བོད་ཡིག |
7b2 @#/ /rgya gar skad du/ shrI dz+nyA na ti la ka yo gi nI tan+t+ra rA dza pa ra ma ma hA ad+b+hu ta~M nA ma/ bod skad du/ dpal ye shes thig le rnal 'byor ma'i rgyud kyi rgyal po chen po mchog tu rmad du byung ba zhes bya ba/ dpal ye shes thig le la phyag 'tshal lo/ /'di skad bdag
7b3 gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs kyi snying po dpa' bo chen po dang / dpa' mo'i dbang phyug mas rnam par bskor nas rdo rje btsun mo'i b+ha ga la bzhugs so/ /der
7b4 dpal nam mkha' dri med dang / shin tu stobs chen po dang / lha'i dbang phyug dang / gsang ba'i bdag po dang / 'od drag dang nyi dgra dang / mchog dga' dang / thams cad kyi byed pa po dang / ut+pa la'i snying po dang / zhi ba chen po'i bdag po dang /
7b5 nag po 'dul ba dang / rmad du byung ba'i dpa' bo dang / dregs chen dang / nag po chen po dregs 'joms dang / ri rab brtan pa dang / nam mkha'i zhal lo/ /yang dpa' mo'i dbang mo'i dbang phyug ma rnams la 'di lta ste/ zla ba
7b6 mo dang / g.yon pa ma dang / nyi mnyam pa dang / rlung za ba ma dang / bsil sbyin ma dang / snying po'i 'dab ma dang / bag yod thor cog ma dang / nyi ma 'dul ma dang / zhi ba 'chi ba'i pho nya ma dang / ljang brtson ma dang / 'od 'dun ma
7b7 dang / tshangs pa'i ma dang / khyab 'jug gi ma dang / thog kha ma dang / thams cad bskyed ma dang / dpa' bo'i yum mo/ /yang ma mo'i btsun mo rnams la 'di lta ste/ skam ma dang / 'jigs ma dang / 'od ma dang / mchu
7b8 'phyang ma dang / ri rab so ma dang / dus kyi bde byed ma dang / nyi mig ma dang / me zhal ma dang / 'dod pa'i ma dang / lce rings ma dang / chos dga' ma dang / 'dod bden ma dang / mig stong ma dang / stag ma dang / gtum mo dang /
8a1 'dod gzugs ma'o/ /de lta bu'i rab zhal la sogs pa dpa' bo chen po dang / dpa' mo'i dbang phyug ma dang / ma mo'i btsun mo bye ba phrag bdun bcu rtsa gnyis kyi grangs kyi 'khor gyi dbus su legs dgyes chen po'i
8a2 sbyor ba la bzhugs nas bcom ldan 'das kyis byang chub sems dpa' sems dpa' chen po lha'i dbang phyug la bos te/ kyai byang chub sems dpa' sems dpa' chen po lha'i dbang phyug de kho na nyid gsum gyi bdag nyid kyi dang / zla ba'i
8a3 bde ba mchog dang / phyag rgya chen po'i mtha' dang / de la rang gi ngo bo dang / rnam pa dang / tshad dag dpal ye shes thig ler grags pa nyon cig /bcom ldan 'das kyis de skad ces bka' stsal pa dang / byang chub sems dpa' sems dpa'
8a4 chen po lha'i dbang phyug 'khor thams cad dang lhan cig du lan gsum du bskor ba byas nas/ bcom ldan 'das kyi zhabs la mgo bos phyag 'tshal te/ sa la blta zhing cang mi smra bar 'dug go/ /de'i tshe nam mkha' la me tog mAn+dA ra ba
8a5 dang / mAn+dA ra ba chen po dang / ut+pal dang / nyi ma'i 'od mnyam pa dang / chu skyes dang / pun da rI ka dang / a sho ka dang / tsam pa ka dang / ar dzun dang / na ga ge sar la sogs pa dri zhim pa'i me tog rnam pa sna tshogs pa dang / rin po che'i char du ma
8a6 bcom ldan 'das kyi zhabs kyi drung du babs so/ /yang bcom ldan 'das kyis byang chub sems dpa' sems dpa' chen po lha'i dbang phyug la bos te/ khyod ci zhig la ya mtshan du 'gyur/ lha'i dbang phyug gis gsol pa/ bcom ldan 'das
8a7 de kho na nyid gsum gyi bdag nyid kyi dang / zla ba bde ba mchog dang / phyag rgya chen po'i mtha' dang / de la rang gi ngo bo dang tshad dang / rnam pa yod dam ci lags zhes bdag ya mtshan du gyur lags so/ /dpa' bo chen po lha'i dbang phyug
8a8 la rdo rje 'dzin pa'i mchog gis 'di skad ces bka' stsal to/ /e ma ho/ de kho na nyid gsum gyi bdag nyid kyi dang / zla ba'i bde ba mchog dang / phyag rgya chen po'i mtha' la de'i rang gi ngo bo dang / rnam pa dang / tshad med dam ci/ de ltar ma yin na chos
8b1 thams cad kyi ngo bo stong pa nyid 'di ga la shes/ mig yor tsam gyi rgyu'i rten ni chos thams cad do/ /de ltar gla rtsi la brten nas dri 'byung ba gla rtsi'i dngos po med na dri ji ltar rnyed par 'gyur/ de bzhin du rang gi ngo bo dang / chos kyi tshad dang / rnam pa
8b2 dag med par gyur na/ de kho na nyid gsum gyi bdag nyid dang / zla ba'i bde ba mchog dang / phyag rgya chen po'i sku'i rnyed pa med do/ /de bas na khyab dang khyab byed bye brag tu/ /gnyis su med pa'i bde ba che/ /bde ba sku la brten pa'i phyir/ /
8b3 bde ba bsten na de nyid 'gyur/ /bde sku rnam par shes yin na/ /thams cad gnyis su med pa'i dngos/ /drug gi bde ba ye shes mchog /bde dang sku ni gnyis las 'byung / /'khor lo drug gi dbus na bzhugs/ /de nyid gsum gyi bdag nyid
8b4 mchog /zla ba la sogs bral bdag nyid/ /de nyid gsum bdag rgyu ru grags/ /lus brten srog gi dbyug pa la/ /sbyor ba drug gi ye shes bzhugs/ /'khor lo drug gi lte ba'i dbus/ /phra mo'i lus ldan rtsa ni drug /thig le dang bcas de
8b5 rnams sbyor/ /srog gi dbyug pa'i nang du'o/ /bde chen 'khor lo'i lte ba yi/ /zla mo tshe dang ldan pa ste/ /de ni srog dbyug rtsa ba yin/ /zur gsum gyi ni rnam pa'i tshul/ /longs spyod rdzogs pa'i lte ba yi/ /lce ma bde ba ldan pa ni/ /de ni srog gi
8b6 dbyug pa'i ske/ /rigs kyi me tog dang 'dra ba/ /chos kyi 'khor lo'i lte ba la/ /nam mkha' ma ni ye shes ldan/ /de ni srog gi dbyug pa'i snying / /ba yi mig gi rnam pa'i gzugs/ /lte ba sprul pa'i 'khor lo'i nang / /'od ma dang ni dus ldan ma/ /
8b7 de ni srog gi dbyug pa'i ste/ /pad ma rgyas pa'i rnam pa bzhin/ /me yi 'khor lo'i snying ga yi/ /'dod pa dang ldan rab 'od ma/ /de ni srog gi dbyug pa'i mdoms/ /rdo rje'i rnam pa bzhin du gsal/ /rlung gi 'khor lo'i lte ba la/ /stobs ni brtson
8b8 'grus ma dang ldan/ /srog gi dbyug pa de yi mtha'/ /til gyis me tog rgyas pa bzhin/ /de ni sbyor drug gi rnam shes/ /rtsa dang thig le dang ldan no/ /rtog med mas ni 'khyud yin phyir/ /de tshe tshangs pa'i dbyug pa yin/ /de yi dus ni bdag gis
9a1 bshad/ /shar dang nub pa rnam gnyis so/ /gang gi tshe tshangs pa'i dbyug pa la mdud pa sum bcu rtsa gnyis yod de/ de la lte ba'i 'og tu 'pho ba bcu drug /steng du 'pho ba bcu drug /byang chub kyi sems dang rlung gnyis phrad pa'i phyir 'pho ba
9a2 ste/ steng 'og gcig pu'i dngos po sbyor ba'i rtsa sum bcu rtsa gnyis so/ /byang chub kyi sems dga' ba dang ldan pa'i gdub bu'i rnam pa sku dang gsung dang thugs kyi ngo bo gcig pu'i rtog med bde legs yid mas tshangs pa'i dbyug pa la 'khyud nas/
9a3 bde ba chen po'i gtsug tor nas gsang ba bde ba chen po'i nor bu'i kha rlung gi 'khor lo yan chad/ ji ltar tsan+dan go shiR+Sha'i shing la sbrul chen po yod pa lta bu'o/ /lha'i dbang phyug de la ji ltar rang gi ngo bo bshad par bya ste/ tshangs pa'i rus pa'i dbyug
9a4 pa'i snying po'i dang po zur gsum gyi rnam pa mdud pa lte ba'i srog gi rlung dang ldan pa'i byang chub kyi sems 'od kyi thig le shes rab ma'i lte bas zla ba yar ngo'i tshes dang po'i chu tshod gcig gi bar du 'dod pa'i dga' ba shar ba'o/ /pad ma'i 'bras bu'i 'dod pa
9a5 las 'dar ba nye ba dang ldan pa tshes gnyis kyi chu tshod gnyis kyi bar du stobs nub pa'o/ /drag po'i mig gi 'dus pa las 'gro ba mnyam pa dang ldan pa tshes gsum gyi chu tshod gsum gyi bar du sprin gyi thig le shar ba'i dus su'o/ /rigs kyi me tog gi nu ma
9a6 reg pa las dga' ba gyen du 'gro ba dang ldan pa'i tshes bzhi'i chu tshod bzhi'i bar du nub pa'o/ /tshangs pa'i mig ma mchu'i bdud rtsi btung ba sbyin pa las rgyas pa thur du byung ba dang ldan pa tshes lnga'i chu tshod lnga'i bar du dbugs shar ba'i dus so/ /
9a7 dung gi mig gis sen mo btab pa las drag po 'jigs pa'i tshul dang ldan pa'i tshes drug gi chu tshod drug gi bar du ut+pa la'i nub pa'i dus so/ /rna ba'i mig gi sbyor ba las byung ba'i khyab byed dang ldan pa'i tshes bdun gyi chu tshod bdun gyi bar du mgo ka la
9a8 shar ba'i dus so/ /ba'i mig gis 'bras bu'i bskyod pa las mchog gi dga' ba bzhi dang ldan pa tshes brgyad kyi chu tshod brgyad kyi bar du yid nub pa'i dus so/ /dung gi lte ba'i nu ma dam por 'khyud pa las 'bar ba lhod pa dang ldan pa'i tshes dgu'i chu tshod dgu'i
9b1 bar du snying po shar ba'i dus so/ /glang po che'i lte ba'i ske'i sgra las thig le mtha' dang ldan pa'i tshes bcu'i chu tshod bcu'i bar du zla ba nub pa'i dus so/ /ut+pa la'i lte ba'i mig gi 'o las myos pa khrung khrung dang ldan pa'i tshes bcu gcig gi chu tshod bcu
9b2 gcig gi bar du nyi ma shar ba'i dus so/ /pad ma'i lte ba'i sprug cing bsigs pa las dga' bral gyi dga' ba kro d+ha dang ldan pa'i tshes bcu gnyis kyi chu tshod bcu gnyis kyi bar du drag po nub pa'i dus so/ /bung ba'i kha'i grong khyer las u da mi rim pa dang ldan
9b3 pa'i tshes bcu gsum gyi chu tshod bcu gsum gyi bar du mchog gi shar ba'i dus so/ /rma bya'i kha'i bskum pa las tshul 'byed pa dang ldan pa'i tshes bcu bzhi'i chu tshod bcu bzhi'i bar du sgra nub pa'i dus so/ /rdo rje'i kha ru mnyam par sbyor ba las gnyid 'on pa dang ldan pa'i
9b4 nya'i chu tshod bcwa lnga'i bar du ro'i shar ba'i dus so/ /rnam par rgyas pa'i til gyi me tog ha brjod pa las tshes bcu drug gi chu tshod bcu drug gi bar du lhan cig skyes pa'i dga' ba gsal ba dang ldan pa'i thog gi nub pa'i dus so/ /thog ni sngags 'jigs
9b5 byed pa ste/ /de la nub pa bcu drug yin/ /shar dang nub pa gang la lar/ /lhan cig skyes la de yod min/ /yon po'i gdub bu'i rnam pa yi/ /rtsa yi lte dbus thig le dang / /dga' ba la sogs shar ba dang / /de ni nub pa'i dus su'o/ /de lta'i
9b6 bde chen rnam pa ni/ /'pho ba ru ni bdag gis bshad/ /dngos dang rten dang rnam par 'byed/ /ye shes dga' bral lhan rtag bzhugs/ /dngos po ro mnyam lta ba yin/ /'dod pa chags pa'i rnam dag byed/ /'dus pa reg bya byed pa yi/ /
9b7 dngos ni srid pa myed par byed/ /'o dang mkhyud pa'i longs spyod rnams/ /dngos ni dngos po rab gcod byed/ /puN+Da ri ka'i 'byung sa yis/ /zur gsum la sogs brten pa yis/ /rten ni bsam du med pa ste/ /chos dbyings rang gi ngo bo yin/ /
9b8 steng dang 'og ni mnyam pa'i rten/ /mya ngan 'das pa rtog med byed/ /bde ba chen po'i bdud rtsi'i rten/ /rigs lnga yi ni mchog gi gzhi/ /ye shes 'dod pa lhun gyis grub/ /'dar ba dga' ba mchog gi dga'/ /ye shes shes pa lhun
10a1 gyis grub/ /gzhi med pa yi lhan cig skyes/ /gzhi dang bcas pa dga' bral dga'/ /ye shes nga rgyal med par byed/ /chos kun rnam par shes pa ste/ /ye shes shes bya don grub byed/ /rnam par 'byed pa 'od gzugs grags/ /
10a2 tshul dang sprin dang stobs bdag nyid/ /rnam par 'byed pa dngos kun du/ /rnam pa'i gzhi dang bcas pa thim/ /skye dang gnas pa sgyu 'phrul gyi/ /rnam par 'byed pa gti mug gsod/ /'khor lo sngags dang bya ba la/ /'joms byed de ni rnam par 'byed/ /
10a3 rtsa yi snying po thams cad ni/ /bcom pa'i phyir na rnam par 'byed/ /ye shes kyi ni snying po'i mtha'/ /rnam par 'byed pa gsol ba yin/ /ye shes shin du bde byed phyir/ /rnam par 'byed par de phyir brjod/ /gnyis su med pa mchog zhi ba/ /chags pa dang
10a4 ni chags bral min/ /dri ma med pa bcos med pa/ /rgyud dang sngags dang rim pa bral/ /rang rig pa dang brjod du med/ /thams cad khyab cing dpe byad med/ /de lta bu ni don dam pa/ /lha yi dbang phyug rnam par 'byed/ /sangs rgyas byang chub sems kun gyi/ /
10a5 thugs kar rtag tu bzhugs pa'o/ /rnam par 'byed la sgom pa med/ /phung po khams la sogs dang bral/ /sgra la sogs pa'i chos kyis stong / /stong dang snying rje'i bdag nyid yin/ /tshangs pa khyab 'jug drag po dang / /dbang phyug rtag tu zhi ba dang / /
10a6 de rnams kun gyi yab yin no/ /'byed pa dang ni mchog rmad 'byung / /de nyid ye shes thig le 'dir/ /mchog rnams grub pa'i mnga' bdag go/ /'byung ba kun gyi nang yod pa/ /sku lnga'i bdag nyid rab mchog yin/ /mkha' 'gro dbang phyug lnga bdag
10a7 po/ /nam mkha' bdag nyid skyed med do/ /nam mkha' lnga yi nang du thim/ /sangs rgyas kun gyis phyag byas pa/ /de lta'i gsang chen ye shes ni/ /ye shes dbang po rnyed dka' ba/ /ji ltar nor ni rkun ma yis/ /ma rnyed byed ltar
10a8 'bad pas smra/ /dpal ye shes thig le las 'pho ba'i dus shar ba dang nub pa zhes bya ba'i le'u ste dang po'o// // lha'i dbang phyug gis gsol pa/ kyai bcom ldan 'das/ de nyid gsum bdag nga ro ci/ /de bzhin
10b1 zla ba bde ba mchog /phyag rgya chen po'i rnam pa ci/ /de yi mtha' ni ji ltar lags/ /bcom ldan 'das kyis bka' stsal pa/ /de nyid gsum ni sku gsung thugs/ /rdo rje gsum ni ye shes mchog /zla ba bde ba mchog ces pa/ /
10b2 de yi phung po dbang po khams/ /phyag rgya chen po rdor snying po/ /de yi mtha' ni b+ha gar dran/ /mtha' dang snang ba rnam par shes/ /chu yi zla ba bzhin du mthong / /chos kun rang bzhin dri ma med/ /snang ba las ni thams cad 'byung / /skye ba dang
10b3 ni 'gag pa med/ /yang dag 'od las thams cad 'byung / /de yi phyi rol chos thams cad kyi bdag nyid ni bcom ldan 'das dpal ye shes thig le'o/ /de la dang po rnam pa dang bcas pa'i dkyil 'khor gyi 'khor lo'i bskyed pa bsgom pa
10b4 dang / sngags dang bzlas pa dang / sbyin sreg dang mchod sbyin dang / gtor ma dang mchod pa dang / gnas kyi brjod pa dang / dbang bskur gyi rim pa de dag bshad do/ /dpal ye shes thig le las de kho na nyid gsum gyi bdag nyid dang zla ba mchog
10b5 gi bde ba dang phyag rgya chen po'i mtha' la sogs pa'i phyogs tsam bstan pa'i le'u ste gnyis pa'o// // lha'i dbang phyug gis gsol pa/ tshangs pa'i rus pa srog gi dbyug pa'i steng dang 'og gi 'pho ba cha gnyis su rtsa sum bcu rtsa
10b6 gnyis kyi rang bzhin las le'u dang por gang gsungs pa ni de rnams kyi nang nas gcig tu rtog med bde legs yid ma gcig pu nges par bstan par mdzad kyi/ bcom ldan 'das rtsa gzhan rnams ci'i don gyi phyir 'dir ma gsungs/ bcom
10b7 ldan 'das kyis bka' stsal pa/ gcig pu rtog med bde legs yid ma de ni bye ba phrag bdun cu rtsa gnyis kyi rtsa phra mo'i dra ba rnams rol mo'i don du byas pa/ sna tshogs kyi bdud rtsi bsam gyis mi khyab pa chos kyi 'byung gnas chen po'i
10b8 sa stengs su 'byung zhing skye'i char 'bab pa'i don du bstan pa'o/ /lha'i dbang phyug gis gsol pa/ de ltar lags mod kyis kyang / rtsa sum bcu rtsa gcig po rnams kyi mtshan dang grangs 'dir mchog gi dbang phyug la bka' drin zhu'o/ /bcom ldan 'das
11a1 kyis bka' stsal pa/ lha'i dbang phyug sum bcu rtsa gcig gi ming rnams nyon cig /gsang ba dang zab pa dang sred pa dang phra mo dang bdud rtsi ma dang bdud rtsi khri ma dang dag pa ma dang bde ba ma dang stobs ma dang thabs ma dang /
11a2 hrud hrud ma dang ser ma dang / 'o rgyun ma dang dga' ma dang snum ma dang khro ma dang mngar ma dang skyur ma dang kha ba ma dang bska ma dang tsha ma dang lan tshwa ma dang rtsub ma dang / dad ma dang stobs ma dang dga' byed ma dang dga' sbyin ma dang gnyid ma
11a3 dang bcad skyed ma dang khong chud ma dang tshe ma ste/ de dag ni rtsa sum cu gcig te/ steng dang 'og tu 'pho ba gnyis kyi zla ba dang nyi ma gzas zin pa'i dus su tshigs rgyas pa'o/ /de nas dbang gi rim pa bshad de/ ji lta yi ni go
11a4 rims su/ /dbang bskur mchog ni rnyed pa gang / /thams cad du ni nus par 'gyur/ /yon tan tshul khrims ldan pa'i bu/ /bla mas dang por dbang bskur bya/ /khrus byas mig dag ras kyis dgab/ /snyim pa me tog gis bkang ldan/ /
11a5 yon phul nas ni dga' dang bcas/ /lha yi dbang phyug dbang bskur bya/ /dbang bskur las ni sangs rgyas sa/ /the tshom med par rnyed par 'gyur/ /de bas kun tu rab 'bad de/ /dpal ldan dbang rgyal blang bar bya/ /dbang bskur bzhi ru phye
11a6 ba ni/ /slob dpon la sogs dbye ba yin/ /dang por slob dpon gyi ni dbang / /gnyis pa de ni gsang ba'i dbang / /gsum pa shes rab ye shes dbang / /de ltar de bzhin bzhi pa'o/ /bzhi gnyis rab du dbye ba ni/ /slob dpon dbang la
11a7 sogs par bskur/ /rdo rje slob dpon dbang gsum du/ /nam mkha' mnyam du bdag gis bshad/ /de gnyis la ni bcu gcig phye/ /rdo rje slob dpon dbang rgyal lo/ /dbang bskur de ni rin po che/ /khams gsum gyis ni phyag byas pa/ /
11a8 thar par 'gro ba 'grub don du/ /'di ru rim pas bdag gis bshad/ /chu dang dbu rgyan rdo rje dang / /dril bu ming dang brtul zhugs dang / /lung bstan pa dang skyabs sbyin dang / /phyag rgya sngags dang ye shes so/ /rnal 'byor rgyud la
11b1 mos pa la/ /dbang brgyad phye la sbyin par bya/ /rnal 'byor bla ma la mos la/ /bcu gcig bdag nyid sbyin par bya/ /rnal 'byor ma la mos pa rnams/ /gsang ba'i dbang ni sbyin pa'o/ /gsang ba gnyis su dbye bar gsung / /
11b2 de ni phyi dang nang gis so/ /rnal 'byor rnal 'byor bla ma'i phyir/ /dbang bskur shes pas sbyin par bya/ /nang gi rnal 'byor ma yi rgyud/ /gsang ba'i dbang ni rab tu sbyin/ /de ni gsang ba gsum du dbye/ /skye dang mdud dang de bzhin sad/ /shes
11b3 rab rnam pa gnyis su dbye/ /bskyed dang rdzogs pa'i bye brag go/ /shes rab brgyad gnyis lo dang ldan/ /spyan rings cha la mkhas pa dang / /yan lag tsan dan sar pa'i dri/ /shin tu 'jam pa'i khu bas tshim/ /gzugs bzang sngo la skal
11b4 ldan ma/ /'o 'dzin mkhrang zhing 'jam la mtho/ /bsam gtan sngags la dad cing zhi/ /dbang bskur dang ldan thugs rje grub/ /de lta'i rab grags 'bad de btsal/ /dbang gi don du bla ma zhu/ /de kun mtshan nyid dang ldan pa/ /chung
11b5 ma yang na sring mo 'am/ /bu mo yang na mna' ma 'am/ /mkhas pas 'bad de blang bar bya/ /rang gi rigs ni ji bzhin rnyed/ /khu ba dang bcas gzhon nu ma/ /sna tshogs rgyan gyis legs par brgyan/ /mkhas pas bla ma la ni 'bul/ /
11b6 dbang gi man ngag gsum du bzhugs/ /nang gi yis ni brda byed pa/ /bzhi pa 'bras bu'i ngo bor grags/ /gsum dang bral ba'i gsum bdag nyid/ /dga' ba la sogs bye brag tu/ /rdo rje gzhon nu mas gsal dbye/ /dbang
11b7 bskur gyis ni 'khor los bsgyur/ /the tshom med par yin par 'gyur/ /dbang gis dri ma med par byed/ /chu la sogs pas ras bkrus bzhin/ /cho ga thams cad rdzogs pa'i dbang / /yan lag de nyid dang ni bcas/ /gcig nas gcig tu rim
11b8 pas brgyud/ /bla ma rab kyi zhal nas blang / /gzhan du rtog ge'i tshogs la mkhas/ /sgra yi bstan bcos rtag mos la/ /dbang gi mchog ni rnam pa gsum/ /blang bar mi bya sbyin mi bya/ /yang dag 'bras bu 'dod pa na/ /de ni ring du spang
12a1 bar bya/ /de ltar yang bye ma du ma bsdus pa'i phung po la 'bad de rnam par btsir bas mar khu'i thigs pa phyed kyang mi 'byung ngo / /de bzhin du rtog ge mang po dang / ngag gi dra ba dang ldan pa la bstan pa'am/ nyan pa las ni de la nyon
12a2 mongs pa 'ba' zhig las gzhan 'bras bu ni rnyed pa med do/ /de bas na gcig nas gcig tu rim pas brgyud de rnyed pa'i dbang shes pa de ni rdo rje slob dpon bla ma chen po'o/ /mi gsal mchog gi bkra shis can/ /sangs rgyas 'bras bu sbyin pa'i sbyin/ /
12a3 bla ma'i gzugs so gzhan ma yin/ /bsod nams thams cad kyi ni gnas/ /sangs rgyas byang chub sems dpa' dang / /tshangs pa brgya byin khyab 'jug lha/ /de kun gyis ni bdag mchod 'os/ /ma grags kyang ni grags gzugs yin/ /de ltar shes
12a4 nas sgrub pa pos/ /'bad pa yis ni mchod par bya/ /bla ma'i zhal snga mchod byas na/ /ci 'dod pa yi 'bras bu rnyed/ /rgyud kyi don nam dbang gi don/ /shes nas bla ma mi mchod pa/ /sa stengs nyi zla yod bar du/ /de ni mnar med pa ru 'gro/ /de
12a5 bas kun tu 'bad pa yis/ /gus pas bla ma mchod par bya/ /rin chen sna tshogs bzor byas legs/ /gser gyi pad ma dri ma med/ /mu tig do shal rin thang med/ /sna tshogs du ma yi ni gos/ /gces pa'i btsun mo bu dang bcas/ /
12a6 glang chen rta dang bran la sogs/ /dpal ldan bla ma'i spyan snga ru/ /dad gus brtan pas dbul bar bya/ /dpal ye shes thig le las yon dbul ba dang bcas pa'i dbang gi rim pa zhes bya ba'i le'u ste gsum pa'o// //
12a7 de nas gzhan yang rab bshad nyon/ /gnas kyi rnyed pa ji bzhin don/ /ka ba gcig dang sgo dgur ldan/ /rdo rje brtsig pa'i rgyan dang ldan/ /rdo rje'i thig dang bla res ni/ /kun du yongs su bskor ba yin/ /rlung la sogs pa'i rim pas
12a8 dbye/ /'byung ba bzhi dang ldan pa yin/ /ji snyed nam mkha'i mtha' kun du/ /thams cad bdag nyid rtag tu bzhugs/ /rdo rje gur gyi dbus su ni/ /bsrung ba'i 'khor lo 'khor bzhin pa/ /rtsibs bcu pa la gser gyi mdog /khro bo
12b1 bcu dang bcas pa'o/ /khro bo thams cad zhal gsum pa/ /spyan gsum pa la phyag drug pa/ /g.yas brkyang bas ni bzhugs pa dang / /gsus pa rlo ba/ sbrul gyi rgyan gyis brgyan pa/ ljags 'dril ba/ mche ba 'jigs pa gtsigs pa/ dbu skra ser
12b2 po gyen du 'greng ba/ ag tshoms dang smin ma che zhing ring ba ste/ shar gyi 'khor lo'i rtsibs la gshin rje'i gshed sku mdog nag po g.yas dang g.yon pa'i zhal gnyis ni ser ba dang dmar po/ phyag g.yas gnyis na ral gri dang rtse gsum pa/ phyag g.yon
12b3 gnyis na thod pa dang dbyug pa'o/ /lho phyogs kyi rtsibs la shes rab mthar byed dkar po g.yas kyi zhal dmar ba/ g.yon sngo ba/ phyag g.yas pa gnyis kyis dbyug pa dang ral gri/ /phyag g.yon pa gnyis na mtshon rtse gcig pa dang mgo bo'o/ /
12b4 nub tu pad ma mthar byed dmar po zhal g.yas dkar zhing g.yon sngon po/ g.yas dang g.yon gyi phyag bzhi na ral gri dang / 'khor lo dang / zla ba phyed pa dang / ri rab zur brgyad pa'o/ /byang du bgegs mthar byed sngon po g.yas dang g.yon gyi zhal gnyis
12b5 ni dkar po dang dmar po'o/ /g.yas dang g.yon gyi phyag bzhi na rdo rje rgya gram dang / ral gri dang / mdung thung me'i mtshams su 'dod pa'i rgyal po'i gzugs can g.yas dang g.yon gyi zhal gnyis ni dkar ba dang dmar ba/ g.yas
12b6 kyi phyag gnyis na ral gri dang rin po che/ phyag g.yon na sta re dang mdung thung ngo / /srin po'i mtshams su dbyug pa sngon po chu srin 'dzin ser po'i gzugs/ g.yas dang g.yon gyi zhal ljang ba dang dmar ba/ phyag g.yas
12b7 gnyis na rgya gram rtse gsum dang ral gri/ phyag g.yon gnyis na sA la'i shing chen po dang / de bzhin du me'o/ /rlung mtshams su stobs po che du ba'i mdog /g.yas pa dang / g.yon pa'i zhal gnyis ni ser ba dang
12b8 dmar po/ phyag bzhi la ral gri dang dung dang dgra sta dang rnga ma'o/ /dbang ldan gyi mtshams su mi g.yo mgon dkar nag zhal g.yon dmar po dang / g.yas sngon po/ g.yas g.yon gyi phyag bzhi na ral gri dang lcags kyu dang pi wang dang rnge'u chung ngo / /steng du
13a1 gtsug tor 'khor los sgyur ba sku mdog ser po g.yas dang g.yon pa'i zhal gnyis ni sngo ba dang dkar ba/ phyag bzhi na 'khor lo dang / ral gri dang / ka pA la dang / kha T+wA~M ga'o/ /'og tu sum b+ha'i rgyal po sku mdog
13a2 nam mkha' ltar sngo ba/ g.yas kyi zhal mthon mthing chen po'i 'od can/ g.yon pa ni nyi ma gzhon nu'i 'od can/ g.yas kyi phyag gnyis na ral gri dang lcags kyu/ g.yon gnyis na gri gug dang thod pa'o/ /thams cad kyi rtsa ba'i
13a3 phyag gnyis kyis rdo rje dang pad ma bsnams pa/ rang gi 'od kyi shes rab ma la 'khyud pa'o/ /'dod pa'i rgyal po la sogs pa ni 'jig rten skyong ba brgyad kyi steng du'o/ /gtsug tor 'khor los bsgyur ba dang sum b+ha'i rgyal po ni zla
13a4 ba dang nyi ma'i steng du shes par bya'o/ /'di'i 'khor lo'i lte ba gru gsum gyi gzugs te ri bong can dkar po'i 'od chos kyi 'byung gnas so/ /de'i dbus su sngar bstan pa'i 'byung ba bzhi ji lta bu'i rim pas/ rnam par snang mdzad yongasu gyur pa
13a5 las dur khrod brgyad dang ldan pa'i gzhal yas khang yangs pa chen po'i 'phar ma gnyis nyi ma'i gdan du sna tshogs pad ma 'dab ma brgyad kyi lte bar 'jigs byed dang dus mtshams kyi bde byed ma'i steng du tshul dang thigs pa'i rang gi ngo bo A li dang kA
13a6 li gnyis las byung ba/ ma~M hU~M las dpal ye shes thig le phyag rgya chen pos 'khyud cing zhal brgyad pa/ phyag brgyad g.yas brkyang ba/ zhal bzhi ni nag pa dang ser ba/ dmar ba dang ljang gu'o/ /gzhan bzhi ni ut+pa la sngon po'i 'dab ma
13a7 lta bu'o/ /rdo rje dang / dril bu dang / rnge'u chung dang / ka pA la dang / kha T+wA~M ga dang / ral gri dang / mda' gzhu'o/ /sna tshogs rdo rje dang zla ba tshes pas ral pa'i dbu rgyan dang dpral bar thod pa'i steng du mi bskyod pa'i cod pan can no/ /phyag
13a8 rgya drug gis sku bcings pa/ rgyu mas brgyus pa'i mgo bo chen po'i do shal gyis sku brgyan pa/ tshangs pa'i pags pas rked pa'i sham thabs can gyi skur bzhengs shing ha ha'i gad rgyangs dang b+h+rI ka ra'i chol ba'i sgra chen po'i nga ro bsgrags shing brjod
13b1 pa tsam gyis tshangs pa'i g.yul sa bye ba'i grangs kyis thod pa'i lto ba rlag par mdzad pa/ mi bzad pa dang / mi sdug pa dang / lce spyang gi tshogs 'jigs su rung ba dang / sha za'i tshogs ha har rgod pa dang / nag po'i me can gyi dur khrod chen
13b2 po brgyad na 'jigs byed kyi nyams dgu dang ldan pa'i gar byed pa'o/ /dpal ye shes thig le las dkyil 'khor gyi 'khor lo bskyed pa zhes bya ba'i le'u ste bzhi pa'o// // da ni sngags mchog bshad bya ba/ /sgrub pa
13b3 po ni 'grub 'gyur ba/ /sa yi cha ni mnyam pa'i mchog /sbrang rtsi ga bur gyis ni byug /dri zhim pa yi me tog bkram/ /me tog gis ni chal par dgram/ /chu ngogs yang na thang stong du/ /rdo rje skud pa yis ni bskor/ /mig
13b4 mdzes rdo rje gzhon nu ma/ /zla ba nyi mas pad ma khengs/ /lang tsho gsar la reg bya 'jam/ /dang po mkhas pas 'jug par bya/ /sngags kyi gnas su lugs ji bzhin/ /legs dgyes shin tu sbyor bar bya/ /de yi sbyor bas gang
13b5 zhig 'byung / /kha dang sa sogs mchod par bya/ /pad ma 'dab ma brgyad pa bya/ /rdo rje yi ni phur bu bcu/ /mkhas pas khro bo'i sngags kyis gdab/ /A li kA li mnyam byas nas/ /'dab ma kun la rim pas dgod/ /
13b6 A li ye shes 'dab mar gcig /kA li 'dab ma bdun du dran/ /'dab ma re re yi ge lnga/ /lnga pa lnga ni lnga la'o/ /'dab ma gnyis su bzhi gnyis te/ /k+ShaHyi yig 'bru lte nang ngo / /dbyangs yig gsal yig bye
13b7 brag tu/ /A li kA li 'du shes yin/ /gnyis kyi yi ge 'dab ma yis/ /sngags kyi rgyal po de nyid dran/ /dang po'i gzugs kyis rgyal po'i dbang / /de nas 'dab gnyis kyi dang por/ /bzhi pa'i dbyangs yig dang bcas pa/ /
13b8 'og tu re pha yis ni brgyan/ /de nas nyi shu rtsa lnga ni/ /'dab ma gnyis pa'i bzhi pa'o/ /dbyangs yig gnyis pa dang ldan pa/ /khro ba'i ngan 'gro dag byed pa/ /'dab gnyis dang po bzhi pa yin/ /de nas gsal byed pa yis rgyan/ /
14a1 'dab gnyis dang po'i gnyis pa yin/ /ldan pa thams cad rims 'phrog byed/ /gsal byed pa la gsum pa ste/ /bcu pas yang dag ldan pa'o/ /dbyangs kyi yi ge gnyis pa yis/ /lha yi dbang phyug brgyan pa'o/ /bzhi
14a2 pa'i lnga pa gang yin dang / /de nas de yi dang po'o/ /bcu drug pa la gsum pas ldan/ /thams cad sngags kyi tshig gi gzhi/ /de nas sa ni dag pa dang / /de bzhin gsal byed dang po'o/ /yan lag gsal byed sum bcu gsum/ /
14a3 dbyangs yig drug pa yang dag ldan/ /thams cad kyi ni 'byung ba'i gzhi/ /zla tshes thig les rnam par brgyan/ /de ni de dang nye bar gnas/ /sems kyi dbang phyug yi ge mchog /gang zhig lnga pa'i gnyis pa dang / /gsum pa'i dang po
14a4 dang ldan pa/ /mthar ni srA hA ldan pa ste/ /snying po'i sngags ni rmad byung mchog /dang po ru ni gzugs kyi mchog /'dab ma gnyis pa'i bzhi pa'o/ /'og tu re pha yang dag ldan/ /dbyangs kyi yi ge bzhi pas sbyar/ /rig pa'i rgyal po'i
14a5 yi ge mchog /thig le yis ni mgo bo mnan/ /de rang du ni nye bar gnas/ /thams cad zhi ba zhi ba'i mchog /thigs pas mnan pas sum cu gsum/ /bcu drug pa ni gnyis par ldan/ /yang ni de nyid yi ge mchog /khams
14a6 gsum mun pa sel bar byed/ /hU~M phaT de ni gnyis ka sbyar/ /tha mar swA hA yis ni ldan/ /nye ba'i snying po'i sngags zhes bya/ /bcom ldan ye shes thig les so/ /dang por rnam par snang mdzad dag /nyi shu rtsa dgu de nas so/ /gsal byed pa
14a7 ni bzhi gnyis pa/ /nyi shu rtsa bdun pas ni ldan/ /nyi shu rtsa gnyis pa yi gzhan/ /dbyangs kyi yi ge bdun pas ldan/ /bzhi pa las ni gsum pa'o/ /de dang nye bar rlung yin no/ /dbyangs yig bcu gcig pa dang ldan/ /'bras bu
14a8 thams cad don sbyin no/ /lnga pa yis ni lnga pa dang / /ha yi yig 'bru de dang nye/ /lnga pa yis ni gsum pa dang / /nyi shu rtsa brgyad de nas so/ /lnga pa yi ni dang po dang / /nyi shu rtsa bdun de nas so/ /dbyangs yig gi ni gnyis pas ldan/ /
14b1 khams gsum dgug par nus pa'o/ /gsal byed kyi ni dang po dang / /nyi shu rtsa bdun pa ni ldan/ /nyi shu rtsa lnga pa dag dang / /dbyangs kyi yi ge gnyis pas ldan/ /nyi shu rtsa drug yi ge mchog /dbyangs kyi yi ge bcu gcig ldan/ /swA hA mtha' ru ldan pa ni/ /
14b2 hU~M hU~M phaT kyis spel bar bya/ /de ni phyag rgya che snying po/ /yid bzhin rin chen mnyam pa'i 'od/ /dang po yi ni pra Na pa/ /de nas 'dab gnyis pa yi gsum/ /ya yi sde tshan gnyis pa dang / /nyi shu rtsa dgu de nas so/ /dbyangs kyi
14b3 yi ge gsum pa yis/ /snying la khong du chud par bya/ /drug bcu rtsa bzhi phyed dag pa/ /ra yi yig 'bru de dang mnyam/ /tha mar swA hA dang ldan pa/ /hU~M hU~M phaT ni spel ba yin/ /nye ba'i snying po sngags chen po/ /thams cad sngags
14b4 kyi bdag po mchog /oM shrI ma hA kA ru Na kru ta/ ma hA be be da/ s+phA ra Na ma hA ka sam pra b+ha dza ya bi dze ya/ aT+TAT+Ta hA sa/ ma hA g+ho ra g+ho re shwa ra ma hA ru dre~M rA~M tra mA le Da ra/ su ma sUr+ya ag+ni lo tsa na/ A kA sho da ra/ ma hA sA gar kog+ge/ ha na
14b5 ha na/ da ha da ha/ pa tsa pa tsa/ ma thA ma thA/ bi d+h+wa~M sa ya bi d+h+wa~M sa ya/ A kaR+Sha ya A kaR+Sha ya/ b+hAny+dza ya b+hAny+dza ya/ tsUr+N+Na ya tsUr+N+Na ya/ ha ha ha ha/ hi hi hi hi/ ma hA ru d+hi ra/ pA Ni marda ya/ hU~M hU~M hU~M hU~M/ phaT phaT phaT phaT
14b6 swA hA/ oM ma hA kro d+he shwa rA ya hU~M phaT swA hA/ oM ma hA bai be De s+phA ra NA ya hU~M phaT swA hA/ oM ma hA kalpan+ta ag+ni sa ma pra b+hA ya hU~M phaT swA hA/ oM dza ya bi dza ya aT+TA Ta hA sA ya hU~M phaT swA hA/ oM ma hA g+ho ra g+ho re shwa rA ya hU~M phaT swA hA/ oM ma hA bI ra bI re
14b7 shwa rA ya hU~M phaT swA hA/ oM ma hA ru d+hi rAn+t+ra mA la d+ha rA ya hU~M phaT swA hA/ oM sau ma sUr+ya ag+ni lo tsa nA ya hU~M phaT swA hA/ oM A kA sho da rA ya hU~M phaT swA hA/ oM ma hA sA ga ra kok+ke ni hU~M phaT swA hA/ oM ha na ha na hU~M phaT swA hA/ oM da ha da ha hU~M phaT swA hA/ oM
14b8 pa tsa pa tsa hU~M phaT swA hA/ oM ma tha ma tha hU~M phaT swA hA/ oM bi d+h+wa~M sa ya bi d+h+wa~M sa ya hU~M phaT swA hA/ oM A kaR+Sha ya A kaR+Sha ya hU~M phaT swA hA/ oM b+hAny+dza ya b+hAny+dza ya hU~M phaT swA hA/ oM tsUr+N+Na ya tsUr+N+Na ya hU~M phaT swA hA/ oM ha ha ha ha hU~M phaT swA hA/ oM hi hi hi hi
15a1 hU~M phaT swA hA/ oM ma hA ru d+hi ra pA Ni ma ya hU~M phaT swA hA/ oM hU~M hU~M hU~M hU~M hU~M phaT swA hA/ oM phaT phaT phaT phaT hU~M phaT swA hA/ /phreng ba'i sngags ni mchog gi lha/ /las thams cad ni rab grub byed/ /oM ma hA kA ma ru pi
15a2 NI ye sa ra sa ra/ bi sar bi sar/ /A gats+tsha A gats+tsha/ sar+b+bAR+tha~M sA d+ha ya sA d+ha ya/ sar+b+bA mA ra~M/ niR+m+ma tha niR+m+ma tha/ ma hA bI re re shwa ra sap+ta pA tA la/ ba da re Ne/ sap+ta sA ga ra/ shu Sha Ne ru Sha Ne mu ha Ne/ dzam b+ha ne/ stam b+ha ne/
15a3 trai lokya b+ha ya~M ka re/ ha~M ha~M hiM hiM hU~M hU~M/ ki li ki li/ si li si li/ hi li hi li/ Di li Di li/ ma hA kalpAg+ne sa ma pra b+hA ya hU~M hU~M phaT swA hA/ phreng ba'i sngags ni mchog gi lha/ /bcom ldan mo yi bdag gis bstan/ /ha ng+hU~M ng+hU~M / /kru~M kru~M/
15a4 g+h+ro~M g+h+ro~M/ mro~M mro~M/ j+ro~M j+ro~M/ TA~M TA~M/ pra~M pra~M/ sro~M sro~M/ hro~M hro~M/ Tu~M Tu~M/ phro~M phro~M/ pra~M pra~M/ yo~M yo~M/ hro~M hro~M/ shro~M shro~M/ ku~M ku~M/ 'khor lo'i sngags ni sngags chen po/ /dpa' bo rnams kyi snying po mchog /a A i I u U r-i r-I l-i l-I e
15a5 ai o au a~M aH dpa' bo'i yan lag ma snying sngags/ /lha yi dbang phyug bdag gis bshad/ /dang por oM dang mthar hU~M phaT/ /bar du ming ni spel ba'o/ /gsang ba'i sngags kyi dgod pa ni/ /mchod pa'i dus su mchod par bya/ /oM na da
15a6 niR+mA lA ya hU~M hU~M phaT/ oM bin+duR+tha ga me hU~M hU~M phaT/ oM ma hA kA lA grA ya hU~M hU~M phaT/ oM nA da ma tra swa rU pA ya hU~M hU~M phaT/ oM pa ra shu rU pA yA hU~M hU~M phaT/ oM a pa rA ma na bu~M kA ya hU~M hU~M phaT/ ye shes drug gi mchog sngags dbang / /'khor lo drug pa'i nang na bzhugs/ /
15a7 gsang ba'i dkyil 'khor rgyal dbang po/ 'di yi sngags kyis mchod par bya/ /a ka tsa Ta ta pa ya sha sgra ni grags/ /sde tshan brgyad kyi gtso bo yin/ /rtsa ba'i sde tshan gtor ma gtang / /brtag pa gnyis kyi ji bzhin no/ /rdo rje'i phyag rgya'am snying po yis/ /mig mi 'dzum
15a8 pa'i lta bas sbyin/ /bsrung 'khor yod pa'i khro bo yi/ /de yi sngags ni bdag gis bshad/ /dzrem+b+ha dzrem+b+ha/ g+hu g+hu ro g+hu g+hu ro/ /d+ha ra d+ha ra/ bi d+ha ra bi d+ha ra/ Ta g+he Ta g+he Ta/ s+pho liM gi s+pho liM gi/ a ta a ta hA sa/ aT+Ta aT+Ta hA saH hU lu hU lu/ bi kra ma bi kra ma/ hU~M phaT kyis ni
15b1 mtha' mar ldan/ /bar du ming ni spel ba'o/ /rdo rje gsum pa ye shes rgyal/ /AHhUM ni sngags kyi mchog /dpal ye shes thig le las sngags btu ba zhes bya ba'i le'u ste lnga pa'o// // de nas mchod sbyin rab bdag bshad/ /gnas
15b2 la sogs pa'i rim pas sbyor/ /bskyed pa'i bye brag thigs pa gsum/ /rdzogs pa'i rim gsum de ltar ro/ /rnam shes la sogs bye brag tu/ /mchod sbyin tshangs pa'i g.yul sa che/ /rnam par shes pa longs spyod dang / /snang dang nam mkha' ye shes bzhin/ /
15b3 sku brgyad kyi ni bye brag tu/ /dngos po rten dang rnam par 'byed/ /ji bzhin 'dod pa sdug pa ni/ /mchod sbyin rnal 'byor ma dkyil 'khor/ /auD+yan la sogs gnas su ni/ /legs dgyes ma sogs lha mo kun/ /kA li ye shes yig mchog sbyin/ /phyi dang nang
15b4 du bya ba'o/ /mchod sbyin byas na sbyin pa che/ /'bras bu bkra shis ldan pa skye/ /sems can rnams kyis bye brag tu/ /sna tshogs thabs ni rab tu bshad/ /kha cig rnams la 'dul ba'i thabs/ /kha cig rnams la mdo sde'o/ /la la pha rol phyin pa'i
15b5 lam/ /kha cig la ni sngags kyi mchog /rab 'bring tha ma'i bye brag tu/ /thar par 'gro ba'i thabs yin no/ /blo gros che 'ang theg gzhan gyis/ /grangs med gsum gyis sangs rgyas yin/ /sngags kyi theg pa la mos na/ /tshe 'di la ni sangs rgyas so/ /
15b6 yang ni rdo rje 'dzin pa nyid/ /rnal 'byor ma khyod smos ci dgos/ /yang na lus ni spangs ma thag /bla na med pa'i ye shes dag /brtson par mi ldan pas kyang rnyed/ /brtson 'grus ldan pas smos ci dgos/ /brtan pa'i brtson pas don thams
15b7 cad/ /'bad pa med kyang 'grub pa yin/ /don kun grub pa'i bsod nams can/ /rtog med nyon mongs med pa'o/ /gang zhig las ni ci byed pa/ /de ni bsod nams 'phel ba yin/ /'dod pa'i longs spyod gang gang spyod/ /de kun mchod pa
15b8 la sogs yin/ /de ni mchod sbyin 'phel ba yin/ /mchod las ye shes 'bras bu rnyed/ /de ni mchod sbyin yang dag pa/ /rgyud kun du ni rnyed dka' ba/ /'bras bu chen po thams cad sbyin/ /rnal 'byor ma yi gzhi yi mchog /
16a1 dpal ye shes thig le las mchod sbyin gyi cho ga zhes bya ba'i le'u ste drug pa'o// // de nas mchod pa'i cho ga ni/ /sdig pa thams cad 'jig byed pa/ /yid 'phrog lha yi me tog gis/ /zla ba nyi ma'i 'od dang ldan/ /
16a2 me dang sgron ma rmad du byung / /mchod sbyin dkyil 'khor la mchod bya/ /dbang ni mar ngo'i dang po yi/ /bcu drug pa yi dang po yis/ /gnyis pa yi ni rab thim gsum/ /bcu drug dang po'i 'og ma yis/ /gsum pa yi ni longs
16a3 spyod yin/ /bcu drug pa yi gsum pas so/ /bzhi pa yi ni thim pa 'byung / /gsum pa yi ni 'og mas so/ /lnga pa yi ni longs spyod yin/ /bcu drug pa yi lnga pas so/ /drug pa yi ni thim pa 'byung / /bcu drug pa yi drug
16a4 pas so/ /bdun pa yi ni rab mchod dbang / /mar ngo yi ni brgyad pa dag /dbyangs yig brgyad pos mchod par bya/ /dgu pa yi ni longs spyod 'byung / /bcu drug pa yi dgu pas so/ /bcu pa yi ni thim pa 'byung / /dbyangs yig
16a5 gi ni bcu pas so/ /bcu gcig pa yi dbang yin te/ /bcu gcig pa yis mchod par bya/ /bcu gnyis kyi ni thim pa 'byung / /dbyangs yig bcu gnyis po yis so/ /bcu gsum pa yi longs spyod ni/ /de gnyis kyi
16a6 ni mchod par bya/ /bcu bzhi yis ni thim par 'gyur/ /dbyangs yig bdun pa gnyis kyis mchod/ /nya gang ba la dbang yin te/ /dbyangs yig bcwa lnga pa yis so/ /byang chub sems 'byung mchod pa yin/ /yar ngo mar
16a7 ngo bye brag tu/ /shes rab thabs ni rab tu sbyor/ /sku gsum ye shes dkyil 'khor ni/ /che dang yi ge sngags kyis su/ /ri bong can ni 'phel bar 'gyur/ /thig le nam mkha' 'gog pa yis/ /rang bzhin de ni
16a8 'byung bar 'gyur/ /thig le'i rang bzhin ye shes ni/ /sangs rgyas kun gyis kyang rnyed dka'/ /bdag gis bka' drin rang bzhin myur/ /the tshom med par rnyed pa yin/ /blun po gang gis bdag mi shes/ /bsam
16b1 gtan rags la rtag mos pa/ /de rnams kun ni grub pa med/ /lha yi dbang phyug bden pa'o/ /sa kun dbang phyug gis bdag po/ /sa kun dbang phyug mnga' bdag po/ /sa kun dbang phyug gi rgyal po/ /thams cad bdag nyid kun
16b2 nang bdag /thams cad khyab pa rtag tu stong / /sangs rgyas kun gyis phyag mdzad pa/ /shes rab thabs kyi rang bzhin grags/ /'gro med 'gro la bdag nyid rol/ /mchog gi nam mkha' mtha' med pa/ /mtshan nyid dang bral
16b3 gzhi dang bral/ /lha yi dbang rnams thub dbang rnams/ /rdo rje can yang rnyed dka' ba/ /chos dang longs spyod bdag gis mtha'/ /ye shes rnam shes ngo bo dag /rdo rje can dang sangs rgyas kun/ /lha yi dbang phyug rnyed par sla/ /rnam pa
16b4 mchog gi ye shes sku/ /sus kyang sla ba ma yin no/ /dpal ye shes thig le las mchod pa'i cho ga zhes bya ba'i le'u ste bdun pa'o// // de nas yang ni bshad bya ba/ /sbyin sreg sdig pa 'jig byed pa/ /zhi ba dang ni rgyas pa dang / /
16b5 de bzhin dbang dang drag po'o/ /zhi ba'i hom khung zlum po ste/ /rgyas pa yi ni gru bzhi'o/ /dbang ni gzhu yi rnam pa bzhin/ /drag po yi ni gru gsum mo/ /dkar po ser dang de bzhin dmar/ /nag po 'di ni rim pas so/ /
16b6 rgya mtsho me dang mig zla ba/ /lha yi dbang phyug tshad yin no/ /gzhan kun gyi ni rim pas gcig /sngar grub kyis ni gzhan ma 'grub/ /hom khung re rer snying gar pad/ /rigs kyi las kyi go rims so/ /de steng sna tshogs rdo rje ste/ /'od zer lnga
16b7 dang ldan pa'o/ /lte ba'i nang du me lha ni/ /zhal gsum pa dang phyag bzhi pa/ /sku mdog ser po spyan zlum pa/ /ral pa'i cod pan gyis ni brgyan/ /'bar ba'i mche ba 'jigs pa che/ /rdo rje skyil krung du ni bzhugs/ /ba dan gsum dang bgrang phreng
16b8 g.yas/ /g.yon na dbyig gu spyi blugs so/ /snying ga ru ni me yi lha/ /lce bdun 'od ldan gsal bar 'byung / /cod pan rin chen 'byung ldan mgon/ /thig le'i dbus su me yin no/ /tshur gshegs 'od zer cher ldan pa/ /'dod pa'i don kun sgrub dbang
17a1 po/ /oM b+hUr b+hu ba swA hA/ rang byung chen po bcom ldan 'das/ /'dod pa'i dbang phyug 'dod pa ster/ /me lha las kun sgrub byed pa/ /'dir ni bdag la nye bar bzhugs/ /me lha spyan drang ba'i sngags so/ /de nas mchod yon dang nye reg dang / 'thor
17a2 'thung ngo / /oM hriM hriM/ mchod yon gyi sngags so/ /oM b+hI b+hI nye reg gi sngags so/ /a b+ho k+Sha a b+ho k+Sha 'thor 'thung gi sngags so/ /de nas gdan dbul ba ni/ mdzub mo lu gu brgyud byas nas/ /bar ma sbyar byad kyi ni gzugs/ /srin lag mig gi bye
17a3 brag du/ /mthe chung mthe bong zlum po ste/ /gdan dbul ba yi phyag rgya'o/ /mkhas pa yi ni yo byad kun/ /dang po nye ba nyid du bya/ /dka' ba med par ji ltar rnyed/ /de ni de nyid rab grub bya/ /sgrub pa'i dbang po yon tan ldan/ /sngags dang rgyud kyi
17a4 thos pa che/ /sngags kyi bzlas la gcig tu mos/ /yid mi 'phrogs pa gsal ba'o/ /thig le tshul ni ye shes che/ /bye brag shes pa rin chen rigs/ /rigs lnga'i gzhon nu ma yi lnga/ /yi dga'i khu ba yis ni tshim/ /spyan rings ma dang dag
17a5 pa ma/ /'o 'dzin sra zhing 'jam la mtho/ /sbyin sreg gnas su gar dang ldan/ /gcer bu dang ni skra grol ba/ /sbyin sreg las su don bsgrub phyir/ /rigs lnga'i bu mo gzhug par bya/ /shes rab thabs kyi cho ga yis/ /bla ma nyid kyis dang por
17a6 mchod/ /brtags pa dang ni ma brtags pa'i/ /'dzin pa 'dir ni mi bya'o/ /rtog pa'i 'byung pos zin pa la/ /sna tshogs thabs ni bdag gis bstan/ /don dam du ni phyi don med/ /nang gi ma yin bar ma min/ /rdul med rnam par rdul
17a7 med dag /stong pa dang ni stong min bral/ /rang rig ngo bo rang rig bral/ /ngag gi lam gyis mi rnyed do/ /phung po khams ni rnam par rtog /lha yi dbang phyug gang zhig sreg /de ni me yi don dam par/ /lus gnas lus las ma
17a8 skyes pa'o/ /thams cad rnam pa mchog gis rdzogs/ /chos kun gyi ni nang na bzhugs/ /kun rdzob rnam pas gzugs su ni/ /lha yi dbang phyug kun brtags yin/ /kun brtags ye shes sbyor ba yis/ /rim pas gnas
17b1 ni rnyed par 'gyur/ /de bas kun nas 'bad pa yis/ /rnam pa thams cad mchog gi rgyur/ /rang dang gzhan gyi grub don du/ /mchod sbyin sbyin sreg gtor ma bya/ /bsod nams tshogs ni 'phel phyir dang / /sems can phan don de dag bya/ /nas
17b2 dang / til dang / 'bras so ba dang / gro dang / 'bras dang / bo ka ling+ga dang / yungs kar dang / sman thams cad dang / dzA ti pha la dang / go yu'i 'bras bu dang / dpal 'bras dang / nA ga ge sar dang / gur kum dang / tsan dan dang / ga bur dang / 'o ma dang / zho dang /
17b3 thug pa dang / bska ba dang / la du dang / 'khur ba la sogs pa dang / gu gul dang / sih+la dang / gu gul dkar po dang / yan lag bcu pa la sogs pa dang / me tog dang / spos dang / mar me dang / dri dang / lha bshos dang / mda' dang dar la sogs pa dang ldan pa dang /
17b4 me thab kyi dkyil 'khor gyi phyogs mtshams kyi bye brag tu bum pa kun la sman sna tshogs dang / kha rgyan gyis brgyan cing dri zhim pa'i chus lto ba bkang la/ dar sna tshogs kyis mgrin pa brgyan pa'o/ /zhi ba la sogs pa'i las thams cad la bya'o/ /
17b5 rgyas pa la ni gser gyi 'od/ /thams cad kun gyis rab tu brtag /dbang la thams cad 'od dmar po/ /zho dang 'o ma gnyis spangs pa/ /yungs nag dang ni sbrul nag po'i/ /lpags pa bya rog gi ni mchu/ /bya rog nag po yi ni snying / /
17b6 klad pa rgyu ma rkang mar mgo/ /thams cad nag po yi ni mdog /khyi dag gi ni mjug ma'o/ /yungs nag mar khu mar khu che/ /yi dags gzhi dang mar khu dang / /phyed tshig yi dags kyi ni ras/ /rus tshig bud shing tshig pa dang / /
17b7 tsher ma rno la bzang ba dang / /tsher ma'i me tog ba ru ra/ /thug pa nag po ma bsres pa/ /drag po la ni rab tu brtag /gzhan min dpa' bo'i dbang phyug bsam/ /drag po la sogs su ni bya/ /rang gi de nyid zhi la sogs/ /
17b8 phyag rgya la sogs rgyan dang ldan/ /mar sar dri ma med pa dang / /skyon dang bral ba'i me tog shing / /gsar pa skam zhing dri zhim pa/ /du ba med cing skyon dang bral/ /thams cad la ni khru re'i tshad/ /las la
18a1 mkhas pas de ltar bya/ /yang ni yam shing rab tu bstan/ /ji ltar rnyed pa 'bad pas so/ /sha mi sha dang / sha mo ka dang / sha ma ba sha ka dang / a shwat+tha dang / p+lak+Sha dang / /n+ya gro d+ha dang / dUr ba dang / a pa
18a2 marka dang / pi pa la dang / kha ti ra dang / tsam pa ka dang / a sho ka de rnams sor brgyad pa'i tshad do/ /dgang gzar blugs gzar mar gyi snod/ /rin po che ru ji ltar bstan/ /lag pa yi ni dbyug pa tshad/ /'bad pa yis ni dgang
18a3 gzar bya/ /dgang gzar ji bzhin blugs gzar te/ /mar khu'i snod ni de dang mnyam/ /gru gsum zlum po'i rnam pa dang / /rdo rje yis ni rnam par brgyan/ /dgang gzar gyi ni kha zhes bya/ /sor drug pa yi tshad du ni/ /mgo bo
18a4 yang ni de bzhin bya/ /thams cad kun du gru bzhi bya/ /sna tshogs rdo rje snying ga ru/ /lte ba pad ma yis ni brgyan/ /chu srin kha nas byung ba yi/ /rtse dgu pa yi rdo rje yis/ /dgang gzar gyi ni mtha' ru ldan/ /blugs gzar
18a5 ba yi mig dang 'dra/ /yang na de ni pad mas so/ /nang gi gting ring gsal ba dang / /ha cang ring dang thung ma yin/ /rdo rje phra mos nang du brgyan/ /mar zhu'i snod ni zlum por grags/ /lte ba ring zhing dri ma med/ /rdo rje la sogs
18a6 rgyan dang ldan/ /lci ba dang ni yang ba spang / /zhi ba la sogs bye brag tu/ /bzhi ru dbye ba bdag gis bstan/ /drag po de ni dur khrod du/ /dbang ni chu'i ngogs su bya/ /rgyas pa zhing gi dbus su ste/ /yang na dgon pa chen
18a7 po ru/ /zhi ba de ni grong khyer du/ /yang na rgyal po yi ni khab/ /rta dang glang po chen po dang / /gzhon nu ma dang ba la sogs/ /sbyin sreg dus su 'bad pa yis/ /sngags pas slob dpon la dbul bya/ /zha 'o 'on pa
18a8 dman pa la'ang / /ci nus kyis ni sbyin par bya/ /dpal ye shes thig le las sbyin sreg gi cho ga zhes bya ba'i le'u ste brgyad pa'o// // de nas yang ni bshad bya ba/ /tshogs kyi 'khor lo'i gtor ma che/ /khyim ni
18b1 sum thog gi ni gnas/ /chom rkun kun dang bral ba yi/ /phyi rol yul min nang gi min/ /slob dpon 'dus las brgyan pa dang / /rdo rje mda' ni rnam par gzugs/ /rdo rje skud la sogs pas bskor/ /de lta bu yi
18b2 khang mchog ni/ /sna tshogs me tog la sogs kyis/ /dkyil 'khor thams cad rdzogs par bya/ /sih+la ga pur gyis ni mdzes/ /de ru mchod sbyin don du ni/ /byol song gzugs ni rab tu blang / /skye ba gcig gam
18b3 gnyis pa 'am/ /yang na gsum pa lang tsho sar/ /nad kun med pa bde grub po/ /dri zhim rdul ni 'byung ba can/ /gang zhig mig ni yun rings 'dzums/ /mkhas pas 'bad de blang bar bya/ /sna tshogs pa yi mchod sbyin gyis/ /
18b4 gri gug rung bas brtag par bya/ /yan lag rab kyi pad ma'i snod/ /btung ba'i don du bla ma'i mdun/ /phyed ni 'khor lo la brim ste/ /phyed ni gtor mar gtang bar bya/ /khrag chen dang ni sha chen po/ /ci rnyed pa ni brtag pa yin/ /
18b5 gzhan ni sna tshogs mchog bye brag /nya dang sha la sogs par ldan/ /mi 'tshe ba dang skyon kun bral/ /sdig pa med dang ma bslangs pa'o/ /chang ni chen po dang ldan pa/ /glu dang rol mos rab tu mdzes/ /sgron ma lnga dang bsres pa ni/ /
18b6 de bzhin gshegs pa lnga dang ldan/ /sna tshogs dbus su yan lag mchog /gang bas dkyil 'khor mdun du bzhag /ji ltar bla ma mchod dus su/ /ji bzhin pa yi phyag rgya bcing / /de bzhin du ni tshogs kyis kyang / /
18b7 rtse gcig gis ni bcing bar bya/ /ldang ba 'am ni 'dug pa'i tshe/ /tshogs kyi gtso la phyag 'tshal lo/ /shin tu dbyangs ni snyan pa yis/ /yid 'phrog pa yi glu blang bya/ /the tshom dang ni tshigs bcad min/ /ma gnang rdo rje gar mi bya/ /
18b8 rkang pa rkyong dang gnyid log pa/ /tshogs kyi 'khor lor mi bya'o/ /dpal ldan rdo rje sems ji bzhin/ /dpal ldan las kyi rdo rje'o/ /ci mdzad pa dang ci gsung ba/ /de ni mkhas pas 'bad de bsgrub/ /de ltar min na chad pa 'bab/ /
19a1 ji tsam nus pa yod pa yis/ /de ru dam tshig dag pa ni/ /rtag tu bdag nyid bzhin bsrung bya/ /dam tshig bsrungs na 'grub pa ni/ /lha yi dbang phyug rnyed pa'o/ /dam tshig mchog gi ye shes te/ /dad pa yis ni rtag tu bza'/ /dgyes pa'i dam
19a2 tshig zin nas su/ /'khor lo dang bcas rigs rab tshim/ /rab tshim byas nas gtor ma dbul/ /nam phyed lam gyi bzhi mdor ro/ /yang na sum mdo gyes pa ru/ /dur khrod dam ni chu ngogs su/ /lhag ma 'am ni yang na phud/ /de kun bsres te chu yis
19a3 sbyang / /gzhan rnams kun ni so sor bzhag /rtsa ba ji bzhin rim pas gzhag /rang gnas phyin pa tsam gyis ni/ /'khor lo la ni snod gcig brtag /slob dpon la ni dum bu gcig /'bad pa yis ni bsrung bar bya/ /rang gi tshogs la
19a4 'ang sbyin mi bya/ /rang dbang bskur ba'ang de bzhin no/ /g.yon gyi yan lag phyag rgyas gar/ /g.yon gyi lag pas mchod pa'o/ /g.yon gyi rkang pas snun byas nas/ /g.yon mig gis ni blta bya'o/ /gal te re zhig de'i dus su rnal 'byor
19a5 mas brtag pa'i don gyi phyir 'ong na 'jigs par mi bya ste/ /seng ge lta bu'i tshul gyis yongs su brtag go/ /de ltar yang rnal 'byor ma kun gzugs sna tshogs pa dang / phyag rgya sna tshogs pa dang / skad sna tshogs pa rab tu byed do/ /gang gi tshe dang
19a6 por rgyang ring po nas ha har rgod pa de'i tshe khams gsum rnam par rgyal ba'i phyag rgya sbyin no/ /de'i dus su ha'i yig 'bru lnga sgra chen pos brjod par bya'o/ /cung zad nye bar 'ongs na a la la zhes smra bar bya'o/ /gang gi tshe phrad tsam na lag pa bskor
19a7 na de'i tshe gyen du lag pa'i dbyug pa bsgreng ba'i mdzub mo sbyin no/ /gang gi tshe smin ma 'byed par byed na de'i tshe 'jigs par lce bsgril bar bya'o/ /gang gi tshe steng du blta ba de'i tshe g.yon brkyang bas sa mnan par bya'o/ /gang gi tshe rgyab
19a8 nas blta ba de'i tshe g.yas brkyang bas mnan par bya'o/ /gang gi tshe rnam par rgod pa de'i tshe pheM ka ra zhes brjod par bya'o/ /gang gi tshe ngu ba de'i tshe rgod par bya'o/ /gang gi tshe gar byed pa de'i tshe stong khengs bya'o/ /gang gi tshe skra
19b1 bkrol ba de'i tshe gtsug pud dgrol lo/ /gang gi tshe gos bor bar byed pa de'i tshe langs te gci ba gtang bar bya'o/ /gang gi tshe gci ba mthung ba de'i tshe rkang pa g.yon pa'i mthe bong gis rtsa brtog par bya'o/ /gang gi tshe gtam 'dri ba de'i tshe
19b2 smra bar mi bya'o/ /gang gi tshe 'phrug pa de'i tshe ral pa mdud par bya'o/ /gang gi tshe dpral bar reg pa de'i tshe steng gi mtshams kyi mthar reg go/ /gang gi tshe rna bar reg pa de'i tshe mgrin pa la reg par bya'o/ /gang gi tshe sna la reg pa de'i
19b3 tshe lce phyir dbyung ngo / /gang gi tshe mgrin pa ston pa de'i tshe lag pa brkyang bar bya'o/ /gang gi tshe nu ma ston pa de'i tshe mig srubs bskyod par bya'o/ /gang gi tshe lte ba ston pa de'i tshe se gol sbyin par bya'o/ /gang gi tshe rked pa bskul ba de'i tshe
19b4 mtshan bstan par bya'o/ /gang gi tshe rkang pa rkyong ba de'i tshe mthe'u chung gnyis kha gdang bar bya ba dang / mdzub mos mig kyang de bzhin no/ /sna'i phur ma bar ma'i lce phyir dbyung bar bya zhing g.yas brkyang dang g.yon brkyang sbyin no/ /gang gi tshe
19b5 sna tshogs pa'i gzugs bstan pa de'i tshe 'khor lo bcu'i sngags brjod par bya'o/ /gang gi tshe yi ge'i don rjod pa de'i tshe yi ges lan brjod par bya'o/ /gang gi tshe phyir brjod pa de'i tshe sha'i lan smra bar bya'o/ /gang gi tshe rgyal mtshan
19b6 zhes smra ba de'i tshe mtshan zhes slar brjod par bya'o/ /gang gi tshe pad ma brjod pa de'i tshe mngal zhes brjod par bya'o/ /gang gi tshe gshol zhes smra ba de'i tshe lag pa zhes brjod par bya'o/ /gang gi tshe 'dod pa'i len pa de'i tshe shi la
19b7 zhes smra bar bya'o/ /gang gi tshe tshon rtsi zhes rjod pa de'i tshe zan zhes brjod par bya'o/ /gang gi tshe srog ces rjod pa de'i tshe chu zla zhes smra bar bya'o/ /gang gi tshe rnyed pa zhes brjod pa de'i tshe yid ces bstan to/ /gang gi tshe mi dga' ba
19b8 brjod pa de'i tshe lam bstan no/ /gang gi tshe khro ba zhes brjod pa de'i tshe chang btung zhing slar brjod do/ /gang gi tshe smod pa zhes brjod pa de'i tshe ngal so zhes smra'o/ /gang gi tshe brtan pa zhes brjod pa de'i tshe gnyid ces smra'o/ /gang gi tshe dus
20a1 brjod pa de'i tshe dga' ba zhes smra'o/ /gang gi tshe zla ba zhes brjod pa de'i tshe gos zhes smra'o/ /gang gi tshe nyi ma dran no zhes brjod pa de'i tshe skom zhes smra'o/ /gang gi tshe me zhes brjod pa de'i tshe grib ma zhes smra'o/ /gang gi tshe
20a2 nya zhes brjod pa de'i tshe 'ong zhes smra'o/ /gang gi tshe glu'i sgra brjod pa de'i tshe gser zhes smra'o/ /gang gi tshe sa le sbram zhes smra ba de'i tshe khyer zhes smra'o/ /gang gi tshe ro zhes brjod pa de'i tshe sa zhes smra'o/ /gang gi tshe nga rgyal zhes brjod pa de'i tshe
20a3 rlung zhes smra'o/ /gang gi tshe mtsho zhes smra ba de'i tshe legs zhes brjod do/ /gang gi tshe mda' zhes brjod pa de'i tshe khrims 'chal zhes smra'o/ /gang gi tshe chags pa'i sgra byed pa de'i tshe 'ong zhes smra'o/ /gang gi tshe 'o ma sa zhes brjod
20a4 pa de'i tshe song zhes smra'o/ /gang gi tshe ser sna zhes brjod pa de'i tshe grub ces smra'o/ /gang gi tshe nyal zhes brjod pa de'i tshe med ces brjod do/ /gang gi tshe 'bru zhes brjod pa de'i tshe yang dag ces smra'o/ /gang gi tshe rgyas pa zhes brjod pa de'i
20a5 tshe dri chu zhes brjod do/ /gang gi tshe ri bong zhes brjod pa de'i tshe dri chen zhes brjod do/ /gang gi tshe bshol zhes brjod pa de'i tshe khrag ces smra'o/ /gang gi tshe grang zhes smra ba de'i tshe khu ba zhes brjod do/ /gang gi tshe zla ba zhes brjod pa
20a6 de'i tshe dga' ba phrad ces smra'o/ /gang gi tshe pa la sha zhes brjod pa de'i tshe dal zhes smra'o/ /gang gi tshe sin+d+hu brjod pa de'i tshe mi khom zhes smra'o/ /gzhan ni rang gi yi ge'i rtsa ba'i don shes par bya'o/ /bud med gang zhig rkang lag chen po de ni g.yon du
20a7 gtang ngo / /bud med gang zhig mig ser zhing sna nyams pa de dag g.yas kyi char btang / bud med gang zhig sna ring la lag pa dang sor mo ring ba/ spu mang ba de dag gi mdun du se gol gsum sbyin par bya'o/ /bud med gang zhig kha dog gnag cing
20a8 gsus khyim smad du 'phyang la nu ma 'jol zhing so che ba de dag gi mdun du gci ba btang ngo / /bud med gang zhig skra ser zhing mig zlum la/ sen mo ring ba mgrin pa ring ba de dag gi mdun du brgad rgyangs chen po bya'o/ /bud med gang zhig tsam pa'i me tog
20b1 ltar dkar zhing skad 'jam la mig ring ba so ri lta bu dri zhim po la dga' zhing bzhin cung zad 'dzum pa/ zur mig lta ba mnyam par ma bzhag par de lta bu byed pa de'i mdun du cang mi smra bar sa la blta zhing myur ba myur bar g.yon ngos su
20b2 'gro bar bya'o/ /de lta bu'i dus su snying po'i sngags zlos shing phreng ba bgrang bar bya'o/ /bud med gang zhig sor mo gcig ni mdzub mo brkyang ste/ gzugs sngon po dga' bar lta ba gos dpung pa'i ngos su 'phyang ba/ smin ma'i dbus na dngos su
20b3 phyag rgya pad ma'i dbyibs sam 'khril shing ngam/ yang na a sho ka mnyen po'i rtse mo dang 'dra ba mjug ma de dang lhan cig 'bad pas 'dus pa bya'o/ /des ni thams cad 'grub par byed pa dang / 'bras bu thams cad byed pa dga' ba chen po skyed
20b4 par byed pas/ de dang lhan cig gtor ma chen po sems can thams cad la phan pa'i don du rgya chen po'i sems kyis rtog pa med par sbyin par bya'o/ /shin du rgya che'i snod dag tu/ /cho ga yis ni dgod par bya/ /dbus su dpal ldan 'jigs pa'i
20b5 gzugs/ /sna tshogs rus pa'i rgyan dang bcas/ /khrag chen pos ni yang dag bkang / /ka pA la ni phyag g.yas su'o/ /lha chen sna tshogs gzugs dang ldan/ /langs pa phyag ni g.yon pas so/ /nag po me yi drag po shar/ /nag po
20b6 chen po lho phyogs su/ /nub kyi phyogs su 'jigs byed dang / /drag po chen po byang gi phyogs/ /me yi mtshams drag ral pa can/ /chu bdag mtshams su dbyug nag po/ /rlung gi mtshams su ro langs drag /dbang ldan he ru ka ni
20b7 gnag /pags mgo ma dang / sgra ma dang / drag ma dang / thod pa ma dang / nag mo dang / sha li dang / gtum mo dang / rigs ma dang / skom ma dang / phag mo dang / sha ba rI dang / bram ze mo dang / ral pa gsum ma dang / ral
20b8 drag ma dang / drag mig ma dang / sdug ma dang / g.yas skor g.yon skor sdud pa yis/ snod rlon par rim pas gzhag go/ /de'i phyi rol du 'jig rten skyong ba brgyad kyi tshogs mang po dang bcas pas bskor ba'o/ /
21a1 klu chen po brgyad/ pho nya dang / pho nya mo dang / tsi ta dang / tsi ti 'khor dang bcas pa'o/ /mkha' 'gro dang / mkha' 'gro ma du ma dang / ma mo mang po dang / 'byung po dang / yi dags dang / sha za dang /
21a2 u da dang / rjed byed dang / gtug ngan can grangs med pa dzaHhU~M ba~M hoH gsol cig gsol cig /dam tshig bskyang bar mdzod cig /'thung shig /bdag gis las thams cad grub par mdzod cig /dam tshig zung
21a3 shig /hU~M hU~M phaT phaT swA hA/ dpal ye shes thig le las tshogs kyi 'khor lo'i cho ga dang / gtor ma chen po dang / rnal 'byor ma'i mtshan nyid dang / gsang ba'i tshig dang / phyag rgya'i brda zhes bya ba'i le'u ste dgu pa'o// //
21a4 de nas byang chub sems dpa' sems dpa' chen po lha'i dbang phyug stan las langs nas bla gos phrag pa gcig tu gzar te/ bcom ldan 'das la bskor ba lan gsum byas nas zhabs la mgo bos gtugs te phyag 'tshal
21a5 nas 'di skad ces gsol to/ /bcom ldan ye shes rgyal dbang po/ /dkyil 'khor mdor ni bstan pa gsungs/ /'di ru nges bstan ji ltar lags/ /mnga' bdag chen po nyid bka' stsol/ /bcom ldan 'das kyis bka'
21a6 stsal pa/ /dkyil 'khor gyis ni nges bstan pa/ /ji bzhin de nyid dpa' bo nyon/ /sngar gsungs pa yi rgyud don las/ /A li kA li bde ba che/ /ma~M hU~M gnyis las thig le'i tshul/ /de gnyis las ni gri gug pad/ /ye shes me 'od
21a7 las ye shes/ /snying po'i bdag nyid zhu las byung / /char sprin dang ni mnyam pa'i mdog /phyag ni brgyad gnyis pa yis brgyan/ /bcu drug phyed kyi zhal 'jigs pa/ /zhabs bzhi yis ni rab tu mdzes/ /nyi shu rtsa bzhi spyan gyis
21a8 phyug /gti mug gsum gyi mun nag 'joms/ /dkar po ser po dmar po'i zhal/ /steng zhal bung ba'i byad gzugs can/ /g.yon brkyang g.yas brkyang zhabs kyis ni/ /'jigs byed zla nyi shin du mnan/ /'jigs byed ma ldan ka pA la/ /
21b1 khrag gis bkang ba phyag na bsnams/ /zhi ba'i lpags pa na bza' mchog /phyag gnyis kyis ni gyen du brgyangs/ /tshangs pa'i lpags pas sham thabs byas/ /phyag rgya drug gis sku la bcings/ /phyag rgya che dang
21b2 gnyis med sbyor/ /gar dang ldan pa'i tshangs spyod bzhugs/ /tshangs pa'i yul sa bye ba gsol/ /tshangs pa'i g.yul sa'i zhal gyis brgyan/ /phyag rgya chen po nam mkha' sngo/ /phyag gnyis pa ni na bza' grol/ /
21b3 gri gug snod bsnams zhi ba'i zhal/ /spyan gsum pa dang skra bkrol ba/ /mgrin par 'khyud pa gsang ba mchog /dpa' bo la ni rang bzhin bzhugs/ /dpa' bo mchog gi rnam pa dgyes/ /sna tshogs rdo rje'i ral pas brgyan/ /
21b4 mgon po sna tshogs zla cod pan/ /sna tshogs tshangs pa'i chang dang ldan/ /sna tshogs pad ma'i gdan la bzhugs/ /sna tshogs bdag nyid sna tshogs 'byung / /sna tshogs rus pa'i rgyan dang ldan/ /sna tshogs mgo bo'i phreng bas
21b5 mdzes/ /sna tshogs gar gyi ro dang ldan/ /sna tshogs gti mug gcod par mdzad/ /sna tshogs sgyu 'phrul bdag nyid mgon/ /sna tshogs sgyu 'phrul 'joms par mdzad/ /dur khrod brgyad kyi dbus su ni/ /dpa' bo rnal 'byor
21b6 ma yis bskor/ /'jig rten skyong ba brgyad dang ldan/ /shing gi rgyal po brgyad kyis bskor/ /dkyil 'khor dgyes pa 'phar ma gnyis/ /lha yi dbang phyug 'dir bdag rol/ /dpa' bo rnal 'byor ma dkyil 'khor/ /ji ltar bdag gis
21b7 rol pa 'dir/ /de ru re shig rim par dgyes/ /rtse gcig sems kyis khyod nyon cig /dang por re zhig 'phar ma gcig /sgo la sogs pa ka bas brgyan/ /gnas dang nye ba'i gnas kyi rim/ /lha yi dbang phyug bdag gis
21b8 bshad/ /sna tshogs pad ma'i 'dab ma'i shar gyi au D+yan gyi gnas su nam mkha' dri med dang / zla ba kha dog nag po'o/ /byang du dza lan d+har shin du stobs chen dang g.yon pa ma dkar po'o/ /nub tu pu li rar lha'i dbang phyug dang nyi mnyam ma
22a1 sku mdog dmar mo'o/ /lhor kA ma rU par gsang ba'i bdag po dang / rlung za ma ut+pa la sngon po'i mdog go/ /me mtshams su mA la war nye ba'i gnas su 'od drag dang bsil sbyin ma ljang khu'o/ /gnod sbyin gyi mtshams
22a2 su sin+d+hu'i yul du nyi dgra dang / snying po'i 'dab ma sku mdog pad ma sngon po dang 'dra ba'o/ /rlung gi mtshams su na ga rar mchog dang / bag yod thor cog ma zla ba ltar dkar mo'o/ /dbang ldan gyi mtshams su thams cad kyi byed
22a3 pa po dang nyi 'dul ma nyi ma'i 'od lta bu'o/ /shar sgor mum+mu ni'i zhing du ut+pa la'i snying po dang / zhi ba 'chi ba'i pho nya mo sngon mo chen mo'o/ /byang sgor de ba ko Tar zhi ba chen po'i bdag po dang ljang brtson ma gur gum gyi mdog go/ /
22a4 nub sgor nye zhing ku lu tar nag po 'dul ma dang 'od bdun mdud pa nag po'i mdog go/ /lho sgor ar bu dar rmad du byung ba dpa' mo dang tshangs pa'i ma du ba'i mdog go/ /shar lho'i mtshams su tshan+do ha ha ri ki la bar drag chen dang khyab
22a5 'jug ma sprin gyi mdog go/ /byang mtshams su ku ta bar dregs 'joms dang kha ma gser gyi mdog go/ /nub mtshams su nye ba'i tshan+do ha lam pa kar ri rab brtan ma dang thams cad skyed byed ma dmar nag go/ /lho mtshams su kan tsi
22a6 kar nam mkha'i zhal dang dpa' bo'i yum gser gyi mdog go/ /thabs dang shes rab gnyis su med pa'i sbyor ba'i 'khyud pa dang / sku mdog dang bzhugs stabs 'dra ba'o/ /dpa' bo rnams ni zhal bzhi dang phyag bzhi na kha T+wA~M ga dang /
22a7 ka pA la dang / dril bu dang / rnge'u chung bsnams pa'o/ /sna tshogs rdo rje'i gdan pad ma'i steng du 'jigs byed kyi gdan la rgyal po'i bzhugs thabs kyis zla ba dang nyi ma zhabs kyis mnan pa/ me'i dkyil 'khor gyi nang na nyi
22a8 ma bye ba'i 'od pas gsal ba snang bar spro ba'o/ /'phar ma gnyis par sna tshogs pad ma 'dab ma brgyad pa dang / sgo dang rta babs la sogs pa dang / dur khrod brgyad dang ldan pa'o/ /de'i shar gyi 'dab mar 'dus pa'i gnas
22b1 las kyi yul du skam pa ma sprin mdog go/ /byang du gser gyi gling du 'jigs pa kha dog dmar mo chen mo'o/ /nub tu nye ba'i 'dus pa ku lu tar 'od ma dmar mo'o/ /lhor bin dur mchu 'phyangs ma p+la k+sha'i mdog go/ /me'i mtshams su dur
22b2 khrod du yi dags 'dus par ri rab so ma zla ba'i mdog go/ /gnod sbyin gyi mtshams chu ngogs su dus kyi bde ba mar me'i 'od kyi mdog go/ /rlung mtshams nye ba'i dur khrod du tsa ri Tar nyi mig ma gser mdog go/ /dbang ldan gyi mtshams
22b3 gzhon nu'i grong khyer du me'i zhal ma gser btso ma'i mdog go/ /shar sgor bi la ba kA me rar 'dod pa'i ma ser mo'o/ /byang sgor ke ra tar lce rings ma dkar mo'o/ /nub sgor nye ba'i bi la ne ba ler chos dkar ma zla ba ltar dkar mo'o/ /
22b4 lho sgor ka nu 'dzar bden mdog ma mar ka ta'i mdog go/ /shar mtshams lam gnas shar gyis lus 'phags su mig stong pa rdo rje sa la'i mdog go/ /byang mtshams su byang gi sgra mi snyan du stag mo bai DUr+ya'i mdog go/ /nub mtshams
22b5 ba lang spyod du gtum mo mu sa ra ba'i mdog go/ /lho mtshams su nye ba'i lam 'dzam bu'i gling du 'dod pa'i gzugs ma sna tshogs mdog go/ /rnal 'byor ma thams cad zhal bzhi ma/ spyan gsum gsum phyag bzhi ma/ skra dang na
22b6 bza' grol ba/ /ral gri dang ka pA la dang / kha T+wA~M ga dang / rnge'u chung bsnams pa'o/ /ro'i steng du g.yon brkyang bas bzhugs pa'o/ /yang na rgyal po'i bzhugs stabs su rang 'od kyang thabs la 'khyud pa/ rus pa'i rgyan gyis
22b7 brgyan pa bsgom par bya'o/ /de lta'i dkyil 'khor rgyal dbang po/ /rgyud kun du ni rnyed pa dka'/ /lus dang b+ha ga byang chub sems/ /dkyil 'khor gsum ni rab mchog go/ /yang na snying po dkyil 'khor bstan/ /
22b8 ma yi yig 'bru 'dab mar brjod/ /Na yi yig 'bru lte bar dran/ /Da yi yig 'bru ge sar dag /la yi yig 'bru de bde 'dra/ /ma yi yig 'bru rin chen grags/ /Na yi yig 'bru mdud par brjod/ /Da yi yig 'bru
23a1 ring po'i dngos/ /la yi yig 'bru khar brjod do/ /ma yi yig 'bru shu kra'i gzugs/ /Na yi yig 'bru zhu ba'i dngos/ /Da yi yig 'bru 'od dang ldan/ /la yi yig 'bru bde ba'i gzugs/ /ma ni snang ba'i 'du shes
23a2 grags/ /Na ni yig 'bru snang ba mched/ /Da ni snang ba snang ba thob/ /la ni yang dag dri med mchog /ma yi yig 'bru dga' bar grags/ /Na yi yig 'bru mchog tu dran/ /Da yi yig 'bru dga' bral dga'/ /la ni lhan cig
23a3 skyes par dran/ /ma yi yig 'bru sa zhes bya/ /Na yi yig 'bru chu ru bstan/ /Da yi yig 'bru de ni me/ /la yi yig 'bru rlung gi gzugs/ /g.yo ba'i phyir ni rlung du brjod/ /yang na khyab pa'i phyir ni dran/ /ye shes rnyed pa yi ni phyir/ /
23a4 bde ba yi ni chen po len/ /ye shes ngo bo bde ba che/ /dkyil 'khor du ni yang dag bzhugs/ /dkyil 'khor sangs rgyas rin chen gtso/ /thig le'i ngo bo yi ge bral/ /rnam pa thams cad rnam pa med/ /phyag rgya dang ni sngags
23a5 dang bral/ /sngags chen kun dga' ra ba'i lam/ /dbyangs dang gsal byed dang bral ba/ /dri ma med pa bcos ma med/ /rgyu mtshan dang ni gzhi med pa/ /yang dag dri med gnas dag pa/ /rang bzhin grags pa skye med mkha'/ /
23a6 dpa' bo'i ngo bor grags pa bdag /rnam pa kun tu yang dag bzhugs/ /dkyil 'khor dkyil 'khor pa dang bdag /dkyil 'khor gyi ni bdag po bdag /dpa' bo 'chang dang nyan pa bdag /byed dang 'phrog dang mnga' bdag
23a7 bdag /chos kun gyi ni rang ngo bdag /stong dang snying rje gnyis su med/ /stong pa chen po rang ngo grags/ /gang du mi dmigs pa ni bdag /dngos po ma yin bsam mi bya/ /dngos bdag de yang de nyid min/ /dngos dang dngos min rnam
23a8 par grol/ /dngos dang dngos med bdag nyid bdag /dngos dang dngos med gnyis las 'byung / /dngos dang dngos med nang yod do/ /bur shing gi ni ro ji bzhin/ /ji ltar til gyi nang gi mar/ /ji ltar shing gi nang gi me/ /de bzhin thams cad bdag
23b1 nyid bzhugs/ /'on kyang ye shes sems dpa' yis/ /bdag tu 'dzin par mi bya'o/ /bdag 'dzin pa ni nyon mongs che/ /sems can don las nye bar nyams/ /sems can don las bsod nams gzhan/ /che ba gang na yang ni med/ /
23b2 rang don sgrub la bsod nams min/ /skyes bu chen pos 'di lta bu/ /rang don ma rungs pa ni dor/ /gzhan la sdang nyams nyan thos sems/ /rang don gti mug 'dzin pas non/ /sems can don la rgyab kyis phyogs/ /grub pa chen po 'dod pa
23b3 yis/ /de dang lhan cig gnas mi bya/ /de la gtam yang mi bya ste/ /thabs dang mi ldan 'jigs pa yis/ /mgo la nor bus brgyan kyang ni/ /sbrul nag bzhin du dor bar bya/ /nyan thos de dang nam yang min/ /de bas mu stegs 'dus pa
23b4 mchog /ji ltar 'thing shing snod chag pa/ /de ni gang du'ang dgos pa med/ /de bzhin nyan thos tshul khrims nyams/ /gang tshe rang gi chos kyi ni/ /lta ba bstan kyang dri ma can/ /de tshe de la dgos pa med/ /byang chub sems dpa'
23b5 khrims nyams kyang / /de la ltung ba 'byung ba min/ /yang dag lta dang gzhan don can/ /de 'dra'i thabs dang ldan pas na/ /nyes pas gos par mi 'gyur te/ /chu yis pad ma ji bzhin no/ /mu stegs pa 'am nyan thos la/ /dman
23b6 yang de la smad mi bya/ /ye shes dkyil 'khor mthar phyin pas/ /dad pas de dag mchod mi bya/ /phyi yi 'phar ma gcig gnas su/ /dkyil 'khor 'dir bzhugs rnal 'byor ma/ /rtag tu me tog spos la sogs/ /sngags 'di yis
23b7 ni mchod par bya/ /ni dang por hU~M phaT mthar/ /bar du ming ni spel bar bya/ /sna tshogs lnga yi mchod sbyin gyis/ /dkyil 'khor sa la rab tu mchod/ /mchod na the tshom med par ni/ /grub pa chen po rnyed par 'gyur/ /dpal
23b8 ye shes thig le las rnam pa dang bcas pa'i dkyil 'khor bsgom pa zhes bya ba'i le'u ste bcu pa'o// // de nas yang byang chub sems dpa' sems dpa' chen po lha'i dbang phyug gis bcom ldan 'das kyi zhabs la mgo bos
24a1 phyag 'tshal te 'di skad ces gsol to/ /ye shes nyi ma bcom ldan 'das/ /snying ka'i pad ma kha 'byed pa/ /gang zhig bdag ni ci zhu ba/ /bdag la thugs rje chen pos gsungs/ /sngags kyi bzlas pa dang /
24a2 mchod sbyin dang / mchod pa dang / dbang bskur ba dang / gnas kyi mdor bstan pa dang / sbyin bsreg dang / gtor ma chen po'i rim pas 'dir bcom ldan 'das kyis bdag la nges pa'i don bstan pa bka' stsal du gsol/ /
24a3 bcom ldan 'das kyis bka' stsal pa/ sngags kyi bzlas pa'i nges pa'i don/ /nyon cig yang dag bdag gis bshad/ /dga' ba la sogs pa las 'byung / /yid ni sngags zhes rjod pa yin/ /yang ni bsrub dang bsrub pa'i
24a4 sngags/ /sngags ni bdud rtsir bstan pa'o/ /lam gyi thar pa de ni sngags/ /tshigs rgyas pa ni de bzhin no/ /phrad pa gnyis kyi dbus na gnas/ /de ni don dam pa yi sngags/ /sngags ni A li kA li yin/ /brjod pa de ni bzlas
24a5 pa'o/ /bskyed dang rdzogs dang bye brag tu/ /sngags kyi bzlas pa rab tu grags/ /gang du rke dang rkan ni gnyis/ /bskyod pa gang du mi 'byung ba/ /srog gi rtsa ba'i nang yod pa/ /lugs dang lugs min rgyun mi 'chad/ /thig le gsum
24a6 dang yig gsum dag /rang 'od ma bcos brjod par bya/ /rkan gyi nang du lce 'jug pa/ /ro ma yis ni mnan par bya/ /yang ni rtse mo'i cha yis reg /mnyam sbyor rnam pa'i bsam gtan gyis/ /grags pa yod pa'i bdud rtsi bzhin/ /
24a7 de nas tshul ni 'byung bar 'gyur/ /sprul pa'i rim pa'i bye brag tu/ /thig le drangs pa bde ba'i sku/ /mchod sbyin dkyil 'khor gyis ni brgyan/ /de yi skyed rim bdag gis bshad/ /dpal ldan rdo rje 'dzin pa yis/ /dgyes pa'i gnas
24a8 bsten mchod sbyin no/ /mchog dga' 'byung ba'i mchod sbyin ni/ /rab kyi dkyil 'khor de ru bya/ /mchog gi dga' ba 'khor bar bstan/ /kA li ye shes mtshan nyid do/ /sku brgyad bdag nyid mchod sbyin ni/ /gnas brgyad par ni mchod par bya/ /ji bzhin
24b1 rnal 'byor ma yi 'byung / /de yi don ni bdag gis bshad/ /sum bcu rtsa gnyis yig gzugs kyis/ /kA li'i thig les gtso bo'i phyir/ /bsgom pa'i dbang pos gnas la sogs/ /lha mo bcas pas mchod par bya/ /lha mo kun dang
24b2 gnas la sogs/ /lha yi dbang phyug skyabs yin no/ /lha mo 'di ru rtsa yin te/ /'byung ba dang ni gnas sa byed/ /skyabs las rnam par rdzogs pa yin/ /mtshan dang dpe byad ldan pa'o/ /gru gsum dbus su bcom ldan 'das/ /
24b3 ut+pal sngon po'i mdog dang 'dra/ /sna tshogs pad ma'i gdan dbus su/ /bdud bzhi yi ni steng na bzhugs/ /zhal ni bcu drug phyag bcu drug /zhal ni so sor spyan gsum mo/ /ser po dmar po ljang khu'i zhal/ /ri bong can ni
24b4 g.yon skor zhing / /zhal gzhan kun ni bung ba bzhin/ /steng gi zhal ni 'jigs pa'o/ /gshin rje'i lpags pas rnam dkris byas/ /dam bcas don phyir brtul zhugs don/ /sangs rgyas phreng ba'i do shal byas/ /mgo bo yi ni
24b5 chun 'phyang brgyan/ /gar dgu yi ni ro dang ldan/ /sku ni phyag rgya drug gis mdzes/ /sna tshogs rus pa'i rgyan dang ldan/ /sna tshogs 'od kyi snang bas 'bar/ ye shes mkha' 'gro bde ba che/ /legs dgyes dbang po gnyis
24b6 med sbyor/ /dur khrod kyi ni thal bas byugs/ /steng du bgrad pas bde bar bzhugs/ /g.yas brkyang ba yi gar dang ldan/ /gsang ba'i don gnas brda byed pa/ /mkha' 'gro ma yi tshogs kyis bskor/ /dur khrod brgyad kyis
24b7 dbus na bzhugs/ /rdo rje dril bu gnyis med sbyor/ /tshangs pa yi ni lpags pas khebs/ /mda' gzhu 'khor lo rin po che/ /ral gri rtse gsum rnge'u chung dang / /zla ba nyi ma sta re snod/ /kha T+wA~M ga dang thod pa'o/ /bcom ldan 'das
24b8 ma de dang 'dra/ /yang na phyag ni gnyis ma'o/ /rdo rje gri gug 'dzin par 'khyud/ /zhi ba spyan ni gsum pa'o/ /nang gi 'phar ma dgyes pa ni/ /zla ba gang ba bzhin du dag /sna tshogs pad ma yi ni gzhi/ /'dab ma brgyad kyis rnam par mdzes/ /phyi ma gru
25a1 bzhi ru ni grags/ /sna tshogs rdo rje'i steng du'o/ /yi dags chen po'i phreng bas ldan/ /sna tshogs dpa' bos nye bar mdzes/ /sna tshogs pa yi shing gis bskor/ /sna tshogs rnal 'byor ma dang ldan/ /de'i nang du gru gsum
25a2 gyi phyag rgya'i grwa ni dpal au D+yan dang dza lan d+ha ra dang / pu li ra ste/ mgo bo dang / tsug pud dang / spyi bor legs dgyes rdo rje ma dang / rdo rje 'tshed ma dang / rdo rje glang chen ma bcom ldan 'das la bskul bar byed cing phyag gi 'phar ma 'bar bar ro mchog chen
25a3 po'i snod kyis mchod sbyin 'bul bar byed cing tshangs pa'i bu gar rtse sbyar gyi phyag rgya byed pa ste mthe'u chung lu gu rgyud du sbrel te lhag mas mthe bong mnan nas/ mdzub mo sbyar ba 'og tu bcings pa'i sku yi dags chen po'i steng na g.yon brkyang
25a4 bas gnas pa/ spyan gsum pa/ skra grol zhing na bza' grol ba/ chu skyes rgyas pa/ bcom ldan 'das la blta zhing bzhugs pa'o/ /shar gyi phyogs su sna tshogs pad ma 'dab ma brgyad pa'i lte bar kA ma ru pa ste/ smin ma'i dbus su
25a5 'jigs ma'o/ /de'i shar gyi 'dab mar ma la wa ste sna'i rtse mor dpa' mo'o/ /byang gi 'dab mar sin d+hu ste mig gnyis su chang 'thung ma'o/ /nub kyi 'dab mar nA ga ra ste rna ba gnyis su 'jigs byed ma'o/ /lho yi 'dab mar sing ga la ste
25a6 kha'i pad mar pho nya ma'o/ /byang mtshams su sna tshogs pad ma 'dab ma brgyad pa'i lte bar mu mu ni ste/ kos skor stobs chen ma'o/ /de'i shar gyi 'dab mar de bi ko Ta ste/ ske'i gling bur rta mgrin ma'o/ /byang gi 'dab mar ku lu ta
25a7 ste/ rgyab kyi gling bur rta rna ma'o/ /nub kyi 'dab ma'i ar bu tar nu ma gnyis su glang chen sna ma'o/ /lho'i 'dab mar ta li ki li ba ste/ snying gar glang chen lto ba ma'o/ /nub phyogs kyi sna tshogs pad ma 'dab ma brgyad pa'i lte bar
25a8 go ta ba ri ste/ lte ba'i gnas su me ma'o/ /de'i shar gyi 'dab mar lam pa ka ste/ gsang ba'i pad mar chu rgyun ma'o/ /byang gi 'dab mar kan tsi ka ste/ mtshan gyi dbus su ri bong can ma'o/ /nub kyi 'dab mar las kyi
25b1 yul te/ mtshan rtser nyi ma'i 'od ma'o/ /lho yi 'dab mar gser gling ste/ bshang kha'i gnas su dung sna ma'o/ /lho phyogs kyi pad ma 'dab ma brgyad pa'i lte ba'i kong kan ste/ brla gnyis su dung gtsug ma'o/ /shar gyi 'dab
25b2 mar bin d+hu ste/ pus mo gnyis su dung lte ma'o/ /byang gi 'dab mar yi dags 'dus pa ste/ rje ngar gnyis su stobs chen ma'o/ /nub kyi 'dab mar rgya mtsho'i ngogs te/ rkang pa gnyis su bya rgod ma'o/ /lho'i 'dab mar rtsa ri
25b3 Ta ste/ sor mo la rgod kha ma'o/ /de'i sna tshogs pad ma 'dab ma brgyad pa bzhi'i 'dab ma bzhi la dgod do/ /'dab ma lhag ma kun la khrag chen pos shin tu gang ba'i ka pA la dang ldan pa'i sna tshogs chen po'i bum pa kha rgyan btsugs
25b4 pa/ bdud rtsi chen pos lto ba gang ba/ dar sna tshogs kyis mgrin pa mtho bar bskor ba'o/ /shar mtshams su ku mA ra pu ri dang / gasmi ra ste mthe bong dang lus thams cad la hor pa ma dang hor mig ma'o/ /byang mtshams su ke ra
25b5 ta dang / ne pa la ste rkang pa gnyis la lhag par hor mgo ma dang de bzhin du dmar mo'o/ /nub mtshams su kar bu dza dang / shar gyi lus 'phags te rked pa dang / snying gar mig dmar dang srog ma'o/ /
25b6 lho mtshams su byang gi sgra mi snyan dang ban lang spyod de lte ba'i lte ba dang / sprul pa'i snying por 'dzin ma dang ro ma'o/ /'dzam bu'i gling du gdags pa'i pad ma'i snar bcom ldan 'das dang a ba d+hU tI'o/ /de lta bu ni nang
25b7 gi 'phar mas bde ba chen po'i 'khor lo na yod pa'i rtsa sum bcu rtsa gnyis rnam par dag pas phyi ma'i phyi ma rgyud kyi go rim rnal 'byor ma rnams kyi nang gi dag pa'o/ /byang chub sems dpa' sems dpa' chen po lha'i
25b8 dbang phyug phyi rol tu mtshan dang dpe byad dang ldan pa rnam pa dang bcas pa brgyad gnyis kyi lo'o/ /byad gzugs mdzes pa chen po'i sha rgyas pas dregs pa/ sgeg pa'i nga rgyal can phyag bzhi pa
26a1 spyan gsum pa/ sra zhing mtho ba'i nu ma dang / rus pa sna tshogs kyi rgyan gyis brgyan pa/ phyag rgya lnga 'dzin pa/ g.yon brkyang bas ro'i steng na gnas pa/ ka pA la dang / kha T+wA~M ga dang / mda' gzhu khengs par 'gengs
26a2 pa/ bdud grangs med pa 'joms pa kho na/ sku mdog sna tshogs pa mdzes pa'i gzugs 'dzin pa/ thugs rje chen pos sems can 'gugs ma/ sems can gyi don mdzad pa la brtson pa/ brel ba dang mi mkhyen pa med pa'i sems
26a3 dang ldan pa'o/ /phyi'i 'phar ma shar dang byang dang nub dang lho mtshams re rer nang gi lha mo bzhin du lha mo gnyis gnyis te/ skra dmar ma dang / rin chen ma dang / phug ron ma dang / ser mo dang / nag mo dang / ri bong ma dang / ri dgas mo
26a4 dang / ra ma mo'o/ shar dang / byang dang / nub dang / lho'i sgo re rer sgo skyong ma gnyis gnyis te/ de dag kyang dregs pa chen po 'jigs pa chen mo mchog gi legs dgyes kyis rings pa/ sna tshogs kyi nyams kyis sku khyab pa'o/ /
26a5 shar sgor rdo rje ro langs ma dang / rdo rje dra ba ma sku mdog nag po/ phyag bzhi ma mda' gzhu 'gengs shing chu srin dang nya bsnams pa/ ka pA la dang kha T+wA~M ga 'dzin pa/ spyan gsum pa/ phyag rgya lngas brgyan pa/ gcer bu skra grol ba/
26a6 mi'i rus pa sna tshogs kyi rgyan gyis brgyan pa/ g.yon brkyang ba/ mgo bo'i chun 'phyang rgyu ma las brgyus pa 'chang ba'o/ /byang sgor rdo rje rtse mo ma dang / de bzhin du rdo rje zlum pa ma sku mdog ser po/ seng ge dang / bya khyung bsnams
26a7 pa'o/ /nub sgor rdo rje ske rags ma dang / rdo rje ser mo ma sku mdog dmar mo/ gling bu dang / rdza rnga chen po'i sgra kho na'o/ /lho sgor rdo rje dgod ma dang / rdo rje nyi ma mo sku mdog ljang gu/ rdza rnga dang pi wang gi rol mo'i sgra kho na
26a8 ste/ ji ltar shar sgor bzhugs pa'i rnal 'byor ma de ltar thams cad kyang rus pa la sogs pa'i rgyan dang / bzhugs stabs dang / phyag mtshan dang ldan pa'o/ /longs spyod kyi 'khor lo'i nang na yod pa'i rtsa brgyad gnyis
26b1 kyi grangs ni de dag kun gyi rnam par dag pa'o/ /sku brgyad bdag nyid kyi ni mgon/ /mchod sbyin sgra yis kun tu brtags/ /mchod pa de ni mchod sbyin brjod/ /rtsa ni kun gyi gnas rab mchog /gnas ni gdan la sogs pa'i dgyes/ /
26b2 gnas kun gyi ni bla na med/ /gsang chen dag pa pad ma yis/ /'dab ma brgyad pa lte bar bcas/ /bde ba yi ni yangs pa'i sar/ /rtsa yi dkyil 'khor gyis brgyan no/ /gnas ni gdan la bya bar grags/ /gnas ni rten du
26b3 brjod pa'o/ /bde ba 'byung ba'i ngal sos ni/ /de yi zhing ni don dam par/ /bde ba'i ye shes 'byung ba ste/ /tshan do har ni 'di ru bshad/ /thig le gsum gyi ye shes bde/ /gcig byed pa yi gtan tshigs kyis/ /de yi 'dus
26b4 sar bstan pa yin/ /rnal 'byor rgyud du rnyed dka' ba/ /gang du tshor ba yod pa ste/ /bde ba 'byung ba'i thim de bzhin/ /de ni 'di ru dur khrod brjod/ /yang na bde ba'i rnam shes so/ /gang du bde ba yang dag rnyed/ /de ni pi la pa
26b5 ru grags/ /skye dang thim pa'i ye shes te/ /gang du bde ba'i zla ba skye/ /de ni lam rab tu ni bstan/ /'gro ba'i bdag nyid lam yin no/ /bde ba'i rgyal po gang zhig 'gog /de ni sbyor ba'i ye shes rab/ /de ni gnas brgyad dges
26b6 pa yin/ /sku brgyad rang gi ngo bo can/ /ye shes brgyad kyi bdag nyid dag /sangs rgyas kun gyis rnyed dka' ba/ /rtsa kun gyi ni dag pa'i gzhi/ /de la yang ni rtsa kun gnas/ /nye ba'i gnas ni thams cad kun/ /lha yi
26b7 dbang phyug rnam par smin/ /bskyed dang rdzogs pa'i sbyor ba yis/ /thig le drug ni rab tu grags/ /thig le'i dbus na ye shes yod/ /ngag gi lam gyis rnyed par dka'/ /bskyed pa dang ni rdzogs pa med/ /drug min de bzhin
26b8 gsum pa min/ /gsum dang bral ba gsum par grags/ /ye shes rang bzhin de skye med/ /nyi ma'i thig le'i ye shes shar/ /'bad pa yis ni mchod sbyin bya/ /gang tshe mchog byung ma shar bar/ /
27a1 de tshe nyi ma 'byung mi 'gyur/ /zla ba de ni dga' bral dga'/ /chags pa 'di ru thim par byed/ /nyi ma'i dbus nas zla ba 'byung / /zla ba'i dbus nas nyi ma 'char/ /dri ma med phyir yangs par 'gro/ /shes
27a2 rab bdag nyid gzugs kyi phyir/ /thams cad la ni tshim par byed/ /thams cad kyi ni skye ba'i rgyu/ /'bras bu byed pa'i bdag nyid zla/ /rgyu byed bdag nyid zla ba ste/ /'bras bu byed bdag nyi ma'o/ /rgyu dang 'bras bu
27a3 gnyis med pa'i/ /bde ba chags chen bdag nyid do/ /chags pa chen po dngos med na/ /ji ltar bde ba 'byung bar 'gyur/ /bde ba ye shes dri med grags/ /tha mal bde nyid bde ba min/ /byol song bag chags rab
27a4 rmongs pa/ /dbang po gnyis kyi bde bar 'dod/ /bde ba mchog gi rang rig pa/ /chags pa dang ni chags bral med/ /bde ba thig le'i nang du ni/ /char yang nang du bde ba che/ /de gnyis ye shes tshul gyi nang / /rnam par
27a5 shes pa'i tshul can dang / /rnam par shes dang ye shes bral/ /gzhan dang gzhan min nang yod pa'o/ /sbyor drug gyes pa rnam par shes/ /char yang rtsa ba kun brtags bral/ /rtog pa spangs pa de nyid ni/ /bsam gtan
27a6 'dzin pa med pa'o/ /tshor bya tshor byed gnyis las grol/ /srid dang mya ngan 'das dag pa'i/ /de ni gsang chen de nyid do/ /gang du yang ni gsal ma byas/ /'bad pa yis ni sba bar bya/ /smra bar mi bya gang la lar/ /rnal 'byor
27a7 rgyud du mos gyur pa/ /lha yi dbang phyug gsal mi bya/ /dpal ye shes thig le las sngags kyi bzlas pa'i rim pa dang / mchod sbyin gyi cho ga dang / dkyil 'khor skyed pa'i rim pa dang / gnas kyi don dang / rtsa'i 'khor
27a8 lo 'byung ba dang / de kho na nyid kyi don bstan pa'i le'u ste bcu gcig pa'o// // de nas mchod pa'i cho ga 'di'i/ /nges par bstan pa bdag gis bshad/ /thim dang longs spyod dag gis ni/ /yid 'phrog yang
27b1 dag mchod pa'o/ /zla ba nyi ma me tog gis/ /sku yi rgyal po nyid la mchod/ /'dod pa 'di ni dpral ba ru/ /mar ngo tshes kyi dang po dbang / /yid las de ru 'dod par 'gyur/ /nges par a yi thig le las/ /thim pa 'di ni smin
27b2 phrag tu/ /dga' bas de las 'da' bar 'gyur/ /A l-i'i thig le gnyis pas so/ /bde ba'i mkhur tshos gnyis nas su/ /tshes gsum pa la longs spyod 'gyur/ /de la rnam par smin pas 'gro/ /A l-i'i thigs pa gsum
27b3 pas so/ /bdud rtsi kos sko'i gnas su ni/ /tshes bzhi pa la thim pa 'byung / /de la mgu ba las dga' ba/ /bzhi pa'i ye shes thig les so/ /bde ba yi ni mgrin gnas su/ /tshes lnga pa la longs spyod 'byung / /de la dgyes
27b4 pas rgyas par 'gyur/ /thig le lnga pa'i khengs pas so/ /'dod pa brang gi gnas su ni/ /tshes drug pa la thim pa 'byung / /de ni bsam gtan las drag po/ /thig le drug la gang bas so/ /bde ba'i nu ma'i gnas su ni/ /
27b5 tshes bdun pa la dbang mi 'byung / /de la bdun pas 'byung ba yin/ /thigs pa bdun pas khengs pas so/ /'dod pa'i rtsib logs gnas su ni/ /tshes brgyad pa la thim pa 'byung / /de la chags pas mchog gi dga'/ /thig le
27b6 brgyad pa gang bas so/ /bde ba'i lte ba'i gnas su ni/ /tshes dgu pa la longs spyod 'byung / /de la rnam smin las 'bar 'byung / /thig le dgu ba khengs pas so/ /'dod pa'i mdoms kyi gnas su ni/ /tshes bcu pa la thim pa 'byung / /
27b7 de la bstan las thig ler 'gyur/ /thig le bcu pa gang bas so/ /bde ba'i spyi bo'i gnas su ni/ /bcu gcig pa la dbang ni 'byung / /de yi stobs las myos par 'gyur/ /bcu gcig thig les khengs pas so/ /bde ba'i rdo rje'i rtse
27b8 gnas su/ /bcu gnyis tshes la thim pa 'byung / /de la 'od las dga' bral dga'/ /bcu gnyis thig le gang bas so/ /rgyas pa'i rdo rje'i dbus gnas su/ /bcu gsum tshes la longs spyod 'byung / /de las snang bas ur tar 'gyur/ /
28a1 A l-i'i bcu gsum thig les so/ /bde ba'i mdud pa'i gnas su ni/ /bcu bzhi pa la thim pa shar/ /de la reg bya las tshur 'gyur/ /bcu bzhi'i zla ba'i thig les so/ /bde ba'i nor bu'i dbus su ni/ /nya gang ba las dbang
28a2 ni shar/ /de las phrang las gnyid du 'gyur/ /bcwa lnga pa yi thig les so/ /dbang po bcu drug pa yi cha/ /gzhan ni gang du'ang mi dmigs so/ /de bzhin du ni so sor gzugs/ /rang bzhin de ni yod pa min/ /dga' ba'i bye brag lhan skyes
28a3 dga'/ /bcu drug pa yi don du yod/ /char yang bcu drug 'di ru ni/ /yod pa ma yin med pa min/ /de bzhin du ni ye shes che/ /lha yi dbang phyug rang bzhin no/ /g.yas g.yon yan lag gnyis su ni/ /khu ba yi ni 'byung bar dran/ /mar ngo
28a4 de bzhin yar ngo yi/ /'dod pa yis ni 'byung ba'i tshe/ /bcu dang lnga yis gnyis med sbyor/ /bde ba 'di yi 'byung ba min/ /de nyid gsum shes bcu dang lnga/ /shes rab dang bral bde ba che/ /bla ma'i zhal snga'i bka' drin gyis/ /gnyis su
28a5 med pa'i bde ba shes/ /rtag tu mos pa yis ni shar/ /bsam gtan gyis ni shes pa'o/ /bcu drug gi ni yi ge'i gzugs/ /A l-i'i thig le rang ngo bo/ /a sogs yig 'bru'i char yang 'byung / /A l-i'i ye shes bde bdag nyid/ /
28a6 kA sogs yig 'bru'i char yang 'byung / /kA l-i'i ye shes bde ba che/ /A li kA li gnyis sbyor las/ /mchod sbyin gyis ni rab mchod bya/ /mchod pa yang ni de bzhin te/ /gsang ba'i pad ma'i snying gar ro/ /gsang ba de nyid gsum zhes
28a7 bya/ /la la 'da' la gnyis sbyor las/ /mchod sbyin gyis ni rab mchog bya/ /mchod pa yang ni de bzhin te/ /gsang ba'i pad ma'i snying gar ro/ /gsang ba de nyid gsum zhes bya/ /thim dang longs spyod sogs bye brag /
28a8 thim pa dang ni longs spyod dbang / /dga' ba gsum du bstan pa'o/ /de yi thig le gsum zhes bya/ /sku gsum yig gsum bdag nyid do/ /tshangs pa'i bu ga de bzhin mgrin/ /snying ka ru ni thig le gsum/ /de yis bskyed
28b1 pa'i rim shes bya/ /mdud pa'i nang ni man chad do/ /bzlog pa yi ni thig le gsum/ /gyen du rdzogs pa'i rim pa yin/ /rgyu 'bras rnam dag bye brag tu/ /thig le drug ni rab tu grags/ /dri med ye shes char yang drug /de ni rnam
28b2 shes sbyor drug bshad/ /de yi dbus su de nyid bzhugs/ /lhan skyes dga' ba'i bde ba che/ /mchod pa'i las sbyor che ba yis/ /the tshom med par rnyed par 'gyur/ /mchod pa'i dam tshig dus su ni/ /gsang ba'i sgra ni 'bad pa yis/ /
28b3 gang zhig 'dod pa grub pa che/ /dam tshig sems dpas brjod par bya/ /la la rdo rje la la pad/ /A li zla ba kA li nyi/ /ri bong can ni khu ba'o/ /nyi ma khrag tu rab tu grags/ /khu ba ga pur shes bya ste/ /khrag ni sih+la zhes su dran/ /
28b4 sbrul ni nag po gnyis ka yin/ /'dus pa phung por brjod pa'o/ /nA ra ka pA la ru brjod/ /chags pa chang du rab tu grags/ /zhe sdang de ni sha yin te/ /gti mug tshod ma ru ni dran/ /nga rgyal 'di ru sha chen po/ /zan ni phrag dog nyid
28b5 du dran/ /gci 'khor bshang ba mya ngan 'das/ /mtho ris gzugs zhes dran pa'o/ /mi yi yul ni sgra zhes bstan/ /sa 'og ro ru bshad pa'o/ /dri ni ri rab rtse mo'o/ /gling bzhi po ni reg bya'o/ /sa ni pha ru rab tu grags/ /
28b6 chu ni sring mo yin par dran/ /me ni yum ste bu mo ni/ /rlung du rab tu grags pa'o/ /nam mkha' sgyug mor shes par bya/ /bcings pa med pa nam mkha' yin/ /skal ldan ngang pa 'on pa mtsho/ /'on pa min pa rgya mtshor
28b7 brjod/ /dbang bskur grong khyer ba ru dran/ /dbang bskur min pa grong pa bzhin/ /gsang ba snying ga yin par brjod/ /khyer shog dri ma med par brjod/ /gsal byed nam mkha' yin par dran/ /gzhan kha dgyes pa Da~M Di
28b8 'bras/ /ma rungs lcags su kun tu grags/ /stan ni pad ma yin par brjod/ /sbyin pa ge sar dran pa'o/ /gzhon nu ma ni 'tshe 'ur grags/ /rgan mo gtsang por dran pa'o/ /gnas pa rna ba zhes su brjod/ /
29a1 'gro ba 'di ni ar bu ta/ /dus ni dbyug pa bde ba nyid/ /thal ba min dga' dga' stobs so/ /de dag tshogs kyi mchod sbyin gyi/ /dus su 'bad pas brjod par bya/ /khrung khrung la sogs 'jug min phyir/ /gsang ba'i tshig
29a2 ni smra bar bya/ /rnal 'byor ma 'am rnal 'byor pa/ /shin tu dgyes pas gsang skad smra/ /dpal ye shes thig le las mchod pa'i rim pa dang gsang ba'i skad ces bya ba'i le'u ste bcu gnyis pa'o// // dbang bskur la
29a3 sogs nges bstan ni/ /lha yi dbang phyug ngas 'dir bshad/ /rgyud gsum gyi ni rim pa yis/ /dbang drug dbye ba bstan pa'o/ /chu yi dbang bskur dbu rgyan dag /bya ba'i rgyud las rab tu grags/ /rdo rje dril bu de bzhin ming / /
29a4 spyod pa'i rgyud las rab tu gsal/ /phyir mi ldog pa yi ni dbang / /rnal 'byor rgyud du gsal bar byas/ /de ni drug gi bye brag dbang / /de ni slob dpon dbang zhes bya/ /rnal 'byor bla ma yi ni mtshan/ /gsang ba yi ni dbang
29a5 rgyal bshad/ /shes rab ye shes bla na med/ /bzhi pa de ltar de bzhin no/ /dgu yi bye brag dbang la sogs/ /'bras bu'i phyir na brgyad dbyer 'gyur/ /bzhi pa de ltar de bzhin brjod/ /shes rab ye shes de yi 'bras/ /
29a6 dngos po so sor shes mi bya/ /de ltar zhes ni tshad med do/ /de bas 'bras bu'i tshig don ni/ /rigs pa ma yin pa yi sems/ /de bzhin re shig dga' ba'i sems/ /de bzhin re shig dga' ba'i rim/ /ji lta bur ni yod par
29a7 'gyur/ /dga' ba lus su grags pa ste/ /mchog du dga' ba 'di ru gang / /yid ni dga' bral shes par bya/ /lhan skyes de ni gang ni yod/ /kun na yod pa'i ye shes sems/ /sems las gzhan ni yod pa min/ /
29a8 gang zhig ci zhig 'di thams cad/ /de ni thams cad sems yin no/ /sems las thams cad 'byung ba ste/ /sems kyis yongs su 'das pa'o/ /lus kyi mgo bo dga' ba'i gnas/ /ngag ni mgrin pa mchog
29b1 tu dga'/ /sems ni snying gar shes bya ba/ /chags pa'i dga' ba rtag tu shar/ /lus rgyu 'bras bu de ni ngag /ngag ni rgyu ste 'bras bu yid/ /yid nyid yongs su shes pa ni/ /'bras bu de ni don dam par/ /de nyid gsum bdag
29b2 ye shes gang / /rtsa gsum nang gi dbus na bzhugs/ /gnas gsum khyab pa skye ba med/ /'od gsum srid pa gsum dang bral/ /'od rab gnas ni rab kyi mchog /de ni bzhi pa mchog gi dbang / /bdun gnyis bye brag tu
29b3 ni yod/ /yan lag rab kyi mdor bsdus la/ /chu yi dbang bskur dga' ba'o/ /gsang ba'i dbang bskur mgrin pa ru/ /mchog tu dga' ba'i bdag nyid mchog /shes rab ye shes kyi ni dbang / /snying ga ru ni dga'
29b4 bral dga'/ /gsang ba pad ma'i lte ba ru/ /bzhi pa'i rang bzhin bdag nyid do/ /de ltar dbang ni bzhi ru dbye/ /bskyed pa'i rim pa'i phyogs yin no/ /chu yi dbang ni mdoms su ste/ /sna tshogs 'bras bu sbyin
29b5 pa'o/ /gsang ba'i dbang ni gnyis pa ste/ /rnam par smin pa'i 'bras bu ster/ /rdo rje yi ni rtsa ba'i gnas/ /rtsa ba dang ni mdoms kyi 'og /shes rab ye shes kyi ni dbang / /mdud pa'i gnas su rtag tu dran/ /
29b6 dbang rnams kun gyi bla ma'i bla/ /rnam par 'joms pa'i 'bras bu ster/ /shes rab ye shes nor bu'i khar/ /shes rab pad ma'i yid 'gro'i phyir/ /rlung ma dang ni gnyid skye'i rtsa/ /gnyis ka rgyas pa yis ni
29b7 bde/ /gyen gyi lam gyis bzlog par bya/ /mdud pa'i nang gi gnas su 'gro/ /de ltar bzhi pa rab tu bstan/ /mtshan nyid dang bral 'bras bur grags/ /mdud pa'i gnas su rim pa yis/ /tshangs pa'i
29b8 sprul pa snying man chad/ /de tsam du ni lhan skyes dga'/ /rlabs dang bral ba dpe med do/ /de ni de kun don dam par/ /dbang gi ye shes nges bstan to/ /rdo rje ka ba de bzhin gsang / /sdom dang sdom pa'i rgya mtsho dang / /rigs chen ye shes snying
30a1 po dang / /kyai rdor 'jigs byed rdo rje dang / /mtshan dang gsang ba 'dus pa ru/ /lha yi dbang phyug bdag gis sbas/ /khyod kyi ngor mdzad dbang gi don/ /rgyud 'di ru ni rab tu gsal/ /rtog ge ba dang rgan po dang / /dge slong mos par gnas pa la/ /
30a2 yang dag lam shes slob dpon gyis/ /de rnams de nyid bshad mi bya/ /a yi yig 'bru dga' ba yin/ /b+hi yi yig 'bru mchog tu dga'/ /She yi yig 'bru dga' bral dga'/ /ka yi yig 'bru lhan skyes so/ /gang du yang ni mi dmigs shing / /
30a3 a ni skye med rang bzhin te/ /kun gyi rgyu ni yin phyir ro/ /She yi yig 'brur yang dag brjod/ /gtsug tor gsang ba'i pad mar b+hi/ /bskur dang khrus ni byed pa'i phyir/ /ka ni rnam rtog dngos por grags/ /'gro ba chad pa'i bdag nyid do/ /gsang
30a4 ba'i pad ma'i snying ga a/ /rtsa kun gyi ni 'bigs pa gang / /de phyir mngon par dga' ba mchog /b+hi yi yig 'bru thig le 'bigs/ /She bde ye shes kun brtags bral/ /yang dag don gyis gsal bar byed/ /dang po'i dga' ba rgyu yi dngos/ /a yi
30a5 yig 'bru mchog gi gnas/ /mchog dga' dga' bral dga' bar grags/ /dbang bskur rab tu grags pa'o/ /de gnyis dbus su de nyid bzhugs/ /rang bzhin dga' ba bzhi dang bral/ /mngon par dga' dang dga' bral dga'i/ /
30a6 gang zhig rang bzhin mi shes na/ /dpal ldan rdo rje sems dpa' yis/ /sangs rgyas yin yang mi bstod do/ /rdo rje 'dzin pa thams cad kyi/ /thams cad khyab par mnga' bdag bdag /sangs rgyas thams cad rgyal chen po/ /
30a7 sangs rgyas thams cad yid ltar mgyogs/ /thams cad kun gyi dbang phyug bdag /'byung ba kun gyi bdag nyid do/ /dpal ye shes thig le las dbang bskur ba'i nges pa bstan pa'i le'u zhes bya ba ste bcu gsum
30a8 pa'o// // de nas yang ni bshad bya ba/ /nang gi mtshan nyid sbyin sreg go/ /kha ni hom khung dgang gzar lag /tshul ni rang byung me yin no/ /nga rgyal phrag dog bsreg rdzas yin/ /bzlas pa de ni kham du
30b1 rjod/ /sa 'og dang ni sring mo mar/ /de yi sreg rdzas rab tu dbul/ /ye shes bdud rtsi rnam dag pas/ /phrag dog la sogs bsang gtor bya/ /dum bu gsum pa'i snod mdun du/ /phrag dog bdud rtsis rab tu tshim/ /
30b2 rdor gsum ye shes sa bon gyis/ /dag byas dkar byas rim gyis so/ /rlung mas bskul byas 'bar bas byas/ /bdud rtsi mchog ni zhu bar byed/ /ha yi ma mo'i sngags kyis ni/ /'khor lo drug ni rab tshim bya/ /ri
30b3 bo'i ma mo dang bral bas/ /phyi nang rtag tu rab tshim bya/ /de lta'i sbyin sreg las kyis ni/ /lha yi sku ru nges par 'gyur/ /lha yi sku ni bde chen po/ /don dam par ni shes pa'o/ /lha yi yig 'bru yis 'byung gang / /
30b4 de ni don dam sbyin sreg go/ /dpa' bo gnyis kyi mnyam sbyor ba/ /dus kyi gang du bde dbang po/ /lte snying bde ba'i pad ma yis/ /rtag par shes rab mas ni brjod/ /de ni sbyin sreg sreg rdzas ldan/ /mngon par dga'
30b5 las 'byung ba'o/ /kun rdzob rnam pa'i gzugs su ni/ /shes rab thabs ni phrad pa las/ /sbyin sreg las kyi 'bras bu mchog /myur ba ru ni rnyed pa'o/ /hom khung d+he la dgyes pa che/ /la la 'di ru dgang gzar dran/ /
30b6 blugs gzar gsang pad sna yi rtse/ /mar ni khu ba zla 'od mnyam/ /gsang pad zlum po'i rnam pa bzhin/ /mar gyi snod du rnam par grags/ /blugs gzar dgang gzar mar gyi snod/ /rtsa gsum du ni brjod pa'o/ /bsrub
30b7 dang bsrubs pa'i sbyor ba yis/ /rlung ma dang ni gnyid ma gnyis/ /gcig pu'i dngos po yang dag pas/ /ye shes me ni mchog tu 'bar/ /pad ma'i 'khor lo drug rim pas/ /gzhan min bde chen man chad do/ /mchog gi bdud rtsi
30b8 rgyun ni 'dzag /ji ltar mkha' las chu 'bab pa/ /rtsa yi dra ba du ma yis/ /'khor lo drug snying khyab pa'o/ /sku gsum ye shes rdo rje mchog /rtag tu sreg rdzas mchod par bya/ /me yi kha ru dgang gzar ni/ /mar gyis bkang ba dbul bar bya/ /me ni mchog tu
31a1 dga' ba ste/ /rnam rtog hom shing tshig par byed/ /mdud pa'i hom khung gi ni me/ /de ni mchog tu dga' rang bzhin/ /zhi ba'i zlum po rnam pa bzhin/ /longs spyod dang ni grol ba bzhin/ /sku yi rdo rje rin chen khar/ /gsung gi rdo rje
31a2 dbus kyi dkyil/ /thugs kyi rdo rje mdud snying po/ /dga' ba yis ni mchod par bya/ /gsung gi rdo rje blugs gzar mchog /dga' bral dga' ba sku rdo rje/ /lhan skyes dga' ba'i ye shes kyi/ /dgang blugs kyis ni mchod pa bya/ /bcom
31a3 ldan 'das kyis de skad ces bka' stsal pas/ bye ba phrag bdun bcu rtsa gnyis kyi grangs kun brgyal ba dang sa la 'gyel bar gyur to/ /de nas yun ring po zhig nas 'di skad ces gsol to/ /lhan cig skyes pa'i dga' ba la 'dir ye shes yod
31a4 dam ci zhes yang ya mtshan du gyur to/ /yang de'i dus su bcom ldan 'das mas phyag rgya chen pos dam por 'khyud nas ma mchu btung ba'i bdud rtsi'i mchod sbyin phul te/ gsang ba'i pad ma'i bskor ba dam po'i snyim pa mnyam par sbyor ba
31a5 bcings nas gus pas zhus pa/ sangs rgyas kun gyi bla ma mgon/ /ye shes zab mo'i dri ma med/ /ci yi don phyir de lta'i tshigs/ /'khor kun gyis ni nang du gsungs/ /lhan cig skyes dga'i ye shes gang / /dgang blugs
31a6 kyi ni mchod pa la/ /bdag kyang 'dir ni bcom ldan 'das/ /the tsom chen po skyes par 'gyur/ /gsang ba yi ni gsang ba mchog /rnal 'byor ma rgyud du ma ru/ /mgon pos gang du'ang ma gsungs so/ /de tsam yang ni
31a7 brdar ma mdzad/ /lhan cig la ni ye shes yod/ /ma gsungs bdag gis thos ma lags/ /de ring de ltar the tshom dag /mnga' bdag chen pos gcad du gsol/ /bcom ldan 'das kyis bka' stsal pa/ /
31a8 a la la rab tu ngo mtshar to/ /lhan cig skyes pa'i dga' ba la ci'i phyir ye shes med/ dad pa chen po dang brtson 'grus can dang ye shes dang ldan pa yang rmongs par 'gyur na/ ye shes med pas lhan cig skyes pa'i
31b1 dga' ba ji ltar rnyed/ de bzhin du yang 'dir gzhan pa de ma yin pa'i dper nyon cig /ji lta bur du ba las ni mer shes te/ /chu skyar las ni chu yin no/ /byang chub sems dpa' blo ldan gyi/ /rigs ni mtshan ma rnams
31b2 las shes/ /de bzhin du lhan cig skyes pa'i dga' ba rnyed pa'i don gyi phyir skyabs sbyin gyi ngo bo ye shes so/ /ye shes ni tshor bar yongs su shes pas dpyod pa'i bdag nyid kyi thabs de ni ye shes su bdag gis bshad do/ /de bzhin du ji
31b3 ltar mun nag tu rin po che phra mo'i phra mo yod pa de ni rin po che mar me ma yin pas rnyed par mi 'gyur ba de bas na blo gros can gyis rin po che mar me khyer nas tshol bar byed la/ gal te de rnyed na de ci mar me las rin po che skye'am/ 'on kyang
31b4 mar me'i thabs kyis mthong ba dang rnyed pa de bzhin du ye shes kyi mar mes lhan cig skyes pa'i dga' ba'i rin po che'i rgyal po mthong zhing rnyed kyi ye shes las skye ba ni ma yin no/ /de bas na ye shes kyi sgra 'di ni don mi shes
31b5 pa'i phyir mkhas pas 'dir the tshom mi bya'o/ /dpal ye shes thig le las mchod pa sna tshogs nges par bstan pa dang nang gi sbyin sreg ces bya ba'i le'u ste bcu bzhi pa'o// // de nas gtor ma
31b6 chen po'i las nges par bstan pa'i don bshad do/ /sems can thams cad bsrung don du/ /'bad pa yis ni gtor ma sbyin/ /b+ha yi yig 'bru b+ha gar brjod/ /liM gi yig 'bru liM gar bstan/ ling ga b+ha gar
31b7 mnyam sbyor bas/ /sems can thams cad kyi ni tshogs/ /de las 'byung bar 'gyur ba ste/ /lha mo de nyid shes bya ste/ /thams cad sgra ni dga' ba yin/ /sems can don ni mchog tu 'gyur/ /tshogs pa de ni
31b8 dga' bral dga'/ /gtor ma de yis bsrung ba'i don/ /dur khrod yang ni chu yi ngogs/ /ye shes ldan pas sbyin par bya/ /dur khrod dbugs byung gi ni gnas/ /gsang ba'i pad ma'i bya gdong ngo / /sha' yi yig 'bru pad ma dag /
32a1 wa yi yig 'bru lte bar yin/ /sa yi yig 'bru bde ngo bo/ /na yi yig 'bru bcas pa med/ /dri med ma yi zhu ba'i dga'/ /thig le'i ngo bo yi ge bral/ /dur khrod dbugs 'byung du ni grags/ /zhal bzang bdag
32a2 gis bshad pa yin/ /chu yi ngogs ni rin chen kha/ /yang na de ni rtog med ma/ /'byung ba rnams ni bsrung ba'i phyir/ de la gtor ma sbyin par bya/ /'byung ba khu ba ru ni grags/ /khu ba sems can 'di ru bstan/ /
32a3 sems can snying po ye shes bde/ /b+ha ga ling ga gnyis las 'byung / /de la bsrung ba'i don du ni/ /gtor ma kun tu 'bad de sbyin/ /dpal ye shes thig le las 'byung ba bsrung ba'i don du gtor ma chen po nges par bstan pa zhes bya ba'i
32a4 le'u ste bcwa lnga pa'o// // de nas bcom ldan 'das ma phyag rgya chen pos byang chub sems dpa' sems dpa' chen pos lha'i dbang phyug la bos te/ kyai dpa' bo chen po lha'i dbang phyug 'dir de kho na nyid gsum gyi bdag nyid
32a5 kyi dang / zla ba'i bde ba mchog dang / phyag rgya chen po'i mtha'i rgyas pa nges par bstan pa'i don du rang gi ngo bo nyid dang / tshad dang / rnam pa de dag bcom ldan 'das kyi thad du legs par zhus shig /byang chub sems dpa'
32a6 sems dpa' chen po lha'i dbang phyug gis gsol pa/ mchog gi dbang phyug ma mchog gi bde ba chen po'i 'od kyi rang gi ngo bo sangs rgyas thams cad kyi yum/ sdig pa thams cad zad par byed ma/ bdud thams cad 'joms
32a7 par byed ma/ dga' ba thams cad dang / skad cig dang / ro dang / ye shes kyi mthar khyab pa lte ba'i pad ma'i dbus nas bzhengs nas bde ba chen po rab tu tshim par mdzad ma/ bcom ldan 'das ma bzang mo mchog
32a8 dri ma med pa'i sku nam mkha'i ngo bo legs so legs so/ /yang byang chub sems dpa' sems dpa' chen po lha'i dbang phyug gis bcom ldan 'das mas gsungs pa de khong du chud pas mchog tu dga' ba chen po'i sems kyis
32b1 rdzu 'phrul dang cho 'phrul rmad du byung ba chen po sprul te/ rnam pa du ma sna tshogs pa'i mchod pas pos mchod pa byas nas sngar gyi dri ba de dag zhus so/ /bcom ldan 'das de kho na nyid gsum gyi bdag nyid dang / zla ba'i bde
32b2 ba mchog dang / phyag rgya chen po'i mtha' rgyas pa nges par bstan pa'i don du rang gi ngo bo nyid dang / tshad dang / rnam pa de dag bdag la bka' stsal du gsol/ bcom ldan 'das kyis bka' stsal pa/ dri ba shin tu zab las
32b3 zab/ /thams cad mkhyen pas rnyed dka' ba/ /ji ltar de nyid mtshan nyid ni/ /nyon cig nga yis bshad par bya/ /mtshan nyid las skyes de nyid ni/ /de lta min na mi mthun no/ /rang rig pa ni bdag nyid phyir/ /de bas
32b4 brjod par mi nus so/ /de nyid gsum bdag de snang ba/ /mtshan ma'i 'du shes rang ngo bo/ /zla ba'i bde mchog snang ba mched/ /nyin mo'i 'du shes rang ngo bo/ /phyag rgya chen po snang ba thob/ /mtshams kyi 'du shes rang ngo bo/ /
32b5 mtha' yi de ni 'od kyi rab/ /nyin mo mtshan mo sogs dang bral/ /de ni gnas mchog ye shes te/ /blta bar dka' ba'i mtshan nyid do/ /char yang dang ni thig le'i tshul/ /de nyid gsum bdag rjod pa'o/ /'khor lo gsum
32b6 yod me rlung chu/ /dngos po'i 'du shes rang ngo bo/ /tshul tsam zla ba yi ni bde/ /sa yi 'khor lor bde ni mchog /de ni rten gyi 'du shes can/ /lha yi dbang phyug shes par bya/ /phyag rgya chen po 'di ni mchog /nam mkhar
32b7 ye shes 'du shes so/ /de yi mtha' yi gzhan gyi mchog /bde chen mchog gi nam mkhar ro/ /de ni rnam 'byed ngo bor grags/ /gnyis su med pa'i ye shes rab/ /de ni 'khor lo drug dbus gnas/ /rnam shes drug gi rang ngo bo/ /
32b8 dngos po rten la sogs bye brag /bzhir ni dbye bar yod pa'o/ /de nyid gsum bdag bye brag gis/ /de ni rnam pa gsum du dbye/ /mtshan mo nyin mo mtshams bral phyir/ /gcig pu yi ni bde ba che/ /rang bzhin bstan
33a1 pa gang la lar/ /mchog gi nam mkha' gang la lar/ /la lar 'od rab kyis ni gnas/ /la lar dga' bar dran pa'o/ /la lar mchog gi dga' ba ste/ /la lar dga' bral dga' ba'o/ /sna tshogs du
33a2 ma la sogs dbye/ /lhan skyes gcig pu rtag tu shar/ /du mar smra bas ci zhig bya/ /'di kun bdag nyid lhan cig skyes/ /kun rdzob rnam pa'i gzugs kyis ni/ /chu yi zla ba bzhin du mthong / /don dam pa yi rang
33a3 bzhin ni/ /yang dag rtog pa'i gnas med do/ /thabs la sogs pa'i rim pa yis/ /bla ma'i zhal nas rnyed par 'gyur/ /bla ma mtho ris thar pa'i bla/ /bla ma ye shes bla ma bde/ /bla ma ston pa bla ma mgon/ /
33a4 bla ma rdo rje 'dzin pa nyid/ /bla ma'i zhal snga'i bka' drin las/ /mchog gi gnas ni rnyed par 'gyur/ /tshe 'di yis ni phyag rgya che/ /dngos grub rnyed par the tshom med/ /sa bcu yi ni dbang phyug bdag /de yi bka' drin gyis
33a5 ni sla/ /de bas bla ma las lhag gzhan/ /ston pa chen po ga la yod/ /gang zhig bla mas bstan bcos ni/ /mdzad dam bshad pa gang yin yang / /de ni bstan bcos de tshad ma/ /de ni de nyid 'khrul pa med/ /slob dpon gsung dang
33a6 bdag gis smras/ /de la bye brag mi dbye'o/ /rnal 'byor rnal 'byor ma rgyud shes/ /bla mas mdzad pa'i bstan bcos gang / /de la sgra dang sgra ngan du/ /lha yi dbang phyug brtag mi bya/ /bsnyan dngags zlos gar bstan bcos las/ /
33a7 sgra dang sgra ngan brtag bya yi/ /sngags kyi bstan bcos gtan la phab/ /ci yi phyir na brtag par bya/ /brtag par byed pas gti mug byed/ /rtsa ba'i don ni zad par 'ong / /de phyir sgra dang rtog ge shes/ /de la de nyid bshad mi bya/ /de kun la
33a8 ni dbang mi bskur/ /phyi yi don la mos pa'i phyir/ /thabs dang thabs las byung mtshan nyid/ /'bras bu sbyin pa gang zhig phyir/ /de ni thams cad dngos rig pa/ /mchog gi don ni ster phyir ro/ /de ltar yang de kho na nyid
33b1 gsum gyi bdag nyid dang / zla ba dang bde ba mchog dang / phyag rgya chen po'i mtha' rnyed pa'i don du/ rnam pa dang / tshad dang / rang gi ngo bo ngas smras so/ /yang 'dir de kho na nyid kyi bdag nyid ni kun gzhi'i rnam par shes pa ste rnam pa'o/ /
33b2 zla ba bde ba mchog ni tshogs kyi rnam par shes pa ste mtha'i tshad do/ /phyag rgya chen po ni yid kyi rnam par shes pa snang ba ste/ de ni rang gi ngo bo'i de'i mtha' la rnam pa med pa'i rnam par shes pa nam mkha'o/ /yang na sprul pa dang / chos dang /
33b3 longs spyod dang / bde ba chen po'i rnam pa'i don khong du chud par bya'o/ /yang na rtsa bzhi'i don du rnam pa la sogs par shes par bya'o/ /dpal ye shes thig le las de kho na nyid gsum la sogs pa'i rgyas pa nges par bstan pa'i rang
33b4 bzhin gyi don zhes bya ba'i le'u ste bcu drug pa'o// // de nas lha mo rab dgyes nas/ /rang bzhin don ni gsal ba'i phyir/ /dam po ru ni 'khyud byas nas/ /pad ma dmar por rab tu bskor/ /dur khrod la sogs pa yi don/ /
33b5 rdo rje rgyal po la ni zhus/ /bsrub dang bsrub pa'i sbyor ba las/ /dpal bdag dgyes nas bka' stsal to/ /dur khrod la sogs pa yi don/ /skal ldan lha mo khyod nyon cig /mi bzad 'di ru rnam khyab pa/ /lha mo kha la
33b6 rab tu grags/ /g.yas pa'i sna yi bu ga ni/ /mi sdug pa ni shin tu tshig /lce spyang tshogs ni phyed tshig pa/ /sna bug g.yon pa ru ni dran/ /rna ba g.yas pa 'jigs su rung / /swa swa dang ni tseg tseg go/ /sha za'i kha
33b7 ni rna ba g.yon/ /dum bu mgo bo la sogs rgyan/ /lha mo g.yas pa yi ni mig /ha har brgod par rab tu grags/ /rnam pa dang bcas yi dags ldan/ /'jigs pa shin tu 'jigs par byed/ /g.yon pa pho nya nag
33b8 po me/ /me lce 'bar ba'i phreng bas khyab/ /rdo rje'i kha ru 'jigs par byed/ /rus pa dkar pos rab khyab pa/ /khu ba gzhan min rus dkar 'di/ /nges par lha mo shes par bya/ /de ni shin tu tsha ba skye/ /
34a1 de tshe 'bar phreng khyed par che/ /byang chub sems ni bde ba che/ /mi brtan ma yin pa ru bzhugs/ /de tshe rnam bcas yi dags kyis/ /ldan par rab tu grags pa'o/ /gsum dbye bzhir dbye drug dbye 'am/ /
34a2 mchog gi bdud rtsi gang du gshegs/ /de ni dum mgo la sogs bstan/ /gang tshe thim la longs spyod 'gro/ /des tshe swa swa tseg tseg go/ /gang gi tshe ni dbang ma 'grub/ /de phyed tshig ldan dran pa'o/ /srog gi rlung ni nub pa'i
34a3 phyir/ /shin tu tshig par brtag pa'o/ /khu ba nye ba'i shar ma thag /bkram par bdag gis bshad pa'o/ /lha mo shin tu gsang ba che/ /dur khrod brgyad ni rab mchog go/ /de ni shing brgyad dang ldan pa/ /nang gi bdag sbyor
34a4 mtshan nyid do/ /dpal gyi me tog mig rtsi dang / /nA ga ge sar warta dang / /pa la shing dang sha ra shing / /khar ba dang ni sha mi yo/ /yal ga du ma la sogs dang ldan brgyad/ /'bras bus dud pa'i gzugs kyis shin tu
34a5 brgyan/ /'dod ma rgyas ma glu stobs ma dang sa/ /mtsho skyes snying po 'dzin ma bya gdong ma/ /mgyogs dang bral mo zhi gnyis kun du brtags/ /shing mchog chen po rtsa brgyad kyi ni gzugs/ /yang ni dur khrod chen
34a6 po ni sprul pa'i 'khor lo'i chu skyes chos kyi 'byung gnas kyi nang gsang ba chen po 'dus pa'i gnas dang nye ba'i gnas la sogs pa'i gnas nas rnal 'byor ma re res shing re khyer nas song ngo / /lha mos gsol pa/
34a7 bcom ldan 'das 'dir ni rnal 'byor ma ni gang lags/ shing rnams kyi ming ni ci lags/ ji ltar na sprul pa'i 'khor lo'i chu skyes de kun gyi 'dus pa lags pa bka' stsal du gsol/ bcom ldan 'das kyis
34a8 bka' stsal pa/ yan lag cha ma dang / drag mig ma dang / 'jigs ma dang / khro gdong ma dang / zlum mig ma dang / sna nyams ma dang / lce bskyod ma dang / sbrul gdong ma dang / bya rgod gdong ma dang / gser mig ma dang / mche btsigs ma dang / so
34b1 rings ma dang / nya gdong ma dang / mgrin rings ma dang / rna 'phyang ma dang / sgur mo dang / byin chen ma dang / spu ldan ma dang / sen rings ma dang / yan lag gnag ma dang / sngo ma dang / yan lag dmar mo dang / gur gum
34b2 'od mnyam ma dang / rta gdong ma dang / gdong chen ma dang / ral gcig ma dang / ral rings ma dang / bong rna ma dang / glang chen lte ba ma dang / bung mig ma dang / me tog dga' ma dang / sna rings ma dang / rma bya'i mgrin ma dang / sbrul
34b3 lce ma dang / ne'u le'i gdong ma dang / nu 'phyangs ma dang gsus 'phyangs ma dang / smad che ma dang / gdong skam ma dang / rlung 'gyogs ma dang / dal 'gro ma dang / spyan rings ma dang / dgod gdong ma dang / ngu ma dang / 'thab dga'
34b4 ma dang / gar ma dang / dga' 'gro ma dang / chog med ma dang / mang za ma dang / chang dga' ma dang / sha dga' ma dang / phar 'gro tshur 'gro ma dang / bram ze mo dang / rgyal po'i sras mo dang / chang 'tshong ma dang / thod pa ma dang / lto bi
34b5 dang / gtum mo dang / khrus mkhan mo dang / tshos ma dang / sha ba rI dang / legs ma dang / khrag dga' ma dang / skyabs sbyin ma'o/ /de kun lha mo rnal 'byor ma/ /shin tu drag la yang dag 'jigs/ /de kun lag na gang zhig
34b6 shing / /khyer nas 'ong ba khyod nyon cig /tsam pa ka dang / pa tra li dang / ka 'un tsa dang / pa ta dang / pad ma dang / sha ra dang / shi mya dang / pa la sha dang / nA ga ge sar dang / sa la dang / a ro d+ha ka dang / g+ha na dang /
34b7 pi sa la dang / bung ba'i dra ba dang / a shwad tha dang / a ta pu ta dang / ha ya dang / sa ha ka ra dang / 'o ma'i shing dang / chu shing dang / na li gi ra dang / u dum bA ra dang / e ran da dang / ka pa t+ta dang / a mra dang / dzam
34b8 ra dang / kha di ra dang / tsan dan dmar po dang / pad+da ka dang / tsan dan dang / li shi dang / dzA ti shing dang / goR+shar sha dang / bil ba dang / skyu ru ra dang / ba ru ra dang / rgun 'brum dang / khar dzu ra dang / da ga ra dang /
35a1 kam+pi la dang / ben+ti da kar dang / go yu'i shing dang / 'dod pa'i mda' gzhu dang / phra mo'i lo ma dang / gu gul dang / sardza sa dang / ba lha ka dang / ma da na'i shing dang / kar+m+ma ri dang / puN+Da rI ka dang / 'bras bu che ba dang /
35a2 tsher 'bras dang / klu'i mgo shing dang / su dar sha na dang / ta la'i shing dang / chos kyi rgyal mtshan dang / gshin rje'i gdugs dang / a sho ka dang / ar ka dang / ka ra bi ra dang / ru rag sha dang / ardzu na dang / rdo rje'i mig ste/ shing de dag kun ni chu zheng gab pa/
35a3 me tog dang 'bras bu dang ldan pa ste/ 'dus pa chen po'i gnas su rnal 'byor ma rnams kyis khyer te 'ongs nas/ dam tshig gi spyod pa chen po byed do/ /'dus pa chen po'i gnas brgyad pa/ /brgyad kyi 'dab ma dang ldan no/ /'dab ma re re la rnal 'byor ma
35a4 de dag dang gnyis pa ni shing ste/ de gnyis gcig la gcig mnyam par gnas so/ /de ltar shing gi rnam pa nyid kyi rtsa la bzhugs pa'i phyir ro/ /rnal 'byor ma dang shing gi sgras rtsa drug bcu rtsa bzhi khong du chud pa'o/ /'di la rtsa'i 'khor lo'i lte bar
35a5 srog gi rtsa ba'i nang dang lhan cig rtsa gsum dang ldan pa'i 'dab ma gsum gyi pad ma'i g.yas ngos su ping ga la'o/ /g.yon ngos su i da'o/ /dbus su bde legs yid 'ong ma dang / 'jug pa dang / gnas pa dang / 'gro ba 'grub par byed do/ /de dag gi
35a6 dngos po dang / rten dang / ye shes dang / rnam par 'byed pa las zhal bzang mo de ru shes par bya/ shar ba dang nub pa'i dus su rtsa'i 'khor lo'i 'byung ba thams cad 'bad pas btsal bar bya'o/ /gang gi phyir rtsa'i 'byung ba med par gyur na/ byang chub
35a7 kyi sems kyi bdud rtsi bde ba'i ye shes 'di 'jug pa dang / gnas pa dang / 'gro ba'i skye ba shes pa ma yin no/ /ma shes na ji ltar phyag rgya chen po'i grub pa rnyed par 'gyur te/ de bas na phyag rgya chen po'i grub pa'i
35a8 don 'dod pa'i rnal 'byor gyi dbang phyug gis bsam gtan la mi g.yeng bas brtson par bya'o/ /lha mos gsol pa/ bcom ldan rnal 'byor dbang phyug gis/ /bsam gtan 'dir ni ji lta bu/ /bcom ldan 'das
35b1 kyis bka' stsal pa/ /rnal 'byor dbang phyug bsam gtan ni/ /nyon cig lha mo ngas rab bshad/ /kun rdzob ye shes rten pa las/ /gnyis su med pa'i gnas rab rnyed/ /nyer 'gro bsam gtan mchog gis ni/ /grub pa chen
35b2 po rnyed par 'gyur/ /skyon ni thams cad bral ba'i/ /yid dang 'thun pa'i rang gnas su/ /lus ni ma bsgrims pa yis ni/ /spros pa med par stan bder bsdad/ /lte ba'i dbus na yod pa'i tshul/ /hU~M gi yig 'bru grags chen
35b3 grags/ /rnam par rtog pa dang bral ba/ /bskal pa'i me yi 'od dang mnyam/ /langs nas chos kyi 'khor lo yi/ /mkha' 'gro bsregs nas smin mtshams kyi/ /dbus na gang zhig 'khor lo yod/ /rang gi ngo bo srog gi rlung / /snying gar
35b4 'ongs nas de gnas su/ /rtag tu de ni bzhugs pa'o/ /de ni oM yig ngo bor grags/ /sku yi rgyal po rnam par shes/ /srog dang rngub pa 'gog pa yis/ /srog dang rngub pa'i bza' ba gsol/ /srog dang rngub pa gnyis zos nas/ /des
35b5 ni rdzogs par 'gyur ba yin/ /de nas de la rtags ni kun/ /mtshan ma 'di lta bu dag 'byung / /'dar dang rdul dang ba spu langs/ /dbyangs kyi bye brag de nas mdangs/ /kha dog 'gyur dang mchi ma dang / /lha mo de las de nyid skye'o/ /de nas
35b6 rnal 'byor dbang shes nas/ /rnam par shes pa'i yi ge mchog /nang du lta ba byas pas na/ /steng mtshams rtse mo zab pa ru/ /mchog gi nam mkha' bde chen du/ /yi ge mchog ni shes byas nas/ /tshangs pa'i
35b7 pad mar byon te rgyas/ /chags pa dang bral gnas su 'gro/ /dpal ldan rdo rje 'dzin pa yis/ /lha mo gnas der shes par bya/ /'di lta bu'i 'dus pa yis/ /sa yi dur khrod chen po ni/ /
35b8 chos kyi 'byung gnas kyi ni gzhir/ /grangs med pa yi rnal 'byor pa/ /phyag rgya chen po'i dngos grub thob/ /nye bar 'gro ba'i bsam gtan las/ /nges par 'grub pa'i dbang po mchog /spros med
36a1 'od kyi gnas rnyed do/ /dpal ye shes thig le las dur khrod kyi nges par bstan pa'i don dang / nang gi bsam gtan gyi nye bar 'gro ba bstan pa'i le'u ste bcu bdun pa'o// // bcom ldan 'das ma phyag rgya chen po pad ma'i
36a2 mchog bskyed cing shin tu dga' bas yang zhus pa/ kyai bcom ldan 'das dpal ye shes thig le'i rgyud 'di'i tshad ni ci lags/ gnas ni gang lags/ mchog gi dbang phyug bdag la bka' stsol cig /bcom ldan 'das kyis
36a3 bka' stsal pa/ /gang zhig dri ba mchog byas pa/ /spyan bzang ma ni khyod nyon cig /dpal ldan ye shes thig le yin/ /de yi tshad ni don dam par/ /sus kyang smra bar nus ma yin/ /zhal bzang de ni bden ma yin/ /'on kyang cung zad
36a4 skal ldan mo/ /gsang ba'i ye shes rab mchog ni/ /gang zhig rgyal bas yang mi shes/ /khyod kyi ngor byas bdag gis bshad/ /srog gi dbyug pa'i gang zhig ste/ /sor bcu gnyis ni mdud pa med/ /'og gi cha ni bcu gnyis
36a5 phyed/ /de bzhin sprul pa'i pad mar ni/ /drug phyed pad ma mig dang 'dra/ /rtsa ba dang bcas lte nang du/ /rtsa ba rtsa ba'i nang 'ongs nas/ /'dab ma'i ske ru bcar te gnas/ /dbyug pa'i rnam pa'i ngo bor grags/ /bu ga phra mos nang na
36a6 ldan/ /de ni srog pa rtsa nyid yin/ /khams gsum gyi ni rten yin no/ /rgyu dang 'bras bu gnyis med kyis/ /rtsa dang 'bras bu rgya yis btab/ /drug phyed rtsa ba dang ldan ni/ /rtsa ba'i skud pa byad gzugs gsal/ /bcu drug
36a7 phyed phyed bye brag tu/ /rtsa ba'i skud pa gcig pu'o/ /rtsa ba gsum dbye skal ldan mo/ /'bras bu yang ni de bzhin no/ /rtsa ba 'bras bu gnyis kyi gnas/ /bcu gnyis phyed kyi gcig pa'o/ /de ni shin tu phra mo 'jam/ /
36a8 rin chen kha nang man chod do/ /de tsam ye shes thig skud yod/ /rnam shes drug po'i rten mchog go/ /char yang dang ni thig le tshul/ /tshul tsam mchog dang gzhan mchog go/ /shrI ni gzhan min 'di ru char/ /thig le
36b1 dz+nyA zhes su ni dran/ /tshul ni na yi yig 'bru yin/ /ti yi yi ge tshul tsam mo/ /mchog ni la yi yig 'brur bstan/ /gzhan mchog ka ru dran pa'o/ /gug ma'i rnam pa'i kha ru ni/ /yungs kar che ba'i sbom po tsam/ /
36b2 gnyis su med pa'i ye shes dpal/ /char yang du grags mchog dbang phyug /de yi snying ka'i dbus su ni/ /ye shes thig le grub pa bzhugs/ /tshul ni mdud pa'i mgrin par gnas/ /na yi yi ge mtshan zhes mchog /
36b3 g.yon glo yi ni 'dab ma'i nang / /ti ni thig le'i tshul tsam gnas/ /g.yas su la yi yig 'brur grags/ /lha mo mchog ni rtag tu bzhugs/ /steng du gzhan min kun gyi mchog /kha yi gnas su rtse mo'i cha/ /de tshad
36b4 yungs kar rus pa tsam/ /ga yi rnam pa'i yi ge mchog /bde ba chen po'i rang ngor grags/ /rang gi ngo bo'i mtshan nyid can/ /dpal ldan ye shes thig le 'di/ /mkha' 'gro ma yi 'khor los bsgyur/ /nam mkhar
36b5 'gro ba yi ni phyir/ /mkha' 'gro ma ni rtsa kun dran/ /'jug pa'i gnas sa longs spyod yin/ /thim pa'i 'gro ba'i gnas su yod/ /'byung ba dbang gi gnas su ste/ /rang bzhin de ni mchog gzhan mchog /g.yon gyi glo ru i
36b6 Da'i rtsa/ /pi ga la ni g.yas su gnas/ /rtog med ma ni steng du gnas/ /phyag rgya chen po'i rang bzhin no/ /steng dang 'og gnas yod pa'i rtsa/ /srid dang mya ngan 'das dag byed/ /g.yon glo ru ni yod pas yang / /de bzhin
36b7 'di ni dran pa'o/ /de rnams lte ba'i dbus su ni/ /skra rtse bye ba brgya yi cha/ /de yi tshad ni de bzhin gnas/ /zhal bzang ye shes thig le'o/ /rnal 'byor ma yi ye shes rab/ /gsang ba mchog ni bdag gis bshad/ /
36b8 thos pa yis ni sdig pa zad/ /de nas de la dga' ba skye/ /dran pa yis ni bsod nams skye/ /de nas de la mchog dga' skye/ /lta ba yis ni 'grub par 'gyur/ /dga' bral dga' ba rab tu skye/ /reg pa yis ni
37a1 lhan skyes dga'/ /de nas yang dag rab 'od gnas/ /'od rab gnas las thams cad 'di/ /gnas la sogs pa'i dag kun no/ /lha mos gsol pa/ gnas la grangs ni ji tsam du/ /mchog gi dbang
37a2 phyug khyod dbang mdzad/ /bcom ldan 'das kyis bka' stsal pa/ /rtag tu sprul pa yi ni skus/ /sa ni bcu gcig pa ru dran/ /longs spyod rdzogs sku bcu gnyis pa/ /chos kyi skus ni bcu gsum mo/ /bde ba chen pos bcu
37a3 bzhi pa/ /gang zhig bcwa lnga y-i ni sa/ /de ni ye shes sa zhes bya/ /bcu drug pa ni btags pa min/ /khyod dang lhan cig zhal bzang mo/ /de kun sa yi dbang phyug bdag /gnas la sogs pa dga' ba'i gnas/ /sa yi sgra
37a4 yis brjod pa yin/ /sa dang po mos pas spyod pa/ gnyis pa rab tu dga' ba/ gsum pa dri ma med pa/ bzhi pa 'od byed pa/ lnga pa 'od 'phro ba/ drug pa sbyang dka' ba/ bdun pa mngon du gyur pa/ brgyad pa ring du song ba/ dgu pa
37a5 mi g.yo ba/ bcu pa legs pa'i blo gros/ de rnams ni byang chub sems dpa'i sa'o/ /chos kyi sprin ni sangs rgyas kyi sa/ kun tu 'od ni yang dag par rdzogs pa'i sangs rgyas kyi sa/ kun du snang ba mched pa'i 'od ni dpal rdo rje
37a6 sems dpa' bcom ldan 'das kyi sprul pa'i sku'i sa/ kun du snang ba thob pa'i 'od ni longs spyod rdzogs pa'i sku'i sa/ /brjod du med pa tshad med pa ni bde ba chen po'i sa ste/ de kun dga' ba'i bye brag la/ /sar ni kun tu btags pa'o/ /
37a7 lha mos gsol pa/ rdo rje sems dpa' mnga' bdag che/ /sku ni 'di ru ci ru grags/ /bcom ldan 'das kyis bka' stsal pa/ /sku ni de bzhin gshegs skyabs sbyin/ /sems ni rdo rje 'dzin par dran/ /phung po lnga las grub pa'i
37a8 sku/ /rigs lnga yi ni bdag nyid mchog /rigs ni drug pa thugs rdo rje/ /grangs med rigs kyi gtso bo'o/ /'khor lo rin chen de bzhin pad/ /ral gri rdo rje lnga pa'o/ /gzugs dang tshor ba 'du shes
37b1 dang / /'du byed rnam shes de bzhin no/ /gzugs ni rnam par snang mdzad grags/ /gti mug rdo rje'i ngo bo nyid/ /tshor ba rin chen rgyal po ni/ /nga rgyal rdo rje'i ngo bo nyid/ /'du shes de ni snang mtha' yas/ /chags pa
37b2 rdo rjer rab tu grags/ /'du byed don yod grub pa ste/ /phrag dog rdo rje ru ni grags/ /rnam par shes 'dir mi bskyod pa/ /zhe sdang rdo rje rab tu bsgom/ /nam mkha' rdo rje sems dpar grags/ /rnam pa dang bral grub
37b3 mnga' bdag /gti mug me long yi shes lte/ /nga rgyal mnyam pa nyid du dran/ /so sor rtog pa 'dod chags yin/ /bya ba grub pa phrag dog che/ /zhe sdang chos dbyings rnam par dag /bde chen gcig pu las ni 'dir/ /
37b4 bye brag lnga ru gyur par grags/ /bde ba dkar po bsrubs pa las/ /zhal bzangs mo ni sra ba gang / /de ni rnam par snang mdzad ces/ /gti mug chos kyi mtshan nyid can/ /bde ba nag po zhu ba'i gzugs/ /de ni mi skyod
37b5 pa ru dran/ /bde ba dmar po'i 'od kyi phyir/ /'od dpag med pa de bzhin gshegs/ /rlung gis khyab phyir bde ba sngon/ /don yod grub pa de rab bstan/ /nga rgyal las ni 'dir bde ser/ /de ni rin chen 'byung ldan yin/ /
37b6 nam mkha' dang bral grub mgon po/ /rdor sems rgyal ba kun mnga' bdag /spyan rings bzang mo de phyir sku/ /lha yi rnam pa rab tu mchog /'bad pa yis ni de mchod bya/ /nam yang smad par mi bya'o/ /sha dang khrag
37b7 dang bshang ba dang gci ba dang / mig rdu dang snabs dang / sen mo dang so dang skra dang spu dang rus pa dang rgyus pa dang mkhal ma dang snying dang mkhris pa dang glo ba dang rgyu ma dang dri ma dang / chil dang rnag dang ang khri ni dang
37b8 gnye ma dang lto ba dang kha lbu dang / bad kan dang rngul dang mchi ma dang / klad pa dang / rkang mar dang khu ba dang / khrag dang sha ma 'di yang lha'i gzugs kyis gnas pa ste/ gzhan ma yin no/ /de bas na shing dang /
38a1 rdo ba dang / sa las grub pa dang / dngul dang zangs dang 'khar ba las grub pa'i lha dang mchod rten dang bris sku dang po ti la sogs pa rnams la phyag mi bya'o/ /gang gi phyir ye shes kyi sku spangs nas phyi'i don gyis
38a2 ci'i phyir gnas/ /phyi'i thams cad skad cig ma/ /dga' mo sems kyi rdzu 'phrul yin/ /de ltar sems las gzhan pa yin/ /sems nyid nam mkha' lta bu'o/ /gzugs sogs kha dog gnas pa'i phyir/ /tha mal pa'i
38a3 lus su snang / /rnam par dag pas lha nyid du/ /bla ma'i zhal snga'i bka' drin no/ /lha mos gsol pa/ mgon po bla ma ji lta bu/ /slob ma yang ni ci 'dra ba/ /rgyud kyi rim pa ji ltar lags/ /re shig rgyud ni ji ltar
38a4 gsungs/ /dpal ye shes thig le las/ dpal ye shes thig le'i tshad dang / gnas dang / sa bstan pa'i don dang / phung po rnam par dag pa zhes bya ba'i le'u ste bcwa brgyad pa'o// // de nas yang ni bshad bya ba/ /
38a5 bla ma slob ma'i mtshan nyid ni/ /bla ma tha mal dngos bral yon tan ldan/ /gzhan min mchog gi dbang gis dbang bskur sku/ /thugs rje dang ldan shin du rlabs che'i sems/ /de nyid shes pa log pa'i nga rgyal med/ /bla ma yul
38a6 gyis ma gos rmu rgod ma yin pa/ /rgyud lung bstan bcos du ma'i pha rol phyin/ /yan lag mtshan mchog kun gyis shin du brgyan/ /dkyil 'khor 'dri dang dbang gi rim la mkhas/ /bla ma yid thub srid pa'i 'jigs
38a7 bral zhing / /mya ngan 'das la 'dod pa'i yid dang bral/ /dngos po chu zla lta bur nyid kyis mthong / /drug lhag bcu yis stong la gcig tu sems/ /bla mchog nyon mongs med cing skye ba med/ /phung po la sogs skye mched
38a8 khams dang bral/ /mchog dang dga' bral gnyis ka'i dbus na bzhugs/ /de lta'i dpal bla rdo rje rgyal po nyid/ /slob ma khrims ldan dul zhing dad pa can/ /rlabs chen zab mo'i theg pa bsnyen par byed/ /rnam rtog
38b1 'dam gyis rtag tu ma gos shing / /mkhas shing blo rno thugs rje'i bdag nyid can/ /spyan ring bzang mo 'di lta bu dag gi/ bla ma dang ni slob ma rnam gnyis kyi/ /mtshan nyid dang ni legs par brtag pa ni/ /ji lta'i don gyis
38b2 rab tu gsal ba'o/ /dpal ye shes thig le las bla ma dang slob ma'i mtshan nyid brtag pa zhes bya ba'i le'u ste bcu dgu pa'o// // de nas gzhan nyon bdag gis bshad/ /ji ltar rgyud kyi rim pa bzhugs/ /dpal dang
38b3 ldan pa'i rigs chen rgyud/ /'bum bdun gyi ni mtshan zhes bya/ /de ni gtso bo rtsa ba'i rgyud/ /sku brgyad bdag nyid rab kyi mchog /de brtag kye yi rdo rje ni/ /'bum lnga yi ni mtshan zhes bya/ /dpal ldan phyag rgya chen thig
38b4 le/ /de yi phyi ma'i rgyud du dran/ /ye shes snying por grags pa'i rgyud/ /de yi phyi ma'i phyi ma'o/ /dga' mo ye shes thig le'i sgra/ /bshad pa'i rgyud ni gsang ba che/ /grub pa'i nges bstan thig le ni/ /zhal bzang mo de
38b5 snying po dang / /de kho na nyid sgron ma'i mtshan/ /'bras bu'i rgyud grags 'chad par 'gyur/ /de bdun du ni bdag gis bshad/ /shin tu rmad tu byung ba'i rgyud/ /lha mo brgyad pa sku dang bral/ /de phyir smra bar mi btub po/ /
38b6 de ltar rim pa thams cad ni/ /lha mo de nyid shes par bya/ /sa bon las ni myu gu bzhin/ /rgyud kun rim shes rim pas so/ /rgyud ni rim pas 'di ru grags/ /yang na ye shes 'khor lo rgyud/ /yang na don ni rgyud yin te/ /
38b7 yang na rim pa gnyis ni rgyud/ /lha mo gang du skal ldan mo/ /shes rab thabs gnyis phrad pa'i sa/ /de ni rgyud du bshad pa yin/ /yang na ye shes las byung ba/ /ta yi yig 'bru sku ru grags/ /na ni de nyid dri ma
38b8 med/ /ta yi yig 'bru khu ba yab/ /ra ni yum ste khrag yin no/ /de gnyis 'dres pa thig le yin/ /gzhan min rnam shes ngo bo'o/ /de yi thig le a'i rnam pa/ /zla ba'i dkyil 'khor nya gang ngo / /ta yig dang ni ra yig
39a1 'bru/ /tshul tsam gyis ni gnyis ka ldan/ /de ni rab mchog a yig 'bru/ /rtsa dang dga' bdag nyid skye med/ /lha mo 'di ltar rgyud kyi rim/ /rgyud kyi don yang shin du bshad/ /dpal ye shes thig le las
39a2 rtsa ba'i rgyud la sogs pa'i rim pa dang / don zhes bya ba'i le'u ste nyi shu pa'o// // bcom ldan ye shes thig le lags/ /nyi ma bye ba'i 'od dang mnyam/ /bdag gi zhu ba gang zhig ci/ /rgyal ba'i mnga' bdag de
39a3 bdag gsungs/ /mnga' bdag rang gi ngo bo nyid/ /gang las skyes shing ci las 'ongs/ /de ni mdor bsdus pa yi tshig /thub pa chen pos bka' stsol cig /bcom ldan 'das kyis bka' stsal pa/ /dri ba 'di ni shin
39a4 tu zab/ /ye shes kyis rnyed gsang ba'o/ /lha mo khyod ni 'byung ba min/ /skye ba dang ni 'pho med rab/ /mchog gi rnam rtog rlabs dang bral/ /rang gi ngo bo ye shes 'od/ /bdag rang gi ni ye shes sku'i/ /mchog gi
39a5 dbang phyug ma khyod 'ong / /gzhan min bdag dang khyod med na/ /sangs rgyas kun gyis rnyed dka' ba/ /khyod med na ni khams gsum kun/ /mgo bo chad pa'i mi bzhin du/ /grangs med 'jig rten gyi ni khams/ /
39a6 khyod ni ye shes 'od byed pa/ /khyod ni thams cad dngos kun gyis/ /thams cad bdag nyid 'byung ba kun/ /chos kun yongs su shes nas ni/ /de ni thams cad mkhyen par grags/ /de yang lha mo khyod kyi drin/ /
39a7 brjod par mi nus yang dag don/ /khyod kyi drin gyis grangs med pas/ /de bzhin gshegs pa'i gnas rnyed 'gyur/ /mchog gi nam mkha'i gnas nas byon/ /mchog gi nam mkha'i gnas su gshegs/ /mchog gi
39a8 ngo mchog gi nam mkha'i ngal bso gnas/ /mchog gi nam mkhar rtag tu bzhugs/ /kun rdzob rnam pa'i mchog tu ni/ /pad ma'i skud pa ji bzhin du/ /gsang ba'i sna rtse snying por gnas/ /langs nas bde ba'i pad mar ni/ /thig le
39b1 khong du chud pa'i phyir/ /gshegs nas brten pa thams cad bsreg /rgyas pas thig le khyer nas su/ /yang ni khyod 'dir byon pa'i don/ /lte ba sprul pa'i pad ma yi/ /lha mo gang tshe khyod kyi gnas/ /de tshe khyod ni shes rab
39b2 grags/ /legs dgyes rab mchog rmad du byung / /bdag dang lhan cig gnyis med sbyor/ /legs dgyes dbang mo khyod ni bzhugs/ /tshangs pa'i yul sa bye ba mthar/ /legs dgyes khyod kyi rgya yis btab/ /
39b3 grangs med pa la rgyas btab ste/ /de phyir phyag rgya che khyod grags/ /dpal ye shes thig le las/ dpal phyag rgya chen po bcom ldan 'das ma'i rang gi ngo bo bstan pa zhes bya ba'i le'u ste nyi shu rtsa gcig pa'o// //
39b4 gsang ba'i pad snying rgyas 'byed pa/ /rdo rje nyi ma gzhan yang zhu/ /re shig ci yi gsang ba gsungs/ /gnas ni gang na yod pa lags/ /bcom ldan 'das kyis bka' stsal pa/ /byang chub sems ni gsang ba yin/ /
39b5 khu ba'i ngo bo chang dang bral/ /de yi gnas ni mngal yin te/ /phyag rgya dga' ba sbyin pa mo/ /bcom ldan 'das mas gsol pa/ byang chub sems ni khu ba'i gzugs/ /de ni ji ltar gsang bar brjod/ /gsang ba'i gnas ni
39b6 mngal yin te/ /gzhung de bdag la 'thad ma lags/ /de lta na ni gang zag kun/ /nges par gsang ba shes par 'gyur/ /de yang dbang bskur la sogs ni/ /su la yang ni mi dgos lags/ /bcom ldan 'das kyis bka'
39b7 stsal pa/ /sangs rgyas kun gyi yum khyod de ni bden/ /gang zhig khyod kyis nges par bzung ba'i don/ /'on kyang drang ba'i don gyi tshig gis ldan/ /rten gyi don phyir yang na nges pa'i don/ /rten med na ni 'bras bu rnyed mi 'gyur/ /lus kyi
39b8 dngos med ji ltar 'di ru sems/ /ji ltar don 'thun gsang tshig de ni gsang / /drang ba'i don min nges pa'i don yang min/ /dngos med yang min dngos po'i gzugs ma yin/ /bden rim 'byung ba thim rnams kyi ni gzhan/ /sku gzugs
40a1 gang du de ni yod ma yin/ /khrag kyang yin par ji ltar yang ni min/ /mchog dga' dga' bral lhan skyes dga' ba min/ /gnas mngal de la nam yang yod ma yin/ /rdo rje rtsa ba bde chen la sogs min/ /drug phyed rtsa dang mtsho skyes
40a2 snying po min/ /rig min yang min rig pa nam yang min/ /brjod med nam mkha'i rang gi ngo bo yi/ /'di lta bu ni don dam par/ /lha mo gsang bar rab tu gsal/ /yang ni 'bring gi don gyis su/ /bdag gis gsang bshad khyod nyon cig /
40a3 'bring don de ni don gyi mchog /mchog gi dga' ba sbyin pa'o/ /'bad pas dga' bral srung bar byed/ /dga' bral dga' bas lhan skyes 'gyur/ /nor mdud snying ga yi ni gsang / /byang chub kyi ni sems dang ldan/ /de ni thabs kyi
40a4 gsang ba'i don/ /shes rab ma yi de bzhin no/ /gsang ba shes rab dbang gnyis las/ /dga' mo gsang ba'i don shes so/ /dpal ye shes thig le las gsang ba'i don zhes bya ba'i le'u ste nyi shu rtsa gnyis pa'o// //
40a5 de nas bcom ldan 'das ma phyag rgya chen pos 'jam pa'i dbyangs la yang zhu ba zhus pas/ mgon po thams cad gtan phab pa/ /rang bzhin ji ltar lags pa gsungs/ /bcom ldan 'das kyis de lta bu'i tshig gsan pa dang cang mi
40a6 gsung ba'i dngos pos skad cig tsam bzhugs te/ de nas mi snang ba'i rang gi ngo bor bzhugs so/ /de nas bcom ldan 'das ma phyag rgya chen pos bdag rang rten med par mthong nas zhus pas shin tu 'gyod nas cang mi smra bar
40a7 bzhugs so/ /de'i dus su sna tshogs pad ma la bzhugs par 'khor bye ba phrag bdun bcu rtsa gnyis kyi grangs rnams kyis chos kyi 'byung gnas stong par mthong nas shin tu ya mtshan du gyur pas kun smra zhing brgyal bar gyur to/ /
40a8 kyai byang chub sems dpa' sems dpa' chen po lha'i dbang phyug bcom ldan 'das dpal rdo rje sems dpa' gang na bzhugs/ gar gshegs/ kun du stong par bdag cag gis mthong lags so/ /lha'i dbang phyug gis gsol pa/
40b1 'khor chen po rnams nyon cig /bcom ldan 'das dpal rdo rje sems dpa' la bcom ldan 'das dpal phyag rgya chen pos 'di ltar zhus te/ mgon po thams cad gtan la phab/ /rang bzhin ji ltar lags pa gsungs/ /de lta
40b2 bu'i tshig gsan pa dang bcom ldan 'das cang mi gsung bar mi snang bar gyur to/ /de ci'i phyir zhe na/ rang bzhin de ni brjod du med pa dang / rtog ge med pa dang / btsal du med pa dang / grangs med pa dang / skye ba med pa dang / gzugs med
40b3 pa dang / rig pa med pa la de dris pas/ de nyid smrar mi btub pa'i phyir/ bcom ldan 'das snang ba med par gyur to/ /yang 'khor thams cad kyis gsol pa/ kyai blo gros chen po chos kyi mdzod/ snang ba med cing dngos po med pa chad par mi
40b4 'gyur ram/ de'i don la shin du 'jigs shing yang dag par yid zhum par gyur to/ /lha'i dbang phyug gis bka' stsal pa/ snang ba med par 'du shes gang / /de ni dngos med shes mi bya/ /nang gi rang ngor 'gro ba'i phyir/ /snang ba med par
40b5 'di ru brjod/ /de bas 'khor chen ma 'jigs shig /yid skyo ba ni yongs su spongs/ /de la thabs ni gcig yod de/ /gang gi rdo rje 'dzin pa nyid/ /sngar ni khyod kyis mthong ba bzhin/ /pad ma'i dbus bzhugs mthong bar 'gyur/ /
40b6 de'i tshe 'khor thams cad kyis byang chub sems dpa' sems dpa' chen po lha'i dbang phyug gi zhabs la mgo bos phyag 'tshal te/ bcom ldan 'das mthong bar bya ba'i phyir thabs zhus pa/ kyai blo gros chen po dpa' bo chen po
40b7 thabs ci yod pa bdag la bstan du gsol/ /dpa' bo chen pos bka' stsal pa/ dus gcig tu mgrin gcig gis snyan pa'i glus mchod pa gyis shig /de lta bu'i thabs kyi tshig thos nas thams cad dga' zhing mgu
40b8 la yi rangs pas yang byang chub sems dpa' sems dpa' chen po lha'i dbang phyug gi zhabs la mgo bos phyag 'tshal te/ de nas drug ldan la sogs pa'i glu thams cad len no/ /kyai sku rab mchog gi ngo bo'i mtshan
41a1 nyid ni/ /gang na bzhugs pa mya ngan 'das mtshan nyid/ /de nyid dang bral chad pa'i stong de ni/ /gnyis med bde bas mkhyen par mi 'gyur ram/ /rdo rje mtsho skyes mchog sbyor yongs su gzigs/ /gang zhig dngos
41a2 med dngos de dpyad par mdzod/ /de nas rang bzhin las bcom ldan/ /chu las nya ni bzhin du bzhengs/ /mchog gi dga' ba'i gzugs bdag nyid/ /mchog gi dga' ba'i sbyin pa'i bdag /dngos dang dngos min gnyis kyi
41a3 steng / /gyen bltas pad ma'i lte bar ni/ /zhal bzhi dang ni phyag bzhi pa/ /shin du ngo mtshar sku dang ldan/ /rgyal po yi ni bzhugs stabs bzhugs/ /brgyad gnyis blo ldan byad gzugs can/ /spyan gsum mchog gi
41a4 rnam pa can/ /zla ba nyi ma zhabs kyis mnan/ /rnge chung thod pa kha T+wA~M ga /rdo rje 'bar ba phyag na bsnams/ /de lta bu'i rmad du byung ba'i gzugs mthong nas 'khor thams cad dang lhan cig bcom ldan 'das ma phyag rgya chen
41a5 mo langs nas lan gsum du bskor ba byas te/ dam por 'khyud nas bstod pas bstod pa/ mchog tu rmad byung chen po'i sku ni rgyal gyur cig /ye shes zab mo rgya mtsho'i snying po rgyal gyur cig /brjod bral bltar
41a6 med sngon med sku mi mnga'/ /gti mug chen po 'joms de rgyal gyur cig /mchog dang gzhan mchog de ni mchog gzhan mchog /mkha' mchog 'od mchog mchog gi ye shes snang / /mchog gi bdud rtsi'i snying po
41a7 gang gA'i rgyun/ /mi 'chad rgyun 'bab byed pa rgyal gyur cig /shin tu lkog gyur dbang pos bltar med pa/ /skye 'gag 'du byed mtshan med rgyal gyur cig /de lta bu'i bstod pa'i rgyal po byas nas yang phyag rgya
41a8 chen po lha mo chen mos bcom ldan 'das la dad pas zhu ba zhus pa/ kyai bcom ldan 'das dkyil 'khor gyi lha rnams ci'i phyir ma gsungs lags/ bcom ldan 'das kyis bka' stsal pa/ /bsrub dang bsrub
41b1 pa'i sbyor ba las/ /lha rnams 'byung ba'i rim pa'o/ /dang po rtsom pa shin du 'dar/ /rnam par shes pas lha mo skye/ /de ni grong las kha dog dkar/ /'dod pa'i gti mug rnam par thos/ /grong khyer las ni longs
41b2 spyod yin/ /spyod lam lha mo rgyal ba'i 'od/ /bskum pa las ni snang ba mched/ /snang ba mched las ye shes 'od/ /bgrad pa las ni skye ba sbyor/ /sbyor las dga' ba'i skye ma ste/ /mnyam sbyor las ni ye shes skye/ /ye shes
41b3 las ni dngos zad ma/ /khyod las 'di ru dngos po ste/ /dngos las longs spyod zla ba ma/ /dkar po las ni rten shes bya/ /rten las pad ma'i lte ba ma/ brang brdabs las ni rnam par 'byed/ /rnam par 'byed las pad mig
41b4 ma/ /nag dang ljong dang gur kum mdog /dmar dang sngon po yi ni gzugs/ /zla ba dkar dang dmar gyi sngon/ /sgo la sogs dang mtshams na bzhugs/ /zhal gcig pa la spyan gsum pa/ /phyag rgya lnga yis rnam par
41b5 brgyan/ /snod dang gri gug gis phyag brel/ /na bza' grol ba phyag gnyis pa/ /de ni nyi zla'i gdan la bzhugs/ /rus pa sna tshogs rgyan dang ldan/ /khyod kyi bzhugs stabs ji lta bar/ /lha mo rnams kyang de bzhin no/ /
41b6 de rnams thabs ni bzhi gnyis kyi ni grangs/ /mnyam pa'i bzhugs stabs phyag dang zhabs la sogs/ /rab tu dga' ba'i yid ldan zhi ba'i gzugs/ /rtag tu sems can don byed kho na brtson/ /lha mos gsol
41b7 pa/ dpa' bo rnams kyi ming gi brda/ /de bzhin nyid kyi rdo rjes gsungs/ /bcom ldan 'das kyis bka' stsal pa/ /khyod kyis nga la gang zhus pa/ /skal ldan lha mo de ni nyon/ /'di yi rgyud la bdag la gzhan/ /
41b8 mtshan ni yod pa gang la lar/ /na ni lte ba gsang ba'i pad/ /dga' bral dga' ba sbyin pa'o/ /ma zhes nor bu bsrubs pa ni/ /mchog gi dga' ba sbyin pa'o/ /gang zhig de yi dbus nas langs/ /de ni bdag gi rang bzhin mtshan/ /dpa' bo rnams ni
42a1 bdag gis bshad/ /shes rab pha rol phyin ma nyon/ /lha chen po dang khyab 'jug dang / /pad ma'i lte ba shin tu blta/ /lha yi dbang dang 'dod pa'i lha/ /pad ma'i mig dang gzhon nu ma/ /re shig de ni dkyil 'khor pa/ /rang gi phyag rgya mtshon cha 'dzin/ /
42a2 dpal ye shes thig le las bskul ba zhes bya ba'i le'u ste nyi shu rtsa gsum pa'o// // bcom ldan 'das mas gsol pa/ kye bcom ldan 'das dbang bskur ba'i dus su dkyil 'khor rnams ji lta bu lags/ cho ga gang gis dbang
42a3 bskur sbyin zhing blang / /bcom ldan 'das kyis bka' stsal pa/ /chu la sogs pa'i dbang dus su/ /rdul tshon la sogs dkyil 'khor mdzes/ /gsang ba'i dbang bskur dus su ni/ /me tog sna tshogs mchog gis so/ /
42a4 shes rab ye shes dbang bskur dus/ /sna tshogs dri zhim po yis brgyan/ /las dang po yi dang po la/ /nges pa'i don gyi chu la sogs/ /dbang bskur shes pas sbyin bya ste/ /de ltar min na skyon du 'gyur/ /shes rab
42a5 can gyis drang don der/ /sbyin no de nas dam tshig sbyin/ /nor bu mgrin par byang chub sems/ /bla ma nyid kyis rang rig byed/ /shes rab lhan cig gnas las langs/ /slob ma'i kha yi pad ma ru/ /nyid kyi rdo rje
42a6 rab tu sbyin/ /de nas bde ba'i bdud rtsis dkrol/ /mgrin pa'i dbus su rtsa gnyis ni/ /g.yas dang g.yon na yod pa'o/ /sbom ma yangs mar 'di ru grags/ /srog dang nye ba'i rang ngo bo/ /g.yon ni srog tu shes
42a7 par bya/ /nye ba'i srog ni g.yas na'o/ /de ru bde bar 'jug par bya/ /mthe bong srin lag gnyis kyis mnan/ /de nas ye shes 'byung bar 'gyur/ /bu mos rnyed pa'i bde ji bzhin/ /reg bya chen pos dga' ba che/ /
42a8 dga' ba chen pos bde ba che/ /bde ba chen pos byang chub sems/ /shes rab bya gdong ma yi khar/ /nor bu'i kha las thigs pa gcig /shes rab ye shes zhal bzang mo/ /shes rab bya gdong las bde ba/ /rdo rje rin chen
42b1 kha ru 'gro/ /de ni dbang gi mchog rab yin/ /sangs rgyas grub pa'i 'bras sbyin bdag /shes rab gzugs bzang b+ha ga rab/ /shin tu lang tsho dbang bskur ldan/ /dga' sogs bye brag mgu bar byas/ /de nas slob ma la sbyin
42b2 bya/ /sems dpa' chen po shes rab 'di/ /yang dag ye shes rab tu ster/ /gang zhig bka' lung skyabs sbyin te/ /de ni bu khyod dad par bya/ /de yi mngal gyi g.yon logs na/ /a di bya gdong ma ni bzhugs/ /de rnyed
42b3 tsam gyis rang bzhin ni/ /shes rab bsnyen pas rnyed par 'gyur/ /de ni gzhan min yongs su shes/ /bzhi pa'i 'bras bu'i ngo bo yin/ /rang rig pa dang mchog ye shes/ /ngag gi lam gyis rnyed dang bral/ /de na lha mo skal ldan mo/ /gsang
42b4 ba las ni shin du gsang / /rgyud kun du ni bdag gis sbas/ /mtha' yi mtha' ru rab tu gsal/ /bcom ldan 'das mas gsol pa/ mtha' dang mtha' yi don ni ci/ /mchog gi dbang phyug bdag la gsungs/ /bcom ldan 'das kyis bka' stsal pa/ /mtha' ni
42b5 rnam par 'byed par shes/ /rnam par 'byed pa bcom pa'i phyir/ /rnam par 'byed pa bcom pa'i mthar/ /rnam par 'byed pa mthar gsal 'gyur/ /rnam par 'byed mthar ye shes che/ /de rang ngo bo'i rang bzhin no/ /lha mos
42b6 gsol pa/ dgyes pa rdul tshon dkyil 'khor ni/ /mnga' bdag ji lta'i rnam pas bri/ /bcom ldan 'das kyis bka' stsal pa/ /gang zhig khyod kyis yongs su zhus/ /nyon cig lha mo bdag gis bshad/ /phyag rgya'i
42b7 dkyil 'khor 'di ru ni/ /las la mkhas pas bri bar bya/ /pad ma 'dab ma brgyad par bya/ /pad ma'i nang du char yang bya/ /char yang dang ldan sna tshogs 'dab/ /char yang gi nang thig le ste/ /de yi steng du rdo rje
42b8 bri/ /sna tshogs pad ma'i ze 'bru ldan/ /rdo rje gri gug gis ni bskor/ /gru bzhi pa la sgo bzhi pa/ /rta babs bzhi yis rnam par brgyan/ /sna tshogs bum pa dang ldan pa/ /dkyil 'khor rab kyi mchog
43a1 ni bya/ /shar gyi 'dab mar 'khor lo bri/ /byang du de bzhin pad ma'o/ /nub kyi 'dab mar rin po che/ /lho ru ral gri bsgreng ba'o/ /pad ma gzhan rnams thod pa ni/ /bdud rtsi lnga yis rab tu gang / /
43a2 dung gzhu de bzhin ri rab dang / /rab tu 'bar ba yi ni me/ /me mtshams la sogs rim bzhin bya/ /'bad pa yis ni yongs su bskor/ /shar gyi sgor ni dpag bsam shing / /byang tu 'bras bu sa bon dang / /nub tu rin chen
43a3 sdong bu dang / /lho ru sna tshogs rdo rje'o/ /sgo yi phyi rol rdo rje'i phreng / /'od dang ldan pas bskor bar bya/ /lha mo chen mo de lta bu'i/ /dkyil 'khor ye shes sbyin bdag po/ /dam tshig chen po dang ldan pas/ /rab tu 'bad pa yis
43a4 ni bya/ /dkyil 'khor gyi ni bdag po'i phyir/ /des na bdag ni rab mtshim bya/ /dpal ye shes thig le las dbang bskur ba blang ba dang / phyag rgya'i dkyil 'khor zhes bya ba'i le'u ste nyi shu rtsa bzhi pa'o// // bcom ldan 'das
43a5 mas gsol pa/ kyai bcom ldan 'das dga' ba bzhi pa'i ngo bo dang / /bskyed pa'i rim pa ji ltar lags/ /bcom ldan 'das kyis bka' stsal pa/ /dga' ba las ni mchog dga' ba/ /mchog dga' ba las dga' bral dga'/ /
43a6 dga' bral las ni lhan cig skyes/ /dga' ba kun gyi de nyid do/ /bcom ldan 'das mas gsol pa/ de lta'i rig pa mgon chen po/ /rig pa sngar gyi gzhung mang ci/ /mngon sum dang ni rjes su dpag /sa bon dang 'dra 'bras bu
43a7 yin/ /ko Ta ba las sA lu ni/ /gang du yang ni mthong mi 'gyur/ /dga' bral las ni lhan cig skyes/ /bde min dga' bral sdug bsngal des/ /dga' ba kun ni 'joms par byed/ /mchog gi dbang phyug dga' bral 'di/ /
43a8 dga' ba kun dang mi mthun no/ /dga' ba las ni mchog dga' ba/ /mchog dga' ba las shin tu bgyes/ /bcom ldan mkha' 'gro de rigs lags/ /yang na mchog las lhan skyes so/ /bcom ldan 'das kyis bka'
43b1 stsal pa/ /rdo rje mkha' 'gro ma de bden/ /dga' bral las ni lhan skyes min/ /'on kyang de bsrungs pa las yod/ /de min lhan skyes gang du gnas/ /dga' ba kun dang mi mnyam ste/ /dga' ba kun ni 'joms byed pa/ /'di
43b2 skad smra ba shin du mchog /don dam pa yi tshig yin no/ /dga' kun 'gro ba yang gcig pu/ /yid 'phrog lhan cig skyes pa'o/ /sprin med snying ga'i nam mkha' ru/ /ye shes nyi ma rab mdzes shing / /dpal ldan ye
43b3 shes thig le'i rgyud/ /nam yang de ni thos ma yin/ /de gshegs pa yi gnas ni mchog /lha mo de ni gang las rnyed/ /rnal 'byor ma dang lhan cig tu/ /du ma'i rgyud du bshad na yang / /de lta mod kyi rgyud 'di yi/ /bcu
43b4 drug char yang mi phod do/ /de skad smra yi rgyud gzhan kun/ /dge ba'i yid dang ldan yang yin/ /'di ru dad pa med gyur na/ /dmyal ba la sogs 'gro bar 'gyur/ /mdo sde la sogs gsung rab kun/ /dad cing gus pas kho na
43b5 yin/ /gang phyir rgyud kun gyi snying po/ /de phyir rgyud 'di rab kyi mchog /bcom ldan 'das mas gsol pa/ sbas pa'i yi ge drang ba gang / /snying po ye shes 'bras bu ster/ /nye ba'i snying po de ni mgon/ /de ni de ring gsal bar
43b6 mdzod/ /bcom ldan 'das kyis bka' stsal pa/ /sngags ni shin tu gsal ba mchog /de lta na yang gsal bar byas/ /sngags kyi bzlas las 'grub par 'gyur/ /grub pa rnyed pas sangs rgyas sras/ /
43b7 hA swA Tapha hU~M hU~M ka la ti na dz+nyA dzrab hA ma shrI / swA haM hA swA Tapha hU~M hU~M ye m+ba k+Sha rA la ba hA ma ye da ma dzreb / hA swA Tapha hU~M hU~M ras wi ras / bcom ldan 'das kyis de skad ces bka' stsal pa dang / 'jig rten gyi
43b8 khams grangs med pa na bzhugs pa'i sangs rgyas dang byang chub sems dpa' grangs med pa dang / de bzhin gshegs pa grangs med pa rnams kyi rdzu 'phrul gyis me tog rnam pa sna tshogs pa man dA ra ba dang / man dA ra ba chen po
44a1 dang / sngon med pa'i me tog rnam pa sna tshogs rnams kyi chun po 'phyang ba dang / rol mo sna tshogs dang / gar dang / glu dang / mchod pa dang / rig pa 'dzin pas byas pa rmad du byung ba'i chos gos dang / rin po che rnam
44a2 pa sna tshogs dang / gser dang / nam mkha' las nor bu'i char bcom ldan 'das kyis zhabs kyi rtsar babs par gyur to/ /de nas nam mkha' las de bzhin gshegs pa dang / sangs rgyas dang byang chub sems dpa' rnams
44a3 kyis bstod pas bstod pa/ /sangs rgyas kun gyi sku gcig pu/ /legs so legs so bcom ldan 'das/ /shin tu rmad byung ye shes che/ /mchog gi dbang phyug gtan la phab/ /'di yi 'khor ni dag byed dges/ /
44a4 sdig pa thams cad 'jig par byed/ /yang dag mchog gi gsang ba 'di/ /rnyed par dka' ba don dam pa/ /dpal ldan ye shes thig le'-i rgyud/ /ye shes rgya mtsho gtan la phab/ /de lta bu'i tshogs kyi mchod pa byas nas/ nam
44a5 mkha' la gnas pa'i de bzhin gshegs pa la sogs pa rnams de kho na nyid kyi bsam gtan la bzhugs so/ /bcom ldan 'das mas gsol pa/ kye bcom ldan 'das/ bde ba chen po gcig pu'i sku/ /tshig rgyas pa yi snying po'i
44a6 don/ /mchog gi dbang phyug bdag la gsungs/ /mchog gi dbang phyug gis bka' stsal pa/ nyon cig lha mo gsang ba'i mchog /rgyud kun du ni rnyed dka' ba/ /gsang sna pad ma'i snying po ni/ /tshogs kyi gnas su 'di ru
44a7 brjod/ /rdo rje'i rtse mo kha phye'i phyir/ /de ni rgyas par brjod pa'o/ /yang na thams cad kyi ni tshogs/ /snying po bya yi gdong mar dran/ /de la rdo rje rtse mo yis/ /phye ba de ni rgyas par brjod/ /i ta ping gal gnyis kyi dbus/ /rtog
44a8 med ye shes ngo bo nyid/ /bsrub dang bsrub pa'i sbyor ba yis/ /rdo rje'i mthe chung rtse mo las/ /reg byas gang gis bde bar 'dzag /zhal bzang de ni tshig rgyas po/ /lte ba'i gnas nas smin 'khor lo/ /de nas gnas pa yi rna'o/ /
44b1 spyi rtsi tshangs pa'i bu ga ni/ /tshig rgyas pa ni gsum du dran/ /ma ni bsrub dang bsrub pa ste/ /ra ni dga' ba yin par brjod/ /mu ni lha mo sgrol ma yin/ /da yi yig 'bru zhu ba'i gzugs/ /g+ha yi yig 'bru sgra ru grags/ /ta yi yig 'bru gsal
44b2 bar byed/ /na ni lte ba'i gsang ba'i mthar/ /de yi dbus su rtag tu shar/ /zla ba'i sku dang 'dra ba gsal/ /nyi ma bye ba mnyam pa'i 'od/ /rdo rje sems dpa' bde ba che/ /byang chub kyi ni lam rab ster/ /de ni gsang ba ye shes che/ /rang bzhin
44b3 tshig gis rab gsal byas/ /'bad pa yis ni sba bar bya/ /su la'ang sbyin par mi bya'o/ /dpal ye shes thig le las tshig rgyas par bstan pa zhes bya ba'i le'u ste nyi shu rtsa lnga pa'o// // de nas gzhan nyon bdag gis bshad/ /
44b4 ye shes rab mchog gang gis smras/ /de kho na nyid bdag don zab/ /nges bstan la sogs bye brag tu/ /srog gi dbyug pa bzhugs thabs nas/ /rtsa dang ldan pa'i sbyor ba drug /thig le'i shar ba nub pa dang / /'pho ba sbyor ba'i mtshan
44b5 nyid dang / /rtsa yi 'khor lo 'byung bar dgyes/ /dbang gi rim pa de bzhin no/ /bsrung ba'i 'khor lo lha mo che/ /snying po sngags kyi rgyal po nyid/ /sku brgyad bdag nyid mchod sbyin dang / /thim dang longs spyod dang ni dbang / /rdo rje lha mo ye shes
44b6 sku/ /gsang ba'i sgra yang de bzhin no/ /bsrung ba'i dam tshig la sogs dang / /dpal ldan sbyin sreg don dam par/ /bsrub dang bsrub pa'i dgyes pa dang / /sngags kyi bzlas pa mchod sbyin dang / /gnas brgyad sku yi ngo bo dang / /dga'
44b7 ba la sogs pa yi mchog /dur khrod rnam rtog med par grags/ /chu ngogs rtog pa med pa dang / /snang ba la sogs mchog ye shes/ /dngos po la sogs bde ba che/ /thog ma tha ma dur khrod brgyad/ /zhing la sogs pa bstan pa dang / /
44b8 rlung gi de nyid snying po'i don/ /'jug pa gnas pa 'gro ba dang / /nyer 'gro sbyor ba rab mchog dang / /nyid ni ye shes thig le dang / /rang gi ngo bo rnam pa mchog /sa la sogs pa'i bdag po dang / /de bzhin
45a1 gshegs pa'i sku skyabs dang / /rgyud kyi rim pa bstan pa dang / /phyag rgya chen po'i rang bzhin no/ /gsang ba'i don ni don dam par/ /de nyid mchod pas bskul ba dang / /shes rab ye shes ji bzhin no/ /
45a2 gsang ba'i dkyil 'khor 'khor lo sogs/ /zhal bzang tshig rgyas bstan pa'o/ /gtor ma 'byung la phan don du/ /sdig pa thams cad 'jig par byed/ /de ni bde ba chen po'i mtha'/ /de nyid bsdus pa'i snying po'i don/ /bzhi
45a3 bcu'i bdag nyid de nyid don/ /gsang chen bdag gis rab tu bshad/ /de nyid sum cu drug bdag po/ /char yang ye shes tshor byed do/ /thig le ye shes bdag nyid tshor/ /de ni sum cu bdun dbang phyug /tshul gyis ye shes
45a4 bdag nyid tshor/ /de ni sum bcu brgyad dbang phyug /tshul tsam ye shes tshor byed pa/ /dgu lhag sum cu de nyid do/ /mchog shes pa yi rnal 'byor gang / /bzhi bcu'i mnga' bdag chen po'o/ /gzhan mchog gsung lam brjod du
45a5 med/ /rnam par dag pa de nyid mchog /thams cad de kho'i bdag nyid phyir/ /de bas bye brag mi bya'o/ /dpal ye shes thig le las de kho na nyid kyi snying po bsdus pa zhes bya ba'i le'u ste nyi shu rtsa drug pa'o// //
45a6 lha mos gsol pa/ bcom ldan 'das ni mchog dga' ba/ /kun dga' ba yi rnam pa sku/ /de kho na nyid zhal brgyad pa'i/ /rnam par dag pa ji ltar lags/ /bcom ldan 'das kyis bka' stsal pa/ /de nyid bsgom pa rnam
45a7 par dag /skal ldan lha mo khyod nyon cig /zhal brgyad rnam par thar pa brgyad/ /nang gi stong pa de nyid do/ /spyan ni nyi shu rtsa bzhi ni/ /sa dang stobs dang ye shes so/ /phyag rnams stong nyid rnam par dag /brgyad gnyis phyag ni stong
45a8 pa nyid/ /sbyangs pa'i yon tan sde dang ldan/ /thod pa rnams kyi ngo bo nyid/ /sangs rgyas chos ni ma 'dres pa/ /'jigs byed ma ni brgyad gnyis dbye/ /bsdu ba'i dngos po bzhi po ni/ /zhabs bzhi ru ni dran pa'o/ /chags sdang de bzhin gti mug ni/ /
45b1 legs dgyes zla nyi 'jigs byed do/ /gang zhig srid pa'i gnas su bzhugs/ /zhal bzang de phyir g.yas brkyang ba/ /lha mo g.yon brkyang mya ngan 'das/ /ye shes sku nyid bzhugs pa'o/ /srid dang mya ngan 'das min phyir/ /lha mo de phyir
45b2 bzhengs pa'o/ /gzugs brgyad rnam par dag pa yis/ /sna tshogs pad ma 'dab ma brgyad/ /gzugs med gnyis kyis 'du shes phyir/ /shes rab thabs gnyis bdag nyid do/ /gar dgu'i ro dang ldan pa'i phyir/ /zhal bzang mo
45b3 ni sna tshogs gzugs/ /lha mos gsol pa/ thams cad mkhyen pa mchog dbang phyug /bcom ldan bdag gis rnam dag shes/ /gsang ba'i don gyis 'di ltar mgon/ /rdo rje 'dzin pa bka' drin gsol/ /bcom ldan 'das kyis
45b4 bka' stsal pa/ /gsang ba'i sgom pa rnam par dag /lha mo shes rab chen mo nyon/ /zhal dang lhan cig pa yi spyan/ /zhal bzang gnas la sogs pa'o/ /longs spyod rdzogs par yod pa'i rtsa/ /bcu drug phyag ni bcu drug pa'o/ /A li
45b5 thig le rnam dag pa'i/ /thod pa yin par 'di ru bstan/ /'jigs byed rnam par 'jigs byed ma/ /legs dgyes dga' ba bcu drug go/ /skad cig bzhi yi sbyor ba yis/ /zhabs ni bzhi ru dran pa'o/ /g.yas brkyang ba ni mchog
45b6 gi dga'/ /g.yon brkyang dga' ba dga' ba yin/ /bzhengs pa'i lhan skyes dga' ba'o/ /phyag rgya pha rol phyin par dran/ /dbang gi rang gi ngo bo'o/ /thim pa smad kyi tshangs pa'i ras/ /longs spyod zhi ba'i lpags pa'i gos/ /legs
45b7 dgyes dbang phyug yang na gnas/ /bskyed pa tshangs pa'i lpags par grags/ /bong bu'i zhal ni 'jigs pa'i sgra/ /phyag rgya shes rab thabs ni che/ /thabs dang shes rab gnyis med dran/ /byang chub sems kyi rnam dag
45b8 pas/ /rus pa sna tshogs rgyan la sogs/ /nam mkha' ru ni 'gro ba'i phyir/ /gyen du 'bar ba'i dbu skyes so/ /rang gi ngo bo bde chen phyir/ /sku mdog nag po mkha' dang mtshungs/ /dga' bral gyi ni bdud chen po/ /'jigs par byed phyir
46a1 'jigs pa che/ /dpal ye shes thig le las rnam par dag pa zhes bya ba'i le'u ste nyi shu rtsa bdun pa'o// // de nas bcom ldan 'das mas ma mchu'i bdud rtsi'i ro phul te/ nyi ma dang zla ba'i me tog gis
46a2 mchod nas/ bcom ldan 'das rab tu tshim par mdzad nas 'di skad ces gsol to/ /kyai bcom ldan 'das ma 'ongs pa'i dus su yang dag par gsang ba'i rgyud 'di skal ba dang ldan pa'i sems can rnams la sus 'chad par 'gyur/
46a3 bcom ldan 'das kyis bka' stsal pa/ dpal phyag na rdo rje mgon pos bshad par byed do/ /bcom ldan 'das mas gsol pa/ ye shes bdud rtsi char pa che/ /mgon po khyod kyis rmad byung sbyin/ /phyag na rdo rje mgon po che/ /de yi bskyed
46a4 pa ji ltar lags/ /rgyal ba'i mnga' bdag ye shes rgyal/ /de ni tshig gcig bka' stsol cig /bcom ldan 'das kyis bka' stsal pa/ /gang zhig khyod kyis yongs zhus pa/ /bcom ldan ma de yang dag nyon/ /phyag na rdo rje mgon chen
46a5 po/ /rdo rje 'dzin pa kun gyi bdag /mtha' yas pa yi 'jig rten khams/ /skye dang 'jig pa'i rgyu yin no/ /de las skye ba gang yang med/ /rang byung mchog gi dbang phyug go/ /de yi phyag gi rdo rje ni/ /ye shes bcu gnyis skye ba med/ /
46a6 thog ma yi ni rwa lnga las/ /de bzhin gshegs pa lnga 'byung ngo / /mtha' nas 'byung ba chen po lnga/ /dbus nas 'gro ba'i ris drug 'byung / /lta ba kun ni bsrung don phyir/ /sna tshogs pa yi gzugs su spyod/ /la lar
46a7 rdo rje 'dzin pa dang / /la lar sangs rgyas kyi ni gzugs/ /la lar he ru ka yi gzugs/ /la lar de bzhin gshegs pa dang / /la lar byang chub sems dpa'i gzugs/ /la lar nyan pa lta bur bzhugs/ /la
46a8 lar 'chad do dgyes pad ma/ /la lar klog pa'i tshul du bzhugs/ /la lar rgyud dang bstan bcos ni/ /mdzad pa dang ni la lar 'dzin/ /mang du brjod lta ci zhig dgos/ /de ston phyag na rdo rje rgyal/ /lha mos gsol pa/
46b1 dkyil 'khor dang ni 'khor la sogs/ /de la mdor bsdus ji ltar lags/ /bcom ldan 'das kyis bka' stsal pa/ /dkyil 'khor rdo rje 'dzin pa yis/ /mkha' 'gro dbang phyug ma dgyes mdzod/ /gru bzhi la sogs dang ldan pa/ /
46b2 dur khrod kyi ni rgyan gyis brgyan/ /shing brgyad kyis ni chal par bkram/ /rdzing brgyad kyis ni brgyan pa'o/ /de dbus sna tshogs chu skyes ni/ /'dab ma dang ni ge sar bcas/ /de yi dbus su lha thod pa/ /dum bu gsum pa kun dang bzhi/ /
46b3 rang gi ngo bo chos kyi dbyings/ /bdud rtsi lngas ni shin tu gang / /hU~M gi yig 'bru de dbus gnas/ /ye shes me yi 'od dang mnyam/ /zla ba nyi ma'i gdan la bzhugs/ /sdig pa thams cad 'jig par byed/ /hU~M la sogs pa yongs
46b4 gyur las/ /skad cig gcig gis rmad du byung / /lha mo bcu gnyis dang ldan pa/ /phyag na rdo rje rgyal po bzhengs/ /zhal gcig pa la spyan gsum pa/ /char sprin gyi ni mdog dang mnyam/ /phyag bzhi pa ni rta la chibs/ /nyi ma'i 'od
46b5 dang mnyam pa'i spyan/ /bskal pa chen po'i me dang 'dra/ /nyi ma bye ba'i 'od dang mnyam/ /gdul dka' chen po 'dul bar mdzad/ /snying rje'i rlan gyis brlan par mdzad/ /phyag rgya lnga 'dzin dpa' bo che/ /ral pa'i dbu rgyan gyis ni
46b6 brgyan/ /ral pa sna tshogs rgyan dang ldan/ /sna tshogs rdo rje zla cod pan/ /phyag g.yas pas ni rdo rje 'dzin/ /sna tshogs kyi ni 'od zer 'phro/ /g.yon ni thod pa kha T+wA~M ga /gzhan pas rdo rje'i mda' dang gzhu/ /rta ni 'di ru sngon po'i
46b7 gzugs/ /spyan gsum pa la drag po'i 'od/ /zhi ba'i pags pas sga cha byas/ /dgod pa'i nga ro gshog pa can/ /sna tshogs pad ma'i 'dab ma la/ /shar dang lho dang nub dang byang du rdo rje 'jigs byed ma dang / rdo rje drag mo dang / rdo rje gtum
46b8 mo dang / rdo rje nag mo ste/ gnag pa dang / dmar ba dang / ljang ba dang / dkar po ste ngang pa la chibs pa'o/ /phyag na mtshon cha la sogs pa ni gtso bo bzhin no/ /mtshams kyi 'dab ma bzhir bdud rtsi sna tshogs pas gang ba'i
47a1 bum pa'i steng na thod pa'o/ /mtshams su rdo rje 'dod ma dang / rdo rje rtsags bu ma dang / rdo rje phreng ba ma dang / rdo rje brtson ma rnams ni gzugs gnyis pa'i sku/ nam mkha' lding la chibs pa gtso bo lta bu'o/ /shar
47a2 sgo la sogs par rdo rje sha ba ri dang / rdo rje ro langs ma dang / rdo rje rab tu gtum ma dang / rdo rje Dom bi ni ste/ nam mkha' sngon po dang / nyi ma'i 'od dang / me'i kha dog dang / du ba'i mdog bya rgod la chibs pa mtshams kyi bzhin
47a3 no/ /dkyil 'khor gyi phyogs bzhi'i snam bu la tshangs pa dang / brgya byin dang / drag po dang / mi mchog la sogs pa 'dre'i rgyal po rang rang gi mtshon cha phyag na bsnams pa du ma bya'o/ /lha mos gsol pa/ phyag na rdo rje gtso
47a4 bo'i gsang sngags ni gang / sems can rnams kyis ji ltar bsgom par bgyi/ bcom ldan 'das kyis bka' stsal pa/ lha mo sngags ni yi ge drug /thams cad 'dod pa'i don grub byed/ /gdug pa thams cad 'jigs byed cing / /nad
47a5 rnams kun ni zad par byed/ /dngos grub thams cad rab tu sbyin/ /thams cad mkhyen pas mi thub bo/ /badzra pA Ni hU~M/ rnal 'byor khro bo'i lta bas bzlas/ /skad cig gcig gis khams gsum gsod/ /yang na zhi ba'i lta bas bzlas/ /
47a6 mtha' yas pa yi nad zhi byed/ /mchod sbyin yang dag cher byas na/ /sngon du bsnyen pa bye ba bya/ /zhi ba la sogs sbyin sreg bya/ /ji ltar sngar ni bdag gis smras/ /dur khrod yang na chu ngogs su/ /phyag na rdo rje bsgrub par bya/ /dung chen gyi ni phreng ba yis/ /
47a7 'grub pa'i don phyir bye ba bzlas/ /zhi ba zhi ba'i sems kyis ni/ /drag po drag po bsgrub par dka'/ /dbang bskur med pa'i sems can la/ /sngags 'di sbyin par mi bya ste/ /mkhas pas bris sku glegs bam ni/ /nam yang
47a8 de las bstan mi bya/ /de lta min na grub mi 'gyur/ /kun nas kun du rab tu blta/ /gsang ba yis ni 'grub par 'gyur/ /kun nas kun du zhal bzang mo/ /pad ma 'dab ma brgyad gyes pa/ /'dab ma sna tshogs pa yis
47b1 mdzes/ /nyi ma'i dkyil 'khor dbus su ni/ /mnga' bdag phyag na rdo rje rgyal/ /rgyal po'i bzhugs stabs kyis ni bzhugs/ /nam mkha'i mdog ltar sngo ba ste/ /phyag bzhi pa la zhal gcig pa/ /spyan gsum pa la zhi ba'i
47b2 gzugs/ /g.yas dang g.yon pa'i phyag gnyis ni/ /rdo rje thod pa kha T+wA~M ga /chos kyi don ni 'chad pa'i phyir/ /phyag gnyis chos kyi phyag rgya'o/ /'dab ma bdun la sangs rgyas bdun/ /brgyad pa la ni byams pa'o/ /pa ti la sogs
47b3 shing la brten/ /thams cad zla ba'i gdan du dran/ /gshin rje'i gshed la sogs pa bzhi/ /gzhan min sgo la sogs par dgod/ /rdo rje lcags kyu la sogs bzhi/ /sgo yi mtshams su gnas pa'o/ /sgo yi phyi rol snam bu'i
47b4 gnas/ /yang dag lha chen la sogs pa'o/ /rdo rje phreng bas kun du mchog /mkhas pas yongasu bskor bya'o/ /dpal ye shes thig le las dpal phyag na rdo rje'i dkyil 'khor bskyed pa'i bsgom pa zhes bya ba'i le'u ste
47b5 nyi shu rtsa brgyad pa'o// // de nas de'i dus su 'khor thams cad stan las langs te/ lan gsum du skor ba byas nas/ bcom ldan 'das kyi zhabs la mgo bos phyag 'tshal te/ tshigs su bcad pa
47b6 'di dag brjod do/ /mgon khyod bka' drin gyis ni bdag cag dag /gzhan dang mi mnyam rgyal bas rnyed dka' ba/ /blta bar dka' ba shes dka' gzung bar dka'/ /gsang ba'i gsang ba mchog gi mchog rab nyid/ /dpa' bo
47b7 dbang phyug chos dbyings phyag 'tshal bstod/ /log shes mun nag 'joms la phyag 'tshal lo/ /dang po'i sangs rgyas mchog char grags la 'dud/ /yig bral thig le skye med la phyag 'tshal/ /
47b8 nam mkha'i rang bzhin tshul grags la phyag 'tshal/ /gnyis su med pa'i tshul tsam la phyag 'tshal/ /mchog gi rang bzhin phyag 'tshal phyag 'tshal 'dud/ /gzhan min gzhan mchog rang bzhin phyag 'tshal lo/ /
48a1 dpal ye shes thig le las bstod pa'i rgyal po zhes bya ba'i le'u ste nyi shu rtsa dgu pa'o// ! // yang bcom ldan 'das kyis 'khor thams cad dang bcas pa'i bcom ldan 'das ma la bos te/ kyai bcom ldan
48a2 'das ma shes rab kyi pha rol tu phyin ma sbyor drug gi grags pa bcu dang bral ba bcu gsum gyi bdag nyid/ dpal mchog gi bla ma'i zhal snga nas pad ma btsal te/ bsam gtan la sogs pa yis yang dag par mthong ba zhes gtan
48a3 la phab pa'o/ /dpal ye shes thig le las mchog tu gsang zhing shin tu gsang ba thams cad mkhyen pa rnams kyi kyang rnyed par dka' ba/ rnal 'byor ma'i rgyud kyi rmad du byung ba/ mchog chen po nang gi rnam par shes pa drug gi bstod pa'i
48a4 rgyal po zhes bya ba'i le'u ste sum bcu pa'o// ! //dpal ye shes thig le rnal 'byor ma'i rgyud kyi rgyal po chen po rdzogs so// ! // rgya gar gyi mkhan po chen po shrI pradz+nyA gu pa tas bsgyur cing zhus te gtan la
phab pa/