'chad pa byed pa mkhas pa de/ /sems can kun gyis
106a8 phyag bya'i 'os/ /de nas bcom ldan 'das kyis byang chub sems dpa'i tshogs ma lus pa dang lha dang lha ma yin du bcas pa'i 'jig rten la bos te 'di skad ces bka' stsal to/ /dge slong dag sngon byung ba 'das pa
106b1 pa'i dus na/ bskal pa tshad med grangs med par ngas dam pa'i chos pad ma dkar po'i mdo yongs su btsal te skyo ma myong la ngal ba med par gyur to/ /sngon bskal pa du ma bskal pa brgya stong phrag du mar/ nga rgyal
106b2 por gyur te bla na med pa yang dag par rdzogs pa'i byang chub tu smon lam btab nas nga'i sems ldog par ma gyur to/ /pha rol du phyin pa drug yongs su rdzogs par bya ba'i phyir brtson par gyur nas/ sbyin pa tshad med pa rab tu
106b3 byin te/ gser dang nor bu dang mu tig dang bai dUr+ya dang dung dang man shel dang byi ru dang sa le sbram dang dngul dang rdo'i snying po dang spug dang mu tig dmar po dang / grong dang grong khyer dang grong rdal dang ljongs dang yul 'khor dang rgyal po'i pho
106b4 brang 'khor dang chung ma dang bu pho dang bu mo dang bran pho dang bran mo dang glang po che dang rta dang shing rta dang bdag gi lus kyi bar du yongasu btang ste/ lag pa dang rkang pa dang mgo dang yan lag dang nying lag thams cad dang srog
106b5 sbyin pa por gyur nas nga nam du yang kun 'dzin pa'i sems ma skyes so/ /de'i tshe 'jig rten 'di tshe ring por gyur te/ lo brgya stong du mar 'tsho'o/ /de'i tshe ngas chos kyi phyir rgyal po byas kyi/ yul 'khor gyi phyir ni ma yin te/
106b6 bu thu bo dbang bskur nas nga phyogs bzhir chos kyi mchog tshol ba la brtson par gyur to/ /ngas dril bu brdungs te 'di skad ces/ nga la sus chos kyi mchog rab tu byin pa dang don dam par bshad pa de'i bran ngas bya'o zhes
106b7 grags par byas so/ /de nas de'i tshe drang srong zhig yod pa nga la 'di skad ces/ rgyal po chen po dam pa'i chos pad ma dkar po zhes bya ba'i mdo mchog gi chos bstan pa yod de/ bran du khas len na chos de kho
106b8 bos khyod thos par bya'o zhes zer ba dang / ngas drang srong de'i tshig thos nas dga' mgu rangs yid rab tu dga' ste/ drang srong de ga la ba der bsnyen nas 'di skad ces/ bran gyi las ci byed pa de bya'o zhes smras
107a1 te/ de ltar nga drang srong de'i bran du khas blangs nas rtswa dang shing dang chu dang rtsa ba dang rdog gu dang 'bras bu la sogs pa len pa'i las byas te/ ngas sgo bsrung ba yan ched byas so/ /nyin par rnam pa de lta bu'i las
107a2 byas nas mtshan mo mal khri'i rkang pa yang bzung ngo / /'on kyang nga'i lus ngal bar gyur pa yang med/ sems ngal bar gyur pa yang med de/ las de ltar byas pas lo stong tshang bar 'das so/ /de nas bcom ldan 'das
107a3 kyis/ de'i tshe don 'di yongs su bstan pa'i phyir tshigs su bcad pa 'di dag bka' stsal to/ /bskal pa 'das pa yang dag rjes dran te/ /ngas sngon chos phyir chos rgyal gyur pa na/ /chos kyi phyir ni nga yis rgyal po byas/ /
107a4 'dod phyir ma yin chos mchog don du'o/ /gang zhig chos smra de yi bran bya zhes/ /ngas ni phyogs bzhir de skad bsgrags par byas/ /de yi tshe na drang srong mkhas yod pa/ /dam pa chos shes bya ba mdo sde smra/ /de ni nga la gal
107a5 te chos 'dod na/ /bran du khas long de nas chos bshad zer/ /tshig de thos nas nga ni rab tu dga'/ /de na bran gyis bya ba'i las de byas/ /dam pa'i chos phyir bran ni byed pa na/ /lus dang sems la ngal bas ma reg go/ /de tshe
107a6 nga ni sems can phyir smon gyi/ /bdag gi phyir min 'dod phyir ma yin te/ /las gzhan med par phyogs bcu rnams su rgyu/ /bskal pa stong du rdzogs par mi skyo bar/ /chos shes bya ba mdo sde snyed kyi bar/ /rgyal
107a7 po des ni de snyed brtson 'grus brtsams/ /dge slong dag 'di ji snyam du sems/ de'i tshe de'i dus na rgyal por gyur pa gzhan zhig yin snyam du 'dzin na de ltar mi blta'o/ /de ci'i phyir zhe na/ de'i tshe de'i dus na rgyal por gyur
107a8 pa de ni nga yin no/ /dge slong dag de'i tshe de'i dus na drang srong du gyur pa de gzhan yin snyam du 'dzin na de ltar mi blta'o/ /de ci'i phyir zhe na/ dge slong dag lhas byin 'di de'i tshe de'i dus na drang srong du gyur te/
107b1 dge slong dag lhas byin yang nga'i dge ba'i bshes gnyen no/ /lhas byin la brten te ngas pha rol tu phyin pa drug yongs su rdzogs par byas so/ /byams pa chen po dang snying rje chen po dang dga' ba chen po dang
107b2 btang snyoms chen po dang skyes bu chen po'i mtshan sum bcu rtsa gnyis dang dpe byad bzang po brgyad bcu dang 'od 'dom gang ba dang mdog gser gyi kha dog dang stobs bcu dang mi 'jigs pa bzhi dang bsdu ba'i dngos po bzhi dang sangs
107b3 rgyas kyi chos ma 'dres pa bcwo brgyad dang rdzu 'phrul gyi stobs chen po dang phyogs bcu'i sems can bsgral ba de thams cad kyang lhas byin la brten te rdzogs par byas so/ /dge slong dag khyed mos par bya'o/ /khong du chud
107b4 par bya'o/ /dge slong dag lhas byin 'di ma 'ongs pa'i dus bskal pa tshad med grangs med pa na/ 'jig rten gyi khams lha'i them skas zhes bya bar de bzhin gshegs pa dgra bcom pa yang dag par rdzogs pa'i sangs rgyas lha'i
107b5 rgyal po zhes bya bar 'gyur ro/ /dge slong dag de bzhin gshegs pa lha'i rgyal po de'i tshe'i tshad ni bar gyi bskal pa nyi shur 'gyur ro/ /chos kyang rgyas par ston par 'gyur ro/ /sems can gang gA'i klung gi bye ma snyed dag ni nyon
107b6 mongs pa thams cad spangs nas dgra bcom pa nyid mngon sum du byed par 'gyur ro/ /sems can du ma ni rang byang chub tu sems bskyed par 'gyur ro/ /sems can gang gA'i klung gi bye ma snyed dag ni bla na med pa yang dag par rdzogs pa
107b7 'i byang chub tu sems bskyed par 'gyur zhing phyir mi ldog pa'i bzod pa yang thob par 'gyur ro/ /dge slong dag de bzhin gshegs pa lha'i rgyal po yongs su mya ngan las 'das nas/ dam pa'i chos bar gyi bskal pa nyi shur gnas so/ /de'i
107b8 sku gdung gi ring bsrel ni 'gyes par mi 'gyur zhing de'i sku gdung gcig tu 'dus par 'gyur te/ rin po che sna bdun gyi mchod rten du bcug nas/ mchod rten de yang 'phang du ni dpag tshad drug bcu/ rgyar ni dpag tshad bzhi bcu par 'gyur ro/ /
108a1 de la mi dang lha thams cad kyis spos dang bdug pa dang me tog dang phreng ba dang byug pa dang phye ma dang gos dang gdugs dang rgyal mtshan dang lha'i ba dan la sogs pas mchod pa byed par 'gyur ro/ /tshigs su bcad pa'i dbyangs kyis
108a2 bstod par 'gyur ro/ /gang dag mchod rten de la skor ba byed pa 'am 'dud pa de dag kyang la la ni 'bras bu'i mchog dgra bcom pa nyid mngon sum du byed par 'gyur ro/ /la la ni rang byang chub thob par 'gyur ro/ /lha dang mi bsam
108a3 gyis mi khyab dpag tu med pa dag ni bla na med pa yang dag par rdzogs pa'i byang chub tu sems bskyed de phyir mi ldog par 'gyur ro/ /de nas yang bcom ldan 'das kyis dge slong rnams la bka' stsal pa/ dge slong dag ma 'ongs pa'i dus na rigs
108a4 kyi bu 'am rigs kyi bu mo gang la la dam pa'i chos pad ma dkar po'i mdo'i le'u 'di nyan pa dang thos nas som nyi mi za ba dang rnam par dag pa'i sems kyis mos pa de dag gis ngan 'gro gsum gyi sgo bcad par 'gyur te/ sems can dmyal
108a5 ba dang dud 'gro'i skye gnas dang gshin rje'i 'jig rten du skye bar mi 'gyur ro/ /phyogs bcu'i sangs rgyas kyi zhing du skyes na yang tshe rabs tshe rabs su mdo sde 'di thos par 'gyur ro/ /lha dang mi'i 'jig rten du skyes na yang des gnas khyad par can
108a6 thob par 'gyur ro/ /sangs rgyas kyi zhing gang du skye ba der yang de bzhin gshegs pa'i spyan sngar rin po che sna bdun gyi pad ma'i nang nas brdzus te skye bar 'gyur ro/ /de nas de'i tshe 'og gi phyogs nas de bzhin gshegs pa rin chen mang gi sangs
108a7 rgyas kyi zhing nas/ byang chub sems dpa' sems dpa' chen po shes rab brtsegs zhes bya ba 'ongs pa des/ de bzhin gshegs pa rin chen mang la 'di skad ces gsol to/ /bcom ldan 'das nyid kyi sangs rgyas kyi zhing du gshegs so/ /de nas bcom
108a8 ldan 'das de bzhin gshegs pa shAkya thub pas byang chub sems dpa' shes rab brtsegs la 'di skad ces bka' stsal to/ /rigs kyi bu yud tsam zhig sdod cig /nga yi byang chub sems dpa' sems dpa' chen po 'jam dpal
108b1 gzhon nur gyur pa dang / chos rnam par gtan la dbab pa 'ga' zhig gyis la/ phyis bdag gi sangs rgyas kyi zhing du song shig /de nas de'i tshe 'jam dpal gzhon nur gyur pa pad ma 'dab ma stong yod pa/ tshad shing rta'i 'phang lo tsam la 'dug
108b2 ste/ byang chub sems dpa' du mas yongs su bskor nas/ rgyal mtsho'i nang nas klu'i rgyal po rgya mtsho'i khang pa nas steng gi nam mkha' la 'phags te/ nam mkha' las bya rgod kyi phung po'i ri la bcom ldan 'das kyi gan du song ngo / /de nas
108b3 'jam dpal gzhon nur gyur pa pad ma las babs te/ bcom ldan 'das shAkya thub pa dang de bzhin gshegs pa rin chen mang gi zhabs la mgo bos phyag 'tshal nas/ byang chub sems dpa' shes rab brtsegs ga la ba der song ste phyin
108b4 nas byang chub sems dpa' shes rab brtsegs dang mngon sum du kun dga' zhing yang dag par mgu ba'i gtam rnam pa mang po byas te phyogs gcig tu 'dug go/ /de nas byang chub sems dpa' shes rab brtsegs kyis 'jam dpal gzhon nur
108b5 gyur pa la 'di skad ces smras so/ /'jam dpal khyod rgya mtshor zhugs te/ sems can gyi khams ji snyed btul/ 'jam dpal gyis smras pa/ ji tsam du tshig gis brjod mi nus shing sems kyis bsam mi nus pa de snyed tu/ tshad med grangs
108b6 med pa'i sems can du ma dag btul lo/ /rigs kyi bu skad cig sdod cig dang snga ltas kyi bar du mthong bar 'gyur ro/ /'jam dpal gzhon nur gyur pas de skad ces smras ma thag tu de'i tshe pad ma stong phrag du ma rgya mtsho'i nang nas steng
108b7 gi nam mkha' la byung ste/ pad ma de dag la byang chub sems dpa' stong phrag du ma 'khod do/ /de nas byang chub sems dpa' de dag nam mkha' las/ bya rgod kyi phung po'i ri ga la ba der lhags te steng gi namakha' la 'khod par snang ngo / /de dag
108b8 thams cad kyang 'jam dpal gzhonur gyur pas bla na med pa yang dag par rdzogs pa'i byang chub tu btul ba sha stag go/ /de nas byang chub sems dpa' gang dag sngon theg pa chen po la yang dag par zhugs par gyur pa de dag ni theg pa chen po'i yon tan dang pha
109a1 rol du phyin pa drug po dag gi bsngags pa brjod do/ /gang dag sngon nyan thos byed byed pa'i byang chub sems dpa' de dag ni nyan thos kyi theg pa nyid rjod de/ de dag thams cad kyang chos thams cad
109a2 stong pa nyid dang theg pa chen po'i yon tan yang yang dag par shes pa sha stag go/ /de nas 'jam dpal gzhon nur gyur pas byang chub sems dpa' shes rab brtsegs la 'di skad ces smras so/ /rigs
109a3 kyi bu 'di dag thams cad ni kho bos rgya mtshor zhugs nas/ sems dul bar byas pa yin te de dag kyang 'di na snang ngo / /de nas byang chub sems dpa' shes rab brtsegs kyis 'jam dpal gzhon nur gyur pa
109a4 la tshigasu bcad pa'i dbyangs kyis yongs su dris pa/ bzang po chen po shes rab dper brjod pa/ /khyod kyis sems can grangs med deng btul ba/ /mi yi lha khyod la ni de 'dri yis/ /'di ni su yi mthu
109a5 lags de gsungs shig /byang chub lam bstan pa yi mdo gang dang / /chos ni gang zhig khyod kyis rab bstan na/ /de thos 'di dag byang chub sems skyes shing / /thams cad mkhyen nyid des te gting yang rnyed/ /'jam dpal gyis
109a6 smras pa/ rgya mtsho'i nang du dam pa'i chos pad ma dkar po'i mdo bshad de/ gzhan ma yin no shes rab brtsegs kyis smras pa/ mdo 'di zab cing phra la mthong bar dka' ste mdo sde 'di dang mtshungs pa'i mdo sde gzhan gang yang med na/ sems can gang la la
109a7 mdo sde dkon mchog 'di khong du chud pa 'am bla na med pa yang dag par rdzogs pa'i byang chub mngon par rjogs par 'tshang rgya bar nus pa yod dam/ 'jam dpal gyis smras pa/ rigs kyi bu yod de klu'i rgyal po rgya mtsho'i bu mo skyes nas lo brgyad lon pa shes rab che ba dbang
109a8 po rno ba ye shes sngon du 'gro ba'i lus dang ngag dang yid kyi las dang ldan pa/ de bzhin gshegs pa thams cad kyi bshad pa'i tshig 'bru dang don 'dzin pa'i gzungs thob pa chos thams cad dang sems can thams cad la mnyam par gzhag pa'i ting nge 'dzin stong skad cig gcig
109b1 gis thob pa/ byang chub kyi sems las phyir mi ldog pa/ smon lam rgya che ba sems can thams cad la bdag dang 'dra bar phangs par sems pa dang ldan pa/ yon tan bskyed par nus shing de dag las yongs su mi nyams pa/ bzhin
109b2 'dzum pa kha dog rgyas pa mchog dang ldan pa byams pa'i sems dang ldan pa snying rje'i tshig smra ba de yang dag par rdzogs pa'i byang chub mngon par 'tshang rgya bar nus so/ /shes rab brtsegs kyis smras pa/ kho bos mthong ba bcom
109b3 ldan 'das de bzhin gshegs pa shAkya thub pa byang chub kyi phyir 'bad cing byang chub sems dpar gyur pa na bsod nams du ma mdzad de/ bskal pa stong phrag du mar nam yang brtson 'grus ma nyams so/ /stong gsum gyi stong chen
109b4 po'i 'jig rten gyi khams su/ tha na yungs dkar tsam gyi phyogs gang du yang sems can gyi phyir sku ma bor ba cung zad kyang med de/ phyis byang chub mngon par rdzogs par sangs rgyas nas/ des yud tsam gyis bla na med pa yang
109b5 dag par rdzogs pa'i byang chub mngon par rdzogs par 'tshang rgya bar nus zhes bya ba de la su zhig yid ches/ de nas de'i tshe klu'i rgyal po rgya mtsho'i bu mo mdun na 'dug par snang ste/ des bcom ldan 'das kyi zhabs la mgo bos
109b6 phyag 'tshal nas/ phyogs gcig tu 'dug nas de'i tshe tshigs su bcad pa 'di dag gsol to/ /bsod nams bsod nams shin du zab/ /phyogs rnams kun du khyab pa lags/ /sum bcu rtsa gnyis mtshan rnams
109b7 kyis/ /phra ba'i sku ni legs par brgyan/ /dpe byad bzang po rnams dang ldan/ /sems can kun gyis phyag kyang bgyis/ /sems can thams cad 'du ba ni/ /dper na grong bar 'dra ba lags/ /bdag ni 'dod bzhin byang
109b8 chub ste/ /de bzhin gshegs pa bdag gi dbang / /sdug bsngal rnams las grol ba'i chos/ /rgya cher rab tu bstan par bgyi/ /de nas de'i tshe tshe dang ldan pa shA ri'i bus/ klu'i rgyal po rgya mtsho'i bu mo la 'di skad ces smras so/ /che zhe khyod
110a1 phyir mi ldog par byang chub tu sems skyes shing shes rab dpag tu med pa yod du zad de yang dag par rdzogs pa'i sangs rgyas nyid ni rnyed par dka'o/ /che zhe bud med brtson 'grus mi 'dor zhing bskal pa stong phrag du mar
110a2 bsod nams dag byed la/ pha rol du phyin pa drug po dag yongs su rdzogs par byed kyang da dung sangs rgyas nyid mi thob pa yod de/ de ci'i phyir zhe na/ bud med kyis da dung gnas lnga ma thob pa'i phyir te/ lnga gang zhe na/ dang po tshangs pa'i
110a3 gnas dang / gnyis pa brgya byin gyi gnas dang / gsum pa rgyal chen bzhi'i gnas dang / bzhi pa 'khor lo sgyur ba'i gnas dang / lnga pa phyir mi ldog pa'i byang chub sems dpa'i gnas so/ /de nas de'i tshe klu'i rgyal po rgya
110a4 mtsho'i bu mo la stong gsum gyi stong chen po'i 'jig rten gyi khams ma lus pa'i rin du chog pa'i nor bu gcig yod pa de/ klu'i rgyal po'i bu mo des bcom ldan 'das la phul nas/ bcom ldan 'das kyis kyang thugs brtse
110a5 ba'i phyir de bzhes so/ /de nas klu'i rgyal po rgya mtsho'i bu mos/ byang chub sems dpa' shes rab brtsegs dang gnas brtan shA ri'i bu la 'di skad ces smras so/ /gang bdag gis bcom ldan 'das la nor bu phul
110a6 ba de/ bcom ldan 'das kyis myur du bzhes sam/ 'on te ma bzhes gnas brtan gyis smras pa/ khyod kyis kyang myur du phul lo/ /bcom ldan 'das kyis kyang myur du bzhes so/ /klu'i rgyal po rgya mtsho'i bu mos smras pa/
110a7 btsun pa shA ri'i bu gal te bdag gi rdzu 'phrul che bar gyur na/ de bas kyang ches myur du yang dag par rdzogs pa'i byang chub mngon par rdzogs par 'tshang rgya ste nor bu 'di bzhes pa ni de lta ma yin no/ /de nas de'i tshe 'jig rten
110a8 thams cad dang gnas brtan shA ri'i bu'i mngon sum du klu'i rgyal po rgya mtsho'i bu mo'i bud med kyi dbang po mi snang bar gyur te skyes pa'i dbang po byung nas/ bdag nyid byang chub sems dpar gyur par yang dag par bstan te de'i tshe lho phyogs
110b1 su song ngo / /de nas lho phyogs su 'jig rten gyi khams dri ma med zhes bya ba der/ rin po che sna bdun gyi shing drung du 'dug nas bdag nyid mngon par rdzogs par sangs rgyas par kun du bstan te/ skyes bu chen po'i mtshan sum bcu
110b2 rtsa gnyis dang dpe byad bzang po thams cad dang ldan pa'i gzugs kyi lus kyi 'od kyis phyogs bcur khyab par byas te chos ston par byed do/ /gang dag 'jig rten gyi khams mi mjed na 'khod pa'i sems can de dag thams
110b3 cad kyis kyang / de bzhin gshegs pa de lha dang klu dang gnod sbyin dang dri za dang lha ma yin dang namakha' lding dang mi 'am ci dang lto 'phye chen po dang mi dang mi ma yin pa de dag thams cad kyis phyag byas shing de dag la chos ston par
110b4 mdzad par mthong ngo / /sems can gang dag de bzhin gshegs pa des chos bstan pa nyan pa de dag thams cad ni bla na med pa yang dag par rdzogs pa'i byang chub las phyir mi ldog par gyur to/ /'jig rten gyi khams dri ma med pa
110b5 de dag dang 'jig rten gyi khams mi mjed 'di yang rnam pa drug tu g.yos so/ /bcom ldan 'das shAkya thub pa'i 'khor gyi dkyil 'khor las kyang srog chags sum stong mi skye ba'i chos la bzod pa thob par gyur to/ /
110b6 srog chags sum stong ni bla na med pa yang dag par rdzogs pa'i byang chub tu lung bstan pa thob par gyur to/ /de nas byang chub sems dpa' sems dpa' chen po shes rab brtsegs dang gnas brtan shA ri'i bu cang mi smra bar gyur to/ /
110b7 mchod rten bstan pa'i le'u zhes bya ste bcu gcig pa'o// // de nas byang chub sems dpa' sems dpa' chen po sman gyi rgyal po dang byang chub sems dpa' sems dpa' chen po spobs pa chen po g.yog byang chub sems dpa'
110b8 nyis 'bum dang lhan cig bcom ldan 'das kyi spyan sngar tshig 'di skad ces gsol to/ /bcom ldan 'das don 'di la thugs las chung ngur mdzad du gsol/ bcom ldan 'das bdag cag gis de bzhin gshegs pa yongs su mya ngan las 'das nas/ chos kyi
111a1 rnam grangs 'di sems can rnams la bstan par bgyi'o/ /yang dag par bstan par bgyi'o/ /bcom ldan 'das 'di ltar yang de'i tshe/ sems can dmu rgod dge ba'i rtsa ba chung ba lhag pa'i nga rgyal can/
111a2 rnyed pa dang bkur sti la gnas pa/ mi dge ba'i rtsa ba la zhugs pa/ gdul dka' ba mos pa dang bral ba ma mos pa mang ba dag 'byung lags mod kyi/ bcom ldan 'das bdag cag gis bzod pa'i stobs stan te/ de'i dus na
111a3 mdo 'di bstan par bgyi gzung bar bgyi bshad par bgyi yi ger bri bar bgyi sti stang du bgyi rim gro bgyi/ mchod par bgyi'o/ /bcom ldan 'das bdag cag gis lus dang srog kyang bor te mdo 'di bshad par bgyi yis/
111a4 bcom ldan 'das thugs las chung ngur mdzad du gsol/ de nas 'khor de'i dge slong slob pa dang mi slob pa dang dge slong lnga brgya tsam gyis bcom ldan 'das la 'di skad ces gsol to/ /bcom ldan 'das bdag cag kyang
111a5 'jig rten gyi khams gzhan dag tu/ chos kyi rnam grangs 'di rab tu bstan par spro lags so/ /de nas bcom ldan 'das kyi nyan thos slob pa dang mi slob pa ji snyed pa de dag dang gang dag bcom ldan 'das kyis bla na med
111a6 pa yang dag par rdzogs pa'i byang chub tu lung bstan pa/ dge slong brgyad stong po de dag thams cad kyis bcom ldan 'das ga la ba der logs su thal mo sbyar ba btud nas bcom ldan 'das la 'di skad ces gsol to/ /bcom
111a7 ldan 'das thugs las chung ngur mdzad du gsol/ de bzhin gshegs pa yongs su mya ngan las 'das nas slad ma'i tshe slad ma'i dus na bdag cag gis kyang chos kyi rnam grangs 'di 'jig rten gyi khams gzhan dag tu bshad par
111a8 bgyi'o/ /de ci'i slad du zhe na/ bcom ldan 'das 'jig rten gyi khams mi mjed 'di'i sems can dag ni lhag pa'i nga rgyal can dge ba'i rtsa ba chung ba/ rtag tu gnod sems kyi sems dang ldan pa/ g.yon can yon po'i rang bzhin can lags pa'i
111b1 slad tu'o/ /de nas bcom ldan 'das kyis sru skye dgu'i bdag mo chen mo gau ta mI dge slong ma slob pa dang mi slob pa dge slong ma drug stong dang lhan cig tu stan las langs te/ bcom ldan 'das ga la ba de logs su thal mo sbyar ba
111b2 btud nas bcom ldan 'das la lta zhing 'khod do/ /de nas bcom ldan 'das kyis de'i tshe skye dgu'i bdag mo chen mo gau ta mI la bka' stsal pa/ gau ta mI khyod bdag ni de bzhin gshegs pas yongs su ma brjod do/ bla na med pa yang dag par
111b3 rdzogs pa'i byang chub tu lung ma bstan snyam du yid mi bde bar/ de bzhin gshegs pa la lta zhing ma 'dug shig /gau ta mI 'di ltar 'khor thams cad lung bstan pas khyod kyang lung bstan zin to/ /gau ta mI khyod 'di nas bzung ste sangs rgyas
111b4 bye ba khrag khrig stong phrag sum bcu rtsa brgyad kyi thad na/ byang chub sems dpa' sems dpa' chen po chos smra bar 'gyur ro/ /slob pa dang mi slob pa'i dge slong ma drug stong 'di dag dang khyod lhan cig tu de bzhin gshegs pa de dag gi thad nas byang
111b5 chub sems dpa' chos smra bar 'gyur ro/ /de'i pha rol gyi yang ches pha rol nas byang chub sems dpa'i spyod pa yongs su rdzogs par byas te de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/
111b6 bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das sems can thams cad kyis mthong na dga' ba zhes bya bar 'jig rten du 'byung bar 'gyur te/
111b7 gau ta mI de bzhin gshegs pa dgra bcom pa yang dag par rdzogs pa'i sangs rgyas sems can thams cad kyis mthong na dga' ba des/ byang chub sems dpa' drug stong po de dag gcig nas gcig tu bla na med pa yang dag par rdzogs pa'i
111b8 byang chub tu lung ston pas lung ston par 'gyur ro/ /de nas sgra gcan zin gyi ma dge slong ma grags 'dzin 'di snyam du/ bcom ldan 'das kyis bdag gi ming ma smos so snyam du sems so/ /de nas bcom ldan 'das kyis
112a1 dge slong ma grags 'dzin gyi sems kyi rtog pa thugs kyis thugs su chud nas/ dge slong ma grags 'dzin la 'di skad ces bka' stsal to/ /grags 'dzin khyod mos par bya'o/ /khong du chud par bya'o/ /khyod kyang
112a2 sangs rgyas bye ba stong phrag bcu'i thad na byang chub sems dpa' chos smra bar 'gyur ro/ /byang chub sems dpa'i spyod pa rim gyis yongs su rdzogs par byas nas/ 'jig rten gyi khams bzang po zhes bya bar de bzhin gshegs pa dgra bcom pa
112a3 yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das 'od
112a4 zer brgya stong yongs su rdzogs pa'i rgyal mtshan zhes bya bar 'jig rten du 'byung bar 'gyur ro/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od zer brgya stong yongs su rdzogs
112a5 pa'i rgyal mtshan de'i tshe'i tshad ni dpag tu med par 'gyur ro/ /de nas dge slong ma skye dgu'i bdag mo chen mo gau ta ma'i dge slong ma g.yog 'khor dge slong ma drug stong dang / dge slong ma grags 'dzin g.yog 'khor dge slong
112a6 ma bzhi stong dang / bcom ldan 'das las bla na med pa yang dag par rdzogs pa'i byang chub tu bdag lung bstan pa thob nas ngo mtshar dang rmad du gyur te/ de'i tshe tshigs su bcad pa 'di dag gsol to/ /bcom ldan
112a7 'dren pa rnam par 'dren pa ste/ /lhar bcas 'jig rten dag gi ston pa lags/ /dbugs 'byin lha dang mi yis mchod pa ste/ /mgon po bdag cag rnams kyang deng tshim bgyis/ /de nas dge slong ma rnams kyis
112a8 tshigs su bcad pa 'di gsol nas bcom ldan 'das la 'di skad ces gsol to/ /bcom ldan 'das bdag cag kyang slad ma'i dus slad ma'i tshe na/ chos kyi rnam grangs 'di 'jig rten gyi khams gzhan dag tu ston par spro lags so/ /
112b1 de nas bcom ldan 'das kyis byang chub sems dpa' gzungs thob pa phyir mi ldog pa'i chos kyi 'khor lo bskor ba'i byang chub sems dpa' brgyad khri po de dag ga la ba de logs su gzigs so/ /de nas bcom ldan 'das kyis gzigs
112b2 ma thag tu/ byang chub sems dpa' sems dpa' chen po de dag stan las langs te/ bcom ldan 'das ga la ba de logs su thal mo sbyar ba btud nas 'di snyam du/ chos kyi rnam grangs 'di bshad par bya ba'i phyir/ bcom ldan 'das kyis
112b3 bdag cag la bskul ba mdzad do snyam du sems so/ /de dag de snyam du bsams nas kun g.yos te phan tshun du smras pa/ rigs kyi bu dag ma 'ongs pa'i dus na chos kyi rnam grangs 'di bshad par bya ba'i phyir/ bcom ldan 'das kyis
112b4 bdag cag la bskul ba mdzad na bdag cag gis ji ltar bya/ de nas rigs kyi bu de dag bcom ldan 'das la gus pa dang bdag nyid kyi sngon gyi spyod pa dang smon lam gyis bcom ldan 'das kyi spyan sngar seng ge'i sgra phyung ba/
112b5 bcom ldan 'das de bzhin gshegs pa yongs su mya ngan las 'das nas bdag cag phyogs bcur mchis te/ bcom ldan 'das kyi mthus chos kyi rnam grangs 'di sems can rnams yi ger 'drir stsal bar bgyi klog tu stsal
112b6 bar bgyi sems su stsal bar bgyi 'chad du stsal bar bgyi'o/ /bcom ldan 'das kyang 'jig rten gyi khams gzhan na bzhugs te/ bdag cag la bsrung ba dang skyob pa dang sbed pa mdzad do/ /de nas byang chub
112b7 sems dpa' sems dpa' chen po de dag gis bcom ldan 'das la dbyangs mthun par tshigs su bcad pa 'di dag gsol to/ /bcom ldan 'das khyod thugs las chung mdzad gsol/ /khyod ni mya ngan 'das nas bdag cag
112b8 rnams/ /shin du ma rungs slad ma'i dus kyi tshe/ /mdo sde dam pa 'di ni bshad par bgyi/ /byis pa rnams kyis spyos pa dang / /brdeg pa dang ni dbyug thogs te/ /gzas pa rnams ni bzod par bgyi/ /'dren pa bag la zha bar bgyi/ /ma rungs
113a1 slad ma'i dus la ni/ /log pa'i blo dang yon po ni/ /byis pa g.yo dang nga rgyal can/ /ma thob thob par 'du shes pa/ /dgon pa dag la rab sems shing / /tshem bu dag kyang dgos nas ni/ /yo byad bsnyungs tshul spyod
113a2 do zhes/ /blo ngan de skad smra bar 'gyur/ /ro bro chags shing zhen pa rnams/ /khyim pa dag la chos kyang 'chad/ /mngon shes drug can ji bzhin du/ /bsti stang dag kyang bgyid par 'gyur/ /gtum pa'i sems dang sdang
113a3 sems ldan/ /khyim dang nor la rnam par sems/ /dgon pa dben par rab zhugs te/ /bdag cag rnams la skur pa 'debs/ /bdag cag la ni 'di skad mchi/ /rnyed dang bkur sti gnas pa ste/ /dge slong 'di dag mu
113a4 stegs can/ /bdag gi rang bzo rab tu 'chad/ /rnyed pa dang ni bkur sti'i phyir/ /rang gis mdo sde byas nas su/ /'khor gyi dbus su 'chad byed ces/ /bdag cag rnams la shin du 'phya/ /rgyal po dang ni rgyal bu
113a5 dang / /de bzhin rgyal po'i blon po dang / /bram ze dang ni khyim bdag dang / /dge slong gzhan dag drung du ni/ /bdag cag rnams la mi bsngags brjod/ /mu stegs can zhes tshig kyang brjod/ /drang srong che la
113a6 gus pas na/ /thams cad bdag cag bzod par bgyi/ /de tshe ngan pa'i blo gros can/ /bdag cag rnams la smod par 'gyur/ /'di dag sangs rgyas 'gyur zhes te/ /rnam pa thams cad bzod par bgyi/ /
113a7 'khrug pa'i bskal pa 'jigs pa la/ /ma rungs 'jigs pa chen po'i tshe/ /gnod sbyin gzugs can dge slong mang / /bdag cag la ni mi snyan brjod/ /'jig rten dbang la gus pa yis/ /shin tu dga' ba spro bar
113a8 bgyi/ /bzod pa'i go cha bgos nas su/ /mdo 'di rab tu bshad par bgyi/ /'dren pa bdag cag lus dang ni/ /srog kyang don du gnyer ma lags/ /bdag cag byang chub don gnyer bas/ /khyod kyis btams gtad 'dzin pa lags/ /
113b1 ldem por dgongs bshad ma 'tshal ba/ /dge slong sdig can ci 'dra dag /slad ma'i dus na 'byung ba ni/ /bcom ldan nyid kyis rab tu mkhyen/ /gtsug lag khang nas bskrad pa dang / /bcing dang brdeg pa rnam mang dang / /phyir zhing bcas pa ma
113b2 lags dang / /khro gnyer thams cad bzod par bgyi/ /'jig rten mgon gyis bka' stsal pa/ /dran par bgyid pas slad dus na/ /'khor gyi dbus su mi 'jigs par/ /mdo 'di rab tu bshad par bgyi/ /'dren pa 'di ni 'di tshol ba/ /
113b3 grong khyer grong du gang byung ba/ /de dag du ni mchis nas su/ /khyod kyis gtams pa stsal bar bgyi/ /'jig rten dbang po thub pa che/ /khyod kyi mngag gzhug bdag cag 'tshal/ /mya ngan rab 'das zhi brnyes pa/ /thugs las chung ngur mdzad tu gsol/ /
113b4 phyogs bcu dag nas gang gshegs pa/ /'jig rten sgron ma thams cad kyi/ /mos pa rnam par mkhyen pas na/ /bden pa'i tshig ni smra bar bgyid/ /dam pa'i chos pad ma dkar po las spro bar bya ba'i le'u zhes bya ste/ bcu gnyis
113b5 pa'o// // dam pa'i chos pad ma dkar po bam po dgu pa/ de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das byang chub sems dpa' sems dpa' chen po 'di dag
113b6 bcom ldan 'das la gus par spro ba ni dka' bar bgyid pa shin du dka' bar bgyid pa lags so/ /bcom ldan 'das byang chub sems dpa' sems dpa' chen po 'di dag gis/ slad ma'i tshe slad ma'i dus na chos kyi rnam grangs
113b7 'di ji ltar rab tu bshad par bgyi/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal chos bzhi la gnas te byang chub sems dpa' sems
113b8 dpa' chen pos chos kyi rnam grangs 'di phyi ma'i tshe phyi ma'i dus na yang dag par rab tu bstan par bya'o/ /bzhi gang zhe na/ 'jam dpal 'di la byang chub sems dpa' sems dpa' chen po dag /cho ga dang spyod yul la gnas te/
114a1 chos kyi rnam grangs 'di yang dag par rab tu bstan par bya'o/ /'jam dpal ji ltar na/ byang chub sems dpa' sems dpa' chen po dag /cho ga dang spyod yul la gnas pa yin zhe na/ 'jam dpal gang gi tshe
114a2 byang chub sems dpa' sems dpa' chen po bzod pa dang dul ba dang dul ba'i sa thob cing yid mi sdang la phrag dog med par 'gyur te/ 'jam dpal gang gi tshe byang chub sems dpa' sems dpa' chen po dag /chos gang la yang mi
114a3 spyod cing chos kyi rnam grangs kyi rang gi mtshan nyid la yang dag par ji lta ba bzhin du blta ste/ gang chos rnams la rnam par mi dpyod rnam par mi rtog pa de ni 'jam dpal byang chub sems dpa' sems dpa' chen po'i cho
114a4 ga zhes bya'o/ /'jam dpal byang chub sems dpa' sems dpa' chen po'i spyod yul gang zhe na/ 'jam dpal gang gi tshe byang chub sems dpa' sems dpa' chen po rgyal po la mi sten rgyal bu dang rgyal po'i blon
114a5 po chen po dang rgyal po'i zhabs 'bring ba la mi sten mi snyen bsnyen bkur mi byed nye bar mi 'gro/ gzhan mu stegs can spyod pa pa dang kun du rgyu dang 'tsho ba pa dang gcer bu pa rnams dang snyan dngags kyis bstan bcos
114a6 la zhugs pa'i sems can rnams dang mi sten mi snyed bkur stir ma byed/ 'jig rten rgyang pan pa'i gsang tshig 'chang ba'i 'jig rten rgyang pan pa la mi sten mi snyen bkur stir mi byed/ de dag dang lhan cig tu 'dris par
114a7 mi byed/ gdol pa pa dang zol pa rnams dang ma yin/ phag 'tshong ba rnams dang ma yin/ bya gag 'tshong ba rnams dang ma yin/ ri dgas kyi rngon pa rnams dang ma yin/ nya pa rnams dang ma yin/ glu mkhan dang
114a8 gar mkhan dang lcags kyi sil khrol byed pa rnams dang ma yin/ gyad rnams dang ma yin/ gzhan dag gi dga' ba dang rtse ba'i gnas rnams su mi 'gro/ de dag dang lhan cig 'dris par yang mi byed de/ drung du lhags
114b1 pa la dus su chos bshad pa ni ma gtogs te/ de yang mi gnas par 'chad pa'o/ /nyan thos kyi theg pa can gyi dge slong dang dge slong ma dang dge bsnyen dang dge bsnyen ma la mi snyen mi sten bkur sti mi byed de dag dang 'dris par mi
114b2 byed de/ 'chag sa'am gnas khang ngam gtsug lag khang na yang de dag dang 'grogs pa'i spyod yul ba ma yin no/ /drung du lhags pa la dus su chos 'chad pa ni ma gtogs te de yang mi gnas par 'chad pa'o/ /'jam dpal
114b3 de ni byang chub sems dpa' sems dpa' chen po'i spyod yul lo/ /'jam dpal gzhan yang byang chub sems dpa' sems dpa' chen po bud med la rjes su chags pa gang yang rung ba mtshan mar bzung nas rtag tu chos
114b4 'chad pa ma yin/ bud med la rtag tu lta bar 'dod pa ma yin/ khyim dag tu song ste bud med dam bu mo 'am khyim mi mo la rtag tu chos bshad par sems pa ma yin/ yang dag par mgu bar byed pa ma yin/ ma ning la chos mi
114b5 ston de dag dang lhan cig 'dris par mi byed yang dag par mgu bar byed pa ma yin/ slong ba'i phyir gcig pu khyim du mi 'jug /de bzhin gshegs pa rjes su dran pa bsgom pa ni ma gtogs so/ /gal te bud med la chos
114b6 ston na yang de tha na chos la 'dod chags pas kyang chos mi ston na de bud med la 'dod chags pas lta ci smos/ de chos ston pa na tha na so'i phreng ba yang mi ston na bzhin gyi 'gyur ba chen po lta ci smos/ dge tshul dang dge
114b7 tshul ma dang dge slong dang dge slong ma dang gzhon nu dang gzhon nu ma dang mi sten/ de dag dang gtam yang mi byed la nang du yang dag 'jog la 'jug par dga' zhing nang du yang dag 'jog la rtag tu bsten pa yin te/
114b8 'jam dpal de ni byang chub sems dpa' sems dpa' chen po'i spyod yul dang po'o/ /'jam dpal gzhan yang byang chub sems dpa' sems dpa' chen po chos thams cad la stong par blta ste/ ji ltar gnas pa bzhin dang ma
115a1 log par gnas pa dang yang dag pa ji lta ba bzhin du gnas pa dang / mi bskyod pa dang mi g.yo ba mi ldog pa mi 'gyur ba rtag tu yang dag pa ji lta ba bzhin du gnas pa dang nam mkha'i ngo bo nyid lta bu nges pa'i tshig dang /
115a2 tha snyad rnam par spangs pa ma skyes pa ma byung ba yang dag par ma byung ba med pa 'dus ma byas pa rgyun med pa med pa la tshig gis brjod pa mi chags pa'i gnas la 'dug pa 'du shes phyin ci log las byung bar/ de ltar 'jam
115a3 dpal byang chub sems dpa' sems dpa' chen po rtag tu chos thams cad la lta zhing gnas pa 'dis gnas na/ byang chub sems dpa' sems dpa' chen po spyod yul la gnas pa yin te/ 'jam dpal de ni byang chub sems
115a4 dpa' sems dpa' chen po'i spyod yul gnyis pa'o/ /de nas bcom ldan 'das kyis don 'di nyid rgyas par ston cing de'i tshe tshigs su bcad pa 'di dag bka' stsal to/ /phyi dus shin du 'jigs pa la/ /zhum pa med cing
115a5 mi 'jigs par/ /mdo sde 'di ni bstan par yang / /byang chub sems dpa' gang 'dod pa/ /cho ga spyod yul bsrung bya zhing / /'du 'dzi med la gtsang bar bya/ /rgyal po dang ni rgyal bu dang / /'dris byed rtag tu spang bar
115a6 bya/ /rgyal po'i zhabs 'bring gang yin dang / /gdol pa dang ni zol pa dang / /mu stegs can ni de dag dang / rnam pa kun du 'dris mi bya/ /dge slong 'dul dang lung gnas pa/ /dgra bcom snyam du sems byed cing / /nga rgyal
115a7 can rnams bsten mi bya/ /tshul khrims 'chal rnams rnam par spang / /rgod cing smra ba'i spyod yul can/ /dge slong ma rnams rtag tu spang / /mi brtan par ni mngon pa yi/ /dge bsnyen rnams kyang spang bar bya/
115a8 dge bsnyen ma gang tshe 'di la/ /mya ngan 'das pa gang tshol ba/ /de dag dang ni 'dris byed spang / /'di ni cho ga yin zhes bya/ /gang zhig de yi thad 'ongs nas/ /byang chub mchog phyir chos 'dri na/ /gnas pa med cing mi zhan par/ /
115b1 dpa' bo rtag tu de la shod/ /bud med ma ning sems can gang / /de dang 'dris byed rnam par spang / /khyim rnams su ni mna' ma dang / /gzhon nu ma rnams rnam par spang / /de la nam du 'ang dga' mi byed/ /mkhas dang
115b2 rgod pa 'dri ba dang / phag 'tshong ba dang shan pa dang / /'dris par byed pa rnam par spang / /gang dag srog chags rnam mang dag /longs spyod phyir ni gsod pa dang / /bza' phyir sha rnams 'tshong byed pa/ /de dag 'dris byed
115b3 rnam par spang / /gang dag bud med gso byed dang / /gar mkhan gyad dang sil khrol ba/ /gang gzhan de dang 'dra ba yang / /de dag rnams dang 'dris byed spang / /res ma'i gtso bo bsten mi bya/ /ji snyed longs spyod 'tsho ba gzhan/ /
115b4 shin tu dga' ba de dag kyang / /rnam pa kun du yongs su spang / /mkhas pa bud med rnams la yang / /gang gi dus na chos 'chad pa/ /de ni gcig pu mi 'gro ste/ /rgod cing 'dug par mi bya'o/ /gang tshe zas phyir yang dang
115b5 yang / /grong du 'jug par byed pa na/ /dge slong gnyis pa btsal bar bya/ /yang na sangs rgyas dran par bya/ /gang gis shes rab ldan pa dag /mdo sde 'di 'dra 'dzin gnas pa'i/ /cho ga dang ni spyod yul
115b6 dag /thog mar ngas bshad 'di yin no/ /gang tshe 'dus byas 'dus ma byas/ /yang dag yang dag ma yin dang / /rab 'bring tha ma'i chos rnams la/ /rnam pa kun du spyod pa med/ /brtan pa bud med ces
115b7 mi spyod/ /skyes pa zhes kyang mi rtog ste/ /chos so cog ni ma skyes phyir/ /btsal ba byas kyang mi mthong ba/ /'di ni byang chub sems dpa' yi/ /cho gar rnam pa kun du bstan/ /de dag spyod yul ci 'dra ba/ /de ni rnam par mnyan par gyis/ /
115b8 chos 'di dag ni yod pa ma yin bstan/ /thams cad 'byung ba med cing skye ba med/ /rtag tu mi g.yo stong pa nyid du gnas/ /de ni mkhas pa rnams kyi spyod yul yin/ /'di dag 'du shes log par brtags pa ste/ /yang dag min la yang dag yod la med/ /ma byung ba
116a1 dang ma skyes chos rnams la/ /yang dag nyid dang 'byung bar log par brtags/ /sems ni rtag tu rtse gcig mnyam gzhag ste/ /ri rab phung po ji bzhin rab tu gnas/ /de bzhin 'dug nas nam mkha' lta
116a2 bur ni/ /chos rnams 'di dag kun la brtag par bya/ /rtag tu nam mkha' mtshungs par snying po med/ /mi g.yo rlom sems rnam par spangs pa ste/ /chos rnams 'di dag rtag pa'i dus gnas pa/ /
116a3 'di ni mkhas pa rnams kyi spyod yul yin/ /nga ni mya ngan 'das nas dge slong gang / /nga yi spyod yul 'di ni rab srung zhing / / de ni nam yang zhum pa med pa yis/ / 'jig rten du yang mdo 'di rab shod cig /mkhas pa
116a4 dus su sems par byed pa na/ /khang bur zhugs te de bzhin sgo bcad nas/ /chos 'di thams cad la ni tshul bzhin blta/ /langs nas zhum pa med pa'i sems kyis shod/ /rgyal po rnams dang rgyal po'i bu
116a5 gang dag /chos nyan pa rnams 'di ni de la srung / /gzhan yang khyim bdag dag dang bram ze rnams/ /thams cad de yi g.yog tu 'khod par 'gyur/ /'jam dpal gzhan yang de bzhin gshegs pa yongs
116a6 su mya ngan las 'das nas/ phyi ma'i dus phyi ma'i tshe dam pa'i chos rab tu 'jig par 'gyur ba na/ byang chub sems dpa' sems dpa' chen po chos kyi rnam grangs 'di rab tu ston par 'dod pa ni bde ba la
116a7 gnas pa yin no/ /bde ba la gnas te chos 'chad do/ /lus la yod dam glegs bam du byas sam gzhan dag la yang ston na yang / shin du glan ka tshol ba'i rang bzhin can ma yin/ dge slong chos smra ba gzhan dag la
116a8 skur bar mi byed/ mi snyan pa mi smra/ mi snyan pa mi rjod/ gzhan nyan thos kyi theg pa can gyi dge slong dag gi ming smos te mi snyan pa mi smra/ mi snyan pa dag mi rjod cing de dag la phyir rgol bar 'du shes pa ma yin no/ /
116b1 de ci'i phyir zhe na/ 'di ltar bde ba'i gnas la gnas pa'i phyir te/ de chos nyan du 'ongs shing lhags pa rnams la phan 'dogs pa dang phrag dog med par chos ston to/ /mi rtsod cing dri ba dris kyang nyan thos kyi theg pas lan mi ldon te/
116b2 ci nas sangs rgyas kyi ye shes mngon par rdzogs par 'tshang rgya ba de lta bur lan ldon no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /mkhas pa bde la rtag tu gnas par 'gyur/ /de la 'dug
116b3 nas de bzhin chos kyang ston/ /gtsang zhing yid tu 'ong ba'i sa phyogasu/ /yangs pa'i stan ni rab tu bshams bting ste/ /bzang po'i tshon gyis legs par kha bsgyur ba/ /chos gos gtsang ma de ni rab bgos nas/ /rngul zan
116b4 nag po de bzhin bshams byas la/ /sham thabs che tshad legs par rab bgos nas/ /bcos bu'i ras rnams sna tshogs legs bting ba/ /rkang rten bcas pa'i khri la rab 'dug cing / /rkang pa legs par bkrus
116b5 te steng 'dzegs nas/ /mgo dang bzhin gyi mdangs ni rab snum zhing / /chos kyi stan de la ni rab 'dug nas/ /sems can lhags pa rtse gcig gyur rnams la/ /gtam mang rnam pa sna tshogs nye bar ston/ /dge slong
116b6 dag dang dge slong ma rnams dang / /dge bsnyen rnams dang dge bsnyen ma dag dang / /rgyal po dag dang rgyal bu rnams la yang / /mkhas te rtag tu phrag dog med par ni/ /sna tshogs don ldan snyan pa'i gtam yang ston/ /de tshe de la
116b7 de dag dri dri nas/ /de la mthun pa'i don rnams rab tu ston/ /ci nas thos pa byang chub 'thob 'gyur ba/ /de ltar don gyi rnam par rab tu ston/ /le lo dag kyang rnam par rab spangs nas/ /skyo ba snyam pa'i 'du shes bskyed mi bya/
116b8 mkhas pas mi dga' thams cad rnam par spang / /byams pa'i stobs ni 'khor la bsgom par bya/ /nyin mtshan du yang chos mchog rab tu bsgom/ /mkhas pa des ni bye ba khrag khrig dpes/ /'khor rnams mgu
117a1 zhing de bzhin dga' bar byed/ /de la nam yang 'dod pa cung zad med/ /zas dang skom dang bza' dang bca' ba dang / /gos dang mal cha chos gos rnams dang ni/ /na ba'i gsos sman dag kyang mi bsam ste/ /'khor
117a2 rnams la ni ci yang mi bslang ngo / /gzhan du mkhas pa rtag tu bdag nyid dang / /sems can 'di dag sangs rgyas grub par shog /phan phyir 'jig rten chos gang bstan pa de/ /bdag gi bde ba'i yo byad kun snyam
117a3 sems/ /dge slong gang zhig mya ngan nga 'das nas/ /phrag dog med par 'di ni rab ston pa/ /de la sdug bsngal med cing bar chad med/ /nam yang mya ngan rnams kyang 'khrug pa med/ /de la su yang bsngags par
117a4 mi byed de/ /rdeg pa med cing mi snyan smra ba'ang med/ /de ni nam yang bskrad par mi 'gyur te/ /'di ltar de ni bzod pa'i stobs la gnas/ /rtag tu mkhas pa bde la gnas pa de/ /ji ltar nges bshad bzhin du gnas pa ni/
117a5 yon tan bye ba du ma brgya 'byung ste/ /de ni bskal pa brgyar yang brjod mi nus/ /'jam dpal gzhan yang de bzhin gshegs pa yongs su mya ngan las 'das nas/ dam pa'i chos zad pa'i mtha' ma'i dus kyi tshe mdo
117a6 sde 'di 'chang ba'i byang chub sems dpa' sems dpa' chen po ni phrag dog dang g.yo dang sgyu med pa yin/ byang chub sems dpa'i theg pa can gyi gang zag gzhan dag la mi snyan pa mi smra/ skur pa mi 'debs/ brnyes par
117a7 mi byed do/ /dge slong dang dge slong ma dang dge bsnyen dang dge bsnyen ma nyan thos kyi theg pa can nam/ rang sangs rgyas kyi theg pa can nam/ byang chub sems dpa'i theg pa can gzhan dag la 'gyod pa skyed par mi byed de/ rigs kyi bu dag
117a8 khyed bla na med pa yang dag par rdzogs pa'i byang chub dang ring ste khyed de na mi snang ngo / /khyed ni rab tu bag med par gnas pa ste/ khyed ni de bzhin gshegs pa'i ye shes mngon par rdzogs par 'tshang rgya ba'i mthu med pa'o
117b1 zhes byang chub sems dpa'i theg pa can gang la yang the tshom skye bar mi byed do/ /chos kyis rtsod pa la dga' ba ma yin te chos la rtsod par mi byed do/ /sems can thams cad la byams pa'i stobs mi mthong ngo / /de bzhin gshegs
117b2 pa thams cad la phar 'du shes skyed do/ /byang chub sems dpa' thams cad la ston par 'du shes skyed do/ /phyogs bcu'i 'jig rten rnams na byang chub sems dpa' sems dpa' chen po gang dag 'khod pa de dag la rgyun mi
117b3 chad par lhags pa'i bsam pas gus par phyag 'tshal lo/ /chos 'chad pa na lhag chad med par chos 'chad do/ /chos kyi rnam grangs 'di rab tu bstan pa na chos kyi dga' ba snyoms par byed de/ tha na 'ga' tsam la yang
117b4 chos kyi dga' bas lhag par phan 'dogs par mi byed do/ /'jam dpal chos 'di gsum dang ldan pa'i byang chub sems dpa' sems dpa' chen po de bzhin gshegs pa yongs su mya ngan las 'das nas dam pa'i chos
117b5 zad pa'i mtha' ma'i dus kyi tshe/ chos kyi rnam grangs 'di yang dag par ston pa na/ bde bar reg pa la gnas shing gtse ba med par chos kyi rnam grangs 'di rab tu ston te/ de'i chos yang dag par 'gro ba'i grogs dag kyang 'byung
117b6 bar 'gyur ro/ /gang dag de la chos nyan pa'i chos kyi rnam grangs 'di nyan pa dang dad pa dang yid ches pa dang 'dzin pa dang / kun chub par byed pa dang / yi ger 'dri ba dang / yi ger 'drir 'jug pa dang glegs bam du byas te sti bstang
117b7 byed pa dang btsun par byed pa dang / rim gror byed pa dang mchod par byed pa de dag kyang 'byung bar 'gyur ro/ /bcom ldan 'das kyis de skad ces bka' stsal te/ bde bar gshegs pas de skad ces gsungs nas/ ston
117b8 pas gzhan yang 'di skad ces bka' stsal to/ /gang zhig mdo 'di chad 'dod chos smra bas/ /g.yo dang nga rgyal de bzhin 'phya ba dag /ma lus par ni yongs su spang bar bya/ /de bzhin mkhas pas phrag dog gzhan mi bya/ /
118a1 nam du'ang su la 'ang mi snyan brjod mi bya/ /lta bas rtsod pa nam yang mi bya'o/ /bla med ye shes khyod thob mi 'gyur zhes/ /the tshom gnas ni nam yang mi bya'o/ /de ni rtag tu dran zhing mnyen pa ste/ /
118a2 bde bar gshegs kyi sras po bzod ldan 'gyur/ /chos 'di yang dang yang du rab ston kyang / /de 'dir skyo bar 'gyur ba cung zad med/ /byang chub sems dpa' gang dag phyogs bcu yi/ /'jig
118a3 rten dag na sems can snying brtses rgyu/ /de kun bdag gi ston ces de dag la/ /mkhas pa rnams ni bla mar gus pa skyed/ /sangs rgyas rkang gnyis mchog rnams dran byas la/ /rgyal ba rnams
118a4 la rtag tu phar sems bskyed/ /nga rgyal 'du shes thams cad rnam spangs na/ /de tshe de la bar chad 'byung mi 'gyur/ /rnam pa 'di 'dra'i chos 'di thos nas ni/ /mkhas pas de tshe legs par bsrung bar
118a5 bya/ /bde bar gnas pa'i phyir dang mnyam gzhag na/ /srog chags bye bas rab tu bsrungs par 'gyur/ /'jam dpal gzhan yang de bzhin gshegs pa yongs su mya ngan/ las 'das nas/ dam pa'i chos spong ba'i
118a6 dus kyi tshe/ byang chub sems dpa' sems dpa' chen po chos kyi rnam grangs 'di 'dzin par 'dod pa'i dge slong des/ khyim na gnas pa dang rab tu byung ba rnams las ring ba bas kyang ring du gnas par bya'o/ /byams pa la
118a7 gnas pas gnas par bya'o/ /sems can gang dag byang chub tu yang dag par ma zhugs pa de dag thams cad la snying rje bskyed par bya'o/ /des 'di snyam du kye ma gang dag de bzhin gshegs pa'i thabs mkhas pa/ ldem por
118a8 dgongs te bshad pa mi nyan pa dang mi shes pa dang mi rtogs pa dang mi 'dri ba dang ma dad pa dang ma mos pa'i sems can de dag ni shin du shes rab 'chal pa'i rang bzhin can dag go/ /gzhan yang sems can 'di dag ni chos kyi rnam
118b1 grangs 'di la mi 'jug cing khong du mi chud pa dag ste/ 'di ltar bdag bla na med pa yang dag par rdzogs pa'i byang chub mngon par rdzogs par sangs rgyas nas gang la gang gnas par 'gyur ba de la rdzu 'phrul gyi stobs kyis 'dun
118b2 par bya'o/ /yid ches par bya'o/ /'jug par bya'o/ /yongs su smin par bya'o/ /snyam du bsam par bya'o/ /'jam dpal chos bzhi po 'di dag dang ldan pa'i byang chub sems dpa' sems dpa' chen po de bzhin gshegs pa yongs su
118b3 mya ngan las 'das nas/ chos kyi rnam grangs 'di yang dag par ston na gnod pa med par 'gyur ro/ /dge slong dang dge slong ma dang dge bsnyen dang dge bsnyen ma dang rgyal po dang rgyal bu dang rgyal po'i blon po chen po dang rgyal po'i sna chen po la
118b4 gtogs pa dang grong rdal gyi mi dang yul gyi mi dang bram ze dang khyim bdag rnams sti stang du byed btsun par byed ri mo byed mchod pa byed par 'gyur ro/ /bar snang la gnas pa'i lha dad pa dag kyang chos nyan pa'i phyir de'i phyi bzhin 'brang
118b5 bar 'gyur ro/ /lha'i bu rnams kyang de bsrung ba'i phyir rtag tu phyi bzhin du 'brang bar 'gyur ro/ /grong na 'dug kyang rung gtsug lag khang na 'dug kyang rung chos yongs su 'dri ba dag nyin mtshan du de'i drung du 'dong bar 'gyur/ des lan
118b6 btab pas dga' mgu rangs par 'gyur ro/ /de ci'i phyir zhe na 'jam dpal chos kyi rnam grangs 'di ni sangs rgyas thams cad kyis byin gyis brlabs pa'i phyir ro/ /'jam dpal chos kyi rnam grangs 'di ni 'das pa dang /
118b7 ma byon pa dang da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyi rtag tu byin gyis brlabs pa'i phyir ro/ /'jam dpal chos kyi rnam grangs 'di ni 'jig rten gyi khams
118b8 mang por yang sgra'am dbyangs sam ming thos pa yang rnyed par dka'o/ /'jam dpal 'di lta ste dper na/ stobs kyi 'khor lo sgyur ba'i rgyal po ni stobs kyis bdag gi rgyal srid thub ste/ de la phyir rgol ba
119a1 rgyal po zla dag dang de 'thab mo byed par gyur na/ stobs kyi 'khor lo sgyur ba'i rgyal po de la dmag mi mang po yod de/ de dag dang dgra de dag 'thab bo/ /rgyal po des dmag mi 'thab pa de mthong nas/ dmag mi de dag la dga'
119a2 zhing mgu bar 'gyur ro/ /de dga' zhing rangs nas dmag mi de dag la sbyin pa rnam pa du ma sbyin par byed de/ 'di lta ste grong dang grong gi zhing rnams sbyin no/ /grong khyer dang grong khyer gyi zhing dang gos dang thod dang lag pa'i rgyan dang
119a3 mgul rgyan dang gser gyi tshong tshong dang rna rgyan dang se mo do dang do shal dang mgron bu dang gser dang dngul dang nor bu dang mu tig dang bai dUr+ya dang dung dang man shel dang byi ru yang sbyin par byed/ glang po che dang rta dang shing rta dang rkang thang dang /
119a4 bran pho dang bran mo yang sbyin par byed/ bzhon pa dang khyogs kyang sbyin par byed de/ gtsug gi nor bu ni su la yang sbyin par mi byed do/ /de ci'i phyir zhe na/ rgyal po'i gtsug tu btags pa'i nor bu de ni gcig pu kho
119a5 na yin pa'i phyir ro/ /'jam dpal gang gi tshe rgyal pos gtsug gi nor bu de yang sbyin par byed pa na/ rgyal po'i dpung gi tshogs yan lag bzhi po de dag thams cad ngo mtshar du 'gyur rmad du 'gyur ro/ /'jam dpal
119a6 de bzhin du/ de bzhin gshegs pa dgra bcom pa yang dag par rdzogs pa'i sangs rgyas nyid kyi lag stobs kyi bsod nams las byung ba'i khams gsum na/ chos kyi rgyal po mdzad pa'i khams gsum
119a7 de dag la bdud sdig can gnon te/ de nas de bzhin gshegs pa'i 'phags pa'i dmag mi rnams dang bdud tu thab mo byed do/ /'jam dpal des na de bzhin gshegs pa dgra bcom pa yang dag par rdzogs pa'i
119a8 sangs rgyas chos kyi rgyal po chos kyi bdag po 'phags pa'i dmag mi thab mo byed pa de dag la mdo sde brgya stong rnam pa du ma 'chad do/ /'khor bzhi yang dag par dga' bar bya ba'i phyir de dag la mya ngan las 'das
119b1 pa'i grong khyer dang chos kyi grong khyer chen po'i sbyin pa sbyin te/ mya ngan las 'das pas de dag la rdod cing chos kyi rnam grangs 'di lta bu 'di ni mi 'chad do/ /'jam dpal de la ji ltar stobs kyi 'khor lo sgyur ba'i rgyal po
119b2 dmag mi de dag 'thab pa na skyes bu'i rtsal chen pos ngo mtshar du gyur nas phyis bdog pa thams cad kyi mchog /gtsug gi nor bu 'jig rten thams cad yid mi ches shing ngo mtshar du gyur pa de sbyin par byed do/ /'jam
119b3 dpal ji ltar rgyal po de'i gtsug gi nor bu gtsug na 'dug pa de yun ring du bsrungs pa de bzhin du/ 'jam dpal de bzhin gshegs pa dgra bcom pa yang dag par rdzogs pa'i sangs rgyas khams gsum na chos kyi rgyal
119b4 po chen po chos kyi rgyal po mdzad pa/ gang gi tshe nyan thos dag dang byang chub sems dpa' dag /phung po'i bdud dam nyon mongs pa'i bdud dang 'thab pa gzigs te/ de dag dang lhan gcig tu 'thab pa na/ gang gi tshe 'dod
119b5 chags dang zhe sdang dang gti mug zad de/ khams gsum pa thams cad nas byung zhing bdud thams cad 'joms pa skyes bu'i rtsal chen po byas par gyur pa de'i tshe/ de bzhin gshegs pa dgra bcom pa yang dag par
119b6 rdzogs pa'i sangs rgyas mnyes nas 'phags pa'i dmag mi de dag la 'jig rten thams cad dang mi mthun pa/ 'jig rten thams cad la yid mi ches pa/ sngon ma bshad sngon ma bstan pa'i chos kyi rnam grangs
119b7 'di bshad de/ kun gyis thams cad mkhyen pa nyid thob par byed pa/ spyi gtsug gi nor bu chen po dang 'dra ba/ de bzhin gshegs pas nyan thos rnams la rab tu sbyin no/ /'jam dpal 'di ni de bzhin
119b8 gshegs pa rnams kyis chos bstan pa'i mchog ste/ 'di ni de bzhin gshegs pa rnams kyis chos kyi rnam grangs kyi mthu'o/ /chos kyi rnam grangs thams cad kyi nang na chos kyi rnam grangs 'di zab ste/
120a1 'jig rten thams cad dang mi mthun pa'o/ /'jam dpal stobs kyi 'khor lo sgyur ba'i rgyal po de nyid kyis ring du bsrungs pa'i gtsug gi nor bu bkrol te/ dmag mi mchog rnams la byin pa de bzhin du/
120a2 de bzhin gshegs pa'i chos kyi rnam grangs gsang ba yun ring por gsungs pa/ chos kyi rnam grangs thams cad kyi spyi bo la 'dug pa/ de bzhin gshegs pas mkhyen pa de/ de bzhin gshegs pas de ring
120a3 yang dag par rab tu ston to/ /de nas bcom ldan 'das don 'di nyid rgyas par ston cing de'i tshe tshigs su bcad pa 'di dag bka' stsal to/ /byams pa'i stobs ni rab tu ston par byed/ /rtag tu sems can kun la
120a4 snying yang brtse/ /bde bar gshegs pas bsngags pa'i mdo sde'i mchog /'di 'dra'i chos 'di rab tu ston par byed/ /gang dag khyim na gnas dang rab byung dang / /byang chub sems dpa' ma yin phyi dus der/ /chos 'di thos
120a5 nas smod par 'gyur 'ong zhes/ /thams cad la yang des ni byams stobs bstan/ /bdag gis byang chub rjes su 'thob 'gyur te/ /de bzhin gshegs la 'jug par nam gyur pa/ /de tshe thabs la gnas nas khyed la sbyin/ /
120a6 byang chub mchog 'di kun du bsgrags par bya'o/ /dper na stobs kyi 'khor lo sgyur rgyal gyis/ /mgu nas dmag mi rnams la mgron mang byin/ /glang chen rta dang shing rta rkang thang dang / /grong rnams dang ni grong khyer rnams
120a7 kyang byin/ /dga' nas kha cig la ni lag pa'i rgyan/ /dngul dang gser gyi tshong tshong rnams kyang byin/ /mu tig nor bu byi ru man shel dang / /sbyin par bya ba rnam pa mang po byin/ /gang tshe de na de la gang zhig gis/ /tsham
120a8 tshom med pa'i mchog gis ngo mtshar gyur/ /de yis ngo mtshar byas par shes nas su/ /cod pan las ni nor bu bkrol te byin/ /bzod pa'i stobs dang shes rab mdzod mang po/ /sangs rgyas chos rgyal ngas kyang de bzhin du/ /
120b1 phan zhing snying rje'i rjes su thugs brtse'i phyir/ /chos kyis 'jig rten 'di dag thams cad bstan/ /'tshe ba'i sems can dag kyang gzigs nas su/ /mdo sde bye ba phrag stong rnams kyang bshad/ /sems can gang 'dir nyon mongs
120b2 'joms gtsang ba/ /srog chags de dag rnams kyi mthu mkhyen nas/ /de nas chos rgyal sman pa chen po yang / /rnam grangs bye ba phrag brgya 'chad mdzad cing / /sems can stobs dang ye shes ldan mkhyen nas/ /gtsug gi nor bu
120b3 lta bu'i mdo 'di bshad/ /mdo sde kun gyi mchog gyur 'di yin te/ /'jig rten du ni mdo sde mtha' 'di bshad/ /ngas ni nam yang ma bshad rab bsrungs pa/ /de ni de ring bsgrags kyis thams cad nyon/ /nga ni yongs su
120b4 mya ngan 'das gyur nas/ /'di 'dra'i chos bzhi 'di dag bstan par bya/ /gang zhig byang chub mchog 'dod dang / /de dag nga yi bya ba rnams byed pa/ /de la mya ngan med cing bar chad med/ /mdog mi sdug cing na bar mi 'gyur dang / /
120b5 de yi mdog kyang nag por mi 'gyur te/ /de ni grong khyer ngan par yongs mi gnas/ /rtag tu mthong dga' drang srong chen po de/ /de bzhin gshegs pa bzhin du mchod par 'gyur/ /lha yi bu pho gzhon nu de dag kyang / rtag tu
120b6 de yi g.yog kyang byed par 'gyur/ /de la nam yang mtshon dang dug mi tshugs/ /lus la bong rdo dbyug pas mi phog go/ /de la gang dag kha ngan zer ba ni/ /de dag kha yang lkugs shing zums par 'gyur/ /mya ngan
120b7 nga 'das mdo 'di gang 'dzin pa/ /de ni srog chags rnams kyi gnyen du 'gyur/ /snang ba thob cing sa 'di'i steng na rgyu/ /srog chags bye ba mang po'i rab rib sel/ /de yis rmi lam bzang po'i dngos mthong ste/ /
120b8 des ni dge slong dge slong ma yang mthong / /de bzhin bdag lus seng ge'i khri la 'dug /rnam pa mang po'i chos rnams ston par byed/ /de ni rmi lam na yang lha klu dang / /gnod sbyin lha mis gang gA'i bye ma snyed/ /
121a1 thams cad thal mo sbyar ba de dag la/ /chos kyi dam pa rnam pa mang po 'chad/ /de ni rmi lam de bzhin gshegs mthong / /srog chags bye ba mang la chos ston cing / /'od zer stong dag rab tu 'gyed mdzad la/ /
121a2 mgon po dbyangs snyan gser gyi mdog 'dra mthong / /de yang de na thal mo sbyar 'dug nas/ /thub pa rkang gnyis mchog la mngon par bstod/ /rgyal ba sman pa chen po de yang ni/ /'khor bzhi dag la chos mchog
121a3 ston pa mdzad/ /de yis thos nas rab tu dga' bar 'gyur/ /rab tu mgu ba skyes nas mchod pa byed/ /phyir mi ldog pa'i ye shes myur reg nas/ /rmi lam du ni de yis gzungs thob po/ /'jig rten mgon pos
121a4 de yis bsam mkhyen nas/ /rigs kyi bu khyod ma 'ongs dus na 'dir/ /ye shes bla med zhi ba reg 'gyur zhes/ /skyes bu khyu mchog nyid tu de lung ston/ /khyod kyi zhing yang shin du rgya cher 'gyur/ /'khor bzhi rnams
121a5 kyang ji ltar nga yi bzhin/ /gus par gyur cing thal mo rab sbyar te/ /de dag zag med chos mang nyan par 'gyur/ /des ni bdag gi lus kyang yang mthong ba/ /ri sul dag na chos ni sgom byed cing / /chos la goms
121a6 par byas pas chos nyid reg /de yis ting nge 'dzin rnyed rgyal ba mthong / /gser gyi kha dog bsod nams rgyal mtshan ldan/ /rmi lam dag na mthong nas chos kyang nyan/ /thos nas de yang 'khor la rab tu ston/
121a7 de yi rmi lam du ni de 'dra rmi/ /rmi lam na yang rgyal srid thams cad dang / /btsun mo'i 'khor dang de bzhin gnyen tshogs spangs/ /'dod pa thams cad spangs te mngon par byung / /byang chub snying
121a8 po ga la yod par song / /byang chub 'dod pa'i phyir ni shing drung der/ /de na seng ge'i khri la 'dug nas su/ /de bzhin du yang zhag bdun 'das nas ni/ /de bzhin gshegs kyi ye shes rjes su thob/ /byang chub thob ste
121b1 de nas langs nas su/ /zag pa med pa'i 'khor lo rab bskor te/ /bskal pa bsam gyis mi khyab bye stong du/ /'khor bzhi dag la de ni chos ston no/ /der ni zag pa med pa'i chos bstan nas/ /srog chags
121b2 bye ba mang po mya ngan bzlas/ /rgyu zad mar me bzhin du mya ngan 'da'/ /de ni rmi lam rnam pa de 'dra rmi/ /nga yis legs bshad nga yis chos mdo mchog /gang zhig phyi ma'i dus na rab ston pa/ /de yi phan yon
121b3 mang zhing mtha' yas te/ /'jam dbyangs de dag 'dra bar de rtag 'gyur/ /dam pa'i chos pad ma dkar po las bde bar gnas pa'i le'u zhes bya ste bcu gsum pa'o// // de nas 'jig rten gyi khams
121b4 gzhan dag nas lhags pa'i byang chub sems dpa' sems dpa' chen po gang gA'i klung brgyad kyi bye ma snyed/ de'i tshe 'khor gyi dkyil 'khor de nas langs te de dag thal mo sbyar nas bcom ldan 'das la phyag 'tshal te/
121b5 bcom ldan 'das la 'di skad ces gsol to/ /gal te bcom ldan 'das kyis bdag cag la gnang na/ bcom ldan 'das bdag cag gis kyang de bzhin gshegs pa yongs su mya ngan las 'das nas/ chos kyi
121b6 rnam grangs 'di 'jig rten gyi khams mi mjed 'dir yang dag par rab tu bstan par bgyi'o/ /klag par bgyi'o/ /yi ger bri bar bgyi'o/ /mchod par bgyi'o/ /chos kyi rnam grangs 'di la brtson par bgyi'o/ /
121b7 bcom ldan 'das chos kyi rnam grangs 'di bdag cag la legs par bka' stsal du gsol/ de nas bcom ldan 'das kyis byang chub sems dpa' de dag thams cad la 'di skad ces bka' stsal to/ /
121b8 rigs kyi bu dag khyed kyis 'di bya ci dgos/ 'jig rten gyi khams mi mjed 'di na nga yi byang chub sems dpa' stong phrag gang gA'i klung drug bcu'i bye ma snyed yod de/ byang chub sems dpa' de lta bu rnams kyi
122a1 byang chub sems dpa' re re'i g.yog kyang / /byang chub sems dpa' stong phrag gang gA'i klung drug bcu'i bye ma snyed kho na ste/ byang chub sems dpa' de dag re re'i g.yog kyang de snyed do/ /de dag nga yongs
122a2 su mya ngan las 'das nas phyi ma'i dus phyi ma'i tshe na/ chos kyi rnam grangs 'dzin to/ /yang dag par rab tu ston to/ /bcom ldan 'das kyis de skad ces bka' stsal ma thag tu/ 'jig rten gyi khams mi mjed
122a3 'di kun du gas/ rnam par gas par gyur to/ /gas pa de dag gi bar nas gang dag 'jig rten gyi khams mi mjed 'di nyid la brten cing / sa chen po 'di'i 'og gi nam mkha'i khams la gnas pa'i byang chub
122a4 sems dpa' lus gser gyi kha dog lta bu/ skyes bu chen po'i mtshan sum bcu rtsa gnyis dang ldan pa bye ba khrag khrig brgya stong phrag mang po 'thon te/ de dag bcom ldan 'das kyi gsung 'di lta bu 'di thos nas sa
122a5 rum nas 'thon te/ de dag la byang chub sems dpa' re re yang / g.yog byang chub sems dpa' gang gA'i klung drug bcu'i bye ma snyed yod cing / tshogs dang tshogs chen po dang / tshogs kyi slob dpon no/ /byang chub
122a6 sems dpa' sems dpa' chen po tshogs dang tshogs chen po dang / tshogs kyi slob dpon 'di lta bu'i byang chub sems dpa' bye ba khrag khrig brgya stong phrag gang gA'i klung drug bcu'i bye ma snyed de dag 'jig
122a7 rten gyi khams mi mjed 'di'i sa rum nas 'thon par gyur na/ byang chub sems dpa' sems dpa' chen po g.yog byang chub sems dpa' gang gA'i klung lnga bcu'i bye ma snyed yod pa rnams lta ci smos/ byang chub sems
122a8 dpa' sems dpa' chen po g.yog byang chub sems dpa' gang gA'i klung bzhi bcu'i bye ma snyed yod pa rnams lta ci smos/ byang chub sems dpa' sems dpa' chen po g.yog byang chub sems dpa' gang gA'i klung sum
122b1 bcu'i bye ma snyed yod pa rnams lta ci smos/ byang chub sems dpa' sems dpa' chen po g.yog byang chub sems dpa' gang gA'i klung nyi shu'i bye ma snyed yod pa rnams lta ci smos/ byang chub sems dpa' sems dpa'
122b2 chen po g.yog byang chub sems dpa' gang gA'i klung bcu'i bye ma snyed yod pa rnams lta ci smos/ byang chub sems dpa' sems dpa' chen po g.yog byang chub sems dpa' gang gA'i klung lnga dang bzhi dang gsum
122b3 dang gnyis kyi bye ma snyed yod pa rnams lta ci smos/ byang chub sems dpa' sems dpa' chen po g.yog byang chub sems dpa' gang gA'i klung gcig gi bye ma snyed yod pa rnams lta ci smos/ byang chub sems dpa' sems
122b4 dpa' chen po g.yog byang chub sems dpa' gang gA'i klung phyed kyi bye ma snyed yod pa rnams lta ci smos/ byang chub sems dpa' sems dpa' chen po g.yog byang chub sems dpa' gang gA'i klung gi bye ma'i bzhi cha dang drug cha dang brgyad
122b5 cha dang nyi shu cha dang lnga bcu cha dang brgya yi cha dang stong gi cha dang brgya phrag stong gi cha dang bye ba'i cha dang bye ba brgya'i cha dang bye ba stong gi cha dang bye ba brgya stong gi cha dang bye ba khrag khrig brgya phrag stong gi cha yod pa rnams lta ci smos/ byang chub sems dpa' sems dpa' chen po g.yog byang chub sems dpa' bye ba khrag khrig brgya stong mang po yod pa rnams lta ci smos/
122b6 byang chub sems dpa' sems dpa' chen po g.yog bye ba yod pa rnams lta ci smos/
122b7 byang chub sems dpa' sems dpa' chen po g.yog stong phrag brgya yod pa rnams lta ci smos/ byang chub sems dpa' sems dpa' chen po g.yog stong yod pa rnams lta ci smos/ byang chub sems
122b8 dpa' sems dpa' chen po g.yog lnga brgya yod pa rnams lta ci smos/ byang chub sems dpa' sems dpa' chen po g.yog bzhi brgya dang sum brgya dang nyis brgya yod pa rnams lta ci smos/ byang chub
123a1 sems dpa' sems dpa' chen po g.yog brgya yod pa rnams lta ci smos/ byang chub sems dpa' sems dpa' chen po g.yog byang chub sems dpa' lnga bcu yod pa rnams lta ci smos/ de bzhin du sbyar te/
123a2 byang chub sems dpa' sems dpa' chen po g.yog byang chub sems dpa' bzhi bcu pa dang sum bcu pa dang nyi shu pa dang bcu pa dang lnga pa dang bzhi pa dang gsum pa dang gnyis pa rnams lta ci smos/ byang chub sems dpa' sems
123a3 dpa' chen po bdag dang gnyis pa rnams lta ci smos/ byang chub sems dpa' sems dpa' chen po g.yog med pa de gcig pu gnas pa rnams lta ci smos te/ de dag gi grangs sam bgrang ba'am dpe 'am zla 'ang mi dmigs
123a4 pa'i byang chub sems dpa' sems dpa' chen po dag 'jig rten gyi khams mi mjed 'di'i sa rum nas 'thon no/ /de dag 'thon nas bcom ldan 'das de bzhin gshegs pa rin chen mang yongs su mya ngan las 'das
123a5 pa dang / bcom ldan 'das de bzhin gshegs pa shAkya thub pa dang lhan gcig tu seng ge'i khri gang la bzhugs pa'i rin po che'i mchod rten chen po nam mkha' bar snang la gnas pa ga la ba der dong ste lhags nas/ de bzhin
123a6 gshegs pa dgra bcom pa yang dag par rdzogs pa'i sangs rgyas de gnyis kyi zhabs la mgo bos phyag 'tshal te/ bcom ldan 'das de bzhin gshegs pa shAkya thub pa nyid kyi sprul pa/ de bzhin gshegs pa'i sku gang dag
123a7 phyogs bcu kun gyi 'jig rten gyi khams gzhan dang gzhan dag nas 'dus pa/ rin po che sna tshogs kyi shing ljon pa'i drung dag na seng ge'i khri dag la bzhugs pa'i bcom ldan 'das de dag thams cad la btud cing
123a8 phyag 'tshal te/ de bzhin gshegs pa dgra bcom pa yang dag par rdzogs pa'i sangs rgyas de dag la/ lan brgya stong du mar bskor ba byas nas/ byang chub sems dpa'i bstod pa rnams pa du mas
123b1 mngon par bstod de phyogs gcig tu 'khod nas thal mo sbyar te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / bcom ldan 'das de bzhin gshegs
123b2 pa dgra bcom pa yang dag par rdzogs pa'i sangs rgyas rin chen mang la mngon du phyag 'tshal lo/ /de'i tshe byang chub sems dpa' sems dpa' chen po de dag sa rum nas 'thon nas/ bar gyi bskal pa lnga bcu rdzogs
123b3 par 'das kyi bar du de bzhin gshegs pa rnams la phyag 'tshal zhing byang chub sems dpa'i bstod pa rnam pa du mas bstod do/ /bar gyi bskal pa lnga bcu po de dag la/ bcom ldan 'das shAkya thub pa de cang mi gsung bar
123b4 gyur to/ /'khor bzhi po de dag kyang bar gyi bskal pa lnga bcu po de dag nyid la cang mi smra bar 'khod par gyur to/ /de nas bcom ldan 'das kyi rdzu 'phrul mngon par 'du bya ba 'di lta bu mdzad de/ rdzu 'phrul ji lta bu mngon par
123b5 'du bya ba mngon par mdzad pas 'khor bzhi po de dag gis de dag phyi dro gcig kho na snyam du shes so/ /'jig rten gyi khams mi mjed 'di yang 'jig rten gyi khams stong phrag brgya'i nam mkha' tsam du gyur te/
123b6 byang chub sems dpas yongs su gang bar mthong ngo / /byang chub sems dpa'i tshogs chen po dang byang chub sems dpa'i phung po chen po de'i gtso bo/ byang chub sems dpa' sems dpa' chen po bzhi gang dag
123b7 byung ba 'di lta ste/ byang chub sems dpa' sems dpa' chen po spyod pa khyad par can zhes bya ba dang / byang chub sems dpa' sems dpa' chen po spyod pa mtha' yas shes bya ba dang / byang chub sems dpa'
123b8 sems dpa' chen po spyod pa rnam dag ces bya ba dang / byang chub sems dpa' sems dpa' chen po spyod pa brtan pa zhes bya ba ste/ byang chub sems dpa' sems dpa' chen po bzhi po de dag ni
124a1 byang chub sems dpa'i tshogs chen po dang byang chub sems dpa'i phung po chen po de'i gtso bor gyur to/ /de nas byang chub sems dpa' sems dpa' chen po bzhi po de dag byang chub sems dpa'i tshogs chen po
124a2 dang byang chub sems dpa'i phung po de'i mdun du 'dug ste/ bcom ldan 'das kyi spyan sngar thal mo sbyar nas bcom ldan 'das la 'di skad ces gsol to/ /bcom ldan 'das la gnod pa chung lags
124a3 sam snyun nyung lags sam bde bar reg pa la gnas lags sam/ bcom ldan 'das khyod kyi sems can rnams tshul mdzes lags sam legs par go ba lags sam gdul sla ba lags sam
124a4 rnam par sbyang sla ba lags sam bcom ldan 'das la skyo ba skyed par mi bgyid lags sam/ de nas byang chub sems dpa' sems dpa' chen po bzhi po de dag gis/ bcom ldan 'das la tshigs su bcad pa
124a5 'di dag gsol to/ /'jig rten mgon po 'od mdzad pa/ /bde bar reg la gnas lags sam/ /gnod las rnam par rab grol lam/ /sdig pa mi mnga' sku bde 'am/ /khyod kyi sems can tshul
124a6 mdzes sam/ /gdul sla sbyang bar sla lags sam/ /'jig rten mgon gyis bshad pa na/ /skyo ba skyed par mi bgyid dam/ /de nas bcom ldan 'das kyis byang chub sems dpa'i tshogs chen po dang byang chub
124a7 sems dpa'i phung po de'i gtso bo/ byang chub sems dpa' bzhi la 'di skad ces bka' stsal to/ /rigs kyi bu dag de bzhin te bde bar reg pa la gnas so/ /gnod pa chung ngo / /snyun nyung ngo / /nga'i sems can 'di dag
124a8 tshul mdzes so/ /go sla'o gdul sla'o/ /rnam par sbyang sla'o/ /rnam par sbyong ba na nga la skyo ba mi skyed do/ /de ci'i phyir zhe na/ rigs kyi bu dag nga nyid kyis sems can 'di dag sngon gyi yang dag par rdzogs pa'i sangs rgyas kyi tshe yongs su sbyang ba byas
124b1 pa'i phyir te/ rigs kyi bu dag nga mthong ba dang thos pa tsam gyis kyang mos par 'gyur la/ sangs rgyas kyi ye shes la 'bab cing 'jug ste/ gang dag nyan thos kyi sa la yongs su 'dris par byas pa rnams ni ma gtogs so/ /
124b2 de dag kyang ngas da ltar sangs rgyas kyi ye shes la btsud do don dam pa thos par byas so/ /de nas de'i tshe byang chub sems dpa' sems dpa' chen po de dag gis tshigs su bcad pa 'di dag gsol to/ /dpa' bo chen po legs
124b3 so legs khyod kyi sems kyi tshul mdzes shing / /gdul sla rnam par sbyang sla dang / /'dren pa gang dag khyod kyi ni/ /ye shes zab mo 'di nyan cing / /thos nas mos par 'gyur ba dang / /'dren par 'jug par 'gyur ba la/ /
124b4 bdag cag rjes su yi rang ngo / /de skad ces gsol pa dang / bcom ldan 'das kyis byang chub sems dpa'i tshogs chen po dang byang chub sems dpa'i phung po chen po de'i gtso bo/ byang chub sems dpa' sems dpa'
124b5 chen po bzhi po de dag la/ rigs kyi bu dag legs so legs so/ /rigs kyi bu dag khyed de bzhin gshegs pa la mngon par bstod pa yang legs so legs so zhes bya ba byin no/ /de'i tshe byang chub sems dpa'
124b6 sems dpa' chen po byams pa dang gzhan yang byang chub sems dpa' bye ba khrag khrig brgya stong phrag gang gA'i klung brgyad kyi bye ma snyed dag 'di snyam du sems te/ byang chub sems dpa'i tshogs chen po dang byang chub
124b7 sems dpa'i phung po chen po gang sa rum nas 'thon te/ bcom ldan 'das kyi spyan sngar 'dug nas/ bcom ldan 'das la sti stang du byed/ btsun par byed/ bcom ldan 'das la dgyes par byed pa 'di dag /bdag
124b8 cag gis sngon ma mthong sngon ma thos na/ byang chub sems dpa' sems dpa' chen po 'di dag ga las lhags snyam sems so/ /de nas byang chub sems dpa' sems dpa' chen po byams pas bdag nyid
125a1 the tshom dang som nyir gyur pa yang shes/ byang chub sems dpa' sems dpa' chen po bye ba khrag khrig brgya stong phrag gang gA'i klung brgyad kyi bye ma snyed de dag gi sems kyi rnam par rtog pa yang sems kyis rig nas de'i tshe
125a2 thal mo sbyar te/ bcom ldan 'das la tshigs su bcad pa'i dbyangs kyis don de zhus pa/ byang chub sems dpa' sngon ma byung / /brgya stong phrag ni mang po dang / /bye ba phrag ni mtha' yas pa/ /rkang gnyis mchog
125a3 gis bstan du gsol/ /rdzu 'phrul chen po 'di dag rnams/ /gang nas ji ltar lhags par gyur/ /rab tu che ba'i lus kyi gzugs/ /'di dag gang nas ji ltar lhags/ /'di dag thams cad brtan ldan zhing / /
125a4 dran dang ldan la drang srong che/ /shin du blta na sdug pa'i gzugs/ /'di dag gang nas lhags par gyur/ /byang chub sems dpa' mkhas gyur pa/ /re re'i g.yog kyang dpag mi lang / /gang gA'i bye ma ji snyed pa/ /de snyed mchis so
125a5 'jig rten dbang / /byang chub sems dpa'i g.yog rnams ni/ /grags ldan drug bcur yongs tshang ba/ /gang gA'i klung gi bye ma snyed/ /kun kyang byang chub zhugs pa lags/ /dpa' bo g.yog dang ldan gyur pa/ /rnam pa 'di 'dra'i skyob
125a6 rnams kyi/ /'di dag tshad ni gang gA'i klung / /drug bcu kho na'i bye ma snyed/ /gzhan dag de bas ches mang ste/ /g.yog rnams mtha' yas ldan pa lags/ /gang gA phrag ni lnga bcu dang / /bzhi bcu dang ni sum bcu dang / gang gA nyi shu
125a7 'i bye snyed de/ /g.yog 'khor de dag de snyed lags/ /gzhan dag de bas ches mang ste/ /de dag rnams kyi bcu dang lnga/ /skyob pa sangs rgyas sras rnams kyi/ /so so re re'i g.yog gyur pa/ /gang nas 'di
125a8 'dra'i 'khor 'di rnams/ /rnam par 'dren pa de ring lhags/ /so so re re'i g.yog gyur pa/ /rjes su slob pa'i grogs po dag /gang gA bzhi dang gsum rnams dang / /gnyis kyi bye ma snyed kyang mchis/ /
125b1 gzhan yang de bas ches mang ba/ /de yi grangs ni mtha' yas te/ /bskal pa bye ba stong du yang / /de dag dpag par nus ma lags/ /byang chub sems dpa' dpa' bo pa/ /skyob pa dag gi g.yog rnams ni/ /
125b2 gang gA phyed dang sum cha dang / /bcu dang nyi shu'i cha yang mchis/ /gzhan yang de bas ches mang ste/ /bskal pa bye ba brgya rnams su/ /re re bgrang bar bgyis na ni/ /de dag rnams la tshad ma
125b3 mchis/ /gzhan yang de bas ches mang ste/ /g.yog rnams nyung ba ma lags pa/ /bye ba bye ba bye ba dang / /de bzhin bye ba phyed pa'ang mchis/ /gzhan yang drang srong che rnams kyi/ /byang chub sems dpa' shes rab
125b4 che/ /bgrang ba las ni 'das pa rnams/ /thams cad gus dang bcas par gnas/ /g.yog 'khor stobs dang ldan pa dang / /de bzhin brgya dang lnga bcu dang / /bskal pa bye ba phrag brgyar yang / /de dag
125b5 bgrang bar nus ma lags/ /dpa' bo dag gi g.yog rnams ni/ /nyi shu dag dang bcu dang lnga / /de bzhin bzhi gsum gnyis pa yang / /de dag la ni grangs ma mchis/ /gang dag bdag nyid gcig rgyu zhing / /
125b6 gcig pu zhi ba myong bgyid pa/ /gang dag de ring 'dir lhags pa/ /de dag la yang grangs ma mchis/ /grangs shing lag na thogs nas su/ /gang gA'i bye ma snyed rnams kyi/ /bskal par gal te mis bgrangs kyang / /
125b7 des ni mtha' ma rnyed ma lags/ /kun kyang che ba'i bdag nyid can/ /skyob pa brtson 'grus ldan pa ste/ /byang chub sems dpa' dpa' bo pa/ /'di rnams gang las byung ba lags/ /gang gis 'di dag chos rnam
125b8 bstan/ /byang chub la ni su yis bkod/ /'di dag su yi bstan la mos/ /gang gis bstan pa 'dzin pa lags/ /sa 'di thams cad brtol nas su/ /phyogs bzhi dag ni kun nas kyang / /mkhas shing rdzu 'phrul ldan pa dang / /
126a1 shes rab chen po rnams kyang 'thon/ /byang chub sems dpa' 'jigs bral ba/ /de ltar 'thon pa 'di dag gis/ /thub pa 'jig rten khams 'di yang / /kun tu sang seng bgyis lags so/ /'di dag nam yang bdag cag
126a2 gis/ /sngon chad ye yong ma mthong na/ /de yi zhing gi mi rnams ni/ /'jig rten 'dren pa bstan du gsol/ /phyogs bcu dag tu bdag cag rnams/ /'di ltar yang dang yang mchis na/ /byang chub sems dpa' 'di dag ni/ /bdag
126a3 cag rnams kyis yong ma mthong / /khyod kyi sras rnams gcig kyang ni/ /bdag cag nam yang ma mthong ba/ /'di dag de ring 'phral la mthong / /thub pa de yi spyod pa gsungs/ /byang chub sems dpa' khrag khrig phrag /stong gi phrag ni brgya rnams
126a4 kyang / /thams cad ngo mtshar ltad mor gyur/ /rkang gnyis mchog la de dag lta/ /byang chub sems dpa' 'jigs bral ba/ /dpa' bo 'di dag ga las mchis/ /phung po mi mnga' dpag yas pa/ /dpa' bo chen po lung bstan gsol/ /yang de'i
126a5 tshe bcom ldan 'das de bzhin gshegs pa shAkya thub pa'i sprul pa gang dag phyogs bcu'i 'jig rten gyi khams gzhan dag na sems can rnams la chos ston pa'i de bzhin gshegs pa dgra bcom pa yang dag par rdzogs
126a6 pa'i sangs rgyas bye ba khrag khrig brgya stong 'jig rten gyi khams gzhan dag nas gshegs nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i phyogs
126a7 brgyad kun na rin po che'i seng ge'i khri chen po la skyil mo dkrung bcas te bzhugs pa/ de bzhin gshegs pa de dag gi so so'i zhabs 'bring ba de dag gis kyang byang chub sems dpa'i tshogs chen po dang / /byang chub sems
126a8 dpa'i phung po chen po sa rum nas 'thon te nam mkha' la 'khod pa de dag mthong nas/ ngo mtshar dang rmad tu gyur/ so so'i de bzhin gshegs pa la 'di skad ces gsol to/ /bcom ldan 'das byang chub sems dpa' sems
126b1 dpa' chen po dpag tu ma mchis grangs ma mchis pa 'di snyed gang nas lhags/ de skad ces gsol pa dang / de bzhin gshegs pa dgra bcom pa yang dag par rdzogs pa'i sangs rgyas de dag gis/ rang rang gi zhabs
126b2 'bring ba de dag la 'di skad ces bka' stsal to/ /rigs kyi bu dag khyed yud tsam zhig sdod cig /byang chub sems dpa' sems dpa' chen po byams pa/ bcom ldan 'das shAkya thub pa'i 'og tu bla na med pa yang dag par
126b3 rdzogs pa'i byang chub tu lung bstan de/ bcom ldan 'das shAkya thub pa de la don 'di 'dri ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas de'i lan ldon par
126b4 'gyur gyis de las khyed nyon cig /de nas bcom ldan 'das kyis byang chub sems dpa' sems dpa' chen po byams pa la bka' stsal pa/ ma pham pa gang khyod kyis nga la gnas rgya chen po 'di dris pa ma pham pa
126b5 legs so legs so/ /de nas bcom ldan 'das kyis thams cad dang ldan pa'i byang chub sems dpa'i tshogs la bka' stsal pa/ rigs kyi bu dag de bzhin gshegs pa'i ye shes mthong ba dang / de bzhin gshegs
126b6 pa'i khyu mchog tu gyur pa dang / de bzhin gshegs pa'i phrin las dang / de bzhin gshegs pa'i rnam par rol pa dang / de bzhin gshegs pa'i mthu bgyings pa dang / de bzhin gshegs pa'i pha rol gnon pa/ de bzhin
126b7 gshegs pa dgra bcom pa yang dag par rdzogs pa'i sangs rgyas de yang dag par rab tu ston gyis/ rigs kyi bu dag de'i phyir/ byang chub sems dpa'i tshogs 'di thams cad sgrims shig /shin tu go gyon la mthu
126b8 brtan par gyis shig /de nas bcom ldan 'das kyis de'i tshe tshigs su bcad pa 'di dag bka' stsal to/ /gzhan ma yin pa'i tshig rnams ngas bshad kyis/ /rigs kyi bu dag thams cad rab tu bsgrims/ /
127a1 de bzhin gshegs kyi ye shes bsam mi khyab/ /'di la mkhas rnams zhum par ma byed cig /kun kyang brtan dang ldan zhing dran ldan byos/ /kun kyang mnyam par gzhag cing gnas par gyis/ /de bzhin gshegs
127a2 pa rnams kyi ngo mtshar ba/ /sngon chad ma byung chos ni mnyan par byos/ /ngas ni khyed cag legs par yongs dgod kyis/ /thams cad the tshom nam yang ma byed cig /rnam par 'dren pa gzhan du gsung ma yin/ /nga yi
127a3 ye shes nams kyang grangs yod min/ /bde bar gshegs pas chos zab thugs chud de/ /brtag mi nus shing de la tshad kyang med/ /ngas ni chos de rab tu bstan par byas/ /de dag ci 'dra ci lta nga las nyon/ /de nas
127a4 bcom ldan 'das kyis tshigs su bcad pa de dag bka' stsal nas/ byang chub sems dpa' sems dpa' chen po byams pa la bka' stsal pa/ ma pham pa khyod mos par bya/ khyod khong du chud par bya'o/ /ma pham
127a5 pa byang chub sems dpa' sems dpa' chen po dpag tu med/ grangs med bsam gyis mi khyab gzhal du med/ bgrang du med pa gang dag khyod kyis sngon ma mthong ba sa rum nas gdod 'thon pa'i byang chub sems
127a6 dpa' sems dpa' chen po 'di dag thams cad ni/ ma pham pa nga 'jig rten gyi khams mi mjed 'dir bla na med pa yang dag par rdzogs pa'i byang chub mngon par rdzogs par sangs rgyas nas/ nga nyid kyis bla na med
127a7 pa yang dag par rdzogs pa'i byang chub la btsud de yongs su bsngos so/ /rigs kyi bu 'di dag ni ngas byang chub sems dpa'i chos 'di la yongs su smin par byas pa/ rab tu bkod pa bzhag pa/ yongs su gnas par
127a8 byas pa/ btsud pa khong du chud par byas pa dag go/ /ma pham pa byang chub sems dpa' sems dpa' chen po 'di dag ni 'jig rten gyi khams mi mjed 'di'i 'og gi nam mkha'i khams kyis yongs su zin pa na
127b1 gnas te/ kha don dang lung nod pa dang tshul bzhin du yid la byed pa la zhugs pa dag go/ /rigs kyi bu 'di dag ni 'du 'dzi la mi dga' zhing 'du 'dzi med pa la dga' ba brtson pa mi 'dor zhing brtson 'grus brtsams pa dag
127b2 ma pham pa rigs kyi bu 'di dag ni bden pa la mngon par dga' zhing bden pa la mos pa ste/ rigs kyi bu 'di dag ni lha dang mi la brten cing mi gnas so/ /rigs kyi bu 'di dag ni 'du 'dzi med pa'i spyod pa la dga' ba
127b3 chos kyi kun dga' ba la mos pa sangs rgyas kyi ye shes la brtson pa dag go/ /de nas bcom ldan 'das kyis de'i tshe tshigs su bcad pa 'di dag bka' stsal to/ /byang chub sems dpa' 'di dag dpag med pa/ /'di
127b4 dag bsam gyis mi khyab tshad kyang med/ /rdzu 'phrul shes rab thos pa rnams dang ldan/ /bskal pa bye ba mang por ye shes spyad/ /nga yis 'di dag thams cad byang chub la/ /yongs su smin byas nga yi zhing na 'khod/ /
127b5 'di dag thams cad nga yis smin byas te/ /byang chub sems dpa' 'di dag nga yi bu/ /'di dag thams cad dgon dang sbyangs la mos/ /'du 'dzi sa ni rtag tu spong bar byed/ /nga yi spyod pa mchog gi rjes slob cing / /
127b6 nga bu 'di dag 'du 'dzi med par spyod/ /nam mkhas yongs su 'dzin pa der gnas te/ /zhing 'di'i 'og na dpa' rnams yongs su spyod/ /byang chub dam pa 'di ni kun sgrub cing / /nyin mtshan du ni bag yod shin du
127b7 brtson/ /thams cad brtson 'grus brtsams pa dran dang ldan/ /dpag tu med pa'i shes rab stobs la gnas/ /'di dag mi 'jigs par yang chos 'chad pa'i/ /'od gsal 'di dag thams cad nga yi bu/ /
127b8 byang chub dam pa 'di ni ngas thob nas/ /grong khyer ga ya de yi shing drung der/ /chos kyi 'khor lo bla na med pa bskor/ /thams cad byang chub mchog 'dir smin par byas/ /zag med yang dag nga yi tshig 'di
128a1 ni/ /thos nas thams cad nga la dad par gyis/ /nga yis de ltar byang chub mchog thob ring / /ngas ni 'di dag thams cad yongs smin byas/ /de nas byang chub sems dpa' sems dpa'
128a2 chen po byams pa dang byang chub sems dpa' bye ba khrag khrig brgya stong mang po de dag ngo mtshar du gyur rmad tu gyur nas/ ji ltar na bcom ldan 'das skad cig bzhugs nas/ yun ring po ma lon par byang
128a3 chub sems dpa' grangs med pa 'di snyed 'di dag bla na med pa yang dag par rdzogs pa'i byang chub tu yang dag par btsud de yongs su smin par mdzad snyam mo/ /de nas bcom ldan 'das la/ byang chub sems dpa'
128a4 sems dpa' chen po byams pas 'di skad ces gsol to/ /bcom ldan 'das de bzhin gshegs pa gzhon nur gyur pa na/ ser skya'i gnas kyi shAkya'i grong khyer nas mngon par byung ste/ ga yA'i grong khyer nas shin du mi ring ba
128a5 byang chub kyi snying po mchog dam par gshegs te/ bla na med pa yang dag par rdzogs pa'i byang chub mngon par sangs rgyas nas/ bcom ldan 'das deng du de'i dus nas lo bzhi bcu lhag tsam lags na/ bcom ldan 'das ji ltar
128a6 de bzhin gshegs pas dus 'di tsam gyis/ de bzhin gshegs pa'i mdzad pa dpag tu ma mchis pa 'di dang / de bzhin gshegs pa'i khyu mchog tu gyur pa dang / de bzhin gshegs pa'i pha rol gnon pa mdzad cing byang
128a7 chub sems dpa'i tshogs dang byang chub sems dpa'i phung po 'di bcom ldan 'das kyis dus de tsam gyis/ bla na med pa yang dag par rdzogs pa'i byang chub tu btsud cing yongs su smin par mdzad/ bcom ldan 'das
128a8 byang chub sems dpa'i tshogs dang / byang chub sems dpa'i phung po 'di bskal pa bye ba khrag khrig brgya stong du bsgrangs kyang mtha' mi rnyed pa de tsam du/ bcom ldan 'das dpag tu ma mchis pa/ de ltar grangs
128b1 ma mchis pa'i byang chub sems dpa' 'di dag ni/ yun ring por tshangs par spyod pa spyad pa sangs rgyas brgya stong mang po la dge ba'i rtsa ba bskrun pa/ bskal pa brgya stong mang por yongs su grub pa lags so/ /bcom
128b2 ldan 'das 'di lta ste dper na/ mi gzhan zhig btsas nas lo nyi shu rtsa lnga lon pa gzhon nu thor bu lang tsho skra nag po thog ma'i na tshod dang ldan pa 'ga' zhig mchis la/ des bu lo brgya lon pa dag ston cing rigs kyi
128b3 bu 'di dag ni nga'i bu'o zhes de skad smras la/ mi lo brgya lon pa de dag kyang 'di skad tu/ 'di ni bdag gi pha ste skyed pa yin no zhes mchi na/ bcom ldan 'das mi de'i tshig la 'jig rten yid ches par mi 'gyur te yid
128b4 ches par dka' ba lags so/ /bcom ldan 'das de bzhin du/ de bzhin gshegs pa yang bla na med pa yang dag par rdzogs pa'i byang chub mngon par rdzogs par sangs rgyas nas/ ring por ma lags par byang chub
128b5 sems dpa' sems dpa' chen po dpag tu ma mchis pa mang po bskal pa bye ba khrag khrig brgya stong mang por tshangs par spyod pa spyad pa/ yun ring por sangs rgyas kyi ye shes la nges par bgyis pa/ ting nge 'dzin gyi sgo
128b6 brgya stong la mnyam par gzhag pa dang ldan pa la mkhas pa/ mngon par shes pa chen po dang yongs su sbyang ba bgyis pa/ sangs rgyas kyi sa la mkhas pa/ de bzhin gshegs pa'i chos rnams yang dag par rjod pa
128b7 la mkhas pa/ 'jig rten na ngo mtshar dang rmad du gyur pa brtson 'grus dang stobs dang mthu chen po thob pa de dag la/ bcom ldan 'das kyis 'di skad du/ ngas 'di dag thog ma nas byang chub sems dpa'i sa
128b8 'di la yang dag par btsud de/ yongs su smin par byas shing yongs su bsngos te/ de ltar bla na med pa yang dag par rdzogs pa'i byang chub mngon par rdzogs par sangs rgyas nas/ nga nyid kyis brtson 'grus dang
129a1 pha rol gnon pa 'di dag thams cad byas so zhes gsung ba la/ bcom ldan 'das bdag cag ni de bzhin gshegs pa gzhan ma lags par gsung pa ste/ don 'di de bzhin gshegs pa nyid kyis mkhyen to zhes de
129a2 bzhin gshegs pa la yid ches lags mod kyi/ bcom ldan 'das byang chub sems dpa' theg pa la gsar du yang dag par zhugs pa rnams gnas 'di la the tshom 'tshal bar 'gyur ro/ /de bzhin gshegs pa yongs su mya ngan
129a3 las 'das nas/ chos kyi rnam grangs 'di thos na yid mi ches mi dad mi mos par 'gyur te/ bcom ldan 'das de'i slad tu de dag ni chos kyis phongs par 'gyur ba'i las mngon par 'du bgyid pa dang ldan par 'gyur ro/ /ci
129a4 nas bdag cag kyang chos 'di la the tshom 'tshal bar mi 'gyur ba dang / ma 'ongs pa'i dus na yang rigs kyi bu 'am rigs kyi bu mo byang chub sems dpa'i theg pa can dag gis thos na yang / the tshom 'tshal bar mi 'gyur
129a5 bar bcom ldan 'das kyis don 'di legs par bshad tu gsol/ de nas byang chub sems dpa' sems dpa' chen po byams pas/ de'i tshe bcom ldan 'das la tshigs su bcad pa 'di dag gsol to/ /gang tshe
129a6 ser skya'i gnas su bltam gyur cing / /shAkya'i gnas nas mngon par byung nas su/ /grong khyer ga yAr byang chub brnyes gyur pa/ /'jig rten mgon po de nas yun mi ring / /'jigs bral 'di dag dang ni gzhan
129a7 mang ba/ /tshogs che bskal pa bye bar spyad pa ste/ /rdzu 'phrul stobs la gnas shing mi g.yo ba/ /legs bslabs shes rab stobs kyang rtogs par rig /chu yi pad ma lta bur ma gos pa/ /de dag sa 'di
129a8 brtol nas deng 'dir lhags/ /'jig rten bdag po dran ldan slob ma sras/ /thams cad thal sbyar gus dang bcas te mchis/ /khyod kyi rmad byung 'di 'dra de dag la/ /byang chub sems dpa' ji ltar yid
129b1 ches 'gyur/ /the tshom gzhom pa'i slad tu bka' stsol te/ /don 'di ci bzhin khyod kyis 'dir bshad gsol/ /dper na 'di na skyes bu la la zhig /btsas nas lo ni nyi shu lhag lon pa/ /gzhon nu thor bu lang
129b2 tsho skra gnag des/ /btsas nas lo brgya lon la bur ston cing / /skra skya gnyer ma can dag 'di skad tu/ /'di ni bdag cag lus bskyed yin mchi na/ /thor bu'i bu ni 'di 'dra 'di dag la/ /'jig rten mgon po shin
129b3 tu yid ches dka'/ /de bzhin bcom ldan 'das kyang sku gzhon la/ /byang chub sems dpa' mkhas pa mang po 'di/ /dran dang ldan zhing mi 'jigs shes rab can/ /bskal pa bye ba stong du legs par bslabs/ /
129b4 brtan dang ldan zhing shes rab mkhas gyur pa/ /thams cad byad bzhin bzang zhing blta na sdug /chos rnams gtan la dbab cing mi 'jigs pa/ /'jig rten rnam par 'dren pas yongs su bstod/ /rlung ltar chags pa
129b5 ma mchis rgyu ba ste/ /nam mkha'i khams la rtag tu gnas ma lags/ /sangs rgyas byang chub 'di ni yongs tshol zhing / /bde bar gshegs kyi sras rnams brtson 'grus skyed/ /'jig rten mgon po'i mngon sum thos
129b6 pas na/ /bdag cag la ni the tshom gzhar ma mchis/ /'jig rten rnam 'dren mya ngan 'das pa na/ /'di la ji lta bur ni yid ches 'gyur/ /gnas 'di la ni the tshom 'tshal ba yis/ /byang chub sems dpa' ngan 'gror
129b7 mchis sa re/ /bcom ldan ji ltar byang chub sems dpa' rnams/ /smin mdzad ji bzhin de ni lung bstan gsol/ /dam pa'i chos pad ma dkar po las/ byang chub sems dpa' sa rum nas 'thon pa'i le'u
129b8 zhes bya ste bcu bzhi pa'o// // dam pa'i chos pa dam dkar po bam po bcu pa/ de nas bcom ldan 'das kyis thams cad dang ldan pa'i byang chub sems dpa'i tshogs
130a1 la bka' stsal pa/ rigs kyi bu dag de bzhin gshegs pa ngas yang dag pa'i tshig smras pa la dad cing yid ches par gyis shig /lan gnyis lan gsum du yang bcom ldan 'das kyis byang chub
130a2 sems dpa' de dag la bka' stsal pa/ rigs kyi bu dag de bzhin gshegs pa ngas yang dag pa'i tshig smras pa la dad cing yid ches par gyis/ de nas thams cad dang ldan pa'i byang chub sems dpa'i tshogs
130a3 kyis/ byang chub sems dpa' sems dpa' chen po byams pa mdun du bzhag nas thal mo sbyar te/ bcom ldan 'das la 'di skad ces gsol to/ /bcom ldan 'das kyis don 'di bshad
130a4 du gsol/ bde bar gshegs pas bshad tu gsol/ de bzhin gshegs pas bka' stsal pa la bdag yid ma ches par bgyid do/ /lan gnyis su yang thams cad dang ldan pa'i byang chub sems
130a5 dpa'i tshogs kyis bcom ldan 'das la 'di skad ces gsol to/ /bcom ldan 'das kyis don 'di nyid bshad tu gsol/ bde bar gshegs pas bshad tu gsol/ de bzhin gshegs pas bka' stsal pa la
130a6 bdag cag yid ches par bgyid do/ /lan gsum du yang thams cad dang ldan pa'i byang chub sems dpa'i tshogs kyis/ bcom ldan 'das la 'di skad ces gsol to/ /bcom ldan 'das kyis don 'di
130a7 bshad tu gsol/ bde bar gshegs pas bshad tu gsol/ de bzhin gshegs pas bka' stsal pa la bdag cag yid ches par bgyid do/ /de nas bcom ldan 'das kyis byang chub sems dpa'
130a8 de rnams kyis lan gsum gyi bar du gsol ba btab pa mkhyen nas/ byang chub sems dpa' de dag la bka' stsal pa/ rigs kyi bu dag de'i phyir ting nge 'dzin gyi stobs bskyed pa 'di lta bu
130b1 'di nyon cig /rigs kyi bu dag lha dang mi dang lha ma yin du bcas pa'i 'jig rten 'dis ni/ bcom ldan 'das shAkya thub pa shAkya'i khyim nas mngon par byung ste/ grong khyer ga ya zhes bya bar byang chub kyi
130b2 snying po mchog dam par gshegs nas da gdod bla na med pa yang dag par rdzogs pa'i byang chub mngon par rdzogs par sangs rgyas so snyam du de ltar shes mod kyi/ rigs kyi bu dag nga ni bskal pa bye ba khrag khrig
130b3 brgya stong mang po nas/ bla na med pa yang dag par rdzogs pa'i byang chub mngon par rdzogs par sangs rgyas so/ /rigs kyi bu dag 'di lta ste dper na/ mi la la zhig byung la des 'jig rten gyi khams grangs med
130b4 pa bye ba khrag khrig brgya stong phrag lnga bcu'i sa'i khams kyi rdul phra rab dag las rdul phra rab gcig khyer te/ shar phyogs su 'jig rten gyi khams grangs med pa bye ba khrag khrig brgya stong phrag lnga bcu kho
130b5 na 'das nas rdul phra rab kyi rdul de bzhag la/ mi des rnam grangs 'dis 'jig rten gyi khams de dag thams cad kyi sa'i khams rnams zad par byas nas/ sa'i khams kyi rdul phra rab kyi rdul de dag
130b6 thams cad rnam grangs 'di dang gzhag pa'i tshul 'dis shar phyogs su bzhag na/ rigs kyi bu dag 'di ji snyam du sems/ 'jig rten gyi khams de dag la la zhig gis bsam pa 'am dpag pa 'am/
130b7 bgrang ba 'am brtag par nus sam/ de skad ces bka' stsal nas/ byang chub sems dpa' sems dpa' chen po byams pa dang thams cad dang ldan pa'i byang chub sems dpa'i tshogs des/ bcom ldan 'das
130b8 la 'di skad ces gsol to/ /bcom ldan 'das 'jig rten gyi khams de dag ni grangs ma mchis pa bgrang du ma mchis pa sems kyi sa las yang dag par 'das pa ste/ bcom ldan 'das nyan thos dang rang sangs
131a1 rgyas thams cad kyis kyang / 'phags pa'i ye shes kyi bsam pa 'am dpag pa 'am bgrang ba 'am brtag par mi nus so/ /bcom ldan 'das gnas 'di ni/ bdag cag phyir mi ldog pa'i sa la gnas pa'i
131a2 byang chub sems dpa' rnams kyi bsam pa'i spyod yul du yang mi 'gyur te/ bcom ldan 'das 'jig rten gyi khams de dag de tsam du tshad ma mchis pa lags so/ /de skad ces gsol pa dang / bcom ldan 'das kyis
131a3 byang chub sems dpa' sems dpa' chen po de dag la 'di skad ces bka' stsal to/ /rigs kyi bu dag khyed mos par bya'o/ /khyed kyi khong du chud par bya'o/ /rigs kyi bu dag 'jig rten gyi khams ji snyed pa de
131a4 dag las/ mi des gang dag tu rdul phra rab de dag bzhag pa dang / rigs kyi bu dag gang dag tu ma bzhag pa'i 'jig rten gyi khams bye ba khrag khrig brgya stong phrag de dag thams cad na rdul phra rab kyi rdul yod pa
131a5 dag ni/ rigs kyi bu dag ngas bla na med pa yang dag par rdzogs pa'i byang chub mngon par rdzogs par sangs rgyas pa'i bskal pa bye ba khrag khrig brgya stong phrag ji snyed pa de snyed tu med do/ /rigs kyi bu dag
131a6 gang tshun chad ngas 'jig rten gyi khams mi mjed 'di dang / 'jig rten gyi khams gzhan bye ba khrag khrig brgya stong dag tu sems can rnams la chos bstan pa de'i bar du/ rigs kyi bu dag ngas de bzhin gshegs pa mar
131a7 me mdzad la sogs pa/ de bzhin gshegs pa dgra bcom pa yang dag par rdzogs pa'i sangs rgyas gang dag yongs su brjod pa'i de bzhin gshegs pa dgra bcom pa yang dag par rdzogs pa'i sangs rgyas de dag yongs su
131a8 mya ngan las 'da' bar bya ba'i phyir/ rigs kyi bu dag ngas thabs mkhas pas chos bstan pa mngon par bsgrub pa de dag sprul to/ /rigs kyi bu dag yang de bzhin gshegs pa ni/ sems can 'ongs shing lhags pa
131b1 rnams kyi dbang po dang brtson 'grus kyi rim pa la gzigs nas/ de dang de dag tu bdag gi ming brjod cing de dang de dag tu bdag nyid yongs su mya ngan las 'das par brjod do/ /chos kyi rnam
131b2 grangs rnam pa mang pos de lta de lta bur sems can rnams yongs su tshim par mdzad do/ /rigs kyi bu dag de la de bzhin gshegs pas mos pa tha dad pa'i sems can dge ba'i rtsa ba chung ba/ nye ba'i nyon mongs pa mang
131b3 ba rnams la 'di skad tu/ dge slong dag nga ni na gzhon te/ mngon par byung ba dang dge slong dag nga bla na med pa yang dag par rdzogs pa'i byang chub mngon par rdzogs par sangs rgyas nas ring po ma lon no zhes gsung ngo / /rigs
131b4 kyi bu dag de ltar de bzhin gshegs pa mngon par rdzogs par sangs rgyas nas yun ring mod kyi/ nga mngon par rdzogs par sangs rgyas nas ring po ma lon no zhes gsungs te/ sems can rnams yongs su smin par bya
131b5 ba dang gzud pa'i don ma gtogs par chos kyi rnam grangs 'di dag ma bshad do/ /rigs kyi bu dag chos kyi rnam grangs de dag thams cad kyang de bzhin gshegs pas sems can rnams gdul ba'i phyir gsungs so/ /rigs kyi bu
131b6 dag de bzhin gshegs pas sems can rnams gdul ba'i phyir tshig gang gsungs pa/ bdag las smos kyang rung gzhan las smos kyang rung / bdag la dmigs kyang rung gzhan la dmigs kyang rung ste/ de bzhin gshegs
131b7 pas gang ci bshad pa'i chos kyi rnam grangs de dag thams cad ni bden pa de bzhin gshegs pas gsungs pa ste/ 'di la de bzhin gshegs pa la brdzun du smra ba med do/ /de ci'i phyir zhe na/ de bzhin gshegs
131b8 pas khams gsum pa skye ba med pa dang 'chi ba med pa dang 'chi 'pho ba med pa dang 'byung ba med pa dang 'khor ba med pa dang yongs su mya ngan 'da' ba med pa dang byung ba ma yin pa dang ma byung ba ma yin pa dang yod pa
132a1 ma yin pa dang med pa ma yin pa dang de bzhin du ma yin pa dang gzhan du ma yin pa dang ma nor ba de bzhin nyid ma yin pa dang ma nor ba de bzhin nyid ma yin pa yang ma yin par yang dag pa ji lta ba bzhin du gzigs
132a2 shing / ji ltar byis pa so so'i skye bos mthong ba de ltar de bzhin gshegs pas khams gsum pa gzigs pa ma yin pa'i phyir ro/ /de bzhin gshegs pa ni gnas 'di la mngon sum gyi chos dang ldan de bsnyel ba mi
132a3 mnga' ba'i chos can no/ /de la de bzhin gshegs pas gang ci gsungs pa de dag thams cad bden te mi brdzun no/ /yang sems can spyod pa tha dad pa dang bsam pa tha dad pa dang 'du shes dang rnam par rtog pa spyod
132a4 pa rnams kyi dge ba'i rtsa ba bskyed pa'i phyir/ chos kyi rnam grangs rnam pa mang po dmigs pa rnam pa mang pos bshad do/ /rigs kyi bu dag de bzhin gshegs pas mdzad pa gang yin pa de ni de bzhin gshegs
132a5 pa mdzad do/ /yun ring po de srid nas mngon par rdzogs par sangs rgyas te/ de bzhin gshegs pa'i tshe'i tshad ni dpag tu med do/ /de bzhin gshegs pa ni yongs su mya ngan las mi 'da' ste rtag tu bzhug
132a6 mod kyi/ 'dul ba'i dbang gis yongs su mya ngan las 'das pa'ang ston to/ /rigs kyi bu dag ngas da dung yang sngon gyi byang chub sems dpa'i spyod pa yongs su rdzogs par byas pa'i tshe'i tshad tu yang ma phyin te/
132a7 rigs kyi bu dag ngas da dung yang bskal pa bye ba khrag khrig brgya stong de nyis gyur gyis nga'i tshe'i tshad tshang bar 'gyur ro/ /rigs kyi bu dag ngas 'di ltar yongs su mya ngan las ni mi 'da' mod kyi yongs su mya ngan
132a8 las 'da' bar smras so/ /de ci'i phyir zhe na/ rigs kyi bu dag ngas rnam grangs 'dis sems can rnams yongs su smin par bya ba'i phyir te/ nga yongs su mya ngan las mi 'da' bar ha cang yang yun ring du 'dug
132b1 cing rgyun du mthong na sems can dge ba'i rtsa ba ma byas pa/ bsod nams dang bral ba dbul por gyur pa 'dod pa la brkam pa/ ldongs pa/ lta ba mang po'i dra bas khebs pa rnams de bzhin gshegs pa bzhugs so snyam
132b2 ste/ slabs par 'dzin pa'i 'du shes can du 'gyur zhing rnyed dka' ba'i 'du shes mi skyed de/ de bzhin gshegs pa bdag cag dang nye'o zhes khams gsum nas 'byung ba'i phyir brtson 'grus mi brtsom zhing / de bzhin
132b3 gshegs pa dkon par 'du shes mi skyed par 'gyur ro snyam ste/ rigs kyi bu dag de'i phyir de bzhin gshegs pa thabs mkhas pas/ dge slong dag de bzhin gshegs pa dag 'byung ba ni shin du rnyed par dka'o zhes
132b4 tshig de skad gsung ngo / /de ci'i phyir zhe na/ 'di ltar sems can de dag gis bskal pa bye ba khrag khrig brgya stong mang pos/ de bzhin gshegs pa mthong bar 'gyur yang srid mi 'gyur yang srid de/ rigs kyi bu dag
132b5 de'i phyir ngas de dag la dmigs pa byas te/ dge slong dag de bzhin gshegs pa rnams 'byung ba ni/ rnyed par dka'o zhes smras pas/ de dag gis de bzhin gshegs pa dag 'byung ba rab tu rnyed par dka' bar
132b6 rig nas ngo mtshar du 'du shes skyed par 'gyur/ mya ngan gyi 'du shes skyed par 'gyur ro/ /de bzhin gshegs pa mi mthong na yang / de bzhin gshegs pa la lta bas skom par 'gyur ro/ /de dag gi de
132b7 bzhin gshegs pa la dmigs pa yid la byed pa'i dge ba'i rtsa ba de dag yun ring po'i don dang phan pa dang bde bar gyur pa'i don du rig nas/ de bzhin gshegs pa yongs su mya ngan las mi 'da' mod kyi sems
132b8 can rnams 'dul ba'i dbang gis yongs su mya ngan las 'da' bar gsungs so/ /rigs kyi bu dag gang 'di skad tu gsung ba de ni de bzhin gshegs pa'i chos kyi rnam grangs te/ de la de bzhin gshegs pa
133a1 brdzun du smra ba med do/ /rigs kyi bu dag 'di lta ste dper na/ skyes bu sman pa nad thams cad rab tu zhi bar bya ba la mkhas pa gsal ba yid gzhungs pa shin du byung ba 'ga' zhig yod la/ skyes bu de la yang
133a2 bu mang po bcu 'am nyi shu 'am sum bcu 'am bzhi bcu 'am lnga bcu 'am brgya 'am stong yod par gyur la/ sman pa de logs shig tu song ste de'i bu de dag thams cad dbyig dug 'thungs sam mda' dug 'thungs nas/
133a3 de rnams dbyig dug dang mda' dug de dag gis sdug bsngal gyi tshor ba de dag gis nyon mongs shing gdungs te sa la 'gre ldog la/ de nas de dag gi pha sman pa logs shig nas 'ongs nas/ bu de rnams dbyig dug
133a4 gam mda' dug de'i sdug bsngal gyis nyams thag ste/ kha cig ni 'du shes log par gyur/ kha cig ni 'du shes ma log ste de dag thams cad sdug bsngal de nyid kyis nyam thag la pha de mthong nas
133a5 mngon par dga' ste/ de la 'di skad ces yab bde zhing gnod pa mi mnga' ste legs par byon tam/ bdag cag gi lus 'jig par byed pa dbyig dug gam mda' dug 'di las yongs su dgrol bar gsol
133a6 yab kyis bdag cag la srog stsal du gsol zhes smras pa dang / de nas sman pa des bu de dag sdug bsngal gyis nyams thag ste/ na bas nyon mongs shing gdungs te sa la 'gre ldog pa mthong nas/ des sman
133a7 chen po kha dog dang ldan pa dri dang ldan pa ro dang ldan pa bsdus nas rdo la btags te/ bu de dag 'thung du bcug nas 'di skad ces bu khyod rnams sman chen po kha dog dang ldan pa dri dang ldan pa ro dang ldan pa 'di 'thung cig
133a8 rigs kyi bu dag khyed sman bzang po 'di 'thungs na/ myur du dbyig dug gam mda' dug las thar te/ bde zhing nad med par 'gyur ro zhes smras na/ de nas sman pa de'i bu gang dag 'du shes ma log pa de dag ni sman
133b1 de'i kha dog mthong dri snams ro myangs nas myur du 'thungs pa dang / de dag nad thams cad las thams cad kyi thams cad du thar bar gyur to/ /de'i bu gang dag 'du shes log par gyur pa de dag gis pha de la mngon
133b2 par bstod de/ 'di skad tu yab bde zhing gnod pa mi mnga' ste legs par byon tam/ bdag cag gsor gsol zhes tshig de skad smras ste sman byin pa de mi 'thung ngo / /de ci'i phyir zhe na/ 'di ltar de dag 'du shes log
133b3 par gyur pa des sman de'i kha dog kyang mi 'dod dri yang mi 'dod ro yang mi 'dod do/ /de nas skyes bu sman pa des 'di snyam du bsams te/ bdag gi bu 'di dag dbyig dug gam mda' dug des 'du shes log par gyur pas
133b4 sman 'di yang 'thung du ma rung ste nga la ni mngon par bstod na/ bdag gis bu 'di dag la thabs mkhas pas sman 'di glud snyam mo/ /de nas sman pa de bu de dag la thabs mkhas pas sman glud par 'dod nas
133b5 'di skad ces rigs kyi bu dag nga ni rgas 'khogs gtugs te/ nga'i 'chi ba'i dus nye bar gnas kyis bu khyed rnams mya ngan ma byed cig /mi bde bar ma gyur cig /sman chen po byin pa 'di khyed 'dod na
133b6 sman 'di 'thung cig ces smras te/ bu de dag la thabs mkhas pas de skad bsgo nas/ yul gzhan du song ste phyin nas bdag shi'o zhes bu nad pa de dag thos par byas pa dang / de dag de'i tshe shin du mya ngan du
133b7 gyur/ shin du smre sngags 'don par gyur te/ bdag cag gi pha mgon po skyed pa/ rjes su snying brtse ba gcig pu de yang shi bas/ de'i phyir da bdag cag mgon med par gyur to snyam mo/ /de dag bdag nyid
133b8 mgon med par mthong bdag nyid skyabs med par mthong nas phyir zhing mya ngan byed pas gzir bar gyur te/ de dag phyir zhing mya ngan byed pas gzir ba des 'du shes log pa 'du shes ma log par gyur te/
134a1 sman gang kha dog dang dri dang ror ldan pa de yang kha dog dang dri dang ror ldan par shes nas de nas de'i tshe de 'thungs so/ /de 'thungs nas nad de las thar bar gyur to/ /de nas sman pa des bu de dag nad sos
134a2 par rig nas slar bdag nyid bstan na/ rigs kyi bu dag 'di ji snyam du sems/ sman pa thabs mkhas pa byed pa de la la la dag de brdzun du smra'o zhes zer ram/ gsol pa bcom ldan 'das de ni ma lags
134a3 so/ /bde bar gshegs pa de ni ma lags so/ /bka' stsal pa/ rigs kyi bu dag de bzhin du nga yang bskal pa bye ba khrag khrig brgya stong grangs med dpag tu med pa nas/ bla na med pa yang dag par rdzogs pa'i
134a4 byang chub 'di mngon par rdzogs par sangs rgyas mod kyi/ ngas skabs skabs su thabs mkhas pa 'di lta bu dag sems can rnams gdul ba'i phyir bstan te/ gnas der nga la brdzun du smra bar 'gyur ba gang yang med do/ /de
134a5 nas bcom ldan 'das don gyi rnam pa 'di nyid rgyas par ston cing / de'i tshe tshigs su bcad pa 'di dag bka' stsal to/ /bskal pa bye stong bsam gyis mi khyab pa/ de yi tshad ni nam yang med pa nas/ /byang chub mchog rab 'di ni
134a6 ngas thob ste/ /nga ni rtag tu chos kyang rab 'chad do/ /byang chub sems dpa' mang 'di yang dag gzung / /sangs rgyas ye shes la ni de dag dgod/ /sems can bye ba khrag khrig mtha' yas pa/ /bskal pa bye ba mang por smin par bya/
134a7 mya ngan 'das pa'i sa yang bstan bya ste/ /sems can rnam par gdul phyir thabs brjod do/ /de tshe nga ni mya ngan mi 'da' ste/ /'di nyid na ni chos rnams rab ston to/ /de na nga bdag nyid kyang byin gyis brlab/ /nga yis sems can kun
134a8 kyang byin gyis brlab/ /log pa'i blo ldan blun po'i mi rnams kyis/ /'di na nga 'dug pa yang mi mthong ngo / /nga lus yongs su mya ngan 'das mthong nas/ /ring bsrel rnams la mchod pa rnam mang byed/ /nga ma mthong bas de dag
134b1 sred pa skyed/ /de nas de dag sems kyang drang por 'gyur/ /nam zhig de dag 'jam zhing mnyen drang ste/ /sems can lus kyang btang bar gyur pa na/ /de na nga ni nyan thos dge 'dun byas/ /bya rgod phung por nga nyid der bstan te/ /de la
134b2 nga yis phyis ni 'di skad smras/ /'di nyid na ste mya ngan nga ma 'das/ /dge slong gang dag de ni nga thabs mkhas/ /yang yang nga 'byung 'tsho ba'i 'jig rten du/ /sems can gzhan gyi nga ni mdun du byas/ /de la byang chub mchog
134b3 'di rab tu bshad/ /'jig mgon mya ngan ma 'das ma rtogs par/ /khyod kyis nga yi sgra yang mi thos so/ /sems can rnam par 'jig par ngas mthong yang / /ngas ni bdag gi lus nyid ma bstan te/ /re shig nga
134b4 mthong bar ni 'dod byos la/ /skom par gyur nas dam pa'i chos bshad do/ /rtag tu nga yi byin brlabs de 'dra ste/ /bskal pa bsam yas bye ba stong du ni/ /bya rgod phung po 'di las mi 'pho yang / /gud na bye ba snyed kyi
134b5 mal cha yod/ /gang tshe 'jig rten khams 'di sems can gyis/ /bskal pas sreg par mthong zhing rtog pa na/ /de tshe nga yi sangs rgyas zhing 'di ni/ /lha dang mi yis yongs su gang bar 'gyur/ /de dag rtse zhing dga'
134b6 ba sna tshogs ldan/ /bskyed mos khang bzangs gzhal med bye ba yod/ /rin chen ri bo rnams dang de bzhin du/ /me tog 'bras ldan shing ljon rnams kyis brgyan/ /steng nas lha rnams rnga chen rab tu rdung / /
134b7 man dA ra yi char yang shin du 'babs/ /mkhas pa gzhan gang byang chub 'dir zhugs dang / /nga dang nyan thos rnams la mngon par 'thor/ /nga yi zhing 'di de ltar rtag gnas kyang / /gzhan dag 'di la bskal pas
134b8 sreg par rtog /mya ngan brgya yis gang zhig gtses pa dang / /'jig rten khams ni shin du 'jig par mthong / /lo mang bye bar de bzhin gshegs rnam dang / /chos dang nga yi dge 'dun tshogs rnams kyi/ /ming ni nam yang
135a1 thos par mi 'gyur te/ /sdig pa'i las kyi 'bras bu de 'dra'o/ /nam zhig sems can 'jam zhing mnyan pa rnams/ /mi yi 'jig rten 'dir ni skyes gyur te/ /dge ba'i las kyis de ltar skyes ma
135a2 thag /nga ni chos rnams rab tu 'chad par mthong / /de dag la ni nam yang nga mi 'chad/ /bya ba 'di 'dra mtha' yas 'di dag ste/ /de yis yun ring nas ni nga mthong ngo / /de la rgyal ba shin du rnyed dkar bshad/ /nga
135a3 yi ye shes stobs ni 'di 'dra ste/ /de ni shin du 'od gsal mtha' yong med/ / nga yi tshe ring bskal pa mtha' yas te/ /de ni sngon gyi spyod pa spyad pas bsgrubs/ /mkhas rnams 'di la som nyi ma byed
135a4 par/ /the tshom za ba rnams ni ma lus spongs/ /ngas ni tshig de yang dag rab smras te/ /brdzun gyi tshig ni nga las gzhar mi 'byung / /dper na thabs bslabs pa yi sman pa des/ /'du shes log par
135a5 gyur pa'i bu rnams phyir/ /bdag nyid ma shi bzhin du shi zhes brjod/ /de brdzun mi smra snyam du mkhas pas rig /de bzhin nga yang rang 'byung 'jig rten pha/ /skye dgu kun gyi gso byed mgon po ste/ /bus pa gti
135a6 mug log par rnam rig nas/ /mya ngan ma 'das mya ngan 'da' bar bstan/ /ci phyir zhe na rtag par nga mthong na/ /mi shes ma rig pa rnams le lor 'gyur/ /'dod pa la yang bag med yid rton te/ /bag med rgyu yis
135a7 ngan 'gro rab tu ltung / /spyod dang spyod pa rig nas rtag par yang / /ci nas byang chub la ni dgod pa dang / /ci nas sangs rgyas chos rnams thob bya'i phyir/ /sems can rnams la nga ni de bzhin smra/ /dam pa'i chos pad ma
135a8 dkar po las de bzhin gshegs pa'i sku tshe'i tshad kyi le'u zhes bya ste bcwo lnga pa'o// // de bzhin gshegs pa'i sku tshe'i tshad bstan pa bshad pa na/ sems can grangs med dpag tu med pa rnams kyi don
135b1 byas par gyur to/ /de nas bcom ldan 'das kyis byang chub sems dpa' sems dpa' chen po byams pa la bka' stsal pa/ ma pham pa de bzhin gshegs pa'i tshe'i tshad bstan pa'i chos kyi rnam grangs 'di
135b2 bshad pa na/ byang chub sems dpa' bye ba khrag khrig brgya stong phrag gang gA'i klung drug bcu rtsa brgyad kyi bye ma snyed dag mi skye ba'i chos la bzod pa skyes so/ /de stong du bsgres pa'i byang chub sems dpa' sems
135b3 dpa' chen po dag gis gzungs thob par gyur to/ /byang chub sems dpa' sems dpa' chen po gzhan yang stong gi 'jig rten gyi khams kyi rdul phra rab kyi rdul snyed dag gis chos kyi rnam grangs 'di thos nas/ thogs pa
135b4 med pa'i spobs pa thob par gyur to/ /byang chub sems dpa' sems dpa' chen po gzhan yang 'jig rten gyi khams kyi rdul phra rab kyi rdul snyed dag gis bye ba brgya stong du yongs su bsgyur ba'i gzungs thob par gyur to/ /byang chub sems
135b5 dpa' sems dpa' chen po gzhan yang stong gi 'jig rten gyi khams kyi rdul phra rab kyi rdul snyed dag gis/ chos kyi rnam grangs 'di thos nas phyir mi ldog pa'i 'khor lo bskor to/ /byang chub sems dpa' sems dpa' chen po gzhan yang stong bar ma'i
135b6 'jig rten gyi khams kyi rdul phra rab kyi rdul snyed dag gis chos kyi rnam grangs 'di thos nas/ dri ma med pa'i snang ba zhes bya ba'i chos kyi 'khor lo bskor to/ /byang chub sems dpa' sems dpa' chen po gzhan yang stong chung ngu'i 'jig rten gyi khams
135b7 kyi rdul phra rab kyi rdul snyed dgis chos kyi rnam grangs 'di thos nas/ bla na med pa yang dag par rdzogs pa'i byang chub tu skye ba brgyad kyis thogs par gyur to/ /byang chub sems dpa' sems dpa' chen po gzhan yang gling bzhi pa bzhi'i 'jig rten gyi
135b8 khams kyi rdul phra rab kyi rdul snyed dag gis chos kyi rnam grangs 'di thos nas/ bla na med pa yang dag par rdzogs pa'i byang chub tu skye ba bzhis thogs par gyur to/ /byang chub sems dpa' sems dpa' chen po gzhan yang gling bzhi pa gsum gyi
136a1 'jig rten gyi khams kyi rdul phra rab kyi rdul snyed dag gis chos kyi rnam grangs 'di thos nas/ bla na med pa yang dag par rdzogs pa'i byang chub tu skye ba gsum gyis thogs par gyur to/ /byang chub sems dpa'
136a2 sems dpa' chen po gzhan yang gling bzhi pa gnyis kyi 'jig rten gyi khams kyi rdul phra rab kyi rdul snyed dag gis chos kyi rnam grangs 'di thos nas/ bla na med pa yang dag par rdzogs pa'i byang chub tu skye ba gnyis kyis thogs par gyur to/ /
136a3 byang chub sems dpa' sems dpa' chen po gzhan yang / gling bzhi pa gcig gi 'jig rten gyi khams kyi rdul phra rab kyi rdul snyed dag gis chos kyi rnam grangs 'di thos nas/ bla na med pa yang dag par rdzogs pa'i byang chub tu
136a4 skye ba gcig gis thogs par gyur to/ /byang chub sems dpa' sems dpa' chen po stong gsum gyi stong chen po'i 'jig rten gyi khams brgyad kyi rdul phra rab kyi rdul snyed dag gis chos kyi rnam grangs 'di thos nas/
136a5 bla na med pa yang dag par rdzogs pa'i byang chub tu sems bskyed do/ /de nas bcom ldan 'das kyis byang chub sems dpa' sems dpa' chen po de dag la chos mngon par rtogs pa'i gnas bstan ma thag tu/ de'i mod la
136a6 steng gi nam mkha' bar snang las/ me tog man dA ra dang man dA ra chen po'i me tog gi char chen po mngon par bab ste/ 'jig rten gyi khams bye ba khrag khrig brgya stong de dag na/ sangs rgyas bye ba khrag khrig brgya
136a7 stong rin po che'i shing ljon pa'i drung dag na seng ge'i khri la bzhugs pa de dag thams cad la 'thor mngon par rab tu 'thor ro/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas
136a8 shAkya thub pa dang / yongs su mya ngan las 'das pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang seng ge'i khri la bzhugs pa la yang 'thor mngon par rab tu 'thor ro/ /
136b1 thams cad dang ldan pa'i byang chub sems dpa'i tshogs de dang / 'khor bzhi po de dag la yang 'thor mngon par rab tu 'thor ro/ /bar snang las lha'i tsan dan dang a ga ru'i phye ma yang rab tu bab bo/ /steng gi nam mkha'i
136b2 bar snang las rnga dag kyang ma brdungs par yid tu 'ong ba snyan cing 'jam pa'i sgra 'byin to/ /steng nas lha'i ras bcos bu zung brgya stong dag kyang ltung ngo / /steng gi nam mkha' bar snang las rgyan phreng dang se mo do dang mu
136b3 tig gi phreng ba dang nor bu rin po che dang nor bu rin po che chen po dag kyang phyogs thams cad kun nas rab tu 'phyang ngo / /rin thang med pa'i bdug pa'i pog phor rin po che las byas pa brgya stong dag kyang kun nas rang rgyu'o/ /
136b4 de bzhin gshegs pa re re la yang rin po che'i gdugs kyi phreng ba tshangs pa'i 'jig rten la thug pa/ steng gi nam mkha' bar snang la byang chub sems dpa' sems dpa' chen po rnams 'dzin to/ /rnam grangs 'dis
136b5 sangs rgyas bye ba khrag khrig brgya stong dpag tu med pa de dag thams cad la yang / byang chub sems dpa' sems dpa' chen po de dag rin po che'i gdugs kyi phreng ba tshangs pa'i 'jig rten la thug pa steng gi nam
136b6 mkha' bar snang la 'dzin to/ /so so nas tshigs su bcad pa mngon par bsgrub pa yang dag par sangs rgyas la bstod pa dag gis kyang de bzhin gshegs pa de dag la mngon par bstod do/ /de nas byang chub sems
136b7 dpa' sems dpa' chen po byams pas de'i tshe tshigs su bcad pa 'di dag gsol to/ /bde bar gshegs pas ngo mtshar chos bsgrags pa/ /'dren pa rnams kyi mthu chen ci 'dra dang / /ji ltar sku tshe'i tshad
136b8 kyang mtha' yas pa/ /bdag cag rnams kyis 'di sngon yong ma thos/ /bde bar gshegs pas mngon du rnam phye ba/ /'di 'dra'i chos de de ring thos pas na/ /srog chags bye ba stong rnams dga' bas khyab/ /
137a1 'jig rten rnam par 'dren gyi thugs sras ni/ /kha cig mi ldog byang chub mchog la 'khod/ /kha cig gzungs rnams kyi ni mchog la gnas/ /kha cig spobs pa thogs pa med la 'khod/ /kha cig bye ba
137a2 stong gi gzungs la gnas/ /de bzhin gzhan yang zhing rdul phra rab rnyed/ /de dag sangs rgyas ye shes mchog la gnas/ /de bzhin kha cig skye ba brgyad kyis na/ /mtha' yas gzigs pa rgyal ba rnams su 'gyur/ /
137a3 rnam par 'dren pa'i chos 'di thos nas su/ /kha cig skye ba bzhi las rab tu 'das/ /gzhan dag kha cig gsum dang gnyis kyis na/ /don dam gzigs pa byang chub thob par 'gyur/ /kha cig de na skye ba gcig gnas nas/ /
137a4 srid pa gzhan la thams cad mkhyen du 'gyur/ /'dren pa'i sku tshe'i tshad 'di thos pas na/ /'bras bu zag med de 'dra rab tu thob/ /sems can bye ba gang rnams chos thos nas/ /byang chub sems dpa' la ni sems
137a5 bskyed pa/ /zhing brgyad dag gi phra rab rdul snyed de/ /bgrangs na dpag mi lang ba de snyed do/ /sangs rgyas byang chub 'di ni rab bstan pas/ /mtha' yas gang la tshad kyang ma mchis pa/ /nam mkha'i khams
137a6 ltar dpag tu ma mchis te/ /drang srong chen pos de 'dra'i phrin las mdzad/ /man dA ra ba'i char pa rab tu 'bab/ /lha yi bu dag bye stong mang po dang / /brgya byin tshangs pa gang gA'i bye ma snyed/ /zhing stong bye ba
137a7 dag nas de dag lhags/ /tsan dan dang ni spos mchog phye ma dang / /a ga ru yi phye mas 'thor bzhin du/ /nam mkha' la ni bya bzhin rab rgyu zhing / /rgyal ba'i dbang po la yang tshul bzhin 'thor/ /steng gi nam mkha'
137a8 las ni rnga rnams kyang / /ma brdungs par ni sgra snyan nyid las grag /lha ras bcos bu bye ba stong rnams kyang / /'dren pa rnams la bskor zhing 'thor bar bgyid/ /bdug pa rin thang ma mchis ri ba yi/ /rin chen
137b1 pog phor bye ba stong rnams kyang / /skyob pa 'jig rten bdag po mchod slad tu/ /de na kun du bdag nyid rab tu rgyu/ /bdugs rnams bye ba khrag khrig mtha' yas pa/ /rin chen dag las bgyis pa mtho zhing che/ /phal chen
137b2 tshangs pa'i 'jig rten bar thug pa/ /byang chub sems dpa' mkhas pa 'di dag 'dzin/ /rgyal ba'i ba dan blta sdug bcas pa yi/ /'dren pa rnams kyi rgyal mtshan rab tu btsugs/ /bde gshegs sras rnams
137b3 rab tu sems dga' bas/ /tshigs su bcad pa stong ras mngon par bstod/ /de 'dra ngo mtshar khyad 'phags rmad byung ba/ /sna tshogs 'di dag 'dren pa de ring gda'/ /sku tshe'i tshad ni nges par bstan mdzad pas/ /
137b4 sems can 'di kun rab tu dga' ba thob/ /phyogs bcu dag na de ring don rgya che/ /'dren pa rnams kyi gsung yang mngon par 'phags/ /srog chags bye ba stong rnams tshim par gyur/ /byang chub phyir ni dge ba rnams
137b5 dang ldan/ /de nas bcom ldan 'das kyis byang chub sems dpa' sems dpa' chen po byams pa la bka' stsal pa/ ma pham pa de bzhin gshegs pa'i tshe'i tshad bstan pa'i chos kyi rnam grangs 'di bshad pa na/ sems
137b6 can gang dag gis sems bskyed pa gcig tsam zhig mos pa bskyed dam/ mngon par dad na rigs kyi bu 'am rigs kyi bu mo de dag bsod nams ji tsam zhig skye bar 'gyur ba de legs par nyon la yid la zung shig dang /
137b7 de dag bsod nams ji tsam skyed par 'gyur ba de bshad do/ /ma pham pa 'di lta ste dper na/ rigs kyi bu 'am rigs kyi bu mo la la bla na med pa yang dag par rdzogs pa'i byang chub 'dod de/ bskal pa bye ba khrag khrig brgya stong
137b8 phrag brgyad tu pha rol du phyin pa lnga po 'di lta ste/ sbyin pa'i pha rol du phyin pa dang tshul khrims kyi pha rol du phyin pa dang bzod pa'i pha rol tu phyin pa dang brtson 'grus kyi pha rol du phyin pa dang bsam gtan gyi pha rol du phyin pa la
138a1 spyad de/ shes rab kyi pha rol du phyin pa dang bral na/ ma pham pa rigs kyi bu 'am rigs kyi bu mo gang gis/ de bzhin gshegs pa'i tshe'i tshad bstan pa'i chos kyi rnam grangs 'di thos nas/ sems skyed pa gcig
138a2 tsam zhig mos pa bskyed dam mngon par dad na de'i bsod nams mngon par 'du byas pa 'di la/ pha rol du phyin pa lnga dang ldan pa bskal pa bye ba khrag khrig brgya stong phrag brgyad tu yongs su rdzogs par bsod nams mngon par
138a3 byas pa dang dge ba mngon par byas pa dang snga ma des brgya'i char yang nye bar mi 'gro/ stong gi cha dang brgya stong gi cha dang bye ba'i cha dang bye ba brgya'i cha dang bye ba stong gi cha dang bye ba brgya stong gi cha dang bye ba khrag khrig brgya stong gi char yang
138a4 nye bar mi 'gro ste/ grangs su yang char yang bgrang bar yang dper yang rgyur yang mi bzod do/ /ma pham pa de lta bu'i bsod nams mngon par 'du byed pa dang ldan pa'i rigs kyi bu 'am rigs kyi bu mo de/ bla na med pa yang
138a5 dag par rdzogs pa'i byang chub las phyir ldog pa de ni gnas med do/ /de nas bcom ldan 'das kyis de'i tshe tshigs su bcad pa 'di dag bka' stsal to/ /sangs rgyas ye shes bla na med/ /ye shes 'di ni tshol ba'i phyir/
138a6 gang gis pha rol phyin pa lnga / /yi dam bcas nas der zhugs te/ /bskal pa bye ba stong phrag kyang / /brgyad tu tshang bar rab tu sbyor/ /phyi phyir nyan thos rnams dang ni/ /sangs rgyas rnams la sbyin pa sbyin/
138a7 byang chub sems dpa' bye ba dang / /rang sangs rgyas ni mang po la/ /bza' bca' zas dang skom rnams dang / /gos dang mal chas mgu bar byed/ /gnas dang gtsug lag khang rnams kyang / /tsan dan
138a8 las ni 'dir byas dang / /kun dga' ra ba nyams dga' dang / /'chag sa mdzes par byas pa rnams/ /sbyin pa sna tshogs rnam pa mang / /de lta bu yi sbyin 'dir byin/ /bskal pa bye ba phrag stong du/ /
138b1 byin nas byang chub phyir yang bsngos/ /sangs rgyas ye shes ched kyi phyir/ /rdzogs sangs rgyas kyis bsngags dag cing / /ma nyams yang dag bstod pa yi/ /tshul khrims phyir zhing srung bar byed/ /phyir zhing bzod pa
138b2 sgom par byed/ /'dul ba'i sa la rab tu gnas/ /brtan dang ldan zhing dran dang ldan/ /kha ngan mang po bzod par byed/ /dmigs pa can gyi sems can dag /nga rgyal dag la rab gnas pas/ /smad pa byas pa de
138b3 dag kyang / /sangs rgyas ye shes phyir bzod do/ /brtson 'grus la ni rtag tu 'bad/ /dran pa brtan zhing mngon par brtson/ /yid la gzhan du rtog pa med/ /bskal pa bye bar de bzhin gyur/ /dgon pa'i
138b4 gnas na rab tu 'dug /'chag sar mngon par song nas su/ /gnyid dang rmugs pa rab spangs te/ /bskal pa bye bar de dag spyod/ /bsam gtan bsam gtan chen po pa/ /bsam gtan dga' zhing
138b5 mnyam par gzhag /bskal pa bye ba stong phrag brgyad/ /de las mi nyung bsam gtan byed/ /dpa' bo de ni bsam gtan des/ /thams cad mkhyen par bdag bsgyur zhes/ /byang chub dam pa don du gnyer/ /
138b6 bsam gtan dag gi pha rol song / /bskal pa bye ba phrag stong du/ /bya ba 'di la rab gnas pa'i/ /de dag bsod nams gang yin pa/ /gang sngar yongs su bsgrags pa bas/ /skyes pa rnams sam bud med dag /
138b7 gang gis nga yi tshe thos nas/ /skad cig dad par byed pa yang / /bsod nams de ni mtha' yas so/ /g.yo ba dang ni rlom sems dang / /the tshom dag kyang rnam spangs te/ /yud tsam shin tu mos pa yang / /de yi
138b8 'bras bu 'di 'dra'o/ /bskal pa bye bar spyod pa yi/ /byang chub sems dpa' gang yin pa/ /nga tshe bsam gyis mi khyab pa/ /'di thos de dag mi spang ngo / /spyi bo yis kyang phyag 'tshal te/ /ma 'ongs pa yi dus na yang / /bdag cag
139a1 'di 'drar rab gyur cig /srog chags bye ba bsgral bar bgyi/ /ji ltar mgon po shAkya thub/ /thub chen shAkya seng ge yis/ /byang chub snying por bzhugs nas su/ /seng ge'i khri la sgra bsgrogs gyur/ /
139a2 bdag kyang ma 'ongs dus kyi tshe/ /lus chen kun gyis bkur bsti zhing / /byang chub snying por 'dug nas ni/ /'di lta bu yi chos bshad do/ /mi gang thos pa 'dzin gyur zhing / /lhag pa'i bsam pa phun sum tshogs/ /
139a3 ldem por dgongs te bshad zhes pa/ /de dag rnams ni the tshom med/ /ma pham pa gzhan yang de bzhin gshegs pa'i tshe'i tshad bstan pa'i chos kyi rnam grangs 'di thos nas 'bab pa dang 'jug pa dang khong du chud pa de ni
139a4 de bas sangs rgyas kyi ye shes su 'gyur ba'i bsod nams mngon par 'du byed pa ches dpag tu med pa skyed na/ gang chos kyi rnam grangs 'di lta bu 'di nyan tam sgrogs sam 'dzin tam yi ger 'dri 'am yi ger 'drir 'jug
139a5 gam glegs bam la me tog dang bdug pa dang spos dang phreng ba dang byug pa dang phye ma dang gos dang gdugs dang rgyal mtshan dang lha'i ba dan dang 'bru mar gyi mar me dang mar gyi mar me dang spos mar gyi mar me dag gis sti stang byed
139a6 dam sti stang byed tu 'jug pa lta ci smos te/ sangs rgyas kyi ye shes su 'gyur ba'i bsod nams mngon par 'du byed pa ches mang du skyed do/ /ma pham pa gang gi tshe rigs kyi bu 'am rigs kyi bu mo de bzhin gshegs
139a7 pa'i tshe'i tshad bstan pa'i chos kyi rnam grangs 'di thos nas lhag pa'i bsam pas mos par byed pa de'i tshe/ de'i lhag pa'i bsam pa'i mtshan nyid ni 'di yin par rig par bya ste/ 'di lta ste nga bya rgod kyi phung po'i ri la 'dug ste/
139a8 byang chub sems dpa'i tshogs kyis yongs su bskor ba dang / byang chub sems dpa'i tshogs kyis mdun gyis bltas pa dang / nyan thos kyi dge 'dun gyi dbus na 'dug cing chos ston par mthong ba dang / nga'i sangs rgyas kyi zhing 'jig
139b1 rten gyi khams mi mjed 'di gzhi bai dUr+ya las grub cing mnyam par gnas la/ gser skud mig mangs ris su bris shing rin po che'i shing ljon pa rnams kyis rnam par bkra bar mthong ba dang / 'di na yongs su spyad pa'i khang pa
139b2 brtsegs pa dag na byang chub sems dpa' dag gnas par mthong ba ste/ ma pham pa 'di ni lhag pa'i bsam pas mos pa'i rigs kyi bu 'am rigs kyi bu mo'i lhag pa'i bsam pa'i mtshan nyid tu rig par bya'o/ /ma pham pa yang de
139b3 bzhin gshegs pa yongs su mya ngan las 'das nas/ gang dag chos kyi rnam grangs 'di thos na mi spong gi steng du rjes su yi rang ba de dag kyang / lhag pa'i bsam pas mos pa'i rigs kyi bur ngas bshad na/ gang 'dzin pa dang klog pa
139b4 lta ci smos te de ni de bzhin gshegs pa phrag pa la thogs pa yin no/ /ma pham pa gang chos kyi rnam grangs 'di glegs bam du byas shing phrag pa la thogs pa'i rigs kyi bu 'am rigs kyi bu mo des nga'i mchod rten bya mi dgos/ gtsug
139b5 lag khang bya mi dgos/ dge slong gi dge 'dun gyi na ba'i gsos sman dang yo byad dag sbyin mi dgos so/ /de ci'i phyir zhe na/ ma pham pa rigs kyi bu 'am rigs kyi bu mo des nga'i sku gdung la sku gdung gi mchod pa byas pa yin/
139b6 rin po che sna bdun gyi mchod rten 'phang du ni tshangs pa'i 'jig rten la thug pa kho ra khor yug tu ni rim bzhin du gdugs yongs su bzung ba dang bcas pa lha'i ba dan dang bcas pa dril bu'i sgra gsal bar 'byung ba dag byas pa yin no/ /
139b7 sku gdung gi mchod rten de dag la lha dang mi'i me tog dang spos dang bdug pa dang phreng ba dang byug pa dang phye ma dang gos dang gdugs dang rgyal mtshan dang lha'i ba dan dang rnam par rgyal ba'i ba dan rnam pa mang po dag gis bkur
139b8 bsti rnam pa mang po byas pa yin no/ /yid tu 'ong ba snyan cing gsal ba'i rnga dang / rnga bo che rnam pa mang po dag dang rol mo'i sgra dang pheg rdob pa dang rnam pa tha dad pa'i glu dang / gar dang /
140a1 bzhad gad dang rol mo rnam pa mang po tshad med pas/ bskal pa bye ba khrag khrig brgya stong dpag tu med pa mang por bkur bstir byas par 'gyur ro/ /ma pham pa nga yongs su mya ngan las 'das nas chos kyi rnam grangs 'di
140a2 bzung ba dang bklags pa dang yi ger bris pa dang rab tu ston pa des nga'i phyir tsan dan dmar po'i gtsug lag khang rgya chen po yangs pa mthon po/ khang bzangs sum bcu rtsa gnyis yod pa brgyad rtsegs/ dge slong stong gi gnas kun dga' ra
140a3 ba dang me tog gis mdzes par byas pa/ 'chag sa'i nags tshal dang ldan pa/ mal stan dang bcas pa bza' ba dang bca' ba dang zas dang skom dang na ba'i gsos sman gyis yongs su gang ba/ bde ba'i yo byad thams cad kyis rab tu
140a4 brgyan pa dag byas par gyur te/ /de dag mang zhing dpag tu med de/ brgya 'am stong ngam stong phrag brgya 'am bye ba 'am bye ba brgya 'am bye ba stong ngam bye ba brgya stong ngam bye ba khrag khrig brgya stong de dag nga'i mdun du nyan thos kyi dge 'dun la phul
140a5 te/ de dag kyang ngas yongs su spyad par rig par bya'o/ /ma pham pa de bzhin gshegs pa yongs su mya ngan las 'das nas/ gang zhig chos kyi rnam grangs 'di 'dzin tam glog gam ston tam yi ger 'bri 'am yi
140a6 ger 'drir 'jug kyang rung ste/ rnam grangs 'dis des nga yongs su mya ngan las 'das nas ring bsrel gyi mchod rten dag bya mi dgos so/ /dge 'dun la mchod pa bya mi dgos so zhes nga de skad 'chad na/ ma pham pa
140a7 gang chos kyi rnam grangs 'di 'dzin cing / sbyin pa sgrub pa 'am tshul khrims sam bzod pa 'am brtson 'grus sam bsam gtan nam shes rab sgrub pa lta ci smos te/ rigs kyi bu 'am rigs kyi bu mo de bsod nams
140a8 mngon par 'du byed pa ches dpag tu med pa grangs med pa mtha' yas pa skyed pa lta ci smos/ ma pham pa 'di lta ste dper na/ nam mkha'i khams ni shar dang lho dang nub dang byang dang steng dang 'og gi phyogs dang phyogs mtshams rnams su yang
140b1 mu med pa de bzhin du/ rigs kyi bu 'am rigs kyi bu mo de bsod nams mngon par 'du byed pa/ sangs rgyas kyi ye shes su 'gyur ba grangs med dpag tu med pa skyed do/ /gang chos kyi rnam grangs 'di 'dzin tam klog gam
140b2 ston tam yi ger 'dri 'am yi ger 'drir 'jug na/ de ni de bzhin gshegs pa'i mchod rten la sti stang bya ba'i phyir mngon par brtson pa yin no/ /de bzhin gshegs pa'i nyan thos rnams kyi bsngags pa smra ba'o/ /byang chub sems
140b3 dpa' sems dpa' chen po rnams kyi yon tan bye ba khrag khrig brgya stong yongs su brjod cing gzhan dag la yang yang dag par rab tu ston pa yin no/ /bzod pa bsgrubs pa dang tshul khrims dang ldan pa dang dge ba'i chos can dang 'grogs
140b4 na bde ba dang bzod pa can dang dul ba dang phrag dog med pa dang khro ba yid la byed pa dang bral ba dang gnod sems med pa yid la byed pa dang dran pa dang ldan pa dang mthu dang ldan pa yin brtson 'grus dang ldan pa yin te/ sangs rgyas kyi chos tshol
140b5 ba la rtag tu brtson pa yin bsam gtan pa yin nang du yang dag 'jog lhur len pa dang nang du yang dag 'jog mang du byed pa dang 'dri ba rab tu dbye ba la mkhas pa yin 'dri ba bye ba khrag khrig brgya stong gi lan ldon pa yin no/ /ma pham pa
140b6 byang chub sems dpa' sems dpa' chen po gang la la zhig de bzhin gshegs pa yongs su mya ngan las 'das nas/ chos kyi rnam grangs 'di 'dzin pa'i yon tan dag ni gang dag ngas yongs su brjod pa 'di lta bu 'di dag
140b7 yin no/ /ma pham pa rigs kyi bu 'am rigs kyi bu mo de 'di ltar rig par bya ste/ rigs kyi bu 'am rigs kyi bu mo de byang chub kyi snying por yang dag par zhugs te byang chub mngon par rdzogs par sangs rgyas par bya ba'i
140b8 phyir/ byang chub kyi shing drung du 'gro ba yin par rig par bya'o/ /ma pham pa rigs kyi bu 'am rigs kyi bu mo de gang na 'greng ngam 'dug gam 'chag pa der ma pham pa de bzhin gshegs pa'i phyir mchod rten
141a1 brtsig go/ /lha dang bcas pa'i 'jig rten gyis kyang 'di de bzhin gshegs pa'i mchod rten yin no zhes de la brjod par bya'o/ /de nas bcom ldan 'das kyis de'i tshe tshigs su bcad pa 'di dag bka'
141a2 stsal to/ /mi mgon mya ngan 'das pa na/ /mdo sde 'di ni gang 'dzin la/ /bsod nams phung po mu med par/ /nga yis yang dang yang du bsngags/ /des ni nga la mchod pa byas/ /ring bsrel gyi ni mchod
141a3 rten yang / /rin chen byas pa sna tshogs pa/ /blta na sdug cing mdzes rnams byas/ /'phang du tshangs pa'i 'jig rten mnyam/ /gdugs phreng rnams dang rab tu ldan/ /kho ra yug ldan dpal can
141a4 te/ /rnam rgyal ba dan rnams dang ldan/ /dril bu gsal ba'i sgra 'byung ste/ /dar gyi lda ldis mdzes par byas/ /de bzhin dril bu rlung bskyod pas/ /rgyal ba'i ring bsrel shin du mdzes/ /spos dang me
141a5 tog byug pa dang / /gos dang rol mo'i sgra rnams dang / /rnga rnams kyis kyang yang dang yang / /de dag mchod pa rgya chen byas/ /rol mo sgra snyan cha byad rnams/ /ring bsrel de la brdungs shing bsil/ /
141a6 spos dang 'bru mar mar me rnams/ /de dag la ni kun nas phul/ /gang gis mdo sde 'di bzung zhing / /zad pa'i dus la ston pa yis/ /des ni mchod pa rnam mang po/ /de 'dra mtha' yas nga la byas/ /
141a7 gtsug lag khang mang byi ba dag /tsan dan las ni byas pa yin/ /khang bzangs sum bcu rtsa gnyis te/ /de dag 'phang du brgyad rtseg go/ /mal cha dag gis nye bar brtan/ /bza' bca'
141a8 rnams kyang tshogs par ldan/ /yol ba bzang po rab tu bshams/ /gnas rnams kyang ni rnam par stong / /me tog kun dgas mdzes byas pa'i/ /kun dga' dag dang 'chag sa byin/ /
141b1 gzugs mang rnam pa sna tshogs kyi/ /gding g.yogs mang po de bzhin no/ /rnam 'dren mya ngan 'das pa na/ /gang zhig mdo 'di 'dzin pa des/ /nga yi mdun du dge 'dun la/ /mchod pa mang po byas pa yin/ /mos pa snying
141b2 por gang gyur te/ /gang zhig mdo 'di klog pa 'am/ /yi ger 'dri bar byed pa ste/ /de bas bsod nams mang du thob/ /mi 'ga' la las glegs bam la/ /shin du nges tshig 'drir bcug ste/ /spos dang phreng ba byug
141b3 pa yis/ /glegs bam de la mchod pa byed/ /spos kyi 'bru mar bkang ba yi/ /mar me rtag tu su 'bul zhing / /sna ma ud pal sil ma dang / /tsam pa kas kyang rab tu gtor/ /glegs bam dag la 'di 'dra
141b4 ba'i/ /mchod pa byed pa'i mi de ni/ /bsod nams mang po rab 'phel te/ /de la tshad kyang yong med do/ /ji ltar nam mkha'i khams kyi tshad/ /phyogs bcu dag ni thams cad tu/ /rtag tu rnyed par 'gyur ma yin/ /bsod
141b5 nams phung po 'di de 'dra/ /bzod cing dul te mnyam par gzhag /tshul khrims ldan zhing bsam gtan pa/ /yang dag nang 'jog spyod yul can/ /de 'dra ba lta smos ci dgos/ /khro ba med cing phra ma med/ /mchod rten
141b6 dag la gus par gnas/ /dge slong rnams la 'ang rtag tu 'dud/ /nga rgyal med cing le lo med/ /shes rab ldan zhing bde bzhin brtan/ /dri ba dris na mi khro ste/ /snying rje blo yis srog chags la/ /rjes su 'thun par rab
141b7 tu ston/ /gang zhig de 'drar gyur nas su/ /mdo 'di yang ni gang 'dzin pa/ /de yi bsod nams phung po ni/ /tshad kyang rnyed par mi 'gyur ro/ /mdo 'di 'dzin par byed pa yi/ /de lta bu yi chos smra ba/ /gal te mi 'gas mthong na
141b8 yang / /de la shin du bkur bsti bya/ /lha yi me tog rnams kyis de la gtor/ /lha yi gos rnams kyis kyang mngon par dga'/ /de yi rkang par mgo bos phyag 'tshal te/ /de la de bzhin gshegs par 'du shes skyed/ /de mthong nas ni de tshe 'di snyam du/ /de ni shing
142a1 ljon drung du 'gror 'gyur te/ /lha dang bcas pa'i 'jig rten phan pa'i phyir/ /bla med byang chub zhing 'tshang rgya snyam bsam/ /mdo sde 'di las tshigs bcad gcig brjod cing / /de 'dra'i mkhas de
142a2 gang na 'chag pa 'am/ /gang na 'greng ngam 'on te 'dug pa 'am/ /dpa' bo gang du nyal bar byed pa'ang rung / /der ni 'dren pa sangs rgyas bcom ldan gyi/ /ched tu skyes bu dam pa'i mchod rten ni/ /blta na sdug
142a3 pa sna tshogs byed tu gzhug / /de bzhin der ni mchod pa sna tshogs byas/ /gang na sangs rgyas bu de 'dug pa yi/ /sa phyogs de ni nga yis yongs su spyad/ /ngas ni de nyid du yang 'chag pa byas/ /de nyid tu
142a4 'ang nga ni 'dug par gyur/ /dam pa'i chos pad ma dkar po las bsod nams kyi rnam grangs kyi le'u zhes bya ste bcu drug pa'o// // de nas bcom ldan 'das la byang chub sems dpa' sems dpa' chen po
142a5 byams pas 'di skad ces gsol to/ /bcom ldan 'das rigs kyi bu 'am rigs kyi bu mo gang gis chos kyi rnam grangs 'di bshad pa thos nas rjes su yi rang na/ rigs kyi bu 'am rigs kyi bu mo de bsod nams ji
142a6 snyed gcig bskyed par 'gyur/ de nas byang chub sems dpa' sems dpa' chen po byams pas de'i tshe tshigs su bcad pa 'di dag gsol to/ /dpa' chen mya ngan 'das nas gang / /mdo 'di 'dra ba nyan pa dang / /thos nas
142a7 rjes su yi rang ba/ /de yi dge ba ci tsam 'gyur/ /de nas bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to/ /ma pham pa de bzhin gshegs pa yongs su mya ngan las 'das
142a8 nas/ rigs kyi bu 'am rigs kyi bu mo 'am dge slong ngam dge slong ma 'am dge bsnyen nam dge bsnyen ma 'am skyes bu mkhas pa 'am gzhon nu 'am gzhon nu ma gang la la chos kyi rnam grangs 'di bshad pa nyan cing thos nas kyang rjes su yi rang la
142b1 chos nyan pa de nas song ste/ gtsug lag khang na 'dug gam khyim na 'dug gam dgon pa na 'dug gam srang na 'dug gam grong na 'dug gam ljongs na 'dug kyang rung ste/ rgyu de dag dang byed rgyu de dag dang chos de ji ltar thos pa dang ji
142b2 ltar zin pa bzhin du ci nus kyis/ pha 'am ma 'am nye du 'am yang dag par mgu bar 'gyur ba 'am 'dris pa 'am gzhan gang yang rung ste/ sems can pha rol la bstan nas des de thos te/ rjes su yi rang la rjes su yi rang
142b3 nas kyang gzhan la smras te/ des kyang de thos nas rjes su yi rang la des kyang gzhan la smras te/ des kyang de thos nas rjes su yi rang la de ltar na rnam grangs 'dis gcig nas gcig tu brgyud de lnga bcu la thug na/ ma pham pa
142b4 gcig nas gcig tu brgyud de thos pa/ rjes su yi rang ba lnga bcu pa'i mir gyur pa gang yin pa/ ma pham pa rigs kyi bu 'am rigs kyi bu mo de'i rjes su yi rang ba dang ldan pa'i bsod nams mngon par 'du byed pa de/ ngas bshad kyis
142b5 legs par rab tu nyon la yid la zung shig dang ngas khyod la bshad do/ /ma pham pa 'di lta ste dper na/ 'jig rten gyi khams grangs med pa brgya stong phrag bzhi na sems can 'khod cing yod pa 'gro ba drug tu skyes pa/
142b6 sgo nga las skyes pa 'am mngal nas skyes pa 'am drod gsher las skyes pa 'am brdzus te skyes pa 'am gzugs can nam gzugs med pa 'am 'du shes can nam 'du shes med pa 'am/ 'du shes med 'du shes med min nam
142b7 rkang med dam rkang gnyis pa 'am rkang bzhi pa 'am rkang mangs sam sems can ji tsam sems can gyi khams su bsdus shing / yang dag par 'du bar 'gyur ba rnams/ mi bsod nams 'dod pa/ phan par 'dod pa 'ga'
142b8 zhig byung bas/ sems can gyi tshogs de la 'dod pa'i rtsed mo dang dga' ba'i longs spyod sdug pa mdzes pa gces pa yid tu 'ong ba dag byin la/ 'dod pa'i rtsed mo la dga' ba yongs su longs spyod par bya ba'i phyir sems can re re la yang 'dzam bu'i gling yongs su
143a1 gang ba byin te/ mgron bu dang gser dang dngul dang nor bu dang mu tig dang bai dUr+ya dang dung dang man shel dang byi ru dang rta'i shing rta dang glang gi shing rta dang glang po che'i shing rta dang khang pa brtsegs pa dang khang pa yang byin te/ ma pham
143a2 pa rnam grangs 'dis sbyin pa'i bdag po sbyin bdag chen po'i mi des lo brgyad bcu tshang bar sbyin pa byin la/ ma pham pa de nas sbyin pa'i bdag po sbyin bdag chen po'i mi de 'di snyam du sems te/ sems can 'di dag
143a3 thams cad kyang bdag gis brtsen du bcug dga' bar byas bde bar gsos na/ sems can 'di dag mgo skya zhing gnyer mas gang ste/ na tshod lo brgyad bcu lon pas rgas te/ 'chi ba'i dus byed par yang nye bar gyur na
143a4 bdag gis 'di dag de bzhin gshegs pas gsungs pa'i chos 'dul ba la rab tu btsud de rjes su bstan to snyam nas/ ma pham pa de nas mi des sems can de dag thams cad de bzhin gshegs pas gsungs pa'i
143a5 chos 'dul ba la yang dag par btsud de/ yang dag par btsud nas 'dzin du bcug la/ sems can de dag gis kyang chos de mnyan te thos nas skad cig thang cig yud tsam gcig la 'dus te thams cad rgyun du zhug
143a6 par gyur/ lan cig phyir 'ong ba dang phyir mi 'ong ba'i 'bras bu thob par gyur pa nas/ zag pa zad pa bsam gtan pa bsam gtan pa chen po rnam par thar pa brgyad la bsam gtan pa'i dgra bcom pa'i bar tu gyur
143a7 na/ ma pham pa 'di ji snyam du sems/ sbyin pa'i bdag po sbyin pa'i bdag po chen po'i mi de gzhi de las bsod nams mang po dpag tu med grangs med pa skyed dam/ de skad ces bka' stsal nas bcom ldan 'das
143a8 la byang chub sems dpa' sems dpa' chen po byams pas 'di skad ces gsol to/ /bcom ldan 'das de de lta lags so/ /bde bar gshegs pa de de lta lags te/ sbyin pa'i bdag po sbyin pa'i bdag po chen po'i mi de sems
143b1 can de snyed la bde ba'i yo byad thams cad stsal ba'i slad tu rgyu des kyang bsod nams mang du skyed na/ bcom ldan 'das de'i gong du dgra bcom pa nyid la rab tu bkod pa lta smos kyang ci 'tshal/ de skad ces gsol nas/
143b2 bcom ldan 'das kyis byang chub sems dpa' sems dpa' chen po ma pham pa la 'di skad ces bka' stsal to/ /ma pham pa khyod mos par bya khong du chud par bya'o/ /sbyin pa'i bdag po sbyin bdag chen po'i mi gang gis/
143b3 'jig rten gyi khams grangs med pa brgya stong phrag bzhi'i sems can thams cad la bde ba'i yo byad thams cad kyis rim gro byas te/ dgra bcom pa nyid la rab tu bkod nas bsod nams skyed la/ gang yang
143b4 gcig nas gcig tu brgyud de thos pa lnga bcu par gyur pa'i mis/ chos kyi rnam grangs 'di las tshigs su bcad pa gcig gam/ tshig gcig tsam thos te rjes su yi rang na/ gang mi de'i rjes su yi rang ba dang ldan
143b5 pa'i bsod nams bya ba'i dngos po ni/ sbyin pa'i bdag po sbyin bdag chen po'i mi de'i sbyin pa dang ldan pa dang / dgra bcom pa nyid la bkod pa dang ldan pa'i bsod nams bya ba'i dngos po de bas gang mi gcig nas gcig
143b6 tu brgyud pa'i lnga bcu pa'i mis/ chos kyi rnam grangs 'di las tshigs su bcad pa gcig gam tshig gcig thos nas rjes su yi rang ba ni ches mang ste/ ma pham pa rjes su yi rang ba dang ldan pa'i bsod nams mngon par
143b7 'du byed pa dang dge ba mngon par 'du byed pa 'di'i mdun na/ snga ma'i sbyin pa dang ldan pa dang dgra bcom pa nyid la bkod pa dang ldan pa'i bsod nams mngon par 'du byed pa des brgya'i char yang nye bar mi 'gro/ stong gi char yang brgya stong gi char
143b8 yang bye ba'i char yang bye ba brgya'i char yang bye ba stong gi char yang bye ba brgya stong gi char yang bye ba khrag khrig brgya stong gi char yang nye bar mi 'gro ste/ bgrang bar yang char yang grangs su yang dper yang rgyur yang mi bzod do/ /
144a1 ma pham pa de ltar lnga bcu pa'i mi de tha na chos kyi rnam grangs 'di las tshigs su bcad pa gcig gam tshig gcig la rjes su yi rang ba yang / bsod nams 'di snyed skyed na ma pham pa gang gis nga'i mngon sum du chos kyi rnam
144a2 grangs 'di mnyan te thos nas rjes su yi rang ba lta ci smos te/ ma pham pa de'i bsod nams mngon par 'du byed pa ni ches dpag tu med ches grangs med ces ngas bshad do/ /ma pham pa yang rigs kyi bu 'am rigs
144a3 kyi bu mo gang gis chos kyi rnam grangs 'di mnyan pa'i phyir/ bdag gi khyim nas byung ste/ gtsug lag khang du song la/ de phyin nas der 'greng ngam 'dug ste chos kyi rnam grangs 'di yud tsam mnyan na/ sems can de bsod nams mngon par
144a4 'du bya ba de tsam byas shing bsags pas/ de tshe rjes nas lus phyi ma dang bdag gi ngo bo phyi ma thob pa la glang gi shing rta 'thob par 'gyur ro/ /rta'i shing rta dang glang po che'i shing rta dang khyogs kyi bzhon pa dang gru'i bzhon pa dang khyu mchog gi
144a5 bzhon pa dang lha'i gzhal med khang thob par 'gyur ro/ /gal te yang mdo'i chos sgrog pa der yud tsam zhig 'dug ste/ chos kyi rnam grangs 'di nyan tam pha rol 'dug tu bcug gam sems can gzhan la stan bgos na/ bsod
144a6 nams mngon par 'du byed pa des/ brgya byin gyi stan dang tshangs pa'i stan dang 'khor lo sgyur ba'i seng ge'i khri thob par 'gyur ro/ /ma pham pa gal te rigs kyi bu 'am rigs kyi bu mo gang la las mi gzhan zhig la 'di skad tu/ kye mi khyod
144a7 tshur shog /dam pa'i chos pad ma dkar po zhes bya ba'i chos kyi rnam grangs 'di nyon cig ces smras la/ mi de yang spro ba rnyed nas gal te yud tsam zhig mnyan na sems can de spro ba'i dge ba'i rtsa ba mngon par 'du
144a8 byas pa des/ gzungs thob pa'i byang chub sems dpa' sems dpa' chen po rnams dang lhan cig 'grogs pa 'thob po/ /blun por mi 'gyur ro/ /dbang po rno zhing shes rab dang ldan par 'gyur ro/ /
144b1 tshe rabs brgya stong du yang kha rul cing mnam par mi 'gyur/ de la lce nad med par 'gyur/ kha nad med par 'gyur/ so sngon por mi 'gyur/ so mi mnyam pa med pa dang / so mi ser ba dang so gyed 'dums med pa dang so ngo le
144b2 med pa dang so byung ba med pa dang so yo ba med par 'gyur ro/ /mchu 'phyang du mi 'gyur mchu nang du song ba ma yin pa dang mchu log pa med pa dang mchu sho rer ma gyur pa dang mchu yo ba med pa dang mchu gnag pa med pa dang
144b3 mchu mi sdug pa med par 'gyur ro/ /sna leb leb por mi 'gyur sna yon por mi 'gyur ro/ /gdong ring por mi 'gyur/ gdong yon por mi 'gyur/ gdong nag por mi 'gyur gdong blta na mi sdug par mi 'gyur ro/ /
144b4 ma pham pa 'di ltar lce dang so dang mchu srab cing shin du legs par 'gyur/ sna che ba dang bzhin dbyibs legs pa dang smin ma legs pa dang dpral ba'i dbyes che bar 'gyur/ dpe byad rdzogs pa thob par 'gyur ro/ /
144b5 de bzhin gshegs pas gdams pa dang rjes su bstan pa yang thob par 'gyur ro/ /sangs rgyas bcom ldan 'das rnam dang yang myur du phrad par 'gyur ro/ /ma pham pa ltos/ sems can gcig spro bar byas pas kyang /
144b6 bsod nams de tsam skyed na gang gis sti stang du byas te mnyan tam sti stang du byas te klog gam sti stang du byas te ston tam sti stang du byas te rab tu 'chad pa lta ci smos/ de nas bcom ldan 'das kyis de'i tshe
144b7 tshigs su bcad pa 'di dag bka' stsal to/ /gcig nas gcig tu brgyud pa lnga bcu pa/ /gang gis mdo 'di'i tshigs bcad gcig mnyan te/ thos nas sems dang rjes su yi rang ba'i/ /bsod nams
144b8 ji snyed 'byung ba de nyon cig /gal te sbyin byed mi zhig byung gyur te/ /rtag tu sems can bye ba khrag khrig la/ /gang sngar nga yis dpe byas de dag rnams/ /de kun lo yang brgyad bcu tshim par byas/ /mgo la skra dkar
145a1 mnyer ma kun byung ste/ /de dag rga la nyer gnas des mthong nas/ /kye ma sems can nyon mongs 'di dag kun/ /chos kyis 'di dag rab tu bstan par bya/ /de yis de rnams la ni phyi chos smras/ /mya
145a2 ngan 'da' ba'i sa yang rab tu bshad/ /srid pa thams cad dbu ba smig rgyu 'dra/ /srid pa kun la myur du yid byung byos/ /sbyin pa byed pa'i mi de'i gan nas su/ /sems can de dag kun gyis chos thos nas/ /
145a3 zag pa zad cing tha ma'i lus 'dzin par/ /dus gcig du na dgra bcom thob gyur kyang / /gang zhig brgyud de tshigs bcad gcig thos shing / /rjes su yi rang bsod nams ji snyed pa/ /de yi bsod nams de bas ches mang ste/ /bsod
145a4 nams phung po snga mas char mi phod/ /gang gis brgyud de tshigs bcad gcig thos pa/ /de ltar de yi bsod nams mang gyur te/ /de dag mtha' yas tshad kyang yong med na/ /mngon sum thos pa de ni smos ci
145a5 dgos/ /gang der sems can gcig la 'ang smras pa ni/ /bskal pa bye ba khrag khrig du mar yang / /mdo 'di yang ni shin tu rnyed dka' yis/ /song ste chos nyon ces ni spro bar byas/ /sems can de dag de yis
145a6 spro byas nas/ /mdo 'di yang ni yud tsam nyan byed pa/ /de yi las kyi 'bras bu mnyan par gyis/ /nam yang de la kha yi nad med 'gyur/ /de yi lce yang na bar gzhar mi 'gyur/ /de yi so rnams 'byung bar mi
145a7 'gyur ro/ /sngon po ser po mi mthun gzhar mi 'gyur/ /mchu mi sdug par yang ni yong mi 'gyur/ /de gdong yo 'am skam zhing ring ba med/ /nam yang sna leb du ni yong mi 'gyur/ /so dang mchu dang bzhin gyi dkyil 'khor
145a8 dang / /de yi sna dang dpral ba'i dbyibs kyang legs/ /mi rnams kyis ni blta na sdug par 'gyur/ /de yi kha ni rul bar gzhar mi 'gyur/ /ud pal bzhin du rtag tu dri zhim pa/ /de yi kha nas dri yang 'byung bar 'gyur/ /dpa' bo
145b1 khyim nas gtsug lag khang du song / /mdo sde nyan pa'i phyir ni der song ste/ /song nas der ni yud tsam des chos mnyan/ /dad pa'i sems kyi 'bras bu mnyan par gyis/ /de yi lus ni shin du dkar bar 'gyur/ /brtan pa de ni rta yi shing
145b2 rtas 'gro/ /glang chen shing rta mthon por 'dug nas su/ /rin po che yis brgyan pa zhon zhing chag / /shin du sbud pa'i khyogs kyang des thob nas/ /de dag du ma mi yis bteg cing bkur/ /chos nyan phyir ni song ba gyur pa de'i/ /
145b3 'bras bu dge ba 'di 'drar 'gyur ba yin/ /de ni 'khor gyi nang der 'dug nas su/ /dkar po'i las rnams byas pa de dag gis/ /tshangs pa'i stan dang rgyal po'i stan rnams dang / /brgya byin stan rnams kyang ni des thob 'gyur/ /
145b4 dam pa'i chos pad ma dkar po las rjes su yi rang ba'i bsod nams bstan pa'i le'u zhes bya ste bcu bdun pa'o// // dam pa'i chos pa dam dkar po ba bam po bcu gcig pa/ de nas bcom ldan 'das kyis byang chub
145b5 sems dpa' sems dpa' chen po rtag par rgyun du brtson la bka' stsal pa/ rigs kyi bu gang la la chos kyi rnam grangs 'di 'dzin pa'am klog pa'am ston pa'am yi ger 'dri ba yang rung ste/ rigs kyi bu de mig gi yon tan
145b6 brgyad brgya thob par 'gyur ro/ /rna ba'i yon tan stong nyis brgya thob par 'gyur ro/ /sna'i yon tan brgyad brgya thob par 'gyur ro/ /lce'i yon tan stong nyis brgya thob par 'gyur ro/ /lus kyi yon tan brgyad brgya thob par 'gyuro/ /
145b7 yid kyi yon tan stong nyis brgya thob par 'gyur ro/ /de yon tan brgya phrag mang pos dbang po drug gi grong yongs su dag cing / shin du yongs su dag par 'gyur ro/ /de'i pha dang ma las byung ba'i sha'i mig tha mal pa de ltar yongs su
145b8 dag pa'i/ mig gi dbang pos stong gsum gyi stong chen po'i 'jig rten gyi khams kyi phyi nang dang brag dang nags stug por bcas pa dang 'og tu mnar med pa'i sems can dmyal ba chen po la thug pa yan chad/ steng du srid
146a1 pa'i rtse mor thug pa'i bar du de dag thams cad mthong ngo / /sha'i mig tha mal pas sems can gang dag der skyes pa de dag thams cad kyang mthong ste/ de dag gi las kyi rnam par smin pa shes so/ /de nas bcom ldan 'das kyis de'i
146a2 tshe tshigs su bcad pa 'di dag bka' stsal to/ /'khor gyi dbus su mi 'jigs pa/ /gang zhig mdo sde 'di 'chad cing / /le lo med par rab 'chad pa/ /de yi yon tan nga las nyon/ /yon tan dag ni brgyad brgya yi/ /de yi mig ni
146a3 kun du mdzes/ /des ni de mig dri ma med/ /rnyog pa med cing dag par 'gyur/ /pha dang ma las byung ba yi/ /de yi sha yi mig des ni/ /'jig rten khams 'di thams cad kyang / /phyi nang bcas pa rab tu mthong / /lhun po'i ri rab
146a4 thams cad dang / /kho ra yug kyang des mthong ste/ /ri gzhan gang rnams grags pa dang / /rgya mtsho dag kyang mthong bar 'gyur/ /'og tu mnar med dmyal bar thug /steng du srid pa'i rtser gnas pa/ /brtan pa des ni kun mthong
146a5 ste/ /sha yi mig ni de 'dra'o/ /da dung de la lha yi mig /med pas shes pa ma yin no/ /de yi sha yi mig gi yul/ /de dag de ltar 'gyur ba yin/ /rtag par rgyun du brtson gzhan yang / /rigs kyi bu'am rigs kyi bu mo des chos kyi rnam
146a6 grangs 'di yang dag par bstan cing gzhan dag la yang dag par bshad na/ rna ba'i yon tan stong nyis brgya po de dag dang ldan te/ stong gsum gyi stong chen po'i 'jig rten gyi khams na mnar med pa'i sems can dmyal ba chen po la
146a7 thug pa yan chad/ srid pa'i rtse mo la thug pa man chad/ phyi nang gi sgra rnam pa mang po gang dag 'byung ba 'di lta ste/ glang po che'i sgra'am rta'i sgra 'am rnga mo'i sgra'am ba glang gi sgra'am ra'i sgra'am shing rta'i sgra'am ngu ba'i sgra'am/
146a8 mya ngan gyi sgra'am 'jigs pa'i sgra'am dung gi sgra'am dril bu'i sgra'am rnga'i sgra'am rtsed mo'i sgra'am glu'i sgra'am rol mo'i sgra'am skyes pa'i sgra'am bud med kyi sgra'am khye 'u'i sgra'am bu mo'i sgra'am chos kyi sgra'am chos ma yin pa'i
146b1 sgra'am bde ba'i sgra'am sdug bsngal ba'i sgra'am byis pa'i sgra'am 'phags pa'i sgra'am yid tu 'ong ba'i sgra'am yid tu mi 'ong ba'i sgra'am lha'i sgra'am klu'i sgra'am gnod sbyin gyi sgra'am dri za'i sgra'am lha ma yin gyi sgra'am
146b2 nam mkha' lding gi sgra'am mi'am ci'i sgra'am lto 'phye chen po'i sgra'am mi'i sgra'am mi ma yin pa'i sgra'am me'i sgra'am chu'i sgra'am rlung gi sgra'am grong gi sgra'am grong khyer gyi sgra'am dge slong gi sgra'am nyan thos kyi sgra'am
146b3 rang sangs rgyas kyi sgra'am byang chub sems dpa'i sgra'am de bzhin gshegs pa'i sgra'am stong gsum gyi stong chen po'i 'jig rten gyi khams kyi phyi nang na/ sgra ci byung ba ji snyed pa de dag thams cad rna ba'i dbang po tha mal
146b4 pa yongs su dag pa des thos te/ re shig lha'i rna ba ni mi sgrub mod kyi sems can de dang de dag gi skad du rab tu rtogs so/ /sems can de dang de dag gis skad la rnam par rtog go rnam par 'byed do/ /rna ba'i dbang po tha
146b5 mal pa des sems can de dang de dag gis skad rnams thos kyang / de'i rna ba'i dbang po la sgra de dag thams cad kyis zil gyis mi non to/ /rtag par rgyun du brtson/ byang chub sems dpa' sems dpa' chen po de
146b6 rna ba'i dbang po 'di lta bu thob par 'gyur te/ re shig lha'i rna ba ni mngon par mi sgrub po/ /bcom ldan 'das kyis de skad ces bka' stsal te/ bde bar gshegs pas de skad gsungs nas ston pas gzhan yang 'di skad ces bka'
146b7 stsal to/ /de yi rna ba'i dbang po tha mal pa rnyog pa med cing rnam par dag par 'gyur/ /'jig rten khams 'di dag na ma lus par/ /rnam pa mang po'i sgra rnams des thos te/ /rnga bo che dang rdza rnga sgra snyan dang / /pi bang gling bu dang ni
146b8 pa la ki/ /shing rta ba lang ra dang lug dag dang / /rta dang glang chen dag gi sgra yang thos/ /'jam zhing yid 'ong glu yi dbyangs kyang thos/ /brtan pa de ni de la chags pa med/ /gang dang gang na su dang su smra ba/ /bye ba snyed kyi mi yi sgra
147a1 rnams thos/ /lha yi sgra dang klu'i dbyangs rnams kyang / /snyan cing yid tu 'ong ba rtag par thos/ /skyes pa bud med dag gi sgra rnams dang / /khye'u dang bu mo'i sgra yang de bzhin thos/ /ri dang phug na gang gnas de dag
147a2 dang / /khu byug rma bya ka la ping ka dang / /bya rnams gang dag shang shang te'u rnams dang / /de dag rnams kyi sgra snyan 'dir thos so/ /sems dmyal dag na sdug bsngal gang myong ba/ /shin du mi bzad pa yi sgra rnams dang / /
147a3 zas kyi sdug bsngal dag gis nyen pa yi/ /yi dags rnams kyi sgra phyung de bzhin thos/ /lha ma yin dang rgya mtsho'i nang gnas dang / /sgra 'byin pa dang de bzhin gzhan dag dang / /chos smra ba de 'di na 'dug bzhin du/ /sgra
147a4 rnams thams cad thos te chod pa med/ /dud 'gro'i skye gnas dag na phan tshun du/ /smra bar byed pa'i sgra rnams gang yin pa/ /rnam pa tha dad sgra rnams mang po dag /de ni 'di na 'dug bzhin de dag thos/ /lha gang
147a5 tshangs pa'i 'jig rten gnas pa dang / /gang dag 'og min dang ni 'od gsal lha/ /phan tshun du ni sgra skad gang 'byin pa/ /de dag ma lus thams cad des thos so/ /bde bar gshegs kyi bstan la rab byung nas/ /dge
147a6 slong gang dag kha don byed pa dang / /'khor gyi nang na chos ston gang yin pa/ /de dag sgra yang rtag tu de yis thos/ /'jig rten khams 'dir byang chub sems dpa' gang / kha don dag kyang byed cing phan tshun du/ /chos
147a7 rnams yang dag rdzogs par gang byed pa/ /de dag sgra rnams rnam pa tha dad thos/ /byang chub sems dpa' mdo 'di gang 'dzin pas/ /sangs rgyas bcom ldan mi 'dul kha lo sgyur/ /'khor rnams la yang chos
147a8 mchog gang gsung ba/ /dus gcig tu ni de yang de yis thos/ /mnar med yan chad steng du srid pa'i rtse/ /stong gsum gyi ni zhing 'di thams cad na/ /nang logs dag dang phyi logs dag nas kyang / /sems can gang gis
147b1 sgra mang phyung ba dang / /sems can kun gyi sgra rnams thos gyur kyang / /'on kyang de yi rna ba 'gag pa med/ /dbang po gsal zhing gnas dang gnas kyang shes/ /rna ba'i dbang po tha mal de tsam mo/ /re shig lha yi la ni 'bad mi byed/ /tha
147b2 mal rna ba de ni de ltar 'dug /'jigs med gang gis mdo 'di bzung ba ni/ /de yi yon tan dag ni de 'drar 'gyur/ /rtag par rgyun du brtson gzhan yang byang chub sems dpa' sems dpa' chen po chos kyi rnam grangs 'di
147b3 'dzin tam rab tu ston tam kha ton byed dam yi ger 'dri ba de/ sna'i yon tan brgyad brgya dang ldan zhing sna'i dbang po yongs su dag par 'gyur te/ de'i sna'i dbang po yongs su dag pa des stong gsum gyi stong chen po'i 'jig rten
147b4 gyi khams kyi phyi nang gi dri rnam pa mang po yod pa 'di lta ste/ rul ba'i dri 'am yid tu 'ong ba'i dri 'am yid tu mi 'ong ba'i dri 'am me tog rnam pa tha dad pa'i dri 'di lta ste/ sna ma'i me tog dang ma li ka dang tsam pa ka dang skya snar
147b5 gyi dri rnams kyang tshor ro/ /chu las skyes pa'i me tog rnam pa mang po'i dri rnams kyang tshor te 'di lta ste/ ud pa la dang pad ma dang ku mu ta dang pad ma dkar po rnams kyi dri dag kyang tshor ro/ /me tog dang 'bras bu'i shing
147b6 rnam pa mang po'i me tog dang 'bras bu'i dri rnams kyang tshor te/ 'di lta ste/ tsan dan dang ta ma la'i 'dab ma dang rgya spos dang a ga ru'i dri zhim po rnams kyang tshor ro/ /spos rnam pa tha dad pa brgya stong gnas gcig na
147b7 'dug pa thams cad kyang tshor ro/ /thams cad kyang shes so/ /sems can gyi dri rnam pa mang po yang tshor te 'di lta ste/ glang po che dang rta dang ba lang dang ra lug dang phyugs kyi dri rnams kyang tshor ro/ /dud 'gro'i skye gnas
147b8 su song ba'i srog chags rnam pa mang po'i lus kyi dri rnams kyang tshor ro/ /skyes pa dang bud med kyi lus kyi dri rnams kyang tshor ro/ /khye'u dang bu mo'i lus kyi dri rnams kyang tshor ro/ /rtswa dang shing gel pa dang sman dang nags thag ring po na
148a1 'dug pa'i dri rnams kyang tshor ro/ /dri yang dag par tshor te dri yang dag par shes mod kyi/ dri de dag gis mi 'phrogs/ de dag gis myos par mi 'gyur ro/ /de 'di na 'dug bzhin du lha dag gi dri rnams kyang tshor te 'di lta ste/ yongs
148a2 'dus brtol gyi dri rnams kyang tshor ro/ /me tog man dA ra dang man dA ra chen po dang many+dzu Sha ka dang many+dzu Sha ka chen po rnams kyi lha'i dri rnams kyang tshor ro/ /lha'i a ga ru'i phye ma dang tsan dan gyi phye ma dag gi dri rnams kyang tshor ro/ /lha'i me tog
148a3 rnam pa tha dad pa brgya stong gi dri dag kyang tshor ro/ /de dag gi ming rnams kyang shes so/ /lha'i bu'i lus kyi dri rnams kyang tshor te 'di lta ste/ lha'i dbang po brgya byin gyi lus kyi dri yang tshor ro/ /rnam par rgyal ba'i khang bzang na rtse dga' zhing
148a4 dga' mgur spyod pa 'am/ chos bzangs lha'i mdun sa na sum bcu rtsa gsum pa'i lha rnams la chos ston pa 'am/ rtse ba'i phyir skyed mos tshal gyi sar byung ba de yang shes so/ /lha'i bu gzhan rnams kyi so so'i lus kyi dri rnams kyang tshor
148a5 ro/ /lha'i bu mo rnams dang lha'i chung ma rnams kyi lus kyi dri rnams kyang tshor ro/ /lha gzhon nu rnams kyi lus kyi dri rnams kyang tshor ro/ /lha gzhon nu ma rnams kyi lus kyi dri rnams kyang tshor ro/ /dri de dag gi kyang mi 'phrogs shing
148a6 myos par yang mi 'gyur ro/ /rnam grangs 'dis srid pa'i rtse mo'i bar du skyes pa'i sems can dag gi lus kyi dri rnams kyang tshor ro/ /tshangs ris kyi lha'i bu rnams dang / tshangs pa chen po rnams kyi lus kyi dri rnams kyang tshor ro/ /
148a7 rnam grangs 'dis lha'i ris thams cad kyi lus kyi dri rnams kyang tshor ro/ /nyan thos dang rang sangs rgyas dang byang chub sems dpa' dang de bzhin gshegs pa dag gi sku'i dri rnams kyang tshor ro/ /de bzhin gshegs pa dag gi
148a8 gdan gyi dri rnams kyang tshor ro/ /de bzhin gshegs pa dgra bcom pa yang dag par rdzogs pa'i sangs rgyas de dag gang na bzhugs pa de yang rab tu shes so/ /de'i sna'i dbang po de yang dri rnam pa mang po de dang de dag gis mi 'phrogs te
148b1 nyams pa'am gnod par 'gyur ba yang med do/ /de 'dod na dri de dang de dag gzhan dag la yang ston te/ de dran pa nyams par 'gyur ba med do/ /de nas bcom ldan 'das kyis de'i tshe tshigs su bcad pa 'di dag bka' stsal to/ /de yi sna yi dbang
148b2 po rnam dag 'gyur/ /gang rnams 'jig rten khams 'di thams cad na/ /dri zhim dri mi zhim pa ci yod pa/ /des ni rnam pa mang po'i dri yang tshor/ /sna ma'i me tog dri dang ma li ka /tsan dan ta ma la yi 'dab ma dang / /rgya spos dag dang a ga
148b3 ru yi dri/ /me tog 'bras bu sna mang de dag dang / /skyes pa bud med ring na 'dug pa dang / /khye'u rnams dang ni bu mo de dag dang / /sems can rnams kyi dri yang de bzhin shes/ /de yi gnas kyang des ni dri las shes/ /'khor los bsgyur rgyal rnams kyang
148b4 de yis shes/ /stobs kyi 'khor los bsgyur dang rgyal phran dang / /de bzhin khye'u dang bu mo de dag dang / /chung ma'i 'khor kun dri las de yis shes/ /yongs su longs spyod rin chen rnam mang dang / /spa ba gang dag sa la 'dug rnams dang / /bud med rin
148b5 po cher gyur de dag kyang / /byang chub sems dpa' de yis dri las shes/ /de dag rnams kyi rgyan rnams ci yod pa/ /lus la btabs pa rnam pa sna tshogs gzugs/ /gos dang phreng ba byug pa spos rnams kyang / /dri las byang chub sems dpa'
148b6 de yis shes/ /de bzhin 'gring dang 'dug dang nyal ba dang / /rtsed mo dga' ba mthu stobs thams cad kyang / /mdo sde dam pa 'di ni gang 'dzin pa/ /brtan pa de yi sna yi stobs kyis shes/ /spos mchog 'bru mar dri yang de bzhin te/ /me
148b7 tog 'bras bu rnam pa mang po'i dri/ /dri 'di ga ge mo na yod ces kyang / /'dug bzhin du ni cig car shes shing tshor/ /ri yi phrag ni rnam pa sna tshogs na/ /tsan dan me tog rgyas mang gang yod dang / /sems can gang dag de na gnas pa yang /
148b8 mkhas des de dag thams cad dri las shes/ /khor yug ngos la gang dag gnas pa dang / /rgya mtsho'i dbus na yang dag 'khod pa dang / /sa yi dbus na sems can gang gnas pa/ /mkhas pa des ni thams cad dri las shes/ /lha dang
149a1 lha ma yin yang de bzhin shes/ /des ni lha min bu mo dag kyang shes/ /lha ma yin gyi rtsed mo dga' ba 'ang shes/ /de yi sna yi dbang po'i mthu de 'dra/ /nags khrod dag na rkang bzhi gang yod pa/ /seng ge stag dang de bzhin glang chen
149a2 mchog /de na ma he ba lang ba men rnams/ /de dag gnas pa de yi sna yis shes/ /bud med gang dag sbrum par gyur pa dang / /khye'u 'am 'on te bu mo gang yin pa/ /rum na 'chang ba shin du ngal ba'i lus/ /de la gang yod de yi
149a3 dri las shes/ /sems can mngal du zhugs pa 'ang des shes te/ /rnam par 'jig pa'i chos kyang de yis shes/ /bud med 'di ni sdug bsngal rnams dang bral/ /bsod nams ldan pa'i bu ni 'byung bar shes/ /
149a4 skyes bu'i bsam pa mang po rab shes te/ /bsam pa'i dri yang de bzhin de yis tshor/ /'dod chags zhe sdang de bzhin 'chab pa dang / /nye bar zhi ba'i sems kyi dri yang tshor/ /sa la gter rnams gang dag yod gyur pa/ /
149a5 nor rnams dang ni gser dngul 'gron bu yis/ /lcags kyi sgrom rnams de bzhin gang ba dag /dri las byang chub sems dpa' de yis shes/ /mu tig nor bu do shal se mo do/ /rin thang med pa'i rin chen rnam mang po/ /
149a6 rin thang med pa'i ming dang 'od dbyibs kyang / /de dag thams cad de yi dri las shes/ /de bzhin steng gi lha yi me tog rnams/ /man dA ra dang many+dzu Sha ka dang / /yongs 'du'i me tog gang dag yod gyur pa/ /dpa' bo 'di na 'dug
149a7 bzhin de dag tshor/ /gang gi gzhal med khang rnams ci 'dra ba/ /yangs dang 'bring dang de bzhin chung ngu dang / /de na rnam pa sna tshogs gzugs yod pa/ /'di na 'dug bzhin sna yi stobs kyis tshor/ /skyed mos tshal gyi sa
149a8 yang de bzhin shes/ /chos bzangs dang ni rnam par rgyal ba yi/ /khang bzangs mchog na lha gang 'khod pa dag /de na lha bu brtsen pa 'ang rtag tu shes/ /gang zhig gang na las ni byed pa 'am/ /'dug dang nyal dang gang du 'gro ba
149b1 yang / /'di na 'dug bzhin de dag dri yis tshor/ /lha yi bu rnams des ni dri las shes/ /me tog mang brgyan lha yi bu mo gang / /phreng ba thogs shing lhab lhub rnams kyis brgyan/ /gang dang gang du brtsen zhing 'dong ba dag /byang chub
149b2 sems dpa' de yis dri las shes/ /steng du srid pa'i rtse mo'i bar gyi lha/ /tshangs pa tshangs chen gzhal med khang rgyu ba/ /bsam gtan gnas sam 'on te langs pa yang / /de dag der ni dri las rab tu shes/ /'od gsal
149b3 gyi ni lha yi bu rnams kyang / /'chi 'phos skyes pa gsar du 'ongs pa shes/ /byang chub sems dpa' mdo 'di 'dzin pa yi/ /sna yi dbang po 'di 'drar 'gyur ba yin/ /dge slong gang rnams bde gshegs bstan pa la/ /
149b4 mngon par brtson pa 'chag cing 'dug pa dang / /lung nod kha don mos pa'i dge slong rnams/ /thams cad byang chub sems dpa' de yis shes/ /rgyal ba'i sras po nyan thos gang yod pa/ /la la rtag tu shing drung gnas pa
149b5 dag /dge slong 'di zhes bya bar 'dir gnas shes/ /de dag thams cad mkhas pa des shes so/ /byang chub sems dpa' dran ldan bsam gtan pa/ /rtag tu lung nod kha don dga' gang dag /'khor gyi nang na chos kyang rab
149b6 'chad pa/ /de dag dri las byang chub sems dpas shes/ /bde bar gshegs pa thub chen phyogs gang na/ /nyan thos dge 'dun mdun gyis bltas dbus na/ /phan zhing thugs brtse rab tu chos 'chad pa/ /'jig rten mgon po de yang
149b7 dri las shes/ /sems can gang rnams chos 'di nyan pa dag /gang rnams thos nas dga' ba'i yid gyur pa/ /de na rgyal ba'i 'khor rnams thams cad kyang / /'di na 'dug bzhin byang chub sems dpa' shes/ /de yi sna yi
149b8 stobs ni de 'drar 'gyur/ /de la lha yi sna ni da dung med/ /zag pa med par gyur pa lha yi sna/ /de yi sdun du 'gro bar 'di 'gyur ro/ /rtag par rgyun du brtson gzhan yang rigs kyi bu 'am rigs kyi bu mo de/ chos kyi rnam grangs 'di 'dzin
150a1 tam ston tam rab tu 'chad dam yi ger 'drir 'jug na/ lce'i yon tan stong nyis brgya po de dag dang ldan pa'i lce'i dbang po thob par 'gyur te/ de lce'i dbang po de lta bus ro gang dag myangs pa dang ro gang dag tshor ba dang ro gang dag
150a2 lce'i dbang po la reg pa de thams cad lha'i ro bro ba dam par 'gyur ro/ /ji ltar yid du mi 'ong ba'i ro gang dag yang mi myong ba de lta bu myong bar 'gyur ro/ /yid tu mi 'ong ba'i ro gang yin pa de dag kyang / de'i lce'i dbang po'i steng du reg na
150a3 lha'i ro bro bar 'gyur ro/ /'khor gyi nang du song nas chos gang bshad pa des/ sems can de dag dbang po tshim par 'gyur ro/ /mgu ba dang yongs su mgu ba dang mchog tu dga' ba skye'o/ /de'i sgra yang zab cing yid tu 'ong la gnyen
150a4 zhing snyan par 'gyur te/ snying la 'bab pa dang dga' bar 'gyur ba des sems can de dag dga' mgu yid rangs pa'i sems su 'gyur ro/ /gang dag la chos bshad pa de dag gis kyang de'i dbyangs 'jam zhing snyan pa yid tu 'ong ba
150a5 thos nas/ lha rnams kyang blta ba dang phyag bya ba dang bsnyen bkur bya ba dang chos mnyan pa'i phyir de'i drung du 'gro bar sems so/ /lha'i bu dang lha'i bu mo rnams kyang blta ba dang phyag bya ba dang bsnyen bkur bya ba dang / chos
150a6 mnyan pa'i phyir drung du 'gro bar sems so/ /brgya byin dang tshangs pa dang tshangs ris kyi lha'i bu rnams kyang blta ba dang phyag bya ba dang bsnyen bkur bya ba dang chos mnyan pa'i phyir drung du 'gro bar sems so/ /klu dang klu'i bu mo rnams
150a7 kyang blta ba dang phyag bya ba dang bsnyen bkur bya ba dang chos mnyan pa'i phyir drung du 'gro bar sems so/ /lha ma yin dang lha ma yin gyi bu mo rnams kyang blta ba dang phyag bya ba dang bsnyen bkur bya ba dang chos mnyan pa'i phyir
150a8 drung du 'gro bar sems so/ /nam mkha' lding dang nam mkha' lding gi bu mo rnams kyang blta ba dang phyag bya ba dang bsnyen bkur bya ba dang chos mnyan pa'i phyir drung du 'gro bar sems so/ /mi 'am ci dang mi'am ci'i bu mo
150b1 dang gnod sbyin dang gnod sbyin gyi bu mo dang sha za dang sha za'i bu mo rnams kyang blta ba dang phyag bya ba dang bsnyen bkur bya ba dang chos mnyan par bya ba'i phyir drung du 'gro bar sems te/ de dag kyang de la bkur bsti byed sti stang du byed btsun par byed
150b2 mchod pa dang / gsol bar byed dbul bar byed do/ /dge slong dang dge slong ma dang dge bsnyen dang dge bsnyen ma rnams kyang lta 'dod par 'gyur ro/ /rgyal po dang rgyal bu dang blon po'i blon po rnams kyang lta 'dod par 'gyur ro/ /stobs
150b3 kyi 'khor lo sgyur ba'i rgyal po dang 'khor lo sgyur ba'i rgyal po rin po che sna bdun dang ldan pa bu dang bcas pa blon po dang bcas pa btsun mo'i 'khor dang g.yog 'khor dang bcas pa yang bkur bsti bya ba'i phyir lta 'dod par
150b4 'gyur ro/ /chos smra ba de de bzhin gshegs pas ji skad gsungs pa bzhin yang dag pa ji lta ba bzhin du snyan pa'i chos 'chad do/ /bram ze dang khyim bdag dang yul gyi mi gzhan dag kyang rtag tu rgyun mi 'chad par tshe'i
150b5 mtha' mar phyin gyi bar du/ chos smra ba de'i phyi bzhin du 'brang bar 'gyur ro/ /de bzhin gshegs pa'i nyan thos rnams kyang de la lta 'dod par 'gyur ro/ /rang sangs rgyas rnams kyang de la lta 'dod par 'gyur ro/ /sangs rgyas
150b6 bcom ldan 'das rnams kyang de la gzigs bzhed par 'gyur ro/ /rigs kyi bu'am rigs kyi bu mo de phyogs gang na 'dug pa de'i phyogs su de bzhin gshegs pa gzigs te chos 'chad do/ /sangs rgyas
150b7 kyi chos rnams kyi snod tu 'gyur te/ de ltar de zab cing yid tu 'ong ba'i chos rnams kyi sgra 'byin par 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /de yi lce yi dbang
150b8 po mchog tu 'gyur/ /nam yang ngan pa'i ro ni yong mi myong / /reg ma thag tu lha yi ro bror 'gyur/ /lha yi ro bro shin du ldan pa yin/ /rna bar snyan cing yid tu 'ong ba dang / /'jam zhing mnyen pa'i sgra skad rab tu smra/ /'khor gyi
151a1 dbus der dga' bar 'gyur ba yi/ /zab mo'i dbyangs ni rtag par rab tu smra/ /bye ba khrag khrig du ma'i dpe rnams kyis/ /des bshad pa la chos rnams gang nyan pa/ /de na de la mchog tu dga' ba skyed/ /de la mchod pa
151a2 dpag tu med pa byed/ /lha dang klu dang gnod sbyin lha min dang / /gsang ba pa dag rtag tu de lta 'dod/ /chos 'di shin du gus par nyan pa de/ /yon tan 'di dag thams cad de yir 'gyur/ /'dod par gyur na 'jig rten khams 'di
151a3 dag /dbyangs kyis thams cad du yang go bar byed/ /de yi dbyangs ni mnyen zhing 'jam pa ste/ /zab cing snyan la shin du dga' bar 'gyur/ /rgyal po sa bdag 'khor lo sgyur ba rnams/ /mchod pa'i phyir ni de yi drung du 'dong / /
151a4 bu dang chung mar bcas te thal mo sbyar/ /rtag tu de la chos ni nyan par 'gyur/ /gnod sbyin rnams kyis rtag tu bkur bsti byed/ /klu dang dri za dag gi tshogs rnams dang / /sha za pho dang sha za mo rnams kyis/ /sti stang
151a5 ri mo mchod pa rnams kyang byas/ /tshangs pa rnams la de ni dbang byed 'gyur/ /lha bu dbang phyug che dang dbang phyug dang / /brgya byin de bzhin lha yi bu gzhan dang / /lha yi bu mo mang po drung du 'gro/ /sangs rgyas 'jig rten phan
151a6 zhing thugs brtse gang / /nyan thos bcas pas de yi dbyangs thos nas/ /zhal ston pa dang bsrung ba dag kyang mdzad/ /chos 'di 'chad pa la ni dgyes par 'gyur/ /rtag par rgyun du brtson gzhan yang byang chub sems
151a7 dpa' sems dpa' chen po chos kyi rnam grangs 'di 'dzin tam klog gam rab tu 'chad dam ston tam yi ger bris na/ de yi lus kyi yon tan brgyad brgya thob par 'gyur ro/ / de yi lus yongs su dag
151a8 ste lpags pa'i mdog bai dUr+ya ltar dag cing sems can rnams kyis mthong na dga' bar 'gyur ro/ /de yi lus yongs su dag pa de la stong gsum gyi stong chen po'i 'jig rten gyi khams thams cad snang ste/ stong gsum gyi
151b1 stong chen po'i 'jig rten gyi khams na/ sems can gang dag 'chi 'pho ba dang skye ba dang ngan pa dang bzang po dang mdog bzang po dang mdog ngan pa dang bde 'gro dang ngan 'gro dang ri khor yug dang khor yug chen po dang lhun po dang ri'i rgyal po ri rab la
151b2 sems can gang dag gnas pa rnams dang / 'og tu mnar med pa'i sems can dmyal ba la thug pa dang / steng du srid pa'i rtse mo'i bar du sems can gang dag gnas pa de dag thams cad kyang bdag gi lus la snang bar 'gyur ro/ /
151b3 stong gsum gyi stong chen po'i 'jig rten gyi khams 'di na nyan thos sam rang sangs rgyas sam byang chub sems dpa' 'am de bzhin gshegs pa gang la la dag bzhugs pa dang / de bzhin gshegs pa de dag chos gang ston pa dang /
151b4 sems can gang dag de bzhin gshegs pa de dag la bsnyen bkur byed pa dang / sems can de dag thams cad kyi lus so sor thob pa yang / bdag gi lus la snang bar 'gyur ro/ /de ci'i phyir zhe na/ 'di ltar de yi lus yongs su
151b5 dag pa'i phyir ro/ /de nas de'i tshe bcom ldan 'das kyis tshigs su bcad pa 'di dag bka' stsal to/ /gang zhig rgya che mdo 'di 'dzin byed pa/ /de yi lus ni yongs su dag par 'gyur/ /rnam dag bai dUr+ya ltar grub pa ste/ /
151b6 rtag tu sems can rnams kyis mthong na dga'/ /me long phyis par gzugs brnyan snang ba bzhin/ /lus la 'jig rten de dag de bzhin snang / /sems can gzhan min rang byung de yis mthong / /yongs su dag pa'i
151b7 lus ni de 'dra'o/ /'jig rten khams 'di'i sems can ci yod pa/ /lha mi lha ma yin dang gsang ba pa/ /sems dmyal yi dags dud 'gro'i skye gnas rnams/ /lus de la ni gzugs brnyan so sor snang / /srid
151b8 pa'i rtse bar gzhal med khang gi lha/ /brag rnams dang ni ri dang kho ra yug /gangs ri ri rab lhun po chen po rnams/ /de yi lus las rnam pa thams cad snang / /de yi lus la nyan thos bcas pa yi/ /sangs rgyas
152a1 rnams dang sangs rgyas sras gzhan yang / /byang chub sems dpa' gcig pu gang gnas dang / /tshogs la gang dag chos ston rnams kyang snang / /de yi rnam dag lus ni de 'dra ste/ /'jig rten khams rnams
152a2 thams cad de la snang / /de ni da dung lha yis ma thob ste/ /de yi rang bzhin lus ni de 'dra'o/ /rtag par rgyun du brtson gzhan yang byang chub sems dpa' sems dpa' chen po de bzhin gshegs pa yongs su mya ngan las
152a3 'das nas/ chos kyi rnam grangs 'di 'dzin tam ston tam rab tu 'chad dam yi ger 'dri 'am klog na/ yid kyi las kyi yon tan stong nyis brgya po de dag dang ldan zhing yid kyi dbang po yongs su dag par 'gyur ro/ /de yid
152a4 kyi dbang po yongs su dag pa des/ tha na tshigs su bcad pa gcig thos pas kyang de'i don mang por shes so/ /des de dag khong du chud nas de'i phyir zla ba gcig tu chos ston to/ /zla ba bzhi 'am lor yang chos ston to/ /chos
152a5 gang bshad pa de la de brjed ngas par mi 'gyur ro/ /'jig rten pa'i 'jig rten gyi tha snyad gang dag skad dam sngags ci yod pa de dag thams cad chos kyi tshul dang sbyor ro/ /stong gsum gyi stong chen po'i 'jig rten gyi khams
152a6 na/ sems can 'gro ba drug tu skyes shing 'khor ba'i sems can gang ji snyed pa de dag thams cad kyi sems kyi spyod pa'i g.yo ba rnams kyang shes so/ /g.yos pa dang bsam pa dang spros pa rnams kyang shes shing rab tu
152a7 rtogs so/ /re shig 'phags pa'i ye shes ma thob kyang de'i yid kyi dbang po 'di lta bur yongs su dag par 'gyur ro/ /chos kyi nges pa'i tshig gang dang gang rjes su bsams te/ gtam ston pa de dag thams cad kyang
152a8 yang dag par ston to/ /de bzhin gshegs pas gsungs pa thams cad ston to/ /sngon gyi rgyal bas mdo sde'i rnam grangs bstan pa thams cad 'chad do/ /de nas bcom ldan 'das kyi de'i tshe tshigs su bcad
152b1 pa 'di dag bka' stsal to/ /de yi yid kyi dbang po rnam dag 'gyur/ /gsal zhing 'od gsal rnyog pa med pa ste/ /ngan pa bzang po de bzhin bar ma dang / /des ni rnam pa mang po'i chos rab shes/ /brtan pa des ni tshigs bcad
152b2 gcig thos kyang / /de don rnam pa mang po de yis shes/ /zla ba bzhi 'am de bzhin lo yi bar/ /rtag tu yang dag 'brel par rab tu smra/ /sems can gang rnams 'jig rten khams 'di yi/ /phyi rol dag dang nang na gang gnas pa/ /
152b3 lha mi lha ma yin dang gsang ba pa/ /klu dang dud 'gro'i skye gnas gar song dang / /'gro ba drug na gnas pa'i sems can rnams/ /de dag rnams kyis rnam par ci bsams pa/ /skad cig tu ni thams cad mkhas pas shes/ /
152b4 mdo 'dzin pa yi phan yon 'di dag go/ /bsod nams brgya yi mtshan ldan sangs rgyas kyis/ /'jig rten kun la chos gang rab bshad pa/ /de yi rnam par dag pa'i sgra yang thos/ /de yis ci bstan pa yang des bzung ste/ /
152b5 chos kyi mchog kyang mang du rnam par sems/ /de ni rtag tu mang po ston par 'gyur/ /de ni rmongs par nam yang mi 'gyur te/ /mdo 'dzin pa yi phan yon 'di dag go/ /des ni mtshams dang tshigs kyang rab tu shes/ /chos
152b6 rnams kun gyi mtshan nyid mi mthun dang / /don dang nges pa'i tshig kyang rab tu shes/ /ji ltar de dag shes pa bzhin du 'chad/ /sngon gyi 'jig rten dag gi slob dpon gyis/ /yun ring 'dir ni mdo sde gang bshad pa/ /de yi chos
152b7 rnams 'khor gyi dbus su yang / /'jigs pa med par rtag tu de 'chad do/ /mdo 'di bzung ba dang ni bklags pa yis/ /de yi yid kyi dbang po de 'drar 'gyur/ /da dung ma chags ye shes ma thob ste/ /'di ni de yi sngon du
152b8 'gro bar 'gyur/ /bde bar gshegs pa'i mdo 'di 'dzin pa yang / slob dpon gyi ni sa la 'dug pa yin/ /sems can thams cad la yang chos smra ste/ /nges tshig bye ba snyed la mkhas par 'gyur/ /dam pa'i chos pad ma
153a1 dkar po las skye mched drug rnam par dag pa'i phan yon gyi le'u zhes bya ste bcwa brgyad pa'o// // de nas bcom ldan 'das kyis byang chub sems dpa' sems dpa' chen po
153a2 mthu chen thob la bka' stsal pa/ mthu chen thob rnam grangs 'dis kyang 'di ltar rig par bya ste/ gang dag kha cig chos kyi rnam grangs 'di lta bu 'di spong ba dang mdo sde 'di lta bu 'dzin pa'i dge slong dang dge slong
153a3 ma dang dge bsnyen dang dge bsnyen ma la gshe zhing mi snyan par smra ba dang tshogs pa mi dbyung ba'i tshig rtsub po zer ba de dag gi rnam par smin pa 'dod pa ma yin par 'gyur te/ de ni tshig gis brjod tu yang mi nus
153a4 so/ /gang dag mdo sde 'di lta bu 'di 'dzin pa dang klog pa dang kun chub par byed pa dang 'chad pa dang gzhan dag la yang rgya cher yang dag par rab tu ston pa de dag gi rnam par smin pa ni 'dod par 'gyur te/ ji ltar ngas sngar brjod
153a5 pa de lta bur mig dang rna ba dang sna dang lce dang lus dang yid yongs su dag pa thob par 'gyur ro/ /mthu chen thob sngon byung ba 'das pa'i dus na/ bskal pa grangs med pa'i yang ches grangs med pa yangs pa tshad med pa bsam
153a6 gyis mi khyab pa de dag gi yang ches pha rol du gyur pa de'i tshe de'i dus na tha dad tu gnas pa'i bskal pa la/ 'jig rten gyi khams cher 'byung bar de bzhin gshegs pa dgra bcom pa yang dag par rdzogs pa'i sangs
153a7 rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jigs
153a8 bsgrags dbyangs kyi rgyal po zhes bya ba 'jig rten du byung ste/ mthu chen thob bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'jigs bsgrags dbyangs kyi rgyal po de
153b1 'jig rten gyi khams cher byung ba de na/ lha dang mi dang lha ma yin du bcas pa'i 'jig rten gyi mdun na chos ston to/ /nyan thos rnams la ni skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal
153b2 ba dang yid mi bde ba dang 'khrug pa las shin du bzla ba'i phyir/ mya ngan las 'das pa'i mthar thug pa 'phags pa'i bden pa bzhi dang ldan pa rten cing 'brel par 'byung ba la 'jug pa'i chos ston to/ /byang chub sems dpa' sems
153b3 dpa' chen po rnams la ni bla na med pa yang dag par rdzogs pa'i byang chub la brtsams te/ pha rol tu phyin pa drug dang ldan pa de bzhin gshegs pa'i ye shes kyi mthar thug pa'i chos ston to/ /mthu chen thob bcom ldan 'das
153b4 de bzhin gshegs pa dgra bcom pa yang dag par rdzogs pa'i sangs rgyas 'jigs bsgrags dbyangs kyi rgyal po de'i tshe'i tshad ni/ bskal pa bye ba khrag khrig brgya phrag stong gang gA'i klung bzhi'i bye ma snyed tu gyur to/ /de yongs su mya
153b5 ngan las 'das nas kyang / bskal pa bye ba khrag khrig brgya stong phrag 'dzam bu'i gling gi rdul phra rab snyed tu dam pa'i chos gnas par gyur to/ /bskal pa bye ba khrag khrig brgya stong phrag gling bzhi'i rdul phra rab snyed tu dam pa'i
153b6 chos kyi gzugs brnyen gnas par gyur to/ /mthu chen thob 'jig rten gyi khams cher 'byung ba de na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'jigs bsgrags dbyangs
153b7 kyi rgyal po de/ yongs su mya ngan las 'das pa'i dam pa'i chos dang dam pa'i chos kyi gzugs brnyan yang med par gyur nas/ de bzhin gshegs pa dgra bcom pa yang dag par rdzogs pa'i sangs rgyas 'jigs bsgrags
153b8 dbyangs kyi rgyal po gzhan yang 'jig rten du byung ngo / /mthu chen thob de lta bu gcig nas gcig tu cher 'byung ba'i 'jig rten gyi khams der/ de bzhin gshegs pa dgra bcom pa yang dag par rdzogs pa'i
154a1 sangs rgyas 'jigs bsgrags dbyangs kyi rgyal po bye ba khrag khrig brgya stong phrag nyi shu byung ngo / /mthu chen thob tha dad tu gnas pa'i bskal pa la/ 'jig rten gyi khams cher 'byung ba der de bzhin gshegs pa
154a2 dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa 'jigs
154a3 bsgrags dbyangs kyi rgyal po/ de bzhin gshegs pa thams cad kyi thog mar gang byung ba'i bcom ldan 'das yongs su mya ngan las 'das pa de'i dam pa'i chos nub par gyur te/ dam pa'i chos kyi gzugs brnyan
154a4 yang nub par gyur pa'i tshe/ de'i bstan pa la nga rgyal can gyi dge slong gis shin du non par gyur te/ de nas byang chub sems dpa' sems dpa' chen po rtag tu brnyas pa zhes bya ba'i dge slong zhig byung ngo / /mthu chen thob ci
154a5 'i phyir byang chub sems dpa' sems dpa' chen po de rtag tu brnyas pa zhes bya zhe na/ mthu chen thob byang chub sems dpa' sems dpa' chen po des/ dge slong ngam dge slong ma 'am dge bsnyen nam dge bsnyen ma su mthong yang rung
154a6 ste de dag gi drung du song nas 'di skad tu/ kho bo ni tshe dang ldan pa khyed la brnyas par mi byed de khyed ni ma brnyas pa'o/ /de ci'i phyir zhe na/ khyed thams cad kyis byang chub sems dpa'i spyad pa spyod cig dang / khyed de bzhin
154a7 gshegs pa dgra bcom pa yang dag par rdzogs pa'i sangs rgyas su 'gyur ro/ /zhes smra'o/ /mthu chen thob rnam grangs 'dis byang chub sems dpa' sems dpa' chen po dge slong du gyur pa de/ sems can rgyang ring po
154a8 na 'dug pa su mthong yang rung ste/ de'i drung du song zhing de skad tu yang dag par sgrogs pa ma gtogs par/ lung yang mi nod/ kha don yang mi byed de/ dge slong ngam dge slong ma 'am dge bsnyen nam dge bsnyen ma de dang de dag gi drung du
154b1 song nas/ 'di skad tu kho bo ni tshe dang ldan pa khyed la brnyas par mi byed de khyed ni ma brnyas pa'o/ /de ci'i phyir zhe na/ khyed thams cad kyis byang chub sems dpa'i spyad pa spyod cig dang / khyed de bzhin gshegs pa dgra bcom
154b2 pa yang dag par rdzogs pa'i sangs rgyas su 'gyur ro zhes smra'o/ /mthu chen thob byang chub sems dpa' sems dpa' chen po des de'i tshe dge slong ngam dge slong ma 'am dge bsnyen nam dge bsnyen ma 'am su dang su la
154b3 de skad bsgrags pa de dag thams cad las phal cher de la khro zhing gnod par sems la ma dad pa skyed de/ de la gshe zhing spyos te/ ci'i phyir dge slong 'di ma dris par brnyas pa'i sems med do/ /zhes bdag cag la ston te/
154b4 bdag nyid la brnyas par byed cing 'di ltar ma bsams mi 'dod par bla na med pa yang dag par rdzogs pa'i byang chub tu bdag cag la lung ston ces smra'o/ /mthu chen thob byang chub sems dpa' sems dpa' chen po de de lta
154b5 bur gshe zhing spyo bas lo mang po 'das te/ /su la yang mi khro zhing gnod sems mi bskyed do/ /de ltar de yang dag par sgrogs pa la bong ba dang dbyug pa 'phen kyang / des de dag la thag ring po nas sgra chen por byas te/ kho bo khyed
154b6 la brnyas par mi byed do zhes yang dag par sgrog go/ /des nga rgyal can gyi dge slong dang dge slong ma dang dge bsnyen dang dge bsnyen ma de dag la rtag tu rgyun mi 'chad par yang dag par bsgrags pas de dag gis de la ming rtag tu
154b7 brnyas pa zhes btags so/ /mthu chen thob byang chub sems dpa' sems dpa' chen po rtag tu brnyas pa de 'chi ba'i dus byed pa nye bar gnas te/ 'chi ba'i dus kyi tshe dam pa'i chos pad ma dkar po'i chos kyi rnam grangs
154b8 'di thos par gyur te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'jigs bsgrags dbyangs kyi rgyal po des chos kyi rnam grangs 'di tshigasu bcad pa dkrigs phrag bye ba
155a1 khrag khrig brgya stong phrag nyi shu bshad pa de yang / byang chub sems dpa' sems dpa' chen po rtag tu brnyas pa de/ 'chi ba'i dus nye bar gnas pa'i tshe bar snang gi sgra las chos kyi rnam grangs 'di thos so/ /sus kyang ma
155a2 smras par des bar snang las sgra thos te/ chos kyi rnam grangs 'di bzung nas mig rnam par dag pa dang rna ba rnam par dag pa dang sna rnam par dag pa dang lce rnam par dag pa dang lus rnam par dag pa dang yid rnam par dag pa
155a3 de lta bu thob bo/ /rnam par dag pa de dag thob ma thag tu phyir yang lo bye ba khrag khrig brgya stong phrag nyi shur bdag gi srog gi 'du byed byin gyis brlabs te/ chos kyi rnam grangs 'di yang dag par bsgrags so/ /dge slong ngam dge slong
155a4 ma 'am dge bsnyen nam dge bsnyen ma nga rgyal can gang dag la sngon khyed la kho bos brnyas par mi byed do/ /zhes bsgrags pa gang dag gis/ de'i ming rtag tu brnyas par btags pa de dag gis/ de'i rdzu 'phrul gyi stobs
155a5 kyi mthu dang dam bcas pa'i stobs kyi mthu dang spobs pa'i stobs kyi mthu dang shes rab kyi mthu rgya chen po mthong nas/ thams cad kyang chos mnyan pa'i phyir phyi na 'khod par gyur to/ /des gzhan yang srog chags bye
155a6 ba khrag khrig brgya stong mang po de dag thams cad kyang bla na med pa yang dag par rdzogs pa'i byang chub tu yang dag par btsud do/ /mthu chen thob byang chub sems dpa' sems dpa' chen po de/ de nas shi 'phos nas de bzhin
155a7 gshegs pa dgra bcom pa yang dag par rdzogs pa'i sangs rgyas zla ba'i dbyangs kyi rgyal po zhes bya bar mtshan mthun pa bye ba brgya phrag nyi shu mnyes par byas te/ thams cad du yang chos kyi rnam grangs 'di yang dag par
155a8 rab tu bstan to/ /de sngon gyi dge ba'i rtsa ba des rim gyis de bzhin gshegs pa dgra bcom pa yang dag par rdzogs pa'i sangs rgyas rnga sgra rgyal po zhes bya bar mtshan mthun pa bye ba brgya phrag nyi shu mthar gyis mnyes par byas nas
155b1 de thams cad du yang / dam pa'i chos pad ma dkar po'i chos kyi rnam grangs 'di bzung ste/ 'khor bzhi la yang dag par rab tu bshad do/ /de sngon gyi dge ba'i rtsa ba des mthar gyis de bzhin gshegs pa dgra bcom pa yang dag par
155b2 rdzogs pa'i sangs rgyas sprin sgra rgyal po zhes bya bar mtshan mthun pa bye ba brgya phrag nyi shu mnyes par byas nas/ thams cad du yang dam pa'i chos pad ma dkar po'i chos kyi rnam grangs 'di nyid bzung ste/ 'khor bzhi la yang dag
155b3 par rab tu bshad do/ /thams cad na yang mig yongs su dag pa dang ldan par gyur to/ /rna ba yongs su dag pa dang sna yongs su dag pa dang lce yongs su dag pa dang lus yongs su dag pa dang yid yongs su dag pa de lta bu dang ldan par
155b4 gyur to/ /mthu chen thob byang chub sems dpa' sems dpa' chen po rtag tu brnyas pa des/ de bzhin gshegs pa bye ba khrag khrig brgya stong de snyed la sti stang byas bla mar byas ri mo dang mchod pa dang gsol ba dang dbul ba byas te
155b5 gzhan yang sangs rgyas bye ba khrag khrig brgya stong mang po la sti stang du bya ba dang bla mar bya ba dang ri mo dang mchod pa dang gsol ba byas nas/ de dag thams cad du yang dam pa'i chos pad ma dkar po'i chos kyi rnam grangs 'di bzung ste
155b6 sngon gyi dge ba'i rtsa ba de nyid yongs su smin pas/ bla na med pa yang dag par rdzogs pa'i byang chub mngon par rdzogs par sangs rgyas so/ /mthu chen thob de'i tshe de'i dus na bcom ldan 'das de bzhin gshegs pa dgra
155b7 bcom pa yang dag par rdzogs pa'i sangs rgyas 'jigs bsgrags dbyangs kyi rgyal po'i bstan pa la/ 'khor bzhi rnams kyis rtag tu brnyas par grags shing / gang gis de bzhin gshegs pa dgra
155b8 bcom pa yang dag par rdzogs pa'i sangs rgyas de snyed mnyes par byas pa/ byang chub sems dpa' sems dpa' chen po rtag tu brnyas pa de/ gzhan zhig yin snyam du som nyi 'am yid gnyis sam
156a1 the tshom za bar gyur na/ mthu chen thob khyod kyis de ltar mi blta'o/ /de ci'i phyir zhe na/ nga nyid de'i tshe de'i dus na byang chub sems dpa' sems dpa' chen po rtag tu brnyas pa zhes bya bar gyur to/ /mthu chen thob gal
156a2 te ngas sngon chos kyi rnam grangs 'di ma blangs ma bzung bar gyur na/ nga 'di ltar myur du bla na med pa yang dag par rdzogs pa'i byang chub mngon par rdzogs par sangs rgyas par mi 'gyur te/ mthu chen thob de ltar ngas sngon
156a3 gyi de bzhin gshegs pa dgra bcom pa yang dag par rdzogs pa'i sangs rgyas rnams kyis gnang nas chos kyi rnam grangs 'di bzung ste/ bklags pa dang bstan pas de'i phyir nga 'di ltar myur du bla na med pa yang dag par
156a4 rdzogs pa'i byang chub mngon par rdzogs par sangs rgyas so/ /mthu chen thob byang chub sems dpa' sems dpa' chen po rtag tu brnyas pa des dge slong dang dge slong ma dang dge bsnyen dang dge bsnyen ma brgya phrag mang
156a5 po dag la/ bcom ldan 'das de'i bstan pa la chos kyi rnam grangs 'di yang dag par bsgrags shing / kho bo khyed la brnyas par mi byed do/ /khyed thams cad kyang byang chub sems dpa'i spyad pa spyod cig dang / khyed de bzhin gshegs
156a6 pa dgra bcom pa yang dag par rdzogs pa'i sangs rgyas su 'gyur ro zhes byas pa dang / gang gis byang chub sems dpa' de la gnod sems bskyed par gyur pa de dag gis bskal pa bye ba brgya phrag nyi shur nam yang de
156a7 bzhin gshegs pa ma 'thong chos kyi sgra yang ma thos/ dge 'dun gyi sgra yang ma thos so bskal pa stong phrag bcur mnar med pa'i sems can dmyal ba chen por sdug bsngal mi bzad pa myong ngo / /de dag thams cad kyi las kyi sgrib pa
156a8 de las yongs su thar nas/ byang chub sems dpa' sems dpa' chen po de nyid kyis bla na med pa yang dag par rdzogs pa'i byang chub tu yongs su smin par byas so/ /mthu chen thob de'i tshe de'i dus na sems
156b1 can du gyur pa/ byang chub sems dpa' sems dpa' chen po la bsting ba dang / 'phya ba byas pa de dag gang yin snyam du som nyi 'am yid gnyis sam the tshom za bar gyur na/ mthu chen thob 'khor 'di nyid kyi nang na/ bzang
156b2 skyong la sogs pa byang chub sems dpa' lnga brgya dang seng ge'i zla ba la sogs pa dge slong ma lnga brgya dang bde gshegs sems pa la sogs pa dge bsnyen ma lnga brgya ste/ thams cad kyang bla na med pa yang dag par
156b3 rdzogs pa'i byang chub las phyir mi ldog par byas so/ /mthu chen thob chos kyi rnam grangs 'di 'dzin pa dang ston pa dang ldan pa'i bsod nams kyi phung po de ltar don che ste/ byang chub sems dpa' sems dpa' chen
156b4 po rnams kyi bla na med pa yang dag par rdzogs pa'i byang chub thob par byed par 'gyur ro/ /mthu chen thob de lta bas na de bzhin gshegs pa nga yongs su mya ngan las 'das nas/ byang chub sems dpa' sems dpa' chen po rnams
156b5 kyis chos kyi rnam grangs 'di rgyun mi 'chad par gzung bar bya'o/ /bstan par bya'o/ /klag par bya'o/ /bshad par bya'o/ /de nas bcom ldan 'das kyis de'i tshe/ tshigs su bcad pa 'di dag bka' stsal to/ /'das pa'i dus
156b6 rnams rjes su dran pa ni/ /'jigs bsgrags dbyangs rgyal rgyal ba gang byung ba/ /lha mi gnod sbyin srin po'i 'dren pa ste/ /mthu chen de la lha dang mi yis mchod/ /rgyal ba de ni mya ngan yongs 'das nas/ /dam
156b7 chos 'khrugs par gyur pa tha ma la/ /de na byang chub sems dpa' dge slong byung / /de yi ming ni rtag tu brnyas shes bya/ /de na dge slong gzhan dang de bzhin du/ /dmigs par lta ba'i dge slong de gan song / /
156b8 kho bos khyed la nam yang brnyas pa med/ /khyed kyis byang chub mchog phyir spyad pa spyod/ /de bzhin rtag tu yang dag bsgrags pa na/ /gshe zhing brgyad pa de dag bzod par byed/ /'chi ba'i dus byed nye bar gnas pa dang / /de yis
157a1 mdo sde 'di ni thos gyur nas/ /de tshe mkhas pas 'chi ba'i dus ma byas/ /tshe yang shin du ring por byin brlabs te/ /rnam par 'dren pa de yi bstan pa la/ /de tshe mdo 'di yang ni rab tu bshad/ /dmigs can mang po de dag
157a2 thams cad kyang / /de yis byang chub tu ni yongs smin byas/ /de nas byang chub sems dpa' shi 'phos nas/ /sangs rgyas bye ba phrag stong mnyes byas te/ /mthar gyis bsod nams byas pa de dag gis/ /mdo 'di yang ni
157a3 rtag par rab tu bshad/ /rgyal ba'i sras des byang chub yang dag thob/ /shAkya thub pa nga nyid de yin no/ /de tshe gang dag dmigs can dge slong dang / /dge slong ma dang dge bsnyen gang rnams dang / /de na dge bsnyen ma rnams
157a4 gang byung ba/ /mkhas pas de tshe byang chub bsgrags gyur pa/ /de dag rnams kyi sangs rgyas bye mang mthong / /de dag lnga brgya mi nyung 'di rnams dang / /de bzhin dge slong pha dang dge slong ma/ /nga yi mngon sum dge bsnyen 'di dag
157a5 ste/ /thams cad nga yis chos mchog thos byas nas/ /ngas ni 'di dag thams cad yongs smin byas/ /mya ngan nga 'das dpa' bo 'di kun ni/ /'di na mdo sde mchog 'di 'dzin par 'gyur/ /bskal pa mtha' yas bye ba mang por
157a6 yang / /'di 'dra'i chos ni nam yang mi thos te/ /sangs rgyas bye ba phrag brgya 'byung na yang / /de dag kyang ni mdo 'di mi 'chad do/ /de phyir rang byung nyid kyis brjod pa'i chos/ /'di lta bu yi rnam pa thos nas su/ /yang dang yang
157a7 ni rab tu 'di zung la/ /mya ngan nga 'das mdo 'di rab shod cig /dam pa'i chos pad ma dkar po las rtag tu brnyas pa'i le'u zhes bya ste bcu dgu pa'o// // de nas byang chub sems dpa' bye ba khrag khrig brgya stong phrag stong gi
157a8 'jig rten gyi khams kyi rdul phra rab snyed gang dag /sa rum nas 'thod pa de dag thams cad kyis bcom ldan 'das kyi spyan sngar thal mo sbyar nas bcom ldan 'das la 'di skad ces gsol to/ /bcom ldan 'das de bzhin gshegs
157b1 pa yongs su mya ngan las 'das nas/ bdag cag gis sangs rgyas kyi zhing thams cad na/ bcom ldan 'das kyis sangs rgyas kyi zhing gang dag lags pa gang du/ bcom ldan 'das yongs su mya ngan las 'da' bar 'gyur ba de dang der chos
157b2 kyi rnam grangs 'di rab tu bshad par bgyi'o/ /bcom ldan 'das bdag cag ni chos kyi rnam grangs rgya chen po 'di lta bu bzung ba dang klag pa dang bstan pa dang rab tu bshad pa dang yi ger bri bar 'tshal ba lags so/ /de nas 'jam dpal la sogs
157b3 pa byang chub sems dpa' bye ba khrag khrig brgya stong mang po gang dag 'jig rten gyi khams mi mjed 'di na gnas pa dag dang dge slong dang dge slong ma dang dge bsnyen dang dge bsnyen ma dang lha dang klu dang gnod sbyin dang dri za dang lha ma yin dang nam
157b4 mkha' lding dang mi 'am ci dang lto 'phye chen po dang mi dang mi ma yin pa rnams dang / byang chub sems dpa' sems dpa' chen po gang gA'i klung gi bye ma snyed kyis bcom ldan 'das la 'di skad ces gsol to/ /bcom ldan 'das de bzhin
157b5 gshegs pa yongs su mya ngan las 'das nas/ bdag cag gis kyang chos kyi rnam grangs 'di yang dag par rab tu bshad par bgyi'o/ /bcom ldan 'das las mi gda' bar bar snang la gnas te dbyangs kyis yang dag par
157b6 bsgrag par bgyi'o/ /dge ba'i rtsa ba ma bskrun pa'i sems can rnams dge ba'i rtsa ba bskrun par bgyi'o/ /de nas bcom ldan 'das kyis byang chub sems dpa' sems dpa' chen po/ /snga ma tshogs dang tshogs chen po
157b7 dang tshogs kyi slob dpon de dag gi gtso bo gcig po/ byang chub sems dpa' sems dpa' chen po spyod pa khyad par can zhes bya ba/ tshogs dang tshogs chen po dang tshogs kyi slob dpon la 'di skad ces
157b8 bka' stsal to/ /spyod pa khyad par can legs so legs so/ /khyod kyis de ltar gyis shig chos kyi rnam grangs 'di'i phyir khyed de bzhin gshegs pas yongs su smin par byas so/ /
158a1 de nas bcom ldan 'das de bzhin gshegs pa shAkya thub pa dang / bcom ldan 'das yongs su mya ngan las 'das pa/ de bzhin gshegs pa dgra bcom pa yang dag par rdzogs pa'i sangs rgyas rin chen mang de mchod
158a2 rten gyi dbus na seng ge'i khri la bzhugs pa gnyi ga 'dzum pa mdzad nas/ gnyis ka zhal gyi sgo nas ljags kyi dbang po phyung ste/ ljags kyi dbang po de nyid kyis tshangs pa'i 'jig rten gyi bar du phyin nas/ ljags kyi dbang
158a3 po de gnyis las 'od zer bye ba khrag khrig brgya stong mang po byung ngo / /'od zer de dag las 'od zer re re las kyang byang chub sems dpa' bye ba khrag khrig brgya stong mang po lus kyi mdog gser gyi kha dog 'dra ba/ skyes bu chen
158a4 po'i mtshan sum bcu rtsa gnyis dang ldan pa/ pad ma'i snying po'i seng ge'i khri la 'khod pa dag byung ngo / /byang chub sems dpa' de dag kyang phyogs dang phyogs mtshams kyi 'jig rten gyi khams brgya stong dag tu dong ste/
158a5 phyogs dang phyogs mtshams de dag thams cad na bar snang la 'khod nas chos ston to/ /ji ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang /
158a6 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang gi ljags kyi dbang pos rdzu 'phrul gyi cho 'phrul mdzad pa de bzhin du/ 'jig rten gyi khams bye ba khrag khrig
158a7 brgya stong gzhan dag nas/ de bzhin gshegs pa dgra bcom pa yang dag par rdzogs pa'i sangs rgyas gang dag gshegs pa'i rin po che'i shing ljon pa'i drung dag na/ seng ge'i khri la so sor bzhugs pa de dag kyang ljags
158a8 kyi dbang pos rdzu 'phrul gyi cho 'phrul mdzad do/ /de nas bcom ldan 'das shAkya thub pa dang / de bzhin gshegs pa rin chen mang dang / de bzhin gshegs pa dgra bcom pa yang dag par rdzogs pa'i sangs rgyas de dag thams
158b1 cad kyis lo 'bum tshang gi bar du rdzu 'phrul mngon par 'du byed pa mdzad do/ /de nas lo 'bum 'das nas de bzhin gshegs pa dgra bcom pa yang dag par rdzogs pa'i sangs rgyas de dag gis ljags kyi dbang po de dag bsdus te/
158b2 dus gcig tu skad cig thang cig yud tsam gcig la/ thams cad kyi mgur gsal ba'i sgra chen po phyung ste se gol gtogs pa'i sgra gcig mdzad do/ /mgur gsal ba'i sgra chen po de dang se gol gtogs pa'i sgra chen po
158b3 des/ phyogs bcu'i sangs rgyas kyi zhing bye ba khrag khrig brgya stong ji snyed pa de dag thams cad g.yos par gyur te/ g.yos rab tu g.yos kun du rab tu g.yos/ 'gul rab tu 'gul kun tu rab tu 'gul/ ldeg rab tu ldeg
158b4 kun du rab tu ldeg go/ /sangs rgyas kyi zhing de dag na lha dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen po dang mi dang mi ma yin pa sems can ji snyed 'khod pa de dag de na 'dug bzhin du
158b5 sangs rgyas kyi mthus de dag thams cad kyis 'jig rten gyi khams mi mjed 'di mthong ste/ de bzhin gshegs pa bye ba khrag khrig brgya stong rin po che'i shing ljon pa'i drung na seng ge'i khri so so la bzhugs pa de dag dang
158b6 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / bcom ldan 'das yongs su mya ngan las 'das pa de bzhin gshegs pa dgra bcom pa yang
158b7 dag par rdzogs pa'i sangs rgyas rin chen mang rin po che'i mchod rten chen po de'i dbus na seng ge'i khri la bzhugs pa de bcom ldan 'das de bzhin gshegs pa shAkya thub pa dang lhan cig tu bzhugs
158b8 pa dang / 'khor bzhi po de dag kyang mthong ngo / /de mthong nas ngo mtshar du gyur rmad tu gyur shin du dga' ba thob par gyur te bar snang las sgra 'di skad ces thos ta/ kye grogs po dag 'jig rten gyi khams bye ba
159a1 khrag khrig brgya stong dpag tu med grangs med pa dag 'das pa na/ 'jig rten gyi khams mi mjed ces bya ba de na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes
159a2 bya ba de/ da ltar dam pa'i chos pad ma dkar po zhes bya ba'i chos kyi rnam grangs shin du rgyas pa chen po'i mdo sde/ byang chub sems dpa' rnams la gdams pa/ sangs rgyas thams cad kyis yongs su bzung ba/
159a3 byang chub sems dpa' sems dpa' chen po rnams la yang dag par rab tu 'chad kyis/ de la khyed kyang lhag pa'i bsam pas rjes su yi rang bar gyis shig /bcom ldan 'das de bzhin gshegs pa dgra bcom pa
159a4 yang dag par rdzogs pa'i sangs rgyas shAkya thub pa de la phyag tshol cig /mchod pa gyis shig ces thos so/ /de nas sems can de dag thams cad kyis bar snang las de lta bu'i sgra thos nas de na 'khod bzhin du/
159a5 bcom ldan 'das de bzhin gshegs pa shAkya thub pa la phyag 'tshal lo zhes tshig de skad smras so/ /bcom ldan 'das de bzhin gshegs pa shAkya thub pa dang dam pa'i chos pad ma dkar po'i chos kyi rnam grangs 'di la
159a6 mchod pa'i las kyi phyir thal mo sbyar te/ me tog dang bdug pa dang spos dang phreng ba dang byug pa dang phye ma dang na bza' dang gdugs dang rgyal mtshan dang lha'i ba dan dang rnam par rgyal ba'i ba dan mang po/ 'jig rten gyi khams
159a7 mi mjed 'di ga la ba de logs su 'thor ro/ /phyang phrul dang bgo ba dang se mo do dang do shal dang nor bu rin po che rnam pa mang po yang gtor to/ /me tog dang bdug pa dang spos dang phreng ba dang byug pa dang phye ma dang chos gos dang
159a8 gdugs dang rgyal mtshan dang lha'i ba dan dang rnam par rgyal ba'i ba dan dang se mo do dang do shal dang nor bu dang rin po che gtor ba de dag thams cad la 'jig rten gyi khams mi mjed 'dir 'ongs te/ me tog dang bdug pa dang spos dang phreng ba dang byug pa dang phye
159b1 ma dang na bza' dang gdugs dang rgyal mtshan dang lha'i ba dan dang rnam par rgyal ba'i ba dan gyi phung po dang se mo do dang do shal dang nor bu dang rin po che de dag gis thams cad dang ldan pa'i 'jig rten gyi khams mi mjed 'di khebs par
159b2 gyur te/ 'jig rten gyi khams gzhan bye ba khrag khrig brgya stong de dag dang lhan cig tu khebs par gyur nas gcig tu gyur te/ gang dag na de bzhin gshegs pa de dag bzhugs pa/ 'jig rten gyi khams bye ba khrag khrig brgya
159b3 stong de dag thams cad kyi steng gi nam mkha' bar snang la me tog gi bla re chen pos kun du khebs par gyur to/ /de nas bcom ldan 'das kyis spyod pa khyad par can la sogs pa/ byang chub sems dpa' sems dpa' chen
159b4 po rnams la bka' stsal pa/ rigs kyi bu dag de bzhin gshegs pa dgra bcom pa yang dag par rdzogs pa'i sangs rgyas rnams kyi mthu bsam gyis mi khyab pa ste/ rigs kyi bu dag chos kyi rnam grangs 'di yongs su gtad pa'i
159b5 phyir/ ngas bskal pa bye ba khrag khrig brgya stong mang por chos kyi sgo rnam pa tha dad pa dag gis phan yon gyi rnam grangs mang po bshad mod kyi/ ngas chos kyi rnam grangs 'di'i yon tan bshad kyang yon tan gyi pha rol du mi phyin to/ /
159b6 rigs kyi bu dag mdor na sangs rgyas kyi chos thams cad dang / sangs rgyas kyi khyu mchog tu gyur pa thams cad dang / sangs rgyas kyi gsang chen thams cad dang / sangs rgyas kyi zab mo'i gnas thams cad/ ngas chos kyi rnam
159b7 grangs 'dir bshad do/ /rigs kyi bu dag de lta bas na khyed kyis kyang / de bzhin gshegs pa yongs su mya ngan las 'das nas/ chos kyi rnam grangs 'di la gus par gzung bar bya'o/ /bstan par bya'o/ /
159b8 yi ger bri bar bya'o/ /klag par bya'o/ /rab tu bshad par bya'o/ /bsgom par bya'o/ /mchod par bya'o/ /rigs kyi bu dag sa phyogs gang na chos kyi rnam grangs 'di klog gam ston tam rab tu 'chad dam yi ger 'dri 'am sems
160a1 sam 'don tam kha ton byed dam glegs bam du byas pa/ kun dga' ra ba'am gtsug lag khang ngam khyim 'am gnas sam shing drung ngam khang pa 'am gnas khang ngam phug na 'dug kyang rung ste/ sa phyogs der de bzhin
160a2 gshegs pa'i phyir mchod rten bya'o/ /de ci'i phyir zhe na/ sa phyogs de de bzhin gshegs pa thams cad kyi byang chub kyi snying por rig par bya ba dang / sa phyogs der de bzhin gshegs pa dgra bcom pa yang dag par rdzogs pa'i
160a3 sangs rgyas thams cad bla na med pa yang dag par rdzogs pa'i byang chub mngon par rdzogs par sangs rgyas par rig par bya ba dang / sa phyogs der de bzhin gshegs pa thams cad kyis chos kyi 'khor lo rab tu bskor ba dang /
160a4 sa phyogs der de bzhin gshegs pa thams cad yongs su mya ngan las 'das par rig par bya ba yin pa'i phyir ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /mngon shes ye shes rab
160a5 tu gnas rnams kyi/ /'jig rten phan pa'i chos ni bsam mi khyab/ /lus can 'di kun mchog tu dga' ba'i phyir/ /mtha' yas spyan gyis rdzu 'phrul rab tu bstan/ /'od zer stong rnams rab tu kun 'gyed cing / /
160a6 ljags kyi dbang pos tshangs pa'i 'jig rten phyin/ /byang chub mchog la zhugs pa de dag phyir/ /ngo mtshar gyur pa'i rdzu 'phrul de dag bstan/ /sangs rgyas rnams kyi mgur sel sgra mdzad cing / /se gol gcig
160a7 gi sgra dag gang phyung ba/ /de dag phyogs bcu'i 'jig rten ji tsam pa/ /'jig rten khams de thams cad go bar byas/ /ci nas de dag dga' nas phyi dus na/ /bde gshegs mya ngan 'das nas mdo 'dzin par/ /de dag dang ni
160a8 cho 'phrul gzhan rnams dang / /yon tan rnams ni phan zhing thugs brtse bstan/ /'jig rten rnam 'dren mya ngan 'das pa na/ /mdo sde mchog 'di gang dag 'dzin pa yi/ /bde gshegs sras po rnams kyi bsngags
160b1 pa ni/ /bskal pa bye ba stong phrag mang brjod kyang / /de dag gi ni yon tan mtha' yas te/ /ji ltar phyogs rnams su ni nam mkha' bzhin/ /gang dag rtag tu mdo sde 'di 'dzin pa/ /de dag yon tan bsam gyis mi khyab
160b2 'gyur/ /'jig rten 'dren pa mya ngan 'das 'di dang / /nga dang 'dren pa 'di dag thams cad mthong / /byang chub sems dpa' mang po 'di kun dang / /'khor bzhi rnams kyang de yis mthong ba yin/ /de yis deng 'dir nga
160b3 ni mnyes par byas/ /rgyal ba'i dbang po mya ngan 'das 'di dang / /phyogs bcu rnams dang de dag gzhan bzhugs pa/ /'dren pa de dag thams cad mnyes par byas/ /gang zhig mdo sde 'di ni 'dzin byed pa/ /'das
160b4 dang da ltar ma byon sangs rgyas dang / /phyogs bcu dag na gang dag bzhugs pa yang / /de kun mthong zhing shin du mchod par 'gyur/ /mdo sde yang dag chos 'di gang 'dzin pas/ /byang chub snying po rnam par gang
160b5 dgongs pa/ /skyes mchog rnams kyi gsang chen shes par 'gyur/ /de ni de yang myur du rjes su sems/ /gang zhig mdo sde dam pa 'di 'dzin pa/ /de yi spobs pa dag ni mtha' yas 'gyur/ /ji ltar rlung
160b6 ni gang du 'ang thogs med bzhin/ /chos dang don dang nges pa'i tshig kyang shes/ /'dren pa rnams kyis dgongs te gang gsungs pa/ /mdo sde rnams kyi mtshams sbyar rtag tu shes/ /rnam par 'dren pa mya ngan 'das pa yi/ /
160b7 mdo sde rnams kyi yang dag don de shes/ /zla ba nyi ma 'dra bar de 'gyur te/ /de ni shin du snang zhing gsal byed 'gyur/ /de ni sa la rgyu zhing de dang der/ /byang chub sems dpa' mang po yang dag 'dzud/ /de bas byang chub sems
160b8 dpa' yang dag kyang / /'di 'dra ba yi phan yon 'di thos nas/ /mya ngan nga 'das mdo 'di zung shig dang / /de dag the tshom med par byang chub 'gyur/ /dam pa'i chos pad ma dkar po las de bzhin gshegs pa'i rdzu 'phrul mngon par 'du byed pa'i le'u zhes bya ste nyi shu
161a1 pa'o// // dam pa'i chos pad ma dkar po bam po bcu gnyis pa/ de nas byang chub sems dpa' sems dpa' chen po sman gyi rgyal po stan las langs te/ bla gos phrag pa gcig tu gzar nas pus mo g.yas pa'i lha nga sa
161a2 la btsugs te/ bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dam pa'i chos pad ma dkar po'i chos kyi rnam grangs 'di/ lus la thogs sam
161a3 glegs bam du bgyis te 'dzin pa'i rigs kyi bu 'am rigs kyi bu mo de bsod nams ji snyed cig skyed par 'gyur/ de skad ces gsol pa dang / bcom ldan 'das kyis byang chub sems dpa' sems dpa' chen po sman gyi
161a4 rgyal po la 'di skad ces bka' stsal to/ /sman gyi rgyal po rigs kyi bu 'am rigs kyi bu mo gang la la de bzhin gshegs pa bye ba khrag khrig brgya stong phrag gang gA'i klung brgyad bcu'i bye ma snyed la bsti stang du byed btsun par byed ri mor
161a5 byed mchod pa byed na/ sman gyi rgyal po 'di ji snyam du sems/ rigs kyi bu 'am rigs kyi bu mo de gzhi de las bsod nams mang du skyed dam/ gsol pa bcom ldan 'das mang lags so/ /bde bar gshegs
161a6 pa mang lags so/ /bcom ldan 'das kyis bka' stsal pa/ sman gyi rgyal po khyod mos par bya'o/ /khong du chud par bya'o/ /sman gyi rgyal po rigs kyi bu 'am rigs kyi bu mo gang la la/ dam pa'i chos pad ma dkar
161a7 po'i chos kyi rnam grangs 'di las/ tha na tshig bzhi pa'i tshigs su bcad pa gcig tsam yang 'dzin pa dang klog pa dang kun chub par byed pa dang nan tan gyis bsgrub na/ sman gyi rgyal po rigs kyi bu'am rigs kyi bu mo de gzhi de las de
161a8 bas ches bsod nams mang du skyed do/ /de nas bcom ldan 'das la byang chub sems dpa' sems dpa' chen po sman gyi rgyal pos 'di skad ces gsol to/ /bcom ldan 'das gang dam pa'i chos kyi rnam grangs 'di lus la thogs sam
161b1 glegs bam du bgyis te/ 'dzin pa'i rigs kyi bu 'am rigs kyi bu mo de bdag gis bsrung ba dang bskyab pa dang sba ba'i slad tu gzungs sngags kyi tshig rnams stsal bar bgyi'o/ /tad+ya thA/ an+ye/ man+ye/ ma ne ma ma ne/ tsit+te tsi rate/
161b2 sha me sha ma yi tA bi/ shAn+tai/ muk+te/ muk+ta ta me sa me/ a bi sha me sa ma sa me/ dza ye/ k+Sha ye a k+Sha ye/ ak+Shi No/ shAn+ta/ sha mi te d+hA ra NI/ A lo ka b+hA se/ pra t+ya bek+Sha NI/ bi bi ru a b+h+yan+ta/ ra ni biSh+Te/ a b+h+yan+ta ra ni biSh+Ti a t+yan+ta pA+e ri
161b3 shud d+hi/ ud ku lo/ mud ku le/ ar te/ ma ra te/ shu kA k+ShI/ a sa ma sa me/ bud d+ha bi lo ki te/ d+harma pa rI k+Shi te/ sang g+ha ni ra g+ho Sha NI/ ni ra g+ho Sha Ni/ b+ha yA b+ha ya/ sho d+ha nI man+t+re man+t+rA/ k+Sha ya te ru tra kau sha le/ a k+Sha ye a k+Sha ba ra tA yA
161b4 pa lo/ a man+ya na tA yA/ bcom ldan 'das gzungs sngags kyi tshig 'di dag ni/ sangs rgyas bcom ldan 'das gang gA'i klung drug bcu'i bye ma snyed kyis bshad pa ste/ gang gis mdo sde 'di lta bu 'dzin pa chos smra ba 'di lta bu de
161b5 dag dang 'gal bar bgyis na/ sangs rgyas bcom ldan 'das de dag thams cad la de 'khus pa lags so/ /de nas bcom ldan 'das kyis byang chub sems dpa' sems dpa' chen po sman gyi rgyal po la 'di skad ces bka'
161b6 stsal to/ /sman gyi rgyal po khyod kyis gzungs sngags kyi tshig rnams smras pas/ sems can mang po'i don byas shing sman gyi rgyal po sems can rnams la snying brtse ba'i phyir bsrung ba dang bskyab pa dang sba ba byas pa
161b7 legs so legs so zhes bya ba byin no/ /de nas bcom ldan 'das la byang chub sems dpa' sems dpa' chen po rab tu sbyin pas 'di skad ces gsol to/ /bcom ldan 'das bdag cag gis kyang / chos smra ba 'di
161b8 lta bu dag gi ched tu gzungs sngags kyi tshig rnams stsal bar bgyi ste/ des chos smra ba 'di lta bu de dag la glags lta ba gang gis kyang glags mi rnyed pa 'di lta ste/ gnod sbyin nam srin po 'am srul po 'am gshed byed dam grul
162a1 bum 'am yi dags glags lta ba rnams kyis glags mi rnyed do/ /de nas byang chub sems dpa' sems dpa' chen po rab tu sbyin pas de'i tshe gzungs sngags kyi tshig 'di dag smras so/ /tad+ya thA/ dz+wa le ma hA dz+wa le/ uk+ke/
162a2 muk+ke/ a te a tA ba ti/ nr-i T+yo nr-I TA pa ti/ iT+Ti ni/ biT+Ti tsiT+Ti ni/ nr-i Ta Ti ni/ nr-i Ta TA ba ti swA hA/ bcom ldan 'das gzungs sngags kyi tshig 'di dag ni de bzhin gshegs pa dgra bcom pa yang dag par rdzogs pa'i sangs rgyas gang gA'i klung
162a3 gi bye ma snyed kyis gsungs shing rjes su yi rang ba ste/ gang gis chos smra ba 'di lta bu 'di dag dang 'gal bar bgyis na/ de de bzhin gshegs pa de dag thams cad la 'khus pa lags so/ /de nas bcom ldan 'das la rgyal po chen
162a4 po rnam thos kyi bus 'di skad ces gsol to/ /bcom ldan 'das bdag gis kyang chos smra ba de dag la glo ba brtse bas sman pa dang bde ba dang bsrung ba dang bskyab pa dang sba ba'i slad tu gzungs sngags kyi tshig rnams brjod par bgyi'o/ /
162a5 tad+ya thA/ aT Ta/ naT Te/ ta naT Te/ a na te nA ti/ ku na Ti swA hA/ bcom ldan 'das gzungs sngags kyi tshig 'di dag gis chos smra ba de dag la dpag tshad brgya tshun chad bsrung bar bgyi'o/ /rigs kyi bu 'am rigs kyi bu mo
162a6 mdo sde 'di lta bu 'dzin cing / chos smra ba de dag la yang bsrung ba bgyis par 'gyur/ bde legs su bgyis par 'gyur ro/ /de nas rgyal po chen po 'phags skyes po dri za bye ba khrag khrig brgya stong gis yongs su bskor cing
162a7 mdun du bdar nas/ 'khor der 'dus par gyur te/ 'dug pa de stan las langs nas bla gos phrag pa gcig tu bzar te/ pus mo g.yas pa'i lha nga sa la brtsugs nas bcom ldan 'das ga la ba de logs su thal mo
162a8 sbyar ba btud de bcom ldan 'das la 'di skad ces gsol to/ /bcom ldan 'das bdag gis kyang mdo sde 'di lta bu 'dzin pa/ chos smra ba 'di lta bu de dag bsrung ba dang bskyab pa dang / sba ba'i slad tu gzungs sngags kyi tshig rnams
162b1 brjod par bgyi'o/ /tad+ya thA/ a ga No ga No/ gau ri gan d+hA ri/ tsaN+Da li/ mA tang gi/ puka ka si/ ku le/ bru hi swA hA/ bcom ldan 'das gzungs sngags kyi tshig 'di dag ni sangs rgyas bye ba phrag bzhi bcu rtsa gnyis kyis
162b2 gsungs te/ gang zhig chos smra ba 'di lta bu 'di dag dang 'gal bar bgyid na/ de dag thams cad la 'khus pa lags so/ /de nas srin mo 'phyang ma zhes bya ba dang srin mo rnam par 'phyang ma zhes bya ba dang srin mo so
162b3 brtsegs zhes bya ba dang srin mo me tog so zhes bya ba dang srin mo cod pan so zhes bya ba dang srin mo sgra can zhes bya ba dang srin mo me zhes bya ba dang srin mo phreng ba 'chang zhes bya ba dang srin mo mdung can zhes bya ba dang srin mo sems
162b4 can thams cad kyi mdangs 'phrog ces bya ba dang 'phrog ma bu dang g.yog tu bcas pa dang srin mo de dag thams cad bcom ldan 'das ga la ba der dong ste phyin nas/ srin mo de dag thams cad kyis sgra skad gcig tu bcom ldan
162b5 'das la 'di skad ces gsol to/ /bcom ldan 'das bdag cag gis kyang mdo sde 'di 'dzin pa chos smra ba 'di lta bu de dag bsrung ba dang bskyab pa dang sba bar bgyi'o/ /bde legs su 'gyur bar bgyi'o/ /ci nas chos smra
162b6 ba de dag la glags lta ba dang skabs tshol ba dag gis kyang glags mi rnyed par bgyi'o/ /de nas srin mo de dag thams cad kyis sgra skad gcig tu tshig mthun par bcom ldan 'das la gzungs sngags kyi tshig 'di dag phul
162b7 lo/ /tad+ya thA/ i ti me/ i ti me/ i ti me/ i ti me/ i ti me/ ni me ni me/ ni me/ ni me/ ni me/ ru he/ ru he/ ru he/ ru he/ ru he/ ha ste/ ha ste/ ha ste/ ha ste/ ha ste swA hA/ 'di spyi bor bzhag nas chos smra ba rnams la
162b8 su yang 'khu bar ma gyur cig /gnod sbyin nam srin po 'am yi dags sam sha za 'am srul po 'am gshed byed dam ro langs sam rengs pa 'am gnon po 'am brjed byed kyi gzugs sam gnod sbyin gyis byas pa 'am
163a1 mis byas pa 'am mi ma yin pas byas pa 'am rims nad nyin gcig pa 'am nyin gnyis pa 'am nyin gsum pa 'am nyin bzhi pa 'am rtag pa'i rims sam/ tha na rmi lam na yang bud med kyi gzugs sam skyes
163a2 pa'i gzugs sam khye'u'i gzugs sam bu mo'i gzugs kyis mtho 'tsham par 'gyur ba de ni gnas ma mchis so/ /de nas srin mo de dag gis sgra skad gcig tu tshig mthun par bcom ldan 'das la tshigs su bcad pa 'di
163a3 dag gsol to/ /gang gis gsang sngags 'di thos nas/ /chos smra ba dang 'gal bgyid pa/ /de'i mgo tshal pa bdun du 'gas/ ardza ka yi dog pa bzhin/ /gang zhig chos smra 'gal bgyid pa/ /ma bsad pa yi 'gro
163a4 gang dang / /pha bsad 'gro ba gang lags pa'i/ /'gro ba de ni der mchi'o/ /gang zhig chos smra 'gal bgyid pa/ /til 'tshir dag gi 'gro gang dang / /til rdung 'gro ba gang lags pa'i/ /'gro ba der ni de mchi'o/ /
163a5 gang zhig chos smra 'gal bgyid pa/ /srang la g.yo bgyid 'gro gang dang / /bre 'chos 'gro ba gang lags pa'i/ /'gro ba der ni de mchi'o/ /de skad ces gsol nas/ mdung can la sogs pa srin mo de dag gis
163a6 bcom ldan 'das la 'di skad ces gsol to/ /bcom ldan 'das bdag cag gis kyang chos smra ba 'di lta bu de dag la bsrung bar bgyi'o/ /bde legs su 'gyur ba dang chad pa spang ba dang dug gzhil bar bgyi'o/ /
163a7 de skad ces gsol pa dang / bcom ldan 'das kyis srin mo de dag la 'di skad ces bka' stsal to/ kye srin mo dag legs so legs so/ /khyod kyis chos smra ba de dag la bsrung ba dang bskyab pa dang sba ba gyis
163a8 shig /gang dag tha na chos kyi rnam grangs 'di'i ming tsam 'dzin pa de dag la yang / mdung can khyod 'khor dang bcas pas bsrung bar bya na/ gang dag chos kyi rnam grangs 'di mtha' dag chub par 'dzin pa dang glegs
163b1 bam du byas te/ rim gro byed pa dang me tog dang bdug pa dang spos dang phreng ba dang byug pa dang phye ma dang na bza' dang gdugs dang rgyal mtshan dang lha'i ba dan dang 'bru mar gyi mar me 'am mar gyi mar me 'am/ spos mar gyi mar
163b2 me 'am tsam pa ka'i mar gyi mar me 'am par sha ka'i mar gyi mar me 'am ud pa la'i mar gyi mar me 'am sna ma'i mar gyi mar me 'am/ de lta bu'i mchod pa'i yo byad rnam pa mang po brgya stong gis rim gro byed pa lta ci
163b3 smos te/ mdung can khyod g.yog dang bcas pas bsrung bar bya'o/ /gzungs sngags kyi le'u 'di bshad pa na srog chags drug khri brgyad stong mi skye ba'i chos la bzod pa thob par gyur to/ /dam pa'i chos pad ma dkar po
163b4 las gzungs sngags kyi le'u zhes bya ste nyi shu rtsa gcig pa'o// // de nas bcom ldan 'das la byang chub sems dpa' sems dpa' chen po skar ma'i rgyal po me tog kun du rgyas pa mngon par shes pas
163b5 'di skad ces gsol to/ /bcom ldan 'das ci'i slad du byang chub sems dpa' sems dpa' chen po sman gyi rgyal po 'jig rten gyi khams mi mjed 'di na rgyu ba dang / bcom ldan 'das 'di dka' ba
163b6 bgyid pa bye ba khrag khrig brgya stong mang po dag gda'/ bcom ldan 'das gang thos pas lha dang klu dang gnod sbyin dang dri za dang lha ma yin dang / nam mkha' lding dang mi 'am ci dang lto 'phye chen po dang mi dang mi
163b7 ma yin pa rnams dang 'jig rten gyi khams gzhan nas lhags pa'i byang chub sems dpa' sems dpa' chen po rnams dang / nyan thos chen po 'di dag gis thos nas thams cad dga' mgu rangs shing yid bde bar
163b8 'gyur ba/ byang chub sems dpa' sems dpa' chen po sman gyi rgyal po'i spyod pa gang ci lags pa'i phyogs tsam zhig /de bzhin gshegs pa dgra bcom pa yang dag par rjogs pa'i sangs rgyas kyis legs par bshad
164a1 tu gsol/ de nas bcom ldan 'das kyis byang chub sems dpa' sems dpa' chen po skar ma'i rgyal po me tog kun du rgyas pa mngon par shes pas gsol ba btab par mkhyen nas/ de'i tshe byang chub sems dpa' sems dpa'
164a2 chen po skar ma'i rgyal po me tog kun du rgyas pa mngon par shes pa la 'di skad ces bka' stsal to/ /rigs kyi bu sngon byung ba 'das pa'i dus na/ bskal pa gang gA'i klung gi bye ma snyed du gyur pa de'i tshe de'i dus na/ de bzhin gshegs pa dgra bcom
164a3 pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das nyi
164a4 zla dri ma med pa'i 'od dpal zhes bya ba 'jig rten du byung ste/ skar ma'i rgyal po me tog kun du rgyas pa mngon par shes pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i
164a5 'od dpal de'i/ byang chub sems dpa' bye ba brgyad cu'i 'dus pa chen po byung ngo / /gang gA'i klung bdun cu rtsa gnyis kyi bye ma snyed kyi nyan thos 'dus pa byung ngo / /de'i bstan pa la bud med med par gyur to/ /sems can dmyal ba dang dud 'gro'i
164a6 skye gnas dang yi dags dang lha ma yin gyi ris med do/ /sangs rgyas kyi zhing yang lag mthil ltar mnyam la nyams dga' bar gyur to/ /lha'i bai dUr+ya las grub pa'i sa phyogs rin po che dang tsan dan gyi shing ljon pas
164a7 brgyan zhing / rin po che'i dra bas bres pa dar gyi lda ldi mngon par rab tu spyangs pa rin po che'i pog phor nas bdug pas bdugs pa rin po che'i shing ljon pa'i drung thams cad na rin po che'i mkha' rten mda' rgyang gang gi
164a8 tshad tsam byas pa yod pa/ rin po che'i mkha' rten thams cad kyi steng na lha'i bu bye ba brgya dag /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od
164b1 dpal la mchod pa bya ba'i phyir/ sil snyan byed cing pheg rdob pa dang rol mo'i sgra 'byin cing 'khod do/ /bcom ldan 'das de yang byang chub sems dpa' sems dpa' chen po sems can thams cad kyis mthong na dga' ba la
164b2 brtsams te/ dam pa'i chos pad ma dkar po'i chos kyi rnam grangs 'di/ nyan thos chen po de dag dang byang chub sems dpa' sems dpa' chen po de dag la rgyas par rab tu ston to/ /skar ma'i rgyal po me tog kun du rgyas pa mngon par
164b3 shes pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal de'i tshe'i tshad ni bskal pa bzhi khri nyis stong du gyur to/ /byang chub sems dpa' sems dpa' chen po de dag
164b4 dang nyan thos chen po de dag gi tshe'i tshad kyang de tsam du gyur to/ /byang chub sems dpa' sems dpa' chen po sems can thams cad kyis mthong na dga' ba de yang / bcom ldan 'das de'i gsung rab la dka' ba byed pa la brtson
164b5 par gyur te/ de lo khri nyis stong du 'chag pa la zhugs shing brtson 'grus chen po brtsams pas rnal 'byor la brtson par gyur to/ /de lo khri nyis stong 'das nas gzugs thams cad yang dag par ston pa zhes bya ba'i
164b6 ting nge 'dzin thob ste/ ting nge 'dzin de thob ma thag tu byang chub sems dpa' sems dpa' chen po sems can thams cad kyis mthong na dga' ba de tshim zhing mgu ste yid rangs nas rab tu dga'
164b7 zhing dga' ba dang yid bde ba skyes nas/ de'i tshe 'di snyam du sems te/ dam pa'i chos pad ma dkar po'i chos kyi rnam grangs 'di la brten nas gzungs
164b8 thams cad yang dag par ston pa zhes bya ba'i ting nge 'dzin bdag gis thob po snyam mo/ /de'i tshe byang chub sems dpa' sems dpa' chen po sems can
165a1 thams cad kyis mthong na dga' ba yang 'di snyam du sems te/ 'di ltar bdag gis de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal dang dam pa'i chos pad ma
165a2 dkar po'i chos kyi rnam grangs 'di mchod par bya'o snyam nas/ de'i tshe de lta bu'i ting nge 'dzin la snyoms par zhugs te/ byang chub sems dpa' sems dpa' chen po sems can thams cad kyis mthong na dga' ba'i ting nge
165a3 'dzin de la snyoms par zhugs ma thag tu/ de'i mod la steng gi bar snang las me tog man dA ra dang man dA ra chen po'i lha'i me tog gi char chen po mngon par bab po/ /dus kyi rjes su 'brang ba'i tsan dan gyis sprin byas te/ tsan dan sbrul
165a4 gyi snying po'i char mngon par bab ste/ skar ma'i rgyal po me tog kun du rgyas pa mngon par shes pa/ de lta bu'i spos kyi rnam pa zho gnyis kyi rin du 'jig rten gyi khams mi mjed 'dis mi chog go/ /skar ma'i rgyal po me tog kun
165a5 du rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong na dga' ba dran pa dang ldan zhing shes bzhin du ting nge 'dzin de las langs so/ /langs nas 'di snyam du
165a6 sems te ci ltar lus yongs su btang ba ltar ni rdzu 'phrul gyi cho 'phrul dag gis/ bcom ldan 'das la mchod pa byas pa ma yin no snyam mo/ /skar ma'i rgyal po me tog kun du rgyas pa mngon par shes pa/ de nas byang chub
165a7 sems dpa' sems dpa' chen po sems can thams cad kyis mthong na dga' ba de de'i tshe/ a ga ru dang du rus ka dang pog gi khu ba za zhing tsam pa ka'i mar yang 'thung ngo / /skar ma'i rgyal po me tog kun du rgyas
165a8 pa mngon par shes pa/ rnam grangs 'dis byang chub sems dpa' sems dpa' chen po sems can thams cad kyis mthong na dga' ba/ rtag tu spos za zhing tsam pa ka'i mar 'thung bas lo bcu gnyis 'das par gyur to/ /
165b1 skar ma'i rgyal po me tog kun du rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong na dga' ba/ lo bcu gnyis po de 'das nas rang gi lus lha'i ras kyis kun
165b2 dkris nas 'bru mar gyis zhen par byas te bdag gi byin gyi brlabs byas so/ /bdag gis byin gyi brlabs byas nas/ de bzhin gshegs pa dang dam pa'i chos pad ma dkar po'i chos kyi rnam grangs 'di mchod pa'i las
165b3 kyi phyir bdag gi lus la me 'bar bar byas so/ /skar ma'i rgyal po me tog kun du rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong na dga' ba'i lus kyi mar
165b4 me 'bar ba de'i 'od kyis/ 'jig rten gyi khams gang gA'i klung brgyad bcu'i bye ma snyed khyab par gyur te/ 'jig rten gyi khams de dag gi sangs rgyas bcom ldan 'das ga~M gA'i klung brgyad bcu'i bye ma snyed thams cad kyis legs so
165b5 zhes bya ba byin te/ legs so legs so/ /rigs kyi bu 'di ni byang chub sems dpa' sems dpa' chen po rnams kyi brtson 'grus rtsom pa yang dag pa'o/ /'di ni de bzhin gshegs pa la mchod pa dang chos la mchod pa
165b6 yang dag pa ste/ me tog dang bdug pa dang spos dang phreng ba dang byug pa dang phye ma dang na bza' dang gdugs dang rgyal mtshan dang lha'i ba dan gyis mchod pa dang zang zing gis mchod pa dang tsan dan sbrul gyi snying pos mchod pa ni de lta ma
165b7 yin no/ /rigs kyi bu sbyin pa 'di ni mchog ste/ rgyal srid yongs su gtong ba'i sbyin pa ni de lta ma yin no/ /bu dang chung ma phangs pa yongs su gtong ba'i sbyin pa yang de lta ma yin no/ /
165b8 rigs kyi bu gang bdag gi lus gtong ba'i chos kyi mchod pa 'di ni mchod pa khyad par can no/ /dam pa'o/ /mchog go/ /phul lo/ /gya nom pa'o/ /skar ma'i rgyal po me tog kun du
166a1 rgyas pa mngon par shes pa/ sangs rgyas bcom ldan 'das de dag gis tshig de skad ces gsungs nas de nas cang mi gsung bar gyur to/ /skar ma'i rgyal po me tog kun du rgyas pa mngon par shes pa byang chub
166a2 sems dpa' sems dpa' chen po sems can thams cad kyis mthong na dga' ba'i lus la 'bar ba lo bcu gnyis kyi bar du zhi bar ma song ngo / /de phyis lo bcu gnyis 'das nas zhi bar gyur to/ /skar ma'i rgyal
166a3 po me tog kun du rgyas pa mngon par shes pa/ byang chub sems dpa' sems dpa' chen po sems can thams cad kyis mthong na dga' ba des/ de bzhin gshegs pa la 'di lta bu'i mchod pa dang chos kyi mchod pa byas
166a4 te/ de nas shi 'phos nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal gyi gsung rab la rgyal po dri ma med pas byin pa'i khyim du skyes te/
166a5 skyil mo dkrung bcas bzhin du pang par rdzus te skyes par gyur to/ /byang chub sems dpa' sems dpa' chen po sems can thams cad kyis mthong na dga' ba skyes ma thag tu/ de'i tshe rang gi pha ma la tshigs su
166a6 bcad de smras pa/ rgyal mchog 'di na bdag 'chag cing / /der gnas bdag gis ting 'dzin thob/ /bdag gi lus phangs yongs btang ste/ /brtson 'grus sra brtsams brtul zhugs che/ /skar ma'i rgyal po me tog
166a7 kun du rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong na dga' bas tshigs su bcad pa de smras nas/ rang gi pha ma la 'di skad ces/ yab yum
166a8 bcom ldan 'das gang la bdag gis mchod nas/ sgra thams cad la mkhas pa'i gzungs thob cing / dam pa'i chos pad ma dkar po'i chos kyi rnam grangs 'di yang tshigs su bcad pa bye ba khrag khrig brgya stong gtams
166b1 pa dang / dkrigs pa dang mi 'khrugs pa bye ba phrag brgyad bcus/ bcom ldan 'das de las thos par gyur pa'i bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i
166b2 'od dpal de da ltar yang bzhugs te 'tsho zhing gzhes kyis/ yab yum bdag bcom ldan 'das de'i drung du mchis na legs so/ /der mchis nas yang bcom ldan 'das de la mchod pa bgyi'o zhes smras so/ /skar ma'i rgyal po me tog kun du
166b3 rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong na dga' ba de'i tshe/ nam mkha' la shing ta la bdun tsam du mngon par 'phags te/ rin po che sna bdun
166b4 gyi khang pa brtsegs par skyil mo dkrung bcas nas bcom ldan 'das de'i drung du song ste phyin pa dang / bcom ldan 'das kyi zhabs la mgo bos phyag 'tshal te/ bcom ldan 'das de la lan bdun bskor ba byas nas/ bcom ldan 'das
166b5 ga la ba de logs su thal mo sbyar ba btud nas/ bcom ldan 'das la phyag 'tshal te tshigs su bcad pa 'dis mngon par bstod do/ /dpa' bo mi dbang shin du dri med zhal/ /phyogs bcu 'dir ni khyod kyi 'od zer mdzes/ /
166b6 bde gshegs khyod la bdag gis mchod mchog bgyis/ /mgon po lta ba'i slad tu bdag 'dir mchis/ /skar ma'i rgyal po me tog kun du rgyas pa mngon par shes pa/ de'i tshe byang chub sems dpa' sems dpa' chen po
166b7 sems can thams cad kyis mthong na dga' bas tshigs su bcad pa 'di smras nas/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal la 'di skad
166b8 ces gsol to/ /bcom ldan 'das khyod da dung bzhugs sam/ skar ma'i rgyal po me tog kun du rgyas pa mngon par shes pa/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma
167a1 med pa'i 'od dpal gyis/ byang chub sems dpa' sems dpa' chen po sems can thams cad kyis mthong na dga' ba la 'di skad ces bka' stsal to/ /rigs kyi bu nga yongs su mya ngan las 'da' ba'i dus la
167a2 bab ste/ rigs kyi bu nga tshe zad pa'i dus la bab kyis rigs kyi bu khyod song la/ nga'i khri shoms shig dang nga yongs su mya ngan las 'da'o/ /skar ma'i rgyal po me tog kun du rgyas pa mngon par shes pa/ de nas bcom ldan
167a3 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal gyis/ byang chub sems dpa' sems dpa' chen po sems can thams cad kyis mthong na dga'
167a4 ba la 'di skad ces bka' stsal to/ /rigs kyi bu bstan pa 'di ngas khyod la yongs su gtad do/ /byang chub sems dpa' sems dpa' chen po 'di dag dang / nyan thos chen po 'di dag dang sangs rgyas kyi byang chub 'di
167a5 dag dang / 'jig rten gyi khams 'di drag dang / rin po che'i mkha' rten 'di dag dang / rin po che'i shing ljon pa 'di dag dang nga'i bsnyen bkur byed pa'i lha'i bu 'di rnams kyang yongs su gtad do/ /rigs kyi bu nga yongs su
167a6 mya ngan las 'das pa'i ring bsrel gang yin pa de dag kyang yongs su gtad do/ /rigs kyi bu nga'i ring bsrel la khyod bdag gis kyang khyed mchod pa rgya cher gyis shig /ring bsrel de dag kyang rgyas par gyis
167a7 shig mchod rten stong phrag mang po gyis shig /skar ma'i rgyal po me tog kun du rgyas pa mngon par shes pa/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas
167a8 nyi zla dri ma med pa'i 'od dpal gyis/ byang chub sems dpa' sems dpa' chen po sems can thams cad kyis mthong na dga' ba de la de ltar rjes su bstan nas/ de'i nub mo nam gyi cha smad la phung po lhag ma med
167b1 pa'i mya ngan las 'das pa'i dbyings su yongs su mya ngan las 'das so/ /skar ma'i rgyal po me tog kun du rgyas pa mngon par shes pa/ de nas byang chub sems dpa' sems dpa' chen po sems can thams cad
167b2 kyis mthong na dga' bas/ bcom ldan 'das de bzhin gshegs pa nyi zla dri ma med pa'i 'od dpal de yongs su mya ngan las 'das par rig ste/ tsan dan sbrul gyi snying po spungs nas de bzhin gshegs pa'i sku bsregs
167b3 te/ de bzhin gshegs pa'i sku tshig pa zhi bar rig nas ring bsrel bsdus te ngu zhing cho nges btab nas smre sngags 'don to/ /skar ma'i rgyal po me rtog kun du rgyas pa mngon par shes pa/ de nas byang chub sems dpa'
167b4 sems dpa' chen po sems can thams cad kyis mthong na dga' ba ngus te cho nges btab nas smre sngags 'don to/ rin po che sna bdun gyi bum pa brgyad khri bzhi stong byed tu bcug nas/ de dag gi nang du de bzhin
167b5 gshegs pa'i ring bsrel bcug ste/ rin po che sna bdun gyi mchod rten 'phang du tshangs pa'i 'jig rten la thug pa gdugs kyi phreng bas legs par brgyan pa dar dang dril bu legs par spyangs pa brgyad khri
167b6 bzhi stong byas te/ des mchod rten de dag byas nas 'di snyam du bsams te bdag gis bcom ldan 'das nyi zla dri ma med pa'i 'od dpal/ de bzhin gshegs pa'i sku gdung la mchod pa ni byas na de bas kyang lhag pa
167b7 ches khyad par du 'phags pas de bzhin gshegs pa'i ring bsrel la mchod pa bya'o snyam mo/ /skar ma'i rgyal po me tog kun du rgyas pa mngon par shes pa de nas byang chub sems dpa' sems dpa' chen po sems
167b8 can thams cad kyis mthong na dga' ba des thams cad dang ldan pa'i byang chub sems dpa'i tshogs de dang / nyan thos chen po de dag dang lha dang klu dang gnod sbyin dang dri za dang lha ma yin dang nam mkha' lding dang mi 'am ci dang
168a1 lto 'phye chen po dang mi dang mi ma yin pa'i tshogs de dag la smras pa/ rigs kyi bu dag khyed thams cad kyis/ bcom ldan 'das de'i ring bsrel rnams la mchod pa bya bar soms shig skar ma'i rgyal po
168a2 me tog kun du rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong na dga' ba des/ de'i tshe de bzhin gshegs pa'i mchod rten brgyad khri bzhi stong
168a3 gi mdun du/ rang gi lag pa bsod nams brgyas brgyan pa 'bar bar byas te/ 'bar bar byas pas lo bdun khri nyis stong gi bar du de bzhin gshegs pa'i mchod rten de dag la mchod pa byas so/ /des mchod pa de
168a4 byas pas 'khor de las nyan thos grangs med pa bye ba khrag khrig brgya stong btul to/ /byang chub sems dpa' de dag thams cad kyis kyang gzugs thams cad yang dag par ston pa'i ting nge 'dzin thob par
168a5 gyur to/ / skar ma'i rgyal po me tog kun du rgyas pa mngon par shes pa/ de nas thams cad dang ldan pa'i byang chub sems dpa'i tshogs de dang nyan thos chen po de dag gis byang chub sems dpa' sems dpa'
168a6 chen po sems can thams cad kyis mthong na dga' ba de yan lag ma tshang bar mthong nas ngus te cho nges btab nas smre sngags 'don cing gcig la gcig 'di skad smras te bdag cag gi slob dpon rjes su ston
168a7 pa byang chub sems dpa' sems dpa' chen po sems can thams cad kyis mthong na dga' ba 'di da ltar yan lag ma tshang zhing lag pa med par gyur to zhes zer ro/ /skar ma'i rgyal po me tog kun du rgyas pa mngon par
168a8 shes pa de nas byang chub sems dpa' sems dpa' chen po sems can thams cad kyis mthong na dga' ba des/ byang chub sems dpa' sems dpa' chen po de dag dang nyan thos de dag dang lha'i bu de dag la smras
168b1 pa rigs kyi bu dag kho bo'i yan lag nyams par mthong bas ma ngu shig /cho nges ma 'debs shig /smre sngags ma 'don cig /rigs kyi bu dag phyogs bcu'i 'jig rten gyi khams mtha' yas mu med pa dag na/ sangs rgyas
168b2 bcom ldan 'das gang dag bzhugs shing 'tsho zhing gzhes pa'i sangs rgyas bcom ldan 'das de dag thams cad kho bos dpang du bzhugs te/ de dag gi spyan sngar bden pa'i byin gyis brlabs so/ /bden pa dang bden pa'i tshig gang gis
168b3 bdag gi lag pa de bzhin gshegs pa la mchod pa'i phyir yongs su btang bas/ bdag gi lus gser gyi kha dog tu 'gyur ba'i bden pa dang bden pa'i tshig des/ bdag gi lag pa 'di sngon gyi bzhin du gyur cig /sa chen po
168b4 'di lan drug tu g.yos par gyur cig /bar snang la gnas pa'i lha'i bu rnams kyis me tog gi char chen po phob shig ces byas so/ /skar ma'i rgyal po me tog kun du rgyas pa mngon par shes pa/ de nas byang chub sems dpa'
168b5 sems dpa' chen po sems can thams cad kyis mthong na dga' ba des/ bden pa'i byin gyis brlabs de byas ma thag tu stong gsum gyi stong chen po'i 'jig rten gyi khams 'di rnam pa drug tu g.yos so/ /steng gi bar snang
168b6 las kyang me tog gi char chen po mngon par bab po/ /byang chub sems dpa' sems dpa' chen po sems can thams cad kyis mthong na dga' ba de'i lag pa de yang / 'di lta ste byang chub sems dpa' sems dpa'
168b7 chen po de nyid kyi bsod nams kyi stobs bskyed pa dang / ye shes kyi stobs bskyed pa des sngon gyi bzhin du gyur to/ /skar ma'i rgyal po me tog kun du rgyus pa mngon par shes pa/
168b8 de'i tshe de'i dus na byang chub sems dpa' sems dpa' chen po sems can thams cad kyis mthong na dga' ba zhes bya bar gyur pa de gzhan zhig yin snyam du khyod som nyi 'am yid gnyis sam the tshom za
169a1 bar gyur na skar ma'i rgyal po me tog kun du rgyas pa mngon par shes pa khyod kyis de ltar mi blta'o/ /de ci'i phyir zhe na/ skar ma'i rgyal po me tog kun du rgyas pa mngon par shes pa/ byang chub sems dpa' sems dpa'
169a2 chen po sman gyi rgyal po 'di nyid de'i tshe de'i dus na byang chub sems dpa' sems dpa' chen po sems can thams cad kyis mthong na dga' ba zhes bya bar gyur to/ /skar ma'i rgyal po me tog kun du rgyas pa mngon par shes pa
169a3 byang chub sems dpa' sems dpa' chen po sman gyi rgyal po bya dka' ba bye ba khrag khrig brgya stong de snyed byed do lus yongs su gtong ba yang byed do/ /skar ma'i rgyal po me tog kun du rgyas pa mngon par shes pa/ rigs kyi bu
169a4 'am rigs kyi bu mo byang chub sems dpa'i theg pa la yang dag par zhugs pa/ bla na med pa yang dag par rdzogs pa'i byang chub 'di 'dod pas/ de bzhin gshegs pa'i mchod rten de dag la rkang pa'i mthe bong bar bya'o/ /
169a5 lag pa'i sor mo'am rkang pa'i sor mo gcig gam yan lag gcig gam lag pa 'bar bar bya'o/ /byang chub sems dpa'i theg pa la zhugs pa'i rigs kyi bu 'am rigs kyi bu mo de ni bsod nams mngon par 'du byed
169a6 pa ches mang du skyed do/ /rgyal srid yongs su btang bas ni de lta ma yin no/ /chung ma dang bu pho dang bu mo phangs pa yongs su btang bas ni de lta ma yin no/ /stong gsum gyi stong chen po'i 'jig rten gyi khams na
169a7 nags tshal dang bcas pa rgya mtsho dang bcas pa ri dang bcas pa 'bab chu'i dngo dang mtsho dang mtshe'u dang khron pa dang kun dga'i ra ba dang bcas pa yongs su btang bas ni de lta ma yin no/ /skar ma'i rgyal po me
169a8 tog kun du rgyas pa mngon par shes pa/ rigs kyi bu 'am rigs kyi bu mo byang chub sems dpa'i theg pa la yang dag par zhugs pa gang gis stong gsum gyi stong chen po'i 'jig rten gyi khams 'di
169b1 rin po che sna bdun gyis rab tu gang bar byas te/ sangs rgyas dang byang chub sems dpa' dang nyan thos dang rang sangs rgyas thams cad la sbyin pa byin na/ skar ma'i rgyal po me tog kun du rgyas pa mngon par shes pa/
169b2 rigs kyi bu 'am rigs kyi bu mo de ni rigs kyi bu 'am rigs kyi bu gang gis/ dam pa'i chos pad ma dkar po'i chos kyi rnam grangs 'di las/ tha na tshig bzhi pa'i tshigs su bcad pa gcig tsam 'dzin pa de bsod
169b3 nams ji snyad cig skyed pa de snyed du mi skyed de/ de'i bsod nams mngon par 'du byed pa 'di ni de bas ches mang bar bshad kyi/ stong gsum gyi stong chen po'i 'jig rten gyi khams 'di rin po che sna bdun gang bar byas te/ sangs
169b4 rgyas dang byang chub sems dpa' dang / nyan thos dang rang sangs rgyas thams cad la sbyin pa byin pa ni de lta ma yin no/ /skar ma'i rgyal po me tog kun du rgyas pa mngon par shes pa 'di lta ste dper na 'bab chu'i ngos
169b5 dang mtsho dang mtshe 'u thams cad kyi nang na rgya mtsho ni mchog tu gyur pa yin no/ /skar ma'i rgyal po me tog kun du rgyas pa mngon par shes pa/ de bzhin du de bzhin gshegs pas bshad pa'i mdo sde thams cad kyi nang na dam pa'i
169b6 chos pad ma dkar po'i chos kyi rnam grangs 'di mchog tu gyur pa yin no/ /skar ma'i rgyal po me tog kun du rgyas pa mngon par shes pa/ 'di lta ste dper na ri nag po dang 'khor yug dang kho chen po thams cad kyi nang
169b7 na ri rab ni ri'i rgyal po ste mchog tu gyur pa yin no/ /skar ma'i rgyal po me tog kun du rgyas pa mngon par shes pa de bzhin du/ de bzhin gshegs pas gsungs pa'i mdo sde thams cad kyi nang na/ dam pa'i chos pad
169b8 ma dkar po'i chos kyi rnam grangs 'di rgyal po ste mchog tu gyur pa yin no/ /skar ma'i rgyal po me tog kun du rgyas pa mngon par shes pa/ 'di lta ste dper na skar ma thams cad kyi nang na zla ba ni 'od byed pa'i mchog tu
170a1 gyur pa yin no/ /skar ma'i rgyal po me tog kun du rgyas pa mngon par shes pa/ de bzhin du de bzhin gshegs pas gsungs pa'i mdo sde thams cad kyi nang na/ dam pa'i chos pad ma dkar po'i chos
170a2 kyi rnam grangs 'di ni zla ba bye ba khrag khrig brgya stong bas lhag par 'od byed pa'i mchog tu gyur pa yin no/ /skar ma'i rgyal po me tog kun du rgyas pa mngon par shes pa/ 'di lta ste dper na nyi ma'i dkyil
170a3 'khor ni mun pa mun gnag thams cad sel bar byed do/ /skar ma'i rgyal po me tog kun du rgyas pa mngon par shes pa/ de bzhin du dam pa'i chos pad ma dkar po'i chos kyi rnam grangs 'di yang mi dge ba'i mun pa mun gnag
170a4 thams cad sel bar byed do/ /skar ma'i rgyal po me tog kun du rgyas pa mngon par shes pa/ 'di lta ste dper na/ sum bcu rtsa gsum pa'i lha rnams kyi nang na brgya byin ni lha rnams kyi dbang po yin no skar ma'i rgyal po
170a5 me tog kun du rgyas pa mngon par shes pa/ de bzhin du dam pa'i chos pad ma dkar po'i chos kyi rnam grangs 'di yang de bzhin gshegs pas gsungs pa'i mdo sde thams cad kyi nang na dbang po yin no/ /
170a6 skar ma'i rgyal po me tog kun du rgyas pa mngon par shes pa 'di lta ste dper na/ mi mjed kyi bdag po tshangs pa ni tshangs ris kyi lha thams cad kyi rgyal po ste tshangs pa'i 'jig rten na pha'i bya ba byed do/ /skar
170a7 ma'i rgyal po me tog kun du rgyas pa mngon par shes pa/ de bzhin du dam pa'i chos pad ma dkar po'i chos kyi rnam grangs 'di yang sems can slob pa dang mi slob pa thams cad dang nyan thos dang byang chub sems
170a8 dpa'i theg pa la yang dag par zhugs pa thams cad la pha'i bya ba byed do/ /skar ma'i rgyal po me tog kun du rgyas pa mngon par shes pa/ 'di lta ste dper na/ rgyun du zhugs pa dang lan cig phyir 'ong ba dang
170b1 phyir mi 'ong ba dang dgra bcom pa dang rang sangs rgyas rnams ni byis pa so so'i skye bo thams cad las 'das pa'o/ /skar ma'i rgyal po me tog kun du rgyas pa mngon par shes pa de bzhin du dam pa'i chos pad ma dkar po'i
170b2 chos kyi rnam grangs 'di yang de bzhin gshegs pas gsungs pa'i mdo sde thams cad las 'das shing mngon par 'phags te/ mchog tu gyur par rig par bya'o/ /skar ma'i rgyal po me tog kun du rgyas pa mngon par shes pa
170b3 gang dag mdo sde'i rgyal po 'di 'dzin pa de dag kyang sems can thams cad kyi gtso bor gyur par rig par bya'o/ /skar ma'i rgyal po me tog kun du rgyas pa mngon par shes pa/ 'di lta ste dper na/ nyan thos dang rang sangs
170b4 rgyas thams cad kyi nang na byang chub sems dpa' ni mchog ces bya'o/ /skar ma'i rgyal po me tog kun du rgyas pa mngon par shes pa/ de bzhin du dam pa'i chos pad ma dkar po'i chos kyi rnam grangs 'di yang de bzhin
170b5 gshegs pas gsungs pa'i mdo sde thams cad kyi nang na mchog ces bya'o/ /skar ma'i rgyal po me tog kun du rgyas pa mngon par shes pa/ 'di lta ste dper na/ nyan thos dang rang sangs rgyas dang / byang chub sems
170b6 dpa' thams cad kyi nang na de bzhin gshegs pa ni chos kyi rgyal por thabs gsol ba yin no/ /skar ma'i rgyal po me tog kun du rgyas pa mngon par shes pa/ de bzhin du dam pa'i chos pad ma dkar po'i chos kyi rnam grangs 'di
170b7 yang byang chub sems dpa'i theg pa la yang dag par zhugs pa rnams la de bzhin gshegs pa dang 'dra ba yin no/ /skar ma'i rgyal po me tog kun du rgyas pa mngon par shes pa/ dam pa'i chos pad ma
170b8 dkar po'i chos kyi rnam grangs 'di ni sems can thams cad 'jigs pa thams cad las skyob pa/ sdug bsngal thams cad las thar bar byed pa ste/ skom pa rnams la mtshe'u dang 'dra'o/ /grang bas nyen pa
171a1 rnams la me dang 'dra'o/ /gcer bu rnams la gos dang 'dra'o/ /tshong pa rnams la ded dpon dang 'dra'o/ /bu rnams la ma dang 'dra'o/ /pha rol du 'gro ba rnams la gru dang 'dra'o/ /nad pa rnams la sman pa dang 'dra'o mun
171a2 pa mun gnag gis bsgribs pa rnams la mar me dang 'dra'o/ /nor 'dod pa rnams la rin po che dang 'dra'o/ /khams kyi rgyal po thams cad la 'khor lo sgyur ba dang 'dra'o/ /'bab chu rnams la rgya mtsho dang 'dra'o/ /
171a3 mun pa mun gnag thams cad sel ba'i phyir sgron ma dang 'dra'o/ /skar ma'i rgyal po me tog kun du rgyas pa mngon par shes pa/ de bzhin du dam pa'i chos pad ma dkar po'i chos kyi rnam grangs 'di yang sdug
171a4 bsngal thams cad las rab tu thar bar byed pa'o/ /nad thams cad gcod pa'o/ /'khor ba'i bcing ba nyam nga ba thams cad las rab tu thar bar byed pa'o/ /skar ma'i rgyal po me tog kun du rgyas pa mngon par
171a5 shes pa/ gang gis dam pa'i chos pad ma dkar po'i chos kyi rnam grangs 'di thos pa dang gang yi ger 'dri ba dang gang yi ger 'drir 'jug pa dang skar ma'i rgyal po me tog kun du rgyas pa mngon par shes
171a6 pa/ gang gis chos kyi rnam grangs 'di bzung ngam bstan tam thos sam yi ger bris sam yi ger 'drir 'jug gam glegs bam du byas te sti stang du byed pa dang btsun par byed pa dang bkur stir byed pa
171a7 dang mchod pa dang me tog dang bdug pa dang spos dang phreng ba dang byug pa dang phye ma dang gos dang gdugs dang rgyal mtshan dang ba dan dang rol mo'i sgra dang na bza' dang thal mo sbyar ba'i las dang mar gyi mar
171a8 me 'am 'bru mar gyi mar me 'am spos mar gyi mar me 'am tsam pa ka'i mar gyi mar me 'am/ sna ma dang skya nar dang par sha ka dang na pa ma li ka'i mar gyi mar me 'am mchod pa rnam pa mang po dag gis sti stang
171b1 du byed btsun par byed rim gror byed mchod par byed pa'i bsod nams mngon par 'du byed pa ji snyed cig 'phel bar 'gyur ba'i bsod nams mngon par 'du byed pa de dag gi mtha' ni/ sangs rgyas kyi
171b2 ye shes kyis kyang rtogs par mi nus so/ /skar ma'i rgyal po me tog kun du rgyas pa mngon par shes pa/ gang zhig sman gyi rgyal po'i sngon gyi sbyor ba'i le'u 'di 'dzin pa dang ston pa dang nyan pa'i rigs
171b3 kyi bu 'am rigs kyi bu mo byang chub sems dpa'i theg pa la yang dag par zhugs pa de bsod nams mang du skyed par 'gyur ro/ /gal te bud med gcig gis chos kyi rnam grangs 'di thos nas 'dzin na/ de nyid
171b4 bud med kyi lus kyi mtha' mar 'gyur ro/ /skar ma'i rgyal po me tog kun du rgyas pa mngon par shes pa/ bud med gang la las sman gyi rgyal po'i sngon gyi sbyor ba'i le'u 'di lnga brgya pa tha ma la thos
171b5 nas nan tan byed pa de/ 'di nas shi 'phos nas 'jig rten gyi khams bde ba can du skye bar 'gyur te/ gang na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas
171b6 tshe dpag med/ byang chub sems dpa'i tshogs kyis yongasu bskor cing bzhugs te 'tsho zhing bzhes pa der/ de pad ma'i snying po'i seng ge'i khri la 'dug bzhin du skye bar 'gyur ro/ /de 'dod chags kyis gzir bar
171b7 mi 'gyur te/ zhe sdang gis ma yin gti mug gis ma yin nga rgyal gyis ma yin ser snas ma yin khro bas ma yin gnod sems kyis ma yin te/ de skyes ma thag tu mngon par shes pa lnga thob par 'gyur
171b8 ro/ /mi skye ba'i chos la bzod pa yang thob par 'gyur ro/ /skar ma'i rgyal po me tog kun du rgyas pa mngon par shes pa/ byang chub sems dpa' sems dpa' chen po des/ mi skye ba'i chos la bzod pa
172a1 thob nas/ de bzhin gshegs pa gang gA'i klung bdun bcu rtsa gnyis kyi bye ma snyed mthong bar 'gyur ro/ /mig gi dbang po yongs su dag pa gang gis/ sangs rgyas bcom ldan 'das de dag mthong bar 'gyur ba de 'dra
172a2 bar de'i mig gi dbang po yongs su dag par 'gyur ro/ /sangs rgyas bcom ldan 'das de dag gis kyang de la legs so zhes bya ba sbyin par 'gyur te/ gang khyod kyis dam pa'i chos pad ma dkar po'i chos kyi rnam grangs 'di
172a3 thos nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de'i gsung rab la lung mnos pa dang kha don byas pa dang bsgoms pa dang bsams pa dang yid la byas
172a4 pa dang sems can gzhan dag la yang rab tu bstan pa/ rigs kyi bu legs so legs so/ /rigs kyi bu khyod kyi bsod nams mngon par 'du byed pa 'di ni mes tshig pa 'am chus khyer bar mi nus so/ /rigs kyi bu
172a5 khyod kyi bsod nams mngon par 'du byed pa 'di ni sangs rgyas brgya stong gis kyang bshad par mi nus so/ /rigs kyi bu khyod kyis bdud phyir rgol ba bcom mo/ /srid pa'i rgya mtsho las rgal to/ /dgra'i tsher ma dkrugs so/ /
172a6 sangs rgyas brgya stong gis byin gyis brlabs so/ /rigs kyi bu lha dang bcas pa'i 'jig rten na khyod 'dra ba med do/ /de bzhin gshegs pa gcig pu ma gtogs par gzhan nyan thos sam rang sangs rgyas sam byang
172a7 chub sems dpa' gang gis kyang / khyod la bsod nams kyis kyang rung ye shes kyis kyang rung shes rab kyis kyang rung ting nge 'dzin gyi kyang rung ste zil gyis gnon par mi nus so skar ma'i rgyal po me tog kun du rgyas pa mngon
172a8 par shes pa/ byang chub sems dpa' sems dpa' chen po de ye shes kyi stobs bskyed pa 'di lta bu thob par 'gyur ro/ /skar ma'i rgyal po me tog kun du rgyas pa mngon par shes pa/ gang la las sman gyi rgyal po'i
172b1 sngon gyi sbyor ba'i le'u 'di bshad pa thos nas/ legs so legs so zhes bya ba byin pa de'i kha nas ud pa la'i dri 'byung bar 'gyur/ de'i lus las kyang tsan dan gyi dri 'byung bar 'gyur ro/ /gang gis chos kyi rnam grangs 'di
172b2 'chad pa na legs so zhes bya ba byin pa de'i chos can gyi yon tan gyi phan yon de dag ni/ ngas da ltar gang dag bshad pa de 'dra bar 'gyur ro/ /skar ma'i rgyal po me tog kun du rgyas pa mngon par shes pa/ de lta bas na byang
172b3 chub sems dpa' sems dpa' chen po sems can thams cad kyis mthong na dga' ba'i sngon gyi sbyor ba'i le'u 'di ci nas/ phyi ma'i tshe phyi ma'i dus lnga brgya pa tha ma la 'dzam bu'i gling 'di na spyod cing nub par mi 'gyur ba
172b4 dang / bdud sdig can gyis glags mi rnyed pa dang bdud kyi ris kyi lha dang klu dang gnod sbyin dang dri za dang grul bum rnams kyis glags mi rnyed par bya ba'i phyir ngas khyod la yongs su gtad do/ /skar ma'i rgyal po me tog
172b5 kun du rgyas pa mngon par shes pa/ de lta bas na chos kyi rnam grangs 'di 'dzam bu'i gling 'dir sems can nad pa nad kyis btab pa rnams la sman lta bur 'gyur bar byin gyis brlab par byas te/ chos kyi rnam
172b6 grangs 'di thos nas lus la nad kyis mi zug go/ /rga bas ma yin dus ma yin par 'chi bas ma yin no/ /skar ma'i rgyal po me tog kun du rgyas pa mngon par shes pa/ gal te byang chub sems dpa'i theg
172b7 pa la yang dag par zhugs pa gang la las/ mdo sde 'di 'dzin pa'i dge slong de lta bu de mthong na/ de la tsan dan gyi phye ma dang ud pa la sngon pos mngon par gtor bar bya'o/ /mngon par gtor nas kyang 'di snyam
172b8 du rigs kyi bu 'di ni byang chub kyi snying por 'gro bar 'gyur/ 'di ni rtswa len par 'gyur/ 'di ni byang chub kyi snying por rtswa 'ding bar 'gyur/ 'di ni bdud kyi phyogs pham par byed par 'gyur/ 'di ni chos kyi dung
173a1 'bud par 'gyur/ 'di ni chos kyi rnga rdung bar 'gyur/ 'di ni 'khor ba'i rgya mtsho las rgal bar 'gyur ro snyam du sems bskyed par bya'o/ /skar ma'i rgyal po me tog kun du rgyas pa mngon par shes pa
173a2 rigs kyi bu 'am rigs kyi bu mo byang chub sems dpa'i theg pa la yang dag par zhugs pas/ mdo sde 'di lta bu 'dzin pa'i dge slong mthong nas de ltar sems bskyed par byas te/ de ltar na de'i yon tan dag
173a3 ni de bzhin gshegs pas ci 'dra ba dag bshad pa de 'dra ba dag tu 'gyur ro/ /sman gyi rgyal po'i sngon gyi sbyor ba'i le'u 'di bshad pa na/ byang chub sems dpa' brgyad khri bzhi stong gis/ sgra thams cad
173a4 la mkhas pa dang ldan pa'i gzungs thob par gyur to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang des kyang / skar ma'i rgyal po me tog kun du rgyas pa
173a5 mngon par shes pa/ de ltar khyod kyis de bzhin gshegs pa la bsam gyis mi khyab pa'i yon tan gyi chos dris pa legs so legs so zhes legaso zhes bya ba byin no/ /sman gyi rgyal po'i sngon gyi sbyor ba'i le'u zhes bya ste nyi shu
173a6 rtsa gnyis pa'o// // de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas de'i tshe/ skyes bu chen po'i mtshan smin mtshams kyi mdzod spu nas 'od phyung ste/
173a7 'od des shar phyogs su sangs rgyas kyi zhing bye ba khrag khrig brgya stong phrag gang gA'i klung bcwa brgyad kyi bye ma snyed dag khyab par byas so/ sangs rgyas kyi zhing bye ba khrag khrig brgya stong phrag gang gA'i klung bcwa brgyad
173a8 kyi bye ma snyed de dag 'das pa de na 'jig rten gyi khams rnam par snang ba'i 'od zer gyis brgyan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas pad ma'i 'dab ma dri ma
173b1 med pa skar ma'i rgyal po me tog kun du rgyas pa zhes bya ba bzhugs te 'tsho zhing gzhes la byang chub sems dpa'i dge 'dun rgya chen po tshad med pas yongs su bskor cing mdun gyis bltas nas chos ston to/ /de nas bcom ldan
173b2 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa des mdzod spu nas 'od gang btang ba des/ de'i tshe 'jig rten gyi khams rnam par snang ba'i 'od zer gyis brgyan pa de snang ba chen pos khyab
173b3 par gyur to/ /'jig rten gyi khams rnam par snang ba'i 'od zer gyis brgyan pa de na/ byang chub sems dpa' sems dpa' chen po sang sang po'i dbyangs zhes bya ba dge ba'i rtsa ba bskyed pa sngon yang de bzhin gshegs pa dgra
173b4 bcom pa yang dag par rdzogs pa'i sangs rgyas mang po'i 'od zer de lta bu mthong zhing / byang chub sems dpa' sems dpa' chen po sang sang po'i dbyangs kyis ting nge 'dzin mang po thob pa 'di lta ste/ rgyal mtshan gyi rtse mo'i
173b5 dpung rgyan gyi ting nge 'dzin thob dam pa'i chos pad ma dkar po'i ting nge 'dzin thob/ dri ma med pas byin pa'i ting nge 'dzin thob/ skar ma'i rgyal po rnam par rol pa'i ting nge 'dzin thob/ rlung lta bu'i ting nge 'dzin thob/ ye shes kyi phyag
173b6 rgya'i ting nge 'dzin thob/ zla ba sgron ma'i ting nge 'dzin thob/ sgra thams cad la mkhas pa'i ting nge 'dzin thob/ bsod nams thams cad kun las bsdus pa'i ting nge 'dzin thob dad pa can gyi ting nge 'dzin thob/ rdzu 'phrul gyis rnam par rol pa'i
173b7 ting nge 'dzin thob/ ye shes ta la la'i ting nge 'dzin thob/ bkod pa'i rgyal po'i ting nge 'dzin thob/ dri ma med pa'i 'od kyi ting nge 'dzin thob/ dri ma med pa'i snying po'i/ ting nge 'dzin thob/
173b8 zad par chu'i ting nge 'dzin thob/ /nye ma 'khor ba'i ting nge 'dzin thob/ de bzhin du sbyar te/ byang chub sems dpa' sems dpa' chen po
174a1 sang sang po'i dbyangs kyis/ ting nge 'dzin bye ba khrag khrig brgya stong phrag gang gA'i klung gi bye ma snyed kyi bar du thob par 'dug ste/ byang chub sems dpa' sems dpa' chen po sang sang po'i dbyangs
174a2 de'i lus la 'od des phog par gyur to/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad ma'i 'dab ma dri ma med pa skar ma'i rgyal po me tog kun du rgyas
174a3 pa la/ byang chub sems dpa' sems dpa' chen po sang sang po'i dbyangs kyis 'di skad ces gsol to/ /bcom ldan 'das bdag bcom ldan 'das de bzhin gshegs pa dgra bcom pa yang dag par rdzogs
174a4 pa'i sangs rgyas shAkya thub pa la blta ba dang phyag bgyi ba dang bsnyen bkur bgyi ba dang 'jam dpal gzhon nur gyur pa de yang blta ba dang / byang chub sems dpa' sman gyi rgyal po de yang blta ba dang / byang
174a5 chub sems dpa' rab tu sbyin pa de yang blta ba dang / byang chub sems dpa' skar ma'i rgyal po me tog kun du rgyas pa mngon par shes pa de yang blta ba dang / byang chub sems dpa' spyod pa khyad par can de yang
174a6 blta ba dang / byang chub sems dpa' bkod pa'i rgyal po de yang blta ba dang / byang chub sems dpa' sman yang dag 'phags de yang blta ba'i slad du/ 'jig rten gyi khams mi mjed tu mchi'o/ /de nas bcom
174a7 ldan 'das de bzhin gshegs pa dgra bcom pa yang dag par rdzogs pa'i sangs rgyas pad ma'i 'dab ma dri ma med pa skar ma'i rgyal po me tog kun du rgyas pas/ byang chub sems dpa' sems dpa' chen
174a8 po sang sang po'i dbyangs la 'di skad ces bka' stsal to/ /rigs kyi bu khyod 'jig rten gyi khams mi mjed der song ste phyin nas/ ngan pa'i 'du shes bskyed par mi bya'o/ /rigs kyi bu 'jig rten gyi khams
174b1 mi mjed de ni mthon dman can dang sa las grub pa dang ri nag pos gang ba dang 'jim ngan gyis yongs su gang ba'o/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas
174b2 shAkya thub pa de yang sku thung ngo / /byang chub sems dpa' sems dpa' chen po de dag kyang lus thung ngo / /rigs kyi bu khyod kyi lus thob pa ni dpag tshad bzhi khri nyis stong ngo / /rigs kyi bu nga'i lus ni dpag tshad
174b3 'bum phrag drug bcu rtsa brgyad yod do/ /rigs kyi bu khyod ni mdzes pa blta na sdug pa gzugs bzang ba kha dog bzang po rgyas pa mchog dang ldan pa/ bsod nams brgya stong bas shin du lhag pa'i dpal dang
174b4 ldan pa'o/ /rigs kyi bu de lta bas na 'jig rten gyi khams mi mjed tu phyin nas/ de bzhin gshegs pa dang byang chub sems dpa' rnams dang sangs rgyas kyi zhing de la ngan pa'i 'du shes ma skyed cig /
174b5 de skad ces bka' stsal nas/ byang chub sems dpa' sems dpa' chen po sang sang po'i dbyangs kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad
174b6 ma'i 'dab ma dri ma med pa skar ma'i rgyal po me tog kun du rgyas pa de la 'di skad ces gsol to/ /bcom ldan 'das bdag ni de bzhin gshegs pa'i byin gyi brlabs dang / de bzhin gshegs pa'i stobs
174b7 bskyed pa dang / de bzhin gshegs pa'i rnam par rol pa dang / de bzhin gshegs pa'i bkod pa dang / de bzhin gshegs pa'i mngon par 'phags pa'i ye shes kyis 'jig rten gyi khams mi mjed der
174b8 mchi'o/ /de nas byang chub sems dpa' sems dpa' chen po sang sang po'i dbyangs kyis/ de'i tshe sangs rgyas kyi zhing de nas ma g.yos shing / stan de las ma langs par 'di lta bu'i ting nge 'dzin la
175a1 snyoms par zhugs te/ byang chub sems dpa' sems dpa' chen po sang sang po'i dbyangs de ting nge 'dzin de la snyoms par zhugs ma thag tu/ de'i mod la 'jig rten gyi khams mi mjed tu/ bya rgod
175a2 kyi phung po'i ri la de bzhin gshegs pa'i chos kyi gdan gyi drung du/ pad ma chu ba ni gser 'dab ma ni dngul snying po ni pad ma dang ne tso 'am ci las grub pa bye ba khrag khrig brgya stong phrag brgyad bcu rtsa bzhi byung bar gyur to/ /
175a3 de nas 'jam dpal gzhon nur gyur pas/ pad ma bkod pa byung ba de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la 'di skad
175a4 ces gsol to/ /bcom ldan 'das 'di ltar chu ba ni gser 'dab ma ni dngul snying po ni pad ma dang ne tso 'am ci las grub pa'i pad ma bye ba khrag khrig brgya stong phrag brgyad bcu rtsa bzhi gda' ba 'di su'i snga
175a5 ltas lags/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal 'di ni shar phyogs logs nas 'jig rten gyi khams
175a6 rnam par snang ba'i 'od zer gyis brgyan pa nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad ma'i 'dab ma dri ma med pa skar ma'i rgyal po me tog kun du
175a7 rgyas pa de'i sangs rgyas kyi zhing nas/ byang chub sems dpa' sems dpa' chen po sang sang po'i dbyangs byang chub sems dpa' bye ba khrag khrig brgya stong gis yongs su bskor cing mdun du bdar te/ nga la blta
175a8 ba dang phyag bya ba dang bsnyen bkur bya ba dang dam pa'i chos pad ma dkar po'i chos kyi rnam grangs 'di mnyan pa'i phyir/ 'jig rten gyi khams mi mjed 'dir 'ong ba de'i snga ltas so/ /de nas bcom
175b1 ldan 'das la 'jam dpal gzhon nur gyur pas 'di skad ces gsol to/ /bcom ldan 'das rigs kyi bu des dge ba'i rtsa ba'i tshogs ci bgyis na/ dge ba'i rtsa ba'i tshogs bsags pa des 'di lta bu'i
175b2 khyad par 'di thob/ bcom ldan 'das byang chub sems dpa' de ting nge 'dzin gang la spyod pa'i ting nge 'dzin de bcom ldan 'das bdag gis mnyan par bgyi'o/ /bcom ldan 'das bdag gis ting nge 'dzin de la
175b3 spyad par bgyi'o/ /byang chub sems dpa' sems dpa' chen po de ci 'dra ba dang kha dog ci 'dra ba dang gzugs ci 'dra ba dang rtags ci 'dra ba dang dbyibs ci 'dra ba dang de'i spyod pa ci lags pa/ bdag gis byang chub
175b4 sems dpa' sems dpa' chen po de blta bar bgyi'o/ /bcom ldan 'das brda ltas gang gis bskul ma thag tu/ byang chub sems dpa' sems dpa' chen po de 'jig rten gyi khams mi mjed 'dir mchi bar
175b5 'gyur ba de lta bu'i brda ltas shig de bzhin gshegs pas legs par mdzad du gsol/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas/
175b6 de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa rin chen mang la 'di skad ces gsungs so/ /ci nas brda ltas gang gis byang chub sems dpa' sems
175b7 dpa' chen po sang sang po'i dbyangs 'jig rten gyi khams mi mjed 'dir mchi ba de lta bu'i brda ltas bcom ldan 'das kyis mdzod cig /de nas bcom ldan 'das de bzhin gshegs pa dgra bcom pa yang
175b8 dag par rdzogs pa'i sangs rgyas yongs su mya ngan las 'das pa rin chen mang gis de'i tshe byang chub sems dpa' sems dpa' chen po sang sang po'i dbyangs bskul ba'i phyir/ 'jam dpal gzhon nur gyur pa
176a1 'di rigs kyi bu khyod kyi mthu mthong bar dga' bas rigs kyi bu khyod 'jig rten gyi khams mi mjed 'dir shog cig ces de lta bu'i brda mdzad do/ /de nas byang chub sems dpa' sems dpa' chen po sang sang po'i dbyangs
176a2 kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad ma'i 'dab ma dri ma med pa skar ma'i rgyal po me tog kun du rgyas pa de'i zhabs la mgo bos phyag 'tshal nas
176a3 lan gsum bskor ba byas te/ byang chub sems dpa' bye ba khrag khrig brgya stong phrag brgyad bcu rtsa bzhi po de dag gis yongs su bskor cing mdun du bdar nas lhan cig tu 'jig rten gyi khams rnam par snang
176a4 ba'i 'od zer gyis brgyan pa de nas mi snang bar gyur nas/ 'jig rten gyi khams mi mjed 'dir 'ongs te/ zhing dag ni rab tu g.yo bar byed/ pad ma'i char ni rab tu 'bebs/ sil snyan bye ba khrag khrig brgya stong ni
176a5 len cing / mig ni ud pa la sngon po'i 'dab ma 'dra/ bzhin ni zla ba bye ba khrag khrig brgya stong bas lhag /lus kyi mdog ni gser gyi kha dog 'dra la/ lus bsod nams brgya stong gis ni brgyan/ dpal gyi sa
176a6 ni rab tu 'bar/ gzi brjid kyis ni shin du lhag ger gyur/ lus ni mtshan rnams kyis rnam par spras/ lus sred med kyi bu'i lus ltar ni 'khregs pa/ rin po che sna bdun gyi khang pa brtsegs par zhugs
176a7 te/ nam mkha' la ta la bdun tsam nas byang chub sems dpa'i tshogs kyis yongs su bskor cing mdun du bdar nas 'ongs te/ de 'jig rten gyi khams mi mjed 'di ga la ba dang bya rgod phung po'i ri ga la ba
176a8 der 'ongs te phyin nas/ khang pa brtsegs pa de nas babs te/ brgya stong ri ba'i mu tig gi phreng ba thogs shing / bcom ldan 'das ga la ba der song nas phyin pa dang / bcom ldan 'das kyi zhabs la mgo bos
176b1 phyag 'tshal te/ lan bdun bskor ba byas nas bcom ldan 'das la mchod pa bya ba'i phyir mu tig gi phreng ba phul lo/ /phul nas bcom ldan 'das la 'di skad ces gsol to/ /bcom ldan 'das de bzhin gshegs
176b2 pa dgra bcom pa yang dag par rdzogs pa'i sangs rgyas pad ma'i 'dab ma dri ma med pa skar ma'i rgyal po me tog kun du rgyas pa bcom ldan 'das la gnod pa nyung ngam nyam nga ba nyung ngam bskyod pa yang ngam/ stobs dang
176b3 bde bar gnas sam zhes snyun gsol lo/ /bcom ldan 'das de 'di skad ces kyang gsung ste/ bcom ldan 'das khyod bzod dam gzhes sam khams rnams mthun nam khyod kyi sems can rnams go sla 'am
176b4 gdul sla 'am gso' sla 'am gtsang ma 'dod dam ha cang 'dod chags mi spyod dam ha cang zhe sdang mi spyod dam ha cang gti mug mi spyod dam/ bcom ldan 'das khyod kyi sems can dag shin du phrag dog can ma yin nam ser sna can ma
176b5 yin nam mar mi 'dzin pa ma yin nam phar mi 'dzin pa ma yin nam dge slong du mi 'dzin pa ma yin nam bram zer mi 'dzin pa ma yin nam log par lta ba ma yin nam sems ma dul ba ma yin nam dbang po ma bsrungs
176b6 pa ma yin nam bcom ldan 'das khyod kyis sems can de dag gis bdud phyir rgol ba bcom 'am bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yongs su mya ngan
176b7 las 'das pa rin chen mang de/ rin po che sna bdun gyi mchod rten gyi nang na bzhugs pa chos gsan pa'i phyir 'jig rten gyi khams mi mjed tu gshegs sam/ bcom ldan 'das de bzhin gshegs pa rin chen
176b8 mang la yang bcom ldan 'das de 'dri ba/ bcom ldan 'das de bzhin gshegs pa rin chen mang de bzod dam gshegs sam/ bcom ldan 'das de bzhin gshegs pa rin chen mang ring du gzhes sam
177a1 zhes gsung ngo / /bcom ldan 'das bdag gis kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang de'i ring bsrel gyi sku
177a2 blta bar bgyi'o/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang de'i ring bsrel gyi sku/ de bzhin gshegs pas legs par bstan du
177a3 gsol/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas bcom ldan 'das de bzhin gshegs pa dgra bcom pa yang dag par rdzogs
177a4 pa'i sangs rgyas yongs su mya ngan las 'das pa rin chen mang de la 'di skad ces gsungs so/ /bcom ldan 'das byang chub sems dpa' sems dpa' chen po sang sang po'i dbyangs 'di bcom ldan 'das
177a5 de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa rin chen mang mthong bar 'tshal nas mchis so/ /de nas bcom ldan 'das de bzhin gshegs
177a6 pa dgra bcom pa yang dag par rdzogs pa'i sangs rgyas rin chen mang gis byang chub sems dpa' sems dpa' chen po sang sang po'i dbyangs la 'di skad ces bka' stsal to/ /rigs kyi bu khyod nga dang bcom
177a7 ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa mthong bar 'dod pa dang / dam pa'i chos pad ma dkar po'i chos kyi rnam grangs 'di mnyan pa dang / 'jam dpal
177a8 gzhon nur gyur pa blta ba'i phyir 'ongs pa legs so legs so/ /de nas bcom ldan 'das la byang chub sems dpa' sems dpa' chen po pad ma'i dpal gyis 'di skad ces gsol to/ /bcom ldan 'das byang chub
177b1 sems dpa' sems dpa' chen po sang sang po'i dbyangs kyis/ de bzhin gshegs pa gang gi drung du sngon dge ba'i rtsa ba ji lta bu zhig bskrun/ de nas bcom ldan 'das de bzhin gshegs pa dgra bcom pa yang dag par
177b2 rdzogs pa'i sangs rgyas shAkya thub pas byang chub sems dpa' sems dpa' chen po pad ma'i dpal la 'di skad ces bka' stsal to/ /rigs kyi bu sngon byung ba 'das pa'i dus na bskal pa mthong na dga' ba la/ 'jig
177b3 rten gyi khams gzugs thams cad shin du ston par de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul
177b4 ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das sprin dang rnga sgra rgyal po zhes bya ba 'di 'jig rten du byung ste/ rigs kyi bu bcom ldan 'das de bzhin gshegs pa
177b5 sprin dang rnga sgra rgyal po de la/ byang chub sems dpa' sems dpa' chen po sang sang po'i dbyangs kyis sil snyan brgya stong rab tu blangs te/ lo khri nyis stong du mchod pa byas so/ /rin po che sna bdun gyi
177b6 snod brgyad khri bzhi stong phul lo/ /rigs kyi bu de bzhin gshegs pa sprin dang rnga sgra rgyal po'i gsung rab de la byang chub sems dpa' sems dpa' chen po sang sang po'i dbyangs kyis de lta bu'i dad pa thob bo/ /
177b7 de'i tshe de'i dus na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sprin dang rnga sgra rgyal po la mchod pa byas shing snod brgyad khri bzhi stong de dag phul ba de/ gzhan
177b8 zhig yin snyam du khyod som nyi 'am yid gnyis sam the tshom za bar gyur na rigs kyi bu khyod kyis de ltar mi blta'o/ /de ci'i phyir zhe na/ rigs kyi bu gang gis bcom ldan 'das de bzhin gshegs pa dgra
178a1 bcom pa yang dag par rdzogs pa'i sangs rgyas sprin dang rnga sgra rgyal po de la mchod pa byas pa dang / snod de dag kyang phul ba de ni byang chub sems dpa' sems dpa' chen po sang sang po'i dbyangs 'di
178a2 nyid yin te/ rigs kyi bu byang chub sems dpa' sems dpa' chen po sang sang po'i dbyangs de ni/ sangs rgyas mang po la bsnyen bkur byas pa/ sangs rgyas brgya stong mang po la dge ba'i rtsa ba bskyed pa/ yongs
178a3 su sbyang ba byas pa ste/ byang chub sems dpa' sems dpa' chen po sang sang po'i dbyangs 'dis sngon yang / sangs rgyas bcom ldan 'das gang gA'i klung gi bye ma snyed mthong ngo / /pad ma'i dpal khyod kyis
178a4 byang chub sems dpa' sems dpa' chen po sang sang po'i dbyangs 'di mthong ngam/ pad ma'i dpal gyis gsol pa/ bcom ldan 'das mthong lags so/ /bde bar gshegs pa mthong lags so/ /bcom
178a5 ldan 'das kyis bka' stsal pa/ pad ma'i dpal byang chub sems dpa' sems dpa' chen po sang sang po'i dbyangs 'di ni/ gzugs mang pos dam pa'i chos pad ma dkar po'i chos kyi rnam grangs 'di ston te/
178a6 'di lta ste/ la lar ni tshangs pa'i gzugs kyis/ la lar ni brgya byin gyi gzugs kyis la lar ni dbang phyug gi gzugs kyis/ la lar ni dbang phyug chen po'i gzugs kyis/ la lar ni dmag dpon gyi gzugs
178a7 kyis/ la lar ni mchog gi gzugs kyis/ la lar ni 'khor los sgyur ba'i gzugs kyis/ la lar ni khams kyi rgyal po'i gzugs kyis/ la lar ni tshong dpon gyi gzugs kyis/ la lar ni khyim
178a8 bdag gi gzugs kyis/ la lar ni grong mi'i gzugs kyis/ la lar ni bram ze'i gzugs kyis dam pa'i chos pad ma dkar po'i chos kyi rnam grangs 'di ston to/ /la lar ni dge slong gi gzugs kyis/
178b1 la lar ni dge slong ma'i gzugs kyis/ la lar ni dge bsnyen gyi gzugs kyis/ la lar ni dge bsnyen ma'i gzugs kyis/ la lar ni tshong dpon gyi chung ma'i gzugs kyis/ la lar ni khyim bdag gi
178b2 chung ma'i gzugs kyis/ la lar ni grong mi'i chung ma'i gzugs kyis/ la lar ni khye'u'i gzugs kyis/ la lar ni bu mo'i gzugs kyis/ byang chub sems dpa' sems dpa' chen po sang sang po'i dbyang
178b3 dam pa'i chos pad ma dkar po'i chos kyi rnam grangs 'di sems can rnams la ston te/ rigs kyi bu gzugs 'di snyed cig kun du ston pas/ byang chub sems dpa' sems dpa' chen po sang sang po
178b4 'i dbyangs dam pa'i chos pad ma dkar po'i chos kyi rnam grangs 'di sems can rnams la ston to/ /kha cig la ni gnod sbyin gyi gzugs kyi bar gyis/ byang chub sems dpa' sems dpa' chen
178b5 po sang sang po'i dbyangs kyis/ dam pa'i chos pad ma dkar po'i chos kyi rnam grangs 'di sems can rnams la ston to/ /kha cig la lha ma yin gyi gzugs kyis/ kha cig la nam mkha' lding gi gzugs kyis/
178b6 kha cig la mi 'am ci'i gzugs kyis/ kha cig la lto 'phye chen po'i gzugs kyis byang chub sems dpa' sems dpa' chen po sang sang po'i dbyangs/ dam pa'i chos pad ma dkar po'i chos kyi rnam grangs
178b7 'di sems can rnams la ston to/ /sems can dmyal ba dang dud 'gro'i skye gnas dang gshin rje'i 'jig rten dang mi khom par skyes pa'i bar gyi sems can rnams la yang / byang chub sems dpa' sems dpa'
178b8 chen po sang sang po'i dbyangs skyob par 'gyur ro/ /btsun mo'i 'khor gyi nang na 'dug pa'i bar gyi sems can rnams la yang byang chub sems dpa' sems dpa' chen po sang sang po'i dbyangs bud med kyi gzugs
179a1 su mngon par sprul te/ dam pa'i chos pad ma dkar po'i chos kyi rnam grangs 'di 'jig rten gyi khams mi mjed 'dir sems can rnams la chos ston to/ /pad ma'i dpal byang chub sems dpa' sems dpa' chen po sang sang po'i
179a2 dbyangs ni/ 'jig rten gyi khams mi mjed tu skyes pa'i sems can rnams la skyob pa ste/ 'jig rten gyi khams mi mjed 'di na/ byang chub sems dpa' sems dpa' chen po sang sang po'i dbyangs 'di de snyed kyi gzugs su sprul
179a3 pas/ dam pa'i chos pad ma dkar po'i chos kyi rnam grangs 'di sems can rnams la ston te/ skyes bu dam pa 'di rdzu 'phrul yang nyams pa med/ shes rab kyang nyams pa med do/ /rigs kyi bu byang chub sems dpa' sems dpa' chen po sang sang
179a4 po'i dbyangs ni ye shes kyi snang ba 'di snyed kyis 'jig rten gyi khams mi mjed 'di na snang ngo / /'jig rten gyi khams gzhan gang gA'i klung gi bye ma snyed dag na yang / byang chub sems dpas 'dul ba'i sems can rnams la 'di byang chub sems
179a5 pa'i gzugs kyis chos ston to/ /nyan thos kyis 'dul ba'i sems can rnams la nyan thos kyi gzugs kyis chos ston to/ /rang sangs rgyas kyis 'dul ba'i sems can rnams la rang sangs rgyas kyi gzugs kyis chos ston to/ /de bzhin gshegs
179a6 pa'i gzugs kyis 'dul ba'i sems can rnams la de bzhin gshegs pa'i gzugs kyis chos ston to/ /de bzhin gshegs pa'i ring bsrel gyi bar gyis 'dul ba'i sems can rnams la de bzhin gshegs pa'i ring bsrel ston to/ /yongs su
179a7 mya ngan las 'da' ba'i bar gyis 'dul ba'i sems can rnams la bdag yongs su mya ngan las 'das par ston to/ /pad ma'i dpal de ltar byang chub sems dpa' sems dpa' chen po'i sang sang po'i dbyangs ni ye shes kyi stobs bskyed pa thob pa'o/ /
179a8 de nas bcom ldan 'das la byang chub sems dpa' sems dpa' chen po pad mo'i dpal gyis 'di skad ces gsol to/ /bcom ldan 'das byang chub sems dpa' sems dpa' chen po sang sang po'i dbyangs dge ba'i rtsa ba bskrun pa 'di/ bcom ldan 'das ting nge 'dzin gang la gnas te/ byang chub
179b1 sems dpa' sems dpa' chen po sang sang po'i dbyangs kyis/ sems can 'di snyed btul ba'i ting nge 'dzin de gang lags/ de skad ces gsol nas/ bcom ldan 'das de bzhin gshegs pa dgra bcom
179b2 pa yang dag par rdzogs pa'i sangs rgyas shAkya thub pas/ byang chub sems dpa' sems dpa' chen po pad ma'i dpal la 'di skad ces bka' stsal to/ /rigs kyi bu ting nge 'dzin gang la
179b3 gnas te byang chub sems dpa' sems dpa' chen po sang sang po'i dbyangs kyis 'di ltar sems can dpag tu med pa'i don byas pa ni/ gzugs thams cad yang dag par ston pa zhes bya ba'i
179b4 ting nge 'dzin 'di yin no/ /sang sang po'i dbyangs kyi le'u 'di bshad pa na/ byang chub sems dpa' sems dpa' chen po sang sang po'i dbyangs dang lhan cig tu/ byang chub sems dpa' bye ba khrag
179b5 khrig brgya stong phrag brgyad bcu rtsa bzhi gang dag 'jig rten gyi khams mi mjed 'dir lhags pa de dag thams cad kyis gzugs thams cad yang dag par ston pa'i ting nge 'dzin thob par gyur to/ /
179b6 'jig rten gyi khams mi mjed na gnas pa'i byang chub sems dpa' sems dpa' chen po bgrang ba las 'das pa de dag gis kyang / gzugs thams cad yang dag par ston pa'i ting nge 'dzin thob par gyur to/ /
179b7 de nas byang chub sems dpa' sems dpa' chen po sang sang po'i dbyangs kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / bcom
179b8 ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang gi ring bsrel gyi mchod rten la yangs shing rgya che ba'i mchod pa byas nas/ rin po che sna bdun gyi khang pa
180a1 brtsegs par zhugs te/ zhing rnams ni rab tu g.yo bar byed/ pad ma'i char ni rab tu 'bebs/ sil snyan bye ba khrag khrig brgya stong ni len cing / byang chub sems dpa' bye ba khrag khrig brgya stong phrag brgyad
180a2 bcu rtsa bzhis yongs su bskor te mdun du bdar nas/ lhan cig tu slar rang rang gi sangs rgyas kyi zhing du song ste phyin nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad ma
180a3 'i 'dab ma dri ma med pa skar ma'i rgyal po me tog kun du rgyas pa la 'di skad ces gsol to/ /bcom ldan 'das 'jig rten gyi khams mi mjed tu bdag gis sems can gyi don byas so/ /bcom ldan 'das de bzhin
180a4 gshegs pa dgra bcom pa yang dag par rdzogs pa'i sangs rgyas rin chen mang gi ring bsrel gyi mchod rten yang mthong phyag kyang bgyis so/ /bcom ldan 'das de bzhin gshegs pa shAkya thub pa yang mthong ste phyag
180a5 bgyis so/ /'jam dpal gzhon nur gyur pa de yang mthong ngo / /byang chub sems dpa' sems dpa' chen po sman gyi rgyal po brtson 'grus kyi stobs kyi shugs thob pa de dang / byang chub sems dpa' sems dpa'
180a6 chen po rab tu sbyin pa de yang mthong ngo / /byang chub sems dpa' bye ba khrag khrig brgya stong phrag brgyad bcu rtsa bzhi po de dag thams cad kyis kyang gzugs thams cad yang dag par ston pa'i ting nge 'dzin thob par
180a7 gyur to/ /byang chub sems dpa' sems dpa' chen po sang sang po'i dbyangs 'gro ba dang 'ong ba'i le'u 'di bshad pa na/ byang chub sems dpa' bzhi khri nyis stong gis mi skye ba'i chos la bzod pa thob par gyur to/ /
180a8 byang chub sems dpa' sems dpa' chen po pad ma'i dpal gyis kyang / dam pa'i chos pad ma dkar po'i ting nge 'dzin thob par gyur to/ /sang sang po'i dbyangs kyi le'u zhes bya ste nyi shu rtsa gsum pa'o// //
180b1 dam pa'i chos pad ma dkar po bam po bcu gsum pa ste tha ma/ de nas byang chub sems dpa' sems dpa' chen po blo gros mi zad pa stan las langs te/ bla gos phrag pa gcig tu gzer nas pus mo g.yas pa'i lha nga sa la
180b2 btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po spyan ras gzigs kyi
180b3 dbang phyug ci'i slad tu spyan ras gzigs kyi dbang phyug ces bgyi/ de skad ces gsol pa dang / bcom ldan 'das kyis byang chub sems dpa' sems dpa' chen po blo gros mi zad pa la 'di skad ces bka' stsal
180b4 to/ /rigs kyi bu 'di la sems can bye ba khrag khrig brgya stong ji snyed cig sdug bsngal gang dag myong bar gyur pa de dag gis/ gal te byang chub sems dpa' sems dpa' chen po spyan ras gzigs dbang phyug
180b5 gi ming thos na/ de dag thams cad sdug bsngal gyi phung po de las yongs su thar bar 'gyur ro/ /rigs kyi bu sems can gang dag byang chub sems dpa' sems dpa' chen po spyan ras gzigs dbang phyug kyi
180b6 ming 'dzin pa de dag /gal te me'i phung po chen por lhung na yang / de dag thams cad byang chub sems dpa' sems dpa' chen po spyan ras gzigs dbang phyug gi gzi brjid kyis/ me'i phung po rab tu 'bar
180b7 ba las thar bar 'gyur ro/ /rigs kyi bu gal te chu klung gis khyer la/ byang chub sems dpa' sems dpa' chen po spyan ras gzigs kyi dbang phyug la bos na/ chu klung de dag thams cad kyis sems
180b8 can de dag thams cad gting tshugs par byed do/ /rigs kyi bu gal te sems can bye ba khrag khrig brgya stong rgya mtsho'i nang du grur zhugs te/ mgron bu dang gser dang nor bu dang mu tig dang bai dUr+ya dang dung dang
181a1 man shel dang rdo'i snying po dang byi ru dang spug dang mu tig dmar po la sogs pa'i phyir dong ba de rnams/ rlung nag pos srin mo'i gling du 'phangs par gyur la/ de na sems can gcig 'ga' zhig gis spyan ras gzigs
181a2 dbang phyug la bos na/ de dag thams cad srin mo'i gling de nas thar bar 'gyur ro/ /rigs kyi bu de'i phyir byang chub sems dpa' sems dpa' chen po spyan ras gzigs kyi dbang phyug spyan ras gzigs dbang phyug
181a3 ces btagaso/ /rigs kyi bu gal te bsad par dkri ba las spyan ras gzigs dbang phyug la bos na/ gshed ma de dag gi mtshon de dag dum bu dum bur chag cing grugs par 'gyur ro/ /rigs kyi bu gal te stong
181a4 gsum gyi stong chen po'i 'jig rten gyi khams 'di gnod sbyin dang srin pos gang bar gyur kyang / byang chub sems dpa' sems dpa' chen po spyan ras gzigs dbang phyug gi ming 'dzin pa la/ de dag thams cad kyi
181a5 sdang ba'i sems kyis lta yang mi phod do/ /rigs kyi bu sems can la la lcag sgrog dang / shing sgrog tu bcug par gyur na nyes yod kyang rung nyes med kyang rung na/ byang chub sems dpa' sems dpa' chen po
181a6 spyan ras gzigs dbang phyug gi ming nas phyung bas/ lcags sgrog dang shing sgrog tu bcug pa dag gi bu ga bye bar 'gyur ro/ /rigs kyi bu byang chub sems dpa' sems dpa' chen po spyan ras gzigs dbang
181a7 phyug gi mthu ni de 'dra'o/ /rigs kyi bu gal te stong gsum gyi stong chen po'i 'jig rten gyi khams 'di g.yon can dang chom rkun dang dgra lag na mtshon thogs pas sa gang bar gyur te/ der ded dpon gcig gis
181a8 'gron po mang po phal po che rin po ches phyug pa ded de dong ba las/ 'dong ba de dag gis g.yon can chom rkun dang dgra lag na mtshon thogs pa de dag mthong ste/ mthong nas kyang 'jigs shing skrag ste
181b1 bdag cag skyabs med par shes pa las ded dpon des 'gron po mang po la 'di skad ces ma 'jigs shig /rigs kyi bu dag ma 'jigs shig mi 'jigs pa sbyin pa/ byang chub sems dpa' sems dpa' chen
181b2 po spyan ras gzigs dbang phyug la sgra skad gcig tu bos shig dang / des khyed chom rkun gyis 'jigs pa dang dgra'i 'jigs pa 'di las yongs su thar bar 'gyur ro zhes bsgo la/ de nas 'gron po mang po
181b3 thams cad kyis sgra skad gcig tu spyan ras gzigs dbang phyug la bos te/ 'jigs pa med pa'i sbyin pa byang chub sems dpa' sems dpa' chen po spyan ras gzigs dbang phyug de la phyag 'tshal lo phyag 'tshal lo
181b4 zhes ming nas phyung ma thag tu/ 'gron po phal po che de dag thams cad 'jigs pa thams cad las yongs su thar bar 'gyur te/ rigs kyi bu byang chub sems dpa' sems dpa' chen po spyan ras gzigs dbang
181b5 phyug gi mthu ni de 'dra'o/ /rigs kyi bu sems can gang dag 'dod chags spyod pa de dag gis/ byang chub sems dpa' sems dpa' chen po spyan ras gzigs dbang phyug la phyag byas na 'dod chags dang
181b6 bral bar 'gyur ro/ /sems can gang dag zhe sdang spyod pa de dag gis/ byang chub sems dpa' sems dpa' chen po spyan ras gzigs dbang phyug la phyag byas na zhe sdang dang bral bar 'gyur ro/ /sems
181b7 can gang dag gti mug spyod pa de dag gis/ byang chub sems dpa' sems dpa' chen po spyan ras gzigs dbang phyug la phyag byas na gti mug dang bral bar 'gyur ro/ /rigs kyi bu de ltar byang chub
181b8 sems dpa' sems dpa' chen po spyan ras gzigs dbang phyug ni rdzu 'phrul che ba'o/ /rigs kyi bu bud med bu pho 'dod pa gang la la byang chub sems dpa' sems dpa' chen po spyan ras gzigs
182a1 dbang phyug la phyag 'tshal na de las bu pho 'byung ste/ gzugs bzang ba mdzes pa blta na sdug pa khye'u'i mtshan dang ldan pa/ skye bo mang po'i yid tu 'ong zhing sdug pa dge ba'i rtsa ba bskyed par
182a2 'byung ngo / /gang bu mo 'dod pa de yang bu mo 'byung ste/ gzugs bzang ba mdzes pa blta na sdug pa bu mo'i mtshan dang ldan pa/ skye bo mang po'i yid tu 'ong zhing sdug pa dge ba'i rtsa ba bskyed pa 'byung ngo / /
182a3 rigs kyi bu byang chub sems dpa' sems dpa' chen po spyan ras gzigs kyi dbang phyug gi mthu ni de 'dra'o/ /gang dag byang chub sems dpa' sems dpa' chen po spyan ras gzigs dbang phyug la phyag
182a4 'tshal ba de dag don yod pa'i 'bras bur 'gyur ro/ /rigs kyi bu gang zhig byang chub sems dpa' sems dpa' chen po spyan ras gzigs dbang phyug la phyag 'tshal zhing ming 'dzin la/ gang zhig sangs rgyas
182a5 bcom ldan 'das gang gA'i klung drug bcu rtsa gnyis kyi bye ma snyed dag la phyag 'tshal zhing ming 'dzin pa dang / yang gang zhig gis sangs rgyas bcom ldan 'das gang gA'i klung drug bcu rtsa gnyis kyi bye ma snyed
182a6 bzhugs te/ 'tsho zhing gzhes pa de dag la na bza' dang bsod snyoms dang gzims cha dang snyun gyi gsos sman dang yo byad kyis mchod pa byed na/ rigs kyi bu 'di ji snyam du sems/ rigs kyi bu 'am rigs kyi bu mo de dag
182a7 bsod nams mngon par 'du byed pa de tsam zhig skyed/ de skad ces bka' stsal nas/ byang chub sems dpa' sems dpa' chen po blo gros mi zad pas/ bcom ldan 'das la 'di skad ces gsol to/ /rigs kyi bu 'am
182a8 rigs kyi bu mo de dag gzhi de las bsod nams skyed pa ni bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ rigs kyi bu gang gis sangs
182b1 rgyas bcom ldan 'das de snyed la bkur sti byas pa'i bsod nams mngon par 'du byed pa dang / gang gis tha na byang chub sems dpa' sems dpa' chen po spyan ras gzigs kyi dbang phyug la phyag lan gcig byas pa dang / ming 'dzin
182b2 pa'i bsod nams mngon par 'du byed pa gnyi ga mnyam ste lhag pa yang med 'phags pa yang med do/ /gang gis sangs rgyas bcom ldan 'das gang gA'i klung drug bcu rtsa gnyis kyi bye ma snyed la phyag 'tshal zhing ming 'dzin pa dang / gang
182b3 byang chub sems dpa' sems dpa' chen po spyan ras gzigs dbang phyug la phyag 'tshal zhing ming 'dzin pa'i bsod nams kyi phung po de gnyi ga bskal pa bye ba khrag khrig brgya stong du yang zad par bya ba sla ba ma yin no/ /rigs
182b4 kyi bu byang chub sems dpa' sems dpa' chen po spyan ras gzigs kyi dbang phyug gi ming 'dzin pa'i bsod nams de ltar dpag tu med do/ /de nas bcom ldan 'das la byang chub sems dpa' sems dpa' chen po blo gros mi zad
182b5 pas 'di skad ces gsol to/ /bcom ldan 'das ji ltar byang chub sems dpa' sems dpa' chen po spyan ras gzigs kyi dbang phyug 'jig rten gyi khams mi mjed 'di na rnam par rgyu/ ji ltar sems can rnams la chos
182b6 ston/ byang chub sems dpa' sems dpa' chen po spyan ras gzigs kyi dbang phyug gi thabs mkhas pa'i yul ni ci 'dra ba zhig lags/ de skad ces gsol pa dang / bcom ldan 'das kyis byang chub sems dpa' sems
182b7 dpa' chen po blo gros mi zad pa la 'di skad ces bka' stsal to/ /rigs kyi bu gang dag na byang chub sems dpa' sems dpa' chen po spyan ras gzigs dbang phyug sangs rgyas kyi gzugs kyis sems can rnams la chos
182b8 ston pa'i 'jig rten gyi khams dag yod do/ /gang dag na byang chub sems dpa' sems dpa' chen po spyan ras gzigs kyi dbang phyug byang chub sems dpa' sems dpa' chen po'i gzugs kyis chos ston pa'i 'jig
183a1 rten gyi khams dag kyang yod do/ /sems can kha cig la ni byang chub sems dpa' sems dpa' chen po spyan ras gzigs kyi dbang phyug rang sangs rgyas kyi gzugs kyis chos ston to/ /kha cig la nyan thos
183a2 kyi gzugs kyis/ kha cig la tshangs pa'i gzugs kyis/ kha cig la brgya byin gyi gzugs kyis/ sems can kha cig la ni byang chub sems dpa' sems dpa' chen po spyan ras gzigs dbang phyug dri za'i gzugs kyis
183a3 chos ston to/ /gnod sbyin gyis 'dul ba'i sems can rnams la ni gnod sbyin gyi gzugs kyis chos ston to/ /dbang phyug gis 'dul ba'i sems can rnams la ni dbang phyug gi gzugs kyis chos ston to/ /dbang phyug chen
183a4 pos 'dul ba'i sems can rnams la ni dbang phyug chen po'i gzugs kyis chos ston to/ /'khor los sgyur ba'i rgyal pos 'dul ba'i sems can rnams la ni 'khor los sgyur ba'i rgyal po'i gzugs kyis chos ston to/ /sha
183a5 zas 'dul ba'i sems can rnams la ni sha za'i gzugs kyis chos ston to/ /mchog gis 'dul ba'i sems can rnams la ni mchog gi gzugs kyis chos ston to/ /dmag dpon gyis 'dul ba'i sems can rnams la ni
183a6 dmag dpon gyi gzugs kyis chos ston to/ /bram zes 'dul ba'i sems can rnams la ni bram ze'i gzugs kyis chos ston to/ /lag na rdo rjes 'dul ba'i sems can rnams la ni lag na rdo rje'i gzugs kyis chos ston to/ /rigs
183a7 kyi bu de ltar byang chub sems dpa' sems dpa' chen po spyan ras gzigs kyi dbang phyug yon tan bsam gyis mi khyab pa dang ldan no/ /rigs kyi bu de lta bas na byang chub sems dpa' sems dpa' chen po spyan ras gzigs
183a8 kyi dbang phyug la mchod cig /rigs kyi bu byang chub sems dpa' sems dpa' chen po spyan ras gzigs kyi dbang phyug 'di 'jigs pa'i sems can rnams la mi 'jigs pa sbyin pa ste/ de'i phyir 'jig rten gyi khams mi mjed 'di
183b1 na mi 'jigs pa sbyin pa zhes kun gyis shes so/ /de nas bcom ldan 'das la blo gros mi zad pas 'di skad ces gsol to/ /bcom ldan 'das bdag gis byang chub sems dpa' sems dpa' chen po spyan ras gzigs kyi
183b2 dbang phyug la chos kyi dgab pa stsal bar bgyi'o/ /bcom ldan 'das kyis bka' stsal pa/ rigs kyi bu de'i dus la bab par shes na byin cig /de nas byang chub sems dpa' sems dpa' chen po blo gros mi zad pas bdag gi mgul nas brgya
183b3 stong ri ba'i mu tig gi do shal bkrol nas/ byang chub sems dpa' sems dpa' chen po spyan ras gzigs dbang phyug la chos kyi dgab par byin te/ skyes bu dam pa bdag las chos kyi dgab pa 'di long shig /des ma blangs nas de nas
183b4 byang chub sems dpa' sems dpa' chen po blo gros mi zad pas/ byang chub sems dpa' sems dpa' chen po spyan ras gzigs dbang phyug la 'di skad ces smras so/ /rigs kyi bu khyod kyis mu tig gi do shal 'di
183b5 bdag la snying brtse ba'i phyir long shig /de nas byang chub sems dpa' sems dpa' chen po spyan ras gzigs dbang phyug gis/ byang chub sems dpa' sems dpa' chen po blo gros mi zad pa la snying brtse ba dang / 'khor
183b6 bzhi po de dag dang lha dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen po dang mi dang mi ma yin pa la snying brtse ba'i phyir/ byang chub sems dpa' sems dpa' chen po blo gros mi
183b7 zad pa las mu tig gi do shal blangs so/ /blangs nas cha gnyis su bgos te bgos nas cha gcig ni bcom ldan 'das shAkya thub pa la phul lo/ /cha gcig ni de bzhin gshegs pa dgra bcom pa yang dag par rdzogs pa'i sangs rgyas rin
183b8 chen mang gi rin po che'i mchod rten la phul lo/ /rigs kyi bu byang chub sems dpa' sems dpa' chen po spyan ras gzigs dbang phyug 'jig rten gyi khams mi mjed 'di ni de lta bu'i rnam par 'phrul pas rnam par rgyu'o/ /de la de
184a1 'i chos nyid ni 'di skad ces bya'o/ /rgyal mtshan khra bos blo gros mi zad la/ /de yi don gyi rgyu ni kun dris pa/ /rgyal ba'i sras po 'di ltar ci yi phyir/ /spyan ras gzigs kyi dbang po zhes 'di bgyi/ /de nas de yis phyogs rnams
184a2 kun bltas te/ /smon lam rgya mtsho blo gros mi zad pas/ /rgyal mtshan khra bo de la 'di skad smras/ /spyan ras gzigs kyi dbang po'i spyod pa nyon/ /bskal pa bsam yas bye ba du ma brgyar/ /sangs rgyas stong phrag bye ba mang po la/ /
184a3 smon lam ji ltar rab tu rnam par sbyangs/ /de dag kho bos rab tu bshad kyis nyon/ /mnyan par byed cing lta bar byed pa dang / /rims kyis de ltar rjes su dran pa yang / /srog chags rnams ni 'bras bu yod par 'gyur/ /sdug
184a4 bsngal dang ni mya ngan thams cad sol/ /gal te gsod pas me yi dong du yang / /gsad par bya ba'i phyir ni bor ba'i mis/ /spyan ras gzigs kyi dbang po dran na ni/ /chus btab bzhin du me dag zhi bar 'gyur/ /rgya mtsho dang ni mya
184a5 ngam rgal na yang / /klu dang 'byung po lha ma yin gnas su/ /spyan ras gzigs kyi dbang po dran na ni/ /chu yi nang du nam yang mi nub bo/ /rab tu sdang ba'i yid kyis gsad pa'i phyir/ /ri rab lhun po'i rtse nas bor na yang / /spyan ras
184a6 gzigs kyi dbang po dran na ni/ /nyi ma lta bur nam mkha' gnas par 'gyur/ /gal te rdo rje yi ni ri dag kyang / /gsad pa'i phyir ni spyi bor 'ongs na yang / /spyan ras gzigs kyi dbang po dran na ni/ /ba spu'i khung tsam brtsegs par
184a7 mi nus so/ /gsad pa'i sems kyis lag na mtshon thogs te/ /dgra tshogs mang pos kun du bskor na yang / /spyan ras gzigs kyi dbang po dran na ni/ /de ma thag tu byams pa'i sems su 'gyur/ /gal te gsod pa nye
184a8 bar 'ongs nas su/ /gshed ma mi yi dbang du gyur na yang / /spyan ras gzigs kyi dbang po dran na ni/ /de yi mtshon cha dum bu dum bur 'gyur/ /de ste shing ngam lcags las byas pa yi/ /khong sgril dang ni gdos kyis
184b1 bcings na yang / /spyan ras gzigs kyi dbang po dran na ni/ /bcings pa myur du rnam par bcad par 'gyur/ /sngags dang stobs dang sman dang rig sngags dang / /ro langs pa dang 'byung po lus 'jigs pa/ /spyan ras
184b2 gzigs kyi dbang po dran na ni/ /gang nas rab tu btang ba de slar 'gro/ /gnod sbyin lha min 'byung po klu 'bar ba/ /mdangs 'phrog pa yis yongs su bskor na yang / /spyan ras gzigs kyi dbang po dran na ni/ /ba spu
184b3 'i khung tsam gtses par yong mi nus/ /mche ba sen rnon rab tu 'jigs pa yi/ /gcan zan ma rungs pa yis bskor na yang / /spyan ras gzigs kyi dbang po dran na ni/ /myur bar phyogs kun du yang 'gro bar 'gyur/ /
184b4 mig 'jigs me lce lta bur 'od 'phro ba/ /mig dug can gyis yongs su bskor na yang / /spyan ras gzigs kyi dbang po dran na ni/ /shin du myur bar gdug pa med par 'gyur/ /bzang po'i klog kyang 'byung zhing
184b5 stug pa yi/ /sprin las lce dang ser ba char 'bab pa/ /spyan ras gzigs kyi dbang po dran na ni/ /de ma thag tu myur bar rab tu zhi/ /sdug bsngal mang po brgya yis gtses pa dang / /sdug bsngal mang pos gzir
184b6 ba'i sems can mthong / /ye shes dge ba'i stobs kyis spyan ras gzigs/ /de bas lhar bcas 'gro ba skyob pa'o/ /rdzu 'phrul stobs kyis pha rol song ba ste/ /thabs dang ye shes yangs pa bslabs
184b7 pas na/ /phyogs bcu'i 'gro ba mang po thams cad dang / /ma lus zhing kun du yang rab tu snang / /srog chags rnams kyi ngan 'gro'i 'jigs pa dang / /mi khom pa dang sems can dmyal ba dang / /byol
184b8 song dang ni gshin rjes bskor ba yang / /skye rga na bas gzir ba mthar zhi byed/ /shin du dge ba'i spyan de byams pa'i spyan/ /thabs dang shes rab khyad par yod pa'i spyan/ /snying rje'i spyan dang byams
185a1 pa'i spyan bas na/ /zhal bzang spyan bzang shin du lta 'dod pa/ /dri ma med pa dri ma bral ba'i 'od/ /rab rib med pa ye shes nyi ma'i 'od/ /sprin gyis chod par gyur pa med pa'i 'od/ /'jig rten
185a2 dag na lhag ge lhang nger mdzes/ /snying rje las byung tshul khrims grags pa ste/ /dge ba'i yon tan byams yid sprin chen po/ /srog chags rnams kyi nyon mongs me zhi byed/ /chos kyi char pa bdud rtsi rab
185a3 tu 'bebs/ /thab mo dang ni rtsod cing 'gyed pa yi/ /'jigs chen g.yul ngor skyes bu song na yang / /spyan ras gzigs kyi dbang po dran na ni/ /de ma thag tu dgra rnams rab tu zhi/ /sprin gyi sgra dang rnga bo che yi
185a4 sgra/ /'brug gi sgra dang tshangs pa'i dbyangs snyan pa/ /dbyangs kyi dkyil 'khor pha rol phyin pa ste/ /spyan ras gzigs kyi dbang po dran par bya/ /dag pa'i sems dpa' spyan ras gzigs dbang po/ /the tshom
185a5 ma za dran byos dran par gyis/ /'chi ba'i tshe dang nyon mongs gtses pa'i tshe/ /mgon dang skyabs dang dpung gnyen du yang 'gyur/ /yon tan thams cad kyi ni pha rol phyin/ /sems can kun la snying rje byams pa'i spyan/ /
185a6 yang dag yon tan yon tan rgya mtsho che/ /spyan ras gzigs kyi dbang por phyag byar 'os/ /'di ltar 'gro ba rnams la snying brtse ba/ /phyi ma'i dus na sangs rgyas su yang 'gyur/ /'jigs dang mya ngan thams cad 'jig
185a7 byed pa/ /spyan ras gzigs dbang de ni dran par bya/ /'jig rten dbang gi rgyal po gtso bo ste/ /dge slong chos kyi 'byung gnas 'jig rten mchod/ /bskal pa brgya phrag mang po spyad nas su/ /rdul bral bla na
185a8 med pa'i byang chub 'thob/ /'dren pa snang ba mtha' yas g.yas g.yon nas/ /bsil yab thogs te de bzhin g.yob cing 'dug /sgyu ma lta bu'i ting nge 'dzin gyis kyang / /zhing rnams kun du song nas
185b1 rgyal ba mchod/ /nub kyi phyogs na bde ba'i 'byung gnas ta/ /rdul bral 'jig rten khams 'di bde ba can/ /de na sems can kha lo sgyur ba yi/ /'dren pa tshe mtha' yas pa 'ang da ltar bzhugs/ /der ni
185b2 bud med rnams kyang mi 'byung ste/ /rnam pa kun du g.yem pa'i chos med do/ /rgyal ba'i sras po de dag rdzus te skye/ /dri ma med pa'i pad ma'i snying por 'dug /'dren pa tshe mtha' yas pa de nyid kyang / /
185b3 pad ma'i snying po dri med dga' ba la/ /seng ge'i khri la rab tu bzhugs pa yang / /sa la'i rgyal po lta bur rnam par mdzes/ /'jig rten 'dren pa 'di yang de bzhin te/ /srid pa gsum na de yang
185b4 yong med do/ /gang gis spyan ras gzigs dbang ming thos pa/ /de yi bsod nams dag ni zad mi 'gyur/ /de nas byang chub sems dpa' sems dpa' chen po sa 'dzin stan las langs te/
185b5 bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su/ thal mo sbyar ba btud nas/ bcom ldan 'das la
185b6 'di skad ces gsol to/ /bcom ldan 'das su dag /byang chub sems dpa' sems dpa' chen po spyan ras gzigs dbang phyug gi le'u/
185b7 byang chub sems dpa' sems dpa' chen po spyan ras gzigs dbang phyug gi rnam par 'phrul pa bstan pa kun nas sgo'i le'u/ spyan ras gzigs dbang phyug
185b8 rnam par sprul pa'i cho 'phrul 'di // //
186a1 thos pa'i sems can de dag ni dge ba'i rtsa ba ngan ngon dang ldan pa ma lags so/ /kun nas sgo'i le'u bstan pa 'di bcom ldan 'das kyis bshad pa na/ 'khor de las srog chags brgyad khri bzhi stong gis
186a2 mi mnyam pa dang mnyam pa/ bla na med pa yang dag par rdzogs pa'i byang chub tu sems bskyed par 'gyur ro/ /dam pa'i chos pad ma dkar po las spyan ras gzigs dbang phyugi rnam par 'phrul pa bstan pa kun
186a3 nas sgo'i le'u ste nyi shu rtsa bzhi pa'o// // de nas bcom ldan 'das kyis thams cad dang ldan pa'i byang chub sems dpa'i tshogs la bka' stsal pa/ rigs kyi bu dag sngon byung ba 'das pa'i dus na/ bskal pa grangs med par gyur pa de'i tshe de'i dus na/
186a4 bskal pa mthong na dga' ba la 'jig rten gyi khams rnam par snang ba'i 'od zer gyis brgyan par de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs
186a5 pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das 'brug sgra dbyangs snyan skar ma'i rgyal po me tog
186a6 kun du rgyas pa zhes bya ba 'jig rten du byung ngo / /de bzhin gshegs pa 'brug sgra dbyangs snyan skar ma'i rgyal po me tog kun du rgyas pa de'i gsung rab la/ rgyal po dge ba bkod pa zhes bya ba
186a7 byung ste/ rigs kyi bu dag rgyal po dge ba bkod pa de'i chung ma dri ma med pas byin pa zhes bya ba zhig yod do/ /rigs kyi bu dag rgyal po dge ba bkod pa de la bu gnyis shig yod de/ gcig gi
186a8 ming ni dri ma med pa'i snying po/ gcig gi ming ni dri ma med pa'i mig ste/ khye'u de gnyis rdzu 'phrul dang ldan shes rab dang ldan bsod nams dang ldan ye shes dang ldan te/ byang chub sems dpa'i
186b1 spyod pa la brtson par gyur to/ /'di lta ste sbyin pa'i pha rol du phyin pa dang tshul khrims kyi pha rol du phyin pa dang bzod pa'i pha rol du phyin pa dang / brtson 'grus kyi pha rol du phyin pa dang bsam gtan gyi pha rol du phyin pa dang shes
186b2 rab kyi pha rol tu phyin pa dang thabs mkhas pa'i pha rol du phyin pa dang byams pa dang snying rje dang dga' ba dang btang snyoms dang byang chub kyi phyogs kyi chos sum bcu rtsa bdun po dag la brtson par gyur te/ thams cad kyi pha rol tu son par
186b3 gyur to/ /dri ma med pa'i ting nge 'dzin gyi pha rol du song ngo / /rgyu skar dang skar ma dang nyi ma'i ting nge 'dzin gyi pha rol du song ngo / /dri ma med pa'i 'od kyi ting nge 'dzin gyi pha rol du song ngo / /dri ma med pa'i 'od gsal ba'i ting nge 'dzin
186b4 gyi pha rol du song ngo / /dpa' rgyan gyi ting nge 'dzin gyi pha rol du song ngo / /gzi brjid chen po'i ting nge 'dzin gyi pha rol du song bar gyur to/ /bcom ldan 'das de yang de'i tshe de'i dus na sems can de dag la thugs brtse ba dang /
186b5 rgyal po dge ba bkod pa de la thugs brtse ba'i phyir/ dam pa'i chos pad ma dkar po'i chos kyi rnam grangs 'di ston to/ /rigs kyi bu dag de nas khye'u dri ma med pa'i snying po dang khye'u dri ma med pa'i mig /bdag cag skyed
186b6 pa'i ma ga la ba der song ste phyin nas sor mo bcu las thal mo sbyar te/ bdag cag skyed pa'i ma la 'di skad ces smras so/ /yum tshur spyon/ bcom ldan 'das de bzhin gshegs pa dgra bcom pa yang dag par rdzogs pa'i
186b7 sangs rgyas 'brug sgra dbyangs snyan skar ma'i rgyal po me tog kun du rgyas pa de la blta ba dang phyag bgyi ba dang bsnyen bkur bgyi ba'i slad du/ bcom ldan 'das de bzhin gshegs pa dgra bcom pa yang dag par
186b8 rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa de'i drung du bzhud de/ ci'i slad du zhe na yum de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs
187a1 snyan skar ma'i rgyal po me tog kun tu rgyas pa de/ lha dang bcas pa'i 'jig rten gyi mdun du dam pa'i chos pad ma dkar po'i chos kyi rnam grangs rgyas par rab tu 'chad kyis de mnyan pa'i phyir bzhud do/ /
187a2 rigs kyi bu dag la de skad ces smras nas/ rgyal po'i chung ma dri ma med pas byin pas/ khye'u dri ma med pa'i snying po dang dri ma med pa'i mig la 'di skad ces smras so/ /rigs kyi bu dag khyed kyi pha rgyal po dge ba
187a3 bkod pa 'di bram ze la dad pas/ de bzhin gshegs pa de la blta ba'i phyir 'gror mi ster ro/ /rigs kyi bu dag de nas/ khye'u dri ma med pa'i snying po dang khye'u dri ma med pa'i mig gis sor mo bcu'i thal mo sbyar nas/
187a4 bdag cag skyed pa'i ma la 'di skad ces smras so/ /bdag cag log par lta ba'i khyim du skyes te/ bdag cag chos kyi rgyal po'i bu ma lags pa ste/ rigs kyi bu dag de nas rgyal po'i chung ma dri ma med pas byin pas/
187a5 khye'u de dag la 'di skad ces smras so/ /rigs kyi bu dag khyed kyis bdag cag gi pha rgyal po dge ba bkod pa la snying brtse ba'i phyir/ cho 'phrul ci zhig legs par ston cig dang khyed la dad par 'gyur yang srid kyis/
187a6 sems dad par gyur na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa de'i gan du 'dong du gnang ngo / /rigs kyi bu dag
187a7 de nas khye'u dri ma med pa'i snying po dang khye'u dri ma med pa'i mig gis/ de'i tshe ta la bdun tsam du nam mkha' la 'phags nas/ pha rgyal po dge ba bkod pa de la snying brtse ba'i phyir/ sangs rgyas kyis gnang
187a8 ba'i cho 'phrul zung du byed de/ de dag nam mkha' bar snang de la dong nas nyal bar byed do/ /bar snang de la 'chag go/ /bar snang de la rdul sprug go/ /bar snang de nyid la lus kyi smad nas chu'i rgyun gtong
187b1 zhing / lus kyi stod nas me'i phung po rab tu 'bar bar byed do/ /lus kyi stod nas chu'i rgyun gtong zhing / lus kyi smad nas me'i phung po rab tu 'bar bar byed do/ /de dag nam mkha' de nyid la chen por gyur nas chung ngur
187b2 gyur/ chung ngur gyur nas chen por gyur to/ /bar snang de nyid la mi snang bar gyur te sa las byung ngo / /sa las byung nas nam mkha' la 'phags so/ /rigs kyi bu dag khye'u de gnyis kyis rdzu 'phrul gyi cho 'phrul
187b3 de snyed kyis/ rang gi pha rgyal po dge ba bkod pa btul lo/ /rigs kyi bu dag de nas rgyal po dge ba bkod pas/ khye'u de gnyis kyi rdzu 'phrul gyi cho 'phrul de dag mthong nas/ de'i tshe tshim zhing mgu la yi
187b4 rangs te rab tu/ dga' zhing bde ba dang yid bde ba skyes nas/ sor mo bcu'i thal mo sbyar te/ khye'u de dag la 'di skad ces/ rigs kyi bu dag khyed kyi ston pa su/ khyed su'i slob ma zhes smras so/ /rigs kyi bu
187b5 dag de nas khye'u de gnyis kyis rgyal po dge ba bkod pa la 'di skad ces smras so/ /rgyal po chen po bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan
187b6 skar ma'i rgyal po me tog kun du rgyas pa de bzhugs te 'tsho zhing gzhes la rin po che'i shing byang chub kyi shing drung na chos kyi gdan la bzhugs te/ lha dang bcas bdud dang bcas tshangs pa dang bcas pa'i mdun na
187b7 dam pa'i chos pad ma dkar po'i chos kyi rnam grangs rgyas par rab tu 'chad pa'i bcom ldan 'das de ni bdag cag gi ston pa ste/ rgyal po chen po bdag cag ni de'i slob ma'o/ /rigs kyi bu dag de nas rgyal po
187b8 dge ba bkod pas khye'u de gnyis la 'di skad ces smras so/ /rigs kyi bu dag khyed kyi ston pa lta zhing bcom ldan 'das de'i drung du bdag kyang 'gro'o/ /rigs kyi bu dag de nas khye'u de gnyis bar snang de las babs nas/ bdag cag
188a1 skyed pa'i ma ga la ba der song ste phyin nas sor mo bcu thal mo sbyar te/ bdag cag skyed pa'i ma la 'di skad ces smras so/ /yum bdag cag gi yab 'di bla na med pa yang dag par rdzogs pa'i byang chub
188a2 tu btul lags so/ /bdag cag gis yab kyi ston pa'i bgyi ba bgyis so/ /bdag cag bcom ldan 'das de las rab tu 'byung na yul de ni bdag cag gtang ba'i rigs so/ /rigs kyi bu dag de nas khye'u dri ma
188a3 med pa'i snying po dang khye'u dri ma med pa'i mig gis/ de'i tshe bdag cag skyed pa'i ma la tshigs su bcad pa 'di dag smras so/ /khyim med rab tu 'byung bar ni/ /yum gyis bdag cag gnang bar mdzod/ /
188a4 de bzhin gshegs pa rnyed par dka'/ /bdag cag rab tu 'byung bar bgyi/ /u dum ba ra'i me tog bzhin/ /rgyal ba shin du rnyed par dka'/ /dal ba 'byor pa'ang rnyed dka' bas/ /rab tu 'byung gis gtang du gsol/ /
188a5 rgyal po'i chung ma dri ma med pas smras pa/ de ring khyed gnyis gtang bar bya/ /byis pa bdag dang legs par deng / /de bzhin gshegs pa rnyed dka' bas/ /bdag kyang rab tu byung bar bya/ /rigs kyi bu dag khye'u de dag
188a6 gis tshigs su bcad pa 'di dag smras nas/ bdag gi pha dang ma la 'di skad ces smras so/ /yab yum legs so tshur spyon/ /khyed dang thams cad lhan cig bzhud do/ /bcom ldan 'das de la blta ba dang phyag bgyi ba dang
188a7 bsnyen bkur bgyi ba'i slad tu/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun du rgyas pa de'i drung du bzhud do/ /de ci'i slad tu zhe na/
188a8 yab yum sangs rgyas 'byung ba rnyed par dka' ste/ u dum ba ra'i me tog dang 'dra zhing gnya' shing gi bu gar ru sbal gyi mgrin pa chud pa dang 'dra ba'i slad tu'o/ /yab yum sangs rgyas bcom ldan 'das dag 'byung ba rnyed par dka'
188b1 ste/ de bas na yab yum bdag cag bsod nams mchog gis brtan pas gsung rab 'di lta bu la skyes te/ yab yum bdag cag btang na legs te bdag cag mchi zhing / bcom ldan 'das de bzhin gshegs pa dgra bcom
188b2 pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun du rgyas pa'i bstan pa la rab tu byung ngo / /de ci'i slad tu zhe na/ yab yum de bzhin gshegs pa mthong ba rnyed par dka' ba dang /
188b3 da ltar gyi dus na 'di 'dra ba'i chos kyi rgyal po rnyed par dka' ba dang / 'di lta bu'i dal ba 'byor pa shin du rnyed par dka' ba'i slad tu'o/ /rigs kyi bu dag de'i tshe na/ rgyal po dge ba bkod pa de'i btsun mo'i 'khor las sras brgyad
188b4 khri bzhi stong dam pa'i chos pad ma dkar po'i chos kyi rnam grangs 'di'i snod tu gyur to/ /khye'u dri ma med pa'i snying po dang dri ma med pa'i mig gis chos kyi rnam grangs 'di la spyad de/ bskal pa bye ba khrag khrig brgya stong du ngan song
188b5 thams cad ji ltar bsal snyam nas/ sems can thams cad kyi ngan song thams cad sel ba'i ting nge 'dzin la spyad par gyur to/ /khye'u de dag gi ma dri ma med pas byin pa rgyal po'i chung ma de yang sangs rgyas thams cad
188b6 kyis kun bstan pa/ sangs rgyas thams cad kyi chos gsang ba'i gnas shes so/ /rigs kyi bu dag de nas khye'u de gnyis kyis rgyal po dge ba bkod pa de bzhin gshegs pa'i bstan pa la btul te zhugs par byas nas yongasu
188b7 smin par byas te/ gnyen 'dab dang rgyal po'i chung ma dri ma med pas byin pa de dang gnyen 'dab dang rgyal po dge ba bkod pa'i khye'u de gnyis kyang / srog chags bzhi khri nyis stong dang btsun mo'i 'khor dang bcas blon po dang bcas te
188b8 thams cad 'grogs nas lhan cig tu/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun du rgyas pa de ga la ba der dong ste/ lhags nas
189a1 bcom ldan 'das de'i zhabs la mgo bos phyag 'tshal te/ bcom ldan 'das la lan bdun du bskor ba byas nas phyogs gcig tu 'khod do/ /rigs kyi bu dag de nas bcom ldan 'das de bzhin gshegs pa dgra bcom
189a2 pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun du rgyas pa des/ rgyal po dge ba bkod pa 'khor dang bcas te lhags par mkhyen nas/ chos kyi gtam gyis shin du legs par
189a3 yang dag par bstan/ yang dag par 'dzin du bcug /yang dag par gzeng stod/ yang dag par rab tu dga' bar mdzad do/ /rigs kyi bu dag de nas bcom ldan 'das des rgyal po dge ba bkod pa la/ chos kyi gtam gyis shin tu
189a4 legs par yang dag par bstan/ yang dag par 'dzin du bcug /yang dag par gzeng stod/ yang dag par rab tu dga' bar mdzad pas/ de'i tshe tshim zhing mgu la yi rangs te rab tu dga' zhing dga' ba dang yid bde ba skyes nas/
189a5 nu bo cod pan gyis bcings te/ rgyal por bcug nas bu dang gnyen 'dab dang 'khor dang bcas pa dang / rgyal po'i chung ma dri ma med pas byin pa de yang / bud med kyi tshogs thams cad dang 'khor dang khye'u de gnyis dang
189a6 lhan cig tu/ srog chags brgyad khri bzhi stong dang lhan cig 'grogs te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po
189a7 me tog kun du rgyas pa de'i gsung rab la dad pas khyim nas khyim med par rab tu byung ste/ rab tu byung nas rgyal po dge ba bkod pa 'khor dang bcas pas/ lo brgyad khri bzhi stong du dam pa'i chos pad+ma
189a8 dkar po'i chos kyi rnam grangs 'di la bsam pa dang bsgom pa dang kun chub par bya ba la brtson par 'gyur ro/ /rigs kyi bu dag de nas rgyal po dge ba bkod pa lo brgyad khri bzhi stong 'das nas/ yon tan gyi
189b1 brgyan thams cad bkod pa zhes bya ba'i ting nge 'dzin thob ste/ ting nge 'dzin de thob ma thag tu de'i tshe nam mkha' la ta la bdun tsam du 'phags so/ /de nas rigs kyi bu dag rgyal po dge ba bkod pa nam mkha'i dkyil du 'dug nas/
189b2 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun du rgyas pa la 'di skad ces gsol to/ /bcom ldan 'das bdag gi bu
189b3 'di gnyis ston pa lags te/ gang 'di dag gis rdzu 'phrul gyis lta bar gyur pa chen po de las bzlog ste/ de bzhin gshegs pa'i bstan pa la rab tu bzhag go/ /yongs su smin par bgyis/ /zhugs par bgyis so/ /
189b4 de bzhin gshegs pa la blta ba dang / phyag bgyi ba'i slad du yang bskul lo/ /bcom ldan 'das khye'u 'di gnyis bdag gi dge ba'i bshes gnyen te/ sngon gyi dge ba'i rtsa ba dran par bgyi ba'i slad du/ bu'i gzugs
189b5 kyis bdag gi khyim du skyes so/ /de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu
189b6 rgyas pas rgyal po dge ba bkod pa la 'di skad ces bka' stsal to/ /rgyal po de de bzhin te/ ji skad smras pa bzhin no/ /dge ba'i rtsa ba skyed pa'i rigs kyi bu 'am rigs kyi bu mo rnams ni srid pa'i 'gro ba dang 'chi ba'i gnas
189b7 thams cad du skyes pa na yang / gang dag ston pa'i byed pas nye bar gnas pa dang / gang dag bla na med pa yang dag par rdzogs pa'i byang chub tu lung ston pa dang / 'dzud pa dang yongs su smin par byed pa'i dge ba'i bshes gnyen rnams
189b8 rnyed par sla bar 'gyur ro/ /rgyal po chen po 'di lta ste dge ba'i bshes gnyen gyis yongs su zin pa/ de bzhin gshegs pa ltar 'dzud pa gnas 'di ni rgya che ba'o/ /rgyal po chen po khye'u 'di gnyis mthong ngam/ gsol pa bcom ldan 'das mthong lagaso/ /
190a1 so/ bde bar gshegs pa mthong lags so/ /bcom ldan 'das kyis bka' stsal pa/ rgyal po chen po khye'u 'di gnyis de bzhin gshegs pa dgra bcom pa yang dag par rdzogs pa'i sangs rgyas gang gA'i klung drug
190a2 cu rtsa lnga'i bye ma snyed la mchod pa byed do/ /sems can rnams la snying brtse ba'i phyir/ log par lta ba'i sems can rnams yang dag pa'i lta ba la brtson 'grus bskyed pa'i phyir dam pa'i chos pad ma dkar po'i chos kyi rnam grangs
190a3 'di 'dzin par 'gyur ro/ /rigs kyi bu dag de nas rgyal po dge ba bkod pa nam mkha'i dkyil de nas babs te/ sor mo bcu'i thal mo sbyar nas bcom ldan 'das de bzhin gshegs pa dgra bcom pa yang dag par rdzogs pa'i
190a4 sangs rgyas 'brug sgra dbyangs snyan skar ma'i rgyal po me tog kun du rgyas pa la 'di skad ces gsol to/ /bcom ldan 'das de bzhin gshegs pa ji lta bu'i ye shes dang ldan pas/ de bzhin gshegs pa dgra bcom pa yang dag par
190a5 rdzogs pa'i sangs rgyas gang gi slad tu/ dbu'i gtsug tor rnam par mdzes spyan dri ma ma mchis pa lags/ smin mtshams kyi mdzod spu mdzes shing / zla ba dung ltar dkar la mdzes/ mnyam zhing thags bzang
190a6 pa'i tshems kyi phreng ba zhal gyi nang nas mdzes/ bcom ldan 'das kyi sgros me tog bim pa ltar dmar ba dang / bde bar gshegs pa'i spyan mdzes pa/ de bzhin gshegs pas legs par bshad tu gsol/
190a7 rigs kyi bu dag de nas rgyal po dge ba bkod pas yon tan de snyed kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun du
190a8 rgyas pa de la mngon par bstod nas/ yon tan bye ba khrag khrig brgya stong gzhan dag gis kyang bcom ldan 'das de la bstod do/ /de'i tshe bcom ldan 'das de bzhin gshegs pa dgra bcom pa yang dag par rdzogs pa'i
190b1 sangs rgyas 'brug sgra dbyangs snyan skar ma'i rgyal po me tog kun du rgyas pa la 'di skad ces gsol to/ /bcom ldan 'das ji tsam du de bzhin gshegs pa'i bstan pa 'di don che zhing / yon tan bsam gyis mi khyab pa dang
190b2 ldan pa'i chos 'dul ba gsungs te/ ji tsam du de bzhin gshegs pas bslab pa legs par bcas pa ni ngo mtshar to/ /bcom ldan 'das deng slan chad bdag slar sems kyi dbang du mchi bar mi bgyi'o/ /
190b3 slar log par lta ba'i dbang du mchi bar mi bgyi'o/ /slar khro ba'i dbang du mchi bar mi bgyi'o/ /slar sdig pa'i sems bskyed pa'i dbang du mchi bar mi bgyi'o/ /bcom ldan 'das bdag mi dge ba'i chos 'di
190b4 snyed dang ldan na/ bcom ldan 'das kyi drung du mchi bar mi 'tshal lo zhes smras te/ de bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i
190b5 rgyal po me tog kun tu rgyas pa'i zhabs la mgo bos phyag 'tshal nas bar snang la song ste 'chag go/ /de nas rgyal po dge ba bkod pa dang / rgyal po'i chung ma dri ma med pas byin pa des/ brgya stong ri ba'i mu tig gi rgyan
190b6 phreng bcom ldan 'das kyi steng gi bar snang la gtor to/ /mu tig gi rgyan phreng de gtor ma thag tu bcom ldan 'das kyi steng na/ mu tig gi rgyan phreng gi khang pa brtsegs pa gru bzhi lham pa ka ba bzhi zug pa ngos
190b7 mnyam pa shin du rnam par phye ba blta na sdug pa gnas par gyur te/ khang pa brtsegs pa der ras bcos bu brgya stong du ma bting ba'i khri byung ngo / /khri de dag la de bzhin gshegs pa'i sku dkyil mo dkrung bcas te bzhugs
190b8 par snang ngo / /de nas rgyal po dge ba bkod pa 'di snyam du sems te/ sangs rgyas kyi ye shes 'di ni mthu che zhing / de bzhin gshegs pa ni yon tan bsam gyis mi khyab pa dang ldan pas 'di ltar de bzhin gshegs pa'i sku khang
191a1 pa brtsegs pa'i dbus na mdzes shing blta na sdug pa/ kha dog bzang po rgyas pa mchog dang ldan par gda'o/ /de nas bcom ldan 'das de bzhin gshegs pa 'brug sgra dbyangs snyan skar ma'i rgyal po me tog kun du
191a2 rgyas pas 'khor bzhi po de dag la bka' stsal pa/ dge slong dag rgyal po dge ba bkod pa nam mkha'i dkyil nas 'dug cing seng ge'i sgra sgrogs pa mthong ngam/ gsol pa mthong lags so/ /bcom ldan 'das kyis bka' stsal pa/
191a3 dge slong dag rgyal po dge ba bkod pas nga'i bstan pa la dge slong gi tshul du byas nas/ bskal pa mngon 'phags rgyal po zhes bya ba la 'jig rten gyi khams yangs ldan du/ de bzhin gshegs pa dgra bcom pa yang dag par rdzogs
191a4 pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das sa la'i dbang po rgyal po zhes
191a5 bya ba 'jig rten du 'byung ste/ dge slong dag de bzhin gshegs pa dgra bcom pa yang dag par rdzogs pa'i sangs rgyas sa la'i dbang po'i rgyal po de'i byang chub sems dpa'i dge 'dun dpag tu med pa dang / nyan thos kyi dge 'dun
191a6 dpag tu med par 'gyur ro/ /'jig rten gyi khams yangs ldan yang / lag mthil ltar mnyam par 'gyur ro/ /de ltar de bzhin gshegs pa dgra bcom pa yang dag par rdzogs pa'i sangs rgyas de yon tan bsam gyis
191a7 mi khyab par 'gyur ro/ /rigs kyi bu dag de'i tshe de'i dus na rgyal po dge ba bkod pa zhes bya bar gyur pa de/ gzhan zhig yin snyam du khyod som nyi 'am yid gnyis sam the tshom za bar gyur na/ rigs kyi bu dag khyed kyis de ltar
191a8 mi blta'o/ /de ci'i phyir zhe na/ byang chub sems dpa' sems dpa' chen po pad ma'i dpal 'di nyid de'i tshe de'i dus na rgyal po dge ba bkod pa zhes bya bar gyur to/ /rigs kyi bu dag de'i tshe de'i dus na/ rgyal po'i chung ma
191b1 dri ma med pas byin pa zhes bya bar gyur pa de gzhan zhig yin snyam du khyod som nyi 'am yid gnyis sam the tsom za bar gyur na/ rigs kyi bu dag khyod kyis de ltar mi blta'o/ /de ci'i phyir zhe na/ byang chub sems dpa' sems
191b2 dpa' chen po rnam par snang ba'i 'od zer gyis brgyan pa'i rgyal mtshan zhes bya ba 'di nyid de'i tshe de'i dus na/ rgyal po'i chung ma dri ma med pas byin pa zhes bya bar gyur te/ rgyal po dge ba bkod pa dang sems can de dag la snying brtse ba'i
191b3 phyir/ rgyal po dge ba bkod pa'i chung mar khas blangs par gyur to/ /rigs kyi bu dag de'i tshe de'i dus na/ khye'u de gnyis su gyur pa de/ gzhan dag zhig yin pa snyam du khyed som nyi 'am yid gnyis sam the tshom za
191b4 bar gyur na/ rigs kyi bu dag khyed kyis de ltar mi lta'o/ /de ci'i phyir zhe na/ sman gyi rgyal po dang sman yang dag 'phags 'di gnyis de'i tshe de'i dus na/ rgyal po dge ba bkod pa'i bur gyur to/ /rigs kyi bu des
191b5 de ltar byang chub sems dpa' sems dpa' chen po sman gyi rgyal po dang / sman yang dag 'phags yon tan bsam gyis mi khyab pa dang ldan te/ sangs rgyas bye ba khrag khrig brgya stong mang po la dge ba'i rtsa ba bskyed pa'o/ /
191b6 skyes bu dam pa 'di gnyi ga yang bsam gyis mi khyab pa'i chos kyis yang dag par 'phags so/ /gang dag skyes bu dam pa 'di gnyis kyi ming 'dzin pa de dag thams cad kyis kyang lha dang bcas pa'i 'jig rten gyis phyag
191b7 byas par 'gyur ro/ /sngon gyi sbyor ba'i le'u 'di bshad pa na/ srog chags brgyad khri bzhi stong chos rnams la chos kyi mig rdul med cing dri ma dang bral ba rnam par dag go/ /'phags pa dam pa'i chos pad ma dkar po
191b8 las/ rgyal po dge ba bkod pa'i sngon gyi sbyor ba'i le'u zhes bya ste nyi shu rtsa lnga pa'o// // de nas byang chub sems dpa' sems dpa' chen po kun du bzang po/ byang chub sems dpa' sems dpa' chen po
192a1 bgrang ba las 'das pa dag gis yongs su bskor cing mdun du bdar/ lha dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen po dang mi dang mi ma yin pa dag gis kyang
192a2 yongs su bskor cing mdun du bdar te/ lhan cig tu shar phyogs nas zhing dag ni rab tu g.yo bar byed/ pad ma'i char ni rab tu 'bebs/ sil snyan bye ba khrag khrig brgya stong ni rab tu len cing / byang chub sems
192a3 dpa'i mthu chen po dang / byang chub sems dpa'i rnam par 'phrul pa chen po dang / byang chub sems dpa'i rdzu 'phrul chen po dang / byang chub sems dpa'i che ba nyid dang / byang chub sems dpa'i gzi brjid chen po 'bar ba
192a4 dang / byang chub sems dpa'i theg pa chen po dang / byang chub sems dpa'i rdzu 'phrul chen po dang / lha dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen po dang mi dang mi ma yin pa'i
192a5 rnam par 'phrul pa chen po dang / de ltar rdzu 'phrul gyi cho 'phrul bsam gyis mi khyab pa dag gis/ byang chub sems dpa' sems dpa' chen po kun du bzang po 'jig rten gyi khams mi mjed 'dir phyin nas/ de ri'i rgyal po
192a6 bya rgod kyi phung po ga la ba dang bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lan bdun bskor ba byas nas bcom ldan 'das la 'di skad ces
192a7 gsol to/ /bcom ldan 'das bdag bcom ldan 'das de bzhin gshegs pa dkon mchog gzi brjid mngon 'phags rgyal po'i sangs rgyas kyi zhing nas 'dir mchis te/ bcom ldan 'das 'jig rten gyi khams mi mjed
192a8 'di na dam pa'i chos pad ma dkar po'i chos kyi rnam grangs 'di ston pa de mnyan pa'i slad tu bcom ldan 'das de bzhin gshegs pa shAkya thub pa'i drung du bdag mchis so/ /bcom ldan 'das byang chub sems dpa' brgya stong 'di snyed 'di dag kyang /
192b1 dam pa'i chos pad ma dkar po'i chos kyi rnam grangs 'di mnyan pa'i slad tu mchis so/ /de'i slad du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis/ dam pa'i chos pad ma dkar po'i
192b2 chos kyi rnam grangs 'di byang chub sems dpa' sems dpa' chen po 'di rnams la rgya cher legs par bshad tu gsol/ de skad ces gsol nas bcom ldan 'das kyis byang chub sems dpa' sems dpa' chen po kun du bzang po
192b3 la 'di skad ces bka' stsal to/ /rigs kyi bu byang chub sems dpa' sems dpa' chen po 'di dag ni mgo smos pa tsam gyis khong du chud pa sha stag go/ /dam pa'i chos pad ma dkar po'i chos kyi rnam grangs 'di ni 'di lta ste/ de bzhin
192b4 nyid dang yang dag pa'i mtha' dang chos kyi dbyings dang dbyer med pa'o/ /byang chub sems dpa' de dag gis gsol pa/ bcom ldan 'das de de lta lags so/ /bde bar gshegs pa de de lta lags so/ /de nas 'khor der dge slong dang
192b5 dge slong ma dang dge bsnyen dang dge bsnyen ma 'dus pa de dag /dam pa'i chos pad ma dkar po'i chos kyi rnam grangs 'di la rab tu dgod pa'i phyir/ yang bcom ldan 'das kyis byang chub sems dpa' sems dpa' chen po kun du bzang
192b6 po la 'di skad ces bka' stsal to/ /rigs kyi bu chos bzhi dang ldan pa'i bud med kyis/ dam pa'i chos pad ma dkar po'i chos kyi rnam grangs 'di lag tu thob par 'gyur ro/ /bzhi gang zhe na 'di lta ste/ sangs rgyas bcom ldan 'das
192b7 rnams kyis byin gyis brlabs par 'gyur ba dang / dge ba'i rtsa ba bskyed par 'gyur ba dang / nges pa'i phung po la gnas par 'gyur ba dang sems can thams cad yongs su bskyab pa'i phyir/ bla na med pa yang dag
192b8 par rdzogs pa'i byang chub tu sems bskyed par 'gyur ba ste/ rigs kyi bu chos bzhi po de dag dang ldan pa'i bud med kyis/ dam pa'i chos pad ma dkar po'i chos kyi rnam grangs 'di lag tu thob par 'gyur ro/ /
193a1 de nas bcom ldan 'das la byang chub sems dpa' sems dpa' chen po kun du bzang pos 'di skad ces gsol to/ /bcom ldan 'das slad ma'i tshe slad ma'i dus lnga brgya'i tha ma la/ mdo sde 'di lta bu 'dzin
193a2 pa'i dge slong rnams la bsrung bar bgyi'o/ /bde legs su 'gyur bar bgyi'o/ /chad pa spang bar bgyi'o/ /dug gzhil bar bgyi'o/ /ci nas chos smra ba de dag la glags lta ba dang / skabs tshol ba gang gis kyang glag
193a3 rnyed par mi 'gyur ba dang / bdud sdig can dang bdud kyi bu rnams dang bdud kyi ris kyi lha'i bu rnams dang bdud kyi bu mo rnams dang bdud kyi 'khor glags lta ba dang / skabs tshol ba rnams kyis glags mi rnyed par 'gyur bas na/
193a4 bdud kyi kun nas ldan pa'i bar du 'byung bar mi 'gyur ba dang lha'i bu dang gnod sbyin dang yi dags dang srul po dang gshed byed dang ro langs dag /chos smra ba de la glags lta ba dang skabs tshol ba na yang skabs rnyed par mi 'gyur bar/
193a5 bcom ldan 'das bdag gis chos smra ba de la rtag par rgyun du dus thams cad tu bsrung bar bgyi'o/ /bcom ldan 'das gang gi tshe chos smra ba de/ chos kyi rnam grangs 'di la sems shing / rnal 'byor la brtson pa dang /
193a6 'chag pa la zhugs par gyur pa de'i tshe chos kyi rnam grangs 'di bsrung ba'i slad tu bdag glang po che'i rgyal po thal kar mche ba drug pa la 'tshal te/ byang chub sems dpa'i tshogs kyis yongs su bskor nas/ chos smra
193a7 ba de'i 'chag pa'i gnas su chos smra ba de'i drung du mchi bar bgyi'o/ /gang gi tshe chos smra ba de chos kyi rnam grangs 'di la sems shing rnal 'byor gyi rjes su zhugs pa des/ chos kyi rnam grangs 'di las tha na tshig
193a8 dang yi ge gcig tsam yang lan 'ga' nor bar gyur pa de'i tshe/ bdag glang po che'i rgyal po thal kar mchi ba drug pa la 'tshal nas/ chos smra ba de la bdag gi ngo bstan te/ chos kyi rnam grangs 'di ma nyams
193b1 par zlos su stsal to/ /chos smra ba des bdag gi lus mthong zhing chos kyi rnam grangs 'di ma nyams par bdag la thos nas tshim zhing mgu la yi rangs te/ rab tu dga' zhing dga' ba dang yid bde ba skyes nas chos kyi rnam
193b2 grangs 'di la brtson 'grus rtsom mo/ /bdag mthong ma thag tu ting nge 'dzin thob par 'gyur ro/ /gzungs 'khyil pa zhes bgyi ba'i gzungs thob par 'gyur ro/ /bye ba brgya stong du 'khyil pa zhes bgyi ba'i gzungs
193b3 thob par 'gyur ro/ /sgra thams cad la mkhas pa zhes bgyi ba'i gzungs thob par 'gyur ro/ / bcom ldan 'das slad ma'i tshe slad ma'i dus lnga brgya pa tha ma la/ dge slong ngam dge slong ma 'am dge bsnyen nam dge bsnyen
193b4 ma gang dag mdo sde 'di lta bu 'dzin pa dang mdo sde 'di lta bu yi ger 'dri ba dang mdo sde 'di lta bu tshol ba dang mdo sde 'di lta bu klog pa dang gang dag slad ma'i tshe slad ma'i dus lnga brgya pa tha ma la/ chos kyi rnam grangs 'di'i ched tu/
193b5 gdugs bdun gsum nyi shu gcig tu 'chag cing brtson par gyur na/ de dag la bdag gis sems can thams cad kyis mthong na dga' ba'i lus bstan par bgyi'o/ /glang po che'i rgyal po thal kar mche ba drug pa la
193b6 'tshal te/ byang chub sems dpa'i tshogs kyis yongs su bskor nas/ gdugs nyi shu rtsa gcig pa la chos smra ba de dag 'chag pa'i thad tu mchi'o/ /mchis nas chos smra ba de dag la yang dag par bstan par bgyi'o/ /
193b7 yang dag par 'dzin du stsal bar bgyi'o/ /yang dag par gzeng bstod par bgyi'o/ /yang dag par rab tu dga' bar bgyi'o/ /de dag la gzungs kyang stsal bar bgyi'o/ /ci nas chos smra ba de dag la sus kyang mi tshugs par 'gyur
193b8 ba dang de dag la mi 'am mi ma lags pas glags mi rnyed par 'gyur ba dang / bud med kyis 'phrogs par mi 'gyur bar de dag la bsrung bar bgyi'o/ /bde legs su 'gyur bar bgyi'o/ /chad pa spang bar bgyi'o/ /dug gzhil bar bgyi'o/ /
194a1 bcom ldan 'das chos smra ba de dag la bdag gis gzungs sngags kyi tshig 'di dag stsal bar bgyi'o/ /bcom ldan 'das gzungs sngags kyi tshig 'di dag gsan du gsol/ tad+ya thA/ su daN DA/ daN DA ba ti daN DA brta ni/ daN
194a2 Da ku sha la/ daN Da su d+hA ri/ su d+hA ra pa ti bud d+ha pa sh+ya ne/ d+hA ra Ni/ A brta ni/ A brta ni/ sang g+ha pa rI k+Shi te/ sang g+ha ni ra ga sa te/ d+harma pa rI k+Shi te/ sarba satwa ru ta/ kau shal+ya/ kau shal+yA nu ga te/ sing ha bi krI Di te/ a nu brte/ brta ni/ brta li swA hA/ bcom
194a3 ldan 'das gzungs sngags kyi tshig 'di dag byang chub sems dpa' gang gi rna ba'i dbang po la grags pa de ni/ byang chub sems dpa' sems dpa' chen po kun du bzang po'i byin gyis brlabs su rig par bgyi'o/ /bcom ldan 'das dam
194a4 pa'i chos pad ma dkar po'i chos kyi rnam grangs 'di yang 'dzam bu'i gling 'di na spyod pa na/ byang chub sems dpa' gang dag gi lag tu thob par gyur pa na/ bcom ldan 'das chos smra ba de dag gis byang chub sems dpa' kun du bzang po'i
194a5 mthu dang / byang chub sems dpa' kun du bzang po'i gzi brjid kyis/ dam pa'i chos pad ma dkar po'i chos kyi rnam grangs 'di bdag cag gi lag tu thob bo snyam du de ltar rig par bgyi'o/ /bcom ldan 'das gang dag mdo sde 'di
194a6 yi ger 'dri ba dang 'dzin pa'i sems can de dag gis byang chub sems dpa' kun du bzang po'i spyod pa thob par 'gyur ro/ /sems can de dag gis sangs rgyas mang po la dge ba'i rtsa ba bskyed par 'gyur ro/ /bcom ldan 'das
194a7 sems can de dag ni/ de bzhin gshegs pa'i phyag gis spyi bo la byugs par 'gyur ro/ /bcom ldan 'das de dag gis bdag kyang dga' bar bgyis par 'gyur ro/ /gang dag mdo 'di yi ger 'drir stsol ba dang /
194a8 gang dag 'di'i don khong du chud par bgyid pa dang / bcom ldan 'das mdo sde 'di yi ger bris pa de dag /'di nas shi 'phos nas sum bcu rtsa gsum pa'i lha rnams dang skal ba mnyam par skye bar 'gyur te/ skyes ma thag tu de'i
194b1 drung du lha'i bu mo brgyad khri bzhi stong mchi bar 'gyur/ lha'i bu mo de dag rnga bo che tsam gyi cod pan can lha'i bu mo de dag gi nang na gnas par 'gyur ro/ /bcom ldan 'das chos kyi rnam grangs 'di yi gir bris pa'i bsod nams
194b2 kyi phung po yang 'di 'dra lags na/ gang dag lung nod pa dang kha don bgyid pa dang sems pa dang yid la bgyid pa lta smos kyang ci 'tshal/ bcom ldan 'das de lta lags pas/ dam pa'i chos pad ma dkar po'i chos kyi rnam
194b3 grangs 'di sems kyis kun bsams te yi ger bri bar bgyi'o/ /gang mi g.yeng bar yid la bgyid pas yi ger bris na/ de la sangs rgyas brgya stong phyag rkyong bar 'gyur ro/ /'chi ba'i tshe yang sangs rgyas stong gi zhal mthong bar
194b4 'gyur ro/ /ngan 'gro log par ltung bar mchi bar mi 'gyur ro/ /'di nas shi 'phos nas kyang dga' ldan gyi lha rnams dang skal ba mnyam par skye bar 'gyur te/ gang na byang chub sems dpa' sems dpa' chen po byams pa
194b5 mtshan bzang po sum bcu rtsa gnyis dang ldan pa de/ byang chub sems dpa'i tshogs kyis yongs su bskor cing / lha'i bu mo bye ba khrag khrig brgya stong gis mdun gyis bltas te chos 'chad pa der skye'o/ /de lta lags
194b6 pas rigs kyi bu 'am rigs kyi bu mo mkhas pas/ dam pa'i chos pad ma dkar po'i chos kyi rnam grangs 'di gus par yi ger bri bar bgyi'o/ /gus par lung nod par bgyi'o/ /gus par kha
194b7 don du bgyi'o/ /gus par yid la bgyi'o/ /bcom ldan 'das chos kyi rnam grangs 'di yi ger bris pa dang lung mnos pa dang kha don bgyis pa dang bsgoms pa dang yid la bgyis pa ni/ de ltar yon
194b8 tan dpag tu ma mchis par 'gyur ro/ /bcom ldan 'das de lta lags pas/ rigs kyi bu 'am rigs kyi bu mo mkhas pas/ dam pa'i chos pad ma dkar po'i chos kyi rnam grangs 'di bzung
195a1 bar bgyis te/ de dag gi yon tan gyi phan yon 'di snyed tu 'gyur ro/ /bcom ldan 'das de lta lags pas/ ci nas bdag gi byin gyi brlabs kyis chos kyi rnam grangs 'di 'dzam bu'i gling 'di na spyod par 'gyur bar
195a2 bdag gis chos kyi rnam grangs 'di byin gyis brlab par bgyi'o/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas/ byang chub sems dpa' sems
195a3 dpa' chen po kun du bzang po la kun du bzang po khyod skye bo mang po la phan pa'i phyir zhugs pa dang / 'di ltar bsam gyis mi khyab pa'i chos dang ldan zhing snying rje chen pos zin pa'i lhag pa'i bsam pa dang / bsam gyis
195a4 mi khyab pas zin pa'i sems bskyed pas/ khyod kyis chos smra ba de dag la byin gyis rlob pa byed pa legs so legs so zhes bya ba byin no/ /rigs kyi bu gang la la dag byang chub sems dpa' sems dpa'
195a5 chen po kun du bzang po'i ming 'dzin pa de dag gis/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa mthong ba dang / dam pa'i chos pad ma dkar po'i chos
195a6 kyi rnam grangs 'di yang bcom ldan 'das shAkya thub pa'i gan nas thos pa dang / de dag gis de bzhin gshegs pa shAkya thub pa mchod pa dang / de bzhin gshegs pa shAkya thub pas chos bstan pa la legs
195a7 so zhes bya ba byin pa dang / chos kyi rnam grangs 'di la rjes su yi rang ba dang / de bzhin gshegs pa shAkya thub pas de dag gi spyi bor phyag bzhag pa dang / de dag gis bcom ldan 'das shAkya thub pa chos gos kyis
195a8 g.yogs par rig par bya'o/ /kun du bzang po rigs kyi bu 'am rigs kyi bu mo de dag /de bzhin gshegs pa'i bstan pa 'dzin par rig par bya'o/ /de dag 'jig rten rgyang phan pa la dga' bar mi 'gyur ro/ /de dag snyan dngags la
195b1 zhugs pa'i sems can rnams la dga' bar mi 'gyur ro/ /de dag gar byed pa dang rol mo byed pa dang gyad dang sha 'tshong ba dang shan pa dang bya gag 'tshong ba dang phag 'tshong ba dang bud med dag gso ba'i sems can rnams la
195b2 dga' bar mi 'gyur ro/ /mdo sde 'di lta bu thos pa dang yi ger bris pa dang 'dzin pa dang klags pa de dag gzhan la sred par mi 'gyur ro/ sems can de dag chos kyi ngo bo nyid dang ldan par 'gyur ro/ /de dag so so'i bdag
195b3 nyid tshul bzhin yid la byed par 'gyur ro/ /rang gi bsod nams kyi stobs bskyed par 'gyur ro/ /de dag sems can rnams kyis mthong na dga' bar 'gyur ro/ /dge slong gang dag mdo sde 'di lta bu 'dzin pa de dag 'dod
195b4 chags kyis gzir bar mi 'gyur ro/ /zhe sdang med pa dang gti mug med pa dang ser sna med pa dang 'chab pa med pa dang nga rgyal med pa dang che ba'i nga rgyal med pa dang log pa'i nga rgyal med par 'gyur ro/ /kun du bzang po
195b5 chos smra ba de dag bdag gi rnyed pas chog shes par 'gyur ro/ /kun du bzang po gang gis phyi ma'i dus phyi ma'i tshe lnga brgya pa tha ma la/ dam pa'i chos pad ma dkar po'i chos kyi rnam grangs 'di 'dzin pa'i dge slong
195b6 mthong na/ 'di snyam du rigs kyi bu 'di ni byang chub kyi snying por 'gro bar 'gyur ro/ /rigs kyi bu 'di ni bdud kyi thab mo'i tshogs las rgyal bar 'gyur ro/ /rigs kyi bu 'di ni chos kyi 'khor lo skor bar 'gyur ro/ /
195b7 'di ni chos kyi rnga rdung bar 'gyur ro/ /'di ni chos kyi dung 'bud par 'gyur ro/ /'di ni chos kyi char rab tu 'bebs par 'gyur ro/ /'di ni chos kyi seng ge'i khri la 'dug par 'gyur ro/ /snyam du sems bskyed par
195b8 bya'o gang dag phyi ma'i dus phyi ma'i tshe lnga brgya pa tha ma la/ chos kyi rnam grangs 'di 'dzin pa'i dge slong de dag brkam par mi 'gyur ro/ /chos gos la chags pa dang / lhung bzed la chags par mi 'gyur ro/ /chos smra ba
196a1 de dag drang por 'gyur ro/ /chos smra ba de dag rnam par thar pa gsum thob par 'gyur ro/ /de dag gi tshe 'di pa bzlog par 'gyur ro/ /gang dag mdo sde 'di lta bu 'dzin pa chos smra ba'i dge slong rnams rmongs par
196a2 byed pa'i sems can de dag dmus long du 'gyur ro/ /gang dag gis mdo sde 'di lta bu 'dzin pa'i dge slong rnams la mi snyan pa bsgrags na/ de dag tshe 'di nyid la lus la sha bkra 'byung bar 'gyur ro/ /gang dag
196a3 mdo sde 'di lta bu yi ger 'dri ba rnams la 'phya ba dang bsting ba de dag so chag par 'gyur ro/ /so thags ngan par 'gyur ro/ /mchu mi sdug par 'gyur ro/ /sna leb par 'gyur ro/ /lag pa dang rkang pa log par
196a4 'gyur ro mig log par 'gyur ro/ /lus dri mi zhim par 'gyur ro/ /lus la 'bras dang 'brum bu phra mo dang rkang shu dang shu ba dang g.yan pas gang bar 'gyur ro/ /gang dag mdo sde 'di lta bu 'dzin pa dang / mdo sde 'di
196a5 lta bu yi ger 'dri ba dang / mdo sde 'di lta bu klog pa dang mdo sde 'di lta bu 'chad pa rnams la mi snyan pa'i tshig bden pa 'am/ mi bden pa bsgrags na sdig pa'i las shin du lci bar rig par bya'o/ /kun du bzang po de
196a6 bas na chos kyi rnam grangs 'di 'dzin pa'i dge slong la rgyang ma nas kyang ldang bar bya'o/ /ji ltar de bzhin gshegs pa la gus par bya ba de bzhin du mdo sde 'di lta bu 'dzin pa'i dge slong la yang gus par bya'o kun du bzang
196a7 po spro bar bya ba'i le'u 'di bshad pa na/ byang chub sems dpa' sems dpa' chen po gang gA'i klung gi bye ma snyed kyis bye ba brgya stong du 'khyil pa zhes bya ba'i gzungs thob par 'gyur ro/ /dam pa'i chos pad ma dkar po las
196a8 kun du bzang pos spro bar bya ba'i le'u zhes bya ba ste nyi shu rtsa drug pa'o// // de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa chos kyi gdan de las bzhengs te thams
196b1 cad dang ldan pa'i byang chub sems dpa' de dag bsdus nas rdzu 'phrul mngon par 'du mdzad pa yongs su grub pa'i phyag g.yas pas/ de dag gi lag pa g.yas pa nas bzung nas de'i tshe 'di skad ces bka' stsal to/ /
196b2 rigs kyi bu dag ngas bskal pa grangs med pa bye ba khrag khrig brgya stong du yang dag par bsgrubs pa bla na med pa yang dag par rdzogs pa'i byang chub 'di khyed kyi lag tu gtad do/ /yongs su gtad do rjes su gtad do/ /
196b3 bzhag go/ /gtams so/ /rigs kyi bu dag khyed kyis ci nas kyang rgya cher rgyas par 'gyur ba de ltar gyis shig /lan gnyis lan gsum du yang bcom ldan 'das kyi phyag g.yas pas thams cad dang ldan pa'i byang chub
196b4 sems dpa'i tshogs kyi lag pa g.yas pa nas bzung ste 'di skad ces bka' stsal to/ /rigs kyi bu dag ngas bskal pa grangs med pa bye ba khrag khrig brgya stong du yang dag par bsgrubs pa bla na med pa yang dag
196b5 par rdzogs pa'i byang chub 'di khyed kyi lag tu gtad do/ /yongs su gtad do/ /rjes su gtad do/ /bzhag go/ /gtams so/ /rigs kyi bu dag khyed kyis blangs la bzung ngo / /klag go/ /kun chub par bya'o/ /
196b6 bstan par bya'o/ /bshad par bya'o/ /sems can thams cad la bsgrags par bya'o/ /rigs kyi bu dag nga la ser sna med do/ /'dzin pa'i sems med do/ /'jigs pa med
196b7 par sangs rgyas kyi ye shes sbyin pa'o de bzhin gshegs pa'i ye shes dang rang byung gi ye shes sbyin pa'o/ /rigs kyi bu dag nga ni sbyin pa'i bdag po chen po ste/ rigs kyi bu dag khyed kyang nga'i rjes su slobs shig ser sna med par
196b8 gyis la de bzhin gshegs pa'i ye shes mthong ba thabs mkhas pa chen po'i chos kyi rnam grangs 'di 'ongs shing lhags pa'i rigs kyi bu dang rigs kyi bu mo dag la yang dag par sgrogs shig rig kyi bu 'am rigs kyi bu mo gang dag
197a1 dad pa dang / sems can gang dag dad pa de dag chos kyi rnam grangs 'di la yang dag par gzud par bya'o rigs kyi bu dag khyed kyis de ltar byas na de bzhin gshegs pa la lan lon par 'gyur ro/ /bcom ldan 'das de bzhin gshegs pa dgra bcom pa yang
197a2 dag par rdzogs pa'i sangs rgyas shAkya thub pas de skad ces bka' stsal nas/ byang chub sems dpa' sems dpa' chen po de dag dga' ba dang / mchog tu dga' bas khyab par byas par gyur nas/ rjes cher bskyed de bcom ldan 'das
197a3 de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba de logs su lus btud lus rab tu btud nas lus bcums te mgo smad nas thal mo sbyar te/ thams cad kyis sgra skad gcig tu
197a4 bcom ldan 'das de bzhin gshegs pa shAkya thub pa la 'di skad ces gsol to/ /bcom ldan 'das de bzhin gshegs pas ji skad bka' stsal pa de bzhin 'tshal lo/ /de bzhin gshegs pa thams cad kyi bka' yongs su rdzogs
197a5 par bgyi'o/ /bcom ldan 'das thugs las chung ngur ci bder bzhugs su gsol/ lan gnyis lan gsum du yang thams cad dang ldan pa'i byang chub sems dpa'i tshogs des sgra skad gcig tu tshig 'di skad ces
197a6 bcom ldan 'das thugs las chung ngur ci bder bzhugs su gsol/ bcom ldan 'das ji skad du de bzhin gshegs pas bka' stsal pa de bzhin du bgyi'o/ /de bzhin gshegs pa thams cad kyi bka' yongs su rdzogs
197a7 par bgyi'o zhes gsol to/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas/ 'jig rten gyi khams gzhan dag nas byon pa'i de bzhin gshegs pa dgra
197a8 bcom pa yang dag par rdzogs pa'i sangs rgyas de dag thams cad slar gshegs su gsol te/ de bzhin gshegs pa dgra bcom pa yang dag par rdzogs pa'i sangs rgyas de dag la ci bder gnas par mdzod cig ces de bzhin
197b1 gshegs pa de dag la ci bder gnas par mdzod cig ces bya bar gsungs so/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang de'i mchod rten yang gnas ji lta ba
197b2 bzhin du gzhag go/ /de bzhin gshegs pa dgra bcom pa yang dag par rdzogs pa'i sangs rgyas de la ci bder bzhugs shig ces gsungs so/ /bcom ldan 'das kyis de skad ces bka' stsal nas de bzhin gshegs pa dgra bcom pa yang
197b3 dag par rdzogs pa'i sangs rgyas grangs med dpag tu med pa 'jig rten gyi khams gzhan dag nas byon te/ rin po che'i shing ljon pa dag gi drung na seng ge'i khri la bzhugs pa de dag dang / de bzhin gshegs pa dgra bcom pa yang dag par rdzogs
197b4 pa'i sangs rgyas rin chen mang dang / thams cad dang ldan pa'i byang chub sems dpa'i tshogs de dag dang / spyod pa khyad par can la sogs pa sa rum nas 'thon pa'i byang chub sems dpa' sems dpa' chen po grangs med dpag tu med pa
197b5 de dag dang nyan thos chen po de dag dang 'khor bzhi po de dag dang lha dang mi dang lha ma yin dang dri zar bcas pa'i 'jig rten thugs yid rangs te/ bcom ldan 'das kyis gsungs pa la mngon par bstodo/ /'phags pa dam pa'i chos pad
197b6 ma dkar po las yongs su gtad pa'i le'u zhes bya ste nyi shu bdun pa'o// //gang na mdo sde 'di yod par me mar mur gyi dong 'bogs shing / /spu gri gtams las 'dzegs nas kyang / /rigs kyi bu dag 'gro bar bya/ /'phags pa dam pa'i chos
197b7 pad ma dkar po'i chos kyi rnam grangs yongs su rgyas pa chen po'i mdo sde byang chub sems dpa' rnams la gdams pa/ sangs rgyas thams cad kyis yongs su bzung ba sangs rgyas thams cad kyi gsang chen/ sangs rgyas thams
197b8 cad kyi sba ba sangs rgyas thams cad kyi rigs/ sangs rgyas thams cad kyi gsang ba'i gnas/ sangs rgyas thams cad kyi byang chub kyi snying po sangs rgyas thams cad kyi chos kyi 'khor lo skor ba/ sangs rgyas thams cad
198a1 kyi sku gcig tu 'dus pa/ thabs mkhas pa chen po theg pa gcig tu bstan pa/ don dam pa bsgrub pa bstan pa'i mdo rdzogs so// // rgya gar gyi mkhan po su ren dra bod+hi dang / zhu chen gyi lo ts+tsha ba ban de sna nam ye shes
sdes bsgyur zhing zhus te gtan la phab pa/
CLOSE WINDOW