CLOSE WINDOW

J521(a)
བོད་ཡིག

/ @#/ /rgya gar skad du/ mA yA mI rI ts+yai dzA ta tan+tA tu d+h-i ta~M kalbo rA dzA na ma/ bod skad du/ sgyu ma'i 'od zer can 'byung ba'i rgyud las phyung ba'i rtog pa'i rgyal po zhes bya ba/ dkon mchog gsum la phyag 'tshal lo/ / de nas lha mo 'od zer can 'di'i gzungs kyi rtog pa yin te/ rnam par snang mdzad kyi rgyal po chen pos yongs su gzung ba'o/ /zla ba'i gzugs brnyan nam/ nyi ma'i steng du 'od zer can rnam par bsam bar bya'o/ /de'i 'od zer las yongs su grub pa'i khab dang skud pa dang bcas pas gdug pa can rnams kyi mig dang kha drubs bzhin bar mdun du rnam par bsam bar bya'o/ /phyi rol mthong ba'i spyod yul du mtshams bcing ba byas la zla ba dang nyi ma gnyis dag gi 'od zer las yongasu rdzogs bzhin pas lha mo 'od zer can mnyan yod na bzhugs te zhes bya ba nas bzung ste/ lha mo 'od zer can zhes bya ba ni rgyal bas bka' stsal pa'o/ /de nyi ma dang zla ba'i mdun dang mdun nas 'gro yang lha'i tshogs mang pos kyang mthong bar mi 'gyur ro/ /de'i tshe bdag kyang bltar med pa'i zhes bya ba la sogs pa 'di dang / de yang dgu phrag gsum yin no/ /sngags kyi tshig ni 'di lta ste/ oM pa tA kra ma si/ pa rA kra ma si/ a da ya ma si/ pu da ma si/ nai ra ma si/ an taR+hA na ma si/ ming nyid rab tu sbyar te lha mo 'od zer can bdag lam du skyobs shig /bdag lam log pa las skyobs shig /rgyal po dang / me dang / dgra dang seng ge'i 'jigs pa las bdag skyobs shig /bdag du thams cad du phun sum tshogs par grub par gyis shig /na mo rad+na tra yA ya/ oM A lo kA lo tA lo sats+tsha lo/ sa~M murti/ rak+Sha rak+Sha mA~M/ sarba b+ha ye shu swA hA/ dkon mchog gsum dang ldan pa zhes bya ba'i/ oM ba rA li/ ba tA li/ pa ta li/ ba rA li/ ba rA ta mu khe/ sarba duSh+Ta nA~M mu kha~M/ ban d+ha ban d+ha/ dus thams cad du legs par bsrung bar 'gyur ro/ /bskul tshig bzhi bcu rtsa bzhi ni/ rgya mtsho gsum ni mtshan brjod pa'i/ oM dang bcas pa'i snying po dang / nyi shu rtsa gnyis pa dang / yi ge drug pa ni 'jigs pa thams cad las bsrung bar byed do/ /snying po'i sngags 'di 'dzin na blo rno bar byed do/ /gleng bzhi dang bcas pa sngags 'di bzlas pa byas na nor dang 'bru dang / g.yog 'khor 'phel bar byed pa'i mchog sbyin par byed do/ /don de sgrub par 'dod pas thang ka 'am/ shing leb la bris sku bya ba ni mya ngan med kyi shing gi sdong po'i rtsar pad ma la gnas pa/ rgyan thams cad kyis brgyan pa/ ljang khu dang / a ka rag sngon po dang stod g.yogs sngon po dang / mgo bo na mchod rten yod pa/ gzhon nu ma/ g.yon pa'i phyogs su gzigs pa'i spyan can/ mya ngan med pa'i 'od zer can zhes bya ba bri bar bya'o/ /sngon du bstan pa'i cho gas thang sku 'di mdun du blta zhing mchog tu sgrub pa'i snying po bzlas pa stong bya'o/ /oM mA rI ts+yai swA hA/ zhes bya'o/ /mchog gi snying po 'di nges par mchog tu 'grub par 'gyur ro/ /rims thams cad med par byed do/ /nad thaMd med par byed do/ /bzlas pa dang sbyin sreg gis kyang 'od zer can gyis nor 'phel ba bskyed par byed do/ /zho dang dur ba gnyis kyi sbyin sreg gis ni nges par nad med par byed do/ /sbrang rtsi dang mar gyi sbyin sreg gis ni rgyal po rnams dbang du byed do/ / zho dang 'bras sA lu dang / bu ram gyi sbyin sreg gis ni gnod sbyin mo 'grub par byed do/ /tsha ba'i mar dang nim ba'i yal ga stong gi sbyin sreg gis ni rims nad med par byed do/ /rang gi khrag dang / rus pa dang / dug dang / ske tshe stong phrag gcig sbyin sreg byas pas dgra bo 'chi'o/ /'o ma'i sbyin sreg gis ni zhi bar 'gyur ro/ /rtag tu bzlas na dug 'joms par byed cing 'bad pa med par mkha' 'gro ma rnams 'joms so/ /nyi ma re re brgya rtsa brgyad bzlas na 'dzin blo rno bar 'gyur ro/ /oM ba ra le/ ba da le/ bat+tA le/ ba dA hra mu khi sarba duSh+Ta pra duSh+Ta na~M ban d+ha ban d+ha/ mu kha~M swA hA/ 'od zer can gyi snying po'o/ /oM mA rI ts+yai swA hA/ bcom ldan 'das ma 'od zer can gyi gsang ba'i snying po yi ge drug pa'o/ /snying po'i phyag rgya ni 'di yin te/ lag pa gnyis mnyam par byas la thal mo rnam par sbyar bar byas pa 'am kha phye ba yang rung ste 'theb chen cung zad bkug ste gung mo gnyis phan tshun reg la zlum po'i rnam pa mtshan mar byas la/ skyil mo dkrung du gnas pa'i lte ba'i phyogs su gtug par bya'o/ /phyag rgya 'di mchog gtso bo ste/ /las rnams kun la sbyar bar bya'i/ /tha ma dang ni 'bring la yang / /mchog rnams la yang 'di bstan no/ / myur du 'di yis don byed cing / /kun du grub cing mchod par 'gyur/ /dag byed bsod nams chen po ste/ /bkra shis sdig pa nyams byed cing / /bsod nams sdig pa kun zad pa/ /dngos grub rgyu ni phyag rgya yin/ /bcom ldan 'das ma 'od zer can ma'i mtshan brgyad brjod na bsrung ba dang / skyob pa dang / sbed par 'gyur ro/ /tad ya thA/ ar+k+ka ma si/ marka ma si/ ur ma ma si/ ba ra ma si/ tsI ba ra ma si/ ma hA tsI ba ra ma si/ an+da r+d+ha~M na ma si/ na mo rat+na tra yA ya/ tad ya thA/ oM ba rA li/ ba rA li/ mar ta mu khi sarba duSh+Ta prA duSh+TA nA~M/ mu kha~M ban d+ha ban d+ha swA hA/ rig pa 'dzin pa'i sde snod las phyung ba'i rtog pa ni 'di yin no/ /de nas sbyor ba gzhan ni 'di yin te/ gser mdog can gyi phag pa bsgoms la/ de'i steng du 'od zer can gos dkar po'i sham thabs can bsgom par bya'o/ /de'i spyi bor mchod rten dang / g.yon pa'i phyag gis mya ngan med pa'i yal ga me tog dang bcas pa'i phyag can no/ /'jigs pa chen po'i dus su yang bdag nyid phag pa'i tshogs kyis yongs su bskor bar bsgom par bya'o/ /snying gar chos gos kyi sne'u bzung ste/ lan bdun du sngags la mdud pa bdun byas na lam du rkun ma la sogs pas choms par mi 'gyur ro/ /de nas mdud pa yongs su bkrol bar bya'o/ /zhes bya ba ni bcom ldan 'das ma 'od zer can gyi rtog pa/ rdzogs pa'o// //rang gi snying gar zla ba la la~M rnam par bsams la de nyid yid kyis brjod pas/ chos thams cad bdag med pa'i ngo bo nyid du bsgom par bya'o/ / de nas yang nam mkha'i phyogs su bsam pa ni bdag nyid rnam par snang mdzad kyi gzugs pad ma'i lte bar seng ldeng gi khri la rdo rje'i skyil dkrung gis bzhugs pa/ gser gyi mdog can byang chub mchog gi phyag rgya can/ ting nge 'dzin la snyoms par bzhugs pa/ ral pa'i dbu rgyan 'chang zhing zhi ba/ yi ge ma~M nyid kyis brjod pa'i rnam par bsam par bya'o/ /de nas mdun du zla ba'i gzugs brnyan rnam par snang mdzad kyi 'od zer las byung ba'i 'od zer can ma/ oM mA rI ts+yai swA hA/ zhes bya bas gser gyi mdog can gyi skud pa dang bcas pa'i khab 'dzin pa'i phyag gis gdug pa can gyi kha dang mig yang dag par drubs pa mdun du rnam par bsam par bya'o/ /bu mos bkal ba'i skud pa nyi shu rtsa gcig la rtsa ba'i sngags kyi rig pa lan gcig yongs su bzlas pa na de nas/ na mo rat+na tra yA ya/ mA rI ts+yai de ba dat+tA ye hr-i da ya A brta ye Shu/ tad ya thA/ oM ba ti/ ti li/ bat+ta li bat+ti li/ ba rA li/ ba rA ha mu khi sarba duSh+Ta pra duSh+TA nA~M/ tsak+Shur mu kha~M/ ban d+ha mi swA hA/ zhes bya ba dang / yang lan brgya rtsa brgyad 'di bzlas te/ na mo rat+na tra yA ya/ mA rI ts+yai de ba data tA yai/ tad ya thA/ oM ba tA li/ ba tA li/ ba rA li ba ra ha mu khi/ sarba duSh+Ta pra duSh+TA na~M/ gran+thi ban d+ha mi swA hA/ zhes bya ba brjod do/ /de skud pa la rang nyid bsrung ba'i ched du mdud pa bdun bya'o/ /g.yog po'i ched du bya ste/ ming yongs su bzung ba'i sbyor bas mdud pa gcig bya'o/ /'gro ba dang 'ong bas skud pa de rked pa la bcings te gleng bzhi dang bcas pa'i 'od zer can gyis rig pa bklag ste mdun du 'gro bar bya'o/ /de ltar byas na rang bzhin gyis bsrung bar 'gyur ro/ /nub mo mdun du zla ba la/ nyin mo ni nyi ma'i dkyil 'khor la sngon du gsungs pa bzhin du rang gi gnas su bya'o/ /de'i rjes su ji ltar gsungs pa'i rig pa lan bdun du brjod par bya ste/ na maHsarba bud+d+ha bo d+hi satwe b+h+yaHtad+ya thA/ oM A lo/ ka lo/ ta lo/ sats+tsha lo/ sa~M pa mUr+t+ti/ rak+Sha rak+Sha ma~M sarba b+ha ye Shu swAhA/ dkon mchog gsum dang ldan pa zhes bya ba'i rig pa'o/ /tad ya thA/ oM mA rI ts+yai ba tA li/ ba da li/ ba ra li/ ba rA ha mu khi sarba duSh+Ta pra duSh+Ta nA~M/ ban d+ha ban d+ha mu kha~M swA hA/ tad ya thA/ oM ba dA li/ ba tA li/ ba rA li/ ba rA hA mu khi/ sarba duSh+Ta pra duSh+Ta na~M/ ban d+ha ban d+ha mu kha~M swA hA/ oM mA rI ts+yai swA hA/ zhes bya ba ni bcom ldan 'das kyi snying po'i mchog nges par 'di yin no/ /oM mA rI ts+yai pa tA kra ma si/ pa rA kra ma si/ ut+ta ya ma si/ nai ra ma si/ arka ma si/ marka ma si/ Urma ma si/ ban d+ha ma si/ gul+ma ma si/ tsA bi rI ma si/ ma hA tsI ba ra ma si/ an+ta r+d+ha na ma si/ na mo rat+na tra yA ya/ tad ya thA/ oM ba tA li/ ba dA li/ ba rA li/ ba rA hA mu khi sarba duSh+Ta pra du Sh+TA na~M/ ban d+ha ban d+ha mu kha~M swA hA/ oM mA rI ts+yai swA hA/ zhes bya ba ni bcom ldan 'das kyi snying po'i mchog ni nges par 'di yin no/ /oM mA rI ts+yai pa tA kra ma si/ pa rA kra ma si/ ut+ta ya ma si/ nai ra ma si/ arka ma si/ marka ma si/ um+ta ma si/ ban d+ha ma si/ gul+ma ma si/ tsI bA rA ma si/ ma hA tsi bA rA ma si/ an+ta r+d+ha ma si/ na mo rat+na tra yA ya/ tad ya thA/ oM bat+ta li/ ba dA le/ ba rA le/ ba rA hA mu khi/ sarba duSh+Ta prA duSh+Ta nA~M/ ban d+ha ban d+ha swA hA/ oM bat+ta li/ bat+ta li/ ba dA li/ ba rA li/ ba rA ha mu khi/ sarba duSh+Ta pra duSh+TA nA~M/ tsak+Shurmu kha~M ban d+ha mi swA hA/ zhes bya'o/ /oM bat+ta li/ ba dA li/ ba ra li/ ba ra hA mu khi/ sarba duSh+Ta pra duSh+TA nA~M/ ban d+ha ban d+ha mi swA hA/ zhes brjod par bya'o/ /rang nyid bsrung ba'i don du sngags 'di bya ste/ oM arka ma si swA hA/ zhes bya ba dang / oM an+d+ha r+d+ha na ma si swA hA/ zhes bya ba dang / uta ta ya oM te dzo ma si swA hA/ zhes bya ba dang / oM uta ta ya ma si swA hA/ zhes bya ba dang / oM gul ma ma si swA hA/ zhes bya ba dang / oM ba nA ma si swA hA/ zhes bya ba dang / oM tsi ba rA ma si swA hA/ zhes bya ba dang / oM ba tA kra ma si swA hA/ zhes bya ba dang / oM ba rA kra ma si swA hA/ zhes bya ba dang / oM ur ma ma si swA hA/ zhes bya ba'o/ /de nas las gzhan yin te/ sa mchog tu gyur pa'i sngags ni/ oM mA rI ts+ye swA hA/ zhes bya ba'i sngags 'di'i las ni zhi ba dang / rgyas pa dang / dbang dang / mngon spyod dang / dgug pa'o/ /bdag gi don du snying gar tri dang / spel ba'i snying po/ oM dang spel ba byas la/ mgal me'i 'khor lo la gnas pa lcags kyu dang zhags pas dgug par bya ba ni dpag tshad brgya yin du zin kyang lha rdzas kyi bud med 'gugs par byed do/ /de nas sbyor ba gzhan yin te/ nyi ma 'char ka'i tshe bya ste/ gzhon nu ma la sngags brgya bzlas te ba'i lci bas dkyil 'khor byas la bzhag par bya ste/ tsan dan dkar pos yan lag byugs la/ me tog dang legs par khrus byas shing gos dkar po bkon la gu gul gyi bdug pa sbyin te mthe bong la rgya skyegs dang mar nag gis bskus la sngags brgyad brgya bzlas te/ dbang bskur ba bstan par bya'o/ /lha la sogs pa thams cad sngags kyi rgyal po 'dis bskul te/ oM tsi ri tsi ri mu swA hA/ zhes bya ba ni sngags so/ /oM mAMHsngags 'dis mar me la brgyad brgya mngon par sngags nas gzhon nu ma la bstan par byas na sngon bzhin du mthong bar 'gyur ro/ /ma mo'i tshogs thams cad kyi dge ba dang / mi dge ba yang thos pa ni/ oM ba tA li ya~M mu/ sngags 'di khri tsho gcig bzlas te bstan par bya'o/ /yang na dgra bo rims kyis bzung bar 'dod na mi'i rus pa'i phye ma dang / dur khrod kyi thal ba dang / chu bo'i ngogs gnyis kyi sa dang / rkang rjes kyi rdul dang bcas pa la gzugs brnyan byas te/ dug dang / me dang / rke tshe dang / nyin phyed dang / 'o ma dang ldan pa dur khrod kyi ras la sngags dang spel ba bris bzhin pa byas te/ oM mA rI ts+yai che ge mo rims kyis zung shig zung shig hU~M phaT swA hA/ zhes brgyad brgya bzlas pas dgra bo'i khang par sbas na rims kyis 'dzin par 'gyur ro/ /yang na thod pa la sngon du bstan pa'i rdzas nyid kyis ming bris te yi ge a bzhi nang du bcug nas me'i nang du yang mA~M gis yongs su bskor la/ khros pas seng ldeng gi me la bdug par bya'o/ /steng nas 'gul pa bcings pa'i thod pa dgra bo'i khang par sbas na 'phral du rims kyis 'dzin par 'gyur ro/ /yang na dur khrod du bya'o/ /de nas dgra bo bsad par 'dod na dug dang / tshwa dang / ske tshe dang / khrag gis mi'i rus pa'i smyug gus thod pa la ming mngon par bris te hU~M dang phaT gnyis kyi nang du bcug na gsod par 'gyur ro/ /sngags kyis yongs su bskor bar bya ste/ oM mA rI ts+yai hU~M che ge mo sod cig hU~M zhes bya ba stong phrag brgyad bzlas na 'chi bar 'gyur ro/ /dur khrod du bris na ni zhag gsuM gyis nyaMs par 'gyur ro/ /yang na bskrod par 'dod na/ oM mA rI ts+yai/ tsa la tsa la/ pra tsa la tsa la/ shi g+h+ra~M ga mi ni che ge mo skrod cig hU~M phaT/ sngags 'di bya rog gi shog pa blangs la stong phrag brgyad bzlas te/ dgra bo'i khyim du 'bad pas sba bar byas la/ rnga mo'i steng du zhon pa bsgoM par byas na de ma thag tu skrod par byed do/ /yang na dbye bar 'dod na dur khrod kyi thal ba dang / chu klung gi ngogs gnyis kyi sa dang / rkang rjes kyi sa dang / yang dag par bstan pas so sor gzugs brnyan byas la rgyab sprad te/ ma he'i sha dang rta'i mgo spus legs par bcings la dug dang / ske tshe dang / tsha ba gsum gyis lus byugs la/ de nyid dang ma he'i sha dang / rta'i khrag dang ldan pa'i dur khrod kyi ras la phaT bzhi'i dbus su hU~M gis spel ba'i ming bris la mAM gyis yongs su bskor la de'i snying gar bcug ste sngags bzlas shing ma he dang / rta gnyis la zhon pa gnyis ga yang 'thab bzhin rnam par bsams na dbye bar byed do/ /'phrog byed dang / dka' bzlog ma dang / bcas pas dur khrod du sa brkos la sba'o/ /oM mA rI ts+yai che ge mo dang che ge mo phye shig hU~M swA hA/ zhes pa ni sngags so/ /de nas sbyor ba gzhan ni ma he'i rwa dang rta'i rus pa la gzugs brnyan byas te/ dug dang gtum ba'i sa bon dang / ma he'i Sh+sha dang rta'i khrag gis snying gar ming mngon par bris la sngags bzla zhing seng ldeng gi me la gdungs na de ma thag tu 'byed par byed do/ /yang na dgra bo'i khyim du sbas na yang 'byed par byed do/ /de yang dag par brjod par bya ba ni 'od zer can chen po 'byung ba'i rgyud las byung ba ni dgra'i dpung rengs par byed pa'i tshig ston te/ kha cig tu rgyal po'i dpung gi tshogs g.yos par 'gyur zhing gzhan gyi yul khams phung bar byed par brtson na gang gi tshe de la rgyal po 'ongs nas slar byed cing mchod de sngags pa la gsol ba 'debs na de'i tshe slob dpon gyis sems can thams cad la rjes su brtse bas byams pa'i sems kyis ting nge 'dzin bya'o/ /de la 'chog chas dgos pa thams cad dang ldan zhing legs pa'i grogs pos de ched du byas te/ bcom ldan 'das kyi thang sku bkram la/ tsan dan dkar pos dkyil 'khor nye bar byugs nas me tog dkar po bkram pa/ bdug spos dang / dri dang / phreng ba dang / gtor ma yang byin la/ zho dang / sbrang rtsi dang / bu ram dang ldan pas lan bdun du sngags la 'bul bar bya'o/ /sngags ni oM mA rI ts+yai ar+g+ham pra tIts+tsha swA hA/ oM mA rI ts+yai gan d+ta pra tIts+tsha swA hA/ oM mA rI ts+yai puSh+pe pra tIts+tsha swA hA/ oM mA rI ts+yai d+hU pe pra tIts+tsha swA hA/ oM mA rI ts+yai dI pa~M pra tIts+tsha swA hA/ de nas bcom ldan 'das ma la mchod cing yongs su bsngo ste dgyes par byas la bdag nyid bcom ldan 'das ma'i gzugs su dmigs shing rang nyid nga rgyal dang ldan pas khri phrag gsum bzlas pa bya'o/ /de'i sngon du song ba'i bsnyen pa yin te mi dge ba'i mtshan ma mthong bar 'gyur ro/ /de nas phyis ni sbyin sreg bya ste sngon du bstan pa'i cho gas las thams cad pa'i thab khung du rgya skyegs kyi shing dang / byang chub kyi shing dang / u dum ba ra'i yam shing gis me sbar la/ zho dang / 'o ma dang / mar du bsnyugs pa'i dur ba nyag ma re re rnams stong phrag brgyad sbyin sreg bya'o/ / de nas las thams cad nus par 'gyur ro/ /oM ba tA li/ ba dA li/ ba rA li/ bA rA hA mu khi sarba bi pu s+yai b+h+yeM stam b+hA ya swA hA/ 'di ni rengs par byed pa'i sngags te rengs pa'i las thams cad la sbyar bar bya'o/ /sngags 'dis bzlas pa dang / sbyin sreg kyang bya'o/ /phyis ni rgyal po dang mdun na 'don ni gro ga 'am/ ras la gur gum 'am/ gi'u wang dag gis/ bsgrub bya'i ming dang sngags spel te mA~M gis dkris pa yang yi ge bzhis yongs su bskor te/ oM mA~M bA~M mA~M/ mA~M/ phyi rol du ba yi ges yongs su bskor ba'i 'khor lo 'di bris la gang gi spyi gtsug gam/ mgul ba 'am/ dpung pa la btags na las thams cad nyid la bsrung bar byed pa yin no/ /g.yul ngor zhugs na mtshon chas lus la mi chod par 'gyur ro/ /g.yul ngo las de ni rgyal bar 'gyur ro/ /de nas yang phyis nas mchog tu gyur pa'i glang po che 'am/ mchog tu gyur pa'i shing rta la rdo rje slob dpon zhon te g.yul la mngon par phyogs pas bcoM ldan 'das ma'i thang sku bkraM la rgyal mtshan ser po btsugs te ras ser po'i sham thabs dang ser po'i thod bcings te 'tshogs chas rdo rje dril bu bzung zhing bsnyen pa dang bcas pas sngon bzhin phag pa'i shing rta la bsgoMs la sngags brjod par bya'o/ /oM ma ri ts+yai ba ta li ba d+li/ ba rA li/ ba rA hA mu khi sarba duSh+Te ri pu s+yai b+h+ya~M sta~M b+ha ya hU~M phaT swA hA/ phag pas bskor ba'i nang du bsgoms nas de ma thag tu dgra'i dpung tshogs las rgyal bar 'gyur ro/ /mtshon gyis bcad pa'i mi shi ba'i ro gos sam/ dur khrod kyi ras la 'khor lo 'di ba bla 'am/ yung ba'i khu bas bris te chu bo'i ngogs gnyis kyi sa 'am/ ri'i rtse mo'i sa 'am dur khrod kyi thal ba dang ldan pas dgra'i dpon gyi gzugs brnyan byas la 'khor lo de'i snying gar bcug la yang sa de dang lhan cig tu 'bras sA lu'i khu ba la yung ba'i khu ba dang ldan pas phag pa'i gzugs byas la de'i kha ru dgra bo'i gzugs brnyan kha thur du bstan la bcug te/ phag pa de kham skyong kha sbyar gyi nang du bcug la song te dgra'i dpung pa la mngon du kha bltas pas gzhag par bya'o/ /zan dang nya dang / sha rlon pa dang ldan pas gtor ma byin la sor brgyad pa'i seng ldeng gi phur bus btab la sa brkos te bzlas la/ sngags stong phrag brgyad rdo rje khro bo'i stobs dang ldan pas bzlas pa byas na dgra bo'i dpung rengs par 'gyur ro/ /de nas gzhan yang khor lo'i mtshan nyid ni sgrub bya'i ming yi ges yongasu dkris par byas la yang tsa'i yi ges yongasu skor bar bya'o yi ge de gnyis kyi bar du pa tA li la sog pa'i sngag kyi phring bas yongasu skor bar bya'o/ /yang de la bskor bar byas la yang yi ge bzhi yongasu bskor zhing gru bzhi'i phyog de mtshams su rdo rjes mtshan par byas nas de nyid kyis de ma thag tu dgra bo'i dpung rings par byed cing nyams par byed pa la the tshom med do/ /dgra bo'i dpung las mchog tu rgyal ba zhes bya ba'i 'khor lo 'di slob dpon gyi man ngag las shes par bya'o/ /de nas gzhan yang rings par byed pa dang 'byed par byed pa dang / gsod par byed pa'i sbyor ba'i dbang du byas pa'i 'khor lo yin te/ grog bzang po dang legs par bsrung te/ mi'i bgegs yongasu spang te dur khrod du gnas la blo dang ldan pas 'bad pa dang bcas pas thang sku bkram la/ de'i bdun du lci ba'i dkyil 'khor byas te/ ci ltar 'byor pa'i mchod pa rnam pa lnga dang ldan par mchod la gos nag po bgo zhing thod nag po bcings la 'tshog chas dang / rdo rje dril bu'i mchog rten pas khros pas sngon bzhin du lha mo 'od zer can bsgom par bya ste/ phag pa'i zhal gsum pa spyan gsum pa/ zhal 'gyur zhing mche ba gtsig pa/ glog bzhin ljags 'jig par byed pa/ nyi ma bcu gnyis dang 'dra ba'i 'od 'bar zhing 'phro ba/ mu men lta bu'i gos sngon po'i smad dkris byas shing shang g+tag dang stod g.yog sna tshogs pa'i gos kyis byas pa/ rgyan thams cad kyis rgyan pa/ phyag brgyad pa/ g.yas na mda' dang rdo rje dang / khab dang / lcag kyu bsnams pa'i phyag go/ g.yon du gzhu dang zhags pa dang / shing mya ngan med pa'i yal ga dang / skud pa bsnams pa'i phyag go/ mchod rten mgo la yod pa'i skra dang ldan pa/ nyi ma'i dkyil 'khor la g.yas brkyang ba'i zhabs kyis bzhugs pa/ khros pas rkang pas bsgrub bya mnan pa nyid du bsam par bya'o/ /chu bo'i ngogs kyi sa dang / mi'i rus pa'i phye ma dang / dur khrod kyi thal ba dang ldan pas gzugs brnyan byas la/ tsha ba gsum dang dug dang khrag dang / tshwa dang / skye tshe dang / da du ra yis ro'i gos la bsgrub bya'i ming sngags dang nges par byas la snying gar gzhug par bya ste/ oM mA rI ts+yai ba ta li ba dA li ba rA li ba rA hA mu khi hU~M/ che ge mo sod cig hU~M phaT swA hA/ sngags 'di dang ming spel te mi sha skam po dang / gu gul dang / yang dag par ldan pas rilu byas la mi'i tshil dang bsres te ro bsregs pa'i shing gis me la stong phrag brgyad sbyin sreg bya'o/ /tsha ba'i mar nag gis gzhan gyi dpung gi rgyal po'i ming bzung ste gal te gsod par 'dod na de nyid gyi bdugs na 'chi bar 'gyur ro/ /gal te rengs par 'dod na yang rengs par 'gyur ro/ /yang na g.yul ngo la mngon du bltas te mi'i rus pa'i phye ma 'am/ mi tshil dang bsres pas sngags bzla zhing sbyin sreg byas na dgra'i dpung gi tshogs de ma thag tu rengs par byed do/ /de nas gzhan yang sbyor ba ni/ lce spyang gi nye bar 'tshe ba zhi bar bya bar 'dod na gnag gi gnas su song ste gnag 'jug pa'i sgo'i rta babs la sngags mngon par bris te/ rgyal mtshan dkar po'i rtse mo la btsugs te tsan dan dkar po dang / gur gum dang / gi'u wang gi khyu mchog gi gtso mo rgan pa dang phyugs rdzi'i ming dang spel zhing byang bu la bris te khyu mchog gi rwa dang / phyugs rdzi rnams kyi mgul par 'khor lo bcing ngo / /'khor lo ni oM mA~M bAM mA~M/ yang ba yig gis bskor cing yang ts+yai yi bskor te/ de'i phyi rol du mAM gis bskor la 'khor lo de nyid bya'o/ /sgor yang seng ldeng gi phur bu sor brgyad pa'i tshad la tshon sna lnga'i skud pas dkris te/ sngags lan bdun du bzlas nas phur bu gdab bo/ /oM mA rI ts+yai sarba big+ha nA bud sa d+hA ya hU~M phaT swA hA/ bgegs bskrad pa'i phur bu'i sngags so/ /de nas phyis ni gnag lhas kyi dbus su bcom ldan 'das ma'i thang sku kha shar du bltas pa bkram la blo dang ldan pas 'bad pa dang bcas pas bya'o/ /de'i mdun du sbyin bsregs gi thab khung gru bzhi pa la khru gang tsam brko bar bya ste mtshams bzhi ru dri zhim po'i chus bkang ba'i bum pa 'bru sna lnga dang / dri zhim po'i chus yongs su bkang la tsan dan dkar pos byugs la gos dkar po zung gis sbrel ba yal ga rnam pa lnga ste/ n+ya gro d+ha dang / byang chub kyi shing dang / u dum ba ra dang / a 'bras dang / shing arka'i yal gas brgyan pa/ brgya phrag brgyad kyi mngon par sngags la bzhag go/ thab khung de nyid kyi mtshams bzhi ru seng ldeng gi phur bu sngon du bstan pa'i sngags bzlas la gdab par bya'o/ /yang phyis ni lci bas mal nye bar byugs la khrag gi gtor ma dang / ku mu ta dang / ud pa dang pad ma'i phreng ba dang dri zhim pa'i me tog gi rnam par bkram la/ dri zhim po dang tsan dan gyi chus chag chag btab la zho dang sbrang rtsi dang bu ram dang ldan pas zas kham cig gis lha shos dbul bar bya'o/ /ba'i mar gyi mar me'i phreng bas legs par rgyan cing bla re rgyan la me tog gi phreng ba spyangs shing gos dkar po'i rgyal mtshan kyi rtse mor sngags bris la btsugs la gu gul gyi bdug spos sbyin no/ /de ltar bcom ldan 'das ma lha mo 'od zer can ma yang dag par mchod la mnyes par byas te sngon du bstan pa'i sngags kyi mngon par sngags la nye bar mkho ba thams cad dbul bar bya'o/ /yang thang sku'i mdun du sbyin sreg gi thab khung khru gang tsam brkos pa'i gru bzhi pa kha khyer sor bzhi pa/ rdo rje'i phreng bas bskor ba rtsa ba dang bcas pa'i pad ma'i rnam par bya'o/ /de'i dbus su pad ma la rdo rjes mtshan par byas te ba glang gi lci bas dkyil 'khor legs par byug la me tog gi rnam pa bkram par bya'o/ /de nas sngags pas khrus bya shing gtsang mas gos dkar po gon la nye bar mkho ba'i thod dkar po bcings te rdo rje dang dril bu bzung zhing bsnyen pa dang bcas pas 'jug par bya'o/ /thab khung gi mdun du sngags kyis bgeg bskrad la seng ldeng gi phur bu yis tham khung spyi phyi rol grwa bzhir gdab par bya'o/ /de nas sngon bzhin du thab khung gi shar nas nub du mngon par phyog par gnas la sngags dang phyag rgyas byin kyi brlabs pa'i sngags pas ku sha chang bu'i steng du gnas la thab khung gi phyog bzhir ku sha dgram par bya'o/ /de nas dgos pa thams cad la sngags brgya bzla te g.yas phyogs su bzhag par bya'o/ /g.yon phyog su chu'i snod bzhag cig mdun du mchod yon gyi snod dri zhim po'i chu dang me tog gis bkang ba bzhag la zho dang bu ram dang / sbrang rtsi dang ldan pa yang bzhag te/ rtsub shing gis bton pa'i me thab khung gi nang du gzhug ste n+ya gro d+ha dang / dbu dum ba ra dang / pa la sha'i yab shing gis me sbar la de nas yang oM yong su gyur pa las zla ba'i dkyil 'khor de'i steng du ra~M/ yongs su gyur pa las me lha bsgom la gzhan pa me lha sngags kyi spyan drangs te/ A+oM e h+ye hi ya h+ya b+hu ta de ba twi dza r-i Shi sat+ta/ par gr-i hrI twA hu ti ma hA ra smin+sa n+ni hi/ to b+hA ba/ me lha spyan drang ba'i sngags so/ /oM a g+ni ye dI bya dI pya A bi sha ma hA shrI hA bya ka bya bA ha nA ya swAhA/ me lha'i sngags so/ /zla ba'i dkyil 'khor la gnas pa'i zhal dkar zlum pa/ phyag bzhi pa 'bab ba'i spyan gsum pa/ me lha bzang po ston ka'i zla ba'i 'od 'dra ba/ dri ma med pa bdud rtsi rgyun 'bab cing zhi ba/ dbyu gu dang / ril ba spyi blugs dang / phreng ba dang / mchog sbyin pa 'chang bas bsam la mchod yon sbyin la sngon du bstan pa'i snod du mchod pa rnam pa lnga dang bcas pas de'i zhal du dgang blugs gsum dbul bar bya'o/ /yang chu bsangs la/ zhi ba la ni 'bar ba'i ngo bo nyid du yongasu gyur nas gzhan yang de nyid du lha mo 'od zer can zla ba'i dkyil 'khor la gnas pa/ ston ka'i zla ba lta bu dkar zhing gzhon nu ma la ud pa la sngon po'i spyan can na bza' dkar po 'chang ba/ zhi ba la ni sna tshogs pa'i ngo bo bdud rtsi'i bum pa 'chang zhing 'bab la/ 'bar ba'i me tog lha bzhengs pa lta bu gzhon nu ma 'gro ba la bdud rtsi'i rgyun gyi 'bab bzhin pa'i lha mo bsam la de'i zhal du dgang blugs dbul bar bya'o/ /phyugs kyi mgo spu dang rus pa dang / d+'ur ba dang ldan pas zho dang sbrang rtsi dang mar dang 'o ma dang bsres la lan stong phrag brgya sbyin sreg bya'o/ /gzhan yang gnag lhas nas phyir song la 'byung po tham cad pa'i gtor ma mchod pa dang bcas pa zho dang zho thug dang 'o ma dang / tam+bu 'bras kyi phye ma bu ram dang bsres pa'i gong bu byas la snying po gsum gyi mar dang / 'bras dang sran ma ma Sha dang chang dang / sha dang nya dang nang du sran ma blugs pa'i khu ba dang / sran ma Sha dang bu ram dang bsres pa'i 'khur ba dang / bcas pa la lan bdun du mngon par sngags te sbyin par bya'o/ /'o thug gi klu rnam la'o/ /'o ma ni lha ma yin rnam la'o/ /zho dang 'o ma ni lha rnam la'o/ /snying po gsum gyi mar ni gnod sbyin rnam la'o/ /'bras kyi phye ma bu ram dang bsres te gong bu byas pa ni tshogs kyi bdag po la'o/ /mkhur ba ni sha za rnam la'o/ /'bras dang ma sham bsres pa ni 'byung po rnam la'o/ /sha ni srin po rnam la'o/ /nya ni yi dag rnam la'o/ /oM b+hA ba khA hi khA hi gri h+Na gr-i h+Na hU~M sarba b+hU ta ba ling swA hA/ yang lha'i khang par bzhug te/ sngags brgyad brgya bzlas te bum pa chus kang ba khyu mchog la gtor bar bya'o/ /de ni lce spyang gi nye bar 'tshe ba zhi bar 'gyur ro/ /de ltar byas te dus gsum du zhi ba'i bzlas pas sbyin sres zhag bdun du byas na zhi bar 'gyur ro/ /A+oM mA rI ts+yai swA hA/ lag pa gnyis mnyam par byas la thal mo gnyis sbyar ba 'am/ rtse mo kha phye yang rung ste mthe bong gnyis bkug la/ gung mo la bsdigs mdzub gnyis 'khril ba'i tshul du sbyar ba'i rnam pas mtshan pa'o/ /skyil dkrung du 'dug ste lte ba'i phyog su gdug par bya'o/ /phyag rgya 'di ni mchog yin te/ /las rnams kun la sbyar bar bya/ /glang po che dang rta dang phyugs dang / ma he sha dang me dang mi mo dang / rgyal po dang byis pa rnam ni 'dis the tshom med par zhi bar 'gyur ro/ /de nas sbyin sreg gis thab khung gi mtshan nyid yin te zhi ba la ni pad ma dkar po'i rnam pa sdong bu bcas pa zlum po yin no/ /dbus kyi pad ma la rdo rjes mtshan pa kha khyer zlum po la rdo rje'i phreng bas brgyan cing bskor ba'o/ /khru gang tsam brgos pa'i thab khung du pa la sha dang / n+ya gro d+ha'i yam shing byas la dur ba nyag ma re'i sbyin sreg bya'o/ /tshe 'dod pa dang zhi bar 'dod pas mang sa be da'o zhes bya ba'i me lha thams cad dkar ba'i rang bzhin ni zhi ba la bsreg par bya'o/ /rgyas pa la ni gru bzhi pa kha khyer sor bzhi pa la rdo rje'i phreng bas brgyan cing pad ma dang 'khor lo dang / rin po che yang dag par brgyan pa thab khung gi mtshamasu sna tshog rdo rjes mtshan pa la a rga dang / u dum bA ra'i yam shing gis ku mu ta dang ud pa la dang pad ma dkar po dang zho dang mar dang / sbrang rtsi dang bsres pa'i rdzas kyi gser lta bu'i shing ser bas me lha legs par brgyan pa'i gnas par bsams la nye bar mkho ba thams cad ser po ni rgyas pa la dran par bya'o/ /yang dbang la ni gru gsum byang chub kyi shing gi 'dab ma lta bu'i thab khung de'i dbusu yang pad ma byang chub kyi shing gi lo ma lta bu de'i steng du rdo rje rtse gsum pa/ kha khyer la rdo rje lcag kyu'i phreng bas rnam par rgyan pa/ byang chub kyi shing gis yam shing byas la til dang tshwa dang / ske tshe'i rdzas dang gos dmar po dang phreng ba dmar po dang / tsan dan dmar po dang / ka ma to zhes bya ba'i me lha ban du ka dang / dzA ma'i me tog lta bu la dmar po bsam mo/ /mngon spyod la ni zla phyed kyi rnam pa lta bu'i thab khung kha khyer la rdo rje'i phreng bas brgyan pa/ dbusu rdo rje kha phye ba'o/ /ro sreg pa'i shing dang gtum mo'i me la mi sha dang / mi'i rus pa'i phye ma dang / mi'i tshil dang bsres pa'i rdzas ni mngon spyod la lta ste/ kro d+ha na zhes bya ba'i me lha nag po gos nag po 'chang ba mche gtsig pa'i zhal 'jig par byed pa/ 'jig par byed pa'i bskal pa'i me lta bu langs pa'i rang bzhin no/ /rgyu ma 'od zer can 'byung ba'i rgyud las phyung ba rtog pa'i rgyal po yang dag pa rnam par snang mdzad kyis gsungs pa ji lta ba bzhin ni snyed pa rdzogs so/