CLOSE WINDOW

J503
བོད་ཡིག

zab mo'i chos nyid thugs su chud pa'i don/ /bcom ldan 'das kyis 'jam dpal rnon po la bstod pa rdzogs s+ho// // 'jam dpal ngag gi dbang phyug la bu mo brgyad kyis bstod pa/ gzhon nu'i sku lus 'chang ba po/ / u0fd3u0fd4/ /ye shes sgron mes rab brgyan zhing / /'jig rten gti mug mun sel ba/ /'jam pa'i dbyangs la phyag 'tshal lo/ /zla ba rgyas pa zil gnon zhing / /ma rig rnam par bsal g yur pa/ /'jam pa'i dpal la phyag 'tshal lo/ /ma bgyis zur phud gsal ba la/ /nor bu 'bar ba'i sku mnga' zhing / /nyid ni kun du dga' ba'i sku/ / 'jam dpal khyod la phyag 'tshal lo/ /bdud rtsi 'dra zhing 'jam la zab/ /yid 'ong gsung gi sgra sgrogs pa/ /dam pa chos kyi rin chen mdzod/ /'jam dpal khyod la phyag 'tshal bstod/ /ga~M gA'i chu thigs ltar grangs med/ /'jig rten khams kun ma lus par/ /nyon mongs dri ma ma lus pa/ /'jam dpal khyod la phyag 'tshal bstod/ / mche ba gtsigs shing bsgrims pa yi/ /'jigs pa'i sku yi tshul gyis ni/ /gshin rje'i dregs pa 'joms mdzad pa/ /'jam dpal khyod la phyag 'tshal bstod/ / rang gi spyan dang mdangs 'dra ba'i/ /ut+pal sngon pos rab mdzes pa/ /lhung bzed phyag na bsnams pa yi/ /'jam dpal khyod la phyag 'tshal lo/ /phyogs bcur bzhugs pa'i sangs rgyas la/ /rgya cher mchod dang bstod pa yis/ /grol ba'i lam ni ston pa po/ /'jam dpal khyod la phyag 'tshal lo/ / bu mo brgyad kyis bstod pa rdzogs s+ho// //lan cig zhus te dag go/ /skar zhus// //