བོད་ཡིག |
207b2 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u/ bam po dang po/ sangs rgyas dang / byang chub sems dpa' thams cad la phyag 'tshal lo/ /
207b3 'di skad bdag gis thos pa dus gcig na/ bcom ldan 'das lho phyogs kyi rgya mtsho'i 'gram lang ka'i ri'i rtse mo rin po che'i me tog sna tshogs kyis bkod pa na/ dge slong gi dge 'dun chen po dang / byang chub sems dpa'
207b4 sems dpa' chen po'i tshogs sangs rgyas kyi zhing sna tshogs tha dad pa nas 'dus pa dag dang thabs cig tu bzhugs te/ byang chub sems dpa' sems dpa' chen po de dag thams cad kyang tshad med pa'i ting nge 'dzin
207b5 dang / dbang po dang / stobs dang / mngon par shes pas rnam par rtsen pa sha stag la/ byang chub sems dpa' sems dpa' chen po blo gros chen po ni gtso bor gyur te/ sangs rgyas thams cad kyi phyag gis
207b6 spyi bo nas dbang bskur bas dbang bskur ba/ rang gi sems snang ba'i spyod yul gyi don la rab tu mkhas pa/ sems can sna tshogs kyi sems dang / gzugs sna tshogs dang / 'dul ba'i sgo tshad med
207b7 pa rnams ji lta ba bzhin du kun tu ston pa/ chos lnga dang / rang bzhin dang / rnam par shes pa dang / bdag med pa gnyis rtogs par khong du chud pa'o/ /de nas byang chub sems dpa' blo gros chen po/ byang chub
207b8 sems dpa' blo gros dang / sangs rgyas kyi zhing thams cad du rgyu ba dag dang lhan cig tu/ sangs rgyas kyi mthus stan las langs te/ bla gos phrag pa gcig tu gzar nas/ pus mo
208a1 g.yas pa'i lha nga sa la btsugs te/ thal mo sbyar te phyag 'tshal nas bcom ldan 'das la tshigs su bcad pa 'di dag gis mngon par bstod do/ /'jig rten skye 'jig yongs bral te/ /nam mkha'i me
208a2 tog rab tu 'dra/ /ye shes yod med mi dmigs kyang / /thugs rje chen po rab tu skye/ /chos rnams thams cad sgyu ma bzhin/ /sems dang rnam shes yongs su spangs/ /ye shes yod med mi dmigs kyang / /thugs rje chen
208a3 po rab tu skye/ /rtag dang chad pa yongs spangs pa/ /'jig rten khor zug rmi lam 'dra/ /ye shes yod med mi dmigs kyang / /thugs rje chen po rab tu skye/ /gang zag chos la bdag med dang / /nyon mongs shes bya rab
208a4 mkhyen cing / /rtag tu dag cing mtshan med kyang / /thugs rje chen po rab tu skye/ /kun las mya ngan mi 'da' ste/ /mya ngan 'das sangs rgyas mi dmigs/ /sangs rgyas mya ngan 'da' mi dmigs/ /blo dang rig par bgyi dang bral/
208a5 yod pa dang ni med pa'i phyogs/ /gnyis po de dag shin du spangs/ /thub pa zhi ba'i rnal 'byor pa/ /skye ba dag ni rab spangs pas/ /de ni len mi mnga' zhes bgyi/ /'di dang gzhan du rnam par dag /de nas byang chub sems
208a6 dpa' blo gros chen pos bcom ldan 'das la tshigs su bcad pa de dag gis mngon par bstod nas rang gi rigs dang ming brjod de gsol pa/ bdag ming blo gros chen po ste/ /thes chen khong du chud par rtogs/ /deng
208a7 'dir brgya rtsa brgyad kyi don/ /bla ma'i mchog la zhu bar bgyi/ /'jig rten mkhyen pa'i skyes mchog gis/ /tshigs bcad de ni gsan pa dang / /'khor rnams la ni rnam gzigs nas/ /rgyal sras rnams la bka'
208a8 stsal pa/ /khyod la sogs pa rgyal sras rnams/ /ci dang ci 'dod dris shig dang / /so so rang gi spyod yul ni/ /ngas ni khyed la bshad par bya/ /de nas byang chub sems dpa' sems dpa' chen po blo gros chen po bcom
208b1 ldan 'das kyi zhabs la spyi bos gtugs te phyag byas nas thal mo sbyar te tshigs su bcad pas zhu ba zhus pa/ ji ltar dran pa rnam dag 'gyur/ /ji ltar dran pa 'phel bar 'gyur/ /lta rmongs nor pa ji lta bu/ /nor pa ji ltar
208b2 'phel bar 'gyur/ /zhing du sprul rnams ci slad du/ /mtshan nyid dang ni mu stegs kyang / /mtshan med rim pa ji lta bu/ /ci slad mtshan ma med pas bgyi/ /ci slad rgyal ba'i sras shes bgyi/ /rnam grol gang du mchi bar 'gyur/ /
208b3 gang la 'ching zhing gang dag dgrol/ /bsam gtan spyod yul ji lta bu/ /ji slad theg pa gsum po mchis/ /bdag la bstan cing bshad du gsol/ /rkyen rnams gang las skye ba lags/ /byed dang byas pa ji lta bu/ /
208b4 gnyi ga tha dad ci slad bshad/ /ji lta bur na 'phel ba lags/ /gzugs med snyoms par 'jug pa dang / /'gog pa'i snyoms 'jug ji lta bu/ /'du shes 'gog pa ji lta bu/ /ting nge 'dzin las ji ltar sad/ /ci yi
208b5 slad du byas pa 'byung / /'gro ba dang ni lus 'dzin ci/ /ji ltar rnam rtog snang bar 'gyur/ /sa rnams ji ltar skye bar 'gyur/ /srid gsum 'jig pa de su zhig /gnas ni gang lags lus ni ci/ /skye gnas
208b6 gang du bgrod par 'gyur/ /rgyal ba'i sras su ji ltar 'gyur/ /mngon par shes dang dbang rnams dang / /ting 'dzin rnams ni ji ltar 'thob/ /ting 'dzin sems ni ji lta bu/ /rgyal bas bdag la bshad du gsol/
208b7 ci slad kun gzhi zhes bgyi lags/ /yid dang rnam shes ji lta bu/ /skye dang 'jig pa ji lta bu/ /ji ltar mthong nas slar yang ldog /ji lta bur na rigs su 'gyur/ /rigs ma mchis dang sems tsam dang / /sgro 'dogs
208b8 mtshan nyid ji lta bu/ /bdag med don du ji ltar 'gyur/ /sems can ma mchis ji lta bu/ /kun rdzob bshad pa ji lta bu/ /ji ltar rtag dang chad pa yi/ /lta ba rab tu 'byung mi 'gyur/ /ji ltar sangs rgyas mu stegs dag /mtshan
209a1 nyid rnams kyis 'gal mi 'gyur/ /ji ltar ma 'ongs dus dag na/ /sde pa tha dad 'byung bar 'gyur/ /ji ltar stong nyid rgyu ci yis/ /ji ltar skad cig 'jig par 'gyur/ /mngal gyi snying por ji ltar skye/ /ji ltar
209a2 'jig rten gyis mi g.yos/ /ji ltar sgyu ma rmi lam 'dra/ /de bzhin dri za'i grong khyer dang / /'jig rten smig rgyu lta bu dang / /chu zla dang ni 'od dag dang / /byang chub yan lag ci slad gsungs/ /de bzhin byang chub phyogs rnams kyang /
209a3 yul rnams ci slad 'khrug par 'gyur/ /ci slad srid par lta bar bgyid/ /ji ltar skye 'gag ma mchis shing / /'jig rten nam mkha' me tog 'dra/ /'jig rten ji ltar thugs su chud/ /ci slad yi ge bral bar gsung / /
209a4 rnam rtog spangs pa de su lags/ /ji ltar nam mkha' 'dra ba lags/ /de kho na la du zhig mchis/ /pha rol phyin sems rnam pa du/ /rgyu gang gis ni sa rnams sgrol/ /len ma mchis par su zhig mchi/ /bdag med rnam
209a5 gnyis gang zhig lags/ /shes bya ji ltar rnam par 'dag /ye shes dag ni rnam pa du/ /tshul khrims sems can nyid ni du/ /nor bu mu tig la sogs pa'i/ /rigs rnams su yis rab tu bskyed/ /sems can rnam pa sna tshogs
209a6 dang / /brjod pa dag ni su yis bskyed/ /rig pa'i gnas dang bzo yi rnams/ /su yis ji ltar rab tu bstan/ /tshigs su bcad pa rnam pa du/ /tshigs bcad ring thung ji lta bu/ /rigs pa rnam pa du zhig mchis/ /ci yi slad du smra zhes
209a7 bgyi/ /skom dang zas rnams ji ltar 'byung / /ji ltar sred pa'i 'dod pa 'byung / /ci slad rgyal po zhes bgyi lags/ /'khor los sgyur dang rgyal phran ci/ /yul ni ji ltar bsrung bar bgyi/ /lha yi ris la rnam pa du/ /ci yi slad du sa zhes bgyi/
209a8 gza' skar nyi zla ji lta bu/ /thar pa dang ni rnal 'byor pa/ /de dag rnam pa du zhig mchis/ /slob ma rnam pa du zhig mchis/ /slob dpon du yang ji ltar 'gyur/ /sangs rgyas rnam pa du zhig lags/ /skyes pa'i rabs la rnam pa du/
209b1 bdud dang slob pa'i bye brag rnams/ /de dag la ni rnam pa du/ /rang bzhin dang ni sems rnams kyang / /de dag la ni du zhig mchis/ /btags pa tsam yang ji lta bu/ /rgyal bas bdag la bshad du gsol/ /nam mkha' sprin rlung ji lta bu/ /
209b2 dran dang yid gzhungs gsal ba ci/ /nags tshal shing ni ji lta bu/ /'khri shing dag ni ci las gyur/ /glang po rta dang ri dgas rnams/ /ji ltar gzung du rung bar 'gyur/ /ngan pa'i mi rnams ji lta bu/ /rgyu gang gis ni ngan par
209b3 'gyur/ /tshig drug gis ni ji ltar bsdus/ /'dod chen par yang ji ltar 'gyur/ /skyes pa bud med ma ning rnams/ /de dag thams cad ci slad 'byung / /rnal 'byor las ni ji ltar ldog /rnal 'byor ji ltar skye
209b4 bar 'gyur/ /rnal 'byor pas ni chos gang gis/ /ci 'dra'i gang zag rnam par 'jog /sems can 'gro bar skye ba rnams/ /mtshan nyid mtshan ma'i rnam pa ci/ /phyug por gyur pa ji lta bu/ /rgyu gang gis ni phyug por 'gyur/
209b5 shAkya'i rigs ni ji lta bu/ /ci yi rgyu yis shAkya byung / /bu ram shing pa ji ltar byung / /bla med gtso bos bshad du gsol/ /yun ring dka' thub drang srong gang / /des ni ji ltar rjes su ston/ /de bzhin gshegs pa
209b6 zhing rnams su/ /mtshan dang de bzhin gzugs sna tshogs/ /rgyal ba'i sras kyis bskor ba yang / /ci yi slad du kun na gda'/ /ci slad sha rnams gsol mi mdzad/ /ci slad sha ni rab tu bkag /sha za'i rigs su skyes
209b7 pa rnams/ /rgyu gang gis ni sha 'tshal lags/ /nyi zla'i dbyibs shing ji lta bu/ /ri rab pad+ma 'dra ba dang / /seng ge mtshan mchog zhing dag dang / /'jig rten gzur gnas spyi'u tshugs dang / /dbang po'i dra ba 'dra ba dang / /kha cig rin
209b8 chen kun gyi zhing / /dgu po rgyud mangs rnga 'dra dang / /me tog sna tshogs dbyibs 'dra dang / /kha cig nyi zla'i 'od dang bral/ /'dri la sogs pa tshad ma mchis/ /sprul pa'i sangs rgyas ji lta bu/ /rnam smin las byung sangs rgyas dang / /de
210a1 bzhin nyid kyi sangs rgyas ci/ /ye shes sangs rgyas ji lta bu/ /ci slad 'dod pa'i khams rnams su/ /mngon par rdzogs par 'tshang mi rgya/ /ci yi slad du 'og min pa/ /chags bral khrod du byang chub brnyes/ /bde gshegs mya
210a2 ngan 'das nas ni/ /yang dag bstan pa su zhig 'dzin/ /lha yi ston pa ji srid bzhugs/ /yang dag chos ni ji srid gnas/ /grub mtha' dang ni lta ba yang / /de dag la ni rnam pa du/ /'dul ba dang ni dge slong ris/ /ci slad rgyu dang rkyen ni
210a3 gang / /rgyal ba'i sras ni de dag dang / /rang rgyal dang ni nyan thos dag /rgyu gang gis na 'gyur brgyar 'gyur/ /rgyu gang gis ni snang med brgya/ /'jig rten mngon shes ji lta bu/ /'jig rten 'das kyi'ang ji lta bu/ /sems ni
210a4 sa rnams bdun por yang / /ci ltar ci slad bdag la gsungs/ /dge 'dun la ni rnam pa du/ /ji ltar dge 'dun dben du 'gyur/ /sems can gso ba'i bstan bcos rnams/ /de dag rgyu rkyen gang gis lags/ /ci slad thub pa chen
210a5 po yis/ /'od srung 'khor ba 'jig dang ni/ /gser thub kyang ni nga yin zhes/ /de skad du ni bka' yang stsal/ /ci slad rtag dang chad pa dang / /de bzhin bdag dang bdag med gsungs/ /ci slad du ni thams cad du/ /yang dag don ni gsung mi
210a6 mdzad/ /sems can dag gi slad du yang / /sems tsam du ni dbye ba mdzad/ /ci slad skyes bu na chung tshal/ /a ru ra dang skyu ru ra/ /khe la sa dang khor yug ri/ /rdo rje la sogs ri bo rnams/ /rin chen sna tshogs rab
210a7 brgyan cing / /drang srong dri zas kun gang ba/ /ji ltar ci slad bdag la gsungs/ /bla med 'jig rten mkhyen pa yis/ /theg chen sgrol ba'i sgo rnams dang / /sangs rgyas kun gyi snying po mchog /de yi tshigs bcad gsan pa dang /
210a8 legs so dris pa rab tu legs/ /blo gros chen po legs par nyon/ /ngas ni deng 'dir rim bzhin du/ /khyod kyis gang dris bshad par bya/ /skye dang skye ba med pa dang / /mya ngan 'das stong skad cig ma/ /rang bzhin med la 'jug par
210b1 'gyur/ sangs rgyas pha rol phyin rnams dang / /rgyal sras dang ni nyan thos dang / /rang rgyal mu stegs can rnams dang / /gzugs med pa yi spyod rnams dang / /de bzhin dngos po sna tshogs rnams/ /ri rab mtsho bran ri rnams dang / /gling dang zhing dang
210b2 sa rnams dang / /gza' skar nyi ma zla ba dang / /mu stegs lha dang lha ma yin/ /rnam thar dbang dang mngon shes dang / /stobs dang bsam gtan ting nge 'dzin/ /'gog dang rdzu 'phrul rkang pa dang / /byang chub yan lag lam gyi phyogs/ /bsam gtan
210b3 rnams dang tshad med dang / /phung po lus rnams 'gro 'ong dang / /snyoms par 'jug dang 'gog pa dang / /ting 'dzin ldang sems bshad pa dang / /sems dang yid dang rnam shes dang / /bdag med pa dang chos lnga dang / /rang bzhin rtog
210b4 dang brtag pa dang / /snang dang lta ba gnyis po dang / /theg pa dang ni rigs rnams dang / /gser dngul nor bu la sogs dang / /'dod chen pa dang 'byung chen dang / /dkrugs ma dag dang sangs rgyas gcig /shes dang shes bya
210b5 'jug thob dang / /sems can srid dang mi srid dang / /glang po rta dang ri dgas rnams/ /ci yi phyir na gzung du rung / /dpe dang rgyu dang grub mtha' dang / /byed pa dang ni byas pa rnams/ /nags tshal nor pa mngon shes dang / /
210b6 sems can de ni snang ba med/ /sa rnams rim gyis 'pho ba med/ /'gyur ba brgya po snang med brgya/ /gso ba'i bstan bcos bzo rnams dang / /sgyu rtsal dang ni rig pa'i gnas/ /ri bo ri rab sa dag dang / /rgya mtsho nyi ma zla
210b7 ba'i tshad/ /sems can rab 'bring tha ma yi/ /lus la rdul ni du zhig yod/ /zhing dang zhing la rdul du zhig /gzhu dang gzhu la ji snyed yod/ /khru dang gom pa rgyang grags dang / /dpag tshad phyed dang dpag tshad la/ /ri bong nyi zer sro ma dang /
210b8 lug gi dang ni nas kyang du/ /bre gang la ni nas 'bru du/ /bre phyed la yang nas 'bru du/ /bre bo gang dang bcu dag la/ /grangs 'bum dang ni bye ba dang / /de bzhin du ni shu rdog la/ /de dag grangs ni du zhig yod/ /rdul phran dag ni du zhig yod/ /rdul
211a1 phran dag ni du zhig la/ /yungs kar 'bru ni gcig tu 'gyur/ /yungs kar 'bru ni du zhig gis/ /'ol ma se ni gcig tu 'gyur/ /'ol ma se ni du zhig la/ /ma sha 'bru ni gcig tu 'gyur/ /ma sha du la nam ni gcig /nam du la
211a2 ni srang du 'gyur/ /srang gcig la yang zho du yod/ /rtsis kyi rtsis mgo 'di lta bur/ /ri rab srang ni du yod ces/ /'di la sogs pa'i dri ba'i rigs/ /ci yi phyir na dngos gzhan 'dri/ /nyan thos dang ni rang rgyal dang / /sangs rgyas rnams dang rgyal
211a3 sras kyi/ /sku la rdul phran du yod ces/ /de skad ci'i phyir 'dri mi byed/ /me lce la ni rdul phran du/ /rlung la yang ni rdul phran du/ /dbang po gcig cing rdul phran du/ /smin ma spu yi bu ga du/ /nor srung dbang phyug rgyal po dang / /
211a4 'khor los sgyur ba'i rgyal po yang / /rgyal srid dag ni ji ltar bsrung / /de dag ji ltar thar pa 'gyur/ /tshigs bcad rkyang pa ji ltar smra/ /khyod kyis ji ltar zhus pa bzhin/ /sems can 'khrig pa sna tshogs dang / /zas
211a5 skom rnam pa mang po dang / /ji ltar skyes bu na chung tshal/ /rdo rje lta bur sra ba'i ri/ /ji ltar sgyu ma rmi lam 'dra/ /ri dgas skom gyis gdungs pa ltar/ /ji ltar ri bo drang srong lha/ /dri zas rab tu brgyan pa dang / /grol ba gang du
211a6 'gro bar 'gyur/ /bcings pa su zhig gang gis 'grol/ /bsam gtan pa yi yul ni gang / /sprul pa dang ni mu stegs kyang / /ci phyir med pa'i rgyu las byed/ /ci'i phyir yod pa'i rgyu las byed/ /yod med rgyu las byed pa
211a7 dang / /de bzhin yod med min pa'i rgyu/ /snang ba las ni ji ltar ldog /rtog ge ji ltar yongs su 'dag /rtog ge ji ltar 'jug par 'gyur/ /byed pa ci yis 'jug par 'gyur/ /ji ltar 'du shes gcad par bya/ /
211a8 ji ltar ting nge 'dzin las ldang / /srid gsum bcom pa de su zhig /gnas gang de yi lus kyang ci/ /ci phyir sems can med bzhin du/ /bdag yod par ni brjod par byed/ /kun rdzob bstan pa ji lta bu/ /rgya cher
211b1 rab tu dbyer gsol zhes/ /mtshan nyid 'dri ba ci yi phyir/ /bdag med 'dri ba ji lta bu/ /ji ltar mngal gyi snying por skye/ /lus ni tha dad sna tshogs dang / /rtag chad lta ba ji lta bu/ /ji ltar sems ni mnyam par 'jog /brjod
211b2 dang de bzhin ye shes dang / /tshul khrims rigs dang rgyal ba'i sras/ /rigs pa dang ni smra ba'ang ci/ /slob dpon slob ma ji lta bu/ /sems can rnam pa sna tshogs dang / /'di la sogs pa ji lta bu/ /zas dang skom ni ji
211b3 lta bu/ /yid gzhungs bdud dang btags pa tsam/ /shing dang khri shing ci phyir zhes/ /rgyal ba'i sras kyis dri ba'i rigs/ /zhing rnams sna tshogs ci yi phyir/ /drang srong yun ring dka' thub dang / /rigs shes bya ba ji lta bu/ /
211b4 bla ma gang las bslab pa blang / /ci yi phyir na mi dag ngan/ /ci yi phyir na rnal 'byor pa/ /'dod pa'i khams su 'tshang mi rgya/ /'og min du ni grub pa'i mtha'/ /ci phyir mngon shes 'jig rten pa/ /ci phyir dge slong zhes ni brjod/
211b5 sprul pa'i sangs rgyas ji lta bu/ /rnam smin sangs rgyas ji lta bu/ /de bzhin nyid kyi sangs rgyas gang / /mnyam nyid ye shes sangs rgyas dang / /dge 'dun rnams kyang ji lta bu/ /rgyal sras de bzhin dri ba'i rigs/ /dgu po rgyud mang
211b6 me tog rnga/ /zhing dang snang ba spangs pa dang / /sems tsam sa ni bdun po dag /dris pa rnams ni yang dag nyid/ /'di dang gzhan yang rab mang ba'i/ /dri ba dag ni rgyal sras dris/ /re re mtshan nyid rab ldan zhing / /lta ba'i
211b7 nyes pa rnam spangs pa/ /grub mtha'i brjod dang bral ba ste/ /ngas ni da 'dir bstan par bya/ /go rims rnam par gzhag pa'i tshig /rgyal ba'i sras kyis legs par nyon/ /tshig brgya rtsa brgyad 'di dag ni/ /sangs rgyas rnams kyis
211b8 gsungs bzhin bshad/ /de nas byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /bcom ldan 'das tshig brgya po dag gang lags/ /bcom ldan 'das kyis bka' stsal pa/ /
212a1 skye ba'i tshig dang / mi skye ba'i tshig dang / rtag pa'i tshig dang / mi rtag pa'i tshig dang / mtshan nyid kyi tshig dang / mtshan nyid med pa'i tshig dang / gnas pa gzhan du 'gyur ba'i tshig dang / gnas pa gzhan du 'gyur ba ma
212a2 yin pa'i tshig dang / skad cig pa'i tshig dang / skad cig ma yin pa'i tshig dang / rang bzhin gyi tshig dang / rang bzhin dang bral ba'i tshig dang / stong pa nyid kyi tshig dang / stong pa nyid ma yin pa'i tshig dang / chad pa'i tshig dang / chad pa
212a3 ma yin pa'i tshig dang / sems kyi tshig dang / sems ma yin pa'i tshig dang / mtha'i tshig dang / mtha' ma yin pa'i tshig dang / dbu ma'i tshig dang / dbu ma ma yin pa'i tshig dang / ther zug gi tshig dang / ther zug ma yin pa'i tshig dang /
212a4 rkyen gyi tshig dang / rkyen ma yin pa'i tshig dang / rgyu'i tshig dang / rgyu ma yin pa'i tshig dang / nyon mongs pa'i tshig dang / nyon mongs pa ma yin pa'i tshig dang / sred pa'i tshig dang / sred pa ma yin pa'i tshig dang / thabs kyi tshig
212a5 dang / thabs ma yin pa'i tshig dang / mkhas pa'i tshig dang / mkhas pa ma yin pa'i tshig dang / dag pa'i tshig dang / dag pa ma yin pa'i tshig dang / rigs pa'i tshig dang / rigs pa ma yin pa'i tshig dang / dpe'i tshig dang /
212a6 dpe ma yin pa'i tshig dang / slob ma'i tshig dang / slob ma ma yin pa'i tshig dang / bla ma'i tshig dang / bla ma ma yin pa'i tshig dang / rigs kyi tshig dang / rigs ma yin pa'i tshig dang / theg pa gsum gyi tshig dang /
212a7 theg pa gsum ma yin pa'i tshig dang / srid pa'i tshig dang / srid pa ma yin pa'i tshig dang / smon pa'i tshig dang / smon pa ma yin pa'i tshig dang / 'khor lo gsum gyi tshig dang / 'khor lo gsum ma yin pa'i
212a8 tshig dang / mtshan ma'i tshig dang / mtshan ma ma yin pa'i tshig dang / yod pa'i phyogs kyi tshig dang / yod pa'i phyogs ma yin pa'i tshig dang / gnyi ga'i tshig dang / gnyi ga ma yin pa'i tshig dang / so so rang gi
212b1 'phags pa'i ye shes la dmigs pa mthong ba'i chos la bde bar gnas pa'i tshig dang / mthong ba'i chos la bde bar gnas pa ma yin pa'i tshig dang / zhing gi tshig dang / zhing ma yin pa'i tshig dang / rdul gyi tshig dang / rdul
212b2 ma yin pa'i tshig dang / chu'i tshig dang / chu ma yin pa'i tshig dang / gzhu'i tshig dang / gzhu ma yin pa'i tshig dang / yang dag pa'i tshig dang / yang dag pa ma yin pa'i tshig dang / grangs kyi tshig dang / grangs ma yin pa'i tshig dang /
212b3 rtsis kyi tshig dang / rtsis ma yin pa'i tshig dang / mngon par gsal ba'i tshig dang / mngon par gsal ba ma yin pa'i tshig dang / nam mkha'i tshig dang / nam mkha' ma yin pa'i tshig dang / sprin gyi tshig dang / sprin ma
212b4 yin pa'i tshig dang / bzo dang sgyu rtsal dang rig pa'i gnas kyi tshig dang / bzo dang sgyu rtsal dang rig pa'i gnas ma yin pa'i tshig dang / rlung gi tshig dang / rlung ma yin pa'i tshig dang / sa'i tshig dang / sa ma yin pa'i tshig
212b5 dang / sems kyi tshig dang / sems ma yin pa'i tshig dang / gdags pa'i tshig dang / gdags pa ma yin pa'i tshig dang / rang bzhin gyi tshig dang / rang bzhin ma yin pa'i tshig dang / phung po'i tshig dang / phung po ma yin
212b6 pa'i tshig dang / sems can gyi tshig dang / sems can ma yin pa'i tshig dang / blo'i tshig dang / blo ma yin pa'i tshig dang / mya ngan las 'das pa'i tshig dang / mya ngan las 'das pa ma yin pa'i tshig dang / shes
212b7 bya'i tshig dang / shes bya ma yin pa'i tshig dang / mu stegs can gyi tshig dang / mu stegs can ma yin pa'i tshig dang / khrag khrug gi tshig dang / khrag khrug ma yin pa'i tshig dang / sgyu ma'i tshig dang / sgyu ma ma yin pa'i tshig dang /
212b8 rmi lam gyi tshig dang / rmi lam ma yin pa'i tshig dang / smig rgyu'i tshig dang / smig rgyu ma yin pa'i tshig dang / gzugs brnyan gyi tshig dang / gzugs brnyan ma yin pa'i tshig dang / 'khor lo'i tshig dang / 'khor lo ma yin pa'i
213a1 tshig dang / dri za'i tshig dang / dri za ma yin pa'i tshig dang / lha'i tshig dang / lha ma yin pa'i tshig dang / zas skom gyi tshig dang / zas skom ma yin pa'i tshig dang / 'khrig pa'i tshig dang / 'khrig pa ma yin pa'i tshig dang / lta ba'i
213a2 tshig dang / lta ba ma yin pa'i tshig dang / pha rol du phyin pa'i tshig dang / pha rol du phyin pa ma yin pa'i tshig dang / tshul khrims kyi tshig dang / tshul khrims ma yin pa'i tshig dang / nyi zla skar ma'i tshig dang / nyi zla skar ma ma yin pa'i tshig
213a3 dang / bden pa'i tshig dang / bden pa ma yin pa'i tshig dang / 'bras bu'i tshig dang / 'bras bu ma yin pa'i tshig dang / 'gog pa las ldang ba'i tshig dang / 'gog pa las ldang ba ma yin pa'i tshig dang / gso ba'i tshig dang / gso ba ma
213a4 yin pa'i tshig dang / mtshan nyid kyi tshig dang / mtshan nyid ma yin pa'i tshig dang / yan lag gi tshig dang / yan lag ma yin pa'i tshig dang / rig pa'i gnas la mkhas pa'i tshig dang / rig pa'i gnas la mkhas pa ma yin pa'i tshig dang /
213a5 bsam gtan gyi tshig dang / bsam gtan ma yin pa'i tshig dang / nor pa'i tshig dang / nor pa ma yin pa'i tshig dang / snang ba'i tshig dang / snang ba ma yin pa'i tshig dang / bsrung ba'i tshig dang / bsrung ba ma yin pa'i tshig dang / rus kyi
213a6 tshig dang / rus ma yin pa'i tshig dang / drang srong gi tshig dang / drang srong ma yin pa'i tshig dang / rgyal po'i tshig dang / rgyal po ma yin pa'i tshig dang / yongs su gzung ba'i tshig dang / yongs su gzung ba ma yin pa'i tshig dang / rin po che'i
213a7 tshig dang / rin po che ma yin pa'i tshig dang / lung bstan pa'i tshig dang / lung bstan pa ma yin pa'i tshig dang / 'dod chen pa'i tshig dang / 'dod chen pa ma yin pa'i tshig dang / pho mo dang ma ning gi tshig dang / pho mo dang ma ning ma yin pa'i
213a8 tshig dang / bro ba'i tshig dang / bro ba ma yin pa'i tshig dang / dngos po'i tshig dang / dngos po ma yin pa'i tshig dang / lus kyi tshig dang / lus ma yin pa'i tshig dang / rtog ge'i tshig dang / rtog ge ma yin pa'i tshig dang / g.yo ba'i
213b1 tshig dang / g.yo ba ma yin pa'i tshig dang / dbang po'i tshig dang / dbang po ma yin pa'i tshig dang / 'dus byas kyi tshig dang / 'dus byas ma yin pa'i tshig dang / 'dus ma byas kyi tshig dang / 'dus ma byas ma yin pa'i tshig
213b2 dang / rgyu dang 'bras bu'i tshig dang / rgyu dang 'bras bu ma yin pa'i tshig dang / 'og min gyi tshig dang / 'og min ma yin pa'i tshig dang / dus tshigs kyi tshig dang / dus tshigs ma yin pa'i tshig dang / shing dang shing gel pa dang
213b3 'khri shing gi tshig dang / shing dang shing gel pa dang 'khri shing ma yin pa'i tshig dang / sna tshogs kyi tshig dang / sna tshogs ma yin pa'i tshig dang / bstan pas gzung ba'i tshig dang / bstan pas gzung ba ma yin pa'i tshig dang /
213b4 'dul ba'i tshig dang / 'dul ba ma yin pa'i tshig dang / dge slong gi tshig dang / dge slong ma yin pa'i tshig dang / gnas kyi tshig dang / gnas ma yin pa'i tshig dang / yi ge'i tshig dang / yi ge ma yin pa'i tshig ste/ blo
213b5 gros chen po tshig brgya rtsa brgyad po 'di dag ni sngon gyi sangs rgyas rnams kyis brjod pa yin te/ khyod dang byang chub sems dpa' sems dpa' chen po rnams kyis bslabs par bya'o/ /de nas byang chub sems dpa' sems
213b6 dpa' chen po blo gros chen pos bcom ldan 'das la 'di skad ces gsol to/ /bcom ldan 'das rnam par shes pa rnams kyi skye ba dang / gnas pa dang / 'gag pa rnam pa du mchis/ bcom ldan 'das kyis bka' stsal
213b7 pa/ blo gros chen po rnam par shes pa rnams kyi skye ba dang / gnas pa dang / 'gag pa la rnam pa gnyis gnyis yod de/ rtog ge pa rnams kyis shes par bya ba ma yin no/ /rnam par shes pa rnams kyi skye ba yang rnam pa gnyis te/
213b8 'di lta ste/ rgyun skye ba dang / mtshan nyid skye ba'o/ /gnas pa yang rnam pa gnyis te/ 'di lta ste/ rgyun gnas pa dang / mtshan nyid gnas pa'o/ /'gag pa yang rnam pa gnyis te/ 'di lta ste/ rgyun 'gag pa dang / mtshan nyid
214a1 'gag pa'o/ /de la rnam par shes pa rnams kyi mtshan nyid ni rnam pa gsum ste/ 'di lta ste/ 'jug pa'i mtshan nyid dang / las kyi mtshan nyid dang / yang dag pa'i mtshan nyid do/ /blo gros chen po mdor bsdu na ni
214a2 rnam par shes pa gsum yod do/ /rgyas par bshad na ni mtshan nyid rnam pa brgyad yod de/ rnam pa gsum po dag gang zhe na/ 'di lta ste/ yang dag pa'i rnam par shes pa dang / snang ba'i rnam par shes pa dang / dngos po so
214a3 sor rnam par rtog pa'i rnam par shes pa'o/ /blo gros chen po dper na me long rab tu gsal bas gzugs brnyan rnams 'dzin par byed pa de bzhin du snang ba'i rnam par shes pa snang ba yang de bzhin no/ /blo gros chen po
214a4 snang ba'i rnam par shes pa dang / dngos po so sor rnam par rtog pa'i rnam par shes pa de gnyis ni 'jig pa dang / mi 'jig pa'i mtshan nyid de gcig gi rgyu gcig go/ /blo gros chen po bsam gyis mi khyab pa'i bag
214a5 chags yongs su bsgos pa dang / bsam gyis mi khyab pa'i yongs su 'gyur ba ni snang ba'i rnam par shes pa'i rgyu'o/ /blo gros chen po yul sna tshogs len pa dang / thog ma med pa'i dus kyi rnam par rtog pas yongs
214a6 su bsgos pa ni dngos po so sor rnam par rtog pa'i rnam par shes pa'i rgyu'o/ /blo gros chen po yang dag pa'i rnam par shes pa de la sgribs par byed pa yang dag pa ma yin pa sna tshogs dang / spros pa rnams 'gags pas
214a7 dbang po'i rnam par shes pa thams cad 'gag par 'gyur te/ blo gros chen po 'di ni mtshan nyid 'gag pa zhes bya'o/ /blo gros chen po de la rgyun 'gag pa ni mtshams sbyor ba'i rgyu 'gag pa na rgyun 'gag par 'gyur te/
214a8 gang las 'byung ba 'gags pa dang / gang la dmigs par bya ba 'gags na des rgyun 'gag par 'gyur ro/ /blo gros chen po de ci'i phyir zhe na/ de'i gnas yin pa'i phyir ro/ /de la gnas shes bya ba ni thog ma med pa'i
214b1 rnam par rtog pa srid pa gsum gyi sdug bsngal 'gags pa/ mi shes pa dang / sred pa dang / las dang / rkyen rnam par log pa/ rang gi sems snang ba sgyu ma'i yul dang / rjes su lta ba rnams bshad par bya'o/ /blo gros chen po dge
214b2 sbyong ngam bram ze la la ni sa bon med pa'am/ sa bon yod pa'i rgyu las 'bras bu snang ba dang / dngos po'i dus dang / gnas pa dang / rkyen rnams las phung po dang / khams dang / skye mched rnams skye ba dang / gnas pa'am/
214b3 yang na skyes nas kyang 'jig par 'gyur bar 'dod de/ blo gros chen po de dag ni rgyun nam/ bya ba'am/ skye ba'am/ srid pa'am/ mya ngan las 'das pa'am/ lam lam/ las sam/ 'bras bu'am/ bden
214b4 pa rnam par 'jig pa'am/ chad par smra bar 'gyur ro/ /de ci'i phyir zhe na/ gang 'di mngon sum du mi dmigs shing thog ma mi mthong ste/ de'i cha ma yin pa'i phyir ro/ /blo gros chen po dper na rdza ma chag nas gyo mor
214b5 gyur pa ni rdza ma'i bya ba mi byed do/ /sa bon tshig pa yang myu gu'i bya ba mi byed de/ de bzhin du blo gros chen po phung po dang / khams dang / skye mched kyi dngos po dag 'gags pa dang / 'gag pa dang / 'gag par 'gyur ba
214b6 ni rang gi sems kyi rnam par rtog pas mthong ste/ rgyu med pa'i phyir de dag ni rim gyis skye ba med do/ /blo gros chen po gal te sa bon med pa'am/ sa bon yod pa las rnam par shes pa rnams rkyen gsum dang phrad pa
214b7 las skye ba zhig yin na ni rus sbal las spu skye ba dang / bye ma las kyang 'bru mar 'byung bar 'gyur ba'i rigs te/ 'o na ni khyod kyi dam bcas pa las nyams shing nges pa'i don dang yang 'gal bar 'gyur ro/ /
214b8 sa bon yod pa dang / sa bon med par bshad pa la nyes pa de lta bu yod pas bya ba dang las byas pa rnams don med par 'gyur ro/ /blo gros chen po mu stegs can de dag rkyen gsum phrad pa las skye zhes bya ba yang bya ba
215a1 dang / snang ba 'dus pa las skye ba ma yin gyi/ gud na tha dad pa'i rgyu yod do zhes smra'o/ /blo gros chen po rgyu de ni gtso bo dang / mchog dang / skyes bu dang / dbang phyug dang / dus dang / rdul phra mo rnams so/ /gzhan yang blo gros
215a2 chen po rang bzhin rnam pa bdun yod de/ 'di lta ste/ 'du ba dngos po'i rang bzhin dang / mtshan nyid kyi rang bzhin dang / 'byung ba chen po'i dngos po'i rang bzhin dang / rgyu'i rang bzhin dang / rkyen kyi rang bzhin dang / mngon par grub
215a3 pa'i rang bzhin no/ /gzhan yang blo gros chen po don dam pa rnam pa bdun yod de/ 'di lta ste/ sems kyi spyod yul dang / shes rab kyi spyod yul dang / ye shes kyi spyod yul dang / lta ba'i spyod yul dang / lta ba gnyis las 'das
215a4 pa'i spyod yul dang / sras kyi sa las 'das pa'i spyod yul dang / de bzhin gshegs pa nyid byon pa'i spyod yul te/ blo gros chen po 'di dag 'das pa dang / ma 'ongs pa dang / da ltar gyi de bzhin gshegs pa dgra bcom pa yang dag
215a5 par rdzogs pa'i sangs rgyas kyi dngos po'i rang bzhin don dam pa'i snying po'o/ /dngos po'i rang bzhin don dam pa'i snying po de dang ldan pas de bzhin gshegs pa rnams 'jig rten pa dang / 'jig rten las 'das pa dang / 'jig
215a6 rten las 'das pa mchog gi chos 'phags pa'i shes rab kyi spyan yongs su rdzogs nas rang dang spyi'i mtshan nyid rnam par dgod pa la 'jug cing ji lta ba bzhin du rnam par dgod pas mu stegs can gyi smra ba dang / lta ba ngan pa
215a7 dang thun mong du mi 'gyur ba yin no/ /blo gros chen po ji ltar na mu stegs can gyi smra ba dang / lta ba ngan pa dang / thun mong ma yin zhe na/ 'di lta ste/ rang gi yul la rnam par rtog pa'i lta bar khong du ma chud pa dang / rang gi
215a8 rnam par shes pa'i sems snang ba tsam du ma rtogs pas/ blo gros chen po byis pa so so'i skye bo rnams dngos po dang / dngos po med pa'i rang bzhin don dam pa la lta ba gnyis su smra bar gyur to/ /gzhan yang blo gros chen po
215b1 dus kyi rnam par rtog pas yongs su bsgos pa'o/ /dmigs pa zhes bya ba ni 'di lta ste/ rang gi sems snang ba la rnam par shes pa'i yul du rnam par rtog pa'o/ /blo gros chen po dper na 'jim pa'i gong bu dang / rdul phra rab ni
215b2 tha dad pa yang ma yin/ tha mi dad pa yang ma yin no/ /gser dang rgyan yang de bzhin te/ /blo gros chen po gal te 'jim pa'i gong bu dang / rdul phra rab gnyis tha dad pa zhig yin na ni de dag las brtsams pa ma yin par 'gyur na/
215b3 de ni yang dag par de dag las brtsams pas na de'i phyir tha dad pa ma yin no/ /ci ste tha mi dad na ni 'jim pa'i gong bu dang / rdul phra rab bye brag med par 'gyur ro/ /de bzhin du blo gros chen po 'jug pa'i rnam par shes pa rnams kun gzhi
215b4 rnam par shes pa yang dag pa'i mtshan nyid dang / gal te tha dad pa zhig yin na kun gzhi rnam par shes pa rgyu ma yin par 'gyur ro/ /de ste tha dad pa ma yin na ni 'jug pa'i rnam par shes pa 'gags na/ kun gzhi rnam par shes
215b5 pa yang 'gag par 'gyur ba zhig na/ 'di ltar rang gi yang dag pa'i mtshan nyid ni nges par 'gag par mi 'gyur te/ de'i blo gros chen po rnam par shes pa rnams kyi rang gi yang dag pa'i mtshan nyid 'gag pa ma yin gyi/ las kyi
215b6 mtshan nyid 'gag go/ /gal te rang gi yang dag pa'i mtshan nyid kyang 'gag pa yin na ni/ kun gzhi rnam par shes pa yang 'gag par 'gyur te/ blo gros chen po kun gzhi rnam par shes pa 'gag par 'gyur ba yin na ni/ mu stegs
215b7 can chad par smra ba dang / tha mi dad par 'gyur ro/ /blo gros chen po mu stegs can de dag ni 'di skad du smra ste/ 'di lta ste/ 'di ltar yul rnams la 'dzin pa 'gags par gyur na/ rnam par shes pa'i rgyun 'gag par 'gyur ro
215b8 zhes zer te/ gal te rnam par shes pa'i rgyun 'gags pa yin na ni/ thog ma med pa'i dus kyi rgyun kyang chad par 'gyur ba'i rigs so/ /blo gros chen po mu stegs can rnams rgyun skye ba'i rgyu ni mig gi rnam par shes pa gzugs
216a1 dang / thabs ni rgyu dang 'bras bu'i rang gi mtshan nyid du yod la 'das pa dang / ma 'ongs pa dang / da ltar byung ba ni sa bon yod pa dang / sa bon med pa'i mtshan nyid do zhes zer te/ de ni sngon gcig nas gcig
216a2 tu rigs pa'i dngos po brgyud de 'ongs pa rtog ge pa'i rjes su 'jug cing rang gi lta ba'i nyes pa'i bag chags kyis bsgos pas de skad du ston te/ blo gros chen po de ltar byis pa so so'i skye bo rnams lta ba ngan pas zin pa log
216a3 pa'i gya gyus rab tu rmongs pa dang myos pa'i mi shes pa rnams brdzun du 'di ni thams cad mkhyen pas bstan to zhes zer ro/ /blo gros chen po gal te yang dge sbyong ngam/ bram ze gang la la chos thams cad rang bzhin dang
216a4 bral ba sprin dang 'gal me'i 'khor lo dang / dri za'i grong khyer dang mtshungs pa dang / ma skyes pa sgyu ma dang / smig rgyu dang / chu'i zla ba dang / rmi lam lta bu dang / nang dang phyi rol tu sems snang ba rnam par rtogs pa dang / thog
216a5 ma med pa'i dus kyi rnam par spros pa rang gi sems kyi rnam par rtog pa las logs shig na med pa dang / rgyu dang rkyen 'gags shing zad par gyur na/ rnam par rtog pa dang bral bar mthong ba dang / rjod pa dang / brjod par bya ba dang /
216a6 brtag pa dang / brtag par bya ba dang bral ba/ longs spyod dang / lus su kun gzhi rnam par shes pa rnam par gzhag pa dang / rnam par shes pa'i yul gzung ba dang / 'dzin pa dang / mi mthun pa dang / snang ba med pa'i
216a7 spyod yul skye ba dang / gnas pa dang / 'jig pa spongs ba dang / rang gi sems las byung ba tsam du rjes su 'jug cing rnam par 'byed na/ blo gros chen po byang chub sems dpa' de dag ni ring por mi thogs par 'khor ba
216a8 dang / mya ngan las 'das pa mnyam pa nyid dang / snying rje chen po dang / thabs la mkhas pa dang / rtsol ba med pa'i sbyor ba 'thob par 'gyur ro/ /blo gros chen po sems can gyi khams de dag thams cad sgyu ma dang mtshungs
216b1 pa dang / rgyu dang rkyen la mi brtson pa dang / phyi nang gi yul las rnam par dben pa dang / sems las phyi rol tu mi mthong bas rim gyis mtshan ma med pa'i gnas su 'jug pa dang / rim gyis sa nas sar ting nge 'dzin gyi spyod yul la
216b2 'jug pa dang / khams gsum sgyu ma lta bur shin du mos shing so sor rab tu rtog pas sgyu ma lta bu'i ting nge 'dzin rab tu 'thob par 'gyur ro/ /rang gi sems snang ba las 'das shing snang ba med pa la 'jug pas shes rab
216b3 kyi pha rol du phyin pa la gnas pa rjes su thob par byed pa dang / de dag gi sbyor ba skyed pa rab tu spangs pas rdo rje lta bu'i ting nge 'dzin thob nas de bzhin gshegs pa'i sa la 'jug par 'gyur ro/ /de bzhin nyid kyi rjes su
216b4 'jug pa'i sprul pa mngon par shes pa dang / dbang dang / snying rje dang / thabs kyis rab tu brgyan pa/ sangs rgyas kyi zhing thams cad du cig car 'jug pa/ mu stegs can gyi gnas su nye bar 'gro ba/ sems dang yid
216b5 dang / rnam par shes pa dang bral bas byang chub sems dpa' de gnas gyur pa'i rim gyis de bzhin gshegs pa'i sku 'thob par 'gyur ro/ /blo gros chen po de bas na de bzhin gshegs pa'i rjes su 'jug pa'i sku'ang
216b6 'thob par 'dod pa rnams kyis phung po dang / khams dang / skye mched dang / sems dang / rgyu dang / rkyen dang / bya ba dang / sbyor ba dang / skye ba dang / gnas pa dang / 'jig pa dang / rnam par rtog pa'i spros pa
216b7 rnams yongs su spang bar bya'o/ /sems tsam gyis drang por rtsol bas thog ma med pa'i dus kyi spros pa'i nyes pa la so sor rtog cing / rnam par rtog pa'i bag chags kyi rgyu dang / srid pa gsum po dag snang ba med
216b8 pa dang / ma sangs rgyas kyi sa skye ba med par 'jal bas rang gis rigs pa 'phags pa'i bgrod par phyin pa dang / rang gi sems la dbang sgyur zhing rtsol ba med pa'i spyod pa rtogs par khong du chud pa/ gzugs sna
217a1 tshogs kyi rjes su 'jug pa'i nor bu dang mtshungs pa dang / sems can gyi sems shin du phra ba'i rjes su 'jug cing sprul pa'i lus kyis sems kyi mos pa ji lta ba bzhin du yongs su dgrol bar byed
217a2 pas sa rnams rim gyis mtshams sbyor ba rnam par gzhag par 'gyur ro/ /de lta bas na blo gros chen po rang gi grub pa'i mtha' la mkhas pa rab tu bsgrub par bya'o/ /de nas byang chub sems dpa' blo gros chen pos
217a3 yang bcom ldan 'das la 'di skad ces gsol to/ /bcom ldan 'das sems dang yid dang / rnam par shes pa dang / chos lnga dang / rang bzhin gyi mtshan nyid bshad du gsol/ 'di ni sangs rgyas dang byang chub
217a4 sems dpa' thams cad kyis bgrod par bgyi ba/ rang gi sems kyis mthong ba la sogs pas dmigs par bgyi ba'i spyod yul dang 'phrod pa ma lags pa/ brjod pa'am/ rigs pa dang / de kho na nyid kyi mtshan
217a5 nyid thams cad rab tu ston pa/ sangs rgyas thams cad kyi gsung gi snying po'o/ /bcom ldan 'das lang ki'i grong rdal dang / ma la ya'i ri dang / rgya mtsho la gnas pa'i byang chub sems dpa' sems dpa' chen po rnams
217a6 kyi slad du de bzhin gshegs pa rnams kyis rab tu bsngags pa/ rgya mtsho'i dba' rlabs lta bu'i kun gzhi rnam par shes pa'i spyod yul dang / chos kyi sku bshad du gsol/ de nas bcom ldan 'das kyis byang chub sems
217a7 dpa' blo gros chen po la 'di skad ces bka' stsal to/ /blo gros chen po rkyen rnam pa bzhi'i phyir mig gi rnam par shes pa 'jug ste/ bzhi gang zhe na/ 'di lta ste/ rang gi sems snang ba 'dzin par khong du ma chud
217a8 pa dang / thog ma med pa'i dus nas spros pa'i gnas ngan len gyi gzugs kyi bag chags la mngon par zhen pa dang / rnam par shes pa'i rang bzhin gyi ngo bo nyid dang / gzugs rnam pa sna tshogs kyi mtshan nyid mthong ba
217b1 bar 'dun pa'o/ /blo gros chen po 'di ni rgyu rkyen bzhi po chu klung gi gnas dang / kun gzhi rnam par shes pa las 'jug pa'i rnam par shes pa'i rlabs 'byung ba zhes bya'o/ /blo gros chen po mig gi rnam par shes pa ji lta ba
217b2 bzhin du dbang po thams cad kyi rdul phra rab dang / spu'i khung bu lhan cig skye ba dang / rim gyis yul gyi rjes su skye ba yang de bzhin te/ ji ltar me long rab tu gsal ba'i nang du gzugs brnyan snang ba bzhin no/ /blo
217b3 gros chen po dper na/ rlang rab tu drag pos rgya mtsho chen po'i chu rab tu skyod par byed pa de bzhin du/ phyi rol gyi yul gyi rlung gis kyang sems kyi rgya mtsho bsgul bas rnam par shes pa'i rlabs rnams rgyun mi 'chad de/ rgyu
217b4 dang bya ba'i mtshan nyid tha dad pa dang / tha dad ma yin pa gcig tu 'dres pa/ las dang skye ba'i mtshan nyid la shin du mngon par zhen pa dang / gzugs la sogs pa'i rang gi ngo ha bo nyid mi rtogs pas de'i phyir rnam par shes pa'i
217b5 tshogs lnga 'jug go/ /blo gros chen po rnam par shes pa'i tshogs lnga po de dag dang lhan cig pa'i rgyu la bye brag gis rnam pa'i mtshan nyid khong du chud par byed pas yid kyi rnam par shes pa'i rgyu ni de'i lus kyi rjes su 'jug
217b6 pa yin par rig par bya'o/ /de dag 'di snyam du bdag cag ni phan tshun gcig gi rgyu gcig byed do snyam du mi sems te/ 'on kyang rang gi sems snang ba la rnam par rtog pas mngon par zhen pa 'jug cing de dag so so nas
217b7 'jig pa'i mtshan nyid dang lhan cig tu 'jug go/ /yul gyi rnam pa'i bye brag 'byed pa ni 'di lta ste/ de dag 'jug pa'o/ /blo gros chen po ji ltar rnal 'byor pa dag bsam gtan dang ting nge 'dzin la mnyam par
217b8 bzhag pa bag chags shin du phra rab 'jug pa rnams mi shes pa de dag 'di snyam du/ bdag cag rnam par shes pa bkag nas snyoms par zhugs so snyam du sems kyang yang dag par rnam par shes pa bkag nas snyoms par
218a1 zhugs pa ma yin te/ 'di ltar bag chags kyi sa bon shin du phra ba ma 'gags pa'i phyir ma 'gags pa'o/ /yul la 'jug cing 'dzin pa dang mi ldan pa'i phyir ni 'gags po'o/ /blo gros chen po de ltar shin
218a2 du phra ba'i kun gzhi rnam par shes pa de mthar thug par rtogs pa ni de bzhin gshegs pa dang / sa la rab tu gnas pa'i byang chub sems dpa' rnams ma gtogs par gzhan nyan thos dang / rang sangs rgyas dang / mu stegs can gyi rnal
218a3 'byor pa rnams kyis thob pa'i ting nge 'dzin dang / shes rab kyi stobs kyis kyang rtogs par mi nus so/ /gzhan du na sa'i mtshan nyid dang / shes rab dang / ye shes dang / thabs la mkhas pa rnam par 'byed pa dag tshig gi
218a4 don rab tu dbye ba la rnam par gdon mi za ba rgyal ba mtha' yas pa rnams las dge ba'i rtsa ba yongs su bsags pa dang / rang gi sems snang ba la rnam par rtogs pa'i spros pa dang bral ba ri dang nags 'tshal stug po dang /
218a5 shing khrod na gnas shing rnal 'byor tha ma dang / 'bring dang / rab tu bsgoms pa rnams kyis rang gi sems kyi rnam par rtog pa'i rgyud mthong ba dang / zhing tshad med pa'i sangs rgyas/ rnims kyis dbang bskur ba dang / dbang dang
218a6 stobs dang / mngon par shes pa dang / ting nge 'dzin dang dge ba'i bshes gnyen sangs rgyas kyi sras kyi 'khor rnams kyang 'thob par 'gyur te/ des sems dang / yid dang / rnam par shes pa dang / rang gi sems snang ba'i rang
218a7 bzhin gyi spyod yul spros pa'i mtshan nyid rig cing 'khor ba srid pa'i rgya mtsho dang / las dang / sred pa dang / mi shes pa la sogs pa'i rgyu las rgyal bar nus so/ /de lta bas na/ blo gros chen po rnal 'byor pa rnams kyis dge
218a8 ba'i bshes gnyen rgyal ba rnams la bsten par bya'o/ /de nas bcom ldan 'das kyis don de nyid yang bstan pa'i phyir/ tshigs su bcad pa 'di dag gsungs so/ /dper na rgya mtsho'i dba' rlabs rnams/ /de dag rlung drag
218b1 dbang gis byung / /rlabs chen rgya mtsho rab bskyod pas/ /rgyun ni rnam par chad pa med/ /kun gzhi rgya mtsho rtag gnas pa/ /yul gyi rlung gis rab bskyod nas/ /sna tshogs rnam shes dba' rlabs rnams/ /gar cing rab tu
218b2 'jug par 'gyur/ /sngon po dmar po sna tshogs gzugs/ /dung dang 'o ma kha ra dang / /bska ba me tog 'bras bu dang / /nyi zla dang ni 'od zer dang / /gcig pa ma yin tha dad min/ /rgya mtsho rlabs rnams rab tu bskyed/ /de bzhin
218b3 rnam shes bdun po yang / /sems dang lhan cig rab tu skye/ /ji ltar rgya mtsho yongs gyur nas/ /dba' rlabs sna tshogs 'jug pa ltar/ /rnam shes bdun po de bzhin te/ /sems dang lhan cig rab tu skye/ /kun gzhi rnam
218b4 shes gnas las ni/ /rnam shes sna tshogs rab 'jug ste/ /'di ltar yid dang rnam shes des/ /mtshan nyid don la rab tu sems/ /mi 'jigs mtshan nyid brgyad yod de/ /mtshan ma med pa'ang mtshan ma med/ /rgya mtsho dang
218b5 ni dba' rlabs rnams/ /ji ltar bye brag med pa bzhin/ /rnam shes sems dang de bzhin du/ /tha dad pa yang mi dmigs so/ /sems ni la sogs byed ces bya/ /yid kyi rgya cher sogs pa ste/ /rnam shes dag ni rnam par
218b6 rigs/ /snang ba'i yul ltos sngar bshad do/ /de nas byang chub sems dpa' blo gros chen pos tshigs su bcad pas zhu ba zhus pa/ sngon po dmar po'i gzugs rnams ni/ /sems can rnam shes skyed par bgyid/ /
218b7 rlabs dang mtshungs pa'i sna tshogs chos/ /ci slad bdag la bshad du gsol/ /de nas bcom ldan 'das kyis tshigs su bcad de bka' stsal pa/ sngon po dmar po sna tshogs gzugs/ /dba' rlabs dag ni yod ma yin/ /
218b8 ba las sogs sems su bshad pa yang / /skye bo rtogs par bya phyir ro/ /las de yang ni yod ma yin/ /rang gi sems ni gzung dang bral/ /gzung ba med pas 'dzin pa'ang med/ /dba' rlabs de dang rab tu mtshungs/ /
219a1 longs spyod lus dag rnam gzhag pa/ /sems can snang ba'i rnam shes yin/ /de las las rnams snang bar byed/ /dper na rgya mtsho'i rlabs dang mtshungs/ /de nas byang chub sems dpa' blo gros chen pos yang nga /
219a2 tshigs su bcad de gsol pa/ rgya mtsho'i dba' rlabs dngos po ni/ /gar bgyid g.yo bas rig 'gyur la/ /kun gzhi las kyang de ltar na/ /ci yi slad du blos mi rig /de nas bcom ldan 'das kyis tshigs su bcad de bka' stsal
219a3 pa/ byis pa blo dang mi ldan pas/ /kun gzhi rgya mtsho 'dra ba dang / /las kyi mtshan nyid rlabs lta bu'i/ /dpe la brten nas rtogs par 'gyur/ /de nas byang chub sems dpa' blo gros chen pos yang tshigs su bcad de
219a4 gsol pa/ skye bo bzang ngan bar ma la/ /gdugs ni mnyam par shar ba bzhin/ /bde gshegs 'jig rten snang mdzad pa'ang / /byis pa rnams la yang dag chos/ /rab tu rnam 'byed gsung rigs na/ /ci slad yang dag
219a5 gsung mi mdzad/ /de nas bcom ldan 'das kyis tshigs su bcad de bka' stsal pa/ ci ste yang dag bshad du ni/ /de yi sems la yang dag med/ /ji ltar rgya mtsho'i dba' rlabs dang / /me long gzugs brnyan rmi lam dag /
219a6 de dag thams cad cig car snang / /sems kyi spyod yul de bzhin no/ /yul rnams dang ni mi ldan phyir/ /rims kyis las dag 'jug cing skye/ /rnam par shes pas rnam par rig /yid ni de bzhin sems par byed/ /lnga po dag ni
219a7 snang bar 'gyur/ /de la go rims nges pa med/ /ji ltar ri mo'i mkhan po dang / /ri mo mkhan gyi slob ma dag /ri mo'i don du tshon 'gyed ltar/ /nga yi bshad pa'ang de bzhin no/ /tshon la ri mo yod ma yin/ /smig gu dang ni gzhi la
219a8 med/ /sems can dga' ba bskyed pa'i phyir/ /tshon gyis ri mo mngon par bsgrubs/ /bshad pa dag ni gzhan phyir spyod/ /yang dag nyid ni yi ge spangs/ /rnam 'byed las ni dang po pa/ /rnal 'byor pa la yang dag bstan/ /so so rang
219b1 rig yang dag ni/ /rtog dang rtag par rab tu spangs/ /rgyal ba'i sras la 'di bstan gyi/ /byis pa la ni gzhan rab 'byed/ /ji ltar sgyu ma sna tshogs dag /snang yang yang dag ma yin te/ /de bzhin bshad pa sna tshogs kyang / /bya ba'i
219b2 rjes su gzhag pa yin/ /bshad pa 'thun par ma gyur pa/ /de la bshad pa ma yin 'gyur/ /ji ltar nad pa so so la/ /sman mkhas dpyad rnams bstan pa ltar/ /de bzhin gshegs pas sems can la/ /mos pa ji bzhin
219b3 rab tu ston/ /brtse bas rab tu gsungs pa yi/ /so so rang gi spyod yul ni/ /rtog ge pa yi yul ma yin/ /nyan thos rnams kyang skal yod min/ /gzhan yang blo gros chen po byang chub sems dpa' sems dpa' chen po gang
219b4 gis rang gi sems snang ba'i gzung ba dang / 'dzin pa rnam par rtog pa'i spyod yul yongs su shes par 'dod pas 'du ba dang / 'du 'dzi dang / gnyid yongs su spang bar bya'o/ /srod dang / tho rangs dang / nam gyi gung thun la
219b5 bdag nyid rtag tu dran pa dang ldan zhing mi nyal bar sbyor ba la rab tu brtson par bya'o/ /lta ba ngan pa rnams kyi bstan bcos dang / gtam dang / nyan thos dang / rang sangs rgyas kyi theg pa'i mtshan ma yongs su spang bar bya'o/ /
219b6 rang gi sems snang ba'i rnam par rtogs pa'i mtshan nyid khong du chud par rtogs par bya'o/ /gzhan yang blo gros chen po byang chub sems dpa' sems dpa' chen pos ye shes dang / shes rab kyi mtshan nyid dgod pa
219b7 la gnas nas/ gong du 'phags pa'i ye shes kyi mtshan nyid gsum la rab tu brtson pas bsgrub par bya'o/ /gong du brtson zhing bsgrub par bya ba'i ye shes kyi mtshan nyid gsum po de yang gang zhe na/ 'di lta ste/
219b8 snang ba med pa'i mtshan nyid dang / sangs rgyas thams cad kyi rang gi smon lam gyi gnas kyi mtshan nyid dang / 'phags pa so so rang gis rig pa'i ye shes mthar thug pa'i mtshan nyid de/ rnal 'byor pas de dag khong
220a1 du chud pas bong bu theng po lta bu'i sems dang / shes rab dang / ye shes kyi mtshan nyid spangs te/ rgyal ba'i sras kyis sa brgyad pa thob nas/ de'i gong du mtshan nyid gsum la rab tu brtson par byed do/ /
220a2 de la blo gros chen po snang ba med pa'i mtshan nyid ni 'di lta ste/ nyan thos dang / rang sangs rgyas dang / mu stegs can gyi mtshan nyid de dag yongs su 'dris pa las skye'o/ /blo gros chen po rang gi smon lam gyi gnas gyi mtshan nyid ni
220a3 'di lta ste/ sngon gyi sangs rgyas rnams kyi rang gi smon lam gyi gnas la mngon par brtson pa las 'byung ngo / /blo gros chen po 'phags pa so so rang gis rig pa'i ye shes mthar thugs pa'i mtshan nyid ni chos thams
220a4 cad kyi mtshan nyid la mngon par zhen pa med pa dang / sgyu ma lta bu'i ting nge 'dzin gyi lus rab tu thob pas/ sangs rgyas rnams kyi sa'i gnas la brtson zhing 'jug pa'i spyod pa las skye ste/ blo gros chen po 'di ni 'phags pa'i ye
220a5 shes kyi mtshan nyid gsum zhes bya'o/ /gal te 'phags pa'i ye shes kyis mtshan nyid 'di gsum dang ldan na rang gis rig pa 'phags pa'i ye shes mthar thug pa'i spyod yul khong du chud par 'gyur ro/ /de lta bas na blo gros chen
220a6 po 'phags pa'i ye shes kyi mtshan nyid gsum po dag la rab tu brtson par bya'o// //'phags pa lang kar gshegs pa rin po che'i mdo las/ /
220a7 bam po gnyis pa// //de nas byang chub sems dpa' sems dpa' chen po blo gros chen pos byang chub sems dpa'i 'khor de dag gi sems kyi bsam pa rab tu shes pas 'phags pa'i ye shes kyi
220a8 dngos po dang / rang bzhin rab tu 'byed pa zhes bya ba'i chos kyi rnam grangs 'di sangs rgyas thams cad kyi byin gyis brlabs kyi mthus bcom ldan 'das la zhus pa/ bcom ldan 'das 'phags pa'i ye shes kyi dngos po dang /
220b1 rang bzhin rab tu 'byed pa zhes bya ba'i chos kyi rnam grangs bdag la bshad du gsol/ tshig brgya rtsa brgyad shin du rnam par 'byed pa'i gnas gang 'di la brten nas de bzhin gshegs pa dgra bcom pa yang dag par rdzogs
220b2 pa'i sangs rgyas rnams kyis rab tu phye ste/ bstan pas byang chub sems dpa' sems dpa' chen po rnams rang dang spyi'i mtshan nyid du gtogs pa'i rnam par rtog pa'i rang bzhin la rab tu 'jug ste/ rab tu phye ba'i tshul gyis
220b3 rnam par rtogs pa'i rang bzhin ston pa'i phyir so sor rab tu rtog pa la mkhas shing gang zag dang chos la bdag med par rtogs pa dang / rnam par rtogs pa rab tu sel cing sa rnams la shin du gsal ba dang / nyan thos dang /
220b4 rang sangs rgyas dang / mu stegs can thams cad kyi bsam gtan dang / ting nge 'dzin gyi bde ba las shin du 'da' ba dang / de bzhin gshegs pa'i bsam gyis mi khyab pa'i spyod yul la so sor rab tu rtog pa dang / gdon mi
220b5 za ba'i chos lnga dang / rang bzhin yongs su spong bar 'gyur ba dang / de bzhin gshegs pa rnams kyis chos kyi sku'i ye shes kyi bdag nyid rab tu brgyan pa dang / sgyu ma'i spyod yul bskyed nas sangs rgyas kyis zhing thams
220b6 cad dang / dga' ldan gyi pho brang dang / 'og min gyi bar du 'jug pa dang / de bzhin gshegs pa'i chos kyi sku rtag tu gnas pa yang 'thob par 'gyur lags so/ /bcom ldan 'das kyis bka' stsal pa/ blo gros chen
220b7 po 'di la mu stegs can kha cig med par rnam par rtog pa la mngon par zhen pa dag rnam par rtog pa'i blo rgyu zad pas ri bong la rwa med do snyam du rnam par rtog ste/ ji ltar ri bong la rwa med pa de bzhin du/ chos thams cad
220b8 kyang de bzhin no zhes zer ro/ /blo gros chen po gzhan yang mu stegs can kha cig 'byung ba dang / yon tan dang / rdul dang / rdzas dang / dbyibs dang / gnas brtags pa'i chos so so tha dad par mthong nas ri bong la rwa med par
221a1 mngon par zhen cing kun du rtog pas ba lang gi rwa ni yod do zhes rnam par rtog go/ /blo gros chen po de dag lta ba gnyis su lhung zhing sems tsam du ma shes pas/ rang gi sems kyi spyod yul dang rnam par rtog
221a2 pa 'phel ba nas lus dang longs spyod rnam par gzhag pa'i rnam par rtog pa snang ngo / /blo gros chen po chos thams cad kyis dngos po yang de bzhin te/ yod pa dang / med pa dang bral ba yin pas rnam par brtag par mi bya'o/ /
221a3 blo gros chen po gal te yang yod pa dang med pa dang bral bas ri bong gi rwa ltar med do snyam du rtog na log par rtog pa zhes bya ste/ de dag phan tshun du ltos pa'i rgyu'i phyir ri bong gi rwa med do snyam du brtag par mi bya'o/ /rdul
221a4 phra rab kyi bar du brtags na yang dngos po mi dmigs pas/ blo gros chen po 'phags pa'i spyod yul dang bral ba ba lang gi rwa yod par brtags par mi bya'o/ /de nas byang chub sems dpa' sems dpa' chen po blo gros
221a5 chen pos/ bcom ldan 'das la 'di skad ces gsol to/ /bcom ldan 'das gang rnam par mi rtog pa thob pa des/ mi skye ba'i mtshan nyid mthong nas/ rjes su dpag pas shin du bsams nas/ rnam par rtog pa mi skye ba
221a6 so sor rab tu rtog pa la ma mchis pa zhes bgyi ba lags sam/ bcom ldan 'das kyis bka' stsal pa/ blo gros chen po rnam par rtogs pa mi skye bar so sor rab tu rtog pa la med pa zhes bya ba ni ma yin no/ /de ci'i phyir
221a7 zhe na/ rnam par rtog pa ni rgyu des skye ba'i phyir de la brten nas rnam par rtog pa skye'o/ /'di ltar rwa la brten nas rnam par rtog pa skye bas de'i phyir brten pa'i rgyu zhes bya ba'i phyir dang / tha dad pa dang / tha dad pa ma yin pa
221a8 rnam par spangs pa'i phyir rnam par rtog pa mi skye bar so sor rab tu rtog pa la rwa med ces bya ba ni ma yin no/ /blo gros chen po gal te rnam par rtog pa dang / tha dad na ni rwa'i rgyu las byung ba ma yin par 'gyur ro/ /ci ste tha
221b1 dad pa yin na ni de'i rgyu las byung ba'i phyir rdul phra rab kyi bar du brtags na mi dmigs te/ rwa dang tha dad pa ma yin pa'i phyir de yang dngos por ma yin no/ /de gnyi ga yang dngos po med na chos gang gis ci'i phyir med
221b2 ces brjod/ blo gros chen po gal te med pa'i phyir ri bong gi rwa med na yod pa la ltos pa'i phyir ri bong gi rwa med ces brtag par mi bya'o/ /blo gros chen po yang dag pa'i rgyu ma yin pa'i phyir yod pa dang / med par smra ba
221b3 gnyi ga 'grub par mi 'gyur ro/ /blo gros chen po gzhan yang mu stegs kyi lta ba can gzugs kyi dngos po dang / dbyibs dang / gnas su brtags pa'i chos la mngon par zhen pa nam mkha'i cha ris legs par khong
221b4 du ma chud pa rnams 'di skad du/ nam mkha' ni gzugs dang bral ba'o zhes cha ris su lta ba'i rnam par rtog pa skyed par byed de/ blo gros chen po nam mkha' ni gzugs pa yin te/ gzugs kyi 'byung ba'i rjes su
221b5 zhugs pa'o/ /blo gros chen po gzugs ni nam mkha'i 'dzin pa dang / 'dzin par bya ba'i gnas kyis rnam par gzhag pa'i dngos por gzugs dang / nam mkha'i dngos po rab tu 'byed par shes par bya'o/ /blo gros
221b6 chen po 'byung ba chen po rnams skye ba na rang gi mtshan nyid so so tha dad te/ nam mkha' la yang mi gnas so/ /de dag la yang nam mkha' med pa yang ma yin no/ /de bzhin du blo gros chen po ba lang gi rwa yod pa la ltos pa'i
221b7 phyir ri bong gi rwa med pa yin te/ blo gros chen po ba lang gi rwa yang rdul phra mor rnam par 'phye ste/ rdul phra mo yang rab tu bshig na skad cig tsam du yang mi gnas na de ci las ltos te med ces brjod/ gal te
221b8 gzhan las ltos pa'i rdzas shig go zhe na/ de yang de lta bu'i chos can no/ /de nas bcom ldan 'das kyis byang chub sems dpa' sems dpa' chen po blo gros chen po la 'di skad ces bka' stsal to/ /blo gros chen po ri
222a1 bong gi rwa dang ba lang gi rwa dang / nam mkha' dang / dbyibs dang / gzugs tha dad par lta ba'i rnam par rtog pa yongs su spangs nas/ khyod la sogs pa byang chub sems dpa' sems dpa' chen po rnams
222a2 kyis rang gi sems snang ba'i rnam par rtog pa yid la sems shing sangs rgyas kyi zhing thams cad du 'jug pa dang / rgyal ba'i sras rnams la rang gi sems snang ba la rab tu rtog pa'i sbyor ba bstan par bya'o/ /de nas bcom
222a3 ldan 'das kyis don de nyid yang bstan pa'i phyir tshigs su bcad pa 'di dag gsungs so/ /gzugs sogs sems ni med pa dang / /gzugs sogs sems ni rab 'phel dang / /lus dang longs spyod rnam
222a4 gzhag pa/ /kun gzhi sems can snang yin te/ /sems dang yid dang rnam par shes/ /rang bzhin dang ni chos lnga dang / /bdag med yongs su dag gnyis ni/ /rnam par 'dren pas rab tu gsungs/ /ring thung yod med la sogs
222a5 pa/ /phan tshun ltos nas rab tu skye/ /med pa'i phyir ni yod pa grub/ /yod pa'i phyir ni med pa'i grub/ /dngos po rdul du rnam phye ste/ /gzugs kyi rnam rtog mi bskyed do/ /sems tsam rnam par gzhag pa'i gnas/ /lta ba ngan
222a6 pas mos mi 'gyur/ /'jig rten mgon pos gsungs pa yi/ /rang gi spyod yul gang yin pa/ /rtog pa can gyi yul ma yin/ /de bzhin nyan thos kyi yang min/ /de nas byang chub sems dpa' blo gros chen pos rang gi
222a7 sems snang ba'i rgyud rnam par dag par bya ba'i phyir bcom ldan 'das la 'di skad ces gsol to/ /bcom ldan 'das rang gi sems snang ba'i rgyud ji ltar rnam par dag par bgyi/ cig car ram 'on te rim gyis lags/
222a8 bcom ldan 'das kyis bka' stsal pa/ blo gros chen po rim gyis rnam par 'dag gi/ cig car ni ma yin te/ dper na shing a mra'i 'bras bu ni rim gyis smin par 'gyur gyi cig car ma yin no/ /de bzhin du de bzhin gshegs
222b1 gshegs pas sems can rnams kyis rang gi sems snang ba'i rgyud yongs su sbyong ba yang rim gyis rnam par 'dag gi cig car ma yin no/ /dper na rdza mkhan snod rnams byed pa ni rim gyis byed de/ cig car ma yin no/ /
222b2 de bzhin du de bzhin gshegs pas sems can rnams kyis rang gi sems snang ba'i rgyud yongs su sbyong ba yang rim gyis rnam par 'dag gi cig car ma yin no/ /dper na sa chen po las rdzas rnams rim gyis skye'i cig car skye ba ma
222b3 yin no/ /de bzhin du de bzhin gshegs pas sems can rnams kyi rang gi sems snang ba'i rgyud yongs su sbyong ba yang rim gyis rnam par 'dag gi cig car ma yin no/ /dper na mi la la rol mo dang / yi ge dang / ri mo dang / bzo sna
222b4 tshogs slob pa rim gyis mngon par 'grub par 'gyur gyis cig car ma yin no/ /de bzhin du de bzhin gshegs pas sems can rnams kyis rang gi sems snang ba'i rgyud yongs su sbyong ba yang rim gyis rnam par 'dag gi cig
222b5 car ma yin no/ /dper na me long rab tu phyis pa ni mtshan ma med par gzugs brnyan thams cad cig car snang bar byed do/ /de bzhin gshegs pas sems can thams cad kyis rang gi sems snang ba'i rgyud yongs su snang ba
222b6 yang de bzhin te/ mtshan ma med cing snang ba med pa rnam par dag pa'i spyod yul cig car ston to/ /dper na nyi ma dang zla ba'i dkyil 'khor ni 'od zer gyis gzugs su snang ba thams cad cig cag mngon par byed do/
222b7 de bzhin gshegs pa yang rang gi sems snang ba dang / gnas ngan len gyis bag chags dang bral ba'i sems can rnams la de bzhin du bsam gyis mi khyab pa'i ye shes rgyal ba rnams kyi spyod yul cig car ston
222b8 to/ /dper na kun gzhi rnam par shes pa ni rang gi sems snang ba'i lus dang / gnas dang / longs spyod rnam par gzhag pa'i lus cig car/ rnam par rig cing shes so/ /rten gyi sangs rgyas de dag kyang de bzhin
223a1 te/ cig car sems can yongs su smin par mdzad cing gnas par bya ba'i spyod yul la rnal 'byor pa de dag 'og min du gnas par mdzad do/ /dper na chos nyid kyi sangs rgyas kyi rten gyi sangs rgyas
223a2 ston cing 'od zer gyis rnam par mdzes so/ /rang gis rig pa 'phags pa'i tshul yang de bzhin te/ des chos kyi mtshan nyid la dngos po yod pa dang / dngos po med pa'i lta ba ngan pa'i rnam par rtog pa rab tu sems pas rnam
223a3 par mdzes so/ /gzhan yang blo gros chen po chos nyid la rten pa'i sangs rgyas ni/ chos thams cad rang dang spyi'i mtshan nyid du gtogs shing rang gi sems snang ba'i bag chags kyi rgyu dang 'brel ba kun tu brtags pa'i
223a4 rang bzhin la mngon par zhen pa'i rgyu las byung bar ston to/ /yang dag pa ma yin pa sgyu ma sna tshogs la sna tshogs su mngon par zhen pa dag mi dmigs so/ /gzhan yang blo gros chen po gzhan gyi dbang gi rang bzhin la
223a5 mngon par zhen pa las kun du brtags pa'i rang bzhin gyi mtshan nyid skye'o/ /blo gros chen po dper na sgyu ma mkhan gyis rtswa dang shing dang gyo mo la brten te/ sgyu ma sna tshogs kyis sems can rnams kyis dbyibs
223a6 dang / gzugs tha dad pa byas pa la rnam par rtog pa sna tshogs skyed par byed de/ rnam par rtog pa de dag ni yang dag pa ma yin no/ /de bzhin du blo gros chen po gzhan gyi dbang gi rang bzhin la brten nas kun du brtags
223a7 pa'i rang bzhin 'byung ngo / /rnam par rtog pa'i sems sna tshogs dang / rnam pa mang po'i mtshan nyid dang / dngos por rnam par rtog pas mngon par zhen pa'i bag chags la yongs su rtogs pas blo gros
223a8 chen po 'di ni kun du brtags pa'i rang bzhin rnam par rtog pa las skye ba zhes bya ste/ blo gros chen po 'di ni rten gyi sangs rgyas kyis bshad pa'o/ /blo gros chen po chos nyid kyi sangs rgyas ni sems
223b1 kyi rang bzhin gyi mtshan nyid dang bral ba rang gis rig pa 'phags pas dmigs par bya ba'i spyod yul rnam par gzhog go/ /blo gros chen po sprul pas sprul pa'i sangs rgyas ni sbyin pa dang / tshul khrims dang / bzod
223b2 pa dang / brtson 'grus dang / bsam gtan dang / sems dang / ye shes dang / shes rab dang / phung po dang / khams dang / skye mched dang / bral ba dang / rnam par thar pa dang / rnam par shes pa'i mtshan nyid dang / rnam
223b3 par 'byed cing so sor rab tu rtogs pa rnam par gzhag pa dang / mu stegs can gyi lta ba dang / gzugs med pa'i lta ba las shin tu 'das pa'i mtshan nyid ston to/ /blo gros chen po gzhan yang chos nyid kyi sangs
223b4 rgyas ni dmigs pa med cing dmigs pa dang bral ba/ bya ba dang / dbang po dang / tshad ma'i mtshan nyid thams cad las rnam par ldog pa/ byis pa so so'i skye bo dang / nyan thos dang / rang sangs rgyas
223b5 dang / mu stegs can dag gis mtshan nyid la mngon par zhen pa dang / mngon par chags pa rnams kyi spyod yul ma yin pa/ 'phags pa rang gis rig pa'i spyod yul gyi mtshan nyid kyis rnam par gzhag
223b6 pa ston to/ /de lta bas na blo gros chen po 'phags pa so so rang gis rig pa'i khyad par gyi mtshan nyid rab tu brtson par bya zhing rang gi sems snang ba'i lta ba yongs su spang bar bya'o/ /gzhan yang blo gros chen po
223b7 nyan thos kyi theg pa'i tshul rab tu dbye ba'i mtshan nyid ni rnam pa gnyis te/ 'di lta ste/ 'phags pa so so rang gis rig pa'i khyad par gyi mtshan nyid thob pa dang / dngos por rnam par rtog pa'i
223b8 rang bzhin la mngon par zhen pa'i mtshan nyid do/ /de la 'phags pa'i so so rang gis rig pa'i khyad par gyi mtshan nyid thob pa'i nyan thos gang zhe na/ 'di lta ste/ mi rtag pa dang / sdug bsngal
224a1 ba dang / stong pa dang / bdag med pa'i lus kyi yang dag pa'i bden pa dang / 'dod pa spangs shing rab tu dben pa dang / phung po dang / khams dang / skye mched rnams gtan du zhi ba dang / rang dang spyi'i mtshan
224a2 nyid la 'jug cing phyi rol gyis mi 'jigs pa'i mtshan nyid dang / yang dag pa ji lta ba bzhin du yongs su shes nas/ sems rab tu zhi ba 'thob bo/ /sems rab tu zhi bar gyur nas bsam gtan dang / rnam par thar pa
224a3 dang / ting nge 'dzin dang / lam dang / 'bras bu dang / snyoms par 'jug pa dang / rnam par grol ba dang / bag chags dang / bsam gyis mi khyab pa'i rnam par 'gyur ba'i shi 'pho dang ma bral ba/ 'phags pa so so
224a4 rang gis rig pa'i bde ba la gnas pa thob pa'i nyan thos de ni 'phags pa so so rang gis rig pa'i khyad par gyi mtshan nyid thob pa'i nyan thos shes bya'o/ /blo gros chen po 'phags pa so so rang gis rig pa'i khyad
224a5 par gyi bde ba la gnas pa thob pa'i byang chub sems dpa' sems dpa' chen po rnams ni 'gog pa'i sgo'i bde ba dang / mnyam par bzhag pa'i bde ba la gnas par mi byed de/ sems can la snying brtse bar
224a6 blta ba dang / sngon gyi smon lam gyis mngon du mi byed do/ /blo gros chen po 'di ni nyan thos kyi 'phags pa so so rang gis rig pa'i khyad par gyi mtshan nyid kyi bde ba thob pa zhes bya ste/ byang chub sems dpa'
224a7 sems dpa' chen pos/ de dag gis thob pa'i 'phags pa so so rang gis rig pa'i khyad par gyis mtshan nyid kyi bde ba la bslab par mi bya'o/ /blo gros chen po dngos por rnam par rtog pa'i rang bzhin la mngon
224a8 par zhen pa'i mtshan nyid kyi nyan thos gang zhe na/ 'di lta ste/ 'byung ba chen po dang / sngon po dang / ser po dang / dmar po dang / dkar po dang / sra ba dang / gsher ba dang / dro ba dang / g.yo ba rnams byed pa med par skye ba dang /
224b1 rang dang spyi'i mtshan nyid kyi sngon gyi rgyal ba rnams kyis legs par gsungs pa mthong nas de dag la rang bzhin gyi rnam par rtog pa 'byung ste/ byang chub sems dpa' sems dpa' chen pos de dag khong du chud par byas
224b2 nas yongs su spang bar bya'o/ /chos la bdag med pa'i mtshan nyid kyi rjes su zhugs pas gang zag la bdag med pa'i mtshan nyid du lta ba bzlog nas sa rnams rim gyis mtshams sbyor ba rnam par gzhag pa la gnas/ blo
224b3 gros chen po 'di ni nyan thos rnams kyi dngos por rnam par rtog pa'i rang bzhin la mngon par zhen pa'i mtshan nyid ces bya'o/ /de nas byang chub sems dpa' sems dpa' chen po blo gros chen pos bcom ldan 'das la 'di skad ces gsol
224b4 to/ /bcom ldan 'das kyis rtag pa dang / bsam gyis mi khyab pa/ so so rang gis rig pa 'phags pa'i spyod yul dang / don dam pa'i spyod yul bka' stsal pa de bcom ldan 'das mu stegs can gyis smra ba'i rtag pa dang /
224b5 bsam gyis mi khyab pa'i rgyu dang rkyen zhig ma lags sam/ bcom ldan 'das kyis bka' stsal pa/ blo gros chen po mu stegs can rnams kyi rgyu dang rkyen gyis rtag pa dang / bsam gyis mi khyab pa 'thob
224b6 par mi 'gyur ro/ /de ci'i phyir zhe na/ mu stegs can rnams kyis rtag pa dang / bsam gyis mi khyab pa ni rgyu'i rang gi mtshan nyid las grub pa ma yin te/ gal te rtag pa dang bsam gyis mi khyab pa'i rgyu rang gi mtshan
224b7 nyid las grub pa ma yin na/ rgyu gang gis rtag pa dang / bsam gyis mi khyab pa mngon par byed/ gzhan yang blo gros chen po ci ste rtag pa dang / bsam gyis mi khyab pa rgyu'i rang gi mtshan nyid las grub pa zhig yin na ni des
224b8 rtag pa nyid du 'gyur ba zhig na/ 'di ltar byed pa'i rgyu'i mtshan nyid kyi phyir rtag pa dang / bsam gyis mi khyab par mi 'grub bo/ /blo gros chen po nga'i don dam pa rtag pa dang / bsam gyis mi khyab pa ni don dam pa'i rgyu'i mtshan
225a1 nyid las grub pa yin te/ dngos po dang dngos po med pa dang bral ba rang gis rig pa'i mtshan nyid thob pa'i phyir mtshan nyid dang ldan pa'o/ /don dam pa'i ye shes kyi rgyur gyur pa'i phyir rgyu dang ldan pa'o/ /
225a2 dngos po dang dngos po med pa dang bral ba'i phyir/ dper na ma byas pa nam mkha' dang / mya ngan las 'das pa dang / 'gog pa dang 'dra ba'i phyir rtag pa ste/ de'i phyir blo gros chen po 'di ni mu stegs can gyi rtag pa dang / bsam
225a3 gyis mi khyab par smra ba dang / mtshungs pa ma yin no/ /blo gros chen po rtag pa dang / bsam gyis mi khyab pa 'di ni de bzhin gshegs pa rnams kyi so so rang gis rig pa 'phags pa'i ye shes kyis thugs su chud par bya'o/ /
225a4 de bas na rtag pa dang / bsam gyis mi khyab pa so so rang gis rig pa 'phags pa'i ye shes khong du chud par bya ba la rab tu brtson par bya'o/ /gzhan yang blo gros chen po mu stegs can gyi rtag pa dang / bsam gyis mi
225a5 khyab pa ni mi rtag pa nyid de/ tha dad pa'i mtshan nyid kyi rgyu'i phyir dang / bdag gis byas pa'i rgyu'i mtshan nyid kyi stobs kyi phyir rtag pa ma yin no/ /gzhan yang blo gros chen po mu stegs can rnams kyi rtag pa dang / bsam
225a6 gyis mi khyab la ni byas pa'i dngos po dngos po med pas mi rtag pa nyid du mthong nas rtag pa yin no/ /snyam du rtog go/ /blo gros chen po nga yang de bzhin du rgyu dang rkyen gyis byas pa'i dngos po dngos po med pas mi rtag pa nyid
225a7 du mthong nas so so rang gis rig pa'i 'phags pa'i ye shes kyis de la rtag pa'i rgyu med par ston to/ /blo gros chen po gal te yang mu stegs can rnams kyi rgyu'i mtshan nyid du grub pa zhig yin na ni/ rtag
225a8 pa dang bsam gyis mi khyab pa'i rgyu'i rang gi mtshan nyid kyi dngos po dngos po med pas ri bong gi rwa dang mtshungs shing rtag pa dang / bsam gyis mi khyab pa de ni tshig gi rnam par rtogs pa tsam du 'gyur te/ mu stegs can rnams
225b1 la nyes pa de lta bu dag yod do/ /de ci'i phyir zhe na/ 'di lta ste/ tshig rnam par rtog pa yang ri bong gi rwa dang 'dra bas rang gi rgyu'i mtshan nyid kyi dngos po yod pa ma yin no/ /blo gros chen po nga'i rtag pa dang / bsam gyis mi khyab pa'i
225b2 rgyu ni so so rang gis rig pa 'phags pa'i ye shes khong du chud pa'i mtshan nyid kyi phyir byas pa'i dngos po dang / dngos po med pa rnam par spangs pas rtag pa yin gyis phyi rol gyi dngos po rnams dngos po med cing mi rtag par
225b3 gyur nas rjes su dpag pas rtag pa nyid du brtags pa ni ma yin no/ /blo gros chen po gal te yang phyi rol gyi dngos po rnams dngos po med cing mi rtag pa las rjes su dpag pas rtag pa dang bsam gyis mi khyab pa nyid du
225b4 rtog par byed na/ bsam gyis mi khyab pa'i rang gi rgyu'i mtshan nyid mi shes so/ /blo gros chen po de dag ni so so rang gis rig pa 'phags pa'i ye shes khong du chud pa'i spyod yul las shin du thag ring por gyur pa ste/ de dag
225b5 la bshad par mi bya'o/ /gzhan yang blo gros chen po 'khor ba'i rnam par rtog pa'i sdug bsngal gyis 'jigs pas mya ngan las 'das pa yongs su tshol te/ 'khor ba dang mya ngan las 'das pa'i khyad par mi shes pas
225b6 dngos po thams cad las rnam par rtog pa dngos po med pa dang / ma 'ongs pa'i dbang po rnams kyi yul chad pa la mya ngan las 'das par 'du shes te/ so so rang gis rig pa 'phags pa'i ye shes kun gzhi gyur pa sngon du
225b7 btang ba ma yin no/ /de'i phyir blun po de dag theg pa gsum du smra ba yin te/ sems tsam du snang ba rnams snang ba med par ni mi smra'o/ /de lta bas na blo gros chen po de dag ni 'das pa dang / ma 'ongs pa dang / da ltar byung
225b8 ba'i de bzhin gshegs pa rnams kyis gsungs pa'i rang gi sems snang ba'i spyod yul mngon par mi shes shing / sems nyid kyi phyi rol gyi spyod yul du snang ba la mngon par zhen par/ 'khor ba'i 'khor lo rtag tu 'khor ro/ /
226a1 gzhan yang blo gros chen po chos thams cad mi skye bar ni 'das pa dang / ma 'ongs pa dang / da ltar byung ba'i de bzhin gshegs pa rnams kyis bshad do/ /de ci'i phyir zhe na/ 'di lta ste/ rang gi sems snang ba'i dngos
226a2 pa rnams dngos po med pa dang / yod pa dang / yod pa ma yin pa'i skye ba dang bral ba'i phyir/ blo gros chen po chos thams cad ma skyes pa yin te/ chos thams cad ni ri bong dang / rta la sogs pa'i rwa dang mtshungs pa'o/ /byis
226a3 pa so so'i skye bo rnams yang dag pa ma yin pa'i yongs su rtog pa'i rang bzhin la rnam par brtags pa'i phyir blo gros chen po chos thams cad ma skyes pa yin te/ so so rang gis rig pa 'phags pa'i ye shes kyi
226a4 spyod yul la ni dngos po thams cad kyi rang bzhin gyi mtshan nyid mi skye bas de ni byis pa so so'i skye bo rnam par rtog pa gnyis kyi spyod yul gyi rang bzhin lus dang longs spyod rnam par gzhag pa'i rang bzhin gyi tshul gyis
226a5 mtshan nyid ma yin no/ /blo gros chen po kun gzhi rnam par shes pa gzung ba dang / 'dzin pa'i mtshan nyid du 'jug pa la byis pa so so'i skye bo/ skye ba dang / gnas pa dang / 'jig pa'i lta ba gnyis su lhung ba'i bsam
226a6 pa can rnams dngos po thams cad skye ba ni yod pa dang / med pa las skye bar rnam par rtog gi/ 'phags pa rnams ni ma yin te/ blo gros chen po 'di la rab tu brtson par bya'o/ /gzhan yang blo gros chen po
226a7 mngon par rtogs par 'gyur ba'i rigs ni lnga yod de/ lnga gang zhe na/ 'di lta ste/ nyan thos kyi theg pa mngon par rtogs par 'gyur ba'i rigs dang / rang sangs rgyas kyi theg pa mngon par rtogs par 'gyur
226a8 ba'i rigs dang / de bzhin gshegs pa'i theg pa mngon par rtogs par 'gyur ba'i rigs dang / gang du yang ma nges pa'i rigs dang / rigs so so tha dad pa'o/ /de la nyan thos kyi theg pa mngon par rtogs par
226b1 'gyur ba'i rigs ji ltar khong du chud par bya zhe na/ gang gis phung po dang / khams dang / skye mched kyi rang dang spyi'i mtshan nyid dang / yongs su spang ba dang / shes par 'gyur ba bstan pa thos pa na/ lus kyi spu ldang
226b2 zhing rab tu dga' ba dang / yongs su 'dris par bya ba'i mtshan nyid kyi shes pa la mos shing / rten cing 'brel par 'byung ba khong du chud par bya ba'i mtshan nyid la yongs su 'dris par mi byed pa 'di ni/ nyan thos kyi theg pa
226b3 mngon par rtogs par 'gyur ba'i rigs so/ /nyan thos kyi mngon par rtogs pas sa brgyad pa mthong bar 'gyur te/ kun nas ldang ba'i nyon mongs pa rab tu spangs shing / bag chags kyi nyon mongs pa rab tu spangs pa/
226b4 bsam gyis mi khyab pa'i rnam par 'gyur ba'i shi 'pho las ma 'das shing / dngos po'i 'chi 'pho las shin du 'das pas/ bdag gi skye ba ni zad do/ /tshangs par spyod pa la gnas so/ /yang srid pa phyi ma mi len to zhes
226b5 yang dag par seng ge'i sgra sgrogs te/ yang dag pa ji lta ba bzhin du rab tu shes shing / gang zag la bdag med par sgom pa dang / mya ngan las 'das pa thob pa'i bar gyi blor 'gyur ro/ /blo gros chen po so so tha dad pa'i
226b6 mngon par rtogs pa ni 'di lta ste/ bdag dang / gang zag dang / sems can dang / 'tsho ba dang / srog dang / gso ba dang / skyes bu zhes sems can de dag de lta bu'i blos mya ngan las 'das pa tshol lo/ /gzhan yang mu
226b7 stegs can tha dad pa kha cig ni dngos po thams cad byed pa po la rag las par mthong nas 'di skad du 'di ni mya ngan las 'das pa'o zhes de lta bu'i blor 'gyur te/ chos bdag med par mthong ba'i skal ba med pas de dag
226b8 la thar pa med do/ /blo gros chen po nyan thos kyi theg pa mngon par rtogs par 'gyur ba dang / mu stegs kyi rigs de dag ni nges par 'byung ba ma yin pa la nges par 'byung ba'i blo can dag yin te/ lta ba ngan pa de
227a1 dag rnam par bzlog pa'i phyir rab tu brtson par bya'o/ /blo gros chen po de la rang sangs rgyas kyi theg pa mngon par rtogs par 'gyur ba'i rigs ni gang gis rkyen tha dad pa'i mngon par rtogs pa thos
227a2 na/ lus kyi spu ldang zhing mchi ma 'byung ba dang / 'du 'dzi'i rkyen la mngon par zhen pa/ med pa dang / rang gi lus sna tshogs dang / 'du ba dang 'bral ba'i rdzu 'phrul sna tshogs kyis/ sna tshogs sprul cing ston pa rab tu bshad pa
227a3 thos pa na/ de'i rjes su sems 'jug par 'gyur ba yin te/ de rang sangs rgyas kyi/ theg pa mngon par rtogs par 'gyur ba'i rigs can du shes par gyur nas/ rang sangs rgyas kyi theg pa dang rjes su 'thun pa'i gtam
227a4 brjod par bya'o/ /blo gros chen po 'di ni rang sangs rgyas kyi theg pa mngon par rtogs par 'gyur ba'i rigs can gyis mtshan nyid do/ /blo gros chen po de la de bzhin gshegs pa'i theg pa mngon par rtogs par 'gyur ba'i
227a5 rigs de ni rnam pa bzhi yod de/ 'di lta ste/ rang bzhin gyi chos mngon par rtogs par 'gyur ba'i rigs dang / rang bzhin med pa'i chos mngon par rtogs par 'gyur ba'i rigs dang / so so rang gis rig pa 'phags pa'i
227a6 ye shes mngon par rtogs par 'gyur ba'i rigs dang / sangs rgyas kyi zhing phyi rol khyad par can mngon par rtogs par 'gyur ba'i rigs so/ /blo gros chen po nam dngos po 'di bzhi las gang yang rung ba zhig bstan
227a7 pa dang / rang gi sems snang ba'i lus dang / longs spyod rnam par gzhag pa dang / bsam gyis mi khyab pa'i yul bshad pa thos pa na/ mi skrag mi 'jigs pa de ni de bzhin gshegs pa'i theg pa mngon par rtogs/
227a8 par 'gyur ba'i rigs can du shes par bya ste/ 'di ni de bzhin gshegs pa'i theg pa mngon par rtogs par 'gyur ba'i rigs can gyi mtshan nyid do/ /blo gros chen po ma nges pa'i rigs can ni 'di lta ste/ gsum
227b1 po de dag las gang bshad pa na/ gang bshad pa de la 'jug cing de'i rjes su sgrub pa'o/ /blo gros chen po 'di dag ni dang po sa yongs su sbyang ba yin te/ 'di lta ste/ rigs rnam par dgod pa'o/ /snang ba med pa'i sa 'jug par bya ba'i
227b2 phyir/ rnam par dgod pa byas so/ /so so rang gis rigs pa'i la gnas pa de dag kun gzhi la rang gi nyon mongs pa'i bag chags yongs su dag nas/ chos bdag med par mthong zhing / ting nge 'dzin gyi bde ba la gnas pa thob
227b3 pa'i nyan thos rnams kyang / de bzhin gshegs pa'i sku mchog tu gyur pa nyid thob par 'gyur ro/ /de nas bcom ldan 'das kyis don de nyid yang bstan pa'i phyir/ tshigs su bcad pa 'di dag gsungs so/ /rgyun du zhugs
227b4 pa'i 'bras bu dang / /lan cig phyir 'ong phyir mi 'ong / /de bzhin du ni dgra bcom pa/ /de dag sems ni bslad pa'o/ /theg pa gsum dang theg pa gcig /theg pa ma yin ngas bshad de/ /byis pa blo gzhon rnams dang ni/ /
227b5 'phags pa rab dben mos la bshad/ /don dam chos kyi sgo mo ni/ /bstan pa gnyis po rnam spangs shing / /snang ba med la rab gnas nas/ /theg pa gsum du ji ltar dgod/ /bsam gtan rnams dang tshad med
227b6 dang / /gzugs med pa'i ting 'dzin dang / /tshor dang 'du shes rab dben pas/ /sems tsam yang ni yod ma yin/ /blo gros chen po 'dod chen pa 'di dag ni 'dod chen pa ma yin te/ 'jig rten na su zhig thar pa la
227b7 'jug par 'gyur/ blo gros chen po 'dod chen pa ni rnam pa gnyis yod de/ dge ba'i rtsa ba thams cad spangs pa dang / thog ma med pa'i dus kyi sems can gyi phyir smon lam btab pa'o/ /de la dge ba'i rtsa ba thams
227b8 cad spangs pa gang zhe na/ 'di lta ste/ byang chub sems dpa'i sde snod la skur pa 'debs shing tshig ngan pa 'di skad du/ 'di ni mdo sde dang / 'dul ba dang / thar pa dang / 'thun par smra ba ma yin no zhes zer ba ste/
228a1 dge ba'i rtsa ba thams cad spangs pa'i phyir mya ngan las mi 'da'o/ /gnyis pa ni byang chub sems dpa' rnams sngon gyi rang gi smon lam dang / thabs sngon du btang ba'i phyir yongs su mya ngan las mi 'da'
228a2 ba yang ma yin te/ sems can thams cad mya ngan las bzla bar byed do/ /blo gros chen po de'i mya ngan las 'da' ba 'di ni/ mya ngan las mi 'da' ba'i chos can gyi mtshan nyid de/ 'di yang 'dod chen pa rnams kyi tshul rab tu thob
228a3 par 'gyur ro/ /blo gros chen pos bcom ldan 'das la gsol pa/ bcom ldan 'das 'di la gtan du mya ngan las mi 'da' ba yang gang lags/ bcom ldan 'das kyis bka' stsal pa/ blo gros chen po de la byang chub
228a4 sems dpa' 'dod chen pa ni/ chos thams cad gzod ma nas mya ngan las 'das par shes nas gtan du mya ngan las mi 'da' ste/ dge ba'i rtsa ba thams cad spangs pa'i 'dod chen pa ni ma yin no/ /blo gros chen po dge
228a5 ba'i rtsa ba thams cad spangs pa'i 'dod chen pa yang de bzhin gshegs pa'i byin gyi brlabs kyis brgya la gal te na dge ba'i rtsa ba skye bar 'gyur ro/ /de ci'i phyir zhe na/ 'di ltar de bzhin gshegs pa rnams ni sems can
228a6 thams cad yongs su mi gtong ba'i phyir ro/ /de ltar de'i phyir byang chub sems dpa'i 'dod chen pa rnams yongs su mya ngan las mi 'da'o/ /gzhan yang blo gros chen po byang chub sems dpa' sems dpa' chen pos rang
228a7 bzhin gyi mtshan nyid gsum la mkhas par bya'o/ /rang bzhin gsum po de dag gang zhe na/ 'di lta ste/ kun brtags pa'i rang bzhin dang / gzhan gyi dbang gi rang bzhin dang / yongs su grub pa'i rang bzhin no/ /blo gros
228a8 chen po de la kun brtags pa'i rang bzhin ni mtshan ma las 'byung ngo / /blo gros chen pos bcom ldan 'das la gsol pa/ bcom ldan 'das ji ltar kun brtags pa'i rang bzhin mtshan ma las 'byung ba lags/ bcom
228b1 ldan 'das kyis bka' stsal pa/ blo gros chen po gzhan gyi dbang gi rang bzhin gyi dngos po'i mtshan nyid ni 'du byed kyi dngos po'i mtshan ma'i mtshan nyid lta bur snang ste/ mngon par zhen pa'i kun brtags pa'i rang bzhin ni rnam pa gnyis
228b2 yod par de bzhin gshegs pa dgra bcom pa yang dag par rdzogs pa'i sangs rgyas rnams kyis rnam par 'jog ste/ 'di lta ste/ ming gi mtshan ma la mngon par zhen pa'i mtshan nyid dang / dngos po'i mtshan ma la mngon par
228b3 zhen pa'i mtshan nyid do/ /de la ming gi mtshan ma la mngon par zhen pa'i mtshan nyid ni 'di lta ste/ nang dang phyi'i ma chos la mngon par zhen pa'o/ /dngos po'i mtshan ma la mngon par zhen pa'i mtshan nyid ni 'di lta ste/ nang
228b4 dang phyi rol gyi chos de dag nyid kyi rang dang spyi'i mtshan nyid la mngon par zhen pa'o/ /blo gros chen po 'di ni kun brtags pa'i rang bzhin rnam pa gnyis kyi mtshan nyid ces bya'o/ /gang la gnas shing gang la dmigs pa las
228b5 'byung ba de ni gzhan gyi dbang zhes bya'o/ /de la yongs su grub pa'i rang bzhin ji lta bu zhe na/ 'di lta ste/ ming dang rgyu mtshan gyi dngos po'i mtshan nyid kyi rnam par rtog pa dang bral ba/ 'phags pa'i ye shes kyis thob
228b6 par bya ba/ so so rang gis rig pa 'phags pa'i ye shes kyis bgrod par bya ba'i spyod yul te/ 'di ni yongs su grub pa'i rang bzhin de bzhin gshegs pa rnams kyi snying po'i thugs shes bya'o/ /de nas bcom ldan
228b7 'das kyis don de nyid yang bstan pa'i phyir tshigs su bcad pa 'di gsungs pa/ ming dang rgyu mtshan kun rtog pa/ /rang bzhin gnyis kyi mtshan nyid de/ /yang dag shes dang de bzhin nyid/ /yongs su grub pa'i
228b8 mtshan nyid do/ /blo gros chen po 'di ni chos lnga dang / rang bzhin gyi mtshan nyid rab tu rnam par 'byed pa zhes bya ba'i chos kyi rnam grangs so so rang gis rigs pa 'phags pa'i ye shes kyis bgrod par bya ba'i
229a1 spyod yul yin te/ de la khyod dang byang chub sems dpa' sems dpa' chen po rnams kyis bslab par bya'o/ /gzhan yang blo gros chen po byang chub sems dpa' sems dpa' chen pos bdag med pa
229a2 gnyis kyi mtshan nyid rab tu dbye ba la mkhas par bya'o/ /de la bdag med pa gnyis kyi mtshan nyid gang zhe na/ 'di lta ste/ gang zag la bdag med pa dang / chos la bdag med pa'o/ /gang zag la bdag med pa
229a3 gang zhe na/ 'di lta ste/ bdag dang bdag gi dang bral ba/ phung po dang / khams dang / skye mched 'dus pa mi shes pa dang / las dang sred pa las skyes pa/ ming dang gzugs la sogs par 'dzin pa la mngon
229a4 par zhen pa las rnam par shes pa skye ba/ 'di ltar dbang po thams cad dang / rang gi sems snang ba'i snod dang / lus dang / gzhi ni rang gi rnam par rtog pas brtags pas rab tu phye ba/ 'bab chu dang / sa bon
229a5 dang / mar me dang / rlung dang / sprin dang mtshungs par skad cig ma gcig nas gcig tu 'jig par 'gyur ba/ spre'u ltar rab tu g.yo ba/ sbrang ma ltar mi gtsang ba'i gnas la rab tu mos pa/ rab tu 'bar
229a6 ba'i me ltar chog mi shes pa/ thog ma med pa'i dus nas spros pa'i gnas ngan len gyi bag chags rgyur gyur pa/ zo chun gyi 'khor lo ltar 'khor bar 'gro ba'i srid pa'i 'khor lor gyur pa/ lus rnam pa sna tshogs
229a7 kyi gzugs 'chang ba/ sgyu ma dang / rig sngags dang / 'khrul 'khor lta bur 'jug cing 'byung ste/ gang mtshan nyid 'di la mkhas pa'i shes pa de ni gang zag la bdag med par shes pa zhes bya'o/ /
229a8 de la chos bdag med par shes pa gang zhe na/ 'di lta ste/ phung po dang / khams dang / skye mched rnams kyi kun brtags pa'i mtshan nyid kyis rang bzhin tshogs pa ste/ ji ltar phung po dang / khams
229b1 dang / skye mched rnams bdag dang / bdag gi dang bral zhing / phung po dang / khams dang / skye mched 'dus pa/ rgyud dang / las dang / srid pa'i srad bus sbrel ba/ phan tshun kun du gyur pa las skye zhing
229b2 g.yo ba med pa/ de bzhin du chos rnams kyang de bzhin te/ rang dang spyi'i mtshan nyid dang bral ba/ yang dag pa ma yin pa/ kun du rtog pa'i mtshan nyid de/ kun du rtog pa'i stobs kyang byis pa rnams kyis skyed par byed kyi/
229b3 'phags pa rnams kyis ni ma yin te/ sems dang yid dang / yid kyi rnam par shes pa dang / chos lnga dang / rang bzhin dang bral ba'i phyir ro/ /blo gros chen po byang chub sems dpa' sems dpa' chen pos chos thams cad
229b4 bdag med par rab tu dbye ba la mkhas par bya'o/ /blo gros chen po chos bdag med pa la mkhas pa'i byang chub sems dpa' sems dpa' chen po ni ring po mi thogs par byang chub sems dpa'i sa dang po 'thob ste/
229b5 snang ba med par sgom pa'i sa'i mtshan nyid rab tu dbye ba khong du chud pas rab tu dga' zhing / rim gyis gong nas gong du khyad par du gyur pas sa dgu'i mtshan nyid kyi rig pa las 'das te/ chos kyi sprin rab tu 'thob bo/ /
229b6 der rin po che chen po'i pad ma'i rgyal po dang / rin po che chen po'i gzhal med khang rin po che tshad med pas rab tu brgyan pas rnam par bkod pa/ sgyu ma'i rang bzhin gyi spyod yul yongs su bsgoms pa las byung ba de la
229b7 'jug ste/ 'khor rgyal ba'i sras skal ba 'thun pa rnams kyis yongs su bskor cing / sangs rgyas kyi zhing thams cad nas byon pa'i sangs rgyas kyi phyag gis spyi bo nas dbang bskur bas 'khor los sgyur
229b8 ba'i rgyal po'i bu bzhin du mngon par dbang bskur ro/ /sangs rgyas kyi sras kyi sa las 'das nas 'phags pa so so rang gis rig pa'i chos kyi tshul khong du chud pa'i phyir/ de bzhin gshegs pa'i mnga'
230a1 brnyes pa'i chos kyi sku 'thob par 'gyur te/ chos bdag med par mthong ba'i phyir ro/ /'di ni chos bdag med pa'i mtshan nyid ces bya ste/ de la khyod dang byang chub sems dpa' rnams kyis bslab
230a2 par bya'o/ /de nas byang chub sems dpa' sems dpa' chen po blo gros chen pos yang bcom ldan 'das la 'di skad ces gsol to/ /bcom ldan 'das sgro 'dogs pa dang / skur pa 'debs pa'i mtshan
230a3 nyid bshad du gsol/ bdag dang / byang chub sems dpa' sems dpa' chen po rnams sgro 'dogs pa dang / skur pa 'debs pa'i mtha' gnyis kyi lta ba ngan pa yongs su spongs nas/ myur du bla na med pa yang
230a4 dag par rdzogs pa'i byang chub mngon par 'tshang rgya zhing / mngon par rdzogs par sangs rgyas nas kyang rtag par sgro 'dogs pa dang / chad par bskur pa 'debs pa'i lta ba rnam par spangs nas yang dag pa'i chos
230a5 kyi skur pa 'debs par mi 'gyur ro/ /de nas bcom ldan 'das kyis byang chub sems dpa' blo gros chen pos gsol ba btab pa thugs su chud nas tshigs su bcad pa 'di dag gsungs so/ /sgro 'dogs pa
230a6 dang skur pa dang / /yod min de ni sems tsam mo/ /lus dang longs spyod rnam gzhag dang / /sems kyang rab tu mi shes pa'i/ /byis pa blo dang mi ldan pa/ /sgro 'dogs skur pa 'debs par byed/ /
230a7 de nas bcom ldan 'das kyis tshigs su bcad pa de nyid kyi don bstan pa'i phyir 'di skad ces bka' stsal to/ /blo gros chen po yod pa ma yin pa la sgro 'dogs pa ni rnam pa bzhi yod de/ rnam
230a8 pa bzhi gang zhe na/ 'di lta ste/ yod pa ma yin pa mtshan nyid du sgro 'dogs pa dang / yod pa ma yin pa mthong bar sgro 'dogs pa dang / yod pa ma yin pa rgyur sgro 'dogs pa dang / yod pa ma yin pa dngos por sgro
230b1 'dogs pa ste/ 'di ni sgro 'dogs pa rnam pa bzhi zhes bya'o/ /skur pa 'debs pa ni 'di lta ste/ sgro 'dogs pa de dag nyid 'di lta ste/ sgro 'dogs pa de dag nyid mi dmigs par rab tu 'byed pa'i cha ma yin pas/
230b2 skur pa 'debs pa skyed par byed pa ste/ 'di ni sgro 'dogs pa dang / skur pa'i mtshan nyid do/ /gzhan yang blo gros chen po yod pa ma yin pa la mtshan nyid du sgro 'dogs pa'i mtshan nyid gang zhe na/ 'di lta ste/ phung po
230b3 dang khams dang / skye mched rnams kyi rang dang spyi'i mtshan nyid yod pa ma yin pa la mngon par zhen pa skyed cing / 'di ni de bzhin du yin gyi gzhan du ma yin no zhes zer ba ste/ 'di ni yod pa ma yin pa la mtshan nyid du sgro
230b4 'dogs pa'i mtshan nyid do/ /yod pa ma yin pa la mtshan nyid du sgro 'dogs pa'i rnam par rtog pa 'di ni thog ma med pa'i dus kyi spros pa'i gnas ngan len gyi bag chags sna tshogs la mngon par zhen pa las 'byung
230b5 ngo / /blo gros chen po yod pa ma yin pa mthong bar/ sgro 'dogs pa'i mtshan nyid ni gang phung po dang / khams dang / skye mched de dag nyid la bdag dang / gang zag dang / sems can dang / srog dang / gso ba dang / skyes bur lta
230b6 zhing sgro 'dogs pa yin te/ 'di ni yod pa ma yin pa mthong bar sgro 'dogs pa'i mtshan nyid ces bya'o/ /ba gros chen po yod pa ma yin pa rgyur sgo 'dogs pa'i mtshan nyid ni 'di lta ste/ rnam par shes pa dang po rgyu med pa las
230b7 skye la/ phyis yang dag pa ma yin pa sgyu ma lta bu sngon ma byung zhing med pa las mig dang / gzugs dang snang ba dang / khams dang / dran pa sngon du 'jug pa las 'byung zhing byung nas kyang 'jig par 'gyur ro zhes zer ba
230b8 ste/ 'di ni yod pa ma yin pa rgyur sgro 'dogs pa'i mtshan nyid do/ /blo gros chen po yod pa ma yin pa dngos por sgro 'dogs pa'i mtshan nyid ni 'di lta ste/ nam mkha' dang / 'gog pa dang / mya ngan las 'das pa
231a1 byas pa ma yin pa'i dngos por mngon par zhen cing sgro 'dogs pa'o/ /'di dag ni dngos po dang dngos po ma yin pa dang bral ba/ chos thams cad ni ri bong dang / rta la sogs pa'i rwa dang / skra shad 'dzings pa lta
231a2 bur snang ba/ yod pa dang med pa dang bral ba la byis pa'i rnam par rtog pas rang gi sems snang ba tsam du ma rtogs pa'i blo can rnams sgro 'dogs shing skur pa 'debs par byed kyi/ 'phags pa rnams kyis ni ma yin
231a3 te/ 'di ni yod pa ma yin pa dngos por sgro 'dogs pa'i mtshan nyid do/ /de bas na sgro 'dogs pa dang / skur pa'i lta ba ngan pa yongs su spang ba la rab tu brtson par bya'o/ /gzhan yang blo gros chen po byang chub sems
231a4 dpa' sems dpa' chen po rnams kyi sems dang / yid dang yid kyi rnam par shes pa dang / chos lnga dang / rang bzhin dang / bdag med pa gnyis kyi mtshan nyid kyi tshul la mkhas shing rtogs par khong du chud pas sems can
231a5 la/ phan par bya ba'i phyir gzugs sna tshogs ston pa ni ji ltar kun brtags pa'i rang bzhin gnas gzhan gyi dbang la rten pa bzhin te/ dper na gzugs sna tshogs pa'i yid bzhin gyi nor bu rin po che ltar
231a6 sangs rgyas kyi zhing du kun du de bzhin gshegs pa'i 'khor 'dus pa thams cad 'gro zhing de dag thams cad du yang chos ston pa dag nyan par byed de/ 'di lta ste/ chos thams cad sgyu ma dang / rmi lam dang / 'od dang /
231a7 gzugs brnyan dang / chu'i zla ba lta bu dang / chos thams cad skye ba dang / 'gag pa dang / rtag pa dang / chad pa dang / bral ba dang / nyan thos dang / rang sangs rgyas kyi theg pa dang bral ba'i chos so/ /ting 'dzin brgya stong rab
231a8 tu 'thob pa nas ting nge 'dzin bye ba khrag khrig brgya stong gi bar dag kyang rab tu 'thob ste/ ting nge 'dzin thob nas kyang sangs rgyas kyi zhing thams cad du 'gro zhing sangs rgyas rnams la mchod pa byed do/ /lha'i gnas thams
231b1 cad du skye zhing dkon mchog gsum gyi bsngags pa rjod pa dang / sangs rgyas kyi sku rab tu ston cing nyan thos dang / byang chub sems dpa'i tshogs kyis yongs su bskor ba dang / rang gi sems rab tu snang ba tsam gyis sems
231b2 can yongs su zlo zhing rnam par grol bar byed la phyi rol gyi dngos po dngos po med par rnam par phye ste bstan nas yod pa dang med pa'i lta ba yongs su spong bar byed do/ /de nas bcom ldan 'das kyis don de nyid yang bstan pa'i phyir
231b3 tshigs su bcad pa 'di dag gsungs so/ /'jig rten dag ni sems tsam du/ /rgyal ba'i sras kyis rab brtags na/ /rnam pa sna tshogs gzugs sprin la/ /mngon par 'du byed pa dang bral/ /stobs dang mngon par shes dang
231b4 dbang / /de dag thams cad 'grub par 'gyur/ /de nas byang chub sems dpa' sems dpa' chen po blo gros chen pos yang bcom ldan 'das la gsol ba btab pa/ bcom ldan 'das bdag la sogs pa'i slad du chos thams
231b5 cad kyi stong pa nyid dang / skye ba ma mchis pa dang / gnyis su ma mchis pa dang / rang bzhin dang / bral ba'i mtshan nyid bshad du gsol/ des bdag dang byang chub sems dpa' gzhan rnams kyang stong pa nyid dang / skye ba ma mchis pa dang /
231b6 gnyis su ma mchis pa dang / rang bzhin dang bral ba'i mtshan nyid rtogs par khong du chud cing / mchis pa dang ma mchis pa'i rnam par rtag pa yongs su spangs nas myur du bla na med pa yang dag par/ rdzogs pa'i byang chub mngon
231b7 par rdzogs par 'tshang rgya bar 'gyur ro/ /de nas bcom ldan 'das kyis byang chub sems dpa' sems dpa' chen po blo gros chen po la 'di skad ces bka' stsal to/ /blo gros chen po de'i phyir shin du legs par nyon la yid la
231b8 zung shig dang / khyod la rgya chen rab tu dbye zhing bshad par bya'o/ /blo gros chen pos bcom ldan 'das la gsol pa/ legs so/ /bcom ldan 'das de bzhin du 'tshal lo zhes bka' mnyan pa dang / bcom ldan 'das kyis
232a1 bka' stsal pa/ blo gros chen po stong pa nyid stong pa nyid ces bya ba 'di ni kun brtags pa'i rang bzhin gyi gnas te/ blo gros chen po kun brtags pa'i rang bzhin la mngon par zhen pa rnams la stong pa
232a2 nyid dang / skye ba med pa dang / gnyis su med pa dang / rang bzhin dang bral ba'i mtshan nyid bshad do/ /blo gros chen po de la mdor bshad na stong pa nyid ni rnam pa bdun te/ 'di lta ste/ mtshan nyid stong pa nyid dang / dngos
232a3 po'i rang bzhin stong pa nyid dang / 'du byed stong pa nyid dang / 'du byed med pa stong pa nyid dang / chos thams cad brjod pa dang bral ba'i stong pa nyid dang / don dam pa 'phags pa'i ye shes chen po stong pa nyid dang / gcig
232a4 gis gcig stong pa'i stong pa nyid do/ /de la mtshan nyid stong pa nyid gang zhe na/ 'di ltar dngos po thams cad rang dang spyi'i mtshan nyid kyis stong pa ste/ phan tshun 'dus pa las so sor rab tu rtog pa'i phyir dngos
232a5 po med par rab tu dbye bas rang dang spyi'i mtshan nyid mi skye ba dang / bdag dang gzhan dang gnyi ga'i dngos po med pa'i phyir mtshan nyid mi gnas te/ de'i phyir dngos po thams cad mtshan nyid stong pa zhes bshad de/
232a6 'di ni mtshan nyid stong pa nyid ces bya'o/ /dngos po'i rang bzhin stong pa nyid gang zhe na/ 'di lta ste/ bdag nyid kyis dngos po'i rang bzhin mi skye bas chos thams cad kyis dngos po'i rang bzhin stong pa nyid ces
232a7 bya ste/ de'i phyir dngos po'i rang bzhin stong pa nyid ces bshad do/ /'du byed stong pa nyid gang zhe na/ 'di lta ste/ phung po rnams bdag dang bdag gi dang bral zhing rgyu dang 'grub par byed pa dang / bya ba dang / las
232a8 dang / sbyor ba las skye ba ste/ 'di ni 'du byed stong pa nyid ces bya'o/ /blo gros chen po 'di ltar 'du byed stong pa nyid des na phan tshun gyi rkyen gyis 'byung gi rang bzhin gyi dngos po med pas 'du byed med pa stong
232b1 pa nyid ces bya'o/ /chos thams cad brjod pa dang bral ba'i stong pa nyid gang zhe na/ 'di lta ste/ kun brtags pa'i rang bzhin brjod du med pa'i phyir chos thams cad brjod pa dang bral ba ste/ 'di ni chos thams cad brjod pa
232b2 dang bral ba'i stong pa nyid ces bya'o/ /chos thams cad kyis don dam pa 'phags pa'i ye shes chen po stong pa nyid gang zhe na/ 'di lta ste/ so so rang gis rig pa 'phags pa'i ye shes thob pa ni lta ba dang nyes pa thams cad kyi bag
232b3 chags kyis stong ste/ 'di ni chos thams cad kyi don dam pa 'phags pa'i ye shes chen po stong pa nyid ces bya'o/ /gcig gis gcig stong pa nyid gang zhe na 'di lta ste/ gang la gang med pas stong pa ni gcig gis gcig stong
232b4 pa nyid ces bya'o/ /blo gros chen po dper na/ mr-i ga ra'i ma'i khang pa na glang po che dang / rta dang / ba lang dang / lug la sogs pa med kyang dge slong gi dge 'dun med pa ni ma yin no/ /de ni de dag gis stong ngo zhes bya ba yang
232b5 khang pa khang pa'i dngos pos stong pa ma yin/ dge slong dge slong gi dngos pos stong pa ma yin la/ gnas gzhan na glang po che dang rta la sogs pa med pa yang ma yin no/ /de ni chos thams cad kyis rang gi mtshan nyid de/ gang la
232b6 gang med pa de ni gcig gis gcig stong pa nyid ces bya'o/ /'di ni stong pa nyid rnam pa bdun te/ gcig gis gcig stong pa nyid 'di ni stong pa nyid kyi nang na dman pa yin te/ khyod kyis yongs su spang bar bya'o/ /blo gros
232b7 chen po rang yang mi skye la mi skye ba yang ma yin te/ ting nge 'dzin la gnas pa ma gtogs pa ni skye ba med pa zhes bya'o/ /rang bzhin dang bral ba zhes bya ba yang skye ba med pa de nyid rang bzhin dang bral ba zhes bya'o/ /skad cig
232b8 ma'i rgyud kyi rgyun med pa dang / tha dad pa'i dngos por snang bar dngos po thams cad rang bzhin dang bral ba ste/ de'i phyir dngos po thams cad rang bzhin dang bral ba zhes bya'o/ /gnyis su med pa gang zhe na/ 'di lta ste/ chos
233a1 thams cad ni grib ma dang / tsha ba dang / ring po dang / thung ngu dang / nag po dang / dkar po lta bu dag ste/ blo gros chen po chos thams cad ni gnyis su med pas mya ngan las 'das pa las gzhan ma yin la/ 'khor
233a2 ba las kyang mya ngan las 'das pa gzhan ma yin na tha dad pa'i mtshan nyid kyi rgyus dngos po yod pa'i phyir gnyis su med pa zhes bya ste/ mya ngan las 'das pa dang / 'khor ba ji lta bar chos thams cad kyang de bzhin
233a3 no/ /de bas na stong pa nyid dang / skye ba med pa dang / gnyis su med pa dang / rang bzhin dang bral ba'i mtshan nyid la rab tu brtson par bya'o/ /de nas bcom ldan 'das kyis don de nyid yang bstan pa'i phyir tshigs su bcad
233a4 pa 'di dag gsungs so/ /ngas ni rtag tu stong nyid chos/ /rtag chad yongs spangs 'khor ba ni/ /sgyu ma rmi lam 'drar bshad kyang / /las ni 'jig par mi 'gyur ro/ /nam mkha' mya ngan 'das pa dang / /'gog
233a5 pa gnyis kyang de bzhin te/ /byis pa dag gis rnam par brtags/ /'phags pa rnams ni yod med spongs/ /de nas bcom ldan 'das kyis byang chub sems dpa' sems dpa' chen po blo gros chen po la bka'
233a6 stsal pa/ blo gros chen po stong pa nyid dang / skye ba med pa dang / gnyis su med pa dang / rang bzhin dang bral ba'i mtshan nyid ni sangs rgyas rnams kyi mdo sde thams cad kyi nang du 'jug ste/ mdo sde gang du yang don 'di dag
233a7 ston to/ /mdo sde rnams ni sems can gyis bsam pa bzhin du rnam par phye ste/ don rab tu bstan pa'i phyir de kho na nyid ni brjod pa la yod pa ma yin no/ /dper na ri dgas skom pa'i rnam par rtog pas smig rgyu ri
233a8 dgas slu bar byed pa de'i mtshan nyid la chu'i dngos por mngon par zhen par byed kyang de la chu med do/ /de bzhin du mdo sde thams cad las chos rnams bstan pa yang byis pa so so'i skye bo rnams mgu ba rab tu bskyed
233b1 par bya ba yin pa'i phyir de kho na dang / 'phags pa'i ye shes ni gtam la yod pa ma yin no/ /de bas na don gyi rjes su 'brang bar bya'i/ brjod pa la mngon par chags par mi bya'o// //
233b2 'phags pa lang kar gshegs pa rin po che'i mdo/ bam po gsum pa// //de nas byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ //
233b3 bcom ldan 'das kyis gsungs pa'i mdo sde las de bzhin gshegs pa'i snying po ni rang bzhin gyis rnam par dag pa/ mtshan sum bcu rtsa gnyis kyi rjes su 'jug pa/ sems can thams cad kyis lus la//
233b4 mchis par brjod de/ dper na rin po che rin thang chen po gos dri ma can gyis yongs su dkris pa ltar de bzhin gshegs pa'i snying po rtag cing rnam par 'gyur ba med pa yang de bzhin du phung po dang khams dang / skye mched rnams//
233b5 kyi gos dri ma can gyis yongs su dkris shing 'dod chags dang / zhe sdang dang / gti mug dang / yang dag pa ma yin pa yongs su rtog pa'i rdul gyis gos par sangs rgyas thams cad kyis rab tu gsungs shis ci'i
233b6 slad du bcom ldan 'das kyis mu stegs can gyi bdag tu smra ba dang / mtshungs par de bzhin gshegs pa'i snying po mchis par bka' stsal/ bcom ldan 'das mu stegs can rnams kyang rtag pa dang / byed pa
233b7 mchis par smra zhing yon tan dang bral ba dang / kun du khyab pa dang mi 'jigs pa'o zhes bcom ldan 'das de dag bdag tu smra bar bgyid do/ /bcom ldan 'das kyis bka' stsal pa/ blo gros chen po
233b8 ngas bshad pa'i de bzhin gshegs pa'i snying po ni mu stegs can ngag smra ba'i bdag dang mtshungs pa ma yin te/ blo gros chen po ched 'ga' ni stong pa nyid dang / mtshan ma med pa dang / smon pa med pa dang / de
234a1 bzhin nyid dang / yang dag pa'i mtha' dang / chos nyid dang / chos kyi sku dang / mya ngan las 'das pa dang / rang bzhin dang bral ba dang / skye ba med pa dang / 'gag pa med pa dang / gzod ma nas
234a2 rab tu dben zhing zhi ba dang / rang bzhin gyis mya ngan las 'das pa zhes bya ba la sogs pa'i tshig gis de bzhin gshegs pa'i snying po ston par byed de/ de bzhin gshegs pa dgra bcom pa yang dag par rdzogs
234a3 pa'i sangs rgyas rnams ni byis pa gang dag bdag med pa'i tshig gis 'jigs par 'gyur ba yongs su spang ba'i phyir rnam par rtog pa dang bral ba snang ba med pa'i spyod yul de bzhin gshegs pa'i snying po'i sgo rab tu
234a4 bstan to/ /blo gros chen po ma 'ongs pa dang / da ltar byung ba'i byang chub sems dpa' sems dpa' chen po rnams kyis bdag tu lta ba la mngon par zhen par mi bya'o/ /dper na rdza mkhan ni 'ji ba'i phung po gcig
234a5 las mi'i bzo dang / chu dang / thal zhar dang / 'khor lo dang / srad bu'i sbyor ba rnams kyis snod rnam pa sna tshogs byed do/ /de bzhin gshegs pa rnams kyang de bzhin du chos bdag med pa/ rnam par rtog pa'i
234a6 mtshan nyid thams cad dang bral ba/ shes rab dang / thabs la mkhas pa rnam pa sna tshogs kyis de bzhin gshegs pa'i snying po bstan pa'am/ yang na bdag med par ston pas rgyu dang rkyen de'i phyir de bzhin gshegs
234a7 pa'i snying po bstan pas ni mu stegs can gyi bdag tu smra ba dang mi 'dra ste/ 'di ni de bzhin gshegs pa'i snying po bstan pa zhes bya'o/ /bdag tu smra ba la mngon par zhen pa'i mu stegs can rnams drang ba'i phyir
234a8 de bzhin gshegs pa'i snying po bstan pas/ yang dag pa ma yin pa'i bdag tu lta ba'i rnam par rtog pa dang bral ba/ rnam par thar pa'i sgo gsum gyi spyod yul la 'jug pa'i bsam pa dang ldan zhing myur du bla na
234b1 med pa yang dag par rdzogs pa'i byang chub thob par bya ba de'i phyir de bzhin gshegs pa dgra bcom pa yang dag par rdzogs pa'i sangs rgyas rnams de bzhin gshegs pa'i snying po de skad du ston par mdzad de/ de lta
234b2 ma yin na ni mu stegs can dag dang mtshungs par 'gyur ro/ /de lta bas na blo gros chen po mu stegs can gyi bdag tu smra ba yongs su spang ba'i phyir de bzhin gshegs pa'i snying po bdag med pa la gnas par bya'o/ /
234b3 de nas bcom ldan 'das kyis don de nyid yang bstan pa'i phyir/ tshigs su bcad pa 'di gsungs so/ /gang zag rgyun dang phung po dang / /rkyen rnams dang ni rdul dag dang / /gtso bo dbang phyug byed pa dag /sems tsam
234b4 la ni rnam par brtags/ /de nas byang chub sems dpa' sems dpa' chen po blo gros chen pos ma 'ongs pa'i skye bo'i tshogs la rnam par bltas nas/ yang bcom ldan 'das la 'di skad ces gsol to/ /bcom
234b5 ldan 'das ji ltar byang chub sems dpa' sems dpa' chen po rnams kyi rnal 'byor gyi thabs chen po mngon par rtogs pa bdag la bshad du gsol/ bcom ldan 'das kyis bka' stsal pa/ blo gros chen
234b6 po byang chub sems dpa' sems dpa' chen po chos bzhi dang ldan na rnal 'byor gyi thabs chen po 'thob par 'gyur ro/ /bzhi gang zhe na/ 'di lta ste/ rang gi sems snang ba'i rnam par 'byed pa la mkhas pa
234b7 dang / phyi rol gyi dngos po dngos po med par rab tu rtog pa dang / skye ba dang / gnas pa dang / 'jig pa'i lta ba rnam par spong ba dang / so so rang gis rig pa 'phags pa'i ye shes kyi bde ba gya
234b8 nom pa thob ste/ 'di ni byang chub sems dpa' sems dpa' chen po chos bzhi dang ldan na/ rnal 'byor gyi thabs chen po thob pa zhes bya'o/ /de la ji ltar na byang chub sems dpa' sems dpa' chen po rang gi snang ba
235a1 rnam par 'byed pa la mkhas pa yin zhe na/ 'di lta ste/ des 'di ltar khams gsum pa 'di ni sems tsam gyi cha ste/ bdag dang bdag gi dang bral ba/ g.yo ba med pa/ 'gro ba dang 'ong ba dang bral ba/ thog ma
235a2 med pa'i dus kyi spros pa'i bag chags kyis yongs su bsgos pa/ khams gsum gyi gzugs rnam pa sna tshogs la nye bar spyod pas rab tu bcings pa/ lus dang longs spyod rnam par gzhag pa'i rnam par rtog pa'i
235a3 rjes su 'jug par snang ngo zhes rab tu rtog ste/ 'di ni byang chub sems dpa' sems dpa' chen po rang gi sems snang ba rnam par 'byed pa la mkhas pa zhes bya'o/ /ji ltar na byang chub sems dpa' sems dpa'
235a4 chen po phyi rol gyi dngos po dngos po med par rab tu rtog pa la mkhas pa yin zhe na/ 'di lta ste/ dngos po thams cad ni smig rgyu dang / rmi lam la sogs pa lta bu ste/ thog ma med pa'i dus kyi spros pa'i gnas ngan
235a5 len rnam par rtog pa'i bag chags kyi rgyu las byung ba'o zhes dngos po thams cad kyi rang bzhin la rab tu rtog pa ste/ byang chub sems dpa' sems dpa' chen po rnams de ltar phyi rol gyi dngos po la dngos po med
235a6 par rab tu rtog pa ni byang chub sems dpa' sems dpa' chen po phyi rol gyi dngos po/ dngos po med par rab tu rtog pa la mkhas pa zhes bya'o/ /ji ltar na byang chub sems dpa' sems dpa' chen po skye ba dang /
235a7 gnas pa dang / 'jig pa'i lta ba rnam par spong ba la mkhas pa yin zhe na/ 'di lta ste/ dngos po thams cad ni sgyu ma dang / rmi lam la sogs pa dang mtshungs pas bdag dang gzhan dang gnyis ga las dngos po
235a8 rnams mi skye ste/ rang gi sems snang ba tsam gyi rjes su 'jug pa'i phyir phyi rol gyi dngos po dngos po med par mthong ba dang / rnam par shes pa rnams 'jug pa med pa dang / rkyen rnams spungs pa med par mthong
235b1 ba dang / rnam par rtog pa'i rkyen las khams gsum byung bar mthong bas phyi nang gi chos thams cad mi dmigs pa dang / rang bzhin dang bral bar mthong bas skye bar lta ba rnam par log pa dang / sgyu ma la sogs pa'i chos kyi rang
235b2 bzhin khong du chud pas mi skye ba'i chos la bzod pa rab tu thob nas/ skye ba dang / gnas pa dang / 'jig pa'i lta ba yongs su spong ba ste/ 'di ni byang chub sems dpa' sems dpa' chen po skye ba dang / gnas pa dang / 'jig pa'i
235b3 lta ba rnam par spong ba la mkhas pa zhes bya'o/ /ji ltar na byang chub sems dpa' sems dpa' chen po so so rang gis rig pa 'phags pa'i ye shes kyi bde ba gya nom pa thob pa yin zhe na/ 'di lta ste/ mi skye ba'i chos la bzod
235b4 pa rab tu thob nas byang chub sems dpa' sa brgyad pa la gnas te/ sems dang yid dang yid kyi rnam par shes pa dang bral ba dang / chos lnga dang / rang bzhin dang / bdag med pa gnyis kyi mtshan nyid yid las byung ba'i lus kyang
235b5 rab tu thob pa'o/ /bcom ldan 'das ci'i slad du yid las byung ba'i lus shes bgyi/ bcom ldan 'das kyis bka' stsal pa/ blo gros chen po yid las byung ba'i lus shes bya ba ni yid ltar mgyogs shing thogs
235b6 pa med pa'i phyir yid kyi lus shes bya ste/ dper na yid ni ri dang / rtsig pa la sogs pa la thogs pa med par phyogs tha dad pa dpag tshad brgya stong du ma de dag du sngon mthong ba rjes su dran pa'i rgyus mi brjed pa'i rang
235b7 gi sems kyi rgyun ma chad pa'i lus thogs pa med pas 'jug go blo gros chen po de bzhin du yid las byung ba'i lus kyang dus gcig tu lhan cig pa thob pa ste / byang chub sems dpa' sems dpa' chen po'i yid las
235b8 byung ba'i lus ni sgyu ma lta bu'i ting nge 'dzin gyi stobs dang / dbang dang mngon par shes pa dang / mtshan bzang pos brgyan pa/ 'phags pa'i rigs kyi lus dus gcig tu lhan cig skyes pa/ yid bzhin du 'jug cing thogs
236a1 pa med pa/ sngon gyi smon lam gyi yul rjes su dran pas sems can yongs su smin par byed pa'i phyir so so rang gis rig pa 'phags pa'i ye shes kyi bde ba gya nom pa 'thob ste/ de ltar na byang
236a2 chub sems dpa' sems dpa' chen po mi skye ba'i chos la bzod pa rab tu thob nas byang chub sems dpa'i sa brgyad pa la gnas te/ sems dang yid dang / yid kyi rnam par shes pa dang bral ba dang / chos lnga dang rang bzhin
236a3 dang / bdag med pa gnyis kyi mtshan nyid kyi lus dang / yid las byung ba'i lus dang / so so rang gis rig pa 'phags pa'i ye shes kyi bde ba gya nom pa thob pa yin no/ /'di ni byang chub sems dpa' sems dpa' chen po'i
236a4 chos bzhi dang ldan pa'i rnal 'byor gyi thabs chen po yin te de khyod kyis bslab par bya'o/ /de nas byang chub sems dpa' sems dpa' chen po blo gros chen pos yang bcom ldan 'das la 'di skad ces gsol to/ /
236a5 bcom ldan 'das chos rnams kyi rgyu dang rkyen gyi mtshan nyid bshad du gsol/ 'di ltar rgyu dang rkyen gyi mtshan nyid rtogs pas bdag dang / byang chub sems dpa' rnams dngos po thams cad la mchis pa dang ma
236a6 mchis par lta ba'i rnam par rtogs pa dang bral zhing rim dang cig car skye bar rnam par rtog pa'i lta ba ma mchis par 'gyur ro/ /bcom ldan 'das kyis bka' stsal pa/ blo gros chen po chos thams cad
236a7 kyi rkyen gyi mtshan nyid ni rnam pa gnyis te/ 'di lta ste/ phyi'i dang / nang gi'o/ /de la phyi rol gyi rkyen ni 'di lta ste/ 'jim pa'i gong bu dang / thal zhar dang / 'khor lo dang / srad bu dang / chu dang / mi'i bzo dang /
236a8 sbyor ba'i rkyen rnams las rdza ma 'byung ba'o/ /ji ltar 'jim pa'i gong bu las rdza ma 'byung ba de bzhin du/ skud pa las snam bu dang / rtswa las stan dang / sa bon las myu gu dang / zho las mar 'byung ba la sogs pa
236b1 sbyor ba'i rkyen las skye ba rnams kyang de bzhin te/ 'di ni phyi rol gyi rkyen snga phyi 'gyur zhing skye ba zhes bya'o/ /de la nang gi rkyen gang zhe na/ 'di lta ste/ ma rig pa dang / sred pa dang / las la sogs pa'i chos ni rkyen ces bya
236b2 ba'i ming thob pas 'di dag las skyes pa'i phung po dang / khams dang / skye mched ces bya ba'i chos de dag kyang rten cing 'brel par 'byung ba zhes bya ba'i ming 'thob bo/ /de dag ni khyad par med pa las byis pa rnams kyis
236b3 brtags pa ste/ 'di ni nang gi rkyen gyi chos shes bya'o/ /blo gros chen po de la rgyu ni rnam pa drug ste/ 'di lta ste/ 'byung bar 'gyur ba'i rgyu dang / 'brel ba'i rgyu dang / mtshan nyid kyi rgyu dang / byed pa'i rgyu dang / snang bar byed pa'i
236b4 rgyu dang / ltos pa'i rgyu'o/ /de la 'byung bar 'gyur ba'i rgyu ni phyi nang gi chos rnams skyed par rgyu'i bya ba byed pa'o/ /'brel ba'i rgyu ni phyi nang gi chos phung po dang / sa bon la sogs pa skyed par dmigs pa'i bya ba byed pa'o/ /
236b5 mtshan nyid kyi rgyu ni de ma thag pa'i mtshan nyid byed pas rgyun mi 'chad par skyed pa'o/ /byed pa'i rgyu ni dbang gi bya ba byed pa ste/ 'khor los sgyur ba'i rgyal po bzhin no/ /snang bar byed pa'i rgyu ni rnam par rtog pa'i dngos po
236b6 skyes pas mtshan nyid snang ba'i bya ba byed pa ste/ mar mes gzugs la sogs pa snang bar byed pa bzhin no/ /ltos pa'i rgyu ni 'gags pa'i dus na bya ba'i rgyun chad de rnam par mi rtog pa'i dngos por skye ba'o/ /blo
236b7 gros chen po 'di dag ni byis pa so so'i skye bo rnams kyi rang gi rnam par rtog pa'i mtshan nyid pas rim gyis kyang mi skye la cig car yang mi skye'o/ /de ci'i phyir zhe na/ gal te cig car skye na ni byed pa dang / bya ba bye brag
236b8 med pas rgyu'i mtshan nyid du mi 'gyur ba'i phyir ro/ /ci ste rim gyis skye na ni bdag gi mtshan nyid ma thob pa'i phyir rim gyis skye bas mi skye ste/ ji ltar bur ma skyes par pha zhes bya ba'i ming med pa bzhin no/ /blo gros
237a1 chen po rim gyis skye bas 'bral ba'i sbyor ba yang mi rung ste/ de ni rnam par rtog pa'o/ /rgyu dang / dmigs pa dang / mtshungs pa med pa de ma thag pa dang / bdag po'i rkyen la sogs pas bskyed par bya ba skyed
237a2 pa'i phyir/ blo gros chen po rim gyis skye bas mi skye ste/ kun brtags pa'i rang bzhin la mngon par zhen pa'i mtshan nyid kyi phyir ro/ /rim gyis sam cig car mi skye ste/ rang gi sems snang ba'i lus dang longs spyod
237a3 yin pa'i phyir ro/ /rang dang spyi'i mtshan nyid dang / phyi rol gyi dngos po dngos po med pas blo gros chen po rim gyis sam cig car mi skye ste/ gzhan du rang gi sems snang ba la rnam par rtog pa tsam du khong du ma chud pa'i phyir
237a4 mtshan ma skye'o/ /de lta bas na rgyu dang rkyen dang / bya ba'i dngos po dang / sbyor ba'i mtshan nyid rim gyis dang / cig car gyi lta ba yongs su spang bar bya'o/ /de nas bcom ldan 'das kyis don de nyid yang bstan pa'i phyir
237a5 tshigs su bcad pa 'di dag gsungs so/ /chos rnams thams cad mi skye ste/ /rgyu rkyen 'gag pa'ang yod ma yin/ /skye dang 'gag pa de dag la/ /rgyu dang rkyen du rtog pa skyed/ /'gags pa las ni yang skye dang / /'brel
237a6 pa'i rgyu rkyen bkag min te/ /byis pa shin du rmongs pa yis/ /rkyen du rtog pa rab spang phyir/ /yod dang med pa rten 'brel chos/ /de dag skye ba yod ma yin/ /bag chags rmongs pas rab tu 'jug /de las srid gsum
237a7 snang ba yin/ /yang dag rkyen las skye ba med/ /'gag pa'ang yod par mi 'gyur te/ /'dus byas thams cad rab brtags na/ /nam mkha'i me tog ji bzhin no/ /gzung ba dang ni 'dzin pa yi/ /nor bar mthong ba rab tu
237a8 spongs/ /skyed dang skye ba ma yin te/ /rgyu rkyen dag kyang yod ma yin/ /thams cad snang ba med pas na/ /de dag kun ni brjod pa yin/ /de nas byang chub sems dpa' sems dpa' chen po blo gros chen pos yang
237b1 bcom ldan 'das la 'di skad ces gsol to/ /bcom ldan 'das tshig gi rnam par rtog pa'i mtshan nyid kyi snying po zhes bgyi ba'i chos kyi rnam grangs bshad du gsol/ bcom ldan 'das bdag dang / byang chub sems
237b2 dpa' sems dpa' chen po gzhan rnams tshig rnam par rtog pa'i mtshan nyid kyi snying po zhes bgyi ba'i chos kyi rnam grangs shin du rtogs pa des/ brjod pa dang / brjod pa rnam pa gnyis kyi don rtogs par khong du chud de/ myur
237b3 du bla na med pa yang dag par rdzogs pa'i byang chub mngon par rdzogs par sangs rgyas nas/ brjod pa rnam pa gnyis kyi tshul gyis sems can thams cad yongs su dag par bgyid par 'gyur ro/ /bcom ldan 'das kyis bka'
237b4 stsal pa/ blo gros chen po de'i phyir shin du legs par nyon la yid la zung shig dang ngas khyod la bshad par bya'o/ /blo gros chen pos bcom ldan 'das la gsol pa/ legs so/ /bcom ldan 'das shes bka'
237b5 mnyan pa dang / bcom ldan 'das kyis 'di skad ces bka' stsal to/ /blo gros chen po tshig gi rnam par rtog pa'i mtshan nyid ni rnam pa bzhi yod de/ 'di lta ste/ mtshan nyid kyi tshig dang / rmi lam gyi tshig dang /
237b6 gnas ngan len gyi rnam par rtogs pa la mngon par zhen pa'i tshig dang / thog ma med pa'i dus kyi rnam par rtogs pa'i tshig go/ /de la mtshan nyid kyi tshig ni rang gi rnam par rtog pa'i gzugs kyi mtshan nyid la mngon
237b7 par zhen pa las 'byung ngo / /rmi lam gyi tshig ni sngon myong ba'i yul rjes su dran pa dang / sad nas yul dngos po med pa las 'byung ngo / /gnas ngan len gyi rnam par rtog pa las mngon par zhen pa'i tshig ni sngon
237b8 dgras byas pa'i las rjes su dran pa las 'byung ngo / /thog ma med pa'i dus kyi rnam par rtog pa'i tshig ni thog ma med pa'i dus kyi rnam par spros pa la mngon par zhen pa'i gnas ngan len gyi rang gi sa bon gyi bag
238a1 chags las 'byung ste/ 'di ni tshig gi rnam par rtog pa'i mtshan nyid rnam pa bzhi zhes bya'o/ /de nas yang byang chub sems dpa' sems dpa' chen po blo gros chen pos don de nyid kyi phyir bcom ldan
238a2 'das la gsol ba btab pa/ bcom ldan 'das da dung yang rnam par rtog pa'i mngon pa'i spyod yul bshad du gsol/ bcom ldan 'das gang nas ci slad/ ji ltar rgyu gang gis sems can rnams kyi rnam par rtog pa'i
238a3 tshig 'byung ba lags/ bcom ldan 'das kyis bka' stsal pa/ blo gros chen po mgo dang / brang dang / mgul pa dang / sna dang / mchu dang / lce dang / rkan dang / so rnams 'dus pa las sgra skad 'byung ngo / /blo gros chen pos bcom ldan
238a4 'das la gsol pa/ bcom ldan 'das tshig dang / rnam par rtog pa tha dad pa'am/ 'on te gcig pa zhig lags/ bcom ldan 'das kyis bka' stsal pa/ blo gros chen po tshig dang / rnam par rtog pa ni tha dad pa yang ma yin/
238a5 tha mi dad pa yang ma yin no/ /de ci'i phyir zhe na/ 'di lta ste/ de'i rgyu las byung ba'i mtshan nyid kyi phyir ro/ /blo gros chen po gal te tshig dang / rnam par rtog pa tha dad pa zhig yin na ni rnam par rtog pa rgyu yin par mi
238a6 'gyur ro/ /ci ste tha mi dad pa zhig yin na ni tshig gi don gsal bar byed par yang mi 'gyur ba zhig na/ gsal bar yang byed de/ de bas na tha dad pa yang ma yin/ tha mi dad pa yang ma yin no/ /blo gros chen pos yang bcom ldan
238a7 'das la gsol pa/ bcom ldan 'das tshig nyid don dam pa lags sam/ 'on te tshig gis brjod par bgyi ba de don dam pa lags/ bcom ldan 'das kyis bka' stsal pa/ blo gros chen po tshig kyang don dam pa ma yin la/
238a8 tshig gis gang brjod par bya ba de yang don dam pa ma yin no/ /de ci'i phyir zhe na/ 'di ltar don dam pa ni 'phags pa'i bden pa yin te/ tshig gis don/ dam pa la 'jug kyang tshig 'di nyid ni don dam pa ma yin no/ /don
238b1 dam pa ni 'phags pa so so rang gis rig pa'i ye shes kyis rtogs par bya ba yin gyi/ tshig gi rnam par rtog pa'i blo'i spyod yul ni ma yin pas/ de'i phyir tshig gi rnam par rtog pas don dam pa gsal bar mi
238b2 byed do/ /de la tshig ni skye ba dang 'jig pa dag gis rab tu g.yo ba/ phan tshun gyi rgyu dang rkyen las byung ba'o/ /gal te phan tshun gyi rgyu dang rkyen las byung ba yin na/ des ni don dam pa gsal bar mi byed do/ /blo gros chen po
238b3 bdag dang gzhan dang / gnyi ga'i dngos po med pa'i phyir/ tshig gi mtshan nyid kyis don dam pa gsal bar mi byed do/ /gzhan blo gros chen po rang gi sems snang ba tsam gyi rjes su 'jug pa'i phyir mtshan ma rnam
238b4 pa sna tshogs dang / phyi rol gyi dngos po dngos po med pas/ tshig gi rnam par rtog pas ni/ don dam pa gsal bar mi byed do/ /de lta bas na blo gros chen po tshig gi rnam par rtog pa rnams kyi mtshan nyid yongs su
238b5 spang bar bya'o/ /de nas bcom ldan 'das kyis don de nyid yang bstan pa'i phyir/ tshigs su bcad pa 'di dag gsungs so/ /dngos po kun gyi rang bzhin med/ /tshig kyang yod pa ma yin te/ /zab mo stong nyid
238b6 stong pa'i don/ /byis pa rnams kyis rtogs mi nus/ /dngos po thams cad rang bzhin dang / /tshig gi chos ni mig yor 'dra/ /rang rig ye shes yang dag mtha'/ /bu rnams la ni ngas bshad do/ /de nas byang chub
238b7 sems dpa' sems dpa' chen po blo gros chen pos yang bcom ldan 'das la 'di skad ces gsol to/ /bcom ldan 'das mchis pa dang / ma mchis pa dang / gcig pa dang / tha dad pa dang / gnyi ga dang / gnyi ga ma
238b8 lags pa dang / mchis pa yang ma lags/ ma mchis pa yang ma lags pa dang / rtag pa dang / mi rtag pa spangs pa/ mu stegs can thams cad kyis bgrod par bgyi ba ma lags pa/ so so rang gis rig pa
239a1 'phags pa'i ye shes kyis bgrod par bgyi ba/ kun brtags pa'i rang dang spyi'i mtshan nyid dang bral ba/ don dam pa de kho na'i don la 'jug pa/ sa rnams kyi mtshams sbyor zhing / rim gyis gong nas gong
239a2 du khyad par can du 'gyur ba rnam par dag pa'i mtshan nyid dang / de bzhin gshegs pa'i sa la rjes su 'jug pa'i mtshan nyid la rtsol ba ma mchis par sngon gyi smon lam gyis gzugs sna tshogs kyi yid bzhin gyi nor
239a3 bu ltar spyod yul mtha' yas pa'i mtshan nyid kyi rnam pa/ rang gi sems snang ba'i tshul bye brag gi mtshan nyid kyi chos thams cad dang / ci nas kyang bdag dang / byang chub sems dpa' sems dpa' chen po gzhan rnams
239a4 'di lta bu la sogs pa kun brtags pa'i rang bzhin dang / rang dang spyi'i mtshan nyid kyi lta ba rnams spangs te/ myur du bla na med pa yang dag par rdzogs pa'i byang chub mngon par rdzogs par sangs rgyas nas/
239a5 sems can thams cad kyi bde ba phun sum tshogs pa yongs su rdzogs par bgyi ba bshad du gsol/ bcom ldan 'das kyis bka' stsal pa/ blo gros chen po legs so legs so/ /khyod nga la don 'di 'dri ba ni
239a6 skye bo mang po la bde ba dang / skye bo mang po la phan pa dang / lha dang mi'i 'jig rten thams cad la snying brtse ba'i phyir zhugs pa ste/ blo gros chen po de'i phyir shin du legs par nyon la yid la zung shig dang / ngas khyod
239a7 la rab tu dbye zhing bshad par bya'o/ /blo gros chen pos bcom ldan 'das la/ bcom ldan 'das legs so zhes gsol nas/ bka' mnyam pa dang / bcom ldan 'das kyis 'di skad ces bka' stsal to/
239a8 blo gros chen po byis pa so so'i skye bo rang gi sems snang ba tsam du khong du ma chud pa dang / nang dang phyi rol gyi dngos por 'dzin pas/ gcig pa dang / tha dad pa dang / gnyi ga dang / gnyi ga ma yin pa dang / yod pa dang
239b1 med pa dang / yod pa yang ma yin/ med pa yang ma yin pa dang / rtag pa dang mi rtag pa'i rang bzhin gyi bag chags kyi rgyu la brten nas/ mngon par zhen pas rnam par rtog go/ dper na ri dgas skom pas rab tu gdungs pa
239b2 rnams dpyid kyi smigs rgyu la chu nyid du rnam par rtog pa'i nor pas rab tu rgyug ste/ chu ma yin par yongs su mi shes so/ /de bzhin du byis pa so so'i skye bo thog ma med pa'i dus kyis spros pa'i rnam par rtog pas
239b3 yongs su bsgos pa/ dug gsum gyi mes sems rab tu gdungs pa/ gzugs kyi yul la shin du mos pa/ skye ba dang / gnas pa dang / 'jig par lta ba/ phyi nang gi dngos por yongs su 'dzin pa dag kyang / gcig pa dang /
239b4 tha dad pa dang / gnyi ga dang / gnyi ga ma yin pa dang / yod pa dang / med pa dang / yod pa yang ma yin/ med pa yang ma yin pa dang / rtag pa dang mi rtag pa nyid du 'du shes shing / rnam par rtog pa'i lta ba 'dzin par rab tu ltung bar
239b5 'gyur ro/ /dper na dri za'i grong khyer la byis pa so so'i skye bo blo dang mi ldan pa rnams grong khyer gyi 'du shes 'byung ste/ thog ma med pa'i dus nas/ bag chags la mngon par zhen pa'i 'du shes kyis snang yang / de ni
239b6 grong khyer yang ma yin/ grong khyer ma yin pa yang ma yin no/ /de bzhin du mu stegs can thog ma med pa'i dus nas spros pa'i bag chags la mngon par zhen pa rnams gcig pa dang / tha dad pa dang / gnyi ga dang / gnyi ga ma
239b7 yin pa dang / yod pa dang / med pa dang / yod pa yang ma yin/ med pa yang ma yin pa dang / rtag pa dang / mi rtag pa'i lta ba la gnas pas/ rang gi sems snang ba tsam du mi chud do/ /dper na mi la la zhig rmi lam na/
239b8 skyes pa dang / bud med dang / glang po che dang / rta dang / shing rta dang / rkang thang dang / grong dang / grong khyer dang / bskyed mos tshal dang / nags tshal dang / ri dang / 'bab chu dang / rdzing rnam pa sna tshogs kyis mdzes par byas
240a1 par bdag nyid zhugs pa snyam pa las sad nas/ /de nyid rjes su dran na/ blo gros chen po ji snyam du sems/ skyes bu des sngar rmis pa rnams rjes su dran par byed cing / yongs su gtong bar mi byed na/ ci mkhas pa'i
240a2 rang bzhin can yin nam/ blo gros chen pos bcom ldan 'das la gsol pa/ bcom ldan 'das ma lags so/ /bcom ldan 'das kyis blo gros chen po la bka' stsal pa/ de bzhin du byis pa so so'i skye bo lta ba ngan pas
240a3 rab tu zin pa/ mu stegs kyi blo can dag rang gi sems snang ba'i dngos po rmi lam lta bur ma shes pas/ gcig pa dang / tha dad pa dang / gnyi ga dang / gnyi ga ma yin pa dang / yod pa dang / med pa dang / yod pa yang ma yin/
240a4 med pa yang ma yin pa dang / rtag pa dang / mi rtags par lta ba la rab tu brten to/ /dper na ri mo bris pa la mtho dman med kyang / byis pa de dag mtho dman du rnam par rtog go/ /de bzhin du ma 'ongs pa'i dus na mu stegs
240a5 can gyi lta ba ngan pa'i bag chags shin tu rgyas pas/ de dag gcig pa dang / tha dad pa dang / gnyi ga dang / gnyi ga ma yin pa dang / yod pa dang / med pa dang / yod pa yang ma yin/ med pa yang ma yin pa dang / rtag pa dang / mi
240a6 rtag par lta ba la brten nas/ bdag dang gzhan yang brlag par byed la/ yod pa dang / med pa spongs pa/ skye ba med par smra ba gzhan dag la yang med pa zhes zer ba dag 'byung ste/ 'di dag ni rgyu dang 'bras bur lta ba la skur
240a7 pa 'debs shing / dge ba'i rtsa ba 'don par byed la/ rnam par dag pa'i rgyu 'jig par byed pa yin pas/ mchog tshol ba rnams kyis ring du spang bar bya'o/ /de skad du smra ba de dag ni/ bdag dang gzhan dang / gnyi ga'i lta
240a8 bar lhung ba/ yod pa dang / med par rnams par brtags nas/ sgro 'dogs pa dang / skur pa'i lta ba ngan par lhung ba yin pas/ sems can dmyal bar lhung bar 'gyur ro/ /dper na mig la rab rib yod pa de dag gis
240b1 skra shad 'dzings pa mthong nas/ skye bo mang po'i tshogs rnams la 'di skad du/ kye grogs po dag 'di ltos shig ces zer yang / skra shad 'dzings pa de ni mthar dngos po yod pa yang ma yin/ dngos po med pa yang ma
240b2 yin te/ mthong ba dang / mi mthong ba'i phyir ro/ /de bzhin du mu stegs can lta ba ngan pa'i bsam pa can dag kyang / gcig pa dang / tha dad pa dang / gnyi ga dang / gnyi ga ma yin pa dang / yod pa dang / med pa dang / yod pa
240b3 yang ma yin/ med pa yang ma yin pa dang / rtag pa dang / mi rtag pa'i lta ba la rab tu rten cing / dam pa'i chos la skur pa 'debs pas/ bdag kyang lhung bar byed la gzhan dag kyang lhung bar byed do/ /dper na mgal me'i 'khor
240b4 lo ni/ 'khor lo ma yin yang / byis pa rnams kyis 'khor lo nyid du yongs su rtog ste/ mkhas pa rnams ni ma yin no/ /de bzhin du mu stegs can lta ba ngan pa'i bsam pa can dag kyang gcig pa dang / tha dad pa dang /
240b5 gnyi ga dang / gnyi ga ma yin pa dang / yod pa dang / med pa dang / yod pa yang ma yin/ med pa yang ma yin pa dang / rtag pa dang mi rtag par yongs su rtog pa la rten nas/ dngos po thams cad skyed do/ /dper na chu bur nor bu 'dra ba
240b6 la/ byis pa blo dang mi ldan pa rnams kyis/ nor bu nyid du 'du shes shing / mngon par zhen nas rab tu rgyug cing len kyang / chu bur de dag ni nor bu yang ma yin/ nor bu ma yin pa yang ma yin te/ len pa dang / mi len pa'i
240b7 phyir ro/ /de bzhin du mu stegs can lta ba ngan pa'i rnam par rtog pa'i bag chags kyis yongs su bsgos pa rnams kyang / yod pa ma yin pa la skye ba yod par smra ba dang / rkyen gyis yod pa yang 'jig par smra bar
240b8 'gyur ro/ /gzhan yang blo gros chen po tshad ma rnam pa gsum dang / smra ba'i yan lag lnga yod do/ /de dag so sor rnam par gzhag pa byas nas/ 'phags pa'i ye shes so so rang gis rig par bya ba/ rang bzhin
241a1 gnyis kyi dngos po dang bral ba rtogs par 'gyur zhes/ dngos po yod pa nyid du rnam par rtog cing mngon par zhen par byed de/ blo gros chen po sems dang / yid dang / yid kyi rnam par shes pa dang lus
241a2 dang / sems gnas shin du gyur pa/ rang gi sems snang ba'i gzung ba dang / 'dzin pa'i rnam par rtog pa rab tu spangs pa/ de bzhin gshegs pa'i sa/ so so rang gis rig pa 'phags pa'i ye shes thob
241a3 pa'i rnal 'byor pas de la dngos po dang / dngos po med pa'i 'du shes su mi bya'o/ /gal te yang rnal 'byor pas de lta bu'i spyod yul rnams la dngos po dang dngos po med pa 'dzin pa'i mtshan ma skyed par byed na/ de ni gso bar
241a4 'dzin pa dang / bdag tu 'dzin pa dang / gang zag tu 'dzin par 'gyur ro/ /blo gros chen po gang 'di ltar dngos po de dag gi rang bzhin dang / rang dang spyi'i mtshan nyid bstan pa de dag thams cad ni sprul pa'i sangs rgyas kyis bstan pa
241a5 yin gyi/ chos nyid kyi sangs rgyas kyis bstan pa ni ma yin no/ /gzhan yang bstan pa rnams ni byis pa so so'i skye bo lta ba'i bsam pa can gyi dbang gis byung ba yin gyi/ logs shig rnam par 'jog pa'i tshul rang
241a6 bzhin gyi chos/ 'phags pa'i ye shes so so rang gis rig pa'i ting nge 'dzin gyi bde ba la gnas pa thob pa rab tu dbye zhing ston par mi byed do/ /dper na chu'i nang du shing gi grib ma snang yang de ni grib ma yang ma
241a7 yin/ grib ma ma yin pa yang ma yin/ shing gi dbyibs kyang ma yin/ shing gi dbyibs ma yin pa yang ma yin no/ /de bzhin du mu stegs can gyi lta ba'i bag chags kyis yongs su bsgos pa'i rnam par rtog pa
241a8 la mngon par zhen pa rnams kyang gcig pa dang / tha dad pa dang / gnyi ga dang / gnyi ga ma yin pa dang / yod pa dang / med pa dang / yod pa yang ma yin/ med pa yang ma yin pa dang / rtag pa dang / mi rtag par 'du shes pa la rten pas
241b1 rang gi sems snang ba tsam du khong du mi chud do/ /dper na me long rab tu phyis pa'i nang du rkyen ji lta ba bzhin du rnam par rtog pa med par gzugs brnyan thams cad snang ste/ de dag ni gzugs kyang ma yin/ gzugs
241b2 ma yin pa yang ma yin yang gzugs dang gzugs ma yin par mthong bar rnam par rtog pa'i byis pa rnams gzugs kyi 'du shes su byed do/ /de bzhin du mu stegs can lta ba ngan pa pa rang gi sems snang ba'i gzugs
241b3 la rnam par rtog pas mngon par zhen pa rnams kyang gcig pa dang / tha dad pa dang / gnyi ga dang / gnyi ga ma yin pa dang / yod pa dang / med pa dang / yod pa yang ma yin med pa yang ma yin rtag pa dang / mi rtag par lta ba la
241b4 rab tu rten to/ /dper na rlung dang 'bab chu phrad pa las sgra 'byung yang de ni dngos po yang ma yin/ dngos po ma yin pa yang ma yin no/ /de bzhin du mu stegs can gyi lta ba ngan pa'i rtog ge pa rnams kyang
241b5 gcig pa dang / tha dad pa dang / gnyi ga dang / gnyi ga ma yin pa dang / yod pa dang / med pa dang / yod pa yang ma yin/ med pa yang ma yin pa dang / rtag pa dang / mi rtag par lta ba la rab tu rten to/ /dper na rtswa dang / shing med
241b6 pa'i sa phyogs chen por nyi ma shin du tsha ba'i 'od kyis smig rgyu'i dba' rlabs rab tu g.yo yang de ni dngos po yang ma yin/ dngos po med pa yang ma yin te/ chags pa dang / chags pa med pa'i phyir ro/ /de bzhin du
241b7 byis pa so so'i skye bo thog ma med pa'i dus kyis rnam par spros pa'i bag chags kyis bsgos pa/ rnam par rtog pas skye ba dang / gnas pa dang / 'jig pa la mngon par zhen pa rnams kyang gcig pa dang /
241b8 tha dad pa dang / gnyi ga dang gnyi ga ma yin pa dang / yod pa dang / med pa dang / yod pa yang ma yin/ med pa yang ma yin pa dang / rtag pa dang / mi rtag pa la rab tu rten pas so so rang gis rig nas par bya ba'i dngos po'i
242a1 sgo la dmigs pa yang smig rgyu'i dba' rlabs de dag ji lta ba bzhin no/ /dper na la la zhig gis sngags dang / 'khrul 'khor gyis sems can du bgrang ba ma yin pa ston pa 'dre dang sbyor bar ldan na g.yo
242a2 ba'i las byed de/ byis pa rnams kyis rnam par rtogs pas 'gro ba dang / 'ong ba nyid du mngon par zhen to/ /de bzhin du mu stegs byed lta ba ngan pa'i bsam pa can dag kyang / gcig pa dang / tha dad pa dang / gnyi ga dang / gnyi ga ma
242a3 yin pa dang / yod pa dang / med pa dang / yod pa yang ma yin/ med pa yang ma yin pa dang / rtag pa dang / mi rtag pa'i lta ba la rten cing spros pa la mngon par zhen pas yang dag pa ma yin par sgro 'dogs so/ /blo gros chen po de bas na so so
242a4 rang gis rig pa 'phags pa'i ye shes kyi dngos po 'dod pa dag gis skye ba dang / gnas pa dang / 'jig pa dang / gcig pa dang / tha dad pa dang / gnyi ga dang / gnyi ga ma yin pa dang / yod pa dang / med pa dang / yod pa yang ma yin/ med pa yang ma yin pa
242a5 dang / rtag pa dang / mi rtag pa la sogs pa'i lta ba ngan pa'i rnam par rtog pa rnams yongs su spang bar bya'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /sgyu ma rmi lam chu grib
242a6 shing / /skra shad 'dzings dang smig rgyu ltar/ /srid gsum dag ni rab rtog na/ /mthar ni rnam par grol bar 'gyur/ /ri dgas skom pa'i 'du shes kyi/ /g.yo bas sems ni bslus pas na/ /smig rgyu la ni chur rtog kyang / /chu yi dngos po yang
242a7 yang dag med/ /de bzhin rnam shes sa bon pa/ /g.yo zhing gyur pas yul du snang / /byis pa rnam rtog gang skyes pa/ /rab rib can gyi rab rib bzhin/ /thog ma med pa'i 'khor ba la/ /dngos por 'dzin cing mngon zhen pa/ /mi mthun khye'us
242a8 khye'u dbyung bzhin/ /'dod pa'i rgyu 'dzin pa rab tu spongs/ /sgyu ma ro langs 'khrul 'khor dang / /sprin dang rmi lam glog lta bur/ /rab tu rtog na rnam grol zhing / /rgyun gsum dag ni gtan du spongs/ /'di la byed pa gang yang med/ /smig
242b1 rgyu nam mkha' ji bzhin te/ /de ltar chos rnams rab shes na/ /shes par bya ba ci yang med/ /bstan pa dag ni ming tsam ste/ /de la mtshan nyid yod ma yin/ /gang la rnam rtog skyed pa yi/ /phung po'i 'du byed skra shad 'dra/ /ri mo skra shad 'dzings
242b2 pa dang / /sgyu ma rmi lam dra za'i grong / /mgal me'i 'khor lo'i smig rgyu dag /med kyang sems can rnams la snang / /rtag dang mi rtag gcig tha dad/ /gnyi ga gnyi min de bzhin te/ /thog ma med kyi nyes 'phrel bas/ /byis pa mos pas rab tu rtog /
242b3 me long chu dang mig rnams dang / /yid bzhin nor bu rin po che/ /de na gzugs brnyan snang mod kyi/ /de ni yang dag yod pa min/ /dngos por snang ba thams cad ni/ /ri mo dang ni smig rgyu bzhin/ /rnam pa sna tshogs gzugs snang yang / /
242b4 rmi lam 'dra ste yod ma yin/ /gzhan yang blo gros chen po de bzhin gshegs pa rnams kyi bstan pa'i chos ni mu bzhi dang bral ba yin te/ 'di lta ste/ gcig pa dang / tha dad pa dang / gnyi ga dang / gnyi ga ma yin pa dang / yod pa dang /
242b5 med pa dang / yod pa yang ma yin/ med pa yang ma yin pa dang / rtag pa dang / mi rtag pa spongs pa/ yod pa dang med pa'i sgro 'dogs pa dang / skur pa las rnam par grol ba'o/ /de bzhin gshegs pa'i chos bstan pa ni yang dag pa'i
242b6 bden pa dang / rten cing 'brel par 'byung ba dang / lam dang / 'gog pa dang / rnam par thar pa rab tu 'byed cing sdud par byed pas de dag sngon du btang ba yin gyi/ ngo bo nyid dang / dbang phyug dang / rgyu med pa dang / rdul phra mo dang / dus dang /
242b7 rang bzhin dang / 'brel bar chos ston pa ni ma yin no/ /gzhan yang blo gros chen po nyon mongs pa dang / shes bya'i sgrib pa rnam par dag par bya ba'i phyir ded dpon ltar tshig brgya rtsa brgyad dang / snang ba med pa dang / theg pa dang / sa rnams
242b8 shin du rnam par 'byed pa'i mtshan nyid la mthar gyis rab tu 'jug go/ /gzhan yang blo gros chen po bsam gtan rnam pa bzhi yod de rnam pa bzhi gang zhe na/ 'di lta ste/ byis pa nye bar spyod pa'i bsam gtan dang / don rab tu 'byed pa'i
243a1 bsam gtan dang / de bzhin nyid dmigs pa'i bsam gtan dang / de bzhin gshegs pa'i bsam gtan no/ /de la byis pa nye bar spyod pa'i bsam gtan gang zhe na/ 'di lta ste/ nyan thos dang / rang sangs rgyas dang / mu stegs can
243a2 gyi rnal 'byor pa rnams gang zag la bdag med pa dang / dngos po'i rang dang spyi'i mtshan nyid keng rus dang / mi rtag pa dang / sdug bsngal ba dang / mi sdug pa'i mtshan nyid la mngon par zhen pa sngon du btang ste/ 'di ni mtshan nyid
243a3 'di lta bu yin te/ gzhan du ma yin no zhes brtags nas snga ma las gong nas gong du khyad par can du 'gyur te/ 'du shes mi 'gog pa gang yin pa de ni byis pa nye bar spyod pa'i bsam gtan zhes bya'o/ /don rab tu
243a4 'byed pa'i bsam gtan gang zhe na/ 'di lta ste/ gang zag la bdag med pa dang / rang dang spyi'i mtshan nyid dang / mu stegs can gyi bdag dang / gzhan dang / gnyi ga dngos po med par gyur pa la chos bdag med par brtags
243a5 nas/ sa de dag gi mtshan nyid kyi don gong nas gong du khyad par can du 'gyur ba ni don rab tu 'byed pa'i bsam gtan zhes bya'o/ /de bzhin nyid la dmigs pa'i bsam gtan gang zhe na/ 'di lta ste/ rnam par rtog pas bdag
243a6 med pa gnyis su rnam par rtog pa yang dag pa ji lta ba bzhin gyi gnas la rnam par rtog pa mi skyed pa ni de bzhin nyid la dmigs pa'i bsam gtan zhes bya'o/ /de bzhin gshegs pa'i bsam gtan gang zhe na/ 'di lta ste/
243a7 de bzhin gshegs pa'i sa'i rnam pa la 'jug pa so so rang gis rig pa 'phags pa'i ye shes kyi mtshan nyid gsum gyi bde ba la gnas nas/ sems can gyi don bsam gyis mi khyab pa'i bya ba byed pa ni de bzhin gshegs pa'i
243a8 bsam gtan zhes bya'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /byis pa nye spyod bsam gtan dang / /don gyi mtshan nyid 'byed bsam gtan/ /de bzhin
243b1 nyid dmigs bsam gtan dang / /de bzhin gshegs pa'i dge bsam gtan/ /rnal 'byor can gyis brtson byas na/ /nyi ma zla ba'i dbyibs 'dra dang / /pad ma dang ni g.yang sa dang / /nam mkha' dang ni me zad ltar/ /rnal
243b2 'byor pas ni gang rtog pa/ /mtshan ma sna tshogs de dag ni/ /mu stegs lam 'byed bsam gtan te/ /nyan thos dang ni rang rgyal gyi/ /spyod yul du yang ltung bar byed/ /'di dag thams cad rab spangs na/ /de ni snang ba med
243b3 med pa yin/ /zhing rnams kun gyis sangs rgyas kyi/ /bsam gyis mi khyab phyag gis ni/ /de yi mgo la nyug mdzad de/ /de bzhin nyid kyi rjes zhugs brtags/ /de nas byang chub sems dpa' sems dpa' chen po blo gros
243b4 chen pos yang bcom ldan 'das la 'di skad ces gsol to/ /bcom ldan 'das mya ngan las 'das pa zhes bgyi ba chos ji lta bu zhig la mya ngan las 'das pa zhes bgyi lags/ bcom ldan 'das kyis bka'
243b5 stsal pa/ blo gros chen po rang bzhin thams cad kyi bag chags kyi kun gzhi dang / yid dang / yid kyi rnam par shes pa dang / lta ba'i bag chags rab tu gyur pa ni mya ngan las 'das pa zhes bya ste/ sangs rgyas
243b6 rnams dang / nga'i mya ngan las 'das pa rang bzhin stong pa nyid kyi dngos po'i spyod yul lo/ /gzhan yang blo gros chen po mya ngan las 'das pa ni 'phags pa so so rang gis rig pa'i ye shes kyi spyod yul te/ rtag pa
243b7 dang / chad par rnam par rtog pa dang / dngos po dang / dngos po med par rnam par spangs pa'o/ /ji ltar rtag pa ma yin zhe na/ 'di lta ste/ rang dang spyi'i mtshan nyid du rnam par rtog pa spangs pa'i phyir/ rtag pa ma yin no/ /
243b8 ji ltar chad pa ma yin zhe na/ 'di lta ste/ 'das pa dang / ma 'ongs pa dang / da ltar byung ba'i 'phags pa thams cad kyis so so rang gis rig pa thob pa'i phyir chad pa ma yin no/ /blo gros chen po mya ngan las 'das pa ni
244a1 mi 'jig mi 'chi ste/ gal te mya ngan las 'das pa 'chi ba zhig yin na ni yang skye ba'i rgyun len par 'gyur ro/ /ci ste 'jig pa zhig yin na ni 'dus byas kyi mtshan nyid du ltung bar 'gyur te/ de'i phyir mya ngan
244a2 las 'das pa ni 'jig pa dang 'chi ba dang / bral bas na rnal 'byor pa rnams skabs su 'gro ba yin no/ /gzhan yang blo gros chen po mya ngan las 'das pa ni spangs pa ma yin pa dang / thob pa ma yin pa dang / chad pa ma yin pa dang /
244a3 rtag pa ma yin pa dang / don gcig pa ma yin pa dang / don sna tshogs ma yin pa ni mya ngan las 'das pa zhes bya'o/ /gzhan yang blo gros chen po nyan thos dang / rang sangs rgyas kyi mya ngan las 'das pa ni rang dang spyi'i mtshan nyid
244a4 khong du chud pa dang / yul gyi 'du 'dzi med pa dang / phyin ci log par mthong bas rnam par rtog pa mi skye ba ste/ de dag gis de la mya ngan las 'das pa'i blor 'gyur ro/ /gzhan yang blo gros chen po rang bzhin gyi mtshan nyid ni rnam pa
244a5 gnyis te/ gnyis gang zhe na/ 'di lta ste/ brjod pa'i rang bzhin gyi mtshan nyid la mngon par zhen pa dang / dngos po'i rang bzhin gyi mtshan nyid la mngon par zhen pa'o/ /de la brjod pa'i rang bzhin gyi mtshan nyid la mngon par zhen pa
244a6 ni thog ma med pa'i dus kyi tshig tu spros pa'i bag chags la mngon par zhen pa las byung ngo / /dngos po'i rang bzhin gyi mtshan nyid la mngon par zhen pa ni rang gi sems snang ba tsam du khong du ma chud pa las 'byung ngo / /gzhan yang
244a7 blo gros chen po de bzhin gshegs pa rnams ni byin gyi brlabs rnam pa gnyis rnam par gzhag pas byang chub sems dpa' sems dpa' chen po rnams sangs rgyas rnams kyi zhabs la mgo bos gtug cing dri ba yongs su
244a8 'dri'o/ /byin gyi brlabs rnam pa gnyis rnam par gzhag pa gang zhe na/ 'di lta ste/ ting nge 'dzin la snyoms par 'jug pa dang / sku dang / zhal dang / gsung thams cad rab tu ston pa'i byin gyi brlabs dang / phyag gis dbang bskur ba'i byin
244b1 gyi brlabs so/ /de la blo gros chen po byang chub sems dpa' sems dpa' chen po rnams ni byang chub sems dpa'i sa dang po la sangs rgyas kyi byin gyi brlabs la rab tu gnas te/ 'di ltar byang chub sems dpa' theg pa chen po rab
244b2 tu snang ba zhes bya ba'i ting nge 'dzin la snyoms par 'jug cing / ting nge 'dzin de la snyoms par zhugs ma thag tu phyogs bcu'i 'jig rten na bzhugs pa'i sangs rgyas rnams kyi byin gyi brlabs kyi mthus kun du sku dang / zhal dang /
244b3 gsung thams cad rab tu ston te/ byang chub sems dpa' sems dpa' chen po rdo rje'i snying po dang / yon tan de lta bu'i mtshan nyid dang ldan pa'i byang chub sems dpa' sems dpa' chen po gzhan dag la ji lta ba bzhin no/ /blo gros
244b4 chen po 'di ni byang chub sems dpa'i sa dang po la byang chub sems dpa' sems dpa' chen po dag ting nge 'dzin la snyoms par 'jug par byin gyis brlabs pa rab tu thob pa zhes bya ste/ bskal pa brgya stong du dge ba'i rtsa ba
244b5 bsags pa las mngon par grub pa'o/ /rim gyis sa rnams kyis gnyen po dang mi mthun pa'i phyogs kyi mtshan nyid rtogs par khong du chud pas sa chos kyi sprin la 'jug ste/ pad ma chen po'i gzhal med khang khyad par
244b6 can na gnas shing pad ma chen po rin po che'i seng ge'i stan la 'dug nas/ skal ba mnyam pa'i byang chub sems dpa' sems dpa' chen po'i 'khor gyis yongs su bskor ba la rin po che sna tshogs kyi phreng bas lus rab
244b7 tu brgyan pas gser btso ma dang / me tog tsam pa ka dang / nyi ma dang / zla ba'i 'od zer ji lta ba bzhin no/ /phyogs bcu nas gshegs pa'i rgyal ba rnams pad ma chen po'i gzhal med khang na stan la 'dug pa de la spyi bo nas dbang
244b8 bskur bar mdzad de/ ji ltar dbang phyug dang / 'khor los sgyur ba'i rgyal po dang / lha'i dbang po'i bu bzhin du spyi bor dbang bskur ba mdzad pas 'di ni byang chub sems dpa' rnams kyi phyag gis dbang bskur ba'i byin gyi brlabs
245a1 shes bya'o/ blo gros chen po 'di ni byang chub sems dpa' sems dpa' chen po rnams kyi byin gyi brlabs rnam pa gnyis shes bya ste/ byang chub sems dpa' sems dpa' chen po gal te byin gyi brlabs rnam pa
245a2 gnyis la gnas na sangs rgyas thams cad mthong bar nus kyi/ de lta ma yin na ni mthong bar mi nus so/ /gzhan yang blo gros chen po byang chub sems dpa' sems dpa' chen po rnams ji tsam du ting nge 'dzin dang / rdzu 'phrul dang /
245a3 chos ston pa'i spyod pa rab tu dbye ba la sogs pa de dag thams cad ni de bzhin gshegs pa'i byin gyi brlabs rnam pa gnyis la gnas pas so/ /blo gros chen po byang chub sems dpa' sems dpa' chen po rnams gal te sangs
245a4 rgyas kyi byin gyi brlabs dang yongs su bral bas kyang spobs pas chos ston par nus na ni byis pa so so'i skye bo thams cad kyis kyang chos ston nus par 'gyur ro/ /de ci'i phyir zhe na/ 'di ltar byin gyi brlabs la mi gnas
245a5 pa'i phyir ro/ /blo gros chen po ri dang rdo dang / shing ljon pa dang / shing dang / rol mo'i chos cha byad rnam pa sna tshogs dang / grong khyer dang / grong rdal dang / khang pa dang / gzhal med khang dag kyang de bzhin gshegs pa grong khyer du byon
245a6 pa'i byin gyi brlabs kyis de dag thams cad las rol mo'i sgra rang byung na sems yod pa dag lta ci smos/ 'on pa dang / long ba dang / lkug pa dag kyang sdug bsngal rnam pa sna tshogs las rnam par 'grol te/ de bzhin
245a7 gshegs pa ni 'di lta bu la sogs pa'i byin gyi brlabs tshad med pas sems can rnams la phan 'dogs so/ /byang chub sems dpa' blo gros chen pos yang bcom ldan 'das la gsol pa/ bcom ldan 'das ci'i
245a8 rgyu dang rkyen gyis de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po ting nge 'dzin la snyoms par 'jug pa'i dus dang / khyad par gyi dbang bskur ba'i
245b1 dus la gnas pa dag la byin gyis rlob par mdzad/ bcom ldan 'das kyis bka' stsal pa/ blo gros chen po bdud kyi las dang nyon mongs pa spang ba'i phyir dang / nyan thos kyi sa dang bsam gtan du mi ltung zhing de bzhin gshegs pa so so
245b2 rang gis rig pa'i sa thob par bya ba'i phyir dang / thob par bya ba'i chos rnam par 'phel zhing khyad par can du bya ba'i phyir te/ des na de bzhin gshegs pa dgra bcom pa yang dag par rdzogs pa'i sangs rgyas rnams byin gyi
245b3 brlabs rnam par gzhag pas byang chub sems dpa' sems dpa' chen po rnams la byin gyis rlob par mdzad do/ /gal te byin gyi brlabs kyis byin gyis ma brlabs na mu stegs can gyi lta ba ngan pa'i rnam par rtog pa dang /
245b4 nyan thos dang / bdud kyi bsam par/ ltung zhing bla na med pa yang dag par rdzogs pa'i byang chub mngon par rdzogs par 'tshang mi rgya ste/ de ltar de'i phyir de bzhin gshegs pa rnams byin gyi brlabs kyis byang chub sems
245b5 dpa' sems dpa' chen po rnams rjes su bzung ba yin no/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /byin brlabs ldan pa mi yi gtso/ /smon lam chen po rnam dag
245b6 pa/ /ting nge 'dzin dang dbang bskur dag /dang por dang ni sa bcur 'byung // // // //'phags pa lang kar gshegs pa rin po che'i mdo las/ // bam po bzhi pa/ de nas yang bcom ldan
245b7 'das la byang chub sems dpa' sems dpa' chen po blo gros chen pos 'di skad ces gsol to/ /bcom ldan 'das kyis rten cing 'brel par 'byung ba bka' stsal pas/ rgyu dang rkyen rnam par brjod pa nyid mdzad kyi/ rang
245b8 gi tshul gyi gtam ni ma gsungs so/ /bcom ldan 'das mu stegs can rnams kyang rten cing 'brel par 'byung ba bshad de/ 'di lta ste/ gtso bo dang / dbang phyug dang / dus dang / rdul phra mo las dngos po rnams skye bar brjod
246a1 do/ /bcom ldan 'das kyis rgyu dang rkyen las dngos po rnams skye bar gsungs shing brjod pa la yang bar du chod pa dang bcas pa'i grub pa'i mtha' dang / bar du chod pa ma mchis pa'i grub pa'i mtha' mchis so/ /
246a2 bcom ldan 'das mu stegs can dag kyang mchis pa dang ma mchis pa las skye bar brjod/ bcom ldan 'das kyis kyang ma mchis pa las 'byung la byung nas kyang 'jig par gsungs te/ ji ltar bcom ldan 'das kyis
246a3 ma rig pa'i rkyen gyis 'du byed nas rga shi'i bar du gsungs pa 'di yang bcom ldan 'das kyis rgyu ma mchis par smra ba rnam par brjod pa gsungs kyi rgyur smra ba gsungs pa ma lags so/ /bcom ldan 'das kyis 'di yod pas
246a4 'di byung ngo zhes rnam par gzhag pa gsum pa 'di ni rim gyis 'byung bar gzhag pa ma lags par mu stegs can gyis rnam par brjod pa nyid bzang gi/ de bzhin gshegs pa'i ni de de lta ma lags so/ /de ci'i slad du zhe na/
246a5 bcom ldan 'das mu stegs can rnams kyis ni rten cing 'brel par 'byung ba ma lags pa'i rgyus 'bras bu mngon par sgrub bo/ /bcom ldan 'das kyis ni rgyu yang dngos po lta ltos/ dngos po yang rgyu la ltos pas rgyu dang
246a6 rkyen yang 'chol par 'gyur zhing de bzhin du phan tshun du thug pa ma mchis par yang 'gyur ro/ /bcom ldan 'das kyis bka' stsal pa/ blo gros chen po nga ni rgyu med par smra ba dang / rgyu dang rkyen chol por smra ba mi yin te/
246a7 'di yod par 'di 'byung ngo zhes brjod pa ni gzung ba dang 'dzin pa ngo bo nyid med pa dang / rang gi sems snang ba tsam du khong du chud pa'i phyir ro/ /blo gros chen po gang gzung ba dang 'dzin pa la mngon par zhen pa dang / phyi rol
246a8 gyi yul gyi dngos po dngos po med pa dang / rang gi sems snang ba tsam khong du ma chud pa de dag la ni 'di lta bu'i nyes par 'gyur gyi nga'i rten cing 'brel par 'byung ba la ni ma yin no/ /blo gros chen pos yang gsol pa/ bcom ldan 'das brjod
246b1 pa dngos po ma mchis pa lags na dngos po thams cad kyang mchis pa ma lags sam/ bcom ldan 'das dngos po dag ma mchis su lags na ni brjod pa yang 'byung bar mi 'gyur na/ bcom ldan 'das de'i slad du brjod pa dngos
246b2 po mchis pas dngos po thams cad kyang mchis so/ /bcom ldan 'das kyis bka' stsal pa/ blo gros chen po dngos po med pa dag kyang brjod pa yod de/ 'di lta ste/ ri bong gi rwa dang / rus sbal gyi spu la sogs pa 'jig rten na
246b3 brjod par snang mod kyi blo gros chen po de dag ni dngos po yang ma yin dngos po med pa ma yin te brjod pa tsam du zad do/ /ji ltar khyod kyis smras pa ltar rjod pa rang bzhin yod pas dngos po thams cad kyang yod na ni de lta na khyod kyi smra ba de ni
246b4 nyams par 'gyur ro/ /blo gros chen po brjod pa ni sangs rgyas rnams kyi zhing thams cad ni yod pa ma yin te brjod pa ni byas pa'o/ /blo gros chen po sangs rgyas kyi zhing la la na mig mi 'dzums pas/ la la na mtshan ma bstan pas/
246b5 la la na smin ma bskyod pas/ la la na mig rig rig byas pas/ la la na brgod pas/ la la na glal bas/ la la na se gol gyi sgras/ la la na zhing dran pas/ la la na bskyod pas chos ston te/ blo gros chen po dper na/ 'jig rten gyi
246b6 khams mig mi 'dzums pa dang / spos brtsegs dang / de bzhin gshegs pa kun du bzang po'i zhing khams na spyan mi 'dzums par gzigs pa tsam gyis byang chub sems dpa' dag mi skye ba'i chos la bzod pa dang / khyad par
246b7 gyi ting 'dzin gzhan dag kyang rab tu 'thob par mdzad do/ /blo gros chen po de'i phyir brjod pa yod pas dngos po thams cad yod pa ni ma yin no/ /blo gros chen po de ni 'jig rten 'di na yang snang ste/ srin bu dang / sbrang ma la sogs
246b8 pa'i sems can dag kyang rjod pa med par rang gi bya ba byed do/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /nam mkha' ri bong rwa dag dang / /mo sham gyi ni bu dag kyang / /med kyang tshig
247a1 tu brjod pa ltar/ /dngos la rtog pa'ang de bzhin no/ /rgyu rkyen 'dus pa'i chos dag la/ /skye bar byis pa rnam rtog ste/ /tshul 'di rab tu mi shes pas/ /srid gsum gnas na rab tu 'khyam/ /de nas yang byang chub sems dpa'
247a2 sems dpa' chen po blo gros chen pos bcom ldan 'das la 'di skad ces gsol to/ /bcom ldan 'das kyis gang la rtag pa'i sgrar gsungs/ bcom ldan 'das kyis bka' stsal pa/ blo gros chen po nor ba'i phyir te/ nor pa
247a3 'di ni 'phags pa rnams la yang snang mod kyi phyin ci log tu ni ma yin no/ /blo gros chen po 'di ltar 'jig rten na mi mkhas pa dag gis smig rgyu dang / mgal me'i 'khor lo dang / skra shad 'dzings pa dang / dri za'i grong
247a4 khyer dang / sgyu ma dang / rmi lam dang / gzugs brnyan dag la phyin ci log tu 'dzin gyi/ mkhas pa rnams kyis ni ma yin te mi snang ba yang ma yin no/ /blo gros chen po nor pa de dag ni rnam pa du mar snang yang nor pas mi rtag
247a5 par byed pa ma yin no/ /de ci'i phyir zhe na/ 'di lta ste/ dngos po dang dngos po med pa rnam par spongs pa'i phyir ro/ /blo gros chen po ji ltar na nor pa dngos po dang dngos po med pa rnam par spangs she na/ 'di lta ste/ byis pa thams
247a6 cad kyi spyod yul sna tshogs pa'i phyir ro/ /ji ltar gang gA'i klung de yi dags rnams kyis mthong ba dang mi mthong ba'i phyir nor pa ni dngos po yod pa ma yin no/ /gzhan dag la snang bas na de'i phyir dngos po med pa yang ma yin te/
247a7 de ltar na nor pa ni 'phags pa rnams phyin ci log dang phyin ci log ma yin pa rnam par spangs pas de'i phyir nor pa ni rtag pa ste/ 'di lta ste/ mtshan ma'i mtshan nyid mi 'jig pa'i phyir ro/ /blo gros chen po nor pa ni mtshan ma sna
247a8 tshogs ma yin te/ rnam par rtog pa'i mtshan ma 'jig pas de'i phyir nor pa ni rtag pa'o/ /blo gros chen po ji ltar na nor pa de kho na yin zhe na/ gal te yang rgyu dang rkyen gyi nor pa 'di la 'phags pa rnams phyin ci log gi blo dang phyin
247b1 ci log ma yin pa'i blo yang mi skyed na'o/ /blo gros chen po 'phags pa rnams ma gtogs par nor pa 'di la chung zad tsam du 'du shes yod pa ni 'phags pa'i ye shes kyi dngos po'i mtshan nyid ma yin no/ /blo gros chen po chung zad tsam
247b2 zhes bya ba de ni byis pa rnams kyi rnam par brtags pas brjod pa yin te/ 'phags pas brjod pa ni ma yin no/ /nor pa de yang phyin ci log dang phyin ci log ma yin par rnam par brtags pas rigs rnam pa gnyis skyed de/ 'di lta
247b3 ste/ 'phags pa'i rigs dang / byis pa so so'i skye bo'i rigs so/ /'phags pa'i rigs kyang rnam pa gsum du dbye bas 'di lta ste/ nyan thos kyi theg pa dang / rang sangs rgyas kyi theg pa dang / sangs rgyas kyi theg pa'o/ /ji
247b4 ltar na byis pa so so'i skye bo rnams rnam par brtags pas nyan thos kyi theg pa'i rigs skyed ce na/ 'di lta ste/ rang dang spyi'i mtshan nyid la mngon par zhen pas nyan thos kyi rigs su 'gyur te/ de ltar na rnam par dag pas nyan thos kyi
247b5 theg pa'i rigs skyed par byed pa yin no/ /blo gros chen po nor pa de nyid rnam par brtags pa rang sangs rgyas kyi theg pa'i rigs bskyed par byed de/ 'di lta ste/ nor pa de nyid kyi rang dang spyi'i mtshan nyid du sgom pa na mngon par zhen pa med
247b6 pas rang sangs rgyas kyi theg pa'i rigs skyed par byed pa yin no/ /ji ltar na mkhas pa rnams kyis nor pa de nyid la rnam par brtags pas sangs rgyas kyi theg pa'i rigs skyed par byed pa yin zhe na/ 'di lta ste/ rang gi sems
247b7 snang ba tsam du khong du chud pas phyi rol gyi dngos po dang / dngos po med par rnam par mi rtog na sangs rgyas kyi theg pa'i rigs skyed par byed pa yin te/ 'di ni nor pa de nyid las sangs rgyas kyi theg pa'i rigs skyed par byed pa zhes bya'o/ /
247b8 gzhan yang dngos po sna tshogs kyi rang bzhin du nor pa la byis pa rnams kyis rnam par brtags pas na byis pa so so'i skye bo'i rigs skyed par byed de/ de ni dngos po yang ma yin/ dngos po med pa yang ma yin pa ni rigs kyi don ces bya'o/
248a1 blo gros chen po nor pa de nyid la rnam par mi rtog pas 'phags pa rnams sems dang / yid dang / yid kyi rnam par shes pa las 'das pa'i phyir bag chags kyi rang bzhin gyi chos las gzhan du gyur pa'i dngos po ni de
248a2 bzhin nyid ces bya ste/ de'i phyir de bzhin nyid ni sems las grol ba'o zhes tshig 'di ngas smras te/ mtshan ma rnam par spangs pa bstan pa'i phyir mtshan ma thams cad dang bral ba'o zhes smras pa yin no/ /blo gros chen pos bcom ldan
248a3 'das la gsol pa/ bcom ldan 'das nor pa mchis pa'am ma mchis pa zhig lags/ bcom ldan 'das kyis bka' stsal pa/ blo gros chen po ji ltar sgyu ma bzhin du mngon par zhen pa'i mtshan nyid med de/ gal te nor pa la
248a4 mngon par zhen pa'i mtshan nyid yod na ni mngon par zhen pa'i dngos po zlogs par mi 'gyur la/ rten cing 'brel par 'byung ba 'di yang mu stegs can gyi rgyu las skye ba bzhin du 'gyur ro/ /blo gros chen pos bcom ldan 'das la gsol
248a5 pa/ bcom ldan 'das gal te nor pa de sgyu ma dang mtshungs pa zhig lags na ni de ltar na nyon mongs pa gzhan gyi rgyu bgyid par 'gyur ro/ /bcom ldan 'das kyis bka' stsal pa/ blo gros chen po sgyu ma ni nor pa'i rgyu ma yin te/
248a6 gnas ngan len gyi nyes pa mi skyed pa'i phyir ro/ /blo gros chen po sgyu ma ni gnas ngan len gyi nyes pa mi skyed de/ rnam par rtog pa med pa'i phyir ro/ /blo gros chen po sgyu ma ni gzhan gyi rig sngags kyi mthu las 'byung gi rang gi rnam
248a7 par rtog pa'i gnas ngan len gyi bag chags las skyes pa ma yin pas de'i phyir nyes pa skyed par byed pa ma yin no/ /blo gros chen po byis pa so so'i skye bo rnams kyi nor pa'i sems kyi mngon par zhen pa yin gyi 'phags pa
248a8 rnams ni ma yin no/ /de nas bcom ldan 'das kyis don de nyid yang bstan pa'i phyir tshigs su bcad pa 'di gsungs so/ /'phags pas nor pa mi mthong ste/ /dbus na'ang yang dag yod ma yin/ /gal te dbus de yang dag
248b1 na/ /nor pa'ang yang dag nyid du 'gyur/ /nor pa thams cad spangs nas kyang / /gal te mtshan ma yang skyed na/ /de nyid kyang ni nor pa ste/ /rab rib yongs su ma dag bzhin/ /gzhan yang blo gros chen po sgyu ma ma yin pa chos
248b2 dang mtshungs pa yod pa ma yin pas chos thams cad sgyu ma lta bur mthong ngo / /bcom ldan 'das la blo gros chen pos gsol pa/ bcom ldan 'das ni sgyu ma sna tshogs kyi mtshan nyid la mngon par zhen pas chos thams cad
248b3 sgyu ma lta bu lags sam/ 'on te tha dad pa'i mtshan nyid la mngon par zhen pas lags/ gal te sgyu ma rnam pa sna tshogs kyi mtshan nyid la mngon par zhen pas dngos po thams cad sgyu ma lta bu lags na ni/ bcom ldan 'das
248b4 dngos po rnams sgyu ma lta bu lags par 'gyur ro/ /de ci'i slad du zhe na/ 'di ltar gzugs sna tshogs kyi mtshan nyid ni rgyu ma mchis pa ma lags la/ bcom ldan 'das rgyu gang yang gzugs sna tshogs kyi mtshan nyid sgyu ma lta bur snang bar
248b5 bgyid pa ma mchis so/ /bcom ldan 'das de'i slad du sgyu ma sna tshogs kyi mtshan nyid la mngon par zhen pa dang chos 'thun pa ma mchis pas dngos po rnams sgyu ma lta bu ma lags so/ /bcom ldan 'das kyis bka' stsal pa/ blo gros
248b6 chen po sgyu ma sna tshogs kyi mtshan nyid la mngon par zhen pa dang / chos 'thun pas chos thams cad sgyu ma lta bu ma yin mod kyi/ 'on kyang blo gros chen po chos thams cad ni yang dag pa ma yin te/ myur du 'jig pa glog dang 'dra bas
248b7 na sgyu ma lta bu zhes bya'o/ /blo gros chen po dper na glog 'gyu ba skad cig tu 'byung la/ byung nas 'jig pa ni byis pa so so'i skye bo rnams la mi snang ste/ de bzhin du chos thams cad kyang rang gi rnam par rtog pa'i rang dang spyi'i
248b8 mtshan nyid la dngos po med par rab tu rnam par 'byed pa med pa dang / gzugs kyi mtshan nyid la mngon par ma chags pa med pa las snang ngo / /de nas bcom ldan 'das kyis don de nyid yang bstan pa'i phyir/
249a1 tshigs su bcad pa 'di gsungs so/ /sgyu mar med min chos 'thun pas/ /dngos po rnams ni sgyu mar brjod/ /yang dag ma yin glog 'dra bas/ /de phyir sgyu ma lta bur bshad/ /blo gros chen pos yang bcom ldan
249a2 'das la gsol pa/ 'di ltar bcom ldan 'das kyis dngos po thams cad ni ma skyes pa dang / sgyu ma lta bu zhes gsungs pas/ bcom ldan 'das kyis de skad du bka' stsal pa'i tshig snga ma dang / slad ma 'gal ba nongs par mi
249a3 'gyur ram ci na dngos po rnams skye ba ma mchis pa dang / sgyu ma lta bu zhes gsungs/ bcom ldan 'das kyis bka' stsal pa/ blo gros chen po ngas dngos po rnams skye ba med pa dang / sgyu ma lta bur brjod kyang tshig snga phyi 'gal ba'i
249a4 nyes par mi 'gyur ro/ /de ci'i phyir zhe na/ 'di lta ste/ skye ba rnams skye ba med pa dang / rang gi sems snang ba tsam du rtogs pa dang / phyi rol gyi dngos po dang dngos po med pa yod pa dang med pa las mi skye bar mthong bas na/ blo gros
249a5 chen po nga'i tshig snga phyi 'gal ba'i nyes par mi 'gyur te/ 'on kyang mu stegs can gyi rgyu las skye ba gzhig pa'i phyir ngas dngos po thams cad ma skyes pa zhes bshad do/ /blo gros chen po mu stegs can glen pa'i tshogs mang po rnams
249a6 ni dngos po rnams yod pa dang / med pa las skye bar 'dod de/ rang gi rnam par rtog pa sna tshogs la mngon par zhen pa'i rkyen gyis ni ma yin no/ /blo gros chen po nga ni yod na yang ma yin/ med na yang mi skye ste/ de'i phyir nga ni skye ba med
249a7 pa'i tshig nyid du brjod de/ blo gros chen po dngos por bstan pa ni 'khor bar yongs su 'dzin pa'i phyir dang / med do zhes chad par lta ba rnam par bzlog pa'i phyir dang / nga'i slob ma rnams las sna tshogs kyis skye ba'i gnas
249a8 yongs su 'dzin par bstan pa'i phyir dngos po'i sgras 'khor ba yongs su 'dzin par byed do zhes bshad do/ /blo gros chen po sgyu ma lta bu'i rang bzhin dang mtshan nyid bstan pa ni dngos po'i rang bzhin dang mtshan nyid yongs su
249b1 spang ba'i phyir te/ byis pa so so'i skye bo lta ba ngan pa'i mtshan nyid du lhung ba'i bsam pa can rang gi sems snang ba' tsam du ma gtogs pas/ rgyu dang rkyen dang byed pa'i rang gi mtshan nyid du mngon par zhen pa rnams
249b2 rnam par gzhag pa'i phyir chos thams cad sgyu ma dang rmi lam gyi rang bzhin dang mtshan nyid du bstan to/ /ci nas kyang byis pa so so'i skye bo lta ba ngan pa'i bsam pa can/ bdag dang gzhan dang / chos thams cad la mngon
249b3 par zhen pa/ yang dag pa ji lta ba bzhin gyi gnas su mthong ba dag log par smra bar mi bya ba'i phyir te/ blo gros chen po chos thams cad kyi yang dag par gnas pa ji lta ba bzhin du mthong ba ni 'di lta ste/ rang gi
249b4 sems snang ba tsam las 'das pa'o/ /de nas bcom ldan 'das kyis don de nyid bstan pa'i phyir tshigs su bcad pa 'di gsungs so/ /skye med byed pa dngos ma yin/ /dngos pos 'khor ba kun sdud de/ /sgyu ma
249b5 la sogs 'dra mthong na/ /mtshan nyid la ni rnam mi rtog /gzhan yang blo gros chen po ming dang / tshig dang / yi ge'i tshogs kyi mtshan nyid du rab tu bshad par bya ste/ ming dang / tshig dang / yi ge'i tshogs rab tu rtogs
249b6 pa'i byang chub sems dpa' sems dpa' chen po gang gis don dang / tshig dang / yi ge'i tshogs kyi rjes su zhugs pa ni myur du bla na med pa yang dag par rdzogs pa'i byang chub mngon par rdzogs par 'tshang rgya ste/ mngon
249b7 par rdzogs par sangs rgyas nas sems can thams cad kyang de bzhin du khong du chud par byed do/ /blo gros chen po de la ming gi tshogs shes bya ba ni 'di lta ste/ dngos po gang la brten nas ming du gdags pa ni ming
249b8 gi tshogs shes bya'o/ /blo gros chen po tshig gi tshogs ni 'di lta ste/ tshig gang don gyi tshogs dang ldan pa dang / rang gi ngo bo nyid gdon mi za ba dang / mthar thug pa de ni tshigs gis tshogs shes bya'o/ /blo gros chen po
250a1 yi ge'i tshogs ni 'di lta ste/ gang gis ming dang tshig gsal bar byed pa de ni yi ge'i tshogs shes bya'o/ /yang yi ge'i tshogs ni 'di lta ste/ ring po dang / thung ngu dang / mtho ba dang / dma' ba'o/ /yang tshig gi
250a2 tshogs ni 'gro ba'i rjes lta bu ste/ 'di ltar glang po che dang / rta dang / mi dang / ri dgas la sogs pa gang sa la 'gro ba'i rjes rnams ni tshig gi tshogs shes bya ba'i ming 'thob bo/ /blo gros chen po ming dang yi ge ni 'di lta ste/
250a3 ming gis phung po gzugs med pa bzhi brjod pa'i phyir ro/ /rang gi mtshan nyid snang bar byed pas ni yi ge ste/ de ni ming dang / yi ge'i tshogs shes bya'o/ /'di ni ming dang / tshig dang / yi ge'i tshogs rnams brjod pa'i mtshan nyid de/
250a4 de la khyod kyis nan tan du bslab par bya'o/ /de nas bcom ldan 'das kyis don de nyid yang bstan pa'i phyir tshigs bcad pa 'di gsungs so/ /ming dang tshig gi tshogs rnams dang / /yi ge'i tshogs la bye brag tu/ /mi shes
250a5 byis pa chags pa ni/ /ji ltar glang chen rdzab bying bzhin/ /gzhan yang blo gros chen po ma 'ongs pa'i dus na mkhas pa dag gis gcig pa dang / tha dad pa dang / gnyi ga dang / gnyi ga ma yin par lta ba'i mtshan nyid las rnam par grol ba/
250a6 ngas rtogs pa'i don rnams mi mkhas pa de dag la dris pa na de dag 'di skad du 'di ni tshul bzhin 'dri ba ma yin no zhes zer zhing 'di lta ste/ gzugs la sogs pa dang / mi rtag pa gcig gam tha dad ces bya ba dang / de bzhin du mya
250a7 ngan las 'das pa las 'du byed dang / mtshan nyid las mtshan nyid kyi gzhi dang / yon tan las yon tan can dang / 'byung ba las 'byung ba las gyur pa dang / mthong ba las mthong bar bya ba dang / rdul las rdul phra mo dang /
250a8 sgrub pa las rnal 'byor pa dang / de bzhin du gcig la gcig phan tshun dpag pa'i mtshan nyid kyi tshul gyis de dag la sogs pa dris pa rnams bcom ldan 'das kyis lung bstan to/ /zhes zer ro/ /de la gzhag pa'i lung
250b1 bstan pa ni skyes bu gti mug can de dag gis shes par 'gyur ba ma yin te/ 'di ltar nyan pa'i blo dang mi ldan pa'i phyir de bzhin gshegs pa dgra bcom pa yang dag par rdzogs pa'i sangs rgyas rnams de dag skrag pa'i gnas
250b2 spang ba'i phyir lung mi bstan pa rnams lung mi ston to/ /gzhan yang mu stegs can gyi lta bar smra ba gzhig pa'i phyir ma bshad do/ /blo gros chen po mu stegs can ni 'di skad du smra ste/ 'di ltar srog de nyid ni lus yin no zhes
250b3 bya ba la sogs pa lung du mi ston pa smra ba/ blo gros chen po mu stegs can rgyu la rnam par rmongs pa rnams ni lung mi ston pa smra'i/ nga'i gsung rab la ni ma yin no/ /blo gros chen po nga'i gsung rab ni gzung ba dang / 'dzin pa
250b4 rnam par spangs shing rnam par rtog pa mi skye ba'o/ /ji ltar de dag bzlog ce na/ blo gros chen po gang gzung ba dang / 'dzin pa la mngon par zhen cing rang gi sems snang ba tsam du mi shes pa de dag la ni rnam par bzlog pa yod do/ /
250b5 blo gros chen po de bzhin gshegs pa dgra bcom pa yang dag par rdzogs pa'i sangs rgyas rnams ni lung bstan pa rnam pa bzhis sems can rnams la chos ston to/ /blo gros chen po gzhag pa'i lung bstan pa de ni ngas skabs
250b6 skabs su dbang po yongs su ma smin pa rnams la bshad pa yin gyi/ dbang po yongs su smin pa la ni ma yin no/ /gzhan yang blo gros chen po chos thams cad ni bya ba'i rgyu rkyen dang bral ba'i phyir mi skye la/ byed pa med
250b7 pa'i phyir yang chos thams cad mi skye'o/ /blo gros chen po ji ltar na dngos po thams cad ngo bo nyid med pa yin zhe na/ 'di ltar rang gi blos rnam par dpyad pa'i tshe rang dang spyi'i mtshan nyid kyi dngos po mi dmigs pas na/ de'i
250b8 phyir chos thams cad mi skye bar bshad do/ /blo gros chen po ji ltar na chos thams cad 'ong ba dang / 'gro ba med pa yin zhe na/ 'di ltar rang dang spyi'i mtshan nyid blang bar 'dod na yang 'ong ba'i gnas med la/ dor bar 'dod na
251a1 yang 'gro ba'i gnas med pas/ de'i phyir chos thams cad 'ong ba dang / 'gro ba dang bral ba yin no/ /blo gros chen po ci'i phyir chos thams cad mi 'gag pa yin zhe na/ 'di ltar dngos po'i rang bzhin gyi mtshan nyid med
251a2 pa'i phyir dang / chos thams cad dmigs su med pa'i phyir/ chos thams cad mi 'gag pa yin no/ /blo gros chen po ji ltar na chos thams cad mi rtag pa yin zhe na/ 'di lta ste/ mtshan nyid skye ba mi rtag pa yod pas/ de'i phyir
251a3 chos thams cad mi rtag pa zhes bshad do/ /blo gros chen po ji ltar chos thams cad rtag pa yin zhe na/ 'di lta ste/ mtshan nyid skye ba mi skye ba'i dngos po mi rtag pas rtag ste/ de'i phyir chos thams cad rtag pa zhes bshad do/ /de nas
251a4 bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /lung bstan pa ni rnam bzhi ste/ /mgo gcig dang ni dri ba dang / /rnam par dbye dang gzhag pa rnams/ /mu stegs smra ba
251a5 bzlog pa'o/ /yod dang med las skye bar ni/ /grangs can dang ni khyad par shes/ /lung du mi ston thams cad kyang / /de dag nyid kyis rab tu bstan/ /blo yis rnam par gzhigs na yang / /rang bzhin dag ni mi dmigs te/ /rjod pa dag
251a6 dang bral ba'i phyir/ /rang bzhin bral ba rab tu bstan/ /de nas yang byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /bcom ldan 'das rgyun du zhugs pa rnams kyi
251a7 rgyun du zhugs pa'i 'gro ba rab tu dbye ba'i tshul gyi mtshan nyid bshad du gsol/ /byang chub sems dpa' sems dpa' chen po gang gis rgyun du zhugs pa rnams kyi 'gro ba rab tu dbye ba'i tshul gyi mtshan nyid la mkhas na/ lan
251a8 cig phyir 'ong ba dang / phyir mi 'ong ba dang / dgra bcom par 'gyur ba'i thabs kyi mtshan nyid rnam par dbye ba rig nas sems can rnams la de lta de lta bur chos bstan pa dang / 'di lta ste/ ci nas bdag ma mchis pa gnyis kyi
251b1 mtshan nyid dang / sgrib pa gnyis yongs su sbyangs te/ sa rnams kyi sa'i mtshan nyid las 'da' ba rtogs par khong du chud de/ de bzhin gshegs pa'i bsam gyis mi khyab pa mthar thugs pa'i spyod yul rab tu rnyed nas/ ji ltar gzugs sna
251b2 tshogs kyi nor bu dang 'dra bar sems can thams cad la shin du phan 'dogs shing / chos thams cad kyi spyod yul dang / bsam pa 'tshal ba'i lus dang / longs spyod kyis thams cad nye bar 'tsho bar 'gyur ro/ /bcom ldan 'das kyis
251b3 bka' stsal pa/ blo gros chen po legs par nyon la yid la zung shig dang ngas khyod la bshad do/ /bcom ldan 'das la blo gros chen pos gsol pa/ legs so bcom ldan 'das de bzhin du 'tshal lo zhes bka' mnyan pa dang / bcom ldan
251b4 'das kyis 'di skad ces bka' stsal to/ /blo gros chen po rgyun du zhugs pa dag gis rgyun du zhugs pa'i 'bras bu rab tu dbye ba ni rnam pa gsum yod de/ gsum gang zhe na/ 'di lta ste/ tha ma dang / bar ma dang / mchog go/ /de la tha ma ni de
251b5 ltar thog ma na tshe'i srid pa bdun no/ /bar ma ni srid pa gsum dang lngas yongs su mya ngan las 'da' bar 'gyur ba'o/ /mchog ni tshe de nyid la yongs su mya ngan las 'da' bar 'gyur ba'o/ /gsum po de dag la kun du sbyor ba gsum yod de/
251b6 chung ngu dang / 'bring dang / chen po dag yin no/ de la kun du sbyor ba gsum gang zhe na/ 'di lta ste/ 'jig tshogs la lta ba dang / the tsom dang / tshul khrims dang / brtul zhugs mchog tu 'dzin pa ste/ kun du sbyor ba de gsum gyi bye brag gis
251b7 gong nas gong du khyad par can du gyur nas dgra bcom pa'i 'bras bu 'thob par 'gyur ro/ /blo gros chen po 'jig tshogs la lta ba yang rnam pa gnyis yod de/ 'di lta ste/ lhan cig skyes pa dang / kun du brtags pa ltar gzhan gyi dbang la
251b8 kun brtags pa'i rang bzhin gyi rnam par rtog pa bzhin no/ /dper na gzhan gyi dbang gi rang bzhin la brten nas kun du brtags pa'i rang bzhin la mngon par zhen pa sna tshogs 'byung ste/ de yod pa yang ma yin/ med pa yang ma yin/ /de gnyi
252a1 ga yang ma yin te/ yang dag pa ma yin pa kun brtags pa'i mtshan nyid kyi phyir te/ byis pa so so'i skye bo rnams kyi rnam par rtog pas/ sna tshogs kyi rang bzhin gyi mtshan nyid la mngon par zhen pa ni/ dper na smig rgyu
252a2 la ri dgas skom pa rnams gyi chu'i 'du shes 'byung ba lta bu ste/ de ni rgyun du zhugs pa'i kun du brtags pa'i 'jig tshogs la lta ba'o/ /de yang gang zag la bdag med pas dngos po med par gzung ba'i phyir yun ring po nas mi shes
252a3 pa dang / mngon par shes pa rnams spong bar 'gyur ro/ blo gros chen po lhan cig skyes pa ni rgyun du zhugs pas bdag dang / gzhan gyi lus mnyam pa nyid du mthong ba dang / phung po bzhi la gzugs kyi mtshan nyid med pa'i phyir dang /
252a4 gzugs skye ba 'byung ba dang / 'byung ba las gyur pa'i phyir dang / phan tshun rgyu ba'i mtshan nyid kyi phyir dang / 'byung ba dang / gzugs rnams bsags pa ma yin pa'i phyir dang / rgyun du zhugs pas yod pa dang med pa'i phyogs
252a5 brtags na mi snang bas 'jig tshogs la lta ba spangs par 'gyur ro/ /de ltar 'jig tshogs la lta ba spangs pas 'dod chags mi 'byung ste/ 'di ni 'jig tshogs la lta ba'i mtshan nyid do/ /blo gros chen po the tsom gyi
252a6 mtshan nyid ni 'di lta ste/ chos thob pa legs par mthong ba'i mtshan nyid kyi phyir dang / snga ma'i 'jig tshogs la lta ba rnam pa gnyis kyi rnam par rtog pa spongs pa'i phyir chos rnams la the tsom mi skye bas gzhan la ston pa
252a7 'am/ dag pa'am/ ma dag pa'i lta ba skyed par mi byed de/ 'di ni rgyun du zhugs pa the tsom spangs pa'i mtshan nyid do/ /blo gros chen po ci'i phyir rgyun du zhugs pa'i tshul khrims mi snyems she na/ 'di lta ste/ skye
252a8 ba'i gnas kyi sdug bsngal gyi mtshan nyid rab tu mthong bas na de'i phyir mi snyems so/ /blo gros chen po snyems pa ni 'di lta ste/ byis pa so so'i skye bo dag mi 'gyur bar dka' thub len cing sbyor ba dag gis longs spyod
252b1 dang / bde ba 'dod pa'i phyir skye ba gnyer bar byed do/ /de de ltar mi snyems pa yang gzhan du na 'di ltar yongs su sngo bar byed de/ so so rang gis rig pa'i khyad par rnam par rtog pa dang bral ba zag pa med pa'i chos kyi mtshan nyid
252b2 la rab tu sbyor ba'i phyir tshul khrims kyi yan lag yang dag par len cing srung bar byed di/ 'di ni rgyun du zhugs pa'i tshul khrims dang / brtul zhugs spangs pa'i mtshan nyid yin no/ /rgyun du zhugs pas kun du sbyor ba
252b3 gsum spangs pa la ni 'dod chags dang / gti mug mi 'byung ste/ gal te rgyun du zhugs pa 'di snyam du kun du sbyor ba 'di rnams ni bdag la mngon par ma grub bo snyam du sems ni nyes pa rnams gnyis yod par 'gyur
252b4 te/ 'jig tshogs la lta bar song ba dang / kun du sbyor ba rnams ma spongs pa'o/ /blo gros chen pos bcom ldan 'das la gsol pa/ bcom ldan 'das kyis ni 'dod chags kyi rnam pa mang du gsungs na/ des 'dod
252b5 chags gang zhig spangs lags/ bcom ldan 'das kyis bka' stsal pa/ blo gros chen po bud med la sred cing 'dod pa dang / mngon par chags shing zhen pa'i thabs rnam pa sna tshogs las byung ba/ lus dang ngag gi
252b6 las kha na ma tho ba dang bcas pa des da ltar gyi bde ba la sred cing ma 'ongs pa na sdug bsngal skye bar 'gyur ba de dag de la mi 'byung ngo / /de ci'i phyir zhe na/ ting nge 'dzin gyi bde ba la gnas pa thob pas de'i phyir de spangs pa yin
252b7 te/ mya ngan las 'das pa rtogs par bya ba'i 'dod chags spangs pa ni ma yin no/ /blo gros chen po lan cig phyir 'ong ba'i mtshan nyid gang zhe na/ 'di lta ste/ gzugs kyi mtshan nyid cig snang zhing rnam par rtog pa skye ba'i
252b8 mtshan nyid du mthong ba'i mtshan nyid mi skye ba dang / bsam gtan gyi mtshan nyid rab tu mthong ba'i phyir 'jig rten 'dir 'ongs nas cig car sdug bsngal mthar byas te mya ngan las 'das pa 'thob par byed pas de'i phyir
253a1 lan cig phyir 'ong ba zhes bya'o/ /blo gros chen po ji ltar na phyir mi 'ong ba yin zhe na/ 'di lta ste/ 'das pa dang / ma 'ongs pa dang / da ltar byung ba'i gzugs kyi mtshan nyid kyi dngos po rnams dngos po med pa
253a2 dang / lta ba'i nyes pa skyes pa'i nyon mongs pa'i rnam par rtog pa mi skye ba'i phyir dang / kun du sbyor ba spangs pa'i phyir phyir mi 'ong ba zhes bya'o/ /blo gros chen po dgra bcom pa ni 'di lta ste/ bsam gtan dang / ting nge 'dzin
253a3 dang / rnam par thar pa dang / stobs dang / rig pa dang / nyon mongs pa dang / sdug bsngal rnam par rtog pa'i dngos po med pas de'i phyir dgra bcom pa zhes bya'o/ /blo gros chen pos bcom ldan 'das la gsol pa/
253a4 bcom ldan 'das kyis dgra bcom pa rnam pa gsum du bka' stsal na/ 'dir dgra bcom pa gang dag la bgyi bar bka' stsal/ ci bcom ldan 'das zhi ba phyogs gcig pa theg pa gcig gis lam rab tu thob pa 'am/
253a5 'on te byang chub sems dpa' sems dpa' chen po thabs kyis de ltar ston pa'i dgra bcom pa'am/ de ste sangs rgyas kyi 'phrul pas sprul pa zhig lags/ bcom ldan 'das kyis bka' stsal pa/ blo gros chen
253a6 po zhi ba phyogs gcig pa theg pa gcig gi lam du thob pa'i nyan thos yin gyi/ gzhan dag ni ma yin no/ /gzhan ni byang chub sems dpa'i spyad pa spyod pa dang / sangs rgyas kyi 'phrul pas sprul pa rnams te/
253a7 thabs la mkhas pa dang / sngon gyi smon lam gyi dbang gis 'khor gyi dkyil 'khor du skye ba ston te/ sangs rgyas 'khor gyi dkyil 'khor mdzes par bya ba'i phyir ro/ /blo gros chen po rnam par rtog pa 'jug pa'i
253a8 gnas su rnam pa sna tshogs kyi chos bstan pa ni 'di lta ste/ 'bras bu 'thob par bya ba dang / bsam gtan 'thob par bya ba'o/ /de la bsam gtan ni bsam gtan la zhugs pa na/ rab tu dben pa'i phyir dang /
253b1 rang gi sems snang bar ston pas 'bras bu 'thob pa'i mtshan nyid ni 'bras bu thob pa zhes bya'o/ /gzhan yang blo gros chen po bsam gtan dang / tshad med pa dang / gzugs med pa'i khams las shin du bzla bar 'dod
253b2 na/ rang gi sems snang ba'i mtshan nyid las ldog par bya'o/ /blo gros chen po 'du shes dang tshor ba 'gog pa'i snyoms par 'jug pa ni rang gi sems snang ba las 'das shes byar mi rung ste/ de ci'i phyir zhe na/ sems
253b3 snang ba yod pa'i phyir ro/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /bsam gtan rnams dang tshad med bzhi/ /gzugs med pa yi ting 'dzin dang / /tshor ba 'du
253b4 shes 'gog pa rnams/ /sems tsam la ni de yod min/ /rgyun du zhugs pa'i 'bras bu dang / /lan cig phyir 'ong phyir mi 'ong / /dgra bcom pa yi 'bras bu rnams/ /de dag thams cad sems 'khrul pa/ /bsam
253b5 gtan dang ni bsam gtan rkyen/ /spong shes bden pa yang dag mthong / /de dag rtog pa tsam yin par/ /gang gis rtogs pa de 'grol lo/ /gzhan yang blo gros chen po blo rnam pa gnyis yod de/ 'di lta ste/ rab tu rnam par 'byed
253b6 pa'i blo dang / rnam par rtog pa'i mtshan nyid 'dzin pa la mngon par zhen pas rnam par gzhag pa'i blo'o/ /de la blo gros chen po rab tu rnam par 'byed pa'i blo ni 'di lta ste/ blo gang gis dngos po'i rang bzhin gyi
253b7 mtshan nyid rab tu gzhigs na mtha' bzhi dang bral bas mi dmigs pa 'di ni rab tu rnam par 'byed pa'i blo zhes bya'o/ /de la blo gros chen po mtha' bzhi ni 'di lta ste/ /gcig pa dang / tha dad pa dang / gnyi ga dang / gnyi ga ma
253b8 yin pa dang / yod pa dang med pa dang / yod pa yang ma yin/ med pa yang ma yin pa dang / rtag pa dang / mi rtag pa ni mtha' bzhi zhes bshad de/ blo gros chen po mtha' bzhi po de dag dang bral ba ni chos thams cad ces bya'o/ /
254a1 blo gros chen po mtha' bzhi po 'dis chos thams cad yongs su brtags pa la rab tu bslab par bya'o/ /de la blo gros chen po rnam par rtog pa'i mtshan nyid 'dzin pa la mngon par zhen pas rnam par gzhag pa'i blo gang
254a2 zhe na/ 'di lta ste/ rnam par rtog pa'i mtshan nyid 'dzin pa la mngon par zhen pa gang gis sra ba dang / gsher ba dang / tsha ba dang / g.yo ba yang dag pa ma yin pa rnam par rtog pa'i mtshan nyid 'byung ba chen po rnams su dam
254a3 'cha' ba dang / rgyu mtshan dang / dpe la mngon par zhen pas yang dag pa ma yin pa rnam par gzhag pas rnam par bzhag pa ste/ de ni rnam par rtog pa'i mtshan nyid 'dzin pa la mngon par zhen pas rnam par gzhag pa'i blo zhes bya ste/
254a4 de ni blo rnam pa gnyis kyi mtshan nyid do/ /byang chub sems dpa' sems dpa' chen po gang blo 'di gnyis kyi mtshan nyid dang ldan na gang zag dang chos bdag med pa'i mtshan nyid rtogs par khong du chud cing snang ba med pa'i blo la mkhas pa
254a5 dang / spyod pa'i sa la so sor rab tu rtog pas sa dang po rab tu 'thob ste/ ting nge 'dzin brgya la snyoms par 'jug /bye brag med pa'i ting nge 'dzin kyang rab tu 'thob/ sangs rgyas dang / byang chub sems dpa' brgya yang
254a6 mthong / bskal pa brgyar sngon gyi mtha' dang / phyi ma'i mtha'i dngos po la 'jug /'od kyis zhing brgya yang snang bar byed do/ /gong nas gong du sa'i mtshan nyid shes te/ smon lam chen po khyad par can gyis rnam par 'phrul pa la dbang
254a7 zhing chos kyi sprin gyi dbang bskur bas dbang bskur te/ de bzhin gshegs pa'i so so rang gis thugs su chud pa'i sa thob nas mthar thug pa'i gnas bcu dang rab tu ldan pa'i chos su 'gyur te/ sems can yongs su smin par bya
254a8 ba'i phyir sprul pa'i 'od zer sna tshogs kyis rnam par mdzes shing so so rang gis rig pa'i bde bas mnyam par gzhag pa yang thob bo/ /gzhan yang blo gros chen po byang chub sems dpa' sems dpa' chen pos 'byung ba
254b1 chen po dang / 'byung ba las gyur pa la mkhas par bya'o/ /ji ltar na byang chub sems dpa' 'byung ba chen po dang / 'byung ba las gyur pa la mkhas pa yin zhe na/ blo gros chen po de la byang chub sems dpa' sems dpa' chen po
254b2 'di ltar yang dag par rab tu rtog ste/ de don dam pa'i bden par ni 'byung ba chen po dag skye ba med do/ /'byung ba chen po dag la skye ba med par de ltar rab tu rtog par byed de/ de ltar rab tu brtags nas ming dang rgyu mtshan rnams ni rnam par
254b3 rtog pa tsam dang / rang gi sems snang ba tsam dang / phyi rol gyi dngos po rnams dngos po med par rtogs pa ni rang gi sems snang ba rnam par rtog pa tsam zhes bya'o/ /'di lta ste/ khams gsum pa'i 'byung ba dang / 'byung ba las
254b4 gyur pa de dag la rab tu brtags na/ ngo bo nyid kyis mtha' bzhi dang bral bas tshul rnam par dag pa bdag dang bdag gi dang bral ba/ yang dag pa'i mtshan nyid rang gi mtshan nyid kyi dbyibs su gnas pa/ ma skyes pa'i mtshan nyid
254b5 du 'grub par mthong ngo / /blo gros chen po'i ji ltar na 'byung ba chen po bzhi po de dag gis rgyur byas pa'i gzugs rnams skyed ce na/ 'di lta ste/ gsher bar rnam par rtog pa'i 'byung ba chen pos ni phyi nang gi chu'i khams skyed
254b6 do/ /bya ba nus pa'i rnam par rtog pa'i 'byung ba chen pos ni phyi nang gi me'i khams skyed do/ /g.yo bar rnam par rtog pa'i 'byung ba chen pos ni phyi nang gi rlung gi khams skyed do/ /gzugs gcad du rang bar rnam par rtog pa'i
254b7 'byung ba chen pos ni phyi nang gi sa'i khams skyed do/ /gzugs dang nam mkha' gnyi ga yang log pa'i bden pa la mngon par zhen pas phung po lnga 'dus pa dang / 'byung ba chen po dang / 'byung ba las gyur pa skye'o/ /blo gros
254b8 chen po rnam par shes pa ni gnas rnam pa sna tshogs dang / yul la mngon par chags pa'i rgyus 'gro ba gzhan du mtshams sbyor bar 'gyur ro/ /blo gros chen po sa la sogs pa chen po bzhi dang / 'byung ba las gyur pa rnams
255a1 la ni 'byung ba chen po bzhi'i rten yod kyi/ 'byung ba chen po bzhi po dag gi rkyen ni ma yin no/ /de ci'i phyir zhe na/ 'di lta ste/ dngos po dang / dbyibs dang / mtshan nyid dang / gnas dang / bya ba dang / sbyor ba rnams dngos
255a2 po med pas 'byung ba chen po rnams mi skye'o/ /blo gros chen po dngos po dang / dbyibs dang / mtshan nyid dang / gnas dang / bya ba dang / sbyor ba rnams 'dus pa las skye bas/ dbyibs med pa ma yin no/ /de lta bas na blo gros chen
255a3 po 'byung ba chen po dang / 'byung ba las gyur pa'i mtshan nyid ni mu stegs can rnams kyis rnam par brtags pa yin gyi ngas ni ma yin no/ /gzhan yang blo gros chen po phung po rnams kyi rang gi ngo bo'i mtshan nyid rab tu bstan par
255a4 bya'o/ /phung po rnams kyi rang gi ngo bo'i mtshan nyid ji lta bu zhe na/ 'di lta ste/ phung po lnga rnams so/ /phung po lnga gang zhe na 'di lta ste/ gzugs dang / tshor ba dang / 'du shes dang / 'du byed dang / rnam par shes pa rnams so/ /de la
255a5 phung po bzhi rnams ni gzugs med de/ tshor ba dang / 'du shes dang / 'du byed dang / rnam par shes pa rnams so/ /blo gros chen po gzugs ni 'byung ba chen po bzhi dang / 'byung ba las gyur pa phan tshun du mi 'thun pa'i mtshan
255a6 nyid do/ /blo gros chen po gzugs med pa la bzhir bgrang du med de/ nam mkha' bzhin no/ /dper na nam mkha' ni grangs kyi mtshan nyid las 'das te/ bgrang ba dang bral mod kyi/ rnam par rtog pas nam mkha' zhes brjod
255a7 do/ /blo gros chen po de bzhin du phung po rnams kyang grangs kyi mtshan nyid las 'das te bgrang ba dang bral bas dngos po dang / dngos po med pa rnam par spangs pa/ mtha' bzhi dang bral ba'o/ /grangs dang / bgrang ba'i mtshan nyid
255a8 ni byis pas rab tu brjod pa yin gyi/ 'phags pa rnams kyis ni ma yin no/ /blo gros chen po 'phags pa rnams kyis ni sgyu ma lta bur gzugs rnam pa sna tshogs gcig pa dang / tha dad pa rnam par spangs par nye bar 'dogs so/ /
255b1 yang rmi lam dang / gzugs brnyan gyi skyes bu ltar gcig pa dang / tha dad pa rnam par spangs pa'i phyir ro/ /blo gros chen po 'phags pa'i ye shes kyi tshul ni phung po dang 'dra bar rtog pas snang ngo / /de ni phung po rnams kyi rang bzhin
255b2 gyi mtshan nyid de/ khyod kyis bzlog par bya'o/ /rnam par bzlog nas rab tu dben pa'i chos bstan pas sangs rgyas kyi zhing thams cad du mu stegs can gyi lta ba rnams bzlog par bya'o/ /blo gros chen po rab tu dben pa'i chos
255b3 bstan pa'i tshe chos bdag med pa mthong ba rnam par dag par 'gyur/ mi g.yo ba'i sa la yang rab tu 'jug par 'gyur ro/ /de mi g.yo ba'i sar rab tu zhugs nas/ ting nge 'dzin tshad med pa la dbang byed par 'gyur ro/ /yid kyi lus
255b4 thob pas sgyu ma lta bu'i ting nge 'dzin rab tu 'thob bo/ /stobs dang / mngon par shes pa dang / dbang rnams rtogs par khong du chud pas sems can thams cad sdud cing phan 'dogs par 'gyur ro/ /dper na sa chen po ni sems
255b5 can rnams 'deg cing phan 'dogs par byed pa de bzhin du byang chub sems dpa' sems dpa' chen po yang sems can thams cad la phan 'dogs pa yin no/ /gzhan yang blo gros chen po mu stegs can rnams la mya ngan las 'das pa
255b6 rnam pa bzhi yod de bzhi gang zhe na/ 'di lta ste/ dngos po'i rang bzhin dngos po med pa'i mya ngan las 'das pa dang mtshan nyid sna tshogs kyi dngos po dngos po med pa'i mya ngan las 'das pa dang / rang gi mtshan nyid kyi rang bzhin
255b7 dngos po med par rtogs pa'i mya ngan las 'das pa dang / phung po rnams kyi rang dang spyi'i mtshan nyid kyi rgyud kyi rgyun chad pa'i mya ngan las 'das pa'o/ /de dag ni mu stegs can rnams kyi mya ngan las 'das pa yin te/ nga'i
255b8 gsung rab la ma yin no/ /blo gros chen po nga'i gsung rab la ni rnam par rtog pa dang bcas pa'i rnam par shes pa la zlog pa ni mya ngan las 'das pa zhes bya'o/ /blo gros chen pos gsol pa/ bcom ldan 'das kyis
256a1 rnam par shes pa brgyad du rnam par ma gzhag pa lags sam/ bcom ldan 'das kyis bka' stsal pa/ rnam par gzhag go/ /blo gros chen pos gsol pa/ bcom ldan 'das gal te rnam par bzhag
256a2 na ji ltar yid kyi rnam par shes pa log pas bsal/ rnam par shes pa bdun rnams ni ma lags/ bcom ldan 'das kyis blo gros chen po la bka' stsal pa/ de dag gi rgyu dang / de dag gis dmigs pa rkyen yin pa'i phyir rnam
256a3 par shes pa bdun rnams 'byung bar mi 'gyur ro/ /de la yid kyi rnam par shes pa ni yul rnams bye brag 'byed cing mngon par zhen pas bag chags rnams bskyed nas kun gzhi rnam par shes pa rgyas par byed de/ yid
256a4 dang lhan cig tu bdag dang bdag gis 'dzin pa la mngon par zhen cing / ngar sems pa'i rkyen gyis skye bas lus kyi mtshan nyid rnam par mi 'jig go/ /kun gzhi rnam par shes pa'i rgyur gyur cing de la dmigs pa rang
256a5 gi sems snang ba'i yul la mngon par zhen pas sems 'dus pa gcig gi rgyur gcig 'byung ste/ dper na rgya mtsho'i rlabs lta bur rang gi snang ba'i spyod yul gyi rlung gis bskyod pas 'jug cing ldog pa yang de
256a6 bzhin te/ de lta bas na yid kyi rnam par shes pa bzlog pas rnam par shes pa bdun rnams kyang ldog par 'gyur ro/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag
256a7 gsungs so/ /bya ba dang ni mtshan nyid dang / /dngos por mya ngan nga mi 'da'/ /rnam rtog shes bya rnam shes te/ /bzlog pas mya ngan nga 'das so/ /de rgyu de la dmigs pa ste/ /yid kyis 'gro sogs lus mngon 'grub/
256a8 rgyu 'dzin rgyu 'byin de ni sems yin te/ /rnam shes gnas ni rab tu byed/ /ji ltar chu chen zad nas ni/ /rlabs rnams rgyun du mi 'byung ltar/ /de bzhin yid ni 'gag pa na/ /rnam shes sna tshogs skye mi 'gyur/ /
256b1 gzhan yang blo gros chen po kun brtags pa'i rang bzhin rab tu dbye ba dang / rtogs pa'i tshul gyi mtshan nyid bshad par bya ste/ kun brtags pa'i rang bzhin rab tu dbye ba dang / rtogs pa'i tshul gyis mtshan nyid la mkhas
256b2 pa gang gis khyod dang byang chub sems dpa' sems dpa' chen po gzhan rnams kun du rtog pa spangs shing 'phags pa so so rang gis rig pa la gnas pa dang / mu stegs can gyi tshul rtogs pa dang / shin du
256b3 mthong ba'i blos gzung ba dang / 'dzin pa'i rnam par rtog pa spangs nas gzhan gyi dbang gi mtshan nyid sna tshogs la kun brtags pa'i rang bzhin gyi 'du byed du rtog par mi 'gyur ro/ /de la blo gros chen po kun
256b4 brtags pa'i rang bzhin rab tu dbye ba'i tshul gyi mtshan nyid gang zhe na/ 'di lta ste/ brjod pa'i rnam par rtog pa dang / smra bar bya ba'i rnam par rtog pa dang / mtshan nyid kyi rnam par rtog pa dang / nor gyi rnam par rtog pa dang /
256b5 rang bzhin gyi rnam par rtog pa dang / rgyu'i rnam par rtog pa dang / lta ba'i rnam par rtog pa dang / rigs pa'i rnam par rtog pa dang / skye bar rnam par rtog pa dang / mi skye bar rnam par rtog pa dang / 'brel bar rnam par rtog
256b6 dang / bcings pa dang ma bcings par rnam par rtog pa yin te/ 'di ni kun brtags pa'i rang bzhin rab tu dbye ba'i tshul gyi mtshan nyid do/ /de la blo gros chen po brjod pa'i rnam par rtog pa gang zhe na/ 'di lta ste/
256b7 dbyangs dang / glu snyan pa sna tshogs la mngon par zhen pa yin te/ 'di ni brjod pa'i rnam par rtog pa zhes bya'o/ /blo gros chen po smra bar bya ba'i rnam par rtog pa gang zhe na/ 'di lta ste/ gang ci yang rung ba smra bar bya ba'i
256b8 dngos po'i rang bzhin 'phags pa'i ye shes kyis shes par bya ba de la gnas nas brjod pa'i rnam pa 'byung ba de ni smra bar bya ba'i rnam par rtog pa zhes bya'o/ /blo gros chen po mtshan nyid kyi rnam par rtog pa gang zhe na/
257a1 'di lta ste/ smra bar bya ba'i dngos po de dag nyid smig rgyu lta bu la mtshan nyid sna tshogs su mngon par zhen pas mngon par zhen te/ 'di lta ste/ sra ba dang / gsher ba dang / tsha ba dang / g.yo ba'i mtshan nyid du dngos po thams
257a2 cad la rnam par rtog pa de ni mtshan nyid kyi rnam par rtog pa zhes bya'o/ /blo gros chen po nor gyi rnam par rtog pa gang zhe na/ gser dang / dngul dang / nor rin po che rnam pa sna tshogs la mngon par chags pa de ni nor gyi rnam par rtog
257a3 pa zhes bya'o/ /blo gros chen po rang bzhin gyi rnam par rtog pa gang zhe na/ 'di lta ste/ dngos po'i ngo bo nyid du 'dzin cing 'di ni 'di bzhin gyi gzhan du ma yin no zhes log par lta ba'i rnam par rtog pa dang / tha mi dad pa de ni rang
257a4 bzhin gyi rnam par rtog pa zhes bya'o/ /blo gros chen po rgyu'i rnam par rtog pa gang zhe na/ 'di lta ste/ rgyu dang rkyen gang gis yod pa dang / med pa'i rnam par rtog pa'i rgyu'i mtshan nyid skyed pa de ni rgyu'i rnam par rtog pa zhes bya'o
257a5 blo gros chen po lta ba'i rnam par rtog pa gang zhe na/ 'di lta ste/ yod pa dang / med pa dang / gcig pa dang / tha dad pa dang / gnyi ga dang / gnyi ga ma yin par log par lta ba'i mu stegs can gyi rnam par rtog pa la mngon par zhen
257a6 pa'i rnam par rtog pa de ni lta ba'i rnam par rtog pa zhes bya'o/ /blo gros chen po rigs pa'i rnam par rtog pa gang zhe na/ 'di lta ste/ bdag dang bdag gi mtshan nyid rigs pas brtsad de smra ba ni rigs pa'i rnam par rtog pa zhes
257a7 bya'o/ /blo gros chen po skye bar rnam par rtog pa gang zhe na/ 'di lta ste/ rkyen rnams kyis yod pa dang / med pa'i dngos po skye bar mngon par zhen pa de ni skye bar rnam par rtog pa zhes bya'o/ /blo gros chen po mi skye bar rnam
257a8 par rtog pa gang zhe na/ 'di lta ste/ dngos po thams cad ni snga nas skye ba med de/ sa bon med pa las rgyu dang rkyen gyis rgyu med pa'i lus bskyed pa'o/ /zhes 'dzin pa de ni mi skye bar rnam par rtog pa zhes bya'o/ /blo gros chen po 'brel
257b1 ba'i rnam par rtog pa gang zhe na/ 'di lta ste/ gser dang / skud pa ji lta ba bzhin du de dang lhan cig pa'i mtshan nyid du 'brel ba de ni 'brel ba'i rnam par rtog pa zhes bya'o/ /blo gros chen po bcings pa dang / ma bcings pa'i rnam par
257b2 rtog pa gang zhe na/ 'di lta ste/ 'ching ba'i rgyu dang / bcing bar bya ba la mngon par zhen pa ste/ ji ltar skyes bu thams cad dang ldan pas lag pa la mdud pa 'dor ba dang 'grol ba lta bu ni bcings pa dang / ma bcings pa'i rnam par
257b3 rtog pa zhes bya'o/ /blo gros chen po kun brtags pa'i rang bzhin rab tu dbye ba'i tshul gyi mtshan nyid de la byis pa so so'i skye bo thams cad yod pa dang med par mngon par zhen to/ /blo gros chen po gzhan gyi dbang la mngon
257b4 par zhen pas mngon par zhen par gyur pa dag yongs su brtags pa'i rang bzhin sna tshogs la mngon par zhen pas sgyu ma bzhin du lus sna tshogs ston pa la byis pa rnams kyi rnam par rtog pas sgyu ma las gzhan du
257b5 rnam pa sna tshogs su mthong ste/ blo gros chen po sgyu ma dang sna tshogs ni tha dad pa yang ma yin/ tha mi dad pa yang ma yin no/ /gal te tha dad na ni sgyu ma ni sna tshogs kyi rgyu ma yin par 'gyur ro/ /ci ste tha mi dad na ni sgyu ma dang
257b6 sna tshogs bye brag med par 'gyur te/ de'i bye brag mthong bas na de'i phyir gcig pa yang ma yin/ tha dad pa yang ma yin no/ /de lta bas na blo gros chen po khyod dang / byang chub sems dpa' sems dpa' chen po gzhan
257b7 dag gis sgyu ma lta bu'i gzhan gyi dbang dang / kun brtags pa'i rang bzhin la tha dad pa dang / tha dad pa ma yin pa dang / yod pa dang med par mngon par zhen par mi bya'o/ /de nas bcom ldan 'das kyis don de nyid yang bstan
257b8 pa'i phyir tshigs su bcad pa 'di dag gsungs so/ /sems ni yul gyis kun du bcings/ /rtog pa rig las ye shes 'jug /snang ba med dang khyad par las/ /shes rab mnyam par rab tu bskyed/ /brtags pa'i
258a1 rang bzhin gyis yod de/ /gzhan dbang la ni de med do/ /kun brtags dag ni nor pas bsdus/ /gzhan dbang de ni kun brtags min/ /yan lag tha dad 'byung ba yang / /sgyu ma ji bzhin mi 'grub ste/ /de yi mtshan
258a2 ma sna tshogs yod/ /kun brtags de ni 'grub mi 'gyur/ /de yi mtshan ma gnas ngan len/ /sems kyi 'ching las skyes pa ste/ /rnam rtog shes pa med pa rnams/ /gzhan gyi dbang las rnam par rtog /brtags pa'i
258a3 dngos po 'di dag ni/ /de nyid gzhan gyi dbang yin te/ /brtags pa dag ni sna tshogs yod/ /gzhan gyi dbang la rtog par byed/ /kun rdzob dang ni don dam ste/ /gsum pa rgyu las skye ba med/ /brtags pa dag ni kun rdzob bshad/ /
258a4 de 'chad 'phags pa'i spyod yul lo/ /rnal 'byor can gyi dngos po ltar/ /gcig la sna tshogs ston byed kyang / /de la sna tshogs yod ma yin/ /kun brtags mtshan nyid de bzhin no/ /ji ltar rab rib can dag gi/ /rnam rtog sna tshogs
258a5 gzugs su snang / /rab rib gzugs dang gzugs min med/ /gzhan dbang ma rtogs de bzhin no/ /ji ltar gser ni rab sbyangs pa/ /dri ma dag ni spangs gyur dang / /nam mkha' dag ni sprin med ltar/ /kun brtags pa yang de bzhin no/ /
258a6 kun brtags pa yi dngos po dang / /de bzhin gzhan dbang yod min la/ /sgro 'dogs skur pa 'debs byed de/ /rnam brtags dbang gis 'jig pa yin/ /gal te brtags pa dngos med la/ /gzhan gyi dbang ni yod gyur na/ /dngos med
258a7 dngos po yod pas na/ /dngos yod dngos po med las 'byung / /kun brtags pa la brten pa'i rgyus/ /gzhan dbang de ni nye bar dmigs/ /rgyu mtshan ming dang 'brel pa las/ /kun brtags rnams ni skye bar 'gyur/ /shin du
258a8 ma grub rtogs pa'i tshe/ /kun brtags las ni 'da' bar 'gyur/ /de nas yongs su dag rig pa/ /de ni don dam zhes bya'o/ /kun brtags rnam pa bcu gnyis te/ /gzhan gyi dbang ni rnam pa drug /so so rang rig ye shes kyis/ /
258b1 shes bya de la bye brag med/ /chos lnga yang dag nyid yin te/ /rang bzhin la ni rnam gsum yod/ /rnal 'byor can gyis de bsgoms na/ /de bzhin nyid las mi 'da'o/ /mtshan ma dag dang gzhan gyi dbang / /ming des kun du brtags
258b2 pa skyed/ /kun brtags mtshan ma de dag ni/ /gzhan dbang de las byung ba'o/ /blo yis so sor rab brtags na/ /gzhan dbang med cing brtags pa'ang med/ /yongs grub la ni dngos med na/ /blo yis ci zhig rnam par brtags/ /
258b3 kun brtags rang bzhin de dag la/ /rang bzhin gnyis ni rnam par gzhag /brtags pa dag ni sna tshogs snang / /rnam dag 'phags pa'i spyod yul lo/ /kun brtags ri mo'i rnam pa bzhin/ /gzhan gyi dbang las brtags pa
258b4 ste/ /rnam pa gzhan du brtags na ni/ /mu stegs smra la gnas par 'gyur/ /rtogs pas brtags shes brjod pa ste/ /'dus las skye bar mthong ba'i rgyus/ /rnam rtog gnyis las grol ba ni/ /de nyid yongs su grub pa yin/ /
258b5 de nas byang chub sems dpa' sems dpa' chen po blo gros chen pos yang bcom ldan 'das la 'di skad ces gsol to/ /bcom ldan 'das 'phags pa so so rang gis rig pa'i ye shes dang / theg pa gcig gi mtshan nyid
258b6 bshad du gsol/ 'phags pa so so rang gis rig pa'i ye shes kyi mtshan nyid dang / theg pa gcig rtogs pa'i mtshan nyid des bdag dang byang chub sems dpa' sems dpa' chen po gzhan rnams 'phags pa so so
258b7 rang gis rig pa'i ye shes kyi mtshan nyid dang / theg pa gcig la mkhas shing gzhan gyi dring la mi 'jog par sangs rgyas kyi chos thams cad rtogs par 'gyur ro/ /bcom ldan 'das kyis bka' stsal pa/ /blo gros
258b8 chen po de'i phyir shin du legs par nyon la yid la zung shig dang / ngas khyod la bshad do/ /blo gros chen pos bcom ldan 'das la gsol pa/ de bzhin 'tshal lo zhes bka' mnyan pa dang / bcom ldan 'das kyis 'di
259a1 skad ces bka' stsal to/ /blo gros chen po de la 'phags pa snga ma rnams kyis khong du chud nas gcig nas gcig tu brgyud de/ kun brtags pa dngos po med par bstan pa la brten nas/ byang chub
259a2 sems dpa' sems dpa' chen po gang gis gcig pu dben par song nas/ rang gi blos rnam pa dpyod pa/ gzhan gyi dring la mi 'jog cing lta ba dang / rnam par rtog pa spangs te/ gong nas gong du khyad par can du gyur nas/ de bzhin
259a3 gshegs pa'i sa la rab tu 'jug pa ni so so rang gis rig pa 'phags pa'i ye shes kyi mtshan nyid ces bya'o/ /de la blo gros chen po theg pa gcig gi mtshan nyid gang zhe na/ 'di lta ste/ theg pa gcig gi lam rig pa ni ngas
259a4 theg pa gcig ces bshad do/ /theg pa gcig gi lam khong du chud pa gang zhe na/ 'di lta ste/ gzung ba dang / 'dzin pa'i rnam par rtog pa yang dag pa ji lta ba bzhin gyi gnas la rnam par rtog pa mi skye ba ni theg pa gcig khong du
259a5 chud pa zhes bya'o/ /blo gros chen po theg pa gcig khong du chud pa 'di ni de bzhin gshegs pa ma gtogs par gzhan mu stegs can dang / nyan thos dang / rang sangs rgyas dang / tshangs pa la sogs pas thob pa ma yin no/
259a6 de'i phyir theg pa gcig ces bya'o/ /bcom ldan 'das la blo gros chen pos gsol pa/ bcom ldan 'das kyis ci'i slad du theg pa gsum du bka' stsal la theg pa gcig tu ma gsungs/ bcom ldan 'das kyis bka'
259a7 stsal pa/ blo gros chen po bdag nyid yongs su mya ngan las mi 'da' ba'i chos can yin pa'i phyir nyan thos dang / rang sangs rgyas thams cad la theg pa gcig tu ma bshad de/ 'di ltar nyan thos dang / rang sangs rgyas thams cad ni
259a8 de bzhin gshegs pa'i 'dul ba dang / rab tu dben pa'i sbyor bas rnam par grol ba 'thob kyi/ bdag nyid kyi mthus ni ma yin pa'i phyir theg pa gcig tu ma bshad do/ /gzhan yang blo gros chen po nyon mongs pa'i sgrib pa dang /
259b1 las kyi bag chags ma spangs pa'i phyir nyan thos dang / rang sangs rgyas thams cad la theg pa gcig tu ma bshad do/ /chos bdag med par ma rtogs shing dngos po dang bcas pa'i 'chi 'pho ma spangs pa'i phyir theg pa gsum du
259b2 bstan te/ blo gros chen po de dag nam nyes pa'i bag chags thams cad spangs shing chos bdag med par rtogs pa de na de dag nyon mongs pa'i nyes pa thams cad skyed pa'i bag chags spangs te/ ting nge 'dzin gyi bde ba la ro myong
259b3 ba'i dngos po med par gyur nas zag pa med pa'i dbyings las sad de/ sad nas lang 'jig rten las 'das par zhugs te/ gong nas gong du zag pa med pa'i dbyings su tshogs rnams yongs su bskangs nas/ de bzhin
259b4 gshegs pa'i chos kyi sku bsam gyis mi khyab pa la dbang byed pa rab tu 'thob par 'gyur ro/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /lha rnams dang ni
259b5 tshangs pa'i theg /nyan thos rang rgyal theg pa dang / /de bzhin gshegs pa rnams kyi theg /nga yis theg pa de dag ni/ /ji srid sems rnams 'jug pa'i bar/ /de dag mthar phyin min par bshad/ /gal te sems de zad
259b6 gyur na/ /theg pa med cing gdeg pa med/ /theg pa rnam par gzhag med pas/ /theg pa gcig tu ngas bstan to/ /sems can rnams ni drang ba'i phyir/ /theg pa tha dad ngas bshad de/ /rnam par grol ba rnam gsum yod/ /
259b7 chos la bdag med de nyid dang / /nyon mongs shes rab la sogs pas/ /rnam par grol na stong par 'gyur/ /rgya mtsho la ni shing 'phyo ba/ /rtag tu rlabs kyis g.yeng ba ltar/ /nyan thos rmongs pa'ang de bzhin te/ /mtshan nyid
259b8 rlung gis rnam par g.yengs/ /kun nas ldang las de log kyang / /nyon mongs bag chags gzhan gyis rmongs/ /ting nge 'dzin gyi bde bas mos/ /zag pa med pa'i dbyings la gnas/ /mthar phyin tshul ni de la med/ /phyir
260a1 yang de las mi ldog ste/ /ting 'dzin rnams kyi lus thob nas/ /bskal pa'i bar du de mi sad/ /chang gis myos pa'i skyes bu dag /myos byed zad nas sangs 'gyur ltar/ /de dag chos rtogs de bzhin te/ /bla med
260a2 sangs rgyas sku 'thob 'gyur// //'phags pa lang kar gshegs pa rin po che'i mdo las/ bam po lnga pa/ de nas yang bcom ldan 'das kyis byang chub sems dpa' sems dpa' chen po blo gros
260a3 chen po la 'di skad ces bka' stsal to/ /blo gros chen po yid las byung ba'i lus rab tu dbye ba rtogs pa'i mtshan nyid bstan gyis de shin du legs par nyon la yid la zung shig dang / ngas khyod la bshad do/ /blo gros
260a4 chen pos bcom ldan 'das la gsol pa/ legs so bcom ldan 'das de bzhin du 'tshal lo zhes bka' mnyan pa dang / de la bcom ldan 'das kyis 'di skad ces bka' stsal to/ /blo gros chen po yid las
260a5 byung ba'i lus ni rnam pa gsum ste/ gsum gang zhe na/ 'di lta ste/ ting nge 'dzin gyi bde ba la snyoms par zhugs pa'i yid las byung ba'i lus dang / chos kyi ngo bo nyid rtogs pa'i yid las byung ba'i lus dang / ris su
260a6 lhan cig skyes pa mngon par 'du bya ba med pas yid las byung ba'i lus te/ rnal 'byor pa rnams kyis sa dang po nas gong nas gong du sa'i mtshan nyid yongs su shes pas lus rnam pa gsum po 'thob par 'gyur ro/
260a7 de la blo gros chen po ting nge 'dzin gyi bde ba la snyoms par zhugs pa'i yid las byung ba'i lus gang zhe na/ 'di lta ste/ sa gsum pa dang / bzhi pa dang / lnga pa la ting nge 'dzin gyi bde ba la snyoms par zhugs pa'i phyir
260a8 rang gi sems rnam pa mang po dben par spyod pas sems kyi rgya mtsho la gnas te/ rnam par shes pa'i rlabs kyis mtshan nyid mi 'byung bas rang gi sems snang ba'i yul dngos po yod pa dang / dngos po med pa
260b1 yongs su shes pa ni ting nge 'dzin gyi bde ba la snyoms par zhugs pa'i yid las byung ba'i lus shes bya'o/ /blo gros chen po chos kyi ngo bo nyid rtogs pa'i yid las byung ba'i lus gang zhe na/ 'di lta ste/ sa brgyad pa la sgyu
260b2 ma lta bu la sogs pa'i chos la snang ba med par rnam par khong du chud pas lus dang sems gnas shin du gyur te/ sgyu ma lta bu'i ting nge 'dzin rab tu 'thob pa dang / gzhan yang ting nge 'dzin gyi sgo dang / mtshan ma dang /
260b3 stobs dang / dbang dang / mngon par shes pa dpag tu med pa 'thob ste/ me tog ltar rgyas shing yid bzhin du mgyogs pa dang / sgyu ma dang / rmi lam dang / chu zla dang / gzugs brnyan lta bu 'byung ba las gyur pa ma yin yang
260b4 'byung ba las gyur pa dang 'dra ba/ gzugs rnam pa sna tshogs thams cad kyis yan lag phun sum tshogs par brgyan pa/ sangs rgyas kyi zhing thams cad du 'khor gyi dkyil 'khor gyi rjes su 'jug pa/ chos kyi ngo bo nyid
260b5 rtogs par khong du chud pa'i phyir de ni chos kyi ngo bo nyid rtogs pa las byung ba'i lus shes bya'o/ /blo gros chen po de la ris su lhan cig skyes pa mngon par 'du bya ba med pa'i yid las byung ba'i lus gang zhe na/ 'di lta ste/
260b6 sangs rgyas kyi chos thams cad rtogs shing rang gis thob pa'i bde ba'i mtshan nyid la dmigs pa de ni ris su lhan cig skyes pa mngon par 'du bya ba med pa'i yid las byung ba'i lus shes bya ste/ blo gros chen po lus gsum
260b7 po de dag gis mtshan nyid rab tu dbye ba rtogs pa 'di la rab tu brtson par bya'o/ /de nas bcom ldan 'das kyis don de nyid yang dag par bstan pa'i phyir tshigs su bcad pa 'di dag gsungs so/ /nga yis theg pa theg chen min/ /
260b8 bshad pa med cing yi ge med/ /bden pa ma yin rnam grol min/ /spyod yul med pa'ang ma yin te/ /'on kyang theg chen theg pa ni/ /ting nge 'dzin la dbang byed cing / /yid las byung lus sna tshogs la/ /dbang gi me tog dag gis brgyan/ /
261a1 de nas byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das kyis ji skad du rigs kyi bu'am/ rigs kyi bu mo gang la la zhig gis mtshams med pa lnga'i las spyod
261a2 kyang mnar med pa'i dmyal bar lhung bar mi 'gyur ba'i phyir dang / spro ba rab tu bskyed pa'i phyir byin gyi brlabs kyis sprul pa dag mngon par rtogs par rab tu ston to/ /mtshams med pa'i dngos po byas pa rnams mngon par
261a3 rtogs pa mi 'thob par gcig tu nges pa yang med de/ rang gi sems snang ba tsam du khong du chud pa dang / lus dang longs spyod du rnam par rtog pa dang / bdag dang bdag gir 'dzin pa dang bral ba dang / gal te brgya lam na dge ba'i
261a4 bshes gnyen dang phrad nas 'gro ba gzhan du mtshams sbyor ba'i rnam par rtog pa las grol bar 'gyur ba ni ma gtogs so/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs
261a5 so/ /'dod pa'i sred pa ma zhes bya/ /ma rig pa ni pha yin no/ /yul rig rnam shes sangs rgyas te/ /bag la nyal ni dgra bcom pa/ /phung po 'dus pa dge 'dun yin/ /mtshams med rim gyis bcad pas na/ /de na mtshams med
261a6 lnga yin te/ /mnar med dmyal bar ltung mi 'gyur/ /de nas byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das sangs rgyas rnams kyi sangs rgyas pa nyid bdag la
261a7 bka' stsal du gsol/ /bcom ldan 'das ji ltar na sangs rgyas rnams kyi sangs rgyas pa nyid lags/ bcom ldan 'das kyis bka' stsal pa/ blo gros chen po gang zag dang chos la bdag med par rtogs pa dang / sgrib pa gnyis
261a8 yongs su shes shing khong du chud pa dang / shi 'pho rnam pa gnyis dang bral ba dang / nyon mongs pa rnam pa gnyi ga spangs pa de ni sangs rgyas rnams kyi sangs rgyas pa nyid ces bya'o/ /blo gros chen po nyan thos dang / rang sangs rgyas rnams
261b1 kyis chos de dag nyid khong du chud na de yang sangs rgyas pa nyid ces bya ste/ des na de'i phyir ngas theg pa gcig tu bshad do/ /de nas bcom ldan 'das kyis don de nyid yang bstan pa'i phyir tshigs su bcad pa 'di gsungs so/ /
261b2 bdag med rnam gnyis mkhas pa dang / /sgrib gnyis nyon mongs rab spongs dang / /shi 'pho gnyis dang gtan bral ba/ /de ni sangs rgyas nyid ces bya/ /de nas yang byang chub sems dpa' blo gros chen pos bcom ldan 'das la 'di skad
261b3 ces gsol to/ /ci'i slad du bcom ldan 'das kyis 'khor gyi nang du 'di skad ces nga ni gang 'das pa'i sangs rgyas thams cad nyid do/ /skyes pa'i rabs sna tshogs su yang nga nyid de'i tshe 'khor los bsgyur ba'i rgyal po spyi bo
261b4 skyes dang / glang po che so drug pa dang / ne tso dang / dbang po dang / drang srong mig bzangs la sogs pa'o zhes skyes pa'i rabs brgya stong gsungs/ bcom ldan 'das kyis bka' stsal pa/ blo gros chen po mtshungs pa rnam pa bzhi'i
261b5 phyir de bzhin gshegs pa dgra bcom pa yang dag par rdzogs pa'i sangs rgyas rnams 'khor gyi nang du 'di skad ces nga nyid de'i tshe de'i dus na sangs rgyas 'khor ba 'jig dang / gser thub dang / 'od srung du gyur to zhes gsung ngo / /
261b6 mtshungs pa rnam pa bzhi gang zhe na/ 'di lta ste/ yi ge mtshungs pa dang / gsung mtshungs pa dang / chos mtshungs pa dang / sku mtshungs pa ni mtshungs pa rnam pa bzhi zhes bya ste/ 'di ltar mtshungs pa rnam pa 'di bzhi'i phyir de bzhin
261b7 gshegs pa dgra bcom pa yang dag par rdzogs pa'i sangs rgyas de skad du gsungs te/ de la yi ge mtshungs pa gang zhe na/ yi ge gang gis nga'i ming sangs rgyas shes brjod pa'i yi ge des sangs rgyas thams cad kyang brjod pas/
261b8 yi ge de dag gi rang bzhin bye brag med pas na de ni yi ge mtshungs pa zhes bya'o/ /de la gsung mtshungs pa gang zhe na 'di lta ste/ nga'i gsung rnam pa drug bcu rtsa bzhi tshangs pa'i sgra skad kyi dbyangs kyi mtshan nyid du 'byung ngo / /
262a1 de bzhin gshegs pa dgra bcom pa yang dag par rdzogs pa'i sangs rgyas de dag gi gsung yang de bzhin du rnam pa drug bcu rtsa bzhi tshangs pa'i sgra skad kyi dbyangs kyi mtshan nyid du 'byung ste/ ka la ping ka dang / tshangs
262a2 pa'i sgra skad kyi dbyangs kyi rang bzhin du bye brag med cing lhag chad med do/ /de la sku mtshungs pa gang zhe na/ 'di lta ste/ nga dang sangs rgyas thams cad ni chos kyi sku dang / gzugs dang / mtshan dang / dpe byad bzang po'i skur mtshungs
262a3 shing bye brag med de/ 'gro ba'i bye brag sems can de dang de dag gdul ba'i phyir gzugs tha dad pa sna tshogs ston pa ni ma gtogs te/ de ni sku mtshungs pa zhes bya'o/ /de la chos mtshungs pa gang zhe na/ 'di lta ste/ nga dang sangs
262a4 rgyas de dag byang chub kyi phyogs kyi chos sum bcu rtsa bdun thugasu chud de/ sangs rgyas kyi chos rnams dang / sgribs pa med pa'i ye shes mdor bsdus te bstan pa de ni mtshungs pa rnam pa bzhi zhes bya ste/ de lta bas na de bzhin
262a5 gshegs pa dgra bcom pa yang dag par rdzogs pa'i sangs rgyas rnams 'khor gyi nang du de skad ces gsung ngo / /de nas bcom ldan 'das kyis don de nyid yang bstan pa'i phyir tshigs su bcad pa 'di gsungs so/ /'od srung
262a6 dang ni 'khor ba 'jig /gser thub kyang ni nga yin zhes/ /mtshungs pa bzhi ni mnyam gyur pas/ /rgyal ba'i sras la ngas bshad do/ /blo gros chen pos yang bcom ldan 'das la gsol pa/ ji skad du bcom ldan 'das kyis
262a7 nga ni gang gi nub mo mngon par rdzogs par sangs rgyas pa nas gang gi nub mo yongs su mya ngan las 'da' bar 'gyur ba de'i bar du yi ge gcig kyang ma bshad/ mi 'chad 'chad par mi 'gyur te/ bshad pa med pa ni
262a8 sangs rgyas kyis bshad pa'o zhes gsungs na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ci'i rgyus bshad pa med pa ni sangs rgyas kyi bshad pa'o zhes gsungs/
262b1 bcom ldan 'das kyis bka' stsal pa/ blo gros chen po ngas chos rnam pa gnyis la dgongs nas de skad ces smras so/ /chos gnyis gang zhe na/ 'di lta ste/ rang gis mngon par rtogs pa'i chos dang / ngo bo nyid kyis gnas pa'i chos te/ 'di
262b2 ni chos gnyis shes bya'o/ /chos gnyis po de las dgongs nas de'i phyir ngas de skad ces bshad do/ /de la rang gis mngon par rtogs pa'i chos gang zhe na/ de bzhin gshegs pa de dag gi gang thugasu chud pa de bzhin du ngas kyang rang gis
262b3 mngon par rtogs pa'i chos mthar phyin pa'i spyod yul tshig gi rnam par rtog pa dang bral ba/ yi ge'i tshul rnam pa gnyis las rnam par grol ba/ lhag chad med par thugasu chud pa'o/ /de la ngo bo nyid kyis gnas pa'i chos gang zhe na/
262b4 'di lta ste/ sngon gyi 'phags pa'i lam rnying pa gser dang / dngul la sogs pa'i ngo bo nyid bzhin du chos kyi dbyings rtag par gnas pa yang de bzhin gshegs pa rnams 'jig rten du byung yang rung / 'jig rten du ma byung yang rung ste
262b5 chos kyi dbyings rtag par gnas pa ni ji ltar grong khyer de dag du 'gro ba'i lam bzhin du 'dug pa'o/ /blo gros chen po dper na/ skyes bu la la zhig 'brog dgon pa na 'khyam pa las grong khyer rnying par 'gro ba'i lam mnyam zhing ma
262b6 gol ba zhig mthong nas/ grong khyer der zhugs te yid bzhin gyi bde ba rjes su myong na blo gros chen po de ji snyam du sems/ lam de dang / grong khyer na yod pa'i bde ba sna tshogs de dag des byas pa yin nam/ gsol pa/ de ma lags so/
262b7 bcom ldan 'das kyis bka' stsal pa/ blo gros chen po nga dang 'das pa'i de bzhin gshegs pa dag gis thugs su chud pa'i chos kyi dbyings mi 'gyur bar gnas pa yang de bzhin te/ des na de'i phyir ngas 'di skad du gang gi nub mo
262b8 ngas mngon par rdzogs par sangs rgyas pa nas gang gi nub mo yongs su mya ngan las 'da' bar 'gyur ba de'i bar du yi ge gcig kyang ma bshad/ mi 'chad 'chad par mi 'gyur ro/ /zhes smras so/ /de nas bcom ldan 'das kyis don de
263a1 nyid yang bstan pa'i phyir tshigs su bcad pa 'di dag gsungs so/ /gang gi nub mo mngon sangs rgyas/ /gang gi nub mo mya ngan 'das/ /de dag gnyis kyi bar du yang / /nga yis cung zad bshad pa med/ /rang gis mngon rtogs chos
263a2 gnas pas/ /de phyir ngas ni 'di skad bshad/ /nga dang sangs rgyas de dag la/ /bye brag gyur pa ci yang med/ /de nas yang byang chub sems dpa' blo gros chen pos bcom ldan 'das la gsol ba btab pa/ bcom ldan 'das chos thams
263a3 cad kyi mchis pa dang / ma mchis pa'i mtshan nyid bshad du gsol/ /des na bdag dang byang chub sems dpa' sems dpa' chen po gzhan rnams mchis pa dang ma mchis pa spangs nas myur du bla na med pa yang dag par rdzogs pa'i
263a4 byang chub mngon par rdzogs par 'tshang rgya bar 'gyur ro/ /bcom ldan 'das kyis bka' stsal pa/ blo gros chen po de'i phyir shin du legs par nyon la yid la zung shig dang ngas khyod la bshad do/ /blo gros chen pos bcom ldan 'das la
263a5 legs so zhes gsol nas bka' mnyan pa dang / bcom ldan 'das kyis bka' stsal pa/ blo gros chen po 'jig rten 'di dag ni gnyis la gnas so/ /'di lta ste/ yod pa la gnas pa dang / dngos po rnams dngos po med pa la mos
263a6 pa'i lta bar ltung ba ste/ 'byung ba ma yin pa la 'byung bar 'du shes pa'o/ /de la blo gros chen po ji ltar na 'jig rten pa dag yod pa la gnas pa yin zhe na/ 'di lta ste/ 'jig rten ni rgyu dang rkyen rnams yod na skye'i med pa las ma
263a7 yin pas/ yod pa las skye ste/ med pa las skye ba ni ma yin no zhes blo gros chen po des de skad du smra na/ 'jig rten rgyu med par smra ba yin no/ /blo gros chen po ji ltar na 'jig rten med pa las gnas pa yin zhe na/ 'di lta ste/ 'dod
263a8 chags dang / zhe sdang dang / gti mug gi dngos por khas blang ba byas la/ de'i 'og tu 'dod chags dang / zhe sdang dang / gti mug gi dngos po med par rnam par rtog cing mngon par zhen pa'o/ /blo gros chen po dngos po yod par khas mi
263b1 len pa ni dngos po'i mtshan nyid rab tu dben pa'i phyir 'di ltar de bzhin gshegs pa dang / nyan thos dang / rang sangs rgyas rnams 'dod chags dang / zhe sdang dang / gti mug gi dngos po la yod ces bya ba dang / med ces bya bar khas
263b2 len par mi byed do/ /blo gros chen po de la ji ltar na rnam par 'jeg par byed pa yin/ blo gros chen pos bcom ldan 'das la gsol pa/ bcom ldan 'das gang des 'dod chags dang / zhe sdang dang / gti mug gi dngos po khas blangs
263b3 la slad kyis ni khas mi len pa dag lags so/ /bcom ldan 'das kyis bka' stsal pa/ blo gros chen po legs so legs so/ /gang khyod kyis de ltar go ba ni legs so/ /blo gros chen po de ni 'dod chags dang / zhe sdang dang /
263b4 gti mug gi dngos po dngos po med pa 'ba' shig rnam par 'jig par byed pa ma yin gyi nyan thos dang rang sangs rgyas rnams kyang rnam par 'jig pa yin no/ /de ci'i phyir zhe na/ 'di lta ste/ nang dang phyi rol mi dmigs pa'i phyir
263b5 dang nyon mongs pa rnams tha dad pa dang / tha dad pa ma yin pa'i phyir ro/ /blo gros chen po 'dod chags dang / zhe sdang dang / gti mug rnams ni nang dang phyi rol na yang mi dmigs te/ 'dod chags dang zhe sdang dang / gti mug gi dngos po lus med
263b6 pa'i phyir dang / khas len pa med pa'i phyir ro/ /sangs rgyas dang / nyan thos dang / rang sangs rgyas rnams ni rnam par 'jig par byed pa ma yin te/ sangs rgyas dang / nyan thos dang / rang sangs rgyas de dag ni rang bzhin gyis rnam par grol
263b7 ba'i phyir dang / 'ching ba dang bcing ba'i rgyu dngos po med pa'i phyir ro/ /blo gros chen po bcing bar bya ba yod na bcing ba yang yod de/ bcing ba'i rgyu yin pa'i phyir ro/ /blo gros chen po de skad du rnam par 'jig par byed pa smra ba 'di yang
263b8 med pa'i mtshan nyid ces bya'o/ /blo gros chen po ngas de la dgongs nas gang zag tu lta ba ri rab tsam yod pa ni bla'i/ mngon pa'i nga rgyal can gyi stong pa nyid du lta ba ni ma yin no zhes bshad de/ blo gros chen po med pa'i mngon pa'i
264a1 nga rgyal can ni rnam par 'jig par byed pa yin no/ /rang dang spyi'i mtshan nyid du ltung ba'i bsam pa can dag rang gi sems snang ba tsam du mi shes pas phyi rol gyi dngos po rnams mi rtag cing skad cig ma gcig nas
264a2 gcig tu rnam par 'jig par mthong nas/ phung po dang / khams dang / skye mched rnams ni rgyun mi 'chad cing rnam par 'gyur ba dang / yi ge'i mtshan nyid dang bral bar rnam par rtog na yang rnam par 'jig par byed pa yin no/
264a3 de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /yod dang med pa mtha' gnyis te/ /ci tsam sems kyi spyod yul rnams/ /spyod yul de dag rab spangs na/ /sems mnyam
264a4 rab dben zhi bar 'gyur/ /yul gyi dngos la 'dzin med pas/ /'gog pa med pa ma yin te/ /yod pa'i dngos rnams de bzhin nyid/ /'phags pa'i spyod yul ji bzhin no/ /rgyu med pa las skye 'gyur zhing / /byung nas de ni 'gag
264a5 par 'gyur/ /rgyu rkyen yod dang med ces pa/ /nga yi bstan la de mi gnas/ /mu stegs can dang sangs rgyas dang / /nga dang gzhan gyis byas min te/ /rgyu rkyen 'dus las bar byung yin na/ /ji lta bur na med par 'gyur/ /rgyu rkyen
264a6 yod pa sus bsags na/ /med pa zhes ni rjod par byed/ /log lta smra ba chos skye ba/ /rnam par rtog pas yod med brtags/ /gang gis cung zad skye med dang / /'gag pa med par rab shes pa/ /'jig rten dben par mthong bas na/ /
264a7 yod med gnyis las rnam par 'grol/ /de nas yang byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /bcom ldan 'das bdag dang byang chub sems dpa' gzhan
264a8 rnams la grub pa'i mtha'i tshul gyi mtshan nyid bshad du gsol/ grub pa'i mtha'i tshul gyi mtshan nyid rab tu dbye ba la mkhas par gyur na bdag dang byang chub sems dpa' rnams de'i mtshan nyid rtogs par 'gyur te/ de'i mtshan
264b1 nyid rtogs nas kyang myur du bla na med pa yang dag par rdzogs pa'i byang chub mngon par rdzogs par 'tshang rgya zhing rtog pa'i mtshan nyid dang / bdud dang mu stegs can gyi rjes su 'brang bar mi 'gyur ro/ /bcom ldan 'das
264b2 kyis bka' stsal pa/ blo gros chen po de'i phyir shin du legs par nyon la yid la zung shig dang / ngas khyod la bshad do/ /blo gros chen pos bcom ldan 'das la de bzhin 'tshal lo zhes bka' mnyan pa dang / bcom ldan 'das kyis
264b3 bka' stsal pa/ blo gros chen po nyan thos dang / rang sangs rgyas dang / byang chub sems dpa' thams cad kyi grub pa'i mtha'i tshul gyi mtshan nyid ni rnam pa gnyis te 'di lta ste/ grub pa'i mtha'i tshul dang / bshad pa'i tshul lo/ /de la blo
264b4 gros chen po grub pa'i mtha'i tshul ni 'di lta ste/ so so rang gis rig pa'i bye brag gi mtshan nyid thob pa la dmigs pa/ tshig dang yi ge'i rnam par rtog pa dang bral ba zag pa med pa'i dbyings su 'jug pa/ rang gis rtogs pa'i
264b5 sa'i rang gi mtshan nyid yang dag pa ma yin pa/ rtog pa can gyi 'du shes thams cad spangs pa/ mu stegs can dang / bdud thams cad btul nas so so rang gis rig pa'i tshul la dmigs pa'i 'od kyis rnam par mdzes pa ni/
264b6 grub pa'i mtha'i tshul gyi mtshan nyid ces bya'o/ /de la bshad pa'i tshul gyi mtshan nyid gang zhe na 'di lta ste/ gsung rab yan lag rnam pa dgu sna tshogs su bshad pa yin te/ tha dad pa dang / tha dad pa ma yin pa dang / yod pa dang / med pa
264b7 la sogs pa'i mtshan nyid spangs pa thams mkhas pas sems can gyi mos pa ji lta ba bzhin du chos bstan nas rnam par grol ba 'thob par byed pa de ni bshad pa'i tshul gyi mtshan nyid ces bya'o/ /blo gros chen po de lta bas
264b8 na khyod dang byang chub sems dpa' gzhan dag gis de la brtson par bya'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /grub pa'i mtha' dang bshad tshul ni/ /so so
265a1 rang rig bstan pa ste/ /gang gis mthong zhing rab 'byed na/ /de dag rtog pa'i dbang mi 'gro/ /ji ltar byis pa rtog pa bzhin/ /yang dag dngos po yod min na/ /ci phyir rtog pa can rnams kyis/ /dngos po med la thar par 'dod/ /
265a2 'dus byas so sor rtog pa'i tshe/ /skye 'jig la sogs 'brel mthong ba/ /lta ba gnyis po rgyas par byed/ /phyin log shes pa med pa yin/ /gcig pa de ni yang dag bden/ /nyes med de ni mya ngan 'das/ /'jig rten rnam rtog rab brtags na/
265a3 sgyu ma rmi lam chu shing bzhin/ /'dod sdang gti mug yod kyang ni/ /yang dag gang zag yod pa min/ /sred pa las ni phung po 'byung / /srid pa sgyu ma rmi lam 'dra/ /de nas byang chub sems dpa' blo gros chen pos bcom ldan 'das la 'di
265a4 skad ces gsol to/ /bcom ldan 'das yang dag pa ma lags pa yongs su rtog pa'i mtshan nyid bdag la bshad du gsol/ yang dag pa ma lags pa'i yongs su rtog pa rnams ji ltar 'byung bar 'gyur/ ji lta bu la
265a5 yang dag pa ma lags pa'i yongs su rtog pa zhes bgyi/ chos gang zhig la yang dag pa ma lags pa yongs su rtog lags/ bcom ldan 'das kyis bka' stsal pa/ blo gros chen po legs so legs so/ /de bzhin gshegs pa la
265a6 de lta bu'i don 'dri bar sems pa ni skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang / mi phal po che'i don dang / phan pa dang bde ba'i phyir zhugs pa yin te/ de'i phyir shin du legs par nyon la
265a7 yid la zung shig dang / ngas khyod la bshad do/ /blo gros chen pos bcom ldan 'das la gsol pa/ legs so legs so/ /bcom ldan 'das de bzhin du 'tshal lo zhes bka' mnyan pa dang / bcom ldan 'das kyis bka' stsal pa/ blo
265a8 gros chen po don rnam pa tha dad pa sna tshogs dang / yang dag pa ma yin pa'i rnam par rtog pa sna tshogs las mngon par zhen pa'i rnam par rtog pa 'byung ste/ blo gros chen po gzung ba dang / 'dzin pa la mngon par zhen pa dang / rang gi sems
265b1 snang ba tsam du ma rtogs pa dang / yod pa dang med pa'i lta bar ltung ba/ mu stegs can gyi lta ba shin du rgyas par byed pa dang / rnam par rtog pa'i bag chags kyis phyi rol gyi don sna tshogs la mngon par zhen pa dang / sems dang sems las
265b2 byung ba'i rnam par rtog pa ni bdag dang bdag gir mngon par zhen pa las 'byung ngo / /blo gros chen pos bcom ldan 'das la gsol pa/ bcom ldan 'das gal te don rnam pa tha dad pa sna tshogs dang / yang dag pa ma lags pa'i rnam par rtog
265b3 pa sna tshogs las mngon par zhen pa'i rnam par rtog pa 'byung ste/ gzung ba dang / 'dzin pa la mngon par zhen pa dang / rang gi sems snang ba tsam du rtogs pa dang / mchis pa dang ma mchis pa'i lta bar lhung ba/ mu stegs can gyi lta ba rgyas par
265b4 bgyid pa dang / rnam par rtog pa'i bag chags kyis phyi rol gyi don sna tshogs la mngon par zhen pa dang / sems dang sems las byung ba'i rnam par rtogs pa dag /bdag dang bdag gir mngon par zhen pa las 'byung ba zhig lags na/
265b5 bcom ldan 'das de lta na ni phyi rol gyi don sna tshogs kyi mtshan nyid dang / mchis pa dang ma mchis par lhung ba'i mtshan nyid dngos po dang / dngos po ma mchis pa dang bral ba dang / lta ba dang bral ba'i mtshan nyid las ji ltar bzlog pa de bzhin du bcom
265b6 ldan 'das don dam pa'i gnas su yang tshad ma dang / dbang po dang / yan lag dang / dpe dang / rgyu'i mtshan nyid las kyang bzlog par 'gyur ro/ /bcom ldan 'das ci'i slad du gcig la ni yang dag pa ma lags pa'i don sna tshogs kyi dngos
265b7 por mngon par zhen pa'i rnam par rtogs pa 'byung la/ don dam pa'i mtshan nyid la ni mngon par zhen pa'i rnam par rtog pa mi 'byung / ci bcom ldan 'das mi mtshungs pa rgyur gsung bar mi 'gyur ram ce na gcig las ni 'byung / gcig
265b8 las ni mi 'byung zhes bka' stsal/ bcom ldan 'das kyis bka' stsal pa/ blo gros chen po rnam par rtog pa ni gcig las 'byung ba'am/ gcig las mi 'byung ba ma yin te/ de ci'i phyir zhe na/ 'di lta ste/ yod pa dang med pa'i rnam
266a1 par rtog pa mi 'byung ba'i phyir dang / phyi rol na snang ba'i dngos po dngos po med pa'i phyir dang / rang gi sems snang ba tsam du rtogs pa'i phyir rnam par rtog pa mi skye'o/ /blo gros chen po ngas ni gzhan byis pa so so'i skye bo rang gi
266a2 sems sna tshogs kyi rnam par rtogs pa'i mtshan nyid kyi phyir las kyi dngos po mngon du gyur pas rnam par rtog pa sna tshogs kyi dngos po'i mtshan nyid la mngon par zhen pa 'byung bar bshad de/ ji ltar na byis pa so so'i skye bo 'di dag
266a3 bdag dang bdag gir mngon par zhen par lta ba rnam par spangs te/ byed pa dang / bya ba'i rgyu rkyen dang / 'bras bu las bzlog cing rnam par rtog pa/ rang gi sems snang ba tsam du rtogs pas lus dang sems shin du gyur te/ sa thams cad
266a4 la mthar phyin par mkhas shing de bzhin gshegs pa dag gi so so rang gis rig pa'i spyod yul la 'jug pa dang / chos lnga dang / rang bzhin dang / dngos por lta ba'i rnam par rtog pa las ldog pa 'thob par 'gyur snyam nas/ rgyu de dang / rkyen
266a5 de'i phyir ngas rnam par rtog pa rnams ni yang dag pa ma yin pa'i don sna tshogs la mngon par zhen pa las 'byung ngo zhes bshad pa yin te/ yang dag pa'i don ji lta ba bzhin du yongs su shes pas na rnam par grol ba 'thob ste/ rnam
266a6 par rtog pa sna tshogs 'byung bar mi 'gyur ro/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /rgyu rnams dang ni rkyen rnams kyis/ /gang rnams 'jig rten 'byung zhes pa/ /
266a7 rnam rtog mtha' bzhir zhen pa ste/ /de dag nga yi tshul mi shes/ /'jig rten yod las mi skye ste/ /de bzhin med las skye ba'ang min/ /yod med las kyang mi skye zhing / /yod min med min las min na/ /rgyu dag dang ni rkyen rnams su/ /
266a8 byis pa rnams ni ci phyir rtog /yod pa ma yin med pa'ang min/ /de bzhin yod med gnyi ga min/ /de ltar 'jig rten rab mthong na/ /sems gyur bdag med pa yang 'thob/ /dngos po thams cad mi skye ste/ /rkyen rnams las ni byung ba'i
266b1 phyir/ /thams cad rkyen gyis byas pa yin/ /byas pa rnams ni bdag yod min/ /dngos pos dngos po mi skyed de/ /dngos po gnyis yod skyon phyir dang / /dngos po gnyis med skyon gyi phyir/ /dngos po rnams ni gnyis su med/ /'dus byas
266b2 chos rnams rab brtags te/ /dmigs byed dmigs bya yongs spangs na/ /de ni sems med sems tsam ste/ /sems tsam du yang ngas bshad do/ /tsam ni ngo bo nyid kyi gnas/ /rkyen dngos gnyi ga spangs pa ste/ /dngos po mthar thug
266b3 dag gi mchog /sems tsam zhes ni ngas bshad do/ /kun rdzob bdag ces nyer brtags pa/ /de ni rdzas su yod ma yin/ /phung po phung po zhes btags pa/ /dngos med pa yang de bzhin no/ /mnyam pa nyid ni rnam bzhi ste/ /mtshan nyid
266b4 dang rgyu dngos las byung / /gsum pa bdag med mnyam pa ste/ /bzhi pa rnal 'byor rnal 'byor pa/ /rnam rtog bag chags g.yos pas na/ /sems ni rnams pa sna tshogs skyes/ /yul rnams phyi rol snang bar gyur/ /de ni 'jig
266b5 rten sems tsam mo/ /phyi rol snang ba yod min te/ /sems ni sna tshogs rnams su snang / /lus dang longs spyod rnams gzhag pa/ /sems tsam du ni ngas bshad do/ /lta ba thams cad yongs spongs shing / /rtog dang brtag bya bral
266b6 ba ste/ /dmigs med skye ba med pa ni/ /sems tsam du yang ngas bshad do/ /dngos med dngos med ma yin pa/ /dngos dang dngos med spangs pas na/ /sems de rnam par grol zhes pa/ /sems tsam du yang ngas bshad do/ /de bzhin nyid
266b7 dang yang dag mtha'/ /mya ngan 'das dang chos kyi dbyings/ /sna tshogs yid kyi lus rnams ni/ /sems tsam du yang ngas bshad do/ /de nas byang chub sems dpa' blo gros chen pos bcom ldan 'das la 'di skad ces gsol to/ /
266b8 'di ltar bcom ldan 'das kyis byang chub sems dpa' sems dpa' chen po rnams ngag dang don la mkhas par bya'o/ /zhes gsungs na/ ji ltar na byang chub sems dpa' ngag dang don la mkhas pa lags/ de la ngag ni ji
267a1 lta bu don ni ji lta bu lags/ bcom ldan 'das kyis bka' stsal pa/ blo gros chen po de'i phyir shin du legs par nyon la yid la zung shig dang ngas khyod la bshad do/ /blo gros chen pos bcom ldan 'das la gsol
267a2 pa legs so/ /bcom ldan 'das de bzhin du 'tshal lo zhes bka' mnyan pa dang / bcom ldan 'das kyis bka' stsal pa/ de la blo gros chen po ngag gang zhe na/ 'di lta ste/ tshig dang yi ge'i rnam par rtog pa phrad pa yin te/ mgrin pa dang /
267a3 mid pa dang / mchu dang / lce dang / so dang / rkan dang / 'gram pa la brten nas ngag tu brjod pa'i rnam par rtog pa'i bag chags kyi rgyu de las byung ba de ni ngag ces bya'o/ /blo gros chen po don gang zhe na/ 'di lta ste/ rnam par rtog pa'i mtshan
267a4 nyid thams cad dang / brjod pa'i mtshan nyid yongs su spangs pa de ni don ces bya'o/ /blo gros chen po byang chub sems dpa' sems dpa' chen pos don 'di lta bu'i phyir gcig pu dben par song nas thos pa dang / bsams pa
267a5 dang / bsgoms pa'i shes rab kyis rang gis rig pa la dmigs shing mya ngan las 'da' pa'i grong khyer du 'gro ba/ bag chags kyi lus rab tu gyur nas so so rang gis rig pa'i spyod yul sa dang sa'i gnas gzhan gyi bye brag
267a6 gi don gyi mtshan nyid la rab tu spyod pa de ni byang chub sems dpa' sems dpa' chen po rnams kyi don la mkhas pa yin no/ /gzhan yang blo gros chen po ngag gi don la mkhas pa'i byang chub sems dpa' sems dpa' chen
267a7 po ni ngag dang don tha dad pa yang ma yin/ tha mi dad par yang ma yin par so sor rab tu rtog ste/ don dang ngag la so sor rtog pa yang de bzhin no/ /gal te ngag dang don tha dad na ni don gsal bar byed pa'i rgyu dag ma yin par 'gyur
267a8 ba zhig na/ ngag gi don gyi rjes su 'jug ste/ ji ltar mar mes gzugs la sogs pa gsal bar byed pa bzhin no/ /gzhan yang blo gros chen po ma skyes pa dang / ma 'gags pa dang / rang bzhin gyis yongs su mya ngan las 'das
267b1 pa dang / theg pa gsum dang / theg pa gcig dang / sems dang rang bzhin la sogs pa la sgra ji bzhin du mngon par zhen pa la brten nas mngon par zhen pa ni sgro 'dogs pa dang / skur pa'i mthar lhung ba yin no/ /lta ba rnam pa gzhan du gnas
267b2 la rnam par gzhag pa gzhan du rnam par rtog pa ni sgyu ma lta bu'i rnam par rtog pa sna tshogs su snang ste/ ji ltar sgyu ma sna tshogs su snang ba de bzhin du byis pa so so'i skye bo rnams rnam pa gzhan du so sor rnam par rtog gi
267b3 'phags pa rnams ni ma yin no/ /de nas bcom ldan 'das kyis don de nyid yang bstan pa'i phyir/ tshigs su bcad pa 'di dag gsungs so/ /sgra bzhin rnam rtog de dag gis/ /chos rnams gang dag rnam gzhag pa/ /de ltar de dag
267b4 sgro btags pas/ /shi 'phos dmyal ba'i gnas su lhung / /phung po rnams la bdag med de/ /phung po nyid kyang bdag ma yin/ /de dag btags pa bzhin du med/ /med pa nyid kyang ma yin no/ /dngos po thams cad yod gyur la/ /
267b5 ji ltar byis pas brtags pa ltar/ /de ste mthong bzhin de yod na/ /thams cad bden pa mthong bar 'gyur/ /chos rnams dngos po med na ni/ /rnam dag ma dag yod ma yin/ /ji ltar mthong ba bzhin min te/ /de dag med pa
267b6 'ang ma yin no/ /gzhan yang blo gros chen po ye shes dang rnam par shes pa'i mtshan nyid bshad par bya ste/ gal te ye shes dang rnam par shes pa'i mtshan nyid rab tu dbye ba la mkhas par gyur na/ khyod dang byang chub sems dpa'
267b7 rnams ye shes dang / rnam par shes pa'i mtshan nyid rtogs par khong du chud cing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de la blo gros chen po ye shes de ni rnam
267b8 pa gsum yod de/ 'di lta ste/ 'jig rten pa dang / 'jig rten las 'das pa dang / 'jig rten las 'das pa'i mchog go/ /de la 'jig rten pa'i ye shes gang zhe na/ 'di lta ste/ mu stegs can dang / byis pa so so'i skye bo rnams yod pa
268a1 pa dang / med pa la mngon par zhen pa'o/ /'jig rten las 'das pa'i ye shes gang zhe na/ 'di lta ste/ nyan thos dang / rang sangs rgyas thams cad rang dang spyi'i mtshan nyid du lhung ba'i bsams pa la mngon par zhen pa'o/ /
268a2 'jig rten las 'das pa mchog gi ye shes gang zhe na/ 'di lta ste/ sangs rgyas dang byang chub sems dpa' rnams kyi snang ba med pa'i chos la rab tu rnam par 'byed pa dang / skye ba med pa dang / 'gag pa med par mthong ba dang / yod pa dang /
268a3 med pa'i phyogs dang bral ba/ de bzhin gshegs pa'i sa/ gang zag dang / chos bdag tu med pa so so rang gis rig pa las byung ba'o/ /gzhan yang ye shes ni rnam pa gsum yod de/ 'di lta ste/ skye ba dang / 'jig pa rtogs pa'i ye
268a4 shes dang / rang dang spyi'i mtshan nyid rtogs pa'i ye shes dang / skye ba med pa dang 'gag pa med pa rtogs pa'i ye shes so/ /blo gros chen po de la skye zhing 'jig pa ni rnam par shes pa'o/ /mi skye mi 'jig pa ni ye shes so/ /mtshan ma dang
268a5 mtshan ma med par lhung ba dang / yod pa dang med par lhung ba dang / mtshan nyid sna tshogs kyi rgyu las skyes pa ni rnam par shes pa'o/ /yod pa dang med pa'i mtshan nyid las shin du 'das pa ni ye shes so/ /gzhan yang skye ba dang ldan pa'i
268a6 mtshan nyid ni rnam par shes pa'o/ /skye ba med pa dang ldan pa'i mtshan nyid ni ye shes so/ /gzhan yang thogs pa med pa'i mtshan nyid ni ye shes so/ /yul sna tshogs la thogs pa dang bcas pa'i mtshan nyid ni rnam par shes pa'o/ /
268a7 gzhan yang dngos po gsum 'dus pa las skye ba'i thabs kyi mtshan nyid ni rnam par shes pa'o/ /dngos po dang thabs med pa'i rang bzhin gyi mtshan nyid ni ye shes so/ /gzhan yang thob pa'i mtshan nyid ni rnam par shes pa'o/
268a8 thob pa med pa'i mtshan nyid ni ye shes te/ rang nyid 'phags pa'i so so rang gis rig pa'i ye shes kyi spyod yul rtogs pas na mi 'jug mi 'byung ba'i phyir chu'i zla ba bzhin no/ /de nas bcom ldan 'das kyis don de nyid
268b1 yang bstan pa'i phyir tshigs su bcad pa 'di dag gsungs so/ /las rnams sogs pa rnams shes te/ /mi sog de ni ye shes so/ /chos rnams so sor rab brtags te/ /snang ba med par rtogs pa dang / /dbang dang stobs kyang thob
268b2 gyur na/ /de ni shes rab ces bya'o/ /yul dang 'brel ba sems yin te/ /rnam rtogs rig pa ye shes yin/ /snang ba med dang khyad par las/ /shes rab dag ni skye bar 'gyur/ /sems dang yid dang rnam shes dang / /rtogs pa'i 'du shes
268b3 spangs pa dang / /rnam rtog med pa'i chos thob pa/ /rgyal sras yin te nyan thos min/ /rab zhi khyad par bzod pa dang / /de bzhin gshegs pa rnam dag gi/ /ye shes las ni don dge skye/ /kun du spyod pa rnam par spangs/ /nga yi ye shes
268b4 rnam gsum ste/ /'phags pas yang dag rab tu phye/ /mtshan nyid de la rtog pa ni/ /dngos po rnams dang 'brel pa'o/ /theg pa gnyis ni ldan pa min/ /ye shes snang ba rnam par spongs/ /dngos po yod par zhen pa ni/ /nyan thos rnams
268b5 las byung ba yin/ /sems tsam las ni 'das pa na/ /bde gshegs ye shes dri ma med/ /gzhan yang blo gros chen po mu stegs can rnams la rnam par 'gyur bar smra ba rnam pa dgu yod pas mu stegs can rnams kyi 'gyur bar
268b6 lta ba skye'o/ /'di lta ste/ dbyibs 'gyur ba dang / mtshan nyid 'gyur ba dang / rgyu 'gyur ba dang / rigs 'gyur ba dang / lta ba 'gyur ba dang / ngo bo nyid 'gyur ba dang / rkyen snang bar byed pa 'gyur ba dang / bya ba snang bar byed pa 'gyur ba
268b7 dang / dngos po 'gyur ba'o/ /blo gros chen po 'di ni rnam par 'gyur ba'i lta ba rnam pa dgu zhes bya ste/ de'i rgyus mu stegs can thams cad yod pa dang med pa las skye ba'i rnam par 'gyur ba smra bar 'gyur ba yin no/ /de la dbyibs
268b8 'gyur ba gang zhe na/ 'di ltar dbyibs gzhan du 'gyur bar mthong ba ste/ dper na gser las snod dang / rgyan sna tshogs su byas pas dbyibs sna tshogs su gyur par snang yang gser gyi ngo bo nyid la 'gyur ba med pa de bzhin du
269a1 dngos po thams cad 'gyur ba yang de bzhin no zhes rtog pa'o/ /mu stegs can kha cig ni 'di ltar rtog ste/ dngos po 'gyur gyi rnam par rtog pa de dag ni de bzhin du yang ma yin/ gzhan du yang ma yin par rnam par
269a2 rtog pa'i phyir de ltar dngos po thams cad 'gyur ba dang / 'o ma dang / zho dang / chang dang / 'bras bu smin pa lta bur shes par bya ste/ mu stegs can dag gis rnam par 'gyur bar brtags pa'i rnam par 'gyur ba de dag med pas na
269a3 yod pa'am med pa ni rang gi sems snang ba tsam du zad de/ phyi rol gyi dngos po ni dngos po med pa'o/ /blo gros chen po de bzhin du byis pa so so'i skye bo rnams rang gi rnam par rtog pa la goms pas na/ blo gros chen po chos gang yang skye
269a4 ba'am/ 'jig pa med de/ ji ltar sgyu ma dang / rmi lam gyi gzugs skye bar mthong ba bzhin no/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /dbyibs gnas dus ni 'gyur ba
269a5 las/ /'byung ba chen po'i dbang po dang / /srid pa bar ma rim skye bar/ /rtog pa yin te mkhas pa min/ /rgyal bas rten cing 'brel 'byung la/ /de dag ltar ni rtog ma yin/ /'on kyang 'jig rten rten 'brel ni/ /dri za'i grong khyer ji bzhin no/ /
269a6 byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das chos thams cad kyi mtshams sbyor ba'i don dang / rnam par grol ba'i don bshad du gsol/ gal te mtshams sbyor ba dang / mtshams sbyor
269a7 ba ma lags pa'i mtshan nyid rab tu 'byed pa la mkhas par gyur na/ bdag dang byang chub sems dpa' rnams mtshams sbyor ba thams cad kyi thabs la mkhas pas sgra ji bzhin gyi don la mngon par zhen pa'i mtshams sbyor bar mi ltung
269a8 ba dang / chos thams cad kyi mtshams sbyor ba dang / mtshams sbyor ba ma lags pa'i mtshan nyid la mkhas pas tshig dang yi ge la rnam par rtog pa'i blo yongs su spangs te/ sangs rgyas kyi zhing thams cad bgrod cing 'khor gyi dkyil 'khor dpag
269b1 tu ma mchis par mchi ba dang / stobs dang / dbang ba dang / mngon par shes pa dang / gzungs kyi phyag rgya dang / sprul pa sna tshogs dang / 'od zer gyis kun du gsal bar bgyid cing rig pa'i blos mthar thug pa'i gnas bcu la rab tu 'jug
269b2 pa dang / sbyor ba mngon par 'du bgyid pa ma mchis pas nyi ma dang / zla ba dang / nor bu dang / 'byung ba chen po bzhi dang mtshungs pa dang / sa thams cad la rang gi sems rnam par rtog pa'i mtshan nyid du lta ba spangs shing chos thams cad sgyu ma dang /
269b3 rmi lam la sogs pa lta bur mthong bas sangs rgyas kyi sa dang sku la 'jug pa dang / sems can gyi khams thams cad la ci rigs par chos ston pas drangs te/ chos thams sgyu ma dang / rmi lam la sogs pa lta bur khong du chud
269b4 par bgyi ba dang / mchis pa dang ma mchis pa'i phyogs dang / skye ba dang / 'jig pa'i rnam par rtog pa spong ba dang brjod pa dang / tha dad pa'i don la rab tu 'god pas lus khyad par can du yang 'gyur ro/ /bcom ldan 'das kyis bka' stsal
269b5 pa/ blo gros chen po legs so legs so/ /de'i phyir shin du legs par nyon la yid la zung shig dang / ngas khyod la bshad do/ /blo gros chen pos bcom ldan 'das kyi gsol pa/ de bzhin du 'tshal lo zhes bka' mnyan pa dang / bcom
269b6 ldan 'das kyis bka' stsal pa/ blo gros chen po chos thams cad la sgra ji bzhin du mngon par zhen pa'i mtshams sbyor ba ni tshad med de/ 'di lta ste/ mtshan nyid la mngon par zhen pa'i mtshams sbyor ba dang / rkyen la mngon par zhen pa'i
269b7 mtshams sbyor ba dang / dngos po dang dngos po med pa la mngon par zhen pa'i mtshams sbyor ba dang / skye ba dang mi skye bar rnam par rtog pa la mngon par zhen pa'i mtshams sbyor ba dang / 'gog pa ma yin par rnam par rtog
269b8 pa mngon par zhen pa'i mtshams sbyor ba dang / theg pa dang / theg pa ma yin par rnam par rtog pa mngon par zhen pa'i mtshams sbyor ba dang / 'dus byas dang 'dus ma byas su rnam par rtog pa mngon par zhen pa'i mtshams sbyor ba dang / sa dang sa'i rang
270a1 gi mtshan nyid la rnam par rtog pa mngon par zhen pa'i mtshams sbyor ba dang / rang gi rnam par rtog pa la bar chad med pa yod par rnam par rtog pa mngon par zhen pa'i mtshams sbyor ba dang / yod pa dang med pa'i phyogs mu stegs can
270a2 gyi gnas la rnam par rtog pa mngon par zhen pa'i mtshams sbyor ba dang / theg pa gsum dang / theg pa gcig la bar chad med pa yod par rnam par rtog pa mngon par zhen pa'i mtshams sbyor ba'o/ /blo gros chen po de dag dang gzhan rnams
270a3 kyang byis pa so so'i skye bo rnams kyis rang gi rnam par rtog pas mtshams sbyor ba yin te/ de ltar mtshams sbyor ba'i phyir byis pa so so'i skye bo rnams rnam par rtog par byed pas ji ltar dar gyi srin bu skon pa byed pa bzhin du rnam par rtog
270a4 pa'i dar skud kyis bdag dang gzhan la yongs su dkri zhing yod pa dang med par mtshams sbyor ba'i mtshan nyid la mngon par zhen to/ /blo gros chen po 'di la mtshams sbyor ba dang / mtshams mi sbyor ba'i mtshan nyid gang yang med de/ chos
270a5 thams cad rab tu dben par mthong bas rnam par rtog pa mi 'byung ba'i phyir byang chub sems dpa' sems dpa' chen po rnams chos thams cad rab tu dben par mthong ngo / /gzhan yang blo gros chen po phyi rol gyi dngos po rnams dngos po
270a6 med pa dang / rang gi sems snang ba'i mtshan nyid du khong du chud cing snang ba med pa dang / rang gi sems snang ba tsam du so sor rtog pa'i rjes su 'brang ba dang / yod pa dang med pa'i dngos po thams cad kyi mtshan ma med pa dang / rnam par rtog
270a7 pa'i mtshams sbyor ba rab tu dben par mthong ba'i phyir chos thams cad la mtshams sbyor ba yang med/ mtshams sbyor ba ma yin pa'i mtshan nyid kyang med do/ /blo gros chen po 'di la gang yang 'ching ba'am grol ba med de/ gzhan du na yang
270a8 dag pa ma yin par lhung ba'i blo can dag gis bcings pa dang grol ba yod par shes so/ /de ci'i phyir zhe na/ 'di lta ste/ chos thams cad la yod pa dang / med pa dang / sems can mi dmigs pa'i phyir ro/ /gzhan yang blo gros chen po byis
270b1 pa so so'i skye bo rnams kyi mtshams sbyor ba ni rnam pa gsum yod de/ 'di lta ste/ 'dod chags dang / zhe sdang dang / gti mug yin te/ ma 'ongs pa la sred pa yang srid pa la dga' ba'i 'dod chags dang ldan pa des mtshams sbyor ba'i phyir
270b2 srid pa'i 'gro ba rnams su mtshams sbyor bar 'gyur ro/ /de'i mtshams sbyor ba ni 'gro ba lnga po rnams su mtshams sbyor ba yin te/ blo gros chen po mtshams sbyor ba bcad pa la ni mtshams sbyor ba dang / mtshams sbyor ba ma yin
270b3 pa'i mtshan nyid gang yang med do/ /gzhan yang blo gros chen po gsum 'dus pa'i rkyen dang / bya ba'i sbyor ba la mngon par zhen pa rnam par shes pa rnams kyi mtshams sbyor ba bar chad med par 'byung ngo / /sbyor ba la mngon par zhen
270b4 pas srid pa'i mtshams sbyor bar 'gyur te/ gsum 'dus pa'i rkyen gyis rnam par shes pa spangs shing rnam par thar pa gsum mthong na/ mtshams sbyor ba thams cad mi 'byung ngo / /de nas bcom ldan 'das kyis don de nyid yang
270b5 bstan pa'i phyir tshigs su bcad pa 'di dag gsungs so/ /yang dag ma yin rnam rtog ni/ /mtshams sbyor mtshan nyid ces bya ste/ /de dag yang dag yongs shes na/ mtshams sbyor dra ba chod par 'gyur/ /dngos po rnams ni ma shes
270b6 pas/ /sgra yi rjes su 'dzin par byed/ /ji ltar dar gyi srin bu bzhin/ /mtshams sbyor dra bas rang la 'ching / /byis pa rnam rtog rab bcings pas/ /mtshams sbyor so sor rtog mi byed// // //
270b7 'phags pa lang kar gshegs pa rin po che'i mdo las/ bam po drug pa/ yang blo gros chen pos bcom ldan 'das la gsol pa/ bcom ldan 'das kyis ji skad du rnam par rtog pa gang dang gang gis dngos po gang dang gang
270b8 brtags pa de dang de dag ni kun brtags pa nyid de/ de dag la rang bzhin med pas kun brtags pa'i rang bzhin kho na'o zhes gang gsungs pa/ bcom ldan 'das gal te kun brtags pa'i rang bzhin tsam kho na ste/ dngos po'i
271a1 rang bzhin gyi mtshan nyid la ltos pa zhig ma lags na/ bcom ldan 'das kun nas nyon mongs pa dang / rnam par byang ba dngos po ma mchis par bka' stsal pa'i skyon du mi 'gyur ba lags sam/ chos thams
271a2 cad ni kun brtags pa'i rang bzhin nyid de dngos po ma mchis pa'i slad du'o/ /bcom ldan 'das kyis bka' stsal pa/ blo gros chen po de de bzhin te/ khyod kyis ji skad smras pa bzhin no/ /blo gros chen po ji ltar byis pa so
271a3 so'i skye bo rnams kyis dngos po'i rang bzhin du rnam par brtags pa ltar yang dag pa nyid ni de lta ma yin pas kun brtags pa'i rang bzhin de ni dngos po'i rang bzhin gyi mtshan nyid du yod pa ma yin te/ 'on kyang blo gros chen po
271a4 'phags pa rnams kyi ye shes kyis dngos po yod pa'i rang bzhin ji lta ba bzhin du 'phags pa'i ye shes dang / 'phags pa'i mthong ba dang / 'phags pa'i shes rab kyi mig gis dngos po'i rang bzhin de bzhin du rtogs so/ /blo gros
271a5 chen pos gsol pa/ bcom ldan 'das gal te 'phags pa rnams kyi 'phags pa'i ye shes dang / 'phags pa'i mthong ba dang / 'phags pa'i shes rab kyi mig gis lags kyi/ lha'i mig dang / sha'i mig gis dngos po'i
271a6 rang bzhin de bzhin du rtogs par mi 'gyur te/ byis pa so so'i skye bo dag gis ji ltar brtags pa de ltar ma lags na/ bcom ldan 'das ji ltar byis pa so so'i skye bo rnams kyi rnam par rtog pa ldog par 'gyur te/
271a7 'phags pa'i ngo bo nyid kyi dngos po khong du ma chud pa'i slad du'o/ /bcom ldan 'das de dag ni phyin ci log kyang ma lags/ phyin ci ma log pa yang ma lags so/ /de ci'i slad du zhe na/ 'di lta ste/ 'phags pa'i dngos po'i
271a8 ngo bo'i rang bzhin khong du ma chud pa dang / mchis pa dang / ma mchis pa dang bral ba'i mtshan nyid ma mthong ba'i slad du'o/ /bcom ldan 'das 'phags pa rnams ni 'di lta bu'i mthong bas de lta bu'i dngos po ltar rnam par brtags pa
271b1 bzhin du mthong bar mi 'gyur te/ rang gi mtshan nyid kyi spyod yul la spyod yul du mi bgyid pa'i slad du'o/ /bcom ldan 'das de dag la yang dngos po'i rang bzhin gyi mtshan nyid rnams kun brtags pa'i rang bzhin nyid bzhin du snang ste/
271b2 rgyu ma bstan pas rgyu ma mchis pa'i slad du 'di lta ste/ dngos po'i mtshan nyid kyi lta bar lhung bas spyod yul tha dad par 'gyur te/ de dag ji lta ba bzhin du ma lags pas 'di ltar thug pa ma mchis pa'i nongs par 'gyur te/ bcom ldan
271b3 'das dngos po'i rang bzhin gyi mtshan nyid khong du ma chud pa'i slad du'o/ /bcom ldan 'das rnam par rtog pa'i rang bzhin gyi rgyus dngos po'i rang bzhin gyi mtshan nyid ma lags na/ ji ltar kun du rtog pa de dag kun du rtog par mi 'gyur
271b4 zhing / yang dag pa ji lta ba bzhin du kun brtags lags par khong du chud par 'gyur/ bcom ldan 'das so sor rnam par rtog pa'i mtshan nyid kyang gzhan/ rang bzhin gyi mtshan nyid kyang gzhan te/ bcom ldan 'das rgyu mi mtshungs
271b5 na rnam par rtog pa dang / rang bzhin gyi mtshan nyid la de dag ci'i slad du so sor rnam par rtog par mi bgyid/ gzhan yang ci'i slad du byis pa so so'i skye bo rnams ni yang dag pa ji lta ba bzhin du mi rig ste/ 'on kyang sems can
271b6 rnams kyi rnam par rtog pa yongs su spang ba'i phyir kun brtags pa'i mtshan nyid bzhin no zhes bstan kyang yang dag pa yod pa ma yin no zhes gsungs/ bcom ldan 'das ci'i slad du sems can rnams kyis mchis pa dang ma mchis pa dang
271b7 mchis pa'i lta ba'i dngos po'i rang bzhin dang / 'phags pa'i ye shes kyi spyod yul la mngon par zhen pa dang / mchis pa'i lta bar lhung ba la mngon par zhen pa bzlog nas stong pa'i chos ni dngos po med do zhes gsungs shing 'phags pa'i
271b8 rang bzhin gyi dngos po bka' stsal/ bcom ldan 'das kyis bka' stsal pa/ blo gros chen po nga ni stong pa'i chos dngos po med par bshad pa yang ma yin/ yod pa'i lta bar lhung bas 'phags pa'i ye shes kyi rang bzhin gyi dngos po
272a1 bstan pa yang ma yin te/ 'on kyang sems can rnams kyi skrag pa'i gnas yongs su spang ba'i phyir sems can gang dag thog ma med pa'i dus nas dngos po'i rang bzhin gyi mtshan nyid la mngon par zhen pa/ 'phags pa'i ye
272a2 shes kyi dngos po'i rang bzhin la mtshan nyid du lta zhing mngon par zhen pa dag la stong pa nyid kyi chos bshad do/ /blo gros chen po ngas dngos po'i rang bzhin bstan pa ni med mod kyi/ blo gros chen po 'on kyang nga ni rang nyid kyis yang dag pa ji lta
272a3 ba bzhin du khong du chud pa/ stong pa nyid kyi chos la rab tu gnas shing nor pa'i mtshan nyid du lta ba yongs su spangs pas rang gi sems snang ba dang / dngos po dang / dngos po med par lta ba dang bral ba rnam par thar pa gsum gyi yang dag
272a4 pa ji lta ba bzhin du khong du chud pa'i phyag rgyas shin du btab cing dngos po'i rang bzhin rnams la so so rang gis rig pa'i blos so sor rab tu rtog cing gnas pas yod pa dang / med pa'i dngos por lta ba'i mtshan nyid yongs su
272a5 spangs pa yin no/ /gzhan yang blo gros chen po byang chub sems dpa' sems dpa' chen pos chos thams cad ma skyes pa'o zhes dam bca' bar mi bya'o/ /de ci'i phyir zhe na/ 'di lta ste/ dam bca' ba'i dngos po thams cad
272a6 dngos po med pa'i phyir dang / de'i rgyu las skye ba'i mtshan nyid kyi phyir chos thams cad ma skyes pa'o zhes dam bcas te smras na/ dam bcas pa de nyams par 'gyur ro/ /gang dam bcas pa des chos thams cad ma skyes pa'o zhes
272a7 dam bcas pa de nyams par 'gyur ba ni 'di ltar dam bca' ba yang ltos pa yod pa las skyes pa'i phyir ro/ /yang ma skyes pa zhes dam bcas pa de ni chos thams cad kyi nang du gtogs pa'i phyir ro/ /ma nyams pa'i mtshan
272a8 nyid ni mi skye ba'i phyir chos thams cad ma skyes pa zhes dam bcas na smra ba de nyams par 'gyur ro/ /blo gros chen po yod pa dang / med pa ma skyes par dam bcas pa'i dam bcas pa de ni dngos po thams cad kyi nang du gtogs
272b1 pas yod pa dang med pa'i mtshan nyid mi dmigs so/ /blo gros chen po gal te dam bcas pa ma skyes pa des dngos po thams cad ma skyes pa'o zhes dam bca' bar byed na/ de lta na yang dam bcas pa las nyams par 'gyur te/
272b2 'di ltar yod pa dang med pa'i dngos po'i mtshan nyid ni mi skye ba'i phyir dam bca' bar mi bya'o/ /yan lag lnga dang ldan pa'i smra ba ni nyes pa mang po'i phyir dang / phan tshun rgyu tha dad pa'i mtshan nyid kyi phyir dang / byas pa'i phyir yan
272b3 lag rnams dam bca' bar mi bya'o/ /'di lta ste/ chos thams cad ma skyes pa dang / de bzhin du chos thams cad stong pa dang / rang bzhin med pa'o zhes dam bca' bar mi bya mod kyi/ blo gros chen po 'on kyang byang chub sems
272b4 dpa' sems dpa' chen pos chos thams cad sgyu ma dang / rmi lam lta bu bstan par bya ste/ snang ba dang / mi snang ba'i mtshan nyid kyi phyir lta ba dang / blo slu bar byed pa'i phyir chos thams cad sgyu ma dang / rmi lam lta bu'i ngo bo
272b5 nyid du bstan par bya'o/ /gzhan du na byis pa so so'i skye bo rnams skrag pa'i gnas spang bar bya ba'i phyir dang / blo gros chen po byis pa so so'i skye bo rnams yod pa dang / med pa'i lta bar lhung ba de dag skrag par mi 'gyur zhing
272b6 theg pa chen po las ring du mi 'gyur bar bya ba'i phyir ro/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /rang bzhin med pas brjod du med/ /dngos po med cing mtshams
272b7 sbyor med/ /'di dag ro bzhin byis pa yi/ /log pa'i blo yis rnam par brtags/ /chos rnams thams cad ma skyes pa/ /de ni mu stegs gzhung ma yin/ /mthar ni skye ba gang yang med/ /dngos po rkyen gyis bsgrubs pa'o/ /
272b8 chos rnams thams cad ma skyes pas/ /blo ldan mtshan mar 'dzin mi byed/ /dam bcas rgyu las skyes pa'i phyir/ /mkhas pa dag gis yongs su spong / /ji ltar rab rib mig can gyis/ /skra shad mtshan nyid log par mthong / /
273a1 de bzhin dngos por mngon zhen pa'ang / /byis pas log par rnam par brtags/ /ji tsam srid gsum nyer 'dogs pa/ /dngos po'i rang bzhin yod ma yin/ /dngos po'i rang bzhin nyer btags pas/ /rtog pa
273a2 can rnams rtog par byed/ /mtshan dngos tshig ni rnam bzhag pas/ /yid 'khrug rab tu g.yos par 'gyur/ /rgyal sras rnam rtog de dag las/ /shin du 'das shing yongs su spangs/ /chu ma yin la chur 'dzin pa/ /de ni skom
273a3 gyi sred las skyes/ /byis pa de bzhin nor bar 'gyur/ /'phags pas mthong ba de lta min/ /'phags pa'i mthong ba yongs dag ste/ /rnam thar ting nge 'dzin las skyes/ /skye dang 'jig pa rab spangs te/ /snang ba med la rab
273a4 tu spyod/ /snang ba med la rnal 'byor pas/ /dngos dang dngos med pa yang med/ /dngos dang dngos med mnyam pa na/ /de la 'phags pa'i 'bras bu skye/ /ji ltar dngos po dngos med dang / /mnyam pa nyid du ji ltar 'gyur/ /sems
273a5 kyis de ni ma shes pas/ /phyi dang nang ni rab tu g.yos/ /nam zhig de ni 'jig byed na/ /sems kyis mnyam pa nyid kyang mthong / /de nas blo gros chen pos bcom ldan 'das la 'di skad ces gsol to/ /bcom ldan 'das
273a6 bcom ldan 'das kyis ji skad du nam dmigs par bya ba'i dngos po shes pas mi dmigs pa de na btags pa tsam du rnam par gzhag pa yin te/ rnam par gzhag pa'i gzung ba med pas 'dzin pa yang med pa yin no/ /'dzin
273a7 pa med pa'i phyir shes pa yang mi 'jug ste/ btags pa'i ming tsam mo zhes gsungs na/ bcom ldan 'das ci dngos po rnams kyi rang dang spyi'i mtshan nyid tha dad pa dang tha dad pa ma lags par khong du ma chud pa'i slad du shes
273a8 pas mi dmigs lags sam/ 'on te rang dang spyi'i mtshan nyid sna tshogs kyis dngos po'i ngo bo nyid zil du rlag pa'i slad du shes pas mi dmigs lags sam/ de ste ri brag dang / rtsig pa dang / sa dang / chu dang / me dang / rlung gis
273b1 bar du chod pa'i slad du shes pas mi dmigs lags sam/ ha cang thag ring ba dang / nye ba nyid du shes pas mi dmigs lags sam/ 'on te rgan po dang / byis pa dang / long ba rnams dbang po dang mi ldan pa'i slad du shes pas
273b2 mi dmigs lags/ bcom ldan 'das gal te rang dang spyi'i mtshan nyid tha dad pa dang / tha dad pa ma lags pa khong du chud pa'i slad du shes pas mi dmigs pa zhig lags na ni de shes pas zhes mi brjod kyi/ mi shes pa zhes bgyi
273b3 ste/ don mchis kyang mi dmigs pa'i slad du'o/ /de ste rang dang spyi'i mtshan nyid sna tshogs kyis dngos po'i ngo bo nyid zil du rlag pa'i slad du shes pas mi dmigs pa zhig lags na ni de yang mi shes pa ste/ shes pa ma lags
273b4 so/ /bcom ldan 'das shes bya mchis pa'i slad du shes pa 'byung gi/ dngos po ma mchis pa las ni ma lags te shes bya dang ldan pa'i slad du shes pa zhes bgyi'o/ /de ste ri brag dang / rtsig pa dang / sa dang / chu dang / me dang / /rlung
273b5 gis chod pa rnams dang / rgyang ring po dang / nye ba dang / rgan po dang / byis pa dang / long bar gyur pas dbang po rnams ma tshang bar gyur pa'i slad du shes pas mi dmigs pa lags na ni/ de yang shes pa zhes mi bgyi bas mi shes pa
273b6 lags te/ dngos po mchis kyang mi dmigs pa'i slad du'o/ /bcom ldan 'das kyis bka' stsal pa/ blo gros chen po de ni de ltar mi shes pa ma yin te/ shes pa yin pas mi shes pa ma yin no/ /ngas de la ldem por dgongs te/ nam
273b7 dmigs pa'i dngos po shes pas mi dmigs pa de na btags pa tsam du rnam par gzhag pa yin no zhes ma bshad de/ rang gi sems snang ba tsam du khong du ma chud pas yod pa dang med pa las phyi rol gyi dngos po dang dngos po
273b8 med pa srid par shes pas dngos po mi dmigs pa'i phyir shes pa shes bya la mi 'jug go rnam par thar pa gsum gyi rjes su shes pa yang mi dmigs te/ rtog pa can thog ma med pa'i dus nas dngos po dang dngos po med par
274a1 spros pa'i bag chags kyis bsgos pa'i blo can rnams kyis de ltar shes pa ma yin no/ /shes pa des de dag ma shes pa'i phyir phyi rol gyi dngos po rnams kyi mtshan nyid kyi rang bzhin la dngos po med do zhes rnam par rtog
274a2 pa mi spong gi/ rang gi sems snang ba tsam rnam par 'jog pas bdag dang bdag gi mtshan nyid du 'dzin pa la mngon par zhen te/ rang gi sems snang ba tsam du ma chud pas shes pa dang shes bya la so sor rnam par rtog ste/ rnam par
274a3 rtog pa'i phyir phyi rol gyi dngos po dngos po med par so sor rnam par brtags kyang mi dmigs pas chad par lta ba rab tu rten to/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs
274a4 so/ /dmigs bya dag ni yod bzhin du/ /shes pa so sor mi rtog pa/ /de ni shes min mi shes par/ /rtog ge pa yis bshad pa yin/ /tha dad min pa'i mtshan nyid dang / /chod pa dang ni nye ring dag /ci ste shes pas mi rtogs na/ /de ni log pa'i
274a5 shes pa yin/ /rgan po byis pa ldongs gyur dag /shes bya yang dag yod bzhin du/ /shes pa rnams ni mi skye ba/ /de yang log pa'i shes pa yin/ /gzhan yang blo gros chen po byis pa so so'i skye bo rnams thog ma med pa'i dus kyi
274a6 yang dag pa ma yin pa'i gnas ngan len gyi log pa'i rnam par rtog pas yongs su bsgyur zhing / yongs su bsgyur ba'i tshe rang gi grub pa'i mtha'i tshul dang / bshad pa'i tshul la mi mkhas pas rang gi sems snang ba la phyi rol gyi
274a7 dngos po'i mtshan nyid du mngon par zhen pa'i phyir thabs kyis brjod pa la mngon par zhen cing / rang gi grub pa'i mtha'i mtha' bzhi rnam par dag pa'i tshul gyi mtshan nyid rnam par 'byed pa la mi mkhas so/ /blo gros chen pos bcom
274a8 ldan 'das la gsol pa/ ji ltar bcom ldan 'das kyis bka' stsal pa bzhin no/ /bcom ldan 'das ci nas kyang bdag dang byang chub sems dpa' sems dpa' chen po gzhan rnams tshul rnam pa gnyis la mkhas pas ma 'ongs
274b1 pa'i dus na so so'i skye bo dang / nyan thos dang / rang sangs rgyas kyi theg pa rnams kyis glags rnyed par mi 'gyur ba'i bshad pa'i tshul dang / grub pa'i tshul bdag la bshad du gsol/ bcom ldan 'das kyis bka' stsal pa/ blo gros
274b2 chen po legs so legs so/ /de'i phyir legs par nyon la yid la zung shig dang ngas khyod la bshad do/ /blo gros chen pos bcom ldan 'das la gsol pa/ de bzhin du 'tshal lo zhes bka' mnyan pa dang / bcom ldan 'das kyis blo
274b3 gros chen po la 'di skad ces bka' stsal to/ /dus gsum gyi de bzhin gshegs pa rnams kyi chos kyi tshul rnam pa gnyis yod de/ 'di lta ste/ bstan pa'i tshul dang / rang gi grub pa'i mtha'i tshul lo/ /de la bstan pa'i tshul ni 'di lta
274b4 ste/ sems can rnams kyi sems kyi mos pa ji lta ba bzhin du tshogs sna tshogs kyi mdo sde bshad pa ste/ de ni bstan pa'i tshul zhes bya'o/ /de la rang gi grub pa'i mtha'i tshul ni 'di lta ste/ rnal 'byor pa rnams rang gi sems snang
274b5 ba'i rnam par rtog pa sna tshogs yongs su spangs nas/ 'di lta ste/ gcig pa dang / tha dad pa dang / gnyi ga dang / gnyi ga ma yin pa'i phyogs su ma lhung ba/ sems dang / yid dang / yid kyi rnam par shes pa thams cad las shin du 'das
274b6 pa/ so so rang gis rig pa 'phags pa'i spyod yul/ rgyu dang / rigs pa dang / lta ba'i mtshan nyid dang bral ba/ mu stegs can dang / nyan thos dang / rang sangs rgyas kyi theg pa pa mtha' gnyis su lhung ba thams cad kyis mi shes pa
274b7 de ni ngas rang gi grub pa'i mtha'i tshul gyi chos so zhes bshad do/ /blo gros chen po de ni rang gi grub pa'i mtha'i tshul dang / bstan pa'i tshul gyi mtshan nyid ces bya ste/ de la khyod dang byang chub sems dpa' sems dpa' chen po
274b8 gzhan dag gis bsgrub cing bslab par bya'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di gsungs so/ /nga yi tshul ni rnam gnyis te/ /grub pa'i mtha' dang bstan pa'o/ /byis pa
275a1 rnams la brjod pa bshad/ /rnal 'byor pa la grub mtha'o/ /de nas byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das ji ltar bcom ldan 'das kyis dus gcig
275a2 gi tshe 'di skad du 'jig rten rgyang pan pa'i smra ba dang / spobs pa can sna tshogs la bslab cing bsnyen par mi bya'o/ /de la slob cing bsnyen na zang zing sdud de chos sdud pa ma yin no/ /zhes gsungs na/ bcom ldan 'das ci'i slad du de skad
275a3 ces bka' stsal/ bcom ldan 'das kyis bka' stsal pa/ blo gros chen po 'jig rten rgyang pan pa rnams ni sna tshogs pa'i tshig gi tshogs dang / rgyu dang rkyen dang / dpe rnams sdud cing 'god pa dag gis byis pa so so'i skye bo rnams slu
275a4 zhing rnam par rmongs par byed pas yang dag pa de kho na'i rang gi tshul la 'jug par mi byed la chos thams cad khong du mi chud de/ phyin ci log tu rnam par rtog pas mtha' gnyis su lhung ba dang / byis pa dag shin du rmongs par byed cing
275a5 bdag nyid kyis yang rnam par 'jig pas 'gro ba rnams su mtshams sbyor gyi/ rnam par grol na mi 'thob ste/ rang gi sems snang ba tsam du khong du ma chud cing phyi rol gyi dngos po'i rang bzhin ma spangs pa dang / rnam par rtog pa la
275a6 mngon par zhen pas so/ /de lta bas na 'jig rten rgyang pan pa spobs pa sna tshogs can ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / 'khrugs pa las yongs su mi 'grol
275a7 te/ yongs su slu zhing shin du rmongs par byed pa yin no/ /blo gros chen po brgya byin lha'i dbang po bstan bcos mang po la mkhas pas bdag nyid kyis sgra'i bstan bcos byas pa las 'jig rten rgyang pan pa de'i slob ma klu'i
275a8 gzugs dang cha byad 'dzin pa zhig brgya byin lha'i dbang po'i gnas su song nas/ 'di skad du dam bcas so/ /bdag khyod dang chos smra bar bya ste/ gal te khyod kyis bdag ma thub par gyur na ni khyod kyi rtsibs stong dang ldan pa'i
275b1 'khor lo gzhig par bya'o/ /bdag pham par gyur na ni mgo re re nas bcad de pham pa'i nyes pa khas blang ngo zhes dam bcas nas chos smras pa las brgya byin lha'i dbang po pham par byas te/ 'khor lo rtsibs stong dang ldan pa bshig nas
275b2 slar mi'i 'jig rten 'dir 'ongs so/ /de ltar blo gros chen po 'jig rten rgyang pan pa rgyu dang dpe sna tshogs bkod pas 'di ltar tha na byol song du gyur pas kyang tshig gi tshogs rnam pa sna tshogs kyis lha dang lha ma yin rnams
275b3 shin du rmongs par byed cing / skye ba dang / 'jig pa'i lta ba la rab tu 'god par byed na/ mi rnams lta smos kyang ci dgos/ de lta bas na blo gros chen po 'jig rten rgyang pan pa rnams yongs su spang bar bya ste/ sdug bsngal skye ba'i
275b4 rgyu 'thob par byed pas bslab cing bsnyen par mi bya'o/ /blo gros chen po 'jig rten rgyang pan pa rnams ni lus dang blos yul dmigs pa tsam du ston to/ /blo gros chen po 'jig rten rgyang pan pa de dag stong phrag brgya yod de/ phyi
275b5 ma'i dus lnga brgya tha ma la bstan pa bsdus pa rnams 'jig par byed cing rtog ge ngan pa'i rgyu dang / lta ba rnams rgyas par 'gyur ba na slob ma ngan pa rnams yongs su 'dzin par byed do/ /'di ltar blo gros chen po 'jig rten
275b6 rgyang pan pa bsdus pa 'jig par byed pa rnams ni tshig gi tshogs dang / rgyu dang / dpe sna tshogs bkod pas mu stegs kyi dngos po rjod cing rang gi rkyen la mngon par zhen pas rang gi tshul yod pa ma yin no/ /blo gros chen po mu
275b7 stegs can de dag la rang gi tshul gyi bstan bcos med pas gzhan dag la 'jig rten rgyang pan pa rnams dngos po'i sgo brgya stong du ma tshad med pa rnams rgya cher ston par byed de/ rang gi tshul yod pa ma yin pa dang / blun zhing
275b8 gti mug pa 'jig rten rgyang pan pa yin par rang gis mi shes so/ /de la blo gros chen pos bcom ldan 'das la 'di skad ces gsol to/ /bcom ldan 'das gal te mu stegs can 'jig rten rgyang pan pa rnams tshig gi
276a1 tshogs dang / rgyu dang / dpe sna tshogs su 'brel pas rang gi tshul ma mchis te/ rang gi dngos po la mngon par zhen pa lags na ni/ bcom ldan 'das kyang 'jig rten rgyang pan pa nyid ston te/ 'di ltar phyogs tha dad pa
276a2 sna tshogs nas 'dus pa'i 'khor lha dang / mi dang lha ma yin rnams la tshig gi tshogs rnam pa sna tshogs tshad ma mchis pa rnams kyis rgya cher gsung bas/ de yang rang gi tshul ma mchis pa ma lags sam/ mu stegs can gyi shes
276a3 pa dang / tha snyad brjod pa'i grangs su mchi ba ma lags sam/ bcom ldan 'das kyis bka' stsal pa/ blo gros chen po nga ni 'jig rten rgyang pan mi 'chad de 'ong ba dang 'gro ba med pas 'ong ba med pa dang / 'gro ba med pa 'ba'
276a4 zhig tu ston te/ blo gros chen po 'ong ba zhes bya ba ni 'gro ba rnams 'dus pa las skye ba'o/ /'gro ba zhes bya ba ni rnam par 'jig pa ste/ 'gro ba med pa dang / 'ong ba med pa ni mi skye mi 'jig pa yin no/ /blo gros chen po ngas bshad pa'i
276a5 chos rnams ni 'jig rten rgyang pan par lhung ba dang / rnam par rtog pa'i grangs su gtogs pa ma yin te/ de ci'i phyir zhe na/ 'di lta ste/ phyi rol gyi dngos po dang / dngos po med pa la mngon par ma zhen cing rang gi sems snang ba tsam
276a6 la gnas pas mtha' gnyis kyi rnam par rtog pas mi g.yos la mtshan ma'i spyod yul dngos po med pa dang / rang gi sems snang ba tsam du khong du chud pas rang gi sems snang ba'i rnam par rtog pa mi skye ste/ rnam par rtog pa
276a7 mi skye ba ni stong pa dang / mtshan ma med pa dang / mngon par 'du bya ba med pa'i rnam par thar pa gsum la zhugs pas rnam par grol ba zhes bya'o/ /blo gros chen po ngas mngon par dran pa dus gcig gi tshe sa phyogs shig na 'dug
276a8 pa na bram ze'i 'jig rten rgyang pan pa zhig nga ga la ba der 'ongs nas rab tu dben pa mi 'dri bar nga la 'di skad ces zer ro/ /kye gau ta ma thams cad byas pa yin nam/ ngas de'i tshe 'di skad du kye bram ze thams cad byas pa zhes zer ba
276b1 'di ni 'jig rten rgyang pan pa dang po'o/ /des yang dris pa/ thams cad ma byas pa yin nam/ ngas yang 'di skad du thams cad byas pa ma yin pa 'di ni 'jig rten rgyang pan pa gnyis pa yin no zhes smras so/ /des yang dris pa/ thams
276b2 cad rtag pa 'am/ thams cad mi rtag pa 'am/ thams cad skye ba 'am/ thams cad mi skye ba 'am/ ngas de'i tshe 'di skad du de dag ni 'jig rten rgyang pan pa drug pa'o zhes smras so/ /blo gros chen po des yang 'di skad du thams cad gcig pa
276b3 'am thams cad tha dad pa 'am/ thams cad gnyi ga 'am/ thams cad gnyi ga ma yin pa 'am/ thams cad rgyu sna tshogs las skye ba snang bar gyur pa 'am zhes dris pa dang / ngas de'i tshe 'di skad du de dag ni 'jig rten rgyang pan pa bcu gcig
276b4 pa'o zhes smras so/ /blo gros chen po des yang 'di skad du kye thams cad lung du ma bstan pa zhig yin nam/ thams cad lung du bstan pa zhig yin nam/ bdag yod pa zhig gam/ bdag med pa zhig gam/ 'jig rten 'di med pa zhig
276b5 gam/ 'jig rten pha rol yod pa zhig gam/ 'jig rten pha rol med pa zhig gam/ rnam par grol ba yod pa zhig gam/ rnam par grol ba med pa zhig gam/ thams cad skad cig pa 'am/ thams cad skad cig pa ma yin pa 'am/
276b6 nam mkha' 'am/ so sor brtags pa ma yin pa'i 'gog pa 'am/ mya ngan las 'das pa 'am/ kye gau ta ma byas pa 'am/ ma byas pa 'am/ bar ma do'i srid pa yod pa zhig gam/ bar ma do'i srid pa med pa zhig gam dris pa dang /
276b7 blo gros chen po ngas de'i tshe 'di skad ces/ kye bram ze de skad du smra ba de dag thams cad ni 'jig rten rgyang pan pa yin pas ngas bstan pa ma yin gyi/ khyod kyi 'jig rten rgyang pan pa yin no zhes smras so/ /bram ze nga ni thog ma med
276b8 pa'i dus nas yang dag pa ma yin pa rnam par rtog pa'i bag chags sna tshogs kyi gnas ngan len rnams srid pa gsum gyi rgyu yin pa dang / rang gi sems snang ba tsam du khong du ma chud pas rnam par rtog pa byung nas phyi rol gyi
277a1 dngos po la dmigs par byed pa 'ba' zhig ston gyi/ ji ltar mu stegs can dag bdag dang / dbang po rnams dang / don gsum 'dus pa las shes pa skye ba lta bur nga ni de lta bu ma yin no/ /bram ze nga ni rgyur smra ba yang
277a2 ma yin/ rgyu med par smra ba yang ma yin kyi/ rnam par rtog pa gzung ba dang / 'dzin pa'i dngos po tsam la rten cing 'brel bar 'byung ba zhes nye bar 'dogs te/ khyod dang gang dag bdag tu 'dzin par lhung ba'i rgyun chad dag gis shes par
277a3 bya ba ma yin no/ /blo gros chen po mya ngan las 'das pa dang / nam mkha' dang / 'gog pa dag rnam pa gsum du yod pa ma yin gyi/ grangs tsam du gsum yod par zad do/ /gzhan yang blo gros chen po de'i tshe bram ze 'jig rten rgyang
277a4 pan pa nga la 'di skad ces zer ro/ /kye mi shes pa dang / sred pa dang / las kyi rgyu'i phyir srid pa gsum yod par gyur pa 'am/ 'on kyang rgyu med pa las yin/ ngas de'i tshe 'di skad ces 'di gnyi ga yang 'jig rten rgyang pan pa'o zhes
277a5 smras so/ /des yang 'di skad du kye dngos po thams cad rang dang spyi'i mtshan nyid du gtogs pa zhig yin nam/ zhes dris pa dang / nga yang 'di skad du 'di yang 'jig rten rgyang pan pa nyid yin te/ bram ze ji tsam du yid rnam par g.yos
277a6 pa dang / phyi rol gyi don la mngon par zhen cing rnam par rtog pa de dag thams cad kyang 'jig rten rgyang pan pa'o zhes smras so/ /gzhan yang blo gros chen po de'i tshe bram ze 'jig rten rgyang pan pas nga la yang dris pa/ kye 'jig
277a7 rten rgyang pan pa ma yin pa 'ga' lta yod dam/ bdag ni mu stegs can thams cad kyi gtso bo yin te/ tshig gi tshogs dang / rgyu dang / dpe sna tshogs kyi bkod pa dag ston pa'o/ /ngas yang 'di skad du/ kye bram ze yod de/
277a8 khyod la yod pa ni ma yin no/ /grub pa'i mtha' med pa yang ma yin/ ston pa yang ma yin/ sna tshogs kyi tshig gi tshogs mi ston pa yang ma yin/ rgyu dang dpe mi 'god pa yang ma yin no zhes smras so/ /bram zes smras pa/
277b1 'jig rten rgyang pan ma yin pa dang / grub pa'i mtha' med pa yang ma yin pa dang / mi ston pa yang ma yin pa de lta bu yin/ ngas de'i tshe 'di skad du bram ze 'jig rten rgyang pan ma yin pa yod de/ mu stegs can khyed rnams kyis
277b2 shes par mi nus te/ 'di ltar pha rol gyi dngos po la yang dag pa ma yin pa rnam par rtog pa'i spros pas mngon par zhen pa'i phyir ro/ /'di lta ste rnam par rtog pa mi skye zhing yod pa dang med pa rang gi sems snang ba tsam du khong du
277b3 chud pas rnam par rtog pa mi skye ba dang / phyi rol gyi yul la 'dzin pa med cing rnam par rtogs pa rab tu zhi ba de ni 'jig rten rgyang pan ma yin pa zhes bya ste/ 'di ni nga'i chos yin pas khyod la yod pa ma yin no/ /kye bram ze mdor
277b4 bsdus te bstan na rnam par shes pa de 'ong ba dang / 'gro ba dang / shi 'pho ba dang / skye ba dang / bde ba dang / sdug bsngal ba dang / bya ba dang / lta ba dang / reg pa dang / mtshan nyid sna tshogs la mngon par zhen pa dang / 'dus te 'tshams sbyor
277b5 ba dang / sred pa dang / rgyu la mngon par zhen pa ste/ kye bram ze 'di lta bu la sogs pa de dag thams cad ni khyod la sogs pa'i 'jig rten rgyang pan yin te nga la yod pa ni ma yin no/ /blo gros chen po bram ze 'jig rten rgyang pan pas
277b6 dris pa la ngas de skad du lan btab pa dang / de cang mi smra bar gyur te/ lan med pas slar song ngo / /de rang gi tshul gyi gnas la sems shing 'di skad du dge sbyong shAkya'i bu ni tshul las shin du 'das pas na skye ba med pa dang / mtshan ma
277b7 med pa dang / rgyu med pa dang / rang gi rnam par rtog pa snang ba'i mtshan nyid khong du chud pas rnam par rtog pa mi skye bar smra'o snyam mo/ /blo gros chen po 'di ni khyod kyis sngar nga la ci'i slad du 'jig rten rgyang pan pa spobs pa sna tshogs
277b8 can la slob cing bsten la zang zing sdud de/ chos sdud pa ma yin no zhes bka' stsal ces dris pa'i'o/ /blo gros chen pos bcom ldan 'das la gsol pa/ bcom ldan 'das zang zing sdud pa dang / chos shes bgyi ba'i tshig
278a1 gi don ji lta bu lags/ bcom ldan 'das kyis bka' stsal pa/ blo gros chen po khyod kyis ma 'ongs pa'i sems can rnams kyi phyir tshig gi don 'di lta bu sems shing 'dri ba legs so legs so/ /de'i phyir shin du legs par
278a2 nyon la yid la zung shig dang ngas khyod la bshad do/ /blo gros chen pos bcom ldan 'das la gsol pa/ de bzhin du 'tshal lo zhes bka' mnyan pa dang / bcom ldan 'das kyis bka' stsal pa/ blo gros chen po 'di lta ste/ zang zing zhes
278a3 bya ba ni len pa dang / gtong ba dang / reg pa dang / myang ba dang / phyi rol gyi yul la mngon par zhen pa dang / mtha' gnyis kyi lta bar lhung ba dang / yang sdug bsngal gyi phung po bskyed pa dang / skye ba dang / rga ba dang / na ba dang / 'chi ba dang / mya ngan dang /
278a4 smre sngags 'don pa dang / 'khrug pa rnams te/ de lta bu'i sgyu ma rnams ni sred pa las byung bas/ de'i phyir 'jig rten rgyang pan slob cing sten pa rnams dang / 'jig rten rgyang pan pa rnams ni nga dang sangs rgyas gzhan dag gis kyang zang
278a5 zing zhes brjod de/ 'di ni zang zing sdud cing chos sdud pa ma yin pa zhes bya'o/ /blo gros chen po chos sdud pa gang zhe na/ 'di lta ste/ rang gi sems snang ba tsam du legs par rtogs shing khong du chud pa dang / gang zag dang chos bdag med pa'i
278a6 mtshan nyid thob pas rnam par rtog pa mi skye ba dang / sa rnams la gong nas gong du shin du mkhas pas sems dang yid dang / yid kyi rnam par shes pa ldog pa dang / sangs rgyas thams cad kyi ye shes dang / dbang bskur ba phun sum tshogs
278a7 pa dang / mthar thugs pa med pa'i gnas bcu yongs su gzung ba dang / chos thams cad la rtsol ba med par dbang byed pa ni chos shes bya ste/ de ni 'di lta ste/ lta ba thams cad dang / spros pa thams cad dang / rnam par rtog pa thams cad dang /
278a8 dngos po thams cad dang / mtha' gnyis thams cad du mi ltung ngo / /blo gros chen po mu stegs can byis pa rnams ni phal cher rtag pa dang / chad pa'i mtha' gnyis su ltung gi mkhas pa rnams ni ma yin no/ /de la rgyu med par smra ba
278b1 yongs su bzung bas ni rtag par lta ba 'byung ngo / /phyi rol gyi rgyu 'jig cing rgyu dang rkyen dngos po med par mthong ba las ni chad par lta ba 'byung ste/ blo gros chen po de ni skye ba dang / gnas pa dang / 'jig pa mi mthong ba'i phyir chos
278b2 shes bya'o/ /blo gros chen po de ni zang zing dang chos shes bya ste/ de la khyod dang byang chub sems dpa' sems dpa' chen po gzhan dag gis bslab par bya'o/ /de nas bcom ldan 'das kyis don de nyid yang bstan pa'i phyir
278b3 tshigs su bcad pa 'di dag gsungs so/ /'jig rten rgyang pan thams cad ni/ /mu stegs can gyis bshad de brdzun/ /rnam rtog byed dang bya bar mthong / /de la rang gi grub mtha' med/ /nga yi grub mtha' 'di 'ba' shig /byed dang bya
278b4 ba yongs su spangs/ /'jig rten rgyang pan rnam bral ba/ /slob ma rnams la rab tu bshad/ /sems tsam de ni mi dmigs pas/ /sems gnyis so sor rtog mi byed/ /gzung dang 'dzin pa dngos med de/ /rtag chad gnyi ga yongs
278b5 su spangs/ /ji srid sems ni 'jug pa'i bar/ /de srid 'jig rten rgyang pan yin/ /rnam par rtog pa mi 'jug na/ /des ni rang gi sems mthong ngo / /'ong tshe dngos po skye zhes bya/ /'gro tshe dngos po yong mi snang / /'gro 'ong legs
278b6 par gsal rtogs na/ /rnam par rtog pa yang mi skye/ /rtag pa dang ni mi rtag dang / /byas pa dang ni ma byas pa/ /'jig rten 'di dang 'jig rten gzhan/ /thams cad 'jig rten rgyang pan tshul/ /de nas yang blo gros chen pos
278b7 bcom ldan 'das la 'di skad ces gsol to/ /bcom ldan 'das mya ngan las 'das pa zhes bgyi ba/ chos ji lta bu zhig la mya ngan las 'das pa zhes bgyi na/ mu stegs can rnams so so nas rnam par rtog pa skyed par
278b8 bgyid/ bcom ldan 'das kyis bka' stsal pa/ blo gros chen po de'i phyir shin du legs par nyon la yid la zung shig dang / ngas khyod la ji ltar mu stegs can rnams mya ngan las 'das par rnam par rtogs pa
279a1 dang / de dag gi rnam par rtog pa mya ngan las 'das pa'i rjes su 'thun par 'gyur ba ma yin pa bshad par bya'o/ /blo gros chen pos bcom ldan 'das la gsol pa/ de bzhin du 'tshal lo zhes bka' mnyan pa dang /
279a2 bcom ldan 'das kyis 'di skad ces bka' stsal to/ /blo gros chen po mu stegs can kha cig ni phung po dang / khams dang / skye mched rnams 'gags pa dang / yul 'dod chags dang bral ba dang / chos rnams mi rtag par
279a3 mthong ba dang / sems dang sems las byung ba'i chos kyi phyogs mi skye ba dang / 'das pa dang / ma 'ongs pa dang / da ltar gyi yul mi dran pa dang / nye bar len pa phung po zad pa mar me bzhin 'gags pa dang / sa bon ltar zhig pas
279a4 rnam par rtog pa mi skye'o zhes de dag gis 'di dag la mya ngan las 'das par 'du shes te/ blo gros chen po 'jig par lta ba la mya ngan las 'das pa zhes bya ba ni ma yin no/ /kha cig ni phyogs nas phyogasu song na thar pa zhes
279a5 brjod do/ /kha cig ni yul gyi rtog pa 'gags te/ ji ltar rlung zhi ba bzhin du gyur na thar pa zhes brjod do/ /kha cig ni blo dang rig par bya ba mthong ba rnam par zhig pa la thar pa zhes rjod do/ /kha cig ni rtag pa dang / mi rtag par mthong
279a6 ba la thar pa'o zhes 'du shes so/ /kha cig ni mtshan mar 'du shes pa mang po ni sdug bsngal bskyed pa'i rgyu 'thob par 'gyur ro snyam du bsams nas/ rang gi sems snang ba tsam la mi mkhas pas mtshan ma rnams kyis
279a7 'jigs shing skrag ste/ mtshan mid med par mthong ba la rab tu mos shing 'dod nas mya ngan las 'das par 'du shes so/ /kha cig ni nang dang phyi'i chos thams cad kyi rang dang spyi'i mtshan nyid khong du chud pa dang / 'das pa
279a8 dang / ma 'ongs pa dang / da ltar byung ba ni dngos por yod de/ mi 'jigs pa'o zhes mya ngan las 'das par 'du shes so/ /kha cig ni bdag dang / gang zag dang / sems can dang / srog dang / chos thams cad mi 'jig pa la
279b1 mya ngan las 'das par 'du shes so/ /mu stegs can kha cig ni log pa'i mes shes rab sreg pa dang / rang bzhin dang / skyes bu mthong zhing / de gnyis kyi yod pa las skyes bus 'byin pa rnams ni rang bzhin zhes bya ste/ ji ltar
279b2 dang po'i mun pa bzhin du yon tan rnam par 'gyur ba dang / yon tan gyi byed pa po la mya ngan las 'das par 'du shes so/ /kha cig ni bsod nams dang / bsod nams ma yin pa zad pas/ kha cig ni nyon mongs pa zad cing shes pas/
279b3 kha cig ni 'khor ba rnams dbang phyug gis yang dag par byas par mthong ba la mya ngan las 'das par 'du shes so/ /kha cig 'khor ba rnams ni gcig gis gcig bskyed pas rgyu gzhan ci yang med de/ 'di ltar rgyu la mngon par zhen
279b4 cing de gti mug pas khong du mi chud de/ khong du ma chud pa'i phyir mya ngan las 'das pa'o zhes 'du shes so/ /mu stegs can kha cig ni yang dag pa'i bden pa'i lam thob pa la mya ngan las 'das par 'du shes so/ /kha cig ni yon
279b5 tan can dang / yon tan gyis bskyed pa la tshogs pa dang / gcig pa dang / tha dad pa dang / gnyi ga dang / gnyi ga ma yin par mthong ba la mya ngan las 'das par 'du shes so/ /kha cig ni rang bzhin las byung bas rma bya'i rnam par bkra ba
279b6 dang / rin po che sna tshogs kyis 'byung gnas dang / tsher ma rno ba la sogs pa lta bur dngos po rnams kyi rang bzhin mthong nas mya ngan las 'das par 'du shes so/ /blo gros chen po kha cig ni srid pa nyi shu rtsa lnga de kho na nyid yin par khong du chud
279b7 pas/ kha cig ni rgyal po'i yul skyong ba dang / yon tan drug gi bstan pa 'dzin pas mya ngan las 'das par 'du shes so/ /kha cig ni byed pa po dus yin par mthong nas/ 'jig rten 'byung ba ni dus la rag las so zhes de ltar khong du
279b8 chud pa las mya ngan las 'das par 'du shes so/ /kha cig ni dngos pos so/ /kha cig ni dngos po med pas so/ /kha cig ni dngos po dang dngos po med pa yongs su shes pas so/ /kha cig ni dngos po'i rtog pa dang / mya ngan las 'das pa bye
280a1 brag yod par mthong bas mya ngan las 'das par 'du shes te/ de ltar de lta bu'i rnam par rtog pa sna tshogs mu stegs can dag gis bstan pa yod kyang rig pa dang mi ldan pas mkhas pa rnams kyis spangs pa yin no/ /blo
280a2 gros chen po de dag thams cad mtha' gnyis su ltung ba'i bsam pas mya ngan las 'das par 'du shes te/ de lta bu la sogs pa'i rnam par rtog pas mu stegs can dag mya ngan las 'das par yongs su rtog kyang / 'di la gang yang skye ba
280a3 'am/ 'gag pa med do/ /blo gros chen po mu stegs can so so'i mya ngan las 'das pa de dag ni de dag rang gi bstan bcos dang shes pas so sor brtags pas na rnam par gzhag pa ci yang med de/ ji ltar de dag gi rnam par rtog
280a4 pa'i sems dang / yid bzhin du 'ong ba dang / 'gro ba dang / rab tu g.yo bas thams cad gang yang mya ngan las 'das pa thob pa med do/ /blo gros chen po ngas ji skad du bstan pa'i mya ngan las 'das pa ni 'di lta ste/ rang gi sems snang ba
280a5 tsam du mkhas shing khong du chud pa dang / phyi rol gyi dngos po la mngon par chags shing mtha' bzhi yongs su spangs pa dang / yang dag pa ji ltar gnas pa bzhin du mthong bas rang gi sems snang bar rnam par rtog pa'i mtha'
280a6 gnyis su ma lhung ba dang / gzung ba dang / 'dzin pa mi dmigs pas tshad ma thams cad kyis grub par mi mthong ba dang / de kho na nyid la rmongs pa yin pas yongasu bsdu bar mi bya'o zhes de yongs su spangs nas/ bdag
280a7 gi 'phags pa'i so so rang gis rig pa'i chos thob pa dang / bdag med pa rnam gnyis rtogs pa dang / nyon mongs pa gnyis yongs su spangs pa dang / sgrib pa gnyis rnam par dag pa dang / 'chi 'pho gnyis gtan
280a8 nas spangs pa dang / sa rnams gong nas gong du sbyangs pas de bzhin gshegs pa'i sa la 'jug cing gzugs brnyan dang / sgyu ma la sogs pa'i ting nge 'dzin zab mo thob pa dang / sems dang yid dang / yid kyi
280b1 rnam par shes pa yongs su spangs pa ni mya ngan las 'das pa zhes bstan to/ /blo gros chen po de la khyod dang / byang chub sems dpa' sems dpa' chen po gzhan dag gis bslab par bya zhing / mu stegs can thams cad
280b2 kyi mya ngan las 'das par lta ba rnams myur du yongs su spang bar bya'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /mu stegs mya ngan 'das lta zhing / /so sor
280b3 rnam rtog gang byung ba/ /de dag sems kyi rtog las skyes/ /thar pa'i thabs ni yod ma yin/ /'ching dang bcing bya la rmongs pa/ /thabs mkhas yongs su spangs pas na/ /mu stegs thar pa 'du shes pa/ /thar pa nam yang
280b4 skye mi 'gyur/ /shes pa mang pos tha dad 'jug /mu stegs can gyis mthong ba'i tshul/ /de dag thar pa yod ma yin/ /blun zhing gti mug rnam rtog phyir/ /mu stegs blun pos thams cad kun/ /rnam rtog byed dang bya bar mthong / /
280b5 yod med phyogs su smra ba rnams/ /de dag la ni thar pa med/ /byis pa rnam par rtog la mos/ /yang dag blo gros thos mi 'gyur/ /smra ba sdug bsngal gsum gyi gnas/ /yang dag sdug bsngal 'jig pa'i rgyu/ /ji ltar me long
280b6 gzugs brnyan dag /snang ba yod pa ma yin ltar/ /rnam rtog sems kyi me long la/ /byis pa dag gis gnyis yod mthong / /sems dang dmigs pa ma shes pa/ /rnam par rtog pa gnyis skye ste/ /sems dang yul ni yongs
280b7 shes na/ /rnam par rtog pa skye mi 'gyur/ /sems ni sna tshogs 'gyur ba ste/ /mtshan nyid mtshan gzhi yongs spangs pas/ /bya ba snang yang snang ba med/ /ji ltar byis pas rnam brtags bzhin/ /srid gsum rnam par rtog tsam
280b8 pas/ /phyi rol gyi ni don med de/ /rnam par rtog pa sna tshogs snang / /byis pa dag gis mi rtogs so/ /mdo dang mdo las rnam rtog bshad/ /nam yang ming las 'da' mi 'gyur/ /brjod pa dag ni ma gtogs par/ /brjod par bya ba
281a1 ci yang med/ /'phags pa lang kar gshegs pa rin po che'i mdo las/ bam po bdun pa/ de nas byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das
281a2 yang dag par rdzogs pa'i sangs rgyas pa nyid bshad du gsol/ de nas bdag dang byang chub sems dpa' sems dpa' chen po gzhan rnams de bzhin gshegs pa'i rang bzhin la mkhas shing / bdag dang gzhan rnams khong du chud
281a3 par bgyid par 'gyur ro/ /bcom ldan 'das kyis bka' stsal pa/ blo gros chen po khyod ji ltar 'dod pa bzhin du dris shig dang / ngas ji ltar khyod kyis dris pa de bzhin du bshad par bya'o/ /blo gros chen pos bcom ldan 'das
281a4 la gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bgyis pa 'am/ ma bgyis pa 'am/ dngos po 'am/ rgyu 'am/ mtshan nyid dam/ mtshan nyid kyi gzhi 'am brjod
281a5 pa'am/ brjod par bgyi ba'am/ blo 'am/ rig par bgyi ba'am/ de lta bu la sogs pa'i tshig rnams dang / tha dad pa'am/ tha dad pa ma lags pa zhes bgyi/ bcom ldan 'das kyis bka' stsal pa/ blo gros chen po de
281a6 bzhin gshegs pa dgra bcom pa yang dag par rdzogs pa'i sangs rgyas ni de lta bu la sogs pa'i tshig gi dngos po yang ma yin/ rgyu yang ma yin te/ de ci'i phyir zhe na/ gnyi ga yang nyes par 'gyur ba'i phyir ro/ /blo gros chen
281a7 po gal te de bzhin gshegs pa dngos po yin min byas pa'am/ mi rtag par 'gyur te/ mi rtag pa'i phyir dngos po thams cad kyang de bzhin gshegs par 'gyur bas na/ de ni nga dang de bzhin gshegs pa thams cad kyang mi bzhed do/ /ci ste
281a8 byas pa ma yin na ni dmigs su med pa'i phyir sbyor ba rnams don med par 'gyur te/ ri bong gi rwa dang / mo sham gyi bu ltar yod pa ma yin pa'i phyir ro/ /blo gros chen po gang dngos po yang med/ rgyu yang med pa ni yod pa yang ma
281b1 yin med pa yang ma yin/ gang yod pa yang ma yin/ med pa yang ma yin pa de ni mtha' bzhi las 'das pa'o/ /mtha' bzhi gang yin pa de ni 'jig rten gyi brjod pa'o/ /gang mtha' bzhi las 'das pa de ni mtha' bzhir ma lhung ba'o/ /ma lhung
281b2 ba'i phyir mkhas pa rnams kyis len par byed de/ de bzhin gshegs pa thams cad kyis tshig gi don kyang de bzhin du rig par bya'o/ /blo gros chen po blo dang ldan pa rnams kyis ji ltar ngas chos thams cad bdag med pa'o zhes bshad
281b3 pa de'i don kyang khong du chud par bya'o/ /bdag med pa'i dngos po ni bdag med pa nyid de chos thams cad ni rang gi dngos por yod kyi gzhan gyi dngos por ni med do/ /ji ltar ba lang dang rta bzhin te/ blo gros chen po dper na ba lang dang / rta'i
281b4 dngos po ma yin pa la ba lang dang rta'i dngos po de yang dag par yod pa yang ma yin/ med pa yang ma yin/ yang de rang gi mtshan nyid med pa ni ma yin no/ /de bzhin du blo gros chen po chos thams cad rang gi mtshan nyid med pa yang
281b5 ma yin te/ rang gi mtshan nyid yod kyang byis pa so so'i skye bo rnams kyis bdag med pa khong du chud par nus pa ma yin te/ 'di ltar rnam par rtog pa'i phyir ro/ /de bzhin du chos thams cad stong pa dang / skye ba med pa dang / rang bzhin med pa
281b6 yang de bzhin du rig par bya'o/ /de bzhin du de bzhin gshegs pa ni phung po rnams dang / tha dad pa yang ma yin/ gcig pa yang ma yin te/ gal te phung po rnams dang tha dad pa ma yin na ni mi rtag pa yin par 'gyur ro/ /ci ste
281b7 tha dad na ni sbyor ba rnams don med par 'gyur ro/ /gal te gnyis su gyur na ni tha dad par 'gyur te/ ji ltar ba lang gi rwa bzhin du 'dra ba'i phyir tha dad pa yang ma yin la/ ring thung bye brag yod pa'i phyir tha dad pa yang ma yin te/
281b8 chos thams cad kyang de bzhin no/ /blo gros chen po ji ltar ba lang gi rwa g.yas pa ni rwa g.yon pa las tha dad la/ rwa g.yon pa ni rwa g.yas pa las tha dad pas/ de'i phyir rwa gnyis ni gdon mi za bar tha dad pa yin par rig
282a1 par bya ste/ de bzhin du ring po dang / thung ngu dang / gzugs sna tshogs rnams kyang phan tshun tha dad do/ /blo gros chen po de bzhin gshegs pa yang phung po dang / khams dang / skye mched rnams dang tha dad pa yang ma yin/ tha mi
282a2 dad pa yang ma yin no/ /de bzhin du de bzhin gshegs pa yang thar pa dang tha dad pa yang ma yin tha mi dad pa yang ma yin pas/ 'di ltar de bzhin gshegs pa ni thar pa'i ming gis bstan to/ /gal te de bzhin gshegs pa dang thar pa tha dad na
282a3 ni gzugs kyi mtshan nyid las mngon par 'grub par 'gyur te/ gzugs kyi mtshan nyid las mngon par 'grub pa'i phyir mi rtag par 'gyur ro/ /ci ste tha mi dad na ni rnal 'byor pa rnams kyis thob pa'i mtshan nyid bye brag
282a4 med par 'gyur te/ rnal 'byor pa rnams kyis bye brag kyang mthong bas na de'i phyir tha dad pa yang ma yin/ tha mi dad pa yang ma yin no/ /de bzhin du shes pa dang / shes bya yang tha dad pa yang ma yin/ tha mi dad pa yang ma yin no/ /
282a5 blo gros chen po shes pa dang / shes bya tha dad pa yang ma yin/ tha mi dad pa yang ma yin pa ni rtag pa yang ma yin/ mi rtag pa yang ma yin/ byed pa yang ma yin/ byas pa yang ma yin/ 'dus byas kyang ma yin/ 'dus ma byas kyang ma
282a6 yin/ blo yang ma yin/ rig par bya ba yang ma yin/ mtshan nyid kyang ma yin/ mtshan nyid kyi gzhi yang ma yin/ phung po rnams kyang ma yin/ phung po rnams tha dad pa yang ma yin/ bshad pa yang ma yin/ bshad par bya ba yang
282a7 ma yin/ gcig pa yang ma yin/ tha dad pa yang ma yin/ gnyi ga yang ma yin/ gnyi ga ma yin pa yang ma yin pa'i phyir tshad ma thams cad dang bral ba'o/ /gang tshad ma thams cad dang bral ba de ni tshig med pa'o/ /gang tshig med
282a8 pa de ni ma skyes pa'o/ /gang ma skyes pa de ni ma 'gags pa'o/ /gang ma 'gags pa de ni rab tu zhi ba'o/ /gang rab tu zhi ba de ni rang bzhin gyis mya ngan las 'das pa'o/ /gang rang bzhin gyis mya ngan las 'das pa de ni dngos po dang
282b1 rgyu med pa'o/ /gang dngos po dang rgyu med pa de ni dmigs pa med pa'o/ /gang dmigs pa med pa de ni spros pa thams cad las 'das pa'o/ /gang spros pa thams cad las 'das pa de ni de bzhin gshegs pa'o/ /de bzhin gshegs pa
282b2 gang yin pa de ni yang dag par rdzogs pa'i sangs rgyas nyid do/ /blo gros chen po de ni yang dag par rdzogs pa'i sangs rgyas pa nyid ces bya ste/ blo gros chen po yang dag par rdzogs pa'i sangs rgyas pa ni dbang po dang / tshad ma
282b3 thams cad dang bral ba'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /dbang po tshad ma rab bral zhing / /dngos po med cing rgyu yang med/ /blo dang rig bya yongs spangs
282b4 shing / /mtshan nyid mtshan nyid gzhi yang spangs/ /phung po rkyen sogs sangs rgyas pa/ gcig dang tha dad mthong mi nus/ /gal te mthong ba yod min na/ /ci yi phyir na rnam par rtog /byas pa ma yin ma byas min/ /dngos po ma yin rgyu
282b5 yang min/ /phung min phung la gnas pa min/ /gzhan yang 'dres pa yod ma yin/ /ji ltar de yis brtags pa ltar/ /dngos po rnams ni yod ma yin/ /med pa'ang ma yin shes par bya/ /de ni chos kyi chos nyid do/ /yod par gyur phyir med
282b6 pa yod/ /med par gyur phyir yod pa yod/ /med par yang ni 'dzin mi bya/ /yod par yang ni mi brtag go/ /bdag dang bdag med bslad pas na/ /sgra tsam la ni 'jug pa dag /mtha' gnyis su ni bying ba ste/ /bdag dang 'jig rten rlag par byed/
282b7 nyes pa kun las rnam grol zhing / /nga yi tshul ni rab rtog na/ /de ni yang dag rtogs pa ste/ /'dren pa che la de mi smod/ /de nas byang chub sems dpa' blo gros chen pos bcom ldan 'das la yang 'di skad ces gsol to/ /bcom ldan 'das
282b8 ji ltar bcom ldan 'das kyis mdo sde gsungs pa las skye ba ma mchis pa dang / 'gag pa ma mchis pa zhes smos pa yang mdzad la/ gzhan yang bcom ldan 'das kyis skye ba ma mchis pa dang / 'gag pa ma mchis pa de ni de bzhin
283a1 gshegs pa'i tshig bla dgas so zhes kyang gsungs na/ ci bcom ldan 'das kyis dngos po ma mchis pa'i slad du skye ba ma mchis pa dang / 'gag pa ma mchis pa zhes gsungs sam/ 'on te de bzhin gshegs pa'i
283a2 rnam grangs gzhan zhig lags/ bcom ldan 'das kyis bka' stsal pa/ blo gros chen po ngas chos thams cad mi skye ba dang / mi 'gag pa zhes bshad kyang yod pa dang med pa'i phyogs ni mi snang ngo / /blo gros chen pos bcom ldan
283a3 'das la gsol pa/ bcom ldan 'das gal te chos thams cad ma skyes pa zhig lags na ni chos shes smos pa yang dmigs par mi 'gyur te/ chos thams cad ma skyes pa'i slad du'o/ /ci ste ming la chos mchis pa zhig lags
283a4 ni bcom ldan 'das kyis bshad du gsol/ bcom ldan 'das kyis bka' stsal pa/ blo gros chen po legs so legs so/ /shin du legs par nyon la yid la zung shig dang / ngas khyod la rab tu dbye zhing bshad par bya'o/ /
283a5 blo gros chen pos bcom ldan 'das la gsol pa/ de bzhin du 'tshal lo zhes bka' mnyan pa dang / bcom ldan 'das kyis 'di skad ces bka' stsal to/ /blo gros chen po nga ni de bzhin gshegs pa dngos po med par bshad pa
283a6 yang ma yin/ skye ba med pa dang / 'gag pa med pas chos thams cad smos pa yang ma yin/ rkyen la ltos pa yang ma yin pa'i phyir/ skye ba med pa dang / 'gag pa med kyang don med pa yang ma yin no/ /blo gros chen po ngas
283a7 yid las byung ba'i chos kyi sku'i de bzhin gshegs pa'i ming gi tshig bla dgas su ma skyes pa zhes bshad pa de ni mu stegs can dang / nyan thos dang / rang sangs rgyas dang / sa bdun la rab tu gnas pa'i byang chub sems dpa'
283a8 rnams kyi spyod yul ma yin pas/ blo gros chen po ma skyes pa de ni de bzhin gshegs pa'i rnam grangs kyi tshigs yin no/ /blo gros chen po dper na/ dbang po dang / brgya byin dang / grong khyer 'jig dang / de la sogs pa dngos
283b1 po re re la yang ming gi rnam grangs mang po yod de/ ming mang ba'i phyir dngos po mang po yod pa yang ma yin la/ rang bzhin med pa yang ma yin no/ /de bzhin du blo gros chen po nga yang mi mjed kyi 'jig rten gyi khams 'di na ming grangs
283b2 med pa brgya stong phrag gsum yod par byis pa rnams kyi rna lam du grags te/ so so nas nga'i ming brjod kyang de dag gis nga'i de bzhin gshegs pa'i ming gi rnam grangs mi shes so/ /blo gros chen po sems can kha cig ni nga la de
283b3 bzhin gshegs pa yin par shes so/ /kha cig ni thams cad mkhyen par shes pa yang yod do/ /sangs rgyas su shes pa yang yod do/ /'jig rten skyob par shes pa yang yod do/ /bdag nyid rig par shes pa yang yod do/ /'dren par shes
283b4 pa yang yod do/ /rnam par 'dren par shes pa yang yod do/ /yongs su 'dren par shes pa yang yod do/ /drang srong du shes pa yang yod do/ /tshangs par shes pa yang yod do/ /khyab 'jug tu shes pa yang yod do/ /dbang phyug tu shes
283b5 pa yang yod do/ /gtso bor shes pa yang yod do/ /ser skya yin par shes pa yang yod do/ /yang dag pa'i mtha' yin par shes pa yang yod do/ /zla bar shes pa yang yod do/ /nyi mar shes pa yang yod do/ /bdag por shes pa yang yod do/ /
283b6 skye ba med par shes pa yang yod do/ /'gag pa med par shes pa yang yod do/ /stong pa nyid du shes pa yang yod do/ /de bzhin nyid du shes pa yang yod do/ /bden pa nyid du shes pa yang yod do/ /de kho na nyid du shes pa yang yod do/ /chos
283b7 kyi ngo bo nyid du shes pa yang yod do/ /mya ngan las 'das par shes pa yang yod do/ /rtag par shes pa yang yod do/ /mnyam pa nyid du shes pa yang yod do/ /gnyis su med par shes pa yang yod do/ /mtshan ma med par shes pa yang
283b8 yod do/ /rnam par thar par shes pa yang yod do/ /lam yin par shes pa yang yod do/ /yid la byung bar rab tu shes pa yang yod do/ /blo gros chen po de la sogs pa ming grangs med pa brgya stong phrag gsum lhag chad med
284a1 par 'jig rten gyi khams 'di dang / gzhan kun gyis nga la chu'i zla ba bzhin du 'byung ba yang med/ 'jug pa yang med par rab tu shes so/ /byis pa so so'i skye bo dag gis ni nga rab tu mi shes te/ mtha' gnyis su lhung
284a2 ba'i phyir ro/ /'on kyang nga la bkur sti byed mchod par byed de/ tshig gi don gyi tshul la mi mkhas pas ming rnam par 'byed mi nus shing rang gi tshul mi shes pas/ brjod pa'i tshig sna tshogs la mngon par zhen nas/ skye ba med pa dang /
284a3 'gag pa med pa la dngos po med par 'du shes so/ /de bzhin gshegs pa'i ming gi rnam grangs tha dad pa dbang po dang / brgya byin dang / grong khyer 'jig pa lta bur ma shes shing / rang gi tshul mthar thug pa la rmongs pas/ chos thams
284a4 cad la sgra ji bzhin du mngon par zhen to/ /blo gros chen po skyes bu blun po de dag 'di skad du don ni ji bzhin pa nyid de/ sgra las don gzhan ma yin no/ /de ci'i phyir zhe na/ 'di lta ste/ don ma lus pa med pa'i phyir sgra las gzhan ci yang
284a5 med do/ /sgra 'ba' shig go zhes zer ro/ /blo gros chen po log pas bsregs pa'i blo can de dag sgra'i rang bzhin yongs su mi shes pas sgra la skye ba dang / 'gag pa yod cing don la skye ba dang / 'gag pa med par mi rig go/ /blo gros
284a6 chen po sgra thams cad ni yi ger lhung ba'o/ /don ni ma lhung ba ste/ dngos po dang dngos po med pa spangs pa'i phyir dang / skye ba len pa med cing lus med pa'i phyir ro/ /blo gros chen po de bzhin gshegs pa ni yi ger lhung ba'i chos mi ston
284a7 te/ yi ge rnams kyi yod pa dang / med pa mi dmigs pa'i phyir gzhan du na yi ger ma lhung bas/ chos ston to/ /blo gros chen po gal te kha cig 'di skad du de bzhin gshegs pa ni yi ger lhung ba'i chos mi ston to zhes zer ba/ de ni brdzun du
284a8 smra ba ste/ chos nyid ni yi ge dang bral ba'i phyir ro/ /de lta bas na blo gros chen po nga la sogs pa sangs rgyas dang / byang chub sems dpa' rnams ni yi ge gcig kyang ma bshad 'chad par mi 'gyur ro/ /de ci'i phyir zhe na/ chos rnams
284b1 yi ge dang bral ba'i phyir ro/ /don dang mi ldan par 'chad pa yang ma yin te/ brjod pa ni sems can gyi rnam par rtog pa yin pa'i phyir ro/ /blo gros chen po gal te chos thams cad ma bshad na ni bstan pa'i chos rnams 'jig par 'gyur ro/ /bstan
284b2 pa'i chos zhig na ni sangs rgyas dang / byang chub sems dpa' dang / rang sangs rgyas dang / nyan thos rnams kyang med par 'gyur ro/ /de dag med na ni gang zhig su la ci zhig bshad de/ de lta bas na blo gros chen po byang chub sems dpa' sems
284b3 dpa' chen pos bshad pa brjod pa'i sgra la mngon par chags par mi bya zhing / bsam pa ji lta ba bzhin du mdo sde'i chos rnams rgya cher bshad par bya'o/ /'di ltar sems can rnams kyi re ba dang / nyon mongs pa ni gcig pa ma yin pa'i
284b4 phyir nga dang sangs rgyas gzhan rnams kyis mos pa tha dad pa sna tshogs kyi sems can rnams sems dang yid dang / yid kyi rnam par shes pa bzlog pa'i phyir chos bstan par bya ba yin gyi/ so so rang gis rig pa 'phags pa'i ye
284b5 shes kyi gnas thob pa la ni ma yin no/ /blo gros chen po chos thams cad snang ba med pa/ rang gi sems snang ba tsam du khong du chud pa/ rnam par rtog pa gnyis spangs pa'i byang chub sems dpa' sems dpa' chen po rnams kyis don
284b6 la rtog par bya'i yi ge la rton par mi bya'o/ /blo gros chen po gal te rigs kyi bu'am rigs kyi bu mo gang la la yi ge la rton pa de dag ni bdag kyang don dam pa las nyams par byed la/ gzhan yang rtogs par byed mi nus te/ lta
284b7 ba ngan pa'i rgyud du lhung bar 'khor rnams la sgrogs par byed de/ chos thams cad dang / sa thams cad dang / mtshan ma thams cad la mi mkhas pas tshig gi rnam grangs rtogs pas khong du mi chud do/ /gal te chos thams cad
284b8 dang / sa thams cad dang / mtshan ma thams cad la mkhas pa dang / tshig gi rnam grangs rtogs par khong du chud cing dngos po'i don dang ldan par gyur na/ de yang dag pa mtshan ma med pa'i bde bas bdag nyid tshim par byed cing sems can
285a1 rnams kyang theg pa chen po mnyam pa nyid la 'god par byed do/ /blo gros chen po theg pa chen po yongs su bzung na/ sangs rgyas dang / byang chub sems dpa' dang / rang sangs rgyas dang / nyan thos rnams yongs su bzung
285a2 bar 'gyur ro/ /sangs rgyas dang / byang chub sems dpa' dang / rang sangs rgyas dang / nyan thos rnams yongs su bzung bas ni sems can thams cad yongs su bzung bar 'gyur ro/ /sems can thams cad yongs su bzung bas
285a3 ni dam pa'i chos yongs su bzung bar 'gyur ro/ /dam pa'i chos yongs su bzung bas ni sangs rgyas kyi gdung rgyun mi gcod pa yin no/ /sangs rgyas kyi gdung rgyun mi gcod pa ni gnas khyad par can du 'jug pa'i shes pa
285a4 'thob par 'gyur ro/ /gnas khyad par can du 'jug pa'i shes pa thob pa'i byang chub sems dpa' sems dpa' chen po rnams ni rtag par rdzus te skye zhing theg pa chen po rab tu 'jog pas dbang bcu'i stobs kyis gzugs
285a5 sna tshogs yongs su ston par 'gyur te/ sems can gyi cha byad dang / mos pa dang / nyon mongs pa'i mtshan nyid rnams rtogs par khong du chud pas yang dag pa ji lta ba bzhin du chos ston to/ /de la yang dag pa ji lta ba bzhin du
285a6 ston pa zhes bya ba ni de kho na nyid las gzhan ma yin pa ste/ 'ong ba dang / 'gro ba med pa'i mtshan nyid dang / spros pa thams cad nye bar zhi ba ni de kho na nyid ces bya'o/ /blo gros chen po rigs kyi bu'am/ rigs kyi bu mo rnams kyis
285a7 sgra ji bzhin du gzung zhing mngon par zhen par mi bya ste/ de kho na nyid ni ming dang / yi ge dang bral ba'i phyir ro/ /blo gros chen po ji ltar blun po kha cig la sor mo'i rtse mos dngos po bstan na blun po de sor mo'i rtse mo la lta bas
285a8 yang dag pa'i don mi 'thob bo/ /de bzhin du byis pa so so'i skye bo rnams kyang sgra ji bzhin gyi sor mo'i rtse mo 'dzin cing mngon par zhen te/ 'chi ba la thug gi bar du yongs su mi gtong bas sgra ji bzhin gyi sor mo'i rtse mo spangs pa
285b1 don dam pa'i de kho na nyid 'thob par mi nus so/ /blo gros chen po dper na byis pa chung ngu rnams ni zas g.yos su byas pa rnams bza' ba'i rigs kyi g.yos su ma byas pa rnams ni bza' ba'i mi rigs pa las/ gal te g.yos su ma
285b2 byas pa zos na smad nad slong bar 'gyur te/ kha zas rim gyis g.yos su bya ba mi shes pa'i phyir ro/ /blo gros chen po de bzhin du skye ba med pa dang / 'gag pa med pa yang thabs kyis mngon par ma bsgrubs na mdzes par mi 'gyur ro/ /
285b3 de lta bas na blo gros chen po thabs kyis mngon par bsgrub pa la brtson par bya zhing sor mo'i rtse mo la lta ba ltar sgra'i rjes su 'brang bar mi bya'o/ /de'i phyir blo gros chen po de kho na'i don la thabs kyis mngon par brtson par bya'o/ /
285b4 de la de kho na'i don ni rab tu dben pa ste/ mya ngan las 'das pa'i rgyu'o/ /sgra ni rnam par rtog pa dang rjes su 'thun pa'o/ /rnam par rtog pa ni 'khor ba sdud pa'o/ /blo gros chen po de la de kho na nyid kyi don ni mang du thos pa las
285b5 thob par 'gyur ro/ /blo gros chen po mang du thos pa ni 'di lta ste/ don la mkhas pa yin gyi sgra la mkhas pa ni ma yin no/ /don la mkhas pa ni mu stegs can gyi smra ba thams cad kyi rjes su mi 'brang bas bdag nyid kyang rjes su
285b6 'brang bar mi byed la gzhan dag kyang rjes su 'brang bar byed du mi 'jug ste/ 'di ni yon tan chen po mang du thos pa dang ldan pa zhes bya'o/ /de bas na don 'dod pa rnams kyis mang du thos pa la bsten par bya ste/ 'di lta ste/ don la
285b7 mkhas pa'o/ /'di las bzlog pa sgra la mngon par zhen pa de dag ni yongs su spang bar bya'o/ /de nas yang byang chub sems dpa' blo gros chen po sangs rgyas kyi byin gyi brlabs kyis bcom ldan 'das la 'di skad ces gsol to/ /
285b8 bcom ldan 'das kyis skye ba ma mchis pa dang / 'gag pa ma mchis pa zhes rab tu phye ba de ni ngo mtshar du gyur pa ci yang ma mchis so/ /de ci'i slad du zhe na/ mu stegs rnams kyis rgyu yang ma skyes ma 'gags pa'o/ /bcom ldan 'das
286a1 kyis kyang nam mkha' dang / so sor brtags pa ma 'gags pa'i 'gog pa dang / mya ngan las 'das pa'i dbyings ni ma skyes pa dang / ma 'gags pa'o zhes gsungs/ bcom ldan 'das mu stegs can rnams kyang rgyu
286a2 las 'jig rten rnams skye'o zhes mchi la/ /bcom ldan 'das kyis kyang ma rig pa dang / sred pa dang / las dang / rnam par rtog pa rnams kyis rkyen byas nas 'jig rten rnams skye bar bka' stsal te/ rgyu de dang rkyen 'di ming la bye brag
286a3 mchis par bas so/ /phyi rol gyi dngos po'i rgyu dang rkyen rnams kyang de bzhin te/ de lta bas na bcom ldan 'das kyis yang mu stegs can gyi smra ba yang bye brag ma mchis par 'gyur ro/ /mu stegs can yang 'di skad du rdul phra mo dang /
286a4 gtso bo dang / dbang phyug dang / skye dgu'i bdag po la sogs pa rdzas dgu dang bcas pa ma skyes ma 'gags pa'o zhes mchi la/ bcom ldan 'das kyis kyang dngos po thams cad ma skyes pa dang / ma 'gags pas yod pa dang /
286a5 med pa mi dmigs so zhes bka' stsal/ mu stegs can rnams kyang 'byung ba chen po bzhi mi 'jigs pas rang gi mtshan nyid mi skye mi 'gag go/ /'byung ba chen po bzhi po rnams ni rtag par 'byung ba chen po nyid de 'gro ba kun la
286a6 khyab par 'jug kyang rang bzhin ni mi 'dor ro zhes mchis pas na/ bcom ldan 'das kyis bka' stsal pa yang de bzhin te/ de'i slad du bdag 'di skad du ngo mtshar che ba ma lags so zhes mchi'o/ /bcom ldan 'das ngo
286a7 mtshar che zhing mu stegs can rnams las khyad par du gyur pa'i bye brag bshad du gsol/ ci ste bye brag ma mchis na ni mu stegs can rnams kyang sangs rgyas lags par 'gyur te/ 'di ltar skye ba ma mchis pa dang / 'gags
286a8 pa ma mchis pa'i slad du'o/ /bcom ldan 'das kyis ni 'jig rten gyi khams gcig tu sangs rgyas mang po 'byung ba ni gnas med do zhes kyang gsungs la/ 'di ltar ji skad bka' stsal pa dang sbyar na ni 'jig rten gyi khams
286b1 gcig tu sangs rgyas mang po 'byung bar 'gyur te/ bye brag ma mchis pa'i slad du'o/ /bcom ldan 'das kyis blo gros chen po la bka' stsal pa/ ngas bshad pa'i skye ba med pa dang / 'gag pa med pa ni mu stegs can rnams kyi skye
286b2 ba med pa dang 'gag pa med pa dang mtshungs pa ma yin te/ de ci'i phyir zhe na/ mu stegs can de dag ni dngos po'i rang bzhin yod pas ma skyes pa dang / mi 'gyur ba'i mtshan nyid mi 'thob kyi nga ni de ltar yod pa dang / med pa'i phyogs
286b3 su lhung ba ma yin no/ /blo gros chen po nga ni yod pa dang med pa'i phyogs dang bral ba/ skye ba dang 'jig pa dang bral ba/ dngos po yang ma yin/ dngos po med pa yang ma yin te/ sgyu ma dang / rmi lam gyi gzugs sna tshogs lta bur snang
286b4 ba'i phyir dngos po med pa yang ma yin no/ /ji ltar na dngos po med pa yin zhe na/ 'di lta ste/ gzugs kyi rang bzhin gyi mtshan nyid med cing gzung ba rnams snang ba dang mi snang ba'i phyir dang / 'dzin pas yongs su ma bzung ba'i
286b5 phyir des na dngos po thams cad ni dngos po yang ma yin/ dngos po med pa yang ma yin no/ /'di ltar rang gi sems snang ba tsam du khong du chud pas rnam par rtog pa mi skye zhing shin du bde bas 'jig rten gyi bya ba rnams rab tu
286b6 zhi ba yin na/ byis pa so so'i skye bo mi mkhas pa rnams bya ba yod par rnam par rtog gi 'phags pa rnams ni ma yin no/ /yang dag pa ma yin pa'i rnam par rtog pa ni dri za'i grong khyer dang / sgyu ma dang / sprul pa'i skyes bu lta
286b7 bu'o/ /blo gros chen po dper na dri za'i grong khyer gyi nang du sgyu ma dang / sprul pa'i skyes bu'i 'dren pa mang po sna tshogs 'byung zhing 'jug pa la/ byis pa mi mkhas pa'i rnam par rtog pas bden par 'di dag 'byung ngo / /'jug
286b8 go zhes smra yang yang dag par 'byung zhes bya ba'am/ 'jug pa zhes bya ba med de/ de ni rnam par rtog pa tsam du zad pa'i phyir ro/ /de bzhin du blo gros chen po byis pa so so'i skye bo mi mkhas pa rnams skye ba med pa dang / 'gag pa med
287a1 pa'i nor pa skyed par byed de/ de dag la ni 'dus byas sam/ 'dus ma byas gang yang med do/ /sgyu ma'i skyes bu ltar skye yang yang dag par de la skye ba'am 'gag pa ci yang med de/ dngos po dang dngos po med pa
287a2 gang yang yod pa ma yin pa'i phyir ro/ /chos thams cad kyang de bzhin te/ skye ba dang 'gag pa spangs pa yin na/ byis pa so so'i skye bo mi mkhas pa rnams ni yang dag pa ma yin par lhung bas skye ba dang 'gag pa'i rnam
287a3 par rtog pa 'byung gi 'phags pa rnams ni ma yin no/ /de la yang dag pa ma yin pa zhes bya ba ni dngos po'i rang bzhin brtags pa de bzhin du yang ma yin/ gzhan du yang ma yin no/ /gal te gzhan du brtags na ni dngos po
287a4 thams cad kyi rang bzhin la mngon par zhen pa nyid du 'byung bas rab tu dben pa mi mthong ngo / /rab tu dben pa mi mthong na rnam par rtog pa dang bral bar mi 'gyur ro/ /de'i phyir blo gros chen po mtshan ma med pas ni mchog mthong
287a5 gi mtshan mas ni ma yin te/ mtshan mar mthong ba ni skye ba len pa'i rgyu yin pa'i phyir mchog ma yin no/ /blo gros chen po mtshan ma med pa ni rnam par rtog pa mi skye ste/ mi 'byung mi 'gag pas ngas mya ngan las 'das pa zhes
287a6 bshad de/ blo gros chen po de la mya ngan las 'das pa ni yang dag pa'i don ji lta ba bzhin du mthong bas sngar rnam par rtog pa'i sems dang sems las byung ba'i chos rnams spangs pa/ de bzhin gshegs pa'i so so rang gis rig pa
287a7 'phags pa'i ye shes thob pa de ni ngas mya ngan las 'das pa yin no zhes bstan to/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /skye bar smra ba de bzlog phyir/ /mi skye
287a8 don ni rnam par gzhag /nga yis de ltar bshad pa'i chos/ /byis pa rnams kyis rig mi nus/ /chos rnams thams cad mi skye bas/ /dngos po med cing skye ba med/ /rmi lam sgyu ma dri za'i grong / /dngos po yod kyang rgyu ni med/ /ma
287b1 skyes rang bzhin med pa dang / /ci phyir stong pa'ang bshad par bya/ /'dus pa dag ni yongs spangs shing / /blo gros rig na dngos mi snang / /de phyir stong nyid ma skyes pa/ /rang bzhin med par ngas bshad do/ /'di ltar re re 'dus pas na/ /dngos po snang
287b2 yang yod ma yin/ /rnam par gzhig na 'dus pa med/ /mu stegs lta ba ltar yang min/ /rmi lam sgyu ma skra shad dang / /smig rgyu dri za'i grong khyer ltar/ /'jig rten dngos po sna tshogs kun/ /rgyu med mtshan nyid rab tu snang / /rgyu yod smra
287b3 ba gdul ba'i phyir/ /ma skyes don ni rab tu bsgrags/ /skye med rab tu bsgrags pas na/ /chos kyi tshul ni rgyun mi 'chad/ /rgyu med rab tu smra ba ni/ /'jigs pa'i mu stegs can rnams te/ /ji ltar ci yi phyir na ni/ /de yang ci phyir skye bar
287b4 'gyur/ /gang dag tu ni 'dus gyur na/ /rgyu med par ni smra bar byed/ /'dus byas chos rnams rab brtags na/ /rgyu med rgyu yod ma yin te/ /skye dang 'jig par smra ba yi/ /lta ba dag ni de nas ldog /de nas byang chub sems dpa' blo gros
287b5 chen pos tshigs su bcad de zhu ba zhus pa/ ci yi slad du skye ma mchis/ /'on te dngos po ma mchis sam/ /de ste rkyen la brtags pa 'am/ /chos mchis mi skye zhes bgyi 'am/ /ming ni don ma mchis mi rigs/ /rnam par dbye zhing
287b6 bshad du gsol/ /de nas bcom ldan 'das kyis tshigs su bcad de bka' stsal pa/ dngos med mi skye ma yin te/ /rkyen la btags pa'ang ma yin no/ /dngos po yod pas ming yod min/ /ming la don med pa yang min/ /mu stegs
287b7 can ni thams cad dang / /nyan thos dang ni rang rgyas dang / /sa bdun spyod yul ma yin pa/ /de ni mi skye mtshan nyid do/ /rgyu dang rkyen rnams yongs spangs shing / /bya ba thams cad yongs bral te/ /shin du phra ba'i sems can gnas/ /mtshan
287b8 nyid mtshan gzhi nyid spangs nas/ /de lus rab tu gyur pa ni/ /skye ba med par ngas bshad do/ /phyi rol dngos po dngos med min/ /sems can yongs su gzung ba med/ /lta ba thams cad rab spangs pa/ /skye ba med par ngas bshad do/ /
288a1 'di ltar rang bzhin med pa dang / /stong pa la sogs dbye bar bya/ /stong phyir stong zhes bshad pa min/ /skye ba med phyir stong zhes bshad/ /rgyu rkyen grangs ni 'dus pa las/ /skye dang 'jig pa yod par gyur/ /rgyu rkyen grangs las
288a2 logs shig na/ /skye ba dang ni 'jig pa med/ /rgyu rkyen grangs las logs shig na/ /dngos po tha dad yod ma yin/ /gcig dang tha dad ces bya ba/ /mu stegs rnam par rtog pa yin/ /yod med dngos po mi skye ste/ /yod pa ma yin med pa'ang
288a3 min/ /grangs 'gyur ba ni ma gtogs par/ /gang yang dmigs par mi 'gyur ro/ /kun rdzob tsam du grangs yod pas/ /phan tshun du ni 'brel par byed/ /rgyu rkyen 'brel las logs shig na/ /skye ba'i don ni mi rigs so/ /skye ba med
288a4 pas dngos mi 'gyur/ /mu stegs can gyi skyon rnams spangs/ /rkyen kyi 'brel pa com bshad de/ /byis pa rnams kyis mi rig go/ /rkyen gyi 'brel las logs shig na/ /dngos po skye ba yod ces pa/ de ni rgyu med smra ba ste/ /'brel pa'i
288a5 don ni 'jig par byed/ /mar me'i gzugs rnams snang byed ltar/ /'brel pa snang ba'ang de bzhin na/ /de ni 'brel las logs shig na/ /dngos po rnams ni yod pa'i rigs/ /dngos po med pa skye med pas/ /nam mkha'i rang bzhin lta bu'o/ /
288a6 'brel pa dag las log gyur na/ /blo yis rtog par bya ba med/ /gzhan yang skye ba med yod de/ /'phags pas thob pa'i chos nyid do/ /gang de'i skye ba mi 'byung ba/ /de ni mi skye bzod pa yin/ /nam zhig 'jig rten 'di dag kun/ /'brel pa
288a7 tsam du rab rtog na/ /thams cad 'brel pa yongs spangs nas/ /de nas ting 'dzin 'thob par 'gyur/ /mi shes sred pa las la sogs/ /de ni nang gi 'brel pa yin/ /mi shes 'jim gong 'khor lo dang / /sa bon la sogs phyi rol yin/ /gal
288a8 te dngos po gzhan yod de/ /rgyu dang rkyen las skye zhe na/ /de ni 'brel pa'i don min pas/ /de yang 'grub par mi 'gyur ro/ /gal te skye ba rang bzhin med/ /de ni su yi 'brel par 'gyur/ /phan tshun du ni bskyed pa'i phyir/ /rgyu rkyen don du shes par bya/ /sra gsher
288b1 drod dang g.yo ba'i chos/ /byis pas rnam par brtags pa ste/ /grangs las ma gtogs chos gzhan med/ /de'i phyir dngos po med par bshad/ /sman pas nad rnams gso ba dag /bstan bcos tha dad med kyang ni/ /nad ni tha dad bye brag gis/ /gnyen po
288b2 sna tshogs bshad pa ltar/ /nga yang sems can de dag gi/ /nyon mongs nad rnams gzhig pa'i phyir/ /dbang po dag ni rab shes nas/ /de la sgrol ba'i sgo bshad do/ /nyon mongs dbang po tha dad pas/ /chos ni sna tshogs yod ma yin/ /theg
288b3 gcig 'ba' shig chos ston pa/ /de ni theg pa chen po yin/ /de nas byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das mu stegs can thams cad kyang mi rtag pa nyid do zhes rnam
288b4 par rtog par bgyid/ bcom ldan 'das kyis kyang 'du byed thams cad mi rtag pas/ /skye zhing 'jig pa'i chos can no zhes bka' stsal na/ 'di'i don ji lta bu log pa'am/ yang dag pa zhig lags/ mi rtag pa nyid la ni rnam pa
288b5 du mchis/ bcom ldan 'das kyis bka' stsal pa/ blo gros chen po mu stegs can rnams la ni mi rtag pa rnam pa bdun yod kyi/ nga'i bstan pa la ni ma yin no/ /rnam pa bdun gang zhe na/ de dag kha cig 'di skad du mngon par 'dus
288b6 byas nas/ yongs su spangs pa ni mi rtag pa nyid do zhes zer ro/ /kha cig ni dbyibs rnam par 'jig pa ni mi rtag pa nyid do zhes zer ro/ /kha cig ni gzugs nyid mi rtag pa nyid do zhes zer ro/ /kha cig ni gzugs rnam par 'gyur
288b7 ba'i gnas skabs ni mi rtag pa nyid ces bya ste/ bar chad med par rang gi ngang gis 'brel zhing 'jig pas/ ji ltar 'o ma las zhor 'gyur ba la sogs pa'i bye brag tha dad pa mthong bar mi nus pa de bzhin du dngos po thams cad
288b8 la yang rnam par 'jig pa'i mi rtag pa nyid du 'jug go/ zhes zer ro/ /kha cig ni dngos po mi rtag pa nyid do zhes zer ro/ /kha cig ni dngos po'i dngos po med pa mi rtag pa nyid do zhes zer ro/ /kha cig ni chos thams cad mi skye bas mi
289a1 rtag pa nyid de/ chos thams cad kyi nang du 'jug pa'o zhes zer ro/ /de la blo gros chen po dngos po med pa mi rtag pa nyid ces bya ba ni 'di lta ste/ 'byung ba chen po bzhi dang / 'byung ba las gyur pa'i rang gi mtshan nyid
289a2 'jig cing 'byung ba chen po bzhi'i rang bzhin ni mi dmigs pa dang mi skye ba'o/ /de la mi skye ba'i mi rtag pa zhes bya ba de ni rtag pa dang / mi rtag pa yin pas chos thams cad yod pa dang med pa mi skye ba dang / rdul phra mo'i bar du rab tu bshig ste/
289a3 mi mthong ba 'di ni mi skye ba'i don yin gyi skye ba ni ma yin pas 'di ni mi skye ba'i mi rtag pa nyid kyi mtshan nyid yin te/ 'di khong du ma chud pa ni mu stegs can rnams kyi skye ba mi rtag pa'i don du lhung bar 'gyur ro/ /blo gros chen po dngos po
289a4 mi rtag pa ni rang gis blos rnam par brtags pa ste/ rtag pa dang / mi rtag pa'i dngos po ni ma yin no/ /de ci'i phyir zhe na/ 'di lta ste/ mi rtag pa ni rang gi ngo bo nyid kyis mi 'jig go/ /blo gros chen po 'di ni dngos po thams cad kyi dngos
289a5 po med pa'i phyir mi rtag pa'i bya ba'o/ /mi rtag pa ma gtogs par gzhan gang yang chos thams cad kyi dngos po dngos po med par byed pa mi dmigs te/ ji ltar dbyug pa dang / gyo mo dang / rdo bas dngos po dag bcom par byed pa bzhin no/ /
289a6 mngon sum du so sos tha mi dad par mthong bas mi rtag pa nyid dngos po'i bya ba yin gyi/ byed pa dang bya ba bye brag yod pa ni ma yin te/ 'di ni mi rtag pa nyid do/ /'di ni bya ba'o zhes bya ba'i bye brag med pa'i phyir ro/ /byed pa dang bya ba tha
289a7 mi dad na ni dngos po thams cad rtag cing rgyu'i ngo bo nyid med par 'gyur ro/ /blo gros chen po dngos po thams cad kyi ngo bo nyid med pa ni rgyu yod de/ byis pa so so'i skye bo rnams kyis shes par bya ba ma yin no/ /rgyu ma yin na mi 'dra ba'i dngos po
289a8 skyed par 'gyur ro/ /ci ste skyed na ni dngos po thams cad mi rtag par yang 'gyur zhing / /dngos po mi 'dra ba yang yin pas byed pa dang bya ba yang bye brag med par yang 'gyur la/ thams cad kyis bye brag yod par yang mthong bar
289b1 'gyur ro/ /gal te ngo bo nyid mi rtag pa nyid yin na ni bya ba'i rgyu'i ngo bo nyid kyi mtshan nyid du lhung bar gyur na ni dngos po thams cad yongs su rdzogs par mi 'gyur ro/ /dngos po thams cad byed pa'i rgyu'i mtshan nyid du lhung na ni mi rtag pa
289b2 bdag nyid mi rtag par 'gyur ro/ /mi rtag pa nyid mi rtag pa'i phyir dngos po thams cad mi rtag par mi 'gyur te rtag pa nyid du 'gyur ro/ /gal te mi rtag pa dngos po thams cad kyi nang du song ba yin na ni dus gsum du lhung bar 'gyur te/ gang 'das
289b3 pa'i gzugs de ni zhig pa dang ldan pa'o/ /gang ma 'ongs pa ni ma skyes pa ste/ gzugs ma skyes pa'i phyir ro/ /da ltar gyi gzugs ni 'jig pa'i mtshan nyid dang ldan pa'o/ /de la gzugs ni 'byung ba chen po rnams bsags pa'i bye brag go/ /
289b4 'byung ba chen po dag dang / 'byung ba las gyur pa'i gzugs rnams kyi rang bzhin ni mi 'jig ste/ tha dad pa dang / tha dad pa ma yin pa spangs pa'i phyir ro zhes mu stegs can thams cad 'byung ba chen po rnams mi 'jig par rtogs go/ /blo gros chen
289b5 po srid pa gsum po thams cad 'byung ba dang 'byung ba las gyur pa'i gzugs gnas pa rnams ni skye ba dang 'jig pa yod par shes na/ 'byung ba chen po dang 'byung ba las gyur pa'i gzugs las logs shig na/ mu stegs can rnams kyis
289b6 gang la bsams nas mi rtag pa zhes rtog ste/ 'byung ba chen po bzhi mi skye ba dang / rang bzhin gyi mtshan nyid mi 'jig pa'i phyir ro/ /de la dang po rtsom pa yongs su spangs pa'i mi rtag pa nyid ces bya ba ni 'byung ba chen po bzhi yang ma yin pa
289b7 dang / gzhan yang tha dad pa'i 'byung ba chen po bzhi dang / so so tha dad pa'i mtshan nyid dang / rang gi mtshan nyid kyi phyir ro/ /bye brag mi dmigs pa dang / de'i bye brag med pa dang / de la sogs pas yang mi rtsom pa dang / sbyor ba rnam pa
289b8 gnyis pa mi rtsom pa ni mi rtag pa nyid shes par bya'o/ /de la dbyibs rnam par 'jig pa'i mi rtag pa zhes bya ba ni 'di lta ste/ 'byung ba chen po bzhi dang / rgyur byas pa'i gzugs rnams kyi mi 'jig pa ni mthar phyin pa'i bar du mi
290a1 'jig go zhes zer la/ blo gros chen po mthar phyin pa ni rdul phra mo'i bar du rab tu phye ste/ 'jig pa las so sor brtags na 'byung ba chen po bzhi dang / rgyur byas pa'i gzugs rnams tha dad par mthong ba'i dbyibs dang
290a2 ring thung mi dmigs te/ 'byung ba chen po bzhi ni ma yin pas 'byung ba chen po bzhi mi 'jig gi/ dbyibs rnam par 'jig par lta bas grangs can gyi smra bar ltung ba yin no/ /de la gzugs nyid mi rtag pa nyid ces bya ba ni 'di lta ste/ gzugs
290a3 nyid mi rtag pa nyid yin pas dbyibs de dag mi rtag pa nyid de 'byung ba chen po rnams ni ma yin no/ /gal te 'byung ba bzhi po rnams mi rtag pa nyid yin na ni 'jig rten gyi grangs su brjod pa ma yin no/ /'jig rten gyi brjod pa'i dngos po med
290a4 na ni 'jig rten rgyang pan pa'i lta bar ltung bar 'gyur te/ dngos po thams cad brjod pa'i tshig tsam du mthong zhing rang gi mtshan nyid skye bar mi mthong ba'i phyir ro/ /de la rnam par 'gyur ba'i mi rtag pa zhes bya ba ni 'di ltar gzugs dngos
290a5 pa gzhan du 'gyur bar snang ba ste/ 'byung ba chen po rnams ni ma yin no/ /ji ltar gser las rgyun du byas pa rnams 'gyur bar snang yang gser gyi rang bzhin 'jig pa ma yin gyi/ rgyan gyi dbyibs la 'jig pa yod pa de bzhin
290a6 du dngos po gzhan rnam par 'gyur ba la sogs pa yang de bzhin no zhes de la sogs pa'i rnam pas mu stegs can rnams mi rtag pa'i lta bar rnam par rtog go/ /'di ltar mes 'byung ba chen po rnams sregs pa'i tshe rang gi mtshan nyid
290a7 la ni mi sreg go/ /ci ste so so nas rang gi mtshan nyid gcig gis gcig 'jig par byed na ni 'byung ba dag rgyur byas pa'i gzugs rnams 'chad par 'gyur ba'i rigs so/ /blo gros chen po nga'i chos ni byung ba nyid na rtag pa
290a8 yang ma yin/ mi rtag pa yang ma yin no/ /de ci'i phyir zhe na/ 'di lta ste/ phyi rol gyi dngos po ma nges pa'i phyir srid pa gsum sems tsam du bstan gyi/ mtshan nyid sna tshogs dang / skye ba dang / 'jig pa yod par ni ma bstan to/ /
290b1 'byung ba chen po 'dus pa'i bye brag dang / 'byung ba dang 'byung ba las gyur pa'i phyir rnam pa gnyis kyi dngos po gzung ba dang 'dzin par rnam par rtog par 'gyur ba dang / rnam par rtog pa gnyis yongs su shes pa dang / phyi rol gyi dngos po
290b2 dang dngos po med par lta ba gnyis dang bral ba dang / rang gi sems snang ba tsam du khong du chud cing rnam par rtog pa'i bsams pa'i mngon par 'du byed pa las skye'i/ mngon par 'dus ma byas pa ni ma yin no/ /zhes sems dngos po
290b3 dang dngos po med pa'i rnam par rtog pa dang bral bas na 'jig rten pa dang / 'jig rten las 'das pa dang / 'jig rten las 'das pa mchog gi chos thams cad ni rtag pa yang ma yin/ mi rtag pa nyid kyang ma yin no/ /rang gi sems
290b4 snang ba tsam du khong du ma chud pas mtha' gnyis kyi lta ba ngan pa'i rgyun du lhung bar 'gyur te/ mu stegs can thams cad kyis rang gi rnam par rtog pa khong du mi chud do/ /so so'i skye bo de dag la gzhi ci yang med pas 'di ltar 'jig rten
290b5 pa dang / 'jig rten las 'das pa dang / 'jig rten las 'das pa mchog gi chos tshig gi rnam par rtog pa las skye bar byis pa so so'i skye bo rnams kyis khong du chud pa ma yin no/ /de nas bcom ldan 'das kyis don de nyid yang
290b6 bstan pa'i phyir tshigs su bcad pa 'di dag gsungs so/ /dang po brtsams nas rab spangs shing / /dbyibs dang rnam pa gzhan 'gyur dang / /dngos po gzugs ni mi rtag pa/ /mu stegs blun pos rtog par byed/ /dngos po
290b7 rnams la 'jig pa med/ /'byung ba 'byung ba'i rang bzhin gnas/ /mu stegs mi rtag 'du shes pa/ /lta ba sna tshogs bying ba 'gyur/ /mu stegs can ni de dag la/ /skye dang 'jig pa gang yang med/ /'byung ba 'byung ba'i rang bzhin rtag /ji skad
290b8 mi rtag nyid du rtog /thams cad sems tsam snang ba ste/ /rnam pa gnyis su sems kyang 'jug /gzung ba dang ni 'dzin pa'o/ /bdag dang bdag gi yod ma yin/ /tshangs pa sdong po rtsa ba yin/ /yal ga lo ma kun du khyab/ /'di skad du ni ngas
291a1 bshad de/ /de dag gi ni sems tsam yin/ /de nas yang byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das byang chub sems dpa' dang / nyan thos dang / rang sangs rgyas
291a2 thams cad kyis 'gog pa'i snyoms par 'jug pa'i go rims kyi mtshams sbyor ba'i mtshan nyid bshad du gsol/ gal te 'gog pa'i snyoms par 'jug pa'i go rims kyi mtshams sbyor ba'i mtshan nyid la mkhas par gyur na/ bdag dang
291a3 byang chub sems dpa' gzhan rnams kyang 'gog pa'i snyoms par 'jug pa'i bde ba'i sgo spong bar mi 'gyur zhing / nyan thos dang / rang sangs rgyas dang / mu stegs can gyi rmongs par ltung bar mi 'gyur lags so/ /bcom ldan 'das
291a4 kyis bka' stsal pa/ blo gros chen po shin du legs par nyon la yid la zung shig dang / ngas khyod la bshad par bya'o/ /blo gros chen pos bcom ldan 'das la bcom ldan 'das bshad du gsol/ zhes gsol pa dang / bcom ldan 'das kyis bka' stsal
291a5 pa/ blo gros chen po sa drug pa'i byang chub sems dpa' sems dpa' chen po dang / nyan thos dang / rang sangs rgyas rnams kyis snyoms par 'jug pa bskyed par byed la/ sa bdun pa'i byang chub sems dpa' sems dpa' chen po rnams ni sems kyi
291a6 skad cig re re la snyoms par 'jug ste/ dngos po thams cad kyi rang bzhin gyi mtshan nyid yongs su spangs pas snyoms par 'jug gi/ nyan thos dang / rang sangs rgyas rnams ni ma yin te/ nyan thos dang / rang sangs rgyas rnams ni mngon par
291a7 'du byed pa'i blo can gzung ba dang / 'dzin pa'i mtshan nyid du lhung bas 'gog pa'i snyoms par 'jug go/ /de bas na sa bdun pa ni yid la byed pas snyoms par 'jug pa ma yin te/ chos thams cad bye brag med pa'i mtshan nyid thob pas rims gyis
291a8 mtshan nyid kyi dngos po sna tshogs thob pa ni ma yin no/ /dge ba dang mi dge ba'i chos thams cad kyi rang gi mtshan nyid khong du chud de/ snyoms par 'jug pas de'i phyir sa bdun pa la dge ba'i sems kyis snyoms par 'jug pa med do/ /blo gros
291b1 chen po sa brgyad pa'i byang chub sems dpa' dang / nyan thos dang / rang sangs rgyas rnams kyi sems dang / yid dang / yid kyi rnam par shes pa'i rnam par rtog pa dang / 'du shes ldog par 'gyur ro/ /sa dang po nas sa bdun pa'i bar
291b2 gyi byang chub sems dpa' de dag khams gsum pa 'di ni sems dang yid dang / yid kyi rnam par shes pa tsam mo zhes so sor rab tu rtog ste/ bdag dang bdag gi dang bral ba/ rang gi rnam par rtog pa'i spyod pa can/ phyi rol gyi dngos
291b3 po sna tshogs kyi mtshan nyid du ltung ba/ byis pa so so'i skye bo rnams kyi rang gi mtshan nyid gzung ba dang / 'dzin pa'i dngos po rnam pa gnyis su gyur pas mi shes pa'i rjes su song ba/ thog ma med pa'i dus nas rnam par spros pa'i
291b4 gnas ngan len gyi bag chags kyis yongs su bsgos pa rnams khong du mi chud do/ /blo gros chen po sa brgyad pa'i byang chub sems dpa' sems dpa' chen po dang / nyan thos dang / rang sangs rgyas rnams kyis mya ngan las 'das
291b5 pa mtshungs kyang byang chub sems dpa' ni ting nge 'dzin blos yongs su bzung bas/ de'i phyir ting nge 'dzin gyi sgo'i bde bas yongs su mya ngan las mi 'da'o/ /gal te yongs su ma bzung du zin na ni de bzhin gshegs pa'i sa yongs
291b6 su rdzogs par mi 'gyur zhing sems can gyi bya ba thams cad yongs su spongs bar 'gyur la/ de bzhin gshegs pa'i rigs kyi gdung yang chad par 'gyur bas na/ sangs rgyas bcom ldan 'das rnams de bzhin gshegs
291b7 pa'i bsam gyis mi khyab pa'i yon tan dpag tu med pa ston to/ /nyan thos dang / rang sangs rgyas rnams ting nge 'dzin gyi sgo'i bde bas phrogs par gyur pa'i phyir mya ngan las 'das par 'dus shes so/ /blo gros chen po
291b8 ngas sa bdun pa'i sems dang / yid dang / yid kyi rnam par shes pa'i mtshan nyid la mkhas shing goms par bya ba dang / bdag dang bdag gir 'dzin pa dang / gang zag dang / chos bdag med pa bsdu ba dang / skye ba dang / 'jig pa dang / rang
292a1 dang spyi'i mtshan nyid la mkhas shing goms par bya ba dang / so so yang dag par rig pa bzhi rnam par gdon mi za ba'i stobs la mkhas pa dang / ting nge 'dzin gyi sgo dang / sa'i go rims kyi mtshams sbyar ba dang / byang
292a2 chub kyi phyogs kyi chos rnam par dbye bar bya'o/ /byang chub sems dpa' sems dpa' chen po rnams rang dang spyi'i mtshan nyid mi shes shing sa bdun la mi mkhas pa dang / mu stegs can gyi log pa'i lam du lhung bar mi bya ba'i phyir
292a3 sa'i go rims gyis rnam par gzhag pa yin te/ blo gros chen po 'di la yang dag par gang yang skye ba'am/ 'jig pa zhes bya ba med do/ /gzhan du na 'di lta ste/ sa'i go rims kyi mtshams sbyar ba dang / khams gsum sna tshogs kyi spyod
292a4 pa 'di ni sems snang ba tsam ste/ byis pa so so'i skye bo rnams kyis khong du mi chud do/ /byis pa so so'i skye bo rnams kyis khong du mi chud pas 'di lta ste/ nga dang sangs rgyas de dag gis sa'i go rims gyi mtshams sbyar ba dang / khams
292a5 gsum gyi spyod pa sna tshogs bstan to/ /gzhan yang blo gros chen po nyan thos dang / rang sangs rgyas rnams ni byang chub sems dpa'i sa brgyad la 'gog pa'i snyoms par 'jug pa'i bde ba'i myos pas myos te/ rang gi sems snang ba
292a6 tsam la mi mkhas pas rang dang spyi'i mtshan nyid du lhung ba/ bag chags kyis bsgribs pa/ gang zag dang chos bdag med par lhung ba chos su 'dzin par lta ba/ rnam par rtog pas mya ngan las 'das par rab tu shes par gyur te/ rab tu
292a7 dben pa la mos pa'i blo ni ma yin no/ /blo gros chen po byang chub sems dpa'i ni sgo'i bde ba mthong yang sngon gyi smon lam dang / snying brtse ba dang / snying rje chen po dang ldan zhing mthar thug pa'i gnas bcu rnam par dbye ba shes pas rnam
292a8 par rtog pas mya ngan las 'das par 'du shes par mi 'gyur te/ de ltar mya ngan las 'das pa'i rnam par rtog pa mi skye ba'i phyir/ gzung ba dang / 'dzin pa'i rnam par rtog pa yongs su spong zhing / chos thams cad rang gi sems snang ba tsam du
292b1 khong du chud pas rnam par rtog pa mi skye ste/ sems dang yid dang / yid kyi rnam par shes pa dang / phyi rol gyi dngos po'i rang gi ngo bo'i mtshan nyid la mngon par zhen pa'i rnam par rtog par yang mi ltung la/ sangs rgyas kyi chos kyi rgyu mi skyed pa yang
292b2 ma yin te/ ye shes kyi rjes su skye bas de bzhin gshegs pa'i rang gis rig pa'i sa 'thob par 'gyur te/ ji ltar skyes bu'i rmi lam na chu bo rgal bar rtsom pa pha rol tu ma phyin par sad la/ sad nas 'di snyam du ci 'di yang dag pa'am/ 'on
292b3 te yang dag pa ma yin pa zhes rtog par byed pa de ni yang dag pa yang ma yin/ log pa yang ma yin gyi/ gzhan du na thog ma med pa'i mthong ba dang / thos pa dang / bye brag phyed pa dang / rnam par rig pa rgyu'i 'du shes sna tshogs kyi bag chags dang /
292b4 dbyibs dang / gnas sna tshogs dang / yod pa dang / med pa'i mtshan nyid du lhung ba dang / sems dang yid dang / yid kyi rnam par shes pa'i rmi lam las snang ngo / /blo gros chen po de bzhin du byang chub sems dpa' sems dpa' chen po rnams kyang
292b5 byang chub sems dpa'i sa brgyad pa la rnam par rtog pa'i mtshan nyid skye bar mthong ba dang / sa dang po nas brtsal bas sa bdun du 'pho ba dang / chos thams cad sgyu ma la sogs pa dang mtshungs par mthong ba'i sbyor bas gzung ba dang /
292b6 'dzin pa'i sems rnam par rtog pa'i spyod pa las bzlas te/ sangs rgyas kyi chos kyi sbyor bas byas nas da dung ma thob pa ni thob par byed do/ /blo gros chen po 'di ni byang chub sems dpa' rnams kyi mya ngan las 'das pa'i sbyor ba rnam
292b7 par mi 'jig pa yin te/ sems dang yid dang / yid kyi rnam par shes pa yongs su spangs nas mi skye ba'i chos la bzod pa 'thob par 'gyur ba'o/ /blo gros chen po don dam pa la ni go rims dang mtshams sbyar ba med de/ snang ba med pa
292b8 rnam par rtog pa las dben pa'i chos bstan pa'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /sems tsam dang ni snang med dang / /gnas 'di dang ni sangs rgyas sa/ /
293a1 'das dang ma 'ongs da ltar gyi/ /dus gsum sangs rgyas rnams kyis bshad/ /sems tsam sa ni bdun pa yin/ /snang ba med ni sa brgyad pa/ /sa gnyis dag ni gnas shes bya/ /sangs rgyas sa ni mchog yin no/ /rang rig
293a2 ye shes rnam par dag /de ni nga yi sa yin no/ /dbang phyug dang ni mchog gi gnas/ /rnam par brtag cing rab bkod pa/ /gsal byed 'bar ba'i me lta bur/ /'od zer kun du khyab par snang / /'od zer 'bar bas mig mi nyams/ /srid
293a3 gsum kun du 'dul bar byed/ /sprul pas srid gsum gnas par ston/ /kha cig snga nas sprul pa ste/ /der ni theg pa rnams ston pa/ /thams cad de bzhin gshegs kyi sa/ /sa bcu de ni dang po yin/ /dang po pa ni brgyad pa yin/ /dgu pa
293a4 yang ni bdun pa ste/ /bdun pa de yang brgyad pa yin/ /gnyis pa de ni gsum pa yin/ /bzhi pa yang ni lnga pa yin/ /gsum pa yang ni drug yin te/ /snang ba med la rim ci yod/ /'phags pa lang kar gshegs pa rin po che'i mdo las/
293a5 bam po brgyad pa ste tha ma/ de nas byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ni rtag pa zhig
293a6 gam/ 'on te mi rtag pa zhig lags/ bcom ldan 'das kyis bka' stsal pa/ blo gros chen po de bzhin gshegs pa dgra bcom pa yang dag par rdzogs pa'i sangs rgyas ni rtag pa yang ma yin/ mi rtag pa yang ma yin te/ 'di ltar
293a7 gnyis ga yang nyes pa yod pa'i phyir ro/ /gal te rtag par gyur na ni byed pa'i bdag po yod pa'i nyes par 'gyur ro/ /mu stegs can dag rtag pa ni byed pa pos byas pa ma yin pa'o zhes zer te/ de bas na de bzhin gshegs
293a8 pa ni rtag kyang rtag pa ma yin te/ byas pa ma yin pa rtag pa'i nyes par 'gyur ba'i phyir ro/ /ci ste de bzhin gshegs pa mi rtag pa yin na ni byas pa yod pa'i mi rtag pa'i nyes par 'gyur te/ phung po'i mtshan nyid dang / mtshan
293b1 nyid kyi gzhi'i dngos po med pas phung po zhig pa ltar chad par 'gyur ba'i rigs na/ de bzhin gshegs pa ni chad par mi 'gyur ro/ /blo gros chen po byas pa thams cad mi rtag na ni bum pa dang snam bu la sogs pa bzhin du thams cad kyang
293b2 mi rtag pa'i nyes par 'gyur bas/ thams cad mkhyen pa'i tshogs dang / sbyor ba rnams don med par 'gyur te/ 'di ltar byas pa'i phyir ro/ /byas pa thams cad kyang de bzhin gshegs pa yin par 'gyur te/ bye brag gi rgyu'i dngos
293b3 po med pa'i phyir ro/ /de lta bas na de bzhin gshegs pa ni rtag pa yang ma yin/ mi rtag pa yang ma yin no/ /gzhan yang blo gros chen po de bzhin gshegs pa ni nam mkha' ltar rtag pa ma yin te/ nam mkha' ltar rtag pa yin na ni
293b4 so so rang gis rig pa 'phags pa'i ye shes kyi tshogs rnams don med pa'i nyes par 'gyur ro/ /blo gros chen po dper na nam mkha' ni rtag pa yang ma yin/ mi rtag pa yang ma yin zhing / rtag pa dang / mi rtag pa dang / gcig
293b5 pa dang / tha dad pa dang / gnyi ga dang / gnyi ga ma yin pa dang / rtag pa dang mi rtag pa'i nyes pa spangs pa'i phyir/ brjod par bya ba ma yin no/ /de'i phyir de bzhin gshegs pa ni rtag pa ma yin no/ /gzhan yang blo gros chen po
293b6 gal te de bzhin gshegs pa skye ba med pa'i rtag pa yin na ni ri bong dang rta la sogs pa'i rwa dang mtshungs shing skye ba med pa'i rtag par 'gyur ba'i phyir/ bsgrubs pa rnams don med par 'gyur te/ skye ba med pa'i rtag pa'i
293b7 nyes par 'gyur bas na/ de bzhin gshegs pa ni rtag pa ma yin no/ /gzhan yang blo gros chen po dngos po gzhan gyis de bzhin gshegs pa rtag pa yin par shes par 'gyur ba yang yod do/ /de ci'i phyir zhe na/ 'di lta ste/ bar
293b8 chad med pas mngon par rtogs pa'i ye shes rtag pa'i phyir de bzhin gshegs pa rtag pa'o/ /blo gros chen po de bzhin gshegs pa 'jig rten du byung yang rung / 'jig rten du ma byung yang rung / chos nyid ni nges par gnas pa
294a1 nyid de/ nyan thos dang / rang sangs rgyas dang / de bzhin gshegs pa rnams kyi bar chad med pa'i gnas pa ni nam mkha' la mi gnas te/ byis pa so so'i skye bo rnams kyis khong du chud par bya ba yang ma yin no/ /blo gros chen po de
294a2 bzhin gshegs pa rnams kyi thugs su chud pa'i ye shes ni shes rab kyis yongs su bsgos pa yin gyi/ blo gros chen po de bzhin gshegs pa ni sems dang / yid dang / yid kyi rnam par shes pa dang / phung po dang / khams dang / skye mched de dag gis
294a3 yongs su bsgos pa ma yin no/ /blo gros chen po srid pa gsum po thams cad ni yang dag pa ma yin pa rnam par rtog pa las byung ba yin gyi/ de bzhin gshegs pa rnams ni yang dag pa ma yin pa rnam par rtog pa las byung ba ma yin no/ /blo gros chen po
294a4 chos gnyis yod par gyur pa'i phyir rtag pa dang mi rtag pa yod par 'gyur gyi gnyis su med pa la ni ma yin no/ /gnyis su med pa ni rab tu dben pa'o/ /chos thams cad ni gnyis su med pa dang / ma skyes pa'i mtshan nyid yin pa'i phyir/ de bas na de bzhin
294a5 gshegs pa dgra bcom pa yang dag par rdzogs pa'i sangs rgyas rnams ni rtag pa yang ma yin/ mi rtag pa yang ma yin no/ /blo gros chen po ji tsam du tshig gi rnam par rtog pa 'jug pa de tsam du rtag pa dang mi rtag pa'i nyes par 'gyur gyi/ rnam par rtog
294a6 pa'i blo zad par gyur na ni byis pa so so'i skye bo rnams kyis rtag pa dang mi rtag par lta ba rab tu ma zhi ba yongs su spong bar 'gyur bas blo dang ldan pa rnams kyis rtag pa dang mi rtag pa dang / rtag pa dang / mi rtag pa yang ma yin pa'i
294a7 yongs su bsgos pa rnams shin du spang bar bya'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /tshogs rnams don med gyur na ni/ /rtag dang mi rtag nyes pa skye/ /rnam par
294a8 rtog pa'i blo med na/ /rtag dang mi rtag rab tu spong / /dam ni rab tu 'cha' ba las/ /gud na 'dres pa'i don yod gyur/ /rang sems tsam du mnyam rtog na/ /tshig gi brjod pa dmigs su med/ /de nas byang chub sems dpa' blo gros
294b1 chen pos yang bcom ldan 'das la gsol pa/ bcom ldan 'das kyis yang bdag la phung po dang / khams dang / skye mched rnams kyi skye ba dang 'jig pa bshad du gsol/ de dag la ni bdag ma mchis na su zhig skye zhing su zhig
294b2 ldog par 'gyur te/ byis pa so so'i skye bo rnams ni skye ba dang 'jig pa la gnas pas sdug bsngal zad par 'gyur ba khong du mi chud cing mya ngan las 'das pa rab tu mi rtogs lags so/ /bcom ldan 'das kyis bka' stsal pa/
294b3 legs so/ /de'i phyir legs par nyon cig dang khyod la bshad par bya'o/ /blo gros chen pos bcom ldan 'das la gsol pa/ de bzhin du 'tshal lo zhes bka' mnyan pa dang / bcom ldan 'das kyis blo gros chen po la 'di skad ces bka' stsal
294b4 to/ /de bzhin gshegs pa'i snying po dge ba dang / mi dge ba'i rgyur gyur pa ni 'gro ba'i skye ba thams cad du khyab par byed pas gar mkhan bzhin du 'gro ba rnams rnam par 'gyur ba ston par byed pa/ bdag dang bdag gi spangs pa de khong du ma chud
294b5 pa'i phyir gsum 'dus pa'i rkyen kyi sbyor ba las skye ba dang / mu stegs can rnams kyis khong du ma chud pas byed pa por mngon par zhen to/ /thog ma med pa'i dus nas rnam par spros pa'i gnas ngan len gyi bag chags kyis yongs su
294b6 bsgos pa ni kun gzhi rnam par shes pa zhes bya ste/ ma rig pa gnas pa'i sa rnam par shes pa bdun dang lhan cig bskyed pa/ rgya mtsho'i rlabs bzhin du lus rtag tu skyed cing rgyun mi 'chad pa/ rtag pa dang mi rtag pa'i nyes pa dang bral ba/
294b7 bdag tu smra ba yongs su spongs pa/ rang bzhin gyis dri ma med pa/ mthar yongs su dag pa'o/ /de ma yin pa'i rnam par shes pa rnams skye ba dang / 'jig pa yod pa ste/ yid dang yid kyi rnam par shes pa la sogs pa skad cig bdun dang
294b8 bcas pa yang dag pa ma yin pa yongs su rtog pa'i rgyus yul rnams kyi dbyibs dang gnas sna tshogs len pa/ ming dang rgyu mtshan la mngon par zhen pa/ rang gi sems snang ba'i gzugs kyi mtshan nyid khong du ma chud pa/ sdug bsngal
295a1 dang bde ba ma rtogs pas rnam par grol ba'i gnas su phyin par mi 'gyur ba/ ming dang rgyu mtshan gyi kun nas dkris pa'i 'dod chags skye la 'dod chags skyes nas rgyu dang dmigs par byed de/ tshor ba'i dbang po de dag 'gags
295a2 na rim gyis mi skye'o zhes gzhan du rang gi sems kyi rnam par rtog pas sdug bsngal dang / bde ba ma shes pas tshor ba dang / 'du shes 'gog pa'i snyoms par 'jug pa la snyoms par zhugs nas bsam gtan bzhi pa thob pa/ yang dag pa'i
295a3 bden pa dang / rnam par grol ba la mkhas pa'i rnal 'byor pa rnams rnam par grol ba'i 'du shes su byed de/ rab tu ma spangs shing yongs su ma gyur pa ni de bzhin gshegs pa'i snying po kun gzhi rnam par shes pa zhes bya'o/ /rnam par shes pa bdun
295a4 ni 'khor bar 'jug cing 'gag pa med de/ de ci'i phyir zhe na/ de'i rgyu dang dmigs pa las rnam par shes pa rnams rab tu skye ba'i phyir ro/ /nyan thos dang / rang sangs rgyas kyi rnal 'byor pa rnams kyi spyod yul ma yin pa/ bdag med pa ma rtogs pas
295a5 rang dang spyi'i mtshan nyid kyis bsdus pa'i phung po dang / khams dang / skye mched rnams skyed pa/ de bzhin gshegs pa'i snying po mthong bar gyur pa na/ chos lnga dang / rang bzhin dang / gang zag dang / chos bdag med pa rnams ldog par gyur te/ sa'i
295a6 rim pa'i mtshams sbyor ba khyad par du gyur pas gzhan mu stegs can gyi lta ba rnams kyis bskyod par mi nus pa ni byang chub sems dpa'i sa mi g.yo ba la rab tu gnas pa zhes bya'o/ /ting nge 'dzin gyi bde ba'i sgo'i lam bcu rab tu
295a7 'thob par 'gyur te/ ting nge 'dzin blos yongs su bzung bas sangs rgyas kyi chos bsam gyis mi khyab pa la so sor rab tu rtog pa dang / rang gi smon lam gyis ting nge 'dzin gyi sgo'i bde ba mi len cing yang dag pa'i mtha' la mi gnas
295a8 par 'phags pa'i so so rang gis rig par 'gro ba dang / nyan thos dang / rang sangs rgyas dang / mu stegs can thams cad dang thun mong ma yin pa'i rnal 'byor gyi lam 'phags pa'i rigs kyi lam bcu dang / sku dang / ye shes dang / yid las skyes
295b1 pa dang / ting nge 'dzin mngon par 'du byed pa med pa rab tu 'thob par 'gyur ro/ /de lta bas na blo gros chen po byang chub sems dpa' sems dpa' chen po khyad par 'dod pa rnams kyis de bzhin gshegs pa'i snying po kun gzhi rnam par shes pa zhes
295b2 bya ba yongs su sbyang ba bya'o/ /blo gros chen po gal te kun gzhi rnam par shes pa med pa la de bzhin gshegs pa'i snying po zhes bya ba ni skye ba dang / 'jig pa yang med par 'gyur te/ blo gros chen po 'on kyang byis pa dang 'phags pa rnams la
295b3 skye ba dang 'jig pa yod pas rnal 'byor pa rnams 'phags pa'i so so rang gis rig pa la 'jug cing mthong ba'i chos la bde bar gnas pa'i sbyor ba mi gtong ngo / /blo gros chen po de bzhin gshegs pa'i snying po kun gzhi rnam par shes pa
295b4 'di ni rang bzhin gyis yongs su dag pa yin mod kyi/ nyan thos dang / rang sangs rgyas rtog pa'i lta ba can thams cad blo bur gyi nyon mongs pas bsgribs pa'i phyir yongs su ma dag pa mthong gi/ de bzhin gshegs pa rnams ni ma yin no/ /
295b5 blo gros chen po de bzhin gshegs pa ni mngon sum gyi spyod yul can yin pas/ dper na lag mthil gyi skyu ru ra'i 'bras bu bzhin du gzigs so/ /blo gros chen po ngas don 'di rdzu 'phrul gyi mthu'i rnam par gzhag pas btsun mo
295b6 phreng ldan ma dang / gzhan yang shes rab rno zhing yongs su rdzogs pa'i byang chub sems dpa' rnams kyi ched du de bzhin gshegs pa'i snying po kun gzhi rnam par shes pa zhes bya ba rnam par shes pa bdun dang lhan cig skye bar bstan
295b7 cing bshad de/ nyan thos rnams gang zag la bdag med par mthong ba la mngon par zhen pa'i phyir btsun mo phreng ldan ma sangs rgyas kyi byin gyi brlabs kyi mthus de bzhin gshegs pa'i spyod yul bshad de/ nyan thos dang / rang sangs rgyas
295b8 dang / mu stegs can rnams kyi spyod yul ni ma yin no/ /blo gros chen po de bzhin gshegs pa'i snying po kun gzhi rnam par shes pa ni de bzhin gshegs pa nyag cig dang / gzhan yang shes rab rno zhing don la rton pa'i byang chub
296a1 sems dpa' shes rab can rnams kyi spyod yul yin te/ de lta bas na blo gros chen po khyod dang / byang chub sems dpa' sems dpa' chen po gzhan dag gis de bzhin gshegs pa'i snying po kun gzhi rnam par shes pa 'di la rab tu
296a2 brtson zhing bslab par bya ste/ thos pa dang / shes pa tsam gyis chog pa'i 'du shes su mi bya'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /zab mo de bzhin gshegs pa yi/ /snying po
296a3 rnam shes bdun dag dang / /lhan cig 'dzin gnyis rab tu 'jug /mkhas pa dag ni yongs su spong / /me long gzugs bzhin sems snang ste/ /thog ma med nas bag chags bsgos/ /yang dag ji bzhin rab rtogs na/ /dngos po rnams ni
296a4 dngos po med/ /ji ltar byis pa sor mo'i rtser/ /'dzin cing zla ba mi lta ba/ /de bzhin yi ger zhen pa rnams/ /nga yi yang dag mthong mi 'gyur/ /sems ni gar mkhan bzhin du gnas/ /yid ni ram bu thog pa 'dra/ /rnam shes lnga ni grogs lta bu/ /rnam
296a5 rtog gar rnams rab tu lta/ /de nas byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das kyis chos lnga dang / rang bzhin dang / rnam par shes pa dang / bdag ma mchis pa gnyis yongs
296a6 su rtogs par 'gyur ba rnam par dbye ba'i mtshan nyid bshad du gsol/ des bdag dang byang chub sems dpa' gzhan rnams kyang sa thams cad kyi go rims kyi mtshams sbyor zhing chos 'di dag rnam par dbye ba dang / sangs rgyas kyi
296a7 chos thams cad kyi rjes su 'jug par 'gyur te/ sangs rgyas kyi chos thams cad kyi rjes su zhugs pa ni de bzhin gshegs pa'i rang gis rig pa'i sa'i bar du 'jug par 'gyur ro/ /bcom ldan 'das kyis bka' stsal pa/ blo gros
296a8 chen po legs par nyon la yid la zung shig /blo gros chen pos bcom ldan 'das la gsol pa/ de bzhin du 'tshal lo zhes bka' mnyan pa dang / bcom ldan 'das kyis bka' stsal pa/ blo gros chen po chos lnga dang / rang bzhin dang / rnam par
296b1 shes pa dang / bdag med pa gnyis rnam par dbye ba dang rab tu 'jug pa'i mtshan nyid ni 'di lta ste/ ming dang / rgyu mtshan dang / rnam par rtog pa dang / yang dag pa'i ye shes dang / de bzhin nyid de/ rnal 'byor pa rnams kyis bsgoms na/ de bzhin gshegs
296b2 pa'i rang gis rig pa 'phags pa'i tshul la rab tu 'jug cing rtag pa dang / chad pa dang / yod pa dang / med pa la sogs pa'i lta ba spangs nas mthong ba'i chos la bde bar snyoms par 'jug pa la gnas pa mngon sum du 'gyur ro/ /blo gros chen po
296b3 chos lnga dang / rang bzhin dang / rnam par shes pa dang / bdag med pa gnyis dang / rang gi sems snang ba dang / phyi rol gyi dngos po de dag khong du ma chud pa'i phyir so so'i skye bo rnam par rtog par byed kyi 'phags pa rnams ni ma yin no/ /blo gros chen pos bcom ldan
296b4 'das la gsol pa/ bcom ldan 'das ji ltar na byis pa so so'i skye bo rnams rnam par rtog pa skye la 'phags pa rnams kyis ma lags/ bcom ldan 'das kyis bka' stsal pa/ blo gros chen po byis pa so so'i skye bo rnams kun rdzob kyi brda'i ming
296b5 dang rgyu mtshan la mngon par zhen pas sems kyi rjes su 'brang ngo / /rjes su 'brangs nas mtshan ma'i kha dog sna tshogs 'dod pas bdag dang bdag gir lta bar lhung ba'i bsam pa can rnams gzugs bzang po la mngon par zhen par byed de/ mngon par zhen
296b6 nas mi shes pas bsgribs pa'i phyir mngon par chags pa bskyed do/ /mngon par chags par gyur nas ni 'dod chags dang / zhe sdang dang / gti mug las byung ba'i las bsags so/ /mngon par bstsags nas ni rnam par rtog pas rang la 'ching bar
296b7 byed de/ ji ltar dar gyi srin bu skon pa byed pa bzhin du 'khor ba'i rgya mtshor 'gro ba rnams kyi skon par lhung ba ni zo chun gyi 'khrul 'khor bzhin te/ 'di ltar gti mug pa'i phyir sgyu ma dang / smig rgyu dang / chu'i zla ba dang mtshungs par rang
296b8 bzhin gyis bdag dang bdag gi dang bral bar ma shes nas yang dag pa ma yin pa'i rnam par rtog pa thams cad skyed par byed do/ /mtshan nyid dang / mtshan nyid kyi gzhi dang / skye ba dang / 'jig pa dang bral ba rang gi sems kyi rnam par rtog pa
297a1 las skyes pa/ dbang phyug dang / dus dang / rdul phra mo dang / gtso bo las byung ba ma yin par ma shes nas byis pa so so'i skye bo rnams ming dang / rgyu mtshan gyi rjes su 'brang ngo / /de la blo gros chen po rgyu mtshan de yang mig gi rnam par shes
297a2 pas snang bar bya ba ni gzugs shes bya'o/ /de bzhin du rna ba dang / sna dang / lce dang / lus dang / yid kyi rnam par shes pas snang bar bya ba ni sgra dang / dri dang / ro dang / reg bya dang / chos shes bya ste/ 'di ni rgyu mtshan zhes bya'o/ /blo gros chen po rnam par rtog
297a3 pa de ni gang gis ming mang por btags nas mtshan ma rnams gsal bar byed pa ste/ 'di ni de bzhin gyi gzhan du ma yin no zhes glang po che dang / rta dang / shing rta dang / rkang thang dang / skyes pa dang / bud med la sogs pa'i ming gang yin pa de ni rnam
297a4 par rtog pa zhes bya'o/ /blo gros chen po yang dag pa'i ye shes gang gis ming dang / rgyu mtshan de dag mi dmigs shing phan tshun 'gro ba'i 'gron po dang mtshungs te/ rnam par shes pa rnams mi skye bas rtag pa med pa/ chad pa med pas
297a5 mu stegs can dang / nyan thos dang / rang sangs rgyas thams cad kyi sar mi ltung ba'o/ /gzhan yang blo gros chen po byang chub sems dpa' sems dpa' chen po rnams ni yang dag pa'i ye shes des ming dang / rgyu mtshan rnam par 'jog par
297a6 yang mi byed la/ ming dang rgyu mtshan rnam par mi gzhog pa yang ma yin pas lta ba gnyis su sgro 'dogs pa dang / skur pa 'debs pa yongs su spong bar byed do/ /ming dang rgyu mtshan mi skye ba ni de bzhin nyid ces bya'o/ /blo gros chen po byang
297a7 chub sems dpa' sems dpa' chen po de bzhin nyid la gnas pa ni snang ba med pa'i spyod yul thob pa'i phyir byang chub sems dpa'i sa rab tu dga' ba 'thob ste/ byang chub sems dpa'i sa rab tu dga' ba thob nas mu stegs can
297a8 dang ngan song gi 'gro ba thams cad las shin du 'das shing 'jig rten las 'das pa'i tshul la yang dag par gnas pa/ chos kyi mtshan nyid la 'dris pa/ sgyu ma lta bu la sogs pa'i chos thams cad rnam par 'byed pa/ rang gis rig pa'i
297b1 chos kyi tshul gyi mtshan nyid/ rtog ge pa'i lta ba ya mtshan gyi mtshan nyid dang bral bas rim gyis chos kyi sprin gyi bar du 'thob par 'gyur te/ bar de yang ting nge 'dzin dang / stobs dang / dbang dang / mngon par shes pa rgyas shing de bzhin
297b2 gshegs pa'i sa'i bar du 'thob par 'gyur ro/ /de thob nas chu'i zla ba bzhin du sprul pa rnam pa sna tshogs kun du ston cing sems can yongs su smin par byed pa ni mthar thug pa'i gnas bcu yongs su rdzogs nas mos pa
297b3 sna tshogs pa'i sems can rnams la rab tu 'byed cing chos ston kyang chos kyi sku ni yid kyi mngon par 'du byed pa dang bral ba'o/ /'di ni byang chub sems dpa' rnams de bzhin nyid la zhugs nas thob pa zhes bya'o/ /de nas byang chub sems
297b4 dpa' blo gros chen pos bcom ldan 'das la 'di skad ces gsol to/ /bcom ldan 'das ci rang bzhin gsum po rnams chos lnga'i nang du 'dus pa zhig lags sam/ 'on te so so nas rang gi mtshan nyid du grub pa zhig lags/ bcom ldan
297b5 'das kyis bka' stsal pa/ blo gros chen po rang bzhin gsum dang / rnam par shes pa brgyad dang / bdag med pa gnyis kyang chos lnga'i nang du 'dus so/ /blo gros chen po ming dang rgyu mtshan de dag ni kun du brtags pa'i rang bzhin yin no/ /
297b6 blo gros chen po rnam par rtog pa de la brten nas sems dang sems las byung ba'i chos ming dang lhan cig skye ste/ ji ltar nyi ma dang 'od zer lhan cig 'byung ba bzhin du sna tshogs kyi mtshan nyid so sor rnam par brtag cing / 'dzin par byed pa
297b7 de ni gzhan gyi dbang gi rang bzhin zhes bya'o/ /blo gros chen po yang dag pa'i ye shes dang / de bzhin nyid ni mi 'jig pa'i phyir yongs su grub pa'i ngo bo nyid ces bya'o/ /gzhan yang blo gros chen po rang gi sems snang ba'i rnam par rtog pa la
297b8 rnam pa brgyad du dbye ste/ 'di lta ste/ kun gzhi rnam par shes pa dang / yid dang yid kyi rnam par shes pa dang / rnam par shes pa'i tshogs lnga'o/ /de la rgyu mtshan ni yang dag pa ma yin pa'i mtshan nyid la kun du brtags pa'i phyir bdag dang
298a1 bdag gir 'dzin pa gnyis 'gags na bdag med pa gnyis skye'o/ /de lta bas na blo gros chen po chos lnga po 'di'i nang du nyan thos dang / rang sangs rgyas dang / byang chub sems dpa' dang / de bzhin gshegs pa rnams kyi so so rang gis
298a2 rig pa 'phags pa'i ye shes dang / sa rnams kyi mtshams sbyar ba dang / go rims dang / sangs rgyas kyi chos thams cad kyang 'dus so/ /gzhan yang blo gros chen po chos lnga ni rgyu mtshan dang / ming dang / rnam par rtog pa dang / de bzhin nyid dang /
298a3 yang dag pa'i ye shes so/ /blo gros chen po de la rgyu mtshan cad ni gnas pa dang / dbyibs kyi mtshan nyid dang / gzugs la sogs pa'i mtshan nyid du snang ba ni rgyu mtshan zhes bya'o/ /gang rgyu mtshan de nyid la bum pa zhes bya ba la sogs pa'i ming
298a4 yod pas 'di ni de bzhin gyi gzhan du ma yin no zhes bya ba de ni ming zhes bya ba ste/ ming mang po btags nas rgyu mtshan rnams gsal bar byed pa'o/ /bum pa la sogs pa'i sems dang sems las byung ba'i chos de ni rnam par rtog
298a5 pa zhes bya'o/ /ming de dang rgyu mtshan de dag mthar dmigs su med pa dang / thog ma dang / tha mar rig par bya ba med pa dang / chos rnams la phan tshun med pa dang / yang dag pa ma yin pa'i rnam par rtog pa dang bral ba ni de bzhin nyid ces bya'o/ /
298a6 de kho na nyid yang dag par nges pa mthar thug par yang rang bzhin dmigs su med pa de ni de bzhin nyid kyi mtshan nyid du nga dang de bzhin gshegs pa rnams kyang rjes su zhugs shing sems can thams cad la yang dag pa ji lta ba bzhin
298a7 du bshad do/ /btags so/ /gsal bar byas so/ /gang de'i rjes su zhugs nas yang dag par rtogs shing 'chad pa dang rtag pa med pa/ rnam par rtog pa mi 'byung ba so so rang gis rig pa 'phags pa'i ye shes kyi tshul dang rjes su
298a8 'thun pa/ mu stegs can dang / nyan thos dang / rang sangs rgyas thams cad kyis mi dmigs pa'i mtshan nyid de ni yang dag pa'i ye shes shes bya'o/ /blo gros chen po de dag ni chos lnga zhes bya ste/ rang bzhin rnam pa gsum dang / rnam
298b1 par shes pa brgyad dang / bdag med pa gnyis dang / sangs rgyas kyi chos thams cad kyang der 'dus te/ de lta bas na blo gros chen po de la bdag nyid gyis nan tan du bslab par bya zhing gzhan la yang bslab par bya ste/ gzhan gyi rjes su
298b2 'brang bar mi bya'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /chos lnga dang ni rang bzhin gsum/ /rnam shes brgyad po nyid dag dang / /bdag med don ni rnam gnyis por/ /theg
298b3 chen thams cad bsdus pa yin/ /ming dang rgyu mtshan rnam par rtog /rang bzhin gnyis kyi mtshan nyid de/ /yang dag ye shes de bzhin nyid/ /yongs su grub pa'i mtshan nyid do/ /de nas byang chub sems dpa' blo gros chen pos yang bcom ldan 'das
298b4 la 'di skad ces gsol to/ /ji ltar bcom ldan 'das kyis gsungs pa ltar na 'das pa'i sangs rgyas rnams ni gang gA'i klung gi bye ma snyed de/ ma 'angs pa dang / da ltar gyi yang de bzhin no zhes bka' stsal na/ bcom ldan 'das 'di la sgra ji
298b5 bzhin du don gzung bar bgyi 'am/ 'on te don gzhan zhig mchis lags/ bcom ldan 'das thugs brtse bar dgongs te bshad du gsol/ bcom ldan 'das kyis bka' stsal pa/ blo gros chen po sgra ji bzhin du don gzung bar mi bya ste/ dus
298b6 gsum gyi de bzhin gshegs pa rnams ni yang dag par gang gA'i klung gi bye ma snyed du ma yin no/ /de ci'i phyir zhe na/ 'jig rten pa'i bsam pa las 'das pas dpe rnams kyis dper bya ba ma yin no/ /'di ltar byis pa so so'i skye bo rtag pa
298b7 la mngon par zhen pa dang / mu stegs can gyi rnam par btags pa'i lta ba ngan pa 'phel nas 'khor ba la thug pa med par 'gyur ba dag 'khor bar 'gro ba'i 'khor lo la yongs su skyo bar bya ba dang / brtson 'grus khyad par can rtsom du
298b8 gzhug pa'i phyir de dag la 'di skad du de bzhin gshegs pa rnams ni mthong bar sla bas u dum ba ra'i me tog lta bu ma yin no zhes bstan te mthong bar dka' zhes brtsom pa gtong bar 'gyur ba'i phyir ro/ /res 'ga' ni 'dul ba'i
299a1 skye ba rnams la gzigs nas 'di skad du de bzhin gshegs pa rnams ni shin du mthong bar dka' bas u dum ba ra'i me tog bzhin no zhes bshad de/ u dum ba ra'i me tog ni sus kyang ma mthong mi mthong mthong bar mi
299a2 'gyur na/ de bzhin gshegs pa ni 'jig rten thams cad kyis mthong ste/ rang gi tshul rnam par gzhag pa'i phyir 'di skad du de bzhin gshegs pa rnams 'byung ba u dum ba ra'i me tog bzhin no zhes bshad pa ni ma yin no/ /blo gros chen
299a3 po rang gi tshul rnam par gzhag pa ni 'jig rten pa'i bsam pa las 'das pas byis pa so so'i skye bo de dag yid ches par mi 'gyur te/ so so rang gis rig pa'i 'phags pa'i ye shes kyi spyod yul la ni dper bya ba med do/ /de kho na nyid kyi
299a4 de bzhin gshegs pa ni sems dang yid dang / yid kyi rnam par shes pa las 'das pas mthong bar bya ba'i mtshan ma rnams kyis dpe byar mi rung ngo / /blo gros chen po 'on kyang ngas de bzhin gshegs pa rnams gang gA'i klung gi bye ma dang
299a5 mnyam mo zhes dpes bstan pa la nyes pa med de/ blo gros chen po dper na gang gA'i klung gi bye ma ni nya dang / rus sbal dang / shi shu ma ra dang / seng ge dang / glang po che dang / rta dang / mi dang / ri dgas rnams kyis gtses shing dkrugs kyang bye ma de 'di snyam du
299a6 'di dag gis bdag la gtses so zhes rnam par rtog par mi byed de/ rang bzhin gyis yongs su dag cing dri ma rnams kyis gos pa med pa'i phyir ro/ /de bzhin du de bzhin gshegs pa dgra bcom pa yang dag par rdzogs pa'i sangs rgyas kyi so so
299a7 rang gis rig pa 'phags pa'i ye shes kyi gang gA'i klung chen po la yod pa'i stobs dang / mngon par shes pa dang / dbang po la sogs pa'i bye ma rnams la yang mu stegs can thams cad dang / mi rnams dang / ri dgas la sogs pa
299a8 thams cad kyis gtses shing dkrugs kyang de bzhin gshegs pa la dgongs pa mi mnga' bas rnam par rtog pa mi skye ste/ de bzhin gshegs pa rab tu dben zhing dgongs pa'i 'du shes med pa dang / de bzhin gshegs pa'i sngon gyi smon lam
299b1 gyi dbang gis ting nge 'dzin gyi bde ba la sems can rnams dgod pa'i phyir rnam par gtses so snyam du mi dgongs pas gang gA'i klung gi bye ma dang / mtshungs shing bye brag med do/ /gzhan yang 'dod chags dang / khong khro ba dang / gti mug yongs su
299b2 spangs pa'i phyir ro/ /dper na gang gA'i klung gi bye ma rnams ni sa'i mtshan nyid kyi rang bzhin yin pas bskal pas tshig pa nas thams cad bsregs kyang sa'i 'byung ba chen po ni rang bzhin mi 'dor te/ 'di ltar me'i khams dang lhan cig skye ba'i
299b3 phyir ro/ /gzhan du na byis pa so so'i skye bo rnams tshig par rtog mod kyis de ni mi tshig ste/ 'di ltar me'i khams kyi rgyu'i phyir ro/ /de bzhin du blo gros chen po de bzhin gshegs pa'i chos kyi sku yang gang gA'i klung gi bye ma ltar mi 'jig go/ /
299b4 blo gros chen po dper na gang gA'i klung gi bye ma rnams la ni tshad med do/ /de bzhin gshegs pa rnams kyi 'od zer rnams kyang de bzhin du tshad med de/ sems can yongs su smin par bya ba'i phyir sangs rgyas thams cad kyis 'khor gyi dkyil 'khor
299b5 thams cad kun du snang bar byed do/ /blo gros chen po dper na gang gA'i klung gi bye ma rnams la ni bye ma tha dad pa gzhan btsal na nam yang mi rnyed do/ /de bzhin du blo gros chen po de bzhin gshegs pa dgra bcom pa yang dag par rdzogs pa'i
299b6 sangs rgyas la yang 'khor ba yang med/ skye ba dang 'gag pa med de/ srid pa'i rgyu dang rkyen chad pa'i phyir ro/ /blo gros chen po dper na gang gA'i klung gi bye ma rnams ni 'phel ba dang / 'grib pa shes par mi nus so/ /de bzhin du blo gros
299b7 chen po de bzhin gshegs pa'i ye shes kyang sems can yongs su smin par bya ba mi 'phel mi 'grib ste/ lus kyi chos can ma yin pa'i phyir ro/ /lus kyi chos can la ni 'jig pa yod kyi de bzhin gshegs pa'i chos kyi sku ni lus kyi
299b8 chos can ma yin no/ /dper na gang gA'i klung gi bye ma rab tu btsir kyang mar mi dmigs so/ /de bzhin du sems can gyi rab tu gnod pa'i sdug bsngal thams cad kyis de bzhin gshegs pa la gnod pa byas kyang / ji srid du sems can rnams
300a1 yongs su mya ngan las ma bzlas kyi bar du chos kyi dbyings mi 'dor te/ rang gi ting nge 'dzin dang / smon lam gyi bde ba dang / thugs rje chen po'i phyir ro/ /blo gros chen po dper na gang gA'i klung gi bye ma rnams ni chu'i rgyun gyi rjes su
300a2 'bab ste/ chu med par ni ma yin no/ /de bzhin du blo gros chen po de bzhin gshegs pa rnams kyis bstan pa'i chos thams cad kyang mya ngan las 'das pa'i rgyun gyi rjes su 'bab pas de'i phyir 'di skad du gang gA'i klung gi bye ma dang mnyam pa
300a3 zhes bshad do/ /de bzhin gshegs pa ni 'gro ba rnams kyi rjes su mi 'jug ste/ rjes su 'bab cing 'gro ba ni 'jig pa'i don yin pa'i phyir ro/ /blo gros chen po 'khor ba'i thog ma'i mtha' shes par mi nus pa'i phyir/ shes pa med na
300a4 ji ltar 'gro ba zhes bshad/ blo gros chen po 'gro ba zhes bya ba ni chad pa'i don yin na byis pa so so'i skye bo rnams kyis mi shes so/ /blo gros chen pos bcom ldan 'das la gsol pa/ bcom ldan 'das gal te sems can rnams
300a5 'khor ba'i thog ma'i mtha' 'tshal ba ma mchis na ji ltar rnam par thar pa khong du chud par 'gyur/ bcom ldan 'das kyis bka' stsal pa/ blo gros chen po thog ma med pa'i dus kyi rnam par spros pa'i gnas ngan len rnam par rtog
300a6 pa'i bag chags kyi rgyu 'gag cing rang gi sems snang ba tsam du mthong ba'i tshe shes so/ /phyi rol gyi don dang / rnam par rtog pa'i lus gnas gyur pa la thar pa zhes bya'i/ 'jig pa ni ma yin no/ /de bas na mtha' med pa zhes bya ba ni
300a7 ci yang med pa ma yin te/ de dag rnam par rtog pa'i phyir mtha' med pa zhes bya ba la sogs pa'i ming gi rnam grangs byas pa yin no/ /phyi dang nang gnyis ka rab tu brtags na rnam par rtog pa las logs shig na gzhan tha dad pa'i
300a8 sems can gang yang med pas shes pa dang / shes bya dang / chos thams cad ni rab tu dben pa yin te/ rang gi sems snang ba'i rnam par rtog pa yongs su ma shes pa'i phyir rnam par rtog pa skye'i/ gal te yongs su shes par gyur na
300b1 ni ldog par 'gyur ro/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /'dren pa rnams ni rab brtags na/ /gang gA'i klung gi bye ma bzhin/ /'jig pa med cing 'gro ba med/ /
300b2 mthar thug min pa'ang ma yin te/ /de ni mnyam pa nyid dag gis/ /de bzhin gshegs rnams brtags pa yin/ /gang gA'i bye ma la sogs ltar/ /nyes pa thams cad rab spangs te/ /rgyun phyogs 'jug cing rang bzhin rtag /de ni
300b3 sangs rgyas sangs rgyas nyid/ /de nas byang chub sems dpa' blo gros chen pos yang bcom ldan 'das la 'di skad ces gsol to/ /bcom ldan 'das chos thams cad skad cig mar 'jig pa'i mtshan nyid bshad du gsol/ bcom ldan 'das ji
300b4 ltar na chos thams cad skad cig ma lags/ bcom ldan 'das kyis bka' stsal pa/ blo gros chen po de'i phyir legs par nyon la yid la zung shig dang / khyod la bshad par bya'o/ /blo gros chen pos bcom ldan 'das la gsol pa/ bcom
300b5 ldan 'das de bzhin du 'tshal zhes bka' mnyan pa dang / bcom ldan 'das kyis bka' stsal pa/ blo gros chen po de la chos thams cad ces bya ba ni 'di lta ste/ dge ba dang / mi dge ba dang / lung du bstan pa dang / lung du ma
300b6 bstan pa dang / 'dus byas dang / 'dus ma byas pa dang / 'jig rten pa dang / 'jig rten las 'das pa dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang /
300b7 zag pa med pa dang / zin pa dang / ma zin pa rnams yin te/ blo gros chen po mdor na sems dang / yid dang / yid kyi rnam par shes pa dang / bag chags rnams ni nye bar len pa'i phung po lnga'i rgyu dang /
300b8 sems dang / yid dang / yid kyi rnam par shes pa'i bag chags rgyas par byed pa yin te/ byis pa so so'i skye bo rnams kyis dge ba dang / mi dge bar yongs su brtags so/ /
301a1 blo gros chen po ting nge 'dzin gyi bde ba dang / snyoms par 'jug pas mthong ba'i chos la bde bar gnas pa ni 'phags pa rnams kyi dge ba zag pa med pa zhes bya'o/ /blo gros chen po de la dge ba dang mi dge ba zhes bya ba ni 'di lta ste/ rnam par
301a2 shes pa brgyad rnams so/ /brgyad gang zhe na/ 'di lta ste/ de bzhin gshegs pa'i snying po kun gzhi rnam par shes pa zhes bsgrags pa dang / sems dang / yid dang / yid kyi rnam par shes pa dang / rnam par shes pa lnga'i tshogs
301a3 rnams te/ mu stegs can gyis brjod par bya ba ma yin no/ /blo gros chen po rnam par shes pa'i tshogs lnga ni sems dang / yid dang / yid kyi rnam par shes pa dang lhan cig pa/ dge ba dang / mi dge ba'i mtshan nyid phan tshun du
301a4 rnam par 'byung zh-ing 'jig pa/ rgyud kyi rgyun gyis 'jug pas rnam par mi 'jig pa/ lus byung nas skye zhing 'jig par yang 'gyur ba'o/ /rang gi sems snang ba tsam du ma rtogs pa'i phyir 'gags ma thag tu rnam par shes pa
301a5 gzhan 'byung ste/ dbyings kyi bye brag 'dzin pa'i yid kyi rnam par shes pa rnam par shes pa'i tshogs lnga dang ldan par 'byung zhing skad c-ig gi dus su yang mi gnas pa de ni skad cig ma zhes bya'o/ /blo gros chen po de la skad cig ma
301a6 zhes bya ba ni kun gzhi rnam par shes pa zhes bsgrags pa de bzhin gshegs pa'i snying po yid dang lhan cig skyes pa'i rnam par shes pa'i bag chags kyis skad cig pa yin gyi/ zag pa med pa'i bag chags kyis skad cig pa ni
301a7 ma yin no/ /byis pa so so'i skye bo rnams kyis rtogs par mi 'gyur te/ 'di ltar skad cig mar smra ba la mngon par zhen pa'i phyir chos thams cad skad cig pa dang / skad cig pa ma yin pa 'di mi rtogs so/ /de chad par lta ba'i phyir 'dus ma byas
301a8 pa'i chos rnams kyang 'jig par byed do/ /blo gros chen po rnam par shes pa bdun po rnams ni 'khor bar 'jug pa ma yin te/ sdug bsngal dang bde ba yang mi myong la/ mya ngan las 'da' ba'i rgyu yang ma yin no/ /blo gros chen po de bzhin gshegs
301b1 pa'i snying po ni sdug bsngal dang bde ba yang myong ste/ rgyu dang lhan cig tu 'jug cing ldog go/ /gnas pa'i sa gzhi dang / ma rig pa'i gnas kyis rab tu myos pas byis pa so so'i skye bo dag skad cig mar lta ba mi rtogs shing / rnam par rtog pas
301b2 sems yongs su bsgos par gyur to/ /gzhan yang blo gros chen po dper na gser dang / rdo rje dang / de bzhin gshegs pa'i ring bsrel dang / khyad par thob pa'i ngo bo nyid ni nam yang 'jig par mi 'gyur te/ blo gros chen po gal te
301b3 mngon par rtogs pa thob pa skad cig pa yin na ni 'phags pa rnams 'phags pa ma yin par 'gyur ba zhig na/ 'phags pa rnams ni 'phags pa ma yin par mi 'gyur ro/ /dper na gser dang / rdo rje ni bskal pa srid du mi 'bri na
301b4 ci'i phyir byis pa so so'i skye bo nga'i ldem por dgongs te bshad pa la mi mkhas pa dag gis phyi nang gi chos thams cad la skad cig pa'i don du rtog /byang chub sems dpa' blo gros chen pos yang bcom ldan 'das la gsol pa/
301b5 bcom ldan 'das kyis ji skad du pha rol tu phyin pa drug yongs su rdzogs par spyad na bla na med pa yang dag par rdzogs pa'i byang chub mngon par 'tshang rgya bar 'gyur ro zhes bka' stsal na/ drug po gang lags/ bcom ldan 'das kyis
301b6 bka' stsal pa/ blo gros chen po pha rol tu phyin pa'-i bye brag ni rnam pa gsum yod de/ 'di lta ste/ 'jig rten pa dang / 'jig rten las 'das pa dang / 'jig rten las 'das pa'i mchog go/ /blo gros chen po de la 'jig rten pa'i
301b7 pha rol tu phyin pa ni bdag dang bdag gir 'dzin pa la mngon par zhen cing mtha' gnyis su 'dzin pa/ skye ba'i gnas sna tshogs blang ba dang / gzugs dang / sgra dang / dri dang / ro dang / reg bya la rab tu mos pa'i phyir sbyin pa'i pha rol tu
301b8 phyin pa yongs su rdzogs par byed do/ /tshul khrims dang / bzod pa dang / brtson 'grus dang / bsam gtan dang / shes rab kyang de bzhin te byis pa so so'i skye bo'i mngon par shes pa yongs su 'grub pa dang / tshangs pa'i 'jig rten
302a1 du skye bar 'gyur ro/ /blo gros chen po 'jig rten las 'das pa'i pha rol tu phyin pa ni nyan thos dang / rang sangs rgyas rnams mya ngan las 'das pa'i 'dzin par lhung ba'i phyir pha rol tu phyin pa drug spyod cing rang gi mya ngan las 'das pa'i bde
302a2 ba la mos pa'o/ /'jig rten las 'das pa'i mchog pha rol tu phyin pa ni rang gi sems snang ba rnams rtog pa tsam du rtogs pa dang / rang gi sems gnyis su 'dzin pa'i phyir rnam par rtog pa mi skye ba dang / 'gro ba rnams len pa dang /
302a3 skal ba mtshungs pa ma yin pa dang / rang gi sems dang / gzugs kyi mtshan nyid la mngon par ma chags pas sems can thams cad la phan pa dang / bde ba'i phyir sbyin pa'i pha rol tu phyin pa bskyed par byed do/ /sbyor ba mchog bskyed
302a4 nas dmigs pa de nyid la rnam par rtog pa mi 'jug pa ni tshul khrims te/ de ni tshul khrims kyi pha rol tu phyin pa'o/ /de nyid rnam par rtog pa mi skye bar bzod cing gzung ba dang / 'dzin pa yongs su shes pa de ni bzod pa'i pha rol tu phyin
302a5 pa/ gang gis nam gyi cha stod dang / cha smad la sbyor ba la brtson par byed cing rnal 'byor dang 'thun par rnam par rtog pa mi 'jug pa de ni brtson 'grus kyi pha rol tu phyin pa'o/ /rnam par rtog pa rab tu ldog cing nyan thos kyi mya ngan las
302a6 'das pa'i 'dzin par mi ltung ba de ni bsam gtan gyi pha rol tu phyin pa'o/ /de la rang gi sems kyi rnam par rtog pa dngos po med par shes rab kyis so sor brtags nas mtha' gnyis su ltung ba dang / sngon gyi lus gnas rab tu
302a7 gyur pas rnam par mi 'jig pa dang / so so rang gis rig pa 'phags pa'i tshul thob pa de ni shes rab kyi pha rol tu phyin pa'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs
302a8 so/ /stong pa mi rtag skad cig mar/ /byis pa rnams ni rnam par rtog /'bab chu mar me sa bon ltar/ /skad cig pa yi don du rtog /skad cig nyon mongs 'khrug pa zhi/ /rab tu dben pa byed pa spangs/ /chos rnams skye ba med pa ni/ /
302b1 skad cig don du ngas bshad de/ /dngos po skyes nas 'jig par ni/ /byis pa rnams la mi 'chad do/ /bar chad med par rgyun chags dngos/ /rnam par rtog pas yongs su bsgos/ /ma rig pa ni rgyu byed de/ /sems ni de las rab tu 'byung / /
302b2 ji srid gzugs dag ma skyes pa/ /de yi bar du phyogs ci yod/ /zhig par gyur ma thag tu ni/ /sems gzhan de'i rjes su skye/ /gzugs ni dus su mi gnas na/ /ci la dmigs te 'byung bar 'gyur/ /de dag las ni rab 'byung phyir/ /
302b3 yang dag ma yin rgyu las skyes/ /ji ltar grub pa med pa des/ /skad cig 'jig par rab tu shes/ /rnal 'byor can gyi snyoms 'jug dang / /rdo rje sangs rgyas ring bsrel dang / /'od gsal gnas kyi gzhal med khang / /
302b4 'jig rten mi 'jig dngos po'o/ /yang dag chos thob gnas pa dang / /de bzhin gshegs mkhyen phun sum tshogs/ /dge slong mnyam pa nyid thob rnams/ /skad cig mar ni ji ltar mthong / /dri za sgyu ma la sogs pa'i/ /
302b5 gzugs rnams skad cig yod ma yin/ /yang dag ma yin gzugs sogs la/ /yang dag nyid du lta bar byed/ /de nas byang chub sems dpa' blo gros chen pos yang bcom ldan 'das la 'di skad ces gsol to/ /
302b6 bcom ldan 'das kyis ji skad du dgra bcom pa rnams kyang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes lung bstan pas byang chub sems dpa' rnams dang mtshungs shing bye brag
302b7 ma mchis par 'gyur ro/ /gal te sems can rnams mya ngan las 'da' ba'i chos can lags na su zhig mngon par rdzogs par byang chub par 'gyur/ /gzhan yang ji srid du de bzhin gshegs pa gang gi nub mo bla na med pa yang
302b8 dag par rdzogs pa'i byang chub mngon par rdzogs par sangs rgyas pa nas gang gi nub mo yongs su mya ngan las 'das pa de'i bar du yi ge gcig kyang ma gsungs/ lan btab pa yang med ces bka' stsal/ gzhan yang de bzhin
303a1 gshegs pa rnams ni rtag tu mnyam par bzhag pa'i phyir rtog pa yang med/ dpyod pa pa yang med do/ /sprul pa'i de bzhin gshegs pas sangs rgyas kyi mdzad pa dag sprul to/ /gzhan yang ci'i slad du rnam par shes pa rnams
303a2 ni skad cig ma gcig nas gcig tu rnam par 'jig pa'i mtshan nyid do zhes gsungs/ gzhan yang lag na rdo rje mthu bo che ni rtag tu 'brang zhing srung bar byed do/ /thog ma'i mthar mi 'dogs so zhes gsungs/ gzhan yang bdud dang /
303a3 bdud kyi las dang / kha na ma tho ba rnams kyi rnam par smin pa dang / bram ze'i bu mo tsan tsa dang / mdzes ma kun tu rgyu dang / lhung bzed stong par slar gshegs pa la sogs pa las kyi sgrib pa dag gda' na/ ci'i slad du bcom ldan 'das
303a4 kyis rnam pa thams cad mkhyen pa'i ye shes brnyes kyang nongs pa rnams ma bral/ bcom ldan 'das kyis bka' stsal pa/ blo gros chen po de'i phyir legs par nyon la yid la zung shig dang ngas khyod la bshad do/ /blo gros chen pos
303a5 bcom ldan 'das la gsol pa/ bcom ldan 'das de bzhin 'tshal lo zhes bka' mnyan pa dang / bcom ldan 'das kyis bka' stsal pa/ blo gros chen po lhag ma med pa'i mya ngan las 'das par bya ba'i phyir bshad de/
303a6 byang chub sems dpa'i spyad pa spyod pa rnams rab tu spro bar bya ba'i phyir dang / 'jig rten 'di dang gzhan dag na byang chub sems dpa'i spyad pa spyod pa gang dag nyan thos kyi theg pas yongs su mya ngan las 'da' bar mos pa de dag
303a7 nyan thos kyi theg pa las bzlog nas theg pa chen po la rab tu brtson par bya ba'i phyir sprul pa'i sangs rgyas kyis nyan thos rnams la lung bstan pa yin gyi/ chos nyid kyi sangs rgyas kyis ni ma yin no/ /blo gros chen po
303a8 rgyu des na nyan thos rnams byang chub sems dpa' dag dang tha mi dad par lung bstan to/ /blo gros chen po de la tha mi dad pa zhes bya ba ni nyan thos dang / rang sangs rgyas dang / sangs rgyas bcom ldan 'das rnams nyon mongs pa'i
303b1 sgrib pa dang / rnam par grol ba ro gcig pa'i phyir yin gyi/ ye shes kyi sgrib pa spangs pa ni ma yin no/ /blo gros chen po ye shes kyi sgrib pa ni chos bdag med par mthong ba'i khyad par gyis rnam par dag par 'gyur la/ nyon
303b2 mongs pa'i sgrib pa ni sngar gang zag la bdag med par mthong ba la goms pas spong bar 'gyur ro/ /de la rnam par shes pa bdun 'gags pa dang / chos kyi sgrib pa las rnam par grol ba dang / kun gzhi rnam par shes pa'i
303b3 bag chags 'gags pas ni mthar thug pa'i rnam par dag par 'gyur ro/ /sngon gyi chos gnas pa nyid la dgongs pa'i phyir snga ma dang phyi ma dngos po med do/ /mthar thug pa'i smon lam gyi phyir de bzhin gshegs pa rtog pa
303b4 yang med/ dpyod pa yang med par chos 'chad de/ yang dag pa'i ye shes ky-is sprul pa'i phyir dang / dran pa nyams pa med pa'i phyir rtog pa yang med/ dpyod pa yang med do/ /gnas pa'i sa gzhi dang / ma rig pa'i gnas kyi sa'i
303b5 bag chags spangs pa'i phyir nyon mongs pa gnyis spangs pa dang / 'chi 'pho gnyis dang bral ba dang / gang zag dang chos bdag med par khong du chud pa dang / sgrib pa gnyis spangs pa'o/ /blo gros chen po yid dang / yid kyi rnam
303b6 par shes pa dang / mig gi rnam par shes pa la sogs pa bdun po rnams ni skad cig ma/ bag chags kyi rgyu dge ba zag pa med pa'i phyogs dang bral ba/ yang 'khor bar mi 'gyur ba dang bral ba yin no/ /blo gros chen po de bzhin
303b7 gshegs pa'i snying po ni 'khor zhing mya ngan las 'das pa dang / bde ba dang / sdug bsngal ba'i rgyu yin te/ stong pa nyid kyis g.yeng ba'i blo can dang / byis pa so so'i skye bo dag gis khong du mi chud do/ /blo gros chen po lag na rdo rje mthu bo che rjes
303b8 su 'brang zhing srung bar byed pa ni sprul pa'i sangs rgyas yin gyi/ yang dag pa'i de bzhin gshegs pa ni ma yin no/ /blo gros chen po yang dag pa'i de bzhin gshegs pa ni dbang po dang / tshad ma thams cad dang bral bas by-is pa so
304a1 so'i skye bo dang / nyan thos dang / rang sangs rgyas dang / mu stegs can thams cad kyi dbang po dang / tshad ma rnams las rnam par log pa yin te/ mthong ba'i chos la bde bar gnas pa bar chad med pa'i chos shes pa'i bzod
304a2 pa thob pa'i phyir lag na rdo rjes bsrung bar bya ba ma yin no/ /sprul pa'i sangs rgyas thams cad ni las las skyes pa ma yin no/ /'phrul pas sprul pa'i sangs rgyas ni sangs rgyas kyang ma yin/ sangs rgyas las gzhan pa yang ma
304a3 yin te/ /dper na rdza mkhan gyi 'khor lo la sogs pa'i rgyu lta bur sems can gyi bya ba byed cing mtshan rnams dang ldan pas chos ston kyang rang gi tshul gyi gnas so so rang gis rig pa'i spyod yul bshad pa ni ma yin no/ /gzhan yang blo gros
304a4 chen po byis pa so so'-i skye bo rnams rnam par shes pa'i tshogs bdun 'gags pa'i phyir ni chad par lta ba bskyed do/ /kun gzhi rnam par shes pa ma rtogs pa'i phyir ni rtag par lta ba bskyed do/ /bdag nyid rnam par rtog pa'i phyir ni thog ma'i
304a5 mtha' mi shes so/ /rang gi rnam par rtog pa'i blo 'gags pa'i phyir ni rnam par grol bar 'gyur ro/ /gnas pa'i sa gzhi dang ma rig pa gnas kyi sa'i bag chags spangs pa'i phyir nyes pa thams cad spangs pa yin no/ /de nas bcom ldan 'das kyis don de nyid
304a6 yang dag par bstan pa'i phyir tshigs su bcad pa 'di dag gsungs so/ /theg pa gsum ni theg ma yin/ /de bzhin gshegs pa zad mi 'gyur/ /thams cad sangs rgyas lung bstan cing / /nyes pa rnams dang bral bar bshad/ /mngon rtogs ye shes thob
304a7 bya dang / /lhag med mya ngan 'da' ba dang / /zhum pa rnams kyang spro bya'i phyir/ /de phyir dgongs te bshad pa yin/ /sangs rgyas bskyed pa'i ye shes dag /de nyid rnam 'byed lam du bshad/ /theg pa rnams ni theg ma yin/ /de ni mya ngan 'da' ba min/ /'dod
304a8 gzugs srid dang lta ba rnams/ /gnas bzhi'i sar ni bshad pa yin/ /yid kyi rnam par shes las 'byung / /rnam shes khyim du yid ni gnas/ /yid dang mig sogs rnam par shes/ /'gag pa la ni mi rtag bshad/ /yang na mya ngan 'das par lta/ /rtag par
304b1 gnas pa nyid du 'dod/ /de nas byang chub sems dpa' blo gros chen pos tshigs su bcad pas zhu ba zhus pa/ byang chub sems dpa' la sogs pa/ /bla med byang chub tshol ba dag /sha dang chang dang sgog btsong rnams/ /'tshal zhing btung bar bgyi mi bgyi/ /bla na
304b2 ma mchis gtso mchog gis/ /thugs rjes bdag la bshad du gsol/ /byis pa de la brkam par bgyid/ /dri nga grags pa ma mchis 'gyur/ /shi na gcan gzan rnams kyi zas/ /ji ltar de ni 'tshal bar rung / /'tshal nas nongs dmigs ci mchis dang / /
304b3 ma 'tshal yon tan gang lags pa/ /'tshal dang ma 'tshal dge sdig rnams/ /thugs rjes bdag la bshad du gsol/ /byang chub sems dpa' blo gros chen pos tshigs su bcad pa rnams kyis zhu ba zhus nas/ yang bcom ldan 'das la 'di skad
304b4 ces gsol to/ /bcom ldan 'das kyis bdag la sogs pa'i slad du sha 'tshal ba dang mi 'tshal ba'i nongs pa dang yon tan rnams bshad du gsol/ bdag dang byang chub sems dpa' gzhan rnams kyis da ltar dang ma 'ongs pa na sha'i zas la chags
304b5 shing re ba'i sems can sna tshogs la rnam par phye ste chos bshad pas sems can de dag byams pa'i sems kyis phan tshun gcig la gcig lta ba dang / byams pa'i sems thob nas kyang so so'i sa la gnas shing rnam par dag pa gsal bar rtog
304b6 ste myur du mthar thug pa'i bla na med pa yang dag par rdzogs pa'i byang chub mngon par 'tshang rgya ba dang / nyan thos dang / rang sangs rgyas dag rang gi sa la bsti zhing / bstis nas kyang bla na med pa'i byang chub 'thob par 'gyur ro/ /chos ngan pa log par smra ba'i
304b7 mu stegs can gang dag log par lta ba dang / rtag pa dang chad pa la mngon par zhen pa rnams kyis kyang sha 'tshal ba bkag ste sha 'tshal du mi gnang ba lags na/ de bzhin gshegs pa 'jig rten gyi mgon po yang dag pa'i chos yongs su grub pas sha mi
304b8 gsol ba lta ci smos/ bcom ldan 'das kyis bka' stsal pa/ blo gros chen po legs so legs so/ /de'i phyir shin tu legs par nyon la yid la zung shig dang ngas khyod la bshad do/ /blo gros chen pos bcom ldan 'das la gsol pa/ de bzhin du 'tshal
305a1 lo zhes bka' mnyan pa dang / bcom ldan 'das kyis bka' stsal pa/ blo gros chen po rgyu dang rkyen tshad med pa'i phyir sha rnams bza' bar mi bya ste/ 'on kyang 'dir khyod la mdo tsam zhig bshad par bya'o/ /'di lta ste/ srog chags rnams ni yun
305a2 ring po nas phan tshun gyi rgyu rkyen kyis rtag par gnyen du gyur te/ 'di ltar gnyen du gyur pa'i 'du shes kyi phyir sha rnams bza' bar mi bya'o/ /bong bu dang / dre'u dang / rnga mo dang / wa dang / khyi dang / glang dang / rta dang / mi dang / gcan gzan gyi sha la sogs pa ni shan pa dag 'dres
305a3 par 'tshong bar byed pas de'i phyir sha bza' bar mi bya'o/ /sha ni khu chu dang khrag las byung ba'i phyir sha bza' bar mi bya'o/ /sems can gyis de'i dri tshor na yang thams cad 'jigs shing skrag par 'gyur te/ shen pa dang / gdol pa la sogs pa bzhin du khyi rnams
305a4 kyis mthong na yang de la sngang zhing 'jigs pas khyis zugs pa'i phyir sha bza' bar mi bya'o/ /gzhan yang rnal 'byor pa rnams kyi byams pa'i sems skye bar mi byed pa'i phyir sha bza' bar mi r-igs so/ /'phags pa ma yin pa'i skye bo dag brkam zhing dri
305a5 mi zhim par 'gyur la snyan pa'i grags pa med pa'i phyir sha bza' bar mi bya'o/ /rig sngags rnams sgrub pa 'grub par mi 'gyur ba'i phyir sha bza' bar mi bya'o/ /'di ltar srog gcod pa ni gzugs mthong ma thag tu mngon par chags pa'i sems
305a6 bskyed par byed pa'i phyir sha mi za'o/ /gang sha za ba de dag la ni lha rnams kyis spong bar byed pa'i phyir sha bza' bar mi bya'o/ /kha'i dri mi zhim par 'gyur ba'i phyir yang sha bza' bar mi bya'o/ /rmi lam ngan pa mang ba'i phyir sha bza' bar mi bya'o/ /dgon pa'i gnas
305a7 nags tshal dag na gnas pa'i tshe stag dang spyang ki la sogs pas dri tshor bar 'gyur ba'i phyir sha bza' bar mi bya'o/ /zas kyi tshod mi zin par byed pa'i phyir sha bza' bar mi bya'o/ /rnal 'byor pa rnams yongs su skyo ba'i sems skye bar mi 'gyur ba'i phyir sha
305a8 bza' bar mi bya'o/ /ngas rtag tu ji tsam du bza' ba dang btung ba rnams la bu'i sha'i 'du shes dang / sman gyi 'du shes bya'o zhes bshad pa'i phyir sha bza' bar mi bya ste/ ngas sha bza' bar gnang ngo zhes zer na de ni gnas med do/ /gzhan yang blo gros chen po sngon
305b1 'das pa'i dus na rgyal po seng ge 'bangs bzang zhes bya ba zhig byung ste/ sha sna tshogs la za zhing mi sha yang zos par gyur pas blon po dang / gnyen dang / gnyen mdab kyi skye bo'i tshogs rnams log nas sngon gyi dbang thang rnams kyang bcad pas nyon mongs par
305b2 gyur to/ /de lta bas na sha za ba la nyes dmigs 'di lta bu yod pa'i phyir sha bza' bar mi bya'o/ /gzhan yang blo gros chen po de la srog gcod pa dag ni khe 'dod pa'i phyir srog bcad nas 'tshong bar byed do/ /gang blun po sha za ba de dag ni rin gyis sha rnams nyo
305b3 bar byed do/ /srog gcod par byed pa de dag khe 'dod pa'i phyir lcags kyu dang rgya rnams kyis srog chags nam mkha' la rgyu ba dang / chu la gnas pa dang / sa la 'gro ba dag rnam pa du mas gsod cing khe tshol bar byed do/ /blo gros chen po byed du ma bcug pa
305b4 dang / ma btsal ba dang / 'du shes med pa zhes bya ba'i sha gang yang med pas de'i phyir sha bza' bar mi bya'o/ /blo gros chen po ngas sngar sha rnam pa lnga dang bcu bkag la mdo sde 'dir ni rnam pa thams cad dang dus thams cad du thabs kyis gnang ba thams
305b5 cad kyang bkag go/ /blo gros chen po de bzhin gshegs pa dgra bcom pa yang dag par rdzogs pa'i sangs rgyas la ni bza' bar bya ba yang med na nya'i sha za ba lta ci smos te/ gzhan yang byed du mi 'jug go/ /thugs rje chen po sngon du 'gro ba'i phyir sems
305b6 can thams cad bu gcig pa dang 'dra bar gzigs te/ de'i phyir bu'i sha bza' bar mi gnang ba yin no/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /sngon chad gnyen bshes byas phyir dang / /
305b7 ngan pa mi gtsang 'dres pa dang / /khu chu khrag las byung ba dang / /dri tshor thams cad 'jigs skrag pas/ /sha rnams dang ni tsong dag dang / /ki'u dang byis sku la sogs dang / /bag med sna tshogs 'gyur ba'i chang / /rnal 'byor pas ni rtag tu spang / /'bru mar dag kyang
305b8 spang bya ste/ /bug phug pa'i khri yang spang / /srog chags dag ni phra mo rnams/ /de na rab tu 'jigs phyir ro/ /zas las bag med skye bar 'gyur/ /bag med pa las rtog pa skye/ /rtog pa las ni 'dod chags skye/ /de yi phyir na bza' mi bya/ /zas kyi dbang gis 'dod chags skye/ /
306a1 'dod chags kyis ni sems rmongs byed/ /rmongs pas srid pa'i 'dod pa skyed/ /'khor ba las ni grol mi 'gyur/ /khe yi phyir ni sems can gsod/ /sha yi phyir ni nor sbyin byed/ /gnyi ga sdig pa'i las can pas/ /shi nas 'o dod 'bod par ltung / /bcol tshol 'du shes de med na/ /
306a2 rnam gsum dag pa'i sha yang med/ /rgyu med las ni yod min pas/ /de yi phyir na bza' mi bya/ /rnal 'byor pa ni de dag gis/ /des na thams cad spang byar bya/ /phyogs bcu sangs rgyas bcom ldan 'das/ /thams cad rab tu smod par 'gyur/ /gcig la gcig ni za bar byed/ /shi nas gcan zan
306a3 rigs su ltung / /dri mi zhim pa smad pa dang / /glen pa dag tu skye bar 'gyur/ /phal cher gdol pa'i rigs su skye/ /rngon pa sme sha can rigs dang / /yang na 'phra men rigs su skye/ /sha za'i rigs su skye bar 'gyur/ /srin po byi la la sogs pa'i/ /mngal kun tu ni skye bar 'gyur/ /glang po 'ching
306a4 dang sprin chen dang / /sor mo'i phreng ba'i mdo dag dang / /lang kar gshegs pa'i mdo 'di las/ /ngas ni sha rnams rab tu bkag /sangs rgyas byang chub sems dpa' dang / /nyan thos rnams kyis smad pa dang / /ngo mi tsha bar za ba ni/ /rtag tu glen par skye bar 'gyur/ /sngar yang mthong
306a5 thos dogs pa yi/ /sha rnams thams cad spang bar bshad/ /rtog ge rnams kyis ma rtogs pas/ /de phyir sha zan gnas su skyes/ /ji ltar 'dod chags nyes pa yis/ /'phags pa'i rnam grol sgrib 'gyur zhing / /sha chang sgog btsong la sogs pa'ang / /'phags pa'i lam
306a6 gyi bar chad byed/ /ma 'ongs dus kyi skye bo dag /sha za gti mug smra ba rnams/ /sha ni sdig med rung bas na/ /sangs rgyas nged la gnang zhes zer/ /zas la sman sten 'du shes dang / /de bzhin bu sha lta bur yang / /chos shes skyo ba bskyed nas ni/ /rnal 'byor can gyis bsod
306a7 snyoms spyad/ /snying rje sems la gang gnas pa/ /yongs su skyo bar nga yis bshad/ /stag dang spyang ki gcan gzan rnams/ /rtag tu lhan cig 'grogs shing gnas/ /gal te sha rnams za byed na/ /sems can dag ni skrag 'gyur bas/ /de phyir rnal 'byor pa dag gis/ /snying rje'i sems kyis sha mi bza'/ /sha za
306a8 snying rje shes rab med/ /rnam par grol la rgyab kyis phyogs/ /'phags pa'i rgyal mtshan dag dang 'gal/ /de yi phyir na bza' mi rigs/ /bram ze'i rigs su skye bar 'gyur/ /gzhan yang rnal 'byor pa'i gnas/ /shes rab phyug po'i khyim du skye/ /'di ni sha spangs dbang gis so/ /'phags pa lang kar
gshegs pa rin po che'i mdo las sangs rgyas thams cad kyi gsung gi snying po'i le'u zhes bya ba rdzogs so/
CLOSE WINDOW