བོད་ཡིག |
69a2 rgya gar skad du/ shrI badzra sid+ha dzA la sa~M ba ra tan+t+ra rA dza/ bod skad du/ dpal rdo rje grub pa dra ba'i sdom pa'i rgyud kyi rgyal po/ dpal rdo rje mkha' 'gro la phyag 'tshal lo/ /'di skad bdag gis thos pa'i dus gcig na/
69a3 bcom ldan 'das dga' ldan gyi gnas rin po che'i khang bzang gi nang na byang chub sems dpa' byams pa dang / dga' ba'i 'od dang dri ma med pa'i 'od la sogs pa dpa' bo dang rnal 'byor ma'i 'khor dpag tu med pa dang / de bzhin
69a4 gshegs pa thams cad kyi de kho na btsun mo'i b+ha ga la snyoms par zhugs pa'i dus su rigs sgyu ma'i dbang du mdzad de thams cad kyis lha'i phyi nang gsang ba bla na med pa'i mchod pas mchod pa'i dus su byang chub sems dpa'
69a5 byams pas bcom ldan 'das kyi zhabs la mgo bos phyag 'tshal te/ thal mo sbyar nas gsol pa/ mgon po thugs rje che ldan pa/ /de nyid don dam gang yin pa/ /dpal dang rdo rje don dang ni/ /dra ba sdom pa rgyud kyi don/ /des
69a6 bstan don ni gang yin pa/ /de nyid bdag la bshad du gsol/ /bcom ldan 'das kyis bka' stsal pa/ /byams pa la sogs 'khor rnams kun/ /phyi rol don la g.yeng ba'i sems/ /nang du bsdus la rtse gcig nyon/ /dpal
69a7 ni gnyis med ye shes te/ /de nyid mchod pa'i 'os yin la/ /gnyis med bde bas mchod par bya/ /rdo rje zhes bya ye shes lnga/ /gzung 'dzin rtog pas mi phyed phyir/ /rdo rje zhes ni bstan pa yin/ /de nyid don la rtse gcig pas/ /
69a8 chos sku rdo rje 'chang chen po'i/ /sa ni nges par 'thob pa'o/ /dra ba zhes pa mang po'i don/ /kun rdzob gzhan rig tu bstan pa/ /grangs mang rgya cher bstan pa ni/ /nam mkha' dang mtshungs sdom pa'i don/ /nam mkha' dang mtshungs
69b1 rang rig ni/ /sems kyi de nyid stong pa'i ro/ /skad cig de yi rgyun nyid la/ /rgyud ces bya bar bstan pa yin/ /dpal rdo rje grub pa dra ba'i sdom pa'i rgyud las mtshan gyi sdom pa'i le'u ste dang po'o// // de nas gzhan yang nga
69b2 yis bshad/ /ye shes skye ba'i rgyu dang gnas/ /rkyen dang de bzhin dmigs pa'i yul/ /bye brag ming gi rnam grangs dang / /don gyi rnam grangs gang yin dang / /phan yon dang ni 'bras bu dang / /don dam de nyid chos kyi dbyings/ /de nyid
69b3 'dir ni bshad par bya/ /rgyu ni rang rig ye shes te/ /rgyu med rgyu yi rang bzhin can/ /rang rig sgyu mar byung ba ni/ /bde chen 'khor lo nas brtsams te/ /'khor lo bzhi 'am brgyad gnyis bshad/ /de bzhin nyi shu rtsa bzhi ste/ /ye
69b4 shes skye ba'i rten yin la/ /gnas ni de dang mnyam pa'i rtsa/ /grogs ni ye shes rlung yin te/ /ye shes rlung gi bzhon pa la/ /zhon nas de nyid byung ba yin/ /grangs ni snga ma ltar shes bya/ /ngo bo thig le nyid yin te/ /thig le mdud
69b5 pa'i grangs su shes/ /de yi phan yon gang yin pa/ /gzung 'dzin rnam par rtog pa yis/ /phyin ci log tu brtags pa yi/ /rnam par rtog pa spong ba yin/ /'bras bu rdo rje 'chang chen po'i/ /sa ni nges par thob pa'o/ /dpal rdo rje
69b6 dra ba'i sdom pa'i rgyud las ye shes kyi rgyu dang gnas la sogs pa'i le'u ste gnyis pa'o// // de nas gzhan yang bshad bya ba/ /'khor lo rnams kyi dbye ba ni/ /bde chen 'khor lo'i 'dab ma ni/ /sum bcu rtsa gnyis
69b7 grangs yin no/ /de nas longs spyod 'khor lo ni/ /'dab ma bcu drug dag du bstan/ /chos kyi 'khor lo 'dab ma brgyad/ /sprul pa'i 'khor lo'i 'dab ma ni/ /drug bcu rtsa bzhi dag yin no/ /bde chen 'khor lo sor bzhi ste/ /
69b8 longs spyod 'khor lo sor bcu drug /chos kyi 'khor lo sor bcu gnyis/ /sprul pa'i 'khor lo sor bcu drug /bde chen 'khor lo'i lte ba ru/ /ha~M ni dkar po thur bltas bsam/ /longs spyod 'khor lo'i lte dbus su/ /
70a1 oM ni dmar po gyen bltas bsam/ /chos kyi 'khor lo'i lte dbus su/ /hU~M ni sngon po thur bltas bsam/ /sprul pa'i 'khor lo'i lte dbus su/ /aM ni dmar po gyen bltas bsam/ /dang po'i 'khor lo'i 'dab ma
70a2 la/ /dbyangs kyi yi ge bcu drug ni/ /lugs 'byung lugs min dgod par bya/ /longs spyod 'khor lo'i 'dab ma la/ /dbyangs yig bcu drug rim bzhin dgod/ /chos kyi 'khor lo'i 'dab ma la/ /la~M ma~M pa~M ta~M/ /yi ge 'di rnams
70a3 g.yon nas dgod/ /oM trA~M hrI a/ /mtshams nas g.yas su dgod par bya/ /sprul pa'i 'dab ma bzhi rtsibs la/ /gsal byed yi ge sum bcu gnyis/ /lugs 'byung lugs las bzlog tshul dgod/ /sku gsung thugs kyi rtsa
70a4 gsum ni/ /dbus nas drang por gnas pa ste/ /hU~M ni dkar po thur bltas pa/ /mar gyi rtse la thug par dgod/ /g.yas na thabs kyi rtsa gnas te/ /ka li sum bcu rtsa gnyis ni/ /thabs la lan gsum bskor byas na/ /lugs
70a5 'byung 'og du kha bltas dgod/ /g.yon na shes rab rtsa gnas la/ /ma mo dbyangs yig bcu drug ni/ /gyen la bltas pa dgod par bya/ /sgal tshigs la gnas srog la brten/ /rtsa gsum 'dus pa'i gnas der ni/ /rin chen
70a6 dang 'dra 'dud pa ni/ /dgu por gnas pa bya gdong tshul/ /chos kyi dbyings kyi dbang phyug ma/ /bde ba reg ster ma ni bzhugs/ /gzhan yang rkyen gyi 'khor lo gnyis/ /gru gsum gnas su yi ge ra~M/ /de ni yongs su gyur pa
70a7 las/ /me yi 'khor lo gru gsum pa/ /tshad ni sor gsum nyid yin te/ /lte bar ra~M ni dmar po bsam/ /'dab ma gsum la oM AHhU~M/ /gru gsum zur la dgod bya ba/ /rdo rje rtse gsum bsam par bya/ /rlung gi gnas su
70a8 yi ge ya~M/ /de nyid yongs su gyur pa las/ /mdog nag gzhu yi dbyibs 'dra la/ /tshad ni sor bzhi nyid yin no/ /dbus su mdab ma lnga yin te/ /lte bar yang ni nag po bsam/ /'dab ma lnga la d+ha lnga dgod/ /ba dan lnga yis
70b1 mtshan pa'o/ /rlung gis dam tshig me sbar bas/ /dam tshig me yis gtum mo bskul/ /'khor lo gsum bsregs rnyid pa tsam/ /yi ge ha~M ni bsros pa yis/ /ha~M bzhu bdud rtsi'i char yang bab/ /lte ba'i gnas su thig ler gyur/ /
70b2 rgyun du 'bar bar gyur pa yis/ /rin chen dbyibs 'dra'i nang slebs nas/ /rang bzhin dga' ba nyams myong bas/ /rang gi sems kyi snying po'i ro/ /bzhi pa'i dpal ldan he ru ka /de nyid rtogs par gyur pa yis/ /
70b3 chos sku rdo rje 'chang chen po'i/ /sa ni nges par thob pa'o/ /dpal rdo rje grub pa dra ba'i sdom pa'i rgyud las 'khor lo bzhi bstan pa'i le'u ste gsum pa'o// //de nas gzhan yang bshad bya ba/ /yid bzhin nor
70b4 bu dang mtshungs pa'i/ /nges don du ni nga yis gsungs/ /de yi don la khyed rnams kyis/ /rtse gcig sems kyis yid la zung / /bcom ldan 'das kyis de skad ces bka' stsal pa dang byams pa dang / dga' ba'i 'od dang / dri
70b5 ma med pa'i 'od la sogs pa dpa' bo dang / rnal 'byor ma'i 'khor dpag tu med pa thams cad dga' zhing mgu nas rjes su yid rang nas lha'i mchod pa rnam pa du mas mchod pa ni nam mkha' la rin po che'i char dang / sgeg
70b6 pa dang / rgod pa dang / dga' ba'i mchod pa'i rnam pa dang / pa Ta ha la sogs pa'i mchod pa dang / gzhan yang lha 'i me tog dang / spos dang / mar me dang / zhal zas kyi mchod pa ro rgya pa dang / btung ba'i mchod pas
70b7 mchod de/ gzhan yang nang dang / gsang ba dang / gsang ba'i gsang ba bla na med pa'i mchod pa chen po rmad du byung bas mchod nas lan gsum bskor ba byas te/ so so'i rdzu 'phrul gyis mi snang bar gyur to/ /dpal
70b8 rdo rje grub pa dra ba sdom pa'i rgyud kyi rgyal po rdzogs s+ho// // rgya gar gyi mkhan po gA ya d+ha ra dang / lo ts+tsha ba dge slong shAkya ye shes kyis bsgyur cing zhus pa'o/ /