བོད་ཡིག |
1a1 (nga) @#/ ! /mdo sde sna tshogs kyi skor bzhugs so/ /
1a2 (黃) 經藏第四部
1b1 @##/ /rgya gar skad du/ Ar+ya ku sha la mU la pa ri d+ha ra nA ma ma hA yA na sU tra/ bod skad du/ 'phags pa dge ba'i rtsa ba yongs su 'dzin pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag
1b2 gis thos pa dus gcig na/ bcom ldan 'das rgyal po'i khab na 'od ma'i tshal bya ka lan da ka gnas pa na 'di lta ste/ bsam gtan pa rnams kyi
1b3 gnas/ gnas med pa rnams kyi gnas/ stong pa nyid la gnas pa rnams kyi gnas/ mtshan ma med pa la gnas pa dang / smon pa med pa la
1b4 gnas pa rnams kyi gnas na 'di lta ste/ dge slong 'bum gyi dge slong gi dge 'dun chen po dang thabs gcig tu bzhugs te/ thams cad kyang sgra
1b5 skyungs pa/ dben pa la gnas pa/ nang du yang dag 'jog la mngon par brtson pa sha stag go/ /de'i tshe tshe dang ldan pa shA ra dwa ti'i bu nang du yang dag
1b6 'jog las langs nas/ bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs
1b7 gcig tu 'dug go/ /tshe dang ldan pa maud gal gyi bu chen po dang / tshe dang ldan pa kA t+yA'i bu chen po dang / tshe dang ldan pa gsus po che chen po
2a1 dang / tshe dang ldan pa ka pi na dang / tshe dang ldan pa skul byed chen po dang / tshe dang ldan pa rab 'byor dang / tshe dang ldan pa don yod rgyal po dang / tshe dang ldan pa rlangs pa dang / tshe dang ldan pa dga' bo dang / tshe dang ldan pa kun dga'
2a2 bo dang / tshe dang ldan pa dga' byed dang / tshe dang ldan pa ci 'jigs dang / tshe dang ldan pa nye sbas dang / tshe dang ldan pa mis byin gyi bu dang / tshe dang ldan pa thang la gnas pa dang / tshe dang ldan pa mo ki la dang / tshe dang ldan pa nye bar 'khor dang /
2a3 de dag dang gzhan yang dbang dang ldan par gyur pa lnga brgya tham pa phyem red kyi dus kyi tshe nang du yang dag 'jog las langs nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag
2a4 'tshal te phyogs gcig tu 'khod do/ /yang de'i tshe tshe dang ldan pa grags sbyin dang / tshe dang ldan pa yul 'khor skyong dang / tshe dang ldan pa las mchod dang / tshe dang ldan pa grags 'dod dang / tshe dang ldan pa dga' sde dang / tshe dang ldan pa dga'
2a5 'dod dang / de dag dang gzhan yang dge slong lnga brgya tham pa lam du zhugs pa las dbyar mnyan yod na gnas nas/ rgyal po'i khab 'od ma'i tshal bya ka lan da ka gnas pa ga la ba dang / bcom ldan 'das ga la ba der dong ste lhags nas
2a6 bcom ldan 'das kyi zhabs la mgo bos phyag 'tshal te phyogs gcig tu 'khod do/ /yang de'i tshe byang chub sems dpa' sems dpa' chen po ma pham pa de dang 'dra ba'i byang chub sems dpa' stong dang lhan cig tu yul tsam par dbyar
2a7 gnas nas lam du zhugs te/ rgyal po'i khab 'od ma'i tshal bya ka lan da ka gnas pa ga la ba dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu
2a8 'khod do/ /yang de'i tshe byang chub sems dpa' sems dpa' chen po bzang skyong dang / dkon mchog 'byung gnas dang / ded dpon bzang po dang / phug sbas dang / mis byin dang / dbang pos byin dang / chu lha dang / tshangs lha dang /
2b1 stobs bzangs dang / bla ma'i blo gros dang / khyad par blo gros dang / 'phel ba'i blo gros dang / mthong ba don yod dang / legs par yang dag zhugs dang / rab kyi rtsal gyis rnam par gnon dang / rtag tu brtson dang / brtson pa mi gtong dang / nyi ma'i snying
2b2 po dang / 'gro ba 'dzin dang / sa 'dzin dang / bdud rtsi 'dzin dang / blo gros mtha' yas dang / brtan pa'i blo gros dang / 'jig rten gsum rnam par gnon dang / mtha' yas rnam par gnon dang / dpag med rnam par gnon dang / rdo rje'i
2b3 gom pas rnam par gnon dang / don yod pa'i gom pas rnam par gnon dang / mi g.yo ba'i gom pas rnam par gnon dang / spobs pa chen po dang / spobs pa rnon po dang / spobs pa zab pa dang / spobs pa mtha' yas dang / spobs pa
2b4 dpag med dang / 'jam dpal gzhon nur gyur pa dang / pad ma dpal gyi snying po dang / chos 'phags dang / lag na rin chen dang / rin chen 'dzin dang / bskal pa 'gyur ba mtha' yas par go cha bgos pa dang / bud med 'gyur ba'i go cha bgos pa dang /
2b5 skyes pa 'gyur ba'i go cha bgos pa dang / sems can 'gyur ba'i go cha bgos pa dang / dpag med khyu mchog dang / dmigs pa thams cad rnam par 'jig pa'i khyu mchog dang / byang chub sems dpa' sems dpa' chen po de
2b6 dag thams cad kyang tha mi dad par spyod pa'i go cha bgos pa sha stag ste/ yul tha dad pa rnams su dbyar gnas par gnas nas yul rgyu zhing gcig tu 'dus te/ rgyal po'i khab 'od ma'i tshal bya ka lan da ka gnas pa ga la ba dang / bcom
2b7 ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod do/ /de nas bcom ldan 'das kyis byang chub sems dpa' sems dpa' chen po de dag 'dus par thugs su
2b8 chud nas rdzu 'phrul ji lta bu'i mngon par 'du bya ba mngon par 'du mdzad pas rgyal po'i khab kyi grong khyer chen po 'od ma'i tshal bya ka lan da ka gnas pa na/ dge slong dang / dge slong ma dang / dge bsnyen dang / dge bsnyen ma ji snyed
3a1 gnas pa de dag thams cad bcom ldan 'das la blta ba dang phyag 'tshal ba dang / bsnyen bkur bya ba'i phyir 'od ma'i tshal bya ka lan da ka gnas pa ga la ba dang / bcom ldan 'das ga la ba der dong ste lhags nas/ bcom
3a2 ldan 'das kyi zhabs la mgo bos phyag 'tshal te phyogs gcig tu 'khod par 'gyur ba de lta bu'i rdzu 'phrul mngon par 'du bya ba mngon par 'du mdzad do/ /de'i tshe tshe dang ldan pa 'od srung chen po lus 'phags ri'i dbang po'i brag phug na dge slong
3a3 lnga brgya tham pa thams cad kyang dgon pa pa/ bsod snyoms pa/ phyag dar khrod pa/ chos gos gsum pa/ cog pu pa/ rtswa'i gding ba pa/ shing drung pa/ 'dod pa nyung ba/ chog shes pa/ rab tu dben pa pa/ chos gos ngan pa chung ba sha stag dang lhan gcig tu
3a4 'dug go/ /de nas bcom ldan 'das kyi rdzu 'phrul ji lta bu mngon par 'du bya ba mngon par 'du mdzad pas tshe dang ldan pa 'od srung chen po dge slong lnga brgya tham pa de dag dang lhan cig tu lus 'phags ri'i dbang po'i brag phug nas mi snang bar
3a5 gyur te/ rgyal po'i khab na 'od ma'i tshal bya ka lan da ka gnas pa na 'dug pa de lta bu'i rdzu 'phrul mngon par 'du bya ba mngon par 'du mdzad de/ bcom ldan 'das kyis tshe dang ldan pa 'od srung chen po rgyang ring po nyid nas 'ong ba gzigs te/
3a6 gzigs nas kyang bcom ldan 'das kyis dge slong rnams la bka' stsal pa/ dge slong dag gnas brtan 'od srung chen po 'ong ba 'di ni dgon pa pa/ bsod snyoms pa/ phyag dar khrod pa/ chos gos gsum pa/ chos gos ngan pa
3a7 'chang ba/ bas mtha'i gnas mal la gnas pa/ 'dod pa chung ba/ chog shes pa/ rab tu dben par gnas pa/ ma 'dres pa/ chos thams cad kyi dam pa'i pha rol du son pa ste/ dge slong dag nga'i nyan thos ji snyed pa ni dge
3a8 slong dag da ltar dge slong 'od srung chen po'i sbyangs pa'i yon tan dag dang mtshungs pa 'am 'dra ba ni ngas yang dag par rjes su ma mthong ngo / /dge slong dag dge slong 'od srung chos gos gsum pa ni lha rnams dang yang smra ba dang kun
3b1 du smra bar mi 'dod na mi rnams dang lta smos kyang ci dgos/ de nas bcom ldan 'das kyis tshe dang ldan pa 'od srung chen po rgyang ring po nyid nas 'ong ba gzigs nas bka' stsal pa/ 'od srung tshur shog 'od srung khyod legs par 'ongs so/ /kye ma
3b2 gnas brtan 'od srung gis ni 'di lta ste/ 'dir 'ong bar bya ba'i phyir yun ring po nas rnam grangs byas so/ /'od srung khyod gdan 'di'i phyed la 'dug shig ces bcom ldan 'das kyis gnas brtan 'od srung la gdan gyi phyed gnang ma thag tu de
3b3 nas bcom ldan 'das gdan de las bskyod pa dang / stong gsum gyi stong chen po'i 'jig rten gyi khams 'di 'gul/ rab tu 'gul/ kun du rab tu 'gul/ g.yos rab tu g.yos/ kun du rab tu g.yos/ ldeg rab tu ldeg /kun du
3b4 rab tu ldeg cing 'jig rten du snang ba chen po yang byung bar gyur to/ /stong gsum gyi stong chen po'i 'jig rten gyi khams 'di ni 'di lta ste/ dper na yul ma ga d+hA'i khar ba'i snod la lcags kyi thu lum gyis bsnun na 'ur 'ur zer ba de bzhin
3b5 du btsun pa 'od srung chen po la gdan gyi phyed gnang ma thag tu de bzhin gshegs pa dgra bcom pa yang dag par rdzogs pa'i sangs rgyas gdan las bskyod nas/ de nas de ma thag tu stong gsum gyi stong chen po'i 'jig rten gyi khams 'di sgra skad
3b6 chen po 'byin to/ /de nas tshe dang ldan pa 'od srung chen po chos gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das kyi thad du
3b7 phyin te/ bcom ldan 'das kyi zhabs la mgo bos gtugs nas bcom ldan 'das la 'di skad ces gsol to/ /bcom ldan 'das ni bdag gi ston pa lags la bdag ni nyan thos lags pas bcom ldan 'das de bzhin gshegs
3b8 pa dgra bcom pa yang dag par rdzogs pa'i sangs rgyas kyi chos gos sam/ lhung bzed dam/ gdan nam/ de las gzhan pa'i longs spyod rnams nyan thos rnams kyis longs spyad par rngo mi thog lags so/ /de ci'i slad du zhe na/
4a1 bcom ldan 'das de dag ni lha dang / mi dang lha ma yin du bcas pa'i 'jig rten gyi mchod rten du gyur pa lags shing / bcom ldan 'das bcom ldan 'das las sha na'i ras phyag dar khrod pa gang dag blangs pa de dag
4a2 kyang bcom ldan 'das mchod rten du gyur pa lags pa'i slad du ste/ de dag bdag gis ma spyad lags so/ /bcom ldan 'das de slan chad 'dod pa'i rnam par rtog pa'i rnam par brtags pa 'am/ gnod sems kyi rnam par rtog pa dang /
4a3 rnam par 'tshe ba'i rnam par rtog pa'i rnam par brtags pa 'am/ 'dod chags kyi yongs su gdung bas gdungs par gyur pa 'am/ zhe sdang gi yongs su gdung ba dang / gti mug gi yongs su gdung bas yongs su gdungs par gyur par
4a4 ma dran lags so/ /bcom ldan 'das mdor na slob par gyur pa bdag gis bcom ldan 'das las sha na'i ras phyag dar khrod mnos pa rnams mi slob pa'i sa la thug gi bar du spyi bos mnos lags so/ /bcom ldan 'das
4a5 bdag gis longs spyad pa'i slad du blangs pa ni ma lags kyi gdams pa dang / rjes su bstan pa las brtsams nas blangs lags so/ /bcom ldan 'das de dag blangs nas sems mtho ba 'am dma' bar gyur par mi dran lags so/ /
4a6 bcom ldan 'das sha na'i ras phyag dar khrod de dag chos gos ma mchis pa'i lus la spyad par mi dran lags so/ /bcom ldan 'das phyag dar khrod de dag sug pa ma red pas reg par mi dran lags so/ /bcom ldan 'das gang
4a7 dang gang du mchi ba de dang der sha na'i ras phyag dar khrod de dag mgos 'tshal cing mchis lags so/ /bcom ldan 'das sha na'i ras phyag dar khrod de dag yan lag mi gtsang ba gang gis kyang reg par mi dran lags so/ /bcom
4a8 ldan 'das sha na'i ras phyag dar khrod mchod rten du gyur pa de dag bcangs lags so/ /bcom ldan 'das de dag ni bcom ldan 'das kyis spangs shing gnang ba lags te/ de dag ni bdag gis bcangs lags so/ /sangs rgyas rjes
4b1 su dran pa ma lags par de las gzhan snyoms par 'jug pa dag gis bdag gzhan du gnas par mi dran lags so/ /bdag ji ltar gnas pa na sa la sa'i 'du shes su ma gyur pa dang / chu la chu'i 'du shes dang / me la me'i 'du shes
4b2 dang / rlung la rlung gi 'du shes su ma gyur pa dang / 'jig rten 'di'i 'du shes dang / 'jig rten pha rol gyi 'du shes su ma gyur pa dang / bcom ldan 'das gang mthong ba dang / thos pa dang / bye brag phyed pa dang / rnam par shes pa dang / yid kyi
4b3 rjes su brtags pa dang / rjes su bsams pa de la yang bdag 'du shes su ma gyur pa dang / bcom ldan 'das gang 'du shes med pa'i gnas pa dang / 'du shes med pa'i snyoms par 'jug pa'i gnas pa dang / gang 'du shes las
4b4 yang dag par 'da' ba'i gnas pa dang / gang 'du shes med pa las yang dag par 'da' ba'i gnas pa dang / gang 'du shes kyi gnas pa dang / gang 'du shes med pa'i gnas pa dang / gang 'du shes thams cad las yang dag par
4b5 'da' ba'i gnas pa de yang slob pa'i gnas pa dang / mi slob pa'i gnas par bdag gis yang dag par rjes su ma mthong lags so/ /bcom ldan 'das gnas pa de la de bzhin gshegs pa yang dag par rjes su ma mthong / de
4b6 bzhin gshegs pa'i chos rnams dang / de bzhin gshegs pa'i gnas pa yang dag par rjes su ma mthong lags te/ bdag ni de ltar gnas lags so/ /bcom ldan 'das dper bgyi na nam mkha' bla gab ma mchis pa
4b7 la ming dang brda dang gdags pa rnam pa sna tshogs bgyis pa dag /bcom ldan 'das ming dang brda dang gdags pa gang dag gis nam mkha' zhes tha snyad du btags pa dang / nam mkha' zhes brdar btags pa dang / nam mkha'
4b8 zhes rten du bgyis pa dang / bcom ldan 'das nam mkha' zhe 'am/ bla gab ma mchis pa zhe 'am/ stong pa zhe 'am/ gsog ce 'am/ gsob ce 'am/ ya ma rla zhe 'am/ gzung ba ma mchis pa zhe 'am/ tshad ma mchis pa zhe 'am/
5a1 rten pa ma mchis pa zhe 'am/ blang ba ma mchis pa zhe 'am/ dor ba ma mchis pa zhe 'am/ lus ma mchis pa zhe 'am/ ji lta ba bzhin zhe 'am/ yongs su dag pa zhe 'am/ bar snang zhe 'am/ thogs pa ma mchis pa zhe 'am/
5a2 dngos po ma mchis pa zhe 'am/ bstan du ma mchis pa zhes de dag dang / gzhan yang tha snyad kyi brda tha dad pa rnam pa sna tshogs kyis brjod pa ni bcom ldan 'das 'di lta ste/ tshad 'di tsam 'am/ yongs su bcad pa 'di tsam 'am/
5a3 mnyam pa 'am/ mi mnyam pa zhes ming 'am/ brda 'am/ rten rnams kyis 'tshal bar mi nus lags so/ /bcom ldan 'das gang dag de'i phyogs tsam zhig 'tshal ba de dag thams cad kyis kyang kha dog gam/ dbyibs sam dmigs
5a4 pas nam mkha' de tshad 'di tsam dang / mchog 'di tsam zhes bgyi ba ma 'tshal lags so/ /bcom ldan 'das de bzhin du gang de bzhin gshegs pa zhes bgyi ba 'am/ sangs rgyas zhes bgyi ba 'am/ ston pa zhe 'am/ skyabs zhe 'am/
5a5 dpung gnyen zhe 'am/ gnas zhe 'am/ 'dren pa zhe 'am/ rnam par 'dren pa zhe 'am/ yongs su 'dren pa zhe 'am/ sman pa zhe 'am/ gso ba pa zhe 'am/ lam ston pa zhe 'am/ lam brjod pa zhe 'am/ gzhan yang tha snyad tha dad pa'i tshig rnam
5a6 pa sna tshogs brjod pa'i tha snyad kyi tshig gang dag gis mkhas pa rnams kyis bcom ldan 'das bstod pa dang / bkur ba dang / bsngags pa dang / rab tu bstod pa dang / rab tu bsngags pa dang / bcom ldan 'das tha snyad kyi tshig gang dag
5a7 gis 'jig rten mngon par brjod pa'i chos de dag ni bcom ldan 'das bdag ma 'tshal mi rten ma mthong lags so/ /de ci'i slad du zhe na/ bcom ldan 'das chos thams cad ni ngo bo nyid kyis ya ma rla dang / ngo bo nyid kyis gsob
5a8 lags pa'i slad du'o/ /bcom ldan 'das dper bgyi na sgyu ma mkhan gyis rgyal po rgyal rigs spyi bo nas dbang bskur ba/ dpung gi tshogs yan lag bzhi pa dang ldan pa/ rin po che sna bdun dang ldan pa'i 'khor los sgyur ba
5b1 zhig sprul par gyur la/ bcom ldan 'das de'i thad du gling bzhi pa'i 'jig rten gyi khams su gtogs pa'i sems can rnam par rgyal bar bgyi ba la gnas pa/ mtha' yas pa de dag thams cad lhags shing bcom ldan 'das de la
5b2 lus tha dad par yang gda' la/ bcom ldan 'das de la sems can lus tha dad par yang mthong lags mod kyi/ bcom ldan 'das sgyu ma mkhan gyis sprul pa'i 'khor los sgyur ba'i rgyal po de 'di snyam du bdag gis ni dpung gi
5b3 tshogs 'di'i bdag po bya zhing / gling bzhi pa'i 'jig rten gyi khams kyi rjes su 'jug par bya'o snyam du mi sems lags la/ dpung gi tshogs yan lag bzhi po de yang 'di snyam du 'khor los sgyur ba'i rgyal po 'di ni bdag cag gi
5b4 gtso bo yin pas bdag cag ni 'di'i rjes su 'jug par bya'o snyam du mi sems lags mod kyi/ de dag de'i rjes su 'jug par bgyid par yang gda' lags so/ /bcom ldan 'das de bzhin du chos de dag gis chos nyid gang lags
5b5 pa de la/ bcom ldan 'das de bzhin gshegs pa 'am/ nyan thos sam/ slob pa 'am/ mi slob pa 'am/ rang sangs rgyas sam/ so so'i skye bo ma mchis lags so/ /bcom ldan 'das chos nyid de la de bzhin gshegs
5b6 pa'i chos nyid dmigs pa 'am/ de bzhin gshegs pa'i chos nyid mngon pa 'am/ de bzhin gshegs pa'i chos nyid rten pa 'am/ rang sangs rgyas kyi chos nyid dmigs pa 'am/ rang sangs rgyas kyi chos nyid mngon pa 'am/
5b7 rang sangs rgyas kyi chos nyid rten pa 'am/ nyan thos kyi chos nyid dmigs pa 'am/ nyan thos kyi chos nyid mngon pa 'am/ nyan thos kyi chos nyid rten pa 'am/ so so'i skye bo'i chos nyid dmigs pa 'am/ so so'i skye bo'i chos nyid mngon pa 'am/
5b8 so so'i skye bo'i chos nyid rten pa 'am/ gzugs kyi chos nyid dmigs pa 'am/ gzugs kyi chos nyid mngon pa 'am/ gzugs kyi chos nyid rten pa 'am/ de bzhin du tshor ba dang / 'du shes dang / 'du byed dang / rnam par shes pa'i chos nyid
6a1 dmigs pa 'am/ rnam par shes pa'i chos nyid mngon pa 'am/ rnam par shes pa'i chos nyid rten par mi 'gyur lags so/ /bcom ldan 'das chos nyid de la gzugs stong pa dang / 'dis gzugs stong pa dang / 'di la
6a2 gzugs stong pa dmigs pa dang / de bzhin du tshor ba dang / 'du shes dang / 'du byed dang / rnam par shes pa stong pa dang / 'dis rnam par shes pa stong pa dang / 'di la rnam par shes pa stong pa dmigs pa dang / de bzhin du de bzhin gshegs pa
6a3 stong pa dang / 'dis de bzhin gshegs pa stong pa dang / 'di la de bzhin gshegs pa stong pa dmigs pa dang / de bzhin du de bzhin gshegs pa'i chos nyid stong pa dmigs pa dang / 'dis de bzhin gshegs pa'i chos nyid stong pa dang / 'di
6a4 la de bzhin gshegs pa'i chos nyid stong pa dmigs par mi 'gyur lags so/ /bcom ldan 'das de bzhin du de la nyan thos ma mchis/ nyan thos kyi chos nyid ma mchis/ so so'i skye bo ma mchis/ so so'i skye bo'i chos nyid kyi bar du
6a5 ma mchis lags so/ /bcom ldan 'das dper bgyi na/ sgyu ma mkhan gyis 'khor los sgyur ba 'am dpung gi tshogs sprul pa de la 'khor los sgyur ba ma mchis/ dpung gi tshogs ma mchis lags so/ /sgyu ma la ma mchis/ sgyu
6a6 ma'i chos nyid la ma mchis/ sgyu ma mkhan rnams la ma mchis lags so/ /sa la ma mchis/ chu la ma mchis/ me la ma mchis/ rlung la ma mchis/ nam mkha' la ma mchis/ rnam par shes pa la ma mchis lags so/ /sa
6a7 dang / chu dang / me dang / rlung dang / nam mkha'i khams rnams la ma mchis/ rnam par shes pa'i khams la ma mchis lags so/ /bcom ldan 'das chos thams cad ni de dang 'dra lags te/ bcom ldan 'das de dag la bdag ni rlom
6a8 sems su mi bgyid/ de dag la bdag ni byung bar ma gyur/ de dag bdag gis ni ma smras lags so/ /bcom ldan 'das de ltar bdag ni yon tan gyi chos rnams nyid las dben pa lags pas de bzhin gshegs pa'i chos rnams
6b1 rjes su dran par bgyid lags so/ /bcom ldan 'das de ni lam lags/ de ni tshul lags te/ lam de la gnas pa'i rigs kyi bu'am rigs kyi bu mo lam de rjes su thob pa rnams ni 'di snyam du gzhan yang dag par blangs la 'jug par
6b2 bya zhing / ston pa yang gzhan btsal bar bya la/ dge sbyong ngam/ bram ze gzhan smra ba'i gdong du gyen du blta bar bya zhing / tshe dang ldan pa 'di ni shes bzhin pas shes/ mthong bzhin pas mthong / yang dag pa'i lta ba yang 'dogs bzhin pas 'dogs
6b3 par byed do snyam du mi sems lags te/ de ni gnas ma mchis lags so/ /bcom ldan 'das gnas pa 'di la ni bdag som nyi ma mchis pa thob pas gnas lags so/ /chos kyi sgo de yang rjes su thob pas gnas lags so/ /
6b4 chos thams cad ni 'di lta ste dben pa'i tshul dang / skye ba ma mchis pa'i tshul dag gis tshul gcig pa lags so/ /bcom ldan 'das bdag ni de bzhin gshegs pa dgra bcom pa yang dag par rdzogs pa'i sangs rgyas la chos
6b5 kyi the tshom zhu bar 'tshal ba lags la/ de bzhin gshegs pas kyang bdag la skabs phye ba lags te/ dbang po'i brag phug nas 'od ma'i tshal 'dir phyin pa lags so/ /bcom ldan 'das bdag 'dir mchis pa dang / bcom ldan
6b6 'das kyi gdan gyi phyed gnang ste/ bdag la gnang ba dang stong gsum gyi stong chen po'i 'jig rten gyi khams 'di rab tu 'ur 'ur zhing rnam pa drug tu yang g.yos/ rab tu g.yos lags so/ /bcom ldan 'das bdag ni 'di snyam du
6b7 de bzhin gshegs pa ni bdag nyid chen po'i chos dang ldan pa de lta bu dang / rgya chen po'i chos dang ldan pa de lta bu dang / slob dpon ma mchis shing rang byung ba lags kyang thugs rje chen po'i tshul la bzhugs shing / lhag pa'i nga rgyal ma
6b8 mchis pa dang / nga rgyal ma mchis pa la bzhugs nas bdag la gdan gyi phyed gnang ba ngo mtshar lags so/ /snyam bgyid de/ bcom ldan 'das dper bgyi na mi dbul po 'tsho ba ngan pa tshegs kyis 'tsho ba zhig tshegs kyis khyim gyi
7a1 phun sum tshogs pa bsgrubs nas/ rgyal po rgyal rigs spyi bo nas dbang bskur ba dpung gi tshogs yan lag bzhi dang ldan pa'i gan du blta ba dang phyag bgyi ba dang / bsnyen bkur bgyi ba dang / dri bar bgyi ba'i slad du
7a2 mchis par gyur la/ mchis pa de la des stan gyi phyed stsal na/ de nas de 'di snyam du sems lags te/ rgyal po la blta ba dang / phyag bya ba'i phyir bdag song du zin kyang bdag gis blta ba dang / phyag bya ba yang dka' bar
7a3 'gyur na gsol ba lta ci smos/ rgyal po rgyal rigs spyi bo nas dbang bskur bas bdag phyin ma thag pa la stan gyi phyed byin du zin kyang 'di ni ngo mtshar ro snyam bgyid lags so/ /bcom ldan 'das de bzhin du chos kyi rgyal po de
7a4 bzhin gshegs pa dgra bcom pa yang dag par rdzogs pa'i sangs rgyas ni rang byung ba/ slob dpon ma mchis pa/ nyan thos dang / rang sangs rgyas rnams kyis kyang bsnyen par dka' zhing rtogs par dka' ba lags na/ lha dang mi dang /
7a5 lha ma yin du bcas pa'i 'jig rten gyis lta smos kyang ci 'tshal/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la chos kyi the tshom zhu ba dang / blta ba dang / phyag
7a6 bgyi ba dang / bsnyen bkur bgyi ba'i slad du bdag ji lta ji ltar mchis pa na/ bcom ldan 'das bdag 'di snyam du sems lags te/ bdag gis ni de bzhin gshegs pa lta ba rnyed cing phyag bgyi ba rnyed la bsnyen
7a7 bkur bgyi ba dang / zhu ba dang / yongs su zhu bar bgyi ba rnyed de/ bcom ldan 'das kyi da ltar bdag 'dir mchis pa la gdan gyi phyed snang ba ni bdag gis rnyed pa legs par rnyed do snyam bgyid lags so/ /bcom
7a8 ldan 'das ji ltar na mi dbul po des 'khor los sgyur ba'i rgyal po de la blta ba nyid dang / phyag bgyi ba yang ngo mtshar lags pa de bzhin du/ bcom ldan 'das bdag ni 'di snyam du sems te/ de bzhin gshegs
7b1 pa ni byams pa chen po dang ldan zhing / thugs rje chen po dang / dga' ba chen po dang / btang snyoms chen po dang ldan pa lags kyang / de bzhin gshegs pa'i yon tan gang dag lags pa de dag ston pa ma gtogs par de
7b2 bzhin gshegs pa 'di snyam du bdag ni phul dang / bdag ni mchog dang / bdag ni khyad par du 'phags pa'o snyam du mi dgongs pa ni mtshar lags te/ bdag ni 'di snyam du de bzhin gshegs pa dgra bcom pa yang dag par
7b3 rdzogs pa'i sangs rgyas kyi yon tan de dag ni nyan thos dang / rang sangs rgyas thams cad dang thun mong ma lags so/ /snyam bgyid lags so/ /de skad ces gsol pa dang / bcom ldan 'das kyis tshe dang ldan pa 'od srung
7b4 chen po la bka' stsal pa/ 'od srung legs so legs so/ /'od srung khyod yang legs so/ /'od srung de bzhin gshegs pa ni dpag tu med cing / dpag tu med pa'i chos dang ldan te/ de ni sbyin pa'i tshad de lta bu dang / sbyin pa'i pha rol
7b5 tu phyin pa'i tshad de lta bu dang / shes rab kyi bar gyi tshad de lta bu dang / shes rab kyi pha rol tu phyin pa'i tshad de lta bu dang / smon lam rnams kyi tshad de lta bu dang / smon lam gyi pha rol tu phyin pa'i tshad de lta bu dang / thabs
7b6 kyi tshad de lta bu dang / thabs la mkhas pa'i pha rol tu phyin pa'i tshad de lta bu dang / spyod pa'i tshad de lta bu dang / spyod pa'i pha rol tu phyin pa'i tshad de lta bu dang / rnam par grol ba'i tshad de lta bu dang / rnam
7b7 par grol ba'i pha rol tu phyin pa'i tshad de lta bu dang / rnam par grol ba'i ye shes mthong ba'i tshad de lta bu dang / rnam par grol ba'i ye shes mthong ba'i pha rol tu phyin pa'i tshad de lta bus dpag par mi nus so/ /
7b8 'od srung bzhi po 'di dag ni de bzhin gshegs pa'i mi mnyam pa'i ye shes rnams yin te/ de dag dang ldan na de bzhin gshegs pa 'khor gyi nang du seng ge'i sgra sgrogs par byed pa'o/ /bzhi gang zhe na/ tshul khrims
8a1 mnyam pa nyid dang / ting nge 'dzin mnyam pa nyid dang / shes rab mnyam pa nyid dang / sangs rgyas kyi chos mnyam pa nyid de/ 'od srung mi mnyam pa'i ye shes bzhi po de dag ni gang dag dang ldan na de bzhin gshegs
8a2 pa 'khor gyi nang na bzhugs shing se ge'i sgra yang dag par sgrogs par byed pa'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /sangs rgyas 'jig rten bsam yas na/ /sangs rgyas ye
8a3 shes mtha' yas te/ /sems kyi las ni sbyangs pas na/ /de dag seng ge sgra sgrogs byed/ /seng ge'i sgra sgrogs byed pa ni/ /mu stegs gzhan rnams skrag par 'gyur/ /chos kyi chos nyid thos nas su/ /g.yang sar rab tu
8a4 ltung bar 'gyur/ /bdag tu 'du shes gang gnas dang / /sems can 'du shes gang gnas pa/ /'od srung de dag bstan 'di la/ /mu stegs can zhes ngas bshad do/ /dngos po'i 'du shes gang gnas dang / /nga yi nga zhes rten
8a5 pa rnams/ /'od bsrung de dag bstan 'di la/ /mu stegs can zhes ngas bshad do/ /gang dag tshul khrims phung po dang / /bsam gtan rnams dang thos mang gis/ /rlom sems rnam rmongs de dag ni/ /'od srung mu
8a6 stegs can rnams so/ /bdag ni chog shes 'dod chung dang / /rab tu dben la gnas pa dang / /chos gos ngan pa 'chang snyam pa/ /'od srung de ni mu stegs so/ /dper na nam mkha' 'di la ni/ /lag pa bskyod kyang thogs med cing / /
8a7 dper na mkha' la rdul gyis kyang / /nam yang gos par mi 'gyur ba/ /de bzhin 'od srungs ngas bstan pa'i/ /chos 'dir gang dag gnas de dag /nyon mongs rnams kyis mi gos te/ /mkha' las rdul dang sprin
8a8 bzhin no/ /ji ltar mkha' la mi yis me tog spos rnams dang / /de bzhin phreng ba byug pa rnams kyis 'dir mchod kyang / /bdag mchod la la skye 'gyur 'jig par 'gyur ro zhes/ /de la blo gros kyang ni 'byung bar mi
8b1 'gyur dang / /ji ltar nam mkha' de la gos par mi 'gyur dang / /ji ltar de yi rang bzhin gos par mi 'gyur dang / /ji ltar de yi rang bzhin ngo bo nyid kyis gsob/ /de bzhin dge sbyong dag la stong pa'i chos rnams so/ /ji
8b2 ltar gang gis nam mkha' bsdigs pa dang / /ji ltar nam du yang ni gshe bar mi 'gyur ba/ /de bzhin dge sbyong dag la chos rnams gang dag yin/ /de dag nam mkha' bzhin du gos pa med chos rnams/ /chos 'dir dge sbyong gang
8b3 dag legs par bslabs rnams dang / /gzhan dag slob pa rnams dang slob par 'gyur ba rnams/ /'di la nam du'ang gang dag 'chags par mi 'gyur ba/ /nga yis de dag dge sbyong legs bslabs rnams su bstan/ /ji
8b4 ltar mkha' la nam yang lag pa mi thogs dang / /rdul dang du ba rnams kyis gos par mi 'gyur dang / /ji ltar lam ni nam yang byed par mi 'gyur ba/ /chos la de bzhin mos pa rnams ni dge sbyong yin/ /
8b5 ji ltar sprin dang bral bar gyur pa'i nam mkha' la/ /zla ba thogs pa med par mkha' la 'gro byed kyang / /bdag gis bar snang la ni snang bar bya snyam du/ /de la rnam rtog de ni 'byung bar mi 'gyur bzhin/ /
8b6 rgod med bdag nyid dge slong zla ba lta bu yis/ /sbyin pa'i bdag po'i khyim rnams su ni 'gro bar bya/ /rgod med nga rgyal rnam grol sems dang ldan pa dang / /'jig rten chos rnams kyis ni ma gos sems ldan
8b7 bya/ /khyim rnams la ni nga rgyal spangs nas bsten par bya/ /der phyin nas kyang chos nyid rab tu brjod par bya/ /bde dang rnyed pa'i phyir ni 'dod pa'ang spangs nas su/ /'jig rten rnam dag tshul khrims can du gnas par bya/ /de nas
8b8 bcom ldan 'das kyis tshe dang ldan pa 'od srung chen po la bka' stsal pa/ 'od srung longs shig /longs la rang gi stan la 'dug shig /'od srung khyod la chos kyi the tshom ji snyed yod pa de dag de bzhin gshegs pa la dris shig dang /
9a1 'od srung ngas dris pa lan btab pas khyod kyi sems rangs par bya'o/ /de nas tshe dang ldan pa 'od srung chen po sa'i steng de nas langs te/ bcom ldan 'das kyi zhabs la mgo bos phyag 'tshal nas phyogs gcig tu
9a2 'dug go/ /de nas bcom ldan 'das kyis yang rdzu 'phrul ji lta bu mngon par 'du bya ba mngon par 'du mdzad pas 'dzam bu'i gling 'di na dge slong dang / dge slong ma dang / dge bsnyen dang / dge bsnyen ma ji snyed gnas pa de dag thams cad rgyal
9a3 po'i khab 'od ma'i tshal bya ka lan da ka gnas pa ga la ba dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod nas/ dge slong dang / dge slong
9a4 ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gang dag yin pa de dag kyang 'od ma'i tshal bya ka lan da ka
9a5 gnas par zhugs te/ de dag zhugs nas mtha' yas shing dpag tu med par shes par 'gyur ba de lta bu'i rdzu 'phrul mngon par 'du bya ba mngon par 'du mdzad do/ /de nas bcom ldan 'das kyis yang rdzu 'phrul ji lta bu
9a6 mngon par 'du bya ba mngon par 'du mdzad pas stong gsum gyi stong chen po'i 'jig rten gyi khams na rgyal po chen po bzhi dang / lha rnams kyi dbang po brgya byin dang / tshangs pa dang / tshangs pa chen po dang / 'od gsal dang /
9a7 mi che ba dang / mi gdung ba dang / shin tu mthong ba dang / 'og min gyi lha'i bu ji snyed pa de dag thams cad sangs rgyas kyi mthus rgyal po'i khab 'od ma'i tshal bya ka lan da ka gnas pa ga la ba dang / bcom ldan 'das ga
9a8 la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod nas/ bcom ldan 'das la thal mo sbyar te phyag 'tshal bar 'gyur ba de lta bu'i rdzu 'phrul mngon par 'du bya ba
9b1 mngon par 'du mdzad do/ /de nas bcom ldan 'das kyis yang rdzu 'phrul ji lta bu mngon par 'du bya ba mngon par 'du mdzad pas/ klu'i rgyal po rgya mtsho dang / ma dros pa dang / snam bu'i dbang phyug dang / gau ta ma dang / dga' bo dang / nye
9b2 dga' dang / gzi can dang / 'jog po dang / rab mdzes dang / e la'i 'dab dang / de dag dang gzhan yang klu bye ba phrag stong sangs rgyas kyi mthus bcom ldan 'das ga la ba der dong ste lhags nas/ bcom ldan 'das kyi zhabs
9b3 la mgo bos phyag 'tshal te/ phyogs gcig tu 'khod cing rgya chen po'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / dge slong dang / dge slong ma dang /
9b4 dge bsnyen dang / dge bsnyen ma de dag thams cad kyang sangs rgyas kyi mthus 'od ma'i tshal bya ka lan da ka gnas par zhugs nas gcig la gcig nyam nga ba med pas 'khod par 'gyur ba de lta bu'i rdzu 'phrul mngon par
9b5 'du bya ba mngon par 'du mdzad do/ /de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu khyod longs la de bzhin gshegs pa'i gdan shoms shig /de bzhin
9b6 gshegs pa de la bzhugs nas the tshom thams cad gcod pa zhes bya ba'i chos kyi rnam grangs yang dag par ston par 'gyur/ sems can thams cad kyi bsam pa sgrub pa'i spyod pa yang dag par ston par 'gyur/
9b7 sems can thams cad yang dag par tshim pa'i chos kyi rnam grangs yang dag par ston par 'gyur/ sems can thams cad chos la yang dag par gzhol ba'i tshul gyi sgo rgya mtsho'i phyag rgya yang dag par ston par 'gyur/ byang
9b8 chub sems dpa' sems dpa' chen po rnams kyi spyod pa bsgrub pa yang dag par ston par 'gyur/ sangs rgyas kyi chos sgrub pa yang dag par ston par 'gyur/ sems can yongs su smin par bya ba sgrub pa yang dag par ston par
10a1 'gyur/ sbyin pa'i pha rol du phyin pa sgrub pa yang dag par ston par 'gyur ba nas/ shes rab kyi pha rol du phyin pa sgrub pa'i bar du yang dag par ston par 'gyur/ chos thams cad kyi tshul gyi sgo sgrub pa yang dag
10a2 par ston par 'gyur/ sems can thams cad kyi dbang po bsgrub pa yang dag par ston par 'gyur/ sems can thams cad kyi gnas pa'i spyod pa sgrub pa yang dag par ston par yang 'gyur/ 'khor bzhi yang dag par
10a3 tshim par byed par 'gyur/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i 'khor yang yang dag par tshim par byed par 'gyur/ 'das pa'i dus la ma
10a4 chags ma thogs pa'i ye shes mthong ba dang / de bzhin du da ltar dang / ma 'ongs pa'i dus la ma chags ma thogs pa'i ye shes mthong ba dang / las kyi rnam par smin pa dang / spyod pa dang / smon lam rnams dang / ye shes
10a5 kyi phyogs tsam zhig yang dag par ston par 'gyur ro/ /de nas tshe dang ldan pa maud gal gyi bu chen po stan las langs te/ bcom ldan 'das kyi zhabs la mgo bos phyag 'tshal nas/ bcom ldan 'das kyi gdan 'phang du
10a6 tshangs pa'i 'jig rten srid cig bshams so/ /steng gi bar snang la yang bcom ldan 'das kyi 'chag sa rin po che sna bdun las byas pa ka tsa lin da'i gos ltar reg na bde ba/ srid kyi tshad ni stong gi 'jig rten gyi khams
10a7 dang ldan pa/ rgyar ni dpag tshad bdun brgya dang ldan pa zhig byas so/ /'chag sa de la yang rtsig pa rim pa bdun dang / rta babs rim pa bdun dang / stegs bu rim pa bdun dang / dril bu g.yer ka'i dra ba rim pa bdun gyis kun
10a8 nas bskor ba sprul to/ /'chag sa de'i g.yas g.yon du yang 'di lta ste/ gser dang / dngul dang / shel dang / bai dUr+ya rin po che sna bzhi'i shing ljon pa dag mngon par sprul to/ /gser las byas pa'i shing ljon pa rnams la
10b1 dngul gyi lo ma dag dang / shel gyi me tog dag dang / bai dUr+ya las byas pa'i 'bras bu dag dang / dngul las byas pa'i shing ljon pa rnams la gser gyi lo ma dag dang / bai dUr+ya las byas pa'i me tog dag dang / shel las byas pa'i
10b2 'bras bu dag dang / bai dUr+ya las byas pa'i shing ljon pa rnams la gser gyi lo ma dag dang / dngul gyi me tog dag dang / shel gyi 'bras bu dag dang / shel las byas pa'i shing ljon pa rnams la gser gyi lo ma dag dang / dngul
10b3 gyi me tog dag dang / bai dUr+ya las byas pa'i 'bras bu dag mngon par sprul to/ /shing ljon pa thams cad kyi bar dag tu yang yan lag brgyad dang ldan pa'i chus bkang ba'i rdzing them skas bzhi dang ldan pa/ them skas de dag kyang rin
10b4 po che sna bzhi gser dang / dngul dang / bai dUr+ya dang / shel las byas pa/ gser gyi phye ma bdal ba ud pa la dang / pad ma dang / ku mu da dang / pad ma dkar pos khebs pa/ steng gi bar snang la yang rin po che sna bdun las
10b5 byas pa'i dra ba'i bla re bres pa zhig mngon par sprul to/ /'chag sa de yang dar gyi lda ldi mang pos spyangs pa/ bdug spos dri zhim pos bdugs pa/ mi bdun gyi srid tsam du me tog sna tshogs kyis gcal bkram pa zhig
10b6 mngon par sprul to/ /ud pa la dang / pad ma dang / ku mu da dang / pad ma dkar po de dag la yang maud gal gyi bu dang 'dra ba'i dge slong dag mngon par sprul to/ /de nas tshe dang ldan pa maud gal gyi bu chen pos rdzu
10b7 'phrul gyis byas pa'i gdan de lta bu de mngon par sprul te/ bcom ldan 'das kyi thad du phyin nas 'di skad ces gsol to/ /bcom ldan 'das bdag gis gdan bshams lags na/ de'i dus la dbab par mkhyen par
10b8 mdzad du gsol/ de skad ces gsol pa dang / bcom ldan 'das kyi tshe dang ldan pa maud gal gyi bu chen po la bka' stsal pa/ maud gal gyi bu khyod kyis gdan bshams zin tam/ bcom ldan 'das bdag gis bshams lags so/ /de nas
11a1 bcom ldan 'das kyis byang chub sems dpa' sems dpa' chen po yul mtha' yas pa la dmigs pa sgrub pa nges par ston pa la bka' stsal pa/ rigs kyi bu khyod kyis de bzhin gshegs pa'i seng ge'i khri shoms
11a2 shig /de bzhin gshegs pa de la bzhugs nas sems can thams cad yang dag par tshim par byed pa zhes bya ba'i chos kyi rnam grangs yang dag par rab tu ston par 'gyur ro/ /de nas byang chub sems dpa' sems dpa' chen po
11a3 yul mtha' yas pa la dmigs pa sgrub pa nges par ston pas/ bcom ldan 'das kyi ltar mnyan nas gdan bshams so/ /gdan de shom pa na byang chub sems dpa' ji snyed 'dus pa de dag thams cad kyis seng ge'i gdan der
11a4 rang rang gis bla gos dag bting ngo / /de nas bcom ldan 'das 'di snyam du dgongs te/ bdag gis ni 'di lta ste/ the tshom dang som nyi bsal ba'i phyir rdzu 'phrul mngon par 'du bya ba mngon par 'du mdzad pa gang gis byang chub sems dpa'
11a5 de dag gi spyad pa bsgrub pa dang / 'jug pa bsgrub pa dang / smon lam bsgrub pa dang / zhing bkod pa bsgrub pa dang / sems can yongs su smin par bya ba bsgrub pa gang dag yin pa dang / byang chub sems dpa' de dag byang chub mngon
11a6 par rdzogs par sangs rgyas pa'i sangs rgyas kyi zhing rnams su sangs rgyas kyi zhing gi bkod pa 'byung ba dang / nyan thos phun sum tshogs pa 'byung ba dang / byang chub sems dpa' phun sum tshogs pa 'byung ba dang / chos bstan pa
11a7 phun sum tshogs pa 'byung ba dang / tshe phun sum tshogs pa dang / mdog phun sum tshogs pa dang / gzugs phun sum tshogs pa dang / mtshan phun sum tshogs pa dang / dpe byad phun sum tshogs pa dang / yang dag pa'i sbyor ba phun
11a8 sum tshogs pa dang / dam pa'i chos rab tu rnam par mi 'jig pa phun sum tshogs pa 'byung ba gang dag yin pa de dag thams cad rang rang gi chos gos dag las mthong bar 'gyur ba de lta bu'i rdzu 'phrul mngon par 'du bya ba des nges par
11b1 mngon par 'du bya'o snyam mo/ /de nas bcom ldan 'das dran pa dang mkhyen bzhin du gdan de la bzhugs te/ bcom ldan 'das gdan de la bzhugs nas kyang yul mtha' yas pa la dmigs pa bsgrub pa nges par ston pa zhes bya ba sangs rgyas kyi ting
11b2 nge 'dzin la snyoms par zhugs so/ /de bzhin gshegs pa ting nge 'dzin la snyoms par zhugs nas/ de nas de ma thag tu byang chub sems dpa' de dag gis rang rang gi bla gos ji snyed pa de dag bcom ldan 'das kyi gdan du gting ngo / /de dag
11b3 gis rang rang gi chos gos de dag la bdag nyid kyi sangs rgyas kyi zhing gi yon tan bkod pa phun sum tshogs pa nas/ rab tu rnam par mi 'jig pa phun sum tshogs pa'i bar du yang mthong ngo / /de nas byang chub sems dpa' de dag yang
11b4 dag par tshim zhing yi rangs te/ dga' ba dang dang ba la gnas nas bcom ldan 'das la sgra skad 'thun par tshigs su bcad de bstod pa/ cho ga spyod pa yon tan gnas gyur pa/ /chos rnams kun la dbang ldan bsnyengs mi
11b5 mnga'/ /yon tan kun la gnas pas khyod mdzes te/ /rgyal ba dbang ldan ting 'dzin yang dag gnas/ /g.yo dang sgyu ni khyod la yongs mi mnga'/ /nga rgyal rgod dang tshul 'chos mi mnga' ste/ /rig dang rnam grol dag gi
11b6 spyod pa mkhyen/ /ting 'dzin de la gnas pas khyod mdzes so/ /dbang ldan bsnyengs bral ting 'dzin gnas nas su/ /rdzu 'phrul mi mtshungs bla na med pa bstan/ /chags med ye shes bstan phyir dbang ldan pa/ /ma 'ongs
11b7 dus ni khyod kyis deng bstan to/ /mi g.yo go 'phang zhi ba thob snyam bgyid/ /de ring byang chub la ni mchis snyam bgyid/ /bdud dpung bcas pa rab tu bcom snyam bgyid/ /de ring rig pa rjes su thob snyam bgyid/ /rgyal
11b8 bas gang gis 'dus byas stong gzigs pa'i/ /bla med mig ni thob par 'gyur snyam bgyid/ /'chags med ye shes khyod kyi bka' drin la/ /mig kyang chags pa mchis pa yod ma lags/ /rnam par mthong yang ci yang ma mthong zhing / /
12a1 chos ni gang la'ang zhe 'gras ma mchis te/ /gang la yid ni zhe 'gras ma mchis pa/ /de ni sangs rgyas spyan mchog de lags so/ /ji ltar rgyal ba'i sangs rgyas spyan mchog gis/ /khams gsum shes la ma chags 'jug
12a2 pa bzhin/ /dngos dang dngos med mnyam mtshungs yid dang ldan/ /gang dag brtson zhing rang gi mig la gnas/ /gang tshe rgyal ba ting 'dzin der gnas te/ /de ring de dag kun gyis thob snyam bgyid/ /de dag gis ni gzungs sgo de dag dang / /
12a3 chos la rnam par grol ba'i sgo mchog thob/ /sgor 'jug yongs su sbyang byas rnam dag pa/ /rgyal ba'i blo ni yong ye nyams mi 'gyur/ /sbyin pa chen po'i rnam smin de 'dra ste/ /khrims chen yon tan de dag de 'dra lags/ /
12a4 shes rab chen po'i yon tan de 'dra ste/ /sngon chad chos de dag ni bsten pa mdzad/ /khyod ni gdan bzhugs bsam gtan mdzad pa na/ /mi yi dbang po phyogs bcur lhanger gyur/ /rgyal sras thugs kyi sras po 'dus
12a5 de dag /gang nas shi 'phos las ni ci mchis pa/ /lha dang klu dang mi min mi 'am ci/ /kun la de ring shes pa de 'jug go/ /kun du snang bar gyur pa'i ting 'dzin la/ /gang gis bskal byer shes pa de bskyed pa/ /som nyi gcod
12a6 cing the tshom sel ba yis/ /mi mchog seng ge bzhin du sgrogs par 'gyur/ /bdag dang gzhan la phan pa tshol ba na/ /'di ltar sngon chad sbyin pa stsal lags te/ /'di la sbyin pa tshul khrims bzod brtson gang / /sems
12a7 can kun la de 'drar bskal pa mnyam/ /sems can de dag thams cad ma btud par/ /'di ltar sbyin dang tshul khrims bzod brtson gang / /sems can kun la kun du mkhas pas na/ /'di la ting 'dzin 'jug dang
12a8 shes rab mchog /des na khyod kyis ting 'dzin rnam par sbyangs/ /dpa' bo de ring gdan la bzhugs pa la/ /thal mo sbyar nas khyod la zhu lags na/ /som nyi bcad cing the tshom bsal du gsol/ /deng 'dir chos la kun du snang
12b1 thob cing / /the tshom bral te snang ba thob gyur pas/ /sems can gang dag 'byung dang bdag cag la/ /chos kyi tshul ni yun ring gnas par 'gyur/ /gleng gzhi'i le'u zhes bya ste dang po'o// // yang de'i tshe 'khor 'dus pa
12b2 de nyid du pad ma dpal gyi snying po zhes bya ba gzhon nur gyur pa zhig 'dus par gyur te 'dug go/ /de nas pad ma dpal gyi snying po gzhon nur gyur pa stan las langs te/ bla gos phrag pa gcig tu gzar nas pus mo g.yas pa'i
12b3 lha nga sa la btsugs te/ bcom ldan 'das ga la ba de logs su thal mo sbyar ba btud nas 'dug go/ /de ltar 'dug pa de'i sems la rnam par rtog pa 'di lta bu byung ste/ bdag ni de bzhin gshegs pa la chos kyi sgo rnams
12b4 zhu bar 'dod pa yin/ rdo rje'i tshig rnams dang / rgyun mi gcod pa sgrub pa'i tshig rnams zhu bar 'dod pa yin/ smra ba thams cad tshar gcad pa sgrub pa'i tshig rnams dang / rim par phye ba'i tshig rnams dang / chos thams
12b5 cad bsdu ba'i tshig rnams zhu bar 'dod pa yin na/ rigs kyi bu dang / rigs kyi bu mo dag phyag rgya'i sgo gang dag la bslabs na/ chos thams cad la sgrib pa med pa'i mig dang shes pa la mkhas pa nyid rjes su thob par 'gyur/
12b6 bcom ldan 'das kye ma bdag gis bsam pa'i tshogs gang dag dang / 'jug pa sgrub pa gang dag gis go cha bgos pa sngon gyi dge ba'i rtsa ba'i tshogs skye ba la bsam pa sgrub pa'i tshogs la dgongs par 'gyur snyam mo/ /
12b7 de nas bcom ldan 'das kyis pad ma dpal gyi snying po gzhon nur gyur pa'i bsam pa thugs su chud cing smon lam dang / dge ba'i rtsa ba'i tshogs sgrub pa thugs su chud nas de'i tshe phyogs bzhir rnam par gzigs
12b8 so/ /phyogs bzhir gzigs pa na/ bcom ldan 'das kyi zhal gyi sgo nas 'od zer chen po bzhi byung ste/ de dag byung nas 'jig rten gyi khams mtha' yas mu med pa dag tu dong ngo / /'od zer de dag kyang
13a1 shing ljon pa 'am/ rtsig pa 'am/ ri 'am/ sa 'am/ bar snang gang du bab pa de dag thams cad gser gyi kha dog tu kha dog gcig tu gyur to/ /phyogs dang phyogs mtshams thams cad du yang 'od zer de dag thogs pa
13a2 med par rab tu dong ste/ de ltar stong gsum gyi stong chen po'i 'jig rten gyi khams na 'od de dag gis reg pa'i sems can ji snyed pa de dag thams cad kyis rang gi lus dag gser gyi lus lta bur shes so/ /gang dag 'dod
13a3 chags kyi yongs su gdung bas yongs su gdungs pa dang / zhe sdang gis yongs su gdung bas yongs su gdungs pa dang / gti mug gis yongs su gdung bas yongs su gdungs pa de dag thams cad kyis ni bdag nyid 'dod chags chung ba
13a4 dang / zhe sdang chung ba dang / gti mug chung bar mngon par shes so/ /stong gsum gyi stong chen po'i 'jig rten gyi khams 'di na sems can dmyal ba ji snyed yod pa de dag tu sems can skyes pa gang dag sdug bsngal
13a5 tsha ba mi zad pa 'chi ba'i mu thar byed pa'i tshor ba nyams su myong ba de dag thams cad kyis ni bcom ldan 'das kyi mthu dang / byang chub sems dpa' de'i sngon gyi smon lam gyi mthus bde ba snyam du shes par gyur to/ /stong
13a6 gsum gyi stong chen po'i 'jig rten gyi khams na las kyi sgrib pas bsgribs pa dang / nyon mongs pa'i sgrib pas bsgribs pa dang / las kyi rnam par smin pa'i sgrib pas bsgribs par gyur pa'i sems can ji snyed
13a7 yod pa de dag thams cad kyis kyang / bcom ldan 'das kyi mthu dang / byang chub sems dpa' de'i sngon gyi smon lam gyis sgrib pa dang bral bar gyur to/ /de'i tshe sems can rnams kyi dge ba'i rtsa ba cher gsal bar
13a8 bya ba'i phyir/ bcom ldan 'das kyis spu'i khung bu thams cad nas 'od zer dag phyung ste/ 'od zer de dag kyang shar phyogs su 'jig rten gyi khams tshad med pa dag 'das so/ /de bzhin du lho dang / nub dang / byang dang / steng dang / 'og tu 'jig
13b1 rten gyi khams tshad med pa dag 'das so/ /de nas bcom ldan 'das kyis 'od zer de dag phyung nas gsung bsal ba'i sgra mdzad do/ /gsung bsal ba'i sgra des kyang 'jig rten gyi khams thams cad mngon par go bar
13b2 gyur to/ /de'i tshe shar phyogs su 'jig rten gyi khams grangs med pa dag 'das pa na 'jig rten gyi khams gdugs gcig pa zhes bya ba de na de bzhin gshegs pa dgra bcom pa yang dag par rdzogs pa'i sangs rgyas rin po che'i bkod
13b3 pa gcig pa zhes bya ba bzhugs te 'tsho zhing gzhes la chos kyang ston to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i bkod pa gcig pa des byang chub sems dpa'
13b4 sems dpa' chen po dra ba can gyi 'od 'di ni nga'i 'og tu bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes bla na med pa yang dag par rdzogs pa'i byang chub tu lung bstan to/ /
13b5 de nas de bcom ldan 'das de bzhin gshegs pa rin po che'i bkod pa gcig pa ga la ba der song ste phyin nas/ bcom ldan 'das de la 'di skad ces gsol to/ /bcom ldan 'das gsung bstsal ba'i sgra dang / 'od kyi snang ba
13b6 chen po gda' ba de su'i lags/ de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i bkod pa gcig pas byang chub sems dpa' dra ba can gyi 'od
13b7 la bka' stsal pa/ rigs kyi bu nub phyogs su sangs rgyas kyi zhing 'di nas 'jig rten gyi khams tshad med grangs med pa dag 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa
13b8 yang dag par rdzogs pa'i sangs rgyas shAkya thub pa zhes bya ba bzhugs te mtsho zhing gzhes la 'di lta ste/ byang chub sems dpa'i sde snod sems can thams cad yang dag par tshim par byed pa zhes bya ba'i chos kyi rnam grangs
14a1 kyi chos kyang ston to/ /'khor der byang chub sems dpa' sems dpa' chen po pad ma dpal gyi snying po zhes bya ba 'dus te/ bcom ldan 'das de bzhin gshegs pa shAkya thub pa de la 'di lta ste/ chos thams cad
14a2 la yang dag par gzhol ba'i phyag rgya yi ge mngon par sgrub pa'i sgo zhu bar 'dod do/ /dra ba can gyi 'od sangs rgyas kyi zhing de na byang chub sems dpa' sems dpa' chen po bsam gyis mi khyab pa'i go cha bgos pa/ tha mi dad par spyod pa'i go cha
14a3 bgos pa dag 'khor der 'dus te 'khod do/ /dra ba can gyi 'od byang chub sems dpa' sems dpa' chen po go cha de dag dang ldan pa de dag gis sangs rgyas kyi zhing gzhan dag kyang stongs so/ /dra ba can gyi 'od de bzhin gshegs
14a4 pa shAkya thub pa de'i sangs rgyas kyi zhing du skyes pa gang dag yin pa de dag mthong ba dang thos pa yang byang chub sems dpa' de dag gi gces spras byed par nga smra na/ dra ba can gyi 'od gang dag gis de dag mthong nas bkur
14a5 sti byed dam/ bla mar byed dam/ ri mor byed dam/ mchod par byed dam/ 'dri bar byed pa lta ci smos/ de nas de bzhin gshegs pa rin po che'i bkod pa gcig pa de la byang chub sems dpa' sems dpa'
14a6 chen po dra ba can gyi 'od kyis 'di skad ces gsol to/ /bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba dang / byang chub sems dpa' sems dpa'
14a7 chen po bsam gyis mi khyab pa'i go cha bgos pa de dag blta ba'i slad du 'jig rten gyi khams der mchi zhing 'jig rten gyi khams de yang blta bar bgyi'o/ /de skad ces gsol pa dang / de bzhin gshegs pa rin po che'i bkod pa
14a8 gcig pas byang chub sems dpa' sems dpa' chen po dra ba can gyi 'od la 'di skad ces bka' stsal to/ /rigs kyi bu de'i dus la dbab par shes na song la sangs rgyas kyi zhing der shes bzhin du yang spyod cig /de ci'i phyir zhe na/
14b1 rigs kyi bu 'jig rten gyi khams mi mjed de na gnas pa'i byang chub sems dpa' sems dpa' chen po de dag brten par dka' ba'i phyir ro/ /de nas de bzhin gshegs pa rin po che'i bkod pa gcig pas byang chub sems dpa'
14b2 sems dpa' chen po dra ba can gyi 'od la lag pa lta bu'i ud pa la byin te/ dra ba can gyi 'od de bzhin gshegs pa shAkya thub pa de la khyod kyis lag pa lta bu'i ud pa la 'dis mchod cig /nga'i tshig gis bcom ldan 'das de bzhin gshegs
14b3 pa rin po che'i bkod pa gcig pa de bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes bsnyun gsol lo zhes de skad ces gsol cig /de nas
14b4 byang chub sems dpa' sems dpa' chen po dra ba can gyi 'od de bzhin gshegs pa dgra bcom pa yang dag par rdzogs pa'i sangs rgyas rin po che'i bkod pa gcig pa de'i zhabs la mgo bos phyag 'tshal te lan gsum bskor
14b5 ba byas nas byang chub sems dpa' sems dpa' chen po tshad med grangs med pa dag dang lhan cig tu 'jig rten gyi khams mi mjed ga la ba der song ste/ sems kyi skad cig gis 'jig rten gyi khams mi mjed der
14b6 'dug par gyur to/ /de nas byang chub sems dpa' sems dpa' chen po dra ba can gyi 'od rgyal po'i khab 'od ma'i tshal bya ka lan da ka gnas pa ga la ba der song nas/ bcom ldan 'das ga la ba der yang song
14b7 ste phyin nas/ bcom ldan 'das kyi zhabs la mgo bos phyag 'tshal te 'di skad ces gsol to/ /bcom ldan 'das byang chub sems dpa' dra ba can gyi 'od bcom ldan 'das kyi zhabs la mgo bos phyag 'tshal lo/ /
14b8 bcom ldan 'das bdag dra ba can gyi 'od lags so/ /bde bar gshegs pa bdag dra ba can gyi 'od lags te/ bcom ldan 'das kyi zhabs la mgo bos phyag 'tshal lo/ /de skad ces gsol pa dang / bcom ldan 'das kyi byang chub sems
15a1 dpa' sems dpa' chen po dra ba can gyi 'od la 'di skad ces bka' stsal to/ /dra ba can gyi 'od khyod yun ring du 'tsho bar gyur cig /khyod bde ba dang nad med par gyur cig /de nas byang chub sems dpa' sems
15a2 dpa' chen po dra ba can gyi 'od bcom ldan 'das kyi zhabs la mgo bos phyag 'tshal nas phyogs gcig tu 'dug go/ /phyogs gcig tu 'dug nas kyang byang chub sems dpa' sems dpa' chen po dra ba can gyi 'od kyis bcom ldan 'das
15a3 la 'di skad ces gsol to/ /bcom ldan 'das de bzhin gshegs pa rin po che'i bkod pa gcig pa bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam
15a4 zhes bsnyun gsol lo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i bkod pa gcig pa des bcom ldan 'das la lag pa lta bu'i ud pa la 'di yang bskur
15a5 lags na/ bcom ldan 'das byang chub sems dpa' dra ba can gyi 'od las lag pa lta bu'i ud pa la bzhes su gsol/ de nas bcom ldan 'das kyis lag pa lta bu'i ud pa la bzhes nas byang chub sems
15a6 dpa' ma pham pa la byin no/ /de nas byang chub sems dpa' ma pham pas lag pa lta bu'i ud pa la de thogs nas byang chub sems dpa' bzang skyong la sogs pa lnga brgya la smras pa/ rgan rabs dag lag pa lta bu'i ud pa la
15a7 'di ni de bzhin gshegs pas byin pa'o/ /de nas bzang skyong la sogs pa byang chub sems dpa' lnga brgya po de dag gis lag pa lta bu'i ud pa la de thogs nas/ bcom ldan 'das la 'di skad ces gsol to/ /bcom ldan 'das bdag
15a8 cag de ltar yang dag par zhugs pa lags na/ ci bdag cag byang chub sems dpa'i spyad pa spyod pa na sems can gang dag gis ming thos par gyur pa de dag thams cad bla na med pa yang dag par rdzogs pa'i byang chub tu nges par 'gyur
15b1 lags sam/ bcom ldan 'das lag pa lta bu'i ud pa la 'di ni byang chub sems dpa' ma pham pas bdag cag la stsal lags te/ bcom ldan 'das bdag cag gis ni lag pa lta bu'i ud pa la 'di rang gi smon lam gyi
15b2 stobs dang / spyod pa'i stobs dang / bsam pa'i stobs dang / sems can thams cad yongs su mi gtong ba'i stobs kyis de bzhin gshegs pa la gsol ba 'debs pa'i slad du lag pa lta bu'i ud pa la de gtor bar bgyi'o/ /bcom
15b3 ldan 'das shar phyogs na de bzhin gshegs pa dgra bcom pa yang dag par rdzogs pa'i sangs rgyas ji snyed cig bzhugs te 'tsho zhing bzhes pa dag dang / gang dag ma byung ba dag dang / 'byung bar 'gyur ba dag dang / 'byung ba
15b4 'am 'jig pa der yang bcom ldan 'das gtor bar bgyi'o/ /de bzhin du lho phyogs dang / de bzhin du nub phyogs dang / de bzhin du byang phyogs dang / de bzhin du 'og gi phyogs dang / de bzhin du steng gi phyogs dang / de
15b5 bzhin du phyogs mtshams kyi 'jig rten gyi khams rnams na sangs rgyas bcom ldan 'das ji snyed byung ba dang 'byung bar 'gyur ba'i 'jig rten gyi khams de dag tu yang gtor bar bgyi'o/ /bcom ldan 'das gang su
15b6 dag gis lag pa lta bu'i ud pa la de mthong bar gyur pa de dag thams cad ud pa la'i dri snom par gyur cig /de dag thams cad bla na med pa yang dag par rdzogs pa'i byang chub tu nges par gyur cig /de bzhin du sangs rgyas
15b7 kyi zhing thams cad du yang mchi bar gyur cig /de dag gis lag pa lta bu'i ud pa la de gtor nas de nas de ma thag tu bcom ldan 'das kyis phyag g.yas pas reg ste/ lag pa lta bu'i ud pa la de bcom ldan 'das kyis reg nas
15b8 kyang de nas de ma thag tu skad cig de nyid la ud pa la de'i nang nas de bzhin gshegs pa'i sku'i phyed mngon par byung zhing ud pa la re re las kyang de bzhin gshegs pa'i sku'i phyed mngon par byung ste/ de bzhin gshegs pa'i
16a1 sku'i phyed po de dag gis gang dag chos thams cad sgyu ma lta bur mi shes shing mos par mi byed la/ chos thams cad sgrib pa med pa dang / chos thams cad mtshan nyid med par mi shes shing mos par mi byed/
16a2 khong du chud par mi byed pa de dag gi ston pa ni de bzhin gshegs pa ma yin zhing / de dag de bzhin gshegs pa'i nyan thos dag kyang ma yin no zhes de lta bu'i tshig de dag gsungs te/ gsungs nas kyang bzhud do/ /tshigs su bcad
16a3 pa 'di dag kyang bka' stsal to/ /sgyu ma 'dra chos gzung du med pa ste/ /gzung min thams cad chu zla 'dra ba yin/ /stong pas stong pa'i rang bzhin mi 'dzin pa/ /chos nyid 'di ni rgyal bas de 'drar gsungs/ /mtshan nyid
16a4 med chos rnam dag mtshan nyid yin/ /mtshan nyid med pa'i rang bzhin de 'dra ste/ /brtags pas stong zhing bdag med chos rnams la/ /'dzin pa med cing rtsod pa med par 'gyur/ /gang dag de ltar chos nyid de 'dod pa/ /de
16a5 dag ston pa rgyal ba mthu bo che/ /phyogs bcur 'jig rten spyod pa thams cad la/ /de 'dra 'di ni de yis byin rlabs so/ /de ltar de bzhin gshegs pa'i sprul pa de dag gis tshigs su bcad pa de dag gsungs nas
16a6 phyogs bcur bzhud do/ / bam po gnyis pa/ de nas bcom ldan 'das la/ byang chub sems dpa' sems dpa' chen po dra ba can gyi 'od kyis 'di skad ces gsol to/ /
16a7 bcom ldan 'das rigs kyi bu de dag gis ji tsam du smon lam dag shin du yongs su sbyangs pa dang / sems can gang dag gis de dag gi smon lam de dag thos pa dang / ming yang bsgrags pa de dag sdug bsngal mang pos
16a8 reg pa'i sdug bsngal de dag las yongs su thar bar 'gyur ba dang / bla na med pa yang dag par rdzogs pa'i byang chub tu nges par 'gyur ba ni ngo mtshar lags so/ /bcom ldan 'das 'on kyang bcom ldan 'das
16b1 dang rigs kyi bu de dag 'jig rten gyi khams 'dir 'byung ba'i cha ma lags so/ /de ci'i slad du zhe na/ bcom ldan 'das dper bgyi na skyes pa'i bud med la la zhig rin thang ma mchis pa'i nor bu rin po che dri ma thams cad dang bral
16b2 ba/ phan pa dang bde ba thams cad nye bar sgrub par bgyid pa'i nor bu rin po che de'i yon tan bsgrags pa thos nas yongs su btsal bar sems shing / nor bu rin po che de'i mtshan ma dag kyang legs par 'dzin par bgyid la/ chab
16b3 khung sa 'am de las gzhan mi gtsang ba dang 'dres pa'i phyogs dag na nor bu rin po che shin du yongs su byang ba de 'dam du stsal pa mthong zhing / lhag par yang nor bu rin po che de'i khor yug na smig ma mkhan gyi rigs sam/
16b4 gdol pa'i rigs sam/ g.yung po'i rigs sam/ de dag las gzhan yang tshegs kyis 'tsho ba dma' ba'i rigs dag mchis par gyur na/ de dag ni nor bu rin po che de'i ming yang ma 'tshal na yon tan 'tshal bar 'gyur ba lta smos
16b5 kyang ci 'tshal te/ de ni gnas ma mchis lags so/ /de nas mi des mi gtsang bar stsal ba'i nor bu rin po che de mthong nas nor bu rin po che de'i snod ni mdzes pa ma yin no zhes de skad ces smra bar bgyid la/ de nas dma'
16b6 ba'i mi de dag 'di skad ces smra bar bgyid de/ khyod kyis gang gis bsngags pa smras pa'i nor bu rin po che de gang yin zhes de skad ces smras pa dang / mi des nor bu rin po che de bstan la/ de ston pa na mi byis pa'i
16b7 rang bzhin can de dag ma 'tshal bzhin du/ kye mi khyod kyis nor bu rin po che de'i yon tan ci'i phyir smras/ khyod kyis gang smras pa'i nor bu rin po che de'i yon tan de dag ni yod pa ma yin no/ /khyod ni brdzun du smra ba/
16b8 gzhan du smra ba ste/ khyod kyi tshig de dag yid mi ches so zhes smras la/ de'i tshe mi des nor bu rin po che de mi gtsang ba'i gnas de nas mngon par bteg cing blangs nas mchis te/ de nas nor bu rin po che de phyung nas mi de mchis
17a1 ma thag tu mi dbul po'i rang bzhin can de dag gcig la gcig shin du rab tu rnam par 'khrug par gyur nas/ de'i rjes la gnod pa mang pos yongs su bskor ba de bzhin du/ bcom ldan 'das bdag cag ni
17a2 dge ba'i rtsa ba chung ngu dang ldan pa rnams kyi 'jig rten gyi khams mi mjed dbul pos bltam par mchis lags te/ bcom ldan 'das ji ltar mi gtsang ba'i 'dam gyi snod du stsal ba'i nor bu rin po che de mkhas pa'i rang bzhin
17a3 can gyi mi des ngo 'tshal ba de lta bur ni bcom ldan 'das 'jig rten gyi khams mi mjed na bdag cag blta bar bgyi'o/ /bcom ldan 'das ji ltar bde ba thams cad nye bar bsgrub par bgyid pa'i nor bu rin po che de legs par
17a4 sbyangs shing rnam par dag pa de lta bur ni bcom ldan 'das de bzhin gshegs pa dang / byang chub sems dpa' sems dpa' chen po bsam gyis mi khyab pa'i go cha bgos pa de dag blta bar bgyi'o/ /bcom ldan 'das ji ltar nor
17a5 bu rin po che de'i khor yug na dma' bas 'tsho ba dbul pos dma' ba'i mi de dag gnas pa de lta bur ni bcom ldan 'das 'jig rten gyi khams mi mjed 'di na de dag las gzhan pa'i sems can rnams blta bar bgyi'o/ /bcom
17a6 ldan 'das ji ltar skyes pa 'am/ bud med kyis nor bu rin po che de'i yon tan dag thos nas/ nor bu rin po che de yongs su btsal bar sems shing / mi gtsang ba'i snod na mchis pa'i nor bu rin po che de mthong nas kyang / nor
17a7 bu rin po che de'i snod de ni 'tsham pa ma yin no zhes smra bar bgyid pa de bzhin du/ bcom ldan 'das phyogs bcu dag na sangs rgyas bcom ldan 'das dang / byang chub sems dpa' gang dag lags pa de dag bcom ldan 'das kyi
17a8 sangs rgyas kyi zhing de ni 'tshal pa ma yin no zhes sangs rgyas bcom ldan 'das rnams dang / byang chub sems dpa' sems dpa' chen po bsam gyis mi khyab pa'i go cha bgos pa de dag gi bsngags pa brjod lags so/ /bcom ldan
17b1 'das dper bgyi na skyes pa 'am/ bud med kyis nor bu rin po che de'i yon tan dag thos nas yongs su btsal bar sems shing / mi gtsang ba'i snod na mchis pa de yang mthong nas/ snod de ni 'tsham pa ma yin no zhes tshig smra bar bgyid
17b2 pa de bzhin du/ bcom ldan 'das bdag cag gis ni de bzhin gshegs pa dgra bcom pa yang dag par rdzogs pa'i sangs rgyas dang / byang chub sems dpa' sems dpa' chen po bsam gyis mi khyab pa'i go cha bgos pa de dag gi yon tan
17b3 gyi bsngags pa thos nas blta ba'i slad du bdag cag 'dir mchis te/ bcom ldan 'das 'jig rten gyi khams 'dir mchis nas bdag cag gis ni 'jig rten gyi khams 'di gnod pa brgya phrag du mas bltam zhing sems can dge ba'i rtsa ba
17b4 chung ngu dang ldan pa dag gis bltam par mthong lags so/ /bcom ldan 'das dper bgyid na 'dam du stsal ba'i nor bu rin po che de'i 'od de mi 'dor ba de bzhin du/ bcom ldan 'das phyogs bcu dag na de bzhin gshegs pa dang / byang chub
17b5 sems dpa' sems dpa' chen po bsam gyis mi khyab pa'i go cha bgos pa de dag gi 'od de mi 'dor lags te/ 'dir ni sems can rnams kyi bsam pa dang mos pa chung ba'i slad du/ bcom ldan 'das kyis 'od 'dom gang
17b6 tsam du byin gyis rlob par mdzad lags so/ /bcom ldan 'das dper bgyid na mi de nor bu rin po che de'i yon tan dag sgrogs pa na mi dbul ba'i rang bzhin can de dag mngon par yid mi ches pa de bzhin du/ bcom ldan
17b7 'das sems can de dag ni de bzhin gshegs pa'i 'od shin du rgyas pa 'am/ smon lam chen po 'am/ rnam par 'phrul pa chen po 'am/ sangs rgyas kyi yon tan dag la'ang yid ches par mi bgyid na/ byang chub sems dpa'
17b8 sems dpa' chen po de dag gi la lta smos kyang ci 'tshal/ bcom ldan 'das dper bgyi na mi des mi gtsang ba'i snod de nas nor bu rin po che de blangs nas mchis la/ de mchis ma thag tu yang sems can de dag gnod pa rnam pa du
18a1 mas shas cher yongs su bskor ba de bzhin du/ bcom ldan 'das de bzhin gshegs pa yongs su mya ngan las 'das shing / byang chub sems dpa' sems dpa' chen po de dag kyang 'jig rten gyi khams gzhan du
18a2 mchis nas/ 'di lta bu'i mdo sde 'dzin pa/ byang chub sems dpa' yang dag par 'dzin du stsol ba rnams gcig la gcig rab tu rnam par 'khrug par 'gyur zhing / chos kyi sgra yang 'byung bar mi 'gyur la/ chos ma lags pa
18a3 nyid kyi sgra 'byung ba kho nar bas so zhes de skad ces gsol pa lags so/ /de ci'i slad du zhe na/ 'di ltar sems can de dag ni chos ma lags pa la gnas par 'gyur zhing chos ma lags pas 'tsho ba nyid yang dag par blangs
18a4 nas gnas par 'gyur la/ gcig la gcig 'thab mo dang / sun 'byin pa dang / mtshang 'dru ba dang / smod pa la 'jug par bgyid par 'gyur te/ de dag gcig la cig dge ba'i chos las nyams nas sdug bsngal thob par
18a5 'gyur zhing / de dag chos stsogs pa dang / dge ba stsogs pa lhur len par mi 'gyur ba'i slad du'o/ /bcom ldan 'das rigs kyi bu 'am/ rigs kyi bu mo don 'tshal ba/ don yongs su tshol bar 'tshal ba/ sangs
18a6 rgyas kyi byang chub yang dag par sgrub par 'tshal ba dang / nyan thos kyi theg pa pas kyang 'jig rten gyi khams 'dir skye bar mi bgyi na/ byang chub sems dpa'i theg pa pas lta smos kyang ci 'tshal/ de ci'i slad du zhe na/ bcom
18a7 ldan 'das dper bgyi na sems can dmyal ba chen po mnar med pa dang / yang sos dang / thig nag dang / tsha ba dang / rab tu tsha ba dang / de dag las gzhan pa sems can dmyal ba chen po dag tu sems can gang dag skyes pa
18a8 de dag la skad cig thang cig yud tsam yang bde ba mi dmigs pa de bzhin du/ bcom ldan 'das bcom ldan 'das de bzhin gshegs pa rin po che'i bkod pa gcig pa de'i 'jig rten gyi khams rin po che'i gdugs
18b1 gcig pa na byang chub sems dpa' gang dag mchis pa de dag gis 'jig rten gyi khams mi mjed 'di na sems can mnar med par skyes pa rnams dang 'dra bar byang chub sems dpa' sems dpa' chen po 'dir skyes pa de dag la yang
18b2 bde ba ci yang yang dag par rjes su ma mthong lags so/ /sangs rgyas kyi zhing bde ba gcig pu mchog tu gyur pa dang / 'jig rten gyi khams de na sems can de dag ni rang bzhin gyis bde ba lags so/ /bcom ldan 'das bdag ni
18b3 sems can 'dir skyes pa rnams kyis de mngon par yid ches par dka' bar 'gyur bar smra lags te/ bcom ldan 'das 'on kyang chos kyi the tshom gcad pa dang / chos kyi phyag rgya'i sgo mnyan pa'i slad du gang gi don du bdag
18b4 'dir mchis pa de bcom ldan 'das las bdag cag thos par 'tshal lags so/ /de ci'i slad du zhe na/ bcom ldan 'das bde ba dang sdug bsngal de dag thams cad mi rtag pa lags pa'i slad du'o/ /bcom ldan 'das de bzhin
18b5 gshegs pa dgra bcom pa yang dag par rdzogs pa'i sangs rgyas las gang la bde ba ma mchis pa dang / sdug bsngal ba ma mchis pa dang / rtag pa ma mchis pa dang / mi rtag pa ma mchis pa dang / rtog pa ma mchis pa dang /
18b6 rnam par rtog pa ma mchis pa dang / dngos po ma mchis pa dang / dngos po ma mchis pa ma mchis pa dang / 'dus byas ma mchis pa dang / 'dus ma byas ma mchis pa dang / gdags pa ma mchis pa dang / gdags pa ma
18b7 mchis pa ma mchis pa dang / 'jig rten pa ma mchis pa dang / 'jig rten las 'das pa ma mchis pa dang / zag pa dang bcas pa ma mchis pa dang / zag pa ma mchis pa ma mchis pa dang / bden pa ma mchis pa dang / brdzun pa ma
18b8 mchis pa dang / byang chub ma mchis pa dang / byang chub kyi yan lag rnams ma mchis pa dang / stobs rnams ma mchis pa dang / snang ba ma mchis pa dang / mun pa ma mchis pa dang / rnam par rig pa ma mchis pa dang / rnam par rig
19a1 pa ma lags pa ma mchis pa dang / 'bras bu ma mchis pa dang / 'bras bu ma lags pa ma mchis pa dang / lam ma mchis pa dang / lam ma lags pa ma mchis pa dang / 'jug pa ma mchis pa dang / mthar thug
19a2 pa ma mchis pa dang / 'jig rten ma mchis pa dang / 'jig rten nas nges par 'byung ba ma mchis pa rnam pa de lta bu'i chos thos par 'tshal lags so/ /de ci'i slad du zhe na/ bcom ldan 'das bsod nams kyi tshogs
19a3 las yang dag par byung ba/ kun rtog pa las byung ba'i bde ba de dag dang gzhan thams cad 'jig rten la bstan par bgyi ba'i slad du'o/ /bcom ldan 'das sangs rgyas kyi chos rnams ni bstan du mi rung lags te/ bcom ldan
19a4 'das de la stobs rnams ma mchis/ mi 'jigs pa rnams ma mchis/ rdzu 'phrul ma mchis/ rdzu 'phrul gyi cho 'phrul ma mchis/ kun brjod pa ma mchis/ kun brjod pa'i cho 'phrul ma mchis/ rjes su bstan pa ma mchis/
19a5 rjes su bstan pa'i cho 'phrul ma mchis lags so/ /mi 'jigs pa rnams ma mchis shing stobs rnams ma mchis la/ bde ba ma mchis shing sdug bsngal ma mchis lags te/ de dag thams cad ni rlom sems lags shing /
19a6 de dag thams cad ni g.yo ba lags pa'i slad du'o/ /bcom ldan 'das de bzhin nyid rjes su thob pa dang / rjes su ma thob pa'i slad du de bzhin gshegs pa ni de bzhin gshegs pa zhes bgyi ba'i grangs su mchi ba ma lags te/ 'di
19a7 ltar de dag thams cad ni g.yo ba dang / rlom sems dang / g.yos pa dang / spros pa lags pa'i slad du'o/ /de bzhin gshegs pas ni bden pa 'am/ brdzun pa 'am/ 'dus byas sam/ 'dus ma byas sam/ zag pa dang
19a8 bcas pa 'am/ zag pa ma mchis pa 'am/ kha na ma tho ba dang bcas pa 'am/ kha na ma tho ba ma mchis pa 'am/ 'jig rten pa 'am/ 'jig rten las 'das pa 'am/ tshul khrims sam/ 'chal pa'i tshul khrims sam/
19b1 stobs rnams sam/ stobs ma mchis pa 'am/ mi 'jigs pa 'am/ mi 'jigs pa ma mchis pa 'am/ sbyin gnas sam/ sbyin gnas ma lags pa 'am/ de bzhin gshegs pa 'am/ sangs rgyas sam/ byang chub sems
19b2 dpa' 'am/ nyan thos sam/ rang sangs rgyas sam/ smon lam rnams sam/ byin gyis rlabs rnams kyi rlom sems thams cad yang dag par bcom zhing lam yongs su mkhyen te/ de bas na de bzhin gshegs pa ni bag tsha ba
19b3 mi mnga' bar seng ge lta bu dang / glang po che lta bu'i sgra sgrogs par mdzad lags so/ /de bzhin gshegs pa ni bzhed na mi mthun pa rnams la mi mthun pa'i 'du shes can du gnas par mdzad/ 'thun pa rnams la 'thun pa'i 'du shes can
19b4 du gnas par mdzad do/ /de bzhin gshegs pa ni bzhed na dran pa dang ldan zhing mkhyen bzhin du de gnyi gas kyang btang snyoms par gnas par mdzad do/ /bcom ldan 'das de bzhin gshegs pa'i gnas pa de dag ni sangs rgyas kyi gnas
19b5 pa dag dang / rang byung gi gnas pa dag dang / nyan thos dang rang sangs rgyas rnams dang / yang thun mong ma lags pa'i gnas pa dag lags na/ de dag las gzhan pa'i sems can tha chad rnams dang thun mong ma lags pa lta smos
19b6 kyang ci 'tshal/ bcom ldan 'das ci'i slad du thun mong ma lags she na/ de las gzhan pa'i sems can tha chad kyis de lta bu'i gnas pa de dag dang / de snyed kyi gnas pa de dag dang / yun ji srid nas gnas pa de dag dang /
19b7 sbyor ba de lta bu'i gnas pa de dag dang / bde ba de lta bu'i gnas pa de dag 'tshal bar rngo mi thog cing / bcom ldan 'das de bzhin gshegs pa dang bral ba'i sems can rnams kyi gnas de dag 'tshal bar rngo mi thog pa'i slad
19b8 du'o/ /bcom ldan 'das de dag ni sems can gzhan dag gi spyod yul ma lags shing / de bzhin gshegs pa'i gnas pa de lta bu de dag ni nyan thos dang rang sangs rgyas thams cad kyi spyod yul ma lags te/ bcom ldan 'das
20a1 spyod yul ma lags shes bgyi ba ni spyod pa ma mchis shing / rnam par spyod pa ma mchis pa ste/ des na spyod yul ma lags shes bgyi'o/ /de ci'i slad du zhe na/ bcom ldan 'das de la nyan thos dag gam/ rang sangs rgyas
20a2 dag gi spyod pa ma mchis pa'i slad du'o/ /de ci'i slad du zhe na/ bcom ldan 'das gnas pa de mtha' yas pa'i slad du'o/ /bcom ldan 'das ci'i slad du gnas pa mtha' yas pa lags she na/ bcom ldan 'das de bzhin gshegs pa
20a3 dag gi mos pa ni mtha' yas te/ gang gis kyang 'tshal bar rngo mi thog lags so/ /de ci'i slad du zhe na/ bcom ldan 'das gnas pa de ni yi ge ma mchis pa lags te/ yi ge ma mchis pa zhes bgyi ba ni brjod du ma mchis pa lags
20a4 la/ yi ge ni brjod pa kho na lags pas de'i slad du bcom ldan 'das de ni rang byung gi gnas pa ma lags so/ /bcom ldan 'das gang dag gnas pa de la rnam par lta bar mi 'gyur zhing rab tu 'tshal bar mi 'gyur ba'i sems
20a5 can de dag 'jig rten gyi khams gzhan nas shi 'phos pa lags so/ /gang dag gnas pa de glo bar chud par mi 'gyur ba de dag gis ni gnod pa chen po dang ldan par 'tshal bar bgyi'o/ /bcom ldan 'das de bzhin gshegs
20a6 pa'i gnas pa de ni bcom ldan 'das don gyi sgo dang / chos kyi sgo de lags te/ 'khor sgo drug khri brgyad stong dang ldan pa lags so/ /de bzhin gshegs pa rin po che'i bkod pa gcig pa'i byang chub ni nam mkha'
20a7 lta bur tshad ma mchis shing / byang chub sems dpa' sems dpa' chen po de dag sgo gcig pa'i tshad las rjes su thob pa lags so/ /sgo'i tshig 'di bstan cing bshad pa na byang chub sems dpa' sems dpa' chen po bdun
20a8 khri bdun stong gis ni sgrib pa med pa'i chos kyi sgo rjes su thob ste/ 'di lta ste/ de bzhin gshegs pa'i gnas pa de nyid do/ /de dag thams cad kyis bdag cag gis deng byang chub thob po/ /bdag cag gis deng byang chub thob po zhes bya
20b1 ba'i tshig kyang smras so/ /srog chags bye ba khrag khrig phrag drug bcu ni bla na med pa yang dag par rdzogs pa'i byang chub tu sems skyes te/ bcom ldan 'das kyis de dag sems dang po bskyed pa nyid kyis bla na med pa yang dag par rdzogs
20b2 pa'i byang chub tu lung bstan to/ /srog chags bye ba khrag khrig sa ya phrag brgyad ni chos rnams la chos kyi mig rdul med cing dri ma dang bral ba skyes so/ /dge slong sum stong ni len pa med par zag pa rnams las sems rnam par
20b3 grol lo/ /de nas bcom ldan 'das kyis de'i tshe 'dzum pa mdzad de/ bcom ldan 'das kyis 'dzum pa mdzad nas kyang / de nas de ma thag tu de'i tshe 'jig rten du 'od chen po byung bar gyur cing / sa chen po yang g.yos par gyur to/ /
20b4 de nas tshe dang ldan pa kun dga' bos chos gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces
20b5 gsol to/ /bcom ldan 'das 'dzum pa mdzad pa dang / 'jig rten du snang ba chen po byung ba dang / 'jig rten du sa chen po g.yos pa'i rgyu ni gang lags/ rkyen ni gang lags/ bcom ldan 'das kyis bka' stsal pa/ kun dga' bo byang chub
20b6 sems dpa' dra ba can gyi 'od kyis chos kyi sgo de bstan cing bshad pa na/ byang chub sems dpa' bdun khri bdun stong gis sgrib pa med pa'i chos kyi phyag rgya'i sgo thob par gyur cing / kun dga' bo byang chub sems dpa' dra ba can gyi 'od
20b7 kyis chos kyi sgo'i tshig bstan pa de ni nam mkhas yongs su zin pa'i sa phyogs de nyid du sangs rgyas brgyad stong las blangs te/ blangs nas kyang de'i rjes la byang chub sems dpa' dra ba can gyi 'od sgrib pa med pa'i chos kyi sgos nges par byung
20b8 ba dang sangs rgyas kyi zhing nas sangs rgyas kyi zhing du 'gro ba la mkhas par gyur pa'i phyir ro/ /yang de'i tshe shar phyogs su sangs rgyas kyi zhing grangs med pa bdun bcu rtsa brgyad 'das pa na 'jig rten gyi khams rin po che brtsegs pa cig
21a1 pa na/ de bzhin gshegs pa dgra bcom pa yang dag par rdzogs pa'i sangs rgyas rin chen mtha' yas khyu mchog ces bya ba da ltar bzhugs te 'tsho zhing gzhes la 'khor 'bum phrag du ma la chos kyang ston to/ /bcom
21a2 ldan 'das de'i rgyal tshab byang chub sems dpa' sems dpa' chen po don yod khyu mchog rnam par gnon ces bya ba de 'khor der 'dus par gyur te 'dug nas/ des gsung bsal ba'i sgra de thos te/ de bzhin gshegs pa shAkya
21a3 thub pa'i 'od de yang mthong nas de bzhin gshegs pa rin chen mtha' yas khyu mchog la 'di skad ces gsol to/ /bcom ldan 'das gsung bsal ba'i sgra dang 'od gda' ba de su'i lags/ de nas de bzhin gshegs pa dgra
21a4 bcom pa yang dag par rdzogs pa'i sangs rgyas rin chen mtha' yas khyu mchog gis byang chub sems dpa' sems dpa' chen po don yod khyu mchog rnam par gnon de la bka' stsal pa/ don yod khyu mchog rnam par
21a5 gnon nub phyogs su sangs rgyas kyi zhing 'di nas sangs rgyas kyi zhing grangs med pa bdun bcu rtsa brgyad 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag
21a6 par rdzogs pa'i sangs rgyas shAkya thub pa zhes bya ba da ltar bzhugs te 'tsho zhing bzhes la/ 'di lta ste/ sems pa dpe med pa'i byang chub sems dpa' rnams las brtsams nas byang chub sems dpa'i sde snod sems can
21a7 thams cad yang dag par tshim par byed pa/ sems can thams cad kyi the tshom gcod pa zhes bya ba'i chos kyi rnam grangs kyi chos kyang ston to/ /de nas de bzhin gshegs pa dgra bcom pa yang dag par rdzogs pa'i sangs rgyas rin
21a8 chen mtha' yas khyu mchog la byang chub sems dpa' sems dpa' chen po don yod khyu mchog rnam par gnon gyis 'di skad ces gsol to/ /bcom ldan 'das bcom ldan 'das de bzhin gshegs pa shAkya thub pa la blta ba dang /
21b1 phyag bgyi ba dang / bsnyen bkur bgyi ba dang / sems dpa' dpe med pa'i byang chub sems dpa' sems dpa' chen po dag blta ba'i slad du 'jig rten gyi khams mi mjed der bdag mchi bar bgyi'o/ /de skad ces gsol pa dang /
21b2 bcom ldan 'das de bzhin gshegs pa rin chen mtha' yas khyu mchog gis byang chub sems dpa' sems dpa' chen po don yod khyu mchog rnam par gnon la 'di skad ces bka' stsal to/ /rigs kyi bu khyod de'i dus la dbab par shes
21b3 na rigs kyi bu khyod song la sangs rgyas kyi zhing der shes bzhin du gnas par byos shig /de ci'i phyir zhe na/ don yod khyu mchog rnam par gnon 'jig rten gyi khams mi mjed der skyes pa'i byang chub sems dpa' sems dpa' chen po
21b4 gang dag skyes pa de dag bsnyen par dka' ba'i phyir ro/ /nga'i tshig gis gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes bsnyun gsol la/ de bzhin gshegs pa de la lag pa lta
21b5 bu'i pad ma 'di yang phul cig /de nas byang chub sems dpa' sems dpa' chen po don yod khyu mchog rnam par gnon stan las langs nas/ bcom ldan 'das de'i zhabs la mgo bos phyag 'tshal te/ bskor ba yang byas nas
21b6 byang chub sems dpa' bdun khri brgyad stong dang lhan cig tu 'jig rten gyi khams mi mjed du 'ongs te/ de 'ongs nas de ma thag tu 'jig rten gyi khams mi mjed na me tog gi shing ngam/ 'bras bu'i shing ji snyed yod pa de dag thams cad kyis
21b7 de'i tshe dus ma yin pa'i me tog dag dang / dus ma yin pa'i 'bras bu dag gtor to/ /me tog gi char pa yang bab po/ /spos kyi char pa rnam pa sna tshogs dag kyang bab po/ /rol mo'i sgra rnam pa sna tshogs dag kyang grag go/ /de nas
21b8 byang chub sems dpa' sems dpa' chen po don yod khyu mchog rnam par gnon rgyal po'i khab 'od ma'i tshal bya ka lan da ka gnas pa ga la ba der song ste phyin nas/ bcom ldan 'das kyi zhabs la mgo bos phyag
22a1 'tshal te/ lag pa gnyi gas bcom ldan 'das kyi zhabs la bzung ngo / /gdong gis kyang yongs su gtugs te/ tshig de skad ces kyang gsol to/ /bcom ldan 'das byang chub sems dpa' don yod khyu mchog
22a2 rnam par gnon bcom ldan 'das kyi zhabs la mgo bos phyag 'tshal lo/ /de skad ces gsol pa dang / bcom ldan 'das kyis byang chub sems dpa' sems dpa' chen po don yod khyu mchog rnam par gnon
22a3 la 'di skad ces bka' stsal to/ /don yod khyu mchog rnam par gnon bkur sti byas pa dang / mchod pa dang / ri mo byas par gyur cig /de nas byang chub sems dpa' sems dpa' chen po don yod khyu mchog rnam par
22a4 gnon sa las langs te spyan sngar 'dug nas bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mtha' yas khyu mchog
22a5 bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes bsnyun gsol zhing / bcom ldan 'das la bcom ldan 'das kyis lag pa lta bu'i
22a6 pad ma bskur ba lags na/ bcom ldan 'das kyis thugs brtse ba nye bar bzung ste/ byang chub sems dpa' don yod khyu mchog rnam par gnon las bzhes su gsol/ bcom ldan 'das kyis byang chub sems dpa'
22a7 don yod khyu mchog rnam par gnon las lag pa lta bu'i pad ma de bzhes te/ bzhes nas kyang byang chub sems dpa' sems dpa' chen po don yod khyu mchog rnam par gnon la bka' stsal pa/ don yod khyu mchog rnam par
22a8 gnon ci bcom ldan 'das de bzhin gshegs pa rin chen mtha' yas khyu mchog gnod pa chung ngam/ nyam nga ba nyung ngam/ 'gyur ba mi mnga' 'am/ gsol pa/ bcom ldan 'das de bzhin gshegs pa rin chen mtha' yas
22b1 khyu mchog de gnod pa chung zhing stobs dang ldan la 'gyur ba mi mnga' ste/ sangs rgyas kyi zhing de na bde bar reg pa la gnas lags so/ /de nas bcom ldan 'das kyis byang chub sems dpa' sems dpa' chen po ma pham pa
22b2 la lag pa lta bu'i pad ma de byin no/ /de nas byang chub sems dpa' sems dpa' chen po ma pham pas lag pa lta bu'i pad ma de blangs nas tshig gsol pa/ bcom ldan 'das dge ba'i rtsa ba 'dis rigs kyi bu dang rigs kyi bu mo
22b3 gang dag bla na med pa yang dag par rdzogs pa'i byang chub tu sems skyes pa de dag gi sangs rgyas kyi zhing yongs su dag par gyur cig /sems can yongs su smin par gyur cig /de ci'i slad du zhe na/ bcom ldan 'das sems
22b4 can yongs su ma smin pa rnams la chos bstan pa dang / sems can dge ba'i rtsa ba ma skyed pa rnams dang / dge ba'i rtsa ba chung ngu rnams dang / dman pa la mos pa rnams la chos bstan pa dka' ba'i slad du ste/ de ci'i slad du
22b5 zhe na/ bcom ldan 'das lag pa lta bu'i pad ma 'di las 'jig rten gyi khams ji snyed mthong bar 'tshal ba de snyed kyang mthong ba dang / lag pa lta bu'i pad ma 'di nyid las bcom ldan 'das de bzhin gshegs pa rin chen mtha'
22b6 yas khyu mchog de'i 'jig rten gyi khams rin po che'i phung po zhes bgyi ba gang lags pa de yang mthong ba dang / 'jig rten gyi khams de na byang chub sems dpa' gang dag theg pa la yang dag par zhugs pa de dag kyang mthong ba
22b7 dang / de na gang nyan thos phun sum tshogs pa phal cher rig pa gsum dang ldan pa dang / rig pa drug dang ldan pa de dag kyang mthong bar 'gyur ba'i slad du'o/ /bcom ldan 'das de bzhin gshegs pa de'i sangs rgyas kyi zhing
22b8 der pad ma de dag las kyi rnam par smin pa chen pos mngon par grub pa lags te/ bcom ldan 'das de lta lags pas na dge ba'i rtsa ba de ni byang chub sems dpa' dag chos thams cad la sgrib pa ma mchis par bgyi ba'i
23a1 slad du yongs su bsngo bar bgyi'o/ /bcom ldan 'das dge ba'i rtsa ba de ni byang chub sems dpa' gang dag bla na med pa yang dag par rdzogs pa'i byang chub tu sems ma bskyed pa de dag kyang byang chub tu sems bskyed
23a2 pa'i slad du yongs su bsngo bar bgyi'o/ /dge ba'i rtsa ba de yang ji ltar de bzhin gshegs pas chos thams cad kyi de bzhin nyid mngon par rdzogs par sangs rgyas pa dang / 'khrug pa ma mchis pa'i de bzhin nyid mngon par rdzogs
23a3 par sangs rgyas par de ltar yongs su bsngo bar bgyi'o/ /de nas bcom ldan 'das kyis byang chub sems dpa' bzang skyong la 'di skad ces bka' stsal to/ /bzang skyong khyod kyis byams pas gang smras pa shes sam/ de
23a4 bzhin gshegs pas mngon par rdzogs par sangs rgyas pa'i chos de dag gang yin/ gsol pa/ bcom ldan 'das gang dag de bzhin gshegs pas de bzhin nyid mngon par rdzogs par sangs rgyas shing / mi 'khrugs pa
23a5 nyid mngon par rdzogs par sangs rgyas pa'i chos de dag gang yang ma mchis lags te/ bcom ldan 'das 'di ltar de bzhin gshegs pas chos de dag dmigs pa ma lags shing / de dag ni chos kyang ma lags/ chos ma mchis pa
23a6 yang ma lags pa'i slad du'o/ /bcom ldan 'das gal te chos shig dmigs par gyur na ni de bzhin gshegs pas chos kyi 'du shes dmigs pa kho nar 'gyur ba zhig na 'du shes ni mi dmigs lags so/ /de ci'i slad du zhe
23a7 na/ bcom ldan 'das 'du shes thams cad ma mchis lags te/ re shig de bzhin gshegs pas bdag nyid kyang ma dmigs lags na/ 'du shes rnams yang dag par dmigs par 'gyur ba lta smos kyang ci 'tshal/
23a8 chos rnams la chos kyi 'du shes yang dag par 'jug par 'gyur ba lta smos kyang ci 'tshal/ bcom ldan 'das chos de dag kyang 'du shes ji lta ba bzhin lags te/ de lta lags pas bcom ldan 'das kyis chos
23b1 gang yang gzung bar ma gsungs/ nges par 'byung bar ma gsungs/ yang dag par 'da' bar ma gsungs/ 'thob par ma gsungs lags te/ de ci'i slad du zhe na/ bcom ldan 'das gal te de bzhin gshegs pas chos rnams
23b2 btsal bar bgyi na de gang nas btsal bar bgyi lags/ chos de dag ni de bzhin nyid de/ de bzhin nyid la de bzhin gshegs pa ma mchis pa dang / de bzhin gshegs pa ni de bzhin te/ de bzhin nyid kyi rnam pas de bzhin gshegs
23b3 pa lags pa dang / de bzhin gshegs pa ni mtshan ma ma mchis pa ste/ mtshan ma ma mchis pa'i rnam pas de bzhin gshegs pa dang / de bzhin gshegs pa ni mtshan ma dang bral ba ste/ mtshan ma dang bral ba'i rnam pas
23b4 de bzhin gshegs pa lags pa dang / de bzhin gshegs pa ni bas ma 'tshal ba ste bas ma 'tshal ba'i rnam pas de bzhin gshegs pa lags pa dang / de bzhin gshegs pa ni 'khrug pa ma mchis pa ste/ 'khrug pa
23b5 ma mchis pa'i rnam pas de bzhin gshegs pa lags pa dang / chos thams cad kyang de bzhin gshegs pa ji lta ba bzhin te/ ji lta ba bzhin gyi rnam pas de bzhin gshegs pa lags shing / bcom ldan 'das de ltar
23b6 chos thams cad ni de bzhin gshegs pa lags te/ bcom ldan 'das des na de bzhin gshegs pa pad ma dag la bzhugs pa lags shing / pad ma dag la bzhugs pa ji lta ba bzhin du de bzhin gshegs pa nyid dang
23b7 sangs rgyas nyid la bzhugs pa yang de dang 'dra lags te/ gang la bzhugs pa de la yang mi 'dzin cing mi dmigs pa de dag ni 'jig rten na sbyin gnas rnams shes bgyi ba'i grangs su mchi ba'i slad du'o/ /de
23b8 skad ces gsol pa dang / bcom ldan 'das kyis byang chub sems dpa' sems dpa' chen po bzang skyong la 'di skad ces bka' stsal to/ /bzang skyong khyod gang la gnas nas de skad ces ston/ bzang skyong gis
24a1 gsol pa/ bcom ldan 'das bdag ni 'jig rten gang la gnas pa de nyid la gnas nas de skad ces ston lags te/ ji ltar byis pa dag gis bzung ba bzhin du ni ma lags so/ /byis pa dag gis bzung ba
24a2 gang zhe na/ 'khrug pa lags te/ gang gi slad du 'khrug pa bzung ba de'i slad du 'khrug cing rab tu 'khrug lags so/ /bcom ldan 'das 'jig rten ni mi gnas pa lags te/ ji ltar 'jig rten mi gnas pa lags she na/ sgyu
24a3 ma'i gnas la 'jig rten mi gnas te/ byis pa rnams ni de la bdag gi gnas ni 'jig rten gyi gnas lags so zhes rtsod de/ de ni byis pa rnams kyi 'gro ba ma lags pa'i slad du'o/ /smig rgyu'i gnas la 'jig rten mi gnas
24a4 shing / mi rtag pa'i gnas la 'jig rten mi gnas te/ byis pa rnams kyi skrag pa lags pa'i slad du'o/ /mig yor gyi gnas la 'jig rten mi gnas te/ 'phags pa rnams dang tha mi dad pa'i slad du'o/ /mi sdug
24a5 pa'i gnas la 'jig rten mi gnas te/ byis pa rnams ni las kyi kun nas slong ba'i slad du'o/ /bcom ldan 'das 'jig rten gyi gnas 'di la 'jig rten gyi 'khrug pa'i skabs ma mchis lags te/ bcom ldan 'das
24a6 de lta lags pas bdag gi gnas ni 'jig rten gyi gnas kho na lags so/ /de nas bcom ldan 'das kyis byang chub sems dpa' bzang skyong la bka' stsal pa/ bzang skyong ci khyod kyis chos yang dag par mthong bas de skad
24a7 ces ston tam/ gsol pa/ bcom ldan 'das chos gang dag lags pa de dag ni bcom ldan 'das kyis kyang mngon par rdzogs par sangs ma rgyas pa kho na lags so/ /de skad ces gsol pa dang / bcom ldan 'das
24a8 kyis byang chub sems dpa' sems dpa' chen po bzang skyong la 'di skad ces bka' stsal to/ /bzang skyong ci ngas chos rnams mngon par rdzogs par sangs ma rgyas sam/ gsol pa/ bcom ldan 'das ci chos rnams
24b1 mngon par rdzogs par 'tshang rgya lags sam/ bcom ldan 'das kyis mngon par rdzogs par sangs rgyas pa gang dag lags pa de dag kyang ci chos rnams lags sam/ 'on te chos ma mchis pa rnams lags/ bcom ldan
24b2 'das kyis bka' stsal pa/ bzang skyong legs so legs so/ /de bzhin gshegs pas chos rnams mngon par rdzogs par sangs rgyas pa gang dag yin pa de dag ni chos rnams kyang ma yin/ chos rnams med pa yang ma yin te/
24b3 bzang skyong de la nga'i ye shes mi rgyu zhing mig mi 'jug la/ 'gro ba mi shes shing blo mi 'jug ste/ snang ba mi shes shing yongs su gcod pa mi shes la mi 'dzin te/ de dag ni kun nas nyon mongs pa yang ma yin/ rnam par byang ba
24b4 yang ma yin pa'i phyir ro/ /bzang skyong 'on kyang gal te gang mtshan nyid med pa'i spyod pa'i 'du shes dang / mtshan nyid med pa'i spyod pa'i chos de dag ngas bstan kyang bzang skyong sems can rnams de la rmongs par 'gyur ro/ /bzang
24b5 skyong chos de la de bzhin gshegs pa dang / byang chub sems dpa' sems dpa' chen po srid pa tha ma pa ma gtogs par chog shes pa su yang mi rnyed mi dmigs so/ /bzang skyong byang chub sems dpa' sems dpa'
24b6 chen po srid pa tha ma pa dang / skye ba gcig gis thogs pa gang dag yin pa de dag kyang chos de dag bstan pa thos na skrag par 'gyur na de dag las gzhan pa'i sems can tha chad rnams lta ci smos te/ de dag gis chos de
24b7 dag rtogs par 'gyur ba 'di ni gnas med do/ /bzang skyong dge slong dang / dge slong ma dang / dge bsnyen dang / dge bsnyen ma lus ma bsgoms pa dag dang / sems ma bsgoms pa dag dang / tshul khrims ma bsgoms pa dag dang / shes rab ma bsgoms
24b8 pa dag 'byung bar 'gyur ba'i dus de lta bu 'byung bar 'gyur zhing / bzang skyong tshod de lta bu 'byung bar 'gyur te/ de dag gis rnam par mi rtog cing kun nas nyon mongs pa med la/ snang ba med pa'i byang chub la zhugs
25a1 pa'i de bzhin gshegs pa rnams kyi de bzhin gshegs pas gter dang / chos kyi gter bstan pa'i chos kyi rnam grangs de thos nas skrag cing dngang la dngang bar 'gyur zhing g.yang sa chen por yang ltung bar 'gyur ro/ /
25a2 de bzhin gshegs pas chos thams cad mngon par rdzogs par sangs rgyas so zhes ji skad brjod de/ de la nga'i ye shes mi 'jug cing mig mi 'jug la/ blo mi 'jug go zhes de skad ces kyang gsungs pa'i phyir ro/ /
25a3 de'i phyir de lta bu'i mdo sde 'dzin pa'i dge slong de dag la gnod sems su gyur pa'i sems dang ldan pa dag dang / zhe 'gras par gyur pa'i sems dang ldan pa dag gsod pa'i 'du shes bskyed par 'gyur zhing / 'khrug long gi
25a4 'du shes bskyed par 'gyur ro/ /bzang skyong nga la 'khrug long byed pa gang dag yin pa de dag yongs su 'dzin par 'gyur zhing / nga'i yang dag pa'i ye shes rab tu ston par byed pa de dag brnyas par 'gyur ba'i dus de lta bu ji tsam du
25a5 phyin ci log tu 'gyur ba la ltos/ bzang skyong de bzhin gshegs pa slob dpon mi mnga' zhing rang byung la da ltar 'khor gyi nang du seng ge'i sgra yang dag par sgrogs par mdzad na/ mi blun po de dag ni de bzhin gshegs pa mi
25a6 shes shing / de bzhin gshegs pa'i chos nyid mi shes te/ de dag mi shes shing ma mthong bas de'i tshe nga'i bsngags pa gang yin pa de la de dag bsngags pa ma yin pa'i 'du shes 'byung bar 'gyur zhing / gang nga'i bsngags
25a7 pa ma yin pa de la ni de dag bsngags pa'i 'du shes 'byung ba la ltos/ bzang skyong nga'i bsngags pa ma yin pa yang gang zhe na/ bzang skyong chos gang la la 'dzin pa'i chos 'di ni bzang skyong nga'i bsngags pa ma yin pa ste/
25a8 de'i tshe de dag ni bsngags pa ma yin pa smra ba dag dang / 'khrug long byed pa dag dang / dge sbyong sun 'byin pa dag dang / dge sbyong gdol ba dag dang / dge sbyong myags pa dag dang / dge sbyong shing rul pa lta bu dag dang / mu stegs
25b1 can gzhan gyi spyod yul gyi lta ba can dag dang / gnyis la spyod pa dag dang / rtag chad tu smra ba dag dang / chos 'dzin pa chos kyi rlom sems nyid la gnas pa dag dang / spros pa dang bcas pa dag dang / mngon par 'du byed pa dang bcas pa
25b2 dag dang / 'jig rten rgyang pan pa la dga' ba dag dang / 'khor ba na spyod pa dag dang / yang dag pa'i lta ba'i lam la phyir phyogs pa dag yin par ngas rab tu bstan pa yin no/ /de'i tshe de dag ni don dam pa'i 'du shes can dag dang /
25b3 me'i sbyin bsreg 'dzin pa dag dang / ral pa can ma yin pa dag dang / las smra ba dag dang / byed pa smra ba dag tu 'gyur te/ bzang skyong gal te ting nge 'dzin de lta bu zhig yod par gyur na de dag kyang byang chub mngon par rdzogs par
25b4 sangs rgyas par 'gyur ro/ /bzang skyong de dag ni nga yongs su mya ngan las 'das nas de la las dang byed pa dag gis skyon dag mthong ste/ ldog pa rjes su thob nas/ nga'i bstan pa la rab tu 'byung bar 'gyur zhing / chos de
25b5 dag nub par byed par 'gyur te/ bzang skyong de lta bas na nga yongs su mya ngan las 'das nas/ mi blun po de dang de dag me'i mchod sbyin pa ral pa can lta bu dang / rgan zhugs lta bu dang / rmun po lta bur yang 'gyur ro/ /bzang
25b6 skyong de dag ni dmigs pa dang bcas pa dang / spros pa dang bcas pa dang / mngon par 'du byed pa dang bcas pa dang / 'jig rten pa'i yang dag pa'i lta bas nga'i las dang byed pa la 'jug par byed cing / sangs rgyas kyi
25b7 ye shes cung zad tsam brjod par byed pa gang dag yin pa de dang de dag ni nga'i bsngags pa ma yin pa smra ba dag ste/ de dag nges par 'byung bar ma yin par smra ba'o zhes nga smra'o/ /de ci'i phyir zhe na/ bzang skyong de dang de dag
25b8 ni bskal pa grangs med pa bye bas yang dag par bsgrubs pa'i byang chub de spong ba'i me mdag phra mo dag gis sreg par byed pa yin te/ bzang skyong de dag ni de bzhin gshegs pa'i bsngags pa ma yin pa smra ba dag dang /
26a1 'khrug long byed pa dag yin no/ /bzang skyong de bzhin gshegs pa'i bsngags pa smra ba dag dang / gsungs pa smra ba de dag kyang gang zhe na/ bzang skyong chos thams cad 'dzin pa med pa dag dang / spros pa med pa dag
26a2 dang / mngon par 'du byed pa med pa dag dang / dus gsum rjes su tshol ba dag dang / yi ge med pa dag dang / 'dor ba med pa dag ste/ bzang skyong de dang de dag ni de bzhin gshegs pa'i bsngags pa smra ba dag dang / gdags pa ma byed
26a3 pa dag dang / sangs rgyas kyi sras dag dang / thugs kyi sras dag dang / chos las skyes pa dag yin no/ /bzang skyong mdo sde 'di lta bu ston pa dang / mdo sde 'di lta bu yang dag par len pa gang dag yin pa de dang de dag ni bzang skyong de
26a4 bzhin gshegs pas gsungs pa smra ba dag dang / chos smra ba dag dang / de bzhin gshegs pa'i bstan pa la chos kyi rjes su 'thun pa'i chos la zhugs pa dag dang / nga'i sras dag dang / thugs kyi sras dag dang / zhal nas
26a5 skyes pa dag dang / ngas byin gyis brlabs pa dag dang / ngas bskos pa dag dang / ngas yang dag par dga' bar byas pa dag yin zhing de dag gis chos kyi mchod sdong btsugs pa yin/ de dag gis chos kyi rnga yang brdungs pa
26a6 yin zhing de dag gis chos kyi dung yang bus pa yin/ de dag gis chos kyi rgyal mtshan yang bsgreng ba yin zhing sangs rgyas bcom ldan 'das rnams kyis de dag gis spyod pa bstsags pa yin/ de dag gi yon tan gyi phreng ba 'di
26a7 yang rjes su 'brang bar byed cing de dag gi srung ba bzhag pa yang yin/ de dag ni phyir rgol ba rnams tshar gcod par yang 'gyur zhing de dag ni 'jig rten gyi me tog lta bu dag kyang yin/ de dag 'byung ba yang mchog tu rnyed
26a8 par dka' zhing de dag gi mthong ba yang rnam par dag pa yin/ de dag ni byang chub kyi snod kyang yin zhing de dag ni byang chub sems dpa' rnams kyis yang dag par dga' bar byas pa dag kyang yin/ de dag ni de bzhin gshegs
26b1 pa rnams kyis yang dag par dga' bar byas pa dag kyang yin/ de dag gi chos kyi mig kyang phye ba yin zhing de dag chos thams cad la sgrib pa med pa yang yin/ de dag ni de bzhin gshegs pa mnyes par byed par 'os pa dag kyang
26b2 yin zhing de dag ni de bzhin gshegs pa rnams la byas pa gzo ba dag kyang yin/ de dag ni chos kyi rgyan gyis brgyan pa dag kyang yin zhing ye shes kyis brlan pa dag kyang yin/ de dag ni chos kyi char pa 'bebs par byed pa dag kyang
26b3 yin zhing rgyal ba'i thugs kyi sras dag tshim par byed pa dag kyang yin/ de dag ni sangs rgyas kyi chos rnams kyis rnam par 'phel bar byed pa dag kyang yin zhing de dag ni yon tan gyi lo ma rnams skyes pa dag kyang yin/ de dag ni byang
26b4 chub kyi yan lag gi me tog rnams kyis me tog kun du rgyas pa dag kyang yin zhing de dag gi ni 'dod chags dang bral ba'i 'bras bur byed pa dag kyang yin/ de dag ni byang chub kyi snying po la 'dug pa dag kyang yin zhing de dag
26b5 gis bla na med pa yang dag par rdzogs pa'i byang chub thob pa yang yin/ de dag ni lam ston par byed pa dag kyang yin zhing de dag ni chos kyi sbyin pas rlan par byed pa dag kyang yin no/ /bzang skyong mdor na rigs kyi bu de dag
26b6 gi yon tan rnams te/ bzang skyong gal te de bzhin gshegs pas thams cad yang dag par bstan kyang de ni yid ches par dka' bar 'gyur ro/ /de dag ni nga'i bsngags pa smra ba dag dang / chos kyi rjes su 'thun
26b7 pa'i chos smra ba dag yin no/ /bzang skyong 'di lta ste dper na/ mi zhig gis mtsho ma dros pa mthong bar gyur cing de'i bsngags pa yang thos par gyur la/ de'i tshe des sngon ma mthong ba'i mtsho chen po gzhan zhig
26b8 kyang mthong nas mtsho ma dros pa de ni 'di'i tshad kho na'o zhes tshig smra bar byed cing de bdag gis ma dros pa'i bsngags pa brjod do zhes zer la/ bsngags pa ma yin pa nyid smra ba de bzhin du bzang skyong de dag ni mi blun po dag yin zhing
27a1 de dag ni yon tan de lta bu dag dang / ye shes de lta bu dag dang bral ba dag ste/ de dag ni bdag cag gis de bzhin gshegs pa'i bsngags pa brjod par bya'o zhes zer la/ 'jig rten pa'i yang dag pa'i lta ba dang /
27a2 mngon par 'du byed pa dang bcas shing zag pa dang bcas pa'i phung po thams cad kyi sbyor bas kun du spyod par byed cing / de bzhin gshegs pa'i ye shes de ni thogs pa med pa'o zhes tshig de skad ces kyang smra bar byed de/ de dag ni
27a3 bdag cag gis bsngags pa brjod par bya'o zhes zer la/ bsngags pa ma yin pa nyid smra bar 'gyur ro/ /bzang skyong 'di lta ste dper na mi la la zhig gis gser ni kha dog ser po dang gser ni kha dog ser po snang ba'o zhes
27a4 gser gyi ming thos par gyur la/ des 'dzam bu'i chu bo'i gser gyi kha dog mthong zhing rin thang yang thos nas/ kye mi khyod ni brdzun du smra ba ste/ khyod kyis smras pa de la gser gyi kha dog ser po de med do zhes spong bar byed cing /
27a5 gshe bar byed pa de bzhin du bzang skyong mi blun po mig med pa de dag gis de bzhin gshegs pa'i mtshan thos shing chos kyi ming thos kyang / chos kyi ming de yang yang dag pa'i lta ba'o zhes de skad thos shing / de bzhin gshegs
27a6 pa'i mtshan de yang mtshan phun sum tshogs pa dang / rigs phun sum tshogs pa dang / spyod yul phun sum tshogs pa dang / 'khor phun sum tshogs pa dang / cho ga dang spyod pa phun sum tshogs pa'o zhes de skad thos la/ de
27a7 bzhin gshegs pa ye shes kyi mtshan nyid gang gis de bzhin gshegs pa dgra bcom pa yang dag par rdzogs pa'i sangs rgyas shes bya ba'i grangs su 'gro ba dang / chos kyi mtshan nyid gang gis de bzhin gshegs pas chos
27a8 thams cad gsungs pa'i de bzhin gshegs pa'i mtshan nyid kyi ye shes de ni thos par ma gyur te/ gang gi tshe de dag de bzhin gshegs pa'i ye shes kyi mtshan nyid de thos par gyur pa de'i tshe mi blun po de dag de ni de ltar ma yin no/ /
27b1 zhes de skad ces smra bar 'gyur ro/ /bzang skyong 'di lta ste dper na mi la la zhig gis rgya mtsho chen po'i ming thos par gyur la/ rgya mtsho chen po'i yon tan rnams ni thos par ma gyur te/ gang gi tshe des rgya mtsho chen po ni 'phang du dpag
27b2 tshad brgyad khri bzhi stong yod la thad kar ni dpag tshad tshad med pa dang / rin po che rnam pa sna tshogs kyis gang ba dang / ro gcig cing gang ba yang med bri ba yang med pa yin no zhes rgya mtsho chen po'i yon tan bsgrags pa thos shing
27b3 yon tan bsgrags pa de des thos nas chu bo chen po dag kyang 'bab la/ gang bar yang mi 'gyur ba dang / de las rin po che de snyed 'byung bar yang 'gyur ba dang / de yang rgyar ni dpag tu med pa yin no zhes ji skad bya zhes yid
27b4 mi ches shing / rgya mtsho chen po'i yon tan de lta bu de dag yin pa 'di ni gnas med do zhes zer ba de bzhin du/ bzang skyong mi blun po de dag gis de bzhin gshegs pa'i mtshan thos par gyur cing sangs rgyas kyi sgra thos par
27b5 gyur kyang / de bzhin gshegs pa'i yon tan de dag des thos par ma gyur cing chos shes pa'i yon tan dag thos par ma gyur te/ gang gi tshe des thams cad mkhyen pa'i ye shes chos dkon mchog dpag tu med pas gang ba/
27b6 'dod chags dang bral ba dang / rnam par grol ba chen po sgrub par byed pa dpag tu med pa/ sangs rgyas kyi spyan sgrib pa med pa/ zag pa med pa'i chos gang ba yang med/ bri ba yang med pa dang / gting dpag dka' ba dang / mi
27b7 'khrugs pa dang / chos thams cad kyi ye shes kyi phyag rgya dang / ji ltar rgya mtsho chen po mi'i ro dang lhan cig tu mi gnas pa de bzhin du de bzhin gshegs pa lta ba thibs po thams cad kyis chud zos pa'i sems can
27b8 rnams dang lhan cig mi gnas pa dang / ji ltar rgya mtsho chen po 'di lta ste/ lan tshwa'i ror ro gcig pa de bzhin du de bzhin gshegs pa'i rnam par grol bar ro gcig par 'gyur ba'i chos kyi rnam grangs de lta bu
28a1 de thos shing / de dag de skad ces thos nas khong du chud par mi byed cing mngon par yid ches par mi byed la mos par mi byed de/ de lta ma yin no zhes tshig smra bar byed do/ /bzang skyong mi blun po de dag bdag cag gis
28a2 ci shes zhe 'am/ bdag cag gis ji snyed bslabs shes de ltar yang lta bar mi 'gyur ba la ltos/ re shig bdag cag nyid kyi spyod pa yang mi shes pa dang / bdag cag ga las spyad ces gnas mi shes pa dang / las mi shes pa dang /
28a3 rnam par smin pa mi shes pa dang / bdag cag las gang gis 'dir skyes pa dang / bdag cag gi las 'dir skyes pa dang / bdag cag gi 'gro ba yang gang yin pa dang / bdag cag rnam pa ji lta bu 'am/ sbyor ba ji lta bu dang / bdag
28a4 cag shes pa dang ldan zhing las byed dam/ shes pa dang mi ldan zhing las byed ces de dag gis de skad ces bdag nyid brjod par bya'o/ /gal te chos de dag la mi blun po de dag chos kyi 'du shes dang nga'i bsngags pa ma yin pa'i
28a5 'du shes skyed na nga'i tshig gis mi blun po de dag mdo sde dag la mi rton par 'gyur ro/ /nga 'das nas de bzhin gshegs pa'i bsngags pa brjod pa dang / chos kyi bsngags pa brjod pa dang / dge 'dun gyi bsngags pa brjod
28a6 pa na de la khyed cag gis mi gus par mi bya zhing yid mi ches par ma yin la/ sems gzhan du 'gyur ba dang / mngon par mi dga' bar mi bya'o zhes kyang de bzhin gshegs pas gsungs so/ /gal te de la ngas
28a7 gdams ngag bskyed par bya na 'di lta ste/ zhe 'gras pa'i sems dang ldan pa de ni dge sbyong gi chos ma yin zhing / dge sbyong ma yin pa dang thun mong ba 'di lta ste/ dge sbyong ma yin pa rnams dang / dge sbyong ma yin pa mthun mong ba'i
28a8 lam la zhugs pa'i gnas de ni skyon mang po'i shas che ba yin zhing / de bzhin gshegs pa rnams kyi byang chub gting dpag dka' ba yin te/ de'i phyir bdag gis dran pa nye bar gzhag pa rnams kho na bstan par bya'o zhes gdams par
28b1 bya'o/ /bzang skyong de la chos thams cad ngo bo nyid kyis gnas pa dag ni mi gnas pa dag nyid de/ chos thams cad de ltar gnas pa dag nyid rnam par mi rtog pa dag go/ /bzang skyong 'di lta ste 'jug pa'i sgo dang / rtogs pa'i sgo dang / rnam
28b2 par thar pa'i sgo de ni dran pa nye bar gzhag pa rnams kyi sgo yin no/ /bzang skyong gnas dang gnas ma yin pa de ni gnyis yin no/ /bzang skyong yang dag pa'i lta ba dang mtha' mi dmigs pa'i phyir mtha' rnam par spangs pa ni gnyis
28b3 la ma chags pa yin no/ /bzang skyong de bzhin gshegs pas mtha' ma brnyes pa'i phyir mtha' rnam par spangs pa ma yin mod kyi/ 'on kyang gang gi phyir mi dmigs pa de nyid kyi phyir de bzhin gshegs pas de rnam par spangs pa
28b4 yin no/ /bzang skyong de bzhin gshegs pas rnam par spangs pa'i chos de dag ji ltar byis pa dag gis bzung ba de bzhin du mkhas pa dag 'dzin par mi byed do/ /bzang skyong ji ltar chos rnams kyi chos kyi mtshan nyid de ltar
28b5 rnam par spangs pa ma yin zhing / yang dag par 'das pa ma yin la bor ba ma yin zhing rnyed pa ma yin no/ /bzang skyong gang nga'i thad du phyin nas 'di skad ces smra ba'i lha de'i tshig lan ngas 'di skad ces btab ste/ dge sbyong
28b6 sbyin pa mdzad dam/ ngas smras pa/ lha ngas ci snyed/ dge sbyong thugs ngan mdzad dam/ ngas smras pa/ lha nga'i ci chud zos/ des gsol pa/ dge sbyong dgyes pa'ang ma lags thugs ngan yang mi mdzad pa ni dge sbyong legs so legs
28b7 so/ /bzang skyong lha de 'khor 'di nyid du 'dus par gyur nas 'dug ste/ bzang skyong des chos thams cad rang bzhin gyis yongs su mya ngan las 'das pa dag kun du shes so/ /lha des ni sngon sangs rgyas lnga brgya dag mnyes par byas
28b8 te/ de dag mnyes par byas pas lha de de ltar mngon par shes pa myur bar gyur to/ /bzang skyong sems can dge ba'i rtsa ba ma skyed pa rnams dang / dge ba'i rtsa ba yongs su ma smin pa rnams chos de dag la 'dul ba'i phyir
29a1 mos par nga mi smra'o/ /de bzhin du nyan thos rnams kyi mos pa ma mthong ngo / /bzang skyong chos de dag gang la las thos nas thos pa'i mod la mos par 'gyur ba 'am/ dad par 'gyur ba 'am/ yid ches par
29a2 'gyur ba'i dge ba'i rtsa ba de ni nang gi chung ngur 'gyur te/ de'i gong na shes rab kyi phung po'i ye shes shin du rgyas pas ye shes la 'jug pa'i dge ba'i rtsa ba rnams ni rgya che bar blta bar bya'o/ /de nas bzang skyong la sogs pa byang chub
29a3 sems dpa' lnga brgya tsam po de dag gis bcom ldan 'das la lag pa lta bu'i pad ma des gtor cing mngon par gtor nas tshig 'di skad ces gsol to/ /bcom ldan 'das gang dag lag pa lta bu'i pad ma'i chos kyi rnam
29a4 grangs de la dmigs nas yongs su tshol bar bgyid pa 'am/ nyan par bgyid pa de dag thams cad bla na med pa yang dag par rdzogs pa'i byang chub tu nges par 'gyur lags so/ /bcom ldan 'das phyogs bcu na
29a5 sangs rgyas bcom ldan 'das gang dag bzhugs te 'tsho zhing gzhes pa'i de bzhin gshegs pa dgra bcom pa yang dag par rdzogs pa'i sangs rgyas de dag la yang dmigs pa des 'di lta ste/ sems can rnams kyi byang
29a6 chub kyi phyogs kyi chos yongs su smin par bgyi ba'i slad du chos bstan par gsol ba 'debs lags so/ /de nas bcom ldan 'das kyis mkhyen bzhin du byang chub sems dpa' sems dpa' chen po bzang skyong la 'di
29a7 skad ces bka' stsal to/ /bzang skyong khyod la sems can rnams kyis phan btags sam ci na gang gi phyir khyod sems can rnams kyi byang chub kyi phyogs kyi chos yongs su smin par bya ba'i phyir sems can rnams kyi don du go cha
29a8 bgos shing / de bzhin gshegs pa dgra bcom pa yang dag par rdzogs pa'i sangs rgyas de dag la yang chos bstan par gsol ba 'debs/ de skad ces bka' stsal pa dang / bcom ldan 'das la byang chub sems dpa' sems dpa'
29b1 chen po bzang skyong gis 'di skad ces gsol to/ /bcom ldan 'das bdag la sems can de dag gis sman btags pas bdag gis de dag kyang sangs rgyas kyi zhing dag tu dgod par bgyi ba 'am/ de dag gis gnod pa bgyis
29b2 pas de dag sangs rgyas kyi zhing dag tu dgod par mi bgyi'o zhes gnod par bgyi ba 'am/ phan gdags pa'i slad du sems can rnams kyi don du go cha de bgos pa ma lags te/ bcom ldan 'das byang chub sems dpa' rnams de
29b3 lta bu'i go cha mi 'tshal ba'i slad du'o/ /bcom ldan 'das dper bgyi na yan lag thams cad las me tog kun tu rgyas pa'i shing yongs 'du sa brtol gyis sum bcu rtsa gsum pa'i lha rnams dga' bar 'gyur ba dang / yan lag
29b4 thams cad las me tog kun du rgyas pa'i shing yongs 'du sa brtol mthong nas/ de la yang sum bcu rtsa gsum pa'i lha rnams mi'i ma lags pa'i 'dod pa'i yon tan lnga po dag gis rtse zhing dga' la dga' mgur spyod par
29b5 bgyid par gyur na/ bcom ldan 'das 'o na ci sum bcu rtsa gsum pa'i lha rnams kyis yan lag thams cad las me tog kun du rgyas pa'i shing yongs 'du sa brtol la gnod par bgyi ba 'am/ sman gdags par
29b6 bgyis lags sam/ gang gi slad du yongs 'du sa brtol mthong nas sum bcu rtsa gsum pa'i lha rnams dga' bar 'gyur zhing / mi'i ma lags pa'i 'dod pa'i yon tan lnga po dag gis rtse zhing dga' la dga'
29b7 mgur spyod par bgyid cing yan lag thams cad las me tog kun du rgyas pa'i shing yongs 'du sa brtol du rig nas sum bcu rtsa gsum pa'i lha rnams dga' bar 'gyur/ bcom ldan 'das sum bcu rtsa gsum pa'i
29b8 lha rnams kyis yongs 'du sa brtol la gnod par bgyi ba 'am/ sman gdags pa ci yang ma bgyis lags mod kyi/ 'on kyang sum bcu rtsa gsum pa'i lha rnams kyis 'dod pa la longs spyod par bgyi ba'i slad du yan
30a1 lag thams cad las me tog kun tu rgyas pa'i shing yongs 'du sa brtol gyi thad du mngon par mchi bar 'os pa lags pa de bzhin du/ bcom ldan 'das bdag la sems can rnams kyis gnod par bgyi ba 'am/
30a2 sman gdags pa ma bgyis lags mod kyi/ 'on kyang ye shes sangs rgyas kyi ye shes de bsgrubs te/ yan lag thams cad las me tog kun du rgyas pa'i shing yongs 'du sa brtol bzhin du ci nas kyang sems can grangs
30a3 ma mchis dpag tu ma mchis pa de dag mngon par mchi ba'i 'os su bgyi ba'i slad du sems can rnams kyi don du de lta bu'i go cha 'tshal lags te/ de la yang sems can rnams dga' ba ma mchis pa'i de bzhin
30a4 gshegs pa'i dbang po lnga po dag gis sum bcu rtsa gsum pa'i lha dag bzhin du rtse zhing dga' la dga' mgur spyod par bgyid lags so/ /bcom ldan 'das bdag cag gis go cha de yang sems can las dben
30a5 par bgyi ba'i slad du bgos lags kyi/ sems can dmigs par bgyi ba'i slad du ma lags/ bdag las dben par bgyi ba'i slad du bgos lags kyi/ bdag dmigs par bgyi ba'i slad du ma lags/
30a6 chos las dben par bgyi ba'i slad du bgos lags kyi/ chos dmigs par bgyi ba'i slad du ma lags/ phung po las dben par bgyi ba'i slad du bgos lags kyi/ phung po dmigs par bgyi ba'i slad du ma
30a7 lags/ khams las dben par bgyi ba'i slad du bgos lags kyi/ khams dmigs par bgyi ba'i slad du ma lags/ skye mched las dben par bgyi ba'i slad du bgos lags kyi/ skye mched
30a8 dmigs par bgyi ba'i slad du ma lags te/ 'di lta ste/ dben pa'i go cha de lta bu'i go cha de bgos lags so/ /bcom ldan 'das go cha de ni dben pa'i go cha lags te/ de la ni go cha ma mchis go cha'i 'bras bu
30b1 ma mchis te/ gang yang thob par bgyi ba'i slad du ma lags/ dor bar bgyi ba'i slad du ma lags pa de lta bu'i go cha de bgos lags so/ /bdag 'di ni go cha'o zhes mos par mi bgyid cing g.yar gyis mi len pa dang /
30b2 go cha 'di ni 'di lta bu'o zhes g.yar gyis mi len pa dang / tshad de lta bu'o zhes g.yar gyis mi len pa dang / go cha 'di ni 'di'i phyir ro zhes g.yar gyis mi len pa de lta bu'i go cha de bgos lags so/ /bcom ldan 'das
30b3 gal te g.yar gyis blangs na ni bdag nye bar blangs par 'gyur ba zhig na/ bcom ldan 'das bdag nye bar mi len lags te/ de nye bar mi len cing byang chub sems dpa' ni bdag gam bdag ma mchis pa la mi gnas
30b4 pa'i slad du'o/ /bcom ldan 'das gal te bdag ma mchis pa la gnas na ni bdag kho na la gnas par 'gyur ba zhig na/ bcom ldan 'das chos thams cad mi gnas pa'i slad du'o/ /bcom ldan 'das
30b5 'jig rten du go cha de de ltar rab tu bsgoms pa lags te/ bcom ldan 'das ji ltar ci yang ma bsgoms pa de ltar rab tu bsgoms pa lags pa'i slad du'o/ /gzhan yang bcom ldan 'das la byang chub
30b6 sems dpa' sems dpa' chen po bzang skyong gis 'di skad ces gsol to/ /bcom ldan 'das bdag gis so so'i skye bo'i chos rnams thag ring zhes bgyi bar yang dag par rjes su ma mthong zhing / sangs
30b7 rgyas kyi chos rnams thag nye zhes bgyi bar yang dag par rjes su ma mthong / slob pa'i chos rnams thag ring zhes bgyi bar yang dag par rjes su ma mthong zhing / sangs rgyas kyi chos rnams thag nye zhes bgyi bar
30b8 yang dag par rjes su ma mthong / sangs rgyas kyi chos de dag ces de ltar yang yang dag par rjes su ma mthong zhing / sangs rgyas kyi chos de dag de bzhin zhes yang dag par rjes su ma mthong lags te/ bcom ldan
31a1 'das bdag gis phan yon ci yang yang dag par rjes su ma mthong zhing nyes dmigs ci yang yang dag par rjes su ma mthong ba de lta bu'i go cha bgos lags te/ 'jig rten du go cha de de ltar rab tu bgos
31a2 pa lags so/ /de nas bzang skyong la sogs pa byang chub sems dpa' lnga brgyas bcom ldan 'das la pad ma gang dag gtor ba de dag phyogs bcu'i 'jig rten gyi khams dag tu dong nas/ sangs rgyas bcom
31a3 ldan 'das rnams kyi steng du char bab cing sems can yongs su smin par yang byas so/ / bam po gsum pa/ yang de'i tshe shar phyogs su 'jig rten gyi
31a4 khams grangs med dpag tu med pa dag 'das pa de'i pha rol gyi yang ches pha rol na 'jig rten gyi khams mtshan gyi gzi brjid rgyal po zhes bya ba na de bzhin gshegs pa dgra bcom pa yang dag par rdzogs
31a5 pa'i sangs rgyas mtshan ma med pa'i nga ro zhes bya ba bzhugs te/ 'tsho zhing gzhes la chos kyang ston to/ /bcom ldan 'das des kyang byang chub sems dpa' sems dpa' chen po sems bskyed ma thag tu chos kyi
31a6 'khor lo bskor ba zhes bya ba 'di ni nga'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes bla na med pa yang dag par rdzogs pa'i byang chub tu lung bstan to/ /de nas
31a7 byang chub sems dpa' sems dpa' chen po sems bskyed ma thag tu chos kyi 'khor lo bskor bas snang ba chen po de mthong zhing gsung bstsal ba'i sgra de yang thos te/ de thos nas kyang de bzhin gshegs pa mtshan
31a8 ma med pa'i nga ro la 'di skad ces gsol to/ /bcom ldan 'das 'od gda' ba 'di dang / gsung bstsal ba'i sgra grag pa 'di su'i lags/ de skad ces gsol pa dang / bcom ldan 'das kyis byang chub sems
31b1 dpa' sems bskyed ma thag tu chos kyi 'khor lo bskor ba la 'di skad ces bka' stsal to/ /sems bskyed ma thag tu chos kyi 'khor lo bskor ba sangs rgyas kyi zhing 'di nas 'jig rten gyi khams grangs med dpag tu med pa dag
31b2 'das pa de'i pha rol gyi yang ches pha rol na 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te 'tsho zhing gzhes la/ byang chub sems dpa'i sde snod sems can thams
31b3 cad yang dag par tshim par byed pa sems can thams cad kyi the tshom gcod pa zhes bya ba'i chos kyi rnam grangs kyi chos kyang ston te/ 'od de dang / gsung bstsal ba'i sgra grag pa de ni de'i yin no/ /sangs rgyas
31b4 kyi zhing de na byang chub sems dpa' sems dpa' chen po bsam gyis mi khyab pa'i go cha bgos pa mtha' yas shing dpag tu med pa dag mtshams su lhags so/ /de nas bcom ldan 'das de la byang chub sems dpa' des
31b5 'di skad ces gsol to/ /bcom ldan 'das bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba'i slad du 'jig rten gyi khams mi mjed der bdag mchi bar bgyi'o/ /
31b6 byang chub sems dpa' de dag kyang blta bar bgyi'o/ /de ci'i slad du zhe na/ sems can de lta bu de dag thos par yang shin du dka' lags na lta ba lta smos kyang ci 'tshal zhing bsnyen bkur bgyi ba lta smos kyang ci 'tshal
31b7 ba'i slad du'o/ /de nas de bzhin gshegs pa dgra bcom pa yang dag par rdzogs pa'i sangs rgyas mtshan ma med pa'i nga ros byang chub sems dpa' sems dpa' chen po sems bskyed ma thag tu chos kyi 'khor lo skor ba
31b8 la 'di skad ces bka' stsal to/ /rigs kyi bu de'i dus la dbab par shes na song shig /de bzhin gshegs pas skabs phye bas/ de nas byang chub sems dpa' sems dpa' chen po sems bskyed ma thag tu chos kyi 'khor lo
32a1 skor ba stan las langs nas bcom ldan 'das de'i zhabs la mgo bos phyag 'tshal te bskor ba yang byas nas song ste/ bcom ldan 'das kyis sems bskyed ma thag tu chos kyi 'khor lo bskor ba khyod
32a2 kyis pad ma 'di nga'i tshig gis bcom ldan 'das de bzhin gshegs pa shAkya thub pa de la phul cig ces de'i lag tu pad ma gcig byin no/ /de nas byang chub sems dpa' sems bskyed ma thag tu chos kyi 'khor lo
32a3 bskor bas pad ma de lag pas blangs nas 'jig rten gyi khams mi mjed du 'ongs so/ /pad ma chen po de las kyang de bzhin gshegs pa dgra bcom pa yang dag par rdzogs pa'i sangs rgyas mtshan ma med pa'i nga
32a4 ro byang chub sems dpa'i spyad pa spyod pa na 'khor khyad par du 'phags pa gang dag byung bar gyur pa de dag thams cad kun du snang ste/ sems can de dag gis longs spyad par bya ba'i phyir pad ma chen po de lta bu dag gis
32a5 kyang 'jig rten gyi khams de khyab po/ /de nas byang chub sems dpa' sems dpa' chen po sems bskyed ma thag tu chos kyi 'khor lo bskor ba pad ma de thogs nas 'jig rten gyi khams mi mjed du son to/ /
32a6 'jig rten gyi khams mi mjed 'dir de phyin nas/ de nas de ma thag tu de nyid kyi tshe 'jig rten gyi khams mi mjed 'di na shing ljon pa'i rnam pa 'am/ 'bras bu'i rnam pa 'am/ me tog gi rnam pa 'am/ lo ma'i
32a7 rnam pa ji snyed yod pa dang / tha na sor bzhi tsam pa de thams cad byang chub sems dpa' sems bskyed ma thag tu chos kyi 'khor lo bskor ba'i lag pa las kun du snang ngo / /'jig rten gyi khams mi mjed 'di na
32a8 sems can ji snyed yod pa de dag gis rang rang gi skad dag mngon par brjod de/ de dag mngon par brjod pa na mi rtag pa dang / sdug bsngal ba dang / bdag med pa'i sgra grag cing / dbang po dang / stobs dang byang chub kyi
32b1 yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa'i sgra dag kyang grag go/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /a
32b2 la la de bzhin gshegs pa dgra bcom pa yang dag par rdzogs pa'i sangs rgyas kyi rdzu 'phrul mngon par 'du mdzad pa chen po 'di kun du gda' lags so/ /de skad ces gsol pa dang / bcom ldan 'das kyis tshe dang
32b3 ldan pa shA ra dwa ti'i bu la 'di skad ces bka' stsal to/ /shA ra dwa ti'i bu rdzu 'phrul mngon par 'du byed pa 'di ni de bzhin gshegs pa'i ma yin te shA ra dwa ti'i bu rdzu 'phrul mngon par 'du byed pa 'di ni byang chub sems
32b4 dpa' sems dpa' chen po sems bskyed ma thag tu chos kyi 'khor lo bskor ba'i yin no/ /shA ra dwa ti'i bu sangs rgyas kyi zhing 'di nas shar phyogs kyi phyogs char 'jig rten gyi khams grangs med dpag tu med pa dag
32b5 'das pa na/ 'jig rten gyi khams mtshan gyi gzi brjid rgyal po zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas mtshan ma med pa'i nga ro zhes bya ba bzhugs te/ 'tsho
32b6 zhing gzhes pa'i 'jig rten gyi khams de nas byang chub sems dpa' sems dpa' chen po sems bskyed ma thag tu chos kyi 'khor lo bskor ba zhes bya ba 'jig rten gyi khams mi mjed 'dir 'ongs te/ byang chub
32b7 sems dpa' de'i sngon gyi las kyi rnam par smin pas 'di snang ngo / /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das byang chub sems dpa' sems bskyed ma
32b8 thag tu chos kyi 'khor lo bskor bas dge ba'i rtsa ba ji snyed cig bsags shing dge ba'i rtsa ba gang dag bsags pas byang chub sems dpa' sems bskyed ma thag tu chos kyi 'khor lo bskor ba'i rnam par smin par yongs
33a1 su sbyang ba de lta bu de dag kun du gda' lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu khyod kyis de bzhin gshegs pa la
33a2 don de dri bar sems pa ni legs so legs so/ /shA ra dwa ti'i bu de bzhin gshegs pa'i mthu kho nas khyod kyi spobs pa de yang skyes pa yin te/ shA ra dwa ti'i bu de'i phyir nyon cig dang ngas khyod la bshad do/ /byang chub sems
33a3 dpa' sems dpa' chen po sems bskyed ma thag tu chos kyi 'khor lo bskor bas sangs rgyas bcom ldan 'das byang chub mngon par rdzogs par sangs rgyas te byang chub kyi snying po dam pa na bzhugs pa ji snyed byung ba la/ sngon thog mar chos bskul ba byas shing gsol ba byas te/
33a4 'dis sngon bla na med pa yang dag par rdzogs pa'i byang chub tu tshogs kyi dge ba'i rtsa ba dag bskyed de/ de dag gi thad du song nas kha cig la ni tshangs par gyur
33a5 pas bskul ba byas shing gsol ba btab bo/ /de dag gi thad du song nas kha cig la ni brgya byin du gyur pa dang / kha cig la ni 'khor los sgyur bar gyur pa dang / kha cig la ni rgyal po drang srong du gyur pas bskul
33a6 ba byas shing gsol ba btab bo/ /shA ra dwa ti'i bu 'di lta ste dper na/ nga thog mar mngon par rdzogs par sangs rgyas nas tshangs pa chen pos sems can las kyi sgrib pa chung ngu dang ldan pa dag mchis te/ chos ma thos
33a7 pa dag las nyams shing bcom ldan 'das kyi bka' bzhin du bgyid par yang 'gyur na/ bcom ldan 'das chos bstan du gsol/ bde bar gshegs pa chos bstan du gsol zhes chos kyi 'khor lo rab tu bskor
33a8 ba'i phyir bskul cing gsol ba btab pa de bzhin du/ shA ra dwa ti'i bu byang chub sems dpa' sems dpa' chen po sems bskyed ma thag tu chos kyi 'khor lo bskor bas sangs rgyas bcom ldan 'das ji snyed byung ba
33b1 la bcom ldan 'das chos bstan du gsol/ bcom ldan 'das chos kyi 'khor lo bskor du gsol zhes bskul cing gsol ba btab bo/ /'dis dge ba'i rtsa ba gang dag bsags pa de dag chos kyi 'khor lo bskor bar gsol ba gdab
33b2 pa ma gtogs par gang du yang yongs su ma bsngos te/ shA ra dwa ti'i bu de'i phyir don de rab tu grub par bya ba'i phyir khyod la dpe bya ste/ shA ra dwa ti'i bu stong gsum gyi stong chen po 'jig rten gyi khams de ni gang na zla ba
33b3 ther 'bum dang / nyi ma ther 'bum rgyu zhing gling chen po bzhi pa'i 'khor rgya mtsho chen po ther 'bum phrag bzhi dang / gling bzhi pa ther 'bum phrag bzhi dang / gling khrag khrig phrag bdun bcu dang / 'khor ri'i rgyal po
33b4 ri rab ther 'bum dang / nang gi khor yug ther 'bum yod pa ste/ shA ra dwa ti'i bu stong gsum gyi stong chen po'i 'jig rten gyi khams de ni yongs su brtag pa bzung nas 'di lta ste/ dper na rgya mtsho chen po dpag tshad brgyad
33b5 khri bzhi stong dang ldan pa bzhin du 'phang du'ang de tsam du gyur la/ shA ra dwa ti'i bu de nas stong gsum gyi stong chen po'i 'jig rten gyi khams de yungs 'brus gang bar gyur te/ de la stobs dang ldan zhing mthu dang brtson 'grus
33b6 thob pa'i mi la la zhig byung la/ des yungs 'bru'i phung po chen po de las spar gang blangs nas phyogs bzhir gtor te/ de yang rlung gis mngon par ded la/ gang yungs 'bru re re nas blangs te 'jig rten gyi khams
33b7 re rer 'phangs na/ shA ra dwa ti'i bu 'di ji snyam du sems/ yungs kar gyi 'bru re res bzung ba'i 'jig rten gyi khams de dag ji snyed du 'gyur/ de skad ces bka' stsal pa dang / bcom ldan 'das la tshe dang ldan pa shA
33b8 ra dwa ti'i bus 'di skad ces gsol to/ /bcom ldan 'das dpag tu ma mchis lags so/ /bde bar gshegs pa dpag tu ma mchis lags so/ /bka' stsal pa/ shA ra dwa ti'i bu khyod mos par bya/
34a1 khong du chud par bya ste/ shA ra dwa ti'i bu yungs 'brus yongs su zin pa'i 'jig rten gyi khams ji snyed yod pa de dag thams cad grong khyer chen po gcig tu gyur la/ grong khyer chen po de'i chu zheng du
34a2 ji tsam du gyur par 'phang du'ang de tsam du gyur te/ de'i ra ba sra zhing brtan te mi phyed la mi shigs pa dag kyang de tsam du gyur la/ shA ra dwa ti'i bu grong khyer chen po de yang 'di lta ste dper na/ 'bru'i snod byur bur
34a3 gyur pa bzhin du bye mas gang bar gyur na/ shA ra dwa ti'i bu 'di ji snyam du sems/ bye ma'i phung po de dag ji tsam du 'gyur/ gsol pa/ bcom ldan 'das dpag tu ma mchis lags so/ /bde bar gshegs pa
34a4 grangs ma mchis lags so/ /bcom ldan 'das kyis bka' stsal pa/ shA ra dwa ti'i bu khyod mos par bya/ khong du chud par bya ste/ rtsis mkhan nam/ rtsis mkhan chen po dag gis bye ma'i phung po dag gi tshad gzung
34a5 bar ni nus kyang srid kyi/ byang chub sems dpa' sems dpa' chen po sems bskyed ma thag tu chos kyi 'khor lo bskor bas thog ma mngon par rdzogs par sangs rgyas te byang chub kyi snying po dam pa na bzhugs pa gang
34a6 dag mnyes par byas nas/ bcom ldan 'das kyis chos kyi 'khor lo bskor du gsol zhes bskul cing gsol ba btab pa'i de bzhin gshegs pa de dag gi tshad gzung bar ni mi nus so/ /de bas ches mang ba'i sangs rgyas bcom
34a7 ldan 'das rnams la rin po che sna bdun las byas pa'i chos kyi 'khor lo dag byas te phul ba dang / de bas ches mang ba'i sangs rgyas bcom ldan 'das rnams la me tog gi 'khor lo dag dang / spos kyi 'khor lo dag phul ba yang
34a8 re shig bla na med pa yang dag par rdzogs pa'i byang chub tu yongs su ma bsngos na/ sangs rgyas bcom ldan 'das dag la gser dngul dang / shing las byas pa rnam pa sna tshogs kyis shin du brgyan pa'i 'khor lo gzhan dag phul ba
34b1 lta ci smos te 'di lta ste/ sangs rgyas bcom ldan 'das dag la de dag dbul ba na chos kyi 'khor lo bskor bar bya ba'i phyir dang / yang dang yang du gsol ba gdab pa'i phyir yongs su bsngos so/ /de'i 'og tu de bzhin gshegs pa dgra
34b2 bcom pa yang dag par rdzogs pa'i sangs rgyas rab kyi rtsal gyis rnam par gnon pa'i khyu mchog rgyal po zhes bya ba 'jig rten du byung ngo / /de'i tshe rgyal po rnam par bsgrags pa'i stobs kyis 'bar ba zhes bya ba zhig byung ste/ stong
34b3 gsum gyi stong chen po'i 'jig rten gyi khams na mi'i skye dgu'i 'khor los sgyur bas dbang phyug la dbang byed do/ /de gang gi tshe btsun mo'i 'khor tam/ bskyed mos tshal na 'dug par gyur kyang rung ste/ 'dod pa'i yon tan dag gis
34b4 dga' bar 'dod dam/ rtse bar 'dod dam/ dga' mgur spyod par 'dod na de la btsun mo'i 'khor de glu gar dang rol mo 'dod pa dang ldan pa dag byed cing / de'i tshe des mi rtag pa dang / sdug bsngal ba dang / bdag med pa'i sgra thos so/ /
34b5 de'i tshe de 'dod pa'i yon tan dag las yid byung bar gyur te/ ma chags pa'i yid dang / skrag pa'i yid dang / skyo ba'i yid dang ldan pas de bzhin gshegs pa rab kyi rtsal kyis rnam par gnon pa ga la ba der song ste phyin nas
34b6 bcom ldan 'das de'i zhabs la mgo bos phyag 'tshal te phyogs gcig tu 'dug pa dang / 'ongs pa de la bcom ldan 'das des sngon gyi dge ba'i rtsa ba gleng ba mdzad de/ des de thos nas 'di snyam du sems te/ de bzhin
34b7 gshegs pa de ni 'di ltar sgrib pa mi mnga' ba'i ye shes gzigs pa dang ldan te/ bcom ldan 'das de ni dus de srid 'das kyang dge ba'i rtsa ba dag thugs su chud kyi/ bdag gis ni de las dge ba'i rtsa ba gcig kyang
34b8 mi shes so snyam mo/ /'di lta ste/ sangs rgyas bcom ldan 'das de snyed la/ 'dod pa'i yon tan gyi sbag pas sbags pa/ rgyal srid kyi sbag pas sbags pa/ dbang phyug gis sbags pa bdag gis dge ba'i rtsa
35a1 ba dag byas shing byas nas kyang mngon par mi shes la/ byang chub tu yang yongs su ma bsngos su zin kyang gang da ltar bdag dge ba'i rtsa ba gang nges par mngon par 'du byed pa de sems can thams cad kyi don du yongs su
35a2 bsngo bar gyur cig /gang dang gang du so sor skye ba dang / gang dang gang du skye ba dang / sangs rgyas kyi zhing gang dang gang du 'gro bar gyur pa thams cad du sems can de dag la rang rang gi sgra mngon par brjod pas sgra 'byin par gyur cig /
35a3 de thams cad kyang sems can rnams kyis mi rtag pa dang / sdug bsngal ba dang / bdag med pa'i sgra thos par gyur cig /'jig rten gyi khams de dag na rtswa dang / nags tshal gang dag yod pa dang / tha na sor bzhi tsam pa dag
35a4 kyang rung ste/ thams cad las mi rtag pa dang / sdug bsngal ba dang / bdag med pa'i sgra 'byung bar gyur cig /sgra de yang sems can thams cad kyis thos par gyur cig /tshogs kyi dge ba'i rtsa ba de thams cad kyang 'di lta ste/
35a5 de bzhin gshegs pa rab kyi rtsal gyis rnam par gnon pa'i khyu mchog gi ye shes ji 'dra ba de lta bu'i theg pa chen po thob par bya ba'i phyir sems can thams cad dang thun mong du bya'o zhes rgyal po rnam par bsgrags pa'i
35a6 stobs kyis 'bar bas de ltar rig nas stan las langs te bcom ldan 'das de'i spyan sngar 'dug nas 'di skad ces gsol to/ /bcom ldan 'das gang du bdag dbang phyug la dbang bgyid pa'i rnam par rgyal ba na bdag
35a7 gi bdog pa gang ci yang rung / de thams cad sangs rgyas la sogs pa 'phags pa'i dge 'dun gyis longs spyad pa'i slad du phul lags so/ /phul nas kyang 'khor los sgyur ba'i rgyal po rnam par bsgrags pa'i
35a8 stobs kyis 'bar ba khyim nas khyim med par rab tu byung ste/ de rab tu byung bar rig nas rgyal po de'i dpung gi tshogs yan lag bzhi pa yang rjes su rab tu byung ngo / /rab tu byung bar rig nas rgyal po'i btsun mo'i 'khor
35b1 las khrag khrig phrag bzhi bcu rab tu byung ngo / /de dag rab tu byung bar rig nas grong mi dang / yul mi dag kyang rjes su rab tu byung ngo / /shA ra dwa ti'i bu mdor na khrag khrig phrag brgyad bcu rjes su rab tu byung ste/ de dag de ltar rab
35b2 tu byung ma thag tu brtson 'grus brtsams pas gnas so/ /dge ba'i chos yongs su tshol ba la mngon par brtson pas de dag ring po ma thogs pa nyid du mngon par shes pa lnga skyes so/ /de dag rang gi mngon par shes pa dang /
35b3 rdzu 'phrul gyi stobs dang / lus de nyid dang / skye ba de nyid kyis shar phyogs su sangs rgyas kyi zhing gang ga'i klung gi bye ma snyed dag tu sangs rgyas bcom ldan 'das gang gA'i klung gi bye ma snyed dag la bcom ldan 'das chos bstan du
35b4 gsol/ bde bar gshegs pa chos bstan du gsol zhes chos kyi 'khor lo bskor bar bskul cing gsol ba btab bo/ /de bzhin du lho phyogs dang / nub phyogs dang / byang phyogs dang / steng gi phyogs dang / de bzhin
35b5 du 'og gi phyogs dang / de bzhin du phyogs mtshams rnams su sangs rgyas kyi zhing gang ga'i klung gi bye ma snyed dag tu sangs rgyas bcom ldan 'das gang gA klung gi bye ma snyed dag la bcom ldan 'das chos bstan du gsol/
35b6 bde bar gshegs pa chos bstan du gsol zhes chos kyi 'khor lo bskor bar bskul cing gsol ba btab bo/ /de phyin chad byang chub sems dpa' sems dpa' chen po rnam par bsgrags pa'i stobs kyis 'bar ba de
35b7 sangs rgyas kyi zhing yongs su ma dag par nam yang ma skyes shing mngal du skye ba nam yang yongs su ma bzung ngo / /sangs rgyas kyi zhing gang dang gang du song ba'i sangs rgyas kyi zhing de na yal ga 'am/ 'dab ma 'am/
35b8 lo ma 'am/ shing ljon pa 'am/ nags tshal gang dag yod pa de dag thams cad las mi rtag pa dang / sdug bsngal ba dang / stong pa dang / bdag med pa'i sgra dag grag go/ /'jig rten gyi khams de dag na sems
36a1 can gang dag 'khod pa de dag kyang de'i tshe rang rang gi sgra rab tu brjod de/ phan tshun sgra thos shing mi rtag pa dang / sdug bsngal ba dang / bdag med pa'i sgra thos so/ /shA ra dwa ti'i bu de'i tshe de'i dus na de bzhin
36a2 gshegs pa rab kyi rtsal gyis rnam par gnon pa'i khyu mchog rgyal po de las sngon gyi tshogs kyi dge ba'i rtsa ba thos nas khyim nas khyim med par rab tu byung ste/ dge ba'i rtsa ba de yang sems can thams cad dang thun mong
36a3 du byas nas bla na med pa yang dag par rdzogs pa'i byang chub tu yongs su bsngos shing lus thob pa des kyang mngon par shes pa rnams so sor thob la/ ting nge 'dzin gyi stobs bskyed pas kyang shar phyogs su 'jig rten gyi
36a4 khams gang gA'i klung gi bye ma snyed dag tu song nas/ sangs rgyas bcom ldan 'das byang chub kyi snying po dam pa na bzhugs pa gang gA'i klung gi bye ma snyed dag la chos kyi 'khor lo bskor bar bskul cing gsol ba btab la/ de
36a5 bzhin du phyogs bcu thams cad du song nas rgyas par byas pa'i 'khor los sgyur ba'i rgyal po rnam par bsgrags pa'i stobs kyis 'bar ba zhes bya ba de gzhan zhig yin pa snyam du sems na/ shA ra dwa ti'i bu khyod kyis de
36a6 ltar blta bar mi bya ste/ shA ra dwa ti'i bu de ni byang chub sems dpa' sems bskyed ma thag tu chos kyi 'khor lo bskor ba 'di yin no/ /de nas byang chub sems dpa' sems dpa' chen po sems bskyed ma thag tu chos kyi
36a7 'khor lo bskor ba rgyal po'i khab kyi grong khyer chen po ga la ba dang / 'od ma'i tshal bya ka lan da ka gnas pa ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag
36a8 'tshal te phyogs gcig tu 'dug go/ /phyogs gcig tu 'dug nas kyang bcom ldan 'das la byang chub sems dpa' sems dpa' chen po sems bskyed ma thag tu chos kyi 'khor lo bskor bas 'di skad ces gsol to/ /
36b1 bcom ldan 'das de bzhin gshegs pa mtshan ma med pa'i nga ro bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol zhing / bcom ldan
36b2 'das des pad ma chen po 'di yang bskur ba lags na bcom ldan 'das bzhes su gsol/ bcom ldan 'das kyis byang chub sems dpa' sems dpa' chen po sems bskyed ma thag tu chos kyi 'khor lo bskor ba las pad ma
36b3 chen po de bzhes te/ bzhes nas kyang bcom ldan 'das kyis byang chub sems dpa' sems dpa' chen po sems bskyed ma thag tu chos kyi 'khor lo bskor ba la 'di skad ces bka' stsal to/ /rigs kyi bu ci sangs rgyas
36b4 kyi zhing de na bcom ldan 'das de bzhin gshegs pa mtshan ma med pa'i nga ro de stobs dang ldan nam/ bsnyun mi mnga' 'am/ 'gyur ba mi mnga' 'am/ bde bar reg pa la gnas sam/ bcom ldan 'das de bzhin gshegs pa mtshan
36b5 ma med pa'i nga ro de stobs dang ldan zhing bsnyun mi mnga' la 'gyur ba mi mnga' ste/ bde bar reg pa la gnas lags so/ /de ci'i slad du zhe na/ bcom ldan 'das sangs rgyas kyi zhing der ni 'di lta ste/ gsum yongs su
36b6 dag pa dang ldan pa'i sems can yongs su dag pa dag 'dus lags te/ gsum po gang zhe na/ bden par yongs su bsngo ba'i phyir dge ba'i rtsa ba yongs su dag pa dang / smon lam gyis tshul khrims tshad ma mchis pa
36b7 yongs su dag pa dang / chos thams cad mi dmigs pa'i lhag mthong gis yongs su bsngo ba'i phyir lta ba tshad ma mchis pa yongs su dag pa'o/ /bcom ldan 'das sangs rgyas kyi zhing de na tshul khrims nyams pa 'am/ lta ba
36b8 nyams pa 'am/ cho ga nyams pa'i sems can gang yang ma mchis lags so/ /bcom ldan 'das sangs rgyas kyi zhing de na nyams pa gsum po dag gi ming yang mi gda' lags so/ /bcom ldan 'das 'jig rten
37a1 gyi khams de las brtsams na mi mjed kyi 'jig rten gyi khams 'di ni dgum pa'i rib ma dang 'dra ste/ gcig la gcig 'gums par bgyid pa lags kyis/ bcom ldan 'das tshur gshegs 'jig rten
37a2 gyi khams der gshegs so/ /de skad ces gsol pa dang / bcom ldan 'das kyis byang chub sems dpa' sems bskyed ma thag tu chos kyi 'khor lo bskor ba la 'di skad ces bka' stsal to/ /rigs kyi bu 'jig rten
37a3 gyi khams der ci zhig bya ste/ 'jig rten gyi khams mi mjed 'di nyid du sems can rnams la chos bstan pas chog go/ /bcom ldan 'das la byang chub sems dpa' sems bskyed ma thag tu chos kyi 'khor lo bskor bas
37a4 lan gnyis su yang 'di skad ces gsol to/ /bcom ldan 'das tshur gshegs 'jig rten gyi khams der gshegs so/ /'jig rten gyi khams der gal te bcom ldan 'das mi gshegs na ni bdag gis rang gi
37a5 rdzu 'phrul gyi stobs dang / sems kyi smon lam gyi mthus 'jig rten gyis khams 'di sug par bzhag ste/ nam mkha' las 'jig rten gyi khams der gzhag par bgyi'o/ /bcom ldan 'das kyis byang chub
37a6 sems dpa' sems bskyed ma thag tu chos kyi 'khor lo bskor ba'i mthu yang dag par bstan pa'i phyir dang / sems can rnams kyi dge ba'i rtsa ba yang dag par bskyed pa'i phyir dang / yid dang bar bya ba'i phyir btang snyoms
37a7 su mdzad do/ /de nas byang chub sems dpa' sems bskyed ma thag tu chos kyi 'khor lo bskor bas stong gsum gyi stong chen po'i 'jig rten gyi khams 'di 'di lta ste/ dper na rdza mkhan nam/ rdza mkhan gyi slob ma
37a8 mkhas pa zhig gis rdza mkhan gyi 'phang lo la dbyugs gu bcugs pa 'khor bar byed cing / mig kyang sbrid par byed pa de bzhin du de'i tshe stong gsum gyi stong chen po'i 'jig rten gyi khams de yongs su bsgyur nas
37b1 mngon par bteg go/ /de nas 'jig rten gyi khams de mngon par bteg cing kun du 'khrugs pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das 'jig rten gyi khams 'di
37b2 khrid lags so/ /bde bar gshegs pa 'jig rten gyi khams 'di khrid lags so/ /de nas bcom ldan 'das kyis rnar snyan pa dang / snyan cing 'jebs pa dang / dga' bar byed pa dang / mnyan par 'os pa dang /
37b3 yid du 'ong ba dang / pho brang 'khor skyong gi skad dang / skye bo mang po dga' ba dang / zab pa dang / ma tshang ba med pa dang / shin tu rnam par rig par byed pa ye shes kyi rjes su 'jug pa'i tshig gis tshe dang ldan pa shA ra dwa ti'i
37b4 bu la bka' stsal pa/ shA ra dwa ti'i bu 'di la nga la dbang med do zhes de skad ces bka' stsal nas/ bcom ldan 'das kyis stong gsum gyi stong chen po'i 'jig rten gyi khams 'di go bar mdzad do/ /de ltar de'i tshe sems
37b5 can gang dag 'jig tshogs la lta ba kun du chags pa dang / 'jig tshogs la lta ba la gnas pa dang / 'jig tshogs la rten pa de dag thams cad de'i tshe skyo bar gyur cing skyo ba thob bo/ /de ltar 'khor bzhi po dag
37b6 gis ni de bzhin gshegs pa dgra bcom pa yang dag par rdzogs pa'i sangs rgyas byang chub sems dpas yongs su bskor cing chos ston pa 'khor los sgyur ba'i rgyal po bzhin du chos kyi gdan la bzhugs shing chos ston
37b7 pa/ mi mjed kyi bdag po tshangs pa bzhin du tshangs pas yongs su bskor te tshangs pa'i gdan la bzhugs shing chos ston pa mthong ngo / /de nas de'i tshe byang chub sems dpa' sems dpa' chen po sems bskyed
37b8 ma thag tu chos kyi 'khor lo bskor bas sangs rgyas kyi zhing gzhan yang yang dag par bstan pa byas so/ /de nas bcom ldan 'das kyis ji lta bu'i rdzu 'phrul mngon par 'du bya ba mngon par 'du mdzad pas rlung gi
38a1 dkyil 'khor chen po mngon par sprul pa mdzad pa de lta bu'i rdzu 'phrul mngon par 'du bya ba mngon par 'du mdzad do/ /ci nas sangs rgyas kyi zhing de dag phan tshun thug par mdzad do/ /'jig rten gyi khams de dag
38a2 kyang khong stong du gyur cing bu ga byung bar gyur te/ so sor zhig cing rab tu rnam par zhig go/ /de ltar de'i tshe de bzhin gshegs pa'i cho 'phrul chen po de lta bu de yang dag par bstan pa na 'jig rten gyi khams 'di na gang dag
38a3 lta ba'i 'du shes can/ rtag pa dang ther zug gi 'du shes can tshangs pa 'am/ tshangs pa chen po de dag ni rang rang gi tshangs pa'i gnas zhig cing / rab tu rnam par zhig la 'di lta ste/ dper na chu'i phung po chen pos dbu ba rdos
38a4 pa chen po bskyed na mngon par 'jig pa dang / rlung gi phung po chen pos gtor na rdul du 'gyur zhing rab tu 'jig pa de bzhin du tshangs pa de dag rang rang gi gnas su dong nas rdul du 'gyur zhing 'jig pa dag mthong ngo / /mthong
38a5 nas kyang shas cher skyo bar gyur to/ /de dag skyo bar gyur nas bcom ldan 'das nyag gcig la phyag 'tshal zhing 'khod do/ /de nas bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /
38a6 shA ra dwa ti'i bu ngas sngon yang bstan pa yin la/ da yang bstan par bya ste/ shA ra dwa ti'i bu kye ma 'jig rten gnas pa 'di ni yongs su sbag pas yongs su sbags pa'o/ /shA ra dwa ti'i bu kye ma 'jig rten gnas pa 'di ni
38a7 snying po med pa nyid kyi phyir dang / sgyu ma lta bu'i phyir dbu ba rdos pa lta bur gzung du med pa'o/ /shA ra dwa ti'i bu kye ma 'jig rten gnas pa 'di ni phyin ci log tu kun brtags pa'i phyir sgyu ma lta bu'o/ /shA ra dwa ti'i bu kye
38a8 ma 'jig rten gnas pa 'di ni nam mkha' la kun du rgyug pa'i kun du rtogs pas yongs su bcad pa'i phyir smig rgyu lta bu'o/ /shA ra dwa ti'i bu kye ma 'jig rten gnas pa 'di ni dngos por gzung du med pa'i phyir
38b1 mig yor lta bu'o/ /shA ra dwa ti'i bu kye ma 'jig rten gnas pa 'di ni nam mkha'i kun du rtog pa'i las kyis kun nas bslang ba'i phyir brag cha lta bu'o/ /shA ra dwa ti'i bu 'jig rten gnas pa 'di ji lta ba bzhin du/ shA ra dwa ti
38b2 'i bu 'jig rten gnas pa 'di phyin ci log tu de bzhin gshegs pas mngon par rdzogs par sangs rgyas so/ /shA ra dwa ti'i bu kye ma 'jig rten gnas pa 'di ni gsog yin te/ kye ma 'jig rten gnas pa 'di ni chags pa med
38b3 par de bzhin gshegs pas mngon par rdzogs par sangs rgyas so/ /shA ra dwa ti'i bu 'jig rten 'di ni ro myang ba med pa dang / nyes dmigs dang / nges par 'byung ba med pa'i bar du yang dag pa ji lta ba bzhin du ngas mngon
38b4 par mkhyen te/ de ltar ngas bla na med pa yang dag par rdzogs pa'i byang chub mngon par rdzogs par sangs rgyas par bdag nyid mngon par mkhyen to/ /shA ra dwa ti'i bu ngas 'jig rten 'di ji lta ba bzhin du mngon par mkhyen pa de
38b5 bzhin du 'jig rten kun 'byung ba dang / 'jig rten 'gog par 'gyur ba'i lam yang mngon par mkhyen te/ shA ra dwa ti'i bu da ltar ngas bla na med pa yang dag par rdzogs pa'i byang chub mngon par rdzogs par sangs rgyas par
38b6 bdag nyid mngon par mkhyen to/ /shA ra dwa ti'i bu de la 'jig rten gang zhe na/ shA ra dwa ti'i bu 'jig rten zhes bya ba ni phung po lnga dag go/ /lnga gang zhe na/ gzugs kyi phung po dang / tshor ba'i phung po dang / 'du shes kyi phung po
38b7 dang / 'du byed kyi phung po dang / rnam par shes pa'i phung po'o/ /shA ra dwa ti'i bu de la gzugs kyi phung po gang zhe na/ shA ra dwa ti'i bu gzugs kyi phung po ni de bzhin gshegs pas 'das pa dang / ma 'ongs pa dang / da ltar
38b8 byung ba spangs pa ste/ de la ngas 'das pa dang / ma 'ongs pa dang / da ltar byung ba'i gzugs kyi phung po gang spangs pa de ni sems can rnams gang 'das pa dang / gang ma 'ongs pa dang / gang da ltar byung ba
39a1 de thams cad ni gzugs kyi phung po ma yin no zhes de skad ces smra bar gyur na mi rung ste/ shA ra dwa ti'i bu de la de bzhin gshegs pa ni nang ngam/ phyi rol lam/ chen po 'am/ chung ngu 'am/ bzang po 'am/ ngan
39a2 pa 'am/ gang dag rgyang ring ba 'am/ gang dag thag nye ba dus gsum du bsdus pa de dag thams cad ni gzugs kyi phung po ste/ mtshan nyid med do zhes bstan to/ /dper na nam mkha'i phung po ni rlung gi rnam pa dang / chu'i rnam pa dang /
39a3 me'i rnam pa dang / sa'i rnam pa yin pa de bzhin du gzugs kyi phung po dang / tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung por brjod par bya'o/ /shA ra dwa ti'i bu ci'i
39a4 phyir 'di skad ces gzugs kyi phung po zhes bya zhe na/ shA ra dwa ti'i bu byis pa so so'i skye bo rnams ni mun par gyur pa ste/ de dag lus la gzugs kyi mtshan nyid ji lta ba bzhin dang / ji snyed pa rab tu mi shes pas
39a5 bdag gzugs yin no/ /gzugs bdag gi yin no zhes rnam par rtog par byed la/ bdag go zhes kyang kun du shes shing gnas par byed de/ de dag de ltar kun du shes shing gnas par byed la/ rlom sems su byed
39a6 pas dngos po de la yongs su sred pa skyed par byed de/ shA ra dwa ti'i bu dngos po'i tshul shes pa de ni de lta ma yin no/ /de dag ni de ltar mig dang gzugs dngos po med do zhes shes pa mi skyed de/ de ltar med pa'i
39a7 chos rnams yongs su gzung nas byis pa rnams rtogs pa skyed par byed do/ /rtog pa skyes pa'i byis pa de dag ni dngos po de la 'jug par 'gyur zhing / de dag gi nyes pa'i khams dag kyang skye bar 'gyur ro/ /
39a8 de ltar dngos po med pa spyod yul pa/ kha dog dang bral ba spyod yul pa/ kha dog med pa'i spyod yul pa de dag ni shas cher rmongs par 'gyur ro/ /rmongs pa de dag ni zhing las byed par 'gyur zhing / mtshon cha sna tshogs
39b1 kyis 'debs pa lhur len par yang 'gyur ro/ /de dag gi mngon par 'du byed pa de ni rmongs pa yin no/ /de la de bzhin gshegs pas ni dngos po mnyam pa nyid kyis lta ba mnyam pa nyid rjes su sangs rgyas shing / de rjes su
39b2 sangs rgyas pas yang dag pa'i lta ba 'dogs par mngon par mdzad de/ lta ba de ni mnyam pa yin pas des na yang dag pa'i lta ba zhes bya'o/ /yang dag par brtson pa rnams dang / yang dag par rnam par grol ba rnams kyi
39b3 lta ba de ni yang dag par zhugs pa yin pas des na yang dag pa'i lta ba zhes bya'o/ /shA ra dwa ti'i bu ngas yang dag pa'i lta ba gang bshad pa de ni sgras bstan par mi nus te/ bstan par bzod par dka' ba yin/ shA ra dwa ti'i bu
39b4 de la bsgrubs shig dang bsgrubs na khyed cag kyang mun pa med par 'gyur ro/ /shA ra dwa ti'i bu chos kyi phung po 'di ni 'khor chos kyi phung po brgyad khri bzhi stong dang ldan pa zhes bya'o/ /'di ni 'dus byas dang / 'dus ma byas
39b5 kyi chos thams cad kyi sgo yin te/ chos kyi tshul yang de yin no/ /de bzhin gshegs pa dgra bcom pa yang dag par rdzogs pa'i sangs rgyas kyis chos kyi phung po bstan pa 'di bshad pa na khrag khrig phrag bdun bcu
39b6 rtsa bdun ni chos rnams la chos kyi mig rdul med cing dri ma dang bral ba rnam par dag go/ /'dod pa na spyod pa'i lha khrag khrig kyang chos rnams la chos kyi mig rdul med cing dri ma dang bral ba rnam par dag go/ /mi'i
39b7 skye dgu'i sems can dpag tu med pa dag kyang chos rnams la chos kyi mig rdul med cing dri ma dang bral ba rnam par dag go/ /'dzam bu'i gling pa bye ba brgya phrag ji snyed yod pa dang / de dag gi nang na byang chub sems
39b8 dpa' gang dag gnas pa de dag ni mi skye ba'i chos la bzod pa thob par gyur to/ /sems can dpag tu med pa dag gis ni bla na med pa yang dag par rdzogs pa'i byang chub tu sems bskyed do/ /de nas bcom ldan 'das
40a1 kyis rdzu 'phrul mngon par 'du mdzad pa de phyir bsdu ba mdzad do/ /de nas 'khor bzhi po dang / tshangs pa'i 'khor de dang / 'dod pa na spyod pa'i lha'i 'khor dang / gzhan yang lha dang / klu dang / gnod sbyin dang / dri
40a2 za dang / lha ma yin dang / nam mkha' lding dang / mi 'am ci dang / lto 'phye chen po dag gis kyang 'jig rten gyi khams ji ltar gnas pa bzhin du mthong ngo / /de nas de'i tshe tshe dang ldan pa maud gal gyi bu chen po
40a3 stan las langs te/ chos gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces
40a4 gsol to/ /bcom ldan 'das byang chub sems dpa' sems dpa' chen po sems bskyed ma thag tu chos kyi 'khor lo bskor ba ji tsam du shin du rdzu 'phrul chen po dang ldan pa ni ngo mtshar lags so/ /bcom ldan
40a5 'das 'jig rten gyi khams 'di dang / bcom ldan 'das kyang mngon par bteg nas 'jig rten gzhan du bzhag lags kyang / de'i tshe bdag gis mtshan ma yang ma 'tshal cing / rdzu 'phrul gyi ming yang mi dran
40a6 lags na rdzu 'phrul mngon par 'grub pa lta smos kyang ci 'tshal/ bcom ldan 'das bdag ni 'di snyam du sems lags te/ a la la byang chub sems dpa' de rdzu 'phrul chen po dang ldan pa ni ngo mtshar ro snyam
40a7 lags so/ /bcom ldan 'das bdag gis dus 'gyur ba yang glo bar ma chud cing bdag cag yun ji srid nas drangs pa 'am/ yun ji srid nas khrid pa yang skad cig gcig dang / thang cig gcig tsam yang glo bar ma
40a8 chud la/ yud tsam gcig kyang rjes su mi dran lags kyang bdag ni 'di snyam sems lags te/ re shig byang chub sems dpa'i rdzu 'phrul de yang de lta bu lags na de bzhin gshegs pa'i lta smos ci 'tshal snyam lags
40b1 so/ /de skad ces gsol pa dang / bcom ldan 'das kyis tshe dang ldan pa maud gal gyi bu la bka' stsal pa maud gal gyi bu khyod 'jig rten gyi khams 'di drangs shing kun du drangs pa 'am/ de bzhin gshegs pa khrid cing kun du khrid do snyam
40b2 du sems na/ maud gal gyi bu khyod kyis de ltar blta bar mi bya'o/ /maud gal gyi bu de bzhin gshegs pa'i chos gos kyi grwa tsam yang bsgul ba'i bdag por gyur pa gzhan dge sbyong 'am / bram ze 'am/ nyan thos sam/ rang sangs
40b3 rgyas sam/ lha nas lto 'phye chen po'i bar du yang ngas yang dag par rjes su ma mthong na de bzhin gshegs pa mngon par 'degs par nus par 'gyur ba lta ci smos te de ni gnas med do/ /maud gal gyi bu re shig lha dang bcas
40b4 pa'i 'jig rten lta zhog gi/ maud gal gyi bu yongs su brtag pa bzung ste/ stong gsum gyi stong chen po'i 'jig rten gyi khams na sems can gzugs can nam/ gzugs can ma yin pa 'am/ 'du shes can nam/
40b5 'du shes can ma yin pa 'am/ 'du shes can yang ma yin 'du shes can ma yin pa yang ma yin pa ji snyed yod pa sems can du gdags pas gdags pa ji snyed yod pa de dag thams cad mi'i lus thob par
40b6 gyur te/ mi'i lus thob nas rab tu byung bar gyur la/ rab tu byung ba de dag thams cad kyis dgra bcom pa nyid rjes su thob par gyur cing mngon par shes pa drug mngon du byas par gyur la/ maud gal gyi
40b7 bu dper na da ltar khyod bzhin du rdzu 'phrul gyi stobs de lta bu dang yang ldan par gyur na/ maud gal gyi bu 'di ji snyam du sems/ rdzu 'phrul dang ldan pa 'dus pa de mang ba yin nam/ gsol pa/ bcom ldan 'das
40b8 de lta lags so/ /maud gal gyi bu nyan thos de dag gis stong gi 'jig rten gyi khams lag pa gcig gis blangs shing / stong gnyis pa dang / stong gsum gyi 'jig rten gyi khams kyang lag pa gcig
41a1 gis blangs nas 'jig rten gyi khams gang gA klung gi bye ma snyed du chag par gyur kyang / rdzu 'phrul dam pa thob pa de lta bu de dag gis kyang de bzhin gshegs pa'i chos gos nam mkha' la 'dug pa'i
41a2 grwa gcig kyang bsgul bar mi nus so/ /maud gal gyi bu khyod dang 'dra ba de snyed 'dus pa lta zhog gi/ maud gal gyi bu gal te 'dir sems can la la zhig skyes par gyur cing / 'di lta ste/ gang stong gsum gyi stong chen
41a3 po'i 'jig rten gyi khams de bzhin gshegs pas byin gyis ma brlabs pa kha'i rlung gcig gis rnam par 'thor bar byed/ rdul du rlog par byed/ rnam par 'joms par byed pa'i rdzu 'phrul de lta bu dang ldan par gyur la/
41a4 stong gsum gyi stong chen po'i 'jig rten gyi khams las byung ba'i rdul des kyang 'jig rten gyi khams gang gA klung gi bye ma snyed kun du nog nog por gyur cing / 'jig rten gyi khams gang gA klung gi bye ma snyed las byung
41a5 ba'i rdul de des phyir yang brtul nas stong gsum gyi stong chen po'i 'jig rten gyi khams su so sor bzhag par gyur na/ maud gal gyi bu 'di snyam du sems/ 'o na sems can de rdzu 'phrul gyi pha rol tu phyin pa thob pa
41a6 yin nam/ gsol pa/ bcom ldan 'das de lta lags so/ /bcom ldan 'das kyis bka' stsal pa/ maud gal gyi bu stong gsum gyi stong chen po'i 'jig rten gyi khams 'di lta ste/ dper na bu ram
41a7 shing gi tshal lam/ 'dam bu'i tshal lam/ skam sa'i 'dam bu'i tshal lam/ 'bras kyi zhing 'am/ til gyi zhing bzhin du/ sems can de lta bu dag gis gang bar gyur kyang maud gal gyi bu sems can rdzu
41a8 'phrul dam pa'i pha rol tu son pa de lta bu de dag gis kyang de bzhin gshegs pa'i chos gos kyi grwa tsam yang bsgul bar mi nus na de bzhin gshegs pa mngon par gdegs par bya ba lta ci smos te de ni gnas med do/ /
41b1 maud gal gyi bu de bzhin gshegs pa gnas de nyid du gnas shing seng ge'i gdan de nyid la bzhugs nas/ shar phyogs su 'jig rten gyi khams gang gA klung gi bye ma snyed kyi 'jig rten gyi khams grangs med dpag tu
41b2 med pa g.yo bar mdzad/ kun du g.yo bar mdzad/ kun du rab tu g.yo bar mdzad kyang sems can de dag 'di snyam du bdag cag 'jig rten gyi khams gzhan du khrid do/ /kun du khrid do snyam 'am/ kye ma 'jig rten gyi
41b3 khams 'di 'jig go 'chags so snyam du mi sems so/ /de dag 'di snyam du kye ma 'jig rten gyi khams 'di 'thor ro/ /rnam par 'jig go snyam du mi sems te/ sems can de dag la 'dul ba'i dbang gis kha
41b4 cig la ni sangs rgyas kyi gzugs kyis mtshan ma med pa'i tshul dag gis chos ston te/ nyan thos dang / lha dang / mi dang / klu dang / khye'u dang / bu mo'i gzugs kyis kyang de bzhin no/ /maud gal gyi bu sangs rgyas
41b5 kyi stobs dang / mi 'jigs pa dang / ma 'dres pa dang / rdzu 'phrul khyu mchog du gyur pa ji snyed pa de snyed kyi chos kyi rnam grangs dag la khyod yid ches par gyis shig /phyogs bcu thams cad tu yang de bzhin no/ /maud
41b6 gal gyi bu gal te khyod kyis de bzhin gshegs pa'i spyod yul shes pa lta na de la yang khyod spobs par mi 'gyur ro/ /maud gal gyi bu ngas dge slong kun dga' bo la 'di lta ste/ mdo'i sde dang / dbyangs kyis bsnyad pa'i sde dang /
41b7 lung du bstan pa'i sde dang / de lta bu byung ba'i sde dang / skyes pa rabs kyi sde dang / shin du rgyas pa'i sde dang / rmad du byung ba'i chos kyi sde dang / rtogs pa brjod pa'i sde dang / gtan la phab par bstan pa'i sde'i gzungs kyi sgo dag
41b8 bstan kyang / maud gal gyi bu dge slong kun dga' bos ni de bzhin gshegs pa'i spyod yul kun shes par mi nus so/ /de ci'i phyir zhe na/ maud gal gyi bu de bzhin gshegs pa'i yi ge gcig kyang nyan thos thams
43a1 cad kyis bskal pa 'am/ bskal pa brgya 'am/ bskal pa stong 'am/ bskal pa 'bum du'ang kun shes pa 'am/ bsam pa 'am/ kun chub par mi nus pa'i phyir te/ de bzhin gshegs pa'i
43a2 spyod yul lta ci smos/ maud gal gyi bu de la de bzhin gshegs pa dmigs pa dang / spyod pa dang / spyod lam rnam pa sna tshogs kyis sems can rnams la 'doms par mdzad cing / sems can rnams la chos
43a3 ston par mdzad kyang / maud gal gyi bu de bzhin gshegs pa'i chos gos gsol ba las sems can ji snyed kyi don mdzad pa dang / de las chos bstan pa ji lta bu 'byung ba yang nyan thos thams cad kyis kun
43a4 shes par mi nus te/ maud gal gyi bu de la yang khyod spobs par mi 'gyur na de bzhin gshegs pa'i spyod yul rab tu shes pa lta ci smos te de ni gnas med do/ /de nas bcom ldan 'das kyis de'i tshe pad ma
43a5 chen po de bzhes nas/ byang chub sems dpa' sems dpa' chen po bzang skyong la sogs pa byang chub sems dpa' sems dpa' chen po chos kyi grong khyer yongs su skyong bar byed pa de dag la bka'
43a6 stsal pa/ rigs kyi bu dag khyed kyis de bzhin gshegs pa'i chos kyi gter de bsrung ba 'am/ sba ba 'am/ de bzhin gshegs pa'i spyod yul kun shes pa 'am/ brjod pa 'am/ bstan pa 'am/ yang
43a7 dag par rab tu bstan par nus sam/ de dag gis gsol pa/ bcom ldan 'das rngo thog lags so/ /bka' stsal pa/ rigs kyis bu dag de'i phyir khyed kyis chos gang dang gang kho na ston pa de thams cad de
43a8 bzhin gshegs pa'i gter/ de bzhin gshegs pa'i spyod yul la rnam par bltas nas bstan par bya'o/ /rigs kyi bu dag gang sangs rgyas kyi ye shes yongs su rdzogs pa dang / sangs rgyas kyi byang chub yongs su
43b1 rdzogs pa dang / sangs rgyas kyi ye shes grub pa dang / sangs rgyas kyi byang chub grub pa dang / yang dag par brjod pas brjod pa des na rigs kyi bu dag de bzhin gshegs pa'i spyod yul de yang dag par brjod pas brjod
43b2 par bya'o/ /rigs kyi bu dag gang du dmigs pa mthong ba der de bzhin gshegs pa'i spyod yul la rnam par bltas nas nges par bstan par bya'o/ /de bzhin gshegs pas chos bstan pa de ni gang du sems can gyi
43b3 spyod pa mthong ba der de bzhin gshegs pa'i spyod yul la rnam par bltas nas sems can de dag gi spyod pa de bzhin gshegs pas chos bstan pa'i spyod pas de dag rnam par bzlog par bya ba'i phyir bstan pa ma yin
43b4 no/ /gang dag de bzhin gshegs pas mkhyen pa'i dbang po stong phrag dgu bcu rtsa dgu ni 'dod chags spyod pa rnams kyi spyod pa de dag dang / zhe sdang spyod pa rnams dang / gti mug spyod pa rnams kyi spyod pa de dag
43b5 dang / 'dod chags dang / zhe sdang dang / gti mug bcos ma spyod pa rnams kyi spyod pa de dag dang / 'dod chags dang / zhe sdang spyod pa rnams kyi spyod pa de dag dang / 'dod chags dang / zhe sdang bcos ma
43b6 spyod pa rnams kyi spyod pa de dag dang / 'dod chags dang / gti mug spyod pa rnams kyi spyod pa de dag dang / 'dod chags dang / gti mug bcos ma spyod pa rnams kyi spyod pa de dag dang / zhe sdang dang / gti mug
43b7 spyod pa rnams kyi spyod pa de dag dang / zhe sdang dang / gti mug bcos ma spyod pa rnams kyi spyod pa de dag dang / bsam pa yongs su sbyong bar byed pa'i dbang po de dag dang / dngos po bsgrub pa'i yongs su sbyong bar
43b8 byed pa'i dbang po de dag dang / srid pa sgrub pa yongs su sbyong bar byed pa'i dbang po de dag dang / sbyor ba las byung ba'i dbang po de dag dang / las byed pa sgrub pa yongs su sbyong bar byed pa'i dbang po de dag dang / nag po'i
44a1 chos slong bar byed pa'i dbang po de dag dang / dkar po'i chos kun nas slong bar byed pa'i dbang po de dag dang / gnag cing dkar ba'i chos slong bar byed pa'i dbang po de dag dang / lam gyi rjes su 'thun
44a2 par byed pa'i dbang po de dag dang / zhi gnas kyi rjes su 'thun pa'i dbang po de dag dang / lhag mthong gi rjes su 'thun pa'i dbang po de dag dang / zad pa'i rjes su 'thun pa'i dbang po de dag dang / mi skye ba'i rjes su
44a3 'thun par byed pa'i dbang po de dag dang / bden pa'i rjes su 'thun pa'i dbang po de dag go/ /maud gal gyi bu de la sngon gyi spyod pa'i tshogs dang ldan pa'i dbang po stong phrag nyi shu ni gang gis kha dog nag po 'am/
44a4 dkar sham 'am/ mdog bzang po 'am/ mdog mi sdug pa 'am/ gyol po 'am/ lag sor rdum po 'am/ zha bo 'am/ 'on pa 'am/ zhar ba 'am/ lce med pa sgrub par byed pa nag po 'am/ gnag cing
44a5 dkar ba'i las kun nas slong bar byed pa dag go/ /sngon gyi spyod pa'i tshogs dang ldan pa'i dbang po stong phrag nyi shu ni gang gis dbyibs ring po 'am/ thung ngu 'am/ skem po 'am/ sbom po 'am/ bar ma
44a6 sgrub par byed pa'i las kun nas slong bar byed pa dag go/ /gang dag mig dang / rna ba dang / sna dang / lce dang / lus dang / yid kyi dbang po 'gyur ba rnams kyi sbyor ba la gnas shing sngon gyi las mngon par
44a7 sgrub pa'i dbang po stong phrag nyi shu ni 'dod chags pa 'am/ zhe sdang ba 'am/ gti mug pa 'am/ 'dod chags dang bral ba 'am/ zhe sdang dang bral ba 'am/ gti mug dang bral ba yin no/ /skye ba'i 'bras bu
44a8 mngon par 'grub pa'i dbang po stong phrag sum bcu ni 'chi ba'i dus byed pa yin no/ /de dag ni 'gyur ba mngon par grub pa 'am/ mtshan ma mngon par 'grub pa na snang bar gyur te/ yan lag rnams 'gre ldog pa dang / dbang po
44b1 'gyur ba dang / yan lag gi tshigs dag 'chad cing gnad dag 'jig pa na mdog mi sdug pa nyid du snang ba de dag ni mgul sgra ngar ngar pos 'gags pa yin par shes par bya ste/ de ni sems can dmyal ba'i skye gnas
44b2 sam/ dud 'gro'i skye gnas sam/ gshin rje'i 'jig rten du 'dren par byed cing / sangs rgyas rnams mngon du bya ba'i phyir mi rnams kyi nang du 'am/ lha rnams kyi nang du 'am/ 'jig rten gyi khams gzhan
44b3 du skye ba 'am/ zag pa zad pa mngon du byed par 'dren par byed pa'o/ /de la dbang po stong phrag bdun bcu rtsa bdun ni dge ba'i rtsa ba'i rnam pa la mos pa las blta bar bya'o/ /dbang po stong phrag nyi shu ni mi dge ba'i
44b4 rtsa ba'i rnam pa yongs su 'dren par byed pa dag ste/ 'chi ba'i dus byed pa'i yin par shes par bya'o/ /de bzhin gshegs pa'i gter de ni de bzhin gshegs pa rnams kyi spyod yul yin te/ de bzhin gshegs pa
44b5 dag de la gnas nas chos rnam par 'grel bar mdzad cing zad par yang mi 'gyur la ngoms par yang dag par rjes su ma mthong ngo / /rdzu 'phrul mngon par 'du mdzad pa'i che ba'i bdag nyid kyi bsngags pa
44b6 brjod pa'i le'u zhes bya ste gnyis pa'o// // de'i tshe 'khor de nyid du brtan pa'i blo gros gzhon nur gyur pa zhes bya ba 'dus par gyur te 'dug go/ /de nas byang chub sems
44b7 dpa' sems dpa' chen po brtan pa'i blo gros gzhon nur gyur pa stan las langs te bla gos phrag pa gcig tu gzar nas pus mo g.yas pa'i lha nga sa la btsugs te thal mo sbyar ba btud nas bcom ldan
44b8 'das la gsol pa/ bcom ldan 'das chos kyi sgo 'di dag las bdag gis rnyed pa brnyed lags te/ bcom ldan 'das de'i slad du ci tsam du chos de nyid yongs su grub par bgyi ba'i don du chos kyi sgo 'di la spyad par bgyi'o/ /
45a1 de ci'i slad du zhe na/ bcom ldan 'das bdag gis deng slan chad 'di lta ste/ chos de dag yongs su btsal ba dang / yongs su grub par bgyi ba'i slad du de lta bu'i go cha bgos pa'i slad du ste/ slad kyis
45a2 kyang slad ma'i tshe slad ma'i dus na de bzhin gshegs pa'i spyod yul chos kyi gter de thos kyi bar du brtson 'grus dor bar yang mi bgyi'o/ /de skad ces gsol pa dang / bcom ldan 'das kyis byang chub
45a3 sems dpa' sems dpa' chen po brtan pa'i blo gros la 'di skad ces bka' stsal to/ /brtan pa'i blo gros khyod nga'i ye shes chen po bskal pa bye ba grangs med pas yang dag par bsgrubs pa yongs su tshol ba la mngon
45a4 par brtson zhing mngon par brtson par byed pa ni legs so legs so/ /brtan pa'i blo gros khyod yang legs so/ /brtan pa'i blo gros yongs su brtag pa bzung ste/ gal te stong gsum gyi stong chen po'i 'jig rten gyi
45a5 khams na sems can gzugs can nam/ gzugs can ma yin pa 'am/ 'du shes can nam/ 'du shes can ma yin pa 'am/ 'du shes can yang ma yin 'du shes can ma yin pa yang ma yin pa ji snyed yod pa
45a6 de dag thams cad skad cig gcig dang / thang cig dang / yud tsam cig la mi'i lus thob par gyur te/ de nas gang sems can de dag la bde ba'i yo byad thams cad nye bar sgrub par byed pa'i mi la la zhig byung
45a7 bar gyur la/ de nas mi des sems can de dag lag pa ya gcig gis blangs nas bskal pa 'am/ bskal pa las lhag par 'dzin par byed cing / de'i tshe sems can de dag gzugs rnams sam/ sgra rnams sam/
45a8 dri rnams sam/ ro rnams sam/ reg bya rnams la sems skyes par gyur na yang de nas mi des de dag thams cad nye bar sbyin par byed la/ sems can de dag gi bshang ba 'am gci ba yang lag pa gcig shos kyis
45b1 blangs nas 'jig rten gyi khams gzhan du 'dor bar byed de/ de ci'i phyir zhe na/ sems can de dag dri mi zhim par gyur na mi rung ngo snyam du sems na/ brtan pa'i blo gros 'di ji snyam du sems/ 'o na mi des
45b2 sems can de dag la bde ba'i yo byad thams cad kyis rim gro byas par 'gyur ram/ gsol pa/ bcom ldan 'das mi des bde ba'i yo byad shin tu mang pos rim gro bgyi ba lags so/ /bka' stsal pa/ brtan pa'i
45b3 blo gros mi des sems can de dag la bde ba'i yo byad thams cad kyis so sor rim gro byas la/ rigs kyi bu 'am/ rigs kyi bu mo gang sems can thams cad kyi don du de bzhin gshegs pa bzhugs kyang rung /
45b4 yongs su mya ngan las 'das kyang rung ste/ bla na med pa yang dag par rdzogs pa'i byang chub tu sems bskyed cing / byang chub sems dpa'i sde snod kyi chos kyi rnam grangs nyan pa la mos par 'gyur la/ sangs rgyas
45b5 kyi ye shes ye shes chen po de yang dag par bsgrubs nas/ 'dod chags dang / zhe sdang dang / gti mug spang ba'i phyir dang / skye ba dang / rga ba dang / na ba dang / 'chi ba dang / smre sngags 'don pa dang / sdug bsngal ba dang /
45b6 yid mi bde ba dang / 'khrug pa las yang dag par 'da' bar bya ba'i phyir sems can rnams la de bzhin du chos bstan par bya'o snyam ste/ byang chub sems dpa'i dge ba'i rtsa ba yongs su smin par byed pa dang ldan
45b7 pas de yongs su tshol ba na tshig bzhi pa'i tshigs su bcad pa gcig tsam zhig rnyed par gyur na/ brtan pa'i blo gros sems can la bde ba'i rim gros so sor rim gro byas pa'i bsod nams kyi phung po 'di la
45b8 bsod nams kyi phung po snga ma des brgya'i char yang nye bar mi 'gro ba nas/ stong gi cha'i bar du yang mi bzod cing / grangs dang / cha dang / bgrang ba dang / rgyu dang / dpe'i char yang mi bzod do/ /
46a1 bam po bzhi pa/ brtan pa'i blo gros byang chub sems dpa' sems dpa' chen pos ji ltar sems can rnams la bde ba'i yo byad ji lta bus so sor rim gro byas pa ni de bzhin gshegs pas so sor
46a2 mkhyen te/ brtan pa'i blo gros gnas 'di la nga'i nyan thos bden pa mthong ba dang / byang chub sems dpa' sems dpa' chen po lhag pa'i bsam pa la yang dag par zhugs pa ma gtogs par su zhig mngon par yid
46a3 ches par byed/ brtan pa'i blo gros byang chub sems dpa' sems dpa' chen po ni bdag cag gis sems can gnas med pa rnams kyi gnas su 'gyur bar bya/ skyabs med pa rnams kyi skyabs su 'gyur bar bya/ sems
46a4 can gling med pa rnams kyi gling du 'gyur bar bya/ sems can dpung gnyen med pa rnams kyi dpung gnyen du 'gyur bar bya zhing / bdag cag gis theg pa chen po sangs rgyas kyi ye shes ye shes chen po de yang dag par bsgrub
46a5 par bya/ sems can tshad med grangs med pa dag zag pa med pa'i chos rnams la yang dag par sbyar bar bya'o snyam nas de lta bu'i go cha gyon par byed pa yin yang / gal te sems can de dag la snga dro'i dus su rin po che'i phung
46a6 po ri rab dang mnyam pa dag nye bar sbyin dgos par gyur cing / de bzhin du nyi ma'i gung gi dus dang / phyem red kyi dus dang / nyin mtshan du yang rung ste/ rin po che'i phung po ri rab dang mnyam pa dag nye bar sbyin dgos par gyur la/ sems
46a7 can de dag de lta bus tshim par yang mi 'gyur zhing / 'di ltar rkyen de dag gis log par ltung bar 'gro ba dag tu 'gyur ba'i gnas dag kyang yod na/ kye bdag cag gis sems can de dag 'di ltar re shig stong gsum gyi stong chen po'i 'jig
46a8 rten gyi khams rin po ches bkang ba 'di la mchil ma lta bu'i 'du shes skyed par 'gyur ba de lta bu'i chos yongs su btsal bar bya'o snyam na rdzas bsags pa tha chad gzhan la lta ci smos/ byang chub sems dpa' sems dpa' chen po mkhas pa
46b1 ni rin po che'i phung po de la 'di ni 'dod chags dang / zhe sdang dang / gti mug gi rtsa ba yin/ sems can dmyal ba'i sdug bsngal gyi rtsa ba yin/ dud 'gro'i skye gnas kyi sdug bsngal gyi rtsa ba yin/ gshin rje'i 'jig rten gyi sdug bsngal gyi rtsa
46b2 ba yin zhing las kyi kun nas slong ba rnam pa du ma'i rtsa ba yin no zhes de lta bus rab tu rnam par sogs par byed de/ de las de mya ngan las 'das pa'i sems thob cing rin po che'i phung po de la mi lta bar 'gyur ro/ /mkhas pa ni rin po che'i
46b3 phung po de la 'di ni rin po che'i phung po ma yin gyi/ 'di ni sems can dmyal ba'i phung po yin te/ de la lhag par zhen pa'i sems can rnams ni log par ltung bar 'gro bar 'gyur ro snyam du de lta bur so sor rtog par byed do/ /brtan pa'i
46b4 blo gros stong gsum gyi stong chen po'i 'jig rten gyi khams na sems can ji snyed yod pa lta zhog gi/ brtan pa'i blo gros yongs su brtag pa bzung ste/ shar phyogs su 'jig rten gyi khams gang gA'i klung gi bye ma snyed ji snyed yod pa
46b5 dang / de bzhin du phyogs bcu kun du 'jig rten gyi khams ji snyed yod pa de dag na sems can gzugs can nam gzugs can ma yin pa 'am/ 'du shes can nam/ 'du shes can ma yin pa 'am/ 'du shes can yang
46b6 ma yin/ 'du shes can ma yin pa'ang ma yin pa dag yod pa dang / sems can gyi khams su gdags pa ji snyed yod pa de dag thams cad snga phyi med par mi'i lus thob par gyur cing / sems can de dag la bde bar
46b7 bya ba'i phyir gang sems bskyed ma thag tu sems can de dag la gzugs rnams sam/ sgra rnams sam/ dri rnams sam/ ro rnams sam/ reg bya rnams kyi bde ba'i yo byad nye bar sgrub par byed pa'i mi la la zhig byung
46b8 bar gyur te/ sems can de dag thams cad kyang / phrag pa 'am/ mgo bos blangs nas bskal pa 'am/ bskal pa las lhag par 'dzin par byed la/ sems can de dag spyod lam ji lta bus de la 'dug par 'dod
47a1 pa de lta bus kyang 'dug par gyur cing / sems can de dag gi bshang gci yang lag pa ya gcig gis blangs nas 'jig rten gyi khams gzhan du 'dor na brtan pa'i blo gros 'di ji snyam du sems/ 'o na mi des sems
47a2 can de dag la bde ba'i yo byad mang pos so sor rim gro byas par 'gyur ram/ gsol pa/ bcom ldan 'das mi des bde ba'i yo byad mang pos rim gro bgyis par 'gyur lags so/ /bcom ldan 'das kyis bka' stsal
47a3 pa/ brtan pa'i blo gros khyod mos par bya/ khong du chud par bya ste/ mi des bde ba'i yo byad de lta bus rim gro byas la/ rigs kyi bu 'am/ rigs kyi bu mo gang gis sems can thams cad bskyab pa dang ldan pa'i sems kyis
47a4 bla na med pa yang dag par rdzogs pa'i byang chub tu sems bskyed nas/ 'di lta ste/ gang las bla na med pa yang dag par rdzogs pa'i byang chub tu byang chub sems dpa'i dge ba'i rtsa ba yongs su smin par 'gyur ba'i byang chub
47a5 sems dpa'i sde snod kyi chos kyi rnam grangs mnyan par bya ba'i phyir tha na byang chub sems dpa'i chos yongs su tshol ba la mngon par brtson par gyur cing / byang chub sems dpa'i chos yongs su btsal ba'i phyir ram/ de
47a6 la brtson par bya ba'i phyir gom pa 'dor ba gcig gis 'gro bar yang byed na/ brtan pa'i blo gros dge ba'i rtsa ba de ni bla na med pa yang dag par rdzogs pa'i byang chub mngon par rdzogs par sangs ma rgyas kyi bar du bar
47a7 ma dor zad pa 'am/ yongs su gtugs par nga mi smra'o/ /de ci'i phyir zhe na/ brtan pa'i blo gros bde ba'i yo byad 'di la bde ba'i yo byad snga ma des brgya'i char yang nye bar mi 'gro'o/ /stong gi cha dang / 'bum gyi cha dang /
47a8 bye ba phrag 'bum gyi cha dang / grangs dang / cha dang / bgrang ba dang / dpe dang / rgyur yang mi 'gyur ba'i phyir ro/ /de ci'i phyir zhe na/ brtan pa'i blo gros bde ba'i yo byad snga ma de thams cad ni rdzas las byung ba dang bcas pa yin
47b1 te/ shin du mthar thug par mi 'gyur zhing / shin du yongs su byang bar mi 'gyur la/ brtan pa'i blo gros chos yongs su tshol ba la mngon par brtson pas ni tshul khrims rnam par 'phel bar 'gyur/ ting nge 'dzin rnam par
47b2 'phel bar 'gyur/ shes rab rnam par 'phel bar 'gyur/ sangs rgyas kyi chos yongs su smin par 'gyur/ thabs la mkhas pa bsam gyis mi khyab pa yongs su smin par 'gyur/ sangs rgyas kyi zhing yongs su
47b3 dag par 'gyur ba'i phyir te/ de'i phyir de bzhin gshegs pas bla na med pa yang dag par rdzogs pa'i byang chub ni mang du thos pa la rag las par bstan pa yin no/ /brtan pa'i blo gros gal te stong gsum gyi stong chen po'i 'jig rten
47b4 gyi khams de 'di lta ste/ 'dam bu'i tshal 'am/ 'bras kyi zhing ngam/ til gyi zhing ngam/ 'od ma'i tshal bzhin du de bzhin gshegs pa rnams kyis yongs su gang bar gyur la/ de bzhin gshegs pa dgra bcom pa yang dag par rdzogs
47b5 pa'i sangs rgyas de dag la yang la la zhig gis ji srid 'tsho'i bar du bkur sti byas/ bla mar byas/ ri mor byas/ mchod pa byas shing / na bza' dang / bsod snyoms dang / gzims cha dang / gdan dang / bsnyun gyi gsos
47b6 sman dang / yo byad dag gis bsnyen bkur byas la/ de bzhin gshegs pa de dag yongs su mya ngan las 'das nas kyang / so so so sor khor yug tu dpag tshad dang ldan pa'i mchod rten rin po che sna bdun las
47b7 byas pa gdugs bsgreng ba dang / stegs bus brgyan pa/ bskal par gnas pa'i snang ba kun du 'bar rab tu 'bar ba'i mar me dang / mchod yon dag gis brgyan pa dag byas par gyur na/ brtan pa'i blo gros 'di
47b8 ji snyam du sems/ 'o na rigs kyi bu 'am/ rigs kyi bu mo des gzhi de las bsod nams mang du skyed dam/ gsol pa/ bcom ldan 'das rigs kyi bu 'am/ rigs kyi bu mo des bsod nams kyi phung po grangs
48a1 ma mchis dpag tu ma mchis pa skyed lags so/ /brtan pa'i blo gros khyod mos par bya/ khong du chud par bya ste/ gang mi des ji skad bshad pa'i bsod nams kyi phung po de lta bu sogs par byed la/
48a2 rigs kyi bu 'am/ rigs kyi bu mos bla na med pa yang dag par rdzogs pa'i byang chub tu sems bskyed nas/ 'di lta ste/ gang las byang chub kyi phyogs kyi chos rnams yongs su smin par 'gyur ba'i byang chub sems dpa'i
48a3 sde snod kyi chos kyi rnam grangs kyi mdo sde de lta bu dag mnyan pa dang / bstan pa dang / klag pa dang / kun chub par bya ba'i phyir yongs su btsal ba la brtson par byed na/ brtan pa'i blo gros bsod nams kyi phung po snga ma des brgya'i
48a4 char yang nye bar mi 'gro'o/ /stong gi cha dang / 'bum gyi cha dang / bye ba phrag 'bum gyi cha dang / grangs dang / cha dang / bgrang ba dang / dpe dang / rgyur yang mi bzod do/ /brtan pa'i blo gros de lta bas na khyod phyi ma'i tshe phyi ma'i dus
48a5 lnga brgya pa tha ma la mdo sde de lta bu de dag mnyan pa dang / bzung ba dang / bklag pa dang / kun chub par bya ba'i phyir go cha gyon par sems na/ brtan pa'i blo gros bsod nams kyi phung po de'i tshad nga mi smra'o/ /yongs su
48a6 gtugs par yang nga mi smra/ yongs su zad par yang nga mi smra'o/ /brtan pa'i blo gros khyod sems bskyed pa'i bsod nams kyi phung po de'i dpe tsam thos pa 'am/ phyogs tsam khong du chud par 'dod na de
48a7 bzhin gshegs pa'i rdzu 'phrul yang thos pa 'am/ yid ches par nus sam/ gsol pa/ bcom ldan 'das bcom ldan 'das kyi mthus rngo thog lags so/ /bka' stsal pa/ brtan pa'i blo gros 'di ji snyam du
48a8 sems/ stong gsum gyi stong chen po'i 'jig rten gyi khams de che ba yin nam/ gsol pa/ bcom ldan 'das de lta lags so/ /bcom ldan 'das kyis bka' stsal pa/ brtan pa'i blo gros 'di ji snyam du sems/ gal te
48b1 stong gsum gyi stong chen po'i 'jig rten gyi khams de yungs 'brus yongs su gang bar gyur cing / yungs 'bru de dag ji snyed yod pa de snyed kho na'i stong gsum gyi stong chen po'i 'jig rten gyi khams kyi tshad kyi bre bo dag yod par gyur la/
48b2 de dag kyang bye ma dag gis so sor gang bar gyur na/ brtan pa'i blo gros 'di ji snyam du sems/ bye ma'i phung po de mang ba yin nam/ gsol pa/ bcom ldan 'das mang lags so/ /bcom ldan 'das kyis bka'
48b3 stsal pa/ brtan pa'i blo gros gal te bye ma'i phung po de lag pas blangs nas phyogs bzhir 'dor bar byed pa'i mi la la zhig byung bar gyur la/ de 'phangs nas de ma thag tu gang dag bye ma'i phung po de las bye ma'i 'bru re re
48b4 'jig rten gyi khams re rer 'phen par byed pa'i rlung dag mngon par byung bar gyur na brtan pa'i blo gros 'di ji snyam du sems/ shar phyogs su 'jig rten gyi khams de dag ji snyed yod par 'gyur/ phyogs thams cad
48b5 du yang de bzhin no/ /gsol pa/ bcom ldan 'das dpag tu ma mchis lags so/ /bde bar gshegs pa dpag tu ma mchis lags so/ /bka' stsal pa/ brtan pa'i blo gros khyod mos par bya/ brtan
48b6 pa'i blo gros khyod khong du chud par bya ste/ brtan pa'i blo gros de bzhin gshegs pa dgra bcom pa yang dag par rdzogs pa'i sangs rgyas ni spyod lam gyi dpag tu med pa/ lam gyis dpag tu med pa/ tshul khrims kyi
48b7 pha rol tu phyin pas dpag tu med pa/ rdzu 'phrul gyi pha rol tu phyin pas dpag tu med pa/ shes rab kyi pha rol tu phyin pas dpag tu med pa ste/ brtan pa'i blo gros de bzhin gshegs pa ni bzhed na 'jig rten gyi khams
48b8 de dag tu gom pa gcig gis gshegs par mdzad kyang de bzhin gshegs pa'i spyod lam rnam par 'khrug par yang mi 'gyur la/ de bzhin gshegs pas da dung rdzu 'phrul gyi pha rol tu phyin pa'i rnam pa thams cad kun du
49a1 bstan pa yang ma yin no/ /se gol gtogs pa tsam gcig gis kyang bye ma'i phung po de dag ji snyed yod pa de snyed kho na'i 'jig rten gyi khams dag tu gom pas gshegs pa gcig gis gshegs par mdzad do/ /
49a2 se gol gtogs pa tsam gyi tshul des kyang shar phyogs su gshegs pa nas/ phyogs bcur gshegs pa'i bar gyis zhag gcig 'am/ zla ba phyed dam/ zla ba gcig nas lo gcig gi bar du 'am/ lo brgya nas lo stong 'am/ lo 'bum
49a3 gyi bar du gshegs par mdzad cing / phyogs re rer yang lo bye ba phrag 'bum gyi bar du gshegs par mdzad do/ /brtan pa'i blo gros 'o na de ltar 'jig rten gyi khams de dag ji snyed yod par de bzhin gshegs pas byon pa'i
49a4 'jig rten gyi khams de dag mang ba yin nam/ gsol pa/ bcom ldan 'das mang lags so/ /bcom ldan 'das kyis bka' stsal pa/ brtan pa'i blo gros gal te bsod nams kyi phung po de gzugs can zhig tu gyur
49a5 na ni/ re shig 'jig rten gyi khams de snyed du yang mi shong ste phal cher lhag par 'gyur ro/ /brtan pa'i blo gros de ltar de bzhin gshegs pa dgra bcom pa yang dag par rdzogs pa'i sangs rgyas kyis bsod nams kyi
49a6 phung po grangs med pa de rab tu mkhyen te/ dpag tu med pa/ bgrang du med pa/ tshad med pa/ brjod du med pa/ bgrang ba las 'das pa rab tu mkhyen to/ /brtan pa'i blo gros gang gis bsod nams kyi phung po de shes par
49a7 nus pa'i yi ge'i grangs sam/ yig 'bru'i grangs sam/ bgrang ba'i grangs de ngas rab tu mi shes te/ gzhan du na grangs med pa'i grangs kho na dang / dpag tu med pa'i grangs kho nar 'gyur bar zad do/ /byang chub tu
49a8 sems bskyed pa dang dam pa'i chos yongs su tshol ba'i bsod nams kyi bsngags pa brjod pa'i le'u zhes bya ste gsum pa'o// // de'i tshe shar phyogs su 'jig rten
49b1 gyi khams grangs med dpag tu med pa dag 'das pa de'i pha rol gyi yang ches pha rol na 'jig rten gyi khams rnam par bsgrags pa'i sgra zhes bya ba na de bzhin gshegs pa dgra bcom pa yang dag par rdzogs pa'i sangs rgyas
49b2 lhun po'i phung po zhes bya ba da ltar bzhugs te 'tsho zhing gzhes la chos kyang ston to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas lhun po'i phung po des kyang byang chub sems dpa'
49b3 'od kyi dkyil 'khor gzi brjid phung po zhes bya ba nga'i 'og tu 'di bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes bla na med pa yang dag par rdzogs pa'i
49b4 byang chub tu lung bstan te/ 'khor de nyid du 'dus par gyur nas 'dug go/ /byang chub sems dpa' 'od kyi dkyil 'khor gzi brjid phung pos snang ba chen po de mthong ste gsung bsal ba'i sgra de yang thos shing sa g.yos
49b5 pa chen po de yang kun du shes nas/ de bcom ldan 'das de bzhin gshegs pa lhun po'i phung po ga la ba der song ste phyin nas bcom ldan 'das de la 'di skad ces gsol to/ /bcom ldan 'das 'od de dang /
49b6 gsung gsal ba'i sgra de dang / dog sa g.yos pa de su'i lags/ de skad ces gsol pa dang / bcom ldan 'das de bzhin gshegs pa lhun po'i phung pos byang chub sems dpa' sems dpa' chen po 'od kyi
49b7 dkyil 'khor gzi brjid phung po la 'di skad ces bka' stsal to/ /rigs kyi bu 'jig rten gyi khams 'di nas nub phyogs kyi phyogs char 'jig rten gyi khams grangs med dpag tu med pa dag 'das pa de'i pha rol
49b8 gyi yang ches pha rol na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/
50a1 byang chub sems dpa'i sde snod kyi chos kyi rnam grangs kyi chos kyang ston to/ /byang chub sems dpa' dpe med pa sems pa zhes bya ba dag yod de/ 'khor der 'dus par gyur nas 'khod do/ /rigs kyi
50a2 bu phyogs bcur 'jig rten gyi khams gang gA'i klung gi bye ma snyed go cha gang dag gis skyas bu dam pa de dag go cha bgos pa'i go cha de lta bu dag gis stong ste/ rigs kyi bu skyes bu dam pa de lta bu dag thos pa yang mchog
50a3 tu rnyed par dka' na blta ba 'am/ bsnyen bkur bya ba lta ci smos/ de nas bcom ldan 'das de la byang chub sems dpa' 'od kyi dkyil 'khor gzi brjid phung pos 'di skad ces gsol to/ /bcom ldan 'das bcom
50a4 ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba dang / byang chub sems dpa' sems dpa' chen po bsam gyis mi khyab pa'i go cha bgos pa de dag kyang blta
50a5 ba'i slad du 'jig rten gyi khams mi mjed der bdag mchi bar bgyi'o/ /bcom ldan 'das des bka' stsal pa/ rigs kyi bu de'i dus la dbab par shes na song la/ bcom ldan 'das de la pad ma bdun po 'di
50a6 dag kyang phul te phul nas kyang / bcom ldan 'das bcom ldan 'das la de bzhin gshegs pa lhun po'i phung po gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la
50a7 gnas sam/ zhes snyun gsol lo zhes de skad ces gsol cig /de nas byang chub sems dpa' sems dpa' chen po 'od kyi dkyil 'khor gzi brjid phung pos bcom ldan 'das de bzhin gshegs pa lhun po'i
50a8 phung po de la rnam par bltas te/ bcom ldan 'das de'i zhabs la mgo bos phyag 'tshal nas bcom ldan 'das de'i thad nas song ngo / /byang chub sems dpa'i 'od kyi dkyil 'khor gzi brjid phung po de 'di lta
50b1 ste dper na/ skyes bu stobs dang ldan pa zhig gis lag pa bskum pa rkyong bar byed pa 'am/ lag pa brkyang ba skum par byed pa'i skad cig des 'jig rten gyi khams rnam par bsgrags pa'i sgra nas mi snang bar gyur te/ 'jig rten
50b2 gyi khams mi mjed 'dir 'dug go/ /de rgyal po'i khab 'od ma'i tshal bya ka lan da ka gnas pa ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs
50b3 gcig tu 'dug nas kyang bcom ldan 'das la 'di skad ces gsol to/ /bcom ldan 'das bcom ldan 'das la de bzhin gshegs pa lhun po'i phung po gnod pa chung ngam/ nyam nga ba nyung ngam/ bskyod pa yang ngam/
50b4 stobs dang bde bar reg pa la gnas sam zhes snyun gsol zhing / bcom ldan 'das bcom ldan 'das la bcom ldan 'das des pad ma 'di dag kyang bskur ba lags so/ /bcom ldan 'das kyis pad ma de dag
50b5 bzhes te bzhes nas kyang bka' stsal pa/ 'od kyi dkyil 'khor gzi brjid phung po ci bcom ldan 'das de snyun mi mnga' 'am/ stobs dang ldan nam/ 'gyur ba mi mnga' 'am/ bde bar reg pa la gnas sam/
50b6 gsol pa/ bcom ldan 'das de lta lags te/ sangs rgyas kyi zhing de na snyun mi mnga' zhing stobs dang ldan te 'gyur ba mi mnga' la bde bar reg pa la gnas lags so/ /de nas bcom ldan 'das kyis byang chub sems
50b7 dpa' ma pham pa la ma pham pa khyod kyis byang chub kyi yan lag yongs su rdzogs par bya ba'i phyir pad ma 'di dag gis dge ba'i rtsa ba dag skyed cig ces pad ma de dag byin no/ /de nas byang chub sems dpa' ma pham pas pad
50b8 ma chen po bdun po de dag blangs nas bzang skyong la sogs pa byang chub sems dpa' dpe med pa sems pa dag la byin te/ 'di lta ste/ dkon mchog 'byung gnas dang / ded dpon bzang po dang / yon tan
51a1 sbas dang / 'dam bus byin dang / dbang pos byin dang / chu lha dang / stobs bzangs dang / bla ma'i blo gros dang / khyad par blo gros dang / 'phel ba'i blo gros dang / mthong ba don yod dang / legs par yang dag zhugs dang /
51a2 rab kyi rtsal gyis rnam par gnon dang / rtag tu brtson dang / brtson pa mi gtong dang / nyi ma'i snying po dang / 'gro ba 'dzin dang / sa 'dzin dang / legs par gnas pa'i blo gros dang / mtha' yas blo gros dang / 'jig rten
51a3 gsum rnam par gnon dang / mtha' yas rnam par gnon dang / dpag med rnam par gnon dang / dmigs pa thams cad ston pa'i khyu mchog dang / brten pa'i blo gros dang / mtha' yas brtson 'grus dang / dpag yas
51a4 rnam par gnon dang / don yod brtson 'grus dang / seng ge'i brtson 'grus rtsal gyis 'gro dang / don yod gom pa'i rtsal gyis 'gro dang / dga' ba'i spobs pa dang / spobs pa rnon po dang / spobs pa zab pa dang spobs pa
51a5 mtha' yas dang / spobs pa dpag med dang / 'jam dpal gzhon nur gyur pa dang / pad ma'i snying po dang / mtha' yas glang po che dang / spar 'tshums ma yin dang / chos 'phags dang / lag na rin chen dang / rin chen lag pa dang /
51a6 don yod dpal dang / mi g.yos rnam par gnon dang / mya ngan med pa dang / mya ngan bral dang / tha mi dad par spyod par yang dag zhugs dang / brtson 'grus spyo med dang / mngal 'gyur dang / bud med 'gyur dang / skyes pa 'gyur dang /
51a7 sems can 'gyur dang / dra ba can gyi 'od dang / mtha' yas snying po dang / sangs rgyas phyag na pad ma skyes dang / lag na pad ma dang / spos kyi glang po che dang / don grub dang / seng ge'i legs par brtags pa'i go cha dang /
51a8 don yod go cha dang / ma smad pa'i go cha dang / kun 'gyur ba'i go cha dang / spyod pa zab pa'i go cha dang / 'gyur ba skyo ba med pa'i go cha dang / me tog rab gtor dang / me tog rin chen dang / don yod ming sgrol dang / don yod
51b1 ming sgrogs dang / dmigs pa kun gyi go cha bgos dang / 'gro ba kun 'gyur ba'i go cha bgos dang / spyod pa zab pa'i go cha bgos dang / 'gyur ba skyo ba med pa'i go cha bgos dang / rtag tu rab tu dga' ba'i go cha bgos
51b2 dang / rtag tu gdung ba'i go cha bgos dang / mi lta ba'i go cha bgos dang / dpal ma nyams pa'i go cha bgos dang / drag shul 'chang dang / dga' ba'i sde dang / bzang po'i sde dang / dga' ba'i lha dang / dga' byed dang /
51b3 byang chub yan lag rtogs dang / sangs rgyas dang ma bral ba'i go cha bgos dang / chos kyi 'khor lo bskor ba'i go cha bgos dang / 'khor lo thogs pa med pa'i go cha bgos dang / thams cad yongs su gtong ba'i go cha
51b4 bgos dang / ma blangs pa'i go cha bgos dang / rnam par ma 'khrugs pa'i go cha bgos dang / sangs rgyas kyi gdung rgyun mi gcod pa'i go cha bgos dang / zla ba snang dang / yon tan dpal snang dang / ded dpon dang / ded
51b5 dpon chen po dang / mchog gi tshogs can dang / mchog gi bkod pa dang / rin po che'i bkod pa dang / don kun 'grub dang / don dpal dang / 'dren pa'i dpal dang / 'dren pa'i rgyal mtshan dang / nges par 'dren dang /
51b6 zhi ba dang / rab tu byed dang / sangs rgyas bzang po dang / shin tu dga' ba dang / rgyal dga' dang / dbang po thul dang / rgyal ba'i sde dang / gzhom thul dang / bdud 'joms dang / dgra 'joms dang / dgra la zhe 'gras
51b7 med dang / phyogs su rnam par bsgrags dang / rnam par bsgrags pa'i rgyal po dang / nor 'phel dang / bshes gnyen dang / bshes gnyen lha dang / bshes gnyen 'phel dang / gdugs gcig pa dang / rin chen
51b8 gdugs dang / rgyu skar bzang po dang / chos dang / chos lha dang / dri med dang / dpa' bo dri med dang / dpa' ba'i rtsal gyis 'gro dang / mtha' yas rtsal gyis 'gro dang / don yod rtsal gyis 'gro dang / gom pa med kyis rnam
52a1 par gnon dang / shin tu rtsal gyis rnam par gnon dang / tha mi dad par spyod pa dang / de dag dang / byang chub sems dpa' gzhan yang bdun khri bdun stong la rgan rabs dag bcom ldan 'das kyis byang chub kyi
52a2 phyogs kyi chos yongs su smin par mdzad pa'i phyir pad ma bdun po 'di dag byin pa yin te/ rigs kyi bu dag khyed cag gis pad ma chen po 'di dag longs shig dang / thams cad gyur nas bcom ldan 'das la dbul bar bya/
52a3 thams cad gyur nas rang rang gi thabs la mkhas pa gsal bar bya'o zhes pad ma bdun po de dag byin no/ /de nas byang chub sems dpa' bdun khri bdun stong po de dag gis pad ma de dag blangs nas rang rang gi thabs la mkhas
52a4 pa gsal bar bya ba'i phyir bcom ldan 'das la phul lo/ /bcom ldan 'das kyis byang chub sems dpa' sems dpa' chen po de dag la thugs brtse ba'i phyir pad ma chen po bdun po de dag bzhes te/ bzhes nas kyang byang
52a5 chub sems dpa' sems dpa' chen po ma pham pa la bka' stsal pa/ ma pham pa de bzhin gshegs pa ni da ltar khyed kyi dge ba'i rtsa ba bskyed pa'i phyir rtun par mdzad/ mchog tu rtun par mdzad do/ /ma pham pa de bzhin gshegs
52a6 pa dgra bcom pa yang dag par rdzogs pa'i sangs rgyas ni shin tu rnyed par dka' zhing mchog tu rnyed par dka'o/ /ma pham pa byang chub sems dpa' rnams kyang shin tu rtun par mdzad mchog tu rnyad par dka'o/ /de ci'i phyir zhe na/
52a7 ma pham pa sangs rgyas kyi chos de dag ni byang chub sems dpa'i spyod pa las nges par byung ba'i phyir ro/ /ma pham pa gal te sngon ngas byang chub tu sems bskyed par ma gyur na/ ma pham pa 'o na da ltar de bzhin gshegs
52a8 pa'i stobs bcu skye bar 'gyur ram/ gsol pa/ bcom ldan 'das de ma lags so/ /bcom ldan 'das kyis bka' stsal pa/ ma pham pa 'di ji snyam du sems/ gal te sngon ngas bla na med pa yang dag par rdzogs
52b1 pa'i byang chub tu sems bskyed par ma gyur na/ 'o na da ltar mi 'jigs pa bzhi skye bar 'gyur ram/ gsol pa/ bcom ldan 'das de ma lags so/ /bka' stsal pa/ ma pham pa 'di ji snyam du sems/ gal te sngon
52b2 ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du de bzhin gshegs pa'i byams pa 'byung bar 'gyur ram/ gsol pa/ bcom ldan 'das de ma lags so/ /
52b3 bka' stsal pa/ ma pham pa 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du snying rje chen po 'byung bar 'gyur ram/
52b4 de bzhin du 'jig rten du dga' ba chen po dang / btang snyoms chen po 'byung bar 'gyur ram/ gsol pa/ bcom ldan 'das de ma lags so/ /bka' stsal pa/ ma pham pa 'di ji snyam du sems/ gal te sngon
52b5 byang chub sems dpa'i spyad pa spyod pa na ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du sangs rgyas kyi chos ma 'dres pa bcwa brgyad 'byung bar 'gyur ram/
52b6 gsol pa/ bcom ldan 'das de ma lags so/ /bka' stsal pa/ ma pham pa 'di ji snyam du sems/ gal te sngon byang chub sems dpa'i spyad pa spyod pa na ngas bla na med pa yang dag par rdzogs pa'i byang chub tu
52b7 sems bskyed par ma gyur na/ 'o na da ltar 'jig rten du de bzhin gshegs pa'i don yod rnam par gnon pa 'byung bar 'gyur ram/ gsol pa/ bcom ldan 'das de ma lags so/ /bka' stsal pa/ ma pham pa
52b8 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du de bzhin gshegs pa'i seng ge'i stabs su 'gro ba nyid 'byung bar
53a1 'gyur ram/ gsol pa/ bcom ldan 'das de ma lags so/ /bka' stsal pa/ ma pham pa 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par
53a2 ma gyur na/ 'o na da ltar 'jig rten du de bzhin gshegs pa'i glang po che'i lta stangs kyis lta ba nyid 'byung bar 'gyur ram/ gsol pa/ bcom ldan 'das de ma lags so/ /bka' stsal pa/ ma pham pa 'di ji snyam
53a3 du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du de bzhin gshegs pa'i seng ge ltar bsgyings pa nyid 'byung bar 'gyur ram/
53a4 gsol pa/ bcom ldan 'das de ma lags so/ /bka' stsal pa/ ma pham pa 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig
53a5 rten du de bzhin gshegs pa'i spyi gtsug bltar mi mthong ba nyid 'byung bar 'gyur ram/ gsol pa/ bcom ldan 'das de ma lags so/ /bka' stsal pa/ ma pham pa 'di ji snyam du sems/ gal te sngon ngas bla na
53a6 med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du skyes bu chen po'i mtshan sum bcu rtsa gnyis 'byung bar 'gyur ram/ gsol pa/ bcom ldan 'das de ma lags
53a7 so/ /bka' stsal pa/ ma pham pa 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du chos kyi 'khor lo bskor ba
53a8 'byung bar 'gyur ram/ gsol pa/ bcom ldan 'das de ma lags so/ /bka' stsal pa/ ma pham pa 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems
53b1 bskyed par ma gyur na/ 'o na da ltar 'jig rten du chos kyi mur 'gram 'byung bar 'gyur ram/ gsol pa/ bcom ldan 'das de ma lags so/ /bka' stsal pa/ ma pham pa 'di ji snyam du sems/ gal te sngon ngas
53b2 bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du nyan thos phun sum tshogs pa 'byung bar 'gyur ram/ gsol pa/ bcom ldan 'das de ma lags so/ /
53b3 bka' stsal pa/ ma pham pa de lta bas na gang dag sangs rgyas kyi chos rnams ji snyed yod pa de dag thams cad ni sems dang po bskyed pa la rag las pa yin no/ /ma pham pa de lta bas na byang chub sems dpa'
53b4 rnyed par dka' ba'i phyir de bzhin gshegs pa rnyed par dka' ba yin no/ /ma pham pa 'di lta ste/ dper na mar med pas mar gyi snying ku'i rgyun 'chad par 'gyur ba de bzhin du/ ma pham pa byang chub tu sems bskyed pa med
53b5 par de bzhin gshegs pa mngon par 'grub par mi 'gyur ro/ /ma pham pa 'di lta ste/ dper na mar yod pas mar gyi snying ku'i rgyun mi 'chad par 'gyur ba de bzhin du/ ma pham pa 'jig rten na byang chub sems dpa'
53b6 yod pas 'jig rten du de bzhin gshegs pa 'byung bar 'gyur ro/ /ma pham pa 'di lta ste/ dper na sa bon yod pas myu gu 'byung bar 'gyur ba de bzhin du/ ma pham pa byang chub sems dpa' yod pas de bzhin gshegs pa
53b7 'byung bar 'gyur ro/ /ma pham pa de lta bas na byang chub sems dpa' rnyed par dka' ba nyid kyi phyir de bzhin gshegs pa rnyed par dka' ba nyid do/ /ma pham pa 'di lta ste/ dper na rgya mtsho chen po na gang dag rin thang med par
53b8 gyur pa'i nor bu rin po che de dag ni nyung gi/ gang dag rin thang yod par gyur pa de dag ni ches mang ba de bzhin du/ ma pham pa sems can gyi ris na gang dag byang chub kyi sems dang lhan cig gnas pa'i sems can de dag ni
54a1 nyung ngu 'byung gi/ gang dag de las gzhan pa'i nyan thos dang / rang sangs rgyas kyi sems dang lhan cig gnas pa'i sems can de dag ni ches mang du 'byung bar 'gyur ro/ /ma pham pa de lta bas na
54a2 sems bskyed pa de dag ni rnyed par dka' zhing mchog tu rnyed par dka'o/ /sems bskyed pa de dag ni rnyed par dka' zhing mchog tu rnyed par dka' ba'i phyir u dum ba ri'i me tog dang mtshungs so/ /sems bskyed pa de dag
54a3 ni rin thang med pa'i phyir rin po che dang mtshungs so/ /sems bskyed pa de dag ni shin tu 'phags pa'i phyir ri rab dang mtshungs so/ /sems bskyed pa de dag ni rab tu g.yo ba med pa'i phyir nam mkha' dang mtshungs so/ /sems
54a4 bskyed pa de dag ni gting dpag dka' ba'i phyir rgya mtsho lta bu'o/ /ma pham pa sems bskyed pa des ni rin po ches bkang ba'i stong gsum gyi stong chen po'i 'jig rten gyi khams bzod do/ /ma pham pa gal te sems bskyed
54a5 pa de dag ni gzugs can du gyur na ni de dag phyag bya ba'i 'os yin te/ ma pham pa lha dang bcas pa'i 'jig rten 'bum phrag du mas bsrungs par 'gyur ro/ /ma pham pa de lta bas na byang chub kyi sems de bskyed pa'i phyir rnal
54a6 'byor du bya/ spro bar bya/ mthu yod par bya/ brtsal bar bya/ spobs par bya/ ma than par bya/ 'dun par bya'o/ /ma pham pa sems bskyed pa de yang gang zhe na/ byang chub tu sems bskyed pa ste/ de ni bgrang ba 'am/ gzhal
54a7 bar mi nus so/ /ma pham pa 'on kyang sems bskyed pa de khong du chud par bya ba'i phyir nye bar 'jal ba tsam dang / dpe tsam zhig brjod par bya'o/ /ma pham pa sngon byung ba 'das pa'i dus na bskal pa tshad med grangs med pa/
54a8 rgya chen po byung ba de'i tshe de'i dus na 'di ltar de bzhin gshegs pa dgra bcom pa yang dag par rdzogs pa'i sangs rgyas rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i
54b1 kha lo bsgyur ba bla na med pa/ lha dang mi rnams kyi ston pa/ sangs rgyas bcom ldan 'das bde ba'i rgyal po zhes bya ba 'jig rten du byung bar gyur to/ /ma pham pa bcom ldan 'das de'i tshe'i tshad ni lo brgyad khri bzhi
54b2 stong du gyur to/ /ma pham pa bcom ldan 'das de'i nyan thos 'dus pa gcig ni dgra bcom pa bye ba phrag bdun bcu rtsa drug byung bar gyur/ 'dus pa gnyis pa ni bye ba phrag dgu bcu rtsa drug byung bar gyur/ 'dus pa gsum
54b3 pa ni bye ba phrag brgyar tshang ba byung bar gyur te/ thams cad kyang dgra bcom pa/ zag pa zad pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ mnyam pa nyid
54b4 kyi shes pas rnam par grol ba sha stag go/ /ma pham pa de'i dus na rgyal po'i pho brang shin tu mthong zhes bya bar rgyal po rgyal rigs spyi bo nas dbang bskur ba seng ge'i dpal zhes bya ba byung bar gyur to/ /rgyal po seng ge'i
54b5 dpal de'i btsun mo dam pa mchog las bu gnyis mtshe mar byung bar gyur te/ gcig ni mya ngan med ces bya/ gcig shos ni mya ngan bral zhes bya'o/ /ma pham pa de'i dus na khye'u de gnyis skyes nas lo bdun lon
54b6 pa 'dra zhing gnyi ga khang bzangs na 'dug par gyur te/ de gnyis kyis de bzhin gshegs pa bde ba'i rgyal po nyan thos kyi tshogs dang thabs cig tu rgyal po'i pho brang shin tu mthong bar gshegs pa mthong ngo / /de nas
54b7 khye'u mya ngan med kyis phu bo mya ngan bral la smras pa/ mya ngan bral de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal po thag ring po kho na nas tshur gshegs pa gzigs sam/
54b8 smras pa/ nu bo mthong ngo / /smras pa/ mya ngan bral bdag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal po de ci 'dra ba de lta bu kho nar 'gyur bar
55a1 bgyi'o/ /de nas khye'u mya ngan med kyis phu bo mya ngan bral de la tshigs su bcad pa dag gis smras pa/ mgon po chen po mi yi mchog /dge slong dge 'dun mdun bdar ba/ /bde ba'i rgyal po tshur gshegs
55a2 la/ /mya ngan bral ba khyod gzigs shig /mi yi khyu mchog de 'dra bar/ /bdag ni 'gyur ba kho nar bgyi/ /bdag la byang chub sems skyes te/ /'jigs las 'gro ba thar bar bgyi/ /'gro 'di chags rgyags zhe
55a3 sdang dang / /chags pas sdug bsngal las bgyid de/ /bgyis nas dmyal ba'i g.yang sar ltung / /ngan 'gro dag las de thar bgyi/ /'jig rten 'dren pa 'jig rten na/ /u dum ba ra'i me tog bzhin/ /rnyed dka'
55a4 mchog tu rnyed dka' yis/ /khyod kyis 'dun pa bskyed par mdzod/ /de nas khye'u mya ngan bral gyis nu bo la tshigs su bcad pa dag gis slar smras pa/ mang po tshig tu smra byed kyang / /tshig gis grub pa yod ma
55a5 yin/ /bdag ni sgrub la gnas pas na/ /ci yang rab tu smra mi bya/ /mang po rab tu smra byed kyang / /lus kyis byed pa yod ma yin/ /de yi 'bras bu mi snang bas/ /brdzun gyi tshig tu smra ba nyid/ /gal te tshig gis
55a6 thob 'gyur na/ /bdag 'od rir chen dkris par 'gyur/ /yon tan nyams pa de kun kyang / /tshig gis rgyal ba rnams su 'gyur/ /de nas khye'u mya ngan med kyis khye'u mya ngan bral la tshigs su bcad pa dag
55a7 gis slar smras pa/ bdag nyid yin gyi gzhan min par/ /gang phyir de 'dra smra byed cing / /de phyir ci yang mi smra ba/ /sems de ser sna can gyi lags/ /bdag gis sems can 'gron du gnyer/ /
55a8 bdag ni kun tu bged par bgyid/ /bdag la ser sna gzhar ma mchis/ /srog chags 'dren pa rnams su shog /mkhas pa byung bar gyur pa rnams/ /de dag tshig tu smra mi byed/ /tshig mang rab tu smras nas su/ /
55b1 ji ltar don bzhin byed ma yin/ /de dag sngon chad nyid nas kyang / /ser sna'i sems dang ldan par gyur/ /des na 'byung bar 'gyur zhig gam/ /'on te mi 'byung tshig tu smra/ /de nas khye'u mya ngan bral gyis nu bo mya ngan med
55b2 la tshigs su bcad pas slar smras pa/ gcig tu gyur nas song byas te/ /nu bo khyod dang kho bo yi/ /sems bskyed pa ni gang che zhes/ /mgon po de la zhu bar bya/ /de nas khye'u mya ngan bral khang bzang gi steng de nas
55b3 babs te/ nor bu las byas pa'i mchil lham thogs shing gos bye ba ri ba yang thogs nas/ de bzhin gshegs pa bde ba'i rgyal po ga la ba der song ste phyin nas/ bcom ldan 'das de'i zhabs la mgo bos phyag 'tshal
55b4 te phyogs gcig tu 'dug go/ /khye'u mya ngan med kyis ni khang bzang gi steng de nyid nas bdag nyid bor ro/ /de nas khye'u mya ngan med bcom ldan 'das de bzhin gshegs pa bde ba'i rgyal po de ga la ba der song ngo / /
55b5 khye'u des kyang gos rin po che dang / gtsug gi nor bu yang thogs par gyur te/ khye'u des gos de dang gtsug gi nor bu de bcom ldan 'das de la phul ba dang / bcom ldan 'das des khye'u mya ngan med kyi lag pa nas
55b6 bzhes so/ /khye'u mya ngan bral ni phyis bcom ldan 'das ga la ba der son gyi khye'u mya ngan med ni ches sngar son to/ /des khye'u mya ngan med de bzhin gshegs pa bde ba'i rgyal po'i spyan snga na 'dug pa mthong ngo / /
55b7 mthong nas kyang smras pa/ mya ngan med khyod lam gang nas ches sngar de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal po'i thad du song ngo / /des smras pa/ phu bo khang bzang de nyid nas
55b8 bcom ldan 'das ga la ba der bdag nyid bor te/ bdag ni lus ma snad ma smas pa kho nar bcom ldan 'das ga la ba der mchis so/ /de nas khye'u mya ngan bral gyis khye'u mya ngan med las lan thos nas/ bcom ldan
56a1 'das de la mchil lham de gnyis dang / gos rin po che de phul nas de'i tshe tshigs su bcad de gsol pa/ lam ngan nas ni 'gro ma 'gyur/ /'jig rten 'dren pa mthong gyur cig /sangs rgyas kyis ni gang
56a2 bstan pa'i/ /lam la rtag tu bsten par shog /de nas khye'u mya ngan med kyis kyang phu bo la tshigs su bcad pa dag gis smras pa/ gang dag lus dang de bzhin du/ /srog gi dbang po srung byed pa/ /de dag rtag tu
56a3 lam tshol 'gyur/ /phu bo de ni khyod bzhin no/ /gang dag rtag tu bde ba don gnyer ba/ /de dag gzhan gyi bde ba tshol mi byed/ /lus srog dbang po bor nas gzhan du ni/ /sdug bsngal rnam pa sna tshogs 'byung
56a4 bar 'gyur/ /mi rnams kyi ni rgya chen don kyang bya/ /sdug bsngal dra ba las ni yongs dgrol bya/ /lam 'di nyid de sangs rgyas mthong ba 'di/ /sangs rgyas mthong nas phyi nas lam ma tshol/ /bdag cag lam
56a5 nas bde bar 'gro bya zhes/ /ma rtogs mi mkhas gzhan dag rlom sems 'gyur/ /de nas lam ngan lam der 'gro bar 'gyur/ /de dag gis ni yang dag lam mi shes/ /lam ngan 'gro ba don dam blo can
56a6 rnams/ /lam la de ni lam ngan zhes 'jug pa/ /de ni rtag tu bdud kyi 'ching bas zin/ /de 'dra de ni lam mchog 'di las ring / /rtag tu sangs rgyas dag dang phrad gyur cig /rtag par rgyun tu ngur smrig
56a7 gyon par shog /rtag tu tshangs par spyod pa thob gyur cig /skyes nas shin tu sems can don byed shog /dam chos spyod la rtag tu gnas gyur cig /rtag tu chos kyang kun tu 'dzin par shog /rtag tu rgyal
56a8 ba rnams kyi chos bzung nas/ /rtag tu srog chags rnams la phan byed shog /rtag tu brtson 'grus brtan por rtsom gyur cig /thos pa'i chos rnams chud za ma gyur cig /dus rnams kun tu mnyam par 'jog
56b1 gyur cig /yon tan rnams kyis rtag tu brgyan par shog /ma pham pa de nas khye'u mya ngan med dang / khye'u mya ngan bral gyis tshigs su bcad pa de dag smras nas/ de bzhin gshegs pa bde ba'i rgyal po'i thad du khyim nas khyim
56b2 med par 'thun par rab tu byung ngo / /de ltar de dag rab tu byung ma thag tu gcig la gcig smras pa/ bdag ches thog mar de bzhin gshegs par 'gyur bar bya'o/ /de nas dge slong mya ngan med kyis dge slong mya ngan bral la smras
56b3 pa/ mya ngan bral khyod kyis bdag ches thog mar bla na med pa yang dag par rdzogs pa'i byang chub mngon par rdzogs par 'tshang rgya bar bya'o zhes de skad ces smras na/ khyod kyis sems ji lta bu zhig bskyed/ des smras pa/
56b4 mya ngan med 'dir bdag gis ni gal te bla na med pa yang dag par rdzogs pa'i byang chub mngon par rdzogs par sangs ma rgyas kyi bar du sems can re re'i don gyi phyir sems can dmyal ba rnams su bskal pa 'bum du
56b5 smin par gyur na'ang de'i tshe yang byang chub kyi sems dor bar mi bya'o snyam ste/ mya ngan med bdag gis sems de lta bu bskyed do/ /mya ngan med 'on kyang bdag gis gal te bdag gi mgo bor shar phyogs dang / de bzhin du
56b6 phyogs thams cad nas la la zhig 'ongs te/ bshang ba'i chang bu 'am/ me'i ril lu 'am/ rdul gyi ril lu 'am/ bshang ba'i bum pa 'am/ me'i bum pa 'am/ rdul gyi bum pa zhig bzhag kyang gzhi de las bdag gis
56b7 gnod sems su mi bya/ zhe sdang bskyed par mi bya/ sems khros pas mi de la rnam par blta bar mi bya/ sems khros pa dang ldan pas de la ngas gnod pa ci byas shes de skad ces kyang smra bar mi bya ste/ phyir rgol ba
56b8 su gang gis las de brtsams pa'i sems can de nyid kyi don gyi phyir bdag gis pha rol du phyin pa dag la spyad par bya ste/ des gang byas pa'i las de ni sangs rgyas kyi ye shes rtsom pa yin/ las de ni sangs rgyas
57a1 kyi chos rtsom pa yin te/ gal te bdag gis rkyen dag byung ba na sems mnyam par ma bzhag na bdag gis bzod pa'i pha rol tu phyin pa ji ltar yongs su rdzogs par byed par 'gyur/ bdag la gnod sems kyi rkyen
57a2 dag ma byung bar ni ya mtshan cir 'gyur te/ de lta bas na sems can de dag nyid yongs su smin par bya ba'i phyir dang / yongs su mya ngan las 'da' bar bya ba'i don gyi phyir go cha bgo bar bya'o snyam nas bzod pa'i go cha de lta bu
57a3 bgos so/ /gal te gnod sems su byed pa'i sems can de dag la yang gnod sems su byas na bdag la khyad par du 'phags pa ci zhig 'byung bar 'gyur te/ mya ngan med bdag gis de lta bu de lta bu'i go cha bgos so/ /de nas
57a4 dge slong mya ngan med kyis/ dge slong mya ngan bral la 'di skad ces smras so/ /phu bo khyod kyis gang gis go cha bgos pa'i sems de khyod kyis gzigs sam/ smras pa/ gal te sems med par gyur na ni go cha bgos
57a5 pa de lta bu med par 'gyur la/ go cha de yang med na ni rab tu bstan pa yang med par 'gyur te/ mya ngan med gang gi phyir sems de yod pa de'i phyir go cha de rab tu bstan pa yang yod do/ /de nas dge slong mya ngan med kyis dge slong
57a6 mya ngan bral la 'di skad ces smras so/ /ji ltar sems de yod pa de bzhin du go cha yang yod do zhes de skad ces khyod ma gsung shig /de ci'i phyir zhe na/ mya ngan bral sems ni skye ba dang 'jig pa'i chos can bas sgyu ma lta bu
57a7 yin pa'i phyir te/ skye ba dang 'jig pa'i chos can gyi sems sgyu ma lta bu la yod pa 'am/ med pa yang med do/ /mya ngan bral gang yod pa 'am med pa de ni lta ba de yin te/ gang de lta bu'i lta ba de ni log par lta ba'o/ /
57a8 gang log par lta ba de ni lam gol ba yin zhing lam ma yin la/ de byang chub kyi lam ma yin pas de'i byang chub de thag ring ba yin zhing byang chub de thag nye ba ma yin la/ de'i byang chub bgrod par dka' ba yin te/ mya ngan bral
57b1 de lta bas na de dag thams cad ni spros pa yin no/ /gang dag chos spros pa dang ldan pa dang / chos rlom sems dang ldan pa de dag ni byang chub sems dpas bsten par bya ba ma yin no/ /byang chub sems dpas bsten
57b2 par bya ba'i chos kyang gang zhe na/ byang chub sems dpas chos gang yang bsten par bya ba ma yin pa ste/ de ci'i phyir zhe na/ chos rnams bsten par gyur na ni chos ma yin pa rnams bsten par 'gyur ba'i phyir ro/ /de ltar
57b3 byang chub sems dpas chos thams cad la mngon par zhen par mi bya ste/ de ci'i phyir zhe na/ byang chub ni gzhi med pa'i phyir ro/ /gal te byang chub sems dpas de ltar rlom sems su byed na/ de yang chos ma yin pa ste/
57b4 de ci'i phyir zhe na/ byang chub ni rlom sems med pa'i phyir ro/ /gal te byang chub sems dpa' de ltar gnas par byed na/ de yang chos ma yin pa ste/ de ci'i phyir zhe na/ byang chub ni gnas med pa'i phyir ro/ /gal te
57b5 byang chub sems dpa' de ltar mos par byed na/ de yang chos ma yin pa ste/ de ci'i phyir zhe na/ byang chub ni mos pa med pa'i phyir ro/ /gal te byang chub sems dpa' de ltar rab tu shes par byed na de yang chos ma yin pa ste/
57b6 de ci'i phyir zhe na/ byang chub ni mtshan nyid med pa'i phyir ro/ /gal te byang chub sems dpa' de ltar khong du chud par byed na/ de yang chos ma yin pa ste/ de ci'i phyir zhe na/ byang chub ni 'gyur ba med pa'i phyir ro/ /gal te
57b7 byang chub sems dpas de ltar mngon du bya'o snyam nas de ltar sgom par byed na de yang chos ma yin pa ste/ de ci'i phyir zhe na/ byang chub ni med pa'i phyir dang / byang chub de ni yi ge med pa'i phyir ro/ /de nas dge slong
57b8 mya ngan bral gyis dge slong mya ngan med la 'di skad ces smras so/ /mya ngan med byang chub de med dam ci na de'i phyir de skad ston/ ji ste mya ngan bral yod cing bdag yod na ni byang chub kyang yod do/ /dge slong mya ngan med kyis
58a1 smras pa/ phu bo khyod spros pa med pa'i byang chub la byang chub yod ce 'am/ med ces rnam par ma rtog shig /de ci'i phyir zhe na/ ji tsam du spros pa de ni byang chub ma yin no/ /de ci'i phyir zhe na/ byang chub
58a2 ni spros pa med pa'i phyir te/ 'di ni tshul yin no/ /yang na ji tsam du spros pa de tsam du byang chub bo/ /mya ngan bral gyis smras pa/ nu bo ji tsam du spros pa de byang chub bo zhes smras pa de'i don bdag gis mi shes so/ /
58a3 de nas dge slong mya ngan med kyis phu bo la smras pa/ phu bo de'i phyir gnyi ga 'grogs nas/ bcom ldan 'das de bzhin gshegs pa bde ba'i rgyal po ga la ba der 'dong ngo / /de nas de gnyis bcom ldan 'das de bzhin
58a4 gshegs pa bde ba'i rgyal po de ga la ba der dong nas/ bcom ldan 'das de'i zhabs la phyag 'tshal te phyogs gcig tu 'khod do/ /de gnyis phyogs gcig tu 'khod nas kyang / bcom ldan 'das de la gtam
58a5 kun brjod pa de ji snyed byung ba de thams cad gsol to/ /de nas bcom ldan 'das des dge slong mya ngan med la mya ngan med legs so legs so/ /zhes bya ba byin te/ de la legs so zhes bya ba byin nas kyang /
58a6 dge slong mya ngan bral la 'di skad ces bka' stsal to/ /mya ngan bral de de bzhin te/ ji tsam du spros pa de ni byang chub ste/ de ci'i phyir zhe na/ spros pa thams cad ni dben pa yin pa'i phyir te/ byang chub de yang
58a7 dben pa yin no/ /dben pa nyid kyang gang zhe na/ spros pa gang yin pa'o/ /spros pa gang zhe na/ rtog pa ste/ gzugs spros pa dang / tshor ba dang / 'du shes dang / 'du byed rnams dang / rnam par shes pa
58a8 spros pa dang / tshul khrims spros pa dang / ting nge 'dzin spros pa dang / 'dod pa chung ba nyid spros pa dang / chog shes pa nyid spros pa dang / dgang sla ba nyid spros pa dang / ma 'dres pa nyid spros pa'o/ /spros pa
58b1 de yang gang las byung zhe na/ kun tu rtog pa las byung ste/ gzugs kyi kun tu rtog pa nas ting nge 'dzin gyi kun tu rtog pa'i bar du kun tu rtog pa ji snyed yod pa spros pa yang de snyed do/ /de la kun tu rtog pa gang yin
58b2 pa de ni gzugs can ma yin pa'i phyir kun tu rtog pa ni gzugs can ma yin pa'o/ /kun tu rtog pa gang yin pa de ni rtog pa med pa'o/ /kun tu rtog pa gang yin pa de ni tshul khrims ma yin pa nas chog shes pa nyid kyi bar
58b3 du'ang ma yin no/ /byang chub ni gzugs stong pa nyid do/ /byang chub ni tshor ba dang / 'du shes dang / 'du byed rnams dang / rnam par shes pa stong pa nyid do/ /de bzhin du byang chub de ni tshul khrims dang / ting nge 'dzin dang / 'dod
58b4 pa chung ba nyid dang / chog shes pa nyid dang / dgang sla ba nyid dang / gso sla ba nyid stong pa nyid do/ /stong pa nyid ni gcig pa'ang ma yin tha dad pa'ang ma yin te/ byang chub de ni de yin no/ /de nas dge slong mya ngan bral
58b5 gyis chos kyi rnam grangs de thos nas mi skye ba'i chos la bzod pa thob bo/ /sems gang gis byang chub sems dpa' zhes brjod pa'i byang chub kyi sems de yang rab tu shes so/ /de ltar dge slong mya ngan med dang / dge slong
58b6 mya ngan bral de ltar chos rnams la lhag mthong dang / de ltar chos rnams rab tu shes pa dang / de ltar chos rnams la mos pas lo brgyad khri bzhi stong du nam yang rmugs pa dang / gnyid kyis ma non cing nam yang brtson
58b7 'grus ma btang ste/ gzhan du na rtag tu 'chag pa la mngon par brtson pa 'ba' shig tu gyur pa ni ma gtogs so/ /nam yang 'dod chags kyi sems ma bskyed zhe sdang gi sems ma bskyed/ gti mug gi sems ma
58b8 bskyed do/ /de gnyis de nas shi 'phos nas 'og gi 'jig rten gyi khams su de bzhin gshegs pa dpung mgo zlum pa zhes bya ba'i sangs rgyas kyi zhing stong gi rjes su 'thun pa zhes bya bar skyes te/ der yang brtson 'grus
59a1 brtsam pa yang dag par blangs nas gnas par gyur to/ /ma pham pa rnam grangs des byang chub sems dpa' de gnyis kyis sangs rgyas bye ba phrag drug bcu rtsa brgyad mnyes par byas so/ /skye ba thams cad du
59a2 yang rab tu byung ste/ thams cad du yang brtson 'grus brtsams pa dag gis gnas so/ /de'i 'og tu byang chub sems dpa' sems dpa' chen po mya ngan med bla na med pa yang dag par rdzogs pa'i byang chub mngon par
59a3 rdzogs par sangs rgyas te/ de bzhin gshegs pa dgra bcom pa yang dag par rdzogs pa'i sangs rgyas tshogs mchog bkod pa zhes bya ba 'jig rten du byung ngo / /de'i 'og tu byang chub sems dpa' mya ngan bral bla na med
59a4 pa yang dag par rdzogs pa'i byang chub mngon par rdzogs par sangs rgyas te/ de bzhin gshegs pa mchog gi tshogs can zhes bya ba byung bar gyur te/ ma pham pa de dag gi gsung rab de yang rgya chen por gyur to/ /
59a5 ma pham pa de bzhin gshegs pa de dag ni tshe yang dpag tu med par gyur to/ /ma pham pa byang chub sems dpa'i sems gang yin pa de ni gang du yang bskur ba ma yin/ gang nas kyang blangs pa ma yin/ bskyed pa ma yin
59a6 bkag pa ma yin/ gnas pa ma yin/ rgyun chad pa ma yin/ song ba ma yin/ 'ongs pa ma yin no/ /ma pham pa sems de gang yin pa dang / byang chub sems dpa' gang yin pa de gnyi ga yang mchog tu rnyed par
59a7 dka'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /bskal pa bye ba rnams su yang / /'jig rten snang byed rnams ni dkon/ /u dum ba ra'i me tog bzhin/ /'jig rten du ni
59a8 res 'ga' 'byung / /gang dag byang chub phyir zhugs pa'i/ /byang chub sems dpa' sems de'ang dkon/ /dpa' bo yi ni sems de yang / /'jig rten du ni res 'ga' 'byung / /de lta bas na de 'dra ba'i/ /dag pa'i sems de
59b1 bskyed nas su/ /sangs rgyas dag gi stobs rnams dang / /de bzhin mi 'jigs rnams kyang snang / /de las seng ge'i sgra sgrogs dang / /drang srong smra bar nga yis su/ /yang dag 'khor lo bskor ba bzhin/ /chos kyi 'khor
59b2 lo'ang de bzhin no/ /nga yi ma 'dres bcwa brgyad chos/ /ma tshang med pa gang yin dang / /sangs rgyas rnams kyi mtshan gang yin/ /de dag kyang ni 'dir ltos shig /rmongs pa med pas gshegs pa dang / /glang po che yi
59b3 gzigs stangs dang / /spyi gtsug bltar mi mthong ba yang / /sems de las ni rab tu ltos/ /tshul khrims pha rol phyin pa dang / /ting 'dzin pha rol phyin pa dang / /shes rab pha rol phyin pa dang / /byang chub sems
59b4 de'ang 'di las ltos/ /sangs rgyas chos rnams rab bstan pa'i/ /chos gzhan gang dag yin pa yang / /de dag thams cad sems de dang / /dang po'i sems la gnas pa yin/ /nyan thos tshul khrims gang
59b5 yin dang / /nyan thos ting 'dzin gang yin dang / /shes rab phung po rdzu 'phrul gang / /de dag thams cad 'dir ltos shig /sngon chad sems ni bskyed pa de/ /gal te 'jug pa ma yin na/ /bla na med pa'i ye shes
59b6 kyang / /'jug par 'gyur ba ga la yin/ /sangs rgyas chos rnams mthong min na/ /thos par yang ni ga la 'gyur/ /'jig rten du ni nyan thos rnams/ /'byung bar srid pa ma yin no/ /rdzogs pa'i rang sangs
59b7 rgyas gang dag /gnas nas mya ngan 'das pa yi/ /dge ba'i go cha de yang ni/ /sems de nyid las blta bar byos/ /sems can bde ba gang ci'ang rung / /'jig rten pa 'am 'jig rten 'das/ /thams cad kyang
59b8 ni sems de dang / /dang po'i sems la gnas pa yin/ /sems de'i rnam par smin pa ni/ /rgya chen yin te de mthong na/ /bskal pa bye phrag stong du'ang / /de ni zad par mi 'dod do/ /skye ba dang ni 'jig ldan la/ /rkyen rnams
60a1 kyis ni bskyed gyur pa/ /sems kyis dngos po stong pa yi/ /rnam par smin pa ci 'dra ltos/ /rkyen rnams kyis ni sems bskyed la/ /sems de'ang dngos po med pa ste/ /dngos po med dang ldan sems
60a2 kyis/ /rnam par smin pa ci 'dra ltos/ /dmigs par bya ba de dag gis/ /sems ni nam yang mi skye ste/ /gang gi bsngags pa mi nyams pa'i/ /de yi rnam smin nyid la ltos/ /brtan pa'i blo can mi zhig gis/ /de 'dra'i
60a3 sems ni rab shes nas/ /rtag tu theg pa dam pa la/ /gnas pa su zhig chud zar 'gyur/ /gang dag mig dang gzugs gnas shing / /tshor ba dang ni 'du shes gnas/ /'du byed la yang gnas nas su/ /bdag nyid rnam
60a4 shes ma byas pa/ /blo gros ngan pas nam mkha' la/ /kun tu brtags pas 'dag snyam pa/ /yun ring dag par ma gyur pas/ /srid par mi mkhas rnams su 'gyur/ /de phyir sems ni gsob dang gsog /yod pa min
60a5 par rab shes nas/ /de la snying por mi bzung ste/ /de dag ngo bo nyid kyis stong / /brten nas sems ni bskyed gyur pa/ /nam yang chud zar mi 'gyur zhing / /gang dag de yi rkyen yin pa/ /de dag ngo bo nyid kyis stong / /ngo bo nyid kyis
60a6 stong pa'i chos/ /de dag la ni sgrub pa med/ /chos rnams thams cad brtags pa ste/ /rang bzhin de ltar rab tu bstan/ /gang dag de ltar rab shes pa/ /de de byang chub lung bstan gyi/ /de dag gzugs kyis lung ma bstan/ /
60a7 tshor bas kyang ni lung ma bstan/ /'du shes 'du byed rnams kyis min/ /rnam shes kyis kyang lung ma bstan/ /'di la chos rnams mi dmigs kyang / /de dag lung ma bstan pa'ang min/ /gang dag 'di la chos thams cad/ /
60a8 mtshan med de 'dra'i shes ldan zhing / /shes pas rlom sems mi byed pa/ /de dag byang chub lung bstan to/ /bzod pa 'di 'dra de skyes pa/ /blo gros bstan pas bzod tu zad/ /bong ba'i chad pas mtshon chad la/ /
60b1 de dag mi mjed can du 'gyur/ /gang dag bzod pa de 'dra ba/ /legs par skyes par gyur pa dag /de dag rnyed dang bkur sti bzod/ /de ni rnyed pas rlom sems med/ /de 'dra ba yi bzod pa de/ /mkhas pa rnams kyis gnod
60b2 pa yin/ /mtha' gnyis zil gyis mnan nas su/ /mkhas rnams dbu mas spyod par byed/ /de phyir bzod pa bsten par bya/ /ngo bo nyid kyis chos stong pa/ /de ni byang chub lam yin te/ /ngas kyang de ni bsten pa yin/ /
60b3 byang chub tu sems bskyed pa bsngags pa'i le'u zhes bya ste/ bzhi pa'o// // bam po lnga pa/ de'i shar phyogs kyi phyogs char 'jig rten gyi khams grangs med pa stong phrag drug bcu rtsa brgyad
60b4 'das pa na 'jig rten gyi khams blo gros rab gnas shes bya ba na de bzhin gshegs pa dgra bcom pa yang dag par rjogs pa'i sangs rgyas nam mkha'i rigs shes bya ba bzhugs te 'tsho zhing gzhes la chos kyang ston te/ bcom
60b5 ldan 'das de bzhin gshegs pa dgra bcom pa yang dag par rdzogs pa'i sangs rgyas nam mkha'i rigs des kyang byang chub sems dpa' sems dpa' chen po zla ba zhes bya ba bla na med pa yang dag par rdzogs pa'i byang chub
60b6 tu lung bstan to/ /byang chub sems dpa' sems dpa' chen po zla bas snang ba de mthong ste/ gsung bsal ba'i sgra de yang thos so/ /de nas byang chub sems dpa' sems dpa' chen po zla bas de bzhin gshegs pa dgra bcom
60b7 pa yang dag par rdzogs pa'i sangs rgyas nam mkha'i rigs la 'di skad ces gsol to/ /bcom ldan 'das gsung bsal ba'i sgra grag pa de dang / 'od gda' ba de su'i lags/ de skad ces gsol pa dang /
60b8 bcom ldan 'das de bzhin gshegs pa nam mkha'i rigs kyis byang chub sems dpa' sems dpa' chen po zla ba la 'di skad ces bka' stsal to/ /rigs kyi bu sangs rgyas kyi zhing 'di nas 'jig rten gyi khams grangs
61a1 med pa stong phrag drug bcu rtsa brgyad 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar bzhugs
61a2 te 'tsho zhing gzhes la 'di lta ste/ byang chub sems dpa'i sde snod ces bya ba'i chos kyi rnam grangs kyi chos kyang ston to/ /gsung bsal ba'i sgra grag pa de dang / 'od snang ba de ni bcom ldan 'das de'i yin no/ /de nas bcom
61a3 ldan 'das de la byang chub sems dpa' zla bas 'di skad ces gsol to/ /bcom ldan 'das bcom ldan 'das shAkya thub pa de'i thad du 'jig rten gyi khams mi mjed der bdag mchi bar bgyi'o/ /bcom ldan 'das des
61a4 bka' stsal pa/ rigs kyi bu khyod de'i dus la dbab par shes na song shig /de nas bcom ldan 'das des skabs phye nas byang chub sems dpa' zla bas bcom ldan 'das de la rnam par bltas te/ bcom ldan 'das
61a5 de'i zhabs la mgo bos phyag 'tshal nas 'gro bar chas so/ /de nas bcom ldan 'das de bzhin gshegs pa nam mkha'i rigs des byang chub sems dpa' zla ba'i lag par lag pa lta bu'i me tog ku mu da byin te/
61a6 'di skad ces kyang bka' stsal to/ /rigs kyi bu khyod kyis lag pa lta bu'i me tog ku mu da 'di bcom ldan 'das de la phul la/ bcom ldan 'das bcom ldan 'das la de bzhin gshegs pa nam mkha'i rigs
61a7 gnod pa chung ngam/ nyam nga ba nyung ngam/ bskyod pa yang ngam/ stobs dang / bde bar reg pa la gnas sam zhes bsnyun gsol lo zhes de skad ces kyang gsol cig /de nas byang chub sems dpa' zla bas bcom
61a8 ldan 'das de'i ltar mnyan te/ legs so zhes gsol nas song ste/ de rgyal po'i khab 'od ma'i tshal ka lan da ka gnas pa ga la ba dang / bcom ldan 'das ga la ba der 'di lta ste/ dper na skyes bu
61b1 stobs dang ldan pa zhig gis lag pa bskum pa rkyong bar byed pa 'am/ lag pa brkyang ba skum par byed pa'i skad cig des song ngo / /de nas byang chub sems dpa' zla bas phyin te/ bcom ldan 'das kyi zhabs la mgo
61b2 bos phyag 'tshal nas phyogs gcig tu 'dug go/ /phyogs gcig tu 'dug nas kyang bcom ldan 'das la 'di skad ces gsol to/ /bcom ldan 'das bcom ldan 'das la de bzhin gshegs pa nam mkha'i
61b3 rigs gnod pa chung ngam/ nyam nga ba nyung ngam/ bskyod pa yang ngam/ stobs dang bde ba la reg par gnas sam zhes bsnyun gsol zhing / bcom ldan 'das la bcom ldan 'das des lag pa lta bu'i ku mu
61b4 da 'di yang bskur ba lags so/ /bcom ldan 'das kyis byang chub sems dpa' zla ba'i lag pa nas lag pa lta bu'i ku mu da de bzhes te/ bzhes nas kyang bka' stsal pa/ zla ba ci bcom ldan 'das de bsnyun
61b5 mi mnga' 'am/ stobs dang ldan nam/ bde ba dang ldan nam/ 'gyur ba mi mnga' 'am/ bde bar reg pa la gnas sam/ bcom ldan 'das de lta lags so/ /de'i tshe shar phyogs su 'jig rten gyi khams
61b6 grangs med pa bzhi khri 'das pa na 'jig rten gyi khams sa'i snying po zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rnam par bsgrags pa'i stobs kyi rgyal po
61b7 zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' sems dpa' chen po ye shes rnam par bsgrags pa zhes bya ba bla na med pa yang dag par rdzogs
61b8 pa'i byang chub tu lung bstan to/ /byang chub sems dpa' sems dpa' chen po ye shes rnam par bsgrags pas snang ba chen po de mthong ste/ gsung bsal ba'i sgra de yang thos so/ /de nas byang chub sems dpa'
62a1 ye shes rnam par bsgrags pa/ bcom ldan 'das de bzhin gshegs pa rnam par bsgrags pa'i stobs kyi rgyal po ga la ba der song ste phyin nas/ bcom ldan 'das kyi zhabs la mgo bos phyag 'tshal te/
62a2 bcom ldan 'das de la 'di skad ces gsol to/ /bcom ldan 'das 'od de dang / gsung bsal ba'i sgra de su'i lags/ de nas bcom ldan 'das des byang chub sems dpa' de la bka' stsal pa/ rigs kyi bu
62a3 sangs rgyas kyi zhing 'di nas 'jig rten gyi khams grangs med pa bzhi khri 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas
62a4 shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod sems can thams cad kyi bsam pa yang dag par tshim par byed pa'i chos kyi rnam grangs kyi chos kyang ston to/ /
62a5 de nas bcom ldan 'das de la byang chub sems dpa' des 'di skad ces gsol to/ /bcom ldan 'das bcom ldan 'das de la blta ba dang / phyag bgyi ba dang / bsnyen bkur bgyi ba dang / dpe med pa sems pa'i
62a6 byang chub sems dpa' de dag kyang blta ba'i slad du 'jig rten gyi khams mi mjed der bdag mchi bar bgyi'o/ /bcom ldan 'das des bka' stsal pa/ rigs kyi bu de'i dus la dbab par shes na song shig /
62a7 de nas bcom ldan 'das des skabs phye nas byang chub sems dpa' ye shes rnam par bsgrags pas bcom ldan 'das de la phyag 'tshal te/ 'jig rten gyi khams mi mjed ga la ba der chas so/ /
62a8 de nas de bzhin gshegs pa rnam par bsgrags pa'i rgyal po des tsan dan dmar po'i thum po by-in nas/ rigs kyi bu khyod kyis bcom ldan 'das de la 'di phul te/ phul nas kyang nga'i tshig gis gnod pa chung ngam/
62b1 nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes bsnyun gsol cig /de nas byang chub sems dpa' ye shes rnam par bsgrags pas mnyan nas legs so zhes gsol
62b2 te/ 'di lta ste/ dper na skyes bu stobs dang ldan pa zhig gis lag pa bskum pa rkyong bar byed pa 'am/ lag pa brkyang ba skum par byed pa'i skad cig dang / thang cig dang / yud tsam des 'jig rten gyi
62b3 khams 'dir 'ongs te/ de rgyal po'i khab 'od ma'i tshal bya ka lan da ka gnas pa ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/
62b4 bcom ldan 'das la 'di skad ces gsol to/ /bcom ldan 'das bcom ldan 'das la de bzhin gshegs pa rnam par bsgrags pa'i stobs kyi rgyal po gnod pa chung ngam/ nyam nga ba nyung ngam/ bskyod pa yang
62b5 ngam/ stobs dang bde bar reg pa la gnas sam zhes bsnyun gsol zhing / bcom ldan 'das la bcom ldan 'das des tsan dan dmar po 'di yang bskur ba lags so/ /bcom ldan 'das kyis bzhes te/
62b6 bzhes nas kyang bka' stsal pa/ ye shes rnam par bsgrags pa ci bcom ldan 'das de snyun mi mnga' 'am/ stobs dang ldan nam/ 'gyur ba mi mnga' 'am/ gsol pa/ bcom ldan 'das de lta
62b7 lags so/ /de'i tshe shar phyogs su 'jig rten gyi khams grangs med pa sum khri dgu stong 'das pa na 'jig rten gyi khams zla ba 'phags pa'i 'od zer ces bya ba yod de/ de na de bzhin gshegs pa dgra
62b8 bcom pa yang dag par rdzogs pa'i sangs rgyas 'od zer rab tu btang ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' 'od kyi dkyil 'khor
63a1 can zhes bya ba bla na med pa yang dag par rdzogs pa'i byang chub tu lung bstan to/ /byang chub sems dpa' 'od kyi dkyil 'khor can gyis snang ba chen po de mthong ste/ gsung bsal ba'i sgra de yang thos so/ /de nas
63a2 bcom ldan 'das de la byang chub sems dpa' sems dpa' chen po 'od kyi dkyil 'khor can gyis 'di skad ces gsol to/ /bcom ldan 'das 'od de dang / gsung bsal ba'i sgra grag pa de su'i lags/ de skad ces
63a3 gsol pa dang / bcom ldan 'das kyis byang chub sems dpa' 'od kyi dkyil 'khor can la 'di skad ces bka' stsal to/ /'od kyi dkyil 'khor can nub phyogs su 'jig rten gyi khams grangs med pa sum khri
63a4 dgu stong 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/
63a5 byang chub sems dpa'i sde snod ces bya ba'i chos kyi rnam grangs kyi chos kyang ston to/ /de nas bcom ldan 'das de la byang chub sems dpa' sems dpa' chen po 'od kyi dkyil 'khor can gyis 'di skad ces gsol to/ /
63a6 bcom ldan 'das bcom ldan 'das shAkya thub pa la blta ba dang / phyag bgyi ba dang / bsnyen bkur bgyi ba dang / byang chub sems dpa' sems dpa' chen po de dag kyang blta ba'i slad du 'jig rten gyi khams der
63a7 bdag mchi bar bgyi'o/ /bka' stsal pa/ rigs kyi bu khyod de'i dus la da bab par shes na song shig /de nas bcom ldan 'das de bzhin gshegs pa 'od zer rab tu btang bas byang chub sems dpa' 'od kyi
63a8 dkyil 'khor can la pad ma chen po gcig byin te/ rigs kyi bu khyod kyis bcom ldan 'das de la pad ma chen po 'di phul la/ bcom ldan 'das la bcom ldan 'das 'od zer rab tu btang ba gnod pa chung ngam/
63b1 nyam nga ba nyung ngam/ bskyod pa yang ngam/ stobs dang / bde bar reg pa la gnas sam zhes snyun gsol lo zhes de skad ces gsol cig /de nas byang chub sems dpa' 'od kyi dkyil 'khor can bcom ldan 'das de'i zhabs la phyag
63b2 'tshal te bskor ba byas nas/ 'di lta ste dper na/ skyes bu stobs dang ldan pa zhig gis zhes bya ba nas rgyas par skad cig des 'jig rten gyi khams mi mjed 'dir phyin te/ de bcom ldan 'das de bzhin gshegs pa shAkya
63b3 thub pa ga la ba der song ste phyin nas/ bcom ldan 'das kyi zhabs la phyag 'tshal te bcom ldan 'das la 'di skad ces gsol to/ /bcom ldan 'das bcom ldan 'das la de bzhin gshegs pa 'od zer rab tu btang ba
63b4 gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes bsnyun gsol zhing / bcom ldan 'das la bcom ldan 'das des pad ma chen po 'di yang bskur ba lags so/ /
63b5 bcom ldan 'das kyis bzhes te/ bzhes nas kyang byang chub sems dpa' 'od kyi dkyil 'khor can la bka' stsal pa/ 'od kyi dkyil 'khor can ci bcom ldan 'das bsnyun mi mnga' 'am/ stobs dang ldan nam/
63b6 bde ba dang ldan nam/ 'gyur ba mi mnga' 'am/ gsol pa/ bcom ldan 'das de lta lags so/ /de'i tshe shar phyogs su sangs rgyas kyi zhing grangs med pa sum khri brgyad stong 'das pa na 'jig rten gyi khams
63b7 'dren pa'i rgyal mtshan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas nges par 'dren pa'i rgyal mtshan zhes bya ba bzhugs te 'tsho zhing gzhes la chos kyang ston te/
63b8 bcom ldan 'das des kyang byang chub sems dpa' sems dpa' chen po rin po che'i go cha mtha' yas shes bya ba bla na med pa yang dag par rdzogs pa'i byang chub tu lung bstan to/ /de nas byang chub sems dpa'
64a1 rin po che'i go cha mtha' yas kyis snang ba chen po de dang / sa g.yo ba chen po de yang mthong ste/ mthong nas kyang bcom ldan 'das de bzhin gshegs pa 'dren pa'i rgyal mtshan ga la ba der song ste phyin nas/
64a2 bcom ldan 'das de'i zhabs la mgo bos phyag 'tshal te/ bcom ldan 'das de la 'di skad ces gsol to/ /bcom ldan 'das 'od kyi snang ba de dang / dog sa g.yo ba de dang / gsung bsal ba'i sgra de su'i
64a3 lags/ bcom ldan 'das kyis bka' stsal pa/ rin po che'i go cha mtha' yas sangs rgyas kyi zhing 'di nas sangs rgyas kyi zhing grangs med pa sum khri brgyad stong 'das pa na 'jig rten gyi khams mi mjed
64a4 ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod sems can
64a5 thams cad kyi bsam pa yang dag par tshim par byed pa zhes bya ba'i chos kyi rnam grangs kyi chos kyang ston te/ 'od kyi snang ba de dang / gsung bsal ba'i sgra de ni de'i yin no/ /de nas bcom ldan 'das de la byang chub
64a6 sems dpa' rin po che'i go cha mtha' yas kyis 'di skad ces gsol to/ /bcom ldan 'das bcom ldan 'das de la blta ba dang / phyag bgyi ba dang / bsnyen bkur bgyi ba dang / byang chub sems dpa'
64a7 de dag kyang blta ba'i slad du 'jig rten gyi khams der bdag mchi bar bgyi'o/ /de nas bcom ldan 'das des bka' stsal pa/ rigs kyi bu khyod de'i dus la dbab par shes na song shig /de nas bcom ldan
64a8 'das de bzhin gshegs pa dgra bcom pa yang dag par rdzogs pa'i sangs rgyas nges par 'dren pa'i rgyal mtshan gyis byang chub sems dpa' rin po che'i go cha mtha' yas kyi lag par ka shi ka'i gos gcig
64b1 byin te/ khyod kyis bcom ldan 'das de la ka shi ka'i gos 'di phul la/ nga'i tshig gis gnod pa chung ngam/ nyam nga ba nyung ngam/ bskyod pa yang ngam zhes bsnyun gsol cig /de nas byang chub sems dpa' sems dpa'
64b2 chen po rin po che'i go cha mtha' yas bcom ldan 'das de'i zhabs la mgo bos phyag 'tshal te song ngo / /de nas byang chub sems dpa' sems dpa' chen po rin po che'i go cha mtha' yas 'jig rten gyi khams 'dren
64b3 pa'i rgyal mtshan nas mi snang bar gyur te / 'jig rten gyi khams mi mjed du 'dug go/ /de bcom ldan 'das de bzhin gshegs pa shAkya thub pa ga la ba der song ste phyin nas/ bcom ldan 'das kyi zhabs la mgo
64b4 bos phyag 'tshal te phyogs gcig tu 'dug go/ /phyogs gcig tu 'dug nas kyang bcom ldan 'das la byang chub sems dpa' rin po che'i go cha mtha' yas kyis 'di skad ces gsol to/ /bcom ldan 'das
64b5 bcom ldan 'das la de bzhin gshegs pa nges par 'dren pa'i rgyal mtshan gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes bsnyun gsol zhing / bcom
64b6 ldan 'das la bcom ldan 'das des ka shi ka'i gos 'di yang bskur ba lags so/ /bcom ldan 'das kyis ka shi ka'i gos de bzhes te/ bzhes nas byang chub sems dpa' sems dpa' chen po rin po che'i
64b7 go cha mtha' yas la 'di skad ces bka' stsal to/ /rin po che'i go cha mtha' yas ci bcom ldan 'das de bsnyun mi mnga' 'am/ stobs dang ldan nam/ bde ba dang ldan nam/ 'gyur ba mi mnga' 'am/ gsol pa/
64b8 bcom ldan 'das de lta lags so/ /de'i tshe shar phyogs su 'jig rten gyi khams grangs med pa sum khri bdun stong 'das pa na 'jig rten gyi khams me tog pad ma zhes bya ba yod de/ de na de bzhin gshegs pa
65a1 dgra bcom pa yang dag par rdzogs pa'i sangs rgyas sna tshogs me tog tshogs kyi dpal zhes bya ba bzhugs te 'tsho zhing gzhes la chos kyang ston te/ bcom ldan 'das de bzhin gshegs pa des kyang
65a2 byang chub sems dpa' brtson 'grus mtha' yas shes bya ba bla na med pa yang dag par rdzogs pa'i byang chub tu lung bstan to/ /byang chub sems dpa' sems dpa' chen po brtson 'grus mtha' yas kyis snang ba chen
65a3 po de mthong ste/ gsung bsal ba'i sgra de yang thos so/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sna tshogs me tog tshogs kyi dpal la byang chub sems
65a4 dpa' brtson 'grus mtha' yas kyis 'di skad ces gsol to/ /bcom ldan 'das mthu de su'i lags/ bcom ldan 'das des bka' stsal pa/ rigs kyi bu nub phyogs su 'jig rten gyi khams grangs med pa
65a5 sum khri bdun stong 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes
65a6 la 'di lta ste/ byang chub sems dpa'i sde snod ces bya ba chos kyi rnam grangs kyi chos kyang ston te/ mthu de ni de'i yin no/ /de nas bcom ldan 'das de la byang chub sems dpa' sems dpa' chen po brtson
65a7 'grus mtha' yas kyis 'di skad ces gsol to/ /bcom ldan 'das bcom ldan 'das shAkya thub pa'i thad du 'jig rten gyi khams der bdag mchi bar bgyi'o/ /bcom ldan 'das des bka' stsal pa/ rigs kyi
65a8 bu de'i dus la dbab par shes na song shig /de nas de bzhin gshegs pa sna tshogs me tog tshogs kyi dpal gyis byang chub sems dpa' sems dpa' chen po brtson 'grus mtha' yas kyi lag par pad ma chen po zhig byin te/ rigs kyi
65b1 bu khyod kyis bcom ldan 'das de la pad ma chen po 'di phul la/ nga'i tshig gis gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes bsnyun gsol cig /de nas byang chub
65b2 sems dpa' sems dpa' chen po brtson 'grus mtha' yas de bzhin gshegs pa dgra bcom pa yang dag par rdzogs pa'i sangs rgyas sna tshogs me tog tshogs kyi dpal gyi zhabs la phyag 'tshal te bskor ba byas nas/ 'di lta ste/
65b3 skyes bu stobs dang ldan pa zhig gis lag pa bskum pa rkyong bar byed pa 'am/ lag pa brkyang ba skum par byed pa'i skad cig dang / thang cig dang / yud tsam des song ste/ sangs rgyas kyi zhing de nas mi snang bar gyur nas 'jig rten
65b4 gyi khams mi mjed du 'dug go/ /de nas byang chub sems dpa' sems dpa' chen po brtson 'grus mtha' yas rgyal po'i khab kyi grong khyer chen po ga la ba dang / 'od ma'i tshal bya ka lan da ka gnas pa ga la ba der song ste phyin nas/
65b5 bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas kyang bcom ldan 'das la 'di skad ces gsol to/ /bcom ldan 'das bcom ldan 'das la de bzhin gshegs
65b6 pa sna tshogs me tog tshogs kyi dpal gnod pa chung ngam/ nyam nga ba nyung ngam/ bskyod pa yang ngam/ stobs dang / bde bar reg pa la gnas sam zhes bsnyun gsol zhing / bcom ldan 'das la bcom ldan 'das des pad
65b7 ma chen po 'di yang bskur ba lags na/ bcom ldan 'das kyis pad ma 'di bzhes su gsol/ bcom ldan 'das kyis pad ma de bzhes te/ bzhes nas kyang 'di skad ces bka' stsal to/ /brtson 'grus mtha' yas
65b8 ci bcom ldan 'das de bsnyun mi mnga' 'am/ stobs dang ldan nam/ bde ba dang ldan nam/ 'gyur ba mi mnga' 'am/ gsol pa/ bcom ldan 'das de lta lags so/ /de'i tshe shar phyogs su 'jig rten gyi
66a1 khams grangs med pa sum khri drug stong 'das pa na 'jig rten gyi khams gdugs gcig pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas 'jigs pa'i
66a2 spu zing zhes byed pa dang bral ba zhes bya ba bzhugs te 'tsho zhing gzhes la chos kyang ston te/ de bzhin gshegs pa dgra bcom pa yang dag par rdzogs pa'i sangs rgyas 'jigs pa'i spu zing zhes byed pa dang bral ba des
66a3 byang chub sems dpa' dra ba can gyi 'od ces bya ba bla na med pa yang dag par rdzogs pa'i byang chub tu lung bstan to/ /byang chub sems dpa' sems dpa' chen po dra ba can gyi 'od kyis snang ba chen po de mthong ste/ gsung
66a4 bsal ba'i sgra de yang thos so/ /thos nas kyang bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te bcom ldan 'das de la 'di skad ces gsol to/ /bcom ldan 'das
66a5 'od de dang / gsung bsal ba'i sgra de su'i lags/ bcom ldan 'das des bka' stsal pa/ rigs kyi bu sangs rgyas kyi zhing 'di nas 'jig rten gyi khams grangs med pa sum khri drug stong 'das pa na 'jig rten gyi khams mi
66a6 mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod ces bya ba'i chos kyi
66a7 rnam grangs kyi chos kyang ston te mthu de ni de'i yin no/ /de skad ces bka' stsal pa dang / bcom ldan 'das de la byang chub sems dpa' sems dpa' chen po dra ba can gyi 'od kyis 'di skad ces gsol to/ /bcom ldan 'das
66a8 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkur bgyi ba dang bsam gyis mi khyab pa'i go cha bgos pa'i byang chub sems
66b1 dpa' de dag kyang blta ba'i slad du 'jig rten gyi khams mi mjed der bdag mchi bar bgyi'o/ /bka' stsal pa/ rigs kyi bu de'i dus la dbab par shes na song shig /de nas bcom ldan 'das kyis byang chub sems dpa' dra ba
66b2 can gyi 'od la me tog kha dog lnga pas khal bcu tshad bkang nas byin te/ rigs kyi bu khyod kyis bcom ldan 'das de la 'di phul la nga'i tshig gis/ bcom ldan 'das gnod pa chung ngam/ nyam nga ba nyung ngam/ bsnyun mi mnga'
66b3 'am/ stobs dang ldan nam/ bde bar reg pa la gnas sam zhes de skad ces bsnyun yang gsol cig /de nas byang chub sems dpa' sems dpa' chen po dra ba can gyi 'od bcom ldan 'das de'i zhabs la mgo bos phyag
66b4 'tshal nas 'di lta ste/ dper na skyes bu stobs dang ldan pa zhig gis zhes bya ba nas rgyas par skad cig dang thang cig dang yud tsam des 'jig rten gyi khams mi mjed 'dir 'dug ste/ de rgyal po'i khab 'od ma'i tshal bya
66b5 ka lan da ka gnas pa ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas kyang bcom ldan
66b6 'das la byang chub sems dpa' sems dpa' chen po dra ba can gyi 'od kyis 'di skad ces gsol to/ /bcom ldan 'das bcom ldan 'das la de bzhin gshegs pa 'jigs pa'i spu zing zhes byed pa dang bral ba gnod pa chung ngam/
66b7 nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes bsnyun gsol zhing / bcom ldan 'das la bcom ldan 'das des me tog kha dog lnga pas bltam pa'i khal bcu tshad 'di yang bskur
66b8 ba lags na/ bcom ldan 'das kyis bzhes su gsol/ bcom ldan 'das kyis bzhes te bzhes nas kyang bka' stsal pa/ rigs kyi bu ci bcom ldan 'das de bsnyun mi mnga' 'am/ stobs dang ldan nam/ bde ba dang ldan nam/
67a1 'gyur ba mi mnga' 'am/ gsol pa/ bcom ldan 'das de lta lags so/ /de'i tshe shar phyogs su 'jig rten gyi khams grangs med pa sum khri lnga stong 'das pa na 'jig rten gyi khams shin tu rnam par dag pa
67a2 zhes bya ba na/ de bzhin gshegs pa dgra bcom pa yang dag par rdzogs pa'i sangs rgyas ye shes kyi dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' ye
67a3 shes kyi stobs shes bya ba bla na med pa yang dag par rdzogs pa'i byang chub tu lung bstan to/ /byang chub sems dpa' sems dpa' chen po ye shes kyi stobs kyis snang ba chen po de mthong ste/ gsung bsal ba'i sgra de
67a4 yang thos nas/ de bcom ldan 'das de bzhin gshegs pa ye shes kyi dpal ga la ba der song ste/ bcom ldan 'das de'i zhabs la phyag 'tshal nas/ bcom ldan 'das de la 'di skad ces gsol to/ /bcom ldan 'das
67a5 snang ba chen po de dang / gsung bsal ba'i sgra chen po de su'i lags/ bcom ldan 'das kyis bka' stsal pa/ rigs kyi bu sangs rgyas kyi zhing 'di nas 'jig rten gyi khams grangs med pa sum khri lnga stong 'das pa
67a6 na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub sems
67a7 dpa'i sde snod ces bya ba'i chos kyi rnam grangs kyi chos kyang ston te/ mthu de lta bu de ni de'i yin no/ /des gsol pa/ bcom ldan 'das bcom ldan 'das de la blta ba dang / phyag bgyi ba dang / bsnyen bkur bgyi
67a8 ba dang / bsam gyis mi khyab pa'i go cha dgos pa'i byang chub sems dpa' sems dpa' chen po de dag kyang blta ba'i slad du 'jig rten gyi khams mi mjed der bdag mchi bar bgyi'o/ /bka' stsal pa/
67b1 rigs kyi bu de'i dus la dbab par shes na song shig /de nas de bzhin gshegs pa ye shes kyi dpal gyis byang chub sems dpa' sems dpa' chen po ye shes kyi stobs la lag pa lta bu'i ud pa la byin te/ rigs kyi bu khyod kyis
67b2 bcom ldan 'das de la 'di phul la/ phul nas kyang bcom ldan 'das bcom ldan 'das la de bzhin gshegs pa ye shes kyi dpal gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa
67b3 la gnas sam snyun gsol lo zhes de skad ces kyang gsol cig /de nas byang chub sems dpa' sems dpa' chen po ye shes kyi stobs bcom ldan 'das de'i zhabs la mgo bos phyag 'tshal te/ 'di lta ste dper na
67b4 skyes bu stobs dang ldan pa zhig gis lag pa bskum pa rkyong bar byed pa 'am/ lag pa brkyang ba skum par byed pa'i skad cig dang / thang cig dang / yud tsam des song ste/ 'jig rten gyi khams mi mjed 'dir 'dug go/ /
67b5 de rgyal po'i khab 'od ma'i tshal bya ka lan da ka gnas pa ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ /
67b6 phyogs gcig tu 'dug nas kyang / bcom ldan 'das la byang chub sems dpa' ye shes kyi stobs kyis 'di skad ces gsol to/ /bcom ldan 'das bcom ldan 'das la de bzhin gshegs pa ye shes kyi
67b7 dpal gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes bsnyun gsol zhing / bcom ldan 'das la bcom ldan 'das des lag pa lta bu'i ud pa la 'di
67b8 yang bskur ba lags na/ bcom ldan 'das kyis bzhes su gsol/ bcom ldan 'das kyis lag pa lta bu'i ud pa la de bzhes te bzhes nas kyang bka' stsal pa/ rigs kyi bu ci bcom ldan 'das
68a1 de bsnyun mi mnga' 'am/ bde bar gnas sam/ stobs dang ldan nam/ 'gyur ba mi mnga' 'am/ gsol pa/ bcom ldan 'das de lta lags so/ /de'i tshe shar phyogs su 'jig rten gyi khams grangs med pa
68a2 sum khri bzhi stong 'das pa na 'jig rten gyi khams spos brtsegs shes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas tsan dan gyi bsung zhes bya ba bzhugs te 'tsho
68a3 zhing gzhes la chos kyang ston te/ bcom ldan 'das des byang chub sems dpa' sems dpa' chen po dri ma med ces bya ba bla na med pa yang dag par rdzogs pa'i byang chub tu lung bstan to/ /byang chub sems dpa'
68a4 sems dpa' chen po dri ma med kyis snang ba chen po de mthong ste/ gsung bsal ba'i sgra de yang thos so/ /de nas bcom ldan 'das de la byang chub sems dpa' sems dpa' chen po dri ma med kyis 'di skad ces gsol to/ /
68a5 bcom ldan 'das snang ba de dang / gsung bsal ba'i sgra grag pa de su'i lags/ bcom ldan 'das des bka' stsal pa/ rigs kyi bu nub phyogs kyi phyogs char 'jig rten gyi khams grangs med pa sum khri bzhi stong
68a6 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub sems
68a7 dpa'i sde snod sems can thams cad yang dag par tshim par byed pa zhes bya ba'i chos kyi rnam grangs kyi chos kyang ston to/ /gsol pa/ bcom ldan 'das bcom ldan 'das de'i thad du 'jig rten gyi khams der bdag mchi bar
68a8 bgyi'o/ /bcom ldan 'das des bka' stsal pa/ rigs kyi bu de'i dus la dbab par shes na song shig /de nas bcom ldan 'das kyis byang chub sems dpa' dri ma med kyi lag par tsan dan gyi thum po byin te/ rigs kyi bu khyod kyis
68b1 bcom ldan 'das de la tsan dan gyi thum po 'di phul la/ nga'i tshig gis bcom ldan 'das bcom ldan 'das la de bzhin gshegs pa tsan dan gyi bsung gnod pa chung ngam/ nyam nga ba nyung ngam/ bskyod pa yang ngam/ stobs dang bde bar
68b2 reg pa la gnas sam zhes bsnyun gsol lo zhes kyang gsol cig /de nas byang chub sems dpa' sems dpa' chen po dri ma med bcom ldan 'das de'i zhabs la mgo bos phyag 'tshal te bskor ba byas nas 'di lta ste/ dper na
68b3 skyes bu stobs dang ldan pa zhig gis lag pa bskum pa rkyong bar byed pa 'am/ brkyang ba skum par byed pa'i skad cig dang / thang cig dang / yud tsam des 'jig rten gyi khams mi mjed 'dir 'dug go/ /de rgyal po'i khab 'od ma'i
68b4 tshal bya ka lan da ka gnas pa ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas kyang bcom ldan 'das la 'di skad ces gsol to/ /
68b5 bcom ldan 'das bcom ldan 'das la de bzhin gshegs pa tsan dan gyi bsung gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes bsnyun gsol zhing / bcom ldan 'das la
68b6 bcom ldan 'das des tsan dan gyi thum po 'di yang bskur ba lags na tsan dan gyi thum po 'di bcom ldan 'das kyis bzhes su gsol/ bcom ldan 'das kyis bzhes te bzhes nas kyang / bcom ldan 'das kyis byang chub sems
68b7 dpa' dri ma med la bka' stsal pa/ rigs kyi bu ci bcom ldan 'das de bsnyun mi mnga' 'am/ stobs dang ldan nam/ 'gyur ba mi mnga' 'am/ bde bar reg pa la gnas sam/ gsol pa/ bcom ldan 'das bsnyun mi mnga' zhing stobs
68b8 dang ldan la/ 'gyur ba mi mnga' ste/ bde bar gnas lags so/ /de'i tshe shar phyogs su 'jig rten gyi khams grangs med pa sum khri sum stong 'das pa na 'jig rten gyi khams dri 'das shes bya ba yod de/ de na de bzhin gshegs pa dgra bcom pa
69a1 yang dag par rdzogs pa'i sangs rgyas mig btud ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' phan 'dod ces bya ba bla na med pa yang dag par rdzogs pa'i
69a2 byang chub tu lung bstan to/ /byang chub sems dpa' sems dpa' chen po phan 'dod kyis snang ba chen po de mthong ste/ gsung bsal ba'i sgra de yang thos so/ /de nas byang chub sems dpa' sems dpa' chen po phan 'dod bcom
69a3 ldan 'das de bzhin gshegs pa mig btud de ga la ba der song nas bcom ldan 'das de la 'di skad ces gsol to/ /bcom ldan 'das 'od de dang / gsung bsal ba'i sgra de su'i lags/ de nas bcom ldan 'das kyis byang chub sems
69a4 dpa' de la 'di skad ces bka' stsal to/ /rigs kyi bu sangs rgyas kyi zhing 'di nas sangs rgyas kyi zhing grangs med pa sum khri sum stong 'das pa na 'jig rten gyi khams mi mjed ces bya ba yod de/ de na de bzhin gshegs pa dgra
69a5 bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod sems can thams cad kyi bsam pa yang dag par tshim par byed pa zhes bya ba'i
69a6 chos kyi rnam grangs kyi chos kyang ston to/ /des gsol pa/ bcom ldan 'das bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bskur bgyi ba'i slad du 'jig rten gyi khams mi
69a7 mjed der bdag mchi bar bgyi'o/ /bcom ldan 'das des bka' stsal pa/ rigs kyi bu de'i dus la dbab par shes na song shig /de nas bcom ldan 'das de bzhin gshegs pa mig btud kyis byang chub sems dpa' phan 'dod kyi lag
69a8 par pad ma chen po'i rgyal po mngon par 'phags pa gcig byin te/ rigs kyi bu khyod kyis bcom ldan 'das de la pad ma'i rgyal po 'di phul la nga'i tshig gis bcom ldan 'das bcom ldan 'das la de bzhin gshegs pa mig btud
69b1 gnod pa chung ngam/ nyam nga ba nyung ngam/ bskyod pa yang ngam/ stobs dang / bde bar reg pa la gnas sam/ zhes snyun gsol lo zhes de skad ces kyang gsol cig /de nas byang chub sems dpa' phan 'dod bcom
69b2 ldan 'das de'i zhabs la phyag 'tshal te/ 'di lta ste/ dper na skyes bu stobs dang ldan pa zhig gis lag pa bskum pa rkyong bar byed pa 'am/ lag pa brkyang ba skum par byed pa'i skad cig dang / thang cig dang / yud tsam des 'jig rten gyi
69b3 khams de nas mi snang bar gyur te/ 'jig rten gyi khams mi mjed 'dir 'dug go/ /de rgyal po'i khab 'od ma'i tshal bya ka lan da ka gnas pa ga la ba dang / bcom ldan 'das ga la ba der song ste phyin nas bcom ldan 'das kyi
69b4 zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas kyang bcom ldan 'das la byang chub sems dpa' phan 'dod kyis 'di skad ces gsol to/ /bcom ldan 'das bcom ldan
69b5 'das la de bzhin gshegs pa mig btud gnod pa chung ngam/ nyam nga ba nyung ngam/ bskyod pa yang ngam/ stobs dang / bde bar reg pa la gnas sam zhes bsnyun gsol zhing / bcom ldan 'das la bcom ldan 'das
69b6 des pad ma chen po'i rgyal po 'di yang bskur ba lags so/ /bcom ldan 'das kyis bzhes te/ bzhes nas kyang byang chub sems dpa' phan 'dod la bka' stsal pa/ phan 'dod ci bcom ldan 'das de bsnyun mi mnga'
69b7 'am/ stobs dang ldan nam/ 'gyur ba mi mnga' 'am/ gsol pa/ bcom ldan 'das de lta lags so/ /de'i tshe shar phyogs su sangs rgyas kyi zhing grangs med pa sum khri nyis stong 'das pa na 'jig rten gyi
69b8 khams rin chen mtha' yas brtsegs pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas dkon mchog 'byung gnas shes bya ba bzhugs te 'tsho zhing gzhes la chos kyang ston te/
70a1 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dkon mchog 'byung gnas des byang chub sems dpa' ye shes bla ma shes bya ba bla na med pa yang dag par rdzogs pa'i byang chub tu
70a2 lung bstan to/ /byang chub sems dpa' sems dpa' chen po ye shes bla mas snang ba chen po de mthong ste/ gsung bsal ba'i sgra chen po de yang thos so/ /de nas bcom ldan 'das de la byang chub sems dpa' ye shes bla mas 'di skad
70a3 ces gsol to/ /bcom ldan 'das 'od de dang / gsung bsal ba'i sgra de su'i lags/ bcom ldan 'das des bka' stsal pa/ rigs kyi bu nub phyogs kyi phyogs char sangs rgyas kyi zhing 'di nas sangs rgyas kyi zhing grangs med
70a4 pa sum khri nyis stong 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub
70a5 sems dpa'i sde snod sems can thams cad kyi bsam pa yang dag par tshim par byed pa zhes bya ba'i chos kyi rnam grangs kyi chos kyang ston to/ /de nas bcom ldan 'das de bzhin gshegs pa dkon mchog 'byung gnas de la
70a6 byang chub sems dpa' sems dpa' chen po ye shes bla mas 'di skad ces gsol to/ /bcom ldan 'das bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba dang / bsam gyis
70a7 mi khyab pa'i go cha bgos pa'i byang chub sems dpa' sems dpa' chen po de dag kyang blta ba'i slad du 'jig rten gyi khams mi mjed der bdag mchi bar bgyi'o/ /bka' stsal pa/ rigs kyi bu de'i dus la dbab par shes na song shig /
70a8 de nas bcom ldan 'das des byang chub sems dpa' ye shes bla ma'i lag par me tog kha dog lnga pa snyim pa gang byin te/ rigs kyi bu khyod kyis bcom ldan 'das de la me tog kha dog lnga pa snyim pa gang 'di phul la/ bcom ldan 'das bcom ldan
70b1 'das la de bzhin gshegs pa dkon mchog 'byung gnas gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes bsnyun gsol lo zhes de skad ces kyang gsol cig /de nas byang chub
70b2 sems dpa' ye shes bla mas bcom ldan 'das de'i zhabs la mgo bos phyag 'tshal te/ 'di lta ste/ dper na skyes bu stobs dang ldan pa zhig gis lag pa bskum pa rkyong bar byed pa 'am/ brkyang ba skum par byed pa'i skad cig dang / thang cig
70b3 dang yud tsam des 'jig rten gyi khams de nas mi snang bar gyur te/ 'jig rten gyi khams mi mjed 'dir 'dug go/ /de bcom ldan 'das de bzhin gshegs pa shAkya thub pa ga la ba der song nas bcom ldan 'das kyi zhabs la phyag 'tshal te phyogs
70b4 gcig tu 'dug go/ /phyogs gcig tu 'dug nas kyang bcom ldan 'das la 'di skad ces gsol to/ /bcom ldan 'das bcom ldan 'das la de bzhin gshegs pa dkon mchog 'byung gnas gnod pa chung ngam/ nyam nga ba nyung ngam/ bskyod pa yang
70b5 ngam/ stobs dang bde bar reg pa la gnas sam zhes bsnyun gsol zhing / bcom ldan 'das la bcom ldan 'das des me tog kha dog lnga pa snyim pa gang 'di bskur ba lags na bcom ldan 'das kyis bzhes su gsol/ bcom ldan 'das kyis
70b6 bzhes te/ bzhes nas kyang bka' stsal pa/ ye shes bla ma ci bcom ldan 'das de bsnyun mi mnga' 'am/ stobs dang ldan nam/ bde ba dang ldan nam/ 'gyur ba mi mnga' 'am/ des gsol pa/ bcom ldan 'das de lta lags so/ /de'i tshe shar phyogs
70b7 su 'jig rten gyi khams grangs med pa sum khri chig stong 'das pa na 'jig rten gyi khams spos kyis brgyan pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas spos kyi glang po che zhes bya ba bzhugs
70b8 te 'tsho zhing gzhes la chos kyang ston te/ bcom ldan 'das des byang chub sems dpa' rin chen glang po che zhes bya ba bla na med pa yang dag par rdzogs pa'i byang chub tu lung bstan to/ /byang chub sems dpa' sems dpa' chen po rin chen
71a1 glang po ches snang ba chen po de mthong ste/ gsung bsal ba'i sgra de yang thos so/ /de nas de bcom ldan 'das ga la ba der song ste phyin nas/ bcom ldan 'das de la zhus pa/ mthu de su'i lags/ de nas bcom ldan 'das des
71a2 de la bka' stsal pa/ rigs kyi bu nub kyi phyogs kyi phyogs char sangs rgyas kyi zhing 'di nas 'jig rten gyi khams grangs med pa sum khri chig stong 'das pa na 'jig rten gyi khams mi mjed ces bya ba yod de/ de na de bzhin gshegs pa
71a3 dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod ces bya ba'i chos kyi rnam grangs kyi chos kyang ston to zhes bya ba nas/ de yang 'ongs
71a4 te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri 'das pa na 'jig rten gyi khams rdo rje'i snying po zhes bya ba yod de/ de na de bzhin gshegs
71a5 pa dgra bcom pa yang dag par rdzogs pa'i sangs rgyas mchog gi tshogs can zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' ye shes tshogs can zhes bya ba bla na med pa
71a6 yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri
71a7 nyis stong 'das pa na 'jig rten gyi khams sna tshogs rgyal mtshan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas lhun po'i phung po zhes bya ba bzhugs te 'tsho zhing gzhes
71a8 la chos kyang ston te/ bcom ldan 'das des byang chub sems dpa' nges 'dren zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes
71b1 bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri nyis stong 'das pa na 'jig rten gyi khams pad ma'i gdugs shes bya ba yod de/ de na de bzhin gshegs pa dgra bcom
71b2 pa yang dag par rdzogs pa'i sangs rgyas gdugs gcig pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rin po che'i mdzod gcig pa zhes bya ba bla na med pa yang
71b3 dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri
71b4 'das pa na 'jig rten gyi khams rtag tu snang zhes bya ba yod de/ de na de bzhin gshegs pa thogs pa med pa'i 'khor lo zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
71b5 dpa' ye shes khyu mchog ces bya ba bla na med pa yang dag par rdzogs pa'i byang chub tu lung bstan to/ /zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar
71b6 phyogs su 'jig rten gyi khams grangs med pa sum khri chig stong 'das pa na 'jig rten gyi khams bzang po zhes bya ba yod de/ de na de bzhin gshegs pa tsan dan gyi bsung zhes bya ba bzhugs te 'tsho zhing gzhes la chos kyang
71b7 ston te/ de bzhin gshegs pa des byang chub sems dpa' ye shes lhur len pa zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i
71b8 bar du snga ma bzhin du sbyar ro/ /de'i tshe shar phyogs su sangs rgyas kyi zhing grangs med pa nyi khri dgu stong 'das pa na 'jig rten gyi khams bzang ldan zhes bya ba yod de/ de na de bzhin gshegs pa dgra bcom pa yang dag par rdzogs
72a1 pa'i sangs rgyas dpung mgo zlum pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' khyad par blo gros shes bya ba bla na med pa yang dag par rdzogs pa'i byang chub tu lung
72a2 bstan to zhes bya ba nas/ de yang 'ongs te zhes bya ba'i bar dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri chig stong 'das pa na 'jig rten gyi khams rin
72a3 chen dpal zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas dra ba can gyi 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa'
72a4 ye shes dpal zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams
72a5 grangs med pa sum khri chig stong 'das pa na 'jig rten gyi khams bde ba'i dpal zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas ud pa la dmar po'i dpal zhes bya ba bzhugs te 'tsho
72a6 zhing gzhes la chos kyang ston te/ bcom ldan 'das des byang chub sems dpa' pad ma mngon 'phags dpal zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so
72a7 zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri chig stong 'das pa na 'jig rten gyi khams rab tu zhi ba zhes bya ba yod de/ de na de bzhin gshegs pa dgra bcom pa yang dag par
72a8 rdzogs pa'i sangs rgyas ye shes me tog rin po che'i 'od kyi dpal zhes bya ba bzhugs te 'tsho zhing gzhes la chos kyang ston to/ /bcom ldan 'das des byang chub sems dpa' mchog gi bkod pa zhes bya ba bla na med pa yang dag par rdzogs
72b1 pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri chig stong 'das pa na 'jig rten gyi khams bzang ldan
72b2 zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas zla ba 'phags pa'i 'od zer zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rin po che'i 'od zer
72b3 zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri 'das
72b4 pa na 'jig rten gyi khams bzod pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas 'jigs pa dang bag tsha ba thams cad rnam par 'jig par mdzad pa zhes bya ba bzhugs te 'tsho zhing gzhes la
72b5 chos kyang ston te/ bcom ldan 'das des byang chub sems dpa' bag tsha ba med pa zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga
72b6 ma bzhin du sbyar ro/ /de'i tshe shar phyogs su 'jig rten gyi khams grangs med pa sum khri 'das pa na 'jig rten gyi khams lhun po'i rgyal mtshan zhes bya ba yod de/ de na de bzhin gshegs pa dgra bcom pa yang dag par rdzogs pa'i
72b7 sangs rgyas lhun po'i phung po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' phung po shin tu bshig pa zhes bya ba bla na med pa yang dag par rdzogs pa'i byang chub tu lung bstan to zhes
72b8 bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri dgu stong 'das pa na 'jig rten gyi khams mya ngan dang gnod pa thams cad las
73a1 rgal ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa'
73a2 tshangs pa'i dbyangs kyi nga ro zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten
73a3 gyi khams grangs med pa nyi khri dgu stong 'das pa na 'jig rten gyi khams chos shes bya ba yod de/ de na de bzhin gshegs pa chos kyi 'byung gnas shes bya ba bzhugs te 'tsho zhing gzhes la chos kyang ston te/ bcom ldan 'das des
73a4 byang chub sems dpa' ye shes 'byung gnas shes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar
73a5 phyogs su 'jig rten gyi khams grangs med pa nyi khri dgu stong 'das pa na 'jig rten gyi khams shin tu rab gnas shes bya ba yod de/ de na de bzhin gshegs pa bcu las 'phros pa'i 'od zer zhes bya ba bzhugs te 'tsho zhing gzhes la chos kyang
73a6 ston te/ bcom ldan 'das des byang chub sems dpa' bcu las 'phros pa'i 'od zer ces bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma
73a7 bzhin du sbyar ro/ /de'i tshe shar phyogs su 'jig rten gyi khams grangs med pa nyi khri brgyad stong 'das pa na 'jig rten gyi khams kun tu 'od ces bya ba yod de/ de na de bzhin gshegs pa rtag tu bla ma'i 'od zer zhes bya ba bzhugs te 'tsho zhing
73a8 gzhes la chos kyang ston te/ bcom ldan 'das des byang chub sems dpa' kun tu snang ba zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya
73b1 ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri brgyad stong 'das pa na 'jig rten gyi khams kun tu spos shes bya ba yod de/ de na de bzhin gshegs pa ye shes kyi 'od zer zhes bya ba bzhugs
73b2 te 'tsho zhing gzhes la chos kyang ston te/ bcom ldan 'das des byang chub sems dpa' mig bzangs shes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags
73b3 so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri bdun stong 'das pa na 'jig rten gyi khams spos kyi ngad ldang zhes bya ba yod de/ de na de bzhin gshegs pa rin chen mngon 'phags
73b4 zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' snang ba mtha' yas shes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes
73b5 bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri bdun stong 'das pa na 'jig rten gyi khams lam snang dpal zhes bya ba yod de/ de na de bzhin gshegs pa
73b6 'od zer mtha' yas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' sman gyi rgyal po zhes bya ba bla na med pa yang dag par rdzogs pa'i byang chub tu lung bstan to zhes bya ba nas/
73b7 de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri drug stong 'das pa na 'jig rten gyi khams bzang po mchog gi dpal zhes bya ba yod de/
73b8 de na de bzhin gshegs pa thogs pa med pa'i dbyangs shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' tshangs pa'i dbyangs shes bya ba bla na med pa yang dag par rdzogs pa'i byang chub tu
74a1 lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri lnga stong 'das pa na 'jig rten gyi khams chos
74a2 bzangs shes bya ba yod de/ de na de bzhin gshegs pa dra ba can gyi 'od zer shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' khyu mchog ces bya ba bla na med pa yang dag par rdzogs pa'i byang chub
74a3 tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri bzhi stong 'das pa na 'jig rten gyi khams pad ma can
74a4 zhes bya ba yod de/ de na de bzhin gshegs pa blo mtha' yas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' ye shes kyi gsung zhes bya ba bla na med pa yang dag par rdzogs pa'i
74a5 byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ / bam po drug pa/ de'i tshe shar phyogs su 'jig rten gyi khams grangs med pa nyi khri
74a6 sum stong 'das pa na 'jig rten gyi khams shin tu rnam par dag pa zhes bya ba yod de/ de na de bzhin gshegs pa bkod pa mtha' yas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rin
74a7 po che'i bkod pa zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi
74a8 khri nyis stong 'das pa na 'jig rten gyi khams ud pa la zhes bya ba yod de/ de na de bzhin gshegs pa khyu mchog mtha' yas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' chos 'phags shes bya ba bla na med
74b1 pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri chig stong 'das pa na 'jig rten gyi khams
74b2 byang chub kyi yan lag rab gnas shes bya ba yod de/ de na de bzhin gshegs pa ud pa la'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' pad ma'i dpal zhes bya ba bla na med pa yang
74b3 dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa nyi khri 'das pa na 'jig rten gyi khams
74b4 pad ma rab gnas shes bya ba yod de/ de na de bzhin gshegs pa ye shes rab gnas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rin chen rab rdzogs zhes bya ba bla na med pa yang dag par
74b5 rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa khri dgu stong 'das pa na 'jig rten gyi khams
74b6 ye shes kyi stobs shes bya ba yod de/ de na de bzhin gshegs pa shAkya thub pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rin chen thub pa zhes bya ba bla na med pa yang dag par rdzogs
74b7 pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa khri brgyad stong 'das pa na/ 'jig rten gyi khams
74b8 phyogs su rnam par bsgrags pa zhes bya ba yod de/ de na de bzhin gshegs pa ye shes rnam par bsgrags pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rnam par bsgrags pa
75a1 mtha' yas shes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams
75a2 grangs med pa khri bdun stong 'das pa na 'jig rten gyi khams sgrogs pa zhes bya ba yod de/ de na de bzhin gshegs pa sA la'i dbang po'i rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub
75a3 sems dpa' sA la'i rin po che zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig
75a4 rten gyi khams grangs med pa khri drug stong 'das pa na 'jig rten gyi khams zla ba zhes bya ba yod de/ de na de bzhin gshegs pa sA la rin po che zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
75a5 dpa' kun tu sbas shes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi
75a6 khams grangs med pa khri lnga stong 'das pa na 'jig rten gyi khams mi mjed ces bya ba yod de/ de na de bzhin gshegs pa kha lo bsgyur ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang
75a7 chub sems dpa' shing rta bzang po can zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs
75a8 su 'jig rten gyi khams grangs med pa khri bzhi stong 'das pa na/ 'jig rten gyi khams gdugs gcig pa zhes bya ba yod de/ de na de bzhin gshegs pa rin po che'i rta zhes bya ba bzhugs te 'tsho zhing gzhes la chos kyang ston te/ bcom
75b1 ldan 'das des byang chub sems dpa' rgyu skar gyi rta zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /
75b2 de'i tshe shar phyogs su 'jig rten gyi khams grangs med pa khri sum stong 'das pa na 'jig rten gyi khams mya ngan thams cad dang bral ba zhes bya ba yod de/ de na de bzhin gshegs pa brjod pa don yod ces bya ba bzhugs te 'tsho zhing
75b3 gzhes la chos kyang ston te/ bcom ldan 'das des byang chub sems dpa' don yod ming rgal ces bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags
75b4 so zhes bya ba'i bar du snga ma bzhin du sbyar ro/ /de'i tshe shar phyogs su sangs rgyas kyi zhing grangs med pa khri nyis stong 'das pa na 'jig rten gyi khams mya ngan bral zhes bya ba yod de/ de na de bzhin gshegs pa dpal 'byung zhes bya ba bzhugs
75b5 te 'tsho zhing gzhes la chos kyang ston te/ bcom ldan 'das des byang chub sems dpa' dpal mtha' yas gzi brjid ces bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes
75b6 bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa khri chig stong 'das pa na 'jig rten gyi khams sdom pa zhes bya ba yod de/ de na de bzhin gshegs pa rnam
75b7 par bsgrags pa'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' dpas byin zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang
75b8 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su sangs rgyas kyi zhing grangs med pa khri 'das pa na 'jig rten gyi khams mthong ba don yod ces bya ba yod de/ de na de bzhin gshegs pa
76a1 don yod rnam par gnon ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' don yod pa'i go cha bgos shes bya ba bla na med pa yang dag par rdzogs pa'i byang chub tu lung bstan to
76a2 zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su sangs rgyas kyi zhing grangs med pa dgu stong 'das pa na 'jig rten gyi khams spos can zhes bya ba yod de/ de na de
76a3 bzhin gshegs pa spos snang zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rin chen snang zhes bya ba bla na med pa yang dag par rdzogs pa'i byang chub tu lung bstan to zhes bya ba nas/
76a4 de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su sangs rgyas kyi zhing grangs med pa brgyad stong 'das pa na 'jig rten gyi khams tshangs pa'i dbyangs kyi nga ro zhes bya ba yod de/ de na de
76a5 bzhin gshegs pa thogs pa med pa'i dbyangs kyi nga ro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' tha mi dad pa'i go cha zhes bya ba bla na med pa yang dag par rdzogs pa'i
76a6 byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su sangs rgyas kyi zhing grangs med pa brgyad stong kho na 'das pa na 'jig rten gyi khams zla
76a7 ba'i dkyil 'khor gyi 'od zer ces bya ba yod de/ de na de bzhin gshegs pa rnam par bsgrags pa'i stobs kyi 'od zer ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' ye shes rnam par
76a8 bsgrags pa zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su sangs rgyas kyi zhing grangs med pa
76b1 brgyad stong kho na 'das pa na 'jig rten gyi khams kun tu 'od ces bya ba yod de/ de na de bzhin gshegs pa ri rab kyi rtse mo mngon par 'phags pa'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang
76b2 chub sems dpa' ye shes kyi stobs shes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs
76b3 su 'jig rten gyi khams grangs med pa brgyad stong kho na 'das pa na 'jig rten gyi khams rin po che'i dkyil 'khor zhes bya ba yod de/ de na de bzhin gshegs pa rin po che mngon par 'phags pa'i dpal zhes bya ba bzhugs te 'tsho zhing
76b4 gzhes la chos kyang ston te/ bcom ldan 'das des byang chub sems dpa' ded dpon chen po zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes
76b5 bya ba'i bar du snga ma bzhin du sbyar ro/ /de'i tshe shar phyogs su sangs rgyas kyi zhing grangs med pa brgyad stong kho na 'das pa na 'jig rten gyi khams chos shes bya ba yod de/ de na de bzhin gshegs pa pad ma'i dpal zhes bya ba bzhugs te 'tsho
76b6 zhing gzhes la chos kyang ston te/ bcom ldan 'das des byang chub sems dpa' ud pa la'i dpal zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya
76b7 ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa brgyad stong kho na 'das pa na 'jig rten gyi khams pad ma mngon par 'phags pa zhes bya ba yod de/ de na de bzhin gshegs pa rin po che'i mngon par
76b8 'phags pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' grags sbyin zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes
77a1 bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa brgyad stong kho na 'das pa na 'jig rten gyi khams sa'i snying po zhes bya ba yod de/ de na de bzhin gshegs
77a2 pa spos snang zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' sa'i dbang phyug gi rgyal po zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang
77a3 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa brgyad stong kho na 'das pa na 'jig rten gyi khams gser 'od ces bya ba yod de/ de na de bzhin
77a4 gshegs pa phyogs su rnam par bsgrags pa'i go cha zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' ye shes rnam par bsgrags pa'i go cha zhes bya ba bla na med pa yang dag par
77a5 rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi khams grangs med pa bdun stong 'das pa na 'jig rten gyi
77a6 khams shes 'phags zhes bya ba yod de/ de na de bzhin gshegs pa kun tu sbas pa'i bdag po sprin gyi dbang phyug mar me zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa'
77a7 rgyu skar gyi rgyal po zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten
77a8 gyi khams grangs med pa drug stong 'das pa na 'jig rten gyi khams rtag tu shin tu smras shes bya ba yod de/ de na de bzhin gshegs pa snang ba mtha' yas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub
77b1 sems dpa' snang ba chen po zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /de'i tshe shar phyogs su 'jig rten gyi
77b2 khams grangs med pa lnga stong 'das pa na 'jig rten gyi khams mar me byed ces bya ba yod de/ de na de bzhin gshegs pa 'od kyi dkyil 'khor ye shes mtha' yas 'byung gnas shes bya ba bzhugs te 'tsho zhing gzhes la chos kyang ston te/ bcom
77b3 ldan 'das des byang chub sems dpa' yon tan rgyal po snang zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ /
77b4 de dang mdab chags na 'jig rten gyi khams sgron ma byed ces bya ba yod de/ de na de bzhin gshegs pa rnam pa du ma rnam par 'phrul pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
77b5 dpa' thogs pa med pa'i go cha zhes bya ba bla na med pa yang dag par rdzogs pa'i byang chub tu lung bstan to/ /ci'i phyir 'jig rten gyi khams de sgron ma byed ces bya bar bstan ce na/ 'jig rten gyi khams de na ud pa la dang / ku mu da dang / pad ma
77b6 dkar po dag gis khebs pa'i rdzing rgya che zhing yangs pa grangs med dpag tu med pa dag yod de/ pad ma de dag kyang mdab ma stong chu ba mngon par brtol nas gyen du dpag tshad brgyad bcur 'phags pa ste/ pad ma re re las kyang 'od zer 'bum
77b7 'byung bar byed cing / gyen du dang thur du yang 'od zer stong byung bar byed la/ de bzhin du phyogs thams cad du yang 'od zer stong stong 'byung bar byed pa'i phyir ro/ /'jig rten gyi khams de yang mig mangs ris su bris pa/ rin po che'i phreng bas
77b8 brgyan pa/ rin po che'i skud pas brgyan pa/ mig mangs ris thams cad du yang rin po che las byas pa'i shing ljon pa dag skyes par gyur pa/ gyen du dpag tshad bdun khri bdun stong mngon par 'phags pa/ thad kar ni dpag tshad brgyad khri bzhi
78a1 stong du yal ga dang / 'dab ma dang / lo ma rab tu song ba'o/ /rin po che'i shing re re las kyang nor bu bye ba phrag brgyad bcu zo ba tsam dag rab tu 'phyang ngo / /sangs rgyas kyi zhing de na shing ljon pa de dag kyang grangs med dpag tu med do/ /
78a2 sangs rgyas kyi zhing de ni pad ma'i 'dab ma de dag dang / nor bu de dag gi 'od kyis rtag tu snang bar byas pa ste/ 'od de yang bcom ldan 'das de'i 'od kyis mog mog por byas pa'o/ /byang chub sems dpa' thogs pa med pa'i go chas snang ba
78a3 chen po de mthong ste/ gsung bsal ba'i sgra de yang thos so/ /de nas bcom ldan 'das rnam pa du ma rnam par 'phrul pa de la byang chub sems dpa' thogs pa med pa'i go chas zhus pa/ bcom ldan 'das 'od de dang / gsung bsal
78a4 ba'i sgra de yang su'i lags/ de nas bcom ldan 'das des de la bka' stsal pa/ rigs kyi bu nub phyogs kyi phyogs char 'jig rten gyi khams grangs med pa stong 'das pa na 'jig rten gyi khams mi mjed ces bya ba yod de/ de na de bzhin
78a5 gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod ces bya ba'i chos kyi rnam grangs kyi chos kyang ston te/ mthu de lta bu de ni
78a6 de'i yin no/ /gsol pa/ bcom ldan 'das bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba'i slad du 'jig rten gyi khams mi mjed der bdag mchi bar bgyi'o/ /de nas
78a7 bcom ldan 'das des byang chub sems dpa' thogs pa med pa'i go cha'i lag par pad ma chen po gcig byin te/ rigs kyi bu khyod kyis bcom ldan 'das de la 'di phul la/ nga'i tshig gis de bzhin du gsol cig /de nas byang chub
78a8 sems dpa' de bcom ldan 'das kyis skabs phye nas/ bcom ldan 'das de'i zhabs la mgo bos phyag 'tshal te/ 'di lta ste/ skyes bu stobs dang ldan pa zhig gis lag pa bskum pa rkyong bar byed pa 'am/ lag pa brkyang ba skum par byed
78b1 pa'i skad cig dang / thang cig dang yud tsam des 'jig rten gyi khams de nas mi snang bar gyur to/ /'jig rten gyi khams mi mjed 'dir 'dug go/ /de bcom ldan 'das de bzhin gshegs pa shAkya thub pa ga la ba der song ste/ bcom ldan 'das
78b2 kyi zhabs la mgo bos phyag 'tshal nas 'di skad ces gsol to/ /bcom ldan 'das bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes de bzhin
78b3 gshegs pa rnam pa du ma rnam par 'phrul pa bsnyun gsol zhing / bcom ldan 'das la pad ma chen po 'di yang bcom ldan 'das des bskur ba lags na/ bcom ldan 'das kyis bdag cag la thugs brtse ba'i slad du bzhes su
78b4 gsol/ bcom ldan 'das kyis bzhes te/ bzhes nas kyang bka' stsal pa/ rigs kyi bu ci bcom ldan 'das de bsnyun mi mnga' 'am/ stobs dang ldan nam/ bde ba dang ldan nam/ 'gyur ba mi mnga' 'am/ gsol pa/ bcom
78b5 ldan 'das de lta lags so/ /'jig rten gyi khams de'i mdab chags na 'jig rten gyi khams sna tshogs rgyal mtshan zhes bya ba yod de/ de na de bzhin gshegs pa mchog gi tshogs can zhes bya ba bzhugs te 'tsho zhing gzhes la chos
78b6 kyang ston te/ bcom ldan 'das des byang chub sems dpa' rgyal tshab nad sa ya na zhes bya ba chos kyi skyes byin nas btang ngo / /'jig rten gyi khams de'i mdab chags na/ 'jig rten gyi khams phyogs su rnam par bsgrags pa zhes
78b7 bya ba yod de/ de na de bzhin gshegs pa sangs rgyas me tog tshogs kyi dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab don yod rnam par gnon ces bya ba
78b8 btang ngo / /de'i yang mdab chags na 'jig rten gyi khams rdo rje yang dag gnas shes bya ba yod de/ de na de bzhin gshegs pa sangs rgyas me tog mngon par 'phags pa'i rgyal po zhes bya ba bzhugs te 'tsho zhing gzhes la chos kyang ston
79a1 te/ bcom ldan 'das des byang chub sems dpa' rgyal tshab rin chen me zhes bya ba btang ngo / /de'i yang mdab chags na 'jig rten gyi khams tsan dan gyi phug ces bya ba yod de/ de na de bzhin gshegs pa rin po che'i lus
79a2 shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab kun tu bltas pa'i nga ro zhes bya ba btang ngo / /de'i yang mdab chags na 'jig rten gyi khams rtsi lta bu zhes bya ba yod
79a3 de/ de na de bzhin gshegs pa don yod ming bsgrags dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab don yod go cha bgos shes bya ba btang ngo / /de'i yang mdab
79a4 chags na 'jig rten gyi khams sman 'phags shes bya ba yod de/ de na de bzhin gshegs pa yon tan mtha' yas brtson 'grus go cha zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
79a5 dpa' rgyal tshab yang dag par byin pa'i bslab pa blangs shes bya ba btang ngo / /de'i yang mdab chags na 'jig rten gyi khams kun nas brgyan ces bya ba yod de/ de na de bzhin gshegs pa sems bskyed ma thag tu sems can thams cad kyi
79a6 sems kyi rgyan mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lag na pad ma zhes bya ba btang ngo / /de'i yang mdab chags na 'jig rten gyi khams
79a7 gdugs gcig pa zhes bya ba yod de/ de na de bzhin gshegs pa zla ba'i phreng ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rin po che'i phreng ba zhes
79a8 bya ba btang ngo / /de'i yang mdab chags na 'jig rten gyi khams pad ma'i 'od zer ces bya ba yod de/ de na de bzhin gshegs pa 'od kyi dkyil 'khor can zhes bya ba bzhugs te 'tsho zhing gzhes la chos kyang ston te/ bcom ldan 'das
79b1 des byang chub sems dpa' rgyal tshab shin tu rab gnas shes bya ba btang ngo / /de'i yang mdab chags na 'jig rten gyi khams bde ba bkod pa zhes bya ba yod de/ de na de bzhin gshegs pa yon tan rgyal po'i 'od ces bya ba bzhugs te
79b2 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yon tan thams cad rab gnas shes bya ba btang ngo / /de'i yang mdab chags na 'jig rten gyi khams yon tan mtha' yas bkod
79b3 pa zhes bya ba yod de/ de na de bzhin gshegs pa yon tan gyi pha rol tu phyin pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yon tan mtha' yas bsgrags
79b4 shes bya ba btang ngo / /de'i yang mdab chags na 'jig rten gyi khams phyogs su rab grags shes bya ba yod de/ de na de bzhin gshegs pa mar me mdzad ces bya ba bzhugs te 'tsho zhing gzhes la chos kyang ston te/ bcom ldan 'das
79b5 des byang chub sems dpa' rgyal tshab spyod pa thams cad 'gyur ba zhes bya ba btang ngo / /de'i yang mdab chags na 'jig rten gyi khams lhas brgyan pa zhes bya ba yod de/ de na de bzhin gshegs pa lha'i rgyal po zhes bya ba bzhugs
79b6 te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ye shes 'byung gnas shes bya ba btang ngo / /de'i yang mdab chags na 'jig rten gyi khams shing thags bzang po can zhes bya ba
79b7 yod de/ de na de bzhin gshegs pa 'od kyi 'byung gnas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yon tan 'byung gnas shes bya ba btang ngo / /
79b8 de'i yang mdab chags na 'jig rten gyi khams bzang ldan zhes bya ba yod de/ de na de bzhin gshegs pa mi 'jigs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
80a1 dpa' rgyal tshab srid pa sel ces bya ba btang ngo / /de'i yang mdab chags na 'jig rten gyi khams bzang po zhes bya ba yod de/ de na de bzhin gshegs pa b+ha gi ra sa'i sras shes bya ba bzhugs te 'tsho zhing gzhes
80a2 la chos kyang ston te/ bcom ldan 'das des byang chub sems dpa' rgyal tshab mi 'jigs thob ces bya ba btang ngo / /de'i yang mdab chags na 'jig rten gyi khams shin tu bzang po zhes bya ba yod de/ de na de bzhin gshegs
80a3 pa mi 'jigs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bag tsha ba med pa zhes bya ba btang ngo / /de'i yang mdab chags na 'jig rten gyi khams pad ma
80a4 zhes bya ba yod de/ de na de bzhin gshegs pa pad ma mchog gi 'od zer zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lag na ye shes shes bya ba btang ngo / /
80a5 de'i yang mdab chags na 'jig rten gyi khams ud pa la zhes bya ba yod de/ de na de bzhin gshegs pa ye shes ud pa la'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub
80a6 sems dpa' rgyal tshab yul na mi gnas pa zhes bya ba btang ngo / /de'i yang mdab chags na 'jig rten gyi khams rin chen 'phags shes bya ba yod de/ de na de bzhin gshegs pa dkon mchog 'byung gnas shes bya ba bzhugs
80a7 te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab chos kyi 'byung gnas shes bya ba btang ngo / /de'i yang mdab chags na 'jig rten gyi khams zla ba bzang po zhes bya ba yod de/
80a8 de na de bzhin gshegs pa smon lam mtha' yas go cha zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab me tog rab gtor ces bya ba btang ngo / /
80b1 de'i yang mdab chags na 'jig rten gyi khams shin tu rab gnas shes bya ba yod de/ de na de bzhin gshegs pa yon tan mtha' yas rgyal po rab gnas shes bya ba bzhugs te 'tsho zhing gzhes la chos kyang ston te/ bcom ldan 'das
80b2 des byang chub sems dpa' rgyal tshab chos 'phags shes bya ba btang ngo / /de'i yang mdab chags na 'jig rten gyi khams nags tshal rab gnas shes bya ba yod de/ de na de bzhin gshegs pa rin po che'i phung po zhes bya ba
80b3 bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rtsi'i rgyal po zhes bya ba btang ngo / /de'i yang mdab chags na 'jig rten gyi khams spos can zhes bya ba yod de/
80b4 de na de bzhin gshegs pa sa la'i dbang po'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab khyad par blo gros shes bya ba btang ngo / /de'i yang
80b5 mdab chags na 'jig rten gyi khams pad ma'i dpal zhes bya ba yod de/ de na de bzhin gshegs pa rin po che'i 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
80b6 dpa' rgyal tshab shin tu mthong zhes bya ba btang ngo / /de'i yang mdab chags na 'jig rten gyi khams lhun po brtsegs pa zhes bya ba yod de/ de na de bzhin gshegs pa dkon mchog brtsegs pa zhes bya ba bzhugs te
80b7 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mes byin zhes bya ba btang ngo / /de'i yang mdab chags na 'jig rten gyi khams mya ngan bral zhes bya ba yod de/ de na de bzhin
80b8 gshegs pa yon tan mtha' yas bkod pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu yang dag brtags kyi go cha zhes bya ba btang ngo / /de'i yang
81a1 mdab chags na 'jig rten gyi khams yon tan thams cad rab gnas shes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas kun tu gzigs pa'i nga ro zhes bya ba bzhugs
81a2 te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab kun du sbas shes bya ba btang ngo / /de'i yang mdab chags na 'jig rten gyi khams rin chen snang zhes bya ba yod de/ de na de bzhin
81a3 gshegs pa ri rab 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu rab gnas shes bya ba btang ngo / /de'i yang mdab chags na 'jig rten gyi
81a4 khams yon tan kun gyis brgyan ces bya ba yod de/ de na de bzhin gshegs pa khyu mchog mtha' yas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' sman ces bya ba
81a5 btang ngo / /de'i yang mdab chags na 'jig rten gyi khams byang chub yan lag brgyan ces bya ba yod de/ de na de bzhin gshegs pa mngon par 'phags pas 'gro ba zhes bya ba bzhugs te 'tsho zhing gzhes la chos kyang ston te/ bcom
81a6 ldan 'das des byang chub sems dpa' legs par bsam pa sems pa khyad par blo gros shes bya ba btang ngo / /de'i yang mdab chags na 'jig rten gyi khams rdul dang bral ba'i blo gros shes bya ba yod de/ de na de bzhin gshegs pa
81a7 rin chen me tog 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab khyad par byin zhes bya ba btang ngo / /de'i yang mdab chags na 'jig rten gyi khams
81a8 sprin ces bya ba yod de/ de na de bzhin gshegs pa mtha' yas rnam par gnon ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dran pa rnyed ces bya ba btang ngo / /
81b1 de'i yang mdab chags na 'jig rten gyi khams me tog dra bas kun tu g.yogs shes bya ba yod de/ de na de bzhin gshegs pa sems can thams cad mos pa'i go cha bgos shes bya ba bzhugs te 'tsho zhing gzhes la chos kyang ston te/
81b2 bcom ldan 'das des byang chub sems dpa' rgyal tshab khyad par blo gros shes bya ba btang ngo / /de'i yang mdab chags na 'jig rten gyi khams rgyu skar gyi phreng ba zhes bya ba yod de/ de na de bzhin gshegs pa rin po che'i gdugs mngon par
81b3 'phags pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mya ngan med ces bya ba btang ngo / /de'i yang mdab chags na 'jig rten gyi khams rin chen me
81b4 tog ces bya ba yod de/ de na de bzhin gshegs pa mchog gi tshogs can zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab khyu mchog ces bya ba btang ngo / /
81b5 de'i yang mdab chags na 'jig rten gyi khams kun nas spos shes bya ba yod de/ de na de bzhin gshegs pa bdud rtsi'i me tog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa'
81b6 rgyal tshab spos kyi glang po che zhes bya ba btang ngo / /de'i yang mdab chags na 'jig rten gyi khams me tog ces bya ba yod de/ de na de bzhin gshegs pa rin chen khyu mchog ces bya ba bzhugs te 'tsho zhing gzhes la chos kyang ston
81b7 te/ bcom ldan 'das des byang chub sems dpa' rgyal tshab mya ngan bral zhes bya ba btang ngo / /de'i yang mdab chags na 'jig rten gyi khams rin chen sna tshogs rgyal mtshan zhes bya ba yod de/ de na de bzhin gshegs pa zla ba 'phags
81b8 pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mtha' yas sgyur zhes bya ba btang ngo / /de'i yang mdab chags na 'jig rten gyi khams mngon du bgrod pa zhes
82a1 bya ba yod de/ de na de bzhin gshegs pa sems bskyed ma thag tu chos kyi 'khor lo bskor ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab phyir mi ldog
82a2 pa'i 'khor lo zhes bya ba btang ngo / /de'i yang mdab chags na 'jig rten gyi khams bde ldan zhes bya ba yod de/ de na de bzhin gshegs pa phyogs su rnam par bsgrags pa zhes bya ba bzhugs te 'tsho zhing gzhes la chos kyang ston te/ bcom
82a3 ldan 'das des byang chub sems dpa' rgyal tshab ye shes rnam par bsgrags pa zhes bya ba btang ngo / /de'i yang mdab chags na 'jig rten gyi khams rdo rje'i snying po zhes bya ba yod de/ de na de bzhin gshegs pa ka ling ka'i rgyal po zhes bya ba
82a4 bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab khyad par du 'gro ba zhes bya ba btang ngo / /de'i yang mdab chags na 'jig rten gyi khams bde ba zhes bya ba yod de/ de na de bzhin gshegs
82a5 pa nyi ma'i dkyil 'khor sgron ma zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab zla ba zhes bya ba btang ngo / /de'i yang mdab chags na 'jig rten gyi khams bde ba zhes bya ba
82a6 yod de/ de na de bzhin gshegs pa rin po che'i mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mes byin zhes bya ba btang ngo / /de'i yang mdab chags na 'jig
82a7 rten gyi khams 'byung gnas zhes bya ba yod de/ de na de bzhin gshegs pa ye shes 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ye shes kyi dpal
82a8 zhes bya ba btang ngo / /de'i yang mdab chags na 'jig rten gyi khams gcig tu bde ba zhes bya ba yod de/ de na de bzhin gshegs pa yon tan gyi rgyal po rab tu gnas pa zhes bya ba bzhugs te 'tsho zhing gzhes la chos kyang ston te/
82b1 bcom ldan 'das des byang chub sems dpa' rgyal tshab mi 'jigs pa zhes bya ba btang ngo / /de'i yang mdab chags na 'jig rten gyi khams gdugs kyi phreng ba me tog kun tu rgyas pa zhes bya ba yod de/ de na de bzhin gshegs pa thogs pa
82b2 med pa'i spyan zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mig bzangs shes bya ba btang ngo / /de'i yang mdab chags na 'jig rten gyi khams rdo rje'i snying po
82b3 zhes bya ba yod de/ de na de bzhin gshegs pa mi 'jigs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab brag ces bya ba btang ngo / /de'i yang mdab chags na
82b4 'jig rten gyi khams zla ba 'phags pa zhes bya ba yod de/ de na de bzhin gshegs pa ye shes kyi dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab stobs brtan
82b5 zhes bya ba btang ngo / /de'i yang mdab chags na 'jig rten gyi khams kun tu 'od ces bya ba yod de/ de na de bzhin gshegs pa 'od kyi dkyil 'khor gzi brjid rgyal po zhes bya ba bzhugs te 'tsho zhing gzhes la chos kyang ston te/ bcom ldan
82b6 'das des byang chub sems dpa' rgyal tshab spyod pa khyad par can zhes bya ba btang ngo / /de'i yang mdab chags na 'jig rten gyi khams mtho ba'i rgyal mtshan zhes bya ba yod de/ de na de bzhin gshegs pa rgyu'i blo gros shes bya ba bzhugs te
82b7 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rgyu dag pa zhes bya ba btang ngo / /de'i yang mdab chags na 'jig rten gyi khams sgrogs pa zhes bya ba yod de/ de na de bzhin gshegs pa
82b8 sred med kyi bu zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab kha lo bsgyur ba zhes bya ba btang ngo / /de'i yang mdab chags na 'jig rten gyi khams dri ma med pa zhes bya ba
83a1 yod de/ de na de bzhin gshegs pa dri ma med pa'i me tog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sa bon 'chang zhes bya ba btang ngo / /de'i yang
83a2 mdab chags na 'jig rten gyi khams bzang po zhes bya ba yod de/ de na de bzhin gshegs pa rdo rje bzhed ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dri med rnam par
83a3 'thor ba zhes bya ba btang ngo / /de'i yang mdab chags na 'jig rten gyi khams bde ba thams cad ces bya ba yod de/ de na de bzhin gshegs pa rnam par dag pa'i blo gros shes bya ba bzhugs te 'tsho zhing gzhes la chos kyang ston te/
83a4 bcom ldan 'das des byang chub sems dpa' rgyal tshab bkod pa du ma zhes bya ba btang ngo / /de'i yang mdab chags na 'jig rten gyi khams mya ngan dang gnod pa thams cad yongs su spangs shes bya ba yod de/ de na de bzhin gshegs
83a5 pa phan bzhed ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab glang po che'i dpal zhes bya ba btang ngo / /de'i yang mdab chags na 'jig rten gyi khams yon
83a6 tan mtha' yas yongs rdzogs zhes bya ba yod de/ de na de bzhin gshegs pa shin tu yang dag brtags pa'i go cha zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab
83a7 mchog gi bkod pa zhes bya ba btang ngo / /de'i yang mdab chags na 'jig rten gyi khams mnyam pa zhes bya ba yod de/ de na de bzhin gshegs pa dgra rab tu 'joms pa zhes bya ba bzhugs te 'tsho zhing gzhes la chos kyang ston te/
83a8 bcom ldan 'das des byang chub sems dpa' rgyal tshab thogs pa med pa'i go cha zhes bya ba btang ngo / /de'i yang mdab chags na 'jig rten gyi khams bzod pa zhes bya ba yod de/ de na de bzhin gshegs pa ud pa la'i
83b1 dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rtag tu brtson zhes bya ba btang ngo / /de'i yang mdab chags na 'jig rten gyi khams phyogs kyi sgron ma zhes
83b2 bya ba yod de/ de na de bzhin gshegs pa rnam par bsgrags pa'i stobs kyi rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab zla ba'i rgyal po zhes bya
83b3 ba bla na med pa yang dag par rdzogs pa'i byang chub tu lung bstan te btang ngo / /de'i yang mdab chags na 'jig rten gyi khams rtag tu snang bar byas shes bya ba yod de/ de na de bzhin gshegs pa 'od mtha' yas pa'i lhun po spos kyi
83b4 rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lag na ye shes shes bya ba btang ngo / /de'i yang mdab chags na 'jig rten gyi khams rtag tu brgyan
83b5 ces bya ba yod de/ de na de bzhin gshegs pa me tog sna tshogs shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bdud rtsi'i dbyangs shes bya ba btang ngo / /
83b6 de'i yang mdab chags na 'jig rten gyi khams gdugs dkar po zhes bya ba yod de/ de na de bzhin gshegs pa 'od mtha' yas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa'
83b7 rgyal tshab brtson pa mi gtong zhes bya ba btang ngo / /de'i yang mdab chags na 'jig rten gyi khams rtag tu brgyan ces bya ba yod de/ de na de bzhin gshegs pa skyes pa dang bud med 'gyur bar mdzad ces bya ba bzhugs te 'tsho zhing
83b8 gzhes la chos kyang ston te/ bcom ldan 'das des byang chub sems dpa' rgyal tshab nga ro mtha' yas shes bya ba btang ngo / /de'i yang mdab chags na 'jig rten gyi khams gcig pa zhes bya ba yod de/ de na de bzhin gshegs
84a1 pa spos mchog dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lag na spos shes bya ba btang ngo / /de'i yang mdab chags na 'jig rten gyi
84a2 khams tsan dan gyi bsung zhes bya ba yod de/ de na de bzhin gshegs pa rin chen mngon par 'phags pa'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa'
84a3 rgyal tshab 'od zer du ma zhes bya ba btang ngo / /de'i yang mdab chags na 'jig rten gyi khams kun tu spos shes bya ba yod de/ de na de bzhin gshegs pa rin chen mngon par 'phags pa'i rgyal po zhes bya ba bzhugs te 'tsho zhing
84a4 gzhes la chos kyang ston te/ bcom ldan 'das des byang chub sems dpa' rgyal tshab rin chen lhun po zhes bya ba btang ngo / /de'i yang mdab chags na 'jig rten gyi khams kun nas mtshan zhes bya ba yod de/ de na de bzhin
84a5 gshegs pa sems can kun gyi sems kyi mos pa'i ye shes mthong ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ded dpon chen po zhes bya ba btang ngo / /
84a6 de'i yang mdab chags na 'jig rten gyi khams mtshan ma med pa zhes bya ba yod de/ de na de bzhin gshegs pa mtshan ma med pa'i nga ro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub
84a7 sems dpa' rgyal tshab chos thams cad dben par gnas pa zhes bya ba btang ngo / /de'i yang mdab chags na 'jig rten gyi khams sangs rgyas me tog brgyan ces bya ba yod de/ de na de bzhin gshegs pa ye shes sbas pa'i
84a8 dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ye shes 'od zer zhes bya ba btang ngo / /de'i yang mdab chags na 'jig rten gyi khams me tog rgyas pa
84b1 zhes bya ba yod de/ de na de bzhin gshegs pa thogs pa med pa'i dbyangs kyi nga ro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mig bzangs zhes bya ba btang ngo / /
84b2 de'i yang mdab chags na 'jig rten gyi khams brtan po zhes bya ba yod de/ de na de bzhin gshegs pa mig g.yo rnam par gnon ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
84b3 dpa' rgyal tshab legs pa'i blo zhes bya ba btang ngo / /de'i yang mdab chags na 'jig rten gyi khams brtan pa zhes bya ba yod de/ de na de bzhin gshegs pa 'od srung zhes bya ba bzhugs te 'tsho zhing gzhes la chos kyang ston te/ bcom
84b4 ldan 'das des byang chub sems dpa' rgyal tshab skar ma'i sgron ma zhes bya ba btang ngo / /de'i yang mdab chags na 'jig rten gyi khams pad ma'i gdugs shes bya ba yod de/ de na de bzhin gshegs pa dmigs pa kun gyi khyu mchog
84b5 ston ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rna ba'i me tog ces bya ba btang ngo / /de'i yang mdab chags na 'jig rten gyi khams bden pa zhes bya ba yod de/
84b6 de na de bzhin gshegs pa don grub ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bden pa mthong ba zhes bya ba btang ngo / /de'i yang mdab chags na 'jig rten
84b7 gyi khams zla ba can zhes bya ba yod de/ de na de bzhin gshegs pa 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab kun dga' bo zhes bya ba btang ngo / /
84b8 de'i yang mdab chags na 'jig rten gyi khams gnod pa med pa zhes bya ba yod de/ de na de bzhin gshegs pa snyan pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' sems dpa' chen
85a1 po rgyal tshab me tog dpal zhes bya ba btang ngo / /de'i yang mdab chags na 'jig rten gyi khams mngon par dga' ba zhes bya ba yod de/ de na de bzhin gshegs pa thams cad yod pas rgyags pa yang dag bcom zhes bya ba
85a2 bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rgyal po'i khyu mchog ces bya ba btang ngo / /de'i yang mdab chags na 'jig rten gyi khams rdul med ces bya ba yod de/ de na de bzhin
85a3 gshegs pa ye shes kyi dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab me tog kun tu bltas shes bya ba btang ngo / /de'i yang mdab chags na 'jig rten
85a4 gyi khams me tog sna tshogs shes bya ba yod de/ de na de bzhin gshegs pa rgyu skar gyi rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu rnam par 'byed
85a5 ces bya ba btang ngo / /de'i yang mdab chags na 'jig rten gyi khams shin tu yangs pa zhes bya ba yod de/ de na de bzhin gshegs pa bdud rtsi'i tog ces bya ba bzhugs te 'tsho zhing gzhes la chos kyang ston te/ bcom ldan 'das des
85a6 byang chub sems dpa' rgyal tshab rin chen tog ces bya ba btang ngo / /de'i yang mdab chags na 'jig rten gyi khams 'jigs med ces bya ba yod de/ de na de bzhin gshegs pa tsan dan zhes bya ba bzhugs te 'tsho zhing gzhes la chos kyang
85a7 ston te/ bcom ldan 'das des byang chub sems dpa' rgyal tshab bzang po'i dpal zhes bya ba btang ngo / /de'i yang mdab chags na 'jig rten gyi khams dra ba can zhes bya ba yod de/ de na de bzhin gshegs pa dra ba can gyi 'od ces bya
85a8 ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'od gsal zhes bya ba btang ngo / /de'i yang mdab chags na 'jig rten gyi khams 'od ces bya ba yod de/ de na de bzhin gshegs
85b1 pa dgra bcom pa yang dag par rdzogs pa'i sangs rgyas tshangs pa'i nga ro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab tshangs pa'i dbyangs shes bya ba btang
85b2 ngo / /'jig rten gyi khams de'i yang mdab chags na 'jig rten gyi khams mngon par bgrod pa zhes bya ba yod de/ de na de bzhin gshegs pa bdud rtsi 'byung ba'i dpal zhes bya ba bzhugs te 'tsho zhing gzhes la chos kyang
85b3 ston te/ bcom ldan 'das des byang chub sems dpa' rgyal tshab bdud rtsi'i dbyangs shes bya ba btang ngo / /'jig rten gyi khams de'i yang mdab chags na 'jig rten gyi khams dmigs pa med ces bya ba yod de/ de na de bzhin
85b4 gshegs pa dmigs pa kun la dgyes par mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab thogs pa med pa'i go cha zhes bya ba btang ngo / /'jig rten
85b5 gyi khams de'i yang mdab chags na 'jig rten gyi khams rtag tu bsgrags zhes bya ba yod de/ de na de bzhin gshegs pa sems can thams cad kyis mi shigs pa'i go cha zhes bya ba bzhugs te 'tsho zhing gzhes la chos kyang ston te/
85b6 bcom ldan 'das des byang chub sems dpa' rgyal tshab thogs pa med pa'i go cha zhes bya ba btang ngo / /'jig rten gyi khams de'i yang mdab chags na 'jig rten gyi khams rtag tu bzod ldan zhes bya ba yod de/ de na de bzhin gshegs
85b7 pa rnam par 'phrul pa mtha' yas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spobs pa mi chod pa zhes bya ba btang ngo / /'jig rten gyi khams de'i yang mdab
85b8 chags na 'jig rten gyi khams kun tu mthong zhes bya ba yod de/ de na de bzhin gshegs pa chos thams cad gzigs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa'
86a1 rgyal tshab mtshan ma med pa'i go cha zhes bya ba btang ngo / /'jig rten gyi khams de'i yang mdab chags na 'jig rten gyi khams kun tu blta ba zhes bya ba yod de/ de na de bzhin gshegs pa chos thams cad gzigs shes
86a2 bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rnam par dag pa'i mig ces bya ba btang ngo / /'jig rten gyi khams de'i yang mdab chags na 'jig rten gyi khams
86a3 yon tan thams cad 'byung zhes bya ba yod de/ de na de bzhin gshegs pa yon tan mtha' yas 'byung zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mig rnam par dag
86a4 pa zhes bya ba btang ngo / /'jig rten gyi khams de'i yang mdab chags na 'jig rten gyi khams rdul dang bral ba zhes bya ba yod de/ de na de bzhin gshegs pa ye shes 'phags pa'i rgyal po zhes bya ba bzhugs te 'tsho zhing gzhes la chos kyang
86a5 ston te/ bcom ldan 'das des byang chub sems dpa' rgyal tshab 'od kyi dkyil 'khor can zhes bya ba btang ngo / /de'i yang mdab chags na 'jig rten gyi khams ud pa las rab tu khebs pa zhes bya ba yod de/ de na de bzhin gshegs pa pad
86a6 ma'i mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ud pa la dmar po'i dpal zhes bya ba btang ngo / /'jig rten gyi khams de'i yang mdab chags na
86a7 'jig rten gyi khams pad mas rab tu khebs pa zhes bya ba yod de/ de na de bzhin gshegs pa phyogs su 'phags shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal
86a8 tshab phyogs kyi lhun po zhes bya ba btang ngo / /de'i yang mdab chags na 'jig rten gyi khams me tog gis rab tu khebs pa zhes bya ba yod de/ de na de bzhin gshegs pa me tog 'byung ba'i dpal zhes bya ba bzhugs te 'tsho zhing gzhes la chos
86b1 kyang ston te/ bcom ldan 'das des byang chub sems dpa' rgyal tshab yid gnyis thams cad yang dag bcom zhes bya ba btang ngo / /de'i yang mdab chags na 'jig rten gyi khams mar me zhes bya ba yod de/ de na de bzhin gshegs pa
86b2 sems can gyi snying po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sred med kyi bu zhes bya ba btang ngo / /de'i yang mdab chags na 'jig rten gyi khams 'od
86b3 bzang po zhes bya ba yod de/ de na de bzhin gshegs pa ye shes kyi 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bde 'byung zhes bya ba btang ngo / /de'i yang mdab
86b4 chags na 'jig rten gyi khams bde ba'i dpal zhes bya ba yod de/ de na de bzhin gshegs pa ye shes kyi me zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mchog
86b5 gi nor bu can zhes bya ba btang ngo / /de'i yang mdab chags na 'jig rten gyi khams bde ba can zhes bya ba yod de/ de na de bzhin gshegs pa mngal med ces bya ba bzhugs te 'tsho zhing gzhes la chos kyang ston te/ bcom ldan 'das des
86b6 byang chub sems dpa' rgyal tshab chos kyi dbang phyug ces bya ba btang ngo / /de'i yang mdab chags na 'jig rten gyi khams nges 'dren zhes bya ba yod de/ de na de bzhin gshegs pa sman pa'i rgyal po zhes bya ba bzhugs te 'tsho zhing gzhes la
86b7 chos kyang ston te/ bcom ldan 'das des byang chub sems dpa' rgyal tshab sman pa'i mchog ces bya ba btang ngo / /de'i yang mdab chags na 'jig rten gyi khams kha dog med ces bya ba yod de/ de na de bzhin gshegs pa tha dad pa med pa'i
86b8 go cha zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab tha mi dad par spyod pa zhes bya ba btang ngo / /de'i yang mdab chags na 'jig rten gyi khams kun tu kha dog ces bya ba
87a1 yod de/ de na de bzhin gshegs pa ye shes mtha' yas grags pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yon tan mtha' yas 'byung zhes bya ba
87a2 bla na med pa yang dag par rdzogs pa'i byang chub tu lung bstan to zhes bya ba nas/ btang ngo zhes bya ba'i bar du snga ma bzhin du sbyar ro/ /de'i yang mdab chags na 'jig rten gyi khams mtsho can zhes bya ba yod de/ de na de bzhin gshegs pa tsan
87a3 dan gyi bsung gi dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ye shes spos kyi dpal zhes bya ba btang ngo / /de'i yang mdab chags na 'jig rten gyi khams dpe
87a4 med dpal zhes bya ba yod de/ de na de bzhin gshegs pa sangs rgyas dpe med me tog 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yang dag
87a5 'phags zhes bya ba btang ngo / /de'i yang mdab chags na 'jig rten gyi khams rin chen ldan zhes bya ba yod de/ de na de bzhin gshegs pa shin tu rab tu gnas pa'i rgyal po zhes bya ba bzhugs te 'tsho zhing gzhes la chos kyang ston
87a6 te/ bcom ldan 'das des byang chub sems dpa' rgyal tshab sdom pa la rab tu gnas pa zhes bya ba btang ngo / /de'i yang mdab chags na 'jig rten gyi khams phyogs can zhes bya ba yod de/ de na de bzhin gshegs pa zla ba 'phags
87a7 pa'i 'od zer ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab zla ba zhes bya ba btang ngo / / bam po bdun pa/ de'i yang mdab chags
87a8 na 'jig rten gyi khams rgya mtsho zhes bya ba yod de/ de na de bzhin gshegs pa kha lo sgyur ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mya ngan med pa'i
87b1 blo gros shes bya ba btang ngo / /de'i yang mdab chags na 'jig rten gyi khams mngon par dga' ba zhes bya ba yod de/ de na de bzhin gshegs pa lus mdzad ces bya ba bzhugs te 'tsho zhing gzhes la chos kyang ston te/ bcom ldan 'das des
87b2 byang chub sems dpa' rgyal tshab brag ces bya ba btang ngo / /de'i yang mdab chags na 'jig rten gyi khams dga' ba'i spos shes bya ba yod de/ de na de bzhin gshegs pa skyo med 'gyur bar mdzad ces bya ba bzhugs te 'tsho zhing
87b3 gzhes la chos kyang ston te/ bcom ldan 'das des byang chub sems dpa' rgyal tshab yongs bsgrags nyon mongs yang dag bcom zhes bya ba btang ngo / /de'i yang mdab chags na 'jig rten gyi khams yon tan kun la rab tu gnas
87b4 shes bya ba yod de/ de na de bzhin gshegs pa snyan pa'i bshes gnyen zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rgyal ba'i bshes gnyen zhes bya ba bla na med pa
87b5 yang dag par rdzogs pa'i byang chub tu lung bstan to zhes bya ba nas btang ngo zhes bya ba'i bar du snga ma bzhin du sbyar ro/ /de'i yang mdab chags na 'jig rten gyi khams phun sum tshogs pa kun la rab tu gnas shes bya ba yod de/ de na de bzhin
87b6 gshegs pa snyan pa'i nga ro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab chos 'phags shes bya ba btang ngo / /de'i yang mdab chags na 'jig rten gyi khams mya ngan med
87b7 pa'i blo gros shes bya ba yod de/ de na de bzhin gshegs pa mya ngan bral zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rin chen me zhes bya ba bla na med pa yang dag par rdzogs pa'i
87b8 byang chub tu lung bstan to zhes bya ba nas btang ngo zhes bya ba'i bar du snga ma bzhin du sbyar ro/ /de'i yang mdab chags na 'jig rten gyi khams snyan pa zhes bya ba yod de/ de na de bzhin gshegs pa pad ma mngon par 'phags pa'i dpal zhes bya ba
88a1 bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab me tog rgyal po zhes bya ba btang ngo / /de'i yang mdab chags na 'jig rten gyi khams me tog kun tu bkram zhes
88a2 bya ba yod de/ de na de bzhin gshegs pa me tog rab tu gtor ba'i tog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spos kyi dpal zhes bya ba btang ngo / /de'i
88a3 yang mdab chags na 'jig rten gyi khams rnam par bsgrags pa zhes bya ba yod de/ de na de bzhin gshegs pa kun nas spos kyi 'od zer ces bya ba bzhugs te 'tsho zhing gzhes la chos kyang ston te/ bcom ldan 'das des byang chub
88a4 sems dpa' rgyal tshab nges 'byung zhes bya ba btang ngo / /'jig rten gyi khams de'i yang mdab chags na 'jig rten gyi khams phyogs ldan zhes bya ba yod de/ de na de bzhin gshegs pa spyan btud ces bya ba bzhugs te 'tsho zhing
88a5 gzhes la chos kyang ston te/ bcom ldan 'das des byang chub sems dpa' rgyal tshab smon lam chen po zhes bya ba btang ngo / /de'i yang mdab chags na 'jig rten gyi khams 'od 'phro can zhes bya ba yod de/ de na de bzhin gshegs
88a6 pa 'od btang zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sbyin bsregs byas pa'i 'od ces bya ba btang ngo / /de'i yang mdab chags na 'jig rten gyi khams
88a7 'od ces bya ba yod de/ de na de bzhin gshegs pa 'od lhun po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ri rab lta bu zhes bya ba btang ngo / /de'i yang mdab
88a8 chags na 'jig rten gyi khams rin po che'i 'od ces bya ba yod de/ de na de bzhin gshegs pa rin chen snang zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rin
88b1 chen byin zhes bya ba btang ngo / /de'i yang mdab chags na 'jig rten gyi khams rtag tu bdug spos bdugs shes bya ba yod de/ de na de bzhin gshegs pa mtshan gnyis gtsug tor can zhes bya ba bzhugs te 'tsho zhing gzhes la
88b2 chos kyang ston te/ bcom ldan 'das des byang chub sems dpa' mtshan gnyis 'od ces bya ba bla na med pa yang dag par rdzogs pa'i byang chub tu lung bstan to zhes bya ba nas btang ngo zhes bya ba'i bar du snga ma bzhin du sbyar ro/ /
88b3 de'i yang mdab chags na 'jig rten gyi khams srid pa zhes bya ba yod de/ de na de bzhin gshegs pa 'jig rten gsum gyi khyu mchog rnam par gnon ces bya ba bzhugs te 'tsho zhing gzhes la chos kyang ston te/ bcom
88b4 ldan 'das des byang chub sems dpa' rgyal tshab srid pa gsum zhes bya ba btang ngo / /de'i yang mdab chags na 'jig rten gyi khams mngon par dga' ba zhes bya ba yod de/ de na de bzhin gshegs pa 'od kyi dkyil 'khor
88b5 can zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mi 'jigs sbyin zhes bya ba btang ngo / /de'i yang mdab chags na 'jig rten gyi khams rtag tu dmigs pa
88b6 zhes bya ba yod de/ de na de bzhin gshegs pa nam mkha'i rigs kyi khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lag pa can zhes bya ba btang ngo / /de'i
88b7 yang mdab chags na 'jig rten gyi khams bde ba'i rgyal po zhes bya ba yod de/ de na de bzhin gshegs pa zad mi shes pa'i khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das de bzhin gshegs
88b8 pa dgra bcom pa yang dag par rdzogs pa'i sangs rgyas des byang chub sems dpa' 'byung ba'i dpal zhes bya ba bla na med pa yang dag par rdzogs pa'i byang chub tu lung bstan to zhes bya ba nas btang ngo zhes bya ba'i bar du snga ma
89a1 bzhin du sbyar ro/ /de'i yang mdab chags na 'jig rten gyi khams kun tu yongs su spangs shes bya ba yod de/ de na de bzhin gshegs pa rnga sgra zhes bya ba bzhugs te 'tsho zhing gzhes la chos kyang ston te/ bcom ldan 'das
89a2 des byang chub sems dpa' rgyal tshab spos rab gtong zhes bya ba btang ngo / /de'i yang mdab chags na 'jig rten gyi khams bde ba zhes bya ba yod de/ de na de bzhin gshegs pa kun tu khyu mchog ces bya ba bzhugs te 'tsho zhing gzhes la
89a3 chos kyang ston te/ bcom ldan 'das des byang chub sems dpa' yul la mi gnas pa zhes bya ba btang ngo / /de'i mdab chags na 'jig rten gyi khams sgra rnam par bsgrags shes bya ba yod de/ de na de bzhin gshegs pa ye shes
89a4 rnam par bsgrags zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mchog gi tshogs can zhes bya ba btang ngo / /de'i yang mdab chags na 'jig rten gyi khams sgron
89a5 ma'i dkyil 'khor zhes bya ba yod de/ de na de bzhin gshegs pa shin tu rab tu gnas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab pa ra dza na zhes bya ba btang
89a6 ngo / /de'i yang mdab chags na 'jig rten gyi khams bkod pa gcig pa zhes bya ba yod de/ de na de bzhin gshegs pa sangs rgyas khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub
89a7 sems dpa' blo gros dpe med ces bya ba btang ngo / /de'i yang mdab chags na 'jig rten gyi khams rab tu dga' byed ces bya ba yod de/ de na de bzhin gshegs pa yon tan kun gyi 'byung gnas shes bya ba bzhugs te 'tsho zhing gzhes
89a8 la chos kyang ston te/ bcom ldan 'das des byang chub sems dpa' rgyal tshab mtshan ma med pa'i mtshan nyid go cha zhes bya ba btang ngo / /de'i yang mdab chags na 'jig rten gyi khams dga' ba zhes bya ba yod de/ de na de bzhin
89b1 gshegs pa yon tan mtha' yas rin chen ldan zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu yang dag brtags kyi spyod pa zhes bya ba btang ngo / /de'i
89b2 mdab chags na 'jig rten gyi khams rgyu skar gyi phreng ba zhes bya ba yod de/ de na de bzhin gshegs pa ye shes 'phags pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
89b3 dpa' rgyal tshab sgrogs pa zhes bya ba btang ngo / /de'i mdab chags na 'jig rten gyi khams gdugs kyi phreng ba bkod pa zhes bya ba yod de/ de na de bzhin gshegs pa ye shes 'phags pa'i 'od kyi gzi brjid dpal zhes bya ba
89b4 bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab legs byin zhes bya ba btang ngo / /de'i yang mdab chags na 'jig rten gyi khams pad ma zhes bya ba yod de/ de na de bzhin
89b5 gshegs pa pad ma 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sangs rgyas chos 'byung zhes bya ba btang ngo / /de'i yang mdab chags
89b6 na 'jig rten gyi khams me tog can zhes bya ba yod de/ de na de bzhin gshegs pa spos rab khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab
89b7 ye shes dal ba 'gyur byed ces bya ba btang ngo / /de'i yang mdab chags na 'jig rten gyi khams ku mu das rab tu khebs shes bya ba yod de/ de na de bzhin gshegs pa zla ba tog gi 'od zer ces bya ba bzhugs te 'tsho zhing gzhes la chos
89b8 kyang ston te/ bcom ldan 'das des byang chub sems dpa' rgyal tshab ri rab byin zhes bya ba btang ngo / /de'i yang mdab chags na 'jig rten gyi khams yangs pa zhes bya ba yod de/ de na de bzhin gshegs pa spos kyi glang po che
90a1 zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mi 'khrugs pa zhes bya ba btang ngo / /de'i yang mdab chags na 'jig rten gyi khams mchog ces bya ba yod de/
90a2 de na de bzhin gshegs pa bdud rtsi'i 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bdud rtsi'i sgra zhes bya ba btang ngo / /de'i yang mdab chags na 'jig
90a3 rten gyi khams spos ldan zhes bya ba yod de/ de na de bzhin gshegs pa pad ma brtsegs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab me tog ces
90a4 bya ba btang ngo / /de'i yang mdab chags na 'jig rten gyi khams me tog can zhes bya ba yod de/ de na de bzhin gshegs pa pad ma 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des
90a5 byang chub sems dpa' rgyal tshab spyi bos byin zhes bya ba btang ngo / /de'i yang mdab chags na 'jig rten gyi khams tsam pa ka dang ldan pa zhes bya ba yod de/ de na de bzhin gshegs pa tsan dan dpal zhes bya ba bzhugs te 'tsho zhing gzhes
90a6 la chos kyang ston te/ bcom ldan 'das des byang chub sems dpa' rgyal tshab mig bzangs shes bya ba btang ngo / /de'i yang mdab chags na 'jig rten gyi khams rin chen snying po zhes bya ba yod de/ de na de bzhin gshegs pa rin chen
90a7 brtsegs shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu mthong zhes bya ba btang ngo / /de'i yang mdab chags na 'jig rten gyi khams 'dzangs pa
90a8 zhes bya ba yod de/ de na de bzhin gshegs pa 'dzangs mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu rab sangs rgyas shes bya ba btang ngo / /de'i
90b1 mdab chags na 'jig rten gyi khams bde mchog ces bya ba yod de/ de na de bzhin gshegs pa bde mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' bde ba'i rgyal po
90b2 zhes bya ba btang ngo / /de'i yang mdab chags na 'jig rten gyi khams rab gnas shes bya ba yod de/ de na de bzhin gshegs pa yon tan mtha' yas 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom
90b3 ldan 'das des byang chub sems dpa' rgyal tshab shin tu rab gnas shes bya ba btang ngo / /de'i yang mdab chags na 'jig rten gyi khams 'od ces bya ba yod de/ de na de bzhin gshegs pa 'od kyi tog ces bya ba bzhugs te 'tsho zhing gzhes
90b4 la chos kyang ston te/ bcom ldan 'das des byang chub sems dpa' rgyal tshab kun tu 'od ces bya ba btang ngo / /de'i yang mdab chags na 'jig rten gyi khams dga' ba'i spos shes bya ba yod de/ de na de bzhin gshegs pa yon tan mtha' yas 'byung
90b5 gnas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yon tan 'byung zhes bya ba btang ngo / /de'i yang mdab chags na 'jig rten gyi khams blta na sdug ces bya ba
90b6 yod de/ de na de bzhin gshegs pa yon tan thams cad 'byung ba'i dpal gyi rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yon tan ldan zhes bya ba btang
90b7 ngo / /'jig rten gyi khams de'i yang mdab chags na 'jig rten gyi khams pad ma can zhes bya ba yod de/ de na de bzhin gshegs pa pad ma 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan
90b8 'das des byang chub sems dpa' rgyal tshab sbyin mos shes bya ba btang ngo / /'jig rten gyi khams de'i yang mdab chags na 'jig rten gyi khams gser gyi dra bas kun tu khebs shes bya ba yod de/ de na de bzhin gshegs pa sgron
91a1 ma 'chang zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sbar 'chums ma yin zhes bya ba btang ngo / /de'i yang mdab chags na 'jig rten gyi khams rin
91a2 chen dra bas kun tu khebs shes bya ba yod de/ de na de bzhin gshegs pa rin chen 'phegs pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab grong khyer
91a3 sgrogs shes bya ba btang ngo / /de'i yang mdab chags na 'jig rten gyi khams mngon par dga' ba zhes bya ba yod de/ de na de bzhin gshegs pa mngon par 'phags pa'i rgyal po zhes bya ba bzhugs te 'tsho zhing gzhes la chos kyang ston te/
91a4 bcom ldan 'das des byang chub sems dpa' rgyal tshab mi khom thams cad 'gyur byed ces bya ba btang ngo / /de'i yang mdab chags na 'jig rten gyi khams gdugs gcig pa zhes bya ba yod de/ de na de bzhin gshegs pa rgyu skar
91a5 gyi rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rgyu skar gyi phreng ba zhes bya ba btang ngo / /de'i yang mdab chags na 'jig rten gyi khams nam mkha'i
91a6 rigs shes bya ba yod de/ de na de bzhin gshegs pa lhun po mtha' yas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rin chen lhun po zhes bya ba btang ngo / /
91a7 de'i yang mdab chags na 'jig rten gyi khams mngon par dga' ba zhes bya ba yod de/ de na de bzhin gshegs pa nam mkha'i rna cha gdub 'khor rnam par dag pa'i rgyal po zhes bya ba bzhugs te 'tsho zhing gzhes la chos kyang ston te/
91a8 bcom ldan 'das des byang chub sems dpa' rgyal tshab bsam gyis mi khyab pa'i dpal zhes bya ba btang ngo / /de'i yang mdab chags na 'jig rten gyi khams mngon du bgrod pa zhes bya ba yod de/ de na de bzhin gshegs pa bdud
91b1 rtsi'i sgra zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mya ngan med ces bya ba btang ngo / /de'i yang mdab chags na 'jig rten gyi khams spos rigs
91b2 btsun zhes bya ba yod de/ de na de bzhin gshegs pa bdud rtsi'i 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mya ngan med pa'i dpal zhes bya ba
91b3 btang ngo / /de'i yang mdab chags na 'jig rten gyi khams shin tu rnam par dag ces bya ba yod de/ de na de bzhin gshegs pa rin chen lhun po zhes bya ba bzhugs te 'tsho zhing gzhes la chos kyang ston te/ bcom ldan 'das
91b4 des byang chub sems dpa' rgyal tshab rigs btsun zhes bya ba btang ngo / /de'i yang mdab chags na 'jig rten gyi khams rab snang zhes bya ba yod de/ de na de bzhin gshegs pa rin chen me tog sna tshogs me tog kun tu rgyas shes
91b5 bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab blo gros mtha' yas shes bya ba btang ngo / /de'i yang mdab chags na 'jig rten gyi khams mthu dpal zhes bya ba
91b6 yod de/ de na de bzhin gshegs pa mchog gi tshogs can zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ba lang bdag ces bya ba btang ngo / /de'i yang mdab
91b7 chags na 'jig rten gyi khams rin chen me tog ces bya ba yod de/ de na de bzhin gshegs pa rdul med rdul bral rnam par grol ba'i go cha zhes bya ba bzhugs te 'tsho zhing gzhes la chos kyang ston te/ bcom ldan 'das des
91b8 byang chub sems dpa' rgyal tshab 'od byed ces bya ba btang ngo / /de'i yang mdab chags na 'jig rten gyi khams gser du snang ba zhes bya ba yod de/ de na de bzhin gshegs pa gser gyi me tog ces bya ba bzhugs te 'tsho zhing gzhes
92a1 la chos kyang ston te/ bcom ldan 'das des byang chub sems dpa' rgyal tshab rnam par snang byed ces bya ba btang ngo / /de'i yang mdab chags na 'jig rten gyi khams gser du snang ba zhes bya ba yod de/ de na de bzhin
92a2 gshegs pa rin chen khang pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu rab gnas shes bya ba btang ngo / /de'i yang mdab chags na 'jig rten gyi khams
92a3 snying po can zhes bya ba yod de/ de na de bzhin gshegs pa me tog sna tshogs 'byung zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dpas byin zhes bya ba btang ngo / /
92a4 de'i yang mdab chags na 'jig rten gyi khams grol ba zhes bya ba yod de/ de na de bzhin gshegs pa grol ba'i 'od zer ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal
92a5 tshab byams pa zhes bya ba btang ngo / /de'i yang mdab chags na 'jig rten gyi khams me tog rab gtor ces bya ba yod de/ de na de bzhin gshegs pa me tog 'byung zhes bya ba bzhugs te 'tsho zhing gzhes la chos kyang ston te/
92a6 bcom ldan 'das des byang chub sems dpa' rgyal tshab me tog gi gdugs me tog kun tu rgyas pa zhes bya ba btang ngo / /de'i yang mdab chags na 'jig rten gyi khams me tog can zhes bya ba yod de/ de na de bzhin gshegs pa me
92a7 tog gdugs shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab gser gdugs shes bya ba btang ngo / /de'i yang mdab chags na 'jig rten gyi khams pad ma can
92a8 zhes bya ba yod de/ de na de bzhin gshegs pa don yod go cha zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab log pa'i go cha bgos zhes bya ba btang ngo / /de'i yang mdab
92b1 chags na 'jig rten gyi khams me tog can zhes bya ba yod de/ de na de bzhin gshegs pa rnam par bsgrags pa'i stobs kyi rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
92b2 dpa' rgyal tshab bskyed byed ces bya ba btang ngo / /de'i yang mdab chags na 'jig rten gyi khams tshangs pa'i dpal zhes bya ba yod de/ de na de bzhin gshegs pa tshangs pa'i dbyangs shes bya ba bzhugs te 'tsho zhing gzhes la chos kyang
92b3 ston te/ bcom ldan 'das des byang chub sems dpa' rgyal tshab 'jam pa'i dbyangs kyi nga ro zhes bya ba bla na med pa yang dag par rdzogs pa'i byang chub tu lung bstan to zhes bya ba nas btang ngo zhes bya ba'i bar du snga ma bzhin du sbyar ro/ /
92b4 de'i yang mdab chags na 'jig rten gyi khams tog gi rgyal mtshan zhes bya ba yod de/ de na de bzhin gshegs pa khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa'
92b5 rgyal tshab mig rnam dag ces bya ba btang ngo / /de'i yang mdab chags na 'jig rten gyi khams tog ces bya ba yod de/ de na de bzhin gshegs pa mtha' yas tshogs can zhes bya ba bzhugs te 'tsho zhing gzhes la chos kyang ston te/ bcom
92b6 ldan 'das des byang chub sems dpa' rgyal tshab rigs mtha' yas shes bya ba btang ngo / /de'i yang mdab chags na 'jig rten gyi khams gser zhes bya ba yod de/ de na de bzhin gshegs pa kha lo bsgyur ba zhes bya ba bzhugs te 'tsho zhing
92b7 gzhes la chos kyang ston te/ bcom ldan 'das des byang chub sems dpa' rgyal tshab sde zhes bya ba btang ngo / /de'i yang mdab chags na 'jig rten gyi khams rab gnas shes bya ba yod de/ de na de bzhin gshegs pa thogs pa med pa'i 'khor
92b8 lo zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'das pa rnam par gnon ces bya ba btang ngo / /de'i yang mdab chags na 'jig rten gyi khams srid pa med ces bya ba
93a1 yod de/ de na de bzhin gshegs pa 'gro kun rnam par 'joms mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu yang dag brtags kyi go cha zhes
93a2 bya ba btang ngo / /de'i yang mdab chags na 'jig rten gyi khams yid gnyis can zhes bya ba yod de/ de na de bzhin gshegs pa yid gnyis yang dag 'joms par mdzad ces bya ba bzhugs te 'tsho zhing gzhes la chos kyang ston te/
93a3 bcom ldan 'das des byang chub sems dpa' rgyal tshab mthong ma thag tu nges pa'i go cha zhes bya ba btang ngo / /de'i yang mdab chags na 'jig rten gyi khams ye shes mchog ces bya ba yod de/ de na de bzhin gshegs pa mtshan ma
93a4 med pa'i nga ro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rnam par bltas pa'i nga ro zhes bya ba btang ngo / /de'i yang mdab chags na 'jig rten gyi khams
93a5 yon tan rab gnas shes bya ba yod de/ de na de bzhin gshegs pa yon tan mtha' yas ldan zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab gom pa mtha' yas
93a6 rnam par gnon ces bya ba btang ngo / /de'i yang mdab chags na 'jig rten gyi khams rin chen rab gnas shes bya ba yod de/ de na de bzhin gshegs pa rin chen 'byung ba'i dpal zhes bya ba bzhugs te 'tsho zhing gzhes la chos kyang ston
93a7 te/ bcom ldan 'das des byang chub sems dpa' rgyal tshab rdo rje rnam par gnon ces bya ba btang ngo / /de'i yang mdab chags na 'jig rten gyi khams sgrogs pa zhes bya ba yod de/ de na de bzhin gshegs pa pad ma mngon par 'phags
93a8 pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rin chen me tog ces bya ba btang ngo / /de'i yang mdab chags na 'jig rten gyi khams 'od mi 'byung zhes bya ba yod
93b1 de/ de na de bzhin gshegs pa rin chen mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab tshangs mchog ces bya ba btang ngo / /de'i yang mdab chags na 'jig rten gyi
93b2 khams legs 'byung zhes bya ba yod de/ de na de bzhin gshegs pa 'das pa dang ma 'ongs pa dang / da ltar byung ba'i go cha thogs pa med ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
93b3 dpa' rgyal tshab rdul bral sde zhes bya ba btang ngo / /de'i yang mdab chags na 'jig rten gyi khams 'od bzang po zhes bya ba yod de/ de na de bzhin gshegs pa 'od mtha' yas shes bya ba bzhugs te 'tsho zhing gzhes la chos kyang ston
93b4 te/ bcom ldan 'das des byang chub sems dpa' rgyal tshab shin tu gnon ces bya ba btang ngo / /de'i yang mdab chags na 'jig rten gyi khams rnam dag ces bya ba yod de/ de na de bzhin gshegs pa rin chen lhun po zhes bya ba bzhugs
93b5 te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lhun po chen po zhes bya ba btang ngo / /de'i yang mdab chags na 'jig rten gyi khams zla ba sgron ma zhes bya ba yod de/ de na de bzhin gshegs
93b6 pa nyi ma sgron ma zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab nyi ma sgron ma mngon par 'phags pa'i dpal zhes bya ba btang ngo / /de'i yang mdab chags na 'jig
93b7 rten gyi khams tshon rtsi'i phung po zhes bya ba yod de/ de na de bzhin gshegs pa ye shes 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' dri med 'byung ba'i dpal zhes
93b8 bya ba btang ngo / /de'i yang mdab chags na 'jig rten gyi khams skar mda' zhes bya ba yod de/ de na de bzhin gshegs pa skar mda' sgron ma zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub
94a1 sems dpa' rgyal tshab 'phel ba'i blo gros shes bya ba btang ngo / /de'i yang 'dab chags na 'jig rten gyi khams ye shes 'byung gnas shes bya ba yod de/ 'jag rten gyi khams ye shes 'byung gnas de na de bzhin gshegs
94a2 pa gong na med pa'i 'od zer ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yon tan 'byung gnas shes bya ba btang ngo / /de'i yang 'dab chags na 'jig rten gyi
94a3 khams pad ma'i gdugs shes bya ba yod de/ de na de bzhin gshegs pa rgyal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rnga sgra zhes bya ba btang ngo / /de'i yang
94a4 mdab chags na 'jig rten gyi khams gdugs gcig pa zhes bya ba yod de/ de na de bzhin gshegs pa spyan mtha' yas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa'
94a5 rgyal tshab tshangs pa'i nga ro zhes bya ba btang ngo / /de'i yang mdab chags na 'jig rten gyi khams phyogs shes bya ba yod de/ de na de bzhin gshegs pa phyogs kyi sgron ma zhes bya ba bzhugs te 'tsho zhing gzhes la chos kyang ston te/
94a6 bcom ldan 'das des byang chub sems dpa' rgyal tshab phyogs snang zhes bya ba btang ngo / /de'i yang mdab chags na 'jig rten gyi khams sa la zhes bya ba yod de/ de na de bzhin gshegs pa sa lha'i dbang po'i rgyal po zhes bya ba bzhugs te 'tsho zhing
94a7 gzhes la chos kyang ston te/ bcom ldan 'das des byang chub sems dpa' rgyal tshab thu bo zhes bya ba btang ngo / /de'i yang mdab chags na 'jig rten gyi khams rab gnas shes bya ba yod de/ de na de bzhin gshegs pa seng ge zhes bya ba
94a8 bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bag tsha ba med pa zhes bya ba btang ngo / /de'i yang mdab chags na 'jig rten gyi khams tshogs shes bya ba yod de/ de na de bzhin
94b1 gshegs pa rin chen lhun po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab grags pa zhes bya ba btang ngo / /de'i yang mdab chags na 'jig rten gyi khams pad ma
94b2 zhes bya ba yod de/ de na de bzhin gshegs pa rnam par gzigs shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sprin ces bya ba btang ngo / /de'i yang mdab chags
94b3 na 'jig rten gyi khams kun 'dzin ces bya ba yod de/ de na de bzhin gshegs pa sman pa'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rtsi'i rgyal po
94b4 zhes bya ba btang ngo / /de'i yang mdab chags na 'jig rten gyi khams dpal bzang po zhes bya ba yod de/ de na de bzhin gshegs pa dpal bzang po zhes bya ba bzhugs te 'tsho zhing gzhes la chos kyang ston te/ bcom ldan 'das des
94b5 byang chub sems dpa' rgyal tshab shin tu bzang po zhes bya ba btang ngo / /de'i yang mdab chags na 'jig rten gyi khams shin tu rab gnas shes bya ba yod de/ de na de bzhin gshegs pa mi g.yos pa zhes bya ba bzhugs te
94b6 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab phug sbas shes bya ba btang ngo / /de'i yang mdab chags na 'jig rten gyi khams spos can zhes bya ba yod de/ de na de bzhin gshegs pa
94b7 spos mchog dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spos dpal zhes bya ba btang ngo / /de'i yang mdab chags na 'jig rten gyi khams spos
94b8 dpal zhes bya ba yod de/ de na de bzhin gshegs pa phyag na spos mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab pad ma'i snying po zhes bya ba
95a1 btang ngo / /de'i yang mdab chags na 'jig rten gyi khams tsan dan gyi bsung zhes bya ba yod de/ de na de bzhin gshegs pa tsan dan khang pa zhes bya ba bzhugs te 'tsho zhing gzhes la chos kyang ston te/ bcom
95a2 ldan 'das des byang chub sems dpa' rgyal tshab dpal sbas shes bya ba btang ngo / /de'i yang mdab chags na 'jig rten gyi khams rin chen dra bas khebs shes bya ba yod de/ de na de bzhin gshegs pa brtson 'grus mtha' yas
95a3 shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab blo gros mtha' yas shes bya ba btang ngo / /de'i yang mdab chags na 'jig rten gyi khams me tog can
95a4 zhes bya ba yod de/ de na de bzhin gshegs pa pad ma 'jigs byed me tog mngon par 'phags pa'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal
95a5 tshab dbyangs mtha' yas nga ro zhes bya ba btang ngo / /de'i yang mdab chags na 'jig rten gyi khams rnam par snang byed ces bya ba yod de/ de na de bzhin gshegs pa rin chen dra ba can zhes bya ba bzhugs te/ 'tsho
95a6 zhing gzhes la chos kyang ston te/ bcom ldan 'das des byang chub sems dpa' rgyal tshab dpas byin zhes bya ba btang ngo / /de'i yang mdab chags na 'jig rten gyi khams zla ba sgron ma zhes bya ba yod de/
95a7 de na de bzhin gshegs pa shin du rab gnas rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab brjed med nga ro zhes bya ba btang ngo / /
95a8 de'i yang mdab chags na 'jig rten gyi khams tsan dan gyi bsung zhes bya ba yod de/ de na de bzhin gshegs pa phyag na spos mchog ces bya ba bzhugs te/ 'tsho zhing gzhes la chos kyang ston te/
95b1 bcom ldan 'das des byang chub sems dpa' rgyal tshab 'byor pas byin zhes bya ba btang ngo / /de'i yang mdab chags na 'jig rten khams yid bral zhes bya ba yod de/ de na de bzhin gshegs pa bde ba thams
95b2 cad nye bar sgrub mdzad ces bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab phan 'dod ces bya ba btang ngo / /de'i yang mdab chags
95b3 na 'jig rten gyi khams spos sna tshogs shes bya ba yod de/ de na de bzhin gshegs pa dmigs pa thams cad ston ces bya ba bzhugs te 'tsho zhing gzhes la chos kyang ston te/ bcom ldan 'das des byang chub
95b4 sems dpa' rgyal tshab smon lam mtha' yas shes bya ba btang ngo / /de'i yang mdab chags na 'jig rten gyi khams sna tshogs shes bya ba yod de/ de na de bzhin gshegs pa yongs bsgrags don yod ces bya ba
95b5 bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab go cha mtha' yas shes bya ba btang ngo / /de'i yang mdab chags na 'jig rten gyi
95b6 khams dri ma med pa zhes bya ba yod de/ de na de bzhin gshegs pa shin tu rab gnas shes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa'
95b7 rgyal tshab gtsug na nor bu zhes bya ba btang ngo / /de'i yang mdab chags na 'jig rten gyi khams bde ba can zhes bya ba yod de/ de na de bzhin gshegs pa yon tan mtha' yas bkod pa'i
95b8 dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab thogs pa med pa'i snying stobs go cha zhes bya ba
96a1 btang ngo / /de'i yang mdab chags na 'jig rten gyi khams pad ma'i gdugs gcig pa zhes bya ba yod de/ de na de bzhin gshegs pa bde ba bkod pa zhes bya ba
96a2 bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rin chen tog ces bya ba btang ngo / /de'i yang mdab chags na 'jig rten
96a3 gyi khams dri ma med pa zhes bya ba yod de/ de na de bzhin gshegs pa nam mkha'i tog ces bya ba bzhugs te/ 'tsho zhing gzhes la chos kyang ston te/ bcom ldan 'das
96a4 des byang chub sems dpa' rgyal tshab nam mkha' rnam dag spyod pa zhes bya ba btang ngo / /de'i yang mdab chags na 'jig rten gyi khams bzang byed ces bya ba yod de/ de na de bzhin gshegs pa
96a5 bzang po mchog dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bzang po dbyangs shes bya ba btang ngo / /
96a6 de'i yang mdab chags na 'jig rten gyi khams mar me byed ces bya ba yod de/ de na de bzhin gshegs pa khyu mchog mtha' yas shes bya ba bzhugs te/ 'tsho zhing gzhes la chos kyang ston te/
96a7 bcom ldan 'das des byang chub sems dpa' rgyal tshab khyu mchog ces bya ba btang ngo / /de'i yang mdab chags na 'jig rten gyi khams me tog dri zhim zhes bya ba yod de/ de na de bzhin gshegs
96a8 pa spyan rnam dag ces bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mig bzangs shes bya ba btang ngo / /de'i yang mdab chags na
96b1 'jig rten gyi khams shin tu rab gnas shes bya ba yod de/ de na de bzhin gshegs pa kha lo bsgyur ba zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub
96b2 sems dpa' rgyal tshab rgya mtsho zhes bya ba btang ngo / /de'i yang mdab chags na 'jig rten gyi khams tshogs mtha' yas shes bya ba yod de/ de na de bzhin gshegs pa lhun po mngon par 'phags
96b3 pa'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab tshad med blo gros shes bya ba btang ngo / /de'i yang mdab chags na
96b4 'jig rten gyi khams dga' 'byung zhes bya ba yod de/ de na de bzhin gshegs pa phas ma pham pa'i rgyal mtshan zhes bya ba bzhugs te/ 'tsho zhing gzhes la chos kyang ston te/ bcom ldan 'das des
96b5 byang chub sems dpa' rgyal tshab phas ma pham pa zhes bya ba btang ngo / /de'i yang mdab chags na 'jig rten gyi khams rdul ces bya ba yod de/ de na de bzhin gshegs pa mngon rtogs shes bya ba bzhugs te 'tsho
96b6 zhing gzhes la chos kyang ston te/ bcom ldan 'das des byang chub sems dpa' rgyal tshab mi 'jigs pa zhes bya ba btang ngo / /de'i yang mdab chags na 'jig rten gyi khams spos 'das shes bya ba yod de/
96b7 de na de bzhin gshegs pa lhun po mtha' yas mu med spos shes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spos mchog dpal zhes bya ba
96b8 btang ngo / /de'i yang mdab chags na 'jig rten gyi khams grong khyer zhes bya ba yod de/ de na de bzhin gshegs pa zla ba'i dkyil 'khor rnam dag rgyal po zhes bya ba bzhugs te/ 'tsho zhing
97a1 zhing gzhes la chos kyang ston te/ bcom ldan 'das des byang chub sems dpa' rgyal tshab sgron ma 'chang zhes bya ba btang ngo / /de'i yang mdab chags na 'jig rten gyi khams mchog ces bya ba yod
97a2 de/ de na de bzhin gshegs pa lhun po mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin tu rab gnas shes bya ba btang ngo / /
97a3 de'i yang mdab chags na 'jig rten gyi khams dga' ba zhes bya ba yod de/ de na de bzhin gshegs pa dga' ba 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das
97a4 des byang chub sems dpa' rgyal tshab rtul bas byin ces bya ba btang ngo / /de'i yang mdab chags na 'jig rten gyi khams 'od ces bya ba yod de/ de na de bzhin gshegs pa lhun po rnam dag ces bya ba bzhugs te
97a5 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rin chen lhun po zhes bya ba btang ngo / /de'i yang mdab chags na 'jig rten gyi khams mdzes pa zhes bya ba yod de/
97a6 de na de bzhin gshegs pa mdzes pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mdzes pa chen po'i dpal zhes bya ba btang ngo / /
97a7 de'i yang mdab chags na 'jig rten gyi khams dri zhim zhes bya ba yod de/ de na de bzhin gshegs pa tshangs pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
97a8 dpa' rgyal tshab tshangs pa'i nga ro zhes bya ba btang ngo / /de'i yang mdab chags na 'jig rten gyi khams dbang po'i rgyal mtshan zhes bya ba yod de/ de na de bzhin gshegs pa thogs pa med pa'i spyan zhes bya ba bzhugs te
97b1 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dbang pos byin zhes bya ba btang ngo / /de'i yang mdab chags na 'jig rten gyi khams chos kyi rgyal mtshan zhes bya ba yod de/
97b2 de na de bzhin gshegs pa yon tan mtha' yas 'byung gnas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yon tan byin zhes bya ba btang ngo / /de'i yang
97b3 mdab chags na 'jig rten gyi khams bsam gyi mi khyab pa'i dpal zhes bya ba yod de/ de na de bzhin gshegs pa gzi brjid dpal zhes bya ba bzhugs te 'tsho zhing gzhes la chos kyang ston te/ bcom ldan 'das des
97b4 byang chub sems dpa' rgyal tshab ye shes bsags shes bya ba btang ngo / /de'i yang mdab chags na 'jig rten gyi khams sna tshogs shes bya ba yod de/ de na de bzhin gshegs pa legs par bsams pa'i smon
97b5 lam yongs su grub pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab smon lam mtha' yas shes bya ba btang ngo / /de'i yang mdab chags na
97b6 'jig rten gyi khams grong khyer brgyan pa'i rgyal po zhes bya ba yod de/ de na de bzhin gshegs pa rnam par dag pa'i dkyil 'khor rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das
97b7 des byang chub sems dpa' rgyal tshab lhun po rnam dag ces bya ba btang ngo / /de'i yang mdab chags na 'jig rten gyi khams ye shes 'od ces bya ba yod de/ de na de bzhin gshegs pa ye shes sbas zhes bya ba bzhugs te 'tsho
97b8 zhing gzhes la chos kyang ston te/ bcom ldan 'das des byang chub sems dpa' rgyal tshab ye shes 'byung ba'i dpal zhes bya ba btang ngo / /de'i yang mdab chags na 'jig rten gyi khams khang pa zhes bya ba yod de/ de na de
98a1 bzhin gshegs pa khang pa sde zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ye shes rnam par sems shes bya ba btang ngo / /de'i yang mdab
98a2 chags na 'jig rten gyi khams ye shes spos shes bya ba yod de/ de na de bzhin gshegs pa ye shes brtsegs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal
98a3 tshab ye shes 'byung gnas shes bya ba btang ngo / /de'i yang mdab chags na 'jig rten gyi khams phyogs kyi lhun po zhes bya ba yod de/ de na de bzhin gshegs pa mar me mdzad ces bya ba/ bzhugs te 'tsho zhing gzhes
98a4 la chos kyang ston te/ bcom ldan 'das des byang chub sems dpa' rgyal tshab phyogs su rnam par grags pa zhes bya ba btang ngo / /de'i yang mdab chags na 'jig rten gyi khams yon tan rab gnas shes bya ba yod de/
98a5 de na de bzhin gshegs pa bde bdag ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab chos kyi sgron ma zhes bya ba btang ngo / /de'i yang mdab chags na
98a6 'jig rten gyi khams grags dga' zhes bya ba yod de/ de na de bzhin gshegs pa rdul bral mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal
98a7 tshab mi mjed kyi bdag po zhes bya ba btang ngo / /de'i yang mdab chags na 'jig rten gyi khams pad ma mngon par 'phags pa'i rgyal po zhes bya ba yod de/ de na de bzhin gshegs pa mngon par 'phags pa'i
98a8 dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dri ma med pa zhes bya ba btang ngo / /de'i yang mdab chags na 'jig rten gyi khams yon
98b1 tan mtha' yas 'byung zhes bya ba yod de/ de na de bzhin gshegs pa sems can gyi bsam pa yang dag par ston pa'i khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das
98b2 des byang chub sems dpa' rgyal tshab chos kyi sgron ma zhes bya ba btang ngo / /de'i yang mdab chags na 'jig rten gyi khams dga' ba zhes bya ba yod de/ de na de bzhin gshegs pa rin chen mtha' yas shes bya ba bzhugs te
98b3 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dpa' ba zhes bya ba btang ngo / /de'i yang mdab chags na 'jig rten gyi khams so sor bag yangs shes bya ba yod de/ de na de
98b4 bzhin gshegs pa thams cad rtser 'jug rtsom pa'i khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rtag tu brtsams pa'i go cha zhes bya ba
98b5 btang ngo / /de'i yang mdab chags na 'jig rten gyi khams shin du so sor yang dag gnas shes bya ba yod de/ de na de bzhin gshegs pa thogs pa med pa'i 'od zer pad ma sangs rgyas mngon par 'phags pa'i
98b6 dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sa'i nga ro rgyal po zhes bya ba btang ngo / /de'i yang mdab chags na 'jig rten gyi khams chu
98b7 klung gang gA'i bye ma snyed 'das pa na 'jig rten gyi khams yon tan kun dang ldan pa zhes bya ba yod de/ de na de bzhin gshegs pa bdud thams cad la sangs rgyas kyi sku yang dag par ston pa'i khyu mchog ces bya ba bzhugs
98b8 te 'tsho zhing gzhes la chos kyang ston te/ bcom ldan 'das des byang chub sems dpa' sems dpa' chen po kun du bltas pa'i byang chub tu nges pa'i dge ba'i rtsa ba'i snying stobs kyi go cha bgos shes bya ba bla na
99a1 med pa yang dag par rdzogs pa'i byang chub tu lung bstan to/ /de nas byang chub sems dpa' des snang ba chen po de mthong ste/ gsung bsal ba'i sgra de yang thos so/ /thos nas kyang bcom ldan
99a2 'das la 'di skad ces gsol to/ /bcom ldan 'das 'od de dang / gsung bsal ba'i sgra 'di su'i lags/ de nas bcom ldan 'das des bka' stsal pa/ rigs kyi bu nub phyogs kyi phyogs char 'jig
99a3 rten gyi khams grangs med pa stong dag 'das pa na 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te 'tsho zhing gzhes la 'di lta ste/ byang chub sems
99a4 dpa'i sde snod kyi chos kyi rnam grangs kyi chos kyang ston te/ mthu de lta bu 'di ni de'i yin no/ /de nas bcom ldan 'das de la byang chub sems dpa' kun du bltas pa'i byang chub tu nges pa'i dge ba'i rtsa ba'i snying
99a5 stobs kyi go cha bgos kyis 'di skad ces gsol to/ /bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba dang / chos mnyan pa'i slad du 'jig rten
99a6 gyi khams mi mjed der bdag mchi bar bgyi'o/ /bcom ldan 'das des bka' stsal pa/ rigs kyi bu de'i dus la dbab par shes na song shig /de nas byang chub sems dpa' kun du bltas pa'i byang chub tu nges
99a7 pa'i dge ba'i rtsa ba'i snying stobs kyi go cha bgos kyis pad ma brgyad blangs nas/ 'jig rten gyi khams mi mjed ga la ba dang / bcom ldan 'das ga la ba de logs su gtor to/ /de nas pad ma de dag 'jig rten gyi
99a8 khams thams cad 'das te/ 'jig rten gyi bar dag las 'das nas rgyal po'i khab 'od ma'i tshal bya ka lan da ka gnas pa ga la ba dang / bcom ldan 'das ga la ba der so sor yang dag par 'khod do/ /bcom
99b1 ldan 'das de bzhin gshegs pa shAkya thub pa'i 'khor bzhi po'i 'khor gyi dkyil 'khor gyis de dag mthong nas kyang ngo mtshar du 'dzin par gyur to/ /de nas bcom ldan 'das la pad ma de dag gis lan gsum
99b2 bskor ba byas nas spyan sngar 'khod do/ /de nas bcom ldan 'das kyis phyag g.yas pas pad ma de dag la reg par mdzad nas/ reg pa tsam gyis pad ma de dag las kyang byang chub sems dpa'i lus dag mngon par
99b3 byung ngo / /byung nas kyang bcom ldan 'das la tshigs su bcad pa 'di dag gis mngon par bstod nas mi snang bar gyur to/ / bam po brgyad pa/ mtha' yas
99b4 mkhyen mnga' gang zag khyu mchog gtso/ /rang byung mtha' yas chos rnams thugs su chud/ /khyod kyi rdzu 'phrul mtha' yas rgya chen gda'/ /'jig rten khams rnams kun du snang bar mdzad/ /de dag
99b5 sangs rgyas kyi ni mtshan thos nas/ /zhu ba'i khyad par kun du zhu ba dang / /sangs rgyas blta dang phyag kyang bgyi slad du/ /mkhas pa de dag rdzu 'phrul stobs kyis mchis/ /byang chub go bgos dpa' bo
99b6 gang mchis dag /mi mjed 'jig rten khams su rab gnas pa/ /de dag skye ba gcig gis thogs pa ste/ /de dag ming dang gzugs dang grags pas 'phags/ /de dag go cha'i dngos pos mi
99b7 'jigs shing / /sems can smin pa'i slad du yang dag zhugs/ /byang chub mchog la ji ltar reg gyur pa/ /'jig rten rnam 'dren mchog la de dag zhu/ /ji slad mngon du chos tshol bgyid ces na/ /bdud
99b8 rnams gzhom dang byang chub 'thob slad du/ /de nas zhu ba zhu ba'i sprul pa rnams/ /gang yin de la shAkya thub pas gsungs/ /'dren pas yang dag tshig gis de bstan nas/ /mi mchog de yi tshig
100a1 rnams thos gyur te/ /dga' zhing mgu la rjes su yi rang nas/ /bde gshegs phyag 'tshal de dag 'khod par gyur/ /sprul pa de dag der ni mi snang nas/ /gang dag de bzhin gshegs la
100a2 zhu zhu ba/ /de dag gang nas mchi zhing ming ci zhes/ /de tshe 'khor kyang spu rnams zing zhes byed/ /'khor rnams bzhi po de dag gus pa yis/ /rgyal ba la ni zhu bar mi spro ste/ /de tshe 'jig rten mgon
100a3 po'i sprul pa sprul/ /de tshe dge slong kun dga' bzang po byung / /mgon po zhu ba 'di zhu de dag gang / /zhus nas kyang ni mi gda' ma mthong gyur/ /de dag su lags de dag su yi lags/ /mgon po
100a4 bshad cing the tshom bsal du gsol/ /smon lam dpa' bo ldan pa'i go cha ltos/ /de yis byin gyis brlabs nas 'dir lhags te/ /shar phyogs kyi ni 'jig rten khams kyi tshul/ /grangs med dag nas
100a5 de dag lhags pa yin/ /dpa' bo 'jig rten phan phyir gang lhags pa/ /rnam par bltas nas dong bar gyur pa ste/ /bsam pa dag pa byang chub phyir spyod pa/ /de yi smon lam de ni de 'dra'o/ /de dag
100a6 dge bas nges par sangs rgyas mthong / /de dag 'dir ni de la sgyid mi lug /tshul khrims kyis kyang dman par mi 'gyur te/ /thos pa mang zhing pha rol phyin pas 'phags/ /de dag thabs shes pa la shin
100a7 du bslabs/ /mngal gyi gnas su 'gro bar mi 'gyur te/ /'khor ba'i tshe na tshe rabs tshe rabs su/ /de dag chos kyi sems rgyud brjed mi 'gyur/ /rtag tu sangs rgyas rnams dang mngon du phrad/ /rtag tu 'phags
100a8 pa rnams dang 'grogs par 'gyur/ /dpa' bo de yis sems can 'dir mthong rnams/ /rtag tu de la rab tu 'byung ba 'thob/ /mthong ma thag tu dge bas de 'dra ste/ /gang dag gzhan ma brjod pa de
100b1 dag mang / /dpa' bo de yi yon tan gang yod pa/ /mang du bsgrags kyang mthar thug 'gyur ba med/ /dpa' bo shin du gnas pa de yi ming / /de tshe bud med gang gis thos gyur pa/ /de ni phyin chad bud med dngos mi
100b2 'gyur/ /sems can dam pa'i mchog tu de 'gyur ro/ /skyes pa bud med gang gis ming thos shing / /thos nas de la'ang dga' ba skyed byed la/ /sangs rgyas zhing der smon lam 'debs byed pa/ /lus zhig
100b3 nas ni der yang skye bar 'gyur/ /zhing yang dag par skye bar 'gyur ba yin/ /skyes pa bud med 'on te gzhan yang rung / /gang gis ming thos nam zhig dad byed pa/ /thams cad byang chub ched las nyams
100b4 mi 'gyur/ /gang dag gcer bu'i sems can ma gtogs par/ /thos nas su zhig dga' ba skye mi 'gyur/ /sangs rgyas kyis kyang de ni yong ma gsungs/ /'on kyang de dag dge dang ldan par 'gyur/ /gang
100b5 dag bsam pas ming yang thos pa ni/ /ji ltar rtsi yis skyon rnams sel byed bzhin/ /sems can de dag gis ni der mthong ba/ /byang chub don du nges 'gyur the tshom med/ /gang zhig pa la sha yi 'dab
100b6 thogs shing / /de dang der ni rtsi dag byed gyur na/ /de tshe kun nas sman gyi stobs kyis su/ /sus kyang der ni me la tshig mi 'gyur/ /gang tshe sbrul gdug gzi brjid drag po yis/ /dug gang de
100b7 dag mi gdug byed 'gyur te/ /sa yi steng nas kun du ston byed na/ /de 'dra'i sman brkos pas ni ci zhig bya/ /sbrul gdug dri ni gang dag snom byed pa/ /sbrul de thams cad 'chi ba'i dus byed 'gyur/ /de ltar
100b8 rtsi sman 'dra ba'i mi de ni/ /ming gis sangs rgyas mdzad pa byed par 'gyur/ /de tshe phyogs bcu dag tu bsgrags pa na/ /dpa' bo de yi ming ni sus thos pa/ /de yi ming gis las ni 'di byed de/ /bud med gang
101a1 zag la ni reg mi 'gyur/ /gang gis mthong dang sti stang byed ci smos/ /de ni rgyal bas dge slong gang sprul pa/ /kun dga' bzang po zhes ni bya ba des/ /rgyal bas de skad bsgrags pa de 'dra ba/ /byang chub zhugs
101a2 pa su mchis de la zhus/ /kun dga' bzang po go cha dpa' bo'i ming / /'jig rten khams 'dir yod ces ngas thos na/ /zhum pa med pa'i yid kyis brjod par bya/ /de ltar bde bar gshegs pas zab bstan pa/ /rgyal
101a3 ba'i byang chub yid ches dka' ba yi/ /sems can dge ba chung dang ldan pa lhags/ /da ltar nga yi tshe ni cung zad gnas/ /kun dga' 'di na sems can mchog yod de/ /de ring kho nar 'khor du lhags par gyur/ /'jig rten mgon
101a4 po gang dag 'dir lhags pa'i/ /go cha bsngags pa phyogs bcur bzlog mi nus/ /kun dga' bzang skyong rin chen 'byung gnas dang / /dkon mchog 'byung gnas dang ni ded dpon bzang / /yon tan sbas pa mkhas dang de
101a5 bzhin du/ /dpa' bo bzang stobs gang yin de la ltos/ /chu zhes bya ba dang ni chu lha dang / /bzang skyong de bzhin dge slong ci 'dra rnams/ /ji ltar skyob 'gyur dge slong de dag ltos/ /de dag rnams kyi go cha de bsam yas/ /don
101a6 yod ces ni yongs su bsgrags gyur pa/ /de dag gis ni don yod go cha bgos/ /de dag mthong ba'ang don yod 'gyur ba yin/ /de dag bsnyen bkur byed pa smos ci dgos/ /kun dga' gang su dag gis de dag mthong / /gang dag
101a7 su yis ming yang thos gyur pa/ /de dag nam yang byang chub dogs pa med/ /de dag nam du'ang log par ltung mi 'gyur/ /de dag thams cad brtson pas tshogs pa yin/ /de dag thams cad shes pas tshogs par gyur/ /rtag tu
101a8 tshul khrims phung pos de rtag gnas/ /thams cad theg pa mchog la de ltar 'dud/ /kun dga' sangs rgyas zhing 'dir phyogs bcu yi/ /'jig rten da ltar gang dag su gnas pa/ /dpa' bo de ci go cha 'dod gyur pa/ /de la rgyal
101b1 ba kun gyis bsngags pa brjod/ /gang gis bsngags brjod rgyal ba de dag kyang / /byang chub sems dpas de tshe der shes te/ /shAkya khyu mchog 'jig rten mgon po dang / /byang chub zhugs pa'i dpa' bo dag blta'o/ /de thos
101b2 nas kyang gsol ba btab gyur pa/ /mgon po mi mjed 'jig rten khams su mchi/ /rgyal ba rnams kyi sku la bskor byas nas/ /byang chub sems dpa' de dag thams cad lhags/ /dge slong de dag gi yang ming thos
101b3 nas/ /de tshe byang chub mchog tu 'dun pa bskyed/ /gang dag ming dang 'dun pas byang chub zhugs/ /de dag rgyal bas byang chub der lung bstan/ /bskal pa grangs med dag tu las byas shing / /mi dge bsgrubs pa gang dag
101b4 su yod pa/ /de phyir snyigs ma'i dus na de dag ni/ /nga dang lhan cig sangs rgyas zhing du lhags/ /nga yis byang chub mchog 'di thob gyur kyang / /de tshe sems can blta bar spro ba med/ /gang dag phyi dus dge slong rnams 'byung
101b5 ba/ /rtsub dang gtum dang shin du rtsub pa yin/ /de tshe kun du 'jigs pa thos nas su/ /yang dang yang du brtson 'grus stobs bskyed cing / /mu ge'i dus su zan rjen sbyin pa byin/ /de dag rnams kyi sbyin pa rtsub pa
101b6 yin/ /de dag 'di la gus pa che byas nas/ /phyi dus 'jigs pa chen po de yi tshe/ /srog kyang btang nas don ni bya snyam ste/ /nga yi chos mchog spel zhing 'dzin par byed/ /dus de na ni mi dge'i las rnams kyi/ /smon lam
101b7 gnas kyang 'jig rten dag na yod/ /'di na las de dag ni byas pa na/ /de yi tshe na brnyas pa'i tshul du 'gyur/ /de dag der ni 'di 'dra'i chos thos nas/ /de tshe der ni chos min 'du shes 'gyur/ /chos 'di rgyal bas gsungs
101b8 pa ma yin zhes/ /'jig rten phyin ci log la kun dga' ltos/ /de tshe dge slong slob pas 'du byed la/ /rtag pa cung zad med ces skyo thob pas/ /de tshe mgo la me 'bar bzhin du rtogs/ /'chi med thob par bya phyir ma lus
102a1 btsal/ /bstan 'di rab tu rnam par 'jig thos nas/ /der ni lha yang sdug bsngal dag tu gyur/ /de tshe 'jig pa mthong na mi rung zhes/ /de lta'i dus su shi yang bla snyam sems/ /bag tsha med pa'i sgrogs
102a2 pa sgrogs pa yi/ /drang srong che de de ring bdag cag mthong / /'dren pa mchog gi zhal du lta byed cing / /kye ma rgyal bas bshad ces yi rang ngo / /dge slong bsam gtan byed pa dag kyang mthong / /dbang thob rdzu 'phrul stobs kyis
102a3 mkhas gyur pa/ /'di na ting 'dzin shes rab pha rol phyin/ /de dag phyi ma'i dus su ji ltar mthong / /sdig pa'i dge slong stobs dang ldan 'gyur zhing / /de tshe tshul ldan shin du tshar bcad 'gyur/ /gnas khang gnas pa tshegs kyis
102a4 'thob 'gyur zhing / /de tshe lha yid shin du mi dga' 'gyur/ /kye ma kye ma bstan pa rab tu 'jig /gang gi don du de tshe dka' spyod pa/ /de dag dge slong sdig pas tshar bcad 'gyur/ /bstan pa 'jig par 'gyur ba 'di la
102a5 ltos/ /'dir ni phan tshun kun du dga' bar 'gyur/ /des pa rnams la de dag bsngags min brjod/ /sangs rgyas la ni 'khrug long byed pa dag /de dag khyim na gnas par 'dzin par 'gyur/ /dge bsnyen ma dang 'dre bar byed
102a6 'gyur zhing / /de na de dag lag pa gcig tu byed/ /rgyal ba'i bstan la ma gus gyur nas su/ /byang chub mchog kyang spong bar byed par 'gyur/ /dkon mchog gsum la mchog tu 'tshe 'gyur te/ /de dag rtag tu des pa rnams
102a7 kyis spongs/ /khyu mchog rwa chag ma gyur ma rungs pa/ /de bzhin tshul khrims ldan pas rnam par spongs/ /de tshe tshul khrims ldan pa dpyas 'gyur zhing / /de tshe dge slong sdig pas brnyas tshul 'gyur/ /'jigs chen
102a8 phyin ci log gi dus su ni/ /skyo ba thob byos bag kyang yod par gyis/ /bde bar gshegs pa'i bstan la brtson 'grus skyed/ /de tshe 'jigs pa chen po 'byung bar 'gyur/ /sdig pa'i dge slong rnams dang phrad ma byed/ /de yi
102b1 tshe na sdug bsngal gnas par 'gyur/ /de nas byang chub sems dpa' kun du bltas pa'i byang chub tu nges pa'i dge ba'i rtsa ba'i snying stobs kyi go cha bgos 'di lta ste dper na/ skyes bu stobs dang ldan pa zhig gis
102b2 lag pa bskum pa rkyong bar byed pa 'am/ brkyang ba skum par byed pa'i skad cig des de nas mi snang bar gyur nas 'jig rten gyi khams mi mjed 'dir 'ongs te/ de bcom ldan 'das de bzhin gshegs pa shAkya thub pa
102b3 ga la ba der song ste phyin nas/ bcom ldan 'das kyis zhabs la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das bcom ldan 'das la gnod pa chung ngam/ nyam nga ba
102b4 nyung ngam/ bskyod pa yang ngam/ stobs dang bde bar reg pa la gnas sam zhes de bzhin gshegs pa bdud thams cad la sku kun du ston pa'i khyu mchog snyun gsol lags so/ /bcom ldan 'das kyis bka'
102b5 stsal pa/ rigs kyi bu ci bcom ldan 'das de snyun mi mnga' 'am/ stobs dang ldan nam/ 'gyur ba mi mnga' 'am/ gsol pa/ bcom ldan 'das de lta lags so/ /'jig rten gyi khams de'i yang mdab chags na 'jig
102b6 rten gyi khams mtshan ldan zhes bya ba yod de/ de na de bzhin gshegs pa mtshan med nga ro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab tshangs
102b7 dbyangs nga ro zhes bya ba btang ngo / /de'i yang mdab chags na 'jig rten gyi khams 'dzin med ces bya ba yod de/ de na de bzhin gshegs pa mtshan ma med pa'i nga ro zhes bya ba bzhugs te 'tsho zhing gzhes la chos kyang
102b8 ston te/ bcom ldan 'das des byang chub sems dpa' rgyal tshab mtshan nyid gcig pas mchod ces bya ba btang ngo / /de'i yang mdab chags na 'jig rten gyi khams mtshan nyid med pa'i phyag rgya zhes bya ba yod de/
103a1 de na de bzhin gshegs pa pad ma'i mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab pad ma rab tu gtor ba'i char pa zhes bya
103a2 ba btang ngo / /de'i yang mdab chags na 'jig rten gyi khams zla ba'i rgyal mtshan zhes bya ba yod de/ de na de bzhin gshegs pa rin chen 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom
103a3 ldan 'das des byang chub sems dpa' rgyal tshab sna tshogs brtsegs shes bya ba btang ngo / /de'i yang mdab chags na 'jig rten gyi khams 'jam pa zhes bya ba yod de/ de na de bzhin gshegs pa rdul med blo gros
103a4 shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mu khyud 'dzin ces bya ba btang ngo / /de'i yang mdab chags na 'jig rten gyi khams me tog ces
103a5 bya ba yod de/ de na de bzhin gshegs pa ye shes me tog 'byung zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sa 'dzin rab gnas shes bya
103a6 ba btang ngo / /de'i yang mdab chags na 'jig rten gyi khams nam mkha' rnam par dag pa ces bya ba yod de/ de na de bzhin gshegs pa gzi brjid mngon par 'phags pa'i rgyal po zhes bya ba bzhugs te 'tsho
103a7 zhing gzhes la chos kyang ston te/ bcom ldan 'das des byang chub sems dpa' rgyal tshab rin chen gdugs shes bya ba btang ngo / /de'i yang mdab chags na 'jig rten gyi khams mtshan ma med pa zhes bya
103a8 ba yod de/ de na de bzhin gshegs pa rab tu zhi ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ud pa la zhes bya ba btang ngo / /de'i yang
103b1 mdab chags na 'jig rten gyi khams bde ba'i snying po zhes bya ba yod de/ de na de bzhin gshegs pa rdul med khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
103b2 dpa' rgyal tshab sems dpa' med ces bya ba btang ngo / /de'i yang mdab chags na 'jig rten gyi khams rdo rje'i snying po zhes bya ba yod de/ de na de bzhin gshegs pa 'gro ba thams cad so sor bag yangs pa shes bya
103b3 ba bzhugs te 'tsho zhing gzhes la chos kyang ston te bcom ldan 'das des byang chub sems dpa' rgyal tshab zab mo 'gyur byed ces bya ba btang ngo / /de'i yang mdab chags na 'jig rten gyi khams yon tan 'byung gnas
103b4 shes bya ba yod de/ de na de bzhin gshegs pa yon tan bsam gyis mi khyab pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'gro ba
103b5 'dzin ces bya ba btang ngo / /de'i yang mdab chags na 'jig rten gyi khams bde ldan zhes bya ba yod de/ de na de bzhin gshegs pa dga' ba 'byung ba'i dpal zhes bya ba bzhugs te 'tsho zhing gzhes la chos kyang ston
103b6 te/ bcom ldan 'das des byang chub sems dpa' rgyal tshab rnam par rgyal ba'i sde zhes bya ba btang ngo / /de'i yang mdab chags na 'jig rten gyi khams gnod med ces bya ba yod de/ de na de bzhin gshegs pa mi 'jigs
103b7 par gshegs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dpa' bo zhes bya ba btang ngo / /de'i yang mdab chags na 'jig rten gyi khams ud
103b8 pa la dmar pos khebs pa zhes bya ba yod de/ de na de bzhin gshegs pa spos kyis rgyags mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab
104a1 spos mchog lhun po zhes bya ba btang ngo / /de'i yang mdab chags na 'jig rten gyi khams kha lo sgyur ba zhes bya ba yod de/ de na de bzhin gshegs pa kun nas gzigs shes bya ba bzhugs te 'tsho zhing
104a2 gzhes la chos kyang ston te/ bcom ldan 'das des byang chub sems dpa' rgyal tshab rtul ba mtha' yas shes bya ba btang ngo / /de'i yang mdab chags na 'jig rten gyi khams tshogs chen zhes bya ba yod de/ de na de
104a3 bzhin gshegs pa mi 'jigs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rnam par gnon ces bya ba btang ngo / /de'i yang mdab chags na 'jig
104a4 rten gyi khams 'jigs shing 'jigs su rung bas mi 'jigs pa zhes bya ba yod de/ de na de bzhin gshegs pa mi 'jigs pa brnyes pa zhes bya ba bzhugs te 'tsho zhing gzhes la chos kyang ston te/ bcom ldan 'das
104a5 des byang chub sems dpa' rgyal tshab phyogs su rab grags shes bya ba btang ngo / /de'i yang mdab chags na 'jig rten gyi khams zla ba zhes bya ba yod de/ de na de bzhin gshegs pa zla ba sgron ma zhes bya ba bzhugs
104a6 te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sngon du 'gro zhes bya ba btang ngo / /de'i yang mdab chags na 'jig rten gyi khams rab snang zhes bya ba yod de/ de na
104a7 de bzhin gshegs pa me sgron zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab me 'dzin ces bya ba btang ngo / /de'i yang mdab chags na 'jig rten
104a8 gyi khams 'od ces bya ba yod de/ de na de bzhin gshegs pa rab tu 'bar zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rnam par
104b1 bsgrags pa'i rgyal po zhes bya ba btang ngo / /de'i yang mdab chags na 'jig rten gyi khams rab 'dren ces bya ba yod de/ de na de bzhin gshegs pa shin du gyen du gshegs shes bya ba bzhugs te 'tsho zhing gzhes
104b2 la chos kyang ston te/ bcom ldan 'das des byang chub sems dpa' rgyal tshab shes rab mchog ces bya ba btang ngo / /de'i yang mdab chags na 'jig rten gyi khams spos can zhes bya ba yod de/ de na de bzhin
104b3 gshegs pa mchog gi nor bu zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rab kyi blo gros shes bya ba btang ngo / /de'i yang mdab chags na
104b4 'jig rten gyi khams rdo rje 'byung zhes bya ba yod de/ de na de bzhin gshegs pa rdo rje rnam par gnod ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa'
104b5 rgyal tshab yon tan 'byung gnas shes bya ba btang ngo / /de'i yang mdab chags na 'jig rten gyi khams nga ro can zhes bya ba yod de/ de na de bzhin gshegs pa ye shes dbang phyug rgyal po zhes bya ba bzhugs te
104b6 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sred med kyi bu zhes bya ba btang ngo / /de'i yang mdab chags na 'jig rten gyi khams dga' 'byung zhes bya ba yod de/ de na
104b7 de bzhin gshegs pa ye shes kyi stobs kyis rnam par bsgrags shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab smon lam rnam par bsgrags shes
104b8 bya ba btang ngo / /de'i yang mdab chags na 'jig rten gyi khams bde 'byung zhes bya ba yod de/ de na de bzhin gshegs pa bde mchog ces bya ba bzhugs te 'tsho zhing gzhes la chos kyang ston te/ bcom
105a1 ldan 'das des byang chub sems dpa' rgyal tshab skar rgyal zhes bya ba btang ngo / /de'i mdab chags na 'jig rten gyi khams skya ring zhes bya ba yod de/ de na de bzhin gshegs pa yon tan rgyal po'i 'od
105a2 ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ded dpon zhes bya ba btang ngo / /de'i yang mdab chags na 'jig rten gyi khams tog bzang po
105a3 zhes bya ba yod de/ de na de bzhin gshegs pa dpal bzang po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rnam par rgyal ba'i sde zhes bya ba
105a4 btang ngo / /de'i yang mdab chags na 'jig rten gyi khams tshangs pa'i dpal zhes bya ba yod de/ de na de bzhin gshegs pa tshangs pa'i dbyangs nga ro zhes bya ba bzhugs te 'tsho zhing gzhes la chos kyang ston te/ bcom
105a5 ldan 'das des byang chub sems dpa' rgyal tshab rin chen dpal zhes bya ba btang ngo / /de'i yang mdab chags na 'jig rten gyi khams me tog can zhes bya ba yod de/ de na de bzhin gshegs pa rin chen tog ces bya ba
105a6 bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rin chen dbang phyug ces bya ba btang ngo / /de'i yang mdab chags na 'jig rten gyi khams pad ma'i dpal
105a7 zhes bya ba yod de/ de na de bzhin gshegs pa pad ma 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab pad ma dpal gyi snying po zhes
105a8 bya ba btang ngo / /de'i yang mdab chags na 'jig rten gyi khams 'byung ba'i dpal zhes bya ba yod de/ de na de bzhin gshegs pa me tog sna tshogs shes bya ba bzhugs te 'tsho zhing gzhes la chos kyang ston te/
105b1 bcom ldan 'das des byang chub sems dpa' rgyal tshab ye shes brtson 'grus shes bya ba btang ngo / /de'i yang mdab chags na 'jig rten gyi khams bde ba zhes bya ba yod de/ de na de bzhin gshegs pa bde ba'i rgyal po zhes
105b2 bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bde byed ces bya ba btang ngo / /de'i yang mdab chags na 'jig rten gyi khams shi 'phos med ces bya ba
105b3 yod de/ de na de bzhin gshegs pa pad ma mngon 'phags dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab me tog bzang zhes bya ba btang ngo / /
105b4 de'i yang mdab chags na 'jig rten gyi khams rab tu g.yo ba zhes bya ba yod de/ de na de bzhin gshegs pa rtag tu dpung mgo mtho ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang
105b5 chub sems dpa' rgyal tshab rtag tu spro ba zhes bya ba btang ngo / /de'i yang mdab chags na 'jig rten gyi khams rtag tu kun tu 'khrugs shes bya ba yod de/ de na de bzhin gshegs pa rtsi'i rgyal po zhes bya ba bzhugs te
105b6 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab snying rje chen po'i go cha zhes bya ba btang ngo / /de'i yang mdab chags na 'jig rten gyi khams brtan pa zhes bya ba yod de/ de na de bzhin
105b7 gshegs pa dmigs pa mtha' yas pas gnas pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin du rab gnas shes bya ba btang ngo / /de'i
105b8 yang mdab chags na 'jig rten gyi khams kun nas skabs kyi mtshan nyid ces bya ba yod de/ de na de bzhin gshegs pa khyu mchog mtha' yas shes bya ba bzhugs te 'tsho zhing gzhes la chos kyang ston te/ bcom ldan
106a1 'das des byang chub sems dpa' rgyal tshab tshogs chen zhes bya ba btang ngo / /de'i yang mdab chags na 'jig rten gyi khams bai dUr+ya'i 'od ces bya ba yod de/ de na de bzhin gshegs pa 'od zer
106a2 mtha' yas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sems tshad med pa'i go cha zhes bya ba btang ngo / /de'i yang mdab chags na 'jig rten gyi
106a3 khams gser 'od ces bya ba yod de/ de na de bzhin gshegs pa spyan mtha' yas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mig che zhes bya
106a4 ba btang ngo / /de'i yang mdab chags na 'jig rten gyi khams ma smad pa zhes bya ba yod de/ de na de bzhin gshegs pa dmigs pa kun gyi khyu mchog ces bya ba bzhugs te 'tsho zhing gzhes la chos kyang ston te/ bcom
106a5 'das des byang chub sems dpa' rgyal tshab dga' bo zhes bya ba btang ngo / /de'i yang mdab chags na 'jig rten gyi khams gdugs kyis khebs pa zhes bya ba yod de/ de na de bzhin gshegs pa tshogs mchog
106a6 mtha' yas khyu mchog ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spyan ras gzigs nges pa'i go cha zhes bya ba btang ngo / /de'i yang mdab chags
106a7 na 'jig rten gyi khams rgyu skar gyi phreng ba can zhes bya ba yod de/ de na de bzhin gshegs pa rgyu skar gyi rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
106a8 dpa' rgyal tshab pad ma'i dpal zhes bya ba btang ngo / /de'i yang mdab chags na 'jig rten gyi khams rin chen dra bas khebs shes bya ba yod de/ de na de bzhin gshegs pa rgyu skar rgyal po zhes bya ba bzhugs te 'tsho zhing
106b1 gzhes la chos kyang ston te/ bcom ldan 'das des byang chub sems dpa' rgyal tshab pad ma'i dpal zhes bya ba btang ngo / /de'i yang mdab chags na 'jig rten gyi khams me tog ces bya ba yod de/ de na de bzhin gshegs
106b2 pa spos mchog dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lag na pad ma zhes bya ba btang ngo / /de'i yang mdab chags na 'jig rten gyi
106b3 khams gser can zhes bya ba yod de/ de na de bzhin gshegs pa nam mkha'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mig rnam
106b4 par dag ces bya ba btang ngo / /de'i yang mdab chags na 'jig rten gyi khams rnam par dag ces bya ba yod de/ de na de bzhin gshegs pa mngon par 'phags pa'i dpal zhes bya ba bzhugs te 'tsho zhing gzhes la chos
106b5 kyang ston te/ bcom ldan 'das des byang chub sems dpa' rgyal tshab mig ces bya ba btang ngo / /de'i yang mdab chags na 'jig rten gyi khams mya ngan med ces bya ba yod de/ de na de bzhin gshegs pa gsung mdzad
106b6 ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'od byed ces bya ba btang ngo / /de'i yang mdab chags na 'jig rten gyi khams rgyu skar zhes bya ba yod de/
106b7 de na de bzhin gshegs pa lhun po mngon du 'phags shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab shin du rab gnas shes bya ba btang ngo / /
106b8 de'i yang mdab chags na 'jig rten gyi khams rgyal tshab sna tshogs shes bya ba yod de/ de na de bzhin gshegs pa thogs pa med pa'i spyan zhes bya ba bzhugs te 'tsho zhing gzhes la chos kyang ston te/ bcom ldan 'das
107a1 des byang chub sems dpa' rgyal tshab sna tshogs sde zhes bya ba btang ngo / /de'i yang mdab chags na 'jig rten gyi khams spos kyi ngad ldang zhes bya ba yod de/ de na de bzhin gshegs pa rgya mtsho zhes bya ba
107a2 bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rgya mtsho'i phyag rgya zhes bya ba btang ngo / /de'i yang mdab chags na 'jig rten gyi khams spos can zhes bya
107a3 ba yod de/ de na de bzhin gshegs pa skar mda' 'dzin ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yid gnyis rnam par 'joms shes bya
107a4 ba btang ngo / /de'i yang mdab chags na 'jig rten gyi khams tsan dan spos shes bya ba yod de/ de na de bzhin gshegs pa mtshan nyid gnyis pa'i tog ces bya ba bzhugs te 'tsho zhing gzhes la chos kyang ston te/ bcom
107a5 ldan 'das des byang chub sems dpa' rgyal tshab grags pa'i sde zhes bya ba btang ngo / /de'i yang mdab chags na 'jig rten gyi khams dga' ba bzang po zhes bya ba yod de/ de na de bzhin gshegs pa zla ba dri ma med pa'i
107a6 gzi brjid rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dgra rab tu 'joms pa zhes bya ba btang ngo / /de'i yang 'dab chags na 'jig rten
107a7 gyi khams dga' 'byung zhes bya ba yod de/ de na de bzhin gshegs pa ye shes dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab don gyi blo gros
107a8 shes bya ba btang ngo / /de'i yang mdab chags na 'jig rten gyi khams rnam par bsgrags shes bya ba yod de/ de na de bzhin gshegs pa rnam par bsgrags pa'i stobs kyi rgyal po zhes bya ba bzhugs te 'tsho zhing gzhes
107b1 la chos kyang ston te/ bcom ldan 'das des byang chub sems dpa' rgyal tshab dpa' bo zhes bya ba btang ngo / /de'i yang mdab chags na 'jig rten gyi khams yon tan can zhes bya ba yod de/ de na de bzhin gshegs pa yon
107b2 tan rgyal po'i 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab don gyi blo gros shes bya ba btang ngo / /de'i yang mdab chags na 'jig rten gyi
107b3 khams shin du rnam par bsgoms shes bya ba yod de/ de na de bzhin gshegs pa rin chen me zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab
107b4 pas byin zhes bya ba btang ngo / /de'i yang mdab chags na 'jig rten gyi khams yid gnyis mnan ces bya ba yod de/ de na de bzhin gshegs pa yid gnyis thams cad yang dag par 'joms 'byung zhes bya ba bzhugs te
107b5 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mi 'jigs pa zhes bya ba btang ngo / /de'i yang mdab chags na 'jig rten gyi khams yon tan can zhes bya ba yod de/ de na de
107b6 bzhin gshegs pa rim pa'i sras shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sgron ma 'dzin ces bya ba btang ngo / /de'i yang mdab chags
107b7 na 'jig rten gyi khams bzang ldan zhes bya ba yod de/ de na de bzhin gshegs pa tog gi rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab
107b8 bshes gnyen zhes bya ba btang ngo / /de'i yang mdab chags na 'jig rten gyi khams spos mchog ces bya ba yod de/ de na de bzhin gshegs pa pad ma'i dpal 'byung zhes bya ba bzhugs te 'tsho zhing gzhes la chos
108a1 kyang ston te/ bcom ldan 'das des byang chub sems dpa' rgyal tshab ye shes rab mchog ces bya ba btang ngo / /de'i yang mdab chags na 'jig rten gyi khams tog bzang po zhes bya ba yod de/ de na de
108a2 bzhin gshegs pa 'od zer rab btang zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab thams cad bshes gnyen zhes bya ba btang ngo / /de'i yang
108a3 mdab chags na 'jig rten gyi khams sprin chen zhes bya ba yod de/ de na de bzhin gshegs pa byams pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal
108a4 tshab skar rgyal zhes bya ba btang ngo / /de'i yang mdab chags na 'jig rten gyi khams snang ba can zhes bya ba yod de/ de na de bzhin gshegs pa pad ma snang ba'i 'od zer ces bya ba bzhugs te 'tsho zhing gzhes la chos kyang ston
108a5 te/ bcom ldan 'das des byang chub sems dpa' rgyal tshab chos 'phags shes bya ba btang ngo / /de'i yang mdab chags na 'jig rten gyi khams snyan pa zhes bya ba yod de/ de na de bzhin gshegs pa spyod pa khyad par can
108a6 zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mngon du 'phags shes bya ba btang ngo / /de'i yang mdab chags na 'jig rten gyi khams dbang po'i
108a7 gnas shes bya ba yod de/ de na de bzhin gshegs pa mtha' yas rnam par gnon ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab bshes gnyen grags
108a8 ldan zhes bya ba btang ngo / /de'i yang mdab chags na 'jig rten gyi khams pad ma zhes bya ba yod de/ de na de bzhin gshegs pa rgya mtsho'i lhun po mngon du 'phags shes bya ba bzhugs te 'tsho zhing gzhes la chos kyang
108b1 ston te/ bcom ldan 'das des byang chub sems dpa' rgyal tshab dkon mchog 'byung gnas shes bya ba btang ngo / /de'i yang mdab chags na 'jig rten gyi khams dga' ba zhes bya ba yod de/ de na de bzhin gshegs pa shAkya thub
108b2 pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dbang po zhes bya ba btang ngo / /de'i yang mdab chags na 'jig rten gyi khams rtag tu brgyan ces bya
108b3 ba yod de/ de na de bzhin gshegs pa mthong ba don yod ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dpa' ba'i dpal zhes bya ba btang ngo / /de'i yang
108b4 mdab chags na 'jig rten gyi khams rnam par bsgrags shes bya ba yod de/ de na de bzhin gshegs pa thogs med dbyangs kyi nga ro zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub
108b5 sems dpa' rgyal tshab shin du rab gnas shes bya ba btang ngo / /de'i yang mdab chags na 'jig rten gyi khams rtag tu rab brjod ces bya ba yod de/ de na de bzhin gshegs pa yon tan dpag tu med pa'i dpal zhes bya ba
108b6 bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sgrogs byed ces bya ba btang ngo / /de'i yang mdab chags na 'jig rten gyi khams zas kyi rgyal mtshan zhes bya ba
108b7 yod de/ de na de bzhin gshegs pa tha dad pa med pa'i go cha zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab thogs pa med pa'i go cha zhes bya ba btang ngo / /
108b8 de'i yang mdab chags na 'jig rten gyi khams tsan dan dri bsung zhes bya ba yod de/ de na de bzhin gshegs pa 'od zer mtha' yas shes bya ba bzhugs te 'tsho zhing gzhes la chos kyang ston te/ bcom ldan 'das des
109a1 byang chub sems dpa' rgyal tshab dri ma med pa'i dpal zhes bya ba btang ngo / /de'i yang mdab chags na 'jig rten gyi khams 'dren pa'i rgyal mtshan zhes bya ba yod de/ de na de bzhin gshegs pa spyan bzangs shes bya ba
109a2 bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lag na rin chen zhes bya ba btang ngo / /byang chub sems dpa' de la sogs pa skye ba gcig gis thogs pa
109a3 grangs med dpag tu med pa dag rgyal po'i khab 'od ma'i tshal bya ka lan da ka gnas pa ga la ba dang / bcom ldan 'das ga la ba der dong ste lhags nas bcom ldan 'das kyis zhabs la phyag 'tshal te/ bcom ldan 'das
109a4 'ba' shig la phyag 'tshal zhing phyogs gcig tu 'khod do/ /de'i tshe lho phyogs su 'jig rten gyi khams grangs med dpag tu med pa dag 'das pa na de bzhin gshegs pa rin po che'i mdzod gcig pa zhes bya ba bzhugs te 'tsho
109a5 zhing gzhes la chos kyang ston te/ bcom ldan 'das des nga'i 'og tu 'di bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes byang chub sems dpa' rgyu skar gyi phreng ba zhes bya ba
109a6 bla na med pa yang dag par rdzogs pa'i byang chub tu lung bstan to/ /de nas byang chub sems dpa' sems dpa' chen po rgyu skar gyi phreng bas snang ba chen po de mthong ste/ gsung gsal ba'i sgra de yang thos nas bcom
109a7 ldan 'das de la zhus pa/ bcom ldan 'das gsung gsal ba'i sgra grag pa de su'i lags/ bcom ldan 'das des bka' stsal pa/ rgyu skar gyi phreng ba 'di nas byang phyogs su 'jig rten gyi khams grangs med
109a8 dpag tu med pa dag 'das pa na 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod kyi chos
109b1 kyi rnam grangs kyi chos kyang ston to/ /'khor der yang chos mnyan pa'i phyir byang chub sems dpa' sems dpa' chen po bsam gyis mi khyab pa'i go cha bgos pa dag 'dus te/ rgyu skar gyi phreng ba 'jig rten gyi khams gzhan
109b2 na ni sems can rnams byang chub sems dpa' de dag ji lta bu'i go cha dag gis go cha bgos pa'i go cha de lta bu dag gis stongs so/ /de nas bcom ldan 'das de la byang chub sems dpa' sems dpa' chen po rgyu skar gyi phreng
109b3 bas 'di skad ces gsol to/ /bcom ldan 'das bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkur bgyi ba dang /
109b4 byang chub sems dpa' sems dpa' chen po bsam gyis mi khyab pa'i go cha bgos pa de dag blta ba'i slad du 'jig rten gyi khams mi mjed der bdag mchi bar bgyi'o/ /bcom ldan 'das des bka' stsal pa/ rigs
109b5 kyi bu de'i dus la dbab par shes na song shig /nga'i tshig gis gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol la/ rigs kyi bu khyod
109b6 sangs rgyas kyi zhing der yang shes bzhin du spyod par gnas par byos shig /de ci'i phyir zhe na/ sangs rgyas kyi zhing de na byang chub sems dpa' de dag ni bsnyen par dka' ba'i phyir ro/ /de nas byang chub sems dpa'
109b7 rgyu skar gyi phreng bas bcom ldan 'das de'i zhabs la phyag 'tshal te/ bskor ba yang byas nas song ste/ de 'di lta ste dper na/ skyes bu stobs dang ldan pa zhig gis lag pa bskum pa brkyong bar byed pa 'am/ lag pa
109b8 brkyang ba bskum par byed pa'i skad cig des 'jig rten gyi khams de nas mi snang bar gyur nas 'jig rten gyi khams mi mjed 'dir 'dug ste/ de rgyal po'i khab 'od ma'i tshal bya ka lan da ka gnas pa ga la ba der song
110a1 ste phyin na/ bcom ldan 'das kyi zhabs la phyag 'tshal te/ bcom ldan 'das la 'di skad ces gsol to/ /bcom ldan 'das bcom ldan 'das la gnod pa chung ngam/ nyam nga ba nyung ngam/ bskyod pa yang
110a2 ngam/ stobs dang ldan nam/ bde bar reg pa la gnas sam zhes de bzhin gshegs pa rin po che'i mdzod gcig pa snyun gsol lags so/ /de nas bcom ldan 'das kyis byang chub sems dpa' rgyu skar gyi phreng ba la 'di skad
110a3 ces bka' stsal to/ /rigs kyi bu ci bcom ldan 'das de snyun mi mnga' 'am/ stobs dang ldan nam/ bde ba dang ldan nam/ 'gyur ba mi mnga' 'am/ gsol pa/ bcom ldan 'das de lta lags so/ /byang chub sems dpa' sems
110a4 dpa' chen po de la sogs pa skye ba gcig gis thogs pa grangs med dpag tu med pa dag lho phyogs nas sangs rgyas kyi zhing tha dad pa dag tu bcom ldan 'das ga la ba der dong ste phyin nas bcom ldan 'das kyi zhabs
110a5 la phyag 'tshal te phyogs gcig tu 'khod do/ /de'i tshe nub phyogs nas byang chub sems dpa' sems dpa' chen po skye ba gcig gis thogs pa grangs med dpag tu med pa dag bcom ldan 'das ga la ba der dong ste lhags nas/
110a6 bcom ldan 'das kyi zhabs la phyag 'tshal te phyogs gcig tu 'khod do/ /bcom ldan 'das de bzhin gshegs pa rdul med rdul bral rnam grol 'das pa dang / ma 'ongs pa dang / da ltar byung ba la ma chags pa'i go cha'i sangs
110a7 rgyas kyi zhing nas de dag gi dang po byang chub sems dpa' khyu mchog mtha' yas sangs rgyas kyi me tog kun du ston pa'i go cha zhes bya ba byang chub sems dpa' sems dpa' chen po grangs med dpag tu med pa rnams dang lhan cig tu 'jig
110a8 rten gyi khams mi mjed ga la ba dang / bcom ldan 'das de bzhin gshegs pa shAkya thub pa ga la ba der song ste/ bcom ldan 'das kyi zhabs la phyag 'tshal nas/ gnod pa chung ngam/ nyam nga ba nyung ngam zhes bsnyun
110b1 gsol te phyogs gcig tu 'dug go/ /de nas bcom ldan 'das kyis byang chub sems dpa' de la 'di skad ces bka' stsal to/ /rigs kyi bu khyod kyis don gyi dbang ci mthong nas 'jig rten gyi khams mi mjed 'dir 'ongs/
110b2 gsol pa/ bcom ldan 'das de bzhin gshegs pa'i byin gyis brlabs kyis 'jig rten gyi khams 'dir mchis lags mod kyi/ 'on kyang bcom ldan 'das bdag ni 'jig rten gyi khams de nyid na mchis kyang / 'jig
110b3 rten gyi khams thams cad mthong zhing de bzhin gshegs pa thams cad dang / byang chub sems dpa' thams cad kyang mthong lags te/ byang chub sems dpa' rnams ni 'di snyam du bdag cag 'jig rten gyi khams
110b4 gzhan du 'dong bar bya'o/ /de bzhin gshegs pa gzhan yang blta bar bya'o/ /snyam du mi sems lags so/ /de ci'i slad du zhe na/ byang chub sems dpa' de dag ni 'jig rten gyi khams de dag nyid na mchis kyang
110b5 de bzhin gshegs pa thams cad mthong lags te/ bcom ldan 'das de'i slad du de bzhin gshegs pa'i thugs bskyed pa tsam gyis de bzhin gshegs pa'i mthus bdag 'jig rten gyi khams 'dir mchis
110b6 lags so/ /byang chub sems dpa' gzhan gang dag mchi ba de dag kyang / de bzhin gshegs pa'i sngon gyi smon lam gyi dbang gis de bzhin gshegs pa'i mthus mchis lags so/ /de'i tshe nub phyogs nas de bzhin
110b7 gshegs pa bdud rtsi'i me tog gi sangs rgyas kyi zhing dang / de bzhin du de bzhin gshegs pa bdud rtsi'i 'od dang / bkod pa dpag med dang / 'od zer dpag med dang / 'od dpag med dang / khyu mchog dpag med dang / rnam
110b8 par gnon pa dpag med dang / rgyu skar gcig pa dang / rgyu skar gyi phreng ba dang / rin chen gdugs dang / rgyu skar rgyal po dang / 'od kyi dkyil 'khor can dang / 'od kyi rgyal po dang / 'od zer mngon par 'phags pa'i dpal dang / 'od
111a1 zer mtha' yas dang / khyu mchog dang / khyu mchog mtha' yas rnam par gnon dang / thogs pa med pa'i dbyangs dang / sprin chen 'od zer dang / dra ba can gyi 'od zer dang / sangs rgyas me tog 'od zer dang / pad ma'i
111a2 khyu mchog me tog dang / ri'i rgyal po dang / zla ba'i yon tan bdag po dang / 'od zer rab tu btang ba dang / dpung mgo shin tu zlum pa dang / mthong ba don yod dang / rtse mo mngon par 'phags pa'i rgyal po dang / pad ma'i
111a3 rtse mo mngon par 'phags pa'i rgyal po dang / de bzhin gshegs pa de dag la stsogs pa'i sangs rgyas kyi zhing dag nas/ byang chub sems dpa' skye ba gcig gis thogs pa grangs med dpag tu med pa dag 'jig rten gyi khams
111a4 mi mjed 'dir lhags te/ lhags nas kyang rgyal po'i khab 'od ma'i tshal bya ka lan da ka gnas pa ga la ba dang / bcom ldan 'das ga la ba der dong ste/ bcom ldan 'das kyi zhabs la mgo bos phyag 'tshal nas phyogs
111a5 gcig tu 'khod do/ /de'i tshe byang phyogs su 'jig rten gyi khams grangs med dpag tu med pa dag 'das pa na 'jig rten gyi khams rgyu skar gyi phreng ba zhes bya ba yod de/ de na de bzhin gshegs pa don yod ming sgrogs shes bya
111a6 ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' sems bskyed ma thag tu phyir mi ldog pa'i 'khor lo bskor bar nges pa'i go cha zhes bya ba bla na med pa yang dag
111a7 par rdzogs pa'i byang chub tu lung bstan to/ /de nas byang chub sems dpa' des snang ba chen po de mthong zhing gsung gsal ba'i sgra de yang thos nas bcom ldan 'das de bzhin gshegs pa don yod ming sgrogs de la des
111a8 'di skad ces gsol to/ /bcom ldan 'das 'od kun du gda' ba dang / gsung gsal ba'i sgra grag pa de de bzhin gshegs pa gang gi lags/ de skad ces gsol pa dang / byang chub sems dpa' sems dpa'
111b1 chen po sems bskyed ma thag tu phyir mi ldog pa'i 'khor lo bskor bar nges pa'i go cha la 'di skad ces bka' stsal to/ /rigs kyi bu sangs rgyas kyi zhing 'di nas lho phyogs su 'jig rten gyi khams grangs med dpag tu med pa
111b2 dag 'das pa na 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te 'tsho zhing gzhes la 'di lta ste/ byang chub sems dpa'i sde snod ces bya ba'i chos kyi rnam grangs
111b3 kyi chos kyang ston te/ snang ba de dang / gsung gsal ba'i sgra grag pa de ni de'i yin no/ /sangs rgyas kyi zhing der ni byang chub sems dpa' bsam gyis mi khyab pa'i go cha bgos pa dag skyes te/ de dag gis ming brjod pa
111b4 tsam gyis phyogs bcu'i byang chub sems dpa' rnams bla na med pa yang dag par rdzogs pa'i byang chub tu nges par 'gyur ro/ /de skad ces bka' stsal pa dang / de bzhin gshegs pa don yod ming sgrogs la byang chub sems
111b5 dpa' sems bskyed ma thag tu phyir mi ldog pa'i 'khor lo skor bar nges pa'i go chas 'di skad ces gsol to/ /bcom ldan 'das bcom ldan 'das de bzhin gshegs pa dgra bcom pa yang dag par rdzogs pa'i
111b6 sangs rgyas shAkya thub pa sangs rgyas kyi zhing 'jig rten gyi khams mi mjed der bdag mchi bar bgyi'o/ /bcom ldan 'das des bka' stsal pa/ rigs kyi bu de'i dus la dbab par shes na song shig /nga'i tshig
111b7 gis gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun yang gsol cig /de nas byang chub sems dpa' de bcom ldan 'das de'i zhabs la
111b8 phyag 'tshal te/ bskor ba yang byas nas song ste/ de 'di lta ste/ dper na skyes bu stobs dang ldan pa zhig gis lag pa bskum pa rkyong bar byed pa 'am/ brkyang ba skum par byed pa'i skad cig dang / thang cig dang /
112a1 yud tsam des 'jig rten gyi khams de nas mi snang bar gyur nas 'jig rten gyi khams mi mjed 'dir 'dug ste/ de bcom ldan 'das de bzhin gshegs pa shAkya thub pa ga la ba der song nas/ bcom ldan
112a2 'das de'i zhabs la phyag 'tshal te phyogs gcig tu 'dug go/ /phyogs gcig tu 'dug nas kyang bcom ldan 'das la 'di skad ces gsol to/ /bcom ldan 'das bcom ldan 'das la gnod pa chung ngam/ nyam nga ba nyung
112a3 ngam/ bskyod pa yang ngam/ stobs dang bde bar reg pa la gnas sam zhes de bzhin gshegs pa don yod ming sgrogs bsnyun gsol lags so/ /bcom ldan 'das kyis bka' stsal pa/ rigs kyi bu ci bcom ldan
112a4 'das de snyun mi mnga' 'am/ stobs dang ldan nam/ bde ba dang ldan nam/ 'gyur ba mi mnga' 'am/ gsol pa/ bcom ldan 'das de lta lags so/ /de'i tshe byang phyogs nas bcom ldan 'das de bzhin gshegs
112a5 pa don yod ming sgrogs la sogs te/ bcom ldan 'das don yod rnam par gnon gyi sangs rgyas kyi zhing dang / de bzhin du don yod khyu mchog dang / don yod 'od zer dang / brtson 'grus mtha' yas dang / sa la'i
112a6 dbang po'i rgyal po dang / brtson pa mtha' yas dang / sa la rin po che dang / gdugs gcig pa dang / rgyu skar bkod pa dang / dkon mchog 'byung gnas dang / tsan dan khang pa dang / tsan dan spos kyi 'od dang / 'od mtha' yas
112a7 dang / 'od kyi dkyil 'khor can dang / lhun po rnam dag dang / thogs pa med pa'i spyan dang / spyan mtha' yas dang / rin chen 'byung dang / kun gyi dpal dang / sangs rgyas me tog 'byung ba'i dpal dang /
112a8 blo gros rab gnas dang / mtha' yas rnam par gnon dang / don yod dpal dang / rin chen rnam par gnon dang / go cha mtha' yas dang / bkod pa mtha' yas dang / nam mkha'i dkyil 'khor 'od zer dang / mtshan ma med pa'i nga ro dang /
112b1 rtsi'i rgyal po dang / bag tsha ba mi mnga' ba dang / spu zing zhes byed pa'i 'jigs bral dang / yon tan rgyal po'i 'od dang / spyan ras gzigs kyi blo sgrub me tog dang / nam mkha'i rigs dang / nam mkha'i nga ro dang /
112b2 nam mkha' bkod pa'i nga ro dang / de bzhin gshegs pa de dag dang / gzhan dag gis sangs rgyas kyi zhing dag nas byang chub sems dpa' sems dpa' chen po skye ba gcig gis thogs pa dag 'jig rten gyi khams mi mjed
112b3 ga la ba dang / bcom ldan 'das ga la ba der lhags te/ lhags nas kyang bcom ldan 'das kyi zhabs la phyag 'tshal te/ phyogs gcig tu 'khod do/ /de'i tshe 'og gi phyogs su 'jig rten gyi khams grangs med
112b4 dpag tu med pa dag 'das pa na/ 'jig rten gyi khams nam mkha'i dkyil 'khor rnam par dag ces bya ba yod de/ de na de bzhin gshegs pa spyan chen po zhes bya ba bzhugs te 'tsho zhing gzhes la chos kyang ston te/ bcom
112b5 ldan 'das des byang chub sems dpa' rim pa'i bu zhes bya ba bla na med pa yang dag par rdzogs pa'i byang chub tu lung bstan to/ /de nas byang chub sems dpa' rim pa'i bus snang ba chen po de mthong ste/ gsung gsal
112b6 ba'i sgra de yang thos so/ /thos nas kyang bcom ldan 'das de la 'di skad ces gsol to/ /bcom ldan 'das 'od kyi snang ba kun du gda' ba de dang / gsung gsal ba'i sgra grag pa de su'i lags/ bcom ldan
112b7 'das des bka' stsal pa/ rigs kyi bu steng gi phyogs su 'jig rten gyi khams grangs med dpag tu med pa dag 'das pa na 'jig rten gyi khams mi mjed ces bya ba yod de/ de na de bzhin gshegs pa shAkya thub
112b8 pa zhes bya ba bzhugs te 'tsho zhing gzhes la chos kyang ston te/ mthu de ni de'i yin no/ /de bzhin gshegs pa de ni da ltar byang chub sems dpa'i sde snod sems can thams cad yang dag par tshim par byed pa
113a1 sems can thams cad kyi the tshom gcod par byed pa zhes bya ba'i chos kyi rnam grangs yang dag par rab tu ston te/ mthu de lta bu de ni de'i yin no/ /'khor de na yang byang chub sems dpa' sems dpa'
113a2 chen po go cha chen po bgos pa dpe med pa sems pa dag chos bstan pa de nyan par byed de/ de dag gi ming brjod pa tsam gyis sems can rnams bla na med pa yang dag par rdzogs pa'i byang chub tu nges par 'gyur ro/ /de skad
113a3 ces bka' stsal pa dang / bcom ldan 'das de la byang chub sems dpa' sems dpa' chen po rim pa'i bus 'di skad ces gsol to/ /bcom ldan 'das shAkya thub pa de la blta ba dang / phyag bgyi ba dang / bsnyen
113a4 bkur bgyi ba'i slad du/ 'jig rten gyi khams mi mjed der bdag mchi bar bgyi'o/ /bcom ldan 'das des bka' stsal pa/ rigs kyi bu de'i dus la dbab par shes na song shig /nga'i tshig gis gnod pa chung
113a5 ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun yang gsol cig /de nas byang chub sems dpa' sems dpa' chen po rim pa'i bu bcom ldan 'das de'i
113a6 zhabs la phyag 'tshal te/ 'di lta ste dper na/ skyes bu stobs dang ldan pa zhig gis lag pa bskum pa rkyong bar byed pa 'am/ brkyang ba skum par byed pa'i skad cig des 'jig rten gyi khams de nas mi snang bar gyur nas/
113a7 de 'jig rten gyi khams mi mjed 'dir 'dug ste/ de rgyal po'i khab 'od ma'i tshal bya ka lan da ka gnas pa ga la ba dang / bcom ldan 'das ga la ba der song ste phyin nas/ bcom ldan 'das la 'di skad ces gsol to/ /
113a8 bcom ldan 'das bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes de bzhin gshegs pa spyan chen po snyun gsol lags so/ /
113b1 de nas bcom ldan 'das kyis byang chub sems dpa' rim pa'i bu la 'di skad ces bka' stsal to/ /rigs kyi bu ci sangs rgyas kyi zhing de na bcom ldan 'das de gnod pa chung ngam/ snyun mi mnga' 'am/ bde bar gnas sam/
113b2 gsol pa/ bcom ldan 'das de lta lags so/ /de ltar de bzhin gshegs pa spyan chen po la sogs te/ bcom ldan 'das de bzhin gshegs pa mchog gi dpal gyi sangs rgyas kyi zhing dang / de bzhin du de bzhin gshegs
113b3 pa pad ma'i dpal 'byung dang / seng ge'i dpal dang / don grub dang / dpal sbas dang / seng ge'i 'gram pa dang / shin tu rab tu gnas pa'i rgyal po dang / tshangs pa lhun po dang / spyan rnam par dag pa dang / don yod pa'i
113b4 gom pas rnam par gnon dang / spos kyi glang po che dang / spos kyi dpal dang / spos kyi lhun po dang / spyan tshad med pa dang / spos brtsegs dang / rin chen lhun po dang / shin du rab gnas dang / shin du rab gnas pa'i rgyal po
113b5 dang / sa la'i dbang po'i rgyal po dang / 'od kyi dkyil 'khor 'dzin dang / me sgron dang / skar mda' sgron ma dang / brtson 'grus don yod dang / shin du yang dag brtags kyi go cha dang / seng ge dang / sems can gyi kha lo
113b6 sgyur ba dang / rab mchog rab tu gnas pa'i rgyal po'i sangs rgyas kyi zhing dang / de bzhin gshegs pa dgra bcom pa yang dag par rdzogs pa'i sangs rgyas de la sogs pa grangs med dpag tu med pa dag gi sangs rgyas kyi
113b7 zhing dag nas byang chub sems dpa' sems dpa' chen po skye ba gcig gis thogs pa grangs med dpag tu med pa dag 'jig rten gyi khams mi mjed ga la ba dang / bcom ldan 'das ga la ba der dong ste lhags nas/
113b8 bcom ldan 'das kyi zhabs la phyag 'tshal te/ phyogs gcig tu 'khod do/ / bam po dgu pa/ de'i tshe steng gi phyogs su 'jig rten gyi khams grangs med
114a1 dpag tu med pa dag 'das pa na 'jig rten gyi khams tsan dan spos kyi 'od ces bya ba yod de/ de na de bzhin gshegs pa yul mtha' yas par mngon par 'phags pa'i rgyal po zhes bya ba bzhugs
114a2 te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab nga ro dpag tu med ces bya ba bla na med pa yang dag par rdzogs pa'i byang chub tu lung bstan to/ /de nas byang chub sems dpa'
114a3 nga ro dpag tu med kyis snang ba chen po de mthong zhing gsung bstsal ba'i sgra de yang thos nas/ de bcom ldan 'das de bzhin gshegs pa yul mtha' yas par mngon du 'phags pa'i rgyal po ga la ba der song ste/ phyin nas
114a4 bcom ldan 'das de'i zhabs la mgo bos phyag 'tshal te gsol pa/ bcom ldan 'das 'od gda' ba de dang gsung bstsal ba'i sgra grag pa de su'i lags/ bcom ldan 'das des bka' stsal pa/ rigs kyi bu 'og gi
114a5 phyogs su 'jig rten gyi khams grangs med dpag tu med pa dag 'das pa na 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te 'tsho zhing gzhes la chos
114a6 kyang ston te/ 'khor der yang chos mnyan pa'i phyir/ byang chub sems dpa' sems dpa' chen po dpe med pa sems pa dag 'dus par gyur te 'khod do/ /gsol pa/ bcom ldan 'das de bzhin gshegs pa dgra
114a7 bcom pa yang dag par rdzogs pa'i sangs rgyas shAkya thub pa de'i thad du 'jig rten gyi khams mi mjed der bdag mchi bar bgyi'o/ /bcom ldan 'das des bka' stsal pa/ rigs kyi bu de'i dus la dbab par shes na song shig /nga'i tshig gis
114a8 gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun yang gsol cig /de nas byang chub sems dpa' nga ro dpag tu med pas bcom ldan 'das de'i zhabs la phyag 'tshal te bcom ldan 'das de la
114b1 bskor ba byas nas song ste/ 'di lta ste dper na skyes bu stobs dang ldan pa zhig gis lag pa bskum pa rkyong bar byed pa 'am/ brkyang ba rkum par byed pa'i skad cig des sangs rgyas kyi zhing de nas mi snang bar gyur nas/ 'jig rten gyi khams mi mjed
114b2 'dir 'dug ste/ de rgyal po'i khab 'od ma'i tshal bya ka lan da ka gnas pa ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la phyag 'tshal te phyogs gcig tu 'dug go/ /phyogs gcig tu 'dug nas kyang
114b3 bcom ldan 'das la 'di skad ces gsol to/ /bcom ldan 'das bcom ldan 'das la gnod pa chung ngam/ nyam nga ba nyung ngam/ spyod pa yang ngam/ stobs dang bde bar reg pa la gnas sam zhes de bzhin gshegs pa yul mtha' yas par mngon du
114b4 'phags pa'i rgyal po snyun gsol lags so/ /de nas bcom ldan 'das kyis de la bka' stsal pa/ rigs kyi bu ci bcom ldan 'das de snyun mi mnga' 'am/ stobs dang ldan nam/ 'gyur ba mi mnga' 'am/ gsol pa bcom ldan 'das de ltar lags
114b5 so de ltar de bzhin gshegs pa yul mtha' yas par mngon du 'phags pa'i rgyal po la sogs pa bcom ldan 'das de bzhin gshegs pa brtson 'grus mngon du 'phags pa'i rgyal po'i sangs rgyas kyi zhing dang / de bzhin du de bzhin
114b6 gshegs pa yid gnyis yang dag 'joms dang / rgyu skar bzang po'i rgyal po dang / nyin mdzad dang / 'od mdzad dang / lhun po 'od dang / 'od kyi dkyil 'khor dang / rnam par dag pa'i 'od dang / zas kyi gdugs dang / spos kyi gdugs dang / rin chen gdugs dang /
114b7 tsan dan gyi khang pa dang / dga' ba'i dpal dang / ri rab phung po dang / rin po che'i 'od dang / sa la'i dbang po'i rgyal po dang tshangs pa'i dpal dang / rnam par dag pa'i spyan dang / bag tsha ba mi mnga' ba dang / spu zing zhes byed pa'i 'jig pa dang bral ba dang / rin chen
114b8 go cha mtha' yas dang / bla na med pa'i 'od zer dang / de bzhin gshegs pa dra ba can gyi 'od kyi rtogs dang / de bzhin gshegs pa rgyu'i rgyal po'i sangs rgyas kyi zhing dang / sangs rgyas bcom ldan 'das de dag la sogs pa grangs med dpag tu med pa dag gi sangs rgyas
115a1 kyi zhing dag nas byang chub sems dpa' sems dpa' chen po grangs med dpag tu med pa dag 'jig rten gyi khams mi mjed ga la ba dang / rgyal po'i khab 'od ma'i tshal bya ka lan da ka gnas pa ga la ba dang / bcom ldan 'das ga la ba der
115a2 song ste/ phyin nas bcom ldan 'das kyi zhabs la phyag 'tshal te phyogs gcig tu 'khod do/ /de'i tshe shar lho'i phyogs mtshams su 'jig rten gyi khams grangs med dpag tu med pa dag 'das pa na 'jig rten gyi khams sangs rgyas
115a3 pad ma'i me tog 'byung ba'i dpal zhes bya ba yod de/ de na de bzhin gshegs pa sangs rgyas thams cad kyi sku kun du ston pa'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems
115a4 dpa' rgyal tshab mya ngan bral zhes bya ba bla na med pa yang dag par rdzogs pa'i byang chub tu lung bstan to/ /de nas byang chub sems dpa' mya ngan bral gyis snang ba chen po de mthong zhing gsung bsal ba'i sgra de yang thos so/ /thos nas kyang
115a5 bcom ldan 'das de bzhin gshegs pa sangs rgyas thams cad kyi sku kun tu ston pa'i dpal de ga la ba der song ste/ bcom ldan 'das de'i zhabs la phyag 'tshal nas/ bcom ldan 'das de la 'di skad ces gsol to/ /bcom ldan
115a6 'das 'od gda' ba de dang / gsung bsal ba'i sgra grag pa de su'i lags/ bcom ldan 'das des bka' stsal pa/ rigs kyi bu nub byang gi phyogs mtshamasu/ 'jig rten gyi khams grangs med dpag tu med pa dag 'das pa na/ /
115a7 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te/ 'tsho zhing gzhes la chos kyang ston te/ 'di lta ste byang chub sems dpa' sems dpa' chen po bsam gyis
115a8 mi khyab cing dpe med pa'i go cha bgos pa rnams la byang chub sems dpa'i sde snod ces bya ba'i chos kyi rnam grangs yang dag par rab tu ston to/ /gsol pa bcom ldan 'das/ bcom ldan 'das shAkya thub pa de la blta ba dang / phyag bgyi ba
115b1 dang bsnyen bkur bgyi ba'i slad du 'jig rten gyi khams mi mjed der bdag mchi bar bgyi'o/ /bcom ldan 'das des bka' stsal pa/ rigs kyi bu de'i dus la dbab par shes na song shig /nga'i tshig gis gnod pa chung ngam/ nyam nga ba
115b2 nyung ngam/ bskyod pa yang ngam/ stobs dang bde bar reg pa la gnas sam zhes snyun yang gsol cig /de nas byang chub sems dpa' mya ngan bral bcom ldan 'das de la phyag 'tshal nas song ste/ 'di lta ste dper na skyes bu
115b3 stobs dang ldan pa zhig gis lag pa bskum pa rkyong bar byed pa 'am brkyang ba skum par byed pa'i skad cig des 'jig rten gyi khams mi mjed 'dir 'ongs te/ de bcom ldan 'das de bzhin gshegs pa shAkya thub pa ga la ba der song
115b4 nas/ bcom ldan 'das kyi zhabs la phyag 'tshal te phyogs gcig tu 'dug go/ /phyogs gcig tu 'dug nas kyang bcom ldan 'das la 'di skad ces gsol to/ /bcom ldan 'das bcom ldan 'das la gnod pa chung ngam/
115b5 nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes de bzhin gshegs pa sangs rgyas thams cad kyi sku kun du ston pa'i dpal snyun gsol lags so/ /bcom ldan 'das kyis bka' stsal pa/
115b6 rigs kyi bu ci bcom ldan 'das de snyun mi mnga' 'am/ stobs dang ldan nam/ 'gyur ba mi mnga' 'am/ gsol pa/ bcom ldan 'das de lta lags so/ /de ltar de bzhin gshegs pa sangs rgyas thams cad kyi sku kun du ston pa la sogs pa bcom
115b7 ldan 'das de bzhin gshegs pa dmigs pa mtha' yas pa'i sangs rgyas kyi sku kun du ston pa'i sangs rgyas kyi zhing dang / de bzhin du de bzhin gshegs pa pad ma bkod pa'i khyu mchog dang / dra ba can gyi 'od dang / 'od mtha' yas sangs rgyas me tog 'byung dang / rin chen sa la
115b8 dang rin chen zla ba'i khyu mchog dang / rtsi'i rgyal po dang / sman dang / ye shes mchog dang / mngon du 'phags pa'i go cha dang / lhun po gong na med pa dang / sems bskyed ma thag tu chos kyi 'khor lo bskor ba dang / me tog brtsegs dang / me tog rab gtor dang / rtag tu
116a1 mdzes pa'i 'od zer dang / bla na med pa'i 'od zer dang / mi g.yos rnam par gnon dang / gom pas rnam par gnon dang / gom pa mtha' yas pas rnam par gnon dang / smon lam mtha' yas dang / spobs pa dpag med dang / khyu mchog
116a2 mtha' yas dang / smon lam nges pa dang / mngal 'gyur mdzad dang / skyon med 'gyur mdzad smon lam dang / dmigs pa'i go cha dang / sangs rgyas nam mkha' dang / 'byung ba'i dpal gyi sangs rgyas kyi zhing dang / de bzhin gshegs pa de dag dang / gzhan dag gi
116a3 sangs rgyas kyi zhing dag nas byang chub sems dpa' grangs med dpag tu med pa dag 'jig rten gyi khams mi mjed 'dir lhags nas bcom ldan 'das kyi zhabs la mgo bos phyag 'tshal te phyogs gcig tu 'khod do/ /de'i tshe lho nub kyi
116a4 phyogs mtshams su 'jig rten gyi khams grangs med dpag tu med pa dag 'das pa na 'jig rten gyi khams bkra shis bzang po zhes bya ba yod de/ de na de bzhin gshegs pa don yod grub ces bya ba bzhugs te 'tsho zhing gzhes la chos kyang ston te/
116a5 bcom ldan 'das des byang chub sems dpa' rgyal tshab don thams cad grub ces bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin
116a6 du sbyar ro/ /de ltar de la sogs pa bcom ldan 'das de bzhin gshegs pa grub pa'i go cha'i sangs rgyas kyi zhing dang / de bzhin du de bzhin gshegs pa gtsug tor can dang / shin du rab gnas go cha dang / go cha mtha' yas dang / mtshan gyi go cha dang / go cha
116a7 mtha' yas dang / kun nas go cha dang / mar me mdzad dang / 'od mdzad dang / mdzod gcig pa dang / sku mi mnga' ba dang / dra ba can gyi 'od zer dang / brtson 'grus mtha' yas dang / rtse mo dang rtse mo mngon du 'phags dang / 'od kyi dkyil 'khor can dang rnam par gzigs dang /
116a8 don yod ming sgrogs dang / 'jigs pa dang bag tsha ba thams cad rnam par 'joms mdzad dang / yon tan mtha' yas rgyal po'i 'od dang / phyir rgol ba thams cad nges par 'joms dang / bdud thams cad kyi yul las 'das pa dang / dpag med me tog dang / bdud rtsi 'dzin dang /
116b1 dbyangs kyi nga ro dpag med dang / 'od zer brtsegs dang / snang ba'i dpal dang / gnyis med bral ba'i dkyil 'khor can dang / 'chi med rtogs pa'i me tog 'od zer dang / bdud rtsi'i dbyangs dang / lhun po'i 'od dang / shin du mthong dang / spyan bzangs dang / mchog gi tshogs can
116b2 dang rin chen me tog dang / rin chen 'byung dang / zla ba'i me tog dang / sems can kun gyi go cha dang / snying po thams cad 'gyur mdzad dang / spobs pa mtha' yas dang / rtsod pa dang / bag tsha ba mi mnga' ba dang / dmigs pa thams cad spobs pas spyod pa dang / sangs rgyas bcom
116b3 ldan 'das de dag dang / gzhan dag gis sangs rgyas kyi zhing dag nas byang chub sems dpa' sems dpa' chen po skye ba gcig gis thogs pa dag 'jig rten gyi khams mi mjed ga la ba dang / bcom ldan 'das ga la ba der lhags nas bcom ldan 'das shAkya thub pa'i
116b4 zhabs la mgo bos phyag 'tshal te phyogs gcig tu 'khod do/ /de'i tshe nub byang gi phyogs mtshams su 'jig rten gyi khams grangs med dpag tu med pa dag 'das pa na 'jig rten gyi khams tsan dan spos shes bya ba yod de/ de na de bzhin gshegs pa kun du
116b5 spos kyi 'od zer ces bya ba bzhugs te 'tsho zhing gzhes la chos kyang ston to/ /bcom ldan 'das des byang chub sems dpa' kun du bzang po zhes bya ba rgyal tshab du dbang bskur to zhes bya ba nas/ de yang 'ongs te zhes bya ba dang / de lta lags so zhes bya
116b6 ba'i bar du snga ma bzhin du sbyar ro/ /de ltar bcom ldan 'das de bzhin gshegs pa kun du spos kyi 'od zer la sogs pa bcom ldan 'das de bzhin gshegs pa spos kyi glang po che dang / spos kyi khyu mchog dang / spos kyi khang pa dang / 'od kyi
116b7 dkyil 'khor can dang / 'od zer gyi rgyal po dang / pad ma mngon du 'phags pa'i rgyal po dang / sangs rgyas khyu mchog dang / khyu mchog mtha' yas dang / go cha bzang po dang / shin du go cha bgos pa'i dpal dang / me tog rab gtor dang / me tog
116b8 gdugs kyi phreng ba dang / me tog khang pa dang / gser gyi me tog dang / spos kyi me tog dang / lhun po'i rgyal po dang / sems can kun las mngon par 'phags pa'i go cha dang / sems can thams cad skyon med 'gyur mdzad dang / legs par spyad pa'i go cha dang /
117a1 kun du btang ba'i 'od zer rab btang dang / pad ma rab gtor 'byung ba'i dpal dang / rin chen dra ba dang / mngon du 'phags pa'i rgyal po dang / sangs rgyas kyi zhing gdugs gcig pas khyab pa dang / rgyu skar gyi rgyal po dang / dpung mgo shin du zlum pa dang / shin du yang
117a2 dag zhugs kyi rgyal po dang / spos ldan dang / ye shes mtha' yas khyu mchog dang / don yod go cha bgos dang / mthong ba don yod dang / thogs pa med pa'i spyan dang / sems dang po bskyed pa dang ldan pa'i mi 'khrugs pa dang / spyan mtha' yas dang / mar
117a3 me'i bdag po dang / kun du snang ba dang / snang ba'i 'od zer dang / sangs rgyas kyi zhing du sems can thams cad gcad du med pa'i spobs pa dang / rdul med rdul bral rnam par gnon dang / gom pa med kyis rnam par gnon dang / sangs rgyas bcom ldan 'das de
117a4 dag la sogs pa'i sangs rgyas kyi zhing dag nas byang chub sems dpa' sems dpa' chen po skye ba gcig gis thogs pa grangs med dpag tu med pa dag 'jig rten gyi khams mi mjed ga la ba dang / bcom ldan 'das ga la ba der song ste
117a5 lhags nas bcom ldan 'das kyi zhabs la phyag 'tshal te phyogs gcig tu 'khod do/ /de'i tshe byang shar gyi phyogs mtshams su 'jig rten gyi khams grangs med dpag tu med pa dag 'das pa na 'jig rten gyi khams mngon du bgrod bya zhes
117a6 bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas mya ngan thams cad sel mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal
117a7 tshab don yod ming sgrol zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang bcom ldan 'das shAkya thub pa la chos mnyan pa'i phyir 'ongs te zhes bya ba dang / de lta lags so zhes bya ba'i bar du
117a8 snga ma bzhin du sbyar ro/ /de ltar bcom ldan 'das de bzhin gshegs pa mya ngan thams cad sel mdzad la sogs pa 'jig rten gyi khams mngon du bgrod bya de'i yang pha rol na 'jig rten gyi khams mya ngan med ces bya ba yod de/ de na de
117b1 bzhin gshegs pa mya ngan bral zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'od chen po zhes bya ba bcom ldan 'das kyis chos kyi skyes bskur te btang ngo / /de'i yang
117b2 mdab chags na 'jig rten gyi khams dga' ba zhes bya ba yod de/ de na de bzhin gshegs pa 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lag pa mtha' yas
117b3 shes bya ba btang ngo / /de'i yang mdab chags na 'jig rten gyi khams yon tan 'byung zhes bya ba yod de/ de na de bzhin gshegs pa yon tan rgyal po'i 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub
117b4 sems dpa' rgyal tshab blo gros shes bya ba btang ngo / /de'i yang mdab chags na 'jig rten gyi khams gser gyi dra bas kun du khebs pa shes bya ba yod de/ de na de bzhin gshegs pa lhun po mchog ces bya ba bzhugs te 'tsho zhing gzhes la chos kyang
117b5 ston te/ bcom ldan 'das des byang chub sems dpa' rgyal tshab seng ge'i lhun po zhes bya ba btang ngo / /de'i yang mdab chags na 'jig rten gyi khams spos kyi 'od ces bya ba yod de/ de na de bzhin gshegs pa spos kyis rgyags par mdzad ces bya ba
117b6 bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dbyangs kyis byin zhes bya ba btang ngo / /de'i yang mdab chags na 'jig rten gyi khams rin chen brtsegs shes bya ba yod de/ de na de bzhin gshegs
117b7 pa kau di n+ya zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mtshan nyid gnyis pa'i dpal zhes bya ba btang ngo / /de'i yang 'dab chags na 'jig rten gyi khams brtan pa
117b8 zhes bya ba yod de/ de na de bzhin gshegs pa mthu dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab tshangs pas byin zhes bya ba btang ngo / /de'i yang mdab chags na
118a1 'jig rten gyi khams ud pa la zhes bya ba yod de/ de na de bzhin gshegs pa ud pa la dmar po'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab
118a2 pad ma 'byung zhes bya ba btang ngo / /de'i yang mdab chags na 'jig rten gyi khams ku mu da zhes bya ba yod de/ de na de bzhin gshegs pa ku mu da 'byung ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang
118a3 chub sems dpa' rgyal tshab 'jigs pa med ces bya ba btang ngo / /de'i yang mdab chags na 'jig rten gyi khams rab sgrogs shes bya ba yod de/ de na de bzhin gshegs pa spyan btud ces bya ba bzhugs te 'tsho zhing gzhes la chos kyang ston te/
118a4 bcom ldan 'das des byang chub sems dpa' rgyal tshab gong na med pa'i gzi brjid ces bya ba btang ngo / /de'i yang mdab chags na 'jig rten gyi khams spos bkod pa zhes bya ba yod de/ de na de bzhin gshegs pa mchog gi tshogs can zhes
118a5 bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab brtul zhugs bzang po zhes bya ba btang ngo / /de'i yang mdab chags na 'jig rten gyi khams snang ba zhes bya ba yod de/ de na
118a6 de bzhin gshegs pa snang ba mtha' yas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dpal gyi snying po zhes bya ba btang ngo / /de'i yang mdab chags na 'jig rten gyi
118a7 khams tsan dan spos shes bya ba yod de/ de na de bzhin gshegs pa zla ba 'phags pa'i 'od zer ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab phyogs kyi sgron ma
118a8 zhes bya ba btang ngo / /de'i yang mdab chags na 'jig rten gyi khams snang ba zhes bya ba yod de/ de na de bzhin gshegs pa phyogs su rnam par bsgrags shes bya ba bzhugs te 'tsho zhing gzhes la chos kyang ston te/ bcom ldan 'das des
118b1 byang chub sems dpa' rgyal tshab rnam par bsgrags pa'i stobs kyi rgyal po zhes bya ba btang ngo / /de'i yang mdab chags na 'jig rten gyi khams zla ba zhes bya ba yod de/ de na de bzhin gshegs pa skar ma'i rgyal po tshogs kyi bdag po zhes bya ba bzhugs
118b2 te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab grags pa'i sde zhes bya ba btang ngo / /de'i yang mdab chags na 'jig rten gyi khams kun du snang ba'i dpal zhes bya ba yod de/ de na de bzhin gshegs
118b3 pa snang ba mtha' yas dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dri ma med pa'i rtog ces bya ba btang ngo / /de'i yang mdab chags na 'jig rten gyi khams spos snang
118b4 zhes bya ba yod de/ de na de bzhin gshegs pa spos med mchog gi lhun po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rnam par rgyal ba srung ba can zhes bya ba btang ngo / /de'i yang mdab chags
118b5 na 'jig rten gyi khams mi 'jigs pa zhes bya ba yod de/ de na de bzhin gshegs pa mi 'jigs pa zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab skye bo'i dbang po zhes bya ba btang ngo / /
118b6 de'i yang mdab chags na 'jig rten gyi khams bde mchog ces bya ba yod de/ de na de bzhin gshegs pa bde 'byung dpal zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yid gnyis
118b7 shes bya ba btang ngo / /de'i yang mdab chags na 'jig rten gyi khams snang ba mtha' yas zhes bya ba yod de/ de na de bzhin gshegs pa yon tan mtha' yas spyod pa 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan
118b8 'das des byang chub sems dpa' rgyal tshab 'gro ba'i dbang po zhes bya ba btang ngo / /de'i yang mdab chags na 'jig rten gyi khams brgyan pa zhes bya ba yod de/ de na de bzhin gshegs pa yon tan kun gyis so sor brgyan ces bya ba bzhugs te/ 'tsho zhing
119a1 gzhes la chos kyang ston te/ bcom ldan 'das des byang chub sems dpa' rgyal tshab dga' spyod ces bya ba btang ngo / /de'i yang mdab chags na 'jig rten gyi khams pad ma'i dra bas kun du khebs zhes bya ba yod de/ de na de bzhin
119a2 gshegs pa me tog rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab me tog 'byung ba mngon du 'phags pa'i dpal zhes bya ba btang ngo / /de'i yang mdab chags na 'jig
119a3 rten gyi khams rgyal mtshan sna tshogs shes bya ba yod de/ de na de bzhin gshegs pa phas ma pham pa'i rgyal mtshan zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab phas ma pham pa
119a4 zhes bya ba btang ngo / /de'i yang mdab chags na 'jig rten gyi khams brtan pa zhes bya ba yod de/ de na de bzhin gshegs pa dbang sbas 'od zer ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa'
119a5 rgyal tshab kun nas sbas shes bya ba btang ngo / /de'i yang mdab chags na 'jig rten gyi khams dga' ba zhes bya ba yod de/ de na de bzhin gshegs pa pad ma 'jigs byed mngon du 'phags pa'i rgyal po zhes bya ba bzhugs te 'tsho zhing gzhes la chos kyang
119a6 ston te/ bcom ldan 'das des byang chub sems dpa' rgyal tshab ye shes sman ces bya ba btang ngo / /de'i yang mdab chags na 'jig rten gyi khams bde ba zhes bya ba yod de/ de na de bzhin gshegs pa spyod pa tha dad med 'byung zhes bya ba bzhugs te
119a7 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spyod pa tha dad med ces bya ba btang ngo / /de'i yang mdab chags na 'jig rten gyi khams dga' ba zhes bya ba yod de/ de na de bzhin gshegs pa nga ro bsdam
119a8 shes bya ba bzhugs te 'tsho zhing gzhes la chos kyang ston te/ bcom ldan 'das/ des byang chub sems dpa' rgyal tshab nga ro 'bar zhes bya ba btang ngo / /de'i yang mdab chags na 'jig rten gyi khams bde ba'i dpal zhes bya ba yod de/
119b1 de na de bzhin gshegs pa nam mkha'i dkyil 'khor rnam par dag ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab lhun po mchog ces bya ba btang ngo / /de'i yang mdab chags na
119b2 'jig rten gyi khams mngon dga' zhes bya ba yod de/ de na de bzhin gshegs pa mtshan ma med pa'i nga ro nges pa'i dbyangs shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal
119b3 tshab spyan ras gzigs kyi nga ro zhes bya ba btang ngo / /de'i yang mdab chags na 'jig rten gyi khams 'byung ba zhes bya ba yod de/ de na de bzhin gshegs pa mngon du 'phags pa'i dpal zhes bya ba bzhugs te 'tsho zhing gzhes la chos kyang
119b4 ston te/ bcom ldan 'das des byang chub sems dpa' rgyal tshab ci 'jigs shes bya ba btang ngo / /de'i yang mdab chags na 'jig rten gyi khams tshangs ldan zhes bya ba yod de/ de na de bzhin gshegs pa tshangs pa'i dpal zhes bya ba bzhugs te 'tsho
119b5 zhing gzhes la chos kyang ston te/ bcom ldan 'das des byang chub sems dpa' rgyal tshab tshangs pas mchod ces bya ba btang ngo / /de'i yang mdab chags na 'jig rten gyi khams spos can zhes bya ba yod de/ de na de bzhin gshegs pa thogs pa med
119b6 pa'i spos kyi glang po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab dbang pos byin zhes bya ba btang ngo / /de'i yang mdab chags na 'jig rten gyi khams pad ma can
119b7 zhes bya ba yod de/ de na de bzhin gshegs pa lhun po'i 'od ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rgya mtsho zhes bya ba btang ngo / /de'i yang mdab chags na 'jig
119b8 rten gyi khams mar me byed ces bya ba yod de/ de na de bzhin gshegs pa sgron ma mdzad ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sprin gyi 'od zer ces bya ba btang ngo / /
120a1 de'i yang mdab chags na 'jig rten gyi khams snyan pa zhes bya ba yod de/ de na de bzhin gshegs pa pad ma mchog gi 'od zer ces bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal
120a2 tshab chos kyi 'byung gnas shes bya ba btang ngo / /de'i yang mdab chags na 'jig rten gyi khams bde ba can zhes bya ba yod de/ de na de bzhin gshegs pa grags pa ldan zhes bya ba bzhugs te 'tsho zhing gzhes la chos kyang ston te/ bcom ldan 'das des
120a3 byang chub sems dpa' rgyal tshab lhun pos byin zhes bya ba btang ngo / /de'i yang mdab chags na 'jig rten gyi khams shin tu rab gnas shes bya ba yod de/ de na de bzhin gshegs pa bshes gnyen grags pa zhes bya ba bzhugs te
120a4 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab seng ge ltar gnon ces bya ba btang ngo / /de'i yang mdab chags na 'jig rten gyi khams sa la zhes bya ba yod de/ de na de bzhin gshegs pa
120a5 sa la'i dbang po'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sa la'i dbang po'i tog ces bya ba btang ngo / /de'i yang mdab chags na 'jig rten gyi khams
120a6 snang ba zhes bya ba yod de/ de na de bzhin gshegs pa 'od zer mtha' yas shes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab don yod gom pas rnam par gnon ces bya ba
120a7 btang ngo / /de ltar byang shar gyi phyogs mtshams nas byang chub sems dpa' skye ba gcig gis thogs pa grangs med dpag tu med pa dag lhags te/ lhags nas kyang bcom ldan 'das de bzhin gshegs pa shAkya thub pa'i zhabs la mgo
120a8 phyag 'tshal cing bskor ba byas te/ rnam pa du mas mchod nas bcom ldan 'das 'ba' shig la lta zhing phyogs gcig tu 'khod do/ /de'i tshe 'jig rten gyi khams de gang lha dang / klu dang / gnod sbyin dang / mi 'am ci dang / lto 'phye chen po dang /
120b1 byang chub sems dpa' sems dpa' chen po mthu che ba bsam gyis mi khyab cing dpe med pa'i go cha bgos pa dag gis ma khyab pa'i bar ni tha na khar ba bzhag pa tsam yang med do/ /de dag thams cad kyang gcig la gcig nyam nga ba med de/ chos mnyan pa'i sred
120b2 pas bcom ldan 'das kyi zhal du lta ba lhur len cing 'khod do/ /byang chub sems dpa' 'dus pa'i le'u ste lnga pa'o// // de nas bcom ldan 'das shAkya thub pas byang chub sems dpa' 'dus pa chen po de mkhyen nas/ gdan de la
120b3 bzhugs bzhin du dpa' bas 'gro ba zhes bya ba'i ting nge 'dzin la snyoms par zhugs so/ /de las bzhengs nas rdo rje'i snying po zhes bya ba'i ting nge 'dzin la snyoms par zhugs so/ /de las bzhengs nas des pa'i tshig med pa'i gnas la gnas pa
120b4 zhes bya ba'i ting nge 'dzin la snyoms par zhugs so/ /de las bzhengs nas bkod pa gcig pa zhes bya ba'i ting nge 'dzin la snyoms par zhugs so/ /de las bzhengs nas seng ge'i gdugs shes bya ba'i ting nge 'dzin la snyoms par zhugs so/ /
120b5 de las bzhengs nas sgrub pa mtha' yas pa zhes bya ba'i ting nge 'dzin la snyoms par zhugs so/ /de las bzhengs nas seng ge rnam par bsgyings pa zhes bya ba'i ting nge 'dzin la snyoms par zhugs so/ /de las bzhengs nas 'od zer rgyal po zhes bya ba'i
120b6 ting nge 'dzin la snyoms par zhugs so/ /de las bzhengs nas sa'i snying po zhes bya ba'i ting nge 'dzin la snyoms par zhugs so/ /de las bzhengs nas mngon par ma dmigs pa zhes bya ba'i ting nge 'dzin la snyoms par zhugs so/ /de las bzhengs nas seng ge rnam
120b7 par 'phrul pa zhes bya ba'i ting nge 'dzin la snyoms par zhugs so/ /de las bzhengs nas zla ba'i dkyil 'khor rgyal po zhes bya ba'i ting nge 'dzin la snyoms par zhugs so/ /de las bzhengs nas bkod pa gcig pa zhes bya ba'i ting nge 'dzin la snyoms
120b8 par zhugs so/ /de las bzhengs nas 'od zer du ma zhes bya ba'i ting nge 'dzin la snyoms par zhugs so/ /de las bzhengs nas rgya mtsho zhes bya ba'i ting nge 'dzin la snyoms par zhugs so/ /de las bzhengs nas phyag rgya thams cad sgrub pa chos kyi
121a1 dbyings su nges pa zhes bya ba'i ting nge 'dzin la snyoms par zhugs so/ /de las bzhengs nas smon lam dang dmigs pa mtha' yas pa ston pa zhes bya ba'i ting nge 'dzin la snyoms par zhugs so/ /de las bzhengs nas chos thams cad khyu mchog
121a2 tu gyur pa mtha' yas pa bsgrub pa zhes bya ba'i ting nge 'dzin la snyoms par zhugs so/ /de las bzhengs nas dmigs pa gcig pa sgrub pa zhes bya ba'i ting nge 'dzin la snyoms par zhugs so/ /de las bzhengs nas chos thams cad kyi gnas la gnas pa
121a3 zhes bya ba'i ting nge 'dzin la snyoms par zhugs so/ /de las bzhengs nas 'od zer mtha' yas sangs rgyas pad ma mngon du 'phags pa sgrub pa zhes bya ba'i ting nge 'dzin la snyoms par zhugs so/ /de las bzhengs nas chos thams cad shin du byang ba
121a4 dri ma med pa'i phyag rgya zhes bya ba'i ting nge 'dzin la snyoms par zhugs so/ /de las bzhengs nas chos thams cad kyi rgyal po'i phyag rgya zhes bya ba'i ting nge 'dzin la snyoms par zhugs so/ /de las bzhengs nas khyu mchog mtha' yas kun du
121a5 ston pa'i sangs rgyas rnam par 'phrul pa zhes bya ba'i ting nge 'dzin la snyoms par zhugs so/ /de las bzhengs nas sems can thams cad yongs su mya ngan las 'das pa'i go cha zhes bya ba'i ting nge 'dzin la snyoms par zhugs so/ /de las
121a6 bzhengs nas chos thams cad de bzhin gshegs pa'i spyod yul zhes bya ba'i ting nge 'dzin la snyoms par zhugs so/ /de las bzhengs nas khyu mchog tu gyur pa mtha' yas pa kun du ston pa'i sangs rgyas rnam par 'phrul pa zhes bya ba'i
121a7 ting nge 'dzin la snyoms par zhugs so/ /de las bzhengs nas dmigs pa thams cad sangs rgyas pa'i sgrub pa zhes bya ba'i ting nge 'dzin la snyoms par zhugs so/ /de las bzhengs nas 'das pa dang / ma 'ongs pa dang / da ltar byung ba la
121a8 ma chags par chos thams cad nges pa zhes bya ba'i ting nge 'dzin la snyoms par zhugs so/ /de las bzhengs nas chos thams cad kyi dbang phyug gis dbang sgyur ba'i sangs rgyas khyu mchog ces bya ba'i ting nge 'dzin la snyoms par zhugs so/ /
121b1 de las bzhengs nas chos thams cad yang dag par 'du ba zhes bya ba'i ting nge 'dzin la snyoms par zhugs so/ /de las bzhengs nas brtan pa zhes bya ba'i ting nge 'dzin la snyoms par zhugs so/ /de las bzhengs nas rab tu 'phel ba zhes bya ba'i ting nge 'dzin la
121b2 snyoms par zhugs so/ /de las bzhengs nas rab tu mi g.yos pa zhes bya ba'i ting nge 'dzin la snyoms par zhugs so/ /de las bzhengs nas mi 'khrugs pa zhes bya ba'i ting nge 'dzin la snyoms par zhugs so/ /de las bzhengs nas chos thams cad la lta ba dang /
121b3 rnam par lta ba zhes bya ba'i ting nge 'dzin la snyoms par zhugs so/ /de las bzhengs nas kun du snang ba zhes bya ba'i ting nge 'dzin la snyoms par zhugs so/ /de las bzhengs nas mnyam par rnam par lta ba zhes bya ba'i ting nge 'dzin la snyoms par zhugs so/ /
121b4 de las bzhengs nas lta ba dang rnam par lta ba zhes bya ba'i ting nge 'dzin la snyoms par zhugs so/ /de las bzhengs nas mi lta ba zhes bya ba'i ting nge 'dzin la snyoms par zhugs so/ /de las bzhengs nas chos thams cad thogs pa med pa dang
121b5 len pa med pa zhes bya ba'i ting nge 'dzin la snyoms par zhugs so/ /de las bzhengs nas dbang po dang ldan pa zhes bya ba'i ting nge 'dzin la snyoms par zhugs so/ /de las bzhengs nas mi zad la zad mi shes par nges pa zhes bya ba'i ting nge 'dzin la snyoms par
121b6 zhugs so/ /de las bzhengs nas dmigs pa mi zad pa zhes bya ba'i ting nge 'dzin la snyoms par zhugs so/ /de las bzhengs nas dmigs pa gcig pa zhes bya ba'i ting nge 'dzin la snyoms par zhugs so/ /de las bzhengs nas bkod pa chen po zhes
121b7 bya ba'i ting nge 'dzin la snyoms par zhugs so/ /de las bzhengs nas bkod pa mtha' yas shes bya ba'i ting nge 'dzin la bsnyoms par zhugs so/ /de las bzhengs nas bag tsha ba med pa zhes bya ba'i ting nge 'dzin la snyoms par zhugs so/ /de las
121b8 bzhengs nas sems can thams cad kyi dge ba'i rtsa ba yang dag par skul ba zhes bya ba'i ting nge 'dzin la snyoms par zhugs so/ /de las bzhengs nas sems can thams cad kyi dge ba'i rtsa ba mngon du byed pa zhes bya ba'i ting nge 'dzin la
122a1 snyoms par zhugs so/ /de las bzhengs nas chos thams cad yongs su tshol ba zhes bya ba'i ting nge 'dzin la snyoms par zhugs so/ /de las bzhengs nas snang bar byed pa zhes bya ba'i ting nge 'dzin la snyoms par zhugs so/ /de las bzhengs nas
122a2 chos thams cad rnam par dag pa'i spyod yul zhes bya ba'i ting nge 'dzin la snyoms par zhugs so/ /de las bzhengs nas chos thams cad ston pa zhes bya ba'i ting nge 'dzin la snyoms par zhugs so/ /de las bzhengs nas byang chub sems dpa' thams
122a3 cad kyi snang ba rnam par dag pa zhes bya ba'i ting nge 'dzin la snyoms par zhugs so/ /de las bzhengs nas de nas bcom ldan 'das nyan thos thams cad kyi sgrib pa med pa'i mig rnam par sbyong ba zhes bya ba'i ting nge 'dzin la snyoms par zhugs so/ /de las bzhengs
122a4 nas 'khor thams cad kyi sgrib pa med par rnam par dag pa'i dge ba'i rtsa ba yang dag par bskyed pa zhes bya ba'i ting nge 'dzin la snyoms par zhugs so/ /de las bzhengs nas dud 'gro'i skye gnas dang / gshin rje'i 'jig rten gyi sdug bsngal rgyun gcod pa zhes bya ba'i ting nge 'dzin la snyoms
122a5 par bzhugs so/ /de las bzhengs nas sangs rgyas kyi zhing thams cad du byams pa chen po sgrub pas dge ba'i rtsa ba yang dag par bskyed pa zhes bya ba'i ting nge 'dzin la snyoms par zhugs so/ /de las bzhengs nas mi g.yo ba zhes bya ba'i ting nge 'dzin la snyoms
122a6 par zhugs so/ /de ltar bcom ldan 'das mi g.yo ba'i ting nge 'dzin la snyoms par zhugs pa na gnas gtsang ma'i ris kyi lha rnams kyis tshigs su bcad pa dag gis mngon par bstod pa/ mi g.yo brnyes pas g.yo med mi g.yo ba/ /bsnyen dka' lhun po 'dra ba
122a7 rnam par mdzes/ /phas kyi rgol ba thams cad zil mnan nas/ /stong gsum 'jig rten shin du blangs te bzhugs/ /sangs rgyas thugs ni nam yang rten ma mchis/ /mi rten bsam gtan mdzad pa gang zag mchog /ming tsam bsam gtan pa ste gar mi gnas/ /
122a8 sangs rgyas yon tan de 'dra bsam mi khyab/ /thub pa khams gsum nges 'byung rigs gsum ldan/ /rtag tu mnyam bzhag som nyi mi mnga' brnyes/ /the tsom bcad cing som nyi bsal du gsol/ /srog chags rnams la sman slad chos bstan gsol/ /
122b1 thub pa rab gnas som nyi mi mnga' brnyes/ /byang chub sems dpa' 'dus pa de dag ni/ /dpa' bo chos kyis 'phags shing chos la gnas/ /som nyi bcad cing the tsom bsal du gsol/ /sangs rgyas mig brten bsam gtan mdzad ma lags/ /sangs rgyas
122b2 mig ma brten par sgom ma lags/ /rten dang rten min mig kyang mchis ma lags/ /bsam gtan de ni 'phags pas mngon par bsngags/ /thub pa gal te mig brten bsam gtan mdzad/ /rgyal bas 'dzem pa ma mchis brnyes par 'gyur/ /'dir ni
122b3 mig med bsam gtan mdzad pa na/ /sangs rgyas ma mchis brten nas sgom ma lags/ /sangs rgyas dbang po drug brten sgom ma lags/ /rgyal ba dbang po ma mchis brten ma lags/ /'di la mu stegs gzhan mang de dag 'khrul/ /lhar bcas 'jig rten
122b4 'gro ba rtogs ma lags/ /de nas bcom ldan 'das mi g.yo ba'i ting nge 'dzin las bzhengs nas byang chub sems dpa'i tshogs la rjes su rnam par gzigs te/ tshe dang ldan pa sha ra dwa ti'i bu la bka' stsal pa/ sha ra dwa ti'i bu chos bzhi po 'di dag ni theg
122b5 pa chen po la yang dag par zhugs pa rnams kyi yongs su nyams par mi 'gyur ba dang / dge ba'i rtsa ba thams cad kyi bsod nams kyi tshogs dang / mngon par ma dmigs pa'i sangs rgyas kyi ye shes sgrub pa dang / sbyin pa'i stobs sgrub pa dang / tshul
122b6 khrims kyi stobs sgrub pa dang / bzod pa'i stobs sgrub pa dang / byams pa'i stobs sgrub pa dang / snying rje'i stobs sgrub pa dang / ting nge 'dzin gyi stobs sgrub pa dang / shes rab kyi stobs sgrub pa dang / de bzhin gshegs pa'i stobs bcu thogs
122b7 pa med pa sgrub pa dang / shes rab kyi rab tu dbye ba sgrub pa dang / thogs pa med pa'i spobs pa sgrub pa dang / gcad du med pa dang / dga' ba dang / rno ba dang / zab pa'i spobs pa mtha' yas pa sgrub pa dang / gzungs thob pa dang / sangs rgyas mthong
122b8 ba thob pa dang / mngon par 'byung ba thob par 'gyur zhing ji ltar 'tsham pa'i dge ba'i tshogs dang bral bar mi 'gyur/ longs spyod ma tshang ba med par 'gyur/ g.yog 'khor ma tshang ba med par 'gyur/ gzugs ma tshang ba med par 'gyur/
123a1 yan lag dang nying lag ma tshang ba med par 'gyur/ mig dang rna ba dang / sna dang lce dang / lus ma tshang ba med par 'gyur/ sems ma tshang ba med par 'gyur/ lam ngan par zhugs pa ma yin par 'gyur/ sems 'khrugs pa ma
123a2 yin par 'gyur/ dran pa rmongs pa ma yin par 'gyur/ dran pa dang ldan par yang 'gyur/ dran pa'i stobs mchog dang ldan par 'gyur/ ngo tsha shes pa dang ldan zhing khrel yod pa dang ldan par 'gyur/ sdig pa thams cad bya ba la 'dzem pa dang /
123a3 'gyod pa can du 'gyur/ dran pa mi chod par 'gyur/ skye ba rnam par log par 'gyur/ dran pa dang ldan pa yang yin te/ dran pa'i stobs mchog dang ldan pas sngon gyi smon lam yang mi gtong bar 'gyur/ sangs rgyas bcom ldan 'das rnams
123a4 la dge ba'i rtsa ba bskyed pa'i phyir bdag gi med pa dang / yongs su 'dzin pa med pa'i sems kyis tshogs kyi dge ba'i rtsa ba dpag tu med pa yang skyed par 'gyur/ sems can thams cad dang thun mong du byed par yang 'gyur/ sems can du dmigs pa las
123a5 rnam par dben pa la yang mkhas par 'gyur/ chos rnams rtogs par khong du chud par yang 'gyur zhing chos la brten pa ma yin par yang 'gyur ro/ /de rten pa ma yin pas bdud dam bdud kyi ris kyi lha rnams sam/ de las gzhan pa'i sems can
123a6 lam ngan par zhugs pa rnams kyis thul bar mi nus te/ byang chub kyi snying po dpung gnyen du yang 'gyur ro/ /rang gi stan la 'dug ste/ chos thams cad shin du byang ba dri ma med pa'i phyag rgya'i ting nge 'dzin la gnas nas/ skad cig gcig dang ldan pa'i
123a7 shes rab kyis gang chung zad shes par bya ba dang / blta bar bya ba dang / thob par bya ba dang / mngon du bya ba de thams cad kyang mngon par 'du byed par 'gyur zhing ma lus par mngon du byed la/ thams cad mngon par 'tshang rgya ba kho nar 'gyur/ thams cad mngon
123a8 par rtogs pa kho nar 'gyur/ thams cad yongs su shes pa kho nar 'gyur zhing / bag chags kyi mtshams sbyar ba ma lus pa nyid rjes su 'thob par 'gyur ba ste/ bzhi gang zhe na/ sha ra dwa ti'i bu 'di la theg pa chen po la yang dag par zhugs pas go cha chen
123b1 po gyon par byed pa yin/ sems can 'di dag thams cad ni 'dod chags dang / zhe sdang dang / gti mug dag gis yongs su gang ba/ sems can 'di dag thams cad ni mgon med pa'i 'chi ba nye bar gnas pa mthas zin pa'i 'chi ba thob pa/ g.yang sa
123b2 chen por ltung bar 'gyur ba/ sems can 'di dag ni 'chi ba la gso ba rnyed dka' ba dang ldan pa'o snyam ste/ lta ba chen pos sems can la lta ba'i go cha gyon par byed pa yin/ sems can de dag la bdag gis khams gsum pa las nges
123b3 par 'byung ba'i theg pa chen po de yang dag par bsgrubs nas bstan par bya'o/ /sems can thams cad gso dgos pa'i phyir yongs su ma btsal cing gsol ba ma btab par bdag cag gis blta bar bya dgos so/ /ji ltar sems can
123b4 rnams kyis gzugs kyi chos nyid mi g.yos pa rjes su thob par 'gyur ba dang / tshor ba dang / 'du shes dang / 'du byed dang / rnam par shes pa'i chos nyid mi g.yos pa rjes su thob par 'gyur ba dang / mya ngan las 'das par 'gro ba'i lam mi
123b5 g.yos pa rjes su thob par 'gyur ba de lta bu'i gso bas bdag cag gis sbyor bar bya'o snyam du de de ltar sems shing go cha bgos nas chos tshol ba la mngon par brtson pa yin te/ chos gang dag tshol bar byed ce na de dag ni byang chub kyi
123b6 phyogs kyi chos yongs su smin par 'gyur ba dang / sangs rgyas kyi chos rnams yongs su smin par 'gyur ba ste/ 'di lta ste/ sems can thams cad kyi the tshom gcod par byed pa/ sems can thams cad yang dag par tshim par byed pa'i
123b7 chos kyi rnam grangs gzung ba dang / dbang po shin du rgyas par mngon par bsgrub pa yang dag par sgrub pa'i phyir/ chos de dag yongs su tshol bar byed de/ de ltar chos yongs su tshol ba la mngon par brtson pas gnas pa yin te/ tha na sangs rgyas kyi mtshan dang ldan pa'i tshigs su
123b8 bcad pa zab mo dang ldan pa/ thabs la mkhas pa dang / don zab mo dang ldan pa'i tshig bzhi pa'i tshigs su bcad pa gcig tsam lus la thogs te/ sems can gcig tsam la yang yang dag par rab tu ston par byed pa yin/ chos de'i don dang /
124a1 tshigs su bcad pa de'i don gang yin pa dang / sems can de dang sems can thams cad kyis kun shes par gyur cig ces de lta bu'i smon lam 'debs par byed pa yin no/ /de dge ba'i rtsa ba des mchog gtso bo rab mchog /gya
124a2 nom pa/ sangs rgyas kyis rjes su gnang zhing 'phags pas rjes su gnang la/ mkhas pas bstod cing 'dzangs pas ma smad pa'i chos bzhi rjes su thob par 'gyur te/ bzhi gang zhe na/ dran pa bcad du med pa yin/ sangs rgyas kyi
124a3 chos rnams la dan pa des pa yin/ bdag nyid kyis kyang chos kyi snod du byed pa yin/ sangs rgyas bcom ldan 'das rnams kyi rten du gyur pa yang yin te/ de la brten nas de bzhin gshegs pa dgra bcom pa yang dag par rdzogs pa'i sangs
124a4 rgyas chos ston par mdzad do/ /chos gnyis pa 'di yang rjes su thob par 'gyur te/ gzungs thob pa rjes su thob par 'gyur ba yin/ skye ba rnam par log nas kyang sangs rgyas kyi byang chub thams cad rjes su thob par 'gyur ba yin/ lta ba
124a5 sdig pa can ma yin pa'i khyim dag tu yang skye bar 'gyur ba yin/ sangs rgyas bcom ldan 'das rnams kyi bstan pa la yang mngon par 'byung ba la yid gzhol ba yin/ 'dod pa'i yon tan lnga po dag kyang spong ba yin no/ /chos bzhi po 'di yang
124a6 rjes su thob par 'gyur te/ de dge ba'i rtsa ba des chos bcu rjes su thob par 'gyur ro/ /bcu gang zhe na 'di lta ste/ sems can thams cad kyi the tsom gcod par byed pa rjes su thob par 'gyur ba yin/ sems can thams cad kyi rten bsgrub pa
124a7 rjes su thob par 'gyur ba yin/ sangs rgyas kyi rnam par thar pa sgrib pa med pa yang rjes su thob par 'gyur ba yin/ rnam par thar pa'i sgo des de bzhin gshegs pa rjes su thob nas spu'i khung bu re re las 'od zer bye ba khrag khrig
124a8 phrag 'bum grangs med dpag tu med pa dag 'gyed pa yin/ 'od zer re res kyang sangs rgyas kyi zhing 'bum dag snang bar byed pa yin/ 'od zer de la yang pad ma 'bum dag mngon par sprul par byed pa yin/ pad ma thams cad la yang de bzhin
124b1 gshegs pa'i sku sprul par byed pa yin/ de bzhin gshegs pa re res kyang chos bstan pa re res sems can bye ba khrag khrig phrag 'bum dag yongs su smin par byed de/ ji ltar gzugs kyi chos nyid mi g.yos pa rjes su thob par
124b2 'gyur ba de lta bus kyang yongs su smin par byed pa yin/ sgrib pa med pa phun sum tshogs pa de dang ldan pa spu gseb re re las me'i phung po lhun po ji snyed 'bar bar byed pa yin/ spu'i cha de nyid las kyang chu'i rgyun gang gA'i klung
124b3 gi bye ma snyed rab tu 'bab par byed pa yin te/ sgrib pa med pa'i rnam par thar pa phun sum tshogs pa de dang ldan pas kyang / de bzhin gshegs pas stong gsum gyi stong chen po'i 'jig rten gyi khams spu gcig gi rtse mos phug
124b4 ste/ 'jig rten gyi khams gang gA'i klung gi bye ma snyed du 'phangs shing / de bas kyang lhag par 'phangs kyang / sems can de dag 'di snyam du bdag cag 'jig rten gyi khams gzhan du khrid do kun du khrid do snyam du mi sems so/ /shA ra
124b5 dwa ti'i bu sgrib pa med pa'i rnam par thar pa phun sum tshogs pa de dang ldan pas/ de bzhin gshegs pas phyogs thams cad kyi nges pa'i tshig dag rab tu shes so/ /sems can thams cad kyi sems kyi rgyud lo bye ba phrag 'bum nas
124b6 skyes pa dang 'gags pa dag rab tu shes so/ /sems can lo bye ba phrag 'bum du skyes pa rnams kyis chos kyi the tshom dag so sor sel bar byed do/ /de bzhin gshegs pa 'byung bar mi 'gyur ba dang / chos gnas par mi 'gyur ba der
124b7 yang rnam par thar pa phun sum tshogs pa de dang ldan pas/ sems can thams cad kyi sems tshar bcad pa yang rab tu shes so/ /sems rab tu 'dzin pa yang rab tu shes so/ /sems kyi mtshams sbyor ba dang / sems kyi rgyu ba yang rab
124b8 tu shes so/ /shA ra dwa ti'i bu de ltar sgrib pa med pa'i rnam par thar pa brnyes pa'i de bzhin gshegs pa ni chos thams cad la so sor sgrub pa'i gnas rab tu shes so/ /gcig tu mthar thug pa chad pa de dang / dngos po thams cad kyi stong pa dngos po
125a1 med par shes pa de dang / yongs su 'dzin pa thams cad la bdag gi ba'i 'du shes mi skyed do/ /chos gcig nges par bsams na mdza' bshes rab tu shes pa ma gtogs par mdza' bshes thams cad la bdag gi ba'i 'du shes
125a2 can ma yin no/ /chos ma yin pa spyod pa la mdza' bshes ma yin par shes nas/ 'dus byas thams cad kyi gnas la yon tan gyi gnas gcig kyang ma mthong ngo / /'dus byas thams cad la yon tan med pa dang / skyon dang bcas par shes
125a3 nas chos de 'dra ba de dag rjes su thob par 'gyur ro/ /gzhan yang chos bzhi rjes su thob par 'gyur te/ bzhi gang zhe na/ bag chags kyi mtshams sbyor ba rgyun chad par rjes su thob pa yin/ lam du 'gro ba na yang sems can gang dag gis de bzhin
125a4 gshegs pa'i zhabs dag la reg pa de dag thams cad bde ba thams cad la yang dag par gtad par 'gyur ba yin/ de bzhin gshegs pas 'khor lo'i tshad tsam la gzigs na yang de lho nub kyi phyogs mtshams nas dpag tshad drug cu rtsa gnyis su
125a5 sa yongs su g.yos par 'gyur ro/ /shA ra dwa ti'i bu de bzhin gshegs pa la ni gang mnyam par ma bzhag par 'gyur ba'i thugs 'ga' yang mi mnga' ste/ shA ra dwa ti'i bu de bzhin gshegs pa ni rtag tu mnyam par bzhag pa yin no/ /shA ra dwa ti'i bu de bzhin
125a6 gshegs pa la ni ting nge 'dzin las nyams pa 'am/ ting nge 'dzin las g.yo ba mi mnga' ste/ shA ra dwa ti'i bu mdor na sangs rgyas kyi chos thams cad ni chos yongs su tshol ba la rag las pa yin no/ /de nas bcom ldan 'das kyis de'i tshe tshigs
125a7 su bcad pa 'di dag bka' stsal to/ /gang gi don du theg pa yis/ /sems can rnams la'ang snying rje nyid/ /chos la gus dang bcas pa yis/ /ye shes de yi pha rol 'gro/ /sems can rnams kyi sems shes dang / /'jig rten gsum du mi
125a8 g.yos pa'i/ /rdzu 'phrul rtog par gang 'dod pas/ /chos la gus dang bcas par bya/ /chos la gus dang bcas byas nas/ /rtag tu mchod 'os nyid du 'gyur/ /sangs rgyas chos rnams mtha' yas pa'i/ /chos mchog la yang reg par 'gyur/ /chos la gus
125b1 par byas nas ni/ /de yi dran pa nyams mi 'gyur/ /skye ba de dang de kun du/ /de yi dran pa rab tu 'phel/ /chos de la ni gus byas na/ /gzugs las nyams par mi 'gyur te/ /yan lag nying lag mdzes pa dang / /rtag tu tshul du shis par 'gyur/ /rtag par 'dren
125b2 rnams mnyes byed cing / /mthong na de la dad byed la/ /sems kyi 'du byed dad pa yis/ /'jig rten 'dren rnams mchod byed pa/ /skye ba de dang de kun du/ /de yi dad pa rab tu 'phel/ /'dod pa ngan pa rten mi byed/ /spangs nas myur du rab tu 'byung / /rtag tu tshul
125b3 khrims phung po la 'ang / /mkhas pa rab tu gnas par 'gyur/ /tshul khrims kyis kyang rlom sems med/ /de la ting 'dzin tshol bar byed/ /rtag tu mnyam par bzhag par 'gyur/ /ting nge 'dzin la rlom sems med/ /'jig rten kun gyi mchog gang yin/ /
125b4 shes rab la yang phyir zhing sten/ /rtag tu 'ang ye shes ldan par 'gyur/ /ye shes kyis kyang rlom sems med/ /ye shes de yis mi rlom zhing / /de ni sangs rgyas chos rnams tshol/ /sangs rgyas kyis ni bsngags pa'i gzungs/ /chos kyi snang ba
125b5 thob par 'gyur/ /chos kyi snod du mkhyen nas kyang / /ston pas de la byin rlob mdzad/ /chos smra de ni byin brlabs 'gyur/ /srog chags phan phyir chos ston cing / /thogs med tshig dang spobs ldan te/ /so so rig thob mthu chen 'gyur/ /thog ma'i
125b6 dus dang bar dus dang / /tha ma'i dus su chos 'dzin 'gyur/ /kun du rtag par sangs rgyas bsngags/ /mi rnams kyi ni don chen byed/ /de bzhin lha rnams bsngags pa brjod/ /gnod sbyin klu yis de mchod 'gyur/ /sangs rgyas rnams kyis rtag bsngags
125b7 'gyur/ /phyogs bcur de yi grags pa 'byung / /chos la spyod pa ma smad pa/ /de yi snyan grags nyams mi 'gyur/ /chos min nam yang de mi 'dod/ /sangs rgyas chos rnams de dag bsten/ /sems can rnams kyi som nyi gcod/ /de ni chos kyi snang
125b8 ba byed/ /rnal 'byor tshul du srog chags kyi/ /khams ni de yis rnam par sbyong / /de ni lam ngan ston mi byed/ /drang po 'ang rab tu ston par byed/ /sangs rgyas chos la des pa yis/ /chos kyi mchog gis spyod par 'gyur/ /de ni sems la brten pa med/ /
126a1 de yi gnas ni yod ma yin/ /brten pa med pa'i sems kyis su/ /byang chub spyod pa spyod par byed/ /yul 'khor grong du spyod byed kyang / /gnas ni yod pa ma yin te/ /rtag tu rten pa med par 'gyur/ /de yi gnas ni yod ma yin/ /'du byed
126a2 rnams kyis 'dod pa min/ /yang dag ston pa 'ang yod ma yin/ /byang chub sems dpa' ma smad pa/ /de dag mthong na sus mi mchod/ /nam mkha' lta bur 'od gsal ba/ /sems de 'dra ba gang la yod/ /de de 'jig rten mi snang ste/ /de la gnas pa'ang
126a3 yod ma yin/ /de bas chos de mnyan byos la/ /'di la 'bel gtam bslab par bya/ /srog chags rnams kyi don sgrub pas/ /sangs rgyas chos la bslab par bya/ /shA ra dwa ti'i bu gzhan yang byang chub sems dpa' ni chos yongs su tshol ba'i
126a4 thos pa dang / thos pa la mkhas pa tshol bar byed pa yin te/ shA ra dwa ti'i bu thos pa ni gang / thos pa la mkhas pa ni gang zhe na/ shA ra dwa ti'i bu thos pa ni gzhan gyi rnam par rig par byed do/ /thos pa la mkhas pa ni rang gis tshul bzhin yid la byed pa gang
126a5 yin pa ste/ so sor rtogs pa'o/ /shA ra dwa ti'i bu de la gzhan gyi sgra gang zhe na/ rjes su 'thun pa'i chos gang dag yin pa de dag yin te/ 'di lta ste/ mdo'i sde dang / dbyangs kyis bsnyad pa'i sde dang / lung bstan pa'i sde dang / tshigs su bcad pa'i sde
126a6 dang / ched du brjod pa'i sde dang / gleng gzhi'i sde dang / de lta bu byung ba'i sde dang / skyes pa rabs kyi sde dang / shin du rgyas pa'i sde dang / rmad du byung ba'i chos kyi sde dang / gtan la phab par bstan pa'i sde dang / rtogs pa brjod pa'i sde rnams te/ shA
126a7 ra dwa ti'i bu de ni gzhan gyi sgra zhes bya'o/ /shA ra dwa ti'i bu de la thos pa la mkhas pa gang zhe na 'di lta ste/ so so rang gi tshul bzhin yid la byed pa'o/ /so so rang gi tshul bzhin yid la byed pa yang gang zhe na/ 'di lta ste/ phung po la mkhas
126a8 pa dang / khams la mkhas pa dang / skye mched la mkhas pa dang / rten cing 'brel par 'byung ba la mkhas pa dang / chos dkar gnag la mkhas pa dang / snang ba dang bcas pa dang / snang ba med pa dang / zag pa dang bcas pa dang / zag pa med pa dang /
126b1 kha na ma tho ba dang bcas pa dang / kha na ma tho ba med pa dang / bsten par bya ba dang / bsten par bya ba ma yin pa'i chos rnams la gang shes pa dang / so sor rtogs pa dang / mkhas pa dang / so sor shes pa dang / rab tu rnam par 'byed pa dang / chos gnas
126b2 pa nyid dang / chos skyon med pa nyid dang / rang bzhin rjes su rtogs pa ste/ shA ra dwa ti'i bu de ni so so rang gi tshul bzhin yid la byed pa zhes bya'o/ / bam po bcu pa/ shA ra dwa ti'i bu gang 'di de bzhin gshegs pas phung po la mkhas
126b3 pa gsungs pa'i phung po la mkhas pa de gang zhe na/ shA ra dwa ti'i bu de ni ci yang ma gsungs pa'o/ /gang 'di de bzhin gshegs pas khams la mkhas pa gsungs pa de ni ci yang ma gsungs pa'o/ /gang 'di de bzhin gshegs pas skye mched
126b4 la mkhas pa gsungs pa de ni ci yang ma gsungs pa'o/ /gang 'di rten cing 'brel par 'byung ba la mkhas pa gsungs pa de ni ci yang ma gsungs pa'o/ /gang 'di rten cing 'brel par 'byung ba'i chos la mkhas pa gsungs pa de ni ci yang ma
126b5 gsungs pa'o/ /shA ra dwa ti'i bu don phyin ci ma log par yang dag par sdus shig /gang gis yang dag par bsdu bar bya zhe na/ don yang dag par bsdu bas yin gyi tshig 'bru yang dag par bsdu bas ni ma yin te/ shA ra dwa ti'i bu byis pa rnams ni
126b6 tshig 'bru'i rjes su 'brang ba yin gyi/ mkhas pa rnams ni don gyi rjes su 'brang ba yin no/ /shA ra dwa ti'i bu tshig 'bru yang gang zhe na/ shA ra dwa ti'i bu yi ge'i gzhi dang / rnam par rig byed kyi gzhi dang / mngon par brjod pa'i gzhi 'jug pa'i tshig
126b7 bla dgas ni tshig 'bru zhes bya ste/ shes bya 'am/ rnam par shes bya 'am/ yongs su shes bya gang ci yang rung ste/ mngon par brjod pa dang / nges par brjod pa dang / gdags pa dang / rab tu bzhag pa dang / rjes su 'brang ba dang / mngon par brtag pa dang /
126b8 kun du brtag pa dang / so sor nye bar brtag pa dang / btsal ba dang / chos yongs su btsal ba dang / chos gang dag dang / gang la yod pa'i chos rnams dang / brda dang kun du rtog pa dang / nye bar rtog pa dang / sems kyi mngon par nges par rjod pa dang / som nyi dang /
127a1 yid gnyis dang / rnam par 'gyod pa dang / 'jug pa dang / gang dag gzhan yang chos la nges par rtog pa rnams te/ shA ra dwa ti'i bu de ni tshig 'bru zhes bya'o/ /shA ra dwa ti'i bu de la don gang zhe na/ gang tshig 'bru de'i don khong du chud pa
127a2 ste/ de ni don zhes bya'o/ /shA ra dwa ti'i bu brjod du med pa ni don zhes bya ste/ shA ra dwa ti'i bu gang 'di don zhes bya ba ji ltar byis pa rnams kyis bzung ba bzhin yin na ni tshig 'brur 'gyur gyi don ma yin par 'gyur ro/ /shA ra dwa ti'i bu de lta bas na don ni
127a3 brjod du mi nus pa'o/ /shA ra dwa ti'i bu nga ni 'jig rten dang lhan cig tu smra bar mi byed kyi/ 'jig rten ni nga dang lhan cig tu smra bar byed do zhes bya ba de ni ngas ldem por dgongs te gsungs pa'o/ /shA ra dwa ti'i bu gang de bzhin gshegs pas mkhas pa
127a4 gsungs pa de ni de bzhin gshegs pas ci yang ma gsungs pa'o/ /de na de bzhin gshegs pa ni 'di ltar phung po la mkhas pa/ khams la mkhas pa/ skye mched la mkhas pa ste/ de la mkhas pa gang yang med pas des na de bzhin gshegs pa ni de ltar
127a5 mkhas pa zhes gsungs so/ /'di lta ste/ de bzhin gshegs pa ni chos rab tu rnam par 'byed pa ston pa ste/ shA ra dwa ti'i bu chos ni gang / chos rab tu rnam par 'byed pa ni gang zhe na/ shA ra dwa ti'i bu mig ni chos shes bya ste/ de bzhin du rna ba dang / sna dang /
127a6 lce dang / lus dang / yid ni chos shes bya'o/ /shA ra dwa ti'i bu ji ltar na mig chos yin zhe na/ shA ra dwa ti'i bu 'das pa dang / ma 'ongs pa dang / da ltar byung ba ni mig ces bya ste/ de ni stong pa nyid kyi phyir mi dmigs pa'o/ /de ci'i phyir zhe na/ de'i rang bzhin de
127a7 yin pa'i phyir ro/ /mig gi ji lta ba de bzhin du rna ba dang / sna dang / lce dang / lus dang / yid rnams kyi rang bzhin yang stong pa nyid do/ /de la mig rab tu rnam par 'byed pa gang zhe na/ mig yongs su tshol ba gang yin pa'o/ /ji ltar mig yongs su btsal zhe na/
127a8 mig la mig mi dmigs so/ /de ci'i phyir zhe na/ gal te mig la mig yod na ni mig gnyis yod cing nang na yod pa'i gang zag kyang yod par 'gyur te/ de ltar mig gi gdags pa gang yin pa de ni gdags pa dang chos dang mig yin no/ /de la byang chub
127b1 sems dpa' tshul bzhin du mthong ba srung ba can ni 'di ltar so sor rtog par byed de/ mig dang mig gi gdags pa dang / chos 'di las yang dag pa'i gzhir 'gyur ba gang yin zhes de de ltar so sor rtog par byed pa na/ de thams cad ni sgra yin gyi 'di la
127b2 yang dag pa'i gzhi'i rten ni med do/ /de ci'i phyir zhe na/ 'di ltar sgra'i rnam par shes pa gang yin pa dang / sgra'i rnam par rig byed gang yin pa de ni 'jig rten pa'o/ /'jig rten pa gang yin pa de ni 'jig rten las 'das pa ma yin no/ /'jig rten las
127b3 'das pa ma yin pa gang yin pa de ni gcer bu pa'i gnas so/ /de ni gcer bu pa'i tshig go/ /gcer bu pa'i tshig gang yin pa de ni sangs rgyas kyi bka' ma yin te/ de bzhin gshegs pa ni 'jig rten las 'das pa gsungs pa'o/ /'jig rten las
127b4 'das pa ma yin pa gang yin pa des gsungs pa ma yin no/ /de bzhin gshegs pa smra ba las rnam par grub kyang de bzhin gshegs pa ni smra ba gcad pa'i phyir chos ston par mdzad kyi tshig kun du sdud par ni mi mdzad do snyam mo/ /yang 'di ltar so
127b5 sor rtog par byed de/ dge ba gang gis mig mngon par 'grub ce na/ de 'di snyam du sems te/ dge ba des pas so snyam mo/ /de ci'i phyir zhe na/ de ni srid pa'i yan lag yin pa'i phyir ro/ /ci'i phyir srid pa'i yan lag ces bya zhe na/ de ni srid pa'i yan
127b6 lag te/ rgyu des na srid pa'i yan lag ces bya'o/ /shA ra dwa ti'i bu ji ltar na srid pa zhes bya ba zhe na/ 'gro ba'i phyir srid par 'byung ba ste/ de ni 'dir mig tu gyur pa'o/ /de la mngon par dga' bas mngon par dga' ba la 'bras bu yod de/ 'di lta ste
127b7 mig bdag yin/ mig bdag gi yin zhes mig gi rlom sems kyi 'bras bur 'gro bas slong ba ste/ des na de ni srid pa zhes bya'o/ /de la brten nas so sor 'dzin to/ /ci zhig yongs su 'dzin ce na/ sdug bsngal thams cad yongs su 'dzin to/ /
127b8 sdug bsngal thams cad kyang gang zhe na/ 'di lta ste/ ngar 'dzin pa dang / nga yir 'dzin pa'o/ /de gnyis ni 'dir yan lag ste/ des na srid pa'i yan lag ces bya'o/ /shA ra dwa ti'i bu 'di lta ste/ dper na rnga bo che las sgra byung na/ shA ra dwa ti'i bu 'di
128a1 ji snyam du sems/ sgra de phyi 'am nang gang nas byung ba yin/ gsol pa/ bcom ldan 'das sgra de ni tshogs pa las ldan pa lags so/ /shA ra dwa ti'i bu khyod kyis phrad pa kun shes sam/ gsol pa/ bcom ldan 'das 'tshal te/
128a2 kun 'byung ba lags so/ /bcom ldan 'das kyis bka' stsal pa/ shA ra dwa ti'i bu srid pa ni de yin te/ shA ra dwa ti'i bu de bzhin du mig ni mig gis stong ngo / /mig la mig med do/ /de la byis pa rnams ni yang dag pa ma yin pa'i dngos po la chags
128a3 so/ /de bzhin du rna ba dang / sna dang / lce dang / lus dang / yid rnams ni stong pa'o/ /shA ra dwa ti'i bu de tsam gyis na mig legs par yongs su btsal ba yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /
128a4 mig ni stong pa nyid du gsungs/ /mig de yod pa ma yin no/ /gal te mig yod ma yin na/ /mi rtag nyid de su yi yin/ /rna ba mi rtag nyid du gsungs/ /de ni dmigs pa ma yin no/ /gal te rna ba yod min na/ /mi rtag nyid de su yi yin/ /
128a5 sna ni mi rtag nyid du gsungs/ /de ni dmigs pa ma yin no/ /gal te de dmigs ma yin na/ /mi rtag nyid de su yis gsungs/ /lce ni mi rtag nyid du gsungs/ /lce de yod pa ma yin no/ /gal te de dmigs ma yin na/ /mi rtag nyid de su yi
128a6 yin/ /lus ni mi rtag nyid du gsungs/ /de ni dmigs pa ma yin no/ /gal te lus yod ma yin na/ /mi rtag nyid de su yi yin/ /yid ni mi rtag nyid du gsungs/ /de ni dmigs pa ma yin no/ /gal te de dmigs ma yin na/ /mi
128a7 rtag nyid de su yi yin/ /skye mched bcu gnyis gsungs pa dag /de dag ming yang de snyed yod/ /gal te skye mched rnams med na/ /de snyed ming yod su yi yin/ /'byung ba chen po'ang bzhi yin te/ /de dag rten te gang zhig yin/ /khyi la
128a8 bong ba 'phangs pa bzhin/ /de dag ming gis rgyug par byed/ /gang dag ming gis mi rgyug cing / /bdag nyid rlom sems mi byed la/ /sems can med par zhugs pa ni/ /de dag mya ngan 'das par brjod/ /gang der mya ngan 'das gyur na/ /
128b1 de la chos dmigs yongs med de/ /mya ngan 'das shes de brjod kyang / /mya ngan 'das ni brjod du med/ /de la gang yang mi 'gro ste/ /'gro ba yang ni yod ma yin/ /gang gis de ltar mthun rtogs pa/ /de dag mya ngan 'das pa shes/ /sbyor ba med cing
128b2 rtsom pa'ang med/ /gos pa med cing yi ge'ang med/ /gang zag med cing srog kyang med/ /des kyang mya ngan 'das shes gsungs/ /yod dang med par rnam rtog ste/ /rtog pa yang ni yod ma yin/ /'du shes de yang stong pa ste/ /mya ngan 'das par de bsam
128b3 mo/ /thag ring ba yi chos ma mthong / /thag nye ba yang mthong ma yin/ /chos rnams rang bzhin gang yin pa/ /'chi 'pho'i tshe yang rab tu shes/ /chos de 'dra ba gang dag gis/ /thos nas tshul bzhin shes byed pa/ /de dag som nyi med 'gyur zhing / /mi shes
128b4 pa yang med par 'gyur/ /bde mthong srung ba som nyi med/ /chos rnams kun la mi 'jigs pa/ /the tshom dag ni bsal nas su/ /de dag som nyi med par 'gyur/ /dogs med byang chub sems dpa' ni/ /sems can rnams la snying brtse'i phyir/ /the tshom
128b5 chad pas rgyu byed cing / /chos kyi the tshom gcod par byed/ /chos rnams kun gyi phyag rgya de/ /smra ba kun las thar bya'i phyir/ /mchog gsungs pa yis bstan pa yin/ /de la som nyi ma byed cig /rtsod pa rnam par 'jig ces gsungs/ /de yis ngan
128b6 'gror 'gro bar 'gyur/ /gang dag phug nas brten pa rnams/ /de dag gis ni lus ma shes/ /don 'grub par ni de gsungs te/ /don thob pa la gnas pa med/ /gang dag 'gro ba der 'gro ba/ /byang chub la ni nye bar 'gyur/ /shA ra dwa ti'i bu gzhan yang
128b7 byang chub sems dpa' ni gnas bzhi la 'dun pa brtan po yin te/ mngon par 'byung ba dang / dgon pa na gnas pa dang / de bzhin gshegs pa mthong ba dang / sdug bsngal ba'i sems can dag mthong na/ nam zhig bdag gis theg pa chen po'i
128b8 theg pa de yang dag par bsgrubs nas/ sems can de dag sdug bsngal thams cad las thar bar bya ba'i phyir/ chos ston cig gu snyam nas go cha gyon par byed pa'o/ /shA ra dwa ti'i bu ji ltar byang chub sems dpa' sems dpa' chen po bla na med pa yang
129a1 dag par rdzogs pa'i byang chub tu brtan po yin pa dang / byang chub sems dpa' sems dpa' chen po 'dun pa ji lta bus sangs rgyas kyi ye shes yang dag par sgrub par byed pa de legs par rab tu nyon la yid la zung shig dang
129a2 ngas khyod la bshad do/ /shA ra dwa ti'i bu sngon byung ba 'das pa'i dus na/ bskal pa grangs med pa'i yang ches grangs med pa yangs pa tshad med pa byung bar gyur pa de'i tshe de'i dus na de bzhin gshegs pa dgra bcom pa yang dag par rdzogs pa'i
129a3 sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha rnams dang mi rnams kyi ston pa/ sangs rgyas bcom ldan 'das bde ba'i rgyal po zhes bya ba 'jig
129a4 rten du byung ste/ shA ra dwa ti'i bu de bzhin gshegs pa bde ba'i rgyal po'i tshe'i tshad ni lo bdun khri thub par gyur to/ /de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal po de'i nyan thos 'dus pa gcig
129a5 ni dgra bcom pa bye ba phrag nyi shur gyur to/ /gnyis pa ni dgra bcom pa bye ba phrag bzhi bcur gyur to/ /'dus pa gsum pa ni dgra bcom pa bye ba phrag drug khrir gyur to/ /de'i tshe 'dzam bu'i gling de ni yangs shing rgya che bar gyur te/ dpag tshad 'bum
129a6 phrag dgu bcu yod do/ /de'i tshe 'dzam bu'i gling de na grong khyer brgyad khri bzhi stong byung bar gyur to/ /thams cad kyang rin po che sna bdun gser dang / dngul dang / shel dang / bai dUr+ya dang / spug dang / rdo'i snying po dang / bdun pa mu tig dmar po las
129a7 byas pa bkra ba/ blta na sdug pa/ chu dang srid du ni dpag tshad bcu gnyis yod la/ zheng du ni dpag tshad bdun yod pa'o/ /thams cad kyang 'byor pa/ rgyas pa bde ba/ nyams dga' ba/ lo legs pa/ skye bo mang pos gang ba'o/ /grong khyer chen po
129a8 de dag thams cad kyang khor yug tu ra ba rim bdun dang / 'obs rim bdun gyis yongs su bskor ba'o/ /'obs de dag thams cad kyang chus gang ba/ kun nas rjes su 'bab pa'i chu 'bab pa/ ud pa la dang / pad ma dang / ku mu da dang / pad ma
129b1 dkar po dag gis kun du khebs shing / ngur pa dag gis sgra phyung ba/ bya rnam pa sna tshogs kyi tshogs ngang pa dang / khrung khrung dang / rma bya dang / ne tso dang / ri skegs dang / khu byug dang / shang shang te'u dag gis sgra yang dag par rjod pa'o/ /'obs kyi 'gram de dag
129b2 thams cad kyang gser gyi shing ljon pa dag la/ yal ga dag ni dngul/ mdab ma dag ni bai dUr+ya las grub pa/ lo ma dag ni rdo'i snying po/ me tog dag ni shel/ 'bras bu dag ni spug /sdong bu dag ni mu tig dmar po dang / dngul gyi shing ljon pa dag la/ yal
129b3 ga dag ni gser/ mdab ma dag ni shel/ lo ma dag ni bai dUr+ya las grub pa/ 'bras bu dag ni spug /me tog dag ni rdo'i snying po/ sdong bu dag ni mu tig dmar po dang / shel gyi shing ljon pa dag la/ sdong po dag ni bai dUr+ya las grub pa/ lo ma dag ni gser/
129b4 mdab ma dag ni dngul/ me tog dag ni spug /'bras bu dag ni rdo'i snying po/ sdong bu dag ni mu tig dmar po dang / spug gi shing ljon pa dag la/ sdong po dag ni rdo'i snying po/ lo ma dag ni mu tig dmar po/ mdab ma dag ni dngul/ me tog dag ni gser 'bras
129b5 bu dag ni shel/ rtsa ba dag ni bai dUr+ya las grub pa dang / rdo'i snying po'i shing ljon pa dag la/ sdong po dag ni mu tig dmar po/ lo ma dag ni dngul/ mdab ma dag ni gser/ me tog dag ni shel/ 'bras bu dag ni bai dUr+ya las grub pa/ rtsa ba dag ni spug dang / mu
129b6 tig dmar po'i shing ljon pa dag la/ sdong po dag ni gser las grub pa/ lo ma dag ni dngul/ mdab ma dag ni shel/ me tog dag ni bai dUr+ya las grub pa/ 'bras bu dag ni spug las grub pa/ rtsa ba dag ni rdo'i snying po las grub pa/ rin po che sna
129b7 bdun las grub pa'i shing ljon pa dag gis khyab par gyur pa'o/ /grong khyer chen po de dag na grong khyer chen po re re na yang / bskyed mos tshal brgyad khri brgyad khri yod de/ thams cad kyang dpag tshad nyi shu pa'o/ /bskyed mos tshal brgyad khri po de dag
129b8 thams cad kyang khor yug tu 'obs dag dang / rta babs rim bdun dang / dril bu g.yer ka'i dra ba rim bdun dang / stegs bu rim pa bdun gyis bskor bar gyur te/ tshul snga ma kho nas gong ma bzhin du sbyar bar bya ste/ ji ltar grong khyer gyi 'obs
130a1 dag la bkod pa dag bzhin du bskyed mos tshal gyi 'obs dag la yang bkod pa dag kun shes par bya'o/ /bskyed mos tshal de la yang tsan dan gyi lo ma dag dang / dus kyi rjes su 'brang ba'i shing ljon pa dag dang / rol mo'i sgra'i shing ljon pa
130a2 dag dang / rgyan gyi shing ljon pa dag dang / me tog gi shing ljon pa dag dang / bza' ba'i shing ljon pa dag dang / btung ba'i shing ljon pa dag kyang yod do/ /bskyed mos tshal de la yang gser dang / dngul dang / shel dang / bai dUr+ya las grub pa dang / spug las grub
130a3 pa dang / mu tig dmar po las grub pa'i shing ljon pa dag yod do/ /de dag la yang me tog skyes pa/ me tog a ti mug ta ka dang / tsam pa ka dang / bar sha ka dang / d+ha nu ska ri dang / mya ngan 'tshang dang / nag dang / bal la dang / ta ra ni dang / go ta ni dang / man dA ra ba
130a4 dag dang / me tog kha dog lnga pa dag dang / tsan dro ta ra ni dag dang / de dag dang gzhan yang me tog skyes pa rnam pa sna tshogs dag yod do/ /bskyed mos tshal de dag re re la yang rdzing bu stong phrag bdun bdun byung bar gyur te/ thams cad kyang yan lag brgyad dang
130a5 ldan pa'i chus gang ba/ tshad ni dpag tshad phyed pa/ rin po che sna bdun las grub pa/ gser gyi bye ma bdal ba/ them skas bzhi dang ldan pa'o/ /rdzing bu de dag thams cad kyang rin po che'i dra bas kun du khebs pa/ ud pa la dang / pad ma dang / pad
130a6 ma dkar po dag gis rab tu gang ba'o/ /de'i tshe rgyal po dpas byin zhes bya ba zhig byung bar gyur to/ /shA ra dwa ti'i bu rgyal po dpas byin de'i grong khyer brgyad khri bzhi stong dag tu khyim brgyad khri bzhi stong yod par gyur te/ khyim re rer yang btsun mo'i
130a7 'khor gyi bud med brgyad khri bzhi stong yod par gyur to/ /'dzam bu'i gling der grong khyer brgyad khri bzhi stong po de dag gi dbus su grong khyer chen po chur dpag tshad brgyad khri yod pa/ zheng du dpag tshad bzhi khri yod pa rin po che sna bdun las grub
130a8 pa/ 'byor pa rgyas pa/ bde ba lo legs pa/ nyams dga' ba/ mi'i skye bo mang pos gang ba gcig yod par gyur te/ de ltar snga ma bzhin du sbyar bar bya'o/ /de'i tshe grong khyer chen po de'i dbus su rgyal po dpas byin gyi khyim rin po che sna bdun chu
130b1 zheng du kun nas dpag tshad bcu yod pa zhig brtsigs par gyur te/ khyim de na yang gser las byas pa'i pu shu dang / khang pa brtsegs pa sna tshogs pa dag yod do/ /khyim de'i dbus su yang 'di lta ste dper na/ lha rnams kyi dbang po brgya byin gyi khang
130b2 bzangs rnam par rgyal byed lta bu'i khang bzangs shig brtsigs par gyur te/ khang bzangs de'i ming ni chos shes bya bar gyur/ rgyal po de'i kun dga' ra ba ni chos bzangs shes bya bar gyur te/ khyim de'i dbus su yang bskyed mos tshal zhig
130b3 yod par gyur to/ /bskyed mos tshal de yang rin po che sna bdun las grub pa'i me tog gi shing ljon pa dang / spos kyi shing ljon pa dang / rol mo'i sgra 'byung ba'i shing ljon pa dang / rgyan gyi shing ljon pa dang / gos kyi shing ljon pa rnam pa sna tshogs
130b4 dag gis kun nas so sor brgyan pa'o/ /bskyed mos tshal de yang mig mangs ris su byas pa'o/ /khyim de yang ngos bzhir rta babs btsugs pa stegs bu dang / kun du blta ba'i sa dang / skar kung dag gis mdzes par byas pa/ rin po che sna
130b5 bdun las byas pa'i khang pa brtsegs pa bkra ba blta na sdug pa dag gis kun nas so sor brgyan pa'o/ /de'i tshe rgyal po dpas byin gyi btsun mo dam pa gtso mo las byang chub sems dpa' sngon gyi rgyal ba la lhag par bya ba byas pa/ mdzes pa/
130b6 blta na sdug pa/ mthu che ba/ dbang che bar grags pa/ dpal dang gzi brjid kyis 'bar ba'i bu zhig btsas par gyur te/ de btsas ma thag tu rgyal po dpas byin gyis 'di ni de'i longs spyod du 'gyur ba yin no zhes grong khyer chen po de byin par gyur to/ /
130b7 de'i tshe nyin mo bu mo sa ya phrag bzhi gang dag byung ba de dag thams cad kyang rgyal po dpas byin gyis gzhon nu'i longs spyod du bslangs so/ /rgyal po de dang / skye dgu'i bdag mo rin chen ma dang / grong mi dang / yul gyi mi dag gis kyang bsod nams
130b8 mchog ces bya bar ming btags par gyur to/ /de ci'i phyir zhe na/ shA ra dwa ti'i bu rgyal po'i gzhon nu bsod nams mchog btsas pa'i mod la steng gi bar snang la lha rnams kyis glu dbyangs rab tu blangs shing / lha'i tsan dan gyi phye ma dag dang /
131a1 lha'i me tog man dA ra ba'i char pa dag phab par gyur cing / khye'u 'di btsas pa bsod nams mchog /khye'u 'di btsas pa bsod nams mchog ces lha'i dbyangs kyis kyang yang dag par brjod pa'i phyir ro/ /shA ra dwa ti'i bu de'i phyir na
131a2 khye'u de'i ming bsod nams mchog ces bya ba kho nar btags par gyur to/ /shA ra dwa ti'i bu rgyal po'i bu bsod nams mchog de nar son nas btsun mo'i 'khor gyis mdun du bdar te/ bskyed mos tshal gyi sar tsan dan las byas pa'i grur
131a3 zhugs nas bskyes pa med pa'i 'dod pa'i yon tan lnga po dag gis rtse zhing dga' mgur spyod do/ /de'i tshe yang rgyal po'i gzhon nu bsod nams mchog tsan dan gyi grur zhugs nas/ de bzhin gshegs pa'i sku me dang / gser dang / zla ba
131a4 dang / 'dzam bu'i chu bo'i gser gyi mdog gi 'od zer bye ba phrag 'bum rab tu 'gyed pa'i sku dang ldan pa sku skyes bu chen po'i mtshan sum cu rtsa gnyis kyis spras pa/ gser ltar 'bar ba/ rin po che'i bkod pa ltar brgyan pa/ nyan thos kyi dge
131a5 'dun gyi dbus na chos ston pa mthong ste/ mthong nas kyang rgyal po'i bu gzhon nu bsod nams mchog 'di snyam du sems par gyur te/ 'di ci 'dra ba de 'drar bdag kyang gyur cig snyam mo/ /de nas rgyal po'i gzhon nu bsod nams mchog
131a6 rnam pa de lta bu'i sems skyes nas de ma thag tu de bzhin gshegs pa'i sku de mi snang bar gyur te/ de mi snang bar gyur nas de ma thag tu rgyal po'i gzhon nu bsod nams mchog sdug bsngal zhing yid mi bde bar gyur te/ bud med dag dang
131a7 yang lhan cig rtse bar mi byed/ dga' bar mi byed dga' mgur spyod par mi byed cing / bud med de dag la sten par mi byed do/ /gru de nas byung ste khang pa brtsegs par zhugs nas/ skyil mo krung bcas te nam zhig de bzhin gshegs pa de ci 'dra
131a8 ba de 'dra ba nyid du bdag 'gyur zhig gu snyam ste sems pa la zhugs so/ /de nas rgyal po'i gzhon nu de'i thad du bud med gang dag 'ong ba de dag thams cad rgyang ring po kho na nas mthong nas/ rgyal po'i gzhon nus sgo dag bcad de/ kye ma sems
131b1 can 'di dag ni 'dod chags kyis gang ba nad chen pos so sor gzir ba dag ste/ 'dod chags kyis gang zhing nad chen pos so sor gzir ba'i sems can de dag la bdag gis kun du spyad par byas na/ de dag ni rigs pa ma yin la bdag ni rigs pa yin pa'i
131b2 phyir de ni bdag cha ma yin par 'gyur ro/ /sems can 'di dag ni zhe sdang gis gang ba nad chen po'i nad kyis kun du gzir ba dag ste/ gal te zhe sdang gis so sor gang zhing nad chen po'i nad kyis rab tu gzir ba'i sems can de dag la yid du 'ong ba dang bcas
131b3 par byas nas/ de dag ni mi rigs pa yin la bdag ni rigs pa yin pa'i phyir/ de la bye brag ci yod par 'gyur te/ bdag ni sku de lta bu mngon par sgrub par brtson pa'o/ /kye ma bdag gis rang gi sems ni tshar gcad par bya/ sems can de dag la ni
131b4 gnod sems mi bskyed par bya'o/ /kye ma sems can 'di dag ni gti mug gis gang ba/ nad chen po'i nad kyis kun du gzir ba dag ste/ gal te nad chen po'i nad kyis kun du gzir ba'i sems can de dag la rjes su 'jug par byas na/ de dag ni mi rigs
131b5 pa yin la bdag ni rigs pa yin pas/ de la bye brag ci yod par 'gyur te/ bdag ni sku de lta bu mngon par bsgrub par brtson pa'o/ /sems can 'di dag ni phrag dog dang / khro bas gang ba nad chen po'i nad kyis kun du gzir ba dag ste/ gal te sems can
131b6 de dag la bdag kun du rjes su 'jug par byas na/ de dag ni mi rigs pa yin la/ bdag ni rigs pa yin pas/ de la bye brag ci yod par 'gyur te/ bdag ni sku de lta bu mngon par bsgrub par brtson par byed do/ /kye ma bdag gis phrag dog
131b7 med par bya/ ser sna can ma yin pa dang / rmongs pa med pa dang / 'dod chags dang bral ba dang / zhe sdang dang bral ba dang / gti mug dang bral bar bya zhing / sems can de dag nyid la yang byams pa'i sems bskyed par bya snying rje bskyed par bya/ sems
131b8 can de dag lam gang du zhugs na/ 'dod chags dang / zhe sdang dang / gti mug dang / phrag dog dang / khro ba dang / ser sna dang / sgyu dang g.yo dang / tha ba dang / nga rgyal thams cad rgyun chad par 'gyur/ spong bar 'gyur/ mi sten par 'gyur/ mi sgom par 'gyur/ mang du mi
132a1 byed par 'gyur ba'i lam btsal bar bya'o snyam mo/ /shA ra dwa ti'i bu de ltar rgyal po'i gzhon nu bsod nams mchog yid mi dga' zhing / skyo bas mngon par brtson te rtse bar mi byed/ dga' bar mi byed/ dga' mgur spyod par mi byed cing / su'i ngor yang lta bar mi byed
132a2 do/ /shA ra dwa ti'i bu rgyal po dpas byin gyis rgyal po'i gzhon nu bsod nams mchog rtse bar mi byed/ dga' bar mi byed/ dga' mgur spyod par mi byed cing / bud med mthong na'ang sgo gcod par byed do zhes thos te/ thos nas kyang rgyal po dpas byin dang / skye
132a3 dgu'i bdag mo rin chen ma 'di snyam du sems par gyur te/ rgyal po'i gzhon nu bsod nams mchog la gang gis kyang mi dga' ba 'am/ yid du mi 'ong ba nye bar bsgrub par gyur na mi rung ngo snyam nas/ gang gis rtse bar mi byed dga' bar mi byed/ dga'
132a4 mgur spyod par mi byed cing / bud med mthong na'ang sgo gcod par byed ces de bdag gis gdon mi za bar dri bar bya'o snyam mo/ /de nas rgyal po dpas byin dang / skye dgu'i bdag mo gtso mo rgyal po'i gzhon nu bsod nams mchog ga la ba der dong ste phyin
132a5 nas/ rgyal po'i gzhon nu bsod nams mchog la tshigs su bcad pa dag gis smras pa/ khang bzangs chos dang chos bzangs byed du bcug /de bzhin lha yi bu mo 'dra bas gang / /shing ljon sna tshogs bskyed mos tshal mdzes na/ /ci phyir gzhon nu
132a6 khyim der dga' mi byed/ /khang bzangs dang ni shing thags dam po btsugs/ /rgyal srid kun la grong khyer 'di byed bcug /'dir ni 'dzam gling 'di kun snang 'gyur na/ /ci phyir gzhon nu khyim der dga' mi byed/ /de ring khyod la su yis mi dga' smras/ /khyod la mi snyan de 'dra
132a7 ga las byung / /tshong pa nor rnyed chen po chud zos bzhin/ /ci phyir 'di na khyod ni gcig pu sems/ /nga ni pha yin 'di yang ma yin gyis/ /gang de dris pa nged la smra bar gyis/ /'dzam gling dbang phyug da lta nga yin na/ /deng 'dir chad pa chen po su la gcad/ /shA ra dwa ti'i bu de nas
132a8 rgyal po'i gzhon nu bsod nams mchog gis pha ma la tshigs su bcad pa dag gis slar smras pa/ bdag la sus kyang mi snyan smras ma mchis/ /tshig ma mchis pas ji ltar brjod par bgyi/ /su la'ang khyed kyis chad pa mi gcad gsol/ /rang gis sems la chad pa
132b1 gcad par mdzod/ /chu yi nang 'dir bdag ni spyod pa na/ /bdag gis 'dren pa yi ni sku mthong ste/ /'dzam gling gser gyi 'od zer bye stong ldan/ /phyogs nyid kun du snang zhing rnam par mdzes/ /sa yi 'od dang de bzhin me yi 'od/ /zla ba'i 'od dang de bzhin nyi ma'i
132b2 'od/ /de yi gan na thams cad mi gda' ste/ /de 'dra'i sku de mthong bar gyur to yab/ /bdag sems ye shes gzugs gyis ji lta bur/ /sku de de 'dra bdag kyang gyur cig snyam/ /rga nad gzir ba'i sems can thar bar bgyi/ /nyon mongs sems ldan
132b3 bde dang ldan par bgyi/ /ye shes gzugs dang stobs dang mthu dang ni/ /bsam mi khyab pas sku de ci lta bar/ /mi rnams kyi ni rgya chen don bgyi zhing / /ngan 'gro gnas pa'i skye bo gdon par bgyi/ /bdag ni rtses pas 'tshal to dga' bas tshal/ /
132b4 khyim dang bud med dag gis 'tshal lags so/ /bdag gis kun spongs rab tu 'byung bar bgyi/ /sangs rgyas rnams kyis bslabs nas sangs rgyas bgyi/ /ngur smrig gi ni gos kyang bgos nas su/ /rab tu byung nas bdag gis chos spyad do/ /
132b5 yab cig khyod kyang 'dir ni rab byung nas/ /rgyal srid spongs te chos la spyod par mdzod/ /rtag tu bdag gis chos ni btsal bar bgyi/ /rtag tu bdag gis tshul bzhin chos spyad do/ /'dod pa bsten pas bde legs 'gyur ma lags/ /dkar po
132b6 thams cad nyams par 'gyur ba lags/ /yab cig 'dod 'ching 'di ni dam po lags/ /de slad khyod ni bcings las thar mi 'gyur/ /'dod pa spong mdzod dgon par gnas par mdzod/ /de las sangs rgyas ye shes thob par 'gyur/ /sangs rgyas
132b7 bstan pa 'di la mngon byung ba/ /bdag la de ring bar chad su bgyid pa/ /de la nam du'ang bde legs mi 'gyur yab/ /bsod nams ma lags mang po thob par 'gyur/ /yab cig khyod la sman slad bdag gis brjod/ /khyod la rgyal srid ci bgyi
132b8 sras ci bgyi/ /rgyal srid mi rtag longs spyod rtag ma lags/ /khyod dang ring por mi thogs 'bral bar 'gyur/ /gang las chos dkar mang po de 'thob pa'i/ /chos ni gal te ma bgyis gyur na yab/ /'khor ba'i 'khor lo rjes su 'jug pa yin/ /
133a1 yang dang yang du skye rga nye bar 'byung / /de na bu ni nam yang ma mchis te/ /chos rnams de dag thams cad stong pa'o yab/ /stong pa'i chos rnams de dag mi rtog pa/ /de dag ming dang gzugs la dam por gnas/ /bu la sred phyir sdig pa ma
133a2 mdzad cig /sangs rgyas bstan 'dir yongs su rab tu 'byung / /dal ba phun tshogs bdag gis yun ring rnyed/ /yab cig khyod kyang myur du rab tu byung / /mi yi lus 'di rab tu rnyed par gyur/ /bde ba'i dbang phyug sangs rgyas 'byung bar gyur/ /
133a3 bdag gis dad pa ring nas de ring rnyed/ /kye ma yab cig tshur spyon mngon par 'byung / /de ltar de skad ces smras nas/ rgyal po'i gzhon nu bsod nams mchog de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal
133a4 po ga la ba der song ste phyin nas/ bcom ldan 'das de'i zhabs la phyag 'tshal te/ lan gsum bskor ba byas nas spyan sngar 'dug ste/ thal mo sbyar nas tshigs su bcad de gsol pa/ bdag ni bdud kyi zhags par skyes lags te/ /bdag
133a5 ni bdud kyi spyod yul 'phel lags so/ /bdag ni bdud kyi zhags pa kun bcad de/ /mgon po khyod la rab tu 'byung bar gsol/ /mgon po bdag bcing ba yis bcings pa dam/ /'jigs pa chen pos bcings na gzigs su gsol/ /
133a6 'di la bde ba'i ro myang ma mchis te/ /'dod pa sdug bsngal kun gyi rtsa ba lags/ /bcing ba de dag bcad de 'dir bdag mchis/ /de tshe bdud kyi bcing ba kun spangs nas/ /sangs rgyas bstan 'dir rab tu 'byung bar 'tshal/ /rkang gnyis
133a7 rnams kyi dam pa sangs rgyas bgyi/ /shA ra dwa ti'i bu de nas de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal pos rgyal po'i gzhon nu bsod nams mchog rab tu byung ngo / /de rab tu byung bar rig
133a8 nas/ rgyal po'i gzhon nu bsod nams mchog gi rjes su slob pa srog chags dkrigs phrag brgyad rjes su rab tu byung ngo / /de dag rab tu byung bar rig nas/ rgyal po'i gzhon nu bsod nams mchog gi slas kyang rjes su rab tu byung ngo / /
133b1 de rab tu byung bar rig nas/ rgyal po'i gzhon nu bsod nams mchog gi grogs po bye ba phrag brgya rjes su rab tu byung ngo / /sha ra dwa ti'i bu de nas rgyal po dpas byin gyis bu de rab tu byung bar rig nas/ dpung gi tshogs yan lag bzhi pa dang lhan
133b2 cig tu de bzhin gshegs pa bde ba'i rgyal po ga la ba der song ste phyin nas/ bcom ldan 'das de'i zhabs la phyag 'tshal te/ thal mo sbyar nas tshigs su bcad pa 'di dag gsol to/ /chos 'di gnod pa med cing rims nad med/ /rang bzhin rab zhi
133b3 ther zug 'chi med zhi/ /rab 'byung bde ba kun gyis rtsa ba lags/ /skyabs mchis sangs rgyas bstan la rab tu 'byung / /bdag gis rgyal srid de bzhin longs spyod dang / /chung ma sdug dang longs spyod gnyen rnams btang / /'dod pa'i longs spyod
133b4 dag la chog ma mchis/ /ngan pa'i chos la rtag pa'i dus ma mchis/ /bdag gis longs spyod sna tshogs yid mchi spyad/ /de ni byis pa blo chung spyod yul te/ /rgyal bas bsngags pa'i chos de spyad bgyis na/ /sdug bsngal kun gyi mtha' mar bgyid par
133b5 'gyur/ /dge slong dge 'dun thabs gcig longs spyod du/ /bdag gis rgyal ba'i thad du rgyal srid btang / /rab tu 'byung bar gsol zhing kun du spyad/ /rkang gnyis rnams kyi dam pa sangs rgyas bgyi/ /mi rnams kyi ni rgya chen don bgyi zhing / /sdug
133b6 bsngal mang pos gzir ba'i sems can dgrol/ /mi khom rgya chen rnam par spangs nas su/ /bdag gis khom dang mya ngan 'das zhi thob/ /de la bde ba'i rgyal pos ched brjod brjod/ /legs so rgyal po chen po rgyal chen sems/ /nam zhig sangs rgyas
133b7 ye shes khyod 'dod na/ /myur du tshur shog legs 'ongs myur rab byung / /de tshe rgyal pos thos nas sems mgu ste/ /rgyal ba'i bstan la rab byung 'thob bya zhing / /rkang gnyis gtso bo'i sangs rgyas 'gyur bar bya/ /de tshe bde ba'i rgyal pos bdag
133b8 dbugs 'byin/ /rgyal ba de yis bstan la de rab byung / /de tshe yan lag bzhi pa'i dmag gis bskor/ /de tshe theg pa mchog la thams cad zhugs/ /rkang gnyis rnams kyi dam pa sangs rgyas 'gyur/ /de tshe sangs rgyas bstan la de rab byung / /chos spyod ni nas
134a1 ni bzod pa'ang bskyed par gyur/ /tshe zad nas ni 'chi ba'i dus byas te/ /de dag thams cad mtho ris 'jig rten skyes/ /bde gshegs grags chen bye phrag nyi shu yi/ /'dren pa'i sangs rgyas de yi skyabs su byung / /thams cad de
134a2 dag kun gyis mnyes par byas/ /bstan pa kun la'ang chos ni spyad par gyur/ /rtag par rgyun du brtson 'grus brtsams par gyur/ /shes rab stobs dang ldan pas mi 'jigs pa/ /mi rnams kyi ni rgya chen don byas shing / /de dag gis ni srog chags
134a3 bye stong bkrol/ /bde bar gshegs pas chos brjod bzung nas su/ /de dag 'dren pa'i rgyal ba rnams su byung / /de dag gis ni bstan pa rgyas par mdzad/ /lus rnams btang zhing de bzhin srog kyang btang / /theg pa mchog la su zhig
134a4 'jug mi byed/ /de yi rnam par smin pa bla med yin/ /ye shes bla na med pa mchog thob 'gyur/ /zhi ba mya ngan med pa'i byang chub rig /shA ra dwa ti'i bu de'i tshe de'i dus na rgyal po dpas byin zhes bya ba chos dang ldan pa chos kyi rgyal po gang
134a5 gis bcom ldan 'das de bzhin gshegs pa bde ba'i rgyal po de la longs spyod du rgyal srid phul zhing khyim nas khyim med par rab tu byung ba de gzhan zhig yin pa snyam du khyod som nyi 'am/ yid gnyis za bar gyur na/ shA ra dwa ti'i bu
134a6 khyod kyis de ltar blta bar mi bya'o/ /de ci'i phyir zhe na/ nga ni de'i tshe de'i dus na rgyal po dpas byin zhes bya ba der gyur to/ /shA ra dwa ti'i bu de'i tshe de'i dus na rgyal po'i gzhon nu bsod nams mchog ces bya ba byung bar gyur pa de gzhan zhig yin
134a7 pa snyam du khyod som nyi 'am yid gnyis za bar gyur na/ de ltar blta bar mi bya ste/ shA ra dwa ti'i bu de'i tshe de'i dus na byang chub sems dpa' sems dpa' chen po brtan pa'i blo gros 'di ni rgyal po'i gzhon nu bsod nams mchog ces bya bar
134a8 gyur to/ /shA ra dwa ti'i bu byang chub sems dpa' sems dpa' chen po rnams kyi chos nyid ni sdug bsngal gyis gzir ba'i sems can dag mthong na snying rje chen po skyed par byed pa'o/ /shA ra dwa ti'i bu gzhan yang byang chub sems dpa' ni chos zab mo
134b1 la mngon par brtson pa yin/ chos zab mo kho nar yongs su tshol pa yin/ chos zab mo kho na yang dag par rab tu ston par byed pa yin no/ /shA ra dwa ti'i bu gang la brtan pa rnams 'gro ba'i chos zab mo de dag ni gang yin/ shA ra dwa ti'i bu brtan
134b2 pa de dag ni gang yin zhe na/ shA ra dwa ti'i bu byang chub sems dpa' dag ni brtan pa zhes bya ste/ de dag ni bla na med pa yang dag par rdzogs pa'i byang chub las skyo bar mi 'gyur zhing sgyid lug par mi 'gyur ro/ /shA ra dwa ti'i bu de dag ni brtan
134b3 pa dag ces bya ste/ de dag ni chos rnams 'dzin pa'o/ /chos gang dag 'dzin ce na/ mig gis chos 'dzin par byed do/ /shA ra dwa ti'i bu de la gang mig 'dzin pa de ni chos ma yin te/ de ni gzung du med pa'o/ /shA ra dwa ti'i bu chos kyang
134b4 gang zhe na/ rang bzhin gyis nang yang med/ phyi rol na yang med/ bdag kyang med/ bdag gi yang med/ kun nas nyon mongs pa yang med/ rnam par byang ba yang med pa'o/ /rna ba dang / sna dang / lce dang / lus dang yid kyis
134b5 chos 'dzin te/ de la chos gang yin pa de ni yid ma yin no/ /shA ra dwa ti'i bu chos shes bya ba ni gang bdag med pa dang / bdag gi med pa dang / phyi rol med pa dang / nang med pa dang / kun nas nyon mongs pa med pa dang / rnam par
134b6 byang ba med pa dang / skye ba med pa dang / 'gag pa med pa'o/ /shA ra dwa ti'i bu de ci'i phyir zhe na/ rang bzhin de yin pa'i phyir te/ rang bzhin gang yin pa de ni byas pa med cing 'gyur ba med pas/ des na yid ni chos zhes bya'o/ /
134b7 shA ra dwa ti'i bu ci'i phyir 'dzin pa zhes bya zhe na/ stong pa nyid 'dzin par byed/ mtshan ma med pa dang / smon pa med pa 'dzin par byed/ mi dmigs pa smon pa med par 'dzin par byed pa ste/ mi dmigs pa ni smon pa med
134b8 pa'o/ /shA ra dwa ti'i bu gzhan yang chos gang dag yin pa de dag ni bsal ba yang med/ bzhag pa yang med pa'o/ /gang la bsal ba yang med bzhag pa yang med pa 'di ni chos rnams kyi 'dzin pa zhes bya ste/ des na byang chub
135a1 sems dpa' zhes bya'o/ /shA ra dwa ti'i bu byang chub sems dpa' zhes bya ba ni/ shA ra dwa ti'i bu sangs rgyas rnams dang nye ba'i sems dpa' yin pas des na byang chub sems dpa' zhes bya'o/ /byang chub med pa'i phyir
135a2 byang chub sems dpa' zhes bya'o/ /yang sems dpa' de sems can med pa nyid kyis byang chub la 'jug par byed pas des na byang chub sems dpa' zhes bya'o/ /shA ra dwa ti'i bu yang gal te byang chub sems dpa' bstan na ni/ de 'di
135a3 ltar bstan pa byas par 'gyur te/ de ci'i phyir zhe na/ shA ra dwa ti'i bu bstan pa med pa ni byang chub sems dpa' yin pa'i phyir ro/ /gang gis bstan du med ce na/ gang gis kyang bstan du med pas des na bstan pa zhes bya'o/ /shA ra dwa ti'i
135a4 bu dga' ba dang ldan pa de dag ni gnyis su med pa la mos pa ste/ de dag ni chos su smra ba'ang ma yin/ chos ma yin par smra ba'ang ma yin pas des na byang chub sems dpa' dag ces bya'o/ /shA ra dwa ti'i bu gzhan yang byang chub
135a5 ces bya ba ni stong pa nyid gang yin pa de ni byang chub bo/ /shA ra dwa ti'i bu stong pa nyid ces bya ba cis stong pa zhe na/ chos thams cad kyis stong ngo / /shA ra dwa ti'i bu chos su 'du shes pa yod na yang 'du shes su 'dzin pa nyid du 'gyur/ bdag tu 'dzin
135a6 pa nyid du 'gyur/ sems can du 'dzin pa dang / srog tu 'dzin pa dang / gang zag tu 'dzin pa dang / 'dzin pa thams cad kyi 'dzin par 'gyur ba des na 'du shes su 'dzin pa zhes bya'o/ /de la de med pas des na stong pa nyid ces bya ste/ stong
135a7 pa nyid gang yin pa de ni byang chub bo/ /shA ra dwa ti'i bu gzhan yang chos thams cad ni byang chub ste/ de bzhin du mngon par rdzogs par sangs rgyas pa yin gyis 'thun par byos la mi 'thun par ma byed cig /de ci'i phyir zhe na/ byang chub ni zab
135a8 pa'i phyir te/ gang la byis pa so so'i skye bo thams cad 'gro ba med pa de tsam du zab bo/ /shA ra dwa ti'i bu byis pa dag lta zhog gi/ shA ra dwa ti'i bu dgra bcom pa dang / rang sangs rgyas rnams kyang zad pa shes pa la rnam par lta bar byed cing / mi skye ba shes pa
135b1 la rnam par lta bar byed la/ mi skye ba shes pa mngon du byed kyang de la 'gro ba med do/ /gang zad par bya ba'i phyir zad pa shes pa zhes bya zhe na/ chos gang yang zad par bya ba'i phyir zad pa shes pa ma yin no/ /gzhan yang chos thams cad kyi zad pa nyid pas
135b2 des na zad pa shes pa zhes bya'o/ /shes pa de 'phags pa rnams kyi yin pas des na zad pa shes pa zhes bya'o/ /'di snyed zad do zhes shes pa de lta bu med pa dang / de ltar zad do zhes shes pa de lta bu med pa dang / 'di phan chad zad do zhes shes pa
135b3 de lta bu med pas des na zad pa shes pa zhes bya'o/ /des na nyan thos dang / rang sangs rgyas rnams kyang byang chub tu 'gro ba med ces bya'o/ /shA ra dwa ti'i bu mi skye ba zhes ci'i phyir bya zhe na/ sha ra dwa ti'i bu de la phra rab tsam yang skye ba med pas des
135b4 na mi skye ba zhes bya'o/ /shA ra dwa ti'i bu de la shes pa gang yin pa 'di ni mi skye ba shes pa zhes bya'o/ /nyan thos rnams la 'di nas mi skye ba de'o zhes shes pa de med pa dang / nyan thos rnams la 'di phan chad mi skye'o zhes shes pa de med pas des na sangs
135b5 rgyas rnams kyi ye shes mtha' yas pa zhes bya'o/ /ci'i phyir sangs rgyas kyi ye shes mtha' yas pa zhe na/ ye shes de mnyam pa med cing mtha' med pas des na sangs rgyas kyi ye shes de mtha' yas pa zhes bya'o/ /ye shes de yul med pa yin
135b6 pas des na sangs rgyas kyi ye shes zhes bya'o/ /shA ra dwa ti'i bu sangs rgyas kyi ye shes zhes bya ba ji skad du bstan pa yin zhe na/ ye shes de sangs rgyas pa yin pas/ des na sangs rgyas kyi ye shes zhes bya'o/ /ye shes de btsal ba yin pas
135b7 des na sangs rgyas kyi ye shes zhes bya'o/ /shA ra dwa ti'i bu sangs rgyas shes bya ba ji skad du bstan pa yin zhe na/ shA ra dwa ti'i bu sems can 'di dag ni 'gyur ba yin/ shA ra dwa ti'i bu sems can 'di dag ni gnas 'di nas kun du rgyug pa yin/
135b8 khong du ma chud pa yin te/ shA ra dwa ti'i bu des ni chos thams cad sangs rgyas pas des na sangs rgyas shes bya'o/ /ji ltar chos thams cad sangs rgyas she na/ ji ltar chos de dag med pa dang / chos ma yin pa med pa dang / de dag kun nas nyon mongs
136a1 pa med pa dang / rnam par byang ba med pa dang / de dag 'das pa med pa dang / ma 'ongs pa med pa dang / da ltar byung ba med pa de ltar sangs rgyas so/ /ji ltar gang yang skye ba 'am/ 'jug pa 'am/ zad pa 'am/ 'ong ba 'am/
136a2 'gro ba 'am/ kun nas nyon mongs pa 'am/ rnam par byang ba 'am/ 'gag pa med pa de ltar sangs rgyas so/ /shA ra dwa ti'i bu gzhan yang mtha' yas shing dpag tu med la gting dpag dka' zhing khong du chud par dka' ba sangs
136a3 rgyas te/ shA ra dwa ti'i bu 'di lta ste dper na/ rgya mtsho chen po ni ro gcig pa dang / bri ba dang gang ba med pa dang zab pa yin no/ /shA ra dwa ti'i bu de bzhin du de bzhin gshegs pa'i rgya mtsho yang 'di lta ste/ rnam par grol ba'i ro dang / skye ba med
136a4 pa'i ro dang / zad pa med pa'i ror ro gcig cing / chos zab mo ston pa'i phyir rim gyis chos ston pa la gzhol ba dang / the tsom thams cad gcod pa'i phyir zhu ba'i chu thams cad len pa dang / chos thams cad mi brjed pa'i phyir
136a5 bri ba med pa dang / chos gnas pa nyid kyi phyir gang ba med pa'o/ /shA ra dwa ti'i bu gzhan yang gal te sangs rgyas bstan par gyur na 'di la su zhig yid ches par byed de/ shA ra dwa ti'i bu 'di lta ste dper na/ klu'i rgyal po chen po rgya
136a6 mtsho ni char 'bebs pa na 'di lta ste/ rgya mtsho chen por rang gi gnas kho nar char 'bebs par byed do/ /de ci'i phyir zhe na/ shA ra dwa ti'i bu gang klu'i rgyal po rgya mtsho'i chu'i rgyun bzod par nus pa'i sa'i phyogs de gang yang med pa'i
136a7 phyir te/ de bzhin gshegs pas byin gyis brlabs pa ni ma gtogs so/ /shA ra dwa ti'i bu de bzhin du gal te de bzhin gshegs pa de bzhin gshegs pa'i chos nyid ston cing / sangs rgyas kyi ye shes kyi mtshan nyid gsung yang /
136a8 shA ra dwa ti'i bu byang chub sems dpa' theg pa chen po la yang dag par zhugs pa/ de bzhin gshegs pas byin gyis brlabs pa ma gtogs par gang kun shes par nus pa'i nyan thos sam/ rang sangs rgyas sam/ sems can
136b1 'ga' yang sems can gyi ris na ngas yang dag par rjes su ma mthong ngo / /shA ra dwa ti'i bu gnas bzhi po 'di dag ni rtogs par dka' zhing rnyed par dka' la shin tu mchog tu rnyed par dka' ba ste/ de dag de ring thob po/ /bzhi po de dag
136b2 gang zhe na/ shA ra dwa ti'i bu mi nyid shin du mchog tu rnyed par dka' ba yin/ shA ra dwa ti'i bu de bzhin gshegs pa 'byung ba shin du mchog tu rnyed par dka' ba yin/ shA ra dwa ti'i bu de bzhin gshegs pa'i bstan pa la dad pa
136b3 shin du mchog tu rnyed par dka' ba yin/ shA ra dwa ti'i bu dad pa rnyed nas gnas dang gnas ma yin pa dri ba shin du rnyed par dka' ba yin te/ shA ra dwa ti'i bu gnas bzhi po de dag ni shin du mchog tu rnyed par dka' zhing / rtogs pa dka'
136b4 ba ste/ de dag khyed cag gis thob po/ /shA ra dwa ti'i bu khyed cag chos gang la the tsom yod pa nga la dris shig dang / shA ra dwa ti'i bu khyod lha dang bcas pa'i 'jig rten la skabs dbye'o/ /shA ra dwa ti'i bu ring po mi thogs par nga yongs
136b5 su mya ngan las 'das nas/ shA ra dwa ti'i bu phyis 'gyod par gyur na mi rung gis nga la dris shig /de nas tshe dang ldan pa shA ra dwa ti'i bu stan las langs te/ bla gos phrag pa gcig tu gzar nas/ pus mo g.yas pa'i lha nga
136b6 sa la btsugs te/ bcom ldan 'das la 'di skad ces gsol to/ /gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das la bdag phyogs 'ga' zhig zhu
136b7 lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu ngas dri ba lan btab pa de dang de kho nas khyod kyi sems rangs par byas/ de bzhin
136b8 gshegs pa dgra bcom pa yang dag par rdzogs pa'i sangs rgyas la gang dang gang 'dod pa dris shig /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das sems
137a1 can spyod pa dang yon tan khyad par can la rab tu gnas pa rnams kyi don du de bzhin gshegs pa la zhu lags so/ /de bzhin gshegs la bdag gis zhu ba ni/ /gang dag spyod dang yon tan khyad 'phags gnas/ /yo byad bsnyungs pa'i tshul
137a2 gyis 'phags gyur cing / /des dang bzod bsten smon lam ldan gyur pa/ /mkhas rnams sbyin pa de 'dra ci zhig stsol/ /sbyin pa stsal nas ji ltar dga' bar 'gyur/ /ji ltar sems ni yongs su bsngo bar bgyid/ /'jungs pa ma mchis par
137a3 yang sbyin pa bgyid/ /ji ltar tshul khrims sten par bgyid/ /de dag bzod pa'ang ci 'dra lags/ /de dag brtson 'grus ci lta bu/ /ji lta bu yi des par 'gyur/ /sems can sdug bsngal ldan mthong na/ /ji ltar bsam pa ston par bgyid/ /byang
137a4 chub sems dpa' de dag gi/ /bsam pa 'dren pa bshad du gsol/ /bskal pa bye ba brgya mang du/ /go cha 'tshal ba de dag gi/ /ji ltar sems ni nyon mi mongs/ /ji ltar de dag dga' ba bskyed/ /de dag ting 'dzin ji lta bu/ /de dag shes rab ci
137a5 'dra lags/ /mang du thos pa'ang ji lta bu/ /de dag thos pa'ang ci 'dra zhing / /mnyan par bgyi ba'i chos gang lags/ /spang bar bgyi ba'i chos gang lags/ /byang chub slad zhugs gang dag lags/ /de dag gi ni spyod yul zhu/ /ji ltar dam chos tshol
137a6 bar bgyid/ /de dag 'dun pa ci 'dra lags/ /ji ltar 'dod pa rnam par spong / /de dag mngon 'byung ji lta bu/ /ji ltar mngon par 'byung rnams kyi/ /dga' ba rgya chen skye bar 'gyur/ /ji ltar rab tu byung nas su/ /yon tan rnams kyis 'phags nas mdzes/ /
137a7 ji ltar sems ni nges par gzhol/ /de dag thabs ni ci 'dra lags/ /ji ltar tshe rabs dran par 'gyur/ /de dag dran pa ji lta bu/ /ji ltar mngal du zhugs rnams kyi/ /byang chub sems ni 'byung bar 'gyur/ /rdzogs pa'i sangs rgyas der mthong 'gyur/ /
137a8 de dag mthong ba slu mi 'gyur/ /ji ltar 'dod chags chung bar 'gyur/ /zhe sdang chung zhing mi 'jigs 'gyur/ /ji ltar gti mug mi 'gyur zhing / /ma rmongs par ni 'gyur ba lags/ /ji ltar rgyal po'i rigs skyes pa/ mkhas rnams rgyal srid
137b1 bgyid du stsol/ /mi khom thams cad spangs nas su/ /rtag tu gus dang bcas par 'gyur/ /ji ltar rgyal srid rab bsngags na/ /bzhin 'dzum khro bar mi bgyid lags/ /de dag gi ni rnam rgyal der/ /sangs rgyas mthong ba'ang rnyed par 'gyur/ /ji ltar
137b2 gzugs dang ldan pa lags/ /rtag tu tshul du shis par 'gyur/ /'khor dang ldan par 'gyur ba lags/ /byang chub mchog la zhugs pa lags/ /ji ltar skyes pa tsam gyis kyang / /khyim la dga' bar mi 'gyur zhing / /mngon par 'byung la gzhol bar 'gyur/ /
137b3 de dag sred pa ma mchis 'gyur/ /ji ltar rab tu byung nas su/ /sangs rgyas byang chub 'dzin pa lags/ /de bzhin gshegs pa mya ngan 'das/ /ji ltar dam chos 'dzin par 'gyur/ /ji ltar 'jig rten 'khrugs pa na/ /'khrug par mi bgyid mi 'jigs 'gyur/ /'jig
137b4 rten nyam thag 'tshal nas kyang / /dbugs 'byin grags pa chen por 'gyur/ /ji ltar thos pa 'dzin par 'gyur/ /gzungs kyi sgo yang thob par 'gyur/ /spobs pa thogs pa ma mchis shing / /srog chags rnams la chos 'dzin stsol/ /ji ltar sems can
137b5 gzhan rnams kyi/ /gzhan gyi sems dag 'tshal ba lags/ /ji ltar dge ba ma lags pa'i/ /sems tshar gcod cing rtag tu dge/ /byang chub sems dpa'i don slad du/ /zhu bar 'tshal na rkang gnyis mchog /byang chub sems dpa'i spyod pa gang / /bdag gis
137b6 zhu ba de bshad gsol/ /sangs rgyas chos kyi rgyu slad du/ /gang dag gis ni sems bskyed pa/ /de dag lung bstan thos gyur nas/ /dga' ba bzang po 'byung bar 'gyur/ /sangs rgyas ye shes thogs ma mchis/ /chos rnams kun la 'jug pa lags/ /
137b7 phyogs gcig pa'i shes pa yis/ /'jig rten 'dren la zhu bar 'tshal/ /chos rnams gang dag ma zhus pa/ /de la bdag gis shes mi 'jug /byang chub sems dpa'i spyod pa gang / /ston pas de ni bstan du gsol/ /de skad ces gsol pa dang /
137b8 bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu legs so legs so/ /shA ra dwa ti'i bu khyod kyis byang chub sems dpa' sems dpa' chen po rnams kyi don dang / lhag pa'i bsam pa la yang dag
138a1 par zhugs pa yon tan gyi spyod pa la rab tu gnas pa/ bzod pa dang des pa la rab tu gnas pa rnams kyi don du de bzhin gshegs pa dgra bcom pa yang dag par rdzogs pa'i sangs rgyas la 'dri ba ni khyod yang legs so/ /shA ra dwa
138a2 ti'i bu yon tan rnams kyi mtha' ni rtogs par mi nus so/ /shA ra dwa ti'i bu ci 'dra ba'i sems can de dag gi don du de bzhin gshegs pa la khyod 'dri ba ni sems can de dag ni de tsam du dka' ba byed pa yin te/ shA ra dwa ti'i bu 'di lta ste/ dper na
138a3 mi la la zhig gis stong gsum gyi stong chen po'i 'jig rten gyi khams na sems can gang su dag ji snyed yod pa de dag yid la byed pa gcig par byas na/ shA ra dwa ti'i bu 'di ji snyam du sems/ 'o na mi des dka' ba byas pa yin nam/
138a4 gsol pa/ bcom ldan 'das dka' ba bgyis pa lags so/ /bka' stsal pa/ shA ra dwa ti'i bu dka' ba 'di ni byang chub sems dpa'i dka' ba snga ma la brgya'i char yang nye bar mi 'gro'o/ /stong gi cha dang / 'bum gyi char yang nye bar mi
138a5 'gro ba nas/ rgyu'i bar du yang mi bzod do/ /shA ra dwa ti'i bu 'di lta ste dper na/ stong gsum gyi stong chen po'i 'jig rten gyi khams tsha ba 'bar ba rab tu 'bar ba kun du 'bar ba/ kun du me lcer gyur pa 'di ni me'i phung po de mi la la
138a6 zhig gis kha'i dbugs kyis zhi bar byas la/ kha'i dbugs gcig shos kyis khor yug dang khor yug chen po'i ri dag dang / ri'i rgyal po chen po ri rab dang / ri chen po gzhan dag kyang kun du gnas par byas shing / rgya mtsho chen po dang /
138a7 gling rnams dang / gzhal med khang dag dang / kun dga' ra ba nyams dga' ba dag dang / nag tshal nyams dga' ba dag dang / chu bo nyams dga' ba dag dang / rdzing nyams dga' ba dag dang / grong dag gam grong rdal dag gam/
138a8 ljongs dag gam/ ljongs kyi phyogs dag kun du gnas par byas/ so sor gnas par byas na/ shA ra dwa ti'i bu 'di ji snyam du sems/ mi des dka' ba byas pa yin nam/ gsol pa/ bcom ldan 'das dka' ba bgyis pa
138b1 lags so/ /bka' stsal pa/ shA ra dwa ti'i bu dka' ba 'dis ni byang chub sems dpa'i dka' ba snga ma la brgya'i char yang nye bar mi 'gro'o/ /stong gi cha dang / 'bum gyi cha dang / grangs dang cha dang / bgrang ba dang / dpe dang / rgyur yang
138b2 mi bzod do/ /shA ra dwa ti'i bu 'di lta ste/ dper na mi la la zhig gis stong gsum gyi stong chen po'i 'jig rten gyi khams 'di bshigs shing rnam par gtor la rnam par bshig par gyur na/ shA ra dwa ti'i bu 'di ji snyam du sems/ mi de
138b3 brtson 'grus dang ldan pa yin nam/ gsol pa/ bcom ldan 'das de lta lags te/ mi de ni brtson 'grus mchog dang ldan pa lags so/ /bka' stsal pa/ shA ra dwa ti'i bu brtson 'grus 'dis ni byang chub sems dpa'i brtson 'grus
138b4 snga ma la brgya'i char yang nye bar mi 'gro ba nas/ rgyu'i bar du yang mi bzod do/ /shA ra dwa ti'i bu 'di lta ste dper na/ mi la la zhig gis stong gsum gyi stong chen po'i 'jig rten gyi khams 'di gang na chu'i phung po rab tu gnas pa'i chu'i phung po'i
138b5 gnas kyi bar du de thams cad phrag pa la thogs te/ sbrang bu mchu rings kyi rje ngar gyi skas la tshangs pa'i 'jig rten gyi bar du 'dzegs la lhung bar yang ma gyur na/ shA ra dwa ti'i bu 'di ji snyam du sems/ mi des dka' ba byas pa yin nam/
138b6 gsol pa/ bcom ldan 'das dka' ba bgyis pa lags so/ /bde bar gshegs pa shin du dka' ba bgyis pa lags te/ mi de brtson 'grus dang mthu chen po dang ldan pa lags so/ /bka' stsal pa/ shA ra dwa ti'i bu khyod mos par
138b7 bya'o/ /shA ra dwa ti'i bu khyod khong du chud par bya ste/ stobs dang / brtson 'grus dang / thabs la mkhas pa 'dis ni byang chub sems dpa'i stobs dang / brtson 'grus dang / thabs mkhas pa snga ma la brgya'i char yang nye bar mi 'gro'o/ /
138b8 stong gi cha dang / 'bum gyi cha dang / grangs dang / cha dang / bgrang ba dang / dper dang / rgyur yang mi bzod do/ / bam po bcu gcig pa/ de ci'i phyir zhe na/ shA ra dwa ti'i bu skyes bu dam pa de dag ni
139a1 sems kyi brtson 'grus dang / lus kyi brtson 'grus dang / lus kyi mthu de lta bu dang ldan pa/ thabs la mkhas pa dang ldan pa/ smon lam dag dang ldan pa/ mthu dang ldan pa yin/ shA ra dwa ti'i bu de dag ni shes pa de lta
139a2 bu la rab tu gnas pa/ theg pa chen po dang / mi 'jigs pa chen po la rab tu gnas pa/ mig chen po la rab tu gnas pa/ sangs rgyas kyi ye shes la rab tu gnas pa/ snying rje chen po la rab tu gnas pa yin/ de dag ni spyod lam dang
139a3 spyod pa de lta bu dang ldan pa/ yon tan gyi spyod pa dang / nges pa la gnas pa yin/ de dag ni sbyin pa mngon par sgrub pa dang / tshul khrims mngon par sgrub pa dang / bzod pa mngon par sgrub pa dang / brtson 'grus mngon par sgrub pa dang /
139a4 ting nge 'dzin mngon par sgrub pa dang / shes rab mngon par sgrub pa de lta bu la rab tu gnas pa/ thabs mkhas pa mngon par sgrub pa la rab tu gnas pa/ mtshan mngon par sgrub pa la mngon du zhugs pa/ sangs rgyas kyi rnam par 'phrul
139a5 pa mngon par sgrub pa la mngon du zhugs pa/ khyu mchog tu gyur pa mtha' yas pa mngon par sgrub pa la mngon du zhugs pa/ sangs rgyas kyi cho 'phrul mngon par sgrub pa la mngon du zhugs pa/ chos kyi sbyin pa sgrub pa la mngon du
139a6 zhugs pa/ sems can gyi bsam pa mngon par sgrub pa mkhas pa la mngon du zhugs pa/ sems can rnams kyi spyod pa mngon par sgrub pa mkhas pa la mngon du zhugs pa/ sems can rnams kyi sems tshar gcod pa'i phyir/ mngon du
139a7 zhugs pa/ sems can rnams kyi sems tshar gcad pa'i phyir rab tu gnas pa/ sems can rnams kyi sems kyi mtshams sbyor ba mngon par sgrub pa la mngon du zhugs pa/ sems can la dmigs pa mngon par sgrub pa la mngon du zhugs
139a8 pa/ sems can rnams kyi tshul khrims mngon par sgrub pa la mngon du zhugs pa/ sems can rnams kyi ting nge 'dzin sgrub pa la mngon du zhugs pa/ sems can rnams kyi rnam par grol ba sgrub pa la mngon du zhugs pa/
139b1 sems can rnams kyi rnam par grol ba'i ye shes mthong ba sgrub pa la mngon du zhugs pa/ sems can rnams kyi zhi gnas sgrub pa la mngon du zhugs pa/ sems can rnams kyi lhag mthong sgrub pa la mngon du zhugs pa/ sems can rnams
139b2 kyi lam mngon par sgrub pa la mngon du zhugs pa/ sems can rnams kyi 'bras bu mngon par sgrub pa la mngon du zhugs pa/ sems can rnams kyi bden pa mngon par sgrub pa la mngon du zhugs pa yin/ shA ra dwa ti'i bu/ de 'dra
139b3 ba'i skyes bu dam pa de dag ni phyogs bcu'i nges pa'i tshigs gis brda rab tu shes pa/ tha snyad kyis brda rab tu shes pa/ chos thams cad la yang mngon par zhen pa med pa'i gnas rjes su thob pa/ chos thams cad la yang phan pa'i ye
139b4 shes sgrub pa la mngon du zhugs pa/ chos thams cad stong pa'i ye shes sgrub pa la mngon du zhugs pa yin pa'i phyir ro/ /shA ra dwa ti'i bu mdor na skyes bu dam pa de dag ni ye shes de lta bu la mngon du zhugs pa/ ye shes de lta bu la
139b5 lhag par dmigs pa/ ye shes de lta bu la smon lam 'debs pa/ ye shes de lta bu la kun du sgom pa yin/ skyes bu dam pa de dag ni cho ga dang spyod pa'i yon tan de lta bu la rab tu gnas pa yin/ de dag ni lam de dang yang ldan pa yin pa'i
139b6 phyir te/ shA ra dwa ti'i bu ngas dpe de yang cung zad dang / ngan ngon dang / gsog tshig bstan pa yin no/ /shA ra dwa ti'i bu gzhan yang skyes bu dam pa de dag ni go cha de byas pa la dpe de lta bur so sor 'os pa yin te/ de bzhin gshegs pas
139b7 ji ltar rab tu mkhyen pa bzhin no/ /gang de bzhin gshegs pa ji 'dra ba dang ldan pa'i ye shes de lta bu dang ldan pa des dpe de so sor shes par bya/ khong du chud par bya'o/ /shA ra dwa ti'i bu gnas de la nyan thos rnams kyis ni dad pas 'gro
139b8 bar bya ste/ ji lta ba bzhin du khong du mi chud do/ /shA ra dwa ti'i bu gzhan yang khyod kyis sems can de lta bu dag gi don du de bzhin gshegs pa la dris te/ shA ra dwa ti'i bu khyod la 'jug pa tsam dang / cung zad tsam dang /
140a1 dpe tsam dang / gsog tsam dang / grangs tsam 'ga' zhig bya'o/ /de ci'i phyir zhe na/ shA ra dwa ti'i bu de ni nyi ma'i las ma yin/ zla ba phyed kyi las ma yin/ zla ba'i las ma yin/ lo'i las ma yin/ lo brgya'i
140a2 las ma yin/ lo stong gi las ma yin/ lo 'bum gyi las ma yin/ bskal pa'i las ma yin/ bskal pa brgya'i las ma yin/ bskal pa stong gi las ma yin/ bskal pa 'bum gyi las ma yin pa'i
140a3 phyir te/ shA ra dwa ti'i bu 'on kyang de ni bskal pa grangs med dpag tu med pa'i las yin no/ /shA ra dwa ti'i bu re shig sems dang po bskyed pa'i bsod nams kyi phung po gang yin pa de nyid kyi phung po ngan ngon tsam dang / gsog tsam dang /
140a4 cung zad tsam gyi yon tan de dag kyang re shig bskal pa brgya dang / bskal pa stong dang / bskal pa 'bum gyis kyang bgrod par mi nus na/ byang chub sems dpa' sems dpa' chen po rnams kyi sems bskyed pa'i tshad shes
140a5 par 'gyur ba lta ci smos te de ni gnas med do/ /shA ra dwa ti'i bu byang chub sems dpa' rnams kyi spyod pa ni ye shes chen po don du gnyer ba nyid kyi phyir tshogs dpag tu med pa'o/ /shA ra dwa ti'i bu byang chub sems
140a6 dpa' rnams kyi spyod pa ni sems can grangs med pa yongs su smin par 'gyur bas zad mi shes pa'o/ /shA ra dwa ti'i bu byang chub sems dpa' rnams kyi spyod pa ni chos zab mo mngon par rdzogs par byang chub pa nyid
140a7 kyi phyir khong du chud par dka' ba'o/ /shA ra dwa ti'i bu byang chub sems dpa' rnams kyi spyod pa ni chos thams cad la rten pa med pa nyid kyi phyir zab pa'o/ /shA ra dwa ti'i bu byang chub sems dpa' rnams kyi spyod pa ni
140a8 sangs rgyas kyi ye shes mtha' yas pa nyid kyi phyir mtha' yas mu med pa'o/ /shA ra dwa ti'i bu byang chub sems dpa' rnams kyi spyod pa ni tshad med pa'i phyir las mthar thugs pa med pa'o/ /shA ra dwa ti'i bu
140b1 sems can de tsam yongs su mya ngan las bzla bar bya/ sbyin pa de tsam sbyin par bya/ tshul khrims de tsam dang / bzod pa de tsam dang / brtson 'grus de tsam dang / bsam gtan de tsam dang / shes rab de tsam
140b2 bsgom par bya/ dus de tsam gyis 'di phan chad bsgom par bya/ 'di phan chad bsgom par mi bya'o snyam mod kyi 'on kyang byang chub sems dpa' rnams kyi spyod pa ni mthar thug pa med pa kho na'o/ /shA ra dwa ti'i bu byang chub sems
140b3 dpa' rnams kyis ni 'di lta ste/ byang chub kyi snying po'i mthar thug pa gcig pu kho na mthong ste/ de la chos thams cad shin du byang ba dri ma med pa zhes bya ba'i ting nge 'dzin thob nas/ chos thams cad mngon par rdzogs
140b4 par byang chub pa'i phyir ro/ /shA ra dwa ti'i bu de la byang chub sems dpa' sems dpa' chen po rnams kyi lhag pa'i bsam pa ni gnas gsum du blta bar bya ste/ lhag pa'i bsam pa dang po de ni dngos po thams cad yongs su
140b5 gtong ba'i las nyid du shes par bya'o/ /byang chub sems dpa'i lhag pa'i bsam pa gnyis pa de ni chos yongs su tshol ba dang / chos len pa dang / chos kun du 'dzin par ni byed la/ bdag tu lhag par zhen pa ni med
140b6 pa nyid du shes par bya'o/ /shA ra dwa ti'i bu/ lhag pa'i bsam pa gsum pa de ni chos zab mo mi spong ba dang / sangs rgyas bcom ldan 'das rnams kyi byang chub la 'jug pa nyid du mos shing sgyid lug pa med pa ste/ shA ra dwa
140b7 ti'i bu/ byang chub sems dpa'i lhag pa'i bsam pa ni gnas gsum po de dag tu rig par bya'o/ /shA ra dwa ti'i bu/ byang chub sems dpa' sems dpa' chen po rnams kyi lhag pa'i bsam pa ni gnas gzhan gsum du
140b8 blta bar bya ste/ gsum gang zhe na/ byang chub sems dpa'i sde snod kyi chos kyi rnam grangs 'dod pa'i phyir/ chos yongs su tshol ba la rtag tu brtson 'grus brtsams pa nyid dang / bdag nyid kyi dge ba'i
141a1 rtsa ba sbyang bar bya ba'i phyir dang / sems can thams cad kyi dge ba'i rtsa ba sbyang bar bya ba'i phyir/ chos smra ba'i rjes su 'brang ba nyid dang / de la yang nye bar spyod pa bla na med pa ston pa nyid kyis yang dang
141a2 yang du nye bar spyod pa ston pa nyid dang / de la yang bsnyen par dka' ba mthong ba na/ bdag gis las la ston pa nyid kyis gang gi phyir bdag gis ma thos pa ni bdag nyid kyi las de yin gyi/ 'di'i le lan ni ma yin pas
141a3 de'i phyir ji nas bdag gis 'di la nye bar spyad pas las kyi sgrib pa thams cad byang bar 'gyur ba dang / yang dag par rgyun chad par 'gyur ba de ltar bya'o snyam pa 'di ni byang chub sems dpa' rnams kyi lhag pa'i bsam pa gsum pa'o/ /
141a4 shA ra dwa ti'i bu de lta bas na rnam grangs des na/ khyod kyis ci nas chos yongs su tshol ba la mngon par brtson zhing chos smra ba'i rjes su 'brang bas sangs rgyas kyi chos thams cad yongs su rdzogs par 'gyur ba de ltar blta bar bya'o/ /
141a5 shA ra dwa ti'i bu/ sngon byung ba 'das pa'i dus na bskal pa yangs pa tshad med pa/ bsam gyis mi khyab pa/ grangs med par gyur pa de'i tshe de'i dus na ye shes mchog ces bya ba'i bskal pa la rig pa dang zhabs su ldan
141a6 pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ de bzhin gshegs pa kun du srung ba'i bdag po sprin gyi dbang phyug
141a7 mar me zhes bya ba 'jig rten du byung ngo / /shA ra dwa ti'i bu/ de bzhin gshegs pa dgra bcom pa yang dag par rdzogs pa'i sangs rgyas kun du srung ba'i bdag po sprin gyi dbang phyug mar me de'i tshe tshad ni bskal pa phyed tshang bar
141a8 thub par 'gyur ro/ /shA ra dwa ti'i bu/ de bzhin gshegs pa dgra bcom pa yang dag par rdzogs pa'i sangs rgyas kun du srung ba'i bdag po sprin gyi dbang phyug mar me de'i nyan thos 'dus pa ni
141b1 gang gA'i klung gi bye ma snyed byung bar gyur te/ nyan thos 'dus pa re re yang gnyi ga'i cha las rnam par grol ba/ shes rab phun sum tshogs pa/ lta ba phun sum tshogs pa/ lus kyis mngon du byed pa dag go/ /shA ra
141b2 dwa ti'i bu/ de bzhin gshegs pa kun du srung ba'i bdag po sprin gyi dbang phyug mar me de'i nyan thos 'dus pa de dag ji snyed byung ba de snyed du/ byang chub sems dpa' sems dpa' chen po 'dus pa dag kyang de snyed kho na byung bar
141b3 gyur te/ phyir mi ldog pa dag kyang gang gA'i klung gi bye ma snyed byung na/ byang chub sems dpa' sems dpa' chen po theg pa la gsar du zhugs pa dag lta ci smos/ shA ra dwa ti'i bu/ de bzhin gshegs pa dgra bcom pa
141b4 yang dag par rdzogs pa'i sangs rgyas kun du srung ba'i bdag po sprin gyi dbang phyug mar me yongs su mya ngan las 'da' bar mdzad pa na/ 'dzam bu'i gling bye ba phrag brgya thams cad du chos smra ba bye ba phrag brgya byin gyis brlabs so/ /
141b5 shA ra dwa ti'i bu/ de bzhin gshegs pa kun du srung ba'i bdag po sprin gyi dbang phyug mar me de'i/ dam pa'i chos ni lo bye ba/ khrag khrig 'bum phrag brgyad bcur gnas so/ /shA ra dwa ti'i bu/ de'i
141b6 dus na sems can de dag gi tshe'i tshad ni lo bye ba phrag brgyad bcu thub par 'gyur te/ sems can gang yang bar ma dor 'chi ba'i dus mi byed do/ /sems can de dag bya ba thams cad
141b7 la shin du mthar thug pa yin no/ /shA ra dwa ti'i bu/ de'i tshe de'i dus na/ 'dzam bu'i gling der chos smra ba 'od grags pa zhes bya ba zhig byung ngo / /shA ra dwa ti'i bu/
141b8 bcom ldan 'das des byang
142a1 chub sems dpa' chos smra ba 'od grags pa de dam pa'i chos ji srid du gnas pa de srid du byin gyis brlabs so/ /shA ra dwa ti'i bu chos smra ba 'od grags pa de ni phyir mi ldog pa'i bzod pa thob par gyur pa'o/ /shA ra dwa ti'i bu de'i
142a2 dus na phyi ma'i tshe phyi ma'i dus dam pa'i chos nub pa'i dus kyi tshe na chos smra ba 'od grags pa de grong nas grong du/ grong khyer nas grong khyer du/ ljongs nas ljongs su 'khor nas 'khor du de bzhin gshegs pa'i byang chub bskal pa bye ba grangs
142a3 med pas yang dag par bsgrubs pa yang dag par rab tu bstan to/ /shA ra dwa ti'i bu de'i tshe de'i dus na 'dzam bu'i gling der mtha' 'khob kyi grong khyer grong khyer brtan ldan zhes bya ba byung ngo / /grong khyer der yang khyim bdag
142a4 brtan pa'i sde zhes bya ba byung ste/ khyim bdag brtan pa'i sde de ni gzhon nu dar la bab par gyur pa ste/ grong khyer gyi bya ba dag byed do/ /dus gzhan zhig na grong khyer gyi bya ba la mngon par brtson pa de la sems
142a5 skyes pa/ shes pa gang yang dag par bsgrubs nas sems can de dag la dam pa'i chos yang dag par rab tu ston cing / chos de'i don yang dag par rab tu ston la/ de'i don yang dag par rab tu bstan na sems
142a6 can de dag bya ba thams cad la shin du mthar thug par 'gyur ba'i shes pa de ci 'dra zhig gu snyam mo/ /khyim bdag brtan pa'i sde de gcig pu dben par song nas de snyam du sems pa na lha zhig 'ongs nas 'di skad
142a7 ces smras so/ /khyim bdag de bzhin gshegs pa kun du bsrung ba'i bdag po sprin gyi dbang phyug mar me zhes bya ba yod do/ /de nas khyim bdag brtan pa'i sde rangs pa skyes so/ /de nas lha des yang smras pa/ khyim
142a8 bdag de ni yongs su mya ngan las 'das so/ /de nas khyim bdag brtan pa'i sde ngus so/ /de nas lha des khyim bdag brtan pa'i sde de la 'di skad ces smras so/ /khyim bdag khyod ci'i phyir rangs pa skyes nas phyis ngus/
142b1 de skad ces smras pa dang / khyim bdag brtan pa'i sdes lha de la smras pa/ lha khyod kyis de bzhin gshegs pa yod do zhes de skad ces smras pa de la bdag rangs pa skyes so/ /gang de bzhin gshegs pa med do zhes de skad ces smras pa de
142b2 la bdag ngus te/ lha 'di ltar de bzhin gshegs pa bdag gis ma mthong bas bdag 'tsho ba ni don med do/ /de nas lha des khyim bdag brtan pa'i sde la 'di skad ces smras so/ /khyim bdag de bzhin gshegs pa dgra bcom pa
142b3 yang dag par rdzogs pa'i sangs rgyas kun du bsrung ba'i bdag po sprin gyi dbang phyug mar me yongs su mya ngan las 'da' ba na dge slong chos smra ba chos ston pa 'od grags pa zhes bya ba byin gyis brlabs pa yod de/ khyim bdag
142b4 chos smra ba de ni bcom ldan 'das des ji snyed kyi chos bstan pa mdzad pa de thams cad kun 'dzin par byed kyi chud gzon par mi byed do/ /khyim bdag dge slong de ni bcom ldan 'das de'i chos kyi mdzod 'dzin
142b5 pa'o/ /de nas khyim bdag brtan pa'i sdes lha de la 'di skad ces smras so/ /lha chos smra ba de da ltar gang na gnas/ lhas smras pa/ khyim bdag chos smra ba 'od grags pa de ni da ltar ser skya'i grong khyer gyi
142b6 rgyal po'i pho brang na gnas te/ rgyal po'i pho brang de ni 'di nas shar phyogs su dpag tshad drug stong sum brgya 'das pa na yod do/ /de nas khyim bdag brtan pa'i sdes de'i mtshan mo 'das nas/ 'gron bu
142b7 bye ba phrag brgyad bcu thogs shing gser srang bye ba phrag brgyad bcu thogs nas/ g.yog 'khor mang po dang ser skya'i rgyal po'i pho brang ga la ba der song ste phyin nas/ chos smra ba 'od grags pa ga la ba der song
142b8 ste rkang pa la mgo bos phyag 'tshal nas phyogs gcig tu 'dug go/ /khyim bdag brtan pa'i sde phyogs gcig tu 'dug pa la yang chos smra ba 'od grags pas 'di lta ste/ sems can thams cad
143a1 kyi the tshom gcod par byed pa'i chos kyi rnam grangs/ sems can thams cad yang dag par tshim par byed pa'i chos kyi rnam grangs/ byang chub sems dpa'i dge ba'i rtsa ba yang dag par skul ba'i gtam bzang po
143a2 byas so/ /de nas khyim bdag brtan pa'i sde chos smra ba 'od grags pa la sems dad nas legs par gsungs so zhes smras te 'gron bu de dag dang / gser srang de dag phul lo/ /rim gro dang bsnyen bkur bya ba'i phyir bdag nyid
143a3 kyang phul lo/ /shA ra dwa ti'i bu khyim bdag brtan pa'i sde de la chos smra ba 'od grags pa la rim gro dang bsnyen bkur bya bar mngon par brtson zhing / chos yongs su tshol ba la mngon par brtson par gyur te/ 'di lta ste/
143a4 chos kyi rnam grangs de nyid gzung ba dang / yi ger bri ba dang / bklag pa'i phyir lo bye ba phrag drug bcur phyi bzhin du rjes su 'brangs so/ /lo bye ba phrag drug bcu po der yang mnyan pa 'am/ yi ger bri ba 'am/ lung nod
143a5 par chos kyi rnam grangs de ma thob bo/ /de lo bye ba phrag drug bcur chos smra ba 'od grags pa la rim gro byed pa na/ nam du yang rmugs pa dang / gnyid kyis ma non to/ /de lo bye ba phrag drug bcur chos smra ba de la
143a6 rim gro byed pa na nam du yang chos dang ma bral lo/ /de lo bye ba phrag drug bcur chos smra ba de la rim gro byed pa na nam du yang 'dod pa'i rnam par rtog pa la rnam par rtog par ma gyur/ gnod sems kyi rnam par rtog pa
143a7 la ma yin/ rnam par 'tshe ba'i rnam par rtog pa la ma yin no/ /shA ra dwa ti'i bu chos smra ba de gnas gang na gnas pa'i gnas de'i sgor khyim bdag brtan pa'i sde mi nyal bar gyur te/ 'di lta ste/ kun bsrung ba'i
143a8 phyir langs pa nyid kyis 'dug gi nyal bas ni ma yin no/ /shA ra dwa ti'i bu de'i dus na bdud rtag tu glags tshol ba la rjes su lta ba zhes bya ba zhig byung ngo / /de nas bdud rtag tu glags tshol ba la rjes su lta bas khyim bdag
143b1 brtan pa'i sde la glags btsal bar bltas so/ /de nas bdud rtag tu glags tshol ba rjes su lta bas dge slong 'od grags pa ji 'dra ba de 'dra ba kho na'i dge slong bud med dang lhan cig tu phrad par byed pa zhig mngon par sprul to/ /
143b2 de nas bdud rtag tu glags tshol ba la rjes su lta bas sprul pa de lta bu mngon par sprul nas khyim bdag brtan pa'i sde de la 'di skad ces smras so/ /khyim bdag khyed kyi ston pa nang gi mkhas pa grags pa shes rab dang ldan
143b3 pa/ thos pa dang ldan pa/ thos pa rgya mtsho gang yin pa de'i log par rtog pa dang / de'i spyod yul ma yin pa la ltos/ ji ltar na gzhan la yo byad bsnyungs pa'i gtam yang byed la/ bdag nyid kyis
143b4 tshul khrims 'chal pa nyid kyang yongs su 'dzin/ khyim bdag bdag nyid kyis tshangs par spyod pa'o zhes kyang khas 'che la/ mi tshangs par spyod pa yang yang dag par blangs nas gnas pa la ltos/ khyim bdag ji ltar na
143b5 zab mo spyod pa yang yin zhing yo byad bsnyungs pa la rab tu gnas pa yang yin la/ bya ba de lta bu dang / tshul de lta bu byed pa yin te/ de ni gnas med do de ni mi rigs so/ /khyim bdag bsten cing bsnyen bkur byas
143b6 pa des chog gis khyod kyis dge slong de lta bu de thong shig /khyim bdag khyod ni tshul khrims dang ldan pa dang / chog shes pa dang / rab tu dben pa dang / dran pa dang ldan pa dang / shes rab dang ldan pa yin la/
143b7 'di lta bu de ni tshul khrims 'chal pa yin na/ ji ltar na khyod de la bsnyen bkur byed/ de nas khyim bdag brtan pa'i sde 'di snyam du sems te/ ji ltar kun du bsrung ba'i bdag po sprin gyi dbang phyug mar me des chos smra ba chos
143b8 kyi mdzod 'dzin pa 'od grags pa zhes bya ba byin gyis brlabs te/ chos kyi gter yang 'dzin pa'i gtam de lta bu lha des bdag la byas te/ der song la bsnyen bkur byos shig ces de skad ces kyang smras shing /
144a1 bdag gis kyang de la spobs pa thos nas/ chos smra ba 'od grags pa ga la ba der song ste phyin nas/ bdag la chos smra ba 'od grags pas byang chub sems dpa'i sde snod the tshom thams cad gcod par byed pa/
144a2 sems can thams cad yang dag par tshim par byed pa yang dag par rab tu bstan cing bdag gis kyang chos 'dod pas chos kyi phyir dbul ba phul te/ bdag nyid kyang rim gro dang bsnyen bkur bya ba'i phyir phul bas de ni bdag gi legs par byas pa yin na/
144a3 gang mi 'dis chos smra ba 'od grags pa'i spyod yul ma yin pa'i tshig smras pa de ni bdud kyi las yin no/ /de ci'i phyir zhe na/ de ni gnas med skabs med pa'i phyir te/ gang de bzhin gshegs pas byin
144a4 gyis brlabs pa'i sems can rnams kyi spyod yul de dag yin no zhes bya ba de ni gnas med de/ gdon mi za bar 'di ni bdud dam/ bdud kyi ris kyi lha'am/ bdud kyis byin gyis brlabs pa'i mi zhig yin no/ /
144a5 de ci'i phyir zhe na/ ji ltar bdag gis chos smra ba 'od grags pa las chos bstan pa bzung ba'i chos bstan pa de la ni mtshan nyid de dag med pa'i phyir te/ bdag gis ni bud med de la rnam par blta bar bya/ bud med
144a6 kyi chos la rnam par blta bar bya/ skyes pa la yang rnam par blta bar bya/ skyes pa'i chos la yang rnam par blta bar bya ste/ gal te chos smra ba 'od grags pa de de bzhin gshegs pas byin gyis brlabs pa
144a7 yin la/ bdag sprul pa yang dag pa ma yin pa de nyid kyi dbang gis song na ni de bzhin gshegs pa la bdag gis skur pa btab par 'gyur zhing / de bzhin gshegs pa'i chos nyid la yang skur pa
144a8 btab par 'gyur na/ bdag gis ni bsam pa bzang po'i smon lam gyi dbang dang / de bzhin gshegs pa de'i bden pa'i byin gyi rlabs kyis bden pa'i byin gyis brlabs bya'o snyam mo/ /
144b1 de nas khyim bdag brtan pa'i sdes de'i tshe/ bden pa dang bden pa'i tshig gang gis chos smra ba de bcom ldan 'das des chos bstan pa'i phyir byin gyis brlabs pa yin na/ bdag la chos yongs su btsal ba'i phyir
144b2 lhag pa'i bsam pa yod pa'i bden pa dang bden pa'i tshig des bud med de dang skyes pa de mi snang bar gyur cig ces bden pa'i byin gyis brlabs byas te/ shA ra dwa ti'i bu khyim bdag de'i bden pa'i byin gyis brlabs kyis
144b3 bud med de dang skyes pa de yang mi snang bar gyur to/ /bdud kyi ris de dag mi snang bar gyur nas/ de nas khyim bdag brtan pa'i sde bsam pa 'di la zhugs te/ gang chos smra ba 'od grags pas bdag la sems can
144b4 thams cad kyi bsam pa yang dag par tshim par byed pa'i chos kyi rnam grangs nyan du ma ster ba de yang bdag gi bdud kyi las yin/ de ni bdud kyi byin gyis brlabs pa yin te/ 'di ltar bdag chos yongs su tshol ba la
144b5 mngon par brtson zhing rtag par rgyun tu de'i rjes su 'brangs na/ des kyang bdag la byang chub sems dpa'i sde snod kyi chos kyi rnam grangs nyan du ma bcug ste/ kye ma bdag gis 'di ltar bdag la bdud kyi las su mi 'gyur ba
144b6 de ltar bya'o snyam ste/ shA ra dwa ti'i bu khyim bdag brtan pa'i sde chos smra ba 'od grags pa'i rjes su 'brang ba kho nar byed kyi phyir ma log go/ /shA ra dwa ti'i bu khyim bdag brtan pa'i sde'i lhag pa'i bsam pa phun sum tshogs pa
144b7 la ltos/ lo bye ba phrag drug bcur des chos smra ba de'i rjes su 'brang zhing dga' ba dang / dad pas kyang yid yongs su mi skyo bar lo bye ba phrag drug bcur rjes su 'brang du zin kyang chos kyi rnam grangs de lan
144b8 gcig ma gtogs par nam yang ma thos so/ /bdud rtag tu glags tshol ba la rjes su lta bas kun tu rmongs pa'i gnas de lta bu kun tu bstan
145a1 pa na yang de'i sems gzhan du ma gyur te/ chos smra ba de la dad pa 'thob pa nyid du yang gyur to/ /khyim bdag brtan pa'i sde de lo bye ba phrag drug bcu po de 'das nas 'jig rten gyi khams dkon mchog 'byung gnas
145a2 su sangs rgyas kyi zhing stong gi rjes su 'thun par skyes te/ 'jig rten gyi khams der yang de bzhin gshegs pa dpung mgo chen po zhes bya ba byung ngo / /shA ra dwa ti'i bu de bzhin gshegs pa dgra bcom pa yang dag par rdzogs
145a3 pa'i sangs rgyas dpung mgo chen po de'i 'dus pa gcig ste/ dgra bcom pa bye ba phrag drug bcu byung ngo / /de'i dus na byang chub sems dpa' sems dpa' chen po brtan pa'i sde ni rgyal po'i khyim du skyes te/ de skyes
145a4 nas de ma thag tu lhas tshig tu smras pa/ gzhon nu khyod kyi 'bras bu de ni chos yongs su btsal ba'i yin no/ /de nas khye'u des lha de las tshig de thos nas sems 'di lta bu skyes te/ de'i phyir bdag gis ni
145a5 bdag nyid kho nas chos rnams btsal bar bya ba de ltar bya'o snyam nas/ de skyes nas lo bdun lon pa tsam dang / rab tu 'byung ba'i phyir mngon par byung ngo / /bcom ldan 'das des kyang de la chos bstan to/ /de sngon
145a6 gyi smon lam dang / de bzhin gshegs pa'i byin gyi rlabs kyis dran pa yang rnyed do/ /de bzhin gshegs pa dpung mgo chen po des chos kyi rnam grangs ji snyed yang dag par rab tu bstan pa de dag thams cad kyang
145a7 bzung ngo / /des bcom ldan 'das de bzhin gshegs pa dpung mgo chen po de'i bstan pa la yang tshangs par spyod pa spyad do/ /sems can grangs med dpag tu med pa dag kyang bla na med pa yang dag par rdzogs
145a8 pa'i byang chub tu yongs su smin par byas so/ /de nas shi 'phos nas kyang de ma thag tu de bzhin gshegs pa gnyis pa ri rab kyi phung po zhes bya ba mnyes par byas so/ /de de bzhin gshegs pa de'i bstan pa la
145b1 yang skyes nas lo bdun tsam lon pa dang rab tu byung ngo / /de de ltar rab tu byung nas dran pa rnyed pa dang / sngon gyi smon lam dang / de bzhin gshegs pa'i byin gyi rlabs kyis bcom ldan 'das des mdo sde ji
145b2 snyed yang dag par rab tu bstan pa de dag thams cad dran pas kun du bzung ngo / /shA ra dwa ti'i bu rnam grangs des byang chub sems dpa' sems dpa' chen po brtan pa'i sdes sangs rgyas bye ba khrag khrig 'bum phrag
145b3 drug bcu rtsa brgyad mnyes par byas so/ /sangs rgyas bye ba khrag khrig 'bum phrag drug bcu rtsa brgyad po de dag thams cad las kyang chos bstan pa kun bzung ngo / /shA ra dwa ti'i bu de nas byang chub sems dpa'
145b4 sems dpa' chen po brtan pa'i sde ye shes rgya mtsho lta bu dang ldan par gyur to/ /mi g.yos pa nyid kyi phyir ye shes mi 'khrugs pa nam mkha' dang mnyam pa lta bu dang ldan par gyur to/ /gting dpag dka' ba
145b5 nyid kyi phyir ye shes zab pa lta bu dang ldan par gyur to/ /shA ra dwa ti'i bu de'i tshe de'i dus na khyim bdag brtan pa'i sde zhes bya ba byung ba de gzhan zhig yin pa snyam du sems na khyod kyis de ltar blta bar mi bya ste/
145b6 gang gis lo bye ba phrag drug bcur chos smra ba de la rjes su 'brangs kyang / sems gzhan du gyur par ma byas pa'i khyim bdag tshong dpon de ni mar me mdzad yin no/ /shA ra dwa ti'i bu khyod kyis byang chub
145b7 sems dpa' sems dpa' chen po rnams kyi chos yongs su btsal ba lhag pa'i bsam pa ji tsam du don che ba la ltos/ shA ra dwa ti'i bu de lta bas na byang chub sems dpa' sems dpa' chen po lhag pa'i
145b8 bsam pa dang ldan pa ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /shA ra dwa ti'i bu chos smra ba de ni da dung du sangs rgyas bcom ldan 'das rnams kyi dam pa'i chos
146a1 yongs su tshol bar byed do/ /shA ra dwa ti'i bu chos smra ba 'od grags pa de ni 'khor 'di nyid na gnas shing 'dug go/ /byang chub sems dpa'i spyod pa dang / lhag pa'i bsam pa dang /
146a2 dam pa'i chos yongs su tshol ba la mngon par brtson pa'i le'u ste drug pa'o// // de nas bcom ldan 'das kyis yang tshe dang ldan pa shA ra dwa ti'i bu la bka' stsal
146a3 pa/ shA ra dwa ti'i bu byang chub sems dpa' rnams kyis bya ba gsum gyis bya ba dang mi bya ba thams cad yang dag par rjes su mthong ste/ gsum gang zhe na/ shA ra dwa ti'i bu 'di lta ste/ bya ba ma yin pa
146a4 nyid kyi phyir dam pa'i chos yongs su btsal bar bya ba 'di ni bya ba dang po'o/ /shA ra dwa ti'i bu gzhan yang byang chub sems dpa' ni sangs rgyas kyi chos rnams tshad byas pa ma yin par yongs su tshol ba yin te/
146a5 sangs rgyas kyi chos zab mo dag thos na yang mi skrag cing gting dpogs par byed la lhag par mos shing spong bar mi byed de/ shA ra dwa ti'i bu de ji lta ji ltar chos zab mo dag thos pa de lta de ltar rgyas par
146a6 lhag pa'i bsam pa phun sum tshogs pa las mi ldog pa 'di ni bya ba gnyis pa ste/ byang chub sems dpa' rnams kyi lhag pa'i bsam pa phun sum tshogs pa yin par blta bar bya'o/ /shA ra dwa ti'i bu
146a7 gzhan yang gal te byang chub sems dpa' sems dpa' chen po'i thad du mi la la zhig 'ongs nas/ byang chub sems dpa' gang bla na med pa yang dag par rdzogs pa'i byang chub tu sems skyed pa des ni bdog
146a8 pa thams cad yongs su btang bar bya dgos te/ gang byang chub sems dpas mi sbyin par bya ba'i dngos po de ni med pa yin no/ /zhes de skad ces smras la/ gal te byang chub sems dpas de skad ces thos nas zhum par
146b1 mi byed/ sgyid lug par mi byed la mi ldog pa 'di ni bya ba gsum pa ste/ 'di yang byang chub sems dpa'i lhag pa'i bsam pa phun sum tshogs pa yin par blta bar bya'o/ /shA ra dwa ti'i bu gzhan yang byang chub sems dpa'i thad du mi
146b2 la la zhig 'ongs nas/ gang gis bla na med pa yang dag par rdzogs pa'i byang chub tu sems bskyed pa des ni sems can thams cad la bde ba'i yo byad thams cad nye bar bsgrub par bya ste/ de lta bas na bdag ni 'di ltar sdug
146b3 bsngal zhing bdag ni mchog du sdug bsngal ba yin pas bdag kho na la khyod kyis bde ba'i yo byad nye bar bsgrubs shig /phyis ni sems can gzhan dag la bde ba'i yo byad nye bar sgrubs shig ces de skad ces smras la/ gal te
146b4 byang chub sems dpas de skad ces thos nas zhum par mi byed cing bde ba de nye bar sgrub par nus pa yin la/ de yang nye bar mi sgrub par bdag ni sems can 'di la bde ba'i yo byad nye bar sgrub par nus pa yang ma yin na/
146b5 sems can thams cad la lta ci smos shes zhum pa'i sems skyed par byed cing / kun du zhum pa'i sems skyed par byed na/ gal te de lta na kun du zhum par byed pa de ni lhag pa'i bsam pa ma yin par blta bar bya'o/ /
146b6 shA ra dwa ti'i bu gal te sems can de la bde ba'i yo byad nye bar sgrub pa na/ de yang byang chub sems dpa' de la gshe bar byed cing brgyad bkag byed la/ tshig rtsub po tshogs par dbyung bar 'os pa ma yin pa sdig pa can gyis
146b7 kun du sbyong bar byed na/ byang chub sems dpas ni de la khro ba bskyed par mi bya/ gnod sems bskyed par mi bya/ de la byams pa'i sems nyid dang / snying rje nyid bskyed par bya/ de la bde ba nyid nye bar bsgrub par bya zhing sdug
146b8 bsngal ni ma yin te/ shA ra dwa ti'i bu de ltar na byang chub sems dpa'i lhag pa'i bsam pa ni bla na med pa yang dag par rdzogs pa'i byang chub tu rig par bya'o/ /byang chub sems dpa' des ni dul ba dang zhi ba'i sems bskyed pa dang
147a1 bde ba'i yo byad kyi sems bskyed pa de dag gis 'khor ba dpag tu med pa dum bur chad par yang dag par rjes su mthong ngo / /sems can dpag tu med pa la bde ba'i yo byad nye bar bsgrubs par yang yang dag par rjes su
147a2 mthong ngo / /bdag nyid kyi sangs rgyas kyi chos yongs su smin par yang yang dag par rjes su mthong ngo / /sems bskyed pa re re la yang sangs rgyas kyi chos dpag tu med pa sgrub pa nyid du yang dag par rjes su mthong ste/ de ltar na byang
147a3 chub sems dpa' ni lhag pa'i bsam pa dang ldan zhing / thabs la mkhas par rig par bya'o/ /gang sems ma smas shing sems ma nyams pas sems can de la bde ba'i yo byad nye bar bsgrubs la/ sems can de yang gshe
147a4 bar byed cing brgyad bkag byed la tshig tshogs par dbyung bar 'os pa ma yin pa sdig pa can gyis kun du spyod par byed na byang chub sems dpa' ni de la bzod par byed cing / de la yang byang chub sems dpa' sems dpa' chen
147a5 po ni 'di snyam du sems te/ sems can 'di dag la ni bdag la sangs rgyas kyi chos rnams rab tu ston par byed de/ bdag gis de la gnod sems gang ci yang rung ba bskyed par gyur na/ de tsam du bdag byang chub las nyams par
147a6 'gyur ro snyam pa 'di ni byang chub sems dpa'i lhag pa'i bsam pa bla na med pa yang dag par rdzogs pa'i byang chub kyi thabs la mkhas pa yin par blta bar bya'o/ /shA ra dwa ti'i bu gzhan yang byang chub sems dpa'i
147a7 thad tu mi la la zhig 'ongs nas/ bla na med pa yang dag par rdzogs pa'i byang chub ni rnyed par dka' ste/ khyod kyis bla na med pa yang dag par rdzogs pa'i byang chub tu mngon par rdzogs par sangs rgyas par mi nus shing /
147a8 khyod kyis sangs rgyas kyi chos rnams yang dag par sgrub par mi nus so zhes de skad ces smras la/ gal te thos nas yid gtod par byed na lhag pa'i bsam pa ma yin par blta bar bya'o/ /gal te de la sangs
147b1 rgyas kyi chos rnyed par dka' ba nyid la rnyed sla ba nyid skyes na de lta na lhag pa'i bsam pa ma yin par blta bar bya'o/ shA ra dwa ti'i bu gzhan yang gal te byang chub sems dpa'i thad du mi la la zhig 'ongs nas rigs kyi bu
147b2 gang bla na med pa yang dag par rdzogs pa'i byang chub tu sems bskyed pa de ni rang gi lus dang rang gi srog la yang dbang med pa yin na/ longs spyod rnams la dbang yod par 'gyur ba lta ci smos te/ kye ma rigs kyi bu khyod
147b3 lus dang srog la yang dbang med par gyur na mi rung gis sems de thong shig /ces de skad ces smras la/ de la yang gal te byang chub sems dpa' sems dpa' chen po de 'di snyam du sems te/ sems can thams cad
147b4 ni lus dang srog la dbang med de lus dang srog la dbang med par gyur pas kun du srung ba'i phyir mngon par brtson no/ /kun du srung ba'i phyir mngon par brtson pa de dag nyid kyi lus 'jig par 'gyur ba nyid yin zhing lus
147b5 'gag par 'gyur ba nyid yin la/ srog kyang 'gag par 'gyur ba nyid yin na/ bdag gi lta ci smos snyam na/ lhag pa'i bsam pa dang ldan pa ma yin par rig par bya zhing thabs la mkhas pa ma yin par
147b6 rig par bya'o/ /shA ra dwa ti'i bu gal te de 'di snyam du sems te/ sems can thams cad ni lus dang srog la kun du srung ba'i phyir mngon par brtson pa dag ste/ de dag ni lus dang srog la dbang med pa yin no/ /
147b7 dbang med par gyur pa de dag gi lus rab tu 'jig par 'gyur ba nyid yin zhing / lus 'gag par 'gyur ba nyid yin la/ skye ba dang / rga ba dang / na ba dang / 'chi ba la sogs pa'i gnod pa dag gis mngon par gsod pa nyid
147b8 yin te/ de dag ni lus kun du srung ba'i phyir mngon par brtson pa dag yin pas las rnam pa sna tshogs dag mngon par 'du byed de/ de dag gis lus kun du bsrungs pa nyid yin zhing / srog kun du bsrungs pa nyid
148a1 yin yang / lus gzhan nyid du 'gro bar 'gyur zhing / srog gzhan nyid du 'gro bar 'gyur ro snyam nas/ gal te bdag lus dang srog la lta ba dang bcas par gyur cing / kun du srung bar gyur na/ de lta
148a2 na bdag ni lus dang srog la lta ba dang bcas pa yin pas sdig pa can gyi las rnams byas nas 'gro ba lnga dang ldan pa'i 'khor bar sdug bsngal nyams su myong bar 'gyur bas kye ma bdag gis lus dang srog la lta ba med par bya/ mi bsrung bar bya/
148a3 bdag gis ni lus dang srog yang dor ba nyid du bya/ bdag gis ni sangs rgyas kyi ye shes la yang lta ba dang bcas par bya zhing / lus dang srog la ni ma yin par bya/ sems can thams cad kyang thar pa la
148a4 mngon par brtson par lta ba dang bcas par bya/ lus dang srog la yang sred pa dang bral bar bya/ bdag gis ni sangs rgyas bcom ldan 'das thams cad la sred pa dang ldan par bya/ bdag gis ni skye ba med pa la
148a5 mos par bya/ bdag gis ni chos bstan pa'i phyir skyo ba med par bya/ bdag gis ni ma bcings ma grol ba'i chos bstan par bya'o snyam mo/ /de la yang byang chub sems dpa' 'di ltar so sor rtog par byed
148a6 de/ bdag gis sems can de la kye mi gang lus dang srog la dbang med pa nyid 'di ni rtsol ba mchog yin/ 'di ni go cha mchog yin no zhes de skad ces brjod par bya'o/ /de ci'i phyir zhe na/ kye mi chos
148a7 thams cad ni rang bzhin med pa'i phyir te/ kye mi chos thams cad ni rten pa med pa'o zhes gal te de skad ces smras na/ byang chub sems dpa' lhag pa'i bsam pa dang ldan pa yin par rig par bya'o/ /shA ra dwa
148a8 ti'i bu gzhan yang gal te byang chub sems dpa'i thad du mi la la zhig 'ongs nas gang bla na med pa yang dag par rdzogs pa'i byang chub tu sems skyed pa des ni sems can thams cad kyi slob mar gyur par bya dgos
148b1 te/ khyod kyis kyang da phyin chad nga'i slob mar gyur par bya dgos so zhes de skad ces smra na de la byang chub sems dpas kye mi bdag ni khyod gcig pu kho na'i slob mar gyur pa ma yin gyi/ bdag ni sems can thams cad kyi slob
148b2 mar gyur pa'o/ /de ci'i phyir zhe na/ 'di ltar bdag gis sems can gyi khur nye bar blangs pa'i phyir te/ khur de yang nad med pa'i khur dang / mi ngal ba'i khur dang / bde ba'i khur dang / gtso bo 'byung bar 'gyur ba'i khur dang /
148b3 de bzhin gshegs pa'i bstan pa'i khur dang / dam pa'i chos nyan pa'i khur dang / chos thos pa sgrub pa'i khur dang / thar bar 'gyur ba'i khur dang / kye mi khur de ni de lta bu yin pas/ kye mi khur de ni lus dub par
148b4 byed pa ma yin zhing / sems dub par byed pa ma yin la/ bdag la ma 'ongs pa/ gzhan las ma 'ongs pa/ bdag sdug bsngal bar mi byed pa/ gzhan sdug bsngal bar mi byed pa yin na/ kye mi khyod kyis khyod nga 'ba'
148b5 zhig gi slob mar gyur par byos shig de skad ces smras na/ kye mi khyod la ci dgos shes de skad ces brjod par bya'o/ /gal te lus dang srog dgos so zhes de skad ces smras na/ des de la kye mi bdag gis lus
148b6 yongs su gtong zhing / srog yongs su gtang gi bdag gis khyod yongs su gtang ba ma yin gyis/ kye mi khyod bdag po med cing dbang phyug med pa'i chos rnams la dbang phyug du 'du shes ma skyed cig /dbang
148b7 phyug gi 'du shes bskyed de/ sdig pa can gyi las rnams byas na khyod ni sdig pa can gyi las dag gis sdig pa can gyi 'gro bar 'gyur te/ kye mi khyod la sdig pa can gyi 'gro bar 'gyur bas khyod sdig pa can gyi las dag la sbyor bar me
148b8 spro'o/ /ji ste de ltar mi sems na ni ci 'dod pa bzhin du byos shig ces de skad ces brjod par bya'o/ /shA ra dwa ti'i bu gal te byang chub sems dpa' lus dang srog la de ltar mi lta bar gnas na/ shA ra dwa ti'i bu lhag pa'i bsam pa de
149a1 yang bla na med pa yang dag par rdzogs pa'i byang chub tu blta bar bya ste/ bla na med pa yang dag par rdzogs pa'i byang chub dang nye bar gyur pa yin/ de'i bla na med pa yang dag par rdzogs pa'i byang chub rnam par ma nyams
149a2 pa nyid yin/ 'khor ba yang thag ring por byed pa yin/ thams cad mkhyen pa'i ye shes dang nye bar gyur pa yin/ de sems can yongs su smin par byed pa yang yin/ sangs rgyas kyi zhing yang yongs su sbyong ba yin/ bdag nyid
149a3 kyi dge ba'i rtsa ba yang yongs su byang ba yin no/ /shA ra dwa ti'i bu 'di lta ste/ dper na nor bu mkhan des/ ji lta ji ltar nor bu rin po che rin thang med pa shin du sbyangs pa yongs su byang bar byed pa de lta de ltar nor bu rin po che de ches
149a4 'od gsal ba yin zhing / ches yongs su dag pa yin la/ de lta de ltar bdag la rgyal pos mngon par gtod pa byin par 'gyur ro snyam nas/ nor bu mkhan des bdag nyid kyi longs spyod phun sum tshogs pa mthong ste/
149a5 des rgyal po 'am/ de las gzhan pa mkhas pa dag las sti stang du bya ba dag 'thob cing / nor bu rin po che de'i yon tan de dag kun du ston par byed la/ nor bu rin po che de la yang rgyal po dang / gzhon nu dang /
149a6 blon po chen po dang / mkhas pa de dag nor bu rin po che'i yon tan dag la dga' ba skyed par byed cing / nor bu rin po che de mthong na yang dga' ba skyed par byed pa de bzhin du/ shA ra dwa ti'i bu byang chub sems
149a7 dpa' sems dpa' chen po gang gi tshe de ltar mnyam pa nyid kyi so sor rtog pas lan mang du gnas par byed pa de lta de ltar rang gi dge ba'i rtsa ba sangs rgyas kyi ye shes yongs su byang bar byed pa yin/ mngon par
149a8 gtong bar yang nus pa yin/ sangs rgyas bcom ldan 'das rnams dang yang phrad par 'gyur ba yin/ de la sangs rgyas bcom ldan 'das rnams kyang ston par mdzad pa yin/ sems can thams cad kyis
149b1 kyang bgrod par bya ba yin no/ /shA ra dwa ti'i bu 'di lta ste/ dper na mi zhig gis sman gyi shing ljon pa bskyed la/ mi de ji lta ji ltar dus dus su 'obs kyang rko bar byed cing chu yang ldugs par byed la/ ri dgas dang bya dang rlung
149b2 gi skyon bsal ba'i phyir yang kun du srung bar byed pa de lta de ltar sman gyi shing ljon pa de rnam par 'phel bar 'gyur la/ rnam par 'phel nas kyang sems can grangs med dpag tu med pa'i nad sel bar byed cing / nad kun du gcod
149b3 par byed la/ sems can nad med pa rnams kyis bgrod par bya ba yang yin pa de bzhin du/ shA ra dwa ti'i bu byang chub sems dpa' ji lta ji ltar bla na med pa yang dag par rdzogs pa'i byang chub tu sems skyed par byed pa
149b4 dang / dge ba'i rtsa ba yang skyed par byed pa dang / chos shes pa de yang yongs su tshol bar byed pa dang / chos yongs su tshol ba la mngon par brtson pa yin pa dang / de bzhin du bdud kyi las dang / nyon mongs pa yongs su
149b5 skyob par byed pa de lta de ltar byang chub sems dpa' ni sangs rgyas kyi chos rnam par 'phel bar byed pa yin te/ de rnam par 'phel bar byas nas kyang sems can grangs med dpag tu med pa'i nad nges par 'joms
149b6 par byed pa yin/ ye shes kyi sman sbyor bar byed pa yin/ de bla na med pa yang dag par rdzogs pa'i byang chub mngon par rdzogs par sangs rgyas nas kyang lha dang / mi dang / lha ma yin gyi 'jig rten du bcas pa'i
149b7 sems can nyon mongs pa dang bcas pa dang / nyon mongs pa med pa rnams kyis bgrod par bya ba yang yin no/ /shA ra dwa ti'i bu gzhan yang byang chub sems dpa' sems dpa' chen po'i thad du mi la la zhig 'ongs
149b8 nas gang bla na med pa yang dag par rdzogs pa'i byang chub tu sems bskyed pa de ni sems can dmyal ba chen por skye bar 'gyur te/ de ci'i phyir zhe na/ rigs kyi bu byang chub sems dpa' ni ji tsam du sems can dag thar
150a1 bar byed pa de tsam kho nar grangs med par sems can dmyal ba rnams su skye bar 'gyur te/ sems can de dag thams cad kyi sdug bsngal gang yin pa de gcig pus nyams su myang bar bya dgos shing / de bzhin du
150a2 bdag gi sdug bsngal yang gcig pu 'ba' shig gis nyams su myang bar bya dgos la/ thams cad mkhyen pa'i ye shes la sems bskyed pa byas pa'i sdug bsngal de yang khyod gcig pu 'ba' shig gis nyams su myang bar bya
150a3 dgos te/ sems can thams cad ni thar bar gyur na/ khyod ni sdug bsngal nyams su myong bar 'gyur ro/ /gal te khyod kyis de ltar btang na/ de lta na khyod kyis bla na med pa yang dag par rdzogs pa'i byang chub mngon par
150a4 rdzogs par sangs rgyas par nus so zhes de skad ces smras na/ gal te byang chub sems dpas de ltar mos pa bzlog pa nye bar bsgrubs pa'i tshig thos nas dang du len par byed de/ skrag cing dngangs la/ de mi nus so snyam du
150a5 mngon par bsams nas zhum par byed na/ lhag pa'i bsam pa ma yin par blta bar bya'o/ /gal te byang chub sems dpa' la sems 'di lta bu skye ste/ gal te bdag sems can dmyal bar skyes nas sems
150a6 can de dag yongs su smin par gyur cing / rnam pa des bla na med pa yang dag par rdzogs pa'i byang chub tu nges par gyur la/ sems can dmyal ba chen po'i 'jigs pa dag las thar bar gyur na/ sems
150a7 can re re'i don gyi phyir yang bdag bskal pa grangs med dpag tu med par sems can dmyal ba chen por skye ba yongs su 'dzin par spro'o/ /de ci'i phyir zhe na/ sangs rgyas kyi ye shes de lta bu de dang / sangs rgyas kyi
150a8 stobs de lta bu de dang / sangs rgyas kyi mi 'jigs pa de lta bu de dang / ji ltar de bzhin gshegs pa bla na med pa yang dag par rdzogs pa'i byang chub tu mngon par rdzogs par sangs rgyas nas sems can chags pa rnams kyi 'dod
150b1 chags rnam par gzhig pa'i phyir gtam mdzad pa dang / de bzhin du zhe sdang dang / gti mug rnam par gzhig pa'i phyir gtam mdzad pa dang / gang gtam de mdzad pa dang / ji ltar sdug bsngal gyi phung po grangs med pa rgyun chad pa yin
150b2 pa dang / thog ma med pa'i sems can de snyed rgyun chad par byas pa yin pa dang / bskal pa tshad med par yongs su bskyab par byas pa yin pa dang / sems can rnams kyis 'dod chags dang bral ba'i bde ba nyid de lta bu rjes su thob pa yin
150b3 pa'i phyir te/ rnam grangs des na bdag bskal pa grangs med dpag tu med par sems can dmyal ba chen por gnas par spro'o snyam nas/ de la yang byang chub sems dpa' kun du mi zhum pa yin/ de la yang byang chub sems dpa' mi
150b4 nur ba yin/ de la yang byang chub sems dpa' ngan pa'i 'du shes skyed na/ shA ra dwa ti'i bu byang chub sems dpa' de ni le lo med cing lhag pa'i bsam pa dang ldan pa yin par shes par bya'o/ /shA ra dwa ti'i bu khyod byang chub sems
150b5 dpa'i lhag pa'i bsam pa rgyas par nyan par 'dod dam/ gsol pa/ bcom ldan 'das 'tshal lags so/ /bcom ldan 'das de'i dus lags so/ /bde bar gshegs pa de ni dus la bab pa lags te/ bcom ldan
150b6 'das byang chub sems dpa' lhag pa'i bsam pa gang dang ldan na bla na med pa yang dag par rdzogs pa'i byang chub mngon par rdzogs par 'tshang rgya ba'i byang chub sems dpa' rnams kyi lhag pa'i bsam pa rnam par dbye
150b7 bar gsol/ de nas bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu sngon byung ba 'das pa'i dus na bskal pa grangs med pa'i yang ches grangs med pa yangs pa tshad med pa
150b8 bsam gyis mi khyab pa de'i pha rol gyi yang ches pha rol tu gyur pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/
151a1 skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das yon tan rgyal po'i 'od ces bya ba 'jig rten du byung ngo / /bcom ldan 'das de'i nyan thos
151a2 chen po 'dus pa ni nyan thos brgyad khri bzhi stong byung ngo / /byang chub sems dpa' 'dus pa yang byang chub sems dpa' brgyad khri bzhi stong byung ngo / /nyan thos 'dus pa re re la yang dgra bcom pa bye ba phrag brgyad cu rtsa bzhi byung ngo / /
151a3 byang chub sems dpa' 'dus pa re re la yang byang chub sems dpa' bye ba stong phrag brgyad cu rtsa bzhi byung ngo / /bcom ldan 'das de'i slob pa dag ni nyan thos dgra bcom pa de dag ji snyed byung ba de'i nyis 'gyur du byung ngo / /
151a4 shA ra dwa ti'i bu de'i tshe de'i dus na rgyal po'i gzhon nu dran pa rnyed ces bya ba byung ngo / /de nas rgyal po'i gzhon nu dran pa rnyed dus gzhan zhig na/ bcom ldan 'das de bzhin gshegs pa yon tan rgyal po'i 'od de ga la ba der
151a5 song ste phyin nas bcom ldan 'das de'i zhabs la phyag 'tshal te/ phyogs gcig tu 'dug go/ /rgyal po'i gzhon nu dran pa rnyed phyogs gcig tu 'dug pa de la yang sems kyi yongs su rtog pa 'di lta bu skyes te ji
151a6 tsam du de bzhin gshegs pa dgra bcom pa yang dag par rdzogs pa'i sangs rgyas yon tan rgyal po'i 'od rgya chen po'i chos dang ldan pa ni ngo mtshar te/ gang de bzhin gshegs pa yon tan rgyal po'i 'od de'i ye
151a7 shes ji 'dra ba de lta bu yang dag par bsgrub par bya ba'i rnam grangs de ni ji 'dra ba yin/ bdag gis ni de bzhin gshegs pa yon tan rgyal po'i 'od la tshigs su bcad pa'i dbyangs kyi zhu ba zhu'o snyam nas de de'i
151a8 tshe de bzhin gshegs pa yon tan rgyal po'i 'od la sems dad pa yang dag par ldan pa'i tshigs su bcad pa dag gis zhu ba zhus pa/ rkang gnyis dam pa sangs rgyas mthong nas su/ /bdag la 'dun skyes byang chub
151b1 'tshal bar gyur/ /gang las bgyis pa 'di 'dra mtha' yas gzigs/ /gang gis theg mchog bdud rtsi reg par 'gyur/ /rgyal ba dam pa skar ma'i tshogs nang zla 'dra gzugs kyi mchog /rgyal ba dam pa rtag tu chos
151b2 ston de 'dra rdzu 'phrul mchog /de 'dra rtag tu lha gnas dbang po 'dra ba shes rab mchog /kun mkhyen yon tan rgyal po khyu mchog gtso bo khyod la zhu/ /ye shes thogs med dri bral rnam par sbyangs/ /dus gsum dag la
151b3 thogs pa med par 'jug /sems can mchog gtso mchog rab drang srong che/ /chos rnams kun la khyod kyi dbang phyug lags/ /khyod kyis sngon tshe sangs rgyas gzigs nas su/ /khyod kyis byang chub mchog gtso
151b4 zhus pa dang / /de tshe byang chub slad du ye shes mchog /de la khyod zhus chos rgyal bshad du gsol/ /gang gis byang chub dam pa mchog reg cing / /sems can kun gyi skyabs su 'gyur ba dang / /'chi 'pho skye ba kun las
151b5 grol 'gyur ba/ /chags med gzigs pa bdag kyang zhu lags so/ /shA ra dwa ti'i bu de nas de bzhin gshegs pa dgra bcom pa yang dag par rdzogs pa'i sangs rgyas yon tan rgyal po'i 'od kyis rgyal po'i gzhon nu dran
151b6 pa rnyed la tshigs su bcad pa dag gis bka' stsal pa/ gzhon nu ji ltar de skad tshig smras pa/ /sems kyis las kun yang dag bsgrubs nas su/ /ji ltar gang gA'i klung gi bye snyed kyi/ /sangs rgyas mang po
151b7 sngon chad mthong ba yin/ /gzhon nu de yi skabs su sangs rgyas mthong / /de dag ming brjod ngas ni nus ma yin/ /ji ltar gang gA'i bye snyed bskal bzhugs pa/ /de dag ngas ni mthong zhing zhu ba byas/ /rkang gnyis dam pa sangs
151b8 rgyas gyur cig ces/ /byang chub rgyu yi sems ni khyod la skyes/ /ngas bshad chos ni khyod kyis mnyan par gyis/ /chos de thos nas bsgrub la gnas par byos/ /rtag tu sbyin pas ngoms mi shes par gyis/ /rtag tu
152a1 tshul khrims ngoms mi shes par gyis/ /rtag tu bsam gtan ngoms mi shes par gyis/ /gzhon nu shes rab rtag tu bsten par gyis/ /mdor bsdus tshigs bcad kyis ni gtams nas su/ /de las
152a2 gzhan pa'i sems can smin bya'i phyir/ /rjes su bstan par bya phyir gzhon nu gtams/ /mgu zhing gus dang bcas par shes nas 'dug /sbyin pas chog par ma byed cig /tshul khrims kyis kyang chog ma byed/ /
152a3 dri bas chog par ma byed cig /de las ye shes 'byung bar 'gyur/ /ye shes de ni yul mi gnas/ /phyogs na gnas pa'ang yod ma yin/ /rdzogs sangs rgyas la yongs zhus pas/ /ye shes thob par 'gyur ba yin/ /
152a4 ye shes mig la rten ma yin/ /mig kyang ngo bo nyid kyis stong / /de phyir mig yod ma yin pas/ /sangs rgyas chos rnams bstan par byas/ /rna dang sna yang de bzhin zhing / /lce dang lus yid de bzhin te/ /de dag thams
152a5 cad rtag tu stong / /de yang snying po yod ma yin/ /'byung ba chen po bzhi 'di dag /ma byung sems kyi gnas yin no/ /lus ni kun du brtags las byung / /kun du rtog pa'ang yod ma yin/ /lus la gnas pa
152a6 med gyur cing / /srog la'ang gnas pa med par gyur/ /longs spyod gnas pa med gyur nas/ /byang chub de ni rtogs par nus/ /rtag tu nges 'byung brtsam par bya/ /rtag tu brtson 'grus brten par bya/ /rtag tu
152a7 'dod rnams spang bar bya/ /khyod ni ngan 'gror ma 'gro shig /sems can kun gyi ched kyi phyir/ /sbyin pa de ni sbyin byed kyang / /des ni sems can rlom ma sems/ /sbyin pa la yang ma gnas shig /shA ra
152a8 dwa ti'i bu de nas de bzhin gshegs pa dgra bcom pa yang dag par rdzogs pa'i sangs rgyas yon tan rgyal po'i 'od la rgyal po'i/ gzhon nu dran pa rnyed kyis tshigs su bcad pa dag gis slar gsol pa/ 'khor ba'i
152b1 lam las khyod ni shin du bzhengs/ /som nyi bcad cing the tshom bsal du gsol/ /rgyal bas bdag la chos de 'dir bstan nas/ /bdag la chos mang 'du bar bgyis pa lags/ /ji ltar 'jig rten mgon pos 'dir
152b2 chos bstan/ /de tshe bdud kyi bcing ba kun bcad nas/ /bdag gis byang chub mchog ni thob snyam bgyid/ /byang chub snying por bdag ni mchis snyam bgyid/ /'jig rten mgon pos chos de 'di bstan pas/ /bdag
152b3 gis cho 'phrul bstan par bgyi snyam bgyid/ /sa 'di dag kyang g.yo bar bgyi snyam bgyid/ /dge 'dun rgya chen dgang bar bgyi snyam bgyid/ /bdag gis de ring tshe ni btang snyam bgyid/ /bdag deng yongs su mya ngan 'das
152b4 snyam bgyid/ /'di ltar chos rnams thams cad stong pa ste/ /'di la de ring zhi bar bdag mi sems/ /chos de thams cad zad par 'tshal lags te/ /gang du'ang chos rnams zad par dmigs ma lags/ /thams cad
152b5 zad dang stong pa'i chos nyid gsungs/ /chos nyid thams cad zad pa'i chos nyid 'tshal/ /pha ma dag gi thad du mchis nas su/ /gzod pa gsol nas slar yang mchi bar bgyi/ /rtag tu sangs rgyas chos de tshol
152b6 bgyid cing / /bdag ni bstan la rab tu 'byung bar bgyi/ /de bzhin gshegs pa'i zhabs la phyag 'tshal te/ /rgyal la lan gsum bskor ba byas nas su/ /pha ma'i thad du de ni song bar gyur/ /blo gros ngan bdud
152b7 lam gyi 'gram du 'dug /gzhon nu de ni 'di la byang chub zhugs/ /rgyal ba'i thad du rab tu 'byung bar 'dod/ /'di ltar de ring nges par glags btsal zhing / /de ring kun rmongs sems ni bskyed bya snyam/ /lam
152b8 du 'dug nas gzhon la smra byed pa/ /gzhon nu khyod ni gang nas 'ong shes dris/ /ci phyir khyod ni myur ba myur bar 'gro/ /yud tsam sdod par byos shig dri bar bya/ /mi de la ni gzhon nu smra byed pa/ /sangs rgyas
153a1 bsnyen bkur byas nas 'ongs pa yin/ /des ni bdag la chos kyi mchog bstan te/ /sangs rgyas chos de bdag gis bsgom par bya/ /'di la sangs rgyas chos rnams btsal ched du/ /gzhon nu brtson 'grus
153a2 brtsams pa phul du byung / /ci nas khyod ni rab tu 'byung 'dod na/ /'dod rnams 'dir spyod phyi nas rab tu byung / /khyod kyis longs spyod rgya chen rgyal srid rnyed/ /'dod bzangs ci yang bdag gis ma bsten ces/ /rab tu
153a3 byung nas 'gyod gyur mi rung gis/ /'dod rnams bsten te 'di la rab tu byung / /khyod kyi longs spyod che dang rgyal srid mchog /dal ba phun sum tshogs de rnyed par dka'/ /gal te 'dod pa bsten par rab byung na/ /gzhon
153a4 nu khyod ni phyi nas 'gyod par 'gyur/ /de tshe rgyal po'i gzhon nus bdud la smras/ /'dod bsten bdag la bde legs 'gyur ma yin/ /'dod pa gsog gi bsngags pa brjod pas na/ /'du shes phyin ci log la khyod gnas so/ /
153a5 gang tshe mi khom nyid la rnyed par dka'/ /da ltar de ring de ni nyams lon dka'/ /dal ba rnyed nas bdag gis chos spyad cing / /bdag myur song la der ni rab tu byung / /bdag gis 'dod pa'i khams 'dir skyon mthong ste/ /de
153a6 bzhin gzugs khams skyon dang bcas par mthong / /gzugs med khams kyang skyon dang bcas par mthong / /bdag gis mya ngan 'das zhi skyon med mthong / /'dus ma byas chos yongs su btsal nas su/ /mi rnams
153a7 kyi ni rgya chen don bya zhing / /rga nad gzir ba'i sems can thar bar bya/ /'gro bar rgyug pa dag ni bzlog par bya/ / bam po bcu gnyis pa/ shA ra dwa ti'i bu de nas bdud brjed
153a8 ngas kyis rgyal po'i gzhon nu dran pa rnyed la smras pa/ gzhon nu khyod kyis sangs rgyas kyi chos rnams yongs su btsal bar bya'o zhes de skad ces smras na/ gzhon nu kho bo ni khyod la don 'dod pa/ phan pa 'dod pa/ grub pa dang / bde ba
153b1 'dod pa yin pas gzhon nu kho bos khyod la rjes su bstan par bya ste/ gal te khyod kho bo'i rjes su 'jug na de khyod kyi don du 'gyur ro/ /shA ra dwa ti'i bu de nas rgyal po'i gzhon nu dran pa rnyed kyis bdud brjed ngas la smras pa/ kye mi bdag la
153b2 rjes su ston cig dang thos nas rig par bya'o/ /de nas bdud brjed ngas kyis rgyal po'i gzhon nu dran pa rnyed la 'di skad ces smras so/ /rigs kyi bu gal te khyod rang gi dam bcas pa la gnas par byos shig dang de lta na kho bos khyod la phyis rjes su
153b3 bstan par bya'o/ /rgyal po'i gzhon nus smras pa/ kye mi bdag la rjes su ston cig dang thos nas rig par bya'o zhes kho bos khyod la ma smras sam/ de skad ces smras pa dang / bdud brjed ngas kyis rgyal po'i gzhon nu dran pa rnyed la smras
153b4 pa gzhon nu khyod kyis thos nas rig par bya'o zhes de skad ces brjod par mi bya ste/ gzhon nu khyod kyis ni mi bdag la rjes su ston cig dang bdag gis khyod kyi tshig bzhin du bya'o zhes de skad ces brjod par bya'o/ /rgyal po'i gzhon nus
153b5 smras pa/ kye mi khyod kyis nga'i tshig bzhin du mgo gcig tu rjes su zhugs shig ces de skad brjod par mi bya'o/ /de ci'i phyir zhe na/ kye mi gal te khyod chos kyi 'du shes kyis chos ma yin pa ston tam/ chos ma yin pa'i 'du shes kyis chos
153b6 ston na bdag gis yongs su dpyad de dor bar bya zhing ji ste yang dag par ston na de gzung bar bya ba'i phyir ro/ /kye mi de lta bas na gang 'di thos nas rig par bya'o zhes bya ba de dag ni mkhas pa'i mtshan nyid yin/ de dag ni 'dzangs pa'i las
153b7 yin/ de dag ni shin du legs par brtags pa'i las yin no/ /kye mi khyod kyis nga'i tshig bzhin du mgo gcig tu rjes su zhugs shig ces de skad smras na de dag ni 'dzangs pa'i chos nyid ma yin zhing / mkhas pas bstod pa ma yin la/ de ni
153b8 bdud kyi las yin zhing / de dag ni sangs rgyas kyi phrin las ma yin no/ /kye mi de lta bas na sngar dam bcas pa la da rjes su mi 'jug par smras so zhes bdag la chos ma yin pa'i gdams ngag byin na mi rung bas kho bo ni mgo gcig tu tshig
154a1 mi smra ste/ de lta bas na kho bos skyon de dag mthong nas rjes su 'jug go zhe 'am/ rjes su mi 'jug go zhes mgo gcig tu tshig ma smras so/ /de nas bdud brjed ngas 'di snyam du sems te/ rgyal po'i gzhon nu 'di ni 'di ltar rjes su 'jug
154a2 par bya'o zhe 'am/ rjes su 'jug par mi bya'o zhes mgo gcig tu mi smra bas dpyod pa thob pa'o snyam mo/ /de nas bdud brjed ngas kyis mig gis mi rtsol bar bya ba'i phyir rgyal po'i gzhon nu dran pa rnyed la legs so zhes bya ba byin te/ gzhon nu de
154a3 dag ni mkhas pa'i las yin te/ gzhon nu khyod rjes su 'jug par bya'o zhes mgo gcig tu tshig mi smra ba ni legs so legs so/ /gzhon nu gzhan yang kho bos khyed la rjes su bstan par byas de yang khyod kyis rnam par rtogs shig /gzhon nu
154a4 khyod gang la skyon ches mang du mthong ba de la sten par ma byed cig /gzhon nus smras pa/ kye mi de la de skad ces brjod par mi bya'o/ /de ci'i phyir zhe na/ gang la skyon ches mang ba de ni bsten par bya ba ma yin zhing gang la skyon ches nyung ba de yang bsten par
154a5 bya ba ma yin pa'i phyir te/ de ci'i phyir zhe na/ kye mi dug mang po yang gsod par byed la/ nyung ngu yang gsod par byed cing / gang yang 'khor los sgyur ba'i zas dug dang 'dres pa de yang gsod par byed la/ gang yang mi phal pa'i zas dug dang 'dres
154a6 pa de yang gsod par byed pa'i phyir de dag ni bzar mi rung zhing bsten par bya ba ma yin no/ /kye mi de bzhin du gang la skyon mang ba de la sten par ma byed cig /gang la ches nyung ba de la sten cig ces de skad smras na/ kye mi de dag gnyis ka yang
154a7 bsten par bya ba ma yin no/ /kye mi mkhas pas bsten par bya ba yang gang yin zhe na/ kye mi mkhas pas ni gang skyon med pa dang / ci yang med pa dang / snyigs ma med pa dang / rims nad med pa dang / nad med pa dang / mi g.yo ba dang / bsil bar
154a8 gyur pa dang / bde ba de bsten par bya'o/ /de nas bdud brjed ngas 'di snyam du sems te/ bdag gis gzhon nu dran pa rnyed rjes su bstan pa gang kho na la bzhag pa de dang de ni des skyon dang bcas par mthong zhing phyis kyang lan 'debs par byed do snyam ste/
154b1 de ltar rjes su bsams nas yang smras pa/ gzhon nu 'di ltar gang rims nad med pa dang / skyon med pa dang / zhi ba de la mkhas pa rnams dga' ba skyed par byed do zhes zer ba ni khyod kyis legs par smras na/ gzhon nu byang chub sems dpa'i
154b2 spyod pa de ni skyon mang ba'o/ /skyon de dag kyang gang zhe na/ 'di lta ste/ skye ba'i skyon dang / 'gro ba'i skyon dang / 'khor ba'i skyon dang / rjes su chags pa dang / khong khro ba'i skyon dang / dus ma yin par slong bar byed pa'i skyon dang / yid du 'ong ba'i dngos po
154b3 yongs su gtong ba'i skyon 'di lta ste/ mig dang rna ba dang / sna dang lce dang lus yongs su gtong ba'i skyon te/ de ltar byang chub sems dpa'i spyod pa la skyon ches mang ba yin no/ /gal te byang chub tu sems skyed par mi byed na ni nyung ste/ khyod
154b4 mang po dag kyang bsten par bya ba ma yin zhing / nyung ngu dag kyang bsten par bya ba ma yin par sems pa de ni legs so/ /gzhon nu khyod ci de ltar mkhas shing 'dzangs pa yin par kho bos ma shes so/ /kho bos khyod kyis lhag pa'i bsam pa
154b5 shin du bzang por mthong na kho bos kyang brjed nas smras so/ /de de bzhin te/ log par ltung ba'i mtshan nyid yin pa'i phyir mang po dag kyang bsten par bya ba ma yin zhing / nyung ngu dag kyang bsten par bya ba ma yin no/ /gzhon nu yang
154b6 'di la snying po ni 'di nyid yin te 'di lta ste/ phung po thams cad spangs pa mya ngan las 'das pa'o/ /gzhon nu gang la yang dang yang du 'chi ba yod pa'i 'khor ba'i 'gro ba skyon dang bcas pa yang du yang nyams su myong bas ci zhig bya ste/
154b7 khyod kyis ni mya ngan las 'das pa la 'dun par bya'o/ /gzhon nu srog chags rnams mngal na gnas pa ni sdug bsngal ba'o/ /sdug pa dang bral ba dang / mi sdug pa dang phrad pa ni sdug bsngal ba'o/ /gzhon nu lus snying po med
154b8 pa mi rtag pa yongs su 'dren pa ni sdug bsngal ba'o/ /srog mi rtag pa nyid ni sdug bsngal ba'o/ /longs spyod mi rtag pa nyid dang longs spyod snying po med pa nyid ni sdug bsngal ba'o/ /gzhon nu yang dang yang du 'chi ba nyid ni sdug bsngal ba'o/ /
155a1 gzhon nu de lta bas na kho bo ni khyod la 'di skad du de bzhin gshegs pa 'byung ba dang / mi nyid rnyed pa dang / dal ba phun sum tshogs pa dang / de bzhin gshegs pa'i bstan pa la dad pa bla na med pa ni rnyed par dka'o zhes smra ste/ gzhon nu de
155a2 lta bas na gnas de dag thob nas ma spong shig /gzhon nu kho bo ni gnas de dag nyid ston par 'dod pa nye bar rjod par 'dod pa yin na khyod ni lan 'debs par 'dod pas nyan no/ /gal te kho bos rjes su bstan pa la gnas na de ni khyod kyi rjes su bstan pa
155a3 yin gyis nyon la rig par byos shig /de nas rgyal po'i gzhon nu dran pa rnyed kyis bdud brjed ngas la 'di skad ces smras so/ /kye mi khyod la rjes su yi rang ngo / /gang khyod 'di skad du skye ba dang / rga ba dang / na ba dang / 'chi ba ni sdug bsngal ba'o/ /yang dang
155a4 yang du 'khor ba'i bar du'ang de bzhin no zhes zer ba ni mngon par rjes su yi rang ngo / /kye mi yang khyod kyis myur du yongs su mya ngan las 'da' bar gyis shig ces brjod de/ kye mi khyod kyi tshig de thos nas kho bo ni sems can rnams la snying rje shas
155a5 cher skyes te/ sems can 'di dag ni yang dang yang skye ba dang / rga ba dang / na ba dang / 'chi bas gzir ba yin te/ bdag gis bla na med pa yang dag par rdzogs pa'i byang chub mngon par rdzogs par sangs rgyas nas sems can de dag yang dang yang
155a6 du skye ba dang / rga ba dang / na ba dang / 'chi ba'i dbang du gyur par mi 'gyur bar skye ba dang / rga ba dang / na ba dang / 'chi ba'i 'jigs pa las yongs su thar bar bya'o snyam mo/ /kye mi khyod kho bo la 'di skad du mya ngan las 'das pa thob nas 'khor ba'i
155a7 sdug bsngal dag rab tu ston pa ni ngo mtshar te/ kho bos de dag thos nas sems can rnams la snying rje chen po shas cher skyes so/ /gal te kho bo yongs su mya ngan las 'das na sems can de dag gi skyob par 'gyur ba dang / thar bar byed par 'gyur
155a8 ba su yin/ de nas bdud brjed ngas kyis rgyal po'i gzhon nu dran pa rnyed la 'di skad ces smras so/ /gzhon nu khyod kyis 'di skad du gang la skyon ches nyung ba de yang bsten par bya ba ma yin no zhes ma smras sam/ smras pa/ kye mi de de bzhin te/ gang la
155b1 skyon ches nyung ba de yang bsten par bya ba ma yin no/ /kye mi bla na med pa yang dag par rdzogs pa'i byang chub ni skyon med pa ste/ de lta bas na de ni bstan par bya ba yin no/ /de nas bdud rjed ngas kyis rgyal po'i gzhon nu dran pa rnyed la 'di skad ces smras so/ /
155b2 gzhon nu bla na med pa yang dag par rdzogs pa'i byang chub ni skyon med pa yin mod kyi gzhon nu 'on kyang kho bos kyang ma thob na khyod kyis lta ga la thob/ gzhon nu kho bo yang sngon 'di snyam du sems te/ bla na med pa yang dag par rdzogs pa'i byang chub
155b3 mngon par rdzogs par 'tshang rgya bar bya'o snyam mo/ /log pa'i sems de lta bu bskyed pa dang de ma thag tu slongs mo pa 'di lta ste/ mgo slong ba dang / lag pa dang / rkang pa dang / mig dang rna ba dang / bu dang chung ma dang / longs spyod dang / bzhon pa dang khyim
155b4 dang slas dang / bskyed mos tshal dang / nor bu dang / mu tig dang / bai dUr+ya dang / dung dang / man shel dang / byi ru dang / nor dang / 'bru dang / rgyal srid la sogs pa slong ba dag gis kun du gdungs shing / rab tu gdungs te/ tshegs phyung nas kho bos
155b5 bdog pa rnam par gtong ba byas pa na yang lus zhig pa las khrag gi chu klung byung ba dag gis kho bo'i sems gzir te/ des na kho bo'i sems bskyed pa de btang ngo / /gal te khyod yid mi ches na kho bo'i dka' ba de lta bar 'dod dam/ smras
155b6 pa kye mi blta bar 'dod de/ de ni kho bo'i don du 'gyur ro/ /de nas bdud brjed ngas 'di snyam du sems te/ bdag gis byang chub sems dpa' dran pa rnyed kyi mos pa bzlog pa gang dang gang byas pa de dang de nyid la de yid ches par mi byed kyi/ phyir
155b7 yang 'di skad du kho bo'i don du 'gyur ba ston cig ces zer ro snyam mo/ /de nas bdud des rgyal po'i gzhon nu de'i mdun du khrag gi chu klung bzhi mngon par sprul to/ /gser gyi phung po gangs lta bu bzhi dang / mgo thod rnam par zos pa dag dang / rnam
155b8 par dmar ba dag dang / rnam par rnags pa dag gi phung po ri rab lta bu yang mngon par sprul to/ /rus pa dag gi phung po dung ltar dkar ba ri tsam gzhan dag kyang mngon par sprul to/ /lag rdum dang / rkang rdum dang / rna rdum dang / yan
156a1 lag dang / nying lag rdum po rnam pa sna tshogs dang / gzugs rnam pa sna tshogs 'di lta ste/ mi dang / dri za dang / gnod sbyin dang / seng ge dang / stag dang / rta dang / ri bong dang / spre'u dang / dom dang / gzig dang / phag dang / ri dgas dang / dred dang /
156a2 glang po che dang / ma he la sogs pa'i gzugs dang de bzhin du nya dang / chu srin 'dzin khri dang / chu srin byis pa gsod dang / chu srin na kra'i gzugs dang / de bzhin du ngang pa dang / rma bya dang / khwa dang / khu byug dang / ka la ping ka dang / shang shang te'u dang /
156a3 bya ku Na la dang / chu skyar dang / ri skegs la sogs pa'i gzugs kyi ro dag mngon par sprul to/ /ro kha cig ni kha gcig pa dag go/ /kha cig ni kha gnyis pa dang / kha gsum pa dang / bzhi pa dang / lnga pa dang / drug pa dang / bdun pa dang / brgyad pa dang /
156a4 dgu pa dang / bcu pa dang / nyi shu pa dang / sum bcu pa dang / bzhi bcu pa dang / lnga bcu pa nas kha 'bum yod pa'i bar dag dang / lce gcig pa dang / lce gnyis pa dang / lce gsum pa dang / lce bzhi pa dang / lce lnga pa nas lce 'bum yod pa'i
156a5 bar dag dang / mig gcig pa nas mig 'bum yod pa'i bar dag go/ /ro dag kyang gcig la gcig mig 'gyur bar byed pa/ rna ba 'gyur bar byed pa/ so sgra tsig tsig byed pa/ rang gi mchu la sos 'debs pa/ gnod sbyin lag
156a6 na mtshon cha mi mthun pa sna tshogs thogs shing langs nas 'khod par gyur pa dag go/ /'jigs pa chen po dang / 'jigs su rung ba'i rgyu de lta bu yang mngon par sprul nas rgyal po'i gzhon nu dran pa rnyed la smras pa/ rgyal po'i gzhon
156a7 nu 'di dag ni khrag gi chu klung 'bab pa dag go/ /'di dag ni rus pa'i ri chen po bzhi po dag go/ /smras pa/ kye mi mthong ngo / /smras pa/ gzhon nu de dag ni kho bo'i yan lag dang nying lag bcad pa dag las khrag gi chu klung mngon par grub pa
156a8 dag go/ /gzhon nu khyod kyis mgo thod kyi rus pa'i ri bzhi po ri rab tsam de dag mthong ngam smras pa/ kye mi mthong ngo smras pa/ kye mi kho bo byang chub sems dpa'i spyad pa spyod pa na mgo thod bcad pa dag ni de snyed do/ /kye mi khyod kyis lag pa rdum
156b1 po/ rkang pa rdum po/ mig phyung ba/ yan lag dang nying lag rnam pa sna tshogs bcad pa'i ro dag gi ri bzhi po dag mthong ngam/ smras pa/ mthong ngo / /smras pa/ gzhon nu de dag ni kho bos sngon byang chub sems dpa'i spyad pa spyod pa na/ yan lag dang
156b2 nying lag dag btang ba'o/ /gzhon nu khyod kyis phyogs bzhi'i gnod sbyin gyi sde dag mthong ngam/ smras pa/ kye mi mthong ngo / /smras pa/ gzhon nu 'jigs pa chen po dang / 'jigs su rung ba de dag ni gang byang chub tu sems skyed par byed pa de'i
156b3 gzi byin 'phrog par byed pa dag go/ /de dag ni gang byang chub tu sems skyed par byed pa de'i mgo slong bar byed pa yin pa nas yan lag dang / nying lag dag gi bar du slong bar byed pa dag go/ /gzhon nu gang gi tshe sngon kho bos byang chub tu sems
156b4 bskyed pa de'i tshe de dag ni mgo blangs shing bcad pa dag yin pa nas yan lag dang nying lag dag gi bar du bcad pa dag go/ /de nas bdud brjed ngas kyis yang srin po'i sde mang po mngon par sprul nas yang smras pa/ gzhon nu khyod kyis
156b5 srin po'i sde mang po de mthong ngam/ smras pa/ kye mi mthong ngo / /smras pa/ gzhon nu de dag ni gang dag byang chub tu sems skyed par byed pa mngal na gnas pa de dag gi gzi byin 'phrog par byed pa dag go/ /mngal na gnas pa na yang byang
156b6 chub sems dpa' srog dang bral bar byed pa dag go/ /gzhon nu gang dang gang gi tshe kho bos byang chub tu sems bskyed pa de tsam du sdug bsngal de dag las yongs su grol bar ma gyur te/ de tsam du de dag kho bo'i phyi bzhin 'brang bar byed do/ /
156b7 gzhon nu de lta bas na kho bos sdug bsngal de dag ma bzod de/ bla na med pa yang dag par rdzogs pa'i byang chub las sems phyir log go/ /gang gi tshe kho bo'i sems byang chub las phyir log pa de'i tshe/ kho bo sdug bsngal de dag las yongs su
156b8 grol zhing gnod pa yang med par gyur to/ /gzhon nu de lta bas na kho bo ni khyod la don 'dod pa/ phan pa 'dod pa/ grub pa 'dod pa yin pas gzhon nu 'di skad du khyod bla na med pa yang dag par rdzogs pa'i byang chub tu sems ma skyed cig /gzhon nu
157a1 khyod sdug bsngal de lta bu thob par ma byed cig ces smra'o/ /de nas rgyal po'i gzhon nu dran pa rnyed 'di snyam du sems te/ de bzhin gshegs pa yon tan rgyal po'i 'od kyi thad du bdag gis bla na med pa yang dag par rdzogs pa'i byang
157a2 chub tu sems bskyed pa yin la/ mi 'di yang bla na med pa yang dag par rdzogs pa'i byang chub las bdag gi mos pa zlog par byed pa yin te/ mi'i cha byad kyis 'di bdud yin par gyur tam/ 'di bdud kyis byin gyis brlabs par gyur na
157a3 yang mi rung / yang na mi 'di byang chub sems dpa' yin par gyur la/ de nas des le lo thob nas byang chub kyi sems phyir bzlog pa yin zhing / gang gi phyir mi 'di sdug bsngal de lta bu dang phrad na yan lag dang nying lag slong bar byed pa dag
157a4 nas srog dang bral bar byed pa'i bar dag gi slongs mo pa de snyed 'ong ba las na sngon 'dis ni sdig pa can gyi las rnams byas par gyur pa yin te/ slongs mo pa de dag ni bdag gi bla na med pa yang dag par rdzogs pa'i byang chub la phan 'dogs par
157a5 gyur pa yin no/ /de ci'i phyir zhe na/ sems can de dag ni mi shes pa dang ldan zhing yongs su mi shes pa srung ba can yin te/ 'dod chags kyi dbang dang / zhe sdang gi dbang dang / gti mug gi dbang dang / phrag dog gi dbang dang / nga rgyal gyi dbang gis
157a6 byang chub sems dpa' sems dpa' chen po rnams la dus las yol bar slong zhing slong bar byed pa dag ste/ gal te sems can de dag la bdag gis 'jig rten pa'i yang dag par tshim pa ni bya ji ltar na bdag gis 'jig rten las 'das pa'i yang
157a7 dag par tshim par bya/ mi 'di yang 'dun pa med pas le lo dang / brtson 'grus zhan pa dang / lhag pa'i bsam pa ma yin pas bla na med pa yang dag par rdzogs pa'i byang chub las phyir log pa yin no/ /kye ma bdag gis je cher yang dag pa'i lta ba can du
157a8 bya'o/ /je cher brtson 'grus yang dag par blangs te gnas par bya'o/ /gal te bdag gi dbugs rngub pa dang / 'byung ba re re la srog dang 'bral bar gyur kyang bdag gis bla na med pa yang dag par rdzogs pa'i byang chub las sems phyir ldog par mi
157b1 bya'o/ /bdag gis srog dang 'bral ba de snyed kyang bzod par bya'o/ /sangs rgyas kyi chos rnams ni yongs su btang bar mi bya'o/ /de ci'i phyir zhe na/ sems can gang dag bdag srog dang bral bar byed pa de la bdag gis sems can 'di dag ni nyon mongs pa'i dbang gis
157b2 bdag la gnod par bya ba'i phyir sdig pa can gyi las rnams mngon par 'du byed pa yin pas de dag la bdag gis bla na med pa yang dag par rdzogs pa'i byang chub yang dag par bsgrub pa'i ched du nyon mongs pa spang bar bya ba'i phyir chos bstan par bya ba de lta bu'i go cha bgo'o
157b3 snyam pa'i phyir ro/ /de nas byang chub sems dpa' dran pa rnyed kyis bdud brjed ngas la smras pa/ kye mi khyod kho bo la 'di lta ste/ don 'dod pa yin 'di lta ste/ phan pa 'dod pa yin/ kye mi khyod kho bo la 'di lta ste/ grub pa dang bde bar 'dod pa yin te/ khyod kyis
157b4 gnas de lta bu de dag kun du bstan pa ni ngo mtshar to/ /de ci'i phyir zhe na/ kye mi kho bos de mthong nas shas cher ches stobs dang ldan pa'i go cha bgos shing / bla na med pa yang dag par rdzogs pa'i byang chub tu lhag pa'i bsam pa bskyed pa'i phyir ro/ /
157b5 de nas bdud brjed ngas 'di snyam du sems te/ bdag gis ji lta ji ltar 'jigs pa dang / 'jigs su rung ba'i gzugs dag bstan pa de lta de ltar de je cher brtan pa'i go cha gyon par byed do snyam mo/ /de nas bdud brjed ngas kyis rgyal po'i
157b6 gzhon nu dran pa rnyed la smras pa/ kye skyes bu gal te khyod kho bo'i tshig bzhin du mi byed na rang nyid kyis shes par gyur te/ 'di ltar kho bo ni sa phyogs 'di nas 'gro bar bya'o/ /bdud brjed ngas kyis tshig de smras pa'i 'og tu de nas de nyid kyi
157b7 tshe bdud kyis sprul pa'i gnod sbyin de dag gis tshig smras pa/ skyes bu rgyal po'i gzhon nu dran pa rnyed 'di khyod kyis bsgo ba bzhin du mi byed na/ khyod sa phyogs 'di nas song shig dang kho bo cag bkres pa'ang yin/ skom pa'ang yin pas
157b8 rgyal po'i gzhon nu 'di'i gzi brjid 'phrog par bya'o/ /gzhan dag gis kyang smras pa/ kye skyes bu khyod song shig dang kho bo cag gis rgyal po'i gzhon nu 'di skad cig tu thal bar brlag par bya'o/ /gzhan dag gis kyang smras pa/ kho bo
158a1 cag gis rgyal po'i gzhon nu 'di'i mgo bslang bar bya'o/ /gzhan dag gis kyang smras pa/ kye skyes bu khyod song shig dang 'di ni yun ring du gnas pa ma yin te/ 'di'i srog gzhan ci yang med par 'gyur ba 'dis don 'dod pa/
158a2 phan pa 'dod pa/ khyod kyi tshig bzhin du byas sam dad pas ci zhig bya/ gang 'di khyod kyis bsgo ba bzhin du mi byed pas 'di mngal du zhugs na yang gzi byin dor bar bya'o/ /sha bza' bar bya'o/ /gzhan dag gis kyang tshig 'di skad ces smras so/ /
158a3 rgyal po'i gzhon nu dran pa rnyed 'di rtsa 'jings ma rnyed pa yin gyis rgyal po'i gzhon nu dran pa rnyed rdegs shig rdegs shig /rgyal po'i gzhon nu dran pa rnyed chod cig chod cig sod cig /de nas bdud brjed ngas kyis de dag la smras pa/ de ltar
158a4 ma byed par yang khyed cag sdod cig dang / kho bos rgyal po'i gzhon nu dran pa rnyed sdig pa can gyi lta ba 'di las bzlog pa dang 'di kho bo'i tshig bzhin du byed par 'gyur ro/ /kho bo ni yun ring po nas de'i mdza' bshes su gyur pa yin/ lhan
158a5 cig skyes par gyur pa yin te/ ji srid du rgyal po'i gzhon nu dran pa rnyed kyi lhag pa'i bsam pa rnam par shes par gyur pa de srid du yud tsam zhig bshol bar gyis shig /kho bo la yang byas pa gzo ba nyid rjes su srungs shig /gal te
158a6 rgyal po'i gzhon nu dran pa rnyed sdig pa can gyi lta ba de mi 'dor ba lta na de'i 'og tu khyed cag gis ci dgar bya ba yin no/ /gal te sdig pa can gyi lta ba de las bzlog par nus pa lta na/ de'i phyir khyed cag gis byas pa gzo ba nyid gzung bar
158a7 bya ste/ gzhon nu 'di yang byas pa gzo ba nyid 'dzin par 'gyur ro/ /shA ra dwa ti'i bu bdud brjed ngas kyis rgyal po'i gzhon nu dran pa rnyed la lan gnyis su yang 'di skad ces smras so/ /kye gzhon nu snying brtse bar byed pa phan par byed pa kho
158a8 bo'i tshig bzhin du byos shig dang ji srid 'tsho'i bar khyod kyi mdza' bshes su 'gyur ro/ /gzhon nu sdig pa can gyi lta bar gyur pa 'dis khyod la ci zhig bya/ gzhon nu khyod kyis lta ba de thong shig /gzhon nu bla na med pa yang dag par rdzogs
158b1 pa'i byang chub ni rnyed par dka' ba'o/ /gzhon nu bla na med pa yang dag par rdzogs pa'i byang chub ni mchog tu rnyed par dka' ba'o/ /gzhon nu yang khyod byang chub sems dpa' rnams 'gro ba gang du skye bar 'gyur ba'i gnas gzhan dag kyang lta bar
158b2 'dod dam/ smras pa/ kye mi lta bar 'dod do/ /de nas bdud brjed ngas kyis sa phyogs der sems can dmyal ba chen po dag mngon par sprul te/ sprul nas kyang rgyal po'i gzhon nu dran pa rnyed la smras pa/ gzhon nu khyod kyis sems can dmyal ba
158b3 chen po de dag na gnod pa rnam pa du ma nyams su myong ba/ tshor ba rnam pa du ma nyams su myong ba'i sems can de dag mthong ngam/ smras pa/ kye mi mthong ngo / /smras pa/ gzhon nu de dag gis ni sngon byang chub tu sems bskyed par gyur te/ de dag ni
158b4 slongs mo pa rnams kyis gnod par gyur nas ser sna'i sems su byas/ gnod sems su byas pas sems can dmyal ba chen po dag tu skyes pa yin no/ /gzhon nu de ltar lhag par slong ba dag la sbyin par byed pa dag gi 'gro ba ni 'di yin te/
158b5 gnod sems skye'o/ /de dag gnod sems la rab tu gnas pas 'gro ba de lta bu de dag tu skyes so/ /gzhon nu gang yang khyod sbyin pa'i sems kyi gnod sems su mi byed na de'i tshe skye ba phyir log ste/ mngal na gnas pa'i tshe yang gnod sbyin 'di dag
158b6 gis gzi byin 'phrog par byed do/ /btsas nas kyang yan lag dang nying lag dag bcad nas khyer te 'dong bar byed do/ /gzhon nu gal te yid mi ches na dris shig /de nas rgyal po'i gzhon nu dran pa rnyed kyis sems can dmyal ba de dag la
158b7 smras pa/ rigs kyi bu dag ci'i phyir khyod cag sems can dmyal ba chen po 'di dag tu skyes/ de dag gis 'di skad ces smras so/ /gzhon nu bdag cag gis sngon bla na med pa yang dag par rdzogs pa'i byang chub tu sems bskyed de/ bdag cag ni
158b8 slongs mo pa rnams kyis bslangs pa na kun du gdungs shing rab tu gdungs nas ser sna can dag tu gyur te/ bdag cag ni sems can dmyal ba chen po 'di dag tu skyes so/ /gzhan dag gis kyang 'di skad ces smras so/ /gzhon nu bdag
159a1 cag ni sngon byang chub tu sems bskyed par gyur te/ des na bdag cag slongs mo pa rnams kyis yan lag dang nying lag dag bslangs pa na zhe sdang gi sems bskyed pas sems can dmyal ba de dag tu skyes so/ /gzhon nu de lta bas na mi
159a2 'dis khyod la bsgo ba bzhin du de gyis shig /'dir skyes nas phyis 'gyod par gyur na ni mi rung ngo / /de nas rgyal po'i gzhon nu dran pa rnyed kyis bdud brjed ngas de la smras pa/ kye mi 'di lta ste/ khyod kho bo la don 'dod pa dang / phan pa 'dod pa dang / grub pa dang /
159a3 bde bar 'dod pa dang / khyod kyis kho bo la sems can dmyal ba chen po dag bstan pa dang / byang chub sems dpa'i theg pa la yang dag par zhugs pa'i sems can de dag kun du bstan pa ni ngo mtshar to/ /kye mi des na kho bos 'di phyin chad
159a4 sems can slongs mo pa gang zhig dngos po gang la mngon par brtson pa la 'khrug par mi bya'o/ /kho bos dngos po thams cad sbyin pa kho nar bya'o/ /khro ba'i sems bskyed par mi bya'o/ /gnod sems su mi bya'o/ /de ci'i phyir zhe na/ 'di lta
159a5 ste/ sems can dmyal ba chen por skye ba 'di ni sbyin pa'i 'bras bu ma yin zhing / 'di ni ser sna'i 'bras bu yin pa'i phyir ro/ /kye mi yang tshur shog gnyi ga 'grogs te de bzhin gshegs pa dgra bcom pa yang dag par rdzogs pa'i
159a6 sangs rgyas yon tan rgyal po'i 'od ga la ba der 'dong bar bya'o/ /de bzhin gshegs pa dgra bcom pa yang dag par rdzogs pa'i sangs rgyas de la yang bsnyen bkur bya yongs su zhu bar bya ste/ des ji skad gsungs pa de bzhin du gzung bar
159a7 bya'o/ /de nas bdud brjed ngas kyis rgyal po'i gzhon nu dran pa rnyed la 'di skad ces smras so/ /rigs kyi bu bcom ldan 'das de'i thad du song bas khyod la ci zhig bya/ gzhon nu khyod song shig /kho bo ni mi 'gro'o/ /de ci'i phyir zhe na/ der
159a8 kho bo song nas bla na med pa yang dag par rdzogs pa'i byang chub tu sems bskyed na mi rung ba'i phyir ro/ /de nas rgyal po'i gzhon nu dran pa rnyed kyis bdud brjed ngas la smras pa/ kye mi gal te khyod kho bo la phan par 'dod pa dang / grub pa dang bde
159b1 bar 'dod pa yin na/ de'i phyir tshur shog bcom ldan 'das de'i thad du 'dong bar bya'o/ /'di lta ste/ bcom ldan 'das des gsungs pa de bzhin du gzung bar bya'o/ /lan gnyis lan gsum du yang smras so/ /bdud kyis smras pa/ gzhon nu
159b2 chog go/ /des bsgo ba mang mo zhig kho bos rdzogs par byas te/ de kho na'i rgyus kho bo sdug bsngal chen po thob par gyur pas des bsgo ba bzhin kho bo mi byed do/ /de nas rgyal po'i gzhon nu des bdud brjed ngas kyi lag pa nas bzung nas tshur
159b3 drangs te tshur shog bcom ldan 'das de ga la ba der 'dong bar bya'o/ /des smras pa/ gzhon nu khyod gdul bya ma yin gyis song shig /sdug bsngal gyi phung po de dag ni khyod kyis nyams su myong bar bya ba yin no/ /de nas rgyal po'i gzhon
159b4 nu dran pa rnyed bcom ldan 'das de ga la ba der song ste phyin nas bcom ldan 'das de la bskor ba byas te phyogs gcig tu 'dug go/ /phyogs gcig tu 'dug nas kyang lam kar bdud de dang gtam ji snyed byas pa de thams cad bcom
159b5 ldan 'das la gsol to/ /de skad ces gsol pa dang / bcom ldan 'das de bzhin gshegs pa yon tan rgyal po'i 'od des rgyal po'i gzhon nu dran pa rnyed la 'di skad ces bka' stsal to/ /gzhon nu legs so legs so/ /bdud
159b6 brjed ngas shes bya ba de khyod kyi mig gis mi rtsol bar bya ba'i phyir dang / mos pa bzlog par bya ba'i phyir 'ongs pa yin no/ /de nas rgyal po'i gzhon nu de bdud de ga la ba der song nas smras pa/ bdud khyod tshur shog /bcom ldan 'das
159b7 la skyabs su song shig /chos la skyabs su song shig /dge 'dun la skyabs su song shig /de nas bdud brjed ngas kyis rgyal po'i gzhon nu dran pa rnyed la smras pa/ gzhon nu chog go/ /kho bo sangs rgyas la skyabs su mi 'gro'o/ /chos
159b8 la skyabs su mi 'gro'o/ /dge 'dun la skyabs su mi 'gro'o zhes de skad smras nas cang mi smra bar gyur to/ /de nas rgyal po'i gzhon nu dran pa rnyed kyis bdud brjed ngas la bden pa'i byin gyis brlabs kyis rnam par bltas so/ /rnam
160a1 par bltas nas de ma thag tu de nas yang bdud brjed ngas kyis bdag nyid kyi skra zhag bdun du bregs pa dang / bdag nyid gos ngur smrig phra zhing 'khar gsil dang / lhung bzed thogs par mthong ngo / /de nas bdud brjed ngas
160a2 kyis bdag nyid rab tu byung zhing chos gos dang lhung bzed dang 'khar gsil thogs par rig nas de bzhin gshegs pa yon tan rgyal po'i 'od la 'di skad ces gsol to/ /bcom ldan 'das su sangs rgyas la skyabs su mi mchi/ chos la
160a3 skyabs su mi mchi/ dge 'dun la skyabs su mi mchi ba des chos nyid de kun du 'tshal lags so/ /bcom ldan 'das des bka' stsal pa/ brjed ngas sus khyod kyi skra dag bregs/ gos ngur smrig dag byin/ lhung bzed dang 'khar gsil dag
160a4 byin/ de 'di snyam du sems te/ bdag 'ongs nas sus kyang mgo bregs pa med do/ /gos ngur smrig dag dang lhung bzed dang 'khar gsil dag byin pa yang med do/ /bdag gis phyogs gcig tu bor te 'gro bar bya'o snyam nas der dor bar
160a5 'dod na yang ma nus so/ /de 'di snyam du sems te/ ji srid du bdag 'khor der 'dug pa de srid du 'khor de bdag la 'phya bar 'gyur zhing bdag kyang ngo tsha bar 'gyur te/ bdag 'di nas mi snang bar bya zhing rang gi gnas su 'gro bar
160a6 bya'o snyam nas/ de nas bdud brjed ngas 'khor de nas mi snang bar gyur cing rang gi gnas su yang song ngo / de nas bdud kyi ris kyi lha mo de dag gis rab tu byung ba de mthong nas 'bros shing smras pa/ mgo bregs shing chos gos
160a7 'chang ba 'di lta bu 'di su yin te/ sngon ma byung ba'i mtshan ma 'di lta bu snang bas bdag cag mi rtag pa nyid du gyur na mi rung ngo / /des rang gi 'khor na 'dug pa'i slas de la smras pa/ bzod ldan dag kho bo dge slong ma yin te/ kho bo ni
160a8 bdud brjed ngas yin no/ /mig gis mi rtsol bar bya ba'i phyir de bzhin gshegs pa yon tan rgyal po'i 'od de'i thad du song nas bcom ldan 'das des kho bo 'di ltar mi sdug par bsgyur to/ /shA ra dwa ti'i bu de nas bdud kyi ris kyi
160b1 lha mo de dag gis smras pa/ gos ngur smrig gyon pa ni blun po yin na/ khyod ci'i phyir 'di skad du mi mthun par smra/ khyod ni bdud kyi gnas 'di las nyams so/ /'dir ni bdud gzhan zhig skyes so/ /shA ra dwa ti'i bu de nas bdud brjed
160b2 ngas kyis tshig de thos nas sdug bsngal zhing yid mi bde bar gyur te/ 'gyod pa dang bcas pas nyam thag pa'i skad phyung ngo / /de yang de bzhin gshegs pa yon tan rgyal po'i 'od ga la ba der song nas bcom ldan 'das kyi spyan sngar
160b3 'dug par gyur to/ /de nas bcom ldan 'das de bzhin gshegs pa yon tan rgyal po'i 'od kyis ji lta bu'i rdzu 'phrul mngon par 'du bya ba mngon par 'du mdzad pas sems can dmyal ba chen po mnar med pa kun du ston pa de lta
160b4 bu'i rdzu 'phrul mngon par 'du bya ba mngon par 'du mdzad do/ /de nas de na yod pa'i sems can dmyal ba'i srungs ma rnams kun du 'bar ba/ rab tu 'bar ba/ kun du rab tu mched cing 'bar ba/ kun nas 'bar bar gyur pa ri rab
160b5 tsam gyi lcags kyi thu lum dag thogs shing mkhar ba'i thu lum dag thogs nas rgyug cing rjes su dong ngo / /'di skad ces kyang smras so/ /bdud brjed ngas da gar song / sems can dmyal ba'i srungs ma gzhan dag gis kyang
160b6 smras pa/ des ci zhig bya/ de dag gis smras pa/ de'i khar lcags kyi thu lum kun du 'bar ba/ rab tu 'bar ba/ kun du rab tu mched cing 'bar ba/ kun nas 'bar bar gyur pa de dag gzhug par bya'o/ /gzhan dag gis kyang smras
160b7 pa/ grogs po dag de ni rab tu byung ba yin/ de ni sems can dmyal ba chen po dag las grol ba yin gyis ma byed cig /de na yod pa'i sems can dmyal ba'i srungs ma gzhan dag ni kun du 'bar ba/ rab tu 'bar ba/ kun du
160b8 rab tu mched cing 'bar ba rab tu 'bar ba/ kun nas 'bar bar gyur pa'i ri dag thogs nas rgyug cing dong ngo / /'di skad ces kyang smras so/ /bdud brjed ngas da gar song / de nas gzhan dag gis kyang smras pa/ des ci zhig bya/ de dag
161a1 gis smras pa/ me'i ri chen po de dag gis thal bar brlag par bya'o/ /der gzhan dag gis smras pa/ grogs po dag de ni rab tu byung ba yin/ de ni sems can dmyal ba chen po'i 'jigs pa dag las grol ba yin gyis ma byed
161a2 cig de nas gzhan dag kyang spu gri'i so lta bu'i gri dag thogs nas rjes su rgyug cing dong ngo / /'di skad ces kyang smras so/ /bdud brjed ngas da gar song / de nas gzhan dag gis smras pa/ des ci zhig bya/ de dag gis smras pa/ 'di dag
161a3 gis de'i lus sha med par bya'o/ /de nas gzhan dag gis smras pa/ grogs po dag de ni rab tu byung ba yin/ zhi ba yin dul ba yin te/ de ni sems can dmyal ba'i 'jigs pa dag las grol bar gyur to/ /de nas gzhan dag kyang zangs
161a4 bskol ba'i bum pa dag phrag par thogs nas phyogs bzhir rgyug cing dong ngo / /'di skad ces kyang smras so/ /bdud brjed ngas da gar song / de nas gzhan zhig gis smras pa/ des ci zhig bya/ de dag gis smras pa/ 'di la kha'i sgor
161a5 zangs kun du bskol ba'i bum pa dag blugs par bya ste/ de dag gis 'di'i mchu dag tshig par byed do/ /rkan tshig par byed do/ /snying tshig par byed do/ /rgyu ma dag dang / mnye ma dag dang / lto tshig par byed do/ /gzhang tshig par byed
161a6 do/ /de'i 'og gi char yang 'byung bar byed do/ /de dag gis smras pa/ grogs po dag de ni bcom ldan 'das kyi bstan pa la rab tu byung ba yin/ de ni sems can dmyal ba'i sdug bsngal dag las grol ba yin no/ /de nas
161a7 sems can dmyal ba'i srungs ma gzhan dag kyang lag na mtshon cha mi mthun pa rnam pa sna tshogs pa dag kun du rgyug ste/ 'di lta ste/ lag na mdung thung dang / mda' bo che dang / mtshon cha rtse gcig pa dang / lcags mda' dang /
161a8 ste'u ka nya rnga dang / gtun dang / ral gri dang / dgra sta dang / mdung dang / dbyug pa thogs pa dag rjes su rgyug cing dong la 'di skad ces kyang 'dzer te/ hi hi dang / ha ha dgod pa dang / shugs 'byin pa dang / cho nges 'debs pa dang / rnga pa ta ha'i
161b1 sgra dang / rnam par skrag par byed pa la mkhas pa/ so dag gis 'og tu 'debs par byed/ lag pa dag sgyur bar byed/ mgo dag gcod par byed/ smin gnyer gyis bzhin 'phul bar byed cing 'di skad ces kyang 'dzer te/ zung shig zung shig /
161b2 rgyob shig rgyob shig /chod cig chod cig /sod cig sod cig /yang smras pa/ bdud brjed ngas da gar song / de nas gzhan dag gis smras pa/ des ci zhig bya/ de dag gis smras pa/ dgra'i khrag gis gcig tu bskus pa'i mtshon cha
161b3 dag gis de'i lus gcad par bya'o/ /rnam par gzhig par bya'o/ /dum bur bklag par bya'o/ /thal bar brlag par bya'o/ /kho bo cag ni de'i gshin rje'i pho nya yin no/ /de nas gzhan dag gis smras pa/ grogs po de ni rab tu
161b4 byung ba yin/ de ni sems can dmyal ba'i 'jigs pa dag las grol ba yin gyis thab mo ma byed cig /bdud brjed ngas kyis bdag nyid la tho 'tsham pa de thos te/ bdag gnas de las nyams pa 'di ni bden no/ /bdag gis
161b5 kyang rab tu 'byung ba blangs te/ rab tu 'byung ba de yang don chen po dang ldan pa yin no/ /sems can dmyal ba'i srungs ma rnams bdag gi rjes su 'brang yang bdag la dum bur rlag par ma nus so/ /gal te de bzhin gshegs
161b6 pa yon tan rgyal po'i 'od kyis bdag rab tu phyung na bdag lhag pa'i bsam pas rab tu 'byung bar bya'o/ /sems can dmyal ba chen po de dag las kyang yongs su grol bar bya'o snyam ste/ de rgyal po'i gzhon nu dran pa rnyed ga la
161b7 ba der song nas don de smras te/ gzhon nu bcom ldan 'das kyi bstan pa la kho bo lhag pa'i bsam pas rab tu 'byung bar 'dod do/ /shA ra dwa ti'i bu de nas rgyal po'i gzhon nu dran pa rnyed kyis bdud brjed ngas la 'di skad ces smras so/ /su
161b8 zhig khyod la rab tu 'byung ba sbyin par byed/ brjed ngas khyod tshur shog bla na med pa yang dag par rdzogs pa'i byang chub tu sems skyed cig /brjed ngas gos ngur smrig bcangs pas ni bstan pa 'di la rab tu byung ba zhes bya ba ma yin no/ /yang
162a1 lam gang gis rab tu byung ba zhes bya ba'i chos de dag yang dag par sgrubs shig /brjed ngas lam de la ni sems can dmyal ba dag dmigs pa 'am/ sems can dmyal ba'i 'jigs pa dag dmigs par mi 'gyur ro/ /de nas
162a2 bdud brjed ngas lhag pa'i bsam pas bla na med pa yang dag par rdzogs pa'i byang chub tu sems bskyed par gyur to/ /de chos la so sor rtog pa'i mngon par brtson pa de lta bu dang / chos la mkhas pa de lta bus lhag pa'i bsam pas mi skye
162a3 ba'i chos la yang bzod pa thob bo/ /shA ra dwa ti'i bu rgyal po'i gzhon nu dran pa rnyed kyis ni bdud brjed ngas bla na med pa yang dag par rdzogs pa'i byang chub tu sems bskyed do/ /mi skye ba'i chos la yang bzod pa thob par byas so/ /de
162a4 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan rgyal po'i 'od des kyang bla na med pa yang dag par rdzogs pa'i byang chub tu lung bstan to/ /shA ra dwa ti'i bu 'di ni byang chub sems
162a5 dpa' rnams kyi lhag pa'i bsam pa yin par rig par bya ste/ de ltar lhag pa'i bsam pa phun sum tshogs pa ni bla na med pa yang dag par rdzogs pa'i byang chub yang dag par sgrub par byed do/ /shA ra dwa ti'i bu de'i tshe de'i dus na
162a6 rgyal po'i gzhon nu dran pa rnyed ces bya ba byung bar gyur pa/ de gzhan zhig yin pa snyam du khyod som nyi 'am yid gnyis za bar gyur na/ khyod kyis de ltar blta bar mi bya'o/ /de ci'i phyir zhe na/ byang chub sems dpa' brtan pa'i
162a7 blo gros 'di nyid de'i tshe de'i dus na rgyal po'i gzhon nu dran pa rnyed ces bya bar gyur to/ /shA ra dwa ti'i bu de nas byang chub sems dpa' dran pa rnyed de rang gi pha ma dag ga la ba der song ste phyin nas/ rkang pa la mgo bos phyag 'tshal te phyogs
162a8 gcig tu 'dug go/ /phyogs gcig tu 'dug nas kyang smras pa/ yab yum bdag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan rgyal po'i 'od de'i thad du rab tu 'byung bar 'tshal lo/ /
162b1 de skad ces smras nas rang gi pha ma la tshigs su bcad pa dag gis smras pa/ 'dod pa de ni rgyal bas mi rtag gsungs/ /rgyal ba'i thad du rab tu 'byung bar bgyi/ /de las bde ba de dag thams cad 'byung / /khyed ni bdag la bar chad ma mdzad
162b2 cig /rgyal srid dang ni bde ba don gnyer dang / /longs spyod dag dang mtho ris don gnyer dang / /yon tan ye shes kyang ni don gnyer te/ 'jig rten mkhas pa'i bstan la rab byung shig /der ni sbyin dang tshul khrims rnam par smin/ /de dang der
162b3 ni bsngags shing skye ba lags/ /der ni bsten pa'i rtsa ba de rab bgyi/ /de slad bdag ni chos kyi rgyal por 'gyur/ /'di ni sngon chad sug las bgyis pa dang / /sbyin pa stsal dang dul ba'i 'bras bu lags/ /de'i 'bras bu da ltar spyod do yab/ /
162b4 lhag ma mchis par mdzod la rab byung mdzod/ /lhag ma med bgyis ngan 'gro ngan song gsum/ /de ni mi khom rnams su mchi bar 'gyur/ /sdig pa'i las rnams kun du spyad pas ni/ /sangs rgyas rnams dang phrad par 'gyur ma lags/ /
162b5 lhag mar bcas bgyis gang dag rab 'byung ba/ /der yang chos la rab tu spyod par 'gyur/ /mi khom brgyad po thams cad rnam spangs pas/ /sangs rgyas bstan la dal ba 'di 'thob bo/ /de yis sangs rgyas mthong nas myur dad cing / /
162b6 sems dad nas kyang gus par bgyid pa dang / /gus bcas chos la kun du spyod bgyid pa/ /chos dang rjes su 'thun spyod byang chub rnyed mi dka'/ /gang zhig mi khom thams cad spong 'tshal zhing / /sdig pa'i grogs po rnam par
162b7 spong bgyid pa/ /des ni de ring bdag gi rjes bslabs nas/ /dge ba'i rtsa ba rab 'byung blang bar bgyi/ /lha dang gnod sbyin mi 'am ci ma mchis/ /dri za klu yi bgyi ba mchis ma lags/ /rab tu ma 'byung khyim 'dir gnas
162b8 byos shes/ /gang zhig de ring bdag la bar chad bgyid/ /gzhan du sdig pa'i las rnams 'dir slong ste/ /bdag ni bzlog par nus pa ma lags so/ /dper na glang pos bcings pa dam bcad nas/ /ji ltar 'dod dgur 'dod bzhin de
163a1 mchi ltar/ /de bzhin 'dod pa'i 'ching ba dam rnams dang / /sred pa'i lcug ma rten pa'i 'ching ba dag /de dag de ring bcad nas 'dir rab 'byung / /bdag ni stobs kyis bzlog pa yong mi 'gyur/ /de tshe de smras myur bar pha ma yi/ /rkang
163a2 la phyag 'tshal kun du dga' ba skyes/ /gus dang bcas pas bzlog par ma nus te/ /rgyal ba'i bstan la rab tu 'byung song shig /rgyal ba de yi thad du de rab byung / /der ni srog chags bye ba mang pos thos/ /de la ya mtshan gyur nas dad skyed de/ /
163a3 rjes su slob cing mang po rab tu byung / /der yang de yi grogs po gang dag byung / /skal ba mnyam pa tshong dpon bu gzhon dag /a la sangs rgyas bstan de rgya che zhes/ /srog chags stong phrag mang po rab tu byung / /de tshe rgyal po de yang rab
163a4 tu byung / de tshe rgyal srid 'dod pa'i longs spyod spangs/ /de tshe bye ba khrag khrig brgyad bcu bdun/ /mthong ba'i rjes 'brang de dag rab tu byung / /de tshe rgyal po rab tu byung rig nas/ /de tshe rgyal po'i btsun mo'ang rab tu byung / /de tshe bud med stong
163a5 phrag brgyad bcu dag /rgyal po mchog dad de dag rab tu byung / /dpa' bo dran pa rnyed kyis rjes slob cing / /de dag kun kyang theg pa mchog la zhugs/ /gang gi yon tan bsngags phreng 'di 'dra ba/ /dpa' bo de la su zhig slob mi byed/ /
163a6 shA ra dwa ti'i bu khyod de'i tshe de'i dus na rgyal po lhag par bya ba byas pa zhes bya ba byung ba de gzhan zhig yin pa snyam du sems na/ shA ra dwa ti'i bu khyod kyis de ltar blta bar mi bya'o/ /de ci'i phyir zhe na/ de'i tshe de'i dus na nga ni rgyal po lhag par
163a7 bya ba byas pa zhes bya ba der gyur to/ /rgyal po'i gzhon nu dran pa rnyed de ni nga'i bur gyur to/ /de tshe lo ni nyi khri chig stong du/ /bud med gzhon nu grong mi dag dang bcas/ /rgyal pos de tshe tshangs par spyod pa spyad/ /tshe zad nas ni de tshe 'chi
163a8 dus byas/ /de tshe ston pas dge slong dge 'dun gsungs/ /rkang gnyis rnams kyi dam pa 'dzum pa mdzad/ /der ni smon lam rgyal po gang byung ba/ /sangs rgyas yon tan rgyal pos lung bstan to/ /rgyal po de ni tshangs par spyod
163b1 pa spyad/ /theg mchog dam pa la ni yang dag zhugs/ /phyir zhing 'di ni mi khom 'gro mi 'gyur/ /de tshe dal ba phun sum tshogs par 'dzin/ /de tshe bskal pa mang por spyad byas shing / /sangs rgyas grangs med rnams la mchod byas te/ /shAkya btsun
163b2 pa'i rgyal po rkang gnyis mchog /rgyal ba de tshe bskal pa bzang por 'byung / /rgyal po'i gzhon nu dge slong dran pa rnyed/ /de yi 'khor ni de tshe gang byung ba/ /shAkya btsun pa'i rgyal po nam sangs rgyas/ /de tshe de yi dus su rab tu byung / /de tshe de yi
163b3 tshangs par spyod pa spyad/ /phyi nas der ni 'chi ba'i dus byas shing / /de tshe mi yi dngos po'ang thob nas su/ /de tshe mya ngan yongs 'das ring bsrel rgyas/ /de tshe tha ma'i dus la gnas pa na/ /tshul 'di nyid kyi chos ni nyan byed cing / /gang dag nga
163b4 yis da ltar mdo bshad pa/ /nga yi bstan pa 'dir ni rgyas byas te/ /thogs med sangs rgyas ye shes rnam par dag /de tshe theg mchog can de tshig smra ba/ /de bzhin 'gyur gyi gzhan du 'gyur ma yin/ /phyi ma'i dus na de ni de ltar 'gyur/ /
163b5 gang gis chos 'di 'dra ba de thos na/ /mchog tu dga' ba dang ni dad 'gyur ba/ /lung ston sangs rgyas bdag gis 'dir mthong bar/ /de dag rnams kyis dogs par gzhar mi bya/ /chos kyi rgyal po dam pa bdag gis mthong / /'di
163b6 ni chos ston pa yang thos par gyur/ /gang dag 'jigs pa chen po phyi dus na/ /chos zab bzod pa mngon par thob par 'gyur/ /dge slong dge slong ma dang dge bsnyen dang / /dge bsnyen ma dang gang dag shes rab rno/ /gang dag chos 'di
163b7 'dra ba de 'dod pa/ /de dag theg pa mchog tu ngas lung bstan/ /chos 'di rab tu bstan pa'i tshe na ni/ /bye ba khrag khrig phrag ni bdun cu yis/ /mig mchog dam pa de dag thob par gyur/ /rgyal bas sras 'khod pa dag lung bstan to/ /
163b8 lhag pa'i bsam pa yang dag par bstan pa'i le'u ste bdun pa'o// // shA ra dwa ti'i bu de ltar byang chub sems dpa' lhag pa'i bsam pa dang ldan pas mnyam pa nyid kyi yang dag pa'i lta
164a1 ba la mngon par brtson par bya dgos te/ yang dag pa'i lta ba zhes bya ba ni mi mnyam pa med pa'o/ /shA ra dwa ti'i bu yang yang dag pa nyid mthong bas na yang dag pa'i lta ba zhes bya'o/ /shA ra dwa ti'i bu yang mnyam pa nyid kyis yang
164a2 dag pa'i lta ba zhes bya'o/ /ci'i phyir mnyam pa nyid kyis yang dag pa'i lta ba zhes bya zhe na/ shA ra dwa ti'i bu mig ni mya ngan las 'das pa ste/ mig las mya ngan las 'das pa gzhan ma yin no/ /de ltar mig dang mya ngan las 'das pa 'di ni
164a3 gnyis su med de gnyis su dbyer med do/ /'di ni mtshungs pa ste/ mtshungs pa gang gis mtshungs she na/ mig mtshungs pa dang / mya ngan las 'das pa mtshungs pas mtshungs so/ /mig la mig med do/ /mya ngan las 'das pa la mya ngan las
164a4 'das pa med do/ /mya ngan las 'das pa la mig med do/ /de ltar mig dang mya ngan las 'das pa de dag gnyi ga yang brtag tu med pa nyid kyis mnyam mo/ /de bzhin du rna ba dang / sna dang / lce dang / lus dang / yid dag la'ang
164a5 sbyar bar bya'o/ /de ltar yid dang mya ngan las 'das pa 'di ni mtshungs pa ste/ cis mtshungs she na/ yid mtshungs pas mtshungs so/ /mya ngan las 'das pa mtshungs pas mtshungs so/ /yid la yid med do/ /mya ngan las
164a6 'das pa la mya ngan las 'das pa med do/ /yid la mya ngan las 'das pa med do/ /mya ngan las 'das pa la yid med do/ /yang yid dang mya ngan las 'das pa 'di ni gnyis su med de gnyis su dbyer med do/ /brtag tu med
164a7 pa nyid kyis rtog pa med pa'o/ /stong pa nyid kyis stong pa ste/ shA ra dwa ti'i bu 'di ni yang dag pa'i lta ba zhes bya'o/ /lta ba de mnyam pas na de'i phyir yang dag pa'i lta ba zhes bya'o/ /de dag mnyam par phyin pas na de'i phyir yang dag
164a8 pa'i lta ba zhes bya'o/ /de'i sgrub pa gang zhe na/ gang sgrub pa med pa'o/ /shA ra dwa ti'i bu yang log par sgrub pa zhes bya ba ni gang chos de dag 'gro bar mi byed pa nyid dang / spong ba dang / gting mi dpog pa nyid de/ shA ra dwa ti'i bu 'di ni log par
164b1 sgrub pa zhes bya'o/ /shA ra dwa ti'i bu yang 'di la log par sgrub pa'i mchog de ni gang chos de lta bu de dag gis rlom sems su byed pa'o/ /de ci'i phyir zhe na/ shA ra dwa ti'i bu yang dag pa'i lta ba ni rlom sems med pa'i phyir te/ shA ra dwa ti'i bu de
164b2 bzhin gshegs pa 'phags pa nyan thos thos pa dang ldan pa ni sa la rlom sems su mi byed do/ /sas rlom sems su mi byed do/ /sa nga'i zhes rlom sems su mi byed do/ /sa'i nga zhes rlom sems su mi byed do/ /de bzhin du chu dang / me
164b3 dang rlung gi khams dag la yang sbyar bar bya'o/ /mya ngan las 'das pa'i bar la rlom sems su mi byed do/ /mya ngan las 'das pas rlom sems su mi byed do/ /mya ngan las 'das pa nga'i zhes rlom sems su mi byed do/ /mya ngan las 'das
164b4 pa'i nga zhes rlom sems su mi byed/ mngon par zhen par mi byed do zhes kyang gsungs so/ /shA ra dwa ti'i bu yang yang dag pa'i lta ba zhes bya ba ni gang la lta ba med pa'o/ /shA ra dwa ti'i bu lta ba thams cad ni log par lta ba'o/ /shA ra dwa ti'i bu lta
164b5 ba med pa ni yang dag pa'i lta ba ste shA ra dwa ti'i bu 'di ni yang dag pa'i lta ba zhes bya'o/ /shA ra dwa ti'i bu yang yang dag pa'i lta ba ni tshig gis bstan par mi nus so/ /de ci'i phyir zhe na/ shA ra dwa ti'i bu ngag gi las thams cad ni tshig tsam
164b6 du zad de/ de la yang dag pa'i lta ba med pa'i phyir ro/ /shA ra dwa ti'i bu yang yang dag pa'i lta ba ni ji ltar de bzhin gshegs pas rab tu mkhyen pa bzhin te/ de la log par lta ba ni 'ga' yang med do/ /de ci'i phyir zhe na/ shA ra dwa ti'i bu ngag
164b7 gi de bzhin nyid thams cad ni ngag gi de bzhin nyid de/ ngag de ni ji ltar de bzhin nyid bzhin pa'i phyir ro/ /shA ra dwa ti'i bu ngag de ni brjod du med pa'o/ /ngag de ni tha mi dad pa'o/ /chos nyid ji lta ba bzhin te/ ngag de ni de bzhin no/ /shA ra dwa
164b8 ti'i bu lus de ni de bzhin nyid kyi lus so/ /shA ra dwa ti'i bu de bzhin nyid kyi lus de phyin ci ma log pa de bzhin zhing / lus de tha mi dad pa ste/ lus de ji lta bar ngag de ni de bzhin no/ /shA ra dwa ti'i bu lus de ni de bzhin nyid kyi las so/ /shA ra dwa ti'i bu de bzhin nyid kyi
165a1 las shes bya ba ni las de phyin ci log pa de bzhin zhing / las de gzhan ma yin pa de bzhin la las de tha mi dad pa ste/ shA ra dwa ti'i bu las de ni de bzhin nyid kyi 'bras bu'o/ /de bzhin du 'bras bu de ni las ji lta ba bzhin no/ /des na
165a2 de bzhin gshegs pa bden pa gsung ba/ yang dag par gsung ba ni 'di skad du las yod na rnam par smin pa 'byung ngo / /de ltar las ji lta ji lta bar de lta de ltar rnam par smin pa'o zhes gsung ngo / /shA ra dwa ti'i bu de bzhin du ye shes kyi 'gro ba ni ye shes yin
165a3 gyi shA ra dwa ti'i bu 'di ni ye shes med pa ni ma yin no/ /shA ra dwa ti'i bu de las byang chub sems dpa' ni de skad bstan pa na mi skrag /mi dngang dngang bar mi 'gyur te/ mi rmongs kun du mi rmongs so/ /shA ra dwa ti'i bu chos bzhi po 'di dag ni slu bar 'gyur ba ste/
165a4 bzhi gang zhe na/ shA ra dwa ti'i bu gcer bu pa'i smra ba dang / 'jig rten rgyang pan pa kun du bsten cing bsgoms la lan mang du byas pa slu bar 'gyur ba yin/ shA ra dwa ti'i bu log par lta ba kun du bsten cing bsgoms la lan mang du byas pa slu bar 'gyur
165a5 ba yin/ shA ra dwa ti'i bu rtsod pa dang phrad pa yongs su 'dzin pa kun du bsten cing bsgoms la lan mang du byas pa slu bar 'gyur ba yin/ mdo sde zab mo zab pa'i gtam dang ldan pa/ stong pa nyid dang ldan pa 'di lta bu dag la ma dad cing mi mkhas
165a6 la bsnyen bkur mi byed cing / nges par mi sems pa slu bar 'gyur ba yin te/ shA ra dwa ti'i bu bzhi po de dag ni slu bar byed pa'i chos dag yin gyi slu bar mi byed pa dag ni ma yin no/ shA ra dwa ti'i bu slu bar byed pa'i chos bzhi po de dag kyang spong
165a7 ba'i phyir slu bar mi byed pa'i chos bzhi po dag bsgoms par bya bsten par bya'o/ /bzhi gang zhe na/ log par lta ba spang ba'i phyir yang dag pa'i lta ba bsgom par bya ba yin/ shA ra dwa ti'i bu gang la 'jig rten rgyang pan pa dang ldan pa'i gtam yod pa
165a8 de la dge slong ngo tsha shes pa des gnas par mi bya zhing myur ba kho nar 'gro bar bya ba 'di ni slu ba spong bar 'gyur ba'i chos gnyis pa yin no/ /shA ra dwa ti'i bu gzhan yang gnas gang du rtsod pa dang / phrad par 'gyur ba der dge slong gis 'gro bar
165b1 mi bya zhing gzhan du na rtsod pa de nye bar zhi bar bya ba'i phyir der song bas kyang chos ma yin pa smra ba rnams tshar gcad pa dang / chos smra ba rnams bsdu ba'i phyir chos nyid smra bar bya'i chos ma yin pa ni ma yin te/ shA ra dwa ti'i bu dge 'dun 'thun par yang byas par 'gyur
165b2 ba 'di ni slu ba spong bar 'gyur gyi mi slu bar byed pa'i chos gsum pa yin no/ /shA ra dwa ti'i bu gzhan yang chos kyi rnam grangs 'di lta bu de dag dge slong gis legs par rab tu bzung zhing / bzung nas sgrub pa la gnas te/ lung nod pa dang / kha thon la mngon par brtson
165b3 pa yin/ tshul bzhin yid la bya ba'i phyir yang mngon par brtson pa yin te/ shA ra dwa ti'i bu slu bar mi byed pa'i chos bzhi po de dag ni slu ba spong bar 'gyur ba yin no/ /shA ra dwa ti'i bu byang chub sems dpa' ngo tsha shes pas ni las mngon par 'du mi byed pa la mngon
165b4 par brtson par bya'o/ /shA ra dwa ti'i bu byang chub sems dpas ni legs par go cha bgos pa nyid kyis mi 'jigs par bya'o/ /shA ra dwa ti'i bu byang chub sems dpas ni brtson 'grus chen po mi 'dor ba nyid kyis mi dor bar bya'o/ /shA ra dwa ti'i bu
165b5 gang gi tshe byang chub sems dpa' dam pa'i chos yongs su 'dzin pa dang / don yongs su 'dzin pa dang / spyod pa yongs su 'dzin pa dang / ye shes yongs su 'dzin pa la mngon par brtson pa yin zhing / nga'i nyan thos dag yongs su 'dri bar byed pa
165b6 de'i tshe/ shA ra dwa ti'i bu de bzhin gshegs pa bde bar gyur cing bde ba'i mchog dang ldan no/ /de ci'i phyir zhe na/ shA ra dwa ti'i bu sangs rgyas kyi rigs de rgyun mi 'chad par 'gyur ba'i phyir ro/ /shA ra dwa ti'i bu nyan thos rnams kyis ni byang chub sems
165b7 dpa' sems dpa' chen po dag rangs par bya ba yin no/ /shA ra dwa ti'i bu nyan thos dge slong ngam/ dge slong ma 'am/ dge bsnyen nam/ dge bsnyen ma gang la las de bzhin gshegs pa 'am/ de bzhin gshegs pa'i chos nyid rjes su dran par byed/ thog ma med
165b8 pa'i dus can gyi sdug bsngal gyi phung po de yang rjes su dran par byas te/ byang chub sems dpa' sems dpa' chen po tha na tshig bzhi pa'i tshigs su bcad pa gcig la rangs par byed la/ rangs par byas shing yang dag par 'dzin du bcug la/ yang dag par
166a1 gzeng bstod pa'i rigs kyi bu des kyang / rang gi dge ba'i rtsa ba yongs su smin par byas te/ sangs rgyas kyi ye shes yang dag par sgrub nas sangs rgyas su 'gyur zhing / sangs rgyas su gyur nas sdug bsngal gyi phung po grangs med dpag tu med pa
166a2 bsal bar bya ba'i phyir chos ston par 'gyur ro snyam du sems na shA ra dwa ti'i bu bsod nams kyi phung po dpag tu med par 'gyur ro/ /tshigs su bcad pa gcig kho na yang dag par 'dzin du bcug pa'i byang chub sems dpa' yang bsod nams kyi phung
166a3 po de snyed skyed do/ /shA ra dwa ti'i bu gal te bsod nams kyi phung po de gzugs can du gyur na shA ra dwa ti'i bu gling bzhi pa'i 'jig rten gyi khams na gling bzhi pa'i sems can ji snyed yod pa de dag thams cad snga phyi rim gyis mi'i lus thob par
166a4 gyur cing de dag gis mi'i lus thob nas bsod nams kyi phung po de las ri rab tsam gyi snod dag gis blangs te 'dong bar gyur la/ shA ra dwa ti'i bu rnam grangs des sems can de dag re res kyang snod des bsod nams kyi phung po de blangs te 'dong
166a5 bar gyur cing de ltar ri rab tsam gyis byed na yang bsod nams kyi phung po de zad pa 'am/ yongs su gtugs par nga mi smra'o/ /shA ra dwa ti'i bu gling chen po bzhi pa'i 'jig rten gyi khams lta zhog gi/ shA ra dwa ti'i bu stong gsum gyi stong chen
166a6 po'i 'jig rten gyi khams na sems can gzugs can nam/ gzugs can ma yin pa 'am/ 'du shes can nam/ 'du shes can ma yin pa 'am/ 'du shes med 'du shes med min yang rung ste/ ji snyed yod pa de dag thams cad
166a7 kyis snga phyi rim gyis mi'i lus thob nas ri rab tsam gyi snod dag gis bsod nams kyi phung po de blangs te dong bar gyur cing rnam grangs des na/ sems can des kyang ri rab tsam gyi snod dag gis bsod nams kyi phung po de blangs te song
166a8 yang bsod nams kyi phung po de da dung zad pa 'am/ yongs su gtugs par nga mi smra'o/ /shA ra dwa ti'i bu de ltar gang nga'i nyan thos dge slong ngam/ dge slong ma 'am/ dge bsnyen nam/ dge bsnyen ma'ang rung ste/ byang chub sems dpa' sems dpa'
166b1 chen po bla na med pa yang dag par rdzogs pa'i byang chub tu mngon par yang dag par zhugs pa rangs par byed cing yang dag par 'dzin du 'jug la/ yang dag par gzeng stod cing tha na tshig bzhi pa'i tshigs su bcad pa tsam yang dag par rab tu ston pa de ni
166b2 bsod nams kyi phung po dpag tu med pa dang ldan pa yin no/ /shA ra dwa ti'i bu gal te byang chub sems dpa' sems dpa' chen pos ming 'di zhes bya ba byang chub kyi phyogs kyi chos yongs su smin par bya ba'i phyir chos kyi sbyin pas rangs par byas shing
166b3 sangs rgyas kyi chos de snyed nye bar ston par byed pa de lta bur shes par byed na/ shA ra dwa ti'i bu des ji tsam du sangs rgyas kyi ye shes nye bar ston par byed pa'i byang chub sems dpa' de nye bar bsgrub pa thams cad kyis mgos 'dzin tam/ phrag
166b4 pas 'dzin cing rnam grangs des byang chub sems dpa' gang gi tshe nub mo bla na med pa yang dag par rdzogs pa'i byang chub mngon par rdzogs par 'tshang rgya zhing / sems can de yongs su smin par byed na sems can de la chos bstan cing
166b5 de la bzhag na yang re shig byang chub sems dpa' sems dpa' chen pos de ltar byas pas lan du bya ba byas par mi 'gyur te/ byang chub sems dpa' sems dpa' chen po de ni sangs rgyas kyi chos dpag tu med pa de snyed dang ldan pa
166b6 yin no/ /shA ra dwa ti'i bu de lta bas na rnam grangs des khyod kyis ji ltar byang chub sems dpa' des sems can de la lan du bya ba byas pa ma yin pa de ltar rig par bya'o/ / bam po bcu gsum pa/
166b7 shA ra dwa ti'i bu sngon byung ba 'das pa'i dus na bskal pa grangs med pa'i yang ches grangs med pa/ yangs pa tshad med pa/ bsam gyis mi khyab pa/ dpag tu med par gyur pa byung ba de'i tshe de'i dus na de bzhin gshegs pa kun nas sbas shes
166b8 bya ba byung ste/ bcom ldan 'das de'i tshe tshad ni lo bdun khri thub par gyur to/ /de'i nyan thos 'dus pa ni gsum byung ste/ gcig ni dge slong khrag khrig brgyad bcu byung ngo / /gnyis pa ni dge slong khrag khrig phrag drug bcu byung ngo / /
167a1 nyan thos 'dus pa gsum pa ni dge slong khrag khrig phrag bzhi bcu byung ngo / /shA ra dwa ti'i bu de bzhin gshegs pa dgra bcom pa yang dag par rdzogs pa'i sangs rgyas kun nas sbas yongs su mya ngan las 'das nas dam
167a2 pa'i chos ni lo bzhi khri gnas par gyur to/ /bcom ldan 'das de yongs su mya ngan las 'das nas lnga brgya pa tha ma la dam pa'i chos nub pa'i dus kyi tshe na dge slong ye shes mchog ces bya ba mang du thos pa yid gzhungs pa/ gsal
167a3 ba dul ba zhig byung ngo / /shA ra dwa ti'i bu de'i tshe 'dzam bu'i gling 'dir rgyal po mtha' yas shes bya ba byung ste/ rgyal po de'i pho brang 'khor ni grong khyer mtha' yas shes bya ba chu zheng du dpag tshad bcu gnyis yod pa/ 'byor pa/ rgyas pa/
167a4 bde ba/ lo legs pa/ nyams dga' ba/ skye bo dang mi mang pos gang ba zhig byung ngo / /de'i tshe yang grong khyer mtha' yas su khyim bdag khro ba med ces bya ba byung ste/ shA ra dwa ti'i bu khyim bdag khro ba med de'i bu ni don gyi blo gros shes bya
167a5 ba zhig byung ngo / /de nas tshong dpon gyi bu don gyi blo gros dge slong ye shes mchog ga la ba der song ste phyin nas dge slong ye shes mchog gis byang chub sems dpa' dang ldan pa'i gtam byas so/ /de nas tshong dpon gyi bu don
167a6 gyi blo gros kyis dge slong ye shes mchog las gtam thos nas yid rangs te so so yang dag par rig par gyur to/ /des de'i tshe chos gos rin thang bye ba ri bas dge slong ye shes mchog la mngon par bkab bo/ /mngon par bkab
167a7 nas dge slong ye shes mchog la smras pa/ 'phags pa khyod kyis legs par smras pa legs so legs so/ /bdag gi khyim du yang dang yang spyon cig /byon nas kyang chos kyi gtam de lta bu mdzod cig dang / bdag la yang phan par
167a8 'gyur tshe dang ldan pa'i chos kyi sbyin pa yang 'bras bu chen por 'gyur ro/ /deng phyin chad ji srid 'tsho'i bar du chos gos dang / bsod snyoms dang / gzims cha dang / bsnyun gyi gsos sman dang / yo byad dag dang / yo byad gzhan dang gzhan
167b1 dag la spyan 'dren to/ /dge slong gang dag tshe dang ldan pa'i rjes su 'brang ba de dag kyang mgron du gnyer ro/ /de nas dge slong ye shes mchog gis tshong dpon gyi bu don gyi blo gros la 'di skad ces smras so/ /khyim bdag khyod kyis smras pa de dge'o/ /
167b2 de nas tshong dpon gyi bu don gyi blo gros dge slong ye shes mchog gi rkang pa la phyag 'tshal te bskor ba byas nas/ dge slong ye shes mchog gi thad nas song ngo / /shA ra dwa ti'i bu de'i 'og tu dge slong ye shes mchog tshong dpon gyi bu gzhon nu
167b3 don gyi blo gros kyi khyim du song ngo / /shA ra dwa ti'i bu de nas dge slong ye shes mchog gis tshong dpon gyi bu gzhon nu don gyi blo gros kyi pha ma dag dang / bu dang chung ma dang / bran pho dang / bran mo dang / las byed pa dang / zho shas 'tsho ba dag bla na med
167b4 pa yang dag par rdzogs pa'i byang chub la bkod do/ /shA ra dwa ti'i bu de yang dge ba'i rtsa ba des bskal pa grangs med par nam yang sangs rgyas dang bral bar ma gyur/ chos dang bral bar ma gyur/ dge 'dun dang bral bar ma gyur/ dge
167b5 ba'i bshes gnyen dang bral bar ma gyur to/ /shA ra dwa ti'i bu de'i tshe de'i dus na tshong dpon gyi bu don gyi blo gros shes bya ba byung ba de gzhan zhig yin pa snyam du khyod sems na de ltar blta bar mi bya'o/ /de ci'i phyir zhe na/ de'i tshe de'i dus na
167b6 nga ni tshong dpon gyi bu don gyi blo gros shes bya bar gyur to/ /shA ra dwa ti'i bu de'i tshe de'i dus na tshong dpon gyi bu gzhon nu de'i pha byung ba de gzhan zhig yin pa snyam du khyod som nyi 'am/ yid gnyis za bar gyur na de ltar blta bar mi bya'o/ /
167b7 de ci'i phyir zhe na/ de'i tshe de'i dus na de bzhin gshegs pa 'od srung de ni nga'i phar gyur to/ /shA ra dwa ti'i bu de'i tshe de'i dus na srog chags bye ba khrag khrig byung ba de gzhan yin pa snyam du sems na/ shA ra dwa ti'i bu khyod kyis de ltar
167b8 blta bar mi bya'o/ /de ci'i phyir zhe na/ de dag thams cad ni bla na med pa yang dag par rdzogs pa'i byang chub tu nges pa sha stag go/ /shA ra dwa ti'i bu de dag ni 'khor 'di nyid du yang dag par 'dus par gyur te de dag kyang ngas bla na med pa
168a1 yang dag par rdzogs pa'i byang chub tu lung bston to/ /shA ra dwa ti'i bu dge slong ye shes mchog ni de nyid kyi tshe len pa'i lhag ma med pa'i mya ngan las 'das pa'i dbyings su yongs su mya ngan las 'das so/ /shA ra dwa ti'i bu
168a2 gal te dge slong ye shes mchog nyan thos kyi theg pas yongs su mya ngan las 'das par ma gyur na/ des tshong dpon gyi bu don gyi blo gros la chos bstan pas bsod nams kyi phung po ji snyed yod pa de snyed kyis de bla na med pa yang dag par
168a3 rdzogs pa'i byang chub mngon par rdzogs par sangs rgyas par 'gyur te/ gang de'i pha ma dag dang / g.yog 'khor thams cad la chos bstan par byas pa lta ci smos/ shA ra dwa ti'i bu gal te dge slong ye shes mchog yongs su mya ngan
168a4 las 'das par ma gyur na/ shA ra dwa ti'i bu ngas dge slong de la lan du bya ba byed mi nus par 'gyur ro/ /shA ra dwa ti'i bu rjed pa 'am/ mchod pa byas kyang nga la chos bstan pa des don ji lta bu byas pa de'i lan du bya ba byed mi nus par 'gyur
168a5 ro/ /shA ra dwa ti'i bu de lta bas na gang gis byang chub sems dpa' chos dang ldan pa'i gtam gyis rangs par byas shing yang dag par 'dzin du bcug la/ yang dag par gzeng bstod pa de ni bsod nams kyi phung po dpag tu med pa dang ldan pa
168a6 yin no/ /shA ra dwa ti'i bu byang chub sems dpa' de ni bya ba dpag tu med pas sems de skyed par byed cing sems skyed pa mngon par sgrub par byed la/ sems bskyed pa de rab tu gnas par byed do/ /shA ra dwa ti'i bu 'di lta ste dper na/
168a7 rgya mtsho chen po rab tu gnas pa na nor bu rin po che de dag ni rin thang gdab tu yod pa 'am/ rin thang gdab tu med pa yin pa de lta bur shes par bya ba yin zhing / de dag thams cad kyang rgya mtsho chen po rab tu gnas pa na nor bu rin po
168a8 che de dag ni rin thang gdab tu yod pa 'am/ rin thang gdab tu med pa yin pa de lta bur shes par bya ba yin zhing / de dag thams cad kyang rgya mtsho chen po na rab tu gnas pa ra rig par bya ba yin la/ de dag thams cad rgya mtsho chen po nas re bar
168b1 bya ba yin no/ /shA ra dwa ti'i bu de bzhin du bla na med pa yang dag par rdzogs pa'i byang chub tu byang chub sems dpa'i sems bskyed pa rab tu gnas pa na 'jig rten pa dang / 'jig rten las 'das pa dang / zag pa dang bcas pa dang / zag pa
168b2 med pa dang / kha na ma tho ba dang bcas pa dang / kha na ma tho ba med pa dang / 'dus byas dang / 'dus ma byas kyi ye shes ji snyed yod pa thams cad kyi snod de yin par 'gyur ba dang / ye shes yongs su gnas par byed par 'gyur ba dang / der
168b3 ye shes thams cad rab tu dbye ba thob par 'gyur ba dang / ye shes thams cad kyang de las rab tu skye bar 'gyur ro snyam du shes par bya ba yin no/ /shA ra dwa ti'i bu 'di lta ste dper na rgya mtsho chen po de nyid rab tu gnas pa na/ shA ra
168b4 dwa ti'i bu gang du lus chen po rgyas par 'gyur ba de ni 'byung po chen po rnams kyi gnas su 'gyur ba de lta bur rig par bya ba yin no/ /shA ra dwa ti'i bu de bzhin du byang chub kyi sems rab tu gnas pa na shA ra dwa ti'i bu bla na med pa yang
168b5 dag par rdzogs pa'i byang chub gang du ye shes kyi lus chen po rgyas par 'gyur ba dang / dge ba'i rtsa ba'i tshogs chen po mngon par 'phel bar 'gyur ba de ni 'byung po chen po mang po grangs med pa'i gnas su 'gyur ba de lta bur
168b6 rig par bya ba yin no/ /shA ra dwa ti'i bu 'di lta ste dper na/ rgya mtsho chen po de nyid rab tu gnas pa na shA ra dwa ti'i bu gang du klu'i rgyal po chen po gnas pa de dag bya'i rgyal po nam mkha' lding dag gis thul bar dka' bar 'gyur ba
168b7 ba dang / de dag rgya mtsho chen po nas byung nas kyang gling bzhi pa'i 'jig rten gyi khams char pa'i rgyun chen pos tshim par byed pa de ni klu chen po dag gis gnas su 'gyur ba de lta bur rig par bya ba yin no/ /shA ra dwa ti'i bu de
168b8 bzhin du byang chub sems dpa'i sems bskyed pa yongs su gnas pa na de las gzhan pa'i byang chub sems dpa' sems dpa' chen po rnams kyis de sangs rgyas su gyur nas sems can dpag tu med pa'i gnas
169a1 chen por gyur par 'gyur ba dang chos de dag gi gnas kyang byed par 'gyur ba dang / sangs rgyas kyi yul de'i gnas kyang byed par 'gyur ba dang / de las bdud sdig can dag gis phyir mi bsgyur bar 'gyur ba dang /
169a2 thul bar dka' bar 'gyur ba dang / mi non par 'gyur ba dang / gal te bdud rnams kyis bdud kyi las bya'o snyam nas gnod pa'i sems bskyed par gyur na/ de dag gis sems bskyed ma thag kho nar bdud kyis bcing ba thams cad
169a3 thal bar rlog par byed par 'gyur ba dang / bdud kyi sems thams cad thal bar rlog par byed par 'gyur bar rig par bya ba yin no/ /'di lta ste/ dper na klu chen po de dag ni rgya mtsho chen po las phyir bsgyur bar dka' ba yin
169a4 zhing / de dag rgya mtsho chen po nas mngon du byung nas gling bzhi pa'i 'jig rten gyi khams char pa'i rgyun chen pos kun du tshim par byed cing / der sman dang nags tshal dag 'phel ba dang / rgyas pa dang / yangs pa nyid du
169a5 'gyur ba dang / rkang gnyis pa dang / rkang bzhi pa dag skom pa rgyun gcod par 'gyur ba dang / de'i 'og tu yang rgya mtsho chen por 'bab par 'gyur ba yin no/ /shA ra dwa ti'i bu de bzhin du byang chub sems dpa'i sems bskyed pa
169a6 de rab tu gnas pa na/ shA ra dwa ti'i bu de ni byang chub sems dpa' sems dpa' chen po klu chen po rnams kyi gnas yin par 'gyur ba dang / de nas mngon du byung nas kyang stong gsum gyi stong chen po 'jig rten gyi grong dang /
169a7 grong khyer dang / grong rdal dang / ljongs dang / yul 'khor dang / rgyal po'i pho brang 'khor dag tu 'dod chags dang bral ba'i mtha' las byung ba'i chos kyi char pa mngon du 'bebs par byed pa dang / chos kyi char pa chen po 'bebs par
169a8 'gyur ba dang / sems can grangs med dpag tu med pa'i sred pa/ 'dod pa'i sred pa dang / gzugs kyi sred pa dang / gzugs med pa'i sred pa rab tu zhi bar byed par 'gyur ba de lta bur rig par bya ba yin no/ /'di lta ste/
169b1 dper na rgya mtsho chen po de nyid yongs su gnas pa na/ gling bzhi pa na chu klung chen po gang dag ji snyed yod pa de dag thams cad 'dir 'bab par 'gyur ba dang / rgya mtsho chen po ni rim gyis gzhol ba'i phyir/ rgya mtsho chen po ma
169b2 gtogs par de dag gi gnas gzhan med de/ de dag thams cad rgya mtsho chen po ga la ba der 'bab kyang rgya mtsho chen po gang ba 'am/ bri bar yang mi 'gyur ba dang / rgya mtsho chen po'i chos nyid gnas pa nyid ni 'di yin te/ 'di
169b3 lta ste rgya mtsho chen po'i chu ni chu tha dad pa 'bab pa yang yin la/ chu gcig pa yin par yang 'gyur ba dang / 'di lta ste/ lan tshwa'i ror ro gcig par 'gyur bar rig par bya ba yin no/ /shA ra dwa ti'i bu de bzhin du byang chub
169b4 sems dpa'i sems bskyed pa rab tu gnas pa na de sangs rgyas nyid dang / de bzhin gshegs pa nyid dang / mngon par rdzogs par sangs rgyas nas sangs rgyas kyi chos rnams yongs su rdzogs pa dang / sems can thams
169b5 cad kyi shes rab rgyun mi 'chad pa'i snod du gyur par 'gyur ba dang / sems can gang dag chos kyi the tshom sna tshogs skyes pa de dag gis kyang de mthong ma thag kho nar the tshom dang bral bar 'gyur ba dang / ming snga ma de dag kyang
169b6 'di lta ste/ de bzhin gshegs pa'i nyan thos shes bya bar ming gcig par 'byung ba de lta bur rig par bya ba yin no/ /shA ra dwa ti'i bu 'di lta ste/ dper na rgya mtsho chen po ni lan tshwa'i ror ro gcig pa yin no/ /de bzhin du de'i
169b7 nyan thos legs pa kho nar rnam par grol bas rnam par grol ba de dag thams cad ni 'di lta ste/ rnam par grol ba'i ror ro gcig par 'gyur ba yin no/ /shA ra dwa ti'i bu 'di lta ste/ dper na rgya mtsho chen po de nyid rab tu
169b8 gnas pa na gzod ma nyid nas rim gyis gzhol bar gnas so/ /shA ra dwa ti'i bu gal te rgya mtsho chen po gzod ma nyid nas bya skyibs su chags par gyur na/ rin po che 'dod pa'i mi rnams 'jug par mi 'gyur ro/ /shA ra dwa
170a1 bu rgya mtsho chen po ni zab pa nyid dang / chu mtha' yas par rab tu gnas so/ /shA ra dwa ti'i bu de bzhin du byang chub sems dpa'i sems bskyed pa gnas pa na/ gzod ma nyid nas rim gyis gzhol bar rab tu
170a2 gnas shing / mtha' yas pa nyid kyis rim gyis 'bab pa dang / rim gyis bab par kun nas gnas la zab pa nyid du rab tu gnas so/ /shA ra dwa ti'i bu de la rim gyis gzhol ba nyid ni 'di yin te/ 'di lta ste/ sbyin pa'i
170a3 pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa mngon par sgrub pa'o/ /shA ra dwa ti'i bu de la byang chub
170a4 sems dpa'i shes rab kyi pha rol tu phyin pa ni zab pa nyid du rig par bya'o/ /shA ra dwa ti'i bu de la byang chub sems dpa'i sangs rgyas kyi chos kyi thabs la mkhas pa mngon par sgrub pa ni mtha' yas pa nyid du blta bar bya ste/ gzod
170a5 ma nyid nas yang dag pa'i mtha' mngon du byas pas mi gnon par gyur pa dang / sems can grangs med dpag tu med pa mi 'jug par gyur pa dang / chos dkon mchog 'dod pa rnams mi 'jug par gyur na mi rung ngo snyam nas
170a6 rim gyis gzhol zhing bab par 'jug pa de nyid kyis kyang dmyigs pa thams cad sgyur bar byed do/ /shA ra dwa ti'i bu 'di lta ste/ dper na rgya mtsho chen po de nyid rab tu gnas pa na gzod ma nyid nas 'gro ba thams cad kyi rgya nyid du rab
170a7 tu gnas so/ /shA ra dwa ti'i bu de bzhin du byang chub kyi sems bskyed pa rab tu gnas pa na gzod ma nyid nas 'gro ba thams cad kyi rgya nyid du rab tu gnas so/ /shA ra dwa ti'i bu 'di lta ste/ dper na rgya mtsho chen po de nyid rab
170a8 tu gnas pa na gzod ma nyid nas rin po che'i gling rgyun mi 'chad pa nyid du rab tu gnas so/ /shA ra dwa ti'i bu de bzhin du byang chub sems dpa'i sems bskyed pa rab tu gnas pa na gzod ma nyid nas dran pa nye bar gzhag pa dang /
170b1 yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa rin po che dag rab tu gnas par byed do/ /de
170b2 nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das 'di lta ste/ de bzhin gshegs pa dgra bcom pa yang dag par rdzogs pa'i sangs rgyas kyis rgya mtsho chen po'i dpe rab tu bzhag pa
170b3 dang / spobs pa dpag tu ma mchis pa mngon par sgrub pa'i tshul gyis byang chub sems dpa' rnams kyi byang chub kyi sems rab tu bzhag pa ni ngo mtshar lags so/ /de skad ces gsol pa dang / bcom ldan 'das kyis tshe dang ldan
170b4 pa shA ra dwa ti'i bu la 'di skad ces bka' stsal to/ /shA ra dwa ti'i bu 'di ni de bzhin gshegs pas dpe tsam zhig mdzad pa'o/ /shA ra dwa ti'i bu byang chub sems dpa' rnams kyi sems bskyed pa ni rgya mtsho chen po'i dpe'i tshad ma
170b5 yin no/ /shA ra dwa ti'i bu byang chub sems dpa'i sems bskyed pa ni dmigs pa'i spobs pa dpag tu med pa'o/ /shA ra dwa ti'i bu de bzhin gshegs pa ni dmigs pa'i spobs pa gcig pa ma yin gyi/ dmigs
170b6 pa'i spobs pa dpag tu med pa'o/ /de ci'i phyir zhe na/ byang chub sems dpa' sems dpa' chen po rnams kyi sems bskyed pa ni ngas spobs pa dpag tu med pa nyid kyis stong gsum gyi stong chen po'i 'jig rten gyi khams
170b7 yongs su gnas pa'i dmigs pas yongs su bzhag pa'i phyir ro/ /de ci'i phyir zhe na/ shA ra dwa ti'i bu byang chub kyi sems bskyed pa yongs su gnas pa de de dang 'dra ba'i phyir te/ 'di ltar de las brtsams na de bzhin gshegs
170b8 pa dgra bcom pa yang dag par rdzogs pa'i sangs rgyas kyis bskal pa 'am/ bskal pa las lhag pa 'am/ de bas kyang lhag par bstan kyang byang chub sems dpa'i sems bskyed pa de ni zad pa 'am/ yongs su
171a1 nyams par mi 'gyur ro/ /de ci'i phyir zhe na/ shA ra dwa ti'i bu byang chub sems dpa'i sems bskyed pa de ni thul bar dka' ba'i bya ba dang / bsnyen par dka' ba'i bya ba dang / mngon du 'phags pa'i bya ba dang /
171a2 sems can bde bar byed pa'i bya ba dang / nyams dga' bar byed pa'i bya ba dang / dga' ba'i bya ba dang / khams gsum 'gyur ba'i bya ba dang / ye shes chen po 'gyur ba'i bya ba dang / gting dpag dka' ba'i bya ba dang /
171a3 ma chags pa'i bya ba dang / snang ba chen po'i bya ba de 'dra ba'i bya bas yongs su gnas pa'i phyir te/ shA ra dwa ti'i bu mdor na byang chub sems dpa'i sems bskyed pa ni bya ba de 'dra bas bgrang ba'i mtha' bya bar mi nus so/ /
171a4 shA ra dwa ti'i bu 'di lta ste/ dper na stong gsum gyi stong chen po'i 'jig rten gyi khams yongs su gnas pa na 'jig rten gyi khams de ni stong gsum gyi stong chen po'i 'jig rten gyi khams na sems can ji snyed yod pa de dag gis
171a5 nye bar spyad par bya ba'i phyir rab tu gnas pa yin no/ /shA ra dwa ti'i bu de bzhin du byang chub sems dpa'i sems bskyed pa rab tu gnas pa na de ni sems can grangs med dpag tu med pa'i ye shes nye bar spyod pa'i gnas su
171a6 gyur pa yin par gnas pa de lta bur rig par bya ba yin no/ /shA ra dwa ti'i bu 'di lta ste/ dper na ri'i rgyal po ri rab rab tu gnas pa na shA ra dwa ti'i bu lha'i bu stong phrag mang po'i gnas yin par 'gyur ba dang / de la gnas nas
171a7 sum bcu rtsa gsum pa'i lha rnams kyis lha ma yin gyi dmag mang po pham par byed par 'gyur ba rig par bya ba yin no/ /shA ra dwa ti'i bu de bzhin du byang chub sems dpa'i sems bskyed pa rab tu gnas pa na de ni nyan thos
171a8 grangs med dpag tu med pa'i gnas yin par 'gyur ro/ /de la gnas nas lha rnams kyis lha ma yin gyi dmag dag pham par byed par 'gyur ba ji lta ba de bzhin du/ shA ra dwa ti'i bu de la gnas nas sems can dpag tu
171b1 med pa gzhan dag gis kyang blo gros sbyang dka' ba'i bdud kyi dpung dag kyang pham par byed par 'gyur ba yin no/ /shA ra dwa ti'i bu 'di lta ste/ dper na ri'i rgyal po khor yug chen po dag rab tu gnas pa na sems can gang dag
171b2 khongs su gtogs pa de dag thams cad ni thogs pa med par 'gro ba'i rlung gi dkyil 'khor dag gis thul bar dka' bar 'gyur ba yin par rig par bya ba yin no/ /shA ra dwa ti'i bu de bzhin du bla na med pa yang dag par rdzogs
171b3 pa'i byang chub tu byang chub sems dpa'i sems bskyed par rab tu gnas pa na gnas kyi 'du shes can sems can gang dag byang chub sems dpa'i khongs su gtogs pa de lta bur rig par bya ba yin no/ /shA ra dwa ti'i bu de dag
171b4 ni nyon mongs pa'i rlung gi dkyil 'khor thams cad kyis thul bar dka' ba yin no/ /shA ra dwa ti'i bu 'di lta ste/ dper na ri'i rgyal po gangs ri rab tu gnas pa na de ni sman thams cad kyi gnas su gyur par rab tu gnas pa
171b5 de lta bur rig par bya ba yin no/ /shA ra dwa ti'i bu de bzhin du byang chub sems dpa'i sems bskyed par rab tu gnas pa na/ shA ra dwa ti'i bu sems can grangs med dpag tu med pa'i nyon mongs pa'i nad yang dag par gzhom
171b6 par bya ba'i phyir ye shes chen po'i sman de rab tu gnas pa de lta bur rig par bya ba yin no/ /shA ra dwa ti'i bu 'di lta ste/ dper na rin po che'i 'byung gnas chen po rab tu gnas pa na/ de ni sems can 'bum phrag mang po la phan
171b7 'dogs par gyur pa yin par 'gyur ba dang / kun bged pa yin par 'gyur ba dang / 'du ba yin par 'gyur ba de lta bur rig par bya ba yin no/ /shA ra dwa ti'i bu de bzhin du byang chub sems dpa'i sems bskyed pa rab tu
171b8 gnas pa na de ni sems can grangs med dpag tu med pa la phan 'dogs pa yin par 'gyur ba dang / de ni 'di lta ste/ chos dkon mchog gi rjes su spyod pa nyid kyis kun bged pa yin par 'gyur ba de lta bur rig par bya
172a1 ba yin no/ /shA ra dwa ti'i bu 'di lta ste/ dper na nyi ma'i gzhal med khang dang de la lha'i bu nyi ma gnas par byed pa rab tu gnas pa na/ shA ra dwa ti'i bu de ni gling bzhi pa thams cad du snang ba yin par 'gyur ba dang /
172a2 'od du 'gyur ba yin pa dang / tsha ba yin par 'gyur ba de lta bur rig par bya ba yin no/ /shA ra dwa ti'i bu de bzhin du byang chub sems dpa'i sems bskyed pa dang / byang chub sems dpa'i ye shes chen po'i gnas theg pa chen po
172a3 la mngon par zhon zhing gnas par byed pa rab tu gnas pa na/ de ni stong gsum gyi stong chen po'i 'jig rten gyi khams na snang ba byed pa yin par rig par bya ba yin no/ /shA ra dwa ti'i bu 'di lta ste/ dper na klu'i rgyal po ma
172a4 dros pa'i gnas rab tu gnas pa na/ shA ra dwa ti'i bu klu'i rgyal po chen po de der gnas par byed par 'gyur ba dang / phyogs bzhir chu klung chen po bzhi yang gtong bar 'gyur ba dang / de dag gis rkang gnyis pa dang / rkang
172a5 bzhi pa dag gi skom pas 'jigs pa'i don byed par 'gyur ba dang / 'bru dang / sman dang / shing ljon pa dang / nags tshal dag mngon par skyed par 'gyur ba dang / rin po che'i 'byung gnas rgya mtsho chen po yang kun
172a6 du tshim par byed par 'gyur ba de lta bur rig par bya ba yin no/ /shA ra dwa ti'i bu de bzhin du byang chub sems dpa'i sems bskyed pa de rab tu gnas pa na byang chub sems dpa' de de la gnas pa na bla na med pa yang
172a7 dag par rdzogs pa'i byang chub mngon par rdzogs par sangs rgyas te/ chos kyi chu klung rnam pa bzhi po 'di lta ste/ don so so yang dag par rig pa'i chu klung dang / nges pa'i tshig so so yang dag par rig pa'i chu klung
172a8 dang / spobs pa so so yang dag par rig pa'i chu klung dag gtong bar byed par 'gyur ba dang / stong pa nyid dang / mtshan ma med pa dang / smon pa med pa dang / 'phags pa'i lam yan lag brgyad pa'i sgra dbyangs kyi nga ro can
172b1 gyi chos dkon mchog gi chu de dang / dbang po lnga dang / stobs lnga dang / byang chub kyi yan lag gi chus sems can grangs med dpag tu med pa du ma'i nyon mongs pa'i sred pa rgyun bcad nas/ rgya mtsho chen
172b2 po'i chu klung chen po bzhin du 'dod chags dang bral ba'i mtha'i rgya mtsho chen po tshim par byed par 'gyur ba de lta bur rig par bya ba yin no/ /shA ra dwa ti'i bu byang chub sems dpa'i sems bskyed pa de ji srid du rab tu
172b3 gnas pa ni chen po'i bya ba dang / bsnyen par dka' ba'i bya ba dang / mi mnyam pa dang mnyam pa'i bya bas rab tu gnas te/ shA ra dwa ti'i bu de ni de bzhin gshegs pas kyang tshig gis bstan par mi spyod do/ /shA ra dwa
172b4 ti'i bu de lta bas na gang sems can de lta bu'i chos dang ldan pa'i gtam gyis rangs par byed cing yang dag par 'dzin du 'jug la/ yang dag par gzeng bstod pa'i rigs kyi bu 'am/ rigs kyi bu mo de ni shA ra dwa
172b5 ti'i bu bsod nams kyi phung po chen po dpag tu med pa bskyed pa yin no/ /shA ra dwa ti'i bu bsod nams kyi phung po de'i bsod nams kyi mtha' ni yongs su mya ngan las ma 'das kyi bar du de bzhin gshegs pas kyang
172b6 bstan par mi spyod de/ theg pa gang dang gang du yongs su bsngos pa de dang der yang 'grub par 'gyur ro/ /shA ra dwa ti'i bu 'di lta ste dper na de bzhin gshegs pa la phul ba'i sbyin pa dang / de bzhin gshegs pa la bskyed
172b7 pa'i dge ba'i rtsa ba dag ni yongs su mya ngan las ma 'das kyi bar du bar ma dor yongs su zad par yang dag par rjes su ma mthong ngo / /shA ra dwa ti'i bu de bzhin du chos dang ldan pa'i gtam gyis byang chub sems dpa'
172b8 rangs par byas shing yang dag par 'dzin du bcug pas yongs su mya ngan las 'das pa chen po ma yin gyi bar du bar ma dor yongs su zad pa 'am/ yongs su gtugs par yang dag par rjes su ma mthong ste/
173a1 shA ra dwa ti'i bu rnam grangs des na de lta bur rig par bya ba yin no/ /shA ra dwa ti'i bu sngon byung ba 'das pa'i dus na gang byung ba de'i tshe de'i dus na byang chub sems dpa' rgyal po'i gzhon nu chos yongs su tshol
173a2 'dod pa zhes bya ba byung bar gyur to/ /shA ra dwa ti'i bu byang chub sems dpa' sems dpa' chen po chos yongs su tshol 'dod pa des legs par smras pa ji snyed thos pa de dag thams cad bris shing blangs la brjod de thams
173a3 cad kun du bzung ngo / /des kyang de'i tshe byang chub sems dpa' chos yongs su tshol 'dod pa/ chos yongs su tshol ba la mngon par brtson pas grong nas grong dang / grong khyer nas grong khyer dang / grong rdal nas grong rdal dang /
173a4 ljongs nas ljongs su chos yongs su tshol ba la mngon par brtson zhing yongs su btsal to/ /de'i tshe mi gcig cig ri'i bya skyibs na 'dug par gyur te/ des byang chub sems dpa' chos yongs su tshol 'dod pa la smras pa/
173a5 gzhon nu tshur shog dang / kho bos khyod la de bzhin gshegs pa'i mtshan dang ldan pa'i gtam bya'o/ /de nas chos yongs su tshol 'dod pa ri'i bya skyibs na 'dug pa'i mi ga la ba der song ste phyin nas/ smras pa/ de bzhin gshegs
173a6 pa'i mtshan dang ldan pa'i gtam rab tu ston cig /des smras pa/ gzhon nu tshigs su bcad pa de ni rin med par kho bo yang dag par rab tu mi ston to/ /shA ra dwa ti'i bu de'i tshe rgyal po'i gzhon nu des gos rin thang bye ba phrag
173a7 nyi shu ri ba lus la gyon par gyur cing / nor bu rin po che rin thang bye ba phrag bzhi bcu ri ba yang lus la btags par gyur to/ /de nas 'dod pas zil gyis non pa'i mi brkam chags pa de 'di snyam du sems te/ gal te bdag
173a8 la rgyal po'i gzhon nu des gos de dang nor bu rin po che de byin par gyur na/ de lta na bdag gis de la tshigs su bcad pa de yang dag par rab tu bstan par bya'o snyam mo/ /de nas chos yongs su tshol 'dod pas mi de la smras pa/
173b1 kye mi khyod la ci dgos de smros shig dang / kho bos khyod la sbyin par bya'o/ /khyod kyis kyang kho bo la sangs rgyas dang ldan pa'i tshigs su bcad pa de yang dag par rab tu ston cig /de nas mi des smras pa/ gzhon nu gal
173b2 te khyod kyis ji ltar bgos pa'i gos dang nor bu rin po che de byin nas kyang bya skyibs 'di nas bdag nyid bor na de lta na kho bos khyod la tshigs su bcad pa de yang dag par rab tu bstan par bya'o/ /shA ra dwa ti'i bu de nas
173b3 byang chub sems dpa' sems dpa' chen po chos yongs su tshol 'dod pas mi de la smras pa/ kye mi khyod la don du 'gyur na bdag gis ri'i bya skyibs 'di nas bdag nyid dor bar bya'o/ /des smras pa/ gzhon nu
173b4 bdag la don du gang yang mi 'gyur mod kyi/ 'on kyang gang gi tshe khyod kyis kho bo la gos de dang nor bu rin po che de byin par gyur la/ de'i tshe khyod kyis tshigs su bcad pa de thos nas 'gyod par gyur te/ dbang gi yang
173b5 'phrog par 'gyur ro/ /de nas byang chub sems dpa' chos yongs su tshol 'dod pas mi de la smras pa/ kye mi khyod tshigs su bcad pa de kho bo la ston cig dang / kho bos khyod la byin nas 'gyod par mi bya'o/ /mi des
173b6 smras pa/ gzhon nu khyod dam bcas pa la mi gnas pa de nyid kyi tshe khyod 'gyod par byed pa yin no/ /de nas byang chub sems dpa' sems dpa' chen po chos yongs su tshol 'dod pas mi de la smras pa/ kye mi
173b7 de'i phyir gal te khyod de ltar sems na de yongs su rdzogs par byas/ sangs rgyas dang ldan pa'i tshigs su bcad pa de kho bo la ston cig dang / kho bos khyod la gos rin po che de dang nor bu rin po che de sbyin par bya'o/ /
173b8 tshigs su bcad pa de thos nas kyang ri'i bya skyibs 'di nas bdag nyid dor bar bya'o/ /shA ra dwa ti'i bu mi des byang chub sems dpa' de la sangs rgyas kyi mtshan dang ldan pa'i tshigs su bcad pa de bstan to/ /shA ra dwa
174a1 ti'i bu thos ma thag tu yang gzhon nu chos yongs su tshol 'dod pas mi de la gos de dang nor bu rin po che de byin te/ bden pa dang bden pa'i tshig gang gis 'gyod pa med cing gdung ba med par gos rin po che de
174a2 dang nor bu rin po che de byin pa'i bden pa dang bden pa'i tshig des ma snad pa nyid dang ma smas pa nyid du sa la 'dug par gyur cig ces bden pa'i byin gyis rlabs kyang byas so/ /des bden pa'i byin gyi rlabs de lta bu de byas
174a3 nas bya skyibs de nas bdag nyid bor ro/ /des lus de bor ma thag tu de nas de nyid kyi tshe rgyal po chen po bzhis yongs su bzung ste/ bde bar myur ba kho nar sa la bzhag go/ /de nas byang chub sems dpa' chos yongs
174a4 su tshol 'dod pas mi de la smras pa/ kye mi de tsam du legs par smras pa'i tshig de dang / de tsam du don bzang po dang / tshig 'bru bzang po ngo mtshar to/ /shA ra dwa ti'i bu de nas mi de myur ba myur bar bya skyibs de nas babs
174a5 nas/ byang chub sems dpa' chos yongs su tshol 'dod pa de ga la ba der song nas 'di skad ces smras so/ /rgyal po'i gzhon nu khyod kyis ji tsam du gya tshom du byas pa ni ngo mtshar to/ /rgyal po'i gzhon nu
174a6 khyod chos ji lta bu zhig 'dod/ des smras pa/ kye mi kho bos ni sems can ma bsgral ba rnams bsgral bar bya zhing ma grol ba rnams grol bar bya/ yongs su mya ngan las ma 'das pa rnams yongs su mya ngan las
174a7 bzla bar bya'o/ /shA ra dwa ti'i bu mi de byang chub sems dpa'i tshig de la mngon par yid ches nas de dga' ste/ byang chub sems dpa' dam pa'i chos yongs su tshol 'dod pa la smras pa/ gzhon nu de'i phyir kho bos khyod
174a8 la gos rin po che de dang nor bu rin po che de phyir sbyin par bya'o/ /de ci'i phyir zhe na/ gzhon nu gos de dang nor bu rin po che de ni khyod dang 'tsham pa'i phyir ro/ /des smras pa/ kye mi byin nas phyir len pa de ni kho bo'i cha ma
174b1 yin no/ /mi des smras pa/ rgyal po'i gzhon nu khyod de'i phyir de'i tshe khyod kho bo'i skyabs byed par 'gyur ro/ /shA ra dwa ti'i bu de'i tshe de'i dus na byang chub sems dpa' chos yongs su tshol 'dod pa de gzhan zhig yin pa snyam du
174b2 som nyi 'am yid gnyis za bar gyur na/ khyod kyis de ltar blta bar mi bya'o/ /de ci'i phyir zhe na/ shA ra dwa ti'i bu de'i tshe de'i dus na nga ni rgyal po'i gzhon nu chos yongs su tshol 'dod pa zhes bya bar gyur to/ /shA ra dwa ti'i bu/
174b3 de'i tshe de'i dus na mi zhig byung ba de gzhan zhig yin pa snyam du sems na khyod kyis de ltar blta bar mi bya'o/ /de ci'i phyir zhe na/ shA ra dwa ti'i bu de'i tshe de'i dus na de nga las dad pa rnyed cing 'di skad du skyabs byed par 'gyur ro/ /
174b4 zhes tshig smra ba'i mi byung ba de ni bag ka li yin no/ /shA ra dwa ti'i bu dge slong bag ka li ni da ltar yang nga dge slong gi dge 'dun dang thabs gcig tu nam mkha' las 'gro ba'i lam nas gshegs pa na ri'i bya skyibs na chag par
174b5 gyur te/ ngas kyang bag ka li tshur shog ces brjod pa dang / des ting nge 'dzin gyi grol ba bskyed de/ bya skyibs de nas bdag nyid bor nas nam mkha' la 'dug bzhin du mngon par shes pa drug mngon du byas so/ /shA ra dwa
174b6 ti'i bu bsod nams kyi phung po de yun ji srid nas rjes su 'brangs shing nga la tshig bzhi pa'i tshigs su bcad pa gcig yang dag par bstan pa'i dge ba'i rtsa ba de dang las kyi rnam par smin pa des nga las dad pa rnyed cing nga la
174b7 mos pas myur ba de lta bur rnam par grol la de nyid kyis de'i skyabs byas pa la ltos/ shA ra dwa ti'i bu mi de'i 'dod pa sngon du 'gro ba'i sems kyis dge ba'i rtsa ba de mngon par 'dus byas shing / 'bras bu de snyed mngon par
174b8 'grub par bya ba'i phyir byung ba la ltos/ gang dag ting nge 'dzin gyi grol ba bskyed cing nges par brtags nas/ sangs rgyas kyi ye shes de gting dpog par byed pa dang / byang chub sems dpa' sems dpa' chen po
175a1 rnams rangs par byed cing yang dag par 'dzin du 'jug la/ yang dag par gzeng bstod pa dang / tha na tshig bzhi pa'i tshigs su bcad pa tsam ston pa lta ci smos/ sha ra dwa ti'i bu bsod nams kyi phung po de ni mya
175a2 ngan las 'das pa chen po ma gtogs par bar ma dor zad pa 'am/ yongs su gtugs par nga mi smra'o/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das gang
175a3 chos dang ldan pa'i gtam gyis byang chub sems dpa' sems dpa' chen po rangs par bgyid cing / yang dag par 'dzin du stsol la yang dag par gzeng bstod pa'i rigs kyi bu 'am/ rigs kyi bu mo de bcom ldan 'das bsod
175a4 nams kyi phung po de lta bu bskyed lags na/ bcom ldan 'das gang zhig byang chub sems dpa' sems dpa' chen po byang chub kyi sems dang ldan pa/ sangs rgyas kyi chos kyi grong khyer du rjes su 'jug par 'tshal ba mos pa
175a5 zlog par bgyid cing rnam par g.yeng bar bgyid la bar chad bgyid na/ bcom ldan 'das de ji lta bur 'gyur lags/ bcom ldan 'das kyis gnas de bstan du gsol/ de ci'i slad du zhe na/ bcom ldan 'das sems
175a6 can gang dag byang chub sems dpa' rnams la bar chad bgyi ba'i slad du zhugs pa de dag gis thos nas nongs pa la nongs par 'chags par 'gyur ba dang / gang dag 'jug pa de dag thams cad kyis thos nas bcom ldan
175a7 'das las nongs pa nod pa'i slad du'o/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu gang byang chub sems dpa' la bar chad bya
175a8 ba'i phyir 'jug cing mos pa zlog par byed rnam par g.yeng bar byed la/ bar chad byed pa de ni bsod nams ma yin pa'i phung po dang ldan par 'gyur ro/ /shA ra dwa ti'i bu 'di lta ste dper na gang rin thang med pa'i nor bu rin po
175b1 che chen po la bar chad byed pa de ni nor gyi phung po chen po la bar chad byed pa yin no/ /shA ra dwa ti'i bu de bzhin du gang byang chub sems dpa'i byang chub kyi sems bskyed pa gcig gi bar chad byed pa de ni chos dkon mchog gi
175b2 phung po 'bum phrag mang po dpag tu med grangs med pa dag gi bar chad byed pa yin no/ /shA ra dwa ti'i bu 'di lta ste/ dper na gang sman gyi shing ljon pa bskyed pa la bar chad byed cing chud gzan par bya ba'i phyir 'jug pa de ni/
175b3 shA ra dwa ti'i bu sems can nad kyis gzir ba mang po dpag tu med pa la bar chad byed pa yin te/ de ni sems can de dag nad chen po de las ma thar bar 'chi ba'i dus byed par 'gyur ba yin no/ /shA ra dwa ti'i bu de bzhin du
175b4 gang byang chub kyi sems bskyed pa/ mnyam pa med pa'i sems bskyed pa/ phan pa dang bde ba'i sems bskyed pa/ sems can gyi nyon mongs pa'i nad thams cad sel ba'i sems bskyed pa'i sman la bar chad byed pa de ni/
175b5 shA ra dwa ti'i bu sems can grangs med dpag tu med pa/ 'dod chags dang / zhe sdang dang / gti mug gi nad kyis yongs su gzir ba/ phrag dog dang / ser sna dang / khro ba dang / g.yo dang / sgyu dang / rtsod pa dang / khrel med
175b6 pa dang / khengs pa dang / nyes rtsom dang / rgyags pa dang / bag med pa dang / nga rgyal dang / lhag pa'i nga rgyal gyi nad chen pos gang ba rnams mya ngan las 'das pa chen po dang / nye bar zhi ba dang / nad med pa dang / bsil bar
175b7 gyur par nye bar 'gro ba nad chen po rab tu zhi bar byed pa de la bar chad byed pa yin no / shA ra dwa ti'i bu 'di lta ste/ dper na gang ma dros pa'i gnas la bar chad bya ba'i phyir 'jug cing klu'i rgyal po chen po de la yang bar chad bya ba'i
175b8 phyir 'jug pa de ni/ shA ra dwa ti'i bu rkang gnyis pa dang / rkang bzhi pa mang po'i sred pa'i gdung ba nye bar zhi bar byed pa yan lag brgyad dang ldan pa'i chu la bar chad bya ba'i phyir zhugs pa yin par rigs par bya'o/ /shA ra dwa
176a1 ti'i bu de bzhin du gang la la byang chub sems dpa'i byang chub kyi sems bskyed pa la bar chad byed pa de ni/ shA ra dwa ti'i bu sems can grangs med dpag tu med pa'i sred pa thams cad rab tu gcod par
176a2 byed pa/ yan lag brgyad dang ldan pa'i chos kyi rgyun la bar chad byed pa yin par rig par bya'o/ /shA ra dwa ti'i bu 'di lta ste/ dper na gang nyi ma'i dkyil 'khor la bar chad bya ba'i phyir 'jug pa de ni/ shA ra dwa ti'i bu
176a3 sems can gang dag gling bzhi na gnas pa de dag gi snang ba chen po mi snang bar bya ba'i phyir 'jug pa de lta bur rig par bya ba yin no/ /shA ra dwa ti'i bu de bzhin du gang byang chub kyi sems bskyed pa chos kyi snang ba nye bar gnas
176a4 pa la bar chad byed cing mos pa zlog pa dang / mi klog par byed pa'i sems can de ni/ shA ra dwa ti'i bu stong gsum gyi stong chen po'i 'jig rten gyi khams na sems can gang dag yod pa de dag gi chos kyi gnang ba chen po dang /
176a5 chos kyi gsal ba chen po la bar chad byed pa de lta bur rig par bya ba yin no/ /shA ra dwa ti'i bu 'di lta ste dper na mi la las rin po che thams cad kyi 'byung gnas chud gzon par byed na/ shA ra dwa ti'i bu de ni sems can grangs
176a6 med dpag tu med pas rin po che rnyed pa chud gzan par bya ba'i phyir nye bar gnas pa de lta bur rig par bya ba yin no/ /shA ra dwa ti'i bu de bzhin du gang byang chub sems dpa'i sems bskyed pa sems bskyed pa chen po sangs rgyas
176a7 kyi ye shes kyi sems bskyed pa nub par bya ba'i phyir 'jug pa de ni/ shA ra dwa ti'i bu sems can grangs med dpag tu med pa'i chos dkon mchog 'du ba chud gzan par bya ba'i phyir zhugs pa de lta bur rig par bya ba yin no/ /
176a8 shA ra dwa ti'i bu 'di lta ste dper na rin po che thams cad kyi 'byung gnas de nas ni rin po che de dag thams cad rab tu 'byung ba yin no/ /shA ra dwa ti'i bu de bzhin du byang chub sems dpa'i sems bskyed pa rin po che thams cad
176b1 kyi 'byung gnas de ni de las sangs rgyas kyi chos dkon mchog de lta bu de dag 'byung ba yin no/ /shA ra dwa ti'i bu de lta bas na gang byang chub sems dpa'i sems bskyed pa nub par bya ba'i phyir 'jug pa de ni bsod nams ma yin
176b2 pa'i phung po chen po dang ldan pa yin no/ shA ra dwa ti'i bu 'di lta ste dper na gang da ltar nga la ngan sems kyis khrag dbyung ba'i sems skyed par byed pa dang / gang la la byang chub sems dpa' byang chub kyi sems las mos pa zlog
176b3 par byed cing bar chad byed pa 'di ni mtshungs pa yin no/ /shA ra dwa ti'i bu yang nga la khrag dbyung ba'i sems bskyed pa lta zhog gi/ shA ra dwa ti'i bu ngas mtshams med pa lnga po shin du bzod par dka' ba/ thar bar dka' ba/
176b4 nges par 'byung bar dka' ba bshad pa de bas kyang / rigs kyi bu 'am/ rigs kyi bu mo de bsod nams ma yin pa'i phung po ches mang du bskyed do/ /de ci'i phyir zhe na/ shA ra dwa ti'i bu mtshams med pa lnga byas pas ni
176b5 sangs rgyas kyi chos 'ga' la yang bar chad byas pa ma yin la/ byang chub sems dpa'i sems bskyed pa chud gzan pas ni sangs rgyas kyi chos thams cad chud gzan par byas pa yin pa'i phyir ro/ /shA ra dwa ti'i
176b6 bu 'di lta ste dper na/ ba bsad pas ni 'o ma med par 'gyur ba yin no/ /shA ra dwa ti'i bu de bzhin du byang chub kyi sems dang ba med par byas shing chud gzan pas ni sangs rgyas kyi chos thams cad chud gzan pa
176b7 yin no/ /shA ra dwa ti'i bu de lta bas na mtshams med pa lnga pos ni/ 'di lta ste/ byang chub kyi sems chud gzon pa 'di nyid ches ma rungs pa yin no/ /shA ra dwa ti'i bu mtshams med pa lnga po lta zhog gi/ shA ra dwa
176b8 ti'i bu'i gling bzhi pa chen po'i 'jig rten gyi khams ji snyed yod pa de thams cad dgra bcom pa rnams kyis gang bar gyur la/ de nas mi la la zhig gis dgra bcom pa'i tshogs de thams cad srog dang phral bar
177a1 gyur na/ shA ra dwa ti'i bu 'di ji snyam du sems/ 'o na mi de gzhi de las bsod nams ma yin pa mang du bskyed par 'gyur ba yin nam/ gsol pa bcom ldan 'das mang lags so/ /bcom ldan
177a2 'das mi des bsod nams ma lags pa'i phung po shin du chen po bskyed par 'gyur lags so/ /bka' stsal pa/ shA ra dwa ti'i bu khyod mos par bya khong du chud par bya ste/ shA ra dwa ti'i bu mi des dgra bcom pa'i tshogs
177a3 de snyed srog dang phral bar gyur la/ gang byang chub sems dpa' sems dpa' chen po thams cad mkhyen pa'i theg pas 'gro ba/ rdzogs pa'i sangs rgyas kyi chos kyi grong khyer chen por 'jug par 'dod pa/ byang chub kyi sems
177a4 de las mos pa zlog par byed cing / byang chub kyi sems de yang rkyen des mos pa bzlog par dmigs nas byang chub kyi sems 'dor bar byed na/ shA ra dwa ti'i bu bsod nams ma yin pa'i phung po snga ma des ni bsod nams
177a5 ma yin pa'i phung po de la brgya'i char yang nye bar mi 'gro ba nas/ rgyu'i bar du yang mi bzod do/ /de ci'i phyir zhe na/ shA ra dwa ti'i bu dgra bcom pa'i tshogs de snyed rab tu rnam par bshig pas ni de bzhin gshegs pa'i stobs
177a6 bcu nyams par byas pa ma yin/ de bzhin gshegs pa'i mi 'jigs pa bzhi nyams par byas pa ma yin/ sangs rgyas kyi chos ma 'dres pa bcwa brgyad nyams par byas pa ma yin/ byams pa chen po nyams
177a7 par byas pa ma yin/ snying rje chen po nyams par byed pa ma yin/ de bzhin gshegs pa'i glang po che'i gzigs stangs nyams par byas pa ma yin/ de bzhin gshegs pa'i seng ge ltar sgyings pa nyams par
177a8 byas pa ma yin/ spyi gtsug blta bar mi mthong ba nyams par byas pa ma yin/ chos kyi mur 'gram 'bum phrag du mas kun nas yongs su gang ba nyams par byas pa ma yin/ chos kyi 'khor lo bskor ba bla na
177b1 med pa nyams par byas pa ma yin/ de bzhin gshegs pa'i khyu mchog tu gyur pa nyams par byas pa ma yin/ sems can gyi dbang po mchog dang mchog ma yin pa mkhyen pa nyams par byas pa ma yin/ mos pa
177b2 sna tshogs mkhyen pa nyams par byas pa ma yin pa'i phyir te/ shA ra dwa ti'i bu byang chub sems dpa'i mos pa zlog pas ni chos de dag thams cad nyams par byas pa yin pa'i phyir ro/ /shA ra dwa ti'i bu gling chen po
177b3 bzhi pa'i 'jig rten gyi khams lta zhog gi/ shA ra dwa ti'i bu 'di lta ste dper na stong gsum gyi stong chen po'i 'jig rten gyi khams 'di dgra bcom pa rnams kyis gang bar gyur la/ la la zhig gis dgra bcom pa de
177b4 dag srog dang bral bar byas shing / shA ra dwa ti'i bu gang dgra bcom pa de snyed srog dang bral bas bsod nams ma yin pa'i phung po dang / gang byang chub sems dpa' byang chub kyi sems las mos pa bzlog na/ shA ra dwa ti'i bu
177b5 de ni bsod nams ma yin pa'i phung po ches che bar nga smra'o/ /de ci'i phyir zhe na/ shA ra dwa ti'i bu byang chub kyi sems bskyed pa de dang / rnam par phral bas ni sangs rgyas kyi chos thams cad yongs su nyams par 'gyur ba'i
177b6 phyir te/ de ci'i phyir zhe na/ shA ra dwa ti'i bu gal te sems bskyed pa de med par gyur na ni da ltar sangs rgyas kyi ye shes 'byung bar mi 'gyur ba'i phyir dang / shA ra dwa ti'i bu gal te sems bskyed pa de med par gyur na ni da ltar 'jig
177b7 rten du sangs rgyas khyu mchog tu gyur pa de lta bur 'byung bar mi 'gyur ba'i phyir dang / shA ra dwa ti'i bu gal te sems bskyed pa de med par gyur na ni da ltar sangs rgyas bcom ldan 'das rnams 'byung bar mi 'gyur ba'i phyir ro/ /
177b8 gsol pa/ bcom ldan 'das de lta lags so/ /bcom ldan 'das kyis bka' stsal pa/ shA ra dwa ti'i bu de lta bas na/ rigs kyi bu dang / rigs kyi bu mo dang / dge slong dang / dge slong ma dang / dge snyen dang / dge bsnyen
178a1 ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gang su dag la sems bskyed pa yod pa de dag ni lha dang bcas pa'i 'jig rten gyi
178a2 phyag bya bar 'os pa yin no/ /de ci'i phyir zhe na/ shA ra dwa ti'i bu gang dag la lhag pa'i bsam pa'i sems bskyed pa yod pa de dag la ni/ shA ra dwa ti'i bu de dag de bzhin gshegs pa yang dag par rdzogs pa'i sangs rgyas
178a3 su 'gyur bas mthar thug pa yin par khong du chud par bya ba yin pa'i phyir ro/ /shA ra dwa ti'i bu 'di ji snyam du sems/ gang de bzhin gshegs pas byang chub sems dpa'i sems bskyed pa de lta bu yang dag par rab tu bstan
178a4 na/ 'o na de bzhin gshegs pas sems bskyed pa de lta bu de la rgyal rigs shing sA la chen po lta bu dag yongs su bstan pa 'am/ bram ze'i rigs shing sA la chen po lta bu dag yongs su bstan pa 'am/ khyim
178a5 bdag gi rigs shing sA la chen po lta bu dag yongs su bstan pa 'am/ 'khor los sgyur ba'i rgyal po dag yongs su bstan pa 'am/ rgyal chen bzhi'i ris kyi lha rnams yongs su bstan pa 'am/ rgyal po chen po bzhi yongs
178a6 su bstan pa 'am/ lha rnams kyi dbang po brgya byin nam/ sum bcu rtsa gsum pa'i ris kyi lha rnams yongs su bstan pa 'am/ de bzhin du 'thab bral dang / dga' ldan dang / 'phrul dga' dang / gzhan 'phrul dbang
178a7 byed kyi ris kyi lha rnams yongs su bstan nam/ 'og min gyi lha'i bar du yongs su bstan pa yin nam/ gsol pa/ bcom ldan 'das de ma lags so/ /de ci'i slad du zhe na/ bcom ldan 'das kyis sems skyed
178a8 pa dag pa nyid dang / bcom ldan 'das kyis sems bskyed pa chen po nyid yang dag par rab tu bstan pa'i slad du'o/ /bcom ldan 'das kyis bka' stsal pa/ shA ra dwa ti'i bu 'di ji snyam du sems/ de bzhin gshegs pas
178b1 byang chub kyi sems bskyed pa mngon par yang dag par rab tu bstan pas/ 'di lta ste/ tshan po che'i stobs sam/ tshan po che chen po'i stobs sam/ sred med kyi bu'i stobs phyed yang dag par rab tu bstan pa'i stobs po che dang
178b2 ldan par yang dag par rab tu bstan pa 'am/ dman pa 'am/ dbul ba 'am/ rgya chen po yang dag par rab tu bstan pa yin nam/ gsol pa/ bcom ldan 'das de ma lags so/ /bka' stsal pa/ shA ra dwa ti'i bu de lta bas na
178b3 khyed cag gis stobs dang ldan pa 'am/ stobs chung ba 'am/ dman pa 'am/ rgya chen po gang la sems bskyed pa de mthong na/ shA ra dwa ti'i bu khyed cag gis sems bskyed pa de bsrung bar bya'o/ /shA ra dwa ti'i bu
178b4 khyed cag gis byang chub sems dpa' de yang dag par 'dzin du gzhug par bya/ rangs par bya/ yang dag par gzeng bstod par bya'o/ /shA ra dwa ti'i bu gang byang chub sems dpa' yang dag par 'dzin du 'jug cing / rangs
178b5 par byed la/ yang dag par gzeng bstod pa 'di ni nyan thos kyi bsnyen bkur mchog yin no/ /shA ra dwa ti'i bu de lta bas na nga la bsnyen bkur mchog byed par 'dod pa'i nyan thos kyis ni ci nas byang chub sems dpa'i spyod pa
178b6 rnam par 'phel bar 'gyur bar byang chub sems dpa' yang dag par 'dzin du 'jug par bya/ yang dag par gzeng bstod par bya/ rangs par bya'o/ /shA ra dwa ti'i bu ngas nyan thos rnams la byang chub sems dpa' sems
178b7 dpa' chen po rnams ji nas rnam par 'phel bar 'gyur ba dang / yongs su nyams par mi 'gyur bar yongs su gtad do/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom
178b8 ldan 'das sems bskyed pa ni gsum po 'di dag lags te/ gsum gang zhe na/ 'di lta ste/ dang po sems bskyed pa dang / mi ldog pa'i sems bskyed pa dang / sgrub pa'i sems bskyed pa lags na/ bcom ldan
179a1 'das kyis sems bskyed pa gang gi yon tan gyi khyad par de dag bstan pa lags/ bcom ldan 'das kyis bka' stsal pa/ shA ra dwa ti'i bu ji skad smras pa de de bzhin te/ sems bskyed pa gsum po de dag ni 'di lta ste/
179a2 dang po sems bskyed pa dang / mi ldog pa dang / sgrub pa'i sems bskyed pa'o/ /shA ra dwa ti'i bu de la gang dang po sems bskyed pa de ni de las byang chub sems dpa' ldog cing ldog nas kyang nyan thos kyi theg par ltung ba 'am/ rang
179a3 sangs rgyas kyi theg par ltung ba yin te/ shA ra dwa ti'i bu sems bskyed pa de la de bzhin gshegs pas rangs par mdzad cing yang dag par 'dzin du 'jug par mdzad la yang dag par gzeng bstod par mdzad do/ /de ci'i phyir zhe na/
179a4 ci nas byang chub sems dpa' bla na med pa yang dag par rdzogs pa'i byang chub tu gnas par 'gyur zhing / nyan thos dang rang sangs rgyas kyi sems las kyang ldog par 'gyur la theg pa gnyis po de dag la dmigs par ni mi
179a5 'gyur zhing / mi dmigs pas sangs rgyas kyi chos rnams la gnas par 'gyur zhing / sangs rgyas kyi yul la nges par 'byung bar 'gyur zhig gu snyam pa'i phyir ro/ /shA ra dwa ti'i bu byang chub sems dpa' sems dpa'
179a6 chen pos ni bla na med pa yang dag par rdzogs pa'i byang chub tu sems bskyed pa mngon par bsgrub pa'i phyir rnal 'byor du bya'o/ /shA ra dwa ti'i bu sems stong pa nyid du rnam par blta bar bya'o/ /shA ra dwa ti'i bu sems stong pa
179a7 nyid ni gang yin/ ji ltar na sems stong pa nyid du rnam par blta bar bya ba yin zhe na/ shA ra dwa ti'i bu sems shes bya ba ni sems dang / yid kyi rnam par shes pa dang / yid dang / yid kyi lus dang / yid kyi dbang po dang / yid
179a8 kyi khams te/ 'di ni sems shes bya'o/ /de'i stong pa nyid gang zhe na/ shA ra dwa ti'i bu sems ni sems kyis stong ste/ de la byed pa po gang yang med do/ /gal te de'i byed pa po 'ga' zhig yod na ni des byas na gzhan gyis myong ba
179b1 de lta bur 'gyur ro/ /sems kyis kyang sems mngon par 'du mi byed do/ /gal te sems kyis sems mngon par 'du byed na ni de nyid byed pa po yin zhing / de nyid myong ba po yin par 'gyur ro/ /gal te sems gzhan gyis sems
179b2 mngon par 'du byed na ni gang gis byas pa de ni de'i yin par 'gyur la/ gzhan gyis byas na yang gzhan gyis myong bar 'gyur ro/ /shA ra dwa ti'i bu de lta bas na sems ni sems kyis stong ste/ de la byed pa po gang yang med do/ /gang la byed pa
179b3 po med pa des ni cung zad kyang byas pa med do/ /gang gis cung zad kyang byas pa med pa de la ni byed pa dmigs su med do/ /gang la byed pa po mi dmigs pa de la ni rtsod pa'i gnas med do/ /gang dag de la rtsod par byed pa de dag ni med pa
179b4 la rtsod par byed pa'o/ /gang dag med pa la rtsod par byed pa de dag ni stong pa la rtsod par byed pa'o/ /mtshan ma med pa dang / smon pa med pa la rtsod par byed pa'o/ /gang dag stong pa la rtsod par byed pa de dag ni gsob dang gsog
179b5 la rtsod par byed pa'o/ /gang dag gsob dang gsog la rtsod par byed pa de dag ni de bzhin gshegs pa dang lhan cig du rtsod par byed pa'o/ /gang dag de bzhin gshegs pa dang lhan cig tu rtsod par byed pa de dag ni g.yang sa
179b6 chen por ltung bar byed pa yin no/ /shA ra dwa ti'i bu g.yang sa chen po yang gang zhe na/ 'di lta ste/ sems can dmyal ba dang / dud 'gro'i skye gnas dang / gshin rje'i 'jig rten no/ /shA ra dwa ti'i bu g.yang sa'i phul ni 'di
179b7 yin te/ 'di lta ste/ dmigs par lta ba dang / phung por lta ba dang / khams su lta ba dang / skye mched du lta ba dang / srog tu lta ba dang / 'byung bar lta ba dang / 'jig par lta ba dang / sems can du lta ba dang / gang zag du lta ba'o/ /
179b8 shA ra dwa ti'i bu mdor na mya ngan las 'das par lta ba yang dmigs pa yin/ sangs rgyas su lta ba dang / chos su lta ba dang / dge 'dun du lta ba yang dmigs pa yin te/ lta ba de dag la chags pa'i byis pa so so'i skye bo rnams ni g.yang
180a1 sa chen por ltung bar 'gyur te/ g.yang sa chen po ni 'di lta ste/ 'khor ba de yin par zad do/ /byang chub kyi sems yang dag par 'dzin du gzhug pa dang / rnam par brjod pa dang / bskyed pa bslab
180a2 pa'i le'u ste brgyad pa'o// // de'i tshe slongs mo pa rnam par rgyal ba srung zhes bya ba 'dus te 'dug par gyur to/ /de nas slongs mo pa rnam par rgyal ba srung ba stan las langs nas bla gos phrag pa gcig tu gzar te/
180a3 bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das bdag ni g.yang sar ltung bar 'tshal ba ma lags shing / bdag ni de bzhin gshegs pa dang
180a4 lhan cig tu rtsod par 'tshal ba yang ma lags te/ bcom ldan 'das bdag ni bla na med pa yang dag par rdzogs pa'i byang chub mngon par rdzogs par 'tshang rgya bar 'tshal ba lags na/ bcom ldan 'das bdag ni 'di snyam du
180a5 sems lags te/ ji ltar na bdag dbul zhing mchog tu dbul la spyod pa ngan pas tshegs kyis khyim gyi phun sum tshogs pa sgrub cing / gzhan gyi nor gyis 'tsho bas byang chub mngon par rdzogs par 'tshang rgya ste/ rgyal
180a6 rigs shing sA la chen po lta bu dang / bram ze dang / khyim bdag gi rigs shing sA la chen po lta bus ni byang chub yang dag par sgrub bo snyam bgyid lags so/ /bcom ldan 'das kyis de la 'di skad ces bka' stsal
180a7 to/ /nga ni bram ze dang / rgyal rigs dang / khyim bdag gi rigs shing sA la chen po lta bu dag yongs su mi ston cing rgya chen po dang / 'byor pa dang / lha dang / klu dang / gnod sbyin dang / dri za dang / mi ma yin pa dang / nam
180a8 mkha' lding dang / mi 'am ci dang / lto 'phye chen po dang / yongs su mi ston gyi/ gang gis sems bskyed pa de bskyed na lha dang bcas pa'i 'jig rten gyis phyag bya bar 'os pa yin no/ /gsol pa/ bcom ldan 'das
180b1 bdag deng slan chad bla na med pa yang dag par rdzogs pa'i byang chub tu sems bskyed lags so/ /de skad ces gsol pa dang / bcom ldan 'das kyis slongs mo pa rnam par rgyal ba srung ba la 'di skad ces bka' stsal to/ /rnam
180b2 par rgyal ba srung ba khyod de bzhin gshegs pa'i rjes su slob pa ni legs so legs so/ / bam po bcu bzhi pa/ de nas bcom ldan 'das la slongs mo pa rnam par rgyal ba srung bas tshigs su bcad pa dag gis gsol
180b3 pa/ legs so zhes bgyi mi 'tshal te/ /tshong dpon gyis bkur bdag mi 'tshal/ /sangs rgyas ye shes bla na med/ /ye shes dam pa 'tshal lags so/ /khyod ni 'jig rten bla na med/ /khyod ni rtag tu 'jig rten
180b4 mchog /khyod ni gang dag sdug bsngal gzir/ /sems can rnams kyi gling skyabs gcig /mig ldan zag pa med pa'i chos/ /khyod kyis mngon du mdzad nas su/ /'khor ba las ni rab 'byin cing / /sman pa'i slad du chos
180b5 ston lags/ /khyod kyi rdzu 'phrul mtha' yas te/ /khyod kyi 'od kyang mtha' yas lags/ /khyod kyi shes rab mchog lags te/ /yon tan kun gyis mngon du 'phags/ /'di 'dra bar ni bdag gyur ces/ /de la bdag
180b6 ni 'dun gyur na/ /dbul la su zhig sbyin snyam du/ /de la bdag sems zhum par gyur/ /rgyal po khyim bdag bram ze dang / /lha dang mi 'am ci dag dang / /rdzu 'phrul ldan dang gzi chen mchis/ /de yi skyes bu khyu mchog 'di/ /
180b7 dbul gyur gzhan gyi nor gyis su/ /nye bar 'tsho ba dag la ni/ /gang du 'jig rten mi 'jug pa'i/ /byang chub ga la su zhig ster/ /bdag gi sems ni mkhyen nas su/ /shA ri'i bu la bka' stsal pa/ /sems bskyed pa ni nga yis bstan/ /
180b8 rgyal rigs de dag bstan ma yin/ /bram ze dang ni rje'u dang dmangs kyang min/ /dman pa dang ni mchog dang lha dang klu/ /gnod sbyin mi 'am ci ni ngas ma bstan/ /gzhan du sems dag pa ni ngas bstan to/ /de lta de bzhin gshegs
181a1 pa'i de thos nas/ /stobs dang ldan par gyur te tshig 'di smras/ /'jig rten mgon po mchog tu bdag gyur te/ /'di ltar byang chub don du bdag sems skyes/ /nam mkha' ltung 'gyur sa ni 'jig 'gyur la/ /ri yis
181a2 rgyal po ri rab rnam 'jig 'gyur/ /nam mkha'i khams ni gzhan du 'gyur srid kyi/ /bdag gi sems ni gzhan du 'gyur myi srid/ /sems can 'di dag thams cad bdud gyur la/ /sems de rnam par bzlog par bgyi slad du/ /
181a3 de kun bdag la bar chad bgyid gyur na'ang / /bdag gis sems ni rnam par bzlog mi bgyi/ /gal te 'dir ni sems can 'ga' mchis shing / /'di yi mdun du mchis nas tshig smra na/ /sangs rgyas ye shes dam pa 'di mchog
181a4 dkon/ /dbul la byang chub su zhig sbyin par byed/ /de skad de smras nas ni bdag gis brjod/ /nga bas khyod dbul nga ni dbul ma yin/ /khyod la dad pa nam yang yod ma yin/ /nga la dad pa yod pas bdag 'tshang rgya/ /sangs rgyas rigs
181a5 ni gang yang yod ma yin/ /'bras bu 'am srog ni 'ga' yang yod ma yin/ /gzhan du gang dag sems ni 'dud byed pa/ /de tshe theg pa bla med 'di la 'dud/ /drang srong mchog gi sems 'di rigs yin te/ /'di ni sa bon 'di ni
181a6 'bras bu yin/ /theg mchog dam pa la ni zhugs nas su/ /sangs rgyas rnams kyis bslabs nas 'tshang rgyar 'gyur/ /bdag gis lus dang de bzhin srog dang ni/ /'jig rten rtsed mo dga' ba gang ci'ang btang / /gzhan du bdag gis
181a7 sangs rgyas ye shes mchog /rdzogs par sangs rgyas sems can bdag gis dgrol/ /sangs rgyas chos rje bdag mdun bzhugs pa la/ /bdag 'dir seng ge'i sgra ni sgrogs bgyid pa/ /gal te bdag la nongs pa 'ga'
181a8 mchis na/ /byams la gnas pas rgyal bas bskul lags grang / /de nas bcom ldan 'das kyis de'i tshe slongs mo pa rnam par rgyal ba srung ba la tshigs su bcad pa dag gis phyir bka' stsal pa/ 'di na sangs rgyas la
181b1 ni skyon ci'ang med/ /sems 'di bla na yod pa ma yin pa'i/ /sems de de ring 'dir ni khyod 'dor te/ /khyod kyang rgyal ba chos kyi rjer 'gyur ro/ /de bzhin gshegs pa'i bka' ni thos nas su/ /gzhal du med pa'i dga' bas dga'
181b2 mgu ste/ /de la rnam par rgyal srung sems dang zhing / /nam mkha' la ni ta la bdun srid 'phags/ /de tshe sems can mchog gis 'dzum pa bstan/ /sngon po ser po yid dga' sna tshogs pa/ /kha dog de dag rgyal ba'i
181b3 zhal las byung / /de dag rgyal ba'i gtsug tu nub par gyur/ /de tshe phrag pa gcig gzar thal sbyar te/ /kun dga' bo yis rkang gnyis mchog la zhus/ /mgon po rgyu gang bde gshegs rkyen ci lags/ /ye shes thogs med rgyal
181b4 la bdag zhu'o/ /mgon po rnam par rgyal srung zil gnon tshul/ /mgon gyi khyim du slongs mo pa zhig byung / /de ring de ni ta la bdun srid gnas/ /mkha' la gnas nas rgyal la phyag 'tshal lags/ /lha dang klu dang lto 'phye chen
181b5 po dang / /gnod sbyin de la mi min mi 'am ci/ /mir gyur pa yis thal mo sbyar bgyis te/ /mgon po rgyal ba srung la phyag 'tshal lo/ /'jig rten mgon la de yi don zhu lags/ /thub pa'i 'dzum pa bstan 'di su yi don/ /byang
181b6 chub dam pa mchog tu gang zhugs pa'i/ /lung bstan de ni su yi lags par 'gyur/ /sangs rgyas ye shes la ni su dam gnas/ /bla med sems de gnas pa su yi lags/ /su zhig ye shes mchog dam reg par 'gyur/ /'khor
181b7 ba'i sems can rnams kyang 'byin par 'gyur/ /de tshe byang chub snying por da su mchis/ /bdud sde dpung dang bcas pa 'joms par 'gyur/ /bdud dpung bcas pa bcom nas nyon mongs spong / /'khor lo dam pa zhi ba skor bar 'gyur/ /
181b8 ye shes mnyam med de ni su yir 'gyur/ /don rgya chen po de ni su yir 'gyur/ /de tshe phyir zhing 'khor lo bskor bar 'gyur/ /kun nas ye shes chags pa med par 'gyur/ /khyu mchog tshig de 'dir ni 'byin par 'gyur/ /de tshe tshig
182a1 bden de ni su yir 'gyur/ /ye shes bden pa'i the tshom nyid gyur pa'i/ /sems can da ltar de ring 'byung mi 'gyur/ /rtag tu mnyam bzhag sems de su yir 'gyur/ /byang chub zhi ba la ni reg gyur cing / /'di la dus
182a2 gsum sems can sems mkhyen nas/ /chos mchog gya nom pa ni bshad du gsol/ /de tshe su yi chos de bstan pas na/ /lha dang bcas pa'i 'jig rten de tshim 'gyur/ /ma rmongs rnam par gnon pa su yir 'gyur/ /glang chen lta
182a3 stangs lta bar 'gyur ba lags/ /dge 'dun phal chen de ni su yir 'gyur/ /su yis zhing 'di rnam par sbyangs pa lags/ /su yis mi khom thams cad spangs nas su/ /khom ldan mya ngan 'da' zhing 'tshal bar 'gyur/ /mthu
182a4 chen don de dag ni zhu lags na/ /'jig rten mgon pos de tshe 'dzum bstan cing / /'jig rten 'dren pa bdag la de lung ston/ /thos na skye dgu dga' bar 'gyur ba lags/ /de skad ces gsol pa dang / bcom ldan 'das kyis tshe
182a5 dang ldan pa kun dga' bo la 'di skad ces bka' stsal to/ /kun dga' bo 'dzum pa 'di bstan pa na slongs mo pa rnam par rgyal ba srung ba dang / de bzhin du lha dang / klu dang / gnod sbyin dang / dri za dang / lha ma yin dang / nam mkha' lding
182a6 dang / mi 'am ci dang / lto 'phye chen po bye ba khrag khrig phrag brgyad cus bla na med pa yang dag par rdzogs pa'i byang chub tu sems bskyed de/ ngas de dag thams cad bla na med pa yang dag par rdzogs pa'i byang chub tu lung bstan to/ /de nas
182a7 bcom ldan 'das kyis de'i tshe tshigs su bcad pa 'di dag bka' stsal to/ /dmigs par bya ba 'di ni bshad pa na/ /gang dag theg pa mchog la rab zhugs pa/ /bye ba khrag khrig phrag ni brgyad cur tshang / /de dag rnams kyang
182a8 mi mchog rgyal bar 'gyur/ /slong ba rnam par rgyal ba srung 'di yang / /nga yi mdun du 'dug nas mchod par byed/ /mchog tu dga' ba skyes shing bar snang gnas/ /bdag kyang 'di 'drar nga la phyag 'tshal lo/ /des ni las
182b1 'di byas par gyur pas na/ /phyin chad nam yang log par ltung mi 'gro/ /de dang der ni rtag tu dal ba thob/ /sangs rgyas kyang ni de yis rtag par mthong / /de dag sems can dam pa mchog mthong nas/ /byang chub rgyu yi phyir ni
182b2 mchod pa byed/ /de tshe me tog spos dang byug pa dang / /gdugs dang rgyal mtshan dag gis mchod pa byed/ /de bzhin na bza' bsod snyoms mchog rnams dang / /gzims cha dag dang de tshe rkyen rnams kyis/ /rgyal ba rnams
182b3 la de ni mchod pa byed/ /mthar gyis der ni spyad pa spyod byed cing / /byams pa sems can mchog la mnyes byas nas/ /der ni rgyal ba rnams la mchod byed cing / /nor bu bye ba khrag khrig phrag bdun bcu/ /bla med byams pa
182b4 la ni 'bul bar byed/ /de tshe nor bu dag gi 'od nyid 'byung / /de yis dpag tshad brgyad bcu kho na khyab/ /de tshe nor bu rnams kyi 'od 'byung ba/ /nor bu dag gi 'od du khyab par 'gyur/ /de tshe rim gro pa dag bye ba 'bum/ /de
182b5 snyed kyi ni khri yang 'bul bar byed/ /de snyed kyi ni khri'u yang 'bul bar 'gyur/ /gtsug lag khang yang de snyed byed par 'gyur/ /rin chen sna bdun gyi ni bkra ba brtsigs/ /gtsug lag khang re rgyang grags tshad dang ldan/ /rtag
182b6 tu byams pa nyan thos bcas pa la/ /rgyan gyis brgyan te nges par 'bul bar byed/ /zla gsum der ni rgyal ba bsnyen bkur byed/ /dgag dbye byas nas lo brgyar 'gyur ba yin/ /de yang de tshe rab tu byung ba'i tshe/ /tshangs
182b7 par spyod pa dam pa spyod par 'gyur/ /dga' ba dang ni gus pa de yis su/ /der ni rgyal ba rnams la mchod pa byed/ /mthar kyis byang chub spyad pa spyod pa na/ /dus bzang ba yi rgyal ba thams cad mthong / /ji
182b8 ltar gang gA'i klung gi bye ma snyed/ /de bas lhag pa'i sangs rgyas de yis mthong / /sangs rgyas de dag mthong nas dad par byed/ /'phags pa'i ye shes de ni su mi 'dod/ /sems de'i dad pa de ni de 'dra ba/ /phyogs
183a1 tsam nga yis da lta bstan pa yin/ /de tshe de yi yon tan ji 'dra ba/ /nga yis dpe bstan par ni nus ma yin/ /ji ltar gang gA'i klung gi bye ma snyed/ /bskal pa mang por de tshe 'khor nas su/ /phyin chad de yis thag pa mchog
183a2 reg cing / /snying po'i tshogs shes bya ba'i rgyal bar 'gyur/ /de tshe tshe ni bskal pa stong thub 'gyur/ /de tshe de yi zhing gi bkod 'byung ba/ /dper na lha gnas ri rab rtse mo bzhin/ /'dzam bu'i gling de yang ni de 'drar 'gyur/ /rgyal ba'i snying
183a3 po'i tshogs ni de snyed kyi/ /nyan thos de tshe 'dus pa gang yin pa/ /ji ltar gang gA'i klung gi bye ma snyed/ /bye ba khrag khrig phrag ni mang po 'byung / /de bzhin de tshe 'dus pa 'byung 'gyur ba/ /ji ltar gang gA'i klung gi bye ma snyed/ /dgra
183a4 bcom zag pa zad cing nyon mongs med/ /de tshe dbang gyur rdzu 'phrul pha rol phyin/ /shes rab 'byung gnas sha ri'i bu ji bzhin/ /dri ba gtan la 'bebs par ye shes 'phags/ /chos mngon mdo sde 'dul ba rnams la mkhas/ /nga
183a5 yis nyan thos mchog ni lung bstan bzhan/ /de bzhin gshegs pa snying po'i tshogs nyid kyi/ /'dus pa de tshe nyis gyur 'byung bar 'gyur/ /de dag byang chub dam pa mchog la zhugs/ /ma pham zhes bya'i byams pa ji bzhin no/ /de dag skye
183a6 ba gcig gis thogs pa'ang yin/ /bla med byang chub tu ni de tshe 'gyur/ /de nas shi 'phos shi ba'i dus byas nas/ /zhing gzhan gzhan du de dag byang chub rtogs/ /dpa' ba dpa' bo blo gros brtan rnams kyi/ /'dus pa de bas kyang ni lhag
183a7 par 'gyur/ /de tshe theg mchog bla na med par ni/ /snying po'i tshogs kyi sangs rgyas lung ston 'gyur/ /de bzhin gshegs pa mya ngan 'das nas kyang / /de tshe chos tshul bskal par gnas par 'gyur/ /de yi sku gdung rgyas par 'gyur
183a8 ba ni/ /nga yi mya ngan 'das pa'i ji bzhin te/ /de bzhin gshegs pa snying po'i tshogs nyid kyi/ /ring bsrel de dag de ltar 'gyur ba yin/ /ji ltar sems can mos par 'gyur ba bzhin/ /de lta de ltar sangs rgyas ring bsrel
183b1 gnas/ /de la rin chen zhes bya'i mchod rten dang / /rgyal mtshan ka ba dag dang stegs bu dang / /dril bu dri ma med pas brgyan rnams kyis/ /'dzam bu'i gling ni brgyan par 'gyur ba yin/ /sems can gang dag mchod rten der 'gro
183b2 ba/ /de dag mchod rten la ni me tog 'thor/ /nam mkha' la ni me tog gdugs su 'gyur/ /de tshe rdzu 'phrul de 'dra 'byung bar 'gyur/ /der ni ji ltar mos pa'i mi rnams la/ /de tshe sangs rgyas sku yis 'dzum mdzad 'gyur/ /
183b3 mchod rten nang nas ston par mdzad 'gyur zhing / /'dzum pa bstan nas nub par mdzad par 'gyur/ /gang dag spyi gtsug 'od ni nub gyur na/ /bdag cag byang chub phyir ni lung bstan shes/ /gang dag rgyal ba'i zhal du zhugs gyur na/ /
183b4 bdag cag rang rgyal bar ni lung bstan shes/ /mchod rten gyi ni nang gi 'dren pa yi/ /lte bar gang tshe 'od ni zhugs gyur na/ /lung bstan de dag nyid kyis mya ngan 'das/ /rdzu 'phrul de 'drar 'gyur bar bdag gis shes/ /rgyal
183b5 ba'i byin gyis rlabs ni bskal par 'byung / /de yi 'og tu thams cad rgyun chad 'gyur/ /'khor bar gtogs la rtag pa yod ma yin/ /sangs rgyas bstan pa 'di la mi rtag stong / /de skad ces bka' stsal pa dang / bcom ldan
183b6 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das slongs mo pa rnam par rgyal ba srung ba brnyas pa'i tshul du yang gda' la/ brnyas pa ma lags pa'i chos dang ldan pa ni ngo mtshar lags so/ /
183b7 bcom ldan 'das de lta bu'i sems can la su zhig brnyas par 'gyur/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu de de bzhin te/ byis
183b8 pa so so'i skye bo thos pa dang mi ldan pa ma gtogs par sems can de lta bu la su zhig brnyas par 'gyur/ shA ra dwa ti'i bus ngas kyang de la dgongs nas/ de bzhin gshegs pa ma gtogs par gang zag gis gang zag gi tshad gzung
184a1 bar mi nus so zhes bya ba'i tshig gsungs pa yin no/ /shA ra dwa ti'i bu 'di ji snyam du sems/ 'o na sngon slongs mo pa rnam par rgyal ba srung ba lha rnams dang / klu rnams dang / gnod sbyin rnams dang / dri za rnams dang / mi
184a2 'am ci rnams dang / lto 'phye chen po rnams dang / mi rnams dang / mi ma yin pa rnams kyis phyag bya ba'i 'os su gyur pa yin nam/ gsol pa/ bcom ldan 'das de ma lags so/ /de ci'i slad du zhe na/ bcom ldan 'das
184a3 re shig gang gi tshe slongs mo pa rnam par rgyal ba srung bas bla na med pa yang dag par rdzogs pa'i byang chub tu sems bskyed pa de'i tshe/ de phyag bgyi ba'i 'os dang / mchod pa bgyi ba'i 'os dang / 'dud par bgyi ba'i 'os su gyur
184a4 pa'i slad du ste/ bcom ldan 'das da ltar ni lha dang bcas pa'i 'jig rten gyis phyag bgyi ba'i 'os su gyur pa lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka'
184a5 stsal to/ /shA ra dwa ti'i bu de bzhin gshegs pa'i thogs pa med pa'i ye shes de ni nyan thos dang / rang sangs rgyas rnams dang thun mong ma yin pa'o/ /shA ra dwa ti'i bu de lta bas na/ nga'i nyan thos de lta bu'i rjes su bstan pa gus par
184a6 nyan 'dod pa/ sems can rnams la chos ston pa rnams kyis ni thog ma nyid du nga'i ye shes kyi yon tan nyid yongs su bsgrags par bya'o/ /de ci'i phyir zhe na/ ci nas kyang sems can de dag de bzhin gshegs pa'i ye
184a7 shes kyi yon tan yongs su bsgrags pa thos nas/ sangs rgyas kyi ye shes de nyid la sems gtod par byed de/ de ltar na sangs rgyas kyi tshul rgyun mi 'chad par 'gyur ba'i phyir ro/ /shA ra dwa ti'i bu sems can gang dag
184a8 gzhan la phan pa'i phyir zhugs pa de dag nyung ngo / /shA ra dwa ti'i bu sems can gang dag gzhan la phan pa dang / bdag la phan pa'i phyir zhugs pa de dag ni rab tu dkon no/ /mchog tu rab tu dkon no/ /shA ra dwa ti'i bu yang gang
184b1 dag gzhan la phan pa'i phyir dang bdag la phan pa'i phyir zhugs pa dag lta zhog gi/ shA ra dwa ti'i bu sems can gang dag bdag dang gzhan la phan pa'i phyir zhugs pa de dag ni dkon no/ /mchog tu rab tu dkon no/ /shA ra dwa ti'i bu byis pa
184b2 log par 'dzin pa dag ni bdag la phan par bya'o snyam na yang mi phan pa kho na sten par byed do/ /de ci'i phyir zhe na/ shA ra dwa ti'i bu gang gzhan la mi phan pa 'am/ nyes dmigs sam/ rnam par tho 'tsham pa byas shing / rnam par 'tshe ba
184b3 yang byas pas ni de la phan pa dang nyes dmigs med pa dang / rnam par mi 'tshe ba dang / rnam par tho mi 'tsham par 'gyur ba ngas ma mthong ma thos pa'i phyir te/ de ni gnas med do/ /shA ra dwa ti'i bu de lta bas na/ gang dag bdag la
184b4 phan pa'i phyir zhugs pa'i sems can de dag ni dkon no/ /sems can de dag ni mchog tu rab tu dkon no/ /gang dag bdag la phan pa'i phyir dang / gzhan la phan pa'i phyir zhugs pa'i sems can de dag kyang mchog tu rab tu dkon no/ /shA
184b5 ra dwa ti'i bu de lta bas na/ sems can gang la las bsting ba byas shing bshung ba byed na/ shA ra dwa ti'i bu sems can de lta bu de dag ni bdag la phan pa dang / gzhan la phan pa'i phyir zhugs pa ma yin te/ shA ra dwa ti'i bu gang zag de lta bu
184b6 de dag ni mi rigs pa yin no/ /shA ra dwa ti'i bu yang mi blun po de dag ni lam ngan par zhugs pa yin gyi/ de dag bdag la phan pa'i phyir dang / gzhan la phan pa'i phyir zhugs pa ni ma yin no/ /mi rigs pa dang ldan pa de lta bu de dag ni
184b7 rab tu rnam par 'jig pa brgyad rjes su 'thob ste/ brgyad gang zhe na/ nye du rab tu rnam par 'jig pa dang / yul rab tu rnam par 'jig pa dang / longs spyod rab tu rnam par 'jig pa dang / me'i rab tu rnam par 'jig pa dang /
184b8 rgyal po'i rab tu rnam par 'jig pa dang / skye mched kyi rab tu rnam par 'jig pa dang / sems can dmyal ba'i rab tu rnam par 'jig pa rjes su 'thob pa dang / sems can dmyal ba'i srung ma'i rab tu rnam par 'jig pa rjes su
185a1 'thob pa ste/ rab tu rnam par 'jig pa chen po brgyad po de dag rjes su 'thob bo/ /yang mi bde ba chen po brgyad rjes su 'thob ste/ brgyad gang zhe na/ sems can dmyal bar skye ba'i mi bde ba nyid rjes su 'thob pa yin/
185a2 dud 'gro'i skye gnas kyi mi bde ba nyid rjes su 'thob pa yin/ gshin rje'i 'jig rten du skye ba'i mi bde ba nyid rjes su 'thob pa yin/ gal te mi rnams kyi nang du skyes na yang de dag yul mtha' 'khob du skye ba yongs su 'dzin cing
185a3 der yang long ba dang / 'on pa dang / zhar ba dang / lag sor rdum po dang / gzhogs phyed nyams par 'gyur zhing nad kyi rnam pa drag po gang yang rung ba dag gis btab par 'gyur te/ mi bde ba de rjes su 'thob pa yin/ gal te 'tsham
185a4 pa'i yul du skye bar mi rnams dang bskal ba mnyam par skyes na yang de dag mi yon po dang / mi sun 'byin pa dang / mi dmu rgod dang / bud med dang gnas pa dang / gcer bu pa'i spyod yul pa dang / mu stegs can gzhan gyi
185a5 smra ba dang 'dres pa dang / log par lta ba dang / sdig pa kun du spyod pa dang / mi gtsang ba'i lus kyi las dang ldan pa dang / mi gtsang ba'i ngag gi las dang / mi gtsang ba'i yid kyi las dang ldan pa dag tu 'gyur zhing / 'phags
185a6 pa rnams kyi phyir bsgyur du mi rung bar 'gyur te mi bde ba de yang rjes su 'thob pa yin/ gal te mi rnams kyi nang du skyes na yang der de bzhin gshegs pa 'byung bar mi 'gyur zhing / gang gi nub mo de bzhin gshegs pa
185a7 'byung ba de nyid kyi nub mo de 'chi ba'i dus byed cing mngon sum du gnas pa mi 'thob ste/ mi bde ba chen po de yang rjes su 'thob pa yin te/ mi bde ba chen po brgyad po de dag rjes su 'thob bo/ /gal te sems can
185a8 dmyal ba chen po dag tu skyes na der de dag lus chen po dang / lus rgya chen por 'gyur te/ der gnod pa chen po dag nyams su myong bar 'gyur ba yin/ gal te dud 'gro dag tu skyes na yang de dag lus chen po dang / lus
185b1 rgya chen po dang / kham chen po dang / gso dka' bar 'gyur te/ gang du skyes pa der yang sdig pa'i las ches mang po dag mngon par 'du byed par 'gyur ba yin/ der skyes pa dag kyang nya 'am/ chu srin nam/ sram 'am/ chu srin byis pa gsod
185b2 dam/ nya mid kyi nya zhes bya bar 'gyur te/ sems can rnams kyis de dag mchil pas bzung la mngon du bteg nas/ lus kyi srog gcod par byed la bcad cing brdungs te rnam par gtse bar byed kyang / de tsam gyis kyang 'chi ba'i
185b3 dus ni mi byed la/ de dag gi lus de 'phel bar 'gyur zhing sdug bsngal gyi tshor ba rnam pa sna tshogs du ma nyams su myong yang de tsam gyis kyang 'chi ba'i dus mi byed pa yin/ de las gzhan pa'i skye gnas su skyes na yang der de dag
185b4 rnga mo 'am/ glang ngam/ bong bu 'am/ bya gag gam/ phag tu 'gyur te/ gal te de dag rnga mo 'am/ glang du gyur na de dag sna phug nas khal gyis gzir cing dbyug pa brgyas brgyab nas lam du khrid par 'gyur la/ de dag 'khang zhing
185b5 shin du skyo bas khal de khyer bar byed de/ de dag la skyabs gang yang med do/ /gang gi tshe khal gyis gzir cing lus nyam chung bar gyur pa de'i tshe yang srog dang bral bar byed cing / srog dang phral nas kyang de nyid kyi sha za zhing 'di skad
185b6 du lus rgya chen po dang / le lo can dang / gso dka' ba dang / kham chen po dang / bya ba mi nus pa yin no zhes zer ro/ /shA ra dwa ti'i bu sdig pa'i las byas shing bsags pa'i 'bras bu mi 'dod cing yid du mi 'ong ba ji snyed cig mngon par
185b7 'grub par 'gyur ba la ltos/ shA ra dwa ti'i bu de bzhin gshegs pas mi dge ba las de'i rnam par smin pa ni bskal pa 'am/ bskal pa las lhag par gsungs kyang zad par ni mi 'gyur ro/ /shA ra dwa ti'i bu mdor na gang byang chub
185b8 sems dpa'i sems bskyed pa la bar chad bya ba'i phyir 'jug pa de la ni/ shA ra dwa ti'i bu mya ngan las 'das par 'gro ba med cing dal ba phun sum tshogs pa med do/ /shA ra dwa ti'i bu de lta bas na khyed cag gis bdag
186a1 nyid skyabs shing dal ba phun sum tshogs pa thob bo/ /shA ra dwa ti'i bu bzhi po 'di dag ni skyabs yin te/ bzhi gang zhe na/ shA ra dwa ti'i bu de bzhin gshegs pa ni sems can 'jigs pas gzir ba rnams
186a2 kyi skyabs yin/ shA ra dwa ti'i bu 'phags pa'i lam ni sems can lam ngan par zhugs pa rnams kyi skyabs yin/ shA ra dwa ti'i bu dran pa nye bar gzhag pa rnams ni sdig pa'i las mngon par 'du mi bya ba'i skyabs yin/
186a3 shA ra dwa ti'i bu byang chub kyi sems ni mi khom pa thams cad rnam par spong ba nyid kyi skyabs yin te/ shA ra dwa ti'i bu bzhi po de dag ni skyabs yin no/ /shA ra dwa ti'i bu bzhi po 'di dag ni bde ba yin te/ bzhi gang zhe na/ de bzhin
186a4 gshegs pa mthong ba yin/ dal ba phun sum tshogs pa yin/ de bzhin gshegs pas rab tu bstan pa'i chos 'dul ba la dad pa rnyed pa yin/ lta ba drang po dang phun sum tshogs pa yin te/ shA ra dwa ti'i bu bzhi po de dag ni bde ba
186a5 chen po yin no/ /shA ra dwa ti'i bu bzhi po 'di dag ni nad med pa yin te/ bzhi gang zhe na/ 'byung ba chen po rnams kyi khams snyoms pa nyid nad med pa yin/ yang dag pa'i lta bar sems drang po nyid nad med pa yin/ de bzhin
186a6 gshegs pa'i bstan pa la dad pa rnyed cing phun sum tshogs pa'i bde ba thams cad rnyed pa nyid nad med pa yin/ sems can grangs med dpag tu med pas bla na med pa yang dag par rdzogs pa'i byang chub tu sems bskyed pa rnyed
186a7 cing nyon mongs pa rnam par 'joms pa nyid nad med pa chen po yin te/ shA ra dwa ti'i bu bzhi po de dag ni nad med pa yin no/ /shA ra dwa ti'i bu bzhi po 'di dag ni re ba yin te/ bzhi gang zhe na/ nad pa 'tsho bar re ba dang / bkres pa
186a8 zas re ba dang / sdug bsngal zhing sdug bsngal gyis gzir ba bde ba la mngon par dga' ba'i re ba dang / dgon pa chen po'i lam du zhugs pa bde bar re ba yin te/ shA ra dwa ti'i bu bzhi po de dag ni re ba yin no/ /shA ra dwa ti'i bu bzhi
186b1 po 'di dag ni gang la lhag par zhen pa'i sems can rnams ngan song du 'gro bar 'gyur ba'i lhag par zhen pa yin te/ bzhi gang zhe na/ lus la lhag par zhen pa dang / srog la lhag par zhen pa dang / longs spyod la lhag par zhen pa dang /
186b2 'dod pa la lhag par zhen pa yin te/ shA ra dwa ti'i bu bzhi po de dag ni gang la lhag par zhen pa'i sems can rnams ngan song du 'gro bar 'gyur ba lhag par zhen pa yin no/ /shA ra dwa ti'i bu bdun po 'di dag ni gnas yin te/ bdun
186b3 gang zhe na/ ma zhu ba'i gnas dang / zhu ba'i gnas dang / bad kan gyi gnas dang / mkhris pa'i gnas dang / rlung gi gnas dang / lta ba'i gnas dang / shA ra dwa ti'i bu 'di lta ste/ 'dod pa la lhag par zhen pa 'di yang gnas chen po
186b4 yin te/ shA ra dwa ti'i bu gang 'dod pa la lhag par zhen pa de ni mkhris pa dang / bad kan dang / snabs dang / rnag khrag dang / gcin dang / phyi sa dang / sha dang / rgyus pa dang / rus pa dang / khrag dang / gzhungs pa la rten pa yin no/ /yang
186b5 de'i tshe khyim bdag rnam par rgyal ba srung ba zhes bya ba 'khor de nyid du 'dus par gyur te 'dug go/ /de'i skye dgu'i bdag mo ni gzugs dang ldan ma zhes bya ste/ gzugs bzang ba/ mdzes pa/ blta na sdug pa/ kha dog bzang po
186b6 rgyas pa mchog dang ldan pa'o/ /de nas khyim bdag rnam par rgyal ba srung ba de la yid lhag par chags nas/ bcom ldan 'das la 'di skad ces gsol to/ /bcom ldan 'das 'dod pa'i gnas gang lags pa de ni
186b7 bshang gci'i gnas so zhes de skad bka' mi stsal du gsol/ de ci'i slad du zhe na/ bcom ldan 'das bdag gi skye dgu'i bdag mo ni gzugs ldan ma zhes bgyi ste/ bcom ldan 'das de la ni bshang ba'ang ma mchis/
186b8 gci ba'ang ma mchis pa'i slad du'o/ /de nas bcom ldan 'das kyis khyim bdag de'i lhag pa'i bsam pa thugs su chud nas/ khyim bdag de'i chung ma bud med gzugs ldan ma ji 'dra ba de 'dra ba zhig mngon par
187a1 sprul to/ /khyim bdag des mthong ste mthong nas kyang de 'di snyam du sems te/ bdag gi chung ma bya ba ci la 'dir phyin cig gu snyam nas/ de rang gi skye dgu'i bdag mo ga la ba der song ste phyin nas / rang gi skye
187a2 dgu'i bdag mo la 'di skad ces smras so/ /khyod ci'i phyir 'khor 'dir 'ongs/ des smras pa/ khyim bdag bdag de bzhin gshegs pa la chos nyan du 'ongs so/ /de nas khyim bdag rnam par rgyal ba srung bas/ rang gi
187a3 chung ma'i lag pa nas bzung nas/ rang gi gos kyi grwar 'dug tu bcug ste/ khyim bdag rnam par rgyal ba srung ba dang / chung ma gzugs ldan ma gnyis ga 'dug go/ /de nas bcom ldan 'das kyis rdzu 'phrul ji lta bu mngon
187a4 par 'du bya ba mngon par 'du mdzad pas gos kyi grwa de la bud med des bshang ba byas pa de lta bu'i rdzu 'phrul mngon par 'du bya ba mngon par 'du mdzad do/ /de nas khyim bdag rnam par rgyal ba srung ba bshang ba'i dri de mi bzod
187a5 nas sor mo dag gis sna bkag ste/ kha phyir phyogs shing rnam par bltas so/ /de'i tshe khyim bdag rnam par rgyal ba srung ba'i g.yas logs na shAkya'i bu dga' bo zhes bya ba 'dug par gyur to/ /de nas shAkya'i bu dga'
187a6 bos khyim bdag rnam par rgyal ba srung ba la 'di skad ces smras so/ /khyim bdag khyod ci'i phyir sna bkag nas kha phyir phyogs te 'dug /de nas khyim bdag rnam par rgyal ba srung bas shAkya'i bu dga' bo la 'di skad ces
187a7 smras so/ /btsun pa gnas 'di na bshang ba'i dri chen po yod de/ khyod kyang thag mi ring ba na gnas na ma mthong ngam/ de nas bcom ldan 'das kyis rdzu 'phrul ji lta bu mngon par 'du bya ba mngon par 'du mdzad na/ ci
187a8 nas shAkya'i bu dga' bo dang 'khor bzhi pos skye dgu'i bdag mo gzugs ldan mas gos kyi grwa de la bshang ba byas pa mthong ba de lta bu'i rdzu 'phrul mngon par 'du bya ba mngon par 'du mdzad do/ /de nas shAkya'i bu dga' bos
187b1 khyim bdag rnam par rgyal ba srung ba la 'di skad ces smras so/ /khyim bdag khyod nyid kyi skye dgu'i bdag mos gos kyi grwa la bshang ba byas pa la ltos/ de nas khyim bdag rnam par rgyal ba srung bas shAkya'i bu nags sbyin la 'di
187b2 skad ces smras so/ /nags sbyin gang kho bo'i chung mas bshang ba 'am/ gci ba byas pa de snyam du sems pa de ni the tsom zos nas rnam par lta bar byed kyi kho bo ni de snyam du mi sems na/ de ji ltar kho bos rnam par blta bar bya/
187b3 btsun pa bdag sems pa ltar na khyod kyis bshang ba khyer te 'ongs pa snyam byed do/ /de nas shAkya'i bu dga' bo shas cher khros 'khrugs rngam ste/ stan las langs nas khyim bdag rnam par rgyal ba srung ba la 'di skad ces smras
187b4 so/ /khyim bdag khyod ni lhags par chags pa yin te/ khyod kyi ming khyim bdag bshang ba zhes bya bar gdags so/ /khyim bdag khyod kyis rang gi chung ma la lag pa gnyi gas bzung nas rang gi gos kyi grwa la 'dug tu ma bcug
187b5 gam/ khyim bdag de nyid kyis da ltar gnas skabs de byas par ma gyur tam/ dri 'byung ba 'di khyod kyis mngon sum du gyis shig /de lta bas na khyim bdag khyod ni lhag par chags pa yin/ lhag par kha drag pa yin te/
187b6 khyod kyi ming khyim bdag bshang ba zhes bya bar gdags so/ /gang khyod bshang ba'i nang na gnas shing / gzhan dag la skur pa 'debs par byed pa ni rnam par rgyal ba srung ba ma yin no/ /khyim bdag 'khor 'di nas song shig
187b7 khyim bdag slar song shig /khyim bdag 'khor 'di nas mi snang bar gyis shig /khyim bdag rnam par mi snang bar gyis shig /de nas khyim bdag des chung ma de la lag pa nas bzung nas 'di skad ces smras so/ /g.yo sbed ma khyod
187b8 ji ltar na nga'i gos kyi grwar bshang ba bya bar sems/ des smras pa/ khyim bdag gang gis bshang ba'i snod blangs nas rang gi gos kyi grwa la 'dug tu bcug pa de ni de ltar 'gyur ro/ /de nas khyim bdag rnam par rgyal ba srung ba skyo bar
188a1 gyur nas/ bshang ba'i gong bu de sa la dor bar bya'o snyam na yang ma nus la/ phyir zhing yan lag dang nying lag dag bskus par yang gyur te/ des shAkya'i gzhon nu nags sbyin la smras pa/ btsun pa gang gis
188a2 bdag bshang ba'i dri 'di las yongs su thar bar 'gyur ba'i rigs pa 'di na ci yod/ nags sbyin gyis smras pa/ khyim bdag khyod 'di dang gzhan las kyang yongs su thar bar 'gyur mod kyi 'on kyang gang khyod gnas 'di nas phyir song na
188a3 'di na 'dir rigs pa'i mchog tu 'gyur ro/ /de ci'i phyir zhe na/ khyim bdag khyod chung ma dang lhan cig tu bshang ba'i dri des 'chi bar 'gyur ba'i phyir ro/ /de nas khyim bdag rnam par rgyal ba srung bas shAkya'i bu nags sbyin la 'di skad
188a4 ces smras so/ /btsun pa dge sbyong dag ni snying rje can zhes bya ba yin/ dge sbyong dag ni snying brtse ba can zhes bya ba yin/ shAkya'i bu zhes bya ba yin na/ ji tsam du khyod lhag pa'i skyes bu yin pa ni ngo mtshar to/ /de nas shAkya'i bu nags
188a5 sbyin gyis khyim bdag rnam par rgyal ba srung ba la 'di skad ces smras so/ /khyim bdag kho bos khyod la ji ltar snying rjer bya/ ji ltar yang snying brtse bar bya/ de bzhin gshegs pa chos ston pa na khyod kyis bdag gi skye dgu'i bdag
188a6 mo la bshang ba'am gci ba ma mchis so zhes smras na/ khyod bcom ldan 'das dang mi mthun par byed cing / kho bo la yang skur pa 'debs par byed dam/ khyim bdag khyod kyi skye dgu'i bdag mo la bshang ba 'am gci ba
188a7 yod dam med khyod mngon sum gyis ltos shig /de nas khyim bdag rnam par rgyal ba srung bas skye dgu'i bdag mo la smras pa/ skye dgu'i bdag mo khyod rang gi khyim du song shig /de nas khyim bdag rnam par rgyal ba srung bas
188a8 rang gi chung ma btang nas/ shAkya'i gzhon nu nags sbyin la smras pa/ btsun pa kho bos ni bud med rnams kyi skyon dang / bud med rnams kyi sgyu dag mthong ste/ nags sbyin kho bo khyim nas khyim med par rab tu 'byung bar
188b1 'dod do/ /de skad ces smras pa dang / shAkya'i bu nags sbyin gyis khyim bdag rnam par rgyal ba srung ba la 'di skad ces smras so/ /khyim bdag khyod gal te lo brgyar lus spos thams cad kyis bdugs shing bsgos shig dang / khyim
188b2 bdag khyod de ltar na bcom ldan 'das las rab tu 'byung ba phyis 'thob bo/ /de ci'i phyir zhe na/ khyim bdag khyod kyi lus de ni bshang ba'i dri des dri mi zhim par gyur pa'i phyir ro/ /de nas khyim bdag rnam par rgyal ba srung
188b3 bas shAkya'i bu nags sbyin la 'di skad ces smras so/ /btsun pa gal te kho bos lo gcig gam/ lo brgyar bdugs na de nyid du brel ba'i bdag 'chi ba'i dus byed par 'gyur zhing / bcom ldan 'das kyang yongs su mya ngan
188b4 las 'das pa chen por mi 'gyur ram sus shes/ btsun pa yang gal te kho bo bcom ldan 'das las rab tu byung ba thob na/ kho bos grong dang / grong khyer dang / yul 'khor dang / rgyal po'i pho brang dag tu mi 'jug cing / dgon
188b5 pa dang / bsod snyoms dang / chos gos ngan pa 'chang bar bya'o/ /de'i phyir bdag de lta bu'i ngan pa dgon pa pa la su zhig dri mi zhim pa mnom par 'gyur/ de nas bcom ldan 'das kyis khyim bdag de la 'di skad ces
188b6 bka' stsal to/ /khyim bdag khyod khyim nas khyim med par rab tu 'byung bar 'dod dam/ gsol pa/ bcom ldan 'das 'tshal lags so/ /bcom ldan 'das kyis bka' stsal pa/ dge slong tshur shog tshangs par
188b7 spyad pa spyod cig /de nas de tsam gyis khyim bdag de rab tu byung nas zhag bdun lon pa bzhin du gos ngur smrig dang ldan zhing mgo bregs te/ lag mthil na lhung bzed thogs par gyur to/ /de nas bcom ldan 'das
188b8 kyis de la chos bstan te/ sdug bsngal 'phags pa'i bden pa yang dag par rab tu bstan cing / de bzhin du kun 'byung ba dang / 'gog pa dang / lam 'phags pa'i bden pa yang dag par rab tu bstan to/ /de nas dge
189a1 slong de de nyid kyi tshe chos rnams la chos kyi mig rdul med cing dri ma dang bral ba rnam par dag go/ /de nas de bya ba thob ste/ de'i mtshan mo 'das nas snga dro'i tshe chos gos bgos/ lhung bzed thogs nas rgyal po'i khab
189a2 kyi grong khyer chen por bsod snyoms kyi phyir zhugs so/ /de rgyal po'i khab kyi grong khyer chen po bsod snyoms kyi phyir mthar chags su rgyu bas rang gi khyim ga la ba der song ste phyin nas/ phyogs gcig tu cang mi smra bar bsod
189a3 snyoms kyi phyir 'dug go/ /bud med gzugs ldan mas khyim bdag rgyal ba srung ba rab tu byung ste/ chos gos bgos/ lhung bzed thogs shing bsod snyoms kyi phyir 'ongs pa mthong ste/ mthong nas kyang smras pa/ khyim bdag
189a4 khyod kyis ni mi 'tsham par byas so/ /de nas dge slong rnam par rgyal ba srung bas de la smras pa/ su khyod kyis kho bo'i gos kyi grwar bshang gci byas shing des kyang kho bo'i lus thams cad dri mi zhim par byas na khyod khong du chud
189a5 dam/ des smras pa/ khyim bdag khyod kho mo la skur pa gdab par sems pa 'di ni khyod kyi cha ma yin te/ khyim bdag 'di ltar kho mo phas rang gi khyim nas rang gi khyim du rjes su 'jug tu bcug nas/ sgo gang gi phyi rol tu
189a6 bzhin nye bar bstan par yang mi dran na/ 'od ma'i tshal bya ka lan da ka gnas par bcom ldan 'das kyi thad du song ba lta ci smos/ rnam par rgyal ba srung bas smras pa/ sru kho bo la dpang po bcom ldan 'das dang
189a7 shAkya'i bu nags sbyin dang / 'khor bzhi po yod de/ 'di ltar kho bo dang khyod shAkya'i bu nags sbyin gyis bzung nas 'khor de nas bskrad pa'ang khyod mi dran nam/ de nas bdud sdig can khyim bdag rnam par rgyal ba
189a8 srung ba'i rgyab tu 'dug nas smras pa/ khyim bdag gang gi phyir 'khyam du bcug cing bskrad pa de ni 'di ma yin te/ de ni sprul pa yin par gyur to/ dge slong khyod 'dod pa'i yon tan lnga po dag gis mngon par dga' bar
189b1 gyis shig /khyim bdag khyod ni dge sbyong gA+au ta mas bslus te/ des ni dge slong mang du de lta bur 'khyam du bcug nas rab tu phyung ngo / /dge slong rnam par rgyal ba srung bas smras pa/ skyes bu gang gi phyir kho bo dri mi zhim par byas pa
189b2 de ni sprul pa yin par gyur to/ /smras pa de de bzhin no/ /smras pa/ de'i phyir khyod kyang sprul pa yin/ kho bo yang sprul pa yin/ bcom ldan 'das kyis chos bstan pa thams cad kyang sprul pa lta bu yin no/ /de nas bud med de chos
189b3 rnams la chos kyi mig rdul med cing dri ma dang bral ba rnam par dag go/ /de nas de dad pa rnyed cing yid ches pa thob nas smras pa/ dge slong mngon par dga' bar gyis shig / /tshangs par spyad pa spyod cig /kho mo yang
189b4 bcom ldan 'das kyi bstan pa la de bzhin du rab tu 'byung ngo / /de nas bcom ldan 'das kyis chos rnams kyi don gyi dbang de nyid la rten nas/ tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i
189b5 bu bzhi po 'di dag ni byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas yongs su spang bar bya ba yin te/ bzhi gang zhe na/ shA ra dwa ti'i bu
189b6 byang chub sems dpa' sems dpa' chen pos sdig pa'i grogs po yongs su spang bar bya ba yin/ sha ra dwa ti'i bu byang chub sems dpa' sems dpa' chen po bud med dang 'dre ba yongs su spang bar bya ba yin/ byang chub sems
189b7 dpa' sems dpa' chen pos gcer bu pa'i smra ba dang 'jig rten rgyang pan pa'i gsang tshig yongs su spang bar bya ba yin/ shA ra dwa ti'i bu byang chub sems dpa' sems dpa' chen pos log par lta ba'i rgud pa yongs su spang bar
189b8 bya ba yin te/ shA ra dwa ti'i bu chos bzhi po de dag ni byang chub sems dpa' sems dpa' chen pos yongs su spang bar bya ba yin no/ /shA ra dwa ti'i bu chos bzhi po de dag ji lta ba bzhin du de ltar bar chad byed pa'i chos gzhan ni ngas yang
190a1 dag par rjes su ma mthong ngo / /shA ra dwa ti'i bu de lta bas na/ theg pa chen po la yang dag par zhugs pas chos bzhi po de dag yongs su spang bar bya zhing yongs su spangs nas kyang / gang bla na med pa yang dag par rdzogs
190a2 pa'i byang chub mngon par rdzogs par 'tshang rgya bar 'dod pas chos gzhi kun du bsten par bya bsgom par bya/ lan mang du bya ba yin te/ bzhi gang zhe na/ shA ra dwa ti'i bu sangs rgyas sam byang chub sems dpa' 'am nyan thos gang byang
190a3 chub sems dpa'i sde snod kyi chos kyi rnam grangs 'doms par byed/ rjes su ston par byed pa'i dge ba'i bshes gnyen kun du bsten par bya zhing bsgom par bya la lan mang du bya ba yin/ shA ra dwa ti'i bu gzhan yang byang chub sems
190a4 dpas bud med dang 'dre ba rnam par bzlog pa'i phyir mngon par 'byung ba dang / rab tu 'byung ba dang / dgon par gnas pa kun du bsten par bya zhing / bsnyen par bya la/ bsnyen bkur bya ba yin/ shA ra dwa ti'i bu gzhan yang byang
190a5 chub sems dpas gcer bu'i smra ba dang 'jig rten rgyang pan pa bzlog pa'i phyir chos de dag gzung ba dang / kun chub pa dang / mi brjed par bya bar rnal 'byor du bya ba yin/ shA ra dwa ti'i bu gzhan yang byang chub sems dpas
190a6 log par lta ba rnam par bzlog pa'i phyir chen po stong pa nyid kyi yang dag pa'i lta ba kun du bsten par bya zhing bsnyen par bya ba yin no/ /bcom ldan 'das kyis de skad ces bka' stsal te/ bde bar gshegs pas de
190a7 skad gsungs nas/ de nas ston pas gzhan yang bka' stsal pa/ bud med 'dre ba rnam par spang / /sdig pa'i grogs po'ang spang bar bya/ /log par lta ba bzlog pa'i phyir/ /'jig rten rgyang pan rnam par spang / /
190a8 gang zhig bud med sten byed cing / /de bzhin sdig pa'i grogs po dang / /de bzhin 'jig rten rgyang pan dang / /log par lta ba sten byed pa/ /lta ngan la sogs bsten pas na/ /mi khom dag tu myur bar 'gro/ /
190b1 sangs rgyas dad pa phun tshogs dang / /dal ba shin du rnyed dka' yin/ /gang zhig sdig pa sten 'dod pa/ /de ni sdig pa'i spyod yul 'gyur/ /sdig pa'i spyod yul spyod pa ni/ /sdig pa can gyi 'gro bar 'gro/ /gang zhig
190b2 byang chub zhugs gyur pa/ /de phyir bud med bsten mi bya/ /mi gtsang bskus pa'i phag bzhin du/ /rgyang bsring rnam par spang bar bya/ /chos ma yin pa gang ston pa'i/ /sdig pa'i grogs po bsten mi bya/ /chos ma yin
190b3 pa'i spyod sten na/ /sems gral mun par 'gyur ba yin/ /gcer bu rnams kyis gang 'dzin pa/ /'jig rten rgyang pan bsten mi bya/ /kun du 'jam po ji bsten kyang / /de tshe dmigs pa 'thob pa yin/ /de dag thams
190b4 cad rnam spangs nas/ /log par lta ba rnam par spang / /'khor ba'i rtsa ba de yin par/ /'dir ni nga yis bstan pa yin/ /chos ngan pa dag rnam spangs nas/ /byang chub spyad pa spyod pa na/ /nga yis sngon chad gang bstan pa'i/ /
190b5 chos mchog dag ni kun du spyad/ /lam der gang zhig sbyor byed pa'i/ /mngon par 'byung dang tshangs spyod dang / /dge ba'i bshes gnyen bzang po dang / /sangs rgyas dang ni nyan thos so/ /de la stong pa bsten par
190b6 bya/ /chen po stong pa'i stong pa med/ /stong pa'i chos la dmigs pa ni/ /kun du spyad par bya ma yin/ /chos dang de bzhin dmigs pa ni/ /stong la dmigs par mi 'gyur ro/ /gang la 'jig rten mi 'jug pa/ /
190b7 de ni stong pa de yin gsungs/ /byang chub spyad pa spyod pa na/ /gang la nga yis sngon bslabs pa/ /de la byis pa blo can gyis/ /shes pa cis kyang 'gro mi 'gyur/ /byang chub spyad pa spyod pa na/ /gang dag nga yis
190b8 chos thos pa/ /de la byang chub spyad pa ni/ /gzhan gyi dring phyir song ma yin/ /de dag nga yis rang gis rtogs/ /chos kyi dam pa bstan pa yin/ /gang du stong nyid chags med pa/ /de ni drang po'i lam yin no/ /
191a1 byang chub snying por 'dug nas su/ /blo gros ngan pa'i bdud bcom nas/ /bsam mi khyab par ngas gang rtogs/ /de ni chos nyid de yin gsungs/ /de ni nga yis mngon sangs rgyas/ /de nyid nga yis bstan pa yin/ /gang
191a2 phyir 'khor lo bskor ba yis/ /mtha' mchog nga yis sangs rgyas so/ /gang zhig blo ngan bdud bcom nas/ /byang chub 'tshang rgyar 'gyur ba dang / /byang chub snying por 'dug 'dod pa/ /de yis stong nyid de bsten bya/ /gang zhig
191a3 'khor lo bla med pa'i/ /chos kyi 'khor lo bskor ba dang / /de la dge 'dun gdams 'dod pa/ /de yis stong nyid de bsten bya/ /gang zhig stobs rnams bcu po yis/ /gnas par gyur nas 'jigs med par/ /seng ge'i
191a4 sgra ni sgrogs 'dod pa/ /de yis stong nyid de bsten bya/ /rtag par 'jig rten thams cad du/ /gang gi snyan dang grags 'byung ba'i/ /stong nyid de ni bsten pa yis/ /nga ni pha rol phyin pa yin/ /nga yi rjes su slob pa na/ /byang
191a5 chub sems dpa' rab mkhas pas/ /ye shes bla na med pa de'i/ /byang chub dam pa 'tshang rgyar bya/ /gang zhig nga yi rjes slob pa/ /dge slong 'on te dge slong mas/ /ji ltar da ltar ngas 'thob bzhin/ /byang chub dam pa thob
191a6 par 'gyur/ /'di la dge slong dge slong ma/ /'ba' shig gis ni bsten bya min/ /sems can kun gyis bslabs na yang / /de dag byang chub rnyed par sla/ /dam pa de la bsten pa na/ /nga ni chags pa med par byung / /ma
191a7 'dres pa yi chos rnams kyis/ /chags med byang chub sangs rgyas so/ /chos de dag ni sten byed na/ /ye shes chags med dman ma yin/ /byang chub phyir ni lam de yin/ /rtag par stong nyid bsten par bya/ /de phyir
191a8 byang chub sems dpa' yis/ /srog chags rnams la phan pa'i phyir/ /chos rnams thams cad stong pa yi/ /chos de dag la bslab par bya/ /thabs la 'jug pa dang / dam pa'i chos spong ba dang / byang chub sems
191b1 dpa' yang dag par 'dzin du gzhug pa'i le'u ste dgu pa'o// // shA ra dwa ti'i bu byang chub sems dpa' sems dpa' chen po chos bzhi dang ldan na/ ji lta ba bzhin rnam par gtan la dbab pa la mkhas pa yin/
191b2 chos thams cad la spobs pa thogs pa med pa yin/ spobs pa rno ba dang / spobs pa mtha' yas pa dang / spobs pa zab pa yin te/ de'i tshe de bzhin gshegs pas ji lta ba bzhin rnam par gtan la dbab pa la mkhas pa dang /
191b3 spobs pa rno ba dang / spobs pa rangs par thugs su chud nas phyi ma'i chos kyi grong khyer srung bar byin gyis rlob par mdzad do/ /shA ra dwa ti'i bu bzhi gang zhe na/ 'di la byang chub sems dpa' rgyun mi chad par rab tu 'byung ba sten
191b4 pa'i sems dang ldan pas mngon par dga' ste/ mngon par 'byung ba la gzhol ba yin zhing / chos yongs su tshol bas chog mi shes pa yin/ chos de thos shing yongs su btsal nas kyang sems can rnams la kun bged
191b5 pa yin/ chos bstan pa'i phyir snyom las med pa yin zhing / chos thams cad rnam par 'jig pa'i blos mi gnas pa'i bsam gtan pa yang yin la/ sems can thams cad las bla na med pa'i sems kyis byang chub kyi phyir
191b6 sangs rgyas rjes su dran pa yang sgom par byed pa yin/ chos gang la yang lus kyi dmigs pas mtshan mar mi 'dzin pa yin te/ shA ra dwa ti'i bu byang chub sems dpa' sems dpa' chen po chos bzhi po de dag dang ldan na chos thams
191b7 cad spobs pa chags pa med pa yin zhing / phyi ma'i dus phyi ma'i tshe na de de bzhin gshegs pas chos kyi grong khyer srung bar byin gyis rlob par mdzad do/ /shA ra dwa ti'i bu gzhan yang byang chub sems dpa' sems dpa'
191b8 chen po chos bzhi dang ldan na/ tshe rjes kyang dran pa brjed par mi 'gyur ro/ /bzhi gang zhe na/ chos yongs su tshol ba dang / chos kyi sbyin pas chog mi shes pa yin te/ shA ra dwa ti'i bu rigs kyi bu 'am/ rigs kyi bu mo
192a1 chos dang po de dang ldan pa ni tshe rjes na yang dran pa brjed par mi 'gyur ro/ /shA ra dwa ti'i bu gzhan yang byang chub sems dpa' sems can mang po gzhan dag kyang bla na med pa yang dag par rdzogs pa'i byang chub yang
192a2 dag par 'dzin du 'jug cing / yang dang yang du de bzhin gshegs pa'i yon tan yongs su sgrogs par yang byed pa yin te/ shA ra dwa ti'i bu byang chub sems dpa' chos gnyis pa de dang ldan pa ni tshe rjes na yang dran pa rjed
192a3 par mi 'gyur ro/ /shA ra dwa ti'i bu gzhan yang byang chub sems dpa' zab mo la bzod pa yin te/ shA ra dwa ti'i bu byang chub sems dpa' chos gsum pa de dang ldan pa ni tshe rjes na yang dran pa brjed par mi 'gyur ro/ /
192a4 shA ra dwa ti'i bu gzhan yang byang chub sems dpa' sems dpa' chen po de bzhin gshegs pa mnyes par bya ba'i phyir yid rnam par mi g.yeng ba yin zhing / de bzhin gshegs pa'i chos yid la bya ba'i phyir shes bzhin
192a5 dang dran pa can yin la/ zab mo la bzod cing 'chi ba'i dus byed pa yin te/ shA ra dwa ti'i bu byang chub sems dpa' chos bzhi pa de dang ldan pa ni tshe rjes na yang dran pa brjed par mi 'gyur ro/ /bcom ldan 'das kyis de
192a6 skad ces bka' stsal te/ de skad gsungs nas ston pas gzhan yang bka' stsal pa/ de dag chos ni yongs su tshol/ /chos kyi sbyin pa'ang sbyin par byed/ /de phyir nam yang nam du yang / /chos dran brjed
192a7 par mi 'gyur ro/ /byang chub yang dag 'dzin du 'jug /sems can mang po 'god par byed/ /de phyir de yis tshe rabs su/ /de yi dran pa nyams mi 'gyur/ /sangs rgyas bstan pa'i stong nyid dang / /zab mo'i
192a8 chos rnams bsten par byed/ /ma skyes pa yi chos rnams las/ /de yi bzod pa nyams mi 'gyur/ /skye ba yang ni skye ba med/ /gang dag skyes pa'ang de de bzhin/ /de 'dra ba yi bzod pa yis/ /de yi dran
192b1 pa nyams mi 'gyur/ /rnam par g.yengs pa'i sems kyis ni/ /mkhas pa 'chi ba'i dus mi byed/ /rtag par sangs rgyas chos rnams la/ /de yi dka' dang sangs rgyas dmigs/ /mkhas pa 'chi ba'i dus byed na/ /de
192b2 yi sems ni zhum pa med/ /de phyir de ni tshe rabs su/ /dran pa nyams par mi 'gyur ro/ /gang zhig ye shes mchog 'dod pa/ /byang chub dam pa khyad par 'phags/ /byang chub de ni tshol ba na/ /chos bzhi po dag sten par
192b3 byed/ /sangs rgyas rnams kyis rtag tu bsngags/ /de dag mchog dang gtso bo yin/ /de phyir khyod la ngas bstan gyis/ /chos de dag ni bsten par byos/ /gang phyir nga la'ang phan byed pa/ /khyod la phan phyir bstan par bya/ /
192b4 rdzogs pa'i sangs rgyas 'dir phan bzhed/ /gang la'ang chad pa gcod mi mdzad/ /nges pa gang zhig byang chub phyir/ /'di la ye shes 'dod byed pas/ /de phyir lam la bsten par byos/ /de las byang chub 'thob pa yin/ /le
192b5 lo'i sems dang ldan pa dang / /zhum pa'i sems dang ldan pa yis/ /byang chub mchog reg nus ma yin/ /de phyir de ni rnam par spang / /bdag tu 'du shes byed pa dang / /sems can 'du shes byed pa 'am/ /dngos 'du shes
192b6 pas sangs rgyas kyi/ /byang chub 'tshang rgyar nus ma yin/ /de phyir de ni rnam spangs nas/ /rtag par stong pa nyid la bsten/ /dngos po thams cad 'dir bshig pas/ /de las ye shes rnam dag 'gyur/ /khyed cag gnas
192b7 par ma byed cig /gnas las kyang ni bskyod par byos/ /'ong ba dang ni 'gro ba las/ /bskyod pa dag pa dga' bar gyis/ /shA ra dwa ti'i bu chos bzhi po 'di dag ni theg pa chen po la yang dag par zhugs pa rnams kyis
192b8 thams cad kyi mchog sgrub par 'gyur ba yin te/ bzhi gang zhe na/ shA ra dwa ti'i bu 'di la byang chub sems dpa' sangs rgyas kyi byang chub rnam par 'jig cing / dam pa'i chos nub par 'gyur ba na/ dam pa'i chos
193a1 yongs su tshol ba la mngon par brtson pa yin/ de bzhin gshegs pa'i mchod rten rnam par 'jig pa na phyir 'chos par byed cing lus dang srog yongs su gtong bar byed kyang / chos ni yongs su gtong bar
193a2 mi byed pa yin/ sems can sdug bsngal ba dag mthong na yang snying rje skyed par byed pa yin/ de snying rje thob nas je cher brtson 'grus rtsom par byed cing / nam zhig na bdag gis sangs rgyas kyi ye shes yang dag par
193a3 bsgrubs nas/ sems can de dag gi sdug bsngal thams cad rnam par zhi bar bya ba'i phyir chos bstan par bya zhes de snyam sems pa yin no/ /shA ra dwa ti'i bu byang chub sems dpa' ni chos yongs su btsal ba'i
193a4 phyir chog mi shes pa yin no/ /shA ra dwa ti'i bu byang chub sems dpa' sems dpa' chen po rnams ni chos yongs su btsal ba'i phyir chos la 'dun pa che ba yin no/ /shA ra dwa ti'i bu byang chub sems dpa' sems dpa'
193a5 chen po rnams ni theg pa chen po la lhag par dmigs pa nyid kyi phyir bsnyen par dka' ba yin no/ /shA ra dwa ti'i bu byang chub sems dpa' sems dpa' chen po rnams ni sems can rnams la phan par 'dod pa nyid kyi
193a6 phyir de dag la skyob pa gzhan gang yang med de/ gzhan du na bdag 'ba' shig tu zad do snyam pas byams pa'i sems dang ldan pa yin no/ /shA ra dwa ti'i bu byang chub sems dpa' sems dpa' chen po rnams ni snying
193a7 rje chen po bsten pa'i sems dang ldan pas khros pa med pa yin no/ /shA ra dwa ti'i bu byang chub sems dpa' rnams ni sems can thams cad la ye shes nye bar sgrub pa nyid kyi phyir phrag dog med pa yin no/ /shA ra dwa ti'i bu
193a8 byang chub sems dpa' rnams ni chos kyi sbyin pas sems can rnams la phan 'dogs pa nyid kyi phyir ser sna med pa yin no/ /shA ra dwa ti'i bu byang chub sems dpa' rnams ni lhag pa'i bsam pa nye bar ston pa nyid kyi phyir
193b1 bdog pa thams cad yongs su gtong ba yin no/ /shA ra dwa ti'i bu byang chub sems dpa' rnams ni chos thams cad la yongs su 'dzin pa med pa yin no/ /shA ra dwa ti'i bu byang chub sems dpa' rnams ni tshur shog legs par
193b2 'ongs so zhes smra ba yin zhing / khro gnyer med par bzhin 'dzum pa yin no/ /shA ra dwa ti'i bu byang chub sems dpa' rnams ni rgod pa med la/ sems can sdug bsngal ba dag mthong na snying blas su byed cing brtson 'grus
193b3 brtan por rtsom par byed pa yin no/ /shA ra dwa ti'i bu byang chub sems dpa' rnams ni sangs rgyas kyi chos rnams la dga' ba yin no/ /shA ra dwa ti'i bu byang chub sems dpa' rnams ni seng ge'i sgra mngon par sgrogs
193b4 pa nyid kyi phyir mi 'jigs pa yin no/ /shA ra dwa ti'i bu byang chub sems dpa' sems dpa' chen po rnams ni sangs rgyas kyi chos rnams la legs par gnas pas bag tsha ba med pa yin no/ /shA ra dwa ti'i bu byang
193b5 chub sems dpa' rnams ni sangs rgyas kyi chos yongs su btsal ba'i phyir brtson pa yin no/ /shA ra dwa ti'i bu byang chub sems dpa' rnams ni rtag tu brtson pa yin zhing chos bstan pa'i phyir stong gsum gyi stong chen por
193b6 rgyu ba yin no/ /shA ra dwa ti'i bu byang chub sems dpa' rnams ni chos rnams la rtogs par khong du chud pas rnam par rgyal ba srung ba yin no/ /shA ra dwa ti'i bu byang chub sems dpa' sems dpa' chen po rnams ni chos
193b7 thams cad yang dag pa ji lta ba bzhin so sor rtog pa nyid kyi phyir snying po 'dzin pa yin no/ /shA ra dwa ti'i bu byang chub sems dpa' rnams ni chos thams cad la rang gis mngon par rdzogs par byang chub pa nyid kyi
193b8 phyir snying po blangs pa yin no/ /shA ra dwa ti'i bu byang chub sems dpa' rnams ni dus dang dus ma yin par yongs su smin par byed pa nyid kyi phyir skul bar byed pa yin no/ /shA ra dwa ti'i bu byang chub sems dpa'
194a1 rnams ni chos dang 'thun pas pha rol smra ba rnams tshar gcod pa yin no/ /shA ra dwa ti'i bu byang chub sems dpa' sems dpa' chen po rnams ni chos thams cad kyi don rnam par nges pa yin no/ /shA ra dwa
194a2 ti'i bu byang chub sems dpa' sems dpa' chen po rnams ni sangs rgyas kyi chos rnams kyi rigs yin no/ /shA ra dwa ti'i bu byang chub sems dpa' rnams ni chos dkon mchog chen po'i gter chen po yin no/ /shA ra dwa
194a3 ti'i bu byang chub sems dpa' sems dpa' chen po rnams ni chos thams cad kyi phyag rgya rjes su rtogs par rnam par 'grel pa'i chos rgya mtsho yin no/ /shA ra dwa ti'i bu byang chub sems dpa' sems dpa' chen po
194a4 rnams ni 'khrug pa chen po grangs med dpag tu med pa phyir bzlog pa nyid kyi phyir/ khor yug dang khor yug chen po lta bu yin no/ /shA ra dwa ti'i bu byang chub sems dpa' sems dpa' chen po rnams ni chos
194a5 mi zad pa yang dag par rab tu ston pas yongs su ma gtugs pa yin no/ /shA ra dwa ti'i bu byang chub sems dpa' sems dpa' chen po rnams ni sems nam mkha' dang mnyam pa nyid kyi phyir rnyog pa med pa yin
194a6 no/ /shA ra dwa ti'i bu byang chub sems dpa' sems dpa' chen po rnams ni nam mkha' mi zad pa nyid kyi phyir zad mi shes pa yin no/ /shA ra dwa ti'i bu byang chub sems dpa' sems dpa' chen po rnams ni dge ba'i
194a7 chos kyis mngon du 'phags pa nyid kyi phyir lhun po lta bu yin no/ /shA ra dwa ti'i bu byang chub sems dpa' sems dpa' chen po rnams ni 'dod pa dang mi 'dod pa dang bral bas sa lta bu yin no/ /shA ra dwa ti'i bu byang chub
194a8 sems dpa' sems dpa' chen po rnams ni dge ba'i rtsa ba chud mi gzon pa nyid kyi phyir zhing lta bu yin no/ /shA ra dwa ti'i bu byang chub sems dpa' sems dpa' chen po rnams ni chos kyi snang ba kun du ston pas nyi ma lta
194b1 bu yin no/ /shA ra dwa ti'i bu byang chub sems dpa' sems dpa' chen po rnams ni mun nag rnam par sel ba nyid kyi phyir zla ba lta bu yin no/ /shA ra dwa ti'i bu byang chub sems dpa' sems dpa' chen po rnams ni 'dod chags dang /
194b2 zhe sdang dang / gti mug gi gdung ba rab tu zhi bar byed pa nyid kyi phyir gdugs lta bu yin no/ /shA ra dwa ti'i bu byang chub sems dpa' sems dpa' chen po rnams ni sems can rnams kyi gnas dang / skyabs dang / ston par gyur
194b3 pas shing ljon pa chen po'i grib ma lta bu yin no/ /shA ra dwa ti'i bu byang chub sems dpa' sems dpa' chen po rnams ni bzo'i gnas thams cad la rtogs par khong du chud pas slob dpon lta bu yin no/ /shA ra dwa ti'i bu byang chub sems
194b4 dpa' sems dpa' chen po rnams ni sems can thams cad kyi bsam pa yongs su skong bas nye bar bya ba yin no/ /shA ra dwa ti'i bu byang chub sems dpa' sems dpa' chen po rnams ni sems can thams cad kyi ston par
194b5 gyur pa yin no/ /shA ra dwa ti'i bu byang chub sems dpa' sems dpa' chen po rnams ni sems can thams cad kyi rten du gyur pa yin no/ / bam po bcwa lnga pa/ shA ra dwa
194b6 ti'i bu gal te ngas ji ltar mkhyen pa bzhin du sems can thams cad kyis byang chub sems dpa' ni bdag cag la bya ba de lta bus nye bar gnas pa yin no/ /zhes de ltar shes par gyur na/ shA ra dwa ti'i bu sems can
194b7 thams cad kyis byang chub sems dpa' dang po sems bskyed pa nas byang chub kyi snying po la 'dug pa de'i bar srid du phrag pa 'am mgo bos khyer bar 'gyur zhing / gang sems can rnams kyi bde ba dang / rtse ba dang /
194b8 dga' ba thams cad kyang byang chub sems dpa' la sbyin par byed par gyur la/ byang chub kyi snying por song na yang sa las brtsams nas srid pa'i rtse mo'i bar du gos rin po che gcig pa'i gding ba 'ding bar byed par
195a1 gyur cing / byang chub sems dpa'i lus gdung bar gyur na mi rung ngo snyam nas/ steng du yang lha rdzas kyi gdugs dgab pa kun du 'dzin par byed par 'gyur la/ me tog dang / spos dang / phreng ba dang / byug pa thams
195a2 cad kyis kyang mchod pa byed cing / rim gro dang / bsnyen bkur byed par 'gyur te/ shA ra dwa ti'i bu byang chub sems dpa' sems dpa' chen po la de ltar mngon par 'du byas shing / gus par byas/ brjed pa byas/ mchod pa byas
195a3 kyang lan bya bar ni mi nus so/ /de ci'i phyir zhe na/ shA ra dwa ti'i bu byang chub sems dpa' sems can rnams kyi don du yongs su gdung ba med pa'i bde ba'i yo byad mngon par 'du byed pa ji lta bus nye bar gnas pa'i yo byad de la ni
195a4 bde ba'i yo byad mngon par 'du byed pa 'dis brgya'i char yang nye bar mi 'gro ba nas/ rgyu'i bar du yang mi bzod pa'i phyir ro/ /de ci'i phyir zhe na/ shA ra dwa ti'i bu nye bar sgrub pa de thams cad ni mi rtag pa yin/ 'jig rten pa yin/ phung
195a5 po dang bcas pa yin/ zag pa dang bcas pa yin/ yongs su 'gyur ba'i chos can yin zhing / shA ra dwa ti'i bu byang chub sems dpa'i bde ba nye bar sgrub pa ni/ zag pa med pa dang / 'jig rten las 'das pa dang / nges par byed pa
195a6 dang ldan pa dang / ngo bo nyid med pa dang / stong pa nyid yin pa'i phyir te/ shA ra dwa ti'i bu de lta bas na byang chub sems dpa' la sems can thams cad kyi bde ba'i yo byad phun sum tshogs pa thams cad kyi phan gdags par bya mi nus so/ /
195a7 de ci'i phyir zhe na/ shA ra dwa ti'i bu byang chub sems dpa' ni sems can gnyid log pa thams cad kyi mi nyal bar byed pa yin/ bag med pa rnams kyi bag yod pa yin/ smyon pa rnams kyi ma smyos pa yin zhing / shA ra dwa ti'i bu byang chub
195a8 sems dpa' ni sems can dmus long rnams kyi mig tu gyur pa yin/ yongs su 'dren pa yin la/ shA ra dwa ti'i bu byang chub sems dpa' sems dpa' chen po ni sems can nad kyis thebs pa rnams kyi sman du gyur pa yin/ lam ngan par
195b1 zhugs pa rnams kyi lam ston pa yin/ lam gol ba la gnas pa rnams kyi yang dag pa'i lam ston par byed pa yin zhing / byang chub sems dpa' ni dge ba'i rtsa ba ma skyed pa rnams skyed par byed pa yin/ byang chub sems dpa' ni chos
195b2 dkar po rnams kyis rnam par ma bskyed pa rnams rnam par skyed par byed pa yin pa'i phyir te/ shA ra dwa ti'i bu mdor na de bzhin gshegs pa dang / byang chub sems dpa' ma gtogs par sems can rnams la skyob pa dang / skyabs dang / dpung gnyen
195b3 gzhan med de/ shA ra dwa ti'i bu sangs rgyas de yang byang chub sems dpa' las byung ba yin no/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das byang chub sems dpa' sems dpa' chen
195b4 po rnams kyi theg pa de de lta bu dang theg pa de rmad du byung ba lags kyang / bdag nyid kyang mdzes par bgyid cing / gzhan dag kyang mdzes par bgyid pa ni ngo mtshar lags so/ /bcom ldan 'das dper bgyi na zhugs shing yongs 'du
195b5 sa brtol yan lag thams cad me tog yongs su rgyas pa ni bdag nyid kyang mdzes par bgyid la/ gzhan dag kyang mdzes par bgyid lags so/ /bcom ldan 'das de bzhin du byang chub sems dpa' sangs rgyas kyi chos rnams
195b6 yongs su rdzogs pa ni bdag nyid kyang mdzes par bgyid cing / sems can dpag tu ma mchis pa yang mdzes par bgyid lags so/ /bcom ldan 'das dper bgyi na zhugs shing yongs 'du sa brtol ni sum cu rtsa gsum pa'i
195b7 lha rnams gar bgyid du stsol cing / rtse bar bgyid/ dga' mgur spyod par bgyid lags so/ /bcom ldan 'das de bzhin du byang chub sems dpa' sems dpa' chen po ni bla na med pa yang dag par rdzogs pa'i byang chub tu
195b8 mngon par rdzogs par sangs rgyas nas sangs rgyas kyi chos yongs su rdzogs shing bdag nyid kyis kyang mdzes la/ sems can grangs ma mchis/ dpag tu ma mchis pas kyang mngon du bgrod par bgyid pa lags te/ der sems
196a1 can phyin pa rnams kyang dbang po dang / stobs dang byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa rnams kyis rtse bar bgyid/ dga' mgur spyod par bgyid/
196a2 dga' bar bgyid pa lags na/ bcom ldan 'das bdag cag lta bu le lo can gzhan gyi dring la 'jog pa dag ma gtogs par theg pa de la su zhig gnas par mi bgyid/ mngon par 'tshal bar mi bgyid lags/ bcom ldan 'das
196a3 bdag cag ni chos gzhan gyis stsal cing / gzhan gyis bstan pas dbugs phyin pa dang / bde bar gyur pa lags te/ bcom ldan 'das slad kyis ni bcom ldan 'das las thos nas re shig gang gis sems can 'ga' yang bgyid pa
196a4 de la 'jog pa'i mthu bdag cag la ma mchis so/ /bcom ldan 'das bdag cag gis ni deng slan chad gang la lar chos bstan na/ ches thog mar byang chub sems dpa'i theg pa las brtsams nas bstan par bgyi zhing nyan
196a5 thos kyi theg pa ni slad kyis bstan par bgyi'o/ /de ci'i slad du zhe na/ bcom ldan 'das gang gis myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de ltar bgyis pas sems can
196a6 'ga' zhig byang chub tu bzhag na yang / de bzhin gshegs pa la bdag cag gis bgyis pa gzo ba lags pa'i slad du'o/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka'
196a7 stsal to/ /shA ra dwa ti'i bu khyod byang chub sems dpa' sems dpa' chen po rnams dga' bar bya ba'i phyir go cha chen po gyon pa ni legs so legs so/ /de ci'i phyir zhe na/ shA ra dwa ti'i bu theg pa de lta bu de'i ming yang mi 'byung ba'i dus
196a8 de dang tshod de 'byung bar 'gyur zhing / shA ra dwa ti'i bu theg pa de lta bu de la 'phya bar byed par 'gyur/ bsting bar byed par 'gyur la/ mdo sde de lta bu de dag len pa po ma yin pa dang / spong bar byed pa 'byung bar 'gyur ba'i phyir ro/ / shA ra
196b1 dwa ti'i bu de la rigs kyi bu 'am/ rigs kyi bu mo don 'dod pas ni don la rton pa dang / chos la rton par bya'i/ 'du 'dzi'i gnas su ni gnas par mi bya'o/ /de ci'i phyir zhe na/ shA ra dwa ti'i bu de'i tshe 'dus pa ni mi rigs par
196b2 'gyur te/ shA ra dwa ti'i bu nga'i nyan thos rigs pa dang ldan pa ni mdo sde de lta bu de dag la spong ba'am bsting ba 'am rnam par g.yeng bar mi byed do/ /de ci'i phyir zhe na/ shA ra dwa ti'i bu las de dag ni rigs pa ma yin zhing / shA ra dwa ti'i bu byis pa'i las de dag ni rigs
196b3 pa'i las ma yin/ mkhas pa'i las ma yin la/ shA ra dwa ti'i bu nga ni mkhas pa'i las byed kyi byis pa'i las mi byed pa'i phyir ro/ /shA ra dwa ti'i bu nga'i nyan thos kyis ni 'di ltar bslab par bya ste/ shA ra dwa ti'i bu de la phyi ma'i dus
196b4 phyi ma'i tshe na dad pa can dang / mang du thos pa dang / brtson 'grus brtsams pa dang / dran pa dang ldan pa dang / khrel yod pa dang / dge ba ci yin zhes tshol ba dang / chos don du gnyer ba dang / chos yongs su tshol ba la mngon par
196b5 brtson pa gang dag 'byung bar 'gyur ba de dag kyang de'i tshe 'phya bar byed par 'gyur ba yin zhing / brnyas par 'gyur ba yin/ de dag ni le lo can yin/ de dag ni 'bras bu thob par mi nus pa yin/ de dag ni 'dod pa la
196b6 sten pa yin/ 'dod pa sten par 'dod pa yin/ de dag ni byang chub sems dpa' zhes bya bas dad pas sbyin par bya ba longs spyod par byed pa yin la/ theg pa de kun du brjod par byed kyang / de dag de bzhin gshegs pas rigs pa
196b7 dang grol bar gsungs pa ni ma yin no/ /shA ra dwa ti'i bu nga la mi blun po de dag tshig phra mo ji snyed kyis skur pa 'debs par 'gyur ba dang / gang dag de bzhin gshegs pas mchog tu rigs par gsungs shing / mchog tu grol
196b8 bar gsungs pa de dag la 'di skad du de dag ni rigs pa ma yin zhing / de dag ni grol ba ma yin no zhes zer bar 'gyur ba dang / shA ra dwa ti'i bu de la gang dag khyim na gnas pa 'byung bar 'gyur ba de dag kyang kun du gdungs
197a1 nas mi blun po de dag la dad par bya ba yin par sems par 'gyur zhing / de dag gis byang chub sems dpa' sems dpa' chen po mdo sde de lta bu 'dzin pa mthong na yang brnyas pa skyed par 'gyur ba la ltos/ shA
197a2 ra dwa ti'i bu 'di ltar de bzhin gshegs pas ni gang la yang yang dag pa 'am/ yang dag pa ma yin pas gnod par mi bya zhing / rnam par gtse bar mi bya la skur pa gdab par mi bya'o zhes gsungs na/ de dag ni gzhan dag la yang
197a3 smra bar byed cing / bdag nyid kyis kyang kun du byed par 'gyur ba'i mi blun po de dag gis tshul khrims kyi phung po ji 'dra bar 'gyur ba la ltos/ shA ra dwa ti'i bu chos la chos ma yin par 'du shes pa dang / chos ma yin pa la chos su
197a4 'du shes par 'gyur bar gyur cing / 'dul ba ma yin pa la 'dul bar 'du shes pa dang / 'dul ba la 'dul ba ma yin par 'du shes par 'gyur ba dang / rigs pa la rigs pa ma yin par 'du shes pa dang / rigs pa ma yin pa
197a5 la rigs par 'du shes pa dang / grol ba la grol ba ma yin par 'du shes pa dang / grol ba ma yin pa la grol bar 'du shes par 'gyur bar gyur nas kyang / shA ra dwa ti'i bu de dag 'dul ba yang mi shes shing / ston pa'i bstan pa
197a6 yang gting mi dpogs pa'i dus de ji srid du phyin ci log tu 'gyur ba la ltos/ shA ra dwa ti'i bu sems can de dag ni khro ba dang / zhe sdang dang / phrag dog gis zil gyis non pa yin zhing / bdag la stod pa yin/ gzhan la smod pa yin/
197a7 phrag dog dang ser sna yongs su rdzogs pa yin/ mi dge ba'i chos kyis gang ba yin/ dge ba'i chos thams cad las yongs su nyams pa yin te gsor mi rung ba yin no/ /shA ra dwa ti'i bu sems can de dag ni yongs su spang bar
197a8 bya ba yin no/ /shA ra dwa ti'i bu nga ni ngo tsha shes pa rnams kyi ston pa yin gyi nga ni ngo tsha mi shes pa rnams kyi ni ma yin no/ /shA ra dwa ti'i bu nga ni dran pa dang ldan pa rnams kyi ston pa yin gyi brjed ngas pa rnams kyi ni ma yin no/ /shA ra dwa
197b1 ti'i bu nga ni shes rab dang ldan pa rnams kyi ston pa yin gyi shes rab 'chal pa rnams kyi ni ma yin no/ /shA ra dwa ti'i bu gang dag gang la de bzhin gshegs pas yun ring po nas bslabs pa dang / gang la de bzhin gshegs pas bslabs pas
197b2 bdag nyid chen po'i chos nyid de rjes su thob pa dang / ci nas kyang byang chub sems dpa' sems dpa' chen po rnams chos nyid de yang dag par bsgrubs nas bla na med pa yang dag par rdzogs pa'i byang chub mngon par rdzogs par sangs rgyas te/
197b3 'gro ba dpag tu med pa nyon mongs pa'i dra ba las thar bar byed par 'gyur ba'i byang chub sems dpa' la 'dems par mdzad pa'i ye shes de lta bu de dang de dag kyang chos gang la de bzhin gshegs pa gus pa dang bcas pa'i chos nyid de la
197b4 'gal bar byed par 'gyur zhing / gnod par byed par 'gyur ba de dag ni nga'i nyan thos kyang ma yin la/ nga yang de dag gi ston pa ma yin te/ shA ra dwa ti'i bu ma legs so ma legs so/ /shA ra dwa ti'i bu ngas ni de tsam zhig brjod
197b5 par nus so/ /shA ra dwa ti'i bu de lta bas na chos gling yin par gnas par byos shig /gzhan gling du ni ma byed cig /bdag skyabs su gnas par byos shig /gzhan skyabs su ni ma byed cig /chos skyabs su gnas par
197b6 byos shig /gzhan skyabs su ni ma yin te/ khyed cag la rjes su bstan pa ni de yin no/ /shA ra dwa ti'i bu ji ltar na dge slong chos gling yin par gnas shing / gzhan gling ma yin/ bdag skyabs yin gyi/ gzhan skyabs
197b7 ma yin/ bdag gling yin gyi/ gzhan gling ma yin zhe na/ shA ra dwa ti'i bu 'di la dge slong dran pa nye bar gzhag pa rnams sgom par byed pa yin zhing / 'dod chags dang bral ba la gnas pa yin/ rnam par spong bas yongs su
197b8 bsgyur ba yin no/ /shA ra dwa ti'i bu dran pa nye bar gzhag pa yang gang zhe na/ 'di lta ste/ dngos po med pa dang / rang bzhin med pa dang / mtshan nyid med pa'i dran pa nye bar gzhag pa chos ji lta ba bzhin du mthong ba ste/ shA ra dwa ti'i
198a1 bu de ltar na dngos po med pa dang / rang bzhin med pa'i sgo nas dran pa nye bar gzhag pa yin no/ /shA ra dwa ti'i bu 'di la gang mi slu bar 'di ni chos gling yin pa dang / chos skyabs dang / bdag gling dang / bdag skyabs shes
198a2 bya'o/ /shA ra dwa ti'i bu gang dag dran pa nye bar gzhag pa de lta bu sgom par byed pa de dag ni dgra bcom pa mngon par brjod pa thams cad spangs pa zhes bya'o/ /zag pa zad pa zhes bya'o/ /nyon mongs pa med pa zhes bya'o/ /sbyin pa'i
198a3 gnas shes bya'o/ /zhi ba zhes bya'o/ /dul ba zhes bya'o/ /skyon bsal ba zhes bya'o/ /bram ze tshangs par spyod pa pha rol tu son pa/ skam la son pa zhes bya'o/ /shA ra dwa ti'i bu ci'i phyir dgra bcom pa zhes bya zhe na/
198a4 shA ra dwa ti'i bu de dag ni dge ba thams cad la 'os pa yin/ dge ba'i las dag gis 'du byed pa thams cad dang bral ba yin te/ de dag ni 'du byed pa thams cad rgyun bcad pa yin/ 'du byed pa thams cad spangs pa yin
198a5 te/ shA ra dwa ti'i bu gang dgra bcom pa zag pa zad pas bsod nams 'du bya ba yang mngon par 'du byed pa'i gnas med cing / skabs med pa yin na bsod nams ma yin pa lta ci smos/ de ci'i phyir zhe na/ shA ra dwa ti'i bu dgra
198a6 bcom pa zag pa zad pa ni sred pa rgyun bcad pa yin/ shA ra dwa ti'i bu dgra bcom pa zag pa zad pa ni kun du sbyor ba rnams las phyir log pa yin/ chos thams cad dang bral ba yin/ chos thams cad kyis ma gos pa yin/ yid
198a7 chags pa med pa yin/ 'dod pa'i khams la chags par mi byed pa yin/ gzugs kyi khams la chags par mi byed pa yin/ gzugs med pa'i khams la chags par mi byed pa yin/ 'dun pa dang bral ba yin/ sred pa dang
198a8 bral ba yin/ khong khro ba dang bral ba yin pa'i phyir ro/ /ci'i phyir dgra bcom pa zag pa zad pa zhes bya zhe na/ shA ra dwa ti'i bu de'i zag pa rnams zad cing / chos thams cad la zad pa nyid thob la/ zad pa nye bar thob pas de'i phyir zag pa
198b1 zad pa zhes bya'o/ /ci'i phyir nyon mongs pa med pa zhes bya zhe na/ dngos po thams cad stong pa nyid kyi phyir kun nas nyon mongs par yang mi 'gyur/ rnam par byang bar yang mi 'gyur te/ rnam par dag pa yin zhing / 'dod pa 'am/
198b2 mi 'dod pa 'am/ yid du 'ong ba 'am/ yid du mi 'ong ba 'am/ 'dus byas sam/ 'dus ma byas gang gis kyang nye bar ma gos pas nye bar gos pa med pa yin la/ shA ra dwa ti'i bu dgra bcom pa zag pa zad pa ni spros pa thams cad spangs
198b3 pas de'i phyir nyon mongs pa med pa zhes bya'o/ /ci'i phyir dgra bcom pa zag pa zad pa zhes bya zhe na/ gdung ba spangs pa yin zhing / yongs su gdung ba spangs pa yin/ gdung bar nye bar zhi ba yin la/ de ni zang zing med pa
198b4 chos kyi mchog sbyin pa'i sbyin pa po yin pas de'i phyir sbyin gnas shes bya'o/ /ci'i phyir dbang du gyur pa dag ces bya zhe na/ shA ra dwa ti'i bu de dag gis chos thams cad ya ma rlar mthong zhing mngon du byas pa yin/ rnam par
198b5 bsgoms pa yin/ ya ma rla'i chos de dag thams cad la yang dam pa'i pha rol tu son pa yin la/ de dag gis yang dag pa ma yin pa'i smra ba rnams bstsal ba yin pas/ de'i phyir dbang du gyur pa dag ces bya'o/ /ci'i phyir
198b6 bram ze dag ces bya zhe na/ chos thams cad bsal ba yin zhing bor ba yin/ phyung ba yin la/ nye bar ma gos pa yin pas/ sdig pa bsal ba'i phyir ro/ /ci'i phyir zhi bar byed pa dag ces bya zhe na/ shA ra dwa ti'i bu sdig pa
198b7 thams cad dang / sdig pa'i chos thams cad las byung ba'i phyir ro/ /ci'i phyir tshor ba po dag ces bya zhe na/ shA ra dwa ti'i bu de dag gis 'dod pa'i khams dang / gzugs kyi khams dang / gzugs med pa'i khams dang / rnam
198b8 par smin pa dang / yang dag pa ma yin pa dang / bden pa ma yin pa thul cing las dang / rnam par smin pa yang thul la/ shA ra dwa ti'i bu de dag kun du rtog pa med pa nyid kyi phyir/ kun du rtog pa las byung ba'i chos thams cad
199a1 thul cing rnam par grol ba yin pas de'i phyir tshor ba po dag ces bya'o/ /ci'i phyir pha rol du son pa dag ces bya zhe na/ shA ra dwa ti'i bu de dag gis bdud pham par byas shing bdud kyi phyogs kyi nyon mongs pa thams
199a2 cad pham par byas la/ chos thams cad kyi pha rol tu son cing rgal la skam la son pas/ de'i phyir pha rol tu son pa dag ces bya'o/ /shA ra dwa ti'i bu ngas dgra bcom pa zag pa zad pa'i yon tan dag ji tsam cig brjod kyang /
199a3 shA ra dwa ti'i bu de la bri bar yang mi 'gyur ro/ /shA ra dwa ti'i bu dgra bcom pa zag pa zad pa ni shin du yongs su sbyangs pa/ rdu ba dang / tsher ma med pa/ shin du rnam par dag pa'i zhing chen po yin no/ /shA ra dwa ti'i bu dgra
199a4 bcom pa zag pa zad pa la ni gshe bar byed cing brgyad bkag byed kyang / 'di snyam du bdag la 'di gshe bar byed cing brgyad bkag byed do snyam du yang mi sems la/ bsngags pa 'am/ bsngags pa ma yin pa brjod pa
199a5 na yang 'di snyam du bdag la 'di bsngags pa 'am/ bsngags pa ma yin pa brjod do snyam du mi sems so/ /shA ra dwa ti'i bu dgra bcom pa zag pa zad pa ni rlom sems thams cad rgyun bcad pa yin no/ /shA ra dwa ti'i bu dgra
199a6 bcom pa zag pa zad pa ni bsrung ba med pa yin no/ /shA ra dwa ti'i bu dgra bcom pa zag pa zad pa la ni chos gang yang bsrung ba med de dbang po shin du bsrungs pa yin zhing / nges pa'i sa thob pa yin/ chos kyi sgron ma yin/
199a7 chos kyi skyabs yin/ bdag gi sgron ma yin/ bdag gi skyabs yin pa'i phyir ro/ /shA ra dwa ti'i bu de lta bas na dge slong de ltar gnas pas ni 'di ltar gal te de bzhin gshegs pa'i byang chub spong bar mi byed cing mi rigs pa'i
199a8 las kyang mi byed la/ tshangs pa mtshungs par spyod pa mkhas pa rnams kyi kha na ma tho ba dang bcas pa yang ma yin zhing / phyis kyang byang chub kun du bsrung ba dang / rnam par mi gtse ba dang / mi spang ba'i phyir dang / yun ring du
199b1 gnas par bya ba'i don du zhugs par 'gyur ba de ni dgra bcom pa yin par shes par bya'o/ /shA ra dwa ti'i bu dgra bcom pa zag pa zad pa la ni chos rnams la chos kyi the tshom med do/ /shA ra dwa ti'i bu dgra bcom pa zag pa zad pa ni
199b2 som nyi med pa yin zhing yid gnyis dang bral ba yin no/ /shA ra dwa ti'i bu dgra bcom pa zag pa zad pa ni rgal ba yin zhing lam kha brag las nges par rgal ba yin/ drang po'i gnas na gnas pa yin/ drang po yin/ drang por gyur pa
199b3 yin/ lam drang po nas 'ongs pa yin no/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das dgra bcom pa zag pa zad pa ni chos spong ba ma lags par 'tshal bar bgyi
199b4 ba lags so/ /de ci'i slad du zhe na/ bcom ldan 'das de dag ni byis pa'i las lags kyi/ de dag ni dgra bcom pa'i las ma lags te/ 'di lta ste/ chos spong ba lags pa'i slad du'o/ /de skad ces gsol pa dang /
199b5 bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu de de bzhin no/ /de de bzhin te/ shA ra dwa ti'i bu de dag ni byis pa'i las yin gyi dgra bcom pa'i las ma yin mod kyi 'on
199b6 kyang / shA ra dwa ti'i bu phyi ma'i tshe phyi ma'i dus na mi 'jigs pas zil gyis non pa'i dge slong dag 'byung bar 'gyur te/ de dag ni bsam gtan tsam dang / nges par gnas pa tsam dang / dgon pa na gnas pa tsam gyis bdag nyon
199b7 mongs pa med pa'o/ /snyam du kun du shes par 'gyur zhing bdag nyid la rlom sems skyed par byed par 'gyur te/ de'i phyir de'i tshe bram ze dang / khyim bdag dad pa can mos pa mang ba dang / nges par rtog pa mang ba dag gis
199b8 dgra bcom pa 'di ni sbyin pa'i gnas so/ /zag pa zad pa'o snyam du kun du shes par 'gyur la/ de la yang lhag par byed pa bya bar sems par 'gyur zhing / mi blun po de dag kyang bsnyen bkur gyis zil gyis gnon cing /
200a1 rnyed pas zil gyis non la/ bsngags pa dang / grags pa dang / snyan pas zil gyis non nas/ bdag cag ni chos de dag la gnas so/ /bdag cag ni chos de dag dang ldan no/ /bdag cag ni 'di na zag pa zad pa'o/ /
200a2 bdag cag ni 'di na nyon mongs pa med pa'o snyam nas/ bdag nyid la ye shes can du kun du shes par 'gyur ba yin zhing / de dag ni byis par 'gyur ba yin/ brtags pa'i spyod lam can du 'gyur ba yin/ grong na 'khod pa de
200a3 dag gi spyod lam yang gzhan du 'gyur ba yin/ gtsug lag khang na 'khod pa'i spyod lam yang gzhan du 'gyur ba yin/ dgon pa na 'khod pa rnams kyi yang gzhan du la/ 'khor gyi nang na 'khod pa rnams kyi yang gzhan du yin/
200a4 lus kyi las dang ngag gi las kun du spyod pa dag kyang ma bsrungs par 'gyur ba yin/ 'khor na spyod par yang 'gyur ba yin/ bdag nyid kyi nyon mongs pa med pa'i 'du shes kyang skyed par 'gyur ba yin/ da ltar gang
200a5 dag nyan thos rnams kyis bshad pa'i chos kyi rnam grangs zab mo dang ldan pa/ dben pa dang ldan pa/ stong pa nyid dang ldan pa de lta bu de dag thos nas kyang / chos de la zhe sa dang bcas shing gus pa dang bcas pas gus par
200a6 nyan cing / rna gtod par byed la/ sems gzhan du ma yin par nye bar 'jog par byed pa yin te/ de'i tshe mi blun po de lta bu'i spyod yul pa de dag kyang sting bar byed par 'gyur zhing / 'phya bar byed par yang 'gyur la/ gshe
200a7 bar byed par yang 'gyur zhing / 'di skad du 'di ni sangs rgyas kyi bka' ma yin/ ston pa'i bstan pa ma yin no zhes gcig la gcig 'dems par byed par yang 'gyur ro/ /de ci'i phyir zhe na/ 'di ni chos dang chos
200a8 su 'dul ba dang 'dul bar mtshungs par mi 'gyur zhing / chos ma yin pa sems par byed pa de dag ni chos la chos ma yin no zhes smra bar 'gyur ba yin/ chos ma yin pa la chos so zhes smra bar 'gyur ba yin/ 'dul ba
200b1 ma yin pa la 'dul ba'o zhes smra bar 'gyur ba yin pa'i phyir te/ shA ra dwa ti'i bu de ltar na de dag ni chos gang 'thob par 'gyur ba de nyid kyi bsngags pa ma yin pa smra bar 'gyur ba yin la/ de dag ni bdag la bstod cing gzhan la smod par
200b2 'gyur ba yin/ tshul khrims tsam dang / dgon pa na gnas pa tsam dang / bsam gtan tsam dang / nges par gnas pa tsam dang / thos pa tsam dang / mang du thos pa tsam dang / 'khor tsam dang / bsngags pa tsam dang / tshigs su bcad
200b3 pa tsam dang / rnyed pa dang bkur sti tsam dang / grags pa dang / snyan pa tsam gyi nga rgyal gyi dbang gis nga'o snyam pa'i nga rgyal gyis bcom pa yin te/ yang dag pa ji lta ba bzhin du gleng ba po de dag gis yang dag par glengs pa na/ ji lta
200b4 ji ltar chos kyi rnam grangs de dag nyan pa de lta de ltar las ches dam pa dag mngon par 'du byed par 'gyur ba yin gyi/ mi blun po de dag ni 'di snyam du mi dge ba'i las yang dag pa de dag bdag cag la kun du yod do snyam du mi
200b5 sems te/ de dag ni shas cher nga rgyal gyis brtan cing / mi shes pas brtan nas chos kyi rnam grangs de dag spangs te/ las ches dam po byas nas/ mnar med par 'gro bar 'gyur ba yin/ ngan 'gror 'gro bar 'gyur ba yin
200b6 no/ /shA ra dwa ti'i bu da ltar nga khyed cag gi the tshom gcod par byed pa dang / de'i tshe chos smra ba chos yongs su 'dzin pa/ chos ston pa/ don du gnyer ba/ mdo sde de lta bu 'dzin pa gang dag 'byung bar 'gyur ba de dag la yang de'i tshe nga
200b7 chos kyi the tshom de lta bu gcod par byed pa de la ltos shig /shA ra dwa ti'i bu de bzhin gshegs pa ni thams cad mkhyen pa yin zhing / thams cad shes pa can yin/ thams cad gzigs pa yin/ thams cad ston pa yin no/ /
200b8 shA ra dwa ti'i bu gang de bzhin gshegs pas ma mkhyen ma gzigs ma gsan pa'i chos de ni med do/ /shA ra dwa ti'i bu de bzhin gshegs pa ni dus gsum la ma thogs pa'i ye shes brnyes pa yin zhing / ma chags pa dang grol
201a1 ba yin/ dbang du gyur pa dang / nyon mongs pa med pa yin/ rang 'byung yin/ slob dpon mi mnga' ba yin/ bde blag du seng ge'i sgra sgrogs pa yin no/ /shA ra dwa ti'i bu yang mi blun po de dag gi spyod pa dang / spyod yul dang / lam
201a2 gyis ni mchog go/ /de dag ni ma bslabs pa yin/ mi blun po de dag ni lam ngan par zhugs par 'gyur ba yin no/ /shA ra dwa ti'i bu de lta bas na/ rigs kyi bu 'am/ rigs kyi bu mo bla na med pa yang dag par rdzogs pa'i byang chub
201a3 la mngon par yang dag par zhugs pas ni bdag sangs rgyas bcom ldan 'das rnams kyi byang chub la mngon par ma dad cing / nyes par ma brtags la mngon par rdzogs par sangs ma rgyas na mi rung ngo snyam nas chos de lta
201a4 bu de dag la 'dun par bya/ rnal 'byor du bya/ spro bar bya'o/ /shA ra dwa ti'i bu rigs kyi bu 'am/ rigs kyi bu mo chos bzhi dang ldan na/ sangs rgyas kyi byang chub spong bar byed pa yin te/ bzhi gang zhe na/ shA ra dwa ti'i bu 'di
201a5 la rigs kyi bu 'am/ rigs kyi bu mo sdig pa'i grogs po'i lag tu song ba yin zhing dge ba'i bshes gnyen gyi lag tu song ba ma yin la/ sdig pa'i grogs po de dag la yang sten par byed/ snyen par byed/ bsnyen bkur
201a6 byed de/ de sdig pa'i grogs po de dag la bsten cing bsnyen la bsnyen bkur byas pas de dag nyid kyi rjes su bslabs nas spong bar byed pa yin no/ /shA ra dwa ti'i bu gzhan yang byang chub sems dpa' bdag tu mngon par
201a7 zhen pas dmigs pa can yin te/ de chos kyi rnam grangs zab mo de lta bu de dag thos nas/ skrag cing dngang la dngang bar 'gyur zhing g.yang sa chen por yang rab tu ltung ba yin te/ shA ra dwa ti'i bu rigs kyi bu 'am/ rigs
201a8 kyi bu mo chos gnyis pa de dang ldan na/ byang chub spong bar byed pa yin no/ /shA ra dwa ti'i bu gzhan yang rigs kyi bu gcer bu pa'i smra ba la zhugs pa yin zhing / 'jig rten rgyang phan pa'i gsang tshig yongs su tshol ba la mngon
201b1 par brtson pa dang / skye bo mang pos bkur ba yin te/ de'i chos de dag mi sems par spong bar byed pa yin no/ /shA ra dwa ti'i bu gzhan yang byang chub sems dpa' tshul khrims 'chal pa dang / tshul khrims rgud pa yin zhing / ji
201b2 ltar bslab pa bcas pa la yang mi slob pa yin te/ de yo byad bsnyungs pa'i gtam dang ldan pa de lta bu de dag spong bar byed pa yin zhing / gshe bar byed la mos par mi byed de/ shA ra dwa ti'i bu rigs kyi bu 'am/ rigs kyi bu mo
201b3 chos bzhi po de dang ldan na byang chub spong bar byed pa yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /sdig pa'i grogs rnams sten byed cing / /de dag gi ni rjes phyogs 'gyur/ /
201b4 de phyir chos ni spong byed cing / /sangs rgyas byang chub 'dod mi byed/ /gcer bu'i smra dang 'dres pa dang / /'jig rten rgyang pan sems pa yin/ /bstan pa 'di ni brjod byas te/ /blo ngan dus ni drang po yin/ /byis pa mkhas
201b5 pa'i nga rgyal can/ /kye ma mkhas par rlom sems byed/ /de phyir de ni chos spangs shing / /sangs rgyas byang chub 'tshang mi rgya/ /bdag tu smra ba gang yin pa/ /dmigs pa la ni gnas nas su/ /zab mo'i chos
201b6 rnams thos gyur nas/ /blo ngan chos ni spong bar byed/ /mtha' 'das stong nyid ji bzhin dang / /don ni de yis mi shes te/ /de phyir byang chub spong bar byed/ /de yi gting ni shes ma yin/ /tshul khrims 'chal
201b7 dang sdig chos can/ /mi gtsang kun rtog spyod yul ba/ /ji ltar bslab pa bcas pa la/ /blo ngan de dag slob mi byed/ /dmu rgod bka' blo mi bde ba/ /rma 'bebs po dang lce ngan po/ /de lta'i chos can de la ni/ /
201b8 sdig pa mi byed ci yang med/ /de phyir de ni rnam par spang / /rtag par sangs rgyas rnams kyis smad/ /gang dag nga yis rtag bsngags pa'i/ /chos la'ang rtag tu bsten par bya/ /gang zhig sangs rgyas mthong 'dod
202a1 dang / /de 'dra'i chos ni nyan 'dod des/ /tshul khrims phung po legs par brtag /de la chos ni 'thob par 'gyur/ /tshul khrims phung por gang dag gnas/ /de la 'jug par 'dod pa dang / /de la kun du
202a2 rtog 'dod pas/ /de phyir tshul khrims bsten par bya/ /ye shes de 'dra 'jug 'dod na/ /yid gzhungs pa yis tshul khrims bstan/ /byang chub rnams kyi phul dang mchog /des ni rnyed par dka' ma yin/ /shA ra dwa ti'i bu
202a3 theg pa chen po la yang dag par zhugs pa chos bzhi dang ldan na byang chub kun du bsrung ba'i phyir zhugs pa yin te/ bzhi gang zhe na/ shA ra dwa ti'i bu 'di la theg pa chen po la yang dag par zhugs pa ni bdag nyid kyang tshul khrims
202a4 phun sum tshogs pa yin/ dge ba'i chos can dang / tshul khrims kyi phung po la legs par rab tu gnas pa dang mang du thos pa yin/ don dam pa la mkhas shing 'jig rten rgyang pan pa dang yang ma 'dres pa yin/ sangs rgyas
202a5 kyi byang chub dag pa yongs su 'thob cing dben pa la gzhol bas dgon pa dang / rab tu dgon pa la mngon par dga' ba yin te/ shA ra dwa ti'i bu theg pa chen po la yang dag par zhugs pa chos bzhi po de dag dang ldan pa ni
202a6 byang chub kun du bsrung ba'i phyir zhugs pa yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /tshul khrims phung por de gnas kyang / /tshul khrims kyis ni rlom sems med/ /
202a7 nges pa'i don dang zab mo yi/ /chos ni phyis kyang tshol bar byed/ /sangs rgyas byang chub dag pa dang / /rnam dag yongs su dag pa'ang tshol/ /gcer bu rnams kyis gang 'dzin pa'i/ /gsang tshig dag ni de mi tshol/ /
202a8 'thab med gsang tshig de 'dod pas/ /'jig rten rgyang pan 'dres ma yin/ /sangs rgyas chos la nges yin zhing / /rtag tu bstan pa bsrung bar byed/ /gang dag gis ni sems 'khrug pa'i/ /bud med rnams ni
202b1 der mi 'gro/ /dben pa zhi ba stong pa yi/ /bas mtha'i dgon pa rnams sten byed/ /nga yis mchog dang phul bsngags pa'i/ /chos bzhi po ni de dag dang / /byang chub rnams kyi don gang bstan/ /chos de dag la bsten par
202b2 byos/ /de dang der ni de bzhin du/ /sngon chad de dag bsten pa yin/ /ye shes kun du srung bar byed/ /des ni nga yi ye shes bsgrubs/ /chos ni kun du bsrung byas pas/ /'gro ba ngan par 'gro mi 'gyur/ /
202b3 rtag par de zhi kun du dag /gzugs kyis kyang ni 'phags par 'gyur/ /longs spyod ldan par de rtag 'gyur/ /thob nas kyang ni bag yod 'gyur/ /de la snying po ston par 'gyur/ /longs spyod rnams ni
202b4 mi rtag ces/ /gang byin de ni nga yi yin/ /gang ma byin de nga yi min/ /nga dang longs spyod phung po'ang rung / /thams cad spangs nas song ba yin/ /g.yog 'khor bzang por 'gyur ba yin/ /de'i
202b5 bshes gnyen bzang por 'gyur/ /sangs rgyas kyis ni bsngags chos la/ /ma yeng nges par sbyor bar 'gyur/ /bdag nyid kyis kyang 'dun pa yin/ /gzhan yang de la nges sbyor byed/ /de phyir de ni dga' ba 'thob/ /
202b6 dam pa'i chos kyang spyod par 'gyur/ /gang dag 'jig rten mchog bkur ba'i/ /rigs mtho bar yang rtag par skye/ /de ni bag med mi byed cing / /rtag tu chos la sten par byed/ /rdzogs sangs rgyas la mnyes
202b7 byed 'gyur/ /mthong nas kyang ni dad par byed/ /sems dad cing ni yid dga' nas/ /mchod pa dam pa byed par 'gyur/ /lus dang srog dang longs spyod ni/ /de dag thams cad snying po med/ skyes bu dam pa mthong nas kyang / /myur
202b8 du snying po ston par 'gyur/ /de yi lus dang longs spyod la'ang / /snying po'i 'du shes 'jug mi 'gyur/ /sangs rgyas rnams ni 'byung ba dkon/ /dal ba de 'dra'ang rnyed par dka'/ /der ni dal ba'ang 'thob 'gyur zhing / /thob nas kyang ni yid mi 'byung / /
203a1 gang las ye shes 'thob 'gyur ba'i/ /mngon 'byung de la sten par byed/ /rangs dang mchog tu dga' bskyed nas/ /ye shes dam pa tshol bar byed/ /gang las byang chub 'thob 'gyur ba'i/ /chos la'ang
203a2 rtag par gnas par byed/ /shA ra dwa ti'i bu theg pa chen po la yang dag par zhugs pa chos bzhi dang ldan na bdag nyid kyis bdag nyid dbugs 'byin cing mchog tu dga' ba skyes nas kyang gnas par byed do/ /bzhi gang zhe na/ shA ra dwa ti'i bu
203a3 'di la theg pa chen po la yang dag par zhugs nas longs spyod kyi phung po'i bdog pa thams cad yongs su gtong ba yin/ tshul khrims kyi phung po'i yon tan thams cad la rab tu gnas pa yin/ chos zab mo rnams kyis
203a4 ye shes thams cad mngon du 'phags pa yin zhing mngon du 'phags nas lus dang srog gtong bar byed kyang chos gtong bar mi byed pa yin/ dge slong chos smra ba dam pa'i chos yongs su 'dzin pa mdo sde de lta bu 'dzin pa
203a5 rnams la yang bde ba'i yo byad thams cad kyis spro bar bya ba la zhugs pa yin te/ shA ra dwa ti'i bu theg pa chen po la yang dag par zhugs pa chos bzhi po de dag dang ldan na bdag nyid kyis bdag nyid lung ston pa dang / dbugs 'byin
203a6 pa mang ba yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /longs spyod rnams ni kun bged byed/ /tshul khrims phung por shin tu gnas/ /chos rnams la ni
203a7 mngon du 'phags/ /stong pa'i chos la the tshom med/ /gang dag chos ni ston pa yi/ /chos de yang ni yongs su 'dzin/ /gang dag chos ni ston pa la'ang / /bde bar sgrub pas zhugs pa yin/ /de phyir de ni dga' ba
203a8 'thob/ /mchog tu dga' ba'ang de yis 'thob/ /mi mchog sangs rgyas 'gyur bar ni/ /bdag nyid la yang lung ston to/ /de la sangs rgyas lung ston mdzad/ /gang dag 'das dang ma byon dang / /gang dag byung ba'i rdzogs sangs
203b1 rgyas/ /de dag rgyal bar lung yang ston/ /sangs rgyas theg pa bla med kyi/ /byang chub lam la de gnas shing / /sangs rgyas rnams kyis gang bsten pa'i/ /chos de dag la'ang sten par byed/ /sangs rgyas rnams kyis de
203b2 dag bsngags/ /byang chub sems dpa' rnams kyis bsten/ /sangs rgyas lam ni bla med kyi/ /lam de la ni de gnas 'gyur/ /ji ltar nam mkha'i lam du ni/ /snod cig bor bar gyur pa dang / /ji ltar chags par blta bya
203b3 dang / /de yi gnas pa yod min bzhin/ /de ltar byang chub sems dpa' yis/ /gang bslabs byang chub lam la yang / /byang chub ma thob bar du ni/ /de yi ldog pa yod ma yin/ /ji ltar kun tu 'dres pa der/ /gdams pa bskyed par
203b4 byed pa yang / /de yi rgyun chad yod ma yin/ /myur du de ni 'dzud par byed/ /de bzhin byang chub sems dpa' gang / /rtag tu chos rnams sten byed kyang / /byang chub sangs ma rgyas kyi bar/ /brtson 'grus spong bar byed ma yin/ /ji ltar
203b5 ljon shing rtsa ba yang / /mi yis rtag par sbed byed cing / /dus su bkri bar byed pa yi/ /shing ni 'phel bar 'gyur ba yin/ /rlung dang nyi ma dag gis ni/ /dus su grang dang dro gyur par/ /mthar gyis sba ba byas nas su/ /me tog 'bras
203b6 bu de des 'byin/ /sems can mang la bde byed pa/ /shing gi grib ma yid dga' 'byung / /bde ba'i bde dang ldan pa dag /me tog 'bras bu longs kyang spyod/ /de bzhin byang chub sems dpa' yang / /byang chub phyir ni sems bskyed
203b7 nas/ /dus su chos rnams sten byed cing / /dus su yongs su 'dri bar byed/ /dus dang dus min sten byed cing / /dus dang dus min 'dri bar byed/ /dus su brtson 'grus rtsom byed cing / /des pas dus su sbyin pa sbyin/ /dus su
203b8 byang chub snying po yi/ /shing gi drung du 'dug nas su/ /blo gros ngan pa'i bdud bcom ste/ /dus su byang chub 'tshang yang rgya/ /'jig rten du ni ma bskor ba'i/ /'khor lo dus su bskor bar byed/ /dus su sems can 'dul
204a1 byed cing / /'brel ba'i gtam yang yongs su 'dren/ /byang chub zhugs pa'i mkhas rnams ni/ /mthu dang ldan sems de lta bus/ /byang chub dam pa 'tshang rgya zhing / /de na nam yang ldog mi 'gyur/ /de lta bas na dus dus su/ /
204a2 yang dang yang du chos bsten bya/ /dus su byang chub 'tshang rgya zhing / /dus su 'khor lo'ang bskor bar 'gyur/ /shA ra dwa ti'i bu byang chub sems dpa' chos bzhi dang ldan na/ bla na med pa yang dag par rdzogs pa'i byang chub las
204a3 nyams par mi 'gyur zhing / /yongs su nyams par mi 'gyur la/ tshe rjes nas kyang 'khor los bsgyur ba'i rgyal srid byed cing / ji ltar smon pas kyang dge ba'i rtsa ba thams cad rjes su 'jug par byed pa yin/ stobs che ba
204a4 dang lus che ba yin/ sred med kyi bu ltar mkhregs pa'i lus dang ldan pa yin/ de 'khor los bsgyur ba'i rgyal srid thob nas kyang myur du gling bzhi spangs nas khyim nas khyim med par rab tu 'byung ba yin/ rab tu byung nas
204a5 kyang de tshangs pa'i gnas pa bzhi thob pa dang / skyon med pa thob pa dang / rtse ba med pa thob pa dang / tshegs med pa thob pa yin/ de nas shi 'phos nas kyang tshangs pa'i 'jig rten du bskal ba mnyam par skye bar 'gyur
204a6 ba yin/ skyes nas kyang tshangs pa'i dbang po nyid 'thob pa yin te/ bzhi gang zhe na/ shA ra dwa ti'i bu 'di la byang chub sems dpa' de bzhin gshegs pa'i mchod rten zhig pa mthong nas bcos pa'i phyir spro bar byed cing
204a7 tha na 'jim pa'i gong bu gcig tsam yang rtsig par byed pa yin/ shA ra dwa ti'i bu gzhan yang ma brtsigs pa'i sa phyogs lam po che'i bzhi mdo skye bo mang po 'du ba'i sar mchod rten dang khang pa brtsegs pa 'am/ rdo ba'i ka ba
204a8 'am/ de bzhin gshegs pa'i yon tan rjes su dran pa gang yang rung ba byed de/ 'di lta ste/ dper na chos kyi 'khor lo bskor ba 'am/ mngon par 'byung ba 'am/ byang chub kyi shing drung du bdud 'joms pa 'am/ de bzhin gshegs
204b1 pa'i cho 'phrul chen po 'am/ de bzhin gshegs pa'i yongs su mya ngan las 'das pa chen po yang dag par bstan pa 'am/ lha las babs pa 'am/ lha yul du mngon par 'dzeg par byed pa'i de bzhin gshegs pa'i mchod rten rtsigs par byed
204b2 pa yin/ shA ra dwa ti'i bu gzhan yang byang chub sems dpa' sems dpa' chen po de bzhin gshegs pa'i nyan thos kyi dge 'dun bye zhing 'thab pa dang / rtsod pa 'byung ba mthong nas mi dbye ba dang 'thun par bsdum pa'i phyir brtson pa yin/ shA ra dwa
204b3 ti'i bu gzhan yang byang chub sems dpa' sems dpa' chen po de bzhin gshegs pa'i bstan pa rab tu 'jig cing / chos rab tu rnam par 'jig par 'gyur ba na tha na tshigs su bcad pa gcig bsrung ba dang mi nyams par bya ba'i phyir brtson pa yin/
204b4 chos sam chos smra ba yongs su 'dzin par byed cing lus dang srog gtong bar byed kyi chos gtong bar mi byed pa yin te/ shA ra dwa ti'i bu byang chub sems dpa' theg pa chen po la yang dag par zhugs pa chos bzhi po de dag dang ldan pa yon tan gyi
204b5 bye brag sngar bstan pa de dag rjes su 'thob bo/ /de nas bcom ldan 'das kyis de'i tshe tshigs su bcad pa 'di dag bka' stsal to/ /sangs rgyas mchod rten mthong nas su/ /zhig pa phyir ni bcos par bya/ /de phyir stobs ni che ba dang / /lus
204b6 che ba dang mi 'jigs 'gyur/ /gang du dad pa skye 'gyur ba'i/ /lam chen bzhi mdo phyogs su ni/ /ring bsrel gyi ni sku byed cing / /sangs rgyas yon tan rnams ston pa/ /bsod nams mang po bskyed par byed/ /gang zhig lam gyi bzhi mdor
204b7 ni/ /'jig rten mchod pa'i mchod rten byed/ /de yi grags pa 'phel bar 'gyur/ /phan tshun du ni rtsod pa yi/ /nyan thos bye ba rnams mthong nas/ /gcig la gcig ni bzod gsol te/ /de dag rnams ni 'thun byed pa/ /dge ba'i rtsa ba de yis
204b8 su/ /mi 'jigs dpa' bor 'gyur ba yin/ /sred med bu ltar mkhregs pa yi/ /lus ni mngon par 'grub pa yin/ /bstan pa rab tu rnam 'jig pa'i/ /chos la mi bde nyer gnas tshe/ /gus par byas te chos srung zhing / /lus dang srog dag
205a1 bor gyur pa/ /de bzhin chos ni 'dzin byed pa/ /de dag srung bar byed pa dag /lha rnams kyis ni bsrung bar 'gyur/ /sangs rgyas rnams kyis byin gyis brlabs/ /chos ni kun tu bsrung byas pas/ /de dag 'khor los bsgyur bar
205a2 'gyur/ /gling bzhi po dag rnam bskor cing / /chos kyis kyang ni rgyal srid byed/ /bskor cing rab tu bstan pas na/ /bag med par ni 'gyur ma yin/ /bag yod par ni rtag par 'gyur/ /rgyal srid bor nas rab tu 'byung / /drang srong rgyal po rdzu
205a3 'phrul can/ /bsam gtan bzhi po sgom par byed/ /tshangs pa'i gnas pa rnams bsgoms nas/ /rtag par yon tan gnas pa yin/ /shi 'phos tshangs pa'i 'jig rten du'ang / /de ni skye ba sgrub par byed/ /der yang chen por 'gyur ba yin/ /
205a4 de ni tshangs pa'i dbang phyug yin/ /chos kyi mchog ni bzhi po dag /'jig rten gyi ni mgon pos bsngags/ /byang chub spyad pa spyod pa na/ /sngon chad ngas kyang bsten pa yin/ /chos gang la ni ngas bslabs shing / /ji ltar sngon chad spyad pa
205a5 bzhin/ /de la pha rol phyin gyur nas/ /bla med byang chub sangs rgyas yin/ /ji ltar sngon chad ngas bsten pa'i/ /chos de dag la gang sten pa/ /thams cad du ni chen por 'gyur/ /bsnyen dka' rigs pa can du 'gyur/ /mi yi bdag por
205a6 'gyur ba yin/ /sum bcu rtsa gsum dbang phyug 'gyur/ /'dod pa'i khams ni thams cad du'ang / /dbang phyug dam par 'gyur ba yin/ /gzugs kyi khams su song nas kyang / /der ni dbang phyug 'gyur ba yin/ /thams cad du yang
205a7 mchog tu 'gyur/ /yon tan dag la su mi slob/ /tshul khrims spyod pa phun sum tshogs/ /ngo tsha ldan zhing khrel yod 'phags/ /de yi mngon 'byung phun sum tshogs/ /kun tu phun sum tshogs pa 'thob/ /brtson 'grus kyis ni phun tshogs
205a8 'gyur/ /bzod pa ting 'dzin phun sum tshogs/ /de yi shes rab bla na med/ /chos rnams kun la mkhas pa yin/ /nam zhig rtag par don bsam pa/ /bye ba phrag ni stong po dag /der ni thams cad rab tu shes/ /don bsam pa la mkhas pa
205b1 yin/ /skad cig gcig gis sgrub pa de'i/ /tshig rab dbye ba shes par 'gyur/ /gang dag chen por 'gyur ba yi/ /mang thos rnams kyi slob dpon che/ /ji ltar 'dzangs pa shes rab dang / /spobs pa yis ni 'phags pa bzhin/ /rtag par
205b2 byang chub phyir nges shing / /phyi rol shes pa 'dor bar 'gyur/ /rtag par de yi lta ba drang / /yang dag lta ba shin tu bsgoms/ /rdzogs sangs rgyas kyang mnyes par byed/ /rtag tu mi khom spongs bar 'gyur/ /a la theg pa theg chen po/ /
205b3 sangs rgyas dag ni kun gyis bsngags/ /de la dman pa'i chos rnams ni/ /gang yang bsgrags par byed pa med/ /de la long ba bsgrags pa med/ /'on pa dag kyang bsgrags pa med/ /zhar dang lag rdum 'phye bo dang / /mdog mi sdug
205b4 dag bsgrags pa med/ /dbul po dag ni bsgrags mi bya/ /dman pa'i yon tan bsgrags pa med/ /gang gis sdig can 'gro 'gyur ba'i/ /sdig pa'i chos can bsgrags mi bya/ /'di la ye shes de 'dra dang / /bsngags pa de 'dra thos
205b5 nas su/ /spyod yul gang min ma gtogs par/ /ye shes de 'dra su mi tshol/ /de phyir ye shes gang tshol ba/ /sangs rgyas ye shes rmongs pas tshol/ /ye shes de la bslabs pas na/ /chos rnams kyi ni pha rol 'gro/ /nga yis
205b6 rigs rnams bzhag ma yin/ /skye ba'ang glengs pa ma yin zhing / /de yi kha dog phye ba'ang min/ /gzugs kyi sku la dman pa med/ /nga ni le lo can ma yin/ /brtson 'grus kyis ni rtag tu 'phags/ /rtag tu'ang tshul khrims phun sum
205b7 tshogs/ /shes rab ldan zhing rab mnyam bzhag /'di ltar nga yis sngon chad chos/ /mchog dang phul dag bsten pa yin/ /de yi 'bras bu'ang longs spyod kyis/ /rnam par smin pa ji 'dra ltos/ /'jig rten khams ni stong dag dang / /bye ba
205b8 khrag khrig dag dang ni/ /de bas lhag pa'i zhing rnams su/ /de la nga yi ye shes 'jug /sems can gang dag der skyes pa/ /de dag gi ni sems kyang shes/ /de dag rnams kyi spyod pa'ang shes/ /bsam pa yang ni rnam par shes/ /mi snyan smra ba gang
206a1 'byung ba/ /de dag gi ni de yang shes/ /chad pas gcad pa'ang shes pa yin/ /rab tu bzung ba'ang de bzhin no/ /sangs rgyas spyan gyis ngas de dag /thams cad la ni rnam bltas te/ /sems can yongs su smin shes nas/ /srid
206a2 pa'i bcings las dgrol bar bya/ /dus su song nas bskul bar bya/ /dus su yang ni gdams par bya/ /gang gis de dag skye 'gyur ba'i/ /cho 'phrul rnams ni bstan par bya/ /gang dag gzugs la chags 'gyur dang / /longs spyod la yang
206a3 gnas 'gyur ba/ /de dag la ni nyes dmigs bstan/ /de phyir de ni mya ngan 'da'/ /srid pa'i 'dod chags bcing bas bcings/ /lta ba la ni gnas 'gyur ba/ /de dag rnams la nyes dmigs bstan/ /de phyir de ni mya ngan 'da'/ /srid pa'i 'dod
206a4 chags bcing bas bcings/ /lta ba la ni gnas 'gyur ba/ /de dag rnams la nyes dmigs bstan/ srid lta de 'dra gang du 'byung / /gang la de dag gnas 'gyur dang / /de dag gis ni gang mchog bkur/ /de 'dra'i lus su bsgyur nas su/ /drang po'i
206a5 lam ni bstan par bya/ /de dag gis kyang chos shes nas/ /gang 'dir nges par bdag cag gis/ /byang chub dam pa 'tshang rgya zhes/ /de tshe nga la phyag 'tshal lo/ /de dag gi ni rtsa rtogs nas/ /de dag la ni chos kyang bstan/ /sdug bsngal kun
206a6 las phyung ba yin/ /nga ni rgyal ba zug rngu 'byin/ /mya ngan 'das zhi thob bya'i phyir/ /de dag la ni ngas chos bstan/ /de dag nga las chos thos nas/ /mya ngan 'das pa rjes su 'thob/ /nga yi shes pa de ltar la/ /chos rnams kun la 'jug
206a7 pa ltar/ /'das pa'i dus dang gang dag yang / /ma 'ongs chos rnams de bzhin no/ /nga yi lus ni mchog tu 'phags/ /de yi tshad ni dmigs ma yin/ /rgyal ba'i spyi gtsug blta bar ni/ /rdzu 'phrul can gyis nus ma yin/ /sangs rgyas
206a8 lag pa mtha' yas te/ /nga yi lag pa dpag tu med/ /ji ltar gang gA'i bye snyed kyi/ /'jig rten khams dag khyab pa yin/ /kha dog bcas pa ci 'dra bas/ /sangs rgyas sku ni 'byung 'gyur zhes/ /sangs rgyas sku'i kha dog dang / /dbyibs
206b1 ni shes par nus ma yin/ /kha dog dbyibs ni ci 'dra zhes/ /nga yi thad lhags gang dag lta/ /kha dog sna tshogs lta byed kyang / /mtshan ma shes pa ma yin no/ /sangs rgyas kyi ni mdog mthong nas/ /kun brjod pa yi cho 'phrul gyis/ /sems
206b2 can de dag rab dga' zhing / /nga yi lus la'ang bstod par byed/ /sems can dag ni thams cad kyis/ /sangs rgyas sku ni blta mi nus/ /lha yi mig can gang la yang / /snang bar 'gyur ba ma yin no/ /'di ltar sangs rgyas byin brlabs
206b3 de/ /khyed cag gis ni 'dir ltos shig /sku de bsam mi khyab yin par/ /sangs rgyas sku ni shes par byos/ /spu yi khung bu gcig nas su/ /cho 'phrul dag ni de 'dra dang / /'jig rten khams su sems can gyi/ /don de 'dra ba byed
206b4 par 'gyur/ /'od zer bye ba mang po ni/ /spu yi khung nas phyung nas su/ /zhing rnams mang po snang bar byed/ /sangs rgyas zhing yang de snyed do/ /stan 'di la ni 'dug nas su/ /ji ltar sems can ngas shes ltar/ /de tshe phyogs bcu'i 'jig
206b5 rten gyi/ /sems can de dag nyid kyis shes/ /sangs rgyas kyi ni ye shes mtha'/ /nga yis gzhag par nus ma yin/ /kun mkhyen ye shes ngas kyang ni/ /nyan thos rnams kyis 'dir ci smos/ /sangs rgyas thams cad bsam mi
206b6 khyab/ /sangs rgyas chos rnams bsam mi khyab/ /bsam mi khyab la dad byas pas/ /de dag bsam mi khyab tu'ang 'gyur/ /byang chub sems dpa'i spyod pa'i le'u ste bcu pa'o// // de'i tshe 'khor de nyid du
206b7 skyes nas lo bdun lon pa lta bu'i khye'u rnam par rgyal ba srung ba zhes bya ba 'dus par gyur te 'dug go/ /de nas khye'u rnam par rgyal ba srung ba stan las langs te/ bcom ldan 'das ga la ba de logs su thal mo sbyar ba btud nas
206b8 bcom ldan 'das la tshigs su bcad pa dag gis gsol pa/ sangs rgyas chos rnams de thos te/ /de nas go cha 'tshal snyam nas/ /bdag la kun tu 'dun skyes pas/ /bdag kyang de 'drar 'gyur snyam bgyid/ /spyan ldan chos kyi
207a1 sbyin pa yis/ /sems can thams cad mgron du gnyer/ /khyu mchog gi ni tshig tu smra/ /gzhan du ma lags de bzhin bgyi/ /'dren pa slad kyis sdum par ni/ /bdag gi 'dun par 'jug ma lags/ /'jig rten
207a2 mgon po'i bstan pa de/ /'di nyid la ni rab tu 'byung / /mngon par 'byung dang brtson 'grus dang / /yon tan rnams dang bsam gtan dang / /ting 'dzin shes rab 'bras de lags/ /de nyid bdag gis bsten par bgyi/ /spyan ldan
207a3 dag la 'dun pa skyes/ /myur du bdag ni rab tu phyung / /ngur smrig gos ni 'tshal nas su/ /chos kyi dam pa spyad par bgyi/ /me long ye shes lta bus kyang / /'jig rten de la rnam sems shing / /'jig rten mchog tu 'gyur bar
207a4 bgyi/ /legs par rab tu dbyung du gsol/ /thams cad kyang ni ma mchis pas/ /sems can 'du shes mi gnas shing / /bdag mngon rdzogs par sangs rgyas nas/ /'dren pa chos de bstan par bgyi/ /bdud dpung bcas pa
207a5 bcom nas su/ /mu stegs gzhan rnams skrag bgyis te/ /lta ba'i dra ba rab bcom nas/ /srog chags rnams kyi don bgyi'o/ /mya ngan 'das bde 'thob slad du/ /bdag gis lam ni bstan par bgyi/ /de la skye ba ma mchis
207a6 pas/ /lam de bsam mi khyab pa lags/ /bdag gis dra ba rnam phye nas/ /bdag gis chos kyi snang bar bgyi/ /rang bzhin de dang mtshan nyid de'i/ /chos ni ji lta bzhin du bstan/ /chos 'phrul stobs kyis rnam 'phrul bgyi/ /chos 'phrul
207a7 dag ni bstan par bgyi/ /de la gang dag bdag la lta/ /kun gyi the tshom 'chad par 'gyur/ /de nas bcom ldan 'das kyis khye'u rnam par rgyal ba srung ba la 'di skad ces bka' stsal to/ /khye'u nga'i bstan pa 'di la khyim nas khyim
207a8 med par rab tu 'byung bar 'dod dam/ /des gsol pa/ bcom ldan 'das de lta lags so/ /bcom ldan 'das kyis bka' stsal pa/ /gang zhig ngur smrig mi 'dzin cing / /gang dag snyigs ma med gyur pa/ /
207b1 nga yi bstan la rab 'byung bar/ /bya ba'i chos ni de yin no/ /gang gi skra dag ma bregs shing / /bcing ba thams cad bcad gyur la/ /ma bcings pa dang ma grol ba/ /'di la rab tu byung ba de'o/ /gang dag bslab la mi slob pa/ /bslab
207b2 pa'ang 'bogs par byed ma yin/ /bslab pa kun la bslabs pa ni/ /'di la rab tu byung ba de'o/ /gang zhig dam chos mi 'dzin cing / /chos rnams thams cad rnam bsgoms la/ /chos kyi 'du shes bstsal gyur pa/ /de ni 'di
207b3 la rab tu byung / /gang zhig bdag ces mi sems shing / /gang zhig sems can zhes mi sems/ /de la zhum pa nyid mi 'byung / /de ni byang chub phyir zhugs pa'o/ /gang gis sems ni bskyed gyur la/ /chos gzhan yang ni
207b4 mi dmigs shing / /sems la 'dzin par mi byed pa/ /de ni nga la rab tu byung / / bam po bcu drug pa/ de nas tshe dang ldan pa shA ra dwa ti'i bu 'di snyam du sems te/ gang bcom ldan 'das
207b5 kyis gnas zab mo zab mo dag bstan pa'i khye'u des yun ci srid cig spyad par 'gyur snyam mo/ /de nas bcom ldan 'das la tshe dang ldan pa shA ra dwa ti'i bus tshigs su bcad pa dag gis gsol pa/ bcom ldan zab mo'i chos
207b6 thos nas/ /mi skrag zhum par mi 'gyur ba'i/ /khye'u ni rnam par rgyal srung gi/ /spyod pa de 'dra de ci lags/ /gang gis zab mo'i gnas thos nas/ /de la skrag pa mi 'byung ba/ /sngon chad skye ba gzhan dag tu/ /rdzogs pa'i sangs
207b7 rgyas ji snyed mthong / /gang gis sgyid lug mi 'gyur ba/ /gnas rnams kyang ni zab mo dag /sngon gyi sangs rgyas rkang gnyis mchog /ji snyed cig la zhus pa lags/ /de nas bcom ldan 'das kyis tshe dang ldan pa shA ra dwa ti'i
207b8 bu la tshigs su bcad pa dag gis slar bka' stsal pa/ 'das pa'i dus na ngas shes pa/ /sa'i phyogs ni 'di nyid du/ /sangs rgyas stong phrag mang po la/ /rnam par rgyal ba srung gis zhus/ /ang ga ma ga d+hA der ni/ /byang chub
208a1 spyad pa spyod pa na/ /gang dag la ni sngon zhus pa/ /sangs rgyas ji snyed pa yang shes/ /chos rnams dang ni khams rnams dang / /skye mched dag dang stong pa dang / /tshad med de dang rnam thar gyi/ /gnas dang gnas min rab tu
208a2 mkhas/ /ji ltar ang ga ma ga d+har / /e ma sangs rgyas shes pa bzhin/ /de ltar ka shi'i khyim rnams su/ /mkhas pas de snyed shes pa yin/ /rnam par rgyal srung khye'u de ni/ /shes rab pha rol phyin pa thob/ /dkar chos rnams
208a3 kyis byung ba yin/ /de phyir de shes de 'dra ba/ /'dir ni chos la reg par byed/ /yi ge ji bzhin phyag rgya grangs/ /bzo rnams sna tshogs gzhan yang shes/ /de las gzhan yang brjed pa med/ /chos rnams thams cad stong pa nyid/ /
208a4 'jig rten 'das pa'i shes las gzhan/ /'jig rten pa yi shes mi smra/ /de la mchog tu 'dzin mi byed/ /gang gis ye shes de 'dra dang / /chos rnams thams cad stong pa nyid/ /de la bskal pa brgya dag tu'ang / /rmongs pa
208a5 yod pa ma yin no/ /ye shes de ni ye shes che/ /nyon mongs zad byed rang bzhin can/ /gang zhig stong pa mi 'dod pa/ /de ni chos la 'jug mi 'gyur/ /de nas tshe dang ldan pa shA ra dwa ti'i bus khye'u rnam par rgyal ba srung ba la 'di skad
208a6 ces smras so/ /gzhon nu khyod bcom ldan 'das kyi bstan pa la rab tu 'byung ngam/ de skad ces smras pa dang / tshe dang ldan pa shA ra dwa ti'i bu la khye'u rnam par rgyal ba srung bas 'di skad ces smras so/ /btsun pa shA ra dwa ti'i bu bdag
208a7 ni rab tu byung zin pas bdag rab tu mi 'byung ngo / /de nas tshe dang ldan pa shA ra dwa ti'i bus khye'u rnam par rgyal ba srung ba la tshigs su bcad pa dag gis smras pa/ khyod kyis gos dag gang bgos pa/ /ngur smrig khyod la gnang ma yin/ /
208a8 khyod kyi skra yang bregs ma yin/ /'di la ji ltar rab tu byung / /khyod kyis bslab la bslabs ma yin/ /khyod la slob dpon yod ma yin/ /mkhan po yang ni yod ma yin/ /khyod ni ji ltar rab tu byung / /khyod ni lhung bzed thogs ma yin/ /khyod ni
208b1 mtshams su byung ba yin/ /'di la gang gis rab byung ba/ /khyod ni ji ltar bsdams pa yin/ /gang du tshogs kyis rdzogs par byas/ /khyod kyi de snyed su yis byas/ /khyod ni ji ltar rab tu byung / /bdag gis dris pa de smros shig /de skad
208b2 ces smras pa dang / tshe dang ldan pa shA ra dwa ti'i bu la khye'u rnam par rgyal ba srung bas tshigs su bcad pa dag gis slar smras pa/ /gang zhig ngur smrig 'dzin byed pa/ /snyigs ma med pa 'dzin mi byed/ /ma skyes pa yang 'dzin pa med/ /
208b3 ngur smrig gyon pa de yin no/ /ye shes gos ni bdag gis bzung / /de ni nam yang gos pa med/ /rtag tu'ang dri med rnam dag pa'i/ /ngur smrig bdag gis gyon pa yin/ /bdag gis nyon mongs thams cad spangs/ /bdag gis skra
208b4 dag breg pa byas/ /ye shes kyis ni bdag gis bregs/ /de dag phyin cad skye mi 'gyur/ /lhung bzed bsam mi khyab las byung / /chos rnams kun gyi snod yin te/ /gang ba med cing bri med de/ /chos rnams kun gyi snod yin no/ /bdag ni
208b5 gzhan gyi man ngag la/ /nam yang gnas shing gnas 'gyur med/ /thams cad mkhyen cing rang 'byung 'gyur/ /bdag gi phun sum tshogs de yin/ /chos kun mnyam mdzad sangs rgyas kyis/ /bdag la gsol ba mdzad zin te/ /'dren
208b6 rnams gang nas gshegs pa yi/ /sangs rgyas lam nas 'gro bar bya/ /bdag gi rang byung de 'dra ste/ /bdag gi bslab pa de 'dra yin/ /mya ngan 'das pa'ang de 'dra ste/ /gsol ba'i las ni de 'dra yin/ /spyod pa la ni de ring bslabs/ /
208b7 nam zhig 'jig rten mgon thad du/ /zhing nas zhing du 'gro ba dag /bdag gis kyang ni spyad par bya/ /byang chub snying por 'dug nas su/ /sbyin pa bsam mi khyab pa sbyin/ /gcig pus spyad par mi bya ste/ /bdag gis srog chags bye ba
208b8 sbyin/ /de nas bcom ldan 'das kyis khye'u rnam par rgyal ba srung ba la rnam par gzigs te/ bcom ldan 'das kyis rnam par gzigs ma thag tu yang de nas de nyid kyi tshe gos ngur smrig gyon zhing 'dug par gyur te/ skra bregs nas zhag bdun
209a1 lon pa lta bur yang gyur to/ /skad cig de nyid la mngon par shes pa lnga yang thob bo/ /de nas gzhon nu rnam par rgyal ba srung bas phyogs de nyid du 'dug nas mi snang bar gyur te/ de mi snang bar gyur ma thag tu sa chen po yang g.yos
209a2 shing spu zing zhes byed pa dang bcas pa'i skrag par yang gyur/ lha dag kyang steng gi bar snang las rnga rdung zhing lha'i glu dbyangs len par yang gyur/ 'jig rten du snang ba chen po byung bar gyur to/ /de nas bcom ldan 'das kyis de'i tshe 'dzum pa
209a3 mdzad do/ /de nas bcom ldan 'das kyi zhal gyi sgo nas 'od zer kha dog du ma kha dog sna tshogs su byung ste/ byung nas kyang thams cad dang ldan pa'i sangs rgyas kyi zhing la lan gsum bskor ba byas nas spyi gtsug gi mtshams su nub bo/ /de nas tshe dang ldan
209a4 pa kun dga' bo stan las langs nas bla gos phrag pa gcig tu gzar te/ pus mo g.yas pa'i lha nga sa la btsugs nas bcom ldan 'das la tshigs su bcad pa dag gis zhus pa/ mi 'dul kha lo bsgyur ba sems can mchog /
209a5 spyod pa yon tan khyad par 'phags la gnas/ /rgyal ba ye shes ma chags pha rol gshegs/ /kun mkhyen rgyal ba bla na med la zhu/ /zhal nas 'od zer mang po byung nas su/ /'od kyis sangs rgyas zhing ni thams cad khyab/ /
209a6 sangs rgyas zhing de la ni bskor bgyis nas/ /de dag slar log nas kyang spyi gtsug nub/ /rgyu ma mchis par sangs rgyas 'dzum mi ston/ /de ring su yi don slad 'dzum de bstan/ /lung bstan de ni su yi lags par 'gyur/ /'jig
209a7 rten mgon po bdag gi the tshom chod/ /gang gis 'dzum pa de 'dra bstan gyur cing / /sangs rgyas zhing de thams cad snang bgyis pa'i/ /yangs pa'i don de su yi lags par 'gyur/ /ye shes mchog gis 'dir ni su lung ston/ /sangs
209a8 rgyas zhing brgyan pa ni mdzes pa lags/ /sems can kun kyang bde bar gyur pa lags/ /'di la bag ma mchis par sems mi 'jug /cho 'phrul de lta bu ni gda' lags so/ /de nas bcom ldan 'das kyis tshe dang ldan pa kun
209b1 dga' bo la 'di skad ces bka' stsal to/ /kun dga' bo khyod kyis sa phyogs 'di nyid na khye'u rnam par rgyal ba srung ba gos ngur smrig gyon pa mthong ngam/ gsol pa/ bcom ldan 'das mthong lags so/ /bcom ldan 'das kyis
209b2 bka' stsal pa/ kun dga' bo khye'u rnam par rgyal ba srung ba de ni de bzhin gshegs pa mi 'khrugs pa'i sangs rgyas kyi zhing du 'jig rten gyi khams mngon par dga' bar lus de nyid kyis 'dug go/ /de'i tshe ji srid par sangs rgyas kyi
209b3 zhing der tshangs par spyod pa spyad nas lus de nyid kyis rgyal srid thob ste/ 'di lta ste/ dper na lha rnams kyi dbang po brgya byin gyis da ltar rgyal srid thob pa bzhin no/ /sangs rgyas kyi zhing de nas shi 'phos nas kyang lus de nyid kyis sangs
209b4 rgyas kyi zhing nas sangs rgyas kyi zhing du 'gro bar 'gyur zhing nam du yang sangs rgyas dang 'bral bar mi 'gyur la/ thams cad du lus thob pa des kyang rgyal srid thob par 'gyur ro/ /de phyis kyang bskal pa grangs med pa na bla na med pa
209b5 yang dag par rdzogs pa'i byang chub mngon par rdzogs par 'tshang rgya bar 'gyur te/ 'jig rten gyi khams rtag tu snang bar de bzhin gshegs pa dgra bcom pa yang dag par rdzogs pa'i sangs rgyas ye shes mtha' yas rnam par
209b6 bsags shes bya bar 'gyur ro/ /kun dga' bo de bzhin gshegs pa ye shes chen po rnam par bsags pa'i tshe'i tshad ni dpag tu med par 'gyur te/ bskal pa 'di snyed do zhes dpag pa 'am/ bgrang ba 'am/ bsam par mi nus so/ /
209b7 de bzhin gshegs pa de'i sangs rgyas kyi zhing de na gnas pa'i sems can de dag ni mngal du skye bar mi 'gyur te/ sems can de dag rdzus te skye bar 'gyur zhing / pad ma dag gi steng du dkyil mo dkrung gis 'byung bar 'gyur ro/ /kun dga'
209b8 bo sangs rgyas kyi zhing de ni yon tan khyad par can dpag tu med pa gzhan dag gis kyang legs par brgyan par 'gyur ro/ /kun dga' bo byang chub sems dpa' chos bzhi dang ldan na tshe rjes nas dge slong tshur shog ces bya ba'i rab tu
210a1 'byung ba 'thob ste/ bzhi gang zhe na/ kun dga' bo 'di la byang chub sems dpa' bdag nyid kyang rab tu 'byung ba la mngon par chags pa yin zhing / gzhan dag kyang rab tu 'byung ba yang dag par 'dzin du 'jug par byed la/
210a2 rnam pa thams cad kyis kyang rab tu 'byung ba rton par byed de/ rab tu byung nas kyang chos dang ldan pa'i gtam gyis rangs par byed cing / yang dag par 'dzin du 'jug la yang dag par gzeng stod pa yin te/ kun dga' bo byang chub sems dpa'
210a3 chos dang po de dang ldan na tshe rjes nas dge slong tshur shog ces bya ba'i rab tu 'byung ba 'thob pa yin no/ /kun dga' bo gzhan yang byang chub sems dpa' sangs rgyas kyi chos yongs su btsal ba'i phyir bdag nyid kyis kyang brtson 'grus
210a4 brtsams pa yin zhing / sangs rgyas kyi chos yongs su btsal ba'i phyir gzhan dag kyang brtson 'grus rtsom pa yang dag par 'dzin du 'jug pa yin te/ kun dga' bo byang chub sems dpa' chos gnyis pa de dang ldan na tshe rjes nas
210a5 dge slong tshur shog ces bya ba'i rab tu 'byung ba 'thob pa yin no/ /kun dga' bo gzhan yang byang chub sems dpa' bdag nyid kyang bzod pa dang des pa dang ldan pa yin zhing / gzhan dag kyang bzod pa dang des pa phun sum tshogs pa
210a6 la 'god par byed pa yin la/ bdag nyid kyang yo byad bsnyungs pa'i yon tan la gnas pa yin zhing / gzhan dag kyang yo byad bsnyungs pa'i yon tan phun sum tshogs pa la 'jog par byed pa yin la/ de bdag nyid kyang shes rab dang ldan
210a7 pa yin zhing / gzhan dag kyang shes rab phun sum tshogs pa la 'jog par byed pa yin te/ kun dga' bo byang chub sems dpa' chos gsum pa de dang ldan na tshe rjes nas dge slong tshur shog ces bya ba'i rab tu 'byung ba 'thob pa yin
210a8 no/ /kun dga' bo gzhan yang byang chub sems dpa' bdag nyid kyang thabs la mkhas shing smon lam gyi stobs dang ldan pa yin la/ gzhan dag kyang thabs la mkhas pa yang dag par 'dzin du 'jug cing smon lam gyi stobs kyis 'jog
210b1 par byed pa yin te/ kun dga' bo byang chub sems dpa' chos bzhi pa de dang ldan na tshe rjes nas dge slong tshur shog ces bya ba'i rab tu 'byung ba 'thob cing / sangs rgyas kyi zhing nas sangs rgyas kyi zhing du 'gro la/ thams cad du yang lus de nyid
210b2 kyis rgyal srid 'thob cing der yang bag yod pa yin no/ /kun dga' bo byang chub sems dpa' chos bzhi dang ldan na bla na med pa yang dag par rdzogs pa'i byang chub las mi nyams shing yongs su mi nyams pa yin te/ bzhi gang zhe na/ kun dga' bo
210b3 'di la byang chub sems dpa' lhag pa'i bsam pas bla na med pa yang dag par rdzogs pa'i byang chub tu sems bskyed par byed pa yin/ de bzhin gshegs pa'i bstan pa la yang mngon par dga' ba yin/ chos rnams nyan pas kyang ngoms mi
210b4 shes pa yin/ mi slu bas bden pa smra ba yin te/ kun dga' bo byang chub sems dpa' chos bzhi po de dag dang ldan na bla na med pa yang dag par rdzogs pa'i byang chub las mi nyams shing yongs su mi nyams pa yin no/ /de nas bcom ldan 'das
210b5 kyis de'i tshe tshigs su bcad pa 'di dag bka' stsal to/ /lhag pa'i bsam pas phun tshogs nas/ /sangs rgyas mthong ba tshol bar byed/ /chos rnams kyis ni chog mi shes/ /bden pa'i tshig la rab tu gnas/ /sems can sdug bsngal
210b6 rnams mthong nas/ /lhag pa'i bsam pa skyed par byed/ /lhag pa'i bsam pa shes nas su/ /sems can rnams la chos ston 'gyur/ /de 'dra'i chos dag thos pa na/ /chos rnams kyis ni ngoms pa med/ /gang gis de'i shes 'phel ba/ /
210b7 de la brtson 'grus rtsom par byed/ /rtag par bden tshig smra bar 'gyur/ /bden pa'i tshig la rab tu gnas/ /ji ltar de ni tshig smra ba/ /de bzhin yin te gzhan du min/ /chos bzhi po ni de dag la/ /dus dus su ni sten par byed/ /byang chub
210b8 dam pa 'thob par 'gyur/ /mig gi dam pa 'phel bar byed/ /gang gi rnam smin dpag med cing / /bsam mi khyab par bshad pa yi/ /chos de 'dra ba thos nas su/ /chos rnams la ni su mi gnas/ /kun dga' bo theg pa chen po la yang dag par zhugs pa
211a1 chos bzhi dang ldan na/ dran pa nyams par mi 'gyur zhing lhas skul ba yang thob la/ /sbyin gnas dang bral bar yang mi 'gyur zhing / gal te sbyin gnas med par gyur na bdag nyid kyang sbyin gnas su byed pa yin te/ bzhi gang zhe na/ kun
211a2 dga' bo 'di la byang chub sems dpa' sems dpa' chen po bla na med pa yang dag par rdzogs pa'i byang chub la sems can yang dag par 'dzin du 'jug par spro ba dang ldan pa yin/ de bzhin gshegs pa la sti stang bya ba spro ba dang ldan pa yin/
211a3 chos yongs su btsal bar spro ba dang ldan pa yin/ chos smra ba rnams la yang bde ba'i yo byad kyis nye bar gnas pa yin zhing / sems can sdug bsngal ba dag mthong nas kyang mi 'jigs pas dbugs 'byin par byed pa yin te/ kun dga' bo
211a4 byang chub sems dpa' theg pa chen po la yang dag par zhugs pa chos bzhi po de dag dang ldan na tshe rjes nas brjed mi ngas yin zhing sbyin gnas dang yang mi 'bral ba yin/ gal te sbyin gnas ma rnyed na yang bdag nyid sbyin gnas su
211a5 byed pa yin no/ /de nas bcom ldan 'das kyis de'i tshigs su bcad pa 'di dag bka' stsal to/ /rdzogs sangs rgyas la sti stang byed/ /chos la'ang gus dang bcas pa yin/ /chos smra ba yi dge slong la'ang / /gus dang bcas pas sti stang byed/ /
211a6 sems can 'jigs pas gzir ba dang / 'dren med sdug bsngal rnams mthong nas/ /de dag la ni 'jigs med sbyin/ /'jigs gzir de dag skyob par byed/ /dge ba'i rtsa ba de yis ni/ /sangs rgyas mthong ba thob par 'gyur/ /khyod longs brtson
211a7 'grus rtsoms shes ni/ /lha rnams dag kyang skul bar byed/ /gal te sangs rgyas ma mthong zhing / /nyan thos kyang ni ma mthong la/ /'jig rten 'di yi sbyin pa'i gnas/ /rang sangs rgyas de ma mthong na/ /rang nyid mngon par byung nas su/ /
211a8 khyim med par ni rab tu 'byung / /dgon pa zhi ba sten par byed/ /mngon shes lnga po myur du 'thob/ /mngon shes lnga po thob nas kyang / /sa 'di kun tu rnam par rgyu/ /grong dang yul 'khor rnams song nas/ /sems can rnams ni chos 'dzin 'jug /
211b1 de las chos ni thos nas su/ /'gro ba sdig pa spong bar byed/ /phyi nas sdig pa'i las can min/ /sems can gus dang bcas par 'gyur/ /der ni mya ngan 'das pa 'thob/ /chos kyi mchog gis de mchog ltar/ /de bzhin 'di la bdag bya
211b2 snyam/ /de yi thad du rab tu 'byung / /rang gis chos ni spyod pa na/ /gzhan dag dang ni bdag nyid kyi/ /de 'dra ba yi yon tan 'byung / /su zhig rtag tu chos mi spyod/ /de bas byang chub yongs tshol bas/ /chos de dag ni kun tu spyad/ /sangs rgyas
211b3 ye shes bsam mi khyab/ /de ni nyams par 'gyur ma yin/ /ngas kyang sngon chad de dag bsten/ /de phyir nga ni mchog tu 'phags/ /chos de la ni mngon bslabs nas/ /sangs rgyas byang chub rnyed mi dka'/ /nga ni 'jig rten rdzogs sangs rgyas/ /
211b4 nga ni 'jig rten bla na med/ /ye shes bla na med pa yi/ /chos ston byed pa a la la/ /kun dga' bo de lta bas na rnam grangs des na ci nas byang chub sems dpa' sems dpa' chen po chos de dag la gnas shing 'di lta ste/ chos rnams kyis don byed pa yin
211b5 pa de lta bur rig par bya'o/ /kun dga' bo sngon byung ba 'das pa'i dus na bskal pa grangs med par gyur pa de'i tshe de'i dus na nam mkha' yongs su zin pa 'dir rgyal po phyogs rab sgrogs shes bya ba zhig byung ste/ /kun dga' bo rgyal po phyogs rab sgrogs
211b6 kyi chung ma dam pa gtso mo las bu zhig btsas par gyur to/ /kun dga' bo gzhon nu de btsas ma thag tu 'jig rten du sems can chos spyod pa zhig byung ngo / /zhes lha rnams kyis sgra skad 'thun par bsgrags so/ /kun dga' bo de nas rgyal po'i
211b7 gzhon nu des sgra de thos nas ci 'di chos shig yin nam/ 'on te chos ma yin snyam nas kun tu sngangs par gyur to/ /kun dga' bo rgyal po'i gzhon nu skyes nas lo bdun lon pa lta bu de rgyal po phyogs rab sgrogs de ga la ba der song ste
211b8 phyin nas/ rgyal po'i rkang pa la phyag 'tshal te phyogs gcig tu 'dug go/ /phyogs gcig tu 'dug nas kyang rgyal po phyogs rab sgrogs la smras pa/ yab 'di ci chos shig lags sam 'on te chos ma lags/ de nas rgyal po des
212a1 gzhon nu la tshigs su bcad pas smras pa/ srog gcod pa yi sdig pa spangs nas su/ /sbyin pa dul ba tshangs spyod yang dag sdom/ /des dang tshul khrims yon tan rab gnas pa/ /chos de 'phags pa rnams kyis bstod pa yin/ /
212a2 kun dga' bo de nas rgyal po'i gzhon nu des pha de la tshigs su bcad pas smras pa/ yab cig bdag la chos gang gsungs pa de/ /rgyal srid 'dzam gling de ni rab ston pa/ /khyim pas chos de bsten par nus lags sam/ /bdag gis zhus pa
212a3 de ni lung bstan gsol/ /gal te de nus lags na bdag la gsungs/ /gal te bdag gis nus na khyod kyis gsungs/ /bden pa smra ba sems can dmyal mi mchi/ /de dag ngan 'gro'ang kun tu sten mi 'gyur/ /mi bden smra ba ngan 'gror mchi bar
212a4 'gyur/ /mnar med phyin cing sdug bsngal myong bar 'gyur/ /de phyir mi bden pa dag spangs nas su/ /bden tshig bden pa bdag la gsung du gsol/ /kun dga' bo de nas rgyal po phyogs rab sgrogs kyis rgyal po'i gzhon nu de la tshigs su
212a5 bcad pa dag gis smras pa/ rgyal srid 'dzam gling de ni rab ston pa/ /chos rnams mtha' dag bsten par nus ma yin/ /dbyug pa mtshon gyis sa ni rab bstan na/ /gzhon nu gang du de la chos 'byung 'gyur/ /srog chags rnams la nga
212a6 yis gnod spyo bya/ /nga yis bsgo ba myur du mi byed pa/ /de ni longs spyod phrogs shing chad pas bcad/ /phyis kyang btson rar rab tu gzhug par bya/ /sa bzang blta ba'i phyir ni mngon par 'byung / /de tshe grong rdal pa dag skrag par 'gyur/ /rgyal po
212a7 'ong zhes skrag pa 'byung 'gyur zhing / /de dag phyogs phyogs su ni 'gro bar 'gyur/ /gang tshe nga ni chos la 'dug gyur tshe/ /lha 'di nongs pa 'byung ba'i mi lags na/ /ji ltar lhas mkhyen chad pas chod cig ces/ /nga la 'bul zhing nges
212a8 par 'bul bar byed/ /nga yis nyes pa byung ba de ma shes/ /gzhan gyi don gyi phyir ni sdig pa byas/ /ci nas phyin cad nga yi bstan pa la/ /de dag sdig mi byed par rdegs chings sod/ /de la bslabs nas gzhan dag byed gyur na/ /de ltar nga yi
212b1 yul 'khor sdug bsngal 'gyur/ /tshar bcad nas ni de la chad pas bcad/ /de las grong rdal ba dag 'jigs par 'gyur/ /rgyal po gtum zhing mi rnams drag po yin/ /de yis 'phral du srog chags 'jigs par byed/ /gnod pa byed tshe de la
212b2 snying rje skye/ /rnam par rgyal la ma chags ston par 'gyur/ /de tshe gzhon nus tshig ni thos nas su/ /phyogs rab sgrogs la tshigs bcad 'di dag smras/ /skyo ba thob cing sdug bsngal gyur pa lags/ /yab cig bdag ni chos la sten par
212b3 'tshal/ /yab cig bdag 'dir rgyal srid don mi gnyer/ /gzhan gyi don gyi phyir ni sdig bgyid 'gyur/ /yab yum dang ni rgyal srid spangs nas su/ /yab cig bdag ni chos yongs btsal bar 'tshal/ /yab cig gal te bdag gtong mi mdzad
212b4 na/ /deng nyid bdag ni 'chi ba'i dus bgyi'o yab/ /dug btung ri las g.yang du dor bar bgyi/ /mtshon gyis 'chi ba'i dus kyang bgyi'o yab/ /rgyal pos tshig de thos nas mi dgar gyur/ /bu khyod nga tshig 'di 'dra 'di nyon cig /gzhon nu
212b5 khyod kyis rtag par 'dod pa spyod/ /nga yis rgyal srid de ni bsten par bya/ /bu khyod khyim nas mngon par ma 'byung shig /bu cig bskyed mos tshal du rtse dga' byos/ /longs spyod yangs shing mang po khyod la sbyin/ /bu khyod rab tu byung bas
212b6 ci 'gyur snyam/ /'dod pa mdzes pa rim gyis spyad par byos/ /longs spyod zad par gyur nas rab tu byung / /'di la ji srid skyon nyung shes nas su/ /tshe thung nyid na mya ngan 'das pa bskyed/ /'dod pa bsten pas ngoms par 'gyur ma lags/ /
212b7 skyon dang tha ba'i las ni bskyed par bgyid/ /skyon med mngon 'byung chos ni spyad par bgyi/ /srog chags rnams la phan phyir byams pa sten/ /dgon pa'i gnas su gcig pu gnas par bgyi/ /de las bde ba chen po 'byung bar 'gyur/ /tshul
212b8 khrims gnas pas tshangs spyod zhi bar 'gyur/ /de phyir dgon pa brgya ni bsten par bgyi/ /bdag gi slad bzhin yab khyod rab tu byung / /khyod la yul 'khor grong rdal ci zhig bgyi/ /gzhan gyi don du sdig pa bgyis pas ni/ /ngan song gnas
213a1 shing sdug bsngal myong bar 'gyur/ /de yi tshe na 'jigs pa chen po yi/ /lcags kyi thu lum chen po gsol cig yab/ /sdig bgyis mi mnyam pa ni spyad pas na/ /sems can dmyal ba rnams su skye bar 'gyur/ /lus la lcags kyi phur bus btab
213a2 nas su/ /de tshe lcags kyi sgo glegs steng nas 'joms/ /gang dag de lus kun nas 'joms pa yi/ /lcags kyi gshol dag der ni kun nas 'byung / /rab drag las can ser skya ljang ku skras/ /khas bub bum pa'i nang du rab tu 'jug /lcags kyi gtun
213a3 dag gis kyang skrag par 'gyur/ /lo grangs mang por tshor ba bzod par bgyid/ /der ni de yang 'chi dus bgyid mi 'gyur/ /sdig pa'i las kyis 'dzin par bgyid pa lags/ /las bas nas ni thar pa 'thob lags te/ sdig pa'i las kyi 'bras bu de
213a4 'dra lags/ /gang tshe lus der 'chi ba 'byung ba'i tshe/ /me 'obs rab tu 'jigs par de dag 'jug /de dag gis ni lus de rab tu 'bar/ /de tshe rab 'jigs me yis zil gyis non/ /gang tshe me yi 'obs las thar gyur tshe/ /rab 'jigs kun
213a5 'bar kun tu rab 'bar ba'i/ /brag ri che mtho la ni 'dzeg par 'gyur/ /de tshe de dag mi gtsang 'dam du 'jug /rab 'jigs kun 'bar kun tu rab 'bar zhing / /de tshe khab 'dra'i kha yis za ba yis/ /de tshe lo ni bye bar zhugs nas su/ /brgya la de las
213a6 'byung bar 'gyur ba lags/ /de tshe de na'ang 'jigs pa'i mda' tshal mchis/ /der ni shin tu mchog tu sdug bsngal ltung / /ral gri'i so 'dra'i lo ma rab 'jigs pa/ /kun 'bar kun tu rab 'bar dag gis gcod/ /tshal der rab tu zhugs
213a7 pa tsam gyis kyang / /phyogs bzhi dag nas rlung gi phung po 'byung / /gang phyir rlung bskyod ral gri 'khrugs nas su/ /de yis lus ni kun nas rab tu 'bral/ /gang tshe tshal de nas ni mngon byung tshe/ /der ni 'jigs pa chen po'i tshal du 'jug /
213a8 de tshe ral gri'i so 'dra'i lo mas 'gums/ /spu gri'i so 'dra dag gis 'byin par 'gyur/ /ral gri'i tshal rab 'jigs par zhugs tsam gyis/ /phyogs bzhi dag nas 'jigs pa'i rlung ldang 'gyur/ /rlung bskyod de dag ral gri lo mas chod/ /
213b1 de tshe lus ni dum bu dum bur 'chad/ /de tshe de dag lus la gcod pa na/ /rlung gis 'phangs pa'i ral gri lhung 'gyur zhing / /lus la ral gri mdab ma zhugs par 'gyur/ /de dag de na sdug bsngal tshor ba myong / /lo ni mang por sdug
213b2 bsngal myong nas su/ /de dag 'gyur byed chu klung rab tshar 'jug /lo ni mang por sdug bsngal myong nas su/ /'gyur byed chu klung tsha myur 'bab par 'gyur/ /zab mo klong stong 'bab par bgyid pa yi/ /zangs dang lcags bskol ba ni 'bab pa der/ /
213b3 mi ni gzhol bas 'bab cing 'chi bar 'gyur/ /rba klong shugs kyis 'bab pas 'chi bar 'gyur/ /rba klong chen po'i shugs kyis rab 'bab cing / /de na 'jigs pa'i chu klung der 'jug 'gyur/ /gting ma slebs par 'bab pas 'chi bar 'gyur/ /
213b4 sdug bsngal de ni lta bar su zhig 'tshal/ /gang tshe rgal bar gyur pa de yi tshe/ /'gram na gnas pa'i srin po drag 'jigs pa/ /so gtsigs ljang khu dmar ser skra can gyis/ /brgyugs nas 'bros par byed pa 'dzin par 'gyur/ /
213b5 bzung nas grogs po ci za bstan par gyis/ /khyod ni ci 'dod ces kyang 'dri bar bgyid/ /bdag ni zas shig bza' bar 'tshal lags te/ /bdag ni bkres shes tshig tu smra bar 'gyur/ /mchog rab 'jigs de dag gis myur bzung nas/ /
213b6 lcags kyi sa steng du ni bor nas su/ /gang dag lus bshig nas ni sar ltung ba'i/ /lcags kyi thu lum de dag der sbyin 'gyur/ /khong du 'bar zhing phyi rol rab 'bar bas/ /bsreg cing btso'o zhes ni tshig tu smra/ /der ni 'gyur byed chu klung sdug
213b7 bsngal ltung / /chu 'di chu grang snyam du sems par bgyid/ /phyis kyang mi gtsang 'dam du 'jug par 'gyur/ /ri dang spu gri'i so 'dra de de bzhin/ /rab tu 'jigs pa'i me 'obs de de bzhin/ /yang dang yang du tshor ba de myong 'gyur/ /khyod kyi rgyal srid
213b8 'di rtag ma lags yab/ /dbang phyug yun ring rjes su 'jug ma lags/ /srog dang rgyal srid de bzhin 'dod pa dang / /thams cad mi rtag ces ni rgyal bas gsungs/ /de slad bdag gi tshig bzhin mdzod cig yab/ /thams cad
214a1 spangs nas mngon par 'byung bar mdzod/ /'di nas shi 'phos bde 'gro rnams su dgyes/ /sdug bsngal kun las thar bar 'gyur ro yab/ /tshul khrims bsam gtan gnas shing sems rab byams/ /rab dben dgon pa
214a2 zhi bar gnas par 'gyur/ /bdag dang mtshungs par su yang ma dgongs shig /der khyod tshangs pa lta bur 'gyur ba lags/ /de la de ltar rjes bstan gzhon nu ni/ /rgyal srid kun spangs yang dag rab tu byung / /phyogs rab sgrogs dang ma
214a3 yang de bzhin te/ /de la bar chad su yang byed pa med/ /bsam gtan bde ba rjes su spyod byed cing / /de rab byung nas chos ni yongs su btsol/ /mngon par shes thob drang srong rgyal por gyur/ /'jig rten phan phyir chos ni rab tu ston/ /
214a4 bdag med chos rnams rab tu bstan pas na/ /de yi sems zhi yid kyang rab tu zhi/ /de la bdag med bdag gi'ang yod ma yin/ /bdag ces chos ni nam yang dmigs ma yin/ /chos de drang srong rgyal pos bstan pas na/ /
214a5 chos de thams cad ma bcings ma grol ba/ /gang la sems can med cing bdag gi med/ /de la soms shig tshul bzhin so sor rtogs/ /drang srong rgyal po'i chos ni thos nas su/ /der ni brgya stong mang po dong bar gyur/ /de tshe rgyal po
214a6 phyogs rab sgrogs rab byung / /de yi bstan la ma yang rab tu byung / /drang srong thad du de dag rab byung nas/ /gang dag chos de 'dra ba byung ba dang / /chos gang de la drang srong zhugs gyur pa/ /de nyid bdag gis kyang ni thob bya snyam/ /drang srong
214a7 gis ni ji ltar bstan slob cing / /'di la de kun byang chub mchog tu zhugs/ /de dag kun kyang sangs rgyas nges par gyur/ /de tshe byang chub sangs rgyas thams cad zhi/ /de tshe rgyal bu de ni gzhan zhig snyam/ /gang gis chos de rjes su bstan
214a8 nas su/ /chos kun tshol zhing rab tu byung ba de'ang / /kun dga' khyod ni the tshom ma za cig /de tshe nga ni rgyal bu der gyur to/ /nga yis mi rnams kyi ni don chen byas/ /nga yis de dag theg pa mchog la'ang bkod/ /de tshe chos kyi
214b1 'khor lo rab bskor nas/ /nga ni nam yang brtson 'grus nyams ma gyur/ /ngas ni nam yang 'dun pa btang ma gyur/ /nga yis rtag par brtan par rjes su bsgoms/ /nga yis chos de dag ni rtag par bsten/ /nga yis nam yang le lo byas ma
214b2 gyur/ /nga yis byang chub thob par mi nus shes/ /nga ni nam yang zhi la som nyi med/ /nga yi byang chub 'dun pa rtag par byung / /nga yis brtson 'grus dam pa rtag par bsten/ /nga yis legs bshad chos ni rtag par btsal/ /des na nga yi
214b3 dga' ba bla med gyur/ /de phyir gang zhig byang chub 'dod byed pa/ /ji ltar ngas bslabs de bzhin slob byed na/ /slob pa byang chub las ni nyams mi 'gyur/ /chos kyi 'khor lo dam pa bskor bar 'gyur/ /mngon par 'byung ba yang dag par brjod pa'i
214b4 le'u ste bcu gcig pa'o// // kun dga' bo byang chub sems dpa' chos bzhi dang ldan na dran pa dang ldan pa yin/ rtogs pa dang ldan pa yin/ blo dang ldan pa yin/ cho ga dang spyod yul dang spyod pa dang ldan pa yin te/ bzhi gang
214b5 zhe na/ kun dga' bo 'di la byang chub sems dpa' chos de lta bu de dag yongs su btsal ba'i phyir brtson 'grus rtsom pa yin/ rnyed nas kyang chos de dag la sgrub pa yin/ bdag nyid kyang chos la gnas nas de nyid la skye bo mang po yang dag par 'dzin du
214b6 'jug pa yin/ yang dag par 'dzin du bcug nas kyang chos dang ldan pa'i gtam gyis rangs par byed cing yang dag par gzeng stod pa yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /gang dag de yi bde
214b7 'dren pa'i/ /chos de dag ni yongs su tshol/ /de 'dra'i chos dag ma rnyed par/ /de ni brtson 'grus 'dor mi bya/ /de 'dra'i chos dag thos nas mang du thos pas 'jal/ /rtag tu chos la gnas shing ji skad bshad la slob/ /bdag de ji ltar gnas
214b8 bzhin gzhan dag chos la dgod/ /gang dag chos 'dir gnas la ci yang 'doms mi byed/ /kun dga' bo gzhan yang byang chub sems dpa' ni bdag gis chos de dag thos nas nub par gyur na mi rung zhing / bdag gis chos kha cig chud gzan par
215a1 gyur na mi rung ngo snyam nas/ chos de lta bu de dag gi don gyi phyir rtag tu chos smra ba'i rjes su 'brang ba yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /gang dag dge slong rtag sten pa/ /de dag
215a2 mang du thos par 'gyur/ /chos kyi rgyal pos bkur ba yin/ /de dag 'di na nga yi rjes su 'brang / /nga la chos rnams ma thos don rnams ma shes par/ /nub par 'gyur zhing phyi nas gzhan las thos mi 'thob/ /de tshe brtson 'grus brtan por
215a3 shes nas las kun 'dor/ /gang gis shes pa rnam 'phel nges pa'i chos rnams tshol/ /dge slong mkhas pa shes rab can/ /rgyal bas bkur rnams sten par byed/ /mang du thos nas yid gzhungs pa/ /de 'dra'i mdo sde tshol bar byed/ /
215a4 kun dga' bo gzhan yang byang chub sems dpa' sems dpa' chen po ni ji ltar thos pa dang / ji ltar kun chub par byas pa'i chos rnams gzhan la ston par byed kyang chos las nyams pa ma yin no/ /kun dga' bo ji ltar na byang chub sems
215a5 dpa' chos las nyams pa yin zhe na/ 'di lta ste/ zab mo stong pa nyid dang ldan pa'i chos de dag bstan kyang chos gos dang / bsod snyoms dang / mal cha dang / stan dang / na ba'i gsos sman dang / yo byad la gnas nas ston par byed pa yin/
215a6 zang zing sngon du btang ste ston par byed pa yin/ ci nas gzhan dag la chos de dag bstan kyang de bzhin nyid du zhugs pa ma yin te/ kun dga' bo de ltar na byang chub sems dpa' ni chos las nyams pa yin no/ /de nas bcom ldan 'das kyis
215a7 de'i tshe tshigs su bcad pa 'di dag bka' stsal to/ /de 'dra'i chos dag thos nas su/ /skye bo mang la rgyas byed kyang / /bdag nyid nyams par mi 'gyur bar/ /srog don gnyer bas ston par byed/ /de phyir legs shes bya ba yang / /nam yang
215a8 btsal bar bya ma yin/ /gzhan du snying rje don gnyer bas/ /chos kyi dam pa ston par byed/ /sems can rnams la brtse byas shing / /skye bo mang la snying rje nas/ /de 'dra'i chos ni ston par byed/ /srog chags rnams la snying brtser byed/ /
215b1 gang zhig rnyed pa yongs tshol bas/ /de 'dra'i chos ni ston byed dang / /gang zhig de yis chos tshol bas/ /de ni chos las nyams pa yin/ /ji ltar bshad pa'i chos la ni/ /mkhas pa de bzhin gnas par byed/ /de ni rnyed pas nyams mi 'gyur/ /
215b2 rtag tu chos ni rab tu 'dzin/ /legs par chos ni ston byed cing / /chos la yang ni rab gnas pa/ /'jig rten khams kyi sangs rgyas des/ /de la legs shes bya ba sbyin/ /kun dga' bo gzhan yang byang chub sems dpa' sems dpa'
215b3 chen po ni chos yongs su tshol bar byed pa yin te/ de ni chos smra ba de'i snyigs ma 'dzin pa ma yin/ nyes par bzung ba 'dzin pa ma yin/ chos kyi tshul yongs su btsal ba la rab tu gnas pa yin/ de ni chos la 'jug pa'i sems kyis
215b4 chos yongs su tshol bar byed pa yin no/ /kun dga' bo ji ltar na byang chub sems dpa' chos kyi tshul yongs su btsal ba la gnas pa yin zhe na/ gang gi tshe mkhan po dang / slob dpon dag gi bsgo ba'i tshul la rab tu gnas pa yin/ des
215b5 byas pa yang byed pa yin/ chos gos dang / bsod snyoms dang / mal cha dang / stan dang / na ba'i gsos sman dang / yo byad rnams la spro bar spyod pa yin te/ kun dga' bo de ltar na byang chub sems dpa' chos yongs su tshol ba la
215b6 gnas pa yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /de ni de na chos rnams tshol/ /de ni glan ka tshol mi byed/ /gzhan la ji ltar bstan pa bzhin/ /de bzhin de ni rab gnas 'gyur/ /
215b7 de na chos ni yongs tshol bas/ /ji ltar bshad bzhin gnas par byed/ /dpa' bo de ni chos gnas nas/ /rtag tu chos la'ang sten par byed/ /de phyir chos ni yongs tshol bas/ /ji ltar bshad bzhin gnas par byed/ /gang zhig
215b8 chos la rab gnas pa/ /de ni chos kyi dang po yin/ /ji ltar nga yis reg bzhin du/ /de nas chos la reg par 'gyur/ /chos de dag la bsten nas kyang / /bla na med pa'i byang chub thob/ /nga yis gang las thos pa la/ /
216a1 ston par 'du shes kun shes nas/ /rtag tu chos ni yongs tshol bas/ /chos rnams la ni gus par byas/ /gang gis nga ni lam gnas pa/ /de ni nga yi slob dpon yin/ /de ni nga yi bde 'dren pa/ /de ni nga yi mig sbyong
216a2 ba'o/ /de ni nga yi ston yin pas/ /nga ni rtag par gus par gnas/ /nga ni de la brten nas su/ /'jig rten tha mar bde ba yin/ /bskal pa dag ni grangs med pa/ /bsam gyis mi khyab yangs pa na/ /sngon gyi dus su de bzhin gshegs/ /
216a3 lhun po'i rgyal po byung bar 'gyur/ /lhun rgyal mya ngan 'das nas su/ /nyan thos 'dzangs pa byung bar gyur/ /mkhas pa'ang yin zhing shes rab che/ /chos mang lung ni 'bogs par byed/ /zab mo'i don la nges pa'ang yin/ /phung po khams
216a4 la rnam par mkhas/ /'dul ba yi ni pha rol son/ /chos mngon pa la'ang mkhas pa yin/ /bslab pa gsum po rnams la bslabs/ /sangs rgyas byang chub 'dzin par byed/ /sangs rgyas lhun po'i rgyal po yis/ /de ni byin
216a5 rlabs de byung gyur/ /sangs rgyas theg pa de la zhugs/ /zab mo la yang mkhas pa yin/ /'dzangs pa'i yon tan rnams kyi mtha'/ /nye bar bstan par nus ma yin/ /rgyal khyim me tog can du ni/ /tshong dpon nor chen
216a6 byung bar gyur/ /longs spyod phung pos yangs pa yin/ /bsod nams gzi yis gzi brjid byas/ /mang pos mchod 'os zhes bya ba/ /de ni de na byung bar gyur/ /khrims ldan yon tan phun sum tshogs/ /bzang ldan rnam par
216a7 grags pa byung / /de tshe tshong dpon bzang ldan yang / /'dzangs pa'i thad du nye bar song / /shes rab chen po thos mang des/ /de la chos ni bstan pa byas/ /grags dang ldan pa 'dzangs pa las/ /de yis dam chos de thos nas/ /
216a8 longs spyod phung po mtha' yas dang / /chos de thams cad sogs par byed/ /gang khyod gtong ba de 'dra ni/ /tshong dpon khyod kyis dad pa legs/ /gang thos nas ni rnam shes pa/ /de ni chos kyi gter yin no/ /de tshe tshong
216b1 dpon bzang ldan yang / /'dzangs pa yi ni phyi bzhin gnas/ /lo ni mang po mi nyung bar/ /de ni de na rjes su 'brang / /chos smra ba la tshong dpon de'ang / /lo ni nyi shur rjes 'brang bas/ /de las chos rnams nyan byed pas/ /de ni
216b2 nyan pas ngoms pa med/ /skye bo mang po bsnyen bkur gyis/ /rtag tu spro bar zhugs gyur kyang / /de yi sems la nam yang ni/ /yongs su gdung ba byung ma gyur/ /dus tshod gcig tu 'dzangs pa la/ /gser ni bye ba phrag nyi shu/ /tshang
216b3 bar 'bul bar byed par gyur/ /de tshe mdzangs pa spyod par byed/ /de 'dra ba yi dus tshod du/ /de la gser gyi phung po 'gro/ /de 'dra'i bsnyen bkur byas pas na/ /de yi phyir yang dga' bar gyur/ /phyi nas dus tshod stong du ni/ /dge
216b4 slong re re'i thad du 'gro/ /'dzangs pa yis ni chos smras pa/ /de dag de yi rjes su 'brang / /dus tshod der ni zhugs nas su/ /rtag tu nyi khri ri ba yi/ /chos gos gsum ni sbyin par byed/ /'gro ba kun tu'ang de 'dra'o/ /dge
216b5 slong re re re re yi/ /don gyi phyir ni gus byas nas/ /gnas khang gzhan dang gzhan dag ni/ /bzang ldan de ni byed du 'jug /gnas khang re re re rer yang / /bye ba nyi shu tshang ba yi/ /gser ni 'jug par byed pa
216b6 yin/ /rta babs sna tshogs btsugs par gyur/ /de na dus su 'dzangs pa yis/ /chos kyi dam pa bstan nas su/ /srog chags rnams kyi don byas te/ /der ni lus kyang bor bar gyur/ /bzang ldan yang ni
216b7 spro gyur te/ /der ni lus kyang bsregs nas su/ /kun nas dpag tshad brgyad pa yi/ /mchod rten yangs pa byas par gyur/ /mchod rten de yang rin chen byas/ /mchod rten rab gnas byas nas su/ /
216b8 me tog spos dang byug rnams kyis/ /nyin dang mtshan du mchod pa byed/ /der ni tshong dpon nor chen po/ /de yang 'chi ba'i dus byas nas/ /sangs rgyas mang po mnyes par byed/ /nam yang ngan 'gror song ma yin/ /
217a1 de ni dge ba'i rtsa ba des/ /bskal pa bye phrag brgyad bcur ni/ /rtag tu de ni tshangs par 'gyur/ /rtag par rgyun du sangs rgyas mthong / /bskal pa bye phrag brgyad bcur ni/ /rtag tu sum bcu rtsa gsum gyi/ /
217a2 lha yi rgyal po byas par gyur/ /de ni rtag tu sangs rgyas mthong / /bskal pa bye phrag brgyad bcur ni/ /rtag tu 'khor los bsgyur bar gyur/ /sangs rgyas kyang ni rtag par mthong / /de mthong nas kyang sti stang byed/ /
217a3 sangs rgyas bye ba phrag mang dang / /bye ba khrag khrig phrag brgyad bcu/ /de tshe tshong dpon bzang ldan zhes/ /rnam par grags pas mnyes par byed/ /der ni rgyal ba mnyes byas nas/ /mchod pa mtha' yas byas nas
217a4 su/ /de tshe chos ni zhus nas kyang / /chung ma'i thad song ston par byed/ /rgyal khyim me tog can du ni/ /de tshe bzang ldan rnam par grags/ /khyim bdag byung de gzhan yin snyam/ /kun dga' khyod ni sems gyur
217a5 na/ dge slong 'dzangs pa chos smra ba/ /de la mchod byed gang yin pa/ /bzang ldan de ni nga yin no/ /chos ni yongs su gzung don phyir/ /nga yis de 'dra'i mchod pa byas/ /dge ba'i rtsa ba de nyid kyis/ /'dir ni byang chub de
217a6 thob yin/ /'dzangs pa chos ni smra ba la/ /gang dag bsod nams che byas pa'i/ /bsod nams phung po'i zad pa ni/ /nga la da dung yod ma yin/ /bsod nams grangs yod ma yin pa/ /dpag tu med pas thob pa yin/ /
217a7 nga yis sangs rgyas rtag par mthong / /de dag la ni chos kyang zhus/ /de ltar ji ltar bstan pa ltar/ /kun kyang nga la de skad ston/ /byang chub lam ni de yin gyis/ /de phyir de la bsten par byos/ /de nas bcom ldan 'das la
217a8 tshe dang ldan pa kun dga' bos 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ni 'di ltar bsod nams 'byung ba shin tu yongs su brnyes pa lags na/ bcom ldan 'das
217b1 kyi sngon gyi sku rnams kyang thams cad du khyad par can du gyur pa ni ngo mtshar lags so/ /bcom ldan 'das dge slong 'dzangs pa zhes bgyi ba byung bar gyur pa de/ bcom ldan 'das yongs su mya ngan las 'das lags sam/
217b2 bcom ldan 'das kyis bka' stsal pa/ kun dga' bo dge slong de ni da dung yongs su mya ngan las ma 'das te/ kun dga' bo dge slong de ni nga'i bstan pa 'di la byang chub sems dpa'i spyad pa spyod do/ /de nas bcom ldan 'das la tshe dang
217b3 ldan pa kun dga' bos 'di skad ces gsol to/ /bcom ldan 'das tshong dpon bzang ldan chos smra ba 'dzangs pa la rim gro dang bsnyen bkur bgyis nas/ dge ba'i rtsa ba'i tshogs des de la brten nas bla na med pa yang dag par rdzogs pa'i
217b4 byang chub mngon par rdzogs par sangs rgyas lags kyang / dge slong 'dzangs pa da dung bla na med pa yang dag par rdzogs pa'i byang chub mngon par rdzogs par sangs ma rgyas pa ni ngo mtshar lags so/ /de skad ces gsol pa dang /
217b5 bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo dge slong 'dzangs pa ni ji ltar nga yang dag par zhugs pa de ltar yang dag par zhugs pa ma yin te/ kun dga' bo dge slong 'dzangs pa ni
217b6 bde ba'i theg pas yang dag par zhugs kyi sdug bsngal gyi theg pas yang dag par zhugs pa ma yin la/ kun dga' bo 'di la nga ni yun ring po nas sdug bsngal gyi theg pas nges par byung ba yin no/ /kun dga' bo nga sngon byang chub
217b7 sems dpa'i spyad pa spyod pa na yang 'di snyam du sems te/ gang gi tshe sems can rnams sdug bsngal bar gyur cing gang phal cher ngan song las gzhol/ ngan song la 'bab/ ngan song la bab par gyur pa na/ nga de'i tshe de'i dus na
217b8 bla na med pa yang dag par rdzogs pa'i byang chub tu sangs rgyas nas sems can de dag sdug bsngal rnams las yongs su thar bar bya'o snyam ste/ kun dga' bo nga ni yun ring po nas smon lam de skad btab po/ /kun dga' bo dge slong
218a1 'dzangs pas ji ltar yang dag par blang ba brtsams pa dang / yang dag par blangs pa dang / don du gnyer ba dang / smon pa dang / kun dga' bo dge slong 'dzangs pa ji tsam du yang dag par blang ba chen po de 'dra bas bla na med pa
218a2 yang dag par rdzogs pa'i byang chub tu yang dag par zhugs pa ni dpes bstan par mi nus te/ dge slong 'dzangs pa ni de ltar bla na med pa yang dag par rdzogs pa'i byang chub tu yang dag par zhugs la/ des ni ci nas bdag
218a3 byang chub sems dpa'i spyad pa spyod pa na/ sems can gang dag gis mthong ba de dag thams cad theg pa chen po 'am/ nyan thos dang rang sangs rgyas kyi theg pa dag gis nges par gyur cig snyam nas/ dge ba'i rtsa ba bsags pa byas
218a4 shing byed pa yang yin no/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das gang de'i tshe byung bar gyur pa'i dge slong 'dzangs pa de 'khor 'di na mchis lags sam/ bcom ldan
218a5 'das kyis bka' stsal pa/ kun dga' bo gang de'i tshe 'dzangs pa zhes bya ba byung bar gyur pa'i dge slong de ni 'di nyid na 'dug ste/ nga'i mdun na 'dug pa 'di yin no/ /de skad ces bka' stsal pa dang / bcom ldan 'das la
218a6 tshe dang ldan pa kun dga' bos 'di skad ces gsol to/ /bcom ldan 'das ji tsam du sems can dag pa'i 'dus pa 'di ni bcom ldan 'das ngo mtshar lags so/ /bcom ldan 'das kyis bka' stsal pa/ kun dga' bo de de bzhin
218a7 no/ /de de bzhin te/ kun dga' bo sems can chen po sems can dag pa rnams kyi 'khor 'dus pa de ni 'di lta ste/ byang chub sems dpa'i 'dus pa yin/ seng ge'i 'dus pa yin/ bag tsha ba med pa'i 'dus pa yin/
218a8 glang po chen po'i 'dus pa yin no/ /kun dga' bos gsol pa/ bcom ldan 'das ci'i slad du 'di skad du 'dus pa chen po dang / seng ge'i 'dus pa zhes bgyi lags/ kun dga' bo ma rig pa'i mun pa chen po 'joms
218b1 pa nyid kyi phyir sems can grangs med dpag tu med pa'i go cha bgos pas de'i phyir 'dus pa chen po dang seng ge'i 'dus pa zhes bya'o/ /kun dga' bo 'di lta ste/ dper na ri dgas kyi rgyal po seng ge gang du gnas 'cha' bar byed pa dang /
218b2 gang du gnas par byed pa'i sa phyogs de ni mi non pa yin te/ de las gzhan pa'i ri dgas phra mo dag gis dri yang mi bzod pas yongs su spong bar byed la/ gang gi tshe sa phyogs de gnon pa de'i tshe/ dri de la bsnams nas sa la
218b3 khas bub tu bub par 'gyur ro/ /kun dga' bo de bzhin du gang na seng ge chen po'i 'dus pa gnas pa'i sa phyogs de ni kun dga' bo bdud dang bdud kyi ris kyi lha rnams dang / de las gzhan pa'i sems can bdud kyis byin gyis
218b4 brlabs pa rnams kyis mi non pa yin no/ /gal te gnon du zin kyang 'on kyang sdug bsngal zhing yid mi bde bas 'khor de nas phyir 'dong zhing de nyid du yang mi snang bar 'gyur la/ bag tsha ba med pa seng ge chen po de dag nyid kyi gzi
218b5 brjid kyang mi bzod pas de nyid nas phyir 'dong ba yin no/ /kun dga' bo 'di lta ste/ dper na ri dgas kyi rgyal po seng ge ral pa can gzi brjid dang ldan pa de nyid lan gsum du seng ge'i sgra sgrogs pa na dpag tshad khor yug tu sgra 'byin
218b6 par byed la/ de nas phyis kyang phyogs thams cad du bar de na seng ge phal pa gang dag yod pa de dag kyang de'i tshe skrag par 'gyur na/ de las gzhan pa'i ri dgas kyi rigs kho re chung ba rnams lta ci smos shing / spos kyi glang
218b7 po che gang dag yod pa de dag kyang sgra thos pas gcin rtug gtor cing 'gyes par yang 'gyur la/ gcig la gcig kyang shin tu 'bod par byed par 'gyur ro/ /kun dga' bo de bzhin du seng ge chen po'i 'dus pa/ rigs
218b8 btsun pa'i 'dus pa/ bag tsha ba med pa'i 'dus pa'i 'dus pa de na/ byang chub sems dpa' dmu rgod gang dag yod pa ni ming gcig par gtogs pa yin no/ /'di lta ste dper na seng ge phal pa de dag ni seng ge'i sgra
219a1 yang nyan par byed la/ sgra de thos nas kyang ri sul du 'jug par byed do/ /kun dga' bo de bzhin du byang chub sems dpa'i 'dus pa'i 'dus pa de na/ byang chub sems dpa' dmu rgod spyod lam ngan pa grags pa
219a2 dang / sgra dang / tshigs su bcad pa lhur len pa/ bdag gi ming dang / dbyangs dang / sgra lhur len pa gang dag yod pa de dag ni skrag cing dngang la 'bros par 'gyur zhing g.yang sa chen por yang ltung bar 'gyur ro/ /
219a3 de ci'i phyir zhe na/ kun dga' bo stong pa'i sgra dang / mtshan ma med pa'i sgra dang / smon pa med pa'i sgra ni de las gzhan pa'i byang chub sems dpa' dmigs pa la spyod pa/ bdag la mngon par zhen pa/ phung po la mngon
219a4 par zhen pa/ khams la mngon par zhen pa/ skye mched la mngon par zhen pa/ tshul khrims la mngon par zhen pa/ ting nge 'dzin la mngon par zhen pa/ lam dang mya ngan las 'das pa dang / 'bras bu la mngon par
219a5 zhen pa/ sangs rgyas kyi byang chub kyi mya ngan las 'das pa chen po la mngon par zhen pa dag gis bzod par bya ba ma yin pa'i phyir te/ kun dga' bo 'di lta ste/ stong pa nyid dang / mtshan ma med pa dang / smon pa
219a6 med pa'i sgra de ni sgra chen po yin no/ /kun dga' bo de ltar na de bzhin gshegs pas chos thams cad stong pa'o zhes chos bstan kyang gang yang stong pa med do/ /gang gi yang stong pa med do/ /gang gis kyang stong pa med do/ /
219a7 gang la yang stong pa med do/ /kun dga' bo de ltar na de bzhin gshegs pas chos rnams mtshan ma med pa'o zhes bstan kyang de dag ni gang yang mtshan ma med pa med do/ /gang gi yang mtshan ma med pa med do/ /gang gis kyang
219a8 mtshan ma med pa med do/ /gang la yang mtshan ma med pa med do/ /kun dga' bo de ltar na de bzhin gshegs pas chos thams cad smon pa med pa'o zhes bstan kyang gang yang thob par bya ba med do/ /gang gi yang thob par bya ba
219b1 med do/ gang gis kyang thob par bya ba med do/ /gang la yang thob par bya ba med do/ /kun dga' bo de ltar na de bzhin gshegs pas chos mngon du bya'o zhes bstan kyang gang yang mngon du bya ba med do/ /gang gi yang mngon du bya ba med do/ /
219b2 gang gis kyang mngon du bya ba med do/ /gang la yang mngon du bya ba med do/ /kun dga' bo de ltar na de bzhin gshegs pas chos bsgoms par bya'o zhes bstan kyang gang la yang bsgoms par bya ba med do/ /gang gi yang
219b3 bsgoms par bya ba med do/ /gang gis kyang bsgoms par bya ba med do/ /gang la yang bsgoms par bya ba med do/ /kun dga' bo de ltar na de bzhin gshegs pas chos rnam par bsgoms so zhes bstan kyang gang yang
219b4 rnam par bsgoms pa med do/ /gang gi yang rnam par bsgoms pa med do/ /gang gis kyang rnam par bsgom pa med do/ /gang la yang rnam par bsgoms pa med do/ /kun dga' bo de ltar na de bzhin gshegs
219b5 pas chos 'dus byas so zhes bstan kyang gang yang 'dus byas med do/ /gang gi yang 'dus byas med do/ /gang gis kyang 'dus byas med do/ /gang la yang 'dus byas med do/ /kun dga' bo de ltar na de bzhin gshegs
219b6 pas chos 'dus ma byas so zhes bstan kyang gang yang 'dus ma byas med do/ /gang gi yang 'dus ma byas med do/ /gang gis kyang 'dus ma byas med do/ /gang la yang 'dus ma byas med do/ /kun dga' bo de ltar na
219b7 de bzhin gshegs pas chos rnams kun nas nyon mongs pa can no zhes bstan kyang gang yang kun nas nyon mongs pa can med do/ /gang gi yang kun nas nyon mongs pa can med do/ /gang gis kyang kun nas nyon mongs pa can med do/ /
219b8 gang la yang kun nas nyon mongs pa can med do/ /kun dga' bo de ltar na de bzhin gshegs pas chos rnams rnam par byang ba'o zhes bstan kyang gang yang rnam par byang ba med do/ /gang gi yang rnam par byang ba med do/ /gang gis
220a1 kyang rnam par byang ba med do/ /gang la yang rnam par byang ba med do/ /kun dga' bo chos kyi phyag rgya de ni chos thams cad kyi phyag rgya ste/ phyag rgya med pa yin no/ /ma byas pa'i phyag rgya yin no/ /dbyer med
220a2 pa'i phyag rgya yin no/ /kun dga' bo gang dag phyag rgya des btab pa de dang de dag ni byang chub sems dpa' sems dpa' chen po yin/ rigs btsun pa yin/ mi'i seng ge yin/ spyod pa gcig pa yin/ bag tsha ba med pa yin/
220a3 sgra sgrogs pa yin/ gzhan mu stegs can dag skrag par byed pa yin/ bdud kyi sde 'dul bar byed pa yin/ gzhan mu stegs can dag ri sul gyi phug tu 'jug par byed pa yin/ dmigs pa can dag skrag par byed pa
220a4 yin/ lhag pa'i nga rgyal can dag 'bigs par byed pa yin/ rdeg par byed pa yin/ sangs rgyas kyi sras bdud sun 'byin pa dag mngon par dga' bar byed pa yin/ chos nyid kyang rnam par 'byed pa yin/ phyogs bcur
220a5 chos kyi rgyal mtshan yang sgreng bar byed pa yin/ de dag ni chos kyi rnga rdung bar byed pa yin/ chos kyi bcud 'thung bar byed pa yin/ legs par bshad pas rgyal ba'i thugs kyi sras dag tshim par byed pa yin no/ / bam po bcu bdun
220a6 pa/ kun dga' bo 'di lta ste/ dper na ri dgas kyi rgyal po seng ge ni rang gi gnas nas mngon par 'byung zhing lan gsum du seng ge'i sgra sgrogs pa na/ de na seng ge'i phrug gu rigs btsun pa gang dag yod pa de dag sgra de thos nas rang gis
220a7 lus mngon par ston pa yin/ bag tsha ba med pa yin/ skrag pa med pa yin/ dga' ba yin/ tshim pa yin/ phyogs bzhir rnam par lta bar byed pa yin no/ /kun dga' bo de bzhin du seng ge'i 'dus pa/ bag tsha ba med pa'i 'dus pa/
220a8 ral pa chen po can 'dus pa de na/ byang chub sems dpa' sems dpa' chen po lhag pa'i bsam pa la yang dag par zhugs pa/ dge ba'i rtsa ba yongs su ma smin pa dbang po yongs su ma smin pa gang dag yod pa de dag ni sgra de thos nas kun dga' bo
220b1 'dus pa chen po'i 'dus pa de na dga' ba bskyed par byed pa yin/ mgu ba bskyed par byed pa yin no/ /kun dga' bo 'di lta ste/ dper na ri dgas kyi rgyal po seng ge ni gang dang gang du 'gro yang thams cad du gcig pu kho nar 'gro ba yin/
220b2 grogs med pa kho nar 'gro ba yin no/ /kun dga' bo de bzhin du byang chub sems dpa'i 'dus pa/ bag tsha ba med pa ral pa can gyi 'dus pa'i 'dus pa de na/ byang chub sems dpa'i seng ge gang dag yod pa de dag ni gang dang gang du go cha gyon par
220b3 byed kyang thams cad du grogs med pa kho nar go cha gyon par byed pa yin/ bdag nyid kyis sangs rgyas kyi chos rnams mngon par rdzogs par 'tshang rgya bar bya zhing / grogs med par sangs rgyas kyi chos rnams mngon du bya'o snyam nas/ zla med
220b4 pa kho nar go cha gyon par byed pa yin no/ /kun dga' bo 'di lta ste/ dper na ri dgas kyi rgyal po de nyid gang gi mngal na gnas pa yin pa de ni mngal gcig shos 'dzin par mi byed cing / ri dgas kyi rgyal po seng ge lan cig kho na de'i
220b5 mngal na gnas pa yin no/ /kun dga' bo de bzhin du byang chub sems dpa' de dag ni skye ba gcig gis thogs pa/ theg pa chen po'i mngal na gnas pa yin te/ de dag ni nyan thos kyi theg pa 'am/ rang sangs rgyas kyi theg pas
220b6 gzung bar mi nus so/ /kun dga' bo de ltar na 'dus pa de ni seng ge'i 'dus pa yin/ bag tsha ba med pa'i 'dus pa yin/ ral pa can gyi 'dus pa yin no/ /kun dga' bo 'di lta ste/ dper na ri dgas kyi rgyal po seng ge ni
220b7 stobs dang ldan pa 'am/ stobs chung ngu yang rung ste/ srog chags kyi rigs gang la snun par byed kyang thams cad du bsgrims te snun par byed kyi ma bsgrims pas ni ma yin no/ /kun dga' bo de bzhin du seng ge'i 'dus pa'i 'dus pa
220b8 de na byang chub sems dpa' ral pa can yod pa de dag ni chos kyi gtam gang dang gang byed kyang gus pa kho nar byas nas ston par byed pa yin/ 'dzin du 'jug pa yin/ rab tu brjod par byed pa yin/ gzhan dag kyang yang dag par 'dzin du
221a1 'jug pa yin te/ kun dga' bo de ltar na de ni seng ge'i 'dus pa yin/ bag tsha ba med pa'i 'dus pa yin no/ /'khor dag pa'i le'u ste bcu gnyis pa'o// // de'i tshe byang chub sems dpa' brtan pa'i
221a2 blo gros 'dus par gyur te 'dug pa de stan las langs te/ rang gi bla gos thogs nas bcom ldan 'das la 'di skad ces gsol to/ /bcom ldan 'das chos kyi rnam grangs 'di legs par bshad pa'i don gyi slad du sangs rgyas bcom
221a3 ldan 'das 'das pa dang / ma byon pa dang / da ltar byung ba rnams la mchod pa bgyi ba dang / byang chub sems dpa' sems dpa' chen po gang dag byang chub sems dpa'i spyad pa la yang dag par zhugs pa de dag gi sangs rgyas kyi chos
221a4 yongs su rdzogs par bgyi ba'i slad du bcom ldan 'das la gos 'di chos kyi dgab par 'bul lo/ /de nas bcom ldan 'das la byang chub sems dpa' brtan pa'i blo gros kyis bla gos de phul te/ bla gos gcig shos thogs nas
221a5 gsol pa/ bcom ldan 'das slad ma'i tshe chos smra ba gang las chos kyi rnam grangs de nyan pa de la yang de bzhin gshegs pa la gsol ba gdab pa'i slad du gos 'di 'bul lo/ /de nas byang chub sems dpa' brtan pa'i blo gros
221a6 byang chub sems dpa' phug sbas kyi thad du song nas 'di skad ces smras so/ /phu nu bo de'i phyir de bzhin gshegs pa la gsol ba gdab pa'i ched du de bzhin gshegs pa la bla gos de 'bul bar bya'o/ /de nas bcom ldan 'das la
221a7 byang chub sems dpa' brtan pa'i blo gros dang / byang chub sems dpa' phug sbas gnyi ga gyur nas bla gos de phul te/ bla gos de las kyang cho 'phrul rnam pa du ma snang ngo / /tshe dang ldan pa kun dga' bo dang 'khor bzhi pos
221a8 kyang cho 'phrul de dag mthong ste/ mthong nas kyang bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das de ni ngo mtshar lags so/ /bde bar gshegs pa de ni rmad du byung ba lags so/ /
221b1 de nas bcom ldan 'das kyis mkhyen bzhin du tshe dang ldan pa kun dga' bo la 'di skad ces bka' stsal to/ /de la ngo mtshar rmad du byung ba ci zhig khong du chud/ de nas tshe dang ldan pa kun dga' bos tshigs su bcad pa'i dbyangs kyis
221b2 zhus pa/ byang chub gang zhugs dpa' bo dpa' rnams kyi/ /bsngags brjod rdzu 'phrul gyis ni mchi bgyid pa/ /sprul pa stong phrag mang po chos gos las/ /'byung ba dag ni bdag gis 'dir mthong lags/ /'jig rten mgon
221b3 po de tshe chos gos las/ /chos gos stong phrag mang po bye phrag stong / /de las lhag pa byang chub sems dpa' rnams/ /thogs shing mchi bar bgyid pa bdag gis mthong / /'dir mchis nas ni 'dren pa rnams la 'bul/ /
221b4 rgyal ba gang dag phyogs bcu'i 'jig rten gnas/ /de dag thad du de dag cho 'phrul ston/ /de ring chos gos las ni de 'dra mthong / /de las gang dag rgyal la chos gos 'bul/ /der ni rim gyis spyad pa spyod pa yis/ /
221b5 de 'tshang rgya zhes 'jig rten mgon de dag /de tshe byang chub mchog tu lung ston mdzad/ /sems can dag pa gang dag der mchis nas/ /de tshe spyi bor rnam dag gdugs 'byung 'gyur/ /sems can de dag byang chub phyir spyod
221b6 pas/ /'dir ni sangs rgyas 'byung snyam sems can sems/ /de na stong phrag mang po bye ba phrag /khrag khrig mchog tu sgra 'byin mchis lags te/ /de las chos kyi tshig rnams byung bar 'gyur/ /nam mkha' las ni
221b7 sangs rgyas sgra thos lags/ /'dzam gling sangs rgyas rnams kyis khyab par mthong / /stong gsum rgyal ba rnams kyis khyab par mthong / /'dren pa de ring bdag la 'du shes byung / /slan chad bdag lus nyan thos rlom mi
221b8 bgyid/ /slob dpon dpa' bo khyod kyi 'phrul 'di 'dra/ /de ring bdag gi mig rmongs dran pa rmongs/ /'phags pa'i ye shes bdag gis rnam par blta/ /khams gsum po dag thams cad stong par blta/ /stong par shes la
222a1 bdag gi dran mi rmongs/ /gang gis ye shes thob pa mig mi 'tshal/ /bcom ldan gzhan du de la mngon bgyis pas/ /bskyed pa'i dran pa rmongs pa de ma gtogs/ /dpa' bo 'khor kyang mchog tu dga' ba skyes/ /
222a2 bar snang nam mkha' la ni 'phags par gyur/ /pad ma mdab stong pa yis gnas pa lags/ /mkha' la pad ma gnas pa gdugs ji bzhin/ /chos gos de la phyogs bcu'i 'jig rten na/ /gang dag ci mchis kun kyang
222a3 gda' ba lags/ /'jig rten drang srong 'dren pa rgyal ba mchog /de dag rnams kyi dge 'dun rgya chen gda'/ /de la sems can dpa' bo de rab byung / /sbyin pa bsam gyis mi khyab rgya chen stsol/ /de dag byang chub
222a4 don du 'dren pa bsten/ /sems can don spyod bgyid cing rab tu byung / /de tshe phyogs bcu rnams su chos ston pas/ /dpa' bo de dag der ni sprul par byung / /'jig rten mgon po gang dag gos las mthong / /bgrang ba'am
222a5 mtha' ni gang yang mchis ma lags/ /'jig rten khams gsum gang dag gos las mthong / /sems dga' mgu zhing gus dang bcas pa lags/ /ji ltar tshangs pa dbang bsgyur dbang phyug bzhin/ /rang 'od ldan zhing rdzu
222a6 'phrul stobs la mkhas/ /spobs dang ldan zhing mang du thos pa'ang lags/ /de tshe gzungs kyi sgo ni kun gyis thob/ /rgyal ba'i tshul dang 'thun par 'khor lo bskor/ /zhing de dag kyang chos gos rnams kyis khyab/ /sna tshogs
222a7 rin chen las byung do shal sdug /la la'i zhing du kha dog gda' ma lags/ /gang du dpa' bo mchis shing rkang bzhag nas/ /'jig rten khams 'dir rdzu 'phrul kun nas gnas/ /me tog rnams dang spos dang byug pa dang / /
222a8 rgyal mtshan ba dan rnams kyis kun nas brgyan/ /gang du dpa' bo mchis nas rkang bzhag pa'i/ /zhing de dag ni mgon po bdag gis mthong / /sa yi snying por sangs rgyas bzhugs pa dang / /de tshe chos kyi 'khor lo bskor ba
222b1 mthong / /rgyal ba de dang cho 'phrul mthong nas su/ /'di na gos las rdzu 'phrul de 'dra gda'/ /'jig rten 'di na gang su lus mchis pa/ /thams cad 'dir ni lus su sprul nas su/ /srog chags rnams la sman phyir chos
222b2 ston cing / /der ni byang chub slad du nges pa lags/ /de ring 'di na ngo mtshar tshul bzhin gda'/ /des kyang mthong ba de ni yid ches gda'/ /rgyal ba mkhas pas sangs rgyas 'phrul de gzigs/ /bcom ldan cho 'phrul de 'dra
222b3 gda' ba lags/ /bcom ldan mi rnams kyi ni zhing rgya che/ /glo bur rnams kyi ston pa dam pa lags/ /bcom ldan skye dgu'i srid chags bde sdug bsngal/ /'bras bu chen po bskyed par 'gyur ba lags/ /gal te bdag gis
222b4 snyan pa bskal brjod kyang / /bskal pa stong du'ang zad bgyid rngo mi thog /gang dag gos las rdzu 'phrul bsgrubs gda' ba/ /thub pas bstan 'di su yi don bgyid 'gyur/ /de ni su yi rgya chen zhing du 'gyur/ /de la su zhig
222b5 byang chub spyad spyod na/ /'di ltar 'di na rdzu 'phrul dpag med gda'/ /'dren pa de ring bdag la lung bstan gsol/ /shing rta'i phang lo tsam gyi pad ma brtsegs/ /ji ltar sna tshogs mdzes pa bgyis pa lags/ /ji ltar byang
222b6 chub sems dpa' mang po mchis/ /phyogs bcur sangs rgyas la ni phyag 'tshal mchi/ /sangs rgyas phyag 'tshal slar yang zhing du mchi/ /de nyid nas ni slar mchis byang chub 'thob/ /rgya chen zhing de rnam par dag
222b7 par 'gyur/ /rdzu 'phrul bsam gyis mi khyab gda' ba lags/ /byang chub spyad pa spyod pa dag kyang mthong / /sangs rgyas zhing 'di na ni dpa' bo gcig /gang zhig chos gos thogs nas gnas pa lags/ /ma bslabs pa yis
222b8 'di la ji ltar bslab/ /gang gis sems can thams cad bde myong ba'i/ /snyoms par sbyin pa'i longs spyod 'thun 'tshal ba/ /sems can kun la phan par gyur cig ces/ /sngon chad bdag gis sbyin stsal bsngos pa lags/ /
223a1 mgon po don de bdag la gsung bar gsol/ /'jig rten mgon po bdag gi the tshom chod/ /smon lam 'di 'dra brtan pa'i blo gros kyi'am/ /dge slong phug sbas kyi'am su yi lags/ /de skad ces gsol pa dang /
223a2 bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo byang chub sems dpa' brtan pa'i blo gros dri ba 'dri bar 'dod kyis/ dri ba lan gdab pa la khyod re shig sdod cig dang / de'i 'og tu
223a3 khyod kyi dri ba lan gdab par bya'o/ /de nas bcom ldan 'das la byang chub sems dpa' brtan pa'i blo gros kyis 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs phye na/
223a4 bcom ldan 'das bdag phyogs 'ga' zhig zhu lags so/ /de skad ces gsol pa dang / bcom ldan 'das kyis byang chub sems dpa' brtan pa'i blo gros la 'di skad ces bka' stsal to/ /brtan pa'i blo gros khyod ci dang
223a5 ci 'dod pa dris shig dang / ngas de dang de nyid kyi dri ba lan btab pas khyod kyi sems rangs par bya'o/ /de nas bcom ldan 'das la byang chub sems dpa' brtan pa'i blo gros kyis 'di skad ces gsol to/ /bcom ldan 'das sgor
223a6 'jug pa zhes bgyi na/ bcom ldan 'das sgor 'jug pa zhes bgyi ba de gang lags/ bcom ldan 'das de bzhin gshegs pas de yang bshad par gsol/ gang dag sgo'i tshig dag la zhugs pa'i byang chub sems dpa'
223a7 de dag kyang bshad par gsol/ chos de dag gi 'jug pa de yang bshad par gsol/ chos mchog de dag gang zhig lags/ /de dag 'jug pa ji lta bu/ /de dag sgo yang ci 'dra lags/ /'dren pa de bzhin bshad pas
223a8 gsol/ /chos la zhugs nas ji lta bur/ /byang chub 'byung bar 'gyur ba lags/ /ji ltar chos ni bstan pa nas/ /spobs pa chad par mi 'gyur lags/ /chos de dag ni ga las mchis/ /de dag gang du gnas pa lags/ /
223b1 de dag ji ltar mi rmongs shing / /chos rnams la ni dran pa 'jug /ci nas de dag zhugs 'gyur ba'i/ /'jug pa'i mtshan nyid bshad du gsol/ /zhugs pa rnams kyi chos gang dag /mngon du 'gyur ba bshad par gsol/ /
223b2 de dag ji ltar mi rmongs shing / /chos la dran 'byung 'dren pa po/ /bskal pa grangs ni ma mchis par/ /spobs pa chad par mi 'gyur lags/ /de dag dmigs pa ci 'dra zhig /rten kyang ji 'dra ba zhig lags/ /gang gis smra ba
223b3 de dag gi/ /mthar 'gyur ma mchis 'dren pa po/ /ji ltar sngon chad de dag gis/ /sbyin pa stsal nas zhi bar bsngos/ /gang gis gzi brjid ldan rnams kyi/ /spobs pa skye dang mjal bar 'gyur/ /ji lta bur ni tshul khrims
223b4 bsrungs/ /ji lta bur ni tshul khrims bsten/ /ji lta bur ni tshul khrims bsngos/ /gang de khrims kyis ma song lags/ /ji lta bur na bzod pa bsgoms/ /ji lta bur na bzod pa bsten/ /gang gis de dag ma skyes mtha'/ /
223b5 bla na ma mchis rjes su thob/ /ji lta bur na brtson 'grus brtsams/ /ji lta bur na brtson 'grus bsten/ /gang gis sangs rgyas byang chub dang / /bral bar ma gyur 'dren pa po/ /ji lta bur na bsam gtan bskyed/ /ji lta bur na
223b6 bsam gtan bsten/ /chos gang la ni bsam gtan bgyid/ /gang gis spobs pa bskyed pa lags/ /ji ltar de dag shes rab bsgoms/ /ji lta bur na shes rab bsten/ /ji ltar de dag ye shes 'jug /ji ltar spobs
223b7 pa chad mi 'gyur/ /bla med tshul la gnas pa lags/ /yang dag chos rnams ston pa lags/ /zab cing zhi ba stong pa yi/ /byang chub de dang su zhig nye/ /ji ltar mdo sde sna tshogs gzung / /sna tshogs don la rnam nges lags/ /
223b8 yang dang yang du'ang ston bgyid lags/ /zhu ba de ni lan stsal gsol/ /sems can rnams kyi the tshom gcod/ /de ni bdag gis ston la zhu/ /ma mchis pa yi dus na ni/ /chos smra ba ni 'byung bar 'gyur/ /ji ltar de la'ang
224a1 gnas par bgyi/ /'dren pa ji ltar gnas nas su/ /ji ltar chos ni bzung nas su/ /ji ltar chos ni yongs su 'dzin/ /'jig rten mgon po mi mchog gis/ /zhus pa de ni bdag la ston/ /phyi ma'i dus
224a2 na ji lta bur/ /srog chags rnams kyi the tshom gcad/ /de skad ces gsol pa dang / bcom ldan 'das kyis byang chub sems dpa' sems dpa' chen po brtan pa'i blo gros la 'di skad ces bka' stsal to/ /brtan pa'i
224a3 blo gros khyod de bzhin gshegs pa la don de yongs su 'dri bar sems pa ni legs so legs so/ /'di ltar khyod kyis ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams la dge ba'i rtsa ba
224a4 byas so/ /de bzhin gshegs pa de dag la yang yongs su zhus so/ /brtan pa'i blo gros ngas ni 'das pa'i dus bskal pa grangs med pa na nam mkhas yongs su zin pa'i sa phyogs 'di nyid du sangs rgyas stong phrag drug bcu
224a5 rtsa brgyad la khyod kyis zhu ba gang zhus pa dang / de bzhin gshegs pa dgra bcom pa yang dag par rdzogs pa'i sangs rgyas rnams la khyod kyi zhu ba de zhu ba na yang sems can mang po dpag tu med pa'i don du gyur par mngon par shes so/ /
224a6 brtan pa'i blo gros de lta bas na rnam grangs des khyod kyis 'di ltar rig par bya ste/ brtan pa'i blo gros sngon byung ba 'das pa'i dus bskal pa grangs med par gyur pa na/ de bzhin gshegs pa dgra bcom pa yang dag par rdzogs
224a7 pa'i sangs rgyas rin po che mngon du 'phags pa'i 'od zer ces bya ba 'jig rten du byung ste/ de bzhin gshegs pa de'i tshe'i tshad ni bskal pa phyed thub par gyur to/ /bcom ldan 'das de gang dag dang thabs gcig tu ljongs rgyu ba
224a8 mdzad pa dang / gang dag dang thabs gcig tu dbyar gnas par dam bca' bar mdzad pa de'i dgra bcom pa zag pa zad pa dag ni bye ba phrag bdun bcu tshang bar byung bar gyur to/ /brtan pa'i blo gros de'i dus na 'dzam bu'i gling de ni yangs
224b1 shing rgya che ste/ dpag tshad khrag khrig 'bum phrag bdun bcu par gyur to/ /de'i dus na rgyal po rgyal rigs spyi bo nas dbang bskur ba/ mtha' bzhir rnam par rgyal ba srung ba/ chos dang ldan pa/ chos kyi rgyal po gling bzhi pa'i
224b2 'jig rten gyi khams kyi dbang phyug 'khor los bsgyur ba ma smad pa'i bsod nams dbang phyug ces bya ba byung bar gyur to/ /de'i dus na 'dzam bu'i gling der grong khyer che zhing rgya che ste/ chur ni dpag tshad bzhi bcu pa/ zheng du ni dpag
224b3 tshad sum bcu pa/ 'byor pa/ rgyas pa/ bde ba/ lo legs pa/ nyams dga' ba/ skye bo dang mi mang pos gang ba bye ba phrag brgyad bcu byung bar gyur to/ /brtan pa'i blo gros rgyal po ma smad pa'i bsod nams dbang phyug de'i
224b4 'dzam bu'i gling gi dbus su gang du rgyal po ma smad pa'i bsod nams dbang phyug gnas 'cha' bar byed pa'i rgyal po'i pho brang 'khor chen po kho ra khor yug tu dpag tshad brgyad bcu yod pa gru bzhi lham pa/ rgyar dpag tshad phyed phyed kyang mig
224b5 mangs ris su bris pa gcig byung bar gyur to/ /brtan pa'i blo gros rgyal po'i pho brang 'khor de'i ming ni bde ba can zhes bya bar gyur to/ /rgyal po'i pho brang 'khor der sems can de dag gis longs spyod pa'i phyir bdag gi med cing yongs su
224b6 'dzin pa med pa'i bskyed mos tshal khor yug tu stong phrag bdun bcu byung bar gyur to/ /brtan pa'i blo gros rgyal po ma smad pa'i bsod nams dbang phyug de'i rgyal po'i pho brang 'khor dpag tshad brgyad bcu pa de ji tsam du che bar bskyed mos tshal chen
224b7 po gcig byung bar gyur te/ bskyed mos tshal chen po de ni shing ta la'i phreng ba rim pa bdun gyis bskor bar gyur cing dril bu g.yer ka'i dra ba rim bdun dang / rta babs rim bdun dang / ra ba rim bdun dang / 'obs rim bdun gyis kho
224b8 ra yug tu bskor bar gyur to/ /brtan pa'i blo gros de'i tshe de'i dus na de bzhin gshegs pa rin po che mngon du 'phags pa'i 'od zer de dgra bcom pa bye ba phrag bdun bcu'i dge slong gi dge 'dun chen po dang thabs gcig tu rim gyis
225a1 yul rgyu bas rgyu zhing rgyal po'i pho brang 'khor du byon par gyur te/ brtan pa'i blo gros de bzhin gshegs pa dgra bcom pa yang dag par rdzogs pa'i sangs rgyas rin po che mngon du 'phags pa'i 'od zer dge slong bye ba phrag bdun
225a2 bcu dang thabs gcig tu rim gyis yul rgyu ba rgyu zhing rgyal po'i pho brang 'khor du byon nas de rgyal po'i pho brang 'khor de'i bskyed mos tshal zhig na bzhugs so zhes rgyal po ma smad pa'i bsod nams dbang phyug gis thos so/ /brtan
225a3 pa'i blo gros de nas rgyal po ma smad pa'i bsod nams dbang phyug de de bzhin gshegs pa rin po che mngon du 'phags pa'i 'od zer ga la ba der song ste phyin nas/ bcom ldan 'das de'i zhabs la phyag 'tshal te phyogs gcig tu 'dug go/ /
225a4 brtan pa'i blo gros de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che mngon du 'phags pa'i 'od zer gyis rgyal po de'i bsam pa thugs su chud nas byang chub sems dpa'i sde snod kyi
225a5 chos kyi rnam grangs sems can thams cad kyi the tshom gcod pa de yang dag par rab tu bstan to/ /des de thos nas yi rangs shing rab tu dga' bar gyur te/ dga' ba dang yid bde ba skyes par gyur to/ /de nas de 'di snyam du sems
225a6 te/ de bzhin gshegs pa rin po che mngon du 'phags pa des longs spyad pa'i phyir rang gi bskyed mos tshal de shin tu legs par brgyan la bdag gis legs par dbul gor ma chag go snyam nas brtan pa'i blo gros longs spyad par bya ba'i phyir rgyal
225a7 po des bskyed mos tshal de phul lo/ /gtsug lag khang bye ba phrag bdun bcu dang 'chag sa bye ba phrag bdun cu yang byed du bcug go/ /khri'u bye ba phrag bdun bcu yang byed du bcug go/ /kun dga' ra ba bye ba phrag bdun bcu yang
225a8 rim gro ba dag dang bcas par phul te phul nas kyang bcom ldan 'das de ga la ba der song ste phyin nas/ de bzhin gshegs pa de la 'di skad ces gsol to/ /bcom ldan 'das kyis bdag la thugs brtse ba'i slad du dge slong gi
225b1 dge 'dun dang thabs gcig tu sang gdugs tshod la gshegs par gnang bar mdzad du gsol/ brtan pa'i blo gros de nas rgyal po des bcom ldan 'das de cang mi gsung bar gyur pas gnang bar rig nas/ zhabs la phyag
225b2 'tshal te song nas de'i mtshan mo 'khor los bsgyur ba'i zas lta bu mang ba dang bsod pa g.yos byed du bcug nas/ de'i mtshan mo 'das pa dang bcom ldan 'das de'i thad du song nas gdugs tshod la bab pa gsol to/ /brtan
225b3 pa'i blo gros de nas de bzhin gshegs pa dgra bcom pa yang dag par rdzogs pa'i sangs rgyas rin po che mngon du 'phags pa'i 'od zer de snga dro'i dus kyi tshe sham thabs dang chos gos mnabs/ lhung bzed bsnams te dge slong gi dge 'dun
225b4 gyis mdun du bdar nas rgyal po ma smad pa'i bsod nams dbang phyug gi khyim ga la ba der gshegs te byon nas gdan bshams pa la bzhugs so/ /dge slong de dag kyang stan ji ltar bshams pa la 'khod do/ /brtan pa'i blo gros
225b5 de nas rgyal po ma smad pa'i bsod nams dbang phyug gis bcom ldan 'das de bzhugs pa dang / dge slong gi dge 'dun 'khod par rig nas rang gi lag gis gus par byas te/ mang zhing bsod pa'i zas ji ltar bsdogs pas
225b6 tshim par byed cing bstabs so/ /des bcom ldan 'das de la rang gi lag gis gus par byas te tshim par byas shing bstabs nas/ gsol zin cing sder gyu phyag bcabs par rig nas/ bcom ldan 'das dang dge slong gi dge
225b7 'dun la so sor chos gos gsum gsum sku lus la gsol to/ /bcom ldan 'das dang dge slong gi dge 'dun de la sku lus la gsol te/ gser gyi ril ba b+h+ring ga ra thogs nas bcom ldan 'das de ga la ba der song ste phyin nas/
225b8 bcom ldan 'das kyi phyag du chu phul te gsol pa/ bcom ldan 'das bcom ldan 'das la bskyed mos tshal 'di dang gtsug lag khang 'di dag dang / 'chag sa 'di dag dang / gzims cha 'di dag dang / khri'u 'di dag dang /
226a1 kun dga' ra ba 'di dag 'bul lags so/ /rim gro dang bsnyen bkur bgyi ba'i slad du bdag nyid kyang 'bul lags so/ /brtan pa'i blo gros de nas rgyal po des de'i rjes la de bzhin gshegs pa de la rim gro dang
226a2 bsnyen bkur byas shing chos mnyan pa'i phyir yang nyin gcig bzhin du gus par byas nas song ngo / /brtan pa'i blo gros de nas rgyal po ma smad pa'i bsod nams dbang phyug des bcom ldan 'das de la bskal pa phyed du rim gro byas shing /
226a3 de bzhin gshegs pa de la gnas dang gnas ma yin pa dag kyang yongs su dris so/ /de yang yongs su 'dri zhing / bcom ldan 'das de yang lan ldon pa na sems can grangs med dpag tu med pa'i don byas so/ /brtan pa'i blo gros
226a4 de'i tshe de'i dus na rgyal po ma smad pa'i bsod nams dbang phyug ces bya ba byung ba de gzhan zhig yin pa snyam du khyod som nyi 'am yid gnyis za bar gyur na/ khyod kyis de ltar blta bar mi bya'o/ /de ci'i phyir zhe na/ brtan pa'i blo gros
226a5 rgyal po ma smad pa'i bsod nams dbang phyug ces bya ba byung ba de khyod nyid yin pa'i phyir ro/ /brtan pa'i blo gros ngas ni 'das pa'i dus na chos kyi rnam grangs de nyid yongs su dri ba'i phyir gang la khyod kyis bla na med pa'i rim gro dang bsnyen bkur byas
226a6 pa'i sangs rgyas stong tshang ba byung bar mngon par shes so/ /brtan pa'i blo gros gang yang khyod kyis chos kyi sgo sgrub pa smras pa de dang / ji ltar chos kyi sgo mngon par sgrub pa khyod la bstan par bya'o/ /brtan pa'i blo gros de la chos kyi sgo
226a7 zhes bya ba ni gnas dang gzhi rnams yin te/ de dag ni sems pa med pa/ mtshan ma med pa/ rtsol ba med pa/ dag pa/ rnam par dag pa/ yongs su dag pa/ brjod du med pa/ yi ge med pa/ yi ge las rnam par
226a8 log pa/ bstan du med pa dag yin no/ /brtan pa'i blo gros yang chos ni snang bar mi 'gyur zhing / chos ni shes pas rnam par rig par bya ba ma yin no/ /brtan pa'i blo gros yang chos kyi sgo zhes bya ba ni de bzhin gshegs pas mdzad pa
226b1 gang gis mya ngan las 'das pa rab tu mkhyen pa ste/ ji ltar rab tu mkhyen pa dang / gang gis rab tu mkhyen pa de ni ngas rnam par rig par bya mi nus so/ /brtan pa'i blo gros chos de dag ni rnam par rig par bya ba ma yin zhing gdags pa
226b2 ma yin pa dag go/ /brtan pa'i blo gros yang gang la lar gdags pa'i lam de ni chos kyi sgo yin no/ /brtan pa'i blo gros chos thams cad ni ro gcig pa'i phyir rgya mtsho'i rgyas btab pa yin no/ /brtan pa'i blo gros chos thams cad ni
226b3 mi zad pa'i mu can yin zhing mi zad pa'i mtha' can yin pa'i phyir zad mi shes pa yin no/ /brtan pa'i blo gros chos thams cad ni gang ba dang bri ba med pas mi zad pa nyid du gyur pa ste/ des na de bzhin gshegs pa ni zad mi shes pa'i
226b4 sgo sgrub pa yang 'dogs par mdzad do/ /ston par mdzad/ rab tu 'jog par mdzad do/ /chos thams cad ni a zhes bya ba'i sgo can te/ a zhes bya ba la 'jug pa ni rnam pa med pa'i sgo gdags pa'i bshad pa'i gnas so/ /de mngon
226b5 par bsgrub pa ni mtshams sbyor bar byed pa'o/ /de la mtshams sbyor ba'i yi ge dag gis a zhes bya ba ma byas te/ de'i phyir chos ni a zhes bya ba zhes bya'o/ /de ni a zhes bya bas rnam par rig par byed cing / rnam par rig pa de
226b6 yang de'i mtshams sbyor ba'i tshig dang yi ge dag dang ldan par yongs su rdzogs par byed do/ /des na de bzhin gshegs pas 'di skad du chos thams cad ni a zhes bya ba'i sgo can no zhes gsungs so/ /sgo de gang dag gi yin pa'i chos de dag
226b7 kyang gang zhe na/ brtan pa'i blo gros chos de dag ni ma byas pa'o/ /ma byas pa ni rnam par rig pa ma yin pas ma btags pa rnam par rig pa ma yin par rnam par rig pa brjod du med par brjod pa/ mngon par brjod du med par mngon par
226b8 brjod pa/ zad mi shes par zad pa dag go/ /brtan pa'i blo gros de ltar na a zhes bya ba ni chos thams cad kyi las byed pa yin no/ /rigs kyi bu 'am rigs kyi bu mo sgo gang la zhugs pas ye shes zad mi shes shing / spobs pa zad
227a1 mi shes par 'gyur ba'i sgo de ni a zhes bya ba'i sgo'o/ /brtan pa'i blo gros mi zad pa ni zad pa las 'das pa'o/ /brtan pa'i blo gros gang la gdags pa med/ rnam par rig pa med pa ni zad pa yin te/ gang dag rnam par
227a2 rig pa ma yin par rnam par rig par byas pa de dag ni rnam par rig par byas pa ma yin zhing / gang dag btags pa de dag ni ma btags pa ste/ brtan pa'i blo gros des na sgo de ni zad pa zhes bya'o/ /sgo de gang gi yin zhe na/ chos de dag
227a3 gi sgo'o/ /gang dag gi zhe na gang dag de bzhin gshegs pas ma brnyes ma dmigs pa'o/ /brtan pa'i blo gros sgo zhes bya ba ni phyir mi ldog pa ste/ 'jug pa de ni chos thams cad kyi yin no/ /mngon par brjod pa thams cad kyang
227a4 mngon par brjod du med pa yin/ ngag thams cad kyang mi zad pa'i ngag yin/ ngag thams cad kyang de bzhin gyi ngag yin/ gzhan ma yin pa'i ngag yin/ rnam par rig pa thams cad kyang rnam par rig pa ma yin pa yin te/
227a5 brtan pa'i blo gros 'di ni rdo rje'i tshig go/ /ci'i phyir rdo rje'i tshig ces bya zhe na/ gang la yang nam yang dbyer med cing gang la yang dbyer med pa de la byed pa po gang yang med la/ gang la byed pa po gang yang med pas des na rdo rje'i tshig ces bya'o/ /
227a6 chos thams cad ni las med pa ste/ gang las med pa nyid de la ni rnam par smin pa gang yang med la/ gang la rnam par smin pa gang yang med pas des na chos thams cad ni las med pa rnam par smin pa med pa zhes bya'o/ /chos kyi phyag
227a7 rgya de ni gang la lar de bzhin gshegs pas las kyi rnam par smin pa bstan pa de'i tshe na chos kyi phyag rgya des bstan pa'o/ /phyag rgya de ni ma byas pa dang dbyer med par khong du chud par bya'o/ /brtan pa'i blo gros rigs kyi bu 'am/ rigs
227a8 kyi bu mo las kyi rnam par smin pa la 'jug par 'dod pas ni de ltar 'jug par bya'o/ /brtan pa'i blo gros chos thams cad ni nam mkha' la 'jug pas 'ong ba med pa/ 'gro ba med pa yin no/ /brtan pa'i blo gros de bzhin gshegs pas
227b1 ni sgo de la brten nas sems can rnams kyi 'chi 'pho dang skye ba rab tu mkhyen to/ /brtan pa'i blo gros rigs kyi bu 'am/ rigs kyi bu mo 'chi 'pho dang skye ba la 'jug par 'dod pas ni phyag rgya de la 'jug par bya'o/ /brtan pa'i blo gros 'di
227b2 ni chos rnams kyi yi ge med pa'i phyag rgya yin no/ /gdags pa med pa'i phyag rgya yin no/ /brtan pa'i blo gros de bzhin gshegs pa dgra bcom pa yang dag par rdzogs pa'i sangs rgyas kyis ji tsam du mngon par brjod pa thams cad ni phyag
227b3 rgya des mngon par brjod par mdzad cing phyag rgya de nyid mngon par brjod par mdzad do/ /brtan pa'i blo gros lus thams cad ni de bzhin gshegs pa'i sku'o/ /de ci'i phyir zhe na/ 'di ltar sku de ni lus kyi sku yin zhing de bzhin gshegs pa
227b4 ni phyag rgya des sems can rnams kyi lus mngon par sgrub pa ston par mdzad pa'i phyir ro/ /brtan pa'i blo gros phyag rgya gang gis btab pa'i lus kyi phyag rgya de ni lus thams cad kyi gdags pa'o/ /brtan pa'i blo gros gang la lar lus
227b5 mngon par bsgrub pa de thams cad ni phyag rgya des btab pa yin zhing de bzhin gshegs pa ni phyag rgya de nyid mngon par sgrub par mdzad do/ /brtan pa'i blo gros chos thams cad ni 'jug pa med pa'i phyir sgo med pa yin no/ /brtan pa'i
227b6 blo gros chos thams cad ni 'gro ba med pa'i phyir 'jug pa med pa yin no/ /brtan pa'i blo gros chos thams cad ni 'jug pa med pa nyid kyi phyir 'gro ba med pa yin no/ /brtan pa'i blo gros de bzhin gshegs pa ni gang dang gang nas chos ston
227b7 pa de dang de nas chags pa med pa'i mu dang ldan pa kho na dag ston par mdzad cing sems can thams cad kyi mu de nyid kyang rab tu mkhyen te/ mu de ni de lta bu yin no/ /brtan pa'i blo gros chags pa med pa'i mu zhes bya ba ni mtha' yas pa'i mu ste/
227b8 sems can thams cad ni ya ma rla'i mur bstan pas de lta bu'i mu can yin no/ /brtan pa'i blo gros gang du chos thams cad kyi sgo mu'i sgo des mu'i sgo yin pa de thams cad ni chos kyi phung po yin la chos kyi phung po yang phung po med pa ste/
228a1 de ltar phung po de dag ni phung po med pa yin zhing phung po de dag ni chos kyi phung po yang yin no/ /brtan pa'i blo gros de bzhin gshegs pa ni gang dang gang nas phung po dag ston pa de dang de nas chos kyi phung po'i sgo mu des ston par mdzad do/ /
228a2 gzugs kyi phung po dang / tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po ste phung po rnams ni phung po med pa yin no/ /'di ni phung po rnams kyi rnam pa'i sgo bstan pa'o/ /de skad ces
228a3 bka' stsal pa dang / bcom ldan 'das la byang chub sems dpa' sems dpa' chen po brtan pa'i blo gros kyis 'di skad ces gsol to/ /bcom ldan 'das chos rnams kyi 'jug pa de ni zab lags so/ /bcom ldan 'das kyis bka'
228a4 stsal pa/ brtan pa'i blo gros de bzhin gshegs pa ni 'di snyam du 'di ni zab pa'o/ /'di ni gsal ba'o snyam du mi dgongs te/ brtan pa'i blo gros de bzhin gshegs pa ni cung zad cig ston par mdzad do/ /gsol pa/ ji ltar byis pa
228a5 rnams kyis bzung ba de ltar ni ston par mi mdzad kyi ji ltar mkhas pa rnams kyis kun 'tshal ba de ltar gsung ste/ de bzhin gshegs pa ni de ltar chos ston par mdzad lags so/ /brtan pa'i blo gros de bzhin gshegs pa ni ji ltar rab tu shes
228a6 pa de ltar ston par mi byed/ 'dogs par mi byed/ rab tu 'jog par mi byed do/ /de ci'i phyir zhe na/ brtan pa'i blo gros chos thams cad ni de ltar mkhas pa rnams kyis kun shes pa yin zhing / ji ltar byis pa rnams kyis
228a7 bzung ba de ltar ni yi ge'i rnam par rig pa yin la/ yi ge de dag kyang yi ge med pa yin pas bstan pa med pa'i phyir ro/ /gzhan yang bcom ldan 'das kyis brtan pa'i blo gros la bka' stsal pa/ brtan pa'i blo gros chos thams
228a8 cad ni nyi ma'i dkyil 'khor gyi snang ba yin no/ /brtan pa'i blo gros gang dang gang nas chos la tshul bzhin du so sor rtog pa de dang de nas mtha' yas pa'i mu can kho nar snang ste/ de ltar de dag ni chos kyi snang ba yin no/ /brtan pa'i
228b1 blo gros chos thams cad ni kun nas snang ba dang sgrib pa med pa'i phyir 'od gsal ba yin no/ /brtan pa'i blo gros chos thams cad ni gang gis kyang ma bsgribs pa'i phyir sgrib pa med pa yin no/ /brtan pa'i blo gros chos thams cad ni bla gab med
228b2 pa dang mtshungs pa'i phyir ma bsgribs pa yin no/ /brtan pa'i blo gros gang na gnyis gdags pa dang gnyis 'dzin pa de la de bzhin gshegs pa'i spyan sgrib pa med pa 'jug go/ /brtan pa'i blo gros de bzhin gshegs pas mig gang gis chos thams cad
228b3 rab tu shes shing ji ltar rab tu shes de da ltar sgrib pa med par rab tu shes pa 'di ni mig gi chos yin no/ /brtan pa'i blo gros rigs kyi bus gang la brten nas don la nges par rtog pa'i brjod pa 'byung ba dang / zab mo bstan pa'i brjod pa 'byung
228b4 ba dang / ma chags pa'i brjod pa 'byung ba'i chos thams cad kyi sgo de ni sgrib pa med pa'i sgo yin no/ /gzhan yang bcom ldan 'das kyis byang chub sems dpa' brtan pa'i blo gros la bka' stsal pa/ brtan pa'i blo gros chos thams
228b5 cad ni chags pa med cing chags pa dang bral ba'i phyir rdul dang bral ba yin no/ /brtan pa'i blo gros chos thams cad ni phan 'dogs pa med pa'i tshul gyis yongs su ma bzung ba yin no/ /brtan pa'i blo gros chos thams cad ni dngos po
228b6 dmigs su med pas mtha' yas mu med pa yin no/ /brtan pa'i blo gros gang dang gang du yi ge'i bstan pa ston pa de dang der ni chos thams cad yi ge med pa kho nar ston pa yin no/ /brtan pa'i blo gros chos de dag gi mtha' thug pa med pa
228b7 dang / mthar thug pa med pa bstan pas ji ltar su zhig yi ge med pa'i sgo de la 'jug ste/ 'di ni de'i 'jug pa yin no/ /'jug pa de ni chos gang gi yang 'jug pa ma yin no/ /brtan pa'i blo gros de bzhin gshegs pas ni ting nge
228b8 'dzin gyi sgo sgrub pa gsungs te/ ting nge 'dzin gyi sgrub pa yang gang zhe na/ brtan pa'i blo gros chos thams cad bkod pa tshul gcig pa zhes bya ba'i ting nge 'dzin yod do/ /bkod pa du ma zhes bya ba'i ting nge 'dzin yod do/ /
229a1 de la bkod pa gcig pa zhes bya ba'i ting nge 'dzin gang zhe na/ brtan pa'i blo gros 'di la byang chub sems dpa' sems dpa' chen pos 'jig rten gyi khams ga ge mo zhes bya ba na de bzhin gshegs pa che ge mo zhes bya ba
229a2 chos ston to/ /zhes de bzhin gshegs pa gcig gi mtshan thos par byed do/ /de de bzhin gshegs pa de'i mtshan thos nas mtshan ma'i sgo nas legs par 'dzin par byed/ mtshan ma'i rnam pa mdun du byed/ mngon du
229a3 byed do/ /de de bzhin gshegs pa byang chub kyi snying po mchog na bzhugs pa 'am/ bla na med pa yang dag par rdzogs pa'i byang chub mngon par rdzogs par sangs rgyas pa 'am/ chos kyi 'khor lo bskor ba 'am/ nyan thos
229a4 kyi tshogs kyis yongs su bskor ba 'am/ chos ston pa 'ba' zhig dran pa rnam par mi g.yeng ba dang / dbang po mi rgod pa dag dang / yid phyi rol tu ma song bas yid la byed do/ /de de bzhin gshegs pa de'i mtshan
229a5 ma rjes su dran pas 'jig rten gyi khams la dmigs pa mdun du byed do/ /de de bzhin gshegs pa la dmigs pa dang / 'jig rten gyi khams la dmigs pa yang 'di lta ste/ dmigs pa med pa nyid kyis dmigs pa
229a6 gcig pa nyid du rtogs par byed do/ /de de ltar gnas shing sbyor ba de rjes su mi gtong bas de bzhin gshegs pa'i sku mngon du 'gyur ro/ /de chos ston pa yid la byed pas zab pa dang / gsal ba dang / don dang tshig
229a7 'bru'i sgo nas ji lta ji ltar mos pa de lta de ltar yang mdun du byed do/ /de ting nge 'dzin de la gnas nas dngos po thams cad rnam par 'jig pa nyid kyis de bzhin gshegs pa'i chos bstan pa nyan par byed do/ /de chos bstan pa de dag
229a8 kun len par byed cing 'dzin par byed do/ /blangs shing bzung nas kyang ting nge 'dzin de las langs nas 'khor bzhi po dag la chos ston te/ 'jug pa de dang dmigs pa de ni 'di lta ste/ bkod pa gcig pa'i ting nge 'dzin mngon par
229b1 sgrub pa yin no/ /brtan pa'i blo gros gzhan yang byang chub sems dpa' ni yang dmigs pa de nyid rnam par 'jig par byed cing / bdag nyid kyi lus kyang rnam par 'jig par byed do/ /de dngos po thams cad rnam par 'jig
229b2 pa nyid kyis bkod pa gcig pa'i ting nge 'dzin la 'jug par byed do/ /de de las langs nas kyang yang 'khor bzhi po dag la chos ston par byed de/ brtan pa'i blo gros 'di yang bkod pa gcig pa'i ting nge 'dzin mngon par sgrub pa yin no/ /
229b3 brtan pa'i blo gros gzhan yang byang chub sems dpa' ni de bzhin gshegs pa'i sku la dmigs pa de nyid la 'di ltar so sor rtog par byed do/ /de bzhin gshegs pa'i sku de ga las 'ongs/ bdag kyang gang du song zhig gu snyam
229b4 nas/ de de bzhin gshegs pa yang ma 'ongs par rab tu shes shing / bdag nyid kyang ma song bar rab tu shes so/ /de 'di snyam du sems te/ chos thams cad ni 'ongs pa med pa'o/ /'gro ba med pa'o snyam mo/ /
229b5 de de ltar gnas shing de ltar brtson pas ring po mi thogs par chos kyi mig sgrib pa med pa thob bo/ /chos kyi mig sgrib pa med pa de thob nas de bzhin gshegs pa yin te/ chos kyi sgo gang gis ma chags pa'i spobs pa nyid
229b6 'thob pa'i chos kyi sgo mngon du byed do/ /de chos kyang ston par byed la chos de dag kyang yang dag par rjes su mi mthong ngo / /brtan pa'i blo gros 'di lta ste/ dper na 'das pa'i dus la de bzhin gshegs pa'i ye shes ma chags
229b7 pa 'jug kyang lus rnams la de bzhin gshegs pa'i ye shes thogs pa yang med do/ /'das pa'i dus la dmigs pa'i sgo nas de bzhin gshegs pa'i ye shes kyang mi 'jug cing 'das pa'i dus la de bzhin gshegs pa'i
229b8 ye shes mi 'jug kyang / 'das pa'i dus la de bzhin gshegs pa ni ye shes mnga' ba nyid de 'das pa'i dus la de bzhin gshegs pa'i dmigs pa'i lus rjes su 'jug pa yang ma yin no/ /ma 'ongs pa dang /
230a1 da ltar byung ba la yang de dang 'dra'o/ /brtan pa'i blo gros de bzhin du byang chub sems dpa' de ni bkod pa gcig pa'i ting nge 'dzin de la gnas nas chos kyang ston par byed la/ chos de dag kyang yang dag par rjes
230a2 su mi mthong ngo / /de shin tu bsgoms pas ting nge 'dzin de la gnas nas 'jig rten gyi khams gang na bzhugs par 'gyur zhing / byang chub kyi snying po na bzhugs pa 'am/ bla na med pa yang dag par rdzogs pa'i byang chub
230a3 mngon par rdzogs par 'tshang rgya ba 'am/ chos kyi 'khor lo bskor ba 'am/ chos ston pa'i de bzhin gshegs pa gnyis pa yid la byed/ dmigs par byed/ mngon du byed do/ /de de bzhin gshegs pa'i chos bstan pa
230a4 de yang kun len par byed/ 'dzin par byed do/ /de de bzhin gshegs pa la dmigs pa snga ma de yang dmigs par byed cing / de bzhin gshegs pa la dmigs pa 'di yang gtong bar mi byed do/ /de chos ston pa'i
230a5 de bzhin gshegs pa de gnyi ga dmigs par byed/ mngon du byed de/ brtan pa'i blo gros 'di yang bkod pa gcig pa'i ting nge 'dzin mngon par bsgrub pa yin no/ /brtan pa'i blo gros gzhan yang byang chub sems dpa' ni
230a6 de bzhin gshegs pa la dmigs pa gcig legs par kun bzung zhing legs par brtags la/ legs par byang bar byas nas de bzhin gshegs pa ji snyed 'dod pa de snyed yid la byed do/ /brtan pa'i blo gros 'di lta ste/
230a7 dper na lus kyi skye mched dag la dge slong dbang du gyur pa de dmigs pa sngon po yid la byed do/ /de thams cad kyang gang ci yang rung ba thams cad dmigs pa sngon po kho nar mos par byed de/ sngon po kho na yin pa ma
230a8 gtogs par de la dmigs pa ci yang mngon du mi 'gyur ro/ /de 'gro ba thams cad sngon po kho nar mos par byed cing byin gyis rlob par byed la/ sngon po kho nar mngon du byed do/ /nang dang phyi'i chos rnams la de'i shes
230b1 pa sngon po'o snyam du 'jug cing / de la de ni dbang du gyur pa yang yin no/ /brtan pa'i blo gros de bzhin du byang chub sems dpa' de ni 'jig rten gyi khams gang dang gang na de bzhin gshegs pa ji snyed bzhugs pa thos par
230b2 gyur pa'i 'jig rten gyi khams rnams dang de bzhin gshegs pa'i de dag kyang yid la byed do/ /de de bzhin gshegs pa la dmigs pa'i yid la byed pa shin tu legs par brtags pa shin tu nges par bya ba des 'gro ba thams cad ni de bzhin
230b3 gshegs pa'o/ /sangs rgyas so/ /rang byung ngo zhes byin gyis rlob par byed do/ /de de bzhin gshegs pa la dmigs pa'i yid la byed pa de shin tu yid la byed pas dmigs pa thams cad ni 'di lta ste/ de bzhin gshegs
230b4 pa sngon du 'gyur ba'i dmigs pa gcig tu byin gyis rlob par byed do/ /de de bzhin gshegs pa las dmigs pa'i dngos po gzhan ci yang yang dag par rjes su mi mthong ngo / /gzhan du na sangs rgyas nyag gcig ma gtogs te/
230b5 brtan pa'i blo gros 'di yang bkod pa gcig pa'i ting nge 'dzin mngon par sgrub pa yin no/ /gsol pa/ bcom ldan 'das ting nge 'dzin de'i mngon par sgrub pa de gang lags/ bka' stsal pa/ 'di lta ste/ de bzhin gshegs
230b6 pa thams cad la dmigs pa'i sems rtse gcig pa nyid mi gtong ba ste/ brtan pa'i blo gros 'di ni bkod pa gcig pa'i ting nge 'dzin mngon par sgrub pa yin no/ /brtan pa'i blo gros yang gang dmigs pa gcig gis chos thams cad
230b7 rtogs pa ni thams cad kyi chos nyid kyang yin te/ brtan pa'i blo gros 'di ni bkod pa gcig pa'i ting nge 'dzin ces bya'o/ /byang chub sems dpa' ni ting nge 'dzin de la gnas nas ngag thams cad ni de bzhin gshegs pa'i ngag go/ /
230b8 lus thams cad ni de bzhin gshegs pa'i sku'o snyam du de ltar 'jug par byed cing / de ltar mos par byed do/ /brtan pa'i blo gros gzhan yang byang chub sems dpa' ni de bzhin gshegs pa gnyis dang / gsum dang /
231a1 bzhi dang / lnga dang / bcu dang / brgya'i bar dang / 'bum gyi bar gyi mtshan dag nyan par byed cing / de dag thams cad dus gcig tu mngon du byed yid la byed do/ /de bzhin gshegs pa de dag gi sangs
231a2 rgyas kyi zhing gi bkod pa dang nyan thos kyi bkod pa de dag thams cad kyang mngon du byed/ yid la byed do/ /de bzhin gshegs pa de dag gi gzugs phun sum tshogs pa dang / mtshan phun sum tshogs pa dang / mdog phun sum
231a3 tshogs pa dang / sku phun sum tshogs pa dang / chu zheng phun sum tshogs pa yang mngon du byed/ yid la byed/ mdun du byed do/ /skyes bu chen po'i mtshan re re'i mtshan ma yang 'dzin par byed do/ /ma rmongs par
231a4 rnam par gshegs pa'i mtshan ma dang / seng ge'i rnam par bsgyings pa'i mtshan ma dang / spyi gtsug bltar mi mthong ba'i mtshan ma dang / 'od 'dom gang gi mtshan ma yang 'dzin par byed do/ /'od 'dom gang po de yang 'od mtha'
231a5 yas pa nyid du mos par byed de byin gyis rlob par byed do/ /'od mtha' yas pa nyid kyang kun tu shes so/ /sangs rgyas kyi zhing mtha' yas pa nyid kyang 'dzin par byed do/ /sangs rgyas kyi zhing gi bkod pa dpag tu med pa yang byin gyis
231a6 rlob par byed/ mos par byed cing kun tu shes so/ /nyan thos kyi bkod pa mtha' yas pa yang kun tu shes shing mos par byed/ byin gyis rlob par byed do/ /de yang 'di ltar so sor rtog par byed de de bzhin gshegs
231a7 pa de dag ga las 'ongs bdag kyang gang du song zhig gu snyam nas/ de de bzhin gshegs pa dang bdag nyid kyi ma 'ongs pa nyid dang / ma song ba nyid la 'jug par byed cing kun tu shes la mos par byed do/ /de 'di snyam du sems
231a8 te/ 'di la de bzhin gshegs pa zhes bya ba'i chos gang yang med do/ /bdag ces bya ba'i chos kyang gang yang med do snyam mo/ /de 'di ltar so sor rtog par byed de/ chos thams cad kyang de bzhin du 'gyur ro snyam mo/ /
231b1 de de ltar so sor rtog pas chos thams cad mtshan nyid gcig go snyam du mos par byed/ 'jug par byed do/ /de de ltar mngon par 'du byed pa med pa'i mtshan nyid kyis mtshan nyid dag ni chos rnams so snyam du 'jug par byed mos par
231b2 byed cing kun tu shes la byin gyis rlob par byed do/ /de chos thams cad mtshan nyid med pa nyid kyis mtshan nyid gcig par 'jug par byed do/ /brtan pa'i blo gros ji tsam du sangs rgyas du ma mngon par sgrub pa ni sems rtse gcig
231b3 pa nyid kyang yin te/ brtan pa'i blo gros 'di ni bkod pa gcig pa'i ting nge 'dzin mngon par sgrub pa yin no/ /gang sangs rgyas su mtshan nyid gcig pa dang mtshan nyid med par mngon par sgrub pa 'di ni bkod pa gcig pa'i ting nge
231b4 'dzin ces bya'o/ /de ting nge 'dzin de la gnas nas de bzhin gshegs pa ma yin pa'o snyam du gang ci yang kun tu mi shes so/ /chos ma yin pa'o snyam du gang ci yang kun tu mi shes so/ /nyan thos ma yin pa'o snyam du gang ci yang
231b5 kun tu mi shes so/ /nyan thos so snyam du yang mi dmigs so/ /chos bstan pa ma yin pa'o snyam du gang ci yang kun tu mi shes so/ /chos bstan pa yang mi dmigs so/ /dmigs pa ma yin pa'o snyam du gang ci yang kun
231b6 tu mi shes so/ /dmigs pa yang mi dmigs so/ /sangs rgyas kyi zhing ma yin pa'o snyam du gang ci yang kun tu mi shes so/ /sangs rgyas kyi zhing yang mi dmigs so/ /'khor ma yin pa'o snyam du gang ci yang kun tu mi shes
231b7 so/ /'khor kyang mi dmigs so/ /spobs pa ma yin pa'o snyam du gang ci yang kun tu mi shes so/ /spobs pa yang mi dmigs so/ /rab tu brjod pa ma yin pa'o snyam du gang ci yang kun tu mi shes so/ /rab tu brjod pa
231b8 yang mi dmigs so/ /byin gyis rlob pa ma yin pa gang ci yang kun tu mi shes so/ /byin gyis brlabs kyang mi dmigs so/ /mos par mi byed pa gang ci yang med do/ /mos pa yang mi dmigs so/ /rlom sems mi
232a1 byed pa gang ci yang med do/ /rlom sems kyang mi dmigs so/ /sgom par mi byed pa gang ci yang med do/ /sgom pa yang mi dmigs so/ /rnam par mi 'byed pa gang ci yang med do/ /rnam par 'byed pa yang
232a2 mi dmigs so/ /gsal bar mi byed pa gang ci yang med do/ /gsal ba yang mi dmigs so/ /rab tu ston par mi byed pa gang ci yang med do/ /rab tu ston pa yang mi dmigs te/ brtan pa'i blo gros 'di ni gang byang chub
232a3 sems dpa' rnams kyi ye shes sgrib pa med pa mthong bar 'gyur ba'i chos thams cad kyi ting nge 'dzin mngon par sgrub pa zhes bya'o/ /'di la gang mig gi chags pa med pa nyid 'di ni ma chags pa nyid ces bya'o/ /gang chos de
232a4 lta bu dag la 'jug pa 'di ni chos kyi mig ces bya'o/ /byang chub sems dpa' gang gis spobs pa mtha' yas pa nyid rjes su 'thob par 'gyur ba de ni ting nge 'dzin yin no/ / bam po bcwa brgyad pa ste
232a5 tha ma/ de nas bcom ldan 'das la byang chub sems dpa' sems dpa' chen po brtan pa'i blo gros kyis 'di skad ces gsol to/ /bcom ldan 'das slad ma'i tshe slad ma'i dus na gang dag ting nge 'dzin de la snyoms par
232a6 'jug cing ting nge 'dzin des nges par 'byung la/ spobs pa mtha' yas pa yang thob par 'gyur ba'i byang chub sems dpa' sems dpa' chen po ji snyed cig 'byung bar 'gyur lags/ bka' stsal pa/ brtan pa'i blo gros phyi ma'i tshe phyi
232a7 ma'i dus lnga brgya pa tha ma la bab pa na/ gang las ting nge 'dzin de thob pa'i byang chub sems dpa' de ni ting nge 'dzin des nges par 'byung ba yin zhing / dge slong de'i spobs pa mtha' yas pa yin par de'i mtha' khong du chud
232a8 par bya'o/ /brtan pa'i blo gros gang khyod 'di skad du sems can gang dag ting nge 'dzin des nges par 'byung bar 'gyur ba de dag ji snyed cig 'byung bar 'gyur zhes zer ba ni brtan pa'i blo gros gang dag ting nge 'dzin de la sgom par byed cing /
232b1 yid gzhan du mi sems la lan mang du byed pa de dag ni ting nge 'dzin des nges par 'byung bar 'gyur zhing / spobs pa mtha' yas pa yang thob par 'gyur la/ de bzhin gshegs pa mi 'khrugs pa las spobs pa mtha' yas pa nyid du
232b2 bya ba'i phyir chos kyi sgo stong brgyad brgya thob par 'gyur te/ brtan pa'i blo gros 'di ni sgo gcig tu mtshams sbyor ba'i tshig yin no/ /brtan pa'i blo gros chos kyi sgo de dag thams cad po 'di ni rim par phye ba'i tshig yin no/ /brtan pa'i blo
232b3 gros de lta bas na sgo ni ci nas khong du chud par bya ba yin/ ci nas 'jug par bya ba yin/ ci nas bsgom par bya ba yin no/ /de mtshan mar byas nas de yongs su 'chad pa ni rtag tu bsgom par bya ba'o/ /de bzhin du dmigs pa
232b4 dag kyang bsgom par bya ba yin te/ las gcig po 'di ni sangs rgyas kyi sku yin no/ /sangs rgyas byang chub de ni sems kyis brtags/ /sems kyang gzugs med rang bzhin rnam par dag /dmigs pa rnams kyis rgya
232b5 cher gang gnas pa/ /dmigs pa gzhan dang gzhan la 'jug par 'gyur/ /sems kyi yongs gcod so sor shes nas su/ /de bzhin dmigs la'ang chos 'di thams cad ni/ /rnam par rtog las byung ba yin par shes/ /
232b6 gang du rtog mi skye ba de sgo yin/ /sems kyi 'gyur ba'i rang bzhin shes par 'gyur/ /de bzhin dmigs pa nyid kyang shes par 'gyur/ /'gro ba 'di kun gsob tu rab tu shes/ /rab tu shes pas dran pa rmongs mi 'gyur/ /
232b7 de ltar chos de rab tu shes pas na/ /de ni sangs rgyas sku mang sprul par byed/ /de ni sku la'ang cung zad chags mi 'gyur/ /de bzhin de ni 'gro ba stong par shes/ /dmigs pa yi ni mtshan ma bzung nas su/ /sems dang lus
232b8 kyi 'gyur ba mthob bar 'gyur/ /de phyir ting 'dzin de ni myur bsgom pas/ /de yi shes pa de ltar chos la zhugs/ /chos bstan pa yis rnam par 'phrul bar 'gyur/ /chos bstan tshe na nam yang rmongs mi 'gyur/ /mi rnams
233a1 kyi ni dge ba bskyed par 'gyur/ /ring po mi thogs chos de'ang thob par 'gyur/ /sgo'i tshig mngon par sgrub pa'i le'u ste bcu gsum pa'o// // brtan pa'i blo gros chos bzhi dang ldan na/ ting nge 'dzin de
233a2 sgrub pa dang gzhan dag la bstan par nus te/ bzhi gang zhe na/ ting nge 'dzin de thob par bya ba'i phyir brtson 'grus brtsams pa yin zhing brtson pa mi gtong ba yang yin/ nyin mtshan nyid du 'chag pa lhur len pas 'dug pa na byang chub
233a3 kyi snying po mchog na bzhugs pa'am/ chos kyi 'khor lo bskor ba'i de bzhin gshegs pa de dag mngon du byed cing chos la ser sna yang med pa yin/ chos kyi sbyin pa yang sbyin par byed cing bdag nyid dang chos nyan pa de dag de bzhin
233a4 gshegs pa'i sku dag tu byin gyis rlob par byed la rang gi lus rnam par 'jig par byed kyang / gang la yang mi gnas pa yin zhing mi gnas bzhin du chos ston par byed pa yin/ de gnas pa de lta bu dang spyod yul de lta bu dang / byin
233a5 gyi rlabs de lta bur byas nas stan de la 'dug par byed cing / 'dug nas kyang chos kyi sbyin pa sbyin par byed pa yin te/ de ting nge 'dzin de thob par 'gyur ro/ /brtan pa'i blo gros kha cig gis ni chos kyi sbyin pa sbyin par byed pa na
233a6 thob par 'gyur ro/ /kha cig gis ni phyis so/ /kha cig gis ni rtsom pa'i tshe'o/ /brtan pa'i blo gros chos gzhan bzhi dang ldan pas ting nge 'dzin de la sbyor bar bya ste/ brtan pa'i blo gros bzhi gang zhe na/ 'di la byang chub
233a7 sems dpa' khyim gyi gnas nas mngon par byung ba yin/ bas mtha'i gnas mal na gnas shing dgon pa dang rab tu dgon pa la mngon par dga' ba yin/ de sems can gyi spyod pa la 'jug pa dag la rjes su rnam par bltas
233a8 nas yul ji lta ba bzhin du gdams ngag dang rjes su bstan pa ston par byed pa yin/ byang chub sems dpa' mos pa ji lta ba rnams kyi spyod pa yang dag par rab tu shes pa yin no/ /brtan pa'i blo gros chos gzhan bzhi dang
233b1 ldan pa ni dge ba'i bshes gnyen du rig par bya ste/ bzhi gang zhe na/ tshar gcod pa'i tshig dang ldan pa nyid yin/ chos zab mo la sbyor bar byed pa nyid yin/ dus dus su gdams ngag gi tshig dang ldan pa nyid yin/ dus dus su yal
233b2 bar 'jog pa nyid yin te/ chos gzhan bzhi po de dag dang ldan pa ni dge ba'i bshes gnyen du rig par bya'o/ /de la 'di skad ces bya ste/ sa dang phyogs ni rab shes shing / /gang zag kyang ni rab tu shes/ /gang gis de dag myur
233b3 'byung ba'i/ /gdams ngag de la sbyin par byed/ /de la tshar gcad smra byed cing / /zab mo la yang sbyor bar byed/ /de la dus su 'doms byed cing / /dus su yal bar 'jog par byed/ /'byor pa ci zhig smras kyang rung / /lhag
233b4 par gleng bar byed kyang rung / /de la gzung ba yod ma yin/ /de bas dus su yal bar 'jog /brtan pa'i blo gros chos bzhi dang ldan pa ni dge ba'i bshes gnyen du rig par bya ste/ bzhi gang zhe na/ brtan pa'i blo gros 'di la dge ba'i
233b5 bshes gnyen ni mngon par 'byung ba la sbyor du 'jug pa yin/ don zab mo nges par sems pa la sbyor du 'jug pa yin/ bsam gtan gyi dmigs pa thams cad la ma chags pa nyid la sbyor du 'jug pa yin/ mtshan ma
233b6 med pa'i dmigs pa nyid la sbyor du 'jug pa yin te/ bzhi po de dag go/ /de la 'di skad ces bya ste/ rnam par dben pa'i dgon gnas dang / /mngon par 'byung la sbyor gzhug bya/ /de yi bsngags pa kun tu smra/ /dge ba'i
233b7 bshes gnyen de 'dra'o/ /zab mo nges pa'i chos rnams ni/ /dam pa'i don du sbyor bar bya/ /de ni bsam gtan rnams mi stong / /de dag bshes gnyen rab bzang yin/ /brtan pa'i blo gros chos bzhi dang ldan na/ ting nge 'dzin
233b8 de bsgom par nus te/ bzhi gang zhe na/ rang gi blo bor nas slob dpon gyi blos 'gro bar bya ba yin/ brtson 'grus yongs su chad pas mi brtsam par bya ba yin/ brtson pa mi gtong ba dang / dgon pa dang / rab tu dgon pa la
234a1 mngon par dga' bar bya ba yin/ bre mo gtam thams cad yongs su spang bar bya ba yin te/ brtan pa'i blo gros chos bzhi po de dag dang ldan pa'i byang chub sems dpas ni ting nge 'dzin de thob par nus so/ /brtan pa'i blo
234a2 gros gzhan yang chos bzhi dang ldan na/ ting nge 'dzin de thob par nus te/ bzhi gang zhe na/ legs par bzung ba'i de bzhin gshegs pa la dmigs pas tha na rmi lam du rmi ba la gnas kyang de bzhin gshegs pa mi spong ba yin/ legs par
234a3 bzung ba'i chos bstan pa la dmigs pas tha na rmi lam du rmi ba la gnas kyang chos bstan pa la dmigs pa mi spong ba yin zhing chos bstan pa la snyom las med pa yang yin/ dngos po thams cad rnam par 'jig pa nyid kyis chos zab mo la bzod
234a4 pa thob pa yang yin/ dben pa la gzhol ba nyid kyis mi gnas pa'i bsam gtan pa yang yin te/ brtan pa'i blo gros chos bzhi po de dag dang ldan pa'i byang chub sems dpas ni ting nge 'dzin de thob par nus so/ /de la 'di skad ces bya ste/
234a5 gal te dge ba'i bshes gnyen gyis/ /'di ltar rjes su 'thun 'doms byed/ /sangs rgyas rnams kyis bgrod bya ba/ /de mi spong bar nga smra'o/ /brtan pa'i blo gros chos bzhi dang ldan pa ni dge ba'i bshes gnyen du rig par bya ste/ bzhi gang zhe na/
234a6 dge ba la sbyor bar byed pa nyid yin/ sdig pa las zlog par byed pa nyid yin/ chos la yang rab tu gzhog par byed pa yin/ rjes su 'thun pa'i rjes su bstan pa yang sbyin par byed pa yin te bzhi po de dag go/ /de la 'di skad ces bya ste/
234a7 dge ba'i bshes gnyen rtag tu bsten par bya/ /gang dag sdig pa'i chos rnams zlog byed cing / /rgyal bas gnang ba'i chos ni ston byed pa/ /skyes mchog de 'dra de dag bsten par bya/ /gang las chos ni 'byung bar 'gyur ba yi/ /dpa' bo
234a8 dag ni rjes 'thun gdams ngag sbyin/ /ji ltar bstan pa bzhin du chos la gnas/ /chos la gnas nas kyang ni khyad par 'gro/ /gang dag bsten par bya ba'i chos rnams sten/ /gang dag bsten par bya ba'i chos rnams shes/ /rnam par spang bar
234b1 bya ba'ang rnam spangs nas/ /rgyal bas gnang ba'i chos rnams sten par byed/ /rang gi shes pas rab tu bstan pa'i phyir/ /byang chub sems dpa' gang zhig spobs 'dod pas/ /ting 'dzin de ni myur du bsgom par bya/ /dge ba'i bshes gnyen rjes
234b2 su 'brang bar bya/ /ji ltar bstan pa bzhin du yongs su spang / /chos ni gang yang rnam par spang mi bya/ /chos gang kho na thob par 'gyur ba yi/ /de nyid phan pa'i don du bstan par bya/ /bsam pa thams cad kyis ni bsgrub par bya/ /de yis
234b3 g.yo ni nges par bstan mi bya/ /dge ba'i bshes gnyen rtag tu bsten pa yis/ /de 'dra'i chos de don du gnyer bar bya/ /de phyir dge ba'i bshes gnyen bsten par bya/ /sdig pa'i grogs po yongs su spong bar bya/ /dge ba'i bshes gnyen las ni
234b4 thos pa 'byung / /de las ting 'dzin de yang myur du 'thob/ /brtan pa'i blo gros gzhan yang chos bzhi dang ldan pa'i dge ba'i bshes gnyen ni bsten par bya ba yin te/ bzhi gang zhe na/ gdams ngag kyang rab tu shes pa yin/ bsgom pa yang
234b5 rab tu shes pa yin/ gdams ngag gi skyon yang rab tu shes pa yin/ bsgom pa'i skyon yang rab tu shes pa yin te/ bzhi po de dag go/ /de la 'di skad ces bya ste/ gdams ngag dang ni de bzhin bsgom pa'ang shes/ /de la de bzhin bsgom
234b6 pa'i skyon dang ni/ /gdams ngag skyon yang rab tu shes nas su/ /skyon med chos kyis sbyor bar byed pa yin/ /brtan pa'i blo gros chos gzhan bzhi dang ldan pa ni dge ba'i bshes gnyen du rig par bya ste/ bzhi gang zhe na/ 'di lta ste/
234b7 sa yang rab tu shes pa yin/ yul yang rab tu shes pa yin/ gang zag kyang rab tu shes pa yin/ spyod pa yang rab tu shes pa yin no/ /ji ltar sa rab tu shes pa yin zhe na/ gang zag dang 'tshams sa ji lta ba bzhin du rab tu shes pa'o/ /
234b8 ji ltar gang zag rab tu shes pa yin zhe na/ spyad pas gang zag tu 'gyur ba ji lta ba de bzhin du rab tu shes pa'o/ /ji ltar spyod pa rab tu shes pa yin zhe na/ 'dod chags dang / zhe sdang dang / gti mug gi spyod pa dang rjes su 'thun pa'i chos
235a1 bstan pa la 'jug pa nges par bstan pas ni chags pa rnam par spong ba nyid kyi phyir chos gos gsum lhur len pa yin/ rab tu byung ba dang / khyim pa dag dang lhan cig ma 'dres pa yin zhing / rtsod pa rnam par spong ba dang /
235a2 zab mo la bzod pa dang / stong pa nyid kyi spyod yul ba yin te/ brtan pa'i blo gros chos bzhi po de dag dang ldan pa ni ting nge 'dzin de thob par 'gyur ba'i dge ba'i bshes gnyen du rig par bya'o/ /brtan pa'i blo gros byang chub sems dpa'
235a3 khyim pa chos bzhi dang ldan na ting nge 'dzin de thob par bya ba dang / ting nge 'dzin de la mngon par brtson par nus te/ bzhi gang zhe na/ brtan pa'i blo gros 'di la byang chub sems dpa' khyim pas ni bslab pa'i gzhi lnga gzung bar bya ba yin/
235a4 za gcig pa lhur len pas gtsug lag khang du gnas par yang bya ba yin/ mang du thos par yang bya ba yin/ don rnam par nges pa la mkhas pa dang / gang dag ting nge 'dzin de la gnas nas 'doms par byed pa'i dge ba'i bshes
235a5 gnyen la bsten par bya ba yin te/ brtan pa'i blo gros byang chub sems dpa' khyim pa chos bzhi po de dag dang ldan na ting nge 'dzin de thob par bya ba'i phyir sbyor bar bya'o/ /brtan pa'i blo gros chos gzhan bzhi dang ldan pas sbyor bar bya ste/
235a6 bzhi gang zhe na/ chos thams cad la mi gnas pas ting nge 'dzin de thob par bya ba'i phyir tshul khrims kyi phung po yongs su dag pa dang / 'tsho ba yongs su dag pa dang / 'gyod pa med par gyur nas lus dang srog la yang mi lta bar bya
235a7 ba yin/ chos nyan du 'jug pa la yang ston pa'i 'du shes su bya ba yin/ de bzhin gshegs pa'i sku yang mngon du bya ba yin/ ser sna med pa yang bya ba yin no/ /brtan pa'i blo gros chos bzhi po 'di dag ni ting nge 'dzin de thob par bya ba'i
235a8 phyir theg pa chen po la yang dag par zhugs pa rnams la phan 'dogs par gyur pa yin te/ bzhi gang zhe na/ lus la lus kyi rjes su blta bar bya'i lus dang ldan pa'i rtog pas brtag par mi bya ba yin/ tshor ba rnams la tshor ba'i rjes su
235b1 lta bar gnas par bya'i tshor ba dang ldan pa'i rtog pas brtag par mi bya ba yin/ sems la sems kyi rjes su blta bar gnas par bya'i sems dang ldan pa'i rtog pas brtag par mi bya ba yin/ chos la chos kyi rjes su blta bar bya'i chos
235b2 dang ldan pa'i rtog pas brtag par mi bya ba yin te/ brtan pa'i blo gros chos bzhi po de dag ni ting nge 'dzin de thob par bya ba'i phyir theg pa chen po la yang dag par zhugs pa rnams la phan 'dogs par gyur pa yin no/ /de la 'di skad ces bya ste/
235b3 gang dag nga yis rtag bsngags pa/ /dran pa nyer gzhag rnam sgom byed/ /dge slong gi ni spyod yul te/ /ting 'dzin de ltar thob par 'gyur/ /lus ni mi rtag sgom par byed/ /lus la yang ni gnas pa min/ /mi gnas pa yi sems kyis su/ /
235b4 ting 'dzin de ltar thob par 'gyur/ /rdzu 'phrul rkang bzhi so so rig pa bzhi/ /chos de btsal bas chos kyi ser sna med/ /tshul khrims phung por gnas nas bshes bzang bsten/ /ting 'dzin de btsal ston pa'i 'du shes sgom/ /de ni dkar
235b5 po mang po'i rigs/ /de ni thos pa'i 'byung gnas yin/ /de bzhin bdud ni sel bar byed/ /de la rab tu sbyor bar bya/ /de ni de yi mig gi mchog /chos kyi mig ni bla na med/ /chos bstan pas ni su la yang / /de la sgrib par 'gyur ma
235b6 yin/ /de ni mdo sde'i lung yin zhing / /mang du thos pa'i lung yang yin/ /de las nga yi byang chub byung / /de phyir de la bsten par bya/ /gang dag nga yis stobs bcu dang / /so so yang dag rig bzhi bshad/ /kun kyang 'di las
235b7 nges par byung / /de phyir de la bsten par bya/ /gang gis thob cing cir 'gyur ba'i/ /ting nge 'dzin ni sangs rgyas bstan/ /spobs pa de ni bshad pa yis/ /zad par 'gyur ba ma yin no/ /de la 'bri ba nyid med cing / /gang ba
235b8 nyid kyang yod ma yin/ /kun nas so sor rtogs pas na/ /rgya mtsho bzhin du mi 'khrugs 'gyur/ /gang gis de ni thob 'gyur ba'i/ /ting 'dzin nga yis bshad pas na/ /phyi nas 'chad pa su yi yang / /bzhin la de
236a1 ni lta mi 'gyur/ /lha dang klu dang mi 'am ci/ /mi dang mi ma yin rnams kyang / /bshad pas de yi gdong du lta/ /mang por rnam par lta bar 'gyur/ /gang dag de yis rab bstan pa'i/ /de dag de yis gang nas thob/ /de la des
236a2 ni ji ltar bslabs/ /ji ltar chos kyis khyad par 'phags/ /mdo sde de ni rab bshad pas/ /de dag bsam pa shes par 'gyur/ /ting 'dzin de la bslabs pas ni/ /sems can rnams kyi spyod pa shes/ /mdo sde 'di la blo brtan byos/ /
236a3 gang dag nga yis sangs rgyas bstan/ /kun gyi mtshan ni shes par 'gyur/ /de dag gi ni chos kyang shes/ /'jig rten khams su mdo sde dag /gang dag ji snyed bshad pa rnams/ /de dag nga la dmigs byas nas/ /de dag thams
236a4 cad rab tu shes/ /'jig rten mgon po de dag gi/ /nyan thos bkur ba gang byung gyur/ /ting 'dzin de la gnas nas su/ /de dag thams cad rab tu shes/ /de dag bkod pa ci 'dra ba'i/ /sangs rgyas zhing ni rab tu shes/ /
236a5 gang gis ting 'dzin rnams bsgoms pas/ /de dag gi ni sku tshe'ang shes/ /nyi ma gang dag byung gyur dang / /zla ba phyed dang zla ba dang / /lo ni khyud khor rangs pa dang / /bskal pa de yang rab tu shes/ /gang dag phyogs bcu'i
236a6 'jig rten na/ /rdzogs pa'i sangs rgyas rkang gnyis mchog /de dag de yis rab tu shes/ /de yis zhing kun shes par 'gyur/ /gang dag ston pas 'jig rten mgon/ /de dag gi ni mtshan rnams kyang / /gang gis
236a7 ting 'dzin bsgoms pa yis/ /de dag thams cad rab tu shes/ /gang dag skyob pas bshad pa yi/ /mdo sde de dag rab tu shes/ /nyan thos phun sum tshogs pa dang / /'jig rten mgon po de snyed shes/ /gang gis
236a8 ting 'dzin 'di thob pa/ /blo gros brtan por 'gyur ba yin/ /sangs rgyas rnams kyi spyod yul gang / /de yang de yis 'dir shes so/ /bskal pa bye bar 'byung 'gyur ba'i/ /sangs rgyas gang dag ma byon dang / /
236b1 mtshan gang gdung rus gang yin pa/ /thams cad de yis rab tu shes/ /de dag rnams kyi tshe tshad shes/ /nyan thos rnams kyang rab tu shes/ /gang dag skyob pas 'chad 'gyur ba/ /de dag rnams kyi mdo sde'ang shes/ /de yi
236b2 sangs rgyas zhing ci 'dra/ /de dag gi ni bkod ci 'dra/ /sangs rgyas mya ngan 'das rnams kyi/ /chos ni ji srid gnas 'gyur ba/ /ting nge 'dzin la gnas nas su/ /de dag thams cad de yis shes/ /de lta bas na su gang
236b3 zhig /mang thos 'dod pas de bsten bya/ /ting 'dzin de ni bsten pa yis/ /de yi don kyang shes par 'gyur/ /sangs rgyas ye shes 'jug pa yi/ /sgo de yin zhing blo gros brtan/ /de las don ni 'byung bar 'gyur/ /
236b4 sangs rgyas ye shes 'jug par 'gyur/ /gang gi mtha' ni yod min pa'i/ /bsod nams de las thob par 'gyur/ /de tshe sangs rgyas gang 'byung ba/ /'jig rten mgon po mi yi mchog /rdzogs pa'i sangs rgyas ji
236b5 snyed pa/ /de snyed de yis rab tu shes/ /mi gang byang chub rab zhugs nas/ /sangs rgyas re re re re'i yang / /nyan thos dag ni de snyed pa/ /de dag rnams la mchod par byed/ /sangs rgyas re re re re la'ang / /mchod pa'i don
236b6 phyir nor bsags pa/ /stong gsum las ni mi nyung ba'i/ /'jig rten khams ni yongs su bkang / /rjes su dpag pa de yis su/ /nyan thos dang ni rgyal bar bcas/ /de la bskal pa rdzogs tshang bar/ /
236b7 sangs rgyas kun la rim gro byed/ /'jig rten mgon po grags chen po/ /gang dag ma byon sangs rgyas rnams/ /de dag la yang 'du byed 'gyur/ /de 'dra ba yi mchod pa'ang byed/ /bsod nams phung po ji snyed pa'ang / /
236b8 blo gros brtan pa de 'dzin byed/ /sangs rgyas ye shes bsam mi khyab/ /ye shes dam pa tshol bar byed/ /gang dag byang chub don gnyer bas/ /ting nge 'dzin 'di bsgom par bya/ /gang gis ting 'dzin 'di bsgoms pas/ /
237a1 de ni thos pas 'phags par 'gyur/ /gang gis ting 'dzin 'di bsgoms dang / /gang dag bsgom par 'gyur rnams kyi/ /bsod nams phung po de la ni/ /tshad yod do zhes nga mi smra/ /ting nge 'dzin 'di
237a2 bsgoms pa yi/ /bsod nams de ni rab tu mang / /shes pa de ni rnam par 'phel/ /sangs rgyas mchod pas de lta min/ /me tog spos dang phreng ba dang / /bza' ba dag dang btung ba dang / /yo byad rnams
237a3 kyis bsnyen bkur ba/ /de ni sangs rgyas bsnyen bkur min/ /brtan pa'i blo gros nga yis su/ /byang chub snying por chos gang rtogs/ /chos der gang dag sbyor byed pa/ /de yis sangs rgyas sti stang byas/ /
237a4 gang yang chos de tshol byed cing / /sangs rgyas mthong bar 'dod byed pa/ /de yis myur bar 'di 'dra'i chos/ /ting nge 'dzin 'di btsal bar bya/ /gang dag ting 'dzin de thob nas/ /dga' ba bzang po bskyed byed pa/ /
237a5 sangs rgyas stong phrag mang po dag /de dag gis ni sngon chad shes/ /ting nge 'dzin gyi las kyi le'u ste bcu bzhi pa'o// // brtan pa'i blo gros gzhan yang mngon par shes pa myur ba nyid du bya ba'i phyir de
237a6 bzhin gshegs pa'i mchod rten mchod pa dang / phyir bcos pa dang / byi dor bya ba lhur blang bar bya ste/ brtan pa'i blo gros de la rigs kyi bu'am/ rigs kyi bu mo gang zhig de bzhin gshegs pa'i mchod rten byi dor byed
237a7 pa de ni smon lam gyi mchog rnam par dag pa bzhi rjes su 'thob po/ /bzhi gang zhe na/ gzugs kyi smon lam gyi mchog rnam par dag pa dang / dal ba phun sum tshogs pa'i smon lam gyi mchog rnam par dag pa dang /
237a8 yang dag par blang ba brtan pa'i smon lam gyi mchog rnam par dag pa dang / de bzhin gshegs pa blta ba'i smon lam gyi mchog rnam par dag pa'o/ /smon lam dge bas bskyed pa yis/ /mngon grub de bzhin gshegs rnams
237b1 'byung / /dmigs pa'i rab tu dbye ba yis/ /ji ltar sprul pa 'byung ba bzhin/ /zhabs mthil zhabs sor 'og 'khor lo/ /dpe byad las ni 'byung bar 'gyur/ /dpe byad bzang 'byor 'di 'dra ba/ /de ni bshad byas de nyon cig /de bzhin
237b2 nga yi dpe byad rab tu gsal/ /nga yi sor mo dag la 'thun par gnas/ /yang dag 'phags shing rjes su 'thun par gnas/ /de yi yangs par gnas pa yang dag 'phags/ /de yi 'od zer gnas pa mngon du 'phags/ /'od zer bye ba
237b3 ji bzhin rab tu snang / /lhun po bzhin du 'od kyis yang dag 'byung / /de yi steng na 'od zer dra ba can/ /snying po bsags pa'i dpe byad de dag la/ /de tshe 'od zer gnas pa bye phrag bcu/ /de tshe kun gyi ming ni gzhan dang gzhan/ /de tshe 'od dang mdog kyang
237b4 gzhan dang gzhan/ /nga yi 'od zer gcig las 'od stong 'byung / /de tshe thams cad kha dog du mar gnas/ /stong gsum gyi ni sa de bshig nas su/ /'og tu de dag sangs rgyas mdzad pa byed/ /nga ni sangs rgyas 'od kyis byung ba yin/ /nga ni las kyi
237b5 'bras bus 'ongs ma yin/ /de bzhin gshegs pa'i 'od de mthong nas su/ /skyes pa bud med dag ni myos par 'gyur/ /bskal pa bye ba mang por mngon par sprul/ /yang na sangs rgyas zhing bkod gzhan dang gzhan/ /gang du sangs rgyas mdzad
237b6 pa ngas byas pa/ /de bzhin rgyal ba dag ni cho 'phrul sprul/ /nga yi ting nge 'dzin ni kun nas snang / /sangs rgyas zhing ni kun nas snang bar byed/ /lhun po'i rgyal mtshan 'od zer zhes bya 'phags/ /dpa' bar 'gro ba zhes bya'i ting 'dzin 'phags/ /
237b7 chos rnams kun gyis khyab par mthong ldan pa/ /rnam dag kha cig sangs rgyas sprul 'dir mthong / /kha cig lhums zhugs mthong zhing btsas pa dang / /'jigs med mi skrag gom bdun 'dor 'dir mthong / /de ni rgyal ba byang chub 'tshang rgya snyam/ /
237b8 sa yi snying por byang chub bzhugs par mthong / /chos kyi 'khor lo bskor bar 'gyur snyam byed/ /kha cig byang chub phyir ni spyod snyam byed/ /ting 'dzin gang la gnas nas rnam 'phrul ba'i/ /ting 'dzin gzi brjid de ni ci 'dra ltos/ /kha cig nga yi sku tshe
238a1 bskal par sems/ /kha cig kyang ni bskal pa phyed du sems/ /de tshe kha cig bar gyi bskal par sems/ /gnyis gsum bzhi dang de las lhag par yang / /de tshe kha cig lo ni bye bar sems/ /kha cig gi ni mang nyung rab tu mthong / /'dzam
238a2 bu'i gling 'dir nga yi sku tshe ni/ /lo grangs brgyad bcu yin par mi rnams shes/ /kha cig der ni sku tshe nyin mtshan shes/ /kha cig gis ni sku tshe ring por shes/ /stong gsum 'jig rten du ni lha rnams kyi/ /nyin mtshan ci 'dra de bzhin gzhan du sems/ /
238a3 de dag ji ltar mos pa de bzhin shes/ /de bzhin du ni de la gdams ngag mdzad/ /ji ltar mos la de bzhin byin gyis rlob/ /ye shes de bzhin de yi de ltar bstan/ /de dag bstan pas mos pa skye bar 'gyur/ /'di ni de yi rmad byung cho 'phrul yin/ /
238a4 gal te rang gi gnas pa bstan gyur na/ /mkhas pa ma yin mi rnams myos par 'gyur/ /nga yi spyod yul gang dang gnas pa gang / /de mthong dga' ba su zhig bskyed mi byed/ /de dag nga yi spyod yul shes nas su/ /de dag chos kyi 'khor lo bskor
238a5 bar 'gyur/ /de tshe mos pa sna tshogs chos smra rnams/ /de dag nga yi spyod yul kun mi shes/ /gang gis kun mkhyen spyod yul mi shes pa/ /de dag chos kyi tshig nyung ston par byed/ /de dag gi ni dmigs pa gang yang med/ /mthong nas
238a6 de dag yid la gnod par 'gyur/ /gang dag rgyal ba'i chos nyid de shes pa/ /de dag yid la nam yang gnod pa med/ /'di ltar chos mnyam nyid kyi spyod yul la/ /de dag thams cad rab tu gnas pa yin/ /gang dag nga yi mdun na
238a7 thal sbyar cing / /'khod pa'i dge slong brgyad 'di ma gtogs pa/ /blo gros brtan pa phyi ma'i dus na 'dir/ /mdo sde 'di 'dzin su yang 'byung mi 'gyur/ /blo gros brtan pa 'di dag rtag tu yang / /'das pa'i sangs rgyas mtshungs
238a8 med spyod yul yin/ /de dag rtag par sngon du 'gro bar 'gyur/ /de dag chos kyi snod du gyur pa yin/ /de tshe byang chub sems ni yang dag len/ /sangs rgyas rnams kyis rtag par bsngags pa'ang yin/ /ji ltar de dag nga yi mdun
238b1 'khod pa/ /de bzhin 'das pa'i dus na'ang ngas shes te/ /de dag gang gA'i klung gi bye snyed kyi/ /rgyal ba de dag rnams kyi spyan sngar 'khod/ /de yi 'og tu lnga brgya 'khod pa yin/ /byang chub mchog de ngas kyang gzung bar bya/ /phyi dus rgyal
238b2 ba'i ye shes de dag yin/ /brtan pa'i blo gros khyod kyang de la dpa'/ /gang dag chos kun gzung phyir zhugs pa ni/ /gzhan yang dpa' bo dung phyur phrag brgyad do/ /ngas kyang der ni chos mnyan bya ba yin/ /thos par gyur nas kyang ni chos
238b3 de la/ /gnas par bya ste spyod pa mi zhan pa/ /de yi tshe na bstan par bya ba yin/ /de tshe ston pas byang chub mchog lung bstan/ /rang rang lung bstan pa ni thos nas su/ /dung phyur phrag brgyad dga' bas khyab gyur nas/ /ta la bdun srid mngon
238b4 par 'phags par gyur/ /'jig rten mgon pos kun dga' bka' stsal pa/ /phyi ma'i dus tshe sdig pa can der ni/ /chos 'di 'dzin par spro zhing nus gyur tam/ /mi spro zhes ni bcom ldan 'das la gsol/ /mkhyen bzhin rgyal ba
238b5 'od srung bka' stsal pa/ /'od srung chos 'di 'dzin par byed 'gyur ram/ /yongs su mya ngan 'das nas chos zung shig /mi spro lags so zhes te 'od srung song / /stong gsum 'jig rten khams 'di skye bo dang / /rgya mtsho ri dang nags
238b6 tshal bcas gzung zhing / /khur gzhan mang po bskur bar spro lags kyi/ /khur 'di bskur bar bdag ni mi spro lags/ /slad ma'i dus na su zhig chos 'dzin lags/ /de nyid dge slong shin tu dbang bgyi dka'/ /rjes su bstan pa
238b7 'di la gnas mi bgyid/ /'jig rten 'dren pa mya ngan 'das ci smos/ /'od srung khyod ni rgas 'khogs gyur to zhes/ /slad dus bdag gi tshig bzhin yong mi bgyid/ /bdag gi rjes su bstan la gnas mi 'gyur/ /bdag cag 'di ni
238b8 mkhas shing don sems snyam/ /snyan dngags 'jig rten rgyang pan sems pa lags/ /de bzhin 'jig rten sgra yis gnas pa lags/ /bsam gtan de bzhin ting nge 'dzin spangs nas/ /de dag 'jig rten pa la spyod par 'gyur/ /
239a1 rgyas pa che dang grags pa chen po lags/ /rtag tu 'jig rten gyis kyang mthong bar 'gyur/ /de dag bdag gis nam yang brtag mi nus/ /skyon rnams dam po dag ni mthong lags so/ /bdag ni gcig pur dgon par gnas pa na/ /
239a2 lha zhig mchis nas bdag la 'di skad brjod/ /chos de 'dra bar rgyal ba rnams kyis bstan/ /'phags pa'i chos la sems can mang po btul/ /dge slong bsam gtan ting nge 'dzin la mkhas/ /rnam thar rdzu 'phrul stobs kyi pha rol phyin/ /thos
239a3 nas brgya byin dga' bar 'gyur ba lags/ /de ring de la ngo mtshar ci mchis smra/ /phyi dus bdag gi thad du de mchis nas/ /de tshe yid mi bde bas ngu zhing ston/ /'od srung deng ni bstan pa 'jig par 'gyur/ /de thos bdag ni yid mi bde bar 'gyur/ /
239a4 mang du 'chad par yang ni spro ma lags/ /mdo sde de ni 'dzin par spro ma lags/ /der ni de dag zhum par 'gyur ba lags/ /dge slong mchog tu bka' blo mi bde 'gyur/ /de tshe der ni lha tshogs 'du bar 'gyur/ /bcom ldan 'das kyis 'od srung bka'
239a5 stsal pa/ /chos kyi tshul ni 'dzin par mi nus par/ /'od srung de ni nga yis snga nas shes/ /mdo sde de 'dra de ni gang 'dzin pa/ /nga yi nyan thos gang yang 'di na med/ /gang dag mdo sde de 'dra de 'dzin pa/ /nga yis gang dag byin rlabs der ma gtogs/ /
239a6 gang dag phyi nas the tshom med 'gyur ba/ /de dag the tshom de ni nga yis gcad/ /gzhan dag las ni mthu che gang yin pa/ /mdo sde de la ci phyir sngon ma spyad/ /de dag 'dzin pa'i dge slong gsar bu gzhon/ /mdo sde de dag rgyas pa chen po yin/ /gang dag
239a7 chos de 'dra ba de mi 'dzin/ /'di la ji ltar pha rol phyin par 'gyur/ /brtan pa'i blo gros nga yis bstan pa na/ /gang dag gis ni de ring nga mthong 'gyur/ /de dag phyi dus 'jigs pa chen po'i tshe/ /chos de thos nas dga' ba thob par 'gyur/ /
239a8 nga ni dmigs pa 'ba' zhig 'chad pa yin/ /'jigs med nga yi tshig der dad par byos/ /gang gi 'di na ston pa mthong gyur pa/ /de dag chos de 'dzin par spro bar 'gyur/ /ye shes de 'dra de ni tshol byed cing / /de tshe 'dren pa rnams la mchod par
239b1 byed/ /ring bsrel mchod dang de bzhin mchod rten mchod/ /'jigs med de dag der ni byed par 'gyur/ /yongs su gtad pa'i phan yon gyi le'u ste bcwa lnga pa'o// //de nas tshe dang ldan pa kun dga' bo stan las langs nas/
239b2 bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das la 'di skad ces gsol to/ /bcom ldan 'das chos kyi rnam grangs 'di'i ming ci lags/ de ji ltar gzung bar
239b3 bgyi/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo de'i phyir chos kyi rnam grangs 'di ni dge ba'i rtsa ba yongs su 'dzin pa zhes bya bar zung shig
239b4 bsod nams kyi tshogs kyi gnas shes bya bar yang zung shig /byang chub sems dpa' 'grogs pa zhes bya bar yang zung shig /byang chub sems dpas zhus pa zhes bya bar yang zung shig /the tshom thams cad gcod pa'i
239b5 le'u zhes bya bar yang zung shig /bcom ldan 'das kyis de skad ces bka' stsal nas/ tshe dang ldan pa kun dga' bo dang / byang chub sems dpa' brtan pa'i blo gros dang / byang chub sems dpa' de dag dang / nyan thos
239b6 chen po de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ /'phags pa dge ba'i rtsa ba yongs su
239b7 'dzin pa zhes bya ba theg pa chen po'i mdo/ rdzogs so// // rgya gar gyi mkhan po pradz+nyA warma dang / lo ts+tsha ba
239b8 ban de legs kyi sdes bsgyur/ rgya gar gyi mkhan po pradz+nyA barma dang / dz+nyA na gar b+ha dang / zhu chen gyi lo ts+tsha ba ban de ye shes sdes zhus te gtan la phab pa// //
CLOSE WINDOW