CLOSE WINDOW

J374
བོད་ཡིག

/ @#/ /rgya gar skad du/ shrI tsakra sa~M ba ra gu h+ya A tsin+ta tan+t+ra rA dzA/ bod skad du/ dpal 'khor lo sdom pa gsang ba bsam gyis mi khyab pa'i rgyud kyi rgyal po/ dpal bde ba chen po la phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang thugs rdo rje btsun mo'i b+ha ga la snyoms par bzhugs so/ /de'i tshe de'i dus na 'khor 'dus pa thams cad kun rdzob 'khor ba'i chos la skyo bar gyur to/ /de nas gsang ba'i bdag po phyag na rdo rjes gsol pa/ /kye kye bcom ldan 'das he ru ka /kun rdzob 'khor ba'i chos rnams kyis/ /de yi rang bzhin ji lta bu/ /gtso bos bdag la bshad du gsol/ /bcom ldan 'das kyis bka' stsal pa/ /slu ba'i mtha' dang mtshan mar snang / /de nyid kun rdzob 'khor ba'i chos/ /sems nyid bsam gyis mi khyab pa/ /'khor ba'i chos kyi rang bzhin no/ /phyag na rdo rjes yang zhus pa/ /bsam gyis mi khyab sems nyid kyis/ /dbye ba mi mthun grangs dag na/ /dus dang gnas pa'i tshul dang yang / /'jug pa'i dus dang thabs rnams dang / /gnas pa'i tshad dang rim ba dag /gtso bos bdag la bshad du gsol/ /bcom ldan 'das kyis bka' stsal pa/ /bag chags nyon mongs ye shes sku/ /ris drug rtsa shing 'khril lcug gi/ /rang bzhin ngag gi lam 'das la/ /de nyid bsam gyis mi khyab ste/ /dus gsum sangs rgyas ngo bo yin/ /bde gshegs kun gyi thugs kyi gsang / /de ni nga yis bshad kyis nyon/ /rtag chad skye 'gag la sogs pa'i/ /mtha' spangs sems nyid rang rig cing / /gdod nas spros bral bden pa nyid/ /de don bsam gyis mi khyab nges/ /de nyid dbye ba rab 'bring mtha'/ /rnam pa gsum du shes bya ste/ /dang por rang rig bsam mi khyab/ /rgyu dang lam rtags bsam mi khyab/ /mtha' dang nyon mongs bsam mi khyab/ /chos dang lta spyod bsam mi khyab/ /yi ge bsam gyis mi khyab pa/ /mdor bstan de nyid rnam par dbye/ /gzugs sgra dri ro reg bya chos/ /de nyid chos ni bsam mi khyab/ /a ni yi ge dam pa ste/ /khong nas 'byung ba skye ba med/ /skye ba kun gyi rgyur gyur pa/ /yi ge dam pa bsam mi khyab/ /phrag byung khrus dang gtsang sbra dang / /rgyan cha gcer bu thal gos sogs/ /chang dang bdud rtsi sha dang yang / /ma dang sring mo bu mo sogs/ /rol pa'i spyod pa bsam mi khyab/ /nga'i 'dul ba'i sems can la/ /mos pa'i mtha' la thug pa med/ /de phyir theg pa thug med pas/ /de nyid lta ba bsam mi khyab/ /rtag chad sgro skur ltos pa'i sgra/ /de nyid mtha' gnas bsam mi khyab/ /'dod chags zhe sdang gti mug sogs/ /nyon mongs bsam gyis mi khyab pa/ /'dar dang 'phar dang drod la sogs/ /rtags nyid bsam gyi mi khyab pa/ /lha bsgom rlung dang rtsa sogs pa/ /lam nyid bsam gyis mi khyab pa/ /rang rig nam mkha'i sprin char tshul/ /pha rol phyin drug la sogs pa/ /rgyu nyid bsam gyis mi khyab pa/ /rgyu 'bras tha snyad kun dang bral/ /rtsol ba rdul gyis ma gos pa/ /sprin med mkha' ltar ma bcos pa'i/ /spyi dang rang gi mtshan nyid dag /rang rig bsam gyis mi khyab pa'o/ /a ni shang dang sbrul sogs kyi/ /bcu gnyis la sogs dbye ba yis/ /yi ge'i dbye ba rgyas pa'o/ /gzugs ni sdug dang mi sdug sogs/ /bcu dgu phra rab rdul gyi bar/ /sgra la sogs pa de bzhin te/ /sgra brgyad dri gsum ro drug ste/ /reg bya bcu gcig chos de bzhin/ /gang zhig 'dus byas 'dus ma byas/ /chos kyi dbye ba rgyas pa'o/ /theg pa gsum dang bcwa brgyad dang / /ji snyed 'du shes yod kyi bar/ /lta ba'i dbye ba rgyas pa'o/ /tshogs kyi lam dang sbyor ba'i lam/ /mthong lam bsgom lam mthar phyin lam/ /lam gyi dbye ba rgyas pa'o/ /sems rtag bdud rtags 'byung ba'i rtags/ /rtags kyi dbye ba rgyas pa'o/ /mu stegs rang rgyal nyan thos nas/ /rdo rje 'dzin pa'i spyod pa'i bar/ /spyod pa'i dbye ba rgyas pa'o/ /rtag dang chad dang sgro skur nas/ /'khor dang mya ngan 'das mtha' dang / /thabs dang shes rab mtha' yi bar/ /mtha' yi dbye bas rgyas pa'o/ /'dod chags la sogs nyi khri dang / /chig stong rtsa ba nye ba dang / /zhe sdang la sogs de bzhin te/ /nyon mongs dbye ba rgyas pa'o/ /kun nas nyon mongs rnam par byang / / 'dod chags che dang sbyin pa sogs/ /rgyu yi dbye ba rgyas pa'o/ /sems dang nam mkha' ye shes dang / /sangs rgyas 'od gsal zung 'jug sogs/ /rang rig dbye ba rgyas pa'o/ /blos brtags mtshan mar snang ba dang / /sgro 'dogs pa dang skur 'debs dang / /rim min mos pa khyad par tshol/ /rdul tsam khas len blos 'jog cing / /sangs rgyas nyid kyang sgrub byed pa/ /gang ltar bcos kyang de mtha' ste/ /gang zhig mthar lhung lta ba de/ /rang rig gzhan rig sems ma yin/ /kun rdzob don dam gnyis ma yin/ /rang rig rtog ge skam po dang / /mtha' lhung dbu mar khas len pa/ /de ni sems nyid rang rig dang / /brjod med bsam gyis mi khyab pa'i/ /mi mthun pa yi phyogs yin te/ /de bral bsam gyis mi khyab pa'i/ /rang rig ye shes chen po yin/ /sbyin sogs dkar po'i chos rnams dang / /rang rig spyi yi rnam pa yis/ /rang rig ye shes chen po la/ /thabs dang thabs las byung ba 'am/ /rgyu dang 'bras bu la sogs pa/ /rdul tsam tha snyad yod ma yin/ /rang 'byung ye shes yin pa'i phyir/ /'dod chags la sogs skyon gyis kyang / /de la sgrib pa ma yin te/ /nam mkha' la ni sprin bzhin no/ /rang rig gzhan rig bye brag gis/ /sems can sangs rgyas gnyis su dbye/ / rang rig sprin med nam mkha' la/ /gzhan rig rnam rtog nam mkhar mtshungs/ /sprin sogs rlung gis gtor byas te/ /sprin med mkha' 'dra snang ba nyid/ /gzhan rig rnam rtog bral ba la/ /sgrib bral sangs rgyas zhes bya ste/ /rang rig kho na tsam du zad/ /dper na skyes bu nam mkha' lta ba la/ /sprin gyis skyes bu'i mig la bsgribs pa las/ /nam mkha' de la ma bsgribs ji bzhin no/ /grangs ni dang po gcig yin te/ /gzhan rig rang rig gyur ba las/ /dag pa gzhan gyis rnam grol min/ /'dir ni rang rig gcig kho na/ /de nyid rig cing nges pa'o/ /kun kyang nyon mongs rnam par byang / /gzung 'dzin thabs dang shes rab ste/ /bsam gyis mi khyab gnyis pa'o/ /lus ngag sems kyi rang bzhin las/ / rnam thar stong dang mtshan ma med/ /smon pa med dang sku gsung thugs/ /bsam gyis mi khyab gsum pa'o/ /byams dang snying rje dga' btang snyoms/ /sa chu me rlung rang bzhin las/ /bzhi yi grangs su nges pa ste/ /dga' ba la sogs de bzhin no/ /rigs lnga yi ni sangs rgyas lnga/ /phung po lnga dang chags sdang lnga/ /bsam gyis mi khyab lnga pa'o/ /pha rol phyin drug rang bzhin las/ /yul drug dbang po drug la sogs/ /bsam gyis mi khyab drug nyid de/ /brgya sogs grangs ni bsam mi khyab/ /gang zhig rang rig gzhan rig gnyis/ /thog ma med nas gnas pa ste/ /lus dang grib ma'i tshul du gnas/ /rang rig med par gzhan rig dag /so so skye bo'i dus na 'dod/ /'di yang rmongs chen ma rungs pa/ /gzhan rigs ma spangs rang rig 'dod/ /'khor ba ma spangs mya ngan 'das/ /kha cig 'khor ba mya ngan 'das/ /rig pas blang dor gnyis su rtogs/ /de la sogs pa lta ba'i gdon/ /rig pa 'dzin la brgya rtsa bcu/ /theg chen mdo sde stong phrag gsum/ /nyan thos rang rgyal brgya phrag gnyis/ /khyab 'jug drag po la sogs pa/ /lta ba'i gdon la bsam mi khyab/ /rang rig gdod nas ma skyes pa/ /stong pa ma bcos lhun gyis grub/ /bde ba chen po ros gang ba/ /khams gsum 'khor ba kun shes na/ /sangs rgyas nyid ni 'khor ba la/ /'khor ba nyid ni mya ngan 'das/ /lta ba'i gdon dang bral ba ste/ /rang rig med cing gzhan rig med/ /don dam kun rdzob gnyis ka spangs/ /sems med nam mkha' chos nyid med/ /'khrul pa med cing ma 'khrul med/ /theg pa med cing rim pa med/ /dman dang gya nom gnyis ka med/ /ye shes med cing bde ba med/ /mtha' bral dbu mar mi gnas pa/ /bsam mi khyab du gnas pa ste/ /'di rtogs khong du chud pa dang / /mi 'jigs sgro skur mi rtsom pa/ /rgyal ba'i sras kyi thu bo ste/ /rgyal sras kun gyi nang na mchog /rdo rje 'dzin pas byin rlob cing / /mkha' 'gro kun gyi mchod pa'i gnas/ /rigs 'dzin sa la 'jug pa ste/ / des kyang mnyam gzhag 'bad de bslab/ /rig 'dzin sa la gnas par bya/ /rig 'dzin sa la gnas nas kyang / /rdo rje 'dzin pa'i sa la 'jug /rdo rje 'dzin pa'i sar gnas te/ /bcwa lnga sa yi bdag nyid las/ /sku gnyis gzhan gyi don mdzad pa/ /gzhan gyi las dang smon lam stobs/ /de yi stobs kyis snang ba las/ /yang dag nyid la snang rgyu med/ /rim pa rnam pa gnyis yin te/ /dang po bla ma'i gdams ngag dang / /rig 'dzin sa la gnas pa'i bar/ / rang rig spyi yi rnam pa ste/ /chos nyid yul du byas pa'o/ /rdo rje 'dzin pa'i sar gyur te/ /rang rig rang gi mtshan nyid ni/ /yul dang yul can la sogs pa'i/ /rtog med mkha' ltar snang ba yis/ /khams gsum brtan dang g.yo bcas pa'i/ /bdag nyid de nyid tshul gyis ni/ /mnyam zhag rjes thob kun spangs te/ /sgyu ma'i tshul du gang gnas pa/ /snang ba mthar phyin pa yi tshad/ /thun dang 'pho ba chu tshod dang / /dbyu gu skad cig rim pa la/ /sems kyi bying rgod la sogs skyon/ /bral te dben par gnas pa ni/ /snang med mthar phyin tshad yin te/ /rang rig phyi yi tshad bstan to/ /snang ba med cing sgyu ma med/ /bya brtsal med cing bgrod pa med/ /rang byung lhun gyi grub pa ru/ /rtag tu mi 'gyur gang gnas pa/ /rang rig pa'i mtshan nyid la/ /mthar phyin pa yi tshad yin no/ /'dod chags ro yis myos pa dang / /sems bskyed sdom 'dzin dbang bskur dang / /tshogs kyi 'khor lo 'dus pa'i dus/ /bsam gyis mi khyab rgyal ba'i dus/ /khyad par can du gsungs pa'o/ /gzhan yang rtog pa'i sems dang yang / /rtog med sems dang 'dres pa yi/ /gzugs la brten pa'i mig nyid kyis/ /rtog pa'i rgyun chad sems de nyid/ /sems kyi rgyun bral rgyu de nyid/ /bsam gyis mi khyab rgyu yi dus/ /sgra la sogs pa'i de bzhin no/ /'dod chags zhe sdang gti mug sogs/ /nyon mongs rjes nas rgyu ba ste/ /byams dang sbyin sogs de bzhin no/ /bzo sogs btang snyoms de bzhin te/ /bsam gyis mi khyab rgyu yi dus/ /bla ma'i zhal nas shes par bya/ /sbyin dang tshul khrims la sogs dang / /byams dang snying rje la sogs pa'i/ /mdor na dkar po'i chos rnams dang / /bzo dang rgyu rtsal la sogs dang / /bskyed rdzogs bsgom pa'i rim pa kun/ / skye ba gcig gam du mas ni/ /yongs su rdzogs par gyur pa dang / /'khor ba'i chos la gang skyo ba/ /bsam mi khyab la 'jug pa'i dus/ /bskyed dang rdzogs sogs mi gnas shing / /rdzogs pa chen por gang 'dod pa/ /de yang 'jug pa'i dus yin te/ /bdud rnams bsam gyis mi khyab pas/ /bar ma chod par 'jug pa'i dus/ /gzung ba'i thabs ni bcwa brgyad de/ /mkha' mnyam gzhi bcas gzhi med dang / /yul drug dug gsum brten pa dang / /lhan cig skyes nyid sgra la brten/ /sa chu me rlung sgra brten no/ /chos rnams gzod nas ma skyes pa'i/ /rang rig bsgom pa mkha' mnyam ste/ /bla ma'i sems gzung dang por gces/ /chos rnams thams cad sems yin te/ /sems ni gzod nas ma skyes pa/ /gzhi bcas rang rig rnal 'byor ro/ /sems ni gzod nas rang rig pa/ /gzhi med bsam gyis mi khyab pa'o/ /gzugs sgra dri ro reg bya chos/ /de brten sems gzung bla ma las/ /skyes bus 'bad de blang bar bya/ /de bzhin 'dod chags zhe sdang dang / /gti mug rjes su mkhas pas gzung / /lhan cig skyes gnyis 'byung bzhi la/ /brten te skye ba med par bsgom/ /bye brag sems gzung bsam mi khyab/ /nyan thos la sogs theg chen la/ / man ngag yod pa ma yin te/ /lta ba spyod pa sems gzung dang / /rgyu dang 'bras bu lam dang yang / /dus dang longs spyod rnal 'byor dang / /bdag don gzhan don dgongs pa dang / /ngal dub mtha' spangs tshegs chung dang / / tshogs sog pa yi khyad par dang / /khyad par rnam pa bcwa lnga yis/ /rig 'dzin theg pa khyad par 'phags/ /kye ho bcom ldan 'jigs pa che/ /rang rig bsam mi khyab pa la/ /sbyin dang byams sogs dgongs pa ci/ /sku gnyis gzhan don gang las byung / /bsam mi khyab la legs gnas pas/ /de nyid ci lags phyi ru ci/ /bcom ldan 'das kyis bka' stsal pa/ /sbyin dang byams pa la sogs pas/ /gzhan rig rnam rtog 'gags pa dang / /sku gnyis sems can don mdzad pa'i/ /sems can rnams ni sangs rgyas su/ /'byung ba'i rkyen du nges pas na/ /bsam mi khyab la mi gnas kyang / /sbyin sogs 'bad de bslab par bya/ /de la bsam mi khyab pa 'byung / /sku gnyis stobs dang mi 'jigs dang / /gzungs dang ting 'dzin las rnams kun/ /sbyin la sogs pa sbyin byas nas/ /bsam mi khyab pa 'byung bar nges/ /de nyid rtogs na bsam mi khyab/ /de nyid ma rtogs 'khor ba'i chos/ /dbul pos nor bu'i byi dor bzhin/ /bsam mi khyab la sems gzhag kyang / /bskyed rdzogs rim pas sems gnas nas/ /de ni sngon sbyangs 'phro can te/ /sems kyi yig mgo gcad pa gces/ /rang sems las su rung ba na/ /de ni phyi rtags nang du ste/ / de nyid nang rtags phyi ru 'byung / /lus la dri med srin bu med/ /skra dkar gnyer ma sogs med pa/ /bskyed dang rdzogs pa'i rtags yin no/ /'khor ba sgyu mar snang ba dang / /sprin med mkha' ltar gang snang ba/ /bsam mi khyab pa'i rtags yin no/ /de nas 'khor 'dus pa de dag thams cad chos thams cad kyi rang bzhin de kho na nyid bsam gyis mi khyab pa la rjes su yi rang bar gyur to// //dpal 'khor lo sdom pa'i gsang ba bsam gyis mi khyab pa'i rgyud kyi rgyal po bcom ldan 'das kyis gsungs pa rdzogs s+ho/