CLOSE WINDOW

J439
བོད་ཡིག

(ja) @#/ ! /gsang sngags rgyud 'bum gyi skor bzhugs so/ / (黃) 秘密經第七部 @#/ /rgya gar skad du/ nI lAm+ba ra d+ha ra badzra pA Ni yak+Sha ma hA rU dra badzrA na la dzi hwa tan+t+ra nA ma/ bod skad du/ phyag na rdor rje gos sngon po can gnod sbyin drag po chen po rdo rje me lce'i rgyud ces bya ba/ 'phags pa phyag na rdo rje la phyag 'tshal lo/ /'di skad bdag gis thos pa dus gcig na/ bcom ldan 'das thams cad 'byung ba'i yum btsun mo'i b+ha ga la bzhugs te/ de nas gnod sbyin drag po bye ba phrag bcu dang / stong gsum gyi stong chen po'i 'jig rten gyi khams na drag cing gtum pa'i rigs ji snyed pa thams cad dang thabs cig go/ /de nas bcom ldan 'das drag po'i dkyil mo dkrung bcas nas g.yas pa nam mkha' la bsgreng / g.yon pa sa la bgrad nas spyan bzlog pas phyogs bcur gzigs te/ zhal nas hU~M ha zhes pa'i sgra cher byung ngo / /de nas 'khor thams cad gtso bo mi snang bas yun ring du brgyal bar gyur to/ /de'i skad cig de nyid la/ bcom ldan 'das kyi spyi bo'i gtsug nas sangs rgyas thams cad kyis gnang ba/ sngags rnams pa gsum gyi bdag por gyur pa/ phyag brnyan lag na rdo rje zhes bya ba kha dog sngon po cher grags pa/ phyag g.yas pa na rdo rje rtse dgu pa thogs pa/ g.yon pa na nam mkha' lding gi rgyal po drag po thogs pa zhig rgya mtsho chen por zhugs so/ /de nas nam mkha' lding gi gshog pa bskyod pas rgya mtshor zhugs te/ klu'i rgyal po dga' bo dang / 'jog pos rang gi bdag po'i spyi bor 'dud do/ /nye dga' bo dang dung skyong gis rna cha byas so/ /rigs ldan gyis mgul rgyan du byas so/ /pad ma dang pad ma chen pos lag gdub tu byas so/ / sprin gyi shugs can gyis se ral khar bcings so/ /hu lu hu lus ska rags su byas so/ /'brug sgra dang bdud 'joms kyis rkang gdub tu byas te/ slar bdag po'i lag pa g.yon par song ngo / /de nas gnod sbyin bye ba phrag bcu dang / drag po'i rigs rnams brgyal ba las sangs te/ phyogs kun tu bltas pa las phyag brnyan lag na rdo rje rgya mtsho'i nang na 'dug pa mthong nas/ rings par kye ma a la la bdag cag gi gtso bo nyid bzhugs so/ /zhes brjod nas song ba las phyin te/ bltas pas cher drag pa skra'am pa gyen du 'phags pa/ mig me mdag gi phung po ltar 'bar ba/ mche ba gtsigs pa/ lce glog ltar 'gyu ba/ gsus pa rdzing ltar 'khyil ba/ rgya mtsho'i zab su dpag tshad brgyad khri yod pa rkang pa'i spus mor phyin pa/ klu'i rgyan cha bdun dang ldan pa/ lag pa g.yas na rdo rje rtse dgu pa thogs pa/ g.yon na nam mkha' lding gi rgyal po drag po thogs pa/ sku byin po la dpag tshad nyis 'bum drug khri yod pa bzhugs so/ /de nas gnod sbyin rnams kyis gsol pa/ gtso bo khyod kyis bcom ldan 'das la gsang ba'i don drag po rgyas par gson cig dang / bdag cag rnams kyis zhu bar ma spobs kyis zhes gsol nas/ lag na rdo rje la gos sngon po dar la bai dur+ya zhun ma'i nang du btsos pa zhig bla gos su gsol to/ /stag gi dpags pa drug stong gis/ sham thabs su bcings so/ /de nas lag na rdo rje rings par bcom ldan 'das kyi spyan sngar song ste zhabs la spyi bos gtugs te/ mdun du snying po dang ldan pa'i dkyil mo dkrung bcas te 'dug go/ /de nas bcom ldan 'das kyis nam mkha' dang sa gzhi la gzigs nas/ bar snang du yang spyan gyis 'khor bar gzigs so/ /de nas kha~M bru~M sa~M/ zhes bya ba'i sngags brjod do/ /de nas lag na rdo rje stan las langs nas/ rdo rje thal mo rang gi snying gar sbyar te/ bcom ldan 'das la 'di skad ces/ gsol to/ /kye ma bcom ldan 'das la gsang ba drag po'i don bdag dang sems can thams cad la phan pa'i phyir zhu na/ ci bcom ldan 'das kyis skabs dbye bar gnang ngam zhes gsol pa dang / ci yang mi gsung bar bcom ldan 'das gdug pa'i tshogs nges par 'dul ba zhes bya ba'i ting nge 'dzin la snyoms par zhugs te/ zhugs ma thag tu stong gsum gyi stong chen po'i 'jig rten gyi khams na 'khod pa'i gdug pa can thams cad snying 'dar bar gyur to/ /de nas ting nge 'dzin de las bzhengs nas/ lag na rdo rje la gzigs te byed pa g.yon pa'i chu shing snying po nas drangs te bkug pa'o/ /byed pa skyes pa'i chu shing sgra dang bcas pas brkyang ba byas te gnas so/ /de nas lag na rdo rje phyag rgya de nyid yang dag par rig ste/ tshig 'di skad ces brjod de/ khyed la sogs pa'i 'khor dag sa phyogs 'dir ma gnas par phyogs gzhan du dengs shig / gal te mi 'gro na khyed la sogs pa'i snying 'gas par 'gyur ro/ /zhes brjod pas sgra gnas kyi khung bur sgrib byed kyi tshogs song ste/ snga ma bzhin du 'khod do/ /lag na rdo rje gos sngon po can rdo rje me lce'i rgyud las gleng gzhi'i le'u ste dang po'o// // de nas phyag na rdo rje yis/ /thub pa'i sku la 'di skad gsol/ /gsang ba'i rdo rje drag po'i don/ /rgyas par bdag la bshad du gsol/ /gsang ba'i bdag po legs par yang / /nyon la yid la zung shig khyod/ /nga yi gsang ba gang yin dang / /rdo rje drag po gang yin pa/ /nga la mtshan nyid gzhan med de/ / khyod nyid kyi ni rgyud dang yang / /khyod kyi bya ba'i las bshad bya/ /skye ba bzhi bsdus sems can rnams/ /gdug pa can gyis gtses gyur pa/ /thabs su ldan pa'i bzlog pa yi/ /mtshan ma nges par bshad par bya/ /ba ni rnam par snang mdzad de/ /dza ni mi bskyod thub pa'i sku/ /ra ni rin chen 'byung ldan sku/ /me lce yig 'bru gsum po la/ /dang por gtso bo bshad bya ba/ /pA ni rdo rje 'joms byed ma/ /Na ni pad ma 'joms byed ma/ /i ni kun 'gro 'jom byed ma/ /'og btags gsum po ming mthar sbyar/ /e ni kun tu go byed de/ /nga ni smin par byed pa ste/ /pa ni kun nas sdud pa yin/ /sa ni yongs su rten pa'i las/ /ya ni yang dag bskyod par bshad/ /go 'byed gnyis pa'i steng gnas pa'i/ /sna ldan dag tu shes par bya/ /de las nges par byung bas na/ /kun snang gang yin dngos dang sbyar/ /bsam pa'i dngos la 'jug rnams kyi/ /yan lag thabs rnams thams cad du/ /gong du smos nas brjod pa yin/ /don du gsal bar zlos pa yi/ /tshig ni rgyas par brjod mi dgos/ /las las grub pa'i gzugs rnams la/ /drag po yongs su ston pa dang / /gnod sbyin be con thogs rnams la/ /gtso bo'i don du bshad pas na/ /tshig tu nges par yang dag brjod/ /khyod kyi lung 'chang rab dga' bas/ /de nyid rigs su byung ba ste/ /kun kyang drag po'i las la dga'/ /snang ba dag par mi mthong bzhin/ /de nyid la ni nges par brjod/ / gong du bstan pa gang yin pa/ /so so dag la gdon mi za/ /sbyor ba sna tshogs des bsgrubs na/ /snang bar 'byor pa sna tshogs pa/ /mngon du rgyas shing nges par gsal/ /snang ba chen po bdag med par/ /rgyud pas yongs su grub pa yin/ /kun rdzob gong ma'i tshig lta bu/ /dngos po bsten pa lta bur mthong / /don dam 'og ma'i sgra lta bur/ /nyon mongs kun bsregs rang bzhin gyis/ /'od gsal ba ru gnas pa min/ /snying po don dam la 'jug pa/ /phyi rim kun rdzob la brten bya/ /dang por sangs rgyas mi gnas shing / /snga ma'i bya ba sbyor bar brtson/ /dbang thob pa la rlom sems med/ /bla ma'i man ngag nges pa las/ /bla ma nyid la ci nus kyis/ / yang dag par ni mchod par bya/ /rdo rje ngo bo kun 'byung dang / /gdug pa thams cad sreg phyir gang / /dngos po la 'jug gong ma'i sgra/ /gong ma'i tshig tu brjod pa yin/ /lag na rdo rje gos sngon po can/ /rdo rje me lce'i rgyud las/ nges tshig gi le'u ste gnyis pa'o// // gos sngon lag na rdo rje yis/ /sangs rgyas mgon la 'di skad gsol/ /gang zhig bsgrub par bya ba yi/ /thabs kyi dkyil 'khor gsung du gsol/ / rig pa'i rgyal pos bka' stsal pa/ /yang dag don dam dngos gyur na/ /dkyil 'khor lha gzugs med pa ste/ /'gro ba rtog pa la gnas pas/ /de yi kun rtog bsal ba'i phyir/ /lha yi sbyor ba bshad par bya/ /gang zhig mos pas byed pa yis/ /khru gsum dkyil 'khor phyogs bzhi pa/ /nags sam dur khrod khang stong ngam/ /gtsug lag khang ngam mchod rten nam/ /de dag gnas su nges par brtsam/ /dang por bsnyen pa rab gnas pas/ /bu mo bcu drug ston mo byas/ /bdag gis zhag gsum khrus bya zhing / /spyi bo lkog ma snying ga ru/ /gsang ba gsum gyi yi ge brtag /rams su btsos pa'i gos nyid la/ /gur gum thig le nges btab ste/ /de nyid la ni bskon par bya/ / zas su dkar gsum sbyin byas shing / /skyes pa dang ni sprad mi bya/ /snying po 'di nyid 'bum tshad du/ /rang gis bzlas pas rig pa 'byin/ /de nas bsnyen pa rdzogs pa las/ /bu mo nyid la tshig brjod de/ /yi ge rnam lnga nyid dang yang / /rams dang mthing shun kun 'dus su/ /rin thang mi brtsi nyor bcug ste/ /de nyid rigs mthun nang btums la/ /gnas gang yin par bdag la gtad/ /de yis zhag gsum sbyor ba yis/ /phyag rgya nges pa nyid dang yang / /snying po gong gi sbyor ba yis/ / dri chu btab la grangs tshad du/ /phyin par yang dag bzlas par bya/ /de nas skud pa sngon po ni/ /bu mos legs par bkal ba la/ /sngags kyis dag byas rab mdzes pas/ /srad bu dgu ru nges par sgril/ /me tog sngon po'i nang btums la/ /seng ldeng phur pa lnga rnams kyis/ /srad bu yongs su bri bar bya/ /rab tu tshad du nges pa yis/ /phyag rgya ma la dag brjod pas/ /de nyid mnyam par gzhag pa yi/ /dkyil 'khor legs par byas pa yin/ / 'phang du khru gang tshad byas te/ /dang po byang shar mtshams nyid nas/ /kun rten kha dog rigs mthun blang / /yongs su bsdus byas nges par bya/ /gnyis pa gnyis pa nyid du nges/ /gsum pa gcig gi tshad dang ldan/ /de ltar tshad du ldan pa las/ /shin tu mnyam par 'thas par bya/ /de nyid rjes su 'jug pa yis/ /dang po'i srad bu gang yin pas/ /kha dog ser po'i thig gdab bya/ /dkyil 'khor dgu ru nges pa las/ /'bru dang sa dang rin chen dang / /phye ma nyid du btags pa yis/ /dkyil du pad ma bcu drug pa/ /'dab mar ldan par bri bar bya/ /shar dang lho dang nub byang dang / /mtshams rnams su yang de bzhin bri/ /le tshe'i pad ma gang yin pa/ /sna tshogs par ni yang dag bshad/ / mtshams rnams su ni mchod pa yi/ /lha mo yongs su dgod par bya/ /sgo bzhi dag tu khro mo bzhi/ /sbyor bas yang dag dgod par bya/ /rin chen pha gu 'dod yon dang / /dra ba dra phyed yang dag ldan/ /twa ra Na ni bzhis brgyan cing / / sna tshogs rdo rje gzhir gnas yin/ /gdugs dang ri dgas gang yin pa/ /rgyan rnams kun gyis rnam par sgeg /sngags pa byang chub blo ldan pas/ /keng rus phreng ba nyid dang yang / /sbrul mgo'i phreng bas rnam par rgyan/ /rdo rje sna tshogs rab 'bar ba'i/ /phreng ba'i phyi rol legs par bskor/ /zur bzhi dag tu bum pa bzhi/ /rgyan gyis rdzogs par yang dag bri/ /de dkyil phyag na rdo rje nyid/ /snga ma'i tshul gyis yongs su gnas/ /shar du khams gsum rnam rgyal nyid/ /yang dag par ni bri bya ste/ /kha dog dmar po nyid la yang / /dbu gsum phyag ni drug pa'i dbyibs/ /zhabs bzhi brkyang bskum tshul du bzhugs/ /pho ni rdo rje nges pa las/ /mo ni dgra sta yang dag ldan/ /bar ma gnyis kyis 'ching byed pa/ /gong mo mthe bo nges mdud nas/ /gzhan rnams yongs su brkyang pa yin/ /de nyid snying po gang yin pa/ /snying gar yang dag bzung byas nas/ /de 'og pho yis zhags pa 'dzin/ /mo yis ral gri bzung byas pa/ / dang po nyid la dgod par bya/ /lho ru nag po chen po nyid/ /kha dog dud sprin lta bu la/ /zhal gcig phyag ni gnyis pa'i dbyibs/ /pho nyid tsan dan beng chen bsnams/ /mo ni zhags pa yongs su 'dzin/ /khro zhal gzigs pa mi bzad pas/ / phyogs bcu rnams su rab tu gzigs/ /de nyid mgon po gang yin pa/ /phyogs gnyis par ni rab tu dgod/ /nub phyogs gsum par dgod bya ba/ /lus ngan sras po stobs po che/ /kha dog ljang gu nyid la yang / /chung zad spyan ni rgyas pa nyid/ / zhal gcig phyag ni gnyis pa la/ /spyi bor rdo rje rmog gis brgyan/ /g.yas pa nyid la rdo rje can/ /g.yon pa ne'u le'i rkyal pa 'dzin/ /zhabs gnyis drang por rab gnas te/ /shar phyogs bltas pas yongs su gnas/ /byang phyogs bzhi par dgod bya ba/ /bdud rtsi 'khyil ba yongs su gnas/ /kha dog sngon po de nyid la/ /tsham rngam khro gnyer brjid pa'i zhal/ /g.yas bskum g.yon brkyang stangs stabs tshul/ /phyag gnyis brang du rab bsnol te/ /g.yon du nges par cung zad gzigs/ /lhor bltas yang dag dgod par bya/ /byang shar rdo rje gnod sbyin te/ /kha dog dmar nag 'jigs pa la/ /g.yas brkyang g.yon bskum rab bzhugs nas/ /phyag g.yas gri gug rnon po 'phyar/ /g.yon pa cang te'u drag po rdung / /gtso bo la bltas dgod par bya/ /shar lho rdo rje ro langs nyid/ /kha dog sngo skya rab 'bar la/ /mi bzad 'bar ba 'jigs pa'i gzugs/ /cung zad g.yas su nges par gzigs/ /g.yas brkyang g.yon bskum tshul gnas te/ /rdo rje lcags sgrog rab bzung nas/ /gung srin la sogs gsum po rnams/ /dam por bkug pas yongs su bsdams/ /mtheb 'dzub bzhi rnams rab brkyang ste/ /spyi bor nges par bsnol bar bsnams/ /lho nub rdo rje mkha' 'gro ste/ /kha dog dmar skya nyid la yang / /shin tu mi bzad 'jigs pa'i gzugs/ /zhabs gnyis mthil sbyar btsugs pa la/ /nam mkha' gru bzhi pa ru 'dod/ / lag gnyis spyi bo thal sbyar nas/ /me lce 'bar ba yongs su 'dzin/ /thod pa lnga yis mgo brgyan pa/ /gtso bo la bltas dgod par bya/ /nub byang bzhi pa'i mtshams su yang / /rdo rje 'jigs byed zhes bya ba/ /kha dog sngo nag 'jigs pa'i gzugs/ /zhal gsum phyag ni drug pa la/ /zhabs gnyis dag du rnam par bshad/ /g.yas g.yon dang po glang chen gyi/ /pags pa yongs su brkyang ba 'dzin/ /de 'og g.yas pa dgra sta la/ / g.yon pa rdo rje yang dag 'dzin/ /gsum pa'i g.yas na lcags kyu ste/ /g.yon na mi mgo rlon pa bsnams/ /brkyang bskum tshul du gnas nas kyang / /gtso bo nyid la kha bltas bzhugs/ /mtshams kyi gru tshad gang yin par/ /'od skyed ma dang yid 'phrog ma/ /kun bzang ma dang glu sgra can/ /rang gi phyogs kyi kha dog la/ /shin tu zhi bas ldem bag can/ /phyag g.yas su ni me tog dang / /dri dang zhal zas sgra brnyan rnams/ /gar gyis rol par yang dag ldan/ /nu ma cung zad 'bur ba la/ /dar dag dkar pos smad g.yogs pas/ /gtso bo la bltas mdzes pa'i gzugs/ /phyi yi grwa ru dgod par bya/ /sgo rnams su ni sgo skyong ni/ /srog gcod ma dang dbugs rngub ma/ /khrag mthung ma dang sha za ma/ /zhal gcig phyag ni gnyis pa la/ /stag dang seng ge sbrul dang yang / /dom du yang dag gnas pa ste/ /phyag g.yas tho ba rkyal pa dang / /hom gzar gri gug rnon po bsnams/ /g.yon pa rnams ni zhags pa nyid/ /kun kyang 'jigs par yongs su 'dzin/ /rang gi phyogs kyi kha dog ste/ /kun kyang nag po shin tu bsreg /g.yon brkyang g.yas nas bskums pa nyid/ /mche ba gtsigs shing rngam pa'i sku/ /shin tu khro gnyer brjid pa'i zhal/ /gar stabs kyis rol bde chen gnas/ /cung zad g.yon du gzigs pa yis/ /ha la ha la'i sgra yang sgrogs/ /gzhan yang lha rnams de dag kun/ /thod pa lnga yis brgyan byas nas/ /rgyan cha lnga dang yang dag ldan/ /kun kyang stag gi pags pa yis/ /smad ni yongs su dkris pa yin/ /de stengs gdan ni rab gnas pa/ /gtso bo nyid la nyi zla yis/ /phrag pa nyid la 'khor bar rgyu/ /tshangs pa dbang po lha chen gnyis/ /zhabs kyis yongs su mnan pa yin/ /shar gyi lha chen rnam rgyal nyid/ /keng rus steng na bzhugs pa bzhin/ /gzhan yang de ltar gnas pa yin/ /sa bon yin/ /bon gnas pa gang yin pa/ /sgra dang bcas pa shes par bya/ /dang po gtso bo skyed byed gang / /hU~M las nges par rdzogs bya zhing / /gzhan rnams 'di las 'byung bar bsam/ /hUM ma~M ba~M a~M/ ya~M ba~M Da~M b+ha~M/ pra~M` ma~M` sa~M sha~M/ pra~M sha~M` ra~M ma~M/ de dag las byung sngags pa yis/ /'od dang bcas par bde gshegs kyi/ /zhal nas 'byung bar yang dag ldan/ /de las rigs pa gang zhig gi/ /'bar 'phro nges par bskyed par bya/ /dang po kun kyang gcig pa yis/ /ba~M` las gyur pa sna tshogs pa/ /yang dag par ni skyed par byed/ /de 'og ka~M las rab bskyed pas/ /skam por yongs su brtag pa yin/ /de dag rab rdzogs sngags pa yis/ /sku ru yongs su rdzogs byas la/ /bdag gis rnal 'byor yang dag 'grub/ /de nas sngags pa blo ldan pas/ /rigs su nges pa gang yin pa/ /thabs 'di la ni 'jug par bya/ /kun la 'jug par gyur pa yi/ /khyab pa'i bdag po chen po ni/ /rigs kyi gtso bos spyi la khyab/ /mdun ni rdo rje'i rigs yin te/ /lha min la sogs nges par 'jig /g.yas pa nyid na gang gnas pa/ /rin chen rigs su nges pa ste/ /sha za la sogs nges par 'jig /rgyab na gnas pa gang yin pa/ /pad ma'i rigs su yang dag ldan/ /nor la sogs pa gang dgod pa/ /re ba bzhin du skong bar byed/ /g.yon na nges par gnas pa gang / /las kyi rigs su nges pa las/ /klu dang gnod sbyin la sogs pa/ /ma rungs pa rnams yongs su 'jig /gzhan yang lhag ma thams cad kun/ /pho nya'i tshul du nges par gnas/ /dang po nyi ma shar ba na/ / las kyi sbyor ba sna tshogs pa/ /so so dag la snying po nyid/ /gong du bu~M las rab rdzogs pa'i/ /brgya rtsa brgyad dag nges par bzlas/ /hU~M gi sgra dang rab ldan pas/ /bdag nyid kha ni me 'bar gsal/ /phyag rgya snang bar bcas byas te/ / de nyid stangs stabs bskyod pa yis/ /gdug pa thams cad sreg byed dang / /bde gshegs mngon par dgyes par bya/ /rdo rje dril bu gzung byas nas/ /khro bo'i cha lugs gang yin pas/ /phyogs rnams rmongs par byed pa yin/ / lha mo'i gzugs 'chang gang yin pas/ /gzhan gyi sems kyang 'phrog par byed/ /re mig rnams kyi bar gang yin/ /me lce 'bar ba yongs su bri/ /'khor lo'i 'og tu gnas bya ba/ /chos 'byung phyag rgya nges par bri/ /thabs dang shes rab ldan pa la/ /kun 'byung yum du nges par gsal/ /rten 'brel yang dag 'byung ba yis/ /kun rdzob la ni don dam brten/ /don dam nyid la kun rdzob kyang / /brten pa nyid du yang dag gnas/ /de bas snang ba mi gsal bar/ /chos 'byung phyag rgya nges par yang / /rgyas pa la sogs ma yin gyi/ /drag po'i dkyil 'khor yin pa dang / /de bzhin dbyibs su rang gsal ba/ /dran dang bcas pas bri bar bya/ /mthu dang ldan pa'i gang zag la/ /stobs ni shin tu nges par skye/ /dkyil 'khor lha gnyis mngon bsgrubs pas/ /lus la gzi brjid 'jug pa'o/ /rdo rje me lce'i rgyud las dkyil 'khor dang lha'i le'u ste gsum pa'o// // lag na rdo rje gos sngon gyis/ /'jig rten mgon la 'di skad gsol/ /dkyil 'khor lha rnams dgyes bya ba/ /thabs de gang lags gsung du gsol/ /nang gi bdag nyid can dang yang / /phyi yi khrus sogs rab byas la/ /rab gsal la sogs rgyun bcad nas/ /gang yang rung ba'i lo nyid la/ /ston zla ra ba nas brtsams nas/ /lha min bla dang me tog gi/ /drag po dang po de nyid la/ /bdag gis sbyor ba nges par brtsam/ /de nas dang po bdag lus la/ /rgyan cha lnga'i rab brgyan te/ /lus la gos dag sngon po nyid/ /bla gos smad g.yogs yang dag bcings/ /spyi bo la sogs gnas lnga ru/ /sbrul gyis yongs su bcings bar bya/ /rang nyid dkyil 'khor shar sgo ru/ /'dug pas sbyor ba brtsam par bya/ /de nas dang po bla re gang / /steng du nges par phub byas la/ /zur bzhi dag tu ba dan bzhi/ /sngon pos yongs su spyang bar bya/ /bla re dag gi dkyil dag nas/ /skud pa la rgyus me tog gi/ /phreng ba yongs su spyang bar bya/ /de nas snga ma'i tshul gnas la/ /gong du bsten pa'i gnas rnams su/ /bdag gi las 'di nges par brtsam/ / gtor ma'i las rnams kun rdzogs dang / /mchod pa rnam pa lnga rnams dang / /seng ldeng phur pa sor brgyad la/ /sngags 'di yis ni yang dag bsngags/ /oM badzra kI la ya sarba big+h+nan ha na ha na hU~M phaT/ oM badzra pany+tsa dz+nyAn sho d+ha ya sarba tsak+Shu kA ra ya hU~M/ sngags de dag gis phur bu dang / /skud pa lnga la lan grangs ni/ /nyi shu rtsa gcig bzlas byas la/ /tsan dan la sogs dri lnga yis/ /gos par yang dag bcang bar bya/ /de nas sngags pa blo ldan pas/ /bdag nyid bsrung ba'i 'khor lo brtsam/ /rang gi phyi rol mtshams su ni/ /mi 'gyur las ni bsil ldan bsgom/ /de steng sdud pa'i dngos po gang / /kha dog nag po yang dag bsam/ /de las khyab byed rigs lnga pa/ /yang dag par ni bsam par bya/ /de nas yongs su rdzogs pa las/ /bdud rtsi 'khyil par bdag bsam ste/ /rdo rje sdig mdzub phyag rgya yis/ /sngags bzlas pas ni bgegs bskrad la/ / rigs gtso'i rtse mo de nyid la/ /ka~M las lus skyob bsam bya ste/ /spyi bor gnas pas khyab par bsam/ /de nas gtor ma de nyid la/ /bdug pa la sogs gang yin dang / /skye ba bzhis bsdus sems can la/ / las kyi bar chad mi 'gyur phyir/ /bsam par rdzogs par ring thang bya/ /de nas bdag nyid dad pa yis/ /mchod pa rnam pa lnga rnams ni/ /bsam pa sngags kyis dbul bar bya/ /gong ma'i stang stabs las bya ba/ / g.yas pa nges par bskums pa las/ /g.yon pa legs par brkyang byas te/ /g.yas pa'i lag pas rdo rje nyid/ /phyar nas g.yon gyi be con dang / /rtse sprad spyi bor gnas byas la/ /g.yon pa'i be con g.yas spos la/ /g.yas pa rdo rje g.yon pa yi/ /lag pas bzung nas snying gar mnan/ /be con nges par bskor ba yis/ /phyogs bzhi mtshams su nges par gdab/ /kha nas hU~M gi sgra 'bar zhing / /sna tshogs rdo rje gar thabs kyis/ /lan gsum rab tu bsor bar bya/ /de nas gdug pa gang yin pa/ /phyogs bzhi dag tu song ba las/ /sa phyogs nges par gtsang bar 'gyur/ /de nas thig sogs gdab pa yis/ /sta gon legs par gnas pa dang / /rim pa bzhin du dbang bskur la/ /rmi ltas nges par gdab par bya/ /bzang ngan ltas dag dbab pa dang / /bzlog dang mi bzlog bya ba gang / /shes rab can gyis gsal bar brtag /sangs rgyas dkyil 'khor bzhengs bya'i phyir/ /bdag gis drag po dang po la/ /phye ma lnga la sngags dag dang / /phyag rgya bcas pas byin gyis brlab/ /de nas snod dag thod pa la/ /byas pa'i rdo rje phyag rgyas gdab/ /nges par las kyi sbyor ba btsam/ phyogs su nges par bskor ba yin/ /dbugs rgyu ba yi dngos po gang / /yi ge mngon par gsal ba yis/ /rgyun mi 'chad par bri bar bya/ /skabs kyi skad cig shes pa yis/ /rab tu khro gnyer bstan par bya/ /dang po nag po bri bya zhing / /gnyis pa dkar por nges par dgye/ /gsum pa nyid ni ser po ste/ /bzhi pa dmar po yang dag ldan/ /lnga pa ljang gu bri bya zhing / /drug pa kha dog sna tshogs rgyas/ /dkyil 'khor las rnams rdzogs pa dang / /rdzas su yongs su ldan byas te/ /gru bzhi dag tu byang shar gyi/ /mtshams nas sa gang bu mo yis/ /blangs pa las byas mchod rten ni/ /sngon po bzhi dag gzhag par bya/ /de yi bskor ba'i rtse mo la/ /grong gi srad bu btags byas te/ /me tog sngon po'i phreng ba yis/ /'khor bar yongs su brgyan par bya/ /bum pa sngon po bcu bdun nyid/ /mtha' ma'i phyogs su nges par gzhag /sman dang spos dang snying po dang / /lan tshwa rtsi thog la sogs pa'i/ /legs par bkang bas gnas pa yin/ /rgyan rnams kun gyis rab brgyan nas/ /lus la mngon par phyogs par bzhag /de nas sngags pa blo ldan pa/ /grangs dang nges par rab sbyar la/ /zhal zas zur med legs pa dang / /dri dang snang ba gang yin dang / /byug pa'i dri dang tshangs skud dang / /phreng ba ral gri be con rnams/ /yang dag pa ru dgod par bya/ /gdugs dang rgyal mtshan ba dan dang / /phyogs su nges par yang dag gnas/ /de nas bdag po gang zhig gis/ /na bza' dar yug sngon po la/ /gur gum thig les legs bris la/ /de nyid la ni dbul bar bya/ /yol ba sngon pos phyogs bskor la/ /phyi ma rnams kyis snang mi bya/ /gal te snang bar gyur pa na/ /rang gi lus las ma gtogs pa'i/ /gzhan rnams brlag par 'gyur ba yin/ /de bas legs par bsgrims pa yis/ /phyi rol gzhan la bstan mi bya/ /gang zag gcig pur gnas pa yis/ /las kyi sbyor ba 'di brtsam bya/ /phyag dag sngon du song ba yis/ /mchod pa'i las la mngon par gzhag /bdag nyid las kyi phyag rgyar gnas/ /bsam pa mngon du gyur pa yis/ /kun gyi 'bras bu gang yin pa/ /bdag gis gsal bar rab tu brtag /sngags dang phyag rgya rab ldan pa'i/ /mchod pa 'di dag nges pa las/ /bgegs bsal ye shes rab dbab pa'i/ /rnal 'byor rdzogs par yang dag gnas/ /rang rang rigs kyi phyag rgya yis/ /sngags bzlas pa yis dbul bar bya/ /oM na mo nI lA~M bar d+ha ra badzra pA Ni maN Da la de ba tA nA~M/ pu pU dza me g+ha sa mu drA s+pha ra Na sa ma ye hU~M/ oM na mo nI lA~M ba ra d+ha ra badzra pA Ni maN Da la de ba tA nA~M/ d+hU pa ni ra yA ta yA mi hU~M/ oM na mo nI lA~M ba ra d+ha ra badzra pA Ni maN Da la de ba tA na~M/ A+o~M` lo ke nir yA ta yA mi hU~M/ oM na mo nI lA~M ba ra d+ha ra badzra pA Ni maN Da la de ba tA nA~M/ gan d+ha nir yA ta yA mi hU~M/ oM no ma TI lA ba ra d+ha ra badzra pA Ni maN Da la de ba tA nA~M/ nai wi d+ye nir yA ta yA mi hU~M/ o~M` na mo nI lA~M ba ra d+ha ra badzra pA Ni maN Da la de ba tA nA~M/ shab da nir yA ta yA mi hU~M/ oM na mo nI lAM ba ra d+ha ra badzra pA Ni maN Da la de ba tA nA~M/ tsa ni yA nir yA ta yA mi hU~M/ oM na mo nI lA~M ba ra d+ha ra badzra pA Ni maN Da la de ba tA nA~M/ ta ri nir yA ta yA mi hU~M/ oM na mo nI lAM ba ra d+ha ra badzra pA Ni maN Da la de ba tA nA~M/ bA sa na nir yA ta yA mi hU~M/ oM na mo nI lAM ba ra d+ha ra badzra pA Ni maN Da la de ba tA nA~M/ gan d+ha ri nir yA ta yA mi hU~M/ oM na mo nI lA~M ba ra d+ha ra badzra pA Ni maN Da la de ba tA nA~M/ spar sha nir yA ta yA mi hU~M/ oM na mo nI lAM ba ra d+ha ra badzra pA Ni maN Da la de ba tA nA~M/ rat+na sarba bstu nir yA ta yA mi hU~M/ de yis sngags kyi mchod pa las/ /sdig pa bshags pa'i sngags gyis su/ /phyag rgya nges par rab bcas pa/ /sdig pa bshags pa'i smre sngags kyis/ /lus ngag yid gsum btud pa yis/ /yang dag par ni bshags par bya/ /bsod nams rjes su yi rang dang / /yongs su bsngo dang skyabs 'gro dang / /sems bskyed pa dang gnas bzhi dang / /gong tu bstan pa'i phyag rgya nyid/ /skabs 'di dag tu shes par bya/ /dang po rgyu las skyes pa las/ /phyi nas dngos por mi gnas shing / /rang bzhin 'od ni gsal bar sgom/ /lag na rdo rje gos sngon po can rdo rje me lce'i rgyud las mchod pa'i le'u ste bzhi pa'o// // de nas lag na rdo rje yis/ /gsang ba'i mgon la 'di skad gsol/ /bsam pa rab tu rdzogs pa yi/ /nang gi rnal 'byor gsung du gsol/ /bde gshegs gsang bas bka' stsal pa/ / gang zhig bsgrub par bya ba la/ /thabs kyi dngos grub 'grub par 'gyur/ /dang po shes rab can dag gis/ /bdag gis dngos por snang ba las/ /de nyid ngang la mchog nyid kyis/ /'od zer bsil ldan yang dag bsam/ /de la gang du gyur pa ni/ /dbugs rgyu 'gugs par nges par bsam/ /de las gsal ldan rigs lnga pa/ /stong pa'i dpe las mngon song ba'i/ /gzugs bzangs ma sogs rigs ma yis/ /mi 'chi lnga ldan dus 'gyur las/ /'dzin pa can la sbyin par bsgom/ /de nas sngags 'dis rab bsngags te/ /bdag nyid rigs su ldan pa yis/ /bdag pos phyag rgya nges par gsal/ /oM a b+hi shinya tsa tu mA~M` badzra pA Ni hU~M/ a ho A ha ra~M ta tha s+thi to ya~M a ho ma ma pri yang tu ti hU~M/ bdag nyid dngos po la brten nas/ /mtshan mar mi gnas ma skyes pa'i/ /gdod nas grub pa bsam bya ste/ /sangs rgyas dngos la rab sbyor bas/ /dang por dngos dag bsam byas nas/ /bdag nyid gang gi gzugs gnas la/ /steng du mig 'dra'i dngos po bsgom/ /de las gong du gyur pa las/ /'jigs byed rigs dgu nges par bsam/ /mig 'dra'i sbu gu rab sbyar bas/ /snying po'i steng du gsal bar snang / /snying po'i steng du chu bsgrubs pas/ /yan lag stong dang ldan pa nyid/ /spun la phyogs par kha bltas nas/ /bdag las gong du gyur pa yi/ /hU~M gnyis las bsgrubs steng ma yi/ /nges par gsal byed sbyar ba las/ /dngos po'i snying por rab song ste/ /de las mi 'chi 'od ldan pas/ /'joms byed steng na rab gnas pa'i/ /mig 'dra'i yan lag brgyad dang ldan/ /'joms byed mig 'dra gar mar sbyor/ /thabs dang shes rab gsum du nges/ /dngos po gsum las rab brgyud de/ /snying po'i steng na rab gnas pa'i/ /mig 'dra'i steng du nges par song / /rang gi gar ma'i khyon tsam la/ /skad cig bye phrag bcu drug pa'i/ /thabs su yongs su rdzogs pa ste/ / dang po dngos por brtag mi bya/ /rdzogs pa nyid la me 'bar bas/ /rim pa de nyid mi gnas shing / /dngos po'i snang ba gang yin pa/ /mar me'i rtse mo lta bu yi/ /phyi nas rang bzhin 'od gsal ba'i/ /dang po rab tu brtag par bya/ / rim pa gsum pa rab rdzogs yin/ /steng du pa~M` gnyis rab 'bar dang / /hU~M las skyes pa thub pa'i sku/ /yang dag pa ru brtag bya yin/ /'og kyang gong ma'i sa bon las/ /bskyed par bya ba kho na yin/ /sems dpa' gnyis su nges pa dang / /'khor lo spros pas char lta bu'i/ /lo tog shin tu smin byed pa'i/ /skyon rnams spangs nas de nyid du/ /slar yang ngo bos yang dag gnas/ /de ltar gsal bar ma 'khrul bar/ /skyon gyis ma gos dri med do/ /mkha' la kun zhes sems kyis su/ /rdo rje lam du rab zhugs nas/ /nor bu dri med zla ba yi/ /las la sbyor ba sna tshogs pa/ /mnyam par sbyar bas bde ba'i mchog /mi 'dzag gnas dang ldan par 'gyur/ / mkhas pa sangs rgyas bde bas bde/ /lus la chags par mi lta zhing / /sems la chags pa chen por bskyed/ /de 'dra'i spyod pas yongs bsdus nas/ /gang zhig mya ngan 'das pa las/ /mchog 'gyur mi gnas mya ngan 'das/ /sa la mngon par mi gnas shing / /kun tu'ang mngon par mi gnas pas/ /ye shes rdo rje go 'phang nyid/ /brgyud pas mngon du byed pa la/ /'di la rdzas la sogs pa yi/ /'di yi dngos grub gang yin pas/ /nges par 'grub pa smos ci dgos/ /shes rab can gyi las 'di las/ /chags pa chen por yang dag bsgrub/ /lus la me 'bar chen po yi/ /snying po 'di nyid bzlas pa las/ /rang nyid pad ma gsang ba yi/ /drag po'i rtags su nges pa ste/ /de bzhin rtag tu bsgrub par bya/ /sngags bzlas cho ga gsum las ni/ /khyad par nges par dmigs byas la/ /bdag nyid tha mal gzugs kyis gnas/ /de dag phan tshun brgyud pa yis/ /zo chun brgyud pa bzhin du bsam/ /drag po'i bzlas pa de nyid dang / /rang bzhin rdo rje'i bzlas pa yis/ /rigs gsum yongs su bsdus pa yin/ /oM b+ho b+ho pAn nA ga a d+hi pa ta ye/ i dan nI lA~M` ba ra d+ha ra sha rI ra~M/ badzra pA Ni hri da ya~M/ ya/ sa mA te kra ma tha mA ku la ud sA da nA~M b+ha bi ShaM te tad+ya thA/ bud d+ha bud d+ha/ bi bud d+ha bud+d+ha/ ma ti kra ma thA/ ha ra ha ra nA gA nA~M/ pra ha ra pra ha ra nA gA nA~M/ ts+tshin da ts+tshin da nA ga hri da yA ni/ b+hin da b+hin da/ nA ga marmA Ni bi shIR+Yan+tu nA ga sha rI ra~M/ bi s+pho Ta ya nA ga nA ya nA ni/ tad+ya thA hU~M phaT/ nA ga bi dA ra NA ya hU~M phaT nA god sA da nA ya hU~M phaT/ nI lA~M ba sa nA ya hU~M phaT/ a pra te ha ta ba la pa rA kra ma ya hU~M phaT/ kri tAn tA ya hU~M phaT/ kri tAn ta ru pA ya hU~M phaT/ ro Sha NA ya hU~M phaT/ trA sa nA ya hU~M phaT/ ku~Mb+hAN Da ud sA da nA ya phaT/ pre ta pi shA tsi bi nA sha ka rA ya hU~M phaT/ yak+Sha a pasmA bi nA sh+ka rA ya phaT/ ha na ha na hU~M phaT/ ha sa ha sa/ da ra da ra/ mA ra ya mA ra ya/ nA sha ya nA sha ya/ sarba big+h+na bi nA sha ka rA ya phaT/ sarba sha trU~M sa~M` g+ha bi nA sha ka rA ya hU~M phaT/ i dan nI lA~M ba ra d+ha ra badzra pA Ni rA dz+nya pa ya ti swA hA/ oM daMSh+T+rA ka rA lo kra b+hI Sha Na nI lA~M ba ra d+ha ra badzra pA Ni ye nA ga a la~M kA ra sa pa ta ke tu byA g+h+ra tsa ra ma ni b+hA sa nA yA/ b+ha ma kA rA ga ru Ta ra si ti/ kro d+ha mUr ti na trai lo kya da hA ya/ b+h+ya ma man tra a sa na ru dra ya/ nA ga tsa tur ma b+hak+ShA ya hU~M phaT/ oM ma trai lo kya b+hi dzA ya hU~M phaT/ oM ma hA kA la ro Sha NA ya hU~M phaT/ oM bai shra ra ma nA ya hU~M phaT/ oM a mri ta kuN Da le ha na ha na hU~M phaT/ oM badzra yak+Sha hU~M phaT/ oM badzra ya bai tA lI ni hU~M phaT/ oM badzra DA kA ya hU~M phaT/ oM badzra b+hai ra bA ya hU~M phaT/ oM badzra pra b+hota pa dA ya hU~M phaT/ oM ma no ha ra ya hU~M phaT/ oM sa man ta b+ha d+r+ye+e hU~M phaT/ oM shab da gI t+yai hU~M phaT/ oM pra NA pa te t+yai hU~M phaT/ oM shwA~M sa t+yai hU~M phaT/ oM ra ga ta prA yo ni hU~M phaT/ oM mAn sa b+hak+Shi Ni hU~M phaT/ oM tsaN Da ma ha ro Sha Na sarba sid d+ha ya hU~M phaT/ oM ma ni d+ha ri badzra Ni hU~M phaT/ oM bA su rata na bi ta hU~M phaT/ oM a mri ta sid d+hi hU~M phaT/ oM sam sho d+ha ya ba ra ba ra hU~M phaT/ oM tsa pa sha sa ba ni ra hU~M phaTaH oM ku mA ra tsa sha ma Ni hU~M~M phaT/ de nas phyogs bcu 'khrugs pa las/ /yi ge nges pa gang yin pa/ /bla ma'i man ngag rab gsal bas/ /gcig tu bsdus pas bzlas par bya/ /rang byung sngags pa'i bdag nyid la/ /grangs tshad gzung ba gang yin pa/ /rigs kyi dbang gis rnam par bshad/ /kun tu snang ba gang yin pa/ /rigs su bsdus nas ngag gi yang / /spyod yul ma yin tha mal gnyid/ /drag po'i snying po nyid dang yang / /rang bzhin rdo rje bzlas pa yis/ / rigs gsum yang dag bsdus pa yin/ /gong ma'i sngags la rab sngags pa/ /mtha' ru kun la hU~M gis brgyan/ /de mthar bskrad pa'i tshig dag gis/ /yongs su brgyan pas nges par bzlas/ /gang dang gang la las sbyor ba/ /de dang de las man ngag gis/ /mngon par shes pa'i yang dag bshad/ /bzlas pa phun sum tshogs ldan pas/ /rab 'bring tha ma ldan pa yis/ /dang po sbyor ba nges pa dang / /mtha' mar las la 'jug pa la/ /grangs dang cha ru rnam par ldan/ /spyod yul bsdus pa nges gsal ba/ /bdag gis gang la brtag par bya/ /dang por srid la chags pa dang / /bar du gang zhig gnas pa nyid/ /tha mar 'jig pa gang yin pas/ /sngags rnams thams cad rgyas par gsungs/ /'byung ba lnga dang rab ldan nas/ /de las chos rnams thams cad las/ /yongs su 'byung ba'i yang dag gnas/ /de dang rab sbyor dang po'i don/ /'di las grub par gyur pa gang / /las rnams sna tshogs gang yin pa/ /gdon mi za bar nges pa yin/ /lag na rdo rje gos sngon po can rdo rje me lce'i rgyud las nang dang sngags kyi le'u ste lnga pa'o// // lag na rdo rje gos sngon gyis/ /bcom ldan mgon la 'di skad gsol/ / sems can smin par bya ba'i phyir/ /'jug pa'i thabs nyid gsung du gsol/ /kun mkhyen mgon pos bka' stsal pa/ /dang por sa brtag la sogs pa/ /nges par gong du bstan pa ltar/ /las rnams nges par rdzogs par bya/ /sa phyogs dben pa'i khyim rnams su/ /ba yi rnam lnga la sogs dang / /ram dang mthing shun mdun du nges par sbyar/ /tha ma'i tshad du rab sbyar la/ /gur gum thigs les yang dag gdab/ /zhal zas sna tshogs 'byor ldan pa'i/ /kun kyang lnga lngar yongs su gnas/ /las rab mchog gi gtor ma la/ /rdzas rnams phun sum tshogs pa yis/ /sems bskyed pa dang skyabs 'gro dang / /gsang ba gsum gyi gnas rnams su/ /dri yi thig le rdo rje dang / /bcas pa'i gung mos kun bskus la/ /mi 'gyur gsum la sku gsum du/ /sngags 'di dag gis byin gyis rlobs/ /oM tri ma ta bi sho d+ha ya A hU~M/ /de nas so shing dag la ni/ / sngags 'dis yongs su dag byas la/ /slob ma la byin so bkrus te/ /mig bkab bsam pa dag pa yis/ /de yi steng du bor bar bya/ /gang du kha bltas me tog phreng / /rigs dang rjes su bstan pa las/ /de yi dngos grub brjod par bya/ /de nas srung skud sngon po la/ /sngags kyis dag par byas pa las/ /skyes pa g.yas pa bud med g.yon/ /dpung ba dag la bcing bar bya/ /bkra shis rtswa yi sngas dang stan/ /legs par bcug pa'i mtshan ma brtag /bzang ngan ltas su bcas pa dang / /bzlog par bya dang bya mi dgos/ /shes rab can gyis rgyud gzhan las/ /'byung ba bzhin du brtags lar bya/ /dang por bsnyen pa rab 'bring dang / /tha mar yongs su bsnyen byas la/ / de 'og sngags pa blo ldan pas/ /yang dag par ni sbyor ba brtsam/ /oM badzra sa ma ya sid d+hi A/ /oM sarba rak+Sha sarba sid d+ha AHhUM/ rang bzhin mi gnas dgos pa yis/ /kun rdzob dri ma sbyang bar bya/ /de nas sna tshogs 'byor pa las/ /gong du smos pa'i dkyil 'khor nyid/ /yongs su rgyas par bri bar bya/ /rdzas rnams phun sum tshogs pa la/ /mchod pas yang dag mchod par bya/ /de nyid gzugs la rab tu yang / /gnas pas bdag nyid de nyid du/ / yang dag par ni bskyed par bya/ /pad ma nyid la gos la sogs/ /sngon pos yang dag dkris byas la/ /bdud rtsi 'khyil pa'i sngags kyis su/ /dri chus gtor zhing gzhug par bya/ /mdun du nges par gnas pa las/ /che chung de nyid 'byor pa yis/ /yon nyid khas dag len du gzhug /thal mo bdag gis bzung byas la/ /sems bskyed la sogs rgyas par brjod/ /snang ba sna tshogs nges pa las/ /rigs ni rjes su gzung bar bya/ /me tog sngon po'i phreng ba yis/ /sngags brjod pas ni bor bar bya/ /de ltar lha tshogs rab bstan nas/ /bum pa'i chu yis slob ma la/ /dbang skur slob dpon bdag nyid kyis/ /byin pa bum pa'i dbang yin te/ /rags pa rnam par dag par 'dod/ /de nas phyag rgya bcas pa las/ /byang chub sems ldan ma nyams pas/ /bdag dang gzhan rnams gang rung bas/ /bde ba mngon du rab sbyar nas/ /bsam pas yang dag sbyar byas te/ /thabs dang shes rab phyag rgya yis/ /de yi kha ru sbyin par bya/ /de dag gsang ba'i dbang yin te/ /de 'og rnam par dag pa yin/ /de nas bdag nyid dngos po gang / /bu mo mdog bzang sngon mo la/ /gar dang ldan pa'i yang ba'i bskyod/ / cho gas yang dag bzung byas la/ /thabs gnyis rab tu bskyod pa yis/ /sna tshogs dngos po snang ba yis/ /de 'og sor bzhi gzhal byas nas/ /shes rab gnyis la mnan pa yis/ /bde ba dpag tu med pa myong / /de myong skad cig rdzogs pa yis/ /dpe la bltas pa yin par bstan/ /de yis shes rab ye shes kyi/ /dbang nyid mngon par rdzogs par 'gyur/ /de rdzogs sems nyid dag pa de/ /bzhi pa chos nyid mngon rtogs dbang / /med par mngon par snang bar 'gyur/ /de yis spyi la khyab gnas te/ /rang la yod bzhin nges par spangs/ /oM A kha~M bI ra hU~M/ oM ya tha ku la ta thA a ha~M/ sangs rgyas kun gyi phyag brnyan 'bar/ /de nyid du ni slob ma 'grub/ /dar la sogs pa sngon po yis/ /slob ma nyid la dbang bskur la/ /sngags 'di yis ni byin rlabs la/ /dang po gnyis sbyar dar bzung nas/ /sngags kyis yang dag bskon par bya/ /mkha' lding sngon po 'dab rgyas pa/ /mgul ba dar spyangs ldan pa yis/ /bu nyid la ni nges par sbyin/ /dngos grub sna tshogs 'grub pa dang / /gdon rnams thams cad 'joms pa dang / /be con sngon po dbyig dang ldan/ /me tog sngon po'i phreng bas kyang / /de nyid la ni bskon byas nas/ /sngags dang phyag rgya 'dir ldan pa'i/ /bu nyid la ni sbyin par bya/ /dang po gsum pa rab sbyar bas/ /spyi bo'i steng du nges bzung ste/ /de ni byed pa po la bzhag /bdag nyid yan lag rigs ngan gyis/ /dbus kyi g.yon pa bgrang byas la/ /rigs tshang yan lag bcings pa yis/ /phyir te byed pa po la bzhag /de yi stod la gnas bya ba/ /tshangs pa chen po mthong byed dang / /mchod pa kun gyis sdud pa yis/ /dar dmar ras sam gang rung ba'i/ /sngags chus dag byas legs bkab nas/ /bzhi ru nges par gcig pa yi/ /dngos po gang dag gdags par bya/ /phyag rgya 'da' min grags par ldan/ /byis pas sngags bzlas yang dag ldan/ /kun la khro gnyer brjid par blta/ /oM u da ra sa~M g+ha ba b+hu ya hU~M/ oM ga ru Ta sarba nA ga b+ha k+ShA ya hU~M/ oM ba ra~M dan ta ka sarba sid d+hi prA pa ta hU~M/ oM A dz+nyo pa ya ti lo ka pa shi ka rA ya hUM~M/ de yi lag pa sgrom byas la/ /bdag gis drag po'i las sbyor ba/ /de yi sgrom nas drangs byas la/ /snying po 'di nyid nges par sbyin/ /oM tsaN Da ma hA ro Sha Na badzra pA ni da ha da ha/ sarba big+ha na~M/ ha na ha na sarba aR+tha shI g+h+raM ku ru ye hU~M/ de nas legs pa'i mtshan ma la/ /chos la dbang sogs mi gnas na/ /'jug par 'gyur ba ga la srid/ /rgyud gzhan la ni spyi dbang gnas/ /de nas kun la 'jug par 'gyur/ /spyi nyid dbang la mi ltos par/ /de nyid la ni rtog pa'i mchog /'di yis 'jug pa kho na yin/ /lag na rdo rje gos sngon po can rdo rje me lce'i rgyud las dbang gi le'u ste drug pa'o// // de nas lag na rdo rje yis/ /gsang ba'i mgon la 'di skad gsol/ /thams cad rdzogs pa chen po yis/ /rim pa'i rnal 'byor gsung du gsol/ /bde gshegs gsang bas bka' stsal pa/ /steng dang 'og gi steng du gnyis/ /dkyil 'khor bzhi yi bdag nyid ni/ /thams cad shes rab dam pa ste/ /yon tan sdud sogs tshogs snying po/ /sa bon 'bras bu rnam pa yis/ /spar dang bsgom la ltung bar 'grub/ /rnam par snang mdzad gnas dag tu/ /rtsa gnyis gnyis kyi bdag nyid can/ /glo gtad rtse la ltung gyur nas/ / bde de gyen du bzlog pas nis/ /thams cad gnas su gcig tu 'gyur/ /snang ba mtha' yas gnas dag tu/ /brgyad gnyis shes rab ri mor bcas/ /dbus kyi byang chub thig le la/ /glo gtad snang mdzad gnas su phyin/ /de yis sangs rgyas thams cad bkug /yid bzhin nor bu dang 'drar 'gyur/ /'og nas rang gi gnas su bsdu/ /rdo rje sems dpa'i gnas dag tu/ /brgyad dang bzhi yi bdag nyid can/ /dang po sa dang 'byung ba yis/ /nges pa'i ri mo bsam par bya/ /rang gi sa nas mtha' yas bskul/ /'dres pa'i bde ba'i gnas su phyin/ /thams cad 'dres par rang gi sar/ /bde dang ldan nas de yis 'grub/ /sprul pa'i gnas su bcu gsum la/ /gnyis pa gnyis dang yang dag ldan/ /yi ge thig le bcas pa yis/ /'gro rnams bde ba'i gnas su spros/ /slar 'dus de ru dngos grub 'gyur/ /yang na rtag chad bral ba yi/ /dbu ma chen po'i dbyings nyid du/ /ye shes phra mo mar gyis spros/ /dbyings la thug nas mar la byung / /de tshe mi gnas bsam dang bral/ /'dod chags dag dang ldan gyur na/ /gcig shos len pa'i yon tan ldan/ /rtse mor ma dang phaT ldan pas/ /tsaN Da le yi drod byung nas/ /sems dpa' ye shes rtse la zung / /de yis yang sprul gnas su bkug /snyoms par zhugs shing g.yo ba'i bzlog /tha ma'i yi ge 'gro 'ong ni/ /zhu ba'i bsam pa'i bya bar gsungs/ /de nas de bsang dngos grub 'gyur/ /yang na 'og gi thig le bzhi/ /rlung de sprul pa'i 'khor lor 'dus/ /dro bar byang chub sems bkug nas/ /rtse la phyin nas nub byang bsam/ /slar log phar 'gro yang dang yang / /tha ma snyoms par zhugs grub 'gyur/ /yang na gnas bzhi gsum po dag /gang yang rung bas steng du phyin/ /slar log rdo rje rtse la bton/ /tshur log gnas nas las rnams byas/ /des nas dngos grub chen po yang / /rdo rje bzhin du 'grub par bsam/ /khams gsum thams cad dag pa dang / /zhing rnams gtsang mar skye bar 'gyur/ /bsam gtan de dang ldan pa'i tshe/ /gzhan pa'i yul du 'grub 'gyur spang / /spang pa ma yin blang ba min/ /snyoms pa de yi ngang la bzhag /gzugs dang sgra la sogs pa yi/ /rang gi sems g.yeng 'gyur ba'i tshe/ /bstan pa'i rang bzhin med pa bsam/ /bar du so so'i thig le bsam/ /thams cad sgyu ma lta bur brtag /dang po dang po'i dus dag tu/ /'dod pa'i yon tan lha mor bsam/ /de nas rtog pa zhi bar 'gyur/ /lag na rdo rje gos sngon po can rdo rje me lce'i rgyud las thams cad rdzogs pa chen po'i rim pa rnal 'byor pa'i le'u ste bdun pa'o// // de nas lag na rdo rje yis/ /bcom ldan mgon la 'di skad gsol/ /'jig rten kun la phan gdags phyir/ /gtor ma'i rim pa gsung du gsol/ /kun mkhyen mgon gyis bka' stsal pa/ /rnal 'byor rnams la phan gdags phyir/ /bdag gis gtor ma bshad par bya/ /phan gdags pa dang tshar gcad pa/ /phan pa mchog dang thun mong ngo / /gsang ba bla med mchog tu 'dod/ /phyi nang thun mong shes par bya/ /rgyas dang bsdus dang shin tu bsdus/ /tshar gcod pa yang shes par bya/ /dgug dang bskrad dang gsad par dang / /gnan dang bsreg par shes par bya/ /rgyun dus chen po'i gsum nyid dang / /chung ngu rgyun nam dus chen gyi/ /bcu gnyis bzhi 'am tha ma gcig /rtsa ba lnga 'am yan lag lnga/ /'bru dang shing tog sman rnams dang / /cha 'thun 'bur ba la sogs rdzas/ /de stengs dkar gsum klu la shis/ /khrag sna snying sna sha sna gsum/ /de sogs mthun rdzas tshar gcad pa'i/ /bskyed rims dang ni ldan pa yis/ /bla nas bsrung ba byas pa las/ /cho ga gsum du byas pa 'am/ /yang na skad cig lhar bskyed la/ /mtshan dang ldan pa'i pad ma ru/ /rdzas rnams kun gyis bkang nas ni/ /zla ba rdo rje hU~M gis mtshan/ /mtho gang la ni ri bong can/ /de la bcu drug bdun pa'i mtshan/ /rdo rje mtshan ldan pa ru ni/ /sdud spyod 'phro ba'i mthing dmar dkar/ /pad 'od ye shes lnga ldan gsum/ /gru gsum 'og nas zla gam can/ /thugs kyi mthing nag 'phro ba las/ /rdo rje lte bskul mtha' gsum bskyod/ /dmar po 'bar bas mtshan ldan khrol/ / thugs kyis bsdus shing gsung gis sbyangs/ /sku las 'phros pa'i ri 'od bskul/ /shes rab can las 'od zer 'phros/ /de yis yab yum bskul nas ni/ /kha dog dkar po'i bdud rtsi 'bab/ /dang po skul byed 'od du zhu/ /khong seng gnas pa pad mar 'bab/ /bab pa'i gting la de nyid ltung / /lan gsum bskor bas 'og ma bzhin/ /bzhi pa'i dang po gnyis par mtshan/ /de nas gdan bskyed 'khor bcas bkug /dzi baM rdo rje khong seng gyis/ bzhi pa'i dang po gnyis par bsam/ /yang na yud tsam lhar bsams la/ /thugs kar nyi ma de steng hU~M/ /'od kyis chos 'byung gru gsum sprul/ /de yi nang du pad ma ni/ /'dab brgyad dur khrod de dbus su/ /ya~M las rlung byung ra~M las me/ /de steng a las ka pA la/ /nang du bdud rtsi oM AHhU~M/ /de steng zla ba rdo rje hU~M/ /zla a~M 'od 'phros bdud rtsi bkug /bsdus dang bzhu dang bdud rtsir bsam/ / yi ge gsum dang go rim bzhin/ /thugs las 'od 'phros rlung la phog /rlung gis me sbar thod pa bskol/ /de yi rkyen gyis bsdus pa dang / /gzhu dang mdung rtser bsdus pa dang / /yi ge gsum dang sbyar la dbul/ /yang na lha mo dkar mo yis/ /mtshan ldan dag ni bkang la mchod/ /yang ni skad cig slar bskyed la/ /thugs ka'i hU~M gis bdud rtsi sbyangs/ /slar yang ye shes bdud rtsi bab/ /yud tsam sprul pas lha yis gsol/ /bstod nas gshegs shing las bcol lo/ /rgyas dang bsdus dang shin tu bsdus/ /kha zas spyad pa bsdus dang 'thun/ /de ltar yi ge brgya pas bshags/ /lag na rdo rje gos sngon po can rdo rje me lce'i rgyud las gtor ma'i cho ga'i le'u ste brgyad pa'o// // de nas rdo rje gos sngon gyis/ /bcom ldan mgon la 'di skad gsol/ /rnal 'byor thams cad bkra shis dang / /gnod pa thams cad bsal ba'i phyir/ /sbyin bsreg cho ga gsung du gsol/ /'jig rten mgon gyis bka' stsal pa/ /gzhan dag dran pa bskyed pa dang / /dngos grub ldan pa thob 'dod pas/ /man ngag rim par dran pa'i phyir/ / rnal 'byor don du bshad par bya/ /sngon du bsnyen pa byas pa yis/ /bsgrub pa yi ni dus dag tu/ /sbyin bsreg gis ni las kun 'grub/ /sa brtag bslang zhing sbyang ba dang / /byin gyis brlabs cing bsrung ba dang / / sa gzhi dkar por rgyar khru gang / /zabs sor bcu gnyis zlum por bya/ /de dbus rdo rje rtse lnga pa/ /sor ni brgyad pa dag tu byas/ /thab de ba yi rnam lnga dang / /nang kun dri ni dkar por byug /dus gsum me tog dkar por gtor/ /yaM shing nim pa pa la sha / u dum bA ra a mra la/ /sogs pa byang chub shing dag dang / /'dab ma can dang 'o ma can/ /rlan dang bcas pa mnyam bcad la/ /rtse mo'i cha las byung ba yi/ /mtho gang tsam ni 'o ma dang / /mar dang sbrang rtsi la sogs pa/ /rtse gnyis lo ma bcas pa 'bul/ /rnying rul gas dang 'bus zos pa/ /srogs chags gnas pa spang bar bya/ /nas dang bra yos til dag dang / /'bras chan yungs dkar mar dang zho/ /me tog thang chu dri zhim dang / /ci tsam rnyed pa 'bul bar bya'o/ /bud shing dag gi rnam pa yang / /thabs las cung zad dma' bar ni/ /dgon pa'i ba yi lci bas bya/ /de nas sngags pa lus bkrus te/ /dri zhim spos dang bla bas byug /tshad med bzhi yi sems ldan zhing / /zhi ba'i rgyan bcas dkar po bgos/ /lha yi rnal 'byor gsal byas la/ /srod dam snga dro'i dus su ni/ /shar phyogs su ni kha bltas la/ /zhi ba'i sems kyis zhi ba bya/ /mchod yon 'bru dang bcas pa yi/ /dri zhim pa yi chus byug la/ /rang gi lha yi snying po brjod/ /las thams cad pa'i chu dang ni/ /rdo rje gnod sbyin sngags kyis bsang / /las rnams thams cad bum pa dang / /mchod yon g.yon du gzhag par bya/ /bud shing bsreg rdzas g.yas su bzhag /de nas oM badzra yak+Sha hU~M/ /zhes pas me ni sbar ba ste/ /rlung yab kyis ni me sbar ro/ /oM dz+wa la dz+wa la hU~M/ de ni me sbar snying po yin/ /de nas hU~M gis thab bskyed la/ /de dbus ra~M las gru gsum me/ /oM las pad ma la gnas pa/ /ra~M las byung ba'i me lha ni/ /sku mdog dkar po rgyan dang ldan/ /'bar ba'i phreng bas rab tu brgyan/ /gsus khyim che la phreng ba g.yon/ /g+han d+he 'dzin pa'i rdo rje me/ /rang lha'i rnal 'byor dang ldan pas/ /thugs ka'i sa bon 'od zer gyis/ /me lha ye shes sems dpa' bkug /bkug cing dbang du bya ba'o/ /de nas dbang ni bskur ba dang / /sku gsung thugs byin brlab pa'o/ /de nas mchod yon phul nas ni/ /mchod pa lngas ni rab mchod do/ /sgeg mo la sogs mchod pas mchod/ /oM ag+na ye hab bya ka bya ba ha na ye ha bya ti ya na ye swA hA/ zhes pas bsreg rdzas rnams 'bul bya/ /de nas 'bul ba'i rim pa ni/ /'bar ba'i me la yam shing ste/ /de nas mar dang de 'og til/ / de nas 'bras chan la sogs pa'o/ /de nas bstod de las bcol lo/ /de nas me yi dbus rang gis/ /lhag pa'i lha nyid rim pa bzhin/ /dbang bskur ba dang bsam par bya/ /sku gsung thugs su byin gyis brlabs/ /de yang mchod yon zhabs bsil phul/ /mchod pa rnam pa lnga dag dang / /sgeg mo la sogs pa rnams dbul/ /de nas phyag na rdo rje ni/ /gos sngon lce la hU~M bsams la/ /oM tsaN Da ma hA ro Sha Na hU~M phaT/ shAn tiM ku ru swA hA zhes snga ma'i rim pa bzhin du bya/ /bsregs rdzas re re la bdun bdun/ /yang na gsum gsum 'bul bar bya/ /bzlas mthar sbyin bsregs bya bar gces/ /de la mar gyi sbyin bsregs dbul/ /yang na ma grugs nas dag dang / / yungs dkar mar dang sbyar la dbul/ /so ba mar dang yungs kar la/ /sogs pas las kyi sgrib pa sbyang / /de phyir nyi shu rtsa gcig gam/ /yang na rgya rtsa brgyad du dbul/ /de nas mchod yon dang 'thor 'thung phul la bstod par bya'o/ /oM ye shes chen po'i khyad pa las/ /sprul pa phyag na rdo rje ste/ /mthon mthing sku 'dra 'od zer 'bar/ /bdud 'dul khro gtum brjid pa'i zhal/ /phyag g.yas rdo rje rtse lnga bsnams/ /dril bus g.yon gyi dkur brten 'gying / /sku ni rgyan dang na bzas brgyan/ /phyag brnyan bye ba'i tshogs kyis bskor/ /de la bstod de phyag 'tshal lo/ /de nas yang me lha snga ma bzhin du mchod la bstod do/ /drag po maN Dal gru gsum la/ /khru gang tshad las phyed brkos te/ /lho phyogs zur bstan gsum ni dor/ /bdud rtsi la sogs nag por bya/ /de dbus rdo rje steng spangs te/ /bar du me ri rtse mo 'phags/ /bud shing gnag cing gdug pa'i shing / /thab kyi tshad las zor mtho tsam/ / yangs shing de 'thun bcu gnyis tshad/ /mchod rdzas nag po 'ba' zhig go/ /bsreg rdzas mar nag rus khrag sha / skye tshe shang tshe yungs dkar dang / /de la sogs pa'i mthu rdzas dang / /de rnams rdzas la gzugs brnyan bya/ /mchod rdzas g.yas la bsregs rdzas g.yon/ /byin gyis brlab cing gzhag par bya/ /dgang gzar blugs gzar gzhan dang mthun/ /yang na lag pa dag gis bya/ /de gnyis rdo rje dril bu yang / /mdun nyid du ni gzhag par bya/ /las kyi bum pas thams cad bsang / /dus ni nam phyed nyin phyed bya/ /nag po rgyan gon lho phyogs blta/ /g.yon brkyang 'dug ste drag tu bzlas/ /mche ba brtsigs shing khro gnyer bsdus/ /dang po bsnyen pa sngon song bas/ /me pra brtag cing bgegs bzlog bya/ /bzang na de ni bya mi dgos/ /thab bsang bya zhing bskyed pa dang / /cho ga gsum mam skad cig mas/ /me lha nag po khros pa bskyed/ /ye shes me lha spyan drangs bstim/ /gnyis su med par rgyas btab la/ /me lha'i sngags mchod btags la dbul/ /de nas bsreg rdzas dbul bar bya/ /de dbul ba yi man ngag kyang / /khro bo bdag gi cho 'phrul gyis/ /gzugs brnyan bkug stim btubs te dbul/ /yang na rdzas mchog mnyes pa las/ /'od zer khro bos bkug cing bsreg /man ngag de la nan tan bya/ /oM badzra kro d+ha ag na ye che ge mo mA ra ya phaT/ stong ngam brgya 'am nyi shu rtsa gcig go/ /yang na bsod nams rim pa yis/ /brgya dang stong dang khri ru bya/ /de ltar byas na las kun 'grub/ /tha mar dgang blugs bstod bya'o/ /de yi thugs kar gos sngon bskyed/ /ye shes sems dpa' spyan drangs bstim/ /rgyas btab mchod pa gong bzhin dbul/ /de nas bsregs sngags gong bzhin dbul/ /oM badzra kro d+ha nI lA~M ba ra d+ha ra badzra pA Ni rA dz+nya pa ya ti che ge mo mA ra ya hU~M phaT/ gong na man ngag shes par bya/ /dgang blugs phul la bstod par bya/ /lcang lo can gyi pho brang nas/ /gsang ba'i bdag po gos sngon can/ /sangs rgyas kun gyi sprul pa po/ / dbang bskur mchog la phyag 'tshal bstod/ /gdug cing gtum la brjid pa'i sku/ /sna tshogs las rnams mdzad pa po/ /thogs med yid bzhin nor bu'i tshul/ /rdo rje sku la phyag 'tshal bstod/ /dngos po thams cad rnam dag kyang / /smon lam stobs kyis byung ba'i gsung / /tshig dang bral ba'i sna tshogs sgra/ /rdo rje nor bu khyod la bstod/ /dpal ldan rdo rje gos sngon can/ /'khor lo 'bar ba phyag na bsnams/ /lha rnams thabs gyis 'dul bar mdzad/ /lha'i rgyal po khyod la bstod/ /dpal ldan chen po gos sngon can/ /bya khyung 'bar ba phyag na bsnams/ /klu rnams thabs kyis 'dul bar mdzad/ /klu 'dul gos sngon khyod la bstod/ / dpal ldan chen po gos sngon can/ /dbyug to 'bar ba phyag na bsnams/ /gnod sbyin thams cad 'dul mdzad la/ /gnod sbyin gtso la phyag 'tshal bstod/ /drag por gyur pa 'dul ba'i phyir/ /sdig 'dzub rtse la 'od byung bas/ /gdug pa thams cad kun 'dul ba/ /thogs med rdo rje khyod la bstod/ /phrin las bcol zhing gshegs su gsol/ /ting 'dzin bsdus te lta ba gso/ /rdzas rnams thams cad bsdus nas ni/ /me'i lha la dbul zhing bstod/ /yi ge brgya pas lhag chad bkang / /ting 'dzin bsdus te spyod lam bya/ /lag na rdo rje gos sngon po can rdo rje me lce'i rgyud las sbyin bsregs gi cho ga'i le'u ste dgu pa'o// // lag na rdo rje gos sngon gyis/ /bcom ldan mgon la 'di skad gsol/ /gang dag klu yis zin pa la/ /thabs de gang lags gsung du gsol/ /kun mkhyen gtso bos bka' stsal pa/ /nga yi sbyor ba 'di nyid la/ / brten nas klu rnams gdul bar bya/ /nub phyogs drang po'i sa dag la/ /zabs su mi gang brkos byas la/ /de stengs sngar ni bu mo gang / /ston mo bcu gnyis byas pa yi/ /rigs ldan kha dog sngon po 'am/ / rigs bzhi yang dag ldan pa yis/ /'o mas khrus byas thig le byug /gos dag dmar po bskon byas la/ /cho ga rab 'bring tha ma yi/ /dbang sdud kha la me 'bar ba'i/ /bu mo la ni yongs su bsngags/ / rgyan cha lnga yis rgyan btags la/ /rkang pa brgyud mar long btags la/ /lag pa brgyud mar dbang bsgyur du/ /yang dag gnas pas phyag rgya bcas/ /klu yi ming mtshan gang yin pa'i/ /dngos po gang la rab sbyar nas/ /gtso bo kun 'byung mchog nyid las/ /'khor rnams brgyad kyis nges par bskor/ /nub du dngos po rten byed pa/ /gru bzhi pa dag rab tu gdags/ /de nyid sa ru bdag thob ste/ /de steng ci nus sbyor ba bsgrub/ /de thob rab tu bral ba las/ /de yi phyogs su mi lta zhing / /drag po chen po'i sngags bzlas bya/ /de nyid bdag gis mthong ba las/ /legs so snyam pa'i tshigs bcad brjod/ /de nas sa phyogs rab dben par/ /bdag gis sbyor ba legs brtsam bya/ /rgyar ni khru do nges pa las/ /'phang du chag gang rnam par bya/ /rams dang 'thing shun dri chu sogs/ /yongs su sbyar ba byas pa dang / /ba yi rnam lnga la sogs pas/ /yongs su byug par byas pa la/ /sna tshogs pad ma bcu drug pa/ /snying po ze mdab rgyas par bya/ /de steng tshad chung chu skyes nyid/ /phyogs rnams la ni rnam par dgod/ /de stengs gnas pa gang yin pa/ /lha tshogs gzugs su rnam par dgod/ /phyi rol 'bar ba'i phreng ba yis/ /yang dag par ni bskor bar bya/ /sngon du sor brkyang gang bskor ni/ /mdog dmar kun nas zlum par phye/ /de stengs klu rigs drug po dang / /nya dang sbal pa lcong mo dang / /sbrul dang rtsangs pa chu srin dang / /mi dang ru sbal ba lang dang / /byi la nor bu rgya 'bud rnams/ /gtso bo'i cha yis bzung byas nas/ / shul du drag par drangs byas la/ /ma tu lung ga'i phye ma yis/ /bzhi gang rigs thun dngos po ni/ /rab tu gsal bar bya ba yin/ /mtshan mo drag po'i gtor ma la/ /snang ba bzhi par nges par bya/ /bzlas pa'i sngags ni rab 'bar bas/ /drag po'i phreng ba bzungs byas la/ /gur dag sngon pos phub byas la/ /ji srid de nyid ma rdzogs par/ /bdag gis blta bar mi bya zhing / /drag po nyid la mngon par bzlas/ / de yi phyi rim dag la ni/ /shing chen sna tshogs 'byor pa dang / /sngags bzlas srad bu sngon po yis/ /dra bar 'brel par yongs su bri/ /phyi rim gdug pa'i tsher ma yis/ /yongs su 'khor bar bskor bar bya/ /mchod pa rnam pa lnga dag gis/ /dus gnyis dag tu nges par mchod/ /snying po yongs su rdzogs pa dang / /mkha' lding drag po'i sngags bzlas bya/ /steng du gdug pa'i tsher ma yis/ /yang dag par ni dgab par bya/ /mtha' ru lha tshogs thams cad kyis/ /snying po kun la brgya rtsa brgyad/ /thim par yongs su bzlas par bya/ /de 'og grangs su nges pa nyid/ /rab 'bring tha mar yang dag ldan/ /bdag nyid gtso bo'i cha lugs su/ /sngags dang phyag rgya yang dag bsgo/ /bzlas pa'i grangs su rdzogs byas la/ /nad pa der ni bkug byas la/ /byang phyogs dag tu gnas par bya/ /dngul gyi rdzing bu nyid du yang / /brang gi sa bon dkar po yis/ /yongs su gang bar bya ba yin/ /rdzogs pa'i sgra ldan bcu drug pas/ /lcags kyi skam pa ka bi tsa'i/ /shing dag sor ni bcu gnyis pa/ /yongs su gcad par bya ba las/ /sngags kyis mngon par bzlas bya ste/ de nyid dag tu sbyang bar bya/ /rma bya'i mdongs la rab bsngags nas/ /pad ma'i shing las shing dang nis/ /mdangs su yang dag bsam par bya/ /seng ldeng phur pa sor bcu gnyis/ /khro bo'i sngags kyis mngon par bsngags/ /de nas sngags kyis rab bsngags te/ /nad pa nyid la byab bya ste/ /rigs drug po la nges par gdab/ /de nas de nyid snying ga la/ /thig le drug tu nges par bri/ /de steng rigs drug bsam byas la/ /g.yon na gnas pa'i nga rgyal mchog /sngags kyis mngon par bskul byas pas/ /drag po'i shugs kyis rab song ste/ /rngam pa'i zhal du nges par bstabs/ /de ltar bsam pa rab brtan pas/ /yongs su bsgom par bya ba yin/ /de yis de la gnod byed pa/ /skad cig tsam las mi gnas shing / /myur bar skrag par phyogs bcur 'bros/ /oM badzra kro d+ha a mr-i ta kuN Da li ni dA ta yaM pra ti hU~M phaT/ oM ban d+ha ban d+ha nA gA nA~M phaT/ oM ga ru Da ga ru Da pu tra b+hak+Sha nA gA nA~M hU~M phaT/ oM nI lA~M ba sa na sarba a la kr-i twa me badzra pA Ni b+ha ba te hU~M phaT/ oM b+ha k+Sha ma ga len sarba bya d+ha phe ta ya~M hU~M phaT/ oM b+hak+Shi tsa bi sha nA ya hU~M phaT/ oM sarba nA gA nA~M A ka rA yA bi sha yA me to sha yA hU~M phaT/ oM ma hA rau tra ga ru Da gats+tsha gr-ih+na gr-ih+na sarba nA gA nA~M phaT/ gong ma'i phur ba gang yin pas/ /sngags 'di brjod pas gtab par pa/ /oM badzra kI lA ya/ sarba nA ga ba d+h+win sa na hU~M phaT/ bzhin ni rab tu 'bar ba dang / /zhe sdang rdo rje ting 'dzin gyis/ /'brug sgra ldan pas yongs su gtub/ /de nas drag po'i sngags kyis su/ /mtshan ma nges par gdab par bya/ /de nyid dag la gang byung ba/ /de la shes rab can gyis dpyad/ /rtags su ldan pa gang yin pa/ /sku rnams g.yos pa nyid dang ni/ / gang gis gzugs rnams g.yos gyur pa/ /rtags su nges par gyur pa yin/ /de nyid 'dar ba gang yin pa/ /de yang rtags su nges pa yin/ /dang po rab tu 'byor ba la/ /nang gi bgegs nyid bsal ba yis/ /phyi nas phyi yi nad bsal ba/ /sman la sogs pa'i sbyor ba yis/ /mkhas pas phyi yi nad bsal te/ /brgya ka la sogs lnga rnams dang / /mar nag nyid la nges btab la/ /zhag grangs bdun du mnan pa yis/ /lbu chung legs par khyab par snang / /sug pa la sogs spong sbyar bas/ /gong du sngags kyi bsnyen par gnas/ /'od zer dkar po yongs rtogs pa'i/ /nyi ma nyid la khrus byas te/ /dri ma dag par bsams pa lags/ /drug sbyang nges par bskul bar bya/ /de 'og mchog gi sman nyid gang / /grags ldan chen po srang gcig nyid/ /legs par bskol bas kha nyid du/ /zhag dag nges par chags par 'gyur/ /de nyid lus la bsku bya zhing / /tshigs ma zho gsum bza' bar bya/ /snying po gsum la shar btsos te/ /khu ba nges par btung bar bya/ /gnam sgro nag po zur gsum pa/ /rtse mo shin tu rno ba la/ /ri mo sna tshogs 'dug 'gyur ba/ /brgya dag shin tu 'dus 'gyur de/ / bcu drug cha ru nges par bskol/ /de yi lus la bskus byas te/ /kha ru nges par btung bar bya/ /de yis kun kyang skyur 'gyur te/ /nad ni nges par phyung bar 'gyur/ /dri zhim sna tshogs sbyar ba yi/ /chang du zhag bcu nges par spang / /de nas sngon por gyur pa dang / /lan tshwa phul gang des btab ste/ /de btab zhag bzhi spang byas nas/ /bcu bzhi pa la lo mar nyid/ /phul do dang ni bsres byas la/ /lbu ba dngas par yang dag bskol/ /de yis lus la bskus pa na/ /sum gnyis kha ru nges par blud/ /sbyor ba de la rab brten na/ /gdon mi za bar 'tsho bar 'gyur/ /lag na rdo rje gos sngon po can rdo rje me lce'i rgyud las klu gdug mdangs 'phrog gi gdon 'dul ba'i le'u ste bcu pa'o// // de nas lag na rdo rje yis/ /'jig rten mgon la 'di skad gsol/ /gang zhig tshangs pas zin pa la/ /thabs de gang lags bstan du gsol/ /mgon po mchog gis bka' stsal pa/ /tshangs pa srin po'i gdon zhes bya/ /shin tu gdul bar dka' ba ste/ /de la drag por ma byas na/ /tha ma mal yis 'gro ba min/ /bram ze sngags pa mi bzad pas/ /yang na drag po'i sgra ldan pas/ /ston mo bcu bzhi byas pa la/ / zhag gsum bar du dkar gsum zas/ /rgyun mi 'chad par sbyin par bya/ /rigs byed sngags su ldan pa nyid/ /de la bslab par bya ba nyid/ /tshangs pa'i skud pas stod dkris la/ /gos dag dkar pos yongs su brgyan/ /spyi bor thor tshugs bcings byas la/ /lag g.yas bzhi pa de nyid la/ /bkra shis dngos pos yongs su bsdam/ /shar phyogs dag du song ba las/ /shing chen rtsa nas khru gang nyid/ / 'og tu bskos pas sa blang bya/ /de rten ras yug dkar po yis/ /thob pas phyogs su mi blta zhing / /shar phyogs khro bo'i snying po bzlas/ /de nas de nyid mthong ba dang / /ha la ha la'i sgra yang brjod/ / ba yi rnam lnga nyid dang ni/ /rams dang mthing shun dri chu la/ /sbyar bas khru gang mtho gang gi/ /dkyil 'khor zur lngar ldan par bya/ /dkyil gyi lte ba nyid la ni/ /lha yi tshogs rnams nges par dgod/ / zur lnga pa dang 'dab 'byar du/ /zur gsum pa dang sor brgyad pas/ /yongs su zabs su bru bar bya/ /'og tu sman gyi phye ma yis/ /legs par bdal bar bya ba yin/ /de dang de nyid gzugs byas la/ /spra tshil las sbyar sor bcu'i tshad/ /drag po rid bar gyur pa la/ /lag gnyis sbar ba gdings par bya/ /skyer ba'i phur pa sor bzhi pas/ /mtha' ma yongs su bskor bar bya/ /steng yang phur pa yungs kar la/ /sngags bzlas pa yis yongs su bsnan/ /gtor ma stobs rnams skyed byed dang / /mchod pa lnga yis dus gnyis su/ /yang dag par ni mchod par bya/ /rang nyid snga ma'i tshul gnas la/ /yid ches phreng ba rab bzung nas/ /drag po'i rigs la rtsa ba'i sngags/ /tshad du phyin par yongs su bzlas/ /de mtha'i snying po ma lus pa/ /brgya rtsa brgyad dag bzlas par bya/ /de yi mtha' ru bzlas bya ba/ /de yi srog snying nges par bzlas/ /skyer pa'i tsher ma rab spangs la/ / dkyil 'khor mtha' ru gnas par bya/ /de nas mgugs pa'i bsngags bzlas bya/ /tshad du nges par thim byas la/ /de nyid 'ongs par ma gyur na/ /gu gul nag po'i dud pa yis/ /de bkug sngags kyis mngon par bzlas/ /lcags kyu'i phyag rgya bcas pa las/ /yongs su dgug par bya ba yin/ /de nas sngags pas nad pa nyid/ /mdun du mngon par bkug byas la/ /sngags chus nges par gtor bar bya/ /de nas bsgrub bya 'ongs pa na/ /gzugs de 'gyur bar gyur pa 'am/ /yang na 'gyel bar gyur pa yin/ /de nas bdag gis bden pa dang / /zhi ba'i tshig gis gdab par bya/ /gal te song bar gyur pa na/ /bdag gis snying las chung ngu yin/ / 'on te 'gro bar mi 'gyur na/ /bdag gis sbyor ba 'di brtsam bya/ /skud pa rnam lngar ldan pa la/ /khro bo'i sngags kyis rab bsngags te/ /zhags mig dam pos nad pa bcings/ /lcags kyus snying nas drangs byas la/ / g.yon du rdo rje bzung byas nas/ /g.yas pas yid ches bzung byas te/ /lus ngag yid gsum rab drag pas/ /sngags tshogs yongs su bzlas par bya/ /phyag rgya lnga yis bsdams byas la/ /de nyid lnga ni yongs su dbab/ /de nas skyer pa'i bam po la/ /gu gul chu yis btab byas te/ /phung bar bya phyir de nyid bsreg /dug dang phur bu skye tshe dang / /mdog bzang yungs kar wa ti'i chus/ /yongs su sngags bzlas bsreg par bya/ /gsung de bdag nyid 'bar ba yis/ /'khor lo la ni yang dag mchod/ /de nas lcags gur nag po yis/ /gsang ba'i don du kha gdab bya/ /oM b+hur b+hu ta sA bu bas swA hA/ sa ma na a ka se me kar ta~M/ b+hu yu b+hu ta brah+ma ni ka ya ya~M sa ba ra b+hu ta swA hA/ oM ti li ti la badzra sha ra sha ra hU~M phaT/ oM brah+ma rak+Sha g+ha ya hri da ya ka ra di ts+tshe di ya phaT/ oM A kar sha ya A kar Sha ya ga ta ya hU~M phaT/ oM a mr-i ta sid d+ha ha ra ha ra bi sho d+ha ya ba~M hU~M/ oM ban d+ha nA~M du Sha ga ya hU~M/ oM badzra k+Sho b+ha hU~M/ oM ta ra k+Sho b+ha hU~M/ oM a tra k+Sho b+ha hU~M/ oM brah+ma ak+Sha gra hA ya/ da ha ya mA ra yA ts+tshin da ya a bi tsA ra ya bau Sha ba de phaT phaT/ des bsregs bdag gi lus ngag ni/ /tshig pas de la 'gyod pas ngag /bdag gis nges par brjod par bya/ /de yis de nyid lus la sogs/ /gdon dang bral ba zhi bar 'gyur/ /de nas thal bas nad pa la/ /lus la bskus nas bsrung ba yi/ /'khor lo 'di ltar gdags par bya/ /skud pa sngon po gang yin pa/ /bu mo phyug cing rigs bzang ba/ /mdzes pa bcwa brgyad lon pa la/ /de yi gong 'og gnyis pa la/ /'khal du bcug pas 'jur ba med/ / rdul gyi bar ni bton byas nas/ /lhas ma legs par blang pa yis/ /bde ba'i lus la nges par gdags/ /des ni skye ba thams cad du/ /bsrung ba legs par gnas pa yin/ /khams gsum rnam rgyal 'bar ba yi/ / bum pa bzang po yongs su bca'/ /sngags kyis yongs su brgyan par bya/ /phur pa rdo rje zhags pa dang / /tho bas dbang bskur rim par bya/ /de nas mchod pa lnga dag gis/ /mchod pa lus la rgyas par mchod/ /yang dag grub pa gang yin pa/ /phyag rgya bcas pas sngags pa yin/ /sangs rgyas byang chub sems dpa' dang / /bla ma rdo rje 'dzin pa la/ /gus pa yis ni sangs rgyas bde/ /mchod pa rab tu rgyas pa la/ /sngon du bsnyen pas yongs su bsgrub/ /khams gsum rnam rgyal khro bo la/ /bsgrub pa'i thabs ni yang dag bshad/ /gong gi cha byad de nyid la/ /dur khrod dag tu song byas la/ /mi yi thal ba gang yin pas/ /bdag gi lus la khyab par byug /g.yon du thod pa thogs byas la/ /g.yas su rdo rje thogs byas te/ /yid ches dkar po'i phreng ba la/ /drag po'i bzlas pa mang du bya/ /de yi longs spyod bzang za zhing / /stags gi lpags pas smad dkris bya/ /don dang ldan pa'i snying po bsam/ / khrag gis ngo yang bsku byas la/ /nag por gtogs pa'i 'pho ba brgyad/ /sog pa'i ming la zhugs byas la/ /skar ma dag la nges par bsgom/ /chang 'du ba la gnas bcas la/ /shes rab zung du ldan pa yis/ /skar ma nyid la mnyam sbyar la/ /brgyud pa yis ni sngags bzlas bya/ /zhag grangs brgya rtsa brgyad pa yis/ /yang dag pa ru bsgrub par bya/ /de nas zhag grangs thim par bya/ /mtha' ru mtshan mo thog thag par/ /sngags dag nges par bzlas par bya/ /de nas ske tshe yungs kar dang / /khrag dang sbrang rtsi sbyar ba yis/ /sbyin bsreg stong du thim byas la/ /ka ra bi ra'i lcug ma la/ /tsan dan dkar po'i chus bskus te/ /me tog phreng ba btags pa yis/ /lag pa g.yas su thogs byas te/ /yid ches spu la thag pa yis/ /yang dag pa ru bkal nas ni/ /bdag gi spyi bor bcings byas te/ /de nas grong khyer rgyus pa na/ /kun gyis phyag byed mchod par byed/ /'jig rten kun gyis phyag byed cing / /snying du sdug par nges pa yin/ /mkha' 'gro ma sogs phra men mas/ /bdag la lung yang nges par ston/ /sdug bsngal rtag tu mi 'byung zhing / /lha min la sogs gdug pa yis/ /de yi phung por mthong ba yin/ /bdag la sdigs pa mang po 'jug /de la 'jigs pa bskyed mi bya/ /bdag la gdug pa sna tshogs pa/ /gnod pa sna tshogs byed pa na/ /de la 'jigs pa mi bskyed cing / /sems dga' ba yis yongs su mchod/ /oM ka pA la d+ha ra sid d+ha ye/ / oM b+hak+sha sarba na maHsa nA~M hU~M hU~M hU~M phaT phaT phaT/ oM DA ki n+ya ba shI ka rA yA swA hA/ oM sarba lo ka ba shI ka rA ya hU~M/ oM sarba duSh+Ta tsi ta ta na sa na ya phaT/ oM ma hA kA la sa ba ya hU~M phaT/ lag na rdo rje gos sngon po can rdo rje me lce'i rgyud las tshangs pa srin po'i gdon 'dul ba'i le'u ste bcu gcig pa'o// // lag na rdo rje gos sngon gyis/ /bcom ldan mgon la 'di skad gsol/ /gang zhig gshin rjes zin pa la/ /thabs de gang gis bgyi ba lags/ /rigs pa'i rgyal pos bka' stsal pa/ /gshin rje brang dmar zhes pa'i gdon/ /kha dog sngon po nyid la ni/ /mche bzhi dang rab ldan pa'i/ /g.yas na thod dbyug 'dzin pa la/ /g.yon na mi'i mgo bo 'dzin/ /drag po 'jigs su rung ba yis/ /gdon gyis gang dag zin gyur na/ /thabs 'di yang dag sbyor bar bya/ /rang gi sbyor bar gzung byas nas/ /drag po'i sgra ldan nyi shu pa/ /shin du dpa' zhing dad par ldan/ / stobs ldan gtum pa'i bdag nyid can/ /zhag drug bar du bsnyen bya ba/ /sha lnga la sogs chang byin te/ /de la'ang sngags kyis btab byas nas/ /sha gos khra bos yongs su bskon/ /me tog mdzes pas brgyan byas la/ /sngags 'di nyid ni 'bum du bzlas/ /de nas de yi g.yas nyid du/ /zhags pa nges par bkur byas la/ /g+ha sa g+ha sa'i snying po brjod/ /g.yon du dngos po ldugs byed pa/ /yid chen la ni rab tu bcem/ /nag por gtogs pa'i gsum pa la/ /skar ma nyid la rab bskul te/ /mnyam pa'i sa ni blang bar bya/ /de thob sngags pa blo ldan pas/ /dkyil 'khor nges par brtsig bya ste/ /khru do pa la zur drug pa/ /'phang du sor bzhi rnam par spyad/ / de la ram dang mthing shun dang / /ba yi rnam lngas byug par bya/ /'khor lo bcu drug yang dag bri/ /mtha' mar 'bar ba'i phreng ba yis/ /sna tshogs par ni bskor bar bya/ /de la lha sogs rab bkod la/ /bla re sngon pos yongs su dbul/ /de la 'dab 'byor 'khor lo nyid/ /zlum po nges par brko byas la/ /khru gang yongs su brko bar bya/ /'og tu dug gi phye ma yis/ /yang dag par ni gding bar bya/ /gri la sogs pa'i mtshon gyis ni/ /kha rim nges par bskor bar bya/ /bla phyogs dar gyis phub byas la/ /nag po chen po'i snying po ni/ /'bum du tshang bar bzlas par bya/ /bdag nyid snga ma'i tshul gnas la/ /'bor gnyis rus pa'i phreng ba yis/ /drag po'i rigs la bzung byas te/ /rtsa ba'i sngags sogs thim par bzlas/ /mchod pa rnam pa lnga dag dang / /sha chen la sogs gtor ma nyid/ /gnyis su nges par dbul gtang bya/ /de nyid mgugs pa'i snying po yis/ / yang dag pa ru dgug par bya/ /ral gri 'bar ba gang yin pas/ /shar phyogs dag tu nges par gnas/ /de la nag po chen po yi/ /sngags kyis yongs su bzlas par bya/ /de yi srog snying gang yin pa/ / mtha' ru sbyar ba'i yang dag bzlas/ /de nas de yi gzugs bya ba/ /bag zan nyid la sor bcu drug /'jigs pa'i gzugs byas rams kyis sku/ /de yi nang du de nyid kyi/ /ming dag nges par bri byas la/ /nang du nges par gzhug par bya/ /lcag las byas pa'i tsher ma la/ /rtse mo dug gis bsku byas te/ /de yi phyogs su dug dag ni/ /yongs su gzugs par bya ba ni/ /de la sngags kyis sngags byas la/ /de steng dar gyis nges par gding / /de ltar zhag grangs sum bcu par/ /yongs su bsnyen par byas pa las/ /nad pa'i gos la sogs pa dang / /kha 'phro la sogs bdag gis rnams/ /snod du thams cad bsogs byas te/ /sngags chen gyis ni yang dag bsngags/ /de nas bsnyen pa rdzogs pa dang / /nad pa dngos po bkug byas la/ /thal mo yongs su sbyar byas te/ /sems bskyed pa dang skyabs 'gro bya/ /rdo rje 'bar ba'i lcags kyu yis/ / de yis snying nas drangs byas la/ /oM badzra phaT kyi sgra yang sgrags/ /zhe sdang rdo rje'i ting 'dzin gyis/ /khro bo'i gzugs dang drag po'i sgras/ /g.yas par phreng ba thogs byas la/ /g.yon par ral gri rab 'bar gzung / /nag po chen po rab rbad la/ /de yi phung po 'jom par bsam/ /de nas sngags pa blo ldan pas/ /gzugs brnyan mtshon gyis gzer bar bya/ /de nas phyi ru nges bton pas/ /dang por ral gri gang yin pas/ /ske ni yongs su gtub par bya/ / de ltar sngags bzlas gtubs pa yis/ /nad pa skad ngan 'don par byed/ /yongs su grub pa'i rtags su ni/ /lha rnams phyogs char g.yo ba dang / /de yi gzugs brnyan g.yo ba nyid/ /grub pa'i rtags su bstan pa ni/ / de yi dum bu gang yin pa/ /gzhan gyis sbyar bar gtor ma gtang / /de yi sbyor ba gang yin pas/ /gshin rje'i gdon dang nges par bral/ /de dang bral ba gang yin pas/ /bsrung ba'i 'khor lo nges par brtsams/ / tshon sna lnga yi skud pa ni/ /'dzA ti pa la'i nang btsos te/ /rdo rje 'bar ba'i sngags btab ste/ /mdud pa nyi shu gcig bor la/ /de yi sker ni gdag par bya/ /des ni srung ba mchog yin te/ /phyi nas bgegs mi 'jug pa yin/ /oM pha ra pha ra ya ta ha~M swA hA/ oM ka~M sha ri b+ha ba pa phaT/ oM g+ha sa g+ha sa ba ru pa ha ya ha ya sa~M tsa hU~M/ oM ma hA kA la ya ma g+ha ha mA ra ya hU~M phaT/ oM a k+shar ya a k+shar ya/ oM ak+shar ya/ sarba ma ya na hU~M/ oM ya ma du du he da a na a sarba ya me na ha/ oM sha ta tik+Sh+Na ru pe na ya ma ts+tshin da ts+tshin da hU~M phaT/ ya~M oM tsaN Da khad khe da ya ma ts+tshin da ka ra ya phaT/ oM dz+wa la dz+wa la na ro gi rak+Sha rak+Sha swA hA/ de ltar 'byung po nges bsal na/ /rnal 'byor pa la gnod byed pa'i/ /dngos po gang dag gsad bya'i phyir/ /nag po chen po 'di bsgrub bya/ /shin tu brtags la mngon par bsgrub/ /phra mo tsam la bya ba min/ /bstan pa dngos su 'jig la sogs/ /snying rje chen pos sbyor ba brtsam/ / dang por gtsug lag khang chen nam/ /mchod rten khang stong chen po 'am/ /rab tu bsngags pa dur khrod mchog /bdag gis nag po chen po yi/ /gzugs brnyan legs par bris pa yi/ /mchod pa sna tshogs 'byor pa dang / /rab gsal lnga yi dud pa dang / /mi 'chi lnga yi dud pa yis/ /zhag bdun bar du bdug par bya/ /dang por gzhi ma'i dngos po gang / /yid ches lpags pa nges pa las/ /de las byung ba gang yin pa/ /yang dag pa ru bri bar bya/ /de nas gnas gang yin pa ru/ /skar ma dag la yongs mchod la/ /rab gsal lnga dang mi 'chi lnga/ /gzhan yang rab gsal sna tshogs pas/ /yang dag pa ru mchod par bya/ /dpa' bo sna tshogs 'byor pa dang / /mchod pa sna tshogs ci 'byor pas/ /zla gsum bar du mchod bya zhing / /rang nyid cha lugs bsgyur ba yis/ /lus la khrag gis rnam par bsku/ /rlag byed dngos po gang yin pa/ / 'bar ba'i dkyil 'khor phyogs kun tu/ /stod kyi tshigs gnyis bkug pa yis/ /yongs su bru bar bya ba yin/ /de yi nang du dngos po gang / /yang dag par ni blugs byas la/ /mgo tsho ba dang dre ra sha / de gsum yongs su bsres pa yis/ /gang la dmigs par bya ba yi/ /dngos po gang dag der bsam bya/ /sngags dang phyag rgya sbyor shes pas/ /gsal bar bsgoms pas dbul bar bya/ /gtor ma nyid la sna tshogs pa'i/ /dngos po gang dag blugs byas la/ /mtshan mo phyed nas yongs su gtang / /de yi thugs ka nyid nas ni/ /thugs yid sdus pa gang dag bsam/ /'di yi stod kyi cha gang lags/ /mi 'gyur gnas pa gang dag bsam/ /de gnyis dkar dang gnag pa ste/ /'di la 'brel par gyur pa yin/ /dngos po nag por de nyid la/ /dngos po dkar po gang yin pa/ /stobs bskyed gsal bar gnas par bya/ /de ltar skad cig du ma yis/ /yongs su gnas par byas pa las/ /bdag la nga rgyal drag po bskyed/ / de skyes pa yi grub par bsam/ /rtags su bya ba gang yin pas/ /de nyid dngos po g.yos gyur dang / /drag po sgra yang thos pa dang / /sems can ma rungs 'jigs pa'i gzugs/ /mngon sum dag tu 'ongs gyur na/ /nges pa nyid du 'grub pa yin/ /de 'grub bsgrub bya gang yin pa/ /de nyid rnams gsum bsregs pa yin/ /chag gang pa yi dbyibs byas la/ /de yi dkyil du srogs snying gzhug /de nas nag po chen po la/ /ma nyes pa yi tshig brjod de/ / nag po chen po nyid la bstab/ /de yi sngags dag bzlas pa yis/ /rab gsal lnga dang mi 'chi lnga/ /dpa' bo la sogs thams cad kyis/ /yongs su sbyar ba de nyid gsum/ /dngos po gang nyid la sogs pa/ /mtshon gyis yongs su gtub par bya/ /de nas me nyid rab sbyar bas/ /sngags dang phyag rgyar rab ldan pas/ /lus ngag yid ni drag po yis/ /las kyi sbyor ba nges par spyad/ /oM mA hA kA la ra ya ra sarba sha tru~M nA~M phaT phaT phaT/ oM ma hA kA la sarba sha trU~M ts+tshin da ya phaT/ da sa da~M ra pha ra ha ha ha b+ha swA hA/ de nas sngags pa yongs rtogs pas/ /sangs rgyas byang chub sems dpa' dang / /nyan thos rang sangs rgyas rnams la/ /gang zhig gnod par byed pa yi/ /gang zag rnal 'byor bsgrub pa yi/ / gong ma'i sems kyis yang dag sbyar/ /de la bla ma'i man ngag gis/ /yang dag par ni dbye bar bya/ /bla ma nyid la ci nus pa'i/ /yongs su mchod pas man ngag dbral/ /'dis ni nges par 'grub pas na/ /yid ches par ni yongs su bsgrub/ /lag na rdo rje gos sngon po can rdo rje me lce'i rgyud las gshin rje brang dmar gyi gdon 'dul ba'i le'u ste bcu gnyis pa'o// // lag na rdo rje gos sngon gyis/ /bcom ldan mgon la 'di skad gsol/ /gang zhig gnod sbyin gdon gyis zin/ /de la thabs gnyis gsung du gsol/ /gsang ba'i mgon gyis bka' stsal pa/ /gnod sbyin gdong ser zhes pa'i gdon/ /shin tu drag par gyur pa las/ /thabs 'di yang dag brtsam par bya/ /drag po'i sgra dang rab ldan pa'i/ /kha dog ser ba sum bcu'i gzugs/ /stobs dang ldan zhing rab tu gus/ /zas su sbrang rtsi zar bcug la/ /zhag bdun bar du nges par bsnyen/ /gos dag ljang khu bskon byas la/ /sngags 'di dag gis yongs su bsngags/ /bdag gis rab tu dang bas ni/ /sangs rgyas rnams la mchod pas mchod/ /de nas sum bcu pa dag la/ /dngos po brten par byed pa yi/ /ras stsogs gos dras btsems byas la/ / byang phyogs dag gi khang stong du/ /phyin pas sa nyid blang bar bya/ /lus ngan sras pos rab bsngags pa/ /snying po nyid kyang gdon bya zhing / /de thob byang phyogs khro bo yi/ /sngags bzlas pa yis phyir mi lta/ / de nas sngags pa blo ldan pas/ /dkyil 'khor khru ni phyed dang do/ /zur bzhi pa ru byas pa la/ /rams dang mthing shun yung ba dang / /ba yi rnam lnga dri ldan pas/ /'phang du sor gnyis rnam par nges/ /nang nas rab tu zlum byas la/ / rtsan dan dkar po'i thig le ni/ /bcu bdun yongs su bri bar bya/ /de steng 'khor lo'i lha tshogs gnas/ /bla re ljang khu phub byas la/ /de nas 'dabs 'byor de nyid kyi/ /dkyil 'khor gru bzhi pa nyid la/ /rgyar ni sor mo bcu gnyis la/ /zabs su chag gang nges par bru/ /khu byug dug du bsres pa yi/ /de yi gcal du rnam par dgram/ /mchod pa lnga dang gtor ma dang / /las la sbyor sogs dkar po nyid/ /yongs su gtang bar bya ba yin/ /sgra skad chen po'i rus pa la/ /phreng ba byas pas drag po'i rigs/ /de nyid la ni bzung ba yis/ /rtsa ba'i sngags sogs 'bar ba bzlas/ /de dag steng du thim 'gyur bas/ /lus ngan sras po'i sngags bzlas pas/ /de yang gong ma'i tshad nyid du/ /phyin pas yongs su bzlas par bya/ /yid chen phur bu sor bcu pa/ /bcu drug dag gis de nyid kyi/ /kha ru yongs su bskor bar bya/ /bdag nyid snga ma'i cha lugs la/ /'bar ba bskyod pas phur bu bsngags/ / yungs kar til gyis rigs gnyis la/ /byang phyogs khro bo'i snying po nyid/ /brgya rtsa brgyad pas yongs su bsngags/ /skud pa sngon po nyid la yang / /'bar ba chen po'i sngags bzlas nas/ /de yi gzugs nyid yung ba yis/ / gro ga dag la bris byas la/ /skud pa de yis rab bcings la/ /nang du nges par gzhug par bya/ /steng du me long nyid la yang / /gur gum khu bas byug byas la/ /ngo bstan kha ni dgab par bya/ /zhag bdun bar du bsnyen pa yis/ / de nyid 'gugs pa'i sngags kyang bzlas/ /de nas sngags pas sbyor ba 'di/ /yongs su ma nyams yang dag bzlas/ /de rdzogs nad pa bkug byas la/ /gu gul nag po'i dud pa dang / /sna nyid dag tu bdug par bya/ /de nas de nyid 'phros pa na/ /mi bzad rab tu 'bar ba yi/ /sder mo yis ni drag tu bzung / /hU~M gi nga rgyal sgra dang ldan/ /zhag pa sngon po gang yin pas/ /de yi ske nas bzung byas la/ /me long nyid la ngo bstan bya/ /g.yas pa rdo rje ldan pa yis/ /phreng bas sngags ni yang dag bzlas/ /de nas rab tu ldan pa yis/ /srog gi snying po yongs su bzlas/ /bsam pa yongs su rdzogs pa yis/ /de nyid la ni yang dag dbab/ /de nas rnam par rab ldan pas/ / sngags chu yis ni khrus byas la/ /lus ngag yid gsum drag po yis/ /dngos po yongs su bcings byas la/ /khru gang brkos pa'i nang du gzhug /phur bur steng du gzir byas la/ /phaT kyi sngags kyis yang dag mnan/ / des ni gdon mi za bar ni/ /gnod sbyin gdon dang nges par bral/ /de nas srung ba'i 'khor lo nyid/ /yongs su bsrung ba byas pa yis/ /phyi nas gdon mi 'jug pa yin/ /oM ma hA bai shra ma Na ye kang kA yak+Sha b+han d+ha nA~M/ oM badzra kro d+ha a mr-i ta kuN Da li hU~M phaT/ pa tsa bo phu sha ya ha ha na ha na yak+Sha pa ra ya/ oM A kar Sha ya A kar Sha ya sarba yak+Sha nA~M hU~M ra~M/ sha oM yak+Sha hr-i da ma dza ma dza so pa la hU~M/ oM sarba ra ra bi sho d+ha ya hU~M phaT/ oM ha ha ha phaT phaT phaT hU~M/ sangs rgyas byang chub sems dpa' dang / /lus la sogs pa'i phan gnod gnyis/ /yongs su sbyang bar yang dag bshad/ /de nyid lus ngan sras po la/ /gang bstabs de nyid nges par 'jig /de yi sbyor ba bya ba ni/ /lus ngan sras po'i bsgrub pa bshad/ /dang por de yi gzugs bya ba/ /rams dang yung ba rab sbyar bas/ /ba dan ne'u le'i rkyal pa dang / /sku gdong g.yas phyogs bzhag byas la/ /gong ma lta bu'i gzugs su bri/ /g.yas g.yon gnyis su de nyid kyi/ /yi ge gnyis po bri byas la/ /de mthar drag po'i snying po bri/ /gsum sbyar dngos po 'bigs byed pa'i/ /tshigs gsum du ni nges pa las/ /dar dag dmar po kha tshon gang / /me tog phreng bas yongs su brgyan/ /rin chen sna lnga'i phye ma dang / dri'i phye ma sna tshogs pa/ /phur ma byas pas gdags par bya/ /srog snying 'o mas bri byas la/ /de yi ming rus khrag gis bri/ /'bru dag dkar po'i steng btsugs pas/ /de nyid la ni chags par 'gyur/ /dkyil 'khor khru gang gru bzhi pa/ /'phang du sor gnyis nges pa las/ /gong du bstan pa'i sbyor ba yis/ /yongs su byugs par byas pa las/ /mchod pa lnga yis rab mchod la/ /bdag nyid sdom par yang dag gnas/ /zas su dkar gsum bza' byas shing / /chang la sogs pa btung mi bya/ /gtor ma cha gcig bsnyen par gnas/ /cha gnyis nyin mtshan dus gnyis su/ /bsam pa'i sbyor bas yongs su gtang / /dang po'i gtor ma de nyid la/ /yungs kar nyid kyang blugs byas la/ /bzlas pas grangs su thim par bya/ /de yi ming rus gang yin pas/ /snying po dag la re re zhing / /yang dag pa ru mnyes par bya/ /rang gis ma nyes gang yin pas/ /tshig bton pa yis drag por bod/ /shin tu gdug sems rab 'bar bas/ /dang po snying rje chen po bskyed/ /'di la rtags kyis sbyor ba dang / /brlag par bgyi ba'i bskul ma gdab/ /ring du 'tsho na snying rje spang / /myur du khyod kyis bsgral du gsol/ /de dag la sogs tshig dag gis/ /de la tshig kyang drag por brjod/ /de nas gnas gang yin par ni/ /dang po'i gtor ma brdab par bya/ /dang po dang ni bar dag dang / /tha mar phyogs skyong bsrungs ma la/ /'o dod bod pas gtor ma gtang / /sngags rnams bla ma'i lung las ni/ /yongs su shes par bya ba ni/ /oM bai shra ba ma NA ye hU~M/ A mu ta~M kha ta ba ta sa sa ba ru/ de las yongs su byung bas ni/ /yang dag pa ru shes par bya/ /mtshan mo mgyogs pa zhes bya ba'i/ /srog chags gang dag shi ba yi/ /rus pa la ni sngags bzlas la/ /de yi khang rtsar gzhug par bya/ /de yis ltas ngan sna tshogs pa/ /yang dag pa ru 'byung ba yin/ /grub pa'i rtags su bstan pa ni/ /skyes pa mda' gzhu pa dag ni/ /yang yang rmis par gyur pa ni/ /nges par 'grub par yang dag bshad/ / lag na rdo rje gos sngon po can rdo rje me lce'i rgyud las gnod sbyin gdong ser gyi gdon 'dul ba'i le'u ste bcu gsum pa'o// // lag na rdo rje gos sngon gyis/ /bcom ldan mgon la 'di skad gsol/ /gang zhig sgrub par byed pa la/ /bris sku la sogs glegs bam nyid/ /tshad de gang gis bgyi ba lags/ /rig pa'i rgyal pos bka' stsal pa/ /gang zhig sgrub par byed pa yis/ /bris sku glegs bam sbyor ba 'dis/ /yang dag par ni bsgrub par bya/ / dur khrod la sogs gang yin par/ /ri mo mkhan nyid rim pa bzhin/ /dbang bskur ba ni yang dag bya/ /tha ga pa yang bsnyen byas la/ /dri zhim pa yis yongs su byug /steng 'og gnyis la mtha' gnyis gsum/ /mnyam par bzhag pas yang dag brtag /dmar po lnga yis rab byugs la/ /sa bon yang dag ldan pa dang / /dri zhim rnam pa sna tshogs pa/ /yongs su byug par bya ba yin/ /tshon rtsi rnam pa sna tshogs pas/ /yid ches sngags kyi tshon rtsi rnams/ /mnyam par sbyar ba bri bar bya/ /snod dag thod pa nyid la ni/ /pir ni mi yi skra yis bya/ /dur khrod nyid dam khang stong ngam/ /gnas dben par ni yongs su bri/ /las mkhan sngon po'i gos bgos te/ /khrag gis gdong dag byugs byas la/ /sngags 'di yis ni rtag tu bzlas/ /oM tsaN Da ma hA ro Sha Na ka ra ya~M/ sarba satwA ra tha hU~M hU~M/ gtor ma drag po gang yin pa/ /bri ba'i dus su gzhag par bya/ /zin nas de nyid gtang bar bya/ /dang por tshon rtsi thams cad la/ /rin chen sna lngar byin gyis brlab/ /rdo rje rtse gcig phyag rgya yis/ /yang dag pa ru bri bya ste/ /skyed byed dang ni yon bdag gi/ /bsam pas yongs su bri bar bya/ /dkyil du pad ma bcu drug la/ /snying po ze 'bru yang dag ldan/ /dkyil du gtso bo 'bar ba nyid/ /gong ma'i gzugs kyis bri bar bya/ /'khor la sogs pa thams cad kyang / /snga ma lta bur yang dag bris/ / phyi rol shing la sogs pa dang / /dur khrod brgyad kyis rnam par brgyan/ /'jigs par byed pa'i ro langs dang / /lce spyang drag po'i sgra yang sgrogs/ /de ltar rim pa ji bzhin pas/ /gong ma lta bus yang dag bri/ /dbang bskur gnas skabs gang yin pas/ /mtshan ma'i dkyil 'khor yongs su bri/ /de yi bar du mi gzhan la/ /bris sku bstan par mi bya'o/ /brgyang shing rus pa nyid la ni/ /byas pas thang ka yongs su brgyangs/ /gur dag sngon po phub byas la/ /mkha' la yongs su bstan mi bya/ /gal te bstan par byas pa na/ /dngos grub 'grub par 'gyur ba med/ /de bas mnyam par bzhag pa yis/ /sbyor ba legs par brtsam par bya/ /glegs bam nges par bri bar bya/ /gro ga dag la sor dag ni/ /dkyus su bcu gnyis zheng du bzhi/ /de yi tshad du bya ba la/ /khrag dang bdud rtsi lnga rnams kyis/ /yongs su byug par byas pa la/ /me long ur gyis mnan byas te/ /mthing shun nyid kyis legs par bri/ /'dri mkhan sbyor ba rab ldan pas/ /smyu gu lcags las byas pa yi/ /snod ni thod par yang dag ldan/ /gtor ma yang dag bshams byas la/ /hU~M gi ngag gis rtags tu brjod/ /gos dag sngon po bgos byas nas/ /rgyan cha lnga yis rnam par brgyan/ /mi gzhan la ni mi bstan cing / /glegs shing rus pa'am glang chen gyi/ /ba so dag la nges par bya/ /thag pa bram ze mo yi ni/ /skra yis yongs su bsdam par bya/ /yang na yid ches lpags pa la/ /mnyen par bya bas yongs su bsdam/ /der ni lag g.yon stod kyi bar/ /de nyid bdag gi yongs su spa/ /sangs rgyas lnga yi bdag po mchog /nges par rdo rje rnon po nyid/ /sdang ba thams cad 'dul byed cing / /dngos su dpa' bo rab 'bar ba/ /chen po yi ni chen po nyid/ / kun la mkha' 'gro chen po ste/ /sku chen rab drag 'jigs pa'i gzugs/ /mkha' ltar mnyam la phyag 'tshal bstod/ /las la 'jug par snang ba nyid/ /kun bsdus pas ni de brjod bya/ /lag na rdo rje gos sngon po can rdo rje me lce'i rgyud las bris sku dang glegs bam gyi le'u ste bcu bzhi pa'o// // lag na rdo rje gos sngon gyis/ /bcom ldan mgon la 'di skad gsol/ /gang zhig rgyud 'di las sbyor bas/ /thabs kyi yan lag sna tshogs pa/ /yang dag rgyas par gsung du gsol/ /bde gshegs mchog gis bka' stsal pa/ /dad pa'i rang bzhin can gyi mis/ /'di nyid la ni mngon par bsgrub/ / klu gdug 'bar bas zin pa ni/ /nub mo na bar gyur pa dang / /yan lag drag par na ba dang / /smin ma la sogs byi ba dang / /lus la sha ro khol bar gnas/ /tshigs su na zhing chags par ldan/ /snying mi dga' dang dkar la dga'/ /klu yi nad du shes par bya/ /ba lang dmar po mthong ba dang / /sbal pa nya sogs mtshan mo rmi/ /bu mo gzhon nu mthong ba dang / /skyes pa skra ser rmi ba dag /klu yi mtshan smra bstan pa yin/ /khrus la dga' zhing skud pa 'khal/ /chang la yongs su dad che ba/ /tshangs pa'i nad du shes par bya/ /smra log mang dang lag sgyur dang / /tho rangs na ba gang yin pa/ /zas mi za dang snying 'phar ba/ /tshangs pa'i gdon du rigs par bya/ /rked pa brkyang dang nyal la dga'/ /sen mo byi dor byed pa dag /tshangs pa'i nad du shes par bya/ /nub mo sbur ba rmi ba dang / /spre'u byi la mthong gyur na/ /tshangs pa'i mtshan mar bstan pa yin/ /mi rgan rib pa mthong ba dang / /shar phyogs ri la 'dzeg pa dag /tshangs pa'i rtags su bstan pa yin/ /dbugs dgas nang du 'dren pa dang / /glal zhing spyi bor lag pa 'dud/ /skyug par byed cing sha la dga'/ /gshin rje yi ni gdon du bstan/ / rkang pa sa la brdab pa dang / /mkhal sogs g.yas pa'am g.yon pa na/ /gshin rje'i nad du rig par bya'o/ /tshig pa za dang gzhan la rgol/ /mi gzhan la ni mngon par sdang / /sdur dag rab tu mi bde dang / /thag pa dag las mdud pa 'dor/ /gshin rje'i gdon du shes par bya/ /glang dang sha ba rmis pa dang / /gos dag sngon po lus la gyon/ /gshin rje yi ni mtshan ma yin/ /shing la 'dzegs pas phyir lhung dang / /gru na zhugs pa gang rmi ba/ / de ni gshin rje'i mtshan ma yin/ /mig rtsa rgod cing lbu ba skyug /'khur ba 'bud cing brang la rdung / /gnod sbyin gdon du shes par bya/ /yang yang ldang zhing rngam pa rgod/ /kha nas lce ni rkyong ba dang / /lus la bsku byug byed pa ni/ / gnod sbyin gdon du shes par bya'o/ /lto ba na zhing zas la dga'/ /rgyab du gzer ba gang yin pa/ /gnod sbyin nad du shes par bya/ /rta sngon dag la zhon pa dang / /bong bu la zhon rmi ba rnams/ /gnod sbyin mtshan ma yin par bshad/ /bya rog lag par thogs pa dang / /thag pas lus 'khyud nyal bar rmis/ /gnod sbyin mtshan mar rig par bya'o/ /spos chu la ni sngags btab nas/ /byin na len par mi byed pa/ /tshang pa'i gdon du shes par bya/ /yungs kar nyid la rab bsngags nas/ /lag par byin pas mig mi lta/ /gshin rje'i gdon du shes par bya/ /sha la sngags kyis rab bsngags nas/ /kha ru byin pas sna 'gags pa/ /de ni klu gdon nges par gsal/ /skud pa sngon po nyid la ni/ /rab sngags mdud pa bdun bor ba/ /mgul du bcings pas skad ngan 'don/ /gnod sbyin gdon du yin par bshad/ /chom po dag ni phrad pa na/ /sbyor ba 'di yis yang dag sbyor/ /dur khrod mi gang bsregs pa yi/ /sna tshogs thal ba blang byas la/ /chang dang nges par sbrus byas te/ /sbrul gyis lpags pas gtums byas la/ /til gyi gang bu grags pa la/ /'bum du yang dag bzlas byas te/ / bdag nyid gos la yang dag gtum/ /de nas de dang phrad pa na/ /drag po las kyi sbyor ba yis/ /de nyid la ni phog par gtor/ /de yis de la gtor ba yis/ /de ni rengs dang rmongs par 'gyur/ /oM ma nu Sha duSh+Ta staM b+ha na hU~M/ / sgyu ma dbang du sdud byed na/ /sbyor ba 'di nyid brtsam par bya/ /ngos 'jam rdul dang zla ba dang / /bgegs kyi gnyen po'i khu ba dang / /sgog chen las kyi khu bas su/ /byed pa gnyis ka bar sbrus la/ /de la 'thun pa nyid la ni/ /yongs su bskul bas sbyin par bya/ /de nas nges pa dus btab la/ /kha sbyor ba yis yang dag bsngags/ /oM na ma kA ma de ba ya ya ya ka ya ka kA la siny+tsa b+ha g+ha bi bar ta na swA hA/ a mu kaM/ 'bum du dang por bsnyen pa yis/ / sbyor ba nges par spyad par bya/ /nor dag bsgrub par 'dod pa na/ /nor 'dzin lha mo yongs su bri/ /kha dog ser po nyid la ni/ /phyag bzhi par ni bri bar bya/ /zhal gcig nu ma 'bur ba la/ /g.yas kyi dang po ting 'dzin pa/ / gnyis pa 'bras kyi snye ma 'dzin/ /g.yon gyi dang po nyid na ni/ /rin chen 'bar ba yang dag bsnams/ /gnyis pa ne la'i rkyal pa bsnams/ /de lta bu yi gzugs byas la/ /sna tshogs dri yis yang dag mchod/ / mchod pa rnam pa lnga dag dang / /nam bza' dar la sogs pa yis/ /yang dag pa ru mchod par bya/ /zhag grangs brgya rtsa brgyad pa ru/ /yongs su bsnyen pas sngags bzlas bya/ /de nas grub par gyur pa'i rtags/ /de nyid g.yo bar gyur pa yin/ /de grub rten ni rnyed par ni/ /de yis lung ni ston par 'gyur/ /de nas dbyig ni mi bzad pa'i/ /bdag por mi de nges par 'gyur/ /ma rungs pa dag smyor gzhug na/ /sbyor ba 'di dag nges par brtsam/ /de yis kun grags nyid dang ni/ /khu chen sa la sogs pa la/ /sngags 'di yis ni 'bum du bzlas/ /de nas bsnyen pa yongs rdzogs pas/ /yid chen dung la sbu gu can/ /sor bdun dag la dug blugs te/ / skud pa sngon po'i rab bcings la/ /nub phyogs dag tu nges par gdags/ /de ni 'byung bas bskyod pa na/ /mi de nges par smyo bar 'gyur/ /oM ma hA kA la ya staM b+ha u na ma ta ya/ a mu kaM sany+tsa la swA hA/ mi rnams nges par mi gsal bas/ /rdo rje mo ni yongs su bsgrub/ /sa la phyogs bzhi mtshams brgyad du/ /re'u mig bcu gnyis bris byas la/ /ma rig la sogs rtags kyi ni/ /dngos po yang dag 'dri bar bya/ / de nas sngags pas rab bsngags la/ /bsam pa rab tu rdzogs byas la/ /de nyid dngos po gang yin pas/ /bsam pa sbyar bas me tog bor/ /gang du bab pa der gnas la/ /shes rab can gyis rnam par dpyod/ / bzang ngan ltas rnams yongs su bshad/ /rig pa legs par sbas pa yis/ /ba yi lci bas rab btum la/ /dang por gnyis su shes par bya/ /ring du bye brag med pa yis/ /bcom ldan sngon du bzhag byas te/ /dang por mchod pas yang dag mchod/ /dmod dag yongs su btsugs pa yis/ /shes rab bcu gsum bdag nyid can/ /dmar po gos kyis brgyan byas te/ /khrus dag legs par byas pa dang / /dri yis legs par byugs byas la/ /dpral bar thig le dmar po gdab/ /me tog dri zhim dmar po nyid/ /de yi lag tu sbyin par bya/ /de yis de la blang bar bya/ /de nyid dngos po gsal bya ste/ /bzang ngan ltas su nges par ston/ /spyir na sna tshogs gdon la ni/ /'bar ba chen po'i sngags bzlas bya/ /gu gul nag po'i dud pa dag /de yi sna ru bdug byas la/ /yungs kar gu gul me tog dang / /de yi snying pos sregs par bya/ /de yis nad pa gang yin pa/ /bgegs dang nges par bral bar 'gyur/ /srin lag nyid la skud pa ni/ /sngon pos yang dag bsdam par bya/ /spyi bo'i skra la srad bu gang / / bcing pas sngags ni nges par bzlas/ /'khrug pa'i sde dag rgyal 'dod na/ /khams gsum rnam rgyal snying po yis/ /'bum du bzlas pas bsnyen pa bya/ /de nas a mra'i lo ma las/ /yung bas yongs su bris byas la/ /'gi wang gis ni rab tu bku/ /cod pan spyi bor btums byas la/ /rang nyid sku ru bsgom byas la/ /lag pa g.yas pas yungs kar dang / /ske tshe thal bar sbyar byas la/ /sngags bzlas sdig mdzub phyar ba yis/ /yongs su bris bar sde rgyal 'gyur/ /rnal 'byor pa yis bdag nyid la/ /'chi bab bslu ba yang dag bya/ /bdag gis rgyud la 'chi ltas ni/ / phyi nang bcu gnyis yang dag ldan/ /bdag gis brang la sha mtshan dag /dmar po byung bar gyur pa na/ /sum bcu gnyis zhag 'chi 'gyur bas/ /rig pa'i rgyal po'i sngags kyis su/ /til la bsreg blugs stong du ni/ /tshang bar byas pas de bzlog 'gyur/ /de dang cha mthun gang yin pa/ /rkan la 'brum bu gsum pa dang / /lce yi rtse mor sme ba dang / /rdo rje'i lam nas khrag 'dzag dang / /'dzag gnyis dbugs dag gsum pa dang / /ri yi rtse mor shu ba byung / /nang gi 'chi ltas nges pa ste/ /stag dang byi ba 'brug dag dang / /rtsangs pa bya gag nag po ru/ /yongs su sbyor bas rig pa bzlas/ /'gi wang 'ug pa ru sbal dang / /tsam pa ka dang ud pal dang / /seng ldeng phur bu gang yin dang / /'ug pa'i sgro la sbyor ba dang / /bya rog mkha' la 'phur ba yi/ /dkar pos bdag la phog pa ni/ /phyi yi 'chi bltas yin pas na/ /gong du grags pa'i sar song la/ /rig pa la sogs sbyor ba yis/ /yongs su bzlog par bya ba yin/ /mkha' la sna lnga mthong ba dang / /chu la mi gzugs mthong gyur na/ /shin tu sdig pa'i bltas su bstan/ /rmi lam la ni stag zhon la/ /mchod rten nyid la 'dzeg pa dang / / seng ge'i khar ni zhugs rmis pa/ /yongs su sdig pa'i ltas yin pas/ /logs shig sor mo rtse gsum dang / /bse ru'i phyogs dang kun da'i 'dab/ /yon tan rgya mtsho'i mtshan bzang dang / /skye mched 'phags laMm chu srin sor/ /lo gsum zhag bzhi zla ba lngar/ /mi de nges par 'chi bas na/ /rig pa'i rgyal mo bdud rtsi 'khyil/ /rten 'brel yi ge brgya pa yis/ /sngags kyis sman la bsrung ba bya/ /khams gsum rnam rgyal 'jig rten mgon/ /de dag gi ni snying po yis/ /stag sogs gsob la nges par bzlas/ /rma bya chen mo'i sngags dag gis/ /'ug pa'i sgro sogs nges par bsngags/ /phyag na rdo rje 'jam dbyangs dang / /stobs chen khro bo gang dag gi/ /sngags kyis seng ldeng 'ug sgro dang / /ku sha byi la la sogs dang / /gsob la bsngags pa yongs su bzlog /gtor ma sbyin sreg las kyis ni/ /yongs su bzlog par bya ba yin/ /shin tu dpa' dang dad par ldan/ /shes rab che dang thos pa bsags/ /bla ma la gus gtong bar phod/ /ltung ba ma gos gtsang ma la/ /rim pa bzhin du dbang bskur nas/ /tshogs kyi 'khor lo lnga byas la/ /shes rab ldan la bstan bya ba'i/ / gsang ba drag po'i rgyud rgyal 'di/ /gzhan la bshad par bya ba min/ /gsang ba bdag po khyod kyis ni/ /phan dang gnod bya gang yin la/ /rim pa bzhin du shes pa yis/ /legs par sba dang bshad pa ni/ /gnas skabs du ma dang ldan zhing / /kun la nges par zhugs pa yis/ /rgyud 'di la ni nges par brtag /rgyud 'di gang na gnas pa na/ /sa phyogs de yi gdug pa rnams/ /ring du bsrings pas gnas mi byed/ /gal te gnas par byed pa na/ /de rnams kun gyi rgyud tshig 'gyur/ /drag po rgyud kyi rgyal po la/ /gang zhig zhugs par gyur pa la/ /dug gsum sku la rab brgyan nas/ /btsun mo'i b+ha ga la gnas te/ /nyon mongs 'khor gyis rab bskor nas/ /bde ba chen po'i rol pas gnas/ / / / /lag na rdo rjes de nyid du/ / / / /skad cig tsam gyis bskor ba ni/ / / / 'bum phrag gsum du rab bskor nas/ / // /bde bar gshegs la 'di skad gsol// //bdag gis rgyud kyi rgyal po 'di/ / / // nges pa'i don dang rab sbyar nas// //gsang ba nyid du sba bar bgyi/ // /lag na rdo rje gos sngon po can gnod sbyin drag po rdo rje me lce'i rgyud las las sna tshogs kyi le'u ste bcwa lnga pa'o/ / / / / / //phyag na rdo rje gos sngon po can/ gnod sbyin drag po chen po rdo rje me lce'i rgyud kyi rgyal po chen po rdzogs s+ho// / / //rgya gar gyi mkhan po chen po rata na kIr ti dang // //bod kyi lo ts+tsha ba dge tshul khyung grags kyis bka' drin mnos nas rgya dpe bod du spyan drangs te bsgyur ba lags so// //rgyud 'bum snga ma kha cig na bzhugs pa'i phyag na rdo rje me lce'i rgyud le'u bcu gnyis pa ni/ // // / // /rgyud 'di nyid kyi le'u bdun pa brgyad pa dgu pa rnams dor nas/ / / le'u bcu gnyis par ming btags par yin gyi/ // //'di dang mi 'dra ba'i brgyud 'bum logs pa min no/ // // // // / /