CLOSE WINDOW

J388
བོད་ཡིག

@/ /rgya gar skad du/ shrI badzra DA ki gu h+ya tan+t+ra rA dza/ bod skad du/ dpal rdo rje mkha' 'gro gsang ba'i rgyud kyi rgyal po/ dpal he ru ka la phyag 'tshal lo/ /kye ho mngon rdzogs mgon po kye/ /dbang rnams dam pa yod dam ci/ /gtso 'khor khyad par med dam ci/ /sems can dang ni sangs rgyas la/ /bye brag tha dad med dam ci/ /dam tshig che chung ji ltar mchis/ /de nyams bshags thabs yod dam ci/ /bcom ldan 'das kyi bka' stsal pa/ /rnam rtog gzung 'dzin dgag pa dang / /rang rig ye shes blugs pa'i phyir/ /dbang rnams sgyu ma tsam du yod/ /rnal 'byor sems kyi ngo bo ru/ /dbang ni nges pa kho na ste/ /lus ngag kun nas bzang ba la/ /de phyir sems kyi dri ma ni/ /'khrud dang gtor dang sreg pa dang / /mkhyen pa'i rten dang go 'byed pas/ /sa dang chu dang me dang rlung / /nam mkha' lta bur gsungs pa ste/ /dang po gnyis pa gsum pa dag /rims kyis ma bgrod dbang mi thob/ /bskyed pa'i rim la legs gnas shing / /rdzogs pa'i rim pa 'dod rnams la/ /thabs 'di rdzogs pa'i sangs rgyas kyis/ /skas kyi rim pa lta bur gsung / / gang zag mchog dang las dang po/ /mngon par rtogs pa'i rim pa dang / /mngon par rtogs pa'i yan lag go/ /'di yis ngan 'gro srid las grol/ /dbang dang dman ngag 'brel bas so/ /de nas bzhi pa zhal gyi dbang / /sngon du 'gro dang mi 'gro med/ /'d-i ni dbang gi rgyal po ste/ /slob dpon sems kyi rgyal po yin/ /'di ni rang rig bzhi pa'i dbang / /'di yis thams cad grol bar 'gyur/ /'di la rtag tu phyag sogs bya/ / rdo shing 'dra 'bag la sogs pa'i/ /gzugs brnyan yongs su rdzogs pa dang / /ras dang tshon la sogs pa yi/ /gzugs brnyan yongs su rdzogs pa la/ /byin brlabs ye shes dbab byas nas/ /lha yin zer nas mchod sogs te/ /bcos ma la sogs de ltar na/ /phung sogs ye nas sangs rgyas la/ /ci yi phyir na mchod mi byed/ /de nas gzhan yang dbye ba dag /'khrul pa dang ni 'khrul pa'i gzh-i/ /bcos ma nye bar bcos ma dang / / 'dra ba yin pa lta bu yi/ /dbang bzhis grol bar mi 'gyur te/ /log pa'i sred pas srid par 'ching / /'khrul pa'i 'khor los 'khor bar 'khor/ /de bas dngos grub 'dod pas kyang / /lha yi bu yi bdud spang te/ /bla ma dam pa rtag tu bsten/ /yid ches rigs dang nges pa skye/ /lung gi tshad ma yin pa dang / /'og ma spangs shing gong ma thob/ /man ngag tshad ma yin pa blang / /mos pa'i rjes su 'brang byed cing / /che ba'i nga rgyal la gnas shing / /'jig rten lta spyod dang 'dres pa'i/ /snod bcud blang bar mi bya'o/ /de nas gtso 'khor bye brag kyang / /gnas kyi khyad par dbus su ste/ /rgyan gyi khyad par thal ba'o/ /rigs kyi khyad par drug pa'i rigs/ / de nas gtso 'khor bye brag kyang / /phyag dang zhabs sogs khyad par gyis/ /gtso bo 'khor las khyad par 'phags/ /dper na pha rol phyin drug las/ /shes rab pha rol phyin med na/ /pha rol phyin pa lnga dag gis/ / pha rol phyin pa'i ming mi thob/ /dkyil 'khor dbus su gang gnas pa'i/ /de nyid kyi ni dkyil 'khor ste/ /gang zhig dbus su mi gnas na/ /'khor rnams dkyil 'khor du mi 'gyur/ /dper na rgyal po med pa yi/ /grong dang grong khyer ji bzhin no/ /de bzhin dam tshig bye brag kyang / /rtsa ba'i dam tshig nyams gyur na/ /yan lag dam tshig de dang 'dra/ /thugs kyi dam tshig nyams gyur na/ /sku gsung dam tshig de dang 'dra/ /srog gcod dam tshig nyams gyur na/ /brdzun dang ma byin len pa dang / /'dod chags dam tshig de dang 'dra/ /lta ba'i dam tshig nyams gyur na/ /spyod pa'i dam tshig de dang 'dra/ /tshul 'chos mi dge mos pa tsam/ /dam tshig nyams pa de dang 'dra/ / dper na 'khor los sgyur ba'i rgyal po dang / /bral ba'i rin chen bdun po de dag gis/ /'khor los sgyur ba'i ming ni mi thob bzhin/ /bla ma'i zhal nas thams cad shes par bya/ /de nas sangs rgyas sems can yang / / rdul tsam khyad par med mod kyang / /rang rig gzhan rig rkyen dag dang / /rang sems las su rung ba dang / /ma rung pa dang las kyi mtha'/ /log pa dang ni ma log pa/ /don byed nus dang mi nus pa/ /yongasu rdzogs dang ma rdzogs pas/ /sangs rgyas sems can gnyis su snang / /tha dad par ni mi brtag ste/ /chu khams gser dang nam mkha' bzhin/ /rang bzhin gyis ni dag par 'dod/ /rang sems rang gis rtogs pa na/ /sems can gdod nas sangs rgyas so/ /rdo rje phag mos yang zhus pa/ /srog gcod la sogs dam tshig gi/ /dbye ba khyed kyis bdag la gsungs/ /bcom ldan 'das kyis bka' stsal pa/ /rang gi lus ngag sems g.yos kyang / /gsod pa'i 'du shes ma skyes na/ /srog gcod nyams pa chung ngur nges/ /gzhan gyis gnod par tshor ba dag /nyams pa 'bring du gsungs pa yin/ /de las bzlog pa chen por nges/ /gang zhig ma byin chung blangs kyang / /gzhan la nyon mongs cher skyes na/ /de nyid nyams pa 'bring du nges/ /cher blangs nyon mongs chung na 'bring / /chen po las ni nyon mongs cher/ /de ni chen po kho nar nges/ /tshul 'chos ltung ba chen po ste/ /mi shes pa dang bag med dag /brjed ngas la sogs 'bring du gsungs/ /gzhan yang dam tshig nyams pa yi/ /che 'bring chung ngu'i ldang tshad dag /rang dang gzhan dang gnyi ka yis/ /rgyu rkyen dag las shes bya ste/ /ltung ba'i ngo bos zin pa dang / /phyi nang rdo rje slob dpon gyis/ /spyan sngar dkyil 'khor chen po bzhengs/ /tshul dang 'thun par bshad pa bya/ /dam tshig gong 'og bye brag gis/ /bla ma'i dkyil 'khor shes par bya/ /gzhan yang bshags pa'i bye brag la/ /sbyin sreg gis ni sd-ig bsreg phyir/ /nang gi sbyin sreg chen po brtsam/ /zab pa'i me ni rgyun gzhag med/ /thabs ky-i rgyun gzhag me yin te/ /lo bdun dang ni lo gcig dag /phyi yi rgyun gzhag chen po'i me/ /zla ba bdun dang gsum dag ni/ /'bring du gsungs te zhag bdun sogs/ /rgyun gzhag me ni chung ngur gsungs/ / rgyas pa la sogs de bzhin te/ /rang bzhin gdod nas gnas pa yi/ /gtum mo ye shes me rang bzhin/ /'di n-i rgyun gzhag chen po'-i me/ /thog mtha' med par gnas pa'i phy-ir/ /dam tshig nyams pa'i bud shing sogs/ /ye shes me yi bud shing yin/ /man ngag can gyis bsregs byas na/ /nyams pa'i shing sogs 'tsh-ig par nges/ /dgang gzar la sogs de bzhin te/ /rgyas pa la sogs de dang 'dra/ / rgyud 'di gtad kyis legs par zung / /thams cad dga' zhing mgu bar gyur/ /dpal rdo rje mkha' 'gro gsang ba'i rgyud kyi rgyal po rdzogs s+ho// // rgya gar gyi mkhan po gA ya d+ha ra dang / lo ts+tsha ba dge slong shAkya ye shes kyis bsgyur ba'o// //