བོད་ཡིག |
168a5 / @#/ /rgya gar skad du/ shrI sarba bud+d+ha sa ma yo ga DA ki nI dzA la sam+ba ra nA ma ut+ta ra tan+t+ra/ bod skad du/ dpal sangs rgyas thams cad mnyam par sbyor ba mkha' 'gro ma sgyu ma bde ba'i
168a6 mchog ces bya ba'i rgyud bla ma/ dpal rdo rje sems dpa' la phyag 'tshal lo/ /sems dpa' sangs rgyas kun gyi dngos/ /rdo rje sems dpa' bde ba'i mchog /gsang ba mchog gi dgyes pa na/ /thams cad bdag nyid rtag
168a7 tu bzhugs/ /'di ni rang byung bcom ldan 'das/ /gcig pu rab tu phye ba'i lha/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /chags med chags brang bral ba min/ /dbu mar yang ni mi
168a8 dmigs so/ /bud med kun gyi sgyu ma'i rgya/ /'di ni gnyis med theg pa'i mchog /sgyu ma dag ni thams cad pas/ /bud med sgyu ma khyad par che/ /ngo bo nyid kyi mthu dag gis/ /rang bzhin gyis ni de 'grub pa'o/ /'jig
168b1 rten gsum 'dir bud med 'dis/ /gus par byed pa dag tu 'gyur/ /rnyed dang bde dang dga' kun gyis/ /ngan par spyod pa'ang 'grub par 'gyur/ /rang gi ngo bo yongs bsgyur na/ /bud med kun gyi sgyu mas 'grub/ /ngo mtshar
168b2 sgyu ma'i phyag rgya 'di/ /mkha' 'gro ma zhes brdar bstan to/ /DA ni nam mkhar 'gro ba zhes/ /khams las mngon du brtags pa ste/ /nam mkha' kun du spyod 'grub pa/ /mkha' 'gro ma zhes rab tu grags/ /
168b3 thams cad ma lus phyag rgya yi/ /thams cad ma lus bde mchog gis/ /sangs rgyas thams cad mnyam sbyor ba/ /mkha' 'gro ma zhes rab tu grags/ /de ni nam mkha' 'gro ba zhes/ /sangs rgyas khams las rnam
168b4 par brtags/ /kun tu 'gro bar grub pa ni/ /sangs rgyas kun dag mkha' 'gro ma'o/ /sams zhes bya ba bde bar bshad/ /sangs rgyas kun gyi bde chen yin/ /sgyu ma thams cad rab sbyor ba/ /mchog tu bde bas bde
168b5 ba'i mchog /kun du kun nas thams cad ni/ /bdag nyid rtag tu rnam pa kun/ /sangs rgyas la sogs brten g.yo kun/ /kun gyi dngos por bdag gyur to/ /sems dang sems dpa'i ting 'dzin dang / /byang chub spyod pa sna
168b6 tshogs nyid/ /de bzhin bdud dang bdud las rgyal/ /de ni byang chub sangs rgyas yin/ /rdo rje rdo rje 'dzin nyid dang / /de bzhin pad+mo pad mo 'chang / /nor bu nor bu 'dzin nyid dang / /de dag gi yang rigs yin no/ /de nyid 'dod chags 'dod
168b7 chags bral/ /'dod pa dang ni grol ba'ang yin/ /dus gsum srid gsum mchog gsum dang / /'jig rten gsum dang khams gsum dang / /rnam pa sna tshogs tha dad pa'i/ /gnas pa thams cad de nyid do/ /'gro ba dag
168b8 ni ma lus kun/ /thams cad du ni 'di 'gyur ro/ /de la sogs pa mtha' yas mchog /chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /dngos po thams cad de yin te/ /nam mkha' kun gyi
169a1 skyabs na dpal/ /rdo rje sems dpa' de bzhin gshegs/ /sangs rgyas thams cad mnyam sbyor ba/ /mkha' 'gro sgyu ma bde mchog go/ /bskal pa bye ba grangs med par/ /sangs rgyas thams cad ma
169a2 thob pa/ /phyag rgya'i cho ga gang dag gis/ /tshe 'di nyid kyis thob 'gyur ba/ /de nyid bdag gis brtag par bya/ /sangs rgyas kun bdag bde ba'i mchog /bdag nyid shin tu bsgrubs pa las/ /sangs rgyas kun bdag
169a3 bde mchog go/ /rnal 'byor yang dag ma yin sems/ /lha la dmigs par byed pa dag /rnal 'byor gzugs brnyan rang bzhin te/ /lugs ma la sogs rnal 'byor skye/ /yang dag mchog sems rnal 'byor pa/ /
169a4 lha la dmigs par byed pa dag /rang gi dam tshig bdag sbyor ba/ /mi 'gyur dam pa 'grub par 'gyur/ /gzugs brnyan lugs la sogs pa la/ /rnal 'byor skye bar mi 'gyur gyi/ /byang chub sems la rab brtson na/ /
169a5 de las rnal 'byor lhag 'gyur ro/ /byang chub sems ni rdo rje ste/ /sangs rgyas kun gyi bdag nyid yin/ /de bas thams cad bdag sbyor bas/ /sangs rgyas thams cad thob par 'gyur/ /bdag nyid sangs rgyas thams
169a6 cad dang / /dpa' bo thams cad bdag yin no/ /de bas bdag nyid lhar sbyor bas/ /bdag nyid rab tu bsgrub par bya/ /de yis sangs rgyas thams cad dang / /dpa' bo rnams kyang thams cad dang / /rdo rje 'dzin pa thams cad
169a7 du/ /tshe 'di nyid la 'grub par 'gyur/ /zhes bcom ldan 'das dpal rdo rje sems dpa'as de skad gsungs so/ /sangs rgyas thams cad dang mnyam par sbyor ba mkha' 'gro sgyu ma'i bde mchog las de kho na nyid snang ba dam pa'i
169a8 yul la 'jug pa ye shes kyi phyag rgya'i rtog pa ste dang po'o// // 'di ni rnal 'byor bcom ldan 'das/ /rdo rje sems dpa' de bzhin gshegs/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /
169b1 rdo rje sems dpa' bdag sbyor bas/ /dbab pa thams cad rab tu 'grub/ /sangs rgyas thams cad mnyam sbyor ba/ /rnal 'byor dbang phyug bde ba che/ /bde bas bde ba nyid kyis ni/ /sangs rgyas bde ba
169b2 kun 'thob bo/ /sangs rgyas thams cad mnyam sbyor ba/ /rnal 'byor dbang phyug bde chen po/ /'di la khrus dang sdom mi dgos/ /dka' thub dka' ba spyad mi dgos/ /dka' thub sdom pa med pa dang / /bde ba dang
169b3 ni dga' bas 'grub/ /de bas ji ltar 'dod spyod cing / /kun za de bzhin thams cad spyod/ /spyad pa ji ltar 'dod par byed/ /g.yo ba dag kyang ci gar byed/ /langs pa dang ni 'dug pa 'am/ /'chag gam ji ltar gnas
169b4 kyang rung / /rgod dam rab tu smra yang rung / /gang ni ji ltar spyod kyang rung / /dkyil 'khor du yang zhugs pa 'am/ /sgrib pa kun dang ldan pa'ang rung / /rang gi lhar ni bdag sbyor na/ /bsod nams chung yang 'grub par 'gyur/ /
169b5 de nyid rnal 'byor 'di yas ni/ /thams cad sgrub par byed pa na/ /ngan zos ngan spyod thams cad kyis/ /nyes pa dag tu yong mi 'gyur/ /bskal pa bye bar mi thob pa/ /sangs rgyas dam pa thams cad de/ /phyag rgya'i
169b6 cho ga gang dag gis / /bsgrubs na kun tu thob 'gyur ba/ /bdag nyid grub par byed pa'i mchog /'di ni bdag gis brtag par bya/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /
169b7 rdo rje sems dpar bdag sbyor ba/ /cha lugs ji bzhin bsgyur pa yis/ /thams cad sna tshogs phyag rgya'i bdag /bsod nams chung yang 'grub par 'gyur/ /rgya 'di bsgrub pa tsam gyis ni/ /sangs rgyas
169b8 thams cad byin gyis rlob/ /shin tu byin gyis brlabs na ni/ /sangs rgyas thams cad 'du bar 'gyur/ /sangs rgyas kun dang mnyam sbyor bas/ /sangs rgyas kun dang mnyam par 'gyur/ /sangs rgyas kun dang
170a1 mnyam pa'i phyir/ /sangs rgyas thams cad 'grub par 'gyur/ /gang gis ldan pa 'di mthong zhing / /rnam pa kun du mchod byed na/ /de yis sangs rgyas thams cad kyang / /mthong zhing mchod pa
170a2 byas par 'gyur/ /'di dang sangs rgyas thams cad la/ /mthong ba dang ni reg pa yis/ /dkyil 'khor dag tu ma zhugs pa'ang / /bden pa dag kyang mthong bar 'gyur/ /mthong ba dang ni reg pa dang / /thos pa dang
170a3 ni dran pa yis/ /sdig pa kun las rnam grol zhing / /sangs rgyas dngos grub thams cad 'grub/ /'di dang sangs rgyas thams cad la/ /rnal 'byor thams cad mnyam sbyor bas/ /bud med dag kyang rnams grol
170a4 zhing / /sangs rgyas byang chub reg par 'gyur/ /kun tu kun nas thams cad ni/ /bdag nyid rnams pa thams cad du/ /sangs rgyas thams cad dngos grub par/ /de yi bdag nyid mthong bar 'gyur/ /'di ni bdag
170a5 nyid kun gnas pas/ /mchod pa'i sprin chen thams cad kyi/ /bkod pa rab 'byam tshogs dag gis/ /de bzhin gshegs pa mchod pa mdzad/ /thams cad bdag nyid sbyor mchod dpal/ /rdo rje sems dpa' mchog
170a6 gyur pa/ /sangs rgyas kun gyi rang bzhin te/ /bde ba'i mchog ni thob par 'gyur/ /rnal 'byor kun la nyer sbyor bas/ /dpal ni bzhir 'gyur 'grub par 'gyur/ /rnal 'byor kun ni bcom ldan 'das/ /
170a7 rdo rje sems dpa' de bzhin gshegs/ /de yi nye bar sbyor ba ni/ /khams gsum ma lus thams cad do/ /rnal 'byor kun gyi longs spyod kyis/ /ji ltar bde bar bsten byed cing / /rang gi lha yi rnal 'byor gyis/ /
170a8 bdag nyid rab tu mchod par bya/ /rjes su sbyor bas mchod byed cing / /rnal 'byor kun gyi bde ba dag /bdag nyid kun du myang byed na/ /shin tu sbyor bas 'grub par 'gyur/ /sangs rgyas kun gyi bdag nyid kyi/ /
170b1 ra sa ya na bde ba 'dis/ /rdo rje sems dpa'i dpal tshe dang / /lang tsho nad med bde mchog 'grub/ /kun du kun nas thams cad du/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /
170b2 rtag tu de ni 'grub par 'gyur/ /zhes bcom ldan 'das dpal rdo rje sems dpas de skad gsungs so/ /sangs rgyas thams cad dang mnyam par sbyor ba mkha' 'gro sgyu ma bde ba'i mchog las dpal dpal rdo rje
170b3 sems dpa' kun tu sbyor ba'i rtog pa ste gnyis pa'o// // 'di ni rnal 'byor bcom ldan 'das/ /rdo rje sems dpa' de bzhin gshegs/ /sangs rgyas thams cad mnyam sbyor ba'i/ /mkha' 'gro sgyu ma
170b4 bde ba'i mchog /rdo rje sems dpa'i rnal 'byor pa/ /dpal ldan rang gi dam tshig bde/ /sangs rgyas thams cad mnyam sbyor ba'i/ /rnal 'byor dbang phyug bde ba che/ /rdo rje sems dpa' dpal sbyor
170b5 bas/ /mthu nyid kyis ni thams cad du/ /phyag rgya bde ba chen po kun/ /so so rjes su rang 'grub 'gyur/ /rdo rje sems dpa' dpal sbyor bas/ /mthu nyid kyis ni thams cad du/ /rnal 'byor bde ba myos pa kun/ /
170b6 so so rjes su rang 'grub 'gyur/ /rdo rje sems dpa' dpal sbyor bas/ /mthu nyid kyis ni thams cad du/ /bde ba'i myos pa'i dngos grub kun/ /so so'i rjes su rang 'grub 'gyur/ /rdo rje sems dpa' dpal sbyor ba'i/ /
170b7 mthu nyid kyis ni thams cad du/ /bde ba myos pa'i dbang phyug kun/ /so so'i rjes su rang 'grub 'gyur/ /rdo rje sems dpa' dpal sbyor bas/ /mthu nyid kyis ni thams cad du/ /nam mkha'i dbyings kyi mtha' yas
170b8 pa'i/ /bud med mchog rnams skye bar 'gyur/ /de yi dam tshig dam tshig de byung 'gyur/ /sdug pa'i dam tshig bdag rjes 'brang / /shin tu sbyor dang sbyor chen po/ /thams cad bdag nyid dam tshig mchog /gcig
171a1 bzhin du ni gcig spyod pa/ /lhan cig spyod pas rjes spyod sdug /sangs rgyas thams cad mnyam sbyor ba/ /mkha' 'gro sgyu ma mchog tu 'bar/ /thams cad dga' ba ma lus pa'i/ /phyag rgya thams cad
171a2 bde ba che/ /rtag pa dam pa lha mo yi/ /rgyal mos mchod pa thams cad mchog /rdo rje sems dpa' sbyor ba dang / /thams cad lha mo 'dus pas ni/ /ma lus bskal ba bzang po kun/ /bde bas so so rjes su 'grub/ /
171a3 phyag rgya 'di yis btab pa las/ /rdo rje sems dpa' che ba'i lha/ /nam mkha'i dbyings kyi mtha' klas pa'i/ /lha mo bde ba chen po kun/ /thams cad rnal 'byor bde bas myos/ /sdig med stobs kyis ngo 'thun du/ /
171a4 phan tshun du ni rab dga' bas/ /skyes bu'i tshul gyis dga' bar byed/ /dbang po kun nas byung ba yis/ /mchod pa'i sprin chen thams cad kyi/ /bkod pa rab 'byam tshogs rnams kyis/ /thams cad bdag nyid mchod
171a5 par byed/ /rnal 'byor bde ba thams cad kyi/ /dbang bskur bde chen las byung ba/ /rin chen tshogs rnams thams cad kyis/ /rab tu rmongs pas dbang bskur 'gyur/ /lha mo kun gyi longs spyod la/ /ci bde
171a6 bar ni bsten bya ba/ /bdag ni che ba'i lhar sbyor bas/ /bdag la bdag gis rab tu mchod/ /rnal 'byor thams cad bde ba yi/ /rjes su sbyor bas mchod byed cing / /rtag tu myang bar byed pa na/ /shin tu sbyor bas rab
171a7 'grub 'gyur/ /sangs rgyas thams cad bdag nyid kyi/ /ra sa ya na bde ba des/ /rdo rje sems dpa'i dpal tshe dang / /lang tsho nad med bde mchog 'grub/ /sangs rgyas kun gyi sku chen dang / /sangs rgyas kun gyi
171a8 gsung snyan pa/ /sangs rgyas kun gyi thugs chen po/ /sangs rgyas kun gyi mchod pa che/ /sangs rgyas kun gyi rgyal chen po/ /rdo rje 'dzin pa kun gyi bdag /'jig rten dbang phyug kun gyi gtso/ /rin chen dbang
171b1 phyug kun gyi bdag /de dag dang ni dga' spyod na/ /'dod pa bzhin du 'gro 'ong lding / /lha mo thams cad grub chen po/ /'khor los sgyur ba rab tu 'grub/ /chos dbyings mnyam dang mi mnyam pa/ /nam mkha'i
171b2 dbyings kyi mthas klas par/ /dngos grub kun gyi bde myos pa/ /de las rgya chen mchog gzhan med/ /sangs rgyas thams cad mnyam sbyor ba/ /rnal 'byor dbang phyug bde chen des/ /'di la tshe 'di nyid kyis ni/ /rnam
171b3 pa kun du mi 'grub pa'i/ /dngos grub kun gyi bde myos pa/ /chos dbyings mnyam dang mi mnyam pa/ /nam mkha'i dbyings kyi mthas klas pa'i/ /dbang phyug kun gyi bde myos pa/ /dam pa rgya chen gang yang med/ /
171b4 sangs rgyas thams cad mnyam sbyor ba/ /mkha' 'gro sgyu ma bde mchog des/ /'di la tshe 'di nyid kyis ni/ /rnam pa kun tu mi 'grub med/ /bcom ldan 'das dpal rdo rje sems dpas de skad gsungs so/ /
171b5 sangs rgyas thams cad dang mnyam par sbyor ba mkha' 'gro sgyu ma bde ba'i mchog las/ lha mo thams cad dang mnyam par sbyor ba bskal pa mchog bzang po dpal rdo rje dam tshig gi rtog pa ste gsum pa'o// // 'di ni
171b6 rnal 'byor bcom ldan 'das/ /rdo rje sems dpa' de bzhin gshegs/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /lha mo kun dang mnyam sbyor ba/ /skal pa bzang mchog 'dod
171b7 pa ste/ /yang dag sbyor ba'i bde myong ba/ /'dod chags ther zug brtan pa'o/ /sangs rgyas kun gyi gzugs chen dang / /dbyangs dang dri dang ro dag dang / /sangs rgyas kun gyi reg bde mchog /rang gi spyod par
171b8 rab spyod do/ /sangs rgyas pha rol phyin grub pa/ /gzungs dang sa rnams de bzhin du/ /dga' bar spyod na lha dang mi'i/ /skal bzang bud med ci zhig smos/ /lha yi dngos grub dga' ba dang / /sangs rgyas byang chub
172a1 bde chen po/ /bskal pa bzang po bde myong bas/ /so sor rjes su rang 'grub 'gyur/ /dngos grub thams cad las byung ba/ /de bzhin gshegs pa kun gyi dpal/ /skal pa bzang po longs
172a2 spyod kun/ /rang gi spyod par de spyod do/ /rdo rje can gyi grub mchog dang / /'jig rten dang po mchog gi dpal/ /sangs rgyas dga' bas bde dam pa/ /phrogs nas nye bar spyod par byed/ /khams gsum
172a3 dag na ma lus pa'i/ /sangs rgyas rgyal srid chen po kun/ /rtsal gyi stobs kyis ngo 'thun du/ /phrogs nas nye bar spyod par byed/ /sangs rgyas kun gyi grub chen po/ /mchog gi dbang phyug dam pa dag /
172a4 kun nas phrogs nas de spyod na/ /longs spyod gzhan lta ci zhig smos/ /mthu chen las ni bkra shis brtan/ /phrogs las grub dang dran pas dga'/ /ngo 'thon stobs kyis phrogs nas kyang / /de ni dad la
172a5 sbyin par byed/ /ma lus 'jig rten gsum rgyal srid/ /'jig rten dbang phyug kun dang bcas/ /ngom 'thon stobs kyis phrogs nas kyang / /de ni dad la sbyin par byed/ /tshangs pa 'jug sel dbang chen gyi/ /
172a6 mchog gi dbang phyug dam pa dag /kun nas phrogs te myur sbyin na/ /longs spyod gzhan lta ci zhig smos/ /de yis mi sbyin ci yang med/ /sangs rgyas don du bya ba kun/ /mi bya ba ni gang yang med/ /sbyin
172a7 pa dang ni byed pa'ang yin/ /sangs rgyas byang chub sems dpa' yang / /phrogs nas kyang ni sbyin byed na/ /las mchog dang ni rab 'byam dang / /dngos grub gzhan lta ci zhig smos/ /dngos grub mchog ni gdon
172a8 mi za/ /sde rnams thams cad rab 'joms pa/ /sangs rgyas kun gyi grub chen po/ /'khor los sgyur ba rab grub pa/ /sangs rgyas thams cad mnyam sbyor ba/ /mkha' 'gro sgyu ma bde mchog gis/ /sangs rgyas
172b1 kun gyi rdzu 'phrul che/ /rnam par 'phrul pa rab tu 'jug /la lar byang chub sems chen po/ /la lar spyod pa 'thun par 'gro/ /la lar dga' ldan lha dag las/ /dam pa shin tu 'pho ba'o/ /la lar skye ba rnam par
172b2 dag /la lar nges par 'byung bar gsal/ /la lar byang chub chen por gshegs/ /la lar bdud las rab tu rgyal/ /la lar byang chub mngon 'tshang rgya/ /la lar chos kyi 'khor lo bskor/ /la lar pha rol mu stegs
172b3 rnams/ /chos dang 'thun par 'tshar gcad do/ /la lar 'jig rten gsum rgyal ba/ /grub pa kun gyi dbang phyug nyid/ /la lar rtog pa thams cad mchog /grub pa'i dbang phyug bla na med/ /de la sogs pa mtha' yas
172b4 mchog /sangs rgyas kun bdag bde mchog gis/ /'dul ba'i thabs su nges pa'i gar/ /rnam par sprul pas bgyes shing rol/ /dngos grub chen po kun gyi mchog /brtan pa dbang phyug chen po'i bdag /gzugs dang tshe
172b5 dang kha dog stobs/ /dpal ldan rdo rje sems dpa' bzhin/ /'gro ba dag gis bsnyen bya zhing / /de bzhin gshegs pa kun gyis mchod/ /lha mo kun gyi dpal ldan mchog /rdo rje sems dpar rab tu 'grub/ /sems
172b6 can khams ni du ma dag /ma lus par ni phyag rgyas 'debs/ /lha dang byang chub dka' ba rnams/ /brtan par sems can dag la sbyin/ /sangs rgyas kun bdag bde mchog gis/ /sems can kun gyi don byed cing / /
172b7 ma lus lus pa med pa yi/ /bskal pa kun tu srid par gnas/ /zhes bcom ldan 'das rdo rje sems dpas de skad gsungs so/ /sangs rgyas thams cad dang mnyam par sbyor ba mkha' 'gro sgyu ma bde ba'i
172b8 mchog las sna tshogs thams cad kyi skal pa bzang po mchog gi dngos grub ces bya ste/ dpal dam tshig gi rtog pa ste bzhi pa'o// // 'di ni rnal 'byor bcom ldan 'das/ /rdo rje sems dpa' de bzhin gshegs/ /
173a1 sangs rgyas thams cad mnyam sbyor ba/ /mkha' 'gro sgyu ma bde ba'i mchog /yang dag grub pa gcig pu nyid/ /ji ltar 'dod pa bzhin du sbyar/ /rtog pa'i cho ga thams cad la/ /grub pa dam pa mchog
173a2 gi mchog /sna tshogs las kyis sbyor ba yis/ /cho ga sna tshogs 'dod pa yi/ /sems can rnams ni 'dul ba dang / /bde ba thams cad 'grub pa'i phyir/ /bcom ldan rnal 'byor de nyid ni/ /sangs rgyas thams cad
173a3 rnam 'phrul bas/ /sems can kun don rnam 'phrul na/ /myur du shin tu 'grub par 'gyur/ /nyin re'am yang na zla re 'am/ /yang na de bzhin lo re ni/ /ci bzhin byin gyis brlabs nas kyang / /sangs rgyas bde mchog
173a4 gar bya'o/ /khams kyi ngo bo thams cad dang / /de bzhin srog dang rtsa las 'byung / /rang gi lha yi cha lugs su/ /bsgrub pa'i phyag rgya rab tu bya/ /dkyil 'khor gang dang gang bsten pa/ /sna tshogs phyag rgya'i mchod pa yis/ /
173a5 slob ma'i tshogs kun de dang der/ /mchod pa byas nas des bsgrub po/ /de las gzhan yang rtog kun gyi/ /sangs rgyas thams cad rnam sprul pa/ /ci rigs par ni sprul byas pa'i/ /gtam dag rab tu bshad par bya/ /
173a6 sems dpa' sangs rgyas kun gyi dngos/ /rdo rje sems dpa' bde ba'i mchog /gsang ba mchog gis dgyes pa na/ /thams cad bdag nyid rtag tu bzhugs/ /'di rnal 'byor bcom ldan 'das/ /rtag pa dam pa
173a7 brten pa ste/ /rtag tu da ltar 'byung ba bzhin/ /ngo bo nyid ni 'da' bar dka'/ /cho ga sna tshogs 'dod rnams la/ /las kyi sbyor ba sna tshogs kyis/ /sangs rgyas rdo rje 'dzin la sogs/ /'dul ba'i phyir
173a8 ni byas pa yin/ /sangs rgyas la sogs brtan g.yo kun/ /kun gyi dngos por 'di 'gyur ro/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /sgyu ma'i sbyor ba 'di yis ni/ /
173b1 rnam pa sna tshogs kun gyi mchog /sems can kun gyi don mchog rnams/ /sangs rgyas la sogs 'dul bas 'grub/ /dpal rdo rje sems dpas dbugs phyung ba'o/ /'das pa'i dus na sngon byung ba/ /bdag nyid chen
173b2 rtag pa yi/ /de bzhin gshegs pa'i gsung rab la/ /'gro ba'i tshul ni sngon byung ba/ /de tshe sems can thams cad ni/ /shin tu stong pa nyid la brtson/ /'gog pa'i chos nyid la sbyor bas/ /'gags shing yongs su mya
173b3 ngan 'das/ /rnal 'byor de nyid bcom ldan 'das/ /rdo rje sems dpa' de bzhin gshegs/ /grol ba thams cad rnam sbyang phyir/ /sangs rgyas sprul pa kun du bskyed/ /stong pa ma yin mi stong min/ /dbu mar yang
173b4 ni mi dmigs te/ /shes rab pha rol phyin sbyor ba/ /thabs dang snying rje bdag nyid rnams/ /de bas de ni snying rje'i thabs/ /shes rab pha rol phyin par gsal/ /rtog pa med pa'i chos rnams la/ /sems can
173b5 don du yongs brtags pa/ /rnam par mi rtog la mos pas/ /thams cad rtog pas brtag par bya/ /brag cha yi ni sgra 'dra ba/ /chos kyi tshig tu de 'gyur te/ /de las theg pa chen po yi/ /yang dag yon tan rgyas
173b6 pa'i klus/ /dus gsum pa yi dam tshig gsum/ /de bzhin gshegs pa thams cad bstod/ /mnyam med mi g.yo mnyam med mchog gi chos nyid can/ /thugs rjo bdag nyid 'gro ba'i sdug bsngal sel
173b7 bar mdzad/ /yon tan mtha' yas dngos grub thams cad sbyin mdzad pa/ /dri med mi g.yo mnyam med dam pa'i mchog chos can/ /yon tan shin tu phra ba'i cha la'ang tshad med de/ /dpe ni nam mkha' dang yang bskrun du
173b8 yod pa'ang min/ /dngos grub mtha' yas mnyam med dpe dang bral ba rnams/ /sems can khams la dngos grub mchog rnams nges par stsal/ /rtag tu dri ma med pa'i thugs rje shugs las byung / /smon lam
174a1 grub pa 'gag pa med pa'i chos nyid can/ /'gro ba'i don sgrub rab tu rtson pa mtha' yas pa/ /thugs rje chen po'i bdag nyid rtag tu rnam par snang / /tshad med tshad dang bral bas shin tu rdzogs pa yi/ /bde
174a2 bar gshegs pa'i go 'phang dam pa brnyes gyur kyang / /khams gsum kun la rtag tu dngos grub mchog stsol mdzad/ /thugs rje spyod pa mi g.yo 'gag par yong mi 'gyur/ /e ma'o shin tu bzang po'i chos nyid mchog dang ldan/ /
174a3 mchog sbyin rnams kyi nang na go 'phang mchog brnyes pas/ /khams gsum kun la rtag tu dngos grub mchog stsol mdzad/ /mgon po dus gsum sgrib pa med par rab mkhyen pa/ /dam tshig mchog gsum dngos grub
174a4 dam pa bdag la stsol/ /'di ni sangs rgyas thams cad kyi/ /yang dag yon tan rgya chen te/ /lan cig tsam ni brjod pas kyang / /sangs rgyas thams cad 'grub par 'gyur/ /sangs rgyas kun bdag nyid
174a5 sbyor bas/ /bstod pa'i rgyal po 'di nyid kyis/ /dus gsum pa yi rgyal ba kun/ /dam tshig gsum gyis 'grub par 'gyur/ /sku ni lta bas mi ngoms pa/ /thams cad bdag nyid bstan nas kyang / /legs so
174a6 zhes nas dngos grub ni/ /mchog rnams kun ni rab smin mdzad/ /thams cad bdag nyid 'grub dga' dang / /bsam pa thams cad yongs su rdzogs/ /sangs rgyas 'grub pa mchog kun dang / /rnal 'byor dam pa'ang
174a7 sbyin par mdzad/ /de nas de yis bsgrub pa dang / /shin tu rtag pa'i dngos grub dag /gang gis srid pa 'di nyid la/ /dngos grub shin tu rtag thob bshad/ /rdo rje se gol gtogs pa yis/ /sangs rgyas thams cad
174a8 bsdu bar bya/ /thal mo legs par sbyar ba yis/ /thal mo len gsum rnam par brdab/ /dbang po gang dang gang lam gyur/ /de dang de yi ngo bor bya/ /shin tu mnyam bzhag sbyor ba yis/ /sangs rgyas kun dang mnyam
174b1 sbyor zhing / /ji ltar mos pa'i chags pa dang / /Sha Da ba la sogs pa yis/ /ci nas yongs su ma skyo bar/ /rtag tu tshad med bzlas par bya/ /kun du kun nas thams cad ni/ /bdag nyid rtag tu rnam pa
174b2 kun/ /sangs rgyas kun tu dngos grub pa/ /rab tu mthong zhing mchog grub pa'o/ /'di yis sangs rgyas thams cad dang / /de bzhin dpa' bo thams cad dang / /rdo rje 'dzin pa thams cad du/ /tshe 'di nyid kyis 'grub
174b3 par 'gyur/ /sangs rgyas kun gyi yon tan bsngags pa rgya che ba/ /bstod pa'i rgyal po mchog ni lan cig glur blangs pas/ /kun du 'gro ba'i rnal 'byor dam pa rtag pa'i mchog /dngos grub mi zad bde ba'i mchog nyid
174b4 thob par 'gyur/ /bstod pa'i rgyal po 'di yis ni/ /thams cad bdag nyid dbang phyug mchog /sna tshogs kun gyis rnam 'dul ba/ /de bzhin gshegs pa kun grub ste/ /de bas dam tshig gsum la sogs/ /rtog pa bla med thams cad
174b5 kyis/ /nam mkha' dbyings kyi mtha' klas pa'i/ /sems can khams ni rnam par grol/ /dpal rnam par snang mdzad kyis dbugs phyung ba'o/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs
174b6 pa'i gsung rab la/ /'gro ba'i tshul du sngon byung ba/ /de tshe sems can thams cad ni/ /shin du khro gtum gdug par 'gyur/ /shin tu gdug par khro ba yis/ /'o dod 'bod par lhung bar 'gyur/ /de nas 'phos nas sems can de/ /
174b7 bag chags kyis ni mtshams sbyor bas/ /shin tu gdug pa chen por gyur/ /blo ni bdud kyis byin brlabs nas/ /rims dang dug dang dbyig dug nad/ /phra men ma dang gnod sbyin gdon/ /bdud dang rnam par log 'dren nyid/ /shin du
174b8 gdug pa chen por 'gyur/ /gnas gsum po ni 'jigs byed cing / /sgrub pa po rnams la yang za/ /lha la sogs pa'ang 'pho bar byed/ /bstan pa dag kyang 'jig par byed/ /de nas dbang por bcas pa'i lha/ /tshangs pa'i drung du nye bar
175a1 dong / /tshangs pa'ang lha dang dbang por bcas/ /'jug sel la yang skyabs su dong / /tshangs dang 'jug sel lha rnams kyang / /lha chen drung du nye bar dong / /tshangs pa 'jug sel dbang chen yang / /rdo rje can la skyabs su
175a2 dong / /de nas bcom ldan rdo rje can/ /rdo rje sems dpa'i sbyor ba yis/ /rdo rje se gol phyag rgyas ni/ /sangs rgyas thams cad bsdu bar mdzad/ /rdo rje sems dpa'i sbyor ba yis/ /dpung pa gnyis ni rdo rjer bcings/ /rdo rje se
175a3 gol brdabs pa yis/ /sangs rgyas thams cad bsdu mdzad na/ /de yi bka' tsam gyis skrag nas/ /'khor dang 'khor lo'i tshogs bcings pa/ /sangs rgyas thams cad gshegs 'gyur na/ /gzhan lta smos kyang ci zhig dgos/ /
175a4 rdo rje se gol gtogs pa yis/ /'jig rten khams ni ma lus par/ /sangs rgyas rdo rje 'dzin bcas pa/ /kun gyis til 'bru bzhin du rgyas/ /shin tu gdug par gtum po la/ /zhi bas phan par mi 'gyur te/ /shes rab
175a5 thabs kyi ngo bo yi/ /khro bor de bzhin gshegs kun mdzad/ /khro bo'i tshul can khros pas kyang / /'jig rten gsum dag sreg byed na/ /sangs rgyas thams cad khros pa yis/ /khams gsum ma lus smos mi dgos/ /
175a6 de nas sna yi rtse mo la/ /yid ni brten par yang dag gzung / /sna yi dbugs ring dro ba las/ /rgyal bas phyag rgya'i sbyor ba byung / /bcom ldan de nyid rnal 'byor pa/ /rdo rje khro bor gyur nas byung / /dpal chen rdo rje he
175a7 ru ka /'bar bas thal bas rab tu 'jig /sems dpa' sngon por 'bar ba'i ngang / /'od kyi dkyil 'khor dmar por 'bar/ /'jig pa chen po'i dus ltar drag /dur khrod kyi ni me dang 'dra/ /'bar ba chen po sgra 'bar ba/ /
175a8 thod pa mang po'i dbu rgyan can/ /'jig pa chen po'i dus ltar drag /dur khrod bzhin du rab tu 'jigs/ /khro la sogs pa'i tshul ldan pa/ /zhal rnams sna tshogs 'gyur ba dang / /smin ma khro gnyer bcas par 'gyur/ /'bar ba'i
175b1 lta bas gar byas bas/ /gu lang dbang chen nye dbang bcas/ /nyi zla gshen rje tshangs par bcas/ /gnas gsum dag ni 'bar byas nas/ /thal ba bzhin du rab tu bshig /rdo rje rdo rje kha T+wA~M ga /dril bu'i sgra ni bsil ba yis/ /
175b2 thams cad phab nas slar yang ni/ /thal bar gyur pa'ang 'tsho bar byed/ /de yi 'bar ba nyi ma las/ /byung ba'i grib ma mi bzad pa/ /bskyed nas ma lus btud la sogs/ /gdug pa rnams kyi khrag za nus/ /rgyal po
175b3 de ni de dag dang / /lhan cig dur khrod rnam par rol/ /thams cad rdo rje mnyam sbyor ba/ /mkha' 'gro dkyil 'khor 'bar ba yis/ /shin tu gdug cing khro drag pa'i/ /sems can khams ni rnam sbyangs nas/ /dag pa'i sangs rgyas zhing rnams su/ /
175b4 sangs rgyas byang chub dag la bkod/ /rdo rje 'dod khro la sogs kyi/ /rtog pa bla med thams cad kyis/ /nam mkha'i dbyings kyi mtha' klas pa'i/ /sems can khams ni rnam par sbyangs/ /dpal he ru kas dbugs phyung ba'o/ /'das pa'i dus na sngon
175b5 byung ba/ /bdag nyid chen po rtag pa yi/ /de bzhin gshegs pa'i gsungs la/ /'gro ba'i tshul ni sngon byung ba/ /de tshe sems can thams cad ni/ /log par lta la gnas par gyur/ /shin tu lta ba ngan pa yis/ /'o dod 'bod pa chen por lhung / /rnal
175b6 'byor de nyid bcom ldan 'das/ /byang chub sems ni rnam sbyang phyir/ /pad+mo chags par sbyor ba yis/ /rdo rje chos su gnas par 'gyur/ /ji ltar pad+ma dgar po 'di/ /tshon gyi nyes pas mi gos pa/ /de bzhin bag chags khams gsum gyi/ /
175b7 nyes pa sna tshogs rnam par dag /'dis ni kun du gzigs pas na/ /rgyal ba dbang phyug nyid du 'gyur/ /dpal ldan spyan ras gzigs kyi dbang / /rdo rje sems dpa' de bzhin gshegs/ /'dod chags thams cad dag pas na/ /
175b8 mchog sbyin dam pa bcom ldan 'das/ /'dul ba'i thabs ni sna tshogs kyis/ /sna tshogs pa ni 'dul bar spro/ /kun tu spyan ras gzigs dbang rgyal/ /pad+ma gar gyi dbang phyug gyur/ /pad+mo'i rgyal po mnyam sbyor ba/ /mkha' 'gro sgyu ma bde
176a1 mchog des/ /pad+ma gar dbang la sogs kyi/ /rtog pa bla med thams cad kyis/ /nam mkha'i dbyings kyi mtha' klas pa'i/ /sems can khams ni rnam par sbyangs/ /dpal pad+ma gar gyi dbang phyug gis dbugs
176a2 phyung ba'o/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la/ /'gro ba'i tshul ni sngon byung ba/ /de tshe sems can thams cad ni/ /shin tu gdug cing brkam par 'gyur/ /
176a3 shin du 'jungs par gyur pa yis/ /yi dags rnams dang dmyal bar ltung / /de nas 'phos nas slar yang ni/ /shin tu dbul por skyes par gyur/ /bkres dang skom pa'i skyon rnams kyis/ /de dag phan tshun gsod par byed/ /
176a4 shin du gdug pa sbyang ba'i phyir/ /rnal 'byor de ni bcom ldan 'das/ /dam pa'i don gyi nor chen po/ /rdo rje nyi ma byung bar gyur/ /nam mkha'i snying pos thams cad phyogs/ /kun gyi re ba yongasu mdzad/ /bud med la sogs
176a5 rin chen mchog /mkha' las rin chen thams cad 'bebs/ /shin tu gdug cing khro ba la/ /zhi bas phan par mi 'gyur te/ /shes rab thabs kyi nyi ma ni/ /rab tu gdung ba kun bsgrubs pas/ /bya ba dang ni bzlog pa dang / /
176a6 dbrog pas kyang ni khyad par du/ /rgyal bar byas nas gnas gsum gyi/ /nor gyi tshogs kun sdud par byed/ /'jig rten gsum rgyal la sogs kyi/ /rtog pa bla med thams cad kyis/ /nam mkha'i dbyings kyi
176a7 mthas klas pa'i/ /sems can khams ni rab tu dgrol/ /dpal rdo rje nyi mas dbugs phyung ba'o/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la/ /'gro ba'i tshul
176a8 ni sngon byung ba/ /de tshe sems can thams cad ni/ /brtson 'grus shin du chung bar gyur/ /shin du brtson 'grus chung ba yis/ /mnar med pa yi dmyal bar lhung / /rnal 'byor de nyid bcom ldan 'das/ /rdo rje sems dpa' de bzhin gshegs/ /
176b1 drag shul sbyor ba'i tshul dag tu/ /rtag mchog dpal ni byung bar 'gyur/ /thams cad dag par mos pa yis/ /sdig med stobs kyis ngo 'thon du/ /pha rol gnon pa'i rtsal dag gis/ /shin tu gdug cing khro gtum pa'i/ /
176b2 sems can rnam pa mang po'i khams/ /'jig rten thams cad rab tu 'jig /byi ba rkun po chom po yis/ /thams cad rnam par sbyong bar byed/ /brid pa dang ni sgyu dag dang / /ngo 'thon stobs kyis de bzhin du/ /dgra cha lnga yis
176b3 brgal nas ni/ /de tshe 'jig rten gsum las rgyal/ /skye 'gro gnas pa 'gro ba rnams/ /mtha' dag btul nas 'grub par 'gyur/ /'dul ba'i thabs rnams sna tshogs kyis/ /rang gis rgyal srid rtag tu skyong / /
176b4 g.yem pa rnams la g.yem par 'gyur/ /'khro ba rnams la 'khro ba'i mchog /zhi ba rnams la zhi ba'i mchog /drag shul can la drag pos gnon/ /sdig med stobs kyis ngo 'thon du/ /dbang phyug dam pa rab
176b5 mnan nas/ /lha mo b+hi mo phrogs nas ni/ /de tshe longs spyod rang gir spyod/ /sdig med stobs kyis ngo 'thon du/ /mthu bo che yang rab mnan nas/ /rug mi yang ni phrogs nas ni/ /de tshe longs spyod rang gir spyod/ /sdig
176b6 med stobs kyis ngo 'thon du/ /skye dgu'i bdag po rab mnan nas/ /lha mo rab tu zhi ba 'phrogs/ /de tshe longs spyod rang gir spyod/ /sdig med stobs kyis ngo 'thon du/ /'dod pa'i lha ni rab mnan nas/ /dga' sdug mi yi dbang
176b7 phyug ma/ /phrogs nas de tshe nye bar spyod/ /de la sogs pa mtha' yas mchog /chos dbyings mnyam dang mi mnyam pa/ /nam mkha'i dbyings kyi mtha' klas par/ /rdo rje las mchog rnam gnon pa/ /nam mkha' kun gyi skabs na dpal/ /
176b8 rdo rje sems dpa' rab tu gnas/ /thabs dang rtsal gyi grub pa yis/ /drag shul sbyor bas bsgrubs na ni/ /khams gsum rgyal srid ma lus par/ /rdo rje 'dzin pa des thob nas/ /byang chub sems dpa' mtha' yas mchog /drag shul
177a1 sbyor bas grub par byed/ /thams cad dag par mos pa yis/ /sdig med stobs kyis ngo 'thon du/ /rtsal gyis pha rol gnon pa yis/ /sangs rgyas byang chub rab tu 'grel/ /lha yi dngos grub dka' ba dang / /
177a2 sangs rgyas byang chub bde chen po/ /god 'phang mchog gi rtag ba dag /rang gis rnal 'byor gyis thob nas/ /sems can khams ni du ma dag /ma lus par ni rgyas 'debs shing / /'chi med byang chub dka' ba dag /sems can
177a3 rnams la brtan par sbyin/ /rta mchog rnam par sprul pa yis/ /ma lus lus pa med pa yi/ /bskal pa kun du srid par gnas/ /sems can kun gyi don kyang byed/ /de ltar rta mchog dpal la sogs/ /rtog pa bla med thams
177a4 cad kyis/ /nam mkha'i dbyings kyi mtha' klas pa'i/ /sems can khams rnams rab tu bsgrubs/ /dpal rta mchog gis dbugs phyung ba'o/ /de la sogs pa mtha' yas mchog /chos dbyings mnyam dang mi mnyam
177a5 pa/ /nam mkha'i dbyings kyi mtha' klas pa'i/ /rang byung rnams kyis gtam gyi rtags/ /nam mkha' kun gyi skabs na dpal/ /rdo rje sems dpa' rab tu gnas/ /grub pa'i dbang phyug rab grub pas/ /thams cad bdag
177a6 nyid 'jug par byed/ /zhes bcom ldan 'das dpal rdo rje sems dpas de skad gsungs so/ /sangs rgyas thams cad dang mnyam par sbyor ba mkha' 'gro sgyu ma bde ba'i mchog las gtam gyi phyag rgya zhes pa rtog pa ste lnga pa'o// //
177a7 de nas gzhan yang thams cad du/ /rnam pa sna tshogs mchog 'byung ba'i/ /sangs rgyas thams cad mnyam sbyor ba/ /mkha' 'gro sgyu ma'i bde mchog bshad/ /dpal ldan sangs rgyas kun gyi dngos/ /rdo rje sems dpa'
177a8 bde 'byung ba/ /gsang ba mchog gi dgyes pa na/ /thams cad bdag nyid rtag tu bzhugs/ /sangs rgyas kun gyi dam tshig dpal/ /rdo rje sems dpa' snang ba bde/ /de bzhin gshegs pa'i lha rdzas mchog /rin chen rgyan la
177b1 sogs pas spras/ /dril bu rgyal mtshan mchog ldan pa'i/ /bla re dam pa bris pa na/ /rdo rje glu dang mchod la sogs/ /glu dang sil snyan rnam par 'phrul/ /me tog gdug pa'i sbyor ba dang / /mar me dri dang sogs ldan ba/ /
177b2 sangs rgyas thams cad mnyam sbyor ba/ /mkha' 'gro sgyu ma bde mchog bsgrub/ /yang na bdag gi gnas dag gam/ /bskyed mos tshal la sogs par bsgrub/ /der ni dang por gdan bshams te/ /'jam zhing reg na bde 'gyur
177b3 ba/ /sna tshogs pad+ma ras kyis g.yogs/ /de ni thams cad dag pa'i gdan/ /sangs rgyas thams cad mnyam sbyor ba/ /sbyor ba'i dbang phyug rnam 'phrul bas/ /rdo rje sems dpa' dpal gyi lha/ /de na rnam par 'phrul ba mdzad/ /
177b4 stan de dag ni thams cad la/ /ci ltar gnas pa bzhin du dgod/ /gru bzhi pa la sgo bzhi pa/ /rta babs bzhi yis mdzes par byas/ /rdo rje rin chen pad+ma sogs/ /sgo srung dang ni ldan par byas/ /rang gi lha dang 'dra ba yi/ /
177b5 bud med dag ni legs bsgrubs pa/ /skal bzang rang gi phyag rgyas mtshan/ /tshogs kyi dkyil 'khor brtag par bya/ /mi yi mtshal ni grub pa la/ /dmar chen po zhes bya bar bshad/ /ngo bo nyid kyi mthu dag dang / /rang bzhin gyis
177b6 ni de grub pa'o/ /rdo rje'i chu dang rdo rjer bcas/ /mtshal chen po dag bsgrub pa ni/ /mthu yis rab tu grub pa ste/ /pad+ma'i snod kyi nang du bzhag /chags pa chen po bcom ldan 'das/ /rdo rje sems dpa' de bzhin gshegs/ /
177b7 sangs rgyas kun gyi rdo rje'i thugs/ /dam tshig 'di ni 'da' bar dka'/ /de yi mtshal dang khu ba dang / /mtshal chen po ni bskrus pa dag /chags pa chen po las byung bas/ /dmar chen po zhes bya bar bshad/ /dmar chen
177b8 dang ni ga bur bcas/ /tsan dan dmar por sbyar ba dag /tshogs kyi dbus su bzhag pa ni/ /ra sa ya ni kun slong ba/ /rang gi lha yi sbyor ldan pas/ /srin lag dang ni mthe bo'i rtses/ /zhi ba'i btung ba bzhin myangs na/ /rtag
178a1 pa yi ni dngos grub thob/ /sangs rgyas kun gyi bdag nyid kyi/ /ra sa ya na bde ba 'dis/ /rdo rje sems dpa'i tshe dang gzhan/ /nad med pa dang bde mchog 'grub/ /sangs rgyas thams cad mnyam sbyor ba/ /mkha'
178a2 'gro sgyu ma bde mchog gis/ /'dus pa der ni zhugs pa dag /'dod pa bzhin du 'gro 'ong ldang / /kun du kun nas thams cad ni/ /bdag nyid rtag tu rnam pa ku/ /sangs rgyas la sogs brtan g.yo kun/ /kun gyi dngos
178a3 por de 'gyur ro/ /'dis ni bsrung ba byas pas dpal/ /rdo rje sems dpa' bzhin du 'gyur/ /rnal 'byor mkha' 'gro bde mchog gis/ /sangs rgyas thams cad bdag nyid 'grub/ /de nas khrus byas dri zhim lus/ /
178a4 ci 'byor pa yi gos dang rgyan/ /sna tshogs gos bzang bgos nas ni/ /me tog phreng ldan kha dri zhim/ /sna tshogs kun gyis skal bzang pos/ /slong bas dal gyis dal gyis su/ /gos dgab pa yi sbyor ba yis/ /
178a5 bdag gi 'byung ba bskul bar bya/ /rdzogs pa'i sangs rgyas nyi zla rnams/ /shar ba dag ni mthong ba yis/ /sdig pa kun las grol 'gyur zhing / /bsod nams thams cad 'grub par 'gyur/ /nges pa'i lam dang
178a6 kun ldan pa/ /rnam par 'das pas rnam par brgyan/ /brtan zhing grub pa slong byed pa/ /kun nas slong ba'i bde ba ni/ /stong pa shin tu rnal 'byor yod med mthus/ /nam mkha' nyid du dam tshig nye bar gnas/ /bde
178a7 gshegs bde bar gshegs pa bzhengs su gsol/ /rdo rje sems dpa' bskal bzang dpal khyod bdag /'di dag nyid kyi glur blangs na/ /shin tu mya ngan yongs 'das pa'i/ /shi ba'ang slar ni slongs 'gyur na/ /
178a8 yang srid pa lta ci zhig smos/ /lam bzhi dang ni mnyam ldan pa/ /rnam par 'das pas mdzes par byas/ /sna tshogs 'brang bar rab tu 'grub/ /'jig rten gsum ni rab bsgrub pa/ /'jig rten gsum gyis phyag byas
178b1 pa/ /'jig rten gsum gyi ston pa'o/ /'jig rten gsum la skyid sbyin pa/ /'jig rten gsum po bdag la sgrubs/ /rdo rje sems dpa' dpal sbyor ba/ /lha mo kun dang 'grogs pa yis/ /sna tshogs kun
178b2 gyi skal bzang po/ /a ra li ni kun 'grub 'gyur/ /nam mkha'i dbyings kyi mtha' klas pa'i/ /lha mo kun dang bde myos pa/ /rdo rje sems dpa' yang dag rdzogs/ /nyi ma zla ba gsal bar 'char/ /rdo rje sems
178b3 dpa' yang dag sbyor/ /mkha' 'gro sgyu ma bde mchog 'byung / /lan cig dmigs pa tsam gyis kyang / /bde ba'i dngos grub kun 'byung ba/ /brtan zhing grub pa slong byed pa/ /sna tshogs 'brang bas de bzhin du/ /gan
178b4 d+har+b+ha dang Sha Da ba'i/ /glu dbyangs sna tshogs glus bsgrub bo/ /de nas de nyid dam pa yis/ /thar ba thams cad rmongs pa yi/ /rdo rje sems dpa'i bdag nyid dpal/ /glu 'di yis ni bskul bar bya/ /rjes su chags pa'i rnam
178b5 mang dga' ba'i pad+ma ni/ /rnam dag mchod pas gsal bar rjes su mchod byas nas/ /mchog tu rtag pa'i rnal 'byor bde bas bde grub mdzod/ /kye ma'o mchog tu bde ba'i dam tshig ngo bo nyid/ /mchog tu bde ba shin tu rnal 'byor
178b6 skal bzang mchog dgyes pa/ /rang gis dam tshig skyon med dag la rol cig rol cig ho/ /kye ma mchog tu gsang ba'i bdag po rang gi dam tshig ni/ /yin pa'i phyir na rab tu gsang ba'i lha mo mchog rnams so/ /'gro ba'i rgyud
178b7 ni rnam pa sna tshogs 'dul ba'i thabs ni gsal bar mkhyen/ /dam tshig thams cad dngos po brtan dang g.yo ba kun gyi ngo bor gyur/ /rgyal ba kun gyi bdag nyid rnal 'byor bde ba mkha' 'gro sgyu ma ho/ /kye ma dam pa rtag pa'i dngos grub
178b8 chen po rab tu sgrubs pa ston/ /dzaHhUM baM hoHe ma'o bde mchog bde bar drongs/ /rnam par sprul hUM snang bar mdzod/ /a la la ho/ de bzhin gshegs pa thams cad kyi/ /mkha' 'gro sgyu ma sna tshogs kyis/ /slob ma dag ni gzhug
179a1 tu gsol/ /glu yi rgyal po 'di dag ni/ /rdo rje sems dpa' dpal la gnas/ /kun gyi sgyu ma bde ba'i mchog /ma lus lus pa med par 'grub/ /glu 'di dag ni len pa na/ /dkyil 'khor sna tshogs thams cad du/ /
179a2 sangs rgyas thams cad rnam 'phrul ba/ /ma lus lus pa med par snang / /rnam pa mang po'i 'dod chags rgyud kyi sems can ma lus lus pa med par 'dul mkhas pa/ /de bzhin gshegs pa kun gyi sgyu ma'i bde mchog sgyu mas
179a3 thams cad rab sprul rnam par sprul/ /te na te te hUM/ rnam pa mang po rab tu dga' ba'i rgyud kyis sems can ma lus lus pa med par 'dul mkhas pa/ /de bzhin gshegs pa kun gyi sgyu ma bde mchog sgyu mas thams
179a4 cad rab sprul rnam rol sprul cig sprul/ /hUM hUM hUM/ rnam pa mang po khro bo'i rgyud kyis sems can ma lus lus pa med par 'dul mkhas pa/ /de bzhin gshegs pa kun gyi sgyu ma bde mchog sgyu mas thams cad rab sprul rnam
179a5 par sprul/ /ru lu ru lu hUM b+h+yo hUM/ rnam pa mang po srog gi rgyud kyis sems can ma lus lus pa med par 'dul mkhas pa/ /de bzhin gshegs pa kun gyi sgyu ma bde mchog sgyu mas thams cad rab sprul rnam par sprul/ /hUM shi Sh+yi b+hi
179a6 Sha hUM/ de la sogs te mtha' yas mchog /chos dbyings mnyam dang mi mnyam pa'i/ /namakha'i dbyings kyi mtha' klas pa'i/ /rang byung rnams kyi glu yi rgya/ /nam mkha' kun gyi skabs na dpal/ /rdo rje sems dpa'
179a7 la ni gnas/ /grub pa'i dbang phyug rab grub pas/ /thams cad bdag nyid grub par 'gyur/ /glu 'di dag ni blangs pa dang / /lha mo kun gyis rab bskul nas/ /mkha' 'gro sgyu ma bde mchog gis/ /sangs rgyas kun gyi bdag
179a8 nyid 'grub/ /dbang po kun las byung ba yi/ /mchod pa'i sprin chen rnam bkod pa/ /rab 'byams tshogs rnams thams cad kyis/ /kun gyi bdag nyid mchod par byed/ /sangs rgyas thams cad mnyam sbyor ba/ /mkha' 'gro sgyu ma bde mchog gis/ /
179b1 dngos po kun gyi bdag nyid lus/ /ma lus lus pa med pa 'grub/ /ston pa'i phyag rgya phab pa yis/ /bud med dag kyang bsgrubs nas ni/ /rdo rjer bcas pa'i mtshan ma 'dzin/ /rnal 'byor mar ni rab tu 'gyur/ /de dag rang
179b2 gi lha rnams dang / /'dra bar byin gyis brlabs bsgrubs nas/ /sngon med rol mo'i sil snyan gar/ /rnam par 'phrul bas 'grub par 'gyur/ /lha yi gzugs dang sgra dang dri/ /ro dang reg bya bde myos pas/ /bdag nyid rang gi
179b3 lhar mthong zhing / /mchod pa dag kyang byed par 'gyur/ /lha yi mchod pa mnyam sbyor ba/ /skal bzang mchog gi 'dod chags can/ /rnam pa kun du skal bzang po'i/ /bde ba yang dag sgrub par byed/ /sangs rgyas sgyu mas byin
179b4 brlabs pas/ /rdo rje sems dpa' mnyam sbyor ba'i/ /dngos grub kun gyi bde ba rnams/ /dkyil 'khor mthong dka' myong bar 'gyur/ /rdo rje sems dpa'i mnyam sbyor ba'i/ /mthu nyid kyis ni thams cad du/ /sna tshogs kun
179b5 gyi skal bzang po/ /rang gi bde ba nyid kyi 'grub/ /sangs rgyas kun gyi gzugs chen dang / /dbyangs dang dri dang ro bde bas/ /rdo rje sems dpa'i bdag nyid du/ /de yis rab mthong mchod par byed/ /mchod pa thams cad mnyam
179b6 sbyor ba/ /skal bzang mchog gis 'dod chags can/ /sangs rgyas thams cad bdag nyid kyi/ /dngos grub ma lus lus med 'grub/ /sangs rgyas thams cad mnyam sbyor ba'i/ /mkha' 'gro sgyu ma bde mchog gis/ /sangs rgyas
179b7 kun gyi bdag nyid gar/ /rnam par rol pa mchog tu snang / /de nas yang dag rab gsang bas/ /bud med dag ni bzhi rnams dang / /gar gyi phyag rgya mchod pa yis/ /mchod pa thams cad dbul bar bya/ /rab tu dga' ba'i lha
179b8 la phyag 'tshal lo/ /de bzhin gshegs pa'i dam pa grub par mdzod/ /u0f00 hUM/ dam tshig dam pa grub par mdzad du gsol/ /u0f00 hUM/ mchod pa chen po thams cad dag par mdzod/ /u0f00 hUM/ mchod pa chen po thams cad grub pa
180a1 r mdzod/ /glu yi phyag rgya 'di ni dpal/ /rdo rje sems dpa' la gnas te/ /mchod pa ma lus lus med pa'i/ /rab 'byam las la'ang sbyar du rung / /gang dag grub par ma gyur dang / /mchod pa dag ni mi 'byor ba/ /phyag rgya 'di
180a2 yis mchod byas na/ /mchod pa thams cad myur du 'grub/ /mchod pa'i sbyor ba 'di dag dang / /lha mo bzhi po dag gis ni/ /me tog la sogs mchod byas nas/ /slob ma thams cad gzung bar byas/ /dngos grub 'dod pas ci 'dod
180a3 par/ /snyim pa'i gar ni kun bskyod nas/ /de dag gdong ni mdzes pa yi/ /ras kyis g.yogs te gzung bar bya/ /dngos grub ji ltar 'thob 'dod par/ /slob ma me tog 'thor du gzhug /lha mo gang la lhung ba ni/ /lha de de la 'grub par
180a4 'gyur/ /de nas gdong ni bkrol nas kyang / /yon gyi mchog ni blang bar bya/ /sangs rgyas rin chen dbang bskur bas/ /ci lta bar ni dbang bskur ro/ /dmar chen po dang ga pur bcas/ /tsan dan dmar po sbyar ba rnams/ /tshogs kyi
180a5 dbus su bzhag pa la/ /g.yon pa mtshan 'dzin rdo rje bcas/ /rang gis lha yi rnal 'byor ldan/ /srin lag dang ni mthe bo rtses/ /zhi ba'i btung ba bzhin myangs na/ /rtag pa'i dngos grub thob par 'gyur/ /sangs rgyas thams cad
180a6 mnyam sbyor ba'i/ /mkha' 'gro sgyu ma'i tshogs kyis kyang / /rgyas mi thebs shing mi rmongs te/ /de la gnod par mi 'gyur ro/ /de nas mna' ni bsgags byas nas/ /sangs rgyas thams cad mthun sbyor ba'i/ /mchog tu rtag pa'i
180a7 bka' stsal pa/ /dam tshig sdom pa sbyin par bya/ /sangs rgyas thams cad mnyam sbyor ba'i/ /sdom pa nyams par khyed byed pa/ /ji snyed sangs rgyas thams cad dang / /byang chub sems dpa' rdo rje 'dzin/ /lha dag dang ni mi rnams dang / /
180a8 de bzhin rnal 'byor grub pa pa'o/ /de dag la ni snying rings nas/ /snying las khrag chen 'thungs pa bzhin/ /sems can khams ni ma lus don/ /srid pa shin tu dag bya'i phyir/ /mi 'gog chos nyid sbyor ba yis/ /rtag pa nyid du
180b1 bsgrub par bya/ /bdag gi ngo bo yongs spangs shing / /dka' thub kyis ni gzir mi bya/ /ci bde bar ni bde bar spyad/ /'di ni phyi dus sangs rgyas yin/ /rnal 'byor longs spyod thams cad la/ /cis kyang mi 'jigs dga' bar
180b2 gyis/ /sdig pa med kyis khyed ma 'jigs/ /dam tshig 'da' bar dka' ba'o/ /grub pa gcig pu gcig la sbyor/ /lhan cig spyod dang rjes spyod sdug /sangs rgyas byang chub bla med yin/ /yang dag nyid kyis rtag tu bsten/ /rdo rje
180b3 sems dpa' de bzhin gshegs/ /de skad bka' stsal dpal ldan gyis/ /yang dag rdzogs pa'i sangs rgyas dang / /rdo rje can gyis bka' stsal to/ /rnal 'byor bcas dang gsang bcas pa'i/ /bdag gi ye shes rgya bsgrubs
180b4 nas/ /ci lta'i tshul bzhin gar byed pas/ /slob ma rnams la bde bar sbyin/ /slob ma dam pas de phyin chad/ /phyag rgya'i ye shes rjes bzung nas/ /rnam par snang mdzad mchog bzhin du/ /sangs rgyas kun gyis bdag nyid grub/ /
180b5 de nas ro dang zas dang gnas/ /glu dang sil snyan la sogs pa/ /de dag mgon po rnams la dbul/ /rdo rje bla ma chen po dang / /bdag dang gzhan la 'dod dgus mchod/ /'dod don 'bras bu phun tshogs 'grub/ /de nas bdag
180b6 nyid rab bsgrubs nas/ /kun gyi slob dpon rab gnas pa/ /ci lta'i tshul bzhin 'jug pa yis/ /bden pa'i chos ni brjod par bya/ /rdo rje sems dpa' dpal gyi tshul/ /rtog pa thams cad rab bsgrubs shing / /rtog
180b7 pa kun la rab sbyor ba'i/ /ngo bo nyid phyir chen po'i mchog /sna tshogs las kyi sbyor ba dang / /'dul ba'i bdag nyid sna tshogs pas/ /sems can rnams ni 'dul ba'i phyir/ /de las gzhan pa'i tshul du bstan/ /rnal 'byor
180b8 de nyid bcom ldan 'das/ /rdo rje sems dpa' de bzhin gshegs/ /thar pa thams cad rnam sbyang phyir/ /'gro ba'i mkha' 'gro byung bar 'gyur/ /rang gi lha dang 'dra ba yis/ /rang gi byin brlabs bsgrub pa'i rgyas/ /phyag rgya ci bzhin
181a1 rjes 'thun pa'i/ /sangs rgyas sprul pa bsgrub par bya/ /gzhan yang rnal 'byor bcom ldan 'das/ /dam tshig la sdang rnam sbyang phyir/ /thams cad rnal 'byor dbang phyug mchog /rdo rje mkha' 'gro byung bar 'gyur/ /gzhan
181a2 yang shin tu rnal 'byor pa/ /ma lus pad+ma rnam sbyang phyir/ /skal bzang dam pa mi 'gyur ba/ /pad+ma sgyu ma 'byung bar 'gyur/ /gzhan yang rnal 'byor bcom ldan 'das/ /nor gyi mchog gis rnam sbyang phyir/ /nam mkha' kun gyi bdag po che/ /rdo rje nyi ma
181a3 dpal 'byung 'gyur/ /rnal 'byor de nyid bcom ldan 'das/ /drag shul sbyor ba sbyang ba'i phyir/ /rta 'grin pha rol rab gnon pa/ /rta mchog rab tu 'byung bar 'gyur/ /rang gi lha dang 'dra ba yis/ /rang gi byin brlabs bsgrub pa'i phyir/ /
181a4 gzugs brnyan ngo bor sbyor ba yi/ /phyag rgya'i sbyor bas gar bya'o/ /dam tshig rnam pa sna tshogs kyis/ /de ltar rnam par spyod na ni/ /sangs rgyas thams cad mnyam sbyor ba/ /mkha' 'gro sgyu ma bde mchog 'grub/ /kun du kun nas
181a5 thams cad ni/ /sangs rgyas 'phrul pa thams cad kyis/ /bdag nyid rtag tu rnam pa kun/ /sangs rgyas la sogs brtan g.yo kun/ /kun gyi dngos por de 'gyur ro/ /kun du sangs rgyas thams cad kyi/ /sangs rgyas sprul pa
181a6 thams cad kyis/ /bdag nyid rnam par 'phrul pa ston/ /lha mo kun dang 'dus pa yis/ /sangs rgyas zhing ni ma lus par/ /sangs rgyas sprul pa grub par byed/ /sangs rgyas sprul pa sgyu ma yis/ /sangs rgyas
181a7 rnams kyi mdzad pa ston/ /sangs rgyas thams cad mnyam sbyor ba'i/ /mkha' 'gro sgyu ma gar byed pas/ /khams gsum dag ni ma lus par/ /dngos po kun du de 'gyur ro/ /pad+ma sgyu ma rnam 'phrul bas/ /sangs rgyas
181a8 rdo rje 'dzin la sogs/ /sna tshogs gzugs byed rim pa yis/ /'gro ba thams cad mgu bar byed/ /khams gsum pa yi rgyal srid che/ /mjal dum g.yul 'gyed grub pa dag /rgyal srid sgyu ma rnam 'phrul bas/ /bya ba
181b1 thams cad ston par byed/ /khams gsum pa yi rgyal srid che/ /bdag rtul phod pas mnan nas ni/ /'gro ba thams cad rab 'jom par/ /rta yi gar gyis ston par byed/ /de la sogs pa mtha' yas mchog /chos dbyings mnyam dang mi mnyam pa/ /
181b2 namakha'i dbyings kyi mtha' klas pa'i/ /sna tshogs kun gyi bde mchog gis/ /sangs rgyas thams cad 'gyur ba yi/ /namakha' kun gyi skabs na dpal/ /rdo rje sems dpa' de bzhin gshegs/ /dpal dgyes rol pa rnam 'phrul ba/ /sna
181b3 tshogs kyis ni rnam par rol/ /rnam pa sna tshogs skal bzang po/ /rnam pa sna tshogs bde mchog gis/ /'dul ba rnam pa sna tshogs kyis/ /sems can khams ni rab tu bsgrub/ /de la sogs pa mtha' yas mchog /chos dbyings
181b4 mnyam dang mi mnyam pa/ /nam mkha'i dbyings kyi mtha' klas pa'i/ /sangs rgyas thams cad 'byung ba'i mchog /nam mkha' kun gyi skabs na dpal/ /rdo rje sems dpa' la gnas te/ /grub pa'i dbang phyug rab bsgrubs pas/ /
181b5 thams cad bdag nyid grub par byed/ /ces bcom ldan 'das dpal rdo rje sems dpas de skad gsungs so/ /sangs rgyas thams cad dang mnyam par sbyor ba mkha' 'gro sgyu ma bde ba'i mchog las sangs rgyas thams cad mnyam par
181b6 sbyor ba mkha' 'gro sgyu ma'i dkyil 'khor gyi rtog pa ste drug pa'o// // de nas gzhan yang bshad bya ba/ /rdo rje sems dpa' dpal gyi lha/ /rnam pa sna tshogs kun gyi mchog /'khor lo thams cad rnam
181b7 sprul pa'o/ /gsang ba mchog gi dgyes pa na/ /thams cad bdag nyid rjes su bsgrub/ /dben pa yi ni gnas dag gam/ /rang gi bskyed mos tshal sogs par/ /kun du sna tshogs skal bzang po/ /kun du sna tshogs bde
181b8 mchog gis/ /kun du sna tshogs dgos pa'i rnams/ /ci bde bar ni bsgrub par bya/ /rten dang dgon pa gtsug lag khang / /ri yi rtse rnams thams cad du/ /rnam pa du ma sna tshogs pa/ /sangs rgyas dgos pa bsgrub
182a1 par bya/ /dur khrod dang ni lha rten dang / /ma mo'i gnas la sogs 'dug na/ /rdo rje 'dzin pa'i dgos pa dag /rnam pa du mar 'grub par 'gyur/ /pad+mo'i bskyed mos tshal dga' dang / /chu bo dang ni mdo dag tu/ /pad+ma
182a2 'dzin pa'i dgos pa rnams/ /yang dag par ni 'grub par 'gyur/ /rgyal po'i pho brang dga' ba dang / /rgyal po'i bskyed mos tshal dag tu/ /rnam pa sna tshogs du ma yi/ /rgyal po'i dgos pa bsgrub par bya/ /mkhar ni rnam pa sna
182a3 tshogs dang / /de bzhin chu bo'i 'gram dag gam/ /rgyal khams gzhan las grub pa ru/ /rdo rje rta ni bsgrub par bya/ /cha lugs rnam pa sna tshogs dang / /bsgrub pa rnam pa sna tshogs kyis/ /rdo rje sems dpa'i dgos pa la/ /dkyil
182a4 'khor la sogs rab tu bsgrub/ /sangs rgyas rnams kyi pad+ma dmar/ /phyag na rdo rje sna tshogs la/ /'jig rten dbang gi kha dog dkar/ /rdo rje nyi ma dpal gyi gser/ /kha dog kun dang ci 'byor pa/ /bla re rgyal mtshan rgyan
182a5 gyi rnams/ /thams cad rab tu bsgrub pa dpal/ /rta mchog rdo rje can gyi'o/ /gnas dang 'khor rnams ci 'dra dang / /bkod dang 'gro ba ci 'dra dang / /'khor rnams bkod pa ci 'dra bar/ /de 'dra'i 'khor lo mchog gis
182a6 mdzad/ /rdo rje sems dpa'i lha rnams kyi/ /'khor lo mngon sum mthong ba las/ /bsod nams brtag pa ci 'dra ba/ /phyis bris pa yang de bzhin no/ /dkyil 'khor thig btab shes rab can/ /phyogs kun mnyam pa nyid bsgrub
182a7 cing / /shar nub byang gi phyogs dag tu/ /thig bzhi btab pas dkyil 'khor brgyad/ /dkyil 'khor yang dag ci 'dra bar/ /rab tu rtag par su zhig nus/ /rang gis lha yis rang bzhin gyis/ /dkyil 'khor brtag pa
182a8 'grub par 'gyur/ /bdag nyid rang gis lhar sbyor bas/ /dngos grub thams cad bsgrub par bya/ /cho ga lhag gam ma tshang na'ang / /nyes pa med de 'grub par 'gyur/ /kun du sna tshogs skal bzang po/ /kun du sna tshogs
182b1 'khor lo can/ /kun du sna tshogs grub pa'i phyir/ /dkyil 'khor kun du sna tshogs pa'o/ /dkyil 'khor zlum po sangs rgyas kyi/ /rdo rje can gyi zla gam bzhin/ /pad+ma'i dbang gis pad+ma'i dbyibs/ /rin chen mchog gi rin chen
182b2 dbyibs/ /ji ltar 'dod pa ci 'byor pa/ /ci lta'i dus dang ci bde bar/ /dkyil 'khor kun du gnas par dpal/ /rta mchog phyag rgya rdo rje'i 'og /dkyil 'khor du ni ma zhugs shing / /dam tshig rnams ni spangs pa dag /
182b3 gsang ba yang dag mi shes pas/ /bsgrubs kyang ci yang mi 'grub po/ /srog chags gsad par mi bya zhing / /dkon mchog gsum ni yong mi spang / /byang chub sems ni mi gtang ste/ /slob dpon skal bzang
182b4 yong mi btang / /kun du sna tshogs skal bzang por/ /bdag rang bsgrubs pas skal pa bzang / /bdag med chos nyid dang ldan pa/ /dam tshig la sdang skal pa ngan/ /srid pa shin du bsgrubs pas na/ /
182b5 skal bzang sangs rgyas bcom ldan 'das/ /skal ngan nyan thos 'jig rten na/ /shin du yongasu mya ngan 'das/ /rtog pa thams cad bsgrub pa'i phyir/ /skal bzang phyag na rdo rje dpal/ /stong pa nyid la rab sbyor bas/ /
182b6 rang rgyal rnams ni skal pa ngan/ /'dod chags thams cad rnam dag pas/ /skal bzang spyan ras gzigs kyi dbang / /log par lta dang ldan pas na/ /skal ngan 'jig rten mu stegs na/ /dam pa'i nor mchog sdud pa'i phyir/ /skal bzang rdo rje
182b7 nyi ma dpal/ /bdag gi bu yang ma chags pas/ /skal ngan dka' thub spyod pa kun/ /rgyal srid mchog rnams kun bsdus pas/ /rta mchog dpal ni skal pa bzang / /bdag med yongasu 'dzin med pas/ /thub pa thams cad skal pa ngan/ /
182b8 bde ba thams cad bdag sgrub phyir/ /kun gyi slob dpon skal pa bzang / /lta ngan dam tshig la sdang pa'i/ /slob ma thams cad skal pa ngan/ /gsang ba'i don ni yang dag nyid/ /'di ni gsal bar shes pa yis/ /sangs rgyas kun gyi bka' bzhin du/ /sangs rgyas
183a1 kun du 'grub par gyur/ /kun gyi slob dpon la gnas pas/ /'khor lor 'jug par byed pa na/ /dkyil 'khor 'dod pa'i slob ma la/ /gsang ba yang dag mtha' yas mchog /thog ma nyid du gsang
183a2 brjod pa/ /kye khyod ci la dga' zhes dri/ /skal ba bzang la bdag dga' zhes/ /'jug pa bas kyang smra bar bya/ /gsang ba'i yan lag 'dir shes na/ /ci ltar 'dod par rab tu gzhug /gsang ba yang dag mi shes
183a3 te/ /g.yas pa yis ni gzhug par bya/ /de ltar dkyil 'khor du zhugs nas/ /de bzhin shin du yon dbul te/ /gsang ba'i cho ga nyid shes pas/ /mi 'gyur ba yi mchog 'grub bo/ /kun du sna tshogs bla ma la/ /
183a4 yon mchog dag ni dbul bar nges/ /gang la yongs su btang dka' gang / /de ni mchog tu bshad pa yin/ /gang dang gang ni sdug pa'i mchog /yang na shin du khyad par can/ /de dang de ni bla ma la/ /de nyid mi zad 'dod pas
183a5 dbul/ /yang na de ni 'dod 'gyur ba'am/ /'on te sems la dgos pa dag /de sbyin yang na dgos pa bya/ /de ni chung yang mchog yin no/ /de la gal te mchog bdog la/ /de yang ngan pa'i yon 'bul na/ /kun gyi
183a6 slob dpon brnyes pas na/ /de ni rtag tu sdug bsngal 'thob/ /bu mo shin du brgyan pa 'am/ /de bzhin chung ma sdug pa dang / /phul nas rin gyis blu ba ni/ /sangs rgyas byang chub mchog gi yon/ /mi chen dag ni
183a7 phul nas su/ /slar yang rin gyis blu ba ni/ /rdo rje 'dzin dpal sbyor ba yi/ /yon te mchog gi yon yin no/ /mu tig bzang dang nor bu dang / /shin du dkar ba'i ras zung dang / /de bzhin rta ni dkar po dag /
183a8 pad+ma can gyi yon mchog yin/ /rgyal srid longs spyod gter rnams dang / /gos dang rgyan gyi tshogs rnams dang / /gos dang rgyan gyi tshogs rnams dang / /de bzhin mchod pa thams cad ni/ /rdo rje nyi ma'i yon yin no/ /
183b1 shin du brgyan pa'i rta dag dang / /glang po shin du brgyan pa dang / /shing rta rin chen gang ba dag /rta yi rgyal po'i yon yin no/ /khams kyi rang bzhin thams cad dang / /srog dang rtsa ba'i de bzhin te/ /sangs rgyas rin chen
183b2 dbang bskur ba/ /mkhas pas rnam pa sna tshogs brtag /spyi bo dang ni dpral ba dang / /'gram pa gnyis dang ltag pa ru/ /sangs rgyas rin chen thams cad kyi/ /dbu rgyan mi 'gyur dam pa'o/ /khams kyi rang bzhin
183b3 thams cad dam/ /srog dang rtsa ba'i de bzhin te/ /thod pa rin chen dbu rgyan nam/ /sangs rgyas gtsug gi nor bu dang / /kun du sna tshogs bla mar ni/ /kun gyi slob dpon kun la bya/ /rgyal srid thams cad rnam dag la/ /
183b4 ma lus lus pa med par 'grub/ /rin chen ngo mtshar gcig las byas/ /de bzhin sna tshogs rgyan gyis spras/ /sangs rgyas pad+ma'i dbang bskur bas/ /slob ma thams cad dbang bskur ro/ /sangs rgyas rin chen rdo rje
183b5 byed/ /rdo rje rigs la rdo rje yin/ /spyan ras gzigs kyi sangs rgyas sku/ /nor bu 'dzin gyi nor bu yin/ /sangs rgyas rin chen pad+ma dang / /rdo rje nor bu de bzhin du/ /thams cad mchog ni rta mchog la/ /rang gi dbang bskur bsdus pa'o/ /
183b6 blugs pa dang ni byas pa 'am/ /brdungs pa'am yang ni bris pa'ang rung / /sna tshogs rab tu legs pa yi/ /mtshan ma'i phyag rgya rab tu brtag /kun du sna tshogs skal bzang po/ /rang byung rnams kyi mtshan ma'i rgya/ /
183b7 nam mkha'i dbyings kyi mtha' klas pa'i/ /lha mo rnams kyi bde ba'i mchog /gzhu dang mda' dang de bzhin du/ /skal ldan de bzhin skal ba bzang / /thod pa dang ni kha Ta ga /rdo rje rgya gram de bzhin no/ /pad+ma rgya gram dpag
183b8 med che'i/ /sangs rgyas kun gyi tshe bsgrub pa/ /lha mo tshogs rnams thams cad kyi/ /mtshan ma'i phyag rgya tshogs sgrub bzhin/ /mda' dang de bzhin tshangs pa'i mgo/ /de bzhin 'khor lo'i phyag rgya dang / /rdo rje tri shu phyag rgya'i mchog /dpag bsam shing
184a1 dang lcug ma dang / /pad+ma rta mgrin 'phar mtho ba/ /rta mgrin ljang khu de bzhin no/ /phag gi mche ba grub pa dang / /zla ba nyi ma de bzhin no/ /rin chen sna tshogs snod chen du/ /sangs rgyas gzugs kyi ra sa ya/ /thams cad
184a2 bdag nyid myong skal bzang / /mtshan ma'i phyag rgya'i tshogs bzhin no/ /gling bu dang ni pi bang kun/ /ku maN+Da dang mu ra dza/ /me tog bdug pa mar me dang / /sna tshogs dri rnams de bzhin no/ /de la sogs pa mtha' yas mchog /
184a3 chos dbyings mnyam dang mi mnyam pa/ /namakha'i dbyings kyi mtha' klas pa'i/ /mtshan ma'i phyag rgya dam pa'i tshogs/ /namakha' kun gyi skabs na dpal/ /rdo rje sems dpa' nyid la gnas/ /grub pa'i dbang phyug rab
184a4 grub pas/ /thams cad bdag nyid grub par 'gyur/ /chos gos dang ni lhung bzed dang / /de bzhin du ni mkhar sil dang / /dam pa'i chos kyi glegs bam dag /mtshan ma'i phyag rgya'i tshogs gzhin no/ /de bzhin rtse yi phyag rgya
184a5 dang / /cha lang dang ni rnga dag dang / /rdo rje dang ni rin chen snod/ /mtshan ma'i phyag rgya'i tshogs gzhin no/ /de bzhin sangs rgyas gzugs brnyan dang / /me long dang ni rlung yab dang / /rdo rje ser ba sprin dang bcas/ /de bzhin mig gi phyag
184a6 rgya dang / /rdo rje 'bar ba kha T+wA~M ga /thod pa kham phor de bzhin no/ /dmar chen dang ni snying rje dang / /sha chen po yang de bzhin te/ /rnon po mda' dang de bzhin 'dren/ /chang dang chu dang de bzhin te/ /lcug ma rlung gis bskyod pa dang / /
184a7 ras dang de bzhin me dang ni/ /rdo rje khro bo rgyal po'i dpal/ /gdug pa thams cad za ba yi/ /mtshan ma'i phyag rgya grub pa'i tshogs/ /rnal 'byor dngos grub rab sgrub pa'o/ /pad+ma sna tshogs dmar po dang / /ljang khu de bzhin
184a8 dkar po dang / /mthing ka ser po leb rgan dag /pad+ma mtshan mchog rnam pa bdun/ /pad+ma smyung po bud med rgya/ /de bzhin chos kyi 'khor lo dang / /gsal zhing dpal bskyed rdo rje dag /pad ma mtshan ma'i tshogs gzhan no/ /
184b1 gzhu dang mda' dang rol gri dang / /de bzhin du ni 'bar ba'i me/ /dbang bskur gter dang rgyal mtshan dag /mchod pa'i mtshan ma bsdus pa'o/ /de bzhin sna tshogs pad+ma dang / /rdo rje rgya gram de bzhin te/ /mtshan ma'i phyag rgya grub pa
184b2 yis/ /rgyal srid thams cad 'joms pa ste/ /sangs rgyas thams cad la sogs pa/ /dngos po brtan g.yo ma lus kun/ /rang byung rnams kyi mtshan ma'i rgya/ /namakha'i dbyings kyi mtha' klas pa'o/ /de skad bcom
184b3 ldan de bzhin gshegs/ /rdo rje sems dpa' dpal gyis gsungs/ /sangs rgyas thams cad mnyam sbyor ba/ /mkha' 'gro sgyu ma'i bde ba'i mchog las dkyil 'khor thams cad kyi phyag rgya shes pa'i rtog pa ste bdun pa'o// //
184b4 de nas gzhan dag bshad pa ni/ /rdo rje sems dpa' dpal gyi lha'i/ /rnam pa kun du sna tshogs mchog /mchod pa thams cad rnam sprul pa'o/ /lag pa g.yas g.yon gnyis dag gis/ /mdzub mo mthe'u chung mdzes par
184b5 bsgyur/ /dpal ldan g.yon pa 'gying ba'i thabs/ /g.yas pa ba dan gsum du bya/ /srid zhur bcas pa'i steg pa'i mchog /bdag nyid rdo rje sems dpa' dpal/ /'dzum dang bcas pa'i mig gis blta/ /bsam
184b6 pa g.yos pa'i phyag rgya'o/ /sangs rgyas rdo rje pad+ma 'dzin/ /rdo rje nyi ma khams gsum pas/ /skad cig gis kyang phyag byed na/ /khengs pa gzhan lta ci zhig smos/ /drag po dbang po nye dbang bcas/ /nyi zla gshen rje
184b7 tshangs par bcas/ /btud de rab tu phyag 'tshal nas/ /las rnams thams cad byed par 'gyur/ /rdo rje dpal gyi thal mo bsgyur/ /bsam pa g.yos pas phyag byas pa'i/ /sangs rgyas mchod pa legs byas na/ /
184b8 ma lus lus pa med par 'grub/ /smin ma g.yon du 'deg tshul gyis/ /ru lu ru lur bcas brgad na/ /tshangs pa nye dbang drag por bcas/ /khams gsum pa rnams phyag byed 'gyur/ /thal mos pad+mo kha
185a1 'bus bzhin/ /rang gi sbyor ldan snying gar bcing / /mthe bo mthe'u chung 'dab ma bzhin/ /rgyas pa btud pa'i phyag kyang bya/ /lus kyi yan lag thams cad ni/ /sa la bsnyal te phyag bya ba/ /snying ga kha dang spyi gtsug tu/ /
185a2 thal mo sbyar te phyag bya'o/ /dpal ldan rdo rje 'gying ba'i thabs/ /'dzum pa'i mig gis phyag byas na/ /khams gsum pa yang phyag byed na/ /mthu bsnyems gzhan lta ci zhig smos/ /phyag 'tshal ba'i phyag rgya shes pa'o/ /
185a3 gar gyi rgyun rnams ci snyed dang / /de bzhin bya ba'i tshul ston kun/ /de dag rdo rje sems dpa'i rgya/ /rang gi don rnams grub byed pa'o/ /'gying dang bcas pa'i tshul byas nas/ /ci lta'i tshul bzhin gar byed cing / /bskor ba'i rnam
185a4 pa sna tshogs kyis/ /mchod pa thams cad dbul bar bya/ /lag pa g.yas g.yon gnyis dag gis/ /mdzub mo mthe'u chung mdzes bsgyur te/ /g.yon pa'i mdzub mo khu tshur bcang / /g.yas pa ba dan gsum par bya'/ /
185a5 phyag rgya 'di yis btab na ni/ /sangs rgyas kun dang 'grogs pa dang / /dngos grub chen po mchog kun gyi/ /dbang phyug chen po 'grub par 'gyur/ /sangs rgyas thams cad dang 'grogs pa/ /dpal skal pa bzang po zhes bya ba'i phyag rgya'o/ /
185a6 snyems 'dzin chen por bcas pa yi/ /sbyar bas de nyid bteg nas su/ /'gram pa'i phyogs su yongs bsgyur nas/ /spyi bo'i mtshams su bzhag par bya/ /thams cad 'bebs pa'i gar byed pas/ /gar byas de nas phab nas su/ /
185a7 skal bzang hU~M zhes bya ba'i lus/ /mchod pa thams cad dbul bar bya/ /sangs rgyas thams cad dang mnyam par sbyor ba skal pa bzang po bde ba chen po zhes bya ba'i phyag rgya'o/ /lag pa g.yas g.yon gnyis dag gis/ /
185a8 mdzub mo mthe'u chung mdzes bsgyur ba'i/ /rdo rje thal mo sbyar nas su/ /de bzhin g.yon du bsgyur bar bya/ /de ni sbyor bas bteg nas su/ /spyi bo'i mtshams su bzhag par bya/ /skal bzang oM zhes bya ba'i glus/ /
185b1 mchod pa thams cad dbul bar bya/ /dpal rdo rje thal mo sbyar ba sangs rgyas kyi mchod pa'o/ /lag pa g.yas g.yon gnyis dag gis/ /mdzub mo mthe'u chung mdzes bsgyur te/ /rdo rje thal mo gyen du dgrol/ /mchod pa'i gtor ma kun gyi tshul/ /
185b2 dur khrod cha lugs gar byed pas/ /phyag rgya 'di yis gar byed cing / /skal bzang rdo rje drag por dgod/ /mchod pa thams cad dbul bar bya/ /dpal rdo rje he ru ka'i thod pa'i thal mo ste mchod pa'i gtor ma thams cad kyi cho ga'o/ /
185b3 lag pa g.yas g.yon gnyis dag gis/ /mdzub mo mthe'u chung mdzes bsgyur te/ /g.yas g.yon thal mo brdabs pa yis/ /mchod pa thams cad dbul bar bya/ /dpal pad+ma gar gyi dbang phyug gi thal mo'o/ /lag pa g.yas
185b4 g.yon gnyis dag gis/ /mdzub mo mthe'u chung mdzes bsgyur te/ /rdo rje rin chen thal sbyar nas/ /mchod pa thams cad dbul bar byed/ /re ba thams cad yongs rdzogs byed/ /dpal rdo rje rin chen zhes bya ba'i phyag rgya'o/ /
185b5 gyen du 'thor zhing thur du 'bebs/ /bskor zhing de bzhin nyug pa dang / /me tog bdug pa mar me mchog /dri yi mchod pa 'byung ba'o/ /gang ba'am 'on te stong pa'ang rung / /yang na ci 'byor pa yis kyang / /dam tshig mnyam par bsgrub pa
185b6 yis/ /mchod pa thams cad 'grub par 'gyur/ /phyag rgya 'di rnams bcings nas ni/ /sangs rgyas thams cad mchod par 'gyur/ /dngos grub dbang phyug grub pas kyang / /kun gyi bdag nyid mchod par 'gyur/ /
185b7 chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /rang 'byung rnams kyi mchod pa kun/ /gang dag de yis ma byas shing / /spel bar yang ni ma gyur pa'i/ /rlabs chen dam pa gang yang
185b8 med/ /sangs rgyas thams cad mnyam sbyor ba/ /sbyor ba'i dbang phyug bde chen dang / /dngos grus las dang bde ba dag /'di yis mi 'grub gang yang med/ /mchod pa rab 'byams grub pa rnams/ /ma lus
186a1 lus pa med pa 'grub/ /bcom ldan rdo rje sems dpas gsungs/ /sangs rgyas thams cad mnyam par sbyor ba'i mkha' 'gro sgyu ma bde ba'i mchog las mchod pa thams cad dang mnyam par sbyor ba dpal skal
186a2 pa bzang po dam tshig gi rtog pa ste brgyad pa'o// // de nas gzhan yang bshad pa ni/ /rdo rje sems dpa' dpal gyi lha'i/ /kun du sna tshogs mchog rnams kyi/ /phyag rgya thams cad rnam sprul pa'o/ /sems dpa'
186a3 sangs rgyas kun gyi dngos/ /rdo rje sems dpa' bde ba'i mchog /gsang ba mchog gi bgyes pa na/ /thams cad bdag nyid rtag tu bzhugs/ /bde ba kun la zhen pa dang / /dngos grub thams cad rnam dag phyir / /
186a4 rdo rje sems dpa' bde ba'i mchog /zla ba nya ltar rtsa dmar sku/ /'dod chags kun la chags pa'i phyir/ /chags pa chen po bcom ldan 'das/ /rdo rje sems dpa'i phyag rgya 'di/ /dmar po sna tshogs 'bar ba'i
186a5 'od/ /khams gsum dag na rin chen gzhan/ /sangs rgyas rin chen lta bu med/ /sangs rgyas kun gyi rin chen che/ /dbu rgyan can ni bde ba'i mchog /gzhan gyi nor min 'di mi 'phrogs/ /lha yi chu 'dis dag pa ste/ /mthu dang
186a6 ngo bo nyid dag dang / /rang bzhin gyis ni de 'grub bo/ /thod pa'i phreng ba'i dbu brgyan dang / /sangs rgyas gtsug gi nor bu can/ /kun nas nyon mongs 'jig rten dbang / /mi mjed la sogs de 'grub bo/ /rdo rje sems dpa'
186a7 dpal sbyor ba/ /lha mo kun dang 'dus pa yis/ /kun tu sna tshogs skal bzang po/ /mkha' 'gro ma ni thams cad 'grub/ /sangs rgyas rdo rje pad+ma 'dzin/ /rdo rje nyi ma khams gsum pa/ /rgyas btab rmongs pas bslang
186a8 nas ni/ /las rnams kun la sbyor bar byed/ /phyag rgya 'di yis btab pa ni/ /'dod pa bzhin du 'gro 'ong lding / /lha mo kun mchog dpal dang ldan/ /rdo rje sems dpa' rab tu 'grub/ /mchog tu dga' ba la rab tu sbyor ba
186b1 skal ba bzang po dpal rdo rje sems dpa' bde ba'i mchog rol pa zhes bya ba mchog gi phyag rgya'o/ /g.yas dang g.yon gyi sbyor ba yis/ /bde ba'i cha lugs gar byed cing / /sems dpa'i skyil mo dkrung bcas nas/ /dpung rnams
186b2 thams cad rab tu 'joms/ /dpal rdo rje sems dpa'i dkyil mo dkrung ngo / /zla ba'i kha dog 'dzum pa'i zhal/ /dngos grub thams cad dag pa dang / /pad+ma'i 'dod chags rnam dag phyir/ /brla yi dbus ni dmar la dkar/ /
186b3 phyag mchog lo ma sngon po 'dra/ /de bzhin bde ba'i dbang phyug dang / /bde bar reg pa'i dbang phyug pas/ /dkar zhing ser ba'i brla dang ldan/ /lha rdzas sna tshogs kha dog mchog /'bar ba sna tshogs 'khrig pa'i 'od/ /
186b4 pad+ma sna tshogs la gnas pa/ /thams cad dag par rab tu gnas/ /sangs rgyas pad+ma la sogs mchog /rin chen sna tshogs rgyan dang gos/ /sangs rgyas thams cad 'dus pa yin/ /mi mjed la sogs brgyan pa
186b5 bzhin/ /bya ba dang ni bzlog pa dang / /'phrog pa dag kyang lhag par mdzod/ /bdag la 'khyud pa'i phyag rgya yis/ /yan lag thams cad 'phrog par 'grub/ /phyag rgya 'di yis btab na ni/ /'dod pa bzhin du 'gro 'ong lding / /
186b6 dpal ldan 'dod pa kun la dbang / /rdo rje sems dpa' rab tu 'grub/ /mchog tu dga' ba la rab tu sbyor ba skal pa bzang po dpal rdo rje mda' bde ba'i mchog rol pa zhes bya ba'i phyag rgya'o/ /rnam pa sna tshogs dam tshig
186b7 chags/ /bde ba'i 'bebs pa'i gar byed pas/ /bdag la 'khyud pa'i phyag rgya mchog /dbus kyi lha mchog chen po yi/ /phyag rgya 'di yis rnal 'byor pa/ /'dod pa bzhin du 'gro 'ong lding / /bde chen dbang phyug
186b8 dpal dang ldan/ /rdo rje sems dpa' rab tu 'grub/ /mchog tu dga' la rab sbyor ba/ /skal pa bzang po dpal rdo rje sems dpa'i dam tshig bde ba'i mchog rol pa zhes bya ba'i phyag rgya'o/ /se ral kha yi tshul
187a1 dag tu/ /rdo rje kha T+wAM ga bzung ste/ /bdag la 'khyud pa'i phyag rgya ni/ /pad bcas rdo rje rgya gram mchog /phyag rgya 'di yis btab na ni/ /'dod pa bzhin du 'gro 'ong lding / /rnal 'byor kun gyis dbang phyug rgyal/ /rdo rje
187a2 sems dpa' rab tu 'grub/ /mchog tu dga' ba la rab tu sbyor ba skal pa bzang po dpal rdo rje rnal 'byor bde ba'i mchog rol pa zhes bya ba'i phyag rgya'o/ /rdzogs sangs rgyas kyi kham por 'grub/ /bdag la 'khyud pa'i
187a3 phyag rgya yis/ /rdo rje sems dpa' dpal sbyor ba/ /dbus kyi lha mchog chen po'o/ /phyag rgya 'di yis rnal 'byor pa/ /'dod pa bzhin du 'gro 'ong lding / /dpal ldan tshe dang gzhon 'grub pa/ /rdo rje sems dpa'
187a4 rab tu 'grub/ /mchog tu dga' ba la rab sbyor ba skal pa bzang po dpal rdo rje che bde ba'i mchog rol pa zhes bya ba'i phyag rgya'o/ /de la sogs pa mtha' yas mchog /chos dbyings mnyam dang mi mnyam pa/ /
187a5 namakha'i dbyings kyi mtha' klas pa'i/ /rang byung phyag rgya sna tshogs rnams/ /namakha' kun gyi skabs na dpal/ /rdo rje sems dpa' la gnas te/ /grub pa'i dbang phyug rab grub pas/ /thams cad bdag nyid
187a6 'bab 'grub 'gyur/ /sangs rgyas thams cad dang mnyam par sbyor ba'i mkha' 'gro sgyu ma bde ba'i mchog gi rtsa ba'i phyag rgya'i tshogs so/ /gtsug lag ci lta'i rjes 'thun pa'i/ /dpal rdzogs rgya chen gar dag gis/ /
187a7 mda' bzhi yongs su 'phangs na ni/ /bdud bzhi dag las rgyal bar 'gyur/ /tshangs pa chen po'i mgo dpal rdo rje mda' zhes bya ba'i phyag rgya'o/ /rkang pa 'deg cing phab pa dang / /gshibs te mchongs pa'i stobs dag gis/ /
187a8 'khor lo'i phyag rgyas bstod nas ni/ /khams gsum dag las mchongs par 'gyur/ /dpal rdo rje mthu bo che zhes bya ba'i phyag rgya'o/ /bya ba dang ni bzlog pa dang / /phrogs pa dag gi khyad par du/ /sna tshogs phyag rgyas
187b1 gar byed cing / /khams gsum dag ni bsdu bar bya/ /dpal rdo rje gar gyi dbang phyug ces bya ba'i phyag rgya'o/ /lcug ma gang yang rung bzung nas/ /bdag la 'khyud pa'i phyag rgya yis/ /bud med thams cad rtsed na ni/ /dpag bsam shing
187b2 ltar rtag tu 'grub/ /dpal rdo rje 'dod pa'i lha mo zhes bya ba'i phyag rgya'o/ /myang ba btungs pa ltar byas pas/ /drag po dbang po nye dbang bcas/ /nyi zla gshen rje tshangs bcas pa'i/ /'jig rten gsum dag skams par byed/ /dpal
187b3 rdo rje rta gdong zhes bya ba'i phyag rgya'o/ /sna yi myang ba'i rngub pa yis/ /drag po dbang po nye dbang bcas/ /nyi zla gshen rje tshangs bcas pa'i/ /khams gsum yang ni sdud par byed/ /dpal rdo rje phag mo zhes bya ba'i phyag rgya'o/ /
187b4 mig tshugs zhen par blta ba yis/ /drag po dbang po nye dbang bcas/ /nyi zla gshen rje tshangs bcas pa'i/ /'jig rten gsum yang za bar byed/ /dpal rdo rje spyan nyi zla zhes bya ba'i phyag rgya'o/ /thams cad bdag nyid myangs
187b5 pa yis/ /drag po dbang po nye dbang bcas/ /nyi zla gshen rje tshangs bcas pa'i/ /thal bar gyur pa'ang 'tshong bar byed/ /dpal rdo rje kun gyi bdag nyid khams gsum slar 'tsho ba zhes bya ba'i phyag rgya'o/ /gling bu len pa'i tshul
187b6 ston cing / /ji ltar babs pa'i gar byed pas/ /tshangs dang nye dbang drag por bcas/ /'gro ba gsum dag dbang du byed/ /dpal rdo rje gling bu'i dbang byed ces bya ba'i phyag rgya'o/ /pi bang len pa'i tshul ston cing / /ji ltar
187b7 babs pa'i gar byed pas/ /las rnams grub par rab 'byams dang / /dngos grub ma lus myur du 'grub/ /dpal rdo rje pi bang bde bas rmongs par byed pa zhes bya ba'i phyag rgya'o/ /cang te'u tshul ston rnal 'byor pa/ /
187b8 ji ltar babs pa'i gar byed pas/ /rims dang gdon dang dug zhen pa'i/ /sdug bsngal thams cad myur du sel/ /dpal rdo rje cang te'u sdug bsngal thams cad sel bar byed pa zhes bya ba'i phyag rgya'o/ /rdza rnga'i tshul ston
188a1 rnal 'byor pa/ /ji ltar babs pa'i gar byed pa/ /gnas gsum dag ni ma lus pa/ /skad cig tsam gyis 'bebs par byed/ /dpal rdo rje rdza rngas myos par byed pa zhes bya ba'i phyag rgya'o/ /phyag rgya gar gyi mchod pa yis/ /
188a2 mchod pa thams cad byas na ni/ /rang byung gar gyi mchod pa rnams/ /ma lus lus pa med par 'grub/ /rims dang dug dang dbyig dug byad/ /phra men gdon gyi gnod pa rnams/ /bskor ba'i gar rnams sna tshogs kyis/ /skad cig tsam
188a3 gyis zhi bar 'gyur/ /drag po dbang po nye dbang bcas/ /nyi zla gshen rje tshangs bcas pa'i/ /rgyas btab rmongs byas zos pa dag /skad cig tsam gyis 'tsho bar byed/ /de la sogs pa mtha' yas mchog /chos dbyings mnyam
188a4 pa'i/ /namakha'i dbyings kyi mtha' klas pa/ /rang byung lha mo phyag rgya rnams/ /namakha' kun gyi skabs na dpal/ /rdo rje sems dpa' la gnas te/ /dngos grub dbang phyug rab grub pas/ /thams cad bdag nyid babs par
188a5 'gyur/ /sangs rgyas thams cad mnyam sbyor ba/ /mkha' 'gro sgyu ma bde mchog gi/ /rab tu grub pa'i glu rnams kyis/ /bla med pa yi dngos grub 'thob/ /de nas phyag rgya ye shes 'di/ /dpal ldan rdo rje mchog gi glu/ /
188a6 las rnams thams cad rab grub cing / /srid pa shin du bsgrub pa ni/ /kye kye rdo rje sems dpa' bde chen skal bzang dpal khyod bdag la bsgrub cing rtogs par mdzad du gsol/ /de bzhin gshegs pa kun gyi bdag nyid bde
188a7 ba mkha' 'gro sgyu ma sna tshogs bde ba'i mchog /'gro ba'i rgyud rnams rnam pa sna tshogs 'dul mchog sgrub par mdzad du gsol/ /a la la ho/ de bzhin gshegs pa'i sbyor ba rnam pa sna tshogs gar rnams bstan du gsol/
188a8 dzaHhUM bam hoH /kye bde mchog bde bas zung la rnam par sprul/ /hUM snang bar mdzad du gsol/ a la la ho/ de bzhin gshegs kun sna tshogs mkha' 'gro sgyu mas slob ma gzung du gsol/ sangs rgyas thams cad
188b1 mnyam sbyor ba/ /mkha' 'gro sgyu ma bde ba'i mchog /kun du kun nas thams cad du/ /'di nyid kyis ni myur du 'grub/ /sangs rgyas thams cad dang mnyam par sbyor ba mkha' 'gro ma'i rnal 'byor gyi dkyil 'khor gyi phyag rgya zhes
188b2 bya'o/ /rnal 'byor de nyid bcom ldan 'das/ /rdo rje sems dpa' de bzhin gshegs/ /thar pa thams cad rnam dag phyir/ /sangs rgyas phyag rgya dpal du gnas/ /'dod dam rnam par dag pa'i phyir/ /btso ma gser gyi kha dog
188b3 bzhin/ /chags med la sogs chags chen phyir/ /dkar zhing sna tshogs gsal ba'i mdangs/ /chos kyi rgyal srid rab sgrubs pas/ /rin chen chos las lhag pa med/ /de bas theg chen byang chub sems/ /rgyal ba rdo rje rin
188b4 chen dag /g.yas pa'i mthe bo gung mo gnyis/ /g.yon pa'i khu tshur bcangs pa yi/ /sor mo kun la reg pa ni/ /rtsa ba'i phyag rgya yin par grags/ /'di ni sangs rgyas thams cad kyi/ /shes rab pha rol phyin gsal yin/ /
188b5 byang chub sems chen skye ba dang / /chos kyi 'khor lo bskor ba ste/ /phyag rgya 'di yis btab na ni/ /shes rab pha rol phyin pa'i tshul/ /namakha'i dbyings kyi mtha' klas par/ /rab tu bsgrugs par 'gyur ba yin/ /byang chub sems
188b6 chen bskyed pa dang / /chos kyi 'khor lo bskor ba ste/ /sangs rgyas nyid du rig par bya/ /mchog tu rtag pa'i sangs rgyas so/ /gang gis ldan pa 'di mthong zhing / /rnam pa kun du mchod byed pa/ /de yi sangs rgyas rtag pa'i
188b7 mchog /mthong zhing mchod pa byed par 'gyur/ /sems ni bskyed ma thag tu yang / /chos kyi 'khor lo legs par bskor/ /dpal dam tshig ces bya ba'i phyag rgya'o/ /g.yas pa'i yan lag gnon pa yis/ /g.yon pa'i
188b8 yan lag kun las rgyal/ /sems dpa'i dkyil mo bkrung bcas na/ /bdud rnams thams cad rab tu 'joms/ /dpal rdo rje sems dpa'i dkyil mo dkrung ngo / /rdo rje khu tshur bcangs nas su/ /lag pa g.yon pas
189a1 bkab pa ni/ /sangs rgyas kun blo dngos grub rnams/ /ma lus lus pa med par 'grub/ /de bzhin dpal ldan he ru ka'i/ /rdo rje khu tshur chen po dag /dpa' bo 'dod pa'i dngos grub rnams/ /ma lus lus pa med par
189a2 'grub/ /pad mo'i bud med khu tshur ni/ /de bzhin g.yon pas bkab na yang / /byang chub spyod rab 'grub pa rnams/ /ma lus lus pa med par 'grub/ /rin chen 'dzin pa'i khur tshur yang / /lag pa g.yon pas bkab na ni/ /
189a3 sangs rgyas nor kun dngos grub pa/ /ma lus lus pa med par 'grub/ /sangs rgyas khu tshur bcangs nas su/ /lag pa g.yon pas bkab na ni/ /sangs rgyas kun gyi tshe 'grub pa/ /ma lus lus pa med par 'grub/ /
189a4 bud med phyag rgya bcings nas su/ /lag pa g.yon pas bkab na ni/ /dngos grub thams cad myur 'grub pa/ /ma lus lus pa med par 'grub/ /rta gdong dpal gyi khu tshur yang / /lag pa g.yon pas bkab na ni/ /thams cad
189a5 'gugs par rab grub pa/ /ma lus lus pa med par 'grub/ /dpal grub spyon gyi khu tshur yang / /lag pa g.yon pas bkab na ni/ /snang ba thams cad rab grub pa/ /ma lus lus pa med par 'grub/ /dang po sangs rgyas
189a6 kun snod pa/ /gnyis pa de bzhin dpa' bo yin/ /gsum pa kun tu bzang po'i 'o/ /bzhi pa mi zad snod yin no/ /sangs rgyas yan lag kun ldan dpal/ /de bzhin zhal bzangs ma yin/ /sprin chen mo ni bdun pa ste/ /
189a7 brgyad pa namakha'i spyan yin no/ /gzungs ma thams cad kyi phyag rgya'o/ /phyag rgya shes pa 'di dag gi/ /sangs rgyas sprul pa'i klu mchog ni/ /'grub par 'gyur ba byed pa'i mchog /las rnams thams cad rab
189a8 sgrub pa/ /slong bar byed pa brtan sgrub pa/ /de bzhin sna tshogs rgyas pa dag /drug pa'i dbyangs kyi glu blangs nas/ /de ba ta yi glu blang ngo / /'jig rten khams mang rdul phran grangs snyed khyab par 'phros pa yi/ /
189b1 rgyal ba'i don rnams rab tu phra ba'i rdul gyi grangs snyed pa/ /sprul pa yi ni sku rnams phra ba'i rdul gyi grangs snyed ni/ /srid pa bde chen de bzhin gshegs kun rnam 'phrul sna tshogs kyis/ /rdul phran grangs snyed de bzhin
189b2 gshegs pa'i rnam par sprul mdzod ho/ /rnam snang sbyor ba a la la ho/ /de ring grub par mdzod/ /glu 'di dag ni blangs pa yis/ /namakha' thams cad mnyam sbyor ba/ /mkha' 'gro sgyu ma bde ba'i mchog /grub par 'gyur ba gdon
189b3 mi za/ /de nas bud med bzhi rnams dang / /rang gi yang dag gsang ba yis/ /cho ga rgyas pa'i tshul bzhin du/ /me tog la sogs mchod pa bya/ /de bzhin gshegs pa'i phyag rgya shes pa'o/ /rnal 'byor de nyid bcom ldan 'das/ /
189b4 rdo rje sems dpa' de bzhin gshegs/ /dam tshig la sdang rnam sbyang phyir/ /dur khrod dpal gyi phyag rgyar gsal/ /shin tu gdug cing gtum po la/ /zhi bas phan par mi 'gyur te/ /shes rab thabs kyi rnal 'byor gyis/ /
189b5 rnal 'byor bde mchog dam par 'gyur/ /sangs rgyas khros byung khro bo ni/ /thal bar 'jig pa mchog yin te/ /sems dpa' sngon po 'bar ba can/ /'bar ba'i dkyil 'khor dmar por snang / /gzhan gyis ma yin mi 'phrogs pa/ /
189b6 lha rdzas chu yis dgang ba ste/ /'di ni rang bzhin nyid dag dang / /mthu dang ngo bo nyid kyis 'grub/ /gos chen po dang blugs pa che/ /sha chen po dang sbrang rtsi che/ /dur khrod kun gyi 'byung po yi/ /phyag rgya dpal ldan dbang phyug mchog /
189b7 shin du khro gdug gtum po yi/ /sems can khams rnams rnam sbyang phyir/ /'di ni dpal ldan he ru ka'i/ /rdo rje rgyal chen dbang phyug mchog /thod pa'i phreng ba'i dbu rgyan dang / /sangs rgyas gtsug gi nor bu dag /rgyal srid thams cad
189b8 rab bsgrub pa/ /ma lus lus pa med par 'grub/ /rdo rje kha T+wAM rdo rjer bcas/ /dril bu dkrol ba'i sgrar bcas pa/ /dpal ldan he ru ka babs pa'i/ /phyag rgya sna tshogs rnam sprul pas/ /sangs rgyas rdo rje pad+ma 'dzin/ /rdo rje nyi ma khams
190a1 gsum pa/ /rgyas btab rmongs byas de zos nas/ /thal bar gyur pa'ang 'tsho bar byed/ /dpal ldan rdo rje he ru ka rdo rje 'bab pa rnam par 'phrul pa/ pad+ma gar gyi dbang phyug ces bya ba'i phyag rgya'o/ /se ral ka yi tshul dag tu/ /
190a2 kha T+wAM ga la rgyab rten byas/ /lag pa g.yon na thod pa thogs/ /g.yas pa ba ldan gsum par bya/ /nam mkha'i phyag rgyas rnal 'byor pa/ /nam mkha' kun du 'gro bar 'gyur/ /bud med la sogs rin chen mchog /dngos po thams
190a3 cad mkha' las 'byin/ /phyag rgya 'di yis yongs btab nas/ /bde bar lhag pa'i tshul ston pas/ /nam mkha' las ni kun lhags te/ /bdag gi spyod par de spyod do/ /drag po dbang po nye dbang bcas/ /nyi zla mkha' 'gro mi bzad
190a4 tshogs/ /mkha' las sgyu ma kun blags nas/ /lus pa med par de za'o/ /namakha' thams cad mnyam sbyor ba/ /skal ba bzang po dpal rdo rje mkha' 'gro ma'i bde ba'i mchog ces bya ba'i phyag rgya'o/ /g.yas dang g.yon
190a5 pa'i sbyor ba yis/ /bde bar 'bab pa'i gar byed pas/ /dkyil mo dkrung ni phyed bcas la/ /rkang pa rang gi brla bsdams na/ /drag po dbang po nye dbang bcas/ /nyi zla gshen rje tshangs bcas pa/ /rgyas btab rmongs byas bslang nas
190a6 su/ /gar byed cing ni de za'o/ /de nyid kyi ni sbyor ba yis/ /de nas bde bar brla bsdams pas/ /legs par bsdams te phyer btags nas/ /rab tu bkram ste btung bar bya/ /sgyu ma de dag nyid kyis ni/ /de nas gla phrag bskyod pa
190a7 yis/ /skal bzang lha dang mi rnams kyi/ /bud med kun la de spyod do/ /bde bar reg pa thams cad mnyam par sbyor ba skal pa bzang po dpal rdo rje drag po gnas pa zhes bya ba'i phyag rgya'o/ /de nas gzhan yang rab bshad pa/ /
190a8 sangs rgyas mkha' 'gro'i dkyil 'khor du/ /dpal ldan he ru ka babs pa'i/ /phyag rgya sna tshogs gnas pa'o/ /zhi dang drag po rmongs pa'i mchog /dga' ba'i gar byed 'gyur bar bcas/ /shi ba ldang ba'i sbyor ba yis/ /
190b1 bde ba'i phyag rgya rab tu gnas/ /zhi dang drag po rmongs byed dang / /gyen du dbugs 'byin gar byed lus/ /lta ba'i phyag rgya grub pa'i mchog /gsang ba'i sbyor ba bde mchog gis/ /me tog bdug pa'i sbyor ba mchog /chang dang chu dang
190b2 lcug ma dang / /ras dang me gtong grub pa yis/ /khyad par du ni rgyas 'debs so/ /rtse gcig mnyam par sbyor ba yis/ /sbyor ba'i gnyer ba bde ba sbyin/ /mngon par gtor zhing se gol rdob/ /dal bus gyen du dbugs 'byin
190b3 pas/ /g.yon du blta zhing lag pas drangs/ /'o byed 'khyud pa de bzhin te/ /gar byed rab tu rmongs pa dang / /zad dang gsang ba'i lus rnams dang / /tshangs pa chen po'i mgo dang ni/ /de bzhin 'jig rten gsum las
190b4 rgal/ /de bzhin sa las 'dren pa dang / /rang gi phyag rgya'i tshul ston dang / /dur khrod dag gi gar byed dang / /de bzhin rlung gi dkyil 'khor dang / /rab tu 'jig par sreg pa'i me/ /las kyi phyag rgya rab tu gnas/ /dang po rgyas
190b5 'debs ma yi rgya/ /snying 'dren ma yi gnyis pa'o/ /gsum pa shin du rmongs byed ma'o/ /de bzhin bzhi pa 'degs byed ma'o/ /lnga pa gar byed pa yi rgya/ /drug pa gsod ma'i yin par bshad/ /bdun pa za ba mo yi rgya/ /
190b6 brgyad pa las kyi phyag rgya yin/ /de nas phyag rgya 'di kun gyi/ /phyag rgya'i lan rnams bla na med/ /phyag rgya'i bdag nyid kun 'joms pa/ /khyad par du ni bshad par bya/ /dpal ldan rdo rje pad+ma slong / /gar dag byed cing byas
190b7 na ni/ /rgyas btab rmongs byas zos pa dang / /thal sbyar gyur pa'ang 'tsho bar byed/ /de nas phyag rgya shes pa 'di/ /dpal ldan rdo rje sbyor ba'i glu/ /las rnams thams cad rab bsgrub pa/ /khyad par du ni bshad par bya/ /
190b8 gzigs pa rnam pa sna tshogs 'gyur ba'i rgyas thob la/ /rnam pa sna tshogs 'o byed 'khyud pas rmongs mdzad de/ /rnam pa sna tshogs bde ba'i mchog ston kun gsol pa/ /rnam pa sna tshogs bde mchog ngo mtshar
191a1 bstan du gsol/ /rgyas btab rmongs byas mnabs su gsol/ /bde mchog ngo mtshar bde ba zhugs/ /hU~M a la la ho gnang bar mdzod/ /rnal 'byor bde mchog sgyu mas sprul/ /dam tshig dag la 'jug du gsol/ /
191a2 nyon mongs kun las rgyal bar mdzod/ /ma lus pa dag mnabs su gsol/ /nyon mongs thams cad bsal bar mdzod/ /glu 'di dag ni blangs pa yis/ /rdo rje thams cad mnyam sbyor ba/ /mkha' 'gro sgyu ma bde ba'i
191a3 mchog /gdon mi za bar 'grub par 'gyur/ /dpal he ru ka'i rdo rje'i phyag rgya zhes bya'o/ /rnal 'byor de nyid bcom ldan 'das/ /rdo rje sems dpa' de bzhin gshegs/ /'dod chags thams cad rnam dag phyir/ /
191a4 pad ma'i phyag rgya dpal du gnas/ /mi 'gyur dam pa grub pa'i phyir/ /shel sgong shin tu dag pa 'dra/ /'dod chags thams cad bsal ba'i phyir/ /'bar ba sna tshogs 'khrigs pa'i 'od/ /sangs rgyas tshe ni rin chen spras/ /
191a5 gos dang sna tshogs rgyan gyis brgyan/ /sangs rgyas thams cad 'dus pa yis/ /bde ba can bzhin dam par 'gyur/ /gar stabs rnam pa sna tshogs kyis/ /yongs su bsgyur zhing gar byas pas/ /pad mo'i mtshan mchog pad
191a6 mor bcas/ /phyag na rgya rnams 'khor lo bskor/ /sangs rgyas rdo rje pad+ma 'dzin/ /rdo rje nyi ma khams gsum pa/ /pad+ma sgyu mas rnam sbyangs nas/ /sangs rgyas byang chub sgrub par mdzad/ /'dul ba'i thabs ni sna
191a7 tshogs pa'o/ /bskal pa bzang po dpal pad+ma gar gyi dbang phyug ces bya ba'i phyag rgya'o/ /g.yas dang g.yon pa'i sbyor ba yis/ /skyil mo dkrung ni phyed mar gnas/ /rgyal po'i skyil mo bkrung bcas nas/ /
191a8 sdug bsngal thams cad sel bar byed/ /dpal pad+ma rgyal po gnas pa zhes bya ba'i phyag rgya'o/ /snyems pa'i lag pa g.yon pa yis/ /pad+ma dmar po ci bder bzang / /rang gi snying gar 'dren pa'i tshul/ /
191b1 pad+ma 'dab ma kha 'byed pa'o/ /snyems pa'i lag pa g.yon pa yis/ /pad ma sngon po ci bder bzung / /rang gi snying gar 'dren tshul gyis/ /bud med phyag rgya bcing bar bya/ /snyems pa'i lag pa g.yon pa yis/ /
191b2 pad mo dkar po ci bder bzung / /'khor lo'i phyag rgya bcings nas ni/ /chos kyi 'khor lo rab tu bskor/ /snyems pa'i lag pa g.yon pa yis/ /pad+ma mthing kha ci bder bzung / /g.yas pas rab tu gar byed pa/ /
191b3 dpal gyi phyag rgya ba dan gsum/ /snyems pa'i lag pa g.yon pa yis/ /pad+ma ser po ci bder bzung / /g.yas pa rab tu gar byed pas/ /chu srin tshul du bsgreng bar bya/ /snyems pa'i lag pa g.yon pa yis/ /pad+ma
191b4 leb rgan mtshog bzung ste/ /rang gi snying gar 'dren tshul gyis/ /rdo rje'i phyag rgya bcing bar bya/ /rnam par gzigs pa'i rnam dag dpal/ /sgrol ma'i byang chub mchog yin no/ /rgya chen ma yin 'khor lo bskor/ /khro gnyer ma
191b5 ni phyag rgya'i lan/ /pad ma gnas pa'i dpal chen yin/ /'dod pa'i dbang mo'i 'gro ba gsum/ /dpal pad ma'i rgyal po'i rig pa'i lha mo chen mo rnams so/ /de nas phyag rgya shes pa 'di/ /pad+ma rgyal po dpal gyi glu/ /
191b6 las rnams thams cad rab sgrub pa/ /khyad par du ni bshad par bya/ /de bzhin gshegs pa kun la sogs pa'i gzugs mchog sna tshogs 'dzin/ /sems can rnam pa sna tshogs 'dul mchog dngos grub mchog mnga' ba/ /
191b7 kye sems dpa' pad+ma dga' mchog sgyu ma'i dga' ba bstan du gsol/ /a la la ho/ kye gar dbang thar dga' dga' ba'i gar mdzod cig /sangs rgyas rdo rje 'dzin bdag tshangs pa 'jug sel dbang phyug bdag /nyi zla
191b8 bdag lags a la la ho/ /pad ma sgyu ma dpal rnam pa sna tshogs 'dul mdzad pa'i tshul gyis gar mdzad pa/ /pad mo dam tshig dbang phyug sangs rgyas gar rnams mdzad du gsol/ /'dod chags rnam par sbyong ba
192a1 thams cad du ni rnam par sbyongs/ /pad+ma 'dzin pa de yi spyan sngar gar mkhan gar mdzod cig /glu 'di dag ni blangs pa yis/ /sna tshogs pad ma mnyam sbyor ba/ /mkha' 'gro sgyu ma bde ba'i mchog /gdon mi za bar
192a2 'grub par 'gyur/ /dpal pad ma gar gyi phyug gi phyag rgya'o/ /rnal 'byor de nyid bcom ldan 'das/ /rdo rje sems dpa' de bzhin gshegs/ /nor mchog rnam par sbyang ba'i phyir/ /dpal ldan nyi ma phyag rgyar gnas/ /
192a3 nam mkha'i snying po thams cad phyogs/ /re ba thams cad rdzogs mdzad pa/ /bud med la sogs rin chen mchog /rin chen thams cad mkha' las 'bebs/ /shin tu gdug cing gtum po la/ /zhi bas phan par mi 'gyur
192a4 te/ /shes rab thabs kyi nyi ma ni/ /dam pa'i don du drag por gyur/ /drag pos 'dul ba'i 'jig rten rnams/ /drag po nyid kyis sgrub par byed/ /nyi ma'i gzugs dang spyod lam dang / /tshul dang gzi brjid chen pos ston/ /rdo rje gzhu
192a5 dang mda' mchog dag /shin tu legs par 'grengs pa ste/ /mdangs gsal 'dzum dang bcas pa'i spyan/ /g.yon pa 'byed cing gyen du 'deg /drag po dbang po nye dbang bcas/ /nyi zla gshen rje tshangs pa yi/ /'jig rten
192a6 gsum po ma lus par/ /drag shul nyid gyis 'dul bar mdzad/ /dpal khams gsum rnam par rgyal ba zhes bya ba'i phyag rgya'o/ /rdo rje pus mo gnyis bcings te/ /rdo rje skyil mo dkrung bcas nas/ /bdag ni stan la 'dug nas
192a7 ni/ /bgegs rnams thams cad gzhig par bya/ /dpal rdo rje skyil mo dkrung ngo / /dbang skur ma dang gter bdag dang / /rgyal mtshan mchog ldan mchod pa che/ /ci lta'i tshul dag ston pa dag /rang gi don rnams 'grub pa'o/ /
192a8 de nas phyag rgya shes pa 'di/ /rgyal po'i sgyu ma mchog gi glu/ /las rnams thams cad rab bsgrub pa/ /khyad par du ni bshad par bya/ /khams gsum kun gyi rgyal srid sna tshogs mchog gi nor ldan pas/ /mjal dum g.yul
192b1 'gyed rnam mang khyad par sangs rgyas 'dul ba ste/ /rnam pa sna tshogs mjal dum rnam par rgyal ba'i rgyal mtshan can/ /rdo rje nyi ma rgyal po bde mchog sgyu ma bstan du gsol/ /sems can sprin la byang chub mchog sbyin sna tshogs
192b2 char 'bebs pa/ /bdag gi re ba kun sgrubs myur ston a la la ho/ /mi zad gter gyi dbang bskur khyad par bdag la stsal du gsol/ /khyad par rin chen 'di dag thams cad bud med rin chen rnams kyi phyir/ /rin chen tshogs kun
192b3 nang na bud med rin chen gcig pu mchog /bud med rin chen dag pa dam pa'i don du thams cad 'gro/ /glu 'di dag ni blangs pa yis/ /rgyal srid thams cad mnyam sbyor ba/ /mkha' 'gro sgyu ma bde ba'i mchog /gdon ma za
192b4 bar 'grub par 'gyur/ /dpal rdo rje nyi ma'i phyag rgya shes pa'o/ /rnal 'byor de nyid bcom ldan 'das/ /rdo rje sems dpa' de bzhin gshegs/ /drag shul sbyor bas rnal 'byor dpal/ /rta yi phyag rgya rab tu gnas/ /thams cad
192b5 dag par mos pa yis/ /sdig med stobs kyis ngo 'thon du/ /rab tu gdon pa'i rtsal dag gis/ /'jig rten thams cad rab tu 'joms/ /'dod chags can la g.yen par ston/ /gdug pa rnams la gdug par ston/ /zhi ba
192b6 rnams la zhi bar 'gyur/ /drag shul can la drag shul sbyor/ /zhal bzhi pa la phyag bzhi pa/ /zhabs bzhi pa la rmig pa bzhi/ /rta mgrin rgyal po chen po ste/ /dbang phyug dam pa grub par 'gyur/ /g.yon pa'i mdzub mo khu tshur gyis/ /
192b7 dpal ldan pad+ma sna tshogs 'dzin/ /rdo rjer bcas shing slong ba sgrub/ /g.yas pa ba dan gsum par bya/ /phyag rgya 'di yis btab na ni/ /shin du lhung bar gyur pa yang / /de ma thag tu kun bslang nas/ /ldang ba thams cad rab tu 'grub/ /
192b8 thams cad dag pa mnyam par sbyor ba skal ba bzang po/ dpal rdo rje slong ba zhes bya ba'i phyag rgya'o/ /g.yas dang g.yon pa'i sbyor ba yis/ /brkyang bskum pa yi tshul byas nas/ /khro bo'i skyil mo dkrung bcas te/ /
193a1 'jig rten thams cad rab tu bshig /dpal rdo rje khro bo gnas pa'o/ /de nas phyag rgya shes pa 'di'i/ /rta mchog dpal dang ldan pa'i glu/ /las rnams thams cad rab sgrub pa/ /khyad par du ni bshad par bya/ /myos
193a2 byed stong las lhag par bde ba 'dod pa'i gzugs ston pa/ /'dul ba'i dbang gis gshen rje stong las lhag par rab tu 'jigs/ /zhi ba'i sku yang tshangs pa stong pas shin tu lhag par ston/ /dkyil 'khor kun gyi mchog tu
193a3 de bzhin gshegs kun 'grub par mdzod/ /thams cad rnam par dag pas ngo 'thon stobs kyis gnon pas non/ /hi he he he he dbang phyug thams cad rab shig rab tu shig /rab kyi rtsal gyis gnon pa'i stobs kyis ngo 'thon
193a4 dbang phyug non/ /sbyor chen hu lu hu lu mig gsum pa las gsum grub drongs/ /rab kyi rtsal gyis gnon pa'i stobs kyis ngo 'thon mthu chen non/ /mnyam sbyor ru Ta ma Ta snying las dpal mo drongs shig rab drongs shig /
193a5 rab kyi rtsal gyis gnon pa'i stobs kyis ngo 'thon tshangs pa non/ /sbyor chen mtshangs las grol ma drongs shig sma ra Ta/ /rab kyi rtsal gyis gnon pa'i stobs kyis ngo 'thon dga' dbang non/ /mnyam sbyor kun gyi bdag la
193a6 dga' drongs a la la ho/ /gdug cing khro la rab gtum pa'i sems can bsgral ba'i phyir/ sgrub zhugs a la la ho/ /u0f00 sum+b+ha ni sum+b+ha hU~M phaT phaT/ /mdza' bo mi la bya 'am mi bya yongs rtog de dag med kyang sla/ /de 'dra'i
193a7 mdza' bo sgyu ma yin pas de la mdza' bshesu zhig zer/ /rgol ba la yang bya 'am mi bya yongs su rtog pa med kyang sla/ /de 'dra'i rgol ba sgyu ma yin pas de la dpa' zhes su zhig zer/ /glu 'di blangs pa tsam gyis ni/ /rta mchog mnyam
193a8 par sbyor ba yi/ /mkha' 'gro sgyu ma bde ba'i mchog /gdon mi za bar 'grub par 'gyur/ /thams cad 'byung ba'i phyag rgya shes pa'o/ /mdzub mos mthe bo mnan nas ni/ /rang gi mthe bos mdzub mo mnan/ /dpal grub spyan gyi
193b1 phyag rgya ste/ /mdzub mo mig gi 'bras bur bya/ /rdo rje thal mo mnyam sbyar nas/ /rdo rje spyan ni gnyis dag tu/ /khong stong du ni sbyor bar bya/ /dpal grub rdo rje'i spyan yin no/ /'dis ni sangs rgyas thams cad dang / /de bzhin dpa' bo thams cad dang / /
193b2 rdo rje 'dzin pa thams cad du/ /tshe 'di nyid la 'grub par 'gyur/ /dpal grub spyan ni grub pa ste/ /sems can thams cad dbang byed pa/ /las kyi dngos grub rab 'byam rnams/ /ma lus dngos grub myur du 'grub/ /rdo rje thal mo
193b3 mnyam sbyar te/ /mdzub mo gnyis kyi rtse mo dgug /mthe bo'i rtse mo mnyam par gzhag /khong stong mi 'gyur dam pa'o/ /spyi bo'i mtshams su rab bzhag nas/ /'di yis bsrung ba byas na ni/ /sangs rgyas dngos grub ma lus
193b4 pa/ /lus pa med par 'grub par 'gyur/ /sems dpa'i gtsug gyi phyag rgya'o/ /rdo rje thal mo gyen du dbye/ /mdzub mo gnyis kyi rtse mo dgug /mthe bo gnyis kyi mche ba gtsigs/ /'jigs pa'i rdo rje gnod sbyin ma/ /'grub
193b5 pa bdud la sogs pa za/ /de bzhin du ni rmongs par byed/ /dbab pa thams cad rab tu 'grub/ /de bzhin rnam par shes pa sgrub/ /gter rnams 'byin par byed pa dang / /de bzhin nor kun 'phrog par byed/ /ngal bso po ni dpal
193b6 mnan te/ /dpal mo dag kyang phrogs nas ni/ /mngag gzhug mar ni byed pa dang / /gnod sbyin ma dang dga' ba spyod/ /gnod sbyin dag gi sde dpon du/ /'dis ni myur du 'grub par 'gyur/ /dpal rdo rje gnod sbyin gyi phyag rgya'o/ /rdo rje thal
193b7 mo mnyam sbyar nas/ /gung mo mnyam par rab tu bsgrub/ /mthe bo mthe'u chung 'dab ma bzhi/ /pad+ma dri med rab tu rgyas/ /'dis ni sdig rnams 'byang bar 'gyur/ /sdig pa byang na rab tu 'grub/ /sangs rgyas byang chub mngon sangs rgyas/ /
193b8 rdo rje sems dpa' nyid du 'gyur/ /dpal ldan pad ma'i phyag rgya'o/ /rdo rje thal mo mnyam sbyar la/ /'dzugs mo mnyam par phyir bskug ste/ /mthe bo rdo rje g.yogs pa ni/ /rdo rje dpal gyi nor bur ste/ /phyag rgya 'di yis btab na ni/ /
194a1 nam mkha' thams cad rab 'grub ste/ /bud med la sogs rin chen mchog /mkha' las dngos rnams thams cad spyod/ /rdo rje thal mo mnyam sbyar nas/ /mthe'u chung srin lag mnyam par brkyang / /mdzub mo rtse mnyam
194a2 bkug pa ni/ /dpal mchog zhes ni grags pa ste/ /phyag rgya 'di yis btab na ni/ /sangs rgyas byang chub rab 'brel na/ /thams cad dga' bar byed pa'i dpal/ /lha yi skal bzang smos ci dgos/ /dam tshig gi phyag rgya shes pa'o/ /
194a3 lus dang ngag sems rdo rje yi/ /mtshan ma'i phyag rgyar rab byas te/ /thams cad 'byung ba'i sbyor ba yis/ /bdag gi lhar ni bdag nyid bya/ /'dis ni sangs rgyas thams cad dpal/ /de bzhin dpa' bo thams cad dang / /rdo rje 'dzin pa thams
194a4 cad du/ /tshe 'di nyid la 'grub par 'gyur/ /sangs rgyas kun bdag dngos grub ni/ /chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /sangs rgyas thams cad mnyam sbyor ba'i/ /mkha' 'gro sgyu ma bde
194a5 mchog 'dis/ /mi 'grub 'byor pa mi 'gyur ba'i/ /dam pa rgya chen gang yang med/ /dam tshig chen po'i phyag rgya shes pa'o/ /rdo rje sems dpa' dpal sbyor ba'i/ /ji lta'i gzugs dang dbyibs su ldan/ /bde gnyis kyis ni kun gyi
194a6 bdag /kun gyi bdag la zhugs par bya/ /phyag rgya 'di yis rnal 'byor pa/ /'dod pa bzhin du 'gro 'ong lding / /rgyal po'i sangs rgyas kun dang 'dra/ /rdo rje sems dpa' rab tu 'grub/ /sangs rgyas thams cad dang mnyam par sbyor
194a7 ba skal pa bzang po'i dpal rdo rje sems dpa' zhes bya ba'i phyag rgya'o/ /chags pa med cing ma chags med/ /dbu mar yang ni dmigs su med/ /bud med kun gyi sgyu sbyor 'di/ /gnyis su med pa'i theg pa'i mchog /
194a8 phyag rgya 'di yis btab na ni/ /'dod pa bzhin du 'gro 'ong lding / /dpal ldan sgyu ma kun gyi bdag /rdo rje sems dpa' rab tu 'grub/ /sgyu ma thams cad kyi lha mo'i phyag rgya shes pa'o/ /yod pa ma yin med pa'ang min/ /
194b1 dbu mar yang ni dmigs su med/ /shes rab pha rol phyin por ba/ /sangs rgyas byang chub rab 'grub pa'o/ /thams cad namakha'i mtshan nyid de/ /namakha' la yang mtshan nyid med/ /khams gsum dag ni ma lus pa/ /
194b2 thams cad sgyu ma lta bu ste/ /ji ltar sgyu ma thams cad du/ /mthong ba dang ni rig par 'gyur/ /dmigs su yod pa'ang ma yin te/ /de bzhin 'gro ba kun gyi tshul/ /phyag rgya 'di yis rnal 'byor pa/ /'dod pa bzhin du 'gro
194b3 'ong lding / /bud med la sogs rin chen mchog /mkha' las dngos rnams thams cad spyod/ /dngos po med par bdag sbyor bas/ /namakha' kun dang mnyam sbyor ba/ /mkha' 'gro sgyu ma bde ba'i mchog /shin tu rtag
194b4 par 'grub par 'gyur/ /ji ltar pad+ma dmar po 'di/ /chags pa'i nyes pas mi gos pa/ /rnal 'byor ldan pa'ang de bzhin du/ /gnas kyi nyes pas yong mi gos/ /shin tu gdug cing drag po la/ /zhi bas phan par mi
194b5 'gyur te/ /shes rab thabs kyi sbyor ba ni/ /rnam par rgyal phyir rab tu drag /thams cad dag par mos pa yis/ /sdig med stobs kyi ngo 'thon du/ /drag shul sbyor bas mnyam sbyor ba/ /'jig rten thams cad gzhom
194b6 par bya/ /sbyor ba'i phyag rgya shes pa'o/ /sbyor ba ji snyed yod kun dang / /byed pa rnam pa sna tshogs la/ /rdo rje sems dpa' dpal gyi rgya/ /dngos grub thams cad rab bsgrub pa'o/ /byed pa'i phyag rgya 'di rnams kyis/ /
194b7 'dod pa bzhin du 'gro 'ong lding / /chags pa chen po dbang phyug dpal/ /rdo rje sems dpa' rab tu 'grub/ /kun tu sna tshogs skal pa bzang po dpal dam tshig ces bya ba'i phyag rgya'o/ /bya ba dang ni bzlog pa dang / /khyad par
194b8 du ni 'phrog pa dang / /yan lag kun tu byed pa yis/ /de ni nor rnams kun kyang phrogs/ /'o byed 'khyud la sogs pa yis/ /khams gsum pa yang rgyas 'debs so/ /thar par byed cing gsod par byed/ /shi yang mod la sos
195a1 par byed/ /sbyor ba'i longs spyod thams cad kyis/ /gnas gsum po ni ma lus par/ /rgyas btab rmongs byas bslang nas su/ /gar byas nas ni za bar byed/ /sbyor ba kun gyi bde myong bas/ /khams gsum pa ni
195a2 ma lus pa/ /rgyas btab rmongs byas zos pa dang / /thal bar gyur pa'ang 'tsho bar byed/ /sbyor ba thams cad kyi phyag rgya shes pa'o/ /lha mo kun gyi bde ba'i mchog /mdzes pa'i zhal ni rnam bsgyur zhing / /bde ba myong ba rab
195a3 sbyor ba/ /mdzes par lta ba'i gar byed pas/ /sangs rgyas rdo rje pad ma 'dzin/ /rdo rje nyi ma khams gsum pa/ /rgyas btab rmongs byas zos pa dang / /thal bar gyur pa'ang 'tsho bar byed/ /bud med mkhas pa sgyu ma che/ /mdzes
195a4 pa'i bzhin ni rnam bsgyur ba/ /rim gror bcas shing steg pa'i mchog /mdzes par lta bas gar byas pa/ /sangs rgyas pad+ma rdo rje 'dzin/ /rdo rje nyi ma khams gsum pa/ /rgyas btab rmongs byas bslang nas ni/ /zos nas
195a5 slar yang 'tsho bar byed/ /sangs rgyas byang chub mnyam sbyor ba/ /rab tu dga' bar lta zhing 'dzum/ /shin du srid pa yang dag sgrub/ /gsang bar lta la gnas na ni/ /drag po dbang po nye dbang bcas/ /nyi zla gshen rje tshangs
195a6 bcas pa'i/ /srid pa shin tu kun bsgrubs nas/ /rigs gsum dag ni sgrub par byed/ /steg la sogs pa'i nyams dang ldan/ /mdzes pa'i bzhin ni rnam bsgyur zhing / /rim gror bcas shing steg pa'i mchog /
195a7 steg pa'i lta bas gar byed cing / /mdzes pa'i tshul dang thabs rnams kyis/ /drag po dbang po nye dbang bcas/ /nyi zla gshen rje tshangs bcas pa'i/ /'jig rten gsum dag sgrub par byed/ /mche ba cung zad gtsigs pa'i
195a8 kha/ /khro zhing 'dzum dang bcas pa'i bzhin/ /khro la 'gyur bar bcas shing 'dzum/ /gsal bar blta zhing legs par gnas/ /drag po dbang po nye dbang bcas/ /nyi zla gshen rje tshangs bcas pa/ /rgyal po sgyu mas
195b1 rnam rgyal nas/ /khams gsum dag ni sgrub par byed/ /'dod chags myos pas g.yen spyo ba/ /mdzes pa'i bzhin ni rnam par bsgyur/ /'di ni bzhin gyi phyag rgya mchog /khams gsum dag kyang dga' bar byed/ /
195b2 drag po mche ba rnon po gtsigs/ /gdug pa za ba 'jigs byed 'jigs/ /g.yas pa'i bzhin gyi phyag rgya yis/ /khams gsum dag kyang za bar byed/ /dngos grub kun gyi bde ba'i mchog /rab tu dga' bar lta
195b3 zhing 'dzum/ /g.yon pa'i rang bzhin phyag rgya yis/ /khams gsum dag kyang thar bar byed/ /spyi bor rta mgrin gsang mtho ba/ /rta gdong ljang ser kha dor gsal/ /so gtsigs pas ni mchu mnan na/ /'jig rten thams cad
195b4 'jigs par byed/ /bzhin gyi phyag rgya shes pa'o/ /lha mo kun gyi bde ba'i mchog /mdzes pa'i ma mchu sos mnan te/ /'dzum pa'i phyag rgya mchog 'di ni/ /sangs rgyas thams cad dgyes par byed/ /'dod chags bde bas g.yem
195b5 spyo ba/ /steg pa'i ma mchu sos mnan pa'i/ /'dzum pa'i phyag rgya mchog 'di ni/ /khams gsum dag kyang dga' bar byed/ /sbyor ba kun gyi bde ba mchog /mdzes pa'i ma mchu g.yo bar byed/ /'dzum pa'i phyag rgya mchog 'di ni/ /
195b6 khams gsum dag kyang dga' bar byed/ /sha chen gyi ni ro myong zhing / /ma mchu so yis mnan pa yis/ /'dzum pa'i phyag rgya mchog 'di ni/ /khams gsum dag kyang za bar byed/ /bde ba kun gyi ro myong zhing / /ma mchu rnam par mdzes
195b7 byas pa/ /'dzum pa'i phyag rgya mchog 'di ni/ /thal bar gyur pa'ang 'tsho bar byed/ /'dzum pa'i phyag rgya mchog shes pa'o/ /bde ba myong bar rab sbyor ba/ /zam zim lta ba rnams bsgyur bas/ /rgyas btab rmongs byas zos pa
195b8 yis/ /khams gsum dag kyang 'tsho bar byed/ /bud med mkhas pa sgyu ma'i mchog /mdzes par blta ba'i gar byas pas/ /rgyas btab rmongs byas bslang nas ni/ /khams gsum dag kyang sgrub par byed/ /sangs rgyas
196a1 gsang ba'i mnyam sbyor ba/ /lta ba rab zhi bde bar gnas/ /lta ba'i phyag rgya mchog 'di ni/ /bud med thams cad dbang du byed/ /smin mtshams khro gnyer 'gyur bcas pas/ /lta ba rab tu par rnam par bsgyur/ /
196a2 lta ba'i phyag rgya mchog 'di ni/ /khams gsum dag kyang 'bar bar byed/ /khro zhing 'gyur bar bcas pas 'dzum/ /lta ba gsal la bde ba gnas/ /lta ba'i phyag rgya'i mchog 'di ni/ /khros pa thams cad rab tu bsgrub/ /
196a3 steg la sogs pa'i ro dang ldan/ /steg bcas lta ba'i gar byed pa/ /lta ba'i phyag rgya mchog 'di ni/ /khams gsum dag kyang gar byed 'jug /lta ba'i phyag rgya shes pa'o/ /na mastu sar+b+ba bud+d+he b+h+yoH zhes pa'i phyag rgya la gnas
196a4 na/ /las dang mchod pa ma lus pa/ /lus pa med pa thams cad 'grub/ /rang byung rnams kyi mchod pa kun/ /chos dbyings mnyam dang mi mnyam pa/ /nam mkha' dbyings kyi mtha' klas pa/ /lan cig brjod pas 'grub pa'i
196a5 phyir/ /dam pa'i chos kyi phyag rgya 'dis/ /gang dag byas par ma gyur cing / /spel ba dag tu ma gyur pa'i/ /dam pa rgya chen de dag med/ /oM ru rus+phu ru dz+wa la tiSh+Tha sid+d+ha lo tsa ne sarbAr+tha sA d+ha ni swA hA/ chos kyi phyag rgya mchog 'di ni/ /
196a6 sems can thams cad dbang byed pa/ /stobs kyi myur du bkug nas ni/ /bran bzhin du ni byed du 'jug /su b+ha gAsta~M ma hA na de bi he ri/ mi ri/ ri di/ ni ri shri ye swA hA/ chos kyi phyag rgya dam pa 'di/ /'dod pa'i bde ba kun sbyin
196a7 pa'o/ /oM tA re tut+ta re tu re swA hA/ chos kyi phyag rgya la gnas pa/ /sangs rgyas byang chub rab bsgrubs na/ /bud med gzhan lta ci zhig smos/ /trAM b+ha ba Ta Ta/ tra tra tra tra/ re ba thams cad kun nas rdzogs/ /chos kyi phyag rgya
196a8 dam pa 'di/ /re ba thams cad rdzogs byed pa'o/ /shrI badzra pad+ma b+haD+Da b+ha mu kha yo gi sha ra hi hi hi hi hi/ chos kyi phyag rgya dam pa 'di/ /'jig rten thams cad rab tu 'jig /chos kyi phyag rgya shes pa'o/ /skad kyi gsang
196b1 ni mtho dman dang / /gre sgyur bcos shing bzlas pa dang / /dus rab zhi ba mchog rnams kyis/ /hU~M la sogs pa'i glu blang zhing / /tshig rnams kun gyi ci 'dod par/ /ji ltar spro bar glu kun gyis/ /hU~M gi glu yi phyag rgya dpal/ /
196b2 rdo rje sems dpa' rab sgrub pa'o/ /lha mo kun gyi lha mo mchog /cha lugs bzhin du gar bya zhing / /ka ka la sha Da b+ha la sogs/ /glu rnams thams cad rjes su blang / /oM gyi glu yi phyag rgya ni/ /tshangs pa'i dbyangs kyis
196b3 ci dgar blang / /ma lus lus pa med pa yi/ /sems can thams cad thar bar byed/ /rdo rje drag po gad mo che/ /mkhur ba'i dbugs kyis rlung 'byin cing / /'brug gi sgra ltar zab pa yi/ /ru lu ru lu'i sgra byung na/ /phyag rgya
196b4 'di yis rnal 'byor pa/ /khams gsum dag kyang rgyas 'debs zhing / /thar par byed cing gsad par byed/ /shi ba mod la 'tsho bar byed/ /rdo rje drag tu bzhad pa zhes bya ba'i phyag rgya'o/ /Ta zhes bya ba'i glu yi rgya/ /thams
196b5 cad dag par bsgrub pa'o/ /hi zhes bya ba'i glu yi rgya/ /khams gsum rnam par rgyal bar byed/ /ka ka la l+yA+e dang tso ra'i dbyangs/ /de bzhin rab tu gdangs snyan dang / /ka ha sha yi gru yi rgya/ /'joms pa thams cad grub pa'o/ /
196b6 glu yi phyag rgya shes pa'o/ /gling bu dang ni rgyud gcig dang / /de bzhin rgyud mangs rgyud stug dang / /sil snyan phyag rgya bshad pa rnams/ /las rnams thams cad rab sgrub pa'o/ /cha lugs bzhin du gar byed pas/ /
196b7 ma brdungs par yang rab tu 'grub/ /las rnams kun la mchog tu ni/ /brdungs na dpal ni bzhi 'gyur 'grub/ /snying po phyag rgya sngags rig dang / /bya ba rnam pa sna tshogs dang / /rnam par sel la sogs pa'i thabs/ /
196b8 dngos grub thams cad rab bsgrub pa'o/ /dzaHhU~M ba~M ho/ ru Ta Ta ma Ta Ta/ sma rA ra Ta/ hu lu hu lu/ pra sid d+h+ya/ Tak+ki hU~M dzaH ka ni d+hu ni hU~M druM/ Tak+ki hU~M dzaH hu lu hu lu/ a la la la ho/ shud d+h+ya sid d+h+ya/ da ri ShA ya sar+b+ba na Ta g+hai g+hai/
197a1 Ta Ta g+hai g+hai g+hai/ Ta g+hai Ta ke gai gai gai/ Ta ta kai/ Ta ge/ ho na To Na/ Tak+ki hU~M dzaH/ ge te ge d+ho na/ Tak+ki hU~M trun/ a la la la ho/ ru Ta ma Ta/ thal mo brdab pa rtag pa'o/ /Ta g+he Ta g+he/ /Ta g+he he/ Ta ken+na Ta/ g+hen g+hen g+heM/ Ta
197a2 gain gen Ta gain/ rgyun gyi rnga'o/ /Ang Ang Ang / /hAng hAng hAng / bAng bAng bAng / ng+hang ng+hang ng+hang / dam tshig gsum gyi rnga'o/ /d+he k+hong k+hong k+hong k+hong / d+he badzra badzra N+yang / kong kong kong / hU~M b+h+yo hU~M b+h+yo hU~M b+h+yohU~M b+h+yo/ ru lu ru lu hU~M b+h+yo
197a3 d+heng / k+hong k+hong k+hong / D+Nang / k+hong k+hong k+hong k+hong / D+Ne ko+ong ko+ong ko+ong / dpal rdo rje he ru ka'i rdo rje rnga'i phyag rgya'o/ /pad+ma pad ma hri/ pad+ma pad+ma shIng / pad+ma pad+ma hrang / dpal pad mo brdabs pa'i rnga'o/ /trang trang trang / b+ha b+ha b+ha b+ha b+ha b+ha b+ha/
197a4 ta Ta tA TA TA TA TA TA TA/ tAng / tA tA tA/ trA trA trA trA trA/ tran Ta~M ke tat+kung tra/ tud Ta ta tra/ rgyal po'i rnga'o/ /Tak+ki hU~M dzaH Tak+ki hU~M dzaH Tak+ki hU~M dzaH snyems pa'i 'gros so/ /trA TA trA trA trA trA trA/ myur zhing rab tu myur ba'o/ /ta Ta b+ha ta/ ba trun/
197a5 ta thA b+ha te/ ba hU~M/ ta Ta b+ha ta ta b+ha hi na dpal mchog rta rnam par rol pa'o/ /ta tA b+ha Ta Ta b+ha tAd tra/ shin tu myur ba'i rnga'i phyag rgya ste/ /sil snyan gyi phyag rgya shes pa'o/ /rdo rje sems dpa' bdag sbyor bas/ /lag gnyis
197a6 rdo rjer bcas pa yi/ /rdo rje se gal brdabs pa yis/ /sangs rgyas thams cad bsdu bar bya/ /de yi bka' tsam gyis skrag nas/ /'khor gyi dkyil 'khor dang bcas pa'i/ /sangs rgyas kun kyang 'du 'gyur na/ /
197a7 gzhan lta smos kyang ci zhig smos/ /g.yon pa'i se gol brdabs pa dang / /thal mo dal bus brdabs pas 'grub/ /g.yas pa'i thal mo yin par gsungs/ /gnyi ga kun du sdud pa yin/ /thal mo'i sbyor
197a8 ba rab sbyor bas/ /las kyi tshul bzhin 'brang ba dang / /thal mo dal bus bsdu ba dang / /glu dang sil snyan gar byed pas/ /steg dang dpal dang snying rje dang / /rgod dang khro dang 'jigs pa dang / /mi sdug ngo mtshar zhi ba yi/ /
197b1 nyams kyis phyag rgya dang don sgrub/ /steg la sogs pa'i nyams dang ldan/ /sna tshogs phyag rgya'i gar byas pas/ /thams cad bdag nyid rgyar sbyor bas/ /dbab pa thams cad rab tu 'grub/ /rdo rje sems dpa' steg pa la/ /dpa' la dpa'
197b2 bo de bzhin gshegs/ /rdo rje 'dzin pa snying rje la/ /rgod pa 'jig rten dbang phyug mchog /rdo rje nyi ma khro ba la/ /rdo rje drag po 'jigs pa la/ /shAkya thub pa mi sdug la/ /ngo mtshar la ni a ra li/ /rab tu zhi la sangs rgyas rtag /sdug bsngal thams
197b3 cad zhi ba'i phyir/ /dngos po kun gyi rang bzhin gyis/ /nye bar gnas shing byin gyis rlobs/ /lta bas mi ngoms pa yi gzugs/ /thams cad bdag nyid ston par mdzad/ /legs so zhes bya 'grub pa yi/ /mchog tu gyur pa rab tu stsol/ /thams
197b4 cad bdag nyid grub pa'i mchog /re ba thams cad yongs rdzogs pa/ /sangs rgyas kun tu 'gyur ba'i mchog /rnal 'byor dam pa ster bar 'gyur/ /phyag rgya sbyor ba 'di dag gis/ /rang gi mchod pa rab tu sbyar/ /rdo rje sems dpa' dpal gyi
197b5 lha'i/ /sbyor ba thams cad rnam 'phrul dang / /phyag rgya phyag rgya'i lan rnams dang / /sna tshogs phyag rgya rnam sprul pas/ /yid la bsams pa kun rdzogs phyir/ /mchod pa dam pa sbyar bar bya/ /kun du sna tshogs skal bzang po/ /kun gyi
197b6 slob dpon bdag nyid bsgyur/ /kun 'byung la sogs sbyor ba yis/ /rgol ba bdag dang gar byas te/ /sangs rgyas thams cad 'byung bar 'gyur/ /de nas slar ni rgol ba yang / /rdo rje 'dzin pa chen por bsgyur/ /rgal ba'ang de nas
197b7 tshul bzhin du/ /pad+ma gar 'byung mchog tu bsgyur/ /de nas slad du rgal ba yang / /rdo rje nyi ma mchog tu bsgyur/ /de nas phyir yang rgol ba ni/ /rta mchog 'byung bar bsgyur bar bya/ /de nas slar ni rgal ba yang / /bdag nyid 'byung
197b8 bas rab tu 'grub/ /de nas phyag rgya shes pa 'di/ /sdom pa thams cad rab ston pa/ /rdo rje sems dpa' dpal gyi glu/ /khyad par du ni bshad par bya/ /la lar dri med zla ba'i dkyil 'khor stong las mdzes pa'i gzugs su rnam par snang / /la lar rab tu
198a1 'jigs pa'i nyi ma bye ba phrag dgu'i 'od zer mchog pas 'jigs/ /la lar mdangs bzang gzi brjid che ba de dang zhi bar ldan pa rgyal ba'i gzugs su snang / /la lar 'gro ba thams cad mnyam par 'jog pa'i gzugs
198a2 ldan gsung mchog ldan par ston/ /rdo rje sems dpa' 'grub phyir 'dul la mkhas pa ma lus bde ba'i mchog rnams las/ /a ra li rnams mnyam sbyor grub mdzod ru Ta ma Te a la la ho/ /rnam pa mang po 'dul bar mdzad
198a3 pa'i tshul la gar mkhan mchog gis gar mdzad pa/ /dam tshig gar gyi dbang phyug sangs rgyas gar mdzod a la la ho/ /rnam mang bde mchog rab tu gar mdzad pa yis thar pa'i bde ba'ang thob par mdzod/ /'di dag
198a4 glur ni blangs pa yis/ /sangs rgyas thams cad mnyam sbyor ba'i/ /mkha' 'gro sgyu ma bde ba'i mchog /'grub par 'gyur bar gdon mi za/ /de ltar rab tu gar byas te/ /de las gang zhig pham gyur pa/ /tshogs la de yis
198a5 tshogs kyis zas/ /yon dang bcas par dbul ba bya/ /mchod pa'i cho ga 'di dag gis/ /sdig pa kun las thar par 'gyur/ /bsod nams thams cad 'phel bar 'gyur/ /de bzhin rtag par bsrungs par 'gyur/ /
198a6 rims dang dug dang dbyig dug dang / /mkha' 'gros gtse dang gdon rnams dang / /bdud dang sems can dmyal ba'i rnams/ /'di yis rab tu zhi bar 'gyur/ /dngos grub rnams dang phun sum tshogs/ /dga' dang de
198a7 bzhin bdag po dang / /sangs rgyas dam pa thams cad dang / /phyag rgya'i mchog rnams 'grub par 'gyur/ /gar gyi phyag rgya shes pa'o/ / rab tu dga' ba rjes su rab tu chags dga' ba'i mda' gzhu rab tu pha ma'i
198a8 rgyas btab pas/ /rab tu dga' bar sbyor ba'i bde bas myos pa bde ba thams cad bdag la grub par mdzod/ /rab tu bde mchog rnam pa sna tshogs rnam par rgyal ba'i rgyal mtshan bsgreng ba'i longs spyod dang / /
198b1 rab tu dga' ba'i dbang phyug tshe mchog grub pas de bzhin gshegs pa zhugs ho rta mchog ho/ /rab tu sna tshogs bde ba'i mchog la rol cig ho/ /bde bas slong la rnam par rol hU~M snang bar mdzod/ /a la la ho/
198b2 de bzhin gshegs pa kun gyi mkha' 'gro sgyu ma sna tshogs kyis/ /slob ma gzung du gsol/ kye bde ba'i mchog grub par mdzod/ kye ma'o bde ba bde ba stsol/ /dam par rab tu zhugs par mdzod/ /bdag la rab tu dgyes par
198b3 gyur/ /a la la ho/ e ma'o/ /shi shi zhugs shig zhugs shig /mkha' 'gro bde mchog yongs bskor kun du zhugs/ /'di dag glur ni blang pa yis/ /sangs rgyas thams cad mnyam sbyor ba/ /mkha' 'gro sgyu ma bde ba'i
198b4 mchog /grub par 'gyur ba gdon mi za/ /rdo rje sems dpa' sdud pa dang / /rdo rje rin chen bla med pa/ /rdo rje chos ni gsungs pa dang / /rdo rje las ni byed par 'gyur/ /hU~M rdo rje las kyi mda' gzhu la phyag 'tshal lo/ /dpal rdo rje
198b5 chags pa'i dam tshig la phyag 'tshal lo/ /rdo rje kha T+wA~M ga rab tu 'jigs pa la phyag 'tshal lo/ /dpal rdo rje dril bu rab tu 'khrol ba la phyag 'tshal lo/ /la lar rab tu drag cing skyo bar drag la drag pa'i bud med sku ltar rab tu
198b6 snang / /'gro ba mtha' yas 'dul phyir la lar rab tu rno ba'i 'khor lo phyag na bsnams pa'i sku/ /la lar rab tu des zhing zhi ba mi 'gyur sbyin pa tshangs pa'i skur yang ston par mdzad/ /la lar rab tu 'bar ba'i chags pa pad+ma rgyal
198b7 po'i dam tshig bdag la grub par mdzod/ /thams cad dbang bskur dbang phyug dam pa mi zad gter mchog bdag la grub pa mdzad du gsol/ /kun mchog rgyal mtshan rnam rgyal bsgreng ba'i rdo rje rin chen shin tu che ba bdag la grub
198b8 par mdzod/ /la lar mkhas pa'i gzugs kyang 'dzin/ /la lar dus mtha'i dus ltar drag /la lar rgyal ba'i dbang po bzhin du zhi/ /la lar rta mchog sbyor bas 'dod pa sgrub/ /rdo rje glu'i mchod pa'i phyag rgya shes pa'o/ /
199a1 me tog dkar dang dmar ba dang / /mthing ga ser po kun bsdus pa/ /me tog phyag rgya mchog 'di ni/ /'dod pa'i yon tan lnga la spro/ /rgya skegs mthing ga ljang khu'i mdog /tshon sna bzhi yis bcos pa dang / /dkar
199a2 po lnga yi phyag rgya dag /snga ma bzhin du mnyam par sgrub/ /khams las byung ba thams cad dung / /srog dang rtsa ba'i de bzhin te/ /rims par mdzes shing dri zhim pa/ /snga ma bzhin du mnyam par bsgrub/ /tsan dan gnyis
199a3 dang gla rtsi dang / /ga bur na ga sha la ki/ /bdug pa bu ram dang sbyar ba/ /las rnams thams cad rab sgrub pa'o/ /gan dar dri dang gu gul dang / /sardza ga bur gla rtsi dang / /rdzas 'di dag las brtsos pa'i mar/ /me mar byas na snang ba
199a4 skye/ /tsan dan gur gum spri ka dang / /ga bur dang ni gla rtsi dang / /bcas pa bdug pa grub pa ste/ /spos kyi phyag rgya spos mchog 'gyur/ /k+ko la dang sug smel dang / /gla sgang ga bur gla rtsi dang / /'di rnams zhib du btags pa na/ /
199a5 seng ldeng bu ram dag kyang sbyar/ /shing tshwa pa tra lo dra dang / /na le sham dang ga bur sbyar/ /sa ha ka re shing mngar gyis/ /sprus pa kha yi spos yin na/ /dpal rdo rje sems dpa'i phyag rgya sbyor ba'o/ /me tog dmar po sangs rgyas la/ /
199a6 rdo rje can la sna tshogs pa/ /'jig rten dbang la me tog dkar/ /ser po mkha' las byung ba la/ /tsan dan bdug pa sangs rgyas la/ /rdo rje can la du rus ka /spyan ras gzigs dbang ka pi ta/ /ce pog rdo rje nyi ma la/ /
199a7 mar me phreng ba sangs rgyas la/ /rdo rje can la mar me mdun/ /spyan ras gzigs la mar me brgya/ /stong ni rdo rje nyi ma la/ /sangs rgyas rnams la tsan dan spos/ /rdo rje can la gur gum yin/ /spyan ras gzigs la
199a8 tsan dan dmar/ /ga bur rdo rje nyi ma la/ /me tog kun dang bdug pa kun/ /de bzhin mar me thams cad dang / /spos rnams thams cad ji snyed pa/ /rdo rje rta la dbul du rung / /mchod pa thams cad kyi phyag rgya
199b1 shes pa'o/ /sgeg mo dang ni na chung dang / /myos dang de bzhin bdud rtsi dang / /gcig tu dbang dang 'dod chags sra/ /g.yon can bran mo de bzhin te/ /lan tshwa la sogs ro kun dang / /kha ra la sogs bdud rtsi bzhin/ /bdag nyid gyi ni
199b2 ro sgrub pa/ /ma lus lus pa med par 'grub/ /sha dang chang du ldan pa yi/ /bza' ba sna tshogs grub pa ni/ /dga' ba'i longs spyod skal mchog ste/ /tshe yi dam pa rab tu 'grub/ /a 'bra smin dang dgun 'brum dang / /pa na sa dang ni
199b3 ke ra/ /a ru ka la sogs 'bras bu yi/ /phyag rgya'i mchog ni 'di rnams te/ /dngos grub 'bras bu thams cad 'thob/ /kha ra sbrang rtsi byug pa yis/ /a 'bra la sogs tshig gus byug /sa ha ga ra'i mar la sogs/ /
199b4 mnyam pa'i dri yis bsku bar bya/ /yung dang rgya skegs la sogs pa'i/ /tshon gyis 'thun par kha bsgyur nas/ /shun pa gro ba la sogs byas/ /mchod pa'i tshe na dbul bar bya/ /'bras bur bcas pa'i phyag rgya shes pa'o/ /
199b5 sangs rgyas rnams la bshos dbul bar/ /sha dang chang ni rnam par spangs/ /glu dang sil snyan grub pa dang / /gdugs dang rgyal mtshan pa dan dang / /sha dang chang du bcas pa ni/ /gtor ma'i mchog ste sna tshogs pa'o/ /
199b6 bdag gi phyugs chen skal bzang po/ /rdo rje'i las ni dpal grub pa'o/ /bshos dang gtor ma dkar po dang / /pad ma'i me tog ldan pa ni/ /spyan ras gzigs dbang gtso bo la/ /phul na dgos pa thams cad 'grub/ /
199b7 rgyal po'i kha zas sna tshogs pa/ /sha dang chang du ldan pa dang / /glu dang sil snyan skal bzang dag /rdo rje nyi ma'i 'khor la dbul/ /kha zas kun gyi ro rnams dang / /sha dang sha yi mchog rnams dang / /sha yi sbyor dang sha skam dang / /
199b8 bshos dag rdo rje rta la dbul/ /mchod pa dang gtor ma thams cad kyi cho ga'i phyag rgya'o/ /mthe bo sems dpa'i skyil mo dkrung / /'dzub mo gnyis kyi rtse mo dgug /gung mo gnyis ni mnyam par sbyar/ /lhag ma rdo rje thal mor sbyar/ /sangs rgyas
200a1 rin chen phyag rgya 'di/ /rang byung rnams kyi dbang bskur ba/ /rgyal srid thams cad ma lus pa/ /lus pa med par myur du 'grub/ /spyi bo dang ni dpral ba dang / /'gram pa gnyis dang ltag par ni/ /sangs rgyas kun gyi
200a2 rin chen mchog /dbu rgyan kun tu brgyan par bya/ /dbu rgyan bcings pas bcings nas ni/ /'gying zhing mtha' mas dgrol bar bya/ /dar gyi mtha' ma dpyangs pa ltar/ /byas nas thal mo brdab par bya/ /sangs rgyas
200a3 pad mo rdo rje 'dzin/ /rdo rje nyi ma khams gsum pa/ /de yis dgra med sdig med par/ /bdag gi longs spyod nyid du spyod/ /'di yis bsrung ba byas nas ni/ /rdo rje sems dpa' dpal dang 'dra/ /sangs rgyas kun gyi
200a4 dngos grub che/ /'khor los sgyur ba rab tu 'grub/ /de bzhin gshegs pa thams cad kyi/ /nor bu rin po che'i dbu rgyan mnyam par sbyor ba skal pa bzang po dpal gyi phreng ba zhes bya ba'i phyag rgya'o/ /sor mo thams cad nang du
200a5 bsnol/ /sor mo rtse mo kun sprad nas/ /mthe bo rdo rjes mnan pa ni/ /sna dang mig phugs lta bu ste/ /pad mo'i rin chen phyag rgya 'di/ /bdag nyid chen por dbang bskur ba/ /rgyal srid thams cad ma lus pa/ /lus pa med
200a6 par myur du 'grub/ /spyi bo dang ni dpral pa dang / /'gram pa gnyis dang ltag par sbyar/ /thod pa'i phreng ba'i dbu rgyan te/ /sangs rgyas gtsug gi nor bu 'bar/ /dbu rgyan bcings pas bcings nas ni/ /'gying ba'i
200a7 mtha' nas dgrol bar bya/ /dar gyi mtha' ma sbyang ba ltar/ /byas nas thal mo brdab par bya/ /'di yis bsrung ba byas na ni/ /rdo rje sems dpa' dpal dang 'dra/ /khams gsum dag ni rgyal srid che/ /'khor los
200a8 bsgyur ba rab tu 'grub/ /dpal rdo rje he ru ka pad ma nor bu rin po che'i dbu brgyan mnyam par sbyor ba bskal pa bzang po dpal gyi phreng ba zhes bya ba'i phyag rgya'o/ /rdo rje thal mo mnyam sbyar te/ /
200b1 lag gnyis nor bu rin chen du/ /ji ltar rig par mnyam sbyar nas/ /'dzub mo mthe bo rtse mo bzhi/ /yongs su bsgyur te bteg nas su/ /dpral bar legs par gzhag na ni/ /khams gsum bdag po rgyal bar dag /ma lus lus pa med par
200b2 'grub/ /dpal rdo rje rin chen gyi phyag rgya'o/ /lag pa shin tu brkyang ba yi/ /'dzub mo gnyis pa'i mdud par bcing / /gung mo mthe bo'i rtse mo can/ /rdo rje'i phyag rgya yongs su bsgyur/ /yongs su bsgyur te bteg nas kyang / /khro gnyer du
200b3 ni legs bzhag na/ /rgyal srid thams cad legs 'grub pa/ /ma lus lus pa med par 'grub/ /'di yis bsrung ba byas na ni/ /rdo rje las kyi dpal dang 'dra/ /rnal 'byor dbang phyug rab bsgrubs pa/ /ma lus lus pa
200b4 med par 'gyur/ /ma mo dang ni byed ma dang / /mkha' 'gro ma yang lhag par 'grub/ /dur khrod dngos grub thams cad dang / /las rnams thams cad byed par 'gyur/ /dpal rdo rje he ru ka'i phyag rgya'o/ /mthe bo dpa'
200b5 bo skyil mo dkrung / /mdzub mo gnyis kyi rtse mo dgug /gung mo gnyis ni mnyam par sbyar/ /lhag ma rdo rje thal mo'i 'od/ /rdo rje rin chen phyag rgya 'di/ /rang byung rnams kyi dbang bskur ba'o/ /'jig rten dbang po dam pa
200b6 kun/ /ma lus lus pa med par 'grub/ /'di yis bsrung ba byas na ni/ /rnam par snang mdzad dpal dang 'dra/ /sangs rgyas kun gyis tshe 'grub pa/ /ma lus lus pa med par 'grub/ /tshe dang ye shes dpag
200b7 tu med pa rnam par nges pa zhes bya ba'i phyag rgya'o/ /rdo rje thal mo mnyam sbyar la/ /'dzub mo mnyam te phyi rol dgug /mthe bo gnyis ni rab tu brkyang / /rdo rje nor bu zhes kyang bya/ /dpral bar myur du bzhag
200b8 pa ni/ /bsam pa thams cad yongs rdzogs shing / /rgyal srid thams cad rab bsgrub pa/ /ma lus lus pa med par 'grub/ /dpal nor bu rin po che dbang bskur ba'i phyag rgya'o/ /sangs rgyas rin chen
201a1 pad mo dang / /de bzhin rdo rje rin chen dang / /yid bzhin nor bu rin chen mchog /rta mchog rab tu 'grub par 'gyur/ /phyag rgyas rab tu dbang skur ba'i phyag rgya shes pa'o/ /sor mo phan tshun bsnol ba ni/ /
201a2 rdo rje thal mo yin par bshad/ /sor mor thams cad bsdams pa ni/ /rdo rje bsdams pa yin par bshad/ /rdo rje bsdams pa byas na ni/ /'dzub mo mthe bo'i nang dag tu/ /g.yas pa'i the bo'i mtshan ma 'di/ /rtse mo bcug la
201a3 bsdam par bya/ /dga' chen dpal gyi phyag rgya ste/ /phyag rgya thams cad rang byung ba/ /rab 'byams las rnams dngos grub ni/ /ma lus lus pa med pa 'grub/ /dga' ba'i rdo rje bcings nas ni/ /gung mo bcings pa'i
201a4 nang du gzhug /mthe bo mthe'u chung rtse mo can/ /rdo rje'i phyag rgya yongs su bsgyur/ /'di yis sangs rgyas thams cad dang / /rdo rje 'dzin pa thams cad ni/ /tshe 'di nyid la 'grub par 'gyur/ /dpal bde ba chen po rdo rje'i
201a5 phyag rgya'o/ /de las gung mo lcags kyu ni/ /bdag gi snying kar sbyar bar bya/ /'di ni thams cad 'gugs pa'i rgya/ /de ma thag tu phyag rgya 'dis/ /sangs rgyas pad mo rdo rje 'dzin/ /rdo rje nyi ma khams gsum pa/ /
201a6 bkug ste dbang du byas nas ni/ /las rnams kun la sbyor bar byed/ /dpal bde ba chen po rdo rje lcags kyu zhes bya ba'i phyag rgya'o/ /rdo rje bsdams pa byas nas ni/ /gung mo bcings pa'i nang du gzhug /mthe'u
201a7 chung mthe bo rtse mo can/ /rdo rje'i phyag rgyar yongs bsgyur na/ /sangs rgyas byang chub sems dpar yang / /sbyor ba 'di yis mi dka' na/ /dngos grub gzhan dang las kyi mchog /rab 'byams gzhan lta ci zhig
201a8 smos/ /de bzhin gshegs pa thams cad kyi dpal rdo rje'i phyag rgya bcings pa las/ /sbyor ldan thal mo khong stong sbyar/ /khams gsum dag ni ma lus pa/ /de ma thag tu 'bebs par byed/ /dpal rdo rje dbab pa'i
201b1 phyag rgya'o/ /rdo rje'i phyag rgya bcings pa las/ /gung mo de bzhin bkug nas ni/ /rdo rje rdo rje zhes brjod de/ /gung mo namakha'i rdo rje mchog /phyag rgya 'di yis btab na ni/ /'dod pa bzhin du 'gro 'ong
201b2 lding / /dpal ldan 'dod pa kun gyi bdag /rdo rje sems dpa' rab tu 'grub/ /dpal rdo rje snying po'i phyag rgya'o/ /rdo rje bsdams pa la gnas te/ /mthe bo'i rtse mo de bzhin mnyam/ /mdzub mo gnyis kyi rtse mo
201b3 dgug /rdo rje'i phyag rgya bcing bar bya/ /phyag rgya 'di yis rnal 'byor pa/ /dag pa kun la rab tu gnas/ /byang chub sems ni mtha' las mchog /dngos grub thams cad rab tu 'grub/ /dpal rdo rje rab tu gnas
201b4 pa rdo rje'i phyag rgya'o/ /rdo rje'i pad mor byas pa las/ /gung mo bcings pa'i dbus na gnas/ /mthe'u chung mnyam pa'i rtse mo mde'u/ /rdo rje mda' ni yongs su 'phang / /phyag rgya 'di yis btab na ni/ /tshangs pa nye dbang
201b5 dga' byed bcas/ /mthu yis myur du rgyal byed nas/ /khams gsum dag ni sgrub par byed/ /dpal rdo rje mda'i phyag rgya'o/ /rdo rje'i phyag rgya yongs bcings nas/ /gung mo bcings pa'i phyi rol gzhag /rdo rje sna tshogs
201b6 dpal gyi rgya/ /ldang ba thams cad rab grub pa'o/ /rdo rje'i phyag rgya thams cad shes pa'o/ /A li kA li mnyam byas nas/ /mkha' yi thad kar mdud pa bya/ /de yi 'og tu ri mo rnams/ /yi ge thams cad dgod par bya/ /
201b7 gug skyed dag gis lcug mar bya/ /yi ge ra ni myur gud bya/ /klad skor zla ba kam pa dang / /tsheg gnyis zla ba gnyis su bya/ /'di ni sangs rgyas thams cad kyi/ /phyag rgya mi 'gyur dam pa ste/ /sangs rgyas dpal gyi ri mor
201b8 bshad/ /yi ge dag kyang mi 'gyur mchog /rdo rje sems dpa' dpal gyi lha'i/ /bstod dang bcas pa'i mtshan bris na/ /sdig pa kun las thar bar 'gyur/ /bsod nams thams cad rab tu 'grub/ /rdo rje sems
202a1 dpa' dpal sbyor zhes/ /rab tu chags pa'i mtshan bris na/ /sdug bsngal kun las thar bar 'gyur/ /bde ba thams cad rab tu 'grub/ /chags chen grol dpal zhes bya ba'i/ /chags pa'i mtshan dag
202a2 bris na ni/ /sdig pa kun las thar par 'gyur/ /grol ba kun la rab tu gnas/ /snying rje dri med khro dpal zhes/ /bstod dang bcas pa'i mtshan bris na/ /sdig pa kun las thar bar 'gyur/ /dngos grub kun gyi
202a3 mchog kyang 'grub/ /dpad mo chags pa dpal dag ces/ /chags pa'i mtshan dag bris na ni/ /sdig pa kun las thar bar 'gyur/ /dag pa thams cad rnam par dag /rdo rje nyi ma'i dpal mdangs shes/ /bstod
202a4 dang bcas pa'i mtshan bris na/ /sdig pa kun las thar bar 'gyur/ /longs spyod kun la rab tu gnas/ /rta mchog pha rol gnon dpal zhes/ /chags pa'i mtshan dag bris na ni/ /sdig pa kun las thar bar
202a5 'gyur/ /dbang phyug thams cad rab tu 'grub/ /brjod pa dag kyang de bzhin te/ /las kyi dngos grub rab 'byams dag /ma lus par ni myur du 'grub/ /lhag pa'i lha ni gang gang gi/ /slob dpon gang dang gang yin
202a6 pas/ /de dang de yi mtshan dag ni/ /dpal gyi tshig dang ldan par brjod/ /slob ma dkyil 'khor btsud nas kyang / /yon gyi mchog dag blangs nas ni/ /rdo rje ming gi dbang bskur bas/ /de bzhin gshegs par de lung
202a7 bstan/ /phyag rgya'i sbyor ba 'di dag gis/ /byang chub snying po'i bar du ni/ /rdo rje'i ming du rab tu gnas/ /de nas sangs rgyas su yang 'gyur/ /bstod pa dang bcas pa'i ming gi phyag rgya shes pa'o/ /spyi bor nyug pa gang
202a8 yin pa/ /phyag 'tshal bar ni ston pa yin/ /dpral bar reg par byed pa ni/ /phyag lan yin par shes par bya/ /smin ma bskul ba gang yin pa/ /sangs rgyas thams cad gnas pa'i brda/ /g.yas pas nam mkhar
202b1 'gro ba 'grub/ /g.yon pa rnam par rgyal ba yi/ /rang byung rnams kyi brda yi rgya/ /mig gnyis g.yo bar 'grub pa ste/ /g.yon pa bud med bzang mo yin/ /g.yas pa skyes pa bzang po'o/ /rna ba dag la reg pa'i brda/ /
202b2 g.yas g.yon gnyis ka de bzhin te/ /g.yon pa legs par blangs pa'i glu/ /g.yas pa legs par smras ba'o/ /sna yi bu ga gnyis kyi brda/ /sangs rgyas thams cad gnas pa ste/ /g.yas pa bdag la 'dug
202b3 pa slong / /g.yon pa bdag la dri slong ba'o/ /lce ni ldag pa ltar byed pa/ /brda yi phyag rgya gnas pa ste/ /g.yas pa sha yi phyag rgya yin/ /g.yon pa chang gi phyag rgya yin/ /mche ba g.yas dang g.yon pa yi/ /bar du ma
202b4 mchu mnan pa ni/ /g.yon pa bud med reg na bde/ /g.yas pa de bzhin skyes pa'o/ /lkog mar reg pa'ang de bzhin te/ /brda yis phyag rgyar gnas pa ste/ /theg pa chen po bla med pa'i/ /rtog pa thams cad smra ba'i
202b5 mchog /snying gar gyen du 'dren pa ni/ /rang byung phyag rgya'i brda grub pa/ /rdo rje thams cad 'dren pa ste/ /'khor ba shin tu sdud pa'o/ /lte ba'i dkyil du reg pa ni/ /brda yis phyag rgyar gnas pa ste/ /dbu ma'i nan tan
202b6 bsgrubs pa yis/ /chos kyi 'khor lo chen po'i dkyil/ /rang gi dbang po bsgreng pa ni/ /rang byung rnams kyi brda yi rgya/ /de las de bzhin bde ba yis/ /sangs rgyas thams cad thob par 'gyur/ /phrag pa gnyis ni
202b7 kun bstod pa/ /brda yi phyag rgyar gnas pa ste/ /g.yas pa 'gug pa'i phyag rgya yin/ /g.yon pa slad du gtong ba'o/ /dpung pa g.yas g.yon gnyis ka yis/ /bdag la shes rab 'khyud pa yi/ /g.yas pa thams
202b8 cad 'grub pa yin/ /g.yon pa dbang phyug thams cad 'grub/ /khu tshur g.yas g.yon gnyis ka yis/ /kha tshur bcangs dang dgrol ba dag /g.yas pa rgyas 'debs phyag rgya yin/ /g.yon pa mi rnams thong shig pa'o/ /
203a1 brla gnyis rab tu bsdams pa ni/ /g.yas dang g.yon pa de bzhin te/ /g.yon pa 'dod la rab tu brtson/ /g.yas pa chos la brtson pa'o/ /pus mo lha nga'i brda dag kyang / /g.yas dang g.yon pa de bzhin te/ /g.yon
203a2 pa 'dud pa'i phyag rgya ste/ /g.yas pa rab tu phyag 'tshal ba'o/ /pus mo g.yas g.yon gnyis dag gis/ /brda yi phyag rgyar rab tu gnas/ /g.yas pa bcing pa'i phyag rgya ste/ /g.yon pa thams cad rnam par dgrol/ /
203a3 rkang pa gnyis kyis sa gnon pa/ /g.yas dang g.yon pa de bzhin te/ /g.yon pa thams cad gnod par byed/ /g.yas pa thams cad rab tu 'joms/ /dngos grub las dang bde ba dag /'di yis mi 'grub gang yang med/ /
203a4 rang don las rnams rab grub pa/ /ma lus lus pa med par 'grub/ /brda yi phyag rgya shes pa'o/ /oM a ti b+hu zhes bya ba'i brda/ /'di ni phyag 'tshal ba zhes pa'o/ /pra ti oM d+hi b+hu zhes pa/ /phyag
203a5 len yin par shes par bya'o/ /sems dpa' sngon dang mtha' med pa/ /rdo rje sems dpa' bde ba'i mchog /sangs rgyas phyag rgya bde ba yis/ /e ma'o bde ba yin par bshad/ /e ma'o bde ba dpal gyi mtshan/ /
203a6 rdo rje sems dpa' gang brjod pa/ /sdig pa kun las thar bar 'gyur/ /bde ba thams cad rab tu 'grub/ /bde mchog e ma'o bde ba dang / /sgron ma de bzhin shi shi dag /rgyas 'debs ma dang rmongs byed dang / /za ba mo dang
203a7 tshe 'phel ma/ /sangs rgyas byang chub chos 'khor lo/ /de bzhin khams gsum rnam par rgyal/ /'dod pa'i lcug ma thams cad kyang / /phyag rgya brda' yi phyag rgya'o/ /rta dang rdo rje'i zhal dag dang / /de bzhin rdo rje snang ba
203a8 dang / /thal bar rlog pa'i ro langs ma/ /sangs rgyas kun gyi brda yin no/ /gling bu dang ni rgyud rnams dang / /de bzhin du ni rgyud gcig dang / /stug po dang ni rdza rnga dag /sangs rgyas brda yi phyag rgya'o/ /me tog mchod dang bdug
203b1 pa'i mchod/ /de bzhin mar me'i mchod pa dang / /spos kyi mchod pa gla rtsi dag /longs spyod phyag rgya'i brda yin no/ /de la sogs pa mtha' yas mchog /chos dbyings mnyam dang mi mnyam pa/ /nam mkha'i dbyings kyi mthas
203b2 klas pa'i/ /lha mo kun gyi brda yin no/ /smin ma bskyod pa mda' bzhi yin/ /b+ha ga ling ga e ma'o bde/ /thod pa pad+ma yin par bshad/ /kha T+wA~M ga yang rgyal mtshan che/ /sangs rgyas phrag brgya pad mar gnas/ /bde ba kun gyi
203b3 bdud rtsi yin/ /sangs rgyas brda yi phyag rgya yis/ /shi shi sangs rgyas kun du bshad/ /dkyil 'khor la ni 'khor lor bshad/ /de nyid dam tshig yin par bshad/ /lha rnams thams cad tshogs pas na/ /skye bo dam pa kun
203b4 tshogs pa/ /tshogs kyi 'khor lo dam pa ni/ /mdza' ba thams cad 'dus pa ste/ /sangs rgyas kun gyi brda dag gis/ /de bzhin mdza' bar 'dus par gsungs/ /rdo rje sems dpa' dpal sbyor bas/ /dkyil 'khor
203b5 thams cad yin par bshad/ /lha mo thams cad kun 'dus pas/ /thams cad sna tshogs skal pa bzang / /rdo rje sems dpa' dpal sbyor ba/ /sangs rgyas kun du bdag sbyor bas/ /rnam pa kun mkhyen shes pa'i
203b6 phyir/ /kun gyi slob dpon yin par bshad/ /kun gyi slob dpon rab gnas pa/ /lha mo thams cad 'dus pas na/ /sangs rgyas kun gyi mchog dag gis/ /kun tu sna tshogs skal bzang po'o/ /de yi slob ma grub
203b7 pa ni/ /grub pa'i rjes su grub pas na/ /sangs rgyas brda yi gsang ba yis/ /rgyal mtshan yin par rnam par bshad/ /de las gzhan pa'i slob ma kun/ /mchog dang 'bring dang tha ma'i rnams/ /sangs rgyas kun gyi
203b8 brda dag gis/ /byang chub sems dpa' yin par bshad/ /sangs rgyas thams cad rin chen mchog /dbu rgyan mi 'gyur dam pa yin/ /sangs rgyas kun gyi rgyal srid mchog /yin par rang byung rnams kyis gsungs/ /
204a1 thod pa'i phreng ba'i dbu rgyan dang / /sangs rgyas gtsug gi nor bu dag /sangs rgyas brda yi phyag rgya yis/ /dpal gyi pad ma'i tshul du bshad/ /sangs rgyas rang bzhin grub gcig dang / /de bzhin pad pa'i
204a2 rang bzhin gcig /thams cad dbang bskur dbang bskur che/ /yin par don kun grub pas gsungs/ /yon gyi dam pa grub pa ni/ /nor gyi dbyig tu bshad pa ste/ /snying yang nor gyi mchog yin par/ /sangs rgyas
204a3 brda yi phyag rgyar bshad/ /ga bur tsan dan dmar po dang / /sbyor ba khrag chen yin par bshad/ /tshogs kyi dbus su bzhag pa dpal/ /thams cad ldang ba'i ra sa yin/ /bag zan las ni byas pa'i phyugs/ /tsan dan
204a4 dmar pos bskus pa dang / /bag phye'i zan las byas pa'i sha /rgyal po'i zan zhes gang bshad pa'o/ /de nas grub pa'i mna' bsgag pa/ /dam tshig ces par gnas pa'o/ /bde mchog bde mchog ces gsungs pa/ /
204a5 sangs rgyas bde mchog thams cad kyis/ /phyag rgya'i bde ba mchog tu gsungs/ /de bzhin e ma'o bde ba dang / /snang ba shes pa'ang rab tu gnas/ /shi shi srid pa'ang srid pa'o/ /de bzhin gshegs pa kun gyis kyang / /
204a6 'da' bar bya ba'ang ma yin pas/ /sangs rgyas brda yi phyag rgya yis/ /phyag rgya dam tshig yin par bshad/ /phyag rgya'ang sbyor ba yin par bshad/ /sbyor ba'ang phyag rgya yin par bshad/ /rdo rje sems dpa' dpal sbyor
204a7 ba/ /sbyor ba thams cad yin par bshad/ /nga ni sna tshogs dam tshig ste/ /rdo rje sems dpa' bde ba che/ /sangs rgyas brda yi phyag rgya yis/ /sbyor ba thams cad yin par bshad/ /de yi nye ba'i longs spyod ni/ /
204a8 khams gsum thams cad ma lus pa'o/ /de yi gzugs dang sgra dang dri/ /ro dang reg pa bde myos pa'o/ /gzugs ni ri mo yin par gsungs/ /sgra ni glu yin zhes bshad do/ /dri ni rab tu tshim par gsungs/ /
204b1 ro ni ra sa ya na yin/ /reg pa bde ba yin par bshad/ /rab tu reg pa dga' ba'i bde/ /sangs rgyas brda yi phyag rgya yis/ /chos ni sbyor ba yin par bshad/ /sbyor ba'i longs spyod thams cad kyis/ /ji ltar bde
204b2 bar bsten byed cing / /bdag gi lhag pa'i lhar sbyar ba/ /rang gi mchod pa'i dam tshig yin/ /rjes su sbyor bas mchod na ni/ /sbyor ba kun gyi bde ba'i mchog /sangs rgyas brda yi phyag rgya yis/ /bde ba chen po
204b3 yin par bshad/ /lha mo kun dang mnyam sbyor ba/ /sangs rgyas thams cad 'dus pa'o/ /ye shes tsam la snyoms 'jug pa/ /rnal 'byor zhes ni bshad pa yin/ /sangs rgyas brda yi phyag rgya yis/ /ting 'dzin rab tu sbyor
204b4 ba'ang bshad/ /lha mo kun dang mnyam sbyor ba/ /sangs rgyas thams cad 'dus pa'o/ /sangs rgyas thams cad mnyam sbyor ba/ /sangs rgyas kun gyis byin brlabs bo/ /dga' bar spyod pa grub par bshad/ /rjes su sbyor ba
204b5 rjes su grub/ /skyes pa ltar byed dga' spyod pa/ /slar yang rjes su grub par mdzad/ /lha mo kun la bde 'jug pa/ /sbyor ba kun la mos pa ni/ /kun du sangs rgyas kun gyi bdag /ra sa ya na bde bar bshad/ /thams cad
204b6 ldang ba kun 'gro ba/ /dngos grub dam par rab tu bshad/ /dngos grub chen po ldang ba cher/ /sangs rgyas brda yi phyag rgyar bshad/ /dngos grub chen po kun gyi mchog /dbang phyug chen po bla na med/ /sangs rgyas dam pa kun gyi
204b7 mchog /sangs rgyas kun gyi brda yis bshad/ /dngos grub chen po kun gyi mchog /dbang phyug chen po bde ba'i mchog /sangs rgyas thams cad mnyam sbyor ba/ /sbyor ba'i dbang phyug bde chen po/ /
204b8 khrag ni me tog yin par bshad/ /mdangs ni bdug pa yin par bshad/ /sha chen dag ni mar me ste/ /thal mo dag ni spos su bshad/ /chang ni sgeg mo yin par bshad/ /rab tu myos pa sbrang rtsi'o/ /bu ram chang ni
205a1 myos byed gsungs/ /rgun chang dag ni bdud rtsi yin/ /bdud rtsi lam gyi yan lag brgyad/ /sangs rgyas kun gyi brda yin no/ /rgun dang sbrang rtsi mchog tu dpa'/ /tshwa ni 'dod chags sra ba yin/ /skyur po'i khu ba g.yon
205a2 can yin/ /kam b+hi la ni bran mor bshad/ /chur ba zla ba nya ba yin/ /sha ni smin gyi mchog yin te/ /dbang phyug dam pa kun gyi mchog /sangs rgyas kun gyi brda yis bshad/ /dngos grub chen po kun gyi mchog /chang ni
205a3 ra sa ya nar bshad/ /zas ni tshe zhes bya bar bshad/ /bza' ba sna tshogs grub pa ni/ /sha dang chang du ldan pa dag /dga' ba'i longs spyod skal bzang po/ /tshe yi dam pa yin par bshad/ /a 'bra rgun 'bru
205a4 pa na sa/ /na li ke ra a ru ka /'bras bu chen po'i khyad par dag /bdud rtsi'i 'bras bu yin par bshad/ /a mra smrin pa grol bar bshad/ /de bzhin bde bar nyal ba dang / /bde bas rab tu rmongs pa dag /
205a5 sangs rgyas kun gyi brda yin no/ /'bras bu chen po pa na sa/ /rgun 'bru'i khu ba khu ba'i mchog /na li ke ra'i dngos grub che/ /dam chos 'bras bu a ru ka /glu yi tshig tu brjod par bshad/ /dar dir dag ni sil
205a6 snyan yin/ /sangs rgyas brda yi phyag rgya yis/ /gar ni rnam par rol par bshad/ /rdo rje sems dpa' dpal sbyor ba'i/ /glu dang sil snyan gar byed pa/ /brda yi dam par bshad pa ni/ /sangs rgyas
205a7 kun gyi rnam sprul pa'o/ /rab tu zhi ba'i sil snyan glu/ /dur khrod glu dang sil snyan dang / /gar ni shin du rnam sprul pa'o/ /chags bcas glu dang sil snyan dang / /gar ni shin du rnam sprul pa'o/ /mi yi dbang po'i
205a8 sil snyan glu/ /gar ni shin tu rnam sprul pa'o/ /rab tu dga' ba'i sil snyan glu/ /rang gi rtsal gyi gar byas pa/ /rta mchog rnam par sprul pa ni/ /brda yi dam pa rab tu bshad/ /DI zhes bya ba mkha' 'gro yi/ /
205b1 khams gsum 'dir ni rnam par brtags/ /namakhar 'gro ba'i phyag rgya dag /mkha' 'gro zhes ni rab tu grags/ /kun du sna tshogs phyag rgya ni/ /thams cad namakha' 'gro ba ste/ /sangs rgyas thams cad mnyam sbyor ba/ /
205b2 mkha' 'gro ma zhes rab tu grags/ /sgyu ma'i gar dbang grub pa ni/ /a ra li zhes ming du btags/ /mkha' 'gro ma yang a ra li/ /sangs rgyas brda yi phyag rgya'o/ /sangs rgyas thams cad mnyam sbyor ba/ /sgyu ma kun gyi gar byed
205b3 pa/ /sangs rgyas thams cad mnyam sbyor ba'i/ /mkha' 'gro ma yi dam tshig mchog /bcom ldan rdo rje sems dpa' dpal/ /rdo rje a ra li zhes bshad/ /sangs rgyas thams cad mnyam sbyor ba/ /mkha' 'gro sgyu ma bde
205b4 ba'i mchog /sems dpa' sngon dang mtha' med pa/ /rdo rje sems dpa' dga' ba'i mchog /sangs rgyas brda yi phyag rgya yis/ /de ni skal pa bzang por bshad/ /gang zhig rdo rje sems dpa'i mtshan/ /
205b5 skal pa bzang po zhes brjod na/ /shin du srid pa kun 'grub cing / /de ni dbang phyug chen po 'grub/ /Tak+ki 'dod pa yin par bshad/ /dga' ba ki li ki la yin/ /byams pa chu srin yin par bshad/ /'dod pa'i
205b6 dbang po dbang phyug mchog /rdo rje dril bu phyag rgya dag /dam tshig gsum gyi dam pa yin/ /u0f00 dang b+hu kha~M kun bshad pa/ /sangs rgyas brda yi phyag rgya yin/ /drangs te btsug nas bcings pa dang / /
205b7 zhugs nas dbang du gyur pa ni/ /dzaHhU~M ba~M hoHbshad pa ste/ /sangs rgyas kun gyi brda yin no/ /e hi ya hi zhes bshad pa/ /tshur sbyon phar bzhud ces bsgrags pa'o/ /ti ha ha zhes gsungs pa ni/ /longs spyod la
205b8 drongs shig drongs shig pa'o/ /kha kha khA hI zo shig pa'o/ /a pi zhes pa 'thung zhig pa'o/ /da ra da ra byin zhes pa'o/ /ru ta ma ta rol cig pa'o/ /hu lu hu lu zhugs shig pa'o/ /a ra ra rar skul cig pa'o/ /
206a1 e ma'o bde mchog ngo mtshar ni/ /a la la ho zhes bshad pa'o/ /bde mchog rgyas 'debs phyag rgya yin/ /e ma'o bde ba rmongs byed ma'o/ /snang ba zhes pa za ba mo/ /hU~M shi shi ni tshe 'phel ma'o/ /
206a2 shin tu brtan dang rab tu brtan/ /kun du brtan dang cher brtan pa/ /sangs rgyas rdo rje 'dzin pa dang / /'jig rten dbang dang mkha' las skyes/ /shes gyur dag 'gyur grub par 'gyur/ /zhugs la dbang du 'gyur bar
206a3 mdzod/ / u0f00 u0f00 a a kun bshad pa/ /sangs rgyas brda' yi phyag rgya yin/ /thams cad mkhyen par gyur pa dang / /de bzhin bde bar mkhyen pa ni/ /u0f00 sarba bid ces bshad pa ste/ /sangs rgyas brda yi phyag rg
206a4 ya yin/ /oM oM ru ru s+phu ru dz+wa la tiSh+Tha sid d+ha lo tsa ni sar+b+ba ar+tha sA d+ha ni swA hA/ 'khor lo dngos grub mkhyen pa dang / /don dam nye bar zhi ba'i phyir/ /sangs rgyas rang byung bcom ldan 'das/ /rnam snang mdzad chen gtso bo
206a5 ni/ /sangs rgyas brda yi phyag rgya yin/ /skal pa bzang po zhes bshad pa'o/ /ko Ta k+Sha/ ko Ta ba/ ko Ta bash+tsa/ ko TA ri ka /ko la ga k+Sha/ ko la ba/ ko la/ ko la bash+tsa/ ko la b+ha sta thA/ phyag na rdo rje rang don gyi/ /
206a6 mtshan 'di rnams ni gang brjod pa/ /de la rgyal po rdo rje 'dzin/ /bran bzhin dngos grub ster bar 'gyur/ /rgyal srid dang ni longs spyod dang / /gter gyi rnams kyang lhag par ster/ /dgos pa thams cad byed par
206a7 'gyur/ /de bzhin dgra yang med par byed/ /mig dang rna ba sna dag dang / /lce dang lus kyang de bzhin te/ /gzugs dang sgra dang dri dag dang / /ro dang reg kyang bdag gi don/ /rdo rje mtshon cha be di dang / /dgra bo dag tu rab grags
206a8 pa/ /de yis phyag na rdo rjer 'gyur/ /lag na rdo rje zhes kyang bya/ /nyon mongs thams cad gang zad dang / /dgra rnams kyang ni gang zad pa/ /phyag na rdo rjes 'dul ba'i phyir/ /de ni yak+Sha yin par bshad/ /he ru dpal ni
206b1 rdo rje che/ /thal bar 'jig pa'i mchog yin te/ /sangs rgyas kun gyi khro bo che/ /brda yis rab tu bshad pa yin/ /rdo rje 'bar ba rab tu 'jigs/ /kha T+wA~M ga ni rgyal mtshan che/ /thod pa kham phor pad ma'i snod/ /khrag chen dang ni sbrang
206b2 rtsi che/ /dkar mo rku byed rab rmongs dang / /ro langs dang ni sos byed dang / /gtum mo dang ni smre ma dang / /lha mo bdun ni brda yin no/ /srungs shig myur du rnam rgyal dpal/ /thal ba bzhin du rab tu lhogs/ /ha~M ha~M hri hU~M kun
206b3 bshad pa/ /sangs rgyas brda yi phyag rgya yin/ /rol cig dgongs shig de bzhin du/ /rol du chug cig gsod du chug /mA ra Ta phaT phaT ces bshad pa/ /sangs rgyas kun gyi brda yin te/ /rgyal po chen po rdo rje 'dzin/ /
206b4 dbang phyug dam pa'i rig pa ni/ /sangs rgyas brda yi phyag rgya yis/ /skal pa bzang po yin par bshad/ /rgyal po spyan ras gzigs dbang phyug /'jig rten dbang phyug ces bshad de/ /sangs rgyas kun gyi brda
206b5 dag gis/ /de yang skal pa bzang zhes bshad/ /dag dang grub dang de bzhin blo/ /rdzu 'phrul 'phel dang 'byor pa dang / /rnam par lta dang sgrol ma dang / /rgya chen ma dang khro gnyer ma/ /pad+mar gnas zhes bya ba dang / /rdo rje
206b6 pad+ma'i dbang phyug ma/ /pad+ma lha mo rigs chen te/ /sangs rgyas brda yi phyag rgyas bshad/ /namakha'i snying po thams cad phyogs/ /re ba thams cad rdzogs mdzad pa/ /skal pa bzang zhes rnam par grags/ /rdo rje nyi ma
206b7 nor bu che/ /trA~M dang ba ba Ta Ta dang / /tra Ta tra Ta kun grags pa/ /sangs rgyas kun gyi brda yin te/ /dbang bskur ba dang gter dag dang / /rgyal mtshan rtse mo mchod chen po/ /sna tshogs pad+ma thams cad spyan/ /de bzhin 'jig
206b8 rten thams cad pa/ /byang chub kun gyi sems chen po/ /sna tshogs rdo rje bla na med/ /thams cad dag par mos pa yis/ /'jig rten thams cad rab 'jigs pa/ /rta mchog pad+ma dpal dang ldan/ /skal pa bzang
207a1 zhes brda yis bstan/ /brda yi phyag rgya 'di rnams kyis/ /dkyil 'khor sbyor bas nges pa ni/ /grogs po mkhas par bcas pa yis/ /dngos grub thams cad grub par 'gyur/ /brda yi phyag rgya shes pa'o/ /
207a2 rjes su chags par bya'o zhes/ /cha lugs shes pa bzhin byed cing / /dngos grub kun la rjes chags pa/ /mi 'gyur dam pa 'grub par 'gyur/ /kun du kun nas thams cad ni/ /bdag nyid rtag tu rnam pa kun/ /
207a3 las kyi dngos grub rab 'byams dag /ma lus par ni myur du 'grub/ /rjes su chud par bya'o zhes/ /cha lugs shes pa bzhin byed pas/ /sku gsung thugs kyi rdo rje mchog /cho 'phrul dag ni ston par byed/ /rjes su chud par
207a4 bya bo zhes/ /cha lugs shes pa bzhin byed pas/ /mkha' 'gro sgyu ma bde ba'i mchog /ma lus lus pa med par 'grub/ /rjes su sbyang bar bya'o zhes/ /cha lugs shes pa bzhin byed pas/ /sgrib byang thams cad dngos grub
207a5 rnams/ /ma lus lus pa med par 'grub/ /rjes su yi rang bya'o zhes/ /cha lugs shes pa bzhin byed pas/ /bud med la sogs rin chen mchog /mchod pa'i las kun myur du 'grub/ /rjes su gzhom par bya'o zhes/ /
207a6 cha lugs shes pa bzhin byed pas/ /rtul phod las rnams thams cad ni/ /ma lus lus pa med par 'grub/ /ye shes kyi phyag rgya shes pa'o/ /rdo rje sems dpa' dpal sbyor ba/ /dbyibs dang gzugs ni ci 'drar ldan/ /
207a7 thams cad bdag nyid rgyar sbyor bas/ /mi 'gyur dam pa 'grub par 'gyur/ /kun du kun nas thams cad ni/ /bdag nyid rtag tu rnam pa kun/ /pra se na yi dngos grub mchog /ma lus lus pa med par 'grub/ /sangs rgyas
207a8 thams cad mnyam sbyor ba/ /mkha' 'gro sgyu ma bde mchog gis/ /yang dag bden pa tshul bzhin du/ /mthong ba dang ni thos par byed/ /sa chu me rlung namakha' dang / /khams rnams kun ni thams cad la/ /thams cad mthong
207b1 zhing thos par byed/ /rnam par shes pa kun 'grub cing / /kun du thams cad kun gyi bdag /'dod pa'i yon tan thams cad dang / /rnam par shes pa'i las kun la/ /thams cad mthong zhing shes par byed/ /
207b2 pad mar chags par rjes chags shing / /sna tshogs pad mar kha 'byed pas/ /pra se na ni sna tshogs pa/ /mthong ba dang ni thos par byed/ /me tog bdug pa mar me mchog /spos dang mchod pa thams cad
207b3 la/ /rnam par shes pa kun grub pa/ /thams cad mthong zhing thos par byed/ /reg dang ma reg rdo rje che/ /ral gri me long mda' gzhu dang / /shing dang chu dang 'bab chu brag /gzugs brnyan byung ba'i khyim bdag las/ /
207b4 bya dang de bzhin mi bya dang / /stor ba dang ni ma stor dang / /phrogs pa dang ni ma phrogs dang / /de bzhin rnyed dang ma rnyed dang / /gson pa dang ni shi ba dang / /de bzhin rgyal dang pham pa dang / /don yod dang ni don med dang / /de bzhin grub
207b5 dang mi grub dang / /bde dang mi bde cho ga bzhin/ /lha yul dag gi don rnams dang / /sangs rgyas zhing gi don rnams kyang / /kun du kun nas thams cad ni/ /bsams pa mthong zhing thos par byed/ /rnam par shes pa'i
207b6 phyag rgya shes pa'o/ /rdo rje sems dpa' dpal sbyor ba/ /ji lta'i dbyibs dang gzugs ldan pas/ /dur khrod lha yi gnas rnams dang / /ma mo gnas kyi thal ba mchog /thams cad dpral ba'i bsrung ba ni/ /thig le sor
207b7 ris gsum du bya/ /phyogs mtshams nam mkha' sa bcings na/ /bsrung ba kun gyi bla med pa'o/ /dpal rdo rje thal ba'i dam tshig ces bya ba'i bsrung ba'o/ /rdo rje sems dpa' dpal sbyor ba/ /ci lta'i dbyibs dang gzugs ldan pas/ /
207b8 rgya mtshor 'bab pa'i gzugs chu'i 'gram/ /lha rdzas zhi ba'i chu mchog gis/ /gtor ba dang ni blugs pa dang / /khrus byas pa dang 'bogs pa yis/ /phyogs mtshams nam mkha' sa bcings na/ /bsrung ba kun gyi bla med pa'o/ /dpal rdo rje
208a1 bdud rtsi dri ma med pa'i rgya mtsho zhes bya ba'i phyag rgya'o/ /rdo rje sems dpa' dpal sbyor ba/ /ci lta'i gzugs dang dbyibs ldan pas/ /mi yi thod pa'i nang du ni/ /yungs kar bskyed nas blang bar bya/ /lo ma yungs mar
208a2 zas su bza'/ /mgo bskus de bzhin 'bras bu yis/ /phyogs mtshams namakha' sa bcings na/ /bsrung ba kun gyi bla med pa'o/ /dpal don thams cad grub pa zhes bya ba'i phyag rgya'o/ /rdo rje sems dpa' dpal
208a3 sbyor ba/ /ma mchu so yis legs mnan nas/ /dpal ldan g.yon du 'gying dang bcas/ /gsal bar phyogs su 'khor lo'i tshul/ /bla 'og tu ni byin brlabs na/ /gnas gsum dag ni rgyas 'debs so/ /gzhug dka'
208a4 bdag nyid ngan pa'i rnams/ /sangs rgyas kun gyi ngo bor 'grub/ /thams cad kyi mchog gnas kyi dbang phyug byin gyis brlabs pa dpal skal pa bzang po zhes bya ba'i phyag rgya'o/ /rdo rje sems dpa' dpal sbyor ba/ /
208a5 lha mo kun dang 'dus pa yis/ /kun du sna tshogs skal bzang po/ /bde bar rab tu 'grub par 'gyur/ /rgya 'dis btab ma thag tu ni/ /sangs rgyas kun gyis byin brlabs 'gyur/ /shin tu byin gyis brlabs 'gyur las/ /
208a6 sangs rgyas kun dang phrad par 'gyur/ /sangs rgyas kun dang mnyam sbyor bas/ /sangs rgyas kun dang mnyam par 'gyur/ /sangs rgyas kun dang mnyam pas na/ /sangs rgyas thams cad rab tu 'grub/ /sangs rgyas thams cad mnyam sbyor ba/ /
208a7 dpal skal pa bzang po'i dam tshig ces bya ba'i bsrung ba'o/ /rdo rje sems dpa' dpal sbyor ba/ /sangs rgyas kun bdag sbyor ldan pas/ /phyogs su legs par 'khor lo'i tshul/ /bla dang 'og tu byin brlabs nas/ /'di yis bsrung ba
208a8 byas na ni/ /khams gsum dag ni ma lus par/ /gzhug dka' bdag nyid ngan pa rnams/ /sangs rgyas kun gyis byin brlabs 'gyur/ /thams cad kyi mchog gnas kyi dbang phyug dpal zhes bya ba'i phyag rgya'o/ /rdo rje sems dpa'
208b1 dpal sbyor ba/ /he ru dpal gyis rnam sprul pas/ /thams cad kun du kun gyi bdag /thams cad bsrung ba mi 'gyur che/ /rims dang dug dang dbyig dug nad/ /mkha' 'gros gtse dang gdon rnams dang / /bdud dang ngan khrid
208b2 thams cad ni/ /mod la rab tu zhi bar 'gyur/ /dpal rdo rje he ru ka dbab pa rnam par sprul pa zhes bya ba'i phyag rgya'o/ /rdo rje sems dpa' dpal sbyor ba/ /ci lta'i dbyibs dang gzugs ldan zhing / /sna tshogs pad+ma kha 'byed
208b3 pas/ /sgrib pa med par 'grub par 'gyur/ /sgrib pa kun las rnam par grol/ /dag pa thams cad thob par 'gyur/ /dag pa thams cad rnam dag na/ /mi 'gyur dam pa 'grub par 'gyur/ /chos thams cad la sgrib pa med
208b4 pa'i ye shes rdo rje'i pad+ma zhes bya ba'i bsrung ba'o/ /rdo rje sems dpa' dpal sbyor ba/ /'bar ba blta ba'i tshul zhugs na/ /rdo rje rab tu 'bar ba'i me/ /rab tu 'jigs pa mi bzod 'gyur/ /'di yis bsrung ba byas na ni/ /bskal pa mi ni
208b5 me ltar 'bar/ /'di yis ngan 'gro rnams gsum dang / /khams gsum dag kyang thal bar rlog /rdo rje chen po'i me rab tu 'jigs pa 'bar ba mi bzod pa'i dam tshig chen po'i dpal zhes bya ba'i phyag rgya'o/ /rdo rje sems dpa'
208b6 dpal sbyor ba/ /ci lta'i tshul bzhin byed pa yis/ /rdo rje khu tshur gnyis bcings nas/ /go cha bgo ba'i thabs su bya/ /spyi bo dang ni dpral bar gnyis/ /glo gnyis dang ni rgyab tu gnyis/ /rdo rje phreng ba bcing ba dang / /sangs rgyas
208b7 gtsug gi nor bu dag /dar dpyangs thabs su bcings nas ni/ /'gying dang bcas par mtha' nas dgrol/ /dar dpyangs pa yi thabs byas nas/ /thal mo brdabs pas brtan par bya/ /'di yis bsrung ba byas na ni/ /rdo rje sems dpa'
208b8 dpal dang 'dra/ /mi chod pa dang mi phyed pa'i/ /rdo rje'i sku ni rab tu 'grub/ /rims nad dug dang dbyig dug nad/ /mkha' 'gros gtse dang gdon rnams dang / /yan lag ma rung byed pa kun/ /'di yis bsrungs na yong mi tshugs/ /dpal rdo rje go
209a1 cha zhes bya ba'i phyag rgya'o/ /bsrung ba thams cad kyi phyag rgya shes pa'o/ /chos sems dpa' yi tshul ston cing / /rdo rje khu tshur gnyis dag dang / /zhi ba'i lta bas bltas nas ni/ /rims dang dug rnams thams
209a2 cad sel/ /rdo rje khu tshur gnyis bcings nas/ /mthe'u chung lcags kyu lta bur bcing / /mdzub mo mnyam pa'i rtse mos mnan/ /nad rnams thams cad zlog par byed/ /yongasu bsgyur te bteg nas ni/ /dpral bar bde bar
209a3 gzhag par bya/ /ma lus lus pa med pa yis/ /sdug bsngal thams cad sel bar byed/ /dpal rdo rje smin 'tshams lus kyi nad gso ba'o/ /rdo rje bsdam pa byas pa las/ /'dzub mo phan tshun mngon phyogs pa/ /ma lus
209a4 lus pa med pa yi/ /zug rngu kun las grol bar 'gyur/ /bu nad lhog rgal skran dag dang / /dmu rdzings la sogs kun las than/ /'di nyid grub par gyur nas ni/ /nad rnams kun gyis gnod pa med/ /zug rngu thams cad
209a5 med par byed pa'o/ /grub pa dpal gyi spyan bcings te/ /'di yis mig gnyis phyis na ni/ /phyag rgya grub pa mchog 'di yis/ /long ba dag kyang mthong bar 'gyur/ /bdag nyid sbyor bas ldan byas la/ /rdo rje khu tshur
209a6 dam po yis/ /drang ba'i tshul du glad pa nas/ /kha phyogs drang zhing btung bar bya/ /rims dang dug dang gdon rnams kun/ /rdo rje khu tshur dpal gyis bzung / /bdag gi ltar ni snor ldan pas/ /'thungs na thams cad med
209a7 par 'gyur/ /glad pa'i sman no/ /ta thA ga ta sarba s+t+wa si ho/ /'di na rna bar bzlas pa'i mchog /zug rngu med cing myur du thar/ /zug rngu thams cad sbyin pa po'o/ /g.yas pa yi ni lag pa yis/ /sems pa'i
209a8 gtsug tor bcings na ni/ /byis pa nad med 'tsho bar 'gyur/ /thams cad bsrungs shing bde ba thob/ /gzhon nu gso ba'o/ /g.yas pa yi ni lag pa yi/ /klu yi gdengs ka lta bur bya/ /'bar ba'i tshul ston 'bebs
209b1 bcas na/ /dug gi las rnams bsgrub par bya/ /'bar dang 'dul dang bcings pa dang / /za ba'i dug rnams med par byed/ /gdug pas zin dang lu ta dang / /shi ba sos par byed pa'i mchog /gdengs ka'i phyag rgya'o/ /g.yas pa'i
209b2 mthe bo gung mo gnyis/ /g.yon pa'i khu tshur bcings pa yi/ /gung mo la ni reg byas na/ /gdon rnams kun las thar bar 'gyur/ /dug gso ba dang gdon gyi cho ga'o/ /ba dan gsum po gnyis bcings nas/ /gung mo gnyis
209b3 ni mdud par bcing / /mdzub mo mthe'u chung rtse mo can/ /rdo rje'i phyag rgya yongs bcings la/ /yongasu bsgyur te bteg nas su/ /smin ma'i mtshamasu bzhag pa ni/ /mkha' 'gro'i las rnams ma lus pa/ /lus pa med pa
209b4 thams cad 'grub/ /phyag rgya 'di yis btab na ni/ /gnas gsum po ni ma lus pa/ /rgyas btab rmongs byas zos pa dang / /thal bar gyur pa'ang 'tsho bar byed/ /dpal rdo rje he ru ka'i khro gnyer zhes bya ba'i phyag rgya ste
209b5 ma ma shes pa'o/ /rdo rje sems dpa' dpal sbyor bas/ /rta rnams thams cad zhon na ni/ /rta rnams nad med mos pa dang / /nyam skye mthar zhing mgyogs par 'gyur/ /dpal rta mchog gi phyag rgya'o/ /rdo rje
209b6 sems dpa' dpal sbyor bas/ /glang po kun la zhon na ni/ /glang po thams cad nad med sos/ /nyam skye spro ldan mos par 'gyur/ /shrI badzra sa twa s+t+waM si ho/ /'di ni rna bar bzlas pa'i mchog /bya rnams nad med
209b7 'tsho bar 'gyur/ /mi yi skad du smra bar 'gyur/ /bya gso ba'i phyag rgya'o/ /rdo rje sems dpa' dpal sbyor bas/ /'byor pa kun la rjes chags na/ /shing rnams nad med mi skams shing / /rtag tu me tu me tog 'bras
209b8 bur ldan/ /shing rnams bskyed pa'i gtsug lag las/ /sbyor ba'i cho ga gang bshad pa/ /phyag rgya 'di yis thams cad ni/ /yid la bsams pa bzhin du 'grub/ /shing bskyed pa'i phyag rgya shes pa'o/ /'khrul 'khor gyis
210a1 'phangs ma 'phangs dang / /de bzhin lag pas 'phangs pa dang / /'phangs nas slad du bzung ba dang / /stobs su 'gyed pa lnga yin te/ /rang byung rnams kyi dgra cha'i dpyad/ /phyag rgya lnga lnga rab tu gnas/ /rdo rje sems
210a2 dpa' dpal gyis bshad/ /dam pa de dag bshad par bya/ /dbyibs dang bde blag sbyor ba dang / /kun du sbyor dang 'dren mar gyur/ /'gengs dang 'phen dang gsol ba'o/ /rkang pa gshibs pas sa mnan cing / /rkang pa 'gyed pas sa gnon
210a3 to/ /dkyil 'khor dag kyang mnan par bya/ /brkyang bskum gyis kyang gnas gsum gnon/ /dbyibs kyi phyag rgya'o/ /mi lhod pa dang sran gzugs dang / /mnyen zhing yan lag bstan pa dang / /rgya cher 'gengs shing rnam par
210a4 dag /lus kyi phyag rgya bde blag can/ /'di yis lus la gnon pa dang / /rims dang dug dang dbyig dug dang / /mkha' 'gros gtse dang gdon rnams kyis/ /nams kyang tshugs par yong mi 'gyur/ /rgya cher 'gengs pa'i phyag
210a5 rgya'o/ /rang gi snying gar 'dren tshul du/ /bde blag can gyis gzhu bzung nas/ /g.yas pa rab tu gar byed cing / /mda' 'phangs na ni 'grub par 'gyur/ /dpal khams gsum rnam par rgyal ba'o/ /lag pa g.yon pa legs bsrang la/ /
210a6 skyon med pa yis g.yas pa dgug /gzhu rgyud dal bus drangs nas ni/ /'gro ba thams cad dgug par bya/ /thams cad dgug pa'i phyag rgya'o/ /rna drung bar du zlum por ni/ /ji ltar rigs par legs bkang la/ /yi ge
210a7 u0f00 tsam rang gi khar/ /bzung na 'gro ba 'dzin par 'gyur/ /'dzin pa'i phyag rgya'o/ /ji ltar rig pas drangs nas ni/ /cho ga bzhin du bzung nas kyang / /der ni cung zad dbye bar bya/ /'gengs pas thams cad 'grub par 'gyur/ /
210a8 'gengs pa'i phyag rgya'o/ /chang bas dben ni 'grib par bya/ /'dzum dang bcas pa'i mig gis blta/ /lta ba chang ba la gtad nas/ /myur du 'phangs na dam pa 'grub/ /mda' gzhus rgyal bar bya ba'i phyag rgya'o/ /gru bzhi pa
210b1 la rno ba dang / /de bzhin kun nas bskor bar bya/ /g.yas phyogs nas ni mnga' bskor nas/ /snad de de bzhin bstod pa dang / /rkang pas mnan cing rmigs pas gnon/ /'bigs pa bcu yi rgya mchog gis/ /khams gsum rgyal srid chen
210b2 po dag /bde bar thub nas nye bar spyod/ /dpal khams gsum rnam par rgyal ba'o/ /rab tu 'phangs dang mnyam par 'phangs/ /de bzhin glog ltar 'phangs pa dang / /glog ltar 'khrug pa de bzhin te/ /phyag rgya thabs rnams sgrubs
210b3 pa po/ /thabs thams cad kyi phyag rgya'o/ /nyam nga lag dang bde phyogs dang / /thad ka de bzhin gyen du 'debs/ /'di dag bzlog pa'i phyag rgya ste/ /gnas gsum dag ni bzlog par bya/ /nges par bzlog pa thams cad kyi phyag rgya'o/ /
210b4 thams cad 'debs dang nges par 'debs/ /kun 'debs gyin du 'debs pa'i gar/ /'di dag 'phrog pa'i phyag rgya ste/ /gnas gsum dag kyang 'phrog par byed/ /'phrog pa thams cad kyi phyag rgya'o/ /kun tu kun nas thams cad
210b5 kyi/ /rtag tu bdag nyid rnam pa kun/ /mda' gzhu'i dpyad kyi phyag rgya'i mchog /mi 'gyur dam pa 'grub par 'gyur/ /dgra cha thams cad kyi phyag rgya shes pa'o/ /srin lag gnyis kyi nang du ni/ /mthe bo legs par bzhag
210b6 par bya/ /de nas khu tshur bcangs nas ni/ /'dzub mo legs par dgug par bya/ /rdo rje khu tshur dpal gyi rgya/ /rdo rje sems dpa' dpal la gnas/ /las kyi dngos grub rab 'byams rnams/ /ma lus par ni myur du 'grub/ /
210b7 dpal rdo rje khu tshur gyi phyag rgya'o/ /rdo rje khu tshur legs bcangs la/ /bdag gis mthe bo'i nang du gzhug /zhi ba'i las rnams rab grub pas/ /ma lus lus pa med par 'grub/ /de bzhin gshegs pa thams cad kyi khu tshur
210b8 ro/ /rdo rje khu tshur legs bcangs la/ /mthe'u chung gnyis ni rab brkyang nas/ /mkha'agro'i las rnams tha mas ni/ /ma lus lus pa med par 'grub/ /dpal rdo rje he ru ka'i khu tshur gyi phyag rgya'o/ /brdeg pa'i khu tshur bcangs
211a1 pa las/ /mthe bo dag la gung mo bzhag /dpal pad+mo'i khu tshur grub pa ste/ /thams cad dag pa'i las la sbyar/ /dpal pad+ma'i khu tshur ro/ /khu tshur rdo rje rin chen mchog /'bebs pa thams cad yongs rdzogs / /rang don
211a2 las rnams grub pa ni/ /ma lus lus pa med par 'grub/ /dpal rdo rje rin po che'i khu tshur gyi phyag rgya'o/ /rdo rje khu tshur dpal bcangs la/ /sor mo thams cad yongasu bzung / /rtul phod las rnams thams cad ni/ /ma lus lus
211a3 pa med par 'grub/ /las rnams cad kyi phyag rgya shes pa'o/ /rkang pa brkyang dang gnon pa dang / /bskum nas bteg pa'i stabs dag dang / /g.yas dang g.yon gyi sbyor ba yis/ /gzugs rnams thams cad gnon par bya/ /sdig med
211a4 stobs kyis ngo 'thon du/ /rnam par snang mdzad dpal mnan nas/ /kun du byang chub yongs bkug ste/ /bdag gi spyad par de spyod do/ /sdig med stobs kyis ngo 'thon du/ /rdo rje 'dzin pa dpal mnan nas/ /kun du grub pa yongs
211a5 bkug ste/ /bdag gi spyad par de spyod do/ /sdig med stobs kyis ngo 'thon du/ /spyan ras gzigs dbang dpal mnan nas/ /kun du dpal mo yongs bkug ste/ /bdag gi spyad par de spyod do/ /sdig med stobs kyis ngo 'thon du/ /
211a6 rdo rje nyi ma dpal mnan nas/ /kun du longs spyod yongs bkug ste/ /bdag gi spyad par de spyod do/ /sdig med stobs kyis ngo 'thon du/ /rta mchog dam pa dpal mnan nas/ /thams cad dbang phyug yongs bkug ste/ /bdag gi spyad
211a7 par de spyod do/ /byang chub pha rol phyin pa dang / /grub dang gzungs dang sa rnams dang / /rig dang phyag rgya rnams mnan nas/ /bdag gi spyad par de spyod do/ /sdig med stobs kyis ngo 'thon du/ /dbang phyug dam pa mnan nas ni/ /
211a8 mig gsum pa las gsum grub bkug /bdag gi spyad par de spyod do/ /sdig med stobs kyis ngo 'thon du/ /mthu bo che yang mnan nas ni/ /snying las dpa' mo yongs bkug ste/ /bdag gi spyad par de spyod na/ /sdig med stobs
211b1 kyis ngo 'thon du/ /skye dgu'i bdag po mnan nas ni/ /mos las grol ma yongs bkug nas/ /bdag gi spyad par de spyod do/ /sdig med stobs kyis ngo 'thon du/ /rab dga'i dbang phyug mnan nas ni/ /kun gyi bdag las dga' bar bkug /
211b2 bdag gi spyod par de spyod do/ /'jigs la sogs pa'i lha mo dang / /ma mo byed ma'i ma mo dang / /mkha' 'gro ma rnams mnan nas ni/ /bdag gi spyad par de spyod do/ /de bzhin ku be ra la sogs/ /rig pa 'grub pa spyod pa dang / /mi yi
211b3 rgyal po la sogs kyang / /mnan nas bdag gi spyad pa spyod/ /'gro ba dang ni mi 'gro'o/ /dngos po thams cad ma lus pa'ang / /rnal 'byor bdag nyid des mnan nas/ /bdag gi spyad par de spyod do/ /dpal rdo rje gnon pa'i phyag rgya
211b4 shes pa'o/ /khu tshur snying gar bcangs pa ni/ /bud med phyag rgyar de bshad de/ /bud med sbyor ba ma lus pa/ /lus pa med pa'ang thams cad 'grub/ /g.yon pa 'gying ba'i tshul byas nas/ /lag g.yas bdag gi snying
211b5 gar ni/ /gyin du drang pa'i tshul byas nas/ /bud med thams cad dbang du 'gyur/ /dpal rdo rje 'bying ba'o/ /dpal ldan sna tshogs pad ma 'dzin/ /g.yon pa rdeg pa'i khu tshur dang / /g.yas par ldang bar gyur pa dang / /sangs
211b6 rgyas dbang phyug ting 'dzin bya/ /sangs rgyas thams cad du 'phar ba'o/ /g.yon pa dril bu sgra sgrogs shing / /g.yas pa yi ni lag pa yis/ /rdo rje gyen du gsor zhing bskor/ /sgyu ma thams cad 'byung bar bya/ /dpal rdo rje
211b7 sgyu ma'i dbang phyug ma'o/ /g.yon pa g.yon pa'i brla la bzhag /lag pa g.yas pa'i mdzub mo yi/ /rtse mos pad+ma dam pa 'dzin/ /g.yas pa'i brla la lag ngar bzhag /mi dge ba thams cad sel ba'i phyag rgya'o/ /bdag gi
211b8 snying gar 'dren tshul du/ /g.yon pa nor bu rin chen 'dzin/ /g.yas pa re ba kun rdzogs pa'i/ /bud med la sogs rin chen 'dzin/ /bsam pa thams cad yongs su rdzogs par byed pa'o/ /bdag gi snying gar 'dren tshul du/ /
212a1 pad+ma sna tshogs dam pa 'dzin/ /g.yas pa rdo rje 'bying ba yis/ /dbang phyug dam pa thob par 'gyur/ /dngos grub kun gyi dbang phyug gi phyag rgya shes pa'o/ /zhes bcom ldan 'das rdo rje sems dpas de skad gsungs so/ /sangs rgyas thams
212a2 cad dang mnyam par sbyor ba mkha' 'gro ma sgyu ma bde ba'i mchog las kun du rnam pa sna tshogs kyi dam tshig gi phyag rgya'i rtog pa ste dgu pa'o// // de nas kun tu sna tshogs 'di/ /phyag rgya shes pa'ang grub
212a3 pa ni/ /kun du sna tshogs sbyor ba yis/ /kun tu sna tshogs bshad par bya/ /smin ma mig dang so dang mchu/ /kha dang lus dang rkang lag gis/ /cha lugs bzhin du gar byed pas/ /phyag rgya thams cad yongs su dgrol/ /
212a4 rdo rje sems dpa' dpal sbyor bas/ /lha mo kun dang 'dus pa ni/ /kun du sna tshogs skal bzang po/ /rab tu bde bar grub par 'gyur/ /phyag rgya 'di yis btab na ni/ /sangs rgyas thams cad byin gyis rlob/ /legs
212a5 par byin gyis brlabs na ni/ /sangs rgyas thams cad 'dus par 'gyur/ /sangs rgyas kun dang mnyam sbyor bas/ /sangs rgyas kun dang mnyam par 'gyur/ /sangs rgyas kun dang mnyam pas na/ /sangs rgyas
212a6 thams cad rab tu 'grub/ /rdo rje sems dpa' dpal sbyor ba'i/ /mthu nyid kyis ni thams cad du/ /mdor na phyag rgya thams cad ni/ /so so dag nas grub pa ste/ /lta bas mi ngoms pa yi sku/ /thams cad bdag nyid
212a7 ston par mdzad/ /legs so legs so zhes grub pa'i/ /dam pa dag kyang rab tu stsol/ /bsam pa thams cad yongs rdzogs pa'i/ /grub pa kun mchog nyams dga' ba/ /ji ltar 'dod pa'i longs spyod du/ /thams
212a8 cad kyi ni bdag nyid stsol/ /dang po kun las byung ba yi/ /mchod pa'i sprin chen thams cad kyi/ /bkod pa rab 'byams tshogs rnams kyis/ /thams cad bdag nyid mchod pa mdzad/ /dpal ldan g.yon pa 'gying dang
212b1 bcas/ /dpal ldan lag pa g.yas pa yi/ /pad+mo khu tshur dpal bar bzhag /bdag gi mig ni gyen du blta/ /'di ni rdo rje sems dpa' yi/ /phyag rgya thams cad rab sgrub pa'o/ /gyen du 'phar ba'i dngos grub dang / /rab
212b2 'byams las rnams myur du 'grub/ /phyag rgya 'di yis btab na ni/ /khams gsum pa dag ma lus pa/ /rgyas btab rmongs byas zos pa dang / /thal bar gyur pa'ang 'tsho bar byed/ /bcom ldan 'das rdo rje sems dpas
212b3 de skad gsungs so/ /kun du sna tshogs skal bzang po/ /dpal rdo rje pad+ma gyen du 'phar ba'i spyan zhes bya ba'i phyag rgya ste/ rnam pa sna tshogs thams cad kyi phyag rgya dang phyag rgya'i lan zhes bya'o/ /sangs rgyas thams cad
212b4 'dus pa yis/ /rtag tu dpag med tshe dang ldan/ /namakha'i dbyings kyi mtha' klas pa'i/ /bde ba'i tshig ni rab tu smra/ /mtha' yas pa dang mu med pa'i/ /rtog pa kun dang 'di yi ni/ /mthu dang yon tan bsngags pa'i
212b5 mtha'/ /brjod pa dag tu yongs mi nus/ /mthu dang rang bzhin dag gis grub/ /ngo bo nyid kyis rtag tu 'grub/ /so sor rjes grub bde ba ster/ /'di ni gsang mchog mchog gi mchog /sems can don phyir las
212b6 rnams sbyong ba dang / /rnam par dag par rgyal ba yong mi mdzad/ /'di la bgegs med bdud kyang yong ma yin/ /rtog pas mi 'grub thar bar yong mi nus/ /mi bstan pa dang bdud du nga mi 'gyur/ /bstan par bya ba'i phyir
212b7 yang nga mi 'doms/ /gang zhig rang gi bde ba ngas sgrub na/ /dngos grub mchog gis nga yi bstan par byed/ /kun tu sna tshogs pas ni de skad gsungs/ /bcom ldan de bzhin gshegs pa rtag tu dgyes/ /rdo rje sems dpa'
212b8 dpal gyis legs gsungs la/ /mngon par bstod cing rab tu dgyis par gyur/ /le'u bcu pa'o// //rnam mang rjes chogs dga' ba'i pad+mo rnam dag mchod pa dang / /rta mchog rnal 'byor bde bas gsal bar rjesu
213a1 mchod na ni/ /rab tu bde ba'i rnal 'byor dam pa skal bzang dga' ba'i mchog /rab mchog bde ba'i rang bzhin dam tshig bde bas rjes grub 'gyur/ /bcom ldan 'das dpal rdo rje sems dpas de skad gsungs so/ /