བོད་ཡིག |
301a1 @##/ /rgya gar skad du/ Ar+ya ta thA ga tA nA ma bud d+ha k+She tra gu Nok+ta d+harma par+yA ya/ bod skad du/ 'phags pa de bzhin gshegs pa rnams kyi sangs rgyas kyi zhing gi yon tan brjod pa'i chos kyi rnam grangs/ sangs rgyas dang byang chub
301a2 sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yul mnyam dga' na chos kyi dgon pa byang chub kyi snying po na nor bu rdo rjes spras pa'i pad ma'i snying po'i seng ge'i khri la
301a3 bzhugs te/ byang chub sems dpa'i dge 'dun chen po sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab snyed kyi byang chub sems dpa' sems dpa' chen po dang thabs gcig go/ /de'i tshe byang
301a4 chub sems dpa'i 'khor gyi dkyil 'khor 'dus pa de nyid du byang chub sems dpa' sems dpa' chen po 'od bsam gyis mi khyab pa'i rgyal po zhes bya ba 'dus par gyur te 'dug go/ /de nas byang chub sems dpa'
301a5 sems dpa' chen po 'od bsam gyis mi khyab pa'i rgyal po sangs rgyas kyi mthus stan las langs te/ byang chub sems dpa'i tshogs thams cad la smras pa/ kye rgyal ba'i sras dag 'jig rten gyi khams mi
301a6 mjed kyi bskal pa de ni bcom ldan 'das de bzhin gshegs pa 'od dpag med kyi sangs rgyas kyi zhing 'jig rten gyi khams bde ba can gyi nyin zhag gcig go/ /kye rgyal ba'i sras dag gang 'jig rten gyi khams bde ba can
301a7 gyi bskal pa de ni bcom ldan 'das de bzhin gshegs pa mi 'khrugs pa'i sangs rgyas kyi zhing 'jig rten gyi khams mngon par dga' ba'i nyin zhag gcig go/ /kye rgyal ba'i sras dag gang 'jig rten gyi khams mngon par dga'
301a8 ba'i bskal pa de ni bcom ldan 'das de bzhin gshegs pa rdo rje snying pos rab tu 'dul ba'i sangs rgyas kyi zhing 'jig rten gyi khams ngur smrig gi rgyal mtshan gyi nyin zhag gcig go/ /kye rgyal ba'i sras dag gang 'jig rten gyi
301b1 khams ngur smrig gi rgyal mtshan gyi bskal pa de ni bcom ldan 'das de bzhin gshegs pa shin du rnam par gdon mi za bar pad mo rab tu rgyas pa'i sku'i sangs rgyas kyi zhing 'jig rten gyi khams phyir mi ldog pa'i 'khor lo
301b2 dbyangs kyi nyin zhag gcig go/ /kye rgyal ba'i sras dag gang 'jig rten gyi khams phyir mi ldog pa'i 'khor lo dbyangs kyi bskal pa de ni bcom ldan 'das de bzhin gshegs pa chos kyi rgyal mtshan gyi zhing 'jig rten gyi khams rdul
301b3 dang bral ba'i nyin zhag gcig go/ /kye rgyal ba'i sras dag gang 'jig rten gyi khams rdul dang bral ba'i bskal pa de ni bcom ldan 'das de bzhin gshegs pa seng ge'i sangs rgyas kyi zhing 'jig rten gyi khams mar me ldan gyi
301b4 nyin zhag gcig go/ /kye rgyal ba'i sras dag gang 'jig rten gyi khams mar me ldan gyi bskal pa de ni bcom ldan 'das de bzhin gshegs pa rnam par snang mdzad kyi sangs rgyas kyi zhing 'jig rten gyi khams 'od bzang po'i
301b5 nyin zhag gcig go/ /kye rgyal ba'i sras dag gang 'jig rten gyi khams 'od bzang po'i bskal pa de ni bcom ldan 'das de bzhin gshegs pa chos kyi 'od zer rab tu rgyas pa'i sku'i sangs rgyas kyi zhing 'jig rten gyi khams
301b6 'da' bar dka' ba'i nyin zhag gcig go/ /kye rgyal ba'i sras dag gang 'jig rten gyi khams 'da' bar dka' ba'i bskal pa de ni bcom ldan 'das de bzhin gshegs pa mngon par shes pa thams cad blo gros 'od zer
301b7 rgyal po'i sangs rgyas kyi zhing 'jig rten gyi khams rnam par brgyan gyi nyin zhag gcig go/ /kye rgyal ba'i sras dag gang 'jig rten gyi khams rnam par brgyan gyi bskal pa de ni bcom ldan 'das de bzhin gshegs pa zla ba'i
301b8 thugs kyi sangs rgyas kyi zhing 'jig rten gyi khams me long gi dkyil 'khor dbyangs kyi nyin zhag gcig go/ /kye rgyal ba'i sras dag gang 'jig rten gyi khams brtag cing bgrang ba la 'jug pa'i tshul 'dis sangs rgyas kyi zhing
302a1 brgya stong phrag bcur tshang ba'i rdul phra rab snyed 'das pa'i pha rol na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dpal bzang po'i sangs rgyas kyi zhing gang na byang chub sems dpa' kun du
302a2 bzang po'i spyod pa'i sa yongs su sbyong ba'i khyad par can 'jig rten gyi khams pad mo dpal gyi nyin zhag gcig go/ /kye rgyal ba'i sras dag rigs kyi bu 'am/ rigs kyi bu mo la la zhig de bzhin gshegs pa rnams kyi
302a3 sangs rgyas kyi zhing gi yon tan brjod pa'i chos kyi rnam grangs 'di 'chang ngam/ 'dzin tam/ klog gam/ kun chub par byed dam/ gzhan dag la yang rgya cher yang dag par rab tu ston na/ de 'chi ba'i dus kyi tshe phyogs
302a4 bcu mtha' yas pa'i sangs rgyas kyi zhing rgya mtsho rab 'byam dag gi sangs rgyas bcom ldan 'das rnams de'i mdun na bzhugs par 'gyur te/ bla na med pa yang dag par rdzogs pa'i byang chub mngon par rdzogs par sangs
302a5 rgyas kyi bar du skye ba dran par 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas kyis gnang ste/ byang chub sems dpa' sems dpa' chen po 'od bsam gyis mi khyab pa'i rgyal po
302a6 dga' zhing de skad ces smras so/ /byang chub sems dpa' sems dpa' chen po'i 'khor gyi dkyil 'khor thams cad byang chub sems dpa' sems dpa' chen po 'od bsam gyis mi khyab pa'i rgyas pos smras pa la mngon
302a7 par bstod do/ /'phags pa de bzhin gshegs pa rnams kyi sangs rgyas kyi zhing gi yon tan brjod pa'i chos kyi rnam grangs/ rdzogs so// //
CLOSE WINDOW