CLOSE WINDOW

J514
བོད་ཡིག

(pha) @#/ ! /gsang sngags rgyud 'bum gyi skor bzhugs so/ / (黃) 秘密經第十四部 @##/ /rgya gar skad du/ Ar+ya su bar+n+Na pra b+hA sot+ta ma sU tren+d+ra rA dza nA ma ma hA yA na sU tra/ bod skad du/ 'phags pa gser 'od dam pa mdo sde'-i dbang po'i rgyal po zhes bya ba theg pa chen po'i mdo/ baM po dang po/ 'das pa dang / ma byon pa dang / da ltar byung ba'i sangs rgyas dang / byang chub sems dpa' dang rang sangs rgyas dang 'phags pa nyan thos thams cad la phyag 'tshal lo/ /'di skad bdag gis thos pa dus gcig na/ bya rgod phung po chos kyi dbyings/ /zab mo sangs rgyas spyod yul na/ /de bzhin gshegs pa bzhugs nas ni/ /dag cing rdul rnaMs med pa yis/ /byang chub sems dpa' mchog rnams la/ /mdo sde'i dbang po'i rgyal po ste/ / mnyan na shin tu zab pa dang / /yongs su brtags na zab pa nyid/ /gser 'od dam pa 'di 'chad do/ / phyogs bzhir sangs rgyas rnams kyis ni/ /byin gyis brlabs kyis byin brlabs pa/ /mi 'khrugs pas ni shar phyogasu/ /rin chen tog gis lho phyogasu/ /'od dpag med kyis nub phyogasu/ /rnga sgra yis ni byang phyogasu/ /sdig pa thams cad bzhig pa'i phyir/ /bshad pa dam pa bkra shis pa/ /sdig pa'i las rnams zad byed pa/ /bde ba thams cad sbyin byed pa/ /sdug bsngal thams cad 'jigs byed pa/ /thams cad mkhyen pa nyid kyi gzhi/ /dpal kun gyis ni legs brgyan pa/ /byin gyis brlabs te brjod par bya/ /sems can gang dag dbang po nyams/ /tshe zad pa dang tshe nyams dang / /phun sum tshogs min gang chags dang / /lha rnams brgyab kyis phyogs pa dang / /mdza' sdug skye bo sdang ba dang / /bran gza' la sogs gtses pa dang / /phan tshun thun pa ma yin dang / /nor 'gribs pas ni gnod pa dang / /mya ngan ngal dang gnod pa dang / /'jigs pa dang ni phongs pa dang / /gza' dang rgyu skar byad stem dang / / mi bzad gdon gyis nyen pa dang / /mya ngan ngal las byung ba yi/ /rmi lam sdig pa mthong na yang / /des ni rab bkrus gtsang ma yin/ /mdo sde dam pa mnyan par bya/ /gang dag yid dge sems dang zhing / /gos gtsang rnams kyis rab brgyan te/ /zab mo sangs rgyas spyod yul ba/ /mdo sde mnyan par byed na ni/ /mdo sde 'di yi gzi brjid kyis/ /srog chags kun gyi gnod pa dag /shin tu mi bzad 'di 'dra ba/ /de dag rtag tu zhi bar 'gyur/ /'jig rten skyong ba bdag nyid dang / /blon po tshogs kyi dbang phyug bcas/ /gnod sbyin bye ba dus ma yis/ / de dag la ni bsrung bar byed/ /lha mo chen mo dbyangs can dang / /nai rany+dza nar gnas pa dang / /'byung po'i ma mo 'phrog ma dang / /sa'i lha mo brtan ma dang / /tshangs pa'i dbang dang lha dbang dang / / klu dbang mthu chen rnams dang ni/ /mi 'am ci dbang lha min dbang / /de bzhin namakha' lding dbang rnams/ /sde dang stobs dang bzhon pa dang / /bcas te de dag der lhags nas/ /nyin dang mtshan mo mi g.yel bar/ /de dag la ni bsrung bar byed/ /zab mo sangs rgyas spyod yul ba/ /sangs rgyas kun gyi gsang ba ste/ /bskal pa bye bar rnyed dka' ba/ /mdo 'di rab tu bshad par bya/ /gang dag mdo 'di nyan pa dang / /gang dag gzhan la thos byed dang / /gang su rjesu yi rang dang / /gang dag mchod pa byed pa rnams/ /de dag lha dang klu dag dang / /mi dang mi 'am ci dag dang / /lha min gnod sbyin du ma yis/ /bskal pa bye bar mchod par 'gyur/ /srog chags bsod nams med pa rnams/ /de dag bsod nams phung po ni/ /mtha' yas grangs kyang med pa dang / /bsam gyis mi khyab skye bar 'gyur/ /phyogs bcu'i rdzogs pa'i sangs rgyas dang / /de bzhin zab mor spyod pa yis/ /byang chub sems dpa' rnams kyis kyang / /zab rab tu bzung bar 'gyur ba yin/ /gtsang ma'i gos rnams rab bgos la/ /dri zhim pa yi gos 'chang zhing / /byams pa'i sems ni nyer bzhag nas/ /g.yel ba med par mchod par bya/ / rang gi sems ni dri med cing / /rgya che bar yang rab byed la/ /sems kyang shin tu dang byed kyis/ /mdo sde dam pa mnyan par gyis/ /gang dag mdo 'di nyan pa ni/ /de dag mi nang legs par 'ongs/ / mi yi srid pa legs par thob/ /'tsho ba bde bas 'tsho bar 'gyur/ /gang gi rna ba'i bu gar yang / /bshad pa 'di ni grag 'gyur ba/ /de dag dge rtsa sbyangs pa ste/ /sangs rgyas mang pos rab tu bsngags/ /gser 'od dam pa mdo sde'i dbang po'i rgyal po las/ gleng bzhi'i le'u zhes bya ste dang po'o// // yang de'i tshe de'i dus na/ rgyal po'i khab kyi grong khyer chen po na/ byang chub sems dpa' sems dpa' chen po mdzes pa'i tog ces bya ba/ sngon gyi rgyal ba la bsnyen bkur byas pa/ dge ba'i rtsa ba bskyed pa/ sangs rgyas bye ba khrag khrig brgya stong phrag mang po la rim gro byas pa zhig gnas pa de 'di snyam du sems te/ rgyu gang dang rkyen gang gis/ bcom ldan 'das shAkya thub pa 'di lta ste/ lo brgyad bcu zhig thub ste/ 'di ltar sku tshe thung snyam nas/ de yang 'di snyam du sems te/ bcom ldan 'das kyi kyang 'di skad du/ rgyu gnyis dang rkyen gnyis kyis tshe ring bar 'gyur te/ gnyis gang zhe na 'di lta ste/ srog gcod pa spangs pa dang / kha zas rab tu sbyin pa'o zhes gsungs te/ bcom ldan 'das shAkya thub pas ni/ bskal pa bye ba khrag khrig brgya stong grangs med pa mang po nas/ srog gcod pa spangs par gyur pa nas/ dge ba bcu'i las kyi lam gyi bar du yang dag par blangs par gyur/ zas kyang phyi nang gi dngos po rnams sems can dag la yongasu btang ste/ tha na rang gi lus kyi sha dang khrag dang rus pa dang rkang gis kyang sems can ltogs pa rnams tshim par mdzad na/ zas gzhan gyis lta ci smos snyam mo/ /de nas skyes bu dam pa de sangs rgyas la song ba'i yid la byed pa dag las/ 'di lta bu'i tshul gyis bsam pa 'di dag sems pa na/ de'i khyim yangs shing rgya che la bai DUr+ya sngon po las grub pa/ lha'i rin po che du mas spras pa/ de bzhin gshegs pas kha dog bsgyur ba/ lha'i las 'das pa'i spos kyis khyab par gyur to/ /khyim de'i phyogs bzhi nas lha'i rin po che'i khri bzhi byung bar gyur te/ khri de dag las kyang lha'i khri lha'i ras bcos bu'i rin po che phrugs rnams bting ba dag byung bar gyur to/ /khri de dag las kyang lha'i me tog pad ma rin po che du ma spras pa/ de bzhin gshegs pas kha dog bsgyur ba dag byung ngo / /pad ma de dag las kyang sangs rgyas bcom ldan 'das bzhi byung bar gyur te/ shar phyogs nas ni de bzhin gshegs pa mi 'khrugs pa byung / lho phyogs nas ni de bzhin gshegs pa rin chen tog byung / nub phyogs nas ni de bzhin gshegs pa tshe dpag med byung / byang phyogs nas ni de bzhin rta sgra byung ste/ seng ge'i khri de dag las sangs rgyas bcom ldan 'das de dag byung ma thag tu/ de nas de'i tshe rgyal po'i khab kyi grong khyer chen po snang ba chen pos khyab par gyur to/ /stong gsum gyi stong chen po'i 'jig rten gyi khams kyi bar dang / phyogs bcu kun tu 'jig rten gyi khams gang gA'i klung gi bye ma snyed kyi bar dag snang bas khyab par gyur/ lha'i me tog dag gi char yang bab/ lha'i sil snyan gyi sgra yang byung ngo / /sangs rgyas kyi mthus stong gsum gyi stong chen po'i 'jig rten gyi khams 'dir sems can thams cad kyang lha'i bde ba dang ldan par gyur te/ sems can dbang po ma tshang ba rnams ni dbang po thams cad dang ldan par gyur/ sems can dmus long dag gis ni migis gzugs rnaMs mthong / seMn 'on pa dag ni rna bas sgra rnams thos/ seMn smyos pa dag ni dran pa so sor rnyed/ seMn seMs g.yengs ba dag ni sems mi g.yeng bar gyur/ sems can sgren mo dag ni gos bgos par gyur/ sems can bkres pa dag ni lto 'grangs bar gyur/ sems can skom pa dag ni skom ngom par gyur/ sems can nad kyis btab pa dag ni nad dang bral bar gyur/ lus kyi dbang po nyams pa dag ni dbang po tshang bar gyur te/ 'jig rten du ngo mtshar rmad du byung ba'i chos rnams rgya cher byung bar gyur to/ /de nas byang chub sems dpa' mdzes pa'i tog gis sangs rgyas bcom ldan 'das de dag mthong nas ngo tshar du gyur te/ de tshim zhing mgu la yi rangs shing rab tu dga' ste/ dga' ba dang yid bde ba skyes nas/ sangs rgyas bcom ldan 'das de dag ga la ba de logasu thal mo sbyar ba btud nas/ sangs rgyas bcom ldan 'das de dag rnams par rjes su dran la/ bcom ldan 'das shAkya thub pa'i yon tan rjesu dran zhing / bcom ldan 'das shAkya thub pa'i sku tshe'i tshad la the tshom za bar gyur te/ bcom ldan 'das shAkya thub pa 'di ltar lo brgyad bcu zhig thub ste sku tshe thung ba 'di ji lta bu/ 'di ci zhig snyam du bsam pa de sems shing 'dug par gyur to/ / de sangs rgyas bcom ldan 'das de dag gis dgongs shing mkhyen bzhin du/ byang chub sems dpa' mdzes pa'i tog la 'di skad ces bka' stsal to/ /rigs kyi bu khyod 'di snyam du/ bcom ldan 'das shAkya thub pa 'di ltar sku tshe thung ngo snyam du ma sems shig /de ci'i phyir zhe na/ rigs kyi bu de bzhin gshegs pa dgra bcom pa yang dag par rdzogs pa'i sangs rgyas rnams ma gtogs par/ lha dang bcas pa'i 'jig rten dang bdud dang bcas pa dang tshangs pa dang dge sbyongs dang bram zer bcas pa'i skye dgu dang lha dang mi dang lha ma yin du bcas pa'i nang na/ bcoMs de bzhin gshegs pa shAkya thub pa'i sku tshe'i tshad kyi mtha'/ phyi ma'i mtha'i mu'i bar du yang rtogs par nus pa nged kyisu yang ma mthong ngo / /sangs rgyas bcom ldan 'das de dag gis de bzhin bzhin gshegs pa'i sku tshe'i tshad bshad pa brjod ma thag tu/ de nas de'i tshe sangs rgyas kyi mthus lha'i bu 'dod pa na spyod pa rnams dang gzugs na spyod pa rnams dang klu dang gnod sbyin dang dri za dang lha ma yin dang namakha' lding dang mi 'am ci dang lto 'phye chen po'i bar dag dang / byang chub sems dpa' bye ba khrag khrig brgya bstong phrag du ma 'dus nas/ byang chub sems dpa' mdzes pa'i rtog gi khyim der lhags so/ /de nas de bzhin gshegs pa de dag gi thams cad dang ldan pa'i 'khor de la/ bcom ldan 'das shAkya thub pa'i sku tshe'i tshad bshad pa tshigs su bcad de mdor bka' stsal pa/ rgya mtsho chu rnams thams cad kyi/ /thig pa dag ni bgrang bar nus/ /shAkya thub pa'i sku tshe'i tshad/ /sus kyang bgrang bar mi nus so/ /ri rab rnams ni thams cad kyang / /phra rab rdul du bgrang bar nus/ /shAkya thub pa'i sku tshe'i tshad/ /sus kyang bgrang bar mi nus so/ /sa la gang dag yod pa yis/ /rab tu phra rdul ji ji snyed pa/ /thams cad bgrang bar nus srid kyi/ /rgyal ba'i sku tshe'i tshad mi nus/ /gal te la las nam mkha' la/ /sna 'ga' zhig gis dpag 'dod kyang / /shAkya thub pa'i sku tshe'i tshad/ /sus kyang bgrang bar mi nus so/ /rdzogs pa'i sangs rgyas 'di srid bzhugs/ /bskad pa dag ni 'di snyed cig /bskal pa bye ba brgya dag bces/ /grangs ni rnyed par mi rung ngo / /gang phyir de yi rgyu dang ni/ /rkyen yang rnaMs pa gnyis yin te/ /sdig pa'i tshe ba spangs pa dang / /kha zas mang po byin pa ste/ /de phyir bdag nyid chen po de'i/ /sku tshe'i tsha grangs ni mi rnyed do/ /bskal pa 'di snyed cig ce 'aM/ /grangs med pa'i de bzhin te/ /de bas the tshom med par 'gyur/ /the tshom cung zad ma za shig /rgyal ba'i sku tshe tha ma yi/ /grangs ni gang du mi dmigs so/ /de nas de'i tshe 'khor der slob dpon lung ston pa bram ze kau di n+ya zhes bya ba dang / bram ze stong phrag du mas bcom ldan 'das la mchod pa byas te/ de bzhin gshegs pa yongs su mya ngan las 'das pa chen po'i sgra thos nas 'phral la 'dus te/ bcom ldan 'das kyis zhabs gnyis la gtugs nas/ bcom ldan 'das la gsol pa/ gal te bcom ldan 'das seMn thaMd la thugs brtse ba/ thugs rje chen po dang ldan pa/ phan par bzhed pa/ sems can thams cad la pha ma lta bu/ mi mnyams pa dang mnyam par gyur pa/ zla ba lta bu snang bar mdzad pa/ shes rab dang ye shes chen po'i nyi ma shar ba lta bu lag shing / gal te khyod sems can thaMd la sgra can zin bzhin du gzigs na/ bdag la dam pa zhig stsal du gsol/ bcom ldan 'das cang mi gsu~M bar gyur to/ /de nas sangs rgyas kyis mthus 'khor der lid tsa bi gzhon nu 'jig rten thaMd kyis mthong na dga' ba zhes bya ba de spobs pa skyes nas/ slob dpon lung ston pa bram ze kau di n+ya la 'di skad ces smras so/ / ci bram ze chen po khyod/ bac+doMs la dam pa gcig gsol lam/ bdag gi khyod la dam pa zhig sbyin no/ /bram zes smras pa/ lid tsa bi gzhon nu bdag ni bcom ldan 'das la mchod pa dang ring srel gyi phye ma bgos pa'i phyir/ bcom ldan 'das kyis ring bsrel yung 'bru tsam la bsten par 'dod do/ /ring bsrel yung 'bru tsam de mngon par mchod na/ sum bcu rtsa gsum pa'i lha rnams kyi bdag po 'ba' zhig thob ces grag go/ /kye lid tsa bi gzhon nu gser 'od dam pa'i mdo nyan thos dang rang sangs rgyas thaMd kyis shes par bka' ba/ khong du chud par dka' ba de lta bu'i mtshan nyid dang yon tan dang ldan pa gser 'od dam pa'i mdo chad ces grag gis nyon cig /kye lid tsa bi gzhon nu gser 'od daM pa'i mdo ni/ de ltar shes par dka' zhing rtogs par dka' bas na/ kho bo cag mtha' khob kyi gling gi bram ze rnams ni/ gang cangs na sems can rnams myur du sum bcu rtsa gsuM pa'i bdag po 'thob par 'gyur ba'i ring bsrel yungs 'bru tsam za ma tog gi nang du bcug la bcangs kyang rung ngo / /kye lid rtsa bi gzhon nu khyod ci de bzhin gshegs pa las ring bsrel yung 'bru tsam gsol nas/ ring bsrel gyi za ma tog tu bcug te bcangs pas seMn rnams sum bcu rtsa gsum pa'i bdag po thob par mi 'dod dam/ kye lid tsa bi gzhon nu kho bos ni dam pa de lta bu gsol to/ /de nas lid tsa bi gzhon nu 'jig rten thams cad kyis mthong na dga' bas/ slob dpon lung ston pa bram ze kau di n+ya la tshigs su bcad pa dag gi slar smras pa/ nam zhig gang gA'i chu rgyun la/ /me tog rnam ni skye ba dang / /bya rog dmar por 'gyur ba dang / /khu byug dung mdog 'drar 'gyur dang / /'dzam bur lta la'i 'bru chags dang / /'bra gor a mra'i dog pa chags/ /de yi tshe na yungs 'bru tsam/ /ring srel du ni gsal bar 'gyur/ /nam zhig ru sbal spu rnam las/ /gos su legs par btag gyur te/ /dgun gyi grang ba sel byed pa/ /de tshe ring srel yod par 'gyur/ /nam zhig sbrang bu'i rkang lags las/ /yang thog legs par byas gyur te/ /brtan zhing rab tu mi g.yo ba/ /de tshe ring srel yod par 'gyur/ /naM zhig srin bu pad ma kun/ /so ni dkar por skyes gyur te/ /rno zhing chen por gyur pa na/ /de tshe ring srel yod par 'gyur/ /mtho risu ni 'dzeg pa'i phyir/ /naM zhig ri bong rwa rnams las/ /skas ni legs par byas gyur pa/ /de tshe ring bsrel yod par 'gyur/ /nam zhig skas ni der 'dzegs te/ /byi bas zla ba bza' ba dang / / sgra gcan la yang gnod byed pa/ /de tshe ring srel yod par 'gyur/ /grong na rgyu bas sbrang bu yis/ /nam zhig rdza ma 'i chang 'thungs te/ /khyim na gnas par byed 'gyur ba/ /de tshe ring srel yod par 'gyur/ / nam zhig bong bu bder gyur la/ /mchu dmar bim pa 'drar gyur cing / /glu gar rnams la mkhas gyur pa/ /de tshe ring bsrel yod par 'gyur/ /nam zhig 'ug pa bya rog rnams/ /dben par dong nas brtse ba dang / /phan tshun 'thun par gyur pa na/ /de tshe ring srel yod par 'gyur/ /pa la sha yi lo ma rnams/ /rin chen sna gsum gdugs gyur te/ /char 'bab skyabasu nam gyur pa/ /de tshe ring bsrel yod par 'gyur/ /nam zhig rgya mtsho'i gru bo che/ / 'phrul 'khor dang ni g.yor mor bcas/ /thang la byung te 'gro ba na/ /de tshe ring srel yod par 'gyur/ /nam zhig bya ni 'ug pa yis/ /ri bo spos kyi ngad ldang ba/ /chu la thogs te 'gro 'gyur ba/ /de tshe ring bsrel yod par 'gyur/ /slob dpon lung ston pa bram ze kau di n+yas tshigasu bcad pa 'di dag thos nas/ lid tsa bi gzhon nu 'jig rten thams cad kyis mthong na dga' ba la tshigs su bcad pa 'di dag slar smras pa/ legaso legaso gzhon nu mchog /rgyal ba'i sras po tshigs po che/ /dpa' zhing thabs la mkhas ldan pa/ /lung bstan pa ni dam pa thob/ /'jig rten mgon po skyobs pa po/ /de bzhin gshegs pa che ba nyid/ /bsam gyis mi khyab go rim bzhin/ /gzhon nu bdag las mnyan par gyis/ /sangs rgyas yul ni bsam mi khyab/ /de bzhin gshegs rnams mtshungs pa med/ /sangs rgyas thams cad rtag tu zhi/ /sangs rgyas thaMd yang dag byung / /sangs rgyas thaMd kha dog mtshungs/ /'di ni sang+yas chos nyid yin/ /bac+doMs ni bcos ma min/ /de bzhin gshegs pa ma skyes te/ /rdo rje lta bur sra ba'i sku/ /sprul pa'i sku ni ston par mdzad/ /drang srong chen po'i ring bsrel ni/ / yungs 'bru tsam zhes bya ba med/ /sku la rus pa khrag med na/ /ring srel yod par ga la 'gyur/ /sems can rnams la pan pa'i phyir/ /thabs kyis ring bsrel bzhag par mdzad/ /rdzogs pa'i sangs rgyas chos kyi sku/ /de bzhin gshegs pa chos kyi dbyings/ /chos ston mdzad pa ci 'dra ba/ /bac+doMs kyis sku de 'dra/ /bdagis 'di thos shes nas ni/ /bdag gis dam pa gsol bar byas/ /de nyid kho na lung bstan phyir/ /gtaM gleng ba ni bdag gis byas/ /de nas lha'i bu sum khri nyi stong gis de bzhin gshegs pa'i sku tshe'i tshad bstan pa zab mo de dag thos nas/ thams cad kyis bla na med pa yang dag par rdzogs pa'i byang chub tu sems bskyed de/ de dag yid kyis kun tu rtog pa rab tu dga' nas sgra dbyangs gcig tu tshigasu bcad pa 'di dag smras so/ /sangs rgyas mya ngan yong mi 'da'/ /chos kyang nub par mi 'gyur te/ /sems can yongasu smin mdzad phyir/ /yongasu mya ngan 'da' ba ston/ /sangs rgyas bcom ldan bsam mi khyab/ /de bzhin gshegs pa rtag pa'i sku/ /seMn rnams la phan pa'i phyir/ /bkod pa rnams pa sna tshogs ston/ /de nas byang chub seMs dpa' mdzes pa'i rtog gis/ sangs rgyas bac+doMs de dag dang skyes bu dam pa de gnyis las bcom ldan 'das shAkya thub pa'i sku tshe'i tshad bstan pa thos nas/ tshim zhing mgul la yi rang shing rab tu dga' ste dga' ba dang yid bde ba skyes nas dga' ba dang mgul ba rgya chen pos khyab par gyur to/ /de bzhin gshegs pa'i sku tshe'i tshad bstan pa 'di bshad pa'i tshe/ seMn tshad med grangs med pa dag bla na med pa yang dag par rdzogs pa'i byang chub tu seMs skyeso/ / de bzhin gshegs pa de dag kyang mi snang bar gyur to/ /gser 'od dam pa mdo sde'i dbang po'i rgyal po las/ de bzhin gshegs pa'i sku tshe'i tshad bstan pa'i le'u zhes bya ba ste gnyis pa'o// // de nas byung ba seMs dpa' mdzes pa'i tog gnyid kyis log pa'i rmi lam na/ gser gyi rnga kun du sna ba 'di lta ste/ nyi ma'i dkyil 'khor 'dra ba zhig mthong ngo / /phyogs thams cad na yang sangs rgyas bcom ldan 'das grangs med dpag tu med pa dag rin po che'i shing drung na/ rin po che bai DUr+ya'i khri rnaMs la bzhugs shing / 'khor brgya stong du mas yongasu bskor te/ mdun gyis bltas nas chos ston pa mthong ngo / /de nas yang skyes bu braM ze'i gzugs lta bu zhig rnga de rdung ba mthong ste/ rnga'i sgra de las bstan pa'i tshigasu bcad pa 'di lta bu dag byung ba thos so/ /de nas byang chub sems dpa' mdzes pa'i rtog gnyid sad ma thag tu/ bstan pa'am tshigasu bcad pa de dag rjesu dran no/ /rjesu dran nas kyang de'i mtshan mo zad pa dang / rgyal po'i khab kyi grong khyer chen po nas byung ste/ srog chags stong phrag du ma dang lhan cig tu bya rgod phung po'i ri ga la ba dang / bac+doMs ga la ba der song ste phyin nas/ bac+doMs kyis zhabs la mgo bos phyag 'tshal te/ bac+doMs la lan gsum bskor ba byas nas phyogs gcig tu 'dug go/ phyogs gcig tu 'dug nas byang chub sems dpa' mdzes pa'i tog gis/ bcom ldan 'das ga la ba de logasu thal mo sbyar ba btud nas/ rmi lam na gang rnga'i sgra las bstan pa'i tshigasu bcad pa thos pa de dag gsol to/ /gser 'od dam pa mdo sde'i dbang po'i rgyal po las/ rmi laM mthong ba'i le'u zhes bya ba ste gsum pa'o// // nub gcig g.yel ba med par yang / /bdag gis rmi laM rmis pa ni/ /mdzes pa'i rnga chen mthong ba ste/ /thaMd du ni gser gyi 'od/ / nyi ma ji lta bzhin du 'bar/ /kun tu rnam par lha nge ste/ /phyogs bcu rnamasu snang bar gyur/ /kun tu rin chen shing drung na/ /rin chen bai DUr+ya dag gi/ khri la sangs rgyas rnams bzhugs te/ / brgya stong phrag ni du ma yi/ /'khor dbus mdun gyis bltas pa mthong / /bram ze'i gzugs ni 'dra ba zhig /rnga chen rab du brdung ba mthong / /de yis de la brdung ba dang / /tshigasu bcad pa 'di dag byung / /gser 'od dam pa'i rnga chen sgra yis ni/ /stong gsum 'jig rten 'jig rten gsum 'di na/ /ngan song sdug bsngal gshin rje'i sdug bsngal dang / /dbul ba'i sdug bsngal ma lus zhi bar shog / rnga bo che yi sgra skad 'di yis ni/ /'jig rten rmongs pa thaMd zhi gyur cig /ji ltar thub dbang 'jigs med 'jigs zhi ltar/ /sems can 'jigs med 'jigs dang bral bar shog /ji ltar 'khor bar kun mkhyen thub dbang po/ /'phags pa'i yon tan kun dang ldan pa ltar/ /skye dgu ting 'dzin byang chub yan lag gi/ yon tan ldan zhing yon tan rgya mtshor gyur/ /rnga bo che yi sgra skad 'di yis ni/ / sems can thaMd tshangs pa'i dbyangs ldan gyur/ /sangs rgyas byang chub dam pa mchog rig shog /chos kyis 'khor lo dge ba bskor gyur cig /bskal pa bsam gyis mi khyab bzhugs par shog / 'gro la phan phyir chos kyang ston gyur cig /nyon mongs 'joms gyur sdug bsngal sel bar shog /'dod chags zhe sdang gti mug zhi gyur cig /sems can gang dag ngan song sar gnas te/ / rus pa'i lus la me lce rab 'bar ba/ /de dag rnga chen sgrags pa thos gyur cig /sangs rgyas phyag 'tshal lo zhes tshig thos shog /sems can kun gyis tshe rabs brgya dag dang / /skye ba stong phrag bye bar skye dran shog /thub pa'i dbang po rtag du du gyur cing / /de dag gi ni rgya chen gsung thos shog /rnga bo che yis sgra skad 'di yi ni/ /sangs rgyas rnams dang rtag tu 'grogs rnyed gyur/ / sdig pa'i las rnams rnam par spongs par shog /bya ba dge ba rnams ni spyod gyur cig /mi dang lha dang srog chags thams cad kyis/ /de dag bsam dang smon lam gang yin pa/ /rnga bo che yi sgra sgra skad 'di yi ni/ /de dag rnams kyi de kun rdzogs gyur cig /seMn gang dag sems dmyal mi bzad skyes/ /lus la me lce kun tu rab tu 'bar/ /skyabs med mya ngan bcas shing yongs 'khyam pa/ /me rnams de dag rab tu zhi bar shog /sems dmyal yi dags mi yi 'jig rten na/ /sems can sdug bsngal mi bzad drag po gang / /rnga bo che yi sgra skad 'di yis ni/ /de dag rnams kyi sdug bsngal kun zhi shog /rten med dpung gnyen med pa dang / /skyabs med par yang gyur pa dag /de rnams la ni skyob pa dang / /dpung gnyen rten mchog bdag gyur cig /sangs rgyas rkang gnyis dam pa dag /thugs brtse thugs rje ldan pa'i thugs/ / gang dag phyogs bcu'i 'jig rten na/ /bzhugs pa bdag la dgongs su gsol/ /bdagis sngon cad sdig pa'i las/ /shin tu mi bzad gang bgyis pa/ /stobs bcu'i spyan bsngar bdag mchis te/ / de dag thams cad bshags par bgyis/ /pha ma dag tu mi 'dzin dang / /sangs rgyas rnamasu mi 'dzin dang / /dge ba dag tu mi 'dzin pas/ /sdig pa bdag gis gang bgyi dang / /phyug pa'i rgyags pas dregs pa dang / /rigs dang longs spyod rgyags pa dang / /gzhon pa'i rgyags pas dregs pa yis/ /bdag gis sdig pa gang bgyi dang / /nyes bsaMs nyes par smras pa dang / /nyes par bgyi pa'i las rnams dang / /nyes pa'i dmigasu ma ltas pas/ /bdag gis sdig pa gang bgyis dang / /byis pa'i blo'i 'jug pa dang / /mi shes mun pa'i seMs dang ni/ /sdig pa'i grogs po'i dbang gyur dang / / nyon mongs rnam par 'khrug sems dang / /rtsed mo dga' ba'i dbang nyid dang / /mya ngan dang ni nad dbang dang / /nor gyis mi chog nyes pa yis/ /bdag gis sdig pa gang bgyis dang / /'phags min skye bo 'dre ba dang / /phrag dog ser sna'i rgyu dang ni/ /g.yo dang dbul ba'i nyes pa yis/ /bdagis sdig pa gang bgyi dang / /phongs pa byung ba'i dus kyi tshe/ /'dod pa rnams kyi 'jigs rgyu dang / /phyug po ma yin gyur pa yis/ /bdag gis sdig pa gang bgyis dang / /g.yo ba'i sems kyis dbang nyid dang / /'dod dang khro ba'i dbang dag dang / /bkres dang skom gyi nyen pa yis/ /bdagis sdig pa gang bgyis dang / / bza' ba dag dang btung ba dang / /bud med rgyu dang gos kyi phyir/ /nyon mongs gdung ba sna tshogs kyis/ /bdagis sdig pa gang bgyi dang / /lus dang ngag dang yid kyis sdig /nyes par spyad pa rnaMs gsum bsags/ /'di 'dra'i tshul gyis gang bgyis pa/ /de dag thaMd bdag 'chagaso/ /sangs rgyas rnams dang chos rnam dang / /de bzhin nyan thos rnams la yang / /gus pa ma lags gang bgyis pa/ / de dag thams cad bdag chags so/ /gang yang rang sangs rgyas rnams dang / /byang chub sems dpa' rnams la yang / /gus pa ma lags bgyis pa rnams/ /de dag thaMd bdag chags so/ /dam chos smra ba rnaMs la yang / /gus pa ma lags bgyis pa dang / /chos la'ang gus par ma bgyis pa/ /de dag thams cad bdag 'chagaso/ /bdagis rtag tu mi shes pas/ /dam pa'i chos ni spangs pa dang / / pha ma rnaMs la ma gus dang / /de dag thaMd bdag chagaso/ /blun pa dang ni byis pa dang / /'dod chags zhe sdang gti mug dang / /nga rgyal dregs pa bsgribs bgyis pa/ /de dag thaMd bdag chags so/ / bdag ni phyogs bcu'i 'jig rten du/ /stobs bcu rnams la mchod par shog /bdag gis phyogs bcur sems can rnams/ /bsdug bsngal kun las 'don gyur cig /sems can bsaM gyi mi khyab kun/ /sa cu la ni dgod par bgyi/ /sa bcu la ni gnas nas kyang / /thams cad de bzhin gshegs gyur cig /ji srid sdug bsngal rgya mtsho las/ /de kun mthar bgyi nus srid du/ /sems can re re'i phyir yang ni/ /bskal pa bye bar spyad par bgyi/ /gser 'od dam pa zhes bgyi ba/ /las rnams thams cad byang bgyid pa/ /zab mo dag ni ston pa ni/ /seMn de dag bstan par bgyi/ /gang gis bskal pa stong rnaMsu/ /sdig pa shin tu mi bzad bgyis/ /lan cig rab tu bshags pa yis/ /de dag thaMd byung bar 'gyur/ /gang gis las kyi sgrib pa rnaMs/ /myur du yang dag zad 'gyur ba/ /gser 'od dam pa dge ba yi/ /bshags pa 'di dag bshags nas ni/ /rin chen 'byung gnas mchog bcu po/ /sa bcu la ni gnas par bgyi/ /sangs rgyas yon tan snang bar bgyi/ /srid pa'i mtsho las sgral bar bgyi/ /sangs rgyas rgya mtsho chu bo dang / /yon tan rgya mtsho zab mo de/ / sangs rgyas yon tan bsaM yas kyis/ /thaMd mkhyen du rdzogs par bgyi/ /ting 'dzin brgya phrag stong rnaMs dang / /gzungs rnaMs bsaM gyis mi khyab dang / /dbang stobs byang chub yan lagis/ /stobs bcu dam par 'gyur bar bgyi/ /dgongs pa'i thugs kyis sangs rgyas rnaMs/ /bdag la rnaMs par gzigs su gsol/ /thugs rje ldan pa'i thugs kyis ni/ /nongs par rab tu gzung du gsol/ /bdag gis bskal pa brgya rnaMsu/ /sngon chad sdig pa gang bgyis pa/ /de phyir bdag ni mya ngan seMs/ /phongs dang mya ngan 'jigs pas gzir/ /sdig pa'i las la 'jig par bgyid/ /yid ni rtag tu dman par 'gyur/ /gang dang gang du spyod bgyid pa/ / bdag ni gang du 'ang dga' ma mchis/ /sangs rgyas thams cad thugs rje ldan/ /'gro ba kun gyi 'jigs sel bas/ /nongs par rab tu gzung du gsol/ /'jigs pa dag las bdag thar mdzod/ /bdag gi nyon mongs las rnams kyi/ /dri ma de bzhin gshegs pas shol/ /sangs rgyas rnaMs kyis bdag la ni/ /snying rje'i chu yis bkru bar gsol/ /sdig pa thaMd bshags par bgyi/ /sngon chad bdagis gang bgyis dang / /da ltar bdagi sdig pa gang / /de dag thams cad bdag chagaso/ /nongs par bgyis pa'i las rnaMs kun/ /slan chad mi bgyid bsdaM par bgyi/ /bdagis nongs par bgyis pa gang / /sdig de bcas par mi bya'o/ /lus kyi las ni rnaMs gsuM dang / /ngag gi rnam pa bzhi dag dang / /yid kyi rnam pa gsum po rnams/ /de dag thams cad bdag chagaso/ /lus kyi bgyis dang ngag gi las/ /yid kyis rnam par bsams pa dang / /las rnaMs gsum po bgyis pa dag /de dag thams cad bdag chagaso/ /mi dge las bcu spangs nasu/ /dge ba bcu po rten bgyis te/ / sa bcu la bdag gnas par bgyi/ /stobs bcu mchog tu 'gyur bar bgyi/ /bdagis sdig pa'i las gang dag /mi 'dod 'bras bu thob bgyid pa/ /sangs rgyas spyan sngar mchis nas ni/ / de dag thams cad bshags par bgyi/ /'dzam bu gling 'dir gang dag dang / /'jig rten khams ni gzhan dag tu/ /gang rnams dge ba'i las bgyid na/ /de dag kun la yid rang ngo / /lus dang ngag dang yid kyis kyang / /bdagis bsod nams gang bsgrubs pa/ /bdagis dge ba'i rtsa ba des/ /byang chub mchog la reg par bgyi/ /srid 'gro nyam ngar byis pa'i blo yis ni/ /shin tu mi zad sdig pa gang bgyis pa/ / stobs bcu mi mnyam spyan sngar mchis nas ni/ /sdig pa de kun so sor bshags par bgyi/ /skye ba nyam nga srid pa nyam nga dang / /'jig rten nyam nga g.yo sems nyam nga dang / /lus kyi spyod pa nyam nga sna tshogs kyis/ /bdagis sdig pa gang bsags de chagaso/ /byis pa blun byas nyon mongs nyam nga dang / /sdig pa'i grogs dang phrad pa nyam nga dang / /srid pa nyam nga 'dod chags nyaM nga dang / /zhe sdang nyam nga gti mug nyam nga dang / /ngal ba'i nyam nga dus kyi nyam nga dang / /bsod nams bsgrubs pa nyam nga dag gis kyang / /rgyal ba mi mnyam mngon sum mchis nas ni/ /sdig pa de kun so sor bshags par bgyi/ /sangs rgyas gser mdog ri sna ri rab 'dra/ /yon tan rgya mtsho 'dra la phyag 'tshal lo/ /rgyal ba de dag rnam la skyabasu mchi/ /rgyal ba de dag kun la mgos phyag 'tshal/ /gser mdog gser ni dri ma med pa gser gyi 'od/ /dri med rnam dag bai dUr+ya'i yan lag spyan/ /sangs rgyas nyi ma dpal gzi grags 'bar 'byung ba'i gnas/ /thugs rje'i 'od zer dag gis mun pa mun nag bsal/ /yan lag rab tu dri med rab bzang rnam par mdzes/ /sangs rgyas nyi ma yan lag dri med gser 'dras khyab/ /nyon mongs mes gdungs yid can 'bar ba'i me 'dra ba/ /thub pa'i zla ba'i 'od zer dra bas tshim par mdzad/ /mtshan mchog suM bcu gnyis kyis dbang po yan lag mdzes/ /dpe byad bzang po dag gis yan lag rnam par mdzes/ / dpal gzi bsod nams 'bar 'khrugs 'od zer dra ba yis/ /'jig rten gsum na mun khrod nyi ma bzhin du bzhugs/ /dri med rgya chen kha dog sna tshogs bai dUr+ya/ /skya reng dmar dang dngul dang shel bzhin yan lag dmar/ / 'od zer dra ba rnam pa sna tshogs legs brgyan pas/ /thub chen khyod ni nyi ma bzhin du de bzhin mdzes/ /mya ngan 'khrug pa 'chi chu rga ba'i dba' rlabs can/ /'khor ba'i klung chen phungs pa'i chu bor lhung ba la/ /sdug bsngal rgya mtsho mchog tu rtsub cing shug drag pa/ /bde gshegs nyi ma'i 'od zer mang po rnams kyi skems/ /yan lag gser gyi mdog tu rnam par snang / /ye shes 'byuM gnas 'jig rten gsum kun mchog /rab mdzes mtshan gyis yan lag rnams spras pa/ /sangs rgyas gser sku 'bar la phyag 'tshal lo/ /ji ltar rgya mtsho'i chu ni dpag med dang / / ji ltar sa la sa rdul mtha' yas dang / /ji ltar ri rab rdo mtha' tshungs med dang / /ji ltar namakha'i mtha' la mtha' yas pa/ /de bzhin sangs rgyas yon tan mtha' yas te/ /sems can kun gyis shes par mi nus so/ /bskal pa du mar gzhal cing bsams kyang ni/ /yon tan mtha' ma shes par mi nuso/ /chu ni skra yi rtse mo'i tshad tsam dang / /rdor bcas rir bcas rgya mtshor bcas pa ni/ /bskal pa bgrangs na shes par nus kyang srid/ /sangs rgyas yon tan pha mthar shes mi nus/ /yon tan kha dog snyan dang grags pa dang / /dge ba'i mtshan gyis brgyan pa'i sku lus dang / /dpe' byad bzang po brgyad bcus brgyan pa yis/ /sems can thams cad de 'drar gyur par shog / bdag gis dge ba'i las rnams 'di dag gis/ /'jig rten mi ring sangs rgyas 'gyur bar bgyi/ /'gro la phyan phyir chos kyang bstan par bgyi/ /sems can sdug bsngal mang gzir thar bar bgyi/ /stobs bcas sder bcas bdud las rgyal bar bgyi/ /chos kyi 'khor lo dge ba bskor bar bgyi/ /bskal pa bsam gyis mi khyab gnas par bgyi/ /bdud rtsi'i chu yis sems can tshim par bgyi/ /ji ltar sngon gyi rgyal ba'i rdzogs pa ltar/ /pha rol phyin drug bla med rdzogs par bgyi/ /nyon mongs gzhom zhing sdug bsngal bsal bar bgyi/ /'dod chags zhe sdang gti mug zhi bar bgyi/ /skye ba brgya dang skye ba bye ba stong / /bdag ni rtag tu skye ba dran par bgyi/ /thub pa'i dbang po rtag tu dran par bgyi/ /de yi gsung ni rgya chen thos par bgyi/ /bdag ni dge ba'i las rnams 'di dag gis/ /rtag tu sangs rgyas 'grogs pa rnyed par bgyi/ /sdig pa'i las rnams rnam par spang bar bgyi/ /dge ba'i 'byung gnas dge rnams spyad par bgyi/ /zhing rnams kun na srog chags thams cad kyang / /'jig rten dag na sdug bsngal kun zhi gyur/ /sems can dbang po ma tshang yan lag nyams/ /de kun de'u re dbang po tshang bar shog /gang dag nad btab nyam chung lus nyams dang / /phyogs bcu dag na skyabs med gyur pa rnams/ /de kun myur du nad las thar gyur cig /nad med stobs dang dbang po rnyed par shog /gang dag rgyal po chom rkun sbre'u sdigs bsad thug dang / /sdug bsngal rnam pa sna tshogs brgya yi phongs gyur pa/ /sems can nyam thag gyur cing sdug bsngal de dag kun/ / 'jigs mchog mi bzad brgya po de las thar gyur cig /gang dag brdegs shing bcing bas bcings gzir ba/ /phongs pa sna tshogs dag na gnas gyur cing / /nyon mongs stong phrag du mas dkrugs nas kyang / / 'jigs pa mi bzad mya ngan sna tshogs rnyed/ /de dag thams cad bcings las grol gyur cing / /brdeg pa dag ni brdeg las thar bar shog /bsad pa rnams kyang srog dang ldan gyur cig /phongs gyur thams cad 'jig pa med par shog /sems can gang dag bkres srid skom gyis gzir/ /de dag zas skom sna tshogs rnyed par shog /long bas gzugs rnams sna tshogs mthong gyur cig /'on pas yid 'ong sgra rnams thos par shog /gcer bu rnams kyis sna tshogs gos rnyed gyur/ /sems can dbul pos gter rnams rnyed par shog /nor 'bru rin chen sna tshogs mang po'i/ /sems can thams cad bde dang ldan par shog /gang yang sdug bsngal tshog bar non ma gyur/ /sems can thams cad blta na sdugs pa dang / /gzugs bzang mdzes shing tshul du shis par shog /rtag tu bde ba du ma rdzogs gyur cig /yid kyis zas skom rab 'byor bsod nam dag /bsams ma thag tu de dag grub gyur cig /rdza rnga cang te'u pi bang sgra snyan dang / /chu mig mtshe'u dang rdzing bu lteng kha dang / /gser gyi pad ma ud pal pad ma can/ /zas skom gos nor mu tig nor bu dbyig /rgyan gser rin chen sna tshogs bai dU r+ya/ /de dag bsams ma thag du grub gyur cig /'jig rten gang na'ang sdug bsngal sgra ma byung / /sems can gcig kyang mi 'phrod mthong ma gyur/ /de dag thams cad kha dog rgya chen dang / /phan tshun du ni 'od byed gyur par shog /mi yi 'jig rten phun sum tshogs gang yod/ /de dag gang du bsams par skye bar gyur/ /bsam pa thams cad bsam ma thag tu yang / /bsod nams 'bras bu yongasu rdzogs par shog /spos dang phreng ba dag dang byug pa dang / /gos dang phye ma me tog sna tshogs dag /ljon shing dag las dus gsum 'bab par shog / sems can de dag len cing dgar gyur cig /de bzhin gshegs pa bsam yas thams cad dang / / rdzogs pa'i byang chub sems dpa' nyan thos dang / /rdul bral dri med bsten pa'i chos la yang / /phyogs bcu rnams su mchod pa byed par shog /'gro ba dman pa thams cad spong gyur cig / mi khom brgyad po dag las 'das par shog /dal ba'i rgyal po dam pa thob gyur cig /rtag tu sangs rgyas 'grogs pa thobs par shog /rtag tu mthon po'i rigasu skye bar shog /nor dang 'bru yi mdzod rnams 'byor gyur cig /snyan dang grags dang gzugs dang kha dog gis/ /bskal pa du mar legs par brgyan par shog /bud med thams cad rtag tu phor gyur te/ /dpa' zhing rtul phod mkhas shing gsal bar shog /de kun rtag tu byang chub phyir spyod gyur/ /pha rol phyin pa drug la spyod par shog /phyogs bcu dag na rin chen shing dbang drung / /sangs rgyas bde bzhugs rin chen bai dU r+ya'i/ /khri la bzhugs pa dag ni mthong gyur cig /chos bstan pa yang de dag thos gyur shog /bdag gis sdig pa'i las rnams bsgrub pa ni/ /srid pa nyam ngar sngon chad gang bsgrubs pa/ /sdig las gang dag mi 'dod 'bras thob pa/ /de dag thams cad ma lus zad gyur cig / sems can gang dag srid par bcings nas su/ /'khor ba'i zhags pa'i thags pas dam bcing pa/ /shes rab lag gis bcings pa bkrol bar shog /sdug bsngal rnams las myur du thar cig /sems can gang dag 'dzam bu'i gling 'di dang / /gang dag 'jig rten khams ni gzhan rnams na/ /bsod nams sna tshogs zab mo rnams byed pa/ /de dag kun la rjes su yi rang ngo / /lus dang ngag dang yid kyis bsgrubs pa yi/ /bdag gis rjes su yi rang bsod nams de/ /bdag ni smon grub 'bras bu yod par shog /byang chub rdul bral bla med thob gyur cig /gang dag rtag dang dri ma bral ba dang / /dri med yid kyis phyag 'tshal bstod pa dang / /yongs su bsngo ba brjod pa 'di yis ni/ /bskal pa drug bcur ngan song spong bar gyur/ /tshigs su bcad pa brjod pa 'di dag gis/ /skyes pa bud med bram ze rgyal rigs las/ /thal sbyar 'dug ste rgyal ba gang bstod pa/ / tshe rabs kun tu skye ba dran par 'gyur/ /yan lag dbang po kun gyis yan lag brgyan/ /bsod nams yon tan sna tshogs rnams dang ldan/ /mi dbang rgyal pos rtag du de mchod de/ /de dang de dag tu ni de 'drar 'gyur/ /gang dag rna ba'i bu gar bshags pa 'di ni grag 'gyur ba/ /de dag sangs rgyas gcig gis gan nas dge ba byas ma yin/ /gnyis la ma yin bzhi la ma yin lnga min bcu la min/ /de ltar sangs rgyas stong gis gan nas dge ba byas pa yin/ /gser 'od dam pa mdo sde'i dbang po'i rgyal po las bshags pa'i le'u zhes bya ste bzhi pa'o// // 'phags pa gser 'od dam pa'i mdo sde'i dbang po'i rgyal po zhes bya ba theg pa chen po'i mdo/ bam po gnyis pa/ de nas bcom ldan 'das kyis rig kyis lha mo byang chub yang dag par bsdus pa la 'di skad ces bka' stsal to/ /rig kyis lha mo de'i tshe de'i dus na/ rgyal po gser gyis lag pa'i dbang po zhes bya ba des/ de bzhin gshegs pa thams cad la bstod pa pad ma'i 'byung gnas 'dis/ 'das pa dang ma 'ongs pa dang da ltar byung ba'i sangs rgyas bcom ldan 'das rnams la mngon par bstod do/ /rgyal ba gang dag sngar gyur gang byung dang / /phyog bcu'i 'jig rten dag na gang bzhugs pa/ /rgyal ba de dag rnams la phyags bgyi'o/ /rgyal ba de dag kun la bdag gis bstod/ / thub dbang zhi zhing rab zhi rnams par dag /sku ni gser gyis mdog tu rab tu gda'/ /dbyangs rnams kun gyis sangs rgyas gsungs snyan te/ /tshang pa'i sgra dbyangs rab tu bsgrag pa'i gsung / / bung ba rma bya ud pal sngon po'i dbu/ /mthon mthing lcang lo bya ni tsa sha 'dra/ /kha ba dung ltar rab tu dkar ba'i tshems/ /rtag tu gser ltar rnam par mdzes par gda'/ /spyan ni ring zhing mthon mthing dri ma med/ /u pal sngon po rab tu rgyas pa 'dra/ /ljags ni che zhing legs la pad ma'i mdog /pad ma 'drar snang pad ma'i zer ba 'dra/ /zhal gyis mdzod spu pad ma dung dang 'dra/ /bai dU r+ya'i mdog 'dra g.yas su 'khyil/ /thub pa'i zla ba phra zhing zla ba zad pa 'dra/ /sku yi lte ba bung ba gsal ba bzhin/ /zhal la mtho ba'i shangs ni rtag tu lhag ge ste/ /'jam zhing sa la'i gser ltar kha dog bzang / /rtag par rgyun tu rgyal ba thams cad kyi/ /ro mchog 'jam zhing dam pa mchog rab 'phags/ /spu yi bu ga nas ni re re skyes/ /spu rnams skyes pa g.yas su 'khyil ba ste/ /mthon mthing 'od 'bar 'tsher zhing lcang lo can/ /rma bya'i mgrin sdug 'dra bar sngo la mdzes/ /bltas ma thag tu sku yis rnams par bgyi/ /phyogs bcu 'jig rten dag ni thams cad gang / /'jig rten gsum na sdug bsngal mtha' yas zhi/ /bde ba kun kyi sems can rnams kyang tshim/ /sems dmyal 'gro dang dud 'gro'i 'gro ba dang / /yi dags lha gnas mi yi 'gro rnams su/ /sems can de dag thams cad bde bas tshim/ /ngan song 'gro ba rnams ni thams cad zhi/ /kha dog mdog bzang gser dang 'dra ba'i 'od/ /btso ma'i gser ltar rab tu snang ba'i sku/ /bde gshegs zla ba rab tu dri med zhal/ /'dzum zhing rnam mdzes shin tu dri med zhal/ /gzhon nu btsas 'drar sku lus yag lag 'jam/ /seng ge 'dra bar rtsal gyis gnon pa'i mchog /phyag ring phyag ni rab tu ring ba ste/ /sa la'i lcug ma rlung gis bskyod pa bzhin/ /'dom gang 'od 'bar 'od zer rab tu gtong / /nyi ma stong ltar rab tu lhag ge'o/ /thub pa'i dbang po'i sku mchog dri ma med/ /zhing rnams mtha' yas thams cad rab tu snang / /sangs rgyas 'od ni rnams par lhang nges bas/ /zhing rnams mtha' yas brgya stong rnams su yang / /mtshan byed zla ba nyi ma mang po dag /de dag thams cad 'od ni med par gyur/ /sangs rgyas nyi ma 'jig rten sgron ma ste/ /sangs rgyas nyi ma brgya phrag stong rnams ni/ /zhing rnams mtha' yas stong phrag rgya dag na/ /de bzhin gshegs pa'i nyi ma sems can mthong / / bsod nams stong phrag brgya dang ldan pa'i sku/ /yon tan kun kyis rab tu brgyan pa'i sku/ /glang chen dbang pa'i sna 'dra rgyal ba'i phyag /phyag dang zhabs 'od rab mdzes dri ma med/ /sa yi steng gi rdul dang mtshungs 'dra snyed/ /phra ba'i rdul snyed sangs rgyas gang 'das dang / /gang dag phra ba'i rdul snyed byung ba dang / /gang dag rdul ba'i rdul snyed bzhugs pa'i/ /rgyal ba de dag la ni rab dang ba'i/ /ngag yid lus kyis me tog dbul ba dang / /spos rnams dbul dang bsngags pa brgya dag dang / /dge ba'i sems kyis kyang ni phyag 'tshal lo/ /rgyal ba'i yon tan gang dag dger gyur pa/ /snying po mchog rab sna tshogs du ma te/ /bdag gis bskal pa stong du lce brgya yis/ /sangs rgyas yon tan brjod par mi nus so/ /rgyal ba gcig gis yon tan rnams kyang ni/ /lce stong gis kyang cung zad brjod mi nus/ /bdag gis rgyal ba dag ni thams cad ni/ /yon tan lce brgyas brjod par ga la nus/ /lhar bcas 'jig rten thams cad mtshor gyur te/ /srid pa'i rtse mo man chad chus gang ba/ /skra yi rtse mos dpag par nus srid kyi/ / bde gshegs rnams kyis yon tan gcig la min/ /lus dang ngag yid rab tu dang ba yis/ /rgyal ba kun la bdag gis bsngags bstod pas/ /bdag gis bsod nam 'bras bu mchog bsags gang / /des ni sems can rgyal ba reg gyur cig /de ltar rgyal pos sangs rgyas rnams bstod nas/ /rgyal po 'di ltar smon lam 'debs pa ni/ /ma 'ong bskal pa mtha' yas rnams su yang / /gang dang gang du bdag ni skye ba na/ /rmi lam du ni 'di 'dra'i rnga blta zhing / /der ni bshags pa 'di 'dra mnyan par bgyi/ /rgyal bstod pad ma 'byung rgyal 'di 'dra ba/ /skye ba de dang der ni rnyed par bgyi/ /sangs rgyas yon tan mtha' yas mtshungs med dang / /gang yang bskal pa stong du rnyed dka' ba/ /de dag rmi lam du yang mnyan par bgyi/ /nyin gyur tshe yang de dag bshad par bgyi/ /sems can sdug bsngal mtsho las thar bar bgyi/ /pha rol phyin pa drug po rdzog par bgyi/ /phyi nas byang chub bla med thob par bgyi/ /bdag gi zhing ni lhod pa med gyur cig /rnga phul rnams par smin pa'i 'bras bu dang / /rgyal ba thams cad la yang bstod pa'i rgyus/ /shakya thub dbang mngon du blta bar bgyi/ /der ni bdag gis lung bstan thob gyur cig /gser gyi lag pa'i dbang dang gser gyi 'od/ /bdag gi khye'u ni gang yin 'di gnyis kyang / /der ni bu pho de dag gnyi ga dang / /byang chub bla med lung stan thob par shog /sems can gang dag gnas dang rten med cing / /bskyabs dang bral nas phongs par gyur pa dag /de dag la yang ma 'ong dus rnams dang / /skyob dang dpung gnyen skyabs dang rten gyur shog /sdug bsngal kun 'byung zad pa byed gyur cig /dge ba kun gyi 'byung gnas gyur par shog /sngon mtha' 'das pa de dag ji srid pa/ /ma 'ongs bskal par byang chub spyad par bgyi/ /gser 'od dam pa yi ni bshags pa yi/ /bdag gis sdig pa'i rgya mtsho skams par shog / bdag gis las kyi rgya mtsho zad gyur cig /bdag gi nyon mongs rgya mtsho zad par shog /bdag gi bsod nams rgya mtsho rdzogs gyur cig /ye shes dri med snang ba dam pa yi/ /bdag gi ye shes rgya mtsho rnams dag shog /yon tan kun gyi rgya mtshor gyur par shog /byang chub yon tan ring chen rdzogs gyur cig /gser 'od pa'i bshag pa'i stobs kyis ni/ /bdag gis bsod nams rab tu snang bar shog /bdag gis byang chub snang ba rnams dag gyur/ /ye shes dri med snang ba dam pa yi/ /bdag gis lus kyi 'od ni snang bar shog /bsod nam snang ba lhag ger bya ba'i phyir/ /'jig rten gsum na khyad par 'phags gyur cig /bsod nams stobs dang rtag tu ldan par shog /sdug bsngal rgya mtsho las ni sgrol ba dang / /bde ba kun gyi rgya mtsho 'dra ba yis/ /ma 'ongs bskal par byang chub spyad par bgyi/ /'jig rten gsum na sngon mthar ji snyid gshegs/ /de dag zhing ni rgyal ba thams cad kyi/ /yon tan mtha' yas khyad 'phags ci 'dra ba/ /yon tan mtha' yas rnams kyis bdag gis zhing / / ma 'ong dus na de 'drar gyur par shog /gser 'od dam pa mdo sde'i dbang po'i rgyal po las/ 'das pa dang ma 'ongs pa dang / da ltar byung ba'i de bzhin gshegs pa thams cad la bstod pa med tog pad ma'i 'byung gnas zhes bya ba'i le'u ste lnga pa'o// // de nas bcom ldan 'das kyis de'i tshe tshigs su bcad pa 'di dag gsungs so/ /bsam gyis mi khyab mdo rnams gzhan dag du/ /stong pa'i chos rnams rab tu rgyas bshad de/ /de ltar bas na mdo mchog dam pa 'dir/ /stong pa'i chos rnams mdo tsam bshad pa yin/ /sems can blo chung rnam par mi shes pas/ /chos rnams thams cad shes par mi nus te/ /de lta bas na mdo mchog dam pa 'dir/ /stong pa'i chos rnams mdo rtsam bshad pa yin/ /sems can kun gyis ci nas shes 'gyur dang / /sems can 'byung bya'i phyir ni snying rje'i dbang / /thabs dang tshul dang rgyu gzhan rnams kyis ni/ /mdo mchog dam pa dbang po 'di bshad do/ /lus 'di grong khyim stong pa ji bzhin te/ /dbang po rnams ni dmag dang chom kun 'dra/ /de dag thams cad grong cig gnas mod kyi/ /de dag phan tshun rnam par mi shes so/ /mig gi dbang po gzugs gyur rnams la rgyug /rna ba'i dbang po sgra la rnam par spyod/ /sna yi dbang po sna tshog dri rnams 'phrog /lce yi dbang po rtag tu ro la rgyug /lus kyis dbang po reg pa dag la rgyug /yid kyi dbang po chos rnams rnam par spyod/ /dbang po drug po 'di dag phan tshun du/ /rang rang yul la rab tu 'jug par byed/ /sems ni sgyu ma lta bur g.yo ba yin/ /dbang po drug ni yul la rnams spyod de/ /ji ltar mi zhig grong stong rgyug pa dang / /dmag dang chom kun dag dang gnas pa bzhin/ /ji ltar sems ni yul drug gnas bcas shing / /dbang po'i spyod yul dag kyang rab shes pa/ /de ltar sems ni yul drug gnas bcas te/ /dbang pa'i spyod yul rnams kyang rab tu shes/ /gzugs dang sgra dang de bzhin dri rnams dang / /ro dang reg bya de bzhin spyod yul chos/ /sems ni dbang po drug po thams cad la/ /dbang por bzhugs pa bya bzhin g.yo bar 'gyur/ /dbang po gang dang gang du gnas bcas pa/ /dbang po de ni shes par bdag nyid byed/ /lus ni g.yo ba med cing byed pa med/ /snying po med cing rgyan las byung ba yin/ /yang dag ma yin yongs su rtog las byung / /grong stong las kyi 'khrul 'khor 'dra bar gnas/ /sa dang me dang chu dang rlung rnams ni/ /gzhan tu gnas te phyogs dang phyogs na gnas/ /dper na sbrul gdug gnas gcig ji bzhin te/ /rtag tu phan tshun mthun pa ma yin bzhin/ /khams kyi sbrul rnams bzhi po de dag kyang / /gnyis ni steng 'gro gnyis ni mthur du 'gro/ /phyogs dang phyogs mtshams rnams su gnyis gnyis te/ / khams sbrul de dag thams cad 'jig par 'gyur/ /sa yi sbrul dang chu yi sbrul dag dang / /'di gnyis 'og tu zad par 'gyur ba yin/ /me yi sbrul dang rlung gi sbrul dag dang / /'di gnyis steng gi nam mkhar 'gro ba yin/ / ji ltar sngon chad byed pa'i las rnams kyis/ /sems dang rnams shes kun tu gnas nas dong / /lha dang mi dang ngan song gsum dag tu/ /ji ltar byas pa'i las kyis srid par skye/ /bad kan rlung dang 'khris pa zad gyur na/ /lus ni gcin dang ngan skyugs rnams kyis gang / /mngon par mi dga' srin bu'i phung por gyur/ /dur khrod dag na mthor ba shing bzhin gyur/ /lha mo khyod ni chos 'di rnams la ltos/ /'di la sems can de bzhin gang zag dang / /chos rnams 'di dag thams cad stong pa ste/ /ma rig pa yi rkyen las byung ba yin/ /'byung ba chen po 'di dag che 'byung min/ /ma byung ba las byung zhing mi 'byung ste/ /gang gis phyir ni 'byung ba mi 'byung ba/ /de phyir 'byung ba che zhes ngas brjod do/ /yod pa min zhing gzhar yang yod min la/ /ma rig pa'i rkyen las byung ba yin/ /ma rig 'di ni yod pa ma yin te/ /de bas ngas ni ma rig 'di bshad do/ / 'du byed rnams shes ming dang gzugs bcas dang / /skye mched drug dang reg dang tshor ba dang / /srid dang len dang de bzhin srid pa dang / /skye dang rga shi mya ngan gnod pa rnams/ /'khor ba'i sdug bsngal bsam gyis mi khyab pa/ /'khor ba'i 'khor lo ji ltar gnas pa dag /ma byung ba las byung dang mi 'byung dang / /tshal bzhin ma yin sems kyis rnam dpyad dang / /bdag gis lta bar gyur par bcad par gyis/ / ye shes ral gris nyon mongs rgya mo grol/ /phung po'i gnas la stong par gyur par ltos/ /byang chub yon tan rgya chen reg par bgyis/ /ngas ni bdud rtsi grong khyer sgo yang phye/ /bdud rtsi khu ba'i snod kyang kun tu tan/ / nga ni bdud rtsi'i grong khyer gnas der 'jug /nga ni bdud rtsi'i khu bas bdag tshim bya/ /ngas ni chos kyi rnga chen dam pa brdungs/ /ngas ni chos kyi dung gi mchog kyang bus/ /ngas ni chos kyi sgron ma mchog 'bar byas/ /ngas ni chos kyi char pa dam pa phab/ /nga ni nyon mongs dgra mchog rnams las rgyal/ /ngas ni chos kyi rgyal mtshan dam pa bsgreng / /srid pa'i mtsho las sems can rab tu bsgral/ /ngas ni ngan song gsum gyi lam rnams bkag /sems can nyon mong me yis gdungs gyur pa/ /rten med gyur cing dpung gnyen med pa dag /srog chags nyon mongs mes gdungs zhi byas nas/ /bdud rtsi'i khu ba bsol bas tshim par byed/ / gang phyir bskal pa du mar sngon chad ngas/ /'dren pa bsam gyis mi khyab mchod pa byas/ /chos kyi sku de yongs su tshol ba na/ /brtul zhugs brtan pas byang chub phyir spyad de/ /lag pa dang ni mig dang rkang pa dang / / yan lag mchog dang bu sdug bu mo dang / /nor dbyig nor bu mu tig rgyan dang gser/ /bai dU r+ya'i dang rin chen sna tshogs btang / /stong gsum shing ljon thams cadang / /rtsa dang rtsa rnams thams cad dang / /nag tshal dag dang sa las ni/ /skye ba thams cad bcad gtubs te/ /de dag thams cad phyer blags nas/ /rab tu phra ba'i rdul 'drar byas/ /nam mkha'i dkyil 'khor ji tsam par/ /phye ma'i phung po spungs nas ni/ /'di la cha gsum dbye bar nus/ /sa la rdul ni yod pa rnams/ /stong gsum dag ni thams cad kyi/ /rdul khams bsam gyi mi khyab pa/ /sems can kun gyi shes pa gang / /de ni sems can gcig gir gyur/ /shes pa de yis rdul rnams kyi/ /phye ma bgrang bar byed na ni/ /sems can kun las rab 'phags pa/ /ye shes rab ldan mi rnams kyis/ /thams cad bgrang bar nus srid kyi/ /rgyal ba'i mkhyen la mi nus so/ / thub pa'i chen po'i ye shes gang / /skad cig gcig la 'jug pa yang / /bskal pa bye ba dus mar ni/ /gang du'ang bgrang bar mi nus so/ /gser 'od dam pa mdo sde'i dbang po'i rgyal po'i las/ stong pa nyid kyi le'u zhes bya ba ste drug pa'o// // de nas rgyal po chen po rnams thos kyi bu dang rgyal po chen po yul 'khor srung dang rgyal po chen po 'phags skyes po dang rgyal po chen po mig mi bzang rnams stan las langs te/ gos phrag pa gcig tu bgos nas pus mo g.yas pa'i lha nga sa la btsug te/ bcom ldan 'das ga la ba de logasu thal mo sbyar ba btud nas bcom ldan 'das 'di skad ces gsol to/ /btsun pa bcom ldan 'das gser 'od dam pa'i mdo sde'i dbang po rgyal po 'di ni de bzhin gshegs pa thams cad kyis gsungs pa/ de bzhin gshegs pa thams cad kyi gzigs pa/ de bzhin gshegs pa thams cad kyi dgongs pa/ byang chub sems dpa'i tshogs thams cad kyi yongs su bzung ba/ lha'i tshogs thams cad kyis phyag bgyis pa/ lha'i tshogs thams cad kyis mchod pa/ lha'i dbang po'i tshogs thams cad kyis mngon par bstod pa/ 'jig rten skyong ba thams cad kyis mchod cing bsngags te/ /brjod nas rab tu bkur ba/ lha'i khang khyim thams cad snang bar bgyid pa/ sems can thams cad la mchog tu bde ba rab tu sbyin par bgyid pa/ sems can dmyal ba dang dud 'gro'i skye gnas dang gshin rje'i 'jig rten gyi sdug bsngal thams cad skems pa/ 'jigs pa thams cad kyi rgyun gcod pa/ pha rol gyi dmag tshogs thams cad rab tu bzlog pa/ mu ge'i dgon pa thams cad rab tu zhi bar bgyid pa/ nad kyi dgon pa thams cad rab tu zhi bar bgyid pa/ gza' thams cad sel ba/ mchog tu zhi bar bgyid pa/ mya ngan dang nyon mongs pa rab tu zhi bar bgyid pa/ gnod pa rnams pa sna tshogs rab tu zhi bar bgyid pa/ gnod pa brgya stong rab tu 'jom par bgyid pa lags so/ /btsun pa bcom ldan 'das gser 'od dam pa'i mdo sde'i dbang po'i rgyal po 'di 'khor gyi nang du rgya cher yang dag par rab tu bshad na/ chos nyan pa chos bdud rtsi'i khu ba 'dis/ bdag cag rgyal po chen po dpung dang g.yog tu bcas pa bzhi lha'i lus 'dis gzi chen pos rnams par 'phel bar 'gyur ro/ /bdag cag gis lus la brtson pa dang stobs dang mthu yang skyed par 'gyur/ gzi brjid dang dpal dang phun sum tshogs pa yang de dag gis lus la 'jug par 'gyur ro/ /btsun pa bcom ldan 'das bdag cag rgyal po chen po bzhi ni chos dang ldan pa chos smra ba chos kyi rgyal po lags te/ brtsun pa bcom ldan 'das bdag cag ni chos kyis lha dang klu dang gnod sbyin dang lha ma yin dang nam mkha' lding dang dri za dang mi 'am ci dang lto 'phye chen po rnams kyi rgyal po bgyi'o/ /'byung po'i tshogs mi bzad pa snying rje ma mchis pa gzhan gyi mdangs 'phrog pa rnams bzlog par bgyi'o/ /brtsun pa bcom ldan 'das bdag cag rgyal po chen po bzhi/ gnod sbyin gyi sde dpon chen po nyi shu rtsa brgyad dang gnod sbyin brgya stong phrag du ma dang lhan cig tu rtag par rgyun tu lha'i mig rnam par dag pa/ mi las 'das pas 'dzam bu'i gling thams cad la blta bar bgyi bsrung bar bgyi yongs su bskyang bar bgyi ste/ btsun pa bcom ldan 'das de'i slad du/ bdag cag rgyal po chen po bzhi 'jig rten skyong zhes ming du chags so/ /btsun pa bcom ldan 'das gang su dag 'dzam bu'i gling 'dir/ pha rol gyi dmag tshogs kyis yul 'jom par 'gyur ram/ mu ge'i gnod pa 'am nad kyi gnod pa 'am gnod pa sna tshog brgya dang gnod pa stong dang gnod pa brgya phrag stong dag gis gtses par 'gyur ba na/ btsun pa bcoM ldan 'das bdag cag rgyal po chen po bzhi gser 'od dam pa mdo sde'i dbang po'i rgyal po 'di 'dzin pa'i dge slong chos smra ba de dag la bskul ba bgyi'o/ /btsun pa bcom ldan 'das nam bdag cag rgyal po chen po bzhi rdzu 'phrul dang byin kyi brlabs kyis dge slong chos smra ba de dag la bkur ba na/ yul gang dang gang du mchi bar gser 'od dam pa mdo sde'i dbang po'i rgyal po 'di yul de dang de dag tu rgya cher yang dag par ston par 'gyur te/ gang gnod pa sna tshogs brgya dang gnod pa stong yul du 'byung ba 'di lta bu 'di dag rab tu zhi bar 'gyur ro/ /btsun pa bcom ldan 'das mi'i rgyal po gang gis yul du mdo sde'i dbang po 'dzin pa'i dge slong chos smra ba de dag mchi bar 'gyur ba'i yul de dag tu gser 'od dam pa mdo sde'i dbang po'i rgyal po 'di yang bsnyen par 'gyur ro/ /btsun pa bcom ldan 'das nam mi'i rgyal pos gser 'od dam pa mdo sde'i dbang po'i rgyal po 'di nyan te thos nas/ mdo sde'i dbang po 'dzin pa'i dge slong de dag phyir rgol ba thams cad las kun tu bsrung bar bgyid/ yongs su bskyab pa dang yongs su 'dzin pa dang yongasu skyong bar bgyid na/ btsun pa bcom ldan 'das bdag cag rgyal po chen po bzhis/ mi'i rgyal po'i yul de thams cad na gnas pa'i sems can rnams kun tu bsrung bar bgyi/ yongs su bskyab pa dang / yongs su bzung ba dang yongs su bskyang ba dang zhi ba dang bde legs su 'gyur bar bgyi'o/ /btsun pa bcom ldan 'das mi'i rgyal po nam dge slong ngam dge slong ma 'am dge brnyen nam dge bsnyen ma mdo sde'i dbang po 'dzin pa la/ bde bar sbyar ba thams cad kyi bde bar bgyid na/ btsun pa bcom ldan 'das bdag cag rgyal po chen bzhi/ mi'i rgyal po de'i yul thams cad na gnas pa'i sems can rnams la bde ba'i yo byad thams cad kyis/ bde ba dang yo byad thams cad phun sum tshogs par bgyi'o/ /btsun pa bcom ldan 'das nam mi'i rgyal pos dge slong ngam dge slong ma 'am dge bsnyen nam dge bsnyen ma 'am/ mdo sde'i dbang po 'dzin pa la sti stang du bgyid bla mar bgyid rim gror bgyid cing mchod na/ btsun pa bcom ldan 'das bdag cag rgyal po chen po bzhis/ mi'i rgyal po de la rgyal po thams cad pas che bsti stang du bgyi ches bla mar bgyi ches rim gror bgyi ches mchod par bgyi ste yul thams cad du yang rab tu sngags par bgyi'o/ /de nas bac+doMs kyi rgyal po chen po bzhi la legaso legaso zhes bya ba byin te rgyal po chen po dag legaso legs so/ /rgyal po chen po khyod yang legs so legs so/ /'di lta ste khyod ni sngon gyi rgyal ba la lhag par bya ba byas pa/ dge ba'i rtsa ba rnams bskyed pa/ sangs rgyas bye ba khrag khrig brgya stong phrag mang po la bsnyen bkur byas pa chos dang ldan pa chos smra ba chos kyis lha dang mi rnams kyi rgyal po byas pa'o/ /'di lta ste khyed yun ring por sems can thams cad la phan pa'i sems dang ldan pa/ bde ba dang byams pa'i sems dang ldan pa/ sems can thams cad la phan pa dang bde bar bya ba'i lhag pa'i bsam pa la zhugs pa/ mi phan pa thams cad 'gog pa/ sems can thams cad la bde ba thams cad nye bar bsgrub par brtson pa yin te/ rgyal po chen po khyed bzhis/ mi'i rgyal po gser 'od dam pa mdo sde'i dbang po'i rgyal po 'di la mchod pa dang rim gro byed par brtson pa de dag la kun tu srung bar gyis shig /yongasu bskyab pa dang / yong su bzung ba dang / yongs su bskyang ba dang zhi ba dang bde legs su 'gyur bar gyis shig /de na rgyal po chen po dpung dang g.yog dang gnod sbyin brgya stong phra du ma dang bcas pa khyed bzhis 'das pa dang ma 'ongs pa dang da ltar byung ba'i sangs rgyas bcom ldan 'das rnams kyis chos kyi tshul bsrungs par 'gyur ro/ /yongs su bskyangs ba dang yongs su bzung bar yang 'gyur ro/ /des nas rgyal po chen po dpung dang g.yog dang / gnod sbyin brgya stong phrag du ma dang bcas pa khyed bzhi lha dang lha ma yin du g.yul 'gyed pa na rgyal bar 'gyur ro/ /lha ma yin rnams pham par 'gyur ro/ /'di ltar gser 'od dam pa mdo sde'i dbang po'i rgyal po pha rol gyi dmag tshogs thams cad 'dul bar byed pa 'di'i phyir/ dge slong ngam dge slong ma 'am dge bsnyen nam dge bsnyen ma mdo sde'i dbang po 'dzin pa/ de dag la kun tu bsrung ba gyis shig /yongs su bskyab pa dang yongs su bzung ba dang yongs su bskyang ba dang zhi ba dang bde legs su 'gyur ba gyis shig /de nas rgyal po chen po rnams thos kyis bu dang rgyal po yul 'khor bsrung dang / rgyal po chen po 'phags skyes po dang rgyal po chen po mig mi bzang stan las langs te/ gos phrag pa gcig tu bgos nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di ces gsol to/ /btsun pa bcom ldan 'das ma 'ongs pa'i dus gser 'od dam pa mdo sde'i dbang po'i rgyal po 'di/ grong ngam grong khyer ram grong rdal lam ljongs sam yul 'khor ram pho brang 'khor gang du spyod par 'gyur ba dang / mi'i rgyal po gang dang gang gis yul du spyod par 'gyur ba dang / btsun pa bcom ldan 'das mi'i rgyal por gyur pa gang la la zhig lha'i dbang po'i dam tshig rgyal po'i bstan bcos 'dis/ rgyal po bgyid cing rtag par rgyun du gser 'od dam pa'i mdo sde'i dbang po'i rgyal po 'di nyan tam rim gror bgyid dam mchod par bgyid dam dge slong ngam dge slong ma 'am dge bsnyen nam dge bsnyen ma mdo sde'i dbang po 'dzin pa de dag la yang bsti stang bgyid btsun par bgyid rim gro bgyid cing mchod de rtag par rgyun tu gser 'od dam pa mdo sde'i dbang po'i rgyal po nyan na/ chos mnyan pa'i chu 'o'i chu chos bdud rtsi'i khu ba 'dis bdag cag rgyal po chen po bzhi dang / g.yog rnams dang gnod sbyin brgya stong phrag du ma'i lha'i lus 'di dag gzi brjid chen po rnams par 'phel bar 'gyur/ bdag cag la brtson 'grus dang mthu dang stobs chen por yang bgyid par 'gyur/ bdag gi gzi brjid dang dpal dang / phun sum tshogs pa yang rnams par 'phel bar 'gyur ro/ /btsun pa bcom ldan 'das bdag cag rgyal po chen po bzhi dpung dang g.yog tu bcas pa gnod sbyin brgya stong phrag du ma dang lus bltar mi gda' bar bgyis te/ da ltar dang ma 'ong pa'i dus na grong ngam grong khyer ram grong rdal lam yul 'khor ram pho brang 'khor gang na/ gser 'od dam pa mdo sde'i dbang po'i rgyal po 'di spyod par 'gyur ba de dag tu mchi bar bgyi'o/ /mi'i rgyal po gser 'od dam pa mdo sde'i dbang po'i/ rgyal po 'di mnyan pa dang / rim gror bgyid pa dang mchod pa bgyid pa de dag la kun tu bsrungs bar bgyi'o/ / yongs su bskyab pa dang yongs su gzung ba dang / yongs su bskyang ba dang chad pa spang ba dang zhi ba dang bde legs su 'gyur bar bgyi'o/ /rgyal po'i pho brang 'khor de dag dang yul 'khor de dag dang yul de dag kyang kun tu bsrung bar bgyi'o/ /yongs su bskyab pa dang yongs su bzung ba dang / yongs su bskyang ba dang chad pa spang ba dang / zhi ba dang bde legs su 'gyur bar bgyi'o/ /yul de dag kyang 'jig pa dang gnod pa dang / 'khrug pa thams cad las yongs su thar bar bgyi'o/ /pha rol gyi dmag tshog rnams kyang slar bzlog par bgyi'o/ /mi'i rgyal po gang la la gser 'od dam pa mdo sde'i dbang po'i rgyal po 'di mnyan pa dang rim gro bgyid pa dang / mchod pa bgyid pa de'i dgra zla 'dab nye ba'i rgyal po gzhan zhig mchis la/ btsun pa bcom ldan 'das nam dgra zla 'dab nye ba'i rgyal po de 'di snyam du bdag dpung gis tshogs yan lag bzhi pa dang lhan cig /yul der song ste/ yul de rnam par gzhig go snyam du sems bskyed na/ btsun pa bcom ldan 'das de'i tshe de'i dus na/ gser 'od dam pa mdo sde'i dbang po'i rgyal po 'di'i gzi brjid kyi mthus dgra zla 'dab nye ba'i rgyal po de rgyal po gzhan dag dang g.yul 'gyed par 'gyur/ rang gi yul du phyin na yang / yul 'khrug par 'gyur/ rgyal po'i 'khrug par 'gyur/ rgyal po'i 'khrug pa mi bzad pa yang 'byung bar 'gyur/ yul du gza' dang nad kyang 'byung bar 'gyur/ yul du brel ba sna tshog brgya dag kyang 'byung bar 'gyur ro/ /btsun pa bcom ldan 'das nam dgra zla 'dab nye ba'i rgyal po de rang gi yul du phyin pa na/ gnod pa sna tshog brgya dang brel ba sna tshog brgya 'di lta bu 'byung ngo / /btsun pa bcom ldan 'das dgra zla 'dab nye ba'i rgyal po de yan lag bzhi pa'i dmag bsogs te/ pha rol gyi dmag tshog su mchi ba'i slad du rang gis yul nas byung te/ dpung gi tshogs yan lag bzhi pa dang lhan cig tu yul der mchi 'tshal ba dang / gang gser 'od dam pa mdo sde'i dbang po'i rgyal po 'di gnas pa'i yul de rnam par gzhig 'tshal bar gyur na/ btsun pa bcom ldan 'das bdag cag rgyal po chen po bzhi dpung dang g.yog tu bcas pa/ gnod sbyin brgya stong du ma dang ldan cig lus mi gda' bar bgyis te der mchi bar bgyi'o/ / pha rol gyi dmag tshogs de shul du zhug gsab pa kyang / de nyid nas ldog par bgyi'o/ /brel ba rnam pa sna tshog brgya dag kyang nye bar bsgrub par bgyi'o/ /bgegs kyang bgyi'o/ /'di lta ste yul der pha rol dmag tshogs de mchi bar yang mi nus na/ yul gzhig par bgyid par lta ga la 'gyur/ de nas bcom ldan 'das kyis rgyal po chen po bzhi dag la legs so zhes bya ba byin te/ rgyal po chen po dag legs so legs so/ /rgyal po chen po dag khyed yang legs te/ khyed bskal pa grangs med pa bye ba phrag khrig brgya stong du yang dag par bsgrub te/ bla na med pa yang dag par rdzogs pa'i byang chub 'di'i phyir/ mi'i rgyal po gser 'od dam pa mdo sde'i dbang po'i rgyal po 'di nyan pa dang rim gro byed pa dang mchod pa byed pa de dag la kun tu bsrung ba gyis shig /yongasu bskyab pa dang yongs su gzung ba dang yongs su bskyang ba dang chad pa spang ba dang zhi ba dang bde legasu 'gyur ba gyis shig /rgyal po'i pho brang 'khor de dag dang grong khyer de dag dang yul 'khor de dag dang yul de dag kyang kun tu bsrung shig /yongs su bskyab pa dang / yongs su gzung ba dang yongs su bskyang ba dang chad pa spang ba dang zhi ba dang bde legasu 'gyur bar gyis shig /yul de dag kyang 'jigs pa dang gnod pa dang 'khrug pa thams cad las yongs su thar bar gyis shig /pha rol gyi dmag tshogs rnams kyang zlog cig /'dzam bu'i gling thams cad na gnas pa'i mi'i rgyal po dag mi 'thab pa dang mtshang mi 'dru ba dang mi brtsod pa dang mi 'gyed par bya ba la spro bar gyis shig /rgyal po chen po dpung dang g.yog tu bcas pa khyed bzhi 'dzam bu'i gling 'dir nam grong khyer brgyad khri bzhi stong de dag na/ rgyal po brgyad khri bzhi stong de dag rang rang gi yul la mngon par dga' ba dang / rgyal srid kyi dbang phyug des mngon par dga' ba dang / rang gi nor gyi phung pos phan tshun rnams par mi 'tshe ba dang / phan tshun rnam par 'tshe ba mi bskyed pa dang / rang gis ji ltar sngon gyi las bsag pas rgyal po thob pa'i rang gis rgyal srid kyi dbang phyug gis dga' ba dang / phan tshun du yul 'jig par mi byed pa dang / yul gzhig pa'i phyir pha rol gyi gnod pa dang / 'dzam gling 'dir grong khyer brgyad khri bzhi stong dag na rgyal po brgyad khri bzhi stong de dag phan tshun du byams pa'i sems su 'gyur/ byams pa'i sems dang phan pa'i sems su 'gyur te/ phan tshun du mi 'thab mtshang mi 'dru mi brtsod mi 'gyed par rang rang gi yul dag na dga' bar 'gyur na/ de'i phyir rgyal po chen po dpung dang g.yog tu bcas pa khyed bzhi 'dzam bu'i gling 'di rgyal par 'gyur/ lo leg par 'gyur nyams dga' bar 'gyur/ skye bo mang po dang mis gang bar 'gyur/ sa yangs mdangs can du 'gyur/ dus dang zla ba dang zla ba phyed dang lo khyud kor thams cad kyang yang dag pa'i dus dang ldan par 'gyur/ gza' dang rgyu skar dang zla ba dang nyi ma yang nyin mtshan du leg par rgyu bar 'gyur/ char pa'i rgyun yang sa la dus dus su 'bab par 'gyur/ 'dzam bu'i gling thams cad na gnas pa'i sems can rnams kyang nor dang 'bru thams cad 'byor par 'gyur/ long spyod che ba dang ser sna med par 'gyur/ stong ba dang ldan pa 'gyur/ dge ba bcu'i las kyi lam dang ldan par 'gyur/ phal cher bde 'gro mtho ri kyi 'jig rten du skye bar 'gyur/ lha'i khang khyim rnam kyang lha dang lha'i bu rnam kyis gang bar 'gyuro/ /rgyal po chen po dag gang la la zhig mi'i rgyal por gyur la gser 'od dam pa'i mdo sde'i dbang po'i rgyal po 'di nyan par gyur te rim gro byas mchod pa byas dge slong ngam dge slong ma 'am dge bsnyen nam dge bsnyen ma mdo sde'i dbang po 'dzin pa de dag la yang bsti tang byed bla mar byed rim gro byed chod par byed cing / rgyal po chen po khyed bzhi dpung dang g.yog tu bcas pa gnod sbyin stong phrag du ma la snying brtse ba'i phyir rtag par rgyun tu gser 'od dam pa mdo sde'i dbang po'i rgyal po 'di nyan na/ chos nyan pa'i chu'i klung chos bdud tsi'i khu ba 'di khyed cag gi lus 'di dag tshim par 'gyur ro/ /khyed kyi lha'i lus 'di dag gi gzi chen po yang rnam par 'phel lo/ /khyed kyi brtson 'grus dang mthu dang stobs kyang bskyed do/ /khyed kyi gzi brjid dang dpal dang phun sum tshogs pa yang rnam par 'phel lo/ /mi'i rgyal po des de bzhin gshegs pa dgra bcom pa yang dag par rdzogs pa'i sangs rgyas shAkya thub pa nga la yang mchod pa bsam gyis mi khyab pa rgya chen po yangs pa byas par 'gyur ro/ /mi'i rgyal po des 'das pa dang ma 'ongs pa dang da ltar byung ba'i de bzhin gshegs pa bye ba khrag khrig brgya stong phrag du ma la yang yo byad bsam gyis mi khyab pa rgya che ba yangs pa thams cad kyis mchod pa byas par 'gyur ro/ /des na mi'i rgyal po de la bsrung ba chen po byas par 'gyur ro/ /des na mi'i rgyal po de la kun tu bsrung ba dang yongasu bskyab pa dang yongasu gzung ba dang yongasu bskyang ba dang chad pa spang ba dang zhi ba dang bde legasu 'gyur ba byas par 'gyur ro/ /btsun mo dam pa dang rgyal bu rnaMs dang brgyal btsun mo'i 'khor thams cad dang rgyal po'i pho brang 'khor thams cad kyang bsrung ba chen po byas par 'gyur/ yongasu bskyab pa dang yongasu gzung ba dang yongasu bskyang ba dang chad pa spang ba dang zhi ba dang bde legs su 'gyur ba byas par 'gyur/ rgyal po'i pho brang 'khor na gnas pa'i lha thams cad kyang ches gzi brjid dang ldan pa dang ches stobs dang ldan pa dang bde ba dang yid bde ba bsam gyis mi khyab pa dang ldan par 'gyur/ dga' ba sna tshogs myong bar 'gyur/ grong khyer de dag dang yul 'khor de dag kyang kun tu bsrungs bar 'gyur/ yongasu bskyangs par 'gyur/ gnod pa med par 'gyur/ dgra med par 'gyur/ pha rol gyi dmags tshogs thams cad kyis mi rdzi ba dang gnod pa med pa dang 'khrug pa med par 'gyur ro/ /de skad ces bka' stsal pa dang / bcom ldan 'das la rgyal po chen po rnam thos kyi bu dang rgyal po chen po yul 'khor srung dang rgyal po chen po 'phags skyes po dang rgyal po chen po mig mi bzang dang de dag gis 'di skad ces gsol to/ /btsun pa bcom ldan 'das mi'i rgyal po gang la la zhig gser 'od dam pa mdo sde'i dbang po'i rgyal po 'di yang nyan 'tshal bar 'gyur/ bdag nyid la yang bsrung ba chen po bgyid 'tshal bar 'gyur/ btsun mo dam pa dang rgyal bu rnams dang rgyal po'i bu mo rnams dang btsun mo'i 'khor gyi tshogs rnams la yang bsrung ba chen po bgyid 'tshal bar 'gyur/ rgyal po'i pho brang 'khor de dag thams cad la yang zhi ba dang bde legasu 'gyur ba chen po bsam gyis mi khyab pa mchog tu khyad par du 'phags pa bla na med pa bgyid 'tshal bar 'gyur/ tshe 'di la bdag gi rgyal srid kyi dbang phyug chen po bsam gyis mi khyab pa rnam par 'phel bar bgyid 'tshal bar 'gyur/ rgyal po nyid bsam gyis mi khyab pa dang ldan par 'gyur/ bsod nams kyi phung po dpag tu ma mchis pa yongasu 'dzin 'tshal bar 'gyur/ bdag gi yul thams cad kyang kun tu bsrung 'tshal bar 'gyur/ yongasu bskyang 'tshal bar 'gyur/ rang gi yul na gnod pa ma mchis pa dang dgra ma mchis pa dang pha rol gyi dmag tshogs kyis mi rdzi ba dang nad 'go ba ma mchis pa dang 'khrug pa ma mchis par bgyid 'tshal bar gyur na/ btsun pa bcom ldan 'das mi'i rgyal po des g.yeng ba ma mchis pa'i sems dang gus pa dang bcas pa dang ri mo dang bcas pas gser 'od dam pa'i mdo sde'i dbang po'i rgyal po 'di bsti stang du bgyis te mnyan par bgyi'o/ /gser 'od dam pa mdo sde'i dbang po'i rgyal po 'di mnyan pa'i slad du/ mi'i rgyal po des rgyal po'i pho brang khyad par du 'phags par mchis bar bgyi'o/ /der mchis nas kyang rgyal po'i pho brang spos chab sna tshogs kyis chag chag gdab cing me tog sil ma sna tshogs dgram par bgyi'o/ /spos chab sna tshogs kyi chag chag btab pa der chos kyi khri mthon po rgyan sna tshogs kyis legs par brgyan pa bsham par bgyi'o/ /phyogs der gdugs dang rgyal mtshan dang ba dan sna tshogs kyis legs par brgyan par bgyi'o/ / mi'i rgyal po des lus bkru bar bgyi'o/ /gos dri rab tu bda' ba gos sar pa mdzes pa bgos nas rgyan sna tshogs kyis rgyan par bgyi'o/ /bdag gi stan rab tu dma' ba gding bar bgyi ste/ stan de la mchis nas rgyal po'i rgyags pas dregs par mi bgyi'o/ /der rgyal srid kyi dbang phyug la chags par mi bgyi'o/ /rgyags pa dang nga rgyal dang dregs pa thams cad rnam par spangs pa'i sems kyis gser 'od dam pa mdo sde'i dbang po'i rgyal po 'di mnyan par bgyi'o/ /dge slong chos smra ba de la yang ston par 'du shes bskyed par bgyi'o/ /mi'i rgyal po des de'i tshe de'i dus na/ btsun mo dam pa dang rgyal bu rnams dang rgyal po'i bu mo rnams dang btsun mo'i 'khor gyi tshogs rnams la sdug pa dang phan pas blta bar bgyi'o/ /btsun mo dam pa dang rgyal bu rnams dang rgyal po'i bu mo rnams la tshigs snyan pa smra bar bgyi'o/ / btsun mo'i 'khor gyi tshogs thams cad pa tshigs snyan pa smra bar bgyi'o/ /chos nyan pa'i mchod pa rnam pa sna tshogs sbyor du stsal bar bgyi'o/ /dga' ba bsam gyis mi khyab cing mtshungs pa ma mchis pas bdag tshims par bgyi'o/ /dga' ba dang bde ba bsam gyis mi khyab pas bde bar bgyi'o/ /dbang po bde bar bgyi'o/ /bdag nyid don chen po thob par bsam par bgyi'o/ /bdag dga' ba chen pos dga' bar bgyi'o/ /rab tu dga' ba chen po bskyed nas chos smra ba bsu bar bgyi'o/ /de skad ces gsol pa dang / bcom ldan 'das kyis rgyal po chen po bzhi la 'di skad ces bka' stsal to/ /rgyal po chen po dag de'i tshe de'i dus na mi'i rgyal po des gos thams cad dkar po sar pa mdzes pa bgo bar bya'o/ /spud pa dang rgyan sna tshogs kyis bdag legs par rgyan par bya'o/ /gdugs dkar po yang gzung bar bya'o/ / rgyal po'i mthu chen po dang rgyal po'i bkod pa chen pos bkra shis tha dad pa sna tshogs thogs te/ rgyal po'i pho brang de nas byung ba chos smra ba bsu ba'i phyir der 'gro bar bya'o/ /de ci'i phyir zhe na/ mi'i rgyal pos der gom pa ji snyed bor ba de snyed kyi bskal pa bye ba khrag khrig brgya stong gi 'khor ba phyir bsnyil bar 'gyur/ de snyed kyi 'khor los sgyur ba'i rgyal rigs bye ba khrag khrig brgya stong thob par 'gyur/ der gom pa ji snyed bor ba de snyed du tshe 'di la rgyal srid kyi dbang phyug chen po bsam gyis mi khyab pa 'phel bar 'gyur/ bskal pa bye ba khrag khrig brgya stong phrag du mar gnas yangs shing rgya che ba lha'i gzhal med khang rin po che sna bdun las byas pa dag thob par 'gyur/ mi rnams kyi rgyal rigs lha'i rgya che zhing rgya che ba brgya stong phrag du ma thob par 'gyur/ skye ba thams cad du dbang phyug chen po thob par 'gyur/ tshe ring bar 'gyur/ yun ring du 'tsho bar 'gyur/ spobs pa dang ldan par 'gyur/ tshigs gzung bar 'os par 'gyur/ grags pa dang ldan par 'gyur/ brjod pa shin tu rgya che bar 'gyur/ bsngags par 'os par 'gyur/ lha dang mi dang lha ma yin du bcas pa'i 'jig rten la phan par 'gyur/ lha dang mi rnams kyi bde ba rgya che zhing rgya che ba thob par 'gyur/ stobs che bar 'gyur/ tshan po che chen po'i stobs kyi shug dang ldan zhing gzug bzang bar 'gyur/ mdzes pa dang lta na sdug pa dang / kha dog bzang po rgyas pa chog dang ldan par 'gyur/ skye ba thams cad du de bzhin gshegs pa dang phrad par 'gyur/ dge ba'i bshes gnyen rnaMs rnyed par 'gyur/ bsod nams kyi phung po dpag tu med pa yongasu gzung bar 'gyur te/ rgyal po chen po dag yon tan gyi phan yon 'di lta bu dag mthong nas/ mi'i rgyal po des dpag tshad tsam du chos smra ba bsu bar bya/ dpag tshad brgya dang / dpag tshad stong du yang bsu bar bya/ chos smra ba de la ston par 'du shes bskyed par bya'o/ /'di snyam du yang de bzhin gshegs pa dgra bcom pa yang dag par rdzogs pa'i sangs rgyas shAkya thub pa deng bdag gi rgyal po'i pho brang 'dir 'jug par 'gyur ro/ /deng de bzhin gshegs pa dgra bcom pa yang dag par rdzogs pa'i sangs rgyas shAkya thub pa bdag gi rgyal po'i pho brang 'dir bshos gsol bar 'gyur ro/ /deng bdag gis de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i chos 'jig rten thams cad dang mi mthun pa mnyan par bya'o/ /deng bdagis chos nyan pa 'dis bla na med pa yang dag par rdzogs pa'i byu~Mb las phyir mi ldog par bya'o/ /deng bdagis de bzhin gshegs pa bye ba khrag khrig brgya stong phrag du ma mnyes par byas par 'gyur ro/ /deng bdagis 'das pa dang ma 'ongs pa dang / da ltar byung ba'i sangs rgyas bcom ldan 'das rnaMs la mchod pa chen po bsam gyis mi khyab pa yang shing rgya che ba byas par 'gyur ro/ /deng bdagis sems can dmyal ba dang dud 'gro'i skye gnas dang gshin rje'i 'jig rten gyi sdug bsngal thams cad shin tu rgyun bcad par 'gyur ro/ /deng bdag gis tshangs pa'i dbang po'i rgyal po nyid kyi lus bye ba khrag khrig brgya stong phrag du ma 'thob pa de dag gi dge ba'i rtsa ba'i sa bon bskyed par 'gyur ro/ /deng bdagis brgya byin nyid kyi lus bye ba khrag khrig brgya stong phrag dus ma thob pa dag dge ba'i rtsa ba'i sa bon bskyed par 'gyur ro/ /deng bdag gi 'khor los sgyur ba'i rgyal po nyid kyi lus bye ba khrag khrig brgya stong phrag du ma 'thob pa dag gi dge ba'i rtsa ba'i sa bon bskyed par 'gyur ro/ /deng bdag gis bskal pa bye ba khrag khrig brgya stong phrag du ma 'khor ba las yongasu thar bar byas par 'gyur ro/ /deng bdag gis bsod nams kyi phung po dpag tu med pa bla na med pa yangs shing rgya che ba bsam gyis mi khyab da yongasu bzung bar 'gyur/ deng bdagis btsun mo'i 'khor kyi tshogs thams cad la bsrung ba chen po byas par 'gyur ro/ /deng bdag gis rgyal po'i pho brang 'dir zhi ba dang bde legasu 'gyur ba bsam gyis mi khyab pa mchog tu khyad par du 'phags pa bla na med pa byas par 'gyur ro/ /deng bdagis yul 'di thams cad kun du bsrungs par 'gyuro/ /yongasu bskyangs pa dang gnod pa med pa dang dgra med pa dang pha rol gyi dmag tshogs thams cad kyis mi rdzi ba dang nad 'go ba med pa dang 'khrug pa med par 'gyuro snyam du sems bskyed par bya'o/ /rgyal po chen po dag dge slong ngam dge slong ma'am dge snyen nam dge snyen ma gser 'od dam pa mdo sde'i dbang po'i rgyal po 'dzin pa dag la mi'i rgyal po de dam pa'i chos la gus pa 'di lta bus bsti stang byed bla mar byed rim gro byed mchod pa byed cing / rgyal po chen po khyed bzhi dpung dang g.yog tu bcas pa dang / lha'i tshogs de dag dang gnod sbyin brgya stong du ma dag la shas kyi dam pa byin na/ mi'i rgyal po de bsod nas mngon par 'du byed pa dang dge ba mngon par 'du byed pa de dang tshe 'di'i lugs kyi rgyal srid kyi dbang phyug chen po phyug chen po bsaM gyis mi khyab pa des rnaMs par 'phel bar 'gyur ro/ /tshe 'di la rgyal po'i gzi brjid chen po bsaM gyis mi khyab pa dang ldan par 'gyur ro/ /dpal dang phun sum tshogs pa dang gzi brjid kyis kyang brgyan par 'gyur ro/ /phyir rgol ba thams cad dang dgra thams cad chos dang 'thun pas shin tu tshar gcod par 'gyur ro/ /de skad ces bka' stsal pa dang / bcom ldan 'das la rgyal po chen po bzhi po de dag gis 'di skad ces gsol to/ / btsun pa bcom ldan 'das gang la la zhig mi'i rgyal por gyur la/ de chos la gus pa de lta bus gser 'od dam pa mdo sde'i dbang po'i rgyal po nyan la dge slong ngam dge slong ma'am dge snyen nam dge snyen ma mdo sde'i dbang po'i 'dzin pa de dag la yang bsti stang bgyid bla mar bgyid rim gro bgyid mchod pa bgyid cing / rgyal po chen po bdag cag gis slad du rgyal po'i pho brang de shin tu dag par phyag dar bgyid/ spos chab sna tshogs kyi chag chag legs par 'debs la/ bdag cag rgyal po chen po bzhi dang lhan cig thun mong du chos nyan pa de nyan cing bdag dang lha thams cad kyi slad du dge ba'i rtsa bar shas cung zad cig sbyin pa bgyid na/ btsun pa bcom ldan 'das dge slong chos smra ba de chos kyi stan la mchis ma thag tu mi'i rgyal po des bdag cag rgyal po chen po bzhi'i don gyi slad du spos sna tshogs kyis bdug par bgyi'o/ /btsun pa bcom ldan 'das gser 'od dam pa mdo sde'i dbang po'i rgyal po de la mchod pa'i slad du bdug pas bdug ma thag tu spos sna tshogs rnam las spos dang bdug pa sna tshogs kyi khri shing dag byung bar gyur ste/ de dag skad cig thang cig yud tsam de la bdag cag rgyal po chen po bdag cag bzhi'i rang rang gi khang pa'i steng gi bar snang la spos dang bdug pa sna tshogs kyi khri shing dag gi gdug rnamasu gnas par 'gyur/ spos dri rgya chen po yang mnam par 'gyur/ gser gyi kha dog lta bu'i snang bar 'byung bar 'gyur zhing sna ba des bdag cag gi khang pa rnams kyang snang ba bgyis par 'gyur ro/ /btsun pa bcom ldan 'das spos dang bdug pa sna tshogs kyi khri shing dag skad cig thang cig yud tsam de la mi 'jed kyi bdag po tshangs pa dang lha rnams kyi dbang po brgya byin dang / lha mo chen mo dbyangs can dang lha mo chen mo brtan ma dang gnod sbyin gyi sde dpon chen po yang dag shes dang gnod sbyin gyi sde dpon chen po nyi shu rtsa brgyad dang / lha'i bu dbang phyug chen po dang gnod sbyin gyi sde dpon chen po lag na rdo rje dang / gnod sbyin gyi sde dpon chen po nor bu bzang dang 'phrog ma'i bu lnga brgya'i 'khor dang ldan pa dang klu'i rgyal po chen po ma dros pa dang klu'i rgyal po chen po rgya mtsho dang de dag gis rang rang gi khang pa'i steng gi bar snang la byung ste spos dang gdug pa sna tshogs kyi khri shing gi gdugs rnamasu gnas par 'gyur/ spos dri sna tshogs rgya chen po yang mnaM par 'gyur/ khang pa rnaMs kyi nang du gser du sna ba 'byung bar 'gyur zhing snang ba des gnas thaMd snang bgyi par 'gyuro/ /de skad ces gsol pa dang bac+doMs kyis rgyal po chen po bzhi la 'di skad ces bka' stsal to/ /rgyal po chen po dag rgyal po chen po khyed bzhi'i rang gi khang pa rnaMs kyi steng gi bar sna la spos dang gdug pa sna tshogs kyi khri shing de dag gdugs rnaMsu gnas par ma zad do/ /de ci'i phyir zhe na/ rgyal po chen po dag mi'i rgyal po des gser 'od dam pa mdo sde'i dbang po'i rgyal po 'di la mchod pa'i phyir/ spos sna tshogs de dag gis bdugs ma thag tu lag na spos snod gcig thogs pa de las spos dang bdug pa sna tshogs kyi khri shing rnams 'byung bar 'gyur te/ de skad cig thang cig yud tsam de la stong gsum gyi stong chen po'i 'jig rten gyi khaMs 'di thams cad na gang na zla ba bye ba phrag brgya dang nyi ma bye ba phrag brgya dang / rgya mtsho chen po bye ba phrag rgya dang ri'i rgyal po ri rab bye ba phrag rgya dang ri'i rgyal po 'khor yug dang 'khor yug chen po bye ba phrag brgya dang gling bzhi pa chen po'i 'jig rten gyi khams bye ba phrag rgya dang rgyal chen bzhi'i ris kyi lha bye ba phrag brgya dang sum bcu rtsa gsum bye ba phrag brgya nas 'du shes med 'du shes med min du nye bar song ba'i bar gyi lha bye ba phrag brgya dang / stong gsum gyi stong chen po'i 'jig rten gyi khaMs de dag thams cad du sum bcu rtsa gsum gyi lha'i ris bye ba phrag brgya po thams cad na lha dang klu dang gnod sbyin dang dri za dang lha ma yin dang naMkha' lding dang mi'aM ci dang lto phye chen po'i tshogs rnaMs kyi rang rang gi kha~M pa dag gi steng gi bar snang la spos dang bdug pa sna tshogs kyi 'khri shing de dag gdugs rnamasu gnas par 'gyur/ spos dri rgya chen po yang mnam par 'gyur/ lha'i khang pa rnamasu gser gyi kha dog lta bu'i snang ba yang 'byung bar 'gyur zhing snang ba des kyang lha'i khang pa rnams snang ba byas par 'gyuro/ /rgyal po chen po dag 'di ltar stong gsum gyi stong chen po'i 'jig rten gyi khams na lha'i khang pa thams cad kyi steng gi bar snang la spos dang bdug pa'i 'khri shing de dag gdugs rnaMsu gnas pa de bzhin du/ gser 'od dam pa mdo sde'i dbang po'i rgyal po 'di la mchod pa'i phyir mi'i rgyal po des spos sna tshogs de dag gis bdugs ma thag tu gser 'od dam pa mdo sde'i dbang po'i rgyal po 'di'i gzi brjid kyi mthu spos dang bdugs pa sna tshogs kyi khri shing dag 'byung bar 'gyur te/ de dag skad cig thang cig yud tsam de la kun tu phyogs bcu'i 'jig rten gyi khaMs du ma gang gA'i klung gi bye ma snyed dag gi sangs rgyas kyi zhing bye ba khrag khrig brgya phrag stong rnaMsu/ de bzhin gshegs pa bye ba khrag khrig brgya stong phrag du ma gang gA'i klung gi bye ma snyed dag gi steng gi bar snang la spos dang bdug pa sna tshogs kyi 'khri shing gis bdugs rnaMsu gnas par 'gyur/ de dag kyang sangs rgyas bye ba khrag khrig brgya stong phrag du ma la spos dang bdug pa sna tshogs rgya che zhing rgya che ba mnam par 'gyur/ gser gyi kha dog lta bu'i snang ba 'byung bar 'gyur zhing sna ba des kyang sangs rgyas kyi zhing bye ba khrag khrig stong phrag du ma gang gA'i klung gi bye ma snyed dag snang ba byas par 'gyuro/ /rgyal po chen po dag chos 'phrul de lta bu de dag byung ma thag tu de bzhin gshegs pa bye ba khrag khrig phrag du ma gang gA'i klung gi bye ma snyed dag chos smra ba de la dgongs par 'gyur skyes bu daM pa legs so legaso/ /skyes bu daM pa khyod gser 'od daM pa mdo sde'i dbang po'i rgyal po tshul 'di lta bu zab mor snang ba 'di lta bu yon tan bsaM gyi mi khyab pa dang ldan pa dang 'di lta bu 'di rgya cher yang dag par rab tu 'chad par 'dod pa khyod yang legaso legaso zhes bya ba'i sbyin par 'gyur ro/ /su tha na gser 'od dam pa mdo sde'i dbang po'i rgyal po 'di nyan pa'i sems can de dag kyang dge ba'i rtsa ba ngan ngon dang ldan par mi 'gyur na/ gang dag 'dzin pa dang 'chang ba dang 'chad pa dang klog pa dang kun chub par byed pa dang 'khor la rgya cher yang dag par rab tu ston pa lta smos kyang ci dgos/ de ci'i phyir zhe na/ skyes bu dam pa gser 'od dam pa mdo sde'i dbang po'i rgyal po 'di thos ma thag tu byang chub sems dpa' bye ba khrag khrig brgya stong phrag du ma bla na med pa yang dag par rdzogs pa'i byang chub las phyir mi ldog par 'gyur ba'i phyir ro/ /'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo/ bam po gsum pa/ de nas phyogs bcu kun tu sangs rgyas kyi zhing bye ba khrag khrig brgya stong phrag du ma gang gA'i klung gi bye ma snyed dag na/ de bzhin gshegs pa bye ba khrag khrig brgya stong phrag du ma rang rang gi sangs rgyas kyi zhing na bzhugs pa dag gis de'i tshe de'i du na tshig cig dang ngag cig dang sgra skad gcig gis dge slong chos smra ba chos kyi stan la 'dug pa de la 'di skad ces bka' stsal to/ /skyes bu dam pa khyod ma 'ongs pa'i du na byang chub kyi snying por 'gro bar 'gyur/ skyes bu daM pa khyod byang chub kyi snying po mchog dam par song ste/ shing gi rgyal po'i drung du 'dug nas 'jig rten gsuM po thaMd las khyad par du 'phags pa/ sems can thaMd las rab tu 'das pa'i brtul zhugs dang dka' thub spyod pa'i stobs skyed pa'i byin gyi brlabs dka' ba spyod pa bye ba khrag khrig brgya stong phrag du ma dag ston par 'gyur/ skyes bu daM pa khyod byang chub kyi snying po legs par brgyan par byed par 'gyur/ skyes bu daM pa khyod stong gsuM gyi stong chen po'i 'jig rten gyi khaMs thaMd yongasu skyob par 'gyur/ skyes bu daM pa khyod shing gi rgyal po'i drung du 'dug ste bdud kyi sde bsam gyis mi khyab pa gzugs rab tu 'jigs 'jigs ltar 'dug pa mi sdug pa ston pa/ gzugs mi sdug pa sna tshogs dag las rgyal bar 'gyur/ skyes bu dam pa khyod byang chub kyi snying po mchog dam par song ste/ bla na med pa yang dag par rdzogs pa'i byang chub dpe med pa rab tu zhi ba rdul dang bral ba zab mo mngon par rdzogs par 'tshang rgya bar 'gyur/ skyes bu dam pa khyod rdo rje'i gdan snying po brtan pa la 'dug ste/ chos kyi 'khor lo rgyal ba thams cad kyis mngon par bstod pa/ mchog tu zab pa bla na med pa rnam pa bcu gnyis rab tu bskor bar 'gyur/ skyes bu dam pa khyod chos kyi rnga chen po bla na med pa rdung bar 'gyur skyes bu dam pa khyod chos kyi dung bla na med pa 'bud par 'gyur/ skyes bu dam pa khyod chos kyi rgyal mtshan chen po bsgreng bar 'gyur/ skyes bu dam pa khyod chos kyi sgron ma bla na med pa 'bar bar byed par 'gyur/ skyes bu dam pa khyod chos kyi char bla na med pa 'debs par 'gyur/ skyes bu dam pa khyod nyon mongs pa'i dgra stong phrag du ma las rgyal bar 'gyur/ skyes bu dam pa khyod sems can bye ba khrag khrig brgya stong phrag du ma shin tu 'jigasu rung ba 'jigs pa chen po'i rgya mtsho las sgrol bar 'gyur/ skyes bu dam pa khyod sems can bye ba khrag khrig rgya stong phrag du ma dag 'khor ba'i 'khor lo las yongasu thar bar byed par 'gyur/ skyes bu dam pa khyod sangs rgyas bye ba khrag khrig brgya stong phrag du ma dag mnyen par byed par 'gyuro/ /de skad ces bka' stsal pa dang / bcom ldan 'das la rgyal po chen po bzhi po de dag gis 'di skad ces gsol to/ /btsun pa bcom ldan 'das mi'i rgyal po gser 'od dam pa mdo sde'i dbang po'i rgyal po'i yon tan tshe 'di dang ma 'ongs pa na 'byung ba 'di lta bu 'di dag mthong ba sangs rgyas stong phrag brgya la dge ba'i rtsa ba bskyed pa/ bsod nams kyi phung po dpag tu ma mchis pa yongasu 'dzin par mthong nas snying brtse ba'i slad du btsun pa bcom ldan 'das bdag cag rgyal po chen po bzhi dpung dang g.yog tu bcas pa dang / gnod sbyin brgya stong phrag du ma rang rang gi khang pa na mchis pa dag spos dang bdug pa sna tshogs kyi khri shing dag gi gdugs kyi bskul ma thag tu lus mi gda' bar bgyis te/ mi'i rgyal po de khang pa brtsegs pa phyag dar ma mchis pa legs par phyag dar bgyis pa spos chab sna tshogs kyi chag chag legs par btab pa/ rgyan sna tshogs kyi legs par brgyan pa'i rgyal po'i pho brang ga la ba der chos mnyan pa'i slad du mchi bar bgyi'o/ /mi 'jed kyi bdag po tshangs pa dang lha rnams kyi dbang po brgya byin dang lha mo chen mo dbyangs can dang / lha mo chen mo dpal dang sa'i lha mo brtan ma dang gnod sbyin gyi sde dpon chen po yang dag shes dang / gnod sbyin gyi sde dpon chen po nyi shu rtsa brgyad dang / lha'i bu dbang phyug chen po dang / gnod sbyin gyi sde dpon chen po lag na rdo rje dang / gnod sbyin gyi sde dpon chen po nor bu bzung dang / 'phrog ma'i bu lnga brgya'i 'khor can dang / klu'i rgyal po ma dros pa dang klu'i rgyal po rgya mtsho dang lha bye ba khrag khrig brgya stong phrag du ma dag lus mi gda' bar bgyis te/ mi'i rgyal po de'i pho brang rgyan sna tshogs kyi brgyan pa de ga la ba dang / chos smra ba de'i chos kyi khri mthon po brgyan sna tshogs kyis legs par brgyan pa/ me tog bkram pa'i sa la bshams par 'gyur ba ga la ba der chos mnyan pa'i slad du mchi bar bgyi'o/ /btsun pa bcom ldan 'das bdag cag rgyal po chen po bzhi dpung dang g.yog tu bcas pa/ gnod sbyin brgya stong phrag du ma de dag thams cad 'thun par bgyis te mi'i rgyal po dge ba'i grog bgyid pa dge ba 'thob par bgyid pa bla na med pa chos kyi sbyin pa chen sbyin pa de la/ chos bdud rtsi'i khu ba 'dis tshim par gyur ma thag tu/ mi'i rgyal po de la kun tu bsrung bar 'gyur/ / yongasu bskyab pa dang yongasu gzung ba dang yongasu bskyang ba dang zhi ba dang bde legasu 'gyur bgyi'o/ /rgyal po'i pho brang de dang grong khyer de dang yul de yang kun tu bsrung bar bgyi'o/ /yongasu bskyab pa dang yongasu gzung ba dang yongasu bskyang ba dang zhi ba dang bde legasu 'gyur bar bgyi'o/ /chad pa spang bar yang bgyi'o/ /yul de yang 'jigs pa dang gnod pa dang nad 'go ba dang 'khrug pa thaMd las yongasu thar bar bgyi'o/ /btsun pa bcom ldan 'das gang la la zhig mi'i rgyal por gyur te mi'i rgyal po de'i yul du gser 'od dam pa mdo sde'i dbang po'i rgyal po 'di byung la/ btsun pa bcom ldan 'das mi'i rgyal po de dge slong dang dge slong ma'aM dge snyen naM dge snyen ma gser 'od dam pa mdo sde'i dbang po'i rgyal po 'di 'dzin pa dag la bsti stang mi bgyid bla mar mi bgyid rim gro mi bgyid mchod pa mi bgyid na/ bdag cag rgyal po chen po bzhi dang gnod sbyin bye ba khrag khrig brgya stong phrag du ma chos nyan pa 'di dang chos bdud rtsi'i khu ba 'di tshim par mi bgyid rim gro mi bgyid lha'i lus 'di dag gi gzi yang rnam par 'phel bar mi bgyid/ bdag cag gi brtson 'grus dang mthu dang stobs kyang mi bskyed/ bdag cag gi lus la gzi brjid dang dpal dang phun sum tshogs pa yang rnam par 'phel bar mi bgyid do/ /btsun pa bcom ldan 'das bdag cag rgyal po chen po bzhi dpung dang g.yog tu bcas pa dang / gnod sbyin bye ba khrag khrig brgya stong phrag du ma dag gis yul de yal bar dor bar bgyi'o/ /btsun pa bcom ldan 'das bdag cag gi yul de yal bar bor na yul na gnas pa'i lha'i tshogs thaMd kyis kyang yul de yal bar 'dor bar 'gyur ro/ /btsun pa bcom ldan 'das lha rnams kyi yul de yal bar bor na yul der yul rnam par 'khrug pa sna tshogs 'byung bar 'gyur/ rgyal po'i 'khrug pa mi bzad pa dag 'byung bar 'gyur/ yul na gnas pa'i seMn thaMd kyang 'thab pa skye ba dang mtshang 'dru ba skye ba dang rtsod pa skye bar 'gyur/ rdzogs pa dang 'gyed par 'gyur ba dang gza' dang nad rnam pa sna tshogs yul du 'byung bar 'gyur/ phyogs tha dad pa nas skar mda' ltung bar 'gyur/ gza' dang rgyu skar rnams kyang phan tshun mi 'thun par gda' bar 'gyur/ dgung zla 'char ba na nyi ma lta bur gda' bar 'gyur/ zla ba'i gza' dang nyi ma'i gza' 'byung bar 'gyur/ nyi ma dang zla ba namakha' la gnas pa yang rtag par rgyun du sgra gcan gyi gnod pa dang ldan par 'gyur/ dus dus su namakha' la 'ja'i kha dog lta bu 'khyil bar 'gyur/ sa yang g.yo bar 'gyur/ sa la gnas pa'i khron pa yang sgra 'byin par grag par 'gyur/ yul du rlung drag po ldang bar 'gyur/ char drag po 'bab par 'gyur/ yul du mu ge'i dgon pa 'byung bar 'gyur/ pha rol gyi dmag tshogs kyis yul 'jom par 'gyur/ yul de phung bar 'gyur/ sems can de dag kyang nyon mongs pa mangs bar 'gyur/ yul de nyams mi dga' bar 'gyur ro/ /btsun pa bcom ldan 'das bdag cag rgyal po chen po bzhi dpung dang g.yog tu bcas pa dang gnod sbyin rgya stong phrag du ma dang yul na gnas pa'i lha dang klu rnams kyis yul de yal bar bor na/ yul der 'di lta bu'i gnod pa rnam pa sna tshogs brgya dang gnod pa sna tshogs stong 'byung bar 'gyur ro/ /btsun pa bcom ldan 'das gang la la zhig mi'i rgyal por gyur la/ de bdag nyid la kun tu bsrung ba chen po bgyid 'tshal bar 'gyur/ rgyal po'i bde ba sna tshogs yun ring por myong bar 'tshal bar 'gyur/ bde ba thams cad bstabs pa'i sems kyis rgyal po nyid bgyid 'tshal bar 'gyur/ yul na gnas pa'i sems can thams cad bde bar bgyid 'tshal bar 'gyur/ pha rol gyis dmags tshogs thams cad pham par bgyid 'tshal bar 'gyur/ yul thams cad yun ring du yongasu skyong 'tshal bar 'gyur/ chos kyi rgyal po nyid bgyid 'tshil bar 'gyur/ rang gi yul yang 'jigs pa dang gnod pa dang nad 'go ba dang 'khrug pa thams cad las yongasu thar bar bgyid 'tshal bar 'gyur na/ btsun pa bcom ldan 'das mi'i rgyal po des gdon mi 'tshal bar gser 'od dam pa mdo sde'i dbang po'i rgyal po 'di mnyan par bgyi dge slong ngam dge slong ma'aM dge snyen nam dge snyen ma mdo sde'i dbang po'i rgyal po 'dzin pa de dag la yang bsti stang bgyi/ bla mar bgyi rim gro bgyi mchod pa bgyi bdag cag rgyal po chen po bzhi dpung dang g.yog tu bcas pa rnaMs kyang chos mnyan pa'i dge ba'i rtsa ba bsags pa 'di dang chos bdud rtsi'i khu ba 'di tshim par bgyi/ bdag cag gi lha'i lus 'di dag gi gzi chen po yang rnam par 'phel bar bgyi'o/ /de ci'i phyir zhe na/ btsun pa bcom ldan 'das mi'i rgyal po des gdon mi 'tshal bar gser 'od dam pa mdo sde'i dbang po'i rgyal po 'di mnyan par bgyi ste/ btsun pa bcom ldan 'das tshangs pa'i dbang pos 'jig rten pa dang 'jig rten las 'das pa'i bstan bcos rnam pa sna tshogs ji snyed bstan pa dag dang / lha'i dbang po brgya byin gyis bstan bcos rnam pa sna tshogs ji snyed stan pa dag dang / drang srong mngon par shes pa lnga can rnam pa sna tshogs dag gis sems can dag gi don gyi slad du 'jig rten pa dang 'jig rten las 'das pa'i bstan bcos rnam pa sna tshogs ji snyed bstan pa dag pas ches mchog ches khyad par du 'phags pa gser 'od dam pa mdo sde'i dbang po'i rgyal po 'di ni/ btsun pa bac+doMs tshangs pa'i dbang po brgya phrag stong de dag dang rgya byin bye ba khrag khrig rgya stong phrag du ma dang drang srong mngon par shes pa lnga can bye ba khrag khrig brgya phrag stong thaMd pas ches mchog ches khyad par du 'phags pa'i de bzhin gshegs pas sems can rnams kyi don gyi slad du rgya cher yang dag par bshad pa lagaso/ /ji ltar 'dzam bu'i gling thams cad na gnas pa'i ming rnams kyi rgyal pos rgyal po nyid bgyi ba dang / ji ltar seMn thaMd bde bar 'gyur ba dang / ji ltar rang gi yul kun tu bsrung bar 'gyur ba dang yongasu bskyangs bar 'gyur ba dang / ji ltar yul thams cad na gnod pa dang dgra ma mchis par 'gyur ba dang / ji ltar pha rol gyi dmag tshogs rnams pham ste phyir phyogs par 'gyur ba dang / ji ltar yul de dag na nad 'go ba ma mchis shing 'khrug pa ma mchis par 'gyur ba dang / ji ltar yul thaMd chos kyis 'khrug pa ma mchis shing mi rdzi bar 'gyur ba dang / ji ltar mi'i rgyal po de dag gis rang rang gis yul rnamasu chos kyi sgron ma chen po 'bar bar bgyis shing snang bar bgyis par 'gyur ba dang / ji ltar lha'i khang khyim thaMd lha dag dang lha'i bu rnams kyis gang bar 'gyur ba dang / ji ltar bdag cag rgyal po chen po bzhi dpung dang g.yog tu bcas pa dang gnod sbyin brgya stong phrag du ma dang 'dzam bu'i gling na gnas pa'i lha'i tshogs thams cad tshim pa dang rim gro bgyid par 'gyur ba dang / ji ltar bdag cag gi lha'i lus 'di dag gzi brjid chen po rnam par 'phel bar 'gyur ba dang / ji ltar bdag cag gis lus la brtson 'grus dang stobs dang mthu chen po bskyed par 'gyur ba dang / ji ltar bdag cag gi lus la gzi brjid dang dpal dang phun sum tshogs pa rab tu 'jug par 'gyur ba dang / ji ltar 'dzam bu'i gling thams cad lo legs shing nyams dga' ba dang skye bo dang mis gang bar 'gyur ba dang / ji ltar 'dzam bu'i gling thams cad na gnas pa'i seMn rnams bde bar 'gyur ba dang / dga' ba sna tshogs myong bar 'gyur ba dang / ji ltar sems can thams cad bskal pa bye ba khrag khrig brgya stong phrag du mar lha dang mi'i bde ba rgya che zhing rgya che ba myong bar 'gyur ba dang sangs rgyas bcom ldan 'das rnams dang lhan gcig gnas par 'gyur ba dang / ma 'ongs pa'i dus na bla na med pa yang dag par rdzogs pa'i byang chub mngon par rdzogs par tshangs rgya bar 'gyur ba de thams cad da ltar na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis tshangs pa'i dbang po bye ba khrag khrig brgya stong dag pas ches 'phags pa'i thugs rje chen po'i stobs dang ldan pa'i byin gyi rlabs dang brgya byin bye ba khrag khrig brgya stong dag gi lha'i shes pa bas ches 'phags pa/ de bzhin gshegs pa'i mkhyen pa bla na med pa dang drang srong mngon par shes pa lnga can rnam pa sna tshogs bye ba khrag khrig brgya stong phrag du ma thams cad pas ches 'phags pa'i byin gyi brlabs kyis de bzhin gshegs pa dgra bcom pa yang dag par rdzogs pa'i sangs rgyas kyis sems can thams cad kyi don gyi slad du gser 'od dam mdo sde'i dbang po'i rgyal po 'di 'dzam bu'i gling 'dir rgya cher yang dag par rab tu bshad do/ /mi'i rgyal po'i dgos pa dang rgyal po'i bstan bcos dang rgyal po'i bgyi ba gang dag 'dzam bu'i gling thaMd na mchis pa dang / gang dag gis sems can 'di dag thams cad bde bar 'gyur ba de dag thaMd bac+doMs de bzhin gshegs pa dgra bcom pa yang dag par rdzogs pa'i sangs rgyas gser 'od dam pa mdo sde'i dbang po 'dir nye bar bstan yongasu brjod yang dag par rab tu bshad do/ /btsun pa bcom ldan 'das rgyu de dang rkyen des mi'i rgyal po des gdon mi tshal bar gser 'od dam pa mdo sde'i dbang po'i rgyal po 'di gus par mnyan par bgyi/ gus par rim gro bgyi gus par mchod par bgyi'o/ /de skad ces gsol pa dang bcom ldan 'das kyis rgyal po chen po bzhi la 'di skad ces bka' stsal to/ /de'i phyir rgyal po chen po khyed bzhi dpung dang g.yog tu bcas pas gdon mi za bar mi'i rgyal po gser 'od dam pa mdo sde'i dbang po'i rgyal po 'di nyan pa dang rim gro byed pa dang mchod pa byed pa de dag kun tu bsrung ba'i phyir spro ba cher gyis shig /rgyal po chen po dag /dge slong ngam dge slong ma 'am dge snyen nam dge snyen ma mdo sde'i dbang po rgyal po 'dzin pa deg kyang / sangs rgyas kyi mdzad pa 'dzin du chug cig dang / de dag lha dang mi dang lha ma yin du bcas pa'i 'jig rten 'di la sangs rgyas kyi mdzad pa byed par 'gyur/ gser 'od dam pa mdo sde'i dbang po'i rgyal po 'di rgya cher yang dag par 'chad par 'gyur te rgyal po chen po khyed bzhi ni ci nas mdo sde'i dbang po 'dzin pa'i dge slong dang dge slong ma dang dge snyen dang dge snyen ma bsrungs ba dang gnod pa med pa dang nad med pa dang 'khrug pa med pa dang sems bde bar 'gyur zhing / gser 'od dam pa mdo sde'i dbang po'i rgyal po 'di yang dag par rab tu ston par 'gyur bar dge slong ngam dge slong ma 'am dge snyen nam dge snyen ma mdo sde'i dbang po 'dzin pa de dag kun tu bsrung bar bya/ yongasu bskyab par bya yongasu bzung ba dang yongasu bskyang ba dang zhi ba dang bde legasu 'gyur bar bya'o/ / de nas rgyal po chen po rnam thos kyi bu dang rgyal po chen po yul 'khor bsrung dang rgyal po chen po 'phags skyes po dang rgyal po chen po mig mi bzang stan las langs te bla gos phrag pa cig tu bgos nas pus mo g.yas pa'i lha nga sa la btsugs te/ bcom ldan 'das ga la ba de logasu thal mo sbyar ba btud nas de'i tshe mngon sum du 'tshul dang 'thun pa'i tshigs su bcad pa 'di dag gis bcom ldan 'das la mngon par bstod do/ /rgyal ba zla ba dri ma med pa'i sku/ /rgyal ba nyi ma 'od zer stong gi 'od/ /rgyal ba pad ma dri ma med pa'i spyan/ /rgyal ba me tog pad rtsa rdul med tshems/ /rgyal ba'i yon tan rgya mtsho lta bu ste/ /rin po che ni du ma'i 'byung gnas gyur/ / rgyal ba'i rgya mtsho ye shes chu yis gang / /ting 'dzin brgya phrag stong gis kun tu gang / /rgyal ba'i zhabs ni 'khor lor bris pa ste/ /'khor yug mu khyud de bzhin rtsib ma stong / /phyag dang zhabs ni dra bas spras pa ste/ /zhabs kyi dra ba ngang pa'i dbang po bzhin/ /gser gyi ri bo lta bur rab tu gda'/ /rgyal ba dri med gser gyi ri dbang po/ /yon tan thams cad ri rab 'dra ba ste/ / sangs rgyas ri dbang rgyal la phyag 'tshal lo/ /de bzhin gshegs pa zla ba nya ba 'dra/ /namakha' dang yang mtshungs shing 'dra ba ste/ /sgyu ma smig rgyu lta bu chags med pa/ /rgyal ba dri ma med la phyag 'tshal lo/ /de nas bac+doMs kyis rgyal po chen po bzhi la tshigasu bcad de bka' stsal pa/ stobs bcu dag gi gser 'od dam pa yis/ /mdo sde'i dbang po'i rgyal po rab mchog 'di/ /'jig rten skyong ba khyed cag rnams kyis ni/ /brtson 'grus rab tu brtan pas bskyang bar bya/ /'di ltar mdo sde dkon mchog zab mo 'di/ /sems can kun la bde ba sbyin byed pa/ /sems can rnams la phan dang bde ba'i phyir/ /'dzam bu'i gling 'dir yun ring gnas par 'gyur/ /'di ltar stong gsum gyi ni stong chen gyis/ /'jig rten dag na ngan song sdug bsngal dang / /sems can dmyal ba'i sems can rnams kyi ni/ /bsdugasngal thams cad zhi bar byed pa'o/ /gang dag 'dzam bu'i gling ni 'di na yang / /'dzam bu'i gling gnas rgyal po thams cad kyis/ /rab tu dga' ba chen po bskyed nas ni/ /chos rnaMs kyi ni yul dag bskyang bar gyis/ /ga~M gis 'dzaM bu'i gling 'di bde ba dang / /shin tu lo legs nyaMs kyang dgar 'gyur zhing / /'dzaM bu'i gling ni thaMd dag na yang / /seMn thaMd bde bar 'gyur bar gyis/ /'di ni mi yi dbang po gang rnams ni/ / yul na dga' dang bdag bde dga' ba dang / /rgyal srid rnam par 'byor pa dga' ba des/ /mdo sde'i dbang po 'di ni mnyan par bya/ /pha rol dgra ni yang dag zad byed pa/ /pha rol dgra tshogs zlog pa dge byed pa/ / mchog tu 'jigs pas phongs pa sel byed pa/ /mchog tu dge byed mdo sde'i dbang po 'di'o/ /ji ltar rin chen shing ljon rab mdzes pa/ /yon tan kun 'byung khyim na yod pa ltar/ /rgyal po yon tan 'dod pa rnams kyis kyang / /mdo sde'i dbang po'i mchog 'di de ltar blta/ /ji ltar chu grang skom pa sel byed pa/ /tsha bas nyam thag che na rnyed pa ltar/ /yon tan dag gis skom pa'i rgyal po la/ /mdo sde'i rgyal po'i mchog 'di de bzhin no/ /ji ltar rin chen thams cad 'byung ba'i gnas/ /rin chen snod ni lag mthil yod pa ltar/ /mi yi dbang po'i tshogs la gser 'od mchog /mdo sde'i dbang po'i mchog 'di de bzhin no/ /'di ni lha yi tshogs kyis mngon mchod pa/ /mdo sde 'i dbang po lha dbang phyag byed pa/ /'jig rten bskyong ba rdzu 'phrul chen po la/ /bzhi po dag gis kun tu bsrungs ba yin/ /phyogs bcu dag na sangs rgyas rnams kyis kyang / /mdo sde'i dbang po 'di ni rtag tu dgongs/ / mdo sde'i dbang po 'di ni bshad pa na/ /sangs rgyas rnams kyis legs shes brjod pa byin/ /gnod sbyin bye ba stong phrag brgya rnams kyis/ /phyogs bcu dag tu yul yang bsrung bar byed/ /rab tu dga' zhing rab tu mgu seMs kyis/ /mdo sde'i dbang po 'di ni nyan par byed/ /'dzam bu'i gling na gnas par gyur pa yi/ /lha yi tshogs rnams bsam gyis mi khyab pa/ /lha tshogs de dag kun kyang rab dga' bas/ /mdo sde'i dbang po 'di ni nyan par byed/ / chos rnams mnyan par bya ba 'di yi ni/ /gzi rjid dang ni stob dang brtson 'grus thob/ /gzi rjid chen po yi ni lha yi lus/ /shin tu rgyas shing rnam par 'phel bar 'gyur/ /de nas rgyal po chen po bzhis bcom ldan 'das la tshigs su bcad pa 'di lta bu 'di dag thos pa dang ngo mtshar du gyur rmad du byung bar gyur dga' bar gyur te/ de dag chos kyis shugs kyis yud tsam zhig ngus nas mchi ma phyis te/ de dag lus 'phar yan lag 'dar zhing dga' ba dang bde ba dang yid bde ba bsam gyis mi khyab pa dang ldan par gyur nas kyang bcom ldan 'das la lha'i me tog man dA ra ba dag gis gtor mngon par gtor to/ /gtor mngon par gtor nas kyang stan rnams las langs te gos phrag pa gcig tu bgos nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /btsun pa bcom ldan 'das bdag cag rgyal po chen po bzhi rgyal po chen po re re yang gnod sbyin lnga brgya lnga brgya dang chos smra ba de bsrung ba dang yongs su bskyang ba'i slad du rtag tu dge slong chos smra ba'i slad bzhin 'brang bar bgyi'o/ /gser 'od dam pa mdo sde'i dbang po'i rgyal po las rgyal po chen po bzhi'i le'u zhes bya ste bdun pa'o// // de nas lha mo chen mo dbyangs can gyis gos phrag pa gcig tu bgos te pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ / btsun pa bcom ldan 'das lha mo chen mo dbyangs can bdag gis kyang dge slong chos smra ba de'i tshig brgyan pa'i slad du spobs pa nye bar bsgrub par bgyi/ gzungs kyang stsal bar bgyi/ nges pa'i tshig gi brjod pa kun tu bzhag par bgyi/ dge slong chos smra ba de la ye shes kyi snang ba chen po bgyi/ gser 'od dam pa mdo sde'i dbang po'i rgyal po 'di las tshig gam yi ge gang yang rung ba dag cig yongs su nyams par gyur tam bskyud na bdag gi dge slong chos smra ba de'i nges pa'i sgra dang tshig dang yi ge de dag thams cad bsgrub par bgyi'o/ /ji ltar sangs rgyas bcom ldan 'das brgya stong dag la dge ba'i rtsa ba bskrun pa'i sems can de dag gi don gyi slod du gser 'od dam pa'i mdo sde'i dbang po'i rgyal po 'di 'dzam bu'i gling na yun ring du gnas shing myur du nub par mi 'gyur ba dang / sems can du ma dag gis gser 'od dam pa mdo sde'i dbang po'i rgyal po 'di thos nas shes rab rno ba bsam gyis mi khyab par 'gyur ba dang / shes rab kyi phung po bsam gyis mi khyab pa thob par 'gyur ba dang / tshe 'di la tshe phun sum tshogs pa rab tu thob par 'gyur ba dang / srog la phan gdags pa dang / bsod nams kyi phung po dpag tu ma mchis pa rab tu 'dzin par 'gyur ba dang / thabs sna tshogs rab tu 'tshal bar 'gyur ba dang / bstan bcos thams cad la mkhas par 'gyur ba/ bzo'i bgyi ba sna tshogs phun sum tshogs pa thob par 'gyur ba dang / bskyud pa ma mchis par bgyi ba'i slad du de la gzungs kyang stsal bar bgyi'o/ /dge slong chos smra ba de dang sems can chos nyan pa de dag gi don gyi slad du sngags dang sman dang ldan pa'i khrus kyi las brjod par bgyi/ gza' dang rgyu skar dang skye ba dang 'chi ba'i gnod pa dang 'thab pa dang rnyog pa dang 'khrug long dang khrag khrug dang rmi lam ngan pa dang log 'dren gyi gnod pa thams cad dang byad dang ro langs thams cad rab tu zhi bar 'gyur/ gang gis mkhas pa dang khrus bgyid du stsal ba'i sman dang sngags ni 'di dag ste/ shu dag gi'u wang 'u su dang / /sha mya sha mi shi ri sha /dbang po'i lag dang skal ba che/ /dz+nya ma shing tsha a ga ru/ /shi ri be sta sra rtsi dang / / gu gul ra sa sh+lal ki/ /rdo dreg lo ma rgya spos dang / /tsan dan dang ni ldong ros dang / /gi wang bcas dang ru rta dang / /gur gum gla sgang yungs dkar dang / /sbyi mo sug smel na la da/ /nA ga ge sar u shi ra/ / 'di dag cha ni mnyam bgyis nas/ /skar ma rgyal la btag par bgyi/ /phye ma la ni sngags tshig 'di/ /lan rgya mngon par gdab par bgyi/ /tad ya thA/ su kr-i te kr-i ta ka ma li na la dzi na ka ra te/ ha~M ka rA te/ in+d+ra dza li/ sha kad dre ba shad dre/ a brta ka si ke/ na ku tra ku/ ka bi la ka bi la ma ti/ shI la ma te/ san d+hi d+hu d+hu ma ma ba ti/ shi ri shi ri/ sata t+ya s+thi te swA hA/ gci bas dkyil 'khor bgyis nas ni/ /me tog sil ma dgram par bgyi/ /gser gyi snod dang dngul snod du/ /mngar ba'i khu ba gzhag par bgyi/ /skyes bu go cha bgos pa ni/ /bzhi zhig der yang gzhag par bgyi/ /rab tu brgyan pa'i bu mo bzhi/ / bum pa thogs pa gzhag par bgyi/ /rtag tu gu gul bdug par bgyi/ /sil snyan sna lnga bgyid du stsal/ /gdugs dang rgyal mtshan ba dan gyis/ /lha mo de ni legs par brgyan/ /bar bar dag tu me long gzhag /mda' dang mdung rtse rna brang gzhag /de nas mtsham kyang gcad par bgyi/ /de'i 'og tu dgos pa brtsam/ /sngags kyi las ni 'di dag gis/ /mtshams bcad pa yang brtsam par bgyi/ /s+yad ya the dan/ a ra ke/ na ya ne/ hi li mi le/ gi le/ khi khi le swA hA/ bcom ldan 'das kyi gnam logs su khrus bgyis nas sngags 'di bzlas brjod bgyis na khrus kyi zhi bar sbyor ro/ /t+yad ya thA/ sa ga Te/ bi ga ta bi ti swA hA/ phyogs bzhi dag na gang gnas pa'i/ /rgyu skar dag gis tshe bsrungs shig /bcas pa'i skar ma'i gnod pa dang / /phung po'i las kyi 'jigs 'byung dang / /'byung po'i khams rnams 'khrug bgyid pa/ /'jig pa mi bzad zhi gyur cig /sha me/ bi sha me swA hA/ sa ga Te/ bi ga Te/ swA hA/ su kha ti na te swA hA/ sA ga ra sa~M b+hU tra ya swA hA/ skan d+ha ma tA ya swA hA/ nI la kaN+d+hAya swA hA/ a pa ra dzi ta bI ya swA hA/ hi ma bAd sa~M b+hU tA ya swA hA/ a ni mi la bag trA ya swA hA/ na mo ba ga ba te/ brash+pu Ne/ na maHsa ra swA t+yai de bai d+ya~M tu man tra pad/ da~M brah+ma a nu ma n+ya tu swA hA/ dge slong chos smra ba de bsrung ba dang chos mnyan pa de dag dang / yi ger 'dri ba de dag gi don gyi slad du khrus kyi las 'dis bdag nyid der mchis par bgyi'o/ /lha'i tshogs thams cad dang lhan cig tu grong ngam grong khyer ram grong rdal lam gtsug lag khang der nad thams cad rab tu zhi bar bgyi'o/ /ji ltar dge slong ngam dge slong ma'am dge bsnyen nam dge bsnyen ma mdo sde'i dbang po 'dzin pa de dag gi srog la phan gdags par 'gyur ba dang / 'khor ba las 'byung ba thob par 'gyur ba dang / bla na med pa yang dag par rdzogs pa'i byang chub las phyir mi ldog par 'gyur ba dang / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bar gza' dang 'thab pa dang / rnyog pa dang btsas pa'i skar ma'i gnod pa dang rmi lam ngan pa dang log 'dren gyi gnod pa thams cad dang byad dang ro langs thams cad rab tu zhi bar bgyi'o/ /de nas bcom ldan 'das kyis lha mo dbyangs can la/ lha mo chen mo dbyangs can khyod skye bo mang po la phan pa dang skye bo mang po la bde ba'i phyir zhugs te/ khyod kyis sngags dang sman dang ldan pa'i tshig 'di 'dra ba bshad pa ni legs so legs so zhes bya ba byin no/ /lha mo dbyangs can gyis bcom ldan 'das kyi zhabs la phyag 'tshal nas phyogs gcig tu 'dug go/ de nas slob dpon lung ston pa bram ze kau din+yas lha mo dbyangs can de bkug go/ lha mo chen mo dbyangs can mchod 'os dka' thub che/ /'jig rten kun tu rnam grang mchog sbyin yon tan che/ /rtser gnas mdzes ma dar ba rtswa'i gos bskus pa/ /dar ba rtswa yi gos gyon rkang pa gcig gis gnas/ /lha rnams thams cad lhags nas 'di skad ces smras te/ /sems can rnams la dge ba'i tshig shod lce khrol cig /s+yad ya the dan/ mu re/ tsi re/ a ba dze/ a ba dza ba te/ he gu le/ mi gu le/ pi ga la ba ti/ ma gu she/ ma ri tsi/ sa ma ti/ da sha ma ti/ a gri ma gri/ ta ra/ rtsi ta ra/ tsa pa ti/ tsi tsi ri/ shi ri mi ri/ ma ri tsi/ pra Na ye/ lo kadz+yeSh+the/ lo ka shriSh+tha/ lo ka pri ye/ sid d+hi pri te/ bi ma mu khi shu tsi kha ri/ a pra ti ha te/ a tra te ha ta/ bud d+he/ na mu tsi/ na mu tsi/ ma hA de bI pra ti gr-ih+na na ma ska ran/ bdag gi blo thogs pa med par gyur cig /bstan bcos dang tshigs su bcad pa'i rgyud dang sde snod dang snyan dngags la sogs pa bdag gi rig sngags dngos grub tu gyur cig /tad ya thA/ ma hA pra b+ha ba/ hi li hi li/ mi li mi li/ bcom ldan 'das ma lha mo dbyangs can gyi mthus bdag rnam par rgyu bar gyur cig /ka ra Te ke yU re/ ke yU ra ba ti/ hi li mi li/ hi li mi li/ sangs rgyas kyis bden pa dang chos kyi bden pa dang dge 'dun gyi bden pa dang dbang po'i bden pa dang chu lha'i bden pas lha mo chen mo dgug par bya'o/ /gang dag 'jig rten na bden pa smra ba de dag gi bden pa dang bden pa'i tshigs gis lha mo chen mo dgug par bya'o/ /tad ya thA/ hi li hi li/ hi li mi li/ hi li mi li/ bdag rnam par rgyu bar gyur cig /bcom ldan 'das ma lha mo dbyangs can la phyag 'tshal lo/ /bdag la gsang sngags kyi tshig rnams grub par gyur cig swA hA/ de nas slob dpon lung ston pa bram ze kau da n+yis lha mo chen mo dbyangs can la tshigs su bcad pa 'di dag gis mngon par stod do/ /'byung po'i tshogs rnams thams cad nga la nyan par gyis/ /lha dang dri za lha dbang bcas pa'i 'jig rten na/ /bud med dam pa lha mo mchog gi rab gang yin/ /lha mo dam pa mchog tu mdzes pa'i zhal la bstod/ /yon tan rnam pa sna tshogs bsags pas yan lag brgyan/ /dbyangs can zhes bya spyan ni yang shing bsod nams 'bar/ /dri med ye shes yon tan rnams kyis rnam par rgyas/ / rin chen sna tshogs tha dad lta bu blta ba'i phyir/ /mchog rab ngag gi yon tan khyad par de stod do/ /dam pa mchog gi dngos grub byed pa dang / /yang dag bsngags dang yon tan byed pa dang / /dri med mchog dang pad ma 'bar ba dang / /mig mchog dang ni mig gi dam pa dang / /dge ba'i gnas dang dge ba mthong ba dang / /yon tan bsam du med pas brgyan pa dang / /zla ba 'dra dang dri ma med 'od dang / /ye shes 'byung gnas dran pa dam pa dang / /seng ge mchog dang mi la zhon pa dang / /lag pa brgyad rnams kyis ni brgyan pa dang / /zla ba nya ba lta bur snang ba dang / /yid du 'ong ba'i ngag dang dbyangs snyan dang / /shes rab zab mo dang ni ldan pa dang / /dgos mchog sgrub byed sems can dam pa dang / /lha dang lha min dbang pos mchod pa dang / /lha dang lha min tshogs kun gnas brjod dang / /'byung po'i tshogs kyi gnas rtag mchod pa'i phyir swA hA/ /bdag cag lha mo 'di la phyag bya'o/ /bdag la yon tan khyad par klung stsol cig /dgos pa kun du bdag la dngos grub stsol/ / dgra rnams khrod na bdag la rtag tu bsrungs/ /yi ge rdzogs shing tshig rgyas 'di dag ni/ /nang par langs nas gtsang mar brjod par bya/ /bsam pa dang ni nor 'bru thams cad rnyed/ /dngos grub dge ba rgya chen thob par 'gyur/ / gser 'od dam pa mdo sde'i dbang po'i rgyal po las/ dbyangs can gyi le'u zhes bya ste brgyad pa'o// // de nas bcom ldan 'das la lha mo chen mo dpal gyis 'di skad ces gsol to/ /btsun pa bcom ldan 'das lha mo chen mo dpal de dag gis kyang / ci nas chos smra ba'i dge slong de yo byad thams cad phun sum tshogs par 'gyur ba dang brel phong ma mchis pa thob par 'gyur ba dang seMs brtas par 'gyur ba dang seMs bde bar gdugs mtshan bas bar 'gyur ba dang gser 'od dam pa mdo sde'i dbang po'i rgyal po 'di la tshigs dang yi ge rnam pa tha dad pa dag chub par 'gyur ba dang rnam par rtog par 'gyur ba dang yang dag par brjod par 'gyur ba dang sangs rgyas brgya stong dag la dge ba'i rtsa ba bskrun pa'i sems can de dag gis don gyi slad du/ gser 'od dam pa mdo sde'i dbang po'i brgyal po 'di 'dzam bu'i gling du yun ring du gnas par 'gyur zhing / myur du nub par mi 'gyur ba dang / sems can rnams kyang gser 'od dam pa mdo sde'i dbang po'i rgyal po 'di nyan par 'gyur ba dang / bskal pa bye ba khrag khrig brgya stong phrag du mar lha dang mi'i bde ba myong bar 'gyur ba dang / mu ge ma mchis par 'gyur ba dang lo legs par 'gyur ba dang sems can rnams kyang bde bar sbyar ba thams cad kyis bde bar 'gyur ba dang / de bzhin gshegs pa dang 'grogs par 'gyur ba dang ma 'ongs pa'i dus na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dang / sems can dmyal ba dang dud 'gro'i skye gnas dang gshin rje'i 'jig rten gyi sdug bsngal thams cad shin tu chad par 'gyur ba gang 'di gos dang zas dang mal cha dang na ba'i gsos sman dang yo byad dang 'tshog chas gzhan dag gis kyang dge slong chos smra ba de spro bar bgyi'o/ /de bzhin gshegs pa dgra bcom pa yang dag par rdzogs pa'i sangs rgyas rin chen me tog yon tan rgya mtsho bai dUr+ya dang / gser gyi gi bdog bzang po gser du snang ba'i dpal zhes bya ba de la lha mo chen mo dpal gyis dge ba'i rtsa ba bskyed de/ des da ltar phyogs gang dang gang du sems pa dang / phyogs gang dang gang du lta ba dang phyogs gang dang gang du 'gro ba'i phyogs de dang der sems can bye ba khrag khrig brgya stong phrag du ma dag bde bar sbyar ba thams cad kyis bde bar 'gyur/ zas dang skom dang nor dang 'bru dang mgron bu dang gser dang nor bu dang mu tig dang be+e dUr+ya dang dung dang man shel dang byi ru dang dngul dang sa le sbram dang yo byad gzhan dag gis kyang mi phongs par 'gyur/ sems can de dag yo byad thams cad kyang 'byor par 'gyur ro/ /lha mo chen mo dpal gyi mthus de bzhin gshegs pa de la mchod par bya/ spos dang me tog dang bdug pa yang dbul bar bya/ lha mo che mo dpal gyi ming nas lan gsum brjod cing de la spos dang bdug pa dang me tog yang byin la ro sna tshogs kyang byin na de'i 'bru'i phung po chen po rnam par 'phel bar 'gyur ro/ /de la 'di skad ces bya ste/ sa la sa'i bcud dag rnam par 'phel/ /lha rnams rtag par rab tu dga' bar 'gyur/ /'bras bu lo thog ldum sdong ljon lha rnams/ /lo thog shin du sna tshogs rnams kyang bskyed/ /gser 'od dam pa mdo sde'i dbang po'i rgyal po'i ming brjod pa'i sems can de dag la lha mo chen mo dpal sems par 'gyur de dag la dpal chen por byed par 'gyur ro/ /lha mo chen mo dpal ni lcang lo can gyi pho brang 'khor na bskyed mos tshal dam pa bsod nams kyi me tog 'od ces bya ba na rin po che sna bdun las byas pa'i khang pa dam pa gser gyi rgyal mtshan zhes bya ba na gnas te/ mi gang la la 'bru'i phung po spel bar 'dod pa des rang gi khyim phyag dar leg par bya khrus legs par bya/ gos dkar po gtsang ma bgo bar bya/ gos dri rab tu zhim pa bgo bar bya'o/ /de bzhin gshegs pa dgra bcom pa yang dag par rdzogs pa'i sangs rgyas rin chen me tog yon tan rgya mtsho be+e dUr+ya dang / gser gyi ri kha dog bzang po gser du snang ba'i dpal de la phyag 'tshal zhing mtshan nas kyang lan gsum brjod/ lha mo chen mo dpal gyi lag nas de bzhin gshegs pa la mchod par byed me tog dang bdug pa dang spos kyang dbul/ ro bro ba sna tshogs kyang 'bul/ gser 'od dam pa mdo sde'i dbang po'i rgyal po'i ming yang lan gsum brjod/ bden pa'i tshig kyang brjod lha mo chen mo dpal la yang mchod cing me tog dang bdug pa yang 'bul/ ro bro ba sna tshogs kyang 'bul na gser 'od dam pa mdo sde'i dbang po'i rgyal po 'di'i mthus/ de'i tshe lha mo chen mo dpal khyim de la sems par 'gyur/ de'i 'bru'i phung po chen po yang 'phel bar 'gyur ro/ /lha mo chen mo dpal dgug par 'dod pa des rigs pa'i gsang sngags 'di dag dran par bya'o/ /'das pa dang ma byon pa dang da ltar byung ba'i sangs rgyas thams cad la phyag 'tshal lo/ /sangs rgyas dang byang chub sems dpa' thams cad la phyag 'tshal lo/ /byams pa la sogs pa byang chub sems dpa' rnams la phyag 'tshal lo/ /de dag la phyag 'tshal nas rig pa 'di dag la sbyor bar bya ste/ rig sngags 'di rnams bdag la 'byor bar gyur cig /s+yad ya the dan/ pra te pUr Na bA re/ sa man+ta dar sha ne/ ma hA bi ha ra ga te/ sa man+ta/ be da na ga te/ ma hA kAr+ya pra te pra ba Ne/ satwa ar+tha sa ma ta nu pra pu re/ a yA na d+harma tA ma ha b+ho gi ne/ ma hA mai tre u pa sa~M hi he/ he tai Shi/ sa~M gra hi te te sa mar thA nu pu la ni/ 'di dag ni spyi bo nas dbang bskur ba'i chos nyid kyi gsang bsngags kyi tshig gcig tu de kho na yang dag par sgrub pa mi slu ba'i don gyi tshig ste/ sem can bar ma la spyod pa rnams dge ba'i rtsa ba kha na ma tho ba med pa dag gis lo bdun du 'don cing 'dzin pa dag yan lag brgyad pa'i bsnyen par gnas pa la bsnyen te/ bdag dang seMn kun thaMd mkhyen pa'i ye shes yongs su rdzogs par bya ba'i phyir snga dro dang phyi dro sangs rgyas thaMd la me tog dang spos rnams kyi mchod nas/ des bdag gi bsam pa 'di 'byor par gyur cig /myur du 'byor par gyur cig /gtsug lag khang ngam dgon pa'i gnas kyang rung ste/ khyim de shin tu gtsang mar byas la gci bas dkyil 'khor byas te/ spos dang bdug pa yang dbul bar bya/ stan gtsang ma yang gding bar bya'o/ /sa la me tog sil ma bkram nas bsdad par bya'o/ /de nas skad cig de nyid la dpal 'ongs nas der gnas par 'gyur ro/ /de phyin cad khyim mam grong ngam grong khyer ram grong rdal lam gtsug lag khang ngam dgon pa'i gnas su nam yang brel cing phongs pa med par byed do/ /'gron bu dang gser dang rin po che dang nor dang 'bru dang yo byad thams cad 'byor pa dang bde bar sbyar ba thaMd kyi bde bar 'gyur ro/ /dge ba'i rtsa ba gang dag byed pa de dag thams cad las lha mo chen mo dpal la shas kyi mchog sbyin par bya ste/ des na de ji srid 'tsho'i bar du de na gnas par 'gyur/ 'phang par mi 'gyur/ de dag gi bsam pa thams cad yongs su rdzogs par 'gyur ro/ /gser 'od dam pa mdo sde'i dbang po'i rgyal po las/ lha mo chen mo dpal gyi le'u zhes bya ba ste dgu pa'o// // bcom ldan 'das de bzhin gshegs pa rin chen gtsug tor can la phyag 'tshal lo/ /bcom ldan 'das de bzhin gshegs pa dri ma med par 'bar ba rin chen gser gyi 'od zer snang ba'i tog la phyag 'tshal lo/ /de bzhin gshegs pa 'dzam bu gser gyi rgyal mtshan gser du snang ba la phyag 'tshal lo/ /de bzhin gshegs pa gser du snang ba'i snying po la phyag 'tshal lo/ /de bzhin gshegs pa nyi ma brgya'i 'od zer snang ba'i snying po la phyag 'tshal lo/ /de bzhin gshegs pa gser rin chen 'byung gnas gdugs brtsegs la phyag 'tshal lo/ /de bzhin gshegs pa gser gyi me tog 'bar ba'i 'od zer gyi tog la phyag 'tshal lo/ /de bzhin gshegs pa sgron ma chen mo la phyag 'tshal lo/ /de bzhin gshegs pa rin chen tog la phyag 'tshal lo/ /byang chub sems dpa' mdzes pa'i tog ces bya ba dang byang chub sems dpa' gser 'od dam pa zhes bya ba dang byang chub seMda' gser gyi snying po zhes bya ba dang byang chub sems dpa' rtag tu ngu zhes bya ba dang byang chub sems dpa' chos 'phags zhes bya ba dang / shar phyogs na di bzhin gshegs pa mi 'khrugs pa zhes bya ba dang / lho phyogs na de bzhin gshegs pa rin chen tog ces bya ba dang / nub phyogs na de bzhin gshegs pa tshe dpag med ces bya ba dang / byang phyogs na de bzhin gshegs pa rnga sgra zhes bya ba ste/ su gser 'od dam pa mdo sde'i dbang po'i rgyal po 'di las de bzhin gshegs pa'i mtshan dang / byang chub seMda' ming 'di dag 'dzin tam klog gam khong du chud par byed na de rtag tu tshe rabs dran par 'gyur ro/ /de nas bcom ldan 'das la sa'i lha mo brtan mas 'di skad ces gsol to/ /btsun pa bcom ldan 'das gser 'od dam pa mdo sde'i rgyal po 'di da ltar dang ma 'ongs pa'i dus na grong ngam grong khyer ram grong rdal lam ljongs sam dgon pa'i phyogs sam/ ri'i sman ljongs sam pho brang 'khor gang du gnas par 'gyur bar grong ngam grong khyer ram grong rdal lam ljongs sam dgon pa'i phyogs sam ri'i sman ljongs sam pho brang 'khor der btsun pa bcom ldan 'das sa'i lha mo brtan ma bdag mchi bar bgyi'o/ /bac+doMs gang na gser 'od dam pa mdo sde'i dbang po'i rgyal po 'di rgya cher yang dag par rab tu 'chad par 'gyur ba dang / sa phyogs gang dang gang na dge slong chos smra ba de'i chos kyi khri shom par 'gyur ba dang / gang dang gang du chos smra ba de stan la mchis nas gser 'od dam pa mdo sde'i dbang po'i rgyal po 'di rgya cher yang dag par rab tu ston par 'gyur ba der/ btsun pa bcom ldan 'das sa'i lha mo bstan ma bdag sa phyogs de dang de nyid du mchi bar bgyi/ /lus 'di ma gda' bar chos kyi khri'i 'og logs su mchis te/ yan lag gi dam pa mgos dge slong chos smra ba de'i rkang mthil nas brten par bgyi'o/ /bdag kyang chos mnyan pa dang chos bdud rtsi'i khu ba 'dis tshim par bgyi/ yang dag par rim 'gro bgyi/ yang dag par mchod par bgyi'o/ /bdag tshim par gyur rim 'gro bgyi ba bgyis par gyur rab tu dga' bar gyur nas/ sa'i phung po dpag tshad stong phrag drug bcu rtsa brgyad po 'di nas sa'i gzhi rdo rje la thug pa'i bar du sa'i bcud kyi rnam par 'phel bar bgyi/ yang dag par rim 'gro bgyi ba yongs su rdzogs par bgyi'o/ /steng du yang rgya mtsho'i mtha' la thug pa'i sa'i dkyil 'khor 'di sa'i bcud kyi snum gyis brlan par bgyi'o/ /sa chen po 'di rab tu mdangs dang ldan par bgyi'o/ /des na 'dzam bu'i gling 'dir rtswa dang shing gel pa dang sman dang nags tshal sna tshogs rnams mdangs dang rab tu ldan par 'khrung bar 'gyur/ kun dga'i ra ba dang nag tshal dang shin ljon pa thams cad dang lo ma dang me tog dang 'bras bu dang lo thog rnam pa sna tshogs thams cad kyang rab tu mdangs dang ldan par 'gyur dri dang rab tu ldan pa dang snum dang rab tu ldan pa dang ro zhim por 'gyur ba blta na rab tu sdug pa dang rab tu che bar 'gyur ro/ /sems can de dag kyang btung ba dang bza' ba rnam pa sna tshogs de dag 'tshal nas/ tshe dang stobs dang kha dog dang dbang po rnam par 'phel bar 'gyur ro/ /gzi brjid dang stobs dang kha dog dang gzugs dang ldan par gyur nas kyang sa la mchis pa'i dgos pa rnam pa sna tshogs tha dad pa brgya stong du ma dag bgyid par 'gyur brtson par 'gyur/ 'bad par 'gyur stobs su bgyid pa'i las rnams bgyid par 'gyur ro/ /btsun pa bcom ldan 'das rgyu des 'dzam bu'i gling thams cad zhi ba dang lo legs pa dang rgyas pa dang nyams dga' bar 'gyur/ mi'i skye bo mang pos gang bar 'gyur/ 'dzam bu'i gling gi sems can thams cad bde bar 'gyur/ dga' ba rnam par sna tshogs myong bar 'gyur/ sems can de dag gzi brjid dang stobs dang kha dog dang gzugs dang ldan par 'gyur ro/ /gser 'od dam pa mdo sde'i dbang po'i rgyal po 'di'i slad du dge slong ngam dge slong ma 'am dge bsnyen nam dge bsnyen ma mdo sde'i dbang po 'di 'dzin pa de dag chos kyi stan la mchis pa'i gan du mchi bar 'gyur/ mchis nas kyang seMs rab tu dang bas sems can thams cad kyi don dang phan pa dang bde ba dang gser 'od dam pa mdo sde'i dbang po'i rgyal po 'di rgya cher yang dag par rab tu bshad par bgyi ba'i slad du chos smra ba de dag la gsol ba 'debs par 'gyur ro/ /de ci'i slad du zhe na/ btsun pa bcom ldan 'das gser 'od dam pa mdo sde'i dbang po'i rgyal po 'di rab tu bshad na/ sa'i lha mo brtan ma bdag g.yog dang bcas te/ rab tu mdangs dang ldan pa dang rab tu stobs dang ldan par 'gyur ro/ /bdag cag gi lus la stobs dang brtson 'grus dang mthu chen po bskyed par 'gyur/ bdag cag gi lus la gzi brjid dang dpal dang / phun sums tshogs pa yang 'jug par 'gyur ro/ /btsun pa bcom ldan 'das sa'i lha mo brtan ma bdag chos bdud rtsi'i khu ba 'dis tshim par gyur/ gzi brjid dang stobs dang brtson 'grus dang mthu dang shugs chen po thob par gyur na/ sa chen po'i dpag tshad stong phrag bdun pa'i 'dzam bu'i gling 'dis sa'i bcud chen po rnam par 'phel bar 'gyur/ sa chen po mdang dang rab tu ldan par 'gyur ro/ /btsun pa bcom ldan 'das sa la brten pa'i sems can de dag thams cad kyang 'phel zhing rgyas la yang par 'gyur chen por yang 'gyur ro/ /sa la gnas pa'i sems can de dag chen por gyur nas kyang / longs spyod dang yongs su spyod pa sna tshogs la spyod par 'gyur/ bde ba yang myong bar 'gyur ro/ / de dag thams cad bza' ba dang btung ba dang bca' ba rnam pa sna tshogs dang gos dang mal cha dang gnas dang khang pa dang gzhal med khang dang bskyed mos tshal dang chu bo dang rdzing dang chu mig dang mtshe'u dang mtsho dang lteng kha dang / 'di lta bu'i yo byad bde ba rnam pa sna tshogs sa la gnas pa sa las byung ba sa la brten pa 'di dag la spyod par 'gyur ro/ /btsun pa bcom ldan 'das rgyu des sems can de dag thams cad kyis bdag la byas pa gzo bar bgyi'o/ /gdon mi 'tshal bar gser 'od dam pa mdo sde'i dbang po'i rgyal po 'di bsti stang du bgyis te/ mnyan par bgyi bkur bstir bgyi bla mar bgyi rim gro bgyi mchod par bgyi'o/ /btsun pa bcom ldan 'das gang gi tshe sems can de dag chos smra ba de'i gan du mchi ba'i slad du/ rigs tha dad pa dang khyim tha dad pa dag nas 'byung ste/ mchis nas gser 'od dam pa mdo sde'i dbang po'i rgyal po 'di mnyan par gyur la/ thos nas kyang rang rang gi rigs dang khyim dang grong dang grong rdal tha dad pa dag tu zhugs nas/ rang rang gi khyim na gnas pa dag phan tshun du 'di skad ces bdag cag gis de ring chos mnyan pa zab mo thos so/ /de ring bdag cag gis bsod nams kyi phung po bsam gyis mi khyab pa yongs su bzung ngo / /bdag cag gis chos mnyan pa des/ de bzhin gshegs pa bye ba khrag khrig brgya stong phrag du ma dag mnyen par byas so/ /deng bdag cag chos nyan pa 'dis sems can dmyal ba las yongs su thar to/ /dud 'gro'i skye gnas dang gshin rje'i 'jig rten dang yi dags kyi yul las yongs su thar to/ /deng bdag cag chos nyan pa 'dis ma 'ongs pa'i dus du na/ tshe rab brgya stong phrag du mar lha dang mir skye ba yongs su bzung bar 'gyur ro/ /zhes gtam zer bar 'gyur ro/ /khyim tha dad pa na gnas par 'gyur ba de dag sems can gzhan dag la gser 'od dam pa mdo sde'i dbang po'i rgyal po 'di las tha na dpe gcig brjod dam/ gser 'od dam pa mdo sde'i dbang po'i rgyal po 'di las tha na le'u gcig gam sngon byung ba gcig gam tha na byang chub sems dpa'i ming ngam/ de bzhin gshegs pa'i mtshan gcig gam/ tha na tshig bzhi'i pa'i tshigs su bcad pa gcig gam tshig gcig sems can gzhan dag la thos par bgyid dam/ tha na gser 'od dam pa mdo sde'i dbang po'i rgyal po 'di mtshan gzhan dag la rab tu ston tam/ btsun pa bcom ldan 'das gang dang gang na sems can rnam pa tha dad pa de dag sa phyogs rnam pa tha dad pa dag tu mdo sde'i gtan tshigs rnam pa sna tshogs 'di lta bu 'di dag gcig la gcig brjod dam thos par bgyid dam gtam brgyud brjod na btsun pa bcom ldan 'das sa phyogs de dag thams cad shin tu mdangs dang ldan pa dang shin tu snum par 'gyur ro/ /sa phyogs de dang de dag tu sems can thams cad kyis phyir/ sa'i bcud rnam pa sna tshogs dang yo byad thams cad rgyas par skye bar 'gyur/ rnam par 'phel bar 'gyur/ shin tu rgyas par 'gyur/ sems can de dag thams cad kyang bde bar 'gyur ro/ /nor che ba dang / longs spyod che ba dang / sbyin pa la mos par 'gyur/ dkon mchog gsum la mngon par dad par 'gyur ro/ /de skad ces gsol pa dang / bcom ldan 'das kyis sa'i lha mo brtan ma la 'di skad ces bka' stsal to/ /sa'i lha mo sems can gang la la dag gser 'od dam pa mdo sde'i dbang po'i rgyal po 'di las tha na tshig gcig cig nyan na/ de dag mi'i 'jig rten 'di nas shi 'phos nas sum bcu rtsa gsum pa'i lha'i ris kyi nang du lha'i ris gang yang rung ba zhig tu skye bar 'gyuro/ / sa'i lha mo sems can gang la la dag gser 'od dam pa mdo sde'i dbang po'i rgyal po 'di la mchod pa'i phyir/ gnas de dag legs par brgyan par byed dam tha na gdugs gcig gam ba dan gcig gam/ ras bcos bu gcig gi g.yogs na sa'i lha mo rtag tu brgyan pa'i gnas de dag 'dod pa na spyod pa'i lha'i ris bdun po de dag tu lha'i rin po che sna bdun gyi gzhal med khang rgyan thams cad kyis legs par brgyan pa dag tu gnas par 'gyur ro/ /gang gi tshe sems can de dag mi'i 'jig rten 'di nas shi 'phos te/ rin po che sna bdun gyi gzhal med khang de dag tu skye ba de'i tshe/ sa'i lha mo rin po che sna bdun gyi gzhal med khang re rer yang lan bdun bdun skye bar 'gyur ro/ /lha'i bde ba bsam gyis mi khyab pa yang myong bar 'gyur ro/ /de skad ces bka' stsal pa dang / bcom ldan 'das la sa'i lha mo brtan mas 'di skad ces gsol to/ /btsun pa bcom ldan 'das des na/ sa'i lha mo brtan ma bdag dge slong chos smra ba chos kyi stan la mchis pa de'i chos kyi stan gyi logs kyi sa phyogs de dang de dag tu gnas par bgyi'o/ /ci nas kyang sangs rgyas brgya stong dag la dge ba'i rtsa ba bskrun pa'i sems can de dag gis don gyi slad du gser 'od dam pa mdo sde'i dbang po'i rgyal po 'di 'dzam bu'i gling du yun ring du gnas shing / myur du nub par mi 'gyur ba dang / sems can rnam kyang gser 'od dam pa mdo sde'i dbang po'i rgyal po 'di nyan par 'gyur ba dang / ma 'ongs pa'i dus na bskal pa bye ba khrag khrig brgya stong phrag du mar lha dang mi'i bde ba bsam gyi mi khyab pa myong bar 'gyur ba dang / de bzhin gshegs pa dang 'grogs par 'gyur ba dang ma 'ongs pa'i dus na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dang / sems can dmyal ba dang dud 'gro'i skye gnas dang gshin rje'i 'jig rten gyi sdug bsngal thams cad shin du chad par 'gyur bar lus mi gda' bar bgyis te/ dge slong chos smra ba de'i rkang pa la yan lag gi dam pa mgos brten par bgyi'o/ /gser 'od dam pa mdo sde'i dbang po'i rgyal po las/ sa'i lha mo brtan ma'i le'u zhes bya ba ste bcu pa'o// // de nas gnod sbyin gyi sde dpon chen po yang dag shes gnod sbyin gyi sde dpon chen po nyi shu rtsa brgyad dang lhan cig tu stan las langs te/ gos phrag pa gcig tu bgos nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /btsun pa bcom ldan 'das da ltar dang ma 'ongs pa'i dus na/ gser 'od dam pa mdo sde'i dbang po'i rgyal po 'di grong ngam grong khyer ram grong rdal lam ljon sam dgon pa'i phyogs sam ri'i sman ljongs sam pho brang 'khor gang du 'byung bar 'gyur ba der btsun pa bcom ldan 'das gnod sbyin gyi sde dpon chen po yang dag shes bdag gnod sbyin gyi sde dpon chen po nyi shu rtsa brgyad po de dag dang lhan cig tu grong ngam grong khyer ram grong rdal lam ljongs sam dgon pa'i phyogs sam ri'i sman ljong sam pho brang 'khor der mchi bar bgyi'o/ /lus mi gda' bar bgyi ste dge slong chos smra ba de bsrung bar bgyi'o/ /yongs su bskyab pa dang yongs su gzung ba dang yongs su bskyang ba dang / chad pa spang ba dang / zhi ba dang bde legs su 'gyur bar bgyi'o/ /skyes pa 'am bud med dam khye'u 'am bu mo chos nyan pa de dag thams cad dang gang su dag gser 'od dam pa mdo sde'i dbang po'i rgyal po 'di las tha na tshig bzhi pa'i tshigs su bcad pa gcig nyan pa dang tha na tshig gcig dang tha na gser 'od dam pa mdo sde'i dbang po'i rgyal po 'di las byang chub sems dpa'i ming gcig gam/ de bzhin gshegs pa'i mtshan gcig thos par gyur te/ gzung ba dang tha na gser 'od dam pa mdo sde'i dbang po'i rgyal po 'di'i ming thos par 'gyur te/ gzung ba de dag thams cad kun tu bsrung bar bgyi'o/ /yongs su bskyab pa dang yongs su bzungs ba dang yongs su bskyang ba dang chad pa spang ba dang zhi ba dang bde legs su 'gyur bar bgyi'o/ /rigs de dag dang khyim de dag dang grong de dag dang grong khyer de dag dang grong rdal de dag dang dgon pa de dag dang / pho brang 'khor de dag kyang kun tu bsrung bar bgyi'o/ /yongs su bskyab pa dang yongs su bzung ba dang yongs su bskyang ba dang / chad pa spang ba dang zhi ba dang bde legs su 'gyur bar bgyi'o/ /btsun pa bcom ldan 'das rgyu gang dag gis/ bdag gnod sbyin gyi sde dpon chen po yang dag shes zhes ming du chags par gyur ce na/ 'di ni btsun pa bcom ldan 'das nyid kyi mngon sum mo/ /btsun pa bcom ldan 'das bdag gis chos thams cad 'tshal to/ / chos thams cad yongs su 'tshal to/ /chos thams cad khong du chud do/ /chos thams cad ji snyed pa dang chos thams cad ji lta ba dang gnas pa gang lags pa dang chos thams cad kyi rigs gang lags pa dang / btsun pa bcom ldan 'das chos thams cad bdag la mngon sum mo/ /btsun pa bac+doMs chos thams cad la bdag gi ye shes snang ba bsaM gyis mi khyab bo/ /ye shes kyi gsal ba bsaM gyis mi khyab bo/ /ye shes kyi rgyu ba bsaM gyis mi khyab bo/ /ye shes kyi phung po bsam gyis mi khyab bo/ /btsun pa bcom ldan 'das chos thams cad la bdag gi ye shes kyi yul 'jug pa bsam gyis mi khyab bo/ /btsun pa bcom ldan 'das ji ltar bdag chos thaMd yang dag par 'tshal ba dang yang dag par yongs su brtags pa dang yang dag par yongs su 'tshal ba dang yang dag par rnam par bltas pa dang yang dag par khong du chud pa'i rgyu des na/ btsun pa bcom ldan 'das bdag gnod sbyin gyi sde dpon chen po yang dag shes zhes ming du chags so/ /btsun pa bcom ldan 'das bdag gi dge slong chos smra ba de'i tshig brgyan par bgyi ba'i slad du spob pa nye bar bsgrub par bgyi'o/ /ji ltar chos smra ba de lus mi ngal bar 'gyur ba dang lus kyi dbang po bde bar 'gyur ba dang rab tu dga' ba skye bar 'gyur ba dang gang gi slad du sangs rgyas brgya stong dag la dge ba'i rtsa ba bskrun pa'i seMn rnams kyi don gyi slad du/ gser 'od dam pa mdo sde'i dbang po'i rgyal po 'di 'dzam bu'i gling du yun ring du gnas shing myur du nub par mi 'gyur ba dang / sems can rnams kyang gser 'od dam pa mdo sde'i dbang po'i rgyal po 'di nyan par 'gyur ba dang ye shes kyi phung po bsam gyis mi khyab pa thob par 'gyur ba dang / shes rab dang ldan par 'gyur ba dang / bsod nams kyi phung po rab tu 'dzin par 'gyur ba dang / ma 'ongs pa'i dus na bskal pa bye ba khrag khrig brgya stong phrag dus mar lha dang mi'i bde ba bsam gyis mi khyab pa myong bar 'gyur ba dang / de bzhin gshegs pa dang 'grogs par 'gyur ba dang / ma 'ongs pa'i dus na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dang / sems can dmyal ba dang dud 'gro'i skye gnas dang gshin rje'i 'jig rten gyi sdug bsngal thams cad shin tu chad par 'gyur bar de'i spu'i bu ga rnams su mdangs stsal bar bgyi'o/ /de'i lus la mthu dang stobs dang brtson 'grus chen po bskyed par bgyi'o/ /de'i ye shes kyi snang ba bsam gyis mi khyab par bgyi'o/ /de'i dran pa khong du chud par bgyi'o/ /de cher spro bar bgyi'o/ /gser 'od dam pa mdo sde'i dbang po'i rgyal po las/ yang dag shes kyi le'u zhes bya ba ste bcu gcig pa'o// // 'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo bam po bzhi pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen me tog yon tan rgya mtsho bai dUr+ya dang gser gyi ri kha dog bzang po gser du snang ba'i dpal de la phyag 'tshal lo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan bye ba khrag khrig brgya stong phrag du mas sku legs par brgyan pa/ gang chos kyi sgron ma 'di 'bar bar mdzad pa shAkya thub pa de la phyag 'tshal lo/ /lha mo chen mo dpal yon tan gyi 'bru dang bkra shis pa dpag tu med pa phun sum tshogs pa de la phyag 'tshal lo/ /lha mo chen mo dbyangs can shes rab kyi yon tan dpag tu med pa 'dus pa de la phyag 'tshal lo/ / yang de'i tshe de'i dus na rgyal po stobs kyi dbang po'i tog gis bu rgyal po mdzes pa'i tog dbang bskur nas ring por ma lon pa rgyal srid gsar du gnas pa la 'di skad ces smras so/ /bu gang ngas sngon dbang bskur nas ring por ma lon pa zhig na/ yab mchog gi dbang po'i tog las blangs pa rgyal po'i bstan bcos lha'i dbang po'i dam tshig ces bya ba zhig yod de/ ngas rgyal po'i bstan bcos lha'i dbang po'i dam tshig des/ lo nyi khri 'i bar du rgyal po nyid byas par gyur te/ tha na sems kyi skad cig gcig tsam gyi tshod kyang sngon chos ma yin pas phyogs 'ga' zhig la gnas par ma shes so bu rgyal po'i bstan bcos lha'i dbang po'i dam tshig ces bya ba de gang zhe na/ des na rigs kyi lha mo de'i tshe de'i dus na rgyal po stobs kyi dbang po'i tog gis bu rgyal po mdzes pa'i tog la rgyal po'i stan bcos lha'i dbang po'i dam tshig ces bya ba'i tshigs su bcad pa 'di dag gis rgya cher yang dag par rab tu bstan to/ /sems can kun la phan byed pa/ /the tshom thams cad gcod pa po/ /nyes byas thams cad 'jig byed pa/ /rgyal po'i bstan bcos bshad par bya/ /rgyal po thams cad so so nas/ /dga' ba'i sems su 'gyur byos la/ /lha yi dbang po'i dam tshig kun/ /thal mo sbyar te mnyan par byos/ /rdo rje'i 'byung gnas ri dbang 'dir/ /lha yi dbang po 'dus pa na/ /tshangs dbang la ni dri ba'i phyir/ /'jig rten skyong ba rnams kyang langs/ / khyod ni lha gtso tshangs pa ste/ /khyod ni lha rnaMs dbang phyug lags/ /khyod ni bdag cag the tshom gcod/ /bdag cag dogs pa gcad du gsol/ /mir skyes pa'i rgyal po la/ /ji lta bur na lha zhes bgyi/ /gang gi rgyus na rgyal po la/ /lha sras zhes ni bgyi bar 'gyur/ /gal te lha ni ji lta bur/ /mi yi 'jig rten 'dir skye zhing / /mi bdag gyur te mi rnams la/ /rgyal po nyid ni bgyid par 'gyur/ /'jig rten skyong bas tshangs dbang dang / /de skad yongs su dris pa dang / /lha'i gtso bo tshangs pa des/ /'jig rten skyong la 'di skad smras/ /de ltar 'jig rten skyong rnams kyis/ /da ltar bdag la dris pas na/ /sems can kun la phan pa'i phyir/ /bstan bcos dam pa kho bos bstan/ /mi yi gnas su skye pa'i/ /rgyal po rnams kyi skye ba dang / /rgyu gang gi na yul rnams su/ /rgyal por 'gyur ba bshad par bya/ /lha dbang rnams gyis byin rlabs kyis/ /ma'i rum du 'jug 'gyur te/ / lha'i sngar ni byin brlab nas/ /phyi nas mngal du 'jug par 'gyur/ /mi'i 'jig rten skyes kyang ni/ /mi'i dbang por gyur pa yin/ /lha las skyes par gyur pas na/ /de ni lha'i sras zhes bya/ /khyod ni lha kun bu yin zhes/ /sum bcu rtsa gsum lha dbang gis/ /rgyal po'i skal ba byin nas ni/ /mi rnams kyi ni dbang por sprul/ /nyes pa byas pa rnam 'gog pa/ /chos ma yin pa gzhig pa dang / /sems can legs byed dgod pa dang / /lha yi gnas su dgye ba'i phyir/ /mi yi dbang po mi shes dang / /lha'i shas dang dri yi shas/ /gdol pa'i shas dang srin shas kyis/ /nyes par byed pa zlog par byed/ / legs par bya ba byed rnams la/ /mi yi dbang po pha ma'i shas/ /rnam smin 'bras bu bstan pa'i phyir/ /lha'i rgyal po byin gyis brlabs/ /tshe 'di'i legs par byas pa dang / /nyes par byed pa'i las rnams kyi/ /rnam smin 'bras bu bstan pa'i phyir/ /lha yi rgyal po byin gyis brlabs/ /yul na nyes byed gnas pa dag /gang tshe rgyal pos yal bor zhing / /sdig pa can gyi skye bo la/ /'thun pa'i chad pas mi gcod cing / /nyes par byas pa yal bor ba/ /de tshe chos min shin tu 'phel/ /thab mo dang ni g.yo rnams kyang / /yul 'khor de ni phyir phyir 'byung / /sum bcu rtsa gsum khang pa na/ /lha yi dbang po 'khrug par 'gyur/ /yul na nyes byed gnas pa dag /gang tshe rgyal pos yul bor ba/ /de tshe g.yo ni mi bzad pa/ /drag po rnams kyis yul 'jom 'gyur/ /pha rol dmag tshog lhag nas su/ /yul 'khor de ni rnam par 'jig /longs spyod rnam dang rigs kyang 'jig /gang gis nor bsags yod pa yang / /g.yo byed rnam pa mang po yis/ /phan tshun du ni 'phrog par 'gyur/ /bya ba gang gis rgyal po nyid/ /bya ba de ni mi byed na/ /glang chen dbang pos brdzing bu bzhin/ /rang gi yul 'khor rnam par 'jig /ma rungs pa'i rlung ldang zhing / /ma rungs pa'i char pa 'bab/ /nyi ma dang ni zla ba dang / /gza' dang rgyu skar ma rungs 'byung / /rgyal pos yal bar bor na der/ /sa bon lo thog me tog 'bras/ /legs par smin par mi 'gyur zhing / /mu ge dag kyang 'byung bar 'gyur/ /yul na nyes byed gnas pa dag /gang tshe rgyal pos yal bor ba/ /de tshe lha rnam khang pa na/ /yid ni dga' bar mi 'gyur ro/ /lha rgyal dbang pos de dag kun/ /rgyal 'di chos dang mi ldan te/ /chos min phyogs la gnas pa zhes/ /phan tshun du ni smra bar gyur/ /rgyal 'dis rings por mi thog par/ /lha rnams 'khrug par byed par 'gyur/ /lha rnams rab tu 'khrugs pas na/ /de yi yul ni rnam par 'jig /yul du chos min 'byung 'gyur zhing / /mtshon chas kyang ni 'jig par 'gyur/ /g.yo rnams dang ni 'thab mo dang / /nad kyang kun tu 'byung bar 'gyur/ /lha yi dbang po rab khros zhing / /lha rnam kyis kyang yal bar 'dor/ /yul 'khor de ni 'jig par 'gyur/ / rgyal po de ni mya ngan rnyed/ /spun nam yang na bu yang rung / /sdug pa rnam dang bral bar 'gyur/ /sdug pas chung ma dang yang bral/ /yang na bu mo 'chi bar 'gyur/ /skar mda' dag kyang ltung bar 'gyur/ /de bzhin nyi ma 'dra ba 'byung / /pha rol gyis ni dmags tshogs dang / /mu ge shin tu 'byung bar 'gyur/ /de yi blon po phang pa dang / /glang po phangs pa 'chi bar 'gyur/ /de yi 'og tu rnga mo ni/ /phangs pa dag kyang 'chi bar 'gyur/ /khyim dang longs spyod nor rnam kyang / /phan tshun du ni 'khrog par 'gyur/ /yul yul du ni mtshon cha yis/ /phan tshun dag tu 'debs par 'gyur/ /thab mo dag dang brtsod dang g.yo/ / yul rnam su ni 'byung bar 'gyur/ /yul 'khor du ni gdon 'jug cing / /mi bzad pa'i nad kyang 'byung / /de yi 'og tu sbyin gnas kyang / /chos dang ldan pa ma yin 'gyur/ /de yi 'khor dang blon po yang / / chos dang ldan pa ma yin 'gyur/ /chos dang mi ldan skye bo la/ /de yi 'og tu mchod byed 'gyur/ /chos dang ldan pa'i sems can la/ /rtag tu chad pas gcod par 'gyur/ /chos dang mi ldan skye bo bkur/ / chos ldan chad pas bcod pas na/ /der ni chu dang rgyu skar rlung / /rnam gsum rnam par 'khrug par 'gyur/ /chos min skye bo bzung bas na/ /dam chos ro yi snying po mdangs/ /sems can mdang dang sa yi bcud/ / dngos po rnam gsum rnam par 'jig /skye bo ngan pa rab bkur cing / /skye bo dam pa smad pas na/ /'chi dang lce 'bab mu ge dang / /rnam pa gsum ni der 'byung 'gyur/ /'bras bu lo thog ro dang mdang / /de yi 'og tu med par 'gyur/ /sems can nad pa mang po dag /yul rnam su ni 'byung bar 'gyur/ /mngar zhing che ba'i 'bras bu dag /yul rnam na ni yod pa yang / /kha ba dang ni tsha ba dang / /chung ba dag ni nyid du 'gyur/ /rtse dang rgod dang dga' ba dang / /sngan chad dga' ba'i dngos po dag /dga' ba'i nyams ni mi dgar 'gyur/ /nyon mongs rgya yi rnam par 'khrugs/ /lo thog rnam dang 'bras bu yi/ /snum dngos khu ba zad pas na/ /lus dang khams dang dbang po la/ /de ltar tshim par mi 'gyur ro/ /sems can rnam ni mdog ngan zhing / /mthu 'chung shin tu ring par 'gyur/ /kha zas mang po zos kyang ni/ /tshim par 'gyur ba ma yin no/ /stobs dang mthu dang brtson 'grus dang / /de yi 'og tu med par 'gyur/ /sems can brtson 'grus nyams pa dag /yul rnam su ni 'byung bar 'gyur/ /sna tshogs nad kyis gzir ba'i/ /sems can nad mang 'byung bar 'gyur/ /srin po sna tshog las gyur pa'i/ /gza' dang rgyu skar 'byung bar 'gyur/ /chos min phyogs la rab gnas te/ /rgyal po chos dang mi ldan pas/ /'jig rten gsum gyi dkyil 'khor na/ /khams gsum rnam par 'jig par 'gyur/ /gang tshe rgyal po phyogs gnas te/ /nyes byed yal bar 'dor ba'i tshe/ /'di 'dra'i nyes pa du ma dag /yul rnams su ni 'byung bar 'gyur/ /dgos pa gang phyir lha dbang gis/ /rgyal po byin gyis brlabs pa yi/ /rgyal po nyid ni mi byed cing / /nyes byed yal bar 'dor na ni/ /leg par byas pas sems can rnams/ /lha yi gnas su lhar yang skye/ /nyes par byas pas yi dags dang / /sems can dmyal dang dud 'gror skye/ /gang tshe rgyal po yul rnams na/ /nyes byed yal bar 'dor ba'i tshe/ /sum bcu rtsa gsum lha gnas nas/ /nyes pa byas pas ltung bar 'gyur/ /rgyal po nyid ni mi byed na/ /de ni bu yang ma yin la/ /lha yi rgyal po pha rnam kyis/ /gnas la nyes dang bcas par 'gyur/ /g.yo ni shin tu mi bzad pas/ /gang tshe yul 'khor 'jig 'gyur ba/ /de phyir lha'i dbang po yi/ /mi gnas rgyal po byin gyis brlabs/ /nyes pa byas zhi bya ba'i phyir/ /legs par byed la 'dzud pa ste/ /tshe 'di la ni sems can la/ /rnam smin bskyed pa rgyal po yin/ /legs byas dang ni nyes byas kyi/ /las kyi rnam par smin pa'i 'bras/ /rnam pa tha dad pa bstan pa'i phyir/ /byed pa gang yin rgyal por brjod/ /bdag gis don dang gzhan don dang / /yul gyi chos kyi don gyi phyir/ /lha tshogs rnam kyi byin gyis brlabs/ /lha rnam dag kyang rjes yi rang / /yul 'khor rnams na skye bo ni/ /sdig can g.yon can 'dul ba dang / /yul gyi chos kyi don gyi phyir/ /srog dang rgyal srid rnam kyang btang / /chos ma yin pas bzod byed cing / /shes bzhin yal bar 'dor ba ni/ /yul na 'jig pa mi bzad pa/ /de 'dra gzhan ni yod ma yin/ /ji ltar g.yo rnams byung ba la/ /g.yo byed chad pas ma gcad na/ /yul du shin tu mi bzad pa'i/ /g.yo rnam phyir zhing 'byung bar 'gyur/ /glang chen rnam kyi rdzing chen bzhin/ /yul 'khor de ni rnam par 'jig /lha dbang rnam kyang khro bar 'gyur/ /lha yi gnas ni rnam par 'jig /yul du dngos po thams cad ni/ /ma rung bar yang 'gyur bas na/ /de phyir sdig pa byed pa rnams/ /nyes pa'i rim bzhin gdul bar bya/ /chos kyis yul 'khor bskyang bar bya/ /chos ma yin pa spyad mi bya/ /srog kyang yongs su gtang bya zhing / /nye mkhon bya bar mi bya'o/ /skye bo gnyen dang skye bo gzhan/ /yul 'khor skye bo thams cad la/ /rgyal pos phyogs kyang cig bya'i/ /phyogs su lhung bar gyur ta re/ /rgyal po chos dang ldan pa'i/ /grags pa 'jig rten gsum gang ste/ /sum bcu gsum gyi gnas rnams na/ /lha yi dbang po dgar 'gyur te/ /'dzam bu'i gling na nged kyi bu/ /'di ltar chos ldan rgyal po yin/ /chos kyi yul 'khor der stan nas/ /legs par byed la skye bo bkod/ /rgyal po de ni legs byed pas/ /skye bo dag ni 'dir 'gyed de/ /lha dang lha'i bu rnam kyis/ /lha gnas gang bar byed snyam mo/ /chos kyi yul 'khor der bstan pas/ /rgyal po rnams ni rab tu dga'/ /lha dbang rab tu dang gyur pas/ /mi yi rgyal po de la bsrung / /nyi zla dang ni de bzhin du/ /rgyu skar legs par rgyu bar 'gyur/ /rlung yang dusu ldang 'gyur zhing / /char pa 'ang dus su 'bab par 'gyur/ /lha gnas rnams dang de bzhin du/ /yul 'khor rnam su lo legs byed/ /lha dang lha'i bu rnam kyis/ /lha'i gnas rnams gang bar byed/ /de lta bas na rgyal po yi/ /bdag gis phangs pa'i srog btang gis/ /bdag gis 'jig rten bder 'gyur ba/ /dkon mchog chos ni mi btang ste/ /yon tan rnam kyi gang brgyan pa/ /chos dang ldan pas bsten par bya/ /rang gis skye bo rtag dka' ba/ /rtag tu sdig pa rnam par spang / /chos kyis yul 'khor bskyang bar bya/ /chos kyang yang dag bstan par bya/ /legs par byed la sems can dgod/ /nyes byed las ni bzlog par bya/ /gang tshe sdig pa byed pa rnams/ /tshul bzhin 'dul bar byed pa'i tshe/ /yul 'khor du ni lo legs shing / /rgyal po gzi brjid ldan par 'gyur/ /rgyal po grags dang ldan 'gyur zhing / /skye dgu rnams kyang bde bar skyong / /gser 'od dam pa mdo sde'i dbang po'i rgyal po las rgyal po'i bstan bcos lha'i dbang po'i dam tshigs ces bya ba'i le'u ste bcu gnyis pa'o// // gang tshe 'khor los sgyur ba'i rgyal por gyur/ /de tshe rgya mtshor bcas pa'i sa rnams btang / /gling bzhi rin chen gang bar bcas pa yang / / sngon gyis rgyal ba dag la ngas phul lo/ /chos kyi sku de yongs su btsal ba'i phyir/ /gang sngon yid du 'ong zhing phang pa'i/ /dngos po de dag ngas ni ma btang med/ /bskal pa du mar phang pa'i srog kyang btang / /ji ltar sngon gyi skal pa bsam yas na/ /rin chen gtsug tor can gyi bde bar gshegs/ /mya ngan 'das pa'i bde bar gshegs pa'i de'i/ /bstan la legs byung zhes pa'i rgyal po byung / /de ni gling bzhi'i dbang po 'khor los sgyur/ /rgya mtshor thug pa'i sa la rab tu ston/ /rgyal dbang gsung phyir rgyal po'i pho brang na/ /de tshe rgyal po dam pa gnyis kyis log /rmi lam du ni sangs rgyas yon tan thos/ /chos smra rin chen sog pa gnyid dkyil na/ /rnam par lha nger mdo sde'i dbang po 'di/ / rab tu 'chad cing 'dug pa mthong bar gyur/ /rgyal po de ni gnyid kyi log lam sad/ /de'i lus kun dga' bas khyab par gyur/ /mgu nas rgyal po'i khab nas mngon byung ste/ /nyan thos dge 'dun mchog gi gnas su song / / rgyal ba'i nyan thos rnams la mchod byed cing / /'phags pa'i dge 'dun 'di ni rin chen sog /yon tan ldan pa'i dge slong gang yod ces/ /chos smra rin chen sogs pa kun tu dris/ /de yi tshe na rin chen sog pa ni/ /phug gzhan zhig gi nang na 'dug gyur te/ /mdo sde'i rgyal po 'di ni rnam sems la/ /kha ton byed cing bde bar rab tu 'dug /dge slong chos smra rin chen sog pa de/ /phun sum gzi brjid dpal gyi rab 'bar zhing / /phug gzhan zhig gis nang na 'dug gyur pa/ /de'i tshe na rgyal po de la bstan/ /'di na chos smra rin chen sog pa 'di/ /rgyal po'i spyod yul zab mo 'dzin pa ste/ /gser 'od dam pa zhes ni bya ba yi/ /mdo sde'i dbang po'i rgyal po rtag tu ston/ /rin chen sog pa'i rkang la phyag 'tshal te/ /rgyal po leg par byung bas 'di skad smras/ /gser 'od dam pa mdo sde'i dbang po'i rgyal/ /zla ba nya ba'i zhal 'dra bshad du gsol/ /rgyal po leg par 'byung ba de nyid la/ /rin chen sog pas khas ni blangs pas na/ /stong gsum pa'i 'jig rten tham cad du/ /lha rnams tham cad rab tu dga' bar 'gyur/ /de tshe mi'i dbang pos sa phyogs ni/ /gtsang zhing mchog tu khyad par 'phags pa der/ /rin chen chu dang spos chus chag chag btab/ /me tog sil ma bkram ste khri bshams nas/ /rgyal po khri de gdug dang rgyal mtshan dang / /dar yug stong phrag du mas leg par brgyan/ /rgyal po khri de tsan dan dam pa dag /rnam pa sna tshog dag kyang mngon par gtor/ /lha dang klu dang lha min mi 'am ci/ / gnod sbyin dbang dang gnod sbyin lto 'phye ches/ /lha'i me tog man dA ra ba'i char/ /khri de la ni mngon par rab tu phab/ /chos 'dod lha ni bye ba khrag khrig stong / /bsam gyis mi khyab gang dag lhag gyur pa/ /rin chen sog pa mngon par byung ba na/ / sa la'i me tog dag gis mngon par 'thor/ /chos smra rin chen sog pa de nyid kyang / /shin tu lus bkrus gtsang ma'i gos bgos te/ /khri der nye bar song ba byas nas ni/ /thal mo sbyar ba byas te phyag kyang 'tshal/ /lha dbang dang ni lha dang lha mo rnams/ /bar snang 'dug nas me tog man dA ra'i/ /char pa 'bebs shing sil snyan brgya stong phrag /bsam gyi mi khyab pa dag rab tu sgrogs/ /rin chen sog pa dge slong chos smra des/ /phyogs bcu dag gi sangs rgyas bye ba stong / / bsam gyis mi khyab pa dag dran byas nas/ /de ni mngon par 'dzeg te 'dug par gyur/ /sems can kun la snying brtse bskyed nas ni/ /snying rje'i sems kyang yang dag bskyed byas te/ /rgyal po legs par byung ba de la ni/ /de tshe na mdo sde 'di bstan te/ /rgyal pos thal mo sbyar byas btud nas su/ /tshig gcig gis ni rjes su yi rang ste/ /chos kyi shug kyis mig nas mchi ma phyung / /de'i lus ni dga' bas khyab par gyur/ /mdo sde 'di la mchod pa bya ba'i phyir/ /de tshe rgyal po leg par byung ba'i/ /yid bzhin nor bu rin chen rgyal po blangs/ /sems can rnams phyir smon lam btab pa ni/ /rin chen bdun dang ldan pa'i rgyan rnam dang / /gang yang 'dzam bu'i gling 'dir sems can rnams/ /bde bar 'gyur ba'i nor ni chen po yi/ /char pa de ring 'dzam bu'i gling du phob/ /de'i tshe na rin chen sna bdun dang / /dpung rgyan dang ni do shal rna cha mchog /de bzhin zas dang skom dang gos rnam kyang / /gling bzhi dag tu rab tu 'bab par gyur/ /rgyal po legs par byung bas 'dzam gling du/ /rin chen char pa 'bab pa de mthong nas/ /gling bzhi rin chen gang bar bcas pa ni/ /rin chen gtsug tor can gyi stan la phul/ /de bzhin gshegs pa shAkya thub pa nga / /rgyal po legs par byung zhes bya bar gyur/ /gling bzhi dag ni rin chen gang bcas kyi/ /sa 'di de tshe nga yis yongs su btang / /gang gis rgyal po legs par byung de la/ /de tshe mdo sde 'di ni rab bstan pa/ /rin chen bsog pa chos smra'i dge slong de/ /de bzhin gshegs pa mi khrugs der gyur to/ /ngas gang de tshe mdo sde 'di thos shing / /tshig cig gis ni rjes su yi rang ste/ /nga ni dge ba'i las ni de nyid dang / /chos nyan pa dang rjes su yi rang bas/ /gser gyi mdog dang bsod nams brgya yi mtshan/ /blta na sdug cing mig tu mngon mdzes la/ /lha stong bye ba rab tu dga' byed pa/ /skye bos mthong na dga' lus brtag tu thob/ /bskal pa dag ni bye ba brgya stong phrag /dgu bcu rtsa dgur 'khor los sgyur rgyal gyur/ /bskal pa brgya stong du ma mang por yang / /ngas ni khams kyi rgyal po myong bar gyur/ /bskal pa bsam gyis mi khyab brgya byin gyur/ /tshangs pa'i dbang po yid bzhin de bzhin no/ /gang dag tshad ni nam yang yod min pa'i/ /stobs bcu dpag med ngas ni bsnyes par byas/ /ngas gang mdo thos rjes su yi rang ba/ /bsod nams phung po de ltar tshad med mang / /bsam pa ji bzhin ngas ni byang chub thob/ /chos sku dam pa yang ni ngas thob bo/ /gser 'od dam pa mdo sde'i dbang po'i rgyal po las leg par byung ba'i le'u zhes bya ba ste bcu gsum pa'o// // dpal ldan lha mo rigs kyi bu 'am rigs kyi bu mo gang la la zhig /'das pa dang ma 'ong pa dang da ltar byung ba'i sangs rgyas bcom ldan 'das rnam la yo byad thams cad kyi mchod pa chen po shin tu rgyal shing rgya che ba bsam gyi mi khyab pa byed par 'dod bcing / 'das pa dang ma 'ong pa dang da ltar byung ba'i sangs rgyas bcom ldan 'das rnam kyi sangs rgyas kyi spyod yul zab mo yongs su shes par 'dod pa des gtsug lag khang ngam dgon pa'i phyog kyang rung ste/ gang na gser 'od dam pa mdo sde'i dbang po'i rgyal po 'di rgya char yang dag par rab tu ston pa'i phyogs der/ des gdon mi za bar g.yeng ba med pa'i sems kyi rna blag te gser 'od dam pa mdo sde'i dbang po'i rgyal po 'di mnyan par bya'o/ /de nas bcom ldan 'das kyi don 'di nyid 'khor la rgya char brjod pa'i phyir/ de'i tshe tshigs su bcad pa 'di dag gsungs so/ / gang zhig sangs rgyas thams cad la/ /bsam byas mchod pa byed 'dod cing / /sangs rgyas kun gyi spyod yul ba/ /zab mo rab tu shes 'dod pas/ /gtsug lag khang ngam gnas khang ngam/ /gang na gser 'od dam pa'i/ /mdo sde dam pa 'di ston pa/ /sa phyogs der ni 'gro bar bya/ /mdo sde bsam gyis mi khyab ste/ /yon tan rgya tsho mtha' yang yas/ /sdug bsngal rgya mtsho du ma las/ /sems can thams cad thar bar byed/ /mdo sde yi ni thog ma dang / /dbus dang de bzhin tha ma mthong / /mdo sde'i dbang po rab zab ste/ /'di la dpe' ni yod ma yin/ /gang ga dang ni sa rnam dang / /rgya mtsho dang ni namakha' la/ /gnas pa'i rdul ni gang yang rung / /dper bya ba ni mi nus so/ /chos kyi dbyings la 'jug pa'i/ /de'i tshe na 'jug par bya/ /chos kyi bdag nyid mchod rten ni/ /zab mo rab brtan gang yin pa/ /mchod brten de'i dbus na ni/ /rgyal ba shAkya thub pa mthong / /yid du 'ong ba dbyangs kyi su/ /mdo sde 'di ni rab tu bston/ /grangs med bsam gyis mi khyab pa'i/ /bskal pa bye ba ji snyed par/ /lha'i dang ni mi rnam kyis/ /bde ba dag ni rjes su myong / /gang zhig mdo sde 'di nyan pa/ /de ltar bdag gis bsod nams kyis/ /phung po bsam yas bsgrubs snyam du/ /de tshe de ni de ltar shes/ /mis gang 'obs kyi bskor ba'i/ /dpag tshad brgya dag 'da' byed cing / /tshor ba drag po bzod byas nas/ /mdo sde mnyan par gang nus pa/ /gtsugs lag khang ngam gnas khang du/ /zhugs nas de ma thag tu ni/ /sdig pa rnams ni med par 'gyur/ /rmi ngan mtshan nyid thams cad dang / /gza' dang rgyu skar gnod pa dang / /byad dang gdon ni mi bzad kyang / /zhugs nas de ma thag tu ni/ /thams cad gzhan tu phyogs par 'gyur/ /klu'i rgyal po rnam kyi ni/ /rmi lam bstan pa ci 'dra bar/ /der ni pad ma 'dra ba'i khri/ /de lta bur yang bshams par bya/ /khri de la ni 'dug nas su/ /mdo sde 'di ni rab tu bstan/ /yi ger bris pa bklag par bya/ /de bzhin yongs su chub par bya/ /khri de las ni babs nas su/ /yul gzhan song bar gyur na yang / /khri de la ni yod pa'i/ / chos 'phrul rnam kyang snang bar 'gyur/ /chos smra ba'i gzugs su yang / /de ni res dga' snang bar 'gyur/ /res dga' sangs rgyas gzugasu ste/ /res dga' byang chub sems dpar yang / /res dga' kun tu bzang po dang / /de bzhin 'jam dpal gzugs su ste/ /res dga' byams pa'i gzugs su yang / /khri de la ni snang bar 'gyur/ /res dga' 'od ni 'ba' zhig snang / /res dga' lha rnam snang bar 'gyur/ /yud tsam zhig ni de snang nas/ /de nas mi snang bar yang 'gyur/ /sangs rgyas mthong na bsngag par 'gyur/ /thams cad du yang grub par byed/ /'bras dang bkra shis phun sum tshogs/ /mtshan ma sangs rgyas sprul pa yin/ /rgyal dang dpal dang grags par byed/ /phyir rgol ba yang ldog par byed/ /pha rol dgra tshogs rab tu 'jom/ /g.yul du dgra rnams phung bar byed/ /rmi ngan thams cad zhi bar byed/ /sdig pa thams cad rab tu 'jig /sdig pa thams cad rab zhi byed/ /g.yul 'gyed pa na rgyal bar byed/ /'dzam bu'i gling 'di thams cad du/ /grags pas rab tu gang bar 'gyur/ /de'i dgra rnams thams cad ni/ /shin tu pham pa nyid du 'gyur/ /rtag tu dgra ni chom par 'gyur/ /sdig pa thams cad rnam par spangs/ /g.yul ngo'i rtse las rnam par rgyal/ /dgra dang bral zhing mchog tu dga'/ /tshangs dbang sum bcu rtsa gsum dbang / /de bzhin 'jig rten skyong rnams dang / /lag na rdo rje gnod sbyin dbang / /rgyal ba khyu mchog yang dag shes/ /klu'i dbang po ma dros dang / /de bzhin du ni rgya mtsho dang / /mi 'am ci dbang lha min dbang / /de bzhin namakha' lding dbang po/ /de dag las ni sog pa dang / /lha rnam de dag thams cad kyang / /chos kyi mchod rten bsam yas la/ /rtag tu mchod pa byed par 'gyur/ /zhes sar bcas pa'i sems can rnams/ /mthong nas shin tu dga' bar 'gyur/ / lha'i dbang po mchog de dag /thams cad 'di snyam sems par 'gyur/ /lha rnam de dag thams cad kyang / /phan tshun du ni smra byed pa/ /bsod nams dpal dang gzi brjid dag /bsags pa de dag kun la ltos/ /dge ba'i rtsa ba sbyangs pa'i/ /mi rnam de dag 'dir lhag te/ /gang dag mdo sde zab mo 'di/ /nyan pa'i phyir ni 'dir lhags pa/ /dad pa bsam gyis mi khyab pas/ /chos kyi mchod rten gus dang bcas/ / de dag 'jig rten snying rje ldan/ /de dag sems can phan byed pa/ /de dag zab mo'i chos rnam kyis/ /dam pa'i chos kyi ro'i snod/ /chos kyi dbyings la 'jug pa'i/ /de dag rab tu 'jug pa yin/ /gang dag gser 'od dam pa'i mdo/ /dge ba dam pa 'di nyan pa/ /de dag sngon chad sangs rgyas ni/ /brgya stong rnam la mchod pa yin/ /dge ba'i rtsa ba de'i ni/ /mdo sde nyan pa de dag la/ /lha dbang rgyal po de kun dang / /dbyangs can dang ni de bzhin du/ /dpal dang rnam thos bu dang ni/ /de bzhin rgyal po bzhi rnam dang / /gnod sbyin brgya phrag stong po dag /stobs chen rdzu 'phrul ldan rnam kyis/ /phyogs bzhi dag ni kun nas kyang / /bsrung ba shin tu byed par 'gyur/ /dbang po zla ba gshin rje dang / /rlung dang chu lha nyid dang ni/ /skem byed 'jug sel dbyangs can dang / /sbyin sreg za dang skye dgu dang / /stobs chen pha rol gnon byed pa/ /'jig rten skyong ba de kun kyang / /nyid mtshan g.yel ba med par ni/ /de dag rnam la bsrung bar byed/ /stob chen gnod sbyin dbang gnyis dang / /sred med bu dang dbang phyug che/ /yang dag shes la sog pa dag /gzhan yang nyi shu rtsa brgyad dang / /gnod sbyin rgya phrag stong po dag /stob chen rdzu 'phrul ldan rnam kyi/ /'jig shing skrag pa thams cad na/ /de dag la ni bsrung bar byed/ /lag na rdo rje gnod sbyin dbang / /gnod sbyin dag ni lnga brgya dang / /byang chub sems dpa' thams cad kyang / /de dag la ni bsrung bar byed/ /gnod sbyin dbang po nor bu bzang / / de bzhin gang ba bzang po dang / /ji 'jigs dang ni 'brog gnas dang / /dmar ser dang ni ser skya dang / /gnod sbyin dbang po re re yang / /gnod sbyin lnga brgya dag gis ni/ /gang dag mdo sde 'di thos pa/ /de dag rnams la bsrung byed 'gyur/ /dri za sna tshog sde dang ni/ /rgyal ba'i khyu mchog rgyal ba'i rgyal/ /nor bu'i mgul dang nges mgrin dang / /de bzhin char pa'i bdag po dang / /kam po ji dang nag po dang / /de bzhin gser 'dra'i skra dang ni/ /lngas rtsen dang ni ra rkang dang / /de bzhin skal ba chen po dang / /yur ba can dang chos skyong dang / /spre'u dang de bzhin 'khri byed dang / /khab kyi spu dang gnyis bshes dang / /de bzhin rin chen skra dang ni/ /yul chen can dang khyim med dang / /'dod pa'i mchog dang tsan dan dang / /mthu bo che dang gangs can dang / /bde ba'i ri nyid de bzhin te/ /stobs chen pha rol gnod byed pa/ /rdzu 'phrul ldan pa de kun kyang / /gang dag mdo sde 'di dga' ba/ / de dag la ni bsrung bar byed/ /klu'i dbang po ma dros dang / /de bzhin du yang rgya mtsho dang / /e la'i 'dab dang btang bzung dang / /dga' bo nye dga' gnyis ga dang / /klu ni brgya phrag stong po dag /stobs chen rdzu 'phrul ldan rnam kyang / /'jigs shing skrag pa thams cad las/ /de dag la ni bsrung bar byed/ /stobs can sgra can mi gtong dang / /thag bzangs ris dang bde mchog dang / /rab sim byed dang phrag rtsub dang / /de bzhin lha min dbang gzhan dang / /lha min brgya phrag stong po dag /stobs chen rdzu 'phrul ldan rnam kyis/ /'jig skrag byung bar gyur pa las/ /de dag la ni bsrung bar 'gyur/ /'byung po'i ma mo phrog ma ni/ /lnga brgya'i bu dang bcas pa yang / /'dug dang nyal dang ra ro'i tshe/ /de dag la ni bsrung bar byed/ /gdol pa mo dang gtum mo dang / /de bzhin gnod sbyin gtum mo dang / /mdung can dang ni so brtseg dang / /sems can kun kyis mdung 'phrogs ma/ /stobs chen pha rol gnod byed pa/ /rdzu 'phrul ldan pa de kun kyang / /phyogs bzhi dag ni kun nas su/ /de dag rnam la bsrung bar byed/ /dbyangs can dag la sogs pa rnam/ /lha mo bsam gyis mi khyab dang / /dpal la sog pa de bzhin du/ /lha mo dag ni thams cad dang / /sa'i lha mo nyid dang ni/ /lo thog 'bras bu nag lha dang / /kun dga' shing ljon mchod rten la/ /gnas pa dag dang klungs lha dang / /lha rnams de dag thams cad 'dir/ /rab tu dga' ba'i sems kyis ni/ /gang dag mdo sde 'di dga' ba/ /de dag rnam la bsrung bar byed/ /tshe dang mdog dang stobs rnam la/ /sems can dag ni sbyor bar byed/ /dpal dang bsod nams gzi brjid kyis/ /phun sum tshog pas rtag tu brgyan/ /gza' dang rgyu skar gnod pa dag /de dag thams cad zhi bar byed/ /rgud dang sdig dang rmi ngan pa/ /de dag thams cad zhi bar byed/ /zab cing stobs chen ldan pa'i/ / sa yi lha mo nyid kyang ni/ /gser gyi 'od kyi dam pa yi/ /mdo sde'i dbang po'i ro yis tshim/ /dpag tshad dag ni rgya'i phrag /stong phrag drug bcu rtsa brgyad nas/ /rdo rje rnam la thug bar du/ /sa yi bcud ni rab tu phel/ / dpag tshad brgyar ni tshangs pa'i/ /'og tu sa yi bcud song ste/ /de ni phyir yang log nas ni/ /sa yi steng dag snum par byed/ /mdo sde mnyan pa'i stobs kyis ni/ /lha rnams de dag thams cad kyang / /gser gyi 'od ni dam pa'i/ /mdo sde dbang po'i ros tshim 'gyur/ /mdangs dang ldan par rab 'gyur zhing / /de bzhin rab tu stobs ldan 'gyur/ /bde bar 'gyur zhing tshim par 'gyur/ /'dzam bu'i gling 'di thams cad na/ /'bras bu lo thog nags lha rna/ /sna tshogs ro yis tshim 'gyur zhing / /shin tu rab tu dga' bar 'gyur/ /mdo sde'i ro yis tshim 'gyur nas/ /'bras bu rnams dang lo thog dang / /me tog rnam pa sna tshogs dang / /'bras bu'i shing ljon sna tshogs kyang / /kun nas rab tu skye bar byed/ / 'bras bu'i shing ljon tham cad dang / /kun dga' dag dang nags 'tshal rnams/ /me tog rab tu chags byed cing / /sna tshogs dri ni rab tu 'byin/ /me tog rnam pa sna tshogs dang / /'bras bu sna tshogs ldan pa'i/ /rtswa dang nags 'tshal tham cad dag /sa yi steng na skye bar byed/ /'dzam bu'i gling 'di thams cad na/ /klu'i bu mo bsam mi khyab/ /rab tu dga' ba'i sems gyur nas/ /rdzing bu'i drung du nyer song ste/ /rdzing bu rnams ni thams cad du/ /ku mu ta dang pad ma dang / /ud pa la dang de bzhin du/ /pad ma dkar po sna tshogs skye/ /namakha' la ni du ba dang / /sprin gyi dra ba med cing dag /mun pa dang ni rdul med cing / /phyogs rnam rab tu 'od gsal lo/ /nyi ma'i 'od zer stong ldan yang / / 'od zer dra bas 'od kyang mdzes/ /snang ba dag ni zab mo yi/ /rab tu dga' bar 'char bar 'gyur/ /dbang po nyi ma lha yi bu/ /'dzam bu gling gi gser gyi ni/ /gzhal med khang na 'dug pa yang / /mdo sde 'di ni rab tu tshim/ /dbang po nyi ma rab dga' nas/ /'dzam bu'i gling du 'char byed cing / /'od zer mtha' yas dra ba'i/ /kun nas rab tu snang bar byed/ /de ni shar ba rtsam gyis kyang / /'od zer dra ba rab gtong zhing / /rdzing bu sna tshogs khengs pa'i/ /pad ma dag ni kha yang 'byed/ /'dzam bu'i gling 'di thams cad du/ /me tog 'bras bu sman sna tshogs/ /yang dag yongs su smin byed cing / /sa rnams thams cad 'tshim par byed/ /zla ba dang ni nyi ma yang / /de tshe khyad 'phags snang bar 'gyur/ /rgyu skar yang dag 'byung 'gyur zhing / /rlung yang de bzhin ldang bar 'gyur/ /'dzam bu'i gling ni thams cad du/ /kun tu lo yang legs 'gyur ste/ /ste/ / gang na mdo sde 'di yod pa/ /yul 'khor de ni khyad par 'phags/ /gser 'od dam pa mdo sde'i dbang po rgyal po las/ gnod sbyin gyis gnas shes bya ba kun tu bsrungs pa'i le'u ste bcu bzhi pa'o// // de skad ces bka' stsal pa dang / bcom ldan 'das la rigs kyi lha mo byang chub yang dag par bsdus pas 'di skad ces gsol to/ /brtsun pa bcom ldan 'das 'bar ba'i khyad par gyis gzi brjid rgyal po la sog pa lha'i bu stong phrag bcu po dag rgyu gang dang rkyen gang dang / dge ba'i rtsa ba sbyangs pa ci 'dra ba dang gang bgyis shing bsags pas/ skye bu dam pa gsum po 'di dag byang chub tu lung bstan pa thos nas/ da ltar sum bcu rtsa gsum gyi gnas nas lhags te/ bcom ldan 'das la chos mnyan pa'i slad du mchis/ 'di lta ste byang chub sems dpa' mdzes pa'i tog skye bu dam pa 'di ma 'ong pa'i dus na/ bskal pa bgrangs ba las 'das pa grangs ma mchis pa bye ba khrag khrig brgya stong phrag du ma 'das pa na/ 'jig rten gyi khams gser du snang bar bla na med pa yang dag par rdzogs pa'i byang chub mngon par rdzogs par 'tshang rgya te/ de bzhin gash+ye pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa 'jig rten mkhyen pa skye bu 'dul ba'i kha lo bsgyur ba/ bla na med pa lha dang mi rnam kyi ston pa sangs rgyas bcom ldan 'das gser dang rin po che'i 'byung gnas gdug gtseg shes bya ba/ 'jig rten du 'byung ngo ji rtsam na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser dang rin po che'i 'byung gnas gdugs btsegs de yongs su mya ngan las 'das pa'i dam pa'i chos nub ste/ de'i bstan pa yongs ye thams cad nub par gyur pa na/ khye'u dngul gyi tog 'di de bzhin gshegs pa de'i 'tsham sbyor zhing 'jig rten gyis khams rdul med pa'i rgyal mtshan de nyid du/ de bzhin gshegs pa dgra bcom pa yang dag par rdzogs pa'i sangs rgyas gser 'dzam bu'i gser gyis rgyal tshan gyi 'od bces bya bar 'jig rten du 'byung ngo / /ji tsam na de bzhin gshegs pa dgra bcoM pa yang dag par rdzogs pa sang+yas gser 'dzam bu'i gser gyi rgyal mtshan gyi 'od de yongs su mya ngan las 'das nas/ de yi bstan pa yong ye thams cad du nub pa'i bar du gyur pa na khye'u dngul gyi 'od 'di/ de bzhin gshegs pa de'i 'tsham sbyor zhing 'jig rten gyi khams rdul dang bral ba'i rgyal mtshan de nyid du bla na med pa yang dag par rdzogs pa'i byang chub mngon par rdzogs par 'tshang rgya ste/ de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa 'jig rten mkhyen pa skyes bu 'dul ba'i kha lo sgyur ba bla na med pa lha dang mi rnam kyi ston pa/ sangs rgyas bcom ldan 'das gser brgya'i 'od zer du snang ba snying po zhes bya bar 'jig rten du 'byung ngo zhes de dag thams cad bcom ldan 'das kyi de ltar bla na med pa yang dag par rdzogs pa'i byang chub tu lung bstan to/ /btsun pa bcom ldan 'das 'bar ba'i khyad par gyi gzi brjid rgyal po la sogs pa lha'i bu stong phrag bcu po de dag ni de tsam du byang chub sems dpa'i spyod pa rlab po che yang ma gyur sngon pha rol tu phyin pa drug po dag la spyad skad kyang mi gda' lag pa dang rkang pa dang mig dang yan lag gi dam pa mgo dang / bu dang chung ma dang bu mo phangs pa dag sngon yongs su btang skad kyang mi gda' nor dang 'brus dang mgron bu dang gser dang nor bu dang mu tig dang bai dU r+ya dang dung dang man shel dang byu ru dang dngul dang sa le sbram dang rin po che rnams sngon yongs su btang skad kyang mi gda' bza' ba dang btung ba dang / gzhon pa dang gos dang mal cha dang khang khyim dang gzhal med khang dang kun dga' ra ba dang rdzing bu dang lteng ka dag sngon yongs su btang skad kyang mi gda'/ glang po che dang ba lang dang rta pho rgod dang bran pho dang bran mo sna tshogs sngon yongs su btang skad kyang mi gda' 'di lta ste/ byang chub sems dpa' bye ba khrag khrig brgya stong grangs ma mchis pa du ma de dag ni sangs rgyas bcom ldan 'das rnams las/ de bzhin gshegs pa yi ming du lung ma thob kyi bar du sngon bskal pa bye ba khrag khrig brgya stong phrag grangs ma mchis pa du ma nas/ de bzhin gshegs pa bye ba khrag khrig brgya stong phrag grangs ma mchis pa du ma dag la mchod pa sna tshogs tha dad pa brgya stong bsam gyis mi khyab pa phrag du ma dang yo byad thams cad kyis mchod pa bgyid yongs su btang bar bgyi ba'i dngos po thams cad kyang yongs su gtong la/ lag pa dang rkang pa dang mig dang yan lag gi dam pa mgo dang bu dang chung ma dang bu mo phangs pa yongs su gtang bar bgyis pa rnams kyang yongs su gtong / nor dang 'bru dang mgron bu dang gser dang nor bu dang mu tig dang bai dU r+ya dang dung dang mal shel dang byu ru dang dngul dang sa le sbram yongs su gtang bar bgyis pa rnams yongs su gtong / bza' ba dang btung ba dang gzhon pa dang gos dang mal cha dang stan dang khang khyim dang gzhal med khang dang kun dga' ra ba dang bskyed mos tshal dang rdzing bu dang lteng ka dang glang po che dang ba lang dang rta pho rgod dang bran pho dang bran mo yongs su btang bar bgyi ba rnam kyang yongs su gtong zhing rim gyi pha rol tu phyin pa drug po thams cad yongs su rdzogs par bgyid rim gyi pha rol tu phyin pa drug po dag yongs su rdzogs par bgyis nas bde ba brgya stong phrag mang po yang myong bar 'gyur na/ btsun pa bcom ldan 'das rgyu gang dang rkyen gang dang dge ba'i rtsa ba sbyangs pa ci 'dra ba zhig gis 'bar ba'i khyad par gyi gzi brjid rgyal po la sog pa lha'i bu stong phrag bcu po 'di dag /bcom ldan 'das la chos nyan pa'i slad du mchis pa 'di dag bcom ldan 'das kyi 'di ltar ma 'ong pa'i dus nas bskal pa bye ba khrag khrig brgya stong grangs med pa du ma na/ 'jig rten gyi khams sa la'i dbang po mthon po'i rgyal mtshan dang ldan pa zhes bya ba de nyid du rig dang rus cig pa dang ming gcig tu rim gyi bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te rab tu dang ba'i zhal ud pa la'i dri brtseg pa zhes bya bar sangs rgyas stong phrag bcu 'jig rten du 'byung ste/ mkhyen pa dang zhabasu ldan pa bde bar gshegs pa 'jig rten mkhyen pa skye bu 'dul ba'i kha lo bsgyur ba bla na med pa lha dang mi rnam kyi ston pa sangs rgyas bcom ldan 'das su 'gyur ro zhes de ltar bla na med pa yang dag par rdzogs pa'i byang chub tu lung stan lags/ de skad ces gsol pa dang / bcom ldan 'das kyis rigs kyi lha mo byang chub yang dag par bsdus pa la 'di skad ces bka' stsal to/ /rigs kyi lha mo 'bar ba'i khyad par gyi gzi brjid rgyal po la sog pa lha'i bu stong phrag bcu po 'di dag gang byas shing bsag pas chos mnyan pa'i phyir da ltar sum bcu rtsa gsum gyi gnas nas 'dir lhag pa de'i dge ba'i rtsa ba sbyangs pa yod de'i rgyu yod de'i byed rgyu yod de/ rigs kyi lha mo skye bu dam pa 'di gsum gyi byang chub tu lung stan pa 'di thos nas thos ma thag tu gser 'od dam pa mdo sde'i dbang po'i rgyal po 'di la shin tu ri mo byed cing dga' ba dang dang ba thob par gyur te de tsam du bai dU r+ya dri ma med pa ltar yongasu dag pa'i sems dang ldan par gyur to dri ma med la shin tu rgya che zhing rgyas pa'i namakha' ltar zab pa'i sems rab tu dang ba dang ldan par gyur to bsod nam kyi phung po dpag tu med pa yongasu bzung ba dang ldan par gyur to rig kyi lha mo 'bar ba'i khyad par gyi gzi brjid rgyal po la sog pa lha'i bu stong phrag bcu po 'di dag de tsam du gser 'od dam pa mdo sde dbang po rgyal po 'di thos ma thag tu lhag par ri mo byed pa dang rab tu dang ba thob par gyur to de tsam du bai dU r+ya dri ma med pa ltar yongasu dag pa'i sems dang ldan par gyur te de'i phyir lung stan pa'i sa rjesu thob bo/ /rigs kyi lha mo chos mnyan pa'i dge ba'i tsa ba bsag pa 'di dang sngon gyi smon lam gyi stob kyi 'bar ba'i khyad par gzi brjid rgyal po la sog pa lha'i bu stong phrag bcu po 'di dag de ltar bla na med pa yang dag par rdzogs pa'i byang chub tu lung bstan pa'i sa rjesu thob bo/ /gser 'od dam pa mdo sde'i dbang po'i rgyal po las/ lha'i bu stong phrag bcu lung bstan pa zhes bya ba'i le'u ste bco lnga pa'o// // rigs kyi lha mo sngon byung ba 'das pa'i dus bskal pa grangs med pa'i yang ches grang med pa rgyas pa bsam gyi mi khyab pa tshad med par gyur pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabasu ldan pa/ bde bar gshegs pa 'jig rten mkhyen pa skye bu 'dul ba'i kha lo bsgyur ba bla na med pa lha dang mi rnam kyi ston pa sangs rgyas bcom ldan 'das rin chen gtsug tor can zhes bya ba 'jig rten du byung ngo / /rigs kyi lha mo de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rin chen gtsug gtor can de yongs su mya ngan las 'das nas dam pa'i chos nub par gyur te dam pa'i chos ltar bcos par gyur pa na rgyal po lha'i dbang phyug 'od ces bya ba chos can chos kyi rgyal po chos kyi rgyal srid skyong gis chos ma yin pas ni ma yin te yul thams cad na gnas pa'i sems can rnam kyi pha ma lta bur gyur pa zhig byung ngo rigs kyi lha mo de'i tshe de'i dus na/ rgyal po lha'i dbang phyugs 'od kyis yul du tshong dpon ral pa 'dzin ces bya ba sman pa gso por byed pa khams la mchog tu mkhas pa/ tshe'i rig byed yan lag brgyad kyi rgyud dang ldan pa zhig byung bar gyur to/ /kye rig kyi lha mo de'i tshe de'i dus na tshong dpon ral pa 'dzin ces bya ba de'i bu tshong dpon gyi bu chu 'beb zhes bya ba/ gzug bzang ba mdzes pa lta na sdug pa kha dog bzang po rgyas pa mchog dang ldan pa/ bstan bcos sna tshogs la mkhas pa/ stan bcos tham cad rtogs par khong du chud pa/ yi ge dang grangs dang lag tsis dang rtsis rnams shin tu bslabs pa zhig byung ngo / /rig kyis lha mo de'i tshe de'i dus na rgyal po lha'i dbang phyug 'od de'i yul de na sems can brgya stong phrag du ma nad sna tshogs kyis stab par gyur cing / nad sna tshogs kyis yongs su gzir te/ sdug sngal mi bzad pa rtsub pa drag pa yid du mi 'ong ba'i tshor ba rnams myong bar gyur to/ /rig kyi lha mo de'i tshe de'i du na tshong dpon gyi bu chu 'beb de/ sems can nad sna tshogs kyis btab pa nad sna tshogs kyis gzir ba brgya stong phrag du ma de dag gis don gyi phyir/ snying rje chen po'i sems bskyed par gyur to/ /sems can brgya stong phrag du ma de dag ni nad sna tshog kyis btab cing nad sna tshogs kyis gzir ba/ da ltar sdug bsngal mi bzad pa rtsub pa drag po yid du mi 'ong ba'i tshor ba rnams myong la/ bdag gis pha tshong dpon ral pa 'dzin sman pa gso bar byed pa khams la mchog tu mkhas pa/ tshe'i rig byed yan lag brgyad kyi rgyud dang ldan pa 'di ni rgas 'khog gtugs lam du zhugs na tshod rjes su thob mkhar ba la brten cing 'dar te/ grong dang grong khyer dang grong rdal dang ljongs dang yul 'khor dang rgyal po'i pho brang 'khor rnam su 'gro mi nus na/ sems can nad sna tshog kyi btab pa nad sna tshog gzir ba brgya stong phrag du ma de dag nad sna tshog las yongs su thar bar bya ba'i phyir/ bdag nyid bdag gi pha ral pa 'dzin gyi gan du song la nad kyi phyir kham la mkhas par bya ba yongs su dris te/ khams la mkhas par bya ba dris pa des bdag grong dang grong khyer dang ljongs dang yul 'khor dang rgyal po'i pho brang 'khor rnams su 'gro bar bya'o/ / song nas kyang sems can nad sna tshog kyis btab pa nad sna tshog kyis gzir ba brgya stong phrag du ma dag nad sna tshog las yong su thar bar bya'o snyam nas/ rig kyi lha mo de'i tshe de'i du na tshong dpon gyi bu chu 'beb rang gi pha ral pa 'dzin ga la ba der song ste phyin nas rang gis pha ral pa 'dzin gyi rkang pa la mgo bo phyag 'tshal te thal mo sbyar nas phyog gcig tu 'dug go/ phyog gcig tu 'dug nas kyang tshong dpon gyi bu chu 'beb kyi rang gi pha ral pa 'dzin la tshig cha su bcad pa 'di dag gi kham la mkhas par bya ba dris pa/ ji ltar dbang po 'dzin 'gyur zhing / kham kyi rnam kyang yongs su 'gyur/ /gang gi dus na lus can la/ /nad kyi rnam ni 'byung bar 'gyur/ / dus dang dus min zas zos pa/ /ji lta bur na bde bar 'gyur/ /gang gis lus kyi nang du ni/ /lus kyi mi la gnod mi 'gyur/ /rlung las gyur dang khris gyur dang / /'dus las gyur dang bad kan gyur/ /nad rnam zhi bar bgyi slad du/ /ji ltar bur ni gso bar bgyi/ /gang gis mi la gnod 'gyur ba'i/ /rlung ni gang gi dus na g.yo/ /gang gi dus na mkhris pa g.yo/ /bad kan gang gi dus na g.yo/ /de nas tshong dpon ral pa 'dzin gyi tshong dpon gyi bu chu 'beb la tshigasu bcad pa 'di dag gi kham la mkhas par bya ba rnam par stan to/ /zla gsum dbyar te zla gsum ston du shes/ /gsum ni dgun te gsum ni dpyid yin no/ /de ltar zla ba'i go rim du ni drug /lo gcig la ni zla ba bcu gnyis 'dod/ /gsum gsuM du ni tshigs rnam bsdugs par shes/ /zla ba gnyis gnyi shing ni du su stan/ /zas dang skom ni de ltar 'ju bar 'gyur/ /sman pa dang ni khams dang dus kyang bstan/ /dbang po dang ni khams rnams de dag kyang / /lo gcig nang gi tshig tshig yongasu 'gyur/ /dbang po dag ni yongasu 'gyur ba na/ /lus can rnam la sna tshogs nad kyang 'gyur/ /de nyid la ni sman pas zla gsum bzhi/ /tshigs kyi bar dang dus drug rnams dang ni/ /khams drug mkhas par bya ba shes par bya/ /zas skom sman rnams go rim ji bzhin te/ /rlung gi shas che nad ni dbyar na ldang / /ston du gyur pa na ni khris pa g.yo/ /dgun gyi dus na de bzhin 'dus pa te/ /bad kan shas che'i nad ni dpyid na ldang / /dbyar ni snum dro lan tshwa skyur ba'i ro/ /ston ni mngar dang snum dang bsil bag go/ dgun ni mngar dang snum dang skyur ba ste/ /dpyid kyi dus na rtsub dro tsha ba'o/ /bad kan che ba zos ma thag tu ldang / / mkhris pa che ba 'ju ba'i dus na ldang / /rlung shas che ba zhu ma thag tu ldang / /khams gsum g.yo ba de ni de lta'o/ /rlung gi bdag nyid la ni bcud kyis so/ /bkru sman gyi ni khris pa bsal bar bya/ /'dus pa la ni gsum dang 'thun ldan pa/ /bad kan tshig su babs na kyug sman gtang / /rlung shas che dang khris dang 'dus pa dang / /bad kan shas che'i tshig rnams shes par bya/ /dus gang khams gang lus ni gang yin pa/ /de yi sman dang bza' btung bsten par bya/ /de nas tshong dpon gyi bu chu 'bebs kyis khams la mkhas par bya ba 'di lta bu de tsam zhig yongs su dris pa des/ tshe'i rig byed kyi yan lag brgyad po thams cad khong du chud par gyur to/ / rigs kyi lha mo de'i tshe de'i dus na tshong dpon gyi bu chu 'bebs/ rgyal po lha'i dbang phyug 'od kyi yul na grong dang grong khyer dang grong rdal dang ljongs dang yul 'khor dang rgyal po'i pho brang 'khor thams cad du song nas/ sems can nad sna tshogs kyi btab pa nad sna tshogs kyi gzir ba brgya stong phrag du ma de dag la kho bo ni sman pa'o/ /kho bo ni sman pa'o/ /zhes bdag nyid kyis khas 'ches te/ kho bo ni khyed rnams nad sna tshogs las yongs su thar bar bya'o zhes dbugs phyung ngo / /rigs kyi lha mo'i tshong dpon gyi bu chu 'bebs kyi/ 'di lta bu'i tshig brjod pa de thos ma thag tu srog chags brgya stong phrag du ma de dag thams cad rab tu dga' ba che po skyes par gyur to/ /dbugs phyin pa rnyed nas kyang dga' ba dang bde ba dang yid bde ba bsam gyis mi khyab pa dang ldan par gyur to/ /de'i tshe de'i dus na sems can nad sna tshogs kyis btab pa nad tshog kyis gzir ba brgya stong phrag du ma de dag nad sna tshogs las yongasu thar te nad med par gyur to/ /nad med par gyur nas kyang snga mkhon bzhin du mthu dang stob dang brtson 'grus dang ldan par gyur to/ /de'i tshe de'i dus na sems can nad sna tshog gyi btab pa nad sna tshog kyis gzir ba brgya stong phrag du ma de dag gi nang nas gang su dag nad drag pos stab pa de dag thams cad tshong dpon gyi bu chu 'bebs ga la ba der dong nas phyin pa dang / sems can nad sna tshog kyis btab pa nad sna tshog gyi bzir ba brgya stong phrag du ma de dag la tshong dpon gyi bu chu 'bebs gyis sman dpyad gang ci bstan pa des/ sems can de dag thams cad kyi nad thams cad rab tu zhi bar byas so/ /nad med pa dang nad nyung bar gyur nas kyang snga mkhon bzhin du mthu dang stob dang brtson 'grus dang ldan par gyur to/ /rigs gyi lha mo de'i tshe de'i du na rgyal po lha'i dbang phyug 'od kyi yul na grong dang grong khyer dang grong rdal dang ljongs dang yul 'khor dang rgyal po'i pho brang 'khor thams cad na sems can nad sna tshog kyi btab pa/ nad sna tshog gyis gzir ba/ brgya stong phrag du ma de dag tham cad tshong dpon gyi bu chu 'bebs kyi/ nad sna tshog las yongasu thar bar byas par gyur to/ /gser 'od dam pa mdo sde'i dbang po'i rgyal po las/ nad rab tu zhi bar bya ba'i le'u zhes bya ba ste bcu drug pa'o// // bam po lnga pa ste tha ma/ rig kyi lha mo gzhan yang rgyal po lha'i dbang phyug 'od kyi yul du/ tshong dpon gyi khye'u chu 'bebs kyis sems can tham cad nad med par byas pas/ na ba nyung zhing snga mkhon bzhin du spro ba dang stobs dang ldan pa'i lus su gyur to/ /rgyal po lha'i dbang phyug 'od kyi yul na sems can thams cad dga' zhing rtse la dga' mgur spyod de sbyin pa dag kyang sbyin bsod nam dag kyang byed de/ tshong dpon gyi khye'u chu 'beb la'ang / tshong dpon gyi khye'u chu 'bebs rgyal bar gyur cig /sman pa'i rgyal po sems can thams cad kyi nad gsol ba mngon sum mdun du byang chub sems dpar nges pa/ tshe'i rig byed yan lag brgyad pa thams cad rtogs pa zhes mngon par 'du byed do/ /rigs kyi lha mo tshong dpon gyi khye'u chu 'bebs de la chung ma chu'i pad ma'i snying po zhes bya ba zhig yod de/ rig kyi lha mo chung ma chu'i pad ma'i snying po de la khye'u gnyis yod de/ gcig gi ming ni chu'i gos shes bya/ gcig gi ming ni chu'i snying po zhes bya'o/ /rigs kyi lha mo de nas tshong dpon gyi bu chu 'beb khye'u de gnyis dang lhan cig tu mthar kyi grong dang grong khyer dang grong rdal dang ljongs dang yul 'khor dang rgyal po'i pho brang 'khor rnam su 'gro'o/ /rigs kyi lha mo de nas dus gzhan zhig na/ tshong dpon gyi bu chu 'bebs 'brog dgon pa zhig tu phyin te/ de nas 'gro dgon pa der sha za ba'i khyi dang spyang ki dang wa dang khwa dang bya dang gang na dgon pa na rdzing zhig yod pa der rgyug par mthong nas de 'di snyam du sems te/ ci'i phyir sha za ba'i khyi dang spyang ki nas bya'i bar 'di dag phyog 'dir rgyug snyam mo/ /de yang 'di snyam du sems te/ bdag khyi dang spyang ki dang wa dang khwa dang bya rnams phyog gang du rgyug pa'i phyogs der 'gro bar bya'o snyam mo/ /rig kyi lha mo de nas tshong dpon gyi bu chu 'beb mthar kyi rgyu zhing song ste/ dgon pa na rdzing zhig yod pa de dag ga la ba der phyin to/ /rdzing chen po de na nya khri zhig gnas te des der nya brgya phrag mang po zhig chu dang bral ba mthong nas/ des de la snying rje chen po'i sems skyes pa dang / de na lha mo zhig shing las lus phyed tsam phyung ba zhig mthong ste/ lha mo des tshong dpon gyi bu chu 'bebs la 'di skad ces smras so/ /rig kyi bu leg so leg so/ /gang gis phyir chu 'bebs zhes bya ba khyod kyis nya 'di rnam la chu byin cig rnam pa gnyis kyi phyir chu 'bebs zhes bya ste/ gang chu 'bebs pa dang gang na chu sbyin pa'o/ /de bas na rang gi ming dang 'thun par bya ba byos shig /chu 'bebs kyi slar smras pa/ lha mo nya 'di dag la ji snyad cig mchis/ lha mos smras pa nya khri tham pa'o/ /rig kyi lha mo de nas tshong dpon gyi bu chu 'beb ches mchog tu snying rje ba'i sems skyes so/ /rig kyi lha mo de'i tshe dgon pa na yod pa'i rdzing chen po na chu'i lhag ma cung zad tsam zhig lus te/ de nas nya khri 'chi ba'i sgor zhugs shing chu dang bral ba de dag rgyug cing rnam par rgyug go/ rig kyi lha mo de nas tshong dpon gyi bu chu 'beb kyi phyog bzhir brgyug pa dang / nya khri po de dag tshong dpon gyi khye'u chu 'beb phyogs gang du 'gro ba'i phyogs de log su chu 'bebs la snying rje rje ltar lta'o/ /rig kyi lha mo de nas tshong dpon gyi khye'u chu 'beb kyi phyog bzhir brgyug te chu btsal kyang der chu ma snyed nas phyog bzhir bltas pa dang des ha cang yang thag mi ring ba zhig na shing ljon pa mang po zhig mthong nas/ shing ljon pa de dag la 'dzeg te/ shing gi yal ga rnam bcad nas shing gi yal ga de dag khyer te rdzing chen po ga la ba der song ste phyin pa dang / shing gi yal ga de rnams kyi nya khri po de dag la shin tu bsil ba'i grib ma byas so/ /rig kyi lha mo de nas tshong dpon gyi khye'u chu 'beb rdzing der chu 'beb pa tshol te/ gang nas chu 'bab ces de phyog bzhir brgyug kyang chu ma rnyed nas/ de myur ba myur bar chu'i rgyun de nyid kyi rjes su song ste/ rig kyi lha mo dgon pa na yod pa'i rdzing der chu 'bab pa'i ces bya ba'i klung chen po de las der chu 'bab pa'i klung de yang de'i tshe/ sdig pa can kyis sems can zhig gis nya khri po de dag gi phyir/ ci nas kyang phyis nya de dag la chu 'bab par mi 'gyur ba de lta bu'i phyog kyi g.yang sa chen por klung de phab bo/ /des de mthong nas bsam pa/ klung 'di ni skye bo stong gis kyang srol de nyid du dbab par mi nus na/ bdag gi lta dbab par ga la nus snyam nas de phyir log go/ rig kyi lha mo de nas tshong dpon gyi khye'u chu 'beb ring pa ring par rgyal po lha'i dbang phyug 'od ga la ba der song ste phyin nas/ rgyal po lha'i dbang phyug 'od kyi rkang pa la mgo bos phyag 'tshal te phyog cig tu 'dug nas/ de dag rgyus nas smras te/ bdag gi lha'i chab 'og tu grong dang grong khyer dang grong rdal tham cad du sems can gyi nad rgyun ni bkum na gnas che ge mo zhes bgyi ba de na/ dgon pa na yod pa zhes bgyi ba'i rdzing zhig mchis pa de na nya khri zhig gnas pa de chab dang bral nas gdugs kyis gdungs shing mchis te/ ji ltar mi rnams la stsal ba ltar ci nas dud 'gro'i skye gnas su gyur pa de dag la yang srog stsal bar 'tshal na/ lhas glang po che nyi shu zhig bdag la stsal du gsol/ rgyal po lha'i dbang phyug 'od kyi sman pa'i rgyal po chen po la glang po che nyi shu zhig byin cig ces blon po rnams la bsgo'o/ /blon po rnam kyis smras pa/ sems can chen po glang po che'i lhas ga la ba der song la glang po che nyi shu zhig khrid de/ sems can rnams la phan gdags pa dang bde bar gyis shig /rig kyis lha mo de nas tshong dpon gyi khye'u chu 'beb rang gi bu chu'i gos dang / chu'i snying po dang lhan cig tu glang po che nyi shu khri nas glang po che'i rdzi bo las ba lang gi rgyal po brgya blang te/ slar log nas chu 'bab ces bya ba'i klung chen po gang du 'bab pa der song te/ rkyal pa de dag chus bkang nas glang po che'i rgyab tu chu bkal te/ myur ba myur bar dgon pa na yod pa'i rdzing ga la ba der song nas phyin pa dang chu de glang po che'i steng nas phab te/ phyogs bzhi nas rdzing bu chus bkang nas phyogs bzhir 'gro ba dang / tshong dpon gyi khye'u chu 'beb gang dang gang du 'gro ba de log su nya khri po dag kyang rgyug go/ rigs kyi lha mo de nas tshong dpon gyi khye'u chu 'beb 'di snyam du sems te/ ci'i phyir nya khri po 'di dag bdag ga la ba de logasu rgyug snyam mo/ /de yang 'di snyam du sems te/ nya khri po 'di dag ni bkres pa'i mes yong su nyen nas bdag la bza' ba slong du nges kyi bdag gis kha zas sbyin par bya'o snyam nas/ rigs kyi lha'i mo de nas tshong dpon gyi khye'u chu 'beb kyis rang gis bu chu'i gos la 'di skad ces smras so/ /bu glang po che tham cad kyi nang na mgyogs pa'i mchog la zhon te bdag gi khyim du song la/ myur ba myur bar song ste mes po tshong dpon la/ kye mes po chu 'beb kyi mchid nas khyim 'di na pha ma dang spun dang sring mo dang bran pho dang bran mo dang las bgyid pa rnam kyi kha zas sbyar ba gang ci mchis pa thams cad gcig tu bsdus te/ chu'i gos glang po che la zhon pa'i lag tu myur du rdzong shig ces mchi'o zhes de skad gyi shig /de nas khye'u chu'i gos glang po che de la zhon nas myur ba myur bar rgyug cing rab tu rgyug ste/ rang gi khyim ga la ba der nas phyin pa dang de dag rgyus kyis zhib tu smras te/ de nas khye'u chu'i gos kyis sngar smras pa'i zas sbyar ba de thams cad glang po che'i rgyab tu bkal nas glang po che de la zhon te dgon pa na yod pa'i rdzing ga la ba der song ba dang / chu 'bebs kyi rang gi bu chu'i gos mthong nas dga' mgu ste bu las zas blang nas phrul te rdzing der gtor nas nya khri po de dag tshim par byed te/ de 'di snyam du bdag gis dus zhig na gnod pa'i gnas zhig na/ dge slong theg pa chen po klog pa las su 'chi ba'i dus kyi tshe/ de bzhin gshegs pa rin chen gtsug tor can gyi mtshan thos pa de bde 'gro mtho ris kyi 'jig rten du skye'o zhes thos kyi bdag gi nya de dag la rten cing 'brel ba'i chos zab mo yang bshad la/ de bzhin gshegs pa dgra pa bcom pa yang dag par rdzogs pa'i sangs rgyas rin chen gtsug tor can de'i mtshan yang bsgrag par bya'o snyam mo/ /de'i tshe na 'dzam bu'i gling de na sems can rnams kyi lta ba gnyis su gyur te/ kha cig ni theg pa chen po la mngon par dad do/ /kha cig ni smod do/ /de nas tshong dpon gyi bu chu 'beb kyis de'i tshe rdzing der rkang pa gnyi ga'i pu mo nub tsam du 'bog te/ bcom ldan 'das de bzhin gsheg pa dgra bcom pa yang dag par rdzog pa'i sangs rgyas rin chen gtsug tor can de la phyag 'tshal lo zhes ched du brjod pa de skad ched du brjod do/ /de bzhin gsheg pa rin chen gtsug tor can sngon byang chub sems dpa'i spyad pa spyod pa na/ phyogs bcu dag na gang su dag 'chi ba'i dus kyi tshe/ nga'i ming thos pa de dag de nas shi 'phos nas sum bcu rtsa gsum gyi lha rnam dang skal ba mnyam par gyur cig ces smon lam de skad btab bo/ /de nas tshong dpon kyi khye'u chu 'bebs gyi dud 'gro'i skye gnas su gyur pa de dag la chos 'di bshad de 'di lta ste/ 'di yod pa'i phyir 'di 'byung 'di skye bas 'di skye ba 'di ltar ma rig pa'i rkyen gyis 'du byed rnams/ 'du byed rnams gyi rkyen gyi rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyi tshor ba/ tshor ba'i rkyen gyi sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang mya ngan dang smre sngags 'don pa dang sdug bsngal ba dang yid mi bde ba dang 'khrugs pa rnams 'byung ste/ de ltar na sdug bsngal gyi phung po 'di 'ba' shig 'byung bar 'gyur ro/ /'di lta ste ma rig pa 'gag pas 'du byed 'gag par 'gyur ba nas/ de ltar sdug bsngal kyi phung po chen po 'di 'ba' shig kyang 'gag par 'gyur ro zhes bya ba'i bar du'o/ /rig kyi lha mo de ltar de'i tshe de'i dus na tshong dpon gyi bu chu 'beb kyis/ dud 'gro skye gnas su gyur pa de dag la chos dang ldan pa'i gtam 'di brjod nas/ rang gis bu chu'i gos dang chu'i snying po dang lhan cig tu rang gi khyim du phyin pa'i bar du'o/ /de nas dus gzhan zhig na tshong dpon gyi khye'u chu 'beb dus ston chen po zos nas chang gis ra ro te mal na nyal ba dang / de'i tshe de'i dus na ltas chen po byung bar gyur te/ mtshan mo de 'das pa dang / nya khri po de dag 'chi ba'i dus su gyur na/ sum bcu rtsa gsum gyi lha rnams dang skal ba mnyam par skyes so/ /skyes ma thag tu de dag 'di lta bu'i tshul gyi sems kyi rnam par rtog pa skyes te/ bdag cag dge ba'i las kyis rgyu gang gis sum bcu rtsa gsum kyi lha rnam kyi nang 'dir skyes snyam mo/ /de dag kyang 'di snyam du sems te/ bdag cag 'dzam bu'i gling de na nya khrir gyur te bdag cag dud 'gro'i skye gnas su gyur pa las/ /tshong dpon gyi khye'u chu 'bebs kyi chu mang po dang kha zas kyi mchog gi tshim par bya ste/ bdag cag la brten cing 'brel bar 'byung ba zab mo'i chos kyang bstan de bzhin gshegs pa dgra bcom pa yang dag par rdzog pa'i sangs rgyas rin chen gartsug gtor can gyi mtshan kyang bsgrags pas dge ba'i chos kyi rgyu de dang rkyen des bdag cag lha rnam kyi nang 'dir skye kyis/ bdag cag tshong dpon gyi khye'u chu 'bebs ga la ba der dong ste phyin nas de la mchod pa bya'o snyam mo/ /de nas lha'i bu khri po de dag sum bcu tsa gsum gyi lha rnams kyi nang nas mi snang bar gyur nas/ tshong dpon gyi bu chu 'beb gyis khyim du lhags te/ de'i tshe tshong dpon gyi khye'u chu 'beb mal na nyal zhing 'dug pa de la lha'i bu de dag gi mu tig gi se mo do khri ni mgo'i thad kar bzhag /mu tig gi se mo do khri ni rkang pa'i drung du bzhag /mu tig gi se mo do khri ni g.yas phyogasu bzhag mu tig gis se mo do khri ni g.yon logasu bzhag te/ pus mo nub tsam dus me tog man dA ra ba'i char chen po yang phab/ lha'i sil snyan rnams kyang dkrol nas des 'dzam bu'i gling gi mi thams cad kyang sad/ tshong dpon gyi khye'u chu 'beb kyang sad do/ /de nas lha'i bu khri po de dag kyang nam mkha' la dong ste/ lha'i bu de dag rgyal po lha'i dbang phyug 'od kyi yul gyi gnas dang gnas bzhan du yang / me tog mAn dA ra ba'i char 'bebs shing / dgon pa na yod pa'i rdzing chen po ga la ba der dong nas/ de dag gi rdzing chen po der me tog mAn dA ra ba'i char chen po phab ste/ de nyid du mi snang bar gyur nas slar yang lha'i gnas su dong ste/ de na 'dod pa'i yon tan lnga po dag gis dga' zhing rtse te/ dga' 'gur spyod cing dpal dang skal ba bzang po chen po dag kyang myong ngo / /'dzam bu'i gling du nam lang pa dang de nas rgyal po lha'i dbang phyug 'od kyi skar mkhan dang blon po chen po rnam la smras pa/ ci'i phyir mdang sum ltas 'di dag byung / de dag gi smras pa/ lha mkhyen par mdzad du gsol/ tshong dpon gyi khye'u chu 'beb kyi khyim du mu tig gi se mo do bzhi khri'i char phab cing me tog mAn dA ra ba'i char yang 'bab bo zhes byas pa dang / khyed deng la tshong dpon gyi bu chu 'beb la snyan pa'i tshig gis bos shig /de nas skar mkhan dang blon po chen po rnams chu 'beb kyi khyim ga la ba der dong te phyin nas/ tshong dpon gyi khye'u chu 'beb la 'di skad ces smras so/ /rgyal po lha'i dbang phyug 'od khyod la 'bod do/ /de nas tshong dpon gyi khye'u chu 'beb blon po chen po rnam dang lhan cig tu rgyalo lha'i dbang phyug 'od ga la ba der dong ba dang / rgyal pos smras pa/ chu 'beb mdang sum de 'dra ba'i ltas byung ba/ de ci'i ltas yin shes sam/ de nas tshong dpon gyi khye'u chu 'bebs kyi rgyal po lha'i dbang phyug 'od la 'di skad ces smraso/ /lha bdag gi tshal te nya khri po de dag 'chi ba'i dus bgyi par ngeso/ /rgyal pos smras pa ji ltar shes/ chu 'beb kyi smras pa/ lha chu'i gos rdzing der nya khri po de dag gum 'am ma gum ltar tsal to/ /rgyal pos smras pa de lta ltar gyi shig /de nas tshong dpon gyi khye'u chu 'beb kyi khye'u chu'i gos la 'di skad ces smras so/ /bu song la dgon pa na yod pa'i rdzing du nya khri po de dag shi'am ma shi ltos shig /de nas khye'u chu'i gos myur ba myur bar dgon pa na yod pa'i rdzing chen po ga la ba der song ba dang / nya khri po de dag shi ba'i dus su gyur cing me tog mAn dA ra ba'i char chen po bab par yang mthong nas slar log ste pha la smras pa/ 'chi ba'i dus su gyur to/ /de nas tshong dpon gyi khye'u chu 'bebs kyi khye'u chu'i gos las tshig de thos pa dang / rgyal po lha'i dbang phyug 'od ga la ba der song nas de dag rgyus nas zhib tu smras te/ lha mkhyen par mdzad du gsol/ nya khri po de dag tham cad ni 'chi ba'i dus su gyur nas sum bcu tsa gsum gyi lha rnam kyi nang du skyes te/ de dag dang bdag gi mthus mdang sum de lta bu'i dge ba'i ltas de dag byung ste/ bdag gi khyim du yang mu tig gi se mo do bzhi khri dang lha'i me tog mAn dA ra ba'i char yang bab bo/ /de nas rgyal po dga' zhing mgu te yid rang bar gyur to/ /de nas bcom ldan 'das kyi/ rig kyis lha mo byang chub yang dag par bsdus pa la 'di skad ces bka' stsal to/ /rig kyi lha mo de'i tshe de'i du na/ rgyal po lha'i dbang phyug 'od ces bya bar gyur pa gzhan zhig yin pa snyam du khyod sems na de de ltar mi blta'o/ /de ci'i phyir zhes na/ shAkya lag na be con can de'i tshe de'i dus na rgyal po lha'i dbang phyug 'od ces bya bar gyur to/ /rig kyi lha mo de'i tshe de'i dus na tshong dpon ral pa 'dzin ces bya bar gyur pa de gzhan zhig yin pa snyam du khyod sems na de de ltar mi lta'o/ /de ci'i phyir zhe na/ rgyal po zas gtsang ma de'i tshe de'i du nas/ tshong dpon ral pa 'dzin ces bya bar gyur te/ / rigs kyi lha mo de'i tshe de'i dus na/ tshong dpon gyi khye'u chu 'beb zhes bya ba de gzhan zhig yin pa snyam du khyod sems na/ de de lta mi lta'o/ /de ci'i phyir zhe na/ nga de'i tshe de'i du na tshong dpon gyi bu chu 'beb zhes bya bar gyur to/ / rig kyi lha mo de'i tshe de'i dus na chung ma chu'i pad ma'i snying po zhes bya bar gyur pa de gzhan zhig yin pa snyam du khyod sems na de de ltar mi blta'o/ /de ci'i phyir zhe na/ shAkya'i bu mo sa mtsho ma de'i dus na tshong dpon gyi khye'u chu 'beb zhes bya ba'i chung ma chu'i pad ma'i snying po zhes bya bar gyur to/ /sgra gcan zin ni de'i tshe de'i dus na khye'u chu'i gos zhes bya bar gyur to/ /kun dga' bo ni de'i tshe de'i dus na khye'u chu'i snying po zhes bya bar gyur to/ /rig kyi lha mo de'i tshe de'i de'i du na nya khri por gyur pa de dag gzhan zhig yin pa snyam du khyod sems na de de ltar mi lta'o/ /de ci'i phyir zhe na/ 'bar ba'i khyad par gyi gzi brjid rgyal po la sog pa lha'i bu khri 'di dag de'i tshe de'i dus na nya khri gyur te/ gang dag ngas chu dang zas kyi mchog gi tshim par byas shing rten cing 'brel bar 'byung ba zab mo'i chos kyang bstan/ de bzhin gshegs pa dgra bcom pa yang dag par rdzog pa'i sangs rgyas rin chen gtsug tor can gyi mtshan kyang bsgrags te/ dge ba'i las kyi rgyu des nga'i gan du 'dir lhag ste/ des na de ltar bla na med pa yang dag par rdzogs pa'i byang chub tu lung stan to/ /rab tu dga' ba dang dang ba dang mchog tu dga' ba dang / gus pa'i chos nyan pas tham cad lung stan pa zhes bya ba'i ming thob par gyur to/ /rig kyi lha mo de tshe de'i dus na/ shing gi lha mor gyur pa de gzhan zhig yin pa snyam du khyod sems na de de ltar mi blta'o/ /de ci'i phyir zhe na/ rigs kyi lha mo khyod de'i tshe de'i du na shing gi lha mor gyur ro/ /rig kyi lha mo rnam grang 'di na 'khor ba na 'khor ba'i tshe ngas ji ltar sems can mang po byang chub tu yongasu smin par byas te de dag tham cad bla na med pa yang dag par rdzogs pa'i byang chub tu lung stan pa'i sa thob par gyur par rig par bya'o/ /gser 'od dam pa mdo sde'i dbang po'i rgyal po las/ chu 'beb gyi nya btul ba'i sngon byang ba'i le'u zhes bya ba ste bcu bdun pa'o// // rig kyi lha mo gzhan yang byang chub sems dpa' ni gzhan la phan pa'i phyir lus kyang yongasu gtong ngo / /de ji lta zhe na/ dri ma med cing shin tu rgyal pa'i yon tan rnam pa sna tshogs brgya'i 'od zer sa dang lha yul du rnam par 'phro ba thogs pa med pa'i ye shes mthong ba dang stob kyis pha rol gnon pa'i bcom ldan 'das dge slong stong gis yongasu bskor te/ yul lnga len gyi ljongasu ljongs rgyu zhing gshegs nas nag tshogs zhig tu byon pa dang / der des sngo zhing 'jam la mthing gar 'dug pa'i spang gi ngos me tog gi dri zhim pa rnam pa sna tshog kyi rab tu brgyan pa'i sa phyogs zhig gzigaso/ /gzig nas kyang bcom ldan 'das kyi tshe dang ldan pa kun dga' bo la bka' stsal pa/ kun dga' bo sa phyog 'di ni mdzes pa te/ 'di na gtam gyi gnas kyi mtshan ma yod kyis da de bzhin gsheg pa'i gdan thing shing / des bcom ldan 'das kyi bka' bzhin du gdan bting ngo / /gdan ting nas kyang bcom ldan 'das la 'di skad ces gsol to/ /gdan bting lags na bcom ldan gtso bo mchog /mi la mchog tsol dam pa'i srid bcing grol/ /gzhug te mi la sman slad mthar bgyi kyi/ /bka'aching dam pa bdud rtsi gsung du gsol/ /de nas bcom ldan 'das gdan de la bzhug nas dge slong rnams la bka' rtsal pa/ dge slong dag khyod bya dka' ba'i las byed pa'i byang chub sems dpa'i rus pa rnams lta bar 'dod dam/ de skad ces bka' stsal pa dang bcom ldan 'das la dge slong de dag gis 'di skad ces gsol to/ /drang srong dam pa sems can mchog gi snying po la/ /bzod dang btson 'grus che la zhi dang dul dga' zhing / /blo gros dran dga' yon tan dpag med gnas gyur gyi/ /rus pa bdag cag lta ba'i dus la gang legs shod/ /de nas bcom ldan 'das zhabs kyi zhabs kyi mthil 'khor lo tsibs stong gi ri mo can dang / me tog ka ma la gsar du kha bye ba ltar 'jam pa'i phyag gis sa'i ngos la brdabs te bsnun ma thag du sa rnam pa drug tu g.yos te nor bu dang gser dang dngul las byas pa'i mchod rten zhig de nas byung ngo / /de nas bcom ldan 'das kyi tshe dang ldan pa kun dga' bo la bka' stsal pa/ kun dga'o mchod rten 'di phye zhig /de nas tshe dang ldan pa kun dga'o bcom ldan 'das kyi ltar mnyan nas/ mchod rten de phye ba dang des der gser gyi 'phran can gyi nor bu dang mu tig gi khes par g.yog pa'i gser gyi za ma tog cig mthong ngo / /mthong nas kyang bcom ldan 'das la 'di skad ces gsol to/ /bcom ldan 'das gser gyi za ma tog mchis so/ / bcom ldan 'das kyi bka' stsal pa/ za ma tog bdun po 'di dag tham cad phyed shig /de bzhin du tham cad phye ba dang des der rus pa'i kha dog kha ba dang me tog ku mu da 'dra ba dag cig mthong ngo / /mthong nas kyang bcom ldan 'das la 'di skad ces gsol to/ /bcom ldan 'das rus pa dag cig gda'o/ /bcom ldan 'das kyi bka' stsal pa/ kun dga'o skye bu chen po'i rus pa rnam khyer te shog /de nas tshe dang ldan pa kun dga' bos rus pa de dag blangs te sangs rgyas bcom ldan 'das la phul ba dang / bcom ldan 'das kyis rus pa rnams dge 'dun gyi mdun du bsnam te phyag tu bzhes te bka' stsal pa/ rus pa 'di dag yon tan mchog rab tshogs ldan blo gros mchog /dul dang bsam tan bzod pas spro ba grags pa dam pa mchog /phyir zhing byang chub 'di la rtag tu blo gros ldan byas shing / /spro rtan mos dang blo gros rtag du sbyin la dga' ba yin/ /de nas bcom ldan 'das gyis dge slong rnam la bka' stsal pa/ dge slong dag byang chub sems dpa'i rus pa tshul khrim dang yon tan gyis yongasu bsgos pa/ mchog tu mthong bar dka' ba bsod nams kyi zhing du gyur pa rnam la phyag tshol cig /de nas dge slong de dag gis thal mo sbyar te 'dun pa'i yid gyis rus pa rnam la phyag 'tshal to/ /de nas tshe dang ldan pa kun dga' bos thal mo sbyar te bcom ldan 'das la 'di skad ces gsol to/ / bcom ldan 'das de bzhin gshegs pa ni/ 'jig rten thams cad las mngon par 'phags pa sems can thams cad kyis phyag bgyi pa lags na/ ji ltar de bzhin gshegs pa nyid rus pa 'di dag la phyag bzhes/ de nas bcom ldan 'das kyi tshe dang ldan pa kun dga'o la 'di skad ces bka' stsal to/ /kun dga' bo rus pa 'di dag gis nga 'di ltar myur du bla na med pa yang dag par rdzogs pa'i byang chub tu mngon par rdzogs par sangs rgyas so/ /kun dga'o sngon byung ba 'das pa'i dus na rgyal po shing rta chen po zhes bya ba bzhon pa dang stobs du ma dang ldan pa thogs pa med pa'i stob gyis pha rol gnon pa zhig byung ste/ de la bu lha gzhon nu dang 'dra ba gsum zhig yod de sgra chen po dang lha chen po dang sems can chen po'o/ /de nas rgyal po rtse ba'i phyir bskyed mos tshal gyi sar byung ba dang / gzhon nu de dag skyed mos tshal de'i yon tan la chags shing me tog 'dod pa phan tshun rgyu ste/ nags stug po chen po bcu gnyis su zhugs so/ /de nas rgyal po'i bu dag dong ba dang gzhon nu'i rim gro pa rnams kyang rgyal bus bskrad nas phan tshun dong ste/ kun tu bsrung pa'i skyed mos tshal chen po nag sdug po bcu gnyisu zhugaso/ /de nas sgra chen pos nu bo gnyi la smra pa/ kho bo'i snying 'jig pas non na 'dir bdag cag gcan zan gyi gsad du 'ong gis tshur shog /lha chen pos smras pa/ bdag la 'jig pa ni ma mchi na/ skye bo sdug pa dang bral ba snyam bgyid pa'i snying du gyur to/ /sems can chen pos smras pa/ thub pas bsngags pa'i nags khrod dben pa 'dir/ /bdag ni mi 'jigs mya ngan ma mchis gyi/ /shin tu rgyas mchog don chen rnyed snyam ste/ /bdag gis snying 'di rab tu dga' bar gyur/ /de nas rgyal bu gzhon nu de dag nags sdug po bcu gnyis po de dag gi khrod du rgyu ba na stag mo bu byung nas zhag bdun lon pa zhig bu sngas bskor te/ bkres shing skom pas nyams smad nas lus mchog tu nyam chung bar gyur pa de 'dra ba zhig mthongo / /mthong nas sgra chen po smras pa/ kye ma'o nyon mong ma 'di bu byung nas zhag drug gam zhag bdun lon par gyur la/ da ltar zas ma rnyed pas yang na ni rang gi bu la za bar 'gyur/ yang na ni bkres pas 'chi ba'i dus byed par 'gyur ro/ /sems can chen po smras pa/ nyon mongs ma 'di'i zas ci/ sgra chen pos smras pa/ 'dir gang sha sar pa dang khrag dron po yod na de ni stag dang dom dang dred dang seng ge rnam kyi zas yin no zhes zer ro/ /lha chen pos smras pa/ 'dir nyon mongs 'di bkres pa dang skom pa dang ldan pa'i lus su gyur pas srog gi lha ma cung zad cig lus te/ rab tu nyams chung bas 'dis gnas 'dir zas skom tshol ni mi nus na 'di'i srog yongasu bsrung ba'i phyir su zhig rang gi lus yongasu btong bar byed cing gu/ sgra chen po smras pa/ kye rang gis lus yongasu btang ba ni bya dka' ba'o/ /sems can chen po smras pa/ bdag cag lta bu srog dang lus la mngon par chags pa blo chung ba rnam la ni tshul 'di bya dka' ba lags kyi/ gzhan lus yongasu gtong ba la zhugs pa gzhan la phan par brtson pa'i skye bu dam pa rnams la ni dka' ba ma lagaso/ /yang snying brtse snying rje las byung 'phags pa'i sems can dag /lha yul dang ni sa 'dir rang lus rnyed snyam te/ /gzhan gyi srog phyir 'thun par dga' ba'i yid kyis ni/ /'gyur ba med par 'dir ni rnam pa brgya yi btse/ /de nas rgyal bu gzhon nu de shin du mi dga' ba ste/ ltag mo de la mig mi 'dzum par ring zhig tu bltas nas song ngo / /de nas sems can chen po 'di snyam du sems te/ da ni bdag gi lus 'di yongasu gtang ba'i dus la bab bo/ /de ci'i phyir zhes na/ 'jigs cing 'gyes pa'i chos can mthar byed mtha' ngan pa/ /rnag can lus 'di zas dang skom dang mal cha dang / /bzhon pa 'os pa chen po dag gis ring bsrung kyang / /snga med rang gis rang bzhin mi 'dor byas don med/ /yang thams cad du mi gtsang bar gyur pas na de'i 'tsho ba med kyis/ da bdag gi de las bzang po la sbyar bar bya'o/ /de'i phyir bdag skye ba dang 'chi ba'i rgya mtsho las brgal ba'i gru bo che lta bur 'gyur ro/ /yang snying po med lus dbu ba 'dra la srin bu brgyas gang byas pa chud gzon pa/ /'bras 'dra ba yi srid pa brgya ldan gcin dang phyi sas gang ba 'di btang te/ /mya ngan med cing 'gyur med phung med dri med bsam tan la sogs yon tan gyi/ /kun tu gang ba'i chos sku yon tan brgyas gang rdul dang bral ba thob par bya/ /de snying rje mchog dang ldan pa'i snying dus gyur pas de ltar brtul nas khyod gnyis gshegs su gsol/ bdag ni rang gis bgyi ba zhig gi slad du nag stug po bcu gnyisu 'jug go zhes de gnyis bskrad do/ /de nas rgyal bu gzhonu sems can chen po nags 'dab de nas slar log ste/ stag gi gnas su song nas nags kyi yal ga la gos gsar te/ bdag ni 'gro la phan phyir byang chub mtshungs pa med pa zhi ba thob 'dod de/ /gzhan gyis btang bar dka' ba'i lus ni blo gros 'gyur ba med pa'i snying rjes sbyin bdag gis skyon med byang chub rin med rgyal sras rnams kyis gnyer ba thob par shog /bdag gis srid pa'i rgya mtsho rab tu 'jigs las 'jig rten gsum po bsgral bar bya zhes smon lam btab bo/ /de nas sems can chen po stag mo'i mdun du nyal ba dang / de nas byams pa dang ldan pa'i byang chub sems dpa' la stag mos ci yang ma byas so/ /de nas byang chub sems dpas kye ma'o 'di ni nyam chung bas mi nus so snyam nas lang te snying brtse ba'i blo gros kyis mtshon cha btsal na gang nas kyang mtshon cha ma rnyed nas des 'od ma'i yal ga lo brgya lon pa sra ba zhig blang te/ bdag gi mgul pa bcad nas stag mo'i mdun du 'gyel to/ /byang chub sems dpa' 'gyel ma thag tu chu'i dbus su son pa'i gru rlung gis skyod pa bzhin du sa 'di rnam pa drug tu g.yos so/ /nyi ma yang sgra gcan gyis zin pa bzhin du 'od zer rnams kyis mdzes pa med do/ /lha'i spos dang phyed ma dang 'dres pa'i me tog gi char yang bab bo/ /de nas lha zhig gis ngo tshar du gyur pa'i yid kyis byang chub sems dpa' la bstod pa/ blo gros bzang po khyod 'dir ji ltar thug rjes sems can rnams khyab te/ /mi yi dbang po rab tu dgyes pas ji ltar sku 'di btang bas na/ /skye ba dang ni 'chi ba'i don dang bral ba zhi ba gnas gyi mchog /zhi ba gtsang ma khyod kyi 'dir ni tshegs med ring por mi thogs brnyes de nas stag mo de byang chub sems dpa'i lus khrag gis sbags pa la bldags nas/ yud tsam gyis sha dang khrag med par rus pa tsam zhig lus par byas so/ /de nas sgra chen pos sa g.yos pa de dag la bsams nas lha chen po la 'di skad ces smras so/ / ji ltar phyog bcu'i rgya mtsho'i thar thug rgya mtshor bcas pa'i/ /sa 'di rab tu g.yos shing nyi ma'ang 'od ni med gyur la/ /me tog char pa bab cing kho bo'i yid kyang 'khrugs pa na/ /da gzod bdag gi nu bo rang gi lus ni btang yang thag /lha chen pos smras pa/ de ni ji ltar snying rje ba'i tshig smra la/ /bkres dang ldan zhing sdug bsngal brgyal gtses pa/ /shin tu nyams chung rang gi bu la yang / /za bar chas la lta bas bdag kyang dogs/ /de nas rgyal bu gzhonu de gnyis rab tu mya ngan gyis non nas mchi mas mig gang ste lam de nyid nas slar log nas stag mo'i drung du phyin pa dang / gos tham cad ni 'od ma'i yal ga la gzar/ rus pa rnams ni bye zhing bral khrag ni rdzab tu gyur skra ni phyogs dang phyog mtsham su 'thor bar mthongo / /mthong nas kyang brgyal te rus pa'i steng du 'gyel nas ring zhing lon pa dang / 'du shes rnyed de langs nas lag pa bsgreng ste nyams thag pa'i sgra phyung ngo / /kye ma'o nu bo sdug pa dang ni rgyal po dang / /de bzhin du ni bu la rab tu gtung ba'i ma/ /pad ma 'dra ba'i mig ring khyod kyi gar bzhag ces/ /ma ni bdag cag la yang tha chung 'dra bar 'gyur/ /kye ma bdag cag gnyis ni sa phyog 'di nyid du/ /shi na legs kyi gson pa de lta ma yin no/ /sems can chen po med par gyur pas bdag cag la/ /pha ma dag gis ji ltar lto ba ster bar 'gyur/ /de nas rgyal bu gzhon nu de gnyis kyi snying rje rje skad du rnam pa mang por ngus nas dong ngo / /de nas rgyal bu gzhon nu'i rim 'gro pa rnams kyang gzhon nu tshol zhing phyog dang phyog 'tshams su rgyug pa dang / gcig gis gcig mthong nas/ bzhon nu ga re gzhonu ga re zhes 'dri'o/ /de'i tshe btsun mo mal na nyal ba'i rmi lam na sdug pa dang bral bar rmis pa 'di lta ste/ nu ma gnyis bcad pa dang so phyung ba dang thi ba'i phru gu gsum zhig rnyed pa las bcig khras khyer bar mthong ngo / /de nas rtsun mo sa g.yos pas snying dngangs te mod la sad nas sems pa la zhugs te/ 'byung po'i rten ma rgya mtsho'i gos can 'di ni kun du rab g.yo ci zhig gu/ /nyi ma 'od zer med par gyur pas nga yi snying la mya ngan 'gyur bar ston/ /nga yi lus ni zhum zhing mig kyang g.yo la rang gis nu ma bcad rmis pa/ /nga yi bu rnam nags khrod 'dir ni rtser dong ba la dge bar 'gyur ram ge/ de nas de snyam bsam pa dang bran mo yang snying myos te 'ong nas btsun mo la smras pa/ jo mo gzhon nu'i rim gro ba dag gzhon nu tshol zhing mchis na jo co stor ces gda'o/ /de skad thos ma thag tu btsun mo'i snying 'dar zhing mig dang gdong mchi mas gang ste rgyal po'i gan du song nas smras pa/ lha bdag gi bu sdug pa stor ces thos so/ /rgyal po yang snying 'dar zhing shin du myos te kyi hud bdag gi bu sdug pa dang bral ba lta zhes smras so/ /de nas rgyal pos btsun mo dbugs dbyung ba'i phyir nga gzhon nu btsal ba la nan tan du byed kyis bzang mo mya ngan ma byed cig der gzhon nu tshol ba la zhugs pa na skye bo'i tshogs dag rod rod por gyur to/ /de nas ring por ma lon par rgyal pos rgyal bu gzhon nu gnyis rgyang ring po nas 'ong ba mthong ngo / /mthong nas kyang smras pa gzhon nu de dag ni 'ong na thams cad ni ma yin te/ kyi hud bu dang bral ba lta zhes bya ba ni sdug bsngal ba'o/ /ji ltar bu dang bral bar gyur na yid ni mi bde ba/ / mi rnams bu rnyed pa ni de ltar dga' ba ma yin no/ /'jig rten na ni gang dag bu med pa dang shi ba'am/ /mi rnams gang dag bu gson de dag bde ba yin ci/ /de nas btsun mo shin tu mya ngan gyis non nas rnga mo gnad du bsnun pa bzhin du mi zad pa'i sgra phyung ngo / /de ltar bu gsum dag ni g.yog gi tshogs bcas te/ /me tog rnams kyis gang ba'i nags khrod zhugs pa las/ /bdag gi bu dge tha chungs 'ongs par ma gyur na/ /bdag gi snying dang 'dra ba'i tha chungs de ga re/ /de nas de gnyis lhag pa dang rgyal pos bu la dris pa/ khye'u tha chungs ga re zhes gzhon nu gnyis la dris pa dang / de nas mya ngan gyis nyam thag cing mig mchi mas gang ste rkan dang mchu dang kha dang so skams nas cang mi zer ro/ /btsun mos smras pa/ kho mo'i bu sdug tha chungs de ga re/ /kho mo'i snying 'di gas la thug gyur cing / /lus ni mi zad rab tu gzer gyur te/ /kho mo'i dran pa nyam gyur myur du smros/ /de nas gzhon nu de gnyis kyis ji ltar gyur pa de zhib tu smras so/ /de thos ma thag tu rgyal po dang btsun mo myos par gyur te/ myos pa sangs nas snying rje rje skad du ngu zhing phyogs der dong ngo / /de nas rgyal po dang btsun mos rus pa de dag sha dang khrag dang rgyus pa med cing skra phyogs dang phyogs 'tshams su mthor ba mthong nas shing rlung gis btab pa bzhin du 'gyel to/ /de nas nye phan dang blon po dag gis de ltar gyur pa de mthong nas chu dang ri ma la ya'i tsan dan gyi 'de gus rgyal po dang btsun mo'i lus sim bar byas so/ /de nas ring zhig lon pa dang 'du shes rnyed nas rgyal po langs te snying rje rje skad du 'bod pa/ kye ma bu sdug yid 'ong mthong dga' ba/ /'chi bdag dbang du ci phyir de myur song / /'chi bdag ci phyir nga la sngar ma 'ongs/ /nga la sdug bsngal 'di las gzhan mi 'byung / /btsun mo yang myos pa las sangs nas skra zhig cing lag pa gnyis kyis brang brdungs te/ nya thang la byung ba bzhin du sa'i steng na 'dre ldog cing ma he be'u stor ba dang rnga mo rnge'u stor ba bzhin du snying rje rje skad du ngu'o/ /kye ma sdug cing gces pa'i bu yi pad ma 'di/ /su yis sa yi steng du bshig nas rab tu gtor/ /yid 'ong mig ldan zla 'dra'i bzhin can bdag gi bu/ /bdag gi dgra bo gang de gang gis de ring sa 'dir bcom/ /kye ma sa 'dir bu mchog bsad mthong ba/ /lus 'di ci phyir de ring zhig ma gyur/ /sdug bsngal 'di 'dra mthong yang ma gas pas/ /bdagi snying 'di lcags ni yin yang thag /de ring rmi lam du ni bdagi nu ma 'ga' zhig gis ni ral gris bcad/ /so yang phyung bas de ring bdagi bu sdug de ni myur du ma rung gyur bdagis thi ba'i phrug gu gsuM zhig rnyed pa cig 'dir ji ltar khras khyer bzhin/ /bdagi bu gsuM dag gis bskor ba las kyang cig ni de ring 'chi bdag khyer/ /kye ma'o sdig pa can gyi rmi laM di yi 'bras bu grub pa 'di yin no/ / de nas rgyal po dang btsun mo snying rje rje skad du rnam pa mang por smre zhing rgyan thams cad bkrol nas skye bo'i tshogs chen po dang lhan cig tu bu'i rus bu la mchod pa byas nas/ gzhon nu'i rus pa rnam phyogs 'dir bzhag go/ kun dga' bo de'i tshe de'i dus na rgyal bu gzhon nu sems can chen po zhes bya bar gyur pa de gzhan zhig yin pa snyam du khyod sems na de de ltar mi lta'o/ /de ci'i phyir zhe na/ nga nyid de'i tshe de'i dus na rgyal bu gzhon nu sems can chen po zhes bya bar gyur to/ /kun dga' bo 'dod chags dang zhe sdang dang gti mug las yongasu ma grol ba de'i tshe yang / seMn dmyal ba la sogs pa'i sdug bsngal las ngas 'gro ba mtha' dag la phan btags na skyon thaMd dang bral te yang dag par rdzogs par sangs rgyas pa da ltar lta smos kyang ci dgos de ltar sems can re re'i phyir yang seMn dmyal ba rnaMsu bskal par gnas par spro zhing skye bo 'khor ba las rnam par bkrol lo/ /sems can gyi snying pos shin tu bya dka' ba rnam pa sna tshogs dus mas 'gro ba mtha' dag la phan btags so/ /de nas bcom ldan 'das kyis de'i tshe tshigasu bcad pa 'di dag gsungs so/ /byang chub mchog 'di yongasu tshol ba na/ /bskal pa mang por ngas ni lus btang ste/ /ji ltar rgyal po dang ni rgyal bur gyur/ /de ltar ngas ni lus rnams yongasu btang / /sngon gyi skye ba rnams ni rjes dran te/ /shing rta chen po zhes pa'i rgyal po byung / /de la bu ni gtong ba che ldan pa/ /sems can che zhes bya ba dam pa yod/ /de la phu bo dag ni gnyis yod de/ /ming ni sgra chen po dang lha chen po/ / spun tshogs de dag nags tshal stug por dong / /de dag stag mo bkres pas gzir ba mthong / /de la sems can mchog de snying rje skyes/ /stag mo 'di ni skres skom gzir bas na/ /bdag bu de dag za bar 'gyur 'ong gis/ / de ltar bdag lus da ni btang bar bya/ /shing rta che bu sems can che/ /stag mo bkres mthong stag phrug rnams/ /thar bar bya phyir snying rje yis/ /ri ngos gzar nas mchong pa dang / /sa ni ri dang bcas su g.yos/ /bya tshogs rnam mang rnams par 'thor/ /ri dgas tshogs skrag 'jig rten 'di/ /mun pas thibs por gnas par gyur/ /de yi phu bo sgra chen dang / /de bzhin lha chen de gnyis kyis/ /nags mchog chen po der bltas na/ /sems can chen po ma rnyed nas/ /shin tu mya ngan zug rngu'i snying / /dran med nags kyi nang na rgyu/ /nu bo de ni yongs tshol zhing / /gdong la mchi zag nags khrod rgyu/ /sgra chen de bzhin lha chen po/ /rgyal bu gzhon nu de dag gnyis/ /stag mo nyams chung gar nyal ba/ /der ni nye bar song ba dang / /stag mo dang ni stag phrug gi/ stag gi mchu la khrag chags mthong / / skra dang rus pa cung zad cig /sa la rnam par 'thor bar mthong / /de yi khrag gi thigs pa ni/ /nyung zhig sa la yod par gyur/ /rgyal po'i bu ni de gnyis kyis/ /khrag chags pa'i sa de mthong / /rab tu rgyal de sa de la/ /'gyel nas yid ni nyams par gyur/ /lus rnams la ni rdul gyis gos/ /dran dbang nyams shing sems kyang myos/ /de dag gi ni 'khor rnams kyang / /snying rjer ngu zhing mya ngan non/ /de dag chus ni rab 'thor zhing / /lag pa sgreng te ngu zhing gnas/ /de ni 'gyel ma thag tu yang / /btsun mo gces mchog skyed pa'i ma/ /bud med dag ni lnga brgya dang / /pho brang nang na bder 'dug pa/ /nu sor gnyis ka'i rtse mo nas/ /'o ma khrag tu 'byung zhing 'dzag /de yi lus dang yan lag kun/ /khab kyis gtsabs pa bzhin tu tsha/ /snying ni rab tu mya ngan gang / /bu bral mya ngan drag mdas phog /rgyal po'i gan du nyer song ste/ /mya ngan rab gdungs yid mi dga'/ /snying rje'i sgra yis rab ngu zhing / / rgyal po shing rta che la smras/ /mi dbang rgyal po bdag la gson/ /bdag lus mya ngan me yis tshig /bdag gi nu sor rtse gnyis nas/ /'o ma khrag tu rab tu 'byung / /bdag lus khab kyis btsags bzhin tsha/ / bdag gi snying yang gas la thug /ji ltar sdug pa'i bu rnams ni/ /phyin cad mi mthong 'di 'dra'i ltas/ /bdag gi bu rnams de ltar 'tshal/ /thugs rje mdzod de bdag srog stsol/ /de ring bdag gi rmi lam na/ /thi ba phrug gu gsum rnyed na/ / bdag gi thi ba phrug gu ni/ /sdug cing yid 'ong gang lags pa/ /der ni khra mchis bdagi ni/ /thi ba phrug gu de khras 'tshal/ /bdag gi rmi lam de 'dra ba'i/ /mya ngan snying 'dir rab tu zhugs/ /sems ni mya ngan rab gdungs pas/ / bdag ni ring por mi thogs 'gum/ /bdag gi bu rnams de ltar 'tshal/ /thugs rje ldan pa bdag srog stsol/ /de skad smras nas btsun mo mchog /brgyal nas sa der 'gyel bar gyur/ /dran pa'i dbang po rnam par nyams/ / sems kyang stor zhing dran pa med/ /btsun mo'i 'khor tshogs thams cad kyang / /snying rje'i skad kyis rab tu ngu / /btsun mo dam pa brgyal gyur te/ /sa la 'gyel ba mthong nas ni/ /de ma thag tu rgyal dbang de/ /bu dang bral ba'i mya ngan non/ /blon po dang ni 'khor rnams kyang / /gzhon nu rnams ni btsal phyir dong / /grong khyer kun gyi skye bo dag /tha dad khyim nas byung zhing 'khod/ /ngu zhing gdong nas mchi ma zag /lam khar sems can che de 'dri/ /gson nam 'on te shi 'am ci/ /sems can chen po de gar song / /bdag cag de ring mthong zhig gam/ /yid 'ong sems can mthong re dga'/ /de'u re mi snyan thos 'gyur zhing / /yul 'dir mya ngan mi bzad rlung / /sgra mi phyin cing sgyu mtha' yas/ / drag po'i sgrar bcas ldang zhig gam/ /rgyal po shing rta che langs te/ /mya ngan non cing ngu bzhin du/ /btsun mo dam pa sar 'gyel la/ /bdag nyid chu yi rgyun kyang 'thor/ /ji srid dran rnyed ldang 'gyur ba/ /de srid du ni chu yis gtor/ / bdag bu gum 'am gson zhig ces/ /zhum pa'i yid kyis 'dri bar byed/ /rgyal po shing rta chen po yis/ /btsun mo mchog la 'di skad smras/ /blon po dag dang 'khor rnams kyang / /gzhon nu rnams ni tshol phyir dong / /khyod ni rab tu yid zhum zhing / /rtag tu mya ngan snying ma byed/ /de ltar shing rta chen po yis/ /btsun mo dam pa spro bsrings te/ /rgyal po'i pho brang nas byung nas/ /mya ngan non cing ngu bzhin du/ /blon po'i tshogs kyis yongs bskor te/ /yid ni rab zhum lus kyang zhan/ /srog chags brgya phrag mang po yang / /ngu zhing mchi ma zag bzhin rgyug /rgyal bu rnams ni btsal ba'i phyir/ /grong khyer gyi ni mchog nas byung / /rgyal po byung ba mthong nas ni/ /rgyal po'i phyi bzhin kun tu 'brang / /rgyal po shing rta chen po ni/ /grong khyer nas byung de ma thag /sdug pa'i bu ni blta ba'i phyir/ /dgod pa'i mig gis phyogasu bltas/ /mgo bregs yan lag khrag sbags shing / / lus la rdul gyis gos gyur la/ /gdong la mchi zag ngu bzhin du/ /'ong ba'i mi zhig mthong nas ni/ /shing rta chen po'i snying la yang / /rab tu mi bzad mya ngan gnas/ /ngu zhing gdong la mchi ma zag /lag pa bsgreng ste ngu zhing 'dug /de nas blon po gzhan zhig ni/ /rgyang ring myur du ring par 'ong / /'ongs nas mi dbang rgyal po ni/ /shing rta che la 'di skad smras/ /mi dbang thugs ngan ma mdzad cig /khyod sras yid du 'ong ba mchis/ /ring por mi thogs khyod kyi gan 'dir ni/ /sras mchog yid 'ong mchi ba khyod kyis gzigs/ /rgyal po yud rtsam lam du zhugs pa dang / /de nas blon po chen po gnyis pa 'ongs/ /rdul chags dri ma can gyi gos gyon cing / / mchi ma'i gdong gis rgyal la 'di skad ces/ /rgyal po chen po khyod kyi sras gnyis ni/ /mya ngan me yi rab tu gdungs shing gnas/ /rgyal po khyod kyi sras mchog gcig mi gda'/ /sems can chen po mi rtag nyid kyis zin/ / stag mo bu byung ring por ma lon pa/ /rang gi bu rnams za bar 'dod pa mthong / /de dag la ni gzhon nu sems can ches/ /snying rje chen po ldan pa sems bskyed nas/ /byang chub tu ni smon lam che btab pa/ / sems can thams cad bdag gis dgrol bar bya/ /byang chub zab mo rgya chen 'dod pa la/ /ma 'ongs dus na bdag gis reg par bya/ /sems can chen po ri ngos gzar nas mchongs/ /stag mo bkres pas non pa de langs te/ /yud tsam gyis ni lus la sha med byas/ /rgyal po'i bu ni rus pa nyi tshe lus/ /ma rungs pa yi tshig ni de thos nas/ /rgyal po shing rta chen po brgyal gyur te/ /sa la 'gyel nas sems kyang stor bar gyur/ /mya ngan me ni shin tu mi bzad 'bar/ /'khor dang blon po snying rje'i skad kyis ni/ /ngu zhing mya ngan non bzhin de dag kyang / /chus 'thor lag pa bsgreng ste rab tu ngu / /blon po gsum pas rgyal la smras pa ni/ /bdagis de ring gzhon nu gnyis po dag /nags chen de na rab tu brgyal gyur cing / /sa la 'gyel te sems kyang stor mthong nas/ /dran pa rnyed de langs kyi bar du ni/ /bdag cag rnams kyi chab kyis rab tu gtor/ /phyogs bzhi dag nas kun nas 'bar bar mthong / /yud tsam 'greng nas slar yang sa la 'gyel/ /snying rje'i skad kyis smre sngags rab tu 'thon/ /rtag par lag pa bsgreng ste gnas nas ni/ /nu bo de yi sngags pa rab tu brjod/ / rgyal po de ni rab tu sems zhum zhing / /bu bral mya ngan non nas sems kyang 'khrugs/ /mya ngan rab tu gdungs shing smre sngags 'don/ /rgyal po de ni 'di snyam yongasu sems/ /bdag bu sdug cing yid 'ong cig po ni/ / sems can chen po mi rtag nyid kyis zin/ /bdagi bu ni gnyis po de dag kyang / /mya ngan me yis srog ni zad 'ong gis/ /'di ltar bdag ni myur du der dong la/ /mthong na dga' ba'i bu dag blta bar bya/ /bzhon pa mgyogs pas rgyal po'i pho brang gi/ rgyal po'i khab tu myur du bkri bar bya/ /de dag rnams ni bskyed pa'i ma yi snying / /mya ngan me yis gas par 'gyur du 'ong / /bu gnyis mthong nas zhi ba thob 'gyur te/ / srog dang bral bar 'gyur ba ma yin no/ /rgyal po blon po'i tshogs kyis yongs bskor nas/ /glang chen zhon te bu rnams blta phyir song / /bu gnyis snying rje'i skad kyis rab ngu zhing / /nu bo'i ming 'bod lam nas 'ong ba mthong / /rgyal pos bu de gnyis ni khrid nas su/ /rab tu ngu zhing khyim du song nas ni/ /de yis rkyen par la gor myur du yang / /btsun mo la ni rang gi bu rnams bstan/ /shAkya thub pa de bzhin gshegs pa nga / /sngon gyi rgyal po shing rta chen po yi/ /bu de sems can chen po mchog gyur cing / /gang gis stag mo bde bar byed pa yin/ /rgyal po'i dbang po dam pa zas gtsang ni/ /shing rta che zhes bya ba'i rgyal por gyur/ / btsun mo'ang btsun mo dam pa sgyu mar gyur/ /sgra chen po ni byams par gyur pa yin/ /rgyal bu lha chen po yang de bzhin du/ /de ni 'jam dpal gzhon nur gyur pa yin/ /stag mor gyur pa skye dgu'i bdag mo che/ / stag phrug rnams ni dge slong lnga por gyur/ /de nas rgyal po shing rta chen po dang btsun mo'i snying rje bar smre sngags rnam pa mang po bston nas/ rgyan thams cad bkrol te skye bo'i tshogs chen po dang lhan cig tu bu'i rus pa la mchod pa byas nas/ sems can chen po de'i rus pa de dag sa phyogs 'di nyid du bzhag ste/ rin po che sna bdun gyi mchod rten 'di byas so/ /sems can chen po 'dis stag mo la lus yongasu btang nas lus yongasu btang ba 'dis phyis ma 'ongs pa'i dus bskal pa bgrang ba las shin tu 'das pa rnamasu yang / sems can rnaMs la sangs rgyas kyi mdzad pa bya'o zhes smon lam 'di skad btab bo/ /bstan pa 'di bshad pa na lha dang mir bcas pa'i skye dgu'i sems can grangs med dpag tu med pa dag /bla na med pa yang dag par rdzogs pa'i byang chub tu sems bskyed do/ /mchod rten 'di 'dir bstan pa'i rgyu ni 'di yin no/ /rkyen ni 'di yino/ / mchod rten de yang sangs rgyas kyi byin gyi brlabs kyis sa de nyid kyi nang du zhugaso/ /gser 'od dam pa mdo sde'i dbang po'i rgyal po las/ stag mo la lus yongasu btang ba'i le'u zhes bya ba ste bcwo brgyad pa'o// // de nas byang chub sems dpa' brgya stong phrag du ma de dag /de bzhin gshegs pa gser dang rin po che'i 'byung gnas gdugs brtsegs ga la ba der song ste phyin nas/ bcom ldan 'das de bzhin gshegs pa gser dang rin po che'i 'byung gnas gdugs brtsegs kyi zhabs la mgo bos phyag 'tshal te phyogs gcig tu 'khod do/ /phyogs gcig tu 'khod nas kyang byang chub sems dpa' brgya stong phrag du ma de dag gis thal mo sbyar te/ de bzhin gshegs pa gser dang rin po che'i 'byung gnas gdugs brtsegs de la tshigasu bcad pa 'di dag gis mngon par bstod do/ /rgyal ba'i sku mdog btso ma'i gser 'dra ste/ /sku lus gser gyi mdog tu rnam par gda'/ /gser gyi ri dbang lta bu'i gser gyi mdog /thub pa pad ma dkar po gser mdog can/ /bzang po'i mtshan gyis sku lus rab tu brgyan/ /dpe byad sna tshogs bzang pos sku lus spras/ /gser gyi 'od ltar mdzes pa rnam par 'bar/ /shin tu dri med zhi ba ri dbang 'dra/ /tshangs pa'i sgra dang sgra snyan tshangs pa'i dbyangs/ /seng ge'i sgra dang 'brug sgra bsgrags pa'i dbyangs/ /yan lag drug bcu bsgrags sgra dri med sgra/ / rgyal dbyangs rma bya ka la ping ka'i sgra/ /shin tu dri med dri bral gzi 'od mdzes/ /rgyal ba bsod nams brgya pa'i mtshan gyis brgyan/ /mkhyen pa'i rgya mtsho dri med dri bral mchog /rgyal ba yon tan kun ldan ri rab 'dra/ / sems can rnams la phan par thugs brtse mchog /'jig rten dag na bde ba'i sbyin pa'i mchog /rgyal ba dam pa'i don rnams ston pa ste/ /mya ngan 'das pa'i bde la 'dzud pa lags/ /'chi ba med pa'i bde ba stsol ba ste/ /rgyal ba bdud rtsi'i chos ni rab tu ston/ /'chi ba med pa'i grong khyer 'dzud pa ste/ /bde ba kun gyi 'byung gnas bde ba'i gnas/ /rgyal bas 'gro ba sdug bsngal thar bar mdzod/ /sdug bsngal rgya mtsho las ni skye dgu sgrol/ /zhi ba'i lam la skye dgu rab tu 'dzud/ /skye dgu rnams la bde ba kun stsol ba/ /khyod la dpe ni bgyi bar mi nus te/ /ji snyed 'dren pa'i yon tan ye shes mtsho/ /srog chags kun la khyod kyi thugs rje dang / /byams pa'i stobs dang thabs dang brtson 'grus dang / /khyod kyi yon tan ye shes rgya mtsho las/ /bskal pa bye ba stong phrag mang por yang / /yon tan thigs pa gcig tsam rab bstan par/ /lhar bcas 'gro ba'i nang na nus ma mchis/ /yon tan mtsho las yon tan thigs blangs te/ /de dag bdag gis mdor bsdus cung zad bshad/ /bdag gis bsod nams gang bsags de yis ni/ /sems can de dag byang chub mchog reg shog / gser 'od dam pa mdo sde'i dbang po'i rgyal po las/ byang chub sems dpa' thams cad kyis bstod pa'i le'u zhes bya ba ste bcu dgu pa'o// // de nas byang chub sems dpa' mdzes pa'i tog stan las langs te/ bla gos phrag pa gcig tu bzar nas pus mo g.yas pa'i lha nga sa btsugs te/ bcom ldan 'das ga la ba de logasu thal mo sbyar ba btud nas tshigasu bcad pa 'di dag gis bcom ldan 'das la mngon par bstod do/ /thub dbang khyod ni bsod nams brgya pa'i mtshan/ /dpal stong mdzes pa yon tan rnams kyis brgyan/ /kha dog rgya chen mchog tu zhi ba ston/ /nyi ma stong ltar 'od ni rnam par 'phro/ /'od zer du ma 'bar bas 'od kyis khyab/ /kha dog sna tshogs gang bas rin chen 'dra/ /sngon po dkar po gser 'od bai dUr+ya/ /zangs dang skya reng shel gyi 'od lta bus/ /rdo rje ri dbang ri rab thal mdzad cing / /zhing rnams bye ba du mar snang mdzad de/ /sdug bsngal mi bzad drag po zhi bar mdzad/ /bde ba mchog gis sems can tshim par mdzad/ /mdog dang dbang po gsal bag blta na mdzes/ /gzugs bltas mi ngoms skye bos blta na dga'/ /rma bya'i mdog 'dra'i dbu skra rnam par mdzes/ /bung ba mang pos gang ba'i 'od dang 'dra/ /thugs rje rnam dag yon tan rnam kyis brgyan/ /ting 'dzin byams pa bsod nams dam pa bsags/ /dpe' byad bzang dang kha dog sna tshogs ldan/ /ting 'dzin byang chub yan lag yon tan brgyan/ /khyod ni rab du tshim mdzad phan pa mdzad/ /bde mdzad bde ba kun gyi 'byung gnas 'byung / /yon tan zab mo sna tshogs rnams kyis brgyan/ /zhing rnams bye ba dag du lha nge ste/ /me yi 'od ltar 'od zer rnam kyis mdzes/ /ji ltar namakha' nyid dkyil rdzogs pa bzhin/ /ri rab lta bur yon tan kun ldan par/ /'jig rten khams rnams kun tu rab tu gda'/ /ba zho ku mu da dung zla 'dra zhing / /kha ba'i mdog dang dkar po bzang 'dra ba'i/ /tshems gyi 'phring bas khyod kyi zhal mdzes pa/ /ngang pa'i rgyal po bar snang ji bzhin no/ /khyod kyi zhi zhal 'tshams gnas zla ba 'dra/ /g.yas su 'khyil zhing khong chud 'dra ba lags/ /bai dUr+ya 'dra'i spu 'od dkar rnams kyis/ /namakha'i dkyil na nyi ma lta bur mdzes/ /gser 'od dam pa mdo sde'i dbang po rgyal po las/ de bzhin gshegs pa thams cad la bstod pa'i le'u zhes bya ba ste nyi shu pa'o// // de nas rigs kyi lha mo byang chub yang dag par bsdus pas/ de'i tshe tshigs su bcad pa 'di dag gis bcom ldan 'das la bstod pa/ rnams par dag pa'i chos la spobs pa'i blo mnga' ba/ /las ngan lam dang bral ba'i bdag nyid blo mnga' zhing / /srid dang srid min mkhyen pa rnam dag blo mnga' ba/ /sangs rgyas rnam dag blo mnga' ba la phyag 'tshal lo/ / kye ma'o kye ma'o sangs rgyas gzi brjid mtha' yas te/ /kye ma'o kye ma'o rgya mtsho' dang ni ri rab 'dra/ /kye ma'o kye ma'o sangs rgyas spyod yul mtha' yas te/ /u dum ba ra'i me tog bzhin du shin tu dkon/ / sems can dag ni thams cad rjes su gzungs slad du/ /gang gis mdo sde dam pa 'di 'dra rab gsungs pa/ /mi dbang nyi ma shAkya'i dbang po'i rigs kyi tog /kye ma'o kye ma'o de bzhin gshegs pa thug rje ldan/ /de bzhin gshegs pa shAkya'i thub pa dbang po zhi/ /zhi ba'i dam pa zhi ba'i grong khyer rab tu zhugs/ /ting 'dzin zab cing zhi la rdul dang bral ba ni/ /rgyal ba sangs rgyas spyod yul der yang rab tu zhugs/ /de ltar nyan thos rnam kyi lus ni stong pa ste/ /rkang gnyis dam pa rnams kyi gnas pa 'ang stong pa lags/ /chos rnams de dag thams cad rang bzhin stong lag na/ /sems can rnams ni stong pa'i bdag nyid ma 'tshal to/ / brtag pa ther zugs tu ni rgyal ba dran par bgyid/ /rgyal ba mthong bar yang ni rtag tu mya ngan bgyid/ /rdzogs pa'i sangs rgyas nyi ma mthong bar bgyid slad du/ /rtag par yang ni smon lam rab tu 'debs par bgyid/ / bdag ni brtag tu dog sar pus mo btsugs nas su/ /rgyal ba'i gzugs kyi sgom pas mya ngan rab tu sems/ /'dren pa'i slad du snying rje'i skad kyis ngu ba bgyid/ /bdag ni bde bar gshegs pa mthong bar rab tu bskom/ / mya ngan me'i kun tu rab tu 'bar bar gyur/ /mthong ba'i chu bsil bdag la rtag par stsal du gsol/ /bdag ni khyod kyi gzugs la lta ba'i rab tu skom/ /thu rje'i char gyi bdag la rab tu sims pa mdzod/ /'dren pa khyod kyi bdag la thug rje mdzad du gsol/ /zhi ba'i gzugs mthong ba ni bdag la stsal du gsol/ /khyod ni lha dang bcas pa'i 'gro ba skyob pa ste/ /'di ltar nyan thos rnam kyi lus ni stong pa lags/ /sems can thams cad dag ni rmi lam rang bzhin te/ /nam mkha' 'dra zhing namakha'i ngo bo nyid kyang lags/ /sgyu ma smigs rgyu dang ni chu yi zla ba 'dra/ /'dren pa khyod kyis stong pa tshe dang ldan pa lags/ /de nas bcom ldan 'das gdan las bzhengs te 'tshangs pa'i sgra dbyangs kyis bka' stsal pa/ rigs kyi lha mo khyod legs so khyod yang legs so/ /bcom ldan 'das kyis de skad ces bka' stsal nas/ rigs kyi lha mo byang chub yang dag par bsdus pa dang / lha mo chen mo dbyangs can la sogs pa lha yi bu mo de dag thams cad dang / lha mo chen mo dpal la sogs pa lha mo yi tshogs de dag thams cad dang / rnams thos kyis bu la sogs pa lha'i rgyal po de dag thams cad dang / thams cad dang ldan pa'i 'khor de dag dang / lha dang mi dang lha ma yin dang dri zer bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ /gser 'od dam pa mdo sde'i dbang po'i rgyal po las/ mjugs bsdus pa'i le'u zhes bya ba ste/ nyi shu rtsa gcig pa'o// // 'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo rdzogs s+ho// // This is a blank page without image @##/