བོད་ཡིག |
315a1 /stag lung rgyud 'bum bstun pa'i mtshal ba bka' 'gyur las zhus dag grub/ mang+ga la~M/ / @#/ /rgya gar skad du/ shrI badzra hrI da
315a2 ya a laM kA ra tan+t+ra nA ma/ bod skad du/ dpal rdo rje snying po rgyan gyi rgyud ces bya ba/ dpal rdo rje sems dpa' la phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang /
315a3 gsung dang / thugs kyi snying po bud med bcu'i dkyil na cha shas lnga pa'i tshul du bzhugs so/ /brjod du med pa'i yang brjod du med pa'i 'khor rdo rje dang pad mar sbyor ba la bzhugs pa 'di lta ste/ dam tshig yongs su spyod pa zhes bya ba'i rdo rje
315a4 mkha' 'gro dang / ye shes kyi lus yongs su 'grub pa zhes bya ba'i rdo rje mkha' 'gro dang / sgra brnyan lta bu'i rdo rje'i gsung 'byung ba zhes bya ba'i rdo rje mkha' 'gro dang / gzhan gyis shes par byed pa zhes bya ba'i rdo rje mkha' 'gro dang / rtse gcig
315a5 'dris pa zhes bya ba'i rdo rje mkha' 'gro dang / gzhan las 'phags pa zhes bya ba'i rdo rje mkha' 'gro dang / rten par byed pa zhes bya ba'i rdo rje mkha' 'gro dang / rlan par byed pa zhes bya ba'i rdo rje mkha' 'gro dang / smin par byed pa zhes bya ba'i rdo rje
315a6 mkha' 'gro dang / skyod par byed pa zhes bya ba'i rdo rje mkha' 'gro dang / go 'byed par byed pa zhes bya ba'i rdo rje mkha' 'gro dang / ha ra nu bur la sogs pas mdzes pa zhes bya ba'i rdo rje mkha' 'gro dang / gI ta mgrin la sogs pa'i glu mkhan ma zhes
315a7 bya ba'i rdo rje mkha' 'gro dang / sbrul gyi snying po la sogs pa'i dri ldan ma zhes bya ba'i rdo rje mkha' 'gro dang / tshod ma sna tshogs za ba'i ro ldan ma zhes bya ba'i rdo rje mkha' 'gro dang / rtsen pa sna tshogs kyis 'byung mkhan ma zhes bya ba'i
315a8 rdo rje mkha' 'gro dang / gsum rig par byed pa dngos med ma zhes bya ba'i rdo rje mkha' 'gro ma la sogs pa ri rab kyi rdul dang mnyam pa'i rdo rje mkha' 'gro thams cad dang / rdo rje mkha' 'gro chen mo nam mkha'i dbyings dang mnyam pa 'di lta ste/ gzug+sa
315b1 mtshan nyid zhu ba zhes bya ba'i rdo rje mkha' 'gro chen po dang / tshor ba'i mtshan nyid sim pa zhes bya ba'i rdo rje mkha' 'gro chen po dang / 'du shes kyi mtshan nyid nub pa zhes bya ba'i rdo rje mkha' 'gro chen po dang / 'du byed kyi mtshan nyid la
315b2 rtog pa zhes bya ba'i rdo rje mkha' 'gro chen po dang / rnam par shes pa'i mtshan nyid bsdus pa zhes bya ba'i rdo rje mkha' 'gro chen po la sogs pa nam mkha'i dbyings dang mnyam pa rnams kyis sangs rgyas kyi zhing 'di til gyi gang bu lta bur
315b3 gang bar snang ngo / /de nas rdo rje mkha' 'gro de dag thams cad gcig tu 'dus nas mkha' 'gro chen po rdo rje 'dzin pa chen po la mchod pa'i sprin spros pa du ma yid las byung ba lha dang mi'i mchod pa las khyad par du 'phags pas mchod
315b4 nas phyag 'tshal te/ 'di skad ces gsol to/ /de bzhin gshegs rnams thams cad kyi/ /gsang gsum bsdus pa'i spyod pa'i mchog /rdo rje snying po'i rgyan gyi rgyud/ /'dren pa mchog gis bshad du
315b5 gsol/ /de nas rdo rje chen pos gsol ba btab pa'i tshig gsan nas mkha' 'gro thams cad la rnam par bltas te cang mi gsung bar bzhugs so/ /de nas byang chub sems dpa'i rdo rje mkha' 'gro de dag
315b6 thams cad kyis kyang / 'di skad ces gsol to/ /bcom ldan 'das de bzhin gshegs pa thams cad kyi dbang phyug gi yon tan khyad par du 'phags pa'i rdo rje mkha' 'gro chen po la sogs pa'i
315b7 'khor du 'chad du mi bzhed pa de bdag cag la mi dgyes su ma mdzad
316a1 cig /de nas de bzhin gshegs pa'i bdag po rdo rje 'dzin pa chen pos 'khor gyi dkyil 'khor la rnam par bltas te tshigs su bcad pa gsungs pa/ sems dpa' chen pos zhus pa legs/ /sa 'og
316a2 ma yi sangs rgyas kyang / /'di yi gzhung gis sems rmongs na/ /sems dpa' gzhan ni smos ci dgos/ /sangs rgyas chos nyid dag pa 'di/ /byis pa rnams kyis mi rtogs phyir/ /byin gyis brlabs nas 'chad pa ni/ /ston
316a3 pa rnams kyi chos nyid do/ /de nas rdo rje mkha' 'gro de dag thams cad rab tu dga' nas yang mchod pa'i tshogs kyis mchod de phyag 'tshal nas 'di skad ces gsol to/ /bcom ldan 'das legs so legs so/ /de bzhin
316a4 gshegs pa thams cad kyi dbang phyug gis bdag gis bdag cag byin gyis brlab pa mdzad du gsol/ de bzhin gshegs pa thams cad kyi gsang ba thun mong ma yin pa bstan cing rnam pa thams cad kyi dbang phyug gis
316a5 bdag cag byin gyis brlab par mdzad du gsol/ de nas de bzhin gshegs pa thams cad kyi dbang phyug gis rdo rje mkha' 'gro de dag gis gsol ba btab pa mkhyen nas sems dpa' thams cad byin gyis rlob pa rdo rje
316a6 zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi sku dang gsung dang thugs kyi gsang ba bsdus pa zhes bya ba'i snying po 'di rang gi thugs las phyung ngo / /oM AHhU~M sa ma ya badzra/
316a7 de nas phyung ma thag tu de'i 'od zer gyis rdo rje mkha' 'gro'i 'khor de dag thams cad bsdus nas rang gi snying gar btsud nas bud med kyi dkyil na thams cad brgyal ba ltar gnas so/ /de nas de bzhin gshegs pa thams cad kyi dbang
316a8 phyug gis de bslang ba'i phyir mkha' 'gro thams cad 'byung ba zhes bya ba'i ting nge 'dzin la snyoms par zhugs so/ /snyoms par zhugs ma thag tu de dag dran pa slar thob cing ji lta ba bzhin du gnas so/ /de nas de bzhin gshegs
316b1 pa thams cad kyi dbang phyug gis 'khor lo rnam par dgod pa zhes bya ba'i ting nge 'dzin la snyoms par zhugs nas/ snyoms par zhugs ma thag tu rdo rje mkha' 'gro de dag thams cad rang rang gi gnas ji lta ba bzhin du 'khod par
316b2 gyur to/ /de'i tshe bcom ldan 'das rdo rje 'dzin pa chen po'i byin gyis brlabs kyis nam mkha'i dbyings na gnas pa ji snyed pa de dag thams cad kyang bde ba dang yid bde ba myong bar gyur to/ /de nas bcom ldan 'das de bzhin gshegs pa
316b3 thams cad kyi dbang phyug gis rdo rje snying po rgyan gyi rgyud 'byung ba zhes bya ba'i ting nge 'dzin la snyoms par zhugs nas sems can gyi khams thams cad mnyam pa nyid du dmigs te/ dbugs rngub par mi mdzad/ dbyung bar mi mdzad/
316b4 lus 'gyur bar yang mi mdzad/ lus gnas par yang mi mdzad/ dus gsum gyi de bzhin gshegs pa thams cad la mi gzigs mi dgongs nye bar mi 'jig go/ thabs dang shes rab stong par yang mi mdzad/ shin du 'gal
316b5 ba can yang dag par 'dzud par mi mdzad/ mtho ris la yang mi 'jog /ma dad pa rnams dad par yang mi mdzad/ ma dul ba rnams dul bar yang mi mdzad/ nye bar 'tshe ba zhi bar yang mi mdzad/ ma 'gags pa rnams 'gag par yang
316b6 mi mdzad/ ma bskul ba rnams bskul bar yang mi mdzad/ ma rgyas pa rnams rgyas par yang mi mdzad/ rnam par rmongs pa rnams rmongs pa sel bar yang mi mdzad/ dga' bar gyur pa rnams mi dga' bar yang mi mdzad/ mi dga'
316b7 rnams dga' bar yang mi mdzad/ ma khros pa rnams khros par yang mi mdzad/ mi sdug pa rnams sdug par yang mi mdzad/ drag po ma rungs pa chen po dang / gtum po chen po dang / lha dang lha ma yin dang log 'dren dang gdug pa chen po
316b8 dang yi dags dang sha za dang gnod sbyin dang srin po dang shin du gdug pa'i dug chen po dang tsha ba'i gdon dang nad dang sbrul dang sems can thams cad la 'tshe bar byed pa rnams nye bar zhi bar yang mi mdzad do/ /rnam par dul bar yang
317a1 mi mdzad do/ /de nas bcom ldan 'das ting nge 'dzin de las bzhengs te brjid pa dang bcas par gar mdzad cing zhal 'dzum pa dang 'dor ba dang bskum pa dang / 'gyed pa dang spyan mdzes pas smin rings bskyod cing bsgyur ba
317a2 dang / pad ma'i phyag gi sor mo g.yas g.yon gar gyi phreng ba'i tshul gyis sa'i ngos la zhabs 'phen zhing sgyur ba dang / 'dor zhing bskul ba dang 'jog cing 'degs pa'i rnam par gnon pas nam mkha'i dbyings 'di thams cad kun
317a3 du khyab par mdzad de/ rlung gi khams chen por kun du khyab par mdzad/ de la khyab nas me'i khams chen por kun du khyab par mdzad de/ de nas chu'i khams chen por kun du khyab par mdzad/ de nas sa'i khams chen por kun du khyab
317a4 par mdzad do/ /de yang kun du khyab nas bcom ldan 'das byang chub kyi sems la kun du khyab par mdzad do/ /ri dang sems can thams cad dang / /sna tshogs phra ba sbom po dang / /bud med gzhon nu rgan po dang / /skyes pa dang ni
317a5 ma ning dang / /lha dang klu dang gnod sbyin dang / /gdon dang skar ma gshin rje dang / /chu bdag brgya byin la sogs dang / /'byung dang 'byung 'gyur thams cad la/ /bcom ldan 'das ni bde chen po/ /kun du bzang po rdo rje 'dzin/ /kun du
317a6 khyab par byas te gnas/ /dpal rdo rje snying po rgyan gyi rgyud las rdo rje mkha' 'gro byin gyis brlob pa'i le'u ste dang po'o// // de nas gzhan yang bshad bya ba/ /las kyi mchog rnams 'grub byed pa'i/ /
317a7 gsang sngags rnams ni bshad par bya/ /rtse gcig sems kyis mnyan par bya'o/ /oM a kA ro mu kha~M sarba d+harmA NA~M Ad+yA nut+pan+na twA Ta/ gtor ma'i sngags so/ /a A/ I i/ U u/ e ai/ o au/
317a8 a~M aH bud med do/ /rI ri/ lI li/ ma ning ngo / /ka kha ga g+ha nga / tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ skyes pa'i 'o/ /ya ra la wa 'byung ba'i 'o/ /Sha sha sa ha/ 'jigs pa la sogs pa'o/
317b1 k+shaHchos kyi dbyings kyis sa bon no/ /badzra d+h+rIg hU~M/ dzI na dzI ga b+hU~M / rat+na d+h+rIg a~M/ A ro lika dzrIM/ pradz+nyA d+h+rIg kha~M/ mkha' 'gro chen po lnga'i 'o/ /dwe Sha ra ti mA~M/ mo ha ra ti lA~M/ rA gar ti bA~M/ badzra rA te tA~M/ rdo rje mkha' 'gro brten par
317b2 byed pa la sogs pa'i 'o/ /k+Shi ti gar+b+ha k+shi/ badzra pA Ni dzri~M/ ga gan gar+b+hA kha~M/ lo ki shwa ra ga~M ni ba ra Na biSh+kam+bi na ka~M/ sa man+ta b+ha dra sa~M/ rdo rje mkha' 'gro dam tshig spyod pa la sogs pa'i'o/ /rU pa badzra dzaH shab+da badzra
317b3 hU~M/ gen+d+ha badzra ba~M/ ra sa badzra hoH/ spaR+sha badzra khe/ d+harma d+hA tu badzra ram/ rdo rje mkha' 'gro mdzes par byed pa la sogs pa'i'o/ /ya mAn+ta krita/ badzra pradz+nyAn+ta krita/ pad mAn+ta krita/ big+han+ta krita/ T+rak+ki rA dza/ nI la dan+d+ra/ ma hA ba la/
317b4 a tsa le ka Na hU~M/ su~M b+ha hU~M/ tsakra brtin ni hU~M b+h+rU~M/ rdo rje mkha' 'gro gshin rje'i gshed la sogs pa'i'o/ /wa ri dzi na b+h+rU~M/ te dzo skan+ha b+h+rU~M/ man+t+ra tsakra b+h+rU~M/ bar d+ha na b+h+rU~M/ bi sa ra Na b+h+rU~M/ bar ja na b+h+rU~M/ ka ro b+ha ba b+h+rU~M/
317b5 rdo rje mkha' 'gro gtsug tor rgyal ba la sogs pa'i'o/ /hU~M hriHkha rdo rje mkha' 'gro'i'o/ /oM me di ne badzri b+ha ba badzra b+ha ba nan hU~M/ sa'i 'o/ /oM badzra pra kA ra Na hU~M ba~M hU~M/ ra ba'i'o/ /oM badzra pany+dza ra hU~M ya~M hU~M/
317b6 dra ba'i 'o/ /oM badzra bi tA na hU~M kha~M hU~M/ gur gyi'o/ /oM badzra sha ra dza la trA~M sa~M trA~M/ mda'i'o/ /oM badzra dz+wA lA na lA ka hU~M hU~M hU~M/ 'od kyi'o/ /oM shU n+ya tA dz+nyA na badzra swa b+hA ba At+ma kou0f85haM/ stong pa nyid kyi sngags so/ /oM d+harma
317b7 d+hA tu swa b+hA ba AT+ma kou0f85ha~M/ chos kyi dbyings kyi sngags so/ /oM sarba ta thA ga ta kA ya wak+tsit+ta badzra swa b+hA ba At+ma kou0f85ha~M/ sku la sogs pa byin gyis brlabs pa'i'o/ /badzra sa ma ya sU tra~M mA ti kra ma hU~M/ thig gdab pa'o/ /
317b8 badzra tsi tra sa ma ya hU~M/ tshon dgye ba'i'o/ /hU~M ha A dz+he+e/ dbab pa'i'o/ /badzra kI la ya mung+ga ra A ko Ta ya hU~M phaT/ phur bus brdung ba'i'o/ /de la sogs pa'i mtha' yas pa/ /'jig rten gsum du
318a1 rnyed dka' ba'i/ /sngags kyi tshogs rnams ji snyed pa/ /de kun sngon du rgyas pa ru/ /gsang ba dang ni 'jigs byed dang / /bde mchog sogs la nga yis ni/ /las dang bcas par rab bshad pa/ /rnal 'byor rtogs
318a2 pas shes bya'o/ /dpal rdo rje snying po rgyan gyi rgyud las sngags kyi le'u ste gnyis pa'o// // de nas mkha' 'gro grong khyer mchog /dkyil 'khor 'jigs pa bri
318a3 bar bya/ /las kyi cho ga shes pa yis/ /ci rigs par ni las rnams bya/ /nyi shu rtsa lnga'i srung bu ni/ /sems med las byung byas nas su/ /byin rlabs mi bskyod rtag pa ru/ /byas te thig ni gdab pa'o/ /gru bzhi pa
318a4 la sgo bzhi pa/ /twa ra Na bzhis brgyan pa ste/ /dar dang me tog phreng bas klubs/ /srad bu bzhi dang rab ldan pa/ /zur gyi cha ni thams cad du/ /zla ba rin chen rdo rje dgod/ /las kyi bye brag shes pa yis/ /blo dang ldan pas phyag
318a5 rgya dgod/ /in+d+ra nI la lta bu yi/ /'jigs byed rdo rje dbus su bri/ /shar du rtsibs brgyad 'khor lo dkar/ /lho ru rin chen zur dgu ljang / /nub tu 'dab brgyad pad ma dmar/ /byang du ral gri sngon po bri/ /me yi mtshams
318a6 su 'khor lo sngon/ /bden bral ut+pal dmar po dang / /rlung gi mtshams su pad ma dmar/ /dbang ldan ut+pal ser po ste/ /rdo rje tho ba shar gyi sgo/ /lho yi sgo ru rdo rje dbyug /pad ma'i sdong bu nub kyi sgo/ /byang sgo rdo rje kha
318a7 bye ba/ /sbyor ba ldan pas dgod par bya/ /rnam pa nyi shu rtsa lngar ni/ /tshon rtsi dag kyang bsgom bya ste/ /rdul tshon lnga la sogs pa rnams/ /rim pa bzhin du gdab par bya/ /de nas bum pa gzung bya ba/ /rtsa ba nag nog med pa
318a8 yi/ /zhabs brtan mgrin ring mchu 'phyang ba/ /lha yi grangs tsam sta gon gnas/ /mgul par ras kyis yang dag dkris/ /ldum bu yis ni kha mdzes pa/ /rin chen sman 'bru sna lnga dang / /spos chu yis ni rab bkang nas/ /bum
318b1 pa mngon par bsngags par bya/ /rnam rgyal bum pa dkyil 'khor gyi/ /bdag po lha mo rnams kyi bzhi/ /lha rnams kyi ni bum pa bzhi/ /sgo yi phyogs kyi bum pa ni/ /las kun byed pas bzlas byas te/ /ku sha'i chun pos sems
318b2 can che/ /'jug pa kun la gtor bar bya/ /yon dang gtor ma mchod phul nas/ /de dag phyi grwar rab bkod de/ /g.yas su rgyal ba spyan drang ngo / /de nas lha rnams rab gnas pa'i/ /bsam pa'i sbyor bas bsam bya ste/ /phyag rgya
318b3 bral ba'i sbyor ba ni/ /lus can byin gyis mi rlob pas/ /bu mo gzugs bzang lang tshos brgyan/ /dbang thob lus rgyas thob pa mo/ /g.yon ma rgyan gyis rab brgyan te/ /de yis 'khor lo sprul par bya/ /de la mar me brgya
318b4 sogs pa'i/ /mchod pa phul nas bstod bya ste/ /bshang gci khu ba khrag rnams ni/ /dung chen po ru bzhag byas te/ /lha rnams la ni dbul bar bya/ /de nas mkha' 'gro grong mchog tu/ /slob ma rnams ni gzhug bya ste/ /rdo rje
318b5 ye shes rab thob pa'i/ /de bzhin gshegs pa thams cad kyi/ /pho brang dkyil 'khor dam pa 'dir/ /bdag gis slob ma gzhug par bya/ /de nas slob ma de yis kyang / /me tog sngags 'dis gtor ba'o/ /oM pra tA+ets+tsha
318b6 badzra hoH /de nas tshig 'dis gdong g.yogs dgrol/ /de ring dad pa'i shugs kyis ni/ /dkyil 'khor deng 'dir blta bar bya/ /sangs rgyas rigs su khyod skyes so/ /sngags dang phyag rgyas khyod byin brlab/ /dngos grub thams
318b7 cad phun sum tshogs/ /dam tshig mchog tu 'grub par byed/ /rdo rje pad mo rol pa'i mchog /sngags kyi bdag nyid shes par bya/ /pA sha badzra/ gang dag me tog gsang ba ste/ /de de de yi lha yang dag /de yi sbyor ba rab sbyin te/ /
318b8 de yi nan tan du bsgrub bo/ /dung chen bdud rtsi lnga blud de/ /dmyal ba'i chu 'dis khyod la ni/ /dam tshig 'das na bsreg par byed/ /dam tshig bsrungs na dngos grub pa'i/ /'thung shig rdo rje bdud rtsi chu/ /badzra ud+ka tha/ de nas
319a1 sangs rgyas thams cad kyi/ /dam tshig dang ni sdom pa rnams/ /bla mas slob ma sdig bral la/ /ci lta ba bzhin bsgrags par bya/ /dpal rdo rje snying po rgyan gyi rgyud las ri mo'i dkyil 'khor gyi le'u ste gsum
319a2 pa'o// // de nas gzhan yang bshad bya ba/ /dbang bskur ba yi cho ga'i mchog /gang gis legs par byed 'gyur na/ /de ni sangs rgyas nyid du
319a3 'grub/ /slob dpon mtshan nyid thams cad ldan/ /yang dag shes shing rgyud shes pa/ /de nyid bcu la sogs pa yi/ /gsang rig cho ga shes pa pos/ /bsgrims te slob ma yang dag gzung / /bla ma la gus dad pa'o/ /
319a4 dge bsgom lha rnams mchod byed pa/ /gtong phod yon tan ldan pa'o/ /de nas slob ma de yis kyang / /langs te zhabs la mgos gtugs nas/ /rgyal po dbang phyug bde dam pa/ /gos dang rgyan gyis legs par bgos/ /
319a5 steng du bla re bre bar bya/ /gdugs dang rgyal mtshan ba dan dang / /lham dang tshangs pa'i skud pa dang / /gdu bu dag dang ska rags dang / /bkra shis tshigs bcad sna tshogs kyis/ /slob ma sdig dang bral ba la/ /slob dpon
319a6 gyis ni dbang bskur ro/ /dang po rnam rgyal bum pa dang / /de nas lha mo bzhi rnams dang / /lha rnams kun gyi bzhi po yis/ /bkra shis tshigs bcad glu sgra dang / /rdo rje dril bu bsil ba yis/ /skyob pa'i dkyil 'khor
319a7 mngon sum du/ /til gyi gang bu bzhin gang ba'i/ /rgyal bas bum pa bzung nas ni/ /de nyid la ni dbang bskur bar/ /dkyil 'khor de nyid rig par bsam/ /de lta bu ni bsam nas kyang / /chos kyi mtshan nyid bstan
319a8 par bya/ /de nas yid 'ong bu mo ni/ /legs par goms pa dbang thob pa/ /rgyan gyis rab brgyan rab mdzes pa/ /btsal te bla ma la phul nas/ /de nas rgyal dbang slob ma de/ /nang gi sbas pa btus pa yi/ /gsang
319b1 ba mnyam par 'jug pa yi/ /sbyor dang ldan pas dbang bskur bya/ /rdo rje pad mo las drang ba/ /sbom po mtha' ltag rtse sbyar nas/ /rkan du rdo rje bzhag par bya/ /kye ma'o bde ba bde ba che/ /kye ma'o dam tshig bde brjod cing / /
319b2 kye ma'o bde ba blang bar bya'o/ /'di ni gsang ba zhes bya ba'i/ /de dbang bskur ba'i thabs mchog go/ yang na shin du dad ldan pa/ /gzugs bzang sgrub la dga' ba dang / /sbyor goms bla ma la ni dbul/ /bla mas
319b3 byin brlabs lha mo dang / /sgrub pa de la sbyin par bya/ /de yis blangs nas brtson pa'i tshogs/ /ci skad gsungs bzhin rab byas nas/ /rang gi lha dang sangs rgyas dang / /byang chub sems dpa'i tshogs rnams kun/ /
319b4 mnyes byed cho gas sems brtags te/ /mngon sum bde ba rang 'byung ba/ /gzhan gyis gang du bsgrag mi nus/ /go ba'i yul de bde ba che/ /bla ma de la dbul bar bya/ /bla ma gzhan la de bzhin du/ /ci dga' bar ni
319b5 yon yang dbul/ /slob dpon cung zad ci 'dod pa/ /yid la bsams pa dbul bar bya/ /dam tshig 'da' bas 'jigs pa'i phyir/ /bsgrims te de bzhin dbul bar bya/ /slob dpon gyi ni yul gyi mchog /rigs
319b6 kyi khyad par gyis ni lnga/ /bum pa'i dbang sogs dbye ba yis/ /yang na gsum du 'gyur ba yin/ /rang gi ma dang seng ge gdan/ /yon gyi mchog ste sangs rgyas rigs/ /gser dang glang po rin chen dang / /sring mo bla
319b7 ma la dbul ba/ /rdo rje sems dpa'i rigs yin te/ /yon de yon gyi mchog yin no/ /shing rta rta ni shin du brgyan/ /rang gi chung ma dbul bya ste/ /rin chen sna tshogs rnam dag pa/ /yon de rin po che yi rigs/ /
319b8 mu tig phreng ba shin du mdzes/ /bu mo rin chen 'dra ba yis/ /brgyan te bla ma la dbul ba/ /yon de pad ma'i rigs yin no/ /rgyal po dang ni dbang phyug dang / /chung ma 'phrul gyi bzhon pa sogs/ /glang po rta ni shin
320a1 du brgyan/ /de bzhin gshegs pa kun gyi rje/ /nan tan bla ma dbul bya ba/ /sna tshogs rdo rje'i rigs yin no/ /de rnams bzhi dang 'gyur ba dang / /mi 'gyur ba yi bye brag gis/ /gsum du shes bya bla
320a2 ma la/ /blo ldan rdo rje slob ma yis/ /ci ste bde ba kun 'dod na/ /dad mos sems kyis dbul bar bya/ /yid la gang bsams ma phul lam/ /khas blangs de ni ma phul na/ /yi dags dmyal ba rnam gnyis su/ /
320a3 nges par skyes te brlag par 'gyur/ /de bas de rnams rab phul nas/ /gsol ba dag ni rab tu gdab/ /rdo rje dkyil 'khor chen po yi/ /dkyil 'khor du ni bdag zhugs so/ /sbyor ba'i dkyil 'khor chen po yi/ /dkyil 'khor
320a4 du ni bdag zhugs so/ /sbyor ba'i dkyil 'khor chen po yi/ /dkyil 'khor bdag gis di ring mthong / /gsang ba'i dkyil 'khor chen po yi/ /dkyil 'khor du ni bdag dbang bskur/ /de nas bla ma de yis kyang / /de la dbang
320a5 bskur sbyin bya ste/ /dri dang me tog phreng bas brgyan/ /bsgrims te yang dag brtag par bya/ /dang po la ni bum pa'i dbang / /gnyis pa la ni gsang ba'i dbang / /gsum pa shes rab ye shes te/ /bzhi pa de yi ye shes te/ /
320a6 bla ma las ni thob pa'o/ /dpal rdo rje snying po rgyan gyi rgyud las phan yon dang bcas par dbang bskur ba'i le'u ste bzhi pa'o// // gang gi thabs kyis rigs lnga'i don/ /rang gi
320a7 don gyur kun du bzang / /'di dag gzhan la rab bde'i phyir/ /rdo rje sems dpa'i sgrub thabs bshad/ /yid 'ong dben pa'i sa phyogs su/ /ci bder gnas la nam mkha' kun/ /sems kyis khyab par byas nas su/ /
320a8 rnal brtags e ma'o 'jig rten kun/ /sdug bsngal chos kyis kun nas gtses/ /byang chub sems nyams sems can rnams/ /kun las 'byung zhes dam bcas pa'i/ /sngags pas spyi bor bzhag pa ni/ /AH
320b1 sems kyi rdul phran cha drug rnams/ /phyogs bcu dag du phye nas su/ /chos kyi don rnams des bsal nas/ /shin du dri med sems dag pa/ /'das dang ma 'ongs pa yi sems/ /da ltar yang ni dmigs su med/ /
320b2 gnyis med de la gnyis med med/ /nam mkha' zhes pa'ang gnas pa med/ /de ltar kun du brtags nas su/ /'gro ba thams cad shin du stong / /dri med rnal 'byor nyid kyi yin/ /dngos po med par rang sems bsam/ /
320b3 'gro ba 'di ni de lta bu'i/ /dngos po gang dag yod min na/ /sdug bsngal sna tshogs gang dag lags/ /sems nyams sems can 'byung bar bsgom/ /'on kyang sngon gyi smon lam shugs/ /dbyangs yig spel ba'i
320b4 glu ldan bya/ /rin chen sems ni rmugs pa la/ /bde gshegs rnams kyis bskul bar snang / /shU n+ya tA ti yog pA da~M swA hA/ pra b+ha bA A kA shata mA pa ga ta sa ma ya u pa ta pa yan ti su ga ta su ga ti ga ti shrI badzra swA hA/
320b5 pU pu sta~M ha~M/ rnam rtog kun spangs dri med pa'i/ /rnam par mi rtog sgom pa'i sems/ /sngags kyi de nyid bskyod byas la/ /hU~M zhes pa yi gzugs su brtag /ting nge 'dzin gyis dbang 'gyur na/ /gang phyir de ni bsgom
320b6 pas thob/ /dam pa nam mkha'i dbyings la gnas/ /byang chub sems tshogs der bcas la/ /rnal 'byor yid kyis kun bsams nas/ /rgyas par rnam par brtag par bya/ /yi ge b+h+ru~M gyis lha yi gnas/ /rdo rje rin chen
320b7 gyis ni brgyan/ /sgo khyud rta babs ka ba dag /dar gyi phreng bas rnam par klubs/ /gru bzhi pa la sgo bzhi pa/ /dril bu'i dra ba dag gis brgyan/ /rtag par do shal me long dang / /me tog phreng bas rgyan rnams bres/ /de yi
320b8 dbus su seng ge'i gdan/ /seng ge brgyad kyis rnam par brgyan/ /smon lam dbang gis de dag kun/ /byang chub sems dpa' mthu bo che/ /shar phyogs ba glang shin du rgyas/ /lho phyogs rta yi gdan bzangs te/ /
321a1 nub phyogs su ni rma bya bshad/ /de bzhin byang phyogs nam mkha' lding / /mi bskyod khro bo babs pa ni/ /mthing ga dkar po dmar po'i zhal/ /rdo rje phyag rgya thugs ka na/ /mthing ga kha dog gsal la bzang / /g.yas na
321a2 rin chen 'khor lo ste/ /ral gri pad ma g.yon pa na/ /'jig rten khams ni kun 'khrug pa'o/ /brtul zhugs can gyis zhal gsum bsam/ /dang po yi ni stong pa nyid/ /gnyis pa de bzhin mtshan ma med/ /gsum pa smon pa
321a3 med pa yi/ /zhal du mkhas pas rig par bya/ /phyag drug rtag tu 'bar bar bsgoms/ /mtshon cha sna tshogs rnams dang ldan/ /pad ma la ni mnyam gzhag nas/ /ye shes phyag rgya snying ga nang / /dbus kyi gnas su bsam
321a4 pa ni/ /rdo rje skyil mo krung du gnas/ /shar gyi gnas su bsam pa ni/ /sngags pa rnam snang thub pa ste/ /dkar dang mthing ga dmar ba'i zhal/ /'khor lo phyag rgya snying ga na/ /rdo rje 'bar sogs 'od gsal ba/ /rin chen
321a5 rdo rje g.yas pa na/ /ral gri pad ma g.yon pa na/ /rnal 'byor can gyis rtag par bsam/ /thor tshugs dbu rgyan dag gis brgyan/ /rin chen mgon po lho phyogs na/ /ser dang mthing ga dkar ba'i zhal/ /rin chen
321a6 phyag rgya snying ga nas/ /ma rgad lta bur snang ba'o/ /g.yas na 'khor lo ral gri ste/ /rdo rje pad ma g.yon na'o/ /rtag par rnal 'byor pas bsam pa/ /rin chen char du 'bebs pa'o/ /nub phyogs gnas su
321a7 dgod bya ba/ /snang ba mtha' yas bsam pa ni/ /dmar dang mthing ga dkar ba'i zhal/ /pad ma rA ga'i mdog lta bu/ /pad ma'i phyag rgya snying ga na/ /rdo rje rin chen g.yas pa na/ /'khor lo ral gri g.yon pa na/ /
321a8 pad ma la ni mnyam gzhag bsam/ /byang phyogs gnas su don grub ni/ /ljang gu mthing ga dkar ba'i zhal/ /ral gri phyag rgya snying ga na/ /'bar ba'i phreng bas mnyam pa'i'o/ /pad ma rdo rje g.yas pa na/ /'khor lo
321b1 rin chen g.yon pa na/ /zla ba'i dkyil 'khor dbus gnas pa/ /byang gi gnas su bsam par bya/ /sngags pas phyag drug bsam pa ni/ /spyan de zhal gsum dkar mo yi/ /rnam par snang mdzad phyag rgya bzhin/ /de yi don du rnam par
321b2 bsgom/ /mA ma kI yang bsam pa ni/ /ut+pal dang ni bsam ba/ /zhal gsum phyag drug chags pa ste/ /mi bskyod phyag rgya mchog 'dzin pa'o/ /chags pas chags pa rigs kyi sngags/ /zhal gsum phyag
321b3 drug dge ba ste/ /sbyor ba'i sa ni dkar mo bsam/ /pad ma rA ga'i phyag rgya'o/ /sgrol ma kha dog ser mo ste/ /'khril bag rgyan gyis rab tu brgyan/ /zhal gsum phyag drug rab tu bsam/ /thogs med rgyal po'i phyag rgya'o/ /
321b4 sgo bzhi sgo srungs dgod bya ba/ /sgo rnams su ni khro bo bsam/ /khro bo chen po gshin rje'i gshed/ /gzhan gyis mi thub de bzhin te/ /thub par dka' ba rta mgrin dang / /khro bo bdud rtsi 'khyil pa bsam/ /de dag kun
321b5 kyang zhal gsum pa/ /drag cing drag por gnon pa'o/ /mthing ga ser po de bzhin dmar/ /ljang gu dag ni kha dog tu'o/ /mtshon cha sna tshogs 'dzin pa ste/ /thod pa'i phreng thogs de bzhin no/ /gdon
321b6 rnams thams cad skrag byed pa/ /gnod sbyin srin po 'phra men ma/ /ma he seng ge stag rnams dang / /ba lang zhon pa rnams bzhi'o/ /rnam par 'gyur ba'i khro gnyer can/ /khro bo spyan ni kun nas bsdus/ /
321b7 sngags 'di rnams kyis bsam pa ni/ /gshin rje'i gshed la sogs pa'o/ /sngags kyi de nyid rjes 'thun par/ /sngags pa'i dkyil 'khor bsgrubs nas su/ /
321b8 sa yi snying po la sogs pa/ /sems dpa' rnams ni der gnas bsam/ /lus dang ngag dang sems de nyid/ /hU~M zhes bya ba'i yi ge mchog /
322a1 sems ni de ru zhugs par bsam/ /mi bskyod pa ni bdag nyid che/ /dbang po'i lam du byung nas su/ /dang ba'i dkyil 'khor gyis ni brgyan/ /bdag nyid gcig cing gcig 'gyur ba/ /skad cig gis
322a2 ni brtag par bya/ /khyod ni rdo rje sems zhes bya/ /de la sogs pas bstod par byed/ /de nas rnam snang mdzad la sogs/ /rang gi snying gar rab tu bzung / /gzungs rnams kyi ni rang bzhin du/ /rnam par snang mdzad
322a3 thub pa bzhugs/ /tshor ba rin chen mgon po yin/ /mtha' yas 'od ni 'du shes su'o/ /'du byed kun du gdon mi za/ /mi bskyod pa ni phung po lngar/ /de bzhin gshegs pa lnga rnams ni/ /sngags 'di rnams kyis
322a4 bzhugs par bsam/ /sa yi khams kyi rang bzhin du/ /de nas spyan ni bzhugs bya ste/ /rnal 'byor yid kyis bsam pa ni/ /de yang spro bar gnas par bsam/ /mA ma kI yang chu yi khams/ /brlan zhing khrag ni rgyu
322a5 ba'i phyir/ /rnal 'byor pas ni yid kyis bsam/ /de yi lus ni rgyas par 'gyur/ /me yi khams kyi rang bzhin du/ /gos dkar mo yang gzhug par bya/ /kun du khyab par bzhugs pa yi/ /'od rnams su ni der
322a6 'gyur ro/ /sgrol ma rlung gi rang bzhin du/ /zhugs par de ni bsam par bya/ /rlung ni rnam pa lnga ru 'gyur/ /de bzhin yid mgyogs rdzu 'phrul 'grub/ /rdo rje dbyings kyi dbang phyug ma/ /nam mkha'i rang bzhin dag tu
322a7 'jug /de lus khong stong nyid la ni/ /rang sems yon tan bsgom pa'i sems/ /nam mkha'i dbyings kyi rnal 'byor gyis/ /sangs rgyas sgyu ma'i sbyor bas su/ /dag pa'i bdag nyid ci 'dod par/ /de nas
322a8 ri rab phul nas 'gro/ /sa yi snying po bdag nyid che/ /sangs rgyas spyan ni bdag nyid de/ /mig gi phyogs su zhugs nas ni/ /'phrul gyi mig tu rtag tu 'gyur/ /phyag na rdo rje bdag nyid che/ /rna ba'i rnam shes
322b1 sbyor bas na/ /sgra rnams thams cad shes pa de/ /rna ba'i rnam shes de bzhin 'gyur/ /nam mkha'i snying po bdag nyid che/ /sna yi rnam shes sbyor bas na/ /sangs rgyas shangs ni bdag nyid shes/ /de yang de yi
322b2 ngo bor 'gyur/ /'jig rten dbang por rab chags pa/ /rdo rje lce yi sbyor bas su/ /ro yi dngos po myong ba des/ /skad cig gcig la de ru 'gyur/ /blo ldan sgrib pa thams cad ni/ /rnam par sel ba'i ming dang ldan/ /
322b3 nyon mongs thams cad rnam par sel/ /nye ba'i nyon mongs pa yang 'jig /me long gi ni rnam pa ltar/ /rten pa'i tshul gyis 'byung ba ni/ /gzugs brnyan gyi ni sbyor bas su/ /skad cig gis ni de ru 'gyur/ /
322b4 bcom ldan rdo rje sems dpa' la/ /rnam pa bcu dang drug tu yang / /sbyor ba de ni byin brlabs nas/ /sngags pas de ni sems la gzhug /khro bo lcags kyu dpung pa yis/ /zhags pa lta bu gnyis pa'o/ /
322b5 lu gu rgyud kyi kha sprad gsum/ /rgyal mtshan gzhug par khyab par bzhag /de ltar don rnams rab tu zhugs/ /sangs rgyas kun gyi ngo bor bdag /rdo rje phyag rgya dang ldan pa/ /g.yon pa dril bsnams sta zur brten/ /
322b6 rdo rje sems dpa' de gnas 'gyur/ /rnal 'byor chen po dkar ba'i gzugs/ /dkar dang mthing ga dmar po'i dbu/ /stong nyid la sogs bdag sbyor ba/ /rdo rje sems dpa' zhes su smra/ /rdo rje phyag rgya rjes
322b7 su chags pa la/ /oM sarba ta thA ga ta a nu rA ga Na badzra swa b+hA ba At+ma kou0f85ha~M/ /sangs rgyas mchod pa la/ oM sarba ta thA ga ta pU dza badzra swa b+hA ba At+ma kou0f85ha~M/ rang gi dkyil 'khor snga ma bzhin/ /mdun du bsams n
322b8 as nam mkha' la/ /khyab pa'i sbyor bas gcig byas te/ /dkyil 'khor snga ma bzhin bsams bzlas/ /bcom ldan mi mnyam gzhug cing bzhugs/ /rdo rje phyag rgya thugs kar bsnams/ /g.yas par 'khor
323a1 lo rin po che/ /pad ma ral gri g.yon pa'o/ /de nyid gsum gyi tshul gyis na/ /ci tsam nus par bzlas par bya/ /skyo na yid kyis drangs nas ni/ /de dag thams cad snying gar gzhug /mnyam pa nyid
323a2 kyi gnas 'dug na/ /lus kyis ji tsam bskyod pa dang / /tshig tu rab tu 'phro ba'i rnams/ /de dag sngags dang phyag rgyar 'gyur/ /rtag tu bsgom pa'i sbyor bas ni/ /de la sems dpa'i gzhan ma yin/ /rnal
323a3 'byor ngo bo gzugs can la/ /lha mo rnams kyang de la 'dzin/ /dbang po lam du gang gyur pa/ /de dang de yi ngo bo dag /shin du mnyam gzhag sbyor bas su/ /bdag nyid lhag pa'i lhar bya'o/ /dpal rdo rje snying po
323a4 rgyan gyi rgyud las lha'i le'u ste lnga pa'o// // de nas bcom ldan 'das rnam par snang mdzad chen po sku dang gsung dang thugs
323a5 rdo rje'i de bzhin gshegs pa la de bzhin gshegs pa thams cad dang / /byang chub sems dpa' thams cad kyis tshig mthun par sgra dbyangs gcig gis gsol ba btab pa/ bcom ldan de bzhin gshegs kun
323a6 gyi/ /ye shes gces pa dri med pa/ /byang chub sems ni rin po che/ /bla na med pa bshad du gsol/ /de nas bcom ldan 'das la de bzhin gshegs pa thams cad kyis gsol ba btab par thugs su chud nas
323a7 byang chub sems dpa' rnams la 'di skad ces bka' stsal to/ /sems ni lus kyi rnam pa yin la/ lus kyang sems kyi rnam pa yin zhing sems kyang tshig gis rab tu brjod pa yin no/ /de nas byang chub
323a8 sems dpa' de dag gis de bzhin gshegs pa thams cad kyi sku dang gsung dang thugs sbyor ba thob nas ched du brjod pa 'di ched du brjod do/ /kye ma kun du bzang po 'di/ /sku gsung thugs kyi rdo rje can/ /chos
323b1 rnams skye ba med pa ste/ /g.yo ba med cing gnas pa med/ /rtog pa'i dri ma spangs pa yin/ /bskyed par bya zhes rab tu gsungs/ /de nas bcom ldan 'das mi 'khrugs pa de bzhin gshegs pa gsung spros pa'i rdo rje
323b2 zhes bya ba'i ting nge 'dzin la snyoms par zhugs nas byang chub kyi sems 'di gsungs so/ /dngos po 'di dag ma skyes te/ /chos can med cing chos nyid med/ /nam mkha' bzhin du dmigs med pa'i/ /byang chub sems
323b3 ni brtan pa yin/ /bcom ldan 'das de bzhin gshegs pa rdo rje mi 'khrugs pas gsung ngo / /de nas bcom ldan 'das de bzhin gshegs pa rin chen 'byung gnas kyis de bzhin gshegs pa thams cad dmigs su
323b4 med pa zhes bya ba'i ting nge 'dzin la snyoms par zhugs nas byang chub kyi sems 'di gsungs so/ /dngos po 'di dag dngos med de/ /chos kyi mtshan nyid spangs pa yin/ /bdag med chos las legs byung ba'i/ /byang
323b5 chub sems ni bstan pa yin/ /zhes bcom ldan 'das rin chen tog gis gsungs so/ /de nas bcom ldan 'das de bzhin gshegs pa 'od dpag med kyis rdo rje me lce 'bar ba zhes bya ba'i ting nge 'dzin la snyoms
323b6 par zhugs nas byang chub kyi sems 'di gsungs so/ /dngos po skye ba med pa ste/ /dngos po ngo bo yod min pas/ /nam mkha'i go 'phang 'thob bo zhes/ /dngos rnams rab tu brjod pa yin/ /zhes bcom ldan 'das
323b7 'od dpag med kyis gsungs so/ /de nas bcom ldan 'das de bzhin gshegs pa don yod grub kyis de bzhin gshegs pa thams cad kyi bla ma'i yang bla ma'i rdo rje zhes bya ba'i ting nge 'dzin la snyoms par zhugs nas byang chub
323b8 kyi sems 'di gsungs so/ /chos rnams rang bzhin 'od gsal ba/ /gzod nas dag cing rnyog pa med/ /sems can med cing srog kyang med/ /sangs rgyas nyid dang byang chub med/ /rmi lam sgyu ma ltar snang ba'i/ /byang
324a1 chub sems ni brtan pa yin/ /zhes bcom ldan 'das don yod grub kyis gsungs so/ /de nas yang byang chub sems dpa' sems dpa' chen po byams pa la sogs pa de bzhin gshegs pa thams cad
324a2 kyi sku dang gsung dang thugs rdo rje de bzhin gshegs pa'i byang chub kyi sems rnam par dag pa thob nas ngo mtshar skyes par gyur te ched du brjod pa 'di ched du brjod do/ /kye ma'o sangs rgyas kye ma'o dag /kye ma'o chos ni
324a3 bstan pa rnams/ /bdag med chos las legs byung ba/ /byang chub sems khyod phyag 'tshal lo/ /byang chub sems kyi bsgom pa yi/ /mi g.yo yi ge las byung zhing / /rmi lam la sogs ma skyes pa/ /byang chub
324a4 sems khyod phyag 'tshal lo/ /gnas dang stan ni rnam bsams te/ /sems dpa'i skyil mo krung bcas nas/ /dang por rang bzhin dag go zhes/ /dag pa'i chos kyi tshul la gnas/ /yid kyis hU~M byas rdo rje can/ /
324a5 rdo rje sems mas byin gyis brlabs/ /rin chen lus su nga rgyal bya/ /lag pa bstod de bskor ba na/ /lcags kyu yis ni spyan yang drang / /byon nas drang por phyogs bcing ste/ /dam tshig mchog kyang
324a6 dbul bar bya/ /gdan rnams so sor phul nas su/ /mchod yon 'bul ba'i sbyor ba bya/ /dbang bskur mtshon cha go cha sogs/ /sil snyan mchod sogs ngo bo bya/ /rnam pa kun gyis mnyes bya ba/ /rnal
324a7 'byor bdag nyid can gyi bdag /rnal 'byor rnam gsum shes bya ste/ /byin gyis brlabs dang yongs brtags dang / /gzugs nyid yongs su rdzogs pa dag /rnal 'byor yin zhes sangs rgyas gsungs/ /
324a8 sngags kyi byin brlabs nga rgyal bskyed/ /rnal 'byor byin brlabs yin par gsungs/ /byang chub sems ni dag pa dang / /gsang sngags sa bon skye ba che/ /phyag rgya tshogs su brtag pa yi/ /rim gyis gzugs
324b1 kyis rdzogs bya ba/ /de ni brtags pas brjod pa ste/ /rnal 'byor cho ga yin par gsungs/ /bsdu dang spro bar bya ba las/ /rnam pa'i mchog kun ldan pa dang / /skad cig ye shes kyis rdzogs pa/ /rdzogs pa'i rnal
324b2 'byor zhes brjod do/ /dang por dam tshig byin brlabs par/ /rnal 'byor rig pa dag gis brtag /rab tu rdzogs par bya ba dag /'di ni rnal 'byor cho gar bshad/ /nyon mongs dri mar bcas pa'i sems/ /byang chub
324b3 sems kyis dag bya ste/ /de ni rang bzhin dag pa'o zhes/ /brjod cing thal mo gsum gyis sbyar/ /dag gyur de nas blo yis ni/ /sems la so sor btag par bya/ /sems la so sor brtags nas kyang / /phyi rol rang
324b4 bzhin stong par bya/ /sems tsam la ni gnas nas su/ /byang chub tshogs kyi bag chags des/ /bsgom par bya ba'i ngo bo dag /zla ba'i gzugs su rnam par brtag /dag pa'i pad ma la gnas pa/ /oM gyi myu gus bskrun
324b5 pa yi/ /yan lag kun gyi mtshan nyid gzugs/ /rdo rje sku ni bsgom par bya/ /AHzhes bya ba'i spros med gsung / /sems ni hU~M zhes bya bar sprul/ /yi ge gsum gyis byin brlabs lus/ /snying la gnas pa zla ba'i
324b6 gzugs/ /de la rang gi yi ge ni/ /mdog gzugs 'od ni byed bsams te/ /nga rgyal bskyed nas de la ni/ /rdo rje'i bdag nyid bdag nyid brjod/ /rgyan kun yongs su rdzogs pa dang / /'od kyi dkyil 'khor gyis brgyan pa/ /
324b7 cha shas kyi ni dra ba can/ /ye shes sems dpa' rdzogs par brtag /de 'og lag pa'i phyag rgya yis/ /go cha mtshon cha la sogs bya/ /rdzogs sangs rgyas lnga dbang bskur te/ /cod pan phreng ba rnams kyis klubs/ /de nas de
324b8 'og sangs rgyas kyi/ /sprul pa mdzad pa'i sgyu ma 'phro/ /yan lag bzhi pa dpung ldan pa'i/ /phyogs bcur khro bo bcu dag dang / /bsnyems ma dang ni tog ldan ma/ /mtshon cha ma dang rtsed mo can/ /sgyu ma'i cha byad rnam pa'o/ /
325a1 rnam par 'phrul pa byin gyis brlab/ /kun la khyab par byed pa yi/ /sna tshogs dbus su gzhag nas ni/ /de nyid chen po bdag nyid lngas/ /phyogs bzhi 'khor la khyab bya ste/ /dga' bas dga' byed bzhi yang spro/ /
325a2 ting 'dzin kun gyi dga' ba la/ /'os par byed pa'i sngags pa yi/ /'khor lo dang ni rdo rje'i gzugs/ /pad ma'i gzugs la de dag ni/ /'khor lo kun la pad ma yi/ /ngo bo yis ni rol pa dang / /e zhes bya ba 'phro ba las/ /
325a3 mdog ldan bdag nyid gzugs su bya/ /mdzes pa'i rgyan rnams kun ldan pa'i/ /nyid kyi gdan la bzhugs par blta/ /sgeg dang glu dang gar rnams dang / /rgyal mtshan la sogs tshon dgye dang / /sil snyan mchod pa'i
325a4 rnam pa ni/ /sna tshogs rnams kyis mchod pa bya/ /rnam pa kun dang ldan par ni/ /bdag nyid kyi ni lus bsgoms nas/ /myur ches bya ba bul ba dang / /mi gsal gug skyed nyams pa dang / /rtog pa ngan pa rnam par
325a5 spangs/ /de nas gsang sngags bzlas brjod bya/ /bzlas pas skyo na lag g.yas kyis/ /bsgrims nas rdo rje gsor nas su/ /g.yon pas dril bu la bsil zhing / /rdo rje glu tshul sna tshogs dang / /ba dan tshul du byas pas
325a6 mchod/ /bzlas pa yis ni 'jug brtul nas/ /gshegs su gsol dang rang nyid 'grub/ /lus dang ngag dang sems bsgoms te/ /brtan por ci bder 'gro bar bya/ /bar chad du ni gyur na yang / /yi ge brgya pas byin gyis brlab/ /
325a7 de ltar bsgom pas bsgom byed pa/ /rdo rje theg pas rab rdzogs pa'i/ /byang chub de ni myur thob nas/ /zla nyi dkyil 'khor lta bur snang / /sna tshogs las kyi thog 'dren cing / /rin chen rgyal mtshan rab dga' byed/ /rgyal byed pad
325a8 ma'i gdung brgyud can/ /gnas chen 'jig rten dbang phyug 'gyur/ /dpal ldan rig sngags kun gyi gtso/ /dga' chen 'dod dgur lcags kyur 'gyur/ /sgyu ma bzhi ba kun shes shing / /dregs pa 'joms byed khro bar 'gyur/ /
325b1 dpal rdo rje snying po rgyan gyi rgyud las byang chub kyi sems bsgom pa'i ye shes bsgrub pa'i le'u ste drug pa'o// // sbyin sreg de nyid la gnas pa'i/ /me ni lha yi zhal yin
325b2 pas/ /sna tshogs las rnams grub byed pa'i/ /sbyin bsreg las ni rab tu bshad/ /sbyin bsreg gis ni lha rnams tshim/ /tshim par gyur nas dngos grub ster/ /gsang sngags lhag chad gang yin pa/ /thams cad sbyin sreg
325b3 dag gis bskongs/ /de phyir sku gsum chos mchog gis/ /sbyin sreg rab tu bsngags par mdzad/ /tsub shing las ni byung ba'i me/ /dge ba yi ni las rnams byed/ /gdol pa'am dur khrod byung ba yi/ /me ni las rnams rab
325b4 tu bsgrub/ /thab khung zlum po gru bzhi dang / /zla gam dang ni zur gsum dang / /dkyil 'khor gyi ni kha khyer la/ /rdo rje mtshan ma dag gis brgyan/ /sbyin sreg de nyid tshul rig pas/ /thab khung rnams kyi dbus su ni/ /pad ma'i steng
325b5 gnas gtsug tor dang / /rdo rje rin chen pad ma bzhag /ji ltar dmigs pas gdugs nas su/ /lag gnyis pus mo'i bar bzhag ste/ /dgang gzar mar gyis bkang nas ni/ /blugs gzar bkang ste de bzhin bsreg /sbyin
325b6 sreg la dgos g.yas su bzhag /g.yon du chu yi snod dgod do/ /las kun byed pas bzlas nas su/ /bsang gtor dang ni 'thor 'thung bya/ /ku sha rtse mo rnon po yis/ /thab khung khor yug bskor bar bya/ /me ni 'bar bar shes
325b7 pa dang / /g.yas pa mi 'jigs thob spyod cing / /gsang sngags 'dis ni cho ga bzhin/ /me yi lha ni spyan drang ngo / /tshur spyon tshur spyon 'byung po che/ /lha yi drang srong bram ze mchog /bsreg blugs zhal zas bzhes nas kyang / /
325b8 'di nyid du ni bzhugs su gsol/ /oM ag+na ye A di bya A bI she A bI she ma hA shri ye hA bya kA bya bA ha nA ya swA hA/ phyag g.yon rdo rje bsang gtor te/ /mchod yon mchod pa rnam lnga dbul/ /me yi phyogs nas bod pa ni/ /
326a1 gsus po che la mig gsum pa/ /gdong bzhi pa la lag bzhir ldan/ /mdog dmar ral pa'i thor tshugs can/ /me yi dkyil 'khor la gnas shing / /las kyi 'od zer rnams kyis brgyan/ /lag pa
326a2 dang po mchog sbyin la/ /gnyis pa na ni sngags nor phreng / /g.yon pa ril ba spyi blugs te/ /gnyis pa na ni be con nyid/ /mdog dmar rgyan ni med pa la/ /drang srong rnams kyis yongs bskor ba/ /'di lta'i gzugs
326a3 ni bsams nas kyang / /thab kyi dbus su bzhugs su gsol/ /de la sbyin sreg la dgos pa/ /kun la lan gsum bsreg blugs dbul/ /de nas 'thor 'thung byas nas su/ /'bar ba'i rnam par bsgyur bar
326a4 bya/ /rim pa 'di yi tshul gyis ni/ /mkhas pas lha rnams tshim par bya/ /legs par tshim byas bzod gsol te/ /'dod pa'i dngos grub gsol ba gdab/ /bum pa rgyal mtshan rdo rje gdugs/ /pad ma'i lcags kyu'i
326a5 rnam pa dang / /me lce mdog dkar snang ba dang / /'khyil pa'i mtshan mas mkhas pas brtag /des ni myur du 'byung 'gyur ba/ /bsgom dang bzlas la 'bad par bya/ /zhi dang rgyas dang dbang la ni/ /oM zhes pa dang swA hA mthar/ /
326a6 dbyangs kyi rgyud ni bsring ba ni/ /bar chad med pa'i dbyangs kyis sbyar/ /zhi ba'i sems ni zhi ba la/ /'byor pas rgyas pa mngon par spel/ /dregs bde stabs tshul bcas pa dang / /dbang du gyur pas dbang du bya'o/ /drag shul
326a7 spyod tshul la gnas pa/ /hU~M zhes pa dang phaT dang bcas/ /lus ni me lce 'bar ba dang / /'jig rten gsum po bzar bsams nas/ /bskul ba'i tshig dang spel ba yi/ /gsang sngags yi ge nges par sbyor/ /sngags grub
326a8 cho ga shes pa yis/ /sbyin sreg cho ga thams cad la/ /sna tshogs las dang ldan pa yi/ /yang dag yin pa mchod par bya/ /sbyin sreg de nyid la bskul zhing / /dang por dgang blugs bsreg cing dbul/ /phyi ni rim bzhin
326b1 rnam par spel/ /zhi dang rgyas dang dbang rnams la/ /dge ba'i rdzas rnams sbyin sreg bya/ /bshang gci khrag rkang rus pa dang / /sha chen dag kyang sbyin sreg bya/ /ci ste ye shes sems dpa'i zhal/ /mi gtsang ba yis
326b2 bkang na ko/ /ci ltar sdig pa skye mi 'gyur/ /gal te sdig 'gyur 'bras bu gang / /sems can mi shes pas rmongs pa/ /thabs dang shes rab rnam spangs shing / /phyi rol dngos la mngon zhen pa/ /rnam rtog dra bas blugs byas
326b3 gang / /de dag gis ni dge sdig gi/ /phung po gnyis su rnam par brtags/ /chos 'di rang bzhin gyis dag ste/ /skye ba med cing gnas med kyang / /sems can shes pa spel ba'i phyir/ /sangs rgyas rnams kyis thabs su
326b4 bstan/ /dam pa'i don du dge spangs nas/ /bsod nams min pa ci zhig smos/ /dper na mi gang chu klung gi/ /pha rol 'gro ba'i sems can dag /rtswa dang shing la sogs bsdus nas/ /chu la rgal ba'i gzings byas te/ /de la
326b5 'jug ste legs brgal nas/ /bor te bde bar 'gro ba ltar/ /de bzhin 'khor ba'i pha rol gyi/ /chos kyi lam ni bskyed byas kyang / /chos dang chos min rnam spangs nas/ /byang chub bde ba thob pa ni/ /de phyir rnam rtog rnam spangs
326b6 la/ /zab mo yi ni chos spel te/ /de bzhin gshegs pas gsungs rnams la/ /sngags rig rnam rtog ma byed cig /rnam rtog rmongs pa chen po ste/ /'khor ba'i rgya mtshor ltung byed pas/ /nam mkha' lta bur dri med
326b7 pa'i/ /rnam par mi rtog ting 'dzin gnas/ /dbang po gnyis ni mnyam sbyar te/ /lus dang ngag dang sems bsdus nas/ /nga'o snyam pas gzi bskyed lus/ /rnam pa kun gyis rnam brgyan na/ /rnal 'byor ldan pas tshe 'di la/ /ye
326b8 shes rdzogs pa nyid du 'gyur/ /las las byung bar bstan pa yi/ /skyes pa bud med gzugs mang la/ /mnyes pa nyid du mi bya 'di/ /rdo rje lus can dam tshig yin/ /ngan rtog bzang rtog dra ba yi/ /sems kyis
327a1 sems can rnams la ni/ /sna tshogs gdung bas sun mi 'byung / /rdo rje dang ldan dam tshig yin/ /sred pas bskyed rtsub phra ma yi/ /tshig dag rnam par mi smra zhing / /mnyan na bde ba byed pa 'di/ /rdo rje ngag can
327a2 dam tshig yin/ /rnam par snang mdzad chen 'khrug mchog /sha yi khams la gnas pa yin/ /rkang la mi 'khrug rgyas pa ste/ /khrag la rin chen 'byung ba gtso/ /sems can rnams kyi rus phung gi/ /rus gong la ni 'od
327a3 dpag med/ /rtsa yi tshogs rnams rnam 'brel la/ /thub pa skyes mchog don yod la/ /dam tshig shes pa rnams la ni/ /gsang chen pa yis bstan pa 'di/ /blo ldan rdo rje rnams kyis ni/ /rtag tu brten cing bsgom par
327a4 bya/ /'dod chags de bzhin gti mug rmongs/ /sred dang 'du byed rnam sel ba'i/ /chos ni rnam pa lnga po 'di/ /thub pa skyes mchog rnams kyis gsungs/ /bshang gci khu chu mchil ma khrag /'dzag pa 'byung ba bzhis
327a5 bsdus pa/ /bsgom pa'i blo gros rtogs pa yis/ /dam tshig brtan par bya ba ste/ /rtag tu bza' zhing sbyin par bya/ /dpal rdo rje snying po rgyan gyi rgyud las sbyin sreg gi le'u ste bdun pa'o// //
327a6 de nas gzhan yang bshad bya ba/ /'gro ba mi shes mun bsal phyir/ /ye shes nyi ma shar ba las/ /keg bu mun pa bsal tshul gsungs/ /gshin rje'i gshed la sogs pa yi/ /
327a7 mdog dang phyag mtshan la sogs pa/ /de kun sngon du rgyas pa ru/ /bye brag gis ni rgyas par bstan/ /de ni las kyi khyad par gyi/ /dbang du byas pa khro bo'i tshogs/ /gzhan du ma gsungs gang yin pa/ /de dag 'di ru bshad
327a8 par bya/ /bru~M gyi ye shes las byung ba/ /gtsug tor gzi brjid phung po ste/ /zhal gsum ser po mdangs dang ldan/ /phyag drug nyi ma la sogs pa/ /'dzin cing skyil mo krung bcas pa/ /ral pa'i gtsug tor gyis
327b1 brgyan cing / /'jig rten khams kun 'khrug byed pa'i/ /gzugs kyi 'phros pas nam mkha' gang / /rig mas sku la rab 'khyud pas/ /chags phyir spro ba'i rtsol ba can/ /'di 'dra sgom par byed pa la/ /bgegs kyis
327b2 gnod pa yong mi gos/ /skyon med rdo rje zhes bya ba'i ting nge 'dzin to/ /yang ni bru~M gyi ye shes las/ /byung ba sngags kyi 'khor lo can/ /zhal gsum gser 'dra mdangs po che/ /phyag drug 'khor lo la sogs pa/ /
327b3 rol pa'i gtsug tor gyis brgyan pa/ /'dzin cing stag gi smad g.yogs te/ /thod pa'i phreng bas sku la brgyan/ /rig ma dang ldan chags pa po/ /'jol sgeg nyams kyi sbyor ba mdzad/ /'di bsgom spro bar byed pa la/ /
327b4 nyin dang mtshan du rdo rje sems/ /'khor bcas gnas su byon nas su/ /rtag tu bsrung ba nyid du byed/ /bka' bzhin byed pas rdo rje zhes bya ba'i ting nge 'dzin to/ /de bzhin bru~M gyi ye shes las/ /byung ba'i khro bo gtsug
327b5 tor rgyal/ /zhal gsum ser po mdangs dang ldan/ /phyag drug lcags kyu la sogs pa/ /'dzin cing sbrul gyis yang dag brgyan/ /'og tu bgegs kyi gtso mnan nas/ /gad mo'i sgras ni 'debs par byed/ /ral
327b6 pa'i gtsug tor gyis brgyan pa/ /khro bo 'di 'dra sgom byed pa'i/ /rnal 'byor gang la sangs rgyas kyi/ /sprul pa'i bgegs kyang rlag byed na/ /gzhan ma rnams ni smos ci dgos/ /snying 'gugs pa rdo rje zhes bya ba'i ting
327b7 nge 'dzin to/ /bru~M las yang ni byung ba yi/ /gtsug tor dam tshig spyod pan can/ /zhal gsum gser zhun mdangs ldan pa/ /phyag drug ka pA la sogs pa/ /'dzin cing sna tshogs rab tu 'bar/ /ral pa'i gtsug tor gyis
327b8 brgyan pa/ /zhabs rnams bsgyur zhing rnam par 'phen/ /spro dang bsdu ba'i blo gros can/ /'di 'dra gang zhig bsgom pa la/ /bi nA ya ka la sogs pa'i/ /bgegs kyis skabs ni mi rnyed phyir/ /ji bzhin rab tu
328a1 bsgom par bya/ /gzhan gyis mi thub pa rdo rje zhes bya ba'i ting nge 'dzin to/ /bru~M gyi yi ge las kyang byung / /ming gi gtsug tor rnam par 'thor/ /zhal gsum gser ni btso ma 'dra/ /phyag drug tri shu
328a2 la sogs pa/ /'dzin cing srog song steng na gnas/ /rol pa'i stobs kyis bgegs mchu bcings/ /ral pa'i gtsug tor gyis brgyan pa/ /sangs rgyas sprin ni spro ba'o/ /gang zhig de 'dra sgom byed pa'i/ /rnal 'byor de yis
328a3 go cha bgos/ /bsra ba'i ngang tshul can yin pas/ /bgegs lus gang gis mi g.yo'o/ /bgegs las rgyal ba rdo rje zhes bya ba'i ting nge 'dzin to/ /bru~M gyi ye shes mthu las byung / /gtsug tor rnam par 'joms pa'i mchog /
328a4 zhal gsum gser 'dra'i nyi 'od mtshungs/ /phyag drug rdo rje la sogs pa/ /'dzin cing tshems kyis sgros mnan te/ /chags ldan rig mas 'khyud pa'o/ /ral pa'i gtsug tor gyis brgyan pa/ /khrag can ljags kyang 'dril ba
328a5 ste/ /bla med byang chub thob 'dod pa/ /'di 'dra sgom par byed pa la/ /bskal pa brgyad cu'i bar du yang / /bgegs kyi gnod pa yong mi 'ong / /bgegs kyi stong pa ye shes rdo rje zhes bya ba'i ting nge 'dzin to/ /yang ni bru~M gyi
328a6 ye shes las/ /yang dag byung ba'i skabs dkar po/ /zhal gsum gser zhun lta bur gnas/ /phyag drug gdugs la sogs 'dzin cing / /skyabs med phongs pa'i skyabs mdzad cing / /ma ning rnams dang za ma la/ /bu ni sbyin par
328a7 byed pa po/ /ral pa'i gtsug tor gyis brgyan pa/ /rig ma dang ldan sku chen 'di/ /rnal 'byor gang gis sgom byed cing / /bzlas pa rtse gcig tu byed na/ /bgegs kyi gnod pas de mi rdzi/ /rin chen gyi skyabs rdo rje zhes bya ba'i ting nge
328a8 'dzin to/ /rnal 'byor khyad par can gyis ni/ /'di rnams byang chub bsrung ba'i phyir/ /'khor lo gtso bor rab bsgoms na/ /nang gi bgegs kyis yong mi tshugs/ /byang chub snying po don gnyer bas/ /'di 'dra'i 'khor lo can
328b1 bsgoms na/ /bsgrims nas rnal 'byor bsgoms pa yis/ /ring por mi thogs 'dod pa 'thob/ /dpal rdo rje snying po rgyan gyi rgyud las byang chub kyi snying po'i rgyan gtsug tor 'byung ba'i le'u ste brgyad pa'o// //
328b2 de nas yang rdo rje mkha' 'gro ma thams cad 'dus nas de bzhin gshegs pa thams cad kyi dbang phyug rdo rje 'dzin pa la phyag 'tshal nas 'di skad ces gsol to/ /'di yi dpal ni gang zhig lags/ /rdo rje dang ni
328b3 snying po dang / /de bzhin rgyan gyi don ni ci/ /kye ho mchog de bstan du gsol/ /de nas de bzhin gshegs pa thams cad kyi dbang phyug rdo rje 'dzin pas de dag la 'di skad ces bka' stsal to/ /'di ni thun mong ma yin pa'i/ /gsang ba'i
328b4 rgyud du rab sbas pa/ /ji bzhin gnas pa'i de kho na/ /yang dag bstan gyis rtse gcig nyon/ /lus ngag yid gsum bde dam pas/ /lha mo las ni bskyod bya ste/ /byang chub chen po bde ba yis/ /tshul bzhin du ni sngags pas bya/ /
328b5 bskul ba'i snying pos 'di smra ste/ /dz+dza zhes skad cig skad cig tu/ /rang gi gnas na gnas pa yin/ /de nyid lha nyid bskyed par bya/ /bcu drug cha dang yang dag ldan/ /zla ba gsang ba'i thig le la/ /me tog dang ni 'dra ba nyid/ /rlung
328b6 gis phul bas bskyod par bya/ /de bzhin bskyod pas bsgrub par bya/ /de bzhin du yang bskul bya ba/ /rgyud kyi phreng ni 'od gsal bzhin/ /steng dang mdun du rtsa gnyis las/ /bcu drug gnas su yang dag gnas/ /de las snying dbus
328b7 rab zhugs te/ /rlung gi sbyor bas phul byas pas/ /steng dang mdog rab mdzes rdzogs sku/ /bdag gi dpal du shes par bya/ /de las byung ba'i dngos grub che/ /nor bu la gnas rtog bral ba/ /thig le yig med bsdus pa'i sku/ /lhan
328b8 cig skyes par shes par bya/ /de la de yi gzugs kyi sku/ /nam mkha'i khams kun gang ba yi/ /bral ba'i shes pas don byed pa/ /gzhan gyi dpal du shes par bya/ /de rnams rgyu las byung ba yi/ /ye shes shes rab shin
329a1 du gsang / /gsang ba rnam par 'grub pa yi/ /rdo rje snying po'i rgyan zhes bya/ /lha mo las byung bde dang ldan/ /'ja' tshon ltar gsal rgyud dag pa/ /snang ba'i sku de mi shigs pa/ /rdo rje nga yis yang dag bsgrags/ /
329a2 snang zhing srid pa'i chos rnams kun/ /bsdus phyir brtsegs pa'i sku dam pa/ /rtog bral rgyud du sim gnas pa/ /'byung phyir snying po zhes su bsgrags/ /dag dang ma dag thams cad la/ /'khor ba ji srid bar snang ba/ /gnyis
329a3 ka mdzes par byed pas na/ /rgyan du yang dag bsgrags pa yi/ /dpal dang rdo rje snying po dang / /rgyan zhes bya ba bzhi po ni/ /'brel cing grub par byed pa'i phyir/ /rgyud ces bya bar bshad pa'o/ /chos kyi phung po brgyad khri dang / /
329a4 bzhi stong gi ni grangs snyed kyi/ /mtshan gyi don ni 'di don du/ /yang dag 'dus par ngas bshad do/ /gzhan du don ni ma bsgrags pa/ /bla ma la ni gus pa yi/ /slob ma la ni ma rtogs pa'i/ /rgyud gzhan dag tu sbas pa'o/ /
329a5 don 'di yang dag ma shes na/ /ji snyed don ni bsam yas pa/ /shes kyang de yi 'bras bu med/ /de 'dod mnyes byas yang dag blang / /dpal rdo rje snying po rgyan gyi rgyud las ye shes gsum gyi mtshan 'byung ba zhes bya ba'i le'u
329a6 ste dgu pa'o// // rtag par mi phyogs smra ba dang / /bla ma smod byed brtson pa la/ /dam tshig phyir ni yongs bsgral bya/ /de yi sha khrag klad pa rnams/ /drangs te chos
329a7 kyi ston mo bya/ /de ltar ma byas sdug bsngal tshogs/ /gti mug can des thob par 'gyur/ /nad thams cad dang khros chen dang / /'jigs dang nye bar 'tshe ba yi/ /bskal pa grangs med bye ba ru/ /sdug bsngal chen por rab snyed cing / /
329a8 'o dod 'bod pas sbrul gyi brgyan/ /bstir med chen por rtag par 'gro/ /de bas las 'dis rgyas gdab po/ /bdag nyid rdo rje mkha' 'gro yi/ /khro bo gzugs can nyid gyur nas/ /ut+pal mthing ga 'dra ba yi/ /zhal
329b1 gsum pa la phyag drug pa/ /rdo rje tri shul phur bu dang / /thod pa gri gug 'khor lo 'dzin/ /mi sdug khros pa lce lnga pa/ /bsams nas de 'og nam mkha' la/ /bsgrub bya rgyas par dmigs nas su/ /rdo rje phur pa la
329b2 sogs pa/ /sems can dkyil 'khor gnas pa la/ /sgrub pos de yi nyes pa bsgo/ /de nas phyag mtshan tri shUl dang / /phur bu drag po mchog dag gis/ /mgo dang snying ga lte ba dang / /rkang pa gnyis dang lag pa yi/ /gnas
329b3 lnga rab tu phug bya ste/ /lce lnga'i 'od zer lnga po yis/ /srin bu 'dza' lu ka bzhin du/ /khrag kun sngags kyis drangs nas su/ /thod par phab nas btung bar bya/ /de bzhin sha rnams yang bsdus nas/ /bza' ba ru ni rab tu
329b4 brtag /rus pa rnams kyang 'tshos byas nas/ /shes pa rdo rje pad mar sbyar/ /'di ni don sgrub rab byed pas/ /zla ba phyed ni tshun chad kyis/ /rdo rje 'dzin pa chen po yang / /'chi bar 'gyur bar gdon mi za/ /rdo rje gsang ba 'di
329b5 lta bu/ /bsgrub bya legs par bsgrub byas nas/ /las ngan dag gis de mi 'khol/ /sangs rgyas su ni skye bar 'gyur/ /rnal 'byor de yang de yi mthus/ /khro bo mkha' 'gro zhes 'gyur te/ /khams gsum bsad dang gso ba
329b6 dang / /sems kyi rdo rje brtan byas nas/ /skad cig tsam du byed par 'gyur/ /gsal bar nus pa gdon mi za/ /dpal rdo rje snying po rgyan gyi rgyud las rdo rje mkha' 'gro khro bo'i sbyor bas dgra bsad pa'i le'u ste bcu pa'o// //
329b7 de nas gzhan yang bshad bya ba/ /'dod chags thabs chen po yi rgyud/ /gang gis legs par shes na ni/ /tshe 'dis dngos grub sbyin par bshad/ /gsang ba 'dus pa stong phrag gcig /rdo rje
329b8 phreng ba 'bum phrag gsum/ /dgongs pa lung ston stong phrag bzhi/ /lha mo bzhis zhus brgya bdun bcu/ /ud+tar tan+t+ra nyis brgya brgyad/ /de yi nye bar bshad pa'i rgyud/ /dam tshig chen po lnga bcu lnga/ /rdo rje lnga 'dus
330a1 stong phrag gcig /kun las 'dus pa 'bum phrag gcig /mnyam nyid rnam rgyal nyis rgya bcu/ /zla gsang thig le stong phrag bdun/ /rdo rje sa 'og rgya nyi shu/ /cod pan rdo rje bdun rgya lnga/ /khro zla thig
330a2 le 'bum phrag lnga/ /rdo rje rnam rgyal rgya dgu brgya/ /mnyam nyid gsang ba stong phrag lnga/ /rdo rje gsang mdzes stong phrag bdun/ /nor bu gsang thig 'bum 'phrag bcu/ /snang mdzad rdzu 'phrul stong dang rgya/ /
330a3 rdo rje gsang rgyan stong phrag gcig /rdo rje thod pa nyis rgya rgya/ /de nyid rgya stong rgya stong bdun/ /dam tshig mngon brgyan stong phrag gsum/ /'jam dpal dpa' bo 'bum phrag gcig /gsang chen 'dus pa brgya lnga bcu/ /rin
330a4 chen sdong po dgu brgya bdun/ /dus kyi thig le brgya brgyad bcu/ /lha mo bstan chos lnga brgya bdun/ /'di rnams dgongs pa'i bye brag gis/ /nga yis yang dag bstan par bya/ /'di ni gnyis gnyis 'khyud pa yis/ /
330a5 rgyud kyi dbye ba bstan pa'o/ /de bzhin du ni yan lag bcangs/ /rgod dang bltas pas shes par bya/ /de bzhin zhe sdang gti mug gis/ /rgyud rnams kun kyang shes par bya/ /mkha' 'gro ma yi rgyud kun
330a6 yang / /'di yi rim pas shes par bya/ /phyi nang dbye bar shes pa yis/ /rgyud kyi dbye ba shes par bya/ /nang du bstan pa'i bla ma las/ /yang dag blangs te bsgrub par bya/ /ci bzhin gnas pa la dgongs te/ /
330a7 bde bar gshegs pas rgyud kun bstan/ /rdo rje snying po'i brgyan gyi rgyud/ /'di'i rgyud ni mkha' 'gro pha/ /rgyud rnams kun gyis phyi mo ste/ /gzhan du ma bsgrags don gang zhig /'di ru yang dag bstan pa te/ /rnal 'byor
330a8 gang zhig len pa 'am/ /sgom par byed dam 'chad pa 'am/ /klog par byed pa rnal 'byor che/ /de yang de dang 'dra bar 'gyur/ /dpal rdo rje snying po rgyan gyi rgyud las rgyud thams cad dbye ba'i le'u ste bcu gcig pa'o// //
330b1 de nas gzhan yang bshad bya ba/ /sna tshogs mdo dang rgyud rnams kyis/ /'di ru des kyang yongs rdzogs byed/ /tshul khrims kyis ni bslab pa gsum/ /dge ba'i chos ni sdud pa dang / /sdom pa
330b2 nyi shu la sogs dang / /sems can don byed pa'i tshul khrims/ /byang chub sems dpa' rab sbyin pa/ /lus ngag yid gsum rab byung ba'i/ /sdom pa des kyang mkha' 'gro yi/ /rgyud rnams yang dag
330b3 sbyor bar byed/ /zla ba smyung dang gtsang sbra bsdam/ /grong dang gnag lhas thang la'am/ /lus dang ngag dang yid kyis ni/ /gnod pa dag ni yong mi byed/ /de bzhin gshegs pa'i sdom pa mchog /
330b4 bla na med pa'i byang chub sems/ /'gro ba'i don byed byang chub sems/ /byang chub sems ni rab tu bzung / /rdo rje mi skyod rigs chen po/ /rdo rje che dang dril bu dang / /slob
330b5 dpon yang ni bzung byas la/ /de yi yon tan thob par byed/ /rin chen tog gi rigs mthon po/ /nyin dang mtshan mo lan gsum du/ /zang zing mi 'jig chos dang byams/ /
330b6 byin pas de'i yon tan thob/ /pad mo snang ba'i rigs dag la/ /phyi dang nang dang gsang ba yi/ /dam tshig rab tu bzung ba yis/ /bla med byang chub thob par byed/ /
330b7 rnga sgra las kyi rigs mang po/ /dam tshig dang ni sdom par ldan/ /snyen bkur mchod pa sems can don/ /byas pas de'i yon tan thob/ /srog mi gcod cing g.yengs mi bya/ /
330b8 ma byin mi len rdzun mi smra/ /phra dang kyal tshig rtsub po dang / /smra ba mi bya brnab sems dang / /gnod sems log par lta ba rnams/ /nam yang bya ba ma yin no/ /dkon mchog
331a1 gsum ni yong mi spang / /lha dang bla ma de bzhin no/ /nyes pa kun gyi rtsa ba'i phyir/ /chang yang rnam par spang bar bya/ /phyag rgya bzhon pa mtshon cha sogs/ /mtshan ma 'am ni lha yi grib/ /'gom dang bza' bar
331a2 mi bya ba/ /de la sogs pa mtha' yas pa'i/ /sdom pa gang de gsungs pa rnams/ /'di ru dang po'i las can la/ /de yis yang dag 'jug par byed/ /thun mong ma yin phas pham pa/ /bcu bzhir grags pa gang 'di ni/ /sngags
331a3 pas don kun 'grub byed pas/ /spang zhing dor bar mi bya'o/ /slob dpon snying nas smod pa dang / /bde gshegs bka' las 'da' byed dang / /zhe sdang gis ni mched sun 'byin/ /byams sems med par sems can spangs/ /byang chub
331a4 sems chen 'dor ba dang / /bdag gzhan grub pa'i mtha' smod byed/ /snod mi rung la gsang ba bstan/ /rgyal ba'i bdag nyid phung po smod/ /dag pa'i chos la som nyi byed/ /gsum ldan khro la byams ldan te/ /stong pa thal byung
331a5 la rtog pa/ /dad ldan sems ni sun 'byin byed/ /dam tshig dang ldan rtse mi byed/ /shes ldan bud med smod par byed/ /sngags pas de dag yongs spangs nas/ /nges par dngos grub thob par byed/ /de la sngags pa yong 'das nas/ /
331a6 nges par bdud dang phrad par 'gyur/ /nad dang sdug bsngal 'phel 'gyur te/ /bstir med spyi'u tshugs dmyal bar 'gro/ /sbom po ltung byed nyes dmigs kyang / /de dang 'dra bar shes par bya/ /dam tshig mi ldan rig mar bsten/ /
331a7 tshogs kyi 'khor lor rtsod par byed/ /gsang ba'i chos ni ston pa dang / /dad ldan rnams la gzhan du ston/ /nyan thos nang du yun ring gnas/ /snod mi rung la gsang ba bstan/ /kha na ma tho sbom 'gyur te/ /sngags pa de
331a8 yi dam sdom zad/ /zad pas 'grub par yong mi 'gyur/ /de bas nyin re lan gsum du/ /kha ton gyis kyang bklag par bya/ /dkyil 'khor mthong dang zhugs pa dang / /dbang bskur ba la sogs tshul gyi/ /
331b1 rdo rje mkha' 'gro thob pa gzhan/ /byang chub sems dang nyan thos dang / /bya dang gnyis ka rnal 'byor rgyud/ /dgongs gsungs rnams kyis de lta min/ /de lta bas na sdom pa'i mchog /nga yis yang dag
331b2 bstan par bya/ /dri chen dri chu rak+ta dang / /shes dang byang chub sems rnams ni/ /bza' ba'i sbyor bas yang dag bza'/ /lto yi ye shes mis sbyangs phyir/ /phyi rol zas las khyad par 'gyur/ /de bzhin glang
331b3 chen rta sha dang / /ba lang khyi sha sha chen rnams/ /ye shes lnga yi ngo bo'i phyir/ /dga' ba'i sems kyis bza' bar bya/ /de bzhin sems can bsad par bya/ /ma byin par yang blang bar bya'o/ /bud med
331b4 thams cad 'dod pa spyod/ /brdzun tshig dag kyang smra bar bya/ /de ltar byas pas sangs rgyas dang / /byang chub sems dpa' mnyes par 'gyur/ /sems can rnams kyang tshim zhing dga'/ /de bzhin rnal 'byor snying po
331b5 yis/ /sangs rgyas dang ni byang chub sems/ /rang 'dren nyan thos sku gzugs sogs/ /rang nyid dag pa gsum sbyor bas/ /phyag byas na ni mi rung 'gyur/ /kun du rdo rje sems dpa' yi/ /lus ngag yid kyi dkyil
331b6 'khor las/ /rang nyid bsam gtan gsum sbyor pos/ /dbyer med blo yis mi bya'o/ /dkyil 'khor dag kyang mi bri'o/ /glegs bam dag kyang mi klag go/ mchod rten las kyang yong mi bya/ /lag pa'i phyag rgya
331b7 rnams kyang spang / /nyin re zhing ni dus bzhi ru/ /bu mo legs par goms pa las/ /ga bur tsan dan khas blangs te/ /cho ga bzhin du lus 'khor mchod/ /rol mo'i thabs ni sna tshogs pa/ /
331b8 nga yi rgyud las rab bstan pas/ /bcu drug thig le ngal so las/ /sngags kyi snying po btag par bya/ /bla ma dam pa thugs rje ches/ /yang dag bstan pa la dmigs pas/ /phyin ci log khur yongs
332a1 'dor te/ /rdo rje 'dzin pa nga 'drar 'gyur/ /dpal rdo rje snying po rgyan gyi rgyud las dam tshig dang sdom pa dbye ba'i le'u ste bcu gnyis pa'o// //
332a2 de nas ro langs chen mo yi/ /sgrub pa yang dag bshad par bya/ /sgrub pos legs par shes gyur na/ /dngos grub thob par 'gyur ba'o/ /nag po yi ni tshes brgyad dang / /yang na bcu bzhi gang yang rung / /shing gcig
332a3 dur khrod ma mo 'am/ /yang na mi med grong bar du/ /sngon du sgrub pa'i bdag nyid can/ /las kun 'grub par byed par sgrub/ /mda' mkhan ma dang sme sha can/ /gdol pa mo dang gar mkhan sogs/ /mdun gyi so la lhag
332a4 yod pa/ /byad dang mdangs ldan rma med ma/ /lo ni sum bcu rtsa gnyis bsngags/ /yang na nyi shu rtsa lnga'o/ /yang na chu dang dang por skyes/ /sbyangs nas shi ba ma sbags pa/ /yang dag blangs te pha bong steng / /gzhan yang bu mo
332a5 skra bzung ste/ /lha bzhad dang ni dbang po lag /dkar po dang ni ri sgra dang / /gru gnon chu yis bkru bar bya/ /de nas tsan dan dkar po yis/ /bu mo lus byugs rgyan dang gos/ /yang dag brgyan te mdun bzhag nas/ /
332a6 dkyil 'khor 'jigs pa bri bya ste/ /rtsa sogs gsang sngags rab tu bzla/ /'byung po'i gtor ma yang byin te/ /sha na nag po mdangs dang ldan/ /myos byed bsregs pa ro yi khar/ /mtshan gcig thog thag sbyin sreg
332a7 bya/ /de nas tho ras dus su yang / /khrag chen phyogs bzhir gtor byas nas/ /mar khu chen po ro la bsku/ /de nas ro de langs gyur te/ /khro dang ldan pa'i ag tsar gyis/ /sa gsum mo yi sgras 'gyengs byed/ /de tshe
332a8 sgrub po skrag mi bya/ /mA ma kI yi sbyor ba sogs/ /bsrung ba'i 'khor los srung bar bya/ /skrag na de ma thag tu gsod/ /de tshe bsrung ba bsrung byas nas/ /bdag nyid langs te de yi mgor/ /yungs kar gyis ni brdeg par
332b1 bya/ /de nas de ni babs gyur te/ /sgrub pa po yi mdun gnas nas/ /bka' nod 'di skad smra bar byed/ /sems can chen po khyod ci 'dod/ /bdag la yang dag bka' stsol cig /ral gri mig sman sa 'og gam/ /
332b2 rkang mgyogs de bzhin bcud kyis len/ /mi snang 'gugs pa las gang dag /bdag gis gcig cig sbyar bar bya/ /de nas sgrub po de yis kyang / /gang 'dod smras nas cang te'u brdung / /de nas ro langs kha
332b3 de nas/ /du ba 'thul zhing me 'bar ba/ /de nas sbrul nag lta bu ru/ /ro yi kha nas 'byung bar byed/ /de de sgrub pos kha yis blang / /byung ste gser gyi ral grir 'gyur/ /de thogs tshangs pa'i 'jig rten khams/ /
332b4 steng du nges par 'gro bar byed/ /de bzhin kun du 'gro bar byed/ /de bzhin rdzas kun gang la bstan/ /thams cad gser 'gyur rtsi lta bu/ /de bzhin thabs sgrub de bya na/ /ro ni snga mkho bzhin 'gyur te/ /
332b5 de yis sbyin sreg rab byas nas/ /dkyil 'khor yang dag tshim par bya/ /de bas 'di ni sgrub pa'i mchog /don kun yang dag 'grub byed pa/ /las thams cad kyi gtso bo ste/ /bcom ldan rdo rje sems dpas
332b6 gsungs/ /dpal rdo rje snying po rgyan gyi rgyud las ro langs chen mo'i le'u ste bcu gsum pa'o// // da ni nga yis
332b7 sgrub po yi/ /dngos grub slob dpon las byung phyir/ /rgyud rnams kun las gsungs pa yi/ /slob dpon bskur ba'i cho ga bshad/ /slob dpon med par gyur na ni/ /dngos grub thob par mi 'gyur bas/ /
332b8 slob dpon grangs dang mtshan nyid ni/ /yid gcig bsdus la mnyan par gyis/ /dam sdom gyi ni snod gtsang la/ /slob dpon mtshan nyid yongs rdzogs par/ /byed cing dang po las 'jug par/ /byed pa rgyu yi slob dpon no/ /
333a1 ri bong 'dzin pa skul byed cing / /de yi sgrub po zhing dag cing / /ye shes sgyu ma'i snod rung byed/ /rkyen gyi slob dpon chen po'o/ /lhan cig nyan par gang gyur pa/ /de las dga' ba yang dag thob/ /
333a2 thob pas yang dag rab mthar phyin/ /lhan cig byed pa'i slob dpon ni/ /mi 'gyur byams ldan shes rab can/ /sngags rgyud sbyor shes dkyil 'khor mkhas/ /de nyid bcu shes theg chen dga'/ /gsang ba zungs thub
333a3 slob dpon yin/ /mig bzang ya so bcu drug pa/ /khu 'phrig rtog pa yang dag spangs/ /bla ma dga' ba dad mos can/ /shin du rgyan gyis rab brgyan pa/ /dad ldan sbyor ba la goms pa/ /gzugs bzang
333a4 'dod chags kyis myos byed/ /shin du dul ba khyad par can/ /bskur ba'i gnas su yang dag blangs/ /dge dang bsgom pa la dga' ba/ /rtag tu bla ma la gus pa'i/ /slob mas bla ma 'di ltar blta/ /bla ma
333a5 sangs rgyas kun dang mnyam/ /de nyid rtag tu rdo rje 'chang / /de bzhin gshegs pa rin chen 'byung / /de ni ye shes rgya mtsho che/ /yid bzhin nor bu rin chen sbyin/ /de yi yon tan thams cad gzung / /skyon kun
333a6 sems kyis kyang mi bsam/ /yon tan bzung nas dngos grub 'thob/ /skyon gyis dngos grub nyams par byed/ /mchod rten bshig dang sdig 'dra'i phyir/ /de yi grib ma'ang mi 'gom ste/ /stan dang lham dang bzhon
333a7 pa dang / /'gom par bya ba smos ci dgos/ /rgyu ba dang ni mi rgyu ba'i/ /mchog kun de yis spangs par 'gyur/ /slob dpon smod par byed pa de/ /rmi lam du yang mthong mi bya/ /de ni bgegs dang log 'dren 'dzin/ /
333a8 rims dang spyug dang gshin rjes 'dzin/ /'chi bar rab tu 'gyur ba ste/ /ngan pa gtum po blun chen te/ /phyogs bzhi dag tu song gyur yang / /blo ldan rnams kyis mi bsrung bar/ /mdung la sogs pa'i mtshon
333b1 cha yis/ /kha na ma tho byed pa bsad/ /mdo sogs bstan pa'i dmyal ba ru/ /slob dpon smod par byed pa de/ /gnas par 'gyur bar nga yis bstan/ /de bas bla ma'i zhabs drung du/ /bag ma bzhin du ngo tsha bsrung / /
333b2 glo dang rgod dang lud pa sogs/ /kha la lag pas bkab nas su/ /shin du 'jam par smra bar bya/ /mgo thod bcing dang mtshon byug pa/ /bla ma'i drung du mi bya'o/ /bro brdung ba dang brkam tshig dag /thos pa'i yul nas mi bya'o/ /
333b3 mdun 'gro ba dang rkang pa brkyang / /yang dag nyid du mi bya'o/ /las ni gang dag byed pa 'am/ /mnyan pa la sogs 'dod pa la/ /gzung phyir thal mo ma bshig par/ /gnas nas langs te mthong yul du/ /rgyab kyis phyogs par mi bya
333b4 ste/ /mtshan mo dang ni chu brgal dang / /gcong rong dag tu gnas gyur na/ /bka' lung gnyer du dgum pa'i phyir/ /mdun du 'gro ba nyes mi 'gyur/ /de bas thabs ni thams cad kyis/ /rdo rje 'dzin pa bla ma mchog /rjes su mthun pas
333b5 mnyes par bya/ /de mnyes sangs rgyas thams cad mnyes/ /gang gis slob dpon yang dag smad/ /de yis rgyud kun bsgrub pa'i mchog /gnyid dang 'du 'dzi rnam spangs te/ /bskal pa stong du legs bsgrubs kyang / /dmyal sogs
333b6 sgrub par byed pa'o/ /de phyir kun gyis rab bsgrims te/ /bsam pa 'bras bu smin byed pa'i/ /sangs rgyas 'bras bu 'dod pa yis/ /sems can dad dang ldan pas mchod/ /dpal rdo rje snying po rgyan gyi rgyud las bla ma bkur ba'i
333b7 le'u ste bcu bzhi pa'o// // rdo rje pad mo sbyor ba las/ /yang dag ye shes skye 'gyur bas/ /sgyu ma'i mchog ni bud med de/ /de yi ming dang mtshan nyid bstan/ /ha sti ni dang shang+ki ni/ /ka ma la dang tsi tra na/ /thams
333b8 cad rigs ni bzhir 'gyur te/ /ha sti rak+ta ri che ba/ /sbom mo 'dod chags yang dag che/ /pad yangs kha nas sha rul bro/ /dkar 'chang mtha' phra go sbom byed/ /shang+ka rak+ta ro skyur ba/ /rked phra sna legs cung zad khro/ /kha nas dud bro 'gros dal
334a1 legs/ /dkar 'chang dpal gyi 'bras bu 'dra/ /ka ma'i rak+ta'i ro mngar zhing / /shang+ki rak+ta ro skyur ba/ /phra sbom ran pa dmar mo ste/ /'dod chags mig ni mi 'dzums lta/ /dkar 'chang a ri sha 'dra ba/ /tsit+ta rak+ta ro
334a2 mngar zhing / /thun run khro bag dang bcas pa/ /chags min lta byed ngo gnag pa/ /dkar 'chang g.yas g.yon dgye ba ste/ /'di rnams yang dag phrad gyur na/ /sgrub pa po la tshe 'di ru/ /dngos grub yang dag ster ba ste/ /de bas 'di
334a3 rnams 'bad pas btsal/ /yang dag rnyed nas gang rung du/ /ba lang bza' ni mda' yi nang / /btung bas shel kham rnam par 'phel/ /de ni thabs kyis ster ba yis/ /yang dag tu ni rang bzhin brtag /rang bzhin nam mkha' lta
334a4 bu ste/ /dngos po thams cad zad pa ste/ /rnam par rtog pa thams cad dang / /bral ba'i dga' ba yang dag zab/ /bsam med zad med phra mo ste/ /dam pa zhi ba rnam dag pa/ /'chi med rdo rje bdud rtsi brjod/ /gang gi dbus su 'dab
334a5 brgyad pa/ /snying po lnga yis yang dag brgyan/ /de dbus de gnas cha nas lnga/ /cha gnyis pa ni brgyad mthar dbyung / /sum bcu bcu pa lnga yi ni/ /cha gnyis lnga pa drug pa yi/ /thig le ru ni gzhug pa ste/ /skyes bu gang
334a6 gis de la ni/ /mig gi 'od zer gyis blta ba/ /de la ci bzhin gnas pa yi/ /ye shes skye bar the tshom med/ /nam zhig 'gog pa'i sems gyur na/ /sangs rgyas kun gyi mchog 'dzin pa/ /dpal ldan mkha' 'gro 'dra bar
334a7 'gyur/ /de ring phan chad bu khyod ni/ /dkyil 'khor yang dag 'dri ba dang / /sgrub po rgyud la sbyor ba yi/ /slob dpon chen po nyid du 'gyur/ /'di ni sangs rgyas kun gyis kyang / /dbang bskur bar ni rab bsngags te/ /thams cad
334a8 sngags ni sgrub 'gyur te/ /las mchog khyad par can yang 'grub/ /bu mo 'di ni khyod dang mthun/ /sems can khyod kyis 'dod pa gyis/ /yid du 'ong ba'i rig ma 'di/ /bde gshegs kun gyis khyod spyod gnas/ /stong pa la ni
334b1 sems sbyor na/ /khyod ni yang dag dam par 'gyur/ /'di ni bde gshegs bde mdzad pa/ /khyod ni 'di las rab byung ngo / /dpal rdo rje snying po rgyan gyi rgyud las dmigs pa dang bcas pa'i shes rab kyi mtshan nyid brtag pa'i le'u
334b2 ste bcwa lnga pa'o// // de nas yang ni bshad bya ba/ /dngos kun cho ga shes med na/ /sgrub po dngos grub 'byung mi 'gyur/ /de phyir 'dir ni brtul zhugs bstan/ /sbyor ba'i rtsol ba thams cad ni/ /de nyid
334b3 rig pas spang bar bya/ /rdo rje sems dang nges 'dug pa/ /spangs nas gzhan du mi bya'o/ /dag pa de nyid la gnas pas/ /sbyor ba rnams kyang mi bya ste/ /bdag med gnas pa'i sbyor ba yis/ /ci srid bar du so sor brtag /dngos
334b4 med go 'phang la gnas dang / /thabs bzangs dag dang ldan pa yis/ /rgyud las gang ci 'byung ba rnams/ /ma brtags pas ni 'byung bar 'gyur/ /sgom pa'i sbyor ba'i stobs kyis ni/ /dngos grub mtshan nyid gang yang rung / /
334b5 de kun skad cig tsam la ni/ /rang nyid gnas par gyur pa yin/ /de bas dge slong dngos gnas dang / /de bzhin rtog ge rgan po dang / /rang gi bu dang rgyal po la/ /de nyid yang dag bshad mi bya/ /ji ltar mar me bum nang gnas/ /pha
334b6 rol du ni 'od mi gsal/ /bum pa de nyid chag gyur na/ /de 'og mar me gsal bar 'gyur/ /de bzhin rang lus bum pa nyid/ /bla ma'i kha yis legs bcag nas/ /de nyid mar me nyid lta bu/ /sbyor ba'i de nyid ston pa yin/ /
334b7 sbyor ba de nyid la gnas na/ /gang tshe bstan pa mi rtag la/ /gnas shing 'jig rten pa spangs te/ /spyod pa thams cad byas na ni/ /de la de tshe sangs rgyas gzigs/ /kun du the tshom gcod pa yis/ /rigs pas byis pa bzhin
334b8 du spyad/ /gang tshe chags med rnal 'byor pa/ /de tshe phun sum tshogs 'phel 'gyur/ /sdig pa ma lus ldan pa dang / /gti mug sgrib pa rab gnas pa/ /smyon pa'i rnal 'byor sbyor ba yis/ /zla drug gis ni don yod grub/ /rang nyid
335a1 sangs rgyas kun mthong zhing / /'dod pa kun gyis rab tu 'gengs/ /zad med gzhom du med pa dang / /dang ba'i sku tshe 'byung bar 'gyur/ /bla na med pa'i byang chub mchog /'bad pa med par yang dag 'thob/ /
335a2 'dod pa kun gyi dga' mos rnams/ /'bad bral bas ni 'grub par 'gyur/ /'gro dang 'dug dang gnas pa na/ /mchog tu zab pa'i gnas la brtag /'od gsal ye shes lam mkhan pa/ /mtshan nyid rtog pa'i
335a3 rnal 'byor pa'i/ /bsam gtan sbyor ba 'di yis ni/ /sems kyi rin chen brtan par 'gyur/ /sangs rgyas byang chub rab zhugs pa/ /byin gyis brlab pa'ang mdzad par 'gyur/ /de ltar gyur pas zhugs nas kyang / /
335a4 ji srid sems ni mi skyo bar/ /mnyam gzhag yid ni bzang po yis/ /de la 'bad pas bsgom par bya/ /de 'og la ni ci dga' ba'i/ /spyad pa yis ni gcig byas na/ /cung zad spyan phye ba yi mtshan/ /byang chub rgya chen
335a5 'thob par 'gyur/ /rgod dam smra 'am 'dug pa 'am/ /la lar rab tu gar byed par/ /ji srid skyo bar mi 'gyur bar/ /bsgom pa'i sems la zhen par bya/ /de lta'i dam tshig ldan gyur cing / /rnam par mi rtog sngags pa
335a6 yis/ /dus kyi nges pas yongs spangs nas/ /bla med byang chub 'thob par 'gyur/ /dpal rdo rje snying po rgyan gyi rgyud las shes byed kun du spyod pa'i le'u ste bcu drug pa'o// // de nas mkha' 'gro
335a7 de dag thams cad gcig tu 'dus nas bcom ldan 'das rdo rje 'dzin pa la tshigs su bcad pas bstod pa/ sangs rgyas kun gyi rang bzhin las/ /byung ba'i lha ste khyod mchog pas/ /sems dpa' kun gyi phyag rgya che/ /
335a8 mkha' 'gro chen po phyag 'tshal lo/ /gti mug thams cad 'od gsal ba/ /mkha' 'gro sangs rgyas chen po ste/ /gzugs snang chos ni rnam dag pa/ /bde gshegs mkha' 'gro khyod phyag 'tshal/ /nga rgyal thams cad 'od
335b1 gsal ba/ /mkha' 'gro re 'dod skong ba ste/ /sim sogs chos ni rnam dag pa/ /rin chen mkha' 'gro khyod phyag 'tshal/ /'dod chags thams cad 'od gsal ba/ /skyon gyis gos med mkha' 'gro che/ /mtshan mar 'dzin pa
335b2 rnam dag pa/ /pad ma mkha' 'gro khyod phyag 'tshal/ /phrag dog chos ni 'od gsal ba/ /mkha' 'gro sna tshogs las byed pa/ /mngon par 'du byed chos kun dag /sna tshogs mkha' 'gro phyag 'tshal bstod/ /mtshan mchog 'di yis
335b3 khyod bstod pas/ /gang zag de yang bsod nams tshogs/ /ye shes tshogs chen yongs rdzogs nas/ /sangs rgyas 'gyur bar the tshom med/ /de nas bcom ldan 'das rdo rje 'dzin pa chen pos kun du bzang po'i bde ba chen po nam
335b4 mkha'i dbyings thams cad du khyab pa'i bdag nyid chen pos/ de bzhin gshegs pa thams cad kyi snying po mi shigs pa'i zla ba skul bar byed pa zhes bya ba'i ting nge 'dzin la snyoms par zhugs te/ rang gi thugs ka'i
335b5 mi shigs pa'i thig le las shin du dgyes pa chen po zhes bya ba'i 'od zer gyi tshogs phyung ste/ de bzhin gshegs pa thams cad kyi gsang ba'i snying po zla ba'i thig le'i dbus su rgyas par byas te/ nam mkha'i
335b6 dbyings thams cad du yang snang bar byas nas steng 'og tu yang bzhugs te/ ma lus shing lus pa med pa'i ri dang / sems can thams cad la gsal bar byas nas shin du dgyes pa chen po'i bde bas mnyes par byas te slar log
335b7 nas bcom ldan 'das shin du dgyes pa chen po'i bde ba'i bdag po'i snying po'i mchog gi/ zla ba'i thig le'i dbus na bde bar zhugs so/ /de nas bcom ldan 'das de bzhin gshegs pa thams cad 'od zer gyi tshogs kyi phreng ba
335b8 mchog tu bde bar gyur pa'i snying po des bskul ba na gar mdzad cing rang rang gi ting nge 'dzin du dmigs nas bcom ldan 'das dpal kun du bzang po'i thugs ka'i zla ba'i thig le'i dbus su gsang ba'i dgyes pa chen po'i bde bar
336a1 gcig tu bsdus par gyur te/ rang rang gi sku bud med kyi tshul du bskyed nas bcom ldan 'das kyi thugs ka nas mngon par byung bar gyur to/ /de nas mkha' 'gro'i tshogs de dag thams cad rab tu dga' nas
336a2 ca co'i sgra yang dag par 'byin cing dbyangs chen po brjod par gyur to/ /kye ma'o rdo rje sems dpa' yi/ /rdo rje shin du dgyes chen po/ /kye ma'o sna tshogs thabs ni bde byed che/ /sna tshogs ye shes bde ba che/ /kye ma'o kun du
336a3 bzang po yi/ /dge ba'i ye shes bde byed che/ /gang bde'i phyir ni rig ma yi/ /pad ma la ni gnas par mdzod/ /kye ma'o rig pa shin du zab/ /shes rab pha rol phyin ma 'di/ /sems can kun la shes rab kyi/ /
336a4 mun pa thib po sel bar mdzad/ /kye ma'o thams cad ngo mtshar che/ /mkha' 'gro 'dra bar gar mdzad cing / /rnam par snang mdzad myang ba dang / /mnye ba dang ni 'phrog pa mchog /kye ma'o shin du rab tu dgyes/ /skal
336a5 ldan skal spyod pa dang ni/ /sna tshogs skal bas bde byed che/ /sna tshogs rdo rje shin du mdzes/ /de nas de bzhin gshegs pa thams cad kyi bdag po rdo rje 'chang chen pos ting nge 'dzin las bzhengs te 'khor gyi dkyil 'khor la
336a6 rnam par bltas te 'di skad ces bka' stsal to/ /A li dang ni kA li dang / /de byung zla ba rnam pa gnyis/ /me long lta bu'i ye shes te/ /gcig tu gyur pa mnyam nyid do/ /sa bon mtshan mar gyur pa ni/ /so sor rtog par
336a7 ngas bshad do/ /de byung sangs rgyas thams cad kyis/ /'gro don byed pa bya nan tan/ /gzugs brnyan rdzogs pa chos dbyings te/ /lha yi dbang po sangs rgyas bskyed/ /de la bar mas khu bas bskyed/ /bskur bas rang gi
336a8 lhar bskyed nas/ /byin gyis brlab pa bya ba ni/ /rgyud rnams kyi ni thun mong ngo / /gsang dang gsang chen shin du gsang / /rnal 'byor rnal 'byor chen po dang / /rjes su rnal 'byor zhes bya dang / /stong pa dang ni shin du stong / /
336b1 chen po stong pa zhes bya dang / /dga' dang dga' ba bar ma dang / /dga' bral gyi ni dga' ba rnams/ /rgyud rnams kun gyi spyi bo'o/ /phyir bzlog gnyis kyi cho ga dang / /gsang dang shes rab ye shes dang / /kha sbyor 'byed pa'i
336b2 cho ga dang / /gtor ma rdo rje'i bzlas pa dang / /drag shul sgrub pa'i cho ga dang / /rab tu gnas dang dkyil 'khor sgrub/ /gsang ba'i de nyid bcu yin no/ /dkyil 'khor ting 'dzin phyag rgya dang / /stang stabs 'dug stangs bzlas
336b3 brjod dang / /sbyin sreg mchod pa las sbyor dang / /slar sdud pa yi rnam pa ni/ /phyi yi de nyid bcu yin no/ /yang dag de nyid dngos po mi shes par/ /gsang sngags smra ba po yin zhes brjod pa/ /de dag mngon pa'i nga rgyal
336b4 gsang sngags cho ga 'chad/ /de ni dam nyams 'di dang pha rol brlag /nyams pas bdud kyis bzung nas shi nas dmyal bar 'gro/ /sems can rnams la rab brten to/ /byang chub dam pa thob 'gyur ba/ /sems can
336b5 slu bar mi bya ste/ /bde gshegs las la sems can sbyar/ /gang zhig sbyor 'di mi brtson pas/ /rkang lag mig sogs sbyin pa dang / /dka' thub ci 'dra spyad byas kyang / /bdud rtsi ro thob mi nus so/ /rnal 'byor
336b6 gcig gcig shes byas nas/ /dben par song ste rab 'bad na/ /sdig dag tshe 'dir sangs rgyas 'grub/ /chos bdag med par rab bsgoms pas/ /thams cad mkhyen pa khong du chud/ /thabs shes gnyis kyi 'jo sgeg
336b7 gis/ /gsang ba lnga yi bdag nyid mchod/ /dngos po thams cad dngos med par/ /bzhi bcu'i don ni rtogs pa dang / /rdo rje pad ma'i dbang bskur bas/ /bdud rtsi yis ni dga' bar byed/ /gsang bar bya ba'i chos gsang bas/ /
336b8 gsang zhing sbas te spyad par bya/ /'dod pa'i yon tan lnga las ni/ /rnal 'byor sems pas spyad bya zhing / /de bzhin bza' dang btung byas nas/ /sems can thams cad dbang du byed/ /'di la khrus dang gtsang
337a1 sbra med de mchod phyir thogs pa'ang med/ /dkyil 'khor sbyin sreg med de dus dang gza' tshes med/ /gtor ma la sogs bya ba med de mchog gi rab mchog dang po'o// //rdo rje sems dpa'i sgrub pa
337a2 yang dag 'di nyid yin te brtson par bya/ /de nas mkha' 'gro de dag thams cad rab tu dga' nas bcom ldan 'das rdo rje 'dzin pa chen po la legs so zhes gsol te/ legs so legs so bde byed che/ /legs
337a3 so legs so ye shes che/ /legs so legs so bde ba che/ /legs so legs so sna tshogs che/ /legs so legs so shes rab che/ /legs so legs so dgyes pa che/ /de nas bcom ldan 'das rdo rje 'dzin pa chen pos thugs
337a4 rje chen po'i thugs rang gi thugs yang dag pa la dmigs nas cang mi gsung bar bzhugs so/ /dpal rdo rje snying po rgyan gyi rgyud rnal 'byor chen po'i de kho na nyid nges pa zhes bya ba/
337a5 dpal u T+yAn gsang ba'i dgon pa nas byung ba rdzogs s+ho// // rgya gar gyi mkhan po ka ma la gupa ta dang / bod kyi lo ts+tsha ba chen po mnga' bdag
337a6 lha ye shes rgyal mtshan gyis bsgyur cing zhus te gtan la phab pa/ stag lung rgyud 'bum dang bstun pa'i zhu dag grub// //