བོད་ཡིག |
282a2 /klu'i rgyal po dga' bo nyer dga' 'dul ba'i mdo rdzogs s+ho// // // rgya gar skad du/ ma hA kA sh+ya pa sU tra/ bod skad du/ 'od srung chen po'i mdo/ 'phags
282a3 pa dkon mchog gsum la gus pas phyag 'tshal lo/ /'di skad bdag gis thos pa dus gcig na/ rgyal po'i khab 'od ma'i tshal ka lan da ka'i gnas na bzhugs so/ /de'i tshe de'i dus na/ tshe dang ldan pa 'od srung
282a4 chen po pi phya li'i phug na bzhugs te/ nad dam pos gzir cing sdug bsngal bar gyur to/ /de nas bcom ldan 'das srod la'i dus su so sor thams cad rtog cing bzhugs so/ /tshe dang ldan pa 'od srung chen po ga la ba der gshegs
282a5 shing nye bar gshegs te gdan bshams pa la bzhugs te bzhugs nas yang bcom ldan 'das kyis tshe dang ldan pa 'od srung chen po la 'di skad ces bka' stsal to/ /'od srung khyod ji ltar bza' ba 'dod dam/ ji ltar sdug
282a6 bsngal myong / ji ltar zhi bar 'gyur/ zhi bar byed pa'i thabs kyis mi zhi ba ma yin no/ /de nas tshe dang ldan pa 'od srung chen pos gsol pa/ btsun pa bdag ni bza' ba dang btung ba la mi sred par gyur/
282a7 bdag nad dam pos gzir bar gyur te/ zhi ba 'am mi zhi bar 'gyur/ zhi bar byed pa'i thabs mdzad du gsol/ byang chub kyi yan lag bdun po 'di ngas legs par bshad par bya'o/ /de mang du bsgoms
282a8 par byas pa na/ mngon par shes pa dang / byang chub pa dang / mya ngan las 'das par gyur to/ /bdun po gang zhe na/ dran pa yang dag byang chub kyi yan lag 'di/ 'od srung ngas yang dag pa'i byang chub kyi
282b1 yan lag tu bshad do/ /de mang du bsgoms par byas pa na/ mngon par shes pa dang / byang chub pa dang / mya ngan las 'das par gyur to/ /yang 'od srung ngas chos rnam par 'byed pa yang dag pa'i byang chub kyi yan lag tu
282b2 bshad do/ /de mang du bsgoms par byas pa na/ mngon par shes pa dang / byang chub pa dang / mya ngan las 'das par gyur to/ /yang 'od srung ngas brtson 'grus yang dag byang chub kyi yan lag tu bshad do/ /de mang du bsgoms
282b3 par byas pa na/ mngon par shes pa dang / byang chub pa dang / mya ngan las 'das par gyur to/ /yang 'od srung ngas dga' ba yang dag byang chub kyi yan lag tu bshad do/ /de mang du bsgoms par byas pa na/ mngon par shes pa
282b4 dang / byang chub pa dang / mya ngan las 'das par gyur to/ /yang 'od srung ngas shin du sbyangs pa yang dag byang chub kyi yan lag tu bshad do/ /de mang du bsgoms par byas pa na/ mngon par shes pa dang / byang chub
282b5 pa dang / mya ngan las 'das par gyur to/ /yang 'od srung ngas ting nge 'dzin yang dag byang chub kyi yan lag tu bshad do/ /de mang du bsgoms par byas pa na/ mngon par shes pa dang / byang chub pa dang / mya ngan las 'das par
282b6 gyur to/ /yang 'od srung ngas btang snyoms yang dag byang chub kyi yan lag tu bshad do/ /de mang du bsgoms par byas pa na/ mngon par shes pa dang / byang chub pa dang / mya ngan las 'das par gyur to/ /'od srung 'di ni
282b7 byang chub kyi yan lag bdun te ngas bshad do/ /de mang du bsgoms par byas pa na/ mngon par shes pa dang / byang chub pa dang / mya ngan las 'das par gyur to/ /bcom ldan 'das de bzhin gshegs pas gsungs
282b8 pa'i byang chub kyi yan lag la bslab par bya'o/ /bcom ldan 'das kyis de skad ces bka' stsal pa dang / tshe dang ldan pa 'od srung chen po bcom ldan 'das kyis gsungs pa la mngon par bstod do/ /
283a1 de ma thag tu nad zhi bar gyur nas/ tshe dang ldan pa 'od srung chen po langs so/ /tshe dang ldan pa 'od srung chen po'i nad zhi bar gyur to/ /gnas brtan 'od srung chen po'i mdo rdzogs s+ho// //
CLOSE WINDOW