CLOSE WINDOW

J395
བོད་ཡིག

@#/ /rgya gar skad du/ shrI DA ki nI sa~M ba ra tan+t+ra rA dza nA ma/ bod skad du/ dpal mkha' 'gro ma'i sdom pa'i rgyud kyi rgyal po zhes bya ba/ dpal bde ba chen po la phyag 'tshal lo/ /bde ba chen po'-i ros gang bas/ /thams cad stong par gyur nas kyang / /he he mgon po rdo rje 'dzin/ /mkha' 'gro ma ni ji ltar lags/ /de'i sdom pa ji ltar lags/ /dam tshig bsrung ba ji ltar lags/ /rdo rje phag mo bdag la gsungs/ / nyon cig rdo rje phag mo nyon/ /dang po dam tshig mtshan nyid kyang / /rtsa ba dang ni yan lag bcas/ /rang gi lus ngag yid gsum dag /kun nas 'khrugs te gzhan gy-i yang / /sgo gsum kun 'khrugs chen po ste/ / rang bzhin sgo gsum 'khrugs pa 'bring / /nyams pa 'bring du gsungs pa yin/ /rang gzhan 'khrugs pa tha ma yang / /nyams pa chung ngu yin par 'dod/ /re re la yang gsum gsum ste/ / nyams pa che 'bring dgu ru dbye/ /rang la mnar sems ma skyes kyang / /gzhan la mnar sems skyes pa yi/ /bdag gi g.yeng bas rkyen byas pa/ /de nyid nyams pa 'bring du bshad/ /rang la mnar sems cher skyes kyang / /gzhan la nyes pa chung bas na/ /'di yang nyams pa 'bring du bshad/ /g.yeng ba'i rkyen gyis gang nyams kyang / /'di ni ltung ba yang bar gsungs/ /rang gi dam tshig bsrungs pa yi/ /lta spyod gang la gzhan ma mos/ /zab mo'i don la skur 'debs pa/ /ltung ba che 'bring yang bar bshad/ /rang gis ma nyes gzhan cher 'khrugs/ /'di ni nyams pa chung ngur bshad/ /re re'i dbye ba gzhan nas shes/ /de nas snod kyi mtshan nyid kyang / /phyi yis rang gi sgo gsum dag /'khrugs pa che chung rim pas dbye/ /rang sems 'khrugs na phyi rol la/ /bsnun sogs nyams pa chen por 'gyur/ /g.yengs pas nyams pa 'bring chung ngu / /mdor na rang bzhin dam tshig dang / /bcas te bye brag dam tshig las/ /gnyis su med par mkhas pas gsungs/ /dam tshig las ni rdo rje 'chang / /de nas mkha' 'gro mtshan nyid kyang / /mkha' 'gro rtsa ru gnas pa ste/ /phag mo yungs kar tsam gyi tshad/ /gzhan ni lnga yi tshad tsam ste/ /gsal la rang bzhin med pa'o/ /ka nas g.yas skor ka yi bar/ /mkha' 'gro drug bcu bzhi ru nges/ /ka sogs zung rtsa mkha' 'gro ste/ /phyi nas rtsa re mkha' 'gro re/ /mkha' 'gro nas bskor mtshams kyi bar/ /sum bcu rtsa bdun mkha' 'gro ma/ /lte ba sprul par yang dag gnas/ /a sogs brgyad ni mkha' 'gro brgyad/ /de bzhin zung rtsa mkha' 'gro bzhi/ /snying ga ru ni yang dag gnas/ /zung rtsa gsum ni mkha' 'gro re/ /gzhan rnams rtsa re mkha' 'gro re/ /bcu gnyis bcu bzhi mgrin par gnas/ /rdo rje phag mo lte bar gnas/ /gzhan ni spyi bor yang dag gnas/ /de nas sdom pa bshad bya ste/ /sangs rgyas kun gyi bde chen po/ /bde de sdom par yang dag bshad/ /gang zhig bde ba khyad par can/ /nges par sgom pa yin par 'dod/ /rdo rje phag mo mi 'da' bas/ /sdom pa dam tshig tu ni bshad/ /mi phyed pas ni phyag rgyar gsungs/ /rdo rje phag mos yang zhus pa/ /dam tshig nyams pa'i rgyu gang lags/ /rkyen ni gang lags dus gang lags/ /tshad ni gang lags bsrung dus gang / /lus ngag dam tshig ji ltar dbye/ /dang por nyams pa'i rgyu nyid kyang / /mi shes pa dang bag med dang / /nyon mongs ldan dang ma gus dang / /brjed ngas dran pa mi gsal ba/ /'di drug dam tshig nyams pa'i rgyu/ /bla ma ma bsten grogs ngan 'grogs/ /mdor na sgo gsum g.yengs pa'i yul/ /de dag nyams pa'i rkyen du gsungs/ /gdon gyis bar chad chang gis myos/ /log lta skyes dang khengs grags 'dod/ /nyon mongs zil non bla mas skyo/ /'dod chags chen po skyes pa dag /dam tshig nyams pa'i dus yin te/ /spyir ni rtsod ldan dus su gsungs/ /gdon sogs gzhan gyis byin brlabs tshe/ /bsrung ba'i 'du shes sngon song na/ /chen po rdzogs kyang chung ngur gsungs/ /'du shes sngon du ma song na/ /bag med nyams pa so na gnas/ /gdon sogs rang gis ma mthong na/ /de yang nyams pa chung bar gsungs/ /'khor bas skyo dang rnam smin dran/ /bla ma dran dang 'dod pa skyes/ /bar chad bral ba bshags pa'i dus/ /sbyor ba dngos gzhi mjug dang gsum/ /gang rdzogs tshad ni mthar phyin te/ /che 'bring dbye bas shes par bya/ /sbyor ba ltung ba chung ngu ste/ /dngos gzhi ltung ba 'bring du 'byung / /mjug rdzogs ltung ba chen por nges/ /rgyan dang phyag rgya phyag mtshan dag /'chang ba bsten pa'i dam tshig yin/ /sha lnga bdud rtsi lnga rnams ni/ /bza' bar bya ba'i dam tshig go/ /sems can dpa' bo mkha' 'gro la/ /longs spyod mchod pa gang byed pa/ /blta bar bya ba'i dam tshig go/ /rang gzhan sgyu mar gang shes pa/ /shes par bya ba'i dam tshig go/ /sgo gsum sku gsung thugs su bsam/ /bsrung bar bya ba'i dam tshig go/ /nyon mongs dug drug gzung 'dzin kun/ /rang rig skye ba med par bsgral/ /bsgral ba'i dam tshig chen po yin/ /dam tshig don du dam tshig dag /dus drug dus gnyis lo bar du/ /brtul zhugs can gyis dam tshig bsrung / /dngos grub don du rtag tu bsrung / /skad cig tsam yang gnang ba med/ /rang gi lus kyi nyes pa las/ /gzhan gyi lus kyi nyes 'byung ba/ /'di ni sku yi nyes par bshad/ /rang gi lus kyi nyes pa las/ /gzhan gyi ngag gi nyes 'byung ba/ / bdag gi sku yi nyams pa ste/ /gzhan la gsung gi nyams par 'gyur/ /gzhan yang mkhas pas shes par bya/ /rang la rtsa ba'i nyes pa las/ /gzhan la yan lag nyes 'byung dang / /legs pa las ni nyes 'byung sogs/ /bla ma'i zhal nas shes bya ste/ /'bad de dam tshig bsrung bar bya/ /dam tshig de yi don rnams la/ /'khor rnams 'jigs shing skrag gyur te/ /rdo rje phag mos yang zhus pa/ /dam tshig 'di yi don rnams ni/ /zab cing rgya che rtog par dka'/ /mgon po khyod kyis bzhes par zhu/ /bcom ldan 'das kyis bka' stsal pa/ /bdud rtsi khar zos slar la dor ba med/ /ngan skyugs phyir dor slar la za ba med/ /rang rig byang chub bdud rtsi'i ro tshor na/ /log rtog 'khrul pa'i rgyu 'bras ga la tshol/ /de bas dam tshig kho na gtso bor gyis/ /de'i tshe 'khor 'dus pa thams cad kyang rgyud kyi don la rjes su yi rang par gyur to/ /mkha' 'gro ma'i sdom pa'i rgyud kyi rgyal po rdzogs s+ho// //