བོད་ཡིག |
1a1 (nga) @#/ /'phags pa dkon mchog brtsegs pa bzhugs so/ /
1a2 (黃) 大寶積經第四部
1b1 @##/ /'phags pa dkon mchog brtsegs pa chen po chos kyi rnam grangs
1b2 le'u stong phrag brgya pa las le'u bcu drug pa ste/ 'phags pa yab dang sras
1b3 mjal ba zhes bya ba de kho na nges par bstan pa/ bam po dang po/ rgya gar skad du/
1b4 Ar+ya pi tA pu tra sa mA ga ma nA ma ma hA yA na sU tra/ bod skad du/ 'phags pa yab
1b5 dang sras mjal ba zhes bya ba theg pa chen po'i mdo/ /sangs rgyas dang / byang
1b6 chub sems dpa' dang / 'phags pa nyan thos dang / rang sangs rgyas thams
1b7 cad la phyag 'tshal lo/ /'di skad bdag gis thos pa dus gcig na/
1b8 bcom ldan 'das grol ba grol ba'i 'khor dang ldan pa/
2a1 dul ba dul ba'i 'khor dang ldan pa/ zhi ba zhi ba'i 'khor dang ldan pa/ rgal ba rgal ba'i 'khor dang ldan pa/ pha rol du phyin pa pha rol du phyin pa'i 'khor dang ldan pa/ thang
2a2 la phyin pa thang la phyin pa'i 'khor dang ldan pa/ dbugs phyin pa dbugs phyin pa'i 'khor dang ldan pa/ dge slong dge slong gi 'khor dang ldan pa/ nyon mongs pa bcom pa
2a3 nyon mongs pa bcom pa'i 'khor dang ldan pa/ dge sbyong dge sbyong gi 'khor dang ldan pa/ sdig pa bsal ba sdig pa bsal ba'i 'khor dang ldan pa/ tshangs pa tshangs pa'i 'khor
2a4 dang ldan pa/ sdig pa bsal ba'i chos can sdig pa bsal ba'i 'khor dang ldan pa/ rig pa can rig pa can gyi 'khor dang ldan pa/ khrus byas pa khrus byas pa'i 'khor dang
2a5 ldan pa/ sgrogs pa po sgrogs pa po'i 'khor dang ldan pa/ nyon mongs pa byang ba nyon mongs pa byang ba'i 'khor dang ldan pa/ yan lag lnga rnam par bsal pa yan lag lnga rnam
2a6 par bsal ba'i 'khor dang ldan pa/ sgrib pa dang rnam par bral ba sgrib pa dang rnam par bral ba'i 'khor dang ldan pa/ yid rnam par dang ba yid rnam par dang ba'i 'khor dang ldan pa/ yan
2a7 lag drug dang ldan pa yan lag drug dang ldan pa'i 'khor dang ldan pa/ bsnyen bsring dang bral ba bsnyen bsring dang bral ba'i 'khor dang ldan pa/ bsrung ba gcig pa bsrung ba gcig pa'i
2a8 'khor dang ldan pa/ dran pa'i sgo srungs phun sum tshogs pa dran pa'i sgo srungs phun sum tshogs pa'i 'khor dang ldan pa/ rton pa bzhi dang ldan pa rton pa bzhi dang ldan pa'i 'khor
2b1 dang ldan pa/ nyi tshe ba'i bden pa bsal ba nyi tshe ba'i bden pa bsal ba'i 'khor dang ldan pa/ btsal ba spangs pa btsal ba spangs pa'i 'khor dang ldan pa/ mthar phyin pa
2b2 mthar phyin pa'i 'khor dang ldan pa/ don gyi mthar thug pa don gyi mthar thug pa'i 'khor dang ldan pa/ bdag nyid bsgoms pa bdag nyid bsgoms pa'i 'khor dang ldan pa/ kun tu
2b3 rtog pa'i rnyog pa med pa kun tu rtog pa'i rnyog pa med pa'i 'khor dang ldan pa/ rnam par rtog pa yongs su chad pa rnam par rtog pa yongs su chad pa'i 'khor dang ldan pa/ lus kyi 'du
2b4 byed rab tu bsal ba lus kyi 'du byed rab tu bsal ba'i 'khor dang ldan pa/ mi g.yo ba la mngon par mos pa mi g.yo ba la mngon par mos pa'i 'khor dang ldan pa/ sems
2b5 shin du rnam par grol ba sems shin du rnam par grol ba'i 'khor dang ldan pa/ shes rab shin du rnam par grol ba shes rab shin du rnam par grol ba'i 'khor dang ldan pa/ 'phags
2b6 pa 'phags pa'i 'khor dang ldan pa/ yal ga dang / lo ma dang / 'dab ma dang / lcug ma dang / shun phrags kyi skyon dang bral ba/ dag pa/ snying po la gnas pa/ shAkya'i yul na ser
2b7 skye'i gnas/ shing n+ya gro d+ha'i kun dga' ra ba na lnga sde dang / grags byin dang / 'char ka dang / lteng rgyas 'od srung dang / ga yA 'od srung dang / chu klung 'od srung dang / 'od srungs chen po
2b8 dang / shA ri'i bu dang / maud gal gyi bu la sogs pa/ dge slong stong nyis brgya lnga bcu'i dge slong gi dge 'dun chen po dang thabs gcig tu bzhugs te/ thams cad kyang dgra
3a1 bcom pa zag pa zad pa/ nyon mongs pa med pa/ dbang dang ldan par gyur pa/ sems shin du rnam par grol ba/ shes rab shin du rnam par grol ba/ cang shes pa/
3a2 glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun du sbyor ba yongs su zad pa/ yang dag pa'i shes pas sems shin du rnam
3a3 par grol pa/ sems thams cad kyi dbang gi dam pa'i pha rol tu phyin pa sha stag dang thabs gcig ste/ de'i tshe nam gyi tho rangs kyi res la bcom ldan 'das dge slong gi dge 'dun
3a4 gyis yongs su bskor cing dge slong gi dge 'dun gyis mdun gyis bltas te/ bla gab med pa na bzhugs so/ /de'i tshe bcom ldan 'das cang mi gsung bar thams cad dang ldan pa'i
3a5 dge slong gi dge 'dun cang mi smra ba la gzigs so/ /thams cad dang ldan pa'i dge slong gi dge 'dun la gzigs nas dge slong rnams la bka' stsal pa/ dge slong dag dge slong gang gis
3a6 rgyal po zas gtsang ma mngon par dad par 'gyur ba de lta bu 'ga' zhig tshol cig /de nas tshe dang ldan pa kun shes kau Di n+ya stan las langs te/ bla gos phrag pa gcig tu gzar nas
3a7 pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das
3a8 bdag gis rgyal po zas gtsang ma mngon par dad par bgyi'o/ /de skad ces gsol pa dang / bcom ldan 'das kyis tshe dang ldan pa kun shes ko Di n+ya la 'di skad ces bka' stsal to/ /
3b1 kau Di n+ya khyod ni bla ma bla mar bya ba'i chos dang ldan par bya ba yin gyis 'dug shig /de bzhin du tshe dang ldan pa rlangs pa dang / ming chen dang / grags byin dang / lteng rgyas 'od srung
3b2 dang / chu klung 'od srung dang / ga yA 'od srung dang / 'od srung chen po dang / tshe dang ldan pa shA ri'i bu dang / maud gal gyi bu chen pos kyang bcom ldan 'das la 'di skad ces gsol to/ /
3b3 bcom ldan 'das bdag gis rgyal po zas gtsang ma mngon par dad par bgyi'o/ /de skad ces gsol pa dang / bcom ldan 'das kyis tshe dang ldan pa maud gal gyi bu chen po la 'di
3b4 skad ces bka' stsal pa/ mong gal gyi bu khyod kyang bla ma bla mar bya ba'i chos dang ldan par bya ba yin gyis 'dug shig /de nas tshe dang ldan pa maud gal gyi bu chen po 'di snyam du
3b5 sems te/ rgyal po zas gtsang ma mngon par dad par byed pa'i dge slong gang zhig bcom ldan 'das bzhed snyam ste/ de nas tshe dang ldan pa maud gal gyi bu chen pos ting nge 'dzin gyi
3b6 rnam pa de lta bu la mnyam par bzhag ste/ de ltar mnyam par bzhag pa'i sems kyis bcom ldan 'das kyis dgongs pa tshe dang ldan pa 'char ka la gnas shing dge slong 'char ka
3b7 'di rgyal po zas gtsang ma mngon par dad par byed do zhes dgongs pa mthong ste 'di lta ste/ dper na khang pa brtsegs pa 'am/ khang pa brtsegs pa'i khyams sgo byang phyogs su lta
3b8 ba'i shar phyogs kyi skar khung nas nyi ma'i 'od zer byung ste/ nub phyogs kyi brtsig ngos la shar ba de bzhin du de'i tshe tshe dang ldan pa maud gal gyi bu chen pos bcom ldan 'das kyi dgongs
4a1 pa tshe dang ldan pa 'char ka la shar cing dge slong 'char ka 'di rgyal po zas gtsang ma mngon par dad par byed do zhes dgongs pa mthong ngo / /de nas tshe dang ldan pa maud gal gyi bu chen
4a2 po ting nge 'dzin de las langs te/ tshe dang ldan pa 'char ka ga la ba der song nas tshe dang ldan pa 'char ka la 'di skad ces smras so/ /tshe dang ldan pa 'char ka bcom ldan 'das ni khyod
4a3 la dge slong 'char kas rgyas po zas gtsang ma mngon par dad par bya bar nus so zhes dgongs shing bzhed do/ /tshe dang ldan pa 'char ka de ltar yin gyis/ /khyod kyis rgyal po zas gtsang
4a4 ma mngon par dad par bya bar dad pa skyed cig /de skad ces smras pa dang / tshe dang ldan pa 'char kas tshe dang ldan pa maud gal gyi bu chen po la 'di skad ces smras so/ /tshe dang ldan pa maud
4a5 gal gyi bu chen po rigs rnams ni dad par bya bar shin du dka' ste/ rgyal po'i rigs ni lhag par dka'o/ /de ci'i phyir zhe na/ rgyal po rgyal rigs spyi bo nas dbang bskur ba
4a6 rnams ni mgu bar dka' ba ste/ tshe dang ldan pa maud gal gyi bu chen po 'di lta ste/ dper na shing khur bcu 'am/ nyi shu 'am/ sum bcu 'am/ bzhi bcu 'am/ lnga bcu 'am/ shing khur brgya
4a7 yang rung ste/ gsher bag med cing skam la lo mang du lon pa zhig yod la de la mi la la zhig gis me btang na me'i phung po 'bar bar 'gyur ro/ /de la yang la la zhig gis mar ram/ 'bru mar
4a8 zhig gis gtor na me'i phung po de bas ches che bar 'bar te/ de'i steng ngam drung gi 'khor du 'gro ba ni shin du dka'o/ /tshe dang ldan pa maud gal gyi bu chen po de bzhin du rgyal po rgyal
4b1 rigs spyi bo nas dbang bskur ba rnams ni mgu bar dka' ba'o/ /tshe dang ldan pa maud gal gyi bu chen po 'di lta ste/ dper na glang po che mche ba can kha gdangs pa'i so phrag tu 'gro ba ni shin du
4b2 dka'o/ /tshe dang ldan pa maud gal gyi bu chen po de bzhin du rgyal po rgyal rigs spyi bo nas dbang bskur ba rnams kyang mgu bar dka'o/ /de skad ces smras pa dang / tshe dang ldan pa maud
4b3 gal gyi bu chen pos tshe dang ldan pa 'char ka la 'di skad ces smras so/ /tshe dang ldan pa 'char ka de ni de lta mod kyi/ 'on kyang khyod ni dge slong 'char ka 'dis rgyal po zas gtsang ma/
4b4 mngon par dad par bya bar nus so zhes bcom ldan 'das kyis dgongs shing bzhed pa yin no/ /smras pa/ tshe dang ldan pa maud gal gyi bu chen po bcom ldan 'das kyis bdag
4b5 la rgyal po zas gtsang ma dad par byed par dgongs sam/ smras pa/ tshe dang ldan pa 'char ka de de bzhin te/ bcom ldan 'das kyis dge slong 'char ka ni rgyal po zas gtsang ma/
4b6 dad par byed do zhes dgongs so/ /de nas bcom ldan 'das nyid kyis tshe dang ldan pa 'char ka la bka' stsal pa/ 'char ka rgyal po zas gtsang ma dad par gyis shig /de ci'i phyir
4b7 zhe na/ 'char ka rgyal po zas gtsang ma ni yang na ngas dad par bya yi/ yang na khyod kyis dad par bya'o/ /'char ka nga'i nyan thos ji snyed cig yod pa de dag gi nang na khyod ni 'di ltar
4b8 rigs dad par byed pa'i mchog yin no/ /de nas bcom ldan 'das kyis de'i tshe tshe dang ldan pa 'char ka la tshigs su bcad de bka' stsal pa/ 'char ka bzang po nga las mnyan par byos/ /
5a1 khyod ni rigs dad byed mchog rab yin gyis/ /shAkya'i rigs rnams dga' ba skyed pa yi/ /rgyal po'i dam pa rab tu dad par byos/ /rgyal po'i rab de dad par byas na ni/ /
5a2 rigs bu lha dag dang ni mi rnams la/ /mtha' dbus med pa'i legs pa 'byung 'gyur gyis/ /mi yi dam pa myur du dad par byos/ /da lta na ni shAkya'i bdag po de/ /mngon pa'i
5a3 nga rgyal rtog pas dkrugs shing nyams/ /ri yi ngos nas rbab 'dril ji bzhin du/ /brtson 'grus rtsom pa thams cad btang ste gnas/ /dbang phyug nyams pa rjes su dran byed
5a4 pas/ /yid la gnod gyur sems dad yid kyang stor/ /dper na tshong pa nor dang bral ba dag /rjes su dran zhing nyon mongs gnas pa bzhin/ /lha yi gnas nas lha dag shi 'phos
5a5 shing / /lha rdzas 'dod pa rjes su dran pa bzhin/ /rgyal ba'i bstan pa mngon par mi shes shing / /rgyal po bde nyams snying rje smre sngags 'don/ /nga yi rin po che ni sna bdun dang / /
5a6 mi yi phun sum tshogs pa bzhi po dang / /longs spyod dag ni rjes su dran byed cing / /sa bdag de ni snying rjer smre sngags 'don/ /mdangs 'phrog byed pa'i srin po stobs can gyis/ /
5a7 ji ltar mi zhig yongs su non gyur na/ /bdag kyang mi shes gzhan yang mi shes ltar/ /sa yi bdag po de yang de bzhin no/ /ti se'i gangs gyi ri bos bsgribs gyur na/ ji ltar mi dag
5a8 blta bya mi mthong ba/ /de bzhin nga rgyal chen pos bsgribs pas na/ /rgyal pos blta bar bya ba mi mthong ngo / /gnyid kyis log gam shi bas myos 'gyur ba'i/ /mis ni rang gi
5b1 sems kyang mi shes te/ /de bzhin nga rgyal chen pos myos gyur pas/ /rgyal po des kyang dge ba mi shes so/ /dper na khyim thab shi bas myos pa yi/ /bud med snying rjer smre
5b2 sngags 'don byed pa/ /de bzhin nga rgyal chen pos myos gyur pas/ /rgyal po de yang snying rjer smre sngags 'don/ /de lta bas na 'char ka thabs mkhas pa/ /khyod kyis 'dir ni
5b3 rgyal po dad par gyis/ /nga rgyal rgyal mtshan rab tu bsnyal bar byos/ /chos kyi rgyal mtshan dam pa bslang bar gyis/ /'char ka khyod ma gtogs par srid pa yi/ /'gro ba dag na
5b4 skal 'thun spyad med pas/ /rgyal po'i sems ni rab tu dad bya bar/ /gang gis nus pa'i dge slong gang yang med/ /'char ka sngon gyi dus na byung ba ni/ /'das pa'i dus na sa yi
5b5 bdag po zhig /ming ni bden pa 'phel zhes bya ba ste/ /sa skyong byed pa rnam par grags pa byung / /de ni chos kyi rgyal po chos dang ldan/ /srog chags bye ba khrag khrig rnams
5b6 kyis mchod/ /rgya mtsho'i mtha' mar thug pa'i sa 'di ni/ /chos dang ldan pa'i rgyal po des kyang bskyangs/ /grong dang grong khyer dag kyang 'dab nyi zhing / /bza' shing 'bras bu me tog
5b7 rgyas pas gang / /'phags pa'i skye bo dag dang shed las skyes/ /sdig dang bral ba rnams kyis rab tu gang / /dri za brgya mang dag gis gang ba ste/ /sdong dum tsher ma rtswa shing ngan pa med/ /
5b8 'jam zhing dge sbyong gnas kyi tshogs kyis spras/ /chu klung 'bab stegs bde bas rab tu brgyan/ /drang srong tshogs brgya rjes su rgyu ba ste/ /skye bo'i dkar chos rnams kyis kun du bsgrubs/ /
6a1 ngan song lam ngan rnams ni rab tu bcad/ /de nas sems can thams cad lha gnas 'dod/ /rgyal po de la bu dag yod pa ni/ /sngon gyi sangs rgyas byung ba mthong ba ste/ /
6a2 dge ba'i rtsa ba dag ni bskyed pa can/ /yon tan mang pos bsgos pa'i blo gros ldan/ /ming ni blo gros snying po zhes bya ste/ /srogs chags bye ba khrag khrig rnams kyis mchod/ /'dod
6a3 pa rnams la skyon du lta ba can/ /mi bdag khyim na gnas kyang dben la dga'/ /rgyal po bden pa 'phel zhes bya ba des/ /lha yi pho brang 'dra ba'i khyim mchog 'dir/ /na chung
6a4 tshogs kyis kun nas mdun bdar te/ /'dod pa'i yon tan bzang la spyod ces smras/ /bu yi dam pa khyod la nga yis ni/ /ji ltar 'dod pa'i bya ba gang ma byas/ /'dod pa rnams
6a5 la khyod yid ci yi phyir/ /ma mos nga la bu khyod myur du smros/ /srid pa'i 'gro ba'i yon tan mkhas gyis te/ /bu khyod rin chen khyim la dga' ba skyed/ /bud med rin chen 'khor
6a6 dang 'grogs gyis te/ /yul la dga' zhing mos pa bskyed par gyis/ dka' thub nags na 'khod pa'i drang srong dag /de btang nas ni phyir yang 'di dag na/ /dka' thub btang zhing
6a7 'dod pa'i dga' la spyod/ /'dod pa de dag bu gcig khyod la bstabs/ /de lta bas na 'dod pa'i dga' la spyod/ /da dang rgyal srid thams cad khyod dang mthun/ /rnam thos bu yi gnas
6a8 dang 'dra ba yi/ /gzhal med khang gi rgyan can khyim 'dir spyod/ 'di dag rnams kyang mchog gi gzugs ldan zhing / /lha mo 'dra la sgyu rtsal tshar phyin pa/ /rol mo'i sgra yi tshul dang
6b1 glu la mkhas/ /bsnyen bkur snyoms shing yon tan yid kyang 'phrog /mig ni pad ma'i lo ma 'dra ba ste/ /bim ba'i mdog 'dra mchu mdzes yid du 'ong / /so dang bzhin mdog dri ma med
6b2 cing bzang / /dpral ba smin ma legs shing mgul pa sdug /brla ni glang po che yi sna yang 'dra/ /phrag so shas rgyas thal gong legs dang ldan/ /lag dang rkang ba'i mthil ni zangs
6b3 kyi mdog /sor mo byin pa phra bar legs dang ldan/ /lce ni zangs mdog 'dra ba srab cing dag /tshig ran 'jam par smra ba'i tshul dang ldan/ /so ni thags bzang so rnams rang rong
6b4 med/ /mche ba rab dkar mchog gi rgyan dang ldan/ /lto ba phyang der 'dug cing lte ba sdug /sta zur yangs shing rked pa rdo rje 'dra/ /byin pa glang po che yi so 'dra zhing / /mda' rgyu snying po
6b5 legs par skyes pa bzhin/ /dregs bcas glang chen 'dra ba'i 'gros dang ldan/ gzhan du mi sems yid kyis khyod la lta/ /rtse ba 'dod cing dar la bab dang ldan/ /gzhon nu snying rje
6b6 ltos la brtse bar byos/ /bu cig khyod dang bu med 'di dag gi/ mdog bzang ba dang dar la bab pa yang / /shing gi rtse mo'i me tog bzhin ltung gis/ /nga rgyal thong la 'dod pa bsten par
6b7 gyis/ blo gros snying po ldan des smre ba yi/ /pha dang 'khor rnams kun la 'di skad smras/ /yab cig khyod ni mad par gsung ba lags/ /gang dag tshig gis grags pa ma smad mad/ /
6b8 yon tan rnams la mos pa bdag gi tshig /bsams te gtan la bab la rgyal po gson/ /ji ltar rmi lam na yang 'dod la bdag /sems mi dga' zhing ma mos de 'dra gson/ /
7a1 sa yi bdag pos bka' stsal 'di dag ni/ /mkhas pa rnams la mdzes pa ma lags te/ /mi mkhas skye bo dag gis yang dag bsams/ /mkhas pa rnams kyis de dag
7a2 rtag tu dmang / /long ba ma lags ci yi rgyu zhig gis/ /long ba'i tshig gis lam gol 'dzin par bgyid/ /thang la gnas pa su zhig ji ltar na/ /mgon med chus khyer ba la 'dod pa
7a3 skyed/ /grol ba ji lta bur na bcings pa yi/ /tshig gis btson ra der ni 'jug par bgyid/ /sa mnyam gnas shing ma 'khrul ji ltar na/ /nyam ngar gnas la 'dod pa skyed par bgyid/ /
7a4 sa bdag 'dod pa rnams la chags bcas shing / /'dod pa'i longs spyod dag gi chus khyer ba/ /long ba chus khyer btson rar gnas pa dang / /nyam ngar gnas 'drar bdag ni de snyam
7a5 bgyid/ /mi yi bdag po khyod ni long ba bzhin/ /bdag ni mig can khyad par mthong ba lags/ /khyod ni 'dod pa'i chu bos khyer ba lags/ /bdag ni 'dod pa rnams las rnam
7a6 par smod/ /'dod pa dag ni dug gi lo ma bzhin/ /sbrul gyi mgo 'dra sdug bsngal bgyid pa ste/ /rtse gsum pa dang ral gri mdung thung 'dra/ /me yi phung po shin du 'bar ba bzhin/ /
7a7 blo gros snying po ldan pas de skad du/ /smre sngags 'don pa'i pha dang 'khor la smras/ /rin chen sna bdun dag la ma bltas par/ /rgyal srid rnam par spangs te rab tu
7a8 byung / /sbrul gyi lpags rnying rjes pa ci 'dra dang / /ngar snabs brngubs pa'i thal ba bzhin spangs te/ /blo gros snying po ldan pa chags med par/ /sdig dang rnam par bral te
7b1 rab tu byung / /gzhon nu de ltar rab tu byung gyur nas/ /blon po'i bu zhig rjes su rab byung ba/ /ming ni zla bas byin zhes bya ba ste/ /blo gros snying po'i rjes su rab tu byung / /gzhon
7b2 nu de ltar rab tu byung gyur nas/ /tshangs pa'i gnas pa bzhi po bskyed nas ni/ /grogs dang bcas pas mngon par shes pa lnga/ /ma lus mtha' dag bskyed par byas par gyur/ /
7b3 'dod pa rnams la skyon du lta bas na/ /mi yi seng ge de ni 'dod khams nas/ /tshangs pa yang dag nyid ni thob bya'i phyir/ /tshangs pa'i 'khor lo rab tu bskor ba byas/ /de ltar
7b4 gzhon nu rab tu byung bas na/ /pha de bu la ma dad gyur pa dang / /zla bas byin pa de yi gan song nas/ /legs par bshad pa'i tshig gis dga' bar byas/ /'char ka khyod ni de la ji
7b5 snyam sems/ /de tshe blo gros snying po gzhan snyam 'am/ /nga nyid de yi tshe na der gyur te/ /'dod pa'i longs spyod don du gnyer ba med/ /'char ka khyod ni de la ji snyam sems/ /
7b6 bden pa 'phel ba gzhan zhig yin snyam 'am/ /mi bdag zas gtsang 'di nyid de yi tshe/ /rgyal po bden pa 'phel zhes bya bar gyur/ /'char ka khyod ni de la ji snyam sems/ /rjes
7b7 su rab byung zlas byin gzhan snyam 'am/ /khyod nyid de tshe de yi dus na ni/ /bden pa 'phel ba dang bar byed pa yin/ /de lta bas na 'char ka khyod kyis 'dir/ /rgyal po zas gtsang
7b8 dad pa mngon skyed cig /sa skyong byed pa 'di ni dad gyur na/ /skyid pa chen po phun sum tshogs par 'gyur/ /de nas tshe dang ldan pa 'char kas bcom ldan 'das la mi smra bar khas
8a1 blangs so/ /de nas tshe dang ldan pa 'char ka zhag de 'das nas snga dro'i dus kyi tshe chos gos dang sham thabs bgos/ lhung bzed thogs te/ ser skya'i gnas kyi grong khyer
8a2 chen por song ngo / /de'i tshe rgyal po zas gtsang ma btsun mo'i 'khor gyi mdun na shAkya stong tsam zhig dang / /dgos pa zhig gi ched du 'dus shing 'khod do/ /rgyal po zas gtsang
8a3 mas kyang bcom ldan 'das ser skya'i gnas su byon cing / /ser skya'i gnas 'di nyid na shing n+ya gro d+ha'i kun dga' ra ba na bzhugs so zhes thos nas de 'di snyam du sems te/ gzhon
8a4 nu de rab tu byung bas bdag ni dbang phyug gi longs spyod chen po las nyams par byas so/ /gal te gzhon nu de khyim na gnas na 'khor los sgyur ba'i rgyal pos mtha' bzhir rnam par
8a5 rgyal ba/ chos dang ldan pa/ chos kyi rgyal po rin po che sna bdun dang ldan par 'gyur te/ de'i rin po che sna bdun 'di dag ste/ 'di ltar 'khor lo rin po che dang / glang po rin po che dang /
8a6 rta rin po che dang / nor bu rin po che dang / bud med rin po che dang / khyim bdag rin po che dang / blon po rin po che ste 'di bdun no/ /de la bu dpa' ba/ rtul phod pa/ yan lag mchog gi
8a7 gzugs dang ldan pa/ gzhan gyi sde rab tu 'jom pa stong yang tshang bar 'gyur ba zhig /des gling chen po bzhi pa'i 'jig rten gyi khams 'di yang chad pa med cing mtshon gyis bda' ba
8a8 med la mnyam ste/ mi mnyam pa med cing chos dang mthun pas legs par phab nas bskal pa rdzogs par bskyangs par 'gyur ba zhig ste/ de ltar gyur na bdag cag kyang 'khor los
8b1 sgyur ba'i rgyal srid la dbang phyug gi dbang dang ldan zhing rim gro byas pa dang / bkur sti byas pa dang / bsti stang du byas pa dang / mchod par byas pa dang / dbang phyug gi dbang chen po yang rnyed par 'gyur
8b2 ba zhig na da ltar bdag cag ni gzhon nu de rab tu byung bas de lta bu'i longs spyod kyi dbang chen po dang bral bar gyur to snyam mo/ /des de snyam du bsams nas shAkya rnams la bsgo ba/ nga'i bu de la
8b3 blta ba 'am/ bsnyen bkur byed par su yang ma 'gro shig /la la zhig nga'i bu de la blta ba 'am bsnyen bkur bya ba'i phyir 'gro na de'i lus la gnod pa'i chad pas bcad do/ /de'i tshe shAkya'i bu
8b4 dga' ba'i bzhin zhes bya ba zhig 'khor de nas byung nas song bar gyur te/ shAkya'i bu dga' ba'i bzhin gyis tshe dang ldan pa 'char ka rgyang ring po nas 'ong ba mthong nas tshe dang ldan pa 'char ka ga la ba
8b5 der song ste/ tshe dang ldan pa 'char ka la yang dag par mgu bar byas nas tshe dang ldan pa 'char ka byon pa legs so/ /tshe dang ldan pa 'char ka yun kyang ring zhig nas byon to/ /tshe dang ldan pa 'char ka
8b6 bcom ldan 'das la snyun mi mnga' 'am/ stobs dang ldan nam/ bde bar bzhugs sam/ mi bde ba mi mnga' 'am/ de la nyam nga ba ci yang mi mnga' 'am/ bcom ldan 'das bde bar
8b7 byon tam/ shin du ma mnyel tam/ bsod snyoms kyis 'o ma rgyal tam/ de skad ces smras pa dang / tshe dang ldan pa 'char kas shAkya'i bu dga' ba'i bzhin la 'di skad ces smras so/ /
8b8 dga' ba'i bzhin de de bzhin te/ bcom ldan 'das la snyun mi mnga'o/ /stobs dang ldan no/ /bde bar bzhugs so/ /mi bde ba mi mnga'o/ /de la nyam nga ba ci yang mi mnga'o/ /bde bar
9a1 byon to/ /mnyel ba med do/ /bsod snyoms kyis 'o brgyal ba med do/ /shAkya'i bu shin du legs par sad kyis kyang shAkya'i bu dga' ba'i bzhin tshe dang ldan pa 'char ka dang lhan
9a2 cig dben pa na 'khod pa mthong nas 'khor de nas byung ste/ tshe dang ldan pa 'char ka ga la ba der song nas tshe dang ldan pa 'char ka la yang dag par mgu bar byas te/ tshe dang ldan pa 'char ka tshur
9a3 spyon/ tshe dang ldan pa 'char ka byon pa legs so/ /tshe dang ldan pa 'char ka yun kyang ring zhig nas byon to/ /tshe dang ldan pa 'char ka bcom ldan 'das la snyun mi mnga' 'am/ stobs dang ldan
9a4 nam/ bde bar bzhugs sam/ mi bde ba mi mnga' 'am/ de la nyam nga ba ci yang mi mnga' 'am/ bcom ldan 'das bde bar byon tam/ shin du ma mnyel tam/ bsod snyoms kyis 'o ma brgyal
9a5 tam/ de skad ces smras pa dang / tshe dang ldan pa 'char kas shAkya'i bu shin du legs par sad la 'di skad ces smras so/ /shin du legs par sad de de bzhin te/ bcom ldan 'das la snyun mi
9a6 mnga'o/ /stobs dang ldan no/ /bde bar bzhugs so/ /mi bde ba mi mnga'o/ /de la nyam nga ba ci yang mi mnga'o/ /bde bar byon to/ /mnyel ba med do/ /bsod snyoms kyis 'o brgyal ba med do/ /
9a7 shAkya'i bu mya ngan med dang / mya ngan bral gyis kyang tshe dang ldan pa 'char ka dang / shAkya'i bu dga' ba'i bzhin dang / shAkya'i bu shin du legs par sad gnas dben pa na 'khod pa mthong nas tshe dang
9a8 ldan pa 'char ka ga la ba der song ste/ tshe dang ldan pa 'char ka la yang dag par mgu bar byas nas tshe dang ldan pa 'char ka tshur spyon/ tshe dang ldan pa 'char ka byon pa legs so/ /tshe dang ldan pa
9b1 'char ka yun kyang ring zhig na byon to/ /tshe dang ldan pa 'char ka bcom ldan 'das la snyun mi mnga' 'am/ stobs dang ldan nam/ bde bar bzhugs sam/ mi bde ba mi mnga' 'am/
9b2 de la nyam nga ba ci yang mi mnga' 'am/ bcom ldan 'das bde bar byon tam/ shin du ma mnyel tam/ bsod snyoms kyis 'o ma brgyal tam/ de skad ces smras pa dang / tshe dang ldan
9b3 pa 'char kas shAkya'i bu mya ngan med pa dang / mya ngan bral la 'di skad ces smras so/ /mya ngan med pa dang / mya ngan bral bcom ldan 'das la snyun mi mnga'o/ /stobs dang ldan no/ /bde
9b4 bar bzhugs so/ /mi bde ba mi mnga'o/ /de la nyam nga ba ci yang mi mnga'o/ /bde bar byon to/ /mnyel ba med do/ /bsod snyoms kyis 'o brgyal ba med do/ /de ci'i phyir zhe na/ 'di ltar
9b5 rgyal po chen po bzhi dang / lha'i dbang po brgya byin dang / mi mjed kyi bdag po tshangs pa dag bcom ldan 'das la mchod pa'i phyir brtson par byed do/ /de skad ces smras pa dang /
9b6 shAkya'i bu de dag gis tshe dang ldan pa 'char ka la 'di skad ces smras so/ /btsun pa 'char ka bdag cag ni bcom ldan 'das la blta ba dang bsnyen bkur bya bar 'dod na bdag cag
9b7 gis de ltar mi nus so/ /de ci'i phyir zhe na/ 'di ltar rgyal po zas gtsang mas nga'i bu la blta ba 'am bsnyen bkur bya ba'i phyir su yang ma 'gro shig /la la zhig de la blta
9b8 ba 'am/ bsnyen bkur bya ba'i phyir song na lus la gnod pa'i chad pas bcad do zhes bka' stsal to/ /de bas na 'phags pa 'char ka de ltar bdag cag rgyal pos 'jigs pa'i
10a1 phyir bcom ldan 'das la blta ba 'am bsnyen bkur byed du 'dong bar mi nus so/ /de nas tshe dang ldan pa 'char ka 'di snyam du sems te/ kye ma rgyal po zas gtsang ma 'di
10a2 ni shin du yang nga rgyal gyis non par gyur na ji ltar bdag gis de'i drung du 'gro bar bya snyam nas des 'di snyam du bsams so/ /'on tang bdag gis nam mkha' la rdzu 'phrul
10a3 gyis shing ta la bdun srid du 'phags la steng gi bar snang la skyil mo dkrung bcas te rgyal po zas gtsang ma'i gan du 'gro bar bya'o snyam nas/ de nas tshe dang ldan pa 'char kas
10a4 ting nge 'dzin gyi rnam pa de lta bu la mnyam par bzhag ste/ sems mnyam par gzhag pa des nam mkha' la shing ta la bdun srid du 'phags nas bar snang la skyil mo dkrung
10a5 bcas te/ rgyal po zas gtsang ma ga la ba der song ngo / /rgyal po zas gtsang mas kyang tshe dang ldan pa 'char ka rgyang ring po nas nam mkha' la shing ta la bdun srid du 'phags te rdzu 'phrul
10a6 gyis bar snang la skyil mo dkrung bcas shing 'ong ba mthong nas de la thal mo sbyar te tshigs su bcad nas smras pa/ tshon bsgyur gos can khyod ni gang nas 'ongs/ /khyod la ci dgos myur du
10a7 smra bar byos/ /khyod la gang dgos de yang myur du sbyin/ /brtul zhugs grub pa mthong bar shin du dka'/ /de skad ces smras pa dang / tshe dang ldan pa 'char kas rgyal po zas gtsang
10a8 ma la tshigs su bcad de slar smras pa/ rgyal po bdag ni khyod kyi sras kyi bu/ /bdag la chos dgos rgyal po gang na bzhugs/ /bdag ni de bzhin gshegs pa'i bshos skyel te/ bde bar
10b1 gshegs pa skyob pa'i bshos bskur ro/ /yul 'khor bdag po che ba'i dpal mnga' ba/ /khyod la mi mchog sras mnga' grags pa thob/ /gzi brjid kyis ni phyogs rnams kun tu 'bar/ /
10b2 ston gyi nyi ma'i gung gi 'od dang 'dra/ /ji ltar sprin med nam mkha'i nyi ma ni/ /phyogs rnams kun du 'od byed mngon par 'bar/ /de bzhin rgyal po glang po khyod kyi sras/ /ye shes mnga'
10b3 bas phyogs rnams kun du snang / /ji ltar ston gyi nyi ma shar ba na/ /srin bu me khyer zil gyis mnan cing snang / /de bzhin rgyal po glang po khyod kyi sras/ /mu stegs gzhan
10b4 rnams kun bcom lam mer bzhugs/ /ji ltar nyi mas zil non skar ma rnams/ /nyin bar 'od stor lam mer mi rung ba/ /de bzhin rgyal po glang po khyod sras kyis/ /zil gyis mnan
10b5 pas mu stegs gzhan mi snang / /ji ltar nyi ma'i zil non zla ba ni/ /nam mkha'i dbyings nas 'od stor nyid mi snang / /de bzhin khyod sras zil mnan mu stegs rnams/ /nyi ma'i
10b6 zil non zla bzhin gsal ba med/ /seng ge'i nga ro thos nas phra mo rnams/ /shugs kyis rmongs nas bsam pa ji bzhin du/ /ri sul gseb tu byer nas 'khra
10b7 zhing gnas/ /stag gi nga ro gzhan gyis bzod par dka'/ /de bzhin rgyal po drang srong chen po'i gsung / /bdag med nga ro mu stegs gzhan thos
10b8 nas/ /shes rab dman pa srid pa'i rtser phyin kyang / /gsung thos pas ni thams cad 'jigs par 'gyur/ /lha dang bcas pa'i 'jig rten long ba la/ /
11a1 spyan dang ldan pa des ni mig kyang stsal/ /snang ba mdzad cing rdul kyang rnam par sbyangs/ /ye shes snang ba'i dkyil 'khor mngon par shar/ /bde dang mi bde lam gnyis rab tu bstan/ /lam dang
11a2 gol ba'i lam yang rgyal bas bstan/ /lam stor skye bo rnams ni lam du btsud/ /'dam du bying ba rnams kyang thang la bton/ /ji ltar skom pa'i sa la sprin gyis ni/ /sgang dang gshong bcas char gyis ngoms
11a3 par byed/ /de bzhin rgyal po glang po khyod kyi sras/ /'gro ba lha bcas chos kyis ngoms par mdzad/ /ji ltar char gyis ngoms pa'i ri sul nags/ /rtswa dang gel ba nags tshal shing rnams dang / /'khri shing
11a4 sdong po sman gyi rnam pa dang / /me tog sna tshogs rnams kyis sa mdzes pa/ /de bzhin stobs bcu mi 'jigs mnga' ba dang / /ma 'dres bcwo brgyad chos mnga'i sdong po la/ /thams cad mkhyen pa'i ye shes me
11a5 tog dang / /'bras bus spras pas rgyal po'i sras mdzes so/ /ji ltar rgya mtsho'i dbus na lhun po'i ri/ /lha'i gnas gyur mi sgul rnam par mdzes/ /de bzhin rgyal po glang po khyod kyi sras/ /dge sbyong rgya
11a6 mtsho'i nang na rnam par mdzes/ /bde sogs khyim thab brgya byin lha dbang po/ /lha yi stan la 'dug na mdzes pa ltar/ /de bzhin rgyal po glang po khyod kyi sras/ /dge sbyong tshogs kyi dbus na rnam par mdzes/ /
11a7 byams pa'i stobs can zab mo'i 'brug bsgrags te/ /thugs rje chen po'i glog phreng rir ldan pas/ /dran pa nyer gzhag char rgyun 'dab 'khrigs te/ /rgyal ba klu mchog de ni chos char 'bebs/ /yongs
11a8 dag dkyil 'khor tshul khrims rab kyi gzir/ /ting 'dzin nyon mongs lha min rab 'jom zhing / /ye shes nyi zer srid pa'i sred pa skems/ /rgyal ba'i nyi chen 'gro bar rnam par mdzes/ /ting nge 'dzin dang tshul
11b1 khrims gzings dang gru chen te/ /dran pa nye bar gzhag pa'i nor bu rin chen tshogs/ /byang chub yan lag rin chen 'byung gnas bsam gtan rlabs/ /thar pa 'dod pas sangs rgyas rgya mtsho bsten par bya/ /
11b2 tshul khrims rnam dag rtsa ba brtan par zug /ting 'dzin lo ma dran pa yal ga 'dab/ /byang chub yan lag me tog stong pa'i sdong / /bdag med grib ldan rgyal ba'i sdong po sten/ /tshul khrims nags mtha'
11b3 ston pa'i stobs chen po/ /ting 'dzin zhi ba'i ri khrod phug na gnas/ /stong pa mtshan med smon med spyod yul can/ /rgyal ba stobs can seng ge khyod kyi sras/ /thub pa mi gnas gnas pa rnam par ston/ /
11b4 rgyal ba khyu mchog brjid pa'i stabs bzhud pas/ /byis pa so so mu stegs gzhan bsngags te/ /khyod kyi sras ni khyu mchog sgra yang 'byin/ /tshul khrims gter dang yon tan dbyig gis brgyan/ /bsam
11b5 gtan dang po'i zhi gnas nye bar bskyabs/ /ye shes kyis bsrungs thar pa'i spyod yul can/ /rgyal ba tshong dpon gtso bo nor gtong mdzad/ /dge ba yongs su bzung bas sdig bcom ste/ /nyon mongs zhi mdzad
11b6 dge bsten bka' stsol pas/ /lha dang lha min bcas pa'i 'jig rten na/ /rgyal po khyod kyi sras mchog rnam par mdzes/ /tshul khrims mchog sprin blo gros glog 'byin cing / /yan lag brgyad lam
11b7 char chen rlan gyis slebs/ /thub pa gces pa'i lo tog 'bras bu stsol/ /khyod kyi sras ni klu chen 'brug sgra sgrogs/ /rgyal pos smras pa/ gang zag mchog de bde bar 'ongs sam ci/ /bsod snyoms rgyu
11b8 bas 'dren pa ma ngal lam/ /de yi lus la ngal bas dub med dam/ /thang gnas ud pa la bzhin ma rnyis sam/ /'char kas smras pa/ rdzu 'phrul stobs mnga' bsam gtan spyod yul can/ /dgyes shing
12a1 bde bas yan lag yongs rgyas te/ /thub pa zhi ba'i snyoms 'jug gnas bcas pas/ /gser gyi pad ma lta bur rgyal mi rnyis/ /rgyal pos smras pa/ sngan chad rdza rnga rnga bran sgras bskul zhing / /
12a2 gling bu'i sgra rnyan nga ros bskul byas te/ /bud med glu yi dbyangs kyis bslang bslang nas/ /da ltar sad na sdug bsngal mi myong ngam/ /'char kas smras pa/ bsam gtan dgongs pas ting 'dzin zhi yul can/ /
12a3 ting 'dzin bsgrub pa'i tshul la mkhas pa ste/ /mnal tam bzhengs sam bzhud dam bzhugs pa na/ /sdug bsngal mi mnga' rgyal ba rtag tu dgyes/ /rgyal pos smras pa/ che ba'i rkyen 'os mal mchog
12a4 bshams pa la/ /me mar sdong pos kun nas mtha' bskor te/ /bud med tshogs kyis bskor cing nyal nyal na/ /da ltar mun par nyal na cis mi rmongs/ /'char kas smras pa/ thub chen 'phags pa
12a5 gzims mal gzims pa ni/ /byams pa'i gdan bting thugs rjes bde bar bzhengs/ /dga' ba'i gnas pas dgyes dang ldan pas na/ /srid med btang snyoms can la rmongs mi mnga'/ /rgyal pos
12a6 smras pa/ shAkya dpa' bos de rtag mdun du bdar/ /bstan bcos mkhas dang rtse zhing dga' byas te/ /gzhal med khang 'dra'i khyim du dga' byas na/ /nga yi bu de nags mthar ji ltar dga'/ /'char
12a7 kas smras pa/ chos kyis byung ba zhi sems ldan rnams kyis/ /zhi ba'i thugs mnga' de rtag mdun du bdar/ /zhi ba'i dgon par zhi ba bsten mdzad pas/ /ston pa 'jigs bral de ni der dgyes so/ /
12a8 rgyal pos smras pa/ sngan chad gzhon nu khyim na gnas pa'i tshe/ /yan lag spos kyi 'bru mar zhim byugs te/ /rgyal po'i rkyen du 'os pas khrus byas na/ /nags kyi mtha' na thub pa su yis bkru/ /
12b1 'char kas smras pa/ khrims gtsang 'bab stegs chos chu rdzing bu ste/ /thub pa des bkrus gzhan yang bkru ba mdzad/ /sku la mi gsher sras dang bcas su 'bog /rang yang rgal la skye bo phal cher sgrol/ /
12b2 rgyal pos smras pa/ gser gyi skud pa nor bu'i phreng bas brgyan/ /rgyal po'i rkyen 'os gos mchog bzang po gyon/ /tsan dan zhim pos shing 'dab legs par bris/ /nags chen de gseb thub pa su
12b3 yis brgyan/ /'char kas smras pa/ tshul khrims spos byugs yon tan phreng bas brgyan/ /khrel yod na bza' ting 'dzin bsam gtan rgyan/ /mngon shes rig pa rnam thar brgyan pa'i sku/ /rnam grol gzi
12b4 mnga' thub pa nags na mdzes/ /rgyal pos smras pa/ rtse gnyis mtshon dang ral gri mtshon thogs pa'i/ /dpa' bo g.yul du 'ongs pas lus bsrungs te/ /bla re gdugs kyis rtag tu dgab dgab pa/ /
12b5 gcig pu nags na 'dug na su yis bsrung / /'char kas smras pa/ byams pa'i stobs kyis thub pa yongs bsrungs te/ /de dpung ye shes nyan thos zhabs 'bring g.yog /yon tan tshogs
12b6 la nges pas 'jigs mi mnga'/ /stobs bcu dgyes pa mnga' zhing mi 'jigs brnyes/ /rgyas pos smras pa/ nga yi bu yi yon tan khyod kyis smras/ /chos legs spyod cing dub med brjod pa thos/ /
12b7 khyod kyang zan zo bsod snyoms bkur bar gyis/ /bdag kyang mi yi dbang po ltar 'gro'o/ /de skad ces smras pa dang / tshe dang ldan pa 'char kas rgyal po zas gtsang ma la 'di skad ces smras so/ /rgyal po chen
12b8 po bcom ldan 'das de ni tshogs kyi slob dpon/ tshogs kyi mchog /dge sbyong gi tshogs yongs su sdud pa/ drang srong chen po ste/ dge sbyong gi tshogs kyi nang na bzhugs na dge sbyong gi rgyal po lam me
13a1 lhan ne lhang nge'o/ /rgyal po 'di lta ste/ dper na/ zla ba yar gyi ngo tshes bcwa lnga la zla ba nya ste yongs su rgyas pa'i tshe skar ma'i tshogs kyis kun nas bskor ba ni lam me lhan ne
13a2 lhang nge'o/ /de bzhin du bcom ldan 'das de yang dge sbyong gi tshogs kyi nang na bzhugs na lam me lhan ne lhang nge'o/ /rgyal po chen po 'di lta ste/ dper na nyi ma ni ston ka'i dus na shin du lam me
13a3 lhan ne lhang nge'o/ /de bzhin du bcom ldan 'das de yang dge sbyong gi tshogs kyi nang na bzhugs na shin du lam me lhan ne lhang nge'o/ /'di lta ste/ dper na ri'i rgyal po ri rab rgya mtsho'i nang na 'dug
13a4 pa ni lam me lhan ne lhang nge'o/ /de bzhin du bcom ldan 'das de yang dge sbyong gi tshogs kyi nang na bzhugs na lam me lhan ne lhang nge'o/ /'di lta ste/ dper na lha'i dbang po brgya byin ni chos bzang
13a5 lha'i mdun sa na gnas na lam me lhan ne lhang nge'o/ /de bzhin du bcom ldan 'das de yang dge sbyong gi tshogs kyi nang na bzhugs na lam me lhan ne lhang nge'o/ /'di lta ste/ dper na lha'i bu rab 'thab
13a6 bral dang / lha'i bu yongs su dga' ldan dang / lha'i bu rab 'phrul dga' dang / lha'i bu gzhan 'phrul dbang byed lha'i tshogs kyi nang na gnas na lam me lhan ne lhang nge'o/ /de bzhin du bcom ldan 'das
13a7 kyang dge sbyong gi tshogs kyi nang na bzhugs na lam me lhan ne lhang nge'o/ /'di lta ste/ dper na mi mjed kyi bdag po tshangs pa ni tshangs pa bye ba phrag stong gis bskor na lham me lhan ne lhang nge'o/ /de bzhin
13a8 du bcom ldan 'das de yang dge sbyong gi tshogs kyi nang na bzhugs na lam me lhan ne lhang nge'o/ /de nas rgyal po zas gtsang ma bcom ldan 'das kyi yon tan de lta bu brjod pa 'di thos nas 'di snyam du sems
13b1 te/ 'di ni bcom ldan 'das de'i nyan thos su zad na 'di ltar rdzu 'phrul che zhing 'di ltar mthu che la 'di ltar dbang che bar grags na/ bcom ldan 'das thog ma btsas pa nyid kyi tshe sa chen po 'di rnam pa
13b2 drug tu g.yos/ rab tu g.yos/ kun du rab tu g.yos/ 'gul rab tu 'gul/ kun du rab tu 'gul/ ldeg rab tu ldeg /kun du rab tu ldeg /chem chem rab tu chem chem/ kun du rab tu chem chem/ 'ur
13b3 'ur rab tu 'ur 'ur/ kun du rab tu 'ur 'ur/ 'khrugs rab tu 'khrugs/ kun du rab tu 'khrugs shing snang ba dpag tu med pa byung ba lta ci smos/ btsas ma thag tu sus kyang ma brten par sa la gom pa
13b4 bdun bor ba dang / steng gi bar snang las chu'i rgyun grang dro rnam pa gnyis byung ste/ de gnyis kyis khrus byas pa dang / de'i lha'i khri bzang po dbus gser las byas pa byung pa dang / steng gi bar snang
13b5 las lha'i gdugs dang / rnga yab dang bcas pa byung ba lta ci smos/ btsas ma thag tu lha thams cad phyag 'tshal bar gyur pa dang / gang gi tshe btsas nas gang gi tshe mngon par byung ba de'i bar du nam yang
13b6 'khrul pa med pa/ rtag tu dam bcas pa la brtan pa/ ji skad smras pa de ltar byed pa/ rtag tu rgyun mi gcod par brtson 'grus brtan pa/ yang dag par smra ba/ slu ba med pa lta ci smos/ gang gi tshe bla na
13b7 med pa yang dag par rdzogs pa'i byang chub mngon par rdzogs par sangs rgyas te/ rgal nas bsgral bar bya'o zhes smras pa lta ci smos snyam ste/ des de ltar bcom ldan 'das byang chub sems dpar gyur
13b8 pa'i dam bcas pa de dran nas tshigs su bcas pa 'di dag smras so/ /blo mchog ldan pa gang zhig bltam ma thag /nor ba med pa'i gsung ni brjod mdzad de/ /gang zhig la ni bden pa'i gsung mnga' ba/ /
14a1 de la mkhas pa su zhig yid mi ches/ /gang zhig bltam par gyur ma thag nyid du/ /'jig rten gtso bor 'gyur bar bya'o zhes/ /mgon pos mnyam pa med pa'i gsung brjod pa/ /de la
14a2 mkhas pa su zhig yid mi ches/ /su zhig rmid lam rmi ba'i dus na yang / /brdzun gyi tshig ni nam yang ma gsungs te/ /ji skad gsungs pa de ltar mdzad mdzad pa/ /de la mkhas pa su zhig yid mi
14a3 ches/ /gser gyi phung po gangs ri mnyam pa yis/ /gang zhig chags par bya bar ma nus shing / /gang zhig chags las rnam par 'das gyur pa/ /de la mkhas pa su zhig yid mi ches/ /mtshon
14a4 rnon 'dra ba'i ngag rtsub tshig rnams kyis/ /gang zhig khro bar bya bar ma nus shing / /zhe sdang dngos po las ni rab 'das pa/ /de la mkhas pa su zhig yid mi ches/ /chags par 'gyur dang zhe sdang rmongs
14a5 'gyur bas/ /gang zhig thul bar nus par ma gyur te/ /shes rab rgyal po dang ni ldan gyur pa/ /de la mkhas pa su zhig yid mi ches/ /'dod pa'i dga' dang bde rnams du ma dang / /longs spyod dag
14a6 la rtog pa'i rnam pa yis/ /gang zhig bcing bar nus par ma gyur pa/ /de la mkhas pa su zhig yid mi ches/ /rmad du byung ba rnam par brgyad dag gis/ /ngo mtshar 'dzin gzhug nam yang ma nus te/ /
14a7 dpal stug ldan zhing rtag tu mi dam pa/ /de la mkhas pa su zhig yid mi ches/ /mkhas pa dag gis brjod pa'i tshig snyan pa/ /rnam pa sna tshogs du ma'i tshig gis kyang / /gang zhig bcing bar nus par ma
14a8 gyur pa/ /de la mkhas pa su zhig yid mi ches/ /don gyi tshul la brtson dang ldan pa dang / /chos dang 'dod la nges pa'i tshig rnams kyis/ /gang zhig bcing bar nus par ma gyur pa/ /de yis gsung la su
14b1 zhig yid mi ches/ / dri ma med stobs mtha' yas ldan gyur pa/ /gang zhig grong khyer mchog nas 'byung ba'i tshe/ /dpung rnams kyis ni thub par ma gyur pa/ /de yi gsung la su zhig yid mi ches/ /
14b2 byang chub dam pa mngon par bzhed pa'i phyir/ /gang zhig 'dod pa'i bde ba spangs nas su/ /'chi med rgyu phyir ri dgas spyod mdzad pa/ /de yi gsung la su zhig yid mi ches/ /byang chub dam pa mngon par
14b3 bzhed pa'i phyir/ /zhan pa ma yin sems can gang zhig gis/ /lo drug bar du dka' thub drag spyad pa/ /de yi gsung la su zhig yid mi ches/ /'jig rten la ni phan dang bde ba'i phyir/ /byang chub dam pa
14b4 don du gnyer ba na/ /lo drug lon pa'i tha mar tshod khu gsol/ /de yi gsung la su zhig yid mi ches/ /gang la lo drug bar du bdud kyis ni/ /rtag tu phyi bzhin 'brengs te glags btsal kyang / /de la
14b5 glags ni rnyed par ma gyur pa/ /de yi gsung la su zhig yid mi ches/ /gang zhig 'dod chags zhe sdang bral gyur cing / /su la cung zad tsam yang mi slong la/ /'jig rten dag gi don ni mdzad gyur pa/ /de
14b6 yi gsung la su zhig yid mi ches/ /gang zhig gzhan la gsan pa ma mdzad par/ /rtogs par dka' ba rab tu zhi ba yi/ /byang chub bla med mngon rdzogs sangs rgyas pa/ /de yi gsung la su zhig yid mi
14b7 ches/ /gang zhig tshangs pa nyid kyis gsol btab pas/ /bcom ldan 'das kyis de yi tshig gsan te/ /nyid kyis chos ni rab tu bshad pa na/ /de yi gsung la su zhig yid mi ches/ /gang zhig bdag la
14b8 thugs brtse don gyi phyir/ /shAkya'i grong khyer khyim du byon gyur te/ /shAkya'i tshogs rnams grol bar mdzad pa na/ /de yi gsung la su zhig yid mi ches/ /rgal bar gyur pa'i bcom ldan 'das gang gis/ /
15a1 sngon gyi thugs dam bcas pa dgongs mdzad de/ /bdag cag srid pa'i rgyun las sgrol mdzad na/ /de yi gsung la su zhig yid mi ches/ /de dus da bab de ltar dus mkhyen pas/ /bcom ldan
15a2 'das kyis de yi dus mkhyen te/ /'dren pa dus su thugs brtse mdzad pa po/ /de yi gsung la su zhig yid mi ches/ /mi yi 'dren pa yi ni sku mchog la/ /blta ba'i don du bdag ni 'gro bya zhes/ /rgyal po des
15a3 ni rang gi sems kyis su/ /de snyam du ni rjes su bsam pa byas/ /de nas rgyal po zas gtsang mas de ltar ring zhig tu rjes su bsams nas tshe dang ldan pa 'char ka la smras pa/ dge slong khyod la ci zhig dgos/
15a4 de skad ces smras pa dang / tshe dang ldan pa 'char kas rgyal po zas gtsang ma la tshigs su bcad de slar smras pa/ rgyal po khyod kyi don du bsam byas te/ /khyod nyid dad par bya phyir bdag 'dir 'ongs/ /
15a5 stobs bcu mnga' la dad pa'i sems bskyed na/ /skyes pa bud med dag kyang mtho ris 'dong / /stobs bcu mnga' zhing yon tan tshad med ldan/ /drang srong chen po shAkya dga' mdzad pa/ /'dir byon rgyal po
15a6 thugs dang skyed cig dang / /khyod kyi grags pa tshad med 'jig rten 'byung / /khyod kyi sras ni mi dbang dam pa ste/ /stobs bcu thugs rje thugs brtse che mnga' ba/ /chu khrod pad ma ji bzhin chags med
15a7 par/ /stobs bcu chags med thugs mnga' spyod pa mdzad/ /srid pa'i chu bo bzhi las rgal gyur nas/ /'gro ba mang po chu bo che las sgrol/ /rkang gnyis gtso bo mi 'jigs thang 'don gyis/ /'dren
15a8 pa mi mchog la ni dad pa skyed/ /srid pa'i zug rngu bzhi po kun bton te/ /sman pa'i gtso bo skye dgu'i zug rngu 'byin/ /gso ba byed pa mkhas pa dam pa'i mchog /'dren pa mi mchog la ni dad pa skyed/ /
15b1 bdud kyi sde chen dpag med pham mdzad de/ /nag po'i phyogs rnams sder bcas yongs mnan nas/ /mchog tu zhi ba'i byang chub brnyes gyur gyis/ /'dren pa mi mchog la ni dad pa skyed/ /'gro ba dgrol zhing
15b2 chos kyang bstan pa dang / /'chi med zhi ba mi la bshad gsol zhes/ /mi dbang la ni lha dbang gsol 'debs kyis/ /'dren pa mi mchog la ni dad pa skyed/ /phas kyi rgol ba'i tshogs rnams zil mnan te/ /
15b3 ston pa dpag yas 'khor lo rab bskor nas/ /sems can bye ba tshad med 'dul mdzad kyis/ /'dren pa mi mchog la ni dad pa skyed/ /rnam dag spyan mnga' de ni 'gro ba dag /mun pa rab rib stug pos
15b4 bsgribs pa yi/ /mig sbyong rab rib sel cing gsal mdzad kyis/ /'dren pa mi mchog la ni dad pa skyed/ /rga dang 'chi ba'i 'jigs pas nyon mongs la/ /rga shi med mchog mi la ston mdzad cing / /
15b5 'chi med gnas su sems can 'don mdzad kyis/ /'dren pa mi mchog la ni dad pa skyed/ /me chen gsum gyis bsregs pa'i 'jig rten 'di/ /mes tshig sa la sprin cher char pa bzhin/ /bzhi
15b6 gnyis dam pa'i sprin gyi char 'bebs kyis/ /'dren pa mi mchog la ni dad pa skyed/ /dri gsum dri ma spangs shing skyon gsal te/ /dri ma gsum las skye bo 'grol mdzad cing / /stobs bcu rnam
15b7 par snang ba skyed mdzad kyis/ /'dren pa mi mchog la ni dad pa skyed/ /skye dgu kun la pha bzhin thugs brtse bas/ /stobs bcu thugs rjes mnga' ba byams par dgongs/ /thugs rje thugs brtses
15b8 sems can 'grol mdzad kyis/ /'dren pa mi mchog la ni dad pa skyed/ /bcom ldan de ni ma dul sems can 'dul/ /thugs rje mnga' ba ma zhi zhi mdzad cing / /rgod pa rnams kyang nyon mongs zhi
16a1 mdzad kyis/ / 'dren pa mi mchog la ni dad pa skyed/ /skye bo rnams kyi srid pa'i rgya mtsho skems/ /rgya mtsho las ni lha bus ji lta bar/ /stobs bcu thugs rje che mnga' sgrol mdzad kyis/ /'dren pa
16a2 mi mchog la ni dad pa skyed/ /tshad myed yon tan tshogs kyis mdzes gyur pa/ /thugs rje chen po dad pa'i thugs kyis spyod/ /yun ring 'khrugs pa'i skye bo dad mdzad kyis/ /'dren pa mi mchog la ni dad
16a3 pa skyed/ /nor bu rin chen chu dang byed pa bzhin/ /rgyal ba skye bo dang bar spyod mdzad cing / /mi yi 'thab rnyog rab tu dang mdzad kyis/ /'dren pa mi mchog la ni dad pa skyed/ /nor bu rin chen rang bzhin yongs
16a4 dag pa/ /mkhas pa'i skye bo dga' ba yongs su skyed/ /rgyal ba de bzhin skyon bsal dag pa'i thugs/ /mkhas pa'i skye bo dga' ba yongs su skyed/ /'jig rten gtso la dad pa thob gyur na/ lha dang mi
16a5 dag sdug bsngal khur yang 'dor/ /srid pa'i rgyud spangs zhi ba mchog tu 'dong / /'dren pa mi mchog la ni dad pa skyed/ /bdag gis yon tan phyogs gcig brjod pa ni/ /nam mkha'i dbyings la mkha'
16a6 lding rjes bzhin te/ /bdag ni rgyal ba'i yon tan mthar phyin min/ /'dren pa mi mchog la ni dad pa skyed/ /de nas rgyal po zas gtsang mas tshe dang ldan pa 'char ka las legs par bshad pa yang
16a7 thos/ bcom ldan 'das byang chub sems dpa' mdzad pa'i yon tan de lta bu yang nyid kyis mngon du mthong / sngon bdag rgal nas skyes bu khyu mchog khyod kyang bsgral bar bgyi'o/ /zhes dam
16a8 bcas pa yang rjes su dran nas de'i tshe bcom ldan 'das la dad pa thob par gyur to/ /de ltar dad pa thob pa'i sems kyis tshe dang ldan pa 'char ka la 'di skad ces smras so/ /dge slong khyod ni
16b1 nga'i bu'i chos las skyes pa'i bu yin na/ khyod bdag zan zo la bcom ldan 'das kyi bshos khyer te song shig /nga yang bcom ldan 'das la blta ba'i phyir phyi bzhin 'ong ngo / /de nas tshe dang ldan pa
16b2 'char kas de ltar rgyal po zas gtsang ma mngon par dad par byas nas zan zos te bcom ldan 'das kyi bshos khyer nas song ngo / /de'i tshe bcom ldan 'das kyis dge slong rnams la bka' stsal pa/
16b3 dge slong dag rgyal po zas gtsang ma ni dge slong 'char kas dad par byas te/ deng skye bo phal po che'i don du 'gyur ro/ /de nas tshe dang ldan pa 'char ka bcom ldan 'das kyi bshos khyer te/ bcom
16b4 ldan 'das ga la ba der song nas bdag gis byas pa rnams bcom ldan 'das la gsol to/ /de nas bcom ldan 'das kyis tshe dang ldan pa 'char ka la legs so zhes bya ba gnang ste/ 'char
16b5 ka legs so legs so/ /de ring rgyal po zas gtsang ma dad par byas pas khyod kyis bsod nams mang du bskyed do/ /de'i tshe bcom ldan 'das kyis dge slong rnams la bka' stsal pa/ dge slong
16b6 dag de ring dge slong 'char kas rgyal po zas gtsang ma mngon par dad par byas pa'i bsod nams kyi phung po bskyed pa de la/ gal te gzugs shig yod na ni phyogs bcu'i 'jig rten gyi khams gang
16b7 gA'i klung gi bye ma snyed kyi 'jig rten gyi khams su yang bsod nams gyi phung po de mi shong ste/ bsod nams kyi phung po de ni de tsam du dpag tu med do// // bam po gnyis pa/ de nas bcom
16b8 ldan 'das bshos gsol nas phyag bcabs lhung bzed bkrus te/ mtshan ma'i rnam pa 'di lta bu mdzad do/ /mtshan ma'i rnam pa de lta bu'i mdzad pas rgyal po chen po rnam thos kyi bu gnod sbyin
17a1 bye ba khrag khrig brgya stong gis yongs su bskor cing mdun du bdar nas 'di lta ste/ dper na skyes bu stobs dang ldan pas lag pa bskum pa las brkyang pa 'am/ brkyang pa las bskum
17a2 pa tsam gyis rgyal po chen po rnam thos kyi bu rang gi gnas nas mi snang bar gyur nas bcom ldan 'das kyi spyan sngar 'dug par gyur te/ des bcom ldan 'das kyi zhabs la mgo bos phyag
17a3 'tshal nas byang phyogs su brten te/ steng gi bar snang la gnod sbyin gyi tshogs kyis bskor nas thal mo sbyar te/ bcom ldan 'das dang dge slong gi dge 'dun la mchod cing 'dug par gyur to/ /
17a4 rgyal po chen po yul 'khor srung yang dri za bye ba khrag khrig brgya stong du mas yongs su bskor cing mdun du bdar nas snga ma bzhin du bcom ldan 'das kyi spyan sngar 'dug par gyur te/ des bcom ldan
17a5 'das kyi zhabs la mgo bos phyag 'tshal nas shar phyogs su brten te/ steng gi bar snang la dri za'i bum tshogs kyis bskor nas thal mo sbyar te/ bcom ldan 'das dang dge slong gi dge 'dun la mchod cing
17a6 'dug par gyur to/ /rgyal po chen po 'phags skyes po yang grul bum bye ba khrag khrig brgya stong du mas yongs su bskor cing mdun du bdar nas snga ma bzhin du bcom ldan 'das kyi spyan sngar 'dug par
17a7 gyur te/ des bcom ldan 'das kyi zhabs la mgo bos phyag 'tshal nas lho phyogs logs su brten te/ steng gi bar snang la grul bum gyi tshogs kyis bskor nas thal mo sbyar te/ bcom ldan
17a8 'das dang dge slong gi dge 'dun la mchod cing 'dug par gyur to/ /rgyal po chen po mig mi bzang yang klu bye ba khrag khrig brgya stong du mas yongs su bskor cing / mdun du bdar nas snga ma bzhin du
17b1 bcom ldan 'das kyi spyan sngar 'dug par gyur te/ des bcom ldan 'das kyis zhabs la mgo bos phyag 'tshal nas nub phyogs su brten te/ steng gi bar snang la klu'i tshogs kyis bskor nas thal
17b2 mo sbyar te/ bcom ldan 'das dang dge slong gi dge 'dun la mchod cing 'dug par gyur to/ /lha'i dbang po brgya byin yang sum cu rtsa gsum ris kyi lha'i bu bye ba khrag khrig brgya stong du mas yongs su
17b3 bskor cing mdun du bdar nas snga ma bzhin steng gi bar snang la thal mo sbyar te/ bcom ldan 'das dang dge slong gi dge 'dun la mchod cing 'dug par gyur to/ /de bzhin du lha'i rgyal po rab 'thab bral dang /
17b4 yongs su dga' ldan dang / rab 'phrul dga' dang / lha'i rgyal po gzhan 'phrul dbang byed dang / mi mjed kyi bdag po tshangs pa dang / lha'i rgyal po 'od gsal dang / dge rgyas dang / 'bras bu che dang / gnas
17b5 gtsang ma'i ris kyi lha'i bu rnams kyang gnas gtsang ma'i ris nas mi snang bar gyur te/ bcom ldan 'das kyi spyan sngar 'khod par gyur nas bcom ldan 'das kyi zhabs la mgo bos phyag 'tshal te/
17b6 steng gi bar snang la re re zhing yang g.yog lha'i bu bye ba khrag khrig brgya stong du ma dang lhan cig tu bcom ldan 'das dang dge slong gi dge 'dun la mchod cing 'dug par gyur to/ /lha ma yin gyi dbang po
17b7 thags zangs ris kyang lha ma yin khrag khrig phrag drug bcu dang lhan cig tu 'di lta ste/ dper na skyes bu stobs dang ldan pa'i lag pa bskum pa las brkyang ba 'am/ brkyang ba las bskum pa tsam gyis lha
17b8 ma yin gyi dbang po thags zangs ris lha ma yin gyi gnas nas mi snang bar gyur te/ bcom ldan 'das kyi spyan sngar 'dug par gyur nas bcom ldan 'das kyi zhabs la mgo bos phyag 'tshal te/
18a1 bcom ldan 'das dang dge slong gi dge 'dun la mchod cing 'dug par gyur to/ /bya'i rgyal po mdab bzangs brgyad khri drug stong yang rang rang gi gnas nas mi snang bar gyur te/ bcom ldan 'das kyi
18a2 spyan sngar 'khod par gyur nas bcom ldan 'das kyi zhabs la mgo bos phyag 'tshal te/ bcom ldan 'das dang dge slong gi dge 'dun la mchod cing 'dug par gyur to/ /gzhan mu stegs can kun du rgyu
18a3 rgyal po'i khams tha dad pa nas lhags pa bye ba phrag brgyad bcu yang 'dug par gyur to/ /de la 'di skad ces bya ste/ nam mkha'i yongs su dag pa'i dbyings dkyil du/ ma lus rdzogs gyur zla ba nya ba
18a4 yis/ /skar ma'i tshogs rnams zil gyis mnan nas ni/ /nam mkhar zla ba bzhin du rnam par mdzes/ /zla ba dri med dkyil 'khor zhal mnga' ba/ /mun pa rab rib sel cing dri gsum 'jom/ /
18a5 rtog ge can tshogs zil gyis mnan nas ni/ /mkha' la skar ma'i bdag po bzhin du mdzes/ /nyi ma'i 'od zer brgya yi lus 'dzin pa/ /ston gyi dus na mun sel rnam mdzes shing / /lha min
18a6 tshogs rnams zil gyis mnan nas ni/ /nyi ma de ni pad ma'i kha yang 'byed/ /nyi ma'i 'od zer brgya 'dra'i sku mnga' bas/ /stong gsum po dag zil gyis mnan nas ni/ /mi yi nyi ma rnam par mdzes
18a7 gyur cing / /nyan thos pad ma'i tshal mchog kha yang 'byed/ /lha yi rgyal po dbang po brgya byin ni/ /'dun sar lha yi tshogs kyis yongs bskor pa/ /lha yi 'khor rnams zil gyis mnan nas ni/ /
18a8 bde sogs khyim thab sbyin ldan rnam par mdzes/ /rkang gnyis dbang po dpal stug stobs bcu yang / /dge sbyong tshogs kyis mdun bdar stong gsum na/ /rtog ge'i tshogs rnams zil gyis
18b1 mnan nas ni/ /dge sbyong tshogs kyi dbus na rnam par mdzes/ /lha yi dbang po 'thab bral dbang byed pa/ /'thab bral bzang po lhas mchod btsun byas pa/ /'thab bral bzang po lha tshogs nang bzhugs te/ /
18b2 'thab bral rnams kyi nang na 'dug pa mdzes/ /gzi brjid mtha' yas stobs bcu mnga' ba yang / /lam ngan ngan 'gror 'dong ba zil mnan nas/ /yan lag brgyad pa rab tu ston mdzad cing / /stobs
18b3 bcu yon tan rnams kyis rab tu mdzes/ /lha yi rgyal po yongs su dga' ldan de/ /dga' ldan gnas na lha yi tshogs kyis bskor/ /lha tshogs mang po zil gyis mnan nas ni/ /sngon gyi
18b4 dge ba'i rtsa bas rab tu mdzes/ /de bzhin lha dang lha min bla ma yang / /lha dang lha min tshogs kyis bla mar byas/ /'khor brgyad po dag zil gyis mnan nas ni/ /skyes bu seng ge dam pa
18b5 'jig rten mdzes/ /lha yi dbang po bdag po rab 'phrul ni/ /lha tshogs mang po zil gyis mnan nas su/ /rang gi bsod nams mthu yis lha gnas na/ /gnas shing de ni rab tu rnam
18b6 par mdzes/ /de bzhin nyon mongs rnams las rnam grol zhing / /stobs bcu mnga' ba nyon mongs bral ba po/ /ma dul 'dul mdzad 'dul ba'i rgyal po yang / /skye bo zil gyi mnan nas rnam
18b7 par mdzes/ /lha'i rgyal po dbang sgyur byed pa ni/ /lha gnas 'dug cing lha mchog zil mnan te/ /sngon gyi dge ba'i rtsa ba'i gzi brjid kyis/ /rnam par mdzes par gyur pa ji bzhin du/ /
18b8 de ltar rgyal ba stobs bcu'i spyod pa dag /sngan chad spyad pas lha mi zil mnan te/ /sngon gyi dge ba'i rtsa ba'i gzi brjid kyis/ /rgyal po de ni rab tu rnam par mdzes/ /tshangs pa'i
19a1 'jig rten na ni tshangs pa yang / /tshangs pa'i 'khor rnams rang gis zil mnan te/ /shin du snyan pa yan lag brgyad ldan dag /yongs su rjod par byed cing mngon du mdzes/ /de
19a2 ltar rgyal ba'i tshangs pa 'drar gyur pa/ /dge sbyong rgyal po dge sbyong tshogs rnams kyis/ /mdun du bdar te bden pa'i gtam gsung zhing / /'jig rten gsum po dag na mngon par mdzes/ /nyan
19a3 par 'dod pa lha dang mi rnams dang / /lto 'phye chen po dag ni 'dus mkhyen nas/ /skyes bu khyu mchog yan lag brgyad ldan gyi/ /gsung rnams kyis ni rab tu ston par mdzad/ /bya lam
19a4 nam mkha' dpag par nus kyang srid/ /rgya mtsho bum pas gzhal du rung yang srid/ /ri rab srang brgyar gzhal du rung yang srid/ /sangs rgyas yon tan mtha' rtogs mi nus so/ /rgyal po
19a5 mngon par dad par byas pa'i le'u ste dang po'o// // de nas tshe dang ldan pa 'char ka song nas ring po ma lon par rgyal po zas gtsang mas shAkya rnams la bsgo ba/ grogs po dag 'di lta ste/
19a6 dper na nyi ma 'char ba'i snga ltas ni gang 'di dmar ring 'char ba'o/ /dmar reng shar na nyi ma 'char bar shes so/ /grogs po dag de bzhin du dge slong 'char ka yang bcom ldan 'das thams cad
19a7 mkhyen pa'i snga ltas yin te/ dge slong 'char kas yon tan gang brjod pa de dag ni nges par thams cad mkhyen pa'i yon tan yin no/ /grogs po dag de lta bas na bzhon pa'i mchog rnams
19a8 stod de sta gon gyis shig /de ci'i phyir zhe na/ de ring kho na bdag cag bcom ldan 'das mchog tu blta na sdug pa de lta zhing 'dong ngo / /lha legs so zhes gsol nas shAkya rnams kyis rgyal
19b1 po zas gtsang ma'i ltar mnyan te/ theg pa'i mchog rnams myur du bstad do/ /de'i tshe rgyal po zas gtsang mas ser skya'i gnas dang / n+ya gro d+ha'i kun dga' ra ba'i bar de dag thams cad rgyal po'i
19b2 gshegs shul du mnyam par byed du bcug cing bye ma gtsang ma bdal du bcug ste/ nyams dga' ba dang / me tog sil mas gang ba dang / dar gyi lda ldi dang / phreng ba mang pos brgyan te/ skabs skabs
19b3 su gar mkhan dang / glu mkhan dang / gyad dang / bum rnga thogs pa dang / sil snyan dang / rol mo dang / glu'i cha spyad dang / yo byad thams cad thogs pa dag bkod par gyur to/ /de nas rgyal po
19b4 zas gtsang ma bzhon pa'i mchog dang bcas pa rnams dang / bdag nyid kyang bzhon pa'i mchog la zhon te/ ser skya'i gnas kyi grong khyer chen po nas byung nas n+ya gro d+hA'i kun dga' ra ba ga la ba der
19b5 song ngo / /de'i tshe shAkya la la'i bzhon pa'i mchog ni rnam pa 'di lta bu ste/ 'di ltar shing rta dag kyang thams cad sngo la rta sngon po rnams kyis drangs shing / /rgyan rnams kyang sngo la dril bu g.yer ka'i dra
19b6 bas brgyan pa/ 'khor rgyan sngon po can gyis bskor ba/ gdugs dang / ral gri dang / thod dang / nor bu can gyi rnga yab dang / lha ma rgyan can sngon po dang ldan pa/ kha tshar ma bcad pa'i ras
19b7 sngon po gyon zhing rgyan sngon po thogs pa'i zhal ta ba rnams zhal ta byed pa/ rgyan sngon po can gyi lcag thogs pa dang / khrid pa du ma dang ldan pa/ rgyal mtshan sngon po bsgreng ba sha stag ste/
19b8 shing rta re re zhing yang rgyan sngon po can gyi mi brgya phrag re res bskor bar gyur to/ /shAkya la la'i bzhon pa rnam pa 'di lta bu ste/ 'di ltar shing rta dag kyang thams cad du dmar ba dang /
20a1 thams cad du dkar ba dang / thams cad du bkra ba dang / shing rta re re zhing yang rgyan khra bo can gyi mi brgya phrag re res bskor ba'i bar du snga ma bzhin no/ /shing rta de dag re re'i phyi bzhin du
20a2 yang glang po che brgyad khri gser gyi rgyan gyis brgyan pa/ gser gyi rgyal mtshan dang / gser gyi dra bas g.yogs pa sha stag bshams te/ glang po che brgyad khri po de dag gi steng du rin po che
20a3 sna bdun gyi khang pa brtsegs pa bkra ba/ blta na sdug pa brgyad khri bzhag nas 'dong bar gyur to/ /glang po che brgyad khri po de dag gi phyi bzhin rta gser gyis rgyan gyis brgyan pa/ gser gyi dril bu
20a4 g.yer ka brgyus pa/ rin po che sna bdun gyi rgyan dang ldan pa brgyad khri bshams te 'dong bar gyur to/ /de nas bcom ldan 'das kyis rgyal po zas gtsang ma dang / shAkya rnams rgyang ring po nas
20a5 'ong ba gzigs nas dge slong rnams la bka' stsal pa/ dge slong dag khyed gang dag gis sum bcu rtsa gsum gyi lha bskyed mos tshal du 'dong ba ma mthong ba de dag gis shAkya ser skya'i gnas
20a6 nas 'ong ba 'di dag la ltos shig /de ci'i phyir zhe na/ dge slong dag shAkya rnams ser skya'i gnas nas byung ba de dag ni sum bcu rtsa gsum gyi lha bskyed mos tshal du 'dong ba dang rjes su 'thun
20a7 pa'o/ /de la 'di skad ces bya ste/ ser skya zhes bya'i grong khyer dam pa nas/ /rgyal po zas gtsang mi yi khyu mchog de/ /'khor dang bcas te ji ltar 'ong gyur pa/ /de ltar bstan gyis khyed
20a8 rnams de nyon cig /shing rta brgya stong mchog dang bcas pas dag /legs par brgyan cing mdzes par spras nas ni/ /ser skya'i gnas kyi grong khyer dam pa nas/ /mi yi dbang po dam pa
20b1 byung bar gyur/ /shing rta sngo zhing rgyan kyang sngo ba dang / rta yang sngo zhing sngo ba'i 'khor dang bcas/ /mtshan ma lnga po dag kyang sngo ba ste/ /de bzhin gos kyi dam pa dag kyang sngo/ /lcag kyang sngo zhing thag
20b2 srang rnams kyang sngo/ /dril bu g.yer ka'i dra ba rnams dang bcas/ /mi rnams kyang ni sngon po gos can te/ /rgyal mtshan sngon po bsgreng bas mdzes par byas/ /shing rta ser zhing rgyan
20b3 kyang ser ba dang / rta yang ser zhing ser po'i 'khor dang bcas/ /mtshan ma lnga po dag kyang ser po ste/ /de bzhin gos kyi dam pa dag kyang ser/ /lcag kyang ser zhing thag srang rnams kyang
20b4 ser/ /dril bu g.yer ka'i dra ba rnams dang bcas/ /mi rnams kyang ni ser po'i gos can te/ /rgyal mtshan gser po bsgreng bas mdzes par byas/ /shing rta dmar zhing rgyan kyang dmar ba dang / /
20b5 rta yang dmar zhing dmar po'i 'khor dang bcas/ /mtshan ma lnga po dag kyang dmar po ste/ /de bzhin gos kyi dam pa dag kyang dmar/ /lcag kyang dmar zhing thag srang rnams kyang dmar/ /dril
20b6 bu g.yer ka'i dra ba rnams dang bcas/ /mi rnams kyang ni dmar po'i gos can te/ /rgyal mtshan dmar po bsgreng bas mdzes par byas/ /shing rta dkar zhing rgyan kyang dkar ba dang /
20b7 rta yang dkar zhing dkar po'i 'khor dang bcas/ /mtshan ma lnga po dag kyang dkar po ste/ /de bzhin gos kyi dam pa dag kyang dkar/ /lcag kyang dkar zhing thag srang rnams kyang dkar/ /
20b8 dril bu g.yer ka'i dra ba rnams dang bcas/ /mi rnams kyang ni dkar po'i gos can te/ /rgyal mtshan dkar po bsgreng bas mdzes par byas/ /shing rta bkra zhing rgyan kyang bkra ba dang / /
21a1 rta yang bkra zhing bkra ba'i 'khor dang bcas/ /mtshan ma lnga po dag kyang bkra ba ste/ /de bzhin gos kyi dam pa dag kyang bkra/ /lcag kyang bkra zhing thag srang rnams kyang bkra/ /
21a2 dril bu g.yer ka'i dra ba rnams dang bcas/ /mi rnams kyang ni bkra ba'i gos can te/ /rgyal mtshan khra bo bsgreng bas mdzes par byas/ /shing rta de dag rnams kyi phyi bzhin du/ /glang
21a3 po brgyad khri tshang bar bshams pa ni/ /gser gyi rgyal mtshan rnams kyis legs par brgyan/ /glang chen rnams ni gser gyis chal par brgyan/ /de dag steng du rin chen sna bdun
21a4 gyi/ /khang pa brtsegs pa dag ni bzhag nas su/ /rnam pa sna tshogs rgyan gyis brgyan pa yi/ /shing rta rnams kyi phyi bzhin 'brang bar bshams/ /de bzhin rta mchog stong phrag brgyad
21a5 bcu yang / /rin chen sna bdun rgyan gyi dga' bar brgyan/ /rgyal po'i chas gos rgyal po 'cham stabs can/ /glang po de dag rnams ni phyi bzhin 'brang / /rab tu dri zhim kha dog lnga
21a6 pa yi/ /me tog sil ma rgyal po'i lam du bkram/ /dar gyi lda ldi dag kyang rab tu bres/ /bdug spos snod rnams kyis ni legs par brgyan/ /glu mkhan gar mkhan rnams dang
21a7 gyad rnams dang / /bum rnga thogs pa rnams kyis mdzes par byas/ /rol mo rnam pa sna tshogs byed pa yang / /rab tu dga' zhing rgyal po'i phyi bzhin 'brang / /rgyal po
21a8 gshegs pa'i le'u ste/ gnyis pa'o// // // // de nas rgyal po zas gtsang ma dang / shAkya rnams rta babs sa'i bar du bzhon pa dang
21b1 dong ste phyin nas bzhon pa las babs te/ rkang thang gi 'khor gyis yongs su bskor cing mdun du bdar te n+ya gro d+ha'i kun dga' ra bar dong ngo / /de'i tshe bcom ldan 'das kyis
21b2 rgyal po zas gtsang ma nga rgyal che bar mkhyen nas mi gang lhag tsam gyi steng gi bar snang gi nam mkha' la rgyal po zas gtsang ma mngon par dad par bya ba'i phyir 'chag cing bzhugs
21b3 par gyur to/ /de'i tshe bcom ldan 'das de ltar 'chag pa'i g.yas phyogs nas mi mjed kyi bdag po tshangs pa zhabs 'bring du 'chag cing 'gro'o/ /g.yon
21b4 phyogs nas lha'i dbang po brgya byin zhabs 'bring du 'chag cing 'gro'o/ /de ltar bcom ldan 'das 'chag pa'i zhabs 'bring du lha'i rgyal po rab 'thab bral dang /
21b5 yongs su dga' ldan dang / rab 'phrul dga' dang / gzhan 'phrul dbang byed rnams bcom ldan 'das la mchod pa bya ba'i phyir gdugs 'dzin cing bsil yab
21b6 gyis g.yob par gyur to/ /rgyal po chen po rnam thos kyi bu dang / yul 'khor srung gnyis kyang bcom ldan 'das 'chag pa'i shar phyogs logs kyi thog
21b7 ma la bla gos phrag pa gcig tu gzar te/ pus mo g.yas pa'i lha nga sa la smad nas/ bcom ldan 'das ga la ba de logs su thal mo sbyar ba btud de/
21b8 bcom ldan 'das la phyag 'tshal zhing 'khod par gyur to/ /rgyal po chen po 'phags skyes po dang / mig mi bzang gnyis kyang bcom ldan 'das
22a1 'chag pa'i nub phyogs logs kyi thog ma la bla gos phrag pa gcig tu gzar te/ pus mo g.yas pa'i lha nga smad nas bcom ldan 'das ga la ba de logs su thal mo sbyar ba btud de/
22a2 bcom ldan 'das la phyag 'tshal zhing 'khod par gyur to/ /de'i tshe rgyal chen bzhi'i ris kyi lha'i bu rnams dang / sum bcu rtsa gsum dang / 'thab bral dang / dga' ldan dang / 'phrul dga' dang / gzhan
22a3 'phrul dbang byed kyi lha'i bu rnams kyang bcom ldan 'das la mchod pa bya ba'i phyir steng gi bar snang la gnas te/ lha'i me tog ud pa la dang / pad ma dang / ku mud dang / pad ma dkar po dang /
22a4 lha'i mAn dA ra ba dang / mAn dA ra ba chen po dang / lha'i spos kyi phye ma rab tu 'thor bar gyur to/ /bcom ldan 'das la mchod pa bya ba'i phyir lha'i rol mo sil snyan dang / glu dbyangs dag
22a5 kyang steng gi bar snang las sgra 'byin par gyur to/ /m-i'i las 'das pa'i glu'i nga ro yang stong gi bar snang las byung bar gyur to/ /sprin las spos kyi char zam zim yang 'bab par gyur to/ /
22a6 lha'i me tog ud pa la dang / lha'i tsan dan gyi phye ma'i char yang bab par gyur to/ /de nas de'i tshe bcom ldan 'das kyis rdzu 'phrul gyi rnam pa gang mngon par mdzad pas lha dang mi rnams kyang
22a7 gcig gis gcig mthong bar 'gyur ba de lta bu'i rdzu 'phrul mngon par mdzad do/ de nas rgyal po zas gtsang mas lha de dag bcom ldan 'das la mchod pa byed pa yang mthong / lha'i rin
22a8 po che sna bdun gyi rgyu las grub pa'i khang pa brtsegs pas kyang bar snang gang bar mthong nas de 'di snyam du sems te/ ji tsam du bcom ldan 'das kyis legs par gsungs pa de ni ngo
22b1 mtshar che ste/ sngon bcom ldan 'das gzhon nur gyur pa'i tshe 'di skad du nga la ni gling chen po bzhi'i dbang phyug la dbang bar 'gyur ba ngo mtshar mi che ste/ ngas ni stong gsum gyi stong chen po'i
22b2 'jig rten gyi khams su lha dang m-i'i nang du chos kyi dbang phyug la dbang bar bya'o zhes gsungs na/ bcom ldan 'das kyi chos kyi dbang phyug la dbang ba de ni 'di yin pa lta ste/ bdag ni mi'i 'khor
22b3 can du zad/ bcom ldan 'das ni lha dang m-i'i 'khor can du gyur to snyam mo/ /de nas rgyal po zas gtsang mas bla gos phyogs gcig tu bgos te/ pus mo g.yas pa'i lha nga sa la btsugs
22b4 nas bcom ldan 'das kyi zhabs la spyi bos phyag 'tshal te tshig 'di skad ces smras so/ /bcom ldan 'das bltam ma thag tu sus kyang ma brten par sa chen po la gom pa bdun bzhud de/
22b5 phyogs bzhir gzigs nas gsung brjod pa/ /nga ni 'jig rten na mchog /nga ni 'jig rten na gtso bo/ nga ni 'jig rten na rab ste/ ngas skye ba dang / rga ba dang / 'chi ba mthar dbyung ngo zhes
22b6 gsungs pa de'i tshe yang bdag gis bcom ldan 'das kyi zhabs gnyis la mgo bos gtugs te phyag bgyis so/ /gang gi tshe bcom ldan 'das zhing pa'i grong du bzhud nas 'dzam bu'i
22b7 grib ma bsil ba la bzhugs pa'i tshe nyi ma yol yang 'dzam bu'i grib mas bcom ldan 'das kyi sku ma btang ste/ lha'i bu gzhon nu drug thal mo sbyar nas phyag 'tshal zhing 'khod par gyur
22b8 ba de'i tshe yang bdag gis bcom ldan 'das la phyag bgyis so/ /nga yang bcom ldan 'das la 'di dang lan gsum du phyag 'tshal lo zhes smras nas de'i tshe tshigs su bcad pa 'di dag kyang
23a1 smras so/ /gang tshe rkang gnyis gtso bo khyod bltams nas/ /sa chen 'di la gom pa bdun bzhud de/ /nga ni 'jig rten na ni mchog ces gsungs/ /de tshe mkhas pa khyod la bdag phyag 'tshal/ /
23a2 gang tshe thub chen zhing pa'i grong bzhud tshe/ /'dzam bu'i grib mas bzhugs pa ma btang zhing / /lha bu gzhon nu drug gis btud gyur pa/ /de tshe mchod 'os khyod la bdag phyag 'tshal/ /nga yang 'di dang khyod
23a3 la lan gsum du/ /thub pa khyod kyi zhabs la phyag 'tshal lo/ /thugs rje che mnga' lha mis mchod pa gtso/ /khyod 'dra 'jig rten ma mchis lhag ci smos/ /mtshan ni don grub lags
23a4 shes sngon brjod pa/ /pha dang ma yis bsams te btags pa lags/ /khyod kyi bsam rdzogs bdud rtsi brnyes pas na/ /don grub lags par bdag gis da gdod 'tshal/ /de nas 'dod pa
23a5 na spyod pa'i lha rnams kyis de'i tshe bcom ldan 'das kyi seng ge'i khri lha'i yid bzhin gyi ras bcos bu bting ba rnam pa sna tshogs su spel ba bshams so/ /thams cad dang ldan pa'i n+ya gro d+ha'i
23a6 kun dga' ra bar yang lha'i yid bzhin gyi ras bcos bus yog par bting ngo / steng du yang lha'i yid bzhin gyi ras bcos bu'i bla res bres so/ /de nas bcom ldan 'das bar snang gi 'chag sa de
23a7 nas babs te/ gang na khri bshams pa la bzhugs so/ /rgyal po zas gtsang ma yang 'khor dang bcas pas bcom ldan 'das kyi zhabs la mgo bos phyag 'tshal te phyogs gcig tu
23a8 'dug go/ /'dod pa na spyod pa'i lha rnams dang gzugs na spyod pa'i lha rnams kyang bcom ldan 'das kyi zhabs la mgo bos phyag 'tshal te bar snang la 'khod par gyur to/ /'di la 'di ni
23b1 chos nyid yin te de la 'di skad ces bya'o/ /ser skya zhes bya grong khyer dam pa yi/ /n+ya gro d+hA yi ra ba nyams dga' bar/ /rgyal po zas gtsang de dang gang gi tshe/ /'jig rten mgon po phrad pa de yi tshe/ /skye bo
23b2 mang po dag ni 'dus gyur te/ /lha ma yin dang mkha' lding dbang po dang / klu tshogs rnams dang de bzhin grul bum dang / /dri za'i rgyal po rnams kyang 'dus par gyur/ /de bzhin gsang ba'i bdag po
23b3 rnams 'dus te/ /mi 'am ci'i tshogs dang mi rnams dang / /de bzhin 'dod pa dag na spyod pa'i lha/ /rab tu dga' ba rnams kyang 'dus par gyur/ /de bzhin gzugs kyi khams su
23b4 gtogs pa yi/ /tshangs pa rnams dang tshangs pa'i ris rnams dang / /'od gsal ba dang dge rgyas pa dag dang / /'bras bu che bar gtogs dang gnas gtsang 'dus/ /dge sbyong dag dang de bzhin
23b5 bram ze dang / /spyod pa can dang kun du rgyu dag dang / /gcer bu pa dang mu stegs gzhan mang po/ /log lam rjes su 'brang ba rnams kyang 'dus/ /sangs rgyas nyid kyi gzi brjid dam pa yis/ /
23b6 rgyal po chen po zas gtsang de yis sems/ /yongs su smin par bya ba'i don gyi phyir/ /de yi tshe na 'dus pa chen por gyur/ /sngan chad bcom ldan 'das kyis legs bshad pa'i/ /tshig gis
23b7 'khor rnams yongs su tshim par mdzad/ /da ni rgyal ba rgyal po zas gtsang la/ /rgyal ba'i mthu ni rab tu bstan par bzhed/ /bcom ldan 'das la rgyal po zas gtsang gis/ /gzhon nu khyod ni
23b8 sa bdag chen po yi/ /rgyal por 'gyur zhes mkhas pas lung bstan gyis/ /khab nas ma byung shig ces sngon gsol pa/ /gling bzhir dbang pa'i 'khor los sgyur ba ste/ /srog chags bye ba
24a1 khrag khrig rnams kyis mchod/ /rin chen sna bdun dag dang ldan par 'gyur/ /'byor pa bzhi po dang yang ldan par 'gyur/ /chos la gnas shing sa yang skyong ba ste/ /gling bzhi dbang
24a2 bar rgyal rigs rgyal chen 'gyur/ /mi yi bdag dang mi yi mchod par 'ong / /lto 'phye ches mchod 'gyur zhes gsol ba btab/ /de nas de tshe byang chub sems dpa' des/ /bskal pa bye ba khrag
24a3 khrig dpag med nas/ /bdag ni rtag tu bden pa'i tshig smras kyis/ /rgyal po bdag gi tshig la gson ces gsungs/ /'di ltar gling bzhi pa yi rgyal srid kyis/ /bdag la slu ba mdzad par
24a4 bzhed pas na/ /de lta'i tshul las rgyal po chen po khyod/ /bdag la cung zad tsam yang thugs mi re/ /rgyal po chen po sngon tshe byung ba ni/ /rgya mtsho'i rlabs kyis ru sbal gcig cig 'phangs/ /
24a5 rgya mtsho'i rlabs ni phyir log gyur pa dang / /ru sbal de ni khron pa'i nang du lhung / /de la khron pa'i nang gi ru sbal gyis/ /rgya mtsho'i ru sbal gang nas 'dir 'ongs kwa'e/ /nga yi the tshom skyes pa bcad pa'i
24a6 phyir/ /myur du nga la smros shes de skad smras/ /khron pa'i nang gi ru sbal de nyid la/ /rgya mtsho'i ru sbal blo chen des smras pa/ /nga ni rgya mtsho'i rlabs kyis bkur bkur te/ /khron pa 'dir ni de ring
24a7 bor bar 'gyur/ /rgya mtsho'i rlabs chen de ni phyir log song / /nga ni slar log 'gro bar ma nus te/ /nga ni rlabs dang bral bar gyur pas na/ /ru sbal khyod kyi khron par gnas 'cha'o/ /de la khron pa'i
24a8 nang gi ru sbal gyis/ /rgya mtsho de ni khron pa 'di tsam 'am/ /'on te khron pa 'di bas che ba zhig /dris lan nga la myur du smros shes smras/ /rgya mtsho'i ru sbal blo rgya chen po des/ /khron pa'i ru
24b1 sbal de la tshig smras pa/ /khron pa'i ru sbal khyod ni byis pa ste/ /blo rgya chung zhing shes pa rab tu zhan/ /nga ni lan tshwa can gyi chu der btsas/ /yun ring dus na de na skye skye yang / /rgya mtsho'i mtha' ma shes par
24b2 ma nus na/ /dbus lta shes pa ga la nus shes smras/ /de ltar mi yi bdag po khyod kyis kyang / /bdag gi mthu ni thugs su ma chud de/ /gling gzhi pa yi mchod pa rnams kyis ni/ /khyod kyis bdag la
24b3 slu ba mdzad par bzhed/ /bdag ni chos can chos kyi rgyal por 'gyur/ /chad pas mi gcad mtshon chas mda' med par/ /stong gsum 'jig rten khams 'di bskyang bar bya/ /'jig rten 'das
24b4 pa'i mchod pa thob par 'gyur/ /rdzu 'phrul stobs bsgoms pa yi bdag nyid can/ /bcom ldan 'das kyis sngon tshig sbyang bzhed nas/ /de phyir 'khor chen po ni de dag dang / /sems can rnams la thugs
24b5 kyis dgongs pa mdzad/ /rgyal po zas gtsang sems ni mgu bya'i phyir/ /thugs kyis yongs su bskul ba mdzad pa dang / /'jig rten gsum po mtha' dag ma lus par/ /de yi tshe na der ni 'dus
24b6 par 'gyur/ /rgyal po 'dun par byas pa'i le'u ste gsum pa'o// // de nas bcom ldan 'das kyis de'i tshe lha ma yin gyi dbang po thags zangs ris bcom ldan 'das la mchod par bya ba'i
24b7 sems thog mar skye bar 'gyur ba de lta bu'i mtshan ma mdzad do/ /de nas lha ma yin gyi dbang po thags zangs ris lha ma yin khrag khrig phrag drug bcu dang / lha ma yin gyi bu mo khrag khrig phrag drug
24b8 bcu dang bcas pas bcom ldan 'das la mchod pa thog mar byas te/ de nas rgya mtsho chen po'i nang na rin po che'i rin thang yod pa dang / rin thang med pa ji snyed cig yod pa de dag thams cad
25a1 bcom ldan 'das la mchod pa bya ba'i phyir phul lo/ /rin po che gzhan rgya mtsho chen po de na med pa dag kyang mngon par sprul pa byas te mchod par phul lo/ /rin po che sna bdun gyi rang bzhin can gyi shing
25a2 rta khrag khrig phrag drug bcu yang mngon par sprul to/ /shing rta de dag re re zhing yang rta cang shes khrag khrig phrag drug cu mngon par sprul te/ rta de dag kyang rin po che sna bdun gyi dril bu g.yer ka'i dra ba can la
25a3 rkang lag gi rgyan gser las byas pa/ rin po che sna bdun gyis spras pa dang ldan pa/ rin po che sna bdun las byas pa'i 'phyar mdab can/ gser gyi rgyan gyis brgyan pa sha stag go/ /
25a4 rta cang shes de dag gi rgyan du bya ba'i phyir rin po che sna bdun gyi bla re dag kyang mngon par sprul to/ /shing rta de dag kyang gser gyi rgyal mtshan can gser gyi rgyan gyis brgyan pa sha stag go/ yid bzhin gyi nor
25a5 bu'i bla re de dag kyang steng gi bar snang las shing rta de dag gi phyi bzhin du 'brang bar gyur te/ shing rta de dag 'dong na ni rjes su 'dong / shing rta de dag sdod na ni sdod pa sha stag go/ /yid bzhin gyi nor bu'i bla re de
25a6 dag la yang mdzes par bya ba'i phyir rin po che sna bdun gyi phreng ba'i lda ldi mngon par sbyangs so/ /yid bzhin gyi nor bu'i bla re de dag kyang rin po che sna bdun gyi dril bu g.yer ka'i dra ba dang ldan par mngon par
25a7 sprul to/ /shing rta'i rgyan dang / rta'i rgyan dang / yid bzhin gyi nor bu'i bla re'i rgyan de dag rlung gis bskyod na sgra snyan cing yid du 'ong la mnyan na bde ba sha stag 'byung bar gyur te/ 'di lta ste/ dper na rol
25a8 mo sil snyan yan lag brgyad dang ldan pa mkhas pas sgra phyung na sgra snyan cing yid du 'ong ba dang / mnyan na bde bar 'byung ba de bzhin du shing rta'i rgyan de dag dang / rta'i rgyan de
25b1 dag dang / yid bzhin gyi nor bu'i bla re'i rgyan de dag rlung gis bskyod na sgra snyan cing yid du 'ong la mnyan na bde ba sha stag 'byung bar gyur to/ /shing rta de dag gi 'phang gis kyang steng gi bar snang la dpag tshad drug bcu
25b2 bsgribs te 'khod par gyur to/ /shing rta de dag gi phyi bzhin yang rol mo sil snyan sna tshogs rjes su 'brang bar gyur to/ /shing rta de dag thams cad la yang lha ma yin gyi bu mo rgyan thams cad
25b3 kyis brgyan pa dag 'khod do/ /bcom ldan 'das la mchod pa bya ba'i phyir la la ni rol mo byed/ la la ni sil snyan dkrol/ la la ni glu len/ la la ni gar byed/ la la ni tsan dan dang ud
25b4 pa la'i phye mas 'thor/ la la ni a ka ru dang ta ma la'i lo ma'i phye mas 'thor/ la la ni lha ma yin gyi lha rdzas kyi phye mas 'thor/ la la ni gser dngul gyi phye mas 'thor/ la la ni mA na dA ra ba dang / mA na dA ra
25b5 ba chen po dang / man dzuSha ka dang / man dzuSha ka chen po dang / pa ru sha ka dang / pa ru sha ka chen po dang / mdog dkar dang / mdog dkar chen po dang / skya snar dang / skya snar chen po dang / skya snar khra
25b6 bo dang / skya snar bkra chen gyi me tog mngon par sprul cing bcom ldan 'das la mngon par 'thor ro/ /la la ni gser gyi me tog dang / dngul gyi me tog dang / shel gyi me tog dang / bai dUr+ya'i
25b7 me tog dang / spug gi me tog dang / mu tig dmar po'i me tog dang / rdo'i snying po'i me tog gis mngon par 'thor ro/ la la ni rin po che sna bdun dang dbyig gis snyim pa bkang zhing bcom ldan 'das la
25b8 mngon par 'thor ro/ /la la ni na bza' dang / rgyan 'bul lo/ /la la ni sku rags dang / zhabs kyi rgyan dang / phyag gi rgyan dang / sor gdub dang / gdu bu dang / gdu bu tham pa dang /
26a1 dbu rgyan rtse gsum pa dang / dpung rgyan dang / cod pan dang / gser skud dang / mu tig gi do shal dang / nor bu'i do shal dang / se mo do dang / gya do dang / mgul rgyan sna tshogs 'thor bar gyur to/ /
26a2 la la ni tsong tsong gshibs pa/ la la ni mgo rgyan/ la la ni rna cha gdub kor/ la la ni gser gyi phreng ba rin po ches spras pa/ la la ni rin po che'i phreng ba gser gyis spras pa/ la la ni gser gyi
26a3 dra ba/ la la ni gser gyi phreng ba dang / nor bu'i phreng ba dang / mu tig gi phreng ba thogs so/ /la la ni gser gyi gdugs dang / dngul gyi gdugs dang / bA+ai dUr+ya'i gdugs dang / shel gyi gdugs
26a4 dang / rdo'i snying po'i gdugs dang / mu tig dmar po'i gdugs dang / rin po che sna bdun gyi gdugs dang / rin po che'i rgyal mtshan sna tshogs tha dad pa dang / rin po che thams cad kyi ba dan kha
26a5 dog sna tshogs dang / tshon sna tshogs can mang po thogs so/ /la la ni spos chu'i char 'bebs shing 'khod par gyur to/ /la la ni bcom ldan 'das la tshigs su bcad pa 'di dag gis mngon par bstod par
26a6 gyur to/ /mi mchog khyod la phyag 'tshal lo/ /mi phul khyod la phyag 'tshal lo/ /rkang gnyis gtso la phyag 'tshal lo/ /khyod la do zla yong ma mchis/ /'jig rten gsal la phyag 'tshal lo/ /ye
26a7 shes mtsho la phyag 'tshal lo/ /dpal dang ldan la phyag 'tshal lo/ /rgyal ba'i 'od la phyag 'tshal lo/ /yon tan rdzogs la phyag 'tshal lo/ /nyon mongs sel la phyag 'tshal lo/ /spyod
26a8 dag khyod la phyag 'tshal lo/ /sems dag khyod la phyag 'tshal lo/ /gnas pa mi mnga' zhum mi mnga'/ /le lo mi mnga' rgod mi mnga'/ /brtson 'grus brtsams shing rtul ba nyid/ /
26b1 nges par rtogs la phyag 'tshal lo/ /rin po che'i pho brang gi rdal blta na sdug pa/ mdzes pa/ rin po che sna bdun gyi rang bzhin can khrag khrig phrag drug cu drug cu yang mngon par sprul te/ rin po che'i pho brang
26b2 gi rdal de dag re re zhing yang bzhugs sa khrag khrig phrag drug cu drug cu yang mngon par sprul to/ /bzhugs sa de dag re re zhing yang ba gam bkra ba/ blta na sdug pa/ rin po che sna bdun gyi rang bzhin can
26b3 brgya phrag drug cu drug cu mngon par sprul to/ /ba gam de dag re re la yang khang pa brtsegs par bkra ba/ blta na sdug pa/ rin po che sna bdun gyi rang bzhin can khrag khrig phrag drug cu drug cu mngon par
26b4 sprul to/ /khang pa brtsegs pa de dag re re zhing yang khyams bkra ba blta na sdug pa/ rin po che sna bdun gyi rang bzhin can khrag khrig phrag drug cu drug cu mngon par sprul to/ /de la gser gyi khyams
26b5 rnams kyi gdung phyam ni dngul/ gral bu dang sgo 'phar ni bai dUr+ya/ them pa dang kha khyer ni shel/ ka ba ni spug /ka zhu ni mu tig dmar po/ sa gzhi ni rdo'i snying po'i rang bzhin can sha stag go/ /
26b6 dngul gyi khyams rnams kyi gdung phyam ni gser/ gral bu dang sgo 'phar ni bai dU r+ya/ them pa dang kha khyer ni shel/ ka ba ni spug /ka zhu ni mu tig dmar po/ sa gzhi ni rdo'i snying po'i rang bzhin can
26b7 sha stag go/ /bai dUr+ya'i khyams rnams kyi gdung phyam ni shel/ gral bu dang sgo 'phar ni gser/ them pa dag kha khyer ni dngul/ ka ba ni spug /ka zhu ni mu tig dmar po/ sa gzhi ni rdo'i
26b8 snying po'i rang bzhin can sha stag go/ /shel gyi khyams rnams kyi gdung phyam ni bai dUr+ya/ gral bu dang sgo 'phar ni spug them pa dang kha khyer ni rdo'i snying po/ ka ba ni gser/ ka zhu ni dngul/
27a1 sa gzhi ni mu tig dmar po'i rang bzhin can sha stag go/ /spug gi khyams rnams kyi gdung phyam ni rdo'i snying po/ gral bu dang sgo 'phar ni mu tig dmar po/ them pa kha khyer ni gser/
27a2 ka ba ni dngul/ ka zhu ni shel/ sa gzhi ni bai dU r+ya'i rang bzhin can sha stag go/ /mu tig dmar po'i khyams rnams kyi gdung phyam ni spug /gral bu dang sgo 'phar ni rdo'i snying po/ them pa dang kha khyer ni dngul/
27a3 ka ba ni gser/ ka zhu ni bai dUr+ya/ sa gzhi ni ke ke ru'i rang bzhin can sha stag go/ rdo'i snying po'i khyams rnams kyi gdung phyam ni mu tig dmar po/ gral bu dang sgo 'phar ni gser/ them pa
27a4 dang kha khyer ni dngul/ ka ba ni bai dUr+ya/ ka zhu ni ke ke ru/ sa gzhi ni shel gyi rang bzhin can sha stag go/ /khyams de dag tu yang seng ge'i khri rin po che sna bdun gyi rang bzhin can lha ma yin gyi
27a5 lha rdzas kyi gos sna tshogs bting ba/ ka tsa li na de'i steng g.yogs can/ mtha' gnyis su rten ma bzang po bkod pa khrag khrig phrag drug cu drug cu mngon par sprul to/ /seng ge'i khri de
27a6 dag gi rkang rten rin po che sna bdun gyi rang bzhin can dag la ras bcos bu sna tshogs 'di lta ste/ shing bal las byas pa shin du phra ba dang / srin bal las byas pa shin du phra ba dang / zar ma'i
27a7 shun pa las byas pa shin du phra ba dang / shin lpags las byas pa shin du phra ba dang / ka shi ka las byas pa shin du phra ba bye ba phrag drug drug cu drug cu bting bar gyur to/ /seng ge'i khri de dag re re'i
27a8 ngos gnyis su yang lha ma yin gyi bu mo rgyan thams cad kyis brgyan pa/ rin po che sna bdun las byas pa'i bsil yab thogs pa gnyis gnyis mngon par sprul te/ seng ge'i khri de dag
27b1 la lha ma yin gyi bu mo gzhon nu 'khod pa dag la g.yob bo/ /khyams de dag re re zhing yang rin po che sna bdun las byas pa'i gdugs khrag khrig phrag drug cu drug cu mngon par sprul to/ /khyams de dag
27b2 re re zhing yang rin po che sna bdun gyi rgyal mtshan khrag khrig phrag drug cu drug cu mngon par sprul to/ /de la gser gyi khyams rnams su ni rgyal mtshan sngon po la yu ba ser po shel gyis spus pa dag btsug /
27b3 dngul gyi khyams rnams su ni rgyal mtshan ser po yu ba dmar po gser gyis spras pa dag btsugs/ bai dUr+ya'i khyams rnams su ni rgyal mtshan dmar po la yu ba ser po shel gyis spus pa dag gtsugs/
27b4 shel gyi khyams rnams su ni rgyal mtshan dkar po yu ba bai dUr+ya gser gyis spras pa dag gtsugs/ rin po che sna tshogs kyi khyams rnams su ni rgyal mtshan khra bo gser gyi yu ba bai dUr+yas spras pa dag
27b5 btsugs so/ /de la rgyal mtshan sngon po rnams ni me tog gser po rgyal mtshan ser po rnams ni tog sngon po/ rgyal mtshan dmar po rnams ni tog dkar po/ rgyal mtshan dkar po rnams ni
27b6 tog dmar po/ rin po che sna tshogs kyi rgyal mtshan rnams ni tog rin po che sna bdun sha stag go/ /rin po che'i pho brang gi rdal de dag bar snang gi nam mkha' la lding zhing bcom ldan 'das
27b7 la lan gsum bskor ba byed par gyur to/ /de 'di lta ste/ dper na sum cu rtsa gsum gyi lha rnams kyi glang po sa srung gi bu ni bar snang gi nam mkha' las 'gro zhing sum cu rtsa gsum pa'i lha rnams
27b8 bskyed mos tshal yongs 'du sa brtol du nye bar 'jog go/ /de bzhin pho brang gi rdal de dag kyang bar snang gi nam mkha' la lding zhing bcom ldan 'das la lan gsum bskor bar byed do/ /
28a1 rin po che'i pho brang gi rdal de dag dang / ba gam de dag dang / bzhugs sa de dag dang / khang pa brtsegs pa de dag dang / khyams de dag dang / seng ge'i khri de dag dang / gdugs de dag dang / rgyal
28a2 mtshan de dag dang / ba dan de dag las lha'i tsan dan dang / ut+pa la dang / a ga ru'i phye ma'i char 'bab par gyur to/ /me tog man dA ra ba dang / man dA ra ba chen po dang / many+dzu Sha ka dang / na n+yu Sha ka chen po dang /
28a3 pa ru Sha ka dang / pa ru Sha ka chen po dang / mdog dkar dang / mdog dkar chen po dang / skya snar dang / skya snar chen po dang / skya snar khra bo dang / skya snar bkra chen gyi char yang mngon par 'bab
28a4 par gyur to/ /gser dang / dngul dang / bai dUr+ya dang / shel dang / spug dang / rdo'i snying po dang / mu tig dmar po dang / rin po che thams cad kyi me tog dang / dbyig dang / gser dang / yid
28a5 bzhin gyi ras bcos bu'i char yang mngon par bab par gyur to/ /yid bzhin gyi nor bu'i bla re de dag gi mthus lha ma yin gyi bu de dag rin po che gang dang gang gi char 'bab par 'dod pa de dang de dag las mngon
28a6 bar bab par gyur to/ /de'i tshe ser skya'i gnas kyi grong khyer chen po nas khor yug tu ni dpag tshad drug khri 'phang du yang dpag tshad drug khrir lha ma yin gyi mchod pa de lta bus rgyas par gang bar gyur to/ /
28a7 rin po che'i pho brang gi rdal de dag gis kyang bcom ldan 'das la lan gsum bskor ba byas te/ bcom ldan 'das kyi spyan sngar 'khod par gyur to/ /ser skya'i gnas kyi grong khyer chen po yang mi 'greng
28a8 bdun tsam du me tog man dA ra bas rgyas par gang bar gyur to/ /spos chus kyang rdzab tu gyur to/ /sangs rgyas kyi mthus stong gsum gyi stong chen po'i 'jig rten gyi khams kyang spos chu'i rdzab kyi dri des
28b1 khyab par gyur to/ /stong gsum gyi stong chen po'i 'jig rten gyi khams 'di'i sems can gang dag gis spos chu'i rdzab gyi dri de tshor ba de dag thams cad kyang bla na med pa yang dag par rdzogs pa'i byang chub las phyir mi
28b2 ldog par gyur te/ byang chub tu sems dang po bskyed pa dag ni smos kyang mi dgos so/ /de nas lha ma yin gyi dbang po thags zangs ris rin po che sna bdun gyi shing rta la zhon te lan gsum bskor ba byas nas
28b3 bcom ldan 'das la tsan dan gyi phye mas mngon par gtor te/ tshigs su bcad pa bdag gis mngon par bstod pa/ /byang chub dam pa don du gnyer slad du/ /skyabs kyi dam pa rab tu mi sgul ba/ /lhar bcas
28b4 'jig rten mi 'jigs stsol ba po/ /khyod la bdag ni skyabs su nye bar mchi/ /gang la dga' ba'i yid kyis skyabs song na/ /log ltung dag tu ltung bar mi 'gyur ba/ /de la bdag ni skyabs su nye bar
28b5 mchi/ /dpe med byang chub 'tshal ba'i slad du'o/ /'khor ba'i sdug bsngal dag ni bshig bcom zhing / /mya ngan las rgal nyon mongs dag gyur la/ /'dren pa gzhan gyi dring la mi 'jog pa/ /
28b6 khyod la bdag ni skyabs su nye bar mchi/ /rga dang 'chi bas nyen par gyur pa yi/ /lha dang mi rnams 'dren pa bcom ldan 'das/ /gang la skyabs song phyis kyang mi skye ba/ /
28b7 khyod la bdag ni skyabs su nye bar mchi/ /de nas lha ma yin gyi dbang po thags zangs ris kyis bcom ldan 'das la lan gsum bskor ba byas pa'i tshe rta'i
28b8 rgyan de dag dang / shing rta'i rgyan de dag dang / lha ma yin gyi rgyan de dag dang / gdugs dang / rgyal mtshan dang / ba dan gyi rgyan de dag dang / bla re dang dril bu g.yer ka'i rgyan de dag rlung gis bskyod pa
29a1 las sgra snyan cing yid du 'ong la mnyan na dga' ba 'di lta bu dag byung bar gyur te/ 'di ltar dper na rol mo sil snyan yan lag brgyad pa mkhas pas sgra phyung ba bzhin no/ /de ltar lha ma yin
29a2 gyi dbang po thags zangs ris kyis bcom ldan 'das la lan gsum bskor ba byas pa'i tshe steng gi bar snang las lha'i tsan dan dang / ut+pa la dang / a ka ru dang / ta ma la'i lo ma'i phye ma'i char mngon
29a3 par 'bab par gyur to/ /lha ma yin gyi spos kyi phye ma rnam pa sna tshogs du ma'i char mngon par bab par gyur to/ /lha'i me tog man dA ra ba dang / man dA ra ba chen po dang / many+dzu Sha ka dang / many+dzu Sha ka
29a4 chen po dang / pa ru Sha ka dang / pa ru Sha ka chen po dang / mdog dkar dang / mdog dkar chen po dang / skya snar dang / skya snar chen po dang / skya
29a5 snar khro bo dang / skya snar bkra chen gyi me tog rnams dang / sprul pa'i me tog sna tshogs kyi char mngon par bab bo/ /steng gi bar snang las gser dang / dngul dang / bai dUr+ya dang / shel
29a6 dang / spug dang / rdo'i snying po dang / mu tig dmar po dang / rin po che thams cad kyi me tog gi char yang mngon par bab bo/ /lha dang lha ma yin gyi spos chu'i char yang mngon par 'bab bo/ /
29a7 spos chu'i char de bab pas ser skya'i gnas kyi grong khyer chen po nas khor yug tu dpag tshad drug cu tshun chad spos chu'i rdzab tu gyur to/ /spos chu'i rdzab kyi dri des kyang stong gsum gyi stong
29a8 chen po'i 'jig rten gyi khams thams cad rgyas par gang bar gyur to/ /sems can gang dag gis spos kyi dri de tshor bar gyur pa de dag thams cad kyang bla na med pa yang dag par rdzogs pa'i byang chub
29b1 las phyir mi ldog par gyur to/ /de ltar lha ma yin gyi dbang po thags zangs ris kyis bcom ldan 'das la lan gsum bskor ba byed pa'i tshe/ bar snang las lha ma yin gyi lha rdzas kyi sil snyan gyi sgra dag
29b2 byung ngo / /sil snyan de dag gi sgras kyang stong gsum gyi stong chen po'i 'jig rten gyi khams su grag par gyur to/ /theg pa chen po la yang dag par zhugs pa'i sems can gang dag gis sgra
29b3 thos par gyur pa de dag thams cad bla na med pa yang dag par rdzogs pa'i byang chub las phyir mi ldog par gyur to/ /de ltar lha ma yin gyi dbang po thags zangs ris kyis bcom ldan 'das
29b4 la lan gsum bskor ba byas pa'i tshe lha ma yin gyi bu mo brgya stong dag bcom ldan 'das la mchod pa bya ba dang / lha ma yin gyi dbang po thags zangs ris kyi 'khor bya ba'i phyir la la ni glu len/
29b5 la la ni sil snyan byed/ la la ni gar byed/ la la ni lus kyi tshul sgyur/ la la ni tsan dan dang / ut+pa la dang / a ga ru dang / ta ma la'i lo ma'i phye ma 'thor/ la la ni lha'i me tog man dA ra ba
29b6 dang / man dA ra ba chen po dang / man dzu Sha ka dang / man dzu Sha ka chen po dang / pa ru Sha ka dang / pa ru Sha ka chen po dang / mdog dkar po dang / mdog dkar po chen po dang / skya snar dang / skya snar
29b7 chen po dang / skya snar khra bo dang / skya snar bkra chen dang / sprul pa'i me tog rnams dang / gser dang / dngul dang / be+e dUr+ya dang / shel dang / spug dang / rdo'i snying po dang / mu tig dmar po dang /
29b8 rin po che thams cad kyi me tog rnams 'thor zhing bcom ldan 'das la mngon par 'thor ro/ /la la ni na bza' dang / rkang gdub dang / sku rags dang / phyag gi rgyan dang / sor gdub dang /
30a1 gdu bu dang / gdu bu tham pa dang / dbu rgyan rtse gsum pa dang / dpung rgyan dang / cod pan dang / gser skud dang / mu tig gis phreng ba dang / nor bu'i do shal dang / se mo do dang / gya do dang / mgul
30a2 rgyan sna tshogs dang / rna cha dang / rna cha gdub khor dang / tshong tshong gshibs pa dang / mgo rgyan dang / phreng ba'i lda ldi dang / spos kyi lda ldi dang / nor bu'i lda ldi dag 'thor zhing me tog gi bla re dang / spos kyi
30a3 bla re dang / nor bu'i bla re dag thogs so/ /la la ni spos chu'i char 'bebs so/ /la la ni phye ma'i char 'bebs so/ /la la ni mu tig dmar pos snyim pa bkang ste/ bcom ldan 'das la mngon par 'thor
30a4 ro/ /la la ni rin po ches snyim pa bkang / la la ni gser gyis snyim pa bkang ste/ bcom ldan 'das la mngon par 'thor ro/ /tshigs su bcad pa 'di yang smras so/ /gang brten gang la gnas
30a5 bcas nas/ /gang zag mchog la mchod 'gyur pa/ /de 'dra ba yi grogs po dang / /rtag par rgyun du phrad par shog /lha ma yin gyi dbang po thags zangs ris kyis ji ltar byas pa de bzhin du lha
30a6 ma yin gyi dbang po rab sim gyis kyang bcom ldan 'das la mchod pa byas nas rin po che sna bdun gyi shing rta la zhon te/ bcom ldan 'das la lan gsum bskor ba byed cing tshigs su bcad pa 'di dag
30a7 gis bcom ldan 'das la mngon par bstod pa/ /stobs bcu brtson bden khyod la phyag 'tshal lo/ /mi 'jigs 'jigs bral khyod la phyag 'tshal lo/ /chos la ma 'dres nges par gyur ba
30a8 po/ /'gro ba'i 'dren pa khyod la phyag 'tshal lo/ /kun sbyor 'ching ba gcod la phyag 'tshal lo/ /'khor rgyud mi gnas pa la phyag 'tshal lo/ /mthar phyin thar gnas khyod la phyag 'tshal
30b1 lo/ /'gro ba bying ba sgrol la phyag 'tshal lo/ /sems can 'grogs kyang rgod pa mi mnga' zhing / /'gro ba kun la thugs ni rnam grol te/ pad ma chu yis mi gos 'dra ba po/ /blo zab bsam mi khyab la phyag
30b2 'tshal lo/ /sangs rgyas thub pa khyod kyi stong nyid mkhyen/ /rnam pa kun du mtshan ma thams cad bshig /khyod ni gang du'ang smon pa yod mi mnga'/ /mi gnas nam mkha' mnyam la phyag 'tshal
30b3 lo/ /lha ma yin gyi dbang po rab sim gyis ji ltar byas pa de bzhin du lha ma yin gyi dbang po shing rta bzang gis kyang / bcom ldan 'das la mchod pa byas nas rin po che sna bdun gyi shing rta la zhon te/
30b4 bcom ldan 'das la lan gsum bskor ba byed cing gser phye dag gis gtor nas tshigs su bcad pa dag gis bcom ldan 'das la mngon par bstod pa/ /sa dang bar snang dang ni lha'i yul na'ang /
30b5 bder gshegs khyod mnyam ma mchis lhag ma mchis/ /mtshan mar bzung na phyin ci log zhugs pa'i/ /'gro ba smig rgyu 'dra bar khyod kyis mkhyen/ /'di na byed pa tshor ba sems can med/ /
30b6 gang zag med cing bdag gir bya ba med/ /chos kun stong zhing byed pa kun las dben/ /rang bzhin med cing g.yo med zhi zhes bstan/ /su zhig bder gshegs bstan pa'i 'dir mos te/ /chos kun
30b7 byas pa med pa'i rjes 'brang ba/ /de 'dir 'dren pa'i sras su gyur pa ste/ /ji ltar bstan pa de bzhin yab ltar spyod/ /rnam 'dren khyod la bdag bstod bsod nams gang skyes te/ /ji ltar
30b8 rgyal ba mkhyen pa yis ni mkhyen gyur pa/ /dge ba'i rtsa ba de kun ma lus mtha' dag 'dir/ /'gro ba'i rtsal gyis thams cad sangs rgyas grub par shog/ // bam po gsum pa/ lha ma yin
31a1 gyi dbang po shing rta bzang gis ji ltar byas pa de bzhin du lha ma yin gyi dbang po stobs ldan gyis kyang / bcom ldan 'das la mchod pa byas te rin po che sna bdun gyi shing rta la zhon nas bcom ldan 'das la
31a2 lan gsum skor ba byed cing dngul gyi me tog rnams kyis gtor te/ tshigs su bcad pa dag gis bcom ldan 'das la mngon par bstod pa/ /'khor ba'i rgya mtsho chu las pha rol rnams rgal ba/ /rgal nas
31a3 skye bo rgyun gyi rjes 'gro sgrol mdzad cing / /bde gshegs pha rol thang bde 'jig pa med 'jog pa/ /spyan mdzes bde bar gshegs pa khyod kyi zhabs la gtug /blo mchog khyod kyis 'gro ba thams
31a4 cad kun du mkhyen/ /phyin ci log lta thibs por rab zhen blo ldan te/ /'khrul pa smig rgyu lta bur ma shes gyur rnams la/ /mtshungs pa med pa'i thugs rje bskyed nas rtogs par mdzad/ /mi mchog
31a5 khyod kyis chos rnams thams cad sgyu ma dang / /smyig rgyu 'dra zhing smyig yor mtshungs shes rab tu bstan/ /thub pa dam pa khyod kyis chos kyis sras mchog bskyed/ /srid pa gsum po dag ni mi chags
31a6 spyad pa spyod/ /dngos po log pa'i don gyur rang bzhin bral ba dang / /gzhan gyi dngos pos stong par mi dbang khyod kyis mkhyen/ /byis pa rmongs pa'i blo gros rmyi lam dag lta bur/ /mi dbang khyod kyis sras kyis
31a7 tshal na spyad pa spyod/ /lha ma yin gyi dbang po stobs ldan gyis ji ltar byas pa de bzhin du lha ma yin gyi dbang po sgra gcan gyis kyang / bcom ldan 'das la mchod pa byas nas rin po che sna bdun gyi shing rta la zhon
31a8 te/ bcom ldan 'das la lan gsum bskor ba byed cing me tog skya snar khra bo rnams kyis gtor te tshigs su bcad pa dag gis bcom ldan 'das la mngon par bstod pa/ /mi mchog khyod kyi sku yi ni/ /lhar
31b1 bcas 'jig rten 'di zil mnan/ /ri rab kyis ni yungs 'bru dang / /rgya mtshos ba rjes chu bzhin no/ /gzugs mdzes mtshan gyis rab tu brgyan/ /gzugs kyis gzugs kyi dam pa dang / /gzugs
31b2 rnams thams cad zil gyis mnan/ /dper na nyi mas me khyer bzhin/ /gzi brjid phung po gzi brjid kyis/ /sems can gzi ldan zil gyis mnan/ /zil mnan de dag lam me myin/ /nyi mas me
31b3 khyer zil brlag bzhin/ /ye shes rgya mtsho ye shes kyis/ /'jig rten gsum kun zil gyis mnan/ /zil mnan de dag lam me min/ /nyi mas zla 'od zil brlag bzhin/ /lha ma yin gyi dbang po
31b4 sgra gcan gyis ji ltar byas pa de bzhin du/ lha ma yin gyi dbang po bde mchog gis kyang / /bcom ldan 'das la mchod pa byas nas rin po che sna bdun gyi shing rta la zhon te/ bcom ldan 'das la len
31b5 gsum bskor ba byed cing me tog skya snar khra bos mngon par gtor te tshigs su bcad pa dag gis bcom ldan 'das la mngon par bstod pa/ /'dren pa blo gros zhi ba po/ /zhi gnas dgyes pas 'gro ba yi/ /
31b6 'dod sdang gti mug rdul zhi mdzad/ /char pas rdul rnams zhi bgyid bzhin/ /'bar zhing chos tshul 'bar bar mdzad/ /glugs sbyin gyis ni me bzhin no/ /nags btang nags mes shing sreg ltar/ /
31b7 de bzhin nyon mongs dra ba sreg /bskal pa bye ba khrag khrig ni/ /dpag tu med par dge rtsa 'dzin/ /nyon mongs thams cad 'jom mdzad de/ /bdud rtsis lus byugs dug bzhin no/ /mun pa mun
31b8 gnag sel mdzad de/ /mun khung sgron ma 'bar ba bzhin/ /chos kyi tshul yang ston mdzad de/ /nor mkhan rin chen yon tan bzhin/ /lha ma yin gyi dbang po bde mchog gis ji ltar byas pa de bzhin
32a1 du lha ma yin gyi dbang po g.yul la mngon par dga' bas kyang / bcom ldan 'das la mchod pa byas nas rin po che sna bdun gyi shing rta la zhon te/ bcom ldan 'das la lan gsum bskor ba byed cing
32a2 rin po che'i me tog rnams kyis gtor nas tshigs su bcad pa dag gi bcom ldan 'das la mngon par bstod pa/ /gdul dka' mi bzad sems ni khyod kyis btul/ /g.yul la dpa' bas g.yul ngor dpa' bo bzhin/ /
32a3 shin tu tshar bcad rang gis dbang du mdzad/ /thugs dul mi bsnyengs khyod la phyag 'tshal lo/ /khyod kyis dbang po thul cing dgra yang bcom/ /gang du 'ang mi bsnyengs mi bskyod bde ba bsnyes/ /khyod ni nyon
32a4 mongs rnams kyis yang mi 'khrugs/ /rnam pa kun tu dug ni ma lus bcom/ /mthu chen khyod kyis byams pa legs bsgoms te/ /khyod kyi thugs ni dgra dang byams la mnyam/ /thub pa khyod
32a5 kyis sems can blo gros bshig /'gro ba kun du khyod ni bzhud mi mnga'/ /shes rab rnam grol srid pa'i sred pa bskams/ /shes rab rnam dag khyod kyi thugs kyang dag /chos rnams kun
32a6 la thugs ni chags mi mnga'/ /thams cad zil mnan thub mchog khyod 'dra med/ /lha ma yin gyi dbang po g.yul la mngon par dga' bas ji ltar byas pa de bzhin du lha ma yin gyi dbang po mig bzangs
32a7 kyis kyang / /bcom ldan 'das la mchod pa byas nas rin po sna bdun gyi shi rta la zhon te/ bcom ldan 'das la lan gsum bskor ba byed cing bcom ldan 'das la gter chen po yang phul nas tshigs su
32a8 bcad pa dag gis bcom ldan 'das la mngon par bstod pa/ /dpa' bo chen po khyod kyis ni/ /chos rnams yang dag mtshan nyid mkhyen/ /gang 'di chos shes brjod pa yang / /de ni brdar btags
32b1 tshig tu zad/ /chos rnams chos kyi ngo bo yis/ /rnam pa kun tu mi dmigs so/ /gang 'di chos shes brjod pa yang / /de ni ming tsam zad ces gsungs/ /ming ni ming gis dben pa ste/ /mtshan nyid kyang ni de
32b2 bzhin no/ /chos rnams mtshan nyid med pa ste/ /ming yang med ces khyod kyis bshad/ /rab tu bshad ces bgyi ba yang / /bshad pa ci yang ma mchis te/ /gang gis kyang ni ma bshad cing / /su la 'ang
32b3 bshad pa ma mchis so/ /khyod kyi sras po mi mchog rnams/ /chos rnams de ltar 'tshal nas ni/ /chos rnams la yang mi chags par/ /rnam par spyad do thub pa che/ /lha ma yin gyi dbang po
32b4 mig bzangs kyis ji ltar byas pa de bzhin du lha ma yin gyi dbang po 'jig rten gsum rnam par gnon pas kyang / bcom ldan 'das la mchod pa byas nas rin po che sna bdun gyi shing rta la zhon te/ bcom ldan
32b5 'das la lan gsum bskor ba byed cing bcom ldan 'das la mu tig gi do shal yang phul nas tshigs su bcad pa dag gis bcom ldan 'das la mngon par bstod pa/ /dgra zla ma mchis khyod la bdag bstod do/ /
32b6 tshul khrims dang ni gzugs dang ye shes stobs/ /de ni 'jig rten gsum na mtshungs ma mchis/ /de phyir khyod ni dgra thul mtshungs ma mchis/ /khyod kyi gzugs ni chos kyis bskyed pas na/ /
32b7 gzugs kyi stobs kyis khams gsum zil gyis mnan/ /sbyin pa'i stobs kyis mtshan ni phun sum tshogs/ /dpe byad phun sum tshogs shing gzugs kyang dag /tshul khrims stobs
32b8 kyis khyod ni mi bskyod do/ /skye bo mkhas pas so sor bsam mi lang / /khyod ni tshul khrims ldan zhing thug kyang dag /mi yi seng ge mdzad pa thams cad 'byor/ /shes rab stobs kyi khyod mtshungs
33a1 'ga' ma mchis/ /de na mi bsnyengs 'jig rten gsum btul nas/ /'khor du seng ge lta bur sgra bsgrags te/ /rtog ge tshogs kyi blo gros zil gyis mnan/ /lha ma yin gyi dbang po 'jig
33a2 rten gsum rnam par gnon gyis ji ltar byas pa de bzhin du lha ma yin gyi dbang po rnam par snang byed kyis kyang / bcom ldan 'das la mchod pa byas nas rin po che sna bdun gyi shing rta la zhon te/
33a3 bcom ldan 'das la lan gsum bskor ba byed cing rin po ches snyim pa bkang ste gtor nas tshigs su bcad pa dag gis bcom ldan 'das la mngon par bstod pa/ /thub pa chen po skye bo'i tshogs
33a4 pa 'di/ /dang ba'i yid kyis khyod kyi zhal du lta/ /kun gyis rgyal ba mdun na bzhugs par mthong / /de ni rgyal ba'i sangs rgyas ma 'dres mtshan/ /bcom ldan 'das kyis gsung gcig brjod pa la/ /
33a5 skye bo bsam pa ji bzhin so sor 'tshal/ /thub pa khyod kyis gsung de de ltar 'byung / /de ni rgyal ba'i sangs rgyas ma 'dres mtshan/ /bcom ldan 'das kyis gsung gcig brjod pa la/ /'khor gyis
33a6 tha dad gsung du rnam 'tshal cing / /'gro bas rang don ji lta bzhin du 'ang 'tshal/ /de ni rgyal ba'i sangs rgyas ma 'dres mtshan/ /gsung gcig rab tu brjod pa mdzad pas ni/ /gcig la 'jog gi gzhan
33a7 ni dgag par mdzad/ /'dren pa su dag ma bslabs rtog par mdzad/ /de ni rgyal ba'i sangs rgyas ma 'dres mtshan/ /lha ma yin gyi dbang po rnam par snang byed kyis ji ltar byas pa de bzhin du
33a8 lha ma yin gyi dbang po btang zung gis kyang / bcom ldan 'das la mchod pa byas nas rin po che sna bdun gyi shing rta la zhon te/ bcom ldan 'das la lan gsum bskor ba byed cing mu tig dmar
33b1 pos snyim pa bkang ste gtor nas tshigs su bcad pa dag gis bcom ldan 'das la mngon par bstod pa/ /rgyags dang nga rgyal sdig pa'i lta ba spyod pa gang / /yid dga' rab tu dang bas mi dbang bde gshegs
33b2 kyi/ /glo la mngon par dga' ba de dag bag mchis te/ /mtshungs med bsnyen bkur bgyid pa de dag ston pa'i sras/ /chos rnams 'di dag ngo bo nyid kyis ma mchis te/ /rmi lam dga' ba thams
33b3 cad tshad ma ma lags 'dra/ /rmyi lam dga' spyod ma mchis kyang ni 'du shes mchis/ /de ltar rgyal bas chos rnams thams cad rab tu gzigs/ /ston ka'i sprin dang mtshungs shing chu'i zla
33b4 ba 'dra/ /byis pa'i blo ldan rnams kyi yid ni rmongs par bgyi/ /gang dag rtag tu bag mchis bde gshegs blo mnga' ba/ /mkhas pa'i skye bo dag la 'di ni rmongs mi bgyid/ /rgyal ba khyod kyi
33b5 bstan la rtag tu bag mchis gang / /mi mchog dam pa de dag mi dal yong mi mchi/ /chos rnams thams cad rmyi lam 'dra bar rnam brtags nas/ /yang dag mthong ba de dag ting 'dzin thob par
33b6 gyur/ /de nas thags zangs ris la sogs pa lha ma yin gyi dbang po bye ba phrag drug cu po de dag gis mchod pa 'di lta bu byas nas byang chub la gzhol ba'i sems kyi tshim zhing mgu la yi rangs te rab tu
33b7 dga' nas/ dga' ba dang / yid bde ba skye te thal mo sbyar nas bcom ldan 'das nyid la phyag 'tshal zhing / bcom ldan 'das kyi spyan sngar 'khod par gyur to/ /de nas bcom ldan 'das kyis lha ma yin
33b8 gyi dbang po'i mchod pa de dag kyang gzigs/ lha ma yin de dag gi lhag pa'i bsam pa yang thugs su chud nas de'i tshe 'dzum pa mdzad do/ /'di ni sangs rgyas bcom ldan 'das rnams kyi chos nyid
34a1 de gang gi tshe 'dzum pa mdzad pa de'i tshe/ bcom ldan 'das kyi zhal gyi sgo nas 'od zer kha dog sna tshogs kha dog du ma 'di lta ste/ sngon po dang / ser po dang / dmar po dang / dkar po dang /
34a2 leb rgan dang / shel dang / dngul gyi kha dog lta bu dag byung nas de dag gis thams cad dang ldan pa'i 'jig rten snang bas rgyas par bkang ste phyir log nas/ bcom ldan 'das la lan gsum bskor ba
34a3 byas nas bcom ldan 'das kyi dbu'i gtsug tu nub bo/ /de nas tshe dang ldan pa rta thul stan las langs te bla gos phrag pa gcig tu gzar nas pus mo g.yas pa'i lha nga sa la gtsugs te/ bcom ldan
34a4 'das ga la ba de logs su thal mo sbyar ba btud nas bcom ldan 'das la 'dzum pa mdzad pa'i don tshigs su bcad de zhus pa/ 'jig rten phan bzhed rgyu zhig ma mchis par/ /mi yi seng ge 'dzum
34a5 pa mi mdzad na/ /drang srong chen po ci slad 'dzum pa mdzad/ /skyes bus mchog gis 'dzum pa'i rgyu yang gsungs/ /lha min mchod pa rgya chen gzigs gyur nas/ /'jig rten pha na bzhed khyod ni
34a6 'dzum mdzad na/ /lha min rnams la lung bstan bka' stsal gsol/ /de thos bdag cag rnams ni dga' bar 'gyur/ /de ring su yis dogs med rgya chen sems/ /'khor 'dir yang dag bskyed
34a7 par gyur cig gu/ de bzhin gshegs pas gang gi bsam mkhyen nas/ /mi yi seng ge 'dzum pa mdzad par gyur/ /de ring yongs su dag pa'i yid kyis su/ /mi yi mchog la dang ba gang
34a8 gis bskyed/ /de bzhin gshegs pas gang gi bsam mkhyen te/ /yid du 'ong ba'i 'dzum pa mdzad par gyur/ /bde gshegs zhal nas 'dzum pa de mthong nas/ /'di ltar bde gshegs
34b1 'dzum pa mdzad pa 'di/ /su'i dpung bcas bdud ni deng bcom zhes/ /'khor 'di de ring the tshom 'tshal bar gyur/ /drang srong chen po rgyal ba dgra las rgyal/ /the tshom 'tshal ba'i som nyi gcad du gsol/ /
34b2 mi mchog khyod kyis de ring 'gro ba yi/ /the tshom smyur te legs par bcad du gsol/ /de nas tshe dang ldan pa rta thul gyis zhu ba zhus pa'i lan bcom ldan 'das kyis tshigs su bcad de tshe dang ldan pa rta thul la
34b3 slar bka' stsal pa/ /rta thul khyod kyis dri ba legs par dris/ /'jig rten phan phyir 'dzum pa ngas byas pa/ /de yi 'bras bu ma lus bstan par bya/ /bstan pa de ni rtse gcig yid kyis nyon/ /
34b4 bla na med pa'i byang chub 'dod pa'i phyir/ /lha min rnams kyis nga mchod 'di byas te/ /de dag sems ni ci la 'ang chags med pas/ /nam mkha'i ngos la lag mthil chags med bzhin/ /lha min
34b5 tshogs kyis dang ba'i yid byas te/ /de dag nga la mchod pa 'di byas pas/ /blo can de dag lha min ris bor te/ /mtho ris dong nas yun ring dga' bar 'gyur/ /de dag phyi dus rgyal ba mi seng ge/ gang gA'i
34b6 klung gi bye ma bye ba snyed/ /bsnyen bkur byas nas yi 'ong bskal pa la/ de dag thams cad mtshan 'thun rgyal bar 'gyur/ /de tshe bde gshegs khrag khrig drug cu'i rnams/ /'jig rten sgron ma
34b7 phyogs su grags pa ste/ /de dag mi gnas chos ni ston mdzad cing / /lha dang bcas pa'i 'jig rten 'grel par 'gyur/ /'jig rten mkhas pa de dag rnams kyi zhing / /shin tu yangs shing snyigs
34b8 ma med par 'gyur/ /de tshe khrag khrig drug cur tshangs pa yi/ /rgyal ba rnams kyis stong gsum sbyong bar 'gyur/ /de dag ngan song thams cad sel bar mdzad/ /de dag zhing der dga' bar
35a1 spyod par 'gyur/ /brten pa de dag mi khom thams cad sbyong / /bla na med pa'i theg pa ston par 'gyur/ /de dag tshe yi tshad du gyur pa ni/ /bskal pa khrag khrig drug cu tshang bar yang / /rnam par 'dren pa de dag 'tsho
35a2 bar 'gyur/ /chags pa med pa'i chos kyang ston par mdzad/ /thub pa de dag mya ngan 'das gyur te/ /'jig rten mkhas pa rab tu zhi gyur nas/ /bskal pa khrag khrig drug cu tshang bar ni/ /rang 'byung rnams kyi dam chos
35a3 gnas par 'gyur/ /bde bar gshegs pa de dag 'gro ba'i tshogs/ /gang gA'i bye ma snyed kyi skye bo 'dul/ /dgra las rgyal ba'i rgyal bar mtshan 'thun 'gyur/ /zhing dang tshe dang chos gnas 'gyur ba 'ang 'thun/ /
35a4 bde gshegs de dag khrag khrig drug cu yi/ /skyes pa bud med yongs su smin mdzad de/ /bla na med pa'i theg pas 'dems par 'gyur/ /mkhas pa de dag rgyal ba'i gdung yang 'dzin/ /rgyal bas lha min de dag lung
35a5 bstan pa/ /'jig rten phan phyir drang srong chen pos gsungs/ /lha dang bcas pa'i 'jig rten de thos nas/ /yi rangs gyur cing stobs kyang skye bar 'gyur/ /lha ma yin lung bstan pa'i le'u ste/
35a6 bzhi pa'o// // de nas tshe dang ldan pa 'od srung chen pos lha ma yin gyi mchod pa rnam pa de lta bu 'di mthong nas ngo mtshar du gyur te/ 'di snyam du de bzhin gshegs pas sngon byang chub sems dpa'i spyad pa
35a7 spyod pa'i tshe dge ba'i rtsa ba ci lta bu zhig mngon par 'du mdzad na 'di lta bu'i rnam par smin pa grub snyam nas/ de'i tshe sems ji ltar mnyam par gzhag pas bskal pa grangs med pa yang rjes su dran zhing
35a8 bcom ldan 'das kyis srid pa'i rgyud de dang der 'chi 'pho dang skye ba na dge ba'i rtsa ba gang dag mngon par 'du mdzad pa dang / dge ba'i rtsa ba gang dag gis bla na med pa yang dag par rdzogs pa'i byang chub yang
35b1 dag par bsgrubs pa dang / dge ba'i rtsa ba gang gis phyir mi ldog pa brnyes par gyur pa de dag thams cad rjes su dran par 'gyur pa de lta bu'i ting nge 'dzin la mnyam par bzhag go/ /de nas tshe dang ldan pa 'od srung chen pos
35b2 bcom ldan 'das kyi dge ba'i rtsa ba bdag nyid chen po rjes su dran par gyur nas 'di snyams du sems te/ bcom ldan 'das kyis dge ba'i rtsa ba bdag nyid chen po de lta bu mdzad na de'i thugs bskyed pa gcig la yang
35b3 'jig rten gyi khams gang gA'i klung gi bye ma snyed na sems can gang ji snyed cig 'khod pa de dag thams cad mi'i lus thob par gyur te/ lha ma yin gyi mchod pa ji snyed pa de snyed du sems can re res bskal pa gang
35b4 gA'i klung gi bye ma snyed du mchod pa byas kyang de dag gis thugs bskyed pa gcig la yang lan lon par mi nus so snyam mo/ /de nas tshe dang ldan pa 'od srung chen po ting nge 'dzin de las langs te/ ngo mtshar dang dang
35b5 ba thob par gyur nas de'i tshe bcom ldan 'das la tshigs su bcad de mngon par bstod pa/ /thub pa byang chub gzhol ba yi/ /thugs bskyed pa ni re re la 'ang / /lha ma yin gyi mchod pa 'dis/ /cha tsam mi
35b6 spyod mi'i seng ge/ de lta'i yon tan mthar phyin te/ /lha dang mi yis mchod gyur pa/ /tsan dan phur ma ri rab tsam/ /mi mchog khyod la mchod par 'os/ /mi yi seng ge khyod la ni/ /gang gA'i bye
35b7 ma ches mang ba'i/ /rgya mtsho rab tu bkang ba yi/ /spos chu dag gis mchod par 'os/ /yon tan chen po mnga' ba la/ /gang gA'i bye ma ches mang ba'i/ /me tog tshogs ni ri bo mchog /khor yug
35b8 chen po mnyam mchod 'os/ /rgyal ba sgron ma rang byung ba/ /mar me'i snying po ri rab tsam/ /'bru mar rgya mtsho'i chu snyed kyi/ /mar me rnams kyis mchod par 'os/ /mthu chen mnga' ba de lta bur/ /yon tan
36a1 pha rol phyin gyur pa/ /gang gA'i bye ma ches mang ba'i/ /me tog mchod rten mchod par 'os/ /mi dbang mchod pas thugs brtse ba/ /rin chen gdugs ni che rnams kyis/ /bskal pa khrag
36a2 khrig rnams su yang / /sems can mchog la mchod par 'os/ /yon tan mtha' yas mnga' ba khyod/ /rin po che yi rgyal mtshan gyis/ /phyogs bcu'i 'jig rten khams bkang ste/ /bskal pa
36a3 bsam yas mchod par 'os/ /mi yi seng ge khyod la ni/ /bskal pa khrag khrig dpag med par/ /gang gA'i bye ma ches mang ba'i/ /ba dan tshogs kyis mchod par 'os/ /drang srong chen po smra ba'i
36a4 stag /lha rnams dang ni mi dag dang / /gzhan yang sems can gang tshogs pa/ /brtag bzung dpe la gsan du gsol/ /gal te gang gA'i bye snyed kyi/ /phyogs bcu'i 'jig rten khams rnams kyi/ /
36a5 sems can thams cad sangs rgyas su/ /mi mchog stobs bcu'i stobs ldan la/ /de dag re re'i mgo bo yang / /gang gA'i bye ma snyed gyur te/ /mgo bo de dag re re zhing / /de snyed kha dang ldan gyur la/ /
36a6 kha rnams de dag re re zhing / /lce dang kha yi grangs mnyam la/ /gang gA'i klung gi bye snyed kyi/ /bskal par bstod par bgyis kyang ni/ /rgyal ba de dag spobs mi bas/ /khyod kyi yon tan mthar mi phyin/ /
36a7 rgyal ba de lta'i yon tan gyi/ pha rol tu ni phyin par gyur/ /de'i tshe bcom ldan 'das kyis dge slong rnams la bka' stsal pa/ /dge slong dag legs so legs so/ /nga'i nyan thos rnams ni drang por gyur
36a8 pa/ /ye shes dang ldan bar gyur pa/ chos su gyur pa/ dpang du gyur pa/ tshad mar gyur pa sha stag gnas te/ de dag ni nga'i yon tan gyi tshogs la 'jug pa sha stag go/ /de ci'i phyir zhe na/ dge slong
36b1 dag de bzhin gshegs pa ni yon tan dpag tu med pa dang ldan pa ste/ yon tan bsam gyis mi khyab pa dang ldan pa'o/ /dge slong dag de bzhin gshegs pa'i yon tan rnams dang / de bzhin gshegs pa'i yon tan
36b2 gyi pha rol tu phyin pa dang / de bzhin gshegs pa'i yon tan gyi tshogs ni bsam gyis mi khyab pa'o/ /dge slong dag de bzhin gshegs pa'i yon tan rnams gzugs can zhig yin na ni sems bskyed pa re re'i yon tan
36b3 gyi tshogs kyang 'jig rten gyi khams gang gA'i klung gi bye ma snyed du shong bar mi 'gyur te/ sems bskyed pa re re'i yon tan gyi tshogs kyang de bzhin gshegs pa gang gA'i klung gi bye ma snyed kyis bskal pa gang gA'i
36b4 klung gi bye ma snyed du gang 'di grangs kyis tshad gzung bar brjod kyang brjod par mi nus/ bsams kyang bsam par mi nus so/ /de ci'i phyir zhe na/ de bzhin gshegs pa sngon byang chub sems dpa'i spyad
36b5 pa spyod pa'i tshe sems bskyed pa gang yang sems can du bsdu bar bsdus pa sems can gang ji snyed cig yod pa'i sems can de dag thams cad la phan pa dang bde ba'i don du ma bskyed pa gcig kyang med de/ sems can gyi khams ni tshad med pas sems can gyi khams ji snyed pa de snyed kyi bsod nams de bzhin gshegs pa'i sems bskyed pa re re las 'byung ngo /
36b6 /sems can gyi khams ni mi zad pa ste/ sems can gyi
36b7 khams ji ltar mi zad pa de ltar mi zad pa'i bsod nams de bzhin gshegs pa'i sems bskyed pa re re las 'byung ngo / /sems de ni sems can thams cad la phan pa'i don du skyes pas sems can
36b8 thams cad kyis mchod kyang lan lon par mi nus so/ /de ci'i phyir zhe na/ 'jig rten pa'i mchod pa ni zang zing dang bcas pa yin la/ byang chub sems dpa' sems dpa' chen po'i sems
37a1 sems can thams cad la phan pa'i don du 'byung ba ni sems can 'khor ba la gzhol ba 'di dag mya ngan las 'das pa la ji ltar gzhol bar 'gyur zhes te zang zing med pa'i phyir ro/ /de bzhin gshegs pa
37a2 sngon byang chub sems dpa'i spyad pa spyod pa'i tshe sems can rnams kyi don du zang zing med pa'i sems dpag tu med pa bskyed par gyur to/ /dge slong dag sngon byung ba 'das pa'i dus bskal pa dpag tu med pa/
37a3 bgrang du med pa/ bsam gyis mi khyab pa/ mtshungs pa med pa/ gzhal du med pa/ brjod du med pa 'das pa/ de'i tshe de'i dus na de bzhin gshegs pa dgra bcom pa yang dag par rdzogs pa'i
37a4 sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan
37a5 'das dbang po'i tog ces bya ba 'jig rten du byung ste/ dge slong dag de bzhin gshegs pa dbang po'i tog des sems bskyed pa re re zhing gang gA'i klung gi bye ma snyed kyi 'jig rten gyi khams kyi sems can rnams la
37a6 phan par dgongs par gyur te don kyang mdzad do/ /de bzhin gshegs pa dbang po'i tog gi sangs rgyas kyi zhing yang 'jig rten gyi khams gang gA'i klung gi bye ma snyed la sangs rgyas kyi zhing gcig tu gyur te/
37a7 yongs su dag cing ngan song dang mi khom pa thams cad yongs su chad pa ste/ de bzhin gshegs pa dbang po'i tog de'i sangs rgyas kyi zhing de na log par nges pa'i sems can gyi skye ba yong med par gyur to/ /lta ba'i
37a8 rnam pa yong med par gyur to/ /mngon pa'i nga rgyal can yong med par gyur to/ /lus dang ngag dang / yid kyi las kyi mtha' yongs su ma dag pa dang ldan pa'i sems can yong med par gyur to/ /ngan song gi rgyur
37b1 'gyur ba'i nyon mongs pa dang las 'byung ba yong med par gyur to/ /de ci'i phyir zhe na/ de bzhin gshegs pa des yun ring po nas sems can rnams dge ba'i chos rnams la btsud cing gtams te rjes su bstan cing bslabs
37b2 pa'i phyir ro/ /de bzhin gshegs pa dgra bcom pa yang dag par rdzogs pa'i sangs rgyas dbang po'i tog gis sangs rgyas kyi zhing de na 'khod pa'i sems can rnams kyang bde ba lnga thob par 'gyur te/ 'di ltar la la ni 'dod pa'i
37b3 bde ba dang ldan par gyur to/ /la la ni khyim nas 'byung ba'i bde ba dang ldan par gyur to/ /la la ni bsam gtan gyi bde ba dang ldan par gyur to/ /la la ni snyoms par 'jug pa'i bde ba dang ldan par gyur to/ /la la ni bla na med pa
37b4 yang dag par rdzogs pa'i byang chub kyi bde ba dang ldan par gyur te/ de dag bde ba de la yang spyod la/ bde ba de dag la yang mngon par zhen pa med par gyur to/ /'di lta ste/ dper na bung ba me tog gi khu bas nye bar 'tsho yang de la
37b5 mngon par zhen pa med do/ /de bzhin du sems can de dag kyang bde ba de la yongs su spyod kyang de la mngon par zhen pa med do/ /'di lta ste/ dper na bar snang la rgyu ba'i bya ni bar snang la yang rgyu la de la mngon par chags pa yang med
37b6 do/ /de bzhin gshegs pa dbang po'i tog de'i sangs rgyas kyi zhing de na 'khod pa'i sems can rnams la yid mi bde bar 'gyur ba'i mi dga' ba med rmongs par 'gyur ba med de/ gzhan du na yid bde bar 'gyur ba'i dga' ba sha
37b7 stag la yongs su spyod de/ de ni 'di ltar sngon dge ba'i rtsa ba de lta bu bskyed pa'i phyir ro/ /de ci'i phyir zhe na/ sems can de dag ni de bzhin gshegs pa dbang po'i tog des sngon byang chub sems dpa'i spyad pa spyod pa'i tshe/
37b8 mi dge ba las yongs su bzlog ste dge ba la btsud pas de dag la las gang gis sdug bsngal gyi tshor ba myong bar 'gyur ba'i rnam par smin par dbang med par 'byung ba mi dge ba'i las de lta bu yong med de/
38a1 de ma bsag pa'i phyir sdug bsngal tshor bar 'gyur ba'i rnam par smin pa mi 'byung ngo / /de dag gis rmongs pa'i sems tsam gyis kyang las gang gis rmongs pa rnams la sdug bsngal yang ma yin/ bde ba yang
38a2 ma yin pa'i tshor ba 'byung bar 'gyur ba de lta bu mngon par 'du ma byas te/ de ma bsags pa'i phyir rmongs par 'gyur ba'i tshor ba sdug bsngal yang ma yin/ bde ba yang ma yin pa de mi 'byung ngo / /de bzhin gshegs pa
38a3 dbang po'i tog de'i sangs rgyas kyi zhing de na rgyu gang gis sems can de dag dus gyur pa las byung ba'i sdug bsngal mi 'byung bas nyams su mi bde ba'i nyi ma mi 'char ro/ /rlung nyams su mi bde ba mi ldang ngo / /char nyams
38a4 su mi bde ba mi 'bab bo/ /de bzhin gshegs pa dbang po'i tog de sngon byang chub sems dpa'i spyad pa spyod pa'i tshe sems can de dag la lus dang / ngag dang / yid kyi las thams cad shes pa mngon du 'gro zhing shes
38a5 pa'i rjes su 'brang ba bstan cing bshad pas sems can de dag gis kyang byang chub sems dpa' de la bstan pa de thos nas lus dang / ngag dang / yid kyi las thams cad shes pa mngon du 'gro zhing shes
38a6 pa'i rjes su 'brang bar yongs su bsgrubs pas las de'i rnam par smin pas de dag la rmongs par 'gyur ba 'am yid mi dga' bar 'gyur ba med do/ /rmongs pa rnams la rgyu gang gis bde ba yang ma yin/
38a7 sdug bsngal yang ma yin pa'i tshor ba 'byung ba med do/ /de ltar sangs rgyas kyi zhing de na sems can de dag la sdug bsngal gyi tshor ba med cing bde ba yang ma yin sdug bsngal yang ma yin pa yang med do/ /
38a8 sangs rgyas kyi zhing der skyes pa'i sems can de bzhin gshegs pa des gtams pa de dag ni chos la rim gro bya ba chen pos nye bar gnas par 'gyur ro/ /de dag 'chag na yang chos nyid la sems shing chos la mos
38b1 pas zhen pa yid kyis 'chag ste/ chos la mos shing zhen pa'i yid kyis 'chag pa de dag la sdug bsngal gyi tshor ba mi 'byung ngo / /de bzhin du 'greng pa dang / 'dug pa dang / nyal ba dang / sad pa dang / spyod lam thams cad du yang
38b2 sdug bsngal mi 'byung ngo / /sangs rgyas kyi zhing de'i sems can de dag la ya nga ba ma spangs pa med de/ de'i phyir ya nga ba ma spangs pa'i sdug bsngal gyi tshor ba mi 'byung ngo / /yang dag pa'i spang pa yod pas de dag la skyo ba med de/
38b3 de'i phyir de dag la yang dag par spang bar bya ba'i sdug bsngal yang med do/ /sems can de dag 'gyur ba'i sdug bsngal yang med de/ de ni 'di ltar sems can de dag chos thams cad la mngon par zhen pa med pa'i phyir
38b4 ro/ /de dag mi sdug pa dang phrad pa'i sdug bsngal yang med de/ de ni 'di ltar sems can de dag sems can thams cad la mnyam pa nyid kyi sems nye bar gnas pa'i phyir ro/ /de dag la sdug pa dang bral ba'i sdug
38b5 bsngal yang med de/ de ci'i phyir zhe na/ 'di ltar de dag chos thams cad la mngon par zhen pa med pa'i phyir ro/ /sdug pa dang bral ba'i sdug bsngal ni sdug pa las 'byung ste/ de'i phyir de dag la sdug pa dang bral ba'i
38b6 sdug bsngal yang med do/ /sems can de dag la sdug bsngal ba'i sdug bsngal yang mi 'byung ste/ 'di ltar de na sdug bsngal gyi tshor ba rgyu ba med pa'i phyir ro/ /gzhan du na 'du byed kyi sdug bsngal gcig pu yod de/ 'di lta ste/
38b7 mi rtag pa'i sdug bsngal nyid do/ /de bzhin gshegs pa de ni don dam pa'i chos ston to/ /de bzhin gshegs pa dbang po'i tog de bskal pa gang gA'i klung gi bye ma snyed du bzhugs pa'i tshe des gsungs pa'i
38b8 phyir smra ba'i sems can gang yang sangs rgyas kyi zhing der ma byung ste/ de ni 'di ltar sngon sems can de dag legs par yongs su smin par byas pa'i phyir ro/ /dge slong dag de la ji snyam du
39a1 sems/ dge ba'i rtsa ba zhan pa dang / dma' ba dang / zhum pa dang / chung ba dang / sdug bsngal gyis yongs su bsgrubs pa dang / sdug bsngal dang 'dres pa dang / sdug bsngal dang ldan pa dang /
39a2 sdug bsngal gyis yongs su bzung ba dang / nyes par bsams pa dang / nye bar bsgrubs pa'i dge ba'i rtsa bas sems can de snyed cig don bya ba 'am/ de dag la phan par bsams pa 'am/ bde ba
39a3 bsgrub pa 'am/ sdug bsngal bsal ba 'am/ de ltar thag gru che ba'i sangs rgyas kyi zhing yongs su dag par bya ba 'am/ sems can de snyed yongs su smin par bya bar nus sam/ gsol pa/
39a4 bcom ldan 'das de ni ma lags so/ /bka' stsal pa/ dge slong dag de la ji snyam du sems/ sems zhan pa dang / sems dma' ba nas nye bar bsgrubs pa'i bar gyi sems kyis sems can
39a5 de snyed cig gi don bya ba 'am/ de dag phan par bsam pa 'am/ bde bar bsgrub pa 'am/ sdug bsngal bsal pa 'am/ de ltar thag gru che ba'i sangs rgyas kyi zhing yongs su dag par bya ba 'am/
39a6 sems can de snyed yongs su smin par bya bar nus sam/ gsol pa/ bcom ldan 'das de ni ma lags so/ /bka' stsal pa/ dge slong dag de la ji snyam du sems/ dad pa zhan pa nas nyes par
39a7 bsgrubs pa'i dad pa'i bar dang / tshul khrims zhan pa nas nyes par bsgrubs pa'i tshul khrims kyi bar dang / thos pa zhan pa nas nyes par bsgrubs pa'i thos pa'i bar dang / brtson 'grus zhan pa
39a8 nas nyes par bsgrubs pa'i brtson 'grus kyi bar dang / dran pa zhan pa nas nye bar bsgrubs pa'i dran pa'i bar dang / ting nge 'dzin zhan pa nas nyes bar bsgrubs pa'i ting nge 'dzin gyi bar dang / shes rab zhan
39b1 pa nas nyes bar bsgrubs pa'i shes rab kyis sems can de snyed cig gi don bya ba 'am/ de dag la phan par bsam pa 'am/ bde ba bsgrub pa 'am/ sdug bsngal bsal ba 'am/ de ltar thag gru che ba'i sangs rgyas
39b2 kyi zhing yongs su dag par bya ba'o/ sems can de snyed yongs su smin par bya bar nus sam/ gsol ba bcom ldan 'das de ni ma lags so/ /bcom ldan 'das kyis bka' stsal pa/ dge
39b3 slog dag legs so legs so/ /de ni dge ba'i rtsa ba zhan pa dang / sems zhan pa dang / dad pa dang / tshul khrims dang / thos pa dang / brtson 'grus dang / dran pa dang / ting nge 'dzin dang / shes rab
39b4 zhen pa dang / dma' ba dang / zhum pa dang / chung ba dang / sdug bsngal gyis yongs su bsgrubs pa dang / sdug bsngal dang 'dres pa dang / sdug bsngal dang ldan pa dang / sdug bsngal gyis yongs su bzung
39b5 ba dang / nyes bar bsams pa dang / nyes par bsgrubs pa'i shes rab kyis sems can de snyed kyi don bya ba 'am/ de dag la phan par bsam pa 'am/ bde bar bsgrubs pa 'am/ sdug bsngal bsal ba 'am/ de ltar
39b6 thag gru che ba'i sangs rgyas kyi zhing yongs su dag par bya ba 'am/ sems can de snyed yongs su smin par bya bar mi nus so/ /dge slong dag de la ji snyam du sems/ de'i tshe de'i dus na de bzhin gshegs pa
39b7 dbang po'i tog ces bya ba byung ba de gang zhig yin snyam/ de skad ces bka' stsal pa dang / dge slong de dag cang mi zer bar 'khod do/ /de'i tshe shar phyogs logs su 'jig rten gyi khams gang gA'i klung
39b8 gi bye ma snyed 'das pa na 'jig rten gyi khams zla ba'i 'od zer gyis rab tu brgyan pa zhes bya ba yod do/ /de na de bzhin gshegs pa gzi brjid 'phags pa'i rgyal po zhes bya ba da ltar bzhugs te 'tsho zhing
40a1 gzhes la chos kyang ston te/ der 'jam dpal gzhon nur gyur pa 'dus shing 'dug par gyur pa des bcom ldan 'das kyi dgongs pa sems kyis shes nas/ bcom ldan 'das de bzhin gshegs
40a2 pa gzi brjid 'phags pa'i rgyal po de la 'di skad ces gsol to/ /bcom ldan 'das 'di ltar mi mjed kyi 'jig rten gyi khams na de bzhin gshegs pa shAkya thub pa chos ston gyis/ bcom ldan
40a3 'das shAkya thub pa de la bsnyen bkur bgyi ba'i slad du bdag kyang mchi'o/ /de skad ces gsol pa dang / bcom ldan 'das de bzhin gshegs pa gzi brjid 'phags pa'i rgyal pos 'jam dpal gzhon nur
40a4 gyur pa la 'di skad ces bka' stsal to/ /'jam dpal de'i dus la dbab par shes na song shig /de nas 'jam dpal gzhon nur gyur pa stan las langs te bcom ldan 'das de bzhin gshegs pa gzi brjid
40a5 'phags pa'i rgyal po'i zhabs la mgo bos phyag 'tshal te lan gsum bskor ba byas nas/ 'di lta ste dper na skyes bu stobs dang ldan pa'i lag pa bskum pa las brkyang ba 'am/ brkyang pa las bskum
40a6 pa tsam gyis 'jam dpal gzhon nur gyur pa 'jig rten gyi khams zla ba'i 'od zer gyis rab tu brgyan pa de nas mi snang bar gyur te/ bcom ldan 'das shAkya thub pa'i spyan sngar 'dir gnas par gyur to/ /
40a7 des bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas 'jam dpal gzhon nur gyur pas bcom ldan 'das la 'di skad ces gsol to/ /
40a8 bcom ldan 'das kyis gang 'di skad du dge slong dag de la ji snyam du sems/ de'i tshe de'i dus na de bzhin gshegs pa dbang po'i tog ces bya ba byung ba de gang zhig yin snyam zhes bka' stsal pa ni bcom ldan 'das
40b1 nyid ni de'i tshe de'i dus na dbang po'i tog ces bgyi ba'i de bzhin gshegs par gyur to/ /de ci'i slad du zhe na/ 'di ltar bcom ldan 'das ni bsam gyis mi khyab pa'i thabs mkhas pa dang ldan pa ste/ sems can
40b2 yangs su smin par bgyi ba la chog pa mi mnga'/ sangs rgyas kyi zhing yongs su dag par bgyi ba la rgyun chad par bgyi ba ma mchis/ sems can rnams byang chub sems dpa'i chos rnams la dgod pas chog pa mi
40b3 mnga' ste/ la la zhig yang dag par smra bas yang dag par smra na/ rgyal ba gtso bo/ rgyal ba dam pa/ rgyal ba rgya rgyal ba rab ces brjod pa de ni bcom ldan 'das nyid lags par yang dag par brjod pas yang
40b4 dag par brjod do/ /de skad ces smras nas/ 'jam dpal gzhon nur gyur bas de'i tshe tshigs su bcad pa 'di dag smras so/ /dpa' bo rnams ni thabs mkhas te/ /sems can rnams la thugs brtse zhing /
40b5 sems can yongs su smin mdzad phyir/ /dpa' bo chen po rnam par 'phrul/ /bye ba brgyad cur rgyal ba nyid/ /sangs rgyas nyid du bstan gyur kyang / /da dung chog pa'i 'du shes bsal/ /byang chub mchog tu
40b6 thugs kyang 'jug /stong gsum drug cu rtsa gcig gi/ sangs rgyas zhing rnams dag mdzad pas/ /ji ltar thub pa thabs mkhas pa/ /rgyal ba khyod ni kun gyis 'tshal/ /da dung dang po thugs bskyed par/ /de dang
40b7 der ni yongs bstan te/ /da dung du yang 'dren pa khyod/ /sangs rgyas mang po ston pa mdzad/ /rnam pa sna tshogs gzugs rnams kyis/ /gang zag mchog ni spyod pa mdzad/ /chos kyi dbyings la chags mi mnga'/ /
40b8 khyod kyi gang yang mkhyen mdzad de/ /brgya byin tshangs pa'i cha byad dang / /la lar bdud kyis cha byad kyis/ /sems can rnams kyis don mdzad de/ /'jig rten rnams kyis rtogs mi nus/ /bud med cha byad spyod pa mdzad/ /dud 'gro'i skye
41a1 gnas rnams na 'ang gda'/ /'jig rten chos kyis mi gos te/ /pad ma chus mi chags pa bzhin/ /'dren pa sna tshogs khams can gyi/ 'jig rten 'di yi rjes 'jug mdzad/ /des na skye dgu 'di dag rnams/ /gdugs
41a2 mtshan khyod kyi yon tan brjod/ /la lar bltam pa yongs su bstan/ /la lar mya ngan 'das pa bstan/ /la la na ni 'khor lo bskor/ /la lar spyad pa spyod pa mdzad/ /sems can 'dul ba'i don slad du/ /dgyes shing mgur len rol pa
41a3 mdzad/ /bshums mo dag kyang 'byin par mdzad/ /sems can sus kyang yong ma 'tshal/ /'dod chags mi mnga' chags pa'i tshul/ /'jigs pa mi mnga' 'jigs pa ltar/ /sems can rnam par gdul don du/ /'dren
41a4 pa rnam par 'phrul ba mdzad/ /rmongs med rmongs pa'i tshul bstan te/ /byis pa ma lags byis tshul gyis/ /sems can rnam par gdul slad du/ /'dren pa rnam par 'phrul ba mdzad/ /smyos pa ma lags smyos pa'i tshul/ /
41a5 zha ba ma lags zha ba ltar/ /rnam par 'phrul ba sna tshogs kyis/ /sems can rnams ni 'dul ba mdzad/ /de ltar bsam yas mgon po khyod/ /dam pa'i chos kyang bsam mi khyab/ /dpa' chen khyod la phyag kyang 'tshal/ /
41a6 sems can thub chen 'drar gyur cig /sngon byung ba 'od srung chen pos zhus pa'i le'u ste lnga pa'o// // de nas bya ba'i rgyal po 'dab bzangs brgyad khri drug stong gis lha ma yin gyi dbang po de dag mchod pa yang mthong /
41a7 lung bstan pa yang thos nas/ /bcom ldan 'das la gzhal du med pa'i dad pa skyes te/ bcom ldan 'das la mchod pa'i phyir brtson par gyur nas/ bcom ldan 'das la mchod pa'i don du rin po che sna bdun
41a8 gyi khang pa brtsegs pa shin du bkra ba blta na sdug pa brgyad khri drug stong mngon par sprul to/ /lha'i rin po che sna bdun ni 'di lta ste/ gser dang / dngul dang / bai dUr+ya dang / shel dang / spug dang / mu tig dmar po
41b1 dang / rdo'i snying po dang bdun no/ /khang pa brtsegs pa de dag kyang rin po che sna bzhi'i lan kan gyi dra ba ris bkra ba/ blta na sdug pa rim pa bdun gyis kun nas bskor to/ /rin po che sna bzhi ni 'di lta ste/ gser dang /
41b2 dngul dang / bai dUr+ya dang / shel lo/ /gser gyi lan kan rnams kyi ka ba dang / gdang bu rnams ni gser/ shar ba rnams ni dngul/ dngul gyi lan kan rnams kyi ka ba dang gdang bu rnams ni dngul/ shar ba
41b3 rnams ni gser/ bai dUr+ya'i lan kan rnams kyi ka ba dang gdang bu ni bai dUr+ya/ /shar ba rnams ni shel/ shel gyi lan kan rnams kyi ka ba dang gdang bu rnams ni shel/ shar ba rnams ni dngul las byas pa'o/ /
41b4 khang pa brtsegs pa de dag dril bu g.yer ka'i dra ba bkra ba blta na sdug pa rim pa bdun gyis kun nas bskor to/ /de dag kyang rin po che sna bdun las byas pa sha stag ste/ 'di ltar gser dang / dngul dang / bai dUr+ya dang /
41b5 shel dang / spug dang / mu tig dmar po dang / rdo'i snying po dang bdun no/ /khang pa brtsegs pa de dag rin po che sna bdun gyi dra ba bkra ba/ blta na sdug pa/ 'di lta ste/ gser gyi dra ba dang / dngul gyi dra ba dang /
41b6 bai dUr+ya'i dra ba dang / shel gyi dra ba dang / mu tig dmar po'i dra ba dang / spug gi dra ba dang / rdo'i snying po'i dra bas kun nas bkab par gyur to/ /gdugs bkra ba/ blta na sdug pa brgyad khri drug stong mngon par
41b7 sprul te/ de dag kyang 'di ltar gser nas rdo'i snying po'i bar gyi rin po sna bdun las bsgrubs pa sha stag go/ /rgyal mtshan bkra ba/ blta na sdug pa brgyad khri drug stong yang mngon par sprul te/ rgyal mtshan
41b8 de dag kyang gser dang / dngul dang / bai dUr+ya dang / shel dang / rin po che sna bzhi'i rgyu las bsgrubs pa sha stag ste/ rgyal mtshan sngon po rnams ni tog ser po can/ rgyal mtshan ser po rnams ni tog sngon po can/
42a1 rgyal mtshan dmar po rnams ni tog dkar po can sha stag mngon par sprul to/ /ba dan kha dog sna tshogs can bkra ba/ blta na sdug pa brgyad khri drug stong yang mngon par sprul par gyur to/ /bla re bkra ba/
42a2 blta na sdug pa brgyad khri drug stong yang mngon par sprul par gyur te/ bla re de dag kyang gser skud kyi bla re dang / dngul skud kyi bla re dang / bai dUr+ya'i bla re dang / shel gyi bla re dang / mu tig dmar po'i bla re dang / spug gi bla re dang / rdo'i snying
42a3 po'i bla re ste/ rin po che sna bdun las bsgrubs pa sha stag go/ /de nas bya'i rgyal po 'dab bzangs de dag gis khang pa brtsegs pa brgyad khri drug stong po de dag dang / gdugs brgyad khri drug stong po de dag dang / rgyal mtshan brgyad
42a4 khri drug stong po de dag dang / ba dan brgyad khri drug stong po de dag dang / bla re brgyad khri drug stong po de dag bcom ldan 'das la phul ba dang / de dag thams cad steng gi bar snang la lding zhing bcom ldan 'das la lan gsum
42a5 bskor ba byas so/ /'di lta ste/ dper na glang po che'i rgyal po sa srung gi bu ni sum cu rtsa gsum gyi lha rnams mgo la khyer zhing nam mkha' las song ste/ yongs 'dus brtol du gzhog go/ /de bzhin du khang pa brtsegs pa de
42a6 dag dang / gdugs de dag dang / rgyal mtshan de dag dang / ba dan de dag dang / bla re de dag bar snang gi nam mkha' la lding zhing bcom ldan 'das la lan gsum skor ba byed par gyur to/ /de nas 'dab bzangs brgyad khri drug
42a7 stong po de dag gis bcom ldan 'das la mchod pa byas te/ bcom ldan 'das la lan gsum bskor ba byas nas phyogs gcig tu 'khod de thal mo sbyar nas phyag 'tshal zhing tshigs su bcad pa dag gis bcom ldan 'das
42a8 la mngon par bstod pa/ rga dang 'chi las rnam bral khyod la phyag 'tshal lo/ /rga dang 'chi las rnam grol khyod la phyag 'tshal lo/ /sems can gzhal yas kha lo sgyur la phyag 'tshal lo/ /khyod dang mtshungs pa ma mchis
42b1 lhag pa 'ang ma mchis so/ /bdag cag rnams kyang sred med bu yi lus ldan zhing / /sum cu rtsa gnyis mtshan gyis yan lag brgyan pa dang / /dpe byad bzang po brgyad cus shin tu mdzes byas pa'i/ /sangs rgyas rnam par 'dren pa khyod 'drar gyur
42b2 par shog /bdag cag 'dom gang 'od kyi gzi ldan zhing / /mngon 'phags gzugs kyi dam pas mdzes gyur te/ /spyod lam mchog dang bdag cag ldan gyur cing / /'gro ba rnams spyod mya ngan zlo bar shog /bdag cag tshul khrims
42b3 ting 'dzin rab ldan zhing / /shes rab ldan pas mchog tu gyur par shog /de ltar rnam par 'dren pa khyod lta bur/ /skye bo rab 'grel sangs rgyas grub par shog /'dren pa 'jig rten mkhas pa khyod lta bur/ /bdag cag 'dren pa stobs bcu
42b4 ldan pa dang / /ma 'dres bcwa brgyad chos kyi mthar phyin cing / /'jig rten mkhas pa thams cad mkhyen du shog /bdag cag kun kyang 'gro ba dngos med dang / /rmi 'dra sgyu 'dra gnas pa med pa dang / /brag cha nam mkha' 'dra bar ston
42b5 byed cing / /ji ltar rnam 'dren khyod ston bzhin du shog /de nas bcom ldan 'das kyis bya'i rgyal po 'dab bzangs de dag gi lhag pa'i bsam pa mkhyen nas 'dzum pa mdzad do/ /de nas tshe dang ldan pa rta thul gyis bcom ldan 'das
42b6 la tshigs su bcad de gsol pa/ /rgyal ba rnam 'dren gtso bo sangs rgyas rnams/ /rgyu ma mchis par bzhad pa mi mdzad na/ /'dzum mdzad 'di la rgyu rkyen gang lags pa/ /'jig rten phan mdzad thugs rje mnga' bas gsungs/ /
42b7 'dab bzangs rnams kyis rgyal ba mchod bgyis te/ /bla re nam mkha' rgyas par gang ba bstan/ /lhar bcas 'jig rten 'di la ngo mtshar skyed/ /rkang gnyis dam pas de dag lung bstan gsol/ /'gro ba thams cad
42b8 thal mo rab sbyar cing / /dga' ba'i sems dang mgu ba'i sems kyis 'khod/ /mkha' lding 'gro ba cir 'gyur nyan par 'tshal/ /rkang gnyis dam pas de dag lung bstan gsol/ /mi mchog khyod la khong dag mchi ba ni/ /
43a1 'gro ba thams cad the tshom med 'gyur zhing / /the tshom med pas 'khor du 'jigs med 'gyur/ /'dis ni sangs rgyas mnyes par bgyis shes mchi/ /'khor 'dir 'jigs med rab tu dga' bar 'gyur/ /yongs
43a2 su sbyangs shing shin tu skyon bsal nas/ /rgyal bas lung bstan de dag mngon dga' ste/ /slob ma mchog la bla mas bstan pa bzhin/ /the tshom 'tshal ba'i the tshom gcad du gsol/ /rab tu dga' mdzad rjes su smon pa
43a3 mdzod/ /dga' ba'i sems kyis 'khor 'di 'dus gyur gyis/ /rang 'byung mkha' lding 'gro ba cir 'gyur gsungs/ /de nas bcom ldan 'das kyis tshe dang ldan pa rta thul la tshigs su bcad de slar bka' stsal pa/
43a4 thams cad zil gnon stobs bcu brtson 'grus bden/ /rgyal ba dbang po thub pa de bzhin gshegs/ /'dren pas yan lag brgyad ldan gsungs dbyangs kyis/ /mdab bzangs 'gro ba rta thul bka' stsal pa/ /rta thul
43a5 khyod kyis dri pa legs par dris/ /'jig rten phan phyir 'dzum gang ngas bstan pa/ /de yi 'bras bu dga' ba'i yid kyi nyon/ /the tshom sol la rab tu dga' ba skyed/ /bla na med pa'i byang chub zhi tshol zhing / /stobs
43a6 dang mi 'jigs bzhi po gang rnams kyis/ /'dren pa 'jigs med 'gyur ba btsal ba'i phyir/ /mdab chags dbang pos nga la mchod legs byas/ /ma 'dres bcwa brgyad chos ni smra ba yi/ /sred med bu lus shin
43a7 du 'khregs pa dang / /sum cu gnyis mtshan dpe byad bzang po rnams/ /yongs su btsal phyir nga la mchod pa byas/ /rgyal ba'i tshul khrims ting 'dzin btsal ba dang / /gzhan yang sangs rgyas spyod yul shes rab dang / /
43a8 phun sum zhing dang 'gro ba rnam dgrol ba/ /'di dag kun btsal don du mchod pa byas/ /de dag nga la dga' bas mchod byas pas/ /dud 'gro'i gnas nas de dag shi 'phos nas/ /lha dang brtul zhugs 'thun par
43b1 de dag 'dong / /'di ni ngan song srid pa'i tha ma yin/ /bskal pa bye ba gang gA'i bye snyed du/ /de dag lha mi'i nang na gnas gyur cing / /rnam 'dren khrag khrig mtha' yas mchod byas nas/ /de dag dbang po thul ba'i rgyal bar 'gyur/ /de
43b2 dag zhing du ngan song mi 'byung ste/ /mi khom mi 'byung mtshan dang mi ldan med/ /rgyal ba de dag mtshan ni kun du mdzes/ /ri rab rgyal mtshan bskal la rang 'byung 'gyur/ /lo ni bye ba brgyad cu bzhi bgrangs par/ /
43b3 'jig rten phan phyir 'dren pa de dag bzhugs/ /'jig rten phan phyir rnam 'dren mnyam bzhag pas/ /lus can rnams la mnyam pa'i don mdzad 'gyur/ /skyob pa rdul med gyur pa de dag gi/ 'dus pa nga rgyal spangs
43b4 pa brgyad cur 'gyur/ /de tshe skyob pa rdul dang bral rnams kyi/ /shin tu sems dul bye ba brgyad cu 'byung / /'dren pa de dag 'gro ba'i nga bsal phyir/ /chos kyi 'khor lo rab tu bskor bar 'gyur/ /mi dag de ltar
43b5 'di rnams nga rgyal che/ /mdab bzangs lus su gyur nas stobs po che/ /'di dag sngon tshe 'das pa'i dus shig na/ /drang srong dka' thub drag po'i tshogs chen gyur/ /stong phrag brgyad cu rtsa drug tshang ba ste/ /
43b6 dka' thub spyod de rdzu 'phrul phun sum btsal/ /de dag rdzu 'phrul thob nas nga rgyal gyis/ /dga' bas dka' thub drag dang ldan par gyur/ /tshul khrims ma zhig de dag nags 'dab tu/ /tshe zad shi 'phos
43b7 gyur te lus kyang zhig /nga rgyal des ni mkha' lding mkha' 'gror gyur/ /rdzu 'phrul sems kyis rdzu 'phrul ldan par skyes/ /tshul khrims dag pas rgyal ba'i bstan la dad/ /nga rgyal gyis ni byang chub sems
43b8 kyang bskyed/ /nam mkha' lding lung bstan pa'i le'u ste drug pa'o// // bam po bzhi pa/ de nas klu'i bu mo bye ba phrag dgu cu rtsa drug gis lha ma yin gyi dbang po de dag dang / nam mkha' lding gi dbang po de dag gi mchod pa yang mthong /
44a1 lung bstan pa yang thos nas mchog tu dga' ba chen po skyes te/ de dag dga' mgu yi rangs nas rab tu dga' ste/ dga' ba dang yid bde ba skyes nas bcom ldan 'das la mchod pa'i phyir brtson par gyur to/ /de dag
44a2 gis rin po che sna bdun gyi gdugs bai dUr+ya'i dra ba lda ldir bkye ba mu tig dmar po'i dra bas bskor ba/ gser gyi yu ba can/ bai dUr+ya'i thur ma brgya stong bkye ba/ rin po che'i chun po spyangs pa bye ba phrag dgu bcu rtsa drug
44a3 mngon par sprul to/ /rta sngon po kha dog sngon po/ sngon po lta bur ston pa/ 'od sngon po 'byung ba/ rgyan sngon pos brgyan pa/ bai dUr+ya'i srab kyis bsrabs pa/ bye ba phrag dgu bcu rtsa drug mngon par sprul to/ /
44a4 nor bu skar mdog gi bla re kho ra khor yug tu dpag tshad drug cu yod la/ des 'khor de dag thams cad yog pa cig kyang steng gi bar snang la mngon par sprul to/ /de la rin po che sna bdun gyi lda ldi bkra ba mig tu mdzes
44a5 pa blta na sdug pa bye ba phrag dgu cu rtsa drug bres par mngon par sprul to/ /bla re de'i khor khor yug tu rin po che sna bdun gyi dril bu g.yer ka'i dra ba mngon par sprul te bres so/ /rin po che sna bdun gyi khrung khrung
44a6 rkang dag mngon par sprul to/ /klu'i rol mo sil snyan bye ba phrag dgu bcu rtsa drug mngon par sprul to/ /de nas klu'i bu mo de dag rta sngon po de dag la zhon nas rin po che sna bdun gyi gdugs steng gi bar snang la bres te/
44a7 nam mkha' las 'dong zhing rol mo'i sgra bye ba phrag dgu bcu rtsa drug po de dag dkrol cing / bcom ldan 'das la lan gsum bskor ba byed pa lha'i tsan dan gyi phye ma dag kyang bcom ldan 'das la mngon par 'thor/
44a8 lha'i a ga ru dang / ta ma la'i lo ma dang / ud pa la'i phye ma dang / me tog sna tshogs kyang bcom ldan 'das la mngon par 'thor/ me tog ud pa la dang / tsam pa ka'i phreng ba dag kyang 'thor/
44b1 me tog rnam pa sna tshogs kyi phreng ba dag kyang 'thor/ spos sna tshogs kyi phreng ba dang / na bza' dang / rgyan dag kyang 'bul te/ lha ma yin gyis ji ltar byas pa de bzhin du mchod pa rgya cher byas so/ /de nas de dag gis rol mo
44b2 sil snyan bye ba phrag dgu cu rtsa drug po de dag byas pa'i sgras stong gsum gyi stong chen po'i 'jig rten gyi khams rgyas par gang bar gyur te/ sems can gang dag gis rol mo'i sgra de thos pa de dag thams cad kyang bla na med pa yang
44b3 dag par rdzogs pa'i byang chub las phyir mi ldog par gyur to/ /nor bu skar mdog gi bla re dag dang / rin po che sna bdun gyi lda ldi de dag dang / dril bu g.yer ka'i dra ba de dag dang / khrung khrung rkang de dag rlung gis bskyod pa
44b4 las 'di lta ste/ dper na rol mo sil snyan yan lag brgyad dang ldan pa mkhas pas dkrol ba de lta bur snyan la de lta bur yid du 'ong zhing mnyan na bde ba'i sgra byung bar gyur to/ /sgra des kyang stong gsum gyi stong
44b5 chen po'i 'jig rten gyi khams rgyas par gyur te/ sems can gang gis rgyan gyi sgra de dag thos par gyur pa de dag thams cad kyang bla na med pa yang dag par rdzogs pa'i byang chub las phyir mi ldog par gyur to/ /de nas
44b6 klu'i bu mo de dag gis me tog rnam pa sna tshogs kyi char dang / spos chu rnam pa sna tshogs kyi char mngon par phab par gyur te/ me tog gi char de bab pa'i tshe spos kyi dri zhim po'i ngad byung ste/ 'gro zhing ldog go/ /
44b7 spos chu'i char de bab pas kyang ser skya'i gnas kyi grong khyer chen po'i kho ra khor yug tu dpag tshad drug cu tshun chad spos chus rdzab tu gyur te/ spos kyi dri des kyang stong gsum gyi stong chen po'i 'jig rten gyi khams
44b8 rgyas par gang bar gyur to/ /sems can gang gis spos kyi dri de tshor bar gyur pa de dag thams cad kyang bla na med pa yang dag par rdzogs pa'i byang chub las phyir mi ldog par gyur to/ /de nas klu'i bu mo de dag gis
45a1 gdugs bye ba phrag dgu bcu rtsa drug dang / rta bye ba phrag dgu bcu rtsa drug dang / rol mo sil snyan bye ba phrag dgu bcu rtsa drug po de dag gis bcom ldan 'das la mchod pa byas nas rgyan thams cad dang ldan pa de dag bar snang
45a2 gi nam mkha' la 'khor de/ bcom ldan 'das kyi zhabs la mgo bos phyag 'tshal nas bcom ldan 'das la lan gsum bskor ba byas te/ thal mo sbyar nas bcom ldan 'das la phyag 'tshal zhing phyogs gcig tu 'khod
45a3 par gyur to/ /de'i tshe tshigs su bcad pa 'di dag kyang smras so/ /klu'i bu mo mkhas pa de dag yi rangs dga' mgu yid kyis su/ /byang chub zhi ba tshol zhing shAkya thub pa de ring mchod pa chen po byas/ /rgyan gyis
45a4 legs brgyan bye ba dgu bcu drug gi gdugs rnams mngon sprul te/ /bde bar gshegs pa mchod cing rab tu dul ba'i yid kyis chags dang bral/ /rgyan gyis legs brgyan bye ba dgu bcu drug gi rta rnams mngon
45a5 sprul te/ /kha dog sngo zhing rgyan yang sngo ba'i rta la rgyal mtshan sngon pos brgyan/ /de dag thams cad bar snang dong nas thub la rta yis mchod pa byed/ /klu'i bu mo de dag dang ba'i yid kyis thub la mgos phyag
45a6 'tshal/ /mchog la mchod pa'i don du klu yi gnas nas klu yi sil snyan gyis/ /mchod pa'i 'os gyur 'dren pa shAkya thub la der ni mchod pa byas/ /sil snyan de dag bde bar gshegs la mchod pa'i sgra de khams
45a7 gsum grag /sgra de thos pa'i sems can khrag khrig dag ni byang chub yang dag zhugs/ /de dag rnams kyis der sprul mkha' la bla re chen po gcig tu gyur/ /phyogs bcu'i dpag tshad drug cur rgyas shing 'gro ba
45a8 thams cad khebs par gyur/ /nor bu rin chen skar ma'i mdog gi gzi brjid phyogs su 'bar zhing gsal/ /klu yi bu mo dga' nas 'gro ba'i don du rgyal la mchod pa byas/ /gzhal du med pa'i sems
45b1 bskyed dga' nas byang chub zhi ba tshol byed cing / /'jig rten don byed bde gshegs sangs rgyas 'jig rten mkhas pa grub par shog /ji ltar stobs bcu mnga' ba khyod ni sems can sdug bsngal 'grol ba ltar/ /chos
45b2 kyang bstan te sems can nyon mongs sdug bsngal bsgribs pa khrag khrig dgrol/ /chos rnams sgyu ma smig rgyu 'dra zhing dbu blta bur nyam chung la/ /char rgyun chu la phog pa'i chu bur lta bur 'jig cing bdag po med/ /
45b3 me long nang gi gzugs brnyan 'dra bar 'gro ba thams cad brtags nas ni/ /'gro ba dag la chos kyi rang bzhin yang dag de nyid bstan par bgyi/ sgyu ma bkod pa lta bur ma mchis brdzun pa byis pa rmongs bgyid pa/ /
45b4 skye bo mi mkhas ji bzhin ma 'tshal ba dag ma rung rab bgyid pa/ /byis pa rmongs bgyid chos rnams sdig med khyod kyis de ltar legs par gzigs/ /de dag ji ltar gzigs pa de bzhin de dag sems can rnams
45b5 la bstan/ /ji ltar sa chen 'di la sprin 'khrigs gyur na ri ltar gda' ba yang / /yang dag tu na ri ltar ngo bo nyid kyis de la gnas ma mchis/ /de ltar 'gro ba thams cad rang bzhin ma mchis dbang po rmongs par bgyid/ /
45b6 shes pas brtags nas skye bo mkhas pa dag ni rmongs par 'gyur ma mchis/ /yang dag tu na 'gro ba thams cad rang bzhin ma mchis khyod sten pas/ /des na 'dren pa rgyal ba khyod la skye bo mkhas pa mi phyed 'gyur/ /
45b7 khyod kyi sras rnams chos gyis yongs su tshim nas rdzab la zam pa 'dra/ /'di ni byis pa'i skye bo'i yul min 'gro ba 'di ni sgra phyir 'brang / /de lta lags pas sdig med yang dag ston pa byis pa'i skye bo'i mgon/ /skyabs dang
45b8 dpung gnyen gnas dang rten dang rtsa lag khyod la skyabs su mchis/ /gzhal yas byang chub de btsal slad du rnam par 'dren pa khyod la mchod/ /sangs rgyas gyur nas rtogs bgyid sdig bral 'jig rten don rnams bgyid
46a1 par shog /de nas bcom ldan 'das kyis klu'i bu mo de dag gi lhag pa'i bsam pa thugs su chud nas 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol pa/ 'jig rten na
46a2 ni 'jig rten mkhas pa rnam par 'dren mchog khyod 'dzum mdzad/ /dpal stug 'dzum pa mdzad la rgyu ma mchis pa bdag gis yongs ma mthong / /mi'i dbang po dam pa 'dzum pa mdzad pa'i rgyu ni yang dag gsungs/ /de thos lha
46a3 mi lha min tshogs dang klu'i bu mo gsang ba pa/ /dri za rnams kyang skyob pa'i dgongs pa thos nas yid ni dga' bar 'gyur/ /'jig rten dag na 'jig rten rnam 'dren khyod kyis rgyu rnams thams cad mkhyen/ /rgyal bas chos
46a4 gang rgyu dang rnam pas mkhyen par ma gyur yong ma mchis/ /de ltas bde gshegs rgyal ba khyod kyis ji ltar thugs chud 'dzum rgyu gsungs/ /de thos nas ni 'gro ba thams cad yi rangs dogs pa chad par 'gyur/ /thub pa bde
46a5 bar gshegs kyi bstan pa mchog la don kyang thob par mchi/ /'khor rnams 'di dag don myong gyur nas yid ni rab tu zhi bar 'gyur/ /kun rtog dbang du mi 'gyur byang chub yid kyis rgyal ba'i spyod nyan gyur/ /bde gshegs
46a6 khyod kyi 'dzum mdzad don thos rang 'byung nyid du nges par 'byung / /'khor 'di rgyal ba khyod kyi zhal nas 'dzum mthong the tshom 'tshal gyur te/ /sdug bsngal dogs bcas yid mi bde zhing chos la som nyi gang 'tshal ba/ /
46a7 de dag la ni thub pa ston pas dogs bsal the tshom dgum du gsol/ /drang srong khyod kyis gang slad 'dzum bstan myur du bka' stsal the tshom khum/ /rgyal ba gang gis de ring yid ni rnam par sbyangs shing bdud bcom
46a8 thul/ /su zhig yid rab tshim nas bcom ldan 'das la mchod pa dam pa bgyis/ /'di ni su'i mthu lags ston pa 'gro ba'i mdun du 'di bka' stsol/ /thos nas bdag cag yi rangs mchog tu dga' ba skyes
46b1 nas bde bar 'gyur/ /khyod kyi zhabs kyi drung du 'dus pa'i 'gro ba 'di dag the tshom 'tshal/ /'dzum rgyu dga' ba skyed pa bka' stsol thub pa the tshom bsal du gsol/ /des thos lha dang bcas pa'i 'gro ba 'di dag the tshom ma mchis
46b2 'gyur/ /rgyal ba'i gsung sgra yang dag thos nas de dag yid dga' 'gyur/ /de nas bcom ldan 'das kyis/ tshe dang ldan pa rta thul la tshigs su bcad de slar bka' stsal pa/ /rta thul la legs so rgyal ba'i dgongs pa 'dzum pa
46b3 'di ni legs par dris/ /klu yi bu mos mchod tshe 'jig rten phan phyir ngas ni 'dzum pa bstan/ /de yi 'bras bu bstan kyis yid gnyis tha ba spangs pa'i sems kyis nyon/ /gang gi don du ngas ni 'dzum pa 'dir mdzad nga yi
46b4 tshig la nyon/ /klu yi bu mo 'di dag chags med yid kyis byang chub yang dag zhugs/ /'gro ba thams cad stong par rnam bshig blo ldan dogs med legs par gnas/ /'di na byed med tshor med gang zag med cing skye ba po
46b5 yang med/ /chos rnams 'di dag brdzun zhing smig rgyu mtshungs la me long gzugs brnyan 'dra/ /'di dag rnams kyis mchod byas byas gzo blo gros yang dag ngas shes te/ /rgyal ba'i chos nyid dang ni 'gro ba stong
46b6 zhing bdag po med mthong legs/ /mchod pa rnam par phye zhing legs par bkod pa 'di dag sgyu ma 'dra/ /byang chub gzhal yas gang du smon lam btab pa de yang 'di 'drar stong / /nga la gzhal yas mchod pa de
46b7 byas pa dang 'gro ba stong shes pas/ /klu las shi 'phos nas ni lha gnas brgya byin gnas su 'gro bar 'gyur/ /sum cu rtsa gsum song ste lha yi nang du dga' bar tshe rdzogs nas/ /ma smad grags dang ldan pa'i lha
46b8 gnas 'thab bral gnas su 'gro bar 'gyur/ /'thab bral lha nang gnas te lha'i gnas su lha yi dga' ba spyod/ /lhar gyur bde gshegs sras rnams de na tshe yi tshad du gnas par 'gyur/ /rgyal ba'i
47a1 sras rnams 'thab bral dga' ba spyad nas tshe tshad zad pa dang / /dga' ldan gnas su lha yi grong khyer lha dang brtul zhugs 'dra bar 'gyur/ /de dag de na lha yi bu mos bskor nas lha yi dga' ba spyod/ /pad ma chus
47a2 mi chags pa bzhin du bde gshegs mi gnas blo can gnas/ /'gro ba thams cad stong par rtogs rig blo las nyams par yong mi 'gyur/ /skyob pa rnams kyi dran brdol brkos pa bzhin du yong mi nyams/ /de dag
47a3 dga' ldan gnas der gnas te lha yi dga' ba spyod nas ni/ /tshe tshad yongs su zad nas de tshe rab 'phrul dag tu 'gro bar 'gyur/ /bde gshegs ma smad grags ldan der yang lha mo'i tshogs kyis mchod 'gyur te/ /mi
47a4 gnas blo gros ldan pa tshe tshad bar tu gnas na gnas par 'gyur/ /de dag gnas der rab 'phrul gyur te lha yi dga' ba spyad nas ni/ /mkhas pa tshe zad blo gros ldan pa chos kyi mthar ni phyin gyur nas/ /'dren pa bsam pa
47a5 dag pa chags med yid ldan chos kyi bsam pa can/ /chos dang ldan rnams gzhan 'phrul gnas su lha 'du bar ni 'gro bar 'gyur/ /de dag lha gnas de na gnas shing lha yi dga' ba spyod par 'gyur/ /bde gshegs
47a6 ma rmongs blo ldan de dag rang gi tshe tshad gnas par 'gyur/ /mya ngan 'das ltar lha yi 'dod pa'i yon tan mnyam nyid zhi bar rtogs/ /bsam gtan bsam pas tshangs gnas ma smad grags dang ldan par 'gro bar 'gyur/ /
47a7 tshangs pa'i gnas su bsam gtan mkhas shing bsam gtan 'bras bu spyad gyur nas/ /der gnas dpe med gyur cing byang chub yid kyis bskal par gnas par 'gyur/ /de dag bskal par tshangs gnas 'thun par
47a8 ye shes don gnyer brtul zhugs bzang / /thub pa mkhas pa thabs mkhas de dag 'jig rten don ni mtha' yas byed/ /mkhas thub de dag de na bsam gtan spyod yul bsam gtan chags pa med/ /bsam gtan
47b1 bde ba mnyam nyid 'drar rig byang chub phyir ni dbang po bzhin/ /kun tu grol yid drang srong byang chub phyir ni byang chub blo dang ldan/ /mya ngan 'das pa lta bur bsam gtan blo gcig zhi ba'i mtshan nyid 'gyur/ /bde bar gshegs dang bcom ldan
47b2 sras po byang chub zhi ba yongs tshol ba/ /tshangs pa'i yid ldan 'jig rten don byed de dag tshangs gnas de na gnas/ /kun kyang tshangs pa'i blo ldan mthar phyin sha stag byang chub don gyi phyir/ /rang byung dgongs pa khams gsum
47b3 lam las 'das pa'i nges par 'byung ba ston/ /tshangs pa la ni gus pa bskyed nas 'gro ba byang chub tshol bar 'gyur/ /tshangs pa'i bsam pa rang 'byung bsam pa des 'byung mthar thug shes nas ni/ /bde bar gshegs kyi bstan
47b4 pa mchog la brtson pa de dag 'gro ba la/ /ci nas chos tshul 'bras bu myur du shes 'gyur de ltar chos kyang ston/ /de dag tshangs gnas de na gnas shing 'jig rten dag la byang chub phyir/ /phan pa byas nas srog chags bye ba khrag
47b5 khrig mang po byang chub bkod/ /rgyal ba kun la mchod phyir 'jig rten khams mang khrag khrig 'gro bar 'gyur/ /dbang po zhi ba de dag bskal pa skar ma 'dra la rgyal bar 'gyur/ /lha dang mi dang klu dang mdab bzangs dag dang
47b6 lha min bcas pa dang / /dri za grul bum mi 'am ci tshogs gnod sbyin 'gror bcas dga' zhing mgu/ /bcom ldan 'das kyis byang chub tu ni yongs sbyangs chos kyis stobs rnyed pa/ /de dag thams cad yi rangs thal sbyar
47b7 bde bar gshegs la mgos phyag 'tshal/ /klu'i bu mo lung bstan pa'i le'u ste bdun pa'o// // de nas klu'i bu mo de dag gi mchod pa yang mthong / lung bstan pa yang thos/ yongs su rdzogs par yang rig nas
47b8 klu'i rgyal po dga' bo dang / nye dga' la sogs pa klu bye ba phrag dgu bcu ngo mtshar thob par gyur te/ 'di ltar de bzhin gshegs pa de sems can thams cad kyi bsam pa mkhyen cing bcom ldan 'das de la mi mkhyen pa
48a1 'am/ ma gzigs pa 'am/ ma gsan pa 'am/ mngon du ma mdzad pa gang yang med cing bcom ldan 'das kyi chos ni legs par gsungs pa/ yang dag par mthong ba/ rims nad med pa/ dus chad pa med pa/ nye bar gtod pa/
48a2 'di mthong ba la don yod pa/ mkhas pa rnams kyis rang gis rig par bya ba ni ngo mtshar rmad du byung ba ste/ de bzhin gshegs pa de ni rdzu 'phrul che zhing mthu che ba mnga' ba'o/ /'di ltar bud med du gyur pa/ rgod pa/ mi brtan pa/
48a3 mi gnas pa rnams kyis kyang bcom ldan 'das kyis chos bstan pa yongs su shes pa dang / de ltar bcom ldan 'das kyi slob ma dge 'dun yang legs par zhugs pa / drang por zhugs pa/ rigs par zhugs pa/ 'thun par zhugs pa/
48a4 'di ltar bud med du gyur ba 'dod chags dang / zhe sdang dang / gti mug mi zad pa dang ldan pa rnams kyang / bcom ldan 'das kyi gsung rab la 'jug pa ni ngo mtshar che'o snyam ste/ ngo mtshar thob pa de dag gis bcom ldan 'das
48a5 la mchod pa'i phyir 'dzam bu'i gling rgya mtsho'i ri'i mthas gtugs pa thams cad spos kyi sprin chen pos kun nas yog par byas te/ thams cad dang ldan pa'i 'jig rten 'di spos kyi ngad kyis khyab par byas so/ /
48a6 spos kyi dri'i ngad des kyang sangs rgyas kyi zhing thams cad rgyas par gang bar gyur nas/ sems can gang dag gis spos kyi dri de tshor bar gyur pa de dag thams cad bla na med pa yang dag par rdzogs pa'i byang chub las
48a7 phyir mi ldog par gyur to/ /bcom ldan 'das la mchod pa bya ba'i phyir ser skya'i gnas kyi grong khyer chen po thams cad kyang dpag tshad drug cu tshun chad mu tig dmar pos pus mos nub tsam du rgyas par gang bar
48a8 byas so/ /n+ya gro d+hA'i kun dga' ra ba de yang rin thang med pa'i nor bu rin po ches tshal bar bkang ngo / /klu'i me tog gi 'dun khang rgyar dpag tshad drug cu yod pa/ rin po che sna bdun gyis ka ba dang ldan pa dag mngon par
48b1 sprul to/ /klu'i rol mo sil snyan dpag tu med pa dag kyang mngon par sprul te sgra phyung ngo / /klu'i me tog gi 'dun khang de la yang me tog rnam pa sna tshogs kyi lda ldi bye ba phrag dgu bcu bres so/ /rin po che sna bdun gyi ka ba de dag kyang
48b2 bai dUr+ya'i dra bas legs par brgyan to/ /'dun khang de'i gzhi yang rin thang med pa'i nor bu rin po ches yog par byas par gyur to/ /'dun khang de'i gzhi ni 'jam pa bsgyur du rung ba ste/ 'di lta ste/ dper na sum cu rtsa gsum
48b3 pa'i lha rnams kyi rdo leb ar mo nig ltar 'jam pa kha dog bai dUr+ya ltar 'dug pa/ ka tsa lan di ka ltar reg na bde ba/ nyams dga' ba/ sems can mthong ba rnams kyi mig mya ngan las 'das bar 'gyur ba/ mi dang lha rnams kyi
48b4 yid du 'ong ba lta bu'o/ /nor bu rin po che sna tshogs de dag gi nang nas nor bu la la las ni me 'byung / la la las ni chu 'byung ba sha stag ste/ de la la la las ni chu kha dog sngon po 'byung / la la las ni chu kha dog ser po 'byung /
48b5 la la las ni chu kha dog dmar po 'byung / la la las ni chu kha dog dkar po 'byung / /la la las ni chu kha dog sna tshogs 'byung ngo / /nor bu la la las ni bde bar bsil ba'i rlung 'byung / nor bu la la las ni de ma yin pa'i
48b6 yod byad gzhan dag bsam pa bzhin du 'byung / la la ni snum gyi bya ba byed/ la la ni me long gi bya ba byed de 'khor de dag thams cad kyang nor bu rin po che de'i nang du snang bar gyur to/ /ser skya'i gnas na sems can gang ji
48b7 snyed cig rgyu ba de dag thams kyang nor bu rin po che de dag gi nang du snang bar gyur te/ thams cad dang ldan pa'i 'khor gyis bcom ldan 'das rnam par sprul pa'i chos 'phrul de dag rnam par sprul pa mdzad pa/ nyan thos
48b8 kyi dge 'dun dang bcas pa yang nor bu rin po che de dag gi nang na bzhugs par mthong bar gyur to/ /'dun khang gi gzhi de'i 'og nas kyang klu'i mthus gdugs rnam pa sna tshogs mngon par 'thon par gyur to/ /rgyal mtshan rnam pa
49a1 sna tshogs dang / ba dan rnam pa sna tshogs dang / me tog gi lda ldi rnam pa sna tshogs dang / spos kyi lda ldi rnam pa sna tshogs dang / rin po che'i lda ldi rnam pa sna tshogs dang / mu tig gi phreng ba rnam pa sna
49a2 tshogs dang / me tog brtseg ma'i lda ldi rnam pa sna tshogs dang / rta rnam pa sna tshogs dang / dril bu g.yer ka'i dra ba rnam pa sna tshogs kyang 'thon par gyur to/ /de nas klu'i rgyal po dga' bo dang / nye dga'
49a3 la sogs pa klu bye ba phrag dgu bcus rta de rnams sngon du dkri ste rkang gis dong nas bcom ldan 'das la lan gsum bskor ba byas te/ nor bu rin po che ka tsa lin di ka ltar reg na bde ba bdag gis bcom ldan 'das la gtor/
49a4 mngon par gtor/ mngon par rab tu gtor to/ /'dun khang gi gzhi de nas rin po che gang dag mngon par 'thon pa de dag thams cad kyang / bcom ldan 'das nyan thos kyi dge 'dun dang bcas pa'i steng du char bzhin du
49a5 bab par 'gyur to/ /klu'i rol mo sil snyan dpag tu med pa de dag kyang steng gi bar snang las sgra 'byin par gyur to/ /de nas klu bye ba phrag dgu bcu po de dag gis bcom ldan 'das la lan gsum bskor ba byas te/
49a6 bcom ldan 'das kyi zhabs la mgo bos phyag 'tshal nas thal mo sbyar te/ cang mi zer bar bcom ldan 'das rnam pas rjes su dran par byed cing mig mi 'dzums par lta la/ 'di ltar sangs rgyas kyi yon tan 'dod
49a7 pa'i phyir lhag pa'i bsam pas byang chub tu yang dag par zhugs par gyur to/ /de nas de dag gis cung zad cig tu mi smra bar bcom ldan 'das kyi yon tan rjes su dran par byas nas so so nas bla gos phrag pa
49a8 gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la yan lag lngas phyag 'tshal nas tshigs su
49b1 bcad pa dag gis mngon par bstod pa/ /mtshan brgya rdzogs pa brtul zhugs legs spyad pa/ /dka' thub dgyes pa dri med thugs rje can/ /rin chen 'byung gnas bcas pa'i sa spangs te/ bde gshegs khyod ni grong khyer
49b2 mngon par byung / /lo drug bar du dka' thub dka' mdzad de/ /rgyal ba khyod kyis bdud rtsi ma brnyes kyang / /bde gshegs khyod kyi thugs ni zhum ma gyur/ /thub pa khyod kyis byang chub thugs kyis spyad/ /ji ltar
49b3 'dren pa lha mi'i bla ma khyod/ /'gro la phan bzhed dka' thub spyad mdzad de/ /'jig rten mgon po sdug bsngal btang gyur pa/ /de thos pas kyang bdag cag yid mi dga'/ /thub pa dbu dang spyan ni btang ba dang / /byang chub
49b4 sems ni ji ltar bsgrub mdzad pa/ /bde bar gshegs kyi dka' spyad thos gyur na/ /de thos pas kyang bdag cag bde mi 'gyur/ /gang tshe ka ling rgyal pos bzod smra ba'i/ /zhabs dang phyag dang snyan rnams gtubs gyur te/ /
49b5 de bzhin shangs bcad rgyal ba mi 'khrugs pa/ /de thos pas kyang bdag cag yid mi dga'/ phug ron skyabs su mchis pa ma btang ste/ /gang tshe 'dren khyod srang la gcal gyur pa/ /rgyal ba'i de thos pas kyang
49b6 mi bde ste/ /bde gshegs byang chub spyod pa sdug bsngal che/ /bdag cag mi 'tshal ma lags ci zhe na/ /bde bar gshegs la 'gro ba gnod bgyid pa/ /ngan song mun par lhung bas bde gshegs kyi/ /
49b7 sdug bsngal spyod pa dran nas mi dga' lags/ /ji ltar 'jig rten 'dren pa blo 'phags dang / /bde gshegs spyod pa mi 'tshe blor gyur dang / /sgrub pa'i tshe na de la mi gnod pa/ /'jig rten 'dren pa spyod bde bka' stsal
49b8 gsol/ /mtha' yas blo mnga' bde gshegs spyod pa la/ /thub pa klu tshogs 'di dag rab tu brtson/ /ji ltar khyod kyi bka' bzhin spyod 'gyur pa/ /de ltar bde gshegs byang chub lam bstan
50a1 gsol/ /rga shi ma mchis go 'phang 'thob 'chal zhing / /klu tshogs 'di rnams thub pa skom par gnas/ /'gro ba 'di dag bde bar 'dul 'gyur pa'i/ /brtul zhugs spyod bde bde gshegs bka' stsal gsol/ /
50a2 de nas bcom ldan 'das kyis klu'i mchod pa de dag kyang gzigs/ /lhag pa'i bsam pas smon lam btab pa de dag kyang thugs su chud nas de'i tshe 'dzum pa mdzad do/ /'di ni chos nyid de sangs rgyas bcom ldan 'das rnams gang
50a3 gi tshe 'dzum pa mdzad pa de'i tshe kha dog sna tshogs dang / kha dog du ma'i 'od zer bcom ldan 'das kyi zhal gyi sgo nas byung ste tshangs pa'i 'jig rten gyi bar du mngon par 'phags nas phyir log ste/ bcom ldan 'das kyi dbu'i gtsug
50a4 tu nub bo/ /de nas tshe dang ldan pa rta thul gyis de'i tshe bcom ldan 'das la tshigs su bcad de gsol pa/ /brtul zhugs bzang po dge sbyong thub pa'i rnams/ /rgyu med rgyal ba 'dzum pa mi mdzad na/ /'dren pa bde
50a5 gshegs thugs rje che mnga' ba/ /mtshungs med bcom ldan 'dzum rgyu bka' stsal gsol/ /tshogs kyi slob dpon skye bo 'di dag ni/ /'dzum rgyu nyan 'tshal khyod kyi zhal du lta/ /yid ni zhum gyur the tshom 'tshal zhing mchis/ /
50a6 mkhas pa the tshom rnam par bsal du gsol/ /'jig rten mkhas pa ston pa shAkya thub/ /de ring su zhig yid ni yongs su dga'/ /gang gis bdud kyi dbang po mthong gyur te/ /rmongs par bgyis nas yid mi dga' bar
50a7 bgyis/ /tshogs kyi slob dpon 'dren pa su zhig gis/ /bde gshegs chos nyid yab la bsnyen bkur bgyis/ /bde bar gshegs la mchod pa dam pa bgyis/ /shAkya seng ge bka' stsol the tshom khum/ /sor bcu thal mo
50a8 sbyar ba mgor bzhag cing / /'gro ba 'di dag thub pa'i zhal du lta/ /tshogs kyi slob dpon the tshom bsal du gsol/ /'dren pa 'dzum pa mdzad pa'i rgyu yang gsungs/ /de thos skye bo 'di dag dgar gyur te/ /rgyal bas
50b1 dgongs pa'i tshul yang rtogs par 'gyur/ /bde bar gshegs pa'i 'khor rnams tshim bgyis na/ /gzhan du mi sems nan tan gnas par 'gyur/ /de nas bcom ldan 'das kyis tshe dang ldan pa rta thul la tshigs su bcad
50b2 de slar bka' stsal pa/ /thub mkhas 'dren pa tshogs kyi slob dpon gyis/ /tshangs 'dra yan lag brgyad ldan gsung brjod kyis/ /rta thul skyon med sems kyis dad byos la/ /'dzum pa mdzad pa'i rgyu de mnyan par gyis/ /
50b3 klu yi bdag po 'di dag dad gyur te/ /'gro ba zil gyis mnan nas mchod pa byas/ /skye bo bde bar yongs smin bya ba'i phyir/ /sangs rgyas byang chub 'di ni yongs su tshol/ /snying rje chen pos rnam 'dren med pa yi/ /
50b4 'gro ba bltas nas sdug bsngal cis mi bsten/ /'gro bas byang chub rgya chen thob bya la/ /'dren pa dag ni skyo bar yong mi 'gyur/ /zhi gnas dga' ba ye shes stobs ldan stobs/ /mtshan med stong pa de bzhin smon
50b5 med pa/ /rnam thar sgo gsum yongs su bsgoms nas su/ /shin tu yongs dag yid can bde bar 'gro/ /'gro ba mtha' dag mnyam pa nyid rtogs te/ /gang tshe rgyal bas shes rab mtshan thos nas/ /mnyam pa'i
50b6 sems dang byams dang snying rje thob/ /'gro ba snying rje chen po rab bskyed nas/ /snying brtse ldan pa mchog tu snying rje can/ /'jig rten mkhas pa bla na med par 'gyur/ /rgyal ba de dag 'gro 'di mtshungs bsgral
50b7 nas/ /de dag dgra bcom rnam par 'dren par 'gyur/ /rtag tu bdag med tshig ni nyan byed cing / /'jig rten gtam gyi rgyud la mi 'jug ste/ /de dag bde bar gshegs kyi 'chi med thob/ de na bdud med mu
50b8 stegs tshogs kyang med/ /'dren pa bde gshegs snying rje ldan pa yi/ /rgyal ba de dag 'gro ba kun mos byed/ /bde gshegs bka' dang tshig rnams thams cad dang / /bde bar gshegs kyi dgongs la mos
51a1 byed 'gyur/ /srid par bde gshegs rnams kyi spyad spyod cing / /rab bder 'gro ba yongs smin byed par 'gyur/ /mtshungs med thob pa bde bar myur du yang / /yongs su 'tshang rgya 'chi med thob par 'gyur/ /
51a2 thob nas 'gro ba dag kyang mos par 'gyur/ /skye bo kun kyang gzugs kyi mchog dang ldan/ /'gro ba thams cad bde gshegs de dag gi/ dgongs pa'i tshig ni mngon du shes par 'gyur/ /phyugs dang bya dang gnod sbyin ming de
51a3 dag /rang byung dgongs min cung zad byed mi 'gyur/ /de dag kun du chos rtogs dran dang ldan/ /bde bar gshegs rnams 'chi med 'thob par 'gyur/ /de dag tshig thos sems can gang yang ni/ /bstan pa de la mi
51a4 dgar 'gyur ba med/ /bde gshegs de dag gsung la dga' ba yin/ /'gro ba 'chi med yang dag thob par 'gyur/ /de tshe 'gro bas rgyal ba'i dgongs legs rtogs/ /rga ba dang ni nad dang 'chi ba dang / /mya ngan smre sngags
51a5 'don las yongs su 'grol/ /tshig de thos nas ngar 'dzin med par 'gyur/ /klu yi bsam pa shAkya seng ge la/ /yongs su zhus nas ji ltar de dag rnams/ /gzhal yas byang chub thob nas thub rnams kyi/ /ye
51a6 shes 'jug 'gyur de skad sras la bstan/ /klu rnams lung bstan yid du 'ong ba yi/ /rgyal ba'i gsung thos 'khor rnams yid dga' ste/ /de la yid ni rab tu zhi gyur nas/ /dga' ba'i yid kyis rgyal ba'i
51a7 skyabs su song / /klu lung bstan pa'i le'u ste/ brgyad pa'o// // de nas grul bum bye ba phrag bcwa brgyad kyi lha ma yin rnams dang / nam mkha' lding rnams dang / klu'i bu mo rnams dang / klu
51a8 rnams chos kyi mchod pa yang mthong / lung bstan pa yang thos nas tshim zhing mgu la yi rangs te rab tu dga' zhing dga' ba dang / yid bde ba skye nas ngo mtshar thob par gyur te/ 'di ltar de bzhin
51b1 gshegs pa la shes rab kyi mnga' ba chen po mnga' zhing / 'di ltar bcom ldan 'das la mchod pa rgya chen po 'di lta bu byas pas kyang ngo mtshar du mi dgongs te/ 'di lta ste/ dper na rgya
51b2 mtsho chen po ni rgya che zhing yongs su rgyas pa yin pas mtho ba 'am dma' bar mi 'gyur ro/ /de bzhin du bcom ldan 'das kyang chos thams cad la the tshom mi mnga' zhing yon tan
51b3 thams cad yongs su rdzogs la/ thams cad mkhyen pa'i ye shes yangs pa mnga' bas mchod pa 'di lta bu dag bzhes kyang mtho ba 'am dma' bar mi 'gyur zhing ngo mtshar du mi dgongs
51b4 pa ni ngo mtshar shin tu che'o snyam mo/ /de nas grul bum bye ba phrag bcwa brgyad po de dag gis bdag cag nyid kyi mchod pas bcom ldan 'das la mchod pa'i phyir rin po che sna bdun gyi
51b5 bla re bye ba phrag bcwa brgyad mngon par sprul te/ 'di lta ste/ gser gyi skud pa'i bla re dang / dngul gyi skud pa'i bla re dang / bai dUr+ya'i bla re dang / shel gyi bla re dang / mu tig dmar po'i
51b6 bla re dang / spug gi bla re dang / rdo'i snying po'i bla re sha stag go/ /rin po che'i bla re de dag la yang me tog sna tshogs kyi phreng ba'i lda ldi mngon par sprul te/ gser gyi skud pa'i bla re rnams
51b7 la ni dngul gyi me tog gi phreng ba'i lda ldi bkye/ dngul gyi skud pa'i bla re rnams la ni gser gyi me tog gi phreng ba'i lda ldi bkye/ bai dUr+ya'i bla re rnams la ni shel gyi me tog gi phreng ba'i
51b8 lda ldi bkye/ shel gyi bla re rnams la ni bai dUr+ya'i me tog gi phreng ba'i lda ldi bkye/ mu tig dmar po'i bla re rnams la ni spug gi me tog gi phreng ba'i lda ldi
52a1 bkye/ spug gi bla re rnams la ni mu tig dmar po'i me tog gi phreng ba'i lda ldi bkye/ rdo'i snying po'i bla re rnams la ni shel gyi me tog gi phreng ba'i lda ldi bkye ba sha stag mngon par sprul to/ /shing rta bkra ba/ blta na sdug pa bye ba phrag bcwa brgyad kyang
52a2 mngon par sprul te/ de dag kyang gser nas rdo'i snying po'i bar du shing rta de dag gi steng du rin po che sna bdun gyi gdugs thur ma brgyad pa gser gyi yu ba can dang / bai dUr+ya'i yu ba can dang / shel gyi yu ba can bye ba phrag bcwa brgyad mngon par sprul to/ /
52a3 gdugs de dag la yang rin po che rnam pa sna tshogs gyi me tog gi lda ldi mngon par sprul te/ 'di lta ste/ gser gyi me tog gi lda ldi dang / dngul gyi me tog gi lda ldi dang / bai dUr+ya'i me tog gi lda ldi dang / mu tig dmar po'i me tog gi lda ldi dang / klu'i nor
52a4 bu'i me tog gi lda ldi sha stag go/ /mu tig dmar po'i 'dra ba dag kyang mngon par sprul te/ de dag gis gdugs de dag dang / me tog gi phreng ba de dag gi gzungs byas so/ /grul bum gyi rol mo'i sil snyan dag kyang mngon par sprul to/ /
52a5 shing rta de dag re re zhing yang bla re de dag re re rjes su 'brang bar gyur to/ /de nas grul bum de dag rin po che sna bdun gyi shing rta de dag la zhon te/ rin po che sna bdun gyi gdugs dang / bla re dang / me tog de dag gis bcom ldan 'das la mngon par gtor te mchod pa byed cing /
52a6 bcom ldan 'das la steng gi bar snang las lan gsum bskor to/ /bskor nas shi rta de dag la babs te/ bcom ldan 'das kyi zhabs la mgo bos phyag 'tshal nas/ phyogs gcig tu 'khod de/ bcom ldan 'das la tshigs su bcad pa dag gis
52a7 mngon par bstod pa/ thams cad du yang mi bsnyengs mnga' dbang can/ /thub pa chen po mi mtho mi dma' ste/ /ri yi rgyal po lhun po'i ri 'dra ba/ /mchod pa rgya chen 'di dag bzhes su gsol/ /'gro ba thams cad ming dang mtshan ma dang / tha snyad tsam mkhyen thub pa
52a8 chags mi mnga'/ /'dren pa khyod kyis ting 'dzin zhi bsgrubs pas/ /shes rab ldan la dregs pa yod mi mnga'/ /rgyal ba khyod kyis 'gro ba sgyu 'drar mkhyen/ /rang bzhin stong ste rmi lam dga' 'dra dang / /chu zla nam mkha'i smyig rgyu lta bur ni/ /bde bar gshegs
52b1 pas 'gro ba 'di dag gzigs/ /dri za'i grong khyer ji ltar snang gyur kyang / /grong khyer de ni phyogs bcu kun na med/ /gzhan du grong khyer de ni ming tsam ste/ /de bzhin bde bar gshegs pas 'gro 'di gzigs/ /mchod pa 'di kun brag ca ji
52b2 bzhin te/ /shing rta gdugs dang bla re sil snyan dang / /me tog rgyal mtshan thal mo sbyar bgyis pa/ /brag ca ji bzhin de dag de ltar gda'/ /'dren pa mchod pa 'di bgyis bdag cag kyang / /sangs rgyas rkang gnyis mchog tu myur 'gyur shog /
52b3 rmi lam 'dra bar 'gro ba bdag cag gis/ /rtogs bgyis rgyal ba khyod bzhin bstan par bgyi/ /na dang rga shis yongs su gtses gyur pa'i/ /skye bo mthong nas bdag cag rnams kyis kyang / /byang chub myur thob rga shi med pa'i gnas/ /gang thos
52b4 grol 'gyur 'gro la bstan par bgyi/ /bdag cag byang chub lam mchog sangs rgyas nas/ /sems can blo stor rnams la bstan par bgyi/ /thub pa 'khrugs med chos rnams rab ston pa/ /mya ngan 'das mchog sems can bstan par
52b5 bgyi/ /de nas bcom ldan 'das kyis grul bum de dag gi lhag pa'i bsam pa thugs su chud nas 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol pa/ ston pa rgyu med 'dzum pa mi
52b6 mdzad de/ /rnam 'dren 'jig rten mkhas la mtshar mi mnga'/ /ngo mtshar 'gyur med rgyal bas 'dzum mdzad na/ /'dzum rgyu legs par bka' stsol nyan par 'tshal/ /rgyal ba'i zhal nas 'dzum pa mdzad mthong nas/ /'gro ba 'di dag the tshom
52b7 som nyi 'tshal/ /the tshom 'tshal ba rnams kyi the tshom khum/ /mi yi dbang po 'dzum pa'i rgyu yang gsungs/ /gang gis de ring chos la yid bzhag gyur/ /de ring gang gis chos kyi rgyal yang mthong / /deng sus sangs rgyas bsngags pa'i
52b8 mchod pa bgyi/ /mi yi dam pa bdag ni nyan par 'tshal/ /de ring 'dus byas sdug bsngal shes gyur nas/ /gang gis 'du byed gyur pa'i yid gcig bcom/ /gang zhig yang dag mtha' la mi g.yo gnas/ /rnam dag thugs mnga'
53a1 bdag ni nyan par 'tshal/ /de ring su yis 'khor bcas bdud rnams bcom/ /thub pa ston pa deng sus mnyes par bgyis/ /'dren pa su zhig de ring gting rnyed gyur/ /the tshom mchis te deng bdag de nyan 'tshal/ /'dzum mdzad de yi don
53a2 ni mnyan slad du/ /'gro ba kun kyang thal mo sbyar cing gnas/ /'dren pa the tshom 'tshal ba'i the tshom sol/ /rkang gnyis dam pas lung yang bstan du gsol/ /de nas bcom ldan 'das kyis tshe dang ldan pa rta thul la tshigs su bcad de slar bka'
53a3 stsal pa/ rta thul khyod kyis dri ba legs par dris/ /'dzum pa'i rgyu 'di yongs su dris pas na/ /'gro ba'i don yang khyod kyis byas par gyur/ /de don bstan byas rta thul mnyan par gyis/ /grul bum mchog kyis nga la mchod byas te/ /zhi ba'i chos la
53a4 de dag yid kyang bzhag /mtshar med nga mthong nas ni ngom gyur te/ /zhi ba'i chos la de dag yid kyang bzhag /de dag rnams kyis de ring nga mchod de/ /zhi ba'i chos la blo gros rnam par btang / /lam stor skye bo rnams la snying brtse zhing / /bsam pa thag
53a5 pas snying rje chen po bskyed/ /snying rje bas na nga la mchod pa byas/ /rab tu lam stor rnams la byams par bsams/ /mkhas pa de dag las de byas pas na/ /grul bum skye gnas shi 'phos brtul zhugs bzang / /brgya byin lha yi drung du
53a6 'dong par 'gyur/ /thugs rje byams don mdzad skyob drung du 'ang 'dong / /de ni cung zad yang dang yang bstan te/ /phyir zhing chos la the tshom med par 'gyur/ /de dag bskal pa gang gA'i bye snyed du/ /zhing nas zhing du rnam par rgyu byed cing / /bdag nyid chen
53a7 po'i chos la mchod pa byed/ /go cha chen po rab du bgos yid kyis/ /de dag skyo ba med par 'jig rten khams/ /khrag khrig mtha' yas rnam par sbyong bar 'gyur/ /skye bo mang po'i don byed 'dren 'gyur te/ /ngo mtshar med ces bya ba'i rgyal
53a8 bar 'gyur/ /de dag zhing rnams gang du 'gro rgyu ba/ /der ni 'gro bas rgyal ba byung bar shes/ /de dag thabs kyis ma 'ongs dus dag na/ /ngo mtshar med par skye bo rnam grol byed/ /rgyal ba ngo mtshar med par zhing sbyong zhing / /rdzogs pa'i byang chub
53b1 bla med zhi ba 'tshol/ /de dag tshol ba la yang mi gnas te/ /'di ltar bla med byang chub gnas phyir ro/ /de ltar 'dzum rgyu rgyal bas lung bstan cing / /bde bar gshegs pas 'jig rten dogs bsal te/ /grul bum mchod pa'i 'bras bu des thos nas/ /'gro ba the
53b2 tshom bsal te dga' bar gyur/ /grul bum lung bstan pa'i le'u ste dgu pa'o// // de nas de'i tshe dri za bye ba phrag sum cu rtsa drug gis lha ma yin rnams dang nam mkha' lding rnams dang / klu'i bu mo rnams dang / rlung lha rnams dang / grul bum rnams kyis mchod pa yang mthong /
53b3 lung bstan pa yang thos nas tshim zhing mgu la yi rang nas rab tu dga' zhing dga' ba dang / yid bde ba skyes ngo mtshar thob par gyur te/ 'di ltar de bzhin gshegs pas chos kyi dbyings 'gyur ba med par yang yang dag par bka' stsal pa/ bya ba rnams kyang
53b4 yang dag par ston de/ dge ba'i rtsa ba 'phel ba yang bstan la/ chos gang la yang lung bstan pa med par yang yang dag par bstan pa 'di ni ngo mtshar rmad do snyam nas de dag gis chos de lta bu khong du chud de/ de bzhin gshegs pa la rim gro bya ba'i
53b5 sems rgya chen po skyes nas bla na med pa yang dag par rdzogs pa'i byang chub tu mos par gyur te/ rab tu dga' ba'i yid dang ldan pa de dag bcom ldan 'das la mchod pa bya ba'i phyir brtson par gyur te/ glang po che'i rgyal po sa srung gi bya ba phrag gsum
53b6 cu rtsa drug mngon par sprul to/ /glang po che sa srung gi bu de dag re re zhing mgo bo bye ba phrag sum cu rtsa drug mgo bo re re zhing so bye ba phrag sum cu rtsa drug drug /so re re la yang rdzing bu bdun bdun/ rdzing bu re re zhing yang pad ma bdun bdun/ pad ma
53b7 re re zhing 'dab ma bye ba phrag stong stong / 'dab ma re re zhing yang lha'i bu mo bdun bdun/ lha'i bu mo re re zhing yang 'khor rgyan thams cad kyis brgyan pa lha'i bdug spos thogs pa bdun bdun zhing pad ma'i lo ma'i mtha' mtha' na
53b8 'khod pas bskor ba mngon par sprul to/ /glang po che sa srung gi bu de dag gi mgo bo re re la yang rin po che sna bdun gyi gdugs nas rin po che sna bdun gyi dra ba dag gis gzungs byas pa dang / rin po che sna bdun gyi lda ldi bras pa'i
54a1 bar dang ldan pa bye ba phrag sum cu rtsa drug drug mngon par sprul to/ /glang po che'i mgo thams cad la yang lha'i spos kyi bla re sna tshogs rin po che sna tshogs kyi lda ldi bres pa sha stag mngon par sprul to/ /de nas dri za de dag glang po che sa srung gi bu bye ba phrag sum cu rtsa
54a2 drug po de dag la zhon te/ lha'i rol mo sil snyan len cing nam mkha' las rgyu ste/ bcom ldan 'das la lan gsum cu rtsa drug tu bskor ba byas nas lha'i tsan dan gyi phye mas bcom ldan 'das la gtor/ mngon par gtor/ mngon par rab tu gtor to lha'i a ga ru'i phye ma dang /
54a3 lha'i ta ma la'i lo ma dang / ud pa la'i phye ma dang / lha'i gser phye dang / lha'i me tog mAn dA ra ba dang / mAn dA ra ba chen po dang / man dzu Sha ka dang / man dzu Sha ka chen po dang / pa ru sha ka dang / pa ru sha ka chen po dang / mdog dkar dang / mdog dkar chen po dag gis bcom ldan 'das la gtor/ mngon
54a4 par gtor/ mngon par rab tu gtor to/ /gser dang / dngul dang / bai dUr+ya dang / shel dang / spug dang / mu tig dmar po dang / rdo'i snying po me tog rnams dang / sprul pa'i me tog rnams kyis bcom ldan 'das la gtor/ mngon par gtor/ mngon par rab tu gtor to/ /spos kyi bla re de dag
54a5 las spos kyi ngad 'byung ste 'gro zhing ldog go/ /lha'i spos chu rnam pa sna tshogs kyi char yang steng gi bar snang las mngon par bab bo/ /spos chu'i char de mngon par 'bab pas kyang ser skya'i gnas kyi grong khyer chen po kho ra khor yug tu dpag tshad drug cu tshun chad spos chus
54a6 rjab tu gyur te/ spos chu'i rdzab de'i dris stong gsum gyi stong chen po'i 'jig rten gyi khams thams cad rgyas par gang bar gyur nas sems can gang dag gis spos kyi dri de tshor bar gyur pa dang / rol mo'i sil snyan de dag gi sgra thos par gyur pa de dag thams cad kyang bla na med pa
54a7 yang dag par rdzogs pa'i byang chub las phyir mi ldog par gyur to/ /de ltar dri za re res kyang bcom ldan 'das la mchod pa'i phyir glang po che sa srung gi bu mgo bye ba phrag sum cu rtsa drug la lha'i bu mo glu len pa dang / gar byed pa 'khod pa dag gis mchod de skye bo thams cad kyang 'dun par byas so/ /
54a8 lha'i bu mo de dag las la la ni lus kyi tshul sgyur/ la la ni tsan dan dang / a ga ru dang / ta ma la'i lo ma'i phye ma 'thor/ la la ni lha ma yin gyi lha rdzas kyi phye ma dang / spos rnam pa sna tshogs kyi phye ma 'thor/ la la ni me tog man dA ra ba dang / man dA ra ba chen po nas/ skya snar khra bo dang /
54b1 skya snar bkra chen gyi bar gyi me tog dang / sprul pa'i me tog rnams 'thor/ la la ni gser gyi me tog nas rdo'i snying po'i bar gyi me tog dang / dbyig dang / gser dang / rin po che snyim pas blangs te/ bcom ldan 'das la mngon par 'thor/ la la ni
54b2 na bza' dag 'thor/ la la ni zhabs kyi rgyan dang / sku rags dang / gser gyi phreng ba rin po ches spras pa'i bar dag 'bul lo/ /la la ni gser gyi dra ba dag 'dzin/ la la ni rin po che thams cad kyi rgyal mtshan dang / rin po che'i ba dan kha dog
54b3 sna tshogs dang / tshon sna tshogs can 'dzin/ la la ni lha'i spos chu'i char 'bebs te/ lha ma yin gyi bu mos tshigs su bcad pa dag gis bcom ldan 'das la mngon par bstod pa'i bar du snga ma bzhin no/ /de nas dri za de dag glang po che'i rgyal po
54b4 sa srung gi bu de dag la zhon nas/ bcom ldan 'das la skor ba byed byed pa las glang po che sa srung gi bu de dag las babs te/ yang bcom ldan 'das la lan gsum bskor ba byas nas zhabs la mgo bos phyag 'tshal te thal mo sbyar nas phyogs
54b5 gcig tu 'khod de/ bcom ldan 'das la tshigs su bcad pa dag gis mngon par bstod pa/ bcom ldan bde gshegs srid pa mthar 'byin pa/ srid pa'i bcings las 'gro ba rnam grol mdzad/ khyod 'dra srid gsum gang na'ang ma mchis te/
54b6 khyu mchog khyod ni gzugs dang mtshan mchog mnga'/ mi mchog khyod kyis sa chen 'di steng du/ grags pa mtha' yas mnga' bas ngo mtshar bstan/ 'gyur bgyid chos ni gang yang ma mchis la/ dge ba'i tshogs la 'gro ba rab tu bkod/ /
54b7 bde gshegs 'gyur ba med pa'i de bzhin nyid/ brjed pa tsam ste gzhan ni ci ma mchis/ tha snyad gdags dang tha snyad 'dogs ma mchis/ 'on kyang bde gshegs khyod ni 'gro ba sbyong / /
54b8 bde bar gshegs pas song med 'ong med dang / gnas med rang bzhin gyis ni stong pa dang / chos rnams 'di dag rang bzhin med ces bstan/ /rgyal ba mchog gis bya ba rnams kyang bstan/ chos rnams
55a1 gang yang bya ba byed ma mchis/ /'jig rten gtso bos bya ba 'ang yongs su bstan/ /bdag dang gzhan gyi yon tan mi dgongs la/ /bcom ldan 'das kyis bgyi ba kun kyang bstan/ /
55a2 shing rta'i yan lag rnam pa sna tshogs dag /bdag dang gzhan gyi yon tan mi sems kyang / /shing rta'i bgyi ba dag kyang bgyid par 'gyur/ /de bzhin chos kun bde bar gshegs pas gsungs/ /
55a3 chos ni chos la yongs su skul mi bgyid/ /chos ni chos la dran par bgyid ma mchis/ /chos rnams chos la nye bar mi rten te/ /chos rnams gang yang ma skyes 'chi ma mchis/ /'gro ba 'di dag kun rdzob mngon
55a4 par gsungs/ /kun rdzob de yang de na ma mchis te/ /'gro ba 'di kun kun rdzob ji bzhin zhes/ /tshogs kyi slob dpon khyod kyis yongs dag gsungs/ /mig gi rang bzhin gang na 'ang ma mchis la/ /
55a5 bde bar gshegs pas bya ba rnam par gzhag /chos tshul 'di 'dra yongs su bstan pas na/ /'jig rten mkhas pas shin du ngo mtshar mdzad/ /de bzhin bdag cag bde gshegs nyid gyur te/ /
55a6 nor pa'i 'gro ba blo gros stor ba rnams/ /chos kyis chos kyi tshul la gzung bgyis te/ /zhi ba'i go 'phang 'chi med thob par bgyi/ /rnam par 'dren pa khyod ni ci 'dra bar/ /'dren pa bde
55a7 gshegs grags pa mtha' yas pa/ /thugs rje ldan pa phan bzhed 'jig rten mkhas/ bsod nams brgya yi mtshan dang ldan par shog /ji ltar bde gshegs khyod bzhin bdag cag gis/ /nga rgyal
55a8 bsgribs pa'i 'gro ba sdug bsngal ba/ /'dod pa'i yon tan rgyun gyi rjes 'gro ba/ /mngon dga' sdug bsngal brgyad ldan yongs su dgrol/ /ji ltar bde gshegs khyod bzhin bdag cag gis/ /'gro ba
55b1 sdug bsngal gnod pa myong 'gyur la/ /g.yo yi zhags pas zin cing mu ma mthong / /yongs 'thom spre'u ltar rgod pa yongs su dgrol/ /ji ltar bde gshegs khyod bzhin bdag cag gis/ /'gro ba mi
55b2 mkhas mig dang bral ba yi/ /lha tshogs yongs skyo gnyid kyis log gyur cing / /bdag nyid las kyi 'bras bu chud gzon dgrol/ /de nas bcom ldan 'das kyis dri za bye ba phrag sum bcu rtsa drug po de dag gi
55b3 lhag pa'i bsam pa thugs su chud nas 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol pa/ /bde gshegs mtha' yas gzigs pas
55b4 'dzum pa mdzad/ /'dren pa rgyu ma mchis par mi 'dzum na/ /bde gshegs 'dzum pa'i rgyu ni myur du gsungs/ /nem nur gnod gyur rnams kyi the tshom sol/ /bde gshegs khyod kyi zhal gyi
55b5 'dzum mthong nas/ /skye bo 'di dag the tshom rnyed par 'gyur/ /'dzum ba'i don ni de dag nyan par 'tshal/ /thub chen 'gro ba'i the tshom bsal du gsol/ /bde bar gshegs kyi bstan la su zhig
55b6 zhugs/ /the tshom bral zhing som nyi bsal bar 'gyur/ /bcom ldan 'das kyis gang gi bsam mkhyen nas/ /mi yi mchog gis 'dzum pa bstan pa mdzad/ /su zhig bde gshegs bka' stsal tshul
55b7 bzhin du/ /blo gros rtogs pa tshul bzhin gnas par gyur/ /gang gis blo gros dran rtogs blo mkhyen nas/ /bde gshegs 'gro ba'i nang du 'dzum pa mdzad/ /'gro ba 'di dag blo gzhan yongs btang
55b8 ste/ /bde gshegs 'dzum don zhal nas thos par dga'/ /sor bcu thal sbyar mgo la bzhag bgyis shing / /dga' ba'i yid kyis ston pa'i zhal du lta/ /nyon mongs bral zhing myang na rab spangs pa/ /
56a1 dgyes pa'i thugs mnga' thub chen 'jig rten mig /'gro ba'i yid gnyis som nyi bsal du gsol/ /rgyal ba thugs rje ldan pas 'dzum rgyu gsungs/ /de nas bcom ldan 'das kyis tshe
56a2 dang ldan pa rta thul la tshigs su bcad de slar bka' stsal pa/ /'gro ba'i don du 'dzum pa ngas mdzad pa/ /khyod kyis don dris 'thun zhing legs pa ste/ /'dzum pa de yi don ni lung bstan pas/ /
56a3 skye bo'i tshogs chen don ni de ring 'phel/ /'dzum mdzad rgyu de rta thul mnyan par gyis/ /rnam par 'dren pas 'dzum pa 'di mdzad pa/ /de ni ma log par yang ngas bstan kyis/ /bstan pa de la dga'
56a4 ba'i sems kyis nyon/ /dri za 'di rnams chos kyi rjes snyegs shing / /bde bar gshegs la mchod pa 'di dag byas/ /chos nyid byung bar gyur pa med pa ste/ /chos nyid zad par 'gyur ba
56a5 'ang med pa yin/ /rgyal ba rnam rtog sgyu ma lta bur gnas/ /rtog par mi byed de dag rmongs par 'gyur/ /gang gis chos gang rjes su brjod bya ba/ /des ni de nyid stong zhes bde gshegs gsungs
56a6 de dag nga yi tshig de rtogs gyur nas/ /rta med glang po mchog gis mchod pa byas/ /byang chub rgyu med 'chi med tshol byed cing / /dri za'i rgyal po rnams kyis nga mchod do/ /nor ba'i 'gro la snying rje
56a7 bskyed nas ni/ /thams cad mkhyen pa nyid du 'di dag mos/ /'di dag nga la mchod pa 'di byas pas/ /dri za'i ris bor dga' ba'i yid gyur te/ /blo gros bzang rnams lha gnas lha yul pa/
56a8 brgya byin lha 'dus par ni 'gro bar 'gyur/ /de dag sangs rgyas bde gshegs rdul med pa/ /bye ba khrag khrig mngal mchod byed 'gyur/ /zhing nas zhing du rjes su rgyu byed cing / /de dag la ni mkhas pa
56b1 chos kyang nyan/ /de dag bde gshegs spyod pa yongs su sbyong / /de dag zhing yang rtag par yongs dag 'gyur/ /rgyal ba'i gdung 'dzin de dag sems can ni/ /khrag khrig mang po dag la byang chub ston/ /'gro ba 'di dag
56b2 rang bzhin stong rig nas/ /bde gshegs 'gro ba dag la ston par 'gyur/ /rgyal ba thams cad mkhyen cing kun gzigs pa/ /rdul med bskal pa khrag khrig bzhugs par 'gyur/ /sangs rgyas mtshan ni
56b3 mtha' yas rtogs pa ste/ /sangs rgyas re re khrag khrig phrag mang ba'i/ /bskal pa rnams su rdul med gnas par 'gyur/ /thams cad mkhyen pa'i lam 'di rjes su ston/ /rgyal ba thub pa nyon mongs bcom pa
56b4 yis/ /de ltar de tshe dri zas mchod lung bstan/ /rta thul gyis ni 'dzum pa'i don zhus pa/ /dri za lung bstan pa ni bshad pa mdzad/ /dri za lung bstan yid du 'thad 'gyur ba/ /de thos nas ni 'gro ba thams cad dga'/ /der ni bde
56b5 bar gshegs kyi gsung thos nas/ /shAkya thub la thams cad skyabs su dod/ /dri za lung bstan pa'i le'u ste bcu pa'o// // 'phags pa yab dang sras mjal ba zhes bya ba theg pa chen po'i mdo/ bam po lnga pa/ de nas
56b6 gnod sbyin bye ba phrag brgya bcus lha ma yin rnams nas dri za'i bar de dag gi mchod pa yang mthong / /lung bstan pa yang thos nas tshim zhing mgu la yi rangs te/ /rab tu dga' zhing dga' ba dang / yid bde ba skyes nas
56b7 bcom ldan 'das kyi shes rab kyi rnam pa la rim gro chen po bskyed de chos nyid la 'jug pa yang thos pas ston pa'i 'du shes skyes par gyur to/ /bcom ldan 'das kyang blo zad mi shes pa'i 'du shes skyes
56b8 par gyur te/ de dag gi bcom ldan 'das blo zad mi shes pa zhes bya bar rig nas sangs rgyas kyi chos rnams la 'dod pa skyes par gyur to/ /sangs rgyas kyi chos rnams la 'dod pa skyes par gyur nas
57a1 bcom ldan 'das la mchod pa'i phyir brtson par gyur te/ /tshigs su bcad pa dag gis bcom ldan 'das la mngon par bstod pa/ /mngon shes stobs ni kun du mtha' yas te/ /rgya mtsho chu 'dzin pas ma 'tshal dang 'dra/
57a2 de bas mtshungs med 'jig rten phan mdzad pa/ /mi yi seng ge khyod la 'di ltar bstod/ /ri rab srang la gzhal bar nus kyang gda'/ /gzi brjid chen po nam mkha' gzhal rung gda'/ /shes rab mchog mnga' bde
57a3 gshegs ye shes stobs/ /tshad gzung dpag par nus pa yod ma mchis/ /'gro ba kun gyi bsam pa thugs su chud/ /skye bo drang rung mi rung gdul min pa/ /de dag las kyi rnam pa mngon par mkhyen/ /de bas
57a4 mtshungs med kun du mtha' yang yas/ /de dag ci 'dra'i khams la bsten pa dang / /de dag sems rgyud ci 'drar 'byung ba dang / /de dag mos pa ci 'dra ma lus mkhyen/ /de bas mtshungs med kun tu mtha' yang yas/ /
57a5 'dod chags spyod dang de bzhin zhe sdang spyod/ /mi yi gti mug spyod pa de bzhin mkhyen/ /phrag dog rnam pa 'ang de bzhin mkhyen pa ste/ /de bas mtshungs med kun du mtha' yang yas/ /'gro ba 'di dag lam rgyud
57a6 gar 'khyams pa/ /de dag mtshungs med khyod kyis rab tu mkhyen/ /de la ye shes rgyun tu rab 'byung bas/ /de bas mtshungs med kun tu mtha' yang yas/ /bde bar gshegs pas 'gro kun rab tu gzigs/ /
57a7 chud za'i lam rgyud gang du 'khyams gyur cing / /byams pa'i stobs las rab tu nyams gyur pa/ /de dag ma lus khyod kyis rab tu gzigs/ /'gro ba rnams ni ji srid dus gnas shing / /ci 'dra'i sdug bsngal de dag reg
57a8 'gyur dang / /lus kyi rnam pa ci 'dra 'chad pa rnams/ /de dag 'dren pa khyod kyis rab tu gzigs/ /mi yi seng ges lta ba ci 'dra dang / /gang gis sdug bsngal rnam pa 'thob 'gyur bar/ /gang la rten cing las rnams
57b1 bgyid 'gyur ba/ /de dag rnams kyang 'dren pas rab tu gzigs/ /de dag rgyal ba'i bstan la rab byung ste/ /rnam par thar ba'i sgo ni gang zhig gis/ /ci 'dra'i lam la de dag bsten bgyis shing / /ci 'dra'i zhi ba 'thob 'gyur khyod
57b2 kyis mkhyen/ /byis pa gang rnams bde gshegs bstan pa la/ /rab tu byung zhing 'jig rten mkhas pa yis/ /bstan pa rab phra ji ltar spong 'gyur ba/ /de dag rnams kyang 'dren pas rab tu gzigs/ /'jig rten
57b3 phan pa'i bstan la brnyas bgyis pas/ /dmyal ba chen por ji srid gnas pa dang / /ci 'dra'i sdug bsngal de dag myong 'gyur ba/ /de dag rnams kyang 'dren pas rab tu gzigs/ /gang dag rgyal ba rnams la
57b4 dang bskyed de/ /rab tu byung nas rgyal ba'i bstan 'dzin cing / /chos kun stong pa nyid du rab brtags nas/ /mtshan ma thams cad rnam par gzhig bgyis shing / /'gro rgyud kun du smon pa rnam spangs te/ /lus
57b5 'di sgyu ma 'dra bar rab brtags nas/ /phung po brag cha 'dra bar rtogs gyur te/ /byang chub sems ldan de dag rab tu gzigs/ /mgon po khyod la bstod pa'i bsod nams gang / /mtshungs med khyod kyis
57b6 ji ltar thugs chud pa/ /de yis bla med sangs rgyas 'grub par shog /'gro ba kun kyang rang byung thob gyur cig /de nas bcom ldan 'das kyis de'i tshe gnod sbyin bye ba phrag brgyad cu po de dag gi lhag
57b7 pa'i bsam pa thugs su chud nas 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol pa/ /mi yi seng ges 'dzum pa 'di mdzad pa/ /mi yi
57b8 zla ba rang byung gyur pa ni/ /rgyu ma mchis par 'dzum pa mi mdzad na/ /'dzum pa de yi rgyu ni bka' stsal gsol/ /ston pa'i zhal nas 'dzum pa de mthong nas/ /bcom ldan 'jig rten 'di dag the tshom 'tshal
58a1 mgon pos de dag the tshom bsal du gsol/ /'jig rten 'di dag dga' ba'i yid du 'gyur/ /de ring su zhig rgyal la dang ba skyed/ /gang gis chos rgya chen po rnam par rtogs/ /gang gis sems ni mi sgul
58a2 gnas par 'gyur/ /de dag rgyal bas 'gro ba bstan du gsol/ /de ring 'khor rnams the tshom che 'tshal zhing / /kun kyang rgyal ba'i zhal du lta zhing sdong / /ci nas the tshom ma mchis kun 'gyur pa/ /de ltar dpa' bos
58a3 the tshom bsal du gsol/ /de ring 'di ni gang gi rnam 'phrul lags/ /gang gis brtson 'grus bzang po 'dir bstan lags/ /gang zhig khyod dang 'dir mjal don mchis gyur/ /de ni legs par 'gro la bka' stsal
58a4 gsol/ /rgyal ba 'gro ba dag la phan bzhed pa/ /the tshom 'tshal ba'i yid gnyis legs bsal gsol/ /de thos lha dang bcas pa'i 'jig rten rnams/ dga' zhing mgu ba dag kyang 'thob par 'gyur/ /
58a5 de nas bcom ldan 'das kyis tshe dang ldan pa rta thul la tshigs su bcad de slar bka' stsal pa/ /rta thul khyod kyis dri ba legs par dris/ /de ring 'gro ba dag gi don chen byas/ /rang byung 'dzum mdzad
58a6 rgyu ni dris pas na/ /ston pa'i dgongs pa'ang khyod kyis legs par mthong / /de dag lung bstan ma lus bstan par byas/ /gnod sbyin tshogs kyi yid ni gzigs gyur nas/ /'gro la phan pa'i don du 'dzum mdzad pa/ /
58a7 dad pa'i yid kyis rta thul mnyan par gyis/ /rgyal ba'i byang chub zhi ba shes gyur nas/ /gnod sbyin tshogs kyis mos pa'i sems bskyed de/ /'byung po'i tshogs dbus sangs rgyas bstod byas nas/ /rang byung
58a8 dam pa mchog tu yid kyang btang / /chos rnams stong pa nyid du shes bya dang / /mtshan ma thams cad rnam par gzhig pa'i phyir/ /'gro ba kun du smon pa rnams spangs shing / /byang chub mchog tu de dag yid kyang btang / /
58b1 rnal 'byor stobs kyis phung po rnam shig cing / /kun rdzob tsam du rig nas mi chags te/ /srid pa kun du chu la pad mo bzhin/ /byang chub mchog tu de dag yid kyang btang / /de dag srid pa gang du chags 'gyur pa/ /stong
58b2 par bshig ste thams cad legs rtogs pa/ /de nyid rgyal ba'i bla med byang chub ste/ /byang chub phyir ni dben pa'i brtul zhugs shes/ /skye dang rga shi yong gis stong pa ste/ /de ni rgyal ba'i bla med byang chub yin/ /dngos
58b3 po'i rang bzhin stong par shes gyur nas/ /zhi ba bla med byang chub 'thob par 'gyur/ /phung po'i rang bzhin dben zhing stong pa nyid/ /byang chub rang bzhin dben zhing stong pa nyid/ /gang spyod de yang rang bzhin stong pa ste/ /
58b4 ye shes ldan pas shes kyi byis pas min/ /ye shes rang bzhin stong par rig gyur te/ /shes bya'i rang bzhin stong par rig gyur nas/ /shes pa po dang 'dra bar rtogs gyur nas/ /byang chub lam la de
58b5 dag spyod ces bya/ /stong pa'i rang bzhin stong par shes par bya/ /mtshan ma med pa'ang rang bzhin nyid kyis ston/ /smon pa med pa'ang rang bzhin stong pa ste/ /de ltar spyod na gzhin min spyod pa yin/ /
58b6 de thos lha dang bcas pa'i 'jig rten rnams/ /dga' zhing de dag stobs dang ldan par gyur/ /rang byung chos la de dag yid ches te/ /zhi ba'i gnas shes byang chub yid ldan gyur/ /gnod sbyin tshogs
58b7 rnams ded mos yid gyur te/ /'di ltar nga la mchod pa rab byas pas/ /gnod sbyin rgyu nas shi 'phos blo chen rnams/ /mtho ris dong zhing yun ring dga' bar 'gyur/ /de dag ma 'ongs dus na rdzu 'phrul gyis/ /
58b8 zhing du dod zhing skad cig gcig la yang / /blo chen de dag rgyal ba bye ba mchod/ /de dag gzod mkhyen rgyal ba gdams ngag ston/ /de dag 'jig rten phyogs bcur rdzu 'phrul gyis/ /mtshan ma med par
59a1 spyod cing 'dong 'gyur te/ /'jig rten 'di dag sprul pa 'drar shes nas/ /'jig rten chags med mkhas pa spyad pa spyod/ /de ltar brtan pas rgyal ba rab mchod nas/ /byang chub bla med de yang thob 'gyur
59a2 te/ /de dag rnams kyi zhing ni mtha' yas 'gyur/ /sems can mtha' yas pa dag rnam par 'grel/ /sangs rgyas mkhyen pa mtha' yas grags pa can/ /de dag ming ni 'jig rten mkhas shes bya/ /zhi ba'i blo ldan rgyal
59a3 ba de dag gi/ tshe tshad bskal pa stong ni tshang bar 'gyur/ /de dag nyan thos dge 'dun 'gyur ba ni/ /rgyal sras mang po skar ma'i tshogs snyed de/ /kun kyang bde bas bsam pa thob par 'gyur/ /'jig rten mkhas
59a4 pa rnams la sdug bsngal med/ /de skad thos nas lhar bcas 'jig rten dag /rab tu dga' ba'i sems kyis byang chub tshol/ /ngoms par gyur nas brtson 'grus brtan brtsams te/ /kun kyang brtson
59a5 'grus stobs kyis brtan par gyur/ /gnod sbyin lung bstan pa'i le'u ste/ /bcu gcig pa'o// // de nas mi 'am ci'i rgyal po ljon pa la sogs pa mi 'am ci bye ba phrag brgyad kyis lha ma yin gyi mchod
59a6 pa de dag dang / /gnod sbyin gyis mchod pa'i bar dag kyang mthong / /lung bstan pa yang thos nas shin du ngo mtshar thob par 'gyur te/ khyod 'di ltar sems can yang mi dmyigs la srog dang / skye ba po dang / shing las
59a7 skyes dang / shed bu dang / gang zag dang / bdag dang / bdag gi yang gang yang med la phung po dang / khams dang / skye mched gang la sems can zhes gdags pa'i phung po dang / khams dang / skye mched de dag kyang mi dmigs
59a8 las gang yod pas rnam par smin pa gdags par bya ba'i las de yang mi dmyigs/ byang chub kyang mi dmigs/ byang chub sems dpa' yang mi dmigs/ /sangs rgyas kyang mi dmigs/ /'on kyang bcom ldan
59b1 'das kyis byang chub sems dpa' lung bstan pa mdzad pa 'di ni ngo mtshar rmad do/ /ci zhig las dgongs te/ bcom ldan 'das kyis byang chub sems dpa' rnams sangs rgyas su 'gyur ro zhes lung
59b2 bstan pa mdzad/ /ci zhig las dgongs te byang chub sems dpas yang dag par bsgrub pa dang / sangs rgyas kyi che ba nyid dang / sems can yongs su smin pa dang / zhing gi bkod pa dang / der skye zhing yongs
59b3 su dag pa dang / byang chub sems dpa' rnams zhing nas zhing du 'dong pa dang / de bzhin gshegs pa mchod pa dang / mchod pa de'i mthu dang / sems can rnam par dgod pa dang / bskal pa 'di snyed cig gis sangs rgyas
59b4 su 'gyur ro zhes bya ba dang / bskal pa 'di snyed cig tu sangs rgyas bcom ldan 'das rnams bzhugs par 'gyur ro zhes bya ba dang / sangs rgyas bcom ldan 'das dag gis nyan thos 'dus pa ni 'di
59b5 snyed cig tu 'gyur ro zhes bya ba dang / de dag yongs su mya ngan las 'das nas dam pa'i chos bskal pa 'di snyed cig tu gnas par 'gyur ro zhes de bzhin gshegs pas lung bstan pa mdzad/ ci zhig
59b6 las dgongs te sems can rnams nye bar len pa med pas mya ngan 'da' bar 'gyur ro zhes bcom ldan 'das kyis dgongs pa mdzad snyam ste/ de nas mi 'am ci'i rgyal po ljon pa de lta bu'i the tshom
59b7 skyes nas bcom ldan 'das ga la ba de logs su thal mo sbyar ba btud te/ bcom ldan 'das la tshigs su bcad pa'i dbyangs kyis zhu ba zhus pa/ rgyal ba'i gsung ni thos gyur nas/ /shes rab
59b8 che mnga' bdag dogs skyes/ /stong pa nyid dang lung bstan pa/ /bde gshegs bdag gis de ma 'tshal/ /gsung ba'i zla ba chos kyi dbyings/ /'gyur ma mchis la stong pa dang / /rang bzhin med gsung ji
60a1 lta bu/ /mchod pa 'di ci gang zag mchog /skye ba 'ang ma mchis byang chub tu/ /sems bskyed pa ni ji lta bu/ /skyes bu mchog gis bka' stsal pa'i/ /ldem po gang de bdag ma 'chal/ /mi dbang bdag
60a2 po ji ltar na/ /'gag pa ma mchis 'chi 'pho gsung / /de ni yang dag lung bstan pas/ /thub pa bdag gi the tshom khum/ /sgyu ma 'dra la lhar skye zhes/ /gsungs pa de ni ji lta bu/ /ldem por gsungs pa 'di dag
60a3 kyang / /shAkya seng ge bdag ma 'tshal/ /gnas pa 'ang mchis pa ma lags la/ /dge bshes bsten gsung ji lta bu/ /ldem por gsungs pa 'di dag kyang / /skyes bu khyu mchog bdag ma 'tshal/ /g.yo ba 'ang
60a4 ma mchis bgyi ba rnams/ /rkang gnyis mchog gsung ji lta bu/ /ldem por gsungs pa 'di dag kyang / /dgra bsal bcom ldan bdag ma 'tshal/ /rang bzhin stong ste stong pa yang / /rtogs shes mgon gsung
60a5 ji lta bu/ /the tshom rnam pa 'di 'dra skyes/ /shes rab dpe med bdag ma 'tshal/ /zhi ba yod ces bka' stsal pa/ /chos kun nyid gsungs ji lta bu/ /mtshungs med 'di 'dra'i ldem po dag /bdag la rnam par bstan
60a6 du gsol/ /sku mdzes gyur kyang chos kyi rnams/ /nam mkha' 'drar gsungs ji lta bu/ /chos ni rab tu spang bgyis na/ /mi mkhas dmyal ltung ji lta bu/ /brtan pa mtho ris 'jig rten dang / /'gro ba gzhan
60a7 yang gsungs pa dang / /las de bgyid pa ma mchis la/ /rang las can gsung ji lta bu/ /bka' stsal tshul 'di rnam pa yang / /zil gyis mi non bdag ma 'tshal/ /mgon po de la bdag dogs na/ /bde
60a8 gshegs bdag gi the tshom sol/ /dge ba'i tshogs gyur ma mchis la/ /byang chub yang dag bsgrub pa'ang gsungs/ /dge sbyong rgyal po'i gsung gi tshul/ /de skad bka' stsal bdag ma 'tshal/ /
60b1 chos rnams zad pa med gsungs la/ /spong byed las ni zad bstan pa/ /tshad med blo mnga' 'di la yang / /bdag ni yid gnyis the tshom 'tshal/ /yang dag mtha' yang bka' stsal pa/ /ma nor sbyin pa'ang bstan
60b2 mdzad pa/ /'di yang rab rib bral ba yi/ /spyan mnga' sdig spangs bstan du gsol/ /thams cad gzigs pa ma gtogs par/ /gzhan gyis bdag gi the tshom 'di/ /sel nus ma mchis de lta bas/ /
60b3 bdag ni rgyal ba mchog la dad/ /de nas bcom ldan 'das kyis mi 'am ci'i rgyal po ljon pas the tshom dris pa 'di dag gsan nas de la lan gdab pa'i phyir mi 'am ci'i rgyal po ljon pa la tshigs su bcad de slar
60b4 bka' stsal pa/ /stong pa nyid dang lung bstan pa/ /bdag gis ma 'tshal ces smras pa/ /gal te 'ga' zhig mi stong na/ /rgyal bas de lung bstan mi gsung / /ci phyir zhe na 'di lta bur/ /rang gi rang bzhin
60b5 gnas gyur na/ /'gyur ba med cing ther zug ste/ /de la 'phel med 'grib pa med/ /me long shin tu yongs dag la/ /ji ltar rang bzhin med pa yi/ /gzugs brnyan snang ba de bzhin du/ /ljon pa chos
60b6 rnams shes par gyis/ /chos kyi dbyings ni 'gyur med na/ /mchod pa'i yan lag 'gyur gang zhes/ /yan lag rnams la brtag byos la/ /ljon pa mchod pa 'di la dpyod/ /chos dbyings rnam pa
60b7 thams cad du/ /'gyur mang skye bo mkhas pas rtogs/ /byis pa rnams ni 'di la 'khrul/ /blo sbyangs pas ni med par shes/ /skye ba 'ang ma mchis sems kyang bskyed/ /de ni ma 'tshal ces smras pa/ /
60b8 stobs bcu mnga' ba'i ldem po dag /gzhan du ma sems mnyan par gyis/ /byis pa 'khor bar dga' ba'i rnams/ /'khor bar mngon dga' sems zhen pa/ /logs pa'i sems dang 'du shes can/ /
61a1 'khor ba'i sdug bsngal myong bar 'gyur/ /de dag sngon cad ma thos pa'i/ /sems med chos ni ngas bshad na/ /byis pa'i blo dang ldan pa rnams/ /'di la kun du rmongs par 'gyur/ /byang chub gzhol ba'i sems nyid dang / /
61a2 byang chub phan yon thos gyur nas/ /zil gyis ma non rang byung sems/ /rgya chen de ni thob par 'gyur/ /'gag pa ma mchis 'chi 'pho ba/ /de yang ma 'tshal ces smras pa/ /'chi 'pho yang dag lung bstan
61a3 gyis/ /gzhan du ma sems mnyan par gyis/ /gang dag rtag 'dzin de dag la/ /'di la mi 'gyur ther zug med/ /dngos po 'di dag mi rtag ces / /bde gshegs 'chi 'pho rnam par ston/ /sgyu ma 'dra la lhar
61a4 skye ba/ /ji lta bu zhe dgos gyur pa/ /mthar phyin ma gyur slob pa dang / /skye bo rnams la mtho ris bshad/ /gnas pa'ang yod pa ma yin la/ /dge bshes bsten ces gang smras pa/ /gnas dang bral
61a5 pa'i bya ba'i phyir/ /gnas pa med pa'i dge bshes bsten/ /g.yo ba ma mchis bgyi ba rnams/ /bstan pa ma 'tshal zhes smras pa/ /shing rta'i yan lag 'dus pa dang / /shing rta'i bya ba gzhan du rtogs/ /
61a6 mi gang bdag yod khas len cing / /bya ba'ang bdag gis byas zin pa/ /de dag la ni bya ba dang / /g.yo ba med par bde gshegs bshad/ /rang bzhin stong ste stong pa yang / /rtogs shes nga yis gang
61a7 smras pa/ /byis pa log pa'i blo can rnams/ /rang bzhin stong par mi shes pa/ /de dag rnams la bstan pa'i phyir/ /rang bzhin stong zhes bde gshegs ston/ /kun du rtog pa'i rtog pas bskyed/ /yang
61a8 dag ma yin rtog pas bcings/ /zhi ba yod cing chos kun kyang / /zhi bar mthong zhes smras pa ni/ /mi shes rmongs par gyur rnams kyis/ /kun du rtog las sred pa ste/ /skom pas ji ltar smig rgyu la/ /
61b1 kun rtog pas skom pa skye/ /mi mkhas des ni rtog pa'i rgyu/ /yod pa min la log par brtags/ /chu yin par ni mthong gyur kyang / /smig rgyu la ni chu med do/ /de bzhin yongs su rtog pas bkrugs/ /sdug pa min
61b2 la sdug par rtog /byis pa 'dod chags ldan pa dag /sdug dang ldan pa rang bzhin gyis/ /sdug med smig rgyu chu bzhin te/ /smig rgyu la ni chu med do/ /de bzhin gzugs la sdug pa med/ /gzugs med sdug
61b3 pa ma yin na/ /byis pa log pa'i 'du shes can/ /sdug par rtog pas bcings par 'gyur/ /chos rnams nam mkha' 'dra ba dang / /spong ba dmyal ltung zhes smras pa/ /med pa mthong bar ma gyur pa/ /mi
61b4 mkhas rnams ni skrag par 'gyur/ /rang bzhin ngo bo nyid stong na/ /bdag zhen dus ni mi shes pa/ /de dag stong zhes thos gyur nas/ /bdag med 'gyur zhes skrag pa skye/ /de dag bdag tu mngon zhen te/ /nam
61b5 mkha' la ni mdud bor nas/ /stong pa gya nom spong byed de/ /mi mkhas sems dmyal chen por ltung / /mtho ris 'jig rten ngas bstan dang / /skye bo'i 'gro rgyud gzhan dag dang / /las kyang ngas ni bstan byas te/ byed
61b6 pa po ni rab tu bkrag /yang dag tu ni 'gro ba dag /rmi 'drar bshad pa shes par gyis/ /rmi lam gang la'ang dngos po med/ /log pa'i blo ldan mngon par zhen/ /ngas ni las kyi rnam pa bstan/ /byed po phyogs bcu
61b7 rnams na med/ /shing rnams rlung gis bsgul pa las/ /me 'byung 'gyur ba ji bzhin no/ /bdag cag me 'di bskyed bya zhes/ /rlung dang shing la sems pa med/ /lon kyang me ni 'byung ba ltar/ /lag kyi byed po
61b8 de bzhin no/ /bsod nams tshogs ni yod min la/ /byang chub yang dag bsgrub pa dang / /legs spyad yod ces zer ba ni/ /de tshul yang dag mnyan par byos/ /mi yi tshe tshad lo brgya ste/ /de srid 'tsho zhes brjod mod kyi/ /
62a1 lo la phung por spungs pa med/ /sgrub pa de yang de dang mtshungs/ /zad pa med ces gang smras pa/ /las zad ces ni ngas smras pa/ /stong pa'i tshul du zad pa med/ /tha snyad tshul du zad par bstan/ /yang dag mtha' ni
62a2 ngas bshad pa/ /phyin ci log de'ang yang dag mtha'/ /log pa'i blo can byis pa rnams/ /yang dag mtha' ni mi shes so/ /mtshan nyid thams cad gcig nyid de/ /mtshan nyid med par shes pa yi/ /ye shes lam du zhugs
62a3 rnams kyi/ /nges pa ljon pa khyod nyon cig /yi ge gcig gis 'jug pa yi/ /byang chub blo ldan rnams la bstan/ /chos rnams thams cad ma byas pa/ /a yi sgo yi gzungs su bstan/ /de ltar spyod pa byed
62a4 rnams la/ /mtshan nyid mtha' yas ngas bstan te/ /'di 'dra'i tshul la 'jug pa ni/ /a yi sgo yi gzungs su bstan/ /chos rnams thams cad 'gag med pa/ /a yis chos la 'jug par bstan/ /a yi
62a5 sgo yi gzungs bstan pa/ /de yang ljon pas shes par gyis/ /chos rnams rnam par rtog med pa/ /de yang chos la 'jug par gsungs/ /chos kun 'gyur ba med pa yang / /a ni chos kun sgo mor bstan/ /a yi
62a6 sgo yi gzungs 'di dag /ljon pa 'di ltar shes par gyis/ /mi zad pa dang zad smras pa/ /chos kun mi zad brjod bya ste/ /stobs bcu mnga' ba thams cad kyis/ /mi zad sgo yi gzungs su bstan/ /
62a7 chos rnams kun la sgo med de/ /de dag med pas sgo mi 'byung / /'di yang gzungs kyi sgo yin te/ /a la brten nas 'jug par bya/ /chos kun bsam gyis mi khyab ces/ /yang dag ji bzhin bde
62a8 gshegs bstan/ /a yi sgo yi gzungs bstan pa/ /'di yang ljon pas shes par gyis/ /chos kun lus med byang chub ces/ /blo ldan rnams la ngas bstan pa/ /'di yang gzungs kyi sgo yin te/ /a la
62b1 brten nas 'dug par bya/ /chos rnams 'ong ba med pa ste/ /med pas de dag 'ong ba'ang med/ /'di yang gzugs kyi sgo yin te/ /a la brten nas 'jug par bya/ /chos rnams gdags pa med pa ste/ /med pas de dag gdags pa med/ /
62b2 'di yang gzungs kyi sgo yin te/ /a la brten nas 'jug par bya/ /chos rnams rang bzhin med pa ste/ /med pas de dag rang bzhin med/ /'di yang gzungs kyi sgo yin te/ /bde bar gshegs pas gzungs su bstan/ /
62b3 gzungs kyi sgo mo nga las nyon/ /chon kun yid la bya ba med/ /'di yang gzungs kyi sgo yin te/ /bde bar gshegs pas gzungs su bstan/ /med phyir chos kun sgrib med ces/ /de bzhin gshegs pas bstan mdzad pa/ /'di
62b4 yang gzugs kyi sgo yin te/ /a la brten nas shes par bya/ /chos kun thogs pa med pa ste/ /thogs par bya ba de mi dmigs/ /'di yang gzungs kyi sgo yin te/ /a la brten nas 'jug par bya/ /chos rnams
62b5 thams cad ma skyes par/ /mkhas pas mtshan nyid gcig shes bya/ /chos rnams gang dag ma skyes pa/ /de dag ming med shes par bya/ /chos rnams yang dag ma yin te/ /de dag ma lus rang bzhin med/ /'di yang gzungs
62b6 kyi sgo yin te/ /a la brten nas shes par bya/ /gang dag ma skyes ma byung ba/ /de dag mthong med bstan par bya/ /lta ba po ni med pa dang / /de dag rnams kyang med phyir ro/ /chos kun mnyam med de bas na/ /mtshan nyid gcig cing
62b7 mtshan gzhi med/ /nam mkha' dang ni 'dra ba ste/ /chos kun yod pa ma yin no/ /de ltar lhag med chad pa med/ /mnyam bzhag med cing gnyis su med/ /gdung med bsil med tsha ba'ang med/ /blta ba'i lam min med
62b8 phyir ro/ /drang po ma yin yod po min/ /mun pa ma yin snang ba min/ /mthong ba med cing thos med de/ /med pas gzugs su shes par gyis/ /g.yo med drang po'ang med pa ste/ /chos rnams gsal med g.yo ba
63a1 med/ /'khrug pa med cing khro ba med/ /ci yang mi byang nyer zhi med/ /sgyel ba med cing gnas kyang med/ /'gro med ldog med 'gro sems med/ /nyal ba med cing mi nyal med/ /sad pa med par shes
63a2 par gyis/ /mig can ma yin long ba min/ /lta ba ma yin mun bsgribs min/ /sbas pa ma yin bzhag pa min/ /dul ba ma yin ma dul min/ /rgod pa ma yin zhi ba min/ /'khor min mya ngan 'das pa min/ /bden
63a3 min brdzun min de lta bur/ /rgyal ba'i spyod yul shes par gyis/ /'jig rten gdul ba'i don phyir gyi/ /'di la the tshom gang yang med/ /gang gcad bya ba'i the tshom med/ /dam pa'i don du byung ba med/ /de nas
63a4 mi 'am ci'i rgyal po ljon pas bcom ldan 'das la zhus pa lung bstan pa dang / /gzungs nges par bstan pas yongs su tshim par gyur nas/ /bcom ldan 'das la mchod pa'i phyir brtson par gyur te/ khang
63a5 pa brtsegs pa shing la rten pa dang / pad ma la rten pa dang / ri la rten pa rin po che sna bdun gyi rang bzhin can/ rin po che'i gdugs kyis mdzes par byas pa/ gdugs kyi lda ldis mdzes par byas pa/ rgyal mtshan
63a6 dang ba dan gyis brgyan pa/ bla re dang lda ldis brgyan pa bye ba phrag brgyad mngon par sprul te/ mi 'am ci'i rol mo sil snyan bye ba phrag brgyad kyang mngon par sprul nas ri spos kyi ngad ldang las skyes pa dang / thang las skyes
63a7 pa dang / chu las skyes pa'i me tog thams cad kyis kyang bcom ldan 'das la mchod nas/ /de mi 'am ci'i tshogs dang lhan cig tu khang pa brtsegs pa bye ba phrag brgyad po de dag tu 'khod nas bcom ldan 'das la lan
63a8 gsum bskor ba byas te/ thang las skyes pa dang / chu las skyes pa'i me tog de dag gis bcom ldan 'das la gtor/ mngon par gtor/ mngon par rab tu gtor to/ /de nas khang pa brtsegs pa de dag las babs
63b1 te rkang pas dong nas bcom ldan 'das la lan gsum bskor ba byas te/ bcom ldan 'das kyi zhabs la mgo bos phyag 'tshal nas thal mo sbyar te/ bcom ldan 'das la mig mi 'dzums par lta zhing rnam
63b2 pas sangs rgyas kyi yon tan rjes su dran par byed cing phyogs gcig tu 'khod par gyur to/ /de nas bcom ldan 'das kyis mi 'am ci'i rgyal po ljon pa 'khor dang bcas pa'i lhag pa'i bsam pa
63b3 thugs su chud nas 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol pa/ bde gshegs dri bral spyan mnga' ba/ /rgyu ma mchis par 'dzum mi mdzad/ /
63b4 lha mis mchod pa yang dag tu/ /'dzum mdzad rgyu de bka' stsal gsol/ /thams cad mkhyen pa 'dzum mdzad pa/ /'khor gyis mthong nas the tshom 'tshal/ /zla ba tshes la mi bzhin du/ /smra ba'i zla
63b5 ba'i zhal du lta/ /bde gshegs mdzes pa deng su zhig /gnyis med chos la shes mchog skyes/ /bdag ni the tshom 'tshal bar 'gyur/ /mi mchog dam pa the tshom sol/ /bde gshegs gang gis chos
63b6 nyid la/ /dad pa thob nas bcom ldan 'das/ /ji ltar 'dzum pa mdzad par 'gyur/ /smra mchog bdag gi the tshom khum/ /thams cad ldan pa'i 'khor 'di yis/ /bcom ldan bstan thos yid dga' zhing / /
63b7 the tshom ma mchis som nyi chad/ / ji ltar bstan bzhin gnas par 'gyur/ /de ltar rkang gnyis rnams kyi mchog /'gro la thugs brtse mdzad pa dang / /the tshom bcad slad ljon pa dang / /mi ci
63b8 rnams kyi lung bstan gsungs/ /de nas bcom ldan 'das kyis tshe dang ldan pa rta thul la tshigs su bcad de slar bka' stsal pa/ /skye bo tshogs chen rnams nang du/ /sangs rgyas yon tan sten 'gyur ba/ /
64a1 ljon pa'i lung bstan gang dris pa/ /rta thul khyod kyis legs par dris/ /ye shes mthong ba sgrib med pa/ /bde gshegs ye shes ngo mtshar can/ /de khyod dang ba'i yid byos la/ /skyo med yid kyis nga
64a2 la nyon/ /'jig rten phan dang bde ba'i phyir/ /ljon pas the tshom gang dris pa/ /de yi 'bras bu brjod par byas/ /the tshom gcad pa nga las nyon/ /ljon pa la sogs mi 'am ci/ /bye ba phrag brgyad 'dir lhags pa/ /
64a3 de dag nga la mchod byas nas/ /'di nas shi 'phos mtho ris 'dong / /bskal pa bye ba dgu bcu der/ /lha mi'i nang du 'khor bar 'gyur/ /mngon par shes pa lnga bsgoms nas/ /sems la dbang sgyur dbang
64a4 ldan 'gyur/ /mi yi seng ge de dag gis/ /sangs rgyas zhing phrag khrag khrig tu/ /sprul bkye rang ni lha gnas na/ /bsam gtan dga' ba'i bde ba myong / /bskal pa bye ba dgu bcur yang / /de dag lha
64a5 mir 'khor 'khor nas/ /rang rang zhing rnams sna tshogs su/ /byang chub rnam par 'tshang rgyar 'gyur/ /rtag tu snang ba'i bskal pa la/ /mi yi seng ge 'jig rten mgon/ /chags med ye shes mthong
64a6 dpag yas/ /stobs bcu gzi brjid mtha' yas 'gyur/ /de dag zhing du sems can gang / /yongs su ma smin 'ga' mi skye/ /nyan thos theg pas gang byung ba/ /kun kyang srid pa tha ma pa/ /mi yi seng
64a7 ge'i zhing der ni/ /byang chub sems dpa' gang skye ba/ /de dag tshe gcig thogs pa ste/ /mi mchog byang chub thob par 'gyur/ /gang dag gtso bor gyur pa rnams/ /bdag cag dpag med sangs rgyas
64a8 zhing / /yongs su sbyang bar bya'o zhes/ /de 'dra'i bsam pas rab tu zhugs/ /sems can rlabs chen de dag ni/ /smon lam rgya chen yun ring btab/ /de dag 'di nas shi 'phos nas/ /bsam pas rang zhing rnam par
64b1 sbyong / /nyon mongs 'jom pa de dag gi/ zhing gi bkod par 'gyur ba ni/ /dga' ldan gnas kyi longs spyod rnams/ /ngan song kun kyang yongs su dag /de dag zhing du rnam kun du/ /mi khom gang yang 'byung mi 'gyur/ /zhing rnams
64b2 yongs sbyangs de dag ni/ /sems can rnams kyang bde bar 'dren/ /de ltar 'jig rten mgon po yis/ /mi ci rnams kyi lung bstan bshad/ /lung bstan de thos 'khor gyi rnams/ /kun kyang yi ni rangs par 'gyur/ /mi 'am
64b3 ci lung bstan pa'i le'u ste bcu gnyis pa'o// // de nas lha phreng ldan glang po can brgyad khris lha ma yin rnams nas mi 'am ci'i bar dag gis mchod pa yang mthong / lung bstan pa yang thos nas tshim zhing mgu
64b4 la yi rangs te/ /rab tu dga' zhing dga' ba dang / yid bde ba skyes nas sangs rgyas kyi chos rnams la mos shing bcom ldan 'das la mchod pa'i phyir brtson par gyur te/ de dag gis ser skya'i gnas kyi grong
64b5 khyer chen po thams cad kyi khor yug tu dpag tshad drug bcu tshun chad me tog mAn dA ra bas pus nub tsam du gang bar byas so/ /de nas de dag gis bcom ldan 'das la lan gsum bskor ba byas
64b6 nas tshigs su bcad pa dag gis mngon par bstod pa/ zhi ba'i dbang po 'dzum pa'i zhal/ /srog chags kun la thugs brtse ba/ /bde bar gshegs pa thugs rje can/ /'jig rten bdag po mi yi stag /
64b7 sangs rgyas chos la mos pa yi/ /'khor 'di ji srid 'dir gnas par/ /zhabs mchog mdzes shing dga' ldan pa/ /thugs rje can la mgos phyag 'tshal/ /ji ltar dgung zla nya ba'i tshe/ /mi rnams
64b8 zla ba phyag 'tshal ba/ /de bzhin lha tshogs 'di rnams kyang / /bcom ldan 'das kyi zhal du lta/ /dpag tu med pa'i dge spyad pa/ /dpag yas ye shes phung po ldan/ /gzi brjid dpag yas phung
65a1 po can/ /blo mchog khyod la mgos phyag 'tshal/ /stobs bcu mnga' zhing dpal stug pa/ /bden bzhi mi bsnyengs dri gsum sel/ /rgyal ba'i bcwa brgyad chos dang ldan/ /the tshom mi mnga' smra ba'i
65a2 mchog /sum cu rtsa gnyis mtshan mnga' zhing / /dpe byad bzang po brgyad cu ldan/ /dbang po'i rgyal mtshan mtshungs med thugs/ /bde gshegs khyod la phyag 'tshal lo/ /tshul khrims stobs kyi mthar phyin pa/ /
65a3 ting 'dzin stobs gnas mi bskyod pa/ /ye shes stobs kyi mtshon cha can/ /bdud stobs bcom thub rgyal ba lags/ /ye shes stobs mchog rgyas gyur pa/ /ser sna mi mangs nyan thos btul/ /zhi ba'i thugs
65a4 kyis spyod mdzad cing / /lha dang bcas pa'i 'jig rten 'dul/ /skyes bu seng ge bde gshegs khyod/ /gti mug zhi bgyid chos brnyes pa/ /bdag cag rnams kyang stobs bcu yi/ /chos rnams 'dir ni thob
65a5 par shog /ji ltar thub khyod sems can gyi/ /bsam mkhyen dang mdzad de bzhin du/ /'jig rten snang mdzad bdag cag kyang / /lha mir bcas pa'i 'gro dang bgyi/ /de ltar 'gro ba'i don slad du/ /
65a6 snying brtser nye bar bzung nas ni/ /'gro ba 'khor ba'i mtshor bying ba/ /srid pa'i rgyud las bsgral bar bgyi/ /bdag cag lhar bcas 'jig rten gyi/ /'dren dang rab tu 'dren gyur cig /'gro ba
65a7 sdug bsngal brgyas nyen pa/ /srid pa'i rgyu las dgrol bar bgyi/ /de nas bcom ldan 'das kyis lha phreng ldan glang po can rnams kyi bsam pa thugs su chud nas de'i tshe 'dzum pa mdzad do/ /de nas
65a8 tshe dang ldan pa rta thul gyis bcom ldan 'das la tshigs su bcad de gsol pa/ /bde gshegs rnam par 'dren pa po/ /rgyu ma mchis par 'dzum mi mdzad/ /stobs bcu khyod ni 'dzum mdzad pa'i/ /
65b1 rgyu gang lags pa bka' stsal gsol/ /rgyal ba'i zhal nas 'dzum mdzad pa/ /'gro ba dang bgyis byung mthong nas/ /'khor kun the tshom 'tshal gyur te/ /'dzum pa'i don ni nyan par 'tshal/ /don chen 'dzum pa mdzad
65b2 pa'i don/ /bka' stsol bka' stsol 'dren pa'i mchog /dge sbyong rnams kyi rgyal po khyod/ /the tshom chad 'gyur bka' stsal gsol/ /gang gis rgyal ba mnyes par bgyis/ /gang gis deng mchog bla med gyis/ /
65b3 su zhig de ring gting thob gyur/ /bde gshegs bdag gi the tshom khum/ /de ring gang gis bdud kyi gnas/ /dkrugs g.yengs kun du 'khrugs par bgyis/ /deng sus lha gnas thams cad kyang / /rab tu dga'
65b4 yid ldan par gyis/ /rgyal ba thub pa de lung ston/ /'gro ba'i the tshom myur du khum/ /de thos bde gshegs 'khor gyi rnams/ /kun kyang rab tu yid dga' 'gyur/ /de nas bcom ldan 'das kyis tshigs su
65b5 bcad de tshe dang ldan pa rta thul la slar bka' stsal pa/ /phreng ldan glang po can lha yi/ /lung bstan rta thul khyod dris pas/ /des na 'gro ba mang po yi/ /don chen shin du deng byas 'gyur/ /stobs bcu rgyal ba ma dris
65b6 par/ /sras mchog byang chub lung mi ston/ /de ni 'gro ba mang don du/ /de ring khyod kyis rgyal la zhus/ /phreng ldan glang po lha tshogs kyis/ /nga la sems dang nga mchod pas/ /bskal pa grangs med 'das 'og tu/ /
65b7 nyon mongs pham byas rgyal bar 'gyur/ /de dag 'di nas shi 'phos nas/ /'thun par mi yi nang skyes ste/ /rgyal ba bye ba dpag med la/ /me tog mchog gis mchod par 'gyur/ /kun du bde bar gshegs kyi
65b8 sems/ /skye par 'gyur zhing 'phel byed 'gyur/ /rang byung mi yi seng ge la/ /tshigs su bcad pas bstod par 'gyur/ /ma 'ongs dus na 'di kun gyis/ /rgyal ba khrag khrig dpag yas mang / /me tog
66a1 gis mchod tshigs bcad kyis/ /mi mchog rnams la bstod byas te/ /de dag bde gshegs rnams mchod cing / /mthu bo che yi sku bstod nas/ /rab tu dga' ba'i bskal pa la/ /rnam par 'dren par
66a2 'jig rten 'byung / /grags pa ma smad nags rgyu ba/ /brgyad khri po rnams de dag kun/ /bskal pa gcig la bde gshegs 'gyur/ /me tog rgyal mtshan ldan zhes bya/ /de na dmyal dang dud 'gro dang / /ngan
66a3 song gshin rje'i 'jig rten ming / /zhing de na ni lha min med/ /mi khom thams cad rab tu bcom/ /phreng ldan glang po can lha yi/ /longs spyod sum cu rtsa gsum gyi/ /ci 'dra ba ni de 'drar 'gyur/ /'gro ba'i tshe tshad
66a4 dpag tu med/ /de tshi mi dge sgra mi grag /mi dge byed pa smos ci dgos/ /de na rnam 'dren mchog rnams kyi/ /skye bo rnams kyi chos can 'gyur/ /srog chags bye ba khrag khrig phrag /gang gA'i bye ma rab
66a5 mang snyed/ /grol bar byed 'gyur stobs bcu rnams/ /gnas pa med pa'i chos kyang ston/ /grags pa ma smad de dag gi/ ring srel dag kyang rgyas par 'gyur/ /de dag rnams kyi ring bsrel
66a6 la 'ang / /rgyal ba'i sku mang 'byung bar 'gyur/ /grags pa mtha' yas ldan rnams kyi/ /rang bsrel cho 'phrul sku mthong nas/ /srog chags bye ba khrag khrig mang / /byang chub tu ni sems bskyed
66a7 'gyur/ /phreng ldan glang po can rnams kyi/ /lung bstan 'dren pas bka' stsal pa/ /thos shing shes nas 'khor kun kyang / /de tshe sems ni rab tu dga'/ /phreng ldan glang po can lung bstan pa'i
66a8 le'u ste bcu gsum pa'o// // de nas rgyal chen bzhi'i ris kyi lha dgu khris lha ma yin rnams nas phreng ldan glang po can gyi lha'i bar de dag gi mchod pa yang mthong / lung bstan pa yang thos nas
66b1 tshim zhing mgu la yi rangs te/ rab tu dga' zhing dga' ba dang / yid bde ba skyes nas sangs rgyas kyi chos rnams thob par bya ba'i phyir mos pa drag po bskyed de 'di lta ste/ dper na kham pa'i gru la zhon pa'i mi zhig chu'i dbus su
66b2 phyin na gru chag tu 'ong zhes tshu rol nas pha rol du 'gro bar bya ba'i phyir mos pa drag po skyes pa de bzhin du rgyal chen bzhi'i ris kyi lha dgu khri po de dag kyang sangs rgyas kyi che ba nyid la dad pa skyes nas sangs rgyas kyi
66b3 chos rnams thob par bya ba'i phyir mos pa drag po skyes par gyur nas de dag sangs rgyas kyi chos tshol zhing bcom ldan 'das la mchod pa'i phyir brtson par gyur te/ de dag rgyal po chen po bzhi dang lhan
66b4 cig tu rin po che'i bkra ba blta na sdug pa dgu khri mngon par sprul to/ /de dag kyang phal cher mu tig dmar po dang / skar mdog dang / bai dUr+ya dang / gser dang / rdo rje'i rang bzhin can sha stag go/ /lha'i rol mo
66b5 sil snyan dgu khri yang mngon par sprul te/ de dag nor bu rin po che sna tshogs kyi bla re dgu khri po de dag thogs nas rol mo sil snyan dgu khri po de dag byed cing steng gi bar snang las dong ste/ bcom ldan 'das la
66b6 lan gsum bskor ba byed cing me tog man dA ra ba dang / man dA ra ba chen po dang / man 'dzu sha ka dang / man 'dzu shaka chen po dang / pa ru sha ka dang / pa ru sha ka chen po dang / sprul pa'i me tog rnams kyis
66b7 bcom ldan 'das la gtor/ mngon par gtor/ mngon par rab tu gtor te/ de dag gis mchod pa byas nas yang bcom ldan 'das la lan gsum bskor ba byas te/ tshigs su bcad pa dag gis
66b8 mngon par bstod pa/ /rgyal ba'i yon tan mthong ba yi/ /lha ni dgu khri tham pa dag /'dren pa khyod kyi spyan snga na/ /thal mo rab tu sbyar nas mchis/ /rgod pa ma mchis zhum ma mchis/ /'dod pa ma mchis 'gyod
67a1 ma mchis/ /mi blun ngo mtshar ma mchis pa/ /rkang gnyis mchod la phyag kyang 'tshal/ /khyod ni srid pa'i rgyud rnams bkum/ /mi shes pa ni rnam par sbyangs/ /sred pa'i phur pa rab tu phyung / /
67a2 nga rgyal rgyal mtshan khyod kyis bsnyal/ /khyod ni zug rngu phyung ba ste/ /rma la gdug pa khyod kyis spangs/ /khyod ni mkhyen bzhin spyod pa ste/ /'dren pa khyod kyis rma rnams sos/ /khyod kyis nyon mongs thams
67a3 cad spangs/ /'ching ba dag ni thams cad bcad/ /sbyor ba kun dang bral ba ste/ /thub pa chags pa kun las 'das/ /rgyal ba khyod kyi spyod yul ni/ /stong pa nyid dang mtshan ma med/ /bcom ldan khyod la
67a4 smon pa yang / /rnam pa kun du ming mnga'o/ /khyod kyis sred pa drungs nas phyang / /ma rig pas ni thugs kyang phyung / /rnam pa bzhi po'i phyin ci log /rnam pa kun du yongs su spangs/ /gang du
67a5 'jig rten mi chud de/ /ri dwags rngon pas ji bzhin du/ /'jigs shing skrag par 'gyur ba yin/ /yang dag mtha' ni khyos kyis gzigs/ /sems can 'jig tshogs ltar lhung ste/ /stod pa
67a6 nyid ni ma 'tshal bas/ /ma rig pa'i mun pas gtibs/ /'khor ba'i btson rar dga' bar bgyid/ /khyod kyis yang dag ji bzhin du/ /'gro de chad pa stong 'drar gzigs/ /gang gis rnam dag mig
67a7 'gyur ba'i/ /ye shes snang ba rab tu bstan/ /phung po stong par rnam par bshig /ming dang gzugs kyang gsog 'dra zhing / /khams rnams dang ni skye mched dag /bdag med stong par rnam par
67a8 bshig /chos gang dang ni ming gang gis/ /chos gang mngon par brjod bgyi ba/ /chos de chos des stong pa ste/ /thub pa khyod kyis stong par bstan/ /sgyu ma'i mkhan pos med pa la/ /skye bo'i tshogs chen
67b1 mngon sprul na/ /de la sems can gdams ma mchis/ /srog dang gang zag ma mchis ltar/ /de bzhin phung po khams rnams dang / /dbang po dag dang skye mched kyang / /yang dag ma yin sgyu ma zhes/ /skyes bu dam pas
67b2 bstan pa mdzad/ /ji ltar ri mo mkhan zhig gis/ /bud med gzugs ni rnam bris shing / /mnyam pa dang ni mi mnyam dang / /lci dang yang ba bstan bgyis kyang / /byis pa'i mig ni bslus pa ste/ /de la mi mnyam
67b3 ci ma mchis/ /de bzhin chos dbyings mnyam lags na/ /byis pa rnams ni de la rmongs/ /gang shes khyod kyi bslab pa la/ /legs bslabs rmongs par mi 'gyur ba/ /lag mthil skyu ru ra bzhin du/ /de ni kun
67b4 mkhyen khyod kyis bstan/ /shes rab chen po khyod kyis ni/ /ye shes sgron ma rab bus te/ /chos kyi 'khor lo rab bskor nas/ /sems can rnams la chos bstan pa/ /de ltar bdag cag myur du ni/ /
67b5 bla med byang chub zhi thob ste/ /ji ltar 'dren pa khyod bzhin du/ /chos kyi 'khor lo bskor bar bgyi/ /'khor ba'i lam log 'di dag tu/ /'khyams par gyur ba'i sems can la/ /ji ltar 'dren pas
67b6 bstan pa bzhin/ /bdag cag gis kyang chos myur bstan/ /de nas bcom ldan 'das kyis rgyal chen bzhi'i ris kyi lha rnams kyi lhag pa'i bsam pa thugs su chud nas 'dzum pa mdzad do/ /de nas
67b7 tshe dang ldan pa rta thul gyis/ bcom ldan 'das la tshigs su bcad de gsol pa/ /rgyu ma mchis par rdzogs sangs rgyas/ /'dren pa 'dzum pa mi mdzad na/ /'dzum pa mdzad pa'i 'dzum gyi rgyu/ /dpa'
67b8 bo chen pos lung bstan gsol/ /skyes bu dam pa 'khor 'di dag /bde gshegs deng bzhad mthong nas ni/ /yid gnyis chen po 'tshal gyur te/ /kun kyang the tshom 'tshal bar gyur/ /de ring su yis
68a1 bdud pham bgyis/ /nem nur gang gis bcad par gyur/ /su zhig de ring chos rtogs gyur/ /skyes bu mchog gis lung bstan gsol/ /de ring khyod la su yis mchod/ /ston pa gang gis bsnyen bkur bgyis/ /
68a2 'gro kun nem nur 'tshal gyur na/ /rnam par 'dren pas lung bstan gsol/ /ji ltar rkang gnyis mchog khyod kyis/ /lung bstan 'di dag thos gyur na/ /'gro ba the tshom 'chad 'gyur ba/ /'dren pas de ltar lung
68a3 bstan gsol/ /ci nas rnam pa thams cad du/ /kun mkhyen lam la gnas pa rnams/ /myur du byang chub thob 'gyur ba/ /de ltar 'dren pas bstan du gsol/ /de nas bcom ldan 'das kyis tshe dang ldan pa rta
68a4 thul la tshigs su bcad de slar bka' stsal pa/ /'gro ba rnams la phan pa'i phyir/ /rdzogs pa'i sangs rgyas mgon po la/ /'dzum pa rgyu rnams dri bya zhes/ /rta thul khyod kyis dris pa legs/ /'jig rten
68a5 kun la phan pa'i phyir/ /bstan pa yid du 'ong 'gyur zhing / /nyams dga' byed pa de bshad kyis/ /dran pa mngon byos mnyan par gyis/ /dgu khri tham pa'i lha rnams kyis/ /mchod pa'i rnam pa 'di lta bu/ /de ring
68a6 de bzhin gshegs pa la/ /shin du dang ba'i yid kyis byas/ /sangs rgyas mngon par bstod pa byas/ /stong pa nyid kyang shes par gyur/ /chos rnams la ni nges pa rnyed/ /nga yi bstan la rab tu gnas/ /sngon yang sangs rgyas
68a7 bye ba phrag /brgyad cu dag la 'di dag mchod/ /ma 'ongs dus na'ang sangs rgyas ni/ /bye ba mtha' yas mchod par 'gyur/ /'dren pa de dag ji srid du/ /sangs rgyas bye ba ma mchod cing / /bsnyen bkur byas par ma gyur pa/ /
68a8 de srid byang chub 'tshang mi rgya/ /de bas shin tu 'phyi ba na/ /kun kyang gang zag mchog tu 'gyur/ /mtshan ni 'od zer 'chang ba ste/ /'jig rten kun mkhyen thub par 'gyur/ /'jig rten sgron ma de dag gi/ /nyan
68b1 thos 'dus par 'gyur ba ni/ /blo yi mchog dang ldan pa dag /'dus pa brgyad cu 'byung bar 'gyur/ /sgrib med gzigs pa de dag gi/ mi rnams de yi dus kyi tshe/ /lo grangs bye ba brgyad cu tham/ /srog gi dbang po gnas par
68b2 'gyur/ /shes rab mtha' yas de dag gi/ /nyan thos 'dod chags bral ba rnams/ /lus kyi tha ma 'dzin pa dag bye ba tshad med 'byung bar 'gyur/ /sems can rnams la thugs brtse ba'i/ /'jig rten mgon po
68b3 dpal ldan rnams/ /mya ngan 'das pa'i ring bsrel yang / /shin du rgya cher 'byung bar 'gyur/ /mi dbang mya ngan 'das gyur nas/ /rnam par 'dren pa dpal ldan pa/ /rgyal ba'i mchod rten rnams kyis ni/ /sangs rgyas
68b4 zhing rnams legs brgyan 'gyur/ /'jig rten mgon po skyob rnams kyis/ /mchod rten de dag thams cad la/ /srog chags brgya dang stong rnams dang / /khrag khrig rnams kyis mchod byas nas/ /byang chub
68b5 mchog tu sems bskyed de/ /mya ngan 'das pa thob par 'gyur/ /rang byung mya ngan 'das nas kyang / /de dag dam chos gnas 'gyur ba/ /lo grangs bye ba khrag khrig phrag /brgyad cu tshang bar gnas
68b6 par 'gyur/ /chos kyi rgyal po'i sras rnams kyis/ /bzung zhing yongs su bsrungs par gnas/ /'jig rten thugs brtse mdzad pa dang / /shAkya yongs su smin mdzad phyir/ /rgyal chen bzhi yi ris rnams la/ /
68b7 'jig rten sgron mas lung bstan mdzad/ /de thos nas ni skye bo kun/ /kun du dga' zhing rab dga' ste/ /sems mgu yid kyang rangs gyur nas/ /ston pa la ni mngon par bstod/ /rgyal chen bzhi'i ris
68b8 lung bstan pa'i le'u ste bcu bzhi pa'o// // bam po drug pa/ de nas lha'i dbang po brgya byin la sogs pa sum bcu rtsa gsum ris kyi lha bye ba phrag brgyad bcus lha ma yin dag dang / /nam
69a1 mkha' lding dang / klu'i bu mo dag dang / klu dag dang / grul bum dag dang / dri za dag dang / gnod sbyin dag dang / mi'am ci dag dang / phreng ldan glang po can dag dang / rgyal chen bzhi'i ris kyi lha dag gi mchod pa yang mthong /
69a2 lung bstan pa yang thos nas sangs rgyas kyi chos rnams la tshim zhing mgu la yi rangs te/ rab tu dga' zhing dga' ba dang yid bde ba skyes nas yid byung ba chen po skyes te/ 'dod pa'i tshul gyis lha'i dbang po brgya byin
69a3 la sogs pa bcom ldan 'das la mchod pa'i phyir brtson par gyur te/ de dag gi rin po che'i khang pa bkra ba/ blta na sdug pa/ rin po che sna bdun gyi rang bzhin can/ mu tig dmar po'i phreng ba dang / be+e dUr+ya'i phreng bas
69a4 brgyan pa/ gser gyi phreng ba sna tshogs dang / nor bu ren po che skar mdog gi phreng bas brgyan pa/ sa gnas rim pa brgyad dang / ba gam dang / khang pa brtsegs pa dang / skar khung gis brgyan pa/ gdugs
69a5 dang / rgyal mtshan dang / ba dan gis brgyan pa/ lha rdzas kyi seng ge'i khris brgyan pa/ bla re chen po dang / dril bu g.yer ka'i dra bas brgyan pa/ lha'i bu mo'i tshogs kyis mdzes par byas pa/ lha'i rol mo
69a6 sil snyan sgra rab tu 'byung ba bye ba phrag brgyad cu mngon par sprul to/ /rta cang shes kyis drad pa'i shing rta lha rdzas kyi rnam pas legs par brgyan pa/ gdugs dang / rgyal mtshan dang / ba dan dag gis mdzes par
69a7 byas pa bye ba phrag brgyad cu yang mngon par sprul to/ /ser skya'i gnas kyi grong khyer chen po thams cad dang ldan pa'i kho ra khor yug tu dpag tshad drug cu tshun chad me tog man dA ra ba dang / lha'i mchod pa de
69a8 dag gis rgyas par gang par byas so/ /glang po che sa srung gi bu bye ba phrag brgyad cu yang mngon par sprul te/ glang po che sa srung gi bu de dag re re zhing yang mgo bye ba phrag brgyad bcu brgyad cu/ glang po che sa srung
69b1 gi bu'i mgo de dag re re zhing yang so drug drug /so de dag re re zhing yang rdzing bu bdun bdun/ rdzing bu de dag re re zhing yang pad ma stong phrag bdun bdun/ pad ma de dag re re zhing yang mdab ma brgyad khri brgyad khri/ 'dab ma
69b2 re re zhing yang lha'i bu mo mdun mdun/ lha'i bu mo de dag re re zhing yang 'khor bdun bdun yod pa/ rgyan thams cad kyis brgyan pa sha stag mngon par sprul nas rin po che'i khang pa de dag mdun du byas te/ dbus su glang po
69b3 che sa srung gi bu dag btsud nas phyi bzhin shing rta de ltar bshams pa de dag bkye nas bcom ldan 'das la mchod pa byas so/ /rin po che'i khang pa de dag las kyang lha'i tsan dan dang / a ga ru dang / ud pa la dang /
69b4 ta ma la'i lo ma'i phye ma dang / gser phye'i char mngon par bab par gyur to/ /lha'i me tog man dA ra ba dang / man dA ra ba chen po dang / mnya dzu sha ka dang / mnya dzu sha ka chen po dang / pa ru sha ka dang / pa ru sha
69b5 ka chen po dang / mdog dkar dang / mdog dkar chen po dang / sprul pa'i me tog gi char yang mngon par bab par gyur to/ /gser dang / dngul dang / bai dUr+ya dang / shel dang / mu tig dmar po dang / spug dang /
69b6 rdo'i snying po dang / rin po che sna bdun gyi me tog gi char yang mngon par bab par gyur to/ /lha'i bu mo de dag las la la ni glu len/ la la ni gar byed/ la la ni rol mo byed/ la la ni lus kyi tshul skyur zhing lha
69b7 ma yin gyi mchod pa lta bu dang / glang po che sa srung gi bu de dag dang / rin po che'i khang pa rnams kyis mchod pa byas nas de'i 'og tu rta cang shes kyis drang pa'i shing rta bye ba phrag brgyad bcu la zhon te/ bcom ldan
69b8 'das la lan gsum bskor ba byas nas lha'i yo byad rnam pa sna tshogs mang po yang phul bar gyur to/ /lha'i rol mo sil snyan bye ba phrag brgyad bcu yang bar snang las sgra 'byin par gyur to/ /shing
70a1 rta bye ba phrag brgyad bcu po de dag la yang lha'i bu mo gzhan bye ba phrag brgyad bcu mngon par sprul te/ lha'i bu mo de dag kyang la la glu len/ la la ni gar byed/ la la ni rol mo byed/ la la ni lus kyi tshul
70a2 sgyur zhing lha ma yin gyi mchod pa ji lta ba bzhin du byas so/ /de nas sum bcu rtsa gsum ris kyi lha bye ba phrag brgyad cu po de dag 'di snyam du sems te/ ji ltar sprul pa'i lha'i bu mo 'di dag bcom ldan 'das la mchod pa byed
70a3 pa las ni chos thams cad kyang sprul pa dang 'dra ba yin du nges so snyam nas de dag 'di snyam du chos 'di dag thams cad ni ji ltar de bzhin gshegs pas bstan pa de bzhin te/ sprul pa dang 'dra ba yin no snyam du sems
70a4 par gyur cing de dag gis chos thams cad sprul pa dang 'dra bar shes nas chos la the tshom med pa thob par 'gyur to/ /de dag de ltar the tshom med cing nem nur med par gyur nas bcom ldan 'das la lan gsum
70a5 bskor ba byas te/ bcom ldan 'das kyi zhabs la mgo bos phyag 'tshal nas phyogs gcig tu 'khod do/ /de dag chos thams cad sprul pa dang 'dra bar rtog cing bdag cag kyang sprul ba dang 'dra bar
70a6 mthong / mchod pa de dag kyang sprul pa dang 'dra bar mthong / bcom ldan 'das kyang sprul pa dang 'dra bar mthong nas bcom ldan 'das kyis chos gang bstan pa de dag kyang sprul ba dang 'dra bar yang dag par
70a7 shes te/ de dag gis chos thams cad sprul ba lta bu'o zhes bya ba shes nas the tshom med cing nem nur med par gyur te/ de'i tshe bcom ldan 'das la tshigs su bcad pa dag gis mngon par bstod ngo /
70a8 'gro ba kun gyis mchod pa gang bgyis dang / /sprul pa'i mchod pa 'di dag gang bgyis dang / /lha rnams kyis ni sangs rgyas mchod byas pa/ /de ltar chos 'di thams cad sprul pa nyid/ 'dren pas chos kun
70b1 gsungs pa gang lags dang / /de bzhin gshegs pas lung bstan mtha' dag kyang / /'di dag thams cad sprul pa 'dra'o zhes/ /de ltar lha tshogs de dag blo gros skyes/ /bcom ldan sprul pa 'di dag ji bzhin
70b2 du/ /ston pa'ang de bzhin sprul dang 'dra ba ste/ /rgyal bas lung bstan bdag cag 'tshal gyur pas/ /'di la bdag cag the tshom ma mchis so/ /rgyal bas so so'i skye bo rnams mkhyen nas/ /byis
70b3 pa'i sa thob tha snyad gang btags pa/ /de dag kun kyang sprul pa ji bzhin te/ /bde gshegs 'gro ba lung bstan de bzhin no/ /slob pa rnams dang gang dag mi slob dang / /bcom ldan nyan thos dul ba'i sa thob
70b4 pa/ /de dag kun kyang bcom ldan sprul dang 'dra/ /bcom ldan bstan la the tshom ma mchis so/ /bcom ldan gang rnams mi smra lhur len cing / /bse ru lta bur gnyis med nyon mongs spangs/ /de dag rnams kyang sprul
70b5 'dra bcom ldan 'das/ /bde gshegs bstan la the tshom ma mchis so/ /gang rnams 'gro ba kun la bde phan phyir/ /rgyal ba'i byang chub spyad spyod bag yod pa'i/ /byang chub sems dpa' bde gshegs sras dag
70b6 kyang / /khyad par ma mchis sprul pa 'di dang 'dra/ /bde gshegs rang byung rnam par 'dren pa mchog /stobs bcu shes rab mtha' yas thugs rje can/ /ye shes stobs 'phags 'jig rten gtso bo dag /
70b7 sprul pa 'di 'dra de dag rang bzhin mtshungs/ /'dren pas 'di la chos rnams gang gsungs pa/ /gnas med zhi bsil nyon mongs med gyur cing / /sdug bsngal zhi byed mthar thug grangs med pa/ /
70b8 de yang sprul pa 'di dag ji bzhin no/ /bcom ldan 'di la chos rnams gang dag kyang / /sprul pa'i rang bzhin ma lags de ma mchis/ /gang tshe gau ta ma'i bstan pa 'di/ /bdag cag rtogs nas
71a1 the tshom thams cad spangs/ /sprul pa 'di 'drar chos rnams kun mthong nas/ /bdag cag rnams kyang 'jig rten mgon por 'gyur/ /bde gshegs spyod yul 'di la spyod pa'i rnams/ /the tshom ma mchis rang byung
71a2 'dren par 'gyur/ /de nas bcom ldan 'das kyis de'i tshe sum bcu rtsa gsum ris kyi lha'i bu bye ba phrag brgyad bcu po de dag gi lhag pa'i bsam pa thugs su chud nas 'dzum pa mdzad do/ /de nas tshe dang ldan pa rta thul
71a3 gyis bcom ldan 'das la tshigs su bcad de gsol pa/ gzhal yas grags mnga' mtha' yas gzi brjid can/ /bde gshegs rnams ni rgyu med 'dzum mi mdzad/ /rnam par 'dren pas 'dir ni 'dzum mdzad
71a4 na/ /rgyal bas 'dzum pa'i tshigs gsungs the tshom khum/ /rang byung bde gshegs zhal nas 'dzum pa 'di/ /byung bar rig nas 'jig rten the tshom 'tshal/ /'gro ba'i the tshom thub pas bsal du gsol/ /'gro
71a5 ba 'di dag the tshom ma mchis mdzod/ /lha tshogs 'di dag rab tu yid dga' bas/ /rgyal ba bstod de lha rdzas rnams kyis mchod/ /bde gshegs de dag don du 'dzum pa mdzad/ /rgyal ba 'khor 'di dga' mdzad bka'
71a6 stsal gsol/ /zla ltar dri med 'od mnga' mtha' yas gzi/ /ci nas bde gshegs bka' ni 'di thos pas/ /mgon po 'gro ba thams cad dga' 'gyur bar/ /rgyal ba lha tshogs mchod mkhyen bka' stsal gsol/ /
71a7 bde gshegs lha tshogs 'di yis chos rnams kun/ /sprul pa lta bur rnam par rtogs gyur nas/ /stobs bcu mnga' bas don 'di bka' stsol te/ /rab rib bral ba lha yi bslab pa gsungs/ /skye bo 'di dag the tshom bral
71a8 gyur nas/ /thub pa de ltar byang chub spyod rtsom 'gyur/ /rab tu dpa' ba 'khor 'dis thos gyur te/ /dgongs pa rig nas rgya chen rtsom par 'gyur/ /de nas bcom ldan 'das kyis tshe dang ldan pa rta thul la tshigs su bcad de
71b1 slar bka' stsal pa/ /lha tshogs 'di dag rab tu dga' shes nas/ /rta thul khyod kyis dus dang ldan pa'i tshig /smras pa de ni dus la bab pa ste/ /'dzum pa dris pa de ni lung bstan to/ /lha rnams bsam shes 'dzum pa de dris pa/ /
71b2 des ni khyod kyis 'gro ba'i don chen byas/ /'dzum mdzad pa yi rgyu de ngas bstan gyis/ /dga' zhing dang ba'i sems kyis nga la nyon/ /lha tshogs rnams kyis chos rnams 'di dag ni/ /ma lus sprul pa lta bur shes gyur nas/ /
71b3 chags med ye shes mthong ba dpag med cing / /rab rib bral ba'i 'jig rten mgon por 'gyur/ /srid pa'i rgyud na sngon yang 'khor ba'i tshe/ /mi yi gtso bo gang gA'i bye snyed mchod/ /srid rgyun de na 'di dag thub pa las/ /
71b4 chos rnams sprul pa lta bur ma mthong ngo / /'di dag nga la mchod mchog 'dir byas pas/ /chos rnams sprul pa 'dra bar mngon du mthong / /bde gshegs bstan pa 'di la byas pa ni/ /chus zos mi 'gyur bar chad yod
71b5 mi 'gyur/ /lha tshogs 'di yis nga la mchod byas te/ /chos rnams thams cad sprul pa 'drar shes pas/ /bskal pa pad ma zhes bya byung ba'i tshe/ /smra ba'i zla ba mi yi mchog tu 'gyur/ /khyu mchog ldan
71b6 pa'i ming mchog 'gyur ba ni/ /bde gshegs rab mkhas dbang po'i tog rgyal po/ /chos rnams thams cad sprul pa 'drar ston cing / /'gro ba khrag khrig dpag med 'grel bar 'gyur/ /bde gshegs de dag
71b7 bstan la bag yod pa/ /chos rnams 'di dag sprul pa 'dra bar sems/ /zhig nas de la su sten bag yod pa/ /myur du bla med byang chub mchog zhi 'thob/ /sum bcu rtsa gsum pa lung bstan pa'i le'u ste bcwa lnga
71b8 pa'o// // de nas de'i tshe 'thab bral gyi lha bye ba phrag bzhi bcus lha ma yin rnams nas sum bcu rtsa gsum ris kyi lha'i bar de dag mchod pa yang mthong / lung bstan pa yang thos nas tshim zhing mgu la yi rangs te/
72a1 rab tu dga' zhing dga' ba dang yid bde ba skyes nas bcom ldan 'das kyang lung bstan pa la thogs pa mi mnga' bar shes shing sangs rgyas kyi chos rnams ni nyams dga' ba ste/ de dag thob na ma shes pa 'am/ ma mthong ba 'am/
72a2 ma rtogs pa 'am/ mngon du ma byas pa 'am/ skye ba 'am/ 'gag pa 'am/ las sam/ las kyi rnam par smin pa gang yang med do zhes sangs rgyas kyi chos rnams la 'dod pa bskyed do/ /'di ltar de bzhin gshegs pas kun rdzob dang don
72a3 dam pa gnyis thugs su chud de/ shes par bya ba yang kun rdzob dang don dam pa 'dir zad do/ /de yang bcom ldan 'das kyis stong pa nyid rab tu gzigs/ rab tu mkhyen/ legs par mngon du mdzad pas de'i phyir thams cad
72a4 mkhyen pa zhes bya'o/ /de kun rdzob ni 'jig rten gyi spyod par de bzhin gshegs pas gzigs so/ /don dam pa gang yin pa de ni brjod du med pa ste/ shes par bya ba ma yin pa/ rnam par shes par bya ba ma yin pa/ yongs
72a5 su shes par bya ba ma yin pa/ ma bstan pa/ rab tu ma bstan pa/ ma thos pa/ thos par ma byas pa/ ma shes pa/ rnam par ma shes pa/ ma bstan pa/ ma mthong ba/ ma brtags pa/ 'dzin du ma bcug pa/ rtogs par ma byas pa/
72a6 thob par ma byas pa/ ma thob pa/ nye bar ma bsten pa/ ma bor ba/ ma bzhag pa/ ma spangs pa/ bya ba med pa/ byed pa med pa/ rab tu zhi ba med pa/ ma smad pa/ ma bstod pa/ thob pa ma yin pa/ ma thob pa ma yin pa/ bde ba ma yin pa/
72a7 sdug bsngal ba ma yin pa/ snyan pa ma yin pa/ mi snyan pa ma yin pa/ gzugs ma yin pa/ gzugs med pa ma yin pa/ grangs med pa/ bgrang ba med pa/ 'jig rten med pa/ 'jig rten dang bral ba med pa/ kun nas nyon mongs pa med pa/
72a8 rnam par byang ba med pa 'gro ba med pa/ ldog pa med pa/ ma brtags pa/ rnam par ma brtags pa/ ma g.yos pa/ ma bsams pa/ ma bskyod pa/ mngon par 'dus ma byas pa/ ma spros pa/ spros pa dang bral ba ste/ 'di ltar
72b1 gzugs kyi mtshan ma mi dmigs pa/ tshor ba dang / 'du shes dang / 'du byed dang / rnam par shes pa'i mtshan ma mi dmigs pa/ mig dang / rna ba dang / sna dang / lce dang / lus dang / yid kyi mtshan ma mi dmigs pa/ gzugs dang / sgra dang / dri dang / ro dang /
72b2 reg bya dang / chos kyi mtshan ma mi dmigs pa/ mig gi rnam par shes pa dang / rna ba dang / sna dang / lce dang / lus dang / yid kyi rnam par shes pa'i mtshan ma mi dmigs pa/ mig gi 'dus te reg pa dang / rna ba dang / sna dang / lce dang / lus dang / yid kyi 'dus
72b3 te reg pa'i mtshan ma mi dmigs pa/ mig gi 'dus te reg pa las byung ba'i tshor ba'i mtshan ma mi dmigs pa/ yid kyi 'dus te reg pa las byung ba'i tshor ba'i bar gyi mtshan ma mi dmigs/ /gzugs kyi 'du shes kyi mtshan ma mi
72b4 dmigs pa/ chos kyi bar gyi 'du shes kyi mtshan ma mi dmigs pa/ gzugs su sems pa'i mtshan ma mi dmigs pa/ chos kyi bar du sems pa'i mtshan ma mi dmigs pa/ yid la bya ba'i mtshan ma mi dmigs pa/ sa dang /
72b5 chu dang / me dang rlung dang / nam mkha' dang / rnam par shes pa'i khams kyi mtshan ma mi dmigs pa/ 'dod pa dang / gzugs dang / gzugs med pa'i khams kyi mtshan ma mi dmigs pa/ 'dus byas dang / 'dus ma byas kyi
72b6 mtshan ma mi dmigs pa ste/ 'di ltar chos gang dang gang brjod pa'i rang bzhin gang dang gang gis brjod pa'i chos de dag dang / de brjod pa'i rang bzhin de dang mi brjod pa ste/ sangs rgyas kyi chos rnams ni de ltar nyams dga'
72b7 ba yin na de byis pa so so skye bo thos pa dang mi ldan pa mi shes pa rnams kyis thos na 'jigs shing dngang ba dang / skrag par 'gyur te/ des 'jigs par gyur pas thams cad mkhyen pa'i ye shes las nyams
72b8 par 'gyur te/ de dag na lha dang bcas pa'i 'jig rten gyis mya ngan du bya ba ste/ 'khor ba na yod pa'i sdug bsngal gyi rgyun to zhes te/ de dag gis 'di ltar sangs rgyas kyi chos rnams la 'dod pa bskyed nas sangs rgyas kyi
73a1 chos rnams kyi don du bcom ldan 'das la mchod pa'i phyir brtson par gyur to/ /de dag gis sum bcu rtsa gsum pa'i mchod pa las khyad par 'phags pas bcom ldan 'das la mchod de/ bcom ldan
73a2 'das kyi zhabs la mgo bos phyag 'tshal nas/ bcom ldan 'das la lan gsum bskor ba byas te phyogs gcig tu 'khod do/ /phyogs gcig tu 'khod nas 'thab bral gyi lha de dag gis bcom ldan 'das la
73a3 tshigs su bcad pa dag gis bstod pa/ /rgyal ba khyod kyis phung po dben par gzigs/ /khams dang skye mched rnams kyang de bzhin te/ dbang po'i grong ni mtshan mas dben pa dag /kun kyang thub pa
73a4 khyod kyis ji bzhin gzigs/ /'jig rten mkhas pa'i bden pa gnyis yin te/ /khyod kyis gzhan las ma gsan rang gis gzigs/ /de ni kun rdzob bden dang don dam ste/ /bden pa gsum pa gang yang ma mchis so/ /
73a5 gang gis bde bar gshegs la 'gro ba rnams/ /bde ba'i don du dad pa skyed 'gyur ba/ /rgyal bas 'gro ba rnams kyi don slad du/ /'jig rten phan phyir kun rdzob de bstan to/ /sems can tshogs kyi 'gro drug gang
73a6 bstan pa/ /sems can dmyal dang dud 'gro yi dags dang / /lha min ris dang mi dang lha yi rnams/ /mi yi seng ges kun rdzob btags pa mdzad/ /rigs dma' de bzhin mtho ba'i rigs rnams dang / /phyug po'i khyim
73a7 dang dbul po'i khyim dag dang / /bran gyi tshogs dang de bzhin g.yog gi tshogs/ /bud med tshogs dang skyes pa ma ning dang / /'gro ba'i khyad par ji snyed gang yang rung / /mtshungs med khyod kyis 'jig rten bstan mdzad pa/ /
73a8 kun rdzob bden par mkhas pas thugs chud nas/ /'jig rten phan pas mi la de bstan to/ /de la dga' ba'i 'gro ba 'khor ba na/ /'gro ba'i chos brgyad de la mi 'byung ste/ /thob dang ma thob snyan dang mi snyan dang / /
73b1 bstod dang smad dang bde dang sdug bsngal lo/ /thob pa rnyed na de la chags pa skyed/ /ma thob gyur na des kyang 'khrug par 'gyur/ /gang gzhan ma bstan tshul 'dis shes par bya/ /nad rnams brgyad kyis de rgyud gnod par 'gyur/ /kun rdzob
73b2 de la don dam su smra ba/ /de dag nor ba'i blo ldan shes par bya/ /mi sdug sdug dang sdug bsngal bde ba dang / /bdag med rang bzhin bdag tu smra ba dang / /mi rtag chos la rtag ces smra bgyid cing / /de la dga' ste mtshan mar gang gnas pa/ /
73b3 de dag bde gshegs gsung ni thos gyur na/ /'jigs shing ji bzhin mi rtogs spong bar 'gyur/ /de dag bde gshegs gsung ni spangs gyur pas/ /sems can dmyal bar sdug bsngal mi bzad myong / /de dag tshul min bde ba tshol
73b4 bgyid kyang / /sdug bsngal brgyad dag byis pas myong bar 'gyur/ /'jig rten phan pa'i bstan pa su zhig gis/ /ma log blos ni rnam par rtogs gyur na/ /sbrul gyi lpags pa rnying ltar rab spangs te/ /srid pa kun las 'das nas zhi
73b5 bar 'gyur/ /chos 'di thams cad rang bzhin dben pa ste/ /stong pa mtshan ma med pa don dam zhes/ /gang gis thos nas dga' ba bskyed 'gyur ba/ /de dag bla med byang chub thob par 'gyur/ /ji ltar bde bar gshegs pas gsungs
73b6 pa'i chos/ /de la lha rnams the tshom ma mchis te/ /'gro ba thams cad yongs su dgrol ba'i phyir/ /de dag bla na med pa'i byang chub tshol/ /byang chub blo can rnam dag blo can rnams/ /skyes bu mchog gis dga' ba bskyed du
73b7 gsol/ /de thos 'gro ba kun la sman slad du/ /bla na med pa'i byang chub thob par 'gyur/ /de nas de'i tshe bcom ldan 'das kyis 'thab bral ris kyi lha bye ba phrag bzhi bcu po dag gis lhag pa'i bsam pa thugs su chud nas de'i
73b8 tshe 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol pa/ 'jig rten phan pas 'dzum pa gang mdzad des/ /khyod kyi 'khor ni the tshom 'tshal bar 'gyur/ /mi mchog 'dzum
74a1 pa'i rgyu de bka' stsal gsol/ /des ni 'khor 'dir rab tu dga' bar 'gyur/ /lha rnams lung bstan de ni thos gyur na/ /'khor 'di shin tu dga' zhing mgu bar 'gyur/ /rigs pa ldan pa bstan pa 'di nyid la/ /bde
74a2 bar nan tan bgyid cing rtsom par 'gyur/ /rgyal ba khyod 'khor 'di ni mchog ldan te/ /drang srong chen po sangs rgyas yon tan snod/ /'gro ba 'di rnams bsdu bar mdzad slad du/ /snyan pa'i gsung ni legs par brjod du gsol/ /
74a3 sangs rgyas yon tan mthu dag thos gyur na/ /skye dgu kun la rab tu sman par 'gyur/ /bde bar gshegs pas lung bstan de thos na/ /mkhas pa rnams ni tshul bzhin rtsom par 'gyur/ /mi yi dam pa smra ba'i
74a4 mchog gis 'dir/ /the tshom 'tshal ba'i nem nur legs par sol/ /'khor rnams thams cad thos par dga' zhing sdong / /lha rnams lung bstan pa ni bka' stsal gsol/ /kun kyang rim gror gus par rna
74a5 blags te/ /khyod kyis lung bstan rab tu dga' ba la/ /sgrib pa rab tu spangs shing de dag nyan/ /'jig rten phan phyir skyes bu mchog gis gsungs/ /de nas bcom ldan 'das kyis tshe dang ldan pa rta thul la tshigs
74a6 su bcad de slar bka' stsal pa/ /'jig rten phan phyir mkhas pas 'dzum mdzad pa/ /rta thul khyod kyis dris pa dus dang ldan/ /sangs rgyas yon tan mthu ni thos gyur na/ /skye bo tshogs chen rnams kyi don du
74a7 'gyur/ /sangs rgyas yon tan tshogs la blo zhan cing / /'dod chags blo dang zhe sdang blo ldan dang / /tshe rabs brgyar ni rtsod pa'i blo can dang / /gti mug blo can dga' ba skyer mi 'gyur/ /gang rnams rgyal bas
74a8 bstan la dga' ba dang / /gang gis rgyal ba rnams la sngon dris dang / /gang rnams snying rje che dang ldan pa dag /de kun sangs rgyas yon tan ldan par 'gyur/ /gang gis 'gro ba gdon zin mthong gyur te/ /mi yi
74b1 seng ge snying rje skyed byed pa/ /de dag sangs rgyas yon tan 'di thos nas/ /ud pal phreng bzhin mgo la khyer bar 'gyur/ /nga yi 'khor 'di rab tu dga' 'gyur pa/ /sngon gyi rgyal la bsnyen bkur sngon
74b2 byas te/ /de dag sangs rgyas yon tan yid 'ong 'di/ /me tog phreng bzhin de dag yang dag lta/ /'thab bral lha rnams sngon gyi rgyal kun la/ /bsnyen bkur byas shing chags pa spangs pa ste/ /nyon mongs dmad cing sangs rgyas
74b3 blo ldan 'gyur/ /snying rje ldan zhing nyon mongs med blo ldan/ /rgyal ba mi yi seng ge gang gA yi/ /bye snyed kun la sngon chad bsnyen bkur byas/ /byang chub bla na med par smon byed cing / /dge ba mtha' yas 'di dag kun gyis
74b4 byas/ /sems can nyon mongs 'dam bying rig gyur nas/ /sdug bsngal gyur pa rnams la snying rje skyed/ /de dag mi mchog sems can phan mdzad la/ /chos tshul mtha' yas yongs su dris par 'gyur/ /gang thos
74b5 nas ni rnam par 'dren 'gyur ba/ /rnam 'dren chos la 'jug pa 'chad par 'gyur/ /mi yi nyon mongs spyod pa rab mkhyen nas/ /de dag rnams la rgya chen mos kyang 'chad/ /rnam 'dren skyes bu dam pa'i mchog de dag /
74b6 rang bzhin med pa stong pa nyid kyang 'chad/ /de dag rgyal ba'i gsung de thos gyur nas/ /'gro ba thams cad stong par rab tu rtogs/ /cis stong zhe na mtshan ma'i rnam pas stong / /rang bzhin med cing mtshan ma med
74b7 pa smra/ /rgyal ba'i chos rnams de ltar shes gyur nas/ /kun kyang sangs rgyas yon tan rnams la gnas/ /de dag nga la mchod pa rgya chen byas/ /bdag gis chos bzhin du ni lung bstan nas/ /skar tshogs mnyam pa'i bskal
74b8 pa dam pa la/ /bla na med pa'i byang chub thob par 'gyur / /bde gshegs mnyam pa med pa bye ba phrag /nyi shu nyi shus yongs su gang bar 'gyur/ /blo gros dag ces bya ba'i grangs su 'gro/ sems can bsam yas yongs
75a1 su sbyong bar 'gyur/ /'thab bral 'khod pa'i lha yi bsam pa rnams/ /rta thul gyis ni yongs su zhus byas pa/ /rgyal ba dgra rgyal drang srong chen po yis/ /lung bstan lha dang bcas pa'i 'jig rten dag la/ /'thab bral ba
75a2 lung bstan pa'i le'u ste bcu drug pa'o// // de nas dga' ldan ris kyi lha bye ba phrag brgyad bcus lha ma yin rnams nas 'thab bral gyi ris kyi lha'i bar de dag gi mchod pa yang mthong / /lung bstan pa yang thos nas 'di snyam du sems te/
75a3 gang bcom ldan 'das kyis bla na med pa yang dag par rdzogs pa'i byang chub tu lung bstan pa'i chos de gang zhig cig gzugs sam/ 'on te tshor ba 'am/ 'on te 'du shes sam/ 'on te 'du byed dam 'on te rnam par shes pa zhig bcom ldan 'das kyis
75a4 bla na med pa yang dag par rdzogs pa'i byang chub tu lung bstan snyam nas de dag 'di snyam du sems te/ gzugs ni bcom ldan 'das kyis bla na med pa yang dag par rdzogs pa'i byang chub tu lung ma bstan to/ /tshor ba dang / 'du shes dang /
75a5 'du byed dang / rnam par shes pa ni bcom ldan 'das kyis bla na med pa yang dag par rdzogs pa'i byang chub tu lung ma bstan to/ /de ci'i phyir zhe na/ gzugs kyang ma skyes pa/ byang chub kyang ma skyes pa na ji ltar ma skyes pas ma
75a6 skyes pa mngon par rdzogs par 'tshang rgya bar bya/ tshor ba dang / 'du shes dang / 'du byed dang / rnam par shes pa yang ma skyes pa/ byang chub kyang ma skyes pa na de la ji ltar ma skyes pas ma skyes pa mngon par rdzogs par 'tshang
75a7 rgya bar bya/ gzugs kyang 'gag pa med pa/ byang chub kyang 'gag pa med pa/ rnam par shes pa'i bar yang 'gag pa med pa/ byang chub kyang 'gag pa med pa/ gzugs kyang spros pa med pa/ byang chub kyang spros pa med pa/
75a8 rnam par shes pa'i bar yang spros pa med pa/ byang chub kyang spros pa med pa/ gzugs kyang gnyis su med pa/ byang chub kyang gnyis su med pa/ rnam par shes pa'i bar yang gnyis su med pa/ byang chub kyang gnyis su med pa/
75b1 gzugs kyang g.yo ba med pa/ byang chub kyang g.yo ba med pa rnam par shes pa'i bar yang g.yo ba med pa/ byang chub kyang g.yo ba med pa/ gzugs kyang dmigs su med pa/ byang chub kyang dmigs su med pa rnam par shes pa'i bar yang
75b2 dmigs su med pa/ byang chub kyang dmigs su med pa na ji ltar 'gag pa med pa dang / spros pa med pa dang / gnyis su med pa dang / g.yo ba med pa dang dmigs su med pas 'gag pa med pa dang / dmigs su med pa'i bar du mngon par
75b3 rdzogs par 'tshang rgya bar bya/ de ltar chos thams cad mi dmigs na 'di la sangs rgyas ni gang / byang chub sems dpa' ni gang / byang chub ni gang / lung bstan pa ni gang / gzugs ni gzugs kyis stong / tshor ba dang / 'du shes
75b4 dang / 'du byed dang / rnam par shes pa ni rnam par shes pas stong / sangs rgyas ni sangs rgyas kyi ngo bo nyid kyis stong / byang chub sems dpa' ni byang chub sems dpa'i ngo bo nyid kyis stong / byang chub ni byang chub kyi
75b5 ngo bo nyid kyis stong / lung bstan pa ni lung bstan pa'i ngo bo nyid kyis stong ste/ de ltar chos thams cad rang bzhin gyis stong pa la gzugs shes bya ba dang / rnam par shes pa'i bar zhes bya ba dang / sangs rgyas
75b6 zhes bya ba dang / lung bstan pa'i bar zhes bya ba de dag ni tha snyad tsam/ ming tsam/ brda tsam/ kun rdzob tsam/ brjod pa tsam/ gdags pa tsam ste/ de la mkhas pa rnams kyis mngon par zhen par bya
75b7 ba'i mi cha'o/ /'di lta ste/ dper na mi zhig nyal ba'i rmi lam na 'dod pa'i yon tan lnga dang ldan zhing rtse rtse ba las de nyal ba las sang na/ 'dod pa'i yon tan de dag mi mthong ste/ de rjes su dran par mi rnyed cing de ltar
75b8 mi rnyed pa'i phyir sdug bsngal du 'gyur ba de bzhin du byang chub sems dpa'i theg pa la yang dag par zhugs pa rnams kyang byang chub tshol na de dag byang chub dang phrad par mi 'gyur te/ byang chub ma rnyed cing ro
76a1 ma myong bas sdug bsngal du 'gyur ro/ /de ci'i phyir zhe na/ 'di ltar chos thams can ni rmi lam lta bu nor ba ste/ chos de dag gi don ni rnam pa gzhan la so so'i skye bo de dag kyang rnam pa gzhan du zhen to/ /chos de
76a2 dag ni de ltar shes par bya ba yin na de la chos gang zhig sangs rgyas yin/ gang zhig byang chub sems dpa' yin/ gang zhig byang chub yin/ gang zhig lung bstan pa yin/ de ltar chos thams cad dmigs su med de/ so so'i
76a3 skye bo yang dmigs su med/ so so'i skye bo'i chos kyang dmigs su med/ nyan thos kyang dmigs su med/ nyan thos kyi chos kyang dmigs su med/ rang sangs rgyas kyang dmigs su med/ rang sangs rgyas kyi chos kyang
76a4 dmigs su med/ /byang chub sems dpa' yang dmigs su med/ byang chub sems dpa'i chos kyang dmigs su med/ sangs rgyas kyang dmigs su med/ sangs rgyas kyi chos kyang dmigs su med/ byang chub kyang
76a5 dmigs su med/ mya ngan las 'das pa yang dmigs su med do/ /bcom ldan 'das de la ni bdag cag the tshom ma mchis/ yid gnyis ma mchis so zhes gsol nas dga' ldan ris kyi lha'i bu de dag chos
76a6 de dag la the tshom med cing nem nur med par gyur te/ bcom ldan 'das la mchod pa bya ba'i phyir brtson par gyur nas de dag 'thab bral gyi mchod pa las khyad par 'phags pas bcom ldan 'das la mchod pa
76a7 byas te/ bcom ldan 'das kyi zhabs la mgo bos phyag 'tshal nas bcom ldan 'das la lan gsum bskor ba byas te phyogs gcig tu 'khod do/ /phyogs gcig tu 'khod nas bcom ldan 'das la tshigs su
76a8 bcad pa dag gis mngon par bstod pa/ gang dag sangs rgyas yon tan rab gnas pa/ /de dag 'jug pa de bzhin gshegs pas gsungs/ /rnam thar sgo gsum po ni rnyed gyur pas/ /mtshungs pa med pa'i spyod yul
76b1 spyod par 'gyur/ /gzugs dang tshor ba 'du shes ma mchis te/ /sems dang bsam pa de bzhin ma mchis pa/ /chags med blo mnga' rnams kyi spyod yul lags/ /mi yi seng ge phung po dben la dgyes/ /skyes bu
76b2 dam pa mkhas pa de dag gi/ byang chub sems kyang nam yang 'byung ma mchis/ /phung po dben pa'i yon tan myong gyur nas/ /sangs rgyas dgongs la nem nur spangs blo ldan/ /de dag byang chub smon pa ma mchis shing / /
76b3 byang chub sems la'ang de dag mi smod de/ /dga' dang zhum par 'gyur ba ma mchis par/ /bde gshegs sras rnams spyad pa spyod pa bgyid/ /bde gshegs rnams kyis chos rnams mnyam par gzigs/ /de la
76b4 rgyal sras 'jigs dang bral ba rnams/ /yang dag nyid du sangs rgyas legs spyod cing / /mkhas pa de dag 'jig rten 'di na spyod/ /gzugs kyi mtshan ma rnam par gzhig bgyis shing / /mtshan ma'i rnam pa thams cad
76b5 rab spangs te/ /srid pa gsum la de dag yong mi smon/ /dngos po stong par smon lam de dag bgyid/ /phung po 'di dag ma skyes rtogs gyur cing / /lung bstan bde gshegs nyid kyang ma skyes la/ /byang chub sems dpa'
76b6 byang chub kyang ma skyes/ /de ltar gang 'tshal de la rmongs ma mchis/ /skye bo'i chos dang sangs rgyas yon tan rnams/ /de dag kun dang bde gshegs ma skyes te/ /mi yi seng ge de ltar gang 'tshal ba/ /de ni khyod sras
76b7 khyod ni de yi yab/ /gang zhig phung po 'gag pa ma mchis shing / /khams dang skye mched de bzhin rgyal ba'i chos/ /byang chub rgyal ba de bzhin lung bstan pa/ /bcom ldan 'di kun 'gag med 'tshal ba dang / /
76b8 gang rnams byang chub 'tshal zhing spyod bgyid pa/ /'jig rten mkhas pa de dag 'gag ma mchis/ /'gro ba thams cad 'gag med blor gyur na/ /de 'dra'i blo ldan byang chub rnyed mi dka'/ /phung po skye mched dag dang khams
77a1 rnams dang / /byang chub rgyal ba rgyal sras mi g.yo bar/ /gang gis 'tshal ba de dag rgyas sras te/ /de dag rgyal ba'i chos 'di 'dzin pa lags/ /phung po sems med de bzhin skye mched dang / /khams dang byang chub rgyal
77a2 ba rgyal sras dang / /lung bstan de bzhin sems pa ma mchis par/ /gang gis 'tshal ba de dag rgyal ba'i sras/ /rang byung phung po dngos nyid stong pa ste/ /khams dang skye mched dag dang rgyal ba dang / /byang chub dang
77a3 ni lung bstan rgyal sras rnams/ /ngo bo nyid kyis stong par gang spyod dang / /phung po spros 'dra de bzhin khams rnams dang / /skye mched rkang gnyis mchog dang byang chub dang / /lung bstan spros pa med par gang
77a4 spyod cing / /de ltar gang 'tshal de dag rgyal ba'i sras/ /gnas pa ma mchis mi gnas ma lags te/ /mchis pa ma lags ma mchis yong ma lags/ /'dus byas ma lags 'dus ma byas ma lags/ /
77a5 de ltar gang 'tshal de dag rgyal ba'i sras/ /rgyal dang 'gro 'di de ltar yongs mthong zhing / /ston pa'i dgongs pa de ltar 'tshal gyur la/ /de ltar bgyis na gang zag mchog mchod cing / /'dren pa 'khor dang bcas
77a6 la bsnyen bkur lags/ /rnam par 'dren pa bstod pa'i bsod nams gang / /ji snyed 'jig rten phan mdzad mkhyen pa yi/ /dge ba de yis 'gro ba rab 'byung ba/ /rgyal ba mtshan mchog ldan pa grub par
77a7 shog /de nas bcom ldan 'das kyis dga' ldan ris kyi lha de dag gi lhag pa'i bsam pa thugs su chud nas 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su
77a8 bcad de gsol pa/ 'dren pa rgyu yi stobs ni gang zhig gis/ /stobs bcu brnyes pa 'di ltar 'dzum mdzad pa/ /'dzum pa'i rgyu de 'dren pas bka' stsal gsol/ /des ni 'jig rten 'di dag dga' bar
77b1 'gyur/ /shAkya thub pa'i zhal nas 'dzum mdzad pa/ /'gro ba 'dis mthong the tshom 'tshal 'gyur te/ /nyan par 'tshal zhig gzhan du mi sems par/ /kun kyang 'jig rten phan pa'i zhal du lta/ /'di ltar dper na nad pa nad
77b2 skyo ba/ /sman pas bsgo ba bzhin du 'dzin bgyid pa/ /de bzhin 'khor 'di lung bstan thos 'tshal zhing / /rkang gnyis dbang po de gshegs zhal du lta/ /'khor 'di thams cad rgya chen ldan pa ste/ /sangs rgyas dgongs
77b3 la zhen pa'i yid dang ldan/ /rgyal bas lung bstan de dag thos 'tshal te/ /kun kyang bde gshegs zhal du lta zhing sdong / /de la rgyal bas thugs rje che bskyed cing / /ci nas 'khor 'di rab tu dgar 'gyur dang / /
77b4 sangs rgyas dgongs la bsam pa gzhog 'gyur bar/ /ye shes stobs kyis the tshom gcad du gsol/ /mi yi khyu mchog lung bstan dus la bab/ /the tshom 'tshal ba'i the tshom bsal du gsol/ /sangs rgyas
77b5 slar sdo'i sgra ni mi mnga' na/ /rtog ge'i tshogs kyi sde ni gzhig tu gsol/ /de nas bcom ldan 'das kyis tshe dang ldan pa rta thul la tshigs su bcad de slar bka' stsal pa/ rta thul khyod kyis 'jig rten sgron mdzad
77b6 la/ /'dzum pa'i don dris de ni dus dang ldan/ /de ltar 'jig rten mkhas la dris pas na/ /de ring 'gro ba 'di yi don chen byas/ /'jig rten phan phyir 'dzum pa 'di mdzad pa/ /gang gis chos rab 'di dag shes
77b7 gyur te/ de la mchod pa rgya chen 'di byas pa'i/ /dga' ldan lha yi bsam pa mkhyen nas mdzad/ /'gro ba yang dag rtogs pa bzhin du mthong / /rgyal ba'i dgongs pas chos nyid brnyed par gyur/ /gang la 'gro ba
77b8 thams cad rmongs gyur ba'i/ /rnam par thar pa'i sgo gsum rab tu rtogs/ /sngon gyi rgyal ba rnams la lhag bya byas/ /bsam pa gcig gis zhu ba legs par zhus/ /de nyid du ni stong nyid legs par bsgoms/ /
78a1 sngon chad byas pa de ni 'dir yang bstan/ /de dag de bzhin gshegs dang deng phrad cing / /skyes bu mchog dang 'grogs pa thob gyur nas/ /stong pa nyid kyis 'dren pa bstod byas pa/ /de ring 'gro ba'i don chen shin du byas/ /
78a2 'gro ba thams cad skye med ji bzhin du/ /byang chub rgyal ba de bzhin lung bstan dang / /gang dag zhi ba thob nas spyod pa dang / /byang chub de bzhin de dag skye ba med/ /'gro ba kun gyi chos nyid 'di 'dra ba/ /de shes byang chub thob par
78a3 'gyur ro zhes/ /lha rnams gang yang de la the tshom med/ /byang chub sems kyis rtag par de ltar spyod/ /de bzhin 'gro ba 'gag med ji bzhin du/ /lha tshogs 'di dag rtogs pa'i blo ldan te/ /mkhas pa 'di dag nem
78a4 nur med pas na/ /de phyir 'di dag rgyal ba rang byung 'gyur/ /gnas pa med pa la ni nges gyur nas/ /g.yo ba med pa de la nem nur med/ /'gro ba kun la sems pa yod min pa/ /de la 'ang lha rnams the tshom yod
78a5 med do/ /chos rnams ngo bo nyid kyis rang bzhin med/ /byang chub sems dang de bzhin byang chub kyang / /thams cad ngo bo nyid kyis rang bzhin med/ /de la 'ang lha rnams the tshom rnam par dag /blo mchog
78a6 ldan pa'i dga' ldan lha 'di rnams / /kun kyang gnas med de la rab gnas te/ /de phyir lha rnams byang chub rnyed mi dka'/ /rang 'byung nyid ni myur du thob par 'gyur/ /'dren pas skar ma 'dra ba'i bskal
78a7 pa la/ /'gro ba mtha' yas rnam par 'grel par 'gyur/ /rgyal ba de dag mtshan du 'gyur ba ni/ /rang byung chos la rnam nges rgyal po'o/ /de ltar rgyal bas dga' ldan lha rnams kyi/ /bsam pa
78a8 mkhyen te 'gro la bstan mdzad pa/ /de thos nas ni lhar bcas 'jig rten yang / /yi rangs gyur cing stobs kyang thob par 'gyur/ /dga' ldan pa lung bstan pa'i le'u ste bcu bdun pa'o// // de nas de'i tshe
78b1 tshe rab 'phrul la sogs pa 'phrul dga' ba bye ba phrag bdun bcus lha ma yin rnams nas dga' ldan ris kyi bar gyi lha de dag gi mchod pa yang mthong / lung bstan pa yang thos nas tshim zhing mgu la yi rangs
78b2 te/ rab tu dga' zhing dga' ba dang yid bde ba skyes nas yang dag pa'i mtha' la gnas shing de bzhin nyid la the tshom med par gyur nas stan las langs te/ bcom ldan 'das kyi zhabs la mgo bos phyag
78b3 'tshal nas bcom ldan 'das ga la ba de logs su thal lo sbyar ba btud te/ bcom ldan 'das la 'di skad ces gsol to/ /bcom ldan 'das kyis gsungs pa'i don bdag gis 'tshal ba ltar na chos thams
78b4 cad ni yang dag pa'i mtha' dang / sgrib pa ma mchis pa'i mtha' dang / mtha' yas pa'i mtha' dang / mi gnas pa'i mtha' dang / mi zad pa'i mtha' dang / mi gnyis pa'i mtha' ste/ mtha' ma mchis pa'o/ /
78b5 bcom ldan 'das de la ma nor ba'i slad du yang dag pa'i mtha' zhes bgyi'o/ /tshad ma mchis pa'i slad du mtha' yas pa'i mtha' zhes bgyi'o/ /chags pa ma mchis pa'i slad du sgrib pa ma mchis pa'i mtha' zhes
78b6 bgyi'o/ /ngo bo nyid ma mchis pa'i slad du mi gnas pa'i mtha' zhes bgyi'o/ /'byung ba ma mchis pa'i slad du mi zad pa'i mtha' zhes bgyi'o/ /ro gcig pa'i slad du mi gnyis pa'i mtha' zhes bgyi'o/ /
78b7 ma mchis pa'i slad du mtha' ma mchis pa zhes bgyi'o/ /bcom ldan 'das yang dag pa'i mtha' 'di ni thams cad kyi rjes su song ba lags te/ chos gang yang dag pa'i mtha' ma lags pa'i chos de gang
78b8 yang ma mchis so/ /bcom ldan 'das byang chub ces bgyi ba 'di ni yang dag pa'i mtha' ste/ byang chub gang zhe na/ bcom ldan 'das chos thams cad rang bzhin ma mchis pa ni byang chub lags par rig par
79a1 bgyi'o/ /tha na mtshams med pa rnams kyang byang chub bo/ /de ci'i slad du zhe na/ bcom ldan 'das byang chub ni rang bzhin ma mchis pa ste/ mtshams med pa rnams kyang rang bzhin ma mchis pa
79a2 lags pas de'i slad du mtshams med pa rnams kyang byang chub ces bgyi'o/ /bcom ldan 'das phung po ma lus pa'i mya ngan las 'das pa'i dbyings ni rang bzhin ma mchis pa ste/ mtshams med pa rnams kyang
79a3 de'i rang bzhin no/ /de ci'i slad du zhe na/ bcom ldan 'das chos thams cad ni phung po ma lus pa'i mya ngan las 'das pa'i dbyings te/ mtshams med pa rnams kyang de'i rang bzhin no/ /bcom ldan 'das gang
79a4 su dag yongs su mya ngan las 'da' bar 'tshal ba de dag ni gnod par 'gyur ba'i chos can te/ de ci'i slad du zhe na/ gal te 'khor bar zhugs pa zhig mchis na ni mya ngan las 'da' ba yang btsal bar 'gyur na/
79a5 yang dag pa'i mtha' la ni 'khor bar zhugs pa gang yang ma mchis na ni de mya ngan las 'das pa ci zhig tshol bar 'gyur/ bcom ldan 'das yang dag pa'i mtha' ni gnyis su ma mchis pa ste/ bcom ldan
79a6 'das de la bdag cag som nyi ma mchis the tshom ma mchis so/ /bcom ldan 'das gang la la zhig chos 'di la nem nur dang the tshom ma mchis na de ni sngon gyi de bzhin gshegs pa dgra bcom pa yang
79a7 dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu lung bstan par 'tshal bar bgyi'o/ /de nas bcom ldan 'das kyis de'i tshe lha'i rgyal po rab 'phrul
79a8 la sogs pa/ 'phrul dga' ris kyi lha bye ba phrag bdun bcu po de dag rang gis rang lung bstan pa gsan nas 'gro ba thams cad rab tu dga' bar bya ba'i phyir de'i tshe 'dzum pa mdzad do/ /de nas tshe dang ldan pa rta thul
79b1 gyis bcom ldan 'das la tshigs su bcad de gsol pa/ 'jig rten phan par bzhed pas 'dzum pa mdzad/ /'dzum pa'i rgyu ni khyod kyis ma bstan te/ /rang byung skyes bu dam pa gang dag kyang / /rgyu ma mchis par 'dzum pa mi
79b2 mdzad pas/ /khyod kyi zhal nas 'dzum pa de mdzad pa/ /mthong nas lhar bcas 'jig rten the tshom 'tshal/ /'dzum pa'i rgyu de gang lags rang byung gsungs/ /the tshom 'tshal ba'i the tshom bsal du gsol/ /khyod kyis
79b3 'dzum mdzad rgyu de thos gyur na/ /'khor 'di thams cad ngo mtshar thob par 'gyur/ /byang chub mchog ni yongs su bsgrub slad du/ /de dag lam mchog shin du rnam dag 'gyur/ /the tshom 'tshal ba dag ni nam du yang / /
79b4 byang chub yid bzhin bde bar mi 'grub ste/ /the tshom som nyi bsal nas mkhas pa rnams/ /byang chub mchog gi rgyu dang skal ldan 'gyur/ /rkang gnyis dbang po khyod kyis 'khor 'di dag /sdig pa yongs spangs
79b5 byang chub sems dang ldan/ /lha rnams lung bstan de dag thos gyur na/ /rgyal ba'i go 'phang rgya chen thob par 'gyur/ /de bas rgyal bas thugs rje che bskyed cing / /the tshom 'tshal ba rnams la thugs brtse bas/ /
79b6 lha tshogs 'di dag thams cad lung bstan cing / /'gro ba 'di dag thams cad dga' bar mdzod/ /de nas bcom ldan 'das kyis tshe dang ldan pa rta thul la tshigs su bcad de slar bka' stsal pa/ /ngas ni 'jig rten
79b7 phan phyir 'dzum pa mdzad/ /rta thul khyod kyis zhu ba de zhus pa/ /lung bstan de ni khyod la ma lus par/ /bstan par ngas byas dang bas kun kyang nyon/ /'phrul dga'i ris kyi lha tshogs 'di rnams kyis/ /
79b8 thams cad mkhyen par bdag cag lung bstan te/ /mu stegs tshogs kyis bsam pa zil mnan nas/ /'khor 'dir seng ge'i nga ro chen po bsgrags/ /gnam du rdo 'phangs sa la ltung ba ltar/ /
80a1 de la the tshom za bar mi 'gyur te/ /de ltar the tshom med pa'i tshul thob pa/ /bdag cag nyid ni stobs bcur 'gyur bar shes/ /nyi ma nub gyur nam sros gyur pa'i tshe/ /mi rnams zla ba myur du 'char bar shes/ /
80a2 de bzhin rgyal ba'i sras po tshul thob dag /bdag cag nyid ni stobs bcur 'gyur bar shes/ /skar tshogs dbus na zla ba gnas pa ni/ /sems can mtshungs par 'di la the tshom med/ /de bzhin rgyal ba'i sras po
80a3 tshul thob dag /bdag cag thams cad mkhyen du 'gyur bar shes/ /ji ltar nyi ma nub par gyur pa'i tshe/ /nyi ma mi mthong sems can de dag shes/ /de bzhin bde gshegs sras po tshul shes pa/ /ye shes dam pa thob par
80a4 'gyur du shes/ /chu klung ji ltar gzhol bar 'bab 'gyur zhing / /rgya mtshor 'bab par mkhas pa rnams kyis shes/ /de bzhin bde gshegs sras po tshul shes pa/ /byang chub rgya chen thob par 'gyur bar shes/ /ji ltar gnam du
80a5 bong ba 'phangs pa ni/ /sa la lhung bar 'gyur du the tshom med/ /de bzhin rgyal sras mkhas pa de dag kyang / /'jig rten mkhas par myur 'gyur ye shes 'jug /gang thos nas ni the tshom med 'gyur zhing / /sangs rgyas yon tan gnas
80a6 par bdag shes la/ /rang gi sar nye lag stong ma yin par/ /mkhas pa rnams kyi chos nyid rab tu mthong / /gal te bdud kyi tshogs ni bye ba dag /sangs rgyas gzugs bsgyur bar chad smras byas kyang / /chos la
80a7 mkhas pa chos nyid rab mthong ba/ /de dag byang chub las ni bzlog mi nus/ /de ltar sangs rgyas yon tan rab gnas shing / /bdag gis bdag nyid lung bstan brjod byed pa/ /de la 'dren pa cho ga tshul mkhyen pa/ /mi
80a8 dbang lung bstan de la yi rang mdzod/ /de ltar lha tshogs 'di dag tshul 'di la/ /gzhan gyi dring la mi 'jog mngon shes shing / /de dag bde gshegs 'gyur zhes rang smra la/ /'jig rten mkhas pa rjes su yi rang
80b1 mdzad/ /rta thul de bas mkhas pa gang gi rnams/ /bla med byang chub thob par byar sems pa/ /de dag tshul 'di shes par gang gyur pa'i/ /'phags pa'i skye bo mkhas la bsten par bya/ /gang dag tshul la 'jug pa rab mthong zhing / /
80b2 mkhas pa gang dag dge bshes bsnyen bkur ba/ /de dag byang chub lags mthil 'dra bar gsal/ /tshul shes de dag rang gis rang 'byung 'gyur/ /gang gis bskal pa stong du dka' thub spyad/ /sha khrag lpags la mi lta byas pa
80b3 bas/ /gang gis tshul 'di skad cig rtogs gyur na/ /de ni khyad 'phags dka' thub de ltar min/ /'das pa'i rang byung gang rnams byung ba dang / /ma 'ongs sems can phan bzhed gang byung dang / /da ltar dus na 'dren pa gang bzhugs
80b4 pa/ /kun kyang tshul gyis bde bar gshegs pa thob/ /rab 'phrul lha tshogs thub pa'i tshul shes pa/ /'di dag nga la mchod pa mchog byas shing / /'dren pa thams cad bsnyen bkur rab byas na/ /tshul gyis su ni rang 'byung thob par
80b5 'gyur/ /'jig rten mkhas pa'i ting 'dzin gang yin pa/ /de yis rgyal ba rang byung gnas pa'i rnams/ /de dag thams cad rgyal ba'i spyod yul po/ tshul thob rnams kyis mngon bsten myur du 'thob/ /de la rta thul sangs rgyas
80b6 sras rnams ni/ /sangs rgyas gnas pa de la nem nur med/ /sangs rgyas tshul la sems can rnam rtse ba/ /tshul shes pa dag ston pa'i lam la spyod/ /de ltas tshul la dad pa'i yid byas te/ /brtsam par bya yi sdug bsngal
80b7 spyod la min/ /rtag tu dge bshes mkhas pa bsten byas na/ /bla med byang chub myur du thob par 'gyur/ /bde bar gshegs pa'i gsung mchog thos nas ni/ /'khor kun rgyal ba'i byang chub yi rangs te/ /rjes su yi
80b8 rang the tshom med gyur nas/ /mthar phyin blo gros la ni zhugs par gyur/ /'phrul dga' ba lung bstan pa'i le'u ste bcwa brgyad pa'o// // bam po bdun pa/ de nas de'i tshe lha'i rgyal po dbang sgyur la sogs pa gzhan 'phrul dbang
81a1 byed ris kyi lha khrag khrig phrag brgyad bcus lha ma yin rnams nas 'phrul dga'i lha'i bar dag gis mchod pa yang mthong / lung bstan pa yang thos nas tshim zhing mgu la yi rangs te/ rab tu dga' zhing dga'
81a2 ba dang / yid bde ba bskyed nas bcom ldan 'das la 'di skad ces gsol to/ /bcom ldan 'das 'phrul dga'i lha rnams kyis yang dag pa'i mtha' zhes gang smras pa de la bdag cag gis ni yang dag pa yang mi dmigs
81a3 na de'i mtha' lta smos kyang ci 'tshal/ de ci'i slad du zhe na/ bcom ldan 'das gang la la zhig gis yang dag pa dmigs na ni mtha' yang des dmigs par 'gyur te de ni gnyis kyis spyod pa'o/ /de lta bu de ni theg pa
81a4 la yang dag par zhugs pa'i rigs kyi bu dang / rigs kyi bu mo rnams kyi spyod yul ma lags so/ /bcom ldan 'das gang la la zhig gnyis su ma mchis pa'i chos rnams la chos rnams ni gnyis su med do zhes
81a5 mi spyod ma mos na de 'di snyam du bdag gis byang chub mngon par rdzogs par 'tshang rgya bar bya'o snyam du sems su lags kyang / de ni lam log par zhugs par 'tshal bar bgyis pa'o/ /de ci'i slad du zhe na/ bcom ldan
81a6 'das gang 'di byang chub tu smon pa de ni lam log par zhugs pa lags te/ bcom ldan 'das gang mngon par rdzogs par 'tshang rgya bar bgyi ba'i chos de gang yang ma mchis so/ /de ci'i slad du zhe na bcom ldan
81a7 'das chos 'ga' zhig dmigs par gyur na byang chub mngon par rdzogs par 'tshang rgya bar mi nus so/ /bcom ldan 'das chos ni 'das pa ma lags/ ma 'ongs pa ma lags/ da ltar byung ba ma lags/
81a8 'dus byas ma lags/ 'dus ma byas ma lags/ dngos po ma lags/ /dngos po ma mchis pa ma lags/ mngon par shes par bgyi ba ma lags/ yongs su shes par bgyi ba ma lags/ spang bar
81b1 bgyi ba ma lags/ bsgom par bgyi ba ma lags/ mngon du bgyi ba ma lags so bcom ldan 'das byang chub ces bgyi ba de yang chos gang gi gnyen po yang ma lags la chos gang yang chos de'i gnyen po ma lags so/ /de ci'i slad du zhe na/ chos
81b2 de ni kun nas nyon mongs pa ma lags/ rnam par byang ba ma lags te/ gang gis chos gzhan gyi gnyen por gyur pa'i chos de yang rang bzhin gyis mi dmigs la gang chos de'i gnyen por gyur ba'i chos gzhan de gang yang rang bzhin gyis
81b3 mi dmigs so/ /de ci'i slad du zhe na/ bcom ldan 'das chos thams cad ni mtshan ma dang bral ba ste/ de dag ni mngon par shes par bgyi ba ma lags/ yongs su shes par bgyi ba ma lags/ spang bar bgyi ba ma lags/ bsgom par bgyi
81b4 ba ma lags/ mngon du bgyi ba ma lags te/ bcom ldan 'das gzugs ni gzugs kyi mtshan ma dang bral ba'o/ /tshor ba dang / 'du shes dang / 'du byed dang / rnam par shes pa ni rnam par shes pa'i mtshan ma dang bral ba'o/ /gzugs kyi skye ba'i mtshan
81b5 ma nas rnam par shes pa'i bar gyi skye ba gang lags pa de yang skye ba'i mtshan ma dang bral ba'o/ /gzugs kyi 'gag pa nas rnam par shes pa'i bar gyi 'gag pa gang lags pa de yang 'gag pa'i mtshan ma dang bral ba'o/ /bcom ldan 'das
81b6 'das pa dang / ma 'ongs pa dang / da ltar byung ba yang 'das pa dang / ma 'ongs pa dang / da ltar byung ba dang bral ba'o/ /'dus byas kyang 'dus byas kyi mtshan ma dang bral ba'o/ /'dus ma byas kyang 'dus ma byas kyi mtshan ma dang bral
81b7 ba'o/ /bcom ldan 'das de ltar ji tsam du phung pos bzung ba 'am/ skye ba dang / 'gag pas bzung ba 'am/ 'das pas bzung ba 'am/ ma 'ongs pas bzung ba 'am/ da ltar byung bas bzung ba 'am/ 'dus byas
81b8 kyis bzung ba 'am/ 'dus ma byas kyis bzung ba de dag ni rnam pa thams cad du mi dmigs te/ de ltar mi dmigs pa de ni mngon par shes par bgyi ba ma lags/ yongs su shes par bgyi ba ma lags/ spang bar bgyi ba ma lags/ bsgom par bgyi ba
82a1 ma lags/ mngon du bgyi ba ma lags te/ bcom ldan 'das gang dag de ltar zhugs pa'i rigs kyi bu dang / rigs kyi bu mo de dag ni byang chub sems dpa'i theg pa la yang dag par zhugs pa zhes bgyi'o/ /de nas gzhan 'phrul dbang byed
82a2 ris kyi lha de dag gis ji ltar shes pa'i chos de ltar lung bstan nas de'i tshe/ bcom ldan 'das la tshigs su bcad pa dag gis mngon par bstod pa/ bcom ldan srid pa mthar 'byin legs par gsungs/ /'dren pas srid
82a3 pa'i snying po ma brnyes na/ /skye bo mi mkhas de dag 'jigs pa yis/ /'khor ba'i pha rol bgrod phyir rab tu zhugs/ /phung po rnams ni kun du mi dmigs te/ /phung po'i mtshan mas phung po stong pa nyid/ /chos gang gang
82a4 gi gnyen por 'gyur ba ni/ /mtshan mas stong ste gang yang ma mchis so/ /ngo bo nyid kyis stong phyir dngos po gang / /yongs shes bya dang spang bsgoms mngon bya ba/ /gang yang ma mchis gang du'ang mi dmigs te/ /dngos po
82a5 rnams ni dngos med rang byung gsung / /byang chub gang yang mtshan mar mi dmigs te/ /byang chub phyogs kyi chos rnams de bzhin no/ /sangs rgyas gang yang mtshan mar mi dmigs te/ /byang chub sems dpa' mtshan
82a6 mas rtogs mi 'gyur/ /mi mkhas gang dag mtshan mar mngon zhen pa/ /de dag byang chub 'tshang rgyar sems bskyed kyang / /mtshan mar spyod cing spyod yul log pa ste/ /blo gros ngan pas byang chub lam mi spyod/ /mtshan
82a7 ma sus spangs sangs rgyas spyod yul la/ /spyod pa de dag sangs rgyas bstan la mkhas/ /mtshan ma de bzhin mtshan ma med spangs te/ /stong dang mi stong de bzhin dmigs med pa/ /mkhas pa de dag byang chub lam la spyod/ /
82a8 de dag byang chub dam pa zhi ba 'thob/ /phas kyi rgol ba kun gyi spyod yul min/ /gnas de nyan thos rnams kyis bgrod bya min/ /rang rgyal rnams kyang de la mi 'gro ste/ /rnam grol sems ldan zag med tha ba med dgra bcom
82b1 bstan pa 'di la gang brtson dang / /de bzhin rang rgyal skyob par gyur pa dag /mkhas pa'i spyod yul de la spyod yul med/ /go 'phang de ni mtshan ma spyod pa dang / /nyi tshe'i stong pa nyid la sgom pa dang / /gang rnams stong pas stong zhes stong smra dang / /
82b2 chos kun rang bzhin yod smras 'thob mi nus/ /sangs rgyas ma smad rnams kyi bslab pa la/ /slob dang rnam bral slob pa slob pa'i rnams/ /mkhas de rtogs pa med pas byang chub rtogs/ /ston pas bstan pa bzhin du
82b3 dgyes byed lags/ /sangs rgyas rkang gnyis gtso bo stong bas na/ /bdag cag bsod nams mi chung gang thob des/ /'gro ba byang chub dam pa 'tshang rgya zhing / mi shes ston mdzad sangs rgyas 'grub par shog /de
82b4 nas bcom ldan 'das kyis de'i tshe lha'i rgyal po dbang sgyur la sogs pa gzhan 'phrul dbang byed ris kyi lha khrag khrig phrag brgyad bcu po de dag gi lhag pa'i bsam pa thugs su chud nas skye bo phal po che de dag gi dge
82b5 ba'i rtsa ba bskyed pa'i phyir de'i tshe 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol pa/ gzhan 'phrul dbang byed lha yi bsam mkhyen nas/ /rkang gnyis gtso bo khyod
82b6 kyis 'dzum mdzad la/ /thub pas 'dzum pa'i rgyu de ma gsungs na/ /rgyal ba 'dzum pa'i rgyu ni bstan du gsol/ /'dren pa rgyu med 'dzum pa mi mdzad ces/ /rgyal ba khyu mchog dam pas de skad gsungs/ /'jig rten don slad
82b7 'dzum pa mdzad pa'i rgyu/ /'dren pas bka' stsol the tshom bsal du gsol/ /drang srong chen po'i zhal nas 'dzum rig nas/ /thub chen khyod kyi 'khor rnams the tshom 'tshal/ /gau tam rgyal ba 'dren pas de dag
82b8 la/ /'jig rten sman slad 'dzum rgyu lung bstan gsol/ /'di dag 'khor ba'i rgyud las rgyab phyogs te/ /mya ngan 'das pa'i sems kyis thal sbyar sdong / /'khor 'di yangs pa'i sems ldan the tshom 'tshal/ /don yod grags
83a1 mnga' som nyi bsal du gsol/ /bde gshegs bstan la the tshom ma mchis te/ /phyir zhing dad bskyed rim gro cher bgyid de/ /the tshom mi 'tshal sems ni grol 'gyur bar/ /rgyal bas skye bo'i the tshom legs par
83a2 khum/ /bde gshegs bstan la 'di dag bder gnas shing / /gang lam rang byung rgyal ba gshegs gyur pa/ /lam de nas ni the tshom ma mchis mchi/ /de bas skye bo'i the tshom bcad du gsol/ /de nas bcom ldan 'das
83a3 kyis tshe dang ldan pa rta thul la tshigs su bcad de slar bka' stsal pa/ /skye bo tshogs chen don dbang brten byas nas/ /tshigs su bcad de dus su gang smras shing / /'dzum pa'i don gyi rgyu ni yongs zhus pa/ /khyod kyi tshig ni dus
83a4 dang ldan pa yin/ /rta thul dri ba de yi don dris pas/ /skye bo tshogs chen 'di yi don byas gyur/ /khyod kyis de dris skye bo tshogs chen dag /byang chub mchog tu yang dag zhugs par 'gyur/ /gzhan 'phrul dbang byed bsam pa
83a5 ngas mkhyen te/ /rta thul 'dzum pa 'di ni ngas bstan to/ /'jig rten mkhyen pa'i bstan pa'i lam de nas/ /don du gnyer ba de dag de bzhin 'dong / /gang gis 'gro ba 'di dag mtshan med par/ /smyig rgyu la ni ji ltar chu bzhin mthong / /
83a6 byis pa'i rmongs pa mkhas pa'i tshul bzhin te/ /de dag rjes su byang chub 'dod pas bslab/ /mtshan ma'i 'du shes spang phyir mi rnams gang / rtag tu mtshan ma mngon dga' 'jig 'gyur zhing / /mtshan ma'i 'du shes log pa'i lam
83a7 du 'dong / /mtshan ma med pa byang chub mchog thob 'gyur/ /med pa'i rtog ldan mtshan mar rnam brtags nas/ /ji ltar brtags nas de ltar 'ching ba yin/ /mtshan ma stong par rnam mthong mkhas pa yi/ /zhi ba dag ni grags
83a8 pa dam pa thob/ /'du shes mtshan can mi mnyam sems rgyud kyis/ /sdig pa brgya dag mi mkhas de dag byed/ /'gro ba kun du sdug bsngal mi chung myong / /de ltar mi mkhas mtshan ma brtag pa byas/ /mtshan mar 'du shes
83b1 pa ni phung po dang / /sangs rgyas byang chub byang chub sems dpa' mthong / /de ltar mtshan ma med cing stong mthong na/ /byang chub gzhal med bla na med pa 'thob/ /'du shes mtshan ma can la nyon mongs 'phel/ /mtshan ma
83b2 med pa kun du sbyor ba spong / /mtshan ma las ni kun sbyor gzhan med de/ /kun du sbyor ba de nyid mtshan med yin/ /gang rnams byang chub thob par bya rtog pa/ /rtog pa de nyid mi mkhas par chad yin/ /mkhas pa'i longs
83b3 spyod rnam pa thob byed na/ /longs spyod de nyid mtshan ma med par 'gyur/ /chos rnams gang yang rang bzhin nyid kyis med/ /rnam par rtog pas chos byung kun kyang stong / /rtog pa med pas mtshan ma med par 'gyur/ /de nyid
83b4 byang chub gzhan du mkhas me smra/ /rgyal bas gsungs pa de dag thos gyur nas/ /mi 'jigs ldan pa'i 'khor ni the tshom bsal/ /dper na tsam pa'i phreng ba 'dzin pa ltar/ /mkhas rnams thub pas gsungs
83b5 la legs shes 'dzin/ /'jigs pa med pa'i lha tshogs 'di dag gis/ /mchod pa 'phags pa bla na med byas shing / /rgyal ba'i spyod yul chos rnams yongs shes nas/ /'gro ba rnam par 'dren pa kun
83b6 mkhyen 'gyur/ /gzhan 'phrul dbang byed pa lung bstan pa'i le'u ste bcu dgu pa'o// // de nas tshangs ris kyi lha bye ba phrag drug bcus lha ma yin rnams nas gzhan 'phrul dbang byed ris kyi lha'i bar dag
83b7 gi mchod pa yang mthong / lung bstan pa yang thos nas tshim zhing mgu la yi rangs te/ rab tu dga' zhing dga' ba dang yid bde ba skyes nas sngon dge ba'i rtsa ba bsags pa dang / sngon gyi rgyal ba la bsnyen bkur
83b8 byas pa dang / bsam pa yongs su dag pa'i phyir 'jig rten pa'i bsam gtan la mi 'dod pa skyes shing de bzhin gshegs pa'i bstan pa 'di la ni snang ba thob ste/ chos zab mo la bzod pa thob par gyur nas de
84a1 dag gis chos thams cad byas pa yang ma yin/ ma byas pa yang ma yin zhes bya bar shes par gyur to/ /de bzhin du skyes pa yang ma yin/ ma skyes pa yang ma yin/ byung ba yang ma yin/ ma byung ba yang ma yin/ grub pa yang ma
84a2 yin/ ma grub pa yang ma yin/ 'gag pa yang ma yin/ ma 'gag pa yang ma yin/ gnas pa yang ma yin/ mi gnas pa yang ma yin/ kun nas nyon mongs pa yang ma yin/ rnam par byang ba yang ma yin/ rjes su chags pa yang
84a3 ma yin/ khong khro ba yang ma yin/ rmongs pa yang ma yin/ ma rmongs pa yang ma yin/ shes pa po yang ma yin/ shes pa po med pa yang ma yin/ mthong ba po yang ma yin/ mthong ba po med pa yang ma yin/ tshor ba po yang ma yin/
84a4 tshor ba po med pa yang ma yin/ ston pa po yang ma yin/ ston pa po med pa yang ma yin/ yod pa yang ma yin/ med pa yang ma yin/ dngos po yang ma yin/ dngos po med pa yang ma yin/ dmigs pa yang ma yin/ mi dmigs pa yang
84a5 ma yin/ 'gro ba yang ma yin/ 'ong ba yang ma yin/ song ba yang ma yin/ 'ong ba yang ma yin/ stong pa yang ma yin/ mi stong pa yang ma yin/ mtshan ma yod pa yang ma yin/ mtshan ma med pa yang ma yin/ smon pa yod
84a6 pa yang ma yin/ smon pa med pa yang ma yin/ smon pa med pa yang ma yin no zhes bya bar shes par gyur to/ /de dag de ltar chos thams cad la yong mi gnas pa'i yid kyis de dag ming la yang mi gnas/ tha snyad la yang mi gnas/ brjod pa la
84a7 yang mi gnas/ de dag ni brjod pa'i 'du shes can yang ma yin brjod du med pa'i 'du shes can yang ma yin/ bya ba'i 'du shes can yang ma yin/ bya ba med pa'i 'du shes can yang ma yin/ so so'i skye bo'i 'du shes can yang ma yin/
84a8 so so skye bo ma yin pa'i 'du shes can yang ma yin/ so so'i skye bo'i chos kyi 'du shes can yang ma yin/ so so'i skye bo ma yin pa'i chos kyi 'du shes can yang ma yin/ nyan thos kyi 'du shes can yang ma yin/ nyan thos
84b1 ma yin pa'i 'du shes can yang ma yin/ nyan thos kyi chos kyi 'du shes can yang ma yin/ nyan thos ma yin pa'i chos kyi 'du shes can yang ma yin/ rang sangs rgyas kyi 'du shes can yang ma yin/ rang sangs rgyas ma yin pa'i
84b2 'du shes can yang ma yin/ rang sangs rgyas kyi chos kyi 'du shes can yang ma yin/ rang sangs rgyas ma yin pa'i chos kyi 'du shes can yang ma yin/ byang chub sems dpa'i 'du shes can yang ma yin/ byang chub sems dpa' ma yin
84b3 pa'i 'du shes can yang ma yin/ byang chub sems dpa'i chos kyi 'du shes can yang ma yin/ byang chub sems dpa' ma yin pa'i chos kyi 'du shes can yang ma yin/ sangs rgyas kyi 'du shes can yang ma yin/ sangs rgyas
84b4 ma yin pa'i 'du shes can yang ma yin/ sangs rgyas kyi chos kyi 'du shes can yang ma yin/ sangs rgyas ma yin pa'i chos kyi 'du shes can yang ma yin/ mya ngan las 'das pa'i 'du shes can yang ma yin/ mya ngan las 'das pa
84b5 ma yin pa'i 'du shes can yang ma yin/ 'khor ba'i 'du shes can yang ma yin/ 'khor ba med pa'i 'du shes can yang ma yin te/ de ltar thams cad kyi thams cad du rtog pa med pa'i blo can nam mkha'i bzhin du dag cing gos
84b6 pa med par gyur nas de rnams dag pa dang gos pa med pa'i phyir de'i tshe de dag zhi bas/ bcom ldan 'das la tshigs su bcad pa dag gis mngon par bstod pa/ zhi la zhi ba'i thugs mnga' zhi ba spyad cing zhi ba'i pha rol byon/ /
84b7 zhi ba bsten par mdzad cing 'gro la zhi ba bsten pa rjes su ston/ /zhi ba'i spyod yul dgyes shing byang chub zhi la dri bral 'khrugs ma mchis/ /khyod kyis 'chi med zhi ba 'gro rgyud thams cad zad pa myur du brnyes/ /zhi ba thob par bgyid
84b8 pa'i zhi ba'i lam mchog zhi ba yang dag pa bsten/ /yan lag brgyad pas nyon mongs klong rnams zhi mdzad 'gro ba thams cad bton/ /sngon gyi rgyal bas bsten pa'i byang chub gzhal yas zhi ba de la 'god/ /de bsten
85a1 sangs rgyas 'phags pas bsten pa'i grong khyer zhi bar deng zhes gsung / /'dren pa de ltar 'gro ba 'di la rgyal bas bsten pa'i bslab pa bstan/ /gal te bslab pa de slob 'gro ba 'di dag gzhal yas 'thob/ /bslobs
85a2 nas zhi zhing yid zhi zhi ba'i lam dong dbang po zhi ba dag /'jig rten mkhas pa 'gro ba zhi byed mthu chen zhi ba shes par 'gyur/ /'dren pa khyod kyi sras mchog zhi ba bgyid gang dag gis/ /'chi med zhi ba mtshan ma thams cad zad pa rnam par
85a3 rtog gyur pa/ /de dag 'dren pa tshul la mkhas pa mchod pa mchog gis mchod par 'gyur/ /nyon mongs zhi zhing mtshan ma kun spangs zhi ba rtag tu ston par 'gyur/ /'gro ba thams cad zhi zhing mtshan ma bral ba de nyid mya ngan 'das/ /thub pa gang dag zhi
85a4 las zhi 'dod sems pa de dag nyon mongs 'gyur/ /rgyal ba khyod kyi byang chub dang ni 'gro kun chos kun bsam mi khyab/ /thub pa blo ldan 'das las rgal ba de la bdag cag dogs ma mchis/ /gang dag phung po bor te byang chub zhi tshol de la zhi bar rtogs/ /
85a5 phung po 'jigs pa de dag shAkya thub pa'i bstan la dga' ma lags/ /dben pa'i blo gros ldan pa zhi tshol de dag blo 'khrugs gyur pa ste/ /chos kyi mtshan ma spyod yul 'di dag byis pa zhes ni ston pas gsungs/ /thams cad mkhyen pas zhi dang mtshan
85a6 ma'i 'ching ba 'di dag gsungs/ /thub pa gang dag phung po rnams la rnam pa kun du mtshan mi rnyed/ /de dag shAkya thub pa'i bstan pa mdzes byed gang dag mtshan med dga'/ /de dag byang chub skyon bral zhi ba mkhas pa'i spyod yul thob par 'gyur/ /
85a7 bdud kyi rtsod las rgyal nas nyon mongs zhi ba'i thams cad mkhyen pa 'thob/ /rnam 'dren zhi ba mdzad la bstod pas bdag cag bsod nams gang rnyed pa/ /chags med thugs mnga' bde bar gshegs pas 'di tsam zhes ni mkhyen gyur pa/ /des ni 'gro ba thams cad
85a8 lam mchog thams cad mkhyen pas bsten gyur pa/ /zhi byed zhi ba bstan nas mkhas pas mchod pa'i rang 'byung sdig med shog /de nas mi mjed kyi bdag po tshangs pas tshangs pa rnams dang / lha rnams kyis bcom ldan 'das la bstod par rig nas
85b1 bdag nyid kyis tshul dang 'dra ba'i tshigs su bcad pa dag gis bcom ldan 'das la mngon par bstod pa/ mi dbang khyod kyis chos rnams thams cad ni/ /log pa rmongs byed chang pa stong 'dra zhing / /ston gyi sprin 'dra mig 'phrul 'dra
85b2 bar mkhyen/ /rgyal bas 'dod pa'i yon tan med par mkhyen/ /ji ltar mi zhig rmi lam bkres gyur pas/ /kha zas ro brgya zos kyang ma 'drangs pa/ /de la bkres med zad med sems can med/ /rmi lam de 'drar chos rnams thams cad
85b3 gzigs/ /skom pa'i mi zhig nyal ba'i rmi lam na/ /chu bsil dang zhing rnyog med 'thungs gyur kyang / /ngoms med tsha ba zhi bar mi 'gyur te/ /de bzhin khyod kyis chos rnams thams cad gzigs/ /'di la byed med tshor
85b4 med sems can med/ /byas pa de bzhin med cing rnam smin med/ /'bras bu myong bar 'grur ba de med ces/ /'di 'dra'i chos mkhyen the tshom yod mi mnga'/ /mi zhig yid du 'ong ba'i tshig smra na/ /dga' bar 'gyur yang
85b5 tshig la 'pho ba med/ /tshig nyid med cing dgar 'gyur dngos kyang med/ /de mkhyen de la the tshom yod mi mnga'/ /pi bang sgra snyan mnyan na rnar snyan te/ /sgra de rang bzhin gang yang yod pa min/ /de ltar mkhas pas phung
85b6 po 'di gzigs na/ /phung po'i rang bzhin gang yang dmigs mi mnga'/ /nor bu rin chen rang bzhin gsal dag pa/ /gos kyi drung bzhag sna tshogs tshon du 'gyur/ /de ltar rang bzhin yongs dag chos rnams kyang / /
85b7 log pa'i rnam par rtog pas de ltar gyur/ /tsan dan dri med skyon dang bral ba yang / /rkyen dang sbyar na dri zhim gzhan du 'gyur/ /de ltar rang bzhin yongs dag chos rnams kyang / /so so rang gis brtags pa'i rnam pa
85b8 bzhin/ /ji ltar mi yis dung gi sgra thos te/ /sgra 'di ga las byung zhes brtag byas kyang / /rang bzhin gyis stong dngos po de mi dmigs/ /mi dbang khyod kyis de bzhin chos kun gzigs/ /ji ltar mi zhig bsod pa'i kha zas la/ /
86a1 yan lag srog phan ji ltar 'gyur brtags na/ /dngos med yan lag srog kyang de bzhin te/ /drang srong chen pos de bzhin chos kun gzigs/ /ji ltar mi zhig nam mkha'i 'ja' mthong na/ /yan lag gzhigs brtags
86a2 rang bzhin med cing stong / /nam mkha'i 'ja' bzhin khyod kyi yan lag stong / /drang srong chen pos de bzhin chos kun gzigs/ /grong khyer mchog kyang yan lag rnam gzhigs na/ /grong khyer rang bzhin de bzhin ming mi dmigs/
86a3 grong khyer ji bzhin de ltar yan lag stong / /mi dbang khyod kyis de bzhin chos kun gzigs/ /skyes bu dga' bar rnga zhig brdungs bgyis na/ /dga' ba skyed kyang sgra yi rang bzhin stong / /ji ltar sgra bzhin de ltar yan lag stong / /
86a4 mi dbang khyod gyis de bzhin chos kun gzigs/ /skyes bus ji ltar rnga de brdungs pa'i tshe/ /sgra ni phyogs su mi 'gro 'byung ba med/ /phyogs su de bzhin 'gag par mi 'gyur te/ /mi dbang khyod kyis de bzhin chos
86a5 kun gzigs/ /skyes bus ji ltar rnga de brdungs pa'i tshe/ /thogs pa med cing snyan pa'i rang bzhin te/ /khyod kyi yan lag rnga sgra de dang 'dra/ /mi dbang khyod kyis de bzhin chos kun gzigs/ /skyes bus ji ltar rnga de
86a6 brdungs pa'i tshe/ /sgra de 'jig rten dga' byar rtog pa med/ /ji ltar sgra bzhin khyod kyi yan lag stong / /mi dbang khyod kyis chos kun de ltar gzigs/ /skyes bu ji ltar rnga de brdungs pa'i tshe/ /g.yo ba med cing zhi ba'i dngos kyang
86a7 med/ /ji ltar rnga bzhin khyod kyi yan lag stong / /mi dbang khyod kyis de bzhin chos kun gzigs/ /skyes bus ji ltar rnga de brdungs pa'i tshe/ /sgra de yan lag ma byung rang dbang min/ /ji ltar sgra bzhin khyod kyi yan lag stong / /
86a8 mi dbang khyod kyis de bzhin chos kun gzigs/ /de nas bcom ldan 'das kyis tshangs ris kyi lha de dag dang / /mi mjed kyi bdag po tshangs pa de'i lhag pa'i bsam pa thugs su chud cing zhi gnas dang ye shes mthong
86b1 ba'i bstod pa des de ltar bstod pas 'khor de yang dge ba'i rtsa ba bsags par gyur bar gzigs nas di 'i tshe 'dzum pa mdzad do/ /de nas tshe dang rtan rta thul gyis bcom ldan 'das la tshigs su bcad de gsol ba/ shAkya thub pa'i
86b2 zhal nas 'dzum mdzad dri med dag mthong nas/ /lhar bcas klu dang gnod sbyin bcas pa'i 'jig rten kun skyob pa'i 'dzum mthong thams cad ldan pa'i bgro ba the tshom 'tshal/ /bde gshegs zhal bzangs de la lta zhing thos par dga' te
86b3 sdod/ /rgyal ba 'dzum mdzad legs par bka' s+col the tshom dgum du gsol/ /rnam par 'dren pa thub mchog kun mkhyen sangs rgyas 'dren pa rnams/ /rgyu ma mchis par 'jig garten don byed 'dzum mdzad ma mthong na / bde gshegs
86b4 khyod kyis gang slad 'dzum mdzad the tshom rgyu de gsungs/ /rgyal ba 'dzum mdzad rgyu thos 'gro ba rnams ni dga' bar 'gyur/ 'khor 'di the tshom 'tshal nas thal mo sbyar te khyod la sems/ /bde gshegs thub ba'i gsung
86b5 mchog the tshom gcod pa nyan 'tshal na/ /rnam 'dren thub pa 'dzum mdzad rgyu de de deg rnams la gsungs/ /thos nas 'gro ba dga' zhing the tshom ma mchis 'phel bar 'gyur/ /'khor 'di snying po ldan zhing rnyog med sangs rgyas
86b6 yon tan 'tshal/ /ston pa khyod kyi zhal mdzes zla ba mdzes pa 'dra la lta/ /'den pa chags med rdzogs pa tshangs pa 'dra ba'i gsung bsgrags gsol/ /de thos 'khor rnams the tshom chad cing chos la gnas par 'gyur/ /
86b7 khyod kyi tshangs pa'i gsung mchog don ldan 'jig rten 'das rig nas/ /skye po dga' zhing mgu ba'i yid ldan thams cad mkhyen pas tshim/ /de dag dogs bsal sbyangs pa'i yid kyis thams cad mkhyen du sgrub/ /brtson
86b8 'grus stobs chen bskyed nas 'dun pa stobs ldan rtsom par bgyid/ /de lta lags pas 'jig rten 'dren pa phan mdzad gsung bsgrags gsol/ /rkang gnyis dam pa'i gsung mchog mi g.yo thos nas de yis ni/ /dge
87a1 ba thob pa'i 'khor 'di thams cad mkhyen du sems 'gyur bar/ /stobs bcu mnga' ba 'gro ba kun la phan pa legs par dgongs/ /de nas bcom ldan 'das kyis tshe dang ldan pa rta thul la tshigs su bcad de slar
87a2 bka' stsal pa/ /rta thul nga yis phan byed 'dzum pa 'gro ba kun la gang bstan pa/ /rtse gcig yid kyis snyan cing bsngags pa mdzes pa de ni mnyan par byos/ /de thos 'gro ba yon tan bsags pa myur du 'jig rten don byed pa/
87a3 phan dang ldan pa'i bya ba sangs rgyas bka' stsal de la brtson 'grus rtsom/ /tshangs pa kun 'khor 'di dag dga' zhing chos rnams la ni the tshom med/ /bskal pa khrag khrig gang gA'i bye ma snyed du dge ba legs par spyad/ /kun du rnam par
87a4 dag la ma chags yid gyur 'du shes mkha' 'dra ste/ /de ltar gyur kyang bde gshegs byang chub rdzogs par 'tshang rgya sems ma bskyed/ /'di dag ma 'ongs dus na bskal pa bye ba brgya phrag gzhal yas pa/ /gang gA'i bye ma snyed na rdul
87a5 bsal thams cad mkhyen pa'i stobs la gnas/ /de dag phyi nas bde bar gshegs pa che ldan sangs rgyas 'dren che ba/ /srid pa sel cing 'gro ba stong par ston pa'i bcom ldan 'das su 'gyur/ /skyob pa de dag ji ltar spyod pa sku tshe'i tshad kyang de
87a6 ltar 'gyur/ /bde gshegs mtha' yas grags ldan 'jig rten sdug bsngal 'grel cing gnas par 'gyur/ /de dag rnams kyi sangs rgyas zhing ni zhing gi 'byor pa gzhal yas te/ /'dren pa chen po rnams kyis bskal pa khrag khrig rnam pa du mar
87a7 ni/ /sangs rgyas mtha' yas rnams kyis gsungs kyang de dag bkod pa zad mi nus/ /de tshe de dag ye shes stobs ldan zhes bya'i rgyal bar 'thun par 'gyur/ /g.yo ba med cing sems med mi gnas chos ni 'gro la ston par 'gyur/ /de dag zhing
87a8 mchog rnams su skyob pa'i thams cad mkhyen lam sbyangs pa yi/ /sems can gcig kyang mi 'byung srid pa de la phal cher mya ngan 'da'/ /de dag na ni de tshe 'gro ba de dag sdug bsngal gcig shes te/ /mi rtag 'du byed sdug bsngal rab tu 'jigs
87b1 pa thams cad yid 'byung ba'o/ /de na 'gyur ba'i sdug bsngal dang ni sdug bsngal yod mi 'gyur/ /de dag thams cad blo 'thun 'gyur zhing sla ba'i lam la myur bar 'gyur/ /de na mi rnams dag gi sgra skad rang bzhin gzhan ni 'byung mi 'gyur/ /
87b2 mi sdug mi rtag de bzhin nyid dang sdug bsngal de bzhin bdag med dang / /zhi ba stong nyid mtshan med 'chi med mya ngan 'das dang byang chub zhi/ /sgra skad de dag yang dang yang 'byung de dag rna la gnas par 'gyur/ /sgra gang thos nas de dag 'khor ba grol
87b3 gnas thob par mi 'gyur ba/ /de 'dra'i sgra de shing ngam brtsig pa dag dang gang na'ang yod mi 'gyur/ /bla gab med dang mkha' dang gtsug lag khang dang gnas khang rnams na med/ /de tshe sangs rgyas mthu yis yan lag brgyad dang ldan
87b4 pa'i sgra dbyangs 'byung / /de tshe 'dres pa'i nyes pa med cing 'dod chags dang ni zhe sdang dang / /gti mug dag gis gzir ba rnams kyi rnar ni dge ba'i sgra grag 'gyur/ /'gro ba thams cad 'khor ba las ni 'byung zhing mya ngan 'das 'gror
87b5 'gyur/ /de tshe zhing mchog stong pa thams cad dga' ba'i skye bos gang bar 'gyur/ /skyes bu dam pa de dag bskal pa khrag khrig byang chub brtson byas nas/ /drang srong chen po de dag smon lam gyis ni 'byor pa 'di brtsams te/ /zhing
87b6 mchog de na sems can tshogs gang yod pa de kun bde gshegs 'gyur/ /tshangs pa'i smon lam yangs pa rgya chen zhi ba 'gro bas mthong gyur na/ /ji ltar sangs rgyas bka' stsal bzhin du tshangs pa'i tshogs kyis bsten
87b7 gyur pa/ /de la bslabs nas 'gro ba thams cad thogs pa med pa'i 'dren par 'gyur/ /de dag rgyal ba thob nas 'gro ba 'di kun dngos po med ces ston/ /de lta bas na tshul kun 'jug la mkhas pa'i spyod pa bsten par gyis/ /
87b8 tshangs pa lung bstan pa'i le'u ste nyi shu pa'o// // de nas 'od gsal gyi lha bye ba phrag lnga bcu rtsa brgyad kyis lha ma yin rnams nas tshangs pa'i bar gyi lha de dag gi mchod pa yang mthong / lung bstan pa yang thos
88a1 nas tshim zhing mgu la yi rangs te/ rab tu dga' zhing dga' ba dang yid bde ba skyes nas stan las langs te/ bla gos phrag pa gcig tu bgos nas pus mo g.yas pa'i lha nga sa la btsugs te/ bcom ldan 'das
88a2 ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das byang chub sems dpas tshul la 'jug pa'i slad du gang la bslabs nas chos thams cad snang bar 'gyur
88a3 ba'i ting nge 'dzin chos thams cad snang ba zhes bgyi ba mchis te/ des chos thams cad kyi tshul la 'jug pa rtogs par bgyid do/ /de rtogs pas bsam gyis mi khyab pa'i spobs pa dang / thogs pa ma mchis pa'i
88a4 spobs pa dang / byin gyis brlabs pa'i spobs pa dang / sna tshogs kyi spobs pa dang / 'jam pa'i spobs pa dang / dge ba'i spobs pa dang / rigs pa'i spobs pa dang / grol ba'i spobs pa dang / nye bar gyur pa'i
88a5 spobs pa dang / zab pa'i spobs pa dang / phra ba'i spobs pa dang / thun mong ma yin pa'i spobs pa can du 'gyur te/ sangs rgyas kyi spobs pa yang thob par 'gyur ro/ /chos thams cad snang ba zhes bgyi ba'i
88a6 ting nge 'dzin de gang zhe na/ bcom ldan 'das 'di la byang chub sems dpa' sems dpa' chen po chos thams cad kyi tshul la 'jug pa'i slad du rnam par rtog pa dang / rnam par dpyod pa thams cad yid la mi bgyid
88a7 de/ de 'di snyam du chos thams cad ni rnam par rtog pa med de rnam par rtog pa yongs su chad pa'o/ /gang rnam par mi rtog pa de ni thams cad song ba ste/ chos gang yang rnam par rtog par nus pa ma mchis te/
88a8 de ci'i slad du zhe na/ rang bzhin ma mchis pa'i slad du ste/ chos gang la rang bzhin ma mchis pa de la ji ltar rnam par rtog par 'gyur zhes chos thams cad la rnam par mi rtog par a la 'jug pa'i
88b1 spobs pa rab tu thob cing / de dag a'i sgo la zhugs pas spobs pa mtha' yas par 'gyur te/ a zhes bgyi ba ni mtha' yas pa/ kun du mtha' yas pa/ ma bgyis pa/ mngon par 'dus ma bgyis pa/ yongs
88b2 su ma grub pa/ dngos po ma mchis pa/ mi gnas pa/ mi g.yo ba/ 'du ba ma mchis pa/ 'phro ba ma mchis pa/ rtog pa ma mchis pa/ rnam par rtog pa ma mchis pa/ ma bsgrubs pa/ yongs su thug pa ma mchis pa/ ma
88b3 brtags pa/ gzugs ma mchis pa/ bstan du ma mchis pa/ bltar ma mchis pa/ ma mthong ba bsam du ma mchis pa/ rnam par mi gnas pa/ ma shes pa/ rnam par ma shes pa/ ma smos gam bstan pa/ bsam
88b4 gyis mi khyab pa/ bsam du ma mchis pa/ song ba ma mchis pa/ 'ongs pa ma mchis pa/ nye ba ma lags pa/ ring ba ma lags pa/ ma brtags pa/ gdags pa ma mchis pa'i chos can/ ming ma mchis pa/ tha snyad ma mchis pa/ gnyen
88b5 po ma mchis pa/ sgrib pa ma mchis pa/ 'pho ba ma mchis pa/ 'khrug pa ma mchis pa/ brtag tu ma mchis pa mi zad pa/ gnyis su ma mchis pa/ ma byung ba/ brdzun pa ma lags pa/ bden pa ma lags pa/ sho be ma lags pa ma
88b6 skyes pa ma 'gags pa/ sbyangs pa ma lags pa/ sbyang bar 'os pa ma lags pa/ gdags su ma mchis pa/ mtshan mas ma bskyod pa/ ma bzung ba/ ma bor ba/ 'dzin pa ma mchis pa/ yongs su 'dzin pa ma mchis pa/ gtad du ma
88b7 mchis pa/ yongs su gtad du ma mchis pa ma btang ba/ yongs su ma btang ba ste/ a zhes bgyi ba ni sus kyang ma bgyis pa/ chos gang gi byed pa po yang ma lags so/ /a ni ma skyes pa ste/ chos gang yang skye bar
88b8 bgyid pa ma lags so/ /a ni ma skyes pa ste/ chos gang gi skye ba'i rgyur 'gyur ba 'ang ma lags so/ /a ni ma 'gags pa ste/ chos gang gi 'gag pa'i rgyur 'gyur ba'ang ma lags so/ /a ni ma 'gags pa
89a1 yang ma lags pa ste/ chos gang gi mi 'gag pa'i rkyen du 'gyur ba'ang ma lags so/ /a ni gnas pa yang ma lags mi gnas pa yang ma lags/ a ni btags pa yang ma lags/ ma btags pa yang ma lags/ a ni
89a2 spangs pa ma lags/ ma spangs pa yang ma lags/ a ni shes pa yang ma lags/ mi shes pa yang ma lags/ a ni dmigs pa yang ma lags/ /ma dmigs pa yang ma lags/ a ni stong pa yang ma lags/ mi stong pa yang ma
89a3 lags/ a ni dmigs su mchis pa yang ma lags/ dmigs su ma mchis pa yang ma lags/ a ni mtshan ma yang ma lags/ mtshan ma ma mchis pa yang ma lags/ a ni smon pa yang ma lags/ smon pa ma mchis pa yang
89a4 ma lags te/ bcom ldan 'das de ltar na chos thams cad kyi mtshan nyid ni a'i tshul lo/ /chos thams cad ni tshul gcig pa ste a'i tshul lo/ /chos thams cad ni 'gro ba gcig pa ste/ a'i 'gro ba'o/ /chos thams cad
89a5 ni 'jug pa gcig pa ste a la 'jug pa'o/ /chos thams cad ni gdags pa gcig pa ste as gdags pa'o/ /chos thams cad ni tha snyad gcig pa ste a'i tha snyad do/ /chos thams cad ni brjod pa gcig pa ste
89a6 as brjod pa'o/ /bcom ldan 'das chos gang ma skyes pa de dag ni rtogs par bgyi ba ma lags pa'i tshul gyis rtogs par bgyi'o/ /chos gang ma byung ba de dag ni dngos po ma mchis pa'i tshul gyis rtogs par bgyi'o/ /
89a7 chos gang ma grub pa de dag ni ma grub pa'i tshul gyis rtogs par bgyi'o/ /chos gang ma 'gags pa de dag ni 'gag pa ma mchis pa'i tshul gyis rtogs par bgyi'o/ /bcom ldan 'das chos gang mngon par 'dus bgyis
89a8 pa de dag ni/ 'dus ma bgyis pa'i tshul gyis rtogs par bgyi ste/ de ni chos thams cad kyi tshul lo/ /bcom ldan 'das chos gang ma skyes pa de dag ni tha snyad ji ltar rtogs par bgyi zhe na/ 'di lta ste/ dper na rmi lam na bya ba sna tshogs
89b1 'byung ba de bzhin du chos thams cad blta bar bgyi'o/ /de ci'i slad du zhe na/ bcom ldan 'das rmi lam gyi bya ba ni ma skyes pa/ ma byung ba/ dngos po ma mchis pa ste/ 'on kyang de dag la gdags par gsungs so/ /de bzhin du chos thams cad kyi
89b2 byed pa yang 'tshal bar bgyi'o/ /bcom ldan 'das 'di lta ste/ dper na brag ca la tha snyad ma mchis pa de bzhin du chos thams cad kyi tha snyad kyang blta bar bgyi'o/ /bcom ldan 'das 'di lta ste/ dper na sgyu ma'i skyes bu la gdags
89b3 pa ma mchis pa de bzhin du chos thams cad kyi gdags par blta'o/ /bcom ldan 'das 'di lta ste/ dper na smig rgyu la chab tu gdags pa'i tha snyad mchis pa de bzhin du chos thams cad kyi tha snyad blta bar bgyi'o/ /bcom ldan
89b4 'das 'di lta ste/ dper na me long gi dkyil 'khor la bud med kyi gzugs sam/ skyes pa'i gzugs kyi tha snyad mchis pa de bzhin du chos thams cad kyi tha snyad blta bar bgyi ste/ bcom ldan 'das byis pa rnams
89b5 dga' bar bgyi ba'i slad du rmi lam gyi bya ba tha snyad du bgyi'i rmi lam gyi bya ba de dag ni ma mchis so/ /bcom ldan 'das de bzhin du byis pa dga' bar bgyi ba'i slad du mig yor dang / smig rgyu dang / brag ca'i bya ba dag kyang
89b6 tha snyad du bgyi ste/ brag ca la bya ba ma mchis so/ /bcom ldan 'das de ltar bdag cag gis bcom ldan 'das kyis gsungs pa'i don 'tshal te/ bcom ldan 'das 'di ni chos thams cad snang ba zhes bgyi ba'i
89b7 ting nge 'dzin to/ /de skad ces gsol nas 'od gsal gyi lha rnams kyis bcom ldan 'das la tshigs su bcad pa dag gis mngon par bstod pa/ bde gshegs khyod kyis tshul gcig mkhyen te 'on kyang gzhan dang gzhan du
89b8 gsungs/ /thub pa 'jig rten mkhas pa'i sras rnams rnam par rol pa'ang de bzhin no/ /de la 'jig rten blo med bdag tu lta ba rnams kyis khong mi chud/ /bdag gi don de phyogs bcur ma mchis bdag nyid kyis
90a1 ni 'gro ba stong / /sgyu ma gsog dang smig rgyu chu ma mchis la chab kyi 'du shes can/ /byis pa de dag blo log de bzhin 'khrul te bdag tu sbyor bar bgyid/ /de dag yang dag ma 'tshal mi mkhas gnas min dngos la
90a2 rten kyang 'tshal/ /de bzhin byis pa'i skye bo smig rgyu 'dra ba'i phung po yong ma 'tshal/ /'khor bar dga' ba zug rngus zug cing sdug bsngal de yis dbang po bdas/ /gang la mi mkhas nges par sdug bsngal myong ba de la dngos ma
90a3 mchis/ /blo stor yid nor sdug bsngal rnams la bde bar 'du shes nor ba la/ /nyon mongs 'jigs pa che dang dug gsum rnams kyang rjes su 'gro zhing 'brang / 'dod chags zhe sdang gti mug dug chen nyon mongs mtshungs med
90a4 rjes su 'brang / /blo stong de dag sdug bsngal gang gis sdug bsngal gyur ba'i sdug bsngal ba/ /de rnams de dag rjes 'brang byis pa mi mkhas gnod pa'i khur yang khyer/ /de dag rgyal ba'i tshul sgo thar pa bgyid pa stong pa 'di
90a5 thos nas/ skyes bu ngan pa blo zhan de dag bstan dag bde ba nyid kyis 'jigs/ /bde gshegs khyod kyis a yis yi ge tshul chen sgo gcig de ltar bstan/ /de la yang dag blo can sa las shing skye ba bzhin du yid bskyed cing / /
90a6 bdud rnams bye ba dpung dang bcas btul byang chub zhi ba mngon 'tshang rgya/ /yan lag brgyad pa'i gru bcas skye bo nyon mongs rgya mtsho che las sgrol/ /bde bar gshegs pa cang mkhyen nges pa rnams ni tshul gyi dam pa des/ /myur du
90a7 nyon mongs dug bsal byang chub dpag yas zhi ba 'thob 'gyur zhing / /grol nas dug med gyur pa skye bo gzhan mthong nges pa'i mkhyen brnyes nas/ /pha rol myur phyin dug med bde zhing gdug pa thams cad 'joms pa mdzad/ /
90a8 bde gshegs thams cad stong yang bdag tu rtog rnams tshul dang tshul min rtog /'gro ba kun gyi nang nas mkhas pa tshul dang tshul min bslabs pa dag /grol nas 'gro ba kun la chags med yid kyis ngo bo nyid kyi chos/ /de yi tshul
90b1 mthong tshul la mkhas pa de dag mthu chen mgon por 'gyur/ /'ching dang bcings pa med cing bde bar gshegs pa chos rnams chos nyid med/ /de bzhin nyid dang ma nor de bzhin nyid zhi mi 'dag nyon mi mongs/ /nyon mongs mtshan ma med cing zhi byed med
90b2 la nyon mongs rnams kyang med/ /gang gis tshul chen dam pa 'di mthong de dag thams cad mkhyen du 'gyur/ /grol zhing 'grol mdzad zhi ba'i chos can zhi mdzad ngo mtshar 'gyur mi mnga'/ /bcom ldan lhar bcas 'jig rten dpyid kyi smig rgyu
90b3 bzhin du 'khrul pa ste/ /kun rtog bdag nyid zil gnon bdag dang gzhan med skyes pa bud med rtog /'gro ba sdug bsngal de na sna tshogs kyis bskyed sems kyis sems kyang ni/ /las dang 'bras bu med cing de myong gang gyur de yang med/ /
90b4 bde gshegs de ltar sangs rgyas rnams kyi spyod yul tshul ni bdag cag 'tshal/ /des na da ltar bde gshegs zhi thugs dbang po zhi zhing nges pa ste/ /dge ba'i blo mnga' dag gtsang dri med chos kyis rab tu mchod par 'gyur/ /sangs rgyas
90b5 'jig rten 'phags pa'i gtso bo bstod pas bsod nams gang byung ba/ /ji snyed dpal stug rkang gnyis gtso bos rnam smin yongs su mkhyen 'gyur pa'i/ /bdag cag dge rtsa de yis 'gro ba 'di kun kun mkhyen nyid thob shog /bsod nams
90b6 'di kun 'gro ba kun gyi don bsngo kun kyang rgyal bar shog /de nas bcom ldan 'das kyis 'od gsal gyi lha de dag gis lhag pa'i bsam pa yongs su dag pa dang / /tshul gyi rjes su 'gro ba'i spobs pa phun sum tshogs pa yang thugs su
90b7 chud la 'khor de dag gis kyang khyad par thob par 'gyur bar mkhyen nas de'i tshe 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol pa/ /'jig rten don mdzad rnam par 'dren mchog kun
90b8 mkhyen thams cad zil gnon pa/ /bde gshegs thugs rje ldan rnams rgyu ma mchis par bzhad pa mi mdzad na/ /rgyal ba dpal stug rkang gnyis mchog gis 'jig rten thugs brtses bka' stsal gsol/ /'jig rten 'das khyod ci slad
91a1 'dzum mdzad de rgyu bdag cag rnams la gsungs/ /gtso bo de thos 'gro ba mtha' dag yid ni rab tu dang 'gyur zhing / /rnam par 'dren pa nges 'byung las dang 'bras bu gzhal yas bgyid par 'gyur/ /des ni lha mir bcas pa'i
91a2 'jig rten 'khor bar sdug bsngal nyam thag 'di/ /'phags lam yan lag brgyad bstan srid pa'i rgya mtsho 'di nas sgrol bar 'gyur/ /drang srong chen po gsung mchog yan lag brgyad ldan bzang po 'di thos nas/ /'gro ba thams cad sangs rgyas
91a3 nyid 'tshal dge la brtson zhing dga' bar 'gyur/ /the tshom bral gyur rnam dag yid kyis brtson 'grus drag po'i stobs bskyed cing / /bde bar gshegs pa'i bstan pa bzhin bgyid khyod dang 'thun byung sras su 'gyur/ /'khor
91a4 rnams brten pa gzhan ma mchis par 'dren pa khyod kyi zhal du lta/ /'gro ba'i rtsa lag rtog pa yid gnyis bsal zhing bka' lung stsal du gsol/ /bcom ldan 'jig rten 'di dag khyod kyi zhabs 'bring gnas shing nyan par
91a5 'tshal/ /gsung rab legs brjod bdud rtsi'i char phob gang dag skom pa 'tshal bar 'gyur/ /'dren pa chen po khyod kyi 'khor 'di dag cing sangs rgyas yon tan 'tshal/ /ring du song ba'i ma la bu lta bzhin du khyod kyi zhal du lta/ /bde
91a6 gshegs lha rnams lung bstan bka' stsol bzhad pa'i don kyang bstan du gsol/ /skyob pa'i gsung mchog thos na 'jig rten don chen shin du thob par 'gyur/ /thub pa de ring su zhig dge ba 'phel zhing grags pa don du gnyer/ /su zhig
91a7 'dren pa'i yon tan gter rnyed 'gyur ba bdag cag de nyan 'tshal/ /rgyal ba'i 'khor rnams khyod kyis gsungs pa de dag thos shing dgar gyur nas/ /tshul 'di ston cing ting 'dzin stobs ldan shes rab la yang sgom par 'gyur/ /
91a8 de nas bcom ldan 'das kyis tshe dang ldan pa rta thul la tshigs su bcad de slar bka' stsal pa/ /rta thul khyod kyi spobs pa legs par dus ldan skyes pa shin tu lags/ /bde gshegs rnam par sprul bzhin de ltar khyod kyi blo gros
91b1 'byung 'gyur zhing / /spobs pa che 'byung de phyir gang dang gang dag khyod kyis dris gyur pa/ /de dag lung bstan ngas bshad kun kyang dbang po zhi bas mnyan par gyis/ /'od gsal ba yi lha rnams blo dag sngon gyi rgyal ba mthong ba ste/ /'jig rten mgon med
91b2 yid can 'di dag mthong nas byang chub yang dag zhugs/ /byang chub nges 'byung lam mchog yang dag rgyal bas spyad spyad pa/ /byang chub 'gro 'dod gang tshe ston med lam stor rnams la ston par 'gyur/ /tshul gyi dam pa shin du gsal sgra thun mong ma yin 'di
91b3 thos na/ /sangs rgyas yon tan don gnyer blo sbyangs de dag byang chub zhi 'thob 'gyur/ /de dag stobs skyes tshul dang tshul min mkhas shing byang chub yid nges gyur/ /bu skyes ma bzhin dga' bas byang chub mchog tu de dag smon lam btab/ /
91b4 'od gsal lha rnams 'di dag byang chub 'dod la tshul gyi sgo bstan te/ /bskal pa khrag khrig brjod du med par phra ba'i tshul 'di bstan byas nas/ /sems can skar ma'i grangs pas ches mang ba dag byang chub dga' byas te/ /de yi 'og tu
91b5 'jig rten mkhas pa rang byung skyon bral kun mkhyen 'gyur/ /de dag zhing mchog brjod du med pa zhing rnams bye ba brgya 'grangs par/ /yangs shing shin du dga' la mtha' dag bkod pa rnams kyis brgyan pa ste/ /kun gyi zhing du ngan song
91b6 rnams dang de bzhin mi khom yong mi 'byung / /bde bar gshegs rnams thugs brtses sems can thams cad rang 'byung mdzad par 'gyur/ /zhing rnams de dag gang na'ang nyan thos theg pa ston par mi 'gyur te/ /sems can
91b7 thams cad rang 'byung nyid du mngon phyogs 'phrogs pa med par 'gyur/ /de na rang 'byung sangs rgyas nyid ston mdzad pa 'jig rten khams rnams kyi/ /sku tshe'i tshad ni bskal pa bye ba brgya 'grangs gang gA'i bye snyed 'gyur/ /rta thul
91b8 'jig rten khrag khrig khams kyi nyan thos mya ngan bzlas pa bas/ /gang yang skyes pa 'am bud med gcig cig byang chub yang dag dga' byas na/ /bsod nams de la snga mas grangs sam dper yang bya bar mi nus so/ /de bas
92a1 byang chub zhugs pa'i skyes bu dam pa byang chub dga' bar gyis/ /rta thul 'di la 'dren pa thams cad mkhyen pa 'byung ba rnyed sla min/ /de ni u dum pa ra'i me tog 'dra zhes sangs rgyas mtha' yas blo mangs gsungs/ /de phyir bla na med
92a2 pa'i zhi ba byang chub mi gang 'dod pa yis/ /shin du blo phra bsten bzang mkhyen pa tshul mkhas 'dren la bsten par bya/ /de bzhin gshegs kyi zhal nas don byed gsung dag de 'dra thos gyur nas/ /'khor rnams thams cad yi rangs mchog tu
92a3 dga' zhing yang dag dga' bar 'gyur/ /khrag khrig lha rnams nam mkhar 'khod nas gos kyi g.yab mo 'dor bar byed/ /dga' nas sangs rgyas dbang phyug khyod la phyag 'tshal lo zhes sgra yang phyung / /zhi ba thugs zhi skye bo nyon
92a4 mongs rgod pas rgod gyur zhi bar mdzad/ /bdud rtsi ston cing dug gsum zhi mdzad sems can dug ni bskyug tu gsol/ /khyod kyi ye shes thos nas skyes dgu'i dug med 'gyur zhing dgra med 'gyur/ /sdug bsngal rnams kyis 'dren
92a5 las tshul thos mi bzad srid pa'i rgyud las grol/ /'od gsal ba lung bstan pa'i le'u ste nyi shu rtsa gcig pa'o// // bam po brgyad pa/ de nas dge rgyas ris kyi lha khrag khrig phrag bcu gnyis kyis lha ma yin rnams
92a6 nas 'od gsal ba'i lha'i bar dag gi mchod pa yang mthong / lung bstan pa yang thos nas tshim zhing mgu la yi rangs te/ rab tu dga' zhing dga' ba dang yid bde ba skyes nas bdag cag tshul phun sum tshogs par gyur pa yang brjod
92a7 cing bcom ldan 'das la 'di skad ces gsol to/ /bcom ldan 'das chos thams cad la bde bar 'gro ba zhes bgyi ba'i ting nge 'dzin mchis te/ ting nge 'dzin de thob pas byang chub sems dpa' sems dpa' chen po dmigs pa'i dngos
92a8 po thams cad bde ba'i tshor ba sha stag myong bar 'gyur zhing sdug bsngal gyi tshor ba mi myong la/ sdug bsngal yang ma lags bde ba yang ma lags pa yang mi myong ste/ sems can dmyal ba'i gnod pas gnod par bgyis kyang bde
92b1 ba'i 'du shes nye bar gnas pa dang / mi'i gnod pas gnod par bgyis kyang bde ba'i 'du shes nye bar gnas pa dang / lag pa bcad dam/ rkang pa bcad dam/ rkang lag bcad dam/ rna ba 'am/ sna 'am/ rna ba dang sna gtubs kyang bde ba'i 'du shes nye bar
92b2 gnas par 'gyur ba dang / spa lcag gis gzhus sam/ spa lcag phyed tshal lam / lcag gis gzhus kyang bde ba'i du shes nye bar gnas par 'gyur ba dang / btson rar bcug gam/ lcags sgrog dang / shing sgrog tu bcug gam/ brtson cha dam po
92b3 la rgyas btab bam/ byis pa'i gtsug pud ltar bcings sam/ dugs kyi snod ltar bdugs sam/ bu ram shing brdungs pa ltar brdungs sam/ 'dam bu gzhom pa ltar bcom 'am/ 'bru mar gyi mar me ltar 'bar bas byas sam
92b4 mar gyi mar me dang zho bskol ba ltar 'bar bar byas kyang bde ba'i 'du shes nye bar gnas par 'gyur ba dang / me'i nang du bor ram/ seng ge'i khar bstabs sam/ stag gi khar bstabs sam/ /skam ril bya ba ltar gril tam/ byi bo'i
92b5 chad pa lta bus bcad dam/ nyes byung ba bsgrags pa ltar bsgrags sam/ kA ra ShA pa Na tsam du gtubs sam/ 'bras phye btso ba ltar btsos sam/ glang po che rnams kyis bcom yang bde ba'i 'du shes nye bar gnas par 'gyur ba
92b6 dang / mig phyung ngam/ gsal shing gi rtse mo la bzhag gam/ gsad pa'i gnas su khrid de rnam pa thams cad du mgo gcod kyang bde ba'i 'du shes nye bar gnas par 'gyur te/ bde ba yang ma lags/ mi bde ba yang ma lags pa'i 'du shes
92b7 rnam pa thams cad du mi 'byung ngo / /de ci'i slad du zhe na/ 'di ltar byang chub sems dpa' sems dpa' chen po des yun ring po nas spyad pa spyod pa'i tshe smon lam 'di ltar btab ste/ gang gis bdag la kha zas byin pa de dag nye bar zhi ba'i
92b8 bde ba thob par gyur cig /gang gis bdag la skom blud pa dang / gang gis bdag la rim gro byas pa dang / /bkur sti byas pa dang / bsti stang byas pa dang / mchod pa byas pa de dag thams cad kyang nye bar zhi ba'i bde ba thob par gyur cig
93a1 gang yang bdag la gshe ba dang / mi bde bar byed pa dang / brdeg pa dang / mtshon gyis 'debs pa dang / rnam pa thams cad du srog gcod pa'i bar du byed pa de dag thams cad kyang byang chub kyi bde ba thob cing bla na med pa yang dag par
93a2 rdzogs pa'i byang chub mngon par rdzogs par 'tshang rgya bar gyur cig ces smon lam btab ste/ de yid la bya ba de dag dang ldan zhing de de lta bu'i las dang / de lta bu'i smon lam dang ldan pas sems can thams cad kyi rjes su song ba'i
93a3 bde ba'i 'du shes la bsten cing snyen la sgom zhing mang du byed de/ de las de'i rnam par smin pas chos thams cad la bde bar 'gro ba'i ting nge 'dzin rab tu 'thob bo/ /gang gi tshe byang chub sems dpas chos thams cad la bde bar 'gro ba'i
93a4 ting nge 'dzin thob par gyur pa de'i tshe/ bdud kyi las thams cad kyis mi 'phrogs shing mi 'khrugs par 'gyur te/ de'i tshe de ltar tshe la dbang ba dang / skye ba la dbang ba dang / las la dbang ba dang / rnam par rtog pa la dbang ba dang / yo byad la
93a5 dbang ba ste/ dbang lnga thob par rig par bgyi'o/ /de 'tshal na tshe rjes ma thag tu byang chub mngon par rdzogs par 'tshang rgya'o/ /de 'tshal na bskal pa grangs ma mchis par gnas so/ /de ci'i slad du zhe na/ 'di ltar byang chub sems dpa' sems
93a6 dpa' chen po de theg pa chen po la yang dag par zhugs shing byang chub sems dpa' sgrub pa dang / byang chub sems dpa' yongs su 'dzin pa dang / ngan 'gro thams cad rab tu bsal ba dang / 'gro ba drug po kun du skyes pa dang / byang chub sems
93a7 dpa'i bslab pa thams cad la bslabs pa dang / shes rab kyi pha rol tu phyin pas yongs su bzung ba dang / thabs mkhas pa dang ldan pa dang / bdud kyi las las rnam par rgyal ba dang / chos thams cad khong du chud par rig par bgyi ba'i slad du
93a8 ste/ bcom ldan 'das gang gis byang chub sems dpa' chos thams cad la nges pa'i rtogs pa thob par 'gyur ba thams cad ni de bzhin gshegs pa'i mthu'o/ /de nas dge rgyas kyi lha rnams kyis ting nge 'dzin 'di brjod nas de'i tshe tshigs su
93b1 bcad pa dag gis bcom ldan 'das la mngon par bstod pa/ /dge rgyas lha tshogs 'di dag thams cad chos la mthar thug gyur pa ste/ /ston pa dbang po zhi zhing zhi ba mkhyen la mgo bos skyabs su mchis/ /de dag mkhas pas mchod pa'i
93b2 sangs rgyas don mkhyen 'khor ba rgal 'gyur pa/ /thub pa mi yi 'dren pa'i tshul mkhas rgyal ba 'dren pa 'dren la bstod/ /'di na rang bzhin nges pa'i thub chos gnas pa gang na 'ang ma mchis te/ /sgyu ma'i mkhan pos sgyu ma ji bzhin khyod kyis thub pa
93b3 legs par mkhyen/ /yan lag sna tshogs sgra brnyan ri khrod 'byung ba mkhas par rtogs pa ltar/ /de bzhin bde gshegs drang srong khyod kyis lha mir bcas pa'i 'jig rten gzigs/ /'di na sems can srog dang shed bu gso ba gang zag ma
93b4 mchis te/ /mi mchog khyod kyis 'du shes rnam par bshig cing stong par rnam gzhag la/ /rkang gnyis dam pa sems can gtso bo byams pa gzhal yas sgom pa'ang mdzad/ /rgyal ba sangs rgyas dgongs pa 'di ni 'gro ba kun gyis rtogs
93b5 par dka'/ /byams pa dge sgom sems can dmigs pa yin zhes 'dren pas bka' stsal la/ /sems can rnam par bshig cing 'gro ba thams cad sems can med par mkhyen/ /de ltar rkang gnyis dam pa rnyog pa mi mnga' the tshom
93b6 bral thugs ldan/ /des na bde gshegs rnam brtags blo mnga' mchod 'os khyod la mchod pa 'tshal/ /bde bar gshegs pa sdug bsngal phyogs bcur gnas pa kun du mi dmigs kyang / /lha yi lhar gyur khyod kyis sems can rnams
93b7 la snying rje bgyi ba gsungs/ /de ltar rgyal mchog bdag cag rgyal ba'i dgongs pa ji bzhin kun du 'tshal/ /des na rkang gnyis gtso bo mi mchog mchod 'os khyod la mchod pa 'tshal/ /thub pa khyod kyis sems can dang ni bsal bgyi
93b8 sdug bsngal mi gzigs la/ /dgyes pa skyes nas rab tu dgyes pa'i thugs kyis mi dgyes rnam par bsal/ /de ltar sangs rgyas tshul ni bsam gyis mi khyab tshul 'di ji bzhin 'tshal/ /des na mi mchog khyod la mchod nas
94a1 brnyes pa'i 'bras bu thob par bgyi/ /skyon bral khyod kyis 'gro ba kun du sdug bsngal mya ngan 'das ma dmigs/ /'on kyang 'khor bar sems can gzigs shing don mdzad stobs dang ldan pa bskyed/ /sems can sdug bsngal
94a2 'gro dang thub dang mya ngan 'das dang gnas ma mchis/ /sangs rgyas tshul 'di rtogs nas thub pa mchod 'os khyod la mchod pa 'tshal/ /'dren pa tshad med bzhi po gzigs shing de yang gnyis su med par bstan/ /gang zhig der dul ma gzigs
94a3 gang yang tshad med gnas pa de ma gzigs/ /thub pas bag med gang yang ma gzigs bag yod mi yang ma gzigs te/ /sangs rgyas tshul 'di 'tshal nas thub pa'i ston pa khyod la mchod pa bgyis/ /thub pa sku ni rnam par spangs pas sku btsal
94a4 mdzad na brnyes gyur kyang / /de ltar 'dren pa dran pa ma gsungs ma lags bsnyel ba yang mi mnga'/ /bde bar gshegs pa lus la song ba'i bsgom bsgom par gyis shes gsungs/ /sangs rgyas tshul 'di rig nas bde bar gshegs
94a5 pa skyob la mchod pa bgyis/ /'den pas tshor ba'i rang bzhin btsal ba mdzad na brnyes par ma gyur la/ /tshor ba tshor bar bgyid pa'ang thub pas yongs su btsal na ma brnyes te/ /de ltar gang zhig dran sgom de ni sangs rgyas kyis kyang
94a6 yongs ma gzigs/ /sangs rgyas tshul 'di 'tshal nas ston pa la ni bdag cag mchod pa bgyis/ /thub pas sems dang sems las byung ba dgongs te btsal na ma brnyes la/ /gang gi nye bar gzhag pa de yang dran pa med par rab
94a7 mkhyen kyang / /thar pa 'dod rnams sems 'dus dran pa bsgom par gyis shes gsungs/ /bde bar gshegs pa'i dgongs pa 'di 'tshal nas ni ston la mchod pa bgyis/ /'jig rten phan par bzhed pas chos dang chos la gang
94a8 spyod de ma gzigs/ /bsgom par gang gsungs dran pa de yang 'di na rang bzhin ma mchis la/ /thar pa 'dod pa rnams kyis chos 'dus dran pa bsgom par gyis shes gsungs/ /sangs rgyas tshul bzhi po 'di rab tu
94b1 'tshal nas skyob la mchod par bgyis/ /gnas gcig mchis pa ma lags gnyis sam gsum 'am bzhi lta ga la mchis/ /gang gis gnas su brjod pa'i dran pa de yang gang na'ang ma mchis te/ /de bas gang gi bde ba'am
94b2 sdug bsngal yang dag gang na'ang de ma mchis/ /ston pa'i tshul 'di 'tshal nas des na bdag cag khyod la mchod pa 'tshal/ /ston pa'i tshul mchog bzhi po 'di rnams dge slong gang dag 'dzin bgyid na/ /'di dag thar pa nyid kyi lam
94b3 ste 'khor ba las ni 'byung bar 'gyur/ /de ltar de ni tshul 'dir ma bcing ma grol byang chub 'dren pa min/ /bcom ldan 'das kyis brtags pa ma bshig des na khyod la mchod pa 'tshal/ /thar mdzad slad du bcom ldan
94b4 'das kyis lam zhi rdzu 'phrul rkang pa gsungs/ /'di dag bsgoms na mi rnams dpa' bo dul zhing mya ngan 'da' bar 'gyur/ /yang dag du na rdzu 'phrul dang ni rkang dang sgom pa mi dmigs te/ /chad par mi 'gyur bya ba'ang
94b5 ston cing byed pa po yang yod mi dmigs/ /thams cad mkhyen gyi bstan 'dir lha tshogs the tshom gang na'ang ma mchis te/ /de dag de la nem nur ma mchis de bzhin som nyi ma mchis 'gyur/ /'di ni mchod pa bzang
94b6 po mchog ces mchod 'os sangs rgyas rnams kyis gsungs/ /des na bde gshegs dpe med spyod mnga' mchod 'os khyod la mchod pa 'tshal/ /thar par mdzad slad 'jig rten mkhas pas nges 'byung dbang po lnga
94b7 yang gsungs/ /rtag tu bag yod byos la mya ngan 'das 'gro'i lam 'di sgom shes bstan/ /thub pa dbang po dang ni sgom pa po dang thar pa'ang mi dmigs te/ /'di la lha 'khor the tshom ma mchis de slad khyod la
94b8 mchod pa 'tshal/ /sangs rgyas rnams kyi mya ngan 'das par 'gro ba'i drang lam stobs lnga po/ /de dag nyon mongs zad bgyid thar par bgyid ces ston pa thub pas gsungs/ /de dag rang bzhin ma mchis nyon mongs ma
95a1 mchis rgyal ba ma mchis te/ /thub pa bdag cag gang la'ang the tshom ma mchis de slad khyod la mchod/ /byang chub yan lag bdun po 'di dag dge ba lam gyi dam pa ste/ /sangs rgyas rnams kyi mya ngan 'das 'gro drang
95a2 lam mchog ces thub pas gsungs/ /'ching ba mchis pa ma lags grol ba mchis pa bcings pa ma mchis te/ /sems can dkon mchog 'di la bdag cag the tshom khyod la mchod/ /rkang gnyis gtso bo khyod
95a3 kyis bzhi phrag gnyis lam sems can rnams la bstan/ /brtson 'grus ldan par 'phags lam sdug bsngal mtha' mar 'byin pa sgoms shes gsungs/ /mi mchog lam dang de bzhin nyon mongs 'di gnyis g.yo ba ma mchis
95a4 te/ /'di la lha tshogs the tshom ma mchis gyur pas mchod 'os khyod la mchod/ /'dod chags gnyen pos zhi gnas bka' stsal zhe sdang gnyen por byams pa gsungs/ /gti mug gnyen por lhag mthong thub pa mchog gis sems
95a5 can rnams la bstan/ /'di dag thams cad g.yo ba ma mchis skad cig dag min nyon mongs min/ /'di la lha tshogs the tshom ma mchis thub pa mchod slad rtag tu brtson/ /sdug bsngal zhi bya phyir ni zhi gnas lhag mthong lam yang sgoms
95a6 shes gsungs/ /bcom ldan gang gis 'gro ba nyon mongs bag chags bcas dri de dag zhi/ /thub pa zhi gnas lhag mthong de bzhin dri ma thams cad stong pa ste/ /'di la lha tshogs gang du'ang the tshom ma mchis skyon bral khyod
95a7 la mchod/ /stobs bcu sems can rnams la dge ba bcu yi las lam bstan mdzad de/ /gsod dang 'khrig dang ma byin phra ma brdzun dang zhe gcod kyal tshig dang / /gnod sems dang ni mi rigs 'dod dang de bzhin log par rtog pa
95a8 rnams/ /mi dge'i las lam 'di yang bcom ldan 'das kyis sems can rnams la bstan/ /sems can mi dmigs gsod pa ga la mchis te lhag ma de dang 'dra/ /gnyen po dge ba ma mchis de ni ngo bo nyid kyis stong pa ste/ /bde
95b1 gshegs thub pa zag pa mi mnga' rnams kyang ngo bo nyid kyis stong / /rnam 'dren the tshom som nyi ma mchis de slar khyod la mchod par 'tshal/ /sangs rgyas sras po dge ba'i blo can gang zhig spyod pa 'di sten pa/ /mkhas pa kun du dge
95b2 ba nyid myong sdug bsngal myong bar yong mi 'gyur/ /bcom ldan bde gshegs ye shes des ni tshul 'di bde bar thob par bgyis/ /'di la lha tshogs the tshom ma mchis mchod 'os khyod la mchod par 'tshal/ /de ltar dge rgyas
95b3 kyi lha rnams kyis bcom ldan 'das la mngon par bstod nas cang mi zer bar 'khod do/ /de nas bcom ldan 'das kyis dge rgyas kyi lha rnams cang mi zer bar 'khod pa yang mkhyen/ de dag gi lhag pa'i bsam pas sgrub pa yang
95b4 thugs su chud nas de'i tshe 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol ba/ /skye bo 'di kun bcom ldan khyod kyi mkhyen pa'i zil gyis zil mnan nas/ /bde gshegs
95b5 rgyal ba mchog khyod kyis ni 'dzum mdzad pa 'di 'jig rten bstan/ /rgyu ma mchis par chos kun mkhas pa rnams ni 'dzum pa mi mdzad na/ /'dzum rgyu don gnyer mig med rnams la 'jig rten mkhas pas bka' stsal gsol/ /
95b6 ma lus 'di dag thams cad gzhan du mi sems khyod 'dzum re zhing 'khor/ /dpal stug khyod la bstod pa bgyid cing nyan par 'tshal ba'i yid kyis gnas/ /sangs rgyas gsung gi dbang phyug thos nas yid ni rab tu rangs gyur te/ /
95b7 chos rnams kun la nges pa'i blo dge ldan pa'i ston par skye bar 'gyur/ /bde gshegs mi mchog dge ba'i thugs can de ring su zhig blo gros bskyed/ /de ring gang gis 'chi med zhi ba rtogs shing phyogs rnams snang bar bgyis/ /su zhig
95b8 'jig rten thugs brtse rgyal ba 'dren pa dpag tu med 'gyur ba/ /de dag bka' stsol drang srong 'khor 'di legs par gsungs pas tshim par mdzod/ /rgyal ba khyu mchog dge sbyong dam pa deng su btsun la dad pa skyes/ /bdud kyi mi
96a1 phrogs blo ldan gang zhig chos la yang dag yongs su gnas/ /sangs rgyas sras po tshul mkhas gang zhig de ring nges pa thob par 'gyur/ /rkang gnyis gtso bo de dag bka' stsol 'gro 'di the tshom ma mchis mdzod/ /bde
96a2 gshegs deng su 'gro la dad bskyed skye dgu rnams la byams gyur cing / /byang chub mthar phyin blo gros brtan zhing thams cad mkhyen pa nyid la gnas/ /gang la 'dzum pa deng bstan bde gshegs bstan pa 'dzin pa de gang
96a3 lags/ /bsod nams brgya yi mtshan mnga' de dag bka' stsol bdag gi the tshom khum/ /'dren pa khyod gsung yan lag brgyad ldan legs par bka' stsal thos gyur na/ /bde gshegs gsung gis thog
96a4 mar bdag cag 'dong zhing 'gro ba gzhan yang 'dren/ /de ltar gyur na bde gshegs bstan rab 'di ni sras la gnas par 'gyur/ /'jig rten 'di dag yid ni myur du bde gshegs rnams la gnas par 'gyur/ /
96a5 de nas bcom ldan 'das kyis tshe dang ldan pa rta thul la tshigs su bcad de slar bka' stsal pa/ /nga yis 'jig rten don byed 'dzum mdzad rta thul khyod kyis mthong gyur cing / /skyes bu dam pa khyod kyis dus su dris
96a6 te 'gro ba'i don byas pa/ /khyod kyis bsod nams 'phel ba brjod du med de de ni zad mi 'gyur/ /de ni khyod la bstan gyis khyod dang 'gro ba 'di dag dga' bas nyon/ /dge rgyas lha tshogs 'di dag nga yi chos nyid la ni the tshom med/ /
96a7 kun kyang yi rangs rab zhi yid kyis tshigs bcad dag gis nga la bsngags/ /sngon gyi sangs rgyas bye ba khrag khrig stong bgrangs mchod 'os mchod byas te/ /the tshom med pa'i yid kyis tshul dris kun du som nyi med par
96a8 gyur/ /de ltar sngon gyi rgyu des 'dir yang tshigs su bcad pas nga la bstod/ /bskal pa bzang po'i rgyal ba bstod 'os kun la'ang 'di dag bstod par 'gyur/ /'di dag bskal pa ud pa la la rgyal ba dgra rgyal mthu chen 'gyur/ /
96b1 'di dag sems can khrag khrig bsam yas yongs su mya ngan 'da' bar byed/ /sangs rgyas drang srong chen po de dag yid 'ong mtshan du gang 'gyur pa/ /de yang bstan gyis dang ba'i yid kyis sems kyi tha ba spongs te nyon/ /
96b2 rgyal ba de kun chos kyi rtog ces bya ba 'dren pa gzhal yas 'gyur/ /'di dag re res kyang ni khrag khrig bsam yas mya ngan bzla bar 'gyur/ /de yi tshe na bde gshegs kun gyi ring bsrel shin du rgyas 'gyur te/ /de tshe zhing rnams
96b3 kun du rgyal ba'i mchod rten me tog rgyas par 'gyur/ /thub pa grags chen de dag yongs su mya ngan 'das par gyur pa na/ /thub pa skyob pa de dag kun gyi ring bsrel rgyas pas don chen 'gyur/ /sems can khrag khrig
96b4 bsam yas rnams kyis de tshe ring bsrel mchod byas te/ /ring bsrel de dag mchod nas mya ngan 'das pa zhi ba 'chi med 'thob/ /thub pa rkang gnyis gtso bo de dag grags pa rgyun 'chad mi 'gyur te/ /slob pa khrag khrig
96b5 bsam yas rnams kyang de tshe rgyal ba'i drung du 'du/ /ji ltar bye ba brgya bgrangs nga la legs par spyad pa spyad nas su/ /byams pa blta phyir rgya chen yid kyis byams pa'i 'khor du 'dong 'gyur ba/ /de ltar rgyal ba'i nyan thos
96b6 slob tshogs de dag rgyal nas rgyal 'khor du/ /rkang gnyis gtso bo de dag kun gyi ring bsrel mchod pa bya phyir 'dong / /bde gshegs gsung snyan 'gro ba thams cad ngo mtshar gyur pa de thos shing / /dge rgyas ris kyi lha yi bdag nyid chen po de tshe
96b7 thos gyur nas/ /'khor rnams thams cad rab tu dga' ste phal cher byang chub sems kyang bskyed/ /bdag nyid chen po shes nas thub pa'i zhabs la mgo bos rab tu gtugs/ /dge rgyas ris lung bstan pa'i le'u ste nyi shu rtsa gnyis pa'o// // de nas de'i tshe
96b8 'bras bu che ba'i ris kyi lha bye ba phrag brgyad bcus lha ma yin rnams nas dge rgyas kyi lha'i bar dag gi mchod pa yang mthong lung bstan pa yang thos nas tshim zhing mgu la yi rangs te/ rab tu dga' ba dang / mgu ba dang / yid bde ba skyes nas tshul gcig la zhugs pa dang / chos re re las kyang
97a1 chos kyi sgo mtha' yas pa 'byung bar yang dag par mthong zhing / tshul la 'jug pa thams cad las kyang mtha' yas pa'i spobs pa dang / mi chod pa'i spobs pa dang / rigs pa'i spobs pa dang /
97a2 grol ba'i spobs pa dang / thogs pa med pa'i spobs pa dang / nye ba'i spobs pa dang / /phra ba'i spobs pa dang / zab pa'i spobs pa dang / sna tshogs kyi spobs pa dang / 'jam pa'i spobs pa dang / 'brel ba'i spobs
97a3 pa dag kyang 'byung bar shes nas bcom ldan 'das la dga' ba skyes te/ chos nyid brjod cing bcom ldan 'das la 'di skad ces gsol to/ /bcom ldan 'das sgo'i tshul mtha' yas pa zhes bgyi ba'i ting nge 'dzin
97a4 mchis te/ de la brtson par bgyis na byang chub sems dpa' sems dpa' chen po spobs pa 'thob cing mi chod pa'i spobs pa thob par 'gyur ba dang / dmigs pa dang snyoms par 'jug pa thams cad la rmongs pa ma mchis
97a5 par 'gyur ro/ /de la dmigs pa gang yang gzugs lags par ma 'tshal ba'i tshul gyis sgrib par mi 'gyur ro/ /de ni phung po la 'jug pas kyang sgo'i tshul mtha' yas pa'i gzungs thob par 'gyur/ /khams
97a6 la 'jug pa dang / skye mched la 'jug pa dang / dbang po la 'jug pa dang / bden pa la 'jug pa dang / rten cing 'brel bar 'byung ba la 'jug pa dang / sems can la 'jug pa dang / sems can ma mchis
97a7 pa la 'jug pa dang / dngos po la 'jug pa dang / dngos po ma mchis pa la 'jug pa dang / dmigs pa la 'jug pa dang / dmigs pa ma mchis pa la 'jug pa dang / bdag la 'jug pa dang / stong pa la
97a8 'jug pa dang / mtshan ma la 'jug pa dang / mtshan ma ma mchis pa la 'jug pa dang / smon pa la 'jug pa dang / smon pa ma mchis pa la 'jug pa dang / gnas pa la 'jug pa dang /
97b1 gnas pa ma mchis pa la 'jug pa dang / 'dus byas la 'jug pa dang / 'dus ma byas la 'jug pas kyang sgo'i tshul mtha' yas pa'i gzungs thob par 'gyur te/ thams cad la thog pa ma mchis
97b2 pa'i spobs pa dang ldan par 'gyur ro/ /de ni phung po la 'jug pas kyang 'di lta ste/ phung po zhes bya ba'i chos 'di ni yongs su ma grub pa'o zhes gzungs rab tu 'thob bo/ /de ci'i slad du zhe na/ gzugs ni gang
97b3 yang yongs su grub pa ma mchis te/ sa ni sar yongs su ma grub/ de bzhin du chu dang / me dang / rlung ni rlung du yongs su ma grub pa'o/ /de ci'i slad du zhe na/ sa ni rang bzhin ma mchis pa ste/ chos gang
97b4 la yang rang bzhin ma mchis pa de ni yongs su ma grub pa'o/ /chu dang / me dang / rlung ni rang bzhin ma mchis pa ste/ chos gang la yang rang bzhin ma mchis pa de ni yongs su ma grub pa'o/ /de ltar
97b5 yongs su ma grub pa'i gzugs ni 'das pa zhes gdags par mi bgyi/ /ma 'ongs pa zhes gdags par mi bgyi/ /da ltar byung ba zhes gdags par mi bgyi'o/ /de ci'i slad du zhe na/ 'di ltar gzugs ni dngos
97b6 po ma mchis pa ste/ dngos po ma mchis pa'i slad du skye ba ma mchis pa'o/ /gang la skye ba ma mchis pa de la 'gag pa ma mchis te gang ma skyes ma 'gags pa de ne gdags su ma mchis so/ /de bzhin
97b7 gshegs pas kyang 'das pa dang / ma 'ongs pa dang / da ltar byung ba'i gzugs gang ci yang rung ste/ de dag thams cad gcig tu bsdus nas gzugs kyi phung po'o zhes bka' s+cal te/ gzugs kyi rang bzhin
97b8 ni dmigs su ma mchis na 'das par lta ga la 'gyur/ ma 'ongs par yang ga la 'gyur/ da ltar byung bar yang ga la 'gyur te/ de bas na gzugs kyi phung po ni gdags su ma mchis pa'o/ /tshor ba dang / 'du shes dang /
98a1 'du byed dang / rnam par shes pa'i phung po rnams kyang de bzhin te/ de'i slad du phung po rnams ni dmigs su ma mchis so/ /phung po dmigs su ma mchis pas gzungs dmigs su ma mchis te/ de ltar phung po la 'jug
98a2 pas gzungs la 'jug par 'gyur ro/ /gzungs de yang ming tsam dang / tha snyad tsam dang / brda tsam dang / kun rdzob tsam dang / rjod pa tsam dang / gdags pa tsam ma gtogs par gzungs la 'jug par mi dmigs te/ 'di la
98a3 phung po yang mi dmigs/ gzungs kyang mi dmigs/ 'jug pa yang mi dmigs/ gzungs kyang rang bzhin gyis mi dmigs so/ /de ci'i slad du zhe na/ gang 'di phung po zhes bgyi ba de ni ma bgyis pa'i chos te/ chos gang ma
98a4 bgyis pa de la spungs pa yang ga la mchis te/ phung po ni spungs pa'i slad du phung po zhes bgyi'o/ /dper na khyim dang / khang bzangs dang / bsil khang dang / khang pa brtsegs pa dang / skar khung khol ma dang / ba gam dang /
98a5 dra ba dang / stegs bu dang / kha khyer dang / skar khung dang / rta babs dang / ra ba dang / shing thags dang / 'obs dang / chos mang po bsags pa la/ grong khyer zhes bgyi ba bzhin du phung po zhes bgyi ba yang de bzhin te/
98a6 gzugs de yang ngo bo nyid kyis mi dmigs na de la spungs pa lta ga la mchis/ spungs pa ma mchis pas na gzugs kyang ma mchis/ /gzugs kyi phung po yang ma mchis so/ /de bzhin du tshor ba dang / 'du shes
98a7 dang / 'du byed dang / rnam par shes pa yang rang bzhin gyis dmigs su ma mchis na de la spungs pa lta ga la mchis te/ spungs pa ma mchis pa'i slad du rnam par shes pa yang ma mchis/ rnam par shes pa'i phung po
98a8 yang ma mchis so/ /de ltar phung po la 'jug pas gzungs thob par 'gyur/ gzungs thob pas spobs pa thob par 'gyur ro/ /de la skye mched la 'jug pas gzungs thob par 'gyur ba ni mig gi skye mched ces bgyi ba
98b1 ni ci'i skye mched ces bgyi na/ sdug bsngal gyi skye mched do/ /de la mig gang zhe na/ 'byung ba chen po bzhi dad pa ste/ sa'i khams dang / chu'i khams dang / me'i khams dang / rlung gi khams dang / de la sa'i
98b2 khams dang ba ni rang bzhin ma mchis pa ste/ chos gang gi rang bzhin mi dmigs pa de ni yongs su ma grub pa'o/ /de bzhin du chu'i khams dang ba dang / me'i khams dang ba dang / rlung gi khams dang ba ni rang bzhin ma
98b3 mchis pa ste/ chos gang gi rang bzhin mi dmigs pa de ni yongs su ma grub pa'o/ /de ltar yongs su ma grub pa'i mig gi skye mched de ni 'das pa zhes gdags par bgyi ba ma lags/ ma 'ongs pa dang / da ltar
98b4 byung ba zhes gdags par bgyi ba ma lags so/ /de ci'i slad du zhe na/ 'di ltar mig gi skye mched ni dngos po ma mchis pa ste/ dngos po ma mchis pa'i slad du skye ba ma mchis pa'o/ /gang la skye ba ma mchis
98b5 pa de la 'gag pa ma mchis te/ gang ma skyes ma 'gags pa de ni gdags su ma mchis pa'o/ /de ltar mig kyang ma skyes ma 'gags/ skye mched dang sdug bsngal yang ma skyes ma 'gags pa'o/ /
98b6 gang ma skyes ma 'gags pa de ni ming tsam dang / tha snyad tsam dang / brda tsam dang / kun rdzob tsam dang / brjod pa tsam ma gtogs par gdags su ma mchis pa ste/ ming de yang ming gis ma mchis pa'o/ /
98b7 de ci'i slad du zhe na/ chos gang la mig ce 'am/ skye mched ce 'am/ sdug bsngal zhes gdags par bgyi ba'i chos de gang yang dmigs su ma mchis te/ ming yang ming du brjod du ma mchis so/ /rna ba dang /
98b8 sna dang / lce dang / lus dang / yid dang / gzugs dang / sgra dang / dri dang / ro dang / reg bya dang / chos rnams kyang de bzhin te/ de'i slad du skye mched la 'jug pas gzungs 'thob/ gzungs la 'jug pas spobs pa 'thob
99a1 bo/ /de la khams la 'jug pas gzungs 'thob pa ni mig ni mig gis ma mchis pa/ khams ni khams kyis ma mchis pa ste/ de ci'i slad du zhe na/ mig ni mig gi rang bzhin dang bral ba/ khams
99a2 ni khams kyi rang bzhin dang bral ba'i slad du ste/ chos gang la rang bzhin ma mchis pa de ni dngos po ma mchis pa'o/ /gang la dngos po ma mchis pa de ni yongs su ma grub pa'o/ /gang yongs su ma grub pa de la ni skye
99a3 ba ma mchis so/ /gang la skye ba ma mchis pa de la 'gag pa ma mchis so/ /gang ma skyes ma 'gags pa de ni ming tsam dang / tha snyad tsam dang / brda tsam dang / kun rdzob tsam dang / brjod pa tsam ma gtogs par
99a4 'das pa zhes gdags par bgyi ba ma lags so/ /ma 'ongs pa dang / da ltar byung ba zhes gdags par bgyi ba ma lags so/ /ming de yang ming gis ma mchis/ brjod pa'i bar de yang brjod pas ma mchis
99a5 pa ste/ chos gang la rang bzhin ma mchis pa de ni dngos po ma mchis pa'o/ /gang la dngos po ma mchis pa de ni yongs su ma grub pa ste/ yongs su ma grub pa'i slad du skye ba ma mchis pa'o/ /gang la skye ba ma
99a6 mchis pa de la 'gag pa ma mchis so/ /gang ma skyes ma 'gags pa de ni 'das pa zhes gdags par bgyi ba ma lags/ ma 'ongs pa dang / da ltar byung ba zhes gdags par bgyi ba ma lags so/ /
99a7 gang dus gsum du gdags par bgyi ba ma lags pa de ni ming ma mchis pa/ mtshan nyid ma mchis pa/ mtshan ma ma mchis pa/ tha snyad ma mchis pa/ brda ma mchis pa/ dngos po ma mchis pa/
99a8 'dris pa ma mchis pa/ brjod du ma mchis pa/ 'ong ba ma mchis pa/ 'gro ba ma mchis pa/ ma bstan pa/ rab tu ma bstan pa/ mngon par shes par bgyi ba ma lags pa/ yongs su shes par
99b1 bgyi ba ma lags pa/ dkar po ma lags pa/ nag po ma lags pa/ gnas ma lags pa/ rtan ma lags pa/ thob pa ma lags pa/ thob par bgyi ba ma lags pa/ rtogs pa ma lags pa/ rtogs
99b2 par bgyi ba ma lags pa/ mngon du bgyis pa ma lags pa/ mngon du bgyi ba ma lags pa/ so so'i skye bo'i sa ma lags pa/ nyan thos kyi sa ma lags pa/ rang sangs rgyas kyi sa ma lags pa/ byang chub sems
99b3 dpa'i sa ma lags pa/ sangs rgyas kyi sa ma lags pa ste/ sa yang ma lags/ sa ma lags pa yang ma lags so/ /de ni de bzhin nyid dang / ma nor ba de bzhin nyid dang / gzhan ma lags pa de bzhin nyid dang
99b4 zhi ba dang / mtshan nyid ma mchis pa ste/ tha snyad tsam du btags pa'o/ /des tha snyad du de bzhin gshegs pa zhes bgyi ste don dam par ni ma lags so/ /de ci'i slad du zhe na/ gang la de bzhin gshegs pa zhes
99b5 bgyi ba'i chos de mi dmigs so/ /de bzhin du gzugs kyi khams dang / mig gi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams kyi bar
99b6 du rgya cher khams thams cad kyis chos kyi dbyings la 'jug bar bgyi'o/ /bcom ldan 'das chos kyi dbyings ni phung por btags kyang chos kyi dbyings nyid mi 'dor/ /khams dang / skye mched dang / dbang po
99b7 dang / bden pa dang / rten cing 'brel bar 'byung bar btags kyang chos kyi dbyings nyid mi 'dor te/ chos kyi dbyings te ming gang dang gang gis btags kyang de dang des chos kyi dbyings nyid 'dor ro/ /bcom ldan
99b8 'das 'di lta ste/ dper na sa'i khams ni ming gang dang gang gis tha snyad du bgyis kyang de dang des sa'i khams nyid mi 'dor ro/ /bcom ldan 'das de bzhin du chos kyi dbyings kyang ming gang dang gang gis tha snyad
100a1 du bgyi ba de dang des chos kyi dbyings nyid mi 'dor ro/ /bcom ldan 'das 'di lta ste/ dper na chu'i khams dang / me'i khams dang / rlung gi khams dang / nam mkha'i khams ni ming gang dang gang
100a2 gis tha snyad du bgyi ba de dang des chu dang / me dang / rlung dang / nam mkha'i khams nyid mi 'dor ro/ /bcom ldan 'das de bzhin du chos kyi dbyings kyang ming gang dang gang gis tha snyad du bgyi ba de dang des chos kyi
100a3 dbyings nyid mi 'dor te/ de ltar na khams la 'jug pas gzungs 'thob/ gzungs la 'jug pas spobs pa 'thob bo/ /bcom ldan 'das de la dbang po la 'jug pas chos kyi dbyings la 'jug pa ni dbang
100a4 po nyi shu gnyis te/ 'di lta ste/ mig gi dbang po dang / rna ba'i dbang po dang / sna'i dbang po dang / lce'i dbang po dang / lus kyi dbang po dang / yid kyi dbang po dang / mo'i dbang po dang / pho'i dbang po dang / srog gi dbang po dang /
100a5 bde ba'i dbang po dang / sdug bsngal gyi dbang po dang / yid bde ba'i dbang po dang / yid mi bde ba'i dbang po dang / btang snyoms kyi dbang po dang / dad pa'i dbang po dang / brtson 'grus kyi dbang po dang / dran pa'i dbang po
100a6 dang / ting nge 'dzin gyi dbang po dang / shes rab kyi dbang po dang / mi shes pa kun shes par byed pa'i dbang po dang / kun shes pa'i dbang po dang / kun shes pa dang ldan pa'i dbang po ste/ de la mig ni mig gis ma mchis/
100a7 dbang po ni dbang pos ma mchis pa'o/ /de ci'i slad du zhe na/ mig ni mig gi rang bzhin dang bral ba ste/ chos gang la rang bzhin ma mchis pa de ni dngos po ma mchis pa'o/ /gang la dngos po ma mchis pa de ni yongs
100a8 su ma grub pa'o/ /gang yongs su ma grub pa de ni mi skye ba/ gang mi skye ba ni mi 'gag pa/ gang ma skyes ma 'gags pa de ni 'das pa zhes gdags par bgyi ba ma lags/ ma 'ongs pa dang / da ltar byung ba zhes
100b1 gdags par bgyi ba ma lags so/ /gang dus gsum du mi dmigs pa de ni mig ma lags/ dbang po ma lags so/ /gang mig ma lags shing dbang po ma lags pa de'i tha snyad ji ltar 'tshal bar bgyi/
100b2 'di lta ste/ dper na chad pa stong pa ni brdzun pa/ yang dag pa ma lags pa/ ma mchis pa ste/ 'di ltar ming du gdags par bgyi/ /don dam par ni stong pa yang mi dmigs/ chad pa yang mi dmigs so/ /de bzhin
100b3 du mig dang dbang po yang chad stong pa ltar brdzun zhing ma mchis la/ yang dag pa ma lags pa ste/ gsob/ gsob/ log pa/ slu ba'i chos can/ byis pa 'drid pa/ glen pa rmongs par bgyid pa ste/ 'di ltar ming du
100b4 gdags pa rabs kyi/ don dam par ni mig kyang mi dmigs dbang po yang mi dmigs na de ni bcom ldan 'das kyis thams cad mkhyen pa'i ye shes brnyes nas ji tsam du phyin ci log la gnas pa'i sems can
100b5 rnams gzung pa'i slad du dbang po zhes btags kyi/ don dam par ni ma lags so/ /dbang po ni rang bzhin dang bral zhing dbang po'i ngo bo nyid kyis stong pa ste/ chos gang chos gang stong pa de la des tha snyad du bgyi ba ni
100b6 brdzun pa/ ma mchis pa/ gsob/ gsog /log pa/ slu ba'i chos can/ byis pa 'drid pa/ glen pa rmongs par bgyid pa/ rang bzhin dang bral ba ste/ de ni mi skye mi 'gag go/ /gang ma skyes ma 'gags
100b7 pa de ni 'das pa zhes gdags par bgyi ba ma lags/ ma 'ongs pa dang / da ltar byung ba zhes gdags par bgyi ba ma lags so/ /gang dus gsum du ma mchis pa de ni ma mchis pa/ mtshan ma ma
100b8 mchis pa/ brdzun pa/ mtshan nyid ma mchis pa/ gdags du ma mchis pa/ gdags pa ma lags pa/ ma shes pa/ shes par bgyi ba ma lags pa/ rnam par shes pa/ rnam par shes par bgyi ba
101a1 ma lags pa/ ma thos pa/ thos par bgyi ba ma lags pa/ rnam par ma rig pa/ rnam par rig par bgyi ba ma lags pa/ ma rtogs pa/ rtogs par bgyi ba ma lags pa/ ma thob pa/
101a2 thob par bgyi ba ma lags pa/ ma mthong ba/ mthong bar bgyi ba ma lags pa/ ma rnyed pa/ rnyed par bgyi ba ma lags pa'o/ /de ci'i slad du zhe na/ ma mchis shing mchis pa ma lags pa'i slad du'o/ /'di lta ste/
101a3 dper na mi zhig rmi lam na rgod pa dang / dga' ba dang / rtses pa dang / dga' mgur spyad pa dag nyal nyal ba las sad de rjes su dran la de dran yang rnyed par mi 'gyur/ 'thob par mi 'gyur ro/ /de ci'i slad du zhe na/
101a4 rmi lam na yang mi des rgod pa dang / dga' ba dang / rtses pa dang / dga' mgur spyad pa de dag ma thob ma rnyed na/ nyal ba las sad pa'i tshe lta smos kyang ci 'tshal te/ thob pa dang / rnyed par bgyi ba de'i gnas ma
101a5 mchis so/ /bcom ldan 'das de bzhin du dbang po rnams ni rmi lam lta bu ste/ ji ltar na rmi lam na rgod pa dang / dga' ba dang / rtses pa dang / dga' mgur spyad pa de dag dmigs su ma mchis pa de bzhin du
101a6 chos thams cad kyang ngo bo nyid kyis dmigs su ma mchis pa ste/ de dag ni 'das pa zhes gdags par bgyi ba ma lags/ ma 'ongs pa dang / da ltar byung ba zhes gdags par bgyi ba ma lags so/ /
101a7 gang dus gsum du dmigs su ma mchis pa de dag ni brjod du ma mchis pa zhes bgyi ste/ dbang po thams cad kyang de bzhin du rig par bgyi'o/ /de ltar na chos kyi dbyings la 'jug pas chos thams cad la
101a8 'jug par bgyi/ chos thams cad la 'jug pas kyang chos kyi dbyings la 'jug par bgyi'o/ /de la ji ltar na bden pa la 'jug pas chos kyi dbyings la 'jug par bgyi zhe na/ bzhi po 'di dag ni bden pa ste/
101b1 sdug bsngal dang / kun 'byung dang / 'gog pa dang / lam mo/ /bcom ldan 'das kyis kyang chos thams cad ni stong pa ste/ sems can med pa/ srog med pa/ gang zag med pa/ mtshan ma med pa/ mtshan nyid
101b2 med pa'o zhes bka' stsal te/ de la bdag cag the tshom ma mchis/ /som nyi ma mchis so/ /bcom ldan 'das de la sems can ma mchis pa'i slad du sdug bsngal ma mchis par rig par bgyi'o/ /de ci'i slad du zhe na/
101b3 gang la sems can ma mchis pa de la sdug bsngal yang ma mchis so/ /bcom ldan 'das sdug bsngal ma mchis pa'i slad du kun 'byung ba yang ma mchis par rig par bgyi'o/ /de ci'i slad du zhe na/ gang la 'bras bu ma
101b4 mchis pa de ni rgyu ma lags pa'i slad du'o/ /bcom ldan 'das kun 'byung ba ma mchis pa'i slad du/ 'gog pa ma mchis par rig par bgyi'o/ /de ci'i slad du zhe na/ kun 'byung ba ma mchis pa la spang pa ma mchis pa'i slad du'o/ /
101b5 bcom ldan 'das 'gog pa ma mchis pa'i slad du lam ma mchis par rig par bgyi'o/ /de ci'i slad du zhe na/ gang spong bar mi bgyid pa de ni lam ma lags te/ lam gyi 'bras bu ni 'gog pa ma lags la/ gang spang ba'i 'gog
101b6 pa'i nyon mongs pa de ni mi dmigs te/ 'gog pa dmigs su ma mchis na lam du 'thad pa ma lags te/ 'bras bu ma mchis pa'i lam yang ma mchis pas de ltar na 'phags pa'i bden pa bzhi po de dag ni brtags pa rnam
101b7 par bsgrubs pa ste/ gang brtags shing rnam par bsgrubs pa de ni ma mchis pa'o/ /gang ma mchis pa de la ni 'das pa zhes tha snyad du bgyi ba ma mchis so/ /ma 'ongs pa dang / da ltar byung ba zhes tha snyad du bgyi ba ma mchis so/ /
101b8 gang dus gsum du mi dmigs pa de ni ma skyes pa ma 'gags pa/ mtshan nyid ma mchis pa mtshan ma ma mchis pa/ ma btags pa gdags par mi bgyi ba/ ma bstan pa/ rab tu ma bstan pa/ bstan par bgyi ba ma lags pa/
102a1 rab tu bstan par bgyi ba ma lags pa/ ma brjod pa/ brjod par bgyi ba ma lags pa/ mngon par ma brjod pa/ mngon par brjod par bgyi ba ma lags pa/ ma mthong ba/ mthong bar bgyi ba ma lags pa/
102a2 ma shes pa/ shes par bgyi ba ma lags pa/ khong du ma chud pa/ khong du chud par bgyi ba ma lags pa/ ma rtogs pa/ rtogs par bgyi ba ma lags pa/ ma rnyed pa/ rnyed par bgyi ba ma lags pa/ ma thob pa/ thob
102a3 par bgyi ba ma lags pa/ ma thos pa/ thos par bgyi ba ma lags pa/ ma mthong ba/ mthong bar bgyi ba ma lags pa/ ma bsgrubs pa/ bsgrubs par bgyi ba ma lags pa/ mngon du ma bgyis pa/ mngon du bgyi
102a4 ba ma lags pa/ dkar po ma lags pa/ nag po ma lags/ snang ba ma lags pa/ mun pa ma lags pa/ 'gro ba ma lags pa/ 'ong ba ma lags pa/ gsal ba ma lags pa/ zab pa ma lags pa/ 'khrugs
102a5 pa ma lags pa/ dang ba ma lags pa/ 'jigs pa ma lags pa/ bde ba ma lags pa/ 'ching ba ma lags pa/ grol ba ma lags pa/ rjes su chags pa ma lags pa/ khong khro ba ma lags pa/ kun nas nyon mongs pa
102a6 ma lags pa/ rnam par byang ba ma lags pa/ ye shes ma lags/ rnam par shes pa ma lags pa/ lam ma lags pa/ lam gol ba ma lags pa/ 'jig pa ma lags pa/ rnam par 'jig pa ma lags pa/
102a7 gzung ba ma lags pa/ mi gzung ba ma lags pa/ dor ba ma lags pa/ rab tu dor ba ma lags pa/ dmigs pa ma lags pa/ dmigs su ma mchis pa ma lags pa/ sems can ma lags
102a8 pa/ sems can ma mchis pa ma lags pa/ srog ma lags pa/ srog ma mchis pa ma lags pa/ gang zag ma lags pa/ gang zag ma mchis pa ma lags pa/ bdag ma lags pa/ bdag ma mchis pa
102b1 ma lags pa/ dngos po ma lags pa/ dngos po ma mchis pa ma lags pa/ stong pa ma lags pa/ mi stong pa ma lags pa/ mtshan ma ma lags pa/ mtshan ma ma mchis pa ma lags pa/ smon pa ma lags pa/ smon pa ma mchis pa ma lags
102b2 pa/ gnas ma lags pa/ gnas ma mchis pa ma lags pa/ 'dus byas ma lags pa/ 'dus ma byas ma lags pa/ chad pa ma lags pa/ rtag pa ma lags pa/ log pa ma lags pa/ yang dag pa ma lags pa/
102b3 bden pa ma lags pa/ brdzun pa ma lags pa/ mngon par zhen pa ma lags pa/ mngon par zhen pa ma mchis pa ma lags pa/ rten ma lags pa/ rten ma mchis pa ma lags pa/ gzhi ma lags pa/ gzhi ma mchis
102b4 pa ma lags pa/ mngon par zhen par bgyi ba ma lags pa/ yongs su shes par bgyi ba ma lags pa/ spang ba ma lags pa/ bsgom pa ma lags pa/ mngon du bgyi ba ma lags pa/ rnyed pa ma lags pa/
102b5 rnyed par bgyi ba ma lags pa/ 'khor ba ma lags pa/ mya ngan las 'das pa ma lags pa/ sangs rgyas ma lags pa/ 'tshang rgya bar bgyi ba ma lags pa/ so so skye bo'i spyod yul ma lags pa/ 'phags pa'i
102b6 spyod yul ma lags pa/ nyan thos kyi spyod yul ma lags pa/ rang sangs rgyas kyi spyod yul ma lags pa/ byang chub sems dpa'i spyod pa ma lags pa/ sangs rgyas kyi spyod yul ma lags pa/ spyod yul
102b7 yang ma lags pa/ spyod yul ma lags pa yang ma lags/ bgyis pa ma lags/ ma bgyis pa ma lags pa/ dam pa ma lags pa/ dag par bgyi ba ma lags pa ste/ de ltar bden pa la 'jug pas
102b8 chos kyi dbyings la 'jug par 'gyur/ chos kyi dbyings la 'jug pas gzungs thob par 'gyur/ gzungs thob pas spobs pa 'thob par 'gyur ro/ /de la ji ltar na rten cing 'brel bar 'byung ba la 'jug pas chos kyi
103a1 dbyings la 'jug ce na/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa nas de ltar sdug bsngal gyi phung po chen po 'di 'ba' zhig 'byung bar 'gyur ro zhes bgyi ba'i bar du ste/
103a2 'di ni rten cing 'brel bar 'byung ba'o/ /bcom ldan 'das de la ma rig pa ni ma rig pas ma mchis so/ /de ci'i slad du zhe na/ 'di ltar ma rig pa ni rang bzhin dang bral ba ste/ chos gang la rang bzhin ma mchis pa
103a3 de ni dngos po ma mchis pa'o/ /gang la dngos po ma mchis pa de ni yongs su ma grub pa'o/ /gang yongs su ma grub pa de ni mi skye ba'o/ /gang mi skye ba de ni mi 'gag pa'o/ /gang ma skyes ma 'gag pa de ni
103a4 'das pa zhes gdags par bgyi ba ma lags/ ma 'ongs pa dang / da ltar byung ba zhes gdags par bgyi ba ma lags so/ /gang dus gsum mi dmigs pa de ni ming ma mchis so/ /mtshan nyid ma mchis pa/
103a5 mtshan ma ma mchis pa/ gdags su ma mchis pa ste/ gzhan du na ming tsam dang / brda tsam dang / tha snyad tsam dang / kun rdzob pa tsam dang / brjod pa tsam dang / gdags pa tsam du sems can rnams gzung ba'i don
103a6 du bgyi ba ma gtogs par ma rig pa de ni don dam par dmigs su ma mchis so/ /chos gang don dam par dmigs su ma mchis pa de ni gdags su ma mchis pa/ tha snyad du bgyir ma mchis pa/ brjod du ma
103a7 mchis pa ste/ bcom ldan 'das gang ming tsam zhes bgyi ba nas/ gdags pa tsam gyi bar de dag kyang yang dag pa ma lags pa/ brdzun pa/ log pa/ brtags pa/ rnam par bsgrubs pa/ yongs su brtags
103a8 pa/ rnam par brtags pa/ rnam par dpyad pa/ ma zhi ba dang / rab tu spros pa'o/ /ma rig pa'i rkyen gyis 'du byed rnams shes bgyi ba yang chos gang ngo bo nyid kyis ma mchis pa de 'du byed skyed par yang ji ltar 'gyur
103b1 te/ de bas na ma rig pa ni ma rig pa ma mchis pa'o/ /de ltar ma rig pa ma mchis pas 'du byed rnams kyang ma skyes pa'o/ /gang ma skyes pa de dag ni rga bar mi 'gyur/ na par mi 'gyur/ 'chi bar mi 'gyur/
103b2 shi 'pho bar mi 'gyur/ skye bar mi 'gyur ro/ /de ci'i slad du zhe na/ bcom ldan 'das chos gang ma skyes pa de la rga ba ga la mchis te/ gang la rga ba ma mchis pa de ni na par mi 'gyur/ 'chi bar mi 'gyur/ shi 'pho
103b3 bar mi 'gyur/ skye bar mi 'gyur/ 'di ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub ste ming tsam du bas kyi/ don dam par ni ma lags so/ /ma rig pa gang
103b4 lags pa de nyid byang chub bo/ /de bzhin du srid pa'i yan lag /thams cad kyang shes par bgyi ste/ de ltar na rten cing 'brel bar 'byung ba la 'jug pas chos kyi dbyings la 'jug par 'gyur ro/ /bcom ldan 'das de
103b5 bzhin gshegs pa ni ma skyes pa ste/ chos thams cad kyang ma skyes pa'o/ /de bas na chos thams cad ni de bzhin gshegs pa'o/ /bcom ldan 'das de bzhin gshegs pa ni ma 'gags pa ste chos thams cad
103b6 kyang ma 'gags pa'o/ /bcom ldan 'das de bzhin du de bzhin gshegs pa ni mtshan nyid ma mchis pa/ mtshan ma ma mchis pa/ dmigs su ma mchis pa/ kun nas nyon mongs pa ma mchis pa/ rnam par byang
103b7 ba ma mchis pa/ rjes su chags pa ma mchis pa/ khong khro ba ma mchis pa ste/ chos kyi dbyings dang / de bzhin nyid dang / yang dag pa'i mtha' ste/ chos thams cad kyang yang dag pa'i mtha'o/ /de'i slad du
103b8 chos thams cad ni de bzhin gshegs pa ste/ bcom ldan 'das de ltar na chos gang dang gang dag gis de bzhin gshegs pa ma mchis pa'i chos de dag gis chos thams cad ma mchis pa ste/ de'i slad du
104a1 chos thams cad ni de bzhin gshegs pa'o/ /bcom ldan 'das gang la la zhig 'di skad du de bzhin gshegs pa dgra bcom pa yang dag par rdzogs pa'i sangs rgyas kyis byang chub mngon
104a2 par rdzogs par sangs rgyas so zhes mchi na de dag thams cad ni lta ba'i rnam pa la mngon par zhen pa'o/ /de ci'i slad du zhe na/ de bzhin gshegs pa ni gnyis su ma mchis pa ste/ byang chub kyang
104a3 gnyis su ma mchis pa/ lags pas gnyis su ma mchis pas ni gnyis su ma mchis pa mngon par rdzogs par 'tshang mi rgya'o/ /bcom ldan 'das de bzhin du gang la la zhig 'di skad du de bzhin
104a4 gshegs pas bla na med pa'i chos kyi 'khor lo bskor ro zhes mchi na de dag thams cad ni lta ba'i rnam pa la mngon par zhen pa'o/ /de ci'i slad du zhe na/ de bzhin gshegs pa ni zlog pa 'am skor bar mdzad pa ma lags so/ /
104a5 bcom ldan 'das gang la la zhig gi 'di skad du de bzhin gshegs pas sems can tshad med pa yongs su mya ngan las bzlas so zhes mchi na de dag thams cad ni lta ba'i rnam pa la mngon par zhen pa'o/ /de ci'i slad du
104a6 zhe na/ bcom ldan 'das chos thams cad ni sems can ma mchis pa ste/ de la yongs su mya ngan las 'das pa gang yang ma mchis so/ /bcom ldan 'das gang la la zhig 'di skad du de bzhin gshegs pas
104a7 sems can tshad med pa'i don mdzad do zhes mchi na de dag thams cad ni lta ba'i rnam pa la mngon par zhen pa'o/ /de ci'i slad du zhe na/ bcom ldan 'das de bzhin gshegs pa ni chos gang la yang phan pa'am/ gnod
104a8 pa'i rnam par nye bar gnas pa ma lags so/ /bcom ldan 'das gang la la zhig 'di skad du de bzhin gshegs pas tshe'i 'du byed bor ro zhes mchi na de dag thams cad ni lta ba'i rnam pa la mngon par zhen pa'o/ /
104b1 de ci'i slad du zhe na/ bcom ldan 'das chos kyi dbyings ni ci 'ang 'dor ba 'am/ len pa ma mchis so/ /bcom ldan 'das gang la la zhig 'di skad du de bzhin gshegs pa ni phung po'i lhag ma med pa'i mya ngan las 'das
104b2 pa'i dbyings su yongs su mya ngan las 'das so zhes mchi na/ de dag thams cad ni lta ba'i rnam pa la mngon par zhen pa'o/ /de ci'i slad du zhe na/ bcom ldan 'das chos kyi dbyings ni 'khor ba 'am/ yongs su mya ngan
104b3 las 'da' ba ma lags so/ /bcom ldan 'das gang la la zhig 'di lta bu'i chos la nges par gyur na de dag thams cad bla na med pa yang dag par rdzogs pa'i byang chub las phyir mi ldog pa ste/ bcom ldan 'das chos kyi
104b4 dbyings la ni mi 'gyur ba ma mchis kyang gda'i/ rigs kyi bu 'am/ rigs kyi bu mo de dag ni bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur ba mi gda'o// // bam po dgu pa/
104b5 de nas 'bras bu che ba'i lha bye ba phrag brgyad bcus bcom ldan 'das kyi spyan sngar chos nyid la nges par 'gro ba brjod nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum
104b6 bskor ba byas nas thal mo sbyar te/ phyogs gcig tu 'khod nas kyang de'i tshe bcom ldan 'das la tshigs su bcad pa dag gis mngon par bstod pa/ bde gshegs mthu chen 'dren pa tshul dang tshul min mkhyen
104b7 la phyag 'tshal lo/ /'gro ba kun la thugs brtse thub pa yang dag ji bzhin ston mdzad pa/ 'dren pa tshul mkhas khyod kyis tshul ni yang dag nyid du yang dag bstan/ /mtha' yas yon tan mnga' zhing ye shes mngon par
104b8 'phags la mgos phyag 'tshal/ /khyod kyis byang chub nges par 'byung ba'i drang lam gcig pu bgrod pa bstan/ /khyod kyis byang chub dam pa gzhal yas zhi ba shis pa mi g.yo brnyes/ /srog chags bye ba khrag
105a1 khrig 'khor ba'i sdug bsngal nyam thag 'grol mdzad pa/ /mtha' yas yon tan mnga' zhing ye shes mngon par 'phags la mgos phyag 'tshal/ /phung po rnams ni ngo bo nyid stong shin du phung po rnams dang bral/ /
105a2 byis pa rmongs byed rnams ni rab tu bral bar khyod kyis yongs su brtags/ /shes pa mi ldan skye bo phal chen 'dir bcings rnyong la spre'u thogs pa bzhin/ /grol ba mkhas pa rnams ni mkha' la rlung bzhin chags pa
105a3 med par 'dong / /khams rnams khams kyis rnam pa kun du stong par thams cad mkhyen pas gsungs/ /dper na brag ca rnam pa kun du shin du sgra dang bral ba 'dra/ /des ni mi mkhas skye bo yang dag ji bzhin mi shes mang
105a4 po bcings/ /grol ba mkhas pa yang dag rtogs pa rnams ni khams gsum chags ma mchis/ /skye mched ngo bo nyid kyis rtag tu stong zhes thams cad mkhyen pas bstan/ /yang dag ma lags brdzun zhing
105a5 byis pa slu ba chad pa stong pa 'dra/ /mi mkhas skye bo lam la gcig tu ma nges mang po de la chags/ /dper na 'gron pa rgya mtsho chen por 'khyams pa bzhin du 'khor bar lhung / /'dren pa dbang po 'di dag dbang po nyid kyis shin
105a6 tu stong pa ste/ /thub pa me long nang gi bzhin gyi dkyil 'khor lta bur shin du stong / /mi mkhas skye bo yang dag ma 'tshal mang po dag ni de la chags/ /bya dang mtsho yi nya dang srog chags dag ni rgya la thogs pa bzhin/ /
105a7 sems can sems can nyid stong sems can bral zhing ngo bo nyid kyis stong / /thub pa sems can ri mo mkhan gyis gzugs bris bzhin du ma mchis na/ /mi mkhas skye bo yang dag ji bzhin ma 'tshal mang po de la chags/ /
105a8 mkhas pa yang dag rtogs rnams sgo de'i sbubs nas byung ba'i bya bzhin grol/ /rten cing chos rnams de dag skad cig pa ste stong zhing dmigs ma mchis/ /rmi lam dga' ba bzhin du gzung du ma mchis byis pa rmongs
105b1 bgyid pa/ /mi shes rtog pa'i slad du des kyang mi mkhas skye bo mang po bcings/ /mkhas pa yang dag rab tu rtogs rnams gzeb nas thar ba'i bya bzhin grol/ /thub pas chos nyid bsam yas ji bzhin chos
105b2 rnams thams cad bsam mi khyab/ /thub pa zhi ba mya ngan 'das pa ji bzhin chos kun mtshan nyid bral/ /thub pa khams gsum mi chags bzhin du chos kun gnas pa ma mchis te/ /de slad tshul gcig 'di 'tshal
105b3 gyur na 'gro kun bde bar gshegs par 'gyur/ /thub pa bdag dang gzhan du mi mkhyen lta bur chos kun g.yo ba med/ /thub pa'i ye shes rgyal ba'i bstan pa ji bzhin chos kun bsam mi khyab/ /thub pa byis pa'i spyod
105b4 yul ma lags ji bzhin chos kun brtags ma lags/ /sangs rgyas rnams kyi spyod yul 'di ni rab gsal de bzhin shes par bgyi/ /mi mkhas gang dag rgyal bas byang chub gzhal yas brnyes shes smra ba dang / /
105b5 gang dag rgyal bas 'khor lo dam pa gzhal yas mchog bskor smra ba dang / /gang dag bde gshegs skyob pas srog chags khrag khrig mya ngan bzlas smra ba/ /de dag thams cad yang dag ma 'tshal lta ba thibs por
105b6 yongs su dkris/ /gang dag bde bar gshegs pas che yi 'du byed btang bzung smra ba dang / /gang dag stobs bcu 'gro ba'i don mdzad yongs su mya ngan 'das smra ba/ /de dag thams cad lta bar song la yid chags bdud
105b7 kyi lag tu mchis/ /chos kyis de bzhin nyid ma 'tshal te 'dren pas mkhyen bzhin 'tshal bar bgyi/ /gang dag tshul dang tshul min 'di la mkhas pa de dag 'dren pa 'tshal/ /de dag rkang gnyis gtso bo dpal stug
105b8 'jig rten thugs brtse rgyal bar 'gyur/ /de bzhin nyid 'di 'gyur ba'i dbang dang ldan te de nyid chos nyid lags/ /de ltar 'di 'tshal gyur nas tshul la mkhas pa mi yi mchog tu 'gyur/ /de ltar 'bras bu che ba'i lha tshogs
106a1 chos rnams nges par rtogs gyur pa/ /ston pa'i spyan sngar brjod de lhag pa'i bsam pa de yang bstan byas nas/ /kha cig yi rangs dogs med yid kyis sangs rgyas nyid du bdag mthong nas/ /'dren
106a2 sras de dag tshul 'di nyid kyis bdag gis bdag lung bstan par 'gyur/ /de nas bcom ldan 'das kyis 'bras bu che ba'i lha de dag gi lhag pa'i bsam pa phun sum tshogs pa dang / chos rnams nges par thugs
106a3 su chud nas sems can rnams kyi dge ba'i rtsa ba bskyed pa'i phyir de'i tshe 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol pa/ /dpal stug 'dren pa rnams
106a4 ni rgyu zhig gzigs nas 'dzum pa mdzad lags te/ /rgyu med mi mdzad bka' stsal bdag gis bde gshegs mngon sum de skad thos/ /'di ltar 'dren pa khyod kyis zhi ba bde ba bsil ba'i 'dzum mdzad na/ /rgyal ba lha mi
106a5 lha min bla ma 'dzum pa mdzad pa'i rgyu de gsungs/ /de ring 'di ltar 'dren pa khyod kyi zhal nas 'dzum mdzad bsil mthong nas/ /'gro ba 'di kun the tshom 'tshal te bde gshegs khyod kyi zhal du lta/ /mi mchog
106a6 thugs rje ldan pa khyod kyis 'dzum rgyu de ni myur du gsungs/ /de thos gyur nas rgyal mchog 'gro ba 'di dag the tshom ma mchis 'gyur/ /'dren pa dam pa lha tshogs gang dag rang gis rang la lung bstan pa/
106a7 de dag su zhig gang gis ci 'thob mtha' bcas rnam par 'phrul pa gsungs/ /mi mchog tshangs pa'i gsung dbyangs sgrog te the tshom bsal du gsol/ /de thos rgyal ba'i 'khor 'di rab tu dga' zhing mchog tu
106a8 mgu ba 'thob/ /bde gshegs rgyal mtshan mthon po de dag thams cad gzhan du mi sems par/ /'dren pa'i sras rnams byang chub gzhal yas zhi ba dam pas sems shing mchis/ /thub pa 'dren mchog
106b1 the tshom 'tshal ba de dag rnams kyi the tshom khum/ /des ni ye shes stobs ldan tshul dang tshul min mkhas kun rgyal bar 'gyur/ /rkang gnyis gtso bo'i yan lag brgyad ldan gsung thos gyur nas rab dga'
106b2 ste/ /bde gshegs bstan pa bzhin du bgyid cing gsungs pa'i rjes 'jug mkhas par 'gyur/ /de dag don gyi dbang la brten nas bde gshegs 'dren pa bka' stsal gsol/ /des ni yi rangs
106b3 gyur te 'gro ba chos kyi mtha' mar phyin par 'gyur/ /'dren pa chen po lha de dag gi sngon gyi spyod pa thos gyur cing / /rgyal ba'i gsung thos gyur nas brnag pa yongs rdzogs zhi zhing rab dga' ste/ /
106b4 tshul la zhugs shing tshul la mkhas rnams myur du thams cad mkhyen par 'gyur/ /'gro ba rab tu 'grol mdzad ji bzhin yang dag ston par mdzad par 'gyur/ /de nas bcom ldan 'das kyis tshe dang
106b5 ldan pa rta thul la tshigs su bcad de slar bka' stsal pa/ /lha tshogs rnams kyi ched du nga yis 'dzum pa 'jig rten bstan mdzad pa/ /rta thul khyod kyis dus dang tshod shes nga la dris pa shin tu legs/ /
106b6 gang phyir nga yis 'dzum pa mdzad pa 'di yi tshul dang rgyu/ /de khyod bstan gyis khyod dang 'gro ba rtse gcig yid kyis nyon/ /thams cad mkhyen pa rnams ni rgyu yi 'bras bu rnam pa gsum gzigs shing / /rgyu las gzigs
106b7 nas rkang gnyis dam pa dpal stug rnams ni 'dzum pa mdzad/ /kha cig blo zhan bdag cag nyan thos 'gyur zhes mya ngan 'das zhugs dang / /kha cig kha rog 'dug la dga' zhing rang rgyal byang chub 'dod zhugs dang / /
106b8 kha cig bdag cag 'jig rten 'dren pa mthu bo cher ni 'gyur bya ste/ /skye bo sdug bsngal lhung ba dgrol zhes zhugs pa'i bsam pa mkhyen gyur nas/ /'dzum pa cung mdzad gang byung nyan thos don du mdzad par shes par bya/ /
107a1 'dzum pa 'bring mdzad gang byung rang rgyal don du mdzad par rig par bya/ /'dzum mchog ngas gang mdzad pa 'di ni 'dren pa'i don du shes par bya/ /rab 'bring tha ma rnam pa 'di gsum 'dzum pa mdzad pa'i rgyur
107a2 gsungs te/ /kha cig thar pa'i don gnyer lam gsum zhugs pa'i 'jig rten 'di mkhyen nas/ /des na 'jig rten mkhas pa rnam par 'dren pa dam pa 'dzum pa mdzad/ /rta thul de la nyan thos don du 'dzum mdzad zhabs
107a3 'og nub par 'gyur/ /rang rgyal don du 'dzum pa gang mdzad sku yi dbus su nub par 'gyur/ /'dren pa stobs bcu'i don du 'dzum pa mdzad pa gtsug tu nub par 'gyur/ /de ltar rta thul khyod kyis 'dzum pa'i rgyu ni rnam
107a4 gsum shes par gyis/ /rgyal ba mchog rnams don du gang 'dzum de kun nga yi gtsug tu nub/ /sdig pa gzhom pa'i tshul du de ltar 'dzum pa ngas bstan shes par gyis/ /'dren pa rnams kyis 'dzum pa gang yin de rgyu rnam
107a5 gsum yang bshad kyis/ /kun kyang rtse gcig yid byos de ni nga las legs par mnyan par gyis/ /dang po'i don du 'dren pa 'dzum pa ngas mdzad myur du thog mar nub/ /'bring gi don ni dus tshod cung zad bsdad cing phyi nas nub
107a6 par 'gyur/ /blo mchog ldan phyir 'dzum pa rgyal ba ngas mdzad shin du ring du gnas/ /rta thul nyan thos don du gang gnas 'dzum de theg pa'i dbang gis mdzad/ /gzhan yang 'dzum rgyu rnam gsum bshad kyis rta thul khyod
107a7 kyis mnyan par gyis/ /gang dag rgyal ba drang po stobs bcu po la skor ba byed pa ni/ /de dag nga la skyen par bskor nas myur du shin du mkhas par 'gyur/ /'bring don phyir ni srab cing che la dal gyis skor ba byed par 'gyur/ /
107a8 dal gyis g.yas phyogs bskor ba byas nas rgya cher 'gyur zhing mnan par 'gyur/ /gang dag gser rgyan ltar dkar steng bzhag 'dre ba'i bde gshegs mthong gyur na/ /de ni rkang gnyis dam pa thub pa'i sku kun khyab par
107b1 gnas par 'gyur/ /thams cad mkhyen pas 'dzum bstan 'di ni zhing gi dbang du shes par bya/ /gang tshe gdugs 'dra mtha' yas mig ldan pas ni 'dren de 'gebs pa dang / /gang tshe me tog 'dra la 'dren pa'i steng gi
107b2 mkha' la lding ba dang / /gang tshe sgo mo 'dra zhing bde bar gshegs la lan gsum skor byed pa/ /de ni 'jig rten 'das pa tshe yi dbang du 'dzum mdzad shes par bya/ /bde gshegs rgyal ba rnams kyis 'dzum mdzad rgyu ni rnam
107b3 gsum de tsam bstan/ /rta thul khyod kyis 'dzum mdzad rgyu rnam gsum po de dag shes par gyis/ /des na 'jig rten don bstan bzhed nas 'jig rten rnam 'dren 'dzum pa mdzad/ /de thos gyur nas thams cad mkhyen gyi
107b4 bstan la the tshom med par gyis/ /'bras bu che ris lha tshogs bye ba brgyad bcu tham pa 'di dag ni/ /zhing rnams dag tu chos tshul shin du rgya cher smra ba'i rgyal bar 'gyur/ /mkhas pa de dag dpag med tshe ldan bskal pa
107b5 mang por gnas par 'gyur/ /de phyir bde bar gshegs pas 'dzum pa rgya chen mchog gi cha 'di bstan/ /de dag sngon gyi bskal pa sum bcu drug gi rgyal ba rnams kyang mthong / /bskal pa sum bcu drug tu thams cad
107b6 mkhyen pa bsnyen bkur spyad pa spyod/ /da dung tshul mkhas 'di dag bskal pa grangs med sum bcu rtsa drug tu/ /gang zag chen po 'di dag rgyal ba khyu mchog mchod pa byed cing gnas/ /thams cad du yang phun sum
107b7 tshul rtogs rgyal ba'i mchog la mchod pa byed/ /rkang gnyis gtso bo mchod de byang chub zhi ba yongs su btsal byas nas/ /de dag de yi 'og tu dpal stug rkang gnyis dam pa skyes bu mchog /'dren pa mthu
107b8 chen yon tan ldan par gser gyi rgyal mtshan bskal la 'byung / /rgyal ba de dag sna tshogs zhing na gnas shing rang rang zhing sbyangs te/ /sems can dam pa de kun nyi ma'i 'od kyi dkyil 'khor dpal zhes bya/ /
108a1 de tshe yon tan ldan pa de dag rnams kyi 'dus pa grangs med de/ /de tshe thub pa re re'i nyan thos 'dus par 'gyur pa de dag ni/ /gal te bskal pa khrag khrig dag tu stobs bcus nyan thos de bgrangs kyang / /
108a2 legs mdzad rnams kyi nyan thos 'dus pa dag ni mthar phyin bgrangs mi 'gyur/ /'dus pa de dag thams cad grangs med 'dus pa de ni ci 'dra ba/ /de las nyis gyur de tshe byang chub du ni yang dag zhugs par 'gyur/ /
108a3 de tshe rgyal ba zhugs kyi rgyal ba thams cad mkhyen pa nyid ma yin/ /de dag thams cad yongs dag zhing du spyad nas kun kyang rgyal bar 'gyur/ /bde gshegs de dag spyod pa gang yin de dag rnams kyi 'di nyid 'gyur/ /'jig
108a4 rten mkhas pa de dag mya ngan 'das par gyur nas dam pa'i chos/ /de tshe sras kyis gzungs zhing bskal pa bye ba brgyad bcur gnas par 'gyur/ /de dag 'das nas ston pa'i gsung rab de la byang chub sems bskyed pa/ /gang
108a5 gA'i klung gi bye ma pas kyang shin du mang ba 'byung bar 'gyur/ /de dag 'das nas ston pa skyob pa rnams kyi gsung rab de la ni/ /nyan thos rgya mtsho kun gyi bye snyed dpag yas mya ngan 'da' bar 'gyur/ /de ltar 'jig rten
108a6 don rnams mdzad pa rang byung de dag thams cad kyi/ /bstan pa gang yin de ni chos dang yongs su legs par ldan gyur cing / /yang dag shar bar 'gyur te de ni bstan pa rnams kyi chos nyid yin/ /mi mchog de yi gsung rab
108a7 de thos 'gro ba ma lus dad gyur nas/ /rkang gnyis dam pa gzhal yas 'jig rten don byed bdag cag 'gyur zhes te/ /thams cad dga' nas rgyal ba'i zhabs la phyag 'tshal skye bo rab tu dga'/ /bde bar gshegs
108a8 la dga' ba gzhal yas bskyed nas chos kyis bsnyen bkur byas/ /de lta bas na dga' bar byos la mgo la 'bar bzhin spyad spyod de/ /rtag tu shes rab pha rol phyin dang dge ba'i bshes gnyen bsten byos la/ /
108b1 yang dag mthong ba'i spyad pa dge ba 'di la kun du bsten byos te/ /dge slong khyed cag rkang gnyis gtso bo 'jig rten thugs brtser 'gyur bar gyis/ /'bras bu che ba lung bstan pa'i le'u ste nyi shu rtsa gsum pa'o// //
108b2 de nas gnas gtsang ma'i ris kyi lha rnams kyis de'i tshe sems can dpag tu med pa byang chub tu yang dag par zhugs par rig cing sangs rgyas kyi chos rnams la the tshom med par gyur par rig nas tshim zhing mgu
108b3 la yi rangs te rab tu dga' zhing dga' ba dang yid bde ba skyes nas bcom ldan 'das la tshul dang 'dra ba'i tshigs su bcad pa 'di dag gis so so nas mngon par bstod do/ /de la lha'i bu sbyin pa la mos pas
108b4 gsol pa/ khyod kyis sdug pa'i sras rnams dang / /btsun mo dang ni srog phangs btang / /rgyal srid btang bar ci smos te/ /sbyin mthar phyin la phyag kyang 'tshal/ /lha'i bu tshul khrims la mos pas gsol
108b5 pa/ khyod kyis tshul khrims rnam sbyangs pa/ /rnam pa kun du bsnyengs mi mnga'/ /shin du bslabs pas mthar phyin pa/ /khrims mthar phyin la phyag kyang 'tshal/ /lha'i bu bzod pa la mos pas gsol pa/ /
108b6 khyod kyis bzod pa bsten mdzad pas/ /yan lag gtubs pa 'ang bzod par mdzad/ /zab mor sgyid lug ma lags te/ /bzod mthar phyin la phyag kyang 'tshal/ /lha'i bu brtson 'grus la mos pas gsol
108b7 pa/ /brtson pa ma btang brtson 'grus te/ /stobs chen brtson 'grus ldan gyur pas/ /rdzogs pa'i byang chub mchog brnyes pa/ /brtson mthar phyin la phyag kyang 'tshal/ /lha'i bu bsam gtan la mos pas gsol
108b8 pa/ /khyod kyis bsam gtan bsten mdzad pa/ /de la 'jig rten gting mi rnyed/ /dus gsum mnyam pa nyid brnyes pa/ /bsam gtan mthar phyin phyag kyang 'tshal/ /lha'i bu gzi brjid dang ldan pas gsol pa/ /
109a1 dga' bos shes rab pha rol phyin/ /yang dang yang ni bsgoms pas na/ /thams cad mkhyen pa nyid brnyes pa/ /shes rab mthar phyin phyag kyang 'tshal/ /lha'i bu khams kyi blo gros kyis gsol pa/ /
109a2 sbyin pa dag dang ngag snyan dang / /don spyad 'thun pa'i don dag gis/ /'jig rten 'di dag khyod kyis btul/ /'dren pa khyod la phyag kyang 'tshal/ /lha'i bu dge ba'i blo gros kyis gsol pa/ /byams chen thugs rje
109a3 chen po dag /yun ring dus nas bsgoms mdzad de/ /sems can dpag yas yongs su bsgral/ /gdos 'dzin khyod la phyag kyang 'tshal/ /lha'i bu dag pa'i sems kyis gsol pa/ /nyon mongs med pa'i mthar
109a4 phyin cing / /thub chen dul ba'i sems mnga' bas/ /ma dul thams cad dul mdzad pa/ /kha lo sgyur la phyag kyang 'tshal/ /lha'i bu blo gros dri ma med kyis gsol pa/ /sems dag mnyen pa'i sems mnga' ba/ /
109a5 sems dul dbang po zhi mnga' ba/ /sems can kun gyi sems mkhyen pa/ /sems mkhyen khyod la phyag kyang 'tshal/ /lha'i bu blo gros rnam par dag pas gsol pa/ /shes rab ldan pa'i blo gros can/ /blo gros
109a6 mchog la rab tu zhugs/ /thugs gsal phun sum tshogs pa'i blo/ /mi mkhas rtogs mdzad phyag kyang 'tshal/ /lha'i bu sems brgyan gyis gsol pa/ /khyod kyi sems ni rnam par sbyangs/ /sangs rgyas
109a7 zhing yang rnam dag mdzad/ /sems can blo yang rnam sbyangs pa/ /kun dga' khyod la phyag kyang 'tshal/ /lha'i bu pham pa med pas gsol pa/ /dgongs pa pham pa mi mnga' ba/ /khyod kyis bdud kyi dpung yang bcom/ /
109a8 khyod kyis lha tshogs thams cad kyang / /rab tu dga' ba'i yid du bsgyur/ /lha'i bu myur du byed pas gsol pa/ /khyod kyis chos rnams myur bar mkhyen/ /sems can myur bar rnam par sbyangs/ /zab cing blta dka'i chos dag
109b1 la/ /myur du mdzad la phyag kyang 'tshal/ /lha'i bu brtson 'grus brtan pas gsol pa/ /bral gyur yongs su bral gyur ba/ /chu bo rgal te zag pa spangs/ /pha rol phyin cing thang la bzhugs/ /brtson 'grus brtan la
109b2 phyag kyang 'tshal/ /lha'i bu spyod lam dang ldan pas gsol pa/ /'dod chags spangs shing zhe sdang spangs/ /gti mug spangs pa zag med pa/ /sbyin gnas bsod nams zhing gyur pa/ /'jig rten mchod 'os phyag kyang 'tshal/ /
109b3 lha'i bu shin tu brtan pas gsol pa/ /khyod kyi dam chos shin du brtan/ /'jig rten gsum du rab tu mchod/ /gcig pu bgrod pas bde ba rnyes/ /de phyir khyod la phyag kyang 'tshal/ /lha'i bu mi 'khrugs pas gsol pa/ /
109b4 lhun stug gcig tu gyur pa'i ri/ /rlung gis bskyod par mi nus te/ /de bzhin bstod dang smad pa yis/ /bde gshegs bskyod par mi nus so/ /lha'i bu mnyam pa nyid thob pas gsol pa/ /dpa' bo chen po zab cing mnyam/ /
109b5 mtshan rab sum bcu rtsa gnyis can/ /shes rab zab mo blo ldan pa/ /rgyal ba mdzes la phyag kyang 'tshal/ /lha'i bu zab pa'i blo gros kyis gsol pa/ /sku chen khyod la sku mi mnga'/ /de bzhin nyid la rab tu bzhugs/ /
109b6 yang dag mtha' yas rab tu ston/ /khyod mtshungs gang zag yod ma mchis/ /lha'i bu blo gros dang bas gsol pa/ /gnyis su med pas yang dag ston/ /dpa' bo dpa' bas rnam par gnon/ /gang dag zab la zhum ma
109b7 mchis/ /de dag khyod chos pha rol phyin/ /lha'i bu rab tu dga' bas gsol pa/ /mchog tu dga' yid brtan pa dag /khyod kyi slob la bslabs pa'i rnams/ /sbrul rnams lpags pa rnying 'dor bzhin/ /srid pa gsum
109b8 po 'di dag 'dor/ /lha'i bu zhi ba'i yid kyis gsol pa/ /ji ltar mar me mar zad cing / /snying po zad pas zhir 'gyur bzhin/ /khyod kyis bstan pa myur thos nas/ /shes rab chen po mya ngan 'da'/ /lha'i bu zhi gnas
110a1 la gnas pas gsol ba/ /gang gis kun mkhyen khyod mthong ba'i/ /mi rnams 'dod chags bcings pa yang / /shes rab mtshon gyis mkhas pa dang / /'dod
110a2 chags zhags pa gcod par 'gyur/ /lha'i bu gnas mang gis gsol pa/ /zhi ba'i sems mnga' zhi la spyod/ /cho ga spyod yul rab tu zhi/ /nyon mongs thams cad zhi gyur
110a3 pa/ /dgra rnams zhi la phyag kyang 'tshal/ /lha'i bu zhi gnas 'jig med kyis gsol pa/ /khyod kyi zhi gnas bslabs pa yi/ /byang chub sems dpa' grags chen dag /
110a4 zhi gnas nyid kyis 'byung 'gyur zhing / /sems zhi de bzhin gshegs par 'gyur/ /lha'i bu zhi gnas zas kyis gsol pa/ /chos rnams kun kyi zhi ba ni/ /dpa' bo khyod kyis rab tu bstan/ /
110a5 shes rab chen pos de 'tshal na/ /de dag de bzhin gshegs par 'gyur/ /lha'i bu rtag tu rnam par lta bas gsol pa/ /khyod kyis sems can rtag tu gzigs/ /mkhas pa khyod ltar slob pa rnams/ /
110a6 ye shes mchog gis mnyam bzhag cing / /byang chub mchog kyang thob par 'gyur/ /lha'i bu snang 'dzin gyis gsol pa/ /shes rab pha rol phyin gyur pa/ /thub chen khyod las gang slob pa/ /de dag
110a7 'jig rten snang mdzad cing / /sgrib pa med par gzigs par 'gyur/ /lha'i bu 'od byed kyis gsol pa/ 'jig rten sgron ma khyod kyis gsungs/ /ye shes rgya mtsho de thos nas/ /de dag dri
110a8 med bde ba 'thob/ /bsam gyis mi khyab 'od kyang 'byung / /lha'i bu dri ma med pa'i 'od kyis gsol pa/ /chos rnams thams cad rnam mi rtog /
110b1 thabs la mkhas pas de dag gsungs/ /de 'dra'i ye shes ston bgyid pa/ /de dag gang zag mchog tu 'gyur/ /lha'i bu rab tu mi gnas kyis gsol pa/ /gnas ma mchis shing blang ma mchis/ /chos rnams
110b2 thams cad sems ma mchis/ /bdag dang gzhan gyi rnam 'gyur ba/ /de dag khyod kyis de bzhin mkhyen/ /lha'i bu gnas med blo gros kyis gsol pa/ /chos rnams thams cad gzhi med par/ /rnam par 'dren pa
110b3 khyor kyis gzigs/ /de dag khyod kyis lugs bzlog ste/ /sems can rnams la bstan pa mdzad/ /lha'i bu mi rten blo gros kyis gsol pa/ chos rnams thams cad rten ma mchis/ /sems can ma mchis phan tshun
110b4 min/ /lag mthil skyu ru ra bzhag bzhin/ /yang dag ji bzhin khyod kyis bstan/ /lha'i bu bar snang rgyu bas gsol pa/ /bde gshegs khyod kyis chos kyi rnams/ /bar snang lta bur snang ba ste/ /skye dang 'gog pa med par
110b5 gzigs/ /de slad 'jig rten chags mi mnga'/ /lha'i bu ngar 'dzin pa med pas gsol pa/ /khyod kyis 'gro ba 'di dag kun/ /lus kyi ngo bo nyid kyis ni/ /g.yo ba med cing ngar 'dzin med/ /spyod med rtsol ba med par
110b6 gzigs/ /lha'i bu blo gros rnam par bsgoms kyis gsol pa/ /sgyu ma sna tshogs legs bgyis pa/ /sgyu ma'i mkhan pos bstan gyur na/ /de bzhin ma lags de bzhin gda'/ /thub pa de ltar mnyam ma
110b7 mchis/ /lha'i bu rab tu sad pa'i ngang tshul gyis gsol pa/ /gzugs brnyen ji ltar me long la/ /gda' yang de ltar ma mchis pa/ /de bzhin chos rnams khyod kyis gzigs/ /de bas 'jig rten rmongs
110b8 mi mnga'/ /lha'i bu yid gnyis rnam par 'jig gis gsol pa/ /sangs rgyas gzugs brnyen lta bu ste/ /de bzhin sangs rgyas chos kyi rnams/ /de bzhin khyod kyis bstan pa mdzad/ /
111a1 de ltar 'gro ba kun kyang mkhyen/ /lha'i bu spobs pa thogs med kyis gsol pa/ /chos nyid la ni khor zug tu/ /spobs pa rab tu 'byung 'gyur zhing / /chos nyid de ni brnyes pas na/ /de spang khyod ni spobs pa ldan/ /
111a2 lha'i bu chags med blo gros kyis gsol pa/ /khyod kyi chos 'di thams cad ni/ /rang bzhin mtshan nyid ma mchis par/ /yang dag ji bzhin rab tu mkhyen/ /de bas thub pas rab rib bsal/ /lha'i bu mya ngan bral gyis
111a3 gsol pa/ /mya ngan med cing nyer len med/ /spros pa med med cing rnyog pa med/ /chos rnams kun du nyon ma mongs/ /de dag rang bzhin khyod kyis mkhyen/ /lha'i bu rtogs pa phun sum tshogs pas gsol pa/ /chos rnams
111a4 yang dag ma lags de/ /'gro dang 'ong ba ma mchis pa/ /de dag khyod kyis yang dag mkhyen/ /de bzhin rab tu bstan par mdzad/ /lha'i bu blo gros mchog gi gsol pa/ /lhun gyis grub cing blang med pa/ /rmongs pa med cing shes pa med/ /
111a5 chos rnams ci yang mi bgyid pa/ /khyod kyis rang bzhin thugs su chud/ /lha'i bu sgrib med thob kyis gsol pa/ /snang ba ma mchis mun ma mchis/ /gzugs med ma lags gzugs can min/ /gzung ba ma mchis
111a6 grol ma mchis/ /khyod kyis rang bzhin thugs su chud/ /lha'i bu mig mi 'dzum pas gsol pa/ yul dang phyogs na mi gnas pa/ /yod dang med pa ma lags par/ /rmi lam 'dod pa ji bzhin du/ /de dag rang
111a7 bzhin khyod kyis gzigs/ /lha'i bu mig mi 'dzum gyis gsol pa/ /byis pa rnams kyi blo rmongs pa/ /ma skyes pa dang ma 'gags pa/ /bar na'ang gnas pa ma mchis pa/ /de dag rang bzhin khyod kyis
111a8 gzigs/ /lha'i bu stong pa nyid la gnas pas gsol pa/ /gang zag sems can ma mchis pa/ /ma mchis tha snyad ma mchis pa/ /bstan pa'i slad du brjod bgyi ba/ /de dag rang bzhin khyod kyis gzigs/ /
111b1 lha'i bu mtshan ma med pa la gnas pas gsol pa/ /gang gis tha snyad gdags pa yi/ /mtshan ma de dag ma mchis te/ /chos kun mtshan ma ma mchis par/ /rnam par 'dren pa khyod kyis gzigs/ /lha'i bu smon pa med
111b2 pa la gnas pas gsol pa/ /ji ltar mtshan ma stong gyur cing / /smon pa dmigs su ma mchis dang / /su la smon lam mchis gyur pa/ /de yang de lta'i tshul du mkhyen/ /lha'i bu ting nge 'dzin la gzhol bas gsol pa/
111b3 rnam thar sgo la brten bgyis shing / /gang zhig grol 'gyur de ma mchis/ /de bzhin kun nas nyon mongs pa/ /de dag rang bzhin khyod kyis gzigs/ /lha'i bu ma smad pas gsol pa/ /khyod ni sdig pa kun spangs shing
111b4 bsod nams thams cad bsags gyur te/ /bde gshegs khyod la smad mi mnga'/ /su smod de dag mkhas ma lags/ /lha'i bu glog gi sprin gyis gsol pa/ /ji ltar glog bcas sprin gyis tshogs/ /char gyis
111b5 sa chen ngoms par bgyid/ /de bzhin 'dren pas chos char gyis/ /'jig rten rnams ni ngoms par mdzad/ /lha'i bu bsam pa don yod gyis gsol ba/ /thub khyod gsung ni don mchis te/ /chos kyi 'khor lo
111b6 rab tu bskor/ /shin du brtags te mdzad pas na/ /de ni thams cad mkhyen pa'i mtshan/ /lha'i bu glo gros phun sum tshogs pas gsol pa/ /chos rnams thams cad dngos nyid kyis/ /ma skyes 'gags pa ma
111b7 lags te/ /de dag bde gshegs khyod kyis mkhyen/ /gzhan yang de bzhin rtogs par mdzad/ /lha'i bu seng ge'i nga ros gsol pa/ /khyod kyis stong pa nyid bstan te/ /seng ge'i nga ro bsgrags mdzad pas/ /
111b8 mu stegs can kun rab 'jigs pa/ seng ges ri dwags phra mo bzhin/ /lha'i bu bag yod las gyis gsol pa/ /bag yod sngon du btang mdzad de/ /khyod kyis spyod pa spyad bgyis pas/ /sangs rgyas
112a1 chos la 'dren pa khyod/ /bag yod pas ni nges par 'byung / /lha'i bu bag yod rab gnas kyis gsol pa/ /bag yod pa la rab gnas te/ /khyod kyis nyid kyi chos kyang spel/ /stobs bcu gzhan yang
112a2 sangs rgyas chos/ /bsam gyis mi khyab rab tu spel/ /lha'i bu bag yod skyes kyis gsol pa/ /bag yod pa la brtson pas na/ /byang chub phyogs rnams yang dag skyes/ /thub chen rang yang grol gyur nas/ /de dag
112a3 rnams ni 'jig rten 'grel/ /lha'i bu bag yod nges par byung gis gsol pa/ /byang chub sems dpa' nyan thos dag /ji snyed thar la rten pa'i rnams/ /kun kyang khyod la bslabs pa ste/ /bag yod pas ni nges par
112a4 'byung / /lha'i bu bag yod gnas pas gsol pa/ /bag yod yongs su ma btang bas/ /rnam par 'dren pa khyod kyi sras/ /'gro ba 'di la ma chags par/ /thams cad mkhyen du nges par byung / /lha'i bu bag yod
112a5 bsrungs kyis gsol pa/ /byang chub lam la bsten mdzad cing / /khyod ni bag gis bsrungs pas na/ /thugs rje chen po mkhas pa yis/ /byang chub dam pa brnyes par gyur/ /lha'i bu bag yod brtson gyis gsol
112a6 pa/ /bag yod pa la rab brtson zhing / /mtshan nyid gcig po rtogs bgyis pa/ /dpa' bo chen po khyod kyi sras/ /yab kyi dkor yang thob par 'gyur/ /lha'i bu bag yod mngon par dga' bas gsol pa/ /bag yod
112a7 dga' ba'i brtan pa rnams/ /de dag sangs rgyas ye shes kyis/ /dpa' bo nyon mongs ri 'jig pas/ /nga rgyal ri yang de bzhin bsnyil/ /lha'i bu bag yod 'dzin gyis gsol pa/ /sangs rgyas ye shes tshol mdzad
112a8 tshe/ /khyod ni bag gis bzung bas na/ /bskal pa bye ba grangs med du/ /khyod kyi thugs ni skyor ma gyur/ /lha'i bu zhi gnas brtson gyis gsol pa/ /chos rnams de dag rang bzhin zhi/ /de ni sangs rgyas spyod yul lags/ /
112b1 byang chub yang dag gang zhugs dang / /thams cad mkhyen pa der mi 'jigs/ /lha'i bu zhi gnas la yang dag par gnas pas gsol pa/ sangs rgyas zhi gnas bzhugs pa ste/ /'on kyang de la chags mi mnga'/ /
112b2 sems can nyon mongs zhi bar mdzad/ /rdul 'thul ba la char pa bzhin/ /lha'i bu zhi gnas rab tu gnas kyis gsol pa/ /sangs rgyas zhi la rab tu bzhugs/ /sus kyang mi bskyod ri bo bzhin/ /khyod la gnod
112b3 bgyir mi nus te/ /sems zhi khyod la phyag kyang 'tshal/ /lha'i bu zhi gnas dul gyis gsol pa/ /khyod kyi sras rnams ma smad pa/ /zhi gnas kyis ni yongs su dul/ /bdud rnams bye bas mi tshugs te/ /'dod chags
112b4 kyis ni gnod mi 'gyur/ /lha'i bu zhi gnas nges par byung gis gsol pa/ /zhi ba'i yid mnga' zhi gnas la/ /dpa' bo chen po bsgom mdzad pas/ /ci la gnas te bsam gtan mdzad/ /sus kyang khyod kyi
112b5 tshul ma 'tshal/ /lha'i bu zhi gnas sngon du 'gros gsol pa/ /ston pas sangs rgyas chos rnams kyi/ /sngon du zhi gnas 'gro zhes gsungs/ /bdag gis byang chub 'grub 'gyur ba'i/ /chos gzhan de
112b6 yi rjes su 'brang / /lha'i bu zhi gnas rjes su 'brang gis gsol pa/ /'jig rten sgron ma'i zhi gnas ni/ /sems kyi rnyog pa 'dang bar bgyid/ /zhi ba'i sems ldan rnams kyis 'ching / /de khyod mtha' yas
112b7 dbang du mdzad/ /lha'i bu zhi gnas spyod yul gyis gsol pa/ /chos rnams kun gyi spyod yul ni/ /zhi gnas yin zhes 'dren pas gsungs/ /de la chags med spyod pa ni/ /rnam par 'dren pa sangs rgyas 'gyur/ /
112b8 lha'i bu zhi gnas brlan gyis gsol pa/ /bsam gtan gyis ni sngon brlan te/ /shes rab kyis ni sems bsgoms pas/ /de phyir rdzogs pa'i byang chub brnyes/ /de bzhin skye bo rnams kyang 'dren/ /
113a1 lha'i bu zhi gnas lhur len gyis gsol pa/ /sangs rgyas chos rnams gang la yang / /lam gzhan bdag gis ma mthong ste/ /zhi gnas ye shes che thob na/ /rang byung nyid tu nges par 'byung / /
113a2 lha'i bu lhag mthong mngon dgas gsol ba/ /dpa' bo chen po lhag mthong ni/ /chos rnams thams cad ston pa ste/ /de la khyod kyis sras spyod cing / /rang byung nyid ni thob par 'gyur/ /lha'i bu lhag
113a3 mthong byung gis gsol pa/ /shes rab pha rol phyin gnas shing / /rnam par 'dren pa 'byung bar 'gyur/ /sman pa'i rgyal po ston pa ste/ /de bas lhag mthong dge ba lags/ /lha'i bu lhag mthong rab
113a4 gnas kyis gsol pa/ /chos rnams thams cad btsal bgyis te/ /yang dag ji bzhin mthong gyur na/ /brtan pa rdzogs pa'i byang chub thob/ /byang chub nyid la gnas par 'dod/ /lha'i bu lhag mthong nges 'byung
113a5 gis gsol pa/ /gang zag mchog rnams ye shes kyis/ /byang chub mchog tu nges par byung / /rdzogs pa'i byang chub ye shes kyis/ /brnyes pa'i dran pa skye mi 'gyur/ /lha'i bu lhag mthong mngon
113a6 dgas gsol pa/ /yang dag ji bzhin yang dag tu/ /chos rnams rnam par gzigs pas na/ /byang chub gzhal yas brnyes 'gyur te/ /de bas rnam 'dren sangs rgyas lags/ /lha'i bu lhag mthong
113a7 la mngon par brtson pas gsol pa/ /mkhas pa ye shes gang brtson zhing / /dka' ba mang po spyod bgyid pa/ /de dag rgol tshogs thams cad kyis/ /pham par bgyi bar yong mi nus/ /lha'i bu lhag
113a8 mthong byung gis gsol pa/ /chos rnams rnam mthong bgyi slad du/ /rgyal sras gang dag zhugs pa'i rnams/ /chos rnams ngo bo nyid 'tshal cing / rang byung nyid ni thob par 'gyur/ /lha'i bu lhag mthong la bsten pas gsol pa/ /
113b1 rnam 'dren khyod kyis yun ring du/ /ye shes la ni bsten mdzad pas/ /thams cad mkhyen pa brnyes nas ni/ /srog chags bye ba grol bar mdzad/ /lha'i bu khyad par ldan gyis gsol pa/ /sangs rgyas mkhyen pas thams
113b2 cad mkhyen/ /'dren pa dam pa mngon par 'phags/ /srid pa'i rgya mtshos khyer ba yi/ /'jig rten de yis sgrol bar mdzad/ /lha'i bu lhag mthong gnas kyis gsol pa/ /lhag mthong la ni gnas mdzad cing / /
113b3 chos kun rnam par gzigs pas na/ /sangs rgyas chos rnams 'phel 'gyur te/ /sa bzang n+ya gro d+ha skyes 'dra/ /lha'i bu lhag mthong dang ma bral bas gsol pa/ /rnam par 'dren pa khyod kyis sras/ /ye shes kyis ni yongs
113b4 bzung ste/ /byang chub mchog ni thob bgyis shing / /skye bo mang po 'grel par bgyid/ /lha'i bu lhag mthong la rnam par rtse bas gsol pa/ /sangs rgyas mkhyen la rnam par rol/ /chos rnams kun la 'jigs mi mnga'/ /
113b5 zhum pa ma mchis dang mi mnga'/ /thub pa 'jig rten thams cad mkhyen/ /lha'i bu lhag mthong la yang dag par 'jug gis gsol pa/ /dpa' bo chen po chos kun ni/ /lhag mthong nyid tu yang dag 'du/ /rang bzhin med
113b6 par rnam mthong na/ /de ni rang byung byang chub lags/ /lha'i bu lhag mthong snying pos gsol pa/ /sangs rgyas lhag mthong snying po ste/ /chos rnams kun la 'jigs mi mnga'/ /'jig rten sdug bsngal 'di
113b7 gzigs shing / /thugs rje chen po shin du skyed/ /lha'i bu lhag mthong 'gros kyis gsol pa/ /byang chub phyir ni shes 'gro ba'i/ /'jig rten mkhas pa nges par byung / /de dag byang chub mchog kyang 'thob/ /
113b8 grol nas skye dgu 'di dag 'grel/ /lha'i bu stong pa nyid la bsten gyis gsol ba/ /stong pa nyid kyi chos sten pa'i/ /mkhas pa byang chub 'tshang rgya ste/ /sems can bcings las 'grol bgyid cing / /
114a1 bcings pa thams cad rnam par gcod/ /lha'i bu stong pa nyid la mos kyis gsol pa/ /stong pa nyid la mos gyur pa/ /'gro ba 'di dag srog med gzigs/ /dmigs med ngo bo nyid med pa/ /de ltar
114a2 srog chags rnams la ston/ /lha'i bu stong pa nyid kyi spyod yul gyis gsol pa/ /sangs rgyas kun gyi spyod yul ni/ /chos rnams rang bzhin stong pa ste/ /srog chags rnams la thugs brtse bas/ /dpa' bos de
114a3 la spyad par mdzad/ /lha'i bu stong pa nyid kyi bsam pas gsol ba/ /skyon dang bral zhing bcings med la/ /'jigs skrag thams cad rab tu spangs/ /chos rnams kun la mi gnas shing / /nam mkha'i rlung
114a4 bzhin spyod pa mdzad/ /lha'i bu stong pa nyid la mngon par dga' bas gsol pa/ /stong nyid chos la bsten bgyid cing / /sangs rgyas spyod yul gang mos pa/ /de dag ston pa mchod pa ste/ /mchod pa de ni bla na med/ /lha'i bu stong pa
114a5 nyid kyis yang dag par 'phags kyi gsol ba/ gang gis 'dren pa 'phags gyur pa/ /de ni yang dag 'phags shes gsungs/ /stong nyid chos la sten bgyid pa/ /ma dmad de dag sangs rgyas 'gyur/ /lha'i bu stong
114a6 pa nyid kyis 'dren gyis gsol pa/ dpa' bo chen po chos rnams gang / /mya ngan 'das min ston ma mchis/ /kun kyang mya ngan 'das par 'dren/ /drang srong chen po'i byang chub lags/ /lha'i bu stong pa nyid kyis yang dag shar gyis
114a7 gsol pa/ /stong nyid zhi la brten nas ni/ /khyod kyi slob ma yang dag shar/ /stong pa nyid la gang sten pa/ /de dag rim gro bgyid pa lags/ /lha'i bu stong pa nyid la sten gyis gsol pa/ /gang rnams stong pa nyid sten
114a8 pa/ /mkhas pa de dag rmongs mi 'gyur/ /nyon mongs med cing lta med rnams/ /byang chub rdul med thob par 'gyur/ /lha'i bu stong pa nyid phun sum tshogs pas gsol pa/ /gang rnams stong nyid bsten bgyid pa/ /
114b1 sangs rgyas chos rnams phun sum tshogs/ /rang byung pham pa med par 'gyur/ /'jig rten don kyang bgyid par 'gyur/ /lha'i bu stong pa nyid la yang dag par zhugs pas gsol ba/ sangs rgyas chos la zhugs gyur te/ stong pa nyid la gang
114b2 sten pa/ /de la bdud rnams bye ba phrag /stong gis dkrug par mi nus so/ /lha'i bu mtshan ma med la dga' bas gsol pa/ mtshan ma med la mngon dgyes te/ /dngos po thams cad rnam bshig nas/ /sangs rgyas 'jig
114b3 rten rnams nas byung / /mtshan ma rnams la chags mi mnga'/ /lha'i bu mtshan ma med la gnas pas gsol pa/ /mtshan ma med la spyod gyur cing / /zhi ba zhi la spyod pa rnams/ /mtshan ma rnam par bshig rnams kyis/ /
114b4 tshul ni bdud kyis shes mi nus/ /lha'i bu mtshan ma med pa'i spyod yul gyis gsol pa/ /sangs rgyas kun gyi spyod yul la/ /'dren pa khyod ni sbyong mdzad de/ /mtshan ma mi mnga' rtogs dka' zhing / /zhi spyod khyod la phyag
114b5 kyang 'tshal/ /lha'i bu mtshan ma med pas skom gyis gsol pa/ /thub pa'i 'khor 'di thams cad ni/ /mtshan ma med pas skom gyur te/ /yab kyi dkor ni 'tshal gyur nas/ /de bzhin gshegs la bkur sti bgyid/ /
114b6 lha'i bu mtshan ma med pa la spyod pas gsol pa/ /mtshan ma med la nyin mtshan du/ /gang zag mchog ni spyod mdzad pas/ /lha dang dri za mi dag kyang / /khyod kyi tshul ni ma 'tshal to/ /lha'i bu mtshan ma med pas rnam par grol
114b7 gyis gsol pa/ /chos rnams thams cad rnam pa shig cing / /dpa' chen 'jig rten sgron ma khyod/ /mtshan ma med la gnas par mdzad/ /de bas khyod la phyag kyang 'tshal/ /lha'i bu mtshan ma med pa la rnam par rtse
114b8 bas gsol pa/ /thub chen dpa' bo chen po khyod/ /mtshan ma med la rnam par rol/ /mi rnams yongs su smin mdzad cing / /sangs rgyas ye shes mchog la zhugs/ /lha'i bu mtshan ma med pas yongs
115a1 su grub kyis gsol pa/ /gang gis mtshan ma spangs gyur pa/ /de dag byang chub grub pa ste/ /yab kyi chos kyi brtul zhugs can/ /de dag rdzogs pa'i sangs rgyas mchod/ /lha'i bu mtshan ma mang
115a2 ba la dga' bas gsol pa/ /gang gis mtshan ma rnam bshig pa/ /de dag sangs rgyas chos la dga'/ /bla ma'i gnas la gnas pa ste/ /sems can kun gyi mchod rten lags/ /lha'i bu mtshan ma med
115a3 pa la rten pas gsol pa/ /zhi la spyod cing rnam grol ba/ /sangs rgyas 'jig rten bla na med/ /'byung po kun gyi skyabs dang rten/ /dpung gnyen de bzhin gnas kyang lags/ /lha'i bu mtshan ma med pa la mos pas gsol pa/ /
115a4 mtshan ma med la mos gyur cing / /zhi ba dgra las rgyal gyur pa/ /sangs rgyas rgal ba 'gro sgrol ba/ /de dag tshad ni ga la mchis/ /lha'i bu smon pa med pa rtogs kyis gsol pa/ /mgon po gang dag smon lam ni/ /rnam
115a5 pa kun tu mi dmigs pa/ /de dag 'jig rten bral ba ste/ /sangs rgyas 'jig rten nang nas byung / /lha'i bu smon pa med pa la ston pas gsol pa/ /zhi ba'i thugs dang ldan pa khyod/ /srid pa rnams su smon mi mdzad/ /
115a6 sred pa yongs su chad pas na/ /sangs rgyas 'jig rten yong mi gos/ /lha'i bu smon pa med pas skyes kyis gsol pa/ /gang gis srid pa yongs bcom pa/ /de dag gzi mchog skyes pa ste/ /de dag 'jig rten
115a7 mgon po'i sras/ /rang gi yab la phyag kyang 'tshal/ /lha'i bu smon pa med pas bskyed kyis gsol pa/ /khyod kyi sras rnams ma smad pa/ /sred pa yongs su bcad pas na/ /srid pa 'jig bgyid srid pa la/ /
115a8 de dag smon pa mi bgyid do/ /lha'i bu smon pa med pas yongs su grol bas gsol pa/ /gang dag smon pa mi bgyid pa/ /gzi ldan khyod kyis sras kyi rnams/ /re ba btang zhing bcings grol ba/ /de dag yongs su
115b1 grol bar 'gyur/ /lha'i bu smon pa med pas byung gis gsol pa/ /gang gis sred pa rab bcom pa/ /de dag mya ngan dgon pa rgal/ /de dag mi skom zang zing med/ /dpa' chen khyod la deng phyag 'tshal/ /lha'i bu
115b2 smon pa med la nges pas gsol pa/ /gang gis srid dang sdug bsngal dang / /bde ba dngos po med bsgoms pa/ /mgon khyod de dag rnams kyi yab/ /de dag khyod kyi sras kyang lags/ /lha'i bu smon pa med pa'i 'khor
115b3 gyis gsol pa/ /srid pa'i sdug bsngal sus mthong ba/ /de dag khyod kyi bstan la dus/ /kha lo sgyur zhing srid sel ba/ /sems dul khyod la phyag kyang 'tshal/ /lha'i bu smon pa med pas byung gis gsol pa/ /
115b4 srid pa'i dgon las byung ba rnams/ /bde ba thob cing zhi gnas te/ /nyon mongs dgra rnams pham mdzad pa/ /'jig rten mgon la phyag kyang 'tshal/ /lha'i bu smon pa med pas ya mtshan du gyur pas gsol pa/ /g.yul
115b5 las rgyal bar gyur pa ste/ /khyod ni rnam rgyal pham mi mnga'/ /bdud kyi dpung rnams pham mdzad cing / /srid pa kun du smon mi mdzad/ /lha'i bu smon pa med pa stobs ldan gyis gsol pa/ /thar pa'i chos
115b6 la stobs ldan pas/ /bdud kyi zhags pa yongs bcad cing / /khyod kyi sras rnams bdud dag la/ /bskyab pa'i 'du shes mi bgyid do/ /lha'i bu lus rnam par brtags kyis gsol pa/ /lus med 'chi ba med
115b7 tshul du/ /lus 'di gang gis mthong gyur pa/ /de dag sangs rgyas spyod yul dga'/ /'dren pa khyod kyi rjes su zhugs/ /lha'i bu lus nges par sems pas gsol pa/ /mi gtsang rul ba rnag zag
115b8 pa/ /lus 'di mi bzang nges bsams te/ /yang dag ji bzhin 'tshal gyur nas/ /rnam 'dren khyod la phyag kyang 'tshal/ /lha'i bu lus rtogs kyis gsol pa/ /lus la mi gtsang brtags bgyis te/ /
116a1 lus la dran pa rnam dpyad cing / /lus kyi sdug bsngal rnams grol nas/ /nges pa khyod la phyag kyang 'tshal/ /lha'i bu lus yongs su gtong gis gsol pa/ /sbrul gyi lpag pa rnying bzhin du/ /rnag can lus 'di
116a2 spangs nas ni/ /de bzhin gshegs pa sku bo che/ /sku mi mnga' la phyag kyang 'tshal/ /lha'i bu lus la smod pas gsol pa/ /mi gtsang dri nga rnag zag cing / /rus pa'i lus la rtag smad de/ /mi gtsang gang ba rnam spangs
116a3 nas/ /'dren pa khyod la phyag kyang 'tshal/ /lha'i bu lus kyis yongs su skyo bas gsol pa/ /gang dag rul pa'i lus skyo zhing / /rgyal sras gtsang ba 'tshal ba rnams/ /chos kyi rab tu bskyed pa'i sras/ /de dag
116a4 sangs rgyas phyag 'tshal 'gyur/ /lha'i bu lus kyis skrag pas gsol pa/ /'byung ba chen po sbrul gdug 'drar/ /gang gis shin tu rtogs gyur pa/ /de dag lus las 'das pa ste/ /rkang gnyis gtso la phyag kyang
116a5 'tshal/ /lha'i bu lus kyi skyon mthong bas gsol pa/ /lus kyi skyon la mngon sum ste/ /ye shes gzigs pa'i spyan mnga' bas/ /sangs rgyas mkhyen pas mkhas pa dag /srid gsum thams cad yongs
116a6 su gzigs/ /lha'i bu lus la 'dod chags dang bral bas gsol pa/ /lus kyi 'du shes 'dod chags bral/ /chos kyi 'du shes mi gnas pas/ /kun sbyor kun las 'das pa ste/ /rnam 'grel sangs rgyas
116a7 phyag kyang 'tshal/ /lha'i bu srid pa'i dgra'i blo gros kyis gsol pa/ /srid par srid pa 'joms mdzad pa/ /khyod kyis dgra yi 'du shes mkhyen/ /khyod kyi sras rnams sgom bgyid cing / /mkhas pa byang chub mngon 'tshang
116a8 rgya/ /lha'i bu srid pa sel bas gsol pa/ /srid pa rnams kyi nyes dmigs mthong / /mya ngan 'das pa 'jigs med mthong / /khyod kyi sras rnams 'gro phan phyir/ /byang chub spyad pa spyod pa bgyid/ /lha'i bu srid pa rnam par spangs kyis gsol
116b1 pa/ /gang gis srid pa rnam spangs shing / /'jig la mngon par mi dga' ba/ /bral bar gyur cing sems dag pa/ /mkhas khyod zhabs la phyag kyang 'tshal/ /lha'i bu srid pa bsal gyis gsol pa/ /mi yi dam pa khyod kyi
116b2 sras/ /srid par khrid pa rab bsal te/ /khyod kyi bslab la bslabs pa dag /stong gsum 'di na rnam par mdzes/ /lha'i bu srid pa las rgal bas gsol pa/ /srid pa'i mtsho las rgal ba yi/ /'jig rten mgon mchog skyob rnams
116b3 la/ /grangs kyis rgyun tu bgrang ba yi/ /grangs ni 'jig rten 'di na med/ /lha'i bu srid pa 'joms kyis gsol pa/ srid pa thams cad yongs bcom ste/ /gang dag rtag tu dran spyod pa/ /de dag rdzogs pa'i sangs rgyas mchod/ /srog chags
116b4 rnams la chos kyang ston/ /lha'i bu srid pa las rab tu grol bas gsol pa/ /srid pa'i rgyun las rab tu grol/ /rnam par 'dren pa srid pa rgal/ /srid pa mthar 'byin sangs rgyas te/ /srid pa sil la phyag kyang 'tshal/ /lha'i bu srid pa rab tu zhi byed
116b5 kyis gsol pa/ /srid par khrid pa rab zhi zhing / /srid pa pham par mdzad nas gshegs/ /brten pa srid pa mthar 'byin na/ /khyod la do zla ma mchis so/ /lha'i bu srid pa'i mthar 'gro bas gsol pa/ /srid pa' mthar phyin rab zhi ba/ /mgon po
116b6 khyod kyi srid pa'i mtha'/ /srid pa phyir 'byin thams cad mkhyen/ /sangs rgyas 'jig rten rtogs par mdzad/ /lha'i bu srid pa'i tha ma'i lus 'dzin gyis gsol ba/ /srid pa'i rgyu ni rnam spangs nas/ /srid pa tha ma 'dzin mdzad pa/ /gang gis srid pa
116b7 len 'gyur ba'i/ /khyod kyis kun tu sbyor ba mthong / /lha'i bu srid pa rab tu zhi ba thob kyis gsol pa/ /khyod kyis srid pa stong mkhyen te/ /srid pa'i rgyu yang de bzhin no/ /zhum dang rab tu zhum mi mnga'/ /mnyam nyid gyur la phyag kyang 'tshal/ /lha'i bu
116b8 srid pa'i pha rol tu 'gro bas gsol pa/ /srid pa'i pha rol rgal ba ste/ /srid par khrid pa yang dag bsal/ /rnam par 'dren pa thugs brtse bas/ /skye bo gzhan ni sgrol ba mdzad// // bam po bcu pa/ lha'i bu tshor bas mnar gyis gsol pa/
117a1 tshor ba bdag tu bgyi ma mchis/ /sems ma mchis shing rtsol ma mchis/ /bsam gtan mdzad pa che khyod kyis/ /tshor ba chu bur lta bur mkhyen/ /lha'i bu tshor ba ston pas gsol ba/ /ngo bo nyid kyis dngos med par/ /tshor
117a2 ba khyod kyis rab tu mkhyen/ /rmi lam sdug gi dga' 'dra ba/ /de la so so'i skye bo chags/ /lha'i bu tshor ba la yongs su rtogs pas gsol pa/ /shes rab bcas pas yongs brtags na/ /tshor ba 'gro bar ma song zhing / /'ong ba med la
117a3 dngos med par/ /de ni thub chen khyod kyis gzigs/ /lha'i bu tshor ba dang bral bas gsol pa/ /tshor ba dang ni tshor ba po/ /rang bzhin med par khyod kyis gzigs/ /zab mo blta dka'i tshig de yang / /khyod kyis sems can rnams
117a4 la bstan/ /lha'i bu tshor ba'i rgyud la nges pas gsol ba/ /tshor ba de ni kun rdzob tsam/ /don dam nyid du mi dmigs te/ /khyod kyis sems can der btul bas/ /'gro ba the tshom ma mchis gyur/ /lha'i bu tshor ba la mkhas pas
117a5 gsol pa/ /tshor ba'i phung po mkhas pa po/ /mkha' la rlung gi dkyil 'khor bzhin/ /byis pa'i blo can rmongs bgyid pa/ /de ni khyod kyis yang dag gzigs/ /lha'i bu tshor ba mngon par shes pas gsol pa/ /tshor ba'i phung po
117a6 mngon mkhyen pa/ /rig cing rig pa'i mthar byon pa'i/ /mkhas pa rnams kyi mchog khyod kyis/ /tshor ba bdag med rab tu gzigs/ /lha'i bu tshor ba las rgal bas gsol pa/ /rkang gnyis gtso bo dam pa khyod/ /rgal
117a7 dka' tshor ba'i mtsho las rgal/ /'dam las rgal cing sdig med pa/ /byang chub mchog 'di sangs rgyas gyur/ /lha'i bu tshor ba las byung gis gsol pa/ /rnam par 'dren pas 'jig rten du/ /tshor ba rnams ni 'byung mkhyen nas/ /
117a8 tshor ba'i phung po rab rgal te/ /sangs rgyas 'jig rten chags mi mnga'/ /lha'i bu tshor ba rig pas gsol pa/ /mi rnams dag la gang 'ching ba'i/ /tshor ba thams cad khyod kyis mkhyen/ /nyon mongs zhags pa 'ching 'gyur ba/ /de yi
117b1 rang bzhin khyod kyis gzigs/ /lha'i bu sems la mkhas pas gsol pa/ /khyod kyi sems kyis nyon mongs pham/ /bdud rnams kyang ni dpa' bkong ste/ /sems de rang bzhin ma mchis par/ /thub pa chen po khyod kyis gzigs/ /
117b2 lha'i bu sems yongs su shes pas gsol pa/ /ji ltar sgyu ma'i mkhan po yis/ /sgyu ma sna tshogs sprul pa bzhin/ /sems ni bde gshegs khyod kyis mkhyen/ /de phyir khyod la 'jig rten mchod/ /lha'i bu sems la yang dag par
117b3 rtogs pas gsol pa/ /sgyu ma'i mkhan nam slob ma bzhin/ /gang gis 'gro ba 'di bcings pa'i/ /sems de khyod kyis yang dag brtags/ /de ni khyod kyis ji bzhin mkhyen/ /lha'i bu sems kyi spyod yul la spyod pas gsol pa/ /sems
117b4 kyi spyod yul khyod kyis mkhyen/ /rnam par 'dren pa rmi lam na/ /ji ltar tshogs kyi grangs bzhin du/ /byis pa'i sems rmongs bgyid par gzigs/ /lha'i bu sems kyi dbang phyug gis gsol pa/ /dul gyur las su rung ba yi/ /
117b5 sems kyi rang bzhin rtog med pa/ /gang la 'jig rten gting mi rnyed/ /mtshan nyid brtan pa khyod kyis gzigs/ /lha'i bu sems la dpa' bas gsol pa/ /gang gis sems la sems med shes/ /mkhas pa sgyid lug mi 'gyur
117b6 zhing / /bdud sde rab tu 'dul bgyid pa/ /de dag 'dir ni dpa' zhes bgyi/ /lha'i bu sems kyis yang dag 'phags kyis gsol pa/ /gang dag sems la sems med shes/ /de dag sangs rgyas sras lags te/ /dpa'
117b7 chen sangs rgyas chos rnams la/ /skyes bu de dag yang dag 'phags/ /lha'i bu zhi ba'i sems kyis gsol pa/ /gang gis sems la dbang bgyis pa/ /sems can de dag zhi bar zhi/ /bdud kyi zhags las rab
117b8 grol bas/ /de dag bdud kyi dbang mi mchi/ /lha'i bu sems mnyen pas gsol pa/ /mi rnams gang dag sems mnyen zhing / /bsnyen par dka' dang dpa' ba dang / /khyod kyi bstan la gang mos pas/ /de dag 'dod par
118a1 zhum mi 'gyur/ /lha'i bu sems dag pas gsol pa/ /sems dag las rnams gtsang gyur cing / /yang dag rtogs pas spyod bgyid pa/ /de dag rgyal ba'i bstan thos nas/ /zab mo rnams la zhum mi 'gyur/ /lha'i bu chos
118a2 nyid la gnas pas gsol pa/ /gang gi yid ni chos nyid la/ /rab tu dga' zhing thogs med pa/ /de dag mi dbang sras po ste/ /zhi ba'i sar ni phyin pa lags/ /lha'i bu chos la sems pas gsol pa/ /chos rnams thams cad chos
118a3 dbyings su/ /'dren pa de la bslabs pa rnams/ /chos nyid la ni gang sems pa/ /de dag spyod yul ma yin med/ /lha'i bu chos kyi dbyings la nges par byung gis gsol pa/ /mi mchog khyod kyi sras kyi rnams/ /chos kyi dbyings la nges
118a4 byung ste/ /'dren pa khyod kyi sras de dag /mtshan nyid gcig gis nges byung lags/ /lha'i bu chos kyi dbyings kyi spyod yul gyis gsol pa/ /chos rnams kun gyi spyod yul ni/ /chos kyi dbyings shes rgyal bas gsungs/ /dpa' bo
118a5 khyod ni gang spyod pa'i/ /ye shes de ni bsam mi khyab/ /lha'i bu chos kyi dbyings la zhugs pas gsol pa/ /chos kyi dbyings la gang zhugs pa/ /de dag ye shes bsam yas te/ /sangs rgyas chos la the tshom med/ /sems can
118a6 bsam la de dag mkhas/ /lha'i bu chos kyi dbyings la bab kyis gsol pa/ /gang dag chos kyi mtshan nyid gcig /chos kyi dbyings la bab pa rnams/ /de dag spobs pa'i stobs bskyed pa/ /bsam gyis mi khyab thob par 'gyur/ /
118a7 lha'i bu chos kyi dbyings la 'jigs pa med pas gsol pa/ /gang dag de dag gnas pa yi/ /'jigs pa med pa thob med pas/ /de dag rnams kyi spobs dang stobs/ /de la mtshungs pa med pa 'byung / /lha'i bu chos kyi dbyings
118a8 la mkhas pas gsol pa/ /khyod ni chos dbyings mkhas pa ste/ /chos rnams kun la shin du mkhas/ /lag mthil skyu ru ra bzhag bzhin/ /chos kyi dbyings kyang rnam par ston/ /lha'i bu chos kyi dbyings la gnas pas
118b1 gsol pa/ /chos rnams rang bzhin med gzigs pas/ /khyod ni chos kyi dbyings la zhugs/ /mi gnas zhum pa ma mchis te/ /bzung ba ma mchis btang ma mchis/ /lha'i bu chos kyi dbyings la spyod pas gsol
118b2 pa/ /sangs rgyas spyod yul gang lags pa'i/ /chos kyi dbyings la khyod spyod de/ /bar snang mkha' dang 'dra ba yi/ /'jig rten mgon la phyag kyang 'tshal/ /lha'i bu chos kyi dbyings la rton pas gsol pa/ /gang dang gang
118b3 gi sgo dag nas/ /skyes bu dam pa ston mdzad pa/ /de yi sgo nas chos dbyings ston/ /de phyir rtags dang gzugs ma mchis/ /lha'i bu chos kyi dbyings la brtson pas gsol pa/ /mngon par brtson pas chos kyi
118b4 dbyings/ /skyes bu dam pa khyod kyis mkhyen/ /brtson pas rdzogs pa'i sangs rgyas rnams/ /ye shes pha rol phyin par gyur/ /lha'i bu chos kyis tshim gyis gsol pa/ /dpa' bo khyod kyis skye bo 'di/ /chos kyis rab tu tshim
118b5 par mdzad/ /chos kyi dbyings ni rnam mkhyen pas/ /'dren pa byang chub mchog la bzhugs/ /lha'i bu chos nyid kyi gting rnyed pas gsol pa/ /gting rnyed gyur pa'i 'gro ba kun/ /'dren pa khyod kyi zhal du lta/ /chos dbyings
118b6 rnam par mkhyen pa yi/ /'dren pa khyod la phyag kyang 'tshal/ /lha'i bu gnas shes pa la rab tu gnas pas gsol pa/ /mi mchog 'dren pa sangs rgyas kyi/ /ye shes gnas 'di chos dbyings te/ /rnam par 'dren pa
118b7 stobs bcu po/ /gang la spyod pa de lags so/ /lha'i bu gnas la gnas pas gsol pa/ /chos kyi dbyings ni gnas chen te/ /thams cad mkhyen pa bzhud pa'i lam/ /de ni chos rnams thams cad kyang / /
118b8 mtshan nyid gcig par shes pa lags/ /lha'i bu gnas mngon par shes pas gsol pa/ /khyod ni chos dbyings mngon par mkhyen/ /mtshan nyid gcig la mkhas pa ste/ /sems can kun gyi bsam pa yang / /
119a1 rkang gnyis gtso bo khyod kyis mkhyen/ /lha'i bu gnas nas nges par byung gis gsol pa/ /rnam par 'dren pa khyod kyi sras/ /gnas su bya ba chos dbyings shes/ /gsal bar 'tshal ba'i mkhas pa rnams/ /rang byung nyid
119a2 du nges par byung / /lha'i bu gnas la bslabs pas gsol pa/ /chos kyi dbyings la gang bslabs pa'i/ /skyes bu de dag byang chub zhugs/ /rang byung nyid du gnas rnyed pas/ /de dag rkang gnyis mchog tu 'gyur/ /lha'i bu gnas med
119a3 pa la mkhas pas gsol pa/ /gnas med pa ni gang 'tshal pa/ /de dag bde gshegs dgongs la mos/ /bdud rnams bye ba stong gis kyang / /de dag rmongs par yod mi nus/ /lha'i bu gnas med pa mngon par shes pas
119a4 gsol pa/ /gnas med gang gis rig gyur pa/ /de dag bdag cag bdud kyi tshogs/ /bye bas byang chub mi skyod ces/ /mkhas pa de dag shin du dga'/ /lha'i bu gnas med pa'i dgongs pa la mkhas pas gsol pa/ /
119a5 gnas med 'du shes mkhas pa ni/ /chos nyid la ni rab gnas te/ /sdig can bdud rnams bshal ba ni/ /ji ltar rta yis shing rta bzhin/ /lha'i bu gnas med pa la mkhas pas gsol pa/ /mtshan nyid gcig
119a6 la mkhas pa po/ /chos kyi dbyings la bgegs bgyid pa'i/ /bdud kyi las ni gnas med de/ /gnas med do zhes rgyal bas gsungs/ /lha'i bu gnas dang gnas ma yin pa rtogs pas gsol pa/ gnas
119a7 dang de bzhin gnas min pa/ /byis pa'i blo can rnams la bstan/ /rang gis de ni thugs chud nas/ /sems can rnams la khyod kyis bstan/ /lha'i bu sbyin pa la mkhas pas gsol ba/ sngon chad rgyu ni
119a8 gang dag dang / /las 'dra 'byung ba ma 'tshal ba'i/ /rgyu de khyod kyis thugs su chud/ /las kyi gnas kyang rab tu mkhyen/ /lha'i bu las la mkhas pas gsol pa/ /chags dang zhe sdang gti mug ni/ /las kyi rgyu
119b1 zhes khyod kyis mkhyen/ /gang gis rgyu yis bgyis de yang / /gang zag mchog gis thugs su chud/ /lha'i bu ma 'ongs pa la mkhas pas gsol pa/ /ma 'ongs pa yi dus dag na/ /mi rnams las gang bgyid 'gyur
119b2 ba/ /de yi rgyu dang len pa dang / /gnas dang las kyang khyod kyis mkhyen/ /lha'i bu da ltar byung ba la lta bas gsol pa/ /phyogs bcu'i 'jig rten 'di dag gi/ sems can rnams dang rgyu dang las/ /gnas dang las kyi
119b3 len pa rnams/ /kun kyang 'dren pa khyod kyis mkhyen/ /lha'i bu stobs kyi spyod yul gyis gsol pa/ /mi dbang khyod kyis ma gzigs pa'i/ /las dang rgyu dang ma mchis te/ /gnas dang skye ba 'ang ma mchis so/ /de bas
119b4 khyod ni gang zag mchog /lha'i bu stobs la mngon par dga' bas gsol pa/ /las dang rgyu dang de bzhin gnas/ /dus la rnam smin rnam gsum dang / /ji ltar de yi len pa yang / /khyod kyis mkhyen pas de slad mchod/ /
119b5 lha'i bu stobs kyi blo gros kyis gsol pa/ /rgyu dang las dang len pa dang / /rnam par smin dang rkyen dang gnas/ /rang bzhin bral bar khyod kyis mkhyen/ /de phyir rgyal ba mnyam pa med/ /lha'i bu stobs kyis byung gis gsol
119b6 pa/ /rgyu dang las dang len pa dang / /gnas dang rkyen dang rgyu rnams dang / /rnam smin so so yang dag rig /thams cad stong par rab tu mkhyen/ /lha'i bu stobs la dga' bas gsol pa/ /rgyu dang las dang len pa dang / /gnas
119b7 dang rkyen dang rgyud kyi rnams/ /khyod nyid rang gis mngon mkhyen te/ /rang bzhin med par bstan pa mdzad/ /lha'i bu stobs kyis rnam par rtse bas gsol pa/ /rgyu dang las dang len pa dang / /gnas dang rkyen dang rgyud kyi rnams/ /'pho med
119b8 dbang phyug med pa ste/ /rten cing 'byung bar khyod kyis mkhyen/ /lha'i bu stobs kyis 'phags kyis gsol pa/ /rgyu dang rkyen dang las rnams dang / /rnam par smin pa sten pa rnams/ /de kun rang bzhin stong ngo zhes/ /
120a1 seng ge'i nga ror khyod kyis gsungs/ /lha'i bu stobs kyi rjes su 'brang bas gsol pa/ /'jig rten las ni gang zhig gis/ /khams ni gang zhig spel gyur pa/ /de dag rkang gnyis gtso bos mkhyen/ /
120a2 de bas khyod ni do zla med/ /lha'i bu stobs dang ldan gyis gsol pa/ /khams gang la ni bsten bgyis shing / /gang gi mngon par las bgyis dang / /de yi rnam smin ci 'dra ba/ /de kun spyan dang ldan pas mkhyen/ /
120a3 lha'i bu stobs yang dag 'phags kyis gsol ba/ /khams gang la ni bsten bgyis shing / /ci 'dra'i rang bzhin gyur pa yi/ /sems can thams cad khyod kyis mkhyen/ /phyag gi sor mo lnga dang 'dra/ /lha'i bu stobs la
120a4 spyod pas gsol pa/ /khams gang la ni brten bgyis shing / /bshes gnyen ci 'dra rnyed gyur nas/ /'du 'dzi ci 'dra bgyid gyur pa/ /de dag bla na med pas mkhyen/ /lha'i bu stobs kyi byin gyis brlabs pas gsol pa/ /
120a5 stobs kyi byin gyi brlabs mkhyen cing / /'dren pa de ni khams dang ni/ /'du 'dzi bshes gnyen tshogs kyi rnams/ /de dag mi mchog khyod kyis mkhyen/ /lha'i bu khams nges pas gsol pa/ /khams de dang
120a6 ni len pa dang / /bshes gnyen de dang de 'grogs pa/ /de la khyod kyi mkhyen pa nges/ /de phyir the tshom yod mi mnga'/ /lha'i bu khams la brten pas gsol pa/ /sems can gang na gnas gnas pa'i/ /'khor
120a7 ba de dang khams de dang / /spyod dang skad dang 'gro ba rnams/ /mi mchog khyod kyis rab du mkhyen/ /lha'i bu khams la mkhas pas gsol pa/ /ye shes gang gis khams de ni/ /'dren pas mngon par mkhyen pa
120a8 yi/ /mkhyen de mkhyen pas stong ngo zhes/ /blo mchog mnga' bas yang dag bstan/ /lha'i bu khams nas nges par 'byung gis gsol pa/ /khams gang la ni bstan bgyis na/ /'dus byas dag la ji
120b1 srid gnas/ /de ni khyod kyis ji bzhin mkhyen/ /khyod la do zla ma mchis so/ /lha'i bu khams kyi rjes su song bas gsol pa/ /khams gang la ni bsten bgyis pas/ /yon tan ji snyed bskyed pa dang / rnam par smin
120b2 dang 'bras bu dag /de dag ma lus khyod kyis mkhyen/ /lha'i bu khams la yang dag gzhugs pas gsol pa/ /khams gang la ni bsten bgyid cing / /'gro ba ci 'dra 'dod bgyid pa/ /de yang khyod kyis thogs med mkhyen/ /
120b3 de phyir khyod ni mkhas pas mchod/ /lha'i bu lam mngon par shes pas gsol pa/ /khams gang la ni bsten bgyis pas/ /'gro ba ci 'dra mchi ba yi/ /sems can rnams kyi lam dag kyang / /ye shes mkhas pa
120b4 khyod kyis mkhyen/ /lha'i bu lam la mi 'jigs pas gsol pa/ /sems can log pa nyid nges shing / /mya ngan 'das 'gro skal med pa/ /phung po gsum po de dag la/ /khyod kyi ye shes nges par 'jug /lha'i bu
120b5 lam gyis nges par byung gis gsol pa sems can yang dag nyid nges te/ /ngan 'gror 'gro ba'i skal med pa/ /de la 'jig rten sgrol ma khyod/ /rtogs pa thogs pa med par 'jug /lha'i bu lam la mos pas gsol
120b6 pa/ /ma nges phung por gyur pa la/ /gang zag gang rnams gnas pa rnams/ /de la ngan song ngan 'gro dang / /mya ngan 'das pa 'ang khyod kyis bstan/ /lha'i bu stobs kyi brdas gsol pa/ /sangs rgyas brda tsam nyid lags te/ /
120b7 de bzhin stobs dang ye shes dang / /mi 'jigs bzhi yang de bzhin du/ /kun rdzob ces ni thub pas gsungs/ /lha'i bu yang dag pa mthong bas gsol pa/ /sangs rgyas sangs rgyas chos rnams med/ /ye shes
120b8 gnas pa gzhan yang med/ /don dam nyid du bstan to zhes/ /de bzhin gshegs pa khyod kyis mkhyen/ /lha'i bu stobs la gnas kyis gsol pa/ /sangs rgyas chos la stobs gnas pas/ /des na de la
121a1 'jigs med de/ /rgyal ba de bzhin gshegs kyi sras/ /ji ltar 'dod dgur rnam par 'phrul/ /lha'i bu chos la 'jigs med kyis gsol pa/ /kun rdzob dang ni don dam dang / /de dag rab tu bstan mchis kyang / /kun rdzob
121a2 dang ni don dam dang / /brda yang dmigs su ma mchis so/ /lha'i bu ye shes lhur len gyis gsol pa/ /brjod pa thams cad rnam pa gzhan/ /chos kyi mtshan nyid rnam pa gzhan/ /mtshan nyid ma mchis brjod ma mchis/ /khyod
121a3 kyis chos kyi mtshan nyid gzigs/ /lha'i bu lam la brtson pas gsol pa/ /nges par gyur pa'i sems can rnams/ /gzhan gyi rgyud mchi'i gnas ma mchis/ /log par nges rnams kun du 'gror/ /drang srong chen po khyod
121a4 kyis gzigs/ /lha'i bu mos pa'i stobs kyis gsol pa/ khams gang la ni bsten bgyis te/ gang rnams ci 'drar mos 'gyur zhing / /'dod chags khams la sdug bsngal ba/ de dag thub chen khyod kyis
121a5 gzigs/ /lha'i bu mi sdug pa las nges par byung gis gsol pa/ /ma mchis yongs su brtags pas na/ /'dod chags khams ni rab tu byung / /de la mos pa nges 'byung ba/ /de dag khyod kyis ji bzhin gzigs/ /
121a6 lha'i bu byams pas nges par byung gis gsol pa/ /ma mchis yongs su brtags pas na/ /zhe sdang khams ni rab tu byung / /de la mos pa nges 'byung ba/ /de dag khyod kyis ji bzhin gzigs/ /lha'i bu rkyen 'dis
121a7 nges par byung gis gsol pa/ /ma mchis yongs su brtags pas na/ /gti mug khams ni rab tu byung / /de la mos pa nges 'byung ba/ /de dag khyod kyis ji bzhin gzigs/ lha'i bu gtong bas nges par byung gis
121a8 gsol pa/ /'tsho med 'jigs pa rnyed pa dag /ser sna mngon par 'phel 'gyur te/ /de la mos pa nges 'byung ba/ /de dag thub chen khyod kyis gzigs/ /lha'i bu dge ba'i bshes gnyen gyis nges par byung gis gsol pa/ /
121b1 sdig pa'i grogs dang 'grogs pas na/ /'thun pa'i khams ni rab tu 'byung / /de la mos pa 'thob 'gyur ba/ /de dag 'dren pas rnam par mkhyen/ /lha'i bu rnam par shes pa snying por 'dzin pas gsol pa/ /'khor
121b2 ba na ni 'khor rnams kyis/ /ci 'dra'i khams la bsten pa dang / /mos pa de mthar phyin pa dag /khyod kyis ma lus rab tu mkhyen/ /lha'i bu nan tan snying por byed pas gsol pa/ /'khor ba na ni 'khor rnams kyis/ /gang
121b3 gis rgyus byung nan tan dang / /mos pa de las gyur pa yang / /smad pa med pa khyod kyis gzigs/ /lha'i bu dbang po la mos pas gsol pa/ /sems can gang gis khams gang la/ /bsten na ji ltar 'gyur ba yi/ /rgyu de
121b4 khyod kyis rab tu mkhyen/ /des na khyod ni dga' bar mdzad/ /lha'i bu dbang po la spyod pas gsol pa/ /sbyor ba gang gis skye ba dang / /gang gis rgya chen skye ba dang / /dmigs pa dang ni zhing rnams dang / /dbang po khyod kyis rab
121b5 tu mkhyen/ /lha'i bu dbang pos nges par byung gis gsol pa/ /'dod pa'i sdug bsngal gnod gyur dang / /sred pa mngon par 'jug pa dang / /srid pa zhi ba bgyi ba'i don/ /de dag smra ba'i mchog gis mkhyen/ /lha'i bu dbang
121b6 po'i spyod yul gyis gsol pa/ /dbang po nyam chung rnam dag ni/ /gzugs kyi 'dod chags dben par 'tshal/ /srid pa rnam par gzhig pa yang / /rkang gnyis dam pas bstan pa mdzad/ /lha'i bu dbang po rnam par
121b7 rgyal bas gsol pa/ /dbang po rtul po dur khrod bsten/ /rang gi 'dod chags zhi bar bgyid/ /rkang gnyis gtso bo'i zhal mthong nas/ /sred dang bcas pa khyod la lta/ /lha'i bu dbang po rtogs kyis gsol pa/ /'dod
121b8 chags can dang 'dod chags dang / /zhi dang shes dang mi shes dang / /srid pa zhi dang dbang po rnams/ /rnam par gzigs na sngon ma dmigs/ /lha'i bu dbang po la gnas pas gsol pa/ /zhe sdang gnyen por
122a1 gyur pa yi/ /gnod sems med dang dben pa dag /dbang po rtul po sten pa'i tshe/ /khyod kyis 'gro ba'i bsam pa gzigs/ /lha'i bu dbang po la brtson pas gsol pa/ /zhe sdang gnyen por byams pa gsung / /
122a2 sems can shes pa rjes su skye/ /zhe sdang khams ni zhi bar bgyid/ /de dag mi mchog khyod kyis mkhyen/ /lha'i bu dbang po tshol bas gsol pa/ /gnod sems med dang byams pa dang / /zhi ba'i ngo bo nyid ma gzigs/ /
122a3 dag dang nyon mongs ma dmigs te/ /des na 'jig rten khyad par 'phags/ /lha'i bu dbang po rjes su 'brang gis gsol pa/ /log par rnam par rtog pa dang / /log par nye bar ston pa yang / /nyon mongs dam
122a4 phyir kun sbyor te/ /bzlog pas thar par 'gyur ba gzigs/ /lha'i bu ye shes yang dag shar gyis gsol pa/ /'dod chags zhe sdang gti mug dang / /dngos la 'dzin pa mun pa ste/ /bzlog pas snang ba chen por
122a5 'gyur/ /de ni grags chen khyod kyis mkhyen/ /lha'i bu ye shes 'dod chags chad pas gsol pa/ 'dod chags zhe sdang gti mug dang / /mun pa snang ba dngos po rnams/ /rang bzhin nyid kyis ma mchis te/ /de ni rkang gnyis gtso bos gzigs/ /
122a6 lha'i bu snang ba 'dzin gyis gsol pa/ /sems can gang gi shes pa gang / /ji tsam yongs su bsgrub bgyis dang / /snod tu gang rung ji snyed pa/ /de dag mi mchog khyod kyis mkhyen/ /lha'i bu dbang po dang zhes 'gras
122a7 pas gsol pa/ /nyon mongs spang phyir shes gang gis/ /shes pa de la rtog bgyid pa/ /de yang ston pa khyod kyis mkhyen/ /de bas khyod la mngon par dga'/ /lha'i bu dbang po la dga' bas gsol pa/ /yul dang
122a8 dus dang gnas dag dang / /spyod pa rnam par bsgom pa dang / /nyon mongs snyon rmongs rnam dag pa/ /thub pa khyod kyis stong par gzigs/ /lha'i bu ye shes rgyal mtshan gyis gsol pa/ /dbang po rno rtul 'bring dag dang / /
122b1 gang zag dag gis bsam pa dang / /bcings dang thar dang zad dang shes/ /g.yo ba med par khyod kyis mkhyen/ /lha'i bu dbang po'i rgyal mtshan gyis gsol pa/ /dbang po rab 'bring rtul po dang / /nyon mongs ye shes
122b2 tshor ba dang / /gdul dang gdul bar bgyid pa dag /khyod kyis mtshan nyid med par gsungs/ /lha'i bu dbang po rnam par brtags kyis gsol pa/ /sems can rnams kyi bsam gtan dang / /rnam thar kun
122b3 nas nyon mongs dang / /snyoms 'jug ting 'dzin ldang ba dang / /rnam byang thub pa khyod kyis mkhyen/ /lha'i bu stobs kyi shugs kyis gsol pa/ /zhi ba'i ting nge 'dzin bsten te/ /chos kun ngo bo nyid kyis ni/ /
122b4 rang bzhin med par khyod kyis mkhyen/ /des na thams cad mkhyen ces bgyi/ /lha'i bu stobs kyi go chas gsol pa/ /chos rnams gang dang rang bzhin gang / /chos gang gis ni brjod bgyis pa/ /yang dag
122b5 ji bzhin thugs su chud/ /des na dus gsum chags mi mnga'/ /lha'i bu stobs 'dod kyis gsol pa/ /log par brtags pas kun nyon mongs/ /rnam pa bzhi ni skye bar 'gyur/ /las las
122b6 skyes par de dag mkhyen/ /des na khyod la do zla med/ /lha'i bu stobs shes kyis gsol pa/ /nyon mongs rnams dang las rnams kyi/ /gnyen po rnam par byang ba dang / /bstan pa 'ang khyod kyis rab tu
122b7 mkhyen/ /des na khyod la do zla med/ /lha'i bu stobs kyi 'od kyis gsol pa/ /bsam gtan rnam thar ldang ba dang / /snyoms par 'jug dang ting 'dzin dang / /kun nas nyon mongs rnam byang dag /ming tsam
122b8 mo zhes khyod kyis bstan/ /lha'i bu stobs las byung gis gsol pa/ /bsam gtan rnam thar rnam byang dang / /snyoms par 'jug dang ting nge 'dzin/ /bag yod pa las byung ba ste/ /de la khyod kyis
123a1 ye shes 'jug /lha'i bu stobs rnam par spel gyis gsol pa/ /dpa' bo khyod kyi mkhyen pa ni/ /bsam gtan la sogs de dag dang / /ldang dang rnam par byang la 'jug /de ni rlung ltar chags
123a2 pa med/ /lha'i bu sngon gyi mtha' la mkhas pas gsol pa/ /bskal pa bye ba grangs med du/ /srid pa 'di na sngon bzhugs tshe/ /srid pa'i skyon dang yod ma 'dres/ /des na khyod la do zla med/ /lha'i bu sngon
123a3 gyi mtha' la gnas pas gsol pa/ /bskal pa bye ba grangs med du/ /byang chub gzhal yas tshol mdzad cing / /'dren pas yongs su spyad pas na/ /des na khyod ni dpa' bo lags/ /lha'i bu sngon
123a4 gyi mtha' la rtogs pas gsol pa/ /sngon mthar sbyin pa sna tshogs dag /blo mchog gsung tshe gsol pas na/ /spobs pa sna tshogs rab mda' bar/ /rnam par 'dren pa des nges byung / /lha'i bu sngon gyi
123a5 mtha' la byang bas gsol pa/ /sngon chad 'khor bar spyod pa'i tshe/ /tshul rnams la ni tshul mkhas pa/ /'jig rten sgron rnams khyod kyis gzigs/ /des na khyod ni tshul la mkhas/ /lha'i bu sngon gyi mtha' tshar
123a6 phyin pas gsol pa/ /sngon mthar chos rgyal mang po la/ /dba' bos sngan chad spyod mdzad pas/ /thams cad mkhyen du nges par yang / /sems can mkhas la phyag kyang 'tshal/ /lha'i bu sngon gyi tshul
123a7 phun sum tshogs pas gsol pa/ /byang chub mchog ni btsal ba'i phyir/ /bskal pa bye ba grangs med du/ /sangs rgyas bye ba mtha' yas pa/ /de la khyod kyis sa bon btab/ /lha'i bu sngon gyi tshul la
123a8 nges pas gsol pa/ /bskal pa bye bar brtag mdzad pas/ /chos kun sems can med pa zhes/ /chos rnams thams cad nges par mkhyen/ /'du 'phrod tsam du rgyal bas gsung / /lha'i bu
123b1 sngon gyi mtha' la sems pas gsol pa/ /bskal pa bye ba grangs med du/ /gnas dang gnas min rab mkhyen par/ /rnam par 'dren pa spyod mdzad pas/ /des na 'jig rten rmongs mi mnga'/ /lha'i bu sngon
123b2 gyi mtha' la dpyad pas gsol pa/ /gnas dang gnas min brten bgyis nas/ /las dang rgyu rnams dpyad pas na/ /khams dang dbang po mos pa dang / /bsam gtan sngon gyi mtha' yang mkhyen/ /
123b3 lha'i bu sngon gyi mtha' la yongs su rtog pas gsol pa/ /stobs kyi ye shes rnam bcu po/ /dpa' bo chen pos rnam par spel/ /des ni 'jig rten 'di la gzigs/ /lha'i bu sngon gyi mtha'i spyod yul
123b4 gyis gsol pa/ /dpa' bo sems can thams cad kyi/ /sngon gyi mtha' yi spyod pa dang / /dge dang mi dge'i rgyu ba rnams/ /mkhyen pas 'jig rten gso ba mdzad/ /lha'i bu sngon gyi mtha' yi spyod pa
123b5 la so sor rtog pas gsol pa/ /thub pas sngon gyi sems can gyi/ /sngon mtha'i spyod pa rab mkhyen cing / /khams dang mos pa mkhyen pas na/ /de phyir sems can gso ba mdzad/ /lha'i bu mos
123b6 pa'i stobs can gyis gsol pa/ /bskal pa bye ba mtha' yas su/ /sngon gyi mtha' la brtag bgyis kyang / /khyod kyi dgongs pa chags mi mnga'/ /des na mgon la bdag mos lags/ /
123b7 lha'i bu ye shes la mos pas gsol pa/ /bskal pa bye ba grangs med du/ /sngon mtha'i srid pa bsam bgyis kyang / /rkang gnyis gtso bo'i yon tan gyi/ /pha rol phyin nus 'ga' ma mchis/ /
123b8 lha'i bu phyi ma'i mtha' la mkhas pas gsol pa/ /phyogs bcu'i 'jig rten 'di dag gi/ skye dgu sna tshogs las ldan pa/ /shi 'pho skye bar 'gyur ba dag /khyod kyis sangs rgyas
124a1 spyan gyis gzigs/ /lha'i bu phyi ma'i mtha' las nges par byung gis gsol pa/ /rgyu gang gis ni las gang zhig /dgyes shing rgyud drug mchir 'gyur ba/ /de dag thams cad rgyal bas mkhyen/ /des na thams cad
124a2 mkhyen ces bgyi/ /lha'i bu shi 'pho dang skye ba mngon par shes pas gsol pa/ /khams gang gis ni sems can gang / /bsgos par gyur cing las bgyid pa'i/ /bag chags las dang sems can dag /khyod kyis g.yo ba med
124a3 par mkhyen/ /lha'i bu 'chi 'pho dang skye ba rig pas gsol pa/ /bshes gnyen ci 'dra bsten bgyi shing / /las gang mngon par 'dus bgyis pas/ /'gro ba gang du mchi 'gyur ba/ /thub pa khyod kyis de yang mkhyen/ /lha'i bu
124a4 dgos pa la mkhas pas gsol pa/ /las de yi ni bgyi ba gang / /dgos pa khyod kyis rab tu mkhyen/ /gang gis slad du las bgyis pa/ /de yang ma lus rab tu mkhyen/ /lha'i bu dngos po la mkhas pas gsol pa/ /
124a5 dngos po de dag dmigs pa yang / /las gang mngon par 'dus bgyis pa/ /thams cad mkhyen pas de mkhyen te/ /de ni sangs rgyas spyod yul lags/ /lha'i bu dngos po rig pas gsol pa/ /sems can rnams
124a6 kyis bsam mkhas pa/ /dngos de ji ltar gnas pa dang / /de ni ji ltar grub pa yi/ /las de khyod kyis mngon par mkhyen/ /lha'i bu shes pa la mkhas pas gsol pa/ /shes pa gang gis dngos po de/ /brtags
124a7 par gyur ba rab tu mkhyen/ /de la ji ltar chags gyur pa 'ang / /thub pa khyod kyis shin du mkhyen/ /lha'i bu mngon par 'du byed pa la mkhas kyis gsol pa/ /chags pa gang gis las de rnams/ /nyon mongs
124a8 gang gis 'du bgyis pa'i/ /nyon mongs de dag yang dag mkhyen/ /de bas khyod ni bdag gi mgon/ /lha'i bu 'gro ba la mkhas pas gsol pa/ /'gro ba gang du las gang gis/ /mchis shing sgrib pa gang
124b1 rnyed nas/ /'bras bu thob par mi 'gyur ba/ /de kun spyan ldan khyod kyis mkhyen/ /lha'i bu dmigs pa la mkhas pas gsol pa/ /'gro ba dag tu skyes rnams kyi/ /gang gis las rnams smin 'gyur ba'i/ /dmigs
124b2 pa khyod kyis rab mkhyen te/ /de la khyod kyi blo gros 'jug /lha'i bu bag chags la mkhas kyis gsol pa/ /'gro dang 'gro bar mi rnams kyis/ /sngon chad bgyis pa'i sdig las dang / /de bzhin dge ba'i las
124b3 rnams kyi/ /bag chags khyod kyi rab tu mkhyen/ /lha'i bu las la mkhas kyis gsol pa/ /'gro ba 'byung po thams cad kyi/ /rnying dang gsar dang slad ma dang / /las rnams gsum po khyod kyis mkhyen/ /
124b4 de la so so'i skye bo 'khrul/ /lha'i bu rnam par smin pa la mkhas kyis gsol pa/ /chung zhing rnam smin che ba dang / /che zhing rnam smin chung ba dang / /chung ngam che'am mnyam pa 'ang rung / /de la mu stegs can rnams
124b5 rmongs/ /lha'i bu las la mkhas kyis gsol pa/ /tshe 'di'i las rnams gang lags dang / /skye bo'i las rnams gang lags dang / /lan grangs gzhan gyi gang lags pa/ /de dag spyan ldan khyod kyis
124b6 mkhyen/ /lha'i bu tshe 'di la myong bar 'gyur ba la mkhas kyis gsol pa/ /tshe 'di la ni bgyis pa yi/ /las kyi rnam smin mi gang dag /myong bar 'gyur ba gang dag la/ /so so'i skye bo rmongs pa mkhyen/ /lha'i
124b7 bu skyes nas myong bar 'gyur ba la mkhas kyis gsol pa/ /gang gis las gang bsags gyur te/ /skyes nas rnam par smin gyur pa/ /gang la 'jig rten gting mi rnyed/ /shes rab chen pos de nyid
124b8 mkhyen/ /lha'i bu lan grangs gzhan na myong bar 'gyur ba la mkhas kyis gsol pa/ /las gang bskal pa bye ba yi/ /phyi dus rnam par smin 'gyur zhing / /dus gzhan dag na yang 'byung ba/ /
125a1 de dag yang dag nyid du mkhyen/ /lha'i bu yongs su ma smin pa myong bar 'gyur ba la mkhas kyis gsol pa/ /las rnams gang zhig bgyis gyur pa/ /yongs su smin par ma gyur na/ /de srid 'bras
125a2 bu mi 'byin pa/ /rkang gnyis mchog gis de yang mkhyen/ /lha'i bu yongs su ma smin pa myong bar 'gyur ba la rtog pas gsol pa/ /las gang dang ni ldan pas na/ /sems can 'di ni skyer 'gyur ba/ /pham pa med pas
125a3 de mkhyen te/ /yongs su brtags nas rab tu mkhyen/ /lha'i bu yongs su smin pa myong bar 'gyur ba la mkhas pas gsol pa/ /las ni ji ltar yongs smin na/ /'bras bu dkar bar 'gyur ba mkhyen/ /de la
125a4 khyod kyi ye shes 'jug /de dag stong par rnam par mkhyen/ /lha'i bu yongs su smin pa myong bar 'gyur ba la nges pas gsol pa/ /thams cad mkhyen pas las kyi rnams/ /lci dang yang ba rab tu mkhyen/ /
125a5 sems can bsam pa thugs su chud/ /de slad bcom ldan bdag gi bla/ /lha'i bu sems can gyi spyod pa la mkhas kyis gsol pa/ /las gang gis ni sems can rnams/ /ngan song mchi bar 'gyur ba dang / /
125a6 lci ba dang ni yang ba gzigs/ /de shes mkhyen pas rab tu mkhyen/ /lha'i bu sems can gyi spyod pa la mkhas kyis gsol pa/ /sems can spyod pa nyer bzung zhing / /las kyi lci dang yang ba dag /
125a7 dpa' bo khyod kyis rab tu mkhyen/ /mu stegs can rnams de la rmongs/ /lha'i bu sems can gyi spyod pa la dpyod pas gsol ba/ sems can spyod pa dpyad mdzad cing / /las kyi rnam par smin
125a8 pa bstan/ /phor bu'i chu dang gang gA'i chu/ /lan tshwas rnam par bstan pa bzhin/ /lha'i bu las la mkhas kyis gsol pa/ /slob dang mi slob rnam par smin/ /rkang gnyis dam pa sngon mdzad cing / /
125b1 kun nas nyon mongs las myong nas/ /las ni zad par 'gyur ba bstan/ /lha'i bu sangs rgyas ye shes la reg par byed pas gsol pa/ /sangs rgyas spyan gyis khams gsum na/ /las kyi 'bras bu rten pa yi/ /byis pa
125b2 dag dang mkhas pa gzigs/ /phra gzigs khyod la phyag 'tshal lo/ /lha'i bu las zad par byed pas gsol pa/ /'jig rten dag na rnam 'dren khyod/ /sems can rnams kyi shi 'pho dang / /skye ba kun la ye shes 'jug /mkhyen
125b3 pas 'jigs med phyag kyang 'tshal/ /lha'i bu dmigs pa med pa la sbyor pas gsol pa/ /'chi 'pho ba dang skye dang las/ /'gro dang de bzhin sems can dang / /rnam smin rmi lam 'drar bstan pa/ /'dren pa rkang gnyis mchog
125b4 gis mkhyen/ /lha'i bu nyon mongs pa la rtog pas gsol pa/ /ji ltar rmi lam skom pa zhig /shin du bsil ba'i chu 'thungs bzhin/ /rkang gnyis mchog khyod 'dod chags dang / /zhe sdang gti mug rnams kyang zad/ /lha'i bu
125b5 yongs su rtog pa dang bral bas gsol pa/ /'dod chags zhe sdang gti mug rnams/ /yongs su rtog las skyes pa ste/ /rmi lam dga' bar rtse ba bzhin/ /smra mchog khyod la phyag kyang 'tshal/ /lha'i bu yongs su rtog
125b6 pa zhi bar byed pas gsol pa/ /yongs su rtog pa rab zhi bas/ /nyon mongs zad par rab bstan te/ /rmi lam na ni sprin med ltar/ /mi mchog khyod kyis rab tu mkhyen/ /lha'i bu zag pa la rtog pas gsol pa/ /rmi lam
125b7 char chen 'bab pa ltar/ /de bzhin zag pa rnams 'byung bar/ /zag pa 'byung la mkhas pa po/ /dpa' bo chen po khyod kyis bstan/ /lha'i bu rmi lam rtog gis gsol pa/ /rmi lam char chen 'bab pa ltar/ /de bzhin zag
125b8 pa rnams 'byung ste/ /nor pa rnams la zag 'byung bar/ /dpa' bo chen po khyod kyis bstan/ /lha'i bu ji lta ba bzhin du rtog pas gsol pa/ /ji ltar bu mo'i rmi lam na bu zhig byung la shi 'phos na/ /dga' dang sdug bsngal
126a1 tshor 'gyur ba/ /de bzhin 'gro ba khyod kyis gzigs/ /lha'i bu rmi lam rtogs pas gsol pa/ /rmi lam dag na mgo bcad bzhin/ /khyod kyis zag pa zad pa gzigs/ /de ni mkhas pa rnams la bstan/ /
126a2 thams cad gzigs la phyag kyang 'tshal/ /lha'i bu blo gros nges par brtags kyis gsol pa/ /chos kun mkhyen pa khyod kyis ni/ /ji ltar rmi lam mdza' phrad dang / /bral ba yang dag ma mchis gzigs/ /'gro ba
126a3 ji bzhin tshim par mdzad/ /lha'i bu ye shes yid kyis gsol pa/ /khyod kyi dam pa'i chos stong pa/ /thos na yid ni dgar 'gyur te/ /rmi lam dag na rmi bstan bzhin/ /de ltar rgyal bas bstan pa mdzad/ /lha'i bu
126a4 yongs su dga' ba'i yid kyis gsol pa/ /me long gzugs brnyan snang ba bzhin/ /'gro ba mtha' dag gzigs pas na/ /bsam gtan mnga' ba khyod la ni/ /lhar bcas 'jig rten yid kyang dga'/ /lha'i bu
126a5 blo gros nges pas gsol pa/ /thub pa pi bang sgra 'dra ba'i/ /khyod kyi dam chos thos gyur na/ /lha bu rnams kyang the tshom bor/ /rgyal ba mchog la phyag kyang 'tshal/ /lha'i bu sgyu mas tshim gyis gsol pa/ /
126a6 sgyu ma'i mkhan pos sgyu ma dag /byis pa rmongs byed yongs bstan na/ /mi mkhas de la rmongs par 'gyur/ /sgyu ma bzhin du khyod kyis bstan/ /lha'i bu sprul pa la sems pas gsol pa/ /ji ltar rmi lam sgyu mthong ba/ /
126a7 de ltar khyod kyis 'gro ba gzigs/ /mgon po'i bstan pa de thos na/ /bdag cag the tshom ma mchis so/ /lha'i bu sgyu ma las nges par byung gis gsol pa/ /sgyu ma'i mkhan pos sgyu sprul kyang / /sgyu ma lags par
126a8 'tshal pas na/ /de la rmongs par 'gyur ma mchis/ /de bzhin khyod kyis 'gro ba gzigs/ /lha'i bu rtog pa'i rjes su rtog pas gsol pa/ /ji ltar brtson pas rmi lam na/ /sangs rgyas sku gzugs brtags pa
126b1 bzhin/ /de ltar rtog pas 'jig rten bskyed/ /rnam par 'dren pa khyod kyis gzigs/ /lha'i bu kun du rtog pa 'joms kyis gsol pa/ /kun rtog 'dod chags rgyu lags te/ /'dod chags dngos pos bskyed ma
126b2 lags/ /rtog pa ngan pas 'dod chags byung / /de ni rnam 'dren khyod kyis gzigs/ /lha'i bu yongs su shes pa dang ldan pas gsol pa/ /ri sul dag na sgra byung ba/ /brag cha sems can sgra ma lags/ /de bzhin
126b3 'jig rten khyod kyis gzigs/ /de slad 'jig rten chags mi mnga'/ /lha'i bu ston pa la mkhas pas gsol pa/ /sgra ni gang yang ma mchis te/ /sgra ni brag cha 'dra ba lags/ /'on kyang mi dbang khyod kyis bstan/ /
126b4 byis pa mang po rab tu btsud/ /lha'i bu nan tan la mkhas pas gsol pa/ /chos rnams don ni gzhan lags kyang / /byis pa rnams kyis gzhan du brtags/ /nan tan chos las shes par bgyi/ /de la bdag ni the
126b5 tshom chad/ /lha'i bu don gyi rjes su 'brang bas gsol pa/ /chos don yang dag gang lags pa/ /de ni sus kyang ma rtogs shing / /sus kyang ma bstan 'tshal ma gyur/ /de skad thub pa'i mchog gis gsungs/ /
126b6 lha'i bu chos kyi brda rtogs pas gsol pa/ /zag dang dri ma nyon mongs dang / /bag chags dang ni rtog dang rtog /kun nas nyon mongs rnam dag pa/ /thub pa brda yi tshig kyang lags/ /lha'i bu kun du rtog
126b7 pa la mkhas pas gsol pa/ /kun nas nyon mongs rnam dag dang / /zag pa dag dang nyon mongs dang / /dag dang bshad dang nye du dang / /ston pa 'di kun ming tsam lags/ /lha'i bu mi gnas pa'i blo gros kyis
126b8 gsol pa/ /khams gsum rnams la ma chags te/ /nam mkha' 'dra ba'i thugs mnga' ba/ /bral bar gyur cing sbyin pa'i gnas/ /zhi ba'i sems la phyag kyang 'tshal/ /lha'i bu ma gos pas gsol/
127a1 thub pa khyod kyi thugs yid ni/ /gzugs dang gzugs med mi gnas shing / /'dod dang mya ngan 'das pa la/ /gnas pa ma mchis par snang 'dra/ /lha'i bu re ba med pas gsol pa/ 'dod pa'i khams
127a2 la re ba spangs/ /gzugs dang gzugs med gnyi gar min/ /'du 'dzi dag dang bral gyur pa/ /sred zad khyod la phyag kyang 'tshal/ /lha'i bu sred pa phyung pas gsol pa/ 'byung ba dag dang 'jig pa la/ /khyod kyi sred pa
127a3 yang dag chad/ /khams gsum kun la chags mi mnga'/ /rnam par 'dren la phyag kyang 'tshal/ /lha'i bu sred pa 'jig rten 'di dag gzil mnan nas/ khyu mchog dam pa spyod
127a4 mdzad cing / /sems can 'jig rten sgrol mdzad pa/ /thugs brtse khyod la phyag kyang 'tshal/ /lha'i bu sred pa dang bral bas gsol pa/ kun du sbyor dang bral ba ste/ /yang srid pas pas zhi gyur pa/ /dag pa'i bdag
127a5 nyid dag pa'i sems/ /dus dang bral la phyag kyang 'tshal/ /lha'i bu ji lta ba bzhin du rig pas gsol pa/ chos rnams thams cad dngos med pa/ /ji bzhin dpa' bo khyod kyis mkhyen/ /bcings pa ma mchis grol
127a6 ma mchis/ /yang dag gzigs la phyag kyang 'tshal/ /lha'i bu 'dam las rgal bas gsol pa/ 'dod pa'i 'dam las rgal ba ste/ /srid pa'i 'dam las de bzhin brgal/ /gzigs pa mi mnga' len mi mnga'/ /
127a7 yang srid zad la phyag kyang 'tshal/ /lha'i bu bzang zing spangs kyis gsol pa/ zang zing spangs shing dri ma spangs/ /re ba spangs shing sdig pa 'ang spangs/ /sangs rgyas sgrib pa rnam spangs pa/ /don rtogs khyod la phyag kyang
127a8 'tshal/ /lha'i bu re ba spangs pas gsol pa/ don dang don ma lags pa spangs/ /chags pa mi mnga' nges rtogs pa/ /bdud kyi zhags las rnam 'das pa/ /len med khyod la phyag kyang 'tshal/ /lha'i bu phan par
127b1 'dod pas gsol pa/ bdag nyid dang ni gzhan rnams kyi/ /lam gang nyon mongs rims med pa/ /sgrib pa med par gzigs pa po/ /dpa' chen khyod kyis de yang gzigs/ /lha'i bu grags pa thob pas gsol pa/ 'dren pa
127b2 'jig rten rnam grags pa/ /khyod kyi mkhyen la brtson pa rnams/ /ji skad bstan bzhin rab rtog na/ /nyon mongs rnams ni nub par 'gyur/ /lha'i bu 'jigs pa med pas gsol pa/ chos rnams kun la nges pas na/ /sngo ba
127b3 gang yang yong ma gzigs/ /ye shes rgya mtsho mi bsnyengs par/ /seng ge'i sgra ni sgrog pa mdzad/ /lha'i bu gang nas kyang 'jigs pa med pas gsol pa/ 'jigs pa kun las yang dag rgal/ /zug rngu thams cad kun
127b4 du bton/ /bsnyengs pa mi mnga' zhum mi mnga'/ /thams cad zil gnon phyag kyang 'tshal/ /lha'i bu gnas med kyis gsol pa/ lha rnams dang ni dri za dang / /bdud dang tshangs par bcas pa yis/ /khyod kyis chos la rgal mi
127b5 nus/ /de bas khyod la bsnyengs mi mnga'/ /lha'i bu seng ge'i rtsal gyis gsol pa/ chos rnams thams cad yongs mkhyen pas/ /sangs rgyas gyur la 'jigs mi mnga'/ /bdag la chos kyis su rgol zhes/ /bde gshegs
127b6 khyod la dogs mi mnga'/ /lha'i bu skrag med kyis gsol pa/ seng ge ri sul gnas pa ni/ /'jigs pa ma mchis skrag ma mchis/ /ri dgas phra mo yongs btul te/ /dpa' bkong nags na nga ro sgrog /de bzhin thams cad
127b7 mkhyen pa yang / /mu stegs can rnams yongs skrag te/ /lha klu dri za'i 'jig rten na/ /mtshungs med gzigs nas gsung yang sgrog /lha'i bu thams cad zil gnon gyis gsol pa/ 'jig rten rnam 'dren 'jig rten na/ /
127b8 sangs rgyas nyid la sngo bgyid pa/ /'jig rten gsum na ma mchis te/ /des na rgyal ba bdag gi skyabs/ /lha'i bu seng ge blo gros kyis gsol pa/ thams cad mkhyen pa thams cad gzigs/ /chos rnams kun la
128a1 'jigs mi mnga'/ /khyod 'dra 'jig rten ma mchis te/ /cis mi bsnyengs la phyag kyang 'tshal/ /lha'i bu rjes su 'thun par skyes kyis gsol pa/ /sangs rgyas nyid du dam bcas na/ /'di na khyod la rgol ma mchis/ /
128a2 'jig rten 'dren pa chos kyis ni/ /khyod la gang rgol de ma mchis/ /lha'i bu mdzod 'dzin gyis gsol pa/ /seng ge'i nga ro gsung bsgrags te/ /khyod kyi chos kyi mdzod bzung bas/ /srog chags bye ba stong dag gis/ /byang chub mchog
128a3 tu sems kyang bskyed/ /lha'i bu brtul zhugs rjes su 'thun gyis gsol pa/ /sangs rgyas rjes 'thun brtul zhugs can/ /dpa' chen de dag thob chen thob/ /byang chub mchog tu sems bdud cing / /gang zag mchog tu de dag
128a4 'gyur/ /lha'i bu rjes su 'thun pa'i chos la dga' bas gsol pa/ /khyod kyi bstan pa sus thos te/ /byang chub mchog tu sems bdud pa/ /de dag 'jig rten sems can che/ /gang zag mchog tu de dag 'gyur/ /lha'i
128a5 bu sems dag pas gsol pa/ /'jig rten dag na rgol med pa'i/ /rdzogs pa'i sangs rgyas gsung thos nas/ /srog chags bye ba stong dag gis/ /byang chub mchog tu sems kyang bskyed/ /lha'i bu sems rgyud
128a6 yongs su dag pas gsol pa/ /yun ring dus nas mi dbang gis/ /sangs rgyas bslab la legs bslabs pas/ /de slad khyod ni thugs rgyud dag /mtshan rab sum bcu gnyis dang ldan/ /lha'i bu zag pa med pa'i yid
128a7 kyis gsol pa/ /zag pa zad pa'i sangs rgyas kyis/ /seng ge'i nga ro bsgrags mdzad de/ /dam bcas pa la mngon bzhugs na/ /rgol ba 'di ni yod ma mchis/ /lha'i bu de kho na'i rjes su song bas gsol pa/ /khyod kyi gsung
128a8 la smra 'gyur ba'i/ /lha dang lha bu mi dag ni/ /'jig rten gsum na ma mchis te/ /des na thub pa stobs dang ldan/ /lha'i bu zag pa zad pa la mkhas pas gsol ba/ /dge sbyong dam pa'i zag pa ni/ /ma lus yongs su bas pa ste/ /
128b1 'di na khyod la rgol ma mchis/ /des na sangs rgyas bdag gi pha/ /lha'i bu rtag tu brtson pas gsol pa/ khyod la nyon mongs lus so zhes/ /mi dbang khyod la gang rgol ba/ /rnam pa kun du mi dmigs te/ /des na sangs rgyas
128b2 bsnyengs mi mnga'/ /lha'i bu sems zhi bas gsol pa/ /'dod chags zhe sdang zhi ba ste/ /gti mug bag chags bcas pa zhi/ /nyes spyod las kyang zhi bas na/ /sems zhi khyod la phyag 'tshal lo/ /lha'i bu rnal 'byor spyod
128b3 pas gsol pa/ /rnal 'byor gang gis nyon mongs gang / /bas par 'gyur bar lta ba'i tshe/ /de la khyod kyi mkhyen kun 'jug /des na khyod la phyag kyang 'tshal/ /lha'i bu rnal 'byor la mkhas pas gsol pa/ /'dren pa gang
128b4 la bslabs pa yi/ /rnal 'byor tshogs ni mtha' yas te/ /thams cad mkhyen pa de slad du/ /nyon mongs thams cad ma lus pas/ /lha'i bu rnal 'byor blo gros kyis gsol pa/ /'jig rten sgron ma khyod kyi blo/ /rnal 'byor
128b5 las ni nyams ma mchis/ /des na khyod kyi nyon mongs kun/ /bag chags bcas par yongs su bsal/ /lha'i bu zhi ba rig pas gsol pa/ /nyon mongs thams cad zhi gyur nas/ /bag chags ma lus yongs su bsal/ /
128b6 bsnyengs pa mi mnga' rgyal sras dang / /cis kyang mi bsnyengs spyod pa mdzad/ /lha'i bu zad pa la rtog pas gsol pa/ /thub pa thams cad mkhyen pa khyod/ /nyon mongs bag chags bcas par bas/ /'jig rten sgron ma khyod la ni/ /
128b7 mtshungs pa gang yang mi dmigs so/ /lha'i bu bag la nyal phyung gis gsol pa/ /khyod kyis bag chags ma lus bsal/ /khyod la skyon dri yod ma mchis/ /de slad sangs rgyas thams cad mkhyen/ /lha rnams kun gyi thub
128b8 pa'i thub/ /lha'i bu mtha' na gnas pas gsol pa/ /zag pa rnams ni spangs pas na/ /skye ba 'ang skye ba ma lags te/ /thub pa khyod skye tha ma pa/ /des na mgon po bsnyengs mi mnga'/ /lha'i bu tshad srung gis gsol pa/ /
129a1 dpa' bo khyod kyis sa bon spangs/ /sdug bsngal myu gu tshig par gyur/ /mya ngan 'khri shing rnam par bskams/ /gdung ba med la phyag kyang 'tshal/ /lha'i bu shing btags bton gyis gsol pa/ /thub pa thams cad mkhyen
129a2 pa khyod/ /ma rig shing btags rnams kyang bsal/ /sangs rgyas spyod pa rnam par sbyangs/ /de bas ston pa bsnyengs mi mnga'/ /lha'i bu srid pa'i pha rol du song bas gsol pa/ /srid pa'i mtsho las yang dag rgal/ /rnam par 'dren
129a3 pa bya ba byas/ /khyod kyis snang ba yang dag phyung / /'jigs med khyod ni don kyang grub/ /lha'i bu mya ngan las 'da' bar 'gro bas gsol pa/ /thams cad mkhyen pa zhir gyur pa/ /nyon mongs thams cad rab tu bshig /bag chags
129a4 rdul tsam yong mi mnga'/ /mgon po khyod la phyag kyang 'tshal/ /lha'i bu chos kyi rgyal mtshan gyis gsol pa/ khyod kyis chos kyi rgyal mtshan bsgreng / /nga rgyal rgyal mtshan rab tu snyal/ /chos kyi lam srang mtha' yas pa/ /
129a5 dpa' bo chen po khyod kyis bstan/ /lha'i bu chos kyi 'byung gnas kyis gsol pa/ /sangs rgyas chos kyi 'byung gnas so/ /thub pa chos rnams kun mkhyen pa/ /sems can kun gyi dge bshes gnyen/ /ye shes 'tsho
129a6 la phyag kyang 'tshal/ /lha'i bu chos kyi gos can gyis gsol pa/ /khyod kyi sras po 'jigs med pa/ /seng ge nga ro rnam sgrog kyang / /rgyal sras de dag chog med cing / /sangs rgyas chos kyi don gyis skom/ /lha'i bu chos don
129a7 du gnyer bas gsol pa/ /sangs rgyas chos rnams don gnyer bar/ /khyod kyi sras rnams sems bskyed cing / /khyod kyi mi 'jigs thob gyur nas/ /mkhas pa de dag byang chub tshol/ /lha'i bu chos kyi skom gyis
129a8 gsol pa/ /khyod kyis mi 'jigs thos gyur nas/ /sangs rgyas chos rnams btsal ba'i phyir/ /srog chags bye ba skom gyur te/ /brtson 'grus brtan pa rab tu rtsom// // bam po bcu gcig pa/
129b1 lha'i bu chos kyis 'phags kyis gsol pa/ /sangs rgyas chos kyis mngon 'phags shing / /'jigs pa med par 'dul mdzad pa'i/ /gsung pa'i mchog gyur khyod mthong nas/ /brtul zhugs mchog can
129b2 byang chub tshol/ /lha'i bu chos 'dzin gyis gsol pa/ /thub pa zab cing blta dka' ba'i/ /chos ni khyod kyis rab bstan pa/ /khyod kyi sras kyis thos gyur nas/ /de dag bla med byang chub tshol/ /lha'i bu lta ba
129b3 med pas gsol pa/ /khyod kyi seng ge'i gsung thos nas/ /khyod kyi sras po dpa' nges pa/ /lus dang srog la mi lta bar/ /byang chub don du gnyer ba bgyid/ /lha'i bu gzhan du mi sems pa'i blo gros kyis
129b4 gsol pa/ /thub pa bsnyengs pa mi mnga' ba/ /khyod kyi dam chos 'di thos nas/ /gzhan du sems pa ma mchis par/ /brtul zhugs mchog can byang chub tshol/ /lha'i bu gzhan du mi 'gro bas
129b5 gsol pa/ /mi dbang khyod kyi gsung thos nas/ /theg pa gnyis po spang bgyis shing / /lam gzhan du ni mi mchi bar/ /bla na med pa'i byang chub tshol/ /lha'i bu nye bar gnas kyis gsol pa/ /seng ge'i
129b6 nga ro 'di bsgrags pa/ /rgyal ba'i sras kyis thos gyur na/ /byang chub mchog la nyer gyur cing / /de dag rkang gnyis dam par 'gyur/ /lha'i bu spobs pa nye bar gyur pas gsol ba/ /grags chen khyod
129b7 kyis gsung brjod pa'i/ /spobs pa de ni thos gyur nas/ /sangs rgyas chos la khyod kyi sras/ /kun kyang dga' ba rab tu bskyed/ /lha'i bu spobs pa thob pas gsol pa/ /'jigs med khyod kyis gsung
129b8 bsgrags pa/ /ma smad sras kyis thos gyur na/ /de dag spobs pa nam du yang / /sangs rgyas nyid las phyir mi ldog /lha'i bu rtag tu rab dgas gsol pa/ /'jigs med khyod kyis gsung bsgrags pas/ /
130a1 stobs chen khyod kyis sras kyi rnams/ /rtag tu rab tu dga' 'gyur cing / /ma smad de dag byang chub tshol/ /lha'i bu yid zhum pa med pas gsol pa/ /khyod kyis gsung bsgrags thos gyur nas/ /rkang gnyis dam pa
130a2 khyod kyis sras/ /dga' zhing zhum pa ma mchis par/ /byang chub mchog ni tshol bar bgyid/ /lha'i bu thogs med yid kyis gsol pa/ /khyod kyis gsung bsgrags thos pas na/ /sems rangs gyur cing yid dga' ste/ /
130a3 de dag yid ni nam du yang / /byang chub nyid du thogs ma mchis/ /lha'i bu chos la bar chad med la mkhas pas gsol pa/ /chos rnams gang la bsten bgyis kyang / /dkar po'i phyogs dag mi 'grib cing / /de yi bar
130a4 chad mi 'gyur ba'i/ /gnas ni thub pa khyod kyis mkhyen/ /lha'i bu chos nges par bstan pa la mkhas pas gsol pa/ /dkar po'i phyogs la spyod pa la/ /bar chad 'byung bar mi 'gyur zhing / /gnas kyang med pas
130a5 thub pas mkhyen/ /des na ston pa bsnyengs mi mnga'/ /lha'i bu chos kyi ngo bo nyid la mkhas pas gsol pa/ /dge ba kun nas nyon mongs pa/ /nag po'i phyogs kyi rang bzhin te/ /khyod kyi thugs ni des mi gos/ /
130a6 gnas kyang med par thub pas mkhyen/ /lha'i bu rig pa la mkhas pas gsol pa/ /nag po'i chos ni nam du yang / /dkar po'i chos dang mi 'grogs par/ /rigs par bcom ldan khyod kyis gsungs/ /des na bcom ldan
130a7 bdag gi bla/ /lha'i bu dge ba dang mi dge ba rig pas gsol pa/ chos rnams thams cad ma 'dres par/ /dpa' bo chen po khyod kyis mkhyen/ /kun nas nyon mongs brtags pas na/ /dkar po'i phyogs las 'grib par 'gyur/ /
130a8 lha'i bu lam la mkhas pas gsol pa/ /kun nas nyon mongs spyod pa la/ /dkar po'i phyogs ni mi 'byung ste/ /de ltar 'tshal bar ma gyur la/ /bar chad du ni 'gyur bar gsungs/ /lha'i bu thar pa 'dod kyis gsol pa/ /
130b1 nag po'i phyogs la bsten bgyid na/ /thar par 'dod pa mang po yi/ /bar du gcod par 'gyur zhes gsungs/ /des na rgyal khyod thams cad mkhyen/ /lha'i bu dag pa'i sems kyis gsol pa/ /sems grol
130b2 bgyi bar gang 'tshal bas/ /kun nas nyon mongs shes bya zhes/ /dpa' bo chen po khyod kyis gsungs/ /de khyod 'jig rten mchod rten lags/ /lha'i bu nyon mongs mthong gis gsol pa/ /kun nas
130b3 nyon mongs spyod bgyid cing / /kun nas nyon mongs ma 'tshal na/ /dam pa'i chos ni shes mi nus/ /de skad bde bar gshegs pas gsungs/ /lha'i bu sdig mthong gis gsol pa/ /sdig pa rnams la
130b4 bsten byas kyang / /dge ba mi 'grib gang smra ba/ /de ni thar chos skal med ces/ /rkang gnyis dam pa khyod kyis gsungs/ /lha'i bu gdul bar bya bas gsol pa/ /chags pa gdul bar gang 'dod dang / /zhe sdang
130b5 gti mug 'dul 'dod pas/ /thub pa'i spobs pa ci 'dra ba/ /de lta bur ni nan tan bgyi/ /lha'i bu kun nas nyon mongs pa dag pas gsol pa/ /dag dang kun nas nyon mongs pa/ /mi mkhas gang rnams mi shes pa/ /
130b6 de dag ston pa sangs rgyas min/ /de skad drang srong mchog gis gsungs/ /lha'i bu thar pa la brtson gyis gsol pa/ /nyon mongs 'grib par 'gyur ba'i chos/ /rgyal ba yis ni gang bsten pa/ /de bstan nyon mongs
130b7 mi zad ces/ /khyod la rgol ba yong ma mchis/ /lha'i bu thar pa la mngon par phyogs pas gsol pa/ /chos gang nyon mongs gang gi rnams/ /zad 'gyur thub pas bstan pa la/ /yang dag brtson byas mi zad ces/ /rgol
130b8 ba 'di ni yod mi dmigs/ /lha'i bu rnal 'byor la mngon par brtson pas gsol pa/ /rgyal ba khyod kyis nyan thos la/ /gang gi don du chos bstan pa/ /de brtson bgyis pas mi 'thob ces/ /'di na khyod la rgol ma
131a1 mchis/ /lha'i bu mi 'jigs dpal gyis gsol pa/ /'dod chags spang phyir mi sdug pa/ /bstan la yang dag brtson bgyis na/ /'dod chags zad par mi 'gyur zhes/ /khyod la rgol ba yong ma mchis/ /
131a2 lha'i bu 'gro ba med pa rab tu shes kyis gsol pa/ /shin du bsnyengs pa mi mnga' bas/ /zhe sdang spang phyir byams gsungs pa/ /de bsgrubs sel bar mi 'gyur zhes/ /dgra 'joms khyod la rgol ma mchis/ /lha'i bu mig
131a3 rnam par dag gis gsol pa/ /shes rab gti mug spang ba'i phyir/ /gsungs pa de la bsten bgyis kyang / /gti mug sel bar mi 'gyur zhes/ /'di na khyod la rgol ma mchis/ /lha'i bu rnam par rtog pa 'joms kyis
131a4 gsol pa/ /rnam par rtog pa'i gnyen por ni/ /dbugs dbyung rngub pa dran gsungs pa/ /de la brtson bgyis mi zhi zhes/ /'di na khyod la rgol ma mchis/ /lha'i bu mtshan ma med pa lhur len pas gsol pa/ /nga'o snyam
131a5 pa spang slad du/ /stong nyid khyod kyis bka' stsal te/ /des ni de zhi mi 'gyur zhes/ /'di na khyod la rgol ma mchis/ /lha'i bu nga'o snyam pa'i nga rgyal spangs kyis gsol pa/ /nga snyam nga rgyal spang slad du/ /mtshan ma med pa
131a6 khyod kyis gsungs/ /bsten kyang zhi bar mi 'gyur zhes/ /'di na khyod la rgol ma mchis/ /lha'i bu sems rnam par dag pas gsol pa/ /lhag pa'i bsam pas dag pa yi/ /nyon mongs thams cad 'jig par 'gyur/ /
131a7 des ni nyon mongs mi zad ces/ /'di na khyod la rgol ma mchis/ /lha'i bu 'du shes rnam par bshig gis gsol pa/ /phyogs gang gnyen po'i rnam pa dang / /nyon mongs lam dang lam 'jug la/ /'jigs pa med par
131a8 rgol ba ni/ /thub pa chen po ma mthong ngo / /lha'i bu tha snyad shin du shes pas gsol pa/ /bcom ldan phyogs dang phyogs min dang / /zad dang ma zad tha snyad tsam/ /'jigs pa ma mchis rgod bgyid pa/ /thub pa de ni ming tsam mo/ /
131b1 lha'i bu lus kyi las dul bas gsol pa/ /mkhyen pas yongs su mkhyen gyur nas/ /khyod kyi sku'i phrin las 'jug /thams cad ma lus mkhyen pas na/ /des na 'dren pa thams cad mkhyen/ /lha'i bu lus
131b2 kyi las yongs su shes pas gsol pa/ /sems can rnams la thugs brtse bas/ /dpa' bo khyod sku'i phrin las ni/ /mtha' dag shin du nges pa lags/ /'jig rten mgon la phyag kyang 'tshal/ /lha'i bu
131b3 lus kyi las shin du nges pas gsol pa/ /sku'i phrin las rab nges par/ /lus can kun la sman slad du/ /'jig rten sgron ma khyod mdzad de/ /des na khyod ni gang zag mchog /lha'i bu lus kyi las kyi mtha'
131b4 shin du mthong bas gsol pa/ /sems can kun la sman slad du/ /'dren pa thams cad mkhyen pa ni/ /sku'i phrin las dag pa dang / /legs par yongs su brtags dang ldan/ /lha'i bu lus kyi las kyi mtha' shin
131b5 du mnyam par bzhag pas gsol pa/ /shin tu mnyam par bzhag sku dang / /sku yi phrin las rnam dag dang / /ldan par sems can bde don du/ /gang zag mchog ni spyod par mdzad/ /lha'i bu tshig grub kyis gsol
131b6 pa/ /snyan cing yon tan ldan pa dang / /rtsub pa yongs su spangs pa'i gsungs/ /mkhyen pas shin du yongs brtags shing / /mgon po khyod ni gsung ba mdzad/ /lha'i bu dus su smras pas gsol pa/ /dus su don dang ldan pa dang / /
131b7 don med yongs su spangs pa'i gsung / /gsung bar 'os dang blang 'os pa/ /'dren pa khyod ni gsung ba mdzad/ /lha'i bu sdum sra byed blo gros kyis gsol pa/ /dbyen du 'gyur ba yongs spangs te/ /'dum par 'gyur dang
131b8 yid 'ong ba/ /dbyen med 'bras bu rnam par smin/ /sngon chad khyod kyis gsung du brjod/ /lha'i bu mi slu bas gsol pa/ /srog gi don du 'ang khyod kyis ni/ /srid pa rnams su brdzun ma gsungs/ /de bas khyod kyi grags pa kun/ /
132a1 'jig rten dag na thogs ma mchis/ /lha'i bu yang dag par smra bas gsol pa/ /'di ltar 'gro ba thams cad kyang / /sangs rgyas chos rnams btsal slad du/ /thub pa'i gsung la bstod pa ni/ /yang dag
132a2 gsungs pa'i rgyu 'thun lags/ /lha'i bu yang dag pa'i mtha' las nges par byung gis gsol pa/ /mi mchog khyod kyis bden pa yis/ /rdzogs pa'i byang chub 'di bsgrubs te/ /chos kyi yang dag rang bzhin
132a3 yang / /rkang gnyis dam pa khyod kyis mkhyen/ /lha'i bu yang dag pa rtul pas gsol pa/ /'dus byas dag gi chos kyi rnams/ /yang dag ji bzhin blta ba dang / /chos rnams yang dag mtshan nyid kyang / /
132a4 mi yi dbang pos rab tu mkhyen/ /lha'i bu las la rtog pas gsol pa/ /ye shes yongs su dag pa yis/ /bdag nyid dang ni gzhan dag gi/ tshig gi las kyang rab tu mkhyen/ /des na rgyal ba mnyam ma mchis/ /
132a5 lha'i bu yid la rtog pas gsol pa/ /mi yi dbang po'i thugs kyi las/ /ji snyed gang dag 'jug pa ni/ /de dag 'gro la thugs rjes 'jug /'gro phan khyod la phyag kyang 'tshal/ /lha'i bu yid kyi rnam par rtog
132a6 pa la mkhas pas gsol pa/ /'gro la thugs rje skyed nas ni/ /gang la khyod ni spyod mdzad pa/ /de la thugs ni dul bar 'gyur/ /'gro phan khyod la phyag kyang 'tshal/ /lha'i bu thabs la mkhas pas gsol pa/ /
132a7 'gro ba'i bsam pa rnam dpyad nas/ /rnam 'dren thugs kyi phrin las 'jug /thub pa ye shes sna tshogs ni/ /mkhyen bzhin kun du rab tu 'jug /lha'i bu yid rnam par bshig gis gsol pa/ /sangs rgyas
132a8 sa dang yid kyi las/ /sems can thugs rjes gzigs pas 'byung / /sangs rgyas nyid la ye shes thabs/ /rang bzhin med par rab tu mkhyen/ /lha'i bu 'das pa la mkhas pas gsol pa/ /sbyin
132b1 dang tshul khrims bzod pa dang / /brtson 'grus bsam gtan dag la yang / /gang gis gang la sngon spyad pa/ /sngon gyi dus kyang rab tu mkhyen/ /lha'i bu 'das pa la rtog pas gsol pa/ /byang chub mchog ni tshol
132b2 mdzad cing / /gang du khyod kyis sngon spyad pa/ /sngon gyi spyod pa yongs brtags nas/ /sangs rgyas bye ba rab tu mkhyen/ /lha'i bu sngon gyi tshul phun sum tshogs pas gsol pa/ /bskal pa bye ba grangs med du/ /gang
132b3 du khyod kyis sngon spyad pa/ /sngon gyi tshul ni dgongs mdzad kyang / /khyod kyi thugs yid thogs mi mnga'/ /lha'i bu sngon gyi tshul la yongs su rtog pas gsol pa/ /sangs rgyas mang las byung ba yi/ /ting 'dzin
132b4 mngon par bsgrub bya ba/ /sangs rgyas bye ba grangs med la/ /rnam par 'dren pa khyod kyis zhus/ /lha'i bu sngon gyi sbyor ba las nges par byung gis gsol pa/ /sngon gyi sangs rgyas drung dag tu/ /grangs med dpag
132b5 tu med pa yi/ /ting 'dzin sgo dag 'dren pa yis/ /zhus shing bsgom pa mdzad par 'gyur/ /lha'i bu sngon gyi gnas la rtog pas gsol pa/ /'khor ba'i nyes pa rab mang dang / bkur sti rnam pa sna tshogs dag /
132b6 gzigs pas sems can rnams la ston/ /sems can long ba rnams kyang 'grel/ /lha'i bu sngon gyi dus na 'phrul bas gsol pa/ /gzhan dang gzhan dag zos shing 'tshal/ /rtse zhing rab tu dga' ba bgyis/ /
132b7 gnod pa mi bzad bgyis pa dag /gzhan dang gzhan yang khyod kyis gzigs/ /lha'i bu sngon gyi spyod pas yang dag par byung bas gsol pa/ /thams cad mkhyen pa 'gro rtogs pa/ /khyod kyi ye shes 'das dus kyi/ /
132b8 las dang bsam gtan snyoms 'jug dang / /'gro ba rnams la thogs ma mchis/ /lha'i bu phyi ma'i mtha' la mkhas pas gsol pa/ /'dren pa khyod kyi mkhyen pa ni/ /ma 'ongs dus kyi 'chi 'pho dang / /skye dang las kyi
133a1 rnam smin la/ /thogs par 'gyur ba ma mchis so/ /lha'i bu ma 'ongs pa'i spyod yul gyis gsol pa/ /brten pa 'gro ba mkhas khyod kyi/ /mkhyen pa phyi dus sems can gyi/ /bsam dang las kyi 'bras bu dang / /'gro ba
133a2 rnams la thogs ma mchis/ /lha'i bu srid pa las bskyod kyis gsol pa/ /khams rnams gsum po 'di dag dang / /dus gsum kun la mkhas khyod kyi/ /ye shes mchog ni mi chags te/ /srid pa'i spyod yul khyod kyis mkhyen/ /
133a3 lha'i bu tha snyad la spyod pas gsol pa/ /las dang sems can 'gro ba dang / /rnam par smin pa myong ba dag /de dag thams cad ming tsam du/ /rkang gnyis dam pa bstan pa mdzad/ /lha'i bu da ltar byung ba la yang dag par rtog pas
133a4 gsol pa/ /dpa' bo khyod kyi mkhyen pa ni/ /da lta byung la thogs ma mchis/ /grangs med sangs rgyas zhing rnams ni/ /'jig rten mgon pos rab tu mkhyen/ /lha'i bu da ltar byung ba la rnam par dpyod pas gsol pa/ /mi yi
133a5 dbang pos rnam dpyad nas/ /byis pa'i blo gros rmongs bgyid pa/ /dus gsum dngos po ma mchis par/ /nges par mnyam pa nyid du gzigs/ /lha'i bu mi gnas pa'i blo gros kyi gsol pa/ /dus gsum gnas pa ma mchis shing / /
133a6 ngo bo nyid la mi gnas te/ /dngos po thams cad dngos med par/ /rnams par 'dren pa khyod kyis gzigs/ /lha'i bu dus gsum mngon par bskul bas gsol pa/ /'das pa dag dang ma 'ongs dang / /da ltar byung ba'i phung po rnams/ /
133a7 ma mchis dngos po ma mchis par/ /skyes bu dam pas bstan pa mdzad/ /lha'i bu chags med yid kyis gsol pa/ /dus gsum sems can thams cad la/ /snying po mchis par ma bstan te/ /sgyu ma smig sgyu mig g.yor dang / /
133a8 brag ca lta bur khyod kyis bstan/ /lha'i bu dus gsum dpog gis gsol pa/ /'dren pa khyod kyi mkhyen pa ni/ /dus gsum po dag kun du yang / /sgyu ma lta bur mkhyen pas na/ /khyod kyi dbang po chags mi mnga'/ /lha'i bu mos pa
133b1 yongs su rig par byed kyis gsol pa/ /gang gi nub mo dpa' khyod kyi/ /byang chub mngon du bgyis gyur pa/ /de dus tshun chad mos pa la/ /bri bar gyur par yong mi gda'/ /lha'i bu mos pa yang dag thob kyis gsol pa/ /'jig rten
133b2 sgron ma'i mos pa ni/ /bar du rgyun chad mi 'gyur te/ /rtag par khyod kyi mos pa des/ /khyod kyi sras rnams mos pa che/ /lha'i bu mos pas mngon 'phags kyis gsol pa/ /chab las pad ma ji bzhin du/ /khyod ni mos pas mngon du
133b3 'phags/ /'jig rten dag gis mi gos te/ /pad ma chab kyis ji bzhin no/ /lha'i bu mos pas yongs su grol gyis gsol pa/ /'jig rten mgon dang mos pa ni/ /chos kyi dbyings shes brjod pa ste/ /gnyis med gnyis su bgyid
133b4 ma mchis/ /smad pa med pa khyod kyis gzigs/ /lha'i bu brtson 'grus yang dag thob kyis gsol pa/ /gzi brjid chen po brtson 'grus kyis/ /byang chub yang dag brnyes par gyur/ /mdzad pa mdzad kyang mgon po khyod/ /brtson 'grus
133b5 btang ba yong ma mdzad/ /lha'i bu dran pa phun sum tshogs pas gsol pa/ /dpa' bo chen po'i dgongs pa ni/ /thams cad kun kyi rjes su 'jug /mdzad pa mdzad kyang mgon po khyod/ /dgongs pa bri ba yod ma mchis/ /lha'i bu
133b6 sems mnyam par bzhag pas gsol pa/ /mgon po rtag tu mnyam bzhag ste/ /sems can rnams kyi spyod pa mkhyen/ /'dren pa spyod pa'i dbang gis ni/ /sems can rnams la chos kyang ston/ /lha'i bu shes rab lhur len
133b7 gyis gsol pa/ /'jig rten sgron mar gyur khyod kyi/ /ye shes rgya mtsho'i mtha' ma ni/ /bskal pa bye bar brjod bgyis kyang / /sangs rgyas rnams kyis bshad mi spyod/ /lha'i bu rnam par grol ba la mkhas pas gsol pa/ /rnam par
133b8 grol dang ma grol ba/ /gang slad khyod kyis ma brnyes pas/ /mtshungs pa med pa khyod la ni/ /rnam grol yongs su nyams mi mnga'/ /lha'i bu rnam par grol ba'i ye shes la brtson pas gsol pa/ /thub pa khyod ni rnam grol nas/ /
134a1 ngo bo nyid med mkhyen pas na/ /rnam grol ye shes gzigs pa ni/ /yang dag mkhyen pa nyams mi mnga'/ /lha'i bu sngon gyi srid pa rnam par dpyod kyis gsol pa/ /mar me mdzad pa tshun chad du/ /dpa' bo yang dag
134a2 gzigs khyod kyi/ /spyod la 'khrul pa mi mnga' ste/ /des na sangs rgyas lags shes bstod/ /lha'i bu zab mo la spyod pas gsol pa/ /srog chags gzhan dag ji bzhin du/ /bde gshegs khyod la chags mi mnga'/ /chos
134a3 kyi rang bzhin mkhyen pas na/ /rang bzhin de la rmongs mi mnga'/ /lha'i bu blo gros yangs pas gsol pa/ /thams cad mkhyen pa khyod la ni/ /rnam pa kun du bsnyel mi mnga'/ /mgon po'i dgongs pa nyer bzhag pas/ /thub pa 'bru mar
134a4 snod dang 'dra/ /lha'i bu sems g.yeng ba med kyis gsol pa/ /'jig rten sgron ma khyod la ni/ /mnyam par ma bzhag sems mi mnga'/ /ma 'dres sangs rgyas chos kyi rnams/ /srog chags kun gyis shes par dka'/ /lha'i bu
134a5 ye shes la rab tu gnas kyis gsol pa/ /bde bar gshegs pa khyod la ni/ /ma brtags btang snyoms mi mnga' ste/ /mi yi dbang po'i sangs rgyas chos/ /ma 'dres pa ni bsam mi khyab/ /lha'i bu thams cad zil gnon gyis
134a6 gsol pa/ /skyes bu khyu mchog khyod la ni/ /'jig rten gsum na mtshungs ma mchis/ /thams cad mkhyen pa ma pham pa/ /khyod kyis chos rnams thams cad mkhyen/ /lha'i bu snying po blangs pas gsol pa/ /sems can
134a7 snying po bla na med/ /chos rnams kun la 'jigs mi mnga'/ /sangs rgyas kun dang mnyam brnyes pa/ /sangs rgyas byang chub phyag 'tshal lo/ /gnas gtsang ma'i le'u ste nyi shu rtsa bzhi pa'o// // de nas de'i tshe gzhan
134a8 mu stegs can spyod pa can dang / kun du rgyu drug khris lha ma yin dang / nam mkha' lding dang / klu'i bu mo dang / klu dang / grul bum dang / dri za dang / gnod sbyin dang / mi'am ci dang / phreng ldan glang po can dang / rgyal chen bzhi'i ris dang /
134b1 sum bcu rtsa gsum dang / /'thab bral dang / /dga' ldan dang / 'phrul dga' dang / gzhan 'phrul dbang byed dang / tshangs pa dang / 'od gsal dang / dge rgyas dang / 'bras bu che ba'i lha dag gi mchod pa yang mthong / lung bstan pa yang thos/ gnas
134b2 gtsang ma'i ris kyi lha dag gis bstod pa brjod pa yang thos nas ngo mtshar thob par 'gyur te chos kyi tshul la 'jug pa 'di thos nas 'di ltar sngan chad ma thos pa'i chos kyi tshul thos pas yid gnyis su gyur/ nem nur dang / the tshom
134b3 za bar gyur nas bcom ldan 'das la 'di skad ces gsol to/ /kye gau ta ma sngan chad ma thos pa'i chos bstan pa 'di thos nas bdag cag ni kun du rgyu'i gnas kyang mi 'tshal/ /khyim gyi gnas kyang mi 'tshal bar gyur cing 'di ltar
134b4 sngon chad ma thos pa'i chos kyi tshul 'di thos nas chos 'di la nem nur dang the tshom du gyur te/ sems dang bar yang ma gyur mod kyi/ 'on kyang dge sbyong gau ta ma khyod la bdag cag yid ches pa mchis so/ /de ci'i slad du zhe na/ 'di ltar dge sbyong gau
134b5 ta ma khyod kyis rdzu 'phrul mngon par 'du bya ba 'di lta bu mngon par mdzad de/ rdzu 'phrul mngon par 'du bya ba ji lta bu mngon par mdzad pas bdag cag gis lha'i 'khor rgya chen po 'di dag dang / thams cad dang ldan pa'i 'khor phal cher gau tam
134b6 ma khyod kyi legs par gsungs pa 'tshal zhing yi rangs par gyur ba mthong ste/ des bdag cag dge sbyong gau ta ma khyod la dad pa mchis par gyur to/ /kye gau ta ma gang 'bras bu che ba'i lha rnams kyis chos thams cad ni de bzhin
134b7 gshegs pa'o zhes smras pa de la ji ltar chos thams cad de bzhin gshegs pa snyam du bdag cag the tshom cher 'tshal lo/ /dge sbyong gau ta ma khyod ni ci nas bdag cag legs par bshad pa'i don de rtogs nas mun pa med par
134b8 gyur te/ stan 'di las ldang bar 'gyur ba de ltar bdag cag la chos ston spyod do snyam ste/ /bdag cag dge sbyong gau ta ma khyod la de ltar mngon par dad par gyur to/ /de skad ces gsol pa dang / bcom ldan 'das kyis gzhan mu stegs can
135a1 spyod pa can dang / kun du rgyu rnams la 'di skad ces bka' stsal to/ /kun du rgyu dag de'i phyir khyed nyid la dris/ /khyed kyis ji ltar bzod pa de ltar lan thob shig /dge sbyong gau ta ma legs so zhes gsol te/ /kun du
135a2 rgyu de dag bcom ldan 'das kyi ltar nyan pa dang / bcom ldan 'das kyis de dag la 'di skad ces bka' stsal to/ /kun du rgyu dag khyed kyis ji ltar mngal du 'jug pa shes sam/ /de dag gis gsol pa/ kye gau ta ma bdag cag gis
135a3 bstan bcos las thos na gsum 'dus nas mngal du 'jug par 'gyur te/ gang 'di pha dang ma gnyis kyang tshogs pa dang / chags par yang gyur pa dang / chags nas kyang 'dod pa'i rnam par rtog pa rnams kyis rnam par brtags pas
135a4 'dod chags kyang byung ba de'i tshe mngal du 'jug par 'gyur ro zhe'o/ /bcom ldan 'das kyis bka' stsal pa/ /kun du rgyu dag 'di la ji snyam du sems/ /pha dang ma gnyis rnam par rtog pa'i tshe 'dod chags de ma'i sems las byung ngam
135a5 gsol pa/ kye gau ta ma ma lags so/ /ma'i rnam par rtog pa las byung ngam/ kye gau ta ma ma lags so/ /de pha'i sems las byung ngam/ /kye gau ta ma ma lags so/ /pha'i rnam par rtog pas las byung ngam/ kye gau ta ma ma
135a6 lags so/ /kun du rgyu dag 'di la ji snyam du sems/ pha'i 'dod chags gang yin pa de ma'i mngal du zhugs sam/ kye gau ta ma de ni ma lags so/ /kun du rgyu dag 'di ji snyam du sems/ pha'i sems gang yin pa de ma'i mngal
135a7 du zhugs sam/ kye gau ta ma de ni ma lags so/ /kun du rgyu dag 'di la ji snyam du sems/ pha'i kun du rtog pa de ma'i mngal du zhugs sam/ kye gau ta ma de ni ma lags so/ /kun du rgyu dag 'di la ji snyam du sems/ mngal na gnas
135a8 pa de lha las shi 'phos te ma'i mngal du zhugs sam/ kye gau ta ma ma 'tshal to/ /kun du rgyu dag 'di la ji snyam du sems/ mngal na gnas pa de mi dang / lha ma yin dang / sems can dmyal ba dang / dud 'gro'i skye gnas dang /
135b1 gshin rje'i 'jig rten nas shi 'phos te ma'i mngal du zhugs sam/ kye gau ta ma ma 'tshal to/ /kun du rgyu dag 'di la ji snyam du sems/ /mngal na gnas pa de gzugs yod pa 'am/ gzugs med pa zhig ma'i mngal du zhugs sam/
135b2 kye gau ta ma ma 'tshal to/ /kun du rgyu 'di la ji snyam du sems/ /gzugs dang / tshor ba dang / 'du shes dang / 'du byed rnams dang / rnam par shes pa ma'i mngal du zhugs sam/ kye gau ta ma ma 'tshal to/ /de skad ces gsol pa
135b3 dang / bcom ldan 'das kyis gzhan mu stegs can kun du rgyu de dag la 'di skad ces bka' stsal to/ /kun du rgyu dag chos 'di ni zab cing phra ste/ mkhas pa shes pa blo dang ldan pas ris par bya ba yin te/ brtag tu med cing
135b4 brtag pa'i yul ma yin la/ blta dka' zhing shes par dka' bas de ni khyed yun ring por gzhan du bltas pa/ gzhan du mos pa/ gzhan du dad pa/ gzhan du brtson pa/ gzhan du lta ba'i gnas la gnas pa rnams kyis shes
135b5 par mi nus mod kyi/ kun du rgyu dag 'on kyang rigs kyi bu 'am/ rigs kyi bu mo dag tshul dang 'dra ba'i dge ba'i bshes gnyen la brten nas chos zab mo rnams la mig skye bar 'gyur te/ kun du rgyu dag 'di lta ste/ dper na
135b6 mi mig gi dbang po nyams pa ni de'i tshul dang 'dra ba'i gso ba byed pa dge ba'i bshes gnyen la brten na tshe 'di nyid la mig yongs su dag par 'gyur te/ mig des kyang tshe 'di nyid la gzugs rnams mthong bar 'gyur ro/ /
135b7 kun du rgyu dag de bzhin du rigs kyi bu 'am/ rigs kyi bu mo shes rab kyi mig nyams par gyur pas tshul dang 'dra ba'i dge ba'i bshes gnyen la brten na shes rab kyi mig rnam par dag par 'gyur te/ des kyang chos zab
135b8 mo rnams mthong bar 'gyur ro/ /kun du rgyu khyed kyang yun ring po nas gzhan du bltas pa/ sngon log pa'i gdams ngag gis bslus pa/ chos ma yin pa la chos su 'du shes pa/ thar pa ma yin pa la thar par 'du shes
136a1 pa 'byung ba ma yin pa la 'byung bar 'du shes pa/ chud zos pa rnams kyis chud gzan pa yin te/ kun du rgyu dag 'di lta ste/ dper na long ba'i dmigs bu long bas byas na/ gang 'di bkri ba dang / khrid pa de gnyis ga yang
136a2 tshul ma yin par sdug bsngal thob par 'gyur bar shes par bya'o/ /kun du rgyu dag de bzhin du dge sbyong ngam/ /bram ze gang la la ston pa ma yin par bdag cag ni ston pa yin no zhes khas 'che ba dang / yang dag par rdzogs
136a3 pa'i sangs rgyas ma yin par bdag cag ni yang dag par rdzogs pa'i sangs rgyas yin no zhes khas 'che ba dang / 'byung ba la mkhas pa ma yin par bdag cag ni 'byung ba la mkhas pa'o zhes khas 'che ba dang / 'byung ba
136a4 mthong ba ma yin par bdag cag ni 'byung ba mthong ba yin no zhes khas 'che ba dang / mu stegs byed pa ma yin par bdag cag ni mu stegs byed pa yin no zhes khas 'che ba yin te/ de dag ston pa ma yin par ston pa'o/ /
136a5 zhes khas 'che zhing gang rjes su ston pa de ni log par rjes su ston par 'gyur/ yang dag par rdzogs pa'i sangs rgyas ma yin par gang khong du chud par byed pa de ni log par khong du chud par byed par 'gyur/ gang 'byung
136a6 ba la mkhas pa ma yin par gang 'byin pa de ni log par 'byin par 'gyur/ 'byung ba mthong ba ma yin par gang 'byung ba ston pa de ni log par ston par 'gyur/ mu stegs byed pa ma yin par gang sgrol bar
136a7 ni log par sgrol bar 'gyur te/ de dag ni tshul ma yin par sdug bsngal thob par 'gyur ro/ /kun du rgyu dag 'di lta ste/ dper na pa lang rdzi rab ka la mkhas pa ma yin pas rab ka ma yin par ba lang
136a8 bsgral na/ de'i ba lang de dag gis pha rol dang tshu rol gyi 'gram ma rnyed nas 'khyil te/ de nyid du tshul ma yin par sdug bsngal thob par 'gyur ro/ /de ci'i phyir zhe na/ 'di ltar ba lang rdzi de rab ka la mi
136b1 mkhas pa'i phyir ro/ /kun du rgyu dag de bzhin du gang la la mu stegs byed pa ma yin par mu stegs byed par khas 'che zhing gang sgrol ba de ni tshul ma yin par sdug bsngal thob par 'gyur ro/ /kun du rgyu dag nga ni ston pa
136b2 nyid yin la ston par khas 'che bas ngag rjes su ston pa de yang dag par rjes su ston pa yin/ yang dag par rdzogs pa'i sangs rgyas nyid yin la yang dag par rdzogs pa'i sangs rgyas su/ khas 'che bas/
136b3 nga gang khong du chud par byed pa de yang dag par khong du chud par byed pa yin/ 'byung ba la mkhas pa nyid yin la 'byung ba la mkhas par khas 'che bas nga gang 'byin pa de dag yang dag par 'byin pa yin/ 'byung ba
136b4 mthong ba nyid yin la 'byung ba ston par khas 'che bas nga gang 'byung ba ston pa de yang dag par ston pa yin/ mu stegs byed pa yin la mu stegs byed par khas 'che bas nga gang sgrol ba de yang dag par sgrol
136b5 ba yin te/ ston pa'i chos rab tu shes nas ni rjes su ston/ sangs rgyas kyi chos rab tu shes nas ni khong du chud par byed/ 'byung ba rab tu shes nas ni 'byin/ yang dag par mthong nas ni ston/ mu stegs rab
136b6 tu shes nas ni sgrol te/ gang sgrol ba de yang mu stegs bde ba rab tu sgrol ba yin no/ /'di lta ste/ kun du rgyu dag khyed kyang thar par 'dod pa yin la/ nga yang ston pa mngon du bzhugs pa yin te/ yang dag
136b7 par ston pa/ yang dag par khong du chud par byed pa/ 'byung ba phun sum tshogs pa 'byung ba mthong ba/ yang dag pa'i mu stegs byed pa yin gyis de'i phyir rna ba lhogs te mos pa skyed la dran pa nye bar zhog
136b8 ste/ yid 'dun par gyis la ma thob pa'i chos rnams thob par bya ba dang / sngon ma phyin pa'i mal du 'gro bar bya ba dang / sngon ma song ba'i phyogs su 'gro bar bya ba dang / sngon ma 'grogs pa'i lam
137a1 grogs dang 'grogs par bya ba dang / sngon ma btsal ba'i lam btsal bar bya ba dang / sngon ma thob pa'i chos kyi mdzod thob par bya ba'i phyir/ /brtson 'grus yang dag par rtsoms shig /kun du rgyu dag
137a2 chos gsum mngon du gyur pas mngal du 'jug ces gang smras pa de legs par rab tu nyon la yid la zung shig dang / mngal du 'jug pa zhes bya ba'i chos kyi rnam grangs 'di khyed la ngas bshad do/ /kun du rgyu
137a3 dag de la ma zhes gang smras pa de ni sngon gyi las bsags pa'i rkyen du gsungs so/ /pha zhes bya ba de ni sngon gyi las bsags pa'i rgyur gsungs so/ /dri za zhes bya ba de ni rnam par shes pa las kyis
137a4 'phangs pa'i tshig bla dgas so/ /mer mer po zhes bya ba de ni las kyis 'phangs pa'i rnam par shes pa'i gnas dang gzhi'o/ /ma'i mngal zhes bya ba de ni rnam par shes pa las kyis 'phangs pa'i
137a5 gzhi ste/ 'di ltar ma'i mngal na gnas pa'i rnam par shes pa ni skye ba dang / 'phel ba dang / rgyas par 'gyur ro/ /kun du rgyu dag 'di lta ste dper na/ sa chen po la gnas na rtswa dang / shing gel
137a6 ba dang / sman dang / nags tshal dag skye zhing 'phel ba dang rgyas par 'gyur ro/ /de bzhin du ma'i mngal na gnas pa'i rnam par shes pa yang skye ba dang / 'phel ba dang / rgyas par 'gyur te/ 'phel
137a7 nas skye bar 'gyur ro/ /btsas nas rnam par 'phel lo/ /'phel nas spyod pa snang bar 'gyur te/ 'gro ba gang dang gang nas shi 'phos nas de dang der skyes nas de dang 'dra ba'i spyod pa de dag de spyod
137a8 par 'gyur te/ de dag kyang mkhas pas shes par bya ba yin gyi/ glen pas ni ma yin no/ /yun ring po nas 'grogs 'grogs pas shes par bya ba yin gyis yun thung dus ma yin no/ /
137b1 yang dag par sems pas shes par bya ba yin gyi/ mi brtson pas ma yin no/ /kun du rgyu dag de la sems can dmyal ba nas shi 'phos pa'i gang zag gi rtags mkhas pas shes par bya ba ni 'di dag yin
137b2 te/ 'di lta ste/ skad sha sha po yin/ skad gyo dum gyi sgra lta bu yin/ skad brtag dgos pa yin/ skad che ba yin/ skad lhang lhang po yin/ rtag tu dngangs pa yin/ rtag tu 'dar ba yin/ rtag tu spu zing zhes byed pa
137b3 yin/ rmi lam na me'i phung po 'bar ba mthong ba yin/ /ri rgyug par mthong ba yin/ me mdag 'bar bar mthong ba yin/ lcags zangs kyi nang du btso ba mthong ba yin lag na dbyug pa thogs pa'i mi dag mthong
137b4 ba yin/ srin po dag gis bdag 'phang bar mthong ba yin/ bdag nyid gson por gsal shing gis gzugs par mthong ba yin/ khyi dag gis bdag dbang par mthong ba yin/ khyi dag gis bdag
137b5 gis bdag bskor bar mthong ba yin/ bdag nyid glang po che dang sbrul gyis gtses par mthong ba yin/ phyogs bzhir bros nas phyogs mi shes pa yin/ sems can kun la yid
137b6 mi ston pa yin te/ kun du rgyu dag rnam pa nyi shu po de dag gis sems can dmyal ba nas shi 'phos pa'i gang zag tu rig par bya'o/ /kun du rgyu dag de la dud 'gro'i skyes gnas nas
137b7 shi 'phos pa'i gang zag gi mtshan ma ni 'di dag yin te/ 'di lta ste/ rmugs shing gnyid che ba yin / le lo che ba yin/ mang du za ba yin/ sa la 'drud pa yin/ mi 'jigs pa med
137b8 pa yin/ /mi gsal bar smra ba yin/ glen pa la dga' ba yin/ mun pa la dga' ba yin/ 'dam rdzab la dga' ba yin/ yang dang yang sos rtswa gcod pa yin/ rgyun du rkang pa'i
138a1 mthe bos sa rko ba yin/ yang dang yang mgo la sbrang ma 'du ba yin/ yang dang yang nam mkha' la sos 'debs pa yin/ kun du bskums te nyal ba yin/ sa la nyal ba yin/ mi gtsang bas mi 'dog
138a2 pa yin/ yang dang yang nam mkha' la mnom pa yin/ yang dang yang ma smin par za ba yin/ gzhan du smra zhing gzhan du byed de g.yo byed pa yin/ bab bab tu spyod pa yin/ rmi lam na bdag rdzab kyis gos par
138a3 rmi lam na bdag nags su song ste rtswa za bar rmi ba yin/ sbrul gdug pas bdag bskor par mthong ba yin/ bdag nyid ri khrod du zhugs par mthong ba yin te/ kun du rgyu dag de dag la sogs pa dud
138a4 'gro'i skye gnas nas shi 'phos pa'i gang zag gi mtshan ma rnam pa du mar shes par bya ste/ de dag ni bskal pa 'am/ bskal pa las lhag par brjod kyang zad par mi nus so/ /kun du rgyu dag
138a5 de la gshin rje'i 'jig rten nas shi 'phos pa'i gang zag gi mtshan ma ni 'di dag yin te/ 'di lta ste/ skra ser ba yin/ mig wa'i mig lta bu yin/ rtag par bkres pa yin/ rtag tu skom pa yin/
138a6 ser sna che ba yin/ 'dod chen che ba dang / 'thob pa mi rnyed pa yin/ gzhan gyi la re ba yin/ khro ba yin/ mig dmar ba yin/ bza' ba thams cad la sred pa yin/ bdog pa thams cad la chags pa yin/
138a7 sbyin pa'i gnas dag mthong bar mi 'dod pa yin/ dngos po kun la yang de brku ba'i sems yod pa yin/ dngos por ngan pa rnams la yang dga' ba yin/ 'thob pa la mos pa yin/ zas skom mi
138a8 gtsang ba la dga' ba yin/ gzhan gyi phun sum tshogs pa la phrag dog byed pa yin/ gzhan gyi longs spyod la sred pa skyed pa yin/ gzhan gyi longs spyod gang yin pa de dag la bdag gi snyam du sems
138b1 pa yin/ zas gtor na sems mi dga' ba yin/ tshong 'dus kyi srang dag nas kyang shing thog len pa yin te/ kun du rgyu dag gshin rje'i 'jig rten nas shi 'phos pa'i gang zag gi rtags kyi bye brag ni de dag la sogs pa
138b2 mtha' yas par shes par bya'o/ /kun du rgyu dag de la lha ma yin las shi 'phos pa'i gang zag gi mtshan ma ni 'di dag yin te/ 'di lta ste/ khengs pa yin/ 'thab krol che ba yin 'khon du 'dzin pa yin/ nga rgyal che ba
138b3 yin/ lus che ba yin/ mig che ba yin/ mig dkar ba yin/ mche ba snang ba yin/ mthu dang ldan pa yin/ thab mo'i blo can yin/ dbyen la dga' ba yin/ bya ba thams cad la nga rgyal che ba yin/ so snang ba yin/
138b4 'jig rten thams cad la brnyas pa'i 'du shes can yin/ mtshon cha rno ba yin/ tshig na pa yin/ bdag gzeng stod pa can yin/ mi shes pa'i stobs can yin/ nyon mongs pa'i stobs can yin te/ kun du rgyu dag de dag
138b5 la sogs pa ni lha ma yin las shi 'phos pa'i gang zag gi mtshan mar shes par bya'o/ /kun du rgyu dag de la mi las shi 'phos pa'i gang zag gi mtshan ma ni 'di dag yin te/ 'di lta ste/ ngo mtshar du 'dzin
138b6 pa can yin/ 'phags pa dang sten pa yin/ 'phags pa ma yin pa la smod pa yin/ dge ba byed pa yin/ mngon rtags 'dod pa yin/ grags pa 'dod pa yin/ snyan pa 'dod pa yin/ bzo la dga' ba yin/
138b7 shes pa la dga' ba yin/ nyon mongs pa chung ba yin/ khrel yod cing ngo tsha shes pa yin/ rigs kyi bu'i tshul phun sum tshogs pa yin/ byas pa gzo ba yin/ mdza' bo la gdu ba yin/ yongs su
138b8 gtod pa dang ldan pa yin/ bye brag gshegs pa yin/ byas pa dang ma byas pa la rtog pa yin/ tshig gi mthu yod pa yin/ gros gzung bar bya ba'i mthu yod pa yin/ 'dum par bya ba dang / 'thab mo bya ba
139a1 la mngon par mkhas pa yin/ pho nya nus pa yin/ skad thams cad 'dzin pa'i mthu yod pa yin/ gnas dang gnas ma yin pa mngon par shes pa yin te/ kun du rgyu de dag la sogs pa ni mi las shi 'phos pa'i gang zag gi rtags yin no/ /
139a2 kun du rgyu dag de la lha las shi 'phos pa'i gang zag gi rtags ni 'di dag yin te/ 'di lta ste/ mdzes pa yin/ gtsang sbra che ba yin/ phreng ba la dga' ba yin/ spos la dga' ba yin/ bdug pa la dga' ba yin/ glu len pa'i ngang tshul can yin/ byug pa
139a3 la dga' ba yin/ 'dod pa'i yon tan mngon gyis mi mgu zhing rgya chen po la dga' ba yin/ rol mo'i sgra thams cad la dga' ba yin/ glu thams cad la dga' ba yin/ skye bo rgya chen po dang 'grogs par dga' ba yin/ khang pa dang / khang pa
139a4 brtsegs pa dang / khyim dang / longs spyod rgya chen po la dga' ba yin/ de'i sems byams pa sngon du 'gro ba yin/ rgod pa'i ngang tshul can yin/ 'jam par smra ba yin/ dga' ba la mkhas pa yin/ rgyun la dga' ba yin/ cha ba'i ngang
139a5 tshul can yin/ 'gro ba'i ngang tshul can yin/ lus kyi shugs 'byin pa'i ngang tshul can yin/ chags pa'i mtshan ma dang mi chags pa'i mtshan ma shes pa yin/ phan par bya ba la mkhas pa yin te/ kun tu rgyu dag mtshan ma de dag
139a6 la sogs pas/ mtho ris nas shi 'phos pa'i gang zag tu shes par bya'o/ /kun du rgyu dag de la mtshan ma de dag las yang dag par 'da' bar bya ba'i phyir rigs kyi bu 'am/ rigs kyi bu mo dag gis dge ba'i bshes gnyen gang dag mtshan
139a7 ma de dag las yang dag par 'da' bar bya ba'i phyir chos ston par byed pa de lta bu'i dge ba'i bshes gnyen rnams bsten par bya/ bsnyen par bya/ bsnyen bkur bar bya'o/ /de la sems can dmyal ba nas shi 'phos pa'i gang zag
139a8 gis ni sngon mir gyur pa'i tshe zhe sdang la yongs su bsten pas des zhe sdang las byung ba'i las mngon par 'du byas pas de las des sems can dmyal bar skyes te/ de'i phyir sems can dmyal bar gnas pa rnyed nas
139b1 sems can dmyal ba'i spyod pa can du gyur pas de mi'i nang du skyes te/ spyod pa'i rtags 'di dag thos nas bdag ni sems can dmyal ba nas shi 'phos pa'o zhes bdag nyid kyis shes par bya zhing / des sems can dmyal ba'i las kyi rgyu spang
139b2 ba'i phyir dge ba'i bshes gnyen btsal bar bya ste/ de la dge ba'i bshes gnyen de dag zhe sdang gi gnyen por byams pa ston to/ /byams pa dang ldan pa'i byang chub kyi phyogs kyi chos rnams dang / byams pa dang ldan pa'i tshul khrims
139b3 kyi pha rol tu phyin pa ston to/ /des kyang de'i zhe sdang gi bag la nyal spong bar 'gyur te/ de byams pa chen po bsgoms pas pha rol du phyin pa drug po thams cad yongs su rdzogs par 'gyur ro/ /kun du rgyu dag de la dud 'gro'i skye
139b4 gnas nas shi 'phos pa'i gang zag gis ni sngon mir gyur pa'i tshe/ gti mug la yongs su bsten pas des gti mug las byung ba'i las mngon par 'du byas pas/ de las des dud 'gro'i skyes gnas su skyes te/ de'i phyir de
139b5 dud 'gro'i skye gnas na gnas brnyed nas dud 'gro'i skye gnas kyi spyod pa can du gyur pas de dud 'gro'i skye gnas nas shi 'phos te/ mi'i nang du skye kyang dud 'gro'i skye gnas kyi spyod pa de dag nyid spyod par 'gyur te/ des spyod pa de
139b6 dag gis bdag ni dud 'gro'i gnas nas shi 'phos nas mi'i nang du skyes so zhes bdag nyid kyis shes par bya zhing / des dud 'gro'i skye gnas kyi las de dag las yang dag par 'da' bar bya ba'i phyir dge ba'i bshes gnyen btsal bar bya ste/
139b7 de la dge ba'i bshes gnyen de dag gti mug spang ba'i phyir rten cing 'brel bar 'byung ba ston to/ /des kyang de'i gti mug gi bag la nyal spang bar 'gyur ro/ /yang shes rab kyi pha rol du phyin pa dus gsum mnyam pa nyid
139b8 ston te/ de gti mug de ni rang bzhin med pa'o zhes bya bar shes pa skyo bar 'gyur ro/ /yang na de la chos thams cad mnyam pa nyid ston te des de shes rab kyi pha rol du phyin pa yongs su rdzogs shing thams cad mkhyen pa
140a1 nyid thob par 'gyur ro/ /kun du rgyu dag de la gshin rje'i 'jig rten nas shi 'phos pa'i gang zag gis ni sngon mir 'gyur ba'i tshe ser sna la kun du bsten cing bsgoms te mang du byas pas des der ser sna dang ldan pa chags pa las byung ba'i las mngon
140a2 par 'du byas pas de las byas pa dang / bsags pa dang / zin par byas pa dang / rdzogs par bya ba dang / blangs pa des gshin rje'i 'jig rten du skyes te/ de gshin rje'i 'jig rten na gnas pa des gshin rje'i 'jig rten pa'i spyod pa can du gyur
140a3 bas de gshin rje'i 'jig rten nas shi 'phos te mi'i nang du skyes kyang gshin rje'i 'jig rten pa'i spyod pa de dag nyid spyod par 'gyur te/ des spyod pa de dag gis bdag ni gshin rje'i 'jig rten nas shi 'phos pa'o zhes bya bar bdag nyid kyis shes
140a4 par bya zhing / des spyod pa de dag las yang dag par 'da' bar bya ba'i phyir dge ba'i bshes gnyen btsal bar bya ste/ de las dge ba'i bshes gnyen de dag ser sna spang ba'i phyir gtong ba ston to/ /des kyang de'i ser sna'i bag la nyal spong bar
140a5 'gyur ro/ /yang na de la gtong ba dang ldan pa'i byang chub kyi phyogs kyi chos rnams ston/ sbyin pa'i pha rol du phyin pa ston te/ de bsgoms pas pha rol tu phyin pa drug yongs su rdzogs par 'gyur ro/ /kun du rgyu dag de la lha ma yin
140a6 las shi 'phos pa'i gang zag gis sngon mir gyur pa'i tshe dge ba'i rtsa ba rgya chen po dag kyang mngon par 'du byas la nga rgyal la yang yongs su bsten pas de nga rgyal dang ldan pa'i las byas pa dang / bsags pa dang / zin par byas pa dang /
140a7 rdzogs par byas pa dang / blangs pa des lha ma yin du skyes te/ lha ma yin gyi nang na gnas pa des lha ma yin gyi spyod pa can du gyur pas de lha ma yin nas shi 'phos te mi'i nang du skyes kyang lha ma yin gyi spyod pa de dag nyid spyod par 'gyur te/ des spyod pa
140a8 de dag gis bdag ni lha ma yin las shi 'phos pa'o zhes bya bar bdag nyid kyis shes par bya zhing / des spyod pa de dag las yang dag par 'da' bar bya ba'i phyir dge ba'i bshes gnyen btsal bar bya ste/ de la dge ba'i bshes gnyen
140b1 de dag nga rgyal spang ba dang / nga'o snyam pa'i nga rgyal gzhom pa'i phyir skye mched rnams ston te/ des kyang de'i nga rgyal spong bar 'gyur ro/ /yang na de la chos rnams kyi stong pa nyid ston pa des de'i nga rgyal gyi bag la nyal spong ba dang / bdag rnam par 'jig par 'gyur ro/ /yang na ji
140b2 ltar bya ba sgyur ba rnams tshogs pa las byung ba'i tshul ston te/ des de'i nga rgyal gyi bag la nyal spong bar 'gyur ro/ /yang na de la chos rnams kyi mtshan nyid gcig pa ston te/ des de'i shes rab kyi pha rol tu phyin pa yongs su rdzogs par 'gyur zhing de
140b3 bsgoms pas thams cad mkhyen pa nyid du 'grub par 'gyur ro/ /kun du rgyu dag de la mi las shi 'phos pa'i gang zag gis ni sngon mir gyur pa'i tshe yang dge ba bcu'i las kyi lam la kun du bsten cing bsgoms te mang du byas pas de las de
140b4 byas pa dang / bsags pa dang / zin par byas pa dang / rdzogs par byas pa dang / blangs pas mir skyes te/ de mi'i nang na gnas pa des mi'i spyod pa can du gyur pas de mi'i nang nas shi 'phos te mi'i nang du skyes kyang mi'i spyod pa de dag
140b5 nyid spyod par 'gyur te/ de spyod pa de dag gis bdag ni mi'i nang nas shi 'phos pa'o zhes bya bar bdag nyid kyis shes par bya zhing des mi'i spyod pa de dag las yang dag par 'da' bar bya ba'i phyir dge ba'i bshes gnyen btsal par bya ste/ de la
140b6 dge ba'i bshes gnyen de dag mi rtag pa'i 'du shes ston to/ /des kyang de'i spyod pa bag la nyal dang bcas par spyod par 'gyur ro/ /yang na de la 'khor ba'i mi bsngags pa dang / mya ngan las
140b7 'das pa'i bsngags pa ston te/ des de 'khor ba la mi dga' zhing mya ngan las 'das pa don du gnyer bar 'gyur ro/ /yang na de la pha rol du phyin pa drug ston te/ de thos pas bla na med pa yang dag par rdzogs pa'i byang chub tu sems bskyed
140b8 par 'gyur ro/ /de la thabs mkhas pa yang ston to/ /des de'i pha rol tu phyin pa drug po de dag shin tu bzung ba dang / thams cad mkhyen pa nyid kyang myur du thob par 'gyur ro/ /kun du rgyu dag de la mtho ris nas shi 'phos pa'i gang zag
141a1 gis ni sngon mir gyur ba'i tshe tshangs par spyod pa mchog tu bzung ste spyad pa dang / sbyin pa mchog tu bzung ste byin pa dang / tshul khrims mchog tu bzung ste bsrungs pas de las de byas pa dang / bsags pa dang / zin par byas pa dang /
141a2 rdzogs par bya ba dang / blangs pas lha'i nang du skyes te/ de lha'i nang na gnas pa de lha'i spyod pa can du gyur pas de lha las shi 'phos te/ mi'i nang du skyes kyang lha'i spyod pa de dag nyid spyod par 'gyur te/ des spyod pa de
141a3 dag gis bdag ni lha'i nang nas shi 'phos pa'o zhes bdag nyid kyis shes par bya zhing des spyod pa de dag las yang dag par 'da' bar bya ba'i phyir dge ba'i bshes gnyen btsal bar bya ste/ de la dge ba'i bshes gnyen de dag tshangs
141a4 par spyod pa mchog tu 'dzin pa'i nyes pa ston cing mi gnas pa'i tshangs par spyod pa'i yon tan brjod do/ /mchog tu 'dzin pa'i sbyin pa smod cing mchog tu 'dzin pa med pa'i sbyin pa bsngags par 'gyur ro/ /mchog tu 'dzin pa'i
141a5 tshul khrims dmod cing mchog tu 'dzin pa med pa'i tshul khrims bsngags par 'gyur ro/ /des de'i tshul khrims dang brtul zhugs mchog tu 'dzin pa bag la nyal dang bcas par spong bar 'gyur ro/ /yang na de la tshul khrims
141a6 kyi pha rol tu phyin pa ston te/ de bsgoms pas pha rol du phyin pa drug yongs su rdzogs par 'gyur ro/ /de la thabs la mkhas pa yang ston to/ /de dang ldan pas myur du thams cad mkhyen pa nyid du nges par 'byung bar 'gyur ro/ /kun du
141a7 rgyu dag de la sems can dmyal ba nas shi 'phos pa'i gang zag gis ni dge ba'i bshes gnyen la brten te/ dus gsum mnyam pa nyid mnyan par bya'o/ /thos nas kyang shas cher gnas par bya ste/ grong dang / grong khyer dang / grong rdal
141a8 dang / ljongs dang / yul 'khor dang / rgyal po'i pho brang 'khor dag na dge slong dang / dge slong ma dang / dge bsnyen dang / dge bsnyen ma dang / 'khor bzhi po yod pa dag tu gnas par bya zhing de dag dang 'grogs par bya'o/ /des 'gro
141b1 ba byas te goms pa'i rjes su 'gro bas chos thams cad ni dngos po med pa'i ngo bo nyid do zhes dus gsum mnyam pa nyid mngon du 'gyur ro/ /kun du rgyu dag de la dud 'gro'i skye gnas nas shi 'phos pa'i gang zag gis ni dge ba'i bshes gnyen la
141b2 brten te/ gti mug gi gnyen por bstan bcos la mkhas pa'i skye bo dang lhan cig dga' bar gnas par bya'o/ /des de'i gti mug spong bar 'gyur te/ des bstan bcos shes pa de dag rang bzhin gyis yang dag par brtag par
141b3 bya'o/ /de'i phyir de la bstan bcos dang bstan bcos shes pa rnams kyang rang bzhin med do zhes bya bar snang bar gyur te/ des de la dus gsum mnyam pa nyid mngon du 'gyur zhing myur du thams cad mkhyen pa nyid du nges par 'byung bar
141b4 'gyur ro/ /kun du rgyu dag de la gshin rje'i 'jig rten nas shi 'phos pa'i gang zag gis ni gang la rten na de'i sbyin pa'i blo skye bar 'gyur ba dang / gang gis de la dus gsum mnyam pa nyid dang / gang 'di mtshan nyid med par mtshan
141b5 nyid gcig pa mngon du 'gyur ba dang / de bsgoms pas myur du thams cad mkhyen pa nyid du nges par 'byung bar 'gyur ba'i dge ba'i bshes gnyen la brten par bya/ yon tan la brten par bya'o// //
141b6 bam po bcu gnyis pa/ kun du rgyu dag de la lha ma yin las shi 'phos pa'i gang zag gis ni dge ba'i bshes gnyen la brten te/ nyon mongs pa'i bdud dang 'thab par bya'o/ /'di lta ste/ nga rgyal zhes bya ba'i chos
141b7 de ni gang zhig /de ni ci zhig gis yongs su bzung / de ni su la kun nas langs/ su zhig de spong bar byed ces yang dag par btsal na nga rgyal de mi dmigs so/ /gang gis de yongs su bzung ba dang / gang la de kun nas
141b8 langs pa dang / gang de spang ba'i phyir rtsol ba de yang mi dmigs te/ de ni yang dag pa ma yin par yongs su bzung bas bdag dang 'jig rten bslus par yang dag par rjes su mthong ngo / /des chos thams cad rang
142a1 bzhin med par yang dag par rjes su mthong zhing chos gang la rang bzhin med pa de ni dngos po med pa'o zhes bya bar rab tu shes so/ /dngos po med pas yongs su ma grub bo zhes bya bar rab tu shes so/ /yongs su
142a2 ma grub pas mi skye ba ste/ gang mi skye ba de ni mi 'gag go/ /gang mi skye mi 'gag pa de ni gdags su med pa'o zhes bya bar rab tu shes so/ /gang gdags su med pa de ni 'das pa yang ma yin/ ma 'ongs pa yang ma yin/ da ltar
142a3 byung ba yang ma yin no/ /gang dus gsum du mi dmigs pa de ni thob pa yang ma yin/ chud zos pa yang ma yin no zhes bya bar rab tu shes so/ /kun tu rgyu dag de ltar na de ni chos thams cad kyi chos nyid do/ /chos nyid gang
142a4 gis chos thams cad de bzhin nyid ma nor ba de bzhin nyid/ gzhan ma yin pa de bzhin nyid de/ de bzhin gshegs pa yang de bzhin nyid/ ma nor ba de bzhin nyid/ gzhan ma yin pa de bzhin nyid pas de'i phyir chos thams
142a5 cad ni de bzhin gshegs pa'o/ /kun du rgyu dag ngas ni sngon chad dang da ltar yang 'jig rten btags pa ni nga rgyal gyi rang bzhin no zhes bshad do/ /nga rgyal gyis ni mi las shi 'phos pa gdags par 'gyur ro/ /
142a6 nga rgyal gyis ni mtho ris nas shi 'phos pa gdags par 'gyur ro/ /nga rgyal gyis ni sems can dmyal ba'i bar du shi 'phos pa gdags par 'gyur ro/ /nga rgyal med na gdags pa med do/ /kun du
142a7 rgyu dag de ni nga rgyal med pa'i ye shes shes bya'o/ /de yang thabs mkhas pa dang ldan zhing shes rab kyi pha rol tu phyin pa dang / dge ba'i bshes gnyen gyis yongs su zin pas shes par nus so/ /de nas kun
142a8 du rgyu drug khri bo de dag gis bstan pa 'di thos nas mi skye ba'i chos la bzod pa thob par 'gyur te/ de dag mi skye ba'i chos la bzod pa thob nas bstan las langs te/ bcom ldan 'das kyi zhabs la mgo bos phyag 'tshal nas phyogs gcig tu 'khod do phyogs
142b1 gcig tu 'khod nas kyang de'i tshe bcom ldan 'das la tshigs su bcad pa dag gis mngon par bstod pa/ mgon po ye shes stobs kyis yang dag 'phags/ /'gro ba kun la gzhan gyi dring mi 'jog /'gro ba kun na spyod pa rnam gzigs te/ /lag pa'i
142b2 mthil du skyu ru ra bzhag bzhin/ /'jig rten lta ba'i rnam pas kun du dkrugs/ /sprin stug dag gis nam mkha' yog pa bzhin/ /de dag gis ni byis pa rmongs nas spyod/ /long ba'i tshogs rnams rab tu lam stor bzhin/ /'jig rten rtag
142b3 dang 'jig rten mi rtag dang / /rtag kyang rtag la mi rtag kha cig mchi/ /rtag pa ma yin mi rtag min zhes te/ glang po'i dbang po khyim du btags ltar brlag /'jig rten mtha' yod 'jig rten mtha' med dang / /mtha' yang yod la mtha'
142b4 med kha cig 'chi/ /mtha' yod ma yin mtha' med yin zhes te/ /dper na bya ni gzeb tu bcug pa bzhin/ /la la dag ni lus 'di bdag ces mchi/ /la la dag ni lus 'di gzhan zhes mchi/ /rtog pas yongs su dkris nas nyal
142b5 bgyid de/ /bya ni bya rgyar chud nas thogs pa bzhin/ /la la dag ni dbang phyug sprul ces mchi/ /la la rgyu med byung zhes 'dogs par bgyid/ /lta ba'i rnam pa dag gis kun nas dkris/ /mkha' la gnas pa'i zla ltar rgyal bas gzigs/ /
142b6 ji ltar gzeb tu bcug pa'i bya rmongs pa/ bu ga bu gar thar par re ba ltar/ /mi mkhas lta ba'i rnam pas btags par gyur/ /thar pa mi 'thob rkang gnyis btags pa bzhin/ /tshangs dang skye dgu'i bdag dang skem byed dang / /gzhan
142b7 yang 'khor lo 'dzin dang rnam thos bu/ /phyogs dang rgya mtsho kun la phyag 'tshal te/ /rgyal pos mtshan mo rkun po bzung ba bzhin/ /dbul po bu lon chags pa bu lon pas/ /bzung na gnyar sbron gsol ba 'debs pa bzhin/ /lta
142b8 ba'i rnam par gnas pa'i byin pa rnams/ /dbang phyug las ni bde ba tshol bgyid de/ /rkun po'i tshogs rnams btson rar bstsal pa bzhin/ /'gro ba rnams su sdug bsngal brgya myong ba/ /de dag de bzhin gshegs pa khyod kyis
143a1 gzigs/ /phyag gi mthil na sor mo lnga dang mtshungs/ /de la mi dbang thugs rje bskyed nas ni/ /'gro ba mkhyen pa 'gro bar spyod mdzad de/ /blo mchog tshe rabs 'gro ba bkrol ba ni/ /dper na rgyal pos btson rnams bkye ba bzhin/ /
143a2 'jig rten sman slad bskal pa bsam yas su/ /dka' ba mdzad nas byang chub mchog brnyes te/ /lta ba'i rnam par sems can 'khyams mkhyen nas/ /de dag bcings las khyod kyis grol bar mdzad/ /bde gshegs mi yi seng ge rkang gnyis gtso/ /
143a3 chos tshogs gang la mnga' dbang khyod mdzad pa/ /lta ba'i rnam pa sgyu 'drar rmongs mi mnga'/ /bde gshegs khyod ni de 'drar bdag cag 'tshal/ /stobs rnams gang gis rgyal ba stobs brnyes shing / /mi 'jigs gang gis sngo ba'i dgra
143a4 bsal te/ /'khor gyi nang du seng ge'i sgra sgrogs pa/ /khyu mchog de ni bdag cag thob par shog /gang gis rgyal ba 'jig rten gsum bskyod dang / /gang gis mtha' yas 'od ni 'gyed pa dang / /gang gis mi mchog sems
143a5 can lung ston pa/ /de ring yud kyis bdag cag de thob shog /de nas de'i tshe bcom ldan kyis kun du rgyu de dag gi lhag pa'i bsam pa thugs su chud nas de'i tshe 'dzum pa mdzad do/ /de nas tshe dang ldan pa rta thul gyi/ bcom ldan
143a6 'das la tshigs su bcad de gsol pa/ /'jig rten phan bzhed 'dzum pa gang mdzad pa/ /mu stegs tshogs 'di shin du 'phags gyur tam/ /mi mchog rang byung ci slad mdzum mdzad pa/ /'dzum rgyu de ni khyod kyis bka' stsal
143a7 gsol/ /bde bar gshegs pas 'dzum pa mdzad mthong nas/ /'jig rten phan bzhed 'gro 'di the tshom 'tshal/ /zla ba nya la 'gro ba lta ba bzhin/ /lta zhing mchis na rgyal ba 'dzum rgyu gsungs/ /su zhig rgyal la mchod
143a8 pa dam pa bgyis/ /gang gis de ring yab ni mnyes par bgyis/ /rgyal ba'i yon tan de ring gang gis mthong / /mkhas pa myur du legs par bka' stsal gsol/ /mu stegs can rnams lung bstan de thos nas/ /
143b1 'jig rten thams cad rab tu dga' bar 'gyur/ /'di ltar 'di dag bde bar gshegs pas btul/ /des na 'gro ba kun gyi rnam 'dren lags/ /rgyal bas the tshom legs par bsal du gsol/ /som nyi 'tshal ba'i som nyi dgum du
143b2 gsol/ /des ni 'khor rnams 'di dag yi rangs shing / /sangs rgyas khyod kyi dgongs la dad par mchi/ /de nas bcom ldan 'das kyis tshe dang ldan pa rta thul la tshigs su bcad de slar bka' stsal pa/ /rta thul khyod kyis dus 'di shes 'gyur
143b3 nas/ /rgyal ba dgra las rgyal la dris pa legs/ /'dren pa rang byung nyid la de dris pas/ /'jig rten phan pa'i tshig kyang brjod par gyur/ /'dzum pa 'di ni ji ltar ngas mdzad pa/ /'dzum rgyu ngas de khyod la bstan par byas/ /yang dag ji
143b4 bzhin nga yis bstan pa la/ /dga' ba'i yid du byos te der nyon cig /mu stegs tshogs 'dir rab tu dul gyur de/ /lta ba'i rnam spangs lta ba bzang por 'gyur/ /lta ba'i rnam par 'jig rten 'khyams mthong nas/ snying rje can gyur byang chub rab tu zhugs/ /lta ba'i rnam pa
143b5 dag ni rab spangs te/ /lta ba drang po rnyog med rtogs gyur cing / /nga yis lung bstan thogs med thos gyur nas/ /de dag kun gyis thams cad mkhyen sems bskyed/ /sngon gyi rgyal ba dag la dad bskyed de/ /thugs rje ldan pa rkang
143b6 gnyis dam pa po/ /rgyal ba bye ba nyi shur tshang ba la/ /bla med byang chub tshol zhing bsnyen bkur byas/ /rgyal ba rnams la sbyin pa mi nyul thul/ /khrims dang zhi ba'i ting 'dzin rnam par sbyangs/ /shes rab brtson 'grus stobs kyang
143b7 'bar bar byas/ /thugs rje ldan rnams drung du bzod pa bsten/ /byang chub dam pa bcal nas yun ring du/ /pha rol phyin pa drug la blo yang zhugs/ /rgyal ba dgra las rgyal ba zhu ba zhus/ /sangs rgyas brgya 'grangs dag la yid
143b8 dga' byas/ /de dag sdig pa'i grogs kyi dbang gis ni/ /lta ba'i rnam pa sdug la gnas gyur pa/ /de dag bde gshegs rang byung mthong gyur nas/ /chags pa med pas lta ba'i rnam pa spangs/ /ston pa'i dgongs
144a1 pa yang dag rnam par rtogs/ /ston pa'i dgongs pa rnams la dad pa gnas/ /ma 'ongs dus na byang chub tshol byed cing / /rgyal ba bye ba bsnyen bkur byed par 'gyur/ /ma 'ongs bskal pa skar ma 'dra ba la/ /rgyal ba nga rgyal bcom
144a2 par mtshan 'thun par/ /grags pa chen por phyogs su rnam par grags/ /'jig rten mkhas pa 'gro ba 'grel par 'gyur/ /de dag sangs rgyas zhing yang dag 'gyur te/ /de dag bkod pa sna tshogs mtshungs pa med/ /sangs rgyas zhing der
144a3 sdig pa'i blo can med/ /blo gros dag par 'thun pa sha stag gnas/ /de ni ngan song thams cad rnam par sbyangs/ /mi khom bsal te dus de'i tha ma la/ /rgyal ba de dag sku tshe'i stobs ldan te/ /lo ni stong phrag brgyad bcu thub
144a4 par 'gyur/ /mi de dag gis byang chub 'di thos nas/ /tshe de mi mnyes par ni byed mi 'gyur/ /chags med blo mnga' rnams kyi mchan thos na/ /bud med rnams kyang skyes pa'i lus thob 'gyur/ /de ltar nga bcom rgyal ba drang srong
144a5 che/ /ston pas mu stegs lung bstan bka' stsal pa/ /de thos gyur nas lhar bcas 'jig rten rnams/ /yi rangs gyur cing stobs kyang bskyed par 'gyur/ /mu stegs can lung bstan pa'i le'u ste nyi shu lnga pa'o// //
144a6 de nas rgyal po zas gtsang ma 'khor dang bcas pas lha ma yin rnams dang / /nam mkha' lding rnams nas kun du rgyu rnams kyi bar gyi lung bstan pa thos nas 'di snyam du sems par gyur te/ 'di ltar bcom ldan 'das kyis legs
144a7 par gsungs pas 'gro ba thams cad tshim par byas pa ni ngo mtshar snyam nas de yang bu la chags pas kun du bkris par gyur to/ /de nas bcom ldan 'das kyis rgyal po zas gtsang ma'i sems thugs su chud nas rgyal po zas
144a8 gtsang ma la bka' stsal pa/ rgyal po chen po khyod la tshangs par spyod pa/ thog mar dge ba/ bar du dge ba/ tha mar dge ba/ /don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/
144b1 yongs su byang ba'i chos 'di lta ste/ khams drug rnam par dbye ba zhes bya ba'i chos kyi rnam grangs bshad kyis de legs par rab tu nyon la yid la zung shig dang ngas bshad do/ /bcom ldan 'das legs so zhes gsol nas/ rgyal po zas gtsang ma
144b2 bcom ldan 'das kyi ltar nyan pa dang / de la bcom ldan 'das kyi 'di skad ces bka' stsal to/ /rgyal po chen po khams drug rnam par dbye ba zhes bya ba'i chos kyi rnam grangs de gang zhe na/ rgyal po chen po skyes bu gang zag 'di ni khams drug pa/
144b3 reg pa'i skye mched drug pa/ /yid kyi nye bar spyod pa bcwa brgyad pa ste/ skyes bu 'di ni khams drug pa zhes gang smras pa de'i las brten te smras she na/ rgyal po chen po khams drug ni 'di dag go/ /drug gang zhe na/ 'di lta ste/ sa'i khams dang /
144b4 chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams rnams so/ /rgyal po chen po de dag ni khams drug ste/ skyes bu 'di ni khams drug pa'o zhes gang ngas smras pa de ni de la brten te
144b5 smras so/ /skyes bu 'di ni reg pa'i skye mched drug pa'o zhes gang smras pa de ci las brten te smras she na/ rgyal po chen po reg pa'i skye mched drug ni 'di dag ste/ drug gang zhe na/ gzugs rnams la lta ba'i phyir mig reg pa'i skye mched dang /
144b6 sgra rnams la nyan pa'i phyir rna ba reg pa'i skye mched dang / dri rnams la ma nom pa'i phyir sna reg pa'i skye mched dang / ro rnams la myang ba'i phyir lce reg pa'i skye mched dang / reg bya rnams la reg pa'i phyir lus reg pa'i skye mched dang / chos rnams rnam par
144b7 shes pa'i phyir yid reg pa'i skye mched do/ /rgyal po chen po de dag ni reg pa'i skye mched drug ste/ skyes bu 'di ni reg pa'i skye mched drug pa'o zhes gang ngas smras pa de ni de la brten te smras so/ /rgyal po chen po skyes bu 'di ni yid kyi nye bar spyod pa bcwa
144b8 brgyad pa'o zhes gang smras pa de ci las brten te smras she na/ rgyal po chen po yid kyi nye bar spyod pa bcwa brgyad ni 'di dag ste/ bcwa brgyad gang zhe na/ 'di la mis mig gis gzugs mthong na yid bde ba dang / yid mi bde ba dang /
145a1 btang snyoms su 'gyur bar gzugs la nye bar spyod do/ /rna bas sgra thos na yid bde ba dang / yid mi bde ba dang / btang snyoms su 'gyur bar sgra la nye bar spyod do/ /snas dri tshor na yid bde ba dang / yid mi bde ba dang / btang snyoms su
145a2 'gyur bar dri la nye bar spyod do/ /lces ro myong na yid bde ba dang / yid mi bde ba dang / btang snyoms su 'gyur bar ro la nye bar spyod do/ /lus kyis reg bya la reg na yid bde ba dang / yid mi bde ba dang / btang snyoms su 'gyur bar reg bya la nye bar
145a3 spyod do/ /yid kyis chos reg na yid bde ba dang / yid mi bde ba dang / btang snyoms su 'gyur bar chos la nye bar spyod do/ /rgyal po chen po de la gang dag yid bde bar nye bar spyod pa drug dang / gang dag yid mi bde bar nye bar spyod pa drug
145a4 dang / gang dag btang snyoms su 'gyur bar nye bar spyod pa drug po de dag gcig tu bsdus na yid kyi nye bar spyod pa bcwa brgyad du 'gyur ro/ /rgyal po chen po bcwa brgyad po de dag ni yid kyi nye bar spyod pa ste/ rgyal po chen po skyes bu 'di ni yid kyi
145a5 nye bar spyod pa bcwa brgyad pa'o zhes gang dag smras pa de ni de la brten te smras so/ /rgyal po chen po de la sa'i khams ni rnam pa gnyis te nang gi yang yod/ phyi rol gyi yang yod do/ /rgyal po chen po nang gi sa'i khams gang zhe na/ gang
145a6 ci yang rung ste/ lus 'di la nang gi khong na sra ba dang / mkhrang ba'i rnam pa dang / nye bar gyur pa dang zin pa'o/ /de yang gang zhe na/ 'di lta ste skra dang / spu dang / sen mo dang / so dang / rngul dang / dri ma dang / lpags pa dang /
145a7 sha dang / rtsa dang / chu rgyus dang / rus pa dang / rkang dang / snying dang / mchin pa dang / glo ba dang / mkhal ma dang / sul mangs dang / mchin dri dang / rgyu ma dang / gnye ma dang / lgang pa dang / mtsher pa dang / phyi sa dang / gzhang
145a8 dang / klad pa dang / klad rgyas dang / gzhan gang yang lus 'di la nang gi khong na sra ba dang / mkhrang ba'i rnam pa dang / lus su gtogs par gyur ba dang / zin pa 'di ni nang gi sa'i khams shes bya'o/ /rgyal po chen
145b1 po phyi rol gyi sa'i khams gang zhe na/ gang ci yang rung ste/ phyi rol gyi sra ba dang / mkhrang ba'i rnam pa dang / lus su ma gtogs pa dang / ma zin pa 'di ni phyi rol gyi sa'i khams shes bya'o/ /rgyal po chen po de la nang gi sa'i khams
145b2 'byung ba'i tshe gang nas kyang mi 'ong / 'gag pa'i tshe yang gang du yang sogs par mi 'gro'o/ /rgyal po chen po bud med nang du bdag ni bud med do zhes rtog cing de nang du bud med ces brtags nas/ phyi rol du skyes pa la skyes pa'o zhes
145b3 rtog go/ /de phyi rol du skyes pa la skyes pa zhes brtags nas chags par gyur te/ phyi rol gyi skyes pa dang phrad par 'dod do/ /skyes pa de yang nang du bdag skyes pa zhes rtog ste/ nang du bdag ni skyes pa zhes brtags nas phyi rol du bud
145b4 med la bud med ces rtog go/ /phyi rol du bud med la bud med ces brtags nas chags par gyur te/ phyi rol gyi bud med dang phrad par 'dod do/ /phrad par 'dod pas brang par 'gyur ro/ /phrad pa'i rkyen gyis mer mer po skye bar 'gyur
145b5 ba'i dus de yod do/ /rgyal po chen po gang la kun du brtag pa dang / gang kun du rtog de gnyis ka yang med do/ /bud med la ni bud med med do/ /skyes pa la ni skyes pa med do/ /de ltar med cing yang dag pa ma yin par kun du rtog
145b6 pa skyes te/ kun du rtog pa de yang ngo bo nyid kyis med do/ /kun du rtog pa ji lta ba de bzhin du phrad pa dang / mer mer po yang ngo bo nyid kyis med do/ /gang ngo bo nyid med pa ji ltar sra ba skyed par 'gyur/ rgyal po chen po de ltar kun
145b7 du rtog pa shes par byas nas sra ba nyid rtogs par bya ste/ ci nas sra ba ni skye ba'i tshe gang nas kyang mi 'ong bar shes par bya'o/ /rgyal po chen po 'di ltar gang lus 'di dur khrod kyi mthar 'gyur ba'i dus de yod de/ de'i sra ba
145b8 de 'jig cing 'gag par 'gyur ba'i tshe shar phyogs su mi 'gro/ lho phyogs dang / nub phyogs dang / byang phyogs dang / steng dang 'og dang / phyogs mtshams rnams su yang mi 'gro ste/ rgyal po chen po nang gi
146a1 sa'i khams ni de ltar blta'o/ /rgyal po chen po 'jig rten gnas pa 'di nam mkhar gyur pa la tshangs pa'i gzhal med khang rin po che sna bdun gyi rgyu las grub pa gnas pa'i dus de yod de/ rgyal po chen po de'i sra ba de 'byung ba'i tshe gang
146a2 nas kyang mi 'ong / gzhan 'phrul dbang byed kyi lha rnams kyi gzhal med khang rin po che sna bdun gyi rgyu las grub pa byung yang / rgyal po chen po de'i sra ba re 'byung ba'i tshe gang nas kyang mi 'ong ngo / /khor yug dang khor yug chen po'i ri
146a3 rdo rje'i rgyu las grub pa sra zhing brtan la lhun stug pa rnams gnas par gyur kyang de dag gi sra ba de 'byung ba'i tshe gang nas kyang mi 'ong ngo / /ri'i rgyal po ri rab dag dang / gnya' shing 'dzin dag dang / mu khyud 'dzin dag dang / gshol
146a4 mda' 'dzin dag dang / rdo rje 'dzin dag dang / seng ldeng can dag dang / rnam par 'dud dag dang / ri rta rna ngag dang / blta na sdug dang / blta na sdug chen po dag dang / ther sgre dag dang / spos kyi ngad ldang dag dang / gangs ri dag dang / de ma yin pa'i ri
146a5 nag po dag gnas pa dang / thams cad dang ldan pa'i stong gsum gyi stong chen po'i 'jig rten gyi khams gnas pa dang / rngams su dpag tshad brgyad khri bzhi stong yod la/ rgyar dpag tshad drug khri yod pa'i sa chen po gnas
146a6 par gyur kyang / rgyal po chen po sra ba de 'byung ba'i tshe gang nas kyang mi 'dod/ rgyal po 'jig rten 'di 'jig par 'gyur ba'i tshe sa chen po 'di mes tshig pa 'am/ chus bshig pa 'am/ rlung gis gtor bar 'gyur pa'i
146a7 dus de yod de/ de mes tshig na ni du ba yang mi mngon/ thal ba'i lhag ma yang mi mngon par 'gyur ro/ /'di lta ste/ dper na nam mkha' la mar ram/ 'bru mar gyi mes bsregs na du ba yang mi mngon zhing thal ba'i lhag ma
146a8 yang mi mngon par 'gyur ro/ /de bzhin du stong gsum gyi stong chen po'i 'jig rten gyi khams 'di mes tshig pa'i tshe du ba yang mi mngon zhing thal ba'i lhag ma yang mi mngon par 'gyur ro/ /chus bshig pa'i tshe yang lhag
146b1 ma ci yang mi mngon par 'gyur te/ 'di lta ste/ dper na lan tshwa chu'i nang du zhu ba ni lhag ma cung zad kyang mi mngon par 'gyur ro/ /de bzhin du stong gsum gyi stong chen po'i 'jig rten gyi khams 'di yang chus bshig pa'i tshe lhag ma cung zad kyang mi
146b2 mngon par 'gyur ro/ /rlung gis gtor ba'i tshe yang lhag ma cung zad kyang mi mngon par 'gyur te/ 'di lta ste/ dper na rnam par 'thor rlung gis 'das pa'i bye'u ni lhag ma cung zad kyang mi mngon par 'gyur ro/ /de bzhin du stong gsum gyi stong chen po'i
146b3 'jig rten gyi khams 'di yang rlung gis gtor ba'i tshe lhag ma cung zad kyang mi mngon par 'gyur ro/ /rgyal po chen po de ltar sa'i khams de 'byung ba yang stong / sa'i khams 'jig pa dang 'byung ba yang ngo bo nyid kyis stong ngo / /rgyal po chen po
146b4 sa'i khams ni tha snyad tsam ma gtogs par sa'i khams nyid du mi dmigs te/ tha snyad de yang bud med ma yin/ skyes pa ma yin/ rgyal po chen po de ltar de yang dag pa ji lta ba bzhin gyi shes rab kyis rtogs shig /rgyal po chen po de la chu'i
146b5 khams ni rnam pa gnyis te/ nang gi dang / phyi rol bgyi'o/ /nang gi chu'i khams gang zhe na/ gang ci yang rung ste/ lus 'di la nang gi khong na chu dang / chu'i rnam pa dang / chu nyid dang / brlan pa dang / brlan pa'i rnam pa dang / brlan pa nyid dang /
146b6 gsher ba nyid dang / lus su gtogs pa dang / zin pa'o/ /de yang gang zhe na/ 'di lta ste/ mchi ma dang / rngul dang / mchil ma dang / ngar snabs dang / chu ser dang / tshil dang / mkhris pa dang / ngar snabs dang / rnag dang / khrag dang /
146b7 'o ma dang / gcin dang / gzhan yang gang lus 'di la nang gi khong na chu dang / chu'i rnam pa dang / chu nyid dang / brlan pa dang / brlan pa'i rnam pa dang / brlan pa nyid dang / gsher ba nyid dang / lus su gtogs pa dang / zin pa 'di ni nang gi chu'i
146b8 khams shes bya'o/ /phyi rol gyi chu'i khams gang zhe na/ gang phyi rol gyi chu dang / chu'i rnam pa dang / chu nyid dang / brlan pa dang / brlan pa'i rnam pa dang / brlan pa nyid dang / gsher ba nyid dang / lus su ma gtogs pa dang /
147a1 ma zin pa 'di ni phyi rol gyi chu'i khams shes bya'o/ /rgyal po chen po de la nang gi chu'i khams 'byung ba'i tshe gang nas kyang mi 'ong ngo / /rgyal po chen po sdug pa mthong na mchi ma 'byung ba dang / sdug bsngal gyi nyen pa dang / chos kyi
147a2 shugs kyis mchi ma 'byung ba dang / rlung gis btab bam/ rnam pa gzhan dag gis kyang mchi ma 'byung ste/ dpyad byas pas kyang nang gi chu'i khams de 'phel bar 'gyur ba'i dus de yod de/ rgyal po chen po chu'i khams de 'byung
147a3 ba'i tshe gang nas kyang mi 'ong ngo / /rgyal po chen po gang nang gi chu'i khams yongs su skam par 'gyur ba'i dus de yod de/ de yongs su skam zhing 'gag pa'i tshe gang du yang mi 'gro'o/ /rgyal po chen po gang nang gi me'i khams shas che bar
147a4 gyur na des chu'i khams yongs su gdung bar 'gyur ba'i dus de yod de/ gdungs pa'i tshe gang du yang mi 'gro'o/ /rgyal po chen po de bzhin du nang gi chu'i khams 'byung ba'i tshe gang nas kyang mi 'ong / 'gag pa'i tshe gang du yang mi 'gro'o/ /
147a5 rgyal po chen po 'jig rten 'di 'chags par 'gyur ba'i dus de yod de/ 'jig rten gyi khams 'di 'chags par 'gyur ba'i tshe nam mkha' 'di la kun du sprin shin du stug po'i tshogs sum bcu rtsa gnyis 'khrigs par
147a6 'gyur te/ de dag 'khrigs pas thams cad dang ldan pa'i stong gsum gyi stong chen po'i 'jig rten gyi khams 'di thams cad yog par 'gyur te/ de la bskal pa'i bar ma lnga'i bar du gshol mda' tsam gyi char gyi
147a7 rgyun 'bab po/ /bskal pa bar ma lnga'i bar du glang po che'i pho mtshan tsam gyi char 'bab bo/ /bskal pa bar ma lnga'i bar du rgyun mi 'chad pa'i char 'bab bo/ /bskal pa bar ma lnga'i bar du thigs pa chen po'i char
147a8 'bab bo/ des sa chen po 'di nas tshangs pa'i 'jig rten gyi bar du chus khyab par gang bar 'gyur te/ rgyal po chen po chu'i phung po chen po de 'byung ba'i tshe 'ang gang nas kyang mi 'ong ngo / /rgyal po chen po gang 'jig rten
147b1 'di 'jig par 'gyur ba'i dus de yod de/ 'jig rten gyi khams 'di 'jig par 'gyur ba'i tshe nyi ma gnyis 'jig rten du 'byung bar 'gyur te/ nyi ma gnyis 'jig rten du byung bas chu mig dang / chu bran rnams skam par 'gyur ro/ /
147b2 de nas nyi ma gsum 'jig rten du 'byung ste/ nyi ma gsum 'jig rten du byung bas chu mig chen po dang / chu klung chen po rnams skam par 'gyur ro/ /de nas nyi ma bzhi 'jig rten du 'byung ste/ nyi ma bzhi 'jig rten du byung bas gang na chu
147b3 klung chen po bzhi po de dag 'bab pa'i mtsho chen po ma dros pa de yang yongs su skam par 'gyur/ thim par 'gyur te med par 'gyur ro/ /de nas nyi ma lnga 'jig rten du 'byung ste/ nyi ma lnga 'jig rten du byung bas rgya mtsho chen po yang
147b4 dpag tshad gcig tsam gyi chu yongs su zad cing yongs su 'grib par 'gyur ro/ /dpag tshad gnyis dang / gsum dang / bzhi dang / lnga dang / bcu dang / nyi shu dang / sum bcu dang / bzhi bcu dang / dpag tshad lnga bcu tsam gyi chu
147b5 yongs su zad cing yongs su 'grib par 'gyur ro/ /dpag tshad brgya dang / nyis brgya dang / sum brgya dang / bzhi brgya dang / dpag tshad lnga brgya dang / dpag tshad stong dang / nyis stong dang / sum stong dang / dpag tshad bzhi stong tsam
147b6 du rgya mtsho chen po las chu yongs su zad cing yongs su 'grib par 'gyur ro/ /rgyal po chen po rgya mtsho chen po la dpag tshad bzhi khri'i chu las par 'gyur ba dang / dpag tshad sum khri dang / nyi khri dang / dgu stong dang / brgyad stong dang /
147b7 bdun stong dang / drug stong dang / lnga stong dang / bzhi stong dang / sum stong dang / nyis stong dang / stong gi chu las par 'gyur ba dang / dpag tshad dgu brgya'i chu las par 'gyur ba dang / dpag tshad brgyad brgya dang / bdun brgya dang /
147b8 drug brgya dang / lnga brgya dang / bzhi brgya dang / sum brgya dang / nyis brgya dang / brgya'i chu las par 'gyur ba dang / dpag tshad lnga bcu dang / bzhi bcu dang / sum bcu dang / nyi shu dang / bcu dang / dgu dang / brgyad dang /
148a1 bdun dang / drug dang / lnga dang / bzhi dang / gsum dang / gnyis dang / dpag tshad gcig gi chu las par 'gyur ba dang / shing ta la bcu dang / dgu dang / brgyad dang / bdun dang / drug dang / lnga dang / bzhi dang / gsum dang /
148a2 shing ta la gnyis tsam gyi chu las par 'gyur ba dang / mi 'greng bcu dang / dgu dang / brgyad dang / bdun dang / drug dang / lnga dang / bzhi dang / gsum dang / mi'i 'greng gnyis tsam gyi chu las par 'gyur ba dang / lkog ma nub tsam dang /
148a3 mchan khung nub tsam dang / lte ba nub tsam dang / pus mo nub tsam gyi chu las par 'gyur ba nas/ ba lang gi rmig rjes kyi chu tsam gyi bar du las par 'gyur ba'i dus de yod do/ /rgyal po chen po gang rgya mtsho chen po las zil ba phram phrum tsam las
148a4 par 'gyur ba'i dus de yod de/ 'di lta ste/ dper na char ba'i thigs pa chen po bab na sa chen po la thog mar zil ba phram phrum tsam du 'gyur ro/ /rgyal po chen po de bzhin du rgya mtsho chen po de yang zil pa phram phrum tsam las par 'gyur ba'i
148a5 dus de yod do/ /rgyal po chen po gang rgya mtsho chen po de 'dzub mo smyugs pa tsam gyi chu yang ma las par 'gyur ba'i dus de yod do/ /rgyal po chen po de tsam du chu'i khams de 'gag pa'i tshe yang gang du yang mi 'gro ste/ shar phyogs dang /
148a6 lho phyogs dang / nub phyogs dang / byang phyogs dang / steng dang / 'og dang / phyogs mtshams rnams su yang mi 'gro'o/ /rgyal po chen po chu'i khams de ni skye ba yang stong / 'jig pa yang stong / gnas pa'i tshe yang chu'i
148a7 khams de rang bzhin gyis stong ste/ rgyal po chen po chu'i khams de ni tha snyad tsam ma gtogs par chu'i khams kyis stong zhing mi dmigs te/ tha snyad de yang bud med ma yin/ skyes pa ma yin no/ /de ltar yang dag par ji lta ba
148a8 bzhin du yang dag pa'i shes rab kyis rtogs shig /rgyal po chen po de la me'i khams ni rnam pa gnyis te/ nang gi dang / phyi rol gyi'o/ /nang gi me'i khams gang zhe na/ gang ci yang rung ste/ lus 'di la me dang / me'i
148b1 rnam pa dang / dro ba dang / dro ba'i rnam pa dang / lus su gtogs pa dang / zin pa'o/ /de yang gang zhe na/ gang gis lus 'di gdung ba dang / kun du gdung ba dang / yongs su gdung ba dang / gang gis zos pa dang / 'thungs pa dang /
148b2 'chos pa dang / myangs pa rnams bde zhing legs par zhu bar 'gyur ba dang / gang gi shas che na rims so rims so zhes bya ba'i grangs su 'gro ba dang / gzhan yang gang lus 'di la nang gi khong na me dang / me'i rnam pa dang /
148b3 dro ba dang / dro ba'i rnam pa dang / lus su gtogs pa dang / zin pa 'di ni nang gi me'i khams shes bya'o/ /phyi rol gyi me'i khams gang zhe na/ gang phyi rol gyi me dang / me'i rnam pa dang / dro ba dang / dro ba'i rnam
148b4 pa dang / lus su gtogs pa dang / ma zin pa ste/ de ni mi dag gtsub shing dang ldan pa 'am/ rtswa dang ldan pa 'am/ ba lang gi lci ba'i bu ram 'am/ shing bal gyi sgo dang ldan par byas shing me 'byin te/
148b5 de byung nas grong yang tshig /grong gi phyogs kyang tshig /grong khyer ram/ grong khyer gyi phyogs sam/ yul lam/ yul gyi phyogs sam/ gling ngam/ rtswa'i gtos sam/ nags sam/ shing ngam/ rtswa
148b6 'am/ ba lang gi lci ba dag sreg cing 'gro ba dang / gzhan yang gang tshul 'di dang 'dra ba 'di ni phyi rol gyi me'i khams shes bya'o/ /rgyal po chen po de la phyi rol gyi me'i khams ni 'byung ba'i tshe yang gang nas kyang mi
148b7 'ong ngo / /'gag pa'i tshe yang gang du yang sogs par mi 'gro ste/ de ni rang bzhin dang bral ba'i phyir med pa las yod par 'gyur zhing / yod par gyur nas kyang med par 'gyur ro/ /rgyal po chen po de la rlung gi
148b8 khams kyang rnam pa gnyis te/ nang gi dang / phyi rol gyi'o/ /de la nang gi rlung gi khams gang zhe na/ gang lus 'di la rlung dang / rlung gi rnam pa dang / yang ba nyid dang / g.yo ba nyid dang / lus su gtogs pa dang /
149a1 zin pa'o/ /de yang gang zhe na/ 'di lta ste/ gyen du 'gro ba'i rlung dang mthur du 'gro ba dang / thad kar 'gro ba dang / rgyab tu 'gro ba dang / rgyab na gnas pa dang / lto na gnas pa dang / 'chad par byed pa dang / 'gas
149a2 par byed pa dang / gzer ba dang / 'dar bu dang / sna skang dang / rlung skran dang / dbug 'byung ba dang rngub pa dang ldan pa dang / yan lag dang nying lag la gnas pa'i rlung dag dang / gzhan yang gang dag lus 'di la nang gi khong na
149a3 rlung dang / rlung gi rnam pa dang / yang pa nyid dang / g.yo ba nyid dang / lus su gtogs pa dang / zin pa 'di ni nang gi rlung gi khams shes bya'o/ /phyi rol gyi rlung gi khams gang zhe na/ gang phyi rol gyi rlung dang / rlung gi rnam pa dang /
149a4 yang ba nyid dang / g.yo ba nyid dang / lus su ma gtogs pa dang / ma zin pa dag ste/ phyi rol gyi rlung de yang shar phyogs kyi rlung yod do/ /lho phyogs dang / nub phyogs dang / byang phyogs kyi rlung yod do/ /rdul dang bcas pa
149a5 dang / rdul med pa dang / chung ba dang / che ba'i rlung yod do/ /kun tu khyab pa'i rlung dang / rnam par 'thor ba'i rlung dang / tshub ma'i rlung dag kyang yod do/ /rgyal po chen po rlung gi phung po chen po langs na shing dag kyang gcog /
149a6 rtsig pa'i kha dag dang / ri'i rtse mo dag kyang snyil zhing bsnyil nas rmeg med par 'gyur ba dag dang / yang sems can dag gos kyi mtha' ma 'am/ sbud pa 'am/ rlung yab dag gis rlung g.yob pa'i dus de yod de
149a7 gzhan yang gang tshul 'di dang 'dra ba de ni phyi rol gyi rlung gi khams shes bya'o/ /rgyal po chen po de la nang dang phyi'i rlung gi khams ni 'byung ba'i tshe yang gang nas kyang mi 'ong ngo / /'gag pa'i tshe yang gang du yang sogs par mi
149a8 'gro ste/ rang bzhin dang bral ba'i phyir med pa las yod par 'gyur zhing / yod par gyur nas med par 'gyur ro/ /rgyal po chen po de la nam mkha'i khams kyang rnam pa gnyis te/ nang gi dang / phyi rol gyi'o/ /
149b1 nang gi nam mkha'i khams gang zhe na/ gang ci yang rung ste/ lus 'di la nang gi khong nas lus la yod pa dang / zin pa dang / nam mkha' dang / nam mkha'i rnam pa nang zhes bya ba'i grangs su 'gro ba/ ma gang ba dang / lpags pa dang / sha dang
149b2 khrag gis dgang bar bya ba ma yin pa'o/ /de yang gang zhe na/ lus 'di la mig gi nang zhe 'am/ rna ba/ sna'i nang zhe 'am/ kha zhe'am/ kha'i sgo zhe 'am/ lkog ma zhe 'am/ mid pa zhe 'am/ gang na mid pa dang gang du gnas
149b3 pa dang / bdag gis zos pa dang / 'thungs pa dang / 'chos pa dang / myangs pa rnams mthur du rgyu bar byed pa dang / gzhan yang gang lus 'di la nang gi khong na lus la yod pa dang / zin pa phung por gyur pa 'am/ khams su gyur ba 'am/
149b4 skye mched du gyur pa dag gi nam mkha' dang / nam mkha'i rnam pa dang / ma gang ba dang / lpags pa dang / sha dang / khrag gis dgang bar bya ba ma yin pa nang gi grangs su 'gro ba khong stong dang / bu ga zhes bya ba dag ste/ de ni nang gi nam
149b5 mkha'i khams so/ /phyi rol gyi nam mkha'i khams gang zhe na/ gang ci yang rung ste/ phyi rol gyi nam mkha' dang / nam mkha'i rnam pa dang / ma gang ba dang / gzugs su gyur pas dgang bar bya ba ma yin pa ma 'dres pa
149b6 khong stong dang / bu gar gyur ba 'di ni phyi rol gyi nam mkha'i khams shes bya'o/ /rgyal po chen pa gang las kyi rkyen gyi skye mched rnams 'byung ba'i dus de yod de/ de dag nam mkha'i khams la sgrib par 'gyur te/ de nang gi nam
149b7 mkha'i khams shes bya ba'i grangs su 'gro yang de ni ga las kyang ma 'ongs so/ /rgyal po chen po gzugs zhig na thams cad nam mkhar 'gyur ba'i dus de yod do/ /de ci'i phyir zhe na/ nam mkha'i khams ni zad mi shes pa'i
149b8 phyir ro/ /de ni nang gi nam mkha'i khams shes bya bar shes par bya ste/ gnas shing mi g.yo ba'o/ /rgyal po chen po 'di lta ste/ dper na 'dus ma byed ni mya ngan las 'das pa'i dbyings te/ de bzhin du nam mkha'i khams
150a1 kyang thams cad du song bar blta bar bya'o/ /rgyal po chen po 'di lta ste/ dper na mi zhig gis thang la khron pa 'am/ rdzing bu 'am/ khron rings sam/ rdzing zhig brkos na/ rgyal po chen po de la ji snyam du
150a2 sems/ de'i nam mkha' 'deg las 'ongs/ gsol pa/ bcom ldan 'das de ni ga las kyang ma mchis so/ /rgyal po chen po 'di lta ste/ dper na mi des khron pa nas rdzing gi bar de dag phyir bkang na/
150a3 rgyal po chen po de la ji snyam du sems/ de'i nam mkha' 'di gang du song / gsol pa/ bcom ldan 'das de ni gang du yang ma mchis te/ de ci'i slad du zhe na/ nam mkha'i khams ni 'gro ba 'am 'ong bar nye bar
150a4 gnas pa ma lags/ bud med kyi dngos po dang / skyes pa'i dngos por nye bar gnas pa ma lags pa'i slad du'o/ /bka' stsal pa/ rgyal po chen po de ltar na phyi rol gyi nam mkha'i khams ni mig g.yo mi 'gyur ba'o/ /
150a5 de ci'i phyir zhe na/ nam mkha'i khams ni nam mkha'i khams kyis stong zhing / nam mkha'i khams ni nam mkha'i khams dang bral ba ste/ nam mkha'i khams ni bud med kyi dngos por nye bar mi gnas/
150a6 skyes pa'i dngos por nye bar mi gnas kyis/ de ltar yang dag pa ji lta ba bzhin du yang dag pa'i shes rab kyis rtogs shig /rgyal po chen po de la rnam par shes pa'i khams gang zhe na/ mig gi dbang po ni bdag po/
150a7 gzugs ni dmigs pa/ gzugs so sor rnam par rig pa ste/ sngon po rnam par rig pa 'am/ ser po dang / dmar po dang / khra bo rnam par rig pa 'am/ ring po dang / thung ngu dang / sbom po dang / phra mo rnams
150a8 par rig pa ste/ rgyal po chen po de ltar gang ci yang rung / kha dog dang / dbyibs rnam par rig pa 'di ni mig gi rnam par shes pa'i khams shes bya'o/ /de bzhin du gang ci yang rung rna ba'i dbang po ni bdag po nas
150b1 yid kyi dbang po ni bdag po/ chos ni dmigs pa ste/ sgra rnam par rig pa 'am/ dri rnam par rig pa 'am/ ro rnam par rig pa 'am/ reg rnam par rig pa 'am/ chos rnam par rig pa 'di ni rna ba'i rnam par shes pa'i
150b2 khams nas yid kyi rnam par shes pa'i bar gyi khams te/ de ltar dbang po drug ni bdag po/ yul drug ni dmigs pa yin la/ yul rnam par rig pa 'di ni rnam par shes pa'i khams shes bya'o/ /rgyal po chen po rnam par
150b3 shes pa'i khams de ni dbang po la mi rten/ yul rnams las ma 'ongs/ bar gyi dbus na mi gnas te/ de ni nang na ma yin/ phyi rol na ma yin/ gnyis med pa la yang ma yin no/ /rnam par shes pa'i khams de ni dngos
150b4 po so sor rnam par rig nas 'gag ste/ de 'byung ba'i tshe gang nas kyang ma 'ongs/ 'gag pa'i tshe gang du yang mi 'gro'o/ /rnam par shes pa'i khams de 'byung ba yang stong / 'jig pa yang stong ste/ rnam par shes
150b5 pa'i khams de byung yang rang bzhin gyis stong ngo / /rgyal po chen po de ltar na tha snyad ma gtogs par rnam par shes pa'i khams de ni rnam par shes pa'i khams nyid kyis stong ste/ tha snyad de yang skyes pa ma yin/
150b6 bud med ma yin gyis/ de ni de ltar yang dag pa ji lta ba bzhin du yang dag pa'i shes rab kyis rtogs shig /rgyal po chen po de la mig gi skye mched gang zhe na/ de ni 'byung ba chen po bzhi dang ba ste/ 'di ltar sa'i khams
150b7 dang / chu'i khams dang / me'i khams dang / rlung gi khams so/ /de la sa'i khams dang ba ni mig gi skye mched ma yin no/ /chu'i khams dang ba yang ma yin no/ /me'i khams dang ba yang ma yin no/ /rlung gi khams
150b8 dang ba yang mig gi skye mched ma yin no/ /de ci'i phyir zhe na/ sa'i khams dang ba ni chos gang la yang skye mched dam/ skye mched thob par bya bar nye bar mi gnas so/ /de bzhin du rlung gi bar gyi khams dang ba ni chos
151a1 gang la yang skye mched dam/ skye mched thob par bya ba nye bar mi gnas so/ /de ci'i phyir zhe na/ chos de dag ni sems pa med cing byed pa med la ci yang mi nus pa ste/ rgyal po chen po chos rnams ni re re
151a2 nas btsal na tha snyad tsam ma gtogs par mig gi skye mched mi dmigs so/ /de ci'i phyir zhe na/ sa'i khams dang ba ni sa'i khams dang bas stong / rlung gi khams dang ba'i bar ni rlung gi khams dang bas stong ste/
151a3 chos gang dag rang bzhin gyis stong pa de dag la dang ba 'am/ 'khrugs par 'gyur ba yang ga la yod de/ gang la dang ba 'am/ 'khrugs pa mi dmigs pa de dag ji ltar gzugs la lta bar 'gyur/ de ltar mig gi
151a4 skye mched ni mig gi skye mched kyi rang bzhin gyi shin du stong ste/ de ni 'ong ba dang / 'gro ba med pa'i phyir sngon gyi mthar yang mi dmigs so/ /phyi ma'i mtha' yang mi dmigs so/ /rang bzhin med pa'i phyir de la gnas pa yang mi
151a5 dmigs so/ /gang rang bzhin gyis med pa de ni bud med kyang ma yin/ skyes pa yang ma yin no/ /gang bud med kyang ma yin/ skyes pa yang ma yin pa ni des rlom sems su ga la 'gyur te/ rgyal po chen po
151a6 rlom sems ni bdud kyi spyod yul lo/ /rlom sems med pa ni sangs rgyas kyi spyod yul lo/ /de ci'i phyir zhe na/ chos thams cad ni rlom sems dang bral ba'o/ /rgyal po chen po yang dag pa ji lta ba bzhin du
151a7 rtogs na mig gi skye mched ni mig gi skye mched kyis stong ngo / /de ci'i phyir zhe na/ mig gi skye mched 'di la ni mtshan ma med de/ de'i phyir mig gi skye mched kyi mtshan ma 'di ni mig gi skye mched kyis stong ste/ 'di ni
151a8 stong pa nyid do/ /mig gi skye mched ni mtshan ma dang bral ba ste/ 'di ni mtshan ma med pa'o/ /de ni smon par mi byed pas 'di ni smon pa med pa'o/ /rgyal po chen po de ltar na mig gi skye mched ni rnam par thar
151b1 pa'i sgo gsum ste/ mig gi skye mched ni rnam par thar pa la mngon par phyogs pa'o/ /rgyal po chen po de la rna ba'i skye mched nas lus kyi skye mched kyi bar gang zhe na/ gang 'byung ba chen po bzhi dang ba'o/ /rgyal po chen po de ltar na chos
151b2 thams cad kyi bar ni rnam par thar pa la mngon par phyogs pa/ chos kyi dbyings su nges pa/ nam mkha'i khams kyi mthas klas pa/ gdags su med pa/ tha snyad med pa/ brjod du med pa/ brjod par bya ba ma yin pa'o/ /rgyal po
151b3 chen po gang la dbang po rnams thogs par 'gyur ba de ni yul rnams shes bya ste/ mig ni gzugs rnams la thogs par 'gyur bas de'i phyir gzugs rnams ni mig gi yul zhe bya'o/ /de bzhin du rna ba ni sgra rnams la/ sna ni
151b4 dri rnams la/ lce ni ro rnams la/ lus ni reg bya rnams la/ yid ni chos rnams la thogs par 'gyur bas de'i phyir chos rnams ni yid kyi yul zhes bya'o/ /de la mig gzugs rnams la thogs so zhes bya ba 'di
151b5 ni 'bab pa'i thogs par 'gyur bar bstan te/ 'di ltar mig ni gzugs rnams la rnam pa gsum du 'bab ste/ 'thun pa rnams la sdug pa'i 'du shes kyis 'bab pa dang / mi mthun pa rnams la khong khrod pa'i 'du
151b6 shes kyis 'bab pa dang / 'thun pa yang ma yin mi 'thun pa yang ma yin pa rnams la btang snyoms kyi 'du shes kyis 'bab pa'o/ /de bzhin du yid ni chos rnams la thogs par 'gyur ro/ /zhes bya ba 'di ni 'bab pa'i
151b7 thogs par 'gyur bar bstan te/ 'di ltar yid ni chos rnams la rnam pa gsum du 'bab ste/ 'thun pa rnams la rjes su chags pas 'bab pa dang / mi mthun pa rnams la khong khro bas 'bab pa dang / 'thun pa yang ma
151b8 yin mi mthun pa yang ma yin pa rnams la rmongs pas 'bab pa'i yul de dag ni yid kyi spyod yul zhes bya ste/ de la yid spyod cing rnam par spyod pas de'i phyir yid kyi spyod yul zhes bya'o/ /rgyal po chen po yid de 'thun pa'i
152a1 gzugs rnams rjes su chags par spyod pa des ni de'i 'dod chags skye bar 'gyur/ mi mthun pa'i gzugs rnams la khong khro bar spyod pa des ni de'i zhe sdang skye bar 'gyur/ 'thun pa yang ma yin mi mthun pa yang ma yin pa
152a2 rnams la rmongs par spyod pa des ni de'i gti mug skye bar 'gyur te/ de bzhin du sgra dang / dri dang / ro dang / reg bya rnams la yang chos rnam pa gsum la dmigs pa myong bar 'gyur te/ rjes su chags pa dang / khong khro ba dang / rmongs par
152a3 'gyur ba'o/ /yid kyi shes bya 'thun pa'i chos rnams la rjes su chags par spyod pa des ni de'i 'dod chags skye bar 'gyur/ mi mthun pa'i chos rnams la khong khro bar spyod pa des na de'i zhe sdang skye bar 'gyur/ 'thun pa yang ma yin
152a4 mi mthun pa yang ma yin pa'i chos rnams la rmongs par spyod pa des ni de'i gti mug skye bar 'gyur ro/ /rgyal po chen po de la dbang po rnams ni sgyu ma lta bu/ yul rnams ni rmi lam lta bur shes par bya ste/ rgyal po chen
152a5 po 'di lta ste/ dper na mi zhig nyal ba'i rmi lam na yul gyi bzang mo dang lhan cig tu yongs su spyod pa rmis la/ de nyal ba las sad na bud med yul gyi bzang mo de rjes su dran par gyur na rgyal po chen po de la ji snyam du sems
152a6 rmi lam na mthong ba'i yul gyi bzang mo de yod dam/ gsol pa/ bcom ldan 'das de ni ma mchis so/ /bka' stsal pa/ rgyal po chen po de la ji snyam du sems/ skyes bu gang rmi lam na yul gyi bzang mo rmi ba'i bud med
152a7 de dang lhan cig rtse ba dang / dga' ba dang / mngon par zhen par 'gyur ba de mkhas pa'i rang bzhin can yin nam/ gsol pa/ bcom ldan 'das de ni ma lags te/ de ci'i slad du zhe na/ bcom ldan 'das rmi
152a8 lam na mthong ba'i yul gyi bzang mo de ni shin tu ma mchis shing mi dmigs na de dang lhan cig tu yongs su spyod pa lta ga la mchis te/ gzhan du na gang de la mngon par zhen pa'i mi de ni phongs shing dub pa'i skal pa can du
152b1 'gyur ro/ /bcom ldan 'das kyis bka' stsal pa/ rgyal po chen po de bzhin du byis pa so so'i skye bo thos pa dang mi ldan pa yang mig gis gzugs mthong na yid bde bar 'gyur ba rnams la mngon par zhen par 'gyur te/ de mngon
152b2 par zhen pas rjes su chags par 'gyur ro/ /rjes su chags par gyur nas yongs su 'chags par 'gyur ro/ /yongs su chags par gyur nas 'dod chags las byung ba'i las lus kyis rnam pa gsum/ ngag gis ni
152b3 rnam pa bzhi/ yid kyis ni rnam pa gsum mngon par 'du byed de/ las mngon par 'du byas pa de yang thog ma nyid nas zad cing 'gags la bral zhing rnam par gyur pa ste/ shar phyogs su brten te gnas pa ma yin/ lho phyogs
152b4 dang / nub phyogs dang / byang phyogs dang / 'og dang / steng dang / phyogs mtshams rnams su brten de gnas pa ma yin/ 'di na ma yin/ pha bi na ma yin/ bar ma do na ma yin te/ dus gzhan na 'chi ba'i dus dang tshod nye bar gnas
152b5 pa'i tshe srog gi dbang po 'gags te/ tshe yang yongs su zad cing de dang skal pa 'dra ba'i las rnams kyang zad nas rnam par shes pa tha ma 'gag pa'i tshe 'di lta ste/ dper na nyal nyal ba las sad pa'i yul gyi bzang mo dang 'dra bar
152b6 yid kyis dmigs par 'gyur ro/ /rgyal po chen po de la rnam par shes pa tha ma'i dbang dang / las dmigs pa de dag dang / rkyen gnyis kyis skye ba'i char gtogs pa'i rnam par shes pa dang po 'byung ste/ yang na ni sems can dmyal
152b7 bar/ yang na ni dud 'gro'i skye gnas su/ yang na ni gshin rje'i 'jig rten du/ yang na ni lha ma yin gyi ris su/ yang na ni mi'i nang du/ yang na ni lha'i nang du 'byung bar 'gyur te/ rnam par shes pa dang po skye ba'i char gtogs pa de
152b8 'gags ma thag tu bar ma chad par gang la rnam par smin pa myong bar 'gyur ba mngon pa'i sems kyi rgyud skal pa 'ang 'byung ngo / /de la gang rnam par shes pa tha ma 'gag pa de ni 'chi 'pho zhes bya ba'i grangs su 'gyur/ gang rnam par
153a1 shes pa dang po 'byung ba de ni skye ba zhes bya ste/ rgyal po chen po de ltar na chos gang yang 'jig rten 'di na 'jig rten pha rol du 'pho ba yang med la/ 'chi 'pho dang skye bar mngon pa yang yod de/ rgyal po chen po rnam par shes pa tha ma de skye ba'i tshe yang gang nas
153a2 kyang mi 'ong / 'gag pa'i tshe yang gang du yang mi 'gro'o/ /las de yang skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /rnam par shes pa dang po de skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /
153a3 de ci'i phyir zhe na/ ngo bo nyid med pa'i phyir te/ rnam par shes pa tha ma ni rnam par shes pa tha mas stong / las ni las kyis stong / rnam par shes pa dang po ni rnam par shes pa dang pos stong / 'chi 'pho ni 'chi 'phos stong / skye ba ni skye bas stong la/
153a4 las rnams 'bras bu med par mi 'gyur zhing rnam par smin pa myong bar mngon pa yang yod de/ de la ming gi brda tsam ma gtogs par byed pa po 'am/ za ba po gang yang med do/ /rgyal po chen po 'di lta ste dper na mi zhig nyal ba'i rmi lam na dgra dang
153a5 'thab pa zhig rmis pa/ nyal ba las sad nas de nyid dran par gyur na/ rgyal po chen po de la ji snyam du sems/ rmi lam du rmis pa'i dgra de 'am/ dgra de dang 'thab pa yod dam/ gsol pa/ bcom ldan 'das de ni ma mchis so/ /
153a6 bka' stsal pa/ rgyal po chen po 'di la ji snyam du sems/ 'o na skyes bu gang rmi lam gyi dgra la mngon par zhen pa 'am/ dgra dang 'thab par gyur pa de mkhas pa'i rang bzhin can ma yin nam/ gsol pa/ bcom ldan 'das de ni
153a7 ma lags te/ de ci'i slad zhe na/ bcom ldan 'das rmi lam na mthong ba'i dgra nyid kyang shin du ma mchis shing mi dmigs na de dang 'thab pa lta ga la mchis te/ gzhan du na gang de la mngon par zhen pa'i mi de na phongs shing
153a8 dub pa'i skal pa can du 'gyur ro/ /bcom ldan 'das kyis bka' stsal pa/ rgyal po chen po de bzhin du byis pa so so'i skye bo thos pa dang mi ldan pa yang mig gis gzugs mthong na yid mi bde bar 'gyur ba rnams la yang
153b1 mngon par zhen par 'gyur te/ mngon par zhen par gyur nas khong khro bar 'gyur/ khong khro par gyur nas zhe sdang bar 'gyur/ zhe sdang bar gyur nas zhe sdang las byung ba'i las lus kyis ni rnam pa gsum/ ngag gis ni rnam pa bzhi/
153b2 yid kyis ni rnam pa gsum mngon par 'du byed de/ las mngon par 'du byas pa de yang thog ma nyid nas zad cing 'gags la bral zhing rnam par gyur pa ste/ shar phyogs su brten te gnas pa ma yin/ lho phyogs dang / nub phyogs dang /
153b3 byang phyogs dang / 'og dang / steng dang / phyogs mtshams rnams su brten te gnas pa ma yin/ 'di na ma yin/ pha bi na ma yin/ bar ma do na ma yin te/ dus gzhan 'chi ba'i dus dang tshod nye bar gnas pa'i tshe srog gi dbang
153b4 po 'gags te tshe yang yongs su zad cing de dag skal pa 'dra ba'i las rnams kyang zad nas rnam par shes pa tha ma 'gag pa'i tshe 'di lta ste/ dper na nyal nyal ba las sad pa'i dgra dang 'thab pa dang 'dra bar yid kyis dmigs par
153b5 'gyur ro/ /rgyal po chen po de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa rnam par shes pa dang po 'byung ste skyes so zhes bya ba'i grangs su 'gro'o/ /rnam par shes pa dang
153b6 po de 'gags ma thag tu bar ma chad par gang la rnam par smin pa myong bar 'gyur ba mngon pa'i sems kyi rgyud skal ba 'dra ba 'byung ngo / /de la gang rnam par shes pa tha ma 'gag pa de ni 'chi 'pho zhes bya ba'i grangs su 'gyur/ gang
153b7 rnam par shes pa dang po 'byung ba de la ni skye ba zhes bya ste/ rgyal po chen po de ltar na chos gang yang 'jig rten 'di nas 'jig rten pha rol tu 'pho ba yang med la 'chi 'pho dang skye bar mngon par yang yod de/ rgyal po chen po rnam
153b8 par shes pa tha ma de skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /las de dang / skye ba de dang / rnam par shes pa dang po skye ba'i char gtogs pa de yang skye ba'i tshe yang gang nas kyang mi 'ong /
154a1 'gag pa'i tshe yang gang du yang mi 'gro'o/ /de ci'i phyir zhe na/ ngo bo nyid med pa'i phyir te/ rnam par shes pa tha ma ni rnam par shes pa thams cad stong / rnam par shes pa dang po ni rnam par shes pa dang pos stong / las ni las kyis
154a2 stong / 'chi 'pho ni 'chi 'phos stong / skye ba ni skye bas stong la/ las rnams 'bras bu med par mi 'gyur zhing rnam par smin pa myong bar mngon pa yang yod de de la ming gi brdar bya ba ma gtogs par byed pa po 'am/ za ba po gang yang med do// //
154a3 bam po bcu gsum pa/ rgyal po chen po 'di lta ste dper na mi zhig nyal ba'i rmi lam na 'dres non pa rmis te/ 'jigs pas shin du rmongs par gyur la/ nyal ba las sad nas 'dre de dang shin tu rmongs par gyur pa de dran par gyur na/ rgyal po
154a4 chen po de ji snyam du sems/ rmi lam na mthong ba'i 'dre dang shin tu rmongs par gyur pa de yod dam/ gsol pa/ bcom ldan 'das de ni ma mchis so/ /bka' stsal pa/ rgyal po chen po de ji snyam du sems/ 'o na de ltar rmi lam na mthong
154a5 ba'i 'dre la mngon par zhen cing shin tu rmongs par gyur pa'i mi de mkhas pa'i rang bzhin can yin nam/ gsol pa/ bcom ldan 'das de ni ma lags te/ de ci'i slad du zhe na/ bcom ldan 'das rmi lam gyi 'dre ni shin du ma mchis na shin du
154a6 rmongs pa lta ga la mchis te/ gzhan du gang de la mngon par zhen pa'i mi de ni phongs shing dub pa'i skal pa can du 'gyur ro/ /bcom ldan 'das kyis bka' stsal pa/ rgyal po chen po de bzhin du byis pa so so skye bo thos pa dang mi ldan pa
154a7 yang mig gis gzugs mthong na btang snyoms su 'gyur ba rnams la yang mngon par zhen par 'gyur te/ mngon par zhen pas shin du rmongs par 'gyur ro/ /shin du rmongs nas kun nas nyon mongs par 'gyur ro/ /kun nas nyon mongs
154a8 nas gti mug las byung ba'i las lus kyi ni rnam pa gsum/ ngag gis ni rnam pa bzhi/ yid kyis ni rnam pa gsum mngon par 'du byed de/ las mngon par 'du byas pa de yang thog pa nyid nas zad cing 'gags la bral zhing rnam par
154b1 gyur pa ste/ shar phyogs su brten te gnas pa ma yin/ lho phyogs dang / nub phyogs dang / byang phyogs dang / 'og dang / steng dang / phyogs mtshams rnams su brten te gnas pa ma yin/ 'di na ma yin/ pha bi na ma yin/ bar ma do na ma yin te/
154b2 dus gzhan na 'chi ba'i dus dang tshod nye bar gnas pa'i tshe srog gi dbang po 'gags te tshe yang yongs su zad cing de dang skal pa 'dra ba'i las rnams kyang zad nas rnam par shes pa tha ma 'gag pa'i tshe 'di lta ste dper na nyal nyal ba las
154b3 sad pa'i 'dre dang shin du rmongs pa dang 'dra bar yid kyis dmigs par 'gyur ro/ /rgyal po chen po de la rnam par shes pa tha ma'i dbang dang / las dmigs pa dang / rkyen gnyis kyis skye ba'i char gtogs pa'i rnam par shes pa dang po 'byung ste/
154b4 rnam par shes pa dang po de 'gags ma thag tu bar ma chad par gang la rnam par smin pa myong bar mngon pa'i sems kyi rgyud skal ba 'dra ba 'byung ngo / /de la gang rnam par shes pa tha ma 'gag pa de ni 'chi 'pho zhes bya ba'i
154b5 grangs su 'gyur/ gang rnam par shes pa dang po 'byung ba de ni skye ba zhes bya ste/ rgyal po chen po de ltar na chos gang yang 'jig rten 'di nas 'jig rten pha rol du 'pho ba yang med la/ 'chi 'pho dang skye bar mngon pa yang yod de/ rgyal po
154b6 chen po rnam par shes pa tha ma de skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /las de yang skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /rnam par shes pa dang
154b7 po de yang skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ ngo bo nyid med pa'i phyir te/ rnam par shes pa tha ma ni rnam par shes pa tha mas stong / las ni las kyis stong / rnam
154b8 par shes pa dang po ni rnam par shes pa dang pos stong / 'chi 'pho ni 'chi 'phos stong / skye ba ni skye bas stong / las 'bras bu med par mi 'gyur bar yang mngon zhing rnam par smin pa myong bar mngon pa yang yod de/ de la ming
155a1 gi brda tsam ma gtogs par byed pa po 'am/ za ba po gang yang med do/ /rgyal po chen po 'di lta ste/ dper na mi zhig nyal ba'i rmi lam na yul gyi bud med bzang mo glu len pa'i glu snyan pa dang / pi bang len pa'i sgra snyan pa nyan
155a2 cing / de glu dang rol mo'i sgra de yongs su sbyong ba rmis la/ nyal ba las sad nas glu dang rol mo de nyid dran par gyur na/ rgyal po chen po de ji snyam du sems/ rmi lam na mthong ba'i yul gyi bud med bzang mo dang / glu dang / rol mo'i
155a3 sgra de yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rgyal po chen po 'o na de ltar rmi lam na mthong ba'i yul gyi bu med bzang mo dang / glu dang / rol mo'i
155a4 sgra la mngon par zhen pa'i mi de mkhas pa'i rang bzhin can yin nam/ gsol pa/ bcom ldan 'das de ni ma lags te/ de ci'i slad du zhe na/ rmi lam na mthong ba'i yul gyi bud med bzang mo de ni shin du ma
155a5 mchis shing mi dmigs na de'i glu dang rol mo'i sgra lta ga la mchis te/ gzhan du na gang de la zhen pa'i mi de ni 'phongs shing dub pa'i skal pa can du 'gyur ro/ /bcom ldan 'das kyis bka' stsal pa/ rgyal po chen
155a6 po de bzhin du byis pa so so'i skye bo thos pa dang mi ldan pa yang rna bas sgra thos na yid du 'ong ba rnams la mngon par zhen par 'gyur te/ de mngon par zhen pas rjes su chags par 'gyur ro/ /rjes su chags
155a7 par gyur nas yongs su chags par 'gyur ro/ /yongs su chags par gyur nas 'dod chags las byung ba'i las lus kyis ni rnam pa gsum/ ngag gis ni rnam pa bzhi/ yid kyis ni rnam pa gsum mngon par
155a8 'du byed de/ las de mngon par 'du byas pa de yang thog ma nyid nas zad cing 'gags la bral zhing rnam par gyur pa ste/ shar phyogs su brten te gnas pa ma yin/ lho phyogs dang / nub phyogs dang / byang
155b1 phyogs dang / 'og dang / steng dang / phyogs mtshams rnams su brten te gnas pa ma yin/ 'di na ma yin/ pha bi na ma yin/ bar ma do na ma yin te/ dus gzhan 'chi ba'i dus dang tshod nye bar gnas pa'i tshe srog gi dbang po 'gags te/
155b2 tshe yang yongs su zad cing de dang skal pa 'dra ba'i las rnams kyang zad nas rnam par shes pa tha ma 'gag pa'i tshe 'di lta ste/ dper na nyal nyal ba las sad pa'i yul gyi bzang mo'i glu dang rol mo'i sgra lta bur yid kyis dmigs
155b3 par 'gyur rgyal po chen po de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa'i rnam par shes pa dang po 'byung ste/ rnam par shes pa dang po skye ba'i char gtogs pa'i 'gags
155b4 ma thag tu gang la rnam par smin pa myong bar 'gyur ba mngon pa'i sems kyi rgyud skal pa 'dra ba 'byung ngo / /de la gang rnam par shes pa tha ma 'gag pa de ni 'chi 'pho zhes bya ba'i grangs su 'gyur/ gang rnam par shes pa dang po 'byung ba
155b5 de ni skye ba zhes bya ste/ rgyal po chen po de ltar na chos gang yang 'jig rten 'di nas 'jig rten pha rol du 'pho ba yang med la/ 'chi 'pho dang skye bar mngon pa yang yod de/ rgyal po chen po rnam par shes pa tha ma de skye ba'i tshe yang gang nas
155b6 kyang mi 'ong / 'gag pa'i tshe yang gang du yang mi 'gro'o/ /las de yang skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /rnam par shes pa dang po de yang skye ba'i tshe yang gang nas kyang mi 'ong / 'gag pa'i tshe
155b7 yang gang du yang mi 'gro'o/ /de ci'i phyir zhe na/ rang bzhin gyis stong pa'i phyir te/ rnam par shes pa tha ma ni rnam par shes pa tha mas stong / las ni las kyis stong / rnam par shes pa dang po ni rnam par shes pa dang pos stong / 'chi
155b8 'pho ba ni 'chi 'phos stong / skye ba ni skye bas stong la/ las rnams 'bras bu med par mi 'gyur zhing rnam par smin pa myong bar mngon pa yang yod de/ de la ming gi brda tsam ma gtogs par byed pa po 'am/ za ba po gang yang med do/ /
156a1 rgyal po chen po 'di lta ste/ dper na mi zhig nyal ba'i rmi lam na ma shi ba 'am/ pha shi ba 'am/ sdug pa gang yang rung ba dag dang bral te/ sdug pa dang bral bas mya ngan du gyur nas nyam thag par ngu ba zhig rmis la/ de nyal ba las sad
156a2 nas sdug pa dang bral ba de dang / sdug bsngal zhing ngu ngu ba de dran na/ rgyal po chen po de ji snyam du sems/ rmi lam gyi sdug pa dang bral ba de yod dam/ gsol pa/ bcom ldan 'das de ni ma mchis so/ /bka' stsal pa/ rgyal po
156a3 chen po 'o na skye bu gang rmi lam gyi sdug pa dang bral ba dang / sdug bsngal bar ngu ba la mngon par zhen pa de mkhas pa'i rang bzhin can yin nam/ gsol pa/ bcom ldan 'das de ni ma lags te/ de ci'i slad du zhe na/ bcom ldan 'das rmi
156a4 lam na mthong ba'i sdug pa nyid kyang shin du ma mchis na/ de dang bral ba dang / mya ngan bgyis pa dang / ngus pa dang / smre sngags bton pa lta ga la mchis te/ gzhan du na gang rmi lam na mthong ba'i sdug pa dang bral ba dang / sdug bsngal dang /
156a5 ngus pa las mngon zhen pa'i mi de ni phongs shing dub pa'i skal pa can du 'gyur ro/ /bcom ldan 'das kyis bka' stsal pa/ rgyal po chen po de bzhin du byis pa so so'i skye bo thos pa dang mi ldan pa yang rna bas sgra
156a6 thos na yid du mi 'ong ba rnams la yang mngon par zhen par 'gyur te/ mngon par zhen nas khong khro bar 'gyur/ khong khro bar gyur nas zhe sdang bar 'gyur/ zhe sdang bar gyur nas zhe sdang las byung ba'i las lus kyi ni rnam
156a7 pa gsum/ ngag gis ni rnam pa bzhi/ yid kyis rnam pa gsum mngon par 'du byed de/ las mngon par 'du byas pa de yang thog pa nyid nas zad cing 'gags la bral zhing rnam par gyur pa ste/ shar phyogs su brten
156a8 te gnas pa ma yin/ lho phyogs dang / nub phyogs dang / byang phyogs dang / 'og dang / steng dang / phyogs mtshams rnams su brten te gnas pa ma yin/ 'di na ma yin/ pha bi na ma yin/ bar ma do na ma yin/ dus gzhan na
156b1 'chi ba'i dus dang tshod nye bar gnas pa'i tshe srog gi dbang po 'gags te tshe yang yongs su zad cing de dang skal pa 'dra ba'i las rnams kyang zad nas rnam par shes pa tha ma 'gag pa'i tshe 'di lta ste dper na nyal nyal ba las sad pa'i sdug
156b2 pa dang bral ba dang / sdug bsngal bar ngu ba lta bur yid kyis dmigs par 'gyur ro/ /rgyal po chen po de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa'i rnam par shes
156b3 pa dang po 'byung ste/ rnam par shes pa dang po de 'gags ma thag tu bar ma chad par gang la rnam par smin pa myong bar 'gyur ba mngon pa'i sems kyis rgyud skal pa 'dra ba 'byung ngo / /de la gang rnam par shes pa tha ma 'gag pa
156b4 de ni 'chi 'pho zhes bya ba'i grangs su 'gyur/ gang rnam par shes pa dang po 'byung ba de ni skye ba zhes bya ba'i grangs su 'gyur te/ rgyal po chen po de ltar na chos gang yang 'jig rten 'di nas 'jig rten pha rol du 'pho ba yang med la/
156b5 'chi 'pho dang skye bar mngon par yang yod de/ rgyal po chen po rnam par shes pa tha ma de skye ba'i tshe yang gang nas kyang mi 'ongs/ 'gag pa'i tshe yang gang du yang mi 'gro'o/ /las dang / rnam par smin pa dang / rnam par shes pa
156b6 dang po yang skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ rang bzhin gyis stong pa'i phyir te/ rnam par shes pa tha ma ni rnam par shes pa tha ma'i rang bzhin gyis stong /
156b7 las dang / rnam par smin pa dang / rnam par shes pa dang po ni rnam par shes pa dang po'i rang bzhin gyis stong / 'chi 'pho ni 'chi 'pho'i rang bzhin gyis stong / skye ba ni skye ba'i rang bzhin gyis stong / 'khor ba yang 'khor
156b8 ba'i rang bzhin gyis stong ste/ rgyal po chen po de ltar chos thams cad stong pa 'di ni rnam par thar pa'i sgo stong pa nyid do/ /gang stong pa nyid kyi mtshan mas stong pa 'di ni rnam par thar pa'i sgo mtshan ma med pa'o/ /
157a1 gang la mtshan ma med pa de la smon pa med de/ 'di ni rnam par thar pa'i sgo smon pa med pa'o/ /rgyal po chen po de ltar na chos thams cad ni rnam par thar pa'i sgo ste/ mya ngan las 'das pa la gzhol ba/ stong pa nyid du yang dag
157a2 par 'du ba/ chos kyi dbyings su nges pa/ nam mkha'i khams kyi mthas gtugs pa'o/ /rgyal po chen po 'di lta ste dper na mi zhig nyal ba'i rmi lam na tshig gi don ma shes pa'i sgra zhig thos la/ nyal ba las sad nas
157a3 sgra de dran par gyur na rgyal po chen po de ji snyam du sems/ rmi lam na thos pa'i sgra de yod dam/ gsol pa/ bcom ldan 'das de ni ma mchis so/ /bka' stsal pa/ rgyal po chen po de ji snyam du sems/ 'o na rmi lam
157a4 na don ma shes pa'i sgra thos pa la mngon par zhen pa de mkhas pa'i rang bzhin can yin nam/ gsol pa/ bcom ldan 'das de ni ma lags te/ de ci'i slad du zhe na/ bcom ldan 'das rmi lam na thos pa'i sgra de nyid kyang
157a5 shin du ma mchis shing mi dmigs na/ tshig de'i don shes pa 'am/ tshig gi don ma shes pa lta ga la mchis te/ gzhan du na gang de la mngon par zhen pa'i mi de ni phongs shing dub pa'i skal pa can du 'gyur ro/ /bcom ldan
157a6 'das kyis bka' stsal pa/ rgyal po chen po de bzhin du byis pa so so'i skye bo thos pa dang mi ldan pa yang rna bas sgra thos na btang snyoms su gyur ba rnams la yang mngon par zhen par 'gyur te/ mngon par zhen nas shin
157a7 du rmongs par 'gyur ro/ /shin du rmongs pas gti mug las byung ba'i las lus kyis ni rnam pa gsum/ ngag gis ni rnam pa bzhi/ yid kyis ni rnam pa gsum mngon par 'du byed de/ las mngon par 'du byas pa de yang
157a8 thog ma nyid nas zad cing 'gags la bral zhing rnam par gyur pa ste/ shar phyogs su brten te gnas pa ma yin/ lo phyogs dang / nub phyogs dang / byang phyogs dang / 'og dang / steng dang / phyogs
157b1 mtshams rnams su brten te gnas pa ma yin/ 'di na ma yin/ pha bi na ma yin/ bar ma do na ma yin te/ dus gzhan na 'chi ba'i dus dang tshod nye bar gnas pa'i tsheg srog gi dbang po 'gags te tshe yang yongs su zad cing
157b2 de dang skal ba 'dra ba'i las rnams kyang zad nas rnam par shes pa tha ma 'gag pa'i tshe 'di lta ste dper na nyal nyal ba las sad pa'i tshig gi don ma shes pa'i sgra lta bur yid kyis dmigs par 'gyur ro/ /rgyal po chen po de la
157b3 rnam par shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa'i rnam par shes pa dang po 'byung ste/ rnam par shes pa dang po de 'gags ma thag tu bar ma chad par gang la rnam
157b4 par smin pa myong bar 'gyur ba mngon pa'i sems kyi rgyud skal pa 'dra ba 'byung de la gang rnam par shes pa tha ma 'gag pa de ni 'chi 'pho zhes bya ba'i grangs su 'gyur/ gang rnam par shes pa dang po 'byung ba de ni skye ba
157b5 zhes bya ba'i grangs su 'gyur te/ rgyal po chen po de ltar na chos gang yang 'jig rten 'di nas 'jig rten pha rol du 'pho ba yang med la 'chi 'pho dang skye bar mngon par yang yod de/ rgyal po chen po rnam par shes pa
157b6 tha ma de skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /las dang / rnam par smin pa dang / rnam par shes pa dang po yang skye ba'i tshe yang gang nas kyang mi 'ong / 'gag pa'i tshe yang gang
157b7 du yang mi 'ong / de ci'i phyir zhe na/ ngo bo nyid med pa'i phyir te/ rnam par shes pa tha ma ni rnam par shes pa tha ma'i rang bzhin gyis stong / las ni las kyi rang bzhin gyis stong / rnam par smin pa ni rnam par smin pa'i rang
157b8 bzhin gyis stong / rnam par shes pa dang po ni rnam par shes pa dang po'i rang bzhin gyis stong / 'chi 'pho dang skye ba ni 'chi 'pho dang skye ba'i rang bzhin gyis stong / 'khor ba ni 'khor ba'i rang bzhin gyis stong la/
158a1 las rnams chud ma za zhing rnam par smin pa myong bar mngon pa yang yod de/ de la ming gi brda tsam ma gtogs par byed pa po 'am/ za ba po gang yang med do/ /rgyal po chen po 'di ste dper na mi zhig nyal ba'i rmi
158a2 lam na tsan dan nam/ ta ma la'i lo ma 'am/ spos kyi rnam pa gzhan gang yang rung bas bdag gi lus bskus par rmis la/ nyal ba las sad nas tsan dan nam/ ta ma la'i lo ma 'am/ spos kyi rnam pa gzhan gang
158a3 yang rung ba de dag dran par gyur na/ rgyal po chen po de ji snyam du sems/ rmi lam na mthong ba'i tsan dan nam/ ta ma la'i lo ma 'am/ spos kyi rnam pa gzhan gang yang rung ba de dag yod dam/ gsol pa/ bcom ldan
158a4 'das de ni ma mchis so/ /bka' stsal pa/ rgyal po chen po de ji snyam du sems/ 'o na de ltar na rmi lam na mthong ba'i tsan dan nam/ ta ma la'i lo ma 'am/ spos kyi rnam pa gang yang rung ba de dag la mngon par zhen
158a5 cing des bdag gi lus skud pa de mkhas pa'i rang bzhin can yin nam/ gsol pa/ bcom ldan 'das de ni ma lags te/ de ci'i slad du zhe na/ bcom ldan 'das rmi lam gyi tsan dan nam/ ta ma la'i lo ma 'am/
158a6 spos kyi rnam pa gang yang rung ba de dag nyid kyang shin du ma mchis shing mi dmigs na des skud pa lta ga la mchis te/ gzhan du na gang de la mngon par zhen pa'i mi de ni phongs shing dub pa'i skal pa can du 'gyur ro/ /bcom ldan
158a7 'das kyis bka' stsal pa/ rgyal po chen po de bzhin du byis pa so so'i skye bo thos pa dang mi ldan pa yang snas dri tshor na yid bde bar 'gyur ba rnams la mngon par zhen par 'gyur te/ de mngon par zhen pas rjes
158a8 su 'chags par 'gyur ro/ /rjes su chags par gyur nas yongs su chags par 'gyur ro/ /yongs su chags par gyur nas 'dod chags las byung ba'i las lus kyis ni rnam pa gsum/ ngag gis ni rnam pa bzhi/
158b1 yid kyis ni rnam pa gsum mngon par 'du byed de/ las mngon par 'du byas pa de yang thog ma nyid nas zad cing 'gags la bral zhing rnam par gyur pa ste/ shar phyogs su brten te gnas pa ma yin/ lho phyogs dang / nub phyogs dang / byang
158b2 phyogs dang / 'og dang / steng dang / phyogs mtshams rnams su brten te gnas pa ma yin/ 'di na ma yin/ pha bi na ma yin/ bar ma do na ma yin te/ dus gzhan na 'chi ba'i dus dang tshod nye bar gnas pa'i tshe srog gi dbang po 'gags
158b3 te tshe yang yongs su zad cing de dang skal pa 'dra ba'i las rnams kyang zad nas rnam par shes pa tha ma 'gag pa'i tshe 'di lta ste dper na nyal nyal ba las sad pa'i tsan dan nam/ ta ma la'i lo ma 'am/ spos kyi rnam pa gang
158b4 yang rung ba de lta bur yid kyis dmigs par 'gyur ro/ /rgyal po chen po de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa'i rnam par shes pa dang po 'byung
158b5 ste/ rnam par shes pa dang po de 'gags ma thag tu bar ma chad par gang la rnam par smin pa myong bar 'gyur ba mngon pa'i sems kyi rgyud skal pa 'dra ba 'byung ngo / /de la gang rnam par shes pa tha ma 'gag pa de ni
158b6 'chi 'pho zhes bya ba'i grangs su 'gyur/ gang rnam par shes pa dang po 'byung ba de ni skye ba zhes bya'i grangs su 'gyur te/ rgyal po chen po de ltar na chos gang yang 'jig rten 'di nas 'jig rten pha rol
158b7 du 'pho ba yang med la/ 'chi 'pho dang skye bar mngon pa yang yod de/ rgyal po chen po rnam par shes pa tha ma de skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /las
158b8 dang rnam par smin pa dang / rnam par shes pa dang po de yang skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ ngo bo nyid med pa'i phyir te/ rnam par shes pa tha ma ni rnam par shes pa tha ma'i rang
159a1 bzhin gyis stong / las ni las kyi rang bzhin gyis stong / rnam par smin pa ni rnam par smin pa'i rang bzhin gyis stong / rnam par shes pa dang po ni rnam par shes pa dang po'i rang bzhin gyis stong / 'chi 'pho dang skye ba ni 'chi 'pho dang
159a2 skye ba'i rang bzhin gyis stong / 'khor ba ni 'khor ba'i rang bzhin gyis stong la/ las rnams chud mi za zhing rnam par smin pa myong bar mngon pa yang yod de/ de la mig gi brda tsam ma gtogs par byed pa po 'am/ za ba po gang yang med do/ /rgyal
159a3 po chen po 'di lta ste/ dper na mi zhig nyal ba'i rmi lam na khyi ro 'am/ mi ro 'am/ sbrul gyi ro mgul du btags pa zhig rmis la/ de nyal pa las sad nas de nyid dran par gyur na rgyal po chen po de ji snyam du sems/ rmi lam gyi khyi ro dang /
159a4 mi ro dang / sbrul gyi ro de dag yod dam/ gsol pa/ bcom ldan 'das de ni ma mchis so/ /bka' stsal pa/ rgyal po chen po 'o na skyes bu gang rmi lam gyi khyi ro dang / mi ro dang / sbrul gyi ro mgul du btags pa la mngon par zhen pa de
159a5 mkhas pa'i rang bzhin can yin nam/ gsol pa/ bcom ldan 'das de ni ma lags te/ de ci'i slad du zhe na/ bcom ldan 'das rmi lam na mthong ba'i khyi ro 'am/ mi ro 'am/ sbrul gyi ro de nyid kyang shin du ma mchis shing mi dmigs
159a6 na/ de mgul du btags pa lta ga la mchis te/ gzhan du na gang de la mngon par zhen pa'i mi de ni phongs shing dub pa'i skal pa can du 'gyur ro/ /bcom ldan 'das kyis bka' stsal pa/ rgyal po chen po de bzhin du byis pa so so'i
159a7 skye bo thos pa dang mi ldan pa yang snas dri tshor ba na yid du mi 'ong ba rnams la yang mngon par zhen par 'gyur te/ mngon par zhen nas khong khro bar 'gyur ro/ /khong khro bar gyur nas zhe sdang bar 'gyur ro/ /zhe sdang bar gyur nas zhe sdang
159a8 las byung ba'i las lus kyis ni rnam pa gsum/ ngag gis rnam pa bzhi/ yid kyis rnam pa gsum mngon par 'du byed de/ las mngon par 'du byas pa de yang thog ma nyid nas zad cing 'gags la bral zhing rnam par gyur
159b1 pa ste/ shar phyogs su brten te gnas pa ma yin/ lho phyogs dang / nub phyogs dang / byang phyogs dang / 'og dang / steng dang / phyogs mtshams rnams su brten te gnas pa ma yin/ 'di na ma yin/ pha bi na ma yin/ bar ma do na ma yin te/
159b2 dus gzhan na 'chi ba'i dus dang tshod nye bar gnas pa'i tshe srog gi dbang po 'gags te/ tshe yang yongs su zad cing de dang skal pa 'dra ba'i las rnams kyang zad nas rnam par shes pa tha ma 'gag pa'i tshe 'di lta ste/ dper na
159b3 nyal nyal ba las sad pa'i khyi ro dang / mi ro dang / sbrul gyi ro ltar bur yid kyis dmigs par 'gyur ro/ /rgyal po chen po de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i char gtogs
159b4 pa'i rnam par shes pa dang po 'byung ste/ rnam par shes pa dang po de 'gags ma thag tu bar ma chad par gang la rnam par smin pa myong bar 'gyur ba mngon pa'i sems kyi rgyud skal pa 'dra ba 'byung ngo / /de la gang rnam par shes
159b5 pa tha ma 'gag pa de ni 'chi 'pho zhes bya ba'i grangs su 'gyur/ gang rnam par shes pa dang po 'byung ba de ni skye ba zhes bya ba'i grangs su 'gyur te/ rgyal po chen po de ltar na chos gang yang 'jig rten 'di nas 'jig rten pha rol
159b6 du 'pho ba yang med la/ 'chi 'pho dang skye bar mngon pa yang yod de/ rgyal po chen po de la rnam par shes pa tha ma de skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /las dang / rnam par smin pa dang /
159b7 rnam par shes pa dang po yang skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ rang bzhin gyis stong pa'i phyir te/ rnam par shes pa tha ma ni rnam par shes pa tha ma'i rang bzhin
159b8 gyis stong pa nas 'khor ba ni 'khor ba'i rang bzhin gyis stong pa'i bar du ste/ de ni rnam par thar pa'i sgo stong pa nyid do/ /gang rang bzhin gyis stong zhing med pa de ni mtshan ma med pa'o/ /gang mtshan ma med pa de ni smon
160a1 pa med pa'o/ /rgyal po chen po de ltar chos thams cad ni rnam par thar pa'i sgo ste/ mya ngan las 'das pa la gzhol ba/ stong pa nyid du yang dag par 'du ba/ chos kyi dbyings su nges pa/ nam mkha'i khams
160a2 kyi mthas gtugs pa'o/ /rgyal po chen po 'di lta ste dper na mi zhig nyal ba'i rmis lam na bdag nyid sna'i dbang po nyams par rmis la nyal ba las sad nas sna'i dbang po nyams par gyur pa de nyid dran par gyur na/
160a3 rgyal po chen po de ji snyam du sems rmi lam na mthong ba'i sna'i dbang po nyams pa de yod dam/ gsol ba/ bcom ldan 'das de ni ma mchis so/ /bcom ldan 'das kyis bka' stsal pa/ rgyal bo chen po de ji snyam du
160a4 sems/ 'o na de ltar rmi lam na sna'i dbang po nyams pa la mngon par zhen pa de mkhas pa'i rang bzhin can yin nam/ gsol pa/ bcom ldan 'das de ni ma lags te/ de ci'i slad du zhe na/ bcom ldan 'das rmi lam na
160a5 mthong ba'i sna'i dbang po nyid kyang shin du ma mchis shing ming dmigs na de'i nyams pa lta ga la mchis te/ gzhan du na gang de la mngon par zhen pa'i mi de ni phongs shing dub pa'i skal pa can du 'gyur ro/ /bcom ldan
160a6 'das kyis bka' stsal pa/ rgyal po chen po de bzhin du byis pa so so skye bo thos pa dang mi ldan pa yang snas dri tshor na btang snyoms su 'gyur ba rnams la yang mngon par zhen par 'gyur te/ mngon par zhen
160a7 nas shin du rmongs par 'gyur ro/ /shin du rmongs nas gti mug las byung ba'i las lus kyis ni rnam pa gsum/ ngag gis ni rnam pa bzhi/ yid kyis ni rnam pa gsum mngon par 'du byed de/ las mngon par
160a8 'du byed pa de yang zad cing 'gags la bral zhing rnam par gyur pa ste/ shar phyogs su brten te gnas pa ma yin pa nas/ 'di na ma yin/ pha bi na ma yin/ bar ma do na ma yin pa'i bar du ste dus gzhan na 'chi ba'i dus dang tshod
160b1 nye bar gnas pa'i tshe srog gi dbang po 'gags te tshe yang yongs su zad cing de dang skal pa 'dra ba'i las rnams kyang zad nas rnam par shes pa tha ma 'gag pa'i tshe 'di lta ste dper na nyal nyal ba las sad pa'i sna'i dbang po nyams pa lta bur
160b2 yid kyis dmigs par 'gyur ro/ /rgyal po chen po de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa'i rnam par shes pa dang po 'byung ste/ rnam par shes pa dang po de
160b3 'gags ma thag tu bar ma chad par gang la rnam par smin pa myong bar 'gyur ba mngon pa'i sems kyi rgyud skal pa 'dra ba 'byung ngo / /de la gang rnam par shes pa tha ma 'gag pa de ni 'chi 'pho zhes bya ba'i grangs su 'gyur/ gang
160b4 rnam par shes pa dang po 'byung ba de ni skye ba zhes bya ba'i grangs su 'gyur te/ rgyal po chen po de ltar na chos gang yang 'jig rten 'di nas 'jig rten 'chi 'pho dang skye bar mngon pa yang yod de/ rgyal po chen po
160b5 rnam par shes pa tha ma de skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /las dang / rnam par smin pa dang / rnam par shes pa dang po yang skye ba'i tshe yang gang nas kyang mi 'ong / /'gag
160b6 pa'i tshe yang gang du yang mi 'gro'o/ /de ci'i phyir zhe na/ ngo bo nyid med pa'i phyir te/ rnam par shes pa tha ma ni rnam par shes pa tha mas stong pa nas 'khor ba ni 'khor ba'i rang bzhin gyis stong pa'i bar du ste/ las rnams
160b7 chud mi za zhing rnam par smin pa myong bar mngon pa yang yod de/ de la ming gi brda tsam ma gtogs par byed pa po 'am/ za ba po gang yang med do/ /rgyal po chen po 'di lta ste dper na mi zhig nyal ba'i rmi lam na bkres pa
160b8 las ro sna brgya dang ldan pa'i kha zas la tshim tshim du zos pa zhig rmis la/ nyal ba las sad nas de nyid dran par gyur na/ rgyal po chen po de ji snyam du sems/ rmi lam na mthong ba'i kha zas ro brgya dang ldan pa de yod dam/
161a1 gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rgyal po chen po de ji snyam du sems/ 'o na rmi lam na mthong ba'i kha zas ro brgya dang ldan pa la mngon par zhen pa de
161a2 mkhas pa'i rang bzhin can yin nam/ gsol pa/ bcom ldan 'das de ni ma lags te/ de ci'i slad du zhe na/ bcom ldan 'das rmi lam gyi kha zas ro sna brgyad dang ldan pa de nyid kyang shin tu ma mchis shing mi dmigs na des
161a3 don de la yongs su spyod pa lta ga la mchis te/ gzhan du na gang de la mngon par zhen pa'i mi de ni phongs shing dub pa'i skal pa can du 'gyur ro/ /bcom ldan 'das kyis bka' stsal pa/ rgyal po chen po de bzhin du
161a4 byis pa so so skye bo thos pa dang mi ldan pa yang lces ro myong na yid bde bar 'gyur ba rnams la mngon par zhen te/ de la mngon par zhen pas rjes su chags par 'gyur ro/ /rjes su chags par gyur nas yongs
161a5 su chags par 'gyur ro/ /yongs su chags par gyur nas 'dod chags las byung ba'i las lus kyis ni rnam pa gsum/ ngag gis ni rnam pa bzhi/ yid kyis ni rnam pa gsum mngon par 'du byed de/ las
161a6 mngon par 'du byas pa de yang thog ma nyid nas zad cing 'gags la bral zhing rnam par gyur pa ste/ de ni shar phyogs su brten te gnas pa ma yin pa nas 'di na ma yin/ pha bi na ma yin/ bar ma do na ma yin pa'i bar du
161a7 ste/ dus gzhan na 'chi ba'i dus dang tshod nye bar gnas pa'i srog gi dbang po 'gags te/ tshe yang yongs su zad cing de dang skal ba 'dra ba'i las rnams kyang zad nas rnam par shes pa tha ma 'gags pa'i tshe 'di lta
161a8 ste dper na nyal nyal ba las sad pa'i kha zas ro sna brgya pa lta bur yid kyis dmigs par 'gyur ro/ /rgyal po chen po de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i char
161b1 gtogs pa'i rnam par shes pa dang po 'byung ste/ rnam par shes pa dang po de 'gag ma thag tu bar ma chad par gang rnam par smin pa myong bar 'gyur ba mngon pa'i sems kyi rgyud skal pa 'dra ba 'byung ngo / /de la gang rnam
161b2 par shes pa tha ma 'gag pa de ni 'chi 'pho zhes bya ba'i grangs su 'gyur/ gang la rnam par shes pa dang po 'byung ba de ni skye ba zhes bya ba'i grangs su 'gyur te/ rgyal po chen po de ltar na chos gang yang 'jig rten 'di nas 'jig rten
161b3 pha rol du 'pho ba yang med la/ 'chi 'pho dang skye bar mngon par yang yod de/ rgyal po chen po rnam par shes pa tha ma de skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /las dang / rnam par smin pa
161b4 dang / rnam par shes pa dang po yang skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ ngo bo nyid kyis stong pa'i phyir te/ rnam par shes pa tha ma ni rnam par shes pa tha ma'i
161b5 rang bzhin gyis stong pa nas 'khor ba ni 'khor ba'i rang bzhin gyis stong pa'i bar du ste/ las rnams chud mi za zhing rnam par smin pa myong bar mngon pa yod de/ de la kun rdzob kyi brda tsam ma gtogs par byed pa po 'am/ za ba po
161b6 gang yang med do/ /rgyal po chen po 'di lta ste dper na mi zhig nyal ba'i rmi lam na shin du bkres par gyur te/ sku ba kha bo'i sa bon nam/ ko shata ka'i sa bon nam/ pi tsu mar da'i sa bon zhig zos par rmis la/ nyal ba las sad nas
161b7 de nyid dran par 'gyur/ rgyal po chen po de ji snyam du sems/ rmi lam gyi sku ba kha bo dang / pi tsu mar da'i sa bon gyi bar du yod dam/ gsol pa/ bcom ldan 'das de ni ma mchis so/ /bka' stsal pa/ rgyal po chen po 'o na skyes bu
161b8 gang rmi lam gyi sku ba kha bo dang / pi tsu mar da'i sa bon gyi bar du zos pa de la mngon par zhen pa de mkhas pa'i rang bzhin can yin nam/ gsol pa/ bcom ldan 'das de ni ma lags te/ de ci'i slad du zhe na/ bcom ldan 'das
162a1 rmi lam na mthong ba'i sku ba kha bo dang / pi tsu mar da'i sa bon gyi bar du de dag nyid kyang shin du ma mchis shing mi dmigs na de dag za ba lta ga la mchis te/ gzhan du na gang de la mngon par zhen pa'i mi de ni phongs shing dub
162a2 pa'i skal pa can du 'gyur ro/ /bcom ldan 'das kyis bka' stsal pa/ rgyal po chen po de bzhin du byis pa so so'i skye bo thos pa dang mi ldan pa yang lces ro myong na yid du mi 'ong ba rnams la yang mngon par zhen par 'gyur te/ mngon
162a3 par zhen nas khong khro bar 'gyur ro/ /khong khro bar gyur nas zhe sdang bar 'gyur ro/ /zhe sdang bar 'gyur nas zhe sdang las byung ba'i las lus kyis ni rnam pa gsum/ ngag gis ni rnam pa bzhi/ yid kyis ni rnam pa gsum mngon par 'du byed de/
162a4 las mngon par 'dus byas pa de yang thog ma nyid nas zad cing 'gags la bral zhing rnam par gyur pa ste/ shar phyogs su brten te gnas pa ma yin pa nas 'di na ma yin/ pha bi na ma yin/ bar ma do na ma yin pa'i bar du ste/ dus gzhan
162a5 na 'chi ba'i dus dang tshod nye bar gnas pa'i tshe srog gi dbang po 'gags te tshe yang yongs su zad cing de dang skal ba 'dra ba'i las rnams kyang zad nas rnam par shes pa tha ma 'gag pa'i tshe 'di lta ste dper na nyal nyal ba las sad pa'i sku ba
162a6 kha bo dang / pi tsu mar da'i sa bon gyi bar du za ba lta bur yid kyis dmigs par 'gyur ro/ /rgyal po chen po de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa'i rnam par shes
162a7 pa dang po 'byung ste/ rnam par shes pa dang po de 'gags ma thag tu bar ma chad par gang la rnam par smin pa myong bar 'gyur ba mngon pa'i sems kyis rgyud skal ba 'dra ba 'byung ngo / /de la gang rnam par shes pa tha ma 'gag pa de ni
162a8 'chi 'pho zhes bya ba'i grangs su 'gyur/ rnam par shes pa dang po 'byung ba de ni skye ba zhes bya ba'i grangs su 'gyur te/ rgyal po chen po de ltar na chos gang yang 'jig rten 'di nas 'jig rten pha rol tu 'pho ba yang med la 'chi 'pho
162b1 dang skye bar mngon pa yang yod de/ rgyal po chen po de la rnam par shes pa tha ma de skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /las dang / rnam par smin pa dang / rnam par shes pa dang po skye ba'i tshe yang gang nas kyang
162b2 mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ rang bzhin gyis stong pa'i phyir te/ rnam par shes pa tha ma ni rnam par shes pa tha ma'i rang bzhin gyis stong pa nas 'khor ba ni 'khor ba'i rang bzhin gyis stong pa'i
162b3 bar du ste/ rgyal po chen po de ltar na chos thams cad stong pa 'di ni rnam par thar pa'i sgo stong pa nyid do/ /gang stong pa nyid kyi mtshan mas stong pa 'di ni rnam par thar pa'i sgo mtshan ma med pa'o/ /gang la mtshan ma med pa de la
162b4 smon pa med de/ 'di ni rnam par thar pa'i sgo smon pa med pa'o/ /rgyal po chen pa de ltar chos thams cad ni rnam par thar pa'i sgo ste/ mya ngan las 'das pa la gzhol ba/ stong pa nyid du yang dag par 'du ba/ chos kyi dbyings su
162b5 nges pa/ nam mkha'i khams kyi mthas gtugs pa'o/ /rgyal po chen po 'di lta ste dper na mi zhig nyal ba'i rmi lam na bdag nyid lce'i dbang po nyams par rmis la/ nyal ba las sad nas lce'i dbang po nyams pa gyur ba de nyid
162b6 dran par gyur na rgyal po chen po de ji snyam du sems/ rmi lam na mthong ba'i lce'i dbang po nyams pa de yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rgyal po chen po de
162b7 ji snyam du sems/ 'o na rmi lam na lce'i dbang po nyams par gyur pa la mngon par zhen pa de mkhas pa'i rang bzhin can yin nam/ gsol pa/ bcom ldan 'das de ni ma lags te/ de ci'i slad du zhe na/ bcom ldan 'das rmi lam
162b8 na mthong ba'i lce'i dbang po nyid kyang shin du ma mchis shing mi dmigs na de'i nyams pa lta mchis par ga la 'gyur te/ gzhan du na gang de la mngon par zhen pa'i mi de ni phongs shing dub pa'i skal pa can du 'gyur ro/ /
163a1 bcom ldan 'das kyis bka' stsal pa/ rgyal po chen po de bzhin du byis pa so so'i skye bo thos pa dang mi ldan pa yang lces ro myong na btang snyoms su 'gyur ba rnams la yang mngon par zhen par 'gyur te/ mngon par zhen nas
163a2 shin du rmongs par 'gyur ro/ /shin du rmongs nas gti mug las byung ba'i las lus kyis ni rnam pa gsum/ ngag gis ni rnam pa bzhi/ yid kyis rnam pa gsum mngon par 'du byed de/ las mngon par 'du byas pa de yang thog ma nyid
163a3 nas zad cing 'gags la bral zhing rnam par gyur pa ste/ shar phyogs su brten te gnas pa ma yin pa nas 'di na ma yin/ pha bi na ma yin/ bar ma do na ma yin pa'i bar du ste/ dus gzhan na 'chi ba'i dus dang tshod nye bar gnas pa'i tshe
163a4 srog gi dbang po 'gags te tshe yang yongs su zad cing de dang skal pa 'dra ba'i las rnams kyang zad nas rnam par shes pa tha ma 'gag pa'i tshe 'di lta ste dper na nyal nyal ba las sad pa'i lce'i dbang po nyams pa lta bur yid kyis
163a5 dmigs par 'gyur ro/ /rgyal po chen po de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa'i rnam par shes pa dang po 'byung ste/ rnam par shes pa dang po de 'gags ma thag tu bar
163a6 ma chad par gang rnam par smin pa myong bar 'gyur ba mngon pa'i sems kyi rgyud skal ba 'dra ba 'byung ngo / /de la gang rnam par shes pa tha ma 'gags pa de ni 'chi 'pho zhes bya ba'i grangs su 'gyur/ gang rnam par shes pa dang po 'byung ba
163a7 de ni skye ba zhes bya ba'i grangs su 'gyur te/ rgyal po chen po de ltar na chos gang yang 'jig rten 'di nas 'jig rten pha rol du 'pho ba yang med la 'chi 'pho dang skye bar mngon pa yang yod de/ rgyal po chen po de la rnam par shes pa tha ma nas rnam par shes
163a8 pa dang po'i bar du skyes pa'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ rang bzhin gyis stong pa'i phyir te/ rnam par shes pa tha ma ni rnam par shes pa tha mas stong pa nas 'khor ba ni 'khor ba'i rang
163b1 bzhin gyis stong pa'i bar du ste/ las rnams chud mi za zhing rnam par smin pa myong bar mngon pa yang yod de/ de la kun rdzob kyi brda tsam ma gtogs par byed pa po 'am/ za ba po gang yang med do/ /rgyal po chen po 'di lta ste dper na mi zhig nyal
163b2 ba'i rmi lam na yul gyi bzang mo zhig pang du 'khyud pa rmis la/ de dang reg pa nyams su myong nas nyal ba las sad de yul gyi bzang mo de nyid dran par 'gyur na/ rgyal po chen po de ji snyam du sems/ rmi lam na mthong ba'i yul gyi bzang mo
163b3 dang reg pa yod dam/ gsol pa/ bcom ldan 'das de ni ma mchis so/ /bka' stsal pa/ rgyal po chen po de ji snyam du sems/ 'o na rmi lam na mthong ba'i yul gyi bzang mo de dang reg pa la mngon par zhen pa de mkhas pa'i rang bzhin can
163b4 yin nam/ gsol pa/ bcom ldan 'das de ni ma lags te/ de ci'i slad du zhe na/ bcom ldan 'das rmi lam gyi yul gyi bzang mo de nyid kyang shin du ma mchis shing mi dmigs na de dang reg pa lta ga la mchis/ bcom ldan 'das kyis
163b5 bka' stsal pa/ rgyal po chen po de bzhin du byis pa so so'i skye bo thos pa dang mi ldan pa yang lus kyis reg bya rnams la reg na/ yid bde bar 'gyur ba rnams la mngon par zhen par 'gyur te/ de mngon par zhen pas rjes su
163b6 chags par 'gyur ro/ /rjes su chags par gyur nas yongs su chags par 'gyur ro/ /yongs su chags par gyur nas 'dod chags las byung ba'i las lus kyis ni rnam pa gsum/ ngag gis ni rnam pa bzhi/ yid
163b7 kyis ni rnam pa gsum mngon par 'du byed de/ las mngon par 'du byas pa de yang thog ma nyid nas zad cing 'gags la bral zhing rnam par gyur pa ste/ shar phyogs su brten te gnas pa ma yin pa nas 'di na ma yin/
163b8 pha bi na ma yin/ bar ma do na ma yin pa'i bar du ste/ dus gzhan na 'chi ba'i dus dang tshod nye bar gnas pa'i tshe srog gi dbang po 'gags te tshe yang yongs su zad cing de dang skal pa 'dra ba'i las rnams kyang zad nas
164a1 rnam par shes pa tha ma 'gag pa'i tshe 'di lta ste dper na nyal nyal ba las sad pa'i yul gyi bzang mo la reg pa lta bur yid kyis dmigs par 'gyur ro/ /rgyal po chen po de la rnam par shes pa tha ma'i dbang dang / las
164a2 dmigs pa de dang / rkyen gnyis kyis skye ba'i char gtogs pa'i rnam par shes pa dang po 'byung ste/ rnam par shes pa dang po skye ba'i char gtogs pa de 'gags ma thag tu bar ma chad par gang la rnam par smin pa myong bar
164a3 'gyur ba mngon pa'i sems kyi rgyud skal ba 'dra ba 'byung ngo / /de la gang rnam par shes pa tha ma 'gag pa de ni 'chi 'pho zhes bya ba'i grangs su 'gyur/ gang rnam par shes pa dang po 'byung ba de ni skye ba zhes bya ba'i
164a4 grangs su 'gyur te/ rgyal po chen po de ltar na chos gang yang 'jig rten 'di nas 'jig rten pha rol du 'pho ba yang med la/ 'chi 'pho dang skye bar mngon pa yang yod de/ rgyal po chen po de la rnam par shes pa tha ma nas
164a5 rnam par shes pa dang po'i bar du skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ rang bzhin gyis stong pa'i phyir te/ las rnams chud mi za zhing rnam par smin pa
164a6 myong bar mngon pa yang yod de/ de la kun rdzob kyi brda tsam ma gtogs par byed pa po 'am/ za ba po gang yang med do/ /rgyal po chen po 'di lta ste dper na mi zhig nyal ba'i rmi lam na zangs kyi spang leb shin du 'bar ba zhig
164a7 pang du 'khyud pa rmis la/ de nyal ba las sad nas de nyid dran par gyur na/ rgyal po chen po de ji snyam du sems/ rmi lam gyi zangs kyi spang leb shin du 'bar ba la reg pa yod dam/ gsol pa/ bcom ldan 'das de ni ma mchis
164a8 so/ /bka' stsal pa/ rgyal po chen po 'o na skyes bu gang rmi lam gyi zangs kyi spang leb shin du 'bar ba pang du 'khyud pa mngon par zhen pa de mkhas pa'i rang bzhin can yin nam/ gsol pa/ bcom ldan 'das de ni ma lags te/
164b1 de ci'i slad du zhe na/ bcom ldan 'das rmi lam na mthong ba'i zangs kyi spang leb shin du 'bar ba nyid kyang shin du ma mchis shing mi dmigs na de la reg pa lta ga la mchis te/ gzhan du na gang de la mngon par zhen pa'i mi de ni phongs shing dub
164b2 pa'i skal pa can du 'gyur ro/ /bcom ldan 'das kyis bka' stsal pa/ rgyal po chen po de bzhin du byis pa so so skye bo thos pa dang mi ldan pa yang lus kyis reg bya rnams la reg na yid du mi 'ong ba rnams la yang mngon par zhen par
164b3 'gyur te/ mngon par zhen nas khong khro bar 'gyur ro/ /khong khro bar gyur nas zhe sdang bar 'gyur ro/ /zhe sdang bar gyur nas zhe sdang las byung ba'i las lus kyis ni rnam pa gsum/ ngag gis ni rnam pa bzhi/ yid kyis ni rnam pa gsum mngon
164b4 par 'du byed de/ las mngon par 'du byas pa de yang thog ma nyid nas zad cing 'gags la bral zhing rnam par gyur pa ste/ shar phyogs su brten te gnas pa ma yin pa nas/ 'di na ma yin/ pha bi na ma yin/ bar ma do na ma
164b5 yin pa'i bar du ste/ dus gzhan 'chi ba'i dus dang tshod nye bar gnas pa'i tshe srog gi dbang po 'gags te tshe yang yongs su zad cing de dang skal ba 'dra ba'i las rnams kyang zad nas rnam par shes pa tha ma 'gag pa'i tshe 'di lta ste/ dper na
164b6 nyal nyal ba las sad pa'i zangs kyi spang leb shin du 'bar ba lta bur yid kyis dmigs par 'gyur ro/ /rgyal po chen po de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa'i
164b7 rnam par shes pa dang po 'byung ste/ rnam par shes pa dang po de 'gags ma thag tu bar ma chad par gang la rnam par smin pa myong bar 'gyur ba mngon pa'i sems kyi rgyud skal pa 'dra ba 'byung ngo / /de la gang rnam par shes pa
164b8 tha ma 'gag pa de ni 'chi 'pho zhes bya ba'i grangs su 'gyur/ gang rnam par shes pa dang po 'byung ba de ni skye ba zhes bya ba'i grangs su 'gyur te/ rgyal po chen po de ltar na chos gang yang 'jig rten 'di nas 'jig rten pha rol du 'pho ba/
165a1 yang med la/ 'chi 'pho dang skye bar mngon pa yang yod de/ rnam par shes pa tha ma nas rnam par shes pa dang po'i bar du skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir
165a2 zhe na/ rang bzhin gyis stong pa'i phyir te/ rnam par shes pa tha ma ni rnam par shes pa tha ma'i rang bzhin gyis stong pa nas 'khor ba yang 'khor ba'i rang bzhin gyis stong pa'i bar du ste/ rgyal po chen po de ltar na chos thams cad
165a3 stong pa 'di ni rnam par thar pa'i sgo stong pa nyid do/ /gang stong pa nyid kyi mtshan mas stong pa 'di ni rnam par thar pa'i sgo mtshan ma med pa'o/ /gang la mtshan ma med pa de la smon pa med de/ 'di ni rnam par thar pa'i sgo smon pa
165a4 med pa'o/ /rgyal po chen po de ltar chos thams cad ni rnam par thar pa'i sgo ste/ mya ngan las 'das pa la gzhol ba/ stong pa nyid du yang dag par 'du ba/ chos kyi dbyings su nges pa/ nam mkha'i khams kyi
165a5 mthas gtugs pa'o/ /rgyal po chen po 'di lta ste dper na mi zhig nyal ba'i rmi lam na bdag nyid lus kyi dbang po nyams par rmis la/ de nyal ba las sad nas de nyid dran par gyur na/ rgyal po chen po de ji snyam du
165a6 sems/ rmi lam na mthong ba'i lus kyi dbang po nyams pa de yod dam/ gsol pa/ bcom ldan 'das de ni ma mchis so/ /bka' stsal pa/ rgyal po chen po de ji snyam du sems/ 'o na rmi lam na lus kyi dbang
165a7 po nyams par gyur pa la mngon par zhen pa de mkhas pa'i rang bzhin can yin nam/ gsol pa/ bcom ldan 'das de ni ma lags te/ de ci'i phyir zhe na/ bcom ldan 'das rmi lam na mthong ba'i lus kyi dbang po
165a8 nyid kyang shin du ma mchis shing mi dmigs na de nyams pa lta ga la mchis/ bcom ldan 'das kyis bka' stsal pa/ rgyal po chen po de bzhin du byis pa so so'i skye bo thos pa dang mi ldan pa yang lus kyis reg bya rnams la reg na
165b1 btang snyoms su 'gyur ba rnams la yang mngon par zhen par 'gyur te/ mngon par zhen nas shin du rmongs par 'gyur ro/ /shin du rmongs nas gti mug las byung ba'i las lus kyis ni rnam pa gsum/ ngag gis ni rnam pa bzhi/ yid
165b2 kyis ni rnam pa gsum mngon par 'du byed de/ las mngon par 'du byas pa de yang thog ma nyid nas zad cing 'gags la bral zhing rnam pa gyur pa ste/ shar phyogs su brten te gnas pa ma yin pa nas 'di na ma yin/ pha bi na ma yin/ bar
165b3 ma do na ma yin pa'i bar du ste/ dus gzhan na 'chi ba'i dus dang tshod nye bar gnas pa'i tshe srog gi dbang po 'gags te tshe yang yongs cung zad cing de dang skal pa 'dra ba'i las rnams kyang zad nas rnam par shes pa tha ma 'gag pa'i tshe 'di
165b4 lta ste dper na nyal nyal ba las sad pa'i lus kyi dbang po nyams pa lta bur yid kyis dmigs par 'gyur ro/ /rgyal po chen po de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i
165b5 char gtogs pa'i rnam par shes pa dang po 'byung ste/ rnam par shes pa dang po de 'gags ma thag tu bar ma chad par gang la rnam par smin pa myong bar 'gyur pa mngon pa'i sems kyi rgyud skal pa 'dra ba 'byung ngo / /de la gang rnam
165b6 par shes pa tha ma 'gag pa de ni 'chi 'pho zhes bya ba'i grangs su 'gyur/ gang rnam par shes pa dang po 'byung ba de ni skye ba zhes bya ba'i grangs su 'gyur te/ rgyal po chen po de ltar na chos gang yang 'jig rten 'di nas
165b7 'jig rten pha rol du 'pho ba yang med la/ 'chi 'pho dang skye bar mngon pa yang yod de/ rgyal po chen po rnam par shes pa tha ma de nas rnam par shes pa dang po'i bar du skye ba'i tshe yang gang nas kyang mi 'ong / 'gag pa'i tshe yang gang
165b8 du yang mi 'gro'o/ /de ci'i phyir zhe na/ ngo bo nyid kyis stong pa'i phyir te/ rnam par shes pa tha ma ni rnam par shes pa tha mas stong pa nas/ 'khor ba ni 'khor ba'i rang bzhin gyis stong pa'i bar du ste/ las rnams chud mi za zhing
166a1 rnam par smin pa myong bar mngon pa yang yod de/ de la ming gi brda tsam ma gtogs par byed pa po 'am/ za ba po gang yang med do// // bam po bcu bzhi pa/ rgyal po chen po 'di lta ste dper na mi zhig nyal ba'i rmi
166a2 lam na sgyu ma mkhan pos sprul pa'i 'dod pa'i yon tan lnga dang ldan par gyur te/ shin du tshim par yongs su spyod pa zhig rmis la/ nyal ba las sad nas 'dod pa'i yon tan de dag dran par gyur na/ rgyal po chen po de ji snyam
166a3 du sems/ rmi lam na mthong ba'i 'dod pa'i yon tan lnga sgyu ma'i mkhan pos sprul pa de dag yod dam/ gsol pa/ bcom ldan 'das de ni ma mchis so/ /bka' stsal pa/ rgyal po chen po de ji snyam du sems/ 'o na rmi lam
166a4 na mthong ba'i 'dod pa'i yon tan lnga po sgyu ma'i mkhan pos sprul pa de dag la mngon par zhen pa de mkhas pa'i rang bzhin can yin nam/ gsol pa/ bcom ldan 'das de ni ma lags te/ de ci'i slad du zhe na/ bcom ldan 'das
166a5 rmi lam gyi sgyu ma'i mkhan po nyid kyang shin du ma mchis shing mi dmigs na/ sprul pa'i 'dod pa'i yon tan lnga po de dag dang / de dag la yongs su spyod pa lta ga la mchis te/ gzhan du na gang de la zhen pa'i mi de ni phongs shing dub
166a6 pa'i skal pa can du 'gyur ro/ /bcom ldan 'das kyis bka' stsal pa/ rgyal po chen po de bzhin du byis pa so so'i skye bo thos pa dang mi ldan pa yang yid kyis chos rnams rnam par shes na yid bde bar 'gyur ba rnams la mngon
166a7 par zhen par 'gyur te/ de mngon par zhen pas rjes su chags par 'gyur ro/ /rjes su chags par gyur nas yongs su chags par 'gyur ro/ /yongs su chags par gyur nas 'dod chags las byung ba'i las lus kyis
166a8 ni rnam pa gsum/ ngag gis ni rnam pa bzhi/ yid kyis ni rnam pa gsum mngon par 'du byed de/ las mngon par 'du byas pa de yang thog ma nyid nas zad cing 'gags la bral zhing rnam par gyur pa ste/ shar phyogs su
166b1 brten te gnas pa ma yin pa nas/ 'di na ma yin/ pha bi na ma yin/ bar ma do na ma yin pa'i bar du ste/ dus gzhan du na 'chi ba'i dus dang tshod nye bar gnas pa'i tshe srog gi dbang po 'gags te tshe yang yongs su zad cing de dag skal pa 'dra ba'i
166b2 las rnams kyang zad nas rnam par shes pa tha ma 'gag pa'i tshe 'di lta ste dper na nyal nyal ba las sad pa'i 'dod pa'i yon tan lnga po sgyu ma mkhan gyi sprul pa lta bur yid kyis dmigs par 'gyur ro/ /rgyal po chen po de la
166b3 rnam par shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa'i rnam par shes pa dang po yang na ni sems can dmyal ba rnams su/ yang na ni dud 'gro'i skye gnas su/ yang na ni gshin rje'i
166b4 'jig rten du/ yang na ni lha ma yin gyi ris su/ yang na ni mi'i nang du/ yang na ni lha'i nang du ste/ rnam par shes pa dang po de 'gags ma thag tu bar ma chad par gang la rnam par smin pa myong bar 'gyur ba mngon pa'i sems kyi rgyud skal pa
166b5 'dra ba 'byung ngo / /rgyal po chen po de ltar na las kyang dmigs shing rnam par smin pa yang dmigs la/ de la ming gi brda tsam ma gtogs par tshor ba po gang yang med do/ /rgyal po chen po de la gang rnam par shes pa tha ma 'gag pa de ni
166b6 'chi 'pho zhes bya ba'i grangs su 'gyur/ gang rnam par shes pa dang po 'byung ba de ni skye ba zhes bya ba'i grangs su 'gyur te/ rgyal po chen po da ltar na chos gang yang 'jig rten 'di nas 'jig rten pha rol du 'pho ba yang med la/ 'chi 'pho dang
166b7 skye bar mngon pa yang yod de/ rgyal po chen po rnam par shes pa tha ma de nas rnam par shes pa dang po'i bar du skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ ngo bo nyid kyis stong pa'i phyir te/
166b8 rnam par shes pa tha ma ni rnam par shes pa tha mas stong pa nas 'khor ba'i bar du 'khor ba'i rang bzhin gyis stong / mya ngan las 'das pa yang mya ngan las 'das pa'i rang bzhin gyis stong / chos thams cad kyang chos thams cad
167a1 kyi rang bzhin gyis stong ste/ rgyal po chen po de ltar chos thams cad stong pa 'di ni rnam par thar pa'i sgo stong pa nyid do/ /gang stong pa nyid kyi mtshan mas stong pa 'di ni mtshan ma med pa'o/ /gang la mtshan ma med pa de la smon pa med de/
167a2 'di ni smon pa med pa'o/ /rgyal po chen po de ltar na chos thams cad ni rnam par thar pa'i sgo ste/ stong pa nyid du yang dag par 'du ba/ mtshan ma med pa'i ngo bo nyid/ smon pa dang bral ba/ mya ngan las 'das pa la gzhol ba/ chos kyi dbyings su nges
167a3 pa/ nam mkha'i khams kyi mthas gtugs pa'o/ /rgyal po chen po 'di lta ste dper na mi zhig nyal ba'i rmi lam na bdag nyid g.yog 'khor dang bcas te chu bo chen pos khyer nas de de na sems las byung ba'i sdug bsngal dang yid
167a4 mi bde ba rnam pa du ma myong bar rmis la/ de nyal ba las sad nas de nyid dran par gyur na rgyal po chen po de ji snyam du sems/ rmi lam gyi chu chen po de yod dam/ gsol pa/ bcom ldan 'das de ni ma mchis so/ /bka' stsal pa/ rgyal
167a5 po chen po de ji snyam du sems/ 'o na skyes bu gang rmi lam na bdag nyid chu chen pos khyer zhing sdug bsngal dang yid mi bde ba mthong ba la mngon par zhen pa de mkhas pa'i rang bzhin can yin nam/ gsol pa/ bcom ldan 'das
167a6 de ni ma lags te/ de ci'i slad du zhe na/ bcom ldan 'das rmi lam na chu gang gis mi de khyer ba'i chu chen po de nyid kyang shin du ma mchis shing mi dmigs na de'i sdug bsngal dang yid mi bde ba lta ga la mchis te/ gzhan du na gang de la mngon par
167a7 zhen pa'i mi de ni phongs shing dub pa'i skal pa can du 'gyur ro/ /bcom ldan 'das kyis bka' stsal pa/ rgyal po chen po de bzhin du byis pa so so'i skye bo thos pa dang mi ldan pa yang yid kyis chos rnams rnam par shes na yid mi
167a8 bde bar 'gyur ba rnams la yang mngon par zhen par 'gyur te/ mngon par zhen nas khong khro bar 'gyur ro/ /khong khro bar gyur nas gnod sems su 'gyur ro/ /gnod sems su gyur nas zhe sdang bar 'gyur ro/ /zhe sdang bar gyur nas
167b1 zhe sdang las byung ba'i las lus kyis ni rnam pa gsum/ ngag gis ni rnam pa bzhi/ yid kyis ni rnam pa gsum mngon par 'du byed de/ las mngon par 'du byas pa de yang thog ma nyid nas zad cing 'gags la bral zhing rnam par gyur pa ste/
167b2 shar phyogs su brten te gnas pa ma yin pa nas/ 'di na ma yin/ pha bi na ma yin/ bar ma do na ma yin pa'i bar du ste/ dus gzhan na 'chi ba'i dus dang tshod nye bar gnas pa'i tshe srog gi dbang po 'gags te tshe yang yongs su zad cing de dang skal
167b3 pa 'dra ba'i las rnams kyang zad nas rnam par shes pa tha ma 'gag pa'i tshe 'di lta ste dper na nyal nyal ba las sad pa'i chu chen pos khyer zhing yid mi bde ba lta bur yid kyis dmigs par 'gyur ro/ /rgyal po chen po de la rnam par
167b4 shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa'i rnam par shes pa dang po 'byung ste/ rnam par shes pa dang po de 'gags ma thag tu bar ma chad par gang la rnam par smin pa myong bar 'gyur
167b5 ba mngon pa'i sems kyi rgyud skal ba 'dra ba 'byung ngo / /rgyal po chen po de ltar na las kyang dmigs la/ byed pa po yang gang yang med/ rnam par smin pa yang dmigs la/ ming gi brda tsam ma gtogs par 'di la tshor ba po
167b6 gang yang med do/ /rgyal po chen po de la gang rnam par shes pa tha ma 'gag pa de ni 'chi 'pho zhes bya ba'i grangs su 'gyur/ gang rnam par shes pa dang po 'byung ba'i de ni skye ba zhes bya ba'i grags su 'gyur te/ rgyal po chen
167b7 po de ltar na chos gang yang 'jig rten 'di nas 'jig rten pha rol du 'pho ba yang med la/ 'chi 'pho dang skye bar mngon pa yang yod de/ rgyal po chen po rnam par shes pa tha ma de rnam par shes pa dang po'i bar du skye ba'i tshe yang
167b8 gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ ngo bo nyid kyis stong pa'i phyir te/ rnam par shes pa tha ma ni rnam par shes pa tha ma'i rang bzhin gyis stong pa nas/ 'khor ba'i bar du ni
168a1 'khor ba'i rang bzhin gyis stong / mya ngan las 'das pa yang mya ngan las 'das pa'i rang bzhin gyis stong / chos thams cad kyang chos thams cad kyi rang bzhin gyi stong ste/ 'di ni rnam par thar pa'i sgo stong pa nyid do/ /
168a2 gang stong pa nyid kyi mtshan mas stong pa 'di ni rnam par thar pa'i sgo mtshan ma med pa'o/ /gang la mtshan ma med pa de la smon pa med de/ 'di ni rnam par thar pa'i sgo smon pa med pa'o/ /rgyal po chen po de ltar chos thams cad
168a3 ni rnam par thar pa'i sgo ste/ stong pa nyid du yang dag par 'du ba/ mtshan ma med pa'i ngo bo nyid/ smon pa dang bral ba/ mya ngan las 'das pa la gzhol ba/ chos kyi dbyings su nges pa/ nam mkha'i khams kyis mthas gtugs
168a4 pa'o/ /rgyal po chen po 'di lta ste dper na mi zhig nyal ba'i rmi lam na chang gis ra ro te bdag nyid shin du gti mug par gyur nas de de na dge ba yang mi shes/ mi dge ba yang mi shes/ kha na ma tho ba dang bcas pa yang mi shes/
168a5 kha na ma tho ba med pa yang mi shes/ phan pa yang mi shes/ gnod pa yang mi shes/ yon tan dang nyes pa yang rnam pa thams cad du mi shes par gyur pa zhig rmis la/ de nyal ba las sad nas chang gis ra ro ba'i gti mug de
168a6 dran par gyur na/ rgyal po chen po de ji snyam du sems/ rmi lam na mthong ba'i chang gis ra ro zhing gti mug pa de yod dam/ gsol pa/ bcom ldan 'das de ni mchis so/ /bka' stsal pa/ rgyal po chen po de ji snyam du sems/
168a7 'o na rmi lam gyi chang gis ra ro ba la mngon par zhen pa de mkhas pa'i rang bzhin can yin nam/ gsol pa/ bcom ldan 'das de ni ma lags te/ de ci'i slad du zhe na/ bcom ldan 'das rmi lam na mthong ba'i chang zhing
168a8 kyang shin du ma mchis shing mi dmigs na gti mug pa lta ga la mchis te/ gzhan du na gang de la mngon par zhen pa'i mi de phongs shing dub pa'i skal pa can du 'gyur ro/ /bcom ldan 'das kyis bka' stsal pa/ rgyal po chen
168b1 po de bzhin du byis pa so so'i skye bo thos pa dang mi ldan pa yang yid kyis chos rnams rnam par shes na btang snyoms su 'gyur ba rnams la yang mngon par zhen par 'gyur te/ mngon par zhen nas shin du rmongs par 'gyur ro/ /
168b2 shin du rmongs nas gti mug las byung ba'i las lus kyis ni rnam pa gsum/ ngag gis ni rnam pa bzhi/ yid kyis ni rnam pa gsum mngon par 'du byed de/ las mngon par 'du byas pa de yang thog ma nyid nas zad cing
168b3 'gags la bral zhing rnam par gyur pa ste/ shar phyogs su brten te gnas pa ma yin pa nas/ 'di na ma yin/ pha bi na ma yin/ bar ma do na ma yin pa'i bar du ste/ dus gzhan na 'chi ba'i dus dang tshod nye bar gnas pa'i tshe srog
168b4 gi dbang po 'gags te tshe yang yongs su zad cing de dang skal pa 'dra ba'i las rnams kyang zad nas rnam par shes pa tha ma 'gag pa'i tshe 'di lta ste dper na nyal nyal ba las sad pa'i chang gis ra ro ste gti mug pa lta bur
168b5 yid kyis dmigs par 'gyur ro/ /rgyal po chen po de la rnam par shes pa tha ma'i dbang dang / las dmigs pa de dang / rkyen gnyis kyis rnam par shes pa dang po 'gro ba rnams su 'byung ste/ rnam par shes pa dang po de
168b6 'gags ma thag tu bar ma chad par gang la rnam par smin pa myong bar 'gyur ba mngon pa'i sems kyi rgyud skal pa 'dra ba 'byung ngo / /rgyal po chen po de ltar na las kyang dmigs la/ byed pa po yang gang yang med/
168b7 rnam par smin pa yang dmigs la/ ming gi brda tsam ma gtogs par 'di la tshor ba po gang yang med do/ /rgyal po chen po de la gang rnam par shes pa tha ma 'gag pa de ni 'chi 'pho zhes bya ba'i grangs su
168b8 'gyur ro/ /gang rnam par shes pa dang po 'byung ba de ni skye ba zhes bya ba'i grangs su 'gyur te/ rgyal po chen po de ltar chos gang 'jig rten 'di nas 'jig rten pha rol du 'pho ba yang med la/ 'chi 'pho dang skye bar
169a1 mngon pa yang yod do/ /rgyal po chen po rnam par shes pa tha ma de skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /las dang / rnam par smin pa dang / 'chi 'pho dang / skye ba dang / rnam par shes
169a2 pa dang po skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ ngo bo nyid kyis stong pa'i phyir te/ rnam par shes pa tha ma ni rnam par shes pa tha ma'i rang bzhin gyis stong / skye ba dang / 'jig pa
169a3 dang / las dang / rnam par smin pa dang / rnam par shes pa dang po dang / 'chi 'pho dang / skye ba dang / 'khor ba dang / mya ngan las 'das pa ni mya ngan las 'das pa'i rang bzhin gyis stong / chos thams cad kyang chos thams cad kyi rang bzhin
169a4 mtshan ma med pa'o/ /gang la mtshan ma med pa de la smon pa med de/ 'di ni rnam par thar pa'i
169a5 sgo smon pa med pa'o/ /rgyal po chen po de ltar na chos thams cad ni rnam par thar pa'i sgo ste/ stong pa nyid du yang dag par 'du ba/ mtshan ma med pa'i ngo bo nyid/ smon lam dang bral ba/ mya ngan las 'das pa la gzhol ba/ chos
169a6 kyi dbyings su nges pa/ nam mkha'i khams kyi mthas gtugs pa'o/ /rgyal po chen po khyod kyis 'di la sems nges par bzhag pa dang / sems nges par bzhag pa la brtson par bya'o/ /gzhan gyi dring la mi 'jog
169a7 cing bdag nyid kyis shes par bya ste/ 'di ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub ste/ dbang phyug la mngon par zhen pa thams cad rab tu 'joms pa/ sred pa
169a8 thams cad yongs su skems pa/ /nga rgyal thams cad snyil ba/ lta ba'i rnam pa dang / the tshom thams cad yang dag par gcod pa/ chos thams cad kyi mnyam pa nyid de/ byis pa so so'i skye bo rnams kyis ma yin pa/ nyan
169b1 thos rnams kyis mnon pa/ rang sangs rgyas rnams kyi spyod yul ma yin pa/ byang chub sems dpa' rnams kyi spyod pa yang dag par rdzogs pa'i sangs rgyas rnams kyis thugs chu chud pa yin gyis/ rgyal po chen po khyod kyis
169b2 ji ltar na bdag lha dang bcas pa'i 'jig rten gyi mig dang / sgron ma dang / mar me dang / snang ba dang / gru dang / ngogs dang / 'bab stegs dang / 'dren pa dang / yongs su 'dren pa dang / ston pa dang / ded dpon dang / sngon du 'gro bar 'gyur snyam
169b3 pa dang / bdag grol nas dgrol bar bya'o/ /rgal nas bsgral bar bya'o/ /dbugs phyin nas dbugs dbyung bar bya'o/ /yongs su mya ngan las 'das nas yongs su mya ngan las bzla bar bya'o snyam du yid la gzhag par
169b4 bya'o/ /rgyal po chen po dbang phyug lta zhig ni sngon myong bar gyur ba'i mnga' yang mi mngon te/ rgyal po chen po de ltar dbang po rnams ni sgyu ma lta bu ste/ chog mi shes pa'o/ /tshim par mi rung ba'o/ /yul rnams ni rmi
169b5 lam lta bu ste/ tshim par mi nus pa/ ngoms par ma gyur pa'o/ /rgyal po chen po sngon byung ba 'das pa'i dus na rgyal po grags pa mtha' yas shes bya ba byung ste/ rgyal po chen po rgyal po grags pa mtha' yas de ni
169b6 khyogs dang / dpung dang / bzhon pa mtha' yas shing 'khor lo thogs pa med pas sgyur ba/ mi 'khrugs pa'i theg pa dang / tshul phun sum tshogs pa dang ldan pa/ sngon gyi sangs rgyas la dge ba'i rtsa ba bskyed pa/ yid
169b7 bzhin du 'gyur ba'i stobs dang ldan pa ste/ de gang ci sems kyang rung / de'i de thams cad 'grub cing de'i bsams pa don med par 'gyur ba gang yang med do/ /'di ltar rgyal po de ni rang gi dge ba'i rtsa ba'i gzi brjid kyis bsam
169b8 pa yid bzhin du don med pa ma yin par gyur to/ /rgyal po chen po de nas rgyal po grags pa mtha' yas de'i snyam du bdag gi bsod nams kyi stobs nyams pa med pa la brtag par bya'o snyam nas de 'di snyam du sems te/
170a1 kye ma bdag gi gling chen po bzhi pa'i 'jig rten gyi khams na shing ljon pa ji snyed cig yod pa de dag thams cad yid bzhin du 'bras bu chags par gyur cig snyam pa dang / rgyal po grags pa mtha' yas de'i sems skyed ma
170a2 thag tu gling chen po bzhi pa'i 'jig rten gyi khams na shing ljon pa ji snyed cig yod pa de dag thams cad yid bzhin du 'bras bu chags par gyur to/ /rgyal po chen po gzhan yang rgyal po grags pa mtha' yas des yang bdag
170a3 gi dge ba'i rtsa ba'i stobs bskyed pa la brtag par 'dod nas 'di snyam du bsams te/ kye ma bdag gi gling chen po bzhi pa'i 'jig rten gyi khams 'di na sems can 'khod pa 'di dag thams cad gnod pa thams cad rgyun chad
170a4 par gyur te/ yid la bsam pa don yod par gyur cig snyam pa dang / rgyal po grags pa mtha' yas kyis sems bskyed ma thag tu gling chen po bzhi pa'i 'jig rten gyi khams na sems can gang ji snyed cig 'khod pa de dag
170a5 thams cad gnod pa thams cad rgyun chad de yid la bsam pa thams cad don yod par gyur to/ /rgyal po chen po gzhan yang rgyal po grags pa mtha' yas kyis bdag gi dge ba'i rtsa ba'i stobs bskyed pa la brtag par 'dod nas 'di snyam
170a6 du bsams te/ kye ma bdag gi gling chen po bzhi pa'i 'jig rten gyi khams 'dir spos chu'i char rab tu 'bab par gyur cig snyam pa dang / rgyal po chen po rgyal po grags pa mtha' yas kyis sems bskyed ma thag tu gling bzhi pa'i
170a7 'jig rten gyi khams thams cad du spos chu'i char rab tu bab par gyur to/ /rgyal po chen po de nas yang rgyal po grags pa mtha' yas kyis bdag gi dge ba'i rtsa ba'i stobs bskyed pa la rgya cher brtag par 'dod nas 'di snyam du
170a8 bsams te/ kye ma bdag gi gling chen po bzhi pa'i 'jig rten gyi khams 'dir me tog gi char rab tu 'bab par gyur cig snyam pa dang / rgyal po chen po rgyal po grags pa mtha' yas kyis sems bskyed ma thag tu gling chen
170b1 po bzhi pa'i 'jig rten gyi khams thams cad du me tog gi char rab tu bab par gyur to/ /rgyal po chen po gzhan yang rgyal po grags pa mtha' yas kyis 'di snyam du bsams te/ kye ma bdag gi gling chen po bzhi pa'i 'jig rten gyi
170b2 khams 'dir lha'i gos kyi char dang / dbyig gi char dang / gser gyi char dang / rin po che sna tshogs kyi char dang / yo byad thams cad kyi char rab tu 'bab par gyur cig snyam pa dang / rgyal po chen po rgyal po grags pa mtha' yas
170b3 kyis sems bskyed ma thag tu 'di ltar sems can thams cad dang thun mong du bsags pa'i dge ba'i rtsa ba yangs pa dang ldan pa'i rgyus lha'i gos kyi char dang / dbyig gi char dang / gser gyi char dang / rin po che sna tshogs kyi char dang /
170b4 yo byad thams cad kyi char rab tu bab po/ /rgyal po chen po de'i tshe 'dzam bu'i gling 'di ni rgyar dpag tshad khri brgyad stong yod par gyur te/ de'i tshe 'dzam bu'i gling de na grong khyer bye ba phrag drug bcu yod par gyur nas 'dzam bu'i
170b5 gling de'i dbus na rin po ches rab tu brgyan pa zhes bya ba'i grong khyer rgyal po'i pho brang du gyur pa chu zheng du dpag tshad bcu gnyis bcu gnyis yod pa/ gru bzhi lham pa/ dri ma med pa shin du 'brel bar bres pa zhig yod par
170b6 gyur te/ rgyal po chen po'i pho brang 'khor rin po ches rab tu brgyan pa de ni shing ta la'i phreng ba rim pa bdun gyis kun nas yongs su bskor ba ste/ ta la de dag kyang rin po che sna bzhi'i rgyu las byung ba ste/ gser dang / dngul dang / bai dUr+ya dang /
170b7 shel gyi ta la sha stag go/ /de la gser gyi ta la rnams ni dngul gyi lo ma dang / me tog dang / 'bras bu dang ldan par gyur to/ /dngul gyi ta la rnams ni gser gyi lo ma dang / me tog dang / 'bras bu dang ldan par gyur to/ /bai dUr+ya'i ta la
170b8 rnams ni shel gyi lo ma dang / me tog dang / 'bras bu dang ldan par gyur to/ /shel gyi ta la rnams ni bai dUr+ya'i lo ma dang / me tog dang / 'bras bu dang ldan par gyur to/ /rgyal po'i pho brang 'khor rin po ches rab tu brgyan pa de rin po
171a1 che sna bdun gyi dril bu g.yer ka'i dra ba bkra ba/ blta na sdug pa rim pa bdun steng du bres pa 'gyur ro/ /rin po che'i dra ba chen po'i rin po che sna bdun ni 'di lta ste/ gser dang / dngul dang / bai dUr+ya dang / shel dang / mu tig dmar po dang /
171a2 spug dang / rdo'i snying po dang / rgyal po'i pho brang 'khor rin po ches rab tu brgyan pa de kun nas 'obs zab pa/ chu 'byung ba/ zabs su dpag tshad phyed yod pa/ kha tshon du dpag tshad gcig yod pa/ yan lag brgyad dang ldan pa'i
171a3 chus bya rog gis btung du rung ba tsam du kha da chad du yongs su gang ba/ me tog ud pa la dang / pad ma dang / ku mu da dang / pad ma dkar pos kun du gang ba/ gser gyi bye ma brdal ba rim pa bdun gyis yongs su bskor bar gyur te/
171a4 'obs de dag gi khor yug nas 'di lta ste/ gser dang / dngul dang / bai dUr+ya dang / shel dang / rin po che de bzhi las byas pa'i them skas bkra ba/ blta na sdug pa sha stag bkod par gyur to/ /de la gser gyi gzhi la ni dngul gyi them pa
171a5 bkye/ dngul gyi gzhi la ni gser gyi them pa bkye/ bai dUr+ya'i gzhi la ni shel gyi them pa bkye/ shel gyi gzhi la ni bai dUr+ya'i them pa bkye ba sha stag ste/ them skas de dag kyang rin po che sna bdun gyi kha khyer bkra ba/ blta na sdug pa
171a6 rim pa bdun gyis kun nas bskor bar gyur to/ /rin po che'i them skas de dag gi steng steng du rin po che sna bdun rta babs bkra ba/ blta na sdug pa sha stag btsugs par gyur to/ /them skas de dag so so'i khar 'dzam bu chu bo'i
171a7 gser gyi chu shing ljon pa bkra ba/ blta na sdug pa sha stag btsugs par gyur te/ 'obs kyi chu de dag re re zhing yang rin po che sna bdun gyi gru bkra ba blta na sdug pa sha stag bcas par gyur to/ /rgyal po chen po rgyal po grags
171a8 pa mtha' yas kyi bsod nams kyi gzi brjid kyis rgyal po'i pho brang 'khor rin po ches rab tu brgyan pa'i khor yug tu bskyed mos tshal bkra ba blta na sdug pa/ bdag gir bya ba med pa/ yongs su bzung ba med pa/ brgyad
171b1 khri byas par gyur to/ /de dag kyang rgyal po grags pa mtha' yas kyis skye bo thams cad yongs su longs spyod pa'i phyir byin te/ mi de dag bskyed mos tshal de dag tu dong nas phun sum tshogs pa'i bde ba mchog gis rtse dga' zhing
171b2 yongs su spyod par gyur to/ /bskyed mos tshal de dag re re zhing yang rdzing bu brgyad brgyad bshams par gyur te/ rdzing bu de dag kun kyang rgyar rgyang grags phyed phyed yod pa sha stag go/ /rdzing bu de dag re re zhing yang rin po che sna bzhi
171b3 'di lta ste/ gser dang / dngul dang / bai dUr+ya dang / shel gyi them skas bkra ba/ blta na sdug pa brgyad brgyad dang ldan par gyur to/ /them skas de dag gi steng steng du yang rin po che sna bdun gyi rta babs bkra ba/ blta na sdug
171b4 pa sha stag btsugs par gyur to/ /them skas de dag ri re'i khar yang 'dzam bu chu bo'i gser gyi chu shing ljon pa bkra ba blta na sdug pa sha stag btsugs par gyur to/ /rdzing bu de dag kyang chu yan lag brgyad dang ldan pas bya
171b5 rog gis btung du rung ba tsam du kha da chad du yongs su gang bar gyur to/ /rdzing bu de dag tu me tog chu las skyes pa 'di lta bu dag bskyed par gyur to/ /'di ltar me tog ud pa la dang / pad ma dang / ku mu da dang / pad ma dkar po dang /
171b6 dri zhim ldan rnams so/ /khor yug tu yang thang las skyes pa'i me tog 'di lta bu dag bskyed par gyur te/ 'di ltar a ti mug ta ka dang / tsam pa ka dang / bar sha ka dang sna ma'i me tog dang / ma yu ka dang / da nu ska ri dang / de ma yin pa'i
171b7 me tog thang las skyes pa mang po dag kyang bskyed par gyur to/ /rgyal po'i pho brang 'khor rin po ches rab tu brgyan pa de'i steng gi bar snang la dril bu g.yer ka'i dra ba chen po bres pa dang / rgyal po'i pho brang 'khor rin po ches
171b8 rab tu brgyan pa'i shing ta la de dag dang / rin po che'i dra ba de dag dang / dril bu g.yer ka'i dra ba de dag rlung gis bskyod pa las 'di lta bu'i sgra snyan cing yid du 'ong la mnyan na bde ba 'di lta ste dper na yan lag lnga dang ldan pa'i rol
172a1 mo sil snyan mkhas pas legs par blangs pa'i sgra lta bu byung bar gyur to/ /de'i tshe rgyal po'i pho brang 'khor rin po ches rab tu brgyan pa de na mi ji snyed cig 'khod pa de dag thams cad kyang sgra des rtse dga' zhing
172a2 yongs su spyod par gyur to/ /rgyal po'i pho brang 'khor rin po ches rab tu brgyan pa de ni 'byor pa rgyas pa/ bde ba lo legs pa/ skye bo mang po dang / mis yongs su gang ba/ me tog ud pa la dang / pad ma dang / ku mu da dang /
172a3 pad ma dkar pos yongs su gang bar gyur to/ /de nas rgyal po grags pa mtha' yas de 'di snyam du sems te/ 'o na bdag ni shar gyi lus 'phags gling du 'gro'o snyam pa dang / sems bskyed ma thag tu dpung gi tshogs/
172a4 yan lag bzhi pa dang lhan cig tu nam mkha' la mngon par 'phags nas shar gyi lus 'phags gling ga la ba der song ste/ des der lo brgya phrag mang po dang / lo stong phrag mang por rgyal po byas so/ /de nas rgyal po
172a5 grags pa mtha' yas de 'di snyam du sems te/ 'o na bdag ni nub kyi ba lang spyod kyi gling du 'gro'o snyam pa dang / sems bskyed ma thag tu dpung gi tshogs yan lag bzhi pa dang lhan cig tu nam mkha' la mngon par
172a6 'phags nas nub kyi ba lang spyod ga la ba der song ste/ des der lo brgya phrag mang po dang / lo stong phrag mang por rgyal po byas so/ /de nas rgyal po grags pa mtha' yas de 'di snyam du sems te/ 'o na bdag ni
172a7 byang gi sgra mi snyan gyi gling du 'gro'o snyam pa dang / sems bskyed ma thag tu dpung gi tshogs yan lag bzhi pa dang lhan cig tu nam mkha' la mngon par 'phags nas byang gi sgra mi snyan gyi gling chen po ga la ba der
172a8 song ste/ des der lo brgya phrag mang po dang / lo stong phrag mang por rang gi dpung gi tshogs la rjes su bstan to/ /de nas rgyal po grags pa mtha' yas yun ring po 'das pa'i dus shig na 'di snyam du sems te/
172b1 sum bcu rtsa gsum zhes bya ba'i lha ri rab kyi zom la gnas pa dag yod na/ bdag ni sum bcu rtsa gsum pa'i lha ga la ba der 'gro'o snyam pa dang / sems bskyed ma thag tu dpung gi tshogs yan lag bzhi pa dang lhan
172b2 cig tu nam mkha' la mngon par 'phags nas glang po rin po che'i bya la khar zhon te ri'i rgyal po ri rab kyi steng du song ngo / /de nas rgyal po grags pa mtha' yas kyis kha lo sgyur ba la smras pa/ kha lo sgyur ba gling chen po
172b3 bzhi dang / ri'i rgyal po ri rab dang / rgya mtsho chen po ji ltar mthong / kha lo sgyur bas smras pa/ rgyal po chen po 'di lta ste dper na rdza mkhan gyi 'khor lo dbyig pas 'phangs na yongs su 'khor ba de bzhin du gling chen po bzhi
172b4 dang / ri'i rgyal po ri rab dang / rgya mtsho chen po 'di yang yongs su 'khor bar mthong ngo / /rgyal pos smras pa/ kha lo sgyur ba 'o na da dung glang po rin po ches 'gros ma phyung ngo / /yang rgyal po grags pa mtha' yas kyis kha lo
172b5 sgyur ba la smras pa/ kha lo sgyur ba gling chen po bzhi dang / ri'i rgyal po ri rab dang / rgya mtsho chen po 'di ji ltar mthong / kha lo sgyur bas smras pa/ rgyal po chen po gling chen po bzhi dang / ri'i rgyal po ri rab dang / rgya mtsho chen po dag
172b6 de ni 'gul zhing rab tu 'gul ba dang / kun du rab tu 'gul bar mthong ngo / /rgyal pos smras pa/ kha lo sgyur ba 'o na da dung glang po rin po ches 'gros ma phyung ngo / /yang rgyal po grags pa mtha' yas kyis kha lo sgyur ba la smras pa/
172b7 kha lo sgyur ba gling chen po bzhi dang / ri'i rgyal po ri rab dang / rgya mtsho chen po 'di da ji ltar mthong / kha lo sgyur bas smras pa/ rgyal po chen po da ni gling chen po bzhi dang / ri'i rgyal po ri rab dang / rgya mtsho chen po dag kyang g.yo pa 'am
172b8 'gul ba dang / ldeg pa ma mchis par gnas par mthong ngo / /rgyal pos smras pa/ kha lo sgyur ba da ni glang po'i rgyal pos 'gros bslang pa ltas ring po mi thogs par ri'i rgyal po ri rab kyi rtse mor phyin par 'gyur ro/ /de nas
173a1 rgyal po grags pa mtha' yas dpung gi tshogs yan lag bzhi pa dang lhan cig tu ring po mi thogs par ri'i rgyal po ri rab kyi rtse mor phyin pa dang lha'i dbang po brgya byin gyis rgyal po grags pa mtha' yas rgyang ring po nas/ 'ong ba mthong ngo /
173a2 /mthong nas stan gyi phyed la bdar te rgyal po chen po tshur spyon/ rgyal po chen po byon pa legs so/ /rgyal po chen po stan gyi phyed la bzhugs shig ces smras pa dang / rgyal po grags pa mtha' yas lha'i dbang po
173a3 brgya byin gyi stan gyi phyed la 'dug ste/ des der lo brgya stong phrag mang por sum bcu rtsa gsum pa'i lha'i rgyal srid phyed kyi dbang phyug la dbang byas par gyur to/ /de nas rgyal po grags pa mtha' yas yun ring po 'das pa'i dus shig
173a4 na 'di snyam du sems te/ kye ma bdag gis brgya byin gyi stan thams cad la 'dug par bya'o snyam pa dang / des sems bskyed ma thag tu dpung gi tshogs yan lag bzhi pa dang lhan cig tu stan phyed po de las nyams nas 'dzam bu'i
173a5 gling du gnas par gyur te/ rgyal po pho brang 'khor rin po ches rab tu brgyan pa'i skyed mos tshal gyi ra ba na 'khod pa'i mi rnams kyis rgyal po grags pa mtha' yas rgyal po'i pho brang 'khor rin po ches rab tu brgyan pa'i
173a6 rin po che'i bskyed mos tshal du 'ongs shing de na 'dug pa mthong nas mthong ma thag tu myur ba myur bar rings pa'i gzugs kyis rgyal po'i pho brang 'khor rin po ches rab tu brgyan pa de na rgyal po dga' byed ces bya ba rgyal po
173a7 byed cing 'dug pa la sbran to/ /rgyal po dga' byed des rin po che'i za ma tog gi bskyed mos tshal na lha'i mi zhig dpung gi tshogs yan lag bzhi pa dang lhan cig tu gnas shes thos nas myur ba myur bar rings pa'i gzugs su bzhon
173a8 pa'i mchog la zhon te/ yan lag bzhi pa'i dpung gi tshogs dang lhan cig tu rgyal po'i pho brang 'khor rin po ches rab tu brgyan pa nas byang nas rin po che'i za ma tog gi bskyed mos tshal ga la ba der song ngo / /rgyal po'i pho brang 'khor rin po
173b1 ches rab tu brgyan pa na 'khod pa thams cad kyang ngo mtshar du gyur nas rgyug par gyur to/ /de nas rgyal po dga' byed bzhon pa las babs te/ rgyal po grags pa mtha' yas ga la ba der dong nas/ des spos dang / me tog dang / phreng ba dang /
173b2 byug pa dang / bdug spos phul te/ gos phrag pa gcig la gzar nas pus mo g.yas pa'i lha nga sa la btsugs te rgyal po grags pa mtha' yas ga la ba de logs su thal mo sbyar ba btud nas rgyal po grags pa mtha' yas la khyod su zhig
173b3 lags shes dris so/ /rgyal pos de la smras pa/ rgyal po grags pa mtha' yas shes bya ba zhig byung ba de khyod kyis thos sam/ rgyal po dga' byed kyis smras pa/ bdag gis rab tu 'ang thos te/ rgan rabs dag mchi na rgyal po
173b4 grags pa mtha' yas shes bgyi ba 'khor los sgyur ba khyogs dang dpung dang bzhon pa dang bcas te mtho ris su bzhud do zhes thos so/ /smras pa/ nga ni rgyal po grags pa mtha' yas zhes bya ba de yin no/ /de nas rgyal po grags pa mtha'
173b5 yas de mi'i gzi brjid kyis mig ma gang lte/ mi'i longs spyod mi bzod par gyur nas bying zhing mi gnas par gyur te/ 'di lta ste dper na mar gyi gong bu 'am/ mar sar gyi gong bu bye ma tsha la ba la bzhag pa ni 'ju zhing mi gnas so/ /
173b6 de bzhin du rgyal po grags pa mtha' yas kyang bying zhing mi gnas par gyur to/ /de nas rgyal po dga' byed kyi rgyal po grags pa mtha' yas de ltar bying ba de la 'di skad ces smras so/ /rgyal po grags pa mtha' yas kyis legs
173b7 par brjod pa ji skad gsungs shes mchi na/ bdag gis 'jig rten rnams la ji skad cig lung bstan par bgyi/ des smras pa/ rgyal po chen po grags pa mtha' yas ni gling chen po bzhir rgyal srid kyi dbang phyug la dbang byas shing bsam
173b8 pa yid bzhin du grub la don med par ma gyur ba yang myong / shing thams cad yid bzhin du 'bras bu chags pa dang / gnod pa thams cad rgyun chad pa dang / sems can thams cad kyi yid la bsams pa don yod pa dang / spos chu'i char 'bab
174a1 pa dang / lha'i yid bzhin gyi gos kyi char 'bab pa dang / dbyig gi char 'bab pa dang / gser gyi char 'bab pa dang / rin po che sna tshogs kyi char 'bab pa dang / yo byad thams cad kyi char 'bab pa yang myong bar gyur nas gling chen po bzhi
174a2 dag tu gnas te/ gling chen po bzhi'i rgyal srid kyi dbang phyug la dbang byas nas brgya byin gyi stan phyed mnan pa las 'dod pa chen pos ma btang ste/ 'dod pas ma ngoms bzhin du 'chi ba'i dus byas so zhes rgyal po chen po khyod kyis lung ston
174a3 cig /de skad ces smras nas rgyal po grags pa mtha' yas de 'chi ba'i dus byas par gyur to/ /rgyal po chen po de'i tshe de'i dus na 'khor los sgyur ba'i rgyal po grags pa mtha' yas shes bya ba byung ba de gzhan zhig yin snyam du
174a4 khyod dgos shing the tshom za na de de ltar mi blta'o/ /de ci'i phyir zhe na/ rgyal po chen po de nyid de'i tshe de'i dus na 'khor los sgyur ba'i rgyal po grags pa mtha' yas shes bya bar gyur to/ /de bas na rgyal po chen po khyod
174a5 kyis dbang po rnams ni sgyu ma lta bu/ yul rnams ni rmi lam lta bu'o zhes de ltar rig par byas nas sems nges par bzhag par bya ste/ gzhan gyi dring mi 'jog par bya'o/ /de nas bcom ldan 'das kyis de'i tshe tshigs su bcad
174a6 pa 'di dag gsungs so/ /'dod pa'i dbang phyug rnam pa las/ /sems ni mkhas pas bskyod byas te/ /chos kyi dbang phyug dga' ba la/ /sems ni yang dag nyid du gtang / /'dod pa'i dbang phyug spang byas shing / /chos kyi
174a7 dbang la yid bzhag ste/ /sems gdul ba la rab brten na/ /nyon mongs rab tu tshar chod 'gyur/ /nyon mongs tshar bcad brten nas ni/ /las kyi lam yang chad par 'gyur/ /las kyi lam ni chad gyur na/ /
174a8 'jig rten gyi ni mchod rten 'gyur/ /'dod la kun nas nyon ma mongs/ /'dod pa'i nyes pa rab bstan te/ /sems can rnams la phan sems pas/ /de phyir mchod pa'i rten ces bya/ /'dod pa'i nyes pa thos gyur na/ /
174b1 mi ni 'dod pa'i 'dod chags las/ /sems sbyong byed pa thams cad mkhyen/ /de phyir mchod pa'i rten ces bya/ /sems can rnams kyi sdang spang pa/ /gang zag mchog gis rab tu mkhyen/ /sdang las sems ni grol mdzad pas/ /
174b2 de phyir mchod pa'i rten ces bya/ /sems can rnams kyi rmongs spangs pa/ /shAkya'i khyu mchog rab mkhyen te/ /rmongs las sems ni sbyong mdzad pas/ /de phyir mchod pa'i rten ces bya/ /sems can nga rgyal spang pa yang / /sems
174b3 can kha lo sgyur bas mkhyen/ /nga rgyal dag las sems sbyong bas/ /de phyir mchod pa'i rten ces bya/ /bcom ldan 'das kyis gzhan yang rgyal po zas gtsang ma la bka' stsal pa/ rgyal po chen po sngon byung ba 'das pa'i dus na rgyal
174b4 po sa'i lha zhes bya ba chos dang ldan pa chos kyi rgyal po rin po che sna bdun dang ldan pa byung ste/ de'i rin po che sna bdun ni 'di dag ste/ 'di ltar 'khor lo rin po che dang / glang po rin po che dang / rta rin po che dang / nor bu rin po che dang /
174b5 bud med rin po che dang / khyim bdag rin po che dang / blon po rin po che dang bdun no/ /rgyal pos sa'i lha de'i pha ni rgyal pos 'byung zhes bya bar gyur to/ /rgyal po sa 'byung de'i bu thu bo ni gzhon nu sa'i lha ste/ de nas rgyal po sa
174b6 'byung 'chi ba'i dus byed pa'i tshe rgyal bu gzhon nu sa'i lha rgyal srid la dbang bskur ro/ /de nas rgyal pos sa'i lha de rgyal po rgyal rigs spyi bo nas dbang bskur bar gyur to/ /de nas rgyal po sa'i lha rgyal rigs spyi bo nas
174b7 dbang bskur ba de gso sbyong gi nyi ma zla ba nya ba'i tshe skra bkrus te ras bcos bu sar pa bgos/ skra dang kha spu bcos/ phreng ba dang rgyan btags/ nor bu dang rna cha gdub kor btags nas khang steng na bud med kyi 'khor
174b8 gyis bskor cing mdun du bdar te 'dug 'dug pa dang / shar phyogs nas lha'i 'khor lo rin po che rtsibs stong dang ldan pa/ lte ba dang bcas pa/ mu khyud dang bcas pa/ rnam pa thams cad kyi mchog dang ldan pa/ 'od
175a1 zer dang ldan pa/ 'od gsal ba/ 'phang du khru bdun yod pa/ thams cad gser las byas pa byung bar gyur to/ /rgyal pos sa'i lha des sngon yang rgyal po rgyal rigs spyi bo nas dbang bskur ba gang gso sbyong gi nyi ma
175a2 zla ba nya ba'i tshe zhes bya ba nas bud med kyi tshogs kyis bskor cing mdun du bdar ba'i bar du snga ma bzhin te/ shar phyogs nas lha'i 'khor lo rin po che rtsibs stong dang ldan pa zhes bya ba nas thams cad gser las byas
175a3 pa'i bar dang ldan pa byung bar gyur ba dang / de 'khor los sgyur ba'i rgyal por 'gyur ro zhes thos pas de 'di snyam du sems te/ bdag 'khor los sgyur ba'i rgyal po lha yin nam de la bdag gis sad par bya'o snyam
175a4 nas rgyal po sa'i lha stan las langs te/ gos phyogs gcig tu bgos nas pus mo g.yas pa'i lha nga sa la btsugs te/ lha'i 'khor lo rin po che ga la ba de logs su thal mo sbyar ba btud nas lha'i 'khor
175a5 lo rin po che de la 'di skad ces smras so/ /kye 'khor lo rin po che bo bas te sa la gnos shig ces byas pa dang / de nas lha'i 'khor lo rin po che nam mkha' las babs te sa la gnas par gyur to/ /de nas rgyal
175a6 po sa'i lha des lha'i 'khor lo rin po che de gos khye'u gtsang gis phyis te lag pa g.yas pas bskul nas 'di skad ces smras so/ /kye 'khor lo rin po che shar phyogs las rnam par rgyal bar gyis shig /de nas
175a7 'khor lo rin po che de shar phyogs logs su gyur pa dang / shar phyogs kyi gnas rnams su de nyid kyi tshe sngon gyi 'khor los sgyur ba rnams kyi lam mnyam zhing shin du bde ba/ nyams dga' ba/ rin po che bdun gyi
175a8 rgyu las grub pa/ me tog sil ma sna tshogs kyis gang ba byung bar gyur te/ de'i gshong du gyur pa'i phyogs rnams ni mtho bar gyur to/ /sgang du gyur pa rnams ni dmar bar gyur to/ /de'i khron pa dang / 'bab chu'i
175b1 dong dang / mtsho dang / mtshe'u dang / chu klung skams pa rnams su ni yan lag brgyad dang ldan pa'i chu byung bar gyur te/ 'di lta ste/ bsil ba dang / zhim pa dang / yang ba dang / 'jam pa dang / dang ba dang / dri nga ba med pa dang / 'thungs na lkog mar mi gnod pa dang /
175b2 'thungs na lto bde bas yongs su gang bar gyur to/ /me tog gi shing ljon pa rnams la yang me tog chags par gyur to/ /'bras bu'i shing ljon pa rnams la yang 'bras bu chags par gyur to/ /me tog rgyas pa'i shing rnams kyang rtag tu
175b3 me tog rgyas par gyur to/ /'bras bu chags pa'i shing rnams kyang rtag tu 'bras bu chags par gyur to/ /'khor los sgyur ba'i rgyal po dpung gi tshogs yan lag bzhi pa dang lhan cig tu 'khor lo rin po che de'i
175b4 phyi bzhin song ste/ sa phyogs gang du 'khor lo rin po che de 'dug par gyur pa der 'khor los sgyur ba'i rgyal po yang dpung gi tshogs yan lag bzhi pa dang lhan cig tu 'dug par gyur to/ /de'i tshe shar phyogs kyi rgyal po 'am/
175b5 khams kyi rgyal po 'am/ grong rdal gyi mi 'am/ zhing pa de dag thams cad gser gyi gzhong pa dngul sil mas bkang ba dang / dngul gyi gzhong pa gser phyes bkang ba dag thogs te/ 'khor los sgyur ba'i rgyal po de bsu zhing lha tshur
175b6 gshegs/ lha gshegs pa legs so/ /lha'i chags 'og tu mda' ba 'di dag ni 'byor cing rgyas la lo legs shing skye bo mang po dang mis gang ba ste/ 'di dag dang bdag cag la lha mnga' mdzad du gsol/ /de skad ces smras pa dang /
175b7 'khor los sgyur ba'i rgyal po des de dag la 'di skad ces smras so/ /nga la longs spyod 'di dag mi dgos kyis/ 'di dag khyed kyi longs spyod du gyur te nye bar 'tsho bar gyis shig /khyed 'di ltar nga'i rjes su 'brang bar gyis shig /
175b8 gal te khyed kyis srog gcod pa spangs te/ ma byin par len pa spangs shing log par lta ba'i bar du spangs na nga yang bdag gis ni yul 'di dag las rgyal te/ mi gang dag mar 'dzin pa dang / phar 'dzin pa dang / dge sbyong du 'dzin
176a1 pa dang / bram zer 'dzin pa dang / rigs kyi gtso bo la rim gro byed pa de dag ni nga'i rjes su 'brang ba yin no snyam du sems so/ /da phan chad khyed yul 'khor du chos ma yin pa'i spyod pa dang / mi rigs pa'i spyod pa 'dod par ma
176a2 byed cig /de ltar byas na nga yang yul 'di rnams las rgyal zhing de dag kyang nga'i rjes su 'brang ba yin par sems so/ /de dag gis de la legs so zhes nas de bzhin du nan tan byed do/ /de'i lha'i 'khor lo rin po che des
176a3 shar phyogs su rnam par rgyal bar byas te/ shar phyogs kyi rgya mtsho las rgal nas mdun du shing rta'i srog shing btsugs pa ltar 'dug par gyur to/ /de bzhin du lho phyogs su yang rgya cher rnam par rgyal bar
176a4 byas nas/ byang phyogs su byang gi sgra mi snyan gyi gling chen po'i bar las rnam par rgyal bar byas te/ byang phyogs kyi rgya mtsho las rgal nas 'khor los sgyur ba'i rgyal po'i pho brang gi sgo'i steng du/ shing rta'i srog shing
176a5 btsugs pa bzhin du 'dug par gyur to/ /rgyal po sa'i lhas 'khor lo rin po che bskor ma thag tu de nas de'i mod la gling chen po bzhi pa thams cad rin po che'i rang bzhin bkra ba blta na sdug par gnas par gyur te/ rin
176a6 po che sna bdun ni 'di lta ste/ gser dang / dngul dang / bai dUr+ya dang / shel dang / mu tig dmar po dang / spug dang / rdo'i snying po dang bdun no/ /rgyal po sa'i lhas 'khor lo rin po che de bskor ma thag tu sems can dmyal ba
176a7 thams cad rgyun chad par gyur/ dud 'gro'i skye gnas thams cad dang / gshin rje'i 'jig rten thams cad dang / lha ma yin gyis ris thams cad dang / mi khom pa thams cad kyang rgyun chad par gyur to/ /mi dge ba'i sgra
176a8 rnams kyang yongs su nub par gyur to/ /'di ltar rgyal po sa'i lha'i sngon gyi smon lam gyis gling chen po bzhi po thams cad du ma rmos ma btab pa'i 'bras sA lu'i 'bru yang byung bar gyur/ dpag bsams kyi shing
176b1 rnam pa sna tshogs kyang byung bar gyur to/ /sems can de dag gi nad kyi rnam pa yang 'di lta ste/ 'dod pa dang / kha zas mi za ba dang / rga ba gsum ma gtogs par thams cad rgyun chad par gyur to/ /sems can de dag gi tshe'i tshad ni lo bye ba tshang
176b2 bar gyur to/ /sems can de dag la sdug bsngal gyi sdug bsngal yang thams cad du mi mngon zhing mi gnod par gyur te/ de'i tshe 'di dag dang gzhan yang ngo mtshar rmad du byung ba mtha' yas byung bar gyur to/ /rgyal po chen po de nas
176b3 rgyal po sa'i lha de 'di snyam du sems te/ mi'i 'jig rten na longs spyod 'di lta bu yod na longs spyod 'di bas rgya che ba dang / 'di las khyad par 'phags pa'i longs spyod gzhan 'ga' zhig yod dam med snyam nas de 'di snyam du
176b4 sems te/ bdag gis sum bcu rtsa gsum pa'i lha zhes bya ba ri rab kyi rtse mo la gnas pa dag cig yod ces thos na de dag gi longs spyod de ci 'dra ba zhig yod snyam mo/ /de nas rgyal po sa'i lha de 'dod pa de ma spangs
176b5 pa'i phyir mi'i longs spyod la ni smod/ lha'i longs spyod la ni smon cing 'di snyam du 'o na bdag sum bcu rtsa gsum pa'i gnas su 'gro bar bya'o snyam du sems bskyed par gyur to/ /rgyal po chen po sa'i lha des sems
176b6 bskyed ma thag tu dpung gi tshogs yan lag bzhi pa dang lhan cig tu ri'i rgyal po ri rab kyi rtse mo la phyin par gyur to/ /de nas lha'i dbang po brgya byin gyis rgyal po sa'i lha rgyang ring po nas 'ong ba mthong nas 'di skad
176b7 ces smras te/ rgyal po chen po tshur spyon/ rgyal po chen po byon pa legs so zhes stan gyi phyed la bdar te/ rgyal po chen po gang gi dus la dbab par mkhyen na stan 'di la bzhugs shig ces smras pa dang / rgyal po
176b8 sa'i lha yang brgya byin gyi stan phyed la 'dug ste/ des der lo brgya stong phrag mang por sum bcu rtsa gsum pa'i lha'i nang du rgyal srid kyi dbang phyug phyed la dbang byas so/ /de yun ring po 'das pa'i dus shig na 'dod pa chen po'o/ /
177a1 dbang gis 'di snyam du sems par gyur te/ kye ma bdag gis sum bcu rtsa gsum pa'i lha'i nang du rgyal srid kyi dbang phyug thams cad la dbang bya'o snyam pa dang / sems bskyed ma thag tu lha'i dbang po brgya byin gyi
177a2 stan phyed las nyams nas phyir 'dzam bu'i gling gi grong khyer bde ba'i khyim zhes bya bar gnas par gyur to/ /de lta'i gzi brjid dang ldan pa las 'dzam bu'i gling du gnas par gyur bas mi'i gzi brjid mi bzod par gyur nas de bying
177a3 zhing mi gnas par gyur to/ /de nas rgyal po sa'i lha sa la 'bying ba na de'i tshe tshigs su bcad pa 'di dag smras so/ /rgyal srid dbang phyug rgya chen gyis/ /'dod la sred pa zhi mi 'gyur/ /me la rtswa shing ji bzhin te/ /de bas 'dod pa rnam
177a4 par spang / /yun ring rgyud kyi 'dod pa la/ /bsten na ngoms par mi 'gyur te/ /skom pas nyen pa tshwa chu la/ /rab tu 'thungs kyang yongs gdung bzhin/ /chu bo rnams kyis nam du yang / /rgya mtsho ngoms par mi 'gyur te/ /de bzhin
177a5 'dod pa bsten byas na/ /gzhan yang ngoms par mi 'gyur ro/ /shing dang rtswa dag rab bsregs kyang / /me ni ngoms par mi 'gyur ro/ /de bzhin 'dod pa bsten byas na/ /'dod pa'i longs spyod ngoms mi myong / /me long ji ltar
177a6 gzugs brnyan gyis/ /nam yang ngoms par mi 'gyur ba/ /de bzhin gzugs rnams bsten byas na/ /'dod pa'i longs spyod ngoms mi myong / /brag ca ji ltar sgra rnams kyis/ /nam yang ngoms par mi 'gyur ba/ /de bzhin
177a7 sgra rnams bsten byas na/ /'dod pa'i longs spyod ngoms mi myong / /ji ltar spos snod spos rnams kyis/ /nam yang ngoms par mi 'gyur ba/ /de bzhin dri rnams bsten byas kyang / /sna ni dri yis ngoms mi myong / /ji ltar
177a8 gzar bu ro mchog gis/ /nam yang ngoms par mi 'gyur ba/ /de bzhin lce ni ro mchog gis/ /nam yang ngoms par mi 'gyur ro/ /ji ltar nam mkha' rlung rnams kyis/ /nam yang ngoms par mi 'gyur ba/ /de bzhin lus ni reg rnams kyis/ /
177b1 nam yang ngoms par mi 'gyur ro/ /dper na rmi lam rmis pa yi/ /chu 'thungs ngoms par mi 'gyur ba/ /de bzhin chos la chags pa yi/ /yid kyang ngoms par 'gyur ba med/ /sems can 'dod la sten pa ni/ /phyir zhing sred pa 'phel 'gyur
177b2 te/ /yul la nye bar bsten byas na/ /'dod pas nam yang ngoms pa med/ /skom dang me 'dra'i 'dod pa las/ /sdug bsngal 'byung bar sus mthong ba/ /de dag sred pa zhir 'gyur te/ /me la chus ni blugs pa bzhin/ /rgyal po
177b3 chen po de'i tshe de'i dus na 'khor los sgyur ba'i rgyal po sa'i lha zhes bya ba byung ba de gzhan zhig yin snyam du dogs shing the tshom za 'am yid gnyis su gyur na khyod kyis de ltar mi blta'o/ /de ci'i phyir zhe na/ rgyal po chen po de nyid
177b4 de'i tshe de'i dus na 'khor los sgyur ba'i rgyal po sa'i lha zhes bya bar gyur to/ /de tsam du che zhing tsam du yangs pa'i dbang phyug la dbang byas kyang dbang phyug gis ma ngoms bzhin du 'chi ba'i dus byas par gyur to/ /de ci'i phyir
177b5 zhe na/ rgyal po chen po dbang po rnams ni ma ngoms shing ngoms par mi rung ba/ yul rnams ni ngoms par mi byed pa ste/ dbang po rnams ni me long dang 'dra/ yul rnams ni gzugs brnyan dang 'dra/ dbang po rnams ni brag ca
177b6 dang 'dra/ yul rnams ni sgra dang 'dra/ dbang po rnams ni sgyu ma dang 'dra/ yul rnams ni rmi lam dang 'dra ba yin gyis/ rgyal po chen po khyod de la yid gzhag cing gzhan gyi dring mi 'jog par gyis shig / //
177b7 bam po bcwa lnga pa ste tha ma/ rgyal po chen po gzhan yang sngon gyi byung ba 'das pa'i dus na rgyal po nga las nu zhes bya ba rdzu 'phrul che zhing mthu che la dbang che bar grags pa/ rgyal po gso sbyong 'phags kyi spyi bo nas byung ba/ sngon
177b8 dge ba'i rtsa ba bsags pa/ sangs rgyas dpag tu med pa mthong ba/ dge ba'i rtsa ba yang dag par bsgrubs pa/ sangs rgyas bye ba khrag khrig mang po la chos dkar po yongs su bsgrubs pa zhig byung ste/ des
178a1 gling chen po bzhir dbang phyug la dbang byas so/ /de 'dzam bu'i gling na gnas pa de'i tshe 'dod pa'i khams kyi sems can mi dang lha ji snyed cig 'dod pa la spyod par gyur pa de dag gi nang na rgyal po nga las nu de 'di ltar 'dod pa la
178a2 longs spyod pas mchog tu brjod do/ /de'i tshe 'dzam bu'i gling ni 'byor cing rgyas la bde zhing lo legs pa dang / skye bo mang po dang mis gang ba dang / grong dang / grong khyer dang / grol rdal dang / ljongs dang / yul 'khor dang / rgyal po'i pho brang 'khor
178a3 ba yang mad pa nye bar gyur/ grong rnams kyang bya gag gi 'phur stabs kyis son pa tsam du nye bar gyur to/ /'di ltar chos kyis gnas par gyur pas sa chen po 'di yang gseg ma dang / gyo mo med cing gser dngul mang po dang /
178a4 kun dga' ra ba dang / bskyed mos tshal dang / rdzing bu dang / mtshe'u dag gis mdzes par byas par gyur to/ /rgyal po nga las nu'i rgyal po'i pho brang 'khor ni grong khyer mi tshugs pa zhes bya bar gyur te/ shar nub tu chur ni
178a5 dpag tshad bcu gnyis/ lho byang gi zheng du ni dpag tshad bdun yod par gyur to/ /de ni bskal pa'i dang po la byung ba'i 'khor los sgyur ba'i rgyal po rigs chen por grags pas skyes pa'i rgyal po rnams kyi dang po'i grong
178a6 khyer du gyur pa ste/ 'di lta ste dper na sum bcu rtsa gsum pa'i lha rnams kyi grong khyer chen po blta na sdug ces bya ba ni steng gi phyogs nas dril bu g.yer ka'i dra ba bres pa'i bar du rgya cher te/ de bzhin du rgyal po nga las nu'i
178a7 dpyid gnas pa ni zla ba 'char ba zhes bya ba'i khang bzangs bshams par gyur to/ /dbyar gnas pa ni bai dUr+ya'i snying po zhes bya ba'i khang pa zangs bshams par gyur te/ 'di lta ste dper na lha'i dbang po brgya byin gyi rnam par
178a8 rgyal ba'i khang bzangs lta bu'o/ /rgyal po nga las nu'i dgun gnas pa ni nyi ma'i 'od zer yang dag 'phags shes bya ba'i khang bzangs bshams par gyur te/ 'di lta ste dper na lha'i dbang po brgya byin gyi rnam par rgyal ba'i
178b1 khang bzangs lta bu'o/ /rgyal po nga las nu khang bzangs zla ba 'char bar gnas pa'i tshe ni btsun mo dang bcas par 'di lta ste dper na tsan dan gyis bskus pa bzhin du lus bsil bar gyur to/ /khang bzangs bai dUr+ya'i snying por gnas pa'i
178b2 tshe 'di lta ste dper na ta ma la'i lo mas bskus pa bzhin du lus dus dang ldan par bde bar gyur to/ /khang bzangs nyi ma'i 'od zer yang dag 'phags su gnas pa'i tshe ni 'di lta ste dper na a ga rus bskus pa bzhin du lus dro
178b3 bar gyur to/ /rgyal po chen po rgyal po nga las nu'i bsam pa'i dbang gis khang bzangs de dag kyang nyams su bde ba'i reg pa 'byin par gyur to/ /bsam pa'i dbang gis rlung ldang bar 'gyur/ char 'bab par 'gyur/ rol mo
178b4 mo'i sgra 'byung bar 'gyur ro/ /bsam pa'i dbang gis skyid pa dang / longs spyod dang / yongs su spyad pa'i rnam pa 'byung ngo / /rgyal po chen po de nas rgyal po nga las nu 'di snyam du sems te/ kye ma bdag gi pho brang du zhag bdun
178b5 du dbyig gi char 'bab par gyur cig snyam pa dang / sems bskyed ma thag tu rgyal po nga las nu'i pho brang du zhag bdun du dbyig gi char bab par gyur to/ /rgyal po chen po de nas rgyal po nga las nus zhag bdun po de
178b6 'das nas dbyig gi char bab pa de la 'di snyam du sems te/ ji tsam du yongs su dag pa'i las kyi rnam par smin pas bsam pa yid bzhin du yongs su rdzogs pa dmigs shing bsod nams dag kyang mi slu
178b7 ba 'di ni ngo mtshar rmad du byung ngo snyam nas de yang 'di snyam du sems ste/ bdag gis gling chen po 'dzam bu'i gling 'byor cing rgyas la/ bde zhing lo legs pa dang / skye bo mang po dang mis gang ba la yang dbang byas/
178b8 bdag gi khyim du ni zhag bdun du dbyig gi char bab na da ni bdag nub kyi ba lang spyod kyi gling du 'gro'o snyam pa dang / sems bskyed ma thag tu rgyal po chen po rgyal po nga las nu dpung gi tshogs yan lag bzhi pa dang lhan
179a1 cig tu nam mkha' la mngon par 'phags te/ 'dzam bu'i gling nas nub kyi ba lang spyod kyi gling du phyin nas/ des der lo brgya stong phrag mang por mi'i las 'das shing lha rdzas su ma gyur ba'i longs spyod dang ldan
179a2 pa'i rgyal po byas so/ /de nub kyi ba lang spyod kyi gling chen po de na gnas pa'i tshe yang sems bskyed ma thag tu 'dzam bu'i gling du bab pa bzhin du zhag bdun gyi bar du dbyig gi char bab par gyur to/ /rgyal po chen po de nas rgyal
179a3 po nga las nu de 'di snyam du sems te/ bdag gi 'dzam bu'i gling 'byor cing rgyas pa nas skye bo mang po dang mis gang ba'i bar la ni dbang byas/ bdag gi khyim du zhag bdun du dbyig gi char ni bab/ bdag gis nub kyi
179a4 ba lang spyod kyi gling chen po la yang dbang byas te/ bdag gi khyim 'dir yang zhag bdun du dbyig gi char bab na shar gyi lus 'phags shes bya ba'i gling chen po yod kyis/ bdag ni gling chen po shar gyi lus
179a5 'phags po ga la ba der 'gro'o snyam pa dang / sems bskyed ma thag tu rgyal po chen po rgyal po nga las nu de dpung gi tshogs yan lag bzhi pa dang lhan cig tu nam mkha' la mngon par 'phags nas shar gyi lus
179a6 'phags po'i gling chen por phyin par gyur te/ des der yang lo brgya stong phrag mang por mi'i las 'das shing lha rdzas su ma gyur ba'i longs spyod pa dang ldan par rgyal po byas so/ /rgyal po chen po de nas rgyal po
179a7 nga las nus der yang 'di snyam du bsams te/ bdag gis 'dzam bu'i gling dang / nub kyi ba lang spyod dang / shar gyi lus 'phags po la ni dbang byas na da ni bdag byang gi sgra mi snyan gyi gling chen por 'gro'o/ /
179a8 de'i mi rnams ni nga yir bya ba med cing yongs su 'dzin pa med mod kyi/ 'on kyang der song ste rang gi dpung gi tshogs la rjes su bstan par bya'o snyam pa dang / sems bskyed ma thag tu rgyal po nga las nu de dpung gi tshogs yan lag
179b1 bzhi pa dang lhan cig tu nam mkha' la mngon par 'phags nas shar gyi lus 'phags po'i gling chen po nas byung gi sgra mi snyan gyi gling chen por phyin par gyur te/ des der yang mi rnams nga yir bya ba med cing yongs su 'dzin pa med
179b2 pa'i nang du lo brgya stong phrag du mar bdag gi dpung gi tshogs rnams la rjes su bstan to/ /rgyal po chen po de nas lo stong mang po 'das pa zhig na rgyal po nga las nu de 'di snyam du sems te/ bdag gis 'dzam bu'i gling la ni dbang
179b3 byas/ zhag bdun du ni khyim du dbyig gi char bab/ bdag gis nub kyi ba lang spyod kyi gling chen po la yang dbang byas/ bdag gis shar gyi lus 'phags kyi gling chen po la yang dbang byas/ bdag gis byang gi sgra mi snyan gyi gling
179b4 chen po la yang dbang byas na/ da ni sum bcu rtsa gsum pa zhes bya ba'i lha ri rab kyi rtse mo la 'khod pa zhig yod ces grag gis sum bcu rtsa gyi gnas su 'gro'o snyam du bsams so/ /rgyal po chen po de nas rgyal po nga las nus sems
179b5 bskyed ma thag tu dpung gi tshogs yan lag bzhi pa dang lhan cig tu nam mkha' la mngon par 'phags nas ri rab kyi rtse mo la phyin par gyur to/ /de'i tshe sum bcu rtsa gsum pa'i lha rnams chos bzang lha'i mdun sa zhes bya ba na 'dus
179b6 shing 'khod 'khod pa las lha'i dbang po brgya byin gyis rgyal po nga las nu rgyang ring po nas 'ong ba mthong ste/ mthong nas stan gyi phyed la bdar te rgyal po chen po chur spyon/ rgyal po chen po byon pa legs so/ /gang gi dus la dbab par
179b7 shes na stan gyi phyed la bzhugs shig ces smras pa dang / rgyal po nga las nu lha'i dbang po brgya byin gyi stan gyi phyed la 'dug go/ /rgyal po nga las nu brgya byin gyi stan phyed la 'dug ma thag tu sum bcu rtsa gsum pa'i lha thams
179b8 cad lha'i gnas bcus zil gyi gnan to/ /bcu gang zhe na/ lha'i tshe dang / lha'i grags pa dang / lha'i kha dog dang / lha'i bde ba dang / lha'i dbang phyug la dbang ba dang / lha'i gzugs dang / lha'i sgra dang / lha'i dri dang / lha'i ro dang / lha'i reg dang /
180a1 rnam pa bcu ste/ de dag gis lha'i dbang po brgya byin ma gtogs pa thams cad zil gyis mnan to/ /de ci'i phyir zhe na/ mig 'dzums pa dang / mig mi 'dzums pa tsam las lha rnams kyis 'di ni rgyal po nga las nu'o/ /'di ni lha'i
180a2 dbang po brgya byin no zhes bya bar shes pa ma gtogs par rgyal po nga las nu de dang / lha'i dbang po brgya byin gnyis kyang gzugs mnyam par gyur/ spyod pa mnyam par gyur/ longs spyod mnyam par gyur te/ rgyal po chen po mir gyur pa
180a3 dang / lhar gyur pa gnyis lus mnyam par grub pa de ni ngo mtshar che'o/ /rgyal po chen po rgyal po nga las nus der lo brgya stong phrag mang por sum bcu rtsa gsum pa'i lha'i nang du rgyal srid kyi dbang phyug phyed la dbang byas so/ /
180a4 rgyal po chen po de nas rgyal po nga las nus gling chen po bzhi ba'i dbang phyug dbang byas/ sum bcu rtsa gsum pa'i lha'i rgyal srid phyed la dbang byas kyang dbang phyug gis ma ngoms nas 'di snyam du sems bskyed de/
180a5 kye ma bdag gis sum bcu rtsa gsum pa'i lha'i rgyal srid kyi dbang phyug thams cad la dbang bya'o snyam pa dang / sems bskyed ma thag tu dpung gi tshogs yan lag bzhi pa dang lhan cig tu sum bcu rtsa gsum gyi gnas
180a6 nas nyams te/ 'dzam bu'i gling du rgyal po'i skyed mos tshal mchog tu phyin par gyur to/ /de 'dzam bu'i gling du gnas par gyur ba'i tshe phyogs thams cad kyang snang bar gyur te/ nyi ma'i 'od kyang zil gyis mnan nas 'di
180a7 lta ste dper zla ba'i 'od nyi mas zil gyis mnan pa lta bu'o/ /nyi ma nam mkha' la 'dug pa yang lham me ma yin te/ 'di lta ste dper na zla ba'i dkyil 'khor steng gi bar snang la 'dug pa nyi mas zil gyis non na mi
180a8 snang ba bzhin no/ /de nas grong khyer mi tshugs pa'i pho brang dam pa na mi 'khod pa rnams kyis rgyal po de bskyed mos tshal der phyin pa mthong bar gyur to/ /mthong nas kyang ngo mtshar du gyur te/ de dag grong du dong nas kye grogs po
180b1 dag 'di ltar lha'i bu zhig bar snang las babs te/ rgyal po'i skyed mos tshal 'dir phyin to zhes tshig tu brjod/ sgra bsgrags so/ /rgyal po chen po de nas yul 'khor gyi mi dang rgyal por bcas pas de skad thos nas myur ba myur bar
180b2 rings pa'i gzugs su glu dang / rol mo dang / me tog dang / spos dang / phreng ba dang / bdug spos dang / byug pa dang / gdugs dang / rgyal mtshan dang / ba dan dang / bla re dag thogs nas gtsang sbra'i spyod pas grong khyer de nas byung ste bskyed mos
180b3 tshal de ga la ba der dong ngo / /rgyal po chen po rgyal po nga las nu de bskyed mos tshal der 'dug ma thag tu sa chen po 'di yang rnam pa drug tu g.yos par gyur to/ /rgyal po chen po de nas yul 'khor gyi mi dang rgyal por bcas pa mi'i dri khyad
180b4 par du 'phags pas rgyal po nga las nu'i drung du dong ba dang / /rgyal po nga las nu lha'i longs spyod la goms pas mi'i longs spyod mi bzod par gyur nas sa la bying zhing mi gnas par gyur te/ 'di lta ste dper na mar gyi gong bu 'am/
180b5 mar sar gyi gong bu bye ma tsha ba la bzhag na zhu zhing mi gnas pa de bzhin du yul 'khor gyi mi dang rgyal por bcas pas de bying bar gyur pa mthong nas khyod su zhig lags shes dris so/ /de nas rgyal po nga las nus rgyal po dang /
180b6 yul 'khor gyi mir bcas pa de dag la 'di skad ces smras so/ /khyed kyis rgyal po nga las nus zhes bya ba zhig byung ba de thos sam/ de dag gis smras pa/ bdag cag gis rgan rabs dag las rgyal po nga las nu zhes bgyi ba zhig lus de
180b7 nyid kyis dpung gi tshogs yan lag bzhi pa dang lhan cig tu mtho ris su bzhud do zhes thos so/ /rgyal po nga las nus de dag la smras pa/ grogs po dag rgyal po nga las nu zhes bya ba de ni kho bo yin te/ mtho ris nas nyams nas
180b8 lhung bar gyur to zhes smras nas/ rgyal po dang yul 'khor gyi mir bcas pa de dag gis glu'i dbyangs kyi tshigs su bcas pas de la 'di skad ces smras so/ /bdag cag rnams kyis rgan rabs las/ /mi yi bdag po rdzu 'phrul che/ /
181a1 mya ngan bral zhing grags chen ldan/ /nga las nus zhes bya ba byung / /de ni khyogs dpung bzhon dang bcas/ /g.yog bcas mtho ris 'jig rten bzhud/ /mi dbang gtso bo lha gnas bzhugs/ /chos kyi sa yang skyong zhes
181a2 thos/ /de smras mi yi bdag po de/ /mi rtag nyen te phongs par gyur/ /bde ba stor te sdug bsngal thob/ /rgyal po de ni kho bo yin/ /nga smras skye bo thams cad kyis/ /thal mo sbyar te rkang bar gtugs/ /rgyal po bdag cag ci brjod
181a3 pa/ /ya mtshan ngo mtshar bka' stsal gsol/ /de smras rgyal po lha las nyams/ /sdug bsngal rnyed pa'i ngo mtshar nyon/ /yun ring bde bar 'dod pa yi/ /mis ni rtag tu bag yod bya/ /nga las nu ba rgyal po'i mchog /rgyal pos
181a4 gling bzhir rab bstan nas/ /'dod pa'i longs spyod mchog ldan te/ /'dod pas ma ngoms de 'das so/ /de yi khyim du bzhag bdun du/ /dbyig gi dra ba'i char pa bab/ /gling bzhi pa la rab bstan nas/ /'dod pas ma ngoms de bying ngo / /
181a5 lha yi dbang po brgya byin gyi/ /stan phyed la ni rgyal po 'dug /kun du rtog pa'i rtog pas brlag /bdag 'dod nga rgyal bcom nas rgud/ /mi mkhas 'khor ba'i rgya mtsho 'dir/ /'gro ba dag tu yang nub ste/ /'dod pa rab tu bsten byas
181a6 na/ /rgyal bas bsngags pa'i ngoms mi rnyed/ /rmi lam rmis pa'i chu lta bur/ /'thungs kyang ngoms par mi 'gyur ba/ /de ltar 'dod pa'i longs spyod rnams/ /bsten na ngoms par mi 'gyur ro/ /blo grogs ldan pa gang dag
181a7 gis/ /shes pas mun pa rnams bsal te/ /ngoms par bya phyir bcom ldan gyi/ /'phags pa'i shes rab yang dag rtog /srid pa rnam bshig blo gros can/ /rga dang shi dang skye la rtog /sred pa rab tu spangs nas su/ /srid pa
181a8 spangs te len mi byed/ /tshor ba'i rnam pa me 'drar rig /reg pa'ang mi 'drar rig nas ni/ /tshor ba 'phags pa ma yin dang / /reg pa de la sred mi byed/ /rol mo'i sil snyan brdungs pa ltar/ /yul dang dbang po mi byed de//
181b1 rgyal bstan byed pa dbang po rtogs/ /rang bzhin mthong ba dbang po 'dor/ /skye mched drug po yod min yang / /gzugs dang 'brel bar yid bskyod do/ /rnam par shes par brtags pa'i phyir/ /tshor ba kun du rtog ces brjod/ /de ltar
181b2 rig nas 'phags pa rnams/ /srid pa'i rgyud la yid mi rton/ /shes rab 'phags pas ngoms gyur te/ /shing med me bzhin zhi bar 'gyur/ /sred pa mi rtag bstan byas te/ /rgyal po yul 'khor mir bcas la/ /nga nus de
181b3 skad lung bstan nas/ /mi yi bdag po nub par gyur/ /rgyal po chen po de'i tshe de'i dus na rgyal po nga las nu zhes bya ba byung ba de gzhan zhig yin snyam du dogs shing the tshom za 'am/ nem nur du gyur na khyod kyis de ltar mi blta'o/ /
181b4 de ci'i phyir zhe na/ rgyal po chen po nga nyid de'i tshe de'i dus na 'khor los sgyur ba'i rgyal po nga las nu zhes bya bar gyur te/ rgyal srid kyi dbang phyug rgya chen po la dbang byas kyang 'dod pas ma ngoms bzhin du 'chi ba'i dus
181b5 byas par gyur pa yin no/ /rgyal po chen po de lta bas na de ltar rig par byas la dbang phyug gi dregs pa spangs te bag yod bya'o/ /bag yod pa la gnas te khyod kyi dge ba'i rtsa ba rnams yang dag par bsgrubs par
181b6 bya'o/ /rgyal po chen po bag yod pa la mngon par dga' ba ni don grub par 'gyur gyis rgyal po chen po bag yod par khams mnyam pa nyid yang dag par bsgrub par bya ste/ rgyal po chen po 'dus byas kyi
181b7 khams dang / 'dus ma byas kyi khams ni bud med ma yin/ skyes pa ma yin/ 'das pa ma yin/ ma 'ongs pa ma yin/ da ltar byung ba ma yin gyis/ rgyal po chen po 'di la khyod kyis sems nges par
181b8 gzhag cing gzhan gyi dring mi 'jog par bya'o/ /rgyal po chen po sngon byung ba 'das pa'i dus na rgyal po mu khyud ces bya ba chos dang ldan pa chos kyi rgyal po
182a1 bag yod pa lhur len pa zhig byung ste/ de bya ba gang dang gang rtsom yang de dang de thams cad la bag yod par spyod cing byed do/ /rgyal po chen po rgyal po mu khyud de chos 'di dag thams cad ni dus gsum mnyam pa nyid kyi
182a2 mnyam pa ste/ 'das pa'i dus na yang chos thams cad rang bzhin dang bral ba'o/ /ma 'ongs pa dang / da ltar byung ba'i dus na yang chos thams cad rang bzhin dang bral ba'o zhes dus gsum mnyam pa nyid la brtson par gyur to/ /
182a3 des chos thams cad dus gsum mnyam pa nyid du mthong bas chos thams cad la mngon par zhen pa med par gyur te/ des sems phyin ci log bzhis sems phyin ci log tu gyur cing mi sdug pa la sdug par 'du shes
182a4 pa dang / sdug bsngal ba la bde bar 'du shes pa dang / mi rtag pa la rtag par 'du shes pa dang / bdag med pa la bdag tu 'du shes pa dag mthong nas de 'di snyam du sems te/ 'di ltar sems can 'di dag ni chos
182a5 thams cad stong par ma mthong bas/ /kye ma kyi hud 'jig rten gnas pa 'di ni phung ngo / /kye ma 'jig rten gnas pa 'di ni rnam par phung ngo snyam nas 'di snyam du bsam te/ bdag gis sems can 'di dag
182a6 bsdu ba'i dngos po bzhis bsdu bar bya'o/ /bdag gis de dag bsdu ba'i dngos po bzhis bsdus na chos la sbyar ba la dbang du 'gyur ro snyam mo/ /rgyal po chen po de nas rgyal po mu khyud kyis thabs mkhas pa
182a7 sngon du btang ste sems can rnams bsdu ba'i dngos po bzhis bsdus nas dus gsum mnyam pa nyid du gdams ngag gis bstan te/ kye sems can dag chos thams cad ni rang bzhin gyis stong pa ste/
182a8 kye sems can dag chos gang la rang bzhin med pa de ni 'das pa yang ma yin/ ma 'ongs pa yang ma yin/ da ltar byung ba yang ma yin/ de ci'i phyir zhe na/ rang bzhin med pa'i phyir te/ 'das pa zhes gdags par
182b1 bya ba ma yin ma 'ongs pa dang / da ltar byung ba zhes gdags par bya ba ma yin no/ /rgyal po chen po de nas sems can de dag rgyal po mu khyud des de ltar dus gsum mnyam pa nyid la bskul bas srog chags bye
182b2 ba khrag khrig brgya stong phrag brgyad bcu mi skye ba'i chos la bzod pa thob par gyur to/ /de'i tshe sum bcu rtsa gsum pa'i lha rnams chos bzang lha'i mdun sa na 'dus shing 'khod pa'i nang du bar skabs su 'di lta bu'i
182b3 gtam brjod pa byung ste/ 'di ltar phyin ci log tu gyur pa'i sems can rnams la thabs mkhas pas phyin ci log med pa yang dag par ston pa chos can chos kyi rgyal po thabs mkhas pa dang ldan pa mu khyud
182b4 'di su dag gi rgyal po yin pa'i mi rnams ni kye ma'o rnyed pa dang ldan pa ste/ kye ma mi rnams ni rnyed par legs par rnyed pa'o zhes zer bar gyur to/ /de nas lha'i dbang po brgya byin chos bzang lha'i mdun sa ga la ba
182b5 der song ste phyin nas rang gi stan la 'dug ste sum bcu rtsa gsum pa'i lha rnams la smras pa/ khyed da ltar 'di na 'khod pa rnams gtam ci zhig byed byed/ de skad ces smras pa dang / sum bcu rtsa gsum pa'i
182b6 lha rnams kyis lha'i dbang po brgya byin la 'di skad ces smras so/ /lha'i dbang po bdag cag chos bzang lha'i mdun sa 'di na mchis pa'i tshe bar skabs su 'di lta bu'i gtam brjod pa byung ste/ 'di ltar phyin ci log tu gyur
182b7 pa'i sems can rnams la thabs mkhas pas gang 'di chos thams cad rang bzhin med pa'o zhes phyin ci ma log par ston pa chos can chos kyi rgyal po thabs mkhas pa dang ldan pa mu khyud 'di su dag gi rgyal po yin pa'i mi rnams
182b8 ni kye ma 'o rnyed pa dang ldan pa ste/ kye ma'o mi rnams ni rnyed pa legs par rnyed pa'o zhes bgyis so/ /de skad ces smras pa dang / lha'i dbang po brgya byin gyis sum bcu rtsa gsum pa'i lha de dag la 'di skad ces smras so/ /kye grogs po dag rgyal
183a1 po mu khyud ces bya ba de ni thabs la mkhas pa bsam gyis mi khyab pa dang ldan pa yin na rgyal po mu khyud de 'dir 'ongs nas mthong bar khyed 'dod dam mi 'dod/ /sum bcu rtsa gsum pa'i lha rnams kyis smras pa/ lha'i dbang po rgyal
183a2 po mu khyud de 'dir mchis te mthong bar bdag cag kyang 'tshal lo/ /de nas lha'i dbang po brgya byin gyis kha lo sgyur ba ma ta li la smras pa/ ma ta li tshur shog /khyod lha'i shing rta cang shes rtsibs stong dang ldan pa khrid la rgyal po mu khyud ga la ba der
183a3 song ste rgyal po mu khyud la 'di skad gyis shig /rgyal po chen po sum bcu rtsa gsum pa'i lha rnams kyi shig rta cang shes rtsibs stong dang ldan pa 'di bkri ste mchis na rgyal po chen po thags thogs ma mchis par 'di la bcibs su
183a4 gsol/ sum bcu rtsa gsum pa'i lha rnams ni khyod mthong bar dga'o zhes gyis la shing rta la zhon pa dang 'di skad ces gyis shig /rgyal po chen po lam gang nas gshegs par bgyi/ gang gis phyin ci log tu gyur pa'i
183a5 phyin ci log gis nas bzhud dam/ phyin ci log ma mchis pa rnams kyi phyin ci log ma mchis pa'i sa nas bzhud ces bgyis shig /legs so zhes smras nas/ kha lo sgyur ba ma ta lis lha'i dbang po brgya byin gyi ltar
183a6 mnyen nas babs te ji skad bsgo ba bzhin rgyal po mu khyud la de skad ces smras so/ /de skad ces smras pa dang / rgyal po mu khyud kyis kha lo sgyur ba ma ta li la 'di skad ces smras so/ /ma ta li de lta bas na lam de gnyis gnas
183a7 'dong ngo zhes byas pa dang / kha lo sgyur ba ma ta lis rgyal po mu khyud phyin ci log tu gyur pa rnams kyi phyin ci log gis dang / phyin ci log med pa rnams kyi phyin ci log med pa'i sa de gnyis gnas drangs te dong ngo / /rgyal po
183a8 chen po de nas rgyal po mu khyud kyis kha lo sgyur ba ma ta li la smras pa/ ma ta li de bas na phyin ci log tu gyur pa'i sa bltas yud tsam zhig shing rta sdod du chug shig /de nas kha lo sgyur ba ma ta lis shing rta sdod du 'jug pa'i
183b1 yun ji srid pa de nyid kyi bar skabs su rgyal po mu khyud kyis srog chags bye ba phrag brgyad bcu de kho na nges par bstan pa'i ting nge 'dzin la bkod par gyur te/ 'di ltar bag yod pa dang / mngon par shes pas rnam par rtse ba'i phyir ro/ /de dag
183b2 gis kyang mi skye ba'i chos la bzod pa thob par gyur to/ /kha los sgyur ba ma ta lis ni rgyal po mu khyud kyis las ci byas pa shes par ma gyur to/ /de nas kha lo sgyu ba ma ta lis de bzhin du dengs te/ rgyal po mu khyud dang ri rab kyi rtse mo la
183b3 phyin to/ /de nas rgyal po mu khyud kyis rgyang ring po nas nags tshal stug po rnam pa thams cad du sngo ba mthong ste mthong nas kha lo sgyur ba ma ta li la 'di skad ces smras so/ /ma ta li nags tshal stug po 'di ni the tshom med par phyin
183b4 ci log med pa'i sems can rnams kyi gnas yin no/ /ma ta lis smras pa/ rgyal po chen po 'di ni sum bcu rtsa gsum pa'i lha rnams kyi chos bzang lha'i 'dun sa lags te/ sum bcu rtsa gsum pa'i lha rnams kyang 'dir 'dus
183b5 kyis rgyal po chen po thags thogs ma mchis par bzhud cig /sum bcu rtsa gsum pa'i lha rnams ni khyod mthong bar 'tshal lo/ /rgyal po chen po de nas rgyal po mu khyud de thags thogs med par nang du song ba dang / lha'i dbang po
183b6 brgya byin gyis rgyal po mu khyud rgyang ring po nas 'ong ba mthong ngo / /mthong nas stan gyi phyed la bdar to/ /de nas rgyal po mu khyud kyang brgya byin gyi stan phyed la 'dug go/ /de nas lha'i dbang po brgya byin gyis rgyal po mu khyud stan la 'dug par
183b7 shes nas legs par shin du dga' bar byas te/ rgyal po chen po khyod kyis de ltar sangs rgyas bcom ldan 'das rnams kyi bstan pa 'jig rten du bzhag pa ni khyod kyis rnyed pa legs par rnyed do/ /de nas lha'i dbang po brgya byin gyis sum
183b8 bcu rtsa gsum pa'i lha rnams la smras pa/ kye grogs po dag /rgyal po mu khyud 'di ni thabs mkhas bsam gyis mi khyab pa dang ldan pa ste/ 'di ltar skad cig tsam la srog chags bye ba phrag brgyad bcu sangs rgyas kyi chos la btul bar gyur to/ /
184a1 de nas rgyal po mu khyud kyis lha'i dbang po brgya byin la 'di skad ces smras so/ /lha'i dbang po bdag ni phyir 'dzam bu'i gling du 'gro bar 'dod do/ /de ci'i phyir zhe na/ bdag der song ste/ de bzhin gshegs pa'i bstan pa yongs su
184a2 gzung bar bya'o/ /brgya byin gyis de la smras pa/ rgyal po chen po khyod gang gi dus la dbab par mkhyen na bzhud cig de nas rgyal po mu khyud de phyir 'dzam bu'i gling du phyin nas snying rje chen po dang ldan zhing thabs mkhas pa la shin du
184a3 bslabs pas sems can bye ba phrag dpag tu med pa dag sangs rgyas kyi bstan pa la btul bar gyur to/ /rgyal po chen po de'i tshe de'i dus na rgyal po mu khyud ces bya ba byung ba de gzhan zhig yin pa snyam du the tshom 'am/ nem nur
184a4 za na/ rgyal po chen po khyod kyis de ltar mi blta'o/ /de ci'i phyir zhe na/ rgyal po chen po de nyid de'i tshe de'i dus na rgyal po mu khyud ces bya bar gyur to/ /rgyal po de ltar rgyal po mu khyud lha'i dbang po brgya byin gyi stan phyed la dga' ba
184a5 med pas mu khyud kyi bag yod pa'i stobs bskyed pa la ltos/ /rgyal po chen po de lta bas na khyod kyis bag yod par sangs rgyas kyi chos rnams la brtson par bya'o/ /rgyal po chen po sangs rgyas kyi chos de dag kyang gang zhe na
184a6 rgyal po chen po chos thams cad ni sangs rgyas kyi chos so/ /de skad ces bka' stsal pa dang / rgyal po zas gtsang mas bcom ldan 'das la 'di skad ces gsol to/ /bcom ldan 'das de'i slad du gal te chos thams cad
184a7 sangs rgyas kyi chos lags na de lta na ni sems can thams cad kyang sangs rgyas lags so/ /bcom ldan 'das kyis bka' stsal pa/ rgyal po chen po gang dag phyin ci ma log pa de dag ni sangs rgyas so/ /rgyal po chen po
184a8 sangs rgyas shes bya ba de ni de kho na mthong ba'i tshigs bla dgas so/ /de kho na mthong ba zhes bya ba de ni yang dag pa'i mtha'i tshig bla dwags so/ /yang dag pa'i mtha' zhes bya ba de ni chos kyi dbyings kyi tshig bla dgas so/ /rgyal po chen po
184b1 po chos kyi dbyings shes bya ba de ni gzhan du na ming tsam 'am/ brda tsam 'am/ tha snyad tsam 'am/ kun rdzob pa tsam 'am/ brjod pa tsam 'am/ gdags pa tsam ma gtogs par bstan par mi nus so/ /rgyal po chen po chos thams
184b2 cad skye ba med pa 'di ni gzugs kyi sgo ste/ de ci'i phyir zhe na/ de la ni chos thams cad mi g.yo mi 'gul zhing rlom sems med pas de'i phyir de ni gzungs kyi sgo'o/ /rgyal po chen po chos thams cad 'gag pa med pa de ni
184b3 gzungs kyi sgo ste/ de ci'i phyir zhe na/ de la ni chos thams cad mi g.yo mi 'gul zhing rlom sems med pas de'i phyir de ni gzungs kyi sgo'o/ /de bzhin chos thams cad mtshan nyid med pa dang / mtshan ma med pa
184b4 dang / ma skyes pa dang / rang bzhin med pa dang / rnam par rig pa med pa dang / ma byas pa dang / mngon par 'dus ma byas pa dang / 'ong ba med pa dang / 'gro ba med pa dang / sems can med pa dang / srog med pa dang / gso ba med
184b5 pa dang / gang zag med pa dang / spros pa med pa dang / mtshan ma med pa dang / btags pa med pa dang / kun nas dkris pa med pa dang / bag la nyal med pa dang / kun nas nyon mongs par gyur pa med pa dang / rnam par byang ba med
184b6 pa dang / rjes su chags pa med pa dang / khong khro ba med pa dang / bcings pa med pa dang / grol ba med pa dang / 'gro ba med pa dang / rgyug pa med pa dang / ldog pa med pa dang / dma' ba med pa dang / gnas pa med pa dang / 'dug pa med
184b7 pa dang / mnyam par bzhag pa med pa dang / nor ba med pa dang / shes pa po med pa dang / rnam par shes pa po med pa dang / mthong ba po med pa dang / mi mthong ba med pa dang / tshul khrims med pa dang / tshul khrims ma yin pa med pa dang /
184b8 'gyod pa med pa dang / mi 'gyod pa med pa dang / mchog tu dga' ba med pa dang / mchog tu mi dga' ba med pa dang / dga' ba med pa dang / mi dga' ba med pa dang / shin du sbyangs pa med pa dang / shin du ma sbyangs pa med pa dang / bde ba
185a1 med pa dang / mi bde ba med pa dang / ting nge 'dzin med pa dang / ting nge 'dzin ma yin pa med pa dang / yang dag pa ji lta ba bzhin med pa dang / log pa med pa dang / yid byung ba med pa dang / yid ma byung ba med pa dang / 'dod chags dang
185a2 bral ba med pa dang / 'dod chags dang ma bral ba med pa dang / lta ba med pa dang / lta ba ma yin pa med pa dang / rnam par grol ba med pa dang / rnam par ma grol ba med pa dang / shes pa med pa dang / mi shes pa med pa dang / mthong ba
185a3 med pa dang / ma mthong ba med pa dang / las med pa dang / rnam par smin pa med pa dang / tshul bzhin med pa dang / tshul bzhin ma yin pa med pa dang / rnam pa'i sgo bdun bcu po de dag gis rgyal po chen po chos thams cad la
185a4 'jug par bya'o/ /rgyal po chen po gzugs kyi rang bzhin ni ma byung mi 'byung da ltar yang med do/ /rgyal po chen po de bzhin du tshor ba dang / 'du shes dang / 'du byed dang / rnam par shes pa'i rang bzhin ni ma byung mi 'byung da
185a5 ltar yang med do/ /rgyal po chen po 'di lta ste dper na gzugs brnyen gyi gzugs kyi rang bzhin ni ma byung mi 'byung da ltar yang med do/ /rgyal po chen po de bzhin du gzugs kyi rang bzhin dang / tshor ba dang / 'du shes dang /
185a6 'du byed dang / rnam par shes pa'i rang bzhin ma byung mi 'byung da ltar yang med do/ /rgyal po chen po 'di lta ste dper na brag ca'i sgra'i rang bzhin ni ma byung mi 'byung da ltar yang med do/ /de bzhin du gzugs dang / tshor ba dang /
185a7 'du shes dang / 'du byed dang / rnam par shes pa'i rang bzhin yang ma byung mi 'byung da ltar yang med do/ /rgyal po chen po 'di lta ste dper na smig rgyu'i chu'i rang bzhin ni ma byung mi 'byung da ltar yang med do/ /de bzhin du gzugs
185a8 dang / tshor ba dang / 'du shes dang / 'du byed dang / rnam par shes pa'i rang bzhin yang ma byung mi 'byung da ltar yang med do/ /rgyal po chen po 'di lta ste dper na dbu ba rdos pa ni snying po med de/ ma byung mi 'byung da ltar yang med do/ /
185b1 de bzhin du gzugs kyi rang bzhin nas rnam par shes pa'i rang bzhin gyi bar du ma byung mi 'byung da ltar yang med do/ /rgyal po chen po 'di lta ste dper na rmi lam gyi yul gyi bzang mo ni ma byung mi 'byung da ltar yang med do/ /
185b2 de bzhin du gzugs kyi rang bzhin nas rnam par shes pa'i rang bzhin gyi bar du ma byung mi byung da ltar yang med do/ /rgyal po chen po 'di lta ste dper na rmi lam gyi mo sham gyi bu'i skye ba ni ma byung mi byung da ltar yang med do/ /de
185b3 bzhin du gzugs kyi rang bzhin nas rnam par shes pa'i rang bzhin gyi bar du ma byung mi 'byung da ltar yang med do/ /rgyal po chen po 'di lta ste dper na nam mkha' la gnas med do/ /de bzhin du gzugs nas rnam par
185b4 shes pa'i bar du gnas med do/ /rgyal po chen po gzugs la ni skye ba med do/ /de bzhin du rnam par shes pa'i bar du skye ba med do/ / rgyal po chen po gzugs la ni 'gag pa med do/ /de bzhin du rnam par shes pa'i bar du
185b5 'gag pa med do/ /rgyal po chen po'i 'di lta ste dper na mya ngan las 'das pa'i dbyings la skye ba 'am 'gag ba med do/ /de bzhin du gzugs nas rnam par shes pa'i bar la skye ba 'am 'gag pa med do/ /rgyal po chen
185b6 po 'di lta ste dper na chos kyi dbyings la skye ba 'am 'gag pa med de/ de bzhin du gzugs nas rnam par shes pa'i bar la skye ba 'am 'gag pa med do/ /rgyal po chen po 'di dag ni de bzhin gshegs pa'i spyod
185b7 yul te/ bsam gyis mi khyab pa'i spyod yul lo/ /byis pa so so'i skye bo thams cad dang thun mong ma yin pa'i spyod yul te/ nyan thos dang / rang sangs rgyas thams cad dang thun mong ma yin/ phri ba ma yin/ bsnan pa ma
185b8 yin/ thob pa ma yin/ stor ba ma yin/ mngon par rdzogs par sangs rgyas pa ma yin/ mngon par rdzogs par sangs ma rgyas pa ma yin/ mngon par shes pa ma yin/ mngon par ma shes pa ma yin/ yongs su
186a1 shes pa ma yin/ yongs su shes pa ma yin/ spangs pa ma yin/ ma spangs pa ma yin/ bsgoms pa ma yin/ ma bsgoms pa ma yin/ mngon du byas pa ma yin/ mngon du ma byas pa ma yin/ bstan
186a2 pa ma yin/ ma bstan pa ma yin/ rab tu bstan pa ma yin/ rab tu ma bstan pa ma yin/ bsgrags pa ma yin/ ma bsgrags pa ma yin/ thos pa byas pa ma yin/ thos par ma byas pa ma yin/ thos pa ma yin/
186a3 ma thos pa ma yin/ de ci'i phyir zhe na/ rgyal po chen po gang bsnan par bya ba 'am/ dbri bar bya ba'i chos de mi dmigs te/ rgyal po chen po chos thams cad ni rang bzhin gyis med pa yin gyis/ rgyal po chen po 'di la
186a4 yid yongs su dga' bar bya zhing gzhan gyi dring mi 'jog par bya'o/ /de nas rgyal po zas gtsang mas 'di snyam du sems te/ 'di la ni gang rtogs pas sangs rgyas shes bya ba'i chos de gang yang mi dmigs mod kyi/ 'on kyang
186a5 dmigs su med pa'i chos rnams la de bzhin gshegs pas gdags pa bstan to snyam nas de'i tshe rgyal po zas gtsang ma la sogs pa shAkya bdun khri mi skye ba'i chos rnams la bzod pa skyes so/ /de nas bcom ldan
186a6 'das kyis de dag gi lhag pa'i bsam pa thugs su chud nas 'dzum pa mdzad do/ /'di ni sangs rgyas bcom ldan rnams kyi chos nyid de/ gang gi tshe 'dzum pa mdzad pa de'i tshe 'od zer kha dog sna tshogs can/ kha dog du ma dang
186a7 ldan pa dag bcom ldan 'das kyi zhal gyi sgo nas byung ste/ 'jig rten gyi khams mtha' yas mu med pa dag snang bas rgyas par bkang nas tshangs pa'i 'jig rten gyi bar du mngon par 'phags te/ phyir log nas bcom ldan
186a8 'das kyi dbu'i gtsug tu nub bo/ /de nas tshe dang ldan pa rta thul stan las langs te bla gos phrag pa gcig tu bgos nas pus mo g.yas pa'i lha nga sa la btsugs te/ bcom ldan 'das ga la ba der logs su thal mo
186b1 sbyar ba btud nas bcom ldan 'das la tshigs su bcad de zhus pa/ 'jig rten rnam par 'dren pa po/ /dpa' chen khyod kyis 'dzum mdzad pa/ /'jig rten snang ba mdzad pa po/ /'dzum pa'i 'dzum rgyu bka' stsal gsol/ /thams cad mkhyen pa
186b2 'dren pa po/ /rgyu gang gis ni 'dzum bstan pa/ /khyod kyis 'gro ba rnams la ston/ /bdag gi the tshom myur du khum/ /shAkya'i tshogs kyi don slad du/ /go'u ta mas ni 'dzum pa mdzad/ /dpa' bo 'gro ba dga' mdzad pa/ /'gro ba'i the tshom
186b3 bsal du sol/ bsam gtan chen po khyod kyi gsung / /thos na 'gro ba'i the tshom 'chad/ /mchog tu dga' ba'i yid gyur te/ /kun kyang khyod kyi bstan pa 'thob/ /rgyal ba'i 'dzum gyi phrin las 'di/ /khyod kyi sras rnams 'tshal gyur
186b4 na/ /nan tan gyis ni rab nges shing / /shes pas rjes su mchi bar 'gyur/ /rgyal ba'i khyu mchog khyod kyis ni/ /'gro ba'i the tshom 'di bsal gsol/ /'jig rten the tshom chad gyur na/ /bde ba rgya chen thob par 'gyur/ /de skad ces gsol
186b5 pa dang / bcom ldan 'das kyis tshe dang ldan pa rta thul la tshigs su bcad de slar bka' stsal pa/ /ngas ni 'dzum zhing gang mdzad pa/ /rta thul de ni nga las nyon/ /shAkya rnams kyi blo nges pa/ /yang dag ji bzhin lung bstan to/ /chos rnams
186b6 dmigs su med par ni/ /shAkya rnams kyis yang dag shes/ /de phyir sangs rgyas chos rnams la/ /'di dag yid ni nges par bzhag /dmigs su med la brten nas ni/ /shAkya grags pa chen po pa/ /chos rnams kun la nges gyur
186b7 nas/ /bla med byang chub thob par 'gyur/ /shAkya nges pa 'di dag ni/ /mi yi nang nas shi 'phos nas/ /bde ba can gyi 'jig rten du/ /'od dpag med kyi drung du 'gro/ /byang chub sems dpa' 'jigs med pa/ /bde ba can na gnas pa'i
186b8 tshe/ /sangs rgyas bye ba grangs med la/ /phyogs bcu dag tu mchod byed 'gyur/ /mkhas pa rnams ni khams gcig na/ /sangs rgyas bzhugs rnams bsnyen bkur byed/ /sems can kun la phan tshol zhing / /byang chub
187a1 mchog tu smon lam 'debs/ /de bzhin gshegs rnams mchod byed cing / /zhing nas zhing du rnam par 'gyur/ /gang du sangs rgyas 'byung bar yang / /rdzu 'phrul stobs kyis 'dod par 'gyur/ /bskal pa bye ba grangs med du/ /
187a2 me tog rnam pa sna tshogs kyis/ /de bzhin gshegs pa rnams mchod nas/ /de yi 'og tu 'dren par 'gyur/ /de tshe sangs rgyas re re zhing / /sems can khrag khrig mang po dag /byang chub phyir ni sangs rgyas kyis/ /sangs rgyas
187a3 dgongs la 'gro ba 'dul/ /sangs rgyas kun gyi zhing rnams na/ /byang chub sems dpa' rnams la ston/ /de na sangs rgyas gang yang ni/ /nyan thos 'dul bar yong mi 'gyur/ /sangs rgyas de dag re re zhing / /de ni tshe tshad 'gyur ba ni/ /
187a4 bye ba grangs med lo rnams su/ /chos ston pa dag gnas par 'gyur/ /de dag mya ngan yongs 'das nas/ /byang chub sems dpa' 'jigs med pa/ /rgyal ba'i sras dag lo grangs ni/ /bye ba stong du dam chos 'dzin/ /mi dbang
187a5 sras po de dag kyang / /stong pa nyid kyi chos bstan pas/ /sems can bye ba bsam yas dag /byang chub la ni 'dul bar 'gyur/ /bag yod pa yi mi rnams ni/ /bag yod pa la gnas bcas te/ /stong pa nyid kyi chos bsten
187a6 nas/ /thams cad mkhyen du nges par 'byung / /rdzogs sangs rgyas kyis shAkya yi/ /bu yi 'gro bstan 'di thos nas/ /lhar bcas 'jig rten dgar gyur te/ /byang chub phyir ni yid kyang btang / /shAkya lung bstan pa'i
187a7 le'u ste nyi shu rtsa drug pa'o// //de nas bcom ldan 'das kyis tshe dang ldan pa shA ri'i bu la bka' stsal pa/ /shA ri'i bu byang chub sems dpa'i ting nge 'dzin de kho na nges par bstan pa 'di byang chub sems dpa' mthar phyin pa
187a8 rnams la bsgrags par bya'o/ /de ci'i phyir zhe na/ sha ri'i bu ting nge 'dzin 'di ni gang zag med pa ste/ de la de bzhin gshegs pas chos gang yang ma dmigs so/ /gang ma dmigs pa de ni mngon par rdzogs par
187b1 sangs ma rgyas so/ /gang mngon par rdzogs par sangs ma rgyas pa de ni ma bstan pa'o/ /gang ma bstan pa de ni ma shes so/ /gang ma shes pa de ni 'das pa dang / ma byon pa dang / da ltar byung ba'i sangs rgyas bcom ldan rnams
187b2 kyi bstan pa ste/ de ni de bzhin gshegs pa rnams kyi chos kyi rnga chen po yin gyis/ ci nas byang chub sems dpa'i ting nge 'dzin de kho na nges par bstan pa 'di gzung ba dang bklag pa dang / gzhan dag la yang rgya cher yang dag par bstan par
187b3 bya ba de sha ri'i bu khyod la yongs su gtod do/ /sha ri'i bu byang chub sems dpa' theg pa la yang dag par zhugs pa'i rigs kyi bu 'am/ rigs kyi bu mo gang gis bskal pa bcu'i bar du pha rol du phyin pa lnga shes rab kyi pha
187b4 rol du phyin pa dang bral bar spyad pa bas/ sha ri'i bu gang gis byang chub sems dpa'i ting nge 'dzin de kho na nges par bstan pa 'di tha na thos par gyur kyang de nyid de bas bsod nams ches mang du 'phel lo/ /sha ri'i bu gang gis bskal
187b5 pa bcu'i bar du mnyan pa bas gang gis sems can gcig cig la 'di bstan na de nyid de bas bsod nams ches mang du 'phel lo/ /gang gis bskal pa bcu'i bar du mnyan te gzhan la bsnyad pa bas gang gis se gol
187b6 gtogs pa tsam du 'di bsgoms na de nyid de bas ches bsod nams mang du 'phel lo/ /shA ri'i bu de bas byang chub sems dpa'i ting nge 'dzin de kho na nges par bstan pa 'di nyid la byang chub sems dpa' rnams nan tan
187b7 thams cad kyis gdams par bya'o/ /de ci'i phyir zhe na/ sha ri'i bu byang chub sems dpa'i ting nge 'dzin de kho na nges par bstan pa 'di bsgoms pas ni myur du mi skye ba'i chos la bzod pa 'thob par 'gyur te/ shA ri'i bu gang bla
187b8 na med pa yang dag par rdzogs pa'i byang chub tu ngas lung bstan pa'i byang chub sems dpa'i tshogs 'di dag thams cad kyang byang chub sems dpa'i ting nge 'dzin de kho na nges par bstan pa 'di la rab tu gnas pa sha stag go/ /
188a1 bcom ldan 'das kyis de skad ces bka' stsal nas/ tshe dang ldan pa shA ri'i bu dang / dge slong de dag dang / rgyal po zas gtsang ma dang / brgya byin dang / tshangs pa dang / 'jig rten skyong ba de dag dang / thams cad dang ldan
188a2 pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos
188a3 kyi rnam grangs le'u stong phrag brgya pa las de kho na nges par bstan pa yab dang sras mjal ba zhes bya ba'i le'u ste bcu drug pa rdzogs so// //rgya gar gyi mkhan po shI len dra bo d+hi dang / dzi na mi tra dang / dA na
shI la dang /
CLOSE WINDOW