CLOSE WINDOW

J379
བོད་ཡིག

rgya gar gyi mkhan po rin chen rdo rje dang / /lo ts+tsha ba dge slong shAkya ye shes kyis bsgyur cing zhus te gtan la phab pa'o/ /slad kyis kyang dpe phyi mo la gtugs nas bcos pa'o/ / rgya gar skad du/ shrI ma hA sa mA ya tan+t+ra rA dza nA ma/ bod skad du/ dpal dam tshig chen po'i rgyud kyi rgyal po zhes bya ba/ 'jam dpal gzhon nur gyur pa la phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang gsung dang thugs rdo rje btsun mo'i b+ha ga la snyoms par bzhugs so/ /de nas byang chub sems dpa' chen po rdo rje snying po dang / rnal 'byor ma grangs med pa'i nang nas byang chub sems dpa' rdo rje snying po la zhal 'dzum pa mdzad nas/ dam tshig gi rim pa bka' stsal pa/ dam tshig dang ni mi ldan na/ /bsgrubs kyang 'grub par mi 'gyur te/ /rgyu med pa yi 'bras bu bzhin/ / tshe yi dus byas dmyal bar 'gro/ /de phyir dam tshig shin du bsrung / /sangs rgyas bla ma las thob phyir/ /thun mong ma yin bla ma yi/ /lnga bcu'i bdag nyid bsrung bar bya/ /thun mong brgyad dang bcu bzhi ste/ /de rnams nges pa shes par bya/ /de rnams spyi yi dam tshig ste/ /bye brag dam tshig bsrung bar bya/ /phung po lnga ni rigs lnga ste/ /'byung ba lnga ni yum lnga'o/ /skye mched sems dpa' sems ma yin/ / gzugs phung rnam par snang mdzad la/ /brjed dang brnyas pa la sogs spang / /de la mchod dang bstod sogs bya/ /don dam par ni rang rig ste/ /tshogs bsags phyir na nga yis gsungs/ /tshor ba la sogs de dang 'dra/ /sa ni sangs rgyas spyan yin te/ /spyod lam gsum du ma yengs bya/ /gang du gsungs pa'i tshul bzhin bsrung / /chu la sogs pa de bzhin no/ /mig la sogs pa de bzhin no/ / gzugs la sogs pa de bzhin bsrung / /dkyil 'khor du zhugs rnal 'byor pa/ /rdo rje 'dzin pa bzhin du mchod/ /brnyas shing gshe ba la sogs spang / /sems can pho dang mo kun la/ /dpa' bo dpa' mo dam tshig bsrung / /bza' ba la sogs dus su yang / /bdud rtsi sbyor bas dam tshig bsrung / /sha lnga bdud rtsi lnga rnams la/ /rang gi spyod dang gzhan spyod la/ /rjes su yi rang dam tshig yin/ / mdor na snang zhing srid pa'i rdzas/ /dam tshig bsrung zhing mchod pa'i phyir/ /lus kyi nyes sdom sku yin te/ /ngag gi nyes sdom gsung du gsungs/ /yid kyi nyes sdom thugs su gsungs/ /oM gyi 'od zer dkar po yis/ /'dod khams dag par gyur pa ni/ /sku yi dam tshig bsrung ba'o/ /de la mchod dang bstod sogs bya/ /bsdu ba'ang du shes par bya/ /aHni kha dog dmar po yis/ /gzugs khams dag pa gsung dam tshig /hU~M gi kha dog nag po yis/ /gzugs med dag pa dam tshig go/ /oM ni spyi bor yang dag gnas/ /AHni de bzhin mgrin par gnas/ /hU~M ni snying gar spro dang bsdu/ /sku yi mkha' 'gro bcu gnyis su/ /'dod khams dag pa dam tshig go/ /gsung gi mkha' 'gro bcu gnyis su/ /gzugs khams dag pa dam tshig yin/ /thugs kyi mkha' 'gro bcu gnyis su/ /gzugs med dag pa dam tshig ste/ / oM dang AHdang hU~M la bsdu/ /oM ni rgyu yi sku bcu gnyis/ /AHni lam gyi sku bcu gnyis/ /hU~M ni 'bras bu sku bcu gnyis/ /bde ba chen po'i sku gsung thugs/ /ye shes gcig sbyor sdom pa'o/ /dpal ldan chos kyi sku gsung thugs/ /ye shes gcig sbyor sdom pa'o/ /longs spyod rdzogs pa'i sku gsung thugs/ /ye shes gcig gyur sdom pa'o/ /sprul pa yang ni sku gsung thugs/ /ye shes gcig sbyor sdom pa'o/ / bde chen snying po ha~M nyid la/ /sku dang gsung dang thugs dang yang / /ye shes dang ni rnam pa bzhi/ /oM dang AHdang hU~M dang yang / /yan lag bzhi bzhir thub pas gsungs/ /rgyu dang lam dang 'bras bu la/ /bzhi bcu rtsa brgyad shes par bya/ /a dang ha~M gnyis rang bzhin gyi/ /sngags kyi ngo bor shes par bya/ /sngags kyi grangs ni nyi khri stong / /drug brgya bzlas par shes par bya/ /lag pa bskyod pa rang bzhin gar/ /rkang pa rang bzhin dkyil 'khor ro/ /de ltar gnas na dam tshig go/ /gzhan yang dam tshig bye brag yang / /'jig rten tha snyad spang ba'i phyir/ /mi bskyod rnam snang la sogs dang / /dpa' bo mkha' 'gro ma zhes pa/ /gsang ba'i rdo rje pad ma dang / / ji ltar rol pa'i spyod pa kun/ /tha snyad kyang ni lam la 'jug /gzhan yang gsang ba'i dam tshig ni/ /rtsa ba bzhi dang yan lag bcu/ /theg pa che la smod pa dang / /gsang ba'i don la skur 'debs dang / /rnal 'byor kun la gnod pa dang / /sems can kun la 'tshe byed pa/ /'di gsang ba ni dam tshig yin/ /sbas pa bsrung ba'i rim pa yang / /ma byin blang ba'i dam tshig ste/ /'dod pa chen po dang ldan pa'i/ /'dod chags spyod pa'ang de dang 'dra/ /rang gi dam tshig bsrung ba'i phyir/ /brdzun du smra ba bzhi pa yin/ /ro rtsa'i sha dang bcud kyi sha /kha ba'i chang dang mngar ba'i chang / /mar la gcig ste 'o ma gnyis/ /gzhan ni gsum ste yan lag bcu/ /'di ltar dam tshig yin par gsungs/ /bdud rtsi nyid la dus gsum du/ /bcom ldan sku gsung thugs kyi ste/ /dang por yungs kar tha ma yang / /byi la'i khams kyi tshul du bza'/ / mtshan mo shes rab sku gsung thugs/ /nyin mo thabs kyi sku gsung thugs/ /nyi ma nub dang nyi ma shar/ /nyi ma gung ni thabs kyi dus/ /nam sros nam ni langs ba dang / /nam gyi gung ni shes rab dus/ / dus drug mchod pa rgyun mi gcad/ /dam tshig 'di las ma nyams na/ /phyogs bcu 'jig rten khams bzhugs pa'i/ /dpa' bo mkha' 'gro ma mo rnams// /mchod dang bsrung ba la sogs byed/ /gzhan yang gsang ba'i bye brag la/ /gsang ba sgom pa'i rnal 'byor pas/ /lus la me dang khreg mi gdon/ /srog gam zug rngu'i phyir ma gtogs/ /srog chags 'dod pa spyod mthong na/ /rang gi rnal 'byor shor mi bya/ /dam tshig bsdu phyir dben par 'dug /las su rung na g.yon bar 'khyam/ /'di skad ces bya yan lag brgyad/ /bdag gi bcu bzhi yin par gsungs/ /thos pa'i dus gcig lnga bcu'i don/ /bcom ldan 'das ni rtsa ba bzhi/ /de bzhin gshegs pa yan lag bcu/ /sku gsung thugs ni lus ngag yid/ /rdo rje mi phyed phyir dam tshig /btsun mo dam tshig gis brgyan mdzes/ /b+ha ga mnyam par 'jog pas so/ /snyoms pa dus gsum mi 'gyur ba/ /bzhugs pa bde ba'i ngo bo la'o/ /rdo rje snying po la sogs pa/ /bye brag yin par nga yis gsungs/ /e ni yan lag brgyad yin no/ /ba~M ni bcu po'i rang bzhin te/ /ma ni lnga bcu'i rang bzhin no/ /yA ni gzhan rnams yin par gsungs/ /e ni srog chags gsod pa ste/ /ba~M ni ma byin len pa'o/ /ma ni brdzun du smra ba'o/ /ya ni 'dod chags spyod pa'o/ /e ni sku yi dam tshig ste/ /ba~M ni gsung gi dam tshig go/ /ma ni thugs kyi dam tshig go/ /yA ni bza' ba'i dam tshig go/ /dus gsum dam tshig ma bsrungs na/ /'jig rten pa dang 'bum 'gyur ba'i/ /rnam smin che bar nga yis gsungs/ /dam tshig nyams pa'i mtshan ma ni/ /lus kyi nyes pa sna tshogs 'byung / / ngag gi nyes pa sna tshogs smra/ /kha dog dbyibs rnams 'gyur ba dang / /lag gi rdzas rnams mi thub cing / /'bras dang shu ba la sogs 'byung / /de tshe rnal 'byor nyams pa des/ / dam tshig nyams pa shin du bsam/ /bla ma rdo rje spun gral du/ /tshogs kyi dkyil 'khor sprul byas la/ /gser dngul la sogs brgya 'am stong / /rta dang glang po la sogs dang / / bai DUr+ya dang man shel dang / /gdugs dang rgyal mtshan brgya 'am stong / /mar me la sogs de bzhin no/ /tshogs kyi 'khor lo chen po bskor/ /tshogs bsags pas ni nyams pa gso/ /gal te nyams pa ma gsos na/ /nyams pa de dang rnal 'byor gzhan/ /gnas gcig dang ni chu gcig gam/ /yul dang lam gyi gnas gcig gam/ /skad cig tsam yang 'dug mi bya/ /'dug na nyes pa bsam mi khyab/ /rab gnas sbyin sreg dbang bskur dang / /gtor ma mchod dang bzlas pa dang / /ri lu mig sman la sogs dang / /zhi rgyas la sogs las rnams dang / /'jig rten mtshan ma brgyad dag dang / /'jig rten 'das pa'i mtshan ma bzhi/ /sangs rgyas pa yi mtshan ma gcig /gzhan yang dngos grub ma lus pa/ /dam tshig 'di las 'byung bar 'gyur/ /'bru rnams sna tshogs skye 'gyur ba/ /rin chen sa las skyes pa bzhin/ /dam pa sku gsung thugs yin te/ /de las 'das na tshim bar 'gyur/ /ji ltar bu ni med pa'i khyim/ /shi ma thag tu stong par 'gyur/ /de bzhin dam tshig 'di med na/ /mnar med sems can dmyal bar skye/ /pi wang gling bu sbyor kun sogs/ /rgyud dang bral na brdung mi rung / /de bzhin dam tshig med gyur na/ /sngags bzlas bsgom pa la sogs pa/ /'bras bu med par brlag par 'gyur/ /nas las nas kyi myu gu skye/ /dam tshig las ni rdo rje 'chang / /tshe 'dir thob par gsungs pa ste/ /dus ni gzhan min rtsod ldan dus/ / bstan bya gzhan min nga yis te/ /skye ba gzhan min pha dang ma/ /man ngag gzhan min sa ma ya/ /bzhi ni yin par gsungs pa'o/ /de ltar dam tshig dang ldan pa/ /bud med 'du zhing dga' bar 'gyur/ / mkha' 'gro rnal 'byor ma mo ste/ /sku gsung thugs kyi mtshan mar ston/ /nor dang bran dang g.yog 'khor dang / /rgyal po'i 'khor yul la sogs 'du/ /ngag ni snyan cing bde bar 'gyur/ /srog gcod la sogs tshig smras kyang / /sems can skrag par mi 'gyur ro/ /lus kyi sems can bsad byas kyang / /rnam smin 'byung bar mi 'gyur ro/ /sku ni thob par gsungs pa'o/ /ngag gis phra ma'i tshig smras kyang / /nyes par mi 'gyur gsung thob 'gyur/ /yid kyis mnar sems bsams byas kyang / /nyes par mi 'gyur thugs thob 'gyur/ /dam tshig ldan pa'i yon tan no/ /e ma'o rgyud ni ngo re mtshar/ /dpal dam tshig chen po'i rgyud kyi rgyal po rdzogs pa'o// // rgya gar gyi mkhan po gA ya d+ha ra dang / lo ts+tsha ba dge slong shAkya ye shes kyis bsgyur ba'o/ /