བོད་ཡིག |
61a2 @##/ /rgya gar skad du/ Ar+ya ma hA ka ru NA puN Da rI ka nA ma ma hA yA na sU tra/ bod skad du/ 'phags pa snying rje chen po'i pad ma dkar po zhes bya ba theg pa chen po'i mdo/
61a3 bam po dang po/
61a4 sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das ku sha'i grong khyer na gyad rnams nye bar gnas pa shing sA la'i tshal na bzhugs so/ /de nas
61a5 bcom ldan 'das yongs su mya ngan las 'da' ba'i dus kyi tshe tshe dang ldan pa kun dga' bo la bka' stsal pa/ kun dga' bo de bzhin gshegs pa do mod kyi nam gyi thun tha ma la yongs su mya ngan las 'das nas/ /khyod kyis
61a6 shis sA la zung gi bar du de bzhin gshegs pa seng ge ltar glo g.yas pas mnal ba'i gzims mal chos shig /kun dga' bo 'dus byas su brtags pa thams cad legs par bcom pa'i shin du yongs su mya ngan las 'da'
61a7 bas nga yongs su mya ngan las 'da'o/ /kun dga' bo ngas sangs rgyas kyi bya ba ni byas/ ngas gnas med pa'i chos zhi ba rab tu zhi ba mchog gya nom pa zab pa/ mthong bar dka' ba/ khong du chud par dka' ba/ brtag mi nus
61a8 pa ma brtags pa/ rtog ge'i spyod yul ma yin pa/ mkhas pa dang 'dzangs pas rig pa/ phul du phyin par 'phags pa'i bdud rtsi ni bstan/ kun dga' bo ngas chos kyi 'khor lo bla na med pa dge sbyong ngam bram ze'am/
61a9 bdud dam lha'am tshangs pa'am gzhan gang gis kyang chos dang 'thun par 'jig rten du ma bskor ba lan gsum du bzlas te rnam pa bcu gnyis su bskor ba ni bskor/ ngas chos kyi rnga bo che ni brdungs/ ngas chos kyi dung chen
61b1 po ni bus/ ngas chos kyi rgyal mtshan chen po ni bsgrengs/ ngas chos kyi mar me chen po ni bus/ ngas mun pa chen po ni bsal/ ngas stong gsum ni snang bar byas/ ngas gru chen po ni bcas/ ngas stegs chen po ni
61b2 bcugs/ ngas zam pa chen po ni btags/ ngas pha rol du 'dong ba mang po ni bton/ ngas thar pa'i lam ni yang dag par bstan/ ngas chos kyi char chen po ni phab/ ngas lha dang mi rnams ni tshim par byas/ ngas gdul
61b3 ba rnams ni btul/ ngas phas kyi rgol ba thams cad ni skrag par byas/ ngas mu stegs kyi gnas thams cad ni tshar bcad/ ngas bdud kyi stobs ni bcom/ ngas bdud kyi gnas ni g.yo bar byas/ ngas seng ge'i sgra ni
61b4 bsgrags/ ngas sangs rgyas kyi bya ba ni byas/ ngas skyes bu dam pa'i las ni mthar phyung / ngas sngon gyi yi dam ni yongs su rdzogs par byas/ ngas chos kyi tshul ni byin gyis brlabs/ ngas nyan thos chen po rnams las byed du
61b5 ni btsud/ ma 'ongs pa'i sangs rgyas kyi tshul rgyun mi 'chad par bya ba'i phyir ngas byang chub sims dpa' sims dpa' chen po rnams lung ni bstan zin te/ kun dga' bo mya ngan las 'da' ba ma gtogs par phyis bya ba nga la
61b6 med do/ /de nas tshe dang ldan pa kun dga' bo bcom ldan 'das kyi gsung rnam pa de lta bu de thos nas sdug bsngal zhing yid mi bde ste mi dga' zhing mya ngan chen po'i zug rngus zug par gyur nas rab tu ngus te mchi ma zag bzhin du bcom
61b7 ldan 'das la 'di skad ces gsol to/ /bcom ldan 'das rab tu myur bar mya ngan las 'da' zhing bde bar gshegs pa rab tu myur bar mya ngan las 'da' ste/ 'jig rten gyi mig rab tu myur bar mi snang bar 'gyur/ rab tu myur bar
61b8 'jig rten mgon ma mchis pa dang skyabs ma mchis pa dang / yongs su 'dren pa ma mchis par 'gyur ro/ /de nas yang bcom ldan 'das kyis tshe dang ldan pa kun dga' bo la bka' stsal pa/ kun dga' bo chog gis mya ngan ma
62a1 byed smre sngags ma 'don cig /gang gnas pa dang byung ba dang 'dus byas pa dang bsags pa ni rab tu 'jig pa'i chos can yin pas mi 'jig par ga la 'gyur te de ni gnas med do/ /kun dga' bo ngas thog ma nyid du khyed
62a2 la dga' ba dang sdug pa dang yid du 'ong ba rnams dang tha dad tu 'gyur zhing 'gyes par 'gyur bral bar 'gyur bye bar 'gyur ro zhes ma bstan tam/ kun dga' bo khyod kyis nga la byams pa'i lus kyi las phan pa dang bde ba dang gnyis
62a3 su med pa dang tshad med pa dang / mi mthun pa med pas bsnyen bkur byas so/ /kun dga' bo gang lha dang mi dang lha ma yin gyi 'khor du bcas pa dang / nyan thos dang rang sangs rgyas su bcas pa la bskal pa'am bskal pa
62a4 las lhag par bsnyen bkur byas pa bas gang de bzhin gshegs pa la yud tsam zhig bsnyen bkur byas pa de de bas 'bras bu shin du ches kun dga' bo khyod mya ngan ma byed cig /smre sngags ma 'don cig /kun dga' bo khyod
62a5 kyis de bzhin gshegs pa la bsnyen bkur byas pa ni don che ba dang 'bras bu che ba dang phan yon che ba dang rgya che ba dang bdud rtsi dang 'dra ba dang / bdud rtsi la 'bab pa dang / bdud rtsi'i mthar 'gyur ba nas mya ngan las 'da' ba'i bar du 'gyur ro/ /
62a6 de nas tshe dang ldan pa kun dga' bos mchi ma phyis nas smre sngags 'don cing shing sA la zung gi bar du de bzhin gshegs pa seng ge ltar glo g.yas pas mnal ba'i gzims mal bcas so/ /de nas bcom ldan 'das shing sA
62a7 la zung ga la ba der gshegs nas shing sA la zung gi bar du seng ge ltar glo g.yas pas mnal lo/ /gang gi tshe de bzhin gshegs pa shing sa la zung gi bar du seng ge ltar glo g.yas pas mnal bar gyur pa de'i tshe stong gsum
62a8 gyis stong chen po'i 'jig rten gyi khams na shing dang rtswa dang shing gel pa dang sman dang nags tshal tha na sor bzhi tsam mo yan cad ji snyed yod pa de dag thams cad gang du de bzhin gshegs pa mya ngan las 'da' ba de logs su gzhol 'dud/ rab tu 'dud cing mngon par 'dud par gyur to/
62b1 /stong gsum gyi stong chen po'i 'jig rten gyi khams na klung ngam 'bab chu 'am chu mig gam mtsho 'am lteng ka'am khron pa 'am rdzing ngam/ pad ma dkar po 'bab pa ji snyed yod
62b2 pa de dag thams cad sangs rgyas kyi mthus byin gyis brlabs pas mi 'bab par gyur to/ /stong gsum gyi stong chen po'i 'jig rten gyi khams na bya mang po dang / ri dgas mang po sna tshogs ji snyed yod pa de dag thams cad
62b3 kyang sangs rgyas kyi mthus sgra mi 'byin par 'khod cing mi za mi rgyu bar gyur to/ /stong gsum gyi stong chen po'i 'jig rten gyi khams na nyi ma dang zla ba'i 'od dam/ skar ma'i gzugs sam/ nor bu'am me'am srin bu me
62b4 khyer gyi 'od ji snyed yod pa de dag thams cad sangs rgyas kyi mthus mi mngon mi snang ste/ lham mer ma yin/ lhan ner ma yin/ lhang nger ma yin par gyur to/ /stong gsum gyi stong chen po'i 'jig rten gyi khams na sems
62b5 can dmyal ba chen po'i me ji snyed yod pa de dag thams cad kyang sangs rgyas kyi mthus zhi bar gyur/ mi 'bar bar gyur/ mi tsha bar gyur/ mi tshig par gyur/ yongs su mi gdung bar gyur to/ /stong gsum gyi stong chen po'i
62b6 'jig rten gyi khams na gang sems can dmyal ba chen po'i me de dag thams cad kyang nye bar zhi zhing bsil bar gyur to/ /de nas sems can dmyal ba'i sems can de dag thams cad skad cig de dang yud tsam de'i tshe sangs rgyas kyi
62b7 mthus bde ba thob par gyur to/ /dud 'gro'i skye gnas pa'i sems can thams cad kyang byams pa'i sems dang phan pa'i sems dang ldan par gyur te/ gcig la gcig gnod sems med rnam par 'tshe ba med rnam par mtho
62b8 'tsham pa med cing gnod pa byed pa med par gyur to/ /gshin rje'i 'jig rten pa'i sems can thams cad kyang bkres pa dang / skom pa med par gyur to/ /sems can thams cad kyang skad cig de dang yud tsam de'i tshe sangs
63a1 rgyas kyi mthus bde ba dang lus dang sems tshim pa dang / sdug bsngal rgyun chad pa dang / bde ba dang yid bde ba mchog dang ldan par gyur ro/ /de bzhin gshegs pa seng ge ltar glo g.yas pas mnal
63a2 ma thag tu stong gsum gyi stong chen po'i 'jig rten gyi khams na ri'i rgyal po ri rab dang / 'khor yug dang khor yug chen po dang / btang zung dang btang zung chen po dang / spos kyi ngad ldang dang / gangs ri ji snyed yod pa dang /
63a3 gzhan yang ri nag po rnams dang / thams cad dang ldan pa'i sa chen po dang / rgya mtsho chen po khor yug gi 'obs kyi mthas gtugs pa rnams pa drug tu g.yos te/ 'gul rab tu 'gul/ 'khrugs rab tu 'khrugs/ ldeg rab tu
63a4 ldeg par gyur to/ /thams cad dang ldan pa'i rlung gi dkyil 'khor yang de'i tshe mi ldang bar gyur to/ /de'i tshe skad cig de dang yud tsam de na sems can thams cad kyang las byed pa rnams btang bar gyur te gnyid med/ chod pa
63a5 med sgrib pa med rtsom pa med cing mi 'dzer bar gyur te sgra chung ca co chung zhing yid mi g.yeng bar gyur to/ /bcom ldan 'das seng ge ltar glo g.yas pas mnal ma thag tu stong gsum gyi stong chen po'i 'jig rten gyi khams 'di na lha
63a6 dang klu dang gnod sbyin dang dri za dang lha ma yin dang nam mkha' lding dang mi'am ci dang lto 'phye chen po dang brgya byin dang tshangs pa dang / 'jig rten skyong ba ji snyed 'khod pa de dag thams cad kyis rang rang gi gnas rnams mog mog por gyur
63a7 te 'od med gzi brjid med par gyur par shes so/ /de bzhin gshegs pa seng ge ltar glo g.yas pas mnal ma thag tu stong gsum gyi stong chen po'i 'jig rten gyi khams 'di na lha dang klu dang gnod sbyin dang dri za dang lha ma yin
63a8 dang nam mkha' lding dang mi'am ci dang lto 'phye chen po dang brgya byin dang tshangs pa dang / 'jig rten skyong ba ji snyed 'khod pa de dag thams cad rang rang gi stan dang skyed mos tshal dang gzhal med khang rnams la mi dga' bar gyur to/ /
63b1 sangs rgyas kyi mthus de dag thams cad 'khor dang bcas par skyo zhing yid byung bar gyur to/ /stong gsum gyi stong chen po'i 'jig rten gyi khams 'di na tshangs pa dang tshangs pa chen po gang dag zil gyis gnon cing zil gyis
63b2 mi non pa brgya phrag bcu la dbang sgyur ba 'di snyam du sems shing bdag cag gis sems can 'di dag byas/ bdag cag gis sems can 'di dag sprul/ bdag cag gis 'jig rten byas/ bdag cag gis 'jig rten sprul lo
63b3 snyam du de ltar shes pa'i tshangs pa dang tshangs pa chen po stong gsum gyi stong chen po'i 'jig rten gyi khams na 'khod pa de dag kyang rang rang gi stan la mngon par mi dga' bar gyur to/ /rang rang gi gnas thams cad dang ldan pa yang
63b4 sangs rgyas kyi mthus mog mog por gyur par shes so/ /de bzhin du tshangs pa gzhan thams cad kyang sangs rgyas kyi mthus rang rang gi gnas rnams mog mog por gyur par shes te rang rang gi gnas rnams la mi dga' bar
63b5 gyur to/ /'jig rten skyong ba dang dbang phyug chen po dang gnas gtsang ma pa rnams kyang rang rang gi gnas rnams la mi dga' bar gyur to/ /de nas stong gsum gyi stong chen po'i tshangs pa chen po de 'di snyam du gang gis bdag rang
63b6 gi gnas la mi dga' bar gyur pa de su'i snga ltas yin snyam du sems so/ /de nas stong gsum gyi stong chen po'i tshangs pa des stong gsum gyi stong chen po'i 'jig rten gyi khams thams cad dang ldan pa la bltas so/ /
63b7 des stong gsum gyi stong chen po'i 'jig rten gyi khams de la bltas nas 'di snyam du gang stong gsum gyi stong chen po'i 'jig rten gyi khams 'di'i byed pa po dbang phyug bdag po dbang sgyur ba/ de bzhin gshegs pa dgra bcom
63b8 pa yang dag par rdzogs pa'i sangs rgyas de do mod mya ngan las 'da' bar 'gyur te/ gang gis bdag rang gi stan la 'dug par mi dga' ba dang / gang gis cho 'phrul bsam gyis mi khyab pa rmad du byung ba 'di lta bu dag snang bar gyur pa
64a1 'di ni de yongs su mya ngan las 'da' ba'i snga ltas yin 'di ni de'i mthu yin no snyam du sems te/ de mi dga' zhing yid dung zhes byed de spu zing zhes byed par gyur nas tshangs pa'i 'khor mang pos yongs su bskor cing mdun du
64a2 bdar te myur ba myur bar rings par bcom ldan 'das ga la ba der song ngo / /de'i tshe stong gsum gyi stong chen po na tshangs pa lhag ma lus par gyur pa dang / ma 'dus pa dang / tshangs pa de las gzhan pa ji snyed yod pa de dag
64a3 'phags pa'i chos la mngon par dul bar gyur/ 'phags pa'i chos la gnas par gyur to/ /de nas stong gsum gyi stong che po'i tshangs pa de bcom ldan 'das ga la ba der song ste/ bcom ldan 'das kyi zhabs la mgo bos
64a4 phyag 'tshal nas bcom ldan 'das la 'di skad ces gsol to/ /bcom ldan 'das ji ltar gnas par bgyi ba dang ji ltar bsgrub par bgyi ba bdag la bka' stsal du gsol/ de skad ces gsol pa dang / bcom ldan 'das kyis
64a5 tshangs pa chen po la 'di skad ces bka' stsal to/ /tshangs pa khyod nga ni tshangs pa tshangs pa chen po zil gyis gnon cing zil gyis mi non pa kun shes pa dang ldan pa brgya phrag bcu la dbang bsgyur ba yin te/ bdag gis sems can
64a6 rnams byas/ bdag gis sems can rnams sprul/ bdag gis 'jig rten byas/ bdag gis 'jig rten sprul to zhes de snyam du sems shing de skad zer zhe na bden nam/ gsol pa bcom ldan 'das mad do/ /bde bar
64a7 gshegs pa mad do/ /bka' stsal pa/ tshangs pa khyod sus byas/ sus sprul/ de nas tshangs pa chen po cang mi smra bar gyur to/ /tshangs pa chen po de cang mi smra bar gyur pa dang bcom ldan 'das kyis 'di skad ces bka'
64a8 stsal to/ /tshangs pa gang gi tshe bskal pas bsregs pa de'i tshe stong gsum gyi stong chen po'i 'jig rten gyi khams 'di 'bar rab tu 'bar/ kun du 'bar/ kun du rab tu mched cing 'bar te me lce gcig tu gyur par 'gyur ba'i
64b1 dus de dang tshe de 'byung ba de tshangs pa khyod nyid kyis byas sam/ khyod kyis sprul tam/ gsol pa/ bcom ldan 'das ma lags so/ /bka' stsal pa/ tshangs pa gangs chen po 'di ni chu'i phung po la brten/ chu yang rlung la
64b2 brten/ rlung yang nam mkha' la brten te 'phang du dpag tshad drug khri brgyad stong yod cing mi 'jig pa de la ji snyam du sems/ 'di khyod kyis byas shing khyod kyis sprul tam/ gsol pa/ bcom ldan 'das ma lags so/ /
64b3 bde bar gshegs pa ma lags so/ /bka' stsal pa/ tshangs pa gang nyi ma dang zla ba'i gzhal med khang na lha'i bu dag lam me ma yin/ lhan ne ma yin zhing gzhal med khang rnams stong par 'khod pa'i dus de dang tshe de 'byung ba
64b4 de la ji snyam du sems/ tshangs pa de dag khyod kyis byas shing khyod kyis sprul pa dang khyod kyis byin gyis brlabs pa yin nam/ gsol pa bcom ldan 'das ma lags so/ /bka' stsal pa/ gang sos ka dang / dbyar dang /
64b5 ston dang dgun dang dgun smad dang / dpyid kyi dus tshigs de dag la khyod ji snyam du sems/ de dag kyang tshangs pa khyod kyis byas shing khyod kyis sprul pa dang khyod kyis byin gyis brlabs pa yin nam/ gsol pa bcom ldan 'das ma
64b6 lags so/ /bka' stsal pa/ tshangs pa gang chu'am/ me long gi dkyil 'khor ram/ 'bru mar dang mar gyi snod dam/ nor bu dang shel rnams kyi nang ngam/ de las gzhan pa'i snod dag pa rnams la gzugs brnyan rnams
64b7 pa sna tshogs snang ba 'di lta ste shing ljon pa dang nags tshal dang kun dga' ra ba dang bskyed mos tshal dang gzhal med khang snang ba'am/ grong dang grong khyer dang grong brdal snang ba'am/ glang po che dang rta dang rnga mo dang ba lang dang bong bu
64b8 dang lug dang ri dgas dang bya rnams snang ba'am/ zla ba dang nyi ma dang skar ma'i tshogs rnams snang ba'am/ nyan thos dang rang sangs rgyas dang byang chub sems dpa' dang de bzhin gshegs pa'i sku snang ba'am/ sa dang ri dang klung snang ba'am/
65a1 brgya byin dang tshangs pa dang 'jig rten skyong ba dang de las gzhan pa'i sems can mi dang mi ma yin pa snang ba de dag tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam
65a2 gsol pa bcom ldan 'das ma lags so/ /bka' stsal pa/ tshangs pa g.yang sa dang ri dang ri'i 'bab chu dang rdzing rnams na dung dang rnga bo che dang rdza rnga dang glu gar dang ri dgas dang bya dang mi dang / mi ma yin pa rnams kyi sgra'i brag cha dang /
65a3 gang de dang 'thun pa'i sgra brnyan 'byung ba de dag kyang tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam/ gsol pa bcom ldan 'das ma lags so/ /bka' stsal pa/ tshangs pa
65a4 gang sems can rnams kyi rmi lam na gzugs sna tshogs mthong ba dang / sgra sna tshogs thos pa dang / dri sna tshogs snom pa dang / ro sna tshogs myong ba dang / reg bya sna tshogs reg pa dang / chos sna tshogs shes pa dang /
65a5 dga' ba dang rtse ba sna tshogs myong ba dang / mchi ma byung ba dang ngu ba dang 'jigs pa dang skrag pa dang / sdug bsngal ba mthong ba'am/ myong ba'am shes pa de dag tshangs pa khyod kyis byas shing khyod kyis sprul pa dang khyod kyis byin
65a6 gyis brlabs pa yin nam/ gsol pa bcom ldan 'das ma lags so/ /bka' stsal pa/ tshangs pa gang sems can rnams kyi 'jigs pa dang / mi dga' ba dang mya ngan dang / smre sngags 'don pa dang grang ba dang / /
65a7 tsha ba dang bkres pa dang / skom pa de dag tshangs pa khyod kyis byas shing khyod kyis sprul pa dang khyod kyis byin gyis brlabs pa yin nam/ gsol pa bcom ldan 'das ma lags so/ /bka' stsal pa/ tshangs pa gang rigs
65a8 bzhi'i 'jig rten gyi mdzes pa 'am mi sdug pa 'am/ longs spyod che ba'am longs spyod chung ba 'am/ dbul ba 'am/ bsod nams che ba 'am/ tshul khrims bzang ba 'am/ tshul khrims 'chal pa 'am/ shes rab bzang
65b1 ba 'am/ shes rab 'chal pa de dag kyang tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam/ gsol pa bcom ldan 'das ma lags so/ /bka' stsal pa/ tshangs pa gang
65b2 sems can rnams kyis 'jigs pa 'am/ skrag pa 'am/ gnod pa 'am/ rnam par 'tshe ba 'am/ rnam par tho 'tsham pa 'di lta ste/ mtshon cha dang me dang chu dang rlung dmar dang dug dang gcan zan khro bo dang dgra dang mi dang /
65b3 mi ma yin pa'i 'jigs pa 'am/ gzhan gnod pa byed pa'i 'jigs pa sna tshogs de dag kyang tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam/ gsol pa bcom ldan
65b4 'das ma lags so/ /bka' stsal pa/ tshangs pa sems can rnams kyi nad rnam pa sna tshogs dang / rlung dang mkhris pa dang bad kan dang 'dus pa dang dus dang / khams mi mthun pa las gyur pa 'am/ gzhan gyis gnod par byas
65b5 pa dang / sngon gyi las kyi sgrib pa las gyur pa 'di lta ste/ mig dang rna ba dang sna dang lce dang lus na ba dang / sems can rnams kyi yid la gdung ba'i sdug bsngal sna tshogs de dag khyod kyis byas shing khyod kyis sprul pa dang /
65b6 khyod kyis byin gyis brlabs pa yin nam/ gsol pa bcom ldan 'das ma lags so/ /bka' stsal pa/ tshangs pa gang mu ge dang chu dang 'brog dang sbrul dang chom rkun dang dgon pa dang mtshon cha dang nad dang bar gyi bskal
65b7 pa de dag tshangs pa khyod kyis byas shing khyod kyis sprul ba dang / khyod kyis byin gyis brlabs pa yin nam/ gsol pa bcom ldan 'das ma lags so/ /bka' stsal pa/ tshangs pa gang sems can rnams kyi 'bral
65b8 ba'i sdug bsngal rnam pa sna tshogs pha ma dang spun dang sring mo dang grogs dang nye du dang snag gi gnyen mtshams dang bu pho dang chung ma dang bu mo dag dang bral ba'i sdug bsngal de dag khyod kyis byas shing khyod kyis sprul pa dang khyod kyis byin gyis
66a1 brlabs pa yin nam/ gsol pa bcom ldan 'das ma lags so/ /bka' stsal pa/ gang sems can rnams kyi sdug bsngal sna tshogs yang ba'i las la sbyor ba/ skra dang phangs dang rgya skyegs dang
66a2 'khor lo 'tshong pa 'am/ rgya mtsho chen por 'gro ba dang / 'brog dgon par 'jug pa 'am/ phyogs sna tshogs su skyas 'degs pa 'am/ zhing gi las rgya cher byed pa 'am/ de las gzhan pa'i bya ba sna tshogs de
66a3 dag kyang tshangs pa khyod kyis byas shing khyod kyis sprul pa dang khyod kyis byin gyis brlabs pa yin nam/ gsol pa bcom ldan 'das ma lags so/ /bka' stsal pa/ tshangs pa gang sems can rnams kyi dge ba dang mi dge
66a4 ba'i las rnam pa sna tshogs yang dag par len pa/ sems can dmyal ba dang dud 'gro'i skye gnas dang gshin rje'i 'jig rten dang / lha dang mi'i rgyu las byung ba rnams dang / gang sems can rnams kyi lus dang ngag dang yid
66a5 kyis nyes par spyad pa dang / legs par spyad pa rnams sam/ gang 'jig rten na mi dge ba bcu'i las kyi lam sems can rnams la mi phan pa dang / sdug bsngal ba dang gnod pa dang / ngan song ngan 'gro log par ltung bar
66a6 'gyur ba 'di lta ste/ srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang phra ma dang ngag rtsub po dang tshig kyal pa dang brnab sems dang gnod sems dang / log par lta
66a7 ba de rnams kyang tshangs pa khyod kyis byas shing khyod kyis sprul ba dang khyod kyis byin gyis brlabs pa yin nam/ gsol pa bcom ldan 'das ma lags so/ /bka' stsal pa/ tshangs pa gang sems can rnams kyi gnod
66a8 byed kyi sdug bsngal 'di lta ste/ mgo gcad pa dang lag pa dang rkang pa dang rna ba dang sna bcad pa 'am/ yan lag dang nying lag thams cad bcad pa 'am/ mer bsregs pa dang / 'bru mar gyis gtor ba dang / srog dang
66b1 dbral ba dang ral gri dang mdung thung dang / mtshon rtse gnyis pas gdab pa dang / bsad pa dang bcing ba dang go rar gzhug pa dang 'thab pa dang rtsod pa dang 'gyed pa de dag kyang tshangs pa khyod kyis byas shing khyod kyis sprul pa dang
66b2 khyod kyis byin gyis brlabs pa yin na/ gsol pa bcom ldan 'das ma lags so/ /bka' stsal pa/ tshangs pa gang sems can rnams 'dod pa'i rgyu dang 'dod pa'i gzhis ma la log par spyod pa dang / sring mo la
66b3 log par spyod pa dang / tshul khrims dang ldan pa la log par spyod pa dang / sdig pa'i las thams cad la lhag par spyod pa de dag kyang tshangs pa khyod kyis byas shing khyod kyis sprul pa dang khyod kyis byin gyis brlabs
66b4 pa yin nam/ gsol pa bcom ldan 'das ma lags so/ /bka' stsal pa/ tshangs pa gang sems can rnams kyi gnod par byed pa sna tshogs byad dang ro langs dang rig sngags dang sngags dang sman dang 'byung
66b5 po dang gong na 'bebs pa dang / gang de las gzhan pa dug sbyor ba dang / gang sems can rnams la gnod par 'gyur ba dang / srog dang bral bar 'gyur ba dang / srog 'chad par 'gyur ba de dag kyang tshangs pa khyod
66b6 kyis byas shing khyod kyis sprul pa dang khyod kyis byin gyis brlabs pa yin nam/ gsol pa bcom ldan 'das ma lags so/ /bka' stsal pa/ gang rigs bzhi'i 'jig rten gyi khams thams cad tu spang du
66b7 mi rus ba'i 'jig rten gyi chos 'di lta ste/ skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal ba dang / yid mi bde ba dang 'khrug pa dang mi rtag pa'i chos nyid dang / zad pa'i chos nyid dang 'gyur ba'i chos
66b8 nyid dang / mdza' ba dang dga' ba thams cad dang tha dad tu 'gyur ba dang / med par 'gyur ba dang bral bar 'gyur ba dang bye bar 'gyur ba de dag kyang tshangs pa khyod kyis byas shing khyod kyis sprul pa dang khyod kyis byin gyis brlabs pa yin
67a1 nam/ gsol pa bcom ldan 'das ma lags so/ /bka' stsal pa/ tshangs pa gang sems can rnams kyi 'dod chags dang zhe sdang dang gti mug dang sgrib pa dang chod pa dang bag la nyal dang kun nas dkris pa dang
67a2 kun du sbyor ba rnams dang de las gzhan pa nye ba'i nyon mongs pa rnam pa sna tshogs 'jug pa gang gis sems can rnams chags par 'gyur ba dang / sdang bar 'gyur ba dang rmongs par 'gyur ba dang / las mngon par 'du bya ba rnam pa sna
67a3 tshogs mngon par 'du byed pa de dag kyang tshangs pa khyod kyis byas shing khyod kyis sprul pa dang khyod kyis byin gyis brlabs pa yin nam/ gsol pa bcom ldan 'das ma lags so/ /bka' stsal pa/ tshangs pa gang 'di
67a4 sems can dmyal ba dang dud 'gro'i skye gnas dang gshin rje'i 'jig rten ngan 'gro rnam pa gsum po gang na sems can rnams gnod byed rnam pa sna tshogs kyis sdug bsngal sna tshogs myong bar 'gyur ba de dag kyang tshangs pa khyod kyis
67a5 byas shing khyod kyis sprul pa dang khyod kyis byin gyis brlabs pa yin nam/ gsol pa bcom ldan 'das ma lags so/ /bka' stsal pa/ tshangs pa gang 'di 'byung po'i tshogs dang / sa bon gyi tshogs dang rtswa dang shing
67a6 gel pa dang sman dang nags tshal chu na gnas pa dang / thang la gnas pa 'am me tog gi shing dang 'bras bu'i shing dang spos shing rnam pa sna tshogs sam/ mngar ba dang kha ba dang lan tshwa dang skyur ba dang tsha ba dang / bska ba'i ro'i khyad
67a7 par rnam pa sna tshogs yid du 'ong ba dang yid du mi 'ong ba'i mngon par grub pa gang sems can rnams la phan pa dang gnod par 'gyur ba de la ji snyam du sems/ tshangs pa de dag khyod kyis byas shing khyod kyis sprul pa dang khyod kyis byin gyis brlabs pa
67a8 yin nam/ gsol pa bcom ldan 'das ma lags so/ /bka' stsal pa/ tshangs pa gang 'gro ba lnga po dag na yongs su 'khor ba skye ba dang 'chi 'pho ba dang 'thon pa dang 'byung ba dang 'jig pa 'di dag dang / tshangs pa gang sems
67b1 can ma rig pa'i sgrib pa dang / sred pa'i kun du sbyor ba dang ldan pa kun du rgyug cing 'khor ba de dag gi sngon gyi mtha' mi mngon pa dang / tshangs pa ma 'ongs pa'i 'khor ba'i lam rgyun ma chad pa gang na lha dang bcas pa dang /
67b2 tshangs pa dang bcas pa'i 'jig rten 'di dang / dge sbyong dang bram ze dang bcas pa'i skye dgu thags 'khrugs pa lta bu/ dru bu 'dzings pa lta bu 'ong ba dang / 'gro bar gyur pa 'jig rten 'di nas 'jig rten pha
67b3 rol dang / 'jig rten pha rol nas 'jig rten 'dir kun du rgyug cing 'khor ba/ 'khor ba las 'byung ba mi shes pa de dag la ji snyam du sems/ tshangs pa de dag khyod kyis byas shing khyod kyis sprul pa dang
67b4 khyod kyis byin gyis brlabs pa yin nam/ gsol pa bcom ldan 'das ma lags so/ /bde bar gshegs pa ma lags so/ /bka' stsal pa/ 'o na tshangs pa khyod ci'i phyir 'di ltar ngas sems can
67b5 'di dag byas ngas sprul ngas byin gyis brlabs ngas 'jig rten byas ngas sprul ngas byin gyis brlabs snyam du sems/ gsol pa bcom ldan 'das bdag ni ma 'tshal ba/ rtag tu lta bar gyur pa ma spangs pas phyin
67b6 ci log tu gyur pa lags te/ bcom ldan 'das bdag ni de bzhin gshegs pas gsungs pa'i chos 'dul ba rtag tu ma thos pas sems can rnams bdag gis bgyis/ bdag gis sprul/ 'jig rten bdag
67b7 gis bgyis/ 'jig rten bdag gis sprul zhes bgyi ba sdig pa can gyi lta bar gyur pa 'di lta bur gyur to/ /bcom ldan 'das de bzhin gshegs pa la don 'di nyid bdag zhu'o/ /bcom ldan 'das 'jig
67b8 rten 'di sus bgyis/ 'jig rten 'di sus sprul/ sems can rnams sus bgyis/ sus sprul/ bcom ldan 'das 'di su'i mthu lags/ sus byin gyi brlabs/ de skad ces gsol pa dang /
68a1 bcom ldan 'das kyis tshangs pa de la 'di skad ces bka' stsal to/ /tshangs pa 'jig rten ni las kyis byas las kyis sprul lo/ /sems can rnams ni las kyis byas/ las kyi rgyu las byung /
68a2 las kyis rab tu phye ba'o/ /de ci'i phyir zhe na/ tshangs pa ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi
68a3 rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/
68a4 skye ba'i rkyen gyis rga shi dang mya ngan dang smre sngags 'don pa dang / sdug bsngal ba dang / yid mi bde ba dang 'khrugs pa rnams 'byung ste/ de ltar sdug bsngal gyi phung po chen po 'di 'ba' zhig 'byung bar 'gyur zhing
68a5 tshangs pa ma rig pa 'gags pas 'du byed 'gag pa nas sdug bsngal gyi phung po chen po 'ba' zhig 'gag pa'i bar du 'gyur te/ tshangs pa las dang chos kyi kun du sbyor ba rnams yod na sems can rnams 'byung bar snang
68a6 ba dang / las dang chos kyi kun du sbyor ba dang bral bas 'byung ba med par snang ba ma gtogs par 'di la byed pa po'am/ byed tu 'jug pa'am/ nye bar 'jog pa po gang yang med do/ /tshangs pa de ltar 'jig rten 'di
68a7 las zad pa dang / nyon mongs pa zad pa dang / sdug bsngal zad pa dang / sdug bsngal nye bar zhi bas zhi ba dang / nges par byung ba dang rnam par zhi ba dang / yongs su mya ngan las 'das pa zhes bya'o/ /tshangs
68a8 pa de la las gang yin pa de zad pa dang / nyon mongs pa gang yin pa de dang bral ba dang / sdug bsngal gang yin pa de rnam par zhi ba dang / nub pa ma gtogs par yongs su mya ngan las 'das pa zhes bya ba ci zhig
68b1 yod de sangs rgyas rnams kyi mthu dang / sangs rgyas rnams kyi byin gyis brlabs kyis chos nyid de lta bu dag 'byung ngo / /de ci'i phyir zhe na/ tshangs pa sangs rgyas bcom ldan 'das rnams 'byung ba med na chos de
68b2 lta bu rab tu ston pa mi 'byung gi/ tshangs pa gang gi tshe sangs rgyas bcom ldan 'das rnams 'jig rten du byung ba de'i tshe zhi bar bya ba'i phyir khong du chud par dka' ba zab pa zab par snang ba chos rnam pa de lta bu dag yang dag
68b3 par ston par 'gyur te/ de thos pas sems can skye ba'i chos can rnams ni skye ba las yongs su grol bar 'gyur/ sems can rga shi dang mya ngan dang smre sngags 'don pa dang sdug bsngal ba dang yid mi bde ba dang /
68b4 'khrug pa'i chos can rnams ni 'khrug pa'i bar dag las yongs su grol bar 'gyur ro/ /tshangs pa de lta bas na 'di lta ste/ 'du byed thams cad ni mig yor lta bu mi rtag pa g.yo ba mi brtan pa/ ther zug ma yin
68b5 pa zad pa dang 'gyur ba'i chos can no zhes tshangs pa sangs rgyas rnams kyis de bstan cing yang dag par bshad de rnam par phye zhing gsal bar mdzad de 'di ni sangs rgyas rnams kyis byin gyis brlabs so/ /sangs rgyas bcom ldan 'das
68b6 yongs su mya ngan las 'das pa rnams kyi dam pa'i chos nub pa na yang 'di lta ste/ 'du byed thams cad mig yor lta bu'o zhes bya ba de nyid byin gyis brlabs yin no/ /gal te de bzhin gshegs pa rnams kyis 'du byed thams
68b7 cad mig yor lta bur ma gzigs su zin na de bzhin gshegs pa rnams skad cig thang cig yud tsam yang 'du byed thams cad rmi lam dang mig yor dang brag cha lta bur mi ston pa zhig na tshangs pa gang gi phyir de bzhin gshegs
68b8 pa rnams 'du byed thams cad rmi lam dang / mig yor dang brag cha lta bu dang mi rtag pa dang g.yo ba dang 'gyur ba'i chos can du mkhyen pa de'i phyir/ de bzhin gshegs pa rnams 'du byed thams cad rmi lam dang mig yor
69a1 dang brag cha lta bur ston no/ /de la mkhas pa de'i mtshan ma mthong ba dag yod de de'i mtshan ma mthong nas rgyu de dang rkyen de dang dmigs pa'i mtshan ma des 'du byed thams cad mi rtag par khong du chud cing g.yo ba dang 'gyur ba'i chos can no
69a2 zhes rnam par 'byed do/ /'du byed thams cad ni 'jig cing 'gyur ro/ /dus dang tshigs dang dus tshigs kyis kyang 'jig go/ /skad cig dang thang cig dang phyod tsam dang yud tsam dang zhag dang nyi ma dang zla ba dang zla ba phyed dang lo dang lo brgya dang bskal pa dang
69a3 bskal pa brgya dag kyang 'jig par 'gyur ro/ /me'i phung po chen po yang 'bar nas shi bar 'gyur ro/ /chu'i phung po chen po yang bab nas mi 'bab bo/ /rlung gi phung po chen po yang langs nas mi ldang ngo / /sa'i phung po chen po yang byung nas med par 'gyur ro/ /ri'i phung po
69a4 chen po khor yug dang / khor yug chen po dang / lhun po dang lhun po chen po dang / de las gzhan pa ri nag po dag kyang byung nas ye med par 'gyur ro/ /nyi ma dang zla ba dang skar ma'i tshogs kyi 'khor dang bcas pa 'di dag kyang byung nas lham mer ma yin lhan ner ma yin lhang
69a5 nger ma yin zhing slar ltung ngo / /lha yul ba'i lha'i gzhal med khang bzang po dag kyang 'jig par 'gyur ro/ /grong dang grong khyer dang grong rdal 'di dag dang / shing ljon pa dang nags tshal dang / bskyed mos tshal dang / kun dga' nyams dga' ba 'di dag kyang byung nas 'gag
69a6 par 'gyur ro/ /lha dang mi 'di rnams kyang skye ba dang rga ba dang 'pho ba dang 'byung bar 'gyur ro/ /skyes bu 'dzangs shing mkhas pa 'di dag kyang mtshan ma de mthong nas kye ma'o 'du byed 'di thams cad mi rtag pa'o 'jigo/ /'du byed 'di thams cad med par 'gro'o/ /
69a7 'gyur ro/ /'du byed 'di thams cad zad par 'gyur ro/ /snyam nas skyo bar 'gyur ro/ /skyes bu 'dzangs shing mkhas pa 'di dag rgyu de dang rkyen des khyim nas khyim med par rab tu 'byung ngo / /de dag dad pas khyim nas khyim med par yang dag par
69a8 rab tu byung nas kyang 'du byed thams cad mig yor lta bu dang rmi lam lta bu dang brag cha lta bur rig te/ mtshan ma de dang dmigs pa de dang rkyen des byang chub thob par 'gyur ro/ /chu'i nang du zla ba'i dkyil 'khor dang / nyi ma'i dkyil 'khor
69b1 snang ba dang / skar ma'i gzugs snang ba de dag mthong nas/ de bzhin gshegs pas gdams pa'am/ de las gzhan pa'i dge ba'i bshes gnyen gyis gdams pa'am/ bdag gi blos brtags pas 'du byed thams
69b2 cad rmi lam dang mig yor dang brag cha lta bur rtogs nas dad pas khyim nas khyim med par rab tu byung ste/ rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu 'thob pa dang /
69b3 dgra bcom pa nyid mngon sum du byed pa dang / gang zag byang chub sems dpa'i theg pa pa bzod pa dang po thob pa dang / bzod pa gnyis pa dang gsum pa thob pa dang / bla na med pa yang dag par rdzogs pa'i byang chub 'thob par
69b4 'gyur ba'i skyes bu mkhas pa dag yod do/ /sangs rgyas bcom ldan 'das mya ngan las 'das pa rnams kyi chos bstan pa 'di nyid 'jig rten du 'byung ste/ de thos pas sems can rnams nyan thos kyi theg pa dang / rang sangs
69b5 rgyas kyi theg pa dang / theg pa chen po bla na med pa rnam pa thams cad mchog dang ldan pa dang / theg pa gsum po dag gis nges par 'byung bar 'gyur ro/ /tshangs pa 'di ltar 'di yang sangs rgyas rnams kyi byin gyi brlabs su
69b6 rig par bya ste/ tshangs pa gang gis skyes bu mkhas pa dag gis 'du byed 'di dag ni sdug bsngal ba/ g.yo ba mi brtan pa/ zad pa dang 'gyur ba'i chos can te/ rmi lam dang mig yor dang brag cha lta bu'o/ /zhes bya ba'i
69b7 mtshan ma de mthong nas yang dag par skyo bar 'gyur ba 'di ni sangs rgyas rnams kyi yul dang sangs rgyas kyi byin gyi brlabs so/ /sngon spyad cing sngon gyi rgyu las byung ba'i sems can sngon yongs su smin par bya ba dag gis/ chos
69b8 kyi sgra 'di lta bu 'di thos nas 'du byed 'di dag thams cad ni mi rtag pa/ 'du byed rnams ni 'jig pa ste/ 'du byed thams cad ni rmi lam dang brag cha lta bu'o zhes de bzhin gshegs pa la mos par 'gyur/ mngon par
70a1 dad par 'gyur ro/ /sems can gang dag gis sangs rgyas bcom ldan 'das rnams kyi drung du tshangs par spyod pa spyad par gyur pa'am/ khyim par gyur pas bslab pa'i gzhi rnams yongs
70a2 su bzung bar gyur pa de dag kyang rgyu de dang rkyen des 'di ltar 'du byed rnams mi rtag pa dang / 'du byed rnams sdug bsngal ba dang / 'du byed rnams 'jig pa dang / 'du byed rnams rmi lam dang / mig yor dang
70a3 brag cha lta bu'o zhes 'du byed rnams de lta bu'i tshul du rtogs par 'gyur te/ rgyu de dang rkyen des dad pas khyim nas khyim med par rab tu byung nas sangs rgyas bcom ldan 'das rnams 'jig rten du ma byung yang sangs
70a4 rgyas kyi byin gyi brlabs nyid dang sangs rgyas la dge ba'i rtsa ba bskyed pa'i rkyen gyis byang chub thob par 'gyur ro/ /tshangs pa rnam grangs des kyang 'di ltar 'di ni sangs rgyas kyi byin gyi brlabs dang / 'di ni sangs rgyas kyi
70a5 yul yin par rig par bya'o/ /tshangs pa stong gsum gyi stong chen po'i 'jig rten gyi khams 'di yang sangs rgyas kyi/ sangs rgyas kyi zhing yin te/ tshangs pa 'di ni nga sngon byang chub sems dpa'i spyad pa spyod pa na
70a6 bskal pa bye ba khrag khrig brgya stong grangs med par sangs rgyas bcom ldan 'das tshad med grangs med pa rnams kyi drung du dge ba'i rtsa ba tshad med grangs med pa bskyed de/ tshul khrims dang dka' thub dang tshangs par spyod pa dang de
70a7 las gzhan pa'i dka' ba spyad pa bye ba khrag khrig brgya stong dag gis ji ltar dge ba'i rtsa ba thams cad 'phel bar 'gyur ba dang / ji ltar yongs su dag par 'gyur ba dang / dus dang tshod dang snod ji lta ba bzhin du 'dul ba
70a8 nye bar bzung ste sangs rgyas kyi zhing yongs su bzung ngo / /yongs su sbyangs so/ /ngas sbyin pa dang snyan par smra bar dang don spyad pa dang don 'thun pa bsdu ba'i dngos po bzhi po dag gis sems can rnams yang dag par bsdus te/
70b1 de dag nga'i smon lam nyid kyis sangs rgyas kyi zhing 'dir skyes nas ngas chos bstan pa'ang shes so/ /nga'i chos bstan pas 'dul bar yang 'gyur te/ brgya byin rnams kyi ma yin/ tshangs pa rnams kyi ma yin/ 'jig
70b2 rten skyong ba rnams kyi ma yin no/ /tshangs pa rnam grangs 'dis kyang de 'di ltar sangs rgyas kyi zhing 'di sangs rgyas bcom ldan 'das rnams kyi yin gyi/ brgya byin rnams kyi ma yin/ tshangs pa rnams kyi ma yin/ 'jig rten
70b3 skyong ba rnams kyi ma yin/ gzhan mu stegs can dang / spyod pa can dang / kun du rgyu rnams kyi ma yin par rig par bya'o/ /de nas mi mjed kyi bdag po tshangs pa 'bum phrag bcu'i bdag po tshangs pa de dang / de las gzhan
70b4 pa'i tshangs pa rnams skyo zhing yid byung bar gyur te tshig 'di skad ces ji tsam du sangs rgyas bcom ldan 'das rnams chos rgya chen po dang ldan pa ngo mtshar to/ /ji tsam du sangs rgyas bcom ldan 'das rnams rmad tu byung ba'i chos dang
70b5 ldan pa ngo mtshar to zhes smras so/ /de nas stong gsum gyi stong chen po'i tshangs pa de de bzhin gshegs pa dgra bcom pa yang dag par rdzogs pa'i sangs rgyas la rmad tu 'dzin par gyur te/ ji tsam du sangs rgyas bcom ldan 'das
70b6 rnams kyi yul bsam gyis mi khyab cing mtha' yas pa ngo mtshar to snyam mo/ /de nas stong gsum gyi stong chen po'i tshangs pa chen po de/ bcom ldan 'das kyi slob mar khas blangs nas bcom ldan 'das la skyabs su song ste/
70b7 bcom ldan 'das ni bdag gi ston pa/ bde bar gshegs pa ni bdag gi ston pa lags na/ bcom ldan 'das ji ltar gnas par bgyi ba dang / ji ltar bsgrub par bgyi ba bdag la bka' stsal du gsol zhes bcom ldan
70b8 'das la bka' lung yang nod par gyur to/ /de skad ces gsol pa dang / bcom ldan 'das kyis tshangs pa chen po la 'di skad ces bka' stsal to/ /tshangs pa stong gsum gyi stong chen po'i 'jig rten gyi khams 'di ni nga'i
71a1 sangs rgyas kyi sangs rgyas kyi zhing yin/ 'di ni nga'i sangs rgyas kyi zhing yin te/ tshangs pa stong gsum gyi stong chen po'i 'jig rten gyi khams 'di khyod la gtad kyis/ khyod ci nas kyang nga'i rjes su
71a2 'jug par gyis la dge ba'i lam 'di dang / dge ba'i tshul 'di dang / bla na med pa'i sangs rgyas kyi tshul dang / chos kyi tshul dang / dge 'dun gyi tshul 'di rgyun mi 'chad par gyis shig /nga ni 'di'i skyes bu tha ma'o/ /
71a3 tshangs pa nga'i bu'i thu bo gzhon nu thugs las skyes pa/ zhal nas skyes pa/ chos las byung ba/ chos kyis sprul pa/ byang chub sems dpa' sems dpa' chen po byams pa snying rje chen po dang ldan pa/ skye bo mang
71a4 po'i don 'dod pa/ phan pa 'dod pa/ bde ba 'dod pa/ grub pa dang bde ba 'dod pa 'ong bar 'gyur te/ de'ang stong gsum gyi stong chen po'i 'jig rten gyi khams 'di ji ltar ngas gnas pa bzhin du chos kyis gnas par 'gyur gyis
71a5 ji ltar nga la rjes su mthun par byed pa de bzhin du de la rjes su 'thun par gyis shig /ci nas kyang khyod kyis dge ba'i lam 'di dang / dge ba'i tshul 'di dang sangs rgyas kyi tshul dang chos kyi tshul dang dge 'dun gyi tshul 'di rgyun
71a6 mi 'chad par gyis shig /de ci'i phyir zhe na/ tshangs pa ji tsam du dge ba'i tshul 'di lta bu'i rgyun mi 'chad pa de tsam du sangs rgyas kyi tshul dang chos kyi tshul dang dge 'dun gyi tshul rgyun chad par mi 'gyur/ brgya byin dang /
71a7 tshangs pa dang 'jig rten skyong dang / lha dang mi'i tshul dang thar ba'i tshul nas mya ngan las 'da' ba'i tshul gyi bar du rgyun chad par mi 'gyur ro/ /tshangs pa de lta bas na stong gsum gyi stong chen po'i 'jig rten gyi khams
71a8 sangs rgyas kyi sangs rgyas kyi zhing 'di khyod la gtad do/ /tshangs pa khyod la bka' stsal pa ni 'di yin/ rjes su bstan pa ni 'di yin gyis khyod kyis 'di bzhin du gyis shig /nga ni 'di'i skyes bu tha ma'o/ /de'i tshe
71b1 stong gsum gyi stong chen po'i 'jig rten gyi khams na tshangs pa dang tshangs pa chen po ji snyed 'khod pa de dag thams cad 'phags pa'i chos la mngon par dul bar gyur te/ tshangs pa chen po de gcig pu ni ma gtogs so/ /tshangs
71b2 pa chen po stong gi tshangs pa de yang bcom ldan 'das kyis 'phags pa'i chos la btul zhing bzhag par gyur to/ /tshangs pa'i le'u ste dang po rdzogs so// // bam po gnyis pa/ de'i tshe bdud kyi bu ded dpon zhes
71b3 bya ba/ bcom ldan 'das la dad cing dang ba chen po thob par gyur pa des bcom ldan 'das yongs su mya ngan las 'da' ba'i sgra thos nas sdug bsngal zhing yid mi bde ste mi dga' zhing sdug bsngal ba dang yid mi bde ba chen po dang
71b4 ldan par gyur/ skyo zhing yid byung la spu zing zhes byed par gyur nas myur ba myur bar rings pa'i tshul du bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug
71b5 go/ /phyogs gcig tu 'dug nas bdud kyi bu ded dpon gyis bcom ldan 'das la 'di skad ces gsol to/ /bcom ldan 'das bdag gsol ba 'tshal na sman par bgyi ba'i slad tu yongs su mya ngan las mi 'da' bar
71b6 gsol/ bcom ldan 'das lha dang bcas pa'i 'jig rten la thugs brtse ba nye bar bzung ste/ skye bo mang po la sman pa dang / skye bo mang po la bde ba dang / 'jig rten la thugs brtse ba dang lha dang mi rnams kyi don dang
71b7 sman pa dang bde ba'i slad tu bzhugs su gsol/ bcom ldan 'das 'jig rten ha cang myur du long ba dang / mig ma mchis pa dang / ston pa ma mchis pa dang / 'dren pa ma mchis pa dang / dpung gnyen ma mchis
71b8 pa dang / skyabs ma mchis pa dang / rten ma mchis par mi 'gyur bar mdzad du gsol/ de skad ces gsol pa dang / bcom ldan 'das kyis bdud kyi bu ded dpon la 'di skad ces bka' stsal to/ /ded dpon khyod
72a1 kyi pha bdud sdig can gyis nga la bcom ldan 'das yongs su mya ngan las 'dar gsol/ bde bar gshegs pa yongs su mya ngan las 'dar gsol/ bcom ldan 'das khyod deng yongs su mya ngan las 'da'
72a2 ba'i dus la bab bo zhes gsol ba btab nas khyod kyi pha bdud sdig can la ngas mya ngan las 'da'o zhes smras te/ ded dpon bdud sdig can la ngas yongs su mya ngan 'da' bar bya ba'i skabs phye'o/ /ded dpon sdig can de la ngas khas
72a3 blangs pa de bya ba'i dus la yang bab bo/ /de skad ces bka' stsal pa dang / bdud kyi bu ded dpon gyis bcom ldan 'das la 'di skad ces gsol to/ /bcom ldan 'das bdud sdig can de ni bdag gi pha ma lags kyi/ bcom
72a4 ldan 'das de ni bdag gi dgra lags/ gshed po slar rgol ba lags shing / bcom ldan 'das bdag dang mi mdza' ba lags te gnod par 'tshal ba ma sman par 'tshal ba lags so/ /bcom ldan 'das sdig can de ni
72a5 bdag la grub pa dang bde ba ma lags par 'tshal ba lags so/ /bcom ldan 'das gang shes rab kyi sgron ma 'di lta bu dang / shes rab kyi snang ba chen po dang / ye shes snang ba'i sgron ma chen po 'di lta bu yongs su mya
72a6 ngan las 'da' bar 'tshal ba'i sdig can de ni/ sdig pa'i bsam pa can/ sdig pa'i sbyor ba can te/ lha dang mi dang lha ma yin du bcas pa'i 'jig rten sun 'byin pa'i dgra lags so/ /bcom ldan 'das lha dang bcas
72a7 pa'i 'jig rten na sems can sdig pa chen po 'jig rten du byung ngo zhes gang yang dag par smra bas smra ba de ni/ bcom ldan 'das bdud lags so zhes yang dag par smra bas smra bar bgyi'o/ /bcom ldan 'das gang bdag la
72a8 mi phan par zhugs pa dang / gzhan la mi phan par zhugs pa dang / skye bo mang po la mi phan par zhugs pa zhes gang yang dag par smra bas smra ba de ni/ bcom ldan 'das bdud lags so zhes yang dag par smra bas smra
72b1 bar bgyi'o/ /lha dang bcas bdud dang bcas tshangs pa dang bcas pa'i 'jig rten dge sbyong dang bram zer bcas pa'i skye dgu la gnod pa dang mi phan pa dang sdug bsngal ba dang / grub pa dang bde ba ma lags pa dang /
72b2 log par ltung ba'i phyir zhugs pa zhes bgyi ba ni bcom ldan 'das bdud lags so zhes yang dag par smra bas smra bar bgyi'o/ /chos dang ldan pa'i dam bcas pa dang / chos dang mi ldan pa'i dam bcas pa bcom ldan
72b3 'das las bdag gis mngon sum du thos shing mngon sum du bzung ste/ bcom ldan 'das gang bdud sdig can gyis dam bcas pa de ni chos dang mi ldan pa'i dam bcas pa lags so/ /bcom ldan 'das khyod ni dam
72b4 bcas pa 'di la brten zhing snying por 'du shes pa lags na/ bcom ldan 'das skye bo mang po la sman pa dang / skye bo mang po la bde ba dang / 'jig rten la thugs brtse ba dang / lha dang mi rnams la phan pa dang bde ba'i slad
72b5 du bskal par bzhugs su gsol/ bcom ldan 'das yun ring du bzhugs na de ni skye bo mang po la sman pa dang / skye bo mang po la bde ba dang / lha dang mi rnams la bde bar 'gyur te/ de'i slad du bcom ldan
72b6 'das lha dang bcas pa'i 'jig rten la thugs brtse ba nye bar bzung ste myur du yongs su mya ngan las mi 'dar gsol/ de skad ces gsol pa dang / bcom ldan 'das kyis bdud kyi bu ded dpon
72b7 la 'di skad ces bka' stsal to/ /ded dpon legs so legs so/ /ded dpon khyod skye bo mang po'i don 'dod pa dang / skye bo mang po la phan pa dang / bde ba dang grub pa dang bde bar 'dod pas de ltar bya'o/ /ded dpon
72b8 gang dag rgyal po rgyal rigs spyi bo nas dbang bskur ba la bsnyen bkur byed cing phan pa dang bde bas khyab par byed pa dang / rgyal rigs spyi bo nas dbang bskur ba'i yul 'khor dang grong rdal dang ljongs rnams dang / gzhon nu rnams dang /
73a1 blon po rnams la rtag tu rgyun mi 'chad par bsnyen bkur dang rim gro byed pa la zhugs par gyur pa de dag ni ded dpon rgyal rigs spyi bo nas dbang bkur ba las nor mang po dang longs spyod chen po 'thob cing rgyal po
73a2 rgyal rigs de lan du phan chen po 'dogs te/ bu dang chung mar bcas/ grogs po dang nye du dang snag gi gnyen mtshams su bcas pa la phan pas khyab par byed do/ /ded dpon de bzhin du gang khyod de bzhin gshegs pa dgra
73a3 bcom pa yang dag par rdzogs pa'i sangs rgyas chos kyi rgyal po bla na med pa la sems dang ba'i dge ba'i rtsa ba 'di lta bu 'di 'bul na/ ded dpon de bzhin gshegs pa la sems dang bas bsnyen bkur dang rim gro bya ba'i phyir
73a4 khyod la dbugs dbyung ba sbyin no/ /khyod la dge ba'i rtsa ba rgya chen po'i longs spyod chen po sbyin no/ /ded dpon khyod de bzhin gshegs pa la sems dad pa'i dge ba'i rtsa ba skyed na dbugs dbyung ngo / /ded dpon khyod dge ba'i rtsa ba 'di
73a5 dang dad pa dang / dang ba 'dis nga mya ngan las 'das nas ma 'ongs pa'i dus na rang sangs rgyas snying rje can zhes bya bar 'gyur ba'i dus de lta bu dang / tshe de lta bu yod kyis shes par gyis shig / ded dpon nga 'das nas dam pa'i chos
73a6 thams cad kyi thams cad du nub pa na bdud sdig can rab tu mgu bar 'gyur ba dang dga' ba dang rangs par 'gyur ba'i dus de lta bu dang tshe de lta bu yod par 'gyur ro/ /de shin du dga' zhing mgu ba las bdud kyi gnas nas 'chi 'pho bar 'gyur ro/ /
73a7 de bdud kyi gnas nas shi 'phos ma thag tu mnar med pa'i sems can dmyal ba chen por lus 'thob par 'gyur te/ der yang de mnar med pa'i sdug bsngal rnam pa sna tshogs myong bar 'gyur ro/ /de ci'i phyir zhe na/ ded dpon
73a8 'di ltar de ni shes rab kyi sgron ma chen po shes rab kyi snang ba chen po 'di lta bu med par 'gyur ba la dga' ba'i phyir ro/ /ded dpon gang bdag bsod pa dang / bdag la gnod pa dang / bdag mi sgrub par zhugs pa zhes yang
73b1 dag par smra bas smra ba de ni bdud yin no zhes yang dag par smra bas smra bar bya'o/ /ded dpon de ci'i phyir zhe na/ 'di ltar nga yongs su mya ngan las 'das pa'i dam pa'i chos ji srid du gnas pa de srid tu bdud sdig can bdud
73b2 kyi gnas na 'dug go/ /ded dpon nga'i dam pa'i chos nub ma thag tu de nas bdud sdig can rangs pa chen po skye bar 'gyur zhing / tshim pa chen po dang dga' ba chen po dang / mchog tu dga' ba chen po dang mgu ba
73b3 chen po dang / yid bde ba chen po skye bar 'gyur te/ de skad cig de nyid dang / thang cig de nyid dang / yud tsam de nyid la bdud kyi gnas nas shi 'phos te/ sems can dmyal ba chen po mtshams med par ltung bar
73b4 'gyur ro/ /ded dpon 'di lta ste dper na/ mi la la zhig shing sA la ljon pa me tog dang 'bras bu mang po dang ldan pa chen po la 'dzegs nas/ des shing sA la ljon pa de las me tog dang 'bras bu yid tu 'ong ba dag spyad
73b5 de/ yal ga gang la gnas pa'i yal ga de nyid bcag na/ ded dpon de ji snyam du sems/ mi de yal ga chag pa de la gnas su rung ngam/ gang yal ga gang la 'dzegs te bde bar 'dug pa'i yal ga de nyid gcod pa'i mi
73b6 de yang ci mkhas pa'i rang bzhin can yin nam/ gsol pa bcom ldan 'das ma lags so/ /bde bar gshegs pa ma lags so/ /bka' stsal pa/ ded dpon bdud sdig can gang de bzhin gshegs pa dgra bcom
73b7 pa yang dag par rdzogs pa'i sangs rgyas yongs su mya ngan las 'da' bar 'dod cing de bzhin gshegs pas gsungs pa'i chos 'dul ba nub par dga' ba yang de ltar snang bar ngas bsams so/ /de ci'i phyir zhe na/ 'di ltar
73b8 nga'i dam pa'i chos ji srid du gnas pa de srid du de bdud kyi gnas na 'dug go/ /nga'i chos nub par gyur na/ bdud sdig can de dga' ba skyed de mgu rangs shing yid bde ba skyed de/ de de ma thag tu bdud kyi gnas nas shi 'phos
74a1 nas sems can dmyal ba chen po mnar med par rab tu ltung bar 'gyur te/ ded dpon 'di lta ste dper na/ mi de shing sA la ljon pa de la bdag la gnod pa dang gzhan la gnod par byed pa ltar bdud sdig can yang de
74a2 lta bu yin par mthong ngo / /ded dpon bdud sdig can ni bdag la gnod pa'i phyir zhugs pa yin no/ /ded dpon bdud sdig can ni gzhan la gnod pa'i phyir zhugs pa ste/ ded dpon bdud sdig can de de'i tshe de'i dus na sems can
74a3 dmyal ba chen po mnar med par lhung nas/ sdug bsngal gyi tshor ba mi bzad pa tsha ba srog 'phrog pa myong nas 'chi ste 'chi kar tshor ba myong nas nga rjes su dran par 'gyur te/ bcom ldan 'das de bzhin gshegs pa dgra bcom pa yang dag
74a4 par rdzogs pa'i sangs rgyas bden pa gsung ba/ gzhan du mi gsung ba/ log par mi gsung ba des lus bsdams pa legs/ ngag bsdams pa legs/ yid bsdams pa legs te/ lus kyis legs par spyad pa dang / ngag gis legs par spyad pa dang /
74a5 yid kyis legs par spyad pa'i rnam par smin pa ni sdug pa dang 'dod pa dang dga' ba dang yid tu 'ong ba mngon par 'grub bo/ /lus kyis nyes par spyad pa dang ngag gis nyes par spyad pa dang yid kyis nyes par spyad pa'i rnam par smin pa ni mi
74a6 sdug pa dang mi 'dod pa dang mi dga' ba dang yid tu mi 'ong ba mngon par 'grub bo zhes gsungs pa de legs par gsungs pa'o/ /bdag ni sngon lus kyis nyes par spyad pa dang ldan par gyur/ ngag gis nyes par spyad pa dang / yid kyis
74a7 nyes par spyad pa dang ldan par gyur te/ bdag las de'i rnam par smin pas da ltar sems can dmyal ba chen po 'dir skyes nas 'di lta bu'i sdug bsngal mi bzad pa drag pa tsha ba yid tu mi 'ong ba 'chi ba'i mthar 'gyur ba srog 'phrog
74a8 pa'i tshor ba myong bar gyur to snyam mo/ /de de'i tshe ngas legs par smras pa thos nas sems dang bar 'gyur te/ de sems dang bar gyur nas sems can dmyal ba chen pos nas shi 'phos te sum bcu rtsa gsum gyi lha rnams dang
74b1 skal ba mnyam par skye bar 'gyur ro/ /de ci'i phyir zhe na/ ded dpon de ni 'di lta bu yin te/ gang dag de bzhin gshegs pa la nyes pa'i bar du gcod pas kun du spyod pa de dag ni de bzhin gshegs pa la nyes pa'i bar du gcod
74b2 pas kun du spyad pas lus zhig nas sems can dmyal ba chen por skye bar 'gyur ro/ /ded dpon gang dag de bzhin gshegs pa la byams pas kun du spyod kyi nyes par ma yin pa de dag ni lus zhig nas/ bde 'gro mtho ris kyi
74b3 'jig rten lha'i nang du skye bar 'gyur te/ de dag dge ba'i rtsa ba des sangs rgyas bcom ldan 'das rnams kyi chos nyams su blangs nas de nyid du dge ba'i rtsa ba bskyed de rim gyis nye bar len pa med par yongs su mya ngan las 'da'o/ /
74b4 de bas na ded dpon khyod kyis de bzhin gshegs pa dgra bcom pa yang dag par rdzogs pa'i sangs rgyas la sems dang bar byas pas ded dpon khyod dge ba'i rtsa ba de dang rgyu de dang rkyen des gang gi tshe byams pa 'jig rten du 'byung ba
74b5 de'i tshe ded dpon khyod de'i tshe de'i dus na de bzhin gshegs pa byams pa'i gsung rab de la rab tu 'byung ngo / /rab tu byung nas kyang sems can gnyid kyis log pa dang / myos pa dang rab tu myos pa rnams la kye sems can khyed
74b6 longs la sbyor bar gyis/ 'bad par gyis/ rtsol bar gyis shig /de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ba rnyed par dka' ste/ 'di lta ste dper na/ shing u dum
74b7 ba ra'i me tog brgya la brgya lam na 'byung bar 'gyur ba de bzhin du de bzhin gshegs pa rnams kyang brgya la brgya lam na 'jig rten du 'byung bar 'gyur ro/ /gnas med pa zhi bar 'gyur ba/ yongs su mya ngan las 'das bar 'gyur ba/
74b8 yang dag par rdzogs pa'i sangs rgyas kyis bstan pa'i chos ston pa yang brgya la brgya lam na'o/ /mi'i lus 'thob cing 'phags pa'i gnas na tshul bzhin du gnas pa yang brgya la brgya lam na snang ngo / /mi khom pa brgyad spangs nas
75a1 de lta bu'i dal ba phun sum tshogs pa rnyed pa yang brgya la brgya lam na ste/ bag yod pas legs par brtson par gyis shig /phyis 'gyod par ma gyur cig ces sku bar 'gyur ro/ /ded dpon khyod de ltar
75a2 de bzhin gshegs pa byams pa'i gsung rab dang / de bzhin gshegs pa byams pa chos kyi rgyal po'i sangs rgyas kyi zhing du de'i gsung gi tshig rjes su 'dzin cing rjes su skyong bar 'gyur ro/ /byams pa'i sems khon
75a3 med pa dang 'gran zla med pa dang / kha na ma tho ba med pa dang phan pa dang bde bas khyab par byed par 'gyur ro/ /ded dpon khyod dge ba'i rtsa ba des bdud sdig can 'das pa'i 'og tu bdud kyi gnas na dbang phyug chen po'i bdag po
75a4 bdud byed par 'gyur ro/ /ded dpon sems can gang dag de bzhin gshegs pa la tha na sems bskyed pa gcig tsam gyi dge ba'i rtsa ba skyed par 'gyur ba de dag thams cad ni ded dpon dge ba'i rtsa ba des mi 'chi bar nye bar 'gro
75a5 mi 'chi ba la gzhol mi 'chi ba'i mthar 'gyur ro/ /ded dpon khyod ni dge ba'i rtsa ba des lha dang mi'i phun sum tshogs pa rgya chen po myong nas bskal pa brgyad bcu'i srid pa tha ma la lus tha ma 'thob pa na/ rang sangs rgyas
75a6 snying rje can zhes bya bar 'gyur ro/ /de ci'i phyir zhe na/ 'di ltar ded dpon khyod kyis nga yongs su mya ngan las 'das pa'i sgra thos nas nga la sems dang ba chen po bskyed de/ sems can rnams la yang snying rje'i sems bskyed
75a7 nas sems can thams cad la phan pa dang bde ba'i phyir nga la bcom ldan 'das yongs su mya ngan las mi 'da' bar bzhugs su gsol zhes gsol ba 'debs pa dang / de bzhin gshegs pa byams pa'i bstan pa la yang sems can de
75a8 dag la snying rje bskyed nas gnyid kyis log pa dang myos pa dang rab tu myos pa'i skye bo rnams la sgo zhing skul ma 'debs/ dge ba'i chos tshad med pa la yang skul bar 'gyur te/ ded dpon khyod rang sangs rgyas su 'gyur ba'i
75b1 rgyu 'di yin rkyen 'di yin no/ /ded dpon dge ba'i rtsa ba'i longs spyod chen po 'di lta bu sbyin gyis ded dpon dga' zhing mgu ba dang rangs shing yid dga' bar gyis shig /ded dpon khyod de bzhin gshegs pa la gsol ba 'debs
75b2 pa dang / de bzhin gshegs pa la sems dang ba'i phyir de bzhin gshegs pas chos kyi dga' ba dang chos kyi longs spyod 'di byin pa yin no/ /de skad ces bka' stsal pa dang / bcom ldan 'das la bdud kyi bu ded dpon gyis
75b3 'di skad ces gsol to/ /bcom ldan 'das bdag gis de skad du gsol kyang de ste bzhugs su mi gnang na/ bcom ldan 'das bdag deng slan cad 'di yi dam 'cha' zhing smon lam 'debs te bcom ldan 'das yongs su mya
75b4 ngan las 'das nas dam pa'i chos ji srid du gnas pa de srid du bcom ldan 'das bdag gzugs dang sgra dang dri dang ro dang reg pa rnams la snyen par mi bgyid do/ /'dod pa'i yon tan lnga la yang chags pa dang rtse ba dang yongs su spyod par
75b5 mi bgyid do/ /gos gzhan yang mi 'tshal me tog dang / spos dang phreng ba dang byug pa yang mi snyen no/ /bcom ldan 'das kyi dam pa'i chos ji srid du nub par ma gyur gyi bar du de las gzhan pa'i lha'i longs spyod dang
75b6 yongs su spyad pa dag kyang mi spyod do/ /de ci'i slad du zhe na/ bcom ldan 'das 'di ltar bdag sang nang par 'di lta bu'i skyes bu rin po che dang 'bral bar 'gyur zhing lhan cig mi gnas pa dang / dbye ba dang 'gyes pa dang
75b7 shin du mi snang bar 'gyur na/ bcom ldan 'das bdag dga' ba dang rtse bas ci zhig bgyi/ bde bas ci zhig bgyi/ yid bde bas ci zhig bgyi/ shes rab kyi sgron ma chen po 'di lta bu dang shes rab kyi mar me chen po 'di lta bu dang / ye shes
75b8 kyi snang ba chen po yongs su mya ngan las 'das nas bcom ldan 'das bdag mgu ba 'am/ yid bde ba'am dga' ba 'am rangs pa 'am rab tu dga' ba myong bar ga la 'gyur/ ye shes chen po'i nyi ma 'od zer brgya stong du mas bskor ba/
76a1 ma rig pa'i mun pa sel ba 'di lta bu dang / 'od snang bar mdzad pa 'di lta bu nub par gyur na/ bcom ldan 'das bdag dga' ba'am bde ba ga las mchi/ bdag sems can rin po che 'di lta bu dang bral na
76a2 dga' ba dang rtse ba ga las mchi/ sems can snang ba sems can rtogs pa/ sems can ma smad pa/ sems can kha na ma tho ba med pa/ sems can ma rmongs pa/ sems can mchog /sems can bla na med
76a3 pa/ sems can gong na med pa/ sems can mtshungs pa med pa/ sems can mnyam pa med pa/ sems can mi mnyam pa dang mnyam pa/ sems can thams cad thar bar mdzad pa'i sems can/ sems can
76a4 rab/ sems can mchod pa/ sems can kha lo sgyur ba/ sems can 'dul ba/ sems can phan par dgyis pa/ yang dag par gsung ba/ dus su gsung ba/ tshigs su gsung ba/ phyin ci ma log pa
76a5 gsung ba/ ji skad gsung ba de bzhin mdzad pa/ thugs rje chen po dang ldan pa/ byams pa chen po la gnas pa/ sems can thams cad la khong khro ba mi mnga' ba/ sems can thams cad la sems mnyam pa
76a6 rab tu ma spros pa/ nga rgyal mi mnga' ba/ len pa mi mnga' ba/ gzhi mi mnga' ba/ gnas mi mnga' ba/ mi skyo ba dri ma mi mnga' ba/ skyob pa 'dren pa rnam par 'dren pa/ yongs su 'dren pa/ yongs su thar bar
76a7 mdzad pa/ yongs su skyong ba/ dran par mdzad pa/ rtogs par mdzad pa/ skul ma 'debs pa/ mya ngan spang ba/ zug rngu 'byin pa/ sman pa'i rgyal po sems kyi gso ba mdzad pa/ sman chen po sbyin pa/ shin du sdug bsngal ba las yongs su thar bar
76a8 mdzad pa/ ston pa po/ ded dpon khrid pa/ 'bab stegs mdzad pa/ gdos pa 'dzin pa/ sgron ma 'dzin pa/ snang ba mdzad pa/ 'od mdzad pa/ gsal bar mdzad pa/ mig sbyin pa/ lam ston pa/
76b1 yul bde bar phyin par mdzad pa/ dri ma dang tha ba dang mdud pa thams cad spangs pa/ sred pa mi mnga' ba/ bag la nyal mi mnga' ba/ mdud pa dang kun du sbyor ba thams cad rab tu bshig pa/ 'dod chags dang bral ba/
76b2 zhe sdang dang bral ba/ gti mug dang bral ba/ nyon mongs pa dang bral ba/ kun du sbyor ba dang bral ba/ nga rgyal dang dregs pa dang rtsod pa dang bral ba/ de lta bu'i skyes bu chen po/ skyes bu dam pa/ skyes bu mchog /
76b3 skyes bu dpa' bo/ skyes bu rtul phod pa/ skyes bu pad ma/ skyes bu pad ma dkar po/ skyes bu glang po/ skyes bu seng ge/ skyes bu gtso bo/ skyes bu brtan pa/ skyes bu mchog /skyes bu cang shes
76b4 pa/ bla na med pa/ yid yongs su mi skyo ba/ bsam gtan chen po la bsam gtan pa/ bsam gtan thams cad la bsam gtan pa/ bsam gtan dang snyoms par 'jug pa thams cad spyod yul ba/
76b5 shes rab chags pa med pa/ shes rab sgrib pa med pa/ shes rab kyi spyod yul mnyam pa med pa/ rgyal mtshan bsnyal ba/ 'dam las rgal ba/ thang la gnas pa/ pha rol tu phyin pa/ mi 'jigs
76b6 pa'i gnas su phyin pa/ sems can thams cad la mi 'jigs pa sbyin pa/ 'jig rten thams cad dbugs 'byin pa 'dir do mod kyi thun tha ma la 'bral zhing 'bye bar 'gyur te/ bdag gis bcom ldan 'das
76b7 seng ge'i sgra sgrogs pa phyin cad mi mthong zhing de bzhin gshegs pa'i seng ge'i sgra thos par mi 'gyur na/ bcom ldan 'das bdag dga' ba'am yid bde ba ga las mchi/ de bzhin gshegs pa yongs su mya ngan
76b8 las 'das pa ni bcom ldan 'das 'di lta ste dper na/ rgyal po rgyal rigs spyi bo nas dbang bskur ba 'chi ba'i dus bgyis pa na sems can byas pa gzo zhing byas pa rig pa/ byas pa rjes su skyong ba/
77a1 sdug bsngal gyis gdungs pa kha cig mchis pa de dag de na dgung gcig gam/ gnyis sam/ gsum 'am bzhi 'am lnga 'am drug gam bdun nam/ zla ba phyed dam zla ba gcig tu
77a2 mya ngan bgyid de mchi ma 'byung zhing gnas pa de bzhin du/ bdag kyang bcom ldan 'das yongs su mya ngan las 'das pa na dam pa'i chos 'di ji srid du gnas pa de srid du bdag gzugs dang sgra dang dri dang ro
77a3 dang reg bya mi snyen to/ /'dod pa'i yon tan lnga la yang chags par mi bgyid mi rtse yongs su mi spyod do/ /gos gzhan yang mi 'tshal zhing me tog dang phreng ba dang spos dang byug pa yang mi snyen yongs su mi spyod do/ /
77a4 bcom ldan 'das dam pa'i chos nub par ma gyur gyi bar du de las gzhan pa'i longs spyod rnams kyang mi snyen to/ /ded dpon gyi le'u ste gnyis pa rdzogs so// //
77a5 de nas lha'i dbang po brgya byin bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal nas phyogs gcig tu 'dug go/ /phyogs gcig tu 'dug nas lha'i dbang po brgya byin
77a6 gyis bcom ldan 'das la 'di skad ces gsol to/ /bcom ldan 'das bdag gis ji ltar bsgrub par bgyi ba bka' stsal du gsol/ bcom ldan 'das gang lha ma yin gyi dbang po bzhi go cha bgos nas sum bcu rtsa
77a7 gsum gyi lha rnams la g.yul bshams te rgol ba'i dus de lta bu dang tshe de lta bu mchis so/ /gang gi tshe lha dang lha ma yin g.yul shom zhing lha ma yin gyi dbang po bzhi tshogs par gyur pa de'i tshe 'phags pa maud gal gyi bu yang
77a8 mchis te/ 'phags pa maud gal gyi bu mchis nas lha ma yin gyi dbang po de bzhi chos dang 'thun pas tshar gcod do/ /de ltar bgyis pas lha dang lha ma yin rnams 'thab pa ma mchis/ 'gyed pa ma mchis/ 'tshang
77b1 'dru ba ma mchis/ rtsod pa ma mchis shing bde bar 'gyur na/ bcom ldan 'das maud gal gyi bu yang yongs su mya ngan las 'das/ bcom ldan 'das kyang da yongs su mya ngan las 'da' bar 'gyur te/ de lta bas na
77b2 bdag cag 'thab pa dang 'gyod pa chen por 'gyur na/ bcom ldan 'das lha dang lha ma yin dang / lha ma yin gyi dbang po bzhi g.yul shom pa de'i tshe ji ltar bsgrub par bgyi ba bdag la bka' stsal du gsol/ de skad ces
77b3 gsol pa dang bcom ldan 'das kyis lha'i dbang po brgya byin la 'di skad ces bka' stsal to/ /kau shi ka 'di lta ste/ tshul khrims rnam par dag pa'i phyir tshul khrims dang ldan pa tshangs par spyod pa'i sems la smon pa 'grub ste
77b4 tshangs par mi spyod pa'i ma yin no/ /'dod chags dang bral ba'i 'grub kyi 'dod chags dang ma bral ba'i ma yin no/ /zhe sdang dang bral ba'i 'grub kyi zhe sdang dang ma bral ba'i ma yin no/ /gti mug dang bral ba'i 'grub
77b5 kyi gti mug dang ma bral ba'i ma yin no/ /shes rab dang ldan pa'i 'grub kyi shes rab 'chal ba'i mi 'grub bo/ /kau shi ka ji srid du dam pa'i chos 'di nub par ma gyur pa de srid du/ kau shi ka lha dang lha ma yin g.yul
77b6 shom par 'gyur ba na nga'i ming smos pa tsam gyis lha rnams rgyal bar 'gyur zhing lha ma yin pham par 'gyur bar ngas deng nas byin gyis brlabs kyis kau shi ka mi dgar ma byed/ mya ngan ma byed/ smre sngags ma 'don cig /
77b7 de nas lha ma yin gyi dbang po bzhi bcom ldan 'das kyi byin gyis brlabs pa'i sgra 'di lta bu thos nas skyo zhing mi dga' ste/ spu zing zhes byed par gyur nas bcom ldan 'das ga la ba der dong ste lhags nas bcom ldan 'das
77b8 kyi zhabs la mgo bos phyag 'tshal te/ phyogs gcig tu 'khod do/ /phyogs gcig tu 'khod nas lha ma yin gyi dbang po rnams kyis bcom ldan 'das la 'di skad ces gsol to/ /bcom ldan 'das ci'i slad du 'di lta bur
78a1 byin gyis rlob pa mdzad/ de skad ces gsol pa dang / bcom ldan 'das kyis lha ma yin gyi dbang po bzhi po de dag la 'di skad ces bka' stsal to/ /lha ma yin gyi dbang po khyed cag mya ngan ma byed/
78a2 smre sngags ma 'don/ yongs su yi 'chad pa ma skyed cig /de ci'i phyir zhe na/ khyed rnams kyang lha rnams kyi dbang por 'gyur ba'i dus de lta bu dang / tshe de lta bu yod de/ sum bcu rtsa gsum gyi ris kyi lha rnams pas ches
78a3 phyug pa dang / 'thab pa med pa dang rtsod pa med pa dang 'gyed pa med pa dang / 'gal ba med cing rgyal ba thob par 'gyur ro/ /de ci'i phyir zhe na/ khyed 'thab pa med pa dang / 'tshang 'dru ba med pa dang 'gyed pa med pa dang /
78a4 rtsod pa med pa dang / 'gal ba med par lhur long la/ byams pa'i sems dang / phan pa'i sems kyi dngos po phun sum tshogs par gnas par gyis shig /grogs po dag srog ni rgyun mi ring / dbang phyug la dbang
78a5 byed pa ni mi rtag go/ /grogs po dag phun sum tshogs pa thams cad ni mthar 'jig go/ /grogs po dag de bzhin gshegs pa yang mi rtag pa nyid kyis mthar thug pa dang / yongs su zad pa dang / yongs su dengs par byed
78a6 pa la ltos/ nga ni sems can thams cad la khon med pa dang / 'thab pa med pa dang / rtsod pa med pa dang / 'gal ba med par byed pa la gnas pa dang / sems can thams cad 'dum zhing 'thun par byed pa la
78a7 zhugs pa yin yang de lta na khyod dge ba'i rtsa ba chung ngu dang ldan pa phan tshun 'thab pa dang rtsod pa la mngon par dga' ba rnams la lta smos kyang ci dgos/ grogs po dag gang gzhan la rnam par mtho 'tsham pa dang rnam par 'tshe ba
78a8 la zhugs par gyur pa de ni yun ring du rnam par mtho 'tsham pa dang rnam par 'tshe ba thob par 'gyur ro/ /grogs po dag srog gcod pa'i skyes bu gang zag ni tshe thung bar 'gyur ro/ /grogs po dag 'thab pa dang rtsod pa
78b1 la dga' ba'i skyes bu gang zag ni rtag tu skrag pas 'tsho bar 'gyur zhing dbang che bar grags pa dang g.yog 'khor mang por mi 'gyur ro/ /grogs po dag dge ba dang sdigs pa'i las rnams chud za ba med do/ /de bas na
78b2 grogs po dag khyed phan tshun byams pa'i sems dang / byams pa'i lus kyi las dang / byams pa'i ngag gi las dang / byams pa'i yid kyi las kun du spyod cig /'thab pa med pa dang / 'tshang 'dru ba med pa dang /
78b3 rtsod pa med pa lhur long la gnas par gyis shig dang / de yun ring por don du 'gyur ba dang / phan pa dang bde ba dang 'gyod pa med par 'gyur ro/ /de skad ces bka' stsal pa dang / bcom ldan 'das la lha ma yin gyi dbang
78b4 po de dag gis 'di skad ces gsol to/ /bcom ldan 'das de de lta lags so/ /bde bar gshegs pa de de lta lags te/ bcom ldan 'das kyis ji skad du bka' stsal pa de bzhin du bgyi'o/ /de bzhin du bsgrub
78b5 par bgyi'o/ /de bzhin du gnas par bgyi'o/ /bcom ldan 'das bdag cag kyang deng slan cad g.yul shom pa mi bgyid do/ /phan tshun byams pas kun du spyad par bgyi'o/ /de nas lha'i dbang po brgya byin bcom ldan
78b6 'das yongs su mya ngan las 'da' ba la mya ngan byed de/ gdong la mchi ma zag par ngu zhing sdug bsngal yid mi bde zhing mya ngan gyi zug rngu chen po dang ldan par gyur nas bcom ldan 'das la 'di skad ces gsol to/ /bcom
78b7 ldan 'das bdag deng slan cad bcom ldan 'das yongs su mya ngan las 'das pa'i dam pa'i chos ji srid du gnas pa de srid du gzugs la mi snyen pa nas/ reg bya la mi reg pa dang / slas kyi nang du mi 'jug pa dang / gos gzhan
78b8 mi 'tshal bar bgyis te/ bcom ldan 'das 'di lta ste dper na/ sems can gang dag byas pa gzo zhing byas pa rig pa byas pa rjes su skyong ba de dag rje bo gum par gyur na/ de'i slad du sdug bsngal zhing mchi ma 'byung ba de
79a1 bzhin du bdag kyang bcom ldan 'das yongs su mya ngan las 'das na bcom ldan 'das kyi dam pa'i chos ji srid du gnas pa de srid du mchi ma dbyung bar bgyi/ 'dod pa'i yon tan lnga la mi snyen/ slas kyi nang du mi
79a2 'jug /de las gzhan pa'i gos 'chang bar mi bgyid do/ /bcom ldan 'das 'di ltar bdag 'jig rten thams cad las 'das pa'i ston pa 'di lta bu dang sang nang par 'bral zhing mi mthong ba dang mi 'grogs par 'gyur ba
79a3 lags pa lta/ lha'i dbang po brgya byin gyis de skad ces gsol nas mchi ma zag bzhin du mgo smad de 'dug go/ /brgya byin gyi le'u ste gsum pa rdzogs so// // de nas gnas brtan sgra gcan zin
79a4 'di snyam du bcom ldan 'das yongs su mya ngan las 'da' ba la bdag mngon sum du lta bar mi spro'o/ /bcom ldan 'das yongs su mya ngan las 'da' ba mngon sum du mthong na bdag rangs par ga la 'gyur te/ mgu ba ga la
79a5 yod/ yid bde ba ga la yod/ dga' ba ga la yod/ yi rangs pa ga la yod kyis/ bdag nges par 'di nas 'jig rten gyi khams bcu 'das pa na/ 'jig rten gyi khams 'od zer can na/ bcom ldan 'das
79a6 de bzhin gshegs pa dgra bcom pa yang dag par rdzogs pa'i sangs rgyas bsnyen par dka' ba zhes bya ba'i drung du 'gro'o snyam du sems so/ /de nas tshe dang ldan pa sgra gcan zin ku sha'i grong khyer gyad rnams nye bar gnas
79a7 pa shing sA la'i tshal nas mi snang bar gyur te/ byang shar gyi phyogs ga la ba dang / de bzhin gshegs pa bsnyen par dka' ba ga la ba der song nas phyin pa dang / de bzhin gshegs pa dgra bcom pa yang dag par rdzogs pa'i
79a8 sangs rgyas bsnyen par dka' ba'i zhabs la mgo bos phyag 'tshal nas phyogs gcig tu 'khod do/ /phyogs gcig tu 'dug nas sdug bsngal zhing yid mi bde ba tshe dang ldan pa sgra gcan zin la de bzhin gshegs pa dgra
79b1 bcom pa yang dag par rdzogs pa'i sangs rgyas bsnyen par dka' bas 'di skad ces bka' stsal to/ /sgra gcan zin khyod mya ngan ma byed smre sngags ma 'don cig /de ci'i phyir zhe na/ sgra gcan zin sdug pa dang yid du 'ong ba
79b2 thams cad dang tha dad du 'gyur zhing 'gyes pa dang 'bye ba dang 'bral bar 'gyur ro/ /sgra gcan zin sangs rgyas bcom ldan 'das rnams sangs rgyas kyi mdzad pa mdzad nas yongs su mya ngan las 'da' ba 'di ni chos nyid yin no/ /
79b3 sgra gcan zin bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas gyad rnams nye bar gnas pa'i sA la'i tshal na shing sA la zung gi bar du seng ge ltar glo g.yas pas mnal te do
79b4 mod kyi thun tha ma la phung po'i lhag ma med pa'i mya ngan las 'das pa'i dbyings su mya ngan las 'da' bar 'gyur gyis sgra gcan zin khyod der song ste/ khyod nges par der 'dug dgos kyis sgra gcan zin khyod song shig /bcom
79b5 ldan 'das yongs su mya ngan las 'das pa'i 'og tu 'gyod par gyur ta re/ de skad ces bka' stsal pa dang / de bzhin gshegs pa dgra bcom pa yang dag par rdzogs pa'i sangs rgyas bsnyen par dka' ba la tshe dang ldan
79b6 pa sgra gcan zin gyis 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de do mod kyi thun tha ma la yongs su mya ngan las 'da'o zhes bgyi ba'i sgra de yang
79b7 thos par mi bzod na/ bcom ldan 'das de yongs su mya ngan las 'da' ba mngon sum du mthong ba lta smos kyang ci 'tshal/ bcom ldan 'das de bas na bdag der mchi bar mi spro'o/ /de nas tshe dang ldan pa sgra gcan
79b8 zin bcom ldan 'das de bzhin gshegs pa bsnyen par dka' ba de'i bka' ma mnyan par sangs rgyas kyi zhing de nas mi snang bar gyur to/ /steng gi phyogs kyi 'jig rten gyi khams rim gyis bcu pa de na de bzhin gshegs
80a1 pa dgra bcom pa yang dag par rdzogs pa'i sangs rgyas ded dpon zhes bya ba bzhugs te 'tsho zhing gzhes so/ /de nas tshe dang ldan pa sgra gcan zin de bzhin gshegs pa ded dpon ga la ba der
80a2 song ste phyin pa dang de bzhin gshegs pa ded dpon gyi zhabs la phyag 'tshal nas gdong mchi ma can du ngus te/ smre sngags 'don zhing phyogs gcig tu 'dug go/ /phyogs gcig tu 'dug pa dang / tshe dang ldan pa
80a3 sgra gcan zin la/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ded dpon gyis 'di skad ces bka' stsal to/ /sgra gcan zin thong / mi dgar ma byed/ mya ngan
80a4 ma byed/ smre sngags ma 'don cig /sgra gcan zin skye ba'i chos can mi skye ba dang / rga ba'i chos can mi rga ba dang / na ba'i chos can min pa dang / 'chi ba'i chos can mi 'chi ba dang / zad pa'i chos can mi zad
80a5 par 'gyur ba de lta bu ga la yod/ sgra gcan zin de lta bu'i gnas dkon no/ /sgra gcan zin sngon gyi sangs rgyas dang sangs rgyas kyi nyan thos thams cad kyang zhi zhing bral te yongs su mya ngan las 'das so/ /ma 'ongs
80a6 pa'i sangs rgyas bcom ldan 'das dang nyan thos dang rang sangs rgyas thams cad kyang yongs su mya ngan las 'da' bar 'gyur ro/ /gang dag da ltar bzhugs pa'i de bzhin gshegs pa dang nyan thos dang rang sangs rgyas de dag
80a7 thams cad kyang yongs su mya ngan las 'da'o/ /sgra gcan zin bskal pa'am bskal pa brgyar gnas pa yang nges par yongs su mya ngan las 'da' dgos so/ /sgra gcan zin sangs rgyas bcom ldan 'das rnams la
80a8 shin du rnam par zhi ba ma gtogs par chos nyid gzhan med gnas med do/ /sgra gcan zin shin du rnam par zhi ba zhes bya ba ni shin du zhi ba/ shin du bsil bar gyur pa/ shin du mthar thug pa/ shin du bde
80b1 ba/ shin du grub pa dang bde ba ste/ 'di lta ste gzhi med pa mya ngan las 'das pa'i dbyings so/ /sgra gcan zin skye ba sdug bsngal/ rga ba sdug bsngal/ na ba sdug bsngal/ 'chi ba sdug bsngal/ yang dang yang mdza' ba
80b2 dang bral ba sdug bsngal/ mi mdza' ba dang 'grogs pa sdug bsngal/ phung po'i khur thogs pa sdug bsngal lo/ /sgra gcan zin gang dag yongs su mya ngan las 'das pa de dag ni bde ba yin gyis sgra gcan zin khyod kyang yongs
80b3 su mya ngan las 'da' bar gyis shig /bcom ldan 'das de bzhin gshegs pa shAkya thub pa de yang yongs su mya ngan las 'da' bar 'gyur te/ gang na skye ba med/ rga ba med/ na ba med/ 'chi ba med/ mdza' ba dang bral
80b4 ba med/ mi mdza' ba dang phrad pa med/ sdug bsngal ba dang yid mi bde ba med pa der khyod gnyi ga 'dong bar gyur gyis sgra gcan zin khyod mi dgar ma byed/ mya ngan ma byed/ smre sngags ma 'don cig /sgra gcan zin chos nyid
80b5 rjes su dran par gyis shig /yang dag pa ma yin pa phyin ci log tu 'dzin pa ma gtogs par 'di la skye ba gang yin/ 'di la rga ba gang yin/ 'di la 'chi ba gang yin/ 'pho ba gang yin/ 'byung ba gang yin/ sgra gcan
80b6 zin byis pa so so'i skye bo thos pa dang mi ldan pa/ 'phags pa'i chos rnams ma mthong ba/ 'phags pa'i chos rnams ma bslabs pa/ 'phags pa'i chos rnams la mi mkhas pa/ 'phags pa'i chos rnams la
80b7 mi gnas pa/ 'phags pa'i chos rnams kyis ma dul ba/ 'phags pa'i chos rnams ma shes pa'i phyir 'du shes phyin ci log dang / lta ba phyin ci log tu phyin ci log pas skye ba dang rga ba dang na ba dang 'chi ba dang 'pho ba dang
80b8 'byung ba dang / kun du rgyug pa dang 'khor ba pa dang rnam par brkam pa dang rgud pa dang mi dga' ba dang mya ngan dang smre sngags 'don pa dang brang rdung bar 'gyur ro/ /sgra gcan zin 'phags pa'i chos 'dul ba 'di la ni 'du byed thams cad
81a1 rnam par zhi bas phyis gong du bya ba ci yang med do/ /sgra gcan zin ston pa'i nyan thos bcom ldan 'das kyi sras kyis gang bya ba de khyod kyis byas zin to/ /sgra gcan zin ston pa bcom ldan 'das kyis kyang nyan thos
81a2 rnams kyi bya ba gang yin pa de mdzad zin te/ da gong du mdzad pa med kyis sgra gcan zin khyod da mya ngan ma byed mi dgar ma byed smre sngags ma 'don par sgra gcan zin khyod bcom ldan 'das shAkya thub pa/ shAkya'i rgyal po chen po de la
81a3 tha mar blta ba dang phyag bya ba dang bsnyen bkur bya ba'i phyir song shig /phyis 'gyod par gyur ta re/ sgra gcan zin de bzhin gshegs pa shAkya thub pa de de ltar gyad rnams nye bar gnas pa shing sA la'i tshal na seng ge ltar glo g.yas pas
81a4 mnal ba mdzad de khyod kyang gzigs par bzhed kyis sgra gcan zin khyod nges par de na 'dug dgos so/ /de skad ces bka' stsal pa dang / bcom ldan 'das de bzhin gshegs pa ded dpon la tshe dang ldan pa sgra gcan zin gyis 'di skad
81a5 ces gsol to/ /gang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa yongs su mya ngan las 'da'o zhes bgyi ba'i sgra de lta bu yang bdag thos par mi spro na/ bcom ldan 'das
81a6 de yongs su mya ngan las 'da' ba mthong ba lta smos kyang ci 'tshal/ bcom ldan 'das gang bcom ldan 'das shAkya thub pa shAkya'i rgyal po de yongs su mya ngan las 'da'o zhes bgyi ba'i sgra de lta bu de thos pas bdag lus dub par gyur to/ /
81a7 bcom ldan 'das sems can rin po che 'jig rten thams cad la phan par bzhed pa/ 'jig rten thams cad la phan pa dang thugs brtse ba/ 'jig rten thams cad kyi sgron ma/ 'jig rten thams cad dang mi mtshungs pa/
81a8 'jig rten thams cad kyi 'od mdzad pa/ 'jig rten thams cad kyi mig /shes rab kyi sgron ma chen pos snang bar mdzad pa/ de lta bu dang bdag sang nang par 'bral zhing 'bye ba dang mi 'grogs par gyur pa ji ltar bgyi/ de skad
81b1 ces gsol pa dang / bcom ldan 'das de bzhin gshegs pa ded dpon gyis tshe dang ldan pa sgra gcan zin la 'di skad ces bka' stsal to/ /sgra gcan zin thong smre sngags ma 'don/ sgra gcan zin bcom ldan 'das des 'du byed
81b2 thams cad mi rtag pa/ 'du byed thams cad sdug bsngal ba/ chos thams cad bdag med pa/ mya ngan las 'das pa zhi ba'o thog ma nyid du chos ma bstan tam/ sgra gcan zin bcom ldan 'das des/ 'du byed thams cad mi rtag
81b3 ste/ skye zhing 'jig pa'i chos can yin/ skyes nas 'gag par 'gyur ba ste/ de dag rnam par zhi ba bde zhes bya ba de skad kyang gsungs so/ /gsol pa/ bcom ldan 'das de lta lags so/ /bde bar gshegs pa de lta
81b4 lags so/ /bcom ldan 'das kyis bka' stsal pa/ bcom ldan 'das des sdug pa dang yid tu 'ong ba thams cad dang tha dad du 'gyur zhing 'gyes pa dang 'bral ba dang 'byed bar 'gyur ba dang / ji srid du yun ring du gnas kyang nges par
81b5 nyams par 'gyur ro zhes thog ma nyid tu ma bstan tam/ gsol pa/ bcom ldan 'das de lta lags so/ /bde bar gshegs pa de lta lags so/ /bka' stsal pa/ sgra gcan zin gang skyes shing byung ba/ 'dus byas pa/
81b6 bsams pa/ kun du rtog pa las byung ba/ rten cing 'brel bar byung ba de dag 'jig par mi 'gyur ba de ga la yod de/ de'i gnas med do/ /de nas tshe dang ldan pa sgra gcan zin de bzhin gshegs pa dgra bcom pa yang dag par
81b7 rdzogs pa'i sangs rgyas yab shAkya thub pa de rjes su dran nas chos kyi shugs kyis mchi ma byung bar gyur to/ /bdag sang nang par bcom ldan 'das dge slong gi dge 'dun gyis mdun du bdar cing chos ston pa mi mthong ngo / /ri'i
81b8 rgyal po ri rab rgya mtsho'i nang nas mngon par byung zhing lhag ger snang ba lta bu/ zla ba nya ba skar mas yongs su bskor ba ltar mtshan brgyas brgyan pa/ nyi ma 'od stong dang ldan pa nam mkha' la thal ler snang ba lta bu/
82a1 rgya mtsho ltar zab cing tshad med la rin po che du ma'i tshogs yod pa/ 'khor los bsgyur ba'i rgyal po ltar 'khor du mas yongs su bskor ba/ gangs ri'i rgyal po ltar dbang po dang / stobs dang / byang chub kyi yan
82a2 lag gi me tog kun du rgyas pa/ ri khor yug chen po ltar phas kyi rgol ba thams cad kyis rab tu mi g.yos pa/ pad ma ltar mtsho'i nang na 'dug kyang 'jig rten gyi chos thams cad kyis ma gos pa/ tshangs pa'i 'khor
82a3 gyi nang na tshangs pa lta bu/ brgya byin mig stong dang ldan pa ltar seng ge'i gdan la bzhugs pa/ seng ge ltar 'jigs shing skrag pa med par seng ge'i sgra yang dag par sgrogs pa phyin cad bdag gis mi mthong ngo zhes tshe dang ldan pa
82a4 sgra gcan zin gyis de skad smras nas ngu zhing sems khong du chud de cang mi smra bar 'dug go/ /de nas de bzhin gshegs pa ded dpon gyis tshe dang ldan pa sgra gcan zin la 'di skad ces bka' stsal to/ /sgra gcan zin khyod bcom ldan
82a5 'das de'i drung du song zhig /bcom ldan 'das de khyod gzigs par bzhed kyis sgra gcan zin khyod nga'i ngag ma gcog par song cig /bcom ldan 'das de'i sku 'o brgyal bar ma byed/ sgra gcan zin khyod nges par de na
82a6 'dug dgos so/ /de ci'i phyir zhe na/ sgra gcan zin sangs rgyas bcom ldan 'das rnams chos nyid kyis de bzhin gshegs pa byams pas khyab par mdzad pa dang / gang dgongs par mdzad pa dang / gang zhig
82a7 bzhed na de dag nges par yongs su mya ngan las mi 'da' ste/ de'i tshe de dag nges par bzhugs par 'gyur ro/ /sgra gcan zin de bzhin gshegs pa de khyod gzigs par bzhed kyis song la khyod nges par de na gnas par
82a8 gyis shig /de nas tshe dang ldan pa sgra gcan zin gyis bcom ldan 'das de bzhin gshegs pa ded dpon gyi zhabs la mgo bos phyag 'tshal nas/ 'di lta ste dper na/ skyes bu stobs dang ldan pa'i lag pa bskum pa
82b1 las brkyang ba 'am/ brkyang ba las bskum pa de bzhin du tshe dang ldan pa sgra gcan zin/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ded dpon gyi sangs rgyas kyi zhing nas
82b2 mi snang bar gyur te/ ku sha'i grong khyer gyad rnams nye bar gnas pa'i shing sA la'i tshal shing sA la zung gi bar bcom ldan 'das gang na ba der song ste phyin pa dang / bcom ldan 'das kyi zhabs la mgo bos phyag 'tshal nas
82b3 lan gsum bskor ba byas te ngu zhing smre sngags 'don/ mchi ma byung bzhin du thal mo sbyar te phyogs gcig tu 'dug go/ /de nas bcom ldan 'das kyis tshe dang ldan pa sgra gcan zin la 'di skad ces bka' stsal to/ /sgra gcan
82b4 zin tshur shog /sgra gcan zin khyod mi dgar ma byed ma ngu smre sngags ma 'don yid ma 'chad cig /sgra gcan zin khyod kyis nga la pha'i bya ba byas/ ngas kyang bu khyod la bu'i bya ba byas so/ /sgra gcan zin de ltar ngas pha'i bya ba
82b5 byas/ khyod kyis kyang bu'i bya ba byas te/ bdag cag gnyi gas kyang bya ba byas shing byed pa byas zin gyis sgra gcan zin khyod mya ngan ma byed/ smre sngags ma 'don/ yi ma 'chad cig /sgra gcan zin bdag cag gnyis sems
82b6 can thams cad 'jigs pa med par bya ba'i phyir zhugs pa dang khon med pa dang 'gran zla med pa dang rnam par tho 'tsham pa med pa dang rnam par 'tshe ba med par zhugs pa la ltos/ da yang nga ni yongs su mya ngan las 'da' bar bya ba'i phyir gnas te
82b7 phyin cad su'i phar yang mi 'gyur ro/ /sgra gcan zin khyod kyang yongs su mya ngan las 'das na phyin cad su'i bur yang mi 'gyur ro/ /sgra gcan zin bdag cag gnyis sems can thams cad la rnam par 'tshe ba med pa dang mi mthun pa
82b8 med par gnas pa la ltos/ de nas tshe dang ldan pa sgra gcan zin gyis bcom ldan 'das la 'di skad ces gsol to/ /bcom ldan 'das yongs su mya ngan las mi 'dar gsol/ bde bar gshegs pa yongs su mya ngan las mi
83a1 'dar gsol/ bcom ldan 'das skye bo mang po la sman pa dang / bde ba dang 'jig rten la thugs brtse ba dang / lha dang mi rnams kyi don dang phan pa dang bde ba'i slad du bskal par bzhugs su gsol/ de skad
83a2 ces gsol pa dang / bcom ldan 'das kyis tshe dang ldan pa sgra gcan zin la 'di skad ces bka' stsal to/ /sgra gcan zin chos gang dag dang ldan na 'jig rten na de bzhin gshegs pa dgra bcom pa yang dag par rdzogs pa'i
83a3 sangs rgyas kyi grangs su 'gro ba'i chos de dag sgra gcan zin zad pa 'am rnyings pa 'am skye ba 'am 'gro ba 'am 'ong ba 'am 'byung ba 'am 'gag pa 'am srid pa 'am 'jig pa 'am gnas pa 'am 'dug pa 'am nyal ba 'am ldan pa 'am/ mi ldan par mi 'gyur ro/
83a4 /de ci'i phyir zhe na/ sgra gcan zin chos de ni gnas pa ste/ shin du mi 'byung ba/ shin du mi skye ba/ shin du mi 'gag pa/ shin du stong pa/ shin du skye ba med pa/ shin du ngo bo nyid med pa/
83a5 nye bar zhi ba/ grangs med pa/ gzhi med pa/ brjod tu med pa/ ngag gi lam ma yin pa'o/ /sgra gcan zin 'di ni sangs rgyas bcom ldan 'das rnams kyi chos nyid de/ 'di lta ste/ shin du gnas pa nyid dang / nye bar
83a6 zhi ba nyid dang / shin du dben pa nyid dang / shin du 'dod chags dang bral ba nyid dang / shin du 'gags pa nyid dang / shin du ma 'dres pa nyid dang / shin du ma byas pa nyid dang / shin du mi zad pa nyid de/ sgra gcan zin ngas
83a7 'di la dgongs nas 'di skad du de bzhin gshegs pa rnams byung yang rung / de bzhin gshegs pa rnams ma byung yang rung ste/ chos rnams kyi chos gnas pa nyid dang / chos nyid dang / chos nges pa nyid dang / chos 'dod
83a8 chags dang bral ba nyid dang / chos kyi ngo bo nyid ni gnas pa nyid do zhes bshad do/ /sgra gcan zin de bzhin gshegs pa ni tshul khrims kyi phung po bsnams te yongs su mya ngan las mi 'da'/ ting nge 'dzin gyi phung po ma yin/ shes rab kyi phung po ma yin/
83b1 rnam par grol ba'i phung po ma yin/ rnam par grol ba'i ye shes mthong ba'i phung po bsnams te yongs su mya ngan las mi 'das/ sgra gcan zin khyod mi dgar ma byed cig /smre sngags ma 'don/ yi 'chad pa ma skyed
83b2 cig /sgra gcan zin 'du byed thams cad ni mi rtag pa/ mi brtan pa/ dbugs 'byin pa med pa/ ther zug ma yin pa/ zad cing 'gyur ba'i chos can yin te/ sgra gcan zin de bas na 'du byed thams cad la yid byung bar
83b3 bya ba'i rigs/ ma chags par bya ba'i rigs/ rnam par grol bar bya ba'i rigs te/ sgra gcan zin 'di ni khyod la rjes su bstan pa'o/ /sgra gcan zin dang bden pa mthong ba'i le'u 'di bcom ldan 'das kyis bka' stsal pa kun
83b4 du shes nas dge slong gnas brtan drug bcu tsam len pa med par zag pa rnams las sems rnam par grol lo/ /lha dang mi tshad med pa dag chos la chos kyi mig rdul med cing dri ma dang bral ba rnam par dag go/ /byang chub sems
83b5 dpa' drug khri brgyad stong gis ni mi skye ba'i chos la bzod pa thob ste/ thams cad kyang kye ma'o sangs rgyas kye ma'o sangs rgyas/ kye ma'o sangs rgyas kyi chos bsam gyis mi khyab bo zhes ched tu brjod pa ched tu rjod cing / de dag
83b6 gis bcom ldan 'das la me tog ud pa la dang pad ma dang ku mu da dang pad ma dkar po rnams kyis gtor/ mngon par gtor nas tshig 'di skad ces bdag cag kyang ma 'ongs pa'i dus na ston pa 'di lta bu 'jig rten du 'byung bar
83b7 gyur cig /'di ltar chos ston par gyur cig /bla na med pa 'jig rten thams cad dang mi 'dra ba'i yongs su mya ngan las 'da' ba/ sangs rgyas kyi yongs su mya ngan las 'da' ba chen po 'di lta bus yongs su mya
83b8 ngan las 'da' bar gyur cig ces smras so/ /de skad ces smras nas byang chub sems dpa' de dag cang mi smra bar gyur to/ /sgra gcan zin gyi le'u ste bzhi pa rdzogs so// //
84a1 bam po gsum pa/ de'i tshe tshe dang ldan pa kun dga' bo bcom ldan 'das kyi phangs na gzims khri la bsnyes nas ngus ste mchi ma byung smre sngags 'don cing 'dug go/ /de nas tshe dang ldan pa kun dga' bo
84a2 mchi ma zag par ngu zhing shing ljon pa chen po bcad de bsgyel ba bzhin du sa la 'gyel te bcom ldan 'das yongs su mya ngan las 'da' ba ha cang myur ches so/ /bde bar gshegs pa yongs su mya ngan las 'da' ba ha cang myur
84a3 ches so/ /thugs rje can mi bzhugs par 'gyur ba ha cang myur ches so/ /sems can rin po che mi bzhugs par 'gyur ba ha cang myur ches so/ /mar me chen po 'jig rten na mi snang bar 'gyur ba ha cang myur ches so/ /
84a4 sgron ma chen po 'jig rten na mi snang bar 'gyur ba ha cang myur ches so/ /'jig rten gyi mchog 'jig rten na 'gag par 'gyur ba ha cang myur ches so/ /sems can rin po che sems can pad ma dkar po 'jig rten na mi snang
84a5 bar 'gyur ba ha cang myur ches so/ /sems can cang shes pa sems can dul ba sems can ma dul ba'i 'jig rten na med par 'gyur ba ha cang myur ches so/ /ded dpon ston pa po bde ba'i lam ston pa 'jig rten na mi snang
84a6 bar 'gyur ba ha cang myur ches so/ /mig chen po shes rab kyi snang ba ston pa 'jig rten na mi snang bar 'gyur ba ha cang myur ches so/ /sems can rnams kyi pha ma 'jig rten na mi snang bar 'gyur ba ha cang myur ches so/ /'jig rten na
84a7 long bar 'gyur ba ha cang myur ches so/ /bcom ldan 'das 'jig rten mgon ma mchis pa dang / yongs su 'dren pa ma 'chis par 'gyur ba ha cang myur ches so/ /sang nang par nas ming mtshan tsam zhig lus te sems can rin
84a8 po che mi mthong bar 'gyur ba lta/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo thong mya ngan ma byed smre sngags ma 'don cig /kun dga' bo sdug pa dang yid du 'ong ba thams cad
84b1 dang tha dad par 'gyur zhing 'gyes par 'gyur ba dang / bye bar 'gyur ba dang bral bar 'gyur bar ngas thog ma nas ma bshad dam/ kun dga' bo gang skyes pa byung ba/ 'dus byas pa/ bsams pa/ rten cing 'brel bar 'byung
84b2 ba/ 'jig pa'i chos can de mi 'jig par ga la 'gyur te de ni gnas med do/ /de lta bur gyur pa dag gnas shing mi snang bar mi 'gyur ba de'i gnas med do/ /kun dga' bo ji ltar ring du gnas kyang nges par yongs su mya ngan las
84b3 'da' ba'i chos can du 'gyur ro/ /de bas na kun dga' bo khyod mya ngan ma byed smre sngags ma 'don cig /de nas tshe dang ldan pa kun dga' bo mig mi 'dzums par bcom ldan 'das kyi zhal du bltas nas shing ljon pa bcad de bsgyel ba
84b4 bzhin du yang sa la 'gyel to/ /bcom ldan 'das kyis tshe dang ldan pa kun dga' bo la lan gnyis su bka' stsal pa/ kun dga' bo thong mya ngan ma byed smre sngags ma 'don cig /kun dga' bo don 'di mya ngan byas pa dang smre
84b5 sngags 'don pas rnyid par sla ba ma yin no/ /sdug pa dang yid du 'ong ba thams cad dang tha dad tu 'gyur zhing 'gyes par 'gyur bar ngas thog ma nas bshad do 'du byed rnams ji srid ring du gnas kyang nges par rnam par 'gyur ba'i chos can
84b6 yin no/ /kun dga' bo khyod kyis de bzhin gshegs pa la byams pa'i lus kyi las phan pa dang / bde ba dang / gnyis su med pa dang / tshad med pa dang / khon med pa dang / 'gran zla med pa dang / byams pa'i ngag gi las
84b7 dang / byams pa'i yid kyi las bde ba nas 'gran zla med pa'i bar gyis bsnyen bkur byas so/ /de nas tshe dang ldan pa kun dga' bo sa las langs nas mchi ma phyis te/ bcom ldan 'das la 'di skad ces gsol to/ /
84b8 bcom ldan 'das bdag sems can rin po che de lta bu dang tha dad tu 'gyur/ bdag thugs rje chen po 'jig rten thams cad las 'phags pa/ 'jig rten thams cad la phan par bzhed pa/ 'jig rten
85a1 thams cad la thugs brtse ba can/ 'jig rten thams cad la gces pa/ 'jig rten thams cad kyi ston pa/ 'jig rten thams cad kyi yongs su 'dren pa/ 'jig rten thams cad la phan pa
85a2 dang bde ba sbyin pa/ sems can chen po de lta bu dang sang nang par 'bral zhing tha dad tu 'gyur na ci'i slad du bdag mya ngan mi bgyid smre sngags mi 'don/ de nas tshe dang ldan pa kun dga' bo mchi ma mang du phyung nas mchi ma phyis
85a3 te yang tshig 'di skad smras so/ /kye ma'o gang du mar me chen po/ sgron ma chen po/ snang ba chen po 'di lta bu 'jig rten na mi snang bar 'gyur/ ye shes kyi nyi ma chen po 'od zer bye ba khrag khrig brgya stong du mas bskor ba/
85a4 kun du 'od kun du snang ba kun du lam me ba/ kun du 'od zer kun du tog kun du gzigs pa/ kun du mkhyen pa kun du shes rab kun du dran pa kun du spyod yul kun du 'od kyi sems can shes rab kyi snang ba 'di lta bu 'jig rten du nub
85a5 par 'gyur ba'i 'du byed rnams ni g.yon can no/ /brnyas thams can no/ /kye ma'o 'jig rten na 'od byed pa mi snang bar 'gyur ba ha cang myur ches so/ /lha dang bcas pa'i 'jig rten gyi mgon po mi snang bar 'gyur ba
85a6 ha cang myur ches so/ /kye ma'o bcom ldan 'das cho 'phrul dang bcas pa 'jig rten na mi snang bar 'gyur ba ha cang yang myur ches na/ bcom ldan 'das ci'i slad du bdag mya ngan mi bgyid/ bcom ldan 'das ci'i slad du
85a7 bdag smre sngags mi 'don/ bcom ldan 'das bdag snying rnam pa brgyar ma gas pa ngo mtshar che'o/ /bcom ldan 'das kyi spyan sngar ma gum pa ngo mtshar che'o/ /bcom ldan 'das bdag de la 'di snyam du bcom ldan
85a8 'das kyi byin gyi rlabs kyis bdag ma gum mo snyam bgyid do/ /de ci'i slad du/ bcom ldan 'das las bdag gis gang chos kyi phung po brgyad khri bzhi stong mngon du mnos/ mngon du kun du chub par bgyis mngon du kun
85b1 bzung ba de dag da dung skye bo mang po la phan par ma gyur/ phyogs mang por rgyas par ma gyur pas bcom ldan 'das bdag 'di snyam du bdag ma gum pa de ni bcom ldan 'das kyi mthu lags pa snyam bgyid de/ bcom ldan
85b2 'das bdag ci'i slad du mya ngan mi bgyid/ bcom ldan 'das bdag ci'i slad du smre sngags mi 'don/ bcom ldan 'das bdag grong khyer ser skya'i gnas su bcom ldan 'das bltam pa'i sar mchis nas shAkya rnams tshogs
85b3 pa la shAkya thub pa shAkya'i rgyal po shin du mi 'byung bar bzhugs so zhes bgyi 'am ji skad bgyi/ rgyal po'i khab kyi grong khyer du mchis nas lus 'phags mo'i bu rgyal po ma skyes dgra la yang dag par rdzogs pa'i sangs rgyas nyi
85b4 ma chen po nub ste mtshams med pa'i las kyi zug rngu 'byin pa sman pa'i rgyal po chen po de gshegs lags so zhes bgyi'am ji skad bgyi/ grong khyer chen po mnyan yod du mchis nas thugs rje chen po brnyes pa/ phan pa
85b5 bzhed pa/ 'jig rten la thugs brtse ba can de mi snang bar gyur to zhes bgyi 'am ji skad bgyi/ mgon med zas sbyin la de bzhin gshegs pa rgyal byed kyi tshal mgon med zas sbyin gyi kun dga' ra bar ji ga bzhugs par
85b6 'gyur ram zhes bgyi'am ji skad bgyi/ yangs pa'i grong khyer chen por mchis nas lid tsa byi'i tshogs rnams kyi mdun du ded dpon phan par bzhed pa de nub par gyur to zhes bgyi'am ji skad bgyi/ phyogs dang phyogs mtshams
85b7 rnams nas rigs kyi bu dang rigs kyi bu mo gang dag zhu ba yongs su zhu ba'i slad du mchi ba de rnams la mkhyen pa chen po dang ldan pa 'jig rten thams cad kyi khams mkhyen pa mkhas pa the tshom zhus pa thams cad sel ba de nub par
85b8 gyur to zhes bgyi'am ji skad bgyi/ phyogs dang phyogs mtshams rnams nas dbyar gyi gnas su gnas gnas pa'i dge slong bcom ldan 'das la blta ba dang / phyags 'tshal ba dang / bsnyen bkur bgyi ba dang / zhu ba
86a1 dang brtag pa'i slad du mchi ba de rnams la chos dang ldan pa'i gtam gsung zhing mi'i chos bla ma rtogs pa bcom ldan 'das mi bzhugs na bdag gis mi mthong ngo mi thos so/ /cho 'phrul dang bcas pa'i tshangs par
86a2 spyod pa de lta bu 'jig rten na mi snang bar 'gyur na/ bcom ldan 'das bdag ci'i slad du mya ngan mi bgyid/ ci'i slad du bdag smre sngags mi 'don/ de skad ces gsol pa dang / bcom ldan 'das kyis tshe dang ldan pa kun
86a3 dga' bo la 'di skad ces bka' stsal to/ /kun dga' bo thong mya ngan ma byed smre sngags ma 'don cig kun dga' bo nga'i tshangs par spyod pa skye bo mang po la phan par gyur pa lha dang mi rnams la rgya che zhing yangs pa dang lha dang bcas
86a4 pa'i 'jig rten gyis mnos pa yun ring du gnas par 'gyur ro/ /kun dga' bo nga yongs su mya ngan las 'das nas dge slong 'od srung dang kun dga' bo khyed gnyis lo bzhi bcu lhag tsam du cho 'phrul dang bcas pa'i tshangs par
86a5 spyod pa lha dang mis so sor mnos pa de spyod par 'gyur gyis kun dga' bo khyod mya ngan ma byed smre sngags ma 'don cig /nga'i dam pa'i chos skye bo mang po la phan par gyur pa lha dang mi rnams la rgya che zhing yangs par gyur pa yun ring du
86a6 gnas par 'gyur ro/ /kun dga' bo nga 'das nas dge slong 'od srung dang khyed gnyis bskal pa grangs med pa bye ba khrag khrig brgya stong du yang dag par bsgrubs pa'i bla na med pa yang dag par rdzogs pa'i byang chub 'di dang /
86a7 nga'i dge ba'i chos dkon mchog 'di rnam par 'phel zhing yongs su mi nyams par bya ba'i phyir zhugs par 'gyur ro/ /de ci'i phyir zhe na/ kun dga' bo dge slong 'od srung ni 'dod pa chung ba/ chog shes pa/ rab tu dben
86a8 pa/ brtson 'grus brtsams pa/ dran pa nye bar bzhag pa/ spros pa med pa la dga' ba/ mnyam par bzhag pa/ shes rab rno ba'o/ /kun dga' bo dge slong 'od srung ni skye bo mang po la yang dag par ston pa/ yang dag
86b1 par 'dzin du 'jug pa/ yang dag par gzeng bstod pa/ yang dag par rab tu dga' bar byed pa/ tshangs pa mtshungs par spyod pa thams cad la chos 'chad pas ngal ba med pa'o/ /kun dga' bo dge slong 'od srung ni 'khor
86b2 bzhi po dag gi pha ma lta bu'o/ /kun dga' bo dge slong 'od srung ni 'jig rten la yun ring du lta zhing snying brtse ba can no/ /kun dga' bo dge slong 'od srung ni skye bo mang po la phan pa dang / skye bo mang po la bde ba dang / 'jig
86b3 rten la snying brtse ba dang lha dang mi rnams kyi don dang phan pa dang bde ba'i phyir zhugs pa yin no/ /gsol pa bcom ldan 'das dge slong 'od srung skye bo mang po ji snyed cig gi don la dga' ba dang / lha dang mi rnams la phan pa dang
86b4 bde bar dga' ba la zhugs pa lags/ bka' stsal pa/ kun dga' bo dge slong 'od srung gang gi tshe yongs su mya ngan las 'da' ba de'i tshe 'di ltar byin gyis rlobs par 'gyur te/ bdag yongs su mya ngan las 'das nas
86b5 de bzhin gshegs pa dgra bcom pa yang dag par rdzogs pa'i sangs rgyas byams pa 'jig rten du ma byung gi bar du bdag gi lus gzhan du ma gyur cig /gos dang spu dang skra dang lpags pa dang mdog dang dbang po rnams gzhan du ma gyur cig /
86b6 bdag gi lus sam yan lag thams cad kyang gzhan du ma gyur cig /gang gi tshe de bzhin gshegs pa byams pa 'jig rten du byung bar gyur pa de'i tshe de bzhin gshegs pa de 'dus pa dang po dang / de bzhin du 'dus pa gnyis
86b7 pa dang / de bzhin du 'dus pa chen po gsum pa dang bcas pas bdag gi lus ma zhig par gzigs par gyur cig /bdag gis chos bshad pa la nye bar brten pa dang bdag gi byin gyis brlabs dang / bdag la dmigs
86b8 pas srog chags brgya phrag mang po dang / srog chags stong phrag mang po dang / srog chags bye ba khrag khrig brgya stong mang po rnams dul bar gyur cig /gang gi tshe de bzhin gshegs pa byams pa dang nyan thos 'dus pa
87a1 gsum po dbang po ma yengs pa gos ji lta ba bzhin du bgos pa de rnams kyis bdag gi lus ma zhig par gzigs par gyur pa de'i tshe bdag gi lus nam mkha' la mngon par 'phags nas lus kyi me'i khams
87a2 kyis lus tshig par gyur cig /tshig pa de'i sol ba yang mi snang bar gyur cig snyam mo/ /kun dga' bo gang de ltar byin gyis rlob par 'gyur ba'i dge slong 'od srung de sems can yongs su smin par bya ba'i phyir de ltar skye bo mang
87a3 po la phan pa dang / de ltar skye bo mang po la bde ba'i phyir zhugs pa yin no/ /kun dga' bo dge slong 'od srung yongs su mya ngan las 'das nas kyang brag gi ri bzhi lhan cig tu tshogs nas 'od srung gi lus bskor te gcig tu 'byor
87a4 par gnas par 'gyur ro/ /kun dga' bo brag gi ri de bzhi'i nang na dge slong 'od srung gi lus gcig tu mkhregs shing ma zhig par gnas par 'gyur ro/ /de bzhin gshegs pa byams pa ji srid du 'jig rten du ma byung ba de
87a5 srid du dge slong 'od srung gi lus gos dang bcas par ma zhig par gnas par 'gyur ro/ /de ci'i phyir zhe na/ kun dga' bo 'di lta ste/ tshul khrims dag pa'i phyir tshul khrims dang ldan pa tshangs par spyod pa'i sems la smon pa
87a6 'grub ste tshangs par mi spyod pa'i ma yin no/ /shes rab dang ldan pa'i 'grub kyi shes rab 'chal pa'i ma yin no/ /'dod chags dang bral bral ba'i 'grub kyi 'dod chags dang ma bral ba'i ma yin no/ /kun dga' bo de bas na dge
87a7 slong 'od srung sngon gyi byin gyi rlabs gyis yongs su mya ngan las 'das nas de bzhin gshegs pa byams pa 'jig rten du ma byung gi bar du lus gzhan du mi 'gyur/ skra dang / spu dang sha dang khrag dang lpags pa dang de las gzhan pa'i yan
87a8 lag dang nying lag rnams dang dbang po rnams dang / gos rnams gzhan du mi 'gyur zhing lus kyi dri nga ba med par 'gyur ro/ /kun dga' bo de nas de bzhin gshegs pa byams pa 'jig rten du byung nas 'dus pa dang po'i dge slong bye
87b1 ba phrag dgu bcu rtsa drug dang thabs cig tu 'od srung gi lus ga la 'dug pa der gshegs par 'gyur ro/ /kun dga' bo de nas de bzhin gshegs pa byams pas dge slong 'od srung gi lus dge slong bye ba phrag dgu
87b2 bcu rtsa drug po de dag la bstan nas 'di skad kyang bka' stsal to/ /dge slong dag 'di ni bcom ldan 'das shAkya thub pa'i nyan thos chen po dge slong 'od srung zhes bya ba yin te/ 'di ni sbyangs pa'i yon tan la gnas pa
87b3 rnams dang / 'dod pa chung ba rnams dang chog shes pa rnams dang / rab tu dben pa rnams dang / brtson 'grus brtsams pa rnams dang / dran pa nye bar bzhag pa rnams dang / mnyam par bzhag pa rnams dang /
87b4 shes rab dang ldan pa rnams kyi mchog yin te/ spros pa med pa la mos shing spros pa med pa la dga' ba/ skye bo mang po la yang dag par ston pa/ yang dag par 'dzin du 'jug pa/ yang dag par gzeng bstod pa/
87b5 yang dag par rab tu dga' bar byed pa/ tshangs pa mtshungs par spyod pa la chos 'chad pas ngal ba med pa'o/ /dge slong dag dge slong 'od srung ni 'khor bzhi'i pha ma lta bur gyur pa'o/ /ring du rjes su lta ba/ shin du rjes
87b6 su lta ba/ skye bo mang po la rjes su lta ba'o/ /dge slong dag dge slong 'od srung 'di skye bo mang po la phan pa dang / skye bo mang po la bde ba dang / 'jig rten la snying brtse ba'i phyir zhugs pa dang / lha dang mi rnams kyi don dang /
87b7 phan pa dang bde ba'i phyir zhugs pa la ltos/ lan gnyis su yang de bzhin gshegs pa byams pa nyan thos bye ba dgu bcu rtsa bzhi dang thabs cig sa phyogs der gshegs par 'gyur ro/ /kun dga' bo lan gsum
87b8 du yang de bzhin gshegs pa dgra bcom pa yang dag par rdzogs pa'i sangs rgyas byams pa nyan thos bye ba dgu bcu rtsa gnyis dang thabs cig tu dge slong 'od srung gi lus ga la 'dug pa'i sa phyogs der gshegs shing / kun dga'
88a1 bo de bzhin gshegs pa byams pa de yang dge slong bye ba dgu bcu rtsa gnyis po rnams la dge slong 'od srung gi lus ston par 'gyur to/ dge slong dag dge slong 'od srung zhes bya ba 'di ni bcom ldan 'das de
88a2 bzhin gshegs pa shAkya thub pa'i nyan thos chen po sbyangs pa'i yon tan 'dzin pa rnams kyi mchog /'dod pa chung ba dang / chog shes pa nas skye bo mang po dang lha dang mi rnams la phan pa dang bde ba'i phyir zhugs pa'i bar la ltos/
88a3 kun dga' bo de nas de bzhin gshegs pa dgra bcom pa yang dag par rdzogs pa'i sangs rgyas byams pas de'i tshe phyag g.yas pa gser gyi kha dog can brkyang nas dge slong 'od srung chen po'i mgo la nyug par 'gyur ro/ /byugs
88a4 nas kyang dge slong gi dge 'dun la gzigs par 'gyur ro/ /gzigs nas 'di skad bka' stsal to/ /dge slong dag dge slong 'od srung des bcom ldan 'das de bzhin gshegs pa shAkya thub pa yongs su mya ngan las 'das pa de'i dam
88a5 pa'i chos ji ltar yongs su bzung ba de lta bu da lta nga'i dge slong gi dge 'dun mang po 'di'i nang na nga yongs su mya ngan las 'das na gang dam pa'i chos 'chad pa'i dge slong gcig kyang med do zhes bka' stsol bar 'gyur ro/ /kun dga'
88a6 bo de nas dge slong 'od srung 'dus pa chen po gsum pa de nyid du sngon gyi byin gyi brlabs kyis steng gi namakha'i bar snang la mngon par 'phags nas cho 'phrul rnam pa sna tshogs bstan te/ rang gi me'i khams kyis rang gi
88a7 lus sreg par 'gyur te/ sregs pa de'i sol ba yang mi snang / thal ba yang mi snang bar 'gyur ro/ /kun dga' bo de nas de bzhin gshegs pa byams pa de'i tshe dge slong 'od srung las brtsams nas ci nas
88a8 kyang srog chags brgya phrag mang po dang srog chags stong phrag mang po dang / srog chags bye ba khrag khrig brgya stong mang po dang / lha dang mir bcas pa'i skye dgu dul bar 'gyur ba de lta de ltar dge slong bye ba dgu bcu rtsa drug po
88b1 de dag la chos ston par 'gyur ro/ /kun dga' bo dge slong 'od srung ji ltar skye bo mang po la phan pa'i phyir zhugs pa la ltos/ kun dga' bo khyod kyang skye bo mang po la phan pa dang bde ba'i phyir zhugs so/ /'jug
88b2 par yang 'gyur ro/ /kun dga' bo de ltar na dge slong 'od srung dang khyod gnyis lo bzhi bcu lhag tsam du nga'i dam pa'i chos 'di 'dzin par 'gyur/ cho 'phrul dang bcas pa'i tshangs par spyod pa lha dang mi rnams la rgya
88b3 che zhing yangs par gyur pa spyod par 'gyur ro/ /'od srung gi le'u ste lnga pa rdzogs so// // de nas yang bcom ldan 'das kyis kun dga' bo la bka' stsal pa/ kun dga' bo khyod mya ngan
88b4 ma byed cig ces bya ba nas rgyas par kun dga' bo khyod tshangs par spyod pa skye bo mang po la phan par gyur pa/ lha dang mi rnams la rgya che zhing yangs pa dang / yang dag par mnos pa spyod par 'gyur ro zhes bya ba'i bar du'o/ /
88b5 kun dga' bo nga 'das shing nga yongs su mya ngan las 'das nas grong khyer bcom brlag na ri spo dang ngos che ba zhes bya ba yod par 'gyur ro/ /de na dge 'dun gyi kun dga' ra ba 'dam bu can zhes bya ba zhig yod par 'gyur
88b6 te/ de na yul slan pa zhes bya ba'i dge slong rdzu 'phrul che ba/ mthu che ba/ gsal ba/ dul ba/ 'jigs pa med pa/ mang du thos pa/ mdo 'dzin pa/ 'dul ba 'dzin pa/ ma mo 'dzin pa/ yang dag par
88b7 ston pa/ yang dag par 'dzin du 'jug pa/ yang dag par gzeng bstod pa/ yang dag par rab tu dga' bar byed pa/ tshangs pa mtshungs par spyod pa rnams la chos 'chad pas ngal ba med pa zhig 'byung bar 'gyur te/
88b8 de yang tshangs par spyod pa 'di cho 'phrul dang bcas pa dang lha dang mi rnams la rgya che zhing yangs par byed par 'gyur gyis/ kun dga' bo khyod mya ngan ma byed smre sngags ma 'don cig /kun dga' bo nga 'das nas ri spo dang ngos che ba de
89a1 nyid na dge 'dun gyi kun dga' ra ba 'dam bu can zhes bya ba de nyid na dge slong dga' ba can zhes bya ba rdzu 'phrul che ba/ mthu che ba nas tshangs pa mtshungs par spyod pa rnams la chos 'chad pas ngal ba med ces bya ba'i
89a2 bar dang ldan pa zhig 'byung bar 'gyur te/ de yang nga'i bstan pa 'di yangs shing rgyas pa dang lha dang mis yang dag par mnos par byed par 'gyur gyis/ kun dga' bo khyod mya ngan ma byed smre sngags ma 'don cig /kun dga'
89a3 bo nga 'das nas ri spo dang ngos che ba de nyid na ri u shi ra zhes bya ba yod par 'gyur ro/ /der dge slong bzhi khri bzhi stong 'dus par 'gyur te thams cad kyang rdzu 'phrul che ba/ mthu che ba dbang che bar grags pa/ gsal ba dul ba
89a4 'jigs pa med pa/ mang du thos pa mdo 'dzin pa/ 'dul ba 'dzin pa/ ma mo 'dzin pa/ skye bo mang po la yang dag par ston pa/ yang dag par 'dzin du 'jug pa/ yang dag par gzeng stod pa/ yang dag par
89a5 rab tu dga' bar byed pa sha stag ste/ de dag kyang tshangs par spyod pa cho 'phrul dang bcas pa 'di rgyas par byed de lha dang mi rnams la rgya che zhing yangs par byed par 'gyur ro/ /kun dga' bo nga'i tshangs par spyod pa rgyas par 'gyur
89a6 gyis kun dga' bo khyod mya ngan ma byed/ smre sngags ma 'don cig /kun dga' bo nga 'das nas ri spo dang ngos che ba de nyid na dge slong nye sbas shes bya ba 'byung bar 'gyur te rdzu 'phrul che ba/ mthu che ba nas de yang tshangs par
89a7 spyod pa cho 'phrul dang bcas pa 'di yangs shing rgyas pa dang / lha dang mi rnams kyis yang dag par mnos par byed par 'gyur ba'i bar du'o/ /der yang nga'i dgra bcom pa mang po 'dus par 'gyur te/ dge slong gso sbyong
89a8 gi las gcig pa/ nga rgyal med pa/ kun shes pa/ brda sprod pa/ brgyad khri brgyad stong 'byung bar 'gyur ro/ /de dag kyang nga'i tshangs par spyod pa rdzu 'phrul dang bcas pa'i spyod par 'gyur te/ lha dang mi rnams la
89b1 yangs shing rgya che bar byed par 'gyur gyis kun dga' bo khyod mya ngan ma byed smre sngags ma 'don cig /kun dga' bo dge slong nye sbas nga'i tshangs par spyod pa yang yangs shing rgya che bar spyod cing lha dang mi rnams la yang dag par
89b2 ston par 'gyur ro/ /kun dga' bo nga 'das nas grong khyer skya snar gyi bu zhes bya ba na dge 'dun gyi kun dga' ra ba lam zhes bya ba yod par 'gyur te/ der dge slong rta sbas zhes bya ba 'byung ste/ rig pa gsum dang ldan
89b3 pa/ mngon par shes pa drug dang ldan pa/ rnam par thar pa brgyad la bsam gtan pa/ gnyis ka'i cha las rnam par grol ba/ rdzu 'phrul che ba/ mthu che ba nas de yang tshangs par spyod pa 'di yangs shing rgyas
89b4 par byad par 'gyur zhes bya ba'i bar du rgya cher thams cad du sbyar ro/ /kun dga' bo khyod mya ngan ma byed smre sngags ma 'don cig /kun dga' bo nga 'das nas de nyid du bya gag gi kun dga' ra bar dge slong bla ma zhes bya ba
89b5 'byung ste/ rdzu 'phrul che ba/ mthu che ba zhes bya ba nas/ de yang bstan pa 'di cho 'phrul dang bcas par byed cing lha dang mi rnams la so sor yangs shing rgyas par byed par 'gyur gyis kun dga' bo khyod mya ngan ma byed
89b6 smre sngags ma 'don cig /de ci'i phyir zhe na/ kun dga' bo nga'i tshangs par spyod pa rgyas pa dang / lha dang mi rnams la yangs shing rgya che bar 'gyur ba'i phyir ro/ /kun dga' bo nga yongs su mya ngan las 'das
89b7 pa'i 'og tu yul yan lag ces bya ba de na nyan thos rnams la lo lnga'i dus ston byed par 'gyur ro/ /der dgra bcom pa khri sum stong 'dus par 'gyur te/ thams cad kyang rdzu 'phrul che ba/ mthu che ba dbang
89b8 che bar grags pa nas rgya cher tshangs pa mtshungs par spyod pa rnams la chos 'chad pas ngal ba med pa sha stag gi bar du'o/ /de na dge 'dun gyi gnas brtan dang ldan drug pa zhes bya ba zhig yod par 'gyur te/ rdzu 'phrul
90a1 che ba mthu che ba/ dbang che bar grags pa nas rgya cher tshangs pa mtshungs par spyod pa rnams la chos 'chad pas ngal ba med pa'i bar du ste/ de yang nga'i tshangs par spyod pa cho 'phrul dang bcas pa lha dang mi
90a2 rnams la rgyas par byed par 'gyur gyis kun dga' bo khyod mya ngan ma byed smre sngags ma 'don cig /kun dga' bo nga 'das nas grong khyer gser gyi bre zhes bya ba na bram ze'i rigs las rab tu byung ba dge slong mkhas pa zhes
90a3 bya ba dang / yang dag par rgyal ba can zhes bya ba gnyis 'byung ste/ rdzu 'phrul che ba mthu che ba/ dbang che bar grags pa nas de gnyis kyang tshangs par spyod pa cho 'phrul dang bcas pa 'di rgyas pa'i bar du byed par 'gyur gyis kun
90a4 dga' bo khyod mya ngan ma byed/ smre sngags ma 'don cig /kun dga' bo nga 'das nas grong khyer gnas bcas shes bya ba na dge slong brtson 'grus che zhes bya ba 'byung ste/ rdzu 'phrul che ba mthu che ba de yang tshangs par spyod pa
90a5 'di lha dang mi rnams la cho 'phrul dang bcas par byed par 'gyur gyis kun dga' bo khyod mya ngan ma byed smre sngags ma 'don cig /kun dga' bo nga 'das nas ma 'ongs pa'i dus na dge slong nyi ma'i gung zhes bya ba 'byung ste/
90a6 kun dga' bo dge slong nyi ma'i gung de yang nga'i chos 'dul ba 'di rgyas par byed cing lha dang mi rnams la cho 'phrul dang bcas pa dang yangs shing rgya che bar byed par 'gyur gyis kun dga' bo khyod mya ngan ma byed/ smre sngags ma 'don cig /
90a7 kun dga' bo nga 'das nas byang phyogs kyi rgyud na yul spros 'dzin zhes bya ba na dge slong 'od srung zhes bya ba 'byung ste/ rdzu 'phrul che ba mthu che ba/ dbang che bar grags pa gsal ba 'jigs pa med pa/ mang du thos
90a8 pa/ 'dul ba 'dzin pa/ mdo 'dzin pa ma mo 'dzin pa/ yang dag par ston pa/ yang dag par 'dzin du 'jug pa/ yang dag par gzeng stod pa/ yang dag par rab tu dga' bar byed pa nas de yang nga'i bstan
90b1 pa rgyas par byed pa'i bar du 'gyur gyis kun dga' bo khyod mya ngan ma byed/ smre sngags ma 'don cig /kun dga' bo nga 'das nas byang phyogs kyi rgyud na grong khyer rdo 'jog ces bya ba phyogs dang phyogs mtshams su sgra grag
90b2 pa yod par 'gyur te de na khyim bdag ral pa can zhes bya ba phyug pa nor che ba/ longs spyod che ba/ bsod nams dang ldan pa/ shes rab dang ldan pa/ gzugs bzang ba mdzes pa/ blta na sdug pa/ kha dog bzang
90b3 po rgyas pa mchog dang ldan pa/ dad pa can dang ba can zhig 'byung ste/ de nga'i lus dang nyan thos rnams la sti stang du byed pa dang / bla mar byed pa dang / rim gror byed pa dang / mchod pa dang rjed pa la spro bar 'gyur te/
90b4 rim gyis byang chub kyi tshogs yongs su rdzogs par bya ba nas ma 'ongs pa'i dus na bskal pa stong rdzogs pa dang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bskal pa
90b5 bzang byed ces bya ba la bkod pa chen pos legs par brgyan pa'i 'jig rten gyi khams su kun du snang ba zhes bya ba'i de bzhin gshegs par 'gyur ro/ /kun dga' bo khyim bdag ral pa can de yang nga'i bstan
90b6 pa 'di lha dang mi rnams la rgyas par byed par 'gyur gyis kun dga' bo khyod mya ngan ma byed/ smre sngags ma 'don cig /kun dga' bo nga 'das nas byang phyogs kyi rgyud na rgyal po'i pho brang 'byor pa rgyas pa bde ba lo legs
90b7 pa skye bo mang po dang mis gang ba rgyas ldan zhes bya ba yod par 'gyur te/ de na bram ze dang khyim bdag rnams nga'i bstan pa 'di la dad cing sems dang bar 'gyur ro/ /kun dga' bo de dag kyang nga mya ngan las 'das pa'i lus
90b8 dang nyan thos rnams la sti stang du bya ba dang / bla mar bya ba dang / rim gror bya ba dang / mchod pa dang rjed pa dang / ri mor bya ba la spro bar 'gyur ro/ /der yang nga'i nyan thos rdzu 'phrul che ba mthu che ba dbang che bar grags pa brgya
91a1 phrag mang po 'dus par 'gyur te rgya cher sbyar ro/ /kun dga' bo de na 'khod pa'i khyim pa rnams kyang phal cher gsal ba/ dul ba 'jigs pa med pa/ mang du thos pa/ thos pa sogs pa/ mkhas
91a2 pa shes rab che ba sha stag go/ /kun dga' bo rgyal po'i pho brang rgyas ldan de na khyim pa gang dag 'chi ba'i dus byed pa de dag 'chi ba'i dus byas ma thag tu phal cher dga' ldan gyi lha'i ris su skye bar 'gyur ro/ /rab tu byung ba gang
91a3 dag 'chi ba'i dus byed pa de dag ni phal cher log par ltung bar 'gyur ro/ /de ci'i phyir zhe na/ 'di ltar de dag yo byed bsnyungs pa la mi gnas shing sdom pa la mi gnas pa'i phyir ro/ /kun dga' bo rgyal po'i pho brang rgyas ldan na
91a4 dam pa'i chos gnas bzhin du bram ze dang khyim bdag gang dag 'di ltar bcom ldan 'das shAkya thub pa'i dam pa'i chos nub bo snyam du sems so/ /de ci'i phyir zhe na/ kun dga' bo 'di ltar de'i tshe na dge slong phal cher lhod
91a5 pa dang / yo byad mang ba dang spong ba las nyams pa dang / ldog pa la thog mar 'gro ba dang / rab tu dben pa la brtson pa bor ba dang / 'khor bzhi po dag dang 'dre ba dang / tshul nyams pa dang / tshul khrims 'chal
91a6 bar 'gyur te/ de dag bram ze dang khyim pa rnams dang lhan cig tu tshul nyams shing tshigs las 'das pa dang / gcig la gcig mi gus par me tog dang 'bras bu dang bza' ba dang bca' ba dag sbyin pa dang rab tu sbyin par
91a7 byed pa la mngon par dga' zhing ma bsdams par 'gyur ro/ /de dag kyang bu dang chung ma spyod par byed de/ de dag gis de mthong zhing thos nas bcom ldan 'das kyi dam pa'i chos nub par mi 'gyur grang snyam nas rab tu 'jigs
91a8 pa dang skrag pa dang mi dga' bar 'gyur ro/ /de'i tshe yang rgyal po'i pho brang rgyas ldan de na dge bsnyen chos 'phel zhes bya ba rdzu 'phrul che ba mthu che ba/ dbang che bar grags pa/ gsal ba dul ba 'jigs pa med
91b1 pa mang du thos pa thos pa nges par byed pa la mkhas pa zhig 'byung ste/ der bram ze dang khyim bdag de rnams dga' bar bya ba'i phyir rdzu 'phrul gyis nam mkha' la mngon par 'phags nas bram ze dang khyim bdag rnams
91b2 la yang dag par ston/ yang dag par 'dzin du 'jug /yang dag par gzeng stod/ yang dag par rab tu dga' bar byed cing tshig 'di skad kyang smra bar 'gyur te/ bram ze dang khyim bdag rnams ma 'jigs shig /
91b3 dogs pa ma skyed cig /the tshom ma skyed cig /yid gnyis ma zag shig /bcom ldan 'das shAkya thub pa de'i dam pa'i chos da dung gnas shing ma nub kyis khyed ma thob pa thob par bya ba dang / ma rtogs pa rtogs par
91b4 bya ba dang / mngon sum du ma byas pa mngon sum du bya ba'i phyir sbyor ba gyis shig /brtsal ba gyis shig /'bad pa gyis shig /da dung 'phags pa'i chos thos par bya sla'o/ /de nas bram ze dang khyim bdag de rnams
91b5 tshim zhing mgu ste yi rangs shing rab tu dga' la dga' ba dang yid bde ba skyes nas sbyin pa dag sbyin/ bsod nams dag byed cing nga'i ring srel la rim gror bya ba nas rjed pa dang mngon par mchod par bya ba'i phyir spro ba skye bar 'gyur zhing thos
91b6 pa dang tshul khrims dang spong ba la yang brtson par 'gyur ro/ /de ltar khyim bdag chos 'phel gyis bram ze dang khyim bdag rnams dga' bar byas pas phal cher mtho ris dang thar par 'gro bar 'gyur ro/ /kun dga' bo
91b7 khyim bdag chos 'phel de yang nga'i bstan pa 'di rgya cher rgyas par byed par 'gyur ro/ /kun dga' bo de ltar nga 'das nas nga'i bstan pa 'di la sems dang zhing mngon par dga' ba/ sngon gyi rgyal ba la lhag par bya ba byas pa
91b8 dge ba'i rtsa ba bskyed pa/ lhag pa'i bsam pa phun sum tshogs pa/ sangs rgyas mang po la bsnyen bkur byas pa'i khyim bdag kyang mang du 'byung bar 'gyur ro/ /de dag kyang nga'i lus dang nyan thos rnams la rim gror bya ba dang
92a1 bla mar bya ba dang sti stang du bya ba dang / mchod par bya ba dang / rjed par bya ba dang / mngon par mchod par bya ba'i phyir spro bar 'gyur te/ kun dga' bo de dag kyang nga'i bstan pa 'di rgyas par byed cing lha dang mi rnams kyis
92a2 mnos par byed par 'gyur ro/ /kun dga' bo nga 'das nas ma 'ongs pa'i dus na byang phyogs kyi rgyud tu dge slong 'tsho byed ces bya ba sngon gyi rgyal ba la lhag par bya ba byas pa/ sangs rgyas brgya stong mang po la bsnyen bkur byas pa/
92a3 dge ba'i rtsa ba bskyed pa/ lhag pa'i bsam pa bskyed pa/ theg pa chen po la yang dag par zhugs pa/ skye bo mang po la phan pa dang bde ba'i phyir zhugs pa/ mang du thos pa/ byang chub sems dpa'i sde snod 'dzin pa/ theg
92a4 pa chen po'i bsngags pa rjod pa/ theg pa chen po yang dag par rab tu ston pa zhig 'byung bar 'gyur te/ de nga'i sku gdung gi mchod rten zhig cing ral ba mthong nas gser gyis brgyan par byed cing gdugs dang rgyal mtshan dang ba dan
92a5 dang dar dang / dril bu g.yer kha'i dra ba g.yog pa dang / de bzhin gshegs pa'i sku gzugs dang mchod rten gyi khang pa dang mchod rten rnams seng ge'i rgyal mtshan gyis brgyan te/ lha dang mi rnams dga' ba skye zhing de yongs su
92a6 bskyang ba dang / nga'i bstan pa yongs su bskyang ba dang / sems ma dang ba rnams dang bar bya ba dang / dang ba rnams phyir zhing 'phel ba dang / skye bo mang po'i dge ba'i rtsa ba'i tshogs bsags pa'i phyir lo lnga pa byed du 'jug par
92a7 'gyur ro/ /kun dga' bo de'i tshe na dge slong mi brtson pa/ lhod pa yo byad mang ba spong ba las nyams pa/ tshul nyams pa tshul khrims 'chal pa/ sdig pa'i chos kun du spyod pa/ 'du 'dzi la dga' ba/ rab tu dben
92a8 pa la mi lta ba/ brtson pa bor ba/ gnas gcig na 'khod pa/ yongs su 'dzin pa la brtson pa/ khyim pa dang rab tu byung ba rnams dang 'dres pa/ dkon mchog gsum dang ma 'dres pa/ ma gus pa dge sbyong ltar bcos pa
92b1 dag ni mang du 'byung bar 'gyur ro/ /de na dge slong brtson 'grus brtsams pa/ rab tu dben pa dran pa nye bar gzhag pa/ mnyam par bzhag pa/ shes rab dang ldan pa/ sems rtse gcig pa dge ba'i chos can/ 'dod pa chung ba/
92b2 chog shes pa/ bsod snyoms la rgyu ba/ 'phags pa'i rigs la gnas pa/ mang du thos pa thos pa bsags pa dag ni nyung ngu 'byung bar 'gyur te/ de la dge slong 'tsho byed khong khro ba'i sems med pa dang / dbang po ma nyams
92b3 pa dang / dad pa dang dang ba mchog dang ldan pas/ gos ngur smrig bgos shing tshul khrims dang ldan pa'i 'du shes can thams cad la sbyin gnas su 'du shes bskyed nas sbyin pa sbyin/ dge ba'i rtsa ba skyed par byed de/ de byang
92b4 chub sems dpa' byed pa'i dge ba'i rtsa ba rgya chen po rnam pa sna tshogs bsags nas 'chi ba'i dus byas ma thag tu nub phyogs su sangs rgyas kyi zhing bye ba brgya stong 'das pa na de bzhin gshegs pa 'od dpag med kyi sangs
92b5 rgyas kyi zhing 'jig rten gyi khams bde ba can du skye bar 'gyur te 'jig rten gyi khams yon tan thams cad kyis brgyan pa zhes bya bar de bzhin gshegs pa 'od dri ma med pa zhes bya bar 'gyur ro/ /kun dga' bo dge
92b6 slong 'tsho byed de yang nga'i bstan pa 'di yangs shing rgyas par byed par 'gyur gyis kun dga' bo khyod mya ngan ma byed/ smre sngags ma 'don cig /kun dga' bo nga'i tshangs par spyod pa rgyas pa dang lha dang mi rnams kyis mnos par 'gyur
92b7 ro/ /kun dga' bo nga 'das nas ma 'ongs pa'i dus na mtha' 'khob kyi yul nags kyi sa na rgyal po'i pho brang zhi ba zhes bya ba zhig yod par 'gyur te/ de na rgyal po mes sbyin zhes bya ba dad pa dang ldan pa dang ba zhig 'byung ste/
92b8 de nga'i sku gdung dang nyan thos rnams la sti stang du bya ba dang / bla mar bya ba nas rjed par bya ba'i bar la spro bar 'gyur ro/ /kun dga' bo rgyal po mes sbyin de yang rgyal po'i pho brang zhi ba der nga'i nyan thos rnams bsdus nas dang
93a1 bar byed par 'gyur ro/ /der dgra bcom pa sum stong lhag tsam 'dus par 'gyur te/ thams cad kyang rdzu 'phrul che ba mthu che ba dbang che bar grags pa nas tshangs pa mtshungs par spyod pa rnams la chos
93a2 'chad pas ngal ba med pa sha stag go/ /kun dga' bo de dag kyang nga'i bstan pa rgyas par byed de lha dang mi rnams la yangs shing rgya che bar byed par 'gyur gyis kun dga' bo khyod mya ngan ma byed/ smre sngags ma 'don cig /
93a3 kun dga' bo nga 'das nas byang phyogs kyi rgyud na grong shing kun skye ba zhes bya ba zhig yod par 'gyur te/ der nga'i mche ba la me tog dang phreng ba dang spos dang byug pa dang sil snyan dang gdugs dang rgyal mtshan dang ba dan dang
93a4 rnam par rgyal ba'i ba dan la sogs pa dang / gos dang dngul dang gser dang rin po che rnams kyis sti stang byed bla mar byed rim gror byed mchod par byed par 'gyur ro/ /kun dga' bo nga'i mchod rten yang gser gyis brgyan par
93a5 'gyur ro/ /kun dga' bo sa phyogs dang rab tu byung ba'i skye bo mang po 'byung bar 'gyur ro/ /skye bo mang po tshul khrims dang ldan pa dang / dge ba'i chos dang ldan pa rnams dang / dge slong gi tshogs brgya stong du ma 'byung bar
93a6 'gyur ro/ /kun dga' bo de na khyim pa tshul khrims dang ldan pa/ mang du thos pa mkhas pa yid gzhungs pa/ nga'i bstan pa 'di la dad pa dang dang ba dag kyang mang du 'byung ste/ de dag nga'i sku gdung dang nyan thos rnams la sti stang du
93a7 bya ba dang / bla mar bya ba dang / rim gror bya ba dang / mchod par bya ba dang / rjed par bya ba dang / mngon par mchod par bya ba'i phyir spro bar 'gyur ro/ /de dag nga'i dkon mchog gsum yongs su bzung ste/ dge ba'i rtsa ba
93a8 des lha dang mi'i phun sum tshogs pa myong nas kha cig ni bla na med pa yang dag par rdzogs pa'i byang chub mngon par rdzogs par 'tshang rgyar/ kha cig ni rang sangs rgyas kyi theg pas yongs su mya ngan las 'da'/ kha cig ni
93b1 nyan thos kyi theg pas yongs su mya ngan las 'da' bar 'gyur te/ kun dga' bo de ltar na de dag gi sti stang mthu che bar 'gyur ro/ /kun dga' bo de dag kyang nga'i bstan pa 'di rgya che zhing rgyas par byed par 'gyur ba dang /
93b2 lha dang mi rnams la yangs shing shin tu rgyas par 'gyur ba dang / bkrol zhing yang dag par bstan par byed par 'gyur gyis kun dga' bo khyod mya ngan ma byed/ smre sngags ma 'don cig /kun dga' bo nga'i tshangs par spyod pa
93b3 rgyas pa dang lha dang mi rnams kyis yang dag par mnos par 'gyur ro/ /kun dga' bo 'dzam bu'i gling thams cad sku gdung gi mchod rten dang / de bzhin gshegs pa'i sku gzugs rnams kyis kyang kun du rgyas par 'gyur na/
93b4 kun dga' bo lha dang klu dang gnod sbyin dang dri za dang lha ma yin dang nam mkha' lding gi gnas rnams na mi snang bar gyur pa rnams kyis gang bar 'gyur ba lta smos kyang ci dgos kyis kun dga' bo khyod mya ngan ma byed/ smre sngags
93b5 ma 'don cig /kun dga' bo de ltar na nga'i chos 'dul ba rgyas par 'gyur zhing lha dang mi rnams la yangs shing rgya che bar 'gyur ro/ /dam pa'i chos 'dzin pa'i le'u ste drug pa rdzogs so// //
93b6 yang de'i tshe bcom ldan 'das kyis tshe dang ldan pa kun dga' bo la bka' stsal pa/ kun dga' bo nga yongs su mya ngan las 'das nas rigs kyi bu 'am rigs kyi bu mo rab tu byung ba 'am/ khyim na gnas pa gang
93b7 deg kha cig tha na ring bsrel yungs 'bru tsam la sti stang byed/ bla mar byed rim gror byed/ mchod par byed na/ kun dga' bo dge ba'i rtsa ba de dag thams cad kyi 'bras bu yongs su mya ngan las 'das pa yin te/ tha ma
93b8 tha yongs su mya ngan las 'da' bar nga smra'o/ /kun dga' bo nga yongs su mya ngan las 'das nas rigs kyi bu'am rigs kyi mo gang dag kha cig tha na nga'i phyir byas pa'i mchod rten mthong nas sems dang ba skyed na/ kun dga'
94a1 bo 'di la sems dang ba'i dge ba'i rtsa ba de dag thams cad kyi 'bras bu yang mya ngan las 'das pa yin te/ tha ma yongs su mya ngan las 'da' bar 'gyur bar nges par shes par gyis shig /kun dga'
94a2 bo gang nga 'dug pa la mngon sum du sti stang byed pa dang / bla mar byed pa nas mchod par byed pa'i bar lta zhog /gang nga yongs su mya ngan las 'das nas ring bsrel yungs 'bru tsam la sti stang byed pa lta yang zhog /
94a3 nga'i phyir mchod rten byas pa la gang sti stang byed pa lta'ang zhog ste/ kun dga' bo gang dag kha cig sangs rgyas la dmigs nas tha na me tog gcig nam mkha' la mthor na/ kun dga' bo dge ba'i rtsa ba de dag
94a4 thams cad kyi 'bras bu mya ngan las 'das pa yin te/ tha ma mya ngan las 'da' bar nga smra'o/ /kun dga' bo sangs rgyas bcom ldan 'das rnams la mchod pa byas pa rdzu 'phrul ji tsam du che ba la ltos/ gang na
94a5 sangs rgyas la dmigs pa'i sems kyis me tog gcig nam mkha' la bor bas kyang mya ngan las 'das par phyin par byed na/ kun dga' bo gang dag de bzhin gshegs pa la mngon sum du sti stang byed pa 'am/ yongs
94a6 su mya ngan las 'das nas sku gdung la sku gdung gi mchod pa byed pa lta ci smos kun dga' bo de bzhin gshegs pa rnams kyi de bzhin gshegs pa'i yul bsam gyis mi khyab bo/ /kun dga' bo de bzhin gshegs
94a7 pa bsam gyis mi khyab pa la sti stang byas na rnam par smin pa yang bsam gyis mi khyab par shes par bya'o/ /kun dga' bo sangs rgyas la dmigs pa'i sems kyis nam mkha' la me tog gcig bor ba'i rnam
94a8 par smin pa gal te ngas sangs rgyas kyi ye shes kyis bstan na kun dga' bo khyod nyid kyang ngo mtshar dang rmad du byung bar 'dzin pa dang / dga' ba dang mgu ba dang / rab tu dga' bar gyur na ma 'ongs pa'i dus na nga'i
94b1 bu gang dag rab tu dad pa rab tu gus pa rab tu dang ba rnams dang / gang dag sangs rgyas kyi yon tan la rtog cing sangs rgyas kyi ye shes don du gnyer bar 'gyur ba de dag lta ci smos/ de skad ces bka' stsal pa dang /
94b2 bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das kyis sangs rgyas la dmigs nas nam mkha' la me tog gcig bor ba'i rnam par smin pa bshad pa'i dus la bab ste/
94b3 bcom ldan 'das dus 'di lags so/ /bde bar gshegs pa skabs 'di lags so/ /gang bcom ldan 'das las thos nas dge slong rnams yang dag pa nyid du 'dzin par 'gyur ba de ni skye bo mang po la sman
94b4 pa dang / skye bo mang po la bde ba dang / 'jig rten la snying brtse ba dang / lha dang mi rnams la don dang phan pa dang bde bar 'gyur ro/ /da ltar dang ma 'ongs pa'i dus kyi sems can rnams de bzhin gshegs pa las thos nas
94b5 yang dang yang du dge ba'i rtsa ba skyed par 'gyur/ sems dang bar 'gyur/ yid bde ba yang thob par 'gyur te/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa shAkya'i rgyal po
94b6 thugs rjes chen po dang ldan pa 'jig rten thams cad la phan zhing thugs brtse ba can gyis bdag cag dbugs phyung ngo zhes de dag rgya cher spro bar 'gyur te sangs rgyas yid la bgyid cing sangs rgyas la dmigs pa'i
94b7 dran pa skyed par 'gyur ro/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo de'i phyir shin du legs par nyon la yid la zung
94b8 shig dang bshad do/ /btsun pa de bzhin no zhes gsol nas tshe dang ldan pa kun dga' bo bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /kun dga' bo gang
95a1 dag kha cig sangs rgyas la dmigs nas tha na sangs rgyas la dmigs pa'i sems kyis me tog gcig nam mkha' la 'dor na/ de'i rnam par smin pa gang yin pa de ni kun dga' bo gal te sems
95a2 can 'ga' zhig bskal pa gcig tu 'khor ba 'di ji srid par kun du rgyug cing 'khor yang 'khor ba'i sngon gyi mtha' mi shes pa bzhin du bsod nams mngon par 'du bya ba'i dge ba'i rtsa ba mngon par 'du byas pa de'i
95a3 mtha' de ni brgya byin nyid rnams kyis rnyed par sla ba ma yin no/ /de ci'i phyir zhe na/ kun dga' bo 'di ltar sangs rgyas la phul ba'i yon ni 'khor ba na spyod pa'i bde ba thams cad kyis mthar gtug par sla ba
95a4 ma yin te/ gzhan du na dge ba'i rtsa ba de'i 'bras bu mya ngan las 'das pa nyid 'bras bu yin pas tha ma mya ngan las 'da' bar nga smra'o/ /kun dga' bo gang dag kha cig mngon du sti stang byed pa lta yang zhog /gang nga'i
95a5 sku gdung dang ring bsrel yungs 'bru tsam la sku gdung gi mchod pa byed pa lta yang zhog /gang nga'i phyir mchod rten byas pa rnams la sti stang byed pa lta yang zhog /gang sangs rgyas la dmigs nas tha na me tog
95a6 gcig nam mkha' la 'dor ba lta yang zhog ste/ kun dga' bo gal te sems can mya ngan las 'da' ba'i skal ba med pa zhig gis sangs rgyas la dmigs nas/ tha na me tog gcig nam mkha' la 'dor na yang
95a7 kun dga' bo dge ba'i rtsa ba de'i 'bras bu de yang mya ngan las 'das pa yin te/ mya ngan las 'das pas klas pa dang / mya ngan las 'das pa'i mthas gtugs par nga smra'o/ /dge ba'i rtsa ba de dag gi mtha' ni mya
95a8 ngan las 'das pa yin te/ mya ngan las 'das pa ni gtso bo yin/ mya ngan las 'das pa ni khyad par can yin/ mya ngan las 'das pa ni mchog yin/ mya ngan las 'das pa ni gya nom pa yin no/ /sbyin pa
95b1 de mthar phyin pa la phul ba ni mya ngan las 'das pa rnam par dag par nga smra'o/ /kun dga' bo rgyu des de bzhin gshegs pa sbyin gnas kyi mchog dang / sbyin gnas rnams kyi rgyal po yin no/ /
95b2 de ci'i phyir zhe na/ sbyin pa gang de bzhin gshegs pa la phul ba de'i 'bras bu mya ngan las 'das par 'thob par 'gyur te/ de'i phyir de bzhin gshegs pa sbyin gnas rnams kyi mchog ces bya'o/ /kun dga'
95b3 bo lam de ni 'thun pa'o/ /kun dga' bo 'di ltar rnam grangs 'dis na de bzhin gshegs pa ni nges par len pa rnams kyi mchog yin par bstan to/ /de bzhin gshegs pa la yon phul ba thams cad kyi mtha' ni
95b4 'bras bu mya ngan las 'das pa yin te/ mya ngan las 'das pas klas pa dang / mya ngan las 'das pa'i mthas gtugs par 'gyur ro/ /kun dga' bo sbyin pa de lta bu'ang lta zhog / kun dga' bo gang sangs rgyas
95b5 la dmigs nas tha na sems gcig bskyed de dang ba skyed na/ kun dga' bo de thams cad kyi 'bras bu yang mya ngan las 'das pa yin te/ tha ma mya ngan las 'da' bar nga smra'o/ /kun dga' bo mir gyur pa'i sbyin pa
95b6 byas pa de lta bu yang lta zhog la/ kun dga' bo gang tha na dud 'gro'i skye gnas su song ba'i sems can rnams kyang sangs rgyas la dmigs pa'i dran pa rnyed pa de dag thams cad kyi 'bras bu yang mya ngan las 'das pa yin
95b7 te/ tha ma mya ngan las 'da' bar nga smra'o/ /kun dga' bo 'di ltar dud 'gro'i skye gnas su song ba'i sems can rnams kyang tha ma mya ngan las 'da' ba'i bar du 'gyur te/ 'di ltar rdzu 'phrul che bas sangs
95b8 rgyas bcom ldan 'das rnams la yon phul ba ji tsam du rdzu 'phrul che ba dang / sangs rgyas rnams la sems dang ba ji tsam du rdzu 'phrul che ba la ltos/ kun dga' bo khyod mya ngan ma byed/ smre sngags ma 'don
96a1 cig dang / kun dga' bo khyod rdzu 'phrul che ba dang / 'bras bu che ba dang / phan yon che ba dang / rab tu rgya che ba dang / 'od che ba dang / bdud rtsi lta bu dang / mi 'chi bas klas pa dang / mi 'chi ba'i
96a2 mthas gtugs par 'gyur ro/ /kun dga' bo khyod kyis de bzhin gshegs pa la byams pa'i lus kyi las dang / byams pa'i ngag gi las dang byams pa'i yid kyi las phan pa dang / bde ba dang gnyis su med
96a3 pa dang / tshad med pa dang khon med pa dang / gnod sems med pas bsnyen bkur byas te/ kun dga' bo gang stong gsum gyi stong chen po'i 'jig rten gyi khams thams cad rgyun du zhugs pas yongs su gang bar gyur
96a4 cing / lan cig phyir 'ong ba dang / phyir mi 'ong ba dang / dgra bcom pa rnams kyis yongs su gang bar gyur pa 'di lta ste dper na/ bu ram shing stug po 'am/ 'bras zhing stug po 'am/ 'dam bu 'dam rgyu stug po 'am/
96a5 'od ma stug po'am/ 'dam bu stug po'am/ til zhing stug po'am/ rtswa ku sha stug po lta bur gyur pa de dag thams cad la rigs kyi bu 'am/ rigs kyi bu mo la la zhig bskal pa'am bskal pa las lhag par sti stang
96a6 byed/ bla mar byed/ rim gror byed/ mchod par byed cing bde ba'i yo byad yid du 'ong ba thams cad dang / bde bar sbyar ba'i spyad pa thams cad kyis bsnyen bkur byed na kun dga' bo de ji snyam du sems/ rigs kyi bu 'am
96a7 rigs kyi bu mo de gzhi de las bsod nams mang du skyed dam/ gsol pa bcom ldan 'das mang lags so/ /bde bar gshegs pa mang lags so/ /bka' stsal pa/ kun dga' bo bsod nams kyi phung po gang yin
96a8 pa de ni gang de bzhin gshegs pa la tha na thal mo sbyar ba lan cig byas te de bzhin gshegs pa la phyag 'tshal lo zhes tshig lan cig smras na/ kun dga' bo thal mo sbyar ba gcig gis sti stang byas pa de la dge ba'i rtsa ba snga
96b1 ma des brgya'i char yang mi chog /stong gi cha dang / brgya stong gi cha dang grangs dang bgrang ba dang char yang mi chog go/ /kun dga' bo de ci'i phyir zhe na/ de ltar de bzhin gshegs pa ni sbyin gnas rnams kyi bla na med pa ste/
96b2 de bzhin gshegs pa la yon phul ba de ltar rdzu 'phrul che'o/ /kun dga' bo stong gsum gyi stong chen po'i 'jig rten gyi khams dgra bcom pas yongs su gang ba la bsnyen bkur byed pa lta'ang zhog la/ kun dga' bo
96b3 gal te stong gsum gyi stong chen po'i 'jig rten gyi khams 'di rang sangs rgyas kyis yongs su gang bar gyur pa 'di lta ste/ bu ram shing stug po'am/ 'dam bu stug po nas rtswa ku sha stug po'i bar lta bur gyur pa de dag
96b4 la 'ga' zhig ji srid 'tsho'i bar du bde ba'i yo byad thams cad dang / bde ba la reg par gnas par 'gyur ba thams cad kyis sti stang byed/ bla mar byed/ ri mor byed/ mchod par byed cing rang sangs rgyas de dag yongs
96b5 su mya ngan las 'das pa rnams kyi mchod rten rin po che sna bdun las byas te/ de dag la yang ji srid 'tsho'i bar du me tog dang / bdug pa dang spos dang phreng ba dang byug pa dang phye ma dang gos dang gdugs dang rgyal mtshan dang
96b6 ba dan thams cad kyis sti stang byed/ bla mar byed pa nas mchod par byed pa'i bar du byed na/ kun dga' bo de ji snyam du sems/ de gzhi de las bsod nams mang du skyed dam/ gsol pa bcom ldan 'das mang
96b7 lags so/ /bde bar gshegs pa mang lags so/ /bka' stsal pa/ kun dga' bo gang bsod nams kyi phung po 'di ni gang de bzhin gshegs pa la tha na sems bskyed pa gcig gis sems rab tu dang bas
96b8 rjes su dran pa dang / sangs rgyas kyi yon tan rnams la dad pa dang rtog pa dang mos pa dang / de bzhin gshegs pa rnams kyi ye shes ni bsam gyis mi khyab bo zhes tshig tu smra ba ni kun dga' bo sems dang ba'i dge ba'i
97a1 rtsa ba 'di la rang sangs rgyas la bskyed pa'i bsod nams kyi phung po snga mas tha na cha nas rgyu'i bar du yang nye bar mi 'gro'o/ /de ci'i phyir zhe na/ kun dga' bo sangs rgyas bcom ldan 'das rnams
97a2 kyi byams pa dpag tu med/ snying rje chen po dpag tu med/ tshul khrims dpag tu med/ ting nge 'dzin dpag tu med/ shes rab dpag tu med/ rnam par grol ba dpag tu med/ rnam par grol ba'i ye shes
97a3 mthong ba dpag tu med/ yang dag par 'grub pa dpag tu med/ rtogs pa dpag tu med de/ kun dga' bo sangs rgyas bcom ldan 'das rnams kyi ye shes bsam gyis mi khyab/ sangs rgyas kyi yul bsam gyis mi
97a4 khyab pa de la rnam par smin pa yang bsam gyis mi khyab par shes par byos la kun dga' bo khyod mya ngan ma byed smre sngags ma 'don cig /kun dga' bo khyod rdzu 'phrul chen po dang rgya chen por 'gyur ro/ /de ci'i phyir zhe na/
97a5 kun dga' bo khyod kyis lo nyi shu lhag gi bar du de bzhin gshegs pa la byams pa'i lus kyi las dang / byams pa'i ngag gi las dang / byams pa'i yid kyi las kyis bsnyen bkur byas shing chos kyi phung po
97a6 brgyad khri bzhi stong bzung ste/ mang du thos pa rnams kyi mchog /sna tshogs smra ba rnams kyi mchog /gsal ba dul ba 'jigs pa med pa/ mang du thos pa/ mdo 'dzin pa/ 'dul ba 'dzin pa/ ma mo
97a7 'dzin pa/ 'khor bzhi rnams la chos 'chad pas ngal ba med pa yin no/ /kun dga' bo nga 'das nas khyod dang gnas brtan 'od srung chen po gnyis ston pa'i mdzad pa byed par 'gyur gyis/ kun dga' bo khyod
97a8 mya ngan ma byed/ smre sngags ma 'don cig /kun dga' bo khyod rdzu 'phrul che bar 'gyur/ phan yon che ba dang gzi che ba dang / kun dga' bo khyod rgya che bar 'gyur ro/ /sku gdung med par mi 'gyur ba'i le'u ste bdun pa rdzogs so// //
97b1 bam po bzhi pa/ de nas yang bcom ldan 'das kyis kun dga' bo la bka' stsal pa/ kun dga' bo sems can gang dag kha cig sangs rgyas bcom ldan 'das rnams kyi gsung thos sam/ mtshan
97b2 gyi sgra thos na/ kun dga' bo de yang de dag la yongs su mya ngan las 'das kyi bar du don med par mi 'gyur bar nga smra'o/ /kun dga' bo gang sangs rgyas rnams la phyag 'tshal lo zhes bya ba'i tshig de'i don kyang gang
97b3 yin/ de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das bcom ldan 'das ni chos thams cad kyi rtsa ba lags/ bcom ldan 'das
97b4 ni 'dren pa lags/ bcom ldan 'das ni ston pa lags na/ bcom ldan 'das dge slong rnams la don de legs par bshad du gsol/ bcom ldan 'das las mngon sum du thos nas don de bzhin du 'dzin par
97b5 'gyur ro/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo de'i phyir shin du legs par nyon la yid la zung shig dang ngas
97b6 bshad do/ /bcom ldan 'das de bzhin no zhes gsol nas tshe dang ldan pa kun dga' bo bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /kun dga' bo 'di
97b7 la sangs rgyas la phyag 'tshal lo zhes bya ba tshig de'i don ni 'di yin te/ 'di lta ste/ sangs rgyas bcom ldan 'das rnams kyi mtshan gyi sgra don med par mi 'gyur ba yin no/ /kun dga' bo de ltar na sangs
97b8 rgyas la phyag 'tshal lo zhes bya ba 'di ni don med par mi 'gyur bar bshad do/ /kun dga' bo de bas na don 'di rgya cher shes par bya ba dang / yongs su rdzogs par bya ba dang / sangs rgyas bcom ldan 'das rnams
98a1 kyi mtshan thos na dad pa'i rigs kyi bu dang rigs kyi bu mo dag bstan pa 'di la rgya cher sems dang bar 'gyur bar bya ba'i phyir khyod la dpe bstan to/ /kun dga' bo sngon byung ba 'das pa'i dus na
98a2 tshong pa'i tshogs mang po rgya mtsho chen por zhugs par gyur te/ de dag rgya mtsho'i dbus su phyin pa dang gru bo che chu srin gyis zin par gyur to/ /kun dga' bo de nas tshong pa'i tshogs chen po 'jigs shing sngangs skrag
98a3 ste spu zing zhes byed par gyur cing 'chi ba'i 'jigs pas skrag ste/ mgon med/ skyabs med/ dpung gnyen med par gyur nas de dag so so na ngu zhing cho nga 'don smre sngags 'don te rnam par smre ba sna tshogs kyis rnam par smre
98a4 ste/ kye ma'o 'dzam bu gling de nyams re dga'/ kye ma'o 'tsho ba'i 'jig rten de re bzang / kye ma'o mir 'gyur ba 'di rnyed par re dka'/ /kye ma'o pha ma dag dang 'bral bar 'gyur ro/ /kye ma'o bu dang chung ma dang /
98a5 kye ma'o mdza' bshes dang chung ma'i tshogs rnams phyin cad mi mthong ngo / /zhes ngu zhing smre sngags 'don/ sdug bsngal dang yid mi bde ba myong ste 'tsho bar 'dod pas lha sna tshogs rnams la phyag 'tshal lo/ /kun dga' bo de nas
98a6 tshong pa'i tshogs de na ded dpon mkhas pa gsal ba yid gzhungs pa sangs rgyas dang chos dang dge 'dun la mngon par dang ba/ lhar gzhan mi 'dzin cing sangs rgyas bcom ldan 'das la dad pa zhig yod par gyur te/ des tshong pa
98a7 de dag thams cad la 'di skad ces smras so/ /kye tshong pa dag 'jigs shing skrag pa chen po 'di las phyin cing thar bar 'dod dam/ mthar na yang bde 'gro mtho ris su skye bar 'dod na tshur sheg /thams cad tshogs shing 'thun
98a8 pas nga ji skad tu smra ba de bzhin du khyed kyang so sor smros shig dang / de dag gis smras pa/ ded dpon khyod smros shig bdag cag kyang khyod smra ba bzhin du zlos so/ /kun dga' bo de nas ded dpon de gos phrag pa gcig tu
98b1 gzar nas pus mo g.yas pa'i lha nga gru bo che la gtsugs te sangs rgyas la dmigs pa'i sems kyis sgra chen po phyung ste sangs rgyas rnams la phyag 'tshal lo/ /mi 'jigs pa sbyin pa/ thugs rje chen po
98b2 po dang ldan pa/ sems can thams cad la thugs brtse ba can sangs rgyas rnams la phyag 'tshal lo zhes sangs rgyas la phyag 'tshal to/ /tshong pa'i tshogs de dag kyang de nyid du thal mo sbyar nas mgrin gcig tu
98b3 tshig smras pa/ sangs rgyas rnams la phyag 'tshal lo/ /sangs rgyas bcom ldan 'das thugs rje chen po dang ldan pa/ sems can thams cad la thugs brtse ba can la phyag 'tshal lo zhes byas so/ /
98b4 kun dga' bo de nas chu srin des sangs rgyas kyi sgra de thos so/ /des sangs rgyas la phyag 'tshal lo zhes bya ba de thos nas dga' ba chen po dang rnam par 'tshe ba med pa'i sems thob par gyur te des kha slar btsums
98b5 so/ /kun dga' bo de nas ded dpon de gru de dang bcas par bde bar thar te/ gru bo che ba de dag bde zhing don grub nas slar 'dzam bu'i gling du 'khor to/ /chu srin de yang sangs rgyas kyi sgra de thos pas bde ba myong
98b6 zhing phyin cad srog chags gzhan mi za ste de ltogs nas de nyid du 'chi ba'i dus byas so/ /de 'chi ba'i dus byas ma thag tu dud 'gro'i skye gnas las shi 'phos nas mi dang skal ba mnyam par skyes par gyur to/ /
98b7 de de bzhin gshegs pas gsungs pa'i chos 'dul ba la dad par gyur nas khyim nas khyim med par rab tu byung ngo / /rab tu byung nas kyang dge ba'i bshes gnyen la bsnyen cing bsten bsnyen bkur byas pas dgra bcom pa
98b8 thob ste/ mngon par shes pa drug mngon sum du byas nas phung po'i lhag ma med pa'i mya ngan las 'das pa'i dbyings su mya ngan las 'das so/ /kun dga' bo chu srin dud 'gro'i skye gnas su gyur pa des sangs
99a1 rgyas kyi sgra thos pa de mir 'gyur ba'i rgyur gyur pa dang / rab tu byung ba'i rgyur gyur pa dang / dgra bcom pa thob pa'i rgyur gyur pa dang / yongs su mya ngan las 'das pa'i rgyur gyur pa la ltos/
99a2 kun dga' bo sangs rgyas bcom ldan 'das rnams kyi sgra thos pa de ji tsam du rdzu 'phrul che ba dang / mtshan brjod pa ji tsam du rdzu 'phrul che ba dang / sems dang ba ji tsam du rdzu 'phrul che ba la ltos/ gang na mi dge
99a3 bar gtogs pa dud 'gro'i skye gnas su gyur pa'i chu srin gyis sangs rgyas kyi sgra thos pa de yang don med par ma gyur na mir gyur pa lta ci smos/ kun dga' bo khyod kyis rnam grangs 'dis kyang 'di ltar rig par bya ste/
99a4 'di ltar sangs rgyas bcom ldan 'das rnams kyi sangs rgyas kyi sgra thos pa yang don med par mi 'gyur na/ sangs rgyas la bskyed pa'i dge ba'i rtsa ba de las gzhan lta ci smos/ kun dga' bo nyi tshe ba byed pa ni nyi tshe
99a5 ba 'grub/ yongs su rdzogs pa byed pa ni yongs su rdzogs pa 'grub bo/ /ngas de skad smras pa de yang ngas ci la brtan te smras she na/ nyi tshe ba byed pa zhes bya ba ni gang dad pa las byung ba dge ba'i rtsa ba tshu rol pa'i
99a6 dus can nyan thos kyi sa bon skyed pa ste nyan thos su 'gyur ro/ /de dge ba'i rtsa ba des nyan thos kyi sa yongs su rdzogs par byed do/ /rang gi phyir byed pa ni rang gi dge ba'i rtsa ba bskyed nas rang sangs rgyas kyi sa yongs
99a7 su rdzogs par byed de/ kun dga' bo ngas 'di la brten nas 'di nyi tshe ba byed pa'o zhes smras so/ /kun dga' bo yongs su rdzogs par byed pa ni kun dga' bo gang thog ma dang tha ma med pa'i dus can dge ba'i rtsa ba
99a8 sangs rgyas la bskyed pa/ sangs rgyas kyi sa bon bskyed pa ste/ de dus ring mo zhig 'das nas brgya la brgya lam na rgyu de dang / rkyen de dang / dge ba'i rtsa ba des sangs rgyas bcom ldan 'das rnams mnyes par
99b1 byed do/ /mnyes par byas nas kyang yongs su rdzogs par bya ba'i phyir de la dge ba'i rtsa ba skyed do/ /bskyed nas kyang byang chub kyi tshogs rnams mngon par 'dus byas nas yan lag rnams yongs su rdzogs pas
99b2 de bzhin gshegs pa dgra bcom pa yang dag par rdzogs pa'i sangs rgyas shes 'jig rten na sgra rnam par grags pa'i sangs rgyas su 'gyur te/ kun dga' bo 'di ni yongs su rdzogs par byed pa zhes bya'o/ /de ltar ngas/
99b3 smras pa de ni 'di la brten te smras so/ /kun dga' bo rnam grangs 'dis kyang khyod kyis 'di ltar gang nyi tshe ba byed pas ni nyi tshe ba/ yongs su rdzogs par byed pas ni yongs su rdzogs pa 'grub par rig par bya'o/ /kun
99b4 dga' bo ngas spyod pa gzhan yang tha na rtsa ba bzhi pa tsam yang bshad do/ /de ltar ngas gang smras pa de ngas ci la brten te smras she na/ kun dga' bo ngas sems can rid cing nyam chung ba rnams la brten nas bshad de/ kun
99b5 dga' bo nga ni sems can chud zos pa rnams kyi skyabs so/ /nga ni rab tu chud zos pa rnams kyi mgon no/ /nga ni dpung gnyen no/ /nga ni brten med pa dang mgon med pa rnams kyi rten dang mgon yin no/ /kun
99b6 dga' bo nga ni sems can sgron ma med pa dang / long ba dang / mig med pa rnams kyi sgron ma dang mig dang / snang ba dang 'od byed pa'o/ /kun dga' bo phas kyi rgol ba thams cad ni skyabs med pa long ba/ mig med
99b7 pa/ yongs su 'dren pa med pa'o/ /kun dga' bo nga ni lha dang bcas pa'i 'jig rten gyi ston pa'o/ /'chos pa'o/ /sems can thams cad la snying brtse ba can no/ /de ci'i phyir zhe na/ kun dga' bo phyi ma'i dus
99b8 zad pa'i dus/ dam pa'i chos 'jig par 'gyur ba'i dus na gang dag nga'i bstan pa 'di la rab tu 'byung bar 'gyur ba dag rab tu byung nas bu'i lag nas bzung ste/ bu dang lhan cig tu chang skyogs gang gi phyir chang pa'i
100a1 khyim nas chang pa'i khyim du 'khyam pa/ nga'i dam pa'i chos 'di'i rjes su slob pa de dag thams cad kyang kun dga' bo bskal pa bzang po 'di la yongs su mya ngan las 'da' bar 'gyur ro/ /kun dga' bo ci'i
100a2 phyir bskal pa 'di bskal pa bzang po zhes bya zhe na/ kun dga' bo stong gsum gyi stong chen po'i 'jig rten gyi khams 'di 'jig par gyur pa'i tshe sa chen po rgya mtsho gcig tu gyur pa na gnas gtsang ma'i ris kyi lha'i bu rnams
100a3 lha'i mig gis chus 'jig pa thams cad la rnam par blta'o/ /de dag gis bltas na 'dzam bu'i gling du pad ma chen po gser gyi kha dog lta bu gser gyi 'od byung ba 'dab ma stong yod pa gsung zhim pa yid tu 'ong ba stong tham pa mthong
100a4 ngo / /de dag gis de mthong nas 'di snyam du sems te/ pad ma 'di dag ji snyed byung ba de snyed kyi sangs rgyas bcom ldan 'das rnams bskal pa 'di la 'byung bar 'gyur ro snyam nas de dag tshim zhing mgu la yid rangs shing rab tu dga'
100a5 ste/ dga' ba dang yid bde ba skyes nas gang du sangs rgyas stong 'byung ba/ kye ma'o bskal pa 'di bzang por 'gyur ro/ /kye ma'o bskal pa 'di rab tu bzang por 'gyur ro/ zhes ched tu brjod pa ched tu brjod de/ kun dga'
100a6 bo de'i phyir bskal pa 'di bzang po zhes bya'o/ /kun dga' bo 'di ltar bskal pa bzang po 'di la bskal pa bzang po zhes ming btags pa'i bskal pa bzang po'i rgyu 'di yin rkyen 'di yin no/ /kun dga' bo bskal pa bzang
100a7 po 'di la nga 'das nas sangs rgyas dgu brgya dgu bcu rtsa drug 'byung ste/ bskal pa 'di la 'khor ba 'jig tshun chad da lta'i nga dang bzhi'o/ /kun dga' bo nga'i 'og tu byams pa 'byung ste/ de bzhin gshegs pa mos pa
100a8 zhes bya ba stong gi tha mar 'byung ngo / /kun dga' bo rnam grangs 'dis kyang khyod kyis 'di ltar rig par bya ste/ 'di ltar bskal pa bzang po 'di la nga 'das nas sangs rgyas dgu brgya dgu bcu rtsa drug 'byung ba'i tshe/
100b1 kun dga' bo nga'i bstan pa 'di la gang dag dge sbyong gi rigs can dge sbyong shin te ma/ dge sbyong du khas 'che ba/ dge sbyong ltar bcos pa/ ngur smrig gyon pa 'byung ba de dag thams cad kyang bskal pa bzang po 'di la gang
100b2 byams pa nas mos pa la thug gi bar du phyis 'byung ba'i sangs rgyas bcom ldan 'das de dag gi 'og tu mthar gyis mya ngan las 'da' bar 'gyur ro/ /de dag thams cad phung po'i lhag ma med pa'i mya ngan las 'das pa'i
100b3 dbyings su yongs su mya ngan las 'da' ste/ dge slong gcig kyang lhag ma mi lus par 'gyur ro/ /de ci'i phyir zhe na/ kun dga' bo 'di ltar de bzhin gshegs pa chos kyi dbyings rtogs shing rjes su rtogs pa la
100b4 'di lta bu dag tha na sems dang ba gcig bskyed pa dang / dkar po dang nag po'i chos rnams chud za bar mi 'gyur ba'i phyir ro/ /kun dga' bo gang dag kha cig sems dang bas sangs rgyas rnams la phyag 'tshal lo zhes
100b5 bya ba'i tshig brjod na kun dga' bo dge ba'i rtsa ba de yang mya ngan las 'da' ba la gzhol bar nga smra ste/ mya ngan las 'da' ba'i mthar 'gyur ba dang / mya ngan las 'da' ba'i mur thug par 'gyur bar nga smra na/ gang de bzhin
100b6 gshegs pa la sti stang byed pa dang / bla mar byed pa dang / rim gror byed pa dang / mchod par byed pa dang / yongs su mya ngan las 'das pa'i sku gdung la sku gdung gi mchod pa byed pa lta ci smos/ kun dga' bo dge slong gi
100b7 rigs ngur smrig bgos pa de dag ni tha na lan 'ga' zhig sangs rgyas rnams la phyag 'tshal lo zhes nges par tshig tu/ rjod par yang 'gyur na sems dang ba skyed par 'gyur ba dang / dge ba'i rtsa ba gzhan dag skyed par 'gyur ba
100b8 lta ci smos/ kun dga' bo ngas 'di la dgongs nas kyang ngas de skad bshad do/ /de nas bcom ldan 'das kyis tshig de dag tshigs su bcad de bka' stsal pa/ de ltar sangs rgyas bsam mi khyab/ /sangs rgyas chos
101a1 kyang bsam mi khyab/ /bsam mi khyab la dad byas na/ /de yi rnam smin bsam mi khyab/ /mthu chen ldan pa snang ba mdzad pa po/ /'das pa'i sangs rgyas rnams la mchod byas nas/ /snying rjes
101a2 'jig rten kun du mtshungs med cing / /grangs med byang chub 'di 'tshang rgya bya zhes/ /de tshe sbyin la mngon par brtson par gyur/ /dad pa'i dbang po sgom dang brtson 'grus ldan/ /brtson 'grus stobs ldan 'thun pa rab bskyed
101a3 nas/ /sbyin pa byin nas skye dgu snying brtse byas/ /ji ltar pha dang ma dang sring mo dang / /spun dang grogs la byams par 'gyur ba bzhin/ /mdza' dang mi mdza' dag la khong khro spangs/ /byang chub mtshungs med grangs
101a4 med ngas thob bo/ /byang chub zhi ba mya ngan med tshol phyir/ /bskal pa bye bar nga yis sbyin pa byin/ /phan par 'dod pas snying rje rab bskyed nas/ /mgo dang mig dang sha dang khrag rnams dang / /rgyal srid stong phrag rnam pa mang po btang / /
101a5 sdug pa'i bu dang chung ma bu mo dang / /de bzhin rta dang bzhon pa du ma dag /byang chub 'di yi ched tu ngas sngon btang / /bskal pa stong dang bye ba mang por yang / /byang chub dam pa 'di ni 'dod pa'i phyir/ /kun du rgyug pa'i tshe ni yang dang yang / /
101a6 dad pa mang pos ngas ni sbyin pa byin/ /byang chub mchog 'di yongs su chal ba'i tshe/ /tsha dang grang dang bkres dang skom pa yi/ /sdug bsngal mi zad mang po bzod byas nas/ /brtson 'grus brtsams te bdag ni 'chi dus
101a7 byas/ /byang chub zhi ba mya ngan med mtshal tshe/ /'jig rten 'di dag kun la phan pa'i phyir/ /gang dag ngas spyad pa yi mtshan nyid rnams/ /lo brgya'am yang na bskal par brjod par bya/ /da ni 'khor tshe sangs rgyas
101a8 brgya dag dang / /sangs rgyas stong dang bye mang mnyes par byas/ /sangs rgyas mthu chen de dag thams cad la/ /gser gyi me tog rnams kyis rtag tu bkur/ /zas dang skom dang de bzhin gos rnams dang / /spos dang
101b1 phreng ba dag dang byug pa dang / /ba dan rgyal mtshan gdugs rnams bye ba yis/ /sangs rgyas bye ba mang po ngas mchod do/ /srog chags mang po srog chags bye ba mang / /pha mtha' med pa'i 'khor ba 'dir 'khor rnams/ /
101b2 ngas ni rtag tu dbugs phyung byas shing song / /sbyin pa rgya chen bzang po dag kyang byin/ /tshul khrims bzod pa de bzhin brtson 'grus dang / /ting nge 'dzin dang shes rab de bzhin thabs/ /yang dag spong dang dran pa nyer gzhag
101b3 dang / /de bzhin rdzu 'phrul rkang bzhi rab tu bsgoms/ /byang chub dam pa 'di ni 'dod pa'i phyir/ /dbang po lnga dang stobs lnga legs par bsgoms/ /byang chub yan lag bdun dang 'phags pa'i lam/ /byang chub
101b4 phyogs rnams thams cad ngas bsgoms so/ /gang byas na ni 'jig par mi 'gyur ba/ /'phags pa'i ye shes kyis ni dgongs par gyis/ /rtag tu dang bas rab tu spyad byas na/ /skra rtse tsam dang 'bral bar mi 'gyur ro/ /
101b5 phyag 'tshal ba'i le'u ste brgyad pa rdzogs so// // de nas yang bcom ldan 'das kyis tshe dang ldan pa kun dga' bo la bka' stsal pa/ kun dga' bo sangs rgyas bcom ldan 'das rnams la dge ba'i sems
101b6 gcig bskyed pa yang chud mi za na/ dge ba'i rtsa ba de las gzhan rnams lta ci smos/ kun dga' bo de'i phyir don 'di rgya cher shes par bya ba'i phyir khyod la dpe bstan par bya ste/ 'di la skyes bu mkhas pa kha cig ni 'di ltar
101b7 de bzhin gshegs pa la dang ba'i sems gcig bskyed pa yang chud mi za ba dpes shes par 'gyur ro/ /kun dga' bo 'di lta ste/ dper na mi la la zhig gis skra'i rtse mo brgyar gshegs pas chu'i thigs pa gcig blangs
101b8 te nga'i thad tu 'ongs nas 'di skad ces kye go'u ta ma chu'i thigs pa 'di khyod kyi lag tu bzhag gis bskal pa 'das na khyod kyis 'di mnyam zhing lhag chad med par slar bdag la byin cig /chu'i thigs pa 'di khyod kyi rlung dang nyi
102a1 mas ma skams par gyis shig /ri dgas dang bya'i tshogs rnams la ma glud cig /chu gzhan dang 'dres par yang ma bya shig /chu 'di khyod kyis snod tu blugs te bcang bar bya'i sa la me gzhag go
102a2 zhes zer la de de bzhin gshegs pas blangs nas gang gA'i klung chen por gang na klong gis dkrugs par mi 'gyur ba'i sa phyogs der bzhag nas chu'i thigs pa de gang gA'i klung chen po'i nang na klong gis ma dkrugs shing ri dgas
102a3 dang bya'i tshogs kyis ma 'thungs par chu'i thegs pa de chu'i klung chen po dang lhan cig tu 'bab cing rim gyis rgya mtsho chen por song la/ de nas chu'i thegs pa de rnam par 'thor rlung gi phung pos kyang bskal pa'i mtha'i bar du zad
102a4 par ma gyur la yongs su brtag pa bzung ste/ mi de yang bskal par gnas shing yongs su brtag pa bzung ste/ nga yang bskal par gnas la/ de ni mi de bskal pa 'das pa dang / slar nga'i gan du 'ongs nas 'di skad
102a5 ces kye go'u ta ma chu'i thigs pa de bdag la dgos pa zhig yod kyis chu'i thegs pa de slar byin cig ces zer na/ kun dga' bo bskal par lon yang chu'i thigs pa de rgya mtsho chen po'i phyogs 'di lta bu zhig na yod do
102a6 zhes de bzhin gshegs pas mkhyen pa'i ye shes de de bzhin gshegs pa la mnga'o/ /kun dga' bo de bzhin gshegs pa la ni ye shes gang dang ldan na de bzhin gshegs pas rgya mtsho chen po nas chu'i thigs pa de skra'i
102a7 rtse mo tshal pa brgyar gshegs pa de nyid kyis blangs nas chu gzhan dang ma 'dres rlan pa gzhan gyi rjes su ma song ma 'bags ma 'dres la mnyam zhing lhag chad med par slar mi de la sbyin pa'i ye shes mnga'o/ /kun dga'
102a8 bo de bzhin gshegs pa'i ye shes ni de ltar yongs su dag go/ /de bzhin gshegs pa dgra bcom pa yang dag par rdzogs pa'i sangs rgyas ni de ltar rdzu 'phrul che zhing de ltar mthu che la de ltar dbang che bar grags pa
102b1 ste/ de ltar ye shes dpag tu med pa dang ldan zhing de ltar sgrib pa med pa'i ye shes gzigs pa dang ldan no/ /kun dga' bo gang dag la chu'i thigs pa de ltar chung ngu bzhag kyang yun ring po ji srid du yang chud
102b2 za bar mi 'gyur ba de bzhin gshegs pa de lta bu dag ni dam pa dag go/ /mchog dag go/ /bzhag pa 'dzin pa dag go/ /kun dga' bo don shes par bya ba'i phyir dpe 'di bstan pa 'di la don brjod par bya ba gang zhe na/
102b3 kun dga' bo skra'i rtse mo phra ba zhes bya ba de ni sems kyi tshig bla dgas so/ /kun dga' bo gang gA'i klung chen po zhes bya ba de ni 'khor ba'i rgyun gyi tshig bla dgas so/ /kun dga' bo thigs pa gcig ces bya ba de ni sems gcig
102b4 bskyed pa'i dge ba'i rtsa ba'i tshig bla dgas so/ /kun dga' bo rgya mtsho chen po zhes bya ba de ni de bzhin gshegs pa dgra bcom pa yang dag par rdzogs pa sangs rgyas kyi tshig bla dgas so/ /kun dga' bo mi zhes bya ba de ni bram ze dang
102b5 khyim bdag dad pa rnams kyi tshig bla dgas so/ /bskal par gnas shes bya ba de ni de bzhin gshegs pa la dge ba'i rtsa ba bskyed pa chud mi za ba'i tshig bla dgas so/ /kun dga' bo ji ltar mi che ge mo zhig gi chu'i thigs pa gcig
102b6 yun ring po ji srid du yang chud mi za ba ltar/ kun dga' bo de bzhin gshegs pa la sems gcig bskyed pa yang chud mi za na dge ba'i rtsa ba de las gzhan pa shin du khyad par can rnams lta ci smos te/ kun dga' bo de dag thams
102b7 cad kyi 'bras bu ni mya ngan las 'das pa yin te/ tha ma mya ngan las 'da' ba'i bar du 'gyur bar nga smra'o/ /kun dga' bo gzhan yang de bzhin gshegs pa la sems can gang dag sems dang ba gcig bskyed nas de las
102b8 gzhan pa'i nyes par byas pa 'am/ nyes par spyad pa 'am/ mi dge ba'i sgrib par 'gyur ba'i sems bskyed pa/ sngon nyes par byas pa bdag gis bsags shing bdag gis byas pa gzhan gyis sems can dmyal ba 'am/
103a1 dud 'gro'i skye gnas sam/ gshin rje'i 'jig rten du song yang gang gi tshe sangs rgyas bcom ldan 'das thugs rje chen po dang ldan pa dag 'jig rten du byung ba na/ de dag gi sangs rgyas kyi ye shes thogs pa med cing
103a2 sgrib pa med pas sems can 'di dag sngon dge ba'i rtsa ba byas pa las nyes par spyad pa'i las 'ga' zhig gis log par lhung bar gyur par mkhyen te/ sangs rgyas bcom ldan 'das rnams kyis de dag sngon byas pa'i dge
103a3 ba'i rtsa ba dang ldan par mkhyen nas dge ba'i sems de dang / dge ba'i rtsa ba'i byin gyi brlabs dang / sngon gyi rgyu des log par lhung ba de las 'don no/ /bton nas mya ngan las zlo'o/ /zhi ba bde ba'i thang bsil ba 'jigs
103a4 pa med pa pha rol gyi 'gram du 'god do/ /bkod nas kyang sangs rgyas bcom ldan 'das de dag rigs kyi bu dag khyod sngon dge ba'i rtsa ba 'di lta bu zhig dus de lta bu zhig tu tshe rabs de lta bu zhig gi tshe sangs rgyas bcom ldan
103a5 'das de dag la bskyed cing bzhag pa dran par gyis shig ces dran par mdzad cing bskul ba dang de dag gis sangs rgyas kyi mthus dran nas 'di skad ces bcom ldan 'das de lta lags so/ /bde bar gshegs pa de lta lags so
103a6 zhes zer ro/ /de dag la sangs rgyas bcom ldan 'das de dag gis bka' stsal pa/ rigs kyi bu dag dge ba'i rtsa ba 'di dag ni sngon gyi sangs rgyas la bskyed pa de dag yin te/ ma zad cing chud ma zos so/ /'di lta
103a7 ste sdug bsngal thams cad zhi ba mya ngan las 'das pa 'di yang de'i gzhis rnyed do/ /rigs kyi bu dag khyed pha mes kyi spyod yul dang / 'phags pa'i spyod yul du phyin no/ /khyod ni yun ring por spyod yul ma
103a8 yin pa la spyod spyod do/ /thog ma dang tha ma med pa'i 'khor bar 'khor bar gyur to/ /rigs kyi bu dag nga lta bu dag la dge ba'i rtsa ba bzhag pa chud mi za'o/ /kun dga' bo 'di lta ste dper na rgyal po'i bu 'am
103b1 tshong dpon gyi bu zhig nyes pa 'ga' zhig gis btson rar bcug la de sngon gyi nyes pa glengs shing spyos nas de slar myur du phyung ba de bzhin du/ kun dga' bo gang dag sngon gyi sangs rgyas rnams la dge ba'i rtsa ba bskyed pa de dag
103b2 nyes par byas pa 'ga' 'am/ de las gzhan pa'i nyes pas sems can dmyal ba'am/ dud 'gro'i skye gnas sam/ gshin rje'i 'jig rten du song yang / gang gi tshe sangs rgyas bcom ldan 'das thugs rje chen po
103b3 dang ldan pa dag 'jig rten du byung ba na sems can gang dag kha cig gis dge ba'i sems gcig bskyed par gyur pa de dag dge ba'i rtsa ba de dang / sems de dang / dge ba'i rtsa ba'i byin gyi brlabs de dang / rgyu des sangs rgyas
103b4 bcom ldan 'das de dag gis sems can de dag sngon gyi dge ba'i rtsa ba dang ldan par mkhyen nas log par lhung ba de las bton te mya ngan las 'das pa'i thang bsil ba 'jigs pa med pa la 'god do/ /bkod nas kyang
103b5 rigs kyi bu dag khyed dge ba'i rtsa ba de lta bu de dran par gyis shig ces bskul ba dang / de dag gis gsol pa/ bcom ldan 'das de lta lags so/ /bde bar gshegs pa de lta lags te sangs rgyas kyi mthu dang /
103b6 sangs rgyas kyi byin gyi brlabs kyis dran lags so zhes zer ro/ /dge ba'i rtsa ba'i le'u ste dgu pa rdzogs so// // de nas yang bcom ldan 'das kyis tshe dang ldan pa kun dga' bo la bka' stsal pa/
103b7 kun dga' bo rnam grangs 'dis kyang khyod kyis 'di ltar rig par bya ste/ nga lta bu dag la dge ba'i rtsa ba ji tsam du chung ba byas pa yang chud mi za zhing sems gcig bskyed pa'i dge ba'i rtsa ba de dag thams cad kyi 'bras bu mya
103b8 ngan las 'das pa yin te/ tha ma mya ngan las 'da' bar nga smra'o/ /kun dga' bo de bas na don de nyid rgya cher rab tu brjod pa dang ci nas kyang 'di la rigs kyi bu'am rigs kyi bu mo dad pa mkhas pa kha cig rgya cher mngon par
104a1 dad pa dang / kun du rtog pa dang / nan tan skyed pa dang / mngon par dad nas rgya cher dga' ba dang / mchog tu dga' ba chen po skyed par 'gyur bar bya ba'i phyir khyod la dpe bstan no/ /kun dga' bo
104a2 'di lta ste dper na nya ba mchil pa thogs pas nya bshor ba'i phyir mchil pa gzan ma dang bcas pa mtsho chu chen por bcug la der bcug pa de nyas mid par gyur na mchil pa mid pa'i nya de mtsho chu'i nang na 'phyo yang skam la 'dug pa
104a3 nyid du shes par bya'o/ /de ci'i phyir zhe na/ 'di ltar nya de nya pas mchil pa'i srad bu sra bas zin pa'i phyir ro/ /ci ste nya de mchil pa dang bcas par chu'i nang du song bar gyur la/ srad bu yang mchil pa dang 'brel bar
104a4 gyur na chu'i nang na 'dug pa yang yin la/ skam la 'dug pa yang yin te/ yu ba skam la 'dug cing legs par zin na nya pa de 'ongs nas srad bu des nya zin par shes te des srad bu des drangs nas ji ltar 'dod par skam la
104a5 phyung ste dga' mgur bya ba byed pa'i dus de yod do/ /kun dga' bo de bzhin du sems can gang dag sangs rgyas bcom ldan 'das la sems dang bar byed/ dge ba'i rtsa ba skyed par byed/ yon 'bul zhing tha na sems dang
104a6 ba gcig tsam yang skyed na/ nyes par byas pa'i las sgrib par 'gyur ba gzhan gyis bsgribs pas sems can dmyal ba'am/ dud 'gro'i skye gnas sam/ gshin rje'i 'jig rten nam/ de las gzhan pa'i
104a7 mi khom pa log par ltung bar song yang / gang gi tshe sangs rgyas bcom ldan 'das 'jig rten du byung ba na de dag sangs rgyas kyi ye shes kyis sems can 'di dag ni byang chub sems dpa'i theg pa pa'o/ /sems can
104a8 'di dag ni rang sangs rgyas kyi theg pa pa'o/ sems can 'di dag ni nyan thos kyi theg pa pa'o/ /sems can 'di dag ni dge ba'i rtsa ba byas pa'o/ /sems can 'di dag ni dge ba'i rtsa ba chad pa'o/ /sems can
104b1 'di dag ni nyams pa'i cha dang 'thun pa'o/ /sems can 'di dag ni khyad par du 'gyur ba'i cha dang 'thun pa'o/ /'di dag ni dag pa'i chos rtogs pas sa bon btab pa dag go/ /'di lta ste 'di ni sangs rgyas la yon 'bul
104b2 ba tha na dad pa dang ldan pa'i sems gcig bskyed pa'i dge ba'i chos rnam par dag pas sa bon btab pa'o zhes mkhyen to/ /yon gang gi rnam par smin pas gang dag gis sangs rgyas bcom ldan 'das rnams la dad pa'i sems
104b3 bskyed pa gcig tsam yang skyed par 'gyur ba de dag sangs rgyas bcom ldan 'das rnams kyi sangs rgyas kyi ye shes kyis sems bskyed pa'i khyad par de dag gis log par ltung ba de las 'don no/ /
104b4 bton nas kyang mya ngan las 'das pa'i thang bde ba la 'god do/ /bkod nas kyang rigs kyi bu khyed dge ba'i rtsa ba 'di dag de bzhin gshegs pa 'di zhes bya ba la bskyed pa dran par gyis shig ces skul to/ /gsol pa/
104b5 bcom ldan 'das de lta lags so/ /bde bar gshegs pa de lta lags so/ /bka' stsal pa/ de bas na rigs kyi bu dag de bzhin gshegs pa la yon phul ba'i dge ba'i rtsa ba 'di dag ni 'bras bu chen po dang
104b6 rnyed pa chen po dang ldan pa dag ste/ rigs kyi bu dag nga lta bu dag la bzhag pa bsod nams kyi zhing chen po la btab pa de dag ni tha na yun ring po ji srid bskal pa bye ba khrag khrig brgya stong du yang chud za bar mi 'gyur ro/ /
104b7 dge ba'i rtsa ba de dag thams cad kyi 'bras bu ni mya ngan las 'das pa yin te/ tha ma mya ngan las 'da' bar 'gyur ro/ /kun dga' bo don shes par bya ba'i phyir ngas dpe 'di byas pa 'di la don du blta ba gang zhe na/ kun
104b8 dga' bo nya zhes bya ba de ni so so'i skye bo'i tshig bla dgas so/ /kun dga' bo mtsho chu zhes bya ba de ni 'khor ba'i rgya mtsho'i tshig bla dgas so/ /kun dga' bo mchil pa zhes bya ba de ni de bzhin gshegs pa la dge ba'i
105a1 rtsa ba bskyed pa'i tshig bla dgas so/ /kun dga' bo srad bu zhes bya ba de ni bsdu ba'i dngos po bzhi'i tshig bla dgas so/ /kun dga' bo nya ba zhes bya ba de ni de bzhin gshegs pa'i tshig bla dgas so/ /kun
105a2 dga' bo nya gson po zhes bya ba de ni sems can rnams mya ngan las 'da' ba'i 'bras bu la 'god pa'i tshig bla dgas so/ /kun dga' bo rnam grangs 'dis kyang khyod kyis 'di ltar rig par bya ste/ gang sangs rgyas la yon
105a3 phul ba ni ji srid mya ngan las 'da' bar 'gyur ba ma gtogs par ji srid yun ring bar yang 'jig pa med yongs su zad pa med mthar thug pa med do/ /kun dga' bo de'i phyir sangs rgyas la phul ba'i yon ji ltar mya ngan
105a4 las 'da' bas klas shing mya ngan las 'das pa'i mthas gtugs par 'gyur ba'i dpe gzhan dag kyang khyod la bstan par bya'o/ /kun dga' bo sems can sred pa la spyod pa/ tshor ba la chags pa myong ba 'dod pas 'khor
105a5 ba la mngon par stod pa/ 'khor ba la dga' ba/ 'khor ba 'dod pas sangs rgyas bcom ldan 'das la yon 'bul zhing mtho ris 'dod pa dang / mir 'gyur ba 'dod pa'i phyir dge ba'i rtsa ba yongs su bsngo ba dag kyang
105a6 yod/ sangs rgyas bcom ldan 'das la yon phul nas dge ba'i rtsa ba 'dis bdag cag nam yang yongs su mya ngan las 'da' bar ma gyur cig ces yongs su sngo ba'i sems can dag kyang yod mod kyi/ kun dga' bo dge ba'i
105a7 rtsa ba des sems can de dag yongs su mya ngan las 'da' bar mi 'gyur ba'i gnas med skabs med do/ /de ci'i phyir zhe na/ kun dga' bo 'di ltar sangs rgyas bcom ldan 'das rnams ni bla na med pa'i bsod nams
105a8 kyi zhing tha ba dang tsher ma med pa/ 'dod chags dang zhe sdang gi dri ma med pa yongs su dag pa ste/ de la dge ba'i rtsa ba'i sa bon ji tsam du chung ba dang / dge ba'i rtsa ba'i sa bon ji tsam du rgyas pa dang / ji tsam du
105b1 phra ba yang rung ji tsam du byang chub kyi sa bon du 'gyur ba'am/ nyan thos kyi sa bon du 'gyur ba'am/ rang sangs rgyas kyi sa bon du 'gyur ba'i dge ba'i rtsa ba de dag thams cad slu bar mi byed de/ de yongs su ma
105b2 btang na longs spyod 'phel ba phun sum tshogs par 'gyur zhing sems dang bas mtho ris su 'gyur ba'i lam yongs su dag pa dang / mya ngan las 'da' ba'i mthar thug par 'gyur ro/ /kun dga' bo 'di lta ste
105b3 dper na/ khyim bdag zhing pa'i zhing ngo med pa/ sdong dum dang tsher ma med pa/ gyo mo dang gsag ma med pa/ sa snag che ba zhig yod par gyur te/ legs par smos shing lag byad kyis phyin par byas
105b4 la/ de'i sa bon yang sar pa grung po tshas legs par byas pa/ rlung dang nyi mas ma snad pa/ ma chag ma grugs shing ma rul te chud ma zos par gyur la/ sa bon de dag dus dang tshigs su zhing la btab
105b5 ste dus dus su chus bcus/ dus su skams/ thams cad las legs par bsrungs nas/ kun dga' bo de nas khyim pa zhing pa de dus gzhan zhig na zhing gi drung du song ste zhing gi mur 'dug nas/ kye sa
105b6 bon khyed sa bon du ma gyur cig /kye sa bon khyed ma skye shig /ma 'phel cig / nga la 'bras bu mi dgos/ rnyed pa mi dgos so zhes de skad zer na/ kun dga' bo de ji snyam du sems/ khyim bdag zhing pa de'i
105b7 tshig gis sa bon de dag sa bon ma yin par 'gyur ram/ gsol pa/ bcom ldan 'das ma lags so/ /bde bar gshegs pa ma lags so/ /bka' stsal pa/ 'bras bu de 'bras bu ma yin par 'gyur
105b8 ram/ rnyed pa mngon par mi 'grub bam/ gsol pa/ bcom ldan 'das ma lags so/ /bde bar gshegs pa ma lags so/ /bka' stsal pa/ kun dga' bo de bzhin du srid pa la stod cing srid pa la
106a1 dga' bas sangs rgyas la yon phul nas dge ba'i rtsa ba 'dis bdag cag nam yang yongs su mya ngan las 'da' bar ma gyur cig ces de skad zer yang des yongs su mya ngan las 'da' bar mi 'gyur ba'i gnas
106a2 med go skabs med kyi/ kun dga' bo sangs rgyas la bskyed pa'i dge ba'i rtsa ba de dag mi 'dod kyang 'bras bu mya ngan las 'das pa yin te/ tha ma mya ngan las 'das pa'i bar du 'gyur bar nga smra'o/ /de ltar ji tsam du sangs rgyas bcom
106a3 ldan 'das la sems gcig bskyed pa'i dge ba'i rtsa ba bskyed pa de dag thams cad kyi 'bras bu yang mya ngan las 'das pa yin te/ tha ma mya ngan las 'da' ba'i bar du 'gyur bar nga smra'o/ /kun dga' bo ma 'ongs pa'i dus na rgyal po rku 'phrog
106a4 byed pa dang kla klo dag 'byung bar 'gyur te/ kun dga' bo der rgyal po rku 'phrog byed pa dang / kla klo gang dag gis de bzhin gshegs pa'i mchod rten dang / de bzhin gshegs pa'i sku gzugs mthong nas sems dang bar gyur pa de dag kun
106a5 dga' bo sangs rgyas kyi chos thams cad kyang mi shes shing sangs rgyas kyi yon tan thams cad kyang mi shes su zin kyang / kun dga' bo ngas byang chub sems dpa'i spyad pa spyod pa'i tshe 'gro ba de dang de dag dang / skye ba de dang de dag tu bsdu ba'i dngos
106a6 po bzhis bsdu ba byas so/ /bzhi gang zhe na/ sbyin pa dang / snyan par smra ba dang / don spyad pa dang / don 'thun pa'o/ /kun dga' bo de dag nga'i mchod rten mthong nas nges par sems dang bar 'gyur ro/ /kun dga' bo de dag
106a7 gi dge ba'i rtsa ba'i 'bras bu de yang mya ngan las 'das pa yin te/ tha ma mya ngan las 'da' ba'i bar du 'gyur bar nga smra'o/ /gang mtha' 'khob kyi rgyal po rku gsod byed pa dang / kla klo da dag gi rku lag dang / blon po dang /
106a8 gzhon nu dang / rtsis mkhan dang / sna chen po la gtogs pa dang / 'khor dang / mdza' bshes dang / nye du dang / grogs dang / snag gi gnyen mtshams su/ gyur pa gang yin pa de dag gis nga mya ngan las 'das pa'i mchod rten mthong nas
106b1 tshegs chung ngus sems dang bar gyur na/ kun dga' bo de dag thams cad kyang sangs rgyas kyi chos rnams sam/ sangs rgyas kyi yon tan rnams kyis dge ba'i rtsa ba skyed par 'gyur te/ kun dga' bo de dag kyang ngas sngon
106b2 byang chub sems dpa'i spyad pa spyod pa na bsdu ba'i dngos po bzhis yang dag par bsdus so/ /kun dga' bo de dag gi dge ba'i rtsa ba de dag thams cad kyi 'bras bu yang mya ngan las 'das pa yin te/ tha ma mya ngan las 'da' bar nga smra'o/ /
106b3 kun dga' bo ngas yun ring po nas skye dgu 'di dag bsdu ba'i dngos po bzhis bsdus pa dang / yun ring po nas sangs rgyas bcom ldan 'das rnams kyi bstan pa dang ldan par byas pa la ltos/ kun dga' bo de bzhin gshegs pa lam du zhugs
106b4 te bzhud pa nas dma' ba ni mthon por 'gyur/ sa mthon po ni dma' bar 'gyur/ sa phyogs mi mnyam pa ni mnyam par 'gyur/ rab tu dma' ba ni rab tu mthon por 'gyur ba dang / de bzhin gshegs pa bzhud pa'i 'og tu snga
106b5 mkho bzhin du gnas par 'gyur ba dang / shing thams cad 'dud pa dang / shing gi lha thams cad phyag 'tshal ba dang / /de bzhin gshegs pa bzhud pa'i 'og tu slar snga mkho bzhin du gnas par 'gyur ba dang / ngam grog dang / g.yang sa
106b6 dang shod khung dang rtswa dang sdong dum dang tsher ma dang gyo mo dang gseg ma dang thibs po dang g.yang sa mi bde ba de dag thams cad kyang 'dud pa dang / mnyam pa dang / gtsang ba dang / shin du sbyangs pa dang / mi gtsang ba med pa dang / me tog gsung zhim
106b7 zhing yid du 'ong ba bkram par 'gyur ro/ /kun dga' bo de bzhin gshegs pas 'di ltar sngon dge ba rnams legs par byas pa'i phyir lam du bzhud pa na gtsang mar bzhud do/ /kun dga' bo de bzhin gshegs pa lam du zhugs pa na sems can
106b8 gang mi 'dud pa de lta bu de mod pa ma yin pa dang / gang sems med pa'i dngos po re dang / ngam grog dang / g.yang sa dang / shing dang rtswa dang shing gel pa dang / sman dang nags tshal sa'i steng na yod pa dag de bzhin gshegs pa lam du bzhud
107a1 pa ga la ba logs su mi 'dud pa de dag mod pa ma yin pa la ltos/ de ci'i phyir zhe na/ kun dga' bo 'di ltar nga sngon byang chub sems dpa'i spyad pa spyod pa nyid na bla ma la btud/ rab tu btud/ phyag 'tshal cing gnas/ pha ma
107a2 la rab tu gus par btud cing gnas/ rgan pa dang bar ma dang gzhon pa dang / mdza' bshes dang nye du dang / snag gi gnyen mtshams dang / sangs rgyas dang byang chub sems dpa' dang / dge ba'i bshes gnyen dang / nyan thos dang rang
107a3 sangs rgyas dang / mngon par shes pa lnga dang ldan pa dang / de bzhin du de las gzhan pa dge sbyong dang / bram ze rnams la btud/ ngas sangs rgyas dang byang chub sems dpa' dang / dge ba'i bshes gnyen dang / nyan thos dang rang sangs rgyas
107a4 dang / phyi rol pa'i drang srong dang / dge sbyong dang bram ze dang pha ma dang / mdza' bshes dang / nye du dang snag gi gnyen mtshams de dag thams cad dang / de las gzhan pa rgan pa dang / bar ma dang / gzhon pa dang / grogs po rnams la yid
107a5 rab tu dma' bar byas te lus kyis phyag byas shing ngag gis de dag la bla mar bya ba'i sgo de nas mngon par btud do/ /kun dga' bo nga'i las dge ba'i rnam par smin pa des de bzhin gshegs pa byang chub brnyes nas de bzhin gshegs pa lam du bzhud
107a6 pa'i tshe dngos po gang sems yod pa'am sems med pa yang rung ma gus pa dang / mi 'dud pa dang / rab tu mi 'dud pa de dag mod pa ma yin no/ /kun dga' bo ngas bla ma lta bu dang / de bzhin gshegs pa dang / sems can rnams la
107a7 sbyin pa gtsang ba dang / bzang ba dang / yid du 'ong ba mang po rang gis lag dar nas sbyin pa byin te/ kun dga' bo las de'i rnam par smin pa des de bzhin gshegs pa lam du bzhud pa na bzang zhing gtsang la shin du sbyangs te/ shing dang bong
107a8 ba dang / 'dam rdzab rnams bsal bar gyur to/ /kun dga' bo nga bla na med pa yang dag par rdzogs pa'i byang chub don du gnyer ba na sems can thams cad la phan pa dang / sems can thams cad la bde ba dang / 'jig rten la snying brtse ba dang /
107b1 lha dang mi rnams kyi don dang phan pa dang bde ba'i phyir ngas rtag tu sangs rgyas dang byang chub sems dpa' dang / dge ba'i bshes gnyen dang / nyan thos dang / rang sangs rgyas dang / phyi rol pa'i drang srong mang po rnams lam du zhugs pa na
107b2 lam phyag dar byas so/ /gnas dang 'chag sa dang / 'dug gnas rnams phyag dar byas so/ /ngas de bzhin gshegs pa'i mchod rten dag byams pa'i sems dang / snyoms pa'i sems dang / mi mnyam pa med pa'i sems dang /
107b3 gya gyu med pa'i sems dang / phan pa'i sems kyis phyag dar byas so/ /gtsang mar byas so/ /kun dga' bo dge ba'i rtsa ba des de bzhin gshegs pas phyogs gang dang gang na bzhengs sam/ bzhugs sam/ 'chag gam/
107b4 mnal ba mdzad dam/ lam du zhugs kyang rung / tshegs chung ngus sa phyogs de dag gtsang zhing dag la mnyam ste lag mthil lta bur gyur to/ /kun dga' bo gang de bzhin gshegs pa'i sku'i phrin las kyi khyad par gang yin pa de dag gi mtha'
107b5 ni rtogs par sla ba ma yin no/ /kun dga' bo de bas na don de rgya cher yongs su rdzogs par bya ba dang / 'di la rigs kyi bu'am rigs kyi bu mo dad pa can kha cig ci nas kyang de bzhin gshegs pa la dga' ba dang / sems dang ba dang gus pa dang /
107b6 ri mor byed pa chen po rgyas par bskyed pa'i phyir khyod la dpe bstan par bya'o/ /kun dga' bo ri'i rgyal po ri rab dpag tshad brgyad khri bzhi stong ni rgya mtsho chen po'i nang nas byung / dpag tshad brgyad khri bzhi stong ni chu'i nang du nub pa'i ri'i rgyal po chen
107b7 po de sra ba rdo rjer gyur du zin kyang kun dga' bo de bzhin gshegs pa yongs su mya ngan las 'das pa'i dbu skra snad par bya bar yang sla ba ma yin na/ gcig tsam bsgyur zhing 'gyur bar dbyung ba lta ci smos te de ni gnas med do/ /kun dga'
107b8 bo ri'i rgyal po ri rab lta zhog la/ kun dga' bo gang ri'i rgyal po khor yug dang khor yug chen po 'phang du dpag tshad drug khri brgyad stong yod pa ri'i rgyal po khor yug dang khor yug chen po rdo rje lta bu gang yin pa de dag gis kyang kun dga'
108a1 bo de bzhin gshegs pa yongs su mya ngan las 'das pa'i dbu skra 'dud pa 'am yongs su 'dud pa 'am dbyung bar yang sla ba ma yin na med par bya ba lta ci smos te/ de ni gnas med do/ /de ci'i phyir zhe na/ kun dga' bo
108a2 'di ltar nga sngon byang chub sems dpa'i spyad pa spyod pa na/ gang ngas sngon phye ba'i sems can gang yang rnyed par sla ba ma yin te/ kun dga' bo ngas ni sems can 'thabs shing bye ba rnams 'dum zhing 'thun pa la bkod nas brtan pa dang
108a3 mi phyed pa dang / gcig la gcig byams pa'i sems dang phan pa'i sems dang ldan par byas so/ /kun dga' bo rnam grangs de dang / dge ba'i rtsa ba des de bzhin gshegs pa'i sku mi phyed pa dang / kun dga' bo de bzhin
108a4 gshegs pa'i zhabs 'bring 'khor mi phyed par gyur to/ /kun dga' bo de bzhin gshegs pa'i zhabs 'bring 'khor kyang gang zhe na/ kun dga' bo de bzhin gshegs pa'i zhabs 'bring 'khor ni chos yin te/ 'di lta ste dran pa nye bar gzhag pa
108a5 bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa ste/ kun dga' bo byang chub kyi phyogs kyi chos
108a6 sum bcu rtsa bdun po 'di dag ni de bzhin gshegs pa'i zhabs 'bring 'khor chen po yin no/ /gang de bzhin gshegs pas nyan thos gang dag de la bkod pa de dag kyang lha dang bcas pa'i 'jig rten gyis dbye mi nus so/ /de ci'i phyir zhe na/
108a7 kun dga' bo 'di ltar chos 'di lta bu 'di'i chos nyid 'di yin te/ gang lha dang bcas tshangs pa dang bcas pa'i 'jig rten dang / dge sbyong dang bram zer bcas pa'i skye dgu 'khor dang bcas pa lha dang mi dang lha ma yin du bcas pa dang ri rab dang khor yug dang
108a8 khor yug chen po dang bcas pa'i sa chen po de dag gis tha na de bzhin gshegs pa yongs su mya ngan las 'das pa'i dbu 'dud par sla ba ma yin na dbye ba lta ci smos te/ de ni gnas med do/ /de ci'i phyir zhe na/ kun dga' bo 'di ltar de bzhin gshegs
108b1 pa'i sku mi phyed pa dang / sku gdung rnams mi phyed pa yin pa'i phyir ro/ /kun dga' bo sems can rnams la snying brtse ba dang bstan pa rgyas par bya ba'i phyir sngon gyi smon lam gyis de bzhin gshegs pas sku gdung rnams yungs 'bru tsam du byin gyis brlabs
108b2 kun dga' bo de bzhin gshegs pa sngon byang chub sems dpa'i spyad pa spyod pa na nga bla na med pa yang dag par rdzogs pa'i byang chub mngon par rdzogs par sangs rgyas nas yongs su mya ngan las 'das pa'i sku gdung rnams rgyas par gyur cig ces nges par de ltar
108b3 sems bskyed de kun dga' bo sangs rgyas bcom ldan 'das yongs su mya ngan las 'das pa'i sku gdung rnams rgyas par 'gyur ba 'di yang sngon gyi smon lam gyi dbang gis gyur to/ /yongs su mya ngan las 'da' ba'i dus kyi tshe yang gdul ba'i sems
108b4 can de dag gis bcom ldan 'das mthong bar 'gyur te/ de dag gi don dang sems can la snying brtse ba'i phyir sku gdung phye ba dang / sku gdung yungs 'bru tsam dag tu byin gyis brlabs so/ /kun dga' bo de bzhin gshegs pa dgra bcom pa yang dag
108b5 par rdzogs pa'i sangs rgyas yongs su mya ngan las 'da' ba'i dus kyi tshe/ 'jig rten la snying brtse ba'i phyir ji ltar sku gdung yungs 'bru tsam dag tu byin gyis rlob pa de lta bu'i ting nge 'dzin la snyoms par 'jug go/ /kun dga' bo nga'i sku'i tshigs
108b6 thams cad phye zhing sku gdung yungs 'bru tsam dag tu byin gyis rlob pa na sdug bsngal du tshor ba 'byung mod kyi/ kun dga' bo 'on kyang sems can de dag rjes su gzung ba dang / snying brtse ba'i phyir de bzhin gshegs pa sdug bsngal du tshor ba bzod par nus te/
108b7 yul gyi mi phyi ma rnams bde ba dang dge ba'i lam gyis rjes su gzung bar 'gyur ro/ /kun dga' bo gang ring bsrel yungs 'bru tsam dag la me tog dang / gdug pa dang / phreng ba dang byug pa dang phye ma dang na bza' dang gdugs dang rgyal mtshan dang ba dan dang
108b8 gar dang sil snyan len pa dang / pheg rdob pa dang / bstod pa rnams kyis sti stang byed/ bla mar byed/ rim gror byed/ mchod par byed/ rjed par byed/ bsol bar byed na/ kun dga' bo dge ba'i rtsa ba de thams cad kyi 'bras bu
109a1 mya ngan las 'das pa yin te/ tha ma mya ngan las 'da' ba'i bar du 'gyur bar nga smra'o/ /kun dga' bo nga yongs su mya ngan las 'das nas lo brgya lon pa na grong khyer skya snar gyi bu zhes bya bar rgyal po mya ngan med pa zhes bya ba mo'u r+ya'i
109a2 rigs su skyes pa chos can chos kyi rgyal po zhig 'byung bar 'gyur te/ de yang nga'i bstan pa la dad par 'gyur ro/ /dad par gyur nas kyang nga'i sku gdung rgyas par byed do/ /de dus gcig tu nyin gcig la nga'i sku gdung gi mchod rten brgyad khri bzhi
109a3 stong byed par 'gyur gyis/ kun dga' bo khyod mya ngan ma byed/ smre sngags ma 'don cig /kun dga' bo nga'i sku gdung rgyas pa dang / lha dang mi rnams la yangs shing rgya che bar 'gyur ro/ /kun dga' bo de bzhin gshegs pa dgra bcom pa
109a4 yang dag par rdzogs pa'i sangs rgyas da ltar bzhugs pa la gang sti stang byed pa lta zhog /yongs su mya ngan las 'das pa'i sku gdung la gang sku gdung gi mchod pa byed pa lta yang zhog la/ kun dga' bo gang dag kha cig tha na rmi lam na de bzhin gshegs
109a5 pa'i mchod rten mthong nas sems dang bar byed na/ kun dga' bo dge ba'i rtsa ba de'i 'bras bu yang mya ngan las 'das pa yin te/ mya ngan las 'das pas klas shing mya ngan las 'das pa'i mthas gtugs par 'gyur bar nga smra'o/ /kun dga' bo ma
109a6 'ongs pa'i dus na sangs rgyas bcom ldan 'das gang dag 'byung ba de dag las gang nga'i yon tan mi sgrogs pa'i de bzhin gshegs pa 'jig rten du 'byung ba de gang yang med do/ /'di lta ste dper na nga da ltar 'das pa'i sangs rgyas bcom ldan 'das rnams
109a7 kyi yon tan sgrogs pa de bzhin du ma byon pa'i sangs rgyas bcom ldan 'das de dag kyang nga'i yon tan yongs su sgrogs par 'gyur ro/ /kun dga' bo gang la la nga'i chos bstan pa la brtsams te chos rnams la chos kyi mi rdul dang bral zhing dri ma med
109a8 pa rnam par dag pa'i sems can de dag thams cad ni kun dga' bo nga sngon byang chub sems dpar gyur pa na byang chub sems dpa'i spyad pa spyod pa'i tshe yongs su smin par byas pa dag go/ /kun dga' bo dge 'dun la phul ba'i yon ni bar du yongs su
109b1 zad pa dang mthar 'gyur ba yod/ yon gang dag phyogs bzhi'i dge 'dun la phul ba'i yon de dag kyang bar du yongs su zad pa dang mthar 'gyur ba yod/ kun dga' bo yon gang dag rang sangs rgyas la phul ba'i yon de dag kyang bar du yongs su
109b2 zad pa dang mthar 'gyur ba yod kyi/ kun dga' bo de bzhin gshegs pa la yon gang dag phul ba de dag ni bar du yongs su zad pa dang mthar 'gyur ba med do/ /kun dga' bo yon de dag thams cad kyi 'bras bu ni mya ngan las 'das pa
109b3 yin te/ tha ma mya ngan las 'da' bar nga smra'o/ /kun dga' bo de bzhin gshegs pa bzhugs pa de la mngon sum du sti stang byed pa lta yang zhog yongs su mya ngan las 'das pa'i sku gdung gi mchod pa byed pa lta yang zhog ste/ kun dga' bo sangs
109b4 rgyas la dmigs pa'i sems kyis me tog gcig nam mkha' la 'dor na de'i dge ba'i rtsa ba ni ngas de bzhin gshegs pa'i sangs rgyas kyi ye shes kyis kyang tshad gzung ba'am bstan par sla ba ma yin no/ /kun dga' bo gal te des sangs rgyas la
109b5 dmigs pa'i sems kyis nam mkha' la me tog gcig bor ba'i dge ba'i rtsa ba byas pa de yongs su brtag pa bzung ste gal te 'khor ba na ji srid tu sngon gyi mtha' mi mngon pa'i bskal pa de srid tu kun du rgyug cing 'khor yang de bzhin gshegs pa
109b6 la me tog gcig phul ba de'i rnam par smin pa ni tshangs pa nyid dam brgya byin nyid dam 'khor los sgyur ba'i rgyal srid kyis mthar phyin par sla ba ma yin gyi/ kun dga' bo gzhan du na dge ba'i rtsa ba de'i 'bras bu ni mya ngan las 'das pa yin te/
109b7 mya ngan las 'da' ba la gzhog zhing tha ma mya ngan las 'da' bar nga smra'o/ /de ci'i phyir zhe na/ kun dga' bo sangs rgyas bcom ldan 'das la me tog gcig phul ba'i rnam par smin pa gang mya ngan las 'da' ba'i mthar
109b8 thug par 'gyur ba ma gtogs par mtha' rtogs par sla ba ma yin te/ de ltar rdzu 'phrul che/ de ltar phan che/ de ltar gzi brjid che/ de ltar rgya che'o/ /kun dga' bo gang de lta bu'i rnam par smin par 'gyur ba de bzhin gshegs
110a1 pa la yon phul ba de ltar dpag tu med do/ /de bzhin gshegs pa la tha na sems dang ba gcig bskyed pa yang shin du mthar thug pa dang / shin du grub pa dang / bde ba dang / shin du mur thug pa dang / shin du
110a2 tshangs par spyod par nga smra'o/ /kun dga' bo de bas na rigs kyi bu 'am rigs kyi bu mo 'khor los sgyur ba'i rgyal srid 'dod pas de ltar sangs rgyas bcom ldan 'das la sti stang bya/ bla mar bya rim gror bya mchod par bya'o/ /rigs kyi bu
110a3 'am rigs kyi bu mo brgya byin thob par 'dod pa dang / tshangs pa dang / rgyal chen bzhi'i ris kyi lha rnams kyi bdag po byed par 'dod pa dang / sum bcu rtsa gsum dang / 'thab bral dang / dga' ldan dang / 'phrul dga' dang /
110a4 gzhan 'phrul dbang byed kyi lha rnams dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen po dang mi 'am mi ma yin pa 'am/ 'jig rten thams cad kyi 'jig rten gyi bdag po thob par 'dod pas
110a5 sangs rgyas bcom ldan 'das la sti stang bya/ bla mar bya rim gror bya mchod par bya'o/ /rigs kyi bu 'am rigs kyi bu mo nyan thos kyi sa thob par 'dod pa'am/ rang sangs rgyas kyi sa thob par 'dod pa'am/ bla na med pa yang
110a6 dag par rdzogs pa'i byang chub thob par 'dod pas sangs rgyas bcom ldan 'das la sti stang bya/ bla mar bya rim gror bya mchod par bya'o/ /kun dga' bo ngas bla na med pa yang dag par rdzogs pa'i byang chub gnyer ba na/ sangs rgyas mang
110a7 po/ sangs rgyas brgya phrag mang po/ sangs rgyas stong phrag mang po/ sangs rgyas bye ba khrag khrig brgya stong mang po rnams la 'di lta ste/ na bza' dang / bshos dang gzims cha dang / snyun gsos kyi sman dang /
110a8 yo byad rnams dang gdan dang 'chag sa dang / gtsug lag khang dang / me tog dang spos dang phreng ba dang byug pa dang phye ma dang na bza' dang gdugs dang rgyal mtshan dang ba dan rnams kyis sti stang byas bla mar byas rim gror byas mchod par
110b1 byas so/ /sangs rgyas bcom ldan 'das de dag yongs su mya ngan las 'das nas kyang mchod rten byas nas me tog dang bdug pa dang spos dang phreng ba dang byug pa brgya stong dang glu dang gar dang / sil snyan dang / pheg rdob pa brgya stong
110b2 rnams kyis sti stang byas/ bla mar byas rim gror byas te mchod cing rjod pa de dag thams cad kyang bla na med pa yang dag par rdzogs pa'i byang chub 'di nyid la brten nas sems can thams cad la snying brtse ba dang / lha dang mi rnams kyi don dang
110b3 phan pa dang bde ba dang / ma rgal ba rnams bsgral ba dang / ma grol ba rnams dgrol ba dang / dbugs ma phyin pa rnams dbugs dbyung ba dang / yongs su mya ngan las ma 'das pa rnams yongs su mya ngan las bzla ba'i phyir byas
110b4 so/ /kun dga' bo de bzhin gshegs pa dgra bcom pa yang dag par rdzogs pa'i sangs rgyas mar me mdzad la ngas me tog ud pa la lnga gtor te/ de na ngas mi skye ba'i chos la bzod pa thob bo/ /kun dga' bo ngas dge ba'i rtsa
110b5 ba thob pa de las dge ba'i rnam par smin pa'i phyogs tsam zhig myong ngo / /gang de bzhin gshegs pa dgra bcom pa yang dag par rdzogs pa'i sangs rgyas mar me mdzad la me tog ud pa la de lnga gtor ba'i dge ba'i rtsa ba'i rnam
110b6 par smin pa de las phyogs tsam zhig nyan par 'dod dam/ gsol pa/ bcom ldan 'das 'tshal lo/ /bde bar gshegs pa 'tshal lo/ /bcom ldan 'das kyis gang mar me mdzad la dge ba'i rtsa ba bskrun pa'i phyogs
110b7 tsam zhig bshad cing bstan pa'i dus lags te/ bcom ldan 'das dus la bab bo/ /bde bar gshegs pa dus la bab bo/ /de nas bcom ldan 'das kyis de'i tshe phyag g.yas pa gser gyi kha dog can brkyang ba
110b8 dang phyags gi'u the'u chung las lha'i me tog ud pa la'i gsung byung bar gyur to/ /de nas stong gsum gyi stong chen po'i 'jig rten gyi khams gang na zla ba dang nyi ma bye ba phrag brgya rgyu ba'i sangs rgyas kyi zhing de dag
111a1 thams cad lha'i me tog ud pa la'i bsung gis khyab par gyur to/ /de nas bcom ldan 'das kyis 'di lta bu ngo mtshar rmad tu byung ba'i chos lha dang mi dang lha ma yin du bcas pa'i 'jig rten la bstan cing sbyin pa las byung
111a2 ba'i bsod nams bya ba'i dngos po'i rnam par smin pa phyogs tsam zhig bstan te/ sangs rgyas la dge ba'i rtsa ba bskyed pa chud mi za ba yang bstan nas/ de'i tshe tshigs su bcad pa 'di dag gsungs so/ /de ltar sangs rgyas bsam mi
111a3 khyab/ /sangs rgyas chos kyang bsam mi khyab/ /bsam mi khyab la dad byas na/ /de yi rnam smin bsam mi khyab/ /'du shes yod dang med pa yi/ /sems can thams cad ji snyed pa/ /bskal pa bye ba brgya mang du/ /kun gyis
111a4 mchod pa byas pa dang / /rang sangs rgyas pa gang dag dang / /zag pa med pa'i dgra bcom pa/ /bskal pa bye ba bsam yas par/ /de dag thams cad mchod pa bas/ /rdzogs pa'i sangs rgyas bzhugs pa 'am/ /yongs su mya ngan
111a5 'das pa la/ /gang gis thal sbyar gcig byas pa/ /bsod nams 'di ni khyad par 'phags/ /sangs rgyas tshul khrims ma zhig cing / /ting nge 'dzin la dbang du gyur/ /chos rnams kun la the tshom med/ /sangs rgyas spyan
111a6 gyis mkhas pa yin/ /gang zhig bde gshegs de la yud tsam 'am/ /nyin dang mtshan mo byams pa sgom byed na/ /gang zhig bsod nams de dang mnyam 'gyur ba/ /khams gsum dag na de 'dra'i mchod pa med/ /bskal pa
111a7 grangs med 'das pa'i dus dag na/ /lha bas lhag pa'i lhar gyur 'od mdzad pa/ /'jig rten slob dpon gyur pa'i sangs rgyas la/ /las dge mi nyung ba dag ngas byas pa/ /bskal pa grangs med kun du rgyug pa na/ /bsod
111a8 nams de ni zad par ma gyur gyi/ /de nyid nga yi rgyur ni gyur pa ste/ /de yis byang chub dam pa ngas thob bo/ /'jig rten kun la snying ni brtse ba'i phyir/ /sangs rgyas brgya dang sangs rgyas bye ba stong / /gang la tshe rabs snga mar mchod byas pa/ /
111b1 mi mchog de dag nga ni mkhyen gyur pas/ /sangs rgyas de dag smod par yong mi mdzad/ /'di ltar nga yis bzod pa ma thob pas/ /dge ba spyod kyang ma 'ongs dus dag na/ /'di ltar 'gyur zhes lung bstan ma mdzad do/ /gang tshe mar me
111b2 mdzad 'dren ngas mthong ba/ /de na nga yis ud pal lnga gtor cing / /rnam par 'dren la ral pa bting ba dang / /mi skye'i bzod pa thob par gyur pa na/ /mar me mdzad pa bar snang gnas pa yis/ /bskal pa grangs med 'das na shAkya'i rje/ /
111b3 shAg rigs rang byung rgyal bar 'gyur ro zhes/ /de nas 'dren pas nga ni lung bstan no/ /nga ni byang chub dam pa 'dod pa na/ /de nas dus ring kun du rgyug pa'i tshe/ /ngas ni dge ba du ma byas pa dang / /sems can don phyir sdug bsngal myong gyur pa/ /
111b4 bsod nams de yi tshad ni chung zad kyang / /'jig rten rnam 'dren rnams kyis ma bstan no/ /skye dgu mgon med sdug bsngal gyur mthong nas/ /sngan chad ngas ni byin pa gang yin pa/ /spyad pa spyod tshe bde gshegs 'od mdzad pa/ /sangs rgyas
111b5 dpa' bo gang dag ngas mchod cing / /nga yi sngon mtha'i spyod pa gzigs gyur pa/ /nyin dang mtshan du de dag mtshan brjod do/ /gnyis gsum lnga 'am bcu 'am nyi shu 'am/ /sum bcu 'am de las btus nas mtshan brjod do/ /'jig rten
111b6 don phyir spyad pa spyod pa na/ /sangs rgyas gtso bo ngas sngon gang mchod pa/ /ji ltar nga yis sdug bsngal chen po mang / /du ma 'khor bar blangs nas ma btang ltar/ /sangs rgyas gang dag dka' ba 'di 'dra spyad/ /de 'dra'i sangs rgyas gzhan
111b7 ni byung ma gyur/ /legs par gsungs pa mang po tshol ba'i tshe/ /mgo bo brgya dang mgo bo bye ba stong / /'khor ba'i tshe ni sngon chad ngas btang zhing / /yul 'khor rgyal srid spangs nas rab tu byung / /chos mchog 'di ni yongs su tshol ba'i
111b8 tshe/ /sbyin dang tshul khrims dang ni dul bas 'phags/ /brtson 'grus kyis ni byang chub dam pa rtogs/ /bskal pa dpag med nga ni de ltar gyur/ /sangs rgyas mthu chen bsam gyis mi khyab pa/ /yon tan kun dang ldan zhing mngon par 'phags/ /
112a1 chos mchog bsam gyis mi khyab legs par bshad/ /bsam gyis mi khyab lam yang brjod pa mdzad/ /yon tan gyi bsod nams kyi le'u ste bcu pa rdzogs so// // bam po lnga pa/ de nas yang bcom
112a2 ldan 'das kyis tshe dang ldan pa kun dga' bo la bka' stsal pa/ kun dga' bo de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi tshu rol na de bzhin gshegs pa pad ma'i bla ma zhes bya ba ngas mnyes par byas te
112a3 bla na med pa yang dag par rdzogs pa'i byang chub 'di nyid 'dod pa'i phyir/ bcom ldan 'das de la ngas gser gyi me tog gtor ro/ /de'i tshu rol na de bzhin gshegs pa thams cad zil gyis gnon pa zhes bya ba mnyes par byas te/ rnam pa thams cad
112a4 mkhyen pa nyid 'dod pa'i phyir bcom ldan 'das de la yang ngas dngul gyi me tog gtor ro/ /de'i tshu rol na de bzhin gshegs pa shin du mthor bzhud ces bya ba mnyes par byas te/ grangs med pa 'di nyid kyi don du bcom ldan 'das de la yang gser snyim
112a5 pa gang gtor ro/ /shin du mthor bzhud de'i tshu rol na de bzhin gshegs pa grags pa bla ma zhes bya ba mnyes par byas te/ nges par rtogs pa'i ye shes 'di nyid kyi don du de bzhin gshegs pa de la ngas rin po che snyim pa gang gtor ro/ /de bzhin
112a6 gshegs pa grags pa bla ma'i tshu rol na nga dang ming 'thun pa de bzhin gshegs pa shAkya thub pa zhes bya ba byung ste/ 'phags pa'i lam 'di nyid kyi phyir de la yang ngas me tog sil mas gtor ro/ /de bzhin gshegs pa shAkya thub pa'i
112a7 tshu rol na de bzhin gshegs pa skar rgyal zhes bya ba mnyes par byas te/ nges par rtogs pa'i ye shes 'di nyid kyi don du bcom ldan 'das de la yang ngas tsan dan dmar po'i phye mas gtor ro/ /de bzhin gshegs pa skar rgyal gyi
112a8 tshu rol na de bzhin gshegs pa rgyas pa zhes bya ba mnyes par byas te/ bcom ldan 'das de la yang ngas mig mi 'dzums shing sems mngon par dang bas nyin zhag bdun du tshigs su bcad pa gcig gis mngon par bstod do/ /
112b1 de bzhin gshegs pa rgyas pa'i tshu rol na de bzhin gshegs pa rnam par gzigs shes bya ba mnyes par byas te/ bcom ldan 'das de la yang ngas mon sran sde'u snyim pa gang gtor ro/ /rnam par gzigs kyi tshu rol na de bzhin
112b2 gshegs pa gtsug gtor can zhes bya ba mnyes par byas te/ bcom ldan 'das de la yang ngas na bza' rin po che gsol lo/ /gtsug tor can gyi 'og tu de bzhin gshegs pa thams cad skyob ces bya ba mnyes par byas te/ bcom ldan
112b3 'das de la yang ngas bshos bzang po gsol lo/ /kun dga' bo bskal pa bzang po 'di la de bzhin gshegs pa 'khor ba 'jig byung ste/ ye shes rang byung 'di nyid kyi don du de'i zhabs 'bring na ngas tshangs par spyod pa spyad do/ /'khor ba
112b4 'jig gi 'og tu de bzhin gshegs pa gser thub ces bya ba byung ste/ de'i zhabs 'bring na yang ngas tshangs par spyod pa spyad do/ /gser thub kyi tshu rol na de bzhin gshegs pa 'od srung zhes bya ba byung ste/ 'od srung gi zhabs 'bring na
112b5 yang ngas tshangs par spyod pa spyad de thams cad la yang bla na med pa yang dag par rdzogs pa'i byang chub 'di nyid 'dod pa'i phyir byas so/ /de ltar nga rgyal nas ma rgal ba rnams sgrol zhing grol nas ma grol ba rnams 'grol ba nas yongs su mya ngan
112b6 las 'das nas yongs su mya ngan las ma 'das pa rnams yongs su mya ngan las 'da' bar byed do/ /kun dga' bo 'di lta ste/ bla na med pa yang dag par rdzogs pa'i byang chub 'di nyid 'dod pa'i phyir 'di ltar sangs rgyas bcom ldan 'das
112b7 'di dag dang / dpag tu med grangs med pa gzhan rnams la yang sti stang byas/ bla mar byas/ rim gror byas/ mchod par byas te/ sangs rgyas mang po ji snyed la bsnyen bkur byas pa dang / de bzhin gshegs pa yon tan mang
112b8 po ji snyed dang ldan pa la ltos/ kun dga' bo rnam grangs 'dis kyang khyod kyis 'di ltar rig par bya ste/ de bzhin gshegs pa la dge ba'i rtsa ba gang ji tsam du chung ba bskyed pa yang de ltar rdzu 'phrul che ba dang / de ltar phan yon che ba dang /
113a1 de ltar gzi che ba dang / de ltar rgya che bar 'gyur ro/ /kun dga' bo de bzhin gshegs pa bsam gyis mi khyab pa rnams la ngas dge ba'i rtsa ba bskyed de/ de'i rnam par smin pa yang bsam gyis mi khyab par shes par bya'o/ /
113a2 kun dga' bo de ltar de bzhin gshegs pa rnams la mnyam pa med pa dang mi mthun pa med pa dang / mtha' yas pa'i yon phul bas rnam par smin pa yang mtha' yas par shes par bya'o/ /de nas bcom ldan 'das kyis de'i tshe tshigs su bcad pa
113a3 'di dag gsungs so/ /nga sngon byang chub spyad pa spyod pa na/ /mar me mdzad pa rkang gnyis mchog mnyes byas/ /de la nga yis ud pal lnga gtor te/ /de nas 'dren pas nga la lung bstan to/ /de yi 'og tu rgyal ba pad ma'i bla/ /
113a4 byung ste de yang nga yis mnyes par byas/ /byang chub dam pa 'di ni 'dod pas na/ /gser gyi me tog rnams kyis rgyal de mchod/ /de yi 'og tu 'dren pa byung ba ni/ /thams cad zil gnon yon tan kun dang ldan/ /shin du mthor bzhud
113a5 grags pa'i bla ma dang / /shAkya khyu mchog skar rgyal de bzhin rgyas/ /sangs rgyas rnam gzigs gtsug gtor thams cad skyob/ /'khor ba 'jig dang 'dren pa gser thub dang / /byang chub dam pa yongs su tsho ba na/ /sangs rgyas
113a6 'od srung de bzhin ngas mchod do/ /byang chub mchog 'di yongs su tshol ba na/ /sems can don phyir snying rje bskyed nas su/ /spyod mchog spyad tshe gang dag ngas mchod pa/ /'das pa'i 'dren pa gzhan dang de dag go/ /sangs rgyas bye ba phrag
113a7 stong de dag mchod/ /tshogs rnams thams cad yongs su rdzogs byas nas/ /mya ngan med zhi byang chub ngas thob ste/ /dpung bcas bzhon par bcas pa'i bdud btul nas/ /chos kyi 'khor lo nga yis rab tu bskor/ /srog chags
113a8 phan phyir chos rnams rab tu bshad/ /lha dang klu dang mi dang mi 'am ci/ /sangs rgyas byang chub mchog la ngas bkod de/ /bde zhing zhi ba'i lam dag ngas bstan no/ /ma byon sangs rgyas de bzhin nyan thos gang / /sdug bsngal kun las
113b1 gang zhig thar 'dod pa/ /mkhas pa de dag nga yi yon tan slabs/ /dge ba'i rtsa ba skyed pa'i le'u ste bcu gcig pa rdzogs so// // de nas yang bcom ldan 'das kyis tshe dang ldan pa kun dga' bo la bka' stsal pa/ kun
113b2 dga' bo nga byang chub thob pa'i yon tan gyi phan yon lta zhog la/ kun dga' bo nga byang chub sems dpa'i spyad pa spyod pa na gang yon tan gyi chos rnams byung ba de dag kyang rang sangs rgyas rnams la yang med na nyan thos rnams sam/ de las gzhan pa'i
113b3 sems can rnams la lta ci smos/ kun dga' bo nga byang chub sems dpa'i spyad pa spyod pa na ji tsam du dka' ba spyad pa de dag thams cad khyed kyi don du spyad do/ /ngas rgyal srid dang sdug pa dag kyang yongs su btang zhing bu pho dang bu mo dang chung ma dang slas dang /
113b4 bdag gi srog dang sha dang khrag dang rus pa dang rkang dang rna ba dang sna dang lag pa dang rkang pa dang / mgo dag kyang ngas yongs su btang ba dang / sdug bsngal mi bzad pa rtsub cing drag pa'i tshor ba rnam pa du ma myong ba de dag thams cad kyang khyed kyi phyir ro/ /
113b5 kun dga' bo nga bla na med pa yang dag par rdzogs pa'i byang chub don du gnyer ba na gang bya dka' ba dang yongs su btang ba byas pa dang / sems can rnams kyi don du ngas sdug bsngal gang dag myong ba de dag thams cad kun dga' bo gal te brjod na bden
113b6 par yid ches par mi 'gyur na tshig tu smra ba lta ci smos/ kun dga' bo bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa des sngon byang chub sems dpa'i spyad pa spyod pa na khyed kyi don du
113b7 sdug bsngal mi bzad pa rtsub cing drag pa'i tshor ba 'di lta bu dag myong ngo zhes de skad bshad na de bzhin gshegs pa des bdag cag gi phyir rab tu dka' ba spyad do zhes gal te byis pa so so'i skye bo dag tshig bzhi pa gcig gi snying rje skyed na/ kun dga' bo
113b8 sems bskyed pa de'i 'bras bu yang mya ngan las 'das pa yin te/ tha ma mya ngan las 'da' ba'i bar du 'gyur bar nga smra na/ kun dga' bo nga la dge ba'i rtsa ba bskyed pa lta ci smos/ kun dga' bo 'di la skyes bu blun po ma dad pa/
114a1 rgyud nyams pa/ mun pa mtha' yas pas khebs pa kha cig ni nga'i byang chub sems dpa'i spyod pa bshad na tshig bzhi pa gcig gi snying rje 'am/ phan pa'i dngos po 'am/ sems dang ba yang mi skyed do/ /gang dag bla na med
114a2 pa'i mya ngan las 'da' ba bsgrub pa'i phyir khyad par du 'phags par 'gyur ba dang / byang chub sems dpa'i spyad pa spyod pa na snying rje chen po snyad pas gang dag thob par gyur pa yon tan gyi chos de dag rang sangs rgyas rnams la yang med na nyan thos rnams la lta
114a3 ga la yod/ so so'i skye bo rnams la lta ga la yod/ kun dga' bo nga byang chub sems dpa'i spyad pa spyod pa na snying rje chen po rnyed pas gang dag thob pa'i chos de dag kun dga' bo gal te rang sangs rgyas rnams la yod par gyur na de dag thams
114a4 cad kyang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba zhig na/ gang gi phyir chos de dag byams pa chen po dang / snying rje chen pos zin pas de'i phyir rang sangs rgyas rnams la med do/ /de'i phyir de dag
114a5 de bzhin gshegs pa dgra bcom pa yang dag par rdzogs pa'i sangs rgyas pa stobs bcu dang ldan pa/ mi 'jigs pa bzhi thob pa/ byams pa chen po dang snying rje chen po dang ldan par mi 'gyur ro/ /kun dga' bo ngas mngon par dran pa sngon
114a6 byang chub sems dpa'i spyad pa spyod pa na dge ba ci bya ba tshol zhing 'khor bas yid rtag tu skrag la sems can rnams la snying rje chen pos yongs su bsgos pa'i yid tu gyur pa na rmi lam 'di lta bu rmis pa dran te/ ri'i rgyal po ri rab kyi steng che zhing
114a7 yangs pa zhig na bdag 'dug ste/ de na sems can gang dag 'jig rten gyi bar bkod pa/ sems can dmyal ba chen por skyes pa de dag sems can dmyal ba'i srungs ma rnams kyis tshar chod cing lus 'bar ba dang / kun du 'bar
114a8 ba dang / mer gyur pa dang / shin du sdug bsngal mi bzad pa rtsub cing drag pa srog 'phrog pa'i tshor ba myong bar gyur nas nga ga la ba der lhags so/ /lhags nas nga la thal mo sbyar te phyag 'tshal nas 'di skad ces grogs po
114b1 khyed ni bde ba'i tshor ba myong / bdag cag ni sdug bsngal zhing sems can dmyal ba'i tshor ba mi bzad pa'i nang na mchis te/ shin du sdug bsngal mi bzad pa rtsub cing drag pa srog 'phrog pa'i tshor ba myong zhing / mgon ma mchis/
114b2 skyabs ma mchis/ dpung gnyen ma mchis so/ /skyes bu dam pa khyod bzhed na ni bdag cag sdug bsngal 'di lta bu 'di las khyod kyis yongs su thar bar mdzad spyod do zhes zer ro/ /kun dga' bo nga rmi lam de nyid na ngu zhing mig gnyis
114b3 nas 'di lta ste dper na/ gang gA'i klung chen po lta bu'i mchi ma byung ste/ ngas sems can dmyal ba'i sems can de dag la de lta bu'i snying rje chen po skyes nas sems can dmyal ba'i sems can de dag la grogs po dag de ltar ma 'jigs
114b4 shig /ngas khyed sdug bsngal chen po 'di lta bu 'di las yongs su thar bar bya'o zhes dbugs phyung ngo / /kun dga' bo ngas rmi lam nyid na sems can dmyal ba pa'i sems can de dag gcig tu bsogs nas lag pa g.yas pas mgo la
114b5 byugs so/ /kun dga' bo sems can dmyal ba pa'i sems can de dag gi spyi bor lag pa g.yas pa bzhag ma thag pa dang / sems can khyed ngas thar bar byas ma 'jigs shig ces ngas de skad smras ma thag tu sems can dmyal ba pa'i
114b6 me de zhi bar gyur to/ /sems can dmyal ba pa'i sems can de dag kyang skad cig de nyid dang / yud tsam de nyid la bde ba'i tshor ba myong bar gyur to/ /kun dga' bo nga gnyid kyis logs pa de nyid las sad ma thag tu mchi ma de gos las btsir
114b7 nas bsags so/ /kun dga' bo nga byang chub sems dpa'i spyad pa spyod pa na yang snying rje chen po'i chos de lta bu dang ldan na/ da lta bla na med pa yang dag par rdzogs pa'i byang chub mngon par rdzogs par sangs rgyas pa na lta ci smos/ kun
114b8 dga' bo rnam grangs 'dis khyod kyis 'di ltar rig par bya ste/ nga byang chub sems dpa'i spyad pa spyod pa na chos gang dag byung ba de dag rang sangs rgyas rnams la yang med na nyan thos rnams dang byis pa so so'i skye bo rnams la lta ga la yod/
115a1 kun dga' bo de bzhin gshegs pa sngon byang chub sems dpa'i spyad pa spyod pa na sems can rnams la snying rje chen po ji tsam zhig dang ldan pa tshig tu brjod pas kyang mthar phyin par sla ba ma yin pa de lta bu'i sems can rnams
115a2 la phan pa'i dngos po'i sems dang ldan par gyur pa la ltos/ kun dga' bo sngon byung ba 'das pa'i dus na tshong pa mang po rin po che'i phyir rgya mtsho chen por zhugs pa dang / de dag gi gru chen po nor gyis gang ba rgya mtsho chen po de nyid tu zhig par
115a3 gyur to/ /de nas tshong pa de dag gru zhig pas 'jigs skrag mi dga' bar gyur nas srog gi phyir kha cig ni spang leb la rten te rgal/ kha cig ni lag pas rkyal/ kha cig ni 'chi ba'i dus byas so/ /de'i tshe yang tshong pa mang po de'i
115a4 nang na gang ded dpon du gyur pa de rgya mtsho chen po la rkyal pas rkyal lo/ /de'i tshe yang tshong pa lnga zhig rgya mtsho chen pos khyer ba de dag ded dpon de la kye ded dpon mi 'jigs pa stsol cig ces 'bod do/ /kun dga' bo de skad ces
115a5 smras pa dang / ded dpon des tshong pa de dag la 'di skad ces smras so/ /kye skyes bu khyed ma 'jigs shig /ngas khyed rgya mtsho chen po 'di las bde bar gdon no/ /kun dga' bo de'i tshe ded dpon de'i lus la mtshon rnon po zhig
115a6 kyang 'chang ste/ de 'di snyam du rgya mtsho chen po 'di mi ro dang lhan cig mi gnas pas nges par bdag gis bdag gi lus srog dang phral te tshong pa 'di dag rgya mtsho chen po 'di las gdon no snyam du bsams nas/ des tshong pa de dag bdag
115a7 gi lus la shin du legs par kha cig ni rgyab tu zhon/ /kha cig ni phrag pa la zhon/ kha cig ni brla la bcar te/ rtsol ba chen po bskyed nas lus dang sems la so sor brtag pa'i mthu bskyed de tshong pa de dag la mi 'jigs pa byin nas snying
115a8 rje chen pos yongs su bsgos pa'i sems kyis mtshon rnon pos bdag gi srog bcad pa dang / de myur ba nyid du 'chi ba'i dus byas so/ /de nas de ma thag tu ro de rgya mtsho chen po'i nang nas skam la byung ngo / /de nas tshong pa lnga po de dag bde zhing
115b1 don grub nas rgya mtsho chen po las rgal te slar 'dzam bu gling du bde bar lhags par gyur to/ /kun dga' bo de'i tshe de'i dus na ded dpon de gzhan zhig yin pa snyam du khyod the tshom 'am yid gnyis za na kun dga' bo khyed kyis de ltar mi bltara'o/ /
115b2 de ci'i phyir zhe na/ kun dga' bo nga nyid de'i tshe de'i dus na ded dpon du gyur to/ /kun dga' bo dge slong lnga sde ni de'i tshe de'i dus na tshong pa lnga por gyur te/ kun dga' bo de'i tshe yang dge slong lnga po rgya mtsho chen po las bsgral lo/ /da yang ngas
115b3 'khor ba'i rgya mtsho chen po las bsgral te mya ngan las 'das pa 'jigs pa med cing zhi ba la bkod do/ /kun dga' bo byang chub sems dpa' sems dpa' chen po rnams dka' ba ji snyed byed pa dang / yon tan tshad med pa ji snyed dang ldan pa la
115b4 ltos/ kun dga' bo rnam grangs 'dis kyang khyod kyis 'di ltar rig par bya ste/ byang chub sems dpa' rnams ci 'dra ba'i yon tan 'di lta bu dag rang sangs rgyas rnams la med do/ /kun dga' bo gal te rang sangs rgyas rnams la nga'i chos
115b5 rnams yod du zin na de dag kyang de bzhin gshegs pa dgra bcom pa yang dag par rdzogs pa'i sangs rgyas su 'gyur ba zhig na gang gi phyir de dag la chos 'di dag med pa de'i phyir de dag bla na med pa yang dag par rdzogs pa'i
115b6 byang chub mngon par rdzogs par 'tshang mi rgya'o/ /kun dga' bo de ltar byang chub sems dpa' sems dpa' chen po rnams ni dka' ba byed cing / snying rje che la sems can thams cad la snying brtse ba'o/ /de la mi blun po kha cig bla na med pa yang
115b7 dag par rdzogs pa'i byang chub dang bla na med pa'i yongs su mya ngan las 'da' ba'i sa bon mngon sum du bya ba'i phyir sems dang ba 'ga' yang nga la mi skyed do/ /kun dga' bo nyi tse ba byed pa ni nyi rtse ba sgrub la/ yongs su rdzogs
115b8 pa byed pa ni yongs su rdzogs pa sgrub bo/ /kun dga' bo nga'i spyod pa gzhan dag kyang bstan te/ kun dga' bo tha na sems dang ba gcig bskyed pa'i dge ba'i rtsa ba dang ldan pa bskyed pa yang don med par mi 'gyur na gong ma dag lta
116a1 ci smos/ kun dga' bo gang de bzhin gshegs pa la bzhag pa'i dge ba'i rtsa ba gang yin pa na sangs rgyas la dmigs pa'i sems gcig bskyed na kun dga' bo de dag thams cad kyang bdud rtsi dang mtshungs shing tha ma bdud
116a2 rtsir 'gyur bar nga smra'o/ /kun dga' bo de bzhin gshegs pa ni rnam pa thams cad kyis rjes su dran par bya ste/ kun dga' bo dran pa las kyang de bzhin gshegs pa dran par bya'o/ /kun dga' bo dge ba'i rtsa ba las kyang de bzhin
116a3 gshegs pa dran par bya'o/ /kun dga' bo rigs las kyang de bzhin gshegs pa dran par bya'o/ /nga ni 'dra ba'i phyir nyi ma'i rigs te gang bu ram shing pa'i rigs su skyes pa nor mang po phun sum tshogs pa'o/ /nyi ma'i rigs kyis
116a4 mun pa mun nag dang bral ba snang ba byed pa 'od byed pa'o/ /kun dga' bo nga ni shAkya yin te/ de ni rigs che ba'i tshig bla dgas so/ /kun dga' bo de bzhin gshegs pa ni rus dang / cho rigs dang / rigs dang / nor dang gzugs dang /
116a5 yul dang / mtshan dang dpe byad bzang po dang / stobs dang / mi 'jigs pa dang / sangs rgyas kyi chos ma 'dres pas mngon par 'phags so/ /kun dga' bo de bzhin gshegs pa yon tan thams cad kyis mngon par 'phags
116a6 shing rigs phun sum tshogs so/ /kun dga' bo ro myong ba las kyang de bzhin gshegs pa rjes su dran par bya'o/ /kun dga' bo don yod pa dang / sngon gyi sbyor ba phun sum tshogs pa dang / smon lam phun sum tshogs pa dang /
116a7 tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang / byams pa dang / snying rje dang / dga' ba dang / btang snyoms dang / spyod lam dang / spyod pa dang /
116a8 sgrub pa las kyang de bzhin gshegs pa rjes su dran par bya na sangs rgyas kyi yon tan thams cad kyis lta ci smos/ kun dga' bo rnam pa gang dang gang dag gis de bzhin gshegs pa rjes su dran par 'gyur ba'i rnam pa de dang de dag gis
116b1 rdzu 'phrul che phan yon che gzi che rgya che/ bdud rtsi dang mtshungs te/ bdud rtsis klas shing bdud rtsi'i mthas gtugs par 'gyur ro/ /kun dga' bo nga sngon byang chub sems dpar gyur pa'i rgyud la yod pa'i sbyin pa'i pha rol du phyin pa'i sa gang
116b2 yin pa de'i yon tan rnams ngas sangs rgyas kyi ye shes kyis kyang mtha' rtogs par mi nus na gang nga'i tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan
116b3 gyi pha rol du phyin pa dang / shes rab kyi pha rol du phyin par gyur pa lta ci smos/ byang chub sems dpa'i yon tan de las gzhan pa dag yod pa lta ci smos/ nga bla na med pa yang dag par rdzogs pa'i byang chub tu lung ma bstan pa na/ byang chub
116b4 sems dpa'i yon tan yod pa de dag gi mtha' yang ngas sangs rgyas kyi ye shes kyis rtogs par sla ba ma yin na lung bstan pa lta ci smos/ sangs rgyas kyi yon tan thams cad lta ci smos te/ de dag gi mtha' bskal pa bye ba khrag khrig
116b5 brgya stong du yang rtogs par sla ba ma yin no/ /de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas kyi yon tan dpag tu med pa'i phyir ro/ /kun dga' bo ngas don gyi dbang 'di mthong nas gang dag
116b6 kha cig nga'i byang chub sems dpa'i spyod pa'i yon tan rnams rjes su dran zhing sems dang ba yang skyed na/ kun dga' bo dge ba'i rtsa ba de dag thams cad kyi 'bras bu mya ngan las 'das pa yin te/ tha ma mya ngan las 'das par nga de skad
116b7 smra'o/ /kun dga' bo de bas na mya ngan ma byed/ smre sngags ma 'don cig /kun dga' bo khyod lha dang bcas pa'i 'jig rten gyi don chen po ngas byas zin te phan chen po ni btags/ bla na med pa'i grub pa dang bde ba 'di lta ste/
116b8 mya ngan las 'da' ba thob par bya ba'i lam ni bstan/ bsgrub pa ni bshad zin gyis da khyed bag yod pa la brtson par gyis shig /de nas bcom ldan 'das kyis thams cad dang ldan pa'i dge slong gi dge 'dun la bka' stsal pa/
117a1 dge slong dag do mod kyi nam gyi gung thun la de bzhin gshegs pa yongs su mya ngan las 'das dge slong dag tshur shog / deng du ngas khyed mthong ba'i tha ma dang rjes su bstan pa'i tha mar 'gyur/ deng du nga dang khyed
117a2 mthong ba tha ma dang phrad pa tha mar 'gyur te/ dge slong khyed kyis phyis nga mi mthong ngas kyang khyed mi mthong ngo / /de bas na dge slong dag mya ngan ma byed/ smre sngags ma 'don cig /dge slong dag sdug pa dang yid du 'ong ba thams cad
117a3 dang tha dad tu 'gyur zhing 'gyes te bye bar 'gyur 'bral bar 'gyur ro/ /dge slong dag gang skyes nga / byung ba brtags pa/ 'dus byas pa/ mngon par bsams pa/ rten cing 'brel par byung ba/ rab tu 'jig pa'i chos
117a4 can 'di dag 'jig par mi 'gyur ba'i gnas ga la yod de de ni gnas med do/ /dge slong dag ji ltar ring du gnas kyang tshe phyi mar nges par 'gro dgos so/ /dge slong dag skyes pa ni mi 'chi ba med do/ /'du byed du gyur pa rnams la
117a5 ni rtag pa'am/ brtan pa'am/ ther zug gam/ mi 'gyur ba'i chos can ma yin no/ /dge slong dag skyes pa dang 'chi ba ni sdug bsngal lo/ /dge slong dag gang dag yongs su mya ngan las 'das pa de dag ni bde ba'o/ /ma
117a6 thob pa thob par bya ba dang / ma rtogs pa rtogs par bya ba dang / mngon sum du ma byas pa mngon sum du bya ba'i phyir brtson pa gyis shig /'bad pa gyis shig /brtsal ba gyis shig /dge slong dag sangs rgyas bcom ldan 'das
117a7 kyi bla na med pa yang dag par rdzogs pa'i byang chub dang / gang de las gzhan pa'i dge ba'i byang chub kyi phyogs kyi chos rnams ni bag yod pas thob kyis/ bag yod pa la brtson par gyis shig /dge slong dag 'di ni khyed la rjes
117a8 su bstan pa'o/ /de'i tshe 'khor de na dge slong dang / dge slong ma dang / dge bsnyen dang / dge bsnyen ma dang / lha dang klu dang / gnod sbyin dang dri za dang lha ma yin dang / nam mkha' lding dang / mi'am ci dang / lto 'phye
117b1 chen po dang / brgya byin dang / tshangs pa dang / 'jig rten skyong ba ji snyed 'dus par gyur pa de dag thams cad kyis bcom ldan 'das la gdams pa dang rjes su bstan pa 'di lta bu 'di thos nas sdug bsngal zhing yid mi bde ste/
117b2 sdug bsngal dang yid mi bde ba mchog dang ldan par gyur/ mya ngan gyi zug rngu chen pos zug par gyur nas ngu zhing mchi ma byung bar gyur te/ bcom ldan 'das yongs su mya ngan las 'da' ba ha cang myur ches so/ /bde bar gshegs
117b3 pa yongs su mya ngan las 'da' ba ha cang myur ches so/ /'jig rten gyi mig mi snang bar 'gyur ba ha cang myur ches so/ /'jig rten gyi mig med cing long bar 'gyur ba ha cang myur ches so/ /sems can rin po che 'di lta bu dang
117b4 'bral ba dang / 'bye ba dang / tha dad tu 'gyur ba ha cang myur ches so zhes cho nge chen po bton no/ /de nas tshe dang ldan pa kun dga' bo bcom ldan 'das la mig mi 'dzums par 'di lta ste bltas shing brtags nas bcom ldan 'das
117b5 las tshig de skad thos pa dang ngu zhing smre sngags 'don te/ ji ltar langs pa nyid las shing bcad pa bsgyel ba bzhin du sa la 'gyel to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga'
117b6 bo thong mya ngan ma byed/ smre sngags ma 'don cig /kun dga' bo sdug pa dang yid tu 'ong ba thams cad dang tha dad tu 'gyur zhing 'gyes te bye ba dang bral bar 'gyuro/ /gang byung ba/ 'dus byas pa/ mngon par bsams pa/
117b7 rten cing 'brel par 'byung ba de dag mi 'jig pa de ga la yod de de ni gnas med do zhes ngas thog ma nas ma bstan nam/ de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to/ /
117b8 gang sems can rin po che sems can kha lo sgyur ba/ sems can yongs su 'dren pa/ sems can thams cad la gces pa sems can thams cad rton pa/ ston pa de lta bu dang bdag 'gyes shing 'bye 'bral na/
118a1 bcom ldan 'das ci'i slad du mya ngan mi bgyid/ bde bar gshegs pa bdag ci'i slad du smre sngags mi 'don/ bcom ldan 'das 'di ltar 'jig rten gyi mgon po thugs rje chen po 'jig rten thams cad la
118a2 phan zhing thugs brtse ba mig rin po che snang ba mdzad pa dang bdag 'bral bar 'gyur na ci'i slad du bdag mya ngan mi bgyid/ smre sngags mi 'don/ bcom ldan 'das bdag gi snying tshal pa brgyar ma gas pa ngo mtshar to/ /bcom ldan
118a3 'das bdag mchis pa 'di nyid du 'gum pa'i dus ma bgyis pa ngo mtshar to/ /bcom ldan 'das gang bdag mchis pa 'di nyid du 'di lta ste dper na/ phub ma spar gang bzhin du rnam pa du mar ma zhigs pa ngo mtshar to/ /bcom ldan
118a4 'das bdag ni bcom ldan 'das kyi byin gyi rlabs kyis 'gum pa'i dus ma bgyis so snyam bgyid do/ /bcom ldan 'das 'di ltar sems can rin po che 'jig rten yongs su 'dren pa/ 'jig rten la phan zhing thugs brtse ba de lta bu
118a5 sang slan chad bzhugs pa mi mthong na ci'i slad du mya ngan mi bgyid/ smre sngags mi 'don/ de nas sangs rgyas bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo khyod la nga sdug gam/
118a6 gsol pa/ bcom ldan 'das bdag la sdug go/ /bde bar gshegs pa bdag la sdug go/ /bka' stsal pa/ kun dga' bo khyod la nga ji tsam du sdug /gsol pa/ bcom ldan 'das dag gi las kyis bstan par sla ba ma lags
118a7 pa dang / bcom ldan 'das dpes bstan par yang sla ba ma lags pa de tsam du bcom ldan 'das bdag la sdug go/ /bde bar gshegs pa bdag la sdug go/ /bcom ldan 'das bdag gi lus dang srog bcom ldan 'das kyi don du yongs
118a8 su btang yang bdag mi dga' bar mi 'gyur ba de lta bur bcom ldan 'das bdag la sdug go/ /bde bar gshegs pa bdag la sdug go/ /bcom ldan 'das bdag la de ltar sdug pa dang bde bar gshegs pa bdag la de ltar sdug par bcom
118b1 ldan 'das de bzhin gshegs pa nyid kyis mkhyen no/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo gal te khyod la nga sdug na lag pa g.yas pa
118b2 nga la byin de nas tshe dang ldan pa kun dga' bos lag pa g.yas pa phul lo/ /de nas bcom ldan 'das kyis tshe dang ldan pa kun dga' bo'i lag pa nyid kyi phyag g.yas pa gser gyi kha dog can rgya skyegs kyi khu ba rab tu bzang pos kha bsgyur ba
118b3 lta bur 'jam zhing rab tu gzhon pas bzung nas tshe dang ldan pa kun dga' bo la 'di skad ces bka' stsal to/ /kun dga' bo gal te khyod la nga sdug na sdug pa'i bya ba byos/ de la nga la sdug par 'dzin pa'i bya ba gang zhe na/ kun dga' bo bskal
118b4 pa grangs med pa bye bar bsgrubs pa'i bla na med pa yang dag par rdzogs pa'i byang chub dang / bla na med pa'i chos dkon mchog gi mdzod 'di khyod la bcol cing gtad kyis ci nas kyang nga dang 'thun par gyis shig /'thun par byas nas kyang yangs
118b5 shing rgyas par gyis shig /rgyun ma chad par gyis shig /skyes bu tha ma par ma gyur cig /kun dga' bo de bzhin gshegs pas gsungs pa'i chos 'dul ba 'di rnam par 'phel ba dang / yongs su mi nyams pa dang
118b6 kun du bsrung zhing sba ba dang / chud mi zos par bya ba'i phyir khyod la dpe bstan par bya ste 'di la skyes bu mkhas pa kha cig dpes smras pa'i don shes par 'gyur ro/ /kun dga' bo 'di lta ste dper na/ tshong dpon nam khyim bdag phyug po nor
118b7 che ba/ longs spyod che ba/ bang mdzod mang ba/ bdag dbang ba mang ba/ rdzas dang yo byad mang ba/ rigs phun sum tshogs pa/ rus phun sum tshogs pa/ rigs btsun pa'i rigs las bu gcig pa zhig skyes te/ de skyes ma
118b8 thag tu dbang po rnams rgyas par bya ba'i phyir yi ge dang / grangs dang rtsis dang / lag rtsis dang / de las gzhan pa'i bzo dka' ba dang / sgyu rtsal dka' ba dag slob bo/ /de la bslabs nas tha mar tshong dpon nam khyim bdag de 'di skad du
119a1 khyod la ngas ji tsam du bya ba de dag ngas byas zin/ yi ge dang grangs dang rtsis dang lag rtsis dang bzo dka' ba dang / sgyu rtsal dka' ba dag kyang lobs zin te 'di ni nga'i dus tha ma yin pas bdag dbang ba thams cad ngas khyod la gtad
119a2 kyis gnas gsum la slob cing tshong dpon gyi khyim 'di na gnas par byos shig /gsum gang zhe na/ 'dun pa dang / brtson 'grus dang / bag yod pa'o zhes smras te/ de ltar tshong dpon nam khyim bdag des bu gcig pa de la shin du legs
119a3 par gtams nas 'chi ba'i dus byas la de'i bu gcig pa de bag med par spyod pas longs spyod ma rnyed pa ni mi rnyed/ pha mes kyi longs spyod rnyed pa dag ni yongs su zad cing med par gyur na/ kun dga' bo de ji snyam du sems/ tshong dpon gyi bu'am/
119a4 khyim bdag gi bu des pha'i lung bzhin du byas pa yin nam/ gsol pa/ bcom ldan 'das ma lags so/ /bde bar gshegs pa ma lags so/ /bka' stsal pa/ kun dga' bo pha des bu de la bu'i bya ba chung zad byas sam/
119a5 gsol pa/ bcom ldan 'das bgyis so/ /bde bar gshegs pa bgyis so/ /bka' stsal pa/ kun dga' bo de bzhin du de bzhin gshegs pa yang 'jig rten thams cad kyi yab ste khyed la bu gcig pa bzhin du dbugs 'byin to/ /
119a6 kun dga' bo 'di ni nga'i dus tha ma ste/ 'di ni nga'i rjes su bstan pa tha ma yin gyis ci nas kyang bskal pa grangs med pa bye ba khrag khrig brgya stong du bsgrubs pa nga'i chos dkon mchog gi mdzod dang / chos dkon mchog gi snod dang / chos kyi
119a7 nor bla na med pa 'di gnas gsum gyis bzhag nas gnas par gyis shig /gsum gang zhe na/ 'dun pa dang brtson 'grus dang / bag yod pa'o/ /khyed gnas 'di gsum gyis bskal pa grangs med pa bye ba khrag khrig brgya stong du
119a8 bsgrubs pa bla na med pa'i chos dkon mchog gi mdzod 'di la gnas na dge ba'i rtsa ba ma thob pa rnams thob par 'gyur ro/ /dge ba'i chos thob pa rnams yongs su mi nyams par 'gyur ro/ /gal te khyed bskal pa grangs med pa
119b1 bye ba khrag khrig brgya stong du bsgrubs pa bla na med pa yang dag par rdzogs pa'i byang chub 'di la gnas gsum gyis mi gnas na dge ba'i chos ma thob pa rnams khyed kyis thob par mi 'gyur la dge ba'i chos thob pa rnams kyang yongs su nyams
119b2 par 'gyur ro/ /de ci'i phyir zhe na/ kun dga' bo 'di ltar nga 'jig rten gyi yab/ 'jig rten gyi mgon po/ don bzhed pa/ phan par bzhed pa/ bde bar bzhed pa/ grub pa dang bde ba bzhed pa/ phan pa bzhed pa/ thugs
119b3 brtse ba can/ thugs rje dang ldan pas gang bya ba de ni ngas byas zin gyis da khyod kyis byos shig /kun dga' bo bskal pa grangs med pa bye ba khrag khrig brgya stong du bsgrubs pa bla na med pa yang dag par rdzogs pa'i byang chub 'di ni gnas gsum
119b4 gyis med par 'gyur ro/ /gsum gang zhe na/ ma dad pa dang / mi sgrub pa dang / mi ston pa'o/ /kun dga' bo de bas na dam pa'i chos dkon mchog gi mdzod 'di bsrung ba'i phyir mngon par dad pa dang / bsgrub pa dang / bstan
119b5 pa la 'dun pa dang / brtson 'grus dang / bag yod pa la brtson par gyis shig /de ltar byas na chos kyi rje 'jig rten gyi yab nga'i bya ba khyed bu rnams kyis byas par 'gyur ro/ /kun dga' bo de bas na bla na med pa'i chos dkon
119b6 mchog gi mdzod 'di rgya cher yongs su gtad pa'i phyir khyod la dpe bstan par bya ste/ 'di la skyes bu mkhas pa kha cig dpes smras pa'i don shes par 'gyur te/ bcom ldan 'das shAkya thub pa de bzhin gshegs pa dgra bcom
119b7 pa yang dag par rdzogs pa'i sangs rgyas kyis bdag cag gi don du yongs su mya ngan las 'da' ba'i tshe phyag g.yas pas tshe dang ldan pa kun dga' bo'i lag pa nas bzung ste bskal pa grangs med pa bye ba khrag khrig brgya stong du bsgrubs
119b8 pa bla na med pa yang dag par rdzogs pa'i byang chub 'di yongs su gtad do snyam nas de dag rgya cher yongs su dga' ba dang mgu bar 'gyur ro/ /kun dga' bo 'di lta ste dper na/ ded dpon byes su song bas gang bdag gi bya ba cung zad ci
120a1 yod pa dang / 'dron pa thams cad kyi gang bya ba cung zad ci yod pa de dag byas zin par gyur na kun dga' bo de ji snyam du sems/ ded dpon de bdag gi khyim du 'ong ngam/ 'on te byes de nyid na 'dug gam/ gsol pa/
120a2 bcom ldan 'das slar khyim du mchi'i mi mchi ba ma mchis so/ /kun dga' bo de bzhin du de bzhin gshegs pa 'jig rten gyi yab/ 'jig rten gyi mgon po/ 'jig rten gyi yongs su 'dren pa/ ded dpon chen pos kyang bla na
120a3 med pa yang dag par rdzogs pa'i byang chub mngon par rdzogs par sangs rgyas nas sangs rgyas kyi ye shes kyis gang bya ba de dag thams cad byas zin te de la sangs rgyas kyi bya ba gang phyis bya dgos pa cung zad kyang med do/ /da lta sangs rgyas
120a4 kyis gdul ba'i sems can gang ma dul ba'am ma zhi ba 'ga' yang med do/ /kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni gnas gsum yongs su ma rdzogs yongs su ma brnyes par
120a5 yongs su mya ngan las mi 'da'i/ gang gi tshe gnas de gsum mdzad cing yongs su rdzogs la yongs su brnyes par gyur pa de'i tshe na gdod de bzhin gshegs pa yongs su mya ngan las 'da'o/ /gsum gang zhe na/ byang chub sems
120a6 dpa' gang de bzhin gshegs pa'i bstan pa nub pa'i 'og tu bskal pa 'am/ bskal pa brgya 'am/ bskal pa stong ngam/ bskal pa brgya stong ngam/ bskal pa bye ba khrag khrig brgya stong na yang dag par rdzogs pa'i byang
120a7 chub mngon par rdzogs par 'tshang rgya bar phyir mi ldog pa'i chos la gnas par ma gyur la/ gal te sangs rgyas bcom ldan 'das kyis byang chub sems dpa' phyir mi ldog pa nyid du dbang po yongs su ma smin pa gzigs nas de'i tshe gang zag
120a8 de yongs su smin par bya ba'i phyir byang chub sems dpa' phyir mi ldog pa'i chos nyid ma thob kyi bar du rdzu 'phrul gyi sku byin gyis rlob ste/ de'i tshe phyis bla na med pa yang dag par rdzogs pa'i byang chub tu lung bstan nas gdod de bzhin gshegs
120b1 pa rnams phung po'i lhag ma med pa'i mya ngan las 'das pa'i dbyings su yongs su mya ngan las 'da'o/ /de bas na ngas da ni byang chub sems dpa' byams pa la sogs pa bye ba khrag khrig brgya stong mang po dag phyir mi ldog pa'i chos nyid la
120b2 lung bstan cing bkod de nga'i bya ba 'di dag sems can rnams la thugs brtse ba'i phyir byas zin no/ /kun dga' bo gzhan yang sangs rgyas kyis mngon du 'dul ba thams cad dul bar ma gyur gyi bar du de bzhin gshegs pa yongs su mya ngan las
120b3 mi 'da'o/ /gang gi tshe sangs rgyas bcom ldan 'das bskal pa stong phrag mang po zhig na sangs rgyas bcom ldan 'das gzhan rnams 'byung ba dang / 'jig rten gyi khams de'am/ gzhan dag tu 'gro ba lnga'i nang na gang yang
120b4 rung ba'i 'gro bar skyes pa'i gang zag kyang sangs rgyas kyis 'dul bar mkhyen la/ gang zag de lo gcig gam lo brgya'am lo stong ngam lo bye ba khrag khrig brgya stong ngam bskal pa las lhag pa na gang zag de ngas 'dul bar 'gyur
120b5 gyi nyan thos kyis ma yin/ rang sangs rgyas kyis ma yin par mkhyen par 'gyur ba de'i tshe sangs rgyas kyi ye shes kyis mkhyen nas gang zag de la thugs brtse ba'i phyir gang zag de yongs su smin par gyur gyi bar du rdzu 'phrul gyi sku byin gyis
120b6 brlabs nas de'i 'og tu gdod 'dul te/ kun dga' bo 'di ni gang byas nas phyis sangs rgyas bcom ldan 'das rnams yongs su mya ngan las 'da' bar 'gyur ba de bzhin gshegs pa rnams kyi mdzad pa gnyis pa'o/ /kun dga' bo
120b7 gzhan yang de bzhin gshegs pa'i mdo sde 'am/ 'dul ba 'am/ ma mo sangs rgyas kyi bstan pa'i gsung rab las dgos pa 'ga' zhig mngon sum du zhu ba 'am bya ba yod la/ de yang nyan thos slob pa 'am mi slob pa dag gis
120b8 kyang shes pa 'am/ yang dag par bsdu ba 'am/ bstan par mi nus la/ gal te sangs rgyas rnams kyi dge slong gi dge 'dun de las dge slong gcig tsam yang de bzhin gshegs pa la gnod par 'gyur du 'ong ngo zhes de bzhin gshegs pa
121a1 la gus par zhu nus pa med par gyur pa de na bcom ldan 'das yang dag par rdzogs pa'i sangs rgyas sangs rgyas kyi ye shes kyis dge slong sprul pa sprul par mdzad de/ sprul pa de de bzhin gshegs pa la bcom ldan
121a2 'das bgyi ba 'di lta bu zhig 'di ltar byung na 'di ji ltar bgyi zhes yongs su zhu'o/ /de bzhin gshegs pas sprul pa de la/ dge slong bya ba de 'di ltar byos shig /'di byas nas 'di ltar byos shig ces de skad ces bka' stsal to/ /
121a3 gang yongs su ma rdzogs par de bzhin gshegs pa yongs su mya ngan las mi 'da' ba'i gnas gsum po de dag de bzhin gshegs pas nges par mdzad dgos pa de dag thams cad ngas byas shing yongs su rdzogs te/ 'di la ngas nyan thos
121a4 rnams la bslab pa'i 'dul ba dang so sor thar pa ni bcas/ ngas lam ni bstan/ de byed pa yang dag par sdug bsngal zad par 'gyur ba nges par 'byin pa'i lam ni bsnyad zin te phyis bya dgos pa'i lhag ma ci yang med do/ /kun dga'
121a5 bo de lta bas na khyed kyis ma bcas pa ni mi bca'/ bcas pa ni mi gzhig ste/ kun dga' bo bslab pa ji ltar bcas pa bzhin du slobs shig /kun dga' bo 'di ni khyed kyis bya ba yin gyis bag yod pa dang / bag yod
121a6 pa la dga' bar gyis shig /'di ni nga'i rjes su bstan pa yin gyis mya ngan ma byed/ smre sngags ma 'don cig /kun dga' bo do mod kyi thun tha ma la nga yongs su mya ngan las 'da' ste/ kun dga' bo rang gi yul
121a7 dang / rang gi spyod yul du 'gro'o/ /slar 'jig rten 'dir mi 'ong ngo 'jig rten pha rol tu yang mi 'ong ngo / /phyin cad khyed kyis nga mi mthong ngas kyang khyed mi mthong ngo / /kun dga' bo phung po'i lhag ma med par
121a8 mya ngan las 'da' ba'i dbyings zhi ba/ bsil ba rdul med pa/ rdul dang bral ba/ sdug bsngal thams cad rnam par zhi ba/ yid tu 'ong ba'i mya ngan las 'das pa/ gang na skye ba yang med/ rga ba yang med/
121b1 'chi ba yang med/ mya ngan yang med/ smre sngags 'don pa yang med/ sdug bsngal dang yid mi bde ba dang 'khrug pa yang med/ gnod pa yang med/ mi mdza' ba dang phrad pa yang med/ mdza' ba dang 'bral ba yang med cing
121b2 gang du sangs rgyas dang sangs rgyas kyi nyan thos kyi tshogs gang gA'i klung gi bye ma snyed bzhud zin pa dang bzhud pa dang bzhud par 'gyur ba de la nga dga'o/ /kun dga' bo sems can rnams phung po'i lhag ma med pa'i mya ngan las 'das pa'i dbyings
121b3 la mi dga' ba dang / de dag mya ngan las 'das pa thob pa'i sa bon du 'gyur ba thar pa'i rjes su 'thun pa dang ldan pa'i sems bskyed pa gcig kyang mi skyed pa la ltos/ kun dga' bo byis pa so so'i skye bo la stobs ga la yod/ kun dga'
121b4 bo byis pa so so'i skye bo thams cad ni stobs med cing stobs chung ba ste kun dga' bo byis pa so so'i skye bo 'di dag thams cad ni rtswa dang phub ma dang sog ma dang mtshungs par snang ngo / /kun dga' bo byis pa so so'i skye bo dag ni mya ngan las 'das pa'i sa bon du
121b5 'gyur ba thar pa'i rjes su 'thun pa dang ldan pa'i sems bskyed pa gcig kyang mi bskyed pa dag ste de dag la stobs ga la yod/ dbugs dbyung ba lta ga la yod/ kun dga' bo byis pa so so'i skye bo rnams la tshul khrims kyi stobs med/
121b6 ting nge 'dzin gyi stobs med/ shes rab kyi stobs med do/ /kun dga' bo nga ni sangs rgyas kyi stobs dpag tu med pa dang / grangs med pa dang / bsam gyis mi khyab pa dang / gzhal du med pa dang / tshad med pa dang
121b7 ldan zhing tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i stobs rnams dang ldan la/ ngo tsha shes pa'i stobs dang / khrel yod pa'i stobs dang /
121b8 yang dag par 'grub pa'i stobs dang / ye shes kyi stobs dang / spong ba'i stobs dang / bsod nams kyi stobs dang / shes rab kyi stobs dang / dbang po'i stobs dang / byin gyi rlabs kyi stobs dang /
122a1 stobs bcu dang ldan pa ste/ kun dga' bo 'on kyang nga mya ngan las 'das pa'i dbyings de la dga'o/ /de la byis pa mun nag gi sgor gyur pa/ mi shes pa'i chos dang ldan pa/ 'khor ba na rgyu ba/
122a2 bcing bas bcings pa la dga' ba de dag ni mya ngan las 'das pa'i sa bon du 'gyur ba rjes su 'thun pa'i sems gcig kyang mi skyed do/ /kun dga' bo phyi ma'i dus phyi ma'i tshe de bzhin gshegs pa yongs su mya ngan las 'das pa'i mdo sde 'di
122a3 lta bu bstod cing bzhag ste bshad pa de dag de bzhin gshegs pa 'das pa'i 'og tu de dag de bzhin gshegs pas gsungs pa'i mdo sde 'di lta bu nyan no/ /thos nas gal te phung po'i lhag ma med pa'i mya ngan las 'das pa'i dbyings 'di ma thob
122a4 kyang nga'i chos rin po che'i snod 'di la 'jug par 'gyur ba dag yod de/ kun dga' bo don 'di nyid rgya cher shes par bya ba'i phyir khyod la dpe bstan par bya'o/ /kun dga' bo 'di lta ste dper na 'dron pa mang po dag 'brog dgon pa chen po las 'das te/
122a5 chom rkun gyi lam 'jigs pa dang bcas pa las 'das nas 'jigs pa med pa'i grong khyer du phyin pa de'i nang nas mi gcig cig 'dron pa mang po de dang bral zhing khyams par gyur la de 'dron pa mang po de'i rjes bzhin du 'gro zhing 'dron pa mang po lam
122a6 gang nas dong ba'i rjes bzhin du sdug bsngal ba dang / nyon mongs pa dang / tshegs chen pos song nas 'dron pa mang po dang phrad par gyur pa de bzhin du kun dga' bo gang de bzhin gshegs pas bla na med pa yang dag par rdzogs pa'i byang
122a7 chub mngon par rdzogs par sangs rgyas nas da ltar mdo sde 'di lta bu dag bshad pa de la ma 'ongs pa'i dus na rigs kyi bu 'am rigs kyi bu mo dag mdo sde 'di lta bu dag thos nas phung po'i lhag ma med pa'i mya ngan las 'das pa'i dbyings
122a8 'di sgras go bar 'gyur ba dag yod pas ngas dam pa'i chos kyi grong khyer 'di bzhag go/ /de dag lhags nas nga'i dam pa'i chos kyi grong khyer 'dir gnas par byed cing nga'i dam pa'i chos kyi mdzod 'di srung bar byed yang dag par ston par
122b1 yang byed do/ /kun dga' bo gang zag gcig gi phyir bla na med pa yang dag par rdzogs pa'i byang chub 'di gtad na yang khyod kyis legs par gzung dgos na sems can brgya stong dpag tu med pa rnams kyi phyir gtad pa lta ci smos/
122b2 kun dga' bo de bas na bskal pa grangs med pa bye bar bsgrubs pa bla na med pa yang dag par rdzogs pa'i byang chub 'di dang / dam pa'i chos dkon mchog gi mdzod 'di khyod la gtad kyis ci nas kyang 'khor bzhi po dad pa rnams la rjes
122b3 su 'thun par bya ba dang / 'jug pa dang bshad pa dang gdags pa dang dgrol ba dang rnam par dbye ba dang gsal bar byos shig / skyes bu tha ma par ma gyur cig / kun dga' bo gang mdo sde 'di lta bu dag ma thos pas yongs su nyams
122b4 par 'gyur ba'i sems can dag yod do/ /kun dga' bo de la skyes bu mkhas pa kha cig dpes smras pa'i don shes par 'gyur te de'i phyir khyod la dpe bstan par bya'o/ /kun dga' bo 'di lta ste dper na tshong dpon nam khyim bdag
122b5 phyug pa nor che ba longs spyod che ba/ bdag dbang ba mang ba/ rdzas dang yo byad mang ba/ nor dang 'bru mang ba/ bdag dbang ba'i skye bo mang ba/ mdzod dang bang ba mang ba zhig yod pa de'i bu gcig pa zhig byes su song bar gyur la
122b6 tshong dpon nam khyim bdag de yang na zhing mi bde la shin du sdug bsngal bar gyur te de 'chi ba'i dus la bab pa'i tshe/ khyim bdag gzhan zhig la nor bu dang mu tig dang bai dUr+ya dang dung dang man shel dang byi ru dang gser dang dngul mang po dang /
122b7 rin po che mang po rnams bzhag ste/ des rin po che de dag bzhag nas tshong dpon nam khyim bdag de la 'di skad ces khyed shes par gyis shig /kho bo'i bu gcig pa de ni byes su song / kho bo ni da lta na zhing mi bde ste/
122b8 ring po mi thogs par kho bo 'chi ba'i dus byed par 'gyur gyis/ rin po che dang bang mdzod mang po 'di dag bu gcig pa de'i phyir khyod kyi lag tu gzhag go/ /nam bdag gi bu gcig pa de byes de nas 'ongs te/ de bag yod la bag
123a1 yod pa'i chos la gnas par gyur pa de na rin po che 'di rnams byin cig /byin nas kyang 'di skad du gzhon nu khyod kyi pha 'chi kar rin po che mang po 'di dag khyod kyi phyir la la bzhag ste khyod kyi pha'i nor gyi tshogs 'di bdag
123a2 gi longs spyod yin gyis khyer la bag yod par bsrungs te ci nas kyang chud ma zos par gyis shes bsgo shig ces smras la/ de nas tshong dpon nam khyim bdag des tshong dpon gcig shos las rin po che'i mdzod mang po bzhag pa blangs nas
123a3 tshong dpon gyi bu byes nas 'ongs pa la rin po che'i mdzod bzhag pa de ma byin na kun dga' bo de ji snyam du sems/ de la sus nyes par 'gyur/ de skad ces bka' stsal pa dang / bcom ldan 'das la tshe dang ldan pa kun dga' bos 'di
123a4 skad ces gsol to/ /bcom ldan 'das gang tshong dpon de'i rin po che mang po bzhag pa blangs nas tshong dpon gyi bu de la ma stsal bas bzhag pa 'chang ba'i khyim bdag des nongs par 'gyur ro/ /bka' stsal pa/ kun dga' bo don de shes
123a5 par bya ba'i phyir ngas dpe bstan pa de la don du lta ba gang zhe na/ kun dga' bo khyim bdag ces bya ba de ni de bzhin gshegs pa'i tshig bla dgas so/ /kun dga' bo 'chi ba'i dus kyi tshe zhes bya ba'i de ni de bzhin gshegs pa'i yongs su mya
123a6 ngan las 'das pa'i dbyings kyi tshig bla dgas so/ /kun dga' bo bu gcig pa zhes bya ba de ni ma 'ongs pa'i rigs kyi bu'am rigs kyi bu mo dad pa dang ldan pa rnams kyi tshigs bla dgas so/ /kun dga' bo byes su song ba zhes bya ba de ni 'gro
123a7 ba lnga'i 'khor bar skye ba'i tshig bla dgas so/ /kun dga' bo rin po che'i mdzod chen po zhes bya ba de ni bskal pa grangs med pa bye bar bsgrubs pa chos dkon mchog 'di'i tshig bla dgas so/ /kun dga' bo bzhag pa 'chang ba
123a8 zhes bya ba de ni khyed lta bu dam pa'i chos kyi grong khyer 'di skyong ba nyan thos chen po dang / byang chub sems dpa' sems dpa' chen po rnams kyi tshig bla dgas so/ /kun dga' bo de ltar bskal pa grangs med pa bye bar bsgrubs
123b1 pa'i chos dkon mchog gi mdzod chen po 'di ma 'ongs pa'i rigs kyi bu 'am rigs kyi bu mo rnams kyi don du khyod dang / 'od srung chen po dang / byang chub sems dpa' byams pa la sogs pa la gtad kyis ma 'ongs pa na nga'i bu dad
123b2 pa dang ldan zhing mngon par dang ba rnams la ci nas kyang rjes su 'thun pa dang rjes su bstan pas dam pa'i chos dkon mchog gi mdzod 'di byin cig /de ci'i phyir zhe na/ kun dga' bo nga sngon byang chub sems dpar gyur pa na yongs su smin
123b3 par byas pa'i sems can dag yod de de dag da lta nyes par byas shing nyes par spyad pas sems can dmyal ba'am/ dud 'gro'i skye gnas sam/ gshin rje'i 'jig rten du dong ngo / /de dag de bzhin gshegs pa 'das pa'i 'og
123b4 tu de nas shi 'phos nas mir skye bar 'gyur ro/ /de dag dbang po rgyas shing yongs su smin pa'i rgyus nga'i bstan pa 'di la tshegs chung ngus dad par 'gyur te/ de la kha cig ni khyim nas khyim med par rab tu 'byung bar 'gyur ro/ /
123b5 kha cig ni khyim na gnas par 'gyur ro/ /de dag nga'i mdo sde 'di lta bu thos nas khyad par du 'gro bar 'gyur te/ de dag nyan thos kyi theg pa'am/ rang sangs rgyas kyi theg pa'am/ theg pa chen pos yongs su mya ngan las
123b6 'da' bar 'gyur ro/ /kun dga' bo bskal pa grangs med pa bye ba khrag khrig brgya stong du bsgrubs pa dam pa'i chos dkon mchog gi mdzod 'di 'di ltar rigs kyi bu rnams kyis mnyan par bya ba'i phyir de dag gi don du khyod kyi
123b7 lag tu gtad pas gtad do/ /de ci'i phyir zhe na/ kun dga' bo 'di ltar sems can de dag ni dge ba'i lam 'di lta bu dag ma thos pa las yongs su nyams par 'gyur ro/ /kun dga' bo de bas na ci nas kyang de dag 'di lta
123b8 bu thos pa las nyams par mi 'gyur bar bya ba'i phyir ma 'ongs pa de dag khyod la gtad do/ /kun dga' bo 'di la skyes bu mkhas pa kha cig ni dpes smras pa'i don shes par 'gyur te/ de'i phyir don 'di rgya cher shes par bya ba'i phyir
124a1 phyir khyod la dpe bstan par bya'o/ /kun dga' bo 'di lta ste dper na/ 'khor los sgyur ba'i rgyal pos dkor pa dang mngan rnams la mdzod dang bang ba thams cad gtad de/ kye mi khyed dge sbyong dang /
124a2 bram ze dang / bkren pa dang / 'dron pa dang / sdug phongs pa slong ba zas 'dod pa rnams la zas dang / skom 'dod pa rnams la skom dang / bzhon pa dang gos dang me tog dang spos dang phreng ba dang byug pa dang mal cha dang / gnas dang
124a3 rgyab rten dang / 'tsho ba'i yo byad gang yang rung ba rnams sbyin pa byin cig ces des de skad du bsgo zhing gtams pa las/ de la dkor pa dang mngan rnams la mdzod dang bang ba de phye yang sbyin pa de sbyin par mi byed na/ kun dga' bo de ji snyam du
124a4 sems de la sus nyes par 'gyur/ gsol pa/ btsun pa bcom ldan 'das dkor pa dang mngan de dag gis nongs par 'gyur gyi/ 'khor los sgyur ba'i rgyal pos ni ma nongs so/ /bka' stsal pa/ kun dga' bo de
124a5 bzhin du chos kyi rgyal po ngas chos kyi bang mdzod chen po 'di rab tu bsags nas bskal pa grangs med pa bye bar bsgrubs pa'i chos dkon mchog gi mdzod 'di mngon par rdzogs par sangs rgyas nas yangs shing rgya che bar byas te lha dang mi rnams la rnam
124a6 par phye zhing rab tu bstan no/ /gang ngas bstan pa'i chos de khyod la yang rnam par phye ste sbyin gyis byis pa so so'i skye bo dang / dge sbyong dang bram ze dang / khyim bdag dad pa don 'dod pa/ chos 'dod pa rnams nyan du chug shig
124a7 byis pa so so'i skye bo thos pa dang mi ldan pa rnams ni chos dkon mchog gi bang mdzod 'di lta bu mes tshig pa mthong na me de gsad pa la g.yel bar gnas na/ kun dka' bo de ji snyam du sems/ tshong dpon nam khyim bdag de'i mdza'
124a8 bshes dang / nye du dang snag gi gnyen mtshams don 'dod pa grub pa dang bde ba 'dod pa de dag me de mthong nas mi gsod de g.yel bar gnas na yang dag par zhugs pa yin nam/ gsol pa/ bcom ldan 'das ma lags so/ /
124b1 bde bar gshegs pa ma lags so/ /bka' stsal pa/ kun dga' bo gang dag tshong dpon nam khyim bdag don 'dod pa/ phan pa 'dod pa/ bde bar 'dod pa/ grub pa dang bde ba 'dod pa de dag kyang bang mdzod tshig pa'i me de mthong la/
124b2 bang mdzod de dag gi me gsad pa la g.yel bar gnas na me'i phung po des rgya cher bang mdzod thams cad tshig par 'gyur ram/ gsol pa/ bcom ldan 'das de lta lags so/ /bde bar gshegs pa de lta lags so/ /bka'
124b3 stsal pa/ kun dga' bo de bzhin du ngas bskal pa grangs med pa bye bar dge ba'i rtsa bas bsgrubs pas chos dkon mchog gi bang mdzod bla na med pa 'di 'jig cing mi snang bar gyur pa na dge slong gang ma dad pa tshul khrims 'chal pa/ sdig pa'i
124b4 chos kun du spyod pa/ 'phyar ba sngon du 'gro ba/ rab tu dben pa la brtson pa bor ba/ snyom las can le lo can thos pa nyung ba dag 'byung ste/ nyan pa la 'dun par yang mi 'gyur na chos dkon mchog 'di yang dag par gzung ba'i
124b5 phyir gzhan dag nyan du 'jug par lta ga la 'gyur ba de lta bu dag 'byung ngo / dge slong gang dgra bcom pa zag pa zad pa de dag kyang 'dus ma byas mngon sum du byas nas chos bshad pa dang rab tu bstan pa yal bar 'dor bar gnas pa dag 'byung
124b6 ste/ de dag gis kyang ston pa la bsnyen bkur byas par mi 'gyur la/ nga'i dam pa'i chos kyang yongs su gzung bar mi 'gyur te/ chos dkon mchog gi mdzod bla na med pa de ltar ma bshad pa dang klog tu ma bcug pas nub par 'gyur ro/ /
124b7 gsol pa/ bcom ldan 'das de lta lags so/ /bde bar gshegs pa de lta lags so/ /kun dga' bo ci nas 'dir skyes bu mkhas pa kha cig dpes smras pa'i don shes par 'gyur zhing don 'di rgya cher yongs su rdzogs par bya ba'i
124b8 phyir khyod la dpe bstan par bya'o/ /kun dga' bo 'di lta ste dper na mi la la mtshan mo mun pa rab tu gnag pa na rtswa'i sgron ma thogs nas bdag gi khyim du song zhing de na yang skye bo phal po che mun gnag de las thar bar 'dod pa rnams tshogs
125a1 par gyur la mi de rtswa'i sgron ma des mun pa mun gnag las thar nas bdag gi khyim du zhugs te sgron ma de bsad nas su la yang mi ster na/ kun dga' bo de ji snyam du sems / chos dkon mchog 'di lta bu las yongs
125a2 su nyams par mi 'gyur ram/ /kun dga' bo gal te nga'i chos dkon mchog gi mdzod 'di rnam par phye zhing yang dag par rab tu bstan te khyod kyi lag tu gtad pa de bram ze dang khyim bdag dad pa rnams la ma bstan/ byis pa so so'i skye
125a3 bo thos pa dang mi ldan pa don du gnyer cing 'dun pa dang dad pa dang ldan zhing dang ba rnams la mi ston na/ de lta na ni kun dga' bo khyod kyis de bzhin gshegs pa la nyes pa byas par 'gyur ro/ /de ci'i phyir zhe na/ kun dga' bo nga ni rgyal po
125a4 ste bla na med pa'i chos kyi rgyal po/ chos kyi 'khor los sgyur ba/ chos dkon mchog gi mdzod rgya chen po mang po dang ldan pa/ yon tan gyi bang mdzod mang po dang ldan pa/ byang chub kyi phyogs mang po'i bdag po/ byang chub kyi
125a5 yan lag rin po che sna bdun dang ldan pa/ stobs bcu dang mi 'jigs pa bzhi'i dbang thob pa chos thams cad la dbang sgyur ba'o/ /'di lta ste chos kyi phung po brgyad khri bzhi stong gi chos kyi bang mdzod ji srid 'dzin gyi bar du bram ze dang khyim
125a6 bdag dad pa rnams dang / byis pa so so'i skye bo dad pas don du gnyer ba dang / 'dun pa dang / chos 'dod pa dang / chos kyi snod du gyur pa rnams la ma rtog par byin cig /skyes bu tha ma par ma gyur cig /kun dga' bo khyod
125a7 gal te bskal pa grangs med pa bye bar bsgrubs pa bla na med pa yang dag par rdzogs pa'i byang chub 'di dang / bla na med pa'i chos dkon mchog gi mdzod 'di 'khor bzhi rnams la yang dag par rab tu ston na/ de lta na ni kun dga' bo
125a8 khyod de bzhin gshegs pa la nyes pa byed par mi 'gyur ro/ /ci ste yang dag par rab tu mi ston na nyes pa byed par 'gyur ro/ /kun dga' bo dge slong dgra bcom pa zag pa zad pa gang 'dus ma byas kyi tshogs rjes su thob nas gzhan la mi
125b1 'chad/ yang dag par rab tu mi ston pa des ston pa la bsnyen bkur byas par mi 'gyur/ des nga'i dam pa'i chos yongs su gzung bar mi 'gyur ro/ /de ci'i phyir zhe na/ kun dga' bo 'di la skyes bu mkhas pa kha cig dpes smras pa'i
125b2 don shes par 'gyur bas khyod la dpe bstan par bya'o/ /kun dga' bo 'di lta ste dper na tshong dpon nam khyim bdag phyug po nor che ba/ longs spyod che ba/ bang mdzod mang ba/ nor dang 'bru dang rdzas dang yo byad mang ba/ nor bu
125b3 dang mu tig dang bai dUr+ya dang dung dang man shel dang byi ru dang / dngul mang po yod pa de la phyir rgol ba 'am/ dgra bo 'ga' zhig bang mdzod der me gtong ba dang / gang de dang mi mdza' ba phyir rgol ba dgra bor gyur pa/ mi phan par 'dod pa/
125b4 mi bde bar 'dod pa/ grub pa dang / bde ba mi 'dod pa gzhan de dag kyang bang mdzod tshig pa'i me de mthong nas me mi gsod cing g.yel bar gnas pa dang / gang de'i mdza' bo phan par 'dod pa/ bde bar 'dod pa/ grub pa dang bde bar
125b5 'dod pa de dag gis kyang me'i phung po chen po des nor dang 'bru mang po de dag tshig pa mthong nas g.yel bar gnas pa dang / gang sgron ma yod bzhin du skye bo mang po mun nag de las thar bar 'dod pa dag 'khod pa gang la yang rtswa'i sgron ma mi ster na/
125b6 kun dga' bo skyes bu de de ltar byed na legs par bya ba byed pa yin nam/ gsol pa/ bcom ldan 'das ma lags so/ /bde bar gshegs pa ma lags so/ /bka' stsal pa/
125b7 kun dga' bo de bzhin du dge slong dgra bcom pa zag pa zad pa gang 'dus ma byas kyi chos mngon sum du byas nas bskal pa grangs med pa bye bar bsgrubs pa chos dkon mchog gi mdzod 'di mi 'chad cing rab tu mi ston gzhan dag la
125b8 rgyas par mi byed na kun dga' bo des ston pa la bsnyen bkur byas pa ma yin la/ nga'i dam pa'i chos yongs su bzung ba ma yin no/ /kun dga' bo de bas na bskal pa grangs med pa phyi bar bsgrubs pa chos dkon mchog gi mdzod 'di
126a1 khyod la gtad kyis ci nas kyang rgyun mi 'chad pa dang / dge ba'i lam 'di rgyun du 'byung bar gzhan dag la rgya cher rab tu ston cig /skyes bu tha ma par ma gyur cig / //
126a2 bam po drug pa ste tha ma/ kun dga' bo dge slong ngam/ dge slong ma'am/ dge bsnyen nam/ dge bsnyen ma gang la la zhig chos 'di dag la bdag kyang sgrub la/ gzhan la yang chad cing rab tu ston na/ kun dga'
126a3 bo de la ngas bskal pa grangs med pa bye bar bsgrubs pa'i chos dkon mchog gi mdzod 'di las cha shas sbyin zhing skal ba bzhag go/ /kun dga' bo de bas na bskal pa grangs med pa bye bar bsgrubs pa'i byang chub 'di gang ma 'ongs pa'i sems
126a4 can de rnams kyi don du khyod la lan gnyis su yang gtad kyis/ sems can de dag chos dkon mchog gi mdzod de lta bu ma thos pas yongs su nyams par gyur ta re/ kun dga' bo chos dkon mchog gi mdzod 'di lta bu ma thos pa las
126a5 sems can mang po dag yongs su nyams par 'gyur ro/ /kun dga' bo ngas don 'di'i dbang la brten nas bskal pa grangs med pa bye bar bsgrubs pa'i sangs rgyas kyi byang chub 'di khyod la gtad kyis sems can de dag chos dkon mchog gi
126a6 mdzod 'di lta bu las yongs su ma nyams par gyis shig /kun dga' bo 'di la skyes bu mkhas pa kha cig dpes smras pa'i don shes par 'gyur te de'i phyir khyod la dpe bstan par bya'o/ /kun dga' bo 'di lta ste dper na rgyal po rgyal
126a7 rigs spyi bo nas dbang bskur ba'i bu gcig pa zhig yod pa byes su song ste/ de byes su song ba'i 'og tu rgyal po rgyal rigs de na bar gyur la de na bar gyur pa dang / rin po che'i mdzod mang po rin po che la mkhas pa gtams pa
126a8 'chang ba rnams kyi lag tu gtad de/ khyim bdag rnams nga'i bu byes su song ba nam de byes nas slar log par gyur la rgyal por yang bcug par gyur pa de na khyed kyis rin po che'i mdzod mang po 'di khyod kyi pha 'chi ba'i dus byed
126b1 pa na bzhag pa yin no zhes byos la/ rin po che'i mdzod mang po 'di de la byin cig ces de skad kyang smras nas de ltar rgyal po des shin du legs par gtams te 'chi ba'i dus byas la de 'chi ba'i dus byas pa'i 'og tu rgyal
126b2 po'i bu de byes nas slar log ste rgyal por yang bcug la gser gyis bsgyur ba dang / khyim bdag de dag la so sor bzhag pa rgyal po'i bu rgyal srid kyi dbang phyug thob pa rgyal srid la gnas pa de la rin po che'i mdzod ma byin na/ kun dga'
126b3 bo de ji snyam du sems/ gser gyis bsgyur ba'am/ khyim bdag de dag rgyal po la nyes par byed pa yin nam/ gsol pa/ bcom ldan 'das de lta lags so/ /bde bar gshegs pa de lta lags so/ /bka' stsal
126b4 pa/ kun dga' bo don shes par bya ba'i phyir ngas khyod la dpe bstan pa de la don du lta ba gang zhe na/ kun dga' bo rgyal po rgyal rigs spyi bo nas dbang bskur ba zhes bya ba ni de bzhin gshegs pa dgra bcom pa yang dag par rdzogs pa'i sangs
126b5 rgyas chos kyi rgyal po chen po'i tshig bla dgas so/ /kun dga' bo bu gcig pa zhes bya ba de ni ma 'ongs pa'i rigs kyi bu dang / rigs kyi bu mo dad pa rnams kyi tshig bla dgas so/ /kun dga' bo byes su song zhes bya ba de ni 'gro ba lnga
126b6 rnams kyi tshig bla dgas so/ /kun dga' bo nad pa zhes bya ba de ni de bzhin gshegs pa yongs su mya ngan las 'da' ba'i tshig bla dgas so/ /kun dga' bo rin po che'i mdzod mang po zhes bya ba de ni byang chub kyi phyogs sum bcu rtsa bdun gyi
126b7 chos rnams kyi tshig bla dgas so/ /kun dga' bo khyim bdag ces bya ba de ni dgra bcom pa rnams kyi tshig bla dgas so/ /kun dga' bo dper na rgyal po de 'chi ba'i dus byed pa na nor 'jog pa de bzhin du/ kun dga' bo nga'i chos
126b8 dkon mchog gi mdzod bskal pa grangs med pa bye bar bsgrubs pa ma 'ongs pa'i rigs kyi bu dang / rigs kyi bu mo de dag gi don du khyod la gtad do/ /de ci'i phyir zhe na/ kun dga' bo sems can gang dag ngas yongs su smin par byas pa de
127a1 dag mi dge ba'i las kyi lam 'ga' zhig gis sems can dmyal ba dang / dud 'gro dang / gshin rje'i 'jig rten du skyes te/ de dag nga 'das pa'i 'og tu de nas shi 'phos nas mir 'gyur ba thob ste/ dbang po
127a2 rnams rgyas pa'i rgyu dang yongs su smin pa'i rgyus nga'i bstan pa 'di la dad par 'gyur ba dag yod de/ de la kha cig ni dad pas khyim nas khyim med par rab tu 'byung bar 'gyur ro/ /kha cig ni khyim na gnas par 'gyur ro/ /de la kha
127a3 cig ni rgyun du zhugs pa'i 'bras bu thob par 'gyur ro/ /kha cig ni lan cig phyir 'ong ba'i 'bras bu dang / kha cig ni phyir mi 'ong ba'i 'bras bu dang / kha cig ni dgra bcom pa mngon sum du byed par 'gyur ro/ /kha cig ni slob pa'i sa
127a4 nas 'chi ba'i dus byed par 'gyur ro/ /kha cig ni sangs rgyas kyi sar lhag pa'i bsam pas sems skyed par 'gyur ro/ /kha cig ni lha dang mir skye bar bya ba'i phyir dge ba'i rtsa ba skyed par 'gyur te/ de ltar rnyed pa de dang de dag dang ldan
127a5 par 'gyur ro/ /kha cig ni sems dang ba gcig thob par 'gyur te 'jig rten gyi yab des bdag cag la legs par gtad do snyam nas de dag rgya cher rab tu dad par 'gyur zhing dang ba skyed par byed do/ /kun dga' bo 'di ltar de dag gis chos
127a6 dkon mchog 'di mnyan par bya ba'i phyir ngas chos dkon mchog gi mdzod 'di khyod la gtad do/ /kun dga' bo khyod kyis gal te nga'i chos dkon mchog gi mdzod 'di rigs kyi bu dang / rigs kyi bu mo dad pa de dag nyan du ma bcud na/ de lta na
127a7 ni kun dga' bo khyod de bzhin gshegs pa la nyes pa byed pa yin no/ /de ci'i phyir zhe na/ kun dga' bo 'di ltar rigs kyi bu dang rigs kyi bu mo de dag chos dkon mchog 'di lta bu thos nas kha cig gis ni khyad par thob par 'gyur/ kha
127a8 cig gis ni rab tu dga' zhing mgu bar 'gyur/ kha cig ni chos kyi shugs kyis mchi ma 'byung zhing spu zing zhes byed par 'gyur ro/ /kun dga' bo gang dag chos kyi rnam grangs 'di lta bu thos nas nga'i yon tan rjes su dran zhing chos kyi shugs
127b1 kyis mchi ma 'byung la spu zing zhes byed par 'gyur na/ kun dga' bo dge ba'i rtsa ba de dag thams cad kyi 'bras bu ni mya ngan las 'das pa yin te/ tha ma mya ngan las 'da' bar nga smra'o/ /kun dga' bo dge slong gang dag chos kyi rnam grangs
127b2 'di lta bu 'dzin la rigs kyi bu dang rigs kyi bu mo dad pa chos 'dod pa rnams 'ongs shing lhags pa dag la chos mi 'chad cing rab tu mi ston na de dag de bzhin gshegs pa la nyes pa byed pa yin no/ /kun dga' bo gang dag rigs kyi bu dang rigs kyi
127b3 bu mo chos don du gnyer cing nyan par 'dod de nyan pa rnams chos nyan pa las nyams par byed na/ de dag de ltar snod tu gyur pa rnams la mi 'chad pas bdag gi rgyud la dge ba'i rtsa ba nyams pa dang / gzhan gyi rgyud la dge ba'i rtsa ba
127b4 yongs su nyams par byed pa la zhugs pa yin no/ /de ci'i phyir zhe na/ de dag ni gang la chos bshad par bya ba dang / gang la mi bshad pa mi shes so/ /kun dga' bo de bas na don de rgya cher shes par bya ba'i phyir khyod la dpe bstan par
127b5 bya'o/ /kun dga' bo 'di lta ste dper na/ tshong pa byis pa'i rang bzhin can la la zhig rin po che mang po khyer te 'ong ba de byes nas 'ongs te 'brog dgon pa chen po chom rkun yod pa der zong de dag bkram ste rkun po'i tshogs rnams bos nas/
127b6 kye mi dag zong 'di dag ji tsam du bzang ji tsam du mdzes pa ltos te/ mi khyod nga'i zong 'di dag nyos shig ces zer la/ kun dga' bo 'brog dgon pa der chom rkun de dag gis tshong pa byis pa'i rang bzhin can de dbyug pas snad par brdegs nas
127b7 rin po che thams cad phrogs na kun dga' bo de ji snyam du sems/ 'brog dgon pa der zong bkram nas chom rkun 'bod pa'i tshong pa de chos dang rjes su 'thun pa yin nam/ de skad ces bka' stsal pa dang / bcom ldan 'das
127b8 la tshe dang ldan pa kun dga' bos 'di skad ces gsol to/ /bcom ldan 'das tshong pa de chom rkun mchis pa'i 'brog dgon par zong 'grems pa yang chos dang 'thun pa ma lags na zong rnams bkram nas chom rkun 'bod pa lta smos kyang ci 'tshal/
128a1 bcom ldan 'das 'di ltar bgyid na ni chos dang rjes su 'thun pa lags te/ gal te tshong pa de zong de dag legs par sbas nas mda' gzhu thogs shing go cha bzang po bgos te/ 'brog dgon pa de nas legs par
128a2 'byung na de chos dang rjes su 'thun pa lags so/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo ci ste tshong pa byis pa'i rang bzhin can de nor gyi phung po
128a3 mang po dang rin po che mang po khyer te byes nas slar log ste/ grong dang grong khyer dang / grong 'dab dang / yul 'khor dang / pho brang 'khor du 'ongs te/ zong de bkram la der zong bkram pa'i rin po che rin thang chen po de dag nyo ba'i
128a4 skyes bu mkhas pa shes rab dang ldan pa zong 'dod pa rnams lhags pa dang / de nas tshong pa de zong 'dod pa'i skyes bu lhags pa de dag la mda' gzhu thogs te thab mo rgol na/ kun dga' bo de ji snyam du sems/ skyes bu de de ltar
128a5 byed na chos dang rjes su 'thun pa yin nam/ gsol pa/ bcom ldan 'das ma lags so/ /bde bar gshegs pa ma lags so/ /bcom ldan 'das tshong pa des 'di ltar bgyi zhing zong 'tshal ba'i skyes bu de dag la skyes
128a6 bu khyed tshur shog zong gi bye brag bzang po mang po 'di dag la ji tsam du bzang ba dang ji tsam du mdzes pa ltos la nyos shig dang / rin chung ngur sbyin no zhes de skad smra zhing bcom ldan 'das tshong pa des de ltar bgyi ba'i rigs te/ de ltar
128a7 bgyis na de chos dang rjes su 'thun gyi/ tshong dus su zong bkram nas go bgos te mchis pa ni mi rigs so/ /bka' stsal pa/ kun dga' bo de bzhin du 'di la dge slong kha cig chos dkon mchog gi mdzod mang po 'di
128a8 lta ste/ mdo'i sde dang / dbyangs kyis bsnyad pa'i sde dang / lung du bstan pa'i sde dang / tshigs su bcad pa'i sde dang / ched tu brjod pa'i sde dang / gling gzhi'i sde dang / rtogs pa brjod pa'i sde dang /
128b1 de lta bu byung ba'i sde dang / skyes pa rabs kyi sde dang / shin du rgyas pa'i sde dang / rmad tu byung ba'i chos kyi sde dang / gtan la bab par bstan pa'i sde rnams kun chub par byas nas gang na chos dkon mchog gi mdzod 'di'i
128b2 snod tu gyur cing len par byed pa gang dag gis thos nas khyad par thob par 'gyur zhing dga' ba dang / mchog tu dga' ba chen po rnyed par 'gyur ba dang / de'i dge ba'i rtsa bas mya ngan las 'da' bar 'gyur ba yod pa der de dag mi 'chad kyi
128b3 de dag gang na chos dkon mchog 'di'i snod tu ma gyur cing thos nas dang bar mi 'gyur/ dad par mi 'gyur/ mos par mi 'gyur gyi spong bar 'gyur ba dang / de'i mi dge ba'i rtsa ba ngan song gsum du 'gyur ba yod pa der 'chad de/
128b4 kun dga' bo 'di lta ste dper na/ tshongs pa byis pa'i rang bzhin can de gang du zong de bkram pa'i rigs pa der mi 'grems par gang du dgram par mi bya ba der 'grems te/ gang dag la sbyin pa'i rigs pa de dag la ni mi ster/ gang dag
128b5 la sbyin pa'i mi rigs pa de dag la ster ba de bzhin du kun dga' bo gang dag rigs kyi bu dang rigs kyi bu mo mngon par dad pa/ chos dang ldan pa/ chos 'dod pa/ nyan 'dod pa/ sgrub 'dod pa/ snod du gyur pa lhags pa rnams
128b6 la chos mi 'chad par de gang la bshad pa'i mi rigs pa de dag la 'chad cing / gang la bshad pa'i rigs pa de dag la mi 'chad pa dag kyang ngas de lta bu yin par mthong ngo / /kun dga' bo de lta bas na gang dag snod tu gyur pa dang ba
128b7 nyan 'dod pa mya ngan las 'da' ba don du gnyer ba de dag la chos bshad par bya'o/ /gang dag snod du ma gyur pa/ ma dad pa/ glags tshol ba/ tshul khrims 'chal pa/ sdig pa'i chos can/ 'phyas tshol ba'i bsam
128b8 pa can/ chos spong ba dam pa'i chos dang 'gal bar gnas pa/ gtam du byed kyi rjes su 'thun pa'i chos mi 'chad pa de dag la mi bshad do zhes de ltar bslab par bya'o/ /de ci'i phyir zhe na/ mi blun po de dag gis thos nas
129a1 rgya cher ma rung bar gyur ta re zhes kun dga' bo khyod de ltar bslab par bya'o/ /kun dga' bo khyod skyo bar ma byed cig /kun dga' bo dge slong don du gnyer ba rnams la chos gus par 'chad cing / de yang gus
129a2 par nyan na kun dga' bo de gnyi ga yang bsod nams rgya cher skyed cing / bsod nams tshad med grangs med par skyed do/ /kun dga' bo de ji snyam du sems/ sa'i khams dang sems can gyi khams gang mang / gsol pa/
129a3 bcom ldan 'das ji ltar bcom ldan 'das kyis bshad pa'i don bdag gis 'tshal ba ltar na bcom ldan 'das sems can gyi khams ches mang ngo / /bcom ldan 'das kyis bka' stsal pa/ kun dga' bo khyod ji skad
129a4 smra ba de bzhin te/ kun dga' bo sems can gyi khams ches mang gi sa'i khams ni ma yin no/ /kun dga' bo sems can gyi khams ches mang gi chu'i khams ni ma yin no/ /me'i khams ni ma yin no/ /kun dga' bo
129a5 yongs su brtags pa bzung ste/ stong gsum gyi stong chen po'i 'jig rten gyi khams na sems can du mngon pas mngon pa kun du snang bar gyur pa'am/ kun du snang bar ma gyur pa gang dag yod pa de dag thams cad skad cig
129a6 gcig dang / thang cig gcig dang / yud tsam gcig la mi'i lus thob par gyur te/ de dag mi'i lus thob nas skad cig gcig dang / thang cig gcig dang / yud tsam gcig la rang byang chub thob par gyur
129a7 pa dang / kun dga' bo yongs su brtag pa bzung ste/ 'jig rten gyi khams mtha' yas dpag tu med pa dag na sa'i khams ji snyed yod pa sa'i phung po gang gi mtha' mi mngon pa'i sa'i phung po de la rdul phra rab kyi rdul ji snyed yod pa'i
129a8 sa'i rdul de thams cad snyed kyi mir gyur la/ kun dga' bo mir gyur pa de dag kyang skad cig thang cig yud tsam gcig la snga phyi med par rang byang chub thob par gyur pa dang / kun dga' bo yongs su brtag pa bzung ste/ 'jig rten
129b1 gyi khams mtha' yas dpag tu med pa na gang ri'i rgyal po ri rab rnams dang / ri'i rgyal po khor yug dang / khor yug chen po rnams dang / gangs ri dang / spos kyi ngad ldang dang / de las gzhan pa ri nag po rnams dang /
129b2 stong gsum gyi stong chen po'i 'jig rten gyi khams na rtswa dang / shing dang lo ma dang shing ljon pa dang nags dang shing gel pa dang sman dang nags tshal ji snyed yod pa dag la rdul phra rab kyi rdul ji snyed yod pa/ yod pa'i dngos po'am/
129b3 brtags par blta bar bya bar snang ba de dag thams cad kyang mir gyur la/ kun dga' bo mir gyur pa de dag kyang skad cig dang thang cig dang yud tsam gcig la snga phyi med par rang byang chub thob par gyur te/ kun dga' bo rang sangs rgyas
129b4 de dag kyang ji srid du 'khor ba'i sngon gyi mtha' mi mngon pa de srid du yun ring du gnas par gyur pa de dag la sems can gyi khams der ma gtogs pa'i khyim bdag gcig cig byung ba de yang ji srid 'khor ba'i sngon gyi mtha' mi mngon pa de srid
129b5 du gnas par gyur te/ de nas khyim bdag de tshe'i tshad de lta bus rang sangs rgyas rnams la na bza' dang / bshos dang / gzims cha dang / na ba'i gsos sman dang / bde bar sbyar ba thams cad kyis sti stang byed/ bla mar byed/
129b6 rim gror byed/ mchod par byed pa dang / yongs su mya ngan las 'das pa rnams kyi mchod rten yang rin po che sna bdun las byas nas lha dang mi'i gdugs dang / rgyal mtshan dang / ba dan rnams dang / me tog dang phreng ba dang spos
129b7 dang byug pa dang phye ma dang na bza' dang glu gar dang / sil snyan rnams kyis lha dang mi rnams mchod pa byed sti stang byed/ bla mar byed/ rim gror byed/ rjed par byed/ gsol bar byed na/ kun dga' bo de ji snyam du sems/
129b8 gzhi de las khyim bdag de bsod nams mang du skyed dam/ de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das kyis bshad pa'i don ji ltar bdag
130a1 gis 'tshal ba ltar na cang shes gcig la sti stang bgyis pa yang bsod nams mang du skyed de/ grangs ma mchis/ bsam gyis mi khyab mtshungs pa ma mchis na/ rang sangs rgyas kyi tshogs 'di lta bu 'di la sti stang
130a2 bgyis pa lta smos kyang ci 'tshal/ de nas bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo khyod la bsgo'o/ /khyod kyis khong du chud par bya'o/ /rang sangs rgyas tshul khrims
130a3 dang ldan/ ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po dang ldan pa de dag thams cad khyim bdag de'i sbyin pa sbyong bar byad pa bas/ kun dga' bo gang de bzhin gshegs
130a4 pa dgra bcom pa yang dag par rdzogs pa'i sangs rgyas gcig 'jig rten du byung ste/ byung nas kyang khyim bdag des phul ba'i na bza' dang bshos dang / gzims cha dang / na ba'i gsos sman dang / yo byad rnams yongs su spyad
130a5 de/ yongs su spyad nas kyang khyim bdag des de bzhin gshegs pa dgra bcom pa yang dag par rdzogs pa'i sangs rgyas de mthong ba ma gtogs par chos mi 'chad kyang / kun dga' bo de bzhin gshegs pa de rang bzhin gyi spyod lam ston
130a6 pa tsam gyis sbyin pa rab tu mang po de sbyong bar mdzad kyi/ ji ltar de bzhin gshegs pa rang bzhin gyi spyod lam ston pa des sbyin pa sbyong bar mdzad pa de ltar rang sangs rgyas tshul khrims kyi phung po dang ldan ting nge 'dzin gyi phung po dang /
130a7 shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po dang ldan pa thams cad kyis bskal pa bye ba khrag khrig brgya stong du yang sbyin pa sbyong bar mi byed do/ /de ci'i phyir zhe na/
130a8 kun dga' bo de bzhin gshegs pa'i spyod lam yang yon tan tshad med/ grangs med/ bsam gyis mi khyab pa gang gi mtha' rtogs par sla ba ma yin pa de snyed dang ldan na sangs rgyas kyi yon tan gzhan rnams lta ci smos/ kun
130b1 dga' bo rang sangs rgyas rnams la yon phul ba yang yod/ yon de tshad med/ dpag tu med par 'gyur ba yang yod/ kun dga' bo tshad med dpag tu med cing dpag yas pa'i khyad par yang yod/ tha dad tu bya ba yang yod do/ /
130b2 kun dga' bo yon de yod de/ de med pa ma yin no/ /kun dga' bo nga lta bu la gnas/ nga lta bu la brten te yon phul na yon de'i dpe bya bar yang sla ba ma yin no/ /de ci'i phyir zhe na/ kun dga' bo yon de tshad med grangs med/ bsam
130b3 gyis mi khyab mtshungs pa med/ dpag tu med cing zad mi shes pa'i phyir ro/ /kun dga' bo 'di lta ste dper na/ mi 'ga' zhig khe'i phyir song la de nas khe rnyed de slar 'ongs pa de bzhin du kun dga' bo rang sangs rgyas la yon phul ba
130b4 yang ngas de dang 'dra bar mthong ngo / /nga lta bu la gnas te nga lta bu la yon phul ba la brtsams nas/ kun dga' bo don de nyid rgya cher shes par bya ba'i phyir khyod la dpe bstan par bya ste/ 'di ltar 'di la skyes bu mkhas pa kha cig dpes
130b5 smras pa'i don shes par 'gyur ro/ /kun dga' bo 'di lta ste dper na mi la la zhig ri mo 'dri ba las des ri mo de ma legs par bris la ma legs par bris nas chung zad chung zad tsam phyes kyang / kun dga' bo ri mo de la sdug
130b6 pa yod mod kyi de bas gzhan ches sdug pa dag yod do/ /kun dga' bo de bzhin du rang sangs rgyas thams cad pas nga lta bu dag la brtsams pa'i yon rgyas par 'gyur ro/ /de ci'i phyir zhe na/ kun dga' bo ye shes gang gis rang
130b7 sangs rgyas shes bya ba'i grangs su 'gro ba'i rang sangs rgyas kyi ye shes ni 'di las byung ngo / /de bzhin gshegs pa ni chos thams cad mkhyen pa la khyad par du mkhas pa'o/ /kun dga' bo de ji snyam du sems/ gang de bzhin
130b8 gshegs pa la ji srid 'tsho'i bar du na bza' dang bshos dang gzims cha dang na ba'i gsos sman dang / yo byad thams cad kyis sti stang byed/ bla mar byed/ rim gror byed/ mchod par byed na bsod nams mang du skyed dam/
131a1 gsol pa/ bcom ldan 'das de de lta lags so/ /bde bar gshegs pa de de lta lags te/ gang de bzhin gshegs pa la ji srid 'tsho'i bar du sti stang bgyid pa de bsod nams mang du skyed do/ /bcom ldan
131a2 'das de bzhin gshegs pa la sems dang bas sems gcig bskyed pa yang gzhi de las bsod nams mang du skyed de/ dpag tu ma mchis/ bsam gyis mi khyab/ grangs ma mchis na/ gang de bzhin gshegs pa la ji srid
131a3 'tsho'i bar du sti stang bgyid/ bla mar bgyid/ rim gror bgyid/ mchod par bgyid pa lta smos kyang ci 'tshal/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /
131a4 kun dga' bo gang de bzhin gshegs pa gcig la ji srid 'tsho'i bar du bde ba'i yo byad thams cad kyis sti stang byed pa lta zhog la/ gnyis sam/ gsum mam/ bzhi 'am/ lnga 'am/ bcu 'am/ nyi shu 'am/ sum bcu
131a5 'am/ bzhi bcu'am/ lnga bcu'am/ brgya'am/ stong ngam/ bye ba'am/ bye ba brgya'am/ bye ba stong ngam/ bye ba brgya stong ngam/ bye ba khrag khrig brgya stong ngam/ kun dga' bo 'dzam bu'i gling de bzhin gshegs
131a6 pa dgra bcom pa yang dag par rdzogs pa'i sangs rgyas rnams kyis yongs su gang bar gyur pa dang / gling bzhi pa chen po'i 'jig rten gyi khams dang / stong gnyis pa'i 'jig rten gyi khams dang / stong gsum gyi stong chen po'i
131a7 'jig rten gyi khams gang na zla ba bye ba brgya rnams dang / nyi ma bye ba brgya rnams dang / ri rab bye ba brgya rnams dang / ri khor yug bye ba brgya rnams dang / rgya mtsho chen po bye ba brgya rnams dang / 'dzam bu'i gling bye ba brgya
131a8 rnams dang / shar gyi lus 'phags bye ba brgya rnams dang / byang gi sgra mi snyan bye ba brgya rnams dang / nub kyi ba lang spyod bye ba brgya rnams te/ gling brgyad khris bskor ba rnams dang / gling bzhi pa chen po bye ba brgya rnams dang
131b1 rgyal chen bzhi pa bye ba brgya rnams dang / sum bcu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed bye ba brgya rnams dang / tshangs ris bye ba brgya rnams nas 'og min
131b2 bye ba brgya rnams kyi bar 'di ni stong gsum gyi stong chen po'i 'jig rten gyi khams shes bya ste/ de thams cad 'di lta ste dper na/ bu ram shing stug po 'am/ 'bras kyi zhing stug po 'am/ til gyi zhing stug po 'am/ 'dam
131b3 bu mda' rgyu stug po 'am/ 'od ma stug po 'am/ 'dam bu stug po 'am/ seng ldeng stug po 'am/ rtswa ku sha stug po bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyis kun du gang bar
131b4 gyur la tha na yongs su brtag pa bzung ste sangs rgyas bcom ldan 'das de dag bskal pa gang gA'i klung gi bye ma snyed tu bzhugs par gyur la/ der khyim bdag gcig cig byung ste/ khyim bdag de yang de srid tu gnas par gyur pa des
131b5 sangs rgyas bcom ldan 'das de dag la ji srid 'tsho'i bar du na bza' dang bshos dang gzims cha dang / na ba'i gsos sman dang / yo byad rnams kyis sti stang byed/ bla mar byed/ rim gror byed/ mchod par byed pa dang /
131b6 sangs rgyas bcom ldan 'das yongs su mya ngan las 'das pa rnams kyi sku gdung la yang sku gdung gi mchod pa rin po che sna bdun gyi mchod rten byas nas lha'i gdugs dang / rgyal mtshan dang / ba dan la sogs pa dang /
131b7 spos dang byug pa thams cad dang / me tog dang phreng ba dang ud pa la dang pad ma dang ku mu ta dang pad ma dkar po thams cad dang / glu dbyangs thams cad dang / rol mo'i sgra thams cad dang / lha dang mi'i mchod pa bzang po
131b8 me tog nas sil snyan dang pheg rdob pa'i bar thams cad kyis sti stang byed/ bla mar byed/ rim gror byed/ mchod par byed na/ kun dga' bo de ji snyam du sems/ gzhi de las khyim bdag de bsod nams mang du skyed dam/
132a1 gsol pa/ bcom ldan 'das de bzhin gshegs pa gcig la khyim bdag des bshos gsol na yang bsod nams mang du skyed de/ dpag tu ma mchis grangs ma mchis na de bzhin gshegs pa'i tshogs de snyed
132a2 cig bskal pa de snyed tu bzhugs pa la sti stang bgyid/ bla mar bgyid/ rim gror bgyid/ mchod par bgyid pa dang / yongs su mya ngan las 'das pa rnams kyi mchod rten la de lta bu'i sti stang bgyid pa lta smos kyang ci 'tshal/
132a3 bcom ldan 'das de bzhin gshegs pa'i tshogs de lta bu la de lta bu'i sti stang bgyis pa khyim bdag de gzhi de las bsod nams 'di snyed cig bskyed do zhes bsod nams kyi phung po de dpe bstan du mi nus so/ /de skad ces gsol
132a4 pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo khyod la bsgo'o/ /kun dga' bo khyod kyi khong du chud par bya'o/ /khyim bdag gang gis de bzhin gshegs pa de snyed cig
132a5 bskal pa de snyed du bzhugs pa la sti stang byas/ bla mar byas/ rim gror byas/ mchod par byas pa dang / yongs su mya ngan las 'das pa rnams kyi mchod rten la de lta bu'i sti stang byas pa'i bsod nams bskyed pa bas/
132a6 kun dga' bo rigs kyi bu 'am/ rigs kyi bu mo dad pa rab tu mang ba/ lhag pa'i bsam pas zhugs pa/ sangs rgyas bcom ldan 'das kyi byang chub la mi rtog par mngon par dad cing yid ches
132a7 la/ mos pa gang gis chos thams cad mi rtag pa 'am/ sdug bsngal ba 'am/ stong pa 'am/ bdag med pa'o zhes legs par gsungs pa'i chos la yang dag par zhugs shing tshig tu smra na/ kun dga' bo 'di ni de bas
132a8 bsod nams ches mang du skyed do/ /kun dga' bo gang bla na med pa'i chos dkon mchog 'di lta bu sti stang du byas te gzhan la 'chad dam/ rab tu ston na bsod nams ji tsam du rgya cher skyed pa dang / ji tsam du tshad med pa dang / ji tsam
132b1 du grangs med pa dang / ji tsam du bsam gyis mi khyab pa dang / ji tsam du mtshungs pa med pa dang / ji tsam du dpag tu med pa'i bsod nams skyed pa la ltos/ de ci'i phyir zhe na/ kun dga' bo 'di ltar de las gzhan pa'i sbyin pa
132b2 rnams ni zag pa dang bcas shing nyon mongs pa dang bcas pa ste/ 'khor ba'i rgyu ba yin la/ kun dga' bo bskal pa grangs med pa bye bar bsgrubs pa'i chos dkon mchog zang zing med pa bla na med pa 'di ni 'khor ba'i rgyun gcod par 'gyur ba'i
132b3 phyir ro/ /kun dga' bo chos dkon mchog bla na med pa 'di thos na sems can skye ba'i chos can rnams skye ba las yongs su thar bar 'gyur/ sems can na ba'i chos can dang / 'chi ba'i chos can dang / mya ngan dang / smre sngags 'don pa dang /
132b4 sdug bsngal ba dang / yid mi bde ba dang / 'khrug pa'i chos can rnams 'khrug pa'i bar las yongs su thar bar 'gyur ro/ /kun dga' bo don gyi gzhi 'di mthong nas gang chos gus par 'chad pa dang / gang chos gus par nyan pa gnyis
132b5 ni bsod nams mang du skyed do zhes nga smra'o/ /de skad ces bka' stsal nas/ bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo lhag pa'i bsam pas zhugs shing yang dag par bsgrub
132b6 par 'dod pas sangs rgyas bcom ldan 'das kyi bstan pa la mi rtog par mngon par dad cing mos nas chos legs par gsungs pa yin pa dang / dge 'dun legs par zhugs pa yin pa dang / 'du byed thams cad mi rtag pa 'am
132b7 sdug bsngal ba 'am/ zhi ba 'am/ stong pa 'am/ bdag med pa yin par yid ches na/ kun dga' bo 'di ni de bas ches bsod nams mang du skyed de tshig tsam ma yin no/ /kun dga' bo gang la la zhig gis ru shing bzhin du byas/
132b8 yid la byas/ sems thams cad kyis bsam nas rna blags te chos nyan pa dang / mnyan nas kyang tha na se gol gtogs pa tsam yang mi rtag pa 'am/ sdug bsngal ba 'am/ stong pa 'am/ bdag med par yang dag pa ji lta ba
133a1 bzhin du rab tu shes na/ kun dga' bo de 'jig rten gyi khams mtha' yas mu med pa dag na sems can gyi khams yod pa'i sems can ji snyed pa thams cad ni ches mang gi/ sa'i khams ma yin/ chu'i khams ma yin/
133a2 me'i khams ma yin/ rlung gi khams ma yin no zhes de skad bya ba de dag thams cad yongs su brtag pa bzung ste/ skad cig dang / thang cig dang / yud tsam cig la snga phyi med par mir gyur la/ skad cig dang / thang cig dang / yud tsam cig
133a3 la/ bla na med pa yang dag par rdzogs pa'i byang chub mngon par rdzogs par sangs rgyas te/ khyim bdag gcig cig kyang byung la/ sangs rgyas bcom ldan 'das de dag ji tsam du 'khor ba'i sngon gyi mtha' mi mngon pa de srid tu yun ring du bzhugs
133a4 te/ khyim bdag de yang bskal pa de srid tu gnas par gyur la/ des sangs rgyas bcom ldan 'das de snyed la na bza' dang bshos dang gzims cha dang / na ba'i gsos sman dang / yo byad dang / bde bar sbyar ba thams cad kyis sti stang byed/
133a5 bla mar byed/ rim gror byed/ mchod par byed pa dang / yongs su mya ngan las 'das pa rnams kyi mchod rten rin po che sna bdun las byas te/ lha'i gdugs dang / rgyal mtshan dang / ba dan rnams dang / me tog dang / phreng ba dang /
133a6 spos dang / byug pa thams cad dang / bdog pa thams cad kyis sti stang byed/ bla mar byed/ rim gror byed/ mchod par byed na/ kun dga' bo de ji snyam du sems/ khyim bdag de gzhi de las bsod nams mang du skyed dam/ gsol pa/
133a7 bcom ldan 'das khyim bdag des de bzhin gshegs pa gcig mnyes par bgyis/ sti stang bgyis/ bla mar bgyis/ rim gror bgyis/ mchod par bgyis na yang gzhi de las bsod nams mang du skyed de/ bsod nams tshad ma
133a8 mchis/ grangs ma mchis/ bsam gyis mi khyab/ mtshungs pa ma mchis/ dpag tu ma mchis pa skyed par 'gyur na/ de bzhin gshegs pa'i tshogs de lta bu la bskal pa de snyed tu sti stang bgyis/ bla mar bgyis/ rim gror
133b1 bgyis/ mchod par bgyis pa lta smos kyang ci 'tshal/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo de de bzhin no/ /khyod ji skad zer ba bzhin te/
133b2 de bsod nams tshad med pa skyed do/ /kun dga' bo de bas na khyod la bsgo'o/ /khyod kyis khong du chud par bya'o/ /gang khyim bdag des de bzhin gshegs pa de snyed cig la bde ba'i yo byad thams cad kyis bskal pa de snyed tu sti stang byas/
133b3 bla mar byas/ rim gror byas pas bsod nams bskyed pa bas/ gang gis ru shing bzhin du byas/ yid la byas/ sems thams cad kyis bsams te/ rna blags sems rtse gcig tu byas nas chos nyan cing se gol gtogs
133b4 pa tsam yang 'du byed thams cad mi rtag pa 'am/ sdug bsngal ba 'am/ zhi ba 'am/ stong pa 'am/ bdag med pa'o zhes yid la byed na 'di de bas bsod nams ches mang du skyed de/ kun dga' bo gang chos gus par 'chad pa dang /
133b5 gang chos gus par nyan pa ni bsod nams ches mang du skyed do/ /kun dga' bo ngas 'di la dgongs nas 'di skad du/ rnam pa gnyis kyi don gyi phyir/ /sangs rgyas bshad pa mnyan par bya/ /zag pa rnams kyang zad par 'gyur/ /byang chub nye
133b6 bar gyur par 'dod/ /gang zhig chos rnams 'chad pa dang / /drang srong rgyal mtshan gang 'dzin pa/ /gnyi ga bsod nams ldan par 'gyur/ /chos ni drang srong rgyal mtshan yin zhes bshad do/ /de nas bcom ldan 'das kyis
133b7 tshe dang ldan pa kun dga' bo la bka' stsal pa/ kun dga' bo gang chos gus par 'chad pa dang / gang chos gus par nyan pa 'di gnyis ni bdud dang lhan cig tu g.yul 'dre ba'o/ /de ci'i phyir zhe na/ kun dga' bo 'di lta ste
133b8 dge ba'i bshes gnyen nyid dang / dge ba'i grogs su gyur pa nyid dang / dge ba'i bshes gnyen dang ldan pa 'di ni tshangs par spyod pa yongs su rdzogs par byed pa'o/ /de ci'i phyir zhen/ kun dga' bo dge ba'i bshes gnyen la
134a1 brten nas sems can skye ba'i chos can rnams skye ba las yongs su thar bar 'gyur ba nas sems can 'khrug pa'i chos can rnams 'khrug pa las yongs su thar bar 'gyur ro/ /kun dga' bo ngas nyan thos rnams la
134a2 yang dag pa'i lta ba 'byung ba'i rgyu gnyis dang / rkyen gnyis ni 'di lta ste/ gzhan gyi sgra dang / so so rang gis tshul bzhin yid la byed pa'o zhes gsungs pa yang de yin te/ kun dga' bo de dag las gzhan gyi sgra ni sangs rgyas bcom
134a3 ldan 'das rnams las byung bar rig par bya'o/ /gang so so rang gi tshul bzhin yid la byed pa de yang sangs rgyas bcom ldan 'das nyid las byung bar rig par bya'o/ /de ci'i phyir zhe na/ kun dga' bo 'di ltar byis pa so so'i skye bo
134a4 rnams la so so rang gi tshul bzhin yid la byed pa med pa'i phyir ro/ /de ci'i phyir zhe na/ sangs rgyas rnams ma byung na byis pa so so'i skye bo rnams ci zhig yid la bya ba mi shes kyi chos 'di dag yid la bya'o zhes de bzhin gshegs pa nyid
134a5 kyis bstan pa'i phyir ro/ /kun dga' bo ngas don gyi gzhi 'di mthong nas so so rang gi tshul bzhin yid la byed pa de yang sangs rgyas bcom ldan 'das rnams las byung bar rig par bya'o zhes de skad bshad do/ /de nas bcom ldan 'das
134a6 kyis de'i tshe tshigs su bcad pa 'di dag gsungs so/ /skyes bu dam pa rnams ni mthong na legs/ /the tshom rnams ni gcod cing sel bar byed/ /byis pa rnams kyang rab tu mkhas par byed/ /de bas mkhas pa rnams ni
134a7 mthong na legs/ /'phags pa rnams ni mthong na bde/ /dam pa rnams dang 'grogs pa'ang bde/ /byis pa rnams ni ma mthong na/ /dam pa rnams la rtag tu bde/ /kun dga' bo 'di lta ste/ dge ba'i bshes
134a8 gnyen dang / dge ba'i grogs su gyur pa dang / dge ba'i bshes gnyen gya gyu med pa ni tshangs par spyod pa 'di rdzogs par byed pa'o zhes bya ba yang ngas 'di la dgongs te tshig de skad smras so/ /de ci'i phyir zhe na/
134b1 kun dga' bo dge ba'i bshes gnyen la brten nas sems dge bar 'gyur ro/ /sems dge bas bsam pa dge bar 'gyur/ sbyor ba dge bar 'gyur/ dge ba'i chos la sems dang bar 'gyur/ dge ba'i chos la nye bar
134b2 gnas par 'gyur/ sangs rgyas bcom ldan 'das rnams la shes nas dad par 'gyur/ chos la shes nas dad par 'gyur/ dge 'dun la shes nas dad par 'gyur/ 'phags pa dgyes pa'i tshul khrims rang dbang can
134b3 mkhas pas bsngags pa/ mya ngan las 'da' bar 'gyur ba rnams thob par 'gyur ro/ /kun dga' bo 'di lta ste dper na char rab tu bab na shang shong rnams yongs su gang bar byed do/ /shang shong rnams yongs su gang nas chu bran rnams
134b4 brug par byed do/ /chu bran rnams brug nas klung chen po rnams brug par byed do/ /klung chen po brug pa rnams kyis mtsho chen po rgya mtsho yongs su gang bar 'gyur ro/ /kun dga' bo de bzhin du dge ba'i bshes gnyen dang / dge ba'i
134b5 grogs su gyur pa dang / dge ba dang rab tu ldan pa dang / dge ba gtso bor gyur pa dang / dge ba'i sems nyid la brten nas dge ba'i rtsa ba'i stobs bskyed pa thob pa rnams ni rjes su 'thun pa'i chos kyi bar du bsgrubs pas rab tu mthar
134b6 thug pa dang / rab tu dri ma med pa dang / rab tu tshangs par spyod pa dang / rab tu mthar phyin par 'gyur ro/ /kun dga' bo phyi rol gyi dngos por gyur pa 'di dag kyang dus la bab na skye bar 'gyur ba dang / me tog dang / yal ga dang /
134b7 'bras bu 'byin pa la ltos/ kun dga' bo 'di ltar phyi rol gyi dngos po 'di dag kyang slu bar mi byed na khyed kyi legs par spyad pa mi slu ba lta ci smos te de ni gnas med do/ /kun dga' bo legs par spyad pa ni su la yang mi slus legs par
134b8 spyad pa spyod cig /kun dga' bo nga yang legs par spyad pas ma bslus so/ /kun dga' bo nga sngon byang chub sems dpa'i spyad pa spyod pa na/ legs par spyad pa gang yin pa de dag spyad de legs par spyad pa des nga ma bslus so/ /
135a1 kun dga' bo de bzhin gshegs pa lam gang nas gshegs pa de na gang sa mthon dman dang / ngam grog dang / g.yang sa dang / stor khung dang / shong khung dang / sdong dum dang / tsher ma stug po de dag thams
135a2 cad 'dud cing med par 'gyur ba dang / sa dma' ba mthon por 'gyur ba dang / mthon po dma' bar 'gyur ba dang / shing rnams rab tu 'dud pa dang / shing gi lha rnams phyag 'tshal ba dang / tshong dus dang / srang dag na skye bo
135a3 gang dag 'khod pa de dag de bzhin gshegs pa bzhud pa'i rjes su 'brang ste de bzhin gshegs pa 'das nas de dag slar rang rang gi gnas na 'khod pa la ltos/ kun dga' bo sngon sangs rgyas bcom ldan 'das rnams dang / rang
135a4 sangs rgyas rnams dang / dgra bcom pa rnams dang / byang chub sems dpa' rnams dang / dge ba'i bshes gnyen yid tu 'ong ba rnams dang / dge sbyong dang / bram ze rgan pa rnams la rtag tu gus pa dang / 'dud
135a5 pa dang / phyag 'tshal ba'i legs par spyad pa'i rgyu 'thun pa la ltos/ kun dga' bo phyi rol kyi dngos po sems med pa yang de bzhin gshegs pa la 'dud cing phyag 'tshal ba dang / mtho bar 'gyur ba dang / dngos
135a6 po gang dag dma' bar 'os pa'am/ mtho bar 'os pa de dag de bzhin gshegs pa mthong ma thag tu dma' ba dang mtho bar 'gyur ba legs par spyad pa'i khyad par la ltos/ 'di la mi blun po kha cig ni nga rgyal gyi zil gyis
135a7 non/ nga rgyal gyis bslad/ nga rgyal gyis sems yongs su gdungs nas su la yang mi 'dud do/ /kun dga' bo de bzhin gshegs pa'i phyag dra bar 'brel ba dang / zhabs dra bar 'brel ba de dag thams cad kyang legs par
135a8 spyad pa las gyur pa la ltos/ kun dga' bo gang ngas sngon sbyin pa dang / tshig snyan pa dang / don spyad pa dang / don 'thun pa sems can rnams bsdus pa sngon gyi legs par spyad pa de dag la ltos/ kun dga' bo nga
135b1 sngon byang chub sems dpa'i spyad pa spyod pa na 'di ni nga'i ma yin/ 'di ni nga'i pha yin/ 'di ni phu nu bo/ 'di ni sring mo/ 'di ni nye du/ 'di ni mdza' bo/ 'di ni mi mdza' ba yin no snyam pa de lta bur ma gyur gyi/ kun dga'
135b2 bo nga ni sems can thams cad la sems ro gcig pa dang / sems mnyam zhing sems mi mnyam pa med pa dang / bdag gi sems su gyur to/ /kun dga' bo yun ring po 'di na gang ngas sbyin pa dang / tshig snyan pa dang /
135b3 don spyad pa dang / don 'thun pas ma bzung ba'i sems can de ni rnyed par sla ba ma yin na byis pa so so'i skye bo rnams ni de ltar bzung bar mi shes so/ /ji ltar 'khor ba'i sngon gyi mtha' mi mngon pa bzhin du byis pa so so'i skye bo rnams
135b4 kyis bde ba myong ste/ kun dga' bo byis pa so so'i skye bo thams cad kyis rang gis bsod nams mngon par 'dus byas pas bde ba myong bar gyur pa de bas ni gang ngas sems can gcig la bde bar sbyar zhing bsgrubs pa 'di ches mang ste/
135b5 ngas sems can rnams la bde bar sbyar ba bsgrubs pa tsam ni sems can de dag gis rang gis bsod nams mngon par 'dus byas pas bde ba ma myong ngo / /kun dga' bo 'on kyang bde bar sbyor ba de dag thams cad ni mi rtag pa ste 'gyur ba'i
135b6 chos can no/ /gang nga sngon byang chub sems dpa'i spyad pa spyod pa na byis pa so so'i skye bo rnams la bde bar sbyor ba thams cad nye bar spyad pa de dag thams cad ni lam 'di la dgod pa'i phyir yongs su smin par 'gyur ba sha stag go/ /
135b7 da ltar bde ba gang gis ngas khyed bde bar byas pa 'dus ma byas pa'i bde ba/ 'phags pa zag pa med pa'i bde ba/ de dag ni nams kyang phyis yongs su mi 'gyur zhing chud za bar mi 'gyur ro/ /kun dga' bo de bas na 'phags
135b8 pa'i ye shes kyis bya ba byos shig /kun dga' bo ye shes kyi bya bas bya ba byos shig /ngas ni byas zin no/ /kun dga' bo spyod pa gzhan yang tha na sems dad pa gcig bskyed pa'i dge ba'i rtsa ba'i rnam par smin pa ngas bshad
136a1 zin no/ /kun dga' bo sems can dge ba'i rtsa ba byas pa/ dge ba'i rtsa ba bskyed pa/ mya ngan las 'das pa'i sa bon bskyed pa dag kyang yod do/ /kun dga' bo sems can gang dag gis de bzhin gshegs pa
136a2 yang dag par rjes su dran nas nga 'di lta bur zad cing yongs su nyams pa thos na dga' ba tsam 'am dad pa tsam gyis mchi ma 'byung ba dag kyang yod do/ /kun dga' bo de bzhin gshegs pa rjes su dran nas shugs ring po 'byin pa'i sems can
136a3 dag kyang yod/ spu zing zhes byed pa dag kyang yod de/ sems can de dag ni sems can dmyal ba dang / dud 'gro'i skye gnas dang / gshin rje'i 'jig rten du mi 'gro zhing yang dag par rdzogs pa'i byang chub tu nges par gzhol ba
136a4 dag go/ /kun dga' bo de bzhin du gang la la nga rjes su dran nas chos kyi shugs kyis mchi ma 'byung ba 'am/ spu zing zhes byed pa 'am/ shugs ring du 'byin par 'gyur ba'i sems can de dag thams cad ni kun dga' bo dud 'gro'i skye
136a5 gnas dang / gshin rje'i 'jig rten du mi 'gro'o/ /log par ltung ba thams cad du mi 'gro'o/ /kun dga' bo de bas na bag yod pa la brtson par gyis shig /kun dga' bo sangs rgyas bcom ldan 'das rnams kyi byang chub ni
136a6 bag yod pas thob cing de las gzhan pa'i dge ba byang chub kyi phyogs kyi chos rnams kyang bag yod pas thob bo/ /kun dga' bo gang 'doms pa pos bya ba dang / gang don 'dod pa dang / phan pa dang bde ba 'dod pa dang / phan par
136a7 dga' ba dang / snying rje can dang / snying brtse ba can gyis snying brtse ba'i phyir bya ba de dag ngas byas kyis/ da ni khyed kyis ci nas kyang dge ba'i lam rgyun chad par mi 'gyur ba dang / dam pa'i chos kyi tshul nub par mi 'gyur bar gyis
136a8 shig /kun dga' bo ci nas kyang dam pa'i chos kyi tshul 'di yun ring du gnas par 'gyur ba dang / lha dang mi rnams la yangs shing rgya cher 'gyur bar gyis shig /kun dga' bo chos dkon mchog gi mdzod 'di ci nas kyang rab tu
136b1 mi 'jigs par bya ba'i phyir ngas khyod la gtad do/ /'di ni ngas rjes su bstan pa'o/ /'di ni nga'i rjes su bstan pa'o/ /dam pa'i chos yongs su gtad pa zhes bya ba'i le'u ste bcu gnyis pa rdzogs so// //
136b2 de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das bdag gis ji ltar bsgrub par bgyi/ bcom ldan 'das bdag gis ji ltar bsgrubs na dam pa'i chos kyi tshul 'di yun
136b3 ring du gnas pa dang / lha dang mi rnams la yangs shing rgya che bar 'gyur/ bcom ldan 'das chos kyi tshul 'di bdag gis ji ltar yang dag par bsdu bar bgyi/ ji ltar rab tu bstan par bgyi/ de skad ces gsol pa dang / bcom
136b4 ldan 'das kyis tshe dang ldan pa kun dga' bo la 'di skad ces bka' stsal to/ /nga yongs su mya ngan las 'das pa'i 'og tu dge slong gnas brtan dag 'dus nas chos dang 'dul ba yang dag par sdud par byed de/ de la kun dga' bo
136b5 gnas brtan 'od srung chen po la sogs pa dge slong gnas brtan dag khyod la 'di skad 'dri'o/ /kun dga' bo de bzhin gshegs pas bstan pa chen po dag gang du gsungs/ gleng gzhi chen po'i rnam grangs dag gang du/ mnyam
136b6 par bzhag pa chen po gang du/ lnga pa dang gsum pa gang du/ lhas zhus pa dag gang du/ brgya byin gyis zhus pa dag gang du/ lha yul nas babs pa gang du/ tshangs pa'i dri ba gang du gsungs shes/ kun dga'
136b7 bo dge slong de dag rnam grangs de dag gis khyod la de skad 'dri bar 'gyur ro/ /kun dga' bo de bzhin gshegs pas mdo'i sde dag gang du gsungs/ dbyangs kyis bsnyad pa'i sde dang / lung bstan pa'i sde dang / tshigs su bcad
136b8 pa'i sde dang / ched tu brjod pa'i sde dang / gleng gzhi'i sde dang / rtogs pa brjod pa'i sde dang / de lta bu byung ba'i sde dang / skyes pa rabs kyi sde dang / shin du rgyas pa'i sde dang / rmad tu byung ba'i chos kyi sde dang /
137a1 gtan la dbab par bstan pa'i sde dag gang du gsungs/ kun dga' bo de bzhin gshegs pas nyan thos kyi sde snod gang du gsungs/ rang sangs rgyas kyi sde snod gang du gsungs/ theg pa chen po byang chub sems
137a2 dpa'i sde snod gang du gsungs shes/ kun dga' bo de na dge slong de dag gis khyod la de skad dris pa dang 'di skad lung ston cig /'di skad bdag gis thos pa dus gcig na/ bcom ldan 'das dang po mngon par rdzogs par sangs
137a3 rgyas nas yul ma ga d+ha na byang chub kyi snying po la bzhugs/ 'di skad bdag gis thos pa dus gcig na/ bcom ldan 'das ri ga yA la bzhugs/ 'di skad bdag gis thos pa dus gcig na/ bcom ldan 'das yul
137a4 ma ga na ra rdzi'i shing n+ya gro d+ha'i drung na bzhugs/ 'di skad bdag gis thos pa dus gcig na/ bcom ldan 'das yul bA ra Na sI na drang srong lhung ba ri dgas kyi nags na bzhugs/ 'di skad bdag gis thos pa dus gcig na/
137a5 bcom ldan 'das rgyal po'i khab na bya rgod phung po'i ri dang lus 'phags ri yangs pa'i steng na dbang po'i brag phug na bzhugs/ 'di skad bdag gis thos pa dus gcig na/ bcom ldan 'das rgyal po'i khab na 'od ma'i tshal bya
137a6 ka lan da ka gnas pa na bzhugs/ 'di skad bdag gis thos pa dus gcig na/ bcom ldan 'das drang srong gi ri'i ngos srin bu'i brag la bzhugs/ 'di skad bdag gis thos pa dus gcig na/ bcom ldan 'das mnyan
137a7 yod na rgyal bu rgyal byed kyi tshal mgon med zas sbyin gyi kun dga' ra ba na bzhugs/ 'di skad bdag gis thos pa dus gcig na/ bcom ldan 'das yul yangs pa can na shing a mras skyongs ma'i tshal dang / spre'u rdzing
137a8 gi 'gram na khang pa brtsegs pa'i gnas na bzhugs/ de bzhin du yul tsam pa na ga rgas brkos pa'i rdzing gi 'gram na bzhugs/ de bzhin du ga yA na ga yA mgo'i ri la bzhugs/ de bzhin du yul ko'u sham bi na/
137b1 sgras mngon gyi kun dga' ra ba na bzhugs/ yul gnas bcas na nag po'i kun dga' ra ba na bzhugs/ skya snar gyi bu na bu mang po pa'i mchod rten gyi drung na bzhugs/ yul bcom brlag na bya gag gi kun dga' ra ba
137b2 na bzhugs/ 'di skad bdag gis thos pa dus gcig na/ bcom ldan 'das ku sha'i grong khyer na gyad rnams nye bar gnas pa shing sA la'i tshal na bzhugs so zhes kun dga' bo rnam grangs de dag gis gang dang gang du de bzhin
137b3 gshegs pas chos bshad pa dang / 'khor gang dang gang dang / dus tshigs gang dang gang du dang / don gang la brten pa dang / gang zag gang las brtsams pa dang / ye shes gang dang gang bstan pa'i phyir rnam grangs gang dang
137b4 gang gis gsungs pa dang / don dang tshig dang yi ge gang dang gang dag gis rnam grangs gang dang gang gsungs pa de la khyod kyis gleng gzhi dang bcas pa dang / rgyu dang bcas pa dang / rkyen dang bcas pa dang / don bzang po dang / tshig
137b5 'bru bzang por rgyas par ston cig /mdo sde'i mjug tu yang bcom ldan 'das kyis de skad ces bka' stsal nas/ thams cad dang ldan pa'i 'khor yi rangs te/ bcom ldan 'das kyis gsungs pa la mngon par bstod
137b6 do zhes bris shig /kun dga' bo chos kyi tshul 'di de ltar yang dag par bsdu bar bya'o/ /de ltar rnam par dbye bar bya'o/ /de ltar rab tu bstan par bya'o/ /de bzhin gshegs pa dgra bcom pa yang dag par rdzogs pa'i
137b7 sangs rgyas kyis/ 'di skad bdag gis thos pa dus gcig na/ bcom ldan 'das shes bya ba'i tshig de skad ces gsungs ma thag tu/ de nas de'i tshe 'jigs shing spu zing zhes byed pa dang bcas pa'i sa g.yos pa chen
137b8 po 'jig rten du byung ste/ stong gsum gyi stong chen po'i 'jig rten gyi khams 'di yang de'i tshe rnam pa drug tu g.yo/ rab tu g.yo/ kun du rab tu g.yo/ ldeg rab tu ldeg /kun du rab tu ldeg /'gul rab tu 'gul/
138a1 kun du rab tu 'gul/ 'ur 'ur rab tu 'ur 'ur/ kun du rab tu 'ur 'ur/ 'khrugs rab tu 'khrugs/ kun du rab tu 'khrugs/ chem chem rab tu chem/ kun du rab tu chem chem/ shar phyogs
138a2 dma' na nub phyogs mtho/ nub phyogs dma' na shar phyogs mtho/ lho phyogs dma' na byang phyogs mtho/ byang phyogs dma' na lho phyogs mtho/ mtha' dma' na dbus mtho/ dbus dma' na mtha' mtho
138a3 bar gyur to/ /de'i tshe lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams dang / brgya byin dang / tshangs pa dang / 'jig rten
138a4 skyong ba rnams dang mi dang / mi ma yin pa dpag tu med pa dag rab tu ngu ste mchi ma byung zhing tshig 'di skad tu/ bcom ldan 'das yongs su mya ngan las 'da' ba ha cang myur ches so/ /bde bar gshegs pa yongs su mya ngan las
138a5 'da' ba ha cang myur ches so/ /'jig rten gyi mig mi snang bar 'gyur ba ha cang myur ches so/ /'jig rten gyi mig ma mchis shing long bar 'gyur ba ha cang myur ches so zhes zer ro/ /tshe dang ldan pa kun dga' bo yang
138a6 rab tu ngu zhing mchi ma byung nas/ bcom ldan 'das yongs su mya ngan las 'da' ba ha cang myur ches so/ /bde bar gshegs pa yongs su mya ngan las 'da' ba ha cang myur ches so/ /'jig rten gyi mig mi snang bar
138a7 'gyur ba ha cang myur ches so/ /'jig rten gyi mig ma mchis shing long bar 'gyur ba ha cang myur ches so/ /'jig rten yongs su 'dren pa ma mchis par 'gyur ba ha cang myur ches so zhes zer ro/ /de nas bcom
138a8 ldan 'das kyis tshe dang ldan pa kun dga' bo la bka' stsal pa/ kun dga' bo thong mya ngan ma byed/ smre sngags ma 'don/ kun dga' bo gang skyes shing byung ba/ byas pa/ 'dus byas pa/ bsags pa/
138b1 rten cing 'brel bar 'byung ba/ rab tu 'jig pa'i chos can de dag rab tu mi 'jig par ga la 'gyur te/ de ni gnas med do/ /kun dga' bo khyod kyis nga la yun ring du byams pa'i lus kyi las dang / byams pa'i ngag
138b2 gi las dang / byams pa'i yid kyi las phan pa dang / bde ba dang / gnyis su med pa dang / khon med pa dang / tshad med pa dang / gnod pa med pas bsnyen bkur byas so/ /kun dga' bo khyod mthu che ba dang / gzi che ba dang / rgya che ba dang /
138b3 bdud rtsi lta bu dang / bdud rtsi'i klas pa dang / bdud rtsi'i mthas gtugs par 'gyur ro/ /kun dga' bo de bas na tshangs pa mtshungs par spyod pa rnams la byams pa'i lus dang ngag dang yid kyi las kyis gnas par bya'o zhes kun dga' bo khyod
138b4 kyis de ltar bslab par bya'o/ /de las gzhan pa'i tshangs par spyod pa rnams la yang khyod kyis de ltar bsnyen bkur bya'o/ /de ci'i phyir zhe na/ kun dga' bo nga yongs su mya ngan las 'das nas phyi ma'i dus phyi ma'i tshe lnga brgya pa tha ma la
138b5 zad pa'i dus/ 'jig pa'i dus/ dge slong tshul khrims dang ldan pa yongs su zad cing yongs su nyams par 'gyur ba'i dus/ tshul khrims dang mi ldan pa'i phyogs mngon par 'phel ba'i dus/ dam pa'i chos yongs su nyams par
138b6 'gyur ba'i dus/ chos ma yin pa'i phyogs shas che bar 'gyur ba'i dus/ dam pa'i chos spong ba'i dus/ rgyal po 'khrug pa'i dus/ sems can rnam par 'jig pa'i dus/ chos dang 'bral ba'i dus/ dge slong dang 'bral ba'i
138b7 dus/ 'khrugs pa'i dus de lta bur gyur pa de na/ kun dga' bo dge slong phal cher lus ma bsgoms pa dang / sems dang tshul khrims ma bsgoms pa dang / shes rab ma bsgoms par 'gyur te/ de lus ma bsgoms pa nas shes
138b8 rab ma bsgoms pa'i bar du gyur pas gnas drug la chags par 'gyur te/ drug gang zhe na/ 'di lta ste/ lhung bzed la chags pa dang chos gos la chags pa dang / bsod snyoms la chags pa dang / mal stan la chags pa dang / na ba'i
139a1 gsos sman dang / yo byad la chags pa dang / snod bzang po la chags par 'gyur ro/ /de dag lhung bzed kyi phyir 'thab mor gyur/ shags su che bar gyur nas gcig la gcig kha'i mtshon mdung thung gis rtsod cing 'gyed
139a2 par 'gyur/ gcig la gcig mi snyan pa sgrogs par 'gyur/ gcig la gcig zhe sdang bar 'gyur ro/ /de bzhin du chos gos dang / bsod snyoms dang / na ba'i gsos sman dang / yo byad kyi phyir gcig la gcig zhe sdang ba'i bar du
139a3 'gyur ro/ /gcig la gcig kun nas mnar sems dang ldan pa dang / tha ba'i sems dang ldan pa dang / ma dad pa'i sems dang ldan pa dang / zhe 'gras pa dang / rnam par kun nas mnar sems dang / ma dad pa'i sems dang ldan
139a4 par 'gyur ro/ /kun dga' bo de lta bas na snang ba 'am/ dben pa 'am/ phra ba 'am/ rags pa 'am/ bsam pa 'am/ sbyor ba na yang rung / tshangs pa mtshungs par spyod pa rnams la byams pa'i lus kyi las kyis gnas par
139a5 bya'o/ /byams pa'i ngag gi las dang / byams pa'i yid kyi las kyis tshangs pa mtshungs par spyod pa rnams la gnas par bya'o zhes kun dga' bo khyod kyis de ltar bslab par bya'o/ /de ci'i phyir zhe na/ kun dga' bo 'di ltar 'khrug pa
139a6 chen po'i dus de lta bur gyur cing / tshe snyigs ma dang / lta ba snyigs ma dang / nyon mongs pa snyigs ma dang / dus snyigs ma dang / sems can snyigs ma dang / zhing snyigs mar gyur pa de'i tshe khyim pa rnams kyang sdug bsngal bar gyur te
139a7 bsdug bsngal du nye bar ltung / bsdug bsngal gyis gtses/ mu ges gtses/ nad kyis gtses/ 'chi bas btses/ chom rkun gyis gtses/ char mi 'bab pa dang ha cang char ches pas gtses/ dus dang bye bas gtses shing
139a8 'tshe ba rnam pa sna tshogs de dag dang gzhan dag gis kyang gtses par 'gyur te/ kun dga' bo bram ze dang khyim bdag de dag de ltar sdug bsngal bar gyur cing sdug bsngal dang ldan pas dad par 'gyur ro/ /mngon par dad cing rnam par mi
139b1 rtog pa med pas sangs rgyas la shes nas dad/ chos dang dge 'dun la shes nas dad par 'gyur ro/ /de dag sangs rgyas la dmigs pa'i sems dang / chos la dmigs pa'i sems dang / dge 'dun la dmigs pa'i sems kyis kha
139b2 cig ni gang zag la dga' bas sbyin pa dag sbyin par 'gyur ro/ /bsod nams dag byed par 'gyur ro/ /gso sbyong 'dzin par 'gyur ro/ /kha cig ni bslab pa'i gzhi rnams 'dzin par 'gyur/ lung nod par 'gyur/ kha ton byed par 'gyur/
139b3 chos kyang nyan par 'gyur ro/ /mnyan nas kyang sgrub par byed cing dga' ba dang dad pa dang mchog tu dga' ba thob par 'gyur te/ de dge ba'i rtsa ba rnams kyang skyed par 'gyur ro/ /de dag dge ba'i rtsa ba dang ldan par gyur pas lus zhig nas bde 'gro
139b4 mtho ris kyi 'jig rten du lha'i nang du skye bar 'gyur ro/ /kun dga' bo 'di ltar dad pas khyim nas khyim med par rab tu byung yang ngan song du 'gro bar 'gyur ba dang / khyim pa khyim na gnas pa sdug bsngal bar gyur cing sdug bsngal gyis nyam thag pa
139b5 rnams sems dad pa'i dge ba'i rtsa bas bde 'gror 'gro bar 'gyur ba dus de ji tsam du log par gyur pa la ltos/ kun dga' bo de bas na lus dang ngag dang yid sdom pas bsdam par bya zhing sems dad pa dang / dga' ba'i stobs su 'gyur ba
139b6 dang / dad pa dang / drang ba dang / lhag pa'i bsam pa phun sum tshogs pa dang / lus kyi las legs par rtags pa dang / ngag gi las legs par brtags pa dang / yid kyi las legs par brtags par gyis shig /
139b7 de ci'i phyir zhe na/ kun dga' bo ran par mi smra ba'i gang zag gi nyes dmigs lnga ste/ lnga gang zhe na/ brdzun gyi tshig smra ba dang / ngag rtsub po dang / phra ma'i tshig smra ba dang / tshig kyal pa dang / brnab sems can du 'gyur zhing lus zhig
139b8 nas shi ba'i 'og tu ngan song ngan 'gro log par ltung ba sems can dmyal bar skye bar 'gyur ba'o/ /kun dga' bo ran par smra ba'i gang zag gi phan yon lnga ste/ lnga gang zhe na/ brdzun gyi tshig mi smra ba dang / ngag rtsub po med pa dang /
140a1 phra ma med pa dang / tshig kyal pa med pa dang / brnab sems med par 'gyur zhing lus zhig nas bde 'gro mtho ris kyi 'jig rten du lha'i nang du skye bar 'gyur ba ste lnga po 'di dag go/ /kun dga' bo gang zag 'thab mo byed
140a2 pa dang / mtshang 'dru ba dang / rtsod pa dang / shags 'gyed pa dang / tha ba'i sems dang / gnod sems can dang / sems ma dad pa la nyes dmigs 'di lnga 'byung ngo / /lnga gang zhe na/ 'di la gang zag 'thab mo byed pa
140a3 nas sems ma dad pa'i bar du brdzun gyi tshig smra ba dang / phra ma byed pa dang / tshul khrims dang ldan pa rnams la dang ba'i sems mi skyed pa dang / nyin mtshan du sdug bsngal ba dang yid mi bde ba myong bar 'gyur zhing lus zhig nas
140a4 sems can dmyal bar skye ba ste lnga po 'di dag go/ /kun dga' bo gang zag byams pas gnas pa la phan yon bcu gcig yod de/ bcu gcig gang zhe na/ kun dga' bo 'di la gang zag byams pas gnas pa ni bde bar gnyid
140a5 log pa dang / bde bar sad pa dang / rmi lam ngan pa mi rmi ba dang / mi dang mi ma yin pa rnams dga' bar 'gyur ba dang / lha rnams bsrung bar 'gyur ba dang / de la dug gis mi tshugs pa dang / de la mes mi tshugs pa dang /
140a6 de la mtshon gyis mi tshugs pa dang / chus 'chi ba'i dus mi byed pa dang / gos dang zas dang mal cha dang na ba'i gsos sman dang / yo byad rnams rnyed pa dang / mi'i chos bla ma rtogs pas lus zhig nas tshangs pa'i 'jig rten du
140a7 skye bar 'gyur ba ste/ kun dga' bo byams pas gnas pa'i gang zag gi phan yon bcu gcig po 'di dag go/ /kun dga' bo de bas na da lta dang nga 'das pa'i 'og tu bdag gling du gyur pa dang / bdag skyabs su gyur pa dang / chos gling du gyur pa dang /
140a8 chos skyabs su gyur pa dang / gzhan gling ma yin pa dang / gzhan skyabs ma yin par gnas par gyis shig /kun dga' bo ji ltar na dge slong bdag gling du gyur pa nas gzhan gling ma yin pa dang / gzhan skyabs ma yin pa'i bar du gnas
140b1 she na/ kun dga' bo 'di la dge slong brtun pa shes bzhin can dran pa dang ldan pas 'jig rten gyi brnab sems dang yid mi bde ba rnam par bsal nas nang gi lus la lus kyi rjes su lta zhing gnas so/ /brtun pa shes bzhin can dran pa dang ldan pas
140b2 'jig rten gyi brnab sems dang yid mi bde ba rnam par bsal nas nang gi tshor ba rnams dang sems dang chos kyi rjes su lta zhing gnas so/ /kun dga' bo de ltar na dge slong bdag gling dang bdag skyabs yin par gnas kyi/ gzhan gling dang
140b3 gzhan skyabs ma yin par gnas pa'o/ /kun dga' bo de bas na ston pas nyan thos rnams la bya ba gang yin pa de ngas byas zin gyis da khyod kyis gyis shig /kun dga' bo dgon pa dang / shing drung dang / khang stong dang / bla gab
140b4 med pa 'di dag tu bsam gtan gyis shig /kun dga' bo bag med par ma byed cig /phyis 'gyod par gyur ta re/ 'di ni ngas rjes su bstan pa'o/ /de nas bcom ldan 'das kyis de'i tshe tshigs su bcad pa 'di dag gsungs so/ /
140b5 kun shes zug rngu 'byin pa yi/ /lam ni nga yis yang dag bstan/ /de bzhin gshegs rnams ston pa ste/ /de ni khyed kyis brtsam par bya/ /lta ba rnam dag 'gyur ba yi/ /lam gzhan med de mchog 'di yin/ /bsgrubs na bdud
140b6 kyis bcings pa dag /bcad nas rab tu thar bar 'gyur/ /sangs rgyas kyis ni bshad pa bzhin/ /gang dag gis ni 'di rig pa/ /ston pa'i bstan pa byed pa dag /sdug bsngal mtha' mar 'byin par 'gyur/ /bcom ldan 'das
140b7 kyis de skad ces bka' stsal nas/ /tshe dang ldan pa kun dga' bo dang / dge slong de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis
140b8 gsungs pa la mngon par bstod do// //snying rje chen po'i chos kyi rnam grangs las bstan pa'i le'u ste bcu gsum pa rdzogs so// // snying rje chen po'i pad ma dkar po zhes
141a1 bya ba theg pa chen po'i mdo rdzogs so// // rgya gar gyi mkhan po dzi na mi tra dang / shI len dra bo d+hi dang / zhu chen gyi lo ts+tsha ba ban de ye shes sdes bsgyur cing zhus te gtan la phab pa// //
CLOSE WINDOW