བོད་ཡིག |
83a1 @#/ /rgya gar skad du/ Ar+ya gu h+ya ma Ni ti la ka nA ma sU tra/ bod skad du/ 'phags pa gsang ba nor bu thig le zhes bya ba'i mdo/ bla ma dang 'jam pa'i dbyangs kyi zhabs kyi rdul rnyog pa med pa la gus par phyag 'tshal lo/ /'di skad bdag
83a2 gis thos pa dus gcig na/ bcom ldan 'das de bzhin gshegs pa thams cad kyi rdo rje'i byin gyis brlabs pa'i dam tshig gi ye shes rnam pa sna tshogs pa khyad par du 'phags pa dang ldan pa/ de bzhin gshegs pa thams cad kyi
83a3 rin po che'i cod pan khams gsum pa'i chos kyi rgyal por dbang bskur ba brnyes pa/ de bzhin gshegs pa thams cad legs par khong du chud pas las sna tshogs mdzad pa/ ma lus shing lus pa med pa'i sems can gyi khams
83a4 kyi bsam pa thams cad yongs su rdzogs par mdzad pa/ thugs rje chen po rnam par snang mdzad rtag pa dus gsum gyi dam tshig la rnam par gnas pa'i sku/ de bzhin gshegs pa thams cad kyi sku dang / gsung dang / thugs rdo rje de
83a5 bzhin gshegs pa thams cad kyis bsten cing bstod pa'i nor bu rin po che chen po'i rtse mo khang pa brtsegs pa/ kha dog rnam par bkra ba'i dril bu dang ldan pa/ rlung gis bskyod pa'i dar gyi ba dan dang / me tog gi chun po dang /
83a6 dra ba dang / dra ba phyed pa dang / zla bas nye bar mdzes pa'i 'og min gyi lha'i rgyal po'i khang bzangs na bzhugs so/ /byang chub sems dpa' bye ba phrag dgu bcu rtsa dgu dang thabs cig pa la 'di lta ste/ byang chub sems dpa'
83a7 lag na rdo rje dang / spyan ras gzigs dbang phyug dang / nam mkha'i snying po dang / rdo rje khu tshur dang / byang chub kyi sems bskyed pa dang ldan pas chos kyi 'khor lo rab tu bskor ba dang / nam mkha' mdzod dang / bdud kyi stobs thams
83a8 cad rab tu 'joms pa dang / 'jam dpal gzhon nur gyur pa dang / byang chub sems dpa' kun tu bzang po dang / de dag la sogs pa byang chub sems dpa' bye ba phrag dgu bcu rtsa dgu dang / gang gA'i klung gi bye ma snyed kyi de bzhin
83b1 gshegs pa gzhal du med cing bgrang ba las 'das pa'i de bzhin gshegs pa rnams kyis 'di lta ste/ dper na til gyi gang bu ltar 'dzam bu'i gling yongs su gang bar mthong ngo / /de bzhin gshegs pa'i sku re re las kyang gzhal du
83b2 med cing grangs las 'das pa'i de bzhin gshegs pa'i zhing mthong bar gyur cing sangs rgyas kyi zhing de dag thams cad na yang chos kyi tshul 'di nyid ston par mdzad do/ /de nas bcom ldan 'das rnam par snang mdzad nam mkha'i khams
83b3 thams cad la sku dang / gsung dang / thugs rdo rje rtag tu bzhugs pa/ de bzhin gshegs pa thams cad kyis yang dag par bgrod pa'i rdo rje'i dbyings thams cad thugs su chud pa'i ye shes sems dpa' nam mkha'i dbyings
83b4 thams cad kyi rdul rdo rjes byin gyis brlabs pa las byung ba'i ye shes kyi snying po nam mkha' khams thams cad la 'phro ba'i rang bzhin gyis de bzhin gshegs pa thams cad kyi ye shes mngon par yongs su mkhyen pa/ de bzhin
83b5 gshegs pa thams cad kyi bdag gi rang bzhin dag pas chos thams cad ngo bo nyid rnam par dag pa nam mkha' thams cad la khyab pa'i gzugs thams cad legs par gzigs pa'i ye shes kyis ma lus shing lus pa med pa'i sems can
83b6 gyi khams 'dul ba'i spyod pa'i mchog tu gyur pa/ de bzhin gshegs pa thams cad kyi don yod pa'i ye shes mdzad pa dang ldan pas de bzhin gshegs pa thams cad kyi byang chub chen po'i thugs/ de bzhin gshegs pa thams cad 'gugs pa'i dam
83b7 tshig de bzhin gshegs pa thams cad rjes su chags pa'i ye shes kyi dbang phyug dang / de bzhin gshegs pa thams cad kyi legs pa dang de bzhin gshegs pa thams cad kyi rin po che chen pos dbang bskur ba'i rin po che dang / de bzhin gshegs pa thams
83b8 cad kyi nyi ma'i 'od zer gyi dkyil 'khor dang / de bzhin gshegs pa thams cad kyi yid bzhin gyi nor bu chen po'i rin po che'i tog dang / de bzhin gshegs pa thams cad kyi bzhad gad chen po dang / de bzhin gshegs pa
84a1 thams cad kyi dag pa chen po'i chos dang / de bzhin gshegs pa thams cad kyi shes rab dang / ye shes chen po dang / de bzhin gshegs pa thams cad kyi 'khor lo chen po dang / de bzhin gshegs pa thams cad kyi
84a2 rdo rje'i gsung chen po dang / de bzhin gshegs pa thams cad kyi las sna tshogs pa dang / de bzhin gshegs pa thams cad kyis bsrung ba dang / de bzhin gshegs pa thams cad kyis yongs su skyong ba'i rdo rje gnod sbyin dang / de bzhin
84a3 gshegs pa thams cad kyi sku dang gsung dang thugs rdo rje'i dgongs pa phyag rgya thams cad kyi ye shes dang ldan pa ste/ kun tu bzang dang don yod pa/ /'chi med rab tu dga' ba'i gtso/ /nam mkha'i snying po gzi brjid che/ /rin chen
84a4 tog ste cher 'dzum pa/ /spyan ras gzigs dang dbang phyug che/ /'jam dpal kun gyi snying po dang / /brjod bral sna tshogs pa yi las/ /dpa' bo gtum po dam por 'dzin/ /rdo rje lcags kyu mda' tshim pa/ /rin chen nyi ma
84a5 rgyal mtshan 'dzum/ /chos mdzod mdzes pa'i 'khor lo gsung / /las dang chos dang 'jigs byed 'dzin/ /thog ma tha ma med zhi ba/ /ma rungs khro dang bzod pa che/ /gnod sbyin srin po dam pa brtan/ /gzi chen dpa' bo
84a6 khyab bdag che/ /u ma'i bdag po skye dgu'i mgon/ /'jug sreg rgyal 'dod thub pa che/ /'jig rten skyong dang mkha' dang sa/ /'jig rten gsum dang khams gsum pa/ /'byung chen sems can don rab mdzad/ /
84a7 thams cad sems can pha chen po/ /'khor ba mya ngan 'das dang brtag /yang dag mtsho dang mchod chen po/ /sangs rgyas dag pa theg pa che/ /srid pa gsum po'ang de yin no/ /de dag la sogs pa'i yon
84a8 tan bye ba brgya stong du ma dang ldan pa'i byang chub sems dpa' bye ba brgya stong phrag du mas yongs su bskor te dkyil 'khor chen po de la bzhugs nas chos ston par mdzad do/ /de nas byang chub
84b1 sems dpa' chen po phyag na rdo rjes de bzhin gshegs pa thams cad kyi bdag po bcom ldan 'das rnam par snang mdzad kyi spyan sngar zla ba'i dkyil 'khor la brten te 'khod nas thog ma dang tha ma med pa'i bcom ldan 'das mchog tu
84b2 gsang ba chen po'i thig le zhes bgyi ba'i ting nge 'dzin gyi khyad par bka' stsal du gsol/ gang gis sems can rnams la gsang ba'i de kho na nyid kyi dam tshig de bdag gis bshad par bgyi lags so/ /bcom ldan 'das de bzhin
84b3 gshegs pa thams cad kyi bdag po rnam par snang mdzad chen pos gsang ba'i bdag po lag na rdo rje la 'di skad ces bka' stsal pa/ lag na rdo rje gsang ba'i dam pa gang gis sems can thams cad nges par bla na med pa yang dag par
84b4 rdzogs pa'i byang chub thob par 'gyur ba de bshad par bya'o/ /de nas byang chub sems dpa' chen po lag na rdo rjes yang bcom ldan 'das la gsol pa/ bcom ldan 'das de bzhin gshegs pa thams cad kyi bdag po gang gis
84b5 bdag gsang ba'i bdag por 'gyur ba bka' stsal du gsol/ de nas de bzhin gshegs pa de dag thams cad bcom ldan 'das rnam par snang mdzad kyi thugs kar zhugs par gyur to/ /de nas bcom ldan 'das de bzhin gshegs
84b6 pa thams cad kyi bdag pos de bzhin gshegs pa de dag thams cad mi phyed par mdzad de/ de bzhin gshegs pa'i sku de dag thams cad dang mi phyed par gyur nas bcom ldan 'das rdo rje sems dpa' de nyid la ched du brjod pa
84b7 'dis ched du brjod pa/ e ma'o bdag ni thabs chen po/ /rab tu gsang ba thig le yi/ /ting 'dzin gang phyir grub pa yang / /gsang ba nyid ni zhu bar byed/ /de nas bcom ldan 'das kun tu bzang po chen po bcom ldan 'das
84b8 kyi thugs ka nas 'thon nas phyag tu 'khod par gyur pas yang bcom ldan 'das la 'di skad ces gsol to/ /bcom ldan 'das rab tu gsang ba'i thig le zhes bgyi ba ci lags/ de nas bcom ldan 'das de bzhin
85a1 gshegs pa thams cad kyi bdag pos byang chub sems dpa' chen po phyag na rdo rje la 'di skad ces bka' stsal to/ /lag na rdo rje rab tu gsang ba'i thig le 'di ni mchog tu gsang ba'o/ /ches shin tu gsang ba'o/ /de bzhin gshegs
85a2 pa thams cad bskyed pa'o/ /de bzhin gshegs pa thams cad nyid sbyin pa'o/ /de bzhin gshegs pa thams cad brtan par byed pa'o/ /de bzhin gshegs pa thams cad kyi bde ba dang / yid bde ba rjes su rig pa'i don du de bzhin
85a3 gshegs pa thams cad kyi thugs su byon pa'o/ /de bzhin gshegs pa thams cad kyi yab bo/ /de bzhin gshegs pa thams cad kyi yum mo/ /'di ni gsang ba'i mdzod do/ /'di nyid pad ma'o/ /'di nyid rdo rje'o/ /'di nyid dam
85a4 tshig ste/ de nyid kyis na lag na rdo rje/ dam tshig mi shes pa'i mdun du smra bar mi bya'o/ /de'i phyir lag na rdo rje ngas 'ga' la yang ma bshad do/ /de nas byang chub sems dpa' chen po lag na rdo rjes slar yang bcom ldan 'das la 'di
85a5 skad ces gsol to/ /bcom ldan 'das ci'i phyir gang 'ga' zhig la smra bar bgyi/ de nas bcom ldan 'das rnam par snang mdzad kyis byang chub sems dpa' lag na rdo rje la legs so zhes bya ba gnang ste/ legs so rdo rje
85a6 sems dpa' khyod/ /rdo rje rin chen khyod legs so/ /legs so rdo rje chos khyod kyis/ /rdo rje las khyod rab legs so/ /mdo sde 'di ni legs bshad pa/ /rdo rje theg pa bla na med/ /de bzhin gshegs pa kun gyi gsang / /theg
85a7 pa chen po mdor bsdus pa/ /dag pas rnam par bsgrubs tsam gyis/ /bde blag tu ni sangs rgyas thob/ /bde ba zad med mi zad pa/ /skye ba 'di la 'grub par byed ces so/ /lag na rdo rje des na shin tu gsang ba'i thig le las kyang
85a8 mchog tu gsang ba zhes bya ba theg pa chen po'i mdo sde 'di legs par sba bar bya'o/ /sems can gang kha cig nye bar skrag pa dang bcas pa yod la/ gang kha cig dad pa dang ldan pas theg pa chen po glang po che'i phrag tu zhon pa
85b1 dag yod do/ /de dag las dang po la ni gsang sngags dang phyag rgya dang gsang ba thams cad bshad par mi bya zhing gsang ba thams cad bstan par mi bya'o/ /dad pa can dkyil 'khor chen por dbang bskur ba thob pa dag la de dag thams cad bshad par bya'o/ /
85b2 legs par gsang ba'i ting nge 'dzin gyi thig le 'di ni ches shin tu gsang ba rab tu gnas pa'i slob dpon la bshad par bya'o/ /gang zhig rgyud 'di bshad pa tsam na sems can dad pas rjes su 'brang ba dang / gang dag ches shin tu dga' ba skye ba
85b3 de dag ni sngon gyi sangs rgyas rnams kyis lung bstan par shes par bya'o/ /de dag la 'bad pas gdams pa dang bcas pa bstan par bya'o/ /sems can gang kha cig nyan thos kyi theg pa dang ldan pa de dag la lo rgyus tsam yang mi bya'o/ /de nas
85b4 byang chub sems dpa' chen po lag na rdo rjes yang bcom ldan 'das la 'di skad ces gsol to/ /bcom ldan 'das ci'i phyir de dag la lo rgyus tsam yang mi bgyi/ de nas bcom ldan 'das de bzhin gshegs pa thams cad kyi bdag
85b5 pos lag na rdo rje la 'di skad ces bka' stsal to/ /lag na rdo rje nyon cig /sems can de dag gis lha'i ris ma mthong zhing dam tshig la rab tu smod par byed pa de dag la gal te smras na/ lo rgyus tsam gyis kyang dmyal bar rab tu
85b6 ltung bar 'gyur ro/ /de nas bcom ldan 'das la lag na rdo rjes 'di skad ces gsol to/ /bcom ldan 'das bdag gis kyang rdo rje kun nas 'bar rab tu 'bar zhing me lce gcig tu gyur pa 'dis rigs thams cad sreg
85b7 par byed do/ /bcom ldan 'das de dag ni tshul bzhin ma yin par 'chi ba'i dus bgyid par bgyi'o zhes so/ /de nas yang byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan
85b8 'das bdag gis nyan thos kyi theg pa pa de dag gi nang du bshad par mi bgyi lags na/ de'i phyir bcom ldan 'das kyis shin tu ches gsang ba'i thig le zhes bya ba theg pa chen po'i snying po dkyil 'khor chen po 'di dam tshig
86a1 ji srid bde ba dang / yid bde ba thams cad bskyed pa'i don du bka' stsal du gsol/ de nas bcom ldan 'das de bzhin gshegs pa thams cad kyi bdag po rnam par snang mdzad chen pos spro ba'i sbyor ba'i dpa' bo'i ting
86a2 nge 'dzin gyis de bzhin gshegs pa de dag thams cad gcig tu mdzad do/ /de nas bcom ldan 'das de bzhin gshegs pa thams cad kyi bdag pos ting nge 'dzin de las bzhengs nas/ de bzhin gshegs pa thams cad spyan
86a3 'dren pa dam tshig rdo rje zhes bya ba'i ting nge 'dzin gyi khyad par du ma la mnyam par bzhag nas/ de bzhin gshegs pa thams cad spyan 'dren pa'i dam tshig ma lus shing lus pa med pa sems can gyi khams thams cad 'gugs
86a4 pa bde ba dang yid bde ba bskyed pa'i don du ji srid ting nge 'dzin dam pa 'grub pa'i don du byang chub sems dpa' sems dpa' chen po lag na rdo rje la bka' stsal pa/ so so'i sgrub pa'i thabs rgya che bas mdor bsdus te cho ga
86a5 rgyas par gyur pa ni lag na rdo rje dang po re shig sngags pas lag pa gnyis a'i rnam pa las zla ba'i dkyil 'khor du bsam par bya'o/ /a'i rnam pa de dri ma med pa'i gzugs la dkar ba bdud rtsi'i rang bzhin can te/ de nyid
86a6 yongs su gyur pa las zla ba'i dkyil 'khor ro/ /de nas byang chub sems dpa' chen po lag na rdo rje lho phyogs kyi zla ba'i dkyil 'khor la 'khod par gyur nas bcom ldan 'das de bzhin gshegs pa thams cad kyi bdag po la
86a7 gsol pa/ bcom ldan 'das ci'i phyir lag pa gnyis zla ba'i dkyil 'khor du blta bar bgyi/ de nas bcom ldan 'das de bzhin gshegs pa thams cad kyi bdag pos/ de bzhin gshegs pa thams cad kyi dam pa
86a8 grub pa zhes bya ba'i ting nge 'dzin la snyoms par zhugs nas byang chub sems dpa' lag na rdo rje la bka' stsal pa/ 'dir lag pa gnyis zla ba la rdo rje phra mo nas kyi tshad tsam dkar po 'od zer dang ldan pa sngags 'dis bsgom
86b1 par bya ste/ hU~M/ de nas byang chub sems dpa' chen po lag na rdo rjes yang bcom ldan 'das la gsol pa/ bcom ldan 'das ji ltar 'tshal bar bgyi/ rdo rje des ci zhig bgyi/ de nas bcom ldan 'das rnam par snang mdzad chen
86b2 pos lag na rdo rje la 'di skad ces bka' stsal to/ /lag na rdo rje nyon cig /rdo rje thal mo dam du bcings nas gsang sngags 'dis rang gi spyi bor dgrol bar bya'o/ /oM swa b+hA ba bi shud d+hAH sar+b+ba d+har+m+mAHswa b+hA ba shud+d+hou0f85haM/ de nas bdag
86b3 nyid shel dag pa'i rang bzhin dri ma med cing gsal ba'i gzugs su sngags pas bsgom par bya'o/ /de nas sdom pa gzung ste/ sangs rgyas dang byang chub sems dpa' thams cad bdag la dgongs su gsol/ bdag ming che ge mo
86b4 zhes bgyi ba dus 'di nas bzung ste ji srid snying po byang chub la thug gi bar du ji ltar dus gsum mgon po rnams/ /byang chub tu ni nges mdzad pa'i/ /byang chub sems ni bla na med/ /dam pa bdag gis bskyed par bgyi/ /tshul
86b5 khrims kyi ni bslab pa dang / /dge ba'i chos ni sdud pa dang / /sems can don byed tshul khrims gsum/ /so sor brtan par bdag gis gzung / /sangs rgyas chos dang dge 'dun te/ /bla na med pa'i dkon mchog gsum/ /
86b6 sangs rgyas rnal 'byor las skyes pa'i/ /sdom pa deng nas brtan par gzung / /rdo rje dril bu phyag rgya yang / /de nyid so sor gzung bar bgyi/ /slob dpon dag kyang gzung bar bgyi/ /rdo rje rigs mchog chen po la/ /sbyin pa
86b7 rnam bzhi rtag tu sbyin/ /nyin re bzhin ni dus drug tu/ /rin chen rigs chen rnal 'byor gyi/ /dam tshig yid du 'ong ba'o/ /byang chub chen po las byung ba'i/ /pad ma'i rigs chen dag pa la/ /phyi dang gsang ba theg pa
86b8 gsum/ /dam chos so sor gzung bar bgyi/ /las kyi rigs mchog chen po la/ /sdom pa thams cad ldan par ni/ /de nyid so sor gzung bar bgyi/ /mchod pa'i las kyang ci nus pas/ /las kyi rigs mchog
87a1 chen po yi/ /byang chub sems ni bla na med/ /dam pa rab tu bskyed pa dang / /sems can kun gyi don gyi phyir/ /bdag gis sdom pa ma lus gzung / /ma bsgral ba rnams bdag gis bsgral/ /dbugs ma phyin pa dbugs dbyung zhing / /sems
87a2 can mya ngan 'das la dgod/ /de nas yang bcom ldan 'das rnam par snang mdzad de bzhin gshegs pa thams cad kyi bdag pos byang chub sems dpa' lag na rjo rje la 'di skad ces bka' stsal to/ /sdom pa bzung ste phyag rgya chen po
87a3 la gnas nas sngags pas chos thams cad bdag med par bsgom par bya'o/ /'di dag thams cad phyi rol dang nang du rtog pas brtags pa las gzhan 'ga' yang mi gnas so zhes de ltar snying la gzhag ste 'di skad ces 'du byed
87a4 thams cad ni mi rtag cing rang bzhin gyis 'od gsal la gdod ma nas ma skyes pa nyid do zhes brjod par bya'o/ /de nas yang byang chub sems dpa' chen po phyag na rdo rjes bcom ldan 'das kyi mdun du zla ba'i dkyil 'khor la 'khod de
87a5 bcom ldan 'das la gsol pa/ bcom ldan 'das sems rang bzhin gyis 'od gsal ba ji ltar bsgom par bgyi ba cung zad bka' stsal du gsol/ de nas yang bcom ldan 'das de bzhin gshegs pa thams cad kyi bdag po rnam
87a6 par snang mdzad chen pos sems so sor rig pa'i rgyal po zhes bya ba'i ting nge 'dzin la snyoms par zhugs te/ byang chub sems dpa' lag na rdo rje la 'di skad ces bka' stsal to/ /lag na rdo rje khyod kyis sems rang bzhin gyis 'od
87a7 gsal ba de ni zla ba'i dkyil 'khor gyi rnam pa'i bdag nyid nam mkha'i dkyil ma lus pa khyab pa'i 'od kyi dkyil 'khor mdzes pa/ dpag tshad brgya stong las lhag pa/ a la sogs pa'i rnam pa'i yi ge/ a A/ i I/ u U/
87a8 rI r-I/ l-i l-I/ e ai/ o au/ a~M aH zhes bya ba de dag yongs su gyur pa las zla ba'i dkyil 'khor gyi rnam pa bsgom par bya'o/ /de nas byang chub sems dpa' chen po lag na rdo rjes bdag nyid zla ba'i dkyil 'khor gyi rnam par
87b1 bsgoms pas bdag nyid zla ba'i dkyil 'khor gyi rnam par mthong ngo / /de nas bcom ldan 'das kyi g.yon gyi zla ba'i dkyil 'khor la 'khod de don yod grub pa'i gzugs su gnas so/ /yang bcom ldan 'das rnam par snang mdzad kyi thugs kar 'khod de ched du brjod
87b2 pa 'dis ched du brjod pa/ e ma sangs rgyas thams cad kyi/ /thog med grub pa'i don yod bdag /ji ltar zla ba'i dkyil 'khor te/ /bdag nyid zla ba'i dkyil 'khor gnas/ /de nas yang byang chub sems dpa' chen po lag na rdo rjes bcom ldan 'das kyi rgyab
87b3 kyi zla ba'i dkyil 'khor la 'khod de bcom ldan 'das rnam par snang mdzad chen po la gsol ba btab pa/ zla ba'i dkyil 'khor de ji ltar blta bar bgyi/ de nas yang bcom ldan 'das de bzhin gshegs pa thams cad kyi bdag pos de bzhin gshegs pa
87b4 thams cad kyi byang chub chen po'i zla ba zhes bya ba'i ting nge 'dzin la snyoms par zhugs nas/ ma lus shing lus pa med pa'i 'jig rten gyi khams rab tu rgyas pa'i tshad kyi de bzhin gshegs pa thams cad nyid kyi thugs kar zhugs par mdzad do/ /zhugs nas
87b5 kyang gcig tu mi phyed par gyur te/ nam mkha'i khams thams cad rab tu rgyas pa'i tshul du rnam par gnas so/ /byang chub sems dpa' sems dpa' chen po lag na rdo rje byang chub kyi zla ba de bshad par bya'o/ /zla ba de'i steng du bdag nyid byang chub
87b6 kyi zla ba'i tshul du bsgom par bya ste shin tu dri ma med pa nam mkha' dang mtshungs pa'i gzugs rnam par rtog pa thams cad spangs pa'i mchog /gnas ngan len thams cad las rnam par grol ba/ bde ba dang yid bde ba thams
87b7 cad myong ba'i don dang / ji srid nam mkha' dang mnyam pa'i dri ma med pa sngon mthong ba'i zla ba lta bu ka la sogs pa'i gzugs kyis sangs rgyas kyi yon tan 'jug pa ste/ ka kha ga g+ha nga / tsa tsha dza dz+ha nya/ Ta Tha Da D+ha Na/
87b8 ta tha da d+ha na/ pa pha ba b+ha ma/ ya ra la wa/ sha Sha sa ha/ a la~M k+ShaH ka la sogs pa'i yi ge 'di dag skar ma la sogs pa'i gzugs su zhugs te/ gcig tu mi phyed par gyur pa las zla ba'i
88a1 dkyil 'khor nyid du bsam par bya'o/ /yang lag na rdo rje zla ba'i dkyil 'khor de la nam mkha'i khams thams cad rab tu rgyas pa'i tshad kyi rdo rje rtse mo lnga pa zhi ba/ 'od zer dang bcas pa bsgom par bya'o/ /de nas yang gsang ba'i bdag
88a2 po lag na rdo rjes bcom ldan 'das la 'di skad ces gsol to/ /bcom ldan 'das rdo rje de ji ltar bsgom par bgyi/ de nas bcom ldan 'das de bzhin gshegs pa thams cad kyi bdag po rnam par snang mdzad kyis de bzhin gshegs pa thams cad kyi sems
88a3 dpa' rdo rje zhes bya ba'i ting nge 'dzin la snyoms par zhugs te/ de bzhin gshegs pa thams cad dang gcig tu mdzad nas byang chub sems dpa' chen po lag na rdo rje la bka' stsal pa/ lag na rdo rje rdo rje de sems dpa' rdo rje'i gzugs su bsgom par
88a4 bya ste/ nam mkha'i khams thams cad rab tu rgyas pa'i tshad kyi rdo rje 'bar bas rnam par brgyan pa/ rgyan thams cad kyis rnam par klubs pa/ lus thams cad sangs rgyas kyi gzugs brnyan gyi tshul gyis gang zhing dang ba/ lag pa g.yon
88a5 pas dril bu 'dzin pa/ g.yas pa'i lag pas rdo rje snying gar brten pa zhal cung zad bzhad par sngags pas bsam par bya'o/ /de nas yang bcom ldan 'das kyis lag na rdo rje la 'di skad ces bka' stsal to/ /sngags ni 'di yin te/
88a6 oM badzra Ata ma kou0f85ha~M/ de nas yang bcom ldan 'das kyis lag na rdo rje la 'di skad ces bka' stsal to/ /de nas sems dpa' rdo rje'i gzugs de bzhin gshegs pa'i skur sngags pas sngags 'dis bsgom par bya ste/ oM ya thA sar+b+ba ta thA
88a7 ga tA sta thA a ha~M/ de nas su~M gyi yi ge las sngags pas ri rab bsams la steng dang 'og gi sgor su~M dgod par bya'o/ /de nas hU~M gi yi ge las khang pa brtsegs pa bsam par bya ste/ gru bzhi pa la sgo bzhi pa/ /rdo rje 'bar ba yang dag
88a8 ldan/ /kha dog sna tshogs dag dang bcas/ /sna tshogs ka bas nye bar mdzes/ /dra ba dra ba phyed pas spras/ /zla ba zla ba phyed pas spud/ /nor bu dang mu tig gi phreng bas nye bar mdzes pa/ rin po che'i rgyan du ma dang /
88b1 dar dang / 'phan dang / me tog gi chun pos nye bar spud pa/ de dag la sogs pa'i yon tan gyis khyad par du 'phags pa'i khang pa brtsegs pa sngags pas bsam par bya'o/ /de nas bdag nyid rnam par snang mdzad du byas te/
88b2 slar yang bdag nyid rdo rje sems dpa'i gzugs su gzugs brnyan gyi sbyor bas de bzhin gshegs pa thams cad kyis yongs su gang ba rdo rje'i phreng bas rnam par brgyan pa bsgoms te/ de nas hU~M gi yi ge de nyid kyis rdo rje sems dpa'i
88b3 lus kyi snying gar zla ba'i dkyil 'khor bsgoms la/ de nas rdo rje sems dpa'i yi ge bkod de rdo rje sems dpa' dang yi ge de dag yongs su son pa las rdo rje rtse mo lnga pa zhi zhing dkar ba bsgom par bya'o/ /de nas yang byang chub sems dpa'
88b4 chen po lag na rdo rjes bcom ldan 'das la gsol pa/ bcom ldan 'das rdo rje de ji ltar bsgom par bgyi/ de nas bcom ldan 'das de bzhin gshegs pa thams cad kyi bdag pos lag na rdo rje la 'di skad ces bka' stsal pa/
88b5 rdo rje de yongs su gyur pa las sna tshogs rdo rje bsgom par bya'o/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das bdag gis sna tshogs rdo rje khums lags so/ /
88b6 de nas bcom ldan 'das rnam par snang mdzad kyis de bzhin gshegs pa thams cad bskyed pa rdo rje zhes bya ba'i ting nge 'dzin la snyoms par zhugs nas lag na rdo rje la bka' stsal pa/ lag na rdo rje nyon cig /rdo rje de nyid 'od zer dang
88b7 bcas/ snyems pa dang bcas pa'i rdo rje sems dpa'i gzugs cung zad bzhad pa'i zhal ras dang phyag gnyis rdo rje gsor bar byed pa/ sangs rgyas lnga'i cod pan can/ steng na de bzhin gshegs pa thams cad kyi
88b8 bdag por bzhugs pa/ dpral ba dang nye bar mi bskyod pa/ g.yas su rin chen 'byung ldan/ rgyab tu 'od dpag tu med pa/ g.yon pa'i drung du don yod grub pa can/ de lta bu'i yon tan gyi khyad par dang ldan pa rdo rje sems
89a1 dpa'i gzugs su bsgom par bya'o/ /de nas byang chub sems dpa' chen po lag na rdo rjes de lta bu'i rdo rje sems dpa'i gzugs su bskyed nas slar yang bcom ldan 'das kyi spyan sngar 'dug ste/ bcom ldan 'das la
89a2 'di skad ces gsol to/ /bcom ldan 'das bdag nyid rdo rje sems dpa'i gzugs su mthong lags so/ /de nas bcom ldan 'das de bzhin gshegs pa thams cad kyi bdag pos byang chub sems dpa' sems dpa' chen po lag
89a3 na rdo rje la legs so zhes gnang ba/ legs so rdo rje sems dpa' po/ /rdo rje rin chen khyod legs so/ /legs so rdo rje chos khyod kyi/ /rdo rje las ni khyod legs so/ /mdo sde 'di ni legs bshad pa/ /rdo rje theg pa bla na med/ /
89a4 de bzhin gshegs pa kun gyis gsang / /theg pa chen po mngon bsdus pa'o/ /zhes so/ /de nas bcom ldan 'das de bzhin gshegs pa thams cad kyi bdag po rnam par snang mdzad chen pos lag na rdo rje la 'di skad ces bka' stsal to/ /
89a5 lag na rdo rje khyod la thams cad bshad par bya'o/ /de nas rdo rje thal mo sbyar nas brkyang ste sngags 'dis lag na rdo rje dbab pa bskyed par bya'o/ /oM badzra A be shA A bA+e sha aH A be a de nas rdo rje dbab pa skyed nas sems dpa' rdo rje bcings la
89a6 dam tshig bsgrag par bya ste/ sa ma ya s+t+waM/ de nas dam tshig byin la yi ge brgya pa brjod par bya ste/ oM tiSh+Tha badzra dr-i D+ho me b+ha wa/ a nu rak+to me b+ha ba/ su to Sh+yo me b+ha wa/ shA shwa to me b+ha wa/ hr-i da yaM me a d+hi tiSh+Tha/ sar+b+ba sid d+hi m+me pra
89a7 ya ts+tsha/ sar+b+ba kar+m+ma su tsa me tsi t+ta~M shre yaH ku ru hU~M ha ha ha ha hoH b+ha ga wA~M sarba ta thA ga to badzra mA me muny+tsa badzrI b+hA wa badzra sa twa AH de nas rdo rje khu tshur gyis rdo rje me tog spyi bor sngags 'dis gzhag par bya ste/ pra tI ts+tsha badzra ho/ sngags pas
89a8 de me tog gi phreng bar bsam par byas la/ de nas phreng ba de blangs la sngags 'dis spyi bor bcing bar bya ste/ oM pra ti gr-ih+Na twa~M i maM sa twa ma hA ba la/ de nas phreng ba de bzhin gshegs pa thams cad kyi ngo bor blta bar bya'o/ /de nas sngags
89b1 'dis gdong dbye bar bya ste/ oM badzra sa twa swa yan te Ar+ya tsak+ShUd g+ha Ta na tata pa ra ud g+ha Ta ya te sar+b+ba k+Shu badzri tsak+Shu ra nuta ta ra~M he badzra pA sh+ya/ de nas nam mkha'i dkyil na bzhugs pa'i de bzhin gshegs pa thams cad dang / byang chub sems
89b2 dpa' thams cad mthong na de nas grub par shes par bya'o/ /gal te snang ba tsam mthong na yang des dngos grub la nye bar gyur pa yin no/ /de nas rdo rjes byin gyis brlabs pa'i dri'i chus sngags pas bdag la sngags 'dis dbang bskur bar bya
89b3 ste/ badzra a b+hi Shiny+tsa/ de nas pheg rdob gsum dang se gol gdab par bya ste/ badzra tu Sh+ya hoH/ de nas sngags 'dis rdo rje blang ste/ oM Ar+ya a b+hi She ka tA s+t+waM/ si bud d+he badzra a b+hi She ka tA i da~M te sar+b+ba bud+d+ha twa~M gr-ih+Na badzrA~M su sid d+ha ye/ de nas
89b4 rdo rje sems dpa' rang nyid dam de bzhin gshegs pa ston par mdzad do/ /gal te slob dpon du gyur na de nas dam tshig gi phyag rgya dang sngags 'dis bdag nyid dbang bskur bar bya'o/ /oM badzra a d+hi ba ti twa~M a b+hi Shiny+tsA mi tiSh+Tha badzra sa ma ya s+t+wa~M/
89b5 de nas bdag la phyag rgya 'di dang sngags 'dis dbang bskur te/ oM badzra sa twa twA~M a b+hi Shiny+tsa mi badzra nA ma a b+hi She ka ta he badzra nA maH sems dpa' gang gi ming du gyur pa'i ming de la brjod par bya'o/ /de nas brtan par bya ba'i phyir
89b6 brjod pa/ 'di de sangs rgyas thams cad de/ /rdo rje sems dpa'i phyag na gnas/ /khyod kyis kyang ni rtag tu zung / /rdo rje sems dpa'i rtul shugs brtan/ /de nas dngos grub thams cad kyi de kho na nyid dbab pa bskyed par bya ste/
89b7 oM sar+b+ba ta thA ga ta sid d+hi/ badzra e Sha twA~M d+hA ra yA mi badzra sa twa hi hi hi hi hU~M hoH/ de nas bdag la rdo rje sems dpa'i dam tshig brjod par bya ste/ oM ma hA sa twa sa ma ya s+t+wa~M ha~M/ de nas de ltar byin gyis brlabs te/ slar yang
89b8 yi ge brgya pa brjod par bya ste/ oM tiSh+Tha badzra sa ma ya s+t+wa~M sa ma ya sa twa ha~M dr-i D+ho me b+ha ba su po Sh+yo me b+ha ba/ a nu rak+to me b+ha ba/ shA shwa to me b+ha ba/ hr-i da yaM me a d+hi tiSh+Tha sar+b+ba sid d+hi m+me pra yats+tsha/ sar+b+ba kar+m+ma su tsa me tsita taM shre yaH
90a1 ku ru hU~M/ ha ha ha ha hoH b+ha ga wAn sar+b+ba ta thA ga ta badzra mA me muny+tsa badzrI b+ha ba badzra satwa aH/ de nas yang de bzhin du rdo rje sems dpa'i tshul du lag pa g.yon par dril bu/ lag pa g.yas par rdo rje snying gar gzhag la thams
90a2 cad sngon gyi ji lta ba bzhin bsgoms te/ bsgom pa'i rim pa des rdo rje sems dpa' nyid dam de bzhin gshegs pa nyid thob par 'gyur ro/ /'di yis ting nge 'dzin thams cad dang dga' ba zlos pa thams cad la sngags pas thog ma kho nar 'di ltar
90a3 bsgoms te bya'o/ /gsang ba chen po rtog pa'i rgyal po rdo rje thig le las sems so sor rig pa la sogs pa rgyas pa rdzogs s+ho// // de nas bcom ldan 'das de bzhin gshegs pa thams cad kyi bdag pos zla ba'i dkyil 'khor de la bzhugs nas
90a4 dpa' bo'i ting nge 'dzin la zhugs te/ de bzhin gshegs pa dang / rdo rje sems dpa' dang / lag na rdo rje la sogs pa de dag thams cad nyid kyi thugs ka nas phyung ste/ de nas de'i rjes su de bzhin gshegs pa de dag thams cad kyis bcom ldan
90a5 'das rnam par snang mdzad chen po thog ma dang tha ma med pa la mtshan brgya rtsa brgyad pa 'dis gsol ba btab par gyur to/ /rdo rje sems dpa' sems dpa' che/ /rdo rje de bzhin gshegs pa kun/ /rdo rje dang po kun tu bzang / /phyag na rdo rjer
90a6 phyag 'tshal bstod/ /rdo rje rgyal po blo bzang mchog /rdo rje lcags kyu de bzhin gshegs/ /don yod rgyal po rdo rje mchog /rdo rje 'gugs la phyag 'tshal bstod/ /rdo rje chags pa bde ba che/ /rdo rje mda' ste dbang du byed/ /'dod pa
90a7 chen po rdo rje che/ /rdo rje gzhu la phyag 'tshal bstod/ /rdo rje sems dpa' sems dpa' mchog /rdo rje tshim pa cher dgyes pa/ /rab dgyes rgyal po rdo rje mchog /rdo rje dgyes par phyag 'tshal bstod/ /rdo rje rin chen don bzang
90a8 mchog /rdo rje nam mkha' nor bu che/ /nam mkha'i snying po rdo rje phyug /rdo rje snying por phyag 'tshal bstod/ /rdo rje gzi brjid cher 'bar ba/ /rdo rje nyi ma rgyal ba'i 'od/ /rdo rje 'od zer gzi brjid che/ /rdo rje sgron mar phyag 'tshal
90b1 bstod/ /sems can don rab rdo rje tog /rdo rje rgyal mtshan legs tshim pa/ /rdo rje tog ste rdo rje che/ /phyag 'tshal rdo rje sku khyod la/ /rdo rje gad mo gad rgyangs che/ /rdo rje 'dzum pa ngo mtshar che/ /dga' zhing rab dgyes rdo rje
90b2 mchog /phyag 'tshal rdo rje dgyes khyod la/ /sems can don rab rdo rje chos/ /rdo rje pad ma legs dag pa/ /'jig rten dbang phyug rdo rje'i spyan/ /phyag 'tshal rdo rje spyan khyod la/ /rdo rje rnon po theg pa che/ /rdo rje mdzod
90b3 te mtshon cha che/ /'jam dpal rdo rje zab mo ste/ /rdo rje blo gros khyod phyag 'tshal/ /rdo rje rgyu ste snying po che/ /rdo rje 'khor lo tshul chen po/ /rab bskor rdo rje las skyes pa/ /phyag 'tshal rdo rje rgyan khyod la/ /rdo rje smra ba
90b4 je dngos grub mchog /phyag 'tshal rdo rje gsung khyod la/ /rdo rje las rab rdo rjes mtshan/ /las kyi rdo rje kun 'gro mdzes/ /rdo rje don yod cher
90b5 yangs pa/ /sna tshogs rdo rje khyod phyag 'tshal/ /rdo rje bsrung ba brtan pa che/ /rdo rje chos te cher sra ba/ /'thab dka' shin tu dpa' ba'i mchog /rdo rje brtson 'grus khyod phyag 'tshal/ /rdo rje gnod sbyin thabs chen po/ /
90b6 rdo rje mche ba cher 'jigs pa/ /bdud rab 'joms pa'i rdo rje grag /phyag 'tshal rdo rje gtum khyod la/ /rdo rje mtshams te legs bsnyen pa/ /rdo rje 'ching ba rab 'grol ba/ /rdo rje khu tshur dam tshig mchog /rdo rje khur tshur khyod
90b7 phyag 'tshal/ /khyod kyi mtshan brgya rtsa brgyad pa/ /dge ba 'di ni gang 'dzin pa/ /rdo rje ming gi dbang la sogs/ /kun gyi dam pas dbang bskur ba'o/ /rdo rje 'dzin pa chen po yi/ /mtshan 'di rnams kyis yon tan tshogs/ /rtag
90b8 tu dbyangs kyis stod byed na/ /de yang rdo rje 'dzin pa mtshungs/ /mtshan brgya rtsa brgyad 'di dag gis/ /bdag cag rnams kyis mngon bstod pa'i/ /theg pa chen po mngon rtogs pa'i/ /tshul chen po ni rnam par spros/ /mgon po khyod
91a1 la zhu ba bgyid/ /cho ga dam pa gsung du gsol/ /sangs rgyas kun gyi 'khor lo che/ /dkyil 'khor chen po mchog gi ni/ /de nas bcom ldan 'das rdo rje 'dzin pa chen pos de bzhin gshegs pa thams cad kyis gsol
91a2 ba btab pa'i tshig nye bar gsan nas de bzhin gshegs pa thams cad kyi dam tshig 'byung gnas rdo rje zhes bya ba'i ting nge 'dzin la snyoms par zhugs nas rdo rje dbyings zhes bya ba'i dkyil 'khor chen po'i mchog 'di bka' stsal pa/ 'di
91a3 dag thams cad rgyud gzhan las bshad pas na 'dir mdor bsdus pa'i cho ga rgyas pa ni de nas bcom ldan 'das de bzhin gshegs pa thams cad kyi bdag po rnam par snang mdzad chen po/ rdo rje 'chang chen po/ de bzhin gshegs pa thams
91a4 cad kyi yab/ de bzhin gshegs pa thams cad kyi yum gyis de bzhin gshegs pa de rnams dang / byang chub sems dpa' de rnams/ nyid kyi thugs kar bcug nas gcig tu mi phyed par gyur nas spro ba dang bsdu ba'i sbyor bas phyag na rdo rje'i
91a5 mdun du gzhag nas de bzhin gshegs pa thams cad kyi dpa' bo'i ting nge 'dzin gyi tshul la bzhugs so/ /de nas bcom ldan 'das rdo rje 'dzin pa'i rgyal po chen po byang chub sems dpa' chen po de bzhin gshegs pa thams cad kyi
91a6 ston pa de bzhin gshegs pa thams cad kyi chos kyi char 'bebs par byed pas bcom ldan 'das thog ma dang tha ma med pa de bzhin gshegs pa thams cad kyi bdag po rnam par snang mdzad chen po la gsol ba btab pa/ bcom
91a7 ldan 'das sangs rgyas nyid sgrub pa'i thabs bka' stsal du gsol/ gang gis sems can thams cad kyi sangs rgyas nyid bdag gis sbyin par bgyi'o/ /de nas ci tshul gzhan nam theg pa chen po'i tshul gyis lags/ de nas bcom
91a8 ldan 'das de bzhin gshegs pa thams cad kyi bdag po rnam par snang mdzad chen pos lag na rdo rje la 'di skad ces bka' stsal to/ /lag na rdo rje theg pa chen po'i tshul gyis sangs rgyas nyid bsgrub bo/ /de nas byang chub sems dpa'
91b1 lag na rdo rjes bcom ldan 'das la 'di skad ces gsol to/ /ci dkyil 'khor gyi tshul gyis sangs rgyas nyid bsgrub bam/ 'on te gsang ba'i tshul gyis lags/ de nas bcom ldan 'das de bzhin gshegs pa thams cad kyi bdag po rnam par snang
91b2 mdzad chen pos lag na rdo rje la 'di skad ces bka' stsal to/ /lag na rdo rje gsang ba'i tshul gyis sangs rgyas nyid bsgrub par bya ste/ lag na rdo rje ngas kyang gsang ba'i tshul des dbang bskur nas lag na rdo rje gsang ba'i tshul des nga yang yang
91b3 dag par rdzogs par sangs rgyas so/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das khyod slob dpon gang gis dbang bskur ba lags/ de nas bcom ldan 'das
91b4 rnam par snang mdzad chen pos lag na rdo rje la 'di skad ces bka' stsal to/ /lag na rdo rje gsang ba zhes bya ba'i slob dpon des dbang bskur ro/ /gang gis gsang ba'i de thob nas sangs rgyas nyid brnyes par gyur to/ /de nas byang chub
91b5 sems dpa' chen po lag na rdo rjes bcom ldan 'das la 'di skad ces gsol to/ /gsang ba de'i rang bzhin gang lags/ des chos gang gsung bar mdzad ci sbyor ba gzhan gsungs sam/ 'on te zab mo'i tshul khyod la
91b6 bstan pa lags/ bcom ldan 'das gsang ba de'i rang bzhin ma 'tshal bas ci zhig lags/ de nas de bzhin gshegs pa thams cad kyi bdag po rnam par snang mdzad chen pos lag na rdo rje la 'di skad ces bka'
91b7 stsal to/ /lag na rdo rje 'dis chos ma bstan cing cung zad kyang ma bshad do/ /'on kyang lag na rdo rje rang gi shes rab kyi khyad par gyis bdag nyid gsang ba bsnyen pa brtsam par bya'o/ /de nas gsang ba brten pa las gang dag
91b8 'o ma'i thigs pa 'od zer dang bcas par gyur pa dang / de nas 'od zer gyi phreng ba las de bzhin gshegs pa thams cad kyi sku rnams rnam par phyung ste/ de bzhin gshegs pa'i sku de rnams las 'od zer gyi phreng ba 'khrug pa'i
92a1 rdo rje'i gzugs dang / khro bo'i gzugs rnams dbyung bar bya'o/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das de lta na 'ang gsang ba de bsten pa nyid ji lta bu'i
92a2 rnam pas 'grub pa lags/ de nas bcom ldan 'das de bzhin gshegs pa thams cad kyi bdag po rnam par snang mdzad chen pos lag na rdo rje la 'di skad ces bka' stsal to/ /lag na rdo rje dang po re shig ji ltar bya ba ngas khyod la
92a3 bshad par bya yis nyon cig /sngags pas re shig bdag gi ting nge 'dzin sngon du 'gro bar bya ste bdag nyid bskyed nas de bzhin gshegs pa thams cad kyi rigs kyi lha mo chen mo dang / rig pa'i rgyal mo thams cad bsgrub par bya'o/ /
92a4 de nas phyis gsang ba nyid bsten par bya'o/ /de nas byang chub sems dpa' chen po lag na rdo rjes bcom ldan 'das thog ma dang tha ma med pa la 'di skad ces gsol to/ /ji lta bu'i rnam pas lha mo de rnams bsgrub par bgyi/
92a5 bcom ldan 'das kyis bka' stsal pa/ sems can 'ga' zhig dad pa dang ldan pa yod pa de dag ni rtse gcig pa'i sems kyis bdag bsgrub par 'dod la/ de dag sbyor ba mi shes shing nus pa dang mi ldan pas de rnams kyi tshe zad par
92a6 gyur kyang lha mo rnams kyi thugs rje'i thugs skye bar mi 'gyur zhing sems kyi gsal ba yang mi byed pa des na lag na rdo rje byang chub sems dpa' sems dpa' chen pos sbyor ba shes par bya'o/ /de nyid kyi phyir lag na rdo rje phyag rgya dang /
92a7 sngags thams cad dang legs par ldan pas ji tsam zhig gi nyi ma'i nges pas 'grub par 'gyur ro/ /de'i phyir lag na rdo rje rgyud 'di ni lha thams cad dang lha mo rnams dang rig pa'i rgyal mo rnams kyi sbyor ba legs par ldan pas
92a8 sgrub par byed pa'o/ /des na lag na rdo rje sngags pa gsang sngags kyi bdag po gsang ba'i bdag por bshad do/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das
92b1 bdag sngags pa ma lags pa gsang ba'i bdag po ma lags pas bcom ldan 'das ji ltar gsang ba dang sngags rnams kyi bdag por 'gyur ba de ltar mdzad du gsol/ de nas bcom ldan 'das rnam par snang mdzad chen pos
92b2 lag na rdo rje la 'di skad ces bka' stsal to/ /lag na rdo rje des na sngags pas re zhig dngos grub gzhan bsgrub par bya'o/ /de bsgrubs na las thams cad byed do/ /bskrad pa dang / gsad pa dang / dbang du bya ba dang / rengs pa dang /
92b3 dgug pa la sogs pa rnams bsgrub par bya'o/ /sangs rgyas nyid kyi dngos grub la sogs pa rnams kyang 'grub na dngos grub gzhan lta smos kyang ci dgos/ de nas byang chub sems dpa' chen po lag na rdo rjes bcom
92b4 ldan 'das la 'di skad ces gsol to/ /bcom ldan 'das thog mar bsgrub par bgyi ba gang lags/ ci rig pa'i rgyal mo bsgrub par bgyi 'am/ 'on te dbang du bya ba la sogs pa bsgrub par bgyi 'am/ yang na ral
92b5 gri la sogs pa bsgrub par bgyi/ bcom ldan 'das de'i phyir thog mar dngos grub gang bsgrub pa bdag la bka' stsal du gsol/ de nas bcom ldan 'das de bzhin gshegs pa thams cad kyi bdag po rnam par snang mdzad chen
92b6 pos byang chub sems dpa' chen po lag na rdo rje la legs so zhes gnang ba/ lag na rdo rje legs so legs so/ /de'i phyir rig pa'i rgyal mo thog mar bsgrub par bya ste gang gis sems can rnams la gsang ba ster bar 'gyur ro/ /
92b7 de nas lag na rdo rjes bcom ldan 'das la 'di skad ces gsol to/ /bcom ldan 'das ji lta bu'i rnam pas lha mo de bsgrub par bgyi ba bka' stsal du gsol/ de nas bcom ldan 'das kyis lag na rdo rje la bka' stsal to/ /
92b8 lag na rdo rje rnam pa gzhan las rnam pa gang bshad pa de khyod kyis sgrub pa bzod par byos shig /de nas lag na rdo rjes bcom ldan 'das la 'di skad ces gsol to/ /bcom ldan 'das rnam pa gzhan gang bdag gis bzod par bgyi/
93a1 de nas bcom ldan 'das kyis lag na rdo rje la 'di skad ces bka' stsal to/ /lag na rdo rje sems can kim pa ka'i 'bras bu lta bu dag yod de/ phyi rol gyi gzugs phun sum tshogs shing nang gi cha dri ma bro zhing bro ba nyams pa
93a2 yongs su zhu nas 'chi ba la sogs par nus pa de lta bu'i sems can gang phyir rol gyi gsang ba bshad pa tsam gyis spro zhing nang du slar brtags pas dad pa dang mi ldan zhing nyan thos kyi theg pa dag la rab tu gsal ba de dag la rgyud 'di bshad par
93a3 mi bya'o/ /lag na rdo rje de'i phyir lha mo thams cad kyi rang gi phyag rgya dang sngags rnams kyis mnyes pa'i sbyor bas de rnams bsgrub par bya'o/ /de nas byang chub sems dpa' chen po lag na rdo rjes bcom ldan 'das la 'di skad ces gsol
93a4 to/ /bcom ldan 'das rnam pa gang gis mnyes pa'i gsang sngags shes par bgyi/ de nas bcom ldan 'das de bzhin gshegs pa thams cad kyi bdag po rnam par snang mdzad chen pos lag na rdo rje la 'di skad ces bka' stsal pa/
93a5 lag na rdo rje 'di ni mnyes pa'i gsang sngags kyis ma yin te/ lag na rdo rje sbyor ba'i dbang gis de rnams bsgrub par bya'o/ /lag na rdo rje nyon cig /rnam pa gang gis rig pa'i lha mo dang bcas pa'i lha rnams 'grub cing grub nas sangs rgyas
93a6 nyid ster ba de khyod la go rims bzhin du bshad par bya'o/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das rnam pa ji lta bus ni lha mo de rnams kyis sangs rgyas nyid
93a7 ster ba bka' stsal du gsol/ de nas bcom ldan 'das de bzhin gshegs pa thams cad kyi bdag pos lag na rdo rje la bka' stsal pa/ lag na rdo rje rnam pa gang gis lha mo de rnams 'grub pa dang / gsang ba'i de kho na gang gis
93a8 lha mo de rnams kyis legs par 'grub par 'gyur ba bshad par bya yis nyon cig /de nas bcom ldan 'das rnam par snang mdzad chen pos lag na rdo rje la bka' stsal pa/ lag na rdo rje nyon cig /sngags pa gang gis lha mo gang bsgrub par
93b1 rigs pa de des bsgrub par bya ste rang gi phyag rgya dang sngags kyi sbyor bas lha mo de bkug nas mdun du gzhag par bya'o/ /de nas bdag nyid sngon bshad pa'i rim pas rdo rje sems dpa'i skur bsgoms la rdo rje sems dpa'i sku des lha mo de mnyes par bya'o/ /
93b2 de na pha mnyes te gdon mi za bar dngos grub gsol bar 'gyur ro/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das rnam pa gang gis mnyes par 'gyur/ de nas bcom ldan
93b3 'das rnam par snang mdzad chen pos lag na rdo rje la bka' stsal pa/ lag na rdo rje rdo rje sems dpa'i sku des lha mo de'i gsang ba'i b+ha gar nyid kyis rdo rjes bsten par bya'o/ /bsten pas bde ba nyid du 'gyur te/ de nas lha mo de dgyes te mchog gsol
93b4 bar 'gyur ro/ /de ji ltar bud med rang nyid kyi bdag po la dga' bar lta ba ltar de bzhin du lha mo de 'ang gsang sngags 'dzin pa de la dga' ba'i dbang gis lta bar 'gyur ro/ /dga' ba'i dbang gis tshim par 'gyur ro/ /'di bzhin du bud
93b5 med gzhan bsten pas kyang mchog ster na lha mos lta smos kyang ci dgos/ lag na rdo rje dper na rdo rje rags pas bsnun pa'i bud med bdag po gzhan mi 'dod pa de bzhin du lha mo de 'ang gsang bas bsnun pa na sngags pa gzhan 'dod
93b6 pa ma yin no/ /de bzhin du gsang ba'i sbyor bas lha mo gang zhi ba'i tshul gyis zhi ba'i tshul 'grub par 'gyur ro/ /gang khro mo'i tshul gyis khro mo'i tshul 'grub par 'gyur ro/ /'on kyang khro bo rdo rje hU~M mdzad kyi tshul bzung nas
93b7 rdo rje gan d+ha rI la sogs pa'i lha mo sngags pas bsgrub par bya'o/ /'jig rten dbang phyug gi tshul gyis sgrol ma la sogs pa bsgrub par bya'o/ /de nas lag na rdo rjes bcom ldan 'das la gsol pa/ bcom ldan 'das
93b8 de nas re shig khro bo'i tshul ji ltar rnam par gzhag par bgyi/ de nas bcom ldan 'das rnam par snang mdzad chen pos lag na rdo rje la bka' stsal pa/ rdo rje hU~M mdzad kyi sbyor ba de nyid kyis bcom ldan 'das ma rdo rje gan d+ha rI zhes bya ba
94a1 rig pa'i lha mo bsgrub par bya'o/ /de nas bcom ldan 'das rnam par snang mdzad chen pos de skad ces bka' stsal nas gcig tu 'dres par gyur te/ khams gsum rnam par rgyal ba'i ting nge 'dzin gyis rdo rje hU~M mdzad de dang /
94a2 rdo rje gan d+ha rI lhan cig tu sems can gdug pa can thams cad gdul ba'i don du nges par phyung ngo / /de nas rdo rje hU~M mdzad lha mo de dang shin tu dga' ba'i mig gis lta zhing ched du brjod pa 'dis ched du brjod pa/ e ma khro bo thams cad kyis/ /
94a3 rdo rje khro bo bla na med/ /mdzes ma 'di ni thob nas su/ /gdug pa thams cad gdul bar bya/ /de nas phyag na rdo rjes rdo rje hU~M mdzad de la 'di skad ces smras so/ /legs so rdo rje hU~M mdzad/ lha mo 'di thob nas sangs rgyas nyid byos shig /
94a4 de nas lag na rdo rjes bcom ldan 'das la 'di skad ces gsol to/ /bcom ldan 'das rnam pa gang gis lha mo 'di sgrub pa lags/ de nas bcom ldan 'das de bzhin gshegs pa thams cad kyi bdag po rnam par snang mdzad chen pos
94a5 lag na rdo rje la 'di skad ces bka' stsal to/ /lag na rdo rje nyon cig /gang mnyes pas de rnams 'grub par 'gyur ba lha mo thams cad kyi sgrub pa'i thabs bshad par bya'o/ /de nas bcom ldan 'das kyis lag na rdo rje la bka'
94a6 stsal pa/ lag na rdo rje nyon cig /rdo rje gan d+ha rI 'di khro bo'i tshul gyis bsgrub par bya'o/ /lag na rdo rje sngags pa des rdo rje hU~M mdzad kyi tshul du gnas nas khams gsum rnam par rgyal ba'i phyag rgya bcings te/ rang gi lus
94a7 byin gyis brlabs nas slar yang skyil dkrung byas la khams gsum rnam par rgyal ba'i sngags brjod par bya'o/ /oM sum b+ha ni sum b+ha hU~M hU~M phaT/ gr-ih+Na gr-ih+Na hU~M hU~M phaT/ gr-ih+NA pa ya gr-ih+NA pa ya hU~M hU~M phaT/ oM A na ya hoH
94a8 b+ha ga wAn bid+yA rA dza hU~M hU~M phaT/ ces lan gsum brjod la de nas bsgrub par bya'o/ /de nas lag na rdo rjes bcom ldan 'das la 'di skad ces gsol to/ /lha mo de'i snying po gang gis 'grub par 'gyur ba lags/ de nas bcom ldan 'das
94b1 rnam par snang mdzad chen pos rdo rje chen po khro bo rdo rje zhes bya ba'i ting nge 'dzin la snyoms par zhugs de nas khams gsum dral ba'i ting nge 'dzin gyi rig pa bka' stsal pa/ gang gis lha la sogs pa'i gdon thams cad 'jigs shing sdug bsngal bas brgya byin gyi pha
94b2 rol gnon pa lta bu yang 'byer bar 'gyur ro/ /'di bzlas pa tsam gyis skye bo thams cad dga' bar 'gyur ro/ /khro bo'i tshul gyis gdug pa thams cad 'joms par byed do/ /thams cad skrod par byed do/ /thams cad rengs par byed do/ /lag na rdo rje de'i phyir
94b3 sngags pas tshul 'dis bzlas par bya/ bklag par bya'o/ /na ma Sh+tsaN+Da badzra pA Na ye/ ma hA yak+Sha se nA pa ta ye/ na mo b+ha ga ba te/ badzra g+tan d+ha ri/ a ne ka rasmi sha ta sa ha sra pra dz+wa li ta dIpa ta/ dzA yai u gra b+h+rISh+ma b+ha yA ni kA yai/ yo gi ne/ b+hIsma ba gi nai/ khaDa mu khA yai/
94b4 dwA da sha ne trA yai/ dwA da sha b+hu dzA yai/ bi kIr+N+Ni ke shA yai/ a ne ka r+'u bi bi d+ha bi shwa d+hA ri N+yai/ e h+ye hi b+ha ga wa ti ma hA badzra gan d+ha ri tra yA NA~M rat+nA nA~M/ sa t+ye na A kaD+D+h+ya/ A kaD+D+h+ya/ ba la de ba~M/ ma he shwa ra~M/ brah+ma Na~M in+d+raM/ tsa N+d+ra~M/ ya ma~M/ ba ru Na~M/ ba yu~M/ ku be ra~M/ d+h+r-i da rA Sh+Ta~M/ bi ru D+ha kaM/ bi rU
94b5 pA kAM sha ku kar+N+Na~M/ k+kor+N+Na~M/ s+thu la kah+N+NaM/ ma hA kA la~M/ nan di ke shwa ra~M/ b+h+riM gi ri ti/ nA ya ka~M/ bi nA ya ka~M/ bIny+tsa ka~M/ dA ma ka~M/ lo ha ka~M/ Shish+Ti/ de bi ko Ti gi ri ko Ta/ oM kA ri/ durgA~M/ kat+ya ya ni/ tsaN+Da kat+yA ya nI/ ma hA kat+ya ya ni/ a Sha ni/ nai ri t+yA~M
94b6 kA li ma ma hA ka li/ b+ha Ta kI li/ badzra kla li/ tsUr+N+Na kA li/ k+Shu dra kA li/ shak+ti~M/ sha li ka brti ti/ sha tAk+ShiM/ in+d+ra Ni/ brah+ma Ni/ kau mA rI/ ma he shwa ra~M/ su b+ha ga~M / rau dri/ tsA mu N+Da~M/ bA rA hI/ kau be rI/ ye tsa an+ye sa ma ye na tiSh+Than+ti tan/ A warta yi
94b7 Sh+yA mi shI g+h+ra~M grIh+Na~M/ oM la la la la/ hu lu hu lu/ tsu lu tsu lu/ mu lu mu lu/ d+harma d+harma/ ra~M ga ra~M ga /raM gA pa ya/ / raM gA pa ya/ pu ra pu ra/ pU ra ya/ pU ra ya/ A na ya/ A na ya/ a bi sha /a bi sha /A be sha ya/ A be sha ya/ b+ha ga wa ti ma hA badzro gan
94b8 d+ha ri sid d+ha ny+tsaN+Da badzra pA Ni rA dz+nyA pa ya ti hrIH/ haH/ haH/ haH/ haH/ hU~M phaT swA hA/ lag na rdo rje de'i phyir 'di bzlas pa tsam gyis dgug par mi nus pa'i ri bo la sogs pa rnams kyang 'gugs par byed do/ /de nas bcom ldan 'das kyis sgrub pa'i
95a1 thabs kyi cho ga bka' stsal pa/ dkar ba'i phyogs kyi tshes gcig nas brtsams te ji srid tshes brgyad kyi bar du stong phrag brgyad bzla'o/ /de nas 'grub par 'gyur ro/ /grub nas las thams cad byed do/ /gu gul gyi bdug pas bde
95a2 bar 'gugs par byed do/ /'di dag thams cad phyi rol gyi lam la bshad do/ /gang zhig yang theg pa chen po glang po che'i phrag tu yang dag par zhon pa de rnams la des pa gang zhig yod/ des rdo rje gan da ri'i sngags dang phyag rgyas bkug ste
95a3 khams gsum rnam par rgyal ba bcings te gung mo phan tshun yongs su sbyar la/ mthe'u chung 'og tu bstan te nor bu'i rnam par byas pa'i phyag rgya 'di ni bcom ldan 'das kyi dam tshig sbyin pa'o/ /de nas rtsa ba'i phyag rgyar gyur pa na/
95a4 rdo rje thal mo dam bcings nas/ /thal mo steng du dbye bar bya/ /gung mo dag ni rtse mor bya/ /ming med gdong ni legs par sbyar/ /mthe bong gnyis po sbyar nas su/ /rtse mo'i steng du gzhag par bya/ /'di ni bcom ldan rtsa ba'i rgya/ /
95a5 de nyid mthe bong skyil dkrung gdan gyi phyag rgya'o/ /de nyid yongs su gtang ba'i sbyor bas gtang ba'i phyag rgya'o/ /de nas byang chub sems dpa' lag na rdo rjes bcom ldan 'das la 'di skad ces gsol to/ /bcom ldan 'das 'on kyang
95a6 ji lta bu'i rnam pas sems can dbang du bgyid par 'gyur ro/ /de nas bcom ldan 'das rnam par snang mdzad kyis lag na rdo rje la bka' stsal pa/ lag na rdo rje rdo rje hU~M mdzad kyi ting nge 'dzin gyi sngags 'dis bcom ldan 'das ma
95a7 bsgoms la brla gnyis su gzhag ste dam du 'khyud nas de'i rtsa ba'i gdong gi mchu sos bzung ste de'i b+ha gar rdo rje son par byas la de nas lha mo de 'di skad smra ste/ a ho su kha zhes de lta bu'i sbyor ba'i rnam pas lha mo de grub nas
95a8 de nas las thams cad byed do/ /mar gyis btags pa'i tsan dan gyi shing gis bsregs blugs byas na tshangs pa la sogs pa'i lha rnams dbang du 'gyur ro/ /gyur nas kyang ci bgyi bka' lung stsol cig ces smra bar 'gyur ro/ /
95b1 mtshan gcig gis de dag thams cad byed do/ /de nas mi rnams dbang du bya bar 'dod pas lha mo de nyid ting nge 'dzin gyis yungs dkar skya bo la cung zad cig byin gyis brlabs la/ ngas bram ze la bsnun pas de dbang du 'gyur ro/ /rgyal rigs
95b2 la yang de nyid kyi cho ga'o/ /de nyid kyi ting nge 'dzin gyis skyu ru ra la mngon par bsngags te/ rje'u rigs la byin na de dbang du 'gyur ro/ /de nyid kyi ting nge 'dzin gyis cud to gral mngon par bsngags te/ dmangs rigs la byin pas de dbang du
95b3 'gyur ro/ /'di dag gi rim bzhin du rigs dang rjes su mthun pa'i bud med rnams la byin pas kyang dbang du 'gyur ro/ /de nyid kyis dur khrod kyi thal ba la mngon par bsngags te/ gang gi khyim du gzhag pa de 'chi bar 'gyur ro/ /
95b4 de nyid kyi ting nge 'dzin gyis drag po'i lta stangs kyis gang la bltas pa de 'chi bar 'gyur ro/ /khro bo'i lta stangs kyis gang la bltas pa de bskyod par 'gyur ro/ /lha thams cad dang phyag na rdo rje la sogs pa'i byang chub sems dpa'
95b5 rnams nga lta bu yang bskyod par byed do/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das sbyor ba'i rgyal po chen po 'dis 'di ltar sangs rgyas
95b6 rnams kyang skrod lags na gzhan lta smos kyang ci 'tshal/ de nas bcom ldan 'das kyis lag na rdo rje la bka' stsal pa/ lag na rdo rje theg pa chen po'i tshul 'dis gang cung zad bsgrubs pa de thams cad gdon mi za bar 'grub
95b7 par 'gyur ro/ /de nas byang chub sems dpa' chen po lag na rdo rjes bcom ldan 'das la gsol pa/ bcom ldan 'das bzlas brjod kyi rim pa de gang gis stong phrag brgyad bzlas pas 'grub par 'gyur ba lags/ bcom
95b8 ldan 'das rnam par snang mdzad chen pos lag na rdo rje la bka' stsal pa/ lag na rdo rje nyan thos kyi theg pa rnams kyi bzlas pa'i grangs dang / nyi ma'i grangs bshad bshad pa yin te/ nyan thos kyi theg pa la dad pas rjes su 'brang ba de/
96a1 rnams kyis skye ba du mar sangs rgyas nyid thob par mi 'gyur te/ gal te de rnams kyis grub kyang tshe 'dir rgyal po'i longs spyod la sogs pa thob par 'gyur ro/ /gang dag theg pa chen po'i shing rta la yang dag par zhon pa de
96a2 rnams kyis nyin gcig tsam gyis kyang 'di ltar sangs rgyas nyid kyang thob par 'gyur na/ nyi ma mang pos dngos grub gzhan lta smos kyang ci dgos/ lag na rdo rje shing rta la sogs pa'i glang po che dang / rta mchog dang ldan pa
96a3 la ni nam du yang chud zos pa med par mngon par 'dod pa'i yul du phyin pa de bzhin du theg pa chen po yang dag pa'i rjes su gdams pa dang / legs par ldan pa gang du yang mi gnas par 'gro bas ni rnam par snang mdzad
96a4 nyid dam/ rdo rje 'dzin pa 'am/ gzhan nyid du phyin par rig par bya'o/ /lag na rdo rje de'i phyir theg pa chen po'i tshul la gnas pa la ni rnam par rtog pa cung zad dang mi ldan par 'gyur ro/ /des na chos thams cad
96a5 rnam par mi rtog par yongs su bzung bar bya'o/ /de'i phyir lag na rdo rje byang chub sems dpa' sems dpa' chen pos lha mo thams cad kyi bdag po rang yin no zhes sgom pas bsgom par bya'o/ /lag na rdo rje de bzhin
96a6 du lha mo thams cad kyi rdo rje bsgom pa'i khyad par gang gis las thams cad byas te sangs rgyas nyid sgrub par byed pa slar yang bshad par bya'o/ /lag na rdo rje nyon cig /khro ba dang ldan pa'i sngags pa cung zad tsam byed pa na
96a7 tshul 'dis bcom ldan 'das ma rdo rje g+han d+ha ri'i b+ha gar zhugs te/ phrag mo'i sbyor bas rtsa brgyad gcig tu byas te/ rtsa gcig las 'dzag pa dang ldan par rnam par bsam par bya'o/ /sngags pas gal te dbang du bya bar 'dod
96a8 na des kha dog dmar por rnam par bsam mo/ /zhu ba dmar po de las bdag nyid rdo rje hU~M mdzad kyi gzugs su rnam par bsam par bya'o/ /rdo rje hU~M mdzad kyi gzugs des sems can thams cad dbang du byed do/ /thogs
96b1 pa med par 'gro bar 'gyur ro/ /gal te gsod par 'dod na de nas de'i rtsa kha dog nag po sol ba'i rnam pa lta bur bsams la de'i zhu ba dmar po las bdag nyid rdo rje hU~M mdzad kyi gzugs su sngags pas bsgoms par byas te/ rdo rje
96b2 hU~M mdzad de las rdo rje dang / de las rtse gsum dang / de las ral gri dang / de las zhags pa dang / de las lcags kyu dang / de las mda' dang / de las mdung thung rnams kyis gang gsod par 'dod pa de gsad par bya'o/ /bskrad pa la yang
96b3 'di nyid kyis bya'o/ /gal te sangs rgyas nyid bsgrub par 'dod na rtsa de dag kha dog dkar por bsams la/ de'i zhu ba 'o ma dang mtshungs pa las bdag nyid rdo rje hU~M mdzad kyi gzugs su bsgoms te/ de nas sangs rgyas nyid dam/ rnam par
96b4 snang mdzad nyid dam/ rdo rje 'dzin pa nyid bsgrub par bya'o/ /yang na bcom ldan 'das rnam par snang mdzad gang yin pa de nyid sangs rgyas yin la/ rdo rje sems dpa' gang yin pa de nyid sangs rgyas yin pas de'i phyir lag na rdo rje gcig
96b5 nyid bzlas pas las thams cad byed par 'gyur ro/ /rim pa 'di nyid kyis ri bo yang rnam par bsnyil bar byed cing ji srid sa phyogs kyang 'byed par byed do/ /rim pa 'di nyid kyis lha'i skur bskyed pas las thams cad byed do/ /yang
96b6 na gsang ba'i lha'i skur bdag nyid bskyed na slob dpon des sangs rgyas nyid thob par 'gyur te/ de'i phyir slob dpon zhes brjod do/ /de gang gi tshe nyan thos kyi tshul gyis rjes su gdams pa la sogs pa ster na de'i tshe de slob dpon ma yin
96b7 zhing dgra nyid du rig par bya'o/ /de nas gsang ba nyid ster na de bcom ldan 'das rdo rje sems dpa' ji lta ba bzhin du rig par bya'o/ /de gtam 'ba' zhig tsam smra na yang de'i mdun du 'khod de/ 'di ltar rkang pa dag la phyag 'tshal te
96b8 thal mo sbyar la mnyan par bya'o/ /mnyan pa tsam nas slob ma des nyan thos kyi theg pa can rnams kyi nang du 'khod par mi bya/ gnas par mi bya ste/ de ci'i phyir zhe na/ 'di ltar dad pas rjes su 'brang ba de la theg pa chen po sun 'byin
97a1 pa'i phyir ro/ /de nas lag na rdo rjes bcom ldan 'das la 'di skad ces gsol to/ /bdag nyan thos kyi theg pa can gyi nang du gnas par mi bgyi la/ gal te gnas na yang theg pa chen po'i tshul 'dis lags kyis phyi rol gyi tshul
97a2 gyis ma lags so/ /de nas yang lag na rdo rjes bcom ldan 'das la 'di skad ces gsol to/ /bcom ldan 'das gang la la theg pa chen po'i gtam tsam bgyid pa de la yang bdag phyag 'tshal lags so/ /rjed par bgyid do/ /bla mar bgyid
97a3 do/ /mchod par bgyi'o/ /bcom ldan 'das de'i phyir 'di chos smra ba lags kyis gzhan ni chos smra ba ma lags shing log par smra ba lags so/ /de nas bcom ldan 'das de bzhin gshegs pa thams cad kyi bdag po rnam par snang mdzad chen pos lag na rdo rje
97a4 la bka' stsal pa/ lag na rdo rje de'i phyir skyes bu chen po gang rgyud 'di thos nas 'dzin na de nga dang 'dra ba 'am khyod dang 'dra bar shes par bya zhing / nga'i snying la gnas nas des mnyan par de ltar rig par bya ste/ de'i phyir lag na rdo rje la ngas
97a5 kyang de la phyag 'tshal lo/ /des na lag na rdo rje 'di ni chos smra ba yin gyi/ gzhan ni chos smra ba ma yin no/ /lag na rdo rje de'i phyir theg pa chen po'i slob dpon bshad pa'i tshul khyad par du 'phags pa'am brjod pa tsam khyad par du
97a6 'phags pa dang mi ldan yang gang la lar 'ga' zhig gis 'gal bar yid kyis sems na yang de rab tu myos par 'gyur ro/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /bcom
97a7 ldan 'das bdag gis kyang rdo rje kun nas 'bar zhing me lce gcig tu 'gyur ba 'dis de'i rigs rgyud dang bcas pa bsreg par bgyi/ dngos grub thams cad bsreg par bgyi'o/ /de nas bcom ldan 'das de bzhin gshegs pa thams cad
97a8 kyi bdag po rnam par snang mdzad chen pos lag na rdo rje la bka' stsal pa/ lag na rdo rje des lha mo sgrol ma'i phyag rgya bcings te/ spyan drangs la mdun du gzhag ste/ de nas sngags pas b+ha gar zhugs te lus dang rtsa gcig tu byas
97b1 nas 'o ma'i mdog tu bsams te/ de las 'jig rten dbang phyug gi gzugs su bskyed do/ /yang lha mo sgrol ma sbyor ba 'dis 'jig rten dbang phyug gi ting nge 'dzin gyis bsten par bya'o/ /de nas lha mo dgyes nas mchog gsol
97b2 bar 'gyur ro/ /de nas lha mo de rmi lam du 'ongs te 'khyud nas rgyan thams cad kyis brgyan cing yid du 'ong ba rol cing dgod la rnam par lta ba mthong ste de nas des smras pa/ khyod kyis bde ba 'di zung la des sangs rgyas nyid du
97b3 byos shig /de nas zla ba drug na 'grub par shes par bya'o/ /yang na bud med gzhan mthong na yang lha mo de nyid mthong ba yin par shes par bya'o/ /de lta na skye ba 'dir 'grub par 'gyur ro/ /de nas gsang ba shes par 'dod na des
97b4 'jig rten dbang phyug gi ting nge 'dzin gyis 'jig rten dbang phyug gi gzugs su byas te/ lag pa gnyis brkyang la lag pa g.yas pa ha'i yi ge las zla ba'i dkyil 'khor du bsgom zhing g.yon pa a'i yi ge las zla ba'i dkyil
97b5 'khor mdun du 'phags pa spyan ras gzigs dbang phyug gi sku bsams la/ de'i 'od zer gyis sngags pa bdag nyid bsam par bya'o/ /de nas gal te lag pa gnyis steng du bkrol na dge bar shes par bya'o/ /gal te
97b6 'og tu gnas na dge ba yang ma yin mi dge ba yang ma yin par shes par bya'o/ /gal te rgyab tu son par gyur na mi dge bar shes par bya'o/ /de nas bcom ldan 'das lha mo skul byed ma bsgrub par 'dod na de nas de'i b+ha
97b7 ga'i dbus su phyag na rdo rje'i skur bdag nyid bsgoms te/ de'i rtsa dang zhu ba'i sbyor ba dkar po las bdag nyid rdo rje sems dpa'i skur bskyed de lha mo de bsten pa'i sbyor ba'i phyag rgya dang sngags kyis bsten par bya'o/ /
97b8 de nas de'i kha dog gi dbye bas las byed de/ rgyas pa la kha dog ser po/ zhi ba la kha dog dkar po/ dbang la kha dog dmar po/ mngon spyod la kha dog nag po'o/ /'di ltar bsgoms na go rims su las rnams
98a1 byed do/ /'di dag gi nang nas gang la la'i gzugs su lha mo de de'i rmi lam du 'khyud pa la sogs pa byed na nyi ma gcig kho na la 'grub par shes par bya'o/ /yang na lha mo de bud med gzhan gyi gzugs su ston par byed
98a2 na de nas skye ba 'dir 'grub par shes par bya'o/ /de nas khro gnyer can bsgrub par 'dod na des don yod pa'i zhags pa'i ting nge 'dzin gyis de'i b+ha ga'i dbus kyi rtsa'i gdong du sngags pa bdag nyid don yod zhags pa'i
98a3 gzugs su bsgoms te/ de nas don yod zhags pa'i tshul gyis de'i pad ma dang rdo rje'i sbyor bas lha mo de ji srid gtsug tor bde ba'i bar du bsten par bya'o/ /de nas mnyes te mchog stsol bar 'gyur ro/ /rdo rje dang pad ma'i
98a4 rim pa'i de nyid kyis gang 'dod pa de bsgrub par bya'o/ /de nas lag na rdo rjes bcom ldan 'das la 'di skad ces gsol to/ /rdo rje dang pad ma'i sbyor ba gang lags/ bcom ldan 'das kyis bka' stsal pa/ rdo rje zhu ba
98a5 zhes bshad/ ji ltar rdo rje 'bigs par byed pa ltar zhu ba yang 'bigs par byed pa'o/ /pad ma'i sbyor ba ni pad ma'i ye shes ni de kho na nyid kyi ye shes so/ /ji ltar pad ma kha bye ba nyid na skye bo thams cad kyi dga'
98a6 bar 'gyur ba bzhin du b+ha ga'i pad ma yang de bzhin no/ /yang na 'di ltar pad ma 'dam las skyes kyang 'dam des ma gos pa de bzhin du b+ha ga 'di las skyes pa yang sdig pa'i skyon gyis ma gos pa'i tshul 'dis
98a7 pad ma zhes bshad do/ /de nas rdo rje dang pad ma'i sbyor bas gzhal du med pa bye ba phrag brgya stong bgrang ba las 'das pa'i sangs rgyas nyid du 'gyur te/ rgyu des na slob dpon 'di sangs rgyas nyid du bshad do/ /
98a8 yang na sngags pa 'ga' zhig bdag nyid b+ha ga'i dbus su sgom par mi nus na 'on kyang rtsa de rnams 'dzag pa dang ldan pa'i dmar po dang / dkar po dang / ser po dang / sngon po'i rnam par bsams pas de nas las thams
98b1 cad kyi dngos grub ji ltar rigs par thob par 'gyur ro/ /yang na de yang ma nus na 'on kyang rang gi tshul kho na'i rigs pas bud med de rnams rang gi lha mo'i gzugs su bsams te/ bud med de de dag gi zhu ba btung zhing 'thung
98b2 du bcug pas de nas nges par sangs rgyas nyid byed par 'gyur ro/ /lag na rdo rje de'i phyir gsang ba'i sbyor ba dor nas gzhan pas sangs rgyas nyid ma yin no/ /lag na rdo rje de'i phyir rang gi ting nge 'dzin gyis tshul 'di nyid kyi
98b3 sbyor bas rig pa'i lha mo thams cad kyang bsgrub par bya ste 'di la the tshom mi bya'o/ /yang na lag na rdo rje gal te rang gi bzang so ma rnying na gzhan gyi'ang mtha' gcig tu bzung ste zhu ba btung ba la sogs pa bya ste de nas
98b4 de 'grub par 'gyur ro/ /yang na yul gyi gzugs 'tshong ma la bdag gis tshul 'dis bsten par bya'o/ /gal te de 'ang ma rnyed na de nas rang ni snying ga'i rig pa'i lha mo bsams te/ bsten pas gal te de bsams pa na
98b5 sngags pa de'i zhu ba red par gyur na de nas dngos grub 'thob par shes par bya'o/ /gal te zhu ba brtan par gyur pa na 'ang skyes bu des 'grub par shes par bya'o/ /brjod pa 'di phyi rol gyi tshul can la bshad par mi
98b6 bya ste cher byol bar 'gyur ro/ /mchog tu gsang ba'i mdzod rtog pa'i rgyal po chen po las lha mo'i rgyud kyi cho ga rgyas pa yongs su rdzogs s+ho/ / de nas bcom ldan 'das rnam par snang mdzad chen pos de bzhin gshegs pa
98b7 thams cad kyi bdag po/ de bzhin gshegs pa thams cad kyi yab/ de bzhin gshegs pa thams cad kyis bsten pa/ re ba thams cad yongs su rdzogs par byed pa/ sems can thams cad la phan pa rjes su mdzad pa/ de bzhin
98b8 gshegs pa thams cad kyi mdzad pa po des phyogs bcu na rnam par bzhugs pa'i de bzhin gshegs pa thams cad kyi thugs kar bcug cing bcug nas gcig tu gyur te/ 'jig rten gsum las rnam par rgyal ba zhes bya ba'i
99a1 dkyil 'khor bka' stsal pa/ de'i dkyil 'khor gru bzhi pa/ sgo bzhi pa/ ka ba brgyad kyis nye bar spras pa/ dra ba dang dra ba phyed pas mdzes pa/ zla ba dang zla ba phyed pas brgyan pa/ dar gyi ba dan dang me tog gi chun
99a2 pos nye bar spud pa/ sgo bzhir dkyil 'khor bzhi dang ldan pa/ gser la sogs pa'i phye ma'i rdul tshon gyis mdzes pa/ phyi rol gyi cha sgo bzhi pa la de nyid kyi rnam pas brgyan pa'i dkyil 'khor bri bar bya'o/ /de'i dbus su
99a3 mi bskyod pa la sogs pa rnam par gzhag par bya'o/ /dkyil 'khor bzhi po rnams su de bzhin gshegs pa rnams dang sgo skyong ba rnams legs par gzhag par bya'o/ /rig pa'i lha mo de dag dkyil 'khor gyi grwar yongs su
99a4 gzhag par bya'o/ /phyi rol gyi dkyil 'khor du byang chub sems dpa' bcu drug dang / phyi'i dkyil 'khor gyi mtshams su rdo rje me tog ma la sogs pa gzhag par bya'o/ /de nas byang chub sems dpa' chen po lag na rdo rjes
99a5 bcom ldan 'das kyi spyan sngar zla ba'i dkyil 'khor la brten par gyur pas bcom ldan 'das la gsol ba btab pa/ bcom ldan 'das 'jig rten gsum las rnam par rgyal ba zhes grags lags na/ ci'i phyir 'jig
99a6 rten gsum zhes bgyi/ de nas yang bcom ldan 'das de bzhin gshegs pa thams cad kyi bdag pos lag na rdo rje la 'di skad ces bka' stsal to/ /lag na rdo rje 'jig rten gsum zhes bya ba ni mtho ris dang / mi yul dang / rkang
99a7 'og na gnas pa rnams su brjod do/ /'di rnams kyi nang na gdug pa can gyi sems can gang la la dag sangs rgyas dang / chos dang dge 'dun la skyabs su mi 'gro ba de rnams 'dul zhing rnam par rgyal bas de'i don du dkyil
99a8 'khor de yang ming tsam kho na ma yin no/ /de nas lag na rdo rjes bcom ldan 'das la 'di skad ces gsol to/ /bcom ldan 'das rnam pa ji lta bus de rnams rnam par dul bar 'gyur/ de nas bcom ldan 'das rnam
99b1 par snang mdzad chen pos de bzhin gshegs pa de rnams thams cad dang / sgo skyong ba dang / lha mo rnams dang / phyi'i dkyil 'khor gyi nang na rnam par gnas pa rnams nyid kyi thugs kar bcug ste/ bcug nas kyang gcig tu
99b2 mdzad nas zla ba'i dkyil 'khor gyi steng du bzhugs te/ sangs rgyas lnga'i cod pan gyi rnam pa dang / rgyan thams cad kyis brgyan pa/ bde ba dang / yid bde ba thams cad rjes su myong ba'i don dang / nyon mongs pa thams
99b3 cad sbyang ba'i don du zla ba'i dkyil 'khor gyi steng du gnas pa'i zla ba'i dkyil 'khor yongs su dri ma med cing sa'i phyogs mtha' dag khyab par brjod do/ /de nas yang byang chub sems dpa' chen po lag na rdo rjes bcom ldan
99b4 'das la 'di skad ces gsol to/ /bcom ldan 'das zla ba'i dkyil 'khor 'di sus sprul pa 'ang bgyis pa lags/ de nas bcom ldan 'das kyis lag na rdo rje la bka' stsal pa/ lag na rdo rje nyon cig /
99b5 sus kyang ma sprul pa'o/ /lag na rdo rje dang po re shig sems so sor rtogs par bya ste/ stong pa nyid kyi tshul du bsgom pa'i don to/ /de nas a'i yi ge las nam mkha' dang mtshungs pa'i zla ba'i dkyil 'khor
99b6 bsam par bya ste/ ji ltar nam mkha' rtag pa'i tshul du gnas pa re bzhin du zla ba'i dkyil 'khor 'di'ang yin no/ /de la a la sogs pa'i dbyangs kyi yi ge med pa'i tshul du rnam par gzhag go/ yang ka la
99b7 sogs pa'i yi ge bdud rtsi'i tshul du rnam par gzhag go/ de dag thams cad yongs su gyur pa las nam mkha'i tshul du blta bar bya'o/ /de nas sems so sor rtogs par 'gyur ro/ /de nas yang bcom
99b8 ldan 'das kyis byang chub zla ba gnyis pa lag na rdo rje la bka' stsal pa/ lag na rdo rje byang chub zla ba gnyis pa shin tu dri ma med cing rnam par rtog pa thams cad 'phrog pa ste/ rnam par rtog pa ma lus pa 'phrog par
100a1 byed pas na rnam par rtog pa thams cad 'phrog pa ste phul du byung zhing bla na med pa'i don to/ /lag na rdo rje de'i phyir byang chub zla ba zhes bka' stsal to/ / gang zhig thob pas sems can thams cad bla na med pa yang
100a2 dag par rdzogs pa'i sangs rgyas su gyur pa'o/ /zla ba de ka la sogs pa'i yi ge sangs rgyas kyi yon tan dang ldan pa'o/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /
100a3 bcom ldan 'das yi ge rnams kyi rang bzhin gang lags/ ji lta bus rnam pas sangs rgyas kyi yon tan rnams dang ldan pa lags/ de nas bcom ldan 'das rnam par snang mdzad chen pos lag na rdo rje la bka' stsal
100a4 pa/ lag na rdo rje nyon cig /ka la sogs pa'i yi ge 'di rnams gang las byung ba dang / ji lta bu'i rang bzhin dang / gang gis sprul pa nyon cig /ka sgrogs pa zhes bya ba'i 'jig rten gyi khams nas de 'ongs te sangs rgyas
100a5 kyi yon tan lta ba ste/ de dag thams cad rnam par snang mdzad kyi rang bzhin de bzhin gshegs pa'i sku ste/ nam mkha' dang mnyam pa'i sku zhes bya ba'i don to/ /mi phyed pa'i rang bzhin dang / dang ba'i rang bzhin zla ba'-i
100a6 dkyil 'khor gyi gzugs gyis gdugs su gyur pa/ sa phyogs mtha' dag khyab pa/ skye ba dang / rga ba dang / 'chi ba dang / sdug bsngal ba dang / yid mi bde ba dang / gdung ba la sogs pa 'gog par byed pa/ bdud rtsi'i
100a7 rang bzhin 'dzag pa/ 'jig rten gsum gyi rnam par rtog pa 'phrog pa/ de la gnas shing tra Ta ma Ta'i rang bzhin te 'phro med ldan pa zhes bya ba'i don du/ Tha'i yi ge dang ldan pa'i sbyor ba mang po'i don to/ /Ta'i yi ge dang ldan
100a8 pas ri bo'i tshogs dang / Na'i yi ge dang ldan pas shin tu 'jam pa can skar ma la sogs pa'i gzugs kyis de la 'jug ste/ ji ltar skar ma dri ma med cing 'od dang ldan pa de bzhin du de 'ang sangs rgyas kyi yon tan dri ma med
100b1 pa shes bya ba'i don to/ /sbyin pa dang tshul khrims dang ldan pa 'dzin pa'i rang bzhin de ji ltar sa 'dzin pa'i ri bo sa rnams 'dzin pa de bzhin du des kyang sems can rnams 'dzin pa'o/ /sems can med pa rnams kyi sdig pa'i
100b2 grogs po dang ldan pa gzhom pa'i don gyi yum rnams kyis bcom ldan 'das de bzhin gshegs pa thams cad kyi bdag po la gsang ba bskul ba 'dis bstod pa/ legs so dpal mchog rdo rje mchog /sangs rgyas kun
100b3 gyi yab chen po/ /legs pa'i rnal 'byor sbyor ba'i mchog /legs pa'i mchog rab bstod phyag 'tshal/ /legs pa'i sngags mchog phyag rgya'i mchog /ye shes mchog rab rab kyi rab/ /legs pa'i las chen
100b4 grags pa'i mchog /rdo rje mchog rab bstod phyag 'tshal/ /legs pa'i rin chen mchog chos mchog /snying po rigs sngags dam tshig mchog /rdo rje ye shes gsal ba'i mchog /dkyil 'khor mchog rab bstod
100b5 phyag 'tshal/ /ye shes rnam dag kun gyi mchog /stong nyid mchog la mnyam par gzhag //brtson 'grus legs mchog sems dpa'i mchog /shes rab rab mchog bstod phyag 'tshal/ /ye shes kyi ni yum
100b6 rnams kyi/ /snying po bcom ldan 'das kyis gsungs/ /phyag rgya sngags dang rig pa dang / /sdom dang dam tshig chen po dang / /de nas bcom ldan 'das kyis rnal 'byor chen po gsang ba'i rgyan gyi dkyil 'khor
100b7 zab mo'i chos yum rnams kyi dbyangs kyi dkyil 'khor bka' stsal pa/ snying po'i phyag rgya sngags rig rnams/ /tha snyad tsam du rnam par gnas/ /de las byung ba'i sngags bdag gis/ /dbye ba bzhin du brtag par bya/ /snying
100b8 po phyag rgya sngags rig rnams/ /gzhan du tha snyad mthong ma yin/ /rig pa'ang tshor ba'i rnam pa yi/ /mtshan nyid du ni shes rab bshad/ /gsal byed kyis ni legs gsal byas/ /snying po tha snyad tsam du bshad/ /yum rnams kun
101a1 gyi shes bya ba/ /go rims ji lta ba bzhin du/ /dkyil 'khor gyi ni 'khor lor gzhag /shes rab sa bon dbyangs yig bzhi/ /rtsibs la yum gyi sa bon no/ /yab kyi sa bon 'dab ma la/ /lhag ma phyi rol shes par bya/ /dpyod pa de lta bu
101a2 bshad do/ /de nas spyan drang de nyid kyis/ /chos kyi dbyings ni brjod par bya/ /dkyil 'khor snga ma bzhin bris la/ /slob dpon cho ga rig pa yis/ /de tshe ji lta'i chas zhugs te/ /dkyil 'khor dam par 'jug par bya/ /chos kyi rang
101a3 bzhin dag brjod de/ /'gro ba 'di ni tha snyad tsam/ /chos kyi de nyid rjes dran pas/ /me tog snyim pas dor bya ba/ /de nas rang nyid dbang bskur te/ /rang nyid kyang ni tha snyad tsam/ /chos rnams kun gyi dbang phyug rgyal/ /dam pa'i dbang
101a4 phyug 'grub par 'gyur/ /'jig rten 'jig rten 'das pa yi/ /gsang sngags thams cad 'grub par 'gyur/ /sngags pa zhugs pa tsam gyis te/ /dbang bskur bas ni smos ci dgos/ /'di nyid kyi ni sbyor ba yis/ /slob ma'i
101a5 dam pa gzhug par bya/ /chos kyi de nyid bshad nas su/ /dkar po'i ras kyis gdong g.yogs te/ /de bzhin me tog dor bar bya/ /chos dbyings kyis ni bdag gis bzhes/ /de ni dam tshig nyan du gzhug /dam tshig shes pa'i
101a6 slob ma ni/ /ma gtogs gzhan ni su la yang / /khyod kyis ma mo bsgrag mi bya/ /gal te rmongs pas bsgrags spros pa/ /dam pa rnams la phan gdags pa la sogs pa'i sbyor bas phan pa dang / theg pa chen po'i tshul gyis sems
101a7 can thams cad kyi re ba thams cad rdzogs par byed do/ /gsang ba'i mchod pa thams cad dang ldan pas bla na med pa yang dag par rdzogs pa'i byang chub ster bar byed do/ /sems can thams cad kyi chags pa'i ngang tshul sgeg pa'i
101a8 ro dang yang dag par ldan pa skyes pa dang bud med la sogs pa dbang du byed pa'i rang bzhin dang / don grub thams cad byed pa dung gi sgra dang ldan pas 'jig rten gsum gyi sgra'i 'dren pa sems can thams cad la phan pa rjes su mdzad
101b1 pa hA hA'i rnam pa'i gad rgyangs dang ldan pa'i snying rje can bdud rtsi'i rgyun gyi yi ge'i sbyor bas bud med dang skyes pa rnams kyi bde ba'i mchog ster ba'i mdzad pa'o/ /lag na rdo rje 'dir byang chub sems dpa' sems dpa' chen po theg
101b2 pa chen po dang rab tu ldan pa rnams kyis de dag thams cad bsgom par bya'o/ /de nas byang chub sems dpa' chen po lag na rdo rjes bcom ldan 'das kyi spyan sngar zla ba'i dkyil 'khor la brten par gyur pas bcom ldan 'das la 'di skad
101b3 ces gsol to/ /bcom ldan 'das rnam pa gang gis sems can gang gdug pa'i sems dang ldan pa de rnams 'dul bar 'gyur lags de nas bcom ldan 'das rnam par snang mdzad chen pos rdo rje sems dpa'i dam tshig 'byung ba byin gyis rlob
101b4 pa zhes bya ba'i ting nge 'dzin la snyoms par zhugs te/ rdo rje sems dpa' sku snyems pa dang bcas shing dkar ba/ rgyan thams cad kyis brgyan pa/ 'bar ba'i 'od zer gyi rnam pa can/ rdo rje gsor bar mdzad pa/ re ba thams cad yongs su skong ba/
101b5 rdo rje sems dpa' nyid nges par ster ba po nges par phyung ngo / /rdo rje sems dpa'i sku des ri rab ri la gnas pa'i lha thams cad rdo rje lcags kyus bkug ste zhags pas bcings nas rdo rje 'bebs pas bcug ste rdo rje dril bus tshim par mdzad do/ /
101b6 bsgrub par mdzad do/ /dzaHhU~M ba~M hoH lag na rdo rje phyi nas lha rnams kyi stobs kyis gdug pa'i sems can rnams bsgrub par bya'o/ /de nas sems can de rnams theg pa chen po'i tshul gyi shing rta la yang dag par zhon pa dang / dkyil 'khor dang / dam
101b7 tshig gi sbyor ba dang yang dag par ldan pa dang / dkyil 'khor chen po mthong ba tsam gyis dam tshig thams cad shes par 'gyur ro/ /de nas lag na rdo rjes bcom ldan 'das la 'di skad ces gsol to/ /bcom ldan 'das de lta na 'ang rnam
101b8 pa ji lta bus gdug pa can gyi sems can 'jug par bgyi/ de nas rnam par snang mdzad chen po de bzhin gshegs pa thams cad kyi bdag pos lag na rdo rje la bka' stsal pa/ nyon cig lag na rdo rje rdo rje hU~M mdzad kyi tshul gyi tshul de ny-id kyis
102a1 sems can de rnams bkug ste gzhug par bya'o/ /de nas byang chub sems dpa' chen po lag na rdo rjes tshul de nyid kyis rdo rje hU~M mdzad kyi gzugs 'dzin par gyur to/ /de nas rdo rje hU~M mdzad cher gtum zhing khro ba gnod sbyin gyi bdag po
102a2 chen po mchu dang mche ba rnam par gtsigs shing zhal bzhi pa/ khro bo chen po'i sku 'jig rten gsum po mtha' dag 'bar ba'i 'od kyi rnam pa can/ rdo rje 'od zer gyi phreng ba du ma las rdo rje hU~M mdzad kyi sku du ma phyung ba/ snang ba chen po dang ldan pa/
102a3 rdo rje 'bar ba chen po'i mtshon cha can byung ste 'di lta bu'i sku 'dzin pas bcom ldan 'das rnam par snang mdzad chen po'i spyan sngar zla ba'i dkyil 'khor la brten par gyur par bkas gnang bar gsol pa/ bdag gis ci bgyi ba bkas
102a4 gnang du gsol/ de nas bcom ldan 'das rnam par snang mdzad chen pos rdo rje hU~M mdzad la bka' stsal pa/ gdug pa can gyi sems can 'di rnams khug la chug shig /de nas byang chub sems dpa' chen po rdo rje hU~M mdzad kyis bcom ldan 'das
102a5 kyi bka' nye bar thos nas mi yul dang / bar snang dang / rkang 'og na gnas pa'i lha rnams dang / mkha' 'gro ma la sogs pa rnams dang / bza' thams cad de'i skad cig tsam la bkug nas/ kye grogs po dag kho bo'i dkyil 'khor du zhugs
102a6 shig /kho bo'i bka' stsal pa nyon cig /de nas sems can phra mo de dag zhugs te/ bcom ldan 'das bdag cag gis bka' lung ji ltar bgyi/ de nas byang chub sems dpa' chen po phyag na rdo rjes de rnams la 'di skad ces bka' stsal
102a7 to/ /srog chags gsod pa la sogs pa'i mi dge ba rnams ma byed cig /sangs rgyas dang / chos dang / dge 'dun la skyabs su song cig /bcom ldan 'das bdag cag gis de ltar bgyi'o zhes gsol te phyir bying ngo / /de nas lha la
102a8 sogs pa de dag phan tshun mgrin gcig tu 'di skad ces smras te/ 'u bu cag dkyil 'khor 'dir 'jug pa 'di ko su zh-ig /de nas phyag na rdo rje hU~M mdzad des sems can de rnams la bka' bsgo ba kye gdug pa can gyi sems can dag kho bo'i
102b1 bka' bzhin byos shig /kho bo'i rkang pa la gtugs la kho bo'i dkyil 'khor du zhugs shig /de nas lha la sogs pa de rnams de'i bka' nye bar thos nas 'di skad ces smra'o/ /khyod kyi ming ci/ ci'i phyir kho bo cag gis khyod kyi ngag mnyan
102b2 par bya/ de nas khro bo chen po rdo rje hU~M mdzad kyis byang chub sems dpa' chen po des rdo rje 'bar ba des lha la sogs pa de rnams lhan cig khros te rtsod pa chen po byas pas de dag thams cad 'gyel bar gyur to/ /de nas gdug pa can gyi
102b3 sems can de rnams brgyal bar gyur te/ slar yang lag pas thal mo sbyor de/ byang chub sems dpa' chen po de la gsol pa/ bcom ldan 'das kyis ji ltar bka' stsal pa de ltar bdag cag gis bgyi'o/ /de nas byang chub sems dpa'
102b4 chen po lag na rdo rjes lha la sogs pa de dag dkyil 'khor du bcug ste bstan to/ /dkyil 'khor mthong nas rnam par snang mdzad chen po'i zhabs gnyis la gtugs te rgyang du gnas nas 'di snyam du sems kyis bsams pa/ bcom ldan 'das
102b5 'di ni 'di ltar bdag nyid che ba 'di lta bu'i bran yang stobs dang ldan pa'o/ /e ma'o chos kyi bdag nyid chen po gang gi bran gyi ngag tsam gyis kyang / lha la sogs pa 'di dag brgyal bar gyur to snyam sems so/ /de nas rdo rje hU~M mdzad kyis
102b6 de dag thams cad la skyabs gsum dang sdom pa dang bslab pa byin te/ rdo rje'i chus gtor nas rdo rje spyi bor bzhag nas 'di skad ces bka' stsal to/ /kye lha dag chos 'di las 'da' bar ma byed cig /de nas lha la sogs pa de rnams kyis
102b7 phyag na rdo rje la 'di skad ces gsol to/ /phyag na rdo rje gang yang 'ga' zhig theg pa chen po la smod par 'gyur ba de'i srog bdag gis blang bar bgyi'o/ /gang dag theg pa chen po la gnas pa de'i gnas su ring du gnas te/ sgo bzhi dang /
102b8 phyogs bcur yongs su bskyab pa la sogs pa bgyi lags so/ /de nas byang chub sems dpa' chen po phyag na rdo rjes bcom ldan 'das kyi spyan sngar zla ba'i dkyil 'khor la brten te bcom ldan 'das la 'di skad ces gsol to/ /
103a1 bcom ldan 'das sems dpa' chen po lta bu nam mkha'i mthongs na nam mkha' ltar sngo ba/ lag na rtse gsum 'dzin pa/ tshad nam mkha'i khams thams cad dang mtshungs par khyab pa'i ral pa'i thor tshugs 'chang ba/ tshogs
103a2 du mas yongs su bskor ba/ zla ba phyed pa 'dzin pa cung zad rgod pa'i rang bzhin can snyems pa dang bcas pas rngam par gnas pa 'di su zhig lags/ de nas bcom ldan 'das rnam par snang mdzad chen pos lag na rdo rje la bka' stsal pa/
103a3 lag na rdo rje 'di ni lha chen po zhes brjod pa snyems pa'o/ /nga 'jig rten gsum po thams cad kyi bdag po'o/ /gzhan gang yin pa 'gugs par byed pa'o zhes 'di lta bu'i snyems pa'i rnam par 'phrul pa chen pos gnas
103a4 pa'o/ /lag na rdo rjes gsol pa/ bcom ldan 'das gdug pa 'di ci/ 'jig rten gsum gyi bdag po nyid kyis gnas lags sam/ lag na rdo rje de de bzhin no/ /de nas byang chub sems dpa' lag na rdo rje khro ba dang bcas pa'i gdong
103a5 pas rdo rje hU~M mdzad kyi sku nyi ma bye ba stong phrag bcu gnyis kyi snang ba dang mtshungs pa/ chu gter chen po'i sgra sgrogs pa/ 'jig pa'i dus kyi rlung gis dkrugs pa ltar nam mkha'i khams thams cad khyab pa'i khro bo chen po'i skur
103a6 gyur te/ bcom ldan 'das kyi spyan sngar gnas nas 'di skad ces gsol to/ /bcom ldan 'das gdug pa can gyi sems can 'jig rten gsum gyi bdag por gnas pa 'di rdo rje 'bar ba 'dis 'khor dang bcas pa'i lus thams
103a7 cad bsreg par bgyi'o/ /de nas byang chub sems dpa' chen po rdo rje hU~M mdzad kyis 'jig rten gsum gyi bdag po'i mdun du de lta bu'i skur gyur pas 'khod do/ /de nas 'jig rten gsum gyi bdag po bdag nyid kyi 'khor rnams kyis
103a8 g.yul chen po 'gyed par brtsams so/ /de nas byang chub sems dpa' chen po lag na rdo rjes 'khor dang bcas pa de rnams la rdo rje kun tu 'bar zhing me lce gcig tu gyur pas bsnun par gyur to/ /de nas 'jig rten gsum gyi bdag
103b1 pos de dag thams cad gsad par mthong nas snying 'dar zhing chung ma dang bcas pa lcags gsum gyi ra bas bskor te gnas so/ /de nas byang chub sems dpa' chen po rdo rje hU~M mdzad kyis rdo rje de dang mtshon cha de dag thams cad kyis de'i lcags
103b2 gsum gyi ra ba shin tu bsregs te/ 'jig rten gsum gyi bdag po lha chen po chung ma dang bcas pa de la lcags kyu de dang rdo rjes bsnun cing bkug nas zhabs gnyis kyi drung du bskyur ro/ /de nas bcom ldan 'das la byang chub sems dpa' chen
103b3 po lag na rdo rjes 'di skad ces gsol to/ /gdug pa can gyi sems can bkug pa 'di la bdag gis ji ltar bgyi/ de skad ces gsol pa dang / skabs de nyid du chung ma dang bcas te lha chen po langs nas slar bros par gyur to/ /song nas
103b4 kyang der nam mkha'i tshad tsam gyi bshang ba dang / gci ba shin tu mnam pa'i dri du ma dang ldan pa mi gtsang ba'i ra bas bskor te gnas so/ /de nas rdo rje hU~M mdzad kyis rnam par bltas pa dang / gdug pa can gyi sems can de ma mthong ste bar
103b5 snang du rnam par bltas pas tshul de lta bu mi gtsang ba'i ra bas bskor te gnas pa gzigs so/ /de nas kun nas 'bar rab tu 'bar ba'i rdo rje des ra ba de bshig ste lha chen po chung ma dang bcas pa de bkug nas bsgyel te zhabs g.yon
103b6 pa'i 'og tu de'i mgo mnan nas/ g.yas pas lha mo u ma'i nu ma rgyas pa dag mnan te 'di skad ces bka' stsal to/ /kye sems can gdug pa can khyod la ji ltar bya/ de nas lha de rnams 'jig rten gsum gyi bdag po de 'di lta bu'i
103b7 gnas skabs su gyur par mthong nas ngo mtshar du gyur cing skrag pa dang bcas pas 'di snyam du sems te kye ma'o 'jig rten gsum gyi bdag po'i gnas skabs bdag ni bzang gi de ni de lta ma yin no snyam mo/ /de nas lha chen pos lha de rnams
103b8 mthong nas dpa' tshan bskyed de byang chub sems dpa' de la 'jig rten gsum 'jigs par byed pa'i 'jigs byed kyi ku cho chen pos 'jig rten gsum du cher bsgrags pas 'jigs pa bskyed par brtsams so/ /de nas byang chub sems
104a1 dpa' chen po des lha chen po de zhabs g.yon pas ches shin tu brdzi ba mdzad kyang de lta na 'ang de sgra gcogs par ma gyur to/ /de nas byang chub sems dpa' sems dpa' chen pos cha gcig rdo rje hU~M mdzad kyi gzugs su
104a2 gnas nas gzhan phyag na rdo rje'i gzugs su bcom ldan 'das kyi thad du song ste bcom ldan 'das la 'di skad ces gsol to/ /bcom ldan 'das sems can gdug pa can 'di'i sgra chen po 'byin pa la bdag gis ji ltar bgyi/
104a3 de nas bcom ldan 'das rnam par snang mdzad chen pos bgegs thams cad rnam par 'joms pa rdo rje zhes bya ba'i ting nge 'dzin la snyoms par zhugs nas nyid kyi thugs las snying po 'di phyung ngo / /hU~M/ snying po 'dis rdo rje'i zhabs kyi spyi bor
104a4 bsnun no/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das snying po de'i ming ci lags/ de nas bcom ldan 'das rnam par snang mdzad chen pos lag na rdo rje la bka' stsal
104a5 pa/ lag na rdo rje snying po de ni sems can gdug pa can thams cad kyi snying 'dral bar byed pa'o/ /de nas rdo rje hU~M mdzad kyis de skad ces thos nas cung zad 'dzum pa'i bzhin gyis 'jig pa chen po'i rlung gi shugs kyis bdas pa'i
104a6 rgya mtsho'i dba' rlabs brdabs pa'i sgra lta bus hU~M/ sems can gdug pa can 'dug shig 'dug shig ces smra zhing zhabs g.yon pas spyi bor brgyab nas bsnun no/ /de nas lha mo des lag pa thal mo sbyar ba spyi bor gzhag
104a7 nas 'di skad ces smra bar byed do/ /e ma'o/ gzi brjid chen po 'di gang gi phyir 'jig rten gsum las rnam par rgyal ba'i bdag gi bdag po yang zhabs g.yon pas kun nas mnan nas 'di'i bran mo nyid mchog ster yang 'di'i
104a8 chung ma bya snyam zhes smra'o/ /bdag gang gi phyir 'di lta bu'i sdug bsngal myong ba bzod pa bas de nas yang des rjes su bsams pa/ bdag gi bdag po 'jig rten gsum gyi dbang phyug 'di gzugs bzang yang stobs dang ldan
104b1 pa ma yin no snyam mo/ /de nas rdo rje hU~M mdzad kyis de'i sems mkhyen te/ slar yang khro ba dang bcas pa'i lta stangs kyis gzigs te/ e ma'o bud med 'di ni shin tu gzugs dang ldan la yid du 'ong ba'o zhes gsungs so/ /de nas lha
104b2 chen po des slar yang yan lag dang nying lag bskyod cing sos mchu za bar byed do/ /de nas bcom ldan 'das rdo rje hU~M mdzad kyis de la gzigs te/ khro ba dang bcas pas rdo rje'i mtshon cha des kun nas bsnun te bsad par gyur
104b3 to/ /de nas lha mo de 'di skad ces smra zhing ngu bar byed do/ /ji ltar bdag gi bdag po 'jig rten gsum gyi mnga' bdag de 'dis bsad na da bdag gis ji ltar bya zhes smra'o/ /de nas rdo rje hU~M mdzad kyis yang lha mo de zhabs g.yon pas
104b4 shin tu brdzis te bsad par brtsams so/ /de nas lha mo de 'dar ba'i yid kyis 'di skad smras so/ /bcom ldan 'das ci bdag 'gums par mdzad dam/ bdag khyod kyi bran mor mchi'o/ /de nas byang chub sems dpa' chen po
104b5 rdo rje hU~M mdzad slar yang ya mtshan dang bcas pa'i lta stangs kyis de la gzigs te/ bud med mdzes ma 'di bcom ldan 'das la bla ma'i yon du dbul bar bya'o snyam du dgongs so/ /de nas lha mo des phyag na rdo rje la
104b6 gsol pa/ byang chub sems dpa' thugs rje chen po 'd-i'i srog yongs su bskyab tu gsol/ de nas bcom ldan 'das rnam par snang mdzad chen pos lha mo de'i tshig gsan nas thugs rje dang ldan pa'i thugs kyis lag na
104b7 rdo rje la bka' stsal pa/ lag na rdo rje sems dpa' chen po 'di mthong shig /skal ba dang ldan pa 'di sangs rgyas nyid du 'byung ngo / /de nas byang chub sems dpa' chen po des bcom ldan 'das la 'di skad ces gsol to/ /bcom
104b8 ldan 'das gdug pa can gyi sems can 'di ji ltar skal ba dang ldan pa lags/ de nas bcom ldan 'das rnam par snang mdzad chen pos lag na rdo rje la bka' stsal pa/ lag na rdo rje 'di ni skal ba dang ldan pa yin gyis des na thong shig /
105a1 de nas byang chub sems dpa' chen po lag na rdo rjes 'jig rten gsum gyi bdag po la 'chi ba yongs su 'tsho bar byed/ oM badzra satwa hU~M/ rdo rje zhes bya ba'i sngags kyis 'tsho bar mdzad nas 'di skad ces bka' stsal to/ /bzang mo
105a2 'di gal te ster na de nas gtang bar bya'o/ /de nas lha chen po sdug bsngal mang po de las langs te shin tu stobs zhan pas de la 'di skad ces gsol to/ /bcom ldan 'das bdag gis ci bgyi ba bka' stsal du gsol/ chung ma 'di lta smos
105a3 kyang ci 'tshal/ gzhan yang bla ma'i yon du dbul bar bgyi/ de nas phyag na rdo rjes lha chen po de bkrol lo/ bkrol nas de la 'di skad ces gsol to/ /yang bcom ldan 'das sems dpa' chen po khyod kyi dkyil 'khor du zhugs
105a4 la khyod kyi bka' bzhin du bgyi'o/ /de nas byang chub sems dpa' chen po rdo rje hU~M mdzad kyis de la sdom pa gnang ba deng 'di nas brtsams te srog chags gsod pa la sogs pa ma byed cig /de nas gdong bcings pa bkrol te/
105a5 dkyil 'khor bstan to/ /de nas lha chen pos dkyil 'khor de mthong nas ngo mtshar du gyur te/ e ma'o dkyil 'khor 'di ni shin tu mdzes so zhes smra'o/ /de nas byang chub sems dpa' chen po dbang phyug chen pos de bzhin
105a6 gshegs pa thams cad kyi bdag po de mthong nas kye ma'o sdig can bdag ji ltar 'di'i bka' bzhin thog ma nyid du ma byas so/ /zhes yid la byed de mya ngan du gyur to/ /de nas bcom ldan 'das rnam par snang mdzad chen
105a7 pos lha chen po de la rdo rje des rdo rje'i chus dbang bskur ro/ /dbang bskur ba nyid na thal ba'i dbang phyug tu lung bstan te thal bas khebs pa'i 'jig rten gyi khams su thal ba'i dbang phyug ces bya ba'i de bzhin gshegs pa'o/ /
105a8 zhes rdo rje'i ming 'di'i dbang gis dbang bskur ro/ /de nas de bzhin gshegs pa thal ba'i dbang phyug gis bcom ldan 'das rnam par snang mdzad la 'di skad ces gsol to/ /bcom ldan 'das bla ma la yon dbul ba'i red pa
105b1 cung zad mchis na bcom ldan 'das de bzhes su gsol/ de nas bcom ldan 'das rnam par snang mdzad chen pos de bzhin gshegs pa thal ba'i dbang phyug la 'di skad ces bka' stsal to/ /gang bla ma la yon dbul ba ni khyod
105b2 kyis tshul 'di las 'da' bar mi bya ba nyid dang gzhan la yang nam du 'ang smra bar ma byed cig /de nas yang lha chen pos bcom ldan 'das la 'di skad ces gsol to/ /de lta lags mod kyang ci nas kyang bla ma'i yon bzhes su gsol/
105b3 de nas byang chub sems dpa' chen po phyag na rdo rjes sems dpa' chen po de la 'di skad ces smra'o/ /bla ma'i yon ci dbul ba de ngas blang bar bya'o/ /de nas sems dpa' chen po des phyag na rdo rje la 'di skad ces gsol to/ /bdag gi
105b4 chung ma 'di dbul bar bgyi zhing rdzas la sogs pa'ang dbul bar bgyi'o/ /de nas phyag na rdo rjes bcom ldan 'das la gsol pa/ bcom ldan 'das chung ma 'di blang bar bgyi 'am/ 'on te rdzas la sogs pa blang bar bgyi/ de nas
105b5 bcom ldan 'das rnam par snang mdzad chen pos lag na rdo rje la bka' stsal pa/ lag na rdo rje rdzas gyis ci zhig bya/ gal te chung ma 'di dbul na khyod kyis zung shig /rnam par rtog pa ci yang mi bya'o/ /de nas byang chub sems dpa'
105b6 chen po phyag na rdo rjes byang chub sems dpa' chen po de la 'di skad ces bka' stsal pa/ sems dpa' chen po bdag la chung ma byin cig /de nas byang chub sems dpa' chen po thal ba'i dbang phyug dga' zhing rangs te rab tu mgu ba'i
105b7 yid kyis byang chub sems dpa' chen po phyag na rdo rje la chung ma de phul lo/ /de nas lha mo des phyag na rdo rje shin tu gzhon pa/ mdzes pa'i bdag nyid can mthong nas dga' zhing rangs te/ bdag skal ba dang ldan no snyam
105b8 bsams te de la gsol pa/ e ma'o bcom ldan 'das kyi chos ni sems can rnams kyi phyir 'di lta bu'i gzugs su bsgyur te 'jigs pa'i gzugs 'dzin pa ni bdag gi bde ba dang yid bde ba bskyed pa'i don du dkyil 'khor du 'jug
106a1 pa thob pa'i don du lags so/ /de nas de bzhin gshegs pa thal ba'i dbang phyug yid la 'di ltar sems dpar gyur te/ e ma'o/ 'di ni ngo mtshar che ste bdag gi chung ma 'dis bdag bgrang bar mi byed do snyam mo/ /de nas bcom ldan 'das de
106a2 bzhin gshegs pa thams cad kyi bdag po rnam par snang mdzad chen pos de bzhin gshegs pa thal ba'i dbang phyug ces bya ba de la thal bas khebs pa'i 'jig rten gyi khams su dbang bskur ro/ /khyod 'jig rten gyi khams der song shig /de nas
106a3 de bzhin gshegs pa thal ba'i dbang phyug de de bzhin gshegs pa thams cad dang 'jig rten gyi khams der dbang bskur ba tsam gyis song ngo / /de nas lha mo de de'i gzugs phun sum tshogs pa rang gis mthong nas slar yang smras pa/ 'di'i bran mo
106a4 mchog tu 'gyur ram ma yin te de'i chung ma mchog tu 'gyur/ de nas byang chub sems dpa' chen po phyag na rdo rjes mdzes ma de blangs te bcom ldan 'das kyi spyan sngar gnas nas bcom ldan 'das la 'di skad ces gsol to/ /bdag gi
106a5 bla ma'i yon bcom ldan 'das bzhes su gsol/ khyod la bdag gis mdzes ma 'di dbul bar bgyi'o/ /de nas bcom ldan 'das kyis lag na rdo rje la bka' stsal pa/ khyod nyid la zhog shig /de nas lha mo de slar yang 'di
106a6 snyam du sems par gyur to/ /gal te de bzhin gshegs pa thams cad kyi bdag po 'di la bdag bla ma'i yon du 'dis phul ba de lta na 'di'i bran nyid du gyur kyang bdag skal ba dang ldan no snyam mo/ /de nas lag na rdo rjes
106a7 bcom ldan 'das la 'di skad ces gsol to/ /bcom ldan 'das mdzes ma 'di bzhes su gsol/ de nas bcom ldan 'das kyis bka' stsal pa/ lag na rdo rje de ltar bya'o/ /de nas bcom ldan 'das kyis de
106a8 bzung ste rnam par brtags nas rdo rje'i chus dbang bskur te/ brla zung gi steng du gzhag nas de la 'di skad ces bka' stsal to/ /de bzhin gshegs pa thams cad kyi rdo rje'i rigs kyi lha mo chen mo khyod yin no/ /
106b1 de nas lha mo des 'di lta bu'i bka' nye bar thos nas dga' zhing rangs pa'i yid kyis gnas so/ /de nas yang lha la sogs pa dang gza' rnams kyis bcom ldan 'das lha mo chen mo dang bcas pa phyag na rdo rje dang thabs cig pa
106b2 dkyil 'khor chen po la lan gsum du g.yas nas bskor zhing rgyang nas phyag byas te 'gro ba bka' nod cing gnas so/ /de nas bcom ldan 'das kyis de rnams la bka' stsal pa/ theg pa chen po 'di 'bad pas shin du bsrung bar
106b3 byos shig /de nas lha de rnams kyis bcom ldan 'das la 'di skad ces gsol to/ /bcom ldan 'das gang la la dag theg pa chen po la smod cing theg pa chen po sun 'byin pa'i sems can dag byung na de bdag cag rnams
106b4 kyis tshar gcad par bgyi lags so/ /bcom ldan 'das kyis bka' stsal pa/ theg pa chen po sun 'byin pa rnams ji ltar nus pas tshar gcad par byos shig /de nas lha'i bu de dag ca co'i sgras bcom ldan 'das la
106b5 legs so zhes gsol te song ngo / /de nas bcom ldan 'das rnam par snang mdzad chen pos mdzes ma de deng sang nas brtsams te rdo rje gar ma zhes rdo rje'i ming gi dbang gis dbang bskur ro/ /g.yon gyi zla ba'i dkyil 'khor
106b6 gyi grwar rnam par gzhag ste/ de dang lhan cig rtse ba'i sbyor bas gnas so/ /de nas lha mo de la sangs rgyas des bka' drin dam pa mdzes pa'i yon tan stong phrag dang ldan par gyur to/ /de nas bcom ldan 'das de dang
106b7 thabs cig tu A ling ga dang tsum pa'i sbyor bas shin tu bde bas bgyis shing gnas so/ /de nas yang lha'i dbang po brgya byin lha'i bu brgya stong du ma dang na chung ma stong phrag du mas yongs su bskor cing khri stan
106b8 bzang po dang / glu dbyangs snyan pa sgrogs pa dang lhan cig lhags te/ rnam pa sna tshogs pa'i me tog gi char chen po phab par gyur to/ /de nas byang chub sems dpa' chen po lag na rdo rjes bcom ldan 'das la
107a1 la 'di skad ces gsol to/ /bcom ldan 'das rnam pa sna tshogs shing bkra ba'i me tog gi char sus phab pa lags/ khri stan brgya stong phrag du ma dang lhags pa 'di su zhig lags/ de nas bcom ldan
107a2 'das de bzhin gshegs pa thams cad kyi bdag po rnam par snang mdzad chen pos kun tu bzang po'i ting nge 'dzin la snyoms par zhugs te rnam par gzigs so/ /gzigs te de nas lag na rdo rje la bka' stsal pa/ lag na rdo rje
107a3 lha rnams kyi dbang po brgya byin de bzhin gshegs pa thams cad kyi dam tshig la lhags pa yin no/ /de nas phyag na rdo rje snyems pa dang bcas pas rdo rje gsor zhing shin tu khros te bcom ldan 'das la 'di skad ces gsol
107a4 to/ /bcom ldan 'das rdo rje kun tu 'bar rab tu 'bar ba de'i stobs gzhom par bgyi'o/ /bcom ldan 'das kyis lag na rdo rje la bka' stsal pa/ lag na rdo rje 'di ni mi mthun par 'dzin pa'i sems kyis
107a5 ma 'ongs kyis/ des na khyod de ltar ma byed cig /de nas bcom ldan 'das rnam par snang mdzad chen pos phyi'i tshul gyi lha mo de nyid kyi sku la bcug ste bzhugs so/ /de nas lha rnams kyi dbang po brgya byin lhags
107a6 te/ lan gsum du bskor ba byas nas bcom ldan 'das la 'di skad ces gsol to/ /bcom ldan 'das dkyil 'khor chen po 'dir gzhug tu gsol/ gang gis bla na med pa yang dag par rdzogs pa'i byang chub
107a7 nyid bsgrub par bgyi'o/ /de nas bcom ldan 'das kyis lha rnams kyi dbang po brgya byin dkyil 'khor du bcug ste/ bcug nas 'khor dang bcas pa de la rdo rje'i chus dbang bskur te/ de nas byung nas lha rnams kyi
107a8 dbang po brgya byin theg pa chen por sems bskyed du bcug go/ de nas lha rnams kyi dbang po brgya byin 'khor dang bcas pa dkyil 'khor chen por zhugs te skyabs gsum gzung nas bcom ldan 'das la bla ma'i
107b1 yon dbul ba'i sems nas bcom ldan 'das ci zhig dbul bar bgyi/ de nas lha rnams kyi dbang po brgya byin bcom ldan 'das rnam par snang mdzad/ gyi zhabs gnyis la gtugs te rang gi mdzes ma blangs
107b2 nas phul lo/ /de nas bcom ldan 'das rnam par snang mdzad/ chen pos brgya byin la 'di skad ces bka' stsal to/ /bud med 'di khyod nyid la zhog shig /de nas lha rnams kyi dbang po brgya byin gyis bcom ldan 'das la 'di
107b3 skad ces gsol to/ /bcom ldan 'das bdag dga' ba'i slad du ci nas kyang 'di bzhes su gsol/ gzhan du na bdag ji ltar slob mar mchi/ de nas bcom ldan 'das kyis de ltar mdzad de blangs so/ /de nas
107b4 lha rnams kyi dbang po brgya byin tshim zhing rab tu dga' bas bcom ldan 'das rnam par snang mdzad dang phyag na rdo rje'i dkyil 'khor chen po la lan brgya stong phrag du mar bskor ba byas te 'khor dang bcas pa song ngo / /
107b5 de nas bcom ldan 'das rnam par snang mdzad chen po de bzhin gshegs pa thams cad kyi bdag pos mdzes ma de rnam par brtags nas rdo rje'i chus dbang bskur te/ shin tu sgeg pa nyid du gzigs nas rdo rje sgeg mo
107b6 zhes ming du btags so/ /de nas rdo rje gar ma phyung ste de la ched du brjod pas ched du brjod pa/ e ma'o theg pa chen po'i tshul 'di ni ngo mtshar che ste/ gang gis de bzhin gshegs pa nyid thob nas mdzes ma shin
107b7 du gzugs dang ldan pa bde ba chen po ster ba rnyed par gyur to/ /de nas bcom ldan 'das kyis lha mo gzhan yang phyung ste dkyil 'khor de yongs su gang bar mdzad do/ /de nas lha rnams kyi dbang po brgya byin slar yang dpung
107b8 gi tshogs yan lag bzhi pa dang bcas pa der lhags so/ /de nas byang chub sems dpa' chen po phyag na rdo rjes dpung gi tshogs yan lag bzhi pa dang bcas pa de gzigs te yid rab tu 'khrugs par gyur nas
108a1 bcom ldan 'das la 'di skad ces gsol to/ /bcom ldan 'das bdud sdig can dpung gi tshogs yan lag bzhi dang bcas te lhags pa 'di su ji lta bu zhig lags/ de nas bcom ldan 'das kyis dgongs
108a2 te lag na rdo rje la bka' stsal pa/ lag na rdo rje 'di ni bdud sdig to can 'ongs pa ma yin gyi/ 'on kyang 'di kau shi ka yin no/ /de nas phyag na rdo rje rab tu khros te rdo rje gsor zhing bcom ldan 'das ci phrag dog gi sems kyis 'ongs na
108a3 rdo rje 'dis de dag bsreg par bgyi'o/ /de nas bcom ldan 'das kyis lag na rdo rje la bka' stsal pa/ lag na rdo rje de ltar ma byed cig /bla ma'i yon gzhan yang dbul ba'i phyir lhags pa yin no/ /de nas lha rnams
108a4 kyi dbang po brgya byin der 'ongs te/ bcom ldan 'das la 'di skad ces gsol to/ /bcom ldan 'das bla ma'i yon gzhan yang dbul bar 'tshal na bzhes su gsol/ bcom ldan 'das kyis bka' stsal pa/ gang nga la sbyin
108a5 par 'dod pa de khyod nyid la zhog shig /kau shi ka bla ma'i yon ni gang theg pa chen po'i tshul bsrung ba nyid yin no/ /brgya byin gyis gsol pa/ de lta lags mod kyang 'di dag bzhes su gsol zhes gsol te/ bla ma'i yon phul nas bcom
108a6 ldan 'das la lan gsum du bskor ba byas te/ lha rnams kyi dbang po brgya byin 'khor dang bcas pa song ngo / /de nas pad mo'i lus can la sogs pa gzhan rnams kyang lhags te mchod nas song ngo / /nyan thos kyi theg pa
108a7 can rnams kyang lhags te mchod nas song ngo / /rgyas par rgyud gzhan rnams nas bshad pa'i phyir 'dir ma bshad do/ /de nas byang chub sems dpa' chen po phyag na rdo rjes bcom ldan 'das la 'di skad ces gsol to/ /
108a8 ci bcom ldan 'das sgrub pa'i thabs rgyas pa mdor bsdus te mdzad lags/ bcom ldan 'das kyis bka' stsal pa/ lag na rdo rje gang gis nyan thos kyi theg pa'i lo rgyus ma bshad lags/ de'i ting nge 'dzin bsgom pa bstan par
108b1 'gyur ro/ /lag na rdo rje sdig pa can gyi sems can theg pa chen por gzhug par mi bya'o/ /de dag dran pa tsam du'ang mi bya'o/ /lag na rdo rjes gsol pa/ bcom ldan 'das rgyu gang gi phyir dran pa tsam yang mi bgyi lags/ bka' stsal
108b2 pa/ lag na rdo rje ji srid nyan thos kyi theg pa'i gtam byas pa de srid du dam tshig 'joms pas de'i phyir gsang ba'i theg pa la mngon par brten pas de dag ring du yongs su dor bar bya'o/ /de nas byang chub sems dpa' chen po lag na
108b3 rdo rjes bcom ldan 'das la 'di skad ces gsol to/ /bcom ldan 'das nyan thos kyi theg pa pa rnams ji ltar sun dbyung bar bgyi/ de nas bcom ldan 'das kyis phyag na rdo rje la bka' stsal pa/ lag na rdo rje gang la la dag
108b4 gsang ba'i theg pa chen por dbang bskur ba de rnams nyan thos kyi theg pa pa rnams kyi nang du gal te 'ga' zhig gi tshe zhugs na de la nyan thos kyi theg pa ba de dag ches bzhad gad byed de/ e ma'o theg pa 'di ni ngo mtshar rmad
108b5 do zhes ca co'i sgra chen po byed par 'gyur ro/ /de nas de rnams la theg pa chen po pas nus pa'i mthu bstan par bya'o/ /de nas lag na rdo rjes bcom ldan 'das la 'di skad ces gsol to/ /bcom ldan 'das rnam pa ji lta bus
108b6 nus pa bstan par bgyi/ bcom ldan 'das kyis bka' stsal pa/ lag na rdo rje sgyu 'phrul chen mo zhes bya ba'i rig pa yod de/ de rnyed nas gang 'dod pa de bya'o/ /lag na rdo rje de la 'di ni sgyu 'phrul chen mo zhes bya ba'i rig pa'o/ /na mo b+ha
108b7 ga wa te/ ma hA mA ya/ trai lokya dA~M ni ma hA bid+ya a kaR+Sha Ni mo hU ni/ ts+tshe da ni/ mA ra ni/ kar d+ha ni/ mA ra Ni/ kA ra d+hi na/ ma hA in drA dzA la kA ri Ni/ de we nAn ya/ a su R+Sha nA ka d+ha ya/ yak+Sha rAk+Sha sa g+han d+harba/ kin na ra/ bid+yA d+hA ra Na/
108b8 A kar Sha ya/ A kar Sha ya/ daR+sha ya/ brah+mA daR+sha ya/ daR+sha ya/ brah+mA NA na/ daR+sha ya/ daR+sha ya/ trai lo kyi daR+sha ya/ daR+sha ya/ A na ya/ A na ya/ ma hA mo he e h+ye hi b+ha ga wa te/ ma hA ma he/ a ne ka ku ha ka sa hA shra ku le/ ma da ni dzI ba na hi tA rA/
109a1 pa ba hu le/ he he/ ru ru/ ha ra ha ra/ prA NA na khA hi khA hi/ gr-ih+Na gr-ih+Na/ bA ta ni b+h+ra ma Ni mu rats+tsha ni hU~M hU~M/ haHhaHphaT hU~M haHswA hA/ 'di ni bcom ldan 'das ma gsang ba bsrungs pas mchog gang du gsang ba 'grub pa'i rig pa sgyu
109a2 'phrul dra ba zhes bya ba'i rig pa'i dbang phyug don yod pa grub pa'i gzugs can bcom ldan 'das ma gsang ba'i 'jig rten gyi dbang phyug sems can thams cad kyi dbang phyug rjes su byed ma/ gdug pa thams cad 'dul ma 'di'i
109a3 cho ga ni sngon du bsnyen pa stong bzlas la de nas zla ba gzas bzung ba na nyin mtshan du smyung bar gnas te/ gzas bzung ba ma mthong bar ji srid zla ba ma grol ba de srid du bzlas la snga dro khrus byas te bil ba'i yam shing mar la
109a4 btags pa'i nyi shu rtsa gcig bsreg par bya'o/ /de nas bram ze la ston mo byas te/ de dag las rjes su blangs pas de nas de 'grub par 'gyur ro/ /de nas byang chub sems dpa' chen po lag na rdo rjes bcom ldan 'das la 'di
109a5 skad ces gsol to/ /'di grub nas ci bgyid par 'gyur/ bcom ldan 'das kyis bka' stsal pa/ lag na rdo rje las thams cad byed par 'gyur ro/ /rma bya'i sgro yongs su gzung la rig sngags 'dis lan bdun mngon
109a6 par bsngags pa'i sgro des ngo mtshar stong phrag byed par 'gyur ro/ /de nas lag na rdo rjes bcom ldan 'das la 'di skad ces gsol to/ /des ngo mtshar stong phrag ji lta bu bgyid par 'gyur/ de nas bcom ldan 'das kyis
109a7 lag na rdo rje la bka' stsal pa/ lag na rdo rje gang la la theg pa chen po la smod par byed na de ni mngon sum du tshar gcad par bya/ nam mkha' la sgro bskor na de nas nam mkha' la gnas pa'i lha thams cad bstan par bya'o/ /
109a8 sgro nam mkha' la steng du gzung na tshangs pa dang / khyab 'jug dang / dbang phyug chen po la sogs pa dang / brgya byin dang / zla ba dang / gnod sbyin dang / srin po dang / lha ma yin dang / nam mkha' lding dang / mi 'am ci la sogs pa khang
109b1 bzangs du mas gang ba nam mkhar bstan par bya'o/ /lag na rdo rje sgro de steng du gzung na sbyor ba de dag phyed par 'gyur ro/ /lag na rdo rje sbyor ba gzhan yang bshad par bya ste/ chu khyor ba gang la rig pa 'di yongs su bzlas te/ de nam mkha'
109b2 la gtor nas sprin 'bab pa bstan par bya'o/ /sgro steng du bskor na slar de dag thams cad med par 'gyur ro/ /gzhan yang bshad par bya ste/ thal ba la cung zad bzlas te grong dang grong khyer la sogs pa'i dbus su gtor na grong la sogs
109b3 pa bsreg pa bstan par bya'o/ /sgro steng du bskor na slar zhi bar 'gyur ro/ /lag na rdo rje gzhan yang bshad par bya ste/ gang gi tshe sngags pa mtha' gcig tu song ste chom rkun la sogs pa mthong ba na de nas bye ma spar bar blangs la rig pa
109b4 cung zad cig bzlas te phyogs bzhir gtor bar bya'o/ /dpung gi tshogs glang po dang rta la sogs pa stong phrag mthong bar 'gyur ro/ /de nas chom rkun la sogs pa'i sems can gdug pa can dogs pa dang bcas pas nye 'khor du 'ong bar
109b5 mi 'gyur ro/ /sgro steng du bskor na de nas med par 'gyur ro/ /lag na rdo rje sgro de nyid kyis pha rol gyi bud med bkug la 'dod par bya'o/ /lag na rdo rje gal te gdug pa gsad par 'dod na sgro de nyid kyi sbyor bas khro ba dang bcas pas de'i
109b6 ming nas brjod cing bskor bas 'chi bar 'gyur zhing slar yang 'chi bar 'gyur ro/ /sgro de nyid kyis ji ltar bsams pa'i rdzas 'ong bar 'gyur ro/ /de nyid kyis pha rol gyi sngags rengs par byed do/ /yang sgro de nyid steng du bskor bas
109b7 grol bar 'gyur ro/ /'di nyid kyis gang yid la 'dod pa'i bud med 'gugs par byed do/ /ltos 'gro chen pos zos pa yang 'bebs par 'gyur zhing 'tsho bar byed do/ /sbrul nag pos zos pa yang
109b8 slong zhing mi bzad pa'i dug kyang med par byed do/ /rims dang nad thams cad kyang sgros zhi bar byed do/ /ji ltar ma bshad pa'i las rnams byed do/ /
110a1 rtag tu bzlas na 'chi ba las rgyal bar 'gyur ro/ /lag na rdo rje 'di dag ni sgyu 'phrul chen mo zhes bya ba'i rig pa sgrub pa'i thabs dang bcas pa ste tshul 'di nyid kyis 'jig rten thams cad dbab par bya'o/ /'di ni nyan thos kyi
110a2 theg pa pa rnams skrag par byed pa'i rig pa ste sangs rgyas nyid sgrub par byed pa ma yin no/ /sngags kyi sgrub pa 'ba' zhig gis sangs rgyas nyid sgrub par byed pa cung zad kyang med la 'on kyang bsgom pa'i rim pas yin no/ /gsang ba'i tshul
110a3 dang ldan pa'i sgom pa'i rim pa des 'grub par 'gyur ro/ /lag na rdo rje des na 'jig rten pa dga' ba'i phyir dngos grub phra mo 'di sngags pas bsgrub par bya ste sangs rgyas kyi phyir ma yin no/ /de nas byang chub sems dpa' chen po
110a4 lag na rdo rjes bcom ldan 'das la 'di skad ces gsol to/ /bcom ldan 'das gal te sngags kyi tshul gyis sangs rgyas nyid bgyid par mi nus na rnam pa ji lta bus sangs rgyas nyid bgyid par rtog par 'tshal lo/ /de
110a5 nas bcom ldan 'das kyis lag na rdo rje la bka' stsal pa/ lag na rdo rje gsang ba'i tshul gyis sangs rgyas nyid bsgrubs nas bla na med pa yang dag par rdzogs pa'i byang chub thob par 'gyur ro/ /de nas bcom ldan 'das
110a6 rnam par snang mdzad chen po de bzhin gshegs pa thams cad kyi bdag pos byang chub sems dpa' chen po phyag na rdo rje la bka' stsal pa/ lag na rdo rje nyon cig gsang ba mchog gi dbang phyug theg pa chen po dor nas tshul
110a7 gzhan gyis bskal pa bye ba brgyar yang sangs rgyas nyid bya bar mi nus so/ /de nas byang chub sems dpa' chen po lag na rdo rjes bcom ldan 'das la gsol pa/ bcom ldan 'das theg pa chen po'i tshul bka' stsal
110a8 du gsol/ gang gis sems can thams cad la sangs rgyas nyid sbyin pa'o/ /bcom ldan 'das kyis bka' stsal pa/ lag na rdo rje theg pa chen po zhes bya ba mchog tu gsang ba'i mdzod nyon cig /de nas phyag
110b1 na rdo rjes bcom ldan 'das la gsol pa/ bcom ldan 'das mdzod ces bgyi ba'i don gang lags/ bcom ldan 'das kyis bka' stsal pa/ lag na rdo rje 'di la mdzod ces bya ba ni b+ha ga'i gzhi'i gnas so/ /zhu ba can dang de'i mdzod gcig tu
110b2 byas rdo rje sems dpa'i gzugs su bdag nyid bsam par bya'o/ /de nas bcom ldan 'das rnam par snang mdzad chen po lag na rdo rje dang / rdo rje gar ma dang / rdo rje sgeg mo dag dang thabs cig tu rnam pa du ma a ling ga dang tsU Sha na la sogs pa
110b3 mdzad cing bsten nas btung bar mdzad do/ /de nas lag na rdo rje sngags pa'i tshul 'di ltar tsU Sha na dang / tsum pa na la sogs pas b+ha ga'i nang du song bar bya ste bdag nyid rdo rje sems dpa'i gzugs su mngon par byang chub pa rnam pa lngas bskyed
110b4 par bya'o/ /de nas byang chub sems dpa' chen po lag na rdo rjes bcom ldan 'das la gsol pa/ bcom ldan 'das ci lags/ phyi rol du gnas nas mngon par byang chub pa rnam pa lnga bgyi bar mi nus pa lags sam/ bcom ldan 'das
110b5 kyis bka' stsal pa/ lag na rdo rje phyi rol du gnas pa 'am/ phyi rol gyi tshul gyis sam/ b+ha ga bsten pa tsam gyis byang chub sgrub par nus pa ma yin te/ 'on kyang sbyor ba 'dis gal te b+ha ga bsten na de ni mngon par byang chub pa rnam
110b6 pa lnga sgom pa por 'gyur ro/ /bcom ldan 'das ji ltar bsgom par bgyi/ lag na rdo rje des rtsa'i zhu bas bdag nyid zla ba'i dkyil 'khor gyi rnam par blta bar bya'o/ /yang byang chub zla ba'i tshul dang rtsa thams cad gcig tu byas te/
110b7 bdag nyid byang chub zla bar bsgom par bya'o/ /'o ma de las bdag nyid rdo rje'i gzugs su bsams la/ de las yang rdo rje sems dpa'i skur rnam par bsgom par bya'o/ /yang thams cad lhan cig gcig tu gyur pa las de bzhin
110b8 gshegs pa thams cad kyi skur bsgom par bya'o/ /de de bzhin gshegs pa thams cad kyi bdag po rnam par snang mdzad chen po dang mtshungs par 'gyur ro/ /de nas byang chub sems dpa' chen po phyag na rdo rjes bcom ldan 'das la
111a1 gsol pa/ bcom ldan 'das ci lags/ rtsa'i sbyor ba 'di dag ma gtogs par tshul gzhan gyis mngon par byang chub pa rnam pa lnga bsgom par mi nus pa lags sam/ de nas bcom ldan 'das kyis byang chub sems dpa' sems
111a2 dpa' chen po lag na rdo rje la bka' stsal pa/ lag na rdo rje rtsa'i sbyor ba 'di nyid kyis mngon par byang chub pa rnam pa lnga bsgom par bya'i gzhan gyis ma yin no/ /gsol pa/ ci'i phyir/ bka' stsal pa/ lag na rdo rje phyi rol gyi zla ba'i dkyil 'khor
111a3 gyi rnam pas mngon par byang chub pa de mi nus te 'bad pa chen pos kyang cung zad tsam yang bya bar nus pa ma yin no/ /dper na nam mkha'i chu skyes rnam pa gang gis kyang bsgrub par nus pa ma yin pa bzhin no/ /de'i phyir gsang ba zhes bshad
111a4 do/ /gsang ba'i tshul 'dis ngal ba med par sangs rgyas nyid dam rdo rje 'dzin pa nyid bsgrub par bya ba dang / sbyor ba gzhan gyis ma yin no/ /de'i phyir bcom ldan 'das bde bar gshegs pa'i thig le'i nyi mas phyogs rnam par gsal ba
111a5 des sems can thams cad la phan pa'i phyir gsang ba'i sbyor ba 'di nyid gsal bar mdzad do/ /de nas byang chub sems dpa' chen po phyag na rdo rjes bcom ldan 'das la 'di skad ces gsol to/ /bcom ldan 'das de lta na 'ang gsang
111a6 ba'i tshul gyi rnam pa yang dag par bdag la ma gsungs lags so/ /de nas bcom ldan 'das rnam par snang mdzad chen pos phyag na rdo rje la bka' stsal pa/ lag na rdo rje mchog tu gsang ba'i mdzod kyi thig le zhes bya ba sangs rgyas
111a7 thams cad sbyin par byed pa/ de bzhin gshegs pa thams cad kyi skyed pa po nyon cig /ngas kyang tshul 'dis sangs rgyas nyid mdzad la/ khyod kyis kyang tshul 'dis sangs rgyas nyid bsgrub par bya'o/ /de nas bcom ldan
111a8 'das kyis bka' stsal pa/ lag na rdo rje ji srid ba spu'i bu ga yod pa de srid la rtsa rnams rdul phra rab kyi gzugs su bsgom par bya'o/ /de nas rdo rje gar ma'i gzugs su bsgoms nas de'i b+ha ga'i dbus su rdo rje gar ma'i
111b1 gzugs rtsa'i rang bzhin las a la sogs pa'i yi ge 'bab pa'i ngo bor bsam par bya'o/ /de nas mi 'bab pa'i rtsa lnga ka la sogs pa'i gzugs su bsam par bya'o/ /de yongs su gyur pa las zla ba'i dkyil 'khor
111b2 bsams la/ de'i 'o ma las bdag nyid b+ha ga'i dbus su rdo rje sems dpa'i skur bsgom par bya'o/ /de nas phyag na rdo rjes bcom ldan 'das la 'di skad ces gsol to/ /bcom ldan 'das rtsa de'i gzugs dang rang bzhin ji lta bu
111b3 lags/ bcom ldan 'das kyis bka' stsal pa/ lag na rdo rje rtsa de rnams kyi nang nas gcig ni rtsa chen po gtso bor gyur pa ste/ rtsa gzhan thams cad ni de la rnam par gnas pa'o/ /de'i rang bzhin ni bsil ba'i rang bzhin te/ de rnyed nas
111b4 rdo rje 'dzin pa nyid dam rnam par snang mdzad nyid thob par 'gyur ro/ /gang yang cung zad dro ba na de nas 'jig rten dbang phyug gi sku thob par 'gyur ro/ /gang yang shin tu dro ba dang ldan na de bsgoms na rdo rje hU~M mdzad kyi skur 'gyur ro/ /de
111b5 nas khro bo'i gzugs su gyur nas ji srid khro bo'i gzugs su gyur pa de srid bsgom par bya ste/ zhi ba'i sku dang lhan cig tu byas nas de nas nyi ma'i dkyil 'khor ro/ /de nas phyag na rdo rjes bcom ldan 'das la 'di skad ces
111b6 gsol to/ /bcom ldan 'das ci lags/ bud med bsten pa tsam gyis sangs rgyas nyid thob pa lags sam/ 'on te gzhan pas kyang lags/ bcom ldan 'das kyis bka' stsal pa/ sbyor ba dang ldan pa'i bud
111b7 med bsten pa de ma gtogs pa gzhan gyis sangs rgyas nyid thob par mi 'gyur te/ gzhan thams cad ni rnam par g.yeng ba yin no/ /lag na rdo rje de'i phyir sngags pas lha mo gang rnyed pa de brla zung gi steng du gzhag la
111b8 tsum pa dang / A ling ga la sogs pa byas te yongs su bsten pa de nas 'thungs te de yang so sor 'jib tu gzhug go/ de nas b+ha ga'i dbus su rtsa de'i 'o ma bdag nyid dang gcig tu byas la rang gi sngags kyi rgyal pos bdag nyid 'dod pa
112a1 yin no zhes bsgoms te/ rdo rje sems dpa'i sku dkar po'i rnam pa dang bar bsgom par bya'o/ /lag na rdo rje de'i phyir rtsa gcig po de ni sangs rgyas thams cad kyi yum ste/ phyi rol gyi tshul can la de nyid shes rab kyi pha rol tu
112a2 phyin ma zhes bshad do/ /de las nges par byung ba ni sangs rgyas thams cad do/ /de'i phyir lag na rdo rje zhu ba'i rgyun 'thungs pa tsam gyis rdo rje sems dpa'i sku yongs su thob par 'gyur ro/ /lag na rdo rje gzhan yang bshad par bya ste/
112a3 ba spu'i bu gar gnas pa'i rtsa rnams las 'dzag pa dang ldan pa'i thigs pa gnas gsum du khyad par du 'phags pas gnas te spyi bor bum pa'i gzugs la bdud rtsi'i tshul can bdud rtsi'i rang bzhin bdud rtsi 'dzag pa bsam par bya'o/ /
112a4 gzhan yang snying ga'i gnas su pad ma'i rnam pa kha dog dkar po mar sar dang mtshungs shing yongs su gzhon pa la bum pa'i bdud rtsi 'dzag pa tsam gyis pad ma rtas par byed par bsam par bya'o/ /de nas gsang ba'i gnas su yi ge
112a5 e'i rnam pa gru gsum pa kha dog rnam pa sna tshogs pas spras pa/ ka la sogs pa'i yi ge yongs su gyur pa las rtsa lnga'i sgo las byung ba'i bdud rtsi'i rgyun gcig 'bab par bsams te/ bdud rtsi'i rgyun de las bdag nyid
112a6 rdo rje sems dpa'i sku bdud rtsi'i ngo bo mi phyed par bsgom par bya'o/ /lag na rdo rje de'i phyir rtsa thams cad kyi nang nas gcig po de gtso bo yin te/ de nyid sangs rgyas nyid ster bar byed pa yin no/ /de'i phyir rnam pa 'di ltar du bsgoms na
112a7 bdud rtsi'i ngo bo dang mi shigs par 'gyur ro/ /lus 'di nyid kyi skra dkar dang gnyer ma dor nas bde bar gshegs pa'i sku rnams mthong bar bsgom par bya'o/ /bdag nyid kyang gzugs brnyan gyi tshul du mthong bar 'gyur ro/ /'dir
112a8 gnas nas kyang bskal pa'i las rnams kyang shes par 'gyur ro/ /lag na rdo rje de'i phyir 'di bsgom par bya'o/ /lag na rdo rje des na tshul 'dis bud med bsgom pa na gal te rmi lam du rdo rje sems dpa' dbang bskur bar mdzad na de
112b1 nas zla ba phyed tshun chad du 'grub par shes par bya'o/ /gal te yang slob dpon du gyur pas ston par mdzad na de nas zla ba drug na 'grub par shes par bya'o/ /'ga' zhig tu lha'i gzhal med khang du bcug nas de bzhin gshegs pa'i
112b2 gzugs brnyan mthong na de nas lo gcig na 'grub par shes par bya'o/ /de nas lha'i gzhal med khang du bsdad nas tsU Sha na la sogs pa'i sbyor bas bdag nyid 'bar ba mthong na de nas myur du 'grub par 'gyur bar shes par bya'o/ /'ga'
112b3 zhig tu snang ba mthong na de nas skye ba 'dir 'grub par shes par bya'o/ /yang na rmi lam du b+ha gar A ling ga dang tsU Sha na mthong nas de nas skyes bu de 'grub par shes par bya'o/ /'bad mi dgos par 'grub par 'gyur ro/ /lag na rdo rje de'i
112b4 phyir tsU Sha na la sogs pa dang ldan pa'i mngon par byang chub pa rnam pa lnga'i rim pas sngags pas rtsa'i sbyor ba la sbyang bar bya'o/ /gang gi phyir e'i yi ge rnam pa sna tshogs pa ste ji ltar kha dog dmar po rdo rje hU~M mdzad kyi gzugs su
112b5 bsgoms na de nas sems can thams cad dbang du byed do/ /de nas gsad par 'dod na de'i tshe rtsa nag po'i rnam pas rdo rje hU~M mdzad kha dog nag por bdag nyid bsgoms la des gsad par bya'o/ /de nas bskrad par 'dod na bdag nyid rdo rje hU~M
112b6 mdzad kyi gzugs su sngar bshad pas bsgoms la bsgrub bya rnga mo la zhon par bltas na de nas bskrad de yul gzhan du gtong bar byed do/ /lag na rdo rje de'i phyir las thams cad gsang ba la yongs su brten pa yin no/ /des na 'di
112b7 gsang ba las kyang gsang ba nyid du rig par bya'o/ /rtsa'i sbyor ba 'di nyid kyis sangs rgyas nyid dam rdo rje 'dzin pa nyid bsgrub par bya'o/ /gang yang phyi rol gyi tshul la gnas pa de dag rnams ni bong bu dang mtshungs pa ste khur
112b8 khur ba las 'bras bu med par shes par bya'o/ /lag na rdo rje de'i phyir khyod kyis 'di dag shes par byos la sems can gyi don gyis shig /nga yang tshul 'dis gnas pa yin no/ /lag na rdo rje de'i phyir sems can thams
113a1 cad kyi bsam pa shes par byos la chos ston par gyis shig /gzhan du na khyod kyang mi mthun pa spyod par 'gyur na sems can gzhan lta smos kyang ci dgos/ rgyud gzhan du na e'i yi ge 'di don du bshad do/ /'dir phyi
113a2 rol gyi tshul la rtsa bcu'i tshul gyis de kho na nyid bcur shes par bya'o/ /don dam par ni de kho na nyid bcu yang ma yin la lnga yang ma yin te gcig po nyid don dam pa yin no/ /gang rtsa'i gtso bo ma lus shing lus pa med pa'i sangs rgyas
113a3 nyid sbyin pa po ste gang zhes thob pas sangs rgyas nyid du song zhing 'gro bar 'gyur ba yin no/ /rgyud gzhan du rgyas par ma bshad do/ /lag na rdo rje 'di ni rnal 'byor dang shin tu rnal 'byor dang / gsang chen dang / gsang ba'i rtsa'i
113a4 sbyor ba dang bcas pa bya ba khyod la gsal bar byas kyis nga la bla ma'i yon byin cig /theg pa chen po rab tu ston pa po 'phags pa ma yin pa gzhan la yang ci nas kyang bla ma'i yon bdag nyid kyi bar du 'ang dbul bar bya ba yin na/ gzhan lta
113a5 smos kyang ci dgos/ lag na rdo rje sems gzhan du ma byed cig /rab tu myos par 'gyur ro/ /de nas phyag na rdo rjes bcom ldan 'das la 'di skad ces gsol to/ /bcom ldan 'das ci zhig dbul bar bgyi/ khyod la yongs su
113a6 ma rdzogs pa 'ga' zhig mchis lags sam/ bka' stsal pa/ lag na rdo rje thams cad yongs su rdzogs mod kyang dbul bar bya ba yin no/ /gsol pa/ ci zhig dbul bar bgyi/ bka' stsal pa/ 'di dag dbul bar bya ba ste/
113a7 skal ba dang mi ldan pa'i sems can rnams la 'di'i dgongs pa bshad par mi bya'o/ /nyan thos kyi theg pa can la rgyud 'di'i glegs bam tsam yang bstan par mi bya ste/ de'i mdun du ming tsam yang gsal bar mi bya'o/ /lag na rdo rjes
113a8 gsol pa/ bcom ldan 'das bdag gis nyan thos kyi theg pa can rnams la bshad par mi bgyi zhing de'i gnas su'ang 'dug par mi bgyi ste/ de'i gnas su 'jug pa dang / bshad par bgyi bas bdag la ci zhig bgyi/
113b1 bcom ldan 'das ci'i slad du de bdag la gsal bar mi bgyid/ bcom ldan 'das kyis bka' stsal pa/ lag na rdo rje theg pa chen po'i rang bzhin sngar bshad pa khyod brjed dam/ lag na rdo rje nyan thos kyi theg pa pa kho nar ma zad sems can
113b2 gzhan yang sngags pa rnams dang / tha na de bzhin gshegs pa thams cad la yang gsang ba 'di shes na de dus 'di nyid la rdo rje sgeg mo dang / rdo rje gar ma las skyes pa ste nga ci 'dra ba dang khyod ci 'dra ba de 'drar shes par bya'o/ /de nas byang
113b3 chub sems dpa' chen po phyag na rdo rjes bcom ldan 'das la 'di skad ces gsol to/ /bcom ldan 'das shin tu zab pa'i tshul gsang ba thams cad gnas pa/ rtsa'i sbyor ba de sems can rnams kyis ji ltar 'tshal bar 'gyur/
113b4 bdag gis de dag la bstan par bgyi 'am/ 'on te ma lags/ de nas bcom ldan 'das rnam par snang mdzad chen pos phyag na rdo rje la bka' stsal pa/ lag na rdo rje khyod kyis kyang slob ma rnams sam sngags pa rnams la rgyud
113b5 'di gsal bar mi bya'o/ /phyag na rdo rjes gsol pa/ bcom ldan 'das ci lags gsang ba'i dbang bskur ba'i sngags pa rnams la yang gsal bar mi bgyi'am/ bcom ldan 'das kyis bka' stsal pa/ lag na rdo
113b6 rje sems can gang la la dad pa'i bsam pa phun sum tshogs pa dang ldan pa rgyud 'di shes par 'dod pa de dag la bud med bsnyen pa tsU Sha na la sogs pa'i sbyor bas gsang ba chen po'i mchod pa byas te rjes su gdams pa dang
113b7 bcas pa de dag thams cad la 'bad pas bshad par bya'o/ /gang la la rgyud 'di la sdang bar byed na de dag la de ltar rdo rje hU~M mdzad kyi skur gnas te/ rdo rje hU~M mdzad kyi tshul gyis yongs su khros te 'bar ba dang ldan par spros la de'i gnas 'bar
113b8 bar bsam par bya'o/ /de nas de'i 'khor dang bcas pa brlag par 'gyur ro/ /gal te sngags pa gso bar 'dod na de'i gnas phyed tshig pa la bdud rtsi'i rang bzhin gyi rdo rje'i rigs rnams bsams na de dag 'tsho bar 'gyur ro/ /lag na
114a1 rdo rje de'i phyir 'di gang su la yang bshad par mi bya'o/ /mchog tu gsang ba thig le'i mdzod kyi rtogs las gsang ba'i de kho na nyid sbas pa mtha' dag gi cho ga rgyas pa'o/ / de nas bcom ldan 'das rnam par snang mdzad
114a2 chen pos de bzhin gshegs pa thams cad brtan par mdzad nas/ phyag na rdo rje'i lus de dag gcig tu gyur nas rgya mtsho de'i 'gram 'dzam bu'i gling gi byang gi mtshams su rdo rje sgeg mo dang rdo rje gar ma dang thabs cig tu sngon
114a3 bshad pa'i tsum ba na dang A ling ga la sogs pa'i sbyor bas rgyal po chen po rol pas rdo rje sgeg mo dang / rdo rje gar ma'i go 'phang la gnas pa'i khri lnga brgya phrag lnga'i btsun mo stong phrag rgyan thams cad kyis rnam par brgyan cing
114a4 yid du 'ong ba dang thabs cig tu bzhugs so/ /de nas phyag na rdo rjes gsol pa 'di dag gi ming ci lags/ bcom ldan 'das kyis bka' stsal pa/ 'di dag rnam pa bzhis gnas te/ 'di ltar gzhon nu ma bzang mo
114a5 zhes bya ba'i rnal 'byor ma'i dbang phyug kha dog dkar mo lo brgya phrag gnyis kyi rnam pa'i gzugs can rnal 'byor ma'i dbang phyug khri phrag gcig gis yongs su bskor nas dza lan d+ha ra'i zhing na ri bo zhes bya ba la gnas
114a6 nas ji ltar bcom ldan 'das phyag na rdo rje bzhugs pa der rtag tu 'gro ba dang 'ong bar byed do/ /gzhan yang 'dod pas myos ma zhes bya ba'i rnal 'byor ma'i dbang phyug kha dog sngo bsangs mig rnam par rgyas pa rnal 'byor
114a7 ma'i dbang phyug khri phrag phyed dang gsum dang thabs cig tu lho phyogs kyi rgyud ri bo ki kin d+ha ri 'jug pa'i sgor gnas nas gang gi tshe phyag na rdo rje gsang ba'i chos ston pa de'i tshe rtag tu 'gro ba dang 'ong bar byed do/ /
114a8 gzhan yang gser gyi mig can zhes bya ba'i rnal 'byor ma'i dbang phyug de yang kha dog dkar ba khri phrag gsum gyi 'khor dang lhan cig kA ma ru pa'i sgor gnas nas de bzhin du rgyun du 'gro ba dang 'ong bar byed do/ /gzhan
114b1 yang bde ba thams cad la dga' ba zhes bya ba'i rnal 'byor ma'i dbang phyug thams cad du gnas pa thams cad kyi gzugs can thams cad la byams pa'i tshul du gnas pa khri phrag brgya stong phrag du ma'i 'khor dang lhan cig gang gi tshe sngags pa
114b2 gsang ba ston pa na de'i mdun du de gnas so/ /de'i phyir bde ba thams cad la dga' ma zhes bya'o/ /de nas gzhon nu ma bzang po zhes bya ba'i rnal 'byor ma'i dbang phyug de phyag na rdo rje'i tshul ji srid mngon sum du sangs rgyas nyid ster bar gyur
114b3 pa de srid du de yis bsten par bya'o/ /de nas gsad par 'dod na lha mo de nyid 'bar ba dang ldan pa mdog nag mo lag na mtshon cha thams cad 'dzin pa bsgoms na dpung gi tshogs yan lag bzhi dang bcas pa yang gsod par byed do/ /
114b4 gal te bskrad par 'dod na de nyid cung zad dmar zhing sngo ba'i kha dog can rlung dang lhan cig ma sbyor ba de nyid kyis rlung gi dkyil 'khor la kun tu bsten par gyur pas skad cig de nyid la skrod par byed do/ /gal te dbang du bya bar 'dod
114b5 na de nas kha dog dmar por bsams la des bkug ste skad cig de la rkang pa'i drung du 'ong bar 'gyur ro/ /de nas rengs par bya bar 'dod na lha mo kha dog ser mor bsams la de bsgrub bya lcags kyi ris rdzis par bsams
114b6 la dpung gi tshogs yan lag bzhi yang rengs par byed do/ /'di dag thams cad yid kyis bsam par bya'o/ /lag na rdo rje gzhan yang bza' ba/ bshad par bya ste gang zos pa tsam gyis skra dkar dang gnyer ma sel bar 'gyur
114b7 'gyur zhing lo brgya phrag stong du 'tsho bar 'gyur ro/ /'di lta ste bya rog tshang bzang po snum pa bzung la lpags pa dor ste zhib tu byas la de'i sha lcags kyi snod du til mar dang btso bar bya'o/ /ka ra srang bcu dang
114b8 'o ma srang nyi shu dang lhan cig gcig tu byas la slar yang ji srid bya rog mi grag pa de srid du btso bar bya'o/ /de nas mar dang ka ra dang lhan cig zhag bdun du bza' bar bya'o/ /lo brgya'i skra dkar dang lus kyang bung ba lta bu dang /
115a1 stobs dang ldan zhing shin tu sra bar 'gyur ro/ /lo lnga brgyar 'tsho'o/ /slar yang bcud len gyi cho ga bshad par bya ste sngags pa mnyam par gzhag par gyur pas rdo rje sgeg mo'i 'o ma sbyor ba de nyid kyis bsams la/ bdag nyid
115a2 tshim pa dang ldan par bsam par bya'o/ /de nas nyon mongs pa thams cad zhi bar 'gyur ro/ /'ga' zhig tu rnal 'byor gyi dbang phyug tu bsams la de'i zhu ba btung bar bya'o/ /'ga' zhig tu mngon sum du gyur pas bud med bsten
115a3 te de nyid kyi ting nge 'dzin gyis de dang rang gi zhu ba lhan cig tu btung bar bya'o/ /de nas rdo rje'i lus dang mi phyed par 'gyur ro/ /bcud len gyi cho ga rgyas pa'o// // de nas bcom ldan 'das rnam par snang mdzad chen po de bzhin gshegs
115a4 pa thams cad gyi bdag po dang rnal 'byor gyi dbang phyug de dag thams cad dang / phyag na rdo rje'i sku dang gcig tu mdzad nas phyag na rdo rje'i skur gyur to/ /de nas rgyal po chen po phyag na rdo rjes lha mo de dag thams cad la dgyes
115a5 pa dang bcas pa'i spyan gyis gzigs so/ /de nas rnal 'byor ma'i dbang phyug de dag thams cad kyis phyag na rdo rje la bltas nas 'di skad ces smras so/ /bcom ldan 'das sems can gang gsang ba'i tshul la zhugs na
115a6 de dag gis ji ltar bla na med pa yang dag par rdzogs pa'i byang chub thob par 'gyur lags/ de nas byang chub sems dpa' chen po phyag na rdo rjes de dag la 'di skad ces bka' stsal to/ /sngon spyod pa'i gsang ba'i tshul
115a7 gyis sangs rgyas nyid bsgrub par bya'o/ /de nas gzhon nu ma bzang mo zhes bya ba'i rnal 'byor ma'i dbang phyug gis thog ma dang tha ma med pa'i bcom ldan 'das la 'di skad ces gsol to/ /sems can de dag gis
115a8 b+ha ga bsten pa tsam gyis sangs rgyas nyid bgyid dam/ yang na de'i gsang ba bsgoms pas lags/ de nas rgyal po chen po phyag na rdo rjes de dag la 'di skad ces bka' stsal to/ /bsgom pa'i rim pas bsgrubs te phyi nas rnam par rtog pa
115b1 med pa'i sems kyis bstan nas bdag nyid phyag na rdo rje'i sku 'am rnam par snang mdzad kyi sku 'am/ 'jig rten dbang phyug gi sku 'am/ rdo rje hU~M mdzad kyi sku 'am/ 'dod pa'i lha'i sku bsgrub par bya'o/ /rtsa de'i 'o ma las zla ba'i dkyil 'khor gyi rnam pa
115b2 bsgoms la zla ba'i dkyil 'khor de las bdag nyid rdo rje sems dpa'i sku 'am rang gi lha'i skur bsgom par bya'o/ /rtsa de nyid kha dog nag por bsams nas de las bdag nyid rdo rje hU~M mdzad kyi skur bsgom par bya'o/ /rtsa de nyid dmar skya'i rnam pa'i
115b3 rim pa de nyid kyis bsgoms nas bdag nyid 'jig rten dbang phyug gi skur las kyi dbye bas bsgom par bya'o/ /rtsa de nyid kha dog sngo bsangs nam mkha' lta bur bsgoms nas rdo rje rnon po'i skur bsgoms na de nas las kyi dbye bas
115b4 rtsa de dag gi sbyor bas bdag nyid bsgoms na de nas gdon mi za bar 'grub par 'gyur ro/ /de nas sngags pa des thun mtshams bzhir sems gzhan du ma yengs par bsgoms pa nyid kyis zla ba drug nyid na 'grub par 'gyur ro/ /de nas
115b5 gzhon nu ma bzang mo zhes bya ba'i rnal 'byor ma'i dbang phyug des rgyal po chen po phyag na rdo rje la 'di skad ces gsol to/ /bcom ldan 'das ji ltar sems can de rnams kyis dgug pa la sogs pa'i las bgyid pa lags/ de nas
115b6 byang chub sems dpa' chen po phyag na rdo rjes de la 'di skad ces bka' stsal to/ /gal te sngags pas skyes bu dgug par 'dod na de nas de'i b+ha ga'i dbus su bdag nyid cung zad dkar ba'i rnam pa khro ba dang bcas pa'i bzhin can phyag drug
115b7 pa sbyor ba de nyid kyi phra mo'i/ sgras bsgoms na rdo rje des bsgrub bya'i snying gar bsnun cing zhags pas mgrin pa bcings de lcags kyus bkug la bcug nas bsgom par bya'o/ /de nas rgyal po yang 'gugs par byed na skye dgu grong gi mi la
115b8 sogs pa lta ci smos/ rig pa 'dzin pa 'gugs na rgyal po lta ci smos/ de nas bud med dbang du bya bar 'dod na de nas b+ha ga'i dbus su phra mo'i sgra'i sbyor ma de nyid kyis bdag nyid rta mgrin gyi gzugs kha dog dmar por bsgoms te/ rdo rje des lha mo
116a1 chen mo de'i snying gar bsnun na de nas de rnam par myos pas dpag tshad brgya'i phyed na gnas pa rnams kyang 'ong bar 'gyur na grong gi mtha' dang khyim gyi mtha' na gnas pa lta smos kyang ci dgos/ de nyid kyis rig pa 'dzin pa'i chung ma 'am/ dri za'i chung ma 'am/ gnod sbyin gyi chung ma 'am/
116a2 'jig rten gsum gyi bdag po'i chung ma 'am/ brgya byin gyi chung ma 'ang 'gugs par byed na rgyal po che'i lha mo chen mo 'am/ grong gi bu mo lta smos kyang ci dgos/ mchog gi sbyor bas dman pa la mi bya zhing dman pa'i sbyor bas mchog la mi bya ste dam tshig nyams
116a3 par 'gyur ro/ /dman pa'i sbyor bas mchog bsgrub par nus pa 'ang ma yin te yan lag ma yin pa'i phyir ro/ /de nas phyogs 'ga' zhig tu gnas te nyin mtshan du gsang ba bsten par byas na zla ba drug kho na la 'grub par 'gyur zhing bskal pa'i dngos po dag kyang
116a4 mthong zhing ring du gnas pa'i ngag dag kyang thos la ji srid sangs rgyas nyid kyang thob par 'gyur ba 'di la the tshom med do/ /ji ltar rdo rje sgeg mo'i rigs kyi lha mo chen mo'i sgrub thabs ltar rdo rje sgeg mo 'ang de bzhin du thams cad sngon gyi rim
116a5 pas bsgrub par bya'o/ /sbyor ba 'di nyid kyis rnal 'byor ma'i dbang phyug de rnams kyang bkug la bsten par bya'o/ /de nas rnal 'byor ma'i dbang phyug 'khor dang bcas pa de dag phyag na rdo rje'i zhabs la gtugs te phyag na rdo rje la 'di skad
116a6 ces gsol to/ /bcom ldan 'das tshul 'di nyid kyis bdag cag kyang 'grub par 'gyur lags so/ /de nas 'dod pas myos ma zhes bya ba'i rnal 'byor ma'i dbang phyug gis phyag na rdo rje la 'di skad ces gsol to/ /bcom ldan 'das gang gis bdag
116a7 rdo rje'i zhu bas rtag tu bsten par bgyid na/ de'i sngon du mchis te sngags pa des bdag po bgyis te bdag de'i rjes su mchi bar bgyi'o/ /de nas gser gyi mig can zhes bya ba'i rnal 'byor ma'i dbang phyug gis de la 'di skad ces gsol to/ /
116a8 bcom ldan 'das gang gis bdag b+ha ga'i dbus su bdag nyid zhugs nas rtag tu bsten par bgyid na bdag de'i bran mor gyur te/ rtag tu der gnas par bgyi zhing nam du yang 'ong ba dang 'gro bar mi bgyi lags so/ /de nas skye bo thams cad kyi yid
116b1 du 'ong ba zhes bya ba'i rnal 'byor ma'i dbang phyug gis bcom ldan 'das thog ma dang tha ma med pa la 'di skad ces gsol to/ /bcom ldan 'das gang gis bdag rtag tu gsang ba'i tshul gyis sems shing dran par 'gyur ba 'am/ dran par bgyid
116b2 na de la bdag gdon mi za bar ster bar gyur cig /de nas phyag na rdo rjes rnal 'byor ma'i dbang phyug de rnams la 'di skad ces bka' stsal to/ /sems can gang theg pa chen po'i tshul 'di la zhugs par gyur pa de la/ bcud len gyi sbyor ba
116b3 'dis stobs dang ldan par bya'o/ /lcags kyi phye ma dang / a ti ba la ma hA ba la'i rtsa ba 'o ma dang lhan cig sbyar la ka ra dang ldan par byas te 'tsho bar bya'o/ /de nas cho gas rnal 'byor pas bza' bar bya'o/ /sha dang mar gyi bza' ba bya'o/ /
116b4 de nas stobs chen po dang ldan par gyur nas sdig pas gos par mi 'gyur ro/ /da ni gzhan yang bshad par bya ste nam mkha'i yul lam yul gzhan du rdo rje'i 'khor lo rdo rje brgyad dang ldan pa bdud rtsi'i rang bzhin zla ba'i dkyil 'khor
116b5 lta bur bdag nyid stobs dang ldan par bya ba'i don du bsgom par bya ste/ des stobs chen po dang ldan par 'gyur ro/ /de nas gsad pa'i don du rdo rje'i 'khor lo de nyid 'bar zhing gsal ba'i rnam pa me stag 'phro ba can de'i khang pa'i
116b6 yul lam grong khyer du bab par bsgom par bya'o/ /de nas de'i skad cig la rigs dang bcas pa brlag par 'gyur ro/ /de nas dbang du bya ba'i don du 'khor lo de nyid kha dog dmar po ban du ka'am dza ba'i me tog gi kha dog lta bu
116b7 yis phyogs thams cad khyab pa po 'dis bsgrub bya bkug par bsgoms pas dbang du 'gyur ro/ /rdo rje 'khor lo'i sbyor ba 'di nyid kyis rgyal po dang blon po dang mdun na 'don pa la sogs pa rnams kyang dbang du 'gyur ro/ /de nas
116b8 rgyal po'i lha mo chen mo dgug par 'dod na rdo rje 'khor lo de nyid dmar por blta bar byas la de 'khor lo la gzhag ste rlung gis bsnun pas rang gi rkang pa'i drung du sngas su gtugs par bsgom par byas pas de nas nyin mtshan de na de 'gugs par
117a1 'gyur ro/ /de nas byang chub sems dpa' chen po rgyal po phyag na rdo rjes slar yang 'dus par gyur te/ rdo rje sgeg mo la sogs pa de bzhin gshegs pa de dag thams cad la 'di skad ces bka' stsal to/ /sngags pa gang la la rgyud 'di'i don mi bsgom pa de lta na yang
117a2 glegs bam du gyur pa'ang khyim du bcang bar bya'o/ /gang yang tshul 'di la gnas par shes par bya'o/ /gang zhig yang gus pa sngon du 'gro bas sgom par byed na rdo rje sems dpa' ji lta ba bzhin du shes par bya'o/ /'di gang su la 'ang bshad par mi bya ste/ ci'i phyir zhe na/
117a3 gdug pa can gyi sems can 'ga' zhig yod pas de'i mdun du bshad par mi bya ba yin no/ /slob dpon gyis rdo rje 'dzin pa lta bu la yang gsang ba'i dbang bskur ba sngon du song bas slob mar byas nas bshad par bya ste gzhan du ni ma yin no/ /slob ma des kyang tsan
117a4 dan la zla ba'i dkyis 'khor byas te der slob dpon bzhugs su gsol la/ rgyan la sogs pa thams cad kyis brgyan par byas te bcom ldan 'das rnam par snang mdzad ji lta bu de ltar byas nas bstod pa la sogs pa dag bya'o/ /des na nyan
117a5 thos kyi theg pa can la sogs pa rnams la nam du yang lo rgyus tsam yang mi bya zhing glegs bam tsam yang bstan par mi bya'o/ /theg pa 'di pa dang lhan cig gcig tu longs spyod par bya zhing gcig tu gnas par bya ste/ rnam par rtog
117a6 pa ci yang mi bya'o/ /'di ni bcom ldan 'das phyag na rdo rje la bka' stsal to/ /mchog tu gsang ba'i mdzod ces bya ba theg pa chen po'i mdo las/ gsang ba'i de kho na nyid sbas pa'i mchog gi thig le zhes bya ba'i gsang ba'i
117a7 'byung gnas rdzogs s+ho// //dam pa'i rgyud 'di gangs can 'di na sngon/ /rnam pa kun tu bsgyur ba ma rnyed nas/ /mkhas pa bde bar gshegs pa'i dpal dang ni/ /sgra rig kun dga' rgyal mtshan bdag gis bsgyur/ /dam
117a8 pa'i bkas bskul nas ni gus pa yis/ /dpal ldan sa skya'i gtsug lag khang du bsgyur/ /dge ba 'di yis sems can thams cad kyis/ /gsang don rtogs nas sangs rgyas sar 'gro shog /dge'o/ /gcig zhus sngags//