བོད་ཡིག |
247a1 @##/ /rgya gar skad du/ Ar+ya many+dzu shrI bi krI Di ta nA ma ma hA yA na sU tra/ bod skad du/ 'phags pa 'jam dpal rnam par rol pa zhes bya ba theg pa chen po'i mdo/ bam po dang po'o/ /sangs rgyas dang
247a2 byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong lnga brgya tsam gyi dge slong gi dge 'dun chen po dang / byang
247a3 chub sems dpa' brgya stong dang thabs gcig tu bzhugs te/ de'i tshe rgyal po'i khab kyi grong khyer chen po na smad 'tshong ma'i bu mo gser mchog 'od dpal zhes bya ba gzugs bzang zhing mdzes la blta na sdug pa/ kha dog
247a4 bzang po rgyas pa mchog dang ldan pa zhig 'dug ste/ bu mo de yang sngon gyi dge ba'i rtsa ba'i rgyus lus kyi mdog gser gyi kha dog lta bur mngon par grub par gyur cing / sa'i phyogs gang du 'greng ba dang / 'dug pa dang / 'gro ba'i
247a5 sa phyogs de dag kyang gser gyi kha dog lta bu'i 'od kyis snang bar gyur te/ des gos dmar po 'am/ dkar po 'am/ gang dag gyon par gyur pa'i gos de dag thams cad kyang gser gyi kha dog lta bu nyid du kun du snang ngo / /
247a6 bu mo de yang skye bo'i tshogs thams cad la dga' zhing yid gcugs pa dang / lta bas mi ngoms shing bka' blo bde la des pa dang / 'jam pa dang / snyan pa dang / dga' ba smra zhing bzhin 'dzum pa dang / shin du 'thun par 'dzin pa
247a7 dang / khro gnyer med pa dang / mi rtsub pa dang / mi brlang bar gyur pas rgyal po'i khab kyi grong khyer chen po de na rgyal bu gzhon nu rnams dang / blon po'i bu gzhon nu rnams dang / tshong dpon gyi bu gzhon nu rnams dang / khyim
247a8 bdag gi bu gang ji snyed pa de dag kyang de la shin du chags shing yid 'brang bar gyur te lta bas chog mi shes so/ /smad 'tshong ma'i bu mo gser mchog 'od dpal de skyed mos tshal lam/ 'bab chu 'am/ rdzing bu 'am/ khyim 'am/
247b1 lam po che 'am/ grong bar ram/ thang dang gang dang gang du 'gro ba de dang de dag tu skyes pa dang / bud med dang khye'u dang / bu mo mang po rnams kyang shin du ltad mor gyur nas kun 'dus te de'i phyi bzhin 'brang zhing 'gro'o/ /de nas smad 'tshong ma'i bu mo gser
247b2 mchog 'od dpal de tshong dpon gyi bu 'jigs byin zhes bya bas nor gyis glas te/ bskyed mos tshal gyi sar byung nas rta bzhi dang ldan pa'i shing rta dang / nor bu dang / mu tig dang / bai dUr+ya dang / gser gyis legs par brgyan pa/ gdugs
247b3 dang rgyal mtshan dang / ba dan bsgreng zhing me tog dang / bdug pa dang / spos dang / phye ma dang / me tog phreng gis mdzes par byas pa/ me tog tsam pa ka'i phreng bas skar khung byas pa'i nang du stan bzang po bshams pa la 'dug nas/
247b4 'di ltar rtse zhing dga' ba'i bsam pas shing rta de'i mdun du ni sil snyan dang / pheg rdob pa dang / glu dbyangs len pa dag gis shing rta de'i phyi bzhin du ni nye bar spyad pa dang / yongs su spyad pa thogs pa thams cad rjes su 'brang la/
247b5 skye bo'i tshogs chen po ltad mo lta ba'i bsam pa can dag kyang phyi bzhin 'brang bar gyur cing bskyed mos tshal gyi sar dong ngo / /de nas 'jam dpal gzhon nur gyur pa nang du yang dag 'jog las langs te/ sems can thams
247b6 cad la snying rje chen po skyes nas 'di snyam du sems te/ su zhig rdzu 'phrul gyi cho 'phrul lam/ kun brjod pa'i cho 'phrul lam/ rjes su bstan pa'i cho 'phrul gyis 'dul bar 'gyur ba'i sems can gang theg pa chen po
247b7 la yongs su smin par bya snyam pa dang / 'jam dpal gzhon nur gyur pas smad 'tshong ma'i bu mo gser mchog 'od dpal tshong dpon gyi bu 'jigs byin dang lhan cig tu shing rta la zhon te bskyed mos tshal gyi sar 'gro ba mthong
247b8 ngo / /mthong nas kyang gdul ba'i phyir de'i dbang po dang / stobs dang brtson 'grus kyi bye brag la rnam par bltas na de sngon gyi dge ba'i rtsa ba dang ldan zhing chos kun shes par bya ba'i nus pa dang / mthu dang / skal ba yod par
248a1 rig nas/ de'i tshe 'jam dpal gzhon nur gyur pas 'di lta bu rdzu 'phrul mngon par 'du bya ba mngon par byas te/ ji lta bu'i rdzu 'phrul mngon par byas pas/ 'di ltar rang gi lus bstan ma thag tu nyi ma dang
248a2 zla ba'i 'od kyang zil du rlag par byed na/ sems can gzhan dag gi lta smos kyang ci dgos pa de lta bur rang gi lus mngon par sprul nas/ gos gang gi 'od kyis dpag tshad gcig tsam gyi khor yug snang bas snang bar byed pa'i
248a3 gos de lta bu yang lus la gyon par kun du bstan to/ /rang gi lus rgyan thams cad kyis rnam par brgyan par yang bstan to/ /de nas 'jam dpal gzhon nur gyur pas lus la gos dang rgyan thams cad kyis
248a4 legs par brgyan nas lam gang nas smad 'tshong ma'i bu mo gser mchog 'od dpal 'ong ba'i lam de'i mdun logs su bsdad do/ /'jam dpal gzhon nur gyur pas der bsdad ma thag tu de nas tshong dpon gyi bu de'i
248a5 shing rta yang mog mog por gyur/ smad 'tshong ma'i bu mo gser mchog 'od dpal gyi lus thams cad kyang mog mog por gyur to/ /'di lta ste dper na/ 'dzam bu'i chu bo'i gser gyi drung du/ snag tsha'i yug
248a6 bzhag na lam mer mi 'dug /lhan ner mi 'dug /lhang nger mi 'dug go/ /de bzhin du 'jam dpal gzhon nur gyur pa'i lus kyi 'od kyis reg pa na bu mo de'i lus kyang lam mer mi 'dug /lhan ne mi 'dug /lhang nger
248a7 mi 'dug go/ /smad 'tshong ma'i bu mo gser mchog 'od dpal gyis 'jam dpal gzhon nur gyur pa lha'i bu gzhon nu ltar 'dug la/ lus la rgyan gyis brgyan cing gsal ba'i gos legs par gyon la/ gos de las
248a8 kyang 'od 'byung bar mthong ste/ mthong ma thag tu de bdag gi lus la brnyas pa'i 'du shes dang / dman pa'i 'du shes skyes shing gos de la yang mngon par 'dod pa dang / gzung ba'i 'du shes skyes nas de 'di snyam du sems
248b1 te/ tshong dpon gyi bu 'dis chog gis bdag shing rta 'di las babs la 'di dang lhan cig tu dga' ba dang / rtse ba dang / dga' mgur spyad la gos 'di yang bslang bar bya'o snyam mo/ /bu mo des de lta bu'i sems bskyed ma
248b2 thag tu de nas 'jam dpal gzhon nur gyur pa'i byin gyis brlabs kyis rgyal po chen po rnam thos kyi bus bdag nyid mi'i gzugs su mngon par sprul nas bu mo de la 'di skad ces smras so/ /bu mo khyod skyes bu dam
248b3 pa 'di la kun du chags pa'i sems ma skyed cig /de ci'i phyir zhe na/ 'di ni 'dod pa don du gnyer ba ma yin pa'i phyir ro/ /bu mos smras pa/ 'di su zhig yin/ 'di'i ming ci/ rnam thos kyi bus smras pa/ 'di ni
248b4 byang chub sems dpa' ste/ 'jam dpal gzhon nur gyur pa zhes bya'o/ /bu mos smras pa/ byang chub sems dpa' zhes bya ba de ci zhig yin/ ci de lha 'am/ 'on te klu 'am/ gnod sbyin nam/ dri za 'am/ lha
248b5 ma yin nam/ nam mkha' lding ngam/ mi 'am ci 'am/ lto 'phye chen po 'am/ brgya byin nam/ tshangs pa 'am/ 'jig rten skyong ba 'am/ rgyal po chen po 'am/ byang chub sems dpa' zhes bya ba de ci zhig yin/
248b6 rnam thos kyi bus smras pa/ bu mo byang chub sems dpa' zhes bya ba de ni lha yang ma yin/ klu yang ma yin/ gnod sbyin yang ma yin/ dri za yang ma yin/ lha ma yin yang ma yin/ nam mkha' lding yang ma yin/
248b7 mi 'am ci yang ma yin/ lto 'phye chen po yang ma yin/ brgya byin yang ma yin/ tshangs pa yang ma yin/ 'jig rten skyong ba yang ma yin/ rgyal po chen po yang ma yin te/ bu mo de ni sems can thams cad kyi bsam
248b8 pa kun yongs su rdzogs par byed pa ste/ de'i phyir byang chub sems dpa' zhes bya'o/ /'di ni bslangs pa thams cad sbyin par byed de/ yongs su mi gtong ba ci yang med pas de'i phyir byang chub sems dpa' zhes bya'o/ /
249a1 de nas bu mo de 'di snyam du sems te/ de skad grag pa las na 'dis bdag la gos 'di sbyin par 'gyur ro snyam nas/ de nas smad 'tshong ma'i bu mo gser mchog 'od dpal shing rta de las babs nas 'jam
249a2 dpal gzhon nur gyur pa la 'di skad ces smras so/ /'jam dpal gang khyod kyi sku la gsol ba'i na bza' 'di bdag la stsal du gsol/ de'i tshe tshigs su bcad pa 'di yang smras so/ /gal te khyod ni byang chub la
249a3 yang zhugs gyur na/ /'jam dbyangs na bza' 'di ni bdag la stsal du gsol/ /ser sna can gyi byang chub sems dpa' mi mdzes te/ /dper na chab dang bral zhing skams pa'i klung dang mtshungs/ /'jam dpal gyis smras
249a4 pa/ gal te bu mo khyod ni byang chub zhugs gyur na/ /kho bos de ring gos 'di khyod la sbyin par bya/ /gang dag g.yo ba med par byang chub sems la gnas/ /de dag 'di na lhar bcas 'jig rten mchod 'os yin/ /bu mos
249a5 smras pa/ byang chub ces bgyi tshig gi don ni gang zhig lags/ /de ni gang las 'thob cing su zhig stsal bar bgyid/ /tshogs rnams gang dag la ni nges par bsten bgyis na/ /mkhas pa ma lags ma rtogs rnams kyis
249a6 rtogs par 'gyur/ /'jam dpal gyis smras pa/ sring mo brjod pa med pa dang / yi ge med pa dang / phung po dang / khams dang / skye mched dag las rnam par grol ba dang / stong pa dang / mtshan ma dag dang bral ba dang /
249a7 nyon mongs pa med pa dang / zhi ba dang / rab tu zhi ba dang / nye bar zhi ba ni byang chub ces bya'o/ /de skad ces smras nas/ yang 'jam dpal gzhon nur gyur pas bu mo de la 'di skad ces smras so/ /sring mo khyod byang chub tu sems
249a8 bskyed cig dang / ngas khyod la gos 'di sbyin no/ /bu mos smras pa/ 'jam dpal byang chub ces bgyi ba de gang lags/ 'jam dpal gyis smras pa/ sring mo khyod nyid byang chub yin no/ /bu mos smras pa/ 'jam
249b1 dpal khyod kyis gsungs pa'i don de bdag gis ma 'tshal na ji ltar bdag byang chub lags/ 'jam dpal gyis smras pa/ sring mo de bzhin gshegs pa dgra bcom pa yang dag par rdzogs pa'i sangs rgyas shAkya
249b2 thub pa zhes bya ba zhig bzhugs pa de 'di skad du/ 'di ltar lus mnyam pa nyid kyis byang chub mnyam pa nyid do/ /byang chub mnyam pa nyid kyis lus mnyam pa nyid do zhes chos ston te/ sring mo de'i phyir ngas khyod la 'di skad du
249b3 khyod nyid byang chub bo zhes smras so/ /sring mo 'di ji snyam du sems/ khyod kyi lus 'di la phung po dang / khams dang / skye mched mngon par grub pa yod dam/ de nas bu mo des bstan pa 'di thos nas de sngon gyi dge ba'i rtsa ba'i
249b4 rgyu 'thun pas chos la snang ba skyes par gyur te/ des snang ba thob nas 'jam dpal gzhon nur gyur pa la 'di skad ces smras so/ /'jam dpal de ni de lta lags te/ bdag gi lus 'di la phung po dang / khams dang / skye
249b5 mched dag mngon par grub pa lags so/ /'jam dpal gyis smras pa/ sring mo 'di ji snyam du sems/ gzugs la sems pa 'am/ rnam par shes pa yod dam/ bu mos smras pa/ 'jam dpal de ni ma mchis
249b6 so/ /'jam dpal gyis smras pa/ sring mo byang chub kyang mi sems shing rnam par shes pa med de/ sring mo de'i phyir gzugs mnyam pa nyid kyis byang chub mnyam pa nyid do/ /byang chub mnyam pa nyid kyis gzugs
249b7 mnyam pa nyid de/ sring mo de'i phyir ngas khyod la 'di skad du khyod nyid byang chub bo zhes smras so/ /sring mo 'di ji snyam du sems/ tshor ba dang / 'du shes dang / 'du byed rnams dang / rnam par shes pa la sems pa
249b8 'am/ rnam par shes pa yod dam/ bu mos smras pa/ 'jam dpal de ni ma mchis so/ /'jam dpal gyis smras pa/ sring mo byang chub kyang mi sems shing rnam par shes pa mi sems so/ /sring mo de'i phyir rnam
250a1 par shes pa mnyam pa nyid kyis byang chub mnyam pa nyid do/ /byang chub mnyam pa nyid kyis rnam par shes pa mnyam pa nyid de/ sring mo de'i phyir ngas khyod la 'di skad du khyod nyid byang chub bo zhes smras so/ /sring
250a2 mo gzhan yang gzugs nang ngam/ phyi rol lam/ gnyi ga med par ram/ gzugs 'di sngon po 'am/ ser po 'am/ dmar po 'am/ dkar po 'am/ leb rgan nam/ shel dang / dngul gyi kha dog gam/ yul
250a3 na gnas pa 'am/ phyogs na gnas pa zhes bstan par nus sam/ bu mos smras pa/ 'jam dpal de ni ma lags so/ /'jam dpal gyis smras pa/ sring mo byang chub kyang nang ngam/ phyi rol lam/ gnyi ga
250a4 med par ram/ byang chub de sngon po 'am/ ser po 'am/ dmar po 'am/ dkar po 'am/ leb rgan nam/ shel dang dngul gyi kha dog gam/ yul na gnas pa 'am/ phyogs na gnas pa zhes bstan par mi
250a5 nus te/ sring mo de'i phyir gzugs mnyam pa nyid kyis byang chub mnyam pa nyid do/ /byang chub mnyam pa nyid kyis gzugs mnyam pa nyid de/ sring mo de'i phyir ngas khyod la 'di skad du khyod nyid byang chub bo zhes smras
250a6 so/ /sring mo de bzhin du tshor ba dang / 'du shes dang / 'du byed rnams dang / rnam par shes pa nang ngam/ phyi rol lam/ gnyi ga med par ram/ rnam par shes pa 'di sngon po 'am/ ser po 'am/ dmar po
250a7 'am/ dkar po 'am/ lem rgan nam/ shel dang dngul gyi kha dog gam/ yul na gnas pa 'am/ phyogs na gnas pa zhes bstan par nus sam/ bu mos smras pa/ 'jam dpal de ni ma lags so/ /
250a8 'jam dpal gyis smras pa/ sring mo byang chub kyang nang ngam/ phyi rol lam/ gnyi ga med par ram/ byang chub de sngon po 'am/ ser po 'am/ dmar po 'am/ dkar po 'am/ leb rgan nam/ shel dang dngul gyi kha dog gam/
250b1 yul na gnas pa 'am/ phyogs na gnas pa zhes bstan par mi nus te/ sring mo de'i phyir rnam par shes pa mnyam pa nyid kyis byang chub mnyam pa nyid do/ /byang chub mnyam pa nyid kyis rnam par shes pa mnyam pa nyid de/ sring mo de'i
250b2 phyir ngas khyod la 'di skad du khyod nyid byang chub bo zhes smras so/ /sring mo gzhan yang phung po lnga ni sgyu ma lta bu ste/ yod pa ma yin pa/ phyin ci log las skyes shing yod pa ma yin pa/ phyin ci log gis tha snyad btags
250b3 pa'o/ /sring mo byang chub kyang sgyu ma lta bu ste/ yod pa ma yin pa phyin ci log gis tha snyad btags pa ste/ sring mo de'i phyir sgyu ma mnyam pa nyid kyis phung po mnyam pa nyid do/ /phung po mnyam pa nyid kyis sgyu ma mnyam pa
250b4 nyid do/ /sgyu ma mnyam pa nyid kyis byang chub mnyam pa nyid do/ /byang chub mnyam pa nyid kyis sgyu ma mnyam pa nyid de/ sring mo de'i phyir ngas khyod la 'di skad du khyod nyid byang chub bo zhes smras so/ /sring mo gzhan yang phung po
250b5 lnga ni rmi lam lta bu ste/ shin tu mngon par ma grub pa'o/ /sring mo byang chub kyang rmi lam gyi rang bzhin yin pas shin du mngon par ma grub pa ste/ sring mo de'i phyir rmi lam mnyam pa nyid kyis phung po mnyam pa nyid do/ /
250b6 phung po mnyam pa nyid kyis rmi lam mnyam pa nyid do/ /rmi lam mnyam pa nyid kyis byang chub mnyam pa nyid do/ /byang chub mnyam pa nyid kyis rmi lam mnyam pa nyid de/ sring mo de'i phyir ngas khyod la 'di skad du khyod nyid byang chub
250b7 bo zhes smras so/ /sring mo gzhan yang phung po lnga ni smig rgyu lta bu ste/ 'khrul pa'i las kyis bskyed pa'o/ /sring mo byang chub kyang smig rgyu'i rang bzhin te/ las kyi rnam par smin pa med pa'o/ /
250b8 sring mo de'i phyir smig rgyu mnyam pa nyid kyis phung po mnyam pa nyid do/ /phung po mnyam pa nyid kyis smig rgyu mnyam pa nyid do/ /smig rgyu mnyam pa nyid kyis byang chub mnyam pa nyid do/ /byang chub mnyam pa nyid kyis
251a1 smig rgyu mnyam pa nyid de/ sring mo de'i phyir ngas khyod la 'di skad du khyod nyid byang chub bo zhes smras so/ /sring mo gzhan yang phung po lnga ni gzugs brnyan lta bu ste/ 'pho ba med pa'o/ /sring mo byang
251a2 chub kyang gzugs brnyan gyi rang bzhin te/ 'pho ba med pa'o/ /sring mo de'i phyir gzugs brnyan mnyam pa nyid kyis phung po mnyam pa nyid do/ /phung po mnyam pa nyid kyis gzugs brnyan mnyam pa nyid do/ /gzugs
251a3 brnyan mnyam pa nyid kyis byang chub mnyam pa nyid do/ /byang chub mnyam pa nyid kyis gzugs brnyan mnyam pa nyid de/ sring mo de'i phyir ngas khyod la 'di skad du khyod nyid byang chub bo zhes smras so/ /sring mo gzhan
251a4 yang phung po lnga ni ming tsam ste/ ming de yang g.yo ba med pa'o/ /sring mo byang chub kyang ming tsam ste/ ming de yang g.yo ba med pa'o/ /sring mo de'i phyir g.yo ba med pa mnyam pa nyid kyis phung po mnyam pa nyid do/ /
251a5 phung po mnyam pa nyid kyis g.yo ba med pa mnyam pa nyid do/ /g.yo ba med pa mnyam pa nyid kyis byang chub mnyam pa nyid do/ /byang chub mnyam pa nyid kyis g.yo ba med pa mnyam pa nyid de/ sring mo de'i phyir ngas
251a6 khyod la 'di skad du khyod nyid byang chub bo zhes smras so/ /sring mo gzhan yang phung po rnams la byed pa po med de/ ma byas pa'i don ni byang chub po/ /phung po rnams la ngo bo nyid med de/ ngo bo nyid med pa'i don ni byang
251a7 chub po/ /phung po rnams la byung ba med de/ ma byung ba'i don ni byang chub po/ /phung po rnams la rtag pa nyid med de/ mi rtag pa'i don ni byang chub po/ /phung po rnams la bde ba nyid med de/ sdug bsngal ba'i
251a8 don ni byang chub po/ /phung po rnams la sdug pa med de/ mi sdug pa'i don ni byang chub po/ /phung po rnams la bdag med de/ bdag med pa'i don ni byang chub po/ /sring mo gzhan yang phung po rnams la mngon par grub
251b1 pa med de/ mngon par ma grub pa'i don ni byang chub po/ /phung po rnams ni dben pa ste/ dben pa'i don ni byang chub po/ /phung po rnams la gzung ba med de/ gzung ba med pa'i don ni byang chub po/ /phung po rnams la gzhi med de/ gzhi
251b2 med pa'i don ni byang chub po/ /phung po rnams la 'ong ba dang 'gro ba med de/ 'ong ba dang 'gro ba med pa'i don ni byang chub po/ /phung po rnams ni da ltar byung ba la mi gnas pa ste/ da ltar byung ba la mi gnas pa'i don ni byang
251b3 chub po/ /sring mo gzhan yang phung po rnams ni 'phags pa rnams kyis tha snyad yin pas byang chub kyang 'phags pa rnams kyi tha snyad do/ /phung po rnams ni tha snyad med pa'i rang bzhin can te/ byang chub kyang tha snyed med
251b4 pa'o/ /phung po lnga'i rang bzhin gang yin pa de ni de bzhin gshegs pas thugs su chud pa'i chos thams cad kyi rang bzhin te/ de ni byang chub ces bya'o/ /sring mo de ltar na phung po lnga'i rang bzhin ni byang chub kyi rang bzhin no/ /
251b5 byang chub kyi rang bzhin ni chos thams cad kyis rang bzhin te/ sring mo phung po lnga'i rang bzhin gang yin pa dang / byang chub kyi rang bzhin gang yin pa de ni sems can thams cad kyi rang bzhin yin te/ sring mo de'i phyir ngas khyod
251b6 la 'di skad du khyod nyid byang chub bo zhes smras so/ /sring mo gzhan yang phung po rtogs pa gang yin pa de nyid byang chub yin te/ phung po ma gtogs par rtogs pa yang med la/ byang chub ma gtogs par yang rtogs
251b7 pa med pas de ltar rtogs pa gang yin pa de byang chub ces bya ste/ sring mo de'i phyir ngas khyod la 'di skad du khyod nyid byang chub bo zhes smras so/ /sring mo rnam grangs 'dis khyod kyis 'di ltar rig par bya ste/ ji ltar sems
251b8 can thams cad byang chub tu gtogs pa ltar/ de gtogs pa med par bstan pa ni byang chub ste/ sring mo de'i phyir ngas khyod la 'di skad du khyod nyid byang chub po zhes smras so/ /sring mo gzhan yang khyod kyi lus 'di la sa'i
252a1 khams dang / chu'i khams dang / me'i khams dang / rlung gi khams dang / khams bzhi po dag mngon par grub pa de la sring mo sa'i khams ni bdag ma yin/ sems can ma yin/ srog ma yin/ skyes bu
252a2 ma yin/ gang zag ma yin no/ /byang chub kyang bdag ma yin/ sems can ma yin/ srog ma yin/ skyes bu ma yin/ gang zag ma yin no/ /de bzhin du chu'i khams dang / me'i khams dang / rlung gi khams
252a3 kyang bdag ma yin/ sems can ma yin/ srog ma yin/ skyes bu ma yin/ gang zag ma yin no/ /byang chub kyang bdag ma yin/ sems can ma yin/ srog ma yin/ skyes bu ma yin/ gang zag ma yin no/ /
252a4 shin du nam mkha' dang mtshungs pa'i phyir sa'i khams dang byang chub mnyam mo/ /shin du med pa'i phyir chu'i khams dang byang chub mnyam mo/ /shin du mi g.yo ba'i phyir me'i khams dang byang chub mnyam mo/ /shin du bstan du
252a5 med pa'i phyir rlung gi khams dang byang chub mnyam mo/ /sring mo sa'i khams gang yin pa'i khams de ni de bzhin gshegs pas mkhyen te/ mngon par rdzogs par thugs su chud do/ /sring mo chu'i khams gang yin pa'i
252a6 khams de ni de bzhin gshegs pas mkhyen te/ mngon par rdzogs par thugs su chud do/ /sring mo me'i khams gang yin pa'i khams de ni de bzhin gshegs pas mkhyen te/ mngon par rdzogs par thugs su chud
252a7 do/ /sring mo rlung gi khams gang yin pa'i khams de ni de bzhin gshegs pas mkhyen te/ mngon par rdzogs par thugs su chud do/ /sring mo sa'i khams rtogs pa ni byang chub po/ /sring mo de bzhin du
252a8 chu'i khams dang / me'i khams dang / rlung gi khams rtogs pa ni byang chub ste/ sring mo de'i phyir ngas khyod la 'di skad du khyod nyid byang chub bo zhes smras so/ /sring mo sa'i khams kyis chu'i khams yang
252b1 dag par mi shes so/ /chu'i khams kyis me'i khams yang dag par mi shes so/ /me'i khams kyis rlung gi khams yang dag par mi shes so/ /sring mo de ltar na khams kyi ming yongs su shes pa gang yin pa
252b2 de ni byang chub ces bya ste/ sring mo de'i phyir ngas khyod la 'di skad du khyod nyid byang chub bo zhes smras so/ /sring mo gzhan yang gang khyod kyi lus 'di la mig mngon par grub pa dang / de bzhin du rna ba dang / sna
252b3 dang / lce dang / lus dang / yid mngon par grub pa de la sring mo mig ni stong pa ste/ mig stong pa nyid kyi rang bzhin ni byang chub po/ /rna ba ni stong pa ste/ rna ba stong pa nyid kyi rang bzhin ni byang chub po/ /sna ni stong pa
252b4 ste/ sna stong pa nyid kyi rang bzhin ni byang chub po/ /lce ni stong pa ste/ lce stong pa nyid kyi rang bzhin ni byang chub po/ /lus ni stong pa ste/ lus stong pa nyid kyi rang bzhin ni byang chub po/ /yid ni stong pa ste/
252b5 yid stong pa nyid kyi rang bzhin ni byang chub po/ /sring mo de'i phyir ngas khyod la 'di skad du khyod nyid byang chub bo zhes smras so/ /sring mo gzhan yang mig stong pa nyid gang yin pa de ni gzugs su 'dogs par mi
252b6 byed do/ /gzugs stong pa'i gzugs kyi ngo bo nyid ni byang chub po/ /rna ba dang / sna dang / lce dang / lus dang / yid stong pa nyid gang yin pa de ni chos su 'dogs par mi byed de/ chos stong pa'i chos kyi ngo bo nyid
252b7 ni byang chub ste/ sring mo de'i phyir ngas khyod la 'di skad du khyod nyid byang chub bo zhes smras so/ /sring mo mig ni gzugs mi len te/ byang chub kyang gzugs mi len to/ /rna ba ni sgra mi len te/ byang chub kyang sgra
252b8 mi len to/ /sna ni dri mi len te/ byang chub kyang dri mi len to/ /lce ni ro mi len te/ byang chub kyang ro mi len to/ /lus ni reg bya mi len te/ byang chub kyang reg bya mi len to/ /yid ni chos mi len te/ byang chub
253a1 kyang chos mi len to/ /sring mo de ci'i phyir zhe na/ mig gzugs dang bral ba ni byang chub po/ /yid chos dang bral ba'i bar du yang byang chub yin pa'i phyir ro/ /sring mo de ltar na mig gi rnam par shes
253a2 pa'i khams gang yin pa de ni gzugs kyi khams dang mtshams sbyor ba med de/ mig gi rnam par shes pa'i khams dang gzugs kyi khams su bral ba ni byang chub po/ /rna ba'i rnam par shes pa'i khams gang yin
253a3 pa de ni sgra'i khams dang mtshams sbyor ba med de/ rna ba'i rnam par shes pa'i khams dang sgra'i khams su bral ba ni byang chub po/ /sna'i rnam par shes pa'i khams gang yin pa de ni dri'i khams dang mtshams sbyor ba med
253a4 de/ sna'i rnam par shes pa'i khams dang dri'i khams su bral ba ni byang chub po/ /lce'i rnam par shes pa'i khams gang yin pa de ni ro'i khams dang mtshams sbyor ba med de/ lce'i rnam par shes pa'i khams dang ro'i khams
253a5 su bral ba ni byang chub po/ /lus kyi rnam par shes pa'i khams gang yin pa de ni reg bya'i khams dang mtshams sbyor ba med de/ lus kyi rnam par shes pa'i khams dang reg bya'i khams su bral ba ni byang chub po/ /yid kyi rnam par
253a6 shes pa'i khams gang yin pa de ni chos kyi khams dang mtshams sbyor ba med de/ yid kyi rnam par shes pa'i khams dang chos kyi khams su bral ba ni byang chub ste/ sring mo de'i phyir ngas khyod la 'di skad du khyod nyid byang chub
253a7 po zhes smras so/ /sring mo de ltar na byang chub dang mig gi rnam par shes pa'i khams de ni gnyis su med de gnyis su dbyer med do/ /byang chub dang gzugs kyi khams de ni gnyis su med de gnyis su dbyer med do/ /byang
253a8 chub dang mig gi rnam par shes pa'i khams de ni gnyis su med de gnyis su dbyer med do/ /byang chub dang yid kyi khams kyi bar de ni gnyis su med de gnyis su dbyer med do/ /byang chub dang chos kyi khams de ni gnyis su myed de gnyis
253b1 su dbyer med do/ /byang chub dang yid kyi rnam par shes pa'i khams de ni gnyis su med de gnyis su dbyer med do/ /sring mo de'i phyir ngas khyod la 'di skad du khyod nyid byang chub bo zhes smras so/ /sring mo gzhan yang mig
253b2 rtogs pa ni byang chub po/ /de bzhin du rna ba dang / sna dang / lce dang / lus dang / yid rtogs pa ni byang chub po/ /mig gi rang bzhin ni stong pa ste/ rang bzhin stong pa de ni byang chub bo/ /de bzhin du rna ba dang / sna dang lce dang / lus dang /
253b3 yid kyi rang bzhin ni stong pa ste/ rang bzhin stong pa de ni byang chub bo/ /sring mo mig gi rang bzhin ni ma chags/ mi sdang / ma rmongs pa ste/ 'dod chags dang zhe sdang dang gti mug dang bral ba ni byang chub po/ /rna ba dang / sna dang /
253b4 lce dang / lus dang / yid kyi rang bzhin ni ma chags pa/ mi sdang ba/ ma rmongs pa ste/ 'dod chags dang zhe sdang dang / gti mug dang bral ba ni byang chub po/ /sring mo mig ni bdag po med pa/ bdag gi med pa/ yongs su 'dzin
253b5 pa med pa ste/ byang chub kyang bdag po med pa/ bdag gi med pa/ yongs su 'dzin pa med pa'o/ /de bzhin du rna ba dang / sna dang / lce dang / lus dang / yid kyang bdag po med pa/ bdag gi med pa/ yongs su 'dzin pa med pa
253b6 ste/ byang chub kyang bdag po med pa/ bdag gi med pa/ yongs su 'dzin pa med pa'o/ /sring mo mig ni skyes pa'i chos dang mtshungs par ldan pa yang ma yin/ bud med kyi chos dang mtshungs par ldan pa yang ma yin no/ /
253b7 sring mo byang chub kyang skyes pa'i chos dang mtshungs par ldan par yang ma yin/ bud med kyi chos dang mtshungs par ldan pa yang ma yin no/ /sring mo de bzhin du rna ba dang / sna dang / lce dang / lus dang / yid kyang skyes pa'i chos
253b8 dang mtshungs par ldan pa yang ma yin/ bud med kyi chos dang mtshungs par ldan pa yang ma yin no/ /sring mo byang chub kyang skyes pa'i chos dang mtshungs par ldan pa yang ma yin/ bud med kyi chos dang mtshungs par ldan pa yang ma
254a1 yin no/ /sring mo mig ni skyes pa'ang ma yin/ bud med kyang ma yin no/ /sring mo byang chub kyang skyes pa yang ma yin/ bud med kyang ma yin no/ /sring mo yid kyi bar du yang skyes pa yang ma yin/ bud med
254a2 kyang ma yin no/ /sring mo byang chub kyang skyes pa yang ma yin/ bud med kyang ma yin no/ /sring mo de ltar mig gi de bzhin nyid ni de bzhin gshegs pas thugs su chud de/ de bzhin nyid rtogs pa ni byang chub bo/ /yid kyi
254a3 de bzhin nyid kyi bar du yang de bzhin gshegs pas thugs su chud de/ de bzhin nyid rtogs pa ni byang chub po/ /sring mo de'i phyir ngas khyod la 'di skad du khyod nyid byang chub bo zhes smras so/ /sring mo gzhan yang khyod kyi lus
254a4 'di ni bdag ma yin/ sems can ma yin/ srog ma yin/ skyes bu ma yin/ gang zag ma yin/ shed las skyes pa ma yin/ shed bu ma yin/ byed pa po ma yin/ tshor ba po ma yin/ shes pa po ma yin/ mthong ba
254a5 po ma yin/ nyan pa po ma yin/ snom pa po ma yin/ za ba po ma yin/ reg pa po ma yin/ rnam par shes pa po ma yin no/ /sring mo byang chub kyang bdag ma yin sems can ma yin/ srog ma yin/ gso ba ma yin/
254a6 gang zag ma yin/ bdag gi ma yin/ yongs su 'dzin pa ma yin/ byas pa ma yin/ tshor ba ma yin/ gzugs ma yin/ sgra ma yin/ dri ma yin/ ro ma yin/ reg ma yin/ rnam par reg pa ma yin te/ sring
254a7 mo de lta bas na chos thams cad mnyam pa nyid ni byang chub ces bya'o/ /sring mo gang yang khyod kyi lus ni g.yo ba med pa/ byed pa med pa/ rtag pa med pa ste/ rtswa dang / shing dang / shing ljon pa dang / brtsig pa'i tshogs rnams
254a8 dang khyad par med cing tha dad du dbyer med do/ /sring mo gang yang nang gi sa'i khams dang phyi rol gyi sa'i khams ni gnyis su med cing gnyis su dbyer med de/ 'di ltar mtshan nyid med par mtshan nyid gcig par de bzhin gshegs pas
254b1 shes rab dang ye shes kyis mngon par rdzogs par thugs su chud de/ sring mo de'i phyir ngas khyod la 'di skad du khyod nyid byang chub po zhes smras so/ /sring mo gzhan yang sems dang yid dang / rnam par shes pa'i rnam par rig pa gang
254b2 gis sems pa dang / rnam par shes pa'i sems dang / yid dang / rnam par shes pa'i rnam par rig pa de ni skra la gnas pa ma yin/ spu la gnas pa ma yin/ sha mdog la gnas pa ma yin/ lpags pa la gnas pa ma yin/
254b3 sha la gnas pa ma yin/ khrag la gnas pa ma yin/ rus pa la gnas pa ma yin/ chu ba la gnas pa ma yin/ rkang la gnas pa ma yin/ nang na gnas pa ma yin/ phyi rol na gnas pa ma yin/ gnyi ga med pa la gnas pa ma yin/
254b4 mig la gnas pa ma yin/ rna ba la gnas pa ma yin/ sna la gnas pa ma yin/ lce la gnas pa ma yin/ lus la gnas pa ma yin/ yid la gnas pa ma yin te/ gnas pa ma yin/ mi gnas pa ma yin/ rgyun chad pa ma yin/ yul
254b5 na gnas pa ma yin/ phyogs na gnas pa ma yin/ gzugs med pa/ bstan du med pa/ rnam par rig pa med pa/ gzung ba med pa/ 'dre ba med pa/ gzhi med pa/ dag pa/ gtsang ba/ 'od gsal ba ste/ sems dang / yid kyi rnam par
254b6 rig pa de ni kun nas nyon mongs pa med pa/ rnam par byang ba med pa ste/ de ni rang bzhin gyis rnam par dag cing 'od gsal la lus med pa'i phyir/ kun nas nyon mongs pa med cing rnam par byang ba med do/ /sring mo de ltar na phung po dang /
254b7 khams dang / skye mched kyi rang bzhin ni byang chub po/ /byang chub kyi rang bzhin yang phung po dang khams dang / skye mched rnams so/ /sring mo khyod kyi lus 'di la phung po dang / khams dang / skye mched gang dag mngon par grub pa de dag ni byang chub
254b8 ste/ byang chub gzhan ma yin no/ /de ci'i phyir zhe na/ byang chub ni phung po dang / khams dang / skye mched rnams las gzhan ma yin te/ de dag nyid byang chub yin pas chos thams cad mnyam pa nyid du rtogs pas ni byang chub yin pa'i phyir ro/ /
255a1 sring mo de'i phyir ngas khyod la 'di skad du khyod nyid byang chub bo zhes smras so/ /'jam dpal gzhon nur gyur pas bstan pa 'di bshad pa na nam mkha'i dkyil na gnas pa'i lha'i bu lnga 'bum gyis bla na med pa yang dag par rdzogs
255a2 pa'i byang chub tu sems bskyed do/ /gang dag smad 'tshong ma'i bu mo gser mchog 'od dpal gyi phyi bzhin 'brang ba'i skyes pa dang / bud med dang / khye'u dang / bu mo rnams las srog chags nyis brgyas kyang bla na med pa yang dag par rdzogs pa'i byang
255a3 chub tu sems bskyed do/ /lha dang mi drug bcu ni chos rnams la chos kyi mig rdul med cing dri ma dang bral ba rnam par dag go/ /smad 'tshong ma'i bu mo gser mchog 'od dpal yang tshim zhing mgu la yi rangs te rab tu dga' nas/ dga' ba dang
255a4 yid bde ba skyes te/ yan lag lngas phyag 'tshal nas/ 'jam dpal gzhon nur gyur pa'i rkang pa gnyis la gtugs te/ sangs rgyas dang / chos dang / dge 'dun la skyabs su song nas tshangs par spyad pa dang bslab pa'i gzhi rnams yang
255a5 dag par blangs te/ lhag pa'i bsam pas bla na med pa yang dag par rdzogs pa'i byang chub tu sems bskyed nas 'di skad ces smras so/ /'jam dpal bdag kyang khyod kyis rjes su bstan pa dang / sems can thams cad la snying
255a6 brtse ba dang / snying rjes sangs rgyas kyi gdung mi gcad pa dang / chos kyi gdung mi gcad pa dang / dge 'dun gyi gdung mi gcad pa'i slad du khyod kyis bstan pa bla na med pa yang dag par rdzogs pa'i byang chub der sems bskyed par bgyi'o/ /
255a7 de bzhin du chos rtogs par bgyi ba'i slad du sems can thams cad la chos bstan par yang bgyi'o/ /nyes par bgyis pa'i las kyi sgrib pa yongs su sbyang ba'i slad du nongs pa la nongs par bshags par bgyi'o/ /gang na chos
255a8 thams cad zhi zhing nye bar zhi bar ma rtogs nas/ tshul bzhin ma lags pa yid la bgyid pa sngon du 'gro ba dang / phyin ci log gi dbang du mchis pa dang / rang gi lus la mngon par zhen pas 'dod chags kyi sbyor ba dang ldan
255b1 pa'i sems can rnams kyis ni chos rnams kyi rang bzhin nyid ma rtogs so/ /'jam dpal de lta lags mod kyi 'on kyang gang dag 'dod chags kyi sbyor ba dang ldan pa'i sems can de dag kyang chos rnams kyi chos nyid 'di ci 'dra ba de nyid
255b2 dang ldan no/ /byang chub sems dpa' rnams ni ldan pa'i chos 'di la slob cing / bla na med pa yang dag par rdzogs pa'i byang chub tu sems bskyed do/ /de ci'i slad du zhe na/ 'jam dpal nyon mongs pa rnams ni ji ltar mchis pa ma
255b3 lags pa la/ kun brtags pa las 'byung bar de ltar kun brtags pa yongs su rtogs na 'gag par 'gyur bas gsog dang 'dra ba'i slad du'o/ /'jam dpal ji ltar khyod kyis gsungs pa'i don bdag gis 'tshal ba ltar
255b4 na nyon mongs pa rnams ni rang bzhin ma mchis shing byung ba ma mchis pas sprin gyi tshogs dang 'dra'o/ /nyon mongs pa rnams ni skad cig la 'jig cing 'ju ste chu'i chu bur dang 'dra'o nyon mongs pa rnams ni shin du mngon par grub pa ma mchis
255b5 pa ste/ rlung dang 'dra'o/ /nyon mongs pa rnams ni yul thams cad las yang dag par 'das pa ste/ nam mkha'i ri mo dang 'dra'o/ /nyon mongs pa rnams ni ring du mi gnas pas chu'i ri mo dang 'dra'o/ /nyon mongs pa rnams ni tshul bzhin
255b6 ma lags pa yid la bgyid pa'i 'jug pa las 'byung ba ste/ gnod sbyin dang 'byung po 'dra'o/ /nyon mongs pa rnams ni ma mchis pa la phyin ci log tu mthong ba las byung ba ste/ sprin mar dang 'dra'o/ /nyon mongs pa rnams ni
255b7 kun brtags pa las byung ba ste/ yang dag pa ma lags pa'o/ /nyon mongs pa rnams ni ngar 'dzin pas lhag par chags pa dang 'brel ba'o/ /nyon mongs pa rnams ni bdag gir 'dzin pas dngos por yongs su 'dzin pa'o/ /nyon
255b8 mongs pa rnams ni log par bskyed pas glo bur du byung ba'o/ /nyon mongs pa rnams ni rnam par rtog pa las byung bas mtshan ma'i rjes su 'brang ba dang 'dra'o/ /nyon mongs pa rnams ni khams sna tshogs la mi dpyod pa'i
256a1 tshul gyis bskyed pa ste so sor mi rtog pa'o/ /nyon mongs pa rnams ni sems dang rjes su 'thun pas bskyed pa ste/ nges par mi sems pa'o/ /nyon mongs pa rnams ni bdag dang gzhan la mngon par
256a2 zhen pa las byung ba ste/ yid ches par mi bgyi ba'o/ /nyon mongs pa rnams ni phung po dag len pa'o/ /nyon mongs pa rnams ni khams rnams la ril por 'dzin pa'o/ /nyon mongs pa rnams ni skye mched rnams
256a3 stsogs pa'o/ /nyon mongs pa rnams ni ming dang gzugs la rnam par 'byed pa'o/ /nyon mongs pa rnams ni tshul bzhin ma lags pa yid la bgyid pa dag mi rtogs pa'o/ /'jam dpal de lta lags mod kyi 'on kyang nyon
256a4 mongs pa rnams ni byang chub kyi phur bu'i gzhi lags so/ /de ci'i slad du zhe na/ byang chub ni g.yo ba ma mchis pa'i slad du'o/ /nyon mongs pa rnams ni byang chub kyi sa bon te/ nyon mongs pa rtogs pa nyid byang chub lags
256a5 so/ /nyon mongs pa rnams ni byang chub rdo rje'i gzhi lags so/ /de ci'i slad du zhe na/ chos kyi dbyings dbyer ma mchis pa'i tshul gyis byang chub ni nyon mongs pa rnams kyis mi phyed pa'i slad du'o/ /'jam dpal
256a6 nyon mongs pa rnams mthong ba ni byang chub ste/ byang chub ni yul thams cad kyi rjes su song ba'o/ /'jam dpal ji ltar byang chub rnam par gnas pa ma mchis pa de ltar nyon mongs pa rnams kyang rnam par gnas pa
256a7 ma mchis pa ste/ skyes nas 'jig cing 'ju bas mi gnas pa'o/ /'jam dpal nyon mongs pa rnams ni sems kyi rang bzhin lags so/ /de ci'i slad du zhe na/ 'jam dpal sems 'di ni chags pa 'am/ sdang ba
256a8 'am/ rmongs pa zhes sems kyi rang bzhin bstan par mi nus te/ 'jam dpal ji ltar sems bstan par mi nus pa de bzhin du nyon mongs pa rnams kyang yul na gnas pa 'am/ phyogs na gnas pa zhes nyon mongs
256b1 pa'i rang bzhin bstan par mi nus pa'i slad du'o/ /'jam dpal byang chub sems dpa' sems dpa' chen pos ji lta ji ltar nyon mongs pa de dag rab tu rtogs pa de lta de ltar de 'dod chags la spyod pa'i sems can rnams
256b2 yongs su smin par bgyi ba la skyo bar mi 'gyur ro/ /zhe sdang la spyod pa rnams la ma lags/ gti mug la spyod pa rnams la ma lags te/ cha mnyam pa la spyod pa'i sems can rnams yongs su smin par bgyi ba la skyo
256b3 bar mi 'gyur ro/ /'jam dpal da ltar bdag gi 'dod chags ji lta ba de bzhin du 'dod chags la spyod pa thams cad kyi 'dod chags la blta bar bgyi'o/ /'jam dpal da ltar bdag gi zhe sdang ji lta ba de bzhin du zhe sdang la spyod
256b4 pa thams cad kyi zhe sdang la blta bar bgyi'o/ /'jam dpal da ltar bdag gi gti mug ji lta ba de bzhin du gti mug la spyod pa thams cad kyi gti mug la blta bar bgyi'o/ /'jam dpal da ltar bdag gi nyon mongs pa thams
256b5 cad ji lta ba de bzhin du nyon mongs pa thams cad la spyod pa'i sems can thams cad kyi nyon mongs pa la blta bar bgyi'o/ /'jam dpal 'di lta ste dper na/ me ni rtswa dang shing thams cad kyis 'jigs pa ma mchis pa'o/ /
256b6 'jam dpal de bzhin du 'phags pa'i shes rab kyi me yang nyon mongs pa'i rtswa dang shing thams cad kyis 'jigs pa ma mchis pa'o/ /'jam dpal 'di lta ste dper na/ nyi ma'i dkyil 'khor ni mun pa mun nag thams
256b7 cad dang lhan cig mi gnas so/ /'jam dpal de bzhin du 'phags pa'i shes rab kyang nyon mongs pa thams cad dang lhan cig mi gnas so/ /'jam dpal 'di lta ste dper na/ rlung mar ni shing ljon pa dang ri thams
256b8 cad la mi chags so/ /'jam dpal de bzhin du 'phags pa'i shes rab la spyod pa'i byang chub sems dpa' yang nyon mongs pa'i yul thams cad la mi chags so/ /'jam dpal 'di lta ste dper na/ nam mkha'i khams
257a1 ni sreg pa'i bskal pa thams cad kyis tshig par mi 'gyur ro/ /'jam dpal de bzhin du 'phags pa'i shes rab la spyod pa'i byang chub sems dpa' yang nyon mongs pa'i sreg pa'i bskal pa thams cad
257a2 kyis tshig par mi 'gyur ro/ /'jam dpal 'di lta ste dper na/ nam mkha' ni rdul dang na bun dang / sprin thams cad dang lhan cig mi gnas so/ /'jam dpal de bzhin du 'phags pa'i shes rab la spyod pa'i byang chub sems
257a3 dpa' yang nyon mongs pa thams cad dang lhan cig mi gnas so/ /'jam dpal 'di lta ste dper na/ nam mkha' ni sa dang lhan cig mi gnas so/ /'jam dpal de bzhin du 'phags pa'i shes rab la spyod pa'i byang chub sems dpa'
257a4 yang nyon mongs pa thams cad dang lhan cig mi gnas so/ /'jam dpal 'di lta ste dper na/ khab long ni lcags dang lhan cig mi gnas so/ /'jam dpal de bzhin du 'phags pa'i shes rab la spyod pa'i byang chub sems
257a5 dpa' yang nyon mongs pa thams cad dang lhan cig mi gnas so/ /'jam dpal 'di lta ste dper na/ ri 'khor yug ni rlung thams cad kyis bskyod par mi nus so/ /'jam dpal de bzhin du 'phags pa'i shes rab la spyod pa'i
257a6 byang chub sems dpa' yang nyon mongs pa thams cad kyis bskyod par mi nus so/ /'jam dpal 'di lta ste dper na/ dud 'gro'i skye gnas su song ba bya ngang pa zhes bgyi ba ni 'o ma dang chab bsres pa las 'o ma nyid ni 'tshal gyi chab ni
257a7 ma lags so/ /'jam dpal de bzhin du 'phags pa'i shes rab la spyod pa'i byang chub sems dpa' yang 'phags pa'i shes rab dang nyon mongs pa'i 'dres pa dag las shes rab nyid ni len gyi nyon mongs pa ni ma lags so/ /
257a8 'jam dpal 'di lta ste dper na/ byang gi sgra mi snyan gyi gling na nye dur 'brel ba'i bud med rnams la shing gi yal ga 'dud par mi bgyid do/ /'jam dpal de bzhin du dbang po yongs su ma smin pa'i sems can rnams la byang
257b1 chub sems dpa'i spyod pa dang / 'phags pa'i shes rab dang ye shes 'dud par mi bgyid do/ /'jam dpal da ltar bdag ni nyon mongs pa rnams kyis 'jigs pa 'am/ skrag pa ci yang ma mchis so/ /de ci'i slad du zhe na/ 'jam
257b2 dpal bdag gis chos thams cad kyi rang bzhin dben par rtogs pa'i slad du'o/ /'jam dpal byang chub sems dpa' rnams ni 'jigs pa ma mchis pa'i go ca bgos pa ste/ 'jam dpal 'di lta ste dper na/ gang dgras
257b3 'jigs pa de ni dpa' bo zhes mi bgyi'o/ /'jam dpal de bzhin du gang nyon mongs pa rnams kyis 'jigs pa de yang byang chub sems dpa' zhes mi bgyi'o/ /'jam dpal 'di lta ste dper na/ gang dgras bcom pa de ni dpa' bo zhes
257b4 mi bgyi'o/ /'jam dpal de bzhin du gang nyon mongs pa rnams kyis bcom pa de yang byang chub sems dpa' zhes mi bgyi'o/ /'jam dpal 'di lta ste dper na/ nor bu rin po che chu 'dang zhes bgyi ba chab kyi nang du stsal na gsher
257b5 bar yang mi 'gyur zhing chab kyi dri mas kyang mi gos la/ chab kyi rnyog pa thams cad kyang rab tu dang bar bgyid do/ /'jam dpal de bzhin du 'phags pa'i shes rab la spyod pa'i byang chub sems dpa' yang nyon mongs pa'i nang na gnas
257b6 kyang nyon mongs pas gsher bar yang mi 'gyur zhing nyon mongs pa'i dri mas kyang mi gos la/ nyon mongs pa'i rnyog pa thams cad kyang rab tu zhi bar bgyid do/ /de nas smad 'tshong ma'i bu mo gser mchog 'od dpal gyis bstan
257b7 pa 'di bshad nas yang 'jam dpal gzhon nur gyur pa la 'di skad ces smras so/ /'jam dpal ji ltar na byang chub sems dpa' nyon mongs pa ma mchis pa lags/ 'jam dpal gyis smras pa/ sring mo byang chub sems
257b8 dpa' gang gis nyon mongs pa skye ba 'am 'gag par mthong na/ byang chub sems dpa' de ni nyon mongs pa thams cad med pa zhes mi bya'o/ /sling mo 'di lta ste dper na/ 'bru mar gyi sgron ma la mun pa mun nag snang na 'bru mar gyi sgron ma zhes
258a1 mi bya'o/ /sring mo de bzhin du byang chub sems dpa' gang gis nyon mongs pa skye ba 'am 'gag par mthong na/ byang chub sems dpa' de ni nyon mongs pa med pa zhes mi bya'o/ /sring mo nyon mongs pa med pa zhes
258a2 bya ba ni su gang du kun nas nyon mongs pa yang mi mthong / rnam par byang ba yang mi mthong ste/ mthong ba dang / mi mthong ba dang / sems dang yid dang / rnam par rig pa dang bral ba ni nyon mongs pa med pa'o/ /sring mo gang dang gang
258a3 du sems dang yid dang / rnam par rig pa 'jug na/ tha na mya ngan las 'das par sems pa yang rung ste/ de thams cad ni nyon mongs pa'o/ /de ci'i phyir zhe na/ nyon mongs pa med pa la ni sems sam sems pa 'jug
258a4 pa med pa'i phyir te/ gang gis dge ba 'am mi dge ba'i dmigs pa la sems 'jug pa de dag thams cad ni mngon par 'du byed pa'o/ /gang mngon par 'du byed pa de ni 'khor ba'o/ /gang 'khor ba de ni 'du byed do/ /
258a5 'du byed thams cad ni 'khor ba ste/ sring mo de dag ni nyon mongs pa yin no/ /sring mo nyon mongs pa zhes bya ba de ni sbyor ba ste/ mig dang gzugs su sbyor ba ni nyon mongs pa'o/ /de bzhin du rna ba dang / sgra dang /
258a6 sna dang / dri dang / lce dang / ro dang / lus dang / reg bya dang / yid dang / chos su sbyor ba ni nyon mongs pa'o/ /tshul khrims la sbyor ba ni nyon mongs pa'o/ /ting nge 'dzin la sbyor ba ni nyon mongs pa'o/ /shes
258a7 rab dang / /rnam par grol ba'i ye shes mthong ba la sbyor ba ni nyon mongs pa'o/ /rab tu dben pa la sbyor bar sems pa ni nyon mongs pa'o/ /sring mo nyon mongs pa med pa zhes bya ba de ni rgyu ba med pa zhes bya ba'i tshig
258a8 bla dgas so/ /de ni spros pa med pa zhes bya ba'i tshig bla dgas so/ /de ni rtsol ba med pa zhes bya ba'i tshig bla dgas so/ /kun du 'byung ba med pa zhes bya ba'i tshig bla dgas te/ sring mo grangs dang grangs med pa dang bral ba ni nyon
258b1 mongs pa med pa nyid do/ /sring mo gzhan yang byang chub sems dpa' gang bdag la yang nyon mongs pa med la/ gzhan dag nyon mongs pa las rab tu thar ba la yang shin du brtson pa de ni nyon mongs pa med pa'o zhes de bzhin
258b2 gshegs pas gsungs te/ gzhan dag nyon mongs pa las rab tu thar bar byed pa ni byang chub sems dpa'i brtson 'grus yang dag phul lo/ /bu mos smras pa/ 'jam dpal byang chub sems dpa'i brtson 'grus yang
258b3 dag phul gang lags/ 'jam dpal gyis smras pa/ stong pa nyid la so sor rtogs pa'i rjes su 'jug cing lta ba la spyod pa'i sems can rnams la snying rje ba dang / mtshan ma med pa la so sor rtogs pa'i rjes su 'jug
258b4 cing mtshan ma la spyod pa'i sems can rnams la snying rje ba dang / smon pa med pa la so sor rtog pa'i rjes su 'jug cing smon pa la spyod pa'i sems can rnams la snying rje ba dang / mngon par 'du byed pa med pa la so
258b5 sor rtogs pa'i rjes su 'jug cing mngon par 'du byed pa la spyod pa'i sems can rnams la snying rje ba dang / skye ba med cing 'chi 'pho ba med pa la so sor rtogs pa'i rjes su 'jug cing rga ba dang shi bar 'du shes pa'i
258b6 sems can rnams la snying rje ba dang / skye ba med pa la so sor rtogs pa'i rjes su 'jug cing skye ba dang 'jig par 'du shes pa'i sems can rnams la snying rje ba dang / nyan thos su nges pa la so sor rtogs pa'i rjes
258b7 su 'jug cing nyan thos kyi 'bras bu thob pa las ldog pa dang / rang sangs rgyas su nges pa la so sor rtogs pa'i rjes su 'jug cing rang sangs rgyas kyi 'bras bu thob pa las ldog pa dang / byang chub sems dpa'i skyon med pa
258b8 la 'jug pa so sor rtogs pa'i rjes su 'jug cing sems can thams cad la yang snying rje ba ste/ sring mo 'di ni byang chub sems dpa'i brtson 'grus yang dag phul lo/ /sring mo 'di lta ste/ dper na/ rgya mtsho chen por 'jug pa ni
259a1 sla'i/ rin po che chen po dag thogs te ldog par ni dka'o/ /sring mo de bzhin du stong pa nyid la so sor rtog pa ni sla'i/ thabs la mkhas pa dang bral bas ldog par ni dka'o/ /mtshan ma med pa dang / smon pa med pa dang /
259a2 mngon par 'du byed pa med pa dang / skye ba med pa dang / 'byung ba med pa dang / nyan thos kyi skyon med pa dang / rang sangs rgyas kyi skyon med pa la yang so sor brtag par ni sla'i/ thabs la mkhas pa dang bral bas ldog par ni dka'o/ /sring mo
259a3 'di lta ste dper na/ g.yul ngo chen por 'jug pa ni sla'i/ ma smas ma nyams par rgal bar ni dka'o/ /sring mo de bzhin du rnam par thar pa'i sgo gsum du yang 'jug par ni sla'i/ thabs la mkhas pa dang bral bas ldog par ni dka'o/ /
259a4 bu mos smras pa/ 'jam dpal thabs shes bgyi ba ji lta bu lags/ 'jam dpal gyis smras pa/ sring mo thabs shes bya ba ni gang phyogs gnyis mi spong ba ste/ 'di ltar 'khor ba'i phyogs dang / mya ngan las 'das pa'i phyogs so/ /
259a5 sring mo thabs shes bya ba ni gang sgo gnyis ston par byed pa ste/ 'khor ba'i sgo dang / mya ngan las 'das pa'i sgo dang / stong pa nyid kyi sgo dang / lta ba las rab tu thar ba'i sgo dang / mtshan ma med pa'i sgo dang / mtshan ma las rnam par
259a6 thar pa'i sgo dang / smon pa med pa'i sgo dang / bsams bzhin du skye ba'i sgo dang / mngon par 'du byed pa med pa'i sgo dang / dge ba mngon par 'du bya ba'i sgo dang / skye ba med pa'i sgo dang / skye ba kun du ston pa'i sgo dang / 'byung ba
259a7 med pa'i sgo dang / phung po dang / khams dang / skye mched kyi sgo dang / skye ba med cing 'gag pa med pa'i sgo dang / skye ba dang 'byung ba'i sgo dang / dben pa'i sgo dang / sems can yongs su smin par bya ba'i sgo dang / chos kyi dbyings kyi sgo
259a8 dang / chos thams cad so sor srung ba'i sgo dang / nyan thos kyi theg pa'i sgo dang / byang chub sems dpa'i lhag pa'i bsam pa'i sgo dang / rang byang chub kyi sgo dang / sangs rgyas kyi chos mi brjed pa'i sgo ste/ sring mo byang chub
259b1 sems dpa' gang sgo gnyis nye bar ston kyang / sgo thams cad la yang chags pa med pa de ni thabs la mkhas pa zhes bya'o/ /de bzhin du 'dod chags kyi sgo dang / 'dod chags dang bral ba'i sgo dang / zhe sdang gi sgo dang / zhe sdang dang
259b2 bral ba'i sgo dang / gti mug gi sgo dang / gti mug dang bral ba'i sgo dang / nyon mongs pa'i sgo dang / nyon mongs pa dang bral ba'i sgo dang / 'gro ba thams cad kyi sgo dang / 'gro ba med pa'i sgo ste sring mo 'di ni byang chub sems dpa'i
259b3 thabs la mkhas pa'o/ /byis pa so so'i skye bo thams cad kyi spyod pa'i sgo dang / slob pa dang / mi slob pa dang / nyan thos dang / rang sangs rgyas dang / byang chub sems dpa'i spyod pa'i sgo gang yin pa de gnyis shes pa
259b4 gang yin pa 'di ni byang chub sems dpa'i thabs la mkhas pa zhes bya'o// // bam po gnyis pa ste tha ma/ yang de'i tshe na bcom ldan 'das bya rgod kyi phung po'i ri'i ngos kyi sman ljongs
259b5 zhig na zhabs 'bring byed pa'i dge sbyong tshe dang ldan pa kun dga' bo dang thabs cig tu ring du 'chags pas 'chag cing bzhugs so/ /der bzhugs nas bcom ldan 'das kyis 'jam dpal gzhon nur gyur pa la 'jam
259b6 dpal khyod kyis byang chub sems dpa'i brtson 'grus yang dag phul dang thabs la mkhas pa ji skad bstan pa de ni de bzhin te/ legs so legs so zhes bya ba byin pa dang / legs so zhes bya ba'i sgra des stong gsum gyi
259b7 stong chen po'i 'jig rten gyi khams 'di dbyangs kyis go bar gyur cing / legs so zhes bya ba'i sgra de nyid kyis stong gsum gyi stong chen po'i 'jig rten gyi khams 'di rnam pa drug tu rab tu g.yos par yang gyur nas lha dang /
259b8 klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa rnams dang / brgya byin dang / tshangs pa dang / 'jig rten skyong ba mang po dag legs so zhes bya
260a1 ba'i sgra des bskul nas bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do/ /phyogs gcig tu 'khod nas lha dang klu dang / gnod sbyin
260a2 dang dri za dang / lha ma yin dang nam mkha' lding dang / mi 'am ci dang / lto 'phye chen po dang / mi dang mi ma yin pa dang / brgya byin dang / tshangs pa dang / 'jig rten skyong ba de dag gis bcom ldan 'das la 'di skad ces gsol to/ /bcom ldan
260a3 'das legs so zhes bgyi ba'i sgra gang gis stong gsum gyi stong chen po'i 'jig rten gyi khams dbyangs kyis go bar mdzad pa de bcom ldan 'das kyis su la stsal/ bcom ldan 'das kyis bka' stsal pa/ lha'i bu dag
260a4 de ni 'jam dpal gzhon nur gyur pa la'o/ /lha'i bu rnams kyis gsol pa/ bcom ldan 'das 'jam dpal gzhon nur gyur pa de da ltar gang na mchis/ bcom ldan 'das kyis bka' stsal pa/ lha'i bu dag 'jam dpal
260a5 gzhon nur gyur pa ni rgyal po'i khab kyi grong khyer chen po'i shar phyogs kyi sgo na/ smad 'tshong ma'i bu mo gser mchog 'od dpal zhes bya ba dang / lhan cig tu chos dang ldan pa'i gtam zer zhing 'dug gis lha'i bu dag
260a6 gang dag chos nyan par 'dod pa dag kyang der deng shig /de nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dang / brgya byin dang / tshangs
260a7 pa dang / 'jig rten skyong ba de dag thams cad lhan cig tu 'dus nas/ 'jam dpal gzhon nur gyur pa ga la ba der dong ste phyin pa dang / lus rags par sprul nas me tog gi char rab tu phab ste/ me tog gi char des
260a8 rgyal po'i khab kyi kho ra khor yug tu me tog chal bar bkram par gyur to/ /de na lha rnams kyis kyang mi rnams mthong zhing mi rnams kyis kyang lha rnams kyang mthong ste/ phan tshun smra bar ni mi byed do/ /de ltar rgyal po'i khab kyi
260b1 grong khyer chen po nas srog chags brgya stong phrag mang po dag me tog de dag gis kyang / bskul/ lha'i lus rags pa de dag gis kyang bskul nas/ 'jam dpal gzhon nur gyur pa ga la ba der dong ngo / /rgyal po ma skyes dgra
260b2 yang bud med kyi tshogs rnams kyis bskor te/ dpung gi tshogs yan lag bzhi pa dang lhan cig tu rgyal po'i 'byor pa chen po dang / rgyal po'i mthu chen pos 'jam dpal gzhon nur gyur pa ga la ba der song nas/ 'khor de dang /
260b3 rgyal po ma skyes dgra dang / rgyal po dang blon po'i bu rnams dang / tshong dpon dang khyim bdag gi bu rnams kyis smad 'tshong ma'i bu mo gser mchog 'od dpal de 'dod chags kyis nyon mongs pa'i kun nas ldang ba dang bral te/
260b4 dbang po dang spyod lam rab tu zhi zhing dbang po mi g.yeng la ngo tsha shes pa dang / dpal gyis legs par brgyan par mthong ngo / /mthong nas kyang de la phyin cad su yang 'dod pa'i rnam par rtog pa mi skye bar gyur to/ /de nas
260b5 'jam dpal gzhon nur gyur pas skye bo'i tshogs chen po de 'dus par rig nas/ smad 'tshong ma'i bu mo gser mchog 'od dpal la 'di skad ces smras so/ /bu mo skye bo'i tshogs chen po thams cad kyis khyod mthong yang
260b6 phyir zhing chags pa med na/ khyod kyis nyon mongs pa de dag gang du bzhag /bu mos smras pa/ 'jam dpal sems can thams cad kyi nyon mongs pa rnams ni ye shes dang rnam par grol ba la gnas pa dang / chos kyi dbyings la
260b7 gnas pa ste/ de dag kyang ma skyed pa dang / ma bkag pa dang / ma bsgyur bar de ltar bdag gis rtogs so/ /nyon mongs pa'i rang bzhin gang lags pa de yang bdag gis rtogs lags so/ /'jam dpal gyis smras pa/ bu
260b8 mo nyon mongs pa'i rang bzhin de gang yin/ bu mos smras pa/ 'jam dpal rtog pa ma mchis shing rnam par rtog pa ma mchis pa'i rang bzhin ni nyon mongs pa'i rang bzhin lags so/ /tshul bzhin ma lags pa ma skyes pa'i rang bzhin
261a1 ni nyon mongs pa'i rang bzhin lags so/ /nyon mongs pa rnams ni glo bur te/ stong pa nyid rtogs pa dang lhan cig mi gnas so/ /mtshan ma med pa dang smon pa med pa shes pa dang lhan cig mi gnas so/ /rang bzhin gyis
261a2 'od gsal ba dang lhan cig mi gnas so/ /'jam dpal 'di lta ste dper na/ dug drag po'i sbrul gdug pas bltas pa tsam gyis skye bo 'gum par 'gyur ba las der mi zhig gis dug thams cad 'jil ba dang / dug
261a3 thams cad rab tu zhi bar bgyid pa'i sman gnod sel ces bgyi ba 'tshal te mchis nas/ de nas sman de bstan ma thag tu sbrul gdug pa'i dug de ma mchis par bgyis nas de la khye'u dang bu mo rnams brtse bas rtse zhing / khye'u
261a4 dang bu mo de dag sbrul gdug pa de dang lhan cig tu rtse bar bgyid de/ pang par len cing glo la se ral phreng du btags te/ rgyan du bgyis kyang tshig par mi bgyid/ za bar mi bgyid/ sdug bsngal du mi bgyid do/ /'jam dpal de
261a5 bzhin du bdag kyang sngon chos 'dul ba ma thos pas tshul bzhin ma lags pa yid la bgyid pa phyin ci log la nye bar gnas pa'i nyon mongs pas yongs su bsregs pa na 'dod chags kyis rang gi lus la chags shing rang
261a6 gi gzugs la mngon par zhen te/ gzugs dbu ba lta bur so sor rtog par mi bgyid/ lus sgyu ma'i chos nyid du ma 'tshal/ dga' ba'i rtsed mo rmi lam lta bur ma 'tshal/ 'dod pa'i dga' ba'i ro myang ba sbrang rtsi'i
261a7 thigs pa lta bur ma 'tshal/ srog gi dbang po zil pa'i thigs pa lta bur ma 'tshal/ 'du byed thams cad mi rtag par ma 'tshal/ lus mi sdug par ma 'tshal/ 'du byed thams cad shin tu sdug bsngal bar ma 'tshal zhing /
261a8 chos thams cad bdag ma mchis par so sor rtog par mi bgyid de bdag kyang mun pa mun nag gis bsgribs shing / gzhan la yang mun par bgyid/ bdag kyang bcings shing gzhan la yang 'ching bar bgyid pa las/ 'jam dpal gang gi
261b1 tshe bdag gis khyod las chos dang ldan pa'i bka' mchid thos te/ thos nas kyang mos shing mos nas kyang rnam par grol te de'i slad du bdag da ltar dang slan chad chags pa'i mig gis su la yang lta bar mi bgyid do/ /de ci'i slad
261b2 du zhe na/ 'jam dpal snang ba ni mun pa dang lhan cig mi gnas so/ /'jam dpal de bzhin du 'dod chags dang bral ba ni su yang nyon mongs pa rnams la chags pa ma mchis pa'i slad du'o/ /de nas yang 'jam dpal gzhon nur gyur pa
261b3 la smad 'tshong ma'i bu mo gser mchog 'od dpal gyis 'di skad ces smras so/ /kye ma 'jam dpal lha'i 'khor dang / mi'i 'khor chen po 'di 'dus kyis/ gang gis lha dang mi 'di dag gis nyon mongs pa'i rang bzhin de dag rtogs
261b4 nas sems can rnams la snying rje bas bla na med pa yang dag par rdzogs pa'i byang chub tu sems bskyed par 'gyur ba de lta bu'i chos kyi bka' mchid bgyi bar khyod spobs par mdzod cig /'jam dpal gyis smras pa/
261b5 sring mo nyon mongs pa'i rang bzhin la ni mos par dka'o/ /de ci'i phyir zhe na/ sring mo nyon mongs pa'i rang bzhin ni byang chub yin pa'i phyir ro/ /sring mo 'di lta ste dper na/ me ma sbar ba ni sreg pa'i bdag nyid ma yin no/ /sring mo de bzhin du nyon
261b6 mongs pa yang yongs su ma brtags na 'khor ba'i bdag nyid ma yin no/ /sring mo 'di lta ste dper na/ me sbar ba ni sreg pa'i bdag nyid yin no/ /sring mo de bzhin du nyon mongs pa yang yongs su brtags na 'khor ba'i bdag nyid yin
261b7 no/ /sring mo 'di lta ste dper na/ me ni rgyu yod na 'bar ro/ /sring mo de bzhin du nyon mongs pa rnams kyang lta ba'i kun nas ldang ba'i rgyu yod na khams gsum du 'bar ro/ /sring mo 'di lta ste dper na/ me ni rgyu med na mi 'bar ro/ /
261b8 sring mo de bzhin du nyon mongs pa rnams kyang lta ba'i kun nas ldang ba'i rgyu med na khams gsum du mi 'bar ro/ /sring mo 'di lta ste dper na/ lo stong du 'bar ba'i me la ni skye ba dang 'bri ba med do/ /sring mo de bzhin du bskal pa brgya
262a1 stong du rgyu ba'i nyon mongs pa la yang skye ba dang 'bri ba med do/ /sring mo 'di lta ste dper na/ me shi ba la ni me zhes mi gdags so/ /sring mo de bzhin du nyon mongs pa zhi ba la yang nyon mongs pa zhes mi gdags so/ /sring mo
262a2 'di lta ste dper na/ nam mkha' gang la me 'bar yang nam mkha' ni me des tshig par mi nus so/ /sring mo de bzhin du gang rang bzhin gyis 'od gsal ba la glo bur gyi nyon mongs pa byung yang rang bzhin gyis 'od gsal ba de ni glo bur
262a3 gyi nyon mongs pa des kun nas nyon mongs par byed mi nus so/ /sring mo 'di ltar yang gzugs kyi lus la ji ltar blta bar bya/ bu mos smras pa/ 'jam dpal dper na/ mtsho bran gyi chab kyi nang gi chu zla bzhin du'o/ /'jam dpal gyis
262a4 smras pa/ bu mo phung po rnams ji ltar blta bar bya/ bu mos smras pa/ 'jam dpal dper na/ de bzhin gshegs pa'i sprul pa bzhin du'o/ /'jam dpal gyis smras pa/ bu mo khams rnams ji ltar blta bar bya/ bu mos smras
262a5 pa/ 'jam dpal dper na/ khams gsum bskal pa'i mes bsregs par gyur pa de bzhin du'o/ /'jam dpal gyis smras pa/ bu mo skye mched rnams ji ltar blta bar bya/ bu mos smras pa/ 'jam dpal dper na/
262a6 mngon par 'du bya ba'i las mngon par 'dus ma bgyis pa bzhin du'o/ /'jam dpal gyis smras pa/ bu mo 'khor 'di ji ltar blta bar bya/ bu mos smras pa/ 'jam dpal dper na/ 'khor 'di ni steng gi nam mkha'i
262a7 mtshams bzhin du'o/ /'jam dpal gyis smras pa/ bu mo khyod ji ltar blta bar bya/ bu mos smras pa/ 'jam dpal dper na/ bdag gi pha dang ma gnyis kyi gnyis phrad pa ma mchis pa bzhin du'o/ /'jam dpal gyis smras pa/
262a8 bu mo nga ji ltar blta bar bya/ bu mos smras pa/ 'jam dpal dper na/ long ba gzugs la blta ba bzhin du'o/ /'jam dpal gyis smras pa/ bu mo khyod kyis chos 'di dag thos sam/ bu mos smras pa/ 'jam dpal dper na/ sgyu ma
262b1 sprul pa'i rna ba'i rnam par rig pa lta bus thos lags so/ /'jam dpal gyis smras pa/ bu mo khyod bla na med pa yang dag par rdzogs pa'i byang chub 'dod dam/ bu mos smras pa/ 'jam dpal bdag nyid byang chub lags te/ yang
262b2 'dod par mi bgyid do/ /'jam dpal gyis smras pa/ bu mo khyod kyis sbyin pa'i pha rol tu phyin pa spyad dam/ bu mos smras pa/ 'jam dpal bdag gis nyon mongs pa thams cad gtan du yongs su btang bas spyad lags
262b3 so/ /'jam dpal gyis smras pa/ bu mo khyod kyis tshul khrims kyi pha rol tu phyin pa yongs su rdzogs par byas sam/ bu mos smras pa/ 'jam dpal nam mkha' yongs su rdzogs pas yongs su rdzogs par bgyis lags
262b4 so/ /'jam dpal gyis smras pa/ bu mo khyod kyis bzod pa'i pha rol tu phyin pa bsgoms sam/ bu mos smras pa/ 'jam dpal sems can thams cad skye ba ma mchis pa dang / 'byung ba ma mchis pas bsgoms lags so/ /
262b5 'jam dpal gyis smras pa/ bu mo khyod kyis brtson 'grus kyi pha rol tu phyin pa brtsams sam/ bu mos smras pa/ 'jam dpal chos thams cad thob par bgyi ba ma mchis pa'i tshul gyis brtsams lags so/ /'jam
262b6 dpal gyis smras pa/ bu mo khyod kyis bsam gtan gyi pha rol tu phyin pa la gnas sam/ bu mos smras pa/ 'jam dpal chos kyi dbyings gnas pa ma mchis pa'i tshul gyis bdag gnas lags so/ /'jam dpal gyis smras pa/
262b7 bu mo khyod kyis shes rab kyi pha rol tu phyin pa yongs su rdzogs par byas sam/ bu mos smras pa/ 'jam dpal lhag chad ma mchis par yongs su rdzogs par bgyis lags so/ /'jam dpal gyis smras pa/ bu mo khyod kyis
262b8 byams pa bsgoms sam/ bu mos smras pa/ 'jam dpal sems can thams cad mi srid pa'i tshul gyis bsgoms lags so/ /'jam dpal gyis smras pa/ bu mo byang chub sems dpas snying rje chen po gang nas btsal bar
263a1 bya bu mos smras pa/ 'jam dpal byang chub sems dpas snying rje chen po ni sems can thams cad kyi nyon mongs pa rnams las btsal bar bgyi'o/ /de ci'i slad du zhe na/ gal te sems can rnams kyi nyon mongs pa ma
263a2 mchis par gyur na/ byang chub sems dpa' yang bla na med pa yang dag par rdzogs pa'i byang chub tu sems skye bar mi 'gyur ba'i slad du'o/ /'jam dpal gyis smras pa/ bu mo byang chub sems dpas dga' ba ga las btsal
263a3 bar bya/ bu mos smras pa/ lhag pa'i bsam pa dang ldan pa'i byang chub kyi sems las so/ /'jam dpal gyis smras pa bu mo byang chub sems dpa'i btang snyoms ci zhig byed bu mos smras pa/ 'jam dpal byang chub
263a4 sems dpa'i btang snyoms ni sems can thams cad la mi slu ba yongs su rdzogs par bgyid pa dang / chos thams cad la 'gal ba ma mchis par nye bar mchi bar bgyid pa'o/ /'jam dpal gyis smras pa/ bu mo 'gal ba
263a5 zhes bya ba ji lta bu yin/ bu mos smras pa/ gang dag ma mchis pa'i nyon mongs pa rnams spong ba'i slad du byang chub la rab tu zhugs pa dag go/ /'jam dpal gyis smras pa/ de dag gang dang 'gal/ bu mos smras pa/ phas kyis
263a6 rgol ba thams cad dang ngo / /'jam dpal gyis smras pa/ bu mo phas kyi rgol ba gang dag yin/ bu mos smras pa/ gang dag bzod pa'i rlom sems kyis gzhan la rgol ba dag lags so/ /'jam dpal gyis smras pa/ bu mo
263a7 bzod pa zhes bya ba ga las 'ong / bu mos smras pa/ 'jam dpal sems can thams cad kyis tho brtsam pa las mchi'o/ /de ci'i slad du zhe na/ tho brtsam pa ma mchis na bzod pa ci yang ma mchis pa'i slad du ste/ 'jam dpal
263a8 gang la sems can thams cad kyis tho brtsams pa na/ 'khrug pa ma mchis shing gnod pa mi bgyid pa de bzod pa bsgom pa lags so/ /'jam dpal gyis smras pa/ bu mo khong khro ba zhes bya ba ji lta bu yin/ bu mos smras pa/
263b1 'jam dpal gang gis bskal pa brgyar bsags pa'i dge ba'i rtsa ba rnams la gnod par bgyid pa 'di ni khong khro ba zhes bgyi'o/ /'jam dpal gyis smras pa/ bu mo khong khro ba med pa zhes bya ba ji lta bu yin/ bu mos smras pa/ 'jam
263b2 dpal gang gis sems la zhe 'gras pa ma mchis shing yul thams cad la gnod pa mi bgyid pa ste/ de ni bzod pa lags par rig par bgyi'o/ /'jam dpal gyis smras pa/ bu mo ji ltar na byang chub sems dpa' g.yul las rnam
263b3 par rgyal ba yin/ bu mos smras pa/ 'jam dpal gang chos thams cad la rnam par 'byed kyang mi dmigs pa lags so/ /'jam dpal gyis smras pa/ bu mo ji ltar na byang chub sems dpa' bdud phyir rgol ba bcom pa yin/ bu mos
263b4 smras pa/ gang bdud thams cad 'dul bar bgyid kyang nyon mongs pa ma mchis pa ste/ de ci'i slad du zhe na/ 'jam dpal byang chub sems dpa' ni phung po rnams ston kyang phung po'i nyon mongs pa rnams dang lhan cig mi gnas pa dang / 'jam
263b5 dpal byang chub sems dpa' ni nyon mongs pa rnams ston kyang rang bzhin chos nyid kyis chags pa ma mchis pa dang / 'jam dpal byang chub sems dpa' ni sems can yongs su smin par bgyi ba'i slad du/ rga ba dang 'chi ba ston kyang chos
263b6 thams cad la 'chi 'pho ba dang 'gro ba ma mchis par rab tu rtogs pa dang / 'jam dpal byang chub sems dpa' ni lha'i bu dag ston kyang phrag dog dang rlom sems thams cad dang bral ba'i slad du'o/ /'jam dpal gyis smras pa/ bu mo byang
263b7 chub sems dpa' ji ltar sems can yongs su smin par byed/ bu mos smras pa/ 'jam dpal byang chub sems dpas shes rab dang thabs yongs su sgom pas sems can yongs su smin par bgyid do/ /'jam dpal gyis smras pa/ bu mo
263b8 byang chub sems dpas ji ltar sems can thams cad kyi drung du gnas par bya/ bu mos smras pa/ 'jam dpal rang gi sems dang shes pa yongs su sgom pas byang chub sems dpas sems can thams cad kyi drung du gnas par bgyi'o/ /
264a1 'jam dpal gyis smras pa/ bu mo 'khor 'di ni khyod la chos nyan par 'dod do/ /bu mos smras pa/ 'jam dpal gang du bdag dang gzhan gyi 'du shes 'jug pa de ni nyan par 'tshal ba ma lags la/ gang la rna ba'i rnam par rig pas
264a2 rnam par shes pa 'jug pa yang nyan par 'tshal ba ma lags so/ /'jam dpal gyis smras pa/ bu mo chos nyan par 'dod pa zhes bya ba ji lta bu yin/ bu mos smras pa/ 'jam dpal gang gi tshe rang gi lus la rmi lam gyi mi lta bur mos pa dang /
264a3 chos ston pa la sgyu ma'i mi lta bur mos pa dang / bstan pa'i chos de la yang brag cha'i sgra skad lta bur mos shing mos pa dang / rnam par grol ba la yang gnyis su mi bgyid pa de tsam gyis na chos nyan par 'tshal ba lags so/ /'jam dpal gyis
264a4 smras pa/ bu mo chos ji ltar mnyan par bya/ bu mos smras pa/ chos la ston pa la nan tan bgyid pas chos mnyan par bgyi'o/ /de nas 'jam dpal gzhon nur gyur pa'i byin gyis rlabs dang / rang gi dge ba'i rtsa ba bsags pa'i shes
264a5 rab kyis smad 'tshong ma'i bu mo gser mchog 'od dpal gyis de lta de ltar chos bstan pa na/ 'khor de las srog chags khri nyis stong gis bla na med pa yang dag par rdzogs pa'i byang chub tu sems bskyed par gyur to/ /byang chub
264a6 sems dpa'i theg pa pa sngon dge ba'i rtsa ba bsags pa'i lha dang mi lnga brgyas ni mi skye ba'i chos la bzod pa thob par gyur to/ /srog chags sum khri nyis stong ni chos rnams la chos kyi mig rdul med cing dri ma dang bral ba rnam par
264a7 dag go/ /bu mo de yang chos nyan pa'i dga' ba dang / mchog tu dga' bas chos rnams la rjes su 'thun pa'i bzod pa thob par gyur to/ /des bzod pa thob nas 'jam dpal gzhon nur gyur pa'i rkang pa la gtugs te 'jam dpal thugs
264a8 brtse ba'i slad du bdag rab tu dbyung du gsol/ tshul bzhin ma lags par bskyed pa 'phags pa ma lags pa/ 'phags pa'i chos las nyams par bgyid pa'i lus 'di las thar par mdzad du gsol zhes rab tu 'byung bar gsol ba
264b1 btab bo 'jam dpal gyis smras pa/ sring mo 'di lta ste mgo'i skra 'dreg pa de ni byang chub sems dpa'i rab tu 'byung ba ma yin no/ /de ci'i phyir zhe na/ bu mo gang sems can thams cad kyi nyon mongs pa gcad pa'i phyir brtson pa de ni byang
264b2 chub sems dpa'i rab tu 'byung ba yin pa'i phyir ro/ /bu mo gang gos ngur smrig 'chang ba de ni byang chub sems dpa'i rab tu 'byung ba ma yin gyi/ bu mo gang bdag nyid kyang bslab pa dang / tshul khrims yang dag par blangs la/ tshul
264b3 khrims 'chal pa'i sems can rnams kyang tshul khrims kyi sdom pa dang / brtul zhugs la yang dag par sbyor bar byed pa de ni byang chub sems dpa'i rab tu 'byung ba yin no/ /bu mo gang bdag nyid dben par gnas pa de ni byang chub
264b4 sems dpa'i rab tu 'byung ba ma yin gyi/ bu mo gang 'gro ba lnga'i 'khor ba na rnam par rgyug pa'i sems can rnams dben pa shes pa la 'god par byed pa de ni byang chub sems dpa'i rab tu 'byung ba yin no/ /kha dog dang gzugs kyi
264b5 rtags dang spyod lam gyi dbyibs ni byang chub sems dpa'i rab tu 'byung ba ma yin gyi/ sems can gzhan dang gang zag gzhan dag la byams pa dang snying rje'i sems bskyed pa ni byang chub sems dpa'i rab tu 'byung ba yin no/ /bdag
264b6 gi dge ba'i rtsa ba bskyed pa ni byang chub sems dpa'i rab tu 'byung ba ma yin gyi/ sems can gzhan gyi dge ba'i rtsa ba bskyed pa ni byang chub sems dpa'i rab tu 'byung ba yin no/ /bdag yongs su mya ngan las 'da' ba'i lhag pa'i
264b7 bsam pa la gus pa ni byang chub sems dpa'i rab tu 'byung ba ma yin gyi/ sems can gzhan yongs su mya ngan las bzla ba'i lhag pa'i bsam par gus pa ni byang chub sems dpa'i rab tu 'byung ba yin no/ /bdag gi nyon
264b8 mongs pa zhi bar byed pa ni byang chub sems dpa'i rab tu 'byung ba ma yin gyi/ sems can thams cad kyi nyon mongs pa zhi bar byed pa ni byang chub sems dpa'i rab tu 'byung ba yin no/ /bdag gi sems rjes su srung ba ni byang
265a1 chub sems dpa'i rab tu 'byung ba ma yin gyi/ sems can thams cad kyi sems rjes su srung ba ni byang chub sems dpa'i rab tu 'byung ba yin no/ /bdag thar bar bya ba la brtson pa ni byang chub sems dpa'i rab tu
265a2 'byung ba ma yin gyi/ sems can thams cad thar bar bya ba la brtson pa ni byang chub sems dpa'i rab tu 'byung ba yin no/ /bu mo 'khor bas skyo ba ni byang chub sems dpa'i rab tu 'byung ba ma yin gyi/ sems can thams cad
265a3 'khor ba las grol bar bya ba la dga' ba ni byang chub sems dpa'i rab tu 'byung ba yin no/ /bu mo mya ngan las 'da' ba la dga' ba ni byang chub sems dpa'i rab tu 'byung ba ma yin gyi/ sangs rgyas kyi chos thams cad
265a4 yongs su rdzogs par byed pa ni byang chub sems dpa'i rab tu 'byung ba yin no/ /bu mo rab tu 'byung ba zhes bya ba de ni sems can gzhan dag la snying rje che ba zhes bya ba'i tshig bla dgas so/ /bu mo rab tu 'byung ba zhes bya ba de ni
265a5 gzhan gyi 'khrul pa la skyon du mi lta ba zhes bya ba'i tshig bla dgas so/ /bu mo rab tu 'byung ba zhes bya ba de ni gzhan gyi rnyed pa la phrag dog med pa zhes bya ba'i tshig bla dgas so/ /bu mo rab tu 'byung ba zhes bya ba de ni bdag
265a6 dang gzhan la gdung ba med pa zhes bya ba'i tshig bla dgas so/ /bu mo rab tu 'byung ba zhes bya ba de ni gzhan la mi smod pa zhes bya ba'i tshig bla dgas so/ /bu mo rab tu 'byung ba zhes bya ba de ni gzhan la sten pa zhes bya ba'i tshig bla
265a7 dgas so/ /bu mo rab tu 'byung ba zhes bya ba de ni gzhan gyi ltung ba mi gleng ba zhes bya ba'i tshig bla dgas so/ /bu mo rab tu 'byung ba zhes bya ba de ni nyes pa thams cad las 'byin pa zhes bya ba'i tshig bla dgas so/ /bu mo byang chub
265a8 sems dpa'i rab tu 'byung ba ni gzhan la rag las pa yin te/ byang chub sems dpas gzhan la rag ma las par bya'o/ /bu mos smras pa/ 'jam dpal ji ltar na byang chub sems dpa'i rab tu 'byung ba gzhan la rag las pa lags/
265b1 'jam dpal gyis smras pa/ bu mo rab tu 'byung ba ni tshul khrims la rag las pa yin te/ tshul khrims 'chal pa la ni rab tu 'byung ba ci yang med do/ /bu mo rab tu 'byung ba ni ting nge 'dzin la rag las pa yin te/ brjed
265b2 nges pa la ni rab tu 'byung ba ci yang med do/ /bu mo rab tu 'byung ba ni shes rab la rag las pa yin te/ shes rab 'chal pa la ni rab tu 'byung ba ci yang med do/ /bu mo rab tu 'byung ba ni rnam par grol ba la rag las pa yin
265b3 te/ sems rnam par ma grol ba la ni rab tu 'byung ba ci yang med do/ /bu mo rab tu 'byung ba ni rnam par grol ba'i ye shes mthong ba la rag las pa yin te/ rnam par grol ba'i ye shes mthong ba med pa la ni rab tu 'byung ba ci yang
265b4 med do/ /bu mos smras pa/ 'jam dpal ji ltar na byang chub sems dpa'i rab tu 'byung ba gzhan la rag las pa ma mchis pa lags/ 'jam dpal gyis smras pa/ bu mo byang chub sems dpa' ni gzhan gyi dring mi 'jog
265b5 pas na gzhan la rag las pa med pa ste/ rang gi kun shes pa'i ye shes kyis 'dis gang ci shes pa de bdag gis kyang shes la/ 'di gang ci smra ba de bdag kyang smra'o zhes gzhan dag gi ngor mi lta bas na/ gzhan la rag las
265b6 pa med pa yin no/ /'jam dpal gzhon nur gyur pas rab tu 'byung ba'i le'u'i chos kyi rnam grangs 'di bshad pa na/ legs par bshad pa'i phyir byang chub sems dpa' lnga brgyas rang rang gi gos dang rgyan thams cad lus
265b7 las phud de/ 'jam dpal gzhon nur gyur pa la phul nas 'di skad ces smras so/ /'jam dpal khyod kyis byang chub sems dpa' rnams kyi rab tu 'byung ba legs par bshad de/ bdag cag rnams kyis kyang rab
265b8 tu 'byung ba 'di bsgrub par bgyi'o/ /de nas 'jam dpal gzhon nur gyur pas smad 'tshong ma'i bu mo gser mchog 'od dpal la 'di skad ces smras so/ /bu mo khyod rta'i shing rta 'di la zhon la/ tshong dpon gyi bu 'jigs
266a1 byin la snying brtse ba'i phyir yongs su smin par gyis shig dang / de nyid kyis khyod rab tu 'byung ba dang / bsnyen par rdzogs par 'gyur ro/ /de nas skye bo phal po che de dag 'di snyam du sems te/ 'dod chags dang
266a2 bral ba dang / 'dod chags dang ma bral gnyis lhan cig gnas su ji ltar rung snyam mo/ /de nas bu mo des skye bo phal po che de dag gi sems kyi yongs su rtogs pa sems kyis shes nas/ skye bo phal po che de dag la 'di
266a3 skad ces smras so/ /grogs po dag 'dod chags dang bral ba'i byang chub sems dpa' ni 'dod chags dang bcas pa'i sems can rnams dang lhan cig gnas kyang kha na ma tho ba med la/ 'dod chags dang bcas pa'i sems
266a4 can rnams kyang 'dul bar byed do/ /grogs po dag zhe sdang dang bral ba'i byang chub sems dpa' ni zhe sdang dang bcas pa'i sems can rnams dang lhan cig gnas kyang kha na ma tho ba med la zhe sdang dang bcas pa'i sems can
266a5 rnams kyang 'dul bar byed do/ /grogs po dag gti mug dang bral ba'i byang chub sems dpa' ni gti mug dang bcas pa'i sems can rnams dang lhan cig gnas kyang kha na ma tho ba med la gti mug dang bcas pa'i sems
266a6 can rnams kyang 'dul bar byed do/ /grogs po dag nyon mongs pa dang bral ba'i byang chub sems dpa' ni nyon mongs pa dang bcas pa'i sems can rnams dang lhan cig gnas kyang kha na ma tho ba med la nyon mongs pa dang bcas
266a7 pa'i sems can rnams kyang 'dul bar byed do/ /grogs po dag 'di lta ste dper na/ ma ni bu dang lhan cig gnas kyang chags pa med do/ /grogs po dag de bzhin du byang chub sems dpa' yang sems can thams cad dang lhan cig
266a8 gnas kyang chags pa med do/ /grogs po dag 'di lta ste dper na/ bcings pa las bkrol ba'i mi ni 'dod chags kyi kun du spyad pa la mi spyod do/ /grogs po dag de bzhin du byang chub sems dpa' yang khams gsum pa dag
266b1 'ching ba dang 'obs lta bur 'du shes pas chags pa med do/ /de nas smad 'tshong ma'i bu mo gser mchog 'od dpal chos kyi 'bab stegs su ni zhugs/ gting ni rnyed/ thang la ni phyin/ ma rig pa'i mun pa dang ni bral te/ srid pa'i
266b2 skyon gyi nyon mongs pa 'jigs par lta ba ni legs par mthong nas/ 'jam dpal gzhon nur gyur pa'i rkang pa la mgo bos phyag 'tshal te/ lan gsum bskor ba byas nas shing rta la zhon kar tshigs su bcad pa 'di dag smras
266b3 so/ /rang bzhin rnam dag chags pas ma chags shing / /rtag tu byams sems snang bas sdang ba med/ /shes rab snang shar gti mug rmongs bral ba/ /nyon mongs med par shing rta bzhon par bya/ /gang gis sngon chad bdag ni rgyal
266b4 gyur cing / /nor chags tshong dpon bu dang lhan cig tu/ /shing rtar zhugs nas bskyed mos tshal song ba/ /'dod pa'i rnam rtog de dag gang du song / /ji ltar sprin tshogs stug pos sa khebs na/ /nyi ma'i 'od zer lham me lhan ner min/ /
266b5 'on kyang 'od zer de dag gar mi 'gro/ /sprin gyis bsgribs pas snang ba med du zad/ /de bzhin nyon mongs bsgribs pas byis pa kun/ /shes rab snang la blo skye med pa yang / /shes rab yul gang na yang gnas pa med/ /nyon mongs
266b6 yongs su shes pas shes rab snang / /nyon mongs gang nas 'ong ba'ang ma yin zhing / /yul gyi phyogs dang char yang ma yin te/ /tshul bzhin ma yin pa las nyon mongs 'byung / /tshul bzhin gyis ni de dag 'byung mi 'gyur/ /
266b7 bor ba med cing blangs pa'ang yod ma yin/ /bskyed pa med cing bkag pa'ang yod ma yin/ /gzhan la ma byin phrogs pa'ang ma yin te/ /chos mnyam nyid kyis bdag kyang rnam par dag /'bru mar sgron ma mun par byung ba na/ /
266b8 mun pa phyogs su 'dong ba med pa ltar/ /shes rab kyis ni mun pa med gyur na/ /nyon mongs zad gyur med cing 'byung ba'ang med/ /ji ltar sman pas nad pa gso ba na/ /de yi khams ni 'jig par mi byed kyang / /de yi glo bur nad ni
267a1 zhi bar 'gyur/ /nad rnams gzhan yang 'byung ba med pa ltar/ /de bzhin sman pa'i dam pa 'jam dbyangs kyis/ /rigs pa'i tshul mkhyen sbyor ba sna tshogs kyis/ /sems can nyon mongs nye bar zhi mdzad kyang / /
267a2 chos rnams rnam par 'jig par mdzad pa med/ /phung po 'di dang khams rnams 'di dag dang / /skye mched 'di rnams gzhan du 'gyur ba med/ /gang dag sngon chad nyes ldan dug bcas pa/ /de dag de ni dug med 'gyur ba med/ /
267a3 de nas smad 'tshong ma'i bu mo gser mchog 'od dpal gyis tshigs su bcad pa de dag smras nas/ yang 'jam dpal gzhon nur gyur pa'i rkang pa la mgo bos phyag byas te/ yang 'jam dpal gzhon nur gyur pa la bskor
267a4 ba byas nas/ tshong dpon gyi bu 'jigs byin dang / lhan cig tu shing rta la zhon te/ de lta bu'i 'byor pa nyid kyis bskyed mos tshal gyi sar song ngo / /'jam dpal gzhon nur gyur pas kyang thams cad dang ldan pa'i 'khor de la
267a5 chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar byas so/ /yang dag par bstan/ yang dag par 'dzin du bcug /yang dag par
267a6 gzeng bstod/ yang dag par rab tu dga' bar byas nas de dag la 'di skad ces smras so/ /grogs po dag gang dag chos nyan par dga' ba rnams da yang phyi dro'i dus kyi tshe de bzhin gshegs pa'i spyan sngar deng shig /de skad ces
267a7 smras nas/ sa phyogs de nas langs te/ rang rang gi gnas ga la ba de logs su song ngo / /de nas smad 'tshong ma'i bu mo gser mchog 'od dpal dang / tshong dpon gyi bu 'jigs byin gnyis lhan cig tu bskyed mos tshal du
267a8 phyin pa dang / der me tog 'chal bar bkram ste bdug pas bdugs/ bla re bres nas gdugs dang / rgyal mtshan dang / ba dan sna tshogs kyis legs par brgyan te/ bza' btung 'byor pa dag kyang bshams nas/
267b1 dga' ba'i rtsed mo dang rjes su 'thun pa'i sil snyan dang / pheg rdob par glu dbyangs len par byed cing skyed mos tshal na gnas par gyur to/ /de dag gis zos shing 'thungs nas rab tu myos par gyur pa dang / smad 'tshong ma'i bu
267b2 mo gser mchog 'od dpal tshong dpon gyi bu 'jigs byin gyi pang par sngas bcas te nyal lo/ /de nas bu mo des mngon par shes pa'i stobs kyis rang gi lus rnyis par bstan nas/ des 'chi ba'i 'du shes bskyed de/
267b3 de'i lus thams cad mi sdug par gyur nas ro myags pa 'dra bar snang zhing de'i rna ba'i bu ga gnyis dang / mig gi dbang po dang / sna'i nang nas mi gtsang ba'i dri mi zhim pa dag 'byung zhing byung nas kyang lus thams cad la khyab
267b4 par gyur to/ /de'i kha'i nang nas kyang dri mnam po dag byung ste/ dri mnam po de dag gis skyed mos tshal de thams cad kyang khyab par gyur to/ /spu'i khung bu thams cad nas kyang khrag dang rnag mnam po dag 'dzag
267b5 go/ /lto ba dang lte ba'i dbus rdol ba nas kyang mtsher pa dang rgyu ma thams cad byung ngo / /rkub dang 'doms nas kyang bshang gci dag 'byung zhing 'dzag go/ /de'i spyi bo nas kyang glad pa 'dzag go/ /rkang lag gi sor mo
267b6 rnams la yang sbrang ma sngon po dag rgyu bar gyur to/ /de nas tshong dpon gyi bu 'jigs byin gyis bu mo de'i lus la de lta bu'i gnas skabs su gyur pa dag mthong ngo / /mthong nas kyang 'jigs skrag ste yi chad cing skyabs
267b7 med rten med dpung gnyen med par gyur nas skyabs tshol zhing 'jigs pa chen pos skrag par gyur nas 'dar zhing cho nges 'debs par gyur to/ /de 'jigs pa chen po skyes pa'i rgyu ni gnyis te/ so so'i skye bo nyid yin pa
267b8 dang / 'jigs pa'i skyon de dag mthong ba'o/ /bdag re shig na bu mo 'di'i le lan gyis rgyal po ma skyes dgras bsad par 'ong ngo / snyam nas/ des bu mo de pang pa nas dor ba dang 'bros par btsal na'ang ma nus so/ /
268a1 de'i 'khor thams cad kyis kyang 'jigs su rung ba'i 'jigs pa chen po de mthong nas bros par gyur to/ /de nas de gcig pu grogs med par de na shin tu 'jigs shing skrag nas/ bdag 'jigs skrag pa
268a2 chen po 'di las yongs su thar bar byed pa lha 'am/ klu 'am/ gnod sbyin nam/ dri za 'am/ lha ma yin nam/ nam mkha' lding 'am/ mi 'am ci 'am/ lto 'phye chen po 'am/ mi 'am/ mi ma yin pa 'am/ dge
268a3 sbyong ngam/ bram ze su yod snyam sems shing 'dug go/ /tshong dpon gyi bu de yang dge ba'i rtsa ba yongs su ma smin pas 'jam dpal gzhon nur gyur pas bu mo de la chos bshad pa dag kyang ma thos mi shes so/ /de nas
268a4 'jam dpal gzhon nur gyur pa'i byin gyis rlabs kyis skyed mos tshal de'i shing ljon pa thams cad las tshigs su bcad pa 'di dag byung ngo / /'jig rten thams cad yang dag min/ /ji ltar sgyu ma mthong ba bzhin/ /
268a5 khye'us ji ltar mthong gyur pa/ /chos rnams rang bzhin de yin no/ /sha dang khrag gis bskus pa ni/ /byis pa rnams kyis 'khrul pa ste/ /yang dag min der rnam brtags nas/ /mi mkhas byis pa chags par
268a6 byed/ /ji ltar mi mkhas mi zhig ni/ /dri nga gla rtsi'i bum pa la/ /phyi rol ri mo bris pa zhig /mgo la khyer te song ba las/ /'gro ba de yi de yang ni/ /de las lhung ste chag gyur nas/ /dri nga gla rtsi mthong gyur te/ /
268a7 chags pa med cing 'bros pa ltar/ /de bzhin byis pa mi mkhas pa/ /bud med rnams la yid zhen cing / /kha dog gzugs dang dbyibs rnams la/ /brtags nas de la chags par byed/ /lus kyi rang bzhin gang yin pa/ /
268a8 de la khye'u khyod rab rtogs shig /dur khrod rul pa'i dri la ni/ /mkhas pa su zhig chags par 'gyur/ /yang dag min la 'jigs med kyis/ /khyod ni 'jigs par ma byed par/ /gang la khyod sngon brgyal gyur pa'i/ /
268b1 chos rnams kyi ni rang bzhin ltos/ /chos kyi dam pa ston mdzad cing / /'jigs gyur 'jigs pa sel mdzad pa/ /shAkya seng ge zhes bya ba'i/ /ston pa yang dag byung ba yod/ /'dod pa mi rtag mi brtan pa/ /glog 'od
268b2 snang ba ji bzhin te/ /snang yang yang dag ma yin pas/ /mkhas pa de la chags pa med/ /ji ltar chu ni 'khrugs pa las/ /dbu ba rdos pa byung ba yang / /rgyu yi sbyor las skyes pa lta/ /de la byed pa po yang med/ /de bzhin
268b3 ming dang gzugs rnams kyang / /las kyi sbyor las skyes pa ste/ /rgyu las byung ba yin pas na/ /byed pa po ni gang yang med/ /kha dog bzang po gar song zhing / /gang gis khyod 'dir skrag pa yi/ /mi gtsang ba yang ga las
268b4 'ongs/ /khye'u khyod de la mngon sum gyis/ /chos rnams yul na mi gnas shing / /de dag phyogs nas 'ong ba med/ /'ong ba med cing 'gro med kyang / /de dag rang bzhin ston par byed/ /'di la byed pa po med cing / /tshor ba po
268b5 yang 'di la med/ /byed med tshor ba po med pa'i/ /chos rnams sgyu 'dra dngos po med/ /rang gi lus la rtogs shig dang / /de yang 'di dang 'dra bas na/ /khye'u khyod gzhan gyi lus kyis ni/ /'dir yang skrag par ma byed
268b6 cig /ji ltar rmi lam rmis pa na/ /rtsed mo byed cing dga' ba ltar/ /de bzhin dga' ba'i rtsed mo kun/ /rmi lam rtsed mo byas dang 'dra/ /shAkya seng ge'i spyan sngar ni/ /khye'u khyod 'gro bar gyis shig dang / /des ni khye'u
268b7 khyod 'jigs dang skrag /rtswa dang bcas te 'byin par 'gyur/ /pha ma khyod kyi skyabs ma yin/ /mdza' bshes rtsa lag rnams kyang min/ /de dag gis ni khyod bor nas/ /ji ltar 'dod pa bzhin du 'gro/ /'jigs gyur 'jigs pa
268b8 sel mdzad cing / /skyabs med skyobs pa'i sangs rgyas dang / /chos dang tshogs mchog dge 'dun la/ /der ni skyabs su 'gro bar gyis/ /lha dang dri za mi rnams las/ /gang dag de la skyabs song ba/ /'jigs pa kun las
269a1 thar bar 'gyur/ /bde ba rnyed par dka' ba med/ /de nas tshong dpon gyi khye'u des tshigs su bcad pa de dag thos nas dga' mgu zhing yi rangs te 'jigs skrag pa dang bral nas dga' ba dang mchog tu dga' ba
269a2 skyes te/ shi ba'i ro myags pa de bor nas nags khrod de nas byung ngo / /de nas bcom ldan 'das kyis tshong dpon gyi bu de gdul ba'i dbang gi phyir sku las 'od rab tu phyung ste/ 'od des yul ma ga d+hA thams cad snang bas
269a3 khyab par gyur to/ /khye'u des de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor 'char ba dang 'dra ba gzi brjid dang dpal gyis 'bar ba/ mdzes pa dga' bar bya ba/ dbang po zhi
269a4 ba/ thugs zhi ba/ dul ba mchog mtshungs pa med pa dam pa'i mchog brnyes pa gser gyi mchod sdong ltar mngon du 'bar ba/ glang po che ltar dbang po thul cing bsrungs pa/ mtsho ltar dang zhing gsal la rnyog pa med pa/ skyes
269a5 bu chen po'i mtshan sum bcu rtsa gnyis kyis brgyan pa/ nyan thos kyi tshogs kyis yongs su bskor nas chos ston cing bzhugs par rgyang ring po nas mthong ngo / /de'i lam bkra ba blta na sdug pa/ rin po che'i lan kan bres pa/
269a6 me tog bkram pa zhig kyang byung bar gyur to/ /lha'i dbang po brgya byin yang khye'u de'i mdun du 'greng nas khye'u de la 'di skad ces smras so/ /khye'u khyod kyis de bzhin gshegs pa mthong nas sems rab tu dang bar gyur pa ni/
269a7 rnyed pa legs par rnyed pa yin no/ /de bzhin gshegs pa yang khyod nyid la dgongs kyis/ khye'u khyod lam 'dir zhugs la de bzhin gshegs pa'i spyan sngar song shig /de nas khye'u de lha'i dbang po brgya byin dang lhan cig tu
269a8 bcom ldan 'das ga la ba der song ngo / /de nas lha'i dbang po brgya byin gyis khye'u de la/ khye'u khyod kyis me tog 'di dag gis de bzhin gshegs pa la mngon par gtor cig ces me tog man dA ra ba thu ba gang byin no/ /de nas khye'u
269b1 des me tog de dag bcom ldan 'das la mngon par gtor to/ /gtor nas bcom ldan 'das kyis zhabs la mgo bos phyag 'tshal te/ lan gsum bskor ba byas nas bcom ldan 'das kyis spyan sngar 'dug ste/ bcom ldan
269b2 'das la 'di skad ces gsol to/ /bdag bcom ldan 'das dang / chos dang / dge slong gi dge 'dun la skyabs su mchi'o/ /bdag gi dge ba'i rtsa ba 'di yang bla na med pa yang dag par rdzogs pa'i byang chub tu yongs
269b3 su bsngo bar bgyi'o/ /bcom ldan 'das bdag gis yul gyi bzang mo rgyal pos thugs su chud pa gser mchog 'od dpal zhes bgyi ba zhig dga' bar rtse ba'i slad du skyed mos tshal du khrid pa las/ bcom ldan 'das
269b4 de mdog yal zhing lus myags te nye du'i tshogs thams cad kyis kyang spangs nas bdag kyang 'jigs pa chen po skyes na/ bcom ldan 'das 'di'i le lan gyis bdag rgyal pos bkum du ma mchis lags sam bcom ldan
269b5 'das kyis bka' stsal pa/ khye'u ma dogs shig /sangs rgyas la skyabs su song ba rnams la 'jigs pa phyis mi 'byung bas/ ngas khyod mi 'jigs pas mgron du gnyer gyis 'jigs pa ma bskyed cig /khye'u de
269b6 lta mod kyi gzhi gang las 'jigs pa dang skrag par gyur pa'i gzhi de yongs su spongs shig /gsol pa bcom ldan 'das 'jigs skrag par 'gyur ba'i gzhi gang lags/ bcom ldan 'das kyis bka' stsal pa/ khye'u 'dod
269b7 chags dang zhe sdang dang / gti mug ni 'jigs pa dang skrag par 'gyur ba'i gzhi'o/ /nga'o snyam pa'i nga rgyal ni gzhi'o/ /lta ba'i kun nas ldang ba ni gzhi'o/ /sred pas lhag par chags pa ni gzhi'o/ /ngar 'dzin pa dang nga yir 'dzin pa
269b8 ni gzhi'o/ /dngos po la mngon par zhen pa ni gzhi'o/ /yongs su 'dzin pa dang rtsod pa ni gzhi'o/ /'jig tshogs la lta ba'i 'ching ba ni gzhi'o/ /mi rtag pa la rtag par 'du shes pa ni gzhi'o/ /sdug bsngal ba la bde bar 'du shes pa ni
270a1 gzhi'o mi sdug pa la sdug par 'du shes pa ni gzhi'o/ /bdag med pa la bdag tu 'du shes pa ni gzhi'o/ /phung po rnams la yongs su 'dzin pa'i 'du shes ni gzhi'o/ /khams la so sor mi rtog pa ni gzhi'o/ /
270a2 skye mched rnams yongs su mi shes pa ni gzhi'o/ /lus la skyon du mi lta ba ni gzhi'o/ /srog la mngon par dga' ba ni gzhi ste/ khye'u gzhi de dag las 'jigs pa dang skrag pa 'byung bas de dag spang bar bya'o/ /khye'u khyod kyis
270a3 bu mo de'i lus rnam par zhig pa mthong ngam/ gsol pa/ bcom ldan 'das bdag gis mthong lags so/ /bcom ldan 'das kyis bka' stsal pa/ khye'u 'dus byas thams cad ni de ltar mi rtag pa/ sdug bsngal ba/ bdag med
270a4 pa/ rnam par 'gyur ba'i chos can/ mi brtan pa/ ther zug ma yin pa/ byis pa 'drid pa/ log pa las byung ba/ g.yo ba med pa/ rnam par bsgrubs pa ste/ med pa las snang bas sgyu ma lta bu'o/ /ro myang ba chung bas rmi lam lta bu'o/ /
270a5 'khrul par snang bas smig rgyu lta bu'o/ /gzod ma nas ma skyes pas mig yor lta bu'o/ /las kyi rnam par smin pa chud mi za ba'i tshul gyis gzugs brnyan lta bu'o/ /'pho ba med pa'i tshul gyis chu zla lta bu'o/ /sgra med pa
270a6 las sgrar go bar byed pas brag cha lta bu'o/ /mngon par 'du byed pa med pa'i sgo yin pas grib ma'i gzugs lta bu'o/ /rang bzhin gyis ya ma brla yin pas chad pa stong pa lta bu'o/ /gzung du med pa'o rlung dang mtshungs pa'o/ /brdzun
270a7 pa'o gzhi med pa'o/ /gsog go/ /'grib pa med pa'o/ /rdzogs pa med pa'o/ /khye'u de ltar na chos thams cad bdag po med pa ste/ de la khyod mngon par zhen par mi bya'o/ /khye'u de ji snyam du sems/ khyod kyi 'dod pa dang ldan pa'i
270a8 rtog pa dang dpyod pa gang yin pa de dag ji ltar mthong / khye'us gsol pa/ bcom ldan 'das byis pa so so'i skye bo rnams kyi 'dod chags ni kha dog dang dbyibs bzang po las yongs su brtags pas skye lags so/ /de ni 'phags
270b1 pa'i chos 'dul bas mi gtsang ba la sogs par so sor brtags pas mi 'byung ste/ bcom ldan 'das de las mi rtog na 'dod chags kyi kun 'byung ba kun du 'byung bar mi 'gyur lags so/ /bcom ldan 'das kyis
270b2 bka' stsal pa/ khye'u legs so legs so/ /'di lta ste/ mi rtog cing rnam par mi rtog pa 'di ni 'dod chags kyi rang bzhin yin no/ /khye'u khyod kyis bdag tu lta ba med pa dang / gzhan du lta bar sgro 'dogs pa med par
270b3 chos la tshul bzhin du sems par brtson par bya'o/ /khye'us gsol pa/ bcom ldan 'das ji ltar na byang chub sems dpa' chos la tshul bzhin du sems par brtson pa lags/ bcom ldan 'das kyis bka'
270b4 stsal pa/ khye'u byang chub sems dpa' ni 'dod chags kyi rang bzhin gyis byang chub yongs su tshol lo/ /khye'u de bzhin du byang chub sems dpa' ni zhe sdang gi rang bzhin dang / gti mug gi rang bzhin dang / nyon mongs pa thams cad
270b5 kyi rang bzhin gyis byang chub yongs su tshol lo/ /khye'u ji ltar 'dod chags dang zhe sdang dang gti mug dngos po med pa de ltar chos thams cad la byang chub sems dpa'i shes pa 'jug go/ /khye'u 'dod chags dang zhe sdang
270b6 dang gti mug rnams ni rtsa ba med pa/ gnas med pa/ gzhi med pa/ byed pa po med pa/ tshor ba po med pa/ nang dang phyi rol dben pa/ stong pa/ bdag dang / sems can dang / srog dang / gso ba dang / skyes bu dang / gang zag dang bral
270b7 ba mtshan ma med pa ste/ mtshan mar rtog pa dang bral ba/ smon pa med pa/ mngon par dga' ba med pa/ dga' ba dang / sred pa dang bral ba/ mngon par 'du byed pa med pa/ rang bzhin med pa'o/ /khye'u 'dod chags dang zhe sdang
270b8 dang / gti mug ji lta ba de bzhin du chos thams cad la byang chub sems dpa'i shes pa 'jug go/ /khye'u gzhan yang tshul bzhin la brtson pa'i byang chub sems dpa'i sems bskyed pa thams cad ni byang chub yin no/ /
271a1 de ci'i phyir zhe na/ sems rtogs pa gang yin pa de ni bstan du med pa dang / smon pa med pa dang / rnam par rig pa med pa dang / sgyu ma'i rang bzhin lta bu dang / nang ma yin pa dang / phyi rol ma yin pa dang / gzhan dang ldan pa
271a2 ma yin pas gzugs med pa ste/ khye'u de nyid byang chub sems dpa'i byang chub yin te/ khye'u byang chub sems dpas rang gi sems rtogs pa ma gtogs par khong du chud par bya ba gzhan ci yang med do/ /rang gi sems
271a3 rtogs pa gang yin pa de nyid sems can thams cad kyi sems rtogs pa yin no/ /rang gi sems dben pas sems can thams cad kyi sems dben no/ /rang gi sems kyi rang bzhin gyis sems can thams cad kyi
271a4 sems kyi rang bzhin no/ /rang gi sems rnam par dag pas sems can thams cad kyi sems rnam par dag go/ /rang gi sems 'dod chags dang bral bas sems can thams cad kyi sems 'dod chags dang bral lo/ /
271a5 rang gi sems la zhe sdang med pas sems can thams cad kyi sems la zhe sdang med do/ /rang gi sems la gti mug med pas sems can thams cad kyi sems la gti mug med do/ /rang gi sems la nyon mongs pa med
271a6 pas sems can thams cad kyi sems la nyon mongs pa med do/ /de ltar rtogs pa gang yin pa de thams cad mkhyen pa'i ye shes rtogs pa yin no/ /khye'u de ltar tshul bzhin la brtson pa'i byang chub sems dpas ni
271a7 sems can thams cad kyi sems la rang bzhin gyis kun nas nyon mongs pa med par rab tu shes so/ /gang glo bur gyi nyon mongs pas nye bar nyon mongs kyang sems kyi rgyud la ni nyon mongs par 'gyur ba yang med la/ chos
271a8 kyi rigs pa'i lhag mthong gis de dag de la yongs su gdung ba yang med de/ des byang chub sems dpa' de dag gis blo bur gyi nyon mongs pa rnams mthong bas na kun nas nyon mongs par mi 'gyur ro/ /bstan pa 'di
271b1 bshad pa na tshong dpon gyi bu 'jigs byin chos rnams la rjes su 'thun pa'i bzod pa skyes par gyur to/ /de nas smad 'tshong ma'i bu mo gser mchog 'od dpal gyis/ tshong dpon gyi bu de dul bar rig nas lha'i bu mo lnga
271b2 brgya tsam gyis yongs su bskor te/ sil snyan dang / pheg rdob pa dang / glu dbyangs len pa dag byed cing / bcom ldan 'das ga la ba der song ste phyin nas/ bcom ldan 'das kyis zhabs la mgo bos phyag 'tshal te/
271b3 bcom ldan 'das la lan gsum bskor ba byas nas/ bcom ldan 'das kyi spyan sngar 'dug go/ /de nas 'jam dpal gzhon nur gyur pas tshong dpon gyi bu 'jigs byin la 'di skad ces smras so/ /khye'u khyod kyis
271b4 sring mo 'di shes sam/ smras pa/ 'jam dpal 'tshal lags so/ /'jam dpal gyis smras pa/ ji lta bur shes/ de nas khye'u des 'jam dpal gzhon nur gyur pa la tshigs su bcad de smras pa/ gzugs ni
271b5 dbu ba rdos pa 'dra/ /tshor ba chu'i chu bur bzhin/ /'du shes smig rgyu lta bu ste/ /'du byed rnams ni chu shing bzhin/ /rnam shes sgyu ma lta bu ste/ /yongs su rtogs pas kun du bskyed/ /byis pas yang dag min brtags
271b6 pa/ /de ltar bdag gis yongs su 'tshal/ /'di lus mi g.yo bems po ste/ /rtswa dang rtsig pa lta bu lags/ /rnam shes bstan du ma mchis te/ /de ltar bdag gis yongs su 'tshal/ /'di la sems can bdag ma
271b7 mchis/ /srog dang gang zag ma mchis te/ /lus 'di bsags pa tsam lags par/ /de ltar bdag gis yongs su 'tshal/ /'di la 'dod chags sdang ma mchis/ /gti mug 'byung ba'ang ma mchis te/ /
271b8 nyon mongs ma mchis bdag ma mchis/ /de ltar bdag gis yongs su 'tshal/ /tshul bzhin ma lags bslad pa 'di/ /byis pa rnams kyi 'khrul pa ste/ /mkhas pa de la mi chags par/ /de ltar bdag gis yongs su
272a1 'tshal/ /dper na 'di ni nags khrod na/ /shi ba'i ro ni mnam pa bzhin/ /gzugs 'di rang bzhin de 'dra bar/ /de ltar bdag gis yongs su 'tshal/ /'di ni sngon mthar ma skyes te/ /phyi mthar 'chi 'phor 'gyur
272a2 ma mchis/ /da ltar byung ba ma mchis par/ /de ltar bdag gis yongs su 'tshal/ /'di yis bdag ni rgyal ba las/ /mi gtsang ba yis bkrol bas na/ /'jam dbyangs rnam pa ji ltas kyang / /'di la lan glan rngo mi
272a3 thog /mi 'gum 'chi 'pho ma mchis kyang / /sems can yongs smin bgyi slad du/ /bdag ni 'chi bar ston bgyid pas/ /su zhig byang chub tshol mi bgyid/ /ji ltar bdag gis chags sdang dang / /nyon mongs thams
272a4 cad tshul bzhin min/ /sems can kun gyi mtshan de 'dra/ /'di ni chos rnams chos nyid lags/ /de nas de'i tshe bcom ldan 'das 'dzum pa mdzad do/ /'di ni sangs rgyas bcom ldan 'das rnams kyi chos nyid de/ gang gi tshe
272a5 'dzum pa mdzad pa de'i tshe/ bcom ldan 'das kyi zhal gyi sgo nas 'od zer kha dog sna tshogs/ kha dog du ma 'di lta ste/ sngon po dang / ser po dang / dkar po dang / btsod kha dang / shel dang / dngul gyi kha dog lta bu dag byung ste/
272a6 de dag byung nas tshangs pa'i 'jig rten gyi bar du song ste/ 'jig rten gyi khams mtha' yas mu med pa dag snang bas khyab par byas nas/ slar log ste/ bcom ldan 'das kyi dbu'i gtsug tu nub po/ /de nas tshe dang ldan
272a7 pa kun dga' bos bcom ldan 'das 'dzum pa mdzad pa mthong nas stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs
272a8 su thal mo sbyar ba btud nas/ bcom ldan 'das la 'di skad ces gsol to/ /de bzhin gshegs pa dgra bcom pa yang dag par rdzogs pa'i sangs rgyas rnams ni rgyu dang rkyen ma mchis par 'dzum pa mi mdzad na/ bcom ldan
272b1 'das 'dzum pa mdzad pa'i rgyu ni gang lags/ rkyen ni gang lags/ de nas de'i tshe tshigs su bcad pa 'di dag kyang gsol to/ /rnam 'dren 'jig rten mkhyen la ya mtshan mi mnga' bas/ /ston pa rgyu ma mchis par 'dzum
272b2 pa mi mdzad na/ /'di ltar khyod ni 'dzum par mdzad par gyur pa yi/ /khyod kyi 'dzum pa'i rgyu ni bdag cag shin du 'tshal/ /rgyal ba'i zhal 'dzum mdzad par gyur pa mthong nas ni/ /lhar bcas 'gro ba 'di dag the tsom
272b3 skyes par gyur/ /the tsom gyur pa rnams kyi som nyi bsal du gsol/ /mi dbang 'dzum pa mdzad pa'i rgyu ni bstan du gsol/ /gang gis de ring chos rnams la ni yid bzhag gam/ /chos nyid du ni rgyal ba la las mthong gyur
272b4 tam/ /sangs rgyas bsngags pa'i mchod pa gang gis deng bgyis sam/ /bdag cag de dag nyan par 'tshal lo mi yi gtso/ /gang gang de ring bdud rnams bzhon dang bcas bcom 'am/ /gang gis ston pa'i thugs ni de ring
272b5 dgyes bgyis sam/ /gang gis de ring 'dus byas rnams kyi gting rtogs sam/ /de dag nyan par 'tshal gyis the tsom bsal du gsol/ /'dren pa 'dzum pa mdzad pa'i rgyu ni mnyan slad du/ /'gro ba thams cad thal
272b6 mo sbyar ba bgyis te sdod/ /rkang gnyis rnams kyi gtso bo thugs rje bskyed mdzod la/ /the tsom gyur pa rnams kyi yid gnyis bsal du gsol/ /bcom ldan 'das kyis bka' stsal pa/ kun dga' bo khyod kyis smad 'tshong
272b7 ma'i bu mo gser mchog 'od dpal zhes bya ba 'di mthong ngam/ gsol pa/ bcom ldan 'das mthong lags so/ /bde bar gshegs pa mthong lags so/ /bcom ldan 'das kyis bka' stsal pa/ kun dga' bo
272b8 smad 'tshong ma'i bu mo gser mchog 'od dpal 'di ni sngon 'jam dpal gzhon nur gyur pas/ bla na med pa yang dag par rdzogs pa'i byang chub yang dag par 'dzin du bcug ste/ 'dis de las thos nas chos rnams la rjes
273a1 su 'thun pa'i bzod pa thob par gyur to/ /kun dga' bo khyod kyis tshong dpon gyi bu 'jigs byin zhes bya ba 'di mthong ngam/ gsol pa/ bcom ldan 'das mthong lags so/ /bde bar gshegs pa mthong
273a2 lags so/ /bcom ldan 'das kyis bka' stsal pa/ kun dga' bo 'di ni ngas sngon bla na med pa yang dag par rdzogs pa'i byang chub yang dag par 'dzin du bcug ste/ 'dis kyang nga las chos thos nas chos rnams
273a3 la rjes su 'thun pa'i bzod pa thob par gyur to/ /kun dga' bo smad 'tshong ma'i bu mo gser mchog 'od dpal 'di ni bskal pa 'bum phrag dgu bcu rtsa gnyis 'das pa'i 'og tu bskal pa rin chen 'byung ba
273a4 zhes bya ba la/ 'jig rten gyi khams rin chen can zhes bya bar mngon par rdzogs par 'tshang rgya ste/ de bzhin gshegs pa dgra bcom pa yang dag par rdzogs pa'i sangs rgyas rin chen 'od ces bya bar 'gyur ro/ /
273a5 kun dga' bo 'jig rten gyi khams de'i sems can rnams kyi longs spyod dang / nye bar spyod pa ni sum bcu rtsa gsum gyi lha rnams ci 'dra ba de 'dra bar 'gyur ro/ /de na byang chub sems dpa' rin po che dag ma gtogs
273a6 par rin po che gzhan 'byung bar mi 'gyur ro/ /de bzhin gshegs pa de'i tshe'i tshad ni dpag tu med par 'gyur ro/ /de bla na med pa yang dag par rdzogs pa'i byang chub mngon par rdzogs par sangs rgyas pa na
273a7 tshong dpon gyi bu 'jigs byin 'di yang byang chub sems dpa' yon tan rin chen 'od ces bya bar gyur te/ de bzhin gshegs pa de'i chos kyi mdzod 'dzin par byed do/ /gang gi tshe de bzhin gshegs pa rin chen 'od
273a8 yongs su mya ngan las 'da' bar 'gyur ba de'i tshe/ byang chub sems dpa' yon tan rin chen 'od de la/ byang chub sems dpa' yon tan rin chen 'od 'di ni nga'i 'og tu bla na med pa yang dag par rdzogs pa'i byang chub
273b1 mngon par rdzogs par 'tshang rgya ste/ de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro zhes bya bar 'gyur ro/ /de'i sangs rgyas kyi zhing bkod pa yang nga'i ci 'dra ba de 'dra bar 'gyur ro
273b2 zhes lung ston par 'gyur ro/ /smad 'tshong ma'i bu mo gser mchog 'od dpal dang / tshong dpon gyi bu 'jigs byin gnyis lung bstan ma thag tu de'i mod la stong gsum gyi stong chen po'i 'jig rten gyi khams 'di
273b3 rnam pa drug du g.yos shing 'jig rten du snang ba chen pos khyab par gyur to/ /lung bstan pa bshad pa 'di bstan pa na srog chags brgya stong gis bla na med pa yang dag par rdzogs pa'i byang chub tu sems bskyed
273b4 par gyur to/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das chos kyi rnam grangs 'di'i ming ci lags 'di ji ltar gzung bar bgyi/ bcom ldan 'das kyis
273b5 bka' stsal pa/ kun dga' bo de'i phyir khyod kyis chos kyi rnam grangs 'di bkod pa chen po'i sgo'i le'u zhes bya bar zung shig /'jam dpal rnam par rol pa zhes bya bar yang zung shig /smad 'tshong ma'i bu
273b6 mo gser mchog 'od dpal btul ba zhes bya bar yang zung shig /bcom ldan 'das kyis de skad ces bka' stsal nas tshe dang ldan pa kun dga' bo dang / smad 'tshong ma'i bu mo gser mchog 'od dpal dang / tshong dpon
273b7 gyi bu 'jigs byin dang / 'jam dpal gzhon nur gyur pa dang / byang chub sems dpa' sems dpa' chen po de dag dang / thams cad dang ldan pa'i 'khor de dang / lha dang mi dang / lha ma yin dang / dri zar bcas pa'i 'jig rten yi rangs te/
273b8 bcom ldan 'das kyis gsungs pa la mngon par bstod do/ /'phags pa 'jam dpal rnam par rol pa shes bya ba theg pa chen po'i mdo rdzogs so// // rgya gar gyi mkhan po su ren dra b+ho d+hi dang / zhu chen gyi lo ts+tsha ba ban de ye shes sdes zhus te gtan la phab pa// //
CLOSE WINDOW