CLOSE WINDOW

J3
བོད་ཡིག

/ //@##/ / rgya gar skad du/ bi na ya bi b+hang ga / bod skad du/ 'dul ba rnam par 'byed pa/ bam po dang po/ dkon mchog gsum la phyag 'tshal lo/ /dul ba rgyal po rje yi rigs su 'khrungs/ /slob ma 'dul mdzad nyes pa rab thul ba/ /sangs rgyas 'dul ba'i gtso la phyag 'tshal te/ /'dul ba'i bsngags pa cung zad brjod par bya/ /pha rol ma mthong gting rtogs ma gyur cing / /glags pa'i mun gnag slob dpon tshogs rnams kyi/ /dbye bas tha dad 'dul ba rgya mtsho la/ /yon tan kun bstod rtsol blo bdag la med/ /ji ltar 'di na shing rtsa gtso bo ste/ /rnam par 'phel dang kun 'dzin gnyis kyi gzhi/ /de bzhin dam chos tshogs rnams kun gyi yang / /rgyu dang rtsa ba 'dul ba yin par gsungs/ /ji ltar sa ni skye rgu rnams kyi gzhi/ /de las 'bru rnams skye bar 'gyur ba ltar/ /de bzhin 'dul ba'ang sdom brtson rnams kyi gzhi/ /de bzhin de las bsod nams rnams kyang skye/ /tshul khrims yon tan rnams kyi gnas su dgongs/ /de yi gnas ni 'dul ba yin par gsungs/ /'di la gnas par gyur na mthar phyin 'gyur/ /'di la mi gnas mthar phyin ga las 'gyur/ /ji ltar chu lon mi phyed sra ba yis/ /chu klung che yang zlog par 'gyur ba ltar/ /de bzhin 'dul ba 'phags pa chu lon 'dis/ /tshul khrims 'chal ba'i chu klung zlog par 'gyur/ /sangs rgyas rnams dang rang rgyal rnams kyis kyang / /byang chub gang brnyes thub slob rnam dag pa'i/ /sems can dgra bcom yon tan ldan pa rnams/ /de la 'ang rgyu ni 'dul ba yin par gsungs/ /ji srid 'gro 'dir rgyal ba thams cad kyi/ mdzod mchog 'dul ba rdzogs pa 'di gnas pa/ /de srid chos sgron 'di ni gnas 'gyur zhing / /bzlog par gyur na zhi ba thob par 'gyur/ /sangs rgyas mi bzhugs 'jig rten tshigs bcad dang / /mdo sde'i yan lag de dang de dag spyod/ /bslab 'jug med na 'dul ba 'ang med 'gyur bas/ /de phyir rgyal ba dag pas chos 'di dkon/ /'jog bral sems glang lcags kyo 'di yin te/ /gdul bya ma dul ba yi srab 'di yin/ /ra ba'i mtshams kyi 'obs dang 'dra ba ste/ /zag pa kun gyi chu lon 'dul ba yin/ /rgyal ba ston pa de yi bstan bcos gang / /mdo dang chos mngon yin gsungs 'dul ba ni/ /ston dang bstan bcos dngos yin de yi phyir/ /gnyis 'gyur phyag bya sangs rgyas chos gcig gzhan/ /gang la brten te gnas pa'i sangs rgyas rnams/ /de la gus bcas rje sar bcas gyur cing / /de ni mgon pas mgon yin skyabs gnas yin/ /de phyir rab bsgrims 'dul la phyag tshol cig / gang zhig ston pa thugs rje'i bstan pa la/ /yang bar sems shing cung zad 'da' byed pa/ /de ni de las sdug bsngal gzhan dbang thob/ /smig tshal bregs pas a mra'i tshal nyams bzhin/ /'di na la las rgyal po'i tshig chen yang / / bzlas na lan 'ga' chad pa 'thob mi 'gyur/ /thub pa'i bka' lung tshul min bzla byas na/ /dud 'gror 'gro 'gyur e la'i 'dab klu bzhin/ /so sor thar bya gang yin pa/ /sangs rgyas 'dul ba gang chen mtsho/ /gting mtha' med pa thams cad kyi/ /gnas pa'i snying dang snying po yin/ /'di ni dam chos rgyal po yi/ /chos rnams kun gyi 'dren pa mchog /'di ni dge slong tshong tshogs kyi/ /bslab zong tshong khang chen po yin/ /tshul khrims 'chal bas zin rnams kyi/ /gdug pa rnams sel sman 'di yin/ /'di ni lang tsho rnam 'khrul ba'i/ /rkang gnyis gzhon nu'i lcags kyo yin/ /mtsho bas zab pa'i 'khor ba las/ /sgrol ba'i rgal thabs 'di yin te/ /'di ni bzang 'gror 'gro ba yi/ /nges pa'i chu lon zam pa yin/ /'di ni nyon mongs pham byed lam/ /rgyal po yi ni 'dren pa mchog /'di ni thar pa'i grong 'jug pa'i/ /them skas gzhi dang 'dra bar gnas/ /nga ni mya ngan 'das gyur na/ 'di ni khyed kyi ston pa'o zhes/ /rang byung nyid kyis gus bcas par/ /nan tan dge slong tshogs mdun bstod/ /'dul 'di so sor thar pa de'i/ /rnam 'byed yin par dgongs pas na/ /thar 'dod rnams kyis gus byas te/ /'di ni nan tan mnyan par bya/ /'dul ba la bstod pa/ rdzogs s+ho// // bskal pa bye ba rnams su yang / /'dul ba thos par 'gyur ba dang / /gzung dang 'dzin pa rnyed dka' ste/ /bsgrub pa 'ang shin tu rnyed par dka'/ /sangs rgyas rnams ni 'byung ba dang / /chos bstan pa yang bde ba yin/ /dge 'dun 'thun pa bde ba ste/ /'thun pa rnams kyi dka' thub bde/ / 'phags pa rnams ni mthong ba bde/ /dam pa dag dang 'grogs pa bde/ /byis pa rnams ni ma mthong na/ /rtag tu bde ba nyid du 'gyur/ /tshul khrims ldan pa mthong ba bde/ /mang du thos pa mthong ba bde/ /yang srid rnam par grol ba yi/ / dgra bcom pa dag mthong ba bde/ /'jug ngogs bde ba'i chu klung bde/ /chos la goms pa'i skye bo bde/ /shes rab thob par gyur pa bde/ /nga 'o nga rgyal zad pa bde/ /des par byas shing dbang po thul ba dag /dgon pa zhi ba rnams su rgas gyur dang / /mang du thos pa nags kyi nang dag tu/ /lang tsho yol ba rnams kyis gnas pa bde/ /shAkya seng ge de la ni/ /sor mo bcu yi thal sbyar te/ /'dul ba rab tu gdon par byas/ /gdul ba'i don du nga la nyon/ /thos nas drang srong chen po yis/ /ji skad gsungs bzhin bsgrub bya zhing / /kha na ma tho phra rnams la/ /rtul cing byed pa nyid du gyis/ /rtag tu 'bad pas 'da' ba yi/ /sems rta kha glan dka' ba la/ /'thun pa gzer rnon brgya pa yi/ /srab ni 'dul ba 'di yin no/ / che ba gang dag ngag tsam gyis/ /ldog cing mtshams las mi 'da' ba/ /de dag mi rta bzang po ste/ /nyon mongs g.yul las nges rgal 'gyur/ /su la srab 'di med pa dang / /nam du'ang 'dod par mi 'gyur ba/ /de dag nyon mongs g.yul gyis dkrugs/ /'jog bral rnam par 'khyam par 'gyur/ /bcom ldan 'das kyi nyan thos kyi dge 'dun lo bcu gnyis su skyon med cing chu bur med la/ bcom ldan 'das kyis nyan thos rnams kyi so sor thar pa'i mdo gdon pa yang mdor bsdus te/ sdig pa thams cad mi bya ste/ /dge ba phun sum tshogs par bya/ /rang gi sems ni yongs su gdul/ /'di ni sangs rgyas bstan pa yin/ /lus kyi sdom pa legs pa ste/ /ngag gi sdom pa 'ang legs pa yin/ /yid kyi sdom pa 'ang legs pa ste/ /thams cad du ni sdom pa legs/ /kun tu bsdams pa'i dge slong ni/ /sdug bsngal kun las rab tu grol/ /ngag rnams bsrung zhing yid kyis rab bsdams te/ /lus kyi mi dge ba dag mi byed cing / /las lam gsum po 'di dag rab sbyangs na/ /drang srong gsungs pa'i lam ni thob par 'gyur zhes ston par gyur to/ /lo bcu gsum la bab pa na sangs rgyas bcom ldan 'das yul spong byed dag na ka lan da ka'i grong na bzhugs so/ / de'i tshe na ka lan da ka'i grong na ka lan da ka'i bu bzang byin zhes bya ba phyug pa/ nor mang ba longs spyod che ba/ yongs su gzung ba yangs shing rgya che ba rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug ste/ des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de dus gzhan zhig na sangs rgyas la mngon par dad/ chos dang dge 'dun la mngon par dad/ sangs rgyas la skyabs su song / chos dang dge 'dun la skyabs su song zhing / des srog gcod pa spangs te/ srog gcod pa las phyir log /ma byin par len pa dang / 'dod pa la log par g.yem pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas spangs te/ 'bru'i chang dang / bcos pa'i chang myos par 'gyur ba bag med pa'i gnas las phyir log go/ /de dad pa snga ma de nyid rjes su spel zhing skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung ngo / /de de ltar rab tu byung nas 'di lta ste/ sngon khyim pa bzhin du nye du rnams dang lhan cig 'dre zhing gnas so/ /de nas ka lan da ka'i bu tshe dang ldan pa bzang byin 'di snyam du sems te/ bdag legs par gsungs pa'i chos 'dul ba la rab tu byung nas 'di lta ste/ sngon khyim pa bzhin du nye du rnams dang lhan cig 'dre zhing gnas pa ni bdag gis ma rnyed de rnyed pa ma yin zhing nyes pa rnyed de legs par rnyed pa ma yin gyis/ bdag nye du rnams dang 'bral ba'i phyir lhung bzed dang chos gos thogs te ljongs rgyur 'gro'o snyam mo/ /de nas ka lan da ka'i bu tshe dang ldan pa bzang byin nye du rnams dang 'bral ba'i phyir lhung bzed dang chos gos thogs te ljongs rgyur song ngo / /de'i tshe na mu ge nyam nga ba dgon pa slongs mo pas zas rnyed par dka' zhing pha ma dag kyang rang gi bu dag la zas sbyin pa dang bya bar sems pa dka' na slongs mo pa dag lta la smos kyang ci dgos pa byung ngo / /de nas ka lan da ka'i bu tshe dang ldan pa bzang byin 'di snyam du sems te/ da ltar mu ge nyam nga ba dgon pa slongs mo pas zas rnyed par dka' zhing pha ma dag kyang rang gi bu la zas sbyin pa dang bya bar sems pa dka' na slongs mo pa dag lta la smos kyang ci dgos pa byung la/ bdag la nye du longs spyod chen po dang ldan pa dag yod pas bdag ka lan da ka'i grong du song ste/ nye du rnams kyi gan du song la dge 'dun la zas dag sbyor du gzhug cing dge 'dun la skyo ma dag dang / thug pa'i btung ba dag dang / rtag res 'khor dag dang / 'gron du bos pa dag dang / brgyad ston dang / bcu bzhi ston dang / nya ston dang / spyan gzigs phran tshegs phran tshegs sbyor du gzhug go snyam mo/ /de nas ka lan da ka'i bu tshe dang ldan pa bzang byin ljongs su ci dgar 'dug nas lhung bzed dang chos gos thogs te/ ka lan da ka'i grong ga la ba der rgyu zhing song ba na mthar gyis rgyu ba'i tshe ka lan da ka'i grong du phyin nas ka lan da ka'i grong na dgon pa'i spyil bu na gnas so/ /de nas ka lan da ka'i bu tshe dang ldan pa bzang byin nye du rnams kyi gan du song ste phyin nas de dag gi mdun du sangs rgyas dang / chos dang dge 'dun gyi bsngags pa brjod de/ dge 'dun la zas dag sbyor du 'jug cing / dge 'dun la skyo ma dag dang / thug pa'i btung ba dag dang / rtag res 'khor dag dang / 'gron du bos pa dag dang / brgyad ston dang / bcu bzhi ston dang / nya ston dang / spyan gzigs phran tshegs phran tshegs sbyor du 'dzud do/ /de'i tshe na ka lan da ka'i bu tshe dang ldan pa bzang byin dgon pa pa/ chos gos gsum pa/ phyag dar khrod pa/ bsod snyoms pa mthar chags kyis rgyu bar gyur to/ /de dus gzhan zhig na dang po kho nar dge slong gi dge 'dun thug pa bsod pas tshim par byas nas snga dro sham thabs bgos te/ lhung bzed dang chos gos thogs nas ka lan da ka'i grong du bsod snyoms la zhugs pa na mthar gyis ka lan da ka'i grong du bsod snyoms la rgyu ba'i tshe rang gi khyim du phyin to/ /de rang gi khyim nas sbyin pa ma thob/ phyir gtong ba ma thob par myur ba myur bar phyir song ngo / /de'i tshe na ka lan da ka'i bu tshe dang ldan pa bzang byin gyi ma bya ba 'ga' zhig la phyi rol tu song bar gyur to/ /bran mo rnying pa rgan mo zhig gis ka lan da ka'i bu tshe dang ldan pa bzang byin rang gi khyim nas sbyin pa ma thob/ phyir gtong ba ma thob par myur ba myur bar phyir song ba mthong ngo / /mthong nas kyang ka lan da ka'i bu tshe dang ldan pa bzang byin gyi ma ga la ba der song ste phyin nas ka lan da ka'i bu tshe dang ldan pa bzang byin gyi ma la 'di skad ces smras so/ /jo mo mkhyen par mdzod cig /jo co bzang byin 'phyi ba 'phyi bar rang gi khab tu byon nas/ de rang gi khab nas sbyin pa ma brnyes/ slar gtong ba ma brnyes par myur ba myur bar slar song ngo / /de nas ka lan da ka'i bu tshe dang ldan pa bzang byin gyi ma 'di snyam du sems te/ kye ma ma la ka lan da ka'i bu bzang byin 'dod pa 'am/ mngon par mi dga' ba 'am/ rnam par 'khyam 'dod par gyur cing dge sbyong gi tshul don du mi gnyer ba 'am/ dge sbyong gi tshul gyis sgyid lug pa 'am/ mus byung ba 'am/ the tshom za 'am/ smod pa 'am/ dge sbyong gi tshul yongs su gtong 'dod pa 'am/ cig tu ma gyur grang snyam du sems shing rig nas ka lan da ka'i grong nas byung ste/ ka lan da ka'i bu tshe dang ldan pa bzang byin ga la ba der song ste phyin nas ka lan dka'i bu tshe dang ldan pa bzang byin la 'di skad ces smras so/ /bu bzang byin gal te khyod 'dod pa 'am/ mngon par mi dga' ba 'am/ rnam par 'khyam 'dod cing dge sbyong gi tshul don du mi gnyer ba 'am/ dge sbyong gi tshul gyis sgyid lug pa 'am/ mus byung ba 'am/ the tshom za ba 'am/ smod pa 'am/ khyod dge sbyong gi tshul yongs su gtong 'dod pa lta na/ bu bzang byin bud med rnams kyi bud med nor zhes bya ba 'am/ bud med kyi bag rdzangs zhes bya ba 'am/ bud med dbang ba'i rdzas shes bya ba gang yin pa de ni khyod kyi ma'i dbyig dang / gser gyi phung po chen po gang la mtha' gcig na 'greng ba'i mis mtha' gcig na 'dug pa'i mi mi mthong la/ mtha' cig na 'dug pa'i mis mtha' gcig na 'greng ba'i mi mi mthong ba yin te/ 'di ni khyod kyi ma'i yin no/ /gzhan yang khyed kyi pha'i dbyig dang / gser mtshan ma btab pa yang brgya phrag du ma dang / stong phrag du ma dang / brgya stong phrag du ma dag yod na gzhan dang phal lta smos kyang ci dgos/ bu bzang byin tshur shog /khyod 'dug la 'dod pa la yang longs spyod cig /sbyin pa dag kyang byin cig /bsod nams dag kyang gyis shig /de skad ces smras pa dang / ka lan da ka'i bu tshe dang ldan pa bzang byin gyis ma la 'di skad ces smras so/ /yum bdag ni 'dod pa 'am/ mngon par mi dga' ba 'am/ rnam par 'khyam 'tshal zhing dge sbyong gi tshul don du mi gnyer ba 'am/ dge sbyong gi tshul gyis sgyid lug pa 'am/ mus byung ba 'am/ the tshom 'tshal ba 'am/ smod pa 'am/ bdag dge sbyong gi tshul yongs su gtong ba mi bgyid do/ /de nas ka lan da ka'i bu tshe dang ldan pa bzang byin gyi ma 'di snyam du sems te/ bdag gis de skad byas kyang bu bzang byin phyir bzlog par ma nus kyis bdag khyim du song la 'di'i bag sar sbad par bya'o snyam mo/ /de nas ka lan da ka'i bu tshe dang ldan pa bzang byin gyi ma khyim du song ste mna' ma la 'di skad ces smras so/ /kye sru khyod gang gi tshe dus la bab cing zla mtshan dang ldan pa de'i tshe kho mo la sbron cig /ka lan da ka'i bu tshe dang ldan pa bzang byin gyi sngon gyi chung mas yum bka' bzhin 'tshal zhes sgyug mo las mnyan to/ /de nas dus gzhan zhig na ka lan da ka'i bu tshe dang ldan pa bzang byin gyi sngon gyi chung ma dus la bab cing zla mtshan dang ldan par gyur nas/ ka lan da ka'i bu tshe dang ldan pa bzang byin gyi ma ga la ba der song ste phyin nas/ ka lan da ka'i bu tshe dang ldan pa bzang byin gyi ma la 'di skad ces smras so/ /yum ngan bu dus la bab cing zla mtshan dang ldan par gyur na bdag gis ci bgyi ba de mkhyen par mdzod cig /sru de'i phyir khyod kyis sku mnye ji lta bus bsku mnye byas pa dang / khrus ji lta bus khrus byas pa dang / dri dang / phreng ba rgyu dang / bdug spos dang / phye ma dang / gos dang / rgyan ji lta bu dag gis brgyan na bu bzang byin sngon khyim pa nyid na dga' ba dang / yid dang bar gyur pa de lta bu'i bsku mnyes bsku mnye gyis shig / de lta bu'i khrus kyis khrus gyis shig /de lta bu'i dri dang / phreng ba rgyu dang / bdug spos dang / phye ma dang / gos dang / rgyan dag gis brgyan par gyis shig /de nas ka lan da ka'i bu tshe dang ldan pa bzang byin gyi sngon gyi chung mas sgyug mo las mnyan te sku mnye ji lta bus sku mnye byas pa dang / khrus ji lta bus khrus byas pa dang / dri dang phreng ba rgyu dang / bdug spos dang / phye ma dang / gos dang / rgyan ji lta bu dag gis brgyan na ka lan da ka'i bu tshe dang ldan pa bzang byin sngon khyim pa nyid na dga' ba dang / yid du 'ong bar gyur pa de lta bu'i bsku mnyes bsku mnye byas/ de lta bu'i khrus kyis khrus byas/ de lta bu'i dri dang / phreng ba rgyu dang / bdug spos dang / phye ma dang / gos dang / rgyan dag gis brgyan nas ka lan da ka'i bu tshe dang ldan pa bzang byin gyi ma ga la ba der song ste phyin nas/ ka lan da ka'i bu tshe dang ldan pa bzang byin gyi ma la 'di skad ces smras so/ /yum ngan bu 'di 'dra na bdag gis ci zhig bgyi/ de nas ka lan da ka'i bu tshe dang ldan pa bzang byin gyi ma mna' ma dang shing rta gcig tu zhugs te ka lan da ka'i grong nas byung nas ka lan da ka'i bu tshe dang ldan pa bzang byin gyi gnas ga la ba der song ste phyin nas bzhon pa'i sa ji srid pa de srid du bzhon pas song ste/ bzhon pa las babs nas/ rkang pa dag kho nas ka lan da ka'i bu tshe dang ldan pa bzang byin gyi drung du song ngo / /de'i tshe na ka lan da ka'i bu tshe dang ldan pa bzang byin gnas kyi phyi rol bla gab med pa'i 'chag sa na 'chags so/ /ka lan da ka'i bu tshe dang ldan pa bzang byin gyi mas ka lan da ka'i bu tshe dang ldan pa bzang byin thag ring po kho na nas mthong ngo / /mthong nas kyang ka lan da ka'i bu tshe dang ldan pa bzang byin ga la ba der song ste phyin nas ka lan da ka'i bu tshe dang ldan pa bzang byin la 'di skad ces smras so/ / bu bzang byin gal te khyod mi 'dod pa 'am/ mngon par mi dga' ba 'am/ rnam par 'khyam 'dod par mi 'gyur zhing / dge sbyong gi tshul don du mi gnyer ba ma yin pa 'am/ dge sbyong gi tshul gyis sgyid lug pa ma yin pa 'am/ mus byung ba ma yin pa 'am/ the tshom za ba ma yin pa 'am/ smod pa ma yin pa 'am/ khyod dge sbyong gi tshul yongs su gtong 'dod pa ma yin pa lta na/ bu khyod kyi bag sar 'di dus la bab cing zla mtshan dang ldan par gyur gyis 'di la sa bon gyi chos cung zhig rjes su byin cig /khyod la bu med pa'i phyir dbang ba'i rdzas thams cad de bzhin du 'am/ ji ltar yang rung bas rgyal pos dbang du byas par gyur na mi rung ngo / /de nas ka lan da ka'i bu tshe dang ldan pa bzang byin gyis sngar bslab pa'i gzhi ma bcas shing / nyes pa ma mthong la bud med kyi yul gzhon nu kha dog bzang ba chags par gyur pa mthong nas 'dod chags kyis sems zil gyis non cing de 'dod chags kyis sems zil gyis non pas yongs su gdung ba'i lus dang / yongs su gdung ba'i sems dang ldan zhing / de yongs su gdung bzhin pa'i lus dang yongs su gdung bzhin pa'i sems kyis ma la 'di skad ces smras so/ /yum bdag gis de ltar bgyir rung ngam/ bu bzang byin 'di lta ste/ sa bon gyis chos la brten nas shin tu rung ngo / /de nas ka lan da ka'i bu tshe dang ldan pa bzang byin gyis ma las mnyan te sngon gyi chung ma'i lag pa gnyis nas bzung ste phyogs gcig tu song nas chos gos dag bzhag ste/ de dang lhan cig tu mi tshangs par spyod pa 'khrig pa'i chos lan gnyis lan gsum du bsten te/ /sems can srid pa tha ma pa/ spyod pa tshol ba/ thar pa'i snying po bzung ba/ mya ngan las 'das pa la phyogs pa/ 'khor ba las phyir phyogs pa/ srid pa'i 'gro ba thams cad du 'chi 'pho ba dang skye ba don du mi gnyer ba lus tha ma 'dzin pa zhig kyang lha'i ris bzang po zhig nas shi 'phos te/ de'i skye dgu'i bdag mo'i mngal du zhugs so/ /bud med kyi yul mkhas pas rang bzhin can la la la ma 'dres pa'i chos lnga yod de/ lnga gang zhe na/ skyes pa chags par gyur pa shes shing chags pa dang bral ba shes pa dang / dus shes shing zla mtshan shes pa dang / mngal na gnas pa/ zhugs pa shes pa dang / gang las mngal na gnas pa zhugs pa shes pa dang / khye'u shes shing bu mo shes pa ste/ gal te khye'u yin na dku g.yas par rten cing 'dug la/ gal te bu mo yin na dku g.yon par rten cing 'dug pa'o/ /de yid dga' zhing yid dga' nas sgyug mo la smras pa/ yum mkhyen par mdzod cig /bdag la sems can zhugs par gyur pa ni 'di ltar bdag gi dku g.yas par rten cing mchis pas nges par khye'ur 'gyur ro/ /de yang yid dga' zhing yid dga' nas 'di skad ces/ kho mo yun ring po nas mngon par dad pa'i tsha bo ngo mthong ba dang / kho mo dang 'thun par skye zhing mi mthun par mi skye ba dang / kho mo'i bya ba dag byed pa dang / gsos pas phyir gso ba dang / bgo skal la spyod pa dang / kho mo'i rigs rgyud yun ring du gnas par 'gyur ba dang / bdag cag shi zhing dus la bab pa dag la nyung ngu 'am/ mang po yang rung ba'i sbyin pa dag sbyin zhing bsod nams kyang byas nas/ 'di de gnyis gang du skyes pa der 'gro zhing rjes su 'gro bar gyur cig ces ming gis yon bshad pa byed par gyur cig ces ched du brjod pa ched du brjod par byed do/ /de la sems can zhugs par rig nas 'di lta ste/ mngal na gnas pa yongs su smin par bya ba'i phyir steng gi khang bzang gi gzhir gtogs par grang ba na grang ba'i yo byad dag dang / dro ba na dro ba'i yo byad dag dang / sman pas bcas pa'i zas ha cang mi kha ba dang / ha cang mi skyur ba dang / ha cang lan tshwa mi che ba dang / ha cang mi mngar ba dang / ha cang mi tsha ba dang / ha cang mi bska ba dang / kha ba dang / skyur ba dang / lan tshwa dang / mngar ba dang / tsha ba dang / bska ba rnam par spangs pa'i zas dag dang / do shal dang / se mo do dang / rgyan gyis klubs pa'i lus lha'i bu mo dga' ba'i tshal na rnam par spyod pa lta bu dang / khri nas khrir dang / khri'u nas khri'u dang / shod kyi sa gzhir mi 'bab pa dang / des sgra yid du mi 'ong ba cung zad kyang mi thos par gnod pa med pa nyid du rim gro byed du 'jug go/ /de zla ba brgyad dam dgu 'das te btsas pa las khye'u gzugs bzang ba/ blta na sdug pa/ mdzes pa/ gsal ba/ gser gyi mdog 'dra ba/ mgo gdugs lta bu dang ldan pa/ lag pa ring ba/ 'phral ba'i dbyes che ba/ smin ma 'jar ba/ sna'i gzangs mtho ba zhig byung ngo / /de'i nye du dag 'dus shing lhags nas nyi ma bdun gsum nyi shu gcig tu btsas pa'i btsas ston rgya cher byas nas khye'u 'i ming cir gdags shes ming 'dogs par byed do/ /de dag 'di snyam du sems te/ gang gi phyir khye'u 'di sa bon gyi chos la brten te rnyed pa de'i phyir khye'u 'i ming sa bon pa zhes bya'o zhes de'i ming sa bon pa zhes bya bar btags so/ /khye'u sa bon pa ma ma brgyad po pang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'phyi ba'i ma ma gnyis dang / rtsen grogs kyi ma ma gnyis la rjes su gtad do/ /de ma ma brgyad po dag gis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi bye brag gtso bo gtso bo dag gis sring bar byed skyed par byed cing rdzing na gnas pa'i pad ma bzhin du myur du skyed par byed do/ /de gang gi tshe chen por gyur pa de'i tshe yi ge dang / grangs dang / rtsis dang / lag rtsis dang / dbyung ba dang / gzhug pa dang / gzhag pa la nye bar zhugs nas de yi ge'i mthar phyin cing 'byed pa dang / klog pa dang / mkhas pa dang / spyod pa gsal ba dang / brtag pa brgyad po 'di lta ste/ rin po che brtag pa dang / gzhi brtag pa dang / gos brtag pa dang / shing brtag pa dang / glang po che brtag pa dang / rta brtag pa dang / bud med brtag pa dang / skyes pa brtag pa la mkhas par gyur to/ /de dus gzhan zhig na sangs rgyas la mngon par dad/ chos dang dge 'dun la mngon par dad/ sangs rgyas la skyabs su song / chos dang / dge 'dun la skyabs su song zhing des srog gcod pa spangs te/ srog gcod pa las phyir log /ma byin par len pa dang / 'dod pa la log par g.yem pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas spangs te/ 'bru'i chang dang / bcos pa'i chang myos par 'gyur ba bag med pa'i gnas las phyir log go/ /de pha las byung ba'i dad pa snga ma de nyid rjes su spel zhing legs par gsungs pa'i chos 'dul ba la skra dang kha spu bregs te/ gos ngur smrig dag bgos nas yang dag pa kho nar dad pas/ khyim nas khyim med par rab tu byung ngo / /de de ltar rab tu byung nas gcig pu dben pa bag yod pa brtun pa dang ldan pa bdag nyid gtang bar gnas so/ /gcig pu dben pa bag yod pa brtun pa dang ldan pa bdag nyid btang bar gnas pa na/ rigs kyi bu dag gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung bar byed pa tshangs par spyod pa'i mtha' bla na med pa de tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bu rig pas sgo nga'i sbubs dral bar gyur cing / rig pa dang / mngon par shes pa dang / so so yang dag par rig pa thob pa/ srid pa dang / 'dod pa'i rnyed pa dang / bkur sti la rgyab kyis phyogs pa/ dbang po dang / nye dbang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de nas tshe dang ldan pa sa bon pas dgra bcom pa thob cing rnam par grol ba'i dga' ba dang bde ba so sor yang dag par rig pa na/ de'i tshe tshigs su bcad pa smras pa/ chos rnams las ni skal ba thob/ /yab kyi dkor gyis bdag mi gtong / /bdag gis ha cang 'phyi nas shes/ / bdag ni chung ngus shin tu 'das/ /de'i tshe na bcom ldan 'das dge slong gi 'khor brgya phrag du ma'i mdun na bzhugs shing nyan thos rnams la/ 'dod chags 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos ston to/ /zhe sdang 'dod chags dang bral bar bya ba dang / gti mug 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos ston to/ / de'i tshe na ka lan da ka'i bu tshe dang ldan pa bzang byin 'khor de nyid du 'dug cing 'thun par gyur to/ /bcom ldan 'das ji lta ji ltar 'dod chags 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos ston pa dang / zhe sdang 'dod chags dang bral bar bya ba dang / gti mug 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos ston pa de lta de ltar ka lan da ka'i bu tshe dang ldan pa bzang byin cung zad 'gyod par gyur/ rnam par 'gyod par gyur/ rab tu 'gyod par gyur cing 'dug la/ 'gyod pa dang ldan/ 'gyod pa thob cing / cang mi smra bar gyur/ yul yul por gyur/ phrag pa klod/ gdong smad/ spobs pa med/ sems khongs su chud cing 'dug go/ /de nas dus gzhan zhig na dge slong rab tu mang po dag gnas nyul zhing rgyu ba na ka lan da ka'i bu tshe dang ldan pa bzang byin gyi gnas ga la ba der dong ste phyin nas ka lan da ka'i bu tshe dang ldan pa bzang byin dang lhan cig mngon du yang dag par dga' bar 'gyur ba dang / yang dag par mgu bar 'gyur ba'i gtam sna tshogs byas te mtha' gcig tu 'khod do/ /mtha' gcig tu 'khod nas dge slong rab tu mang po dag gis ka lan da ka'i bu tshe dang ldan pa bzang byin la 'di skad ces smras so/ /tshe dang ldan pa bzang byin khyod sngon chad dge slong glo bur du lhags pa dag mthong na bshes pa dang bcas pa nyid kyi tshig gis bsu nas lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgrog gu can dang / mchil lham dag len par byed na/ khyod da ltar dge slong glo bur du lhags pa dag mthong na cung zad 'gyod par gyur/ rnam par 'gyod par gyur/ rab tu 'gyod par gyur cing 'dug la/ 'gyod pa dang ldan/ 'gyod pa thob cing mi smra bar gyur/ yul yul por gyur/ phrag pa klod/ gdong smad/ spobs pa med/ sems khongs su chud cing 'dug na/ tshe dang ldan pa bzang byin da ltar khyod la lus kyi gnod pa 'am/ sems kyi yongs su gdung ba 'ga' zhig med grang / tshe dang ldan pa dag bdag la da ltar lus kyi gnod pa ni 'ga' yang med mod kyi/ 'on kyang bdag la sems kyi yongs su gdung ba yod do/ /tshe dang ldan pa khyod kyi sems kyi yongs su gdung ba gang yin/ des skabs de dge slong rnams la rgyas par brjod pa dang / dge slong de dag de la mngon par bstod par yang mi byed/ phyir zlog par yang mi byed cing mngon par bstod pa yang ma byas/ phyir zlog par yang ma byas par stan dag las langs nas/ bcom ldan 'das ga la ba der dong ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das la dge slong rab tu mang po dag gis skabs de rgyas par gsol to/ /de skad ces gsol pa dang / bcom ldan 'das kyis dge slong rab tu mang po dag la 'di skad ces bka' stsal to/ /dge slong dag zag pa'i gnas lta bu'i chos mang po rnams kyi dang po ni ka lan da ka'i bu bzang byin gyis 'di lta ste/ mi tshangs par spyod pa'i rkyen gyis byas par gyur to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /de bzhin gshegs pa ni don gyi dbang gnyis gzigs pa na dge slong gi dge 'dun sdud par mdzad de/ 'di lta ste/ nga'i nyan thos rnams kyis kun shes pa nyid du bya ba'i phyir dang / ngas 'dul ba la bslab pa'i gzhi legs par bcas par 'gyur ba'o/ /sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen bzhin du rmed pa/ mkhyen kyang mi rmed pa/ dus su rmed pa/ dus las yol bar mi rmed pa/ don dang ldan pa rmed pa/ don dang mi ldan par mi rmed pas/ sangs rgyas bcom ldan 'das rnams ni don dang mi ldan pa rmed pa la chu lon gyis zlog par mdzad pa yin no/ /de la sangs rgyas bcom ldan 'das rnams ni don dang ldan pa rmed pa la dus mkhyen pa yin pas sangs rgyas bcom ldan 'das kyis ka lan da ka'i bu tshe dang ldan pa bzang byin la rmas pa/ bzang byin khyod kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis/ dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no/ / bzang byin ngas 'dod chags 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos bstan pa dang / zhe sdang 'dod chags dang bral bar bya ba dang / gti mug 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos bstan pa la khyod kyis ci'i phyir mi mdzes pa de lta bu de byas par gyur mi gti mug can khyod kyis sbrul nag po dug myur du khyab pa/ dug drag pa/ dug rno ba'i khar rang gi yan lag gi rnam pa bcug par gyur pa ni bla'i/ de ltar gyur pas bud med kyi yul la ni ma yin no zhes rnam par smad pa mdzad do/ /de nas bcom ldan 'das kyis rnams grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ 'di lta ste/ dge 'dun bsdu ba'i phyir dang / dge 'dun legs par bya ba'i phyir dang / dge 'dun bde bar gnas par bya ba'i phyir dang / gnong mi bkur ba'i gang zag rnams tshar gcad pa'i phyir dang / ngo tsha shes pa rnams bde bar gnas par bya ba'i phyir dang / mngon par ma dad pa rnams mngon par dad par bya ba'i phyir dang / mngon par dad pa rnams phyir zhing 'byung bar bya ba'i phyir dang / tshe 'di'i zag pa rnams bsdams par bya ba'i phyir dang / tshe rabs phyi ma'i rnams bzlog par bya ba'i phyir dang / nga'i tshangs par spyod pa skye bo mang po la phan pa yangs par gyur pa lha dang mi'i bar dag la yang dag par rab tu bstan pa yun ring du gnas par bya ba'i phyir nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong rnams dang lhan cig bslab pa mtshungs par gyur pas bslab pa ma phul/ bslab pa nyams par ma byas par mi tshangs par spyod pa 'khrig pa'i chos bsten na dge slong de pham par gyur pa yin gyis gnas par mi bya'o/ /zhes bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad do/ /sangs rgyas bcom ldan 'das rgyal po'i khab na 'od ma'i tshal bya ka lan da ka'i gnas na bzhugs so/ /de'i tshe na dge slong zhig rgyal po'i khab na dgon pa'i spyil bu na 'dug go/ /de nas dge slong des dgon pa'i spra mo zhig zas kyis brngod brngod nas de dang lhan cig mi tshangs par spyod pa 'khrig pa'i chos bsten to/ /de nas dge slong rab tu mang po dag gnas nyul zhing rgyu ba na dge slong de'i spyil bu ga la ba der dong ste/ phyin nas dge slong de dang lhan cig mngon du yang dag par dga' bar 'gyur ba dang / yang dag par mgu bar 'gyur ba'i gtam sna tshogs byas te/ mtha' gcig tu 'khod do/ / de nas spra mo de sngon gyi sdig pa can dam pa ma yin pa'i chos de nyid rjes su dran nas dge slong de ga la ba der song ste phyin nas/ dge slong de'i gdong du rnam par lta bar byed/ ro smad stobs par byed nas dge slong de 'di lta ste/ dge slong de dag la ngo tsha bas de zlog par byed do/ /spra mo de lan gnyis lan gsum du dge slong de'i gdong du rnam par lta bar byed/ ro smad stobs par byed nas/ dge slong de 'di lta ste dge slong de dag la ngo tsha ba/ lan gnyis lan gsum du de zlog par byed do de nas spra mo de khros 'khrugs rngam par gyur cing yid mi dga' nas/ dge slong de'i gdong dang / sna dang chos gos rkang pa'i sen mo dag gis mngon par brad de mtha' gcig tu song nas ngu ru ru zer zhing khyi tshugs su 'dug go/ /de nas dge slong de dag gis dge slong de la 'di skad ces smras so/ /tshe dang ldan pa ci'i phyir dgon pa'i spra mo 'di khyod kyi gdong du rnam par lta bar byed/ ro smad stobs par byed nas khyod 'di lta ste/ kho bo cag la ngo tsha bas de zlog par byed/ ci'i phyir dgon pa'i spra mo 'di lan gnyis lan gsum du khyod kyi gdong du rnam par lta bar byed/ ro smad stobs par byed nas khyod 'di lta ste/ kho bo cag la ngo tsha bas de zlog par byed/ 'on kyang dgon pa'i spra mo 'di khyod la khros 'khrugs rngam par gyur cing yid mi dga' nas khyod kyi gdong dang / sna dang chos gos rkang pa'i sen mo dag gis mngon par brad de mtha' gcig tu song nas ngu ru ru zer zhing khyi tshugs su 'dug /des skabs de dge slong de dag la rgyas par brjod do/ /de skad ces smras pa dang / dge slong de dag gis dge slong de la 'di skad ces smras so/ /tshe dang ldan pa 'o na bcom ldan 'das kyis mi tshangs par spyod pa 'khrig pa'i chos ma bkag gam/ tshe dang ldan pa dag bkag ste/ de yang mi nyid la yin gyi dud 'gror skyes pa la ni ma yin no/ /dge slong de dag de la mngon par bstod par yang mi byed/ phyir zlog par mi byed cing mngon par bstod par yang ma byas/ phyir bzlog pa yang ma byas par stan dag las langs nas bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das la dge slong rab tu mang po dag gis skabs de rgyas par gsol to/ /bcom ldan 'das kyis bka' stsal pa/ dge slong dag ngas re shig mi la yang bkag na dud 'gror skyes pa lta la ci smos te/ dge slong dag mi gti mug can de ni pham par gyur to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /sangs rgyas bcom ldan 'das rnams ni mkhyen bzhin du rmed par mdzad pas shes bya ba nas sangs rgyas bcom ldan 'das kyis dge slong de la rmas pa zhes bya ba'i bar du snga ma bzhin no/ /dge slong khyod kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa zhes bya ba nas/ mi gti mug can khyod kyis sbrul nag po dug myur du khyab pa/ dug drag pa/ dug rno ba'i khar rang gi yan lag gi rnam pa bcug par gyur pa ni bla'i/ de ltar gyur pas dud 'gro'i skye gnas su skyes pa la ni ma yin no zhes bya ba'i bar rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na snga ma ni bcas pa'o/ /'di ni rjes su bcas pa'o/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong rnams dang lhan cig bslab pa mtshungs par gyur pas bslab pa ma phul/ bslab pa nyams par ma byas par mi tshangs par spyod pa 'khrig pa'i chos bsten na tha na dud 'gro'i skye gnas su skyes pa dang lhan cig kyang rung ste dge slong de pham par gyur pa yin gyis gnas par mi bya'o/ /yang dge slong gang zhes bya ba ni dge slong rnam pa bzhi po ming gi dge slong dang / khas 'che ba'i dge slong dang / slong ba'i phyir dge slong dang / nyon mongs pa bcom pa'i phyir dge slong las ming gi dge slong gang zhe na/ gang gi ming dang / ming du brjod pa dang / tshig gnyis pa dang / tshig bla dgas dang / 'du shes dang / bod pa dang / gdags pa dang / tha snyad dge slong zhe 'am/ dge slong gi rigs she 'am/ dge slong dang 'dra bar gyur pa zhes bya ba de ni ming gi dge slong zhes bya'o/ /khas 'che ba'i dge slong gang zhe na/ gang dge slong ma yin bzhin du bdag nyid dge slong ngo zhes khas 'che bar byed pa dang / rku thabs su gnas shing dge slong du dam 'cha' bar byed pa de ni khas 'che ba'i dge slong zhes bya'o/ /slong ba'i phyir dge slong gang zhe na/ gang chos dang ldan pas slongs mo spyod pas 'tsho bar byed pa ni slong ba'i phyir dge slong zhes bya'o/ /nyon mongs pa bcom pa'i phyir dge slong gang zhe na/ gang gi zag pa kun nas nyon mongs par byed pa/ yang srid par byed pa/ rims nad dang bcas pa/ rnam par smin pa sdug bsngal ba/ phyi ma la skye ba dang rga ba dang / 'chi bar 'gyur ba gang dag yin pa de dag spangs pa dang / yongs su shes pa dang / rtsa ba nas bcad pa dang / shing ta la'i mgo bzhin du gzhi mi snang ba dang / phyi ma la mi skye ba'i chos can du gyur pa de ni nyon mongs pa bcom pa'i phyir dge slong zhes bya'o/ /don 'dir ni gsol ba dang / bzhi'i las mi g.yo ba gzhag par mi 'os pas bsnyen par rdzogs pa gang yin pa de dge slong du dgongs te/ des na yang dge slong gang zhes gsungs so/ /dge slong rnams dang lhan cig ces bya ba ni de las gzhan pa chos 'thun pa tshangs pa mtshungs par spyod pa rnams dang ngo / /bslab pa mtshungs par gyur pas shes bya ba ni bslab pa gang la bsnyen par rdzogs nas lo brgya lon pa'i dge slong gis bslab par bya ba de la deng bsnyen par rdzogs pas kyang / deng bsnyen par rdzogs pas gang la bslab par bya ba de la bsnyen par rdzogs nas lo brgya lon pas kyang ngo zhes 'di la tshul khrims nyid kyis mnyam pa dang / bslab pa nyid kyis mnyam pa dang / so sor thar pa'i mdo gdon pa nyid kyis mnyam pa gang yin pa de ni bslab pa mtshungs par gyur pas shes bya ste/ de na bslab pa mtshungs par gyur pas shes gsungs so/ /bslab pa ma phul zhes bya ba la/ ji tsam gyis na bslab pa ma phul ba yin zhe na/ 'di lta ste/ dge slong khros shing khro ba'i zil gyis non pas bslab pa 'bul na bslab pa ma phul bar brjod par bya'o/ /smyos pa dang / sems 'khrugs pa dang / tshor ba dag gis nyen pas bslab pa 'bul na bslab pa ma phul bar brjod par bya'o/ /smyon pa la bslab pa 'bul na bslab pa ma phul bar brjod par bya'o/ /sems 'khrugs pa dang / tshor ba dag gis nyen pa la bslab pa 'bul na bslab pa ma phul bar brjod par bya'o/ /glen pa dang / lkug pa dang / 'on pa la bslab pa 'bul na bslab pa ma phul bar brjod par bya'o/ /dben par dben par 'du shes pas bslab pa 'bul na bslab pa ma phul bar brjod par bya'o/ /dben par mi dben par 'du shes pas bslab pa 'bul na bslab pa ma phul bar brjod par bya'o/ /mi dben par dben par 'du shes pas bslab pa 'bul na bslab pa ma phul bar brjod par bya'o/ /dbus pas mtha' 'khob pa'i tshig gis dbus pa la bslab pa 'bul bar byed la/ dbus pas gal te mtha' 'khob pa'i tshig smras pa de ma shes na bslab pa ma phul bar brjod par bya'o/ /mtha' 'khob pas dbus pa'i tshig gis mtha' 'khob pa la bslab pa 'bul bar byed la/ mtha' 'khob pas gal te dbus pa'i tshig smras pa de ma shes na bslab pa ma phul bar brjod par bya'o/ /mtha' 'khob pas mtha' 'khob pa'i tshig gis dbus pa la bslab pa 'bul bar byed la/ dbus pas gal te mtha' 'khob pa'i tshig smras pa de ma shes na bslab pa ma phul bar brjod par bya'o/ /dbus pas dbus pa'i tshig gis mtha' 'khob pa la bslab pa 'bul bar byed la/ mtha' 'khob pas gal te/ dbus pa'i tshig smras pa ma shes na bslab pa ma phul bar brjod par bya'o/ /mi gnyid log pa dang / snyoms par zhugs pa dang / lha dang / sprul pa dang / dud 'gro dang / gzugs brnyan la bslab pa 'bul na bslab pa ma phul bar brjod par bya'o/ /klag cor can gyis klag cor can la bslab pa 'bul na bslab pa ma phul bar brjod par bya'o/ /gtong ba'i sems med pa dang / dge sbyong gi tshul 'dod pa dang / khyim na gnas par mi 'dod pa dang / mi rang bzhin du gnas pa shes pas 'ga' la yang rnam par rig par mi byed na bslab pa ma phul bar brjod par bya ste/ des na bslab pa ma phul ba zhes gsungs so/ /bslab pa nyams par ma byas par zhes bya ba la bslab pa phul la bslab pa nyams par ma byas pa yang yod/ bslab pa nyams par byas la bslab pa ma phul ba yang yod/ bslab pa nyams par yang byas la bslab pa phul ba yang yod/ bslab pa ma phul zhing bslab pa nyams par ma byas pa yang yod do/ /de la re shig bslab pa phul la bslab pa nyams par ma byas pa ni 'di lta ste/ dge slong 'dod pa 'am/ mngon par mi dga' ba 'am/ rnam par 'khyam 'dod cing / dge slong gi tshul don du mi gnyer ba 'am/ dge sbyong gi tshul gyis sgyid lug pa 'am/ mus byung ba 'am/ the tshom za ba 'am/ smod pa 'am/ dge sbyong gi tshul yongs su gtong 'dod pa na dge slong gi drung du song ste/ 'di skad ces tshe dang ldan pa dgongs su gsol/ bdag ming 'di zhes bgyi ba bslab pa 'bul lo zhes zer na bslab pa phul bar brjod par bya'o/ /sangs rgyas dang / chos dang / dge 'dun 'bul lo/ / zhes zer na bslab pa phul bar brjod par bya'o/ /mdo sde dang / 'dul ba dang / ma mo 'bul lo zhes zer na bslab pa phul bar brjod par bya'o/ /mkhan po dang / slob dpon 'bul lo zhes zer na bslab pa phul bar brjod par bya'o/ / bdag khyim pa 'am/ dge tshul lam/ za ma 'am/ ma ning ngam/ dge slong ma sun phyung ba 'am/ ma bsad pa 'am/ pha bsad pa 'am/ dgra bcom pa bsad pa 'am/ dge 'dun gyi dbyen byas pa 'am/ de bzhin gshegs pa la ngan sems kyis khrag phyung ba 'am/ mu stegs can nam/ mu stegs can zhugs pa 'am/ rku thabs su gnas pa 'am/ tha dad par gnas pa 'am/ gnas par mi bya bar gzung du gsol zhe 'am/ tha na 'di skad ces bdag khyed lta bu chos 'thun pa tshangs pa mtshungs pa spyod pa dag gis/ chog go zhes zer na bslab pa phul bar brjod par bya ste/ de ltar na bslab pa phul la bslab pa nyams par ma byas pa yin no/ /ji ltar na bslab pa nyams par byas la bslab pa ma phul ba yin zhe na/ 'di lta ste/ dge slong 'dod pa 'am/ mngon par mi dga' ba 'am/ rnam par 'khyam 'dod cing dge sbyong gi tshul mi 'dod pa 'am/ dge sbyong gi tshul gyis sgyid lug pa 'am/ mus byung ba 'am/ the tshom za ba 'am/ smod pa 'am/ dge sbyong gi tshul yongs su gtong 'dod pa na dge slong gi drung du song ste/ 'di skad ces tshe dang ldan pa mkhyen par mdzod cig /tshangs par spyod pa spyad dka'o/ /rab tu dben par bya dka'o/ /gcig pu nyid la mngon par dga' ba dka'o/ /gnas mal dgon pa nags khrod dang / ri drung dang / bas mtha' dag tu gnas pa khong du chud par dka'o/ /gcig pu dgon par gnas pa sdug bsngal lo/ /pha ma dang / phu nu dang / bu sring dran no/ /bdag bzo dag slob tu chug shig bdag gis las kyi mtha' dag tshol cig /bdag khyim bzang po dag tu gtod cig ces de ltar de la 'dod pa 'am/ mngon par mi dga' ba 'am/ rnam par 'khyam 'dod cing dge sbyong gi tshul mi 'dod pa 'am/ dge sbyong gi tshul gyis sgyid lug pa 'am/ mus byung ba 'am/ the tshom za ba 'am/ smod pa 'am/ dge sbyong gi tshul yongs su gtong 'dod pa'i ngag dang / tshig dang / tha snyad dang / skad dang / brjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed gang yin pa dag ni rjod par byed la/ 'di skad ces tshe dang ldan pa dgongs su gsol/ bdag ming 'di zhes bgyi ba bslab pa 'bul lo/ /zhe 'am sangs rgyas dang / chos dang / dge 'dun 'bul lo zhe 'am/ mdo sde dang / 'dul ba dang / ma mo 'bul lo zhe 'am/ mkhan po dang / slob dpon 'bul lo zhe 'am/ bdag khyim pa 'am/ dge tshul lam/ za ma 'am/ ma ning ngam/ dge slong ma sun phyung ba 'am/ ma bsad pa 'am/ pha bsad pa 'am/ dgra bcom pa bsad pa 'am/ dge 'dun gyi dbyen byas pa 'am/ de bzhin gshegs pa la ngan sems kyis khrag phyung ba 'am/ mu stegs can nam/ mu stegs can zhugs pa 'am/ rku thabs su gnas pa 'am/ tha dad par gnas pa 'am/ gnas par mi bya bar gzung du gsol zhe 'am/ tha na 'di skad ces bdag khyod lta bu chos 'thun pa tshangs pa mtshungs par spyod pa dag gis chog go zhes ni mi zer ba ste/ de ltar na bslab pa nyams par byas la bslab pa ma phul ba yin no/ / ji ltar na bslab pa nyams par yang byas la bslab pa phul ba yang yin zhe na/ 'di lta ste/ dge slong 'dod pa 'am/ mngon par mi dga' ba 'am/ rnam par 'khyam 'dod cing dge sbyong gi tshul mi 'dod pa 'am/ dge sbyong gi tshul gyis sgyid lug pa 'am/ mus byung ba 'am/ the tshom za ba 'am/ smod pa 'am/ dge sbyong gi tshul yongs su gtong 'dod pa dang dge slong gi drung du song ste/ 'di skad ces tshe dang ldan pa mkhyen par mdzod cig /tshangs par spyod pa spyad dka'o/ /rab tu dben par bya dka'o/ /gcig pu nyid la mngon par dga' bar dka'o/ /gnas mal dgon pa nags khrod dang / ri drung dang / bas mtha' dag tu gnas pa khong du chud par dka'o/ /gcig pu dgon par gnas pa sdug bsngal lo/ /pha ma dang / phu nu dang / bu sring dag dran no/ /bdag bzo dag slob tu chug shig /bdag gis las kyi mtha' dag tshol cig /bdag khyim bzang po dag tu gtod cig ces de ltar de la 'dod pa 'am/ mngon par mi dga' ba 'am/ rnam par 'khyam 'dod par gyur cing dge sbyong gi tshul mi 'dod pa 'am/ dge sbyong gi tshul gyis sgyid lug pa 'am/ mus byung ba 'am/ the tshom za ba 'am/ smod pa 'am/ dge sbyong gi tshul yongs su gtong 'dod pa'i ngag dang / tshig dang / tha snyad dang / skad dang / brjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed gang yin pa dag kyang rjod par byed la/ 'di skad ces tshe dang ldan pa dgongs su gsol/ bdag ming 'di zhes bgyi ba bslab pa 'bul lo zhe 'am/ sangs rgyas dang / chos dang / dge 'dun 'bul lo zhe 'am/ mdo sde dang / 'dul ba dang / ma mo 'bul lo zhe 'am/ mkhan po dang / slob dpon 'bul lo zhe 'am/ bdag khyim pa 'am/ dge tshul lam za ma 'am/ ma ning ngam dge slong ma sun phyung ba 'am/ ma bsad pa 'am/ pha bsad pa 'am dgra bcom pa bsad pa 'am dge 'dun gyi dbyen byas pa 'am/ de bzhin gshegs pa la ngan sems kyis khrag phyung ba 'am/ mu stegs can nam/ mu stegs can zhugs pa 'am/ rku thabs su gnas pa 'am/ tha dad par gnas pa 'am/ gnas par mi bya bar gzung du gsol zhe 'am/ tha na 'di skad ces bdag khyed cag lta bu chos 'thun pa tshangs pa mtshungs par spyod pa dag gis chog go zhes kyang zer na bslab pa phul bar brjod par bya ste/ de ltar na bslab pa nyams par yang byas la bslab pa phul pa yang yin no/ /ji ltar na bslab pa ma phul zhing bslab pa nyams par ma byas pa yang yin zhe na/ rnam pa de dag ma gtogs pa ste/ des na bslab pa nyams par ma byas par zhes gsungs so/ /mi tshangs par spyod pa zhes bya ba ni gnyis kyis gnyis sprod pa'o/ /'khrig pa zhes bya ba ni mi tshangs par spyod pa gang yin pa de 'khrig pa yang yin no/ /chos shes bya ba ni chos ma yin pa de chos kyi sgrar gsungs pa'o/ /brten na zhes bya ba ni lhag par spyad na'o/ /tha na dud 'gro'i skye gnas su skyes pa dang / lhan cig kyang rung ste zhes bya ba ni spra mo 'am/ spra mo dang 'dra bar gtogs pa dang ngo / /dge slong zhes bya ba ni gang la dge slong gi dngos po yod pa gang yin pa'o/ /dge slong gi dngos po gang zhe na/ bsnyen par rdzogs pa gang yin pa'o/ /bsnyen par rdzogs pa gang zhe na/ gsol ba dang bzhi'i las kyi bya ba byed pa nyid dang / rtog pa nyid dang / yang dag par rtog pa nyid dang / mthar phyin par byed pa nyid dang / yang dag par mthar phyin par byed pa nyid gang yin pa dang / gang zag de'i khas len pa dang / mngon par khas len pa dang / phyir mi zlog pa dang / phyir mi 'gog pa nyid dang ngag dang / tshig dang / tha snyad dang / skad dang / brjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed gang yin pa'o/ /de zhes bya ba ni nye bar bstan pa dang / kun tu bstan pa'i tshig bla dgas de'o/ / pham par gyur pa yin gyis zhes bya ba ni de mthar gyur pa dang / ltung ba dang / dman pa dang / mjug na 'dug pa dang / tha chad dang / yid dang mi mthun pa yin pa'o/ /yang gang gis ltung ba de byas na byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge sbyong gi dngos po las nyams par 'gyur te/ de'i dge sbyong gi tshul zhig par 'gyur zhing / nyams pa/ bcom pa/ ltung ba/ pham par gyur pa ste/ de'i dge sbyong gi tshul phyir bslang du med par 'gyur ro/ /'di lta ste/ dper na shing ta la'i mgo bcad na sngon por 'gyur du mi rung la/ 'phel zhing rgyas pa dang / yangs par 'gyur du mi rung ba de bzhin du dge slong gis gnas de lta bu byas na byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge slong gi dngos po las nyams par 'gyur te/ de'i dge sbyong gi tshul zhig par 'gyur zhing nyams pa/ bcom pa/ ltung ba/ pham par gyur pa ste/ de'i dge sbyong gi tshul phyir bslang du med par 'gyur bas/ de na pham par gyur pa yin gyis shes gsungs so/ /gnas par mi bya'o zhes bya ba ni dge slong rnams kyis de dang gso sbyong dang / dgag dbye dang / gsol ba dang / gsol ba dang gnyis dang / gsol ba dang bzhi'i las la gnas par mi bya'o/ /gang zag bcu gnyis po dag tu bsko bas bsko bar mi bya ba ste/ de na gnas par mi bya'o zhes gsungs so/ /de la ltung ba ji ltar 'gyur zhe na/ sdom la/ 'ba' zhig dang ni gnas gsum dang / /bud med skyes pa ma ning dang / /sten la gzhol dang rtsol pa dang / /myos par byas dang mthus 'dzin pa'o/ /dge slong gis mi tshangs par spyod pa 'khrig pa'i chos bsten na pham par 'gyur ro/ /dge slong gis gnas gsum gyis mi tshangs par spyod pa 'khrig pa'i chos bsten na pham par 'gyur ro/ /zag byed zag byed dam/ kha 'am/ bshang ba'i lam du 'jud na bcug ma thag tu pham par 'gyur ro/ /dge slong gis bud med dang / skyes pa dang / ma ning gsum dang lhan cig mi tshangs par spyod pa 'khrig pa'i chos sten na/ pham par 'gyur ro/ /dge slong gi sems sten pa la gzhol ba dang / sten pa la 'bab pa dang / sten pa la bab par gyur cing / de sems sten pa la gzhol ba dang / sten pa la 'bab pa dang / sten pa la bab pas mi'i bud med gson po ma nyams pa la zag byed bar dang bcas pas bar chad dang bcas pa dang / bar dang bcas pas bar chad med pa dang / bar med pas bar chad dang bcas pa dang / bar med pas bar chad med pa zag byed dam/ kha 'am/ bshang ba'i lam du 'jud na bcug ma thag tu pham par 'gyur ro/ /dge slong gi sems sten pa la gzhol ba dang sten pa la 'bab pa dang / sten pa la bab par gyur cing de sems sten pa la gzhol ba dang / sten pa la 'bab pa dang / sten pa la bab pas/ mi'i bud med gson po nyams pa la zag byed bar dang bcas pas bar chad dang bcas pa dang / bar dang bcas pas bar chad med pa dang / bar med pas bar chad dang bcas pa dang / bar med pas bar chad med pa zag byed dam/ kha 'am/ bshang ba'i lam du 'jud na bcug ma thag tu nyes pa sbom por 'gyur ro/ /dge slong gi sems sten pa la gzhol ba dang / sten pa la 'bab pa dang / sten pa la bab par gyur cing / de sems sten pa la gzhol ba dang / sten pa la 'bab pa dang / sten pa la bab pas mi'i bud med shi ba ma nyams pa la zag byed par dang bcas pas bar chad dang bcas pa dang / bar dang bcas pas bar chad med pa dang / bar med pas bar chad dang bcas pa dang / bar med pas bar chad med pa zag byed dam/ kha 'am/ bshang ba'i lam du 'jud na bcug ma thag tu pham par 'gyur ro/ /dge slong gi sems sten pa la gzhol ba dang / sten pa la 'bab pa dang / sten pa la bab par gyur cing / de sems sten pa la gzhol ba dang / sten pa la 'bab pa dang / sten pa la bab pas mi'i bud med shi ba nyams pa la zag byed bar dang bcas pas bar chad dang bcas pa dang / bar dang bcas pas bar chad med pa dang / bar med pas bar chad dang bcas pa dang / bar med pas bar chad med pa zag byed dam/ kha 'am/ bshang ba'i lam du 'jud na bcug ma thag tu nyes pa sbom por 'gyur ro/ /mi'i bud med gson po dang shi ba la ji lta ba de bzhin du mi ma yin pa mo gson po dang / shi ba dang / dud 'gro'i skyes gnas su skyes pa mo gson po dang / shi ba la yang de bzhin no/ /skyes pa gson po dang / shi ba la rma'i sgo gnyis su yang de bzhin no/ /skyes pa gson po dang / shi ba la rma'i sgo gnyis su ji lta ba de bzhin du mi ma yin pa pho gson po dang / shi ba la rma'i sgo gnyis su dang / dud 'gro'i skye gnas su skyes pa pho gson po dang / shi ba la rma'i sgo gnyis su yang de bzhin no/ /skyes pa la ji lta ba de bzhin du mi'i ma ning pho gson po dang / shi ba la rma'i sgo gnyis su dang / mi ma yin pa'i ma ning pho gson po dang / shi ba la rma'i sgo gnyis su dang / dud 'gro'i skye gnas su skyes pa'i ma ning pho gson po dang / shi ba la rma'i sgo gnyis su yang de bzhin no/ /dge slong gis dge slong nyal ba la rtsol bar byed cing / gal te dge slong gis de dang por yang ma shes bar du yang ma shes/ tha mar yang ma shes na gang rtsol bar byed pa de bsnyil bar bya'o/ /dge slong gis dge slong nyal ba la rtsol bar byed cing / gal te dge slong gis de dang por shes shing / bar du yang ma shes/ tha mar yang ma shes na gang rtsol bar byed pa de bsnyil bar bya'o/ /dge slong gis dge slong nyal ba la rtsol bar byed cing / gal te dge slong gis de dang por yang shes/ bar du yang shes shing tha mar ma shes na gang rtsol bar byed pa de bsnyil bar bya'o/ /dge slong gis dge slong nyal ba la rtsol bar byed cing / gal te dge slong gis de dang por yang shes/ bar du yang shes/ tha mar yang shes la shes nas kyang bdag gir mi byed na gang rtsol bar byed pa de bsnyil bar bya'o/ /dge slong gis dge slong nyal ba la rtsol ba byed cing / gal te dge slong gis de dang por yang shes/ bar du yang shes tha mar yang shes la shes nas kyang bdag gir byed na gnyis ka bsnyil bar bya'o/ /dge slong gis dge slong la ji lta ba bzhin du dge slong gis dge slong ma dang / dge slob ma dang / dge tshul dang / dge tshul ma dang / dge slong mas dge slong dang / dge tshul la dang / dge tshul mas dge slong dang / dge tshul la dang / dge tshul gyis dge slong dang / dge slong ma dang / dge slob ma dang / dge tshul dang / dge tshul ma la yang de bzhin no/ /dge slong gis dge slong 'bru'i chang gis myos par byed du bcug ste rtsol bar byed cing / gal te dge slong gis de dang por yang ma shes/ bar du yang ma shes/ tha mar yang ma shes na gang rtsol bar byed pa de bsnyil bar bya'o/ /dge slong gis dge slong 'bru'i chang gis myos par byed du bcug ste rtsol bar byed cing / gal te dge slong gis de dang por shes shing bar du yang ma shes/ tha mar yang ma shes na gang rtsol bar byed pa de bsnyil bar bya'o/ /dge slong gis dge slong 'bru'i chang gis myos par byed du bcug ste rtsol bar byed cing / gal te dge slong gis de dang por yang shes/ bar du yang shes/ tha mar yang shes la shes nas kyang bdag gir mi byed na gang rtsol bar byed pa de bsnyil bar bya'o/ /dge slong gis dge slong 'bru'i chang gis myos par byed du bcug ste rtsol bar byed cing / gal te dge slong gis de dang por yang shes/ bar du yang shes/ tha mar yang shes la shes nas kyang bdag gir byed na gnyi ga bsnyil bar bya'o/ /dge slong gis dge slong la ji lta ba bzhin du dge slong gis dge slong ma dang / dge slob ma dang / dge tshul dang / dge tshul ma dang / dge slong mas dge slong dang / dge tshul dang / dge slob mas dge slong dang / dge tshul dang / dge tshul mas dge slong dang / dge tshul dang / dge tshul ma la yang de bzhin no/ /'bru'i chang gis ji lta ba de bzhin du bcos pa'i chang dang / sbyar ba'i chang dang / rtsa ba'i btung ba dang / sdong bu'i btung ba dang / 'dab ma'i btung ba dang / me tog gi btung ba dang / 'bras bu'i btung bas sam/ gsang sngags dag dang / rig sngags dag dang / sman gyis sems 'khrugs par byas pa 'am/ gnyid log par byas te yang de bzhin no/ /dge slong gis dge slong gya tshom du mthus bzung ste rtsol bar byed cing / gal te dge slong gis de 'jud pa na bdag gir byed na gnyi ga bsnyil bar bya'o/ /'jud pa na mi byed kyang bcug pa na bdag gir byed na gnyi ga bsnyil bar bya'o/ /'jud pa na yang mi byed/ bcug pa na yang mi byed mod kyi 'byin pa na bdag gir byed na/ gnyi ga bsnyil bar bya'o/ /'jud pa na yang bdag gir mi byed/ bcug pa na yang mi byed/ 'byin pa na yang mi byed na gang rtsol ba de bsnyil bar bya'o/ /dge slong gis dge slong la ji lta ba bzhin du dge slong gis dge slong ma dang / dge slob ma dang / dge tshul dang / dge tshul ma dang / dge slong mas dge slong dang / dge tshul dang / dge slob mas dge slong dang / dge tshul gyis dge slong dang / dge slong ma dang / dge slob ma dang / dge tshul dang / dge tshul ma yang de bzhin no// //'dul ba rnam par 'byed pa/ bam po gnyis pa/ sdom la/ rgyab gnyen dang ni 'phyang ba can/ /mdzes dga' tshogs can rgan mo dang / /dge slong gnyid kyis log pa la/ /lci thun mas btsal nyes med pa'o/ /sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /dus gzhan zhig na rtse bar byed/ dga' bar byed/ dga' mgur spyod par byed pa de'i chung ma la sems can zhugs par gyur nas/ de zla ba brgyad dam/ dgu 'das te btsas pa las khye'u zhig byung ba de'i rgyab 'di lta ste/ dper na ri bong ngam/ byi la'i ltar mnyen pa dang / shin du mnyen par gyur to/ /de'i nye du dag 'dus shing lhags nas nyi ma bdun gsum nyi shu gcig tu btsas pa'i btsas ston rgya cher byas nas/ khye'u 'i ming cir gdags shes ming 'dogs par byed do/ /de dag 'di snyam du sems te/ gang gi phyir khye'u 'di'i rgyab 'di lta ste/ dper na ri bong ngam/ byi la'i ltar mnyen pa dang / shin tu mnyen pa de'i phyir/ khye'u 'i ming rgyab mnyen zhes bya'o/ /zhes de'i ming rgyab mnyen zhes bya bar btags so/ /de 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad ma bzhin du myur du skyed par byed do/ /de gang gi tshe chen por gyur pa de'i tshe legs par gsungs pa'i chos 'dul ba la rab tu byung ngo / /de de ltar rab tu byung nas de snga dro sham thabs bgos/ chos gos dang lhung bzed thogs te/ grong ngam/ grong rdal gang na nye bar rten cing gnas pa'i grong ngam/ grong rdal de nyid du lus ma srungs/ dbang po dag ma bsdams/ dran pa nye bar ma bzhag par bsod snyoms la zhugs so/ /des grong ngam/ grong rdal de nyid du bsod snyoms la brgyus nas zas kyi bya ba byas te/ phyi ma'i zas kyi bsod snyoms las phyir log pas lhung bzed dang chos gos khos su phab nas rkang pa gnyis bkrus te/ nang du yang dag 'jog gi phyir gnas su zhugs so/ /de'i sems gang gi tshe 'dod pa la 'dod chags kyis kun nas bkris par gyur pa de'i tshe des rang gi yan lag gi rnam pa las su rung bar byas te/ rang gi khar bcug nas rtsol ba byed do/ /de nas dus gzhan zhig na dge slong rab tu mang po gnas nyul zhing rgyu ba dag dge slong de'i gnas ga la ba der phyin pa dang / dge slong de dag gis dge slong de de ltar byed pa mthong ngo / /mthong nas kyang yid mi dga' zhing mngon par ma mgu nas dge slong de la 'di skad ces smras so/ /tshe dang ldan pa ci byed/ reg pa bdag gir byed do/ /tshe dang ldan pa 'o na bcom ldan 'das kyis mi tshangs par spyod pa 'khrig pa'i chos ma bkag gam/ tshe dang ldan pa dag bkag ste/ de ni gzhan gyi la yin gyi rang gi la ni ma yin no/ /dge slong de dag de la mngon par bstod par yang mi byed/ phyir zlog par yang mi byed cing / mngon par bstod par yang ma byas/ phyir bzlog par yang ma byas par dong nas/ bcom ldan 'das ga la ba der dong ste phyin pa dang / bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das la dge slong rab tu mang po dag gis skabs de rgyas par gsol pa dang / bcom ldan 'das kyis bka' stsal pa/ dge slong dag ngas re shig gzhan gyi la yang bkag na rang gi la lta smos kyang ci dgos te mi gti mug can de ni pham par gyur to/ /dge slong gi sems sten pa la gzhol ba dang / sten pa la 'bab pa dang / sten pa la bab par gyur cing / de sems sten pa la gzhol ba dang / sten pa 'bab pa dang / sten pa la bab pas rang gi yan lag gi rnam pa las su rung bar byas te rang gi 'am/ gzhan gyi khar bcug nas rtsol bar byed na bcug ma thag tu pham par 'gyur ro/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /dus gzhan zhig na rtse bar byed/ dga' bar byed/ dga' mgur spyod par byed pa de'i chung ma la sems can zhugs par gyur nas/ de zla ba brgyad dam/ dgu 'das te btsas pa las khye'u yan lag gi rnam pa tshad las shin tu 'das pa zhig byung ngo / /de'i nye du dag 'dus shing lhags nas nyi ma bdun gsum nyi shu gcig tu btsas pa'i btsas ston rgya cher byas nas/ khye'u yi ming cir gdags shes ming 'dogs par byed do/ /de dag 'di snyam du sems te/ gang gi phyir khye'u 'di'i yan lag gi rnam pa tshad las shin du 'das pa de'i phyir khye'u 'di 'phyang ba can zhes bya'o zhes de'i ming 'phyang ba can zhes bya bar btags so/ /de 'o ma dang / zho dang / mar dang / zhun mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad ma bzhin du myur du skyed par byed do/ /de gang gi tshe chen por gyur pa de'i tshe legs par gsungs pa'i chos 'dul ba la rab tu byung ngo / /de de ltar rab tu byung nas de snga dro sham thabs bgos lhung bzed dang chos gos thogs te grong ngam/ grong rdal gang na nye bar rten cing gnas pa'i grong ngam/ grong rdal de nyid du lus ma bsrungs/ dbang po dag ma bsdams/ dran pa nye bar ma bzhag par bsod snyoms la zhugs so/ /des grong ngam/ grong rdal de nyid du bsod snyoms la brgyus nas zas kyi bya ba byas te/ phyi ma'i zas kyi bsod snyoms las phyir log pas lhung bzed dang chos gos mkhos su phab nas rkang pa gnyis bkrus te nang du yang dag 'jog gi phyir gnas su zhugs so/ /de'i sems gang gi tshe 'dod pa la 'dod chags kyi kun nas dkris par gyur pa de'i tshe des rang gi yan lag gi rnam pa las su rung bar byas te rang gi bshang ba'i lam du bcug nas rtsol bar byed do/ /de nas dus gzhan zhig na dge slong rab tu mang po gnas nyul zhing rgyu ba dag dge slong de'i gnas ga la ba der phyin pa dang / dge slong de dag gis dge slong de de ltar byed pa mthong ngo / /mthong nas kyang yid mi dga' zhing mngon par ma mgu nas dge slong de la 'di skad ces smras so/ /tshe dang ldan pa ci byed/ reg pa bdag gir byed do/ /tshe dang ldan pa 'o na bcom ldan 'das kyis mi tshangs par spyod pa 'khrig pa'i chos ma bkag gam/ tshe dang ldan pa dag bkag ste de ni gzhan gyi la yin gyi rang gi la ni ma yin no/ /dge slong de dag de la mngon par bstod par yang mi byed/ phyir zlog par yang mi byed cing / mngon par bstod par yang ma byas phyir bzlog pa yang ma byas par dong nas bcom ldan 'das ga la ba der song ste phyin pa dang / bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas/ bcom ldan 'das la dge slong rab tu mang po dag gis skabs de rgyas par gsol pa dang / bcom ldan 'das kyis bka' stsal pa/ dge slong dag ngas re shig gzhan gyi la yang bkag na rang gi la lta smos kyang ci dgos te/ mi gti mug can de ni pham par gyur to/ /dge slong gi sems sten pa la gzhol ba dang / sten pa la 'bab pa dang / sten pa la bab par gyur cing / de sems sten pa la gzhol ba dang / sten pa la 'bab pa dang / sten pa la bab pas rang gi yan lag gi rnam pa las su rung bar byas te/ rang gi 'am/ gzhan gyi bshang ba'i lam du bcug nas rtsol bar byed na bcug ma thag tu pham par 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ de'i tshe na 'phags rgyal na ded dpon dga' bo zhes bya ba phyug pa/ nor mang ba/ longs spyod che ba/ yongs su gzungs ba yangs shing rgya che ba/ rnam thos kyi bu'i nor dang ldan pa rnam thos kyi bu la nor gyis 'gran pa zhig 'dug ste/ des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de la bu yang med bu mo yang med nas/ de bu med cing bu mngon par 'dod pas zhi ba dang / chu lha dang / lus ngan dang brgya byin dang / tshangs pa la sogs pa dag la gsol ba 'debs shing / lha'i bye brag gzhan 'di lta ste/ kun dga' ra ba'i lha dag dang / tshal gyi lha dag dang / bzhi mdo'i lha dag dang / gtor ma len pa'i lha dag dang / lhan cig skyes pa dag dang / chos 'thun pa dag dang / rtag tu rjes su 'brang ba'i lha dag la yang gsol ba 'debs so/ /'jig rten na gang gsol ba 'debs pa'i rgyu las bu dag dang / bu mo dag skye'o zhes bya ba'i gtam de lta bu yod de/ de ni de lta ma yin te/ gal te de ltar 'gyur du zin na re re la yang 'di lta ste/ dper na 'khor los sgyur ba'i rgyal po bzhin du bu stong yod par 'gyur ro/ /'di ltar gnas gsum po dag mngon du gyur pa las bu dang / bu mo dag skye bar 'gyur te/ gsum po de dag gang zhe na/ pha dang ma gnyis chags par gyur cing 'dus pa dang / ma dus la bab cing zla mtshan dang ldan pa dang / dri za nye bar gnas shing 'jug 'dod pa ste/ gnas gsum po de dag mngon du gyur pa las bu dang bu mo dag skye bar 'gyur ro/ /de de ltar gsol ba 'debs pa lhur len cing 'dug pa na sems can zhig kyang lha'i ris nas shi 'phos te de'i skye dgu'i bdag mo'i mngal du zhugs so/ /bud med kyi yul mkhas pa'i rang bzhin can la la la ma 'dres pa'i chos lnga yod de/ lnga gang zhe na/ skyes pa chags par gyur pa shes shing chags pa dang bral ba shes pa dang / dus shes shing zla mtshan shes pa dang / mngal na gnas pa zhugs pa shes pa dang / gang las mngal na gnas pa zhugs pa de shes pa dang / khye'u shes shing bu mo shes pa ste/ gal te khye'u yin na dku g.yas par rten cing 'dug la/ gal te bu mo yin na ni dku g.yon par rten cing 'dug pa'o/ /de yid dga' zhing yid dga' nas khyim thab la smras pa/ rje'i sras bdag la sems can zhugs par gyur pa ni 'di ltar bdag gi dku g.yas par rten cing mchis pas nges par khye'ur 'gyur gyis dgyes pa bskyed du gsol/ de yang yid dga' zhing yid dga' nas ro stod bsrang ste/ lag pa g.yas pa brkyangs nas 'di skad ces kho bo yun ring po nas mngon par 'dod pa bu'i ngo mthong ba dang / kho bo dang 'thun par skye zhing mi mthun par mi skye ba dang / kho bo'i bya ba dag byed pa dang / gsos pas phyir gso ba dang / bgo skal la spyod pa dang / kho bo'i rigs rgyud yun ring du gnas par 'gyur ba dang / bdag cag shi zhing dus la bab pa dag la nyung ngu 'am mang po yang rung ba'i sbyin pa dag byin zhing bsod nams dag byas nas/ 'di de gnyis gang du skyes pa der 'gro zhing rjes su 'gro bar gyur cig ces ming gis yon bshad pa byed par gyur cig ces ched du brjod pa ched du brjod par byed do/ /de la sems can zhugs par rig nas 'di lta ste/ mngal na gnas pa yongs su smin par bya ba'i phyir steng gi khang bzangs kyi gzhir gtogs pa na grang ba na grang ba'i yo byad dag dang / dro ba na dro ba'i yo byad dag dang / sman pas bcas pa'i zas ha cang mi kha ba dang / ha cang mi skyur ba dang / ha cang lan tshwa mi che ba dang / ha cang mi mngar ba dang / ha cang mi tsha ba dang / ha cang mi bska ba dang / kha ba dang / skyur ba dang / lan tshwa dang / mngar ba dang / tsha ba dang / bska ba rnam par spangs pa'i zas dag dang / do shal dang / se mo do dang / rgyan gyis klubs pa'i lus lha'i bu mo dga' ba'i tshal na rnam par spyod pa lta bu dang / khri nas khrir dang / khri'u nas khri'ur rgyu zhing shod kyi sa gzhir mi 'bab pa dang / des sgra yid du mi 'ong ba cung zad kyang mi thos par gnod pa med pa nyid du rim gro byed du 'dzud do/ /de zla ba brgyad dam/ dgu 'das te btsas pa las khye'u gzugs bzang ba/ blta na sdug pa/ mdzes pa/ gsal ba/ gser gyi mdog 'dra ba/ mgo gdugs lta bu dang ldan pa/ lag pa ring ba/ 'phral ba'i dbyes che ba/ smin ma 'jar ba/ sna'i gzangs mtho ba zhig byung ngo / /de'i nye du dag 'dus shing lhags nas nyi ma bdun gsum nyi shu gcig tu btsas pa'i btsas ston rgya cher byas nas khye'u 'i ming cir gdags shes ming 'dogs par byed do/ /yul dbus na gang gzugs bzang ba/ lta na sdug pa/ mdzes pa de la mdzes pa zhes bya'o/ /zhes kun du spyod pas de dag 'di snyam du sems te/ gang gi phyir khye'u 'di gzugs bzang ba/ lta na sdug pa/ mdzes pa yin la/ de ded dpon dga' bo'i bu yin pa de'i phyir khye'u 'i ming mdzes dga' zhes bya'o/ /zhes de'i ming mdzes dga' zhes bya bar btags so/ /khye'u mdzes dga' ma ma brgyad po/ pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsen grogs kyi ma ma gnyis la rjes su gtad do/ /de ma ma brgyad po de dag gis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad ma bzhin du myur du skyed par byed do/ /gang gi tshe chen por gyur pa de'i tshe yi ge dang / grangs dang / rtsis dang / dbyung ba dang / gzhug pa dang / gzhag pa la nye bar zhugs nas/ de yi ge'i mthar phyin cing 'byed pa dang / klog pa dang / mkhas pa dang / spyod pa gsal ba dang / brtag pa brgyad po 'di lta ste/ rin po che brtag pa dang / gzhi brtag pa dang / gos brtag pa dang / shing brtag pa dang / glang po che brtag pa dang / rta brtag pa dang / bud med brtag pa dang / skyes pa brtag pa la mkhas par gyur to/ /phas de'i chung ma'i 'khor gsum po rab dang / 'bring dang / tha ma dag rnam par bzhag go/ /'dug pa'i gnas gsum po dgun gyi dang / dpyid kyi dang / dbyar gyi dag byed du bcug go/ /bskyed mos tshal gsum po dgun gyi dang / dpyid kyi dang / dbyar gyi dag byed du bcug go/ /de steng gi khang bzangs kyi gzhir gtogs pa na skyes pa med par sil snyan gyis rtse bar byed/ dga' bar byed/ dga' mgur spyod par byed do/ /ded dpon dga' bo rtag tu rtsis la chags shing 'du ba dang / 'god pa dag kyang sbyong bar byed nas mdzes dgas smras pa/ yab khyod ci'i slad du rtag tu rtsis la chags shing bzhugs/ des smras pa/ bu ci steng gi khang bzangs kyi gzhir gtogs pa na rtse ba nyid kyis nor bsgrub par byar nus sam/ nga khyim gyi bya ba los kyang bsam dgos so/ /mdzes dgas don gyis 'dis bdag la bskul to snyam du rig nas/ des de'i rkang pa gnyis la gtugs te smras pa/ yab gal te de ltar rjes su gnang na yul gzhan du mchis la nor bsgrub par bgyi'o/ /des smras pa/ bu nor gyi rnam pa mang po yod na ci'i phyir yul gzhan du 'gro/ 'dug shig / des smras pa/ yab ngan bu gor ma bkum par mchi'o/ /ded dpon dga' bos 'di 'dod pa la bab par bya'o snyam du bsams nas/ des lde mig kyog po la sogs pa blangs te/ dbyig dang / gser byas pa dang ma byas pa de'i mdzod gang ba bdun phye ste bstan nas smras pa/ bu mdzes dga' nor gyi rnam pa 'di snyed yod kyis khyod 'di nyid du 'dug la 'dod pa la yang longs spyod cig /sbyin pa dag kyang byin cig /bsod nams dag kyang gyis shig / yul gzhan du 'gro mi dgos so/ /des smras pa/ yab khyod ngan bu la ston par mdzad na/ ngan bus bu rnams la ci zhig bstan par bgyi/ ded dpon dga' bos de zer ba bzang ste/ bdag 'das nas 'dis khyim gyi bya ba sbyong bar 'gyur bas de'i phyir ji srid bdag gson pa de srid du zong mnos shing yul gzhan du 'gro la rag ste/ yul gzhan du 'di la pha'i grogs dag kyang mngon du gyur pas de lta na bdag 'das nas 'di'i 'gro ba'i phyogs mun pa med par 'gyur ro snyam du shes shing rig nas chung ma la smras pa/ bzang mo kho bo 'das nas mdzes dgas khyim gyi bya ba sbyong bar 'gyur bas de'i phyir ji srid kho bo gson pa de srid du zong mnos shing yul gzhan du 'gro la rag ste/ yul gzhan du 'di la pha'i grogs kyang mngon du gyur pas de ltar na kho bo 'das nas 'di'i 'gro ba'i phyogs mun pa med par 'gyur ro/ /des smras pa/ rje'i sras ma nongs te de bzhin mchi la rag go/ /de nas ded dpon dga' bos mdzes dga' bos te smras pa/ bu khyod kyis zong mnos te yul gzhan du 'gro'o snyam du sems bskyed pa ma nyes te/ kho bo 'das nas khyod kyis khyim gyi bya ba sbyong bar 'gyur bas de'i phyir ji srid kho bo gson pa de srid du zong mnos shing yul gzhan du 'gro la rag ste/ yul gzhan du khyod la pha'i grogs dag kyang mngon du gyur pas de lta na kho bo 'das nas khyod kyis 'gro ba'i phyogs mun pa med par 'gyur ro/ /mdzes dgas smras pa/ yab bka' bzhin 'tshal mchi'o/ /de nas ded dpon dga' bos 'phags rgyal du dril bsgrag pa byed du bcug ste/ 'phags rgyal na gnas pa dang / phyogs tha dad pa nas lhags pa'i tshong pa rnams la shes ldan dag nyon cig /ded dpon mdzes dgas zong mnos shing yul gzhan du 'gros/ khyed cag las ded dpon mdzes dga' dang lhan cig tu sho gam med pa dang / la gcan med pa dang / gru btsas med par yul gzhan du 'gro bar spro ba gang yin pa des yul gzhan du 'gro ba dang 'thun pa'i zong bsdogs shig /tshong pa lnga brgyas yul gzhan du 'gro ba dang 'thun pa'i zong bsdogs so/ /ded dpon dga' bos tshong pa de dag 'gron du bos te zan byin nas smras pa/ shes ldan dag ji ltar mdzes dga' 'di kho bo'i bu yin pa de kho na bzhin du khyed cag gi yang yin gyis/ tshong pa yul gzhan du dong ba rnams kyi bar chad ni gsum yod de/ rgyan po dang / 'jud 'thun ma dang / chang gi gnas so/ /khyed cag gi 'di gnod pa las nges par bzlog par bya zhing phan pa la yang dag par sbyar bar bya'o/ gal te gnod pa las nges par bzlog cing phan pa la yang dag par sbyor bar byed pa na rab tu gnas par gyur na de lta na legs/ gal te rab tu mi gnas par gyur na khyed kyis zong rnam par spongs shing rin mnos te 'gro bar bya'o/ /mdzes dga' la yang smras pa/ bu mdzes dga' ji ltar khyod kho bo'i bu yin pa de kho na bzhin du tshong pa 'di dag gi yang yin gyis/ khyod kyis 'di dag gi tshig dad pas mnyan cing bya bar sems shig /ded dpon mdzes dga' yab bka' bzhin 'tshal zhes ded dpon dga' bo las mnyan nas dge mtshan dang / bkra shis dang / bde legs su 'gyur ba byas te/ shing rta dag dang / khur dag dang / spyang dag dang / gle ba dag dang / rnga mo dag dang / ba lang dag dang / bong bu dag gis zong mang po blangs te/ tshong pa lnga brgya dang lhan cig yul gzhan du 'phags so/ /de mthar gyis grong dang / grong rdal dang / yul 'khor dang / rgyal po'i pho brang gi gnas dag tu khad kyis rgyu ba na mnyan yod du phyin nas mnyan yod du mdzod cig tu zong btsud de 'dug go/ /de'i tshe na mnyan yod na gzugs 'tshong ma bzang mo zhes bya ba gzugs bzang ba/ blta na sdug pa/ mdzes pa/ skyes bu dga' ba zhig 'dug ste/ de kar Sha pA Na lnga brgyas skyes pa dang lhan cig dga' mgur spyod par byed do/ /des 'phags rgyal na ded dpon dga' bo zhes bya ba 'dug pa de'i bu mdzes dga' zhes bya ba gzugs bzang ba/ blta na sdug pa/ mdzes pa de tshong pa lnga brgya dang lhan cig tu 'dir phyin nas mdzod che ge mo zhig tu zong mkhos su phab ste 'dug go zhes thos so/ /thos nas kyang de 'di snyam du sems te/ gal te bdag gis de'i zong thams cad ma phrogs na bzang mo zhes bya ba'i ming mi bzung ngo snyam mo/ /des bu mo mngag zhug ma la smras pa/ bu mo ded dpon mdzes dga' zhes bya ba 'byor pa rgya chen po dang ldan pas/ zong khyer te 'ongs nas mdzod che ge mo zhig tu btsud kyis dri dang / phreng ba rgyu thogs te de'i drung du song la 'di skad ces jo mo bzang mo khyod kyi zhabs la phyags 'tshal zhing / rje'i sras kyis ci'i slad du rang gi pho brang spangs te mi phal pa bzhin du mdzod na bzhugs/ 'di ni khyod nyid kyi pho brang lags kyis tshur spyon cig ces kyang mchi'o zhes gyis shig /jo mo bka' bzhin 'tshal zhes bu mo mngag gzhug ma des gzugs 'tshong ma bzang mo las mnyan te/ dri dang / phreng ba rgyu thogs nas ded dpon mdzes dga' ga la ba der song ste phyin nas ded dpon mdzes dga' la 'di skad ces smras so/ /jo mo bzang mo khyod kyi zhabs la phyag 'tshal zhing dri dang / phreng ba rgyu 'di yang bskur/ rje'i sras kyis ci'i slad du rang gi pho brang spangs te mi phal pa bzhin du mdzod na bzhugs/ 'di ni khyod nyid kyi pho brang lags kyis tshur spyon cig ces kyang mchi'o/ /mdzes dga'as smras pa/ bu mo song shig dang / kho bo dri dang / phreng ba rgyu 'di btags te 'ong ngo / /de nas bu mo mngag gzhug ma de gzugs 'tsho ma bzang mo ga la ba der song ste phyin nas/ des ded dpon mdzes dga' dang lhan cig skabs kyi gtam ji snyed byas par gyur pa de dag thams cad gzugs 'tshong ma bzang mo la bsnyad do/ /de nas gzugs 'tshong ma bzang mos bu mo mngag gzhug ma las thos nas dga' ba dang yid bde ba skyes te/ khyim byug pas bskus shing byi dor byed du bcug nas me tog sna tshogs bkram zhing 'dug spos zhim pos bdugs te/ bla re bres pa dang bcas pa'i mal bshams nas gtso cher ded dpon mdzes dga' la sdod cing 'dug go/ /ded dpon mdzes dga' yang dri dang / phreng ba rgyu dang / rgyan gyis klubs te bzhon pa la zhon nas khye'u mngag gzhug pas yongs su bskor cing lang tsho'i gzugs mchog tu sdug pas rnam par mdzes shing gzugs 'tshong ma bzang mo'i gnas ga la ba der song ngo / /gzugs 'tshong ma bzang mo ded dpon mdzes dga' lang tsho'i gzugs mchog tu sdug pas rnam par mdzes pa mthong ngo / /mthong nas kyang bran mo mngag gzhug ma la dris pa/ bu mo 'di ded dpon mdzes dga' yin nam/ des smras pa/ jo mo ded dpon mdzes dga' ni 'di kho na lags so/ /de nas gzugs 'tshong ma bzang mo dga' ba dang / yid bde ba skyes nas tshigs su bcad pa smras pa/ rigs skyes rigs min skyes pa 'am/ nor nyams nor kyis 'byor ba 'ang rung / /gzugs kyis phyug pa mthong bas ni/ /bud med rnams kyi yid 'phrog byed/ /de bzhon pa'i sa ji srid pa de srid du bzhon pas song nas bzhon pa las babs te rkang pa dag kho nas gzugs 'tshong ma bzang mo'i khyim du 'jug par brtsams pa dang / des myur ba myur bar khang thog nas babs te de bsu nas yan lag thams cad kyis 'khyud de/ khyim gyi nang du khrid nas bud med kyi khri la bzhag ste smras pa/ rje'i sras kyi mtshan ci/ des smras pa/ mdzes dga'o/ /des smras pa/ e ma'o khyod kyi mtshan ni gzugs dang 'dra la/ gzugs kyang mtshan dang 'dra ste/ gal te yab yum dag gis khyod kyi mtshan mdzes dga' zhes bgyi bar ma gsol bar gyur na/ deng bdag gis khyod kyi mtshan mdzes dga' zhes bgyi bar gsol bar 'gyur ro/ /des smras pa/ khyod kyi mtshan ci/ des smras pa/ bzang mo'o/ /des smras pa/ e ma'o/ / khyod kyi mtshan ni gzugs dang 'dra la/ gzugs kyang mtshan dang 'dra ste/ gal te yab yum dag gis khyod kyi mtshan bzang mo zhes bgyi bar ma gsol bar gyur na deng bdag gis khyod kyi mtshan bzang mo zhes bgyi bar gsol bar 'gyur ro/ /mdzes dga'as smras pa/ bzang mo dgung gcig gi gla ci tsam/ des smras pa/ rje'i sras kyis mi phal pa bzhin du mi gsha' ba zhig bka' stsal to/ /de'i bu mo mngag gzhug mas smras pa/ dgung red zhig kar Sha pA Na lnga brgya lnga brgya'o/ /des mi la khyod kyis nyin re zhing kar Sha pA Na lnga brgya lnga brgya bskur bar bya'o zhes bsgo nas/ de de dang lhan cig rtse bar byed/ dga' bar byed/ dga' mgur spyod par byed do/ /'dod pa dag ni bsten pa na ldog pa 'am ngoms pa 'am/ mthar thug pa med pas de nyi ma mang po 'das kyang ngoms par ma gyur cing / mis kyang nyi re zhing kar sha pa Na lnga brgya lnga brgya 'bul ba kho nar byed do/ /tshong pa dag gis smras pa/ shes ldan dag ded dpon mdzes dga' mi snang na/ de bdag cag la grogs pos gtad pas kun du btsal bar bya'o/ /tshong pa dag gis de'i g.yog dag la dris pa/ ded dpon gar bzhud/ de dag gis smras pa/ ded dpon nyi ma gang kho na la mnyan yod du phyin pa'i nyi ma de nyid la 'jud 'thun ma'i khyim du zhugs te 'dug na khyed cag gis deng gzod dran nam/ tshong pa dag gis smras pa/ shes ldan dag yu bu cag gis ded dpon mdzes dga' yal bar bor ba ni ma legs pa byas te/ 'di'i phas yu bu cag la glan kar 'gyur ro/ /tshong pa dag gis mdzes dga' la don 'thun rnams kyi mchid nas tshur spyon cig ces mchi'o zhes bang chen btang ngo / /bang chen des mdzes dga' la bsgo nas mdzes dga' 'byung bar brtsams pa dang / bzang mos gos kyi mtha' nas bzung ste smras pa/ rje'i sras 'dod pa dag ni rgyu gnyis kyis bsten par bgyi ste/ gzugs bzang ba nyid dang / lang tsho nyid kyis so/ /khyod ni gzugs bzang ba dang / lang tsho la bab pa lags na gzhon pa'i gnas skabs su re shig rtse ba dang / dga' ba dang / dga' mgur spyod pa mdzod la bgres pa'i gnas skabs su nor bsgrub pa mdzod cig /mdzes dga'as bang chen de la smras pa/ kye khyod song shig dang 'ong ngo / /bang chen de song ste tshong pa rnams la smras pa/ ded dpon gyi zhal nas song shig dang 'ong ngo zhes gsung ngo / /tshong pa de dag 'dus de/ sdod pa na mdzes dga' thogs nas/ tshong pa de dag thams cad 'dus te 'jud 'thun ma'i khyim du dong nas tshong pa de dag gis bsgor sdad de/ mi la smras pa/ kye khyo ga song la ded dpon la tshong pa'i tshogs rnams sgo na sdod cing ded dpon blta bar 'tshal lo/ /zhes gyis shig / mi des song ste mdzes dga' la brjod nas mdzes dga'as 'byung bar brtsams pa dang / yang gzugs 'tshong ma bzang mos gos kyi mtha' nas bzung ste smras pa/ rje'i sras tshong pa de dag kyang bdag dang lhan cig dga' mgur spyod 'tshal te/ de dag dang lhan cig dga' mgur spyad du ga la rung bzhugs shig /'dod pa dag ni bsten pa na kun du sbyor ba dag 'phel bar byed pa yin pas mdzes dgas smras pa/ gang gi tshe kho bo kun nas dkris pa dang bral bar gyur pa de'i tshe 'byung bar 'gyur ro/ /mi des song ste tshong pa'i tshogs rnams la smras pa/ ded dpon gyi zhal nas gang gi tshe kho bo kun nas dkris pa dang bral bar gyur pa de'i tshe 'byung ngo zhes gsung ngo / /tshong pa dag gis smras pa/ kye ma mdzes dga' 'di bya ba ma yin pa la zhugs kyis 'dong ngo zhes de dag gis zong rnam par spangs nas rin blangs te 'phags so/ /de nas mi gang gis nyi ma re re zhing bzang mo la kar Sha pA Na lnga brgya lnga brgya phul bar gyur pa des phyin chad 'bul bar mi byed do/ /de nas dus gzhan zhig na bzang mos mi de la dris shing smras pa/ kye khyo ga ci'i phyir phyin chad kar sha pa Na dag 'bul bar mi byed/ des smras pa/ don 'thun dag dong bas bdag gis ga las dbul/ ci don 'thun dag gis mdzes dga'i zong yang khyer ram/ khyer ro/ /bzang mos mdzes dga' dang lhan cig nyi ma gnyis sam/ gsum dga' mgur spyad nas smras pa/ rje'i sras bdag la zhing yang ma mchis/ las kyi mtha' bgyid pa dag kyang ma mchis/ grong mi zong mnos te yul gzhan du mchi ba dag kyang ma mchis te/ khyod lta bu dag gi drung nas gang thob pa des bdag 'tsho bar 'gyur ba kho nar bas na yang na ni kar sha pa Na dag stsol cig /yang na ni skyes pa gzhan gyi skabs dbye ba mdzod cig /mdzes dga'as smras pa/ bzang mo khyod la sdug pa 'ga' yang med dam/ bzang mos smras pa/ rje'i sras khyod kyis/ tshogs can rnams la sdug pa med/ /de dag rang bzhin ring mi gnas/ /bya rnams 'bras med ljon pa bzhin/ /de dag rnying pa rnam par spong zhes bgyi ba ma gsan tam/ mdzes dgas smras pa/ bzang mo khyod la ji srid du nor sbyin par byed pa de srid du khyod skyes pa'i dbang du 'gyur ram/ bzang mos smras pa/ rje'i sras khyod kyis/ ji srid brgya byin char 'bebs pa/ /de srid ri klung chu 'bebs ltar/ /ji srid nor ni sbyin byed pa/ /de srid 'jud 'thun skyes bu dbang / /zhes bgyi ba ma gsan tam/ mdzes dgas smras pa/ bzang mo khyod su la yang yid 'bebs par mi byed dam/ bzang mos smras pa/ rje'i sras khyod kyis/ 'jud 'thun dgongs kar rang lus bzhin/ /gcugs dang gtam gyis dga' bar byed/ /de nas nam phyed dbus gnas shing / /nam nangs phan chad rtswa bzhin spong / /zhes bgyi ba ma gsan tam/ mdzes dga'as smras pa/ bzang mo khyod nor dang bcas pa'i mi dag la spyod par byed dam/ bzang mos smras pa/ rje'i sras khyod kyis/ nor dang bcas pa'i mi dag dang / /nor ma spyad pa rnams la yang / /sar pa'i rtswa la ba lang bzhin/ /bdag cag rnams kyis spyad par bya/ /zhes bgyi ba ma gsan tam/ mdzes dgas 'byung bar brtsams pa dang / bzang mos bsams pa/ mdzes dga' 'di ni gzugs bzang ba/ blta na sdug pa/ mdzes pa yin pas shin du thag ring bar song yang skyes bu 'di lta bu dang lhan cig rtse bar bya/ dga' bar bya/ dga' mgur spyod par bya ba yin pas de'i phyir ji srid du gzhan kar sha pa Na dag thogs te mi 'ong ba de srid du 'di dang lhan cig rtse bar bya/ dga' bar bya/ dga' mgur spyad par bya'o snyam du rig nas/ bzang mos mdzes dga'i gos kyi mtha' nas bzung ste 'dzin cing smras pa/ rje'i sras khyod la khab na bzhad gad mi bgyi dam/ de ni bdag gis bzhad gad bgyis pa lags gyis bzhes shig /ma bzhud cig /mdzes dga' 'dod chags shas chen pos 'dug pa dang / skyes pa gzhan zhig kar Sha pA na lnga brgya thogs te der zhugs nas/ des bzang mo dga' mgur spyad kyis bzhud ces smras pa dang / bzang mo mdzes dga' nyid kyi mdun du yol bas bcad de dga' mgur spyad par brtsams nas/ mdzes dgas 'di bdag kho na'i mdun du skyes pa 'di dang lhan cig dga' mgur spyod par byed do snyam du shes shing rig nas song ngo / /mdzes dga' lam po che la mi mkhas pas gang du 'gro bar bya ba mi shes nas/ ji tsam na dge slong zhig mnyan yod du bsod snyoms la brgyus nas phyir byung ba de mdzes dgas mthong nas dge slong de'i phyir thog thag rjes su song ngo / /de nas dge slong de gtsug lag khang du song ste/ lhung bzed dang chu tshags mtha' gcig tu bzhag nas snam sbyar sprugs te rkang pa gnyis bkrus nas lag pa gnyis bsnyal te/ chu btsags nas lo ma lhags pa dag blangs te/ 'dug nas zas kyi bya ba bya bar brtsams pa dang / mdzes dga' de'i mdun na 'greng ngo / /dge slong des mdzes dga' la smras pa/ bzhin bzangs lhung bzed kyi lhag ma 'dod dam/ mdzes dgas gal te ma zos na bkres pas 'chi bar 'gyur bar shes shing rig nas smras pa/ 'phags pa 'tshal lo/ /dge slong des mdzes dga' la lhung bzed kyi lhag ma byin pa dang / mdzes dgas zos so/ /zos nas dris pa/ bzhin bzangs khyod ga las 'ong / mdzes dgas smras pa/ 'phags pa bdag ni yul srung byed dag na grong khyer 'phags rgyal zhes bgyi ba de na ded dpon dga' bo zhes bgyi ba mchis pa de'i bu mdzes dga' zhes bgyi ba lags te/ bdag zong mang po 'tshal te mchis pa las 'jud 'thun mas tshul ma lags pas gnod pa bsgrubs par gyur to/ /dge slong des smras pa/ bzhin bzangs ci'i phyir rab tu mi 'byung / mdzes dgas gal te bdag 'phags rgyal du song bar gyur na su zhig mchil ma dag sa la 'dor bar 'gyur te/ bdag kho na'i steng 'ba' zhig tu'o snyam du shes shing rig nas smras pa/ 'phags pa bdag rab tu 'byung ngo / /dge slong des mdzes dga' rab tu phyung bsnyen par rdzogs par byas nas de'i 'og tu nyi ma gnyis sam/ gsum du kun du spyad pa'i chos dag slob tu bcug nas smras pa/ bzhin bzangs ri dgas kyis ri dgas mi sos/ mnyan yod rgya che la rang gi spyod yul dang / yab kyi yul yin gyis bsod snyoms bsgrubs la 'tsho bar gyis shig /mdzes dga' snga dro sham thabs bgos lhung bzed dang chos gos thogs te mnyan yod du bsod snyoms la zhugs so/ /gzugs 'tshong ma bzang mo yang 'gyod pa skyes te/ bdag gis kar Sha pa Na 'dod pa'i rgyus ded dpon mdzes dga' de tsam du mdzes shing lang tsho la bab pa de bskrad pa ni ma legs pa byas te/ shin du thag ring bar song yang skyes bu de lta bu lhan cig dga' mgur spyad par bya ba yin par shes shing rig nas/ bu mo mngag gzhug ma la bu mo gal te ded dpon mdzes dga' mthong na yang 'jug tu chug shig ces bsgo'o/ /mdzes dga' spyod yul la mi mkhas pas bsod snyoms sgrub pa na 'jud 'thun ma'i khyim de nyid du phyin pa dang / bu mo mngag gzhug ma des mthong nas yongs su dga' bas bzang mo la jo mo mdzes dga' khab sgor mchis so/ / zhes sbran to/ /bzang mos smras pa/ 'jug tu chug shig /bu mos smras pa/ rab tu byung ngo / /bzang mos smras pa/ rab tu byung yang 'jug tu chug shig /mngag gzhug ma des mdzes dga' 'jug tu bcug nas gzugs 'tshong ma bzang mos mthong ba dang / bzang mos brang brdungs te smras pa/ mdzes dga' khyod kyis ci'i slad du ngan bu spangs te rab tu byung / mdzes dgas smras pa/ skal chad ma khyod kho bo kho na'i mdun du skyes pa gzhan dang lhan cig dga' mgur spyod par byed na kho bo ji ltar rab tu mi 'byung / bzang mos smras pa/ rje'i sras bud med kyi yul ni rtag tu nongs pa mchis pas bdag nongs pa mchis pa de bzod par mdzod cig /da ni bdag dang rdzas kyang khyod kyi lags kyis tshur spyon bdag dang lhan cig dga' mgur spyad du gsol/ mdzes dgas smras pa/ de'i tshe yang khyod kyis kho bo re shig nor dang don 'thun dag las yongs su nyams pa byas na/ ci da tshul khrims las kyang yongs su nyams par byed 'dod dam/ bzang mos smras pa/ 'phags pa slad rol du drud cing nang du pho la/ nang du drud cing slad rol tu pho shig dang 'dis tshul khrims 'chal ba ci mchis/ mdzes dgas dge slong gnas brtan no cog 'dir bsod snyoms la 'jug pa de dag kyang gor ma chag par 'di ltar byed pas des na 'di skad ces zer ro snyam du shes shing rig nas/ mdzes dgas lhung bzed dang chos gos mtha' gcig tu gzhag ste/ phyi rol du drud cing nang du pho/ nang du drud cing phyi rol du pho nas ya mtshan dang bral bar gyur to/ /de nas bzang mos bca' ba dang bza' ba gtsang ma bsod pas lhung bzed 'gengs su bcug ste phyin nas/ 'phags pa gal te yang bzhed par gyur na spyon cig ces kyang smras so/ /mdzes dgas bsod snyoms blangs te song ngo / /ji tsam na bcom ldan 'das 'dod chags 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos ston to/ /zhe sdang 'dod chags dang bral bar bya ba'i phyir dang / gti mug 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos ston to/ /bcom ldan 'das ji lta ji ltar 'dod chags 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos ston pa dang / zhe sdang 'dod chags dang bral bar bya ba'i phyir dang / gti mug 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos ston pa de lta de ltar tshe dang ldan pa mdzes dga' cung zad 'gyod par gyur rnam par 'gyod par gyur/ rab tu 'gyod par gyur cing 'dug la/ 'gyod pa dang ldan/ 'gyod pa thob cing cang mi smra bar gyur/ yul yul por gyur/ phrag pa klod/ gdong smad/ spob pa med/ sems khongs su chud cing 'dam bu sngon por brngas pa rnyings par 'gyur/ skam par 'gyur ba ltar 'dug go/ /dge slong rnams kyis de la smras pa/ tshe dang ldan pa mdzes dga' khyod la lus kyi gnod pa 'am/ sems kyi yongs su gdung ba 'ga' zhig med dam/ de ngo tsha bas smra bar mi byed cing 'ga' yang med do zhes zer ro/ /sman pa zhig phyogs der 'ongs pa de la dge slong rnams kyis smras pa/ bzhin bzangs gzhon nu 'di nad ci yin pa de ltos shig /sman pa des de brtag par brtsams pa dang / dbang po gsal ba mthong nas smras pa/ 'phags pa dag 'di'i dbang po dag gsal bas 'di la lus kyi nad ni 'ga' yang ma mchis kyi/ 'di la sems kyi yongs su gdung ba ni gor ma bkum par mchis so/ /dge slong rnams kyis smras pa/ bzhin bzangs 'di'i sems kyi yongs su gdung ba ji lta bu yin/ sman pas smras pa/ 'phags pa dag bdag cag sman pa dag ni lus gso bar bgyid pa lags kyi sems gso bar bgyid pa ma lags te/ 'di ltar 'phags pa dag nyid sems gso bar mdzad pa lags pas 'phags pa dag nyid kyis mkhyen par 'gyur ro zhes smras te song ngo / /dge slong rnams kyis mdzes dga' la smras pa/ tshe dang ldan pa 'di na khyod kyi pha yang med/ ma yang med/ rtsa lag gzhan yang med de/ tshangs pa mtshungs par spyod pa nged cag kho nar zad pas nged kyis khyod kyi bsnyen bkur byas ji ltar gyur pa smros shig /mdzes dgas dge slong de dag la skabs de rgyas par brjod do/ /dge slong de dag gis smras pa/ tshe dang ldan pa ni 'bras bu kho nas tsha bar gyur te/ tshe dang ldan pas rab tu byung ba tsam nyid kyis bstan pa la chu bur phyung bar gyur to zhes dge slong de dag mdzes dgas smras pa la mngon par bstod par yang mi byed/ phyir zlog par yang mi byed cing mngon par bstod pa ma byas/ phyir bzlog pa yang ma byas par dong nas bcom ldan 'das ga la ba der dong ste phyin pa dang / bcom ldan 'das kyi zhabs gnyis la mgo bos phyag 'tshal te mtha' cig tu 'khod do/ /mtha' gcig tu 'khod nas bcom ldan 'das la dge slong de dag gis skabs de rgyas par gsol pa dang / bcom ldan 'das kyis bka' stsal pa/ dge slong dag des kyang mi gti mug can de pham par gyur to/ /dge slong gi sems sten pa la gzhol ba dang / sten pa la 'bab pa dang / sten pa la bab par gyur cing de sems sten pa la gzhol ba dang / sten pa la 'bab pa dang / sten pa la bab pas zag byed zag byed kyi phyi rol tu drud cing nang du 'bo ba dang / nang du drud cing phyi rol tu 'bo bar byed na pham par 'gyur ro/ / sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs pa dang / chung ma de rang gi las dag gis dus la bab bo/ /gnyis pa blangs pa dang de yang dus la bab bo/ /de bzhin du chung ma bdun pa'i bar du blangs pa dang de yang dus la bab bo/ /khyim bdag de yang skur pa gdab par 'gyur ba'i las dag gis chung ma gsod pa chung ma gsod pa zhes bya ba'i ming du gyur to/ /khyim bdag des yang bu mo bslangs pa dang / mi ster cing nged kyis ci'i phyir bu mo yongs su gtang mi sbyin no zhes kyang zer ro/ /khyim bdag des yugs sa mo dag bslangs pa dang / yugs sa mo de dag kyang kho mo cag gis ci'i phyir bdag yongs su gtang na khyod kyi khyim du 'jug ces zer ro/ /khyim bdag de rnam pa thams cad du yi chad nas rang nyid kyis khyim gyi so tshis dag bya bar brtsam pa dang / dus gzhan zhig na khyim bdag de'i chung po grogs shig 'ongs nas des khyim bdag de mthong nas dris pa dang / khyod ci byed/ khyim gyi so tshis dag byed do/ /des smras pa/ khyod ci'i phyir rang nyid kyis khyim gyi so tshis byed/ khyim bdag gis smras pa/ kho bos chung ma gcig blangs pa dang de rang gi las dag gis dus la bab bo/ /gnyis pa blangs pa dang de yang dus la bab bo/ /de bzhin du chung ma bdun pa'i bar du blangs pa dang de yang dus la bab bo/ /des smras pa/ gzhan dag ci'i phyir mi slong / khyim bdag gis smras pa/ bslangs na mi ster cing nged kyis ci'i phyir bu mo yongs su gtang mi sbyin no zhes zer ro/ /des smras pa/ yugs sa mo dag ci'i phyir mi slong / khyim bdag gis smras pa/ bslangs te de dag kyang kho mo cag gis ci'i phyir bdag yongs su gtang na khyod kyi khyim du 'jug ces zer ro/ /khyim bdag de'i khyim gyi ha cang yang mi ring ba na tshogs can ma rgan mo zhig 'dug nas chung po grogs des khyim bdag la smras pa/ tshogs can ma rgan mo de ci'i phyir 'jug tu mi gzhug /khyim bdag gis smras pa/ ci kho bos 'jud 'thun ma'i khyim bya 'am/ des smras pa/ tshogs can ma de sdig pa can dam pa ma yin pa'i chos de las phyir log gis 'jug tu chug shig /khyim bdag de chung po grogs des nan gyis mnan pa na tshogs can ma de'i gan du song ste bde legs bde legs shes smras pa dang / rgan mos smras pa/ byon pa legs so ci bzhed/ khyim bdag gis smras pa/ khyod 'tshal na khyod su'i/ rgan mos smras pa/ bdag la zas dang gos sbyin pa gang lags pa'i 'o/ /khyim bdag gis smras pa/ khyod sngon gyi nyon mongs pa dag kun du mi spyod dam/ rgan mos smras pa/ ci bdag gis skyes pa ma mthong ngam/ bdag sdig pa can dam pa ma lags pa'i chos de las ni phyir log go/ /khyim bdag gis smras pa/ tshur spyon bzhud bdag gis khyod kyi na bza' dang bshos gsol gyis/ khyod kyis bdag gi khyim gyi so tshis dag mdzod cig /khyim bdag des tshogs can ma rgan mo de khyim du bcug ste/ lde mig dang lde mig khyog po dag gtad nas smras pa/ 'di khyod kyi khyim yin gyis khyod kyis byin pas kho bo bya ba byed do/ /tshogs can ma rgan mo des khyim bdag de'i khyim gyi so tshis dag bya bar brtsams nas/ de'i 'og tu gos dang zas bzang pos dus yun mi ring ba zhig gis lpags pa dang / sha dang / khrag dag brtas par gyur to/ /de'i sgo'i nyen kor nas bu mo rab tu mang po dag cig rgyal byed kyi tshal du 'dong ba tshogs can ma rgan mos mthong nas gar 'dong zhes dris pa dang / bu mo dag gis smras pa/ rgyal byed kyi tshal du 'dong ngo / /rgan mos smras pa/ kho mo gos dang rgyan thogs kyi bar du re shig sdod cig /rgan mo gos dang rgyan thogs pa de'i bar du bu mo dag thal te dong ngo / /rgan mo yang gos dang rgyan thogs nas phyi bzhin myur ba myur bar 'phags so/ /ji tsam na bu mo de dag gtsug lag khang du zhugs pa na/ gtsug lag khang de na dge slong zhig gnas khang sgo ma bcad pa na gnyid log par gyur pa de'i gos rnam par 'thor bar gyur cing / de'i yan lag gi rnam pa yang las su rung bar gyur pa bu mo de dag gis mthong nas bu mo de dag rgod cing gtsug lag khang nas phyir byung ngo / /tshogs can ma rgan mo yang 'jug cing rgan mos bu mo de dag mthong nas smras pa/ khyed cag ci la rgod gang bsti gnas su rgod pa de so sto mar 'gyur ro zhes bya ba khyed kyis ma thos sam/ bu mo de dag cang mi smra ba nyid du byung ste dong ngo / /tshogs can ma rgan mos bu mo de dag gis 'dir bya gag 'am/ spre'u zhig mthong bar gyur gor ma chag snyam du shes shing rig nas sems gtod cing nges par rtog bzhin du zhugs pa dang / ji tsam na dge slong de de ltar rnam par gyur pa mthong ngo / /mthong nas kyang de la 'dod pa'i chos skyes nas tshogs can ma rgan mo des dge slong de'i steng du bgrad de brtsal bar brtsams pa dang / dge slong de gnyid stug pos non pas phyir ma sad do/ /tshogs can ma rgan mos bdag cag tshogs can ma dag gis ni sgyu rtsal drug cu rtsa bzhi mngon par shes na rab tu byung ba 'dis ko sgyu rtsal drug cu rtsa lnga shes te 'di ltar reg pa ni bdag gir byed la tshig ni mi ster to snyam du shes shing rig nas/ gang gi tshe tshogs can ma rgan mo des kun nas dkris pa dang bral bar gyur pa de'i tshe dge slong de sad par byas te smras pa/ 'phags pa bdag gi sdum pa phyogs ga ge mo zhig na mchis kyis/ gal te yang bzhed par gyur na spyon cig /dge slong des smras pa/ skal chad ma bsti gnas sun par byed pa de yang re shig kho bo bdag gir mi byed na/ khyod kyi khyim du 'ong bar 'gyur re skan/ dge slong de bdag la pham par 'gyur ba'i ltung ba ma byung ngam snyam du 'gyod pa skyes nas des dge slong rnams la skabs de rgyas par brjod do/ /dge slong rnams kyis bcom ldan 'das la gsol pa dang / de nas bcom ldan 'das kyis dge slong de la bka' stsal pa/ dge slong khyod kyis reg pa bdag gir ma byas sam/ des gsol pa/ btsun pa bdag gis reg pa bdag gir ma bgyis te/ bdag dang po nyid nas gnyid stug pos non pas reg pa bdag gir bgyid par ga la 'gyur/ de nas bcom ldan 'das kyis dge slong rnams la bka' stsal pa/ dge slong dag dge slong reg pa bdag gir ma byas pa 'di la ni ltung ba med mod kyi/ 'on kyang ngas dge slong grong mtha' pa'i kun du spyod pa'i chos dag bca' bar bya ste/ dge slong grong mtha' pa nyin par glos phab ste gnyid log pas sgo sgo gtan gyis gcad par bya ba 'am/ srungs ma dge slong gzhag par bya ba 'am/ gos bcing bar bya'o/ /sgo sgo gtan gyis gcod par mi byed dam/ srungs ma dge slong 'jog par mi byed dam gos 'ching bar mi byed par nyin par de bzhin du glos phab ste gnyid log par byed na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong dgon pa pa bsam gtan bzhi pa thob pa zhig 'dug pa de yang dang yang du bcom ldan 'das dang / dge slong gnas brtan rnams kyi zhabs la phyag bya ba'i phyir nye bar 'gro bas de dge slong gsar bu gsar bu dag gis ngo shes par byas so/ /de la dus gzhan zhig na g.yan pa'i nad byung nas de la dge slong gsar bu gsar bu de dag gis smras pa/ gnas brtan khyod la g.yan pa'i snyun byung ngam/ des smras pa/ bzhin bzang dag de de bzhin no/ /de dag gis smras pa/ gnas brtan ci'i slad du sman pa la rmas te bya ba mi mdzad/ des smras pa/ bzhin bzangs dag skye bo mang po mi 'dod pa dang / skye bo mang po mi dga' ba dang / skye bo mang po la mi sdug pa dang / skye bo mang po'i yid du mi 'ong ba 'jig rten thams cad dang thun mong ba 'di lta ste/ 'chi ba zhes bya ba'i chos de 'ong bar 'gyur zhing des nad 'di dang kho bo yang 'jig rten 'di nas 'jig rten pha rol tu khrid par 'gyur bas bya ba byar ci yod/ de dag gis smras pa/ gnas brtan 'o na bcom ldan 'das kyis skyes bu gang zag tshul khrims dang ldan pa yun ring po ji srid du 'tsho ba de srid du bsod nams mang po 'phel zhing ji srid du bsod nams mang po 'phel ba de srid du yun ring por mtho ris dag tu dga' bar 'gyur ro zhes ma gsungs sam/ bzhud la bya ba mdzod cig /de de dag gis nan gyis mnan pa na sman pa'i gan du song ba dang / sman pas de mthong nas smras pa/ 'phags pa khyod la g.yan pa'i snyun byung ngam/ des smras pa/ bzhin bzangs de bzhin te/ de'i don kho nar kho bo 'ongs kyis bdag la sman ston cig / 'phags pa bshos bsod pa gsol la yung mar gyi sku dag bskus te gdugs la bzhugs shig dang khyod sos par 'gyur ro/ /bzhin bzangs kho bo la yungs mar stsol cig /'phags pa bdag cag sman pa dag ni sman ston pa lags kyi 'bul ba ni ma lags te/ gal te re re la yang 'bul na bdag cag la 'tshal ma yang ma mchis/ rad pa yang ma mchis par 'gyur ro/ /'di ltar khyim bdag che ge mo zhig la bro nad 'di lta bu byung bar gyur nas/ bdag gis de'i g.yan pa'i nad rab tu zhi bar 'gyur ba'i yungs mar bskol gyis de'i gan du bzhud la slongs shig /bzhin bzangs mi ster bar 'gyur ro/ /'phags pa bzhud cig dang de dad pa can lags pas 'bul bar 'gyur ro/ /bzhin bzangs a rog khya don gyis na khyod nyid kyis byin no zhes smras te song nas khyim bdag de'i khyim ga la ba der song ba dang / khyim bdag des thag ring po nas mthong nas smras pa/ 'phags pa khyod la g.yan pa'i snyun byung ngam/ bzhin bzangs de de bzhin no/ /'phags pa yungs mar gyis sku dag bskus te gdugs la bzhugs shig dang khyod sos par 'gyur ro/ /bzhin bzangs de'i don kho nar kho bo 'ongs te kho bos khyod la g.yan pa'i nad rab tu zhi bar 'gyur ba'i yungs mar yod par shes kyis de byin cig dang / khyod la bsod nams su 'gyur ro/ /'phags pa dam tshig la dbul bar bgyid ste/ gal te bdag las bsod snyoms gsol bar 'gyur na'o/ /bzhin bzangs bza' bar bya'o/ /khyim bdag des de zas bsod pas tshim par byas nas g.yan pa'i nad rab tu zhi bar 'gyur ba'i yungs mar gyis lhung bzed chung ngu 'gengs su bcug ste byin no/ /dge slong des a rog khya zhes brjod de song nas dgon pa'i gnas su song ste dam dum dag gyon nas yungs mar des lus dag bskus te nyi ma la 'dug pa dang de la bde ba'i 'du shes skyes par gyur nas gnyid log pa dang de'i yan lag gi rnam pa srog chags ud tsa ting gas zin cing las su rung bar gyur nas de'i gos kyang 'thor bar gyur pa dang / ji tsam na gzhon nu ma chen mo zhig lci ba thu ba na phyogs der son pa dang / dge slong de de ltar rnam par gyur pa mthong ngo / /mthong nas de la 'dod pa la 'dod chags kyi kun nas dkris pa skyes nas des dge slong de'i steng du brtsal bar brtsam pa dang / dge slong de sad na nyam chung bas phyir bzlog par ma nus so/ /gang gis tshe de kun nas dkris pa dang bral bar gyur pa de'i tshe smras pa/ 'phags pa bdag gi sdum pa phyogs ga ge mo zhig na mchis kyis gal te yang bzhed par gyur na spyon cig /dge slong des smras pa/ skal chad ma bsti gnas sun par byed pa kho bo re shig de yang bdag gir mi byed na/ khyod kyi khyim du 'ong bar 'gyur re skan/ dge slong de bdag la pham par gyur pa'i ltung ba ma byung ngam snyam du 'gyod pa skyes nas des dge slong rnams la skabs de rgyas par brjod pa dang / dge slong rnams kyis bcom ldan 'das la gsol nas/ de nas bcom ldan 'das kyis dge slong de la bka' stsal pa/ dge slong khyod kyis reg pa bdag gir ma byas sam/ des gsol pa/ btsun pa bdag gis reg pa bdag gir ma bgyis te/ bdag dang po nyid nas 'dod pa las 'dod chags dang bral bas bdag reg pa bdag gir ga la bgyid/ de nas bcom ldan 'das kyis dge slong rnams la bka' stsal pa/ dge slong dag dge slong reg pa bdag gir mi byed pa 'di la ni ltung ba med mod kyis 'on kyang ngas dge slong dgon pa pa'i kun du spyod pa'i chos dag bca' bar bya ste/ dge slong dgon pa pa nyin par glos phab ste/ gnyid log pas phyogs de yal ga dag gam/ seg dag gam/ re lde dag gis bskor bar bya ba 'am/ srung ma dge slong gzhag par bya ba 'am/ gos bcing par bya'o/ /phyogs de yal ga dag gam/ seg dag gam/ re lde dag gis bskor bar mi byed dam/ srungs ma dge slong 'jog par mi byed dam/ gos 'ching bar mi byed pa de bzhin du glos phab ste gnyid log par byed na 'gal tshabs can du 'gyur ro/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa gal te dge slong 'di re shig 'dod pa las 'dod chags dang bral ba lags na ci'i slad du de'i yan lag gi rnam pa las su rung bar gyur/ bcom ldan 'das kyis bka' stsal pa/ dge slong dag 'dod chags dang ma bral ba'i yan lag gi rnam pa ni rgyu lngas las su rung bar 'gyur la/ 'dod chags dang bral ba'i ni rgyu bzhis so/ /'dod chags dang ma bral ba'i rgyu lnga gang zhe na/ bshang bas nye bar non pa dang / gci bas nye bar non pa dang / rlung gis nye bar non pa dang / srog chags ud tsa ting gas zin pa dang / 'dod pa la 'dod chags kyis kun nas dkris pa nyid ni lnga pa ste/ 'dod chags dang ma bral ba ni rgyu lnga po de dag gis so/ /'dod chags dang bral ba'i rgyu bzhi po gang zhe na/ bshang bas nye bar non pa dang / gci bas nye bar non pa dang / rlung gis nye bar non pa dang / srog chags ud tsa ting gas zin pa ste/ 'dod chags dang bral ba'i rgyu ni bzhi po de dag gis so/ /dge slong 'di'i yan lag gi rnam pa ni de'i tshe na srogs chags ud tsa ting gas zin pas des na 'di'i las su rung bar gyur to// //'dul ba rnam par 'byed pa/ bam po gsum pa/ dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa ka lan da ka'i bu tshe dang ldan pa bzang byin gyis dge slong gi dge 'dun skyon ma mchis shing chu bur ma mchis pa la de'i dang por 'di lta ste/ mi tshangs par spyod pa'i rkyen gyis chu bur phyung ba la gzigs/ bcom ldan 'das kyis bka' stsal pa/ dge slong dag da ltar du ma zad kyi 'di ltar 'das pa'i dus na yang 'dis 'jig rten skyon med cing chu bur med pa la de'i dang por 'di lta ste/ mi tshangs par spyod pa'i rkyen gyis chu bur phyung ba ste de nyon cig /dge slong dag 'jig rten 'di 'jig pa'i dus gang yin pa de yang yod de/ 'jig rten 'jig pa na sems can dag phal cher 'od gsal gyi lha'i ris su skye'o/ /de dag de ni gzugs can yid las byung ba/ ma tshang ba med pa/ dbang po ma nyams pa/ yan lag nying lag thams cad dang ldan pa/ bzang ba/ kha dog dang ldan pa/ rang las 'od 'byung ba/ nam mkha' la 'gro ba/ dga' ba za ba/ dga' ba'i zas dang ldan pa/ tshe ring zhing yun ring du gnas so/ / de'i tshe na sa chen po 'di chu 'ba' zhig tu gyur te/ sa chen po chu 'ba' zhig dang / rgya mtsho 'ba' zhig tu gyur pa'i steng du rlung gis pris ma kun du 'chags par byed/ kun du 'thas par byed/ kun du khyab par byed de 'di lta ste/ dper na 'o ma bskol ba grangs par gyur pa'i steng du yang rlung gis pris ma kun du 'chags par byed/ kun du 'thas par byed/ kun du khyab par byed pa de bzhin du sa chen po chu 'ba' zhig dang / rgya mtsho 'ba' zhig tu gyur pa'i steng du yang rlung gis pris ma kun du 'chags par byed/ kun du 'thas par byed/ kun du khyab par byed do/ /de ni sa'i bcud kha dog phun sum tshogs pa yin te/ kha dog gis ni 'di lta bu ste/ 'di lta ste/ dper na mar lta bu'o/ /ros ni 'di lta bu ste/ 'di lta ste/ dper na sbrang bu'i sbrang rtsi ma bskol ba lta bu'o/ /dge slong dag 'jig rten 'di 'chags pa'i dus gang yin pa de yang yod de/ 'jig rten 'chags pa na 'od gsal gyi lha'i ris de nas sems can cig tshe zad las zad bsod nams zad pas shi 'phos te/ 'di lta bu nyid du mi rnams dang skal ba 'thun pa nyid du 'ong zhing 'dir yang gzugs can yid las byung ba/ ma tshang ba med pa/ dbang po ma nyams pa/ yan lag dang nying lag thams cad dang ldan pa/ bzang ba/ kha dog dang ldan pa/ rang las 'od 'byung ba/ nam mkha' la 'gro ba/ dga' ba za ba/ dga' ba'i zas dang ldan pa/ tshe ring zhing yun ring du gnas so/ /de'i tshe 'jig rten du nyi ma dang / zla ba dag kyang ma byung ngo / /'jig rten du rgyu skar dag kyang ma byung / mtshan mo dang / nyin mo dag kyang ma byung / skad cig dang / thang cig dang / yud tsam dag kyang ma byung / zla ba dang / zla ba phyed dang / dus tshigs dang / lo dag kyang ma byung ngo / /bud med kyang med/ skyes pa yang med de/ sems can sems can zhes bya ba 'ba' zhig gi grangs su 'gro'o/ /de nas sems can brkam pa'i rang bzhin can zhig gi sor mo'i rtse mos sa'i bcud myang bar byed do/ /ji lta ji ltar myang bar byed pa de lta de ltar 'dod par byed do/ /ji lta ji ltar 'dod par byed pa de lta de ltar kham gyi zas kyi rtsom pas zos par gyur to/ /sems can gzhan dag gis kyang sems can de sor mo'i rtse mos sa'i bcud myang bar byed pa na/ ji lta ji ltar myang bar byed pa de lta de ltar 'dod par byed pa dang / ji lta ji ltar 'dod par byed pa de lta de ltar kham kyi zas kyi rtsom pas zos par gyur pa mthong ngo / /mthong nas sems can de dag kyang sor mo'i rtse mos sa'i bcud myang bar byed do/ /ji lta ji ltar myang bar byed pa de lta de ltar 'dod par byed do/ /ji lta ji ltar 'dod par byed pa de lta de ltar kham gyi zas kyi rtsom pas zos par gyur to/ /gang gi phyir sems can de dag gis sa'i bcud kham gyi zas kyi rtsom pas zos par gyur pa de'i phyir de dag gi lus la sra ba nyid dang lci ba nyid byung zhing de dag gi kha dog gsal ba bzang po gang yin pa de yang med par gyur/ 'jig rten du mun pa yang byung bar gyur to/ /dge slong dag chos nyid kyis na 'jig rten du mun pa byung na 'jig rten du nyi ma dang zla ba dag kyang 'byung bar 'gyur ro/ /'jig rten du rgyu skar dag dang / mtshan mo dang / nyin mo dag dang / skad cig dang / thang cig dang / yud tsam dag dang / zla ba dang / zla ba phyed dang / dus tshigs dang / lo dag kyang 'byung bar 'gyur ro/ /de dag de za zhing zas de dang ldan la tshe ring zhing yun ring du gnas so/ /de dag las gang zas ches chung ngu za ba de ni kha dog dang ldan par 'gyur la/ gang zas ches cher za ba de ni kha dog ngan par 'gyur ro/ /de ltar zas rnam gnyis nyid la brten nas kha dog rnam gnyis nyid du mngon la/ kha dog rnam gnyis nyid du gyur pa na sems can gyis sems can la kwa'e sems can nga ni kha dog dang ldan pa yin la/ khyod ni kha dog ngan pa yin no zhes khyad du gsod par byed do/ /de dag kha dog gis mngon pa'i nga rgyal can du gyur pa na sdig pa can mi dge ba'i chos de dag nyid yang dag par blangs pa'i rgyus sa'i bcud med par gyur to/ /dge slong dag sems can de dag sa'i bcud med par gyur pa na 'dus shing lhags nas mya ngan byed/ sgyid lug par byed/ smre sngags 'don par byed cing 'di skad ces kye ma'o bcud/ kye ma'o bcud ces kyang zer te/ 'di lta ste/ dper na deng sang mi dag zas zhim pa bzang po cung zhig rnyed nas yi ge dang sbyar ba dang tshig rnying pa de dag nyid kyis rjes su tha snyad 'dogs shing 'di skad ces kye ma'o bcud/ kye ma 'o bcud ces kyang zer ba de bzhin du/ sems can de dag kyang sa'i bcud med par gyur pa na 'dus shing lhag nas mya ngan byed/ sgyid lug par byed/ smre sngags 'don par byed cing 'di skad ces kye ma'o bcud/ kye ma 'o bcud ces zer yang smras pa 'di'i don ni 'di'o/ /smras pa 'di'i don ni 'di'o zhes smras pa de'i don ni mi shes so/ /dge slong dag sems can de dag gi sa'i bcud med par gyur pa na sa zhag kha dog phun sum tshogs pa/ dri phun sum tshogs pa/ ro phun sum tshogs pa byung bar gyur te/ kha dog gis ni 'di lta bu ste 'di lta ste/ dper na dong ka'i me tog lta bu'o/ /ros ni 'di lta bu ste 'di lta ste/ dper na sbrang bu'i sbrang rtsi ma bskol ba lta bu'o/ /de dag de za zhing zas de dang ldan la tshe ring zhing yun ring du gnas so/ /de dag las gang zas ches chung ngu za ba de ni kha dog dang ldan par 'gyur la/ gang zas ches cher za ba de ni kha dog ngan par 'gyur ro/ /de ltar zas rnam gnyis nyid la brten nas kha dog rnam gnyis nyid du mngon la/ kha dog rnam gnyis nyid du gyur pa na sems can gyis sems can la kwa'e sems can nga ni kha dog dang ldan pa yin la khyod ni kha dog ngan pa yin no zhes khyad du gsod par byed do/ /de dag kha dog gis mngon pa'i nga rgyal can du gyur pa na sdig pa can mi dge ba'i chos de dag nyid yang dag par blangs pa'i rgyus sa zhag med par gyur to/ / dge slong dag sems can de dag sa zhag med par gyur pa na 'dus shing lhags nas mya ngan byed/ sgyid lug par byed/ smre sngags 'don par byed cing 'di skad ces kye ma'o/ /kye ma'o zhes kyang zer ro/ /'di lta ste/ dper na deng sang mi dag sdug bsngal dang / yid mi bde ba 'ga' zhig reg pa na yi ge dang sbyar ba dang tshig rnying pa de dag nyid kyis rjes su tha snyad 'dogs shing 'di skad ces kye ma'o/ /kye ma'o zhes kyang zer ba de bzhin du/ sems can de dag kyang sa zhag med par gyur pa na 'dus shing lhags nas mya ngan byed/ sgyid lug par byed/ smre sngags 'don par byed cing 'di skad ces kye ma'o/ /kye ma'o zhes zer yang / smras pa 'di'i don ni 'di'o/ /smras pa 'di'i don ni 'di'o zhes smras pa de'i don ni mi shes so/ /dge slong dag sems can de dag sa zhag med par gyur pa na myu gu'i tshal kha dog phun sum tshogs pa/ dri phun sum tshogs pa/ ro phun sum tshogs pa byung bar gyur te/ kha dog gis ni 'di lta bu ste 'di lta ste/ dper na ka dam bu ka'i me tog lta bu'o/ /ros ni 'di lta bu ste 'di lta ste/ dper na sbrang bu'i sbrang rtsi ma bskol ba lta bu'o/ /de dag de za zhing zas de dang ldan pa tshe ring zhing yun ring du gnas so/ /de dag las gang zas ches chung ngu za ba de ni kha dog dang ldan par 'gyur la/ gang zas ches cher za ba de ni kha dog ngan par 'gyur ro/ /de ltar zas rnam gnyis nyid la brten nas kha dog rnam gnyis nyid du mngon la/ kha dog rnam gnyis nyid du gyur pa na sems can gyis sems can la kwa'i sems can/ nga ni kha dog dang ldan pa yin la khyod ni kha dog ngan pa yin no zhes khyad du gsod par byed do/ /de dag kha dog gis mngon pa'i nga rgyal can du gyur pa na sdig pa can mi dge ba'i chos de dag nyid yang dag par blangs pa'i rgyus myu gu'i tshal med par gyur to/ /dge slong dag sems can de dag myu gu'i tshal med par gyur pa na 'dus shing lhags nas mya ngan byed/ sgyid lug par byed/ smre sngags 'don par byed cing 'di skad ces phar song phar song zhes kyang zer te/ 'di lta ste/ dper na deng sang mi dag smad pa rnon po 'ga' zhig gis smad pa na yi ge dang sbyar ba dang tshig rnying pa de dag nyid kyis rjes su tha snyad 'dogs shing / 'di skad ces phar song phar song zhes kyang zer ba de bzhin du/ sems can de dag kyang myu gu'i tshal med par gyur pa na 'dus shing lhags nas mya ngan byed/ sgyid lug par byed/ smre sngags 'don par byed cing 'di skad ces phar song phar song zhes zer yang smras pa 'di'i don ni 'di'o/ /smras pa 'di'i don ni 'di'o zhes smras pa de'i don mi shes so/ /dge slong dag sems can de dag gi myu gu'i tshal med par gyur pa na ma rmos ma btab pa'i 'bras sa lu'i 'bru so ba med pa/ sbun pa med pa/ dag pa gtsang ba/ sor bzhi pa kun nas ma dkris pa nub brngas na nang rgyal zhing phyir skye la nang brngas na nub rgyal zhing phyir skye ba/ brngas so cog phyir skye ba/ brngas par yang mi mngon pa byung bar gyur te/ de dag de za zhing zas de dang ldan la tshe ring zhing yun ring du gnas so/ /gang gi phyir sems can de dag gis ma rmos ma btab pa'i 'bras sa lu'i 'bru kham gyi zas kyi rtsol bas zos par gyur pa de'i phyir de dag la dbang po tha dad pa byung bar gyur te/ kha cig ni pho'i dbang po dang ldan/ kha cig ni mo'i dbang po dang ldan no/ /de na gang dag pho'i dbang po dang ldan pa dang / gang dag mo'i dbang po dang ldan pa de dag gcig la gcig mig gis mig la brten te lta bar byed do/ /ji lta ji ltar gcig la gcig mig gis mig la brten te lta bar byed pa de lta de ltar kun du chags so/ /ji lta ji ltar kun du chags pa de lta de ltar dral to/ /ji lta ji ltar dral ba de lta de ltar log par zhugs so/ /sems can gzhan dag gis kyang sems can sems can la log par zhugs pa mthong ngo / /mthong nas sas kyang 'thor bar byed/ bong ba dang / gseg ma dang / gyo mo dang / gyo dum dag kyang 'phen par byed cing / 'di skad ces sems can ngan pa grong pa bya ba ma yin pa byed/ sems can ngan pa grong pa bya ba ma yin pa byed pa/ kwa'e sems can khyod ci'i phyir sems can sun par byed ces kyang zer te/ 'di lta ste/ dper na deng sang sems can dag bag sar bag mar len pa na phye mas kyang 'thor bar byed dri dang me tog dang / 'bras yos dag gis kyang 'thor bar byed cing / 'di skad ces sru bde bar gyur cig ces kyang zer ba de bzhin du sems can de dag gis kyang sems can sems can la log par zhugs pa mthong nas sas kyang 'thor bar byed/ bong ba dang / gseg ma dang / gyo mo dang / gyo dum dag kyang 'phen par byed cing 'di skad ces sems can ngan pa grong pa bya ba ma yin pa byed pa/ sems can ngan pa grong pa bya ba ma yin pa byed pa/ kwa'i sems can khyod ci'i phyir sems can sun par byed ces kyang zer ro/ /dge slong dag de ltar na sngon chos ma yin par grags pa gang yin pa de ni deng sang chos su grags la/ sngon 'dul ba ma yin par grags pa gang yin pa de ni deng sang 'dul bar grags/ sngon smad par bya ba gang yin pa de ni deng sang bstod par bya ba yin no/ /de nyi ma gcig tsam spong bar byed/ nyi ma gnyis sam/ gsum 'am/ bdun tsam spong bar byed do/ /gang gi phyir sems can de dag sdig pa can dam pa ma yin pa'i chos de la shin du sdang bar byed pas brtul zhugs la zhugs pa de'i phyir de dag khyim rtsig pa la zhugs te/ bdag cag gis 'dir bya ba ma yin pa bya'o/ /bdag cag gis 'dir bya ba ma yin pa bya'o/ /zhes zer ba las khyim khyim zhes bya ba'i ming byung ngo / /dge slong dag 'di ni khyim gyi las kyi mtha' dag 'jig rten du 'byung ba'i dang po rtsom pa yin te/ de yang chos kyis yin gyi chos ma yin pas ni ma yin no/ /de la chos ni 'di yin te rgyal ba dbang po rnams kyi chos mchog yin no/ /dge slong dag de la de'i tshe de'i dus na gang gis de'i dang por sems can sun phyung bar gyur pa'i sems can gang yin pa de ni ka lan da ka'i bu bzang byin yin te/ 'dis de'i tshe yang 'jig rten skyon med cing chu bur med pa la de'i dang por 'di lta ste/ mi tshangs par spyod pa'i rkyen gyis chu bur phyung ngo / /'dis da ltar yang dge slong gi dge 'dun skyon med cing chu bur med pa la de'i dang por 'di lta ste/ mi tshangs par spyod pa'i rkyen gyis chu bur phyung ngo / /dge slong dag de lta bas na 'di ltar bslab par bya ste/ 'dod chags spang ba'i phyir 'bad par bya'o/ /zhe sdang spang ba'i phyir dang / gti mug spang ba'i phyir 'bad par bya ste/ dge slong dag khyed kyis de ltar bslab par bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ni ltung ba med do/ / pham par 'gyur ba dang po rdzogs s+ho// // sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /de'i tshe na sngon rdza mkhan dge slong nor can rgyal po'i khab na dgon pa'i spyil bu na gnas so/ /de nas sngon rdza mkhan dge slong nor can rgyal po'i khab tu spyod yul du zhugs pa dang / rgyal po'i khab kyi mi ba lang rdzi dag dang / phyugs rdzi dag dang / rtswa thun dag dang / shing thun dag dang / lam gyis 'tsho ba dag dang / lam gol bas 'tsho ba'i mi dag gis spyil bu bcom zhing rnam par dkrugs te/ rtswa dang / shing thams cad kyang khyer ro/ /de'i 'og tu sngon rdza mkhan dge slong nor can 'ongs pa dang / sngon rdza mkhan dge slong nor can gyis spyil bu bcom zhing rnam par dkrugs te/ rtswa dang / shing thams cad kyang khyer ba mthong ngo / /mthong nas yang rtswa dang / shing blangs te spyil bu gzhan byed do/ /sngon rdza mkhan dge slong nor can lan gnyis lan gsum du rgyal po'i khab tu spyod yul du zhugs pa dang / rgyal po'i khab kyi mi ba lang rdzi dag dang / phyugs rdzi dag dang / rtswa thun dag dang / shing thun dag dang / lam gyis 'tsho ba dag dang / lam gol bas 'tsho ba'i mi dag gis spyil bu bcom zhing rnam par dkrugs te/ rtswa dang / shing thams cad kyang khyer ro/ /de'i 'og tu sngon rdza mkhan dge slong nor can 'ongs pa dang / sngon rdza mkhan dge slong nor can gyis spyil bu bcom zhing rnam par dkrugs te/ rtswa dang / shing thams cad kyang khyer ba mthong ngo / /de nas sngon rdza mkhan dge slong nor can 'di snyam du sems te/ 'di ltar bdag rgyal po'i khab tu spyod yul du zhugs pa dang rgyal po'i khab kyi mi ba lang rdzi dag dang / phyugs rdzi dag dang / rtswa thun dag dang / shing thun dag dang / lam gyis 'tsho ba dag dang / lam gol bas 'tsho ba'i mi dag gis lan gsum gyi bar du spyil bu bcom zhing rnam par dkrugs te/ rtswa dang / shing thams cad kyang khyer ba ni kye ma'o sdug bsngal/ kye ma'o mi bzad de/ bdag pha'i bzo'i gnas dang / las kyi gnas la mkhas kyis bdag gi gnas khang thams cad sa las byas pa zhig bya'o snyam mo/ /de nas sngon rdza mkhan dge slong nor can gyis lus kyis sa dag bskyas shing bskyas shing srog chags med pa'i chus sbangs te/ gnas khang gi gzhi'i rmang dang / thog dang / ka ba dang / steng rim rtsig par byed cing / chos gos kyi rdang khung dang / chos gos kyi rdang dang / stegs dang / khri dang / khri'u dang / an khri'u dang / sgo skyes dag kyang byed do de skams par rig nas kha dog can gyis skud par byed cing kha dog can gyis bskus nas shing dang / lci ba dang / rtswa skam po dag bcer te so gtong bar byed do/ /de'i gnas khang de tshos pa shin du tshos pa/ grub pa mchog tu grub pa/ dmar ba/ mdog dmar ba/ 'od dmar ba 'di lta ste/ dper na me tog ban d+hu dzi ba ka 'dra'o/ /de nas sngon rdza mkhan dge slong nor can 'di snyam du sems te/ bdag gi gnas khang tshos pa shin du tshos pa/ grub pa mchog tu grub pa/ dmar ba/ mdog dmar ba/ 'od dmar ba/ 'di lta ste/ dper na me tog ban d+hu dzi ba ka 'dras/ bdag gis da ni gnas khang gi dus ston bya'o snyam mo/ /de nas sngon rdza mkhan dge slong nor can gyis dge slong nyen kor ba dag la gnas khang ltar bcug ste/ lhung bzed dang chos gos thogs nas ljongs rgyur song ngo / /chos nyid kyis na sangs rgyas bcom ldan 'das gson zhing bzhugs te 'tsho zhing gzhes pa dag ni 'dul bar gyur pa'i dbang gis dus dang dus su sems can dmyal ba rgyur gshegs pa dang / dud 'gro rgyu ba dang / yi dwags rgyu ba dang / lha rgyu ba dang / ljongs rgyu ba dang / chu klung rgyu ba dang / dgon par rgyu ba dang / dur khrod rgyu ba dang / ri rgyu ba dang / gtsug lag khang rgyur gshegs so/ /don 'dir ni sangs rgyas bcom ldan 'das gtsug lag khang rgyur gshegs par bzhed nas/ tshe dang ldan pa kun dga' bo la bka' stsal pa/ kun dga' bo song la dge slong rnams la dge slong dag de bzhin gshegs pa da gtsug lag khang rgyur gshegs kyis khyed cag las gang de bzhin gshegs pa dang / thabs cig gtsug lag khang rgyur 'gro bar spro ba des chos gos dag long shig ces bsgo shig /tshe dang ldan pa kun dga' bos bcom ldan 'das bka' bzhin 'tshal zhes bcom ldan 'das las mnyan nas/ lde mig kyog po thogs te kun dga'i ra ba nas kun dga'i ra bar gtsug lag khang nas gtsug lag khang du/ khang khyim nas khang khyim du 'chags nas 'chag sar gol bar 'gro zhing drang por 'gro ba na dge slong de dag mthong nas 'di skad ces smras so/ /tshe dang ldan pa dag bcom ldan 'das da gtsug lag khang rgyur gshegs kyis khyed cag las gang bcom ldan 'das dang thabs gcig gtsug lag khang rgyur 'gro bar spro ba des chos gos dag long shig /dge slong de dag gis tshe dang ldan pa bka' bzhin 'tshal zhes tshe dang ldan pa kun dga' bo las mnyan nas chos gos dag blangs te/ bcom ldan 'das ga la ba der dong ngo / /de nas bcom ldan 'das dge slong rab tu mang po dag dang thabs gcig gtsug lag khang rgyur gshegs te/ mthar gyis gtsug lag khang rgyu zhing gshegs pa na sngon rdza mkhan dge slong nor can gyi gtsug lag khang ga la ba der gshegs pa dang / bcom ldan 'das kyis sngon rdza mkhan dge slong nor can gyi gnas khang tshos pa shin du tshos pa/ grub pa mchog tu grub pa/ dmar ba/ mdog dmar ba/ 'od dmar ba 'di lta ste dper na me tog ban d+hu dzi ba ka 'dra ba gzigs so/ /gzigs nas dge slong rnams la bka' stsal pa/ dge slong dag gnas khang 'di su'i yin/ btsun pa sngon rdza mkhan dge slong nor can gyi lags so/ /dge slong dag nga la gzhi 'dis mu stegs can dag dge sbyong gau ta ma 'dug bzhin du nyan thos rnams la zag pa'i gnas lta bu'i chos kha cig byung bar gyur to/ /zhes kha zer bar 'gyur gyis gnas khang shig cig rnam par dkrugs shig /dge slong de dag gis 'di lta ste/ ston pa'i bka' lung gis gnas khang bshig cing rnam par dkrugs so/ /bcom ldan 'das kyang gnas khang bshig cing rnam par dkrugs nas gshegs so/ /sngon rdza mkhan dge slong nor can 'ongs pa dang / sngon rdza mkhan dge slong nor can gyi gnas khang bshig cing rnam par dkrugs pa mthong ngo / /mthong nas dge slong nyen kor ba rnams la smras pa/ tshe dang ldan pa dag kho bo'i gnas khang sus bshig cing rnam par dkrugs/ tshe dang ldan pa 'di lta ste/ ston pa'i bka' lung gis dge slong dag gis so/ /gal te bcom ldan 'das chos kyi rje bde bar gshegs pa chos kyi rjes bshig na bshig pa legs so/ /de'i tshe na grong khyer rgyal po'i khab na/ shing srung ba'i mi sna chen po la gtogs pa sngon rdza mkhan dge slong nor can gyi gtam 'dres pa/ phebs par smra ba/ smos 'drin 'grogs bshes shig 'dug go/ /de nas sngon rdza mkhan dge slong nor can 'di snyam du sems te grong khyer/ rgyal po'i khab na shing srung ba'i mi sna chen po la gtogs pa bdag gi gtam 'dres pa/ phebs par smra ba/ smos 'drin 'grogs bshes shig yod kyis bdag gis gnas khang thams cad shing las byas pa zhig bya'o snyam du shes shing rig nas/ shing srung ba'i mi sna chen po la gtogs pa ga la ba der song ste phyin nas shing srung ba'i mi sna chen po la gtogs pa la 'di skad ces smras so/ /kye nang po shes par gyis shig /lus 'phags ma'i bu ma ga d+har byung ba'i rgyal po ma skyes dgras bdag la shing dag byin pa de dag 'dren par 'dod kyis bdag la byin cig /'phags pa gal te lhas khyod la zhugs shing dag gsol na gsol ba legs kyis khyod ci bder snoms shig /de nas sngon rdza mkhan dge slong nor can gyis lus 'phags ma'i bu ma ga d+har byung ba'i rgyal po ma skyes dgra'i shing gang dag grong khyer rgyal po'i khab ral ba dang 'drums pa bcos pa'i phyir brel ba'i don du bzhag pa/ sbas pa shin du sbas pa/ bsrungs pa shin du bsrungs pa gang yin pa su la yang ster bar sla ba ma yin pa de dag las shing kha cig phyung ste bcad cing gshegs nas 'dren par byed do/ /grong khyer srung ba'i mi sna chen po la gtogs pa zhig grong khyer rgyal po'i khab kyi mkhar phyi'i lam nyul ba na lus 'phags ma'i bu ma ga d+har byung ba'i rgyal po ma skyes dgra'i shing gang dag grong khyer rgyal po'i khab ral ba dang 'drums pa bcos pa'i phyir brel ba'i don du bzhag pa/ sbas pa shin du sbas pa/ bsrungs pa shin du bsrungs pa gang yin pa su la yang ster bar sla ba ma yin pa de dag las shing kha cig phyung ste bcad cing gshegs nas drangs pa mthong ngo / /mthong nas de 'di ltar lus 'phags ma'i bu ma ga d+har byung ba'i rgyal po ma skyes dgra'i shing gang dag grong khyer rgyal po'i khab ral ba dang 'drums pa bcos pa'i phyir brel ba'i don du bzhag pa/ sbas pa/ shin du sbas pa bsrungs pa shin du bsrungs pa gang yin pa su la yang ster bar sla ba ma yin pa de dag las shing kha cig phyung ste bcad cing gshegs nas drangs pa las na/ lus 'phags ma'i bu ma ga d+har byung ba'i rgyal po ma skyes dgra'i grong khyer rgyal po'i khab tu thong mi pa 'am/ chom rkun pa 'am dgra bo 'ga' zhig zhugs par ma gyur tam snyam du 'jigs par gyur/ sngangs par gyur/ spu zing zhes byed par gyur to/ /de nas shing srung ba'i mi sna chen po la gtogs pa ga la ba der song ste phyin nas shing srung ba'i mi sna chen po la gtogs pa de la 'di skad ces smras so/ /kye nang po shes par gyis shig /bdag 'di na grong khyer rgyal po'i khab kyi mkhar phyi'i lam nyul ba na lus 'phags ma'i bu ma ga d+har byung ba'i rgyal po ma skyes dgra'i shing gang dag grong khyer rgyal po'i khab ral ba dang / 'drums pa bcos pa'i phyir brel ba'i don du bzhag pa/ sbas pa shin du sbas pa/ bsrungs pa shin du bsrungs pa gang yin pa su la yang ster bar sla ba ma yin pa de dag las shing kha cig phyung ste/ bcad cing gshegs nas drangs pa mthong ngo / /mthong nas bdag 'di ltar lus 'phags ma'i bu ma ga d+har byung ba'i rgyal po ma skyes dgra'i shing gang dag grong khyer rgyal po'i khab ral ba dang 'drums pa bcos pa'i phyir brel ba'i don du bzhag pa/ sbas pa shin du sbas pa/ bsrungs pa shin du bsrungs pa gang yin pa su la yang ster bar sla ba ma yin pa de dag las shing kha cig phyung ste bcad cing gshegs nas drangs pa las na/ lus 'phags ma'i bu ma ga d+har byung ba'i rgyal po ma skyes dgra'i grong khyer rgyal po'i khab tu thong mi pa 'am/ chom rkun pa 'am/ dgra bo 'ga' zhig zhugs par ma gyur tam snyam du 'jigs par gyur/ dngangs par gyur/ spu zing zhes byed par gyur na/ kye nang po khyod kyis shing dag su la yang ma byin nam/ kye nang po su la yang ma byin te 'on kyang sngon rdza mkhan dge slong nor can 'ongs nas de 'di skad ces kye nang po shes par gyis shig /lus 'phags ma'i bu ma ga d+har byung ba'i rgyal po ma skyes dgras bdag la shing dag byin pa de dag 'dren par 'dod kyis bdag la byin cig ces zer nas/ bdag gis de la 'di skad ces 'phags pa gal te lhas khyod la zhugs shing dag gsol na/ gsol ba legs kyis khyod ci bder snoms shig ces brjod pas des drangs pa 'am gcig tu ma gyur tam/ de nas grong khyer srung ba'i mi sna chen po la gtogs pa lus 'phags ma'i bu ma ga d+har byung ba'i rgyal po ma skyes dgra ga la ba der song ste phyin nas/ lus 'phags ma'i bu ma ga d+har byung ba'i rgyal po ma skyes dgra la 'di skad ces smras so/ /lha mkhyen par mdzod cig /bdag 'di na grong khyer rgyal po'i khab kyi mkhar phyi'i shul nyul ba na lha'i zhugs shing gang dag grong khyer rgyal po'i khab ral ba dang / 'drums pa bcos pa'i slad du thugs brel ba'i don du bzhag pa/ sbas pa shin du sbas pa/ bsrungs pa shin du bsrungs pa gang lags pa su la yang stsal bar sla ba ma lags pa de dag las zhugs shing kha cig phyung ste bcad cing gshegs nas drangs pa mthong ngo / /mthong nas bdag 'di ltar lha'i zhugs shing gang dag grong khyer rgyal po'i khab ral ba dang / 'drums pa bcos pa'i slad du thugs brel ba'i don du bzhag pa/ sbas pa shin du sbas pa/ bsrungs pa shin du bsrungs pa/ gang lags pa su la yang stsal bar sla ba ma lags pa de dag las zhugs shing kha cig phyung ste bcad cing gshegs nas drangs pa las na/ lha'i grong khyer rgyal po'i khab tu thong mi pa 'am/ chom rkun pa 'am/ dgra bo 'ga' zhig zhugs par ma gyur tam snyam du 'jigs par gyur/ dngangs par gyur spu zing zhes bgyid par gyur nas/ zhugs shing srung ba'i mi sna chen po la gtogs pa ga la ba der mchis te mchis nas zhugs shing srung ba'i mi sna chen po la gtogs pa la 'di skad ces kye nang po shes par gyis shig /bdag 'di na grong khyer rgyal po'i khab kyi mkhar phyi'i lam nyul ba na lha'i shing gang dag grong khyer rgyal po'i khab ral ba dang 'drums pa bcos pa'i phyir brel ba'i don du bzhag pa/ sbas pa shin du sbas pa/ bsrungs pa shin du bsrungs pa gang yin pa su la yang ster bar sla ba ma yin pa de dag las shing kha cig phyung ste bcad cing gshags nas drangs pa mthong na/ kye nang po khyod kyis shing dag su la yang ma byin nam zhes bgyis na/ de 'di skad ces kye nang po su la yang ma byin te/ 'on kyang sngon rdza mkhan dge slong nor can 'ongs nas/ de 'di skad ces kye nang po shes par gyis shig /lus 'phags ma'i bu ma ga d+har byung ba'i rgyal po ma skyes dgras bdag la shing dag byin pa de dag 'dren par 'dod kyis bdag la byin cig ces zer nas/ bdag gis de la 'di skad ces 'phags pa gal te lhas khyod la zhugs shing dag gsol na/ gsol ba legs kyis khyod ci bder snoms shig /ces brjod pas des drangs pa 'am cig tu ma gyur tam zhes mchi na/ lhas zhugs shing dag su la yang stsal tam/ kwa'e nang rje su la yang ma byin no/ /lha zhugs shing srung ba'i mi sna chen po la gtogs pa de skad mchi'o/ /de nas lus 'phags ma'i bu ma ga d+har byung ba'i rgyal po ma skyes dgras mi zhig la smras pa/ kwa'e nang rje tshur shog /shing srung ba'i mi sna chen po la gtogs pa ga la ba der song la phyin nas/ shing srung ba'i mi sna chen po la gtogs pa la 'di skad ces/ kwa'e nang rje khyod la lus 'phags ma'i bu ma ga d+har byung ba'i rgyal po ma skyes dgra gsung ngo / /zhes gyis shig /mi des lha bka' bzhin 'tshal zhes lus 'phags ma'i bu ma ga d+har byung ba'i rgyal po ma skyes dgra las mnyan nas shing srung ba'i mi sna chen po la gtogs pa ga la ba der song ste phyin nas/ shing srung ba'i mi sna chen po la gtogs pa la 'di skad ces smras so/ /kye nang po shes par gyis shig /khyod la lus 'phags ma'i bu ma ga d+har byung ba'i rgyal po ma skyes dgra gsung ngo / /shing srung ba'i mi sna chen po la gtogs pas kye nang po bka' bzhin 'tshal zhes mi de las mnyan nas lus 'phags ma'i bu ma ga d+har byung ba'i rgyal po ma skyes dgra'i drung du 'phags so/ /de'i tshe na sngon rdza mkhan dge slong nor can bya ba 'ga' zhig la rgyal po'i khab tu 'phags par gyur pa dang / shing srung ba'i mi sna chen po la gtogs pas/ sngon rdza mkhan dge slong nor can thag ring po kho na nas mthong ngo / /mthong nas sngon rdza mkhan dge slong nor can la 'di skad ces smras so/ / 'phags pa mkhyen par mdzod cig /bdag ni zhugs shing de dag gi slad du bkug go/ /kye nang po khyod song shig dang bdag kyang 'ong ngo / /de nas shing srung ba'i mi sna chen po la gtogs pa dang / sngon rdza mkhan dge slong nor can dang / mi de yang lus 'phags ma'i bu ma ga d+har byung ba'i rgyal po ma skyes dgra'i gnas ga la ba der dong ste/ phyin nas rgyal po'i sgor bsdad do/ /de nas mi de lus 'phags ma'i bu ma ga d+har byung ba'i rgyal po ma skyes dgra ga la ba der song ste phyin nas/ lus 'phags ma'i bu ma ga d+har byung ba'i rgyal po ma skyes dgra la 'di skad ces smras so/ /lha zhugs shing srung ba'i mi sna chen po la gtogs pa de chab sgo na sdod do/ /rab tu byung ba de yang ma sbran pa nyid du mchis so/ /kwa'e nang rje shing srung ba'i mi sna chen po la gtogs pa re shig zhog la rab tu byung ba de 'jug tu chug shig /mi des lha bka' bzhin 'tshal zhes lus 'phags ma'i bu ma ga d+har byung ba'i rgyal po ma skyes dgra las mnyan nas sngon rdza mkhan dge slong nor can ga la ba der song ste phyin nas/ sngon rdza mkhan dge slong nor can la 'di skad ces smras so/ /'phags pa mkhyen par mdzod cig /khyod la lus 'phags ma'i bu ma ga d+har byung ba'i rgyal po ma skyes dgra gsung ngo / /sngon rdza mkhan dge slong nor can gyi kye nang po bka' bzhin 'tshal zhes mi de las mnyan nas lus 'phags ma'i bu ma ga d+har byung ba'i rgyal po ma skyes dgra ga la ba der song ste phyin nas/ lus 'phags ma'i bu ma ga d+har byung ba'i rgyal po ma skyes dgra la a rog khya zhes byas te mtha' gcig tu 'dug go/ /sngon rdza mkhan dge slong nor can mtha' gcig tu 'dug pa la/ lus 'phags ma'i bu ma ga d+har byung ba'i rgyal po ma skyes dgras 'di skad ces smras so/ /'phags pas shing ma byin pa dag blang du rung ngam/ lha mi rung ngo / /'o na khyod kyis ci'i phyir blangs/ lhas stsal pa dag go/ /'phags pa mi dran no/ /bdag gis lhas dgongs par bgyi'o/ /lhas yab kyi rgyal srid kyi dbang phyug mnga' bdag tu mnga' bzhes par gyur nas ring po ma lags par nga'i mnga' ris na dge sbyong dang / bram zer rang bzhin bzang bar grags pa rtswa dang / shing dang chu ma byin pa yongs su mi spyod pa gang dag 'khod pa de dag deng phyin chad ci bder spyod cig ces de lta bu'i khyu mchog gi bka' rgya chen po btags te/ gcig tu dang du bzhes shing 'khor gyi nang du yang dag par seng ge'i sgra bsgrags pa lhas dgongs shig /'phags pa de ni kho bos yongs su ma bzung ba la bsams te smras kyi/ 'di ni yongs su bzung ba dang bcas pa yin no/ /lha re shig yongs su ma bzung ba gang lags pa de la lhas ci bgyir mchis/ de skad ces smras pa dang / lus 'phags ma'i bu ma ga d+har byung ba'i rgyal po ma skyes dgra khros 'khrugs rngam par gyur cing yid mi dga' nas 'phral bar 'phral rtsa gsum bsgreng zhing khro gnyer bsdus/ bzhin bsgyur/ mig bgrad de lag mthil gnyis 'dril zhing 'di skad ces smras so/ /dge sbyong bsad pa'i rigs pa khyod song la phyin chad de lta ma byed cig /de nas 'khor des shes ldan dag lus 'phags ma'i bu ma ga d+har byung ba'i rgyal po ma skyes dgra 'di tsam du gtum pa 'di tsam du rtun ngas pa/ 'di tsam du drag shul che ba/ 'di tsam du tsham tshom med pa des dge sbyong gsad pa'i rigs pa khyod ces bya ba'i tshig snying po med pas spyos te btang ba ni ngo mtshar to zhes skad phyung zhing sgra mthon po dang / sgra chen po phyung bar gyur to/ /de nas sngon rdza mkhan dge slong nor can gtsug lag khang du song ste dge slong rnams la smras pa/ tshe dang ldan pa dag lus 'phags ma'i bu ma ga d+har byung ba'i rgyal po ma skyes dgras kho bo gyod la bskrin cing srog dang bral bar de'u byas so/ /dge slong dag gis ci'i phyir zhes dris pa dang / des skabs de dge slong rnams la brjod nas/ dge slong rnams kyis bcom ldan 'das la gsol to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo snam sbyar gyon te dge slong phyi bzhin 'brang ba'i dge sbyong zhig dang song la rgyal po'i khab tu zhugs te grong khyer rgyal po'i khab kyi lam po che dang / srang dang / bzhi mdo dang / sum mdo dag dang / bka' 'dogs pa'i gnas dag tu 'dug la/ dad pa can dag dang / ma dad pa dag dang / bram ze dang / khyim bdag dag dang / grong rdal pa dag dang / yul mi dag dang / nor can dag dang / tshong dpon dag dang / ded dpon dag la shes ldan dag lus 'phags ma'i bu ma ga d+har byung ba'i rgyal po ma skyes dgras ji tsam ma byin par blangs pas/ gyod la skrin cing srog dang 'bral bar byed ces dris shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas rgyal po'i khab tu zhugs te grong khyer rgyal po'i khab kyi lam po che dang / srang dang / bzhi mdo dang / sum mdo dag dang / bka' 'dogs pa'i gnas dag tu 'dug nas dad pa can dag dang / ma dad pa dag dang / bram ze dang / khyim bdag dang / grong rdal pa dag dang / yul mi dag dang / nor can dag dang / tshong dpon dag dang / ded dpon dag la smras pa/ shes ldan dag lus 'phags ma'i bu ma ga d+har byung ba'i rgyal po ma skyes dgras ji tsam ma byin par blangs pas gyod la skrin cing srog dang bral bar byed/ de dag gis smras pa/ btsun pa kun dga' bo ma sha ka lnga 'am/ ma sha ka lnga las lhag pas so/ /de nas tshe dang ldan pa kun dga' bo rgyal po'i khab nas byung nas/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la tshe dang ldan pa kun dga' bos 'di skad ces gsol to/ /btsun pa bdag gzod snam sbyar 'tshal te dge slong slad bzhin 'brang ba'i dge sbyong zhig dang / rgyal po'i khab tu zhugs nas grong khyer rgyal po'i khab kyi lam po che dang / srang dang / bzhi mdo dang / sum mdo dag dang / bka' 'dogs pa'i gnas dag tu mchis te/ dad pa can dag dang / ma dad pa dag dang / bram ze dang / khyim bdag dang / grong rdal pa dag dang / yul mi dag dang / nor can dag dang / tshong dpon dag dang / ded dpon dag la shes ldan dag lus 'phags ma'i bu ma ga d+har byung ba'i rgyal po ma skyes dgras ji tsam ma byin par blangs pas gyod la skrin cing srog dang bral bar bgyid ces smras na/ de dag gi mchid nas btsun pa kun dga' bo ma sha ka lnga 'am/ ma sha ka lnga las lhag pas so zhes mchi'o/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /de bzhin gshegs pa ni don gyi dbang gnyis gzigs pa na/ dge slong gi dge 'dun sdud par mdzad de/ 'di lta ste/ nga'i nyan thos rnams kyis kun shes pa nyid du bya ba'i phyir dang / ngas 'dul ba la bslab pa'i gzhi legs par bcas par 'gyur ba'o/ /sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen bzhin du rmed pa/ mkhyen kyang mi rmed pa/ dus su rmed pa/ dus las yol bar mi rmed pa/ don dang ldan pa rmed pa/ don dang mi ldan pa mi rmed pas/ sangs rgyas bcom ldan 'das rnams ni don dang mi ldan pa rmed pa la chu lon gyis zlog par mdzad pa yin no/ /de la sangs rgyas bcom ldan 'das rnams ni don dang ldan pa rmed pa la dus mkhyen pa yin pas sangs rgyas bcom ldan 'das kyis sngon rdza mkhan dge slong nor can la rmas pa/ nor can khyod kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no/ /nor can ngas 'dod chags 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos bstan pa dang / zhe sdang 'dod chags dang bral bar bya ba dang / gti mug 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos bstan pa la khyod kyis ci'i phyir mi mdzes pa de lta bu de byas par gyur ces rnam par smad par mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ 'di lta ste/ dge 'dun bsdu ba'i phyir dang / dge 'dun legs par bya ba'i phyir dang / dge 'dun bde bar gnas par bya ba'i phyir dang / gnong mi bkur ba'i gang zag rnams tshar gcad par bya ba'i phyir dang / ngo tsha shes pa rnams bde bar gnas par bya ba'i phyir dang / mngon par ma dad pa rnams mngon par dad par bya ba'i phyir dang / mngon par dad pa rnams phyir zhing 'byung bar bya ba'i phyir dang / tshe 'di'i zag pa rnams bsdam par bya ba'i phyir dang / tshe rabs phyi ma'i rnams bzlog par bya ba'i phyir dang / nga'i tshangs par spyod pa skye bo mang po la phan pa yangs par gyur pa lha dang mi'i bar dag la yang dag par rab tu bstan pa yun ring du gnas par 'gyur ba'o/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang gzhan dag gi grong na 'dug pa 'am/ dgon pa na 'dug pa ma byin pa rku ba'i grangs su gtogs pa/ blangs na ji tsam ma byin par blangs pas/ de rgyal po 'am/ blon po chen pos bzung nas/ de la 'di skad ces kye mi khyod ni rkun ma'o/ /byis pa'o/ /blun pa'o/ / rku ba'o/ /zhes zer zhing gsod dam/ 'ching ngam/ spyug kyang rung ste/ dge slong de ltar ma byin par len na/ dge slong de yang pham par gyur pa yin gyis gnas par mi bya'o/ /yang dge slong gang zhes bya ba ni dge slong bzhi po ming gi dge slong dang / khas 'che ba'i dge slong dang / slong ba'i phyir dge slong dang / nyon mongs pa bcom pa'i phyir dge slong las shes bya ba nas/ de na 'dir ni gsol ba dang / bzhi'i las mi g.yo ba gzhag par mi 'os pas bsnyen par rdzogs pa gang yin par de dge slong du dgongs te zhes bya ba'i bar du snga ma bzhin te/ des na yang dge slong gang zhes gsungs so/ /gzhan dag gi zhes bya ba ni skyes pa dang / bud med dang / ma ning dag gi'o/ / grong na 'dug pa 'am zhes bya ba ni ra ba'i nang na 'dug pa'o/ /dgon pa na 'dug pa zhes bya ba ni ra ba'i phyi rol na 'dug pa'o/ /ma byin pa zhes bya ba ni de la skyes pa 'am/ bud med dam/ ma ning gang gis kyang ma byin pa'o/ / rku ba'i grangs su gtogs pa zhes bya ba ni ma byin pa de rku ba'i grangs su gtogs pa yang yin no/ /blangs na zhes bya ba ni len na'o/ /ji tsam ma byin par blangs pas zhes bya ba ni ma sha ka lnga 'am/ ma sha ka lnga las lhag pas so/ /de rgyal po 'am zhes bya ba ni 'di lta ste/ bud med rgyal srid la dbang bskur bas dbang bskur bar gyur na de yang rgyal po rgyal rigs spyi bor dbang bskur ba yin la/ rgyal rigs dang / bram ze dang / rje'u rigs dang / dmangs rigs rgyal srid la dbang bskur bas dbang bskur bar gyur na de yang rgyal po rgyal rigs spyi bor dbang bskur ba yin no/ /blon po chen pos shes bya ba ni de las gzhan pa blon po dang / rtsis mkhan dang / sna chen po la gtogs pa rgyal srid byed pa gsang tshig 'thun pas 'tsho ba gang dag de la brten nas 'tsho bar byed pa dag gis so/ /bzung nas shes bya ba ni blangs nas so/ /de la 'di skad ces kye mi khyod ni rkun ma'o/ /byis pa'o/ /blun pa'o/ /rku ba'o zhes bya ba de dag ni spyo ba'i tshig go/ /zer zhing zhes bya ba ni rjod cing ngo / / gsod dam zhes bya ba ni srog dang bral bar byed pa'o/ /'ching ngam zhes bya ba ni chings ma gsum po lcags las byas pa dang / shing las byas pa dang / rtswa las byas pa dag gis so/ /spyug kyang rung ste zhes bya ba ni yul med par byed kyang rung ste 'o/ /dge slong zhes bya ba ni gang la dge slong gis dngos po yod pa gang yin pa'o/ /dge slong gi dngos po gang zhe na/ bsnyen par rdzogs pa gang yin pa'o/ /bsnyen par rdzogs pa gang zhe na/ gsol ba dang bzhi'i las kyi bya ba byed pa nyid dang / rtog pa nyid dang / yang dag par rtog pa nyid dang / mthar phyin par byed pa nyid dang / yang dag par mthar phyin par byed pa gang yin pa dang / gang zag de'i khas len pa dang / mngon par khas len pa dang / phyir mi zlog pa dang / phyir mi zlog pa nyid dang / ngag dang / tshig dang / tha snyad dang / skad dang / rjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed gang yin pa'o/ /de yang zhes bya ba ni nye bar bstan pa dang / kun du bstan pa'i tshig bla dgas de yang ngo / /pham par gyur pa yin gyis zhes bya ba ni/ de mthar gyur pa dang / ltung ba dang / dman pa dang / mjug na 'dug pa dang / tha chad dang / yid dang mi mthun pa gang yin pa'o/ /yang gang gis ltung ba de byas na byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge slong gi dngos po las nyams par 'gyur te/ de'i dge sbyong gi tshul zhig par 'gyur zhing / nyams pa bcom pa/ ltung ba/ pham par 'gyur ba ste/ de'i dge sbyong gi tshul phyir bslang du med par 'gyur ro/ /'di lta ste/ dper na shing ta la'i mgo bcad na sngon por 'gyur du mi rung la 'phel zhing rgyas pa dang yangs par 'gyur du mi rung ba de bzhin du/ dge slong gis gnas de lta bu byas na byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge slong gi dngos po las nyams par 'gyur te/ de'i dge sbyong gi tshul zhig par 'gyur zhing / nyams pa/ bcom pa/ ltung ba/ pham par gyur pa ste/ de'i dge sbyong gi tshul phyir bslang du med par 'gyur bas des na pham par gyur pa yin gyis zhes gsungs so/ /gnas par mi bya'o zhes bya ba ni dge slong rnams kyis de dang gso sbyong dang / dgag dbye dang / gsol ba dang / gsol ba dang gnyis dang / gsol ba dang bzhi'i las la gnas par mi bya'o/ /yang gang zag bcu gnyis po dag tu sko bas bsko bar mi bya ste/ de na gnas par mi bya'o zhes gsungs so/ /de la ltung ba ji ltar 'gyur zhe na/ /spyi sdom la/ bdag nyid sa dang nam mkha' dang / /sa yi gcal dang bzhon dang gru/ /ston ka 'byung dang chu dang ni/ /rku dang sa gzhi 'chol ba dang / /rkang med dang ni gdol pa dang / / 'phyang bar gyur pa tha ma yin/ /sdom la/ bdag nyid dang ni ma byin dang / /sems dang yongs su bzung ba dang / /'du shes dang ni bzhi pa bzhi/ /lnga pa gnyis su byas pa yin/ /dge slong gis gzhan dag gi yo byad lci ba dag rgyu gsum gyis ma byin par len na pham par 'gyur ro/ /gsum gang zhe na/ bdag nyid kyis dang / zhal ta byas te dang / mngags pas so/ /ji ltar bdag nyid kyis shes na/ bdag nyid kyis rku ba dang / bdag nyid kyis rkur 'jug pa dang / bdag nyid kyis gnas nas gnas su sbed par byed pa ste/ de ltar bdag nyid kyis so/ /ji ltar zhal ta byas te zhe na/ zhal ta byas te rku ba dang / zhal ta byas te rkur 'dzud pa dang / zhal ta byas te gnas nas gnas su sbed par byed pa ste/ de ltar zhal ta byas te'o/ /ji ltar mngags pas she na/ mngags pas rku ba dang / mngags pas rkur 'dzud pa dang / mngags pas gnas nas gnas su sbed par byed pa ste/ de ltar mngags pas so/ /dge slong gis gzhan dag gi yo byad lci ba dag rgyu de gsum gyis ma byin par len na pham par 'gyur ro/ /gzhan yang dge slong gis gzhan dag gi yo byad lci ba dag rgyu gsum gyis ma byin par len na pham par 'gyur ro/ /gsum gang zhe na/ ma byin pa dang / lci ba dang / gnas nas gnas su sbed pa'o/ /ji ltar ma byin pa yin zhe na/ de la skyes pa 'am/ bud med dam/ ma ning gang gis kyang ma byin pa ste/ de ltar ma byin pa yin no/ /ji ltar lci ba yin zhe na/ ma sha ka lnga 'am/ ma sha ka lnga las lhag pa ste/ de ltar lci ba yin no/ /ji ltar gnas nas gnas su sbed ce na/ gnas gang du bzhag par gyur pa'i gnas de nas spags shing gnas gzhan du 'jog par byed pa ste/ de ltar gnas nas gnas su sbed do/ /dge slong gis gzhan dag gi yo byad lci ba dag rgyu de gsum gyis ma byin par len na pham par 'gyur ro/ /gzhan yang dge slong gis gzhan dag gi yo byad lci ba dag rgyu gsum gyis ma byin par len na pham par 'gyur ro/ / gsum gang zhe na/ sems par byed pa dang / rtsol bar byed pa dang / gnas nas gnas su sbed pa'o/ /ji ltar sems par byed ce na/ de la rku sems nye bar gnas par gyur pa ste/ de ltar sems par byed do/ /ji ltar rtsol bar byed ce na/ lag pa dag dang / rkang pa dag gis rtsol bar byed pa ste/ de ltar rtsol bar byed do/ /ji ltar gnas nas gnas su sbed ce na/ gnas gang du bzhag par gyur pa'i gnas de nas spags shing gnas gzhan du 'jog par byed pa ste/ de ltar gnas nas gnas su sbed do/ /dge slong gis gzhan dag gi yo byad lci ba dag rgyu de gsum gyis ma byin par len na pham par 'gyur ro/ / gzhan yang dge slong gis gzhan dag gi yo byad lci ba dag rgyu gsum gyis ma byin par len na pham par 'gyur ro/ /gsum gang zhe na/ gzhan gyis yongs su bzung ba dang / lci ba dang / gnas nas gnas su sbed pa'o/ / ji ltar gzhan gyis yongs su bzung ba yin zhe na/ 'di lta ste/ yo byad lci ba dag gzhan skyes pa 'am/ bud med dam/ ma ning dag gis yongs su bzung bar gyur pa ste/ de ltar gzhan gyis yongs su bzung ba yin no/ /ji ltar lci ba yin zhe na/ ma sha ka lnga 'am/ ma sha ka lnga las lhag pa ste/ de ltar lci ba yin no/ /ji ltar gnas nas gnas su sbed ce na/ gnas gang du bzhag par gyur pa'i gnas de nas spags shing gnas gzhan du 'jog par byed pa ste/ de ltar gnas nas gnas su sbed do/ /dge slong gis gzhan dag gi yo byad lci ba dag rgyu de gsum gyis ma byin par len na pham par 'gyur ro/ /gzhan yang dge slong gis gzhan dag gi yo byad lci ba dag rgyu gsum gyis ma byin par len na pham par 'gyur ro/ /gsum gang zhe na/ gzhan gyis yongs su bzung bar 'du shes pa dang / lci ba dang / gnas nas gnas su sbed pa'o/ /ji ltar gzhan gyis yongs su bzung bar 'du shes pa yin zhe na/ 'di lta ste/ dge slong gis 'di ltar yo byad lci ba 'di dag gzhan skyes pa 'am/ bud med dam/ ma ning dag gis yongs su bzung bar 'du shes pa ste/ de ltar gzhan gyis yongs su bzung bar 'du shes pa yin no/ /ji ltar lci ba yin zhe na/ ma sha ka lnga 'am/ ma sha ka lnga las lhag pa ste/ de ltar lci ba yin no/ /ji ltar gnas nas gnas su sbed ce na/ gnas gang du bzhag par gyur pa'i gnas de nas spags shing gnas gzhan du 'jog par byed pa ste/ de ltar gnas nas gnas su sbed do/ /dge slong gis gzhan dag gi yo byad lci ba dag rgyu de gsum gyis ma byin par len na pham par 'gyur ro/ /dge slong gis gzhan dag gi yo byad lci ba dag rgyu bzhis ma byin par len na pham par 'gyur ro/ /bzhi gang zhe na/ gzhan gyis yongs su bzung ba dang / gzhan gyis yongs su bzung bar 'du shes pa dang / lci ba dang / gnas nas gnas su sbed pa'o/ /ji ltar gzhan gyis yongs su bzung ba yin zhe na/ 'di lta ste/ yo byad lci ba dag gzhan skyes pa 'am/ bud med dam/ ma ning dag gis yongs su bzung bar gyur pa ste/ de ltar gzhan gyis yongs su bzung ba yin no/ /ji ltar gzhan gyis yongs su bzung bar 'du shes pa yin zhe na/ 'di lta ste/ dge slong gis 'di ltar yo byad lci ba 'di dag gzhan skyes pa 'am/ bud med dam/ ma ning dag gis yongs su bzung bar 'du shes pa ste/ de ltar gzhan gyis yongs su bzung bar 'du shes pa yin no/ /ji ltar lci ba yin zhe na/ ma sha ka lnga 'am/ ma sha ka lnga las lhag pa ste/ de ltar lci ba yin no/ /ji ltar gnas nas gnas su sbed ce na/ gnas gang du bzhag par gyur pa'i gnas de nas spags shing gnas gzhan du 'jog par byed pa ste/ de ltar gnas nas gnas su sbed do/ /dge slong gis gzhan dag gi yo byad lci ba dag rgyu de bzhis ma byin par len na pham par 'gyur ro/ / gzhan yang dge slong gis gzhan dag gi yo byad lci ba rgyu bzhis ma byin par len na pham par 'gyur ro/ /bzhi gang zhe na/ sems par byed pa dang / rtsol bar byed pa dang / lci ba dang / gnas nas gnas su sbed pa'o/ /ji ltar sems par byed ce na/ de la rku sems nye bar gnas par gyur pa ste/ de ltar sems par byed do/ /ji ltar rtsol bar byed ce na/ lag pa dag dang / rkang pa dag gis rtsol bar byed pa ste/ de ltar rtsol bar byed do/ /ji ltar lci ba yin zhe na/ ma sha ka lnga 'am/ ma sha ka lnga las lhag pa ste/ de ltar lci ba yin no/ /ji ltar gnas nas gnas su sbed ce na/ gnas gang du bzhag par gyur pa'i gnas de nas spags shing gnas gzhan du 'jog par byed pa ste/ de ltar gnas nas gnas su sbed do/ /dge slong gis gzhan dag gi yo byad lci ba dag rgyu de bzhis ma byin par len na pham par 'gyur ro/ /gzhan yang dge slong gis gzhan dag gi yo byad lci ba dag rgyu bzhis ma byin par len na pham par 'gyur ro/ /bzhi gang zhe na/ bsrungs pa dang / bdag gir byas pa dang / lci ba dang / gnas nas gnas su sbed pa'o/ /ji ltar bsrungs pa yin zhe na/ 'di lta ste/ mi rnams kyi yo byad lci ba dag snod 'di lta ste/ zangs po che dang / zangs dang / rdza bo dang / sgrom dang / ko lpags su bcug par gyur cing / der yang srung ma 'di lta bu 'di lta ste/ glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs dag bkod par gyur cing / de dag de na srung bar byed pa ste/ de ltar bsrungs pa yin no/ /ji ltar bdag gir byas pa yin zhe na/ 'di lta ste/ mi rnams kyi yo byad lci ba dag sngon 'di lta ste/ zangs po che dang / zangs dang / rdza bo dang / sgrom dang / ko lpags su bcug par gyur cing / de dag gis 'di dag bdag cag gi yin no zhes de dag bdag gir byed pa ste/ de ltar bdag gir byas pa yin no/ /ji ltar lci ba yin zhe na/ ma sha ka lnga 'am/ ma sha ka lnga las lhag pa ste/ de ltar lci ba yin no/ /ji ltar gnas nas gnas su sbed ce na/ gnas gang du bzhag par gyur pa'i gnas de nas lpags shing gnas gzhan du 'jog par byed pa ste/ de ltar gnas nas gnas su sbed do/ /dge slong gis gzhan dag gi yo byad lci ba dag rgyu de bzhis ma byin par len na pham par 'gyur ro/ /gzhan yang dge slong gis gzhan dag gi yo byad lci ba dag rgyu bzhis ma byin par len na pham par 'gyur ro/ /bzhi gang zhe na/ bsrungs shing bdag gir ma byas pa dang / bdag gir byas shing ma bsrungs pa dang / lci ba dang / gnas nas gnas su sbed do/ /ji ltar bsrungs shing bdag gir ma byas pa yin zhe na/ 'di lta ste/ chom rkun pa dag gis grong gzhom pa dang / grong khyer gzhom pa dang / yul gzhom par byas te dgon par kun nas 'du bar byed cing der mi kha lungs pa la gcan pa dag gis de dag las rkun rdzas phrogs te spungs nas srung bar byed cing bdag gir mi byed pa ste/ de ltar bsrungs shing bdag gir ma byas pa yin no/ /ji ltar bdag gir byas shing ma bsrungs pa yin zhe na/ 'di lta ste/ mi rnams kyi yo byad lci ba dag sngon 'di lta ste/ zangs po che dang / zangs dang / rdza bo dang / sgrom dang / ko lpags su bcug par gyur cing / de dag gis 'di dag bdag cag gi yin no zhes de dag bdag gir byed cing / srungs ma 'di lta bu 'di lta ste/ glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs dag bkod par ni ma gyur pa ste/ de ltar bdag gir byas shing ma bsrungs pa yin no/ /ji ltar lci ba yin zhe na/ ma sha ka lnga 'am/ ma sha ka lnga las lhag pa ste/ de ltar lci ba yin no/ /ji ltar gnas nas gnas su sbed ce na/ gnas gang du bzhag par gyur pa'i gnas de nas spags shing gnas gzhan dag tu 'jog par byed pa ste/ de ltar gnas nas gnas su sbed do/ /dge slong gis gzhan dag gi yo byad lci ba dag rgyu de bzhis ma byin par len na pham par 'gyur ro/ /dge slong gis gzhan dag gi yo byad lci ba dag rgyu lngas ma byin par len na pham par 'gyur ro/ /lnga gang zhe na/ rang gi 'du shes kyis len par mi byed pa dang / yid gcugs pa'i 'du shes kyis len par mi byed pa dang / re shig gi 'du shes kyis len par mi byed pa dang / len pa na gzhan la go bar mi byed pa dang / de la rku sems nye bar gnas par gyur pa ste/ dge slong gis gzhan dag gi yo byad lci ba dag rgyu de lngas ma byin par len na pham par 'gyur ro/ /rgyu lngas ni ltung ba med de/ lnga gang zhe na/ rang gi 'du shes kyis len par byed pa dang / yid bcug pa'i 'du shes kyis len par byed pa dang / re shig gi 'du shes kyis len par byed pa dang / len pa na gzhan la go bar byed pa dang / de la rku sems nye bar gnas par ma gyur pa ste/ rgyu de lngas ltung ba med do// //'dul ba rnam par 'byed pa/ bam po bzhi pa/ sdom la/ sa la 'dug dang snod 'dug dang / /g.yul na 'dug dang dong na 'dug /rtsa ba'i sman ni lnga pa ste/ /sde tshan yang dag bsdus pa yin/ /'di ltar gzhan dag gi yo byad lci ba 'di lta ste/ mgul gdub dag dang / gdu bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag sa la 'dug pa la dge slong gis de la sbyor bas khri las ldang bar byed/ sham thabs gyon par byed/ 'gro bar byed cing ji srid du nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed cing ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te sa de 'jam zhing mu gcig pa yin na phyogs gcig par brjod par bya'o/ /gal te gyong grugs sam/ gas pa 'am/ yi ge bris pa 'am/ tshon sna tshogs bkra ba yin na phyogs tha dad par brjod par bya'o/ /'di ltar gzhan dag gi yo byad lci ba 'di lta ste/ mgul gdub dag dang / gdu bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag snod na 'dug pa la dge slong gis de la sbyor bas khri las ldang bar byed/ sham thabs gyon par byed/ 'gro bar byed cing ji srid du nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed cing ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te snod de 'jam zhing dum bu gcig pa yin na phyogs gcig par brjod par bya'o/ /gal te gyong grugs sam/ gas pa 'am/ mtshams can nam/ yi ge bris pa 'am/ tshon sna tshogs bkra ba yin na phyogs tha dad par brjod par bya'o/ /'di ltar gzhan dag gis yo byad lci ba 'di lta ste/ mgul gdub dag dang / gdu bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag g.yul na 'dug pa la dge slong gis de la sbyor bas khri las ldang bar byed/ sham thabs gyon par byed/ 'gro bar byed cing ji srid du nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed cing ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te g.yul de 'bru kha dog gcig pas gang ba yin na phyogs gcig par brjod par bya'o/ /gal te 'bru kha dog sna tshogs kyis gang ba yin na phyogs tha dad par brjod par bya'o/ /'di ltar gzhan dag gi yo byad lci ba 'di lta ste/ mgul gdub dag dang / gdu bu rgyan can dag dang / /dpung rgyan dag dang / do shal dag dang / se mo do dag dang / mu tig gi chun po dag dong na 'dug pa la dge slong gis de la sbyor bas khri las ldang bar byed/ sham thabs gyon par byed/ 'gro bar byed cing ji srid du nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed cing ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te dong de 'bru kha dog gcig pas gang ba yin na phyogs gcig par brjod par bya'o/ /gal te 'bru kha dog sna tshogs kyis gang ba yin na phyogs tha dad par brjod par bya'o/ /gal te dong de gang zhing mu dang kha da chad yin na phyogs gcig par brjod par bya'o/ /gal te ma gang ba yin na de la shing bus bar du chod pa 'am/ seg gis bar du chod pa 'am/ re ldes bar du chod pa gang dag yin pa de dag phyogs tha dad par brjod par bya'o/ /'di ltar mi rnams kyi rtsa ba'i las kyi mtha' 'di lta ste/ gla sgang ngam/ shu dag gam/ yung ngam/ sge'u gsher ram/ bong nga dkar po de lta bu de dag nye bar gnas pa la dge slong gis de la sbyor bas khri las ldang bar byed/ sham thabs gyon par byed/ 'gro bar byed cing ji srid du nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed/ 'byin par byed/ khur 'drag par byed cing ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing / dngos po tshang na pham par 'gyur la/ dngos po ma tshang na nyes pa sbom por 'gyur ro/ /sdom la/ nam mkha' la ni gsum du bya/ /bya rnams kyis ni rgyan gsum dang / /gsang sngags dag gis 'dren byas te/ /sde tshan yang dag bsdus pa yin/ /'di ltar mi rnams kyi khang thog dag tu gos kha dog sna tshogs dag bting ba la dge slong gis de la sbyor bas khri las ldang bar byed/ sham thabs gyon par byed/ 'gro bar byed/ ya gad 'dzugs par byed/ khri 'phang dang thag skas 'cha' bar byed/ dpyang thag 'dor bar byed/ 'dzeg par byed cing / ji srid du nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed/ gos dag sdud par byed/ bam po sgre bar byed cing ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /'di ltar gtso blag mkhan gyi gos dag bting ba rlung gis khyer zhing de dag dge slong rnams kyi 'chag sa dag gam/ dag ra dag gam/ sgo khang dag tu ltung ba la dge slong gis de la sbyor bas khri las ldang bar byed/ sham thabs gyon par byed/ 'gro bar byed cing ji srid du nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed/ gos dag sdud par byed/ bam po sgre bar byed cing / ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /'di ltar mi rnams kyi khang pa brtsegs pa 'am/ khang pa brtsegs pa'i steng du yo byad lci ba 'di lta ste/ mgul gdub dag dang / gdu bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag bzhag pa la/ dge slong gis de la sbyor bas khri las ldang bar byed/ sham thabs gyon par byed/ 'gro bar byed/ ya gad 'dzugs par byed/ khri 'phang dang thag skas 'cha' bar byed/ dpyang thag 'dor bar byed/ 'dzeg par byed cing ji srid du nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed cing ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /'di ltar mi rnams kyi khyim dag gam/ chu'i gnas dag tu 'dug pa'i shing ljon pa dag bskyed pa rgyan sna tshogs 'di lta ste/ mgul gdub dag dang / gdu bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag gis brgyan pa de las zas la chags pa'i byas rgyan gang yang rung ba khyer ba la dge slong gis de la sbyor bas khri las ldang bar byed/ sham thabs gyon par byed/ 'gro bar byed/ bya 'dzin par byed cing ji srid du rgyan la nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed cing ji srid du gnas nas gnas su sbed par mi byed la/ de 'di snyam du bya las brku bar bya'i mi las ma yin no snyam du sems na nyes byas su 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na nyes pa sbom por 'gyur la/ dngos po ma tshang na nyes byas su 'gyur ro/ /gal te de 'di snyam du mi las brku bar bya'i bya la rgyan ga la yod snyam du sems na ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /'di ltar mi rnams kyi khang thog dag gam/ skon pa dag tu rgyan sna tshogs 'di lta ste/ mgul gdub dag dang / gdu bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag bzhag pa de las zas la chags pa'i byas rgyan gang yang rung ba khyer ba la dge slong gis de la sbyor bas khri las ldang bar byed/ sham thabs gyon par byed/ 'gro bar byed/ bya 'dzin par byed cing ji srid du rgyan la nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed cing ji srid du gnas nas gnas su sbed par mi byed la/ de 'di snyam du bya las brku bar bya'i mi las ma yin no snyam du sems na nyes byas su 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na nyes pa sbom por 'gyur la/ dngos po ma tshang na nyes byas su 'gyur ro/ /gal te de 'di snyam du mi las brku bar bya'i bya la rgyan ga la yod snyam du sems na ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /'di ltar mi rnams kyi khyim dag gam/ chu'i gnas dag tu rtsed mo'i bya 'di lta ste/ ne tso 'am/ ri skegs sam/ khu byug gam/ shang shang te'u 'am/ rma bya dag bzhag pa de dag la rgyan sna tshogs 'di lta ste/ mgul gdub dag dang / gdu bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag gis brgyan pa la dge slong gis de la sbyor bas khri las ldang bar byed/ sham thabs gyon par byed/ 'gro bar byed/ bya 'dzin par byed cing ji srid du rgyan la nom par mi byed/ nyug par mi byed pa de srid du nyes byas su 'gyur ro/ /nom par byed nyug par byed cing ji srid du gnas nas gnas su sbed par mi byed la/ de 'di snyam du bya las brku bar bya'i mi las ma yin no snyam du sems na nyes byas su 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na nyes pa sbom por 'gyur la/ dngos po ma tshang na nyes byas su 'gyur ro/ /gal te de 'di snyam du mi las brku bar bya'i bya la rgyan ga la yod snyam du sems na/ ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gter gnyis po bdag po dang bcas pa dang / bdag po med pa las dge slong gis bdag po dang bcas pa'i gter gyi phyir khri las ldang bar byed/ sham thabs gyon par byed/ dkyil 'khor nyug par byed/ phyogs gzhir seng ldeng gi phur pa 'dzugs par byed/ tshon skud sna lngas bskor te me sbar bar byed/ yam sreg shing 'dzud par byed/ gsang sngags rjod par byed cing / bdag la bdag po dang bcas pa'i gter 'ong bar gyur la/ bdag po med pa 'ong bar ma gyur cig snyam pa las/ gal te de la bdag po dang bcas pa'i gter 'ong bar gyur cing bdag po med pa 'ong bar mi 'gyur na/ ji srid du mig sngar snang bar ma gyur pa de srid du nyes pa sbom por 'gyur ro/ /gal te mig sngar snang bar gyur na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /dge slong gis bdag po dang bcas pa'i gter gyi phyir sbyor ba byas nas/ de 'di snyam du bdag la bdag po med pa'i gter 'ong bar gyur la/ bdag po dang bcas pa 'ong bar ma gyur cig snyam pa las/ gal te de la bdag po med pa'i gter 'ong bar gyur cing bdag po dang bcas pa 'ong bar mi 'gyur na/ ji srid du mig sngar snang bar ma gyur pa de srid du nyes byas su 'gyur ro/ /gal te mig sngar snang bar gyur na brkus par brjod par bya ste/ rin thang brtsi bar bya zhing dngos po tshang na nyes pa sbom por 'gyur la/ dngos po ma tshang na nyes byas su 'gyur ro/ /dge slong gis bdag po med pa'i gter gyi phyir khri las ldang bar byed/ sham thabs gyon par byed/ dkyil 'khor nyug par byed/ phyogs bzhir seng ldeng gi phur pa 'dzugs par byed/ tshon skud sna lngas bskor te me sbar bar byed/ yam sreg shing 'dzud par byed/ gsang sngags rjod par byed cing bdag la bdag po med pa'i gter 'ong bar gyur la/ bdag po dang bcas pa 'ong bar ma gyur cig snyam pa las/ gal te de la bdag po med pa'i gter 'ong bar gyur cing bdag po dang bcas pa 'ong bar mi 'gyur na/ ji srid du mig sngar snang bar ma gyur pa de srid du nyes byas su 'gyur ro/ /gal te mig sngar snang bar gyur na brkus par brjod par bya ste/ rin thang brtsi bar bya zhing dngos po tshang na nyes pa sbom por 'gyur la/ dngos po ma tshang na nyes byas su 'gyur ro/ /dge slong gis bdag po med pa'i gter gyi phyir sbyor ba byas nas de 'di snyam du/ bdag la bdag po dang bcas pa'i gter 'ong bar gyur la/ bdag po med pa 'ong bar ma gyur cig snyam pa las/ gal te de la bdag po dang bcas pa'i gter 'ong bar gyur cing bdag po med par 'ong bar mi 'gyur na/ ji srid du mig sngar snang bar ma gyur pa de srid du nyes pa sbom por 'gyur ro/ /gal te mig sngar snang bar gyur na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /sdom la/ sa'i gcal dang rdo dang ni/ /spang leb dang ni rtsig rmang dang / /rtsig pa'i steng dang g.yogs ma dang / /rim pa chos gos rdang khung dang / /chos gos rdang dang zu nga dang / /lcags sgyed khri dang khre'u dang ni/ /an khri dang ni sgo skyes dang / / shing ljon rnam pa gsum po yin/ /'di ltar mi rnams kyi yo byad lci ba 'di lta ste/ mgul gdub dag dang / gdu bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag sa la gcal bting ba'i steng na 'dug pa la/ dge slong gis de la sbyor bas khri las ldang bar byed/ sham thabs gyon par byed/ 'gro bar byed cing ji srid du nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed cing ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la dngos po ma tshang na nyes pa sbom por 'gyur ro/ /gal te gcal te rtswa kha dog gcig pa dag gis bkram pa yin na phyogs gcig par brjod par bya'o/ /gal te rtswa kha dog sna tshogs dag gis bkram pa yin na phyogs tha dad par brjod par bya'o/ /'di ltar mi rnams kyi yo byad lci ba 'di lta ste/ mgul gdub dag dang / gdu bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag rdo'i steng na 'dug pa la dge slong gis de la sbyor bas khri las ldang bar byed ces bya ba nas/ dngos po ma tshang na nyes pa sbom por 'gyur ro zhes bya ba'i bar du snga ma bzhin no/ /gal te rdo de 'jam zhing mu gcig pa yin na phyogs gcig par brjod par bya'o/ /gal te gyong grugs sam/ gas pa 'am/ mtshams can nam/ yi ge bris pa 'am/ tshon sna tshogs bkra ba yin na phyogs tha dad par brjod par bya'o/ /rdo la ji lta ba bzhin du spang leb dang / rtsig rmang dang / rtsig pa dang / steng dang / g.yogs ma dang / rim pa dang / chos gos kyi rdang khung dang / chos gos kyi rdang dang / zu nga dang / lcags sgyed dang / khri dang / khri'u dang / an khri'u dang / sgo skyes dang / shing ljon pa gsum po me tog gi shing ljon pa dang / 'bras bu 'i shing ljon pa dang / bdug pa'i shing ljon pa la yang de bzhin te/ dge slong gis me tog gi shing ljon pa phyung ste rku na me tog gi shing ljon pa'i rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /me tog gi shing ljon pa la ji lta ba bzhin du 'bras bu'i shing ljon pa dang / bdug pa'i shing ljon pa la yang de bzhin no/ /sdom la/ bzhon dang srang gi khang pa dang / /glang chen bzhon dang rta bzhon dang / /shing rta'i bzhon dang rkang 'gro dang / /zung khyogs bzhon dang shing rta dang / /khyogs spyil byis pa'i bzhon pa yin/ /'di ltar mi rnams kyi yo byad lci ba 'di lta ste/ mgul gdub dag dang / gdu bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag bzhon pa'i steng na 'dug pa la dge slong gis de la sbyor bas khri las ldang bar byed/ sham thabs gyon par byed/ 'gro bar byed/ bzhon pa la zhon par byed cing ji srid du nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed cing ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te bzhon pa de gos kha dog gcig pa dag gis bshams pa yin na phyogs gcig par brjod par bya'o/ /gal te gos kha dog sna tshogs dag gis bshams pa yin na phyogs tha dad par brjod par bya'o/ /bzhon pa la ji lta ba bzhin du srang gi khang pa la yang de bzhin no/ /'di ltar mi rnams kyi yo byad lci ba 'di lta ste/ mgul gdub dag dang / gdu bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag glang po che'i bzhon pa'i steng na 'dug pa la dge slong gis de la sbyor bas khri las ldang bar byed/ sham thabs gyon par byed/ 'gro bar byed/ glang po che la zhon par byed cing ji srid du nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed cing ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te glang po che de tsho ba dang / lpags pa dang / sha dang khrag rgyas pa yin na phyogs gcig par brjod par bya'o/ /gal te rid pa dang / nyam chung ba dang / rke ba dang / lus ma thob pa yin na de la sos bar du chod pa 'am/ snas bar du chod pa 'am/ rna bas bar du chod pa 'am/ rtsib mas bar du chod pa 'am/ rked pas bar du chod pa 'am/ 'jug ngos bar du chod pa gang dag yin pa de dag phyogs tha dad par brjod par bya'o/ /glang po'i rgyab der khang pa brtsegs pa dang / bcas shing khang pa brtsegs pa der rgyan sna tshogs pa 'di lta ste/ mgul gdub dag dang / gdu bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag bzhag pa la dge slong gis de la sbyor bas khri las ldang bar byed/ sham thabs gyon par byed/ 'gro bar byed/ glang po che la zhon par byed/ khang pa brtsegs pa la 'jug par byed cing / ji srid du nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed cing ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te khang pa brtsegs pa de gos kha dog gcig pa dag gis bshams pa yin na phyogs gcig par brjod par bya'o/ /gal te gos kha dog sna tshogs dag gis bshams pa yin na phyogs tha dad par brjod par bya'o/ /khang pa brtsegs pa la ji lta ba bzhin du khang pa brtsegs pa phyed la yang de bzhin no/ /glang po che'i bzhon pa la ji lta ba bzhin du rta'i bzhon pa dang / shing rta'i bzhon pa dang / rkang gis 'gro ba dang / zung khyogs kyi bzhon pa dang / shing rta dang / khyogs spyil dang / byis pa'i bzhon pa la yang de bzhin no/ /sdom la/ gru skyod rgyun phyogs bzlog phyogs dang / /tshu rol pha rol skam sa dang / /rdzab tu sbed par byed pa dang / /bde ba med par chud gzon pa'o/ /dge slong gi rkun sems kyis gru phur pa la btags pa bskyod par byed na nyes byas su 'gyur ro/ /gal te chu'i rgyun phyogs su khrid par byed na ji srid du mig sngar snang bar gyur pa de srid du nyes pa sbom por 'gyur ro/ /mig sngar mi snang bar gyur na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te chu'i rgyun las bzlog phyogs su khrid par byed na ji srid du gru tshugs las 'das par ma gyur pa de srid du nyes pa sbom por 'gyur ro/ /gru tshugs las 'das na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te tshu rol nas pha rol tu khrid par byed dam/ pha rol nas tshu rol du 'dren par byed na ji srid du mig sngar snang bar 'gyur ba de srid du nyes pa sbom por 'gyur ro/ /mig sngar mi snang bar gyur na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te skam sa la phyung ste rku bar byed na ji srid du mig sngar snang bar 'gyur ba de srid du nyes pa sbom por 'gyur ro/ /mig sngar mi snang bar gyur na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te phyis bkur ro snyam pas rdzab tu sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te bde ba med par bya ba'i bsam pas de yir yang ma gyur la/ bdag gir yang ma gyur cig snyam pas rdzab tu sbed par byed dam/ sreg par byed dam/ gcog par byed dam/ 'chag par byed na nyes pa sbom por 'gyur ro/ /sdom la/ ston ka 'byung dang gru gsum dang / /ngang pa dang ni ud pa la/ /chu nas skye dang skam las skyes/ /rngon spyad dang ni nya sdang ngo / /'di ltar mi rnams kyi ston ka 'byung ba'i las kyi mtha' 'di lta ste/ sa lu'i las kyi mtha' dang / bu ram shing gi las kyi mtha' dang / lan tshwa'i las kyi mtha' de lta bu de dag nye bar gnas par gyur cing / de dag lan 'ga' ni chu shin tu mod cing / lan 'ga' ni chu shin tu dkon par gyur pa na/ dge slong gis chu shin tu dkon pa'i tshe bdag gi 'byor par gyur la/ gzhan gyi rgud par gyur cig snyam pas bdag gi sa lu'i rnang la yur ba gtong bar byed cing gzhan gyi la gcod par byed na/ gal te de'i 'byor par gyur cing gzhan gyi rgud par gyur na/ de'i 'byor pa'i rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /chu shin du mod pa'i tshe bdag gi 'byor par 'gyur la/ gzhan gyi rgud par gyur cig snyam pas bdag gi la gcod par byed cing / gzhan gyi la gtong bar byed na/ gal te de'i 'byor par gyur cing gzhan gyi rgud par gyur na de'i 'byor pa'i rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te bde ba med par bya ba'i bsam pas de yir yang ma gyur la/ bdag gir yang ma gyur cig snyam pas bdag gi la yang gtong bar byed cing gzhan gyi la yang gtong bar byed na nyes pa sbom por 'gyur ro/ /sa lu'i las kyi mtha' la ji lta ba bzhin du bu ram shing gi las kyi mtha' dang / lan tshwa'i las kyi mtha' la yang de bzhin no/ /gru ni gsum ste/ bum pa'i gru dang / rdza ma'i gru dang / ra rkyal gyi'o/ /zong ni bzhi ste/ zong lci zhing rin lci ba yang yod/ zong yang zhing rin lci ba yang yod/ zong lci zhing rin yang ba yang yod/ zong yang shing rin yang ba yang yod do/ /zong lci zhing rin lci ba gang zhe na/ 'di lta ste/ nor bu dag dang / mu tig dang / bai dUr+ya dang / man shel dkar po dang / byu ru dang / dngul dang / sa le sbram dang / rdo'i snying po dang / spug dang / dmar po dang / g.yas su khyil te/ de ni zong lci zhing rin lci ba yin no/ /zong yang zhing rin lci ba gang zhe na/ 'di lta ste/ dar dag dang / srin bal dang / gur kum dang / sum smel te/ de ni zong yang zhing rin lci ba yin no/ /zong lci zhing rin yang ba gang zhe na/ 'di lta ste/ lcags dang / rdo dang / khro chu ste/ de ni zong lci zhing rin yang ba yin no/ / zong yang zhing rin yang ba gang zhe na/ 'di lta ste/ bal dang / sha na dang / ras bal dang / na me ru ste/ de ni zong yang zhing rin yang ba yin no/ /de la zong lci zhing rin lci ba gang yin pa de dang zong yang zhing rin yang ba gang yin pa de gru gcig tu bcug par gyur pa las de dag gi gru de rgud par gyur cing 'byor par ma gyur te zong 'phyo ba na/ shes ldan dag bying ba gang yin pa de ni kho bo cag gi yin la/ 'phyo ba gang yin pa de ni ci bde kho nar 'byin la rag go zhes thob rgyal du sgrogs par byed pa na/ dge slong gis zong bying ba'i phyir khri las ldang bar byed/ sham thabs gyon par byed/ 'gro bar byed/ gos 'ching bar byed/ chur 'jug par byed/ gting du 'jug par byed/ 'byung bar byed cing ji srid du nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed cing ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la dngos po ma tshang na nyes pa sbom por 'gyur ro/ /gal te phyis bkur ro snyam pas rdzab tu 'dzud par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te bde ba med par bya ba'i bsam pas de yir yang ma gyur la bdag gir yang ma gyur cig snyam pas rdzab tu 'dzud par byed na nyes pa sbom por 'gyur ro/ /de la zong yang zhing rin lci ba gang yin pa de dang / zong lci zhing rin thang yang ba gang yin pa de gru gcig tu bcug par gyur pa las de dag gi gru de rgud par gyur cing 'byor par ma gyur te zong bying ba na/ shes ldan dag 'phyo ba gang yin pa de ni kho bo cag gi yin la/ bying ba gang yin pa de ni ci bde kho nar 'byin la rag go zhes thob rgyal du sgrogs par byed pa na dge slong gis zong 'phyo ba'i phyir khri las ldang bar byed/ /sham thabs gyon par byed/ 'gro bar byed/ gos 'ching bar byed/ chur 'jug par byed/ gting du 'jug par byed/ 'byung bar byed cing ji srid du nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed cing ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te phyis bkur ro snyam pas rdzab tu 'dud par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te bde ba med par bya ba'i bsam pas de yir yang ma gyur la/ bdag gir yang ma gyur cig snyam pas rdzab tu 'dzud par byed na nyes pa sbom por 'gyur ro/ /'di ltar mi rnams kyi khyim dag gam/ chu'i gnas dag tu rdzing bu sna tshogs dag byas shing rdzing bu de dag tu rtsed mo'i bya sna tshogs 'di lta ste/ ngang pa dag dang / ka ran d+hA ba ka dag dang / ngur pa dag bzhag par gyur la/ de dag kyang rgyan sna tshogs 'di lta ste/ mgul gdub dag dang / gdu bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag gis brgyan pa la/ dge slong gis de la sbyor bas khri las ldang bar byed/ sham thabs gyon par byed/ 'gro bar byed/ gos 'ching bar byed/ chur 'jug par byed/ gting du 'jug par byed/ bya 'dzin par byed cing ji srid du rgyan la nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed cing ji srid du gnas nas gnas su sbed par mi byed pa de srid du nyes pa sbom por 'gyur ro/ /gal te de 'di snyam du bya las brku bar bya'i mi las ma yin snyam du sems na nyes byas su 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na nyes pa sbom por 'gyur la/ dngos po ma tshang na nyes byas su 'gyur ro/ /gal te de 'di snyam du mi las brku bar bya'i bya la rgyan ga la yod snyam du sems na/ de ji srid du gnas nas gnas su sbed par mi byed pa de srid du nyes pa sbom por 'gyur ro/ / gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /rdzing bu de dag tu phreng ba rgyu chu nas skye ba sna tshogs 'di lta ste/ ut+pa la dang / ku mu da dang / pad ma dkar po dang / dri mchog dang / dri ngad 'jam dang / dus tshigs thams cad pa dang / dus thams cad pa skye bo thams cad las bskyabs pa dag bskyed pa la dge slong gis de la sbyor bas khri las ldang bar byed/ sham thabs gyon par byed/ 'gro bar byed/ gos 'ching bar byed/ chur 'jug par byed/ gting du 'jug par byed cing ji srid du nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed cing ji srid du 'thog par mi byed/ khur 'drag par mi byed/ gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin 'thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /rdzing bu de dag gi 'gram gnyis su phreng ba rgyu skam las skye ba sna tshogs 'di lta ste/ a ti mug ta ka dang / tsam pa ka dang / skya snar dang / bar shi ka dang / ma li ka dang / na ba ma li ka dang / yid dga' dang / yu ti ka dang / d+hA nu ska ri dang / dus tshigs thams cad pa dang / dus thams cad pa skye bo thams cad las bskyabs pa dag bskyed pa la dge slong gis de la sbyor bas khri las ldang bar byed/ sham thabs gyon par byed/ 'gro bar byed cing ji srid du nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed/ me tog gi shing la 'dzeg par byed/ me tog 'thog par byed/ thu ba 'gengs par byed cing / ji srid du gnas nas gnas su sbed par mi byed pa de srid du nyes pa sbom por 'gyur ro/ /me tog 'thog par byed cing thu ba bkang ste gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /'di ltar ri dgas kyi rngon pa 'am ri dgas kyi rngon pa'i slob ma mkhas pas dgon pa nags mchog tu 'di lta ste/ ri dgas mang po drungs dbyung ba'i phyir dang / nyams par bya ba'i phyir dang / tshul ma yin pas sdug bsngal bar bya ba'i phyir rngon spyad btsugs pa la dge slong gis rku sems kyis rngon spyad rku bar byed na rngon spyad kyi rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te phan pa med par bya ba'i bsam pas de yir yang ma gyur la/ bdag gir yang ma gyur cig snyam pas sreg par byed dam/ gcog par byed dam/ 'cheg par byed na nyes pa sbom por 'gyur ro/ /gal te snying rje'i bsam pas 'dis sems can 'di dag srog dang bral bar gyur na mi rung ngo / /gzhi 'dis sems can de la yang bsod nams ma yin pa mang po skye bar gyur na mi rung ngo snyam pas sreg par byed dam/ gcog par byed dam/ 'cheg par byed na nyes byas su 'gyur ro/ /dge slong gis rngon spyad la thogs pa'i ri dgas rku bar byed na/ ri dgas kyi rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te bde ba med par bya ba'i bsam pas de yir yang ma gyur la/ bdag gir yang ma gyur cig snyam pas gtong bar byed na nyes pa sbom por 'gyur ro/ /gal te snying rje'i bsam pas 'dis sems can 'di dag srog dang bral bar gyur na mi rung ngo / /gzhi 'dis sems can de la yang bsod nams ma yin pa mang po skye bar gyur na mi rung ngo snyam pas gtong bar byed na nyes byas su 'gyur ro/ /'di ltar nya pa 'am/ nya pa'i slob ma mkhas pas chu klung gi khar ram/ yur po che'i khar 'di lta ste/ nya mang po dag drungs dbyung ba'i phyir dang / nyams par bya ba'i phyir dang / tshul ma yin pas sdug bsngal bar bya ba'i phyir nya sdang btsugs pa la dge slong gis rku sems kyis nya sdang rku bar byed na nya sdang gis rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ / gal te phan pa med par bya ba'i bsam pas de yir yang ma gyur la/ bdag gir yang ma gyur cig snyam pas sreg par byed dam/ gcog par byed dam/ 'cheg par byed na nyes pa sbom por 'gyur ro/ /gal te snying rje'i bsam pas 'dis sems can 'di dag srog dang bral bar gyur na mi rung ngo / /gzhi 'dis sems can de la yang bsod nams ma yin pa mang po skye bar gyur na mi rung ngo snyam pas sreg par byed dam/ gcog par byed dam/ 'cheg par byed na nyes byas su 'gyur ro/ /dge slong gis nya sdang la thogs pa'i nya rku bar byed na nya'i rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te bde ba med par bya ba'i bsam pas de yir yang ma gyur la/ bdag gir yang ma gyur cig snyam pas gtong bar byed na nyes pa sbom por 'gyur ro/ /gal te snying rje'i bsam pas 'dis sems can 'di dag srog dang bral bar 'gyur na mi rung ngo / /gzhi 'dis sems can de la yang bsod nams ma yin pa mang po skye bar gyur na mi rung ngo snyam pas gtong bar byed na nyes byas su 'gyur ro/ /sdom la/ skam sar mi yi chu dang ni/ /de bzhin dud 'gro'i chu dang yang / /rgya mtshor mi yi chu dag dang / /dud 'gro'i chu yang de bzhin no/ /'di ltar tshong pa rab tu mang po dag zong khyer te dgon pa'i lam du zhugs pa na de na chu dkon zhing rin che bar gyur pa'i tshe de dag gis der snod sna tshogs 'di lta ste/ rdza ma dag dang / phru ba dag dang / ril ba dag dang / ra rkyal dag gis chu'i tshogs byas shing de na chu'i tshad mi la ni 'di tsam zhig go/ /dud 'gro la ni 'di tsam zhig go zhes sbyin par byed pa na/ dge slong gis rku sems kyis mi'i skal ba'i chu bdag gir byed na/ de'i gnas skabs su mi'i skal ba'i chu'i rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te dud 'gro'i skal ba'i chu bdag gir byed na/ de'i gnas skabs su dud 'gro'i skal ba'i chu'i rin thang brtsi bar bya zhing dngos po tshang na nyes pa sbom por 'gyur la/ dngos po ma tshang na nyes byas su 'gyur ro/ /'di ltar 'dzam bu'i gling pa'i tshong pa rab tu mang po nor sgrub pa dag rgya mtsho'i grur zhugs te rgya mtsho chen por 'jug pa na rgya mtsho chen po lan tshwa'i ro 'ba' shig yin pas de dag gis der snod sna tshogs 'di lta ste/ rdza ma dag dang / phru ba dag dang / ril ba dag dang / ra rkyal dag gis chu'i tshogs byas shing de na chu'i tshad mi la ni 'di tsam zhig go/ /dud 'gro la ni 'di tsam zhig go zhes sbyin par byed pa na/ dge slong gis rku sems kyis mi'i skal ba'i chu bdag gir byed na/ de'i gnas skabs su mi'i skal ba'i chu'i rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te dud 'gro'i skal ba'i chu bdag gir byed na/ de'i gnas skabs su dud 'gro'i skal ba'i chu'i rin thang brtsi bar bya zhing dngos po tshang na nyes pa sbom por 'gyur la/ dngos po ma tshang na nyes byas su 'gyur ro/ /sdom la/ rku ba gom pa sri ba dang / / de bzhin gom pa skyed pa dang / /gnas nas khyams su 'gro la sogs/ /sde tshan yang dag bsdus pa yin/ /'di ltar mkhan po dang / slob dpon lam gyi bgrod par zhugs pa de dag gis lhan cig gnas pa dang nye gnas dag gi lag tu chos gos dag gtad pa na/ de la de dag rku sems nye bar gnas par gyur cing de dag gom pa sri bas 'gro zhing spyang 'breng du 'gro na ji srid du mig sngar snang bar gyur pa de srid du nyes pa sbom por 'gyur ro/ / mig sngar snang bar ma gyur na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te gom pa bskyed de mdun du 'gro na ji srid du mig sngar snang bar gyur pa de srid du nyes pa sbom por 'gyur ro/ /mig sngar snang bar ma gyur na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /'di ltar dge slong lhan cig gnas pa dang / nye gnas dag gis rku sems kyis mkhan po dang / slob dpon dag gi chos gos dag rku bar byed cing de dag gis de dag khyer te gnas khang nas khyams su dang / khyams nas gnas khang du 'jug pa dang / gnas khang nas yang khyams su 'byung ba dang / steng gi gzhir 'dzeg pa dang / de nas yang 'babs shing 'og gi gzhir 'bab pa dang / sgo khang du 'jug pa dang / sgo khang nas phyi rol gyi bang rim du 'byung ba dang / phyi rol gyi bang rim nas lcong du 'bab pa dang / lcong nas thang la 'dzeg pa dang / thang nas yang lcong du 'bab pa dang / lcong nas thib por 'jug pa dang / thibs po nas bla gab med par 'byung bar byed na thams cad du yang ji srid du mig sngar snang bar gyur pa de srid du nyes pa sbom por 'gyur ro/ /mig sngar snang bar ma gyur na rkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /sdom la/ rkun shas nod par byed pa dang / /'gyod par gyur cing zlog byed dang / /khyim du sbron par byed pa yi/ /sde tshan yang dag bsdus pa yin/ /'di ltar dge slong dgon pa na gnas pa de la chom rkun pa grong 'jom pa dag 'ongs te smras pa/ 'phags pa grong che ge mo zhig shes sam/ shes so/ /'phags pa 'o na grong der bud med mang ba dang / skyes pa nyung ba dang / la gcan pa dang / thag ring ba dang / khyi za ba med pa dang / 'jug sla ba dang / 'byung sla ba dang / bdag cag gis der mi smas mi nyams par las bya bar nus sam/ bde legs su phyir 'ongs na 'phags pa la yang skal ba sbyin no zhes zer ba la/ gal te dge slong gis 'di skad ces shes ldan dag grong de te por bud med mang ba dang / skyes pa nyung ba dang / la gcan pa dang / thag ring ba dang / khyi za ba med pa dang / 'jug sla ba dang / 'byung sla ba dang / khyed cag gis der mi smas mi nyams par las bya bar nus so zhes smras te/ chom rkun pa dag gis der las byas shing bde legs su phyir 'ongs nas dge slong la rkun shas 'bul bar byed cing dge slong gis rkun shas bdag gis byed na/ rkun shas kyi rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te dge slong de de skad smras nas 'gyod par gyur cing de chom rkun pa de dag gi gan du song ste 'di skad ces shes ldan dag shes par gyis shig /'di lta ste/ byis pa/ blun pa/ mi gsal ba/ mi mkhas pa bdag gis te por gya tsom dang byung rgyal gyis so sor ma brtags par tshig smras te/ grong de ni te por bud med nyung ba dang / skyes pa mang ba dang / la gcan pa dang thag nye ba dang / khyi za ba dang / 'jug dka' ba dang / 'byung dka' ba dang / khyed cag gis der mi smas mi nyams par las bya bar mi nus so zhes smras na/ chom rkun pa dag gis der las byas kyang rung ma byas kyang rung ste/ dge slong de la sbyor ba snga ma de nyid kyis nyes pa sbom por 'gyur ro/ /gal te dge slong des chom rkun pa de dag btsal ba na ma mthong nas khyim der dong ste 'di skad ces shes ldan dag bya ra gyis shig /shes ldan dag bag gyis shig /deng 'dir chom rkun pa grong 'joms pa dag 'ong bar 'gyur gyis/ de dag gis khyed kyi rdzas phrogs par gyur tam/ thams cad dang thams cad du srog dang phral bar gyur na mi rung ngo zhes smras na chom rkun pa dag gis der las byas kyang rung ma byas kyang rung ste/ dge slong de la sbyor ba snga ma de nyid kyis nyes pa sbom por 'gyur ro/ /sdom la/ zhing gi sa gzhi 'og gzur dang / /bla yi grwa yang de bzhin te/ /khyim gyi gzhi la'ang rnam gnyis dang / /zong gi gzhi yang rnam gnyis yin/ /sa gzhi ni gsum ste/ zhing gi sa gzhi dang / khyim gyi sa gzhi dang / zong gi sa gzhi'o/ /zhing gi sa gzhi ni rnam pa gnyis kyis brkus pa yin te/ shags kyis dang / yongs su bskor bas so/ /ji ltar shags kyis she na/ dge slong gis zhing gi sa gzhi'i phyir khyim pa dang lhan cig 'og gzur shags 'gyed par byed na gal te dge slong khyim pas pham par byas na dge slong la nyes pa sbom por 'gyur ro/ /gal te dge slong gis khyim pa pham par byas na ji srid du khyim pas sbyor ba ma btang ba de srid du dge slong la nyes pa sbom por 'gyur ro/ /khyim pas sbyor ba gtang na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te dge slong khyim pa dang lhan cig bla'i grwar shags 'gyed par byed na/ gal te dge slong khyim pas pham par byas na nyes pa sbom por 'gyur ro/ /gal te dge slong gis khyim pa pham par byas na dge slong dag rgyal po ni rtsod pa thams cad kyi dpon po yin pas brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /de ltar shags kyis so/ /ji ltar yongs su bskor bar she na/ 'di ltar dge slong gis zhing gi sa gzhi rtsig pa dag gam/ yal ga dag gam/ seg dag gam/ re lde dag gam/ 'obs dag gam/ tsher ma dag gis yongs su skor bar byed na ji srid du mtshams gyi sna dang / 'tshams kyi snar ma phrad pa de srid du nyes pa sbom por 'gyur ro/ /mtshams kyi sna dang mtshams kyi snar phrad na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /zhing gi sa gzhi la ji lta ba bzhin du khyim gyi sa gzhi dang / zong gi sa gzhi la yang de bzhin no/ /sdom la/ 'chol dang len dang srungs ma dang / /blag cor pa ma mdun byung slong / /yug cen rgan gzhon rung bya dang / /dri bya sge'u chung sbod pa'o/ /gang gi tshe bcom ldan 'das kyis bla na med pa'i ye shes thugs su chud cing bstan pa rgyas par ma gyur pa de'i tshe na dge slong dag spa dgong sla zhing khyim bdag spa dkong dka' ba'i tshe ji tsam na dge slong rab tu mang po dag tshong pa don 'thun dang lhan cig ljongs rgyur 'dong ba na sho gam gyi gnas kyi drung du phyin pa dang / de dag gis tshong pa rnams la smras pa/ bzhin bzangs dag kho bo cag la sho gam gzhal dgos pa'i rdzas cung zhig yod pa de sho gam pa dag gis sho gam 'jal du 'jug par mi 'gyur bar re shig sho gam gyi gnas nas zlos la phyir byin cig /tshong pa dag gis smras pa/ 'phags pa dag bka' bzhin 'tshal/ bzla bar bgyi'o/ /tshong pa de dag gis dge slong de dag gi sho gam gzhal dgos pa'i rdzas de sho gam gyi gnas nas bzlas te byin no/ /dge slong dag mthar gyis rgyu zhing 'dong ba na gtsug lag khang du phyir phyin pa dang / de dag la dge slong rnams kyis smras pa/ tshe dang ldan pa dag 'ong pa legs so/ /'ong pa legs so/ /ji ltar bde bar brgyus sam/ khyed cag sho gam pa dag dang / la gcan pa dag dang / gru btses gcod pa dag gis yongs su gtses par ma gyur tam/ de dag gis smras pa/ tshe dang ldan pa dag bde bar brgyus te/ sus kyang yongs su gtses par ma gyur to/ /ci khyed cag la sho gam gzhal dgos pa'i rdzas med dam/ de dag gis smras pa/ bdag cag la sho gam gzhal dgos pa'i rdzas yod mod kyi 'on kyang tshong pa bshes pa dag gis sho gam gyi gnas nas bzlas te byin no/ /dge slong de dag gis smras pa/ khyed cag gis sar phyin pa'i sho gam bzlar rung ngam/ de dag gis smras pa/ rung yang srid mi rung yang srid de/ 'di ltar bdag cag gis ni bzlas so/ /dge slong de dag bdag cag la pham par 'gyur ba'i ltung ba ma byung ngam snyam du 'gyod pa skyes nas skabs de dge slong rnams la rgyas par brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de dag la ni ltung ba med mod kyi/ yang dge slong gis sar phyin pa'i sho gam bzlar gzhug par mi bya'o/ / dge slong gis sar phyin pa'i sho gam bzlar 'dzud par byed na 'gal tshabs can du 'gyur ro/ /gang gis tshe bcom ldan 'das kyi sha pa'i tshal gseb tu ma ga d+har byung ba'i rgyal po bzo sbyangs gzugs can snying po lha brgyad khri dang / ma ga d+har byung ba'i bram ze dang khyim bdag 'bum phrag du ma dag dang lhan cig bden pa dag la bkod nas mnyan yod du gshegs te/ ko sa lar byung ba'i rgyal po gsal rgyal gzhon nu'i dpe'i mdo sdes btul nas de gnyis kyis dge slong rnams la gzhon nu'i yongs su spang ba byin zhing dge slong ma rnams la btsun ma'i 'khor gyi yongs su spang ba byin te/ dge slong rnams sho gam med pa dang / la gcan med pa dang / gru btsas med par btang ba de'i tshe na bcom ldan 'das kyi bstan pa rgyas par gyur te/ khyim pa dag spa dgong sla zhing dge slong dag spa dgong dka' ba'i tshe ji tsam dus gzhan zhig na dge slong rab tu mang po dag tshong pa don 'thun dang lhan cig ljongs rgyur 'dong ba na sho gam gyi gnas kyi drung du phyin pa dang / tshong pa de dag gis dge slong rnams kyi rkang pa gnyis la gtugs te smras pa/ 'phags pa dag bdag cag grang ba na grang bas sbrebs bzhin pa dang / tsha ba na tsha bas gdungs bzhin pa dang / bkres pa dang / skom pa dag gis gnod bzhin pa dang / sha sbrang dang / sbrang bu dang / rlung dang / nyi ma dang / sdig sbrul gyis reg pa dag gis nyen bzhin du longs spyod dag mngon par bsgrub pa'i slad du spro bar bgyid/ 'bad par bgyid/ rtsol bar bgyid pa gang lags pa de dag thams cad sangs rgyas dang / chos dang / dge 'dun la mchod pa dag bgyi'o snyam pa lags pas de'i slad du bdag cag la sho gam gzhal 'tshal ba'i rdzas mchis pa sho gam gyi gnas nas bzlas te stsal bar rigs so/ /dge slong de dag gis smras pa/ bzhin bzangs dag 'jal gyis bzla bar bya'o/ /dge slong de dag gis tshong pa de dag gi sho gam gzhal dgos pa'i rdzas sho gam gyi gnas nas bzlas te byin no/ /dge slong dag mthar gyis rgyu zhing 'dong ba na mnyan yod du phyir phyin pa dang / de dag la dge slong rnams kyis smras pa/ tshe dang ldan pa dag 'ongs pa legs so 'ongs pa legs so/ /ji lta bde bar brgyus sam/ khyed cag sho gam pa dag dang / la gcan pa dag dang / gru btsas gcod pa dag gis yongs su gtses par ma gyur tam/ de dag gis smras pa/ tshe dang ldan pa dag bdag cag gis re shig gzhan dag kyang dga' bar byas na bdag cag lta ci smos te sus kyang yongs su gtses par ma gyur to/ /dge slong de dag gis smras pa/ ji ltar gyur/ de dag gis skabs de dge slong de dag la rgyas par brjod do/ /dge slong de dag gis smras pa/ khyed cag gis sar phyin pa'i sho gam bzlar rung ngam/ de dag gis smras pa/ rung yang srid mi rung yang srid de/ 'di ltar bdag cag gis ni bzlas so/ /dge slong de dag bdag cag la pham par 'gyur ba'i ltung ba ma byung ngam/ snyam du 'gyod pa skyes nas skabs de dge slong rnams la rgyas par brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de dag la ni ltung ba med mod kyi yang dge slong gis sar phyin pa'i sho gam bzla bar mi bya'o/ /dge slong gis sar phyin pa'i sho gam zlo bar byed na 'gal tshabs can du 'gyur ro zhes de ltar bcom ldan 'das kyis bslab pa'i gzhi bca' ba mdzad do/ /ji tsam dus gzhan zhig na dge slong rab tu mang po dag tshong pa don mthun dang lhan cig ljongs rgyur 'dong ba na sho gam gyi gnas kyi drung du phyin pa dang tshong pa de dag gis dge slong rnams kyi rkang pa gnyis la gtugs te smras pa/ 'phags pa dag bdag cag grang ba na grang bas sbrebs bzhin pa dang / tsha ba na tsha bas gdungs bzhin pa dang / bkres pa dang skom pa dag gis gnod bzhin pa dang / sha sbrang dang / sbrang bu dang / rlung dang / nyi ma dang / sdig sbrul gyi reg pa dag gis nyen bzhin du longs spyod dag mngon par bsgrub pa'i slad du spro bar bgyid/ 'bad par bgyid/ rtsol bar bgyid pa gang lags pa de dag thams cad sangs rgyas dang / chos dang / dge 'dun la mchod pa dag bgyi'o snyam pa lags pas/ de'i slad du bdag cag la sho gam gzhal 'tshal ba'i rdzas mchis pa sho gam gyi gnas nas bzlas te stsal bar rigs so/ /dge slong de dag gis smras pa/ bzhin bzangs dag bcom ldan 'das kyis yang dge slong gis sar phyin pa'i sho gam bzla bar mi bya'o zhes bslab pa'i gzhi bca' ba mdzad pas bdag cag gis bzla bar mi bya'o/ /tshong pa rnams kyis 'phags pa 'di dag ni mi mthun par byed pa yin pas bzla bar mi byed kyis thabs kyi rnam pa bya'o snyam du shes shing rig nas de dag gis phan tshun gros byas te smras pa/ 'phags pa dag deng bdag cag brel bas khyed cag la bsod snyoms dbul ba'i rngo mi thogs gis bzhud la grong du bsod snyoms la 'jug par mdzod cig /dge slong de dag grong du bsod snyoms la zhugs pa dang tshong pa de dag gis dge slong bsod snyoms la zhugs pa de dag gi gtur bu dag dang / lhung bzed kyi snod dag dang / bar bur snod dag tu sho gam gzhal dgos pa'i rdzas bcug go/ /dge slong dag bsod snyoms brgyus nas grong nas phyir byung ste/ de dag zas kyi bya ba byas nas gang gi tshe sho gam gyi gnas nas 'das pa de'i tshe tshong pa de dag gis dge slong de dag gi snod la nom par brtsams pa dang dge slong rnams kyis smras pa/ bzhin bzangs dag ci'i phyir kho bo cag gi snod dag la nom par byed/ tshong pa dag gis smras pa/ 'phags pa dag bdag cag gis 'dir sho gam gzhal 'tshal ba'i rdzas bcug pa de 'byin to/ /dge slong dag gis smras pa/ bzhin bzangs dag khyed kyis ched du bsams te kho bo cag ltung ba dang bcas par byas mod/ tshong pa dag gis smras pa/ 'phags pa dag 'di la khyed kyi lus kyis las kyang ma mchis/ ngag gi las kyang ma mchis na ji ltar khyed cag ltung ba dang bcas pa lags/ dge slong de dag bdag cag la pham par 'gyur ba'i ltung ba ma byung ngam snyam du 'gyod pa skyes nas de dag mthar gyis mnyan yod du phyir phyin pa dang / de dag la dge slong rnams kyis smras pa/ tshe dang ldan pa dag 'ongs pa legs so 'ongs pa legs so/ /ji ltar bde bar brgyus sam/ khyed cag sho gam pa dag dang / la gcan pa dag dang / gru btsas gcod pa dag gis yongs su gtses par ma gyur tam/ de dag gis smras pa/ tshe dang ldan pa dag bdag cag de dag gis yongs su gtses par ma gyur mod kyi 'on kyang bdag cag bsod snyoms la zhugs pa dag gi gtur bu dag dang / chos gos kyi snod dag dang / bar bur snod dag tu tshong pa dag gis sho gam gzhal dgos pa'i rdzas bcug pa de bdag cag gis ma shes nas sho gam gyi gnas nas bzlas pas de'i phyir bdag cag la pham par 'gyur ba'i ltung ba ma byung ngam snyam du 'gyod pa skyes so/ /dge slong rnams kyis skabs de bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de dag la ni ltung ba med mod kyi/ yang dge slong gis snod dag yal bar bor te 'gro bar mi bya bar 'di ltar srungs ma dge slong gzhag par bya'o/ /de dag gis dge slong bzhag ste bsod snyoms la zhugs pa na dge slong de gang gi tshe bshang ba 'am/ gci ba 'am/ chu 'tshag tu 'gro ba de'i tshe tshong pa de dag gis de kho na bzhin du sho gam gzhal dgos pa'i rdzas dag gtur bu dag dang / lhung bzed kyi snod dag dang / bar bur snod dag tu 'dzud par byed cing de kho na bzhin du sho gam gyi gnas nas 'das pa de'i tshe tshong pa dag dge slong de dag gi snod dag la nom par byed nas dge slong dag 'gyod par gyur pa na dge slong rnams la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de dag la ni ltung ba med mod kyi 'on kyang srungs ma dge slong gnyis gzhag par bya'o/ /dge slong rab tu mang po dag tshong pa don 'thun dang lhan cig 'dong ba na srungs ma dge slong gnyis bzhag ste bsod snyoms la zhugs pa dang / de gnyis las gcig ji srid du bshang ba dang / gci ba 'am/ chu 'tshag tu song ba de srid du tshong pa de dag gis gcig shos de'i lag pa la 'ju bar byed/ rkang pa la 'ju bar byed cing / gzhan gyis snod dag tu 'jud par byed do/ /dge slong des tshangs pa mtshungs par spyod pa lhags pa rnams la bzla bar bya'o snyam du shes nas dge slong de dag kyang spyod yul nas lhags pa dang / tshong pa rnams kyis ji nas kyang dge slong de gnyis kyis dge slong de dag la brjod mi nus par 'gyur ba de lta bu'i blag cor dag byas so/ /de dag gang gi tshe sho gam gyi gnas nas 'das pa de'i tshe snod dag la nom par byed nas dge slong rnams kyis de dag la smras pa/ bzhin bzangs dag ci'i phyir snod dag la nom par byed/ de dag gis smras pa/ 'phags pa dag 'dir bdag cag gi sho gam gzhal 'tshal ba'i rdzas bcug pa 'byin to/ /dge slong rnams kyis srungs ma'i dge slong de gnyis la khyed gnyis 'dir bzhag pa dag gis kho bo cag ltung ba dang bcas par byas so/ /zhes gyod smras pa dang / de gnyis kyis byung ba'i mtha' ji lta ba bzhin du brjod do/ /dge slong de dag bdag cag la pham par 'gyur ba'i ltung ba ma byung ngam snyam du 'gyod pa skyes nas de dag gis skabs de dge slong rnams la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de dag la ni ltung ba med mod kyi/ sho gam gzhal dgos pa'i rdzas de khyim pa 'am/ dge tshul gyis phyung ste tshong pa de dag la phyir gtad par bya'o/ /khyim pa'am/ dge tshul med na rang nyid kyis phyung ste mdun du gzhag par bya zhing khyed kyi rdzas 'di yin gyis shes par gyis shig ces kyang brjod par bya'o// //'dul ba rnam par 'byed pa/ bam po lnga pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyad par byed pa de'i chung ma las bu byung nas sring bar byed/ skyed par byed cing rdzing na gnas pa'i pad ma bzhin du myur du skyed par byed do zhes bya ba'i bar du snga ma bzhin no/ /de gang gi tshe chen por gyur pa de'i tshe legs par gsungs pa'i chos 'dul ba la rab tu byung ngo / /de ljongs rgyur song bas ras yug chen gnyis shig rnyed nas/ des bcom ldan 'das kyis rab tu byung bas kyang pha ma dag la mkho ba bstabs par bya'o zhes gsungs pas de'i phyir gcig ni pha la dbul lo/ /cig shos ni ma la dbul lo snyam du shes nas/ de ji dga' bar ljongs su 'dug nas lhung bzed dang / chos gos thogs te mnyan yod ga la ba der rgyu zhing 'gro ba na mthar gyis rgyu zhing 'gro ba'i tshe sho gam gyi gnas su phyin pa dang / sho gam pas smras pa/ 'phags pa khyod la sho gam gzhal 'tshal ba'i rdzas cung zad ma mchis sam/ dge slong des smras pa/ bzhin bzangs med do/ /sho gam pas smras pa/ bltas gzhag tu gsol zhes des brtag par brtsams pa dang ji tsam na ras yug chen gnyis mthong nas des smras pa/ 'phags pa legs par gsungs pa'i chos 'dul ba la rab tu byung bas ras yug chen gnyis tsam gyi slad du brdzun du smra ba gsung ngam/ dge slong des smras pa/ bzhin bzangs 'di gnyis ni kho bo mi dbang ngo / /'phags pa 'o na su dbang / bzhin bzangs gcig ni pha'i 'o/ /gcig shos ni ma'i 'o/ /'phags pa bdag gis yab kyang ma 'tshal yum yang ma 'tshal gyis sho gam stsol la bzhud cig /dge slong de sho gam pa des yun ring zhig bsgyangs te btang na de mthar gyis mnyan yod du phyir phyin pa dang / de 'gyod pa skyes nas des skabs de dge slong rnams la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med mod kyi/ yang dge slong gis de bzhin du 'gro bar mi bya bar 'di ltar sho gam pa'i mdun du pha ma'i bsngags pa brjod par bya ste/ bzhin bzangs bcom ldan 'das kyis dge slong dag bu'i pha ma bsnyod par byed pa gso bar byed pa/ skyed par byed pa/ nu ma bsnun par byed pa/ 'dzam bu'i gling sna tshogs ston par byed pa gnyis ni bya dka' ba byed pa dag yin te/ bus phrag pa gcig gis ni pha/ gcig shos kyis ni ma lo brgya tham par yongs su spang ba byas sam/ sa chen po 'dir nor bu dang / mu tig dang / bai dUr+ya dang / man shel dkar po dang / byu ru dang / dngul dang / sa le sbram dang / rdo'i snying po dang / spug dang / dmar po dang / g.yas su 'khyil ba dang / de lta bu'i dbang phyug gi bdag po la bkod par gyur pa gang yin pa de tsam gyis ni bus pha ma gnyis la byas pa dang nye bar byas par mi 'gyur gyi/ des pha ma ma dad pa gnyis dad pa phun sum tshogs pa yang dag par 'dzin du 'dzud/ 'dul bar byed/ 'dzud par byed/ rab tu 'god par byed pa dang / tshul khrims 'chal ba gnyis tshul khrims phun sum tshogs pa dang / ser sna can gnyis gtong ba phun sum tshogs pa dang / shes rab 'chal ba gnyis shes rab phun sum tshogs pa yang dag par 'dzin du 'dzud/ 'dul bar byed/ 'dzud par byed/ rab tu 'god par byed na/ de tsam gyis ni bus pha ma gnyis la byas pa dang / nye bar byas par 'gyur zhes gsungs so zhes brjod par bya'o/ / gal te de ltar pha ma gnyis kyi bsngags pa brjod pa na gtong na de lta na legs/ gal te mi gtong na sho gam gzhal te 'gro bar bya'o/ /de bzhin du mi 'gro na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ / rtse bar byed/ dga' bar byed/ dga' mgur spyod par byed pa de'i chung ma las bu btsas nas sring bar byed/ skyed par byed cing rdzing na gnas pa'i pad ma bzhin du myur du skyed par byed do zhes bya ba'i bar du snga ma bzhin no/ /gang gi tshe de chen por gyur pa de'i tshe legs par gsungs pa'i chos 'dul ba la rab tu byung ngo / /bcom ldan 'das kyis bsod nams dag ni bya ba ste/ /bsod nams ma byas sdug bsngal 'gyur/ /'jig rten 'di dang pha rol tu/ /bsod nams byas pa dga' bar 'gyur zhes gsungs pa thos nas dge slong dag gis 'dun pa las byung ba'i slongs mo byas te/ sangs rgyas dang / chos dang / dge 'dun dag la mchod pa dag bya bar brtsams shing bcom ldan 'das kyi bstan pa rgyas par gyur pa na/ dge slong des dge slong 'dun pa las byung ba slong ba mang zhing 'di dag zad par gyis mnyan yod khyab par 'gyur gyis bdag ljongs su 'gro zhing song nas yang dag par sbyor du gzhug go snyam du shes nas de ljongs su song ba dang / des ljongs dag tu sangs rgyas dang / chos dang / dge 'dun gyi phyir gos kha dog sna tshogs kyis gang ba'i gtur bu gsum yang dag par sbyor du bcug go/ /de ljongs su ci dgar 'dug nas lhung bzed dang chos gos thogs te mnyan yod ga la ba der rgyu zhing song ba na mthar gyis rgyu zhing 'gro ba'i tshe sho gam gyi gnas su phyin pa dang / sho gam pas smras pa/ 'phags pa khyod la sho gam gzhal 'tshal ba'i rdzas cung zad ma mchis sam/ dge slong des smras pa/ bzhin bzangs med do/ /sho gam pas smras pa/ bltas gzhag tu gsol zhes des brtag par brtsams pa dang / ji tsam na gos kha dog sna tshogs kyis gang ba gtur bu gsum mthong nas/ des smras pa/ 'phags pa gos kha dog sna tshogs kyis gang ba'i gtur bu gsum po 'di dag ni nyung bas gal te rnga mo'i khal langs par gyur na de lta na khyod kyis sho gam gzhal dgos par 'gyur ro/ /dge slong des smras pa/ bzhin bzangs 'di dag ni kho bo mi dbang ngo 'phags pa 'o na su dbang / bzhin bzangs gcig ni sangs rgyas kyi'o/ /gcig ni chos kyi'o/ /gcig ni dge 'dun gyi'o/ /'phags pa bdag gis sangs rgyas kyang ma 'tshal/ chos kyang ma 'tshal/ dge 'dun kyang ma 'tshal gyis sho gam stsol la bzhud cig /dge slong de sho gam pa des yun ring zhig bsgyangs te btang nas de mthar gyis mnyan yod du phyin pa dang / de 'gyod pa skyes nas des skabs de dge slong rnams la brjod do/ / dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med mod kyi yang dge slong gis de bzhin du 'gro bar mi bya bar 'di ltar sho gam pa'i mdun du sangs rgyas dang / chos dang / dge 'dun gyi bsngags pa brjod par bya ste/ 'di ltar bcom ldan 'das de ni de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das yin no/ /bcom ldan 'das kyi chos ni legs par gsungs pa/ yang dag par mthong ba/ nad med pa/ dus chad pa med pa nye bar gtod pa/ 'di mthong ba la don yod pa/ mkhas pa rnams kyis so so rang gis rig par bya ba yin no/ /bcom ldan 'das kyi nyan thos kyi dge 'dun ni legs par zhugs pa/ rigs par zhugs pa/ drang por zhugs pa/ 'thun par zhugs pa/ chos kyi rjes su 'thun pa'i chos la zhugs pa/ chos kyi rjes su 'thun par spyod pa ste/ dge 'dun la rgyun du zhugs pa'i 'bras bu mngon sum du bya ba'i phyir zhugs pa dag kyang yod/ dge 'dun la rgyun du zhugs pa dag kyang yod/ dge 'dun la lan cig phyir 'ong ba'i 'bras bu mngon sum du bya ba'i phyir zhugs pa dag kyang yod/ dge 'dun la lan cig phyir 'ong ba dag kyang yod/ dge 'dun la phyir mi 'ong ba'i 'bras bu mngon sum du bya ba'i phyir zhugs pa dag kyang yod/ dge 'dun la phyir mi 'ong ba dag kyang yod/ dge 'dun la dgra bcom pa nyid kyi 'bras bu mngon sum du bya ba'i phyir zhugs pa dag kyang yod do/ /dge 'dun la dgra bcom pa dag kyang yod de de ltar de dag ni skyes bu zung bzhi dang / skyes bu gang zag brgyad yin no/ /bcom ldan 'das kyi nyan thos kyi dge 'dun de ni tshul khrims phun sum tshogs pa/ ting nge 'dzin phun sum tshogs pa/ shes rab phun sum tshogs pa/ rnam par grol ba phun sum tshogs pa/ rnam par grol ba'i shes pa dang mthong ba phun sum tshogs pa/ kun sbyin pa'i 'os su gyur pa/ rab tu sbyin pa'i 'os su gyur pa/ thal mo sbyar ba'i 'os su gyur pa/ phyag bya ba'i 'os su gyur pa/ bsod nams kyi zhing bla na med pa/ 'jig rten gyi yon gnas yin no zhes brjod par bya'o/ / gal te de ltar sangs rgyas dang / chos dang / dge 'dun gyi bsngags pa brjod pa na gtong na de lta na legs/ gal te mi gtong na sho gam gzhal te 'gro bar bya'o/ /de bzhin du 'gro na 'gal tshabs can du 'gyur ro/ /dge slong dag gis dkon mchog gsum gyi phyir sho gam gzhal dgos pa'i rdzas bskur bar brtsams shing sho gam gyi gnas su sangs rgyas dang / chos dang / dge 'dun dag gi bsngags pa brjod pa na mi gtong nas/ dge slong dag gcig gi skal ba las sbyin par byed pa dang / bcom ldan 'das kyis bka' stsal pa/ gsum car las kyang spyir sbyin par bya'o/ /dge slong dag gsum car las spyir sbyin par byed pa na don 'thun dang yongs su bral nas de dag seng ge dag dang / stag dag dang / chom rkun pa dag gis bgrod par gyur nas/ bcom ldan 'das kyis bka' stsal pa/ gcig gi las byin la phyis skal ba bsab par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong sde snod gsum dang ldan pa/ chos smra ba/ rigs pa dang grol ba'i spobs pa dang ldan pa zhig 'dug pa de ljongs rgyur song ba na mthar gyis rgyal po'i khab tu phyin nas rgyal po'i khab tu dbyar gnas te zla ba gsum 'das pa dang mnyan yod du bcom ldan 'das kyi zhabs la phyag 'tshal tu 'phags pa na don 'thun btsal ba dang ji tsam na ded dpon zhig gis rgyal po'i khab nas zong blangs te mnyan yod du 'phags nas/ de'i drung du song ste bsod nams bya ba'i gzhi gsum po dag gi bsngags pa brjod cing de dag la bkod nas ci nas kyang de'i tshe sems mngon par dad par 'gyur ba de lta de ltar rnam par bshad pa dang / de dad pa skyes pas dge slong de la zan byin te ras yug chen rin che ba che bar 'os pas bkab nas de'i 'og tu rkang pa gnyis la phyag 'tshal te smras pa/ 'phags pa bdag gis ci bgyi ba bka' stsol cig /dge slong des smras pa/ bzhin bzangs bdag mnyan yod du ston pa'i zhabs la phyag 'tshal du 'gro 'dod kyis de'i phyir bdag la byams pas bskyang ba gyis shig /khyim bdag des smras pa/ 'phags pa bka' bzhin 'tshal ma nongs kyis gshegs so/ /dge slong de ded dpon de dang lhan cig 'phags pa dang / ded dpon des smras pa/ 'phags pa khyod ni bsod snyoms bzhed pa lags la bdag ni bsod nams 'tshal ba lags kyis/ rgyal po'i khab nas mnyan yod kyi bar ji srid par chos gos dang / bsod snyoms dang / gnas mal dang / nad pa'i rkyen dang / sman gyi yo byad dag gis thugs las chung ngur mdzad du gsol/ dge slong des dang du blangs nas ji tsam na sho gam gyi gnas kyi drung du phyin pa dang / ded dpon gyi rdzas sho gam bcad nas ded dpon des bdag gi rdzas sho gam bcad cing / 'phags pa'i ras yug chen ni sho gam ma bcad pas bdag kho nas sho gam gzhal dgos par 'gyur ba'i gnas de lta bu yod pas bdag nyid kyi snod du gzhug par bya'o snyam du shes nas/ ded dpon des dge slong de la smras pa/ 'phags pa ras yug chen slar stsol cig /dge slong des smras pa/ bzhin bzangs ci zer khyod 'gyod pa skyes par ma gyur tam/ ded dpon gyis smras pa/ 'phags pa bdag la 'gyod pa ma mchis te/ 'di ltar bdag gi rdzas ni sho gam bkum la/ khyod kyi ras yug chen 'di ni sho gam ma bkum pas gal te sho gam pa dag ras yug chen gyi sho gam 'tshal na don gyis bdag kho nas gzhal bar bgyi ba lags pas sho gam gyi gnas nas bzlas te dbul bar bgyi'o/ /dge slong des smras pa/ bzhin bzangs bcom ldan 'das kyis dge slong gis sho gam gzhal dgos pa'i rdzas sho gam gyi gnas nas bzla bar mi bya'o zhes bslab pa'i gzhi bca' ba mdzad pas bdag ltung ba dang bcas par gyur na mi rung bas mi sbyin no/ /ded dpon des 'phags pa dag ni mi mthun par byed pa yin pas 'di la bdag gis dus shes par 'gyur ro snyam du shes nas ded dpon des dge slong de la smras pa/ 'phags pa des bdag brel bas khyod kyi bsod snyoms 'ga' yang bsgrub par rngo mi thog gis bzhud la grong du bsod snyoms la 'jug par mdzod cig /dge slong de bsod snyoms la zhugs pa dang / ji srid du de zhugs pa de'i bar du ded dpon des ras yug chen de bdag nyid kyi snod du bcug go/ /ji tsam na dge slong de la sho gam pas dris pa/ 'phags pa khyod la sho gam gzhal 'tshal ba'i rdzas cung zad mchis sam/ dge slong des smras pa/ bzhin bzangs ras yug chen gcig yod do/ /sho gam pas smras pa/ 'phags pa bltas gzhag tu gsol/ dge slong des gtur bur brtags pa dang / ras yug chen mi snang nas de bzhin bsgyur zhing lag pa gnyis 'dril bar byed do/ /sho gam pas smras pa/ 'phags pa ci'i slad du 'di ltar mdzad/ dge slong des smras pa/ bzhin bzangs kho bo'i ras yug chen de ma byin par len pa dag gis brkus so/ /sho gam pa des smras pa/ 'phags pa de ni khyod kyis ma brkus kyi 'di ltar bdag gis brkus pa lags te/ des na bdag gis sho gam ma thob bo/ /gang gi tshe dge slong de sho gam gyi gnas nas 'das pa de'i tshe ded dpon des smras pa/ 'phags pa ci'i slad du sems khongs su chud/ bzhin bzangs khyod la yongs su btang ba las byung ba'i bsod nams skyes mod kyi yongs su longs spyad pa las byung ba'i bsod nams ni ma skyes so/ / 'phags pa ci'i slad du kho bo'i ras yug chen de ma byin par len pa dag gis brkus so/ /ded dpon des smras pa/ 'phags pa de ni ma byin par len pa dag gis ma brkus te/ 'di ltar bdag gis sho gam gyis 'jigs pas rang gi snod du stsal te 'tshal te mchis na ji ltar bgyi dbul lam/ dge slong des smras pa/ bzhin bzangs bdag la ma byin par len pa dag gis brkus pa ni legs kyi bdag ltung ba dang bcas par gyur pa ni ma legs so/ /'phags pa 'di la khyod kyi lus kyi las kyang ma mchis/ ngag gi las kyang ma mchis na ci'i slad du khyod ltung ba dang bcas par 'gyur/ dge slong de 'gyod pa skyes nas mthar gyis mnyan yod du phyir phyin pa dang / dge slong rnams kyis smras pa/ tshe dang ldan pa 'ongs pa legs so/ /'ongs pa legs so/ /ji ltar bde bar brgyus sam/ dge slong des skabs de de dag la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ltung ba med mod kyi 'on kyang ngas dge slong lam du zhugs pa'i kun du spyad pa'i chos dag bca' bar bya ste/ dge slong lam du zhugs pa grong du bsod snyoms la 'jug pas snod la mtshan ma btab ste 'gro bar bya zhing phyir 'ongs nas kyang so sor brtag par bya'o/ /dge slong lam du zhugs pas kun du spyad pa'i chos ji ltar bcas pa dag yang dag par blangs te 'jug par mi byed na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong rgan po zhig dang gzhon nu zhig gnyis ljongs rgyur 'phags so/ /de na rgan po ni shes pa dang ldan pa/ rdzas mang ba/ yo byad mang ba yin la/ gzhon nu ni shes pa chung ba chos gos gsum la 'chel ba yin pas rgan po la sho gam gzhal dgos pa'i rdzas yod nas ji tsam na mthar gyis sho gam gyi drung du phyin pa dang / rgan pos bdag la sho gam gzhal dgos pa'i rdzas yod pas gal te sho gam pa dag 'phags pa la sho gam gzhal 'tshal ba'i rdzas cung zad mchis sam zhes 'dri na/ gal te med do zhes brjod na ni brdzun du smra bar 'gyur la/ gal te yod do zhes brjod na ni nges par sho gam gzhal dgos par 'gyur bas de'i phyir gang gis sho gam yang gzhal mi dgos la brdzun du smra bar yang mi 'gyur ba'i thabs ci yod snyam du shes nas de 'di snyam du sems te/ gzhon nu 'di la sbyin zhing sho gam gyi gnas nas 'das na blang bar bya'o snyam nas des gzhon nu de la smras pa/ tshe dang ldan pa re shig lhung bzed dang chos gos long shig /gzhon nu des gnas brtan ngal bar gyur pas des na bdag la sbyin gor ma chag snyam du shes nas/ des blangs shing des de khyer te mdun du 'phags pa dang / sho gam pas mthong nas des smras pa/ 'phags pa khyod la sho gam gzhal 'tshal ba'i rdzas cung zad mchis sam/ dge slong des smras pa/ bzhin bzangs med do/ /sho gam pa des dge slong de yal bar bor nas sho gam gyi gnas nas 'das pa dang / rgan po yang stong par 'brang zhing 'ong nas sho gam pa des rgan po de la ni ma dris so/ /rgan po de gang gi tshe sho gam gyi gnas nas 'das pa de'i tshe smras pa/ tshe dang ldan pa rdzas khyer shog /gzhon nu smras pa/ gnas brtan ci lags mnyel bshos lags sam/ rgan pos smras pa/ tshe dang ldan pa kho bo ngal bas khyod la byin pa ni ma yin gyi/ 'di ltar kho bo la sho gam gzhal dgos pa'i rdzas yod pas gal te kho bo la sho gam pa 'phags pa la sho gam gzhal 'tshal ba'i rdzas cung zad mchis sam zhes 'dri na gal te med do zhes brjod na ni brdzun du smra bar 'gyur la/ gal te yod do zhes brjod na ni nges par sho gam gzhal dgos par 'gyur ro snyam pa'i blo skyes pas de'i phyir kho bos lhung bzed dang chos gos byin pa yin pas de ni sho gam gyis gnas las 'das pas des na yang phyir len to/ /gzhon nus smras pa/ de lta na gnas brtan gyis bdag nyid thar bar mdzad la ngan bu ni ltung ba dang bcas par bgyis so/ /rgan pos smras pa/ tshe dang ldan pa khyod kyis mi shes pas 'di la khyod kyis ltung ba ci zhig yod/ dge slong gzhon nu de 'gyod pa skyes nas mthar gyis mnyan yod du phyir phyin pa dang / dge slong rnams kyis smras pa/ tshe dang ldan pa 'ongs pa legs so/ /'ongs pa legs so/ /ji ltar bde bar brgyus sam/ dge slong des smras pa/ 'dir ga la bde bar brgyus/ dge slong rnams kyis smras pa/ tshe dang ldan pa ci'i phyir de skad zer/ dge slong des skabs de dge slong rnams la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med mod kyi yang dge slong lam du zhugs pas/ ma dris par rdzas blang bar mi bya bar len pa nyid na 'di na sho gam gzhal dgos pa'i rdzas cung zad med dam zhes dri bar bya ba'o/ /ma dris par len na 'gal tshabs can du 'gyur ro/ /gzhan yang dge slong gis sho gam gzhal dgos pa'i rdzas lam du bzla bar mi bya'o/ /zla bar byed na 'gal tshabs can 'gyur ro/ /bcom ldan 'das kyis dge slong gis sho gam gzhal dgos pa'i rdzas lam du bzla bar mi bya'o zhes bka' stsal pa na/ dge slong drug bcu ljongs rgyu zhing 'dong ba'i tshe ri brags shig tu phyin pa dang / ri brags de na khyim bdag phyug pa nor mang ba longs spyod che ba zhig 'dug cing de yang dad pa dang ldan pa yin pas des dge slong de dag 'gron du bos te zas byin nas re re la gos phrugs re bskon par byas pa dang / dge slong rnams kyis smras pa/ khyim bdag bcom ldan 'das kyis sho gam gzhal dgos pa'i rdzas lam du bzla bar mi bya'o zhes dgag pa mdzad pas de'i phyir bdag cag gis ji ltar blang bar bya/ khyim bdag de cang mi smra bar 'dug pa dang / dge slong rnams kyi yon bshad pa byas te dong nas mthar gyis mnyan yod du phyir phyin pa dang / de dag la dge slong rnams kyis smras pa/ tshe dang ldan pa dag 'ongs pa legs so/ /'ongs pa legs so/ /ji ltar bde bar brgyus sam/ de dag gis smras pa/ bde bar brgyus mod kyi/ 'on kyang khyim bdag cig gis bdag cag la zan byin te gos phrugs re bskon par byas na/ de la bdag cag gis khyim bdag bcom ldan 'das kyis dge slong gis sho gam gzhal dgos pa'i rdzas lam du bzla bar mi bya'o/ /zhes dgag pa mdzad pas de'i phyir bdag cag gis ji ltar blang bar bya zhes ma blangs so/ /dge slong rnams kyis skabs de bcom ldan 'das la gsol pa dang / bcom ldan 'das kyis bka' stsal pa/ blang bar bya zhing blangs nas rung bar byas te lam du bzla bar bya'o/ /dge slong dag tshon rtsi dang / shing dang / zangs dang / bum pa dag tshol ba na lam gyis dub cing sgyid lug pa dang don 'thun dang bral bar gyur nas de dag seng ge dang / stag dag dang / chom rkum pa dag gis bgrod par gyur to/ /dge slong rnams kyis skabs de bcom ldan 'das la gsol pa dang / bcom ldan 'das kyis bka' stsal pa/ mtha' chags sam rang chags byas te 'gro bar bya'o/ /nyes dmigs de nyid du gyur nas/ bcom ldan 'das kyis/ bka' stsal pa/ ba lang gi lci ba btsir bas rung bar bya ba 'am bkru bar bya'o/ /de lta na nyes dmigs de nyid du gyur nas bcom ldan 'das kyis bka' stsal pa/ tha na kha tshar ram phun tshar yang gcad par bya'o/ /ngas phongs pa dag tu rjes su gnang ba gang yin pa de gnas skabs tha mal pa dag tu lhag par spyad par mi bya'o/ /lhag par spyod par byed na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong zhig rgyal po'i khab tu dbyar gnas par khas blangs nas de dbyar zla ba gsum 'das nas chos gos ma rnyed pa kho nar bcom ldan 'das kyi zhabs la phyag 'tshal du mnyan yod du 'phags pa dang de la dge slong rnams kyis smras pa/ tshe dang ldan pa chos gos kyis rnyed pa ma thob kyi bar du khyod ma rings shig /de mngon par mi dga' bas mi sdod pa dang / de la dge slong zhig gis ras yug chen byin nas/ des gal te 'di rung bar byed na tshangs pa mtshungs par spyod pa dag mi mthong bar 'gyur bas dge slong bshes pa zhig la rung bar byed du gzhug go snyam du shes nas/ des dge slong bshes pa la smras pa/ kho bo tshangs pa mtshungs par spyod pa dag la lta ba'i bar du/ ras yug chen 'di rung bar gyis la gtur bur chug shig /de le lo can zhig pas des rung bar ma byas pa/ kho nar gtur bur bcug go/ /ji tsam na dge slong des gtur bu thogs te 'phags nas/ mthar gyis sho gam gyi gnas su phyin pa dang / sho gam pas smras pa/ 'phags pa khyod la sho gam gzhal 'tshal ba'i rdzas cung zad mchis sam/ bzhin bzangs med do/ /bltas gzhag tu gsol/ des brtag par brtsams pa dang / ras yug chen mthong nas des smras pa/ 'phags pa legs par gsungs pa'i chos 'dul ba la rab tu byung na ji ltar ras yug chen gyi slad du brdzun du smra ba gsung / dge slong des smras pa/ bzhin bzangs kho bos mi shes te kho bo 'phags pa na ras yug chen 'di rnyed nas kho bos bshes pa la kho bo tshangs pa mtshungs par spyod pa dag la lta ba'i bar du ras yug chen 'di rung bar gyis la gtur bur chug shig ces smras na/ de le lo can zhig pas des 'di rung bar ma byas pa kho nar gtur bur bcug go/ /sho gam pas smras pa/ 'phags pa de ni khyod kyi bshes pa ma lags kyi 'di ltar de ni bdag gi bshes pa lags te des na bdag la sho gam byung gis stsol la bzhud cig /dge slong de 'gyod pa skyes nas de mthar gyis mnyan yod du phyin pa dang / dge slong rnams kyis smras pa/ tshe dang ldan pa 'ongs pa legs so/ /'ongs pa legs so/ /ji ltar bde bar brgyus sam des smras pa/ tshe dang ldan pa dag ji ltar bde bar brgyus/ de dag gis smras pa/ tshe dang ldan pa ci'i phyir de skad zer/ des skabs de dge slong rnams la rgyas par brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong de la ni ltung ba med mod kyi yang dge slong gis ma dris par blang bar mi bya bar ci khyod kyis rung bar byas sam/ 'on te ma byas shes dri bar bya'o/ /ma dris par len na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag gis smras pa/ dga' bo nye dga' lhung bzed nag po can 'di dag ni rkang pa spre'u zhag gis bskus te/ 'gro na yang 'gro bar chas pa'i rnyed pa sgrub par byed/ 'ong na yang glo bur du 'ongs pa'i rnyed pa sgrub par byed cing skye bo mang po dga' ba dang / yid du 'ong bar yang 'gyur ro/ /yu bu cag ni khron pa'i rus sbal dang 'dra bar gar yang mi 'dong / gang nas kyang mi 'ong bas rnyed pa 'thob pa dang / skye bo mang po dga' ba dang / yid du 'ong bar ga la 'gyur gyis yu bu cag kyang 'dong ngo / /gang du 'dong / gang du don 'thun 'grub par ro/ /de dag gis don 'thun btsal bar brtsams pa dang / de dag gis byang lam du 'gro ba'i don 'thun mthong nas de'i drung du song ste smras pa/ bzhin bzangs dag khyed gang du 'phags/ 'phags pa dag byang lam du'o/ /bzhin bzangs kho bo cag kyang khyed dang lhan cig 'dong ngo / /'phags pa dag byang lam ni mthon dman can khyi za ba/ bud med kyi yul gnas ngan len kun du spyod pa lags pas khyed cag der dgyes par mi 'gyur ro/ /bzhin bzangs dag gal te de lta bu yin du zin kyang yul mthong bar 'gyur bas 'dong bar bya'o/ /'phags pa dag gal te de lta na tshur spyon bzhud do/ /drug sde dag don 'thun de dang lhan cig byang lam du 'phags nas mthar gyis byang lam du phyin pa dang / nyi ma gang kho na la byang lam du phyin pa'i nyi ma de nyid la mngon par mi dga' bar gyur nas/ de dag nang par sngar langs te lam srang du dong ba dang / tshong pa de dag gis drug sde dag mthong nas de dag gi rkang pa la phyag 'tshal te smras pa/ 'phags pa dag byang lam ci 'dra/ khyed cag mngon par mi dgyes par ma gyur tam/ bzhin bzangs dag nyi ma gang kho na la byang lam du phyin pa'i nyi ma de nyid la mngon par mi dga' bar gyur to/ /'phags pa dag bdag cag gis khyed la dang po kho na nas byang lam ni mthon dman can/ khyi za ba/ bud med kyi yul gnas ngan len kun du spyod pa lags pas khyed cag der dgyes par mi 'gyur ro zhes ma bgyis sam/ bzhin bzangs dag ci de ltar na 'gro 'am 'dong ngo / /'phags pa dag bdag cag gis zong ma bsgyur te/ de lta lags mod kyi 'on kyang bdag cag dang / bshes pa'i tshong pa gzhan dag mchis pa de dag gis zong bsgyur bas de dag la gtad par bgyis de dag dang thabs gcig bzhud cig /drug sde dag gis smras pa/ de ma nongs kyi de bzhin bgyi'o/ /drug sde dag don 'thun de dag gis gtad pa'i don 'thun de dang lhan cig 'phags so/ /drug sde dag gis kun du spyod pa ni rdul gyis 'jigs pas yang na ni don 'thun gyi mdun du 'gro'o/ /yang na ni phyi nas 'gro bas/ de dag phyi nas 'gro bar brtsams pa dang / ji tsam na yul dbus nas phyir 'ong ba'i don 'thun 'ongs nas tshong pa de dag gis don 'thun phyir 'ong ba de dag la 'ongs pa legs so zhes brjod pas so sor yang dag par dga' bar byas te smras pa/ khyed ga las 'ongs/ yul dbus nas so/ /shes ldan dag ji ltar yul dbus su khe spogs mang po grub bam/ sho gam 'am/ la gcan nam/ gru btsas kyis yongs su yi chad pa med dam/ de dag gis smras pa/ shes ldan dag yul dbus su khe spogs mang po grub mod kyi 'on kyang de na gos dkar po can chom rkun pa lta bu sho gam dang / la gcan dang / gru btsas kyi lce rten gyis bden pas mi mgu ba dag 'khod pas rdzas thams cad 'phrog par byed pas sho gam dang / la gcan dang / gru btsas kyis yongs su yi chad pa yod do/ /de dag gis thos nas 'tsher zhing phyogs gcig tu dong nas lag pa 'gram pa la gtad de sems khongs su chud cing 'khod do/ /drug sde dag lhag nas de dag gis smras pa/ shes ldan dag ci'i phyir lag pa la 'gram pa la gtad de sems khongs su chud cing 'dug /tshong pa dag gis smras pa/ 'phags pa dag bdag cag grang ba na grang bas sbrebs bzhin pa dang / tsha ba na tsha bas gdungs bzhin pa dang / bkres pa dang skom pa dag gis gnod bzhin pa dang / sha sbrang dang / sbrang bu dang / rlung dang / nyi ma dang / sdig sbrul gyi reg pa dag gis nyen bzhin du longs spyod dag mngon par sgrub pa'i slad du spro bar bgyid/ 'bad par bgyid/ rtsol par bgyid pa gang lags pa de dag thams cad bdag yul dbus su 'phags pa lags te/ yul dbus su khe spogs mang po 'grub pa lags mod kyi/ 'on kyang bdag cag gi don 'thun slar mchi ba dag las thos na de na gos dkar po can chom rkun pa lta bu sho gam dang / la gcan dang / gru btsas kyi lce rten gyi bden pas mi mgu ba dag 'khod pas rdzas thams cad 'phrog par bgyid pas sho gam dang / la gcan dang / gru btsas kyis yongs su yi chad par 'gyur ro zhes mchi'o/ /drug sde dag gis smras pa bzhin bzangs dag gang dag la kho bo cag bshes su bdog pa khyed kyang sems khongs su chud cing 'khod dam/ 'phags pa dag ci lags khyed kyis bdag cag gi slad du rgyal po la gsol ba bgyi 'am/ bzhin bzangs dag rgyal po la ni gsol bar mi byed de/ 'on kyang mnyan yod ni kun shes pa'i sho gam can yin la/ de la sgo ni bcwa brgyad/ sge'u chung ni sum bcu rtsa drug yod pas khyed cag sge'u chung nas 'jug tu gzhug gis longs shig 'dong ngo / /tshong pa de dag yongs su mgu nas 'phags pa dang / mnyan yod dang ha cang mi ring ba'i ri brag zhig tu phyin nas/ drug sde dag gis smras pa/ bzhin bzangs dag re shig ngal bsos la mnyan yod du mtshan mo 'jug par byas/ rnga mo dang / glang dang / bong bu dag thong shig /tshong pa de dag gis de dag btang nas/ ji tsam na nyi ma nub par 'gyur ba de'i tshe dus yin no zhes re shig ngal bso bar byed do/ /mnyan yod na sho gam pa dag gis byang lam nas don 'thun phun sum tshogs pa 'ongs so/ /zhes thos nas/ de dag gis gnod sbyin la gtor ma byas te sgo dag mnan te/ sdod do/ /drug sde dag gis smras pa/ shes ldan dag mig lam chad kyis longs shig 'dong ngo / /yongs su mi shes par sge'u chung nas bde bar 'jug tu gzhug go/ /de dag 'phags te mthar gyis bong bu dang / rnga mo dang / glang dag 'debs shing / sge'u chung nas mnyan yod du zhugs nas mtshan mo nam nangs pa dang / srang du dong ste byang lam pa'i zong bkram nas btsong bar brtsams so/ /mi zhig don 'thun de nyid dang bral ba sgo nas zhugs pa sho gam pa dag gis mthong nas smras pa/ kye nang rje ga las 'ongs/ mi des smras pa/ ri brag che ge mo zhig nas so/ /de dag gis smras pa kye nang rje ri brag de na byang lam pa'i don 'thun 'dug ces grag na khyod kyis de ma mthong ngam/ mi des smras pa/ shes ldan dag kho bo ni don 'thun de nyid dang bral zhing 'gro ba yang yin te de ni sngar song zin to/ /sho gam pa dag gis thos nas yid mi bde bar gyur te smras pa/ kye nang rje kho bo cag sgo gnon cing 'khod na de ga las zhugs/ mi des smras pa/ shes ldan dag gal te khyed cag yid mi ches na tshur shog srang du 'dong dang rang nyid kyis mthong bar 'gyur ro/ /de dag de dang lhan cig srang du dong ba dang don 'thun dag byang lam pa'i zong bkram zhing tshong pa mthong nas de dag gis dris pa/ shes ldan dag khyed cag gang gis zhugs/ don 'thun dag gis smras pa/ rkang pa dag gis so/ /sho gam pa dag gis smras pa/ khyed cag ji ltar rkang pa dag gis zhugs par lta kho bo cag gis kyang shes kyi/ 'di ltar khyed cag gang gis 'jug tu bcug pa dang / sgo gang nas zhugs pa de 'dris smros shig dang / khyed cag dang bshes par bya'o/ / de dag gis smras pa/ 'phags pa drug sde dag gis sge'u chung nas 'jug tu bcug go/ /sho gam pa de dag shAkya'i sras kyi dge sbyong rnams kyi dge sbyong gi tshul ni tshig pa yin no/ /bram ze'i tshul ni tshig pa yin te/ gang la da ltar gzhan gyi 'tsho ba la yang gnod par byed do/ /zhes smod par byed/ phyar ka gtong bar byed/ kha zer bar byed pa'i skabs de dge slong dag gis bcom ldan 'das la gsol nas/ bcom ldan 'das kyis bka' stsal pa/ dge slong gis gzhan gyi 'tsho ba la gnod par mi bya'o/ /gnod par byed na 'gal tshabs can du 'gyur ro/ /sho gam pa dag gis drug sde 'di dag ni dge sbyong mi srun pa dag yin pas ngo bya'o snyam du bsams nas/ ji tsam dus gzhan zhig na tshe dang ldan pa nye dga' snga dro sham thabs bgos lhung bzed dang chos gos thogs te mnyan yod du bsod snyoms la zhugs pa sho gam pa zhig gis mthong nas des smras pa/ 'phags pa phyag 'tshal lo/ lhung bzed na cung zad mchis sam gzigs/ nye dgas smras pa/ bzhin bzangs ci sems lhung bzed na sho gam gzhal dgos pa'i rdzas med do/ /des smras pa/ 'phags pa sdig pa zhi bar gyur cig /bdag de snyam mi sems kyi 'di ltar bca' ba dang bza' ba bsod pa cung zad mchis na/ de khyod las bslangs te 'tshal snyam mo/ /nye dgas smras pa/ bzhin bzangs ci chu klung rgyun las bzlog phyogs su 'bab bam/ khyod kyis kho bo la sbyin par bya ba yin gyi kho bos khyod la sbyin par bya ba ma yin no/ /des smras pa/ 'phags pa bzhad gad bgyi'o/ /tshur spyon khyim du bzhud do/ /sho gam pa des nye dga' khyim du khrid nas bca' ba dang bza' ba bsod pas lhung bzed bkang ste byin nas/ smras pa/ 'phags pa bdag la bka' stsol cig dang / bka' bzhin bgyid cing 'phags pas bka' stsal pa thams cad bsgrub par bgyi'o/ nye dgas bzhin bzangs khyod nad med par gyur cig ces smras te song ngo / /drug sde dag gi kun du spyod pa ni 'dir bdag cag gis bram ze dang khyim bdag 'ongs shing lhags pa rnams la chos bstan par bya/ rgol ba dag tshar gcad par bya/ rang gi grags pa bsgrag par bya/ rnyed pa yang bsgrub par bya'o zhes yang na ni sgo drung du gtsug lag khang nod par byed/ yang na ni lam dang nye bar gtsug lag khang nod par byed pas/ nye dgas lam dang nye bar gtsug lag khang mnos nas de de'i steng du nam gyi cha stod dang nam gyi cha smad la mi nyal ba'i sbyor ba la rjes su brtson par gnas so/ /ji tsam dus gzhan zhig na tshong pa sho gam 'dral ba dag gtsug lag khang dang ha cang thag mi ring ba nas 'dong ba dang / nye dga' sgra la mkhas pas des de dag gi rting sgra thos nas yongs su g.yo ba dang bcas bzhin du smras pa/ 'dong ba 'di dag su yin/ tshong pa de dag cang mi smra bar sdod pa dang / nye dga' myur ba myur bar gtsug lag khang gi steng nas babs te/ tshong pa de dag gi drung du song nas smras pa/ shes ldan dag mtshan mo nor dang bcas pa kho nar 'dong ba 'di dag su yin/ tshong pa de dag gis smras pa/ 'phags pa bdag cag ni tshong pa sho gam 'dral ba dag lags so/ /nye dgas smras pa/ bkren pa dag kho bo cag la rgyal po yo byad thams cad kyis nye bar gnas pa yin te/ gnas brtan kun shes kauN+Di n+ya yang de la 'di skad ces ji nas kyang rgyal po 'di'i longs spyod ma byung ba dag ni 'byung bar gyur cig /byung ba dag ni rgyas pa dang / 'phel ba dang / yangs par gyur cig ces yon bshad pa byed pa yin na/ khyed cag de dbang ba'i sho gam dral te 'dong na kho bo cag gis ci'i phyir yal bar dor bar bya/ deng khyed la gnod pa byed du gzhug go/ /de dag skrag nas smras pa/ 'phags pa khyed ni thugs rje can dag lags pas bzod par mdzod cig dang bdag cag gis 'phags pa la mkho ba dag bgyi'o/ /nye dgas smras pa/ ci zhig bya bca' ba'i cha rin dag dbul lo/ /'bul lam/ 'bul lo deng shig /de dag de nas dong ste nye dga'i drung nas bral ba dang / 'di skad ces yu bu cag ko sa lar byung ba'i rgyal po gsal rgyal la yang sho gam mi 'jal na/ dge sbyong mgo reg nye dga' la 'jal ba lta smos kyang ci dgos shes kun du rjod par byed do/ /nye dga' yang myur ba myur bar zas kyi bya ba byas te sgo drung na lhung bzed 'khru zhing phyogs bzhir rnam par lta bar byed do/ /gzhon nu zhig gis nye dga' phyogs bzhir rnam par lta bar byed pa mthong nas/ des smras pa/ gnas brtan ci'i slad du phan tshun rnam par gzigs par mdzad/ nye dgas smras pa/ tshe dang ldan pa kho bo'i mdza' bshes tshong pa dag zong thogs te mnyan yod du zhugs pa de dag lta'o/ /gzhon nu des smras pa/ gnas brtan khyod ji tsam na zas kyi bya ba mdzad pa de tsam na de dag dong lags so/ /nye dga' mi bzod pa skyes nas kho bo yang de dag gis bslus te spu gri la khu tshur gyis brdegs shing rang thags kyi rdo la rtswas phug gis kho bos de dag la gang bya ba shes so snyam du sems so/ /ji tsam na tshong pa de dag yang de kho na bzhin du 'ongs pa dang / nye dgas kyang de kho na bzhin lan gnyis su bzung ste/ khyed kyis kho bo yang bslus so zhes smras pa dang / tshong pa de dag gis smras pa/ 'phags pa bdag cag la bgyi ba cung zhig byung bas des na bdag cag ma zhus par mchis te/ da ni de dang gzhan yang thams cad 'bul lo/ /'bul lam/ 'bul lo/ /deng shig de dag de nas dong ste nye dga'i drung nas bral ba dang / 'di skad ces yu bu cag ko sa lar byung ba'i rgyal po gsal rgyal la yang sho gam mi 'jal na/ dge sbyong mgo reg nye dga' la 'jal ba lta smos kyang ci dgos zhes kun du rjod par byed do/ /nye dgas tshong pa de dag gis bdag la mang po zhig khas blangs pas yang de kho na bzhin du mi lta bar song na mi rung gis mtshan ma dang bcas pa kho nar langs te/ de dag gi drung du 'gro bar bya'o/ / snyam du bsams nas des snam sbyar bgos te srang du song ba dang / tshong pa de dag kyang zong bkram ste 'tshong bar byed nas nye dgas de dag la mtshan ma bstan par brtsams pa dang / de dag gis smras pa/ 'phags pa je zong bsgyur bar bgyis bzhud cig dang bdag cag mchis te dbul bar bgyi'o/ /nye dgas smras pa/ gal te bden na'o/ /de dag gis smras pa/ 'phags pa khyod ni 'da' bar bgyi ba ma lags kyis bzhud cig /nye dga' song ste myur ba myur bar gtsug lag khang du song nas zas kyi bya ba byas te/ lhung bzed 'khru zhing phyogs su rnam par lta bar byed do/ /de bzhin du gzhon nu zhig gis smras pa/ gnas brtan ci'i slad du phan tshun rnam par gzigs par mdzad/ nye dgas smras pa/ tshe dang ldan pa kho bo'i mdza' bshes tshong pa dag zong thogs te mnyan yod du zhugs pa de dag lta'o/ /gzhon nu des smras pa/ gnas brtan khyod ji tsam na zas kyi bya ba mdzad pa de tsam na de dag dong lags so/ /nye dga' rgya cher mi bzod pa skyes nas mgo bsigs te kho bo de dag gis lan gnyis su bslus kyis/ da ni gal te de dag mthong na gang gis phyin chad tshong par mi 'gyur ba de 'dra ba'i khrims 'char gzhug go snyam du sems so/ /ji tsam na yang tshong pa de dag de kho na bzhin du 'ongs pa dang / nye dgas smras pa shes ldan dag khyed kyis yang dang yang du kho bo bslus pas/ da ni gang bya ba de ltos shig /de dag gis smras pa/ 'phags pa bzod par mdzod cig /bdag cag tshong pa dag ni rtag tu mjal tshongs kyis sems g.yengs pa lags pas da ni sngar mchid kyis 'tshal ba gang lags pa dang / slad kyi mchid kyis 'tshal ba gang lags pa de dang gzhan thams cad kyang dbul bar bgyi'o/ / nye dgas gal te 'di dag la gzu lums su 'dzud par byas na shes par 'gyur gyis 'thun par brjod par bya'o snyam du shes shing rig nas smras pa/ bzhin bzangs dag nges par 'bul lam/ 'phags pa nges par 'bul lo/ / gal te de lta na khyed cag la nyes dmigs 'ga' zhig byung bar gyur tam/ kho bo cag la yang gtsug lag khang gi drung du tshong pa dag tshong pa ma yin par rnam par gzhag par gyur na ma legs kyis re shig lam lta ba de srid kyi bar du sdod cig /de dag sdod pa dang nye dga' de na sho gam pa dag gi drung du song ngo / /de'i tshe na sho gam pa dag shes ldan dag tshong pa sho gam 'dral ba dag gis sho gam dral cing dral cing sge'u chung nas 'jug pas lo tang 'du ba mi 'byung la/ dus la ni bab/ rgyal po ni gtum pas bdag cag bu dang / chung ma dang / rtsa lag dang bcas pa btson rar bcug ste bsad par 'gyur ba gang yin pa de lta bu'i gnas yod do zhes zer zhing sems khongs su chud cing 'dug go/ / de dag de ltar sems khongs su chud cing 'dug pa na nye dgas smras pa/ khyed cag ci'i phyir/ 'di ltar sems khongs su chud cing 'dug /'phags pa ji ltar sems khongs su chud cing mi mchi/ tshong pa sho gam 'dral ba dag gis sho gam dral cing sge'u chung nas 'jug pas lo tang 'du ba mi 'byung la dus la ni bab/ rgyal po ni gtum pas bdag cag bu dang / chung ma dang / rtsa lag dag dang bcas pa btson rar bcug ste bsad par 'gyur ba gang lags pa/ de lta bu'i gnas mchis so/ /bkren pa dag khyed cag sus sho gam gyi gnas su bzhag /khyed cag ni lcag rgod mang pos brims las skyed pa 'am/ shing 'cheg tu gzhug par bya ba yin no/ /ci'i phyir khyed kyis tshong pa sho gam 'dral ba gcig tsam yang nor thams cad dang bral bar mi byed/ 'phags pa mnyan yod ni kun shes pa'i sho gam can lags kyi nyes pa byed pa'i sho gam can ma lags pas ji ltar nor thams cad dang bral bar bgyi/ bkren pa dag mnyan yod ni nyes pa byed pa'i sho gam can yin gyi kun shes pa'i sho gam can ma yin no/ /'phags pa bdag cag gis yun de srid du sho gam bsgrubs na lan 'ga' yang nyes pa bgyid pa'i sho gam can ma lags na/ da ji ltar nyes pa bgyid pa'i sho gam can du 'gyur/ bkren pa dag sdod cig dang nga song la tshong pa sho gam 'dral ba dag gtang bar byas/ de dag khyed kyis zung la nor thams cad dang bral bar gyis shig /gal te mnyan yod ni kun shes pa'i sho gam can yin gyi nyes pa byed pa'i sho gam can ni ma yin no zhes zer na/ mnyan yod ni nyes pa byed pa'i sho gam can yin gyi kun shes pa'i sho gam can ni ma yin no zhes brjod par bya'o/ /gal te yun de srid du kho bo cag tshong pa'i tha snyad byed pa na/ lan 'ga' yang mnyan yod nyes pa byed pa'i sho gam can ma yin na/ da nyes pa byed pa'i sho gam can du gyur tam/ tshur shog tshong pa'i tshogs kyi nang du 'dong ngo / /zhes zer na rgyal po'i pho brang du bkri bar bya'o/ /gal te rgyal po na re shes ldan dag yun de srid du nga'i rgyal srid byed du bcug na/ lan 'ga' yang ngas mnyan yod nyes pa byed pa'i sho gam can du ma thos na/ da nyes pa byed pa'i sho gam can du gyur tam zhes zer na/ rgyal po a ra da tshangs byin tshong pa'i tshogs dang bcas pas gang bskyed mos tshal lam/ 'dun sa 'am/ lha'i gnas che ge mo nas mnyan yod du 'jug pa la de la ni kun shes pa'i sho gam can yin la/ gang bskyed mos tshal lam/ 'dun sa 'am/ lha'i gnas che ge mo nas mnyan yod du 'jug pa de la nyes pa byed pa'i sho gam can yin no/ /zhes khrims su bya ba rnam par gzhag pa gang lags pa de lha la brtsan nam zhes brjod par bya'o/ /gal te brtsan no zhes zer na/ lha mdzod che ge mo zhig na sgrom mchis pa de na zangs ma'i glegs bu la yi ge bris pa mchis pa de lhas gzigs su gsol zhes brjod par bya'o/ /ji tsam na sho gam pa de dag gis tshong pa sho gam 'dral ba de dag bzung ste nor thams cad dang bral bar byas pa na tshong pa de dag gis smras pa/ shes ldan dag ci'i phyir kho bo cag nor thams cad dang bral bar byed/ mnyan yod ni kun shes pa'i sho gam can yin gyi nyes pa byed pa'i sho gam can ni ma yin no/ /sho gam pa dag gis smras pa/ mnyan yod ni nyes pa byed pa'i sho gam can yin gyi kun shes pa'i sho gam can ni ma yin no/ /tshong pa dag gis smras pa/ yun de srid du kho bo cag tshong pa'i tha snyad byed byed na lan 'ga' yang mnyan yod nyes pa byed pa'i sho gam can ma yin na da nyes pa byed pa'i sho gam can du gyur tam/ tshur shog tshong pa'i tshogs kyi nang du 'dong ngo / /sho gam pa dag gis smras pa/ tshong pa'i tshogs kyi nang du mi 'gros tshur shog /rgyal po'i pho brang du 'dong ngo zhes de dag 'khang bzhin du mthus rgyal po'i pho brang du khrid pa dang / de dag gis tshong pa'i tshogs la shes ldan dag kho bo cag sho gam pa dag gis nor thams cad dang bral bar byas kyis grogs gyis shig ces ra mda' zlog pa'i skad phyung ngo / /tshong pa'i tshogs kyang de dag dang lhan cig rgyal po'i spyan sngar song nas/ lha khyod kyi rgyal srid la sho gam pa dag gis tshong pa glo bur du lhags pa dag nor thams cad bral bar bgyis kyis yongs su bskyab tu gsol zhes smras so/ /rgyal pos blon po rnams la shes ldan dag sho gam pa dag khug shig ces bsgo nas blon po rnams kyis sho gam pa dag bkug pa dang / rgyal pos smras pa/ shes ldan dag ci'i phyir khyed kyis tshong pa dag nor thams cad dang bral bar byas/ sho gam pa dag gis smras pa/ lha tshong pa 'di dag ni sho gam 'dral ba lags la/ mnyan yod ni nyes pa bgyid pa'i sho gam can lags pas de'i slad du bdag cag gis 'di dag nor thams cad dang bral bar bgyis so/ /rgyal pos smras pa/ shes ldan dag yun de srid du nga'i rgyal srid byed du bcug na lan 'ga' yang ngas mnyan yod nyes pa byed pa'i sho gam can du ma thos na/ da nyes pa byed pa'i sho gam can du gyur tam/ sho gam yang dag pa long la thong shig /sho gam pa dag gis smras pa/ rgyal po a ra da tshangs byin tshong pa'i tshogs dang bcas pas gang bskyed mos tshal lam/ 'dun sa 'am/ lha'i gnas che ge mo nas mnyan yod du 'jug pa de la ni kun shes pa'i sho gam can yin la/ gang bskyed mos tshal lam/ 'dun sa 'am/ lha'i gnas che ge mo nas mnyan yod du 'jug pa de la ni gnod pa byed pa'i sho gam can yin no zhes khrims su bya ba rnam par gzhag pa gang lags pa de lha la brtsan nam/ rgyal pos smras pa/ shes ldan dag nga'i yab kyis mdzad pa gang yin pa de ni brgya byin gyis mdzad pa/ tshangs pas mdzad pa yin te mchog tu brtsan no/ /sho gam pa dag gis smras pa/ lha mdzod che ge mo zhig na sgrom mchis pa de na zangs ma'i glegs bu la yi ge bris pa mchis pa de lhas gzigs su gsol/ rgyal pos gtogs par byas pa dag la zangs ma'i glegs bu de 'on cig ces bsgo nas blangs te blags pa dang / rgyal pos pha'i bsngags pa thos nas mchi ma dang bcas pa'i skad kyis smras pa/ shes ldan dag nga'i yab kyis mdzad pa gang yin pa de ni brgya byin gyis mdzad pa/ tshangs pas mdzad pa yin te/ gal te nor thams cad dang bral bar byas na legs so/ /tshong pa de dag re ba med par gyur nas mchi ma dang bcas pa'i skad kyis dong nas de dag gis sho gam pa de dag la smras pa/ shes ldan dag khyed la sus sbran pa smros shig /sho gam pa dag gis smras pa/ kho bo cag la su zhig sbron par 'gyur/ kho bo cag nyid kyis shes mod kyi 'on kyang kho bo cag khyed la snying rje bas yal bar bor ro/ /khyed cag ha cang bya ba byed par brtsams pas des na kho bo cag mi bzod pa skyes so/ /tshong pa dag gis smras pa/ khyed la snying rje ga la yod/ smros shig dang kho bo cag khyed dang mdza' bor 'gyur ro/ /sho gam pa dag gis smras pa/ 'phags pa drug sde dag gis so/ /tshong pa de dag shAkya'i sras kyi dge sbyong rnams kyi dge sbyong gi tshul ni tshig pa yin no/ /bram ze'i tshul ni tshig pa yin te/ gang la de ltar gzhan gyi 'tsho ba la yang gnod par byed do zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol nas/ bcom ldan 'das kyis bka' stsal pa/ dge slong gis gzhan gyi 'tsho ba la gnod par mi bya'o/ /gnod pa byed na 'gal tshabs can du 'gyur ro/ /sdom la/ rkang med dang ni rkang gnyis dang / /rkang bzhi pa dang rkang mangs kyi/ /sde tshan yang dag bsdus pa yin/ /rkang med ces bya ba ni sbrul dang / pad pa dang / srog chags dri'u srin dag go/ /de dag ni gsum gyis sogs par byed de sbrul khas sdigs pa dag dang / rgyal po'i sman pa dag dang / kha lungs pa'i ya ba na dag gis so/ /ji ltar sbrul khas sdigs pa dag gis zhe na/ 'di ltar sbrul khas sdigs pa dag sbrul la brten te 'tsho bar byed pa ste/ de ltar sbrul khas sdigs pa dag gis so/ /ji ltar rgyal po'i sman pa dag gis shes na/ 'di ltar rgyal po'i sman pa dag pad pa la brten te 'tsho bar byed pa ste/ de ltar rgyal po'i sman pa dag gis so/ /ji ltar kha lungs pa'i ya ba na dag gis she na/ 'di ltar kha lungs pa'i ya ba na dag srog chags dri'u srin dag bag bye stson par byed/ sa 'byin par byed cing sla nga la rngod par byed de/ de dag de 'cha' zhing myos pa 'gyur ba'i btung ba rnam pa du ma 'thung bar byed de/ de ltar kha lungs pa'i ya ba na dag gis so/ /dge slong gis srog chags rkang med dag rku bar byed na/ srog chags rkang med dag gi rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /rkang gnyis shes bya ba ni mi rnams dang / bya kha cig go mi rnams ni rnam pa gsum gyis rku ste/ yul phyogs dang / brda' dang / mtshan mas so/ /ji ltar yul phyogs kyis she na/ gang gi tshe na kho bo bskyed mos tshal lam/ 'dun sa 'am/ lha'i gnas che ge mo zhig tu mthong ba de'i tshe khyod kyis bya ba de byas par shes par gyis shig ces bya ba ste/ de ltar yul phyogs kyis so/ /ji ltar brdas she na/ gang gi tshe kho snga dro 'am/ gung tshigs sam/ phyem bred mthong ba de'i tshe khyod kyis bya ba de byas par shes par gyis shig ces bya ba ste/ de ltar brdas so/ /ji ltar mtshan mas she na/ gang gi tshe kho bo skra dang kha spu bregs nas ring por ma lon pa 'am/ snam sbyar dmar ser ram/ zha nye'i dbyar 'dab kyis glan pa'i lhung bzed dam/ khar ba sbubs can nam/ zhun mar gyi lhung bzed dam/ 'bru mar gyi lhung bzed dam/ sbrang rtsi'i lhung bzed dam/ bu ram gyi dbu ba'i lhung bzed thogs par mthong ba de'i tshe khyod kyis bya ba de byas par shes par gyis shig ces bya ba ste/ de ltar mtshan mas so/ /dge slong gis mi rku bar byed na mi'i rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /bya ni rnam pa gnyis kyis rku ste/ spar ba dang / mngon sum du babs pas so/ /ji ltar spar bas zhe na/ 'di ltar dge slong gis bya spar te rku bar byed na bya'i rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur te/ de ltar spar bas so/ /ji ltar mngon sum du babs pas she na/ 'di ltar bya ba 'am/ bya ba'i slob ma mkhas pa zhig gis bya drungs dbyung ba'i phyir dang / chud gzan par bya ba'i phyir dang / tshul ma yin pas sdug bsngal bar bya ba'i phyir nags mes btang bar gyur cing de na bya kha cig du bas khyab cing 'khrugs par gyur nas/ dge slong rnams kyi 'chag sa dag tu babs sam/ dag ra dag gam/ sgo khang dag tu babs par gyur pa na/ dge slong gis de ltar babs pa'i bya rku bar byed na/ bya'i rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur te/ de ltar mngon sum du babs pas so// //'dul ba rnam par 'byed pa/ bam po drug pa/ rkang bzhi pa zhes bya ba ni glang po che dang / rta dang / rnga mo dang / ba lang dang / bong bu dang / ra dang / ri dgas dang / ma he dang / phag dag go/ /de dag ni rnam pa gnyis kyis rku ste/ khyu nas dgar ba dang / brtod pas so/ /ji ltar khyu nas dgar bas she na/ dge slong gis glang po che khyu nas dgar bas rku bar byed na/ ji srid mig sngar snang ba de srid du nyes pa sbom por 'gyur la/ mig sngar mi snang bar gyur na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur te/ de ltar khyu nas dgar bas so/ /ji ltar brtod pas she na/ dge slong gis glang po che brtod pa sna tshogs shing ljon pa 'am/ rtsig pa 'am/ gzhan dag la brtod par byed nas/ ji srid mig sngar snang ba de srid du nyes pa sbom por 'gyur ro/ /mig sngar mi snang bar gyur na/ brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur te/ de ltar brtod pas so/ /glang po che la ji lta ba bzhin du rta la sogs pa rkang bzhi pa lhag ma rnams la yang de bzhin no/ /rkang mangs shes bya ba ni grog mo dang / phye ma leb dang / til dang / phub ma dang / rul ba za ba dang / sdig pa dang / t+r+ya ma bu ka dang / tre'i la ta dag go/ /de dag ni gsum gyis sogs par byed de/ gnod byed dag dang / grong khyer srung ba'i sna chen po la gtogs pa dag dang / rgya mtsho'i tshong pa dag gis so/ /ji ltar gnod byed dag gis she na/ 'di ltar gnod byed dag gis srog chags rkang mangs dag gis bum pas so btang ba bkang ste/ 'jog par byed cing de dag gis gang gi tshe chad pas gcad pa dag khrid de/ de dag gi rkang pa 'am/ lag pa bum pa de dag gi nang du 'jug par byed cing / de dag de dag gis zin pa na myur du dbya dang / gsug mang po 'jal bar byed de/ de ltar gnod byed dag gis so/ /ji ltar grong khyer srung ba'i sna chen po la gtogs pa dag gis she na/ 'di ltar grong khyer srung ba'i sna chen po la gtogs pa dag gis srog chags rkang mangs dag gis bum pa so ma btang ba bkang ste 'jog par byed cing de dag gis gang gi tshe pha rol kyi dpung 'ong ba de'i tshe de dang lhan cig g.yul sprod par byed pa na/ gal te de dag gis 'jom par nus na de lta na legs/ gal te mi nus na srog chags rkang mangs dag gis bkang ba'i bum pa so ma btang ba ra ba la gnas pa 'phen par byed cing de dag srog chags rkang mangs dag gis zin pa na 'byer bar 'gyur te/ de ltar grong khyer srung ba'i sna chen po la gtogs pa dag gis so/ /ji ltar rgya mtsho'i tshong pa dag gis she na/ 'di ltar rgya mtsho'i tshong pa dag gis srog chags rkang mangs dag gis bum pa so ma btang ba bkang ste rgya mtsho'i gru sbyar nas nor sgrub pa dag rgya mtsho chen por rgal ba na der de dag la chom rkun pa rtags mtshan sngon po 'am nag po can dag 'ong zhing / gru 'joms par byed pa na tshong pa dag gis de dag dang / lhan cig g.yul sprod par byed pa na/ gal te de dag gis 'joms par byed nus na de lta na legs/ gal te mi nus na srog chags rkang mangs dag gis bkang ba'i bum pa so ma btang ba 'phen par byed cing / de dag srog chags rkang mangs dag gis zin pa na/ 'byer bar 'gyur te/ de ltar rgya mtsho'i tshong pa dag gis so/ /dge slong gis srog chags rkang mangs dag rku bar byed na/ srog chags rkang mangs dag gi rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /sdom la/ gdol pa dang ni bag rdzangs can/ / snam sbyar re shig dus dang ni/ /mtshan bzangs dang ni nor gyis byin/ /rang gir shes pas lhung bzed len/ /mi pham dang ni zla bas sbas/ /bdag nyid sun 'byin rku ba yin/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong gdol pa dang bag rdzangs can zhes bya ba gtam 'dre ba/ phebs par smra ba/ 'grogs bshes/ smos 'drin gnas skabs mnyam par spyod pa gnyis shig 'khod de/ de la gdol pa ni grags pa dang / bsod nams che ba yin mod kyi lus chung ste/ de la lhung bzed dang / chos gos dang / dra ba dang / phor bu dang / ska rags lhag pa dag yod do/ / bag rdzangs can ni lus che ba yin mod kyi grags pa dang / bsod nams chung ste/ chos gos gsum lhur len cing de'i chos gos gsum ngan cing snam sbyar yang yongs su rnyings pa yin no/ /dge slong rnams kyis bag rdzangs can la smras pa/ tshe dang ldan pa khyod te por 'dod pa chung bar gyur na/ ci'i phyir bdag nyid gcer bur ston par byed/ ci rnyed pas sam/ ma rnyed pas/ bag rdzangs can gyis smras pa/ ma rnyed pas so/ /ci'i phyir sbyor du mi 'dzud/ sangs rgyas dang / chos dang / dge 'dun spangs te/ su zhig kho bo la sbyin par byed/ dge slong gdol pa de khyod kyi gtam 'dre ba/ phebs par smra ba/ 'grogs bshes/ smos 'drin yin la/ de la lhung bzed dang / chos gos dang / ra ba dang / phor bu dang / ska rags lhag pa dag yod na ci'i phyir de la mi slong / bag rdzangs can gyis smras pa/ mi ster ro/ /ci khyod kyis sngon lan 'ga' bslangs sam/ lan 'ga' yang ma bslangs so/ /ci chu'i sgra kho nas lham dag 'bud par byed dam/ song la slongs shig dang ster ro/ /bag rdzangs can de dge slong de dag gis spro bar byas nas gdol pa'i gan du song ba dang / gdol pa med nas bag rdzangs can gyis gdol pa ni lus chung ba yin pas ji 'di'i chos gos gzhal bar bya ste/ gal te bdag gi lus kyi tshad du 'gyur na bslang bar bya'i/ gal te mi 'gyur na ci'i phyir de drin bgrang du gzhug par bya snyam du bsams nas/ bag rdzangs can gdol pa'i gnas khang du zhugs te snam sbyar lta bar brtsams pa dang / ji tsam na chos gos kyi gdang la snam sbyar dmar ser 'dug pa mthong nas/ bag rdzangs can gyis phog ste/ gyon zhing bsnyams nas/ ngos dang ngos la rtog par byed pa na gdol pa 'ongs te mthong ma thag tu smras pa/ tshe dang ldan pa khyod kyis snam sbyar 'di rku sems kyis blangs so/ /bag rdzangs can gyis smras pa/ tshe dang ldan pa kho bos rku sems kyis ma blangs te/ 'di ltar kho bo la gdol pa ni lus chung ba yin pas je 'di'i chos gos gzhal par bya ste/ gal te bdag gi lus kyi tshad du 'gyur na bslang bar bya'i/ gal te mi 'gyur na yo byad don med pa 'dis ci bya snyam pa'i blo skyes so/ /gdol pas smras pa/ tshe dang ldan pa ci'i phyir gzhan nas gzhan du 'phro bar byed/ khyod kyi rku sems kyis blangs pas khyod la pham par 'gyur ba'i ltung ba byung ngo / /bag rdzangs can bdag la pham par 'gyur ba'i ltung ba ma byung ngam snyam du 'gyod pa skyes nas/ des skabs de dge slong rnams la brjod do/ /dge slong rnams kyis bcom ldan 'das la gsol pa dang / sangs rgyas bcom ldan 'das kyis dge slong de la rmas pa/ dge slong khyod kyi bsam pa ji lta bus snam sbyar de bgos/ bag rdzangs can gyis ji ltar gyur pa bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong dpyod pa'i bsam pa can 'di la ni ltung ba med de/ yang dge slong gis yid gcugs pa ma yin pa la yid gcugs pa bskyed par mi bya'o/ /'di ltar mdza' bshes ni gsum ste/ tha ma dang / 'bring dang / chen po'o/ /'di la mdza' bshes tha ma la ni yid gcugs pa chung ngu bya'i/ 'bring yang mi bya/ /chen po yang mi bya'o/ /mdza' bshes 'bring la ni yid gcugs pa chung ngu dang / 'bring bya'i chen po mi bya'o/ /mdza' bshes chen po la ni yid gcugs pa chung ngu dang 'bring dang / chen po yang bya'o/ /dge slong gis yid gcugs pa ma yin pa la yid gcugs pa skyed par byed na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong mtshan bzangs dang / nor gyis byin zhes bya ba gtam 'dre ba/ phebs par smra ba/ 'grogs bshes smos 'drin mtshungs par 'don pa gnyis shig 'khod de/ mtshan bzangs kyi lhung bzed ni mdzes pa/ gsal ba/ zlum pa/ longs spyad bzod pa yin la/ nor gyis byin gyi lhung bzed chung ngu yang mdzes pa gsal ba/ zlum pa/ longs spyad bzod pa yin no/ /de gnyis dus gzhan zhig na zas kyi bya ba byas te/ 'chag sa na lhung bzed 'khru ba'i tshe mtshan bzangs kyis nor gyis byin dbang ba'i lhung bzed chung ngu rang gi lhung bzed du bcug ste smras pa/ tshe dang ldan pa nor gyis byin gang la lhung bzed dang / lhung bzed chung ngu 'di lta bu bdog pa de ni snying las chung ngus dge ba'i phyogs spyod par byed do/ /nor gyis byin gyis smras pa/ gal te thob na khyer cig /ji tsam du gzhan zhig na nor gyis sbyin la ri brag shig tu bya ba chung zhig byung nas des smras pa/ tshe dang ldan pa mtshan bzangs kho bo la ri brag shig tu bya ba chung zhig byung na/ kho bo'i bya ba de byed pa de la kho bos lhung bzed chung ngu sbyin no/ /mtshan bzangs kyis smras pa/ sbyin nam/ sbyin no/ /thabs yin no/ /mtshan bzangs kyis thabs yin no/ /zhes byas nas bdag la gzhi 'dis tshangs pa mtshungs par spyod pa rnams mtshan bzangs ni gla rngan gyis las byed do/ /zhes zer bar 'gyur ro snyam nas 'gyod pa skyes te ma song ngo / /ji tsam du gzhan zhig na mtshan bzangs la ri brag der bdag nyid kyi bya ba zhig byung nas/ des song la de gnyi ga byas te phyir 'ong ngo snyam du bsams nas/ mtshan bzangs song ste gnyi ga byas nas phyir 'ongs te smras pa/ tshe dang ldan pa nor gyis byin kho bos khyod kyi dgos pa de bsgrubs kyis lhung bzed chung ngu byin cig /nor gyis byin gyis smras pa/ khyod bdag nyid kyi dgos pa la song ba yin gyi/ kho bo'i dgos pa la song ba ma yin pas kho bos mi sbyin no/ /mtshan bzangs kyis smras pa/ gal te mi sbyin na kho bo rang nyid kyis blang bar bya'o/ /gal te thob na'o/ /ji tsam na nor gyis byin phyir byung ba de na mtshan bzangs kyis lhung bzed chung ngu blangs te rang gi lhung bzed du bcug ste bzhag go/ /ji tsam na nor gyis byin 'ongs pa na lhung bzed chung ngu mi snang nas des smras pa/ tshe dang ldan pa kho bo'i lhung bzed chung ngu sus blangs mtshan bzangs kyis smras pa/ su dbang bas so/ /su dbang / kho bo dbang ngo / /nor gyis byin gyis spyos te smras pa/ khyod kyis rku sems kyis blangs pas khyod la pham par 'gyur ba'i ltung ba byung ngo / /mtshan bzangs bdag la pham par 'gyur ba'i ltung ba ma byung ngam snyam du 'gyod pa skyes nas/ des skabs de dge slong rnams la brjod do/ /dge slong rnams kyis bcom ldan 'das la gsol pa dang / sangs rgyas bcom ldan 'das kyis mtshan bzangs la bka' stsal pa/ dge slong khyod kyis bsam pa ji lta bus lhung bzed chung ngu de blangs/ des ji ltar gyur pa bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong rang gir 'du shes pas lhung bzed chung ngu blangs pas 'di la ni ltung ba med de/ yang dge slong gi gla rngan gyi las mi bya bar 'di ltar lag pod dam/ bsod nams 'dod pas las bya'o/ /dge slong gis gla rngan gyis las byed na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong mi pham dang / zla bas sbas shes bya ba gtam 'dre ba/ phebs par smra ba/ 'grogs bshes smos 'drin gnyis shig 'khod do/ /zla bas sbas ni grags pa dang / bsod nams che ba yin te/ de la lhung bzed dang / chos gos dang / dra ba dang / phor bu dang / ska rags lhag pa dag yod do/ /mi pham ni grags pa dang / bsod nams chung ste/ chos gos gsum lhur len cing de'i chos gos gsum ngan cing snam sbyar yang yongs su rnyings pa yin no/ /dge slong rnams kyi mi pham la smras pa/ tshe dang ldan pa khyod te por 'dod pa chung bar gyur na ci'i phyir bdag nyid gcer bur ston par byed/ ci rnyed pas sam/ ma rnyed pas/ mi pham gyis smras pa/ ma rnyed pas so/ /ci'i phyir sbyar du mi 'dzud/ sangs rgyas dang / chos dang / dge 'dun spangs te su zhig kho bo la sbyin par byed/ dge slong zla bas sbas de khyod kyi gtam 'dre ba/ phebs par smra ba/ 'grogs bshes/ smos 'drin yin la/ de la lhung bzed dang / chos gos dang / dra ba dang / phor bur dang / ska rags lhag pa dag yod na ci'i phyir de la mi slong / mi pham gyis smras pa/ mi ster ro/ / ci khyod kyis sngon lan 'ga' bslangs sam/ lan 'ga' yang ma bslangs so/ /ci'i phyir chu'i sgra kho nas lham dag 'bud par byed dam/ song la slongs shig dang ster ro/ /mi pham de dge slong de dag gis spro bar byas nas zla bas sbas kyi gan du song ste smras pa/ tshe dang ldan pa zla bas sbas bdag la lhung bzed byin cig /zla bas sbas kyis smras pa/ mi sbyin no/ /mi pham gyis smras pa/ gal te lhung bzed mi sbyin na chos gos byin cig / zla bas sbas kyis smras pa/ ci kho bo khyod kyis khyim bdag mgo reg tu mthong ngam khyod la kha tshar yang yongs su mi gtang na/ chos gos lta smos kyang ci dgos/ mi pham gyis spyos te/ kho bo 'di'i 'phral gyi bya ba thams cad la thog mar 'gro ba yin na/ 'di de skad ces kha tshar yang khyod la yongs su mi gtang na/ chos gos lta smos kyang ci dgos shes zer ro snyam du bsams nas mi pham gyis smras pa/ de gos thams cad ma phrogs na mi pham zhes bya ba'i ming mi bzung ngo zhes mi pham de nam zhig na 'di'i chos gos dag rku bar bya snyam du skabs tshol zhing de lhur len bzhin du sdod do/ /ji tsam dus gzhan zhig na zla bas sbas la btso blag gi las nye bar gnas par gyur pa dang / mi pham de zla bas sbas kyi drung du song ste smras pa/ tshe dang ldan pa zla bas sbas kho bos kyang grogs bya'o/ /zla bas sbas kyis smras pa/ ma nyes kyis de bzhin gyis shig /mi pham de zla bas sbas kyi chos gos dag 'tshed par byed/ byi dor byed/ 'dren par byed cing zlog cing zlog cing rtog par byed do/ /zla bas sbas kyis 'di 'di ltar lta bas bdag gi chos gos dag zlog cing zlog cing rtog par byed pa las na gdon mi za bar bdag gi chos gos 'di dag rku bar byed do/ /snyam du bsams nas zla bas sbas dogs pa dang bcas pas chos gos dag kha bsgyur nas gtur bur bcug ste de dag sngas su bcug nas nyal lo/ /dge slong dag nam gyi cha stod dang nam gyi cha smad la mi nyal bar sbyor ba'i rjes su brtson par spyod pas mi pham gyis smras pa/ tshe dang ldan pa zla bas sbas tshur shog /dge ba'i phyogs byed du 'dong / zla bas sbas kyis smras pa/ khyod song shig kho bo ngal bas phyi bzhin 'ong ngo / /mi pham pa tshe dang ldan pa shog shig ces zer te phyir byung ngo / /zla bas sbas kyis gal te 'gro na ni chos gos dag rlag par 'gyur/ 'on te mi 'gro na ni bdag gi dge ba'i phyogs yongs su nyams par 'gyur na/ gang gi phyir bdag gi chos gos dag kyang brlag par mi 'gyur la/ dge ba'i phyogs nyams par mi 'gyur ba'i thabs ci yod snyam du sems shing rig nas/ bdag nyid kyi gtur bu mi pham gyi sngas su bcug ste/ mi pham dbang ba'i gtur bu bdag nyid kyi sngas su bcug nas nyal lo/ /dge slong dag gis nam gyi cha smad la kha ton bya bar brtsams pa dang / zla bas sbas kyis mi pham la smras pa/ tshe dang ldan pa mi pham longs la dge ba'i phyogs spyod cig /mi pham gyis smras pa/ kho bos dge ba'i phyogs byas zin gyis/ da khyod song la dge ba'i phyogs spyod cig /kho bo ngal ba ngal bsos so zhes zla bas sbas dge ba'i phyogs kyi ched du song ngo / /mi pham gyis re shig dus ni snang na lam gyi dus yin nam ma yin snyam du bsams nas/ dus bzang po mthong ba dang / de zla bas sbas kyi sngas nas bdag nyid kyis gtur bu khyer te song ngo / /ji tsam na mtshan mo nam nangs par gyur pa dang / des re shig gos ci 'dra ba dag gis bdag pham par gyur pa'i ltung ba byung ba blta'o snyam du bsams nas/ ji tsam na bdag nyid kyi rnyang rnying dag mthong nas yid mi bde bar gyur te/ bdag nyid kyi chos gos dag kho nas bdag pham par gyur gyis lcags kyi thu lum 'cha' bas ci bya/ phyir 'babs par bya'o snyam mo/ /des yang je bcom ldan 'das kyi spyan sngar 'gro bar byas te/ gal te skal ba yod par gyur na ni bcom ldan 'das kyi drung du tshangs par spyod pa spyad par bya'o/ /'on te skal ba med na ni phyir 'babs so snyam du bsams nas/ de bcom ldan 'das gang na ba der song ngo / /de'i tshe na bcom ldan 'das dge slong brgya phrag du ma'i 'khor gyi mdun na chos ston pa'i phyir bzhugs shing chos ston to/ /bcom ldan 'das kyis tshe dang ldan pa mi pham thag ring po kho na nas gzigs so/ /gzigs nas kyang dge slong rnams la bka' stsal pa/ dge slong dag khyed kyis thag ring po kho na nas 'ong ba'i dge slong de mthong ngam/ btsun pa mthong ngo / /dge slong dag mi pham mi gti mug can 'di ni rang gi chos gos rnyang rnying dag gis nyes pa sbom po'i ltung ba byung ngo / /dge slong dag de ltar rku sems la ni nyes dmigs 'di dang gzhan dag kyang yod pas de'i phyir dge slong gis rku sems kyis rang gi lhung bzed dang / chos gos kyang blang bar mi bya'o/ /dge slong gis rku sems kyis rang gi lhung bzed dang chos gos len na nyes pa sbom por 'gyur ro/ /sdom la/ snam sbyar 'phyang bar gyur pa dang / /bgam phyir 'bru mar slong ba dang / /khyim bdag bu dang tsha bo dang / /lha 'bangs pi lin da yi bu/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong ma shar nas skyes pa dang / lho nas skyes pa gnyis shig 'dug ste/ shar nas skyes pa ni mdun du 'gro ba'i dge slong ma yin/ lho nas skyes pa ni phyi bzhin 'brang ba'i dge slong ma yin no/ /de gnyis bcom ldan 'das kyi zhabs la phyag 'tshal zhing spyan sngar song nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /bcom ldan 'das kyis de gnyis la chos bstan nas/ de gnyis bcom ldan 'das kyi zhabs la phyag 'tshal te dong ba dang / shar nas skyes pa mdun du 'gro ba de'i snam sbyar phrag pa la gyon pa 'phyang bar gyur nas/ lho nas skyes pa phyi bzhin 'ong bas smras pa/ 'phags ma a ba sa Tha a ba sa Tha/ shar nas skyes pa de chos kyi shugs thob pas mi sems pas/ snam sbyar lhung bar gyur nas/ lho nas skyes pas blangs te/ des 'di ltar bdag gis de phul na/ 'phags ma'i dge ba'i phyogs yongs su nyams par 'gyur bas dbyar khang du phyin nas dbul bar bya'o snyam du bsams nas/ de gnyis dbyar khang du son pa dang / shar nas skyes myur ba myur ba kho nar gtsug lag khang gi phyi rol du rkang pa gnyis bkrus nas gtsug lag khang du zhugs te dkyil mo dkrung phyed kyis 'dug go/ /lho nas skyes pas gal te phul na nyes dmigs de kho na bstabs par 'gyur bas re shig phyis langs pa la dbul lo snyam du bsams nas/ des snam sbyar de rang gi gnas khang du khyer te chos gos kyi rdang la bzhag go/ /ji tsam nyi ma gzhan zhig na mtshan mo nam nangs pa dang / shar nas skyes pas smras pa/ gzhon nu ma snam sbyar khyer shog /bsod snyoms la 'gro'o/ /gzhon nu ma de gnas khang du zhugs te/ chos gos kyi rdang la bltas pa dang / snam sbyar ma mthong nas des smras pa/ 'phags ma snam sbyar ma mchis so/ /shar nas skyes pas smras pa/ lho nas skyes pa'i gnas khang du ltos shig /gzhon nu ma de lho nas skyes pa'i gnas khang du zhugs pa dang / chos gos kyi rdang la snam sbyar bzhag pa mthong ngo / /mthong nas kyang sus 'phags ma'i snam sbyar 'di 'dir khyer snyam du sems so/ /lho nas skyes pas thos nas des smras pa/ kho mos khyer te 'ongs so/ /ci'i phyir lho nas skyes pas ji ltar gyur pa de la go bar byas so/ /dge slong ma de de la nang dang bcas pas gshe zhing smras pa/ khyod kyis rku sems kyis rang gi gnas khang du bcug ste/ bzhag pas khyod la pham par 'gyur ba'i ltung ba byung ngo / /lho nas skyes pa'i dge slong ma de bdag la yang dag pa kho nar pham par 'gyur ba'i ltung ba ma byung ngam snyam du 'gyod pa skyes nas des skabs de dge slong ma rnams la brjod pa dang / dge slong ma rnams kyis dge slong rnams la brjod nas/ dge slong rnams kyis bcom ldan 'das la gsol pa dang / sangs rgyas bcom ldan 'das kyis dge slong ma de la smras pa/ dge slong ma khyod kyis a ba sa Tha zhes brjod pa ci'i tha tshig /btsun pa yul dbus na nar ba dang / lhung ba gang lags pa de la bdag cag a ba sa Tha zhes mchi'o/ /bcom ldan 'das kyis bka' stsal pa/ dge slong dag dge slong ma 'di la ni skad kyi nges pa'i tshig dang / yul gyi nges pa'i tshig dang / ljongs kyi nges pa'i tshig gis ltung ba med mod kyi/ 'on kyang nyes dmigs gang yin pa de thams cad gzhan gyi dngos po lhung ba yun ring du 'chang ba las gyur pa yin pas de lta bas na dge slong ngam/ dge slong mas gzhan gyi dngos po lhung ba yun ring du bcang bar mi bya ste/ 'chang na 'gal tshabs can du 'gyur ro/ /bcom ldan 'das kyis dge slong ngam dge slong mas gzhan gyi dngos po lhung ba yun ring du bcang bar mi bya'o zhes gsungs nas/ dge slong zhig gis gzhan gyi dngos po lhung ba mthong nas 'di dge slong che ge mo zhig gi yin no zhes ngo shes nas dge slong de'i gnas khang du song ste dal bus khad kyis khad kyis sgo gtan la brdungs pa dang / dge slong de ting nge 'dzin las langs nas smras pa/ 'di su/ des smras pa/ tshe dang ldan pa khyod kyi dngos po lhung ba 'di kho bos mthong gis long shig /des smras pa/ tshe dang ldan pa kho bo la dngos po de ma byin par len pa dag gis brkus par gyur pa ni bla'i/ kho bo khyod kyi ting nge 'dzin gyi mtshan ma bzang po 'di 'dra ba las bslang ba ni ma yin no/ /dge slong de bdag la dge slong ting nge 'dzin las bslang bas ltung ba dang bcas par ma gyur tam snyam du 'gyod pa skyes nas/ des skabs de dge slong rnams la brjod nas/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med de/ yang dge slong gis dge slong don de'i phyir ting nge 'dzin las bslang bar mi bya bar 'di ltar de'i mngon sum du gzar thag la btags te gzhag par bya'o/ /dge slong zhig gis gzhan gyi dngos po lhung ba mthong nas des 'di dge slong che ge mo zhig gi yin no zhes ngo shes nas des de khyer te dge slong de'i drung du song nas/ tshe dang ldan pa khyod kyi dngos po lhung ba 'di kho bos mthong gis long shig /dge slong de de la nang dang bcas pa yin pas smras pa/ tshe dang ldan pa khyod kyis 'di lhung ba mthong ba ma yin gyi 'di ltar khyod kyi rku sems kyis brkus so/ / dge slong de bdag ltung ba dang bcas par ma gyur tam snyam du 'gyod pa skyes par gyur nas/ des skabs de dge slong rnams la brjod nas/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med mod kyi 'on kyang dge slong gis dge slong gi yo byad lhung ba mthong na dge bskos la gtad par bya zhing / dge bskos kyis kyang nyi ma gnyis sam/ gsum du dge 'dun gyi nang du brim par bya zhing gal te ngo shes pa yod na de gtad par bya'o/ /gal te med na dge 'dun gyis ci bder bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin kyi kun dga' ra ba na bzhugs so/ /mnyan yod na dge slong ma ri ma zhes bya ba dgra bcom pa rnam par rgyal bar bya ba las rnam par rgyal ba zhig 'dug pa de la spos 'tshong gi khye'u zhig mngon par dad par gyur nas/ des de'i rkang pa gnyis la phyag 'tshal te/ 'phags ma khyod la ci dang ci 'tshal ba de'i slad du bka' stsol cig dang thams cad bsgrub par bgyi'o zhes yo byad thams cad kyis bstabs pa dang / des kyang bzhin bzangs a rog khya de ltar bya'o zhes dang du blangs so/ / ji tsam dus gzhan zhig na dge slong ma ri ma na bar gyur nas bsod snyoms la ma song zhing dge slong ma dag bsod snyoms la zhugs pa dang / spos 'tshong gi khye'u des de dag la phyag 'tshal te smras pa/ 'phags ma dag 'phags ma ri ma re shig mi gda' na gar bzhud zhu'o/ /de dag gis smras pa/ bzhin bzangs thugs mi bde'o/ /des smras pa/ 'phags ma de la bdag gis yo byad thams cad kyis bstabs na des bdag la lan 'ga' yang cung zad kyang ma blangs nas de'i slad du gal te de la 'tshal ba 'ga' zhig mchis na spyon la snyoms shig /de dag gis smras pa/ bzhin bzang a rog khya de bzhin bya'o zhes smras te dong ngo / /des de bzhin lan gsum gyi bar du bstabs pa dang / de na gzhon nu ma zhig gis spos 'tshong gi khye'u 'di yang dang yang du stobs par byed na/ ci 'di'i yang dag par stobs pas stobs par byed dam/ 'on te rtog pas stobs par byed pa bgam par bya'o snyam du bsams nas des de la 'phags ma ri ma la 'bru mar dgos so zhes lhung bzed chung ngu phul ba dang / des de nyid la 'phral la btsir ba'i 'bru mar gyis lhung bzed chung ngu bkang ste byin nas smras pa/ 'phags ma gal te yang de la 'tshal ba cung zad mchis spyon la snoms shig gzhon nu ma des bzhin bzang a rog khya de ltar bya'o zhes smras te song nas/ des 'bru mar de dge slong ma ri ma'i lag pa'i bsku mnye dang / rkang pa'i bsku mnye dang / mgo dang lus kyi bsku mnye dang mar me'i 'bru mar du spyad do/ /ji tsam dus gzhan zhig na dge slong ma ri ma nad sos te bsod snyoms la zhugs pa dang / spos 'tshong gi khye'u des mthong nas/ des phyag 'tshal te smras pa/ 'phags ma ha cang yun ring zhig gis mthong ngo / /des smras pa/ bu bdag bro 'tshal bar gyur to/ /'phags ma bdag gis yo byad thams cad kyis btabs na/ khyod kyis lan 'ga' yang cung zad kyang bka' stsal nas/ 'di ltar 'phags ma gcig cig mchis te 'phags ma ri ma la 'bru mar 'tshal lo zhes mchi nas/ bdag gis de nyid kyi sug par 'bru mar 'phral la btsir bas lhung bzed chung ngu bkang ste stsal to/ /des smras pa/ a rog khya ma nongs so zhes smras te/ song nas bsod snyoms brgyus te dbyar khang du phyin nas smras pa/ gzhon nu ma khyed kyis kho mo'i ming gis spos 'tshong gi khye'u che ge mo zhig las lan cig 'bru mar bslangs sam/ gzhon nu ma des smras pa/ 'phags ma bdag bsod snyoms la zhugs pa na des lan gsum gyi bar du 'phags ma ri ma la bdag gis yo byad thams cad kyis bstabs na/ des bdag la lan 'ga' yang cung zad kyang ma bslangs na/ gal te 'phags ma la 'tshal ba cung zad mchis na spyon la snoms shig ces mchi nas/ bdag la 'di yang dang yang du stobs na ci 'di yang dag par stobs pas stobs par bgyid dam/ 'on te rtog pas stobs par bgyid pa bgam mo snyam pa'i blo byung nas bdag gis de la 'phags ma ri ma la 'bru mar 'tshal lo zhes lhung bzed chung ngu phul ba dang / des 'bru mar gyi lhung bzed chung ngu bltam ste stsal nas bdag gis de 'phags ma'i phyag dang / zhabs dang / dbu dang / sku'i bsku mnye dang / zhugs mar gyi 'bru mar du spyad do/ /des smras pa/ ci kho mos khyod la lan 'ga' zhig de'i gan du song la 'bru mar khyer te shog shig ces smras sam/ lan 'ga' yang bka' ma stsal to/ /de la nang dang bcas pa'i dge slong ma gzhan zhig gis smras pa/ 'phags ma ci 'di 'ba' zhig tu bas snyam 'am/ 'dis 'phags ma ri ma rgyur bgyis te/ mnyan yod thams cad khyab par bgyis pas pham par gyur pa dag gis lto gang ngo / /dge slong ma de bdag la pham par 'gyur ba'i ltung ba ma byung ngam snyam du 'gyod pa skyes nas/ des skabs de dge slong ma rnams la brjod do/ /dge slong ma rnams kyis dge slong rnams la brjod nas/ dge slong rnams kyis bcom ldan 'das la gsol pa dang / sangs rgyas bcom ldan 'das kyis dge slong ma de la rmas pa/ dge slong ma khyod kyis bsam pa ji lta bus 'bru mar bslangs/ bcom ldan 'das bgam pa'i bsams pas so/ /bcom ldan 'das kyis bka' stsal pa/ dge slong dag dge slong ma bgam pa'i bsam pa can 'di la ni ltung ba med de/ yang dge slong ngam/ dge slong mas nad pa la ma dris par sman sbyor du gzhug par mi bya bar 'di ltar dge 'dun gyi nad pa'i sman khang nas bslang bar bya ba 'am/ 'on te dad pa can las sam/ nye du 'am nye du mang ba nyid yin na yang gang sbyor du gzhug ces nad pa la dri bar bya zhing / des gang brjod pa de las blang bar bya'o/ /dge slong ngam dge slong mas nad pa la ma dris par sman sbyor du 'jug na/ 'gal tshabs can du 'gyur ro/ / sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas tshe dang ldan pa maud gal gyi bu chen po snga dro sham thabs bgos lhung bzed dang chos gos thogs te mnyan yod du bsod snyoms la zhugs nas mthar gyis bsod snyoms la rgyu zhing khyim bdag mgon med zas sbyin gyi khyim ga la ba der song ngo / /de'i tshe na khyim bdag mgon med zas sbyin gyi bu dag phyi rol gyi bstan bcos dag klog go/ /tshe dang ldan pa maud gal gyi bu chen pos khyim bdag mgon med zas sbyin gyi bu dag phyi rol gyi bstan bcos dag klog pa mthong ngo / /mthong nas kyang khyim bdag mgon med zas sbyin la 'di skad ces smras so/ /khyim bdag khye'u dag ci klog /'phags pa slad rol gyi bstan bcos dag go/ /khyim bdag phyi rol gyi bstan bcos dag ni lcags kyi se'u dang 'dra ste rtogs par dka' zhing / rtogs na yang de dag gis nges pa la 'jug par yang mi 'gyur/ zag pa zad par yang mi 'gyur ro/ /sangs rgyas kyi bkar ni thog ma dang / bar dang / tha mar dge ba/ mngon par shes pa dang / rdzogs par byang chub pa dang / mya ngan las 'da' bar 'gyur ba yin na ci'i phyir de mi klog /'phags pa sus de klog tu stsol/ kho bos klog tu gzhug go/ /'phags pa ma nongs kyis klog tu stsol cig /khyim bdag mgon med zas sbyin gyis khye'u de dag la smras pa/ khye'u dag 'phags pa'i drung du rgyal byed kyi tshal du deng la sangs rgyas kyi bka' klogs shig /khye'u de dag nyi ma re re zhing rgyan gyis klubs te/ khye'u mngag gzhug pa dag gis yongs su bskor nas rgyal byed kyi tshal du dong ste/ tshe dang ldan pa maud gal gyi bu chen po las sangs rgyas kyi bka' klag par brtsams so/ /mnyan yod na ston zla tha chungs kyi g.yon can zhes bya ba chom rkun pa dag gi kun tu spyod pa ni de dag dgag dbye byas ma thag tu shes ldan dag bdag cag gis las ci zhig byas na des brtsal mi dgos par lo skor du longs spyod cing bde bar 'khod par 'gyur zhes phan tshun gros byed do/ /de dag la khyim bdag mgon med zas sbyin gyi bu dag nyi ma re re zhing rgyan thams cad kyis klubs te khye'u mngag gzhug pa dag gis bskor nas rgyal byed kyi tshal du 'dong zhing 'phags pa maud gal gyi bu chen po las sangs rgyas kyi bka' klog par byed kyis lam gyi bar du bsdad de de dag bzung na 'phags pa maud gal gyi bu chen pos ni khye'u dag khyim na 'khod do snyam du shes la/ khyim bdag gis kyang 'phags pa maud gal gyi bu chen po'i drung na 'khod do snyam du shes pas gal te khye'u dag dbrog par nus na ni bdag cag gi 'tsho ba'i bar gyi 'tsho ba yod la/ ji ste ma nus na rgyan dbrog par bya ste/ des kyang bdag cag btsal mi dgos par lo bskor du longs spyod cing bde bar 'khod par 'gyur ro snyam pa'i blo skyes so/ /de dag brda byas te lam gyi bar du dong nas 'khod pa dang / khye'u de dag kyang rgyan thams cad kyis klubs te 'ongs nas chom rkun pa de dag gis khye'u de dag khyer ro/ /khye'u de dag gi phyi bzhin khye'u mngag gzhug pa dag 'dong ba de dag gis khye'u de dag chom rkun pa dag gis brkus pa mthong nas/ de dag gis khyim bdag mgon med zas sbyin gyi drung du brgyugs te sbran pa/ khyim bdag khyod kyi sras bu dag ston zla tha chungs kyi g.yon can dag gis brkus kyis thabs dgongs shig /khyim bdag mgon med zas byin brgyugs te ko sa lar byung ba'i rgyal po gsal rgyal gyi gan du song nas smras pa/ lha bdag gi bu dag ston zla tha chungs kyi g.yon can dag gis phrogs kyis bu'i slongs mo stsal du gsol/ rgyal po gsal rgyal gyis rgyal bu gzhon nu 'phags skyes po la bsgo ba/ song la khyim bdag gi bu rnams dang chom rkun pa dag myur du khug shig /'phags skyes po yun ring po nas khyim bdag mgon med zas sbyin dang nang dang bcas par gyur pas de'i mod la ma song ngo / / de nas lha gang dag tshe dang ldan pa maud gal gyi bu chen po la mngon par dad pa de dag gis tshe dang ldan pa maud gal gyi bu chen po la 'di skad ces smras so/ /'phags pa mkhyen par mdzod cig /khyod kyi nye gnas dag ston zla tha chungs kyi g.yon can dag gis phrogs kyis brtson par mdzad du gsol/ tshe dang ldan pa maud gal gyi bu chen pos gal te khye'u dag la ma bsams na/ re shig khye'u dag pha ma dang bral ba las byung ba'i sdug bsngal nyams su myong bar 'gyur zhing pha ma dag kyang bu dang bral ba las byung ba'i sdug bsngal nyams su myong bar 'gyur la/ ma dad pa dag gis kyang glags rnyed par 'gyur zhing / dad pa rnams kyang 'di ltar dong ngo cog ston zla tha chungs kyi g.yon can dag gi 'phrog par byed na/ phyin chad su zhig rgyal byed kyi tshal du 'gro bar 'gyur zhes gzhan du gyur pa nyid du 'gyur gyis bdag gis rdzu 'phrul rnam par bstan par bya'o snyam du bsams shing rig nas/ tshe dang ldan pa maud gal gyi bu chen pos rdzu 'phrul gyis 'phags skyes po'i dpung mngon par sprul te/ phyogs bzhir rnga pa Ta ha brdungs pa dang / ston zla tha chungs kyi g.yon can dag gis shes ldan dag bdag cag dmag dpon 'phags skyes pos phyogs bzhi nas bskor gyis zin par gyur na mi rung gis bor la 'dong ngo snyam du bsams nas de dag gis khye'u de dag bor te byer ro/ /tshe dang ldan pa maud gal gyi bu chen pos kyang rdzu 'phrul mngon par 'du bya ba de phyir brtul nas lam dang nye bar shing ljon pa'i drung du 'dug go/ /khye'u de dag kyang 'ongs pa dang / 'phags pa maud gal gyi bu chen pos smras pa/ khye'u dag khyed cag gar dong dong / 'phags pa bdag cag ston zla tha chungs kyi g.yon can dag gis brkus so/ /'o na sus thar bar byas/ dmag dpon 'phags skyes pos so/ /khye'u dag de ring khyed cag gi pha ma dag yid mi bde bar 'khod kyis deng la sang lhogs shig /khye'u de dag khyim du 'phags pa dang / dmag dpon 'phags skyes po yang dpung gi tshogs yan lag bzhi pa glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te mnyan yod nas byung ngo / /'phags skyes pos khye'u de dag mthong nas smras pa/ khye'u dag khyed cag gar dong dong / de dag gis smras pa/ rgyal byed kyi tshal du 'dong ba na bdag cag ston zla tha chungs kyi g.yon can dag gis brkus so/ / 'o na khyed cag sus thar bar byas/ dmag dpon 'phags skyes pos so/ /'phags skyes pos bdag da ltar 'gro bas bdag gis ji ltar 'di dag thar bar byas/ 'phags pa rdzu 'phrul che ba/ mthu che ba 'ga' zhig gis 'di dag thar bar byas gor ma chag snyam du bsams shing rig nas smras pa/ khye'u dag khyed cag gis phyogs de na su mthong / 'phags pa maud gal gyi bu chen po'o/ /'phags skyes po des 'di dag thar bar byas kyi gzhan su zhig gis nus snyam du bsams shing rig nas yid dga' zhing yid dga' nas bdag cag gi yul na 'phags pa de ltar rdzu 'phrul che ba/ de ltar mthu che ba tshe 'di'i don dang / tshe phyi ma'i don dang / tshe 'di dang tshe phyi ma'i don la skyabs mdzad pa bzhugs pa de ni bdag cag gis rnyed pa legs par brnyed do zhes ched du brjod par byed do/ /de bsngags pa brjod cing mnyan yod du 'jug pa na drug sde dag kyang phyir 'byung zhing drug sde dag gis smras pa/ khyod su'i bsngags pa brjod/ 'phags skyes pos smras pa / khyed kyi'o/ /nged kyis ci byas/ 'phags pa maud gal gyi bu chen pos khyim bdag mgon med zas sbyin gyi bu dag ston zla tha chungs kyi g.yon can dag gis phrogs pa thar bar byas so/ /bkren pa dag kho bo cag de 'dra yang 'on kyang 'di na la la byi bo gcer bu dag la mngon par dad de/ gal te gcer bu dag gis mthong bar gyur du zin na/ de dag gis lam yang nye bar bstan par 'gyur ro/ / de dag cang mi smra bar 'khod pa dang / drug sde dag gis smras pa/ dga' bo nye dga' de dag la go bar byas so/ /don nyung ngu la ltung ba byung gis dong la 'chags su bzhug go/ /drug sde dag gtsug lag khang du dong ste zas kyi bya ba byas nas rgan rims kyis phyag 'tshal te/ tshe dang ldan pa maud gal gyi bu chen po ga la ba der dong nas phyin pa dang / tshe dang ldan pa maud gal gyi bu chen po la 'di skad ces smras so/ /gnas brtan phyag 'tshal lo/ /tshe dang ldan pa dag a rog khya gnas brtan je skabs phye shig /ltung ba sde lnga po dag la skabs phye'o/ /gnas brtan gyis khyim bdag mgon med zas sbyin gyi bu dag ston zla tha chungs kyi g.yon can dag gis phrogs pa thar bar bgyis sam/ de bzhin te thar bar byas so/ /gnas brtan bdag cag gis gnas brtan go bsam gtan dang / rnam par thar pa dang / ting nge 'dzin dang / snyoms par 'jug pa'i bde ba dag nyams su myong bar mdzad cing bzhugs par 'tshal gyis bdag cag gis thugs rje phyogs gcig pa dang / ldan zhing nye gnas la thugs rje bar mdzad la ston zla tha chungs kyi g.yon can dag la thugs rje bar mi mdzad par ma 'tshal to/ /gzhan dag gis bdag gir bgyis pa'i nor dag thar bar bgyis pa'i ltung ba byung ba chos bzhin du slar mdzod cig ltung ba ma mthong ngo / /tshe dang ldan pa dag bcom ldan 'das kyis ltung ba ma mthong ba'i phyir gnas nas dbyung ba'i las bya'o/ /zhes gsungs gyis khang skyong su snang gaN DI brdungs shig /'di gnas nas dbyung ba'i las bya'o/ /zhes khang skyong gi gan du dong nas smras pa/ tshe dang ldan pa gaN DI rdungs shig /ci'i phyir tshe dang ldan pa maud gal gyi bu chen po ltung ba byung ba chos bzhin du phyir mi byed pas/ de gnas nas dbyung ba'i las bya'o/ / de'i tshe na tshe dang ldan pa shA ri'i bu dge 'dun gyi gnas brtan byed cing bstan pa la chos kyi sgyu thabs kyis mi mthun pa 'ga' mi 'byung ngam zhes kun tu spyod pa'i chos rmed par byed pas des khang skyong la smras pa/ tshe dang ldan pa su zhig yongs su gnas pa 'am/ gzhi nas yongs su gnas pa 'am/ mgu bar bya ba 'am/ gzhi nas mgu bar bya ba 'am/ 'byin par byed/ gnas brtan su yang mi bgyid de/ 'di ltar tshe dang ldan pa maud gal gyi bu chen po ltung ba chos bzhin slar mi bgyid pas de ltung ba ma mthong ba'i slad du gnas nas dbyung ba'i las bgyid do/ /tshe dang ldan pa dge slong gnas brtan la tho ma 'tsham par 'di ltar sangs rgyas bcom ldan 'das 'di thams cad mkhyen pa/ thams cad gzigs pa/ mkhyen pa dang shes bya dag la bla na med pa'i mnga' brnyes pa/ the tshom thams cad gcod par mdzad pa yin gyis de'i gan du song la zhus shig dang / bcom ldan 'das kyis khyed cag la ji skad lung ston par mdzad pa de de bzhin du zung shig /skabs de dge slong rnams kyis bcom ldan 'das la gsol pa dang / sangs rgyas bcom ldan 'das rnams ni mkhyen bzhin du rmed pa yin pas sangs rgyas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu khyod kyi bsam pa ji lta bus rdzu 'phrul rnam par bstan btsun pa bdag 'di snyam bgyid de/ gal te khye'u dag la ma bsams na re shig khye'u dag pha ma dang bral ba las byung ba'i sdug bsngal nyams su myong bar 'gyur zhing / pha ma dag kyang bu dang bral ba las byung ba'i sdug bsngal nyams su myong bar 'gyur la/ ma dad pa dag gis kyang glags rnyed par 'gyur zhing / dad pa rnams kyang 'di ltar dong ngo cog ston zla tha chungs kyi g.yon can dag gis 'phrog par byed na/ phyin chad su zhig rgyal byed kyi tshal du 'gro bar 'gyur zhes gzhan du 'gyur gyis/ bdag gis rdzu 'phrul rnam par bstan par bgyi'o/ /snyam du bsams so/ /bcom ldan 'das kyis bka' stsal pa/ dge slong dag maud gal gyi bus bsam pa de lta bus rdzu 'phrul rnam par bstan pa la ltung ba med do/ /sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /de nas tshe dang ldan pa pi lin da'i bu snga dro sham thabs bgos lhung bzed dang chos gos thogs te/ rgyal po'i khab tu bsod snyoms la zhugs nas mthar gyis bsod snyoms la rgyu zhing dmag pa'i khyim ga la ba der song ngo / /de'i tshe na tshe dang ldan pa pi lin da'i bu'i tsha bo dag phyi rol gyi bstan bcos dag klog go/ /tshe dang ldan pa pi lin da'i bus tsha bo dag phyi rol gyi bstan bcos dag klog pa mthong ngo / /mthong nas kyang dmag pa la 'di skad ces smras so/ /tsha bo khye'u dag ci klog /'phags pa slad rol gyi bstan bcos dag go/ /tsha bo phyi rol gyi bstan bcos dag ni lcags kyi se'u dang 'dra ste rtogs par dka' zhing rtogs na yang de dag gis nges pa la 'jug par yang mi 'gyur/ zag pa zad par yang mi 'gyur ro/ /sangs rgyas kyi bka' ni thog ma dang / bar dang / tha mar dge ba/ mngon par shes pa dang / rdzogs par byang chub pa dang / mya ngan las 'da' bar 'gyur ba yin na ci'i phyir de mi klog /'phags pa sus de klog du stsol/ kho bos klog tu gzhug go/ /'phags pa ma nongs kyis klog du stsol cig /dmag pa des khye'u de dag la smras pa/ khye'u dag 'phags pa'i drung du 'od ma'i tshal du deng la sangs rgyas kyi bka' lhogs shig / khye'u de dag nyi ma re re zhing rgyan gyis klubs te khye'u mngag gzhug pa dag gis yongs su bskor nas 'od ma'i tshal du dong ste/ tshe dang ldan pa pi lin da'i bu las sangs rgyas kyi bka' bklag par brtsams so/ /rgyal po'i khab na ston zla tha chungs kyi g.yon can zhes bya ba chom rkun pa dag gis kun tu spyod pa ni de dag dgag dbye byas ma thag tu shes ldan dag bdag cag gis las ci zhig byas na/ des brtsal mi dgos par lo skor du longs spyod cing bde bar 'khod par 'gyur zhes phan tshun gros byed do/ /de dag la 'phags pa pi lin da'i bu'i tsha bo dag nyi ma re re zhing rgyan thams cad kyis klubs te/ khye'u mngag gzhug pa dag gis bskor nas 'od ma'i tshal du 'dong zhing 'phags pa pi lin da'i bu las sangs rgyas kyis bka' klog par byed kyis lam gyi bar du bsdad de/ de dag bzung na 'phags pa pi lin da'i bus ni khye'u dag khyim na 'khod do snyam du shes la/ bram zes kyang 'phags pa pi lin da'i bu'i drung na 'khod do snyam du shes pas/ gal te khye'u dag dbrog par nus na ni bdag cag gi 'tsho ba'i bar gyi 'tsho ba yod la/ ci ste ma nus na ni rgyan dbrog par bya ste/ des kyang bdag cag brtsal mi dgos par lo skor du longs spyod cing bde bar 'khod par 'gyur ro snyam pa'i blo skyes so/ /de dag brda byas te lam gyi bar du dong nas 'khod pa dang / khye'u de dag kyang rgyan thams cad kyis klubs te 'ongs nas chom rkun pa de dag gis khye'u de dag grur bcug ste khyer ro/ /khye'u de dag gi phyi bzhin khye'u mngag gzhug pa dag 'dong ba de dag gis khye'u de dag chom rkun pa dag gis brkus pa mthong nas/ de dag gis tshe dang ldan pa pi lin da'i bu'i dmag pa'i drung du brgyugs te sbran pa/ jo bo khyod kyi sras bu dag ston zla tha chungs kyi g.yon can dag gis brkus kyis thabs dgongs shig /bram ze yang brgyugs te/ ma ga d+hAr byung ba'i rgyal po bzo sbyangs gzugs can snying po'i gan du song nas smras pa/ lha bdag gi bu dag ston zla tha chungs kyi g.yon can dag gis phrogs kyis bu'i slongs mo stsal du gsol/ rgyal po gzugs can snying pos rgyal po gzhon nu ma skyes dgra la bsgo ba/ song la bram ze'i bu rnams dang / chom rkun pa dag myur du khug shig /ma skyes dgra yun ring po nas bram ze de dang / nang dang bcas par gyur pas de'i mod la ma song ngo / /de na lha gang dag tshe dang ldan pa pi lin da'i bu la mngon par dad pa de dag gis tshe dang ldan pa pi lin da'i bu la 'di skad ces smras so/ /'phags pa mkhyen par mdzod cig /khyod kyi tsha bo dag ston zla tha chungs kyi g.yon can dag gis phrogs kyi brtson par mdzad du gsol/ tshe dang ldan pa pi lin da'i bus gal te khye'u dag la ma bsams na/ re shig khye'u dag pha ma dang bral ba las byung ba'i sdug bsngal nyams su myong bar 'gyur zhing / pha ma dag kyang bu dang bral ba las byung ba'i sdug bsngal nyams su myong bar 'gyur la/ ma dad pa dag gis kyang glags rnyed par gyur zhing / dad pa rnams kyang 'di ltar dong ngo cog ston zla tha chungs kyi g.yon can dag gis 'phrog par byed na/ phyin chad su zhig 'od ma'i tshal du 'gro bar 'gyur zhes gzhan du gyur pa nyid du 'gyur gyis bdag gis rdzu 'phrul rnam par bstan par bya'o snyam du bsams shing rig nas/ tshe dang ldan pa pi lin da'i bus rdzu 'phrul gyis song ste gru'i drung du 'dug pa dang gru de mi 'gul bar 'dug go/ /chom rkun pa dag gis ci'i phyir gru 'di mi 'gul par 'dug snyam du bsams pa dang tshe dang ldan pa pi lin da'i bu gru dang nye ba na 'dug pa mthong ngo / /mthong nas kyang tshe dang ldan pa pi lin da'i bu la 'di skad ces smras so/ /'phags pa ci'i slad du tho 'tsham par mdzad/ rga ba'i chos can dag kho bo 'ba' shig tho 'tsham par byed dam/ gal te kho bos yon tan gyi tshogs 'di lta bu rtogs par ma gyur du zin na deng khyed kyis kho bo'i tsha bo dag brkus par mi 'gyur ram/ 'phags pa gtang du gsol deng shig /tshe dang ldan pa pi lin da'i bus rdzu 'phrul mngon par 'du bya ba de dag phyir brtul nas khye'u de dag la 'di skad ces smras so/ /khye'u dag de ring khyed cag gi pha ma dag yid mi bde bar 'khod kyis/ deng la sang lhogs shig /khye'u de dag khyim du 'phags pa dang / gzhon nu ma skyes dgra yang dpung gi tshogs yan lag bzhi pa glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te rgyal po'i khab nas byung ngo / /ma skyes dgras khye'u de dag mthong nas smras pa/ khye'u dag khyed cag gar dong ngo / de dag gis smras pa/ 'od ma'i tshal du 'dong ba na bdag cag ston zla tha chungs gyi g.yon can dag gis brkus so/ /'o na khyed cag sus thar bar byas/ 'phags pa pi lin da'i bus so/ /ma skyes dgra yid dga' zhing yid dga' nas bdag cag gi yul na 'phags pa de ltar rdzu 'phrul che ba/ de ltar mthu che ba/ tshe 'di'i don dang / tshe phyi ma'i don dang / tshe 'di dang phyi ma'i don la skyabs mdzad pa bzhugs pa ni bdag cag gis rnyed pa legs par rnyed do zhes ched du brjod pa ched du brjod par byed do/ /de bsngags pa brjod cing rgyal po'i khab tu 'jug pa na drug sde dag kyang phyir byung zhing drug sde dag gis smras pa/ khyod su'i bsngags pa brjod/ ma skyes dgras smras pa/ khyed kyi'o/ /nged kyis ci byas/ 'phags pa pi lin da'i bus bram ze'i bu dag ston zla tha chungs kyi g.yon can dag gis phrogs pa thar bar byas so/ / bkren pa dag kho bo cag de 'dra yang 'on kyang 'di na la la byi bo gcer bu dag la mngon par dad de/ gal te gcer bu dag gis mthong bar gyur tu zin na/ de dag gis lam yang nye bar bstan par 'gyur ro/ /de dag cang mi smra bar 'khod pa dang / drug sde dag gis smras pa/ dga' bo nye dga' de dag la go bar byas so/ /don nyung ngu la ltung ba byung gis dong la chags su gzhug go/ /drug sde dag gtsug lag khang du dong ste zas kyi bya ba byas nas rgan rims kyis phyag 'tshal te/ tshe dang ldan pa pi lin da'i bu ga la ba der dong nas phyin pa dang / tshe dang ldan pa pi lin da'i bu la 'di skad ces smras so/ /gnas brtan phyag 'tshal lo/ /tshe dang ldan pa a rog khya gnas brtan je skabs phye shig / ltung ba sde lnga po dag la skabs phye'o/ /gnas brtan gyis bram ze'i bu dag ston zla tha chungs kyi g.yon can dag gis phrogs pa thar bar bgyis sam/ de bzhin du thar bar byas so/ /gnas brtan bdag cag gis gnas brtan go bsam gtan dang / rnam par thar pa dang / ting nge 'dzin dang / snyoms par 'jug pa'i bde ba dag nyams su myong bar mdzad cing bzhugs par 'tshal gyis/ bdag cag gis thugs rje phyogs gcig pa dang ldan zhing bram ze'i bu dag la thugs rje bar mdzad la/ ston zla tha chungs kyi g.yon can dag la thugs rje bar mi mdzad par ma 'tshal to/ /gzhan dag gis bdag gir bgyis pa'i nor dag thar bar bgyis pa'i ltung ba byung ba chos bzhin du slar mdzod cig /ltung ba ma mthong ngo / /tshe dang ldan pa dag bcom ldan 'das kyis ltung ba ma mthong ba'i phyir gnas nas dbyung ba'i las bya'o zhes gsungs kyi khang skyong su snang gaN DI rdungs shig /'di gnas nas dbyung ba'i las bya'o zhes khang skyong gi gan du dong nas smras pa/ tshe dang ldan pa gaN DI rdungs shig /ci'i phyir tshe dang ldan pa pi lin da'i bu ltung ba byung ba chos bzhin du phyir mi byed pas de gnas nas dbyung ba'i las bya'o/ /de'i tshe na tshe dang ldan pa shA ri'i bu dge 'dun gyi gnas brtan byed cing bstan pa la chos sgyu thabs kyis mi mthun pa 'ga' mi 'byung ngam zhes kun tu spyod pa'i chos rmed par byed pas des khang skyong la smras pa/ tshe dang ldan pa su zhig yongs su gnas pa 'am/ gzhi nas yongs su gnas pa 'am/ mgu bar bya ba 'am/ gzhi nas mgu bar bya ba 'am/ 'byin par byed/ gnas brtan su yang mi bgyid de/ 'di ltar tshe dang ldan pa pi lin da'i bu ltung ba byung ba chos bzhin du slar mi bgyid pas de ltung ba ma mthong ba'i slad du gnas nas dbyung ba'i las bgyid do/ /tshe dang ldan pa dge slong gnas brtan la tho ma 'tsham par 'di ltar sangs rgyas bcom ldan 'das 'di thams cad mkhyen pa/ thams cad gzigs pa/ mkhyen pa dang shes bya dag la bla na med pa'i mnga' brnyes pa/ the tshom thams cad gcod par mdzad pa yin gyis/ de'i gan du song la zhus shig dang / bcom ldan 'das kyis khyed cag la ji skad lung ston par mdzad pa de de bzhin du zung shig /skabs de dge slong rnams kyis bcom ldan 'das la gsol pa dang / sangs rgyas bcom ldan 'das rnams ni mkhyen bzhin du rmed pa yin pas/ sangs rgyas bcom ldan 'das kyis tshe dang ldan pa pi lin da'i bu la bka' stsal pa/ pi lin da'i bu khyod kyis bsam pa ji lta bus rdzu 'phrul rnam par bstan/ btsun pa bdag 'di snyam bgyid de/ gal te khye'u dag la ma bsams na re shig khye'u dag pha ma dang bral ba las byung ba'i sdug bsngal nyams su myong bar 'gyur zhing pha ma dag kyang bu dang bral ba las byung ba'i sdug bsngal nyams su myong bar 'gyur la/ ma dad pa dag gis kyang glags rnyed par 'gyur zhing / dad pa rnams kyang 'di ltar dong ngo cog ston zla tha chungs kyi g.yon can dag gis phrogs par byed na/ phyin chad su zhig 'od ma'i tshal du 'gro bar 'gyur zhes gzhan du gyur pa nyid du 'gyur gyis/ bdag gis rdzu 'phrul rnam par bstan par bgyi'o snyam du bsams so/ /bcom ldan 'das kyis bka' stsal pa/ dge slong dag pi lin da'i bus bsam pa de lta bus rdzu 'phrul rnam par bstan pa la ltung ba med do// //'dul ba rnam par 'byed pa/ bam po bdun pa/ sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /rgyal po gzugs can snying po'i kun tu spyod pa ni nyi ma re re zhing bcom ldan 'das dang / dge slong gnas brtan gnas brtan rnams kyi zhabs la phyag 'tshal du 'gro'o/ /ji tsam na dus gzhan zhig na/ rgyal po gzugs can snying po bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ /bcom ldan 'das ma ga d+hAr byung ba'i rgyal po bzo sbyangs gzugs can snying po mtha' gcig tu 'dug pa la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng stod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng stod/ yang dag par rab tu dga' bar mdzad nas cang mi gsung ngo / /de nas ma ga d+hAr byung ba'i rgyal po bzo sbyangs gzugs can snying po bcom ldan 'das kyi zhabs la phyag 'tshal nas stan las langs te song nas/ tshe dang ldan pa pi lin da'i bu'i gtsug lag khang ga la ba der song ngo / /de'i tshe na tshe dang ldan pa pi lin da'i bu gtsug lag khang de ral pa dang 'drums pa rang nyid kyis phyir 'chos par byed do/ /tshe dang ldan pa pi lin da'i bus ma ga d+hAr byung ba'i rgyal po bzo sbyangs gzugs can snying po thag ring po kho na nas mthong ngo / /mthong nas kyang lag pa dang / rkang pa dag bkrus te stan bshams pa nyid la 'dug go/ /de nas ma ga d+hAr byung ba'i rgyal po bzo sbyangs gzugs can snying pos tshe dang ldan pa pi lin da'i bu'i rkang pa gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas ma ga d+hAr byung ba'i rgyal po bzo sbyangs gzugs can snying pos tshe dang ldan pa pi lin da'i bu la 'di skad ces smras so/ / 'phags pa ci lags/ rang nyid kyis ral pa dang 'drums pa slar 'chos par mdzad dam/ rgyal po chen po rab tu byung ba ni rang nyid kyis byed pa yin te/ bdag cag ni rab tu byung ba yin pas gzhan su zhig byed par 'gyur/ 'phags pa gal te de lta na bdag gis 'phags pa la zhabs 'bring ba dbul lo/ /rgyal po chen po a rog khya de bzhin lan bzhi'i bar du smras nas/ lan lnga pa la yang de kho na skad du bdag gis 'phags pa la zhabs 'bring ba dbul lo zhes zer ba dang / tshe dang ldan pa pi lin da'i bu'i lhan cig gnas pa bden pa dang / 'thun pa dang / ngo zlog phod par smra ba zhig gis smras pa/ rgyal po chen po gang tshun chad nas rgyal po chen pos mkhan po la zhabs 'bring dag gis bstabs pa nas mkhan pos gal te gtsug lag khang 'di yal bar bor du lags na da tsam ngos rdib par yang gyur to/ /rgyal pos smras pa/ 'phags pa ci lags bdag cag gis yang dang yang du khas blangs sam/ rgyal po chen po lan cig tu ma bas kyi 'di ltar 'di ni lan lnga pa lags so/ /rgyal po de brjed ngas pas rgyal po de'i kun tu spyod pa ni gang yang rung ba la chung zad khas blangs pa ci yang rung ste/ de thams cad phyi na 'dug pa'i mis yi ger 'dri bar byed pas rgyal po des mi de la smras pa/ kwa'e nang rje kho bos yang dang yang du khas blangs pa bden nam/ lha mad de 'di ni lnga pa lags so/ /de lta na kho bo chad pa'i las la thug gis kho bos 'phags pa la zhabs 'bring ba lnga brgya dbul lo/ /des blon po rnams la bsgo ba/ 'phags pa la zhabs 'bring ba lnga brgya phul cig /tshe dang ldan pa pi lin da'i bus smras pa/ rgyal po chen po kho bo rang gi g.yog nyid spangs te rab tu byung ba la g.yog dag gis ci bya/ 'phags pa dge 'dun gyi don du bzhes shig /rgyal po chen po gal te de lta na bcom ldan 'das la zhu'o/ /'phags pa de ma nongs kyis zhus shig /skabs de tshe dang ldan pa pi lin da'i bus bcom ldan 'das la zhus par gsol pa dang / bcom ldan 'das kyis bka' stsal pa/ dge 'dun gyi don du g.yog dag blang bar bya'o/ /tshe dang ldan pa pi lin da'i bus g.yog de dag blangs pa dang / g.yog de dag yang dang yang du rgyal po'i pho brang du las byed du bcug nas/ de dag gis tshe dang ldan pa pi lin da'i bu la 'di skad ces smras so/ /'phags pa bdag cag 'phags pa dag gi zhabs 'bring bar phul ba ni/ bdag cag blo ba dga' na ci'i slad du bdag cag yang dang yang du rgyal po'i pho brang du sug las bgyid/ bzhin bzangs dag 'khrug long ma byed cig dang / kho bos rgyal po la gsol bar bya'o/ /ji tsam dus gzhan zhig na ma ga d+hAr byung ba'i rgyal po bzo sbyangs gzugs can snying po yang tshe dang ldan pa pi lin da'i drung du 'ongs te rkang pa la phyag 'tshal nas/ tshe dang ldan pa pi lin da'i bu'i mdun du 'dug pa dang / tshe dang ldan pa pi lin da'i bus smras pa/ rgyal po chen po khyod dge 'dun gyi don du g.yog dag phul bas 'gyod par ma gyur tam/ 'phags pa bdag la 'gyod pa 'ga' yang ma mchis so/ /'o na ci'i phyir g.yog de dag yang rgyal po'i pho brang du las byed du bcug /rgyal pos stan de nyid la 'dug bzhin du blon po rnams la bsgo ba/ shes ldan dag 'phags pa rnams kyis zhabs 'bring ba dag phyin chad rgyal po'i pho brang du las byed du ma gzhug shig /blon po rnams kyis gang yang rung ba dag la rgyal po'i pho brang du las gyis shig ces bsgo ba na/ de dag na re bdag cag 'phags pa dag gi yin no zhes zer nas/ blon po rnams kyis rgyal po la smras pa/ lha gang la yang mchid stsal bar rngo ma thog ste/ gang yang rung ba dag la rgyal po'i pho brang du sug las tshol cig ces bgyis na/ de dag bdag cag 'phags pa rnams kyi lags so zhes mchi'o/ /rgyal pos smras pa/ song la thams cad las byed du chug shig /de dag thams cad yang rgyal po'i pho brang du las byed du bcug nas/ de dag gis yang tshe dang ldan pa pi lin da'i bu la smras pa/ 'phags pa bdag cag yang de kho na bzhin du rgyal po'i pho brang du sug las bgyid du stsal na/ 'phags pas ma gsol tam/ bzhin bzangs dag gsol te/ yang gsol ba bya'o/ / tshe dang ldan pa pi lin da'i bus ma ga d+hAr byung ba'i rgyal po bzo sbyangs gzugs can snying po yang de kho na bzhin 'ongs pa la smras pa/ rgyal po chen po ci lags/ khyod kyang 'gyod pa skyes par gyur tam/ 'phags pa ci nongs/ g.yog dag yang de kho na bzhin du las byed du bcug go/ /'phags pa gang la yang mchid stsal par rngo ma thog ste/ gang yang rung ba la mchid stsal ba na de dag bdag cag 'phags pa dag gi lags so zhes mchi'o/ / e ma 'phags pa dag gi lha 'bangs kyi sdum pa logs shig tu rtsig tu stsal na/ 'di dag ni rgyal po'i 'o/ /'di dag ni 'phags pa dag gi'o/ /zhes 'tshal bar 'gyur ro/ /tshe dang ldan pa pi lin da'i bus smras pa/ bcom ldan 'das la zhu'o/ /de nas tshe dang ldan pa pi lin da'i bus don de bcom ldan 'das la rgyas par gsol pa dang / bcom ldan 'das kyis bka' stsal pa/ de lta bas na lha 'bangs kyi sdum pa rtsig tu 'jud par rjes su gnang ngo / /dge slong dag gis gnas gang du lha 'bangs kyi sdum pa rtsig tu gzhugs pa mi shes nas bcom ldan 'das kyis bka' stsal pa/ rgyal po'i pho brang gi phyi rol dang / 'od ma'i tshal gyi phyi rol gyis bar gang du skad kyis bos pa thos nas dge 'dun gyi don sgrub par 'gyur ba der lha 'bangs kyi sdum pa rtsig tu gzhug go/ /dge slong rnams kyis zhang blon dag la bsgo ba/ bcom ldan 'das kyis phyogs 'dir lha 'bangs kyi sdum pa rtsig tu chug shig ces bka' stsal gyis de khyed cag gis shes par gyis shig /zhang blon dag gis rgyal po'i khab tu dril gyis sgra sgrog tu bcug ste/ gang dag 'phags pa rnams kyi zhabs 'bring ba yin pa de dag rgyal po'i khab kyi phyi rol dang / 'od ma'i tshal gyi phyi rol gyi bar du 'dug par chad kyis deng la der sdum pa rtsigs shig ces bsgo nas/ de dag der dong ste sdum pa brtsigs so/ /lha 'bangs kyi sdum pa brtsigs nas de dag gtsug lag khang du dong ste las byed cing / dge slong rnams kyis de dag la las 'di ni rung ba yin gyis khyed kyis bya'o/ /'di ni rung ba ma yin gyis khyed kyis mi bya'o zhes las bstan nas/ de dag las rung ba byed pas lha 'bangs lha 'bangs shes bya ba'i ming du gyur to/ /dge 'dun gyi kun dga'i ra ba skyong bar byed pas rtse rgod ces bya ba'i ming du gyur to/ /de dag thams cad gtsug lag khang du 'jug pas blag cor gyi sgras dge slong dag gis sems rtse gcig pa nyid mi 'grub nas/ bcom ldan 'das kyis bka' stsal pa/ ji snyed dag gis las 'grub pa de snyed 'jug par bya'i thams cad mi bya'o/ /dge slong dag gis de dag thams cad la zas dang gos sbyin par byed nas bcom ldan 'das kyis bka' stsal pa/ gang dag las byed pa de dag la zas dang gos sbyin par bya'i thams cad la mi bya'o/ /dge slong rnams kyis de dag na ba yal bar bor nas bcom ldan 'das kyis bka' stsal pa/ gang dag na ba de dag la zas dang gos sbyin par bya zhing snyen bkur yang bya'o/ / ji tsam dus gzhan zhig na nye dga' dge bskos byed pas des lha 'bangs de dag la smras pa/ bzhin bzangs dag kho bo dge bskos byed kyis khyed cag nang par sngar shog shig /rgyal po'i khab na ston zla tha chungs kyi g.yon can zhes bya ba chom rkun pa dag gis kun tu spyod pa ni de dag dgag dbye byas ma thag tu shes ldan dag bdag cag gis las ci zhig byas na des btsal mi dgos par lo skor du longs spyod cing bde bar gnas par 'gyur zhes phan tshun gros byed do/ /de na dge slong gis rgyus shes pa cig 'dug pa des smras pa/ shes ldan dag 'phags pa dag gi g.yog gang dag grong khyer gyi phyi rol na 'khod pa de dag gzhom par bya'o/ /gzhan dag gis smras pa/ re shig de dag gi jo bo gang dag yin pa de dag kyang sgo 'phar brgya snyed bzla ba byas kyang lto khengs pa 'grub par dka' bas de dag la yang cung zad kyang med na de dag gi g.yog de dag lta smos kyang ci dgos/ dge slong gi rgyus shes pa des smras pa/ shes ldan dag khyed mi shes te/ de dag ni zan gzhan las za zhing rang gi las rjes su bsgrub pa de lhur len te/ thabs du ma dag gis nor sgrub par byed pas de dag la gang yod pa de ni grong khyer 'di na yang med kyi cung zhig gzhom par bya'o/ /de dag gis brda byas te dong nas de dag gzhom par brtsams so/ /de nas lha gang dag tshe dang ldan pa pi lin da'i bu la mngon par dad pa de dag gis tshe dang ldan pa pi lin da'i bu la 'di skad ces smras so/ /'phags pa mkhyen par mdzod cig /khyed kyi zhabs 'bring ba dag ston zla tha chungs kyi g.yon can dag gis 'joms par 'gyur gyis brtson par mdzad du gsol/ tshe dang ldan pa pi lin da'i bus gal te g.yog dag la ma bsams na g.yog dag kyang re shig nor dang bral ba las byung ba'i sdug bsngal nyams su myong bar 'gyur la/ ma dad pa rnams kyis kyang glags rnyed par 'gyur zhing dad pa rnams kyang 'di ltar sbyin par bya ba'i chos byin pa dag yongs su skyong bar mi byed na/ phyin chad su zhig shAkya'i sras kyi dge slong rnams la sbyin pa dang bya bar sems shes gzhan du gyur pa nyid du 'gyur gyis/ rdzu 'phrul rnam par bstan par bya'o snyam du bsams shing rig nas/ tshe dang ldan pa pi lin da'i bus lha 'bangs kyi sdum pa de lcags kyi ra bas bskor to/ /chom rkun pa dag gis rkun rdzas thogs te 'phags pa dang / lcags kyi ra ba mthong nas de dag gis phan tshun kun tu 'gro bar brtsams na lam ma rnyed do/ /de dag gis rkun rdzas bor te 'phags pa dang / lcags kyi ra ba de yang mi snang bar gyur to/ /de dag gis yang rkun rdzas blangs pa dang / lcags kyi ra ba de yang yang phyir byung ste/ lan bdun gyi bar du de ltar gyur pa dang / de dag gis smras pa/ shes ldan dag 'phags pa rdzu 'phrul che ba/ mthu che ba 'ga' zhig gis 'di dag la dgongs pa 'dras rkun rdzas bor la bros par bya'o/ /de dag gis rkun rdzas phyogs gcig tu bor te bros so/ /lha 'bangs de dag sad pa dang / shes ldan dag bdag cag bcom mo/ /bdag cag bcom mo zhes ku co 'don cing de dag nor dang bral ba las byung ba'i yid mi bde ba dang ldan zhing thams cad 'dus nas lha 'bangs kyi sdum pa kun tu byul bar brtsams pa dang / phyogs gcig na rdzas thams cad spungs te bzhag pa mthong ngo / /de nas dga' ba dang yid bde ba skyes te rang rang gis rdzas blangs nas khyim khyim du dong ngo / /de dag gis so so'i khyim srung ba bzhag ste/ gnyid log pa na lha des de dag gi rmi lam du sbran pa/ shes ldan dag khyed cag ston zla tha chungs kyi g.yon can dag gis ma bcom pa 'di dag thams cad ni 'phags pa pi lin da'i bu'i mthu yin no/ /de nas mtshan mo nam nangs pa dang / thams cad 'dus te smras pa/ shes ldan dag lhas rmi lam du khyed cag ston zla tha chungs kyi g.yon can dag gis ma bcom pa 'di dag thams cad ni 'phags pa pi lin da'i bu'i mthu yin no zhes bstan te/ de ni de kho na bzhin yin gyi gzhan du na 'phags pa pi lin da'i bu ma gtogs pa gzhan su zhig bdag cag la snying rje bar 'gyur/ de'i tshe de dag je byi dor byas la phyis gtsug lag khang du 'dong ngo zhes de dag khrus byas shing gos dkar po dang / dri dang / phreng ba rgyus brgyan te/ byi dor byas te gtsug lag khang du dong ngo / /nye dga' yang nang par sngar langs nas lde mig dang lde mig kyog po thogs nas gtsug lag khang gi sgo phye ste/ mar me'i kong bu bsal nas gtsug lag khang du chag chag dang byug pa byas te/ gnas mal bshams nas mchod rten gyi 'khor sar bdug spos brims nas khang steng du 'dzegs te/ gaN DI rdung zhing phyogs gzhir rnam par blta'o/ /des de dag gos dkar po dang / dri dang / phreng ba rgyus brgyan pa mthong nas/ de 'di dag nor can dag gam tshong dpon dag gam/ ded dpon gtsug lag khang ltar 'ong ba su zhig yin snyam du sems so/ / gang gi tshe mchod rten gyi 'khor sar zhugs pa de'i tshe des de dag ngo shes nas nye dgas gshe zhing smras pa/ ngas khyed cag la sang nang par sngar shog shig ces ma bsgo 'am/ khyed gar dong dong / de dag gis smras pa/ 'phags pa gal te bdag cag la 'phags pa pi lin da'i bus ma dgongs su lags na/ bdag cag deng kho nar ston zla tha chungs kyi g.yon can dag gis tshul ma lags pas/ sdug bsngal bsgrubs par 'gyur ro/ /nye dgas gshe zhing smras pa/ khyed cag re shig gang gi mthus snyems pa de la yang je khrims bca' bar bya'o zhes rig nas drug sde dag sbran te/ tshe dang ldan pa pi lin da'i bu ga la ba der dong nas phyin pa dang / tshe dang ldan pa pi lin da'i bu la 'di skad ces smras so/ /gnas brtan la phyag 'tshal lo/ /tshe dang ldan pa dag a rog khya/ gnas brtan je skabs phye shig /ltung ba sde lnga po dag la skabs phye'o/ /gnas brtan gyis zhabs 'bring ba dag gi nor ston zla tha chungs kyi g.yon can dag gis brkus pa thar bar bgyis sam/ de bzhin te thar bar byas so/ /gnas brtan bdag cag gis gnas brtan go bsam gtan dang / rnam par thar pa dang / ting nge 'dzin dang / snyom par 'jug pa dag gi bde ba nyams su myong bar mdzad cing bzhugs par 'tshal gyis/ bdag cag gis thugs rje phyogs gcig pa dang ldan zhing zhabs 'bring ba dag la thugs rje bar mdzad la/ ston zla tha chungs kyi g.yon can dag la mi mdzad par ma 'tshal to/ /gzhan gyis bdag gir bgyis pa'i nor dag thar par bgyis pa'i ltung ba byung ba chos bzhin du slar mdzod cig /ltung ba ma mthong ngo / /tshe dang ldan pa dag bcom ldan 'das kyis ltung ba ma mthong ba'i phyir gnas nas dbyung ba'i las bya'o zhes gsungs kyis/ khang skyong su snang / gaN DI rdungs shig /'di gnas nas dbyung ba'i las bya'o zhes de dag khang skyong gi gan du dong nas smras pa/ tshe dang ldan pa gaN DI rdungs shig /ci'i phyir don nyung ngu la ltung ba byung ba chos bzhin du phyir mi 'chos pas de gnas nas dbyung ba'i las bya'o/ /de'i tshe na tshe dang ldan pa shA ri'i bu dge 'dun gyi gnas brtan byed cing bstan pa la chos kyi sgyu thabs kyis mi mthun pa 'ga' 'byung bar mi 'gyur ram zhes kun tu spyod pa'i chos rmed par byed pas des khang skyong la rmas pa/ tshe dang ldan pa su shig yongs su gnas pa 'am/ gzhi nas yongs su gnas pa 'am/ mgu bar bya ba 'am/ gzhi nas mgu bar bya ba 'am/ 'byin par byed/ su yang mi bgyid de/ 'di ltar tshe dang ldan pa pi lin da'i bu ltung ba byung ba chos bzhin du slar mi bgyid pa de ltung ba ma mthong ba'i slad du gnas nas dbyung ba'i las bgyid do/ /tshe dang ldan pa dge slong gnas brtan la mtho ma 'tsham par 'di ltar sangs rgyas bcom ldan 'das 'di thams cad mkhyen pa/ thams cad gzigs pa/ mkhyen pa dang shes bya dag la bla na med pa'i mnga' brnyes pa/ the tshom thams cad gcod par mdzad pa yin gyis de'i gan du deng la don 'di zhus shig dang / bcom ldan 'das kyis khyod la ji skad lung bstan pa de de kho na bzhin du zung shig /skabs de dge slong dag gis bcom ldan 'das la gsol to/ /sangs rgyas bcom ldan 'das rnams ni mkhyen bzhin du rmed par mdzad pa yin pas sangs rgyas bcom ldan 'das rnams kyis tshe dang ldan pa pi lin da'i bu la rmas pa/ pi lin da'i bu khyod kyis bsam pa ji lta bus rdzu 'phrul rnam par bstan/ btsun pa bdag 'di snyam bgyid de/ gal te sug rjed dag la ma bsams na/ sug rjed dag kyang re shig nor dang bral ba las byung ba'i sdug bsngal nyams su myong bar 'gyur zhing ma dad pa rnams kyis kyang glags rnyed par 'gyur la/ dad pa rnams kyang 'di ltar sbyin par bya ba'i chos byin pa yongs su skyong bar mi byed pas phyin chad su zhig shAkya'i sras kyi dge slong rnams la sbyin pa dang bya bar sems shes gzhan du gyur pa nyid du 'gyur gyis/ bdag gis rdzu 'phrul rnam par bstan par bgyi'o snyams pas so/ /bcom ldan 'das kyis bka' stsal pa/ dge slong dag dge slong pi lin da'i bus bsam pa de lta bus rdzu 'phrul rnam par bstan pa la ltung ba med do/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa nor can gyis dge slong gi dge 'dun skyon ma mchis shing chu bur ma mchis pa la de'i dang por 'di lta ste/ ma byin par len pa'i rkyen gyis chu bur byung ba la gzigs/ bcom ldan 'das kyis bka' stsal pa/ dge slong dag da ltar du ma zad kyis 'di ltar 'das pa'i dus na yang 'dis 'jig rten skyon med cing chu bur med pa la de'i dang por 'di lta ste/ ma byin par len pa'i rkyen gyis chu bur phyung ste/ de nyon cig dge slong dag 'jig rten 'di 'jig pa'i dus gang yin pa de yang yod de/ 'jig rten 'jig pa na sems can dag phal cher 'od gsal gyi lha'i ris su skye'o/ /de dag de na gzugs can yid las byung ba ma tshang ba med pa/ dbang po ma nyams pa/ yan lag dang nying lag thams cad dang ldan pa/ bzang ba/ kha dog dang ldan pa/ rang las 'od 'byung ba/ nam mkha' la 'gro ba/ dga' ba za ba/ dga' ba'i zas dang ldan pa/ tshe ring zhing yun ring du gnas so/ / de'i tshe na sa chen po 'di chu 'ba' shig dang / rgya mtsho 'ba' shig tu gyur te/ sa chen po chu 'ba' shig dang / rgya mtsho 'ba' shig tu gyur pa'i steng du rlung gis phris ma kun tu 'chags par byed/ kun tu 'thas par byed/ kun tu khyab par byed de/ 'di lta ste/ dper na 'o ma bskol ba grangs bar gyur pa'i steng du phris ma kun tu 'chags par byed/ kun tu 'thas par byed/ kun tu khyab par byed pa de bzhin du/ sa chen po chu 'ba' shig dang / rgya mtsho 'ba' shig tu gyur pa'i steng du yang rlung gis phris ma kun tu 'chags par byed/ kun tu 'thas par byed/ kun tu khyab par byed do/ /de ni sa'i bcud kha dog phun sum tshogs pa/ dri phun sum tshogs pa/ ro phun sum tshogs pa yin te/ kha dog gis ni 'di lta bu ste/ 'di lta ste/ dper na mar lta bu'o/ /ros ni 'di lta bu ste/ 'di lta ste/ dper na sbrang bu'i sbrang rtsi ma bskol ba lta bu'o/ /dge slong dag 'jig rten 'di 'chags pa'i dus gang yin pa de yang yod de/ 'jig rten 'chags pa na 'od gsal gyis lha'i ris de nas sems can kha cig tshe zad/ las zad/ bsod nams zad pas shi 'phos te/ 'di lta bu nyid du mi rnams dang skal ba 'thun pa nyid du 'ong zhing 'dir yang gzugs can yid las byung ba/ ma tshang ba med pa/ dbang po ma nyams pa/ yan lag dang nying lag thams cad dang ldan pa/ bzang ba/ kha dog dang ldan pa/ rang las 'od 'byung ba/ nam mkha' la 'gro ba/ dga' ba za ba/ dga' ba'i zas dang ldan pa/ tshe ring zhing yun ring du gnas so/ /de'i tshe na 'jig rten du nyi ma dang zla ba dag kyang ma byung ngo / /'jig rten du rgyu skar dag kyang ma byung / mtshan mo dang / nyin mo dag kyang ma byung / skad cig dang / thang cig dang / yud tsam dag kyang ma byung / zla ba dang / zla ba phyed dang / dus tshigs dang / lo dag kyang ma byung ngo / /bud med kyang med/ skyes pa yang med de/ sems can sems can zhes bya ba 'ba' shig gis grangs su 'gro'o/ /de nas sems can brkam pa'i rang bzhin can zhig sor mo'i rtse mos sa'i bcud myang bar byed do/ /ji lta ji ltar myang bar byed pa de lta de ltar 'dod par byed do/ /ji lta ji ltar 'dod par byed pa de lta de ltar kham gyi zas kyi rtsom pas zos par gyur to/ / sems can gzhan dag gis kyang sems can de sor mo'i rtse mos sa'i bcud myang bar byed pa na ji lta ji ltar myang bar byed pa de lta de ltar 'dod par byed pa dang / ji lta ji ltar 'dod par byed pa de lta de ltar kham gyi zas kyi rtsom pas zos par gyur pa mthong ngo / /mthong nas sems can de dag kyang 'di snyam du kye ma de ni legs so/ /kye ma de ni bzang ngo / /bdag cag gis kyang sor mo'i rtse mos sa'i bcud myang bar bya'o snyam du sems shing / de dag kyang sor mo'i rtse mos sa'i bcud myang bar byed do/ /ji lta ji ltar myang bar byed pa de lta de ltar 'dod par byed do/ /ji lta ji ltar 'dod par byed pa de lta de ltar kham gyi zas kyi rtsom pas zos par gyur to/ /gang gi phyir sems can de dag gis sa'i bcud kham gyi zas kyi rtsom pas zos par gyur pa de'i phyir de dag gis lus la sra ba nyid dang / lci ba nyid byung zhing de dag gi kha dog gsal ba bzang po gang yin pa de yang med par gyur/ 'jig rten du mun pa yang byung bar gyur to dge slong dag chos nyid kyis ni 'jig rten du mun pa byung ba na 'jig rten du nyi ma dang / zla ba dag kyang 'byung bar 'gyur ro/ /'jig rten du rgyu skar dag dang / mtshan mo dang / nyin mo dag dang / skad cig dang / thang cig dang / yud cig dag dang / zla ba dang / zla ba phyed dang / dus tshigs dang / lo dag kyang 'byung bar 'gyur ro/ /de dag de za zhing zas de dag dang ldan pa tshe ring zhing yun ring du gnas so/ /de dag las gang zas ches chung ngu za ba de ni kha dog dang ldan par 'gyur la/ gang zas che cher za ba de ni kha dog ngan par 'gyur ro/ /de ltar zas rnam gnyis nyid la kha dog rnam gnyis nyid du mngon la/ kha dog rnam gnyis nyid du gyur pa na sems can gyis sems can la/ kwa'e sems can nga ni kha dog dang ldan pa yin la/ khyod ni kha dog ngan pa yin no zhes khyad du gsod par byed do/ /de dag kha dog gis mngon pa'i nga rgyal can du gyur pa na sdig pa can mi dge ba'i chos de dag nyid yang dag par blangs pa'i rgyus sa'i bcud med par gyur to/ /dge slong dag sems can de dag sa'i bcud med par gyur pa na 'dus shing lhags nas mya ngan byed/ sgyid lug par byed/ smre sngags 'don par byed cing 'di skad ces kye ma'o bcud/ kye ma'o bcud ces kyang zer te/ 'di lta ste dper na deng sang mi dag zas zhim pa bzang po cung zhig rnyed nas yi ge dang sbyar ba dang tshig rnying pa de dag nyid kyis rjes su tha snyad 'dogs shing 'di skad ces kye ma'o bcud/ kye ma'o bcud ces kyang zer ba de bzhin du sems can de dag kyang sa'i bcud med par gyur pa na 'dus shing lhags nas mya ngan byed/ sgyid lug par byed de/ smre sngags 'don par byed cing 'di skad ces kye ma'o bcud/ kye ma'o bcud ces zer yang smras pa 'di'i don ni 'di'o/ /smras pa 'di'i don ni 'di'o zhes smras pa de'i don ni mi shes so/ /dge slong dag sems can de dag gi sa'i bcud med par gyur pa na sa zhag kha dog phun sum tshogs pa/ dri phun sum tshogs pa/ ro phun sum tshogs pa byung bar gyur te/ kha dog gis ni 'di lta bu ste/ 'di lta ste dper na dong ka'i me tog lta bu'o/ /ros ni 'di lta bu ste/ 'di lta ste/ dper na sbrang bu'i sbrang rtsi ma bskol ba lta bu'o/ /de dag de za zhing zas de dang ldan la tshe ring zhing yun ring du gnas so/ /de dag las gang zas ches chung ngu za ba de ni kha dog dang ldan par 'gyur la/ gang zas ches cher za ba de ni kha dog ngan par 'gyur ro/ /de ltar zas rnam gnyis nyid la brten nas kha dog rnams gnyis nyid du mngon la/ kha dog rnams gnyis nyid du gyur pa na sems can gyis sems can la kwa'i sems can nga ni kha dog dang ldan pa yin la/ khyod ni kha dog ngan pa yin no/ / zhes khyad du gsod par byed do/ /de dag kha dog gis mngon pa'i nga rgyal can du gyur pa na sdig pa can mi dge ba'i chos de dag nyid yang dag par blangs pa'i rgyus sa zhag med par gyur to/ /dge slong dag sems can de dag sa zhag med par gyur pa na 'dus shing lhags nas mya ngan byed/ sgyid lug par byed/ smre sngags 'don par byed cing 'di skad ces kye ma'o kye ma'o zhes kyang zer te/ 'di lta ste/ dper na deng sang mi dag sdug bsngal dang / yid mi bde ba la 'ba' zhig gis reg pa na yi ge dang sbyar ba dang / tshig rnying pa de dag nyid kyis rjes su tha snyad 'dogs shing / 'di skad ces kye ma'o kye ma'o zhes kyang zer ba de bzhin du sems can de dag kyang sa zhag med par gyur pa na 'dus shing lhags nas mya ngan byed/ sgyid lug par byed/ smre sngags 'don par byed cing 'di skad ces kye ma'o kye ma'o zhes zer yang smras pa 'di'i don ni 'di'o/ /smras pa 'di'i don ni 'di'o zhes smras pa de'i don mi shes so/ /dge slong dag sems can de dag gi sa zhag med par gyur pa na myu gu'i tshal kha dog phun sum tshogs pa/ dri phun sum tshogs pa/ ro phun sum tshogs par byung bar gyur te/ kha dog gis ni 'di lta bu ste/ 'di lta ste/ dper na ka dam bu ka'i me tog lta bu'o/ /ros ni 'di lta bu ste/ 'di lta ste/ dper na sbrang bu'i sbrang rtsi ma bskol ba lta bu'o/ /de dag de za zhing zas de dang ldan la/ tshe ring zhing yun ring du gnas so/ /de dag las gang zas ches chung ngu za ba de ni kha dog dang ldan par 'gyur la/ gang zas ches cher za ba de ni kha dog ngan par 'gyur ro/ /de ltar zas rnam gnyis nyid la brten nas kha dog rnam gnyis nyid du mngon la/ kha dog rnam gnyis nyid du gyur pa na/ sems can gyis sems can la kwa'e sems can nga ni kha dog dang ldan pa yin la/ khyod ni kha dog ngan pa yin no zhes khyad du gsod par byed do/ /de dag kha dog gis mngon pa'i nga rgyal can du gyur pa na/ sdig pa can mi dge ba'i chos de dag nyid yang dag par blangs pa'i rgyus myu gu'i tshal med par gyur to/ / dge slong dag sems can de dag myu gu'i tshal med par gyur pa na 'dus shing lhags nas mya ngan byed/ sgyid lug par byed/ smre sngags 'don par byed cing 'di skad ces phar song phar song zhes kyang zer te/ 'di lta ste/ dper na deng sang mi dag smad pa rnon po 'ga' zhig gis smad pa na yi ge dang sbyar ba dang / tshig rnying pa de dag nyid kyis rjes su tha snyad 'dogs shing 'di skad ces phar song phar song zhes kyang zer ba de bzhin du/ sems can de dag kyang myu gu'i tshal med par gyur pa na 'dus shing lhags nas mya ngan byed/ sgyid lug par byed/ smre sngags 'don par byed cing / 'di skad ces phar song phar song zhes zer yang smras pa 'di'i don ni 'di'o/ /smras pa 'di'i don ni 'di'o/ /zhes smras pa de'i don ni mi shes so/ /dge slong dag sems can de dag gi myu gu'i tshal med par gyur pa na ma rmos ma btab pa'i 'bras sA lu'i 'bru so ba med pa/ sbun pa med pa/ dag pa/ gtsang ba/ sor bzhi pa/ kun nas ma dkris pa/ nub brngas na nang rgyas zhing phyir skye la/ nang brngas na nub rgyas zhing phyir skye ba/ brngas so cog phyir skye ba/ brngas par yang mi mngon pa 'byung bar 'gyur te/ de dag de za zhing zas de dang ldan la tshe ring zhing yun ring du gnas so/ /gang gi phyir sems can de dag gis ma rmos ma btab pa'i 'bras sA lu'i 'bru kham gyi zas kyi rtsom pas zos par gyur pa de'i phyir de dag la dbang po tha dad pa byung bar gyur te/ kha cig ni pho'i dbang po dang ldan/ kha cig ni mo'i dbang po dang ldan no/ / de na gang dag pho'i dbang po dang ldan pa dang / gang dag mo'i dbang po dang ldan pa de dag gcig la gcig mig gis mig la brten te lta bar byed do/ /ji lta ji ltar gcig la gcig mig gis mig la brten te lta bar byed pa de lta de ltar kun tu chags so/ /ji lta ji ltar kun tu chags pa de lta de ltar dral to/ /ji lta ji ltar dral ba de lta de ltar log par zhugs so/ /sems can gzhan dag gis kyang sems can sems can la log par zhugs pa mthong ngo / /mthong nas sas kyang 'thor bar byed/ bong ba dang / gseg ma dang / gyo mo dang / gyo dum dag kyang 'phen par byed cing / 'di skad ces sems can ngan pa grong pa bya ba ma yin pa byed pa/ sems can ngan pa grong pa bya ba ma yin pa byed pa/ kwa'i sems can khyod ci'i phyir sems can sun par byed ces kyang zer te/ 'di lta ste/ dper na deng sang sems can dag bag sar bag mar len pa na phye mas kyang 'thor bar byed/ dri dang me tog dang / 'bras yos dag gis kyang 'thor bar byed cing / 'di skad ces sru bde bar gyur cig ces kyang zer ba de bzhin du/ sems can de dag gis kyang sems can la log par zhugs pa mthong nas sas kyang 'thor bar byed/ bong ba dang / gseg ma dang / gyo mo dang gyo dum dag kyang 'phen par byed cing / 'di skad ces sems can ngan pa grong pa bya ba ma yin pa byed pa/ sems can ngan pa grong pa bya ba ma yin pa byed pa/ kwa'e sems can khyod ci'i phyir sems can sun par byed ces kyang zer ro/ /dge slong dag de ltar na sngon chos ma yin par grags pa gang yin pa de ni deng sang chos su grags la/ sngon 'dul ba ma yin par grags pa gang yin pa de ni deng sang 'dul bar grags/ sngon smad par bya ba gang yin pa de ni deng sang bstod par bya ba yin no/ / de nyi ma gcig tsam spong bar byed/ nyi ma gnyis sam/ gsum mam/ bdun tsam spong bar byed do/ /gang gi phyir sems can de dag sdig pa can dam pa ma yin pa'i chos de la shin tu ltung bar byed pas brtul zhugs la zhugs pa de'i phyir de dag khyim brtsig pa la zhugs te/ bdag cag gis 'dir bya ba ma yin pa bya'o/ /bdag cag gis 'dir bya ba ma yin par bya'o zhes zer ba las khyim khyim zhes bya ba'i ming byung ngo / /dge slong dag 'di ni khyim gyi las kyi mtha' dag 'jig rten du 'byung ba'i dang po rtsom pa yin te/ de yang chos kyis yin gyi chos ma yin pas ni ma yin no/ /de chos ni 'di yin te/ rgyal ba dbang po rnams kyi chos mchog yin no/ /de dag dargongs kar yang dargongs ka za 'dod pas sA lu'i don du 'dong bar byed nang par yang nang par za 'dod pas sA lu'i don du 'dong bar byed do/ /de nas sems can le lo'i rang bzhin can zhig gis dargongs ka dang nang par gyi sA lu gcig car blangs par gyur to/ /sems can zhig gis sems can de la smras pa/ kwa'e sems can tshur shog sA lu'i phyir 'dong ngo / /sems can des smras pa/ kwa'e sems can khyod rang gi sA lu'i phyir soms shig /bdag gis dargongs ka dang / nang par gyi sA lu gcig car blangs zin to/ /de nas sems can de 'di snyam du kye ma de ni legs so/ /kye ma de ni bzang ngo / /bdag gis kyang nyi ma gnyis kyi dang / nyi ma gsum gyi dang / nyi ma bdun gyi bar gyi sA lu blang bar bya'o snyam nas/ des nyi ma gnyis kyi dang / nyi ma gsum gyi dang / nyi ma bdun gyi bar gyi sA lu blangs par gyur to/ /de nas sems can zhig gis sems can de dag la 'di skad ces smras so/ /kwa'e sems can tshur shog sA lu'i phyir 'dong ngo / /sems can des smras pa/ kwa'e sems can khyod rang gi sA lu'i phyir soms shig / bdag gis nyi ma gnyis kyi dang / nyi ma gsum gyi dang / nyi ma bdun gyi sA lu blangs zin to/ /de nas sems can de 'di snyam du/ kye ma de ni legs so/ /kye ma de ni bzang ngo / /bdag gis kyang zla ba phyed kyi dang / zla ba gcig gi sA lu blang bar bya'o snyam nas/ des zla ba phyed kyi dang / zla ba gcig gi sA lu blangs par gyur to/ /gang gi phyir sems can de dag gis ma rmos ma btab pa'i 'bras sA lu'i 'bru sogs 'jog gi yongs su spyod pas zos par gyur pa de'i phyir sA lu de la so ba dang / sbun pa dang 'bras kun nas dkris par gyur cing brngas so cog kyang phyir mi skye la/ brngas par yang mngon zhing / sA lu byings dang byings ma yin pa dag na rnam par gnas so/ /de nas sems can de dag 'dus shing lhags nas mya ngan byed/ sgyid lug par byed/ smre sngags 'don par byed cing shes ldan dag bdag cag sngon gzugs can yid las byung ba ma tshang ba med pa/ dbang po ma nyams pa/ yan lag dang nying lag thams cad dang ldan pa/ bzang ba kha dog dang ldan pa/ rang las 'od 'byung ba/ nam mkha' la 'gro ba/ dga' ba za ba/ dga' ba'i zas dang ldan pa/ tshe ring zhing yun ring du gnas pa na bdag cag la sa'i bcud kha dog phun sum tshogs pa/ dri phun sum tshogs pa/ ro phun sum tshogs pa/ phyung bar gyur nas/ gang gi phyir bdag cag gis sa'i bcud kham gyi zas kyi rtsom pas zos par gyur pa de'i phyir bdag cag gi lus la sra ba nyid dang / lci ba nyid byung zhing bdag cag gis mdog gsal ba bzang po gang yin pa de yang med par gyur/ 'jig rten du mun pa yang byung bar gyur to/ /bdag cag de za zhing zas de dang ldan la tshe ring zhing yun ring du gnas pa las bdag cag las gang zas ches chung ngu za ba de ni kha dog dang ldan par 'gyur la/ gang zas ches cher za ba de ni kha dog ngan par gyur to/ /de ltar zas rnam gnyis nyid la brten nas kha dog rnam gnyis nyid du mngon la/ kha dog rnam gnyis nyid du gyur pa na sems can gyis sems can la kwa'e sems can nga ni kha dog dang ldan pa yin la/ khyod ni kha dog ngan pa yin no zhes khyad du gsod par byed do/ /bdag cag kha dog gis mngon pa'i nga rgyal can du gyur pa na sdig pa can mi dge ba'i chos de dag nyid yang dag par blangs pa'i rgyus sa'i bcud med par gyur to/ /sa'i bcud med par gyur pa na sa zhag kha dog phun sum tshogs pa/ dri phun sum tshogs pa/ ro phun sum tshogs pa byung bar gyur te/ bdag cag de za zhing zas de dang ldan la tshe ring zhing yun ring du gnas so/ /bdag cag las gang zas ches chung ngu za ba de ni kha dog dang ldan par 'gyur la/ gang zas ches cher za ba de ni kha dog ngan par gyur to/ /de ltar zas rnam gnyis nyid la brten nas kha dog rnam gnyis nyid du mngon la/ kha dog rnam gnyis nyid du gyur pa na sems can gyis sems can la/ kwa'i sems can nga ni kha dog dang ldan pa yin la/ khyod ni kha dog ngan pa yin no zhes khyad du gsod par byed do/ /bdag cag kha dog gis mngon pa'i nga rgyal can du gyur pa na sdig pa can mi dge ba'i chos de dag nyid yang dag par blangs pa'i rgyus sa zhag med par gyur to/ /sa zhag med par gyur pa na myu gu'i tshal kha dog phun sum tshogs pa/ dri phun sum tshogs pa/ ro phun sum tshogs pa byung bar gyur te/ bdag cag de za zhing zas de dang ldan la tshe ring du gnas so/ /bdag cag las gang zas ches chung ngu za ba de ni kha dog dang ldan par 'gyur la/ gang zas ches cher za ba de ni kha dog ngan par gyur to/ /de ltar zas rnam gnyis nyid la brten nas kha dog rnam gnyis nyid du mngon la/ kha dog rnam gnyis nyid du gyur pa na sems can gyis sems can la kwa'i sems can nga ni kha dog dang ldan pa yin la/ khyod ni kha dog ngan pa yin no zhes khyad du gsod par byed do/ /bdag cag la kha dog gis mngon pa'i nga rgyal can du gyur pa na sdig pa can mi dge ba'i chos de dag nyid yang dag par blangs pa'i rgyus myu gu'i tshal med par gyur te/ myu gu'i tshal med par gyur pa na ma rmos ma btab pa'i 'bras sA lu'i 'bru so ba med pa/ sbun pa med pa/ dag pa gtsang ba sor bzhi pa kun nas ma dkris pa nub brngas nas nang rgyal zhing phyir skye la/ nang brngas na nub rgyal zhing skye ba/ brngas so cog phyir skye ba/ brngas par yang mi mngon pa byung bar gyur te/ bdag cag de za zhing zas de dang ldan la tshe ring zhing yun ring du gnas so/ /gang gi phyir bdag cag gis ma rmos ma btab pa'i 'bras sA lu'i 'bru sogs 'jog gi yongs su spyod pas zos par gyur pa de'i phyir bdag cag la 'bras sA lu so ba dang / sbun pa dang / 'bras kun nas dkris par gyur cing brngas so cog kyang phyir mi skye la/ brngas par yang mngon zhing sA lu byings dang byings ma yin pa dag na rnam par gnas par gyur gyis bdag cag 'dus shing lhags nas mtshams gcad par bya zhing 'di ni khyod kyi'o/ /'di ni nga'i 'o zhes mu thug rnam par gzhag par bya ba snyam zhes de dag 'dus shing lhags nas/ mtshams gcod par byed cing 'di ni khyod kyi'o/ /'di ni nga'i 'o zhes mu thug rnam par 'jog par byed do/ /dge slong dag 'di ni mu thug gis las kyi mtha' dag 'jig rten du 'byung ba'i dang po rtsom pa yin te/ de yang chos kyis yin gyis chos ma yin pas ni ma yin no/ /de la chos ni 'di yin te/ rgyal ba dbang po rnams kyi chos mchog yin no/ /de nas sems can gzhan zhig gis rang gi sA lu yod bzhin du gzhan gyi sA lu ma byin par blangs so/ /sems can gzhan zhig gis sems can rang gi sA lu yod bzhin du gzhan gyi sA lu ma byin par len pa de mthong ngo / /mthong nas kyang sems can de la/ 'di skad ces smras so/ /kwa'i sems can khyod ci'i phyir rang gi sA lu yod bzhin du gzhan gyi sA lu ma byin par len/ kwa'i sems can khyod song la phyin chad de ltar ma byed cig /sems can des lan gnyis lan gsum du yang rang gi sA lu yod bzhin du gzhan gyi sA lu ma byin par blangs so/ /sems can gzhan des kyang sems can lan gnyis lan gsum du yang rang gi sA lu yod bzhin du gzhan gyi sA lu ma byin par len pa de mthong ngo / /mthong nas kyang yang sems can de la 'di skad ces smras so/ /kwa'i sems can khyod ci'i phyir rang gi sA lu yod bzhin du gzhan gyi sA lu ma byin par len ces sems can des sems can de 'dren par byed/ khrid par byed cing 'khor gyi nang du yang shes ldan dag sems can 'di rang gi sA lu yod bzhin du gzhan gyi sA lu ma byin par len to zhes smod pa'i bar du byed do/ /de nas sems can de dag gis sems can de dag la 'di skad ces smras so/ /kwa'i sems can khyod ci'i phyir rang gi sA lu yod bzhin du gzhan gyi sA lu ma byin par len/ kwa'i sems can khyod song la phyin chad de ltar ma byed cig /de nas sems can ma byin par len pa des sems can de dag la 'di skad ces smras so/ /shes ldan dag sems can 'dis kho bo la sA lu'i phyir smras te 'dren par byed/ khrid par byed cing 'khor gyi nang du snang ba'i bar du byed do/ /de nas sems can de dag gis sems can sA lu'i phyir smra ba de la 'di skad ces smras so/ /kwa'i sems can khyod ci'i phyir sA lu'i phyir sems can la smras shing 'dren par byed/ khrid par byed la/ 'khor gyi nang du smod pa'i bar du byed/ kwa'e sems can khyod song la phyin chad de ltar ma byed cig / de nas sems can de dag 'di snyam du shes ldan dag sA lu'i phyir 'dren par byed/ khrid par byed pa nas 'khor gyi nan du smod par byed pa'i bar dag snang gis/ bdag cag 'dus shing lhags nas bdag cag gi nang nas sems can gang ches gzugs bzang ba/ ches lta na sdug pa/ ches mdzes pa/ ches lus che ba de dag bdag cag gis zhing rnams kyi bdag por bskos nas/ bdag cag las gang chad pas gcad par bya ba yang chad pas gcod par 'gyur zhing / phan gdags par bya ba la yang phan 'dogs par 'gyur la/ bdag cag gi zhing dag las ci 'byung bar 'gyur ba de las chos dang ldan pa'i thog shas kyang dbul bar bya'o snyam nas sems can de dag 'dus shing lhags nas de dag gi nang nas sems can gang ches gzugs bzang ba/ ches blta na sdug pa/ ches mdzes pa/ ches lus che ba de zhing rnams kyi bdag por bsko zhing 'di skad ces/ kye sems can khyod tshur spyon/ khyod kyis bdag cag las gang chad pas gcad par bya ba yang chad pas chod cig / phan gdags par bya ba la yang phan thogs shig /bdag cag gi zhing dag las ci 'byung ba de las kyang bdag cag gis khyod la chos dang 'thun pa'i thog shas dbul lo zhes smras te/ de ltar skye bo mang pos bkur cing skye bo mang pos bkur bas de mang pos bkur ba mang pos bkur ba zhes bya ba'i ming du gyur to/ /zhing rnams kyi bdag po dang / smas pa las skyob par byed pas rgyal rigs rgyal rigs shes bya ba'i ming du gyur to/ /tshul khrims kyi spyod pa kun tu spyod pa dang / shes rab kyi spyod pa kun tu spyod pas chos kyi skye dgu dga' bar byed pas rgyal po rgyal po zhes bya ba'i ming du gyur to/ /dge slong dag 'di ni rgyal rigs kyi dkyil 'khor 'jig rten du 'byung ba'i dang po rtsom pa yin te/ de yang chos kyis yin gyi chos ma yin pas ni ma yin no/ / de la chos ni 'di yin te/ rgyal ba dbang po rnams kyi chos mchog yin no/ /dge slong dag bram ze'i dkyil 'khor 'jig rten du 'byung ba'i dang po rtsom pa gang zhe na/ dge slong dag de nas sems can kha cig gis yongs su 'dzin pa ni nad do/ /yongs su 'dzin pa ni 'bras so/ /yongs su 'dzin pa ni zug rngu'o/ /yongs su 'dzin pa ni sdug bsngal gyi rtsa ba'o zhes bya bar rig nas/ grong nas dgon pa'i gnas su dong ste/ yal ga dang / lo ma'i spyil po dag byas nas gnas bcas te 'khod do/ / de dag rgongs kar yang rgongs ka'i zas 'dod pas grong du bsod snyoms la zhugs so/ /nang par yang nang par gyi zas 'dod pas grong du bsod snyoms la zhugs so/ /de nas sems can gzhan dag 'di snyam du/ shes ldan 'di dag gis 'di ltar yongs su 'dzin pa ni nad do/ /yongs su 'dzin pa ni 'bras so/ /yongs su 'dzin pa ni zug rngu'o/ /yongs su 'dzin pa ni sdug bsngal gyi rtsa ba'o/ /zhes bya bar rig nas grong nas dgon pa'i gnas su dong ste/ yal ga dang lo ma'i spyil po dag byas nas gnas bcas te 'khod cing / rgongs kar yang rgongs ka'i zas 'dod pas grong du bsod snyoms la 'jug par byed/ nang par yang nang par gyi zas 'dod pas grong du bsod snyoms la 'jug par byed pa ni dka' ba byed pa yin no snyam nas/ de dag la te por sbyin pa dag bya bar sems so/ /de nas sems can kha cig bsam gtan de dang / rab tu dben pa de mngon par rdzogs par ma rtogs pa na mtha' gcig tu dong ste/ yal ga dang lo ma'i spyil po dag byas nas 'dir bdag cag gis gsang sngags kyi gzhung dag bya/ rig byed dag sbyor bar bya'o zhes gnas bcas te 'khod par gyur cing / de dag de na gsang sngags kyi gzhung dag byed/ rig byed dag sbyor bar byed do/ /de nas de las sems can kha cig gis bsam gtan de dang / rab tu dben pa de dang / gsang sngags kyi gzhung de dang / rig byed sbyar ba de mngon par rdzogs par ma rtogs pa na yang phyir dgon pa nas grong mthar lhags te khang khyim sgo bzhi pa dag brtsigs nas 'dir bdag cag gis sbyin pa dag sbyin par bya/ bsod snyoms dag spel bar bya/ skye bo 'gron pa 'ongs shing lhags pa rnams la ci nus ci lcogs su bza' ba dang / btung bas tshim par bya'o zhes de dag de na sbyin pa dag sbyin/ bsod nams dag byed/ skye bo 'gron pa 'ongs shing lhags pa rnams la ci nus ci lcogs su bza' ba dang btung bas tshim par byed do/ /'di dag grong las phyi rol tu rten cing phyi rol tu sems pa zhes bya ba las bram ze bram ze zhes bya ba'i ming du gyur to/ /yang 'di dag ni bsam gtan mi byed do zhes bya ba las klog tu 'dzud pa klog tu 'dzud pa zhes bya ba'i ming du gyur to/ /dgon pa nas yang phyir grong mthar lhags pas grong pa grong pa zhes bya ba'i ming du gyur to/ /dge slong dag 'di ni bram ze'i dkyil 'khor 'jig rten du 'byung ba'i dang po rtsom pa yin te/ de yang chos kyis yin gyi chos ma yin pas ni ma yin no/ /de la chos ni 'di yin te/ rgyal ba dbang po rnams kyis chos mchog yin no/ /dge slong dag rje'u rigs kyi dkyil 'khor 'jig rten du 'byung ba'i dang po rtsom pa gang zhe na/ dge slong de nas sems can kha cig khang khyim so so dang ldan pa'i bzo'i gnas dang / las kyi gnas dag la brtson pa dag la sems can 'di dag bzo'i gnas dang / las kyi gnas so sor sgrub par byed do zhes bya ba las rje'u rigs rje'u rigs shes bya ba'i ming du gyur to/ /dge slong dag 'di ni rje'u rigs kyi dkyil 'khor 'jig rten du 'byung ba'i dang po rtsom pa yin te/ de yang chos kyis yin gyi chos ma yin pas ni ma yin no/ /de la chos ni 'di yin te/ rgyal ba dbang po rnams kyi chos mchog yin no/ /dge slong dag chos nyid kyis na dkyil 'khor gsum po dag 'jig rten du byung bas bzhi pa dge sbyong gi dkyil 'khor yang 'jig rten du 'byung bar 'gyur ro/ /ji ltar zhe na/ dge slong dag rgyal rigs kyi khyim nas kyang rigs kyi bu dag skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pas rgyal rigs kyis kyang de dag la mngon du smra ba dang / phyag bya ba dang / ldang ba dang / thal mo sbyar ba dang gdud pa'i las bya bar 'os pa yin la/ bram ze dang / rje'u rigs dag gis kyang mngon du smra ba dang / phyag bya ba dang / ldang ba dang / thal mo sbyar ba dang / gdud pa'i las bya bar 'os pa yin no/ /bram ze'i khyim dang rje'u rigs kyi khyim nas kyang rigs kyi bu dag skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed cing / rgyal rigs kyis kyang de dag la mngon du smra ba dang / phyag bya ba dang / ldang ba dang / thal mo sbyar ba dang / gdud pa'i las bya bar 'os pa yin la/ bram ze dang / rje'u rigs dag gis kyang de dag la mngon du smra ba dang / phyag bya ba dang / ldang ba dang / thal mo sbyar ba dang / gdud pa'i las bya bar 'os pa yin no/ / dge slong dag de la de'i tshe de'i dus na gang gis de'i dang por rang gi sA lu yod bzhin du gzhan gyi sA lu ma byin par blangs pa'i sems can de ni dge slong nor can te/ 'dis de'i tshe yang 'jig rten skyon med cing chu bur med pa la de'i dang por 'di lta ste/ ma byin par len pa'i rkyen gyis chu bur phyung ngo / /'dis da ltar yang dge slong gi dge 'dun skyon med cing chu bur med pa la de'i dang por 'di lta ste/ ma byin par len pa'i rkyen gyis chu bur phyung ngo / /dge slong dag de lta bas na 'di ltar bslab par bya ste/ 'dod chags spang ba'i phyir 'bad par bya'o/ /zhe sdang spang ba'i phyir dang / gti mug spang ba'i phyir 'bad par bya ste/ dge slong dag khyed kyis de ltar bslab par bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ni ltung ba med do/ /pham par 'gyur ba gnyis pa rdzogs so// //'dul ba rnam par 'byed pa/ bam po brgyad pa/ pham par 'gyur ba gsum pa'i spyi sdom la/ bran pa dang ni bdag nyid dang / /dug dang ro langs bsro gang ngo // // sdom la/ bran pa dang ni skyong ba dang / /mchu can dang ni shi ri ka /lhung bzed dang ni chos gos dang / /mngal na gnas dang tshong dpon no/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong bran pa dang / skyong ba zhes bya ba phan tshun gtam 'dres pa/ phebs par smra ba/ 'grogs bshes smos 'drin 'thun par brjod pa gnyis shig 'khod do/ /ji tsam dus gzhan zhig na skyong ba na bar gyur nas de'i nad g.yog bran pa byed pa na skyong bas mtshan mo sgra bsgrag par brtsams pa dang / bran pas smras pa/ tshe dang ldan pa skyong ba ci'i phyir sgra sgrogs par byed/ skyong bas smras pa/ kho bo bkres so/ /skom mo/ bran pas smras pa/ tshe dang ldan pa skyong ba rab tu byung ba'i sems nye bar gzhag par gyis shig /gal te da ltar sman yod du zin kyang re shig byin len stobs pa yang med na khyod la sman lta smos kyang ci dgos te med do/ /skyong ba de so sor rtog pa mi mnga' ba yin pas de kho bo skom mo/ /bkres so/ /zhes sgra sgrogs bzhin pa las nam nangs pa dang / bran pas smras pa/ tshe dang ldan pa skyong ba kho bos sman pa la dris te 'ong gi bar du khyod kyi re shig so shing 'or cig /bran pas sman pa'i gan du song te smras pa/ bzhin bzang gzhon nu zhig na na de la 'phrod pa'i sman ston cig /sman pas smras pa/ 'phags pa dge slong de'i sman ni 'di dang 'di lta bu lags so/ /bran pa sman pa'i gan du ji srid song ba de'i tshe na tshe dang ldan pa skyong ba khri las langs te sham thabs gyon nas 'dag rdzas dang ril pa spyi blugs dang / so shing thogs te bang rim du byung nas so shing dor bar brtsams pa dang / de la dge slong rnams kyis smras pa/ tshe dang ldan pa skyong ba ci'i phyir mtshan mo te por sgra sgrogs par byed/ skyong bas smras pa/ tshe dang ldan pa dag kho bo te por skom pa dang / bkres par gyur to/ /de nas dge slong zhig gis smras pa/ tshe dang ldan pa skyong ba kho bo la chu'i thug pa yod na ci mi 'thung ngam/ skyong bas smras pa/ ma nongs kyis btung ngo zhes des de 'thungs so/ /dge slong gzhan dag gis smras pa/ kho bo cag la 'o thug dang / zho thug dang / 'khur ba dang / sha dang / spyan gzigs dag yod na ci mi za 'am/ skyong bas dge slong de dag las tshangs pa mtshungs par spyod pa rjes su bsrung ba dang brkam chags nyid kyis cung zad cung zad longs spyad pa dang / ha cang zas drags nas de glos phab ste nyal lo/ /bran pa yang sman pa la dris nas myur ba myur bar 'ongs te/ de nas sman pas ji skad bstan pa'i sman sbyar te smras pa/ tshe dang ldan pa skyong ba longs la so shing 'or cig /skyong bas smras pa/ bor zin to/ /bran pas smras pa/ ma nyes so zhes des dkyil 'khor byugs shing snod dang kha gzar byi dor byas te/ longs la zo cig ces smras pa dang / skyong bas de rjes su srung bas langs so/ /bran pas sman byin len byed du bcug ste phul ba dang / skyong bas kha gzar do 'am/ gsum bkang ste zos nas glos phab ste nyal lo/ /bran pas smras pa/ tshe dang ldan pa skyong ba ci'i phyir mi za/ skyong bas smras pa/ kho bo mi 'dod do/ /bran pas smras pa/ khyod kyis mtshan thog thag tu kho bo bkres so/ /skom mo zhes kho bo la tho brtsams na/ da ni khyod mi 'dod do zhes zer na da khyod dus la bab bo/ /dge slong rnams kyis bran pa la smras pa/ tshe dang ldan pa bran pa 'di la bag byos shig /'dis kho bo cag las chu'i thug pa dang / 'o thug dag 'thungs shing khur ba dang / sha dang / spyan gzigs dag zos so/ /bran pas smras pa/ tshe dang ldan pa skyong ba khyod kyis de lta byas pa bden nam/ skyong ba nyes pa dang bcas pas yi ge bsgyangs te smras pa byas so/ /bran pas smras pa/ kho bo lhung bzed zad zad/ chos gos dengs dengs/ dge ba'i phyogs nyams nyams su khyod kyi nad g.yog byed na/ khyod de ltar mi mthun pa byed pas khyod kyis dug zos par gyur pa ni bla'i/ de ltar mi mthun pa zos pa ni ma yin no/ /skyong ba ngo tsha nas bdag gi tshangs pa mtshungs par spyod pa zer ba bzang ste/ 'di lhung bzed zad zad/ chos gos dengs dengs/ dge ba'i phyogs nyams nyams su bdag gi nad g.yog byed na/ bdag de ltar mi mthun pa byed pas bdag gis dug zos pa ni bla'i/ de ltar mi mthun pa byed pa ni ma yin pas bdag gis dug za'o snyam du bsams nas de langs te snod du brtag par brtsams pa dang / des par bur snod na dug gi dum bu mthong nas des de zos pa dang / de dug gis yongs su 'khrugs par gyur pa'i sems kyis 'chi bar brtsams te kha chu 'dzag /mig 'gyur/ bzhin sgyur zhing 'di skad ces bran pa kho bo shi'o/ /kho bo shi'o zhes kyang zer ro/ /bran pas thos nas de brtad cing myur ba myur bar smras pa/ tshe dang ldan pa skyong ba ci'i phyir de skad ku co 'don par byed/ skyong bas smras pa/ khyod na re tshe dang ldan pa skyong ba kho bo lhung bzed zad zad/ chos gos dengs dengs/ dge ba'i phyogs nyams nyams su khyod kyi nad g.yog byed na khyod de ltar mi mthun pa byed pas khyod kyis dug zos par gyur pa ni bla'i/ khyod kyis de ltar mi mthun pa zos pa ni ma yin no zhes zer bas bdag la bdag gi tshangs pa mtshungs par spyod pa zer ba bzang ste/ 'di lhung bzed zad zad/ chos gos dengs dengs/ dge ba'i phyogs nyams nyams su bdag gi nad g.yog byed na bdag de ltar mi mthun pa byed pas bdag gis dug zos par gyur pa ni bla'i/ de ltar mi mthun pa zos pa ni ma yin pas bdag gis dug za'o snyam pa'i blo skyes nas/ bdag gi snod du brtag par brtsams pa dang bar bur snod na dug gi dum bu mthong nas bdag gis de zos so/ /bran pas yi chad pa'i bzhin gyis smras pa/ tshe dang ldan pa khyod kyis ma legs pa byas so zhes smras te/ sman pa'i drung du song ba dang / dug de rnon po zhig yin pas gzung bar ma nus te de dus la bab bo/ /bran pas sman pa khrid de 'ongs pa na de dus la bab pa mthong nas bran pa bdag gis 'chir bcug par ma gyur tam snyam du 'gyod pa skyes nas/ des skabs de dge slong rnams la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa dge slong dag dge slong de la ni ltung ba med de/ yang dge slong gis nad pa la gang thos na nad pa 'chi ba'i phyir rtsol bar byed pa de lta bu'i gtam nye bar brjod pas nye bar brjod par mi bya'o/ /dge slong gis nad pa la gang thos nas nad pa 'chi ba'i phyir rtsol bar 'gyur ba de lta bu'i gtam nye bar brjod pa nye bar brjod par byed na 'gal tshabs can du 'gyur ro/ /'di ni re shig byung ba yin gyi sangs rgyas bcom ldan 'das 'dul ba la nyan thos rnams kyi bslab pa'i gzhi 'cha' bar mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong mchu can dang / shi ri ka zhes bya ba gtam 'dres pa/ phebs par smra ba/ 'grogs bshes smos 'drin mtshungs par brjod pa gnyis shig 'khod do/ /mchu can ni rngon pa las rab tu byung ba yin la/ shi ri ka ni khyim bdag las rab tu byung ba yin no/ /ji tsam dus gzhan zhig na mchu can gyi tsha bo gnyis shig pha ma dang bral bas de dang der 'khyam pa na rgyal byed kyi tshal du phyin te sgo na sdod do/ /mchu can phyir byung ba dang des de gnyis bzhin gzugs las ngo shes nas des de gnyis la smras pa/ khyed gnyis kyi pha ma gar dong / de gnyis kyis smras pa/ dus la bab bo/ /de nye du la mnyes gshin pas thos nas mchi ma dang bcas pa'i skad kyis 'dug pa dang / dge slong rnams kyis de la smras pa/ tshe dang ldan pa mchu can khye'u 'di gnyis su/ mchu can gyis smras pa/ bdag gi tsha bo gnyis yin no/ /dge slong rnams kyis smras pa/ ci'i phyir 'di gnyis sdud par mi byed/ mchu can gyis smras pa/ bdag kyang re shig dka' bas bsod snyoms sgrub par byed na 'di gnyis ci zhig gis bsdu bar bya/ dge slong dag gis smras pa/ 'di gnyis 'dod na dge slong rnams la mdab ma dang / me tog dang / 'bras bu dang / so shing dag 'bul du chug shig dang dge slong dag gis kyang 'di gnyis la lhung bzed kyi lhag ma sbyin par 'gyur ro/ /mchu can gyis de gnyis blangs nas/ de gnyis kyang grims pa/ le lo med pa/ sgrub phod pa yin pas dge slong rnams la mdab ma dang / me tog dang / 'bras bu dang / so shing dag 'bul bar byed nas dge slong rnams kyis kyang de gnyis la lhung bzed kyi lhag ma sbyin par byed do/ /de gnyis gos dang / zas bzang po dus yun mi ring bas lpags pa dang sha dang / khrag rtas shing de gnyis stobs dang snyems pa dang ldan par gyur to/ /de gnyis dus gzhan zhig na rgyal byed kyi tshal gyi sgo na rtse zhing 'khod pa dang / de gnyis kyi nye du dag lag na mda' gzhu thogs shing rgyal byed kyi tshal gyi sgo nas ri dgas shor du 'dong ba de dag gis de gnyis mthong nas de dag gis smras pa/ khye'u gnyis khyed gnyis ga las 'dir 'ongs/ khye'u gnyis kyis smras pa/ shAkya'i sras kyi dge sbyong gi nang 'di na bdag cag gnyis kyi zhang po rab tu byung ba de'i gnas na 'khod do/ /de dag gis smras pa/ khyed gnyis kyi zhang po de yang re shig shAkya'i sras kyi dge sbyong las med pa'i ngang tshul can rnams kyi nang du rab tu byung ba yin na/ ci khyed gnyis kyang las med pa'i ngang tshul can du byed dam/ tshur shog pha'i las rjes su sgrubs shig de gnyis kyis smras pa/ kho bo cag gnyis la zhang pos phan btags pas je de la dri bar bya'o zhes de gnyis tshe dang ldan pa mchu can ga la ba der dong ste phyin nas tshe dang ldan pa mchu can la 'di skad ces smras so/ /zhang po bdag cag gnyis pha'i las rjes su sgrub tu mchi'o/ /mchu can gyis smras pa/ kho bos khyed gnyis dad pas sbyin par byas pas bskyed bskyed na da ci'i phyir nyes par spyod pa'i las 'di lta bu byed/ de gnyis kyis smras pa/ zhang po bdag cag gnyis mgo la gser gyi phreng bas bcings pa ni ngo tsha'i/ pha'i las rjes su sgrub pas ni de lta ma lags kyi mchi'o zhes de gnyis kyis de'i tshig tshig ma yin par byas te dong nas/ de gnyis ri dgas gsod cing 'tsho bar byed do/ /ji tsam dus gzhan zhig na shi ri ka na bar gyur nas mchu can de'i nad g.yog byed pa na shi ri ka sdug bsngal gyi tshor ba dag gis nyen nas bdag re shig tshul khrims dang ldan pas bdag yul gzhan du song na lo legs shing mtho ris ni dar gyis chod pa tsam/ thar pa ni yol bas bsgribs pa tsam ste/ lus zhig na yang lha rnams kyi nang du skye bar 'gyur bas rnam pa thams cad du bdag nyid gsad par bya'o snyam du sems so/ /yang bdag nyid gsod par byed pa ni sdug bsngal ba yin gyis/ gsod pa byed pa zhig btsal lo snyam du sems shing de bdag gi srog gcod par byed pa su yod snyam du dpyod pa la zhugs pa dang / de la mchu can gyi tsha bo gnyis drag shul can lag pa dmar ba/ snun pa dang / rab tu bsnun pa la zhugs pa gzhan gyi srog 'phrog pa/ gzhan gyi srog gcod du 'dzud pa/ gzhan gyi srog gcod pas 'tsho bar byed pa yin pas de gnyis kyi bdag gsod par nus kyi/ gzhan sus kyang mi nus so snyam pa'i blo skyes shing rig nas/ tshe dang ldan pa mchu can la smras pa/ tshe dang ldan pa mchu can khyod kyi tsha bo de gnyis mi snang na gar dong / mchu can gyis smras pa/ khyod de gnyis kyi ming ma 'dzin cig /de gnyis ni 'di lta bu'i sdig pa byed pa yin te/ de gnyis kho bos dad pas sbyin par bya bas bskyed bskyed na de gnyis da nyes par spyod pa'i las bya ba la zhugs shing pha'i las rjes su sgrub par byed de/ gzhan gyi srog 'phrog par byed/ gzhan gyi srog gcod pas 'tsho bar byed do/ /shi ri kas smras pa/ de gnyis la kun nas mnar sems ma skyed cig /de ni 'du 'dzi'i rig pa yin te/ gang gi tshe de gnyis rgyal byed kyi tshal na 'khod pa de'i tshe na de gnyis kyis grog sbur phra mo'i srog kyang ma bcad do/ /de gnyis de lta bu dag dang lhan cig gnas pas de lta bu'i nyes par spyod pa dag byed na de gnyis de dag dang shin tu dbral bar bya zhing / 'di ltar gang gi tshe khyod ga shed du 'gro ba de'i tshe na kho bo srung bar byed pa 'ga' yang med pas gal te de gnyis snang na kho bo'i gan du thong la de gnyis kho bo srung du chug shig /ji tsam na mchu can bsod snyoms la zhugs pa na de'i tsha bo de gnyis tshong 'dus na sha 'tshong zhing 'dug pa des mthong nas/ de gnyis langs te de'i rkang pa gnyis la gtugs pa dang / des smras pa/ khye'u gnyis kho bo khyed gnyis kyi cir 'ong / zhang por mchi'o/ /shi ri ka cir 'ong / de yang zhang por mchi'o/ /de dus de srid du na na khyed gnyis de la ltar ma dong ngam/ zhang po bdag cag gis ma 'tshal to/ /da deng shig /bdag cag gnyis kyis bgyi ba ci mchis/ de ci zer ba de bzhin du gyis shig /de gnyis tshe dang ldan pa shi ri ka ga la ba der song ste phyin nas de'i rkang pa gnyis la phyag 'tshal te mtha' gcig tu 'khod do/ /shi ri kas smras pa/ khye'u gnyis mchu can khyed gnyis kyi cir 'ong / zhang por mchi'o/ /kho bo cir 'ong / zhang por mchi'o/ /kho bo dus de srid du na na khyed gnyis kyis kho bo lan 'ga' yang ma bltas so/ /zhang po bdag cag gnyis kyis ma 'tshal te/ bdag cag gnyis kyis da gzod thos nas de'i slad du bdag cag gnyis mchis so/ /tsha bo gnyis khyed gnyis kho bo lha rnams kyi nang du skye bar 'dod dam/ zhang po bdag cag gnyis gzhan yang lha rnams kyi nang du skye bar 'tshal na/ zhang po lta smos kyang ci 'tshal/ tsha bo gnyis gal te de lta na kho bo yul gzhan du song na lo legs shing mtho ris ni dar gyis chod pa tsam/ thar pa ni yol bas bsgribs pa tsam ste/ lus zhig na yang lha rnams kyi nang du skye bar 'gyur na/ bdag la rtsom par byed pa sdug bsngal ba yin gyis/ khyed gnyis kyi kho bo sod cig /zhang po gal te gzhan 'ga' zhig gis khyod dgrongs par bgyid na yang bdag cag gnyis kyis de dgum par bgyi na bdag cag gnyis kyis zhang po bkrongs pa lta smos kyang ci tshal/ mchu can gyis khyed gnyis la ji skad bsgo/ zhang po ci gsung ba de bzhin gyis shig ces so/ /tsha bo gnyis gal te de lta na kho bo 'di skad zer te/ kho bo sdug bsngal gyi tshor bas nyen gyis kho bo sod cig /de gnyis 'di dang zhang po sngar bgros par gyur gor ma chag ste/ des na zhang pos bdag cag gnyis 'di'i gan du btang ngo snyam du bsams nas/ de gnyis las gcig ches drag shul can yin pas mtshon rnon pos de'i mgo bcad nas de'i 'og tu ras kyis g.yogs te 'khod do/ /mchu can yang spyod yul nas phyir 'ongs te/ des de ras kyis g.yogs pa mthong nas des smras pa/ tsha bo gnyis khyed gnyis 'khod bzhin du yang 'di nyal lam/ zhang po 'di ltar nam yang ldang par mi 'gyur ba de ltar nyal lo/ /mchu can gyis 'di gnyis sngon ma byung ba'i tshig smra na/ dri'o snyam du bsams nas/ des de gnyis la dris pa dang / de gnyis kyis skabs de rgyas par mchu can la brjod do/ /mchu can yid mi bde ba skyes pas ras de bshus pa dang / de mthong nas de bdag gis mtshon thogs pa gnyer bar ma gyur tam snyam du 'gyod pa yang skyes/ bshes pa dang bral bas 'gyod pas gdungs pa'i sems kyis yid mi bde bar gyur nas/ des skabs de dge slong rnams la rgyas par brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med de/ yang dge slong gis nad pa'i nad g.yog mi mkhas pa bzhag ste 'gro bar mi bya'o/ /gal te 'gro dgos pa'i rkyen de lta bu zhig byung na nad g.yog mi mkhas pa la gal te 'di mer mchod dam/ dug za 'am/ mtshon 'byin tam/ bdag nyid g.yang sar mchong ngam/ thag pas 'ching ngam/ gzhan yang mi 'phrod pa za bar byed na bzlog par bya'o zhes bsgo ste 'gro bar bya'o/ / dge slong gis nad g.yog mi mkhas pa la ma bsgo bar de bzhin du 'gro na 'gal tshabs can du 'gyur ro/ /'di yang byung ba yin gyi re shig sangs rgyas bcom ldan 'das 'dul ba la nyan thos rnams kyi bslab pa'i gzhi 'cha' bar ni mi mdzad do sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong zhig 'dug pa de'i lhung bzed la btsa' zhugs nas/ dge slong rnams kyis de la smras pa/ tshe dang ldan pa khyod kyi lhung bzed 'di btsa' zhugs na ci'i phyir mi sreg /des smras pa/ 'di la rdza bo dang / lci ba dang / til gyi tshigs ma dang / yo byad gzhan yang mang du dgos so/ /dge slong rnams kyis smras pa/ tshe dang ldan pa ci lhung bzed med pas 'grub par 'gyur ram/ des smras pa/ kho bo lhung bzed med pas 'grub par mi 'gyur te/ 'di ltar khang khyim che ge mo zhig na dge slong zhig nad kyis btab cing sdug bsngal ba na tshabs che ba yun mi ring bar dus byed par 'gyur ba de'i lhung bzed gsal ba/ zlum pa longs spyad par bzod pa de blang bar bya'o/ /dge slong rnams kyis smras pa/ tshe dang ldan pa khyod lhung bzed kyi phyir gdol pa dang 'dra bar drag shul gyi sems 'di lta bu bskyed du rung ngam/ dge slong de ngo tsha bar gyur nas cang mi smra bar 'dug go/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med de/ yang dge slong gis lhung bzed kyi phyir gdol pa dang 'dra bar drag shul gyi sems de lta bu bskyed par mi bya'o/ /dge slong gis lhung bzed kyi phyir gdol pa dang 'dra bar drag shul gyi sems de lta bu bskyed par byed na 'gal tshabs can du 'gyur ro/ /gzhan yang dge slong gis lhung bzed mig bzhin du yongs su bskyang bar bya ste/ klan par 'os pa ni klan par bya/ bsreg par 'os pa ni bsreg par bya'o/ / dge slong gis lhung bzed klan par 'os pa klon par mi byed dam/ bsreg par 'os pa sreg par mi byed na 'gal tshabs can du 'gyur ro/ /'di yang byung ba yin gyi re shig sangs rgyas bcom ldan 'das 'dul ba la nyan thos rnams kyi bslab pa'i gzhi 'cha' bar ni mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong zhig 'dug pa de'i snam sbyar rnyings shing dri mas gos la/ rdol bar gyur nas dge slong rnams kyis de la smras pa/ tshe dang ldan pa khyod kyi snam sbyar 'di rnyings shing dri mas gos la/ rdol bar gyur na ci'i phyir 'di mi khru/ mi 'tshem/ kha sgyur bar mi byed/ des smras pa/ 'di la zangs dang / chu dang / shing dang / skud pa dang / tshon dang / yo byad gzhan yang mang du dgos so/ /dge slong rnams kyis smras pa/ tshe dang ldan pa ci snam sbyar med pas 'grub par 'gyur ram/ des smras pa/ kho bo snam sbyar med pas 'grub par mi 'gyur te/ 'di ltar khang khyim che ge mo zhig na dge slong zhig nad kyis btab cing sdug bsngal ba/ na tshabs che ba/ yun mi ring bar dus byed par 'gyur ba de'i snam sbyar nyi rim dmar ser tshon sar pas kha bsgyur ba/ longs spyad par bzod pa de blang bar bya'o/ /dge slong rnams kyis smras pa/ tshe dang ldan pa khyod snam sbyar gyi phyir gdol pa dang 'dra bar drag shul gyi sems 'di lta bu bskyed du rung ngam/ de ngo tsha bar gyur nas cang mi smra bar 'dug go/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med de/ yang dge slong gis snam sbyar gyi phyir gdol pa dang 'dra bar drag shul gyi sems de lta bu bskyed par mi bya'o/ /dge slong gis snam sbyar gyi phyir gdol pa dang 'dra bar drag shul gyi sems de lta bu skyed par byed na/ 'gal tshabs can du 'gyur ro/ /gzhan yang dge slong gis snam sbyar lpags pa bzhin du yongs su bcang bar bya ste/ bkru bar 'os pa ni bkru bar bya/ btsem par 'os pa ni btsem par bya/ kha bsgyur bar 'os pa ni kha bsgyur bar bya 'o/ / dge slong gis snam sbyar bkru bar 'os pa 'khru bar mi byed dam/ btsem par 'os pa 'tshem par mi byed dam/ kha bsgyur bar 'os pa kha bsgyur bar mi byed na 'gal tshabs can du 'gyur ro/ /'di yang byung ba yin gyi re shig sangs rgyas bcom ldan 'das 'dul ba la nyan thos rnams kyi bslab pa'i gzhi 'cha' bar ni mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag stobs sde zhes bya ba phyug pa nor mang ba/ longs spyod che ba zhig 'dug pa des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i chung ma la dus gzhan zhig na sems can zhugs par gyur nas/ de zla ba brgyad dam/ dgu 'das te btsas pa las khye'u gzugs bzang ba/ blta na sdug pa/ mdzes pa zhig byung ngo / / nyi ma bdun gsum nyi shu gcig tu de'i btsas pa'i btsas ston rgya cher byas nas khye'u'i ming cir gdags shes ming 'dogs par byed pa na nye du rnams kyis smras pa/ gang gi phyir khye'u 'di khyim bdag stobs sde'i bu yin pa de'i phyir/ khye'u sde pa zhes bya'o zhes de'i ming sde pa zhes bya bar btags so/ /khyim bdag stobs sde de yang rtse bar byed/ dga' bar byed/ dga' mgur spyod par byed pa las bu zhig btsas nas de'i ming ni nye sde zhes bya bar btags so/ / ji tsam dus gzhan zhig na khyim bdag stobs sde'i chung ma dus la bab nas de de dag gis gos sngon po dang / ser po dang / dmar po dang / dkar po dag gis khyogs brgyan te/ dur khrod du bskyal nas bsregs te mya ngan bsang ba byas te 'khod do/ /khyim bdag stobs sdes de'i shid dag byas nas gal te bdag gis chung ma gzhan blangs par gyur na khye'u gnyis sdug bsngal bar 'gyur gyis/ bdag gis sde pa'i khyim dbub par bya'o snyam du bsams nas/ des de'i khyim phub bo/ /ji tsam dus gzhan zhig na khyim bdag stobs sde na bar gyur nas/ de la rtsa ba dang / sdong bu dang / mdab ma dang / me tog dang / 'bras bu'i sman dag gis bsnyen bkur byas kyang nad de nye bar zhi bar ma gyur cing nyam dmas nas/ des sde pa dang / nye sde gnyis la snying bzhos nas/ bsags pa kun gyi mtha' zad cing / /mthon po rnams kyi mtha' ltung 'gyur/ /phrad pa'i mtha' ni 'bral pa ste/ /gson po'i mtha' ni 'chi ba yin/ /zhes bya ba yin pas dus kyi chos dang ldan par gyur to/ /de khye'u gnyis kyis gos sngon po dang / ser po dang / dmar po dang / dkar po dag gis khyogs spyil brgyan te dur khrod du bskyal nas bsregs te/ de'i 'og tu mya ngan bsang ba byas nas shid dag byas te 'khod do/ /sde pas bsams pa/ gang gi tshe bdag cag pha gson pa de'i tshe na ni gzhan gyis srog gso ba byed na/ da ni de'i dus la bab pas khyim gyi bya ba sbyar bar bya dgos te/ gal te khyim gyi bya ba dmas pa yal bar bor na nye du rnams kyis khrel bar 'gyur bas bdag zong thogs te yul gzhan du 'gro'o snyam du rig nas/ nye sde la smras pa/ nu bo gang gi tshe bdag cag pha gson pa de'i tshe na ni gzhan gyis srog gso bar byed na da ni de'i dus la bab pas khyim gyi bya ba sbyar bar bya dgos te/ gal te khyim gyi bya ba dmas pa yal bar bor na nye du rnams kyis khrel bar 'gyur gyis/ khyod ni 'di nyid na khyim gyi bya ba gyis shig /kho bo ni zong thogs te yul gzhan du 'gro'o/ /nye sdes smras pa/ de ltar mdzod cig sde pa zong mang po thogs te yul gzhan du song ba dang / des der khe spogs mang po grub nas sde pas nu bo nye sde la nu bo kho bos khe spogs mang po grub ste ring por mi thogs par 'ong gis brtan pa dang / spungs dang / spro ba chen por gyis shig ces spring yig bskur ro/ /sde pas phyir zhing yang khe spogs mang po grub nas des phyis kyang de kho na bzhin du spring yig bskur ro/ /yang sde pas phyi phyir zhing yang khe spogs mang po grub nas/ des yang de kho na bzhin du spring yig bskur te sde pa de de bzhin du dus dang 'thun pa'i dus su spring yig skur bar byed do/ /chos nyid kyis na/ gang phyir rnyed pa de phyir chags/ /rnyed las chags pa skye bar 'gyur/ /chags pas zil non mi yis ni/ /bya dang bya min rtogs mi 'gyur/ /zhes bya ba yin pas sde pa shin tu thag ring por song nas phyin chad spring yig skur bar mi byed do/ /de nas sde pa'i chung ma gos dang zas bzangs bas nyon mongs pa dag gis gnon par gyur nas/ des nye sde la mtshan ma ston par byed pa dang / nye sdes dbang po rnams phyir blan te 'dug go/ / sde pa'i chung ma de ngo tsha med par gyur nas yang smras pa/ nye sde tshur spyon/ 'di dang 'di lta bu bgyi'o/ /nye sdes rna ba bkab ste smras pa/ khyod kho bo'i ma dang 'dras phyin chad de skad ma zer cig /bud med kyi yul ni ma bslabs par mkhas pa yin pas sde pa'i chung ma de nye du'i khyim du song nas/ gos dri ma can dag bgos te/ khri zhig pa la 'dug cing 'dug go/ /de la ma dang / nang mi dag gis smras pa/ khyod ci'i phyir 'di ltar 'dug /sde pa'i chung mas smras pa/ ci bud med kyi yul la gang gnod pa de mi shes sam/ kho mo nyon mongs pa dag gis shin tu gnod par gyur to/ /de dag gis smras pa/ khyod kyi skud po nye sde gzugs bzang ba/ blta na sdug pa/ mdzes pa yin na ci'i phyir de la tshol bar mi byed/ sde pa'i chung mas smras pa/ bdag gis de la bcol na ma grub bo/ /de dag gis smras pa/ bud med gzhan gang dag khyim thab dag ches yun ring nas dong ste/ dus su ma 'khor ba de dag ches dka' ba byed pa yin no/ /sde pa'i chung mas smras pa/ de dag la ni khyim thab dag gis dus dang 'thun pa'i dus su gtam rmed par byed de/ kho mo la yang gang gi tshe khyim thab gson par gyur pa de'i tshe na ni dus dang 'thun pa'i dus su spring yig bskur bar yang gyur na/ da skur bar mi byed pas dus la bab gor ma chag go/ /de dag gis sde pa'i chung ma de la thabs du ma dag gis yid bzhos kyang khri las ldang bar mi byed cing / des smras pa/ gal te kho mo gzhan la mi sbyin na kho mos nges par rigs gnyis ga la mi snyan pa 'byung bar bya'o/ /de nas sde pa'i chung ma'i pha ma dang / nye du dang rtsa lag gi tshogs dag gis gros bya bar brtsams te/ 'di de ltar zlog tu ma btub pas nges par rigs gnyi ga la mi snyan pa 'byung bar byed kyis nye sde 'gron du bos te zas byin la de la 'di sbyin par bya ba ni 'dir dus la bab pa yin no zhes gros byas nas/ de dag gis nye sde 'gron du bos te zan byin nas smras pa/ nye sde khyod kyi phu bo'i chung ma 'di nyon mongs pa kun tu spyod pas shin tu g.yen spyo bar gyur pas nges par rigs gnyi ga la mi snyan pa 'byin par byed na/ gal te khyod 'di dang lhan cig tu spyod par byed na de lta na legs/ gal te mi byed na bdag cag gis 'di gzhan la sbyin par bya'o/ /nye sdes bsams pa/ 'di bdag cag gis byis pa nas bskyed pa yin pas gal te gzhan du 'gro bar 'gyur zhing rigs gnyis ga la mi snyan pa 'byin par 'gyur na ma legs kyis/ bdag gis 'di bdag gir bya'o snyam du rig nas/ des dang du blangs par khas blangs so/ /de nas nye sdes sde pa'i chung ma rang gi khyim du khrid nas de de dang lhan cig tu rtse bar byed/ dga' bar byed/ dga' mgur spyod par byed do/ /de la mngal na gnas pa'i mtshan ma dag byung bar gyur nas/ de la na zla dag gis smras pa/ 'di ga las 'ongs/ sde pa'i chung mas smras pa/ kho mo tshul khrims dang ldan pa kho na yin gyis khyed cag brdzun gyi skur bas kho mo la kun tu ma spyod cig /de'i grogs mo ches mdza' ba zhig yod pa des smras pa/ ci'i phyir gsang bar byed/ 'di gdon mi za bar grags par 'gyur gyis smros shig /sde pa'i chung mas smras pa/ nye sde las so/ / legs te khyim thab las sam/ skud po las kyang rung 'di la nyes pa 'ga' yang med do/ /sde pa'i chung ma de sems can dang ldan par gyur pa na/ sde pas nye sde la nu bo brtan pa dang / spungs dang / spro ba cher gyis shig /kho bo yang yi ge'i rjes bzhin kho nar 'ong ngo zhes spring yig bskur ro/ /nye sdes thos nas nyam nga bar gyur te bsams pa/ gang gi tshe bdag phu bo de la sprin bzhin du lta bar 'dod pa de'i tshe na ni de ma 'ongs la/ da bdag gis nyes par spyod pa 'di lta bu byas na de 'ong bar gyur te khon rnams kyi nang na 'di lta ste/ bud med kyi khon tha chad yin pas bdag la gnod pa byed par 'gyur ba gang yin pa de lta bu'i gnas yod kyis bros te 'gro'o snyam mo/ /yang bsams pa/ yul yongs su gtong bar byed pa ni sdug bsngal ba yin te/ shAkya'i sras kyi dge sbyong 'di dag gis ko sa lar byung ba'i rgyal po gsal rgyal las gzhon nu'i yongs su spang ba thob pas de dag gi nang du rab tu byung na des der ci zhig bya bar 'gyur snyam nas/ nye sde rgyal byed kyi tshal du song ste dge slong gis gan du phyin nas smras pa/ 'phags pa bdag rab tu 'byung bar 'tshal lo/ /dge slong des smras pa/ bzhin bzangs legs te longs spyod dag ni 'gyur ba yin gyis rab tu phyung shig /dge slong des nye sde rab tu phyung rdzogs par bsnyen par byas nas/ de'i 'og tu nyi ma gnyis sam/ gsum du kun tu spyod pa'i chos dag slob tu bcug nas smras pa/ bzhin bzangs ri dgas kyis ri dgas mi gsos/ mnyan yod rgya che la rang gi spyod yul dang yab kyi yul yin gyis bsod snyoms rgyus la 'tsho bar gyis shig / nye sde mkhan pos de skad bsgo nas mkhan po bka' bzhin 'tshal zhes smras te snga dro sham thabs bgos lhung bzed dang chos gos thogs te/ mnyan yod du bsod snyoms la zhugs so/ /de spyod yul la mi mkhas pas grong rim gyis rang gi khyim du zhugs pa dang / sde pa'i chung mas nye sde mthong nas des brang brdungs te smras pa/ nye sde ci'i slad du khyod kyis kho mo spangs te rab tu byung / nye sdes smras pa/ khyod kyang de skad ces ci'i slad du/ khyod kyis kho mo spangs te rab tu byung zhes zer ram/ gang gis tshe bdag phu bo de la sprin bzhin du lta bar 'dod pa de'i tshe na ni de ma 'ongs la/ bdag gis nyes par spyod pa 'di lta bu byas na de 'ong bar 'gyur te/ khon rnams kyi nang na 'di lta ste/ bud med kyi khon tha chad yin pas bdag la gnod par byed par 'gyur ba gang yin pa de lta bu'i gnas yod do/ /sde pa'i chung mas smras pa/ khyod kyis ni re shig bdag nyid thar bar bgyis na/ kho mos ji ltar bsgrub par bgyi/ nye sdes smras pa/ de ni khyod nyid kyis nyon mongs pa'i dbang gis rnam par bsams pa yin gyi kho bo ni mi 'dod bzhin byed du bcug pa yin pas khyod nyid shes so zhes smras te song ngo / /nye sde'i chung po grogs sngon sman pa spos 'tshong gi khye'u zhig yod pa de sde pa'i chung ma'i khyim du song ste/ nye sde gar song zhes dris pa dang / sde pa'i chung mas smras pa/ nye sdes lam lam por byas te rab tu byung ngo / /gang du shAkya'i sras kyi dge sbyong rnams kyi nang du'o/ /gal te yid mi ches na rgyal byed kyi tshal du song la ltos shig /de rgyal byed kyi tshal du song ba na rab tu byung ba thams cad cha lugs 'dra bas de gang yin mi shes nas/ des dge slong zhig la dris pa/ 'phags pa mnyan yod pa'i khyim bdag gi bu nye sde zhes bgyi ba 'dir rab tu byung na ga la mchis/ dge slong des bstan nas/ spos tshong gi khye'u de nye sde'i drung du song ste smras pa/ nye sde khyod kyis ci zhig rjes su bsgrubs na kho bo la yang ma dris par rab tu byung / nye sdes smras pa/ khyod kyang de skad ces khyod kyis ci zhig rjes su bsgrubs na kho bo la yang ma dris par rab tu byung zhes zer ram/ gang gi tshe bdag phu bo de la sprin bzhin du blta bar 'dod pa de'i tshe na ni de ma 'ongs la/ da bdag gis nyes par spyad pa 'di lta bu byas na de 'ong bar 'gyur te/ khon rnams kyi nang na 'di lta ste/ bud med kyi khon tha chad yin pas bdag la gnod par byed par 'gyur ba gang yin pa de lta bu'i gnas yod do/ / spos 'tshong gi khye'us smras pa/ kho bo cag spos 'tshong gi khye'u dag ni sman pa'i phyed yin pas kho bos re shig mngal na gnas pa blugs par bya ba de lta bu dag byin par gyur na des mngal na gnas pa de dum bu dum bur zhig par 'gyur ba zhig na/ khyod kyis kho bo la ci'i phyir ma smras/ 'di ltar da yang sbyin par bya'o/ /nye sdes dang du blangs so/ /de nas spos 'tshong gi khye'u des rdzas rnon po dag phye mar byas te bu mo zhig gi lag tu byin nas smras pa/ khyod song la sde pa'i khyim du song ste/ sde pa'i chung ma la nye sde na re phye ma 'di chu dron mo dang sbyor la 'thung shig dang khyod sos par 'gyur zhes zer ro zhes bgyis shig /bu mo des jo bo bka' bzhin 'tshal zhes spos 'tshong gi khye'u las mnyan nas sde pa'i khyim ga la ba der song ste phyin nas/ sde pa'i chung ma la smras pa/ nye sde'i zhal nas phye ma 'di chu dron mo dang sbyor la 'thung shig dang khyod sos par 'gyur zhes gsung ngo / /sde pa'i chung ma des phye ma de chu dron mo dang sbyar te 'thungs pa dang / de nas de'i mngal na gnas pa de dum bu dum bur zhig par gyur cing mngal na gnas pa'i mtshan ma dag kyang med par gyur to/ /yang na zla dag gis mthong nas de dag gis smras pa/ khyod kyi mngal na gnas pa de gar song / sde pa'i chung mas smras pa/ kho mos dang po nyid nas kho mo tshul khrims dang ldan pa nyid yin gyis khyed cag rdzun gyi skur pas kho mo la kun tu ma spyod cig ces ma smras sam/ de'i grogs mo ches mdza' ba de de'i gan du song ste smras pa/ khyod kyis sngar 'di skad ces nye sde las so zhes kho mo la smras pa'i mngal na gnas pa de dag gar song sde pa'i chung mas smras pa/ gang kho na las 'ongs pa de kho nar song ngo / /ji ltar gyur/ nye sdes phye ma rnon po de lta bu byin pas des na mngal na gnas pa de dum bu dum bur zhig par gyur to/ /de shAkya'i sras kyi dge sbyong rnams kyi dge sbyong gi tshul ni tshig go/ /bram ze'i tshul ni tshig ste/ 'di ltar mngal na gnas pa yang rlugs par byed do/ /zhes smod par byed/ phyar kha gtong bar byed/ kha zer bar byed do/ /nye sdes sdig pa'i las 'di dang 'di lta bu byas so zhes bya ba'i sgra de yang mnyan yod kun tu grags pa'i skabs de dge slong rnams kyis bcom ldan 'das la gsol to/ /de nas sangs rgyas bcom ldan 'das kyis tshe dang ldan pa nye sde la rmas pa/ nye sde khyod kyis sdig pa'i las de lta bu de byas pa bden nam/ btsun pa ma bgyis te/ 'di ltar bdag gis rjes su yi rang bar ni bgyis so/ /bcom ldan 'das kyis bka' stsal pa/ dge slong dag dge slong nye sde la ni ltung ba med do/ /yang dge slong gis gnas de lta bu la rjes su yi rang bar mi bya'o/ /dge slong gnas de lta bu la rjes su yi rang bar byed na 'gal tshabs can du 'gyur ro/ /de'i bar skabs su sde pa don legs par grub ste mnyan yod dang nye bar phyin to/ /'jig rten ni 'byor pa 'dod la/ rgud pa dang mi mthun pa yin pas kha cig gis myur ba myur bar dong ste sde pa'i chung ma la smras pa/ khyod kyi khyim thab don legs par grub ste mnyan yod dang nye bar 'ongs kyis spro ba skyed cig /bud med kyi yul ni ma bslabs par mkhas pa yin pas sde pa'i chung ma de yi chad pa'i sems kyis gos dri ma can dag bgos te/ khri zhig pa la 'dug cing 'dug go/ /ji tsam na sde pa mnyan yod du zhugs nas zong mdzod du mkhos su phab ste rang gi khyim du 'ongs pa dang / khyim ma byugs/ byi dor ma byas/ gsol ba med pa mthong nas/ des bu mo mngag gzhug ma la dris pa/ khyim bdag gi chung ma gar song / bu mos smras pa/ rje'i sras spyod lam bcad de khri zhig pa la mchis shing mchis so/ /de nas sde pa yid mi bde ba skyes te chung ma'i gan du song nas smras pa/ bzang mo khyod kho bo 'ongs pas mi bde ba 'am/ rje'i sras bdag khyod byon pas mi bde ba ma mchis te/ 'di ltar rje'i sras kyis srung ma gang lags pa de dag nyid rkun ma dag lags so/ /ci zhig byas/ bkag bzhin du nye sdes nan gyis kho mo bdag gir bgyis so/ /bzang mo de ni des khyod zil gyis mnan pa ma yin gyi kho bo zil gyis mnan pa yin gyis longs shig kho bos de la mtshams gcad par bya'o/ /bzang mo nye sde ga la 'dug /rje'i sras khyod byon pa thos nas rab tu byung ngo / /gang du rgyal byed kyi tshal du shAkya'i sras kyi dge sbyong rnams kyi nang du'o/ /bzang mo ci de 'jigs pa med pa'i grong khyer yin nam/ kho bo der yang song la de la mtshams chen po gcad par bya'o/ /'jig rten ni mdza' bshes dang / dgra bo dang / bar ma yin pas kha cig nye sde'i drung du song ste smras pa/ nye sde khyed kyi phu bo 'ongs so/ /nye sdes smras pa/ ji skad zer/ de dag gis smras pa/ ci de 'jigs pa med pa'i grong khyer yin nam/ kho bo der yang song la de la mtshams chen po gcad par bya'o zhes zer ro/ /nye sdes thos nas nyam nga bar gyur te bsams pa/ bdag 'jigs pa dag gis rab tu byung ba de 'dir yang 'byung bar mi 'gyur ram/ 'di ltar bdag cag rgyal pos gzhon nu'i yongs su spang ba byin mod kyi 'on kyang bdag nyes pa dang bcas pa yin pas gal te na bdag la 'dir yang gnod pa byed par 'gyur ba'i gnas yod kyis bros te 'gro'o snyam nas/ des mkhan po la mkhan po bdag 'jigs pa gang gis rab tu byung ba de 'dir yang rjes su 'brel bar gyur to zhes byung ba'i mtha' de rgyas par brjod do/ /mkhan pos smras pa/ bu ci nyes mkhan po bdag gi phu bo de mchis nas te por mchid 'bo zhing ji de 'jigs pa med pa'i grong khyer yin nam/ kho bo der yang song la de la mtshams chen po gcad par bya'o zhes mchi'o/ /'di ltar bdag cag rgyal pos gzhon nu'i yongs su spang ba stsal mod kyi 'on kyang bdag nongs pa dang bcas pa lags pas gal te na 'dir yang bdag la gnod pa bgyid par 'gyur ba'i gnas mchis kyis bros te mchi'o/ /bu gang du 'gro mkhan po rgyal po'i khab tu 'o/ /bu de na kho bo'i mdza' bshes dge slong zhig 'dug gis de la spring yig bskur gyis/ de'i drung na 'dug shig dang / de khyod la byams pas rjes su skyong bar 'gyur ro/ /mkhan po legs so/ /des dge slong de la sngar bro rma ba dris te/ bdag gi lhan cig gnas pa bdag gis khyod kyi gan du gtang ste 'ong gis/ de'i slad du ji ltar 'di ni mngon par dga' ba bzhin du byams pas rjes su skyong shig ces spring yig bris nas/ nye sdes spring yig de mnos te bag tsha bas yid mi bde zhing phyogs su rnam par lta ba bzhin du rgyal po'i khab tu 'phags te mthar gyis rgyal po'i khab tu song nas thos pa brgyud pas dge slong de'i gan du phyin nas rkang pa gnyis la mgo bos phyag 'tshal te spring yig phul nas mtha' gcig tu 'dug go/ /de nas dge slong des spring yig blags te smras pa/ tshe dang ldan pa 'ongs pa legs so 'ongs pa legs so/ /ji ltar khyod de'i nye gnas yin pa de bzhin du kho bo'i yang yin gyis bslab pa la gus par gyis shig dang / kho bos khyod lhung bzed dang chos gos dang / dra ba dang / phor bu dang / ska rags kyis mi brel bar bya'o/ /gzhan yang dge slong gi las ni gnyis te/ bsam gtan dang / klog pa yin na/ khyod bsam gtan dang / klog pa gang 'dod/ bsam gtan 'tshal lo/ /bu legs so/ /des de la gdam ngag byin nas nye sde bsil ba tshal gyi dur khrod du song ste brtson pa dang / 'bad pa dang / brtsal bas nyon mongs pa thams cad spangs nas dgra bcom pa nyid mngon du byas te/ dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bu/ rig pas sgo nga'i sbubs dral bar gyur cing / rig pa dang / mngon par shes pa dang / so so yang dag par rig pa thob pa/ srid pa dang / 'dod pa'i rnyed pa dang / bkur sti la rgyab kyis phyogs pa/ dbang po dang / nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de'i bar skabs su sde pa yang rgyal byed kyi tshal du song ste dge slong rnams la dris pa/ 'phags pa dag 'di na mnyan yod pa'i khyim bdag gi bu rab tu byung ba zhig mchis sam/ rab tu byung ngo / /de ga la mchis/ rgyal po'i khab tu song ngo / /de khyed kyi cir 'ong / nu bor mchi'o/ /sde pas dge slong de dag gi rkang pa la phyag 'tshal te song nas bsams pa/ rgyal po'i khab kyang 'jigs pa med pa'i grong khyer ma yin gyis bdag der yang song la de la mtshams chen po gcad par bya'o snyam nas/ de lam brgyags mang po dang / kAr ShA pa Na dag khyer te rgyal po'i khab tu song ngo / /de 'od ma'i tshal du song nas dge slong rnams la dris pa/ 'phags pa dag 'di na mnyan yod pa'i khyim bdag gi bu rab tu byung ba zhig mchis sam/ 'dir 'ongs so/ /de khyod kyi cir 'ong / nu bor mchi'o/ /de ga la mchis/ bsil ba tshal gyi dur khrod na'o/ /sde pa de bsil ba tshal gyi dur khrod du song ba dang / des nye sde byis pa'i gnas skabs na mthong ba chen por gyur pas mkhas pa dang / rnam par gnon pa las ngo mi shes mod kyi te por brtags pa dang / bzhin gzugs las ngo shes par gyur nas/ des bsams pa/ gal te 'dis bdag ngo shes par gyur na nges par 'dis bdag gsod par byed pas de'i thabs sbyar bar bya'o snyam nas/ de mtha' gcig tu song ste phyogs su rnam par blta zhing 'dug go/ /ji tsam na lam der rngon pa lag na mda' gzhu thogs pa zhig ri dgas shor ba'i phyir 'ongs pa dang / sde pa de'i gan du song ste smras pa/ kye grogs po khyod lag na mda' gzhu thogs te gar 'gro/ des smras pa/ grogs po ri dgas shor du'o/ /de las khyod kyi rnyed pa ji tsam 'grub/ grogs po lan 'ga' ni 'grub/ lan 'ga' ni mi 'grub bo/ /gang gi tshe 'grub pa de'i tshe na mang nyung ji tsam/ grogs po kAr Sha pA Na lnga brgya tsam mo/ /sde pas smras pa/ grogs po gal te de lta na rab tu byung ba 'di sod cig dang kho bos khyod la kAr Sha pA Na lnga brgya sbyin no/ /rngon pa de 'dod pas drangs pa'i yid dang ldan pas des sde pa las kAr Sha pA Na lnga brgya blangs nas de'i 'og tu bsams pa/ rab tu byung ba 'di dag ni rgyal po gzugs can snying pos gzhon nu'i yongs su spang ba byin pa yin la/ bdag ni phyogs 'dir rtag tu rgyu ba yin pas gal te bdag gis rab tu byung ba 'di bsad par gyur na bdag kyang bu dang / rtsa lag dang / phyugs dang bcas te nges par btson rar bcug cing bsad par 'gyur ro/ /'di ltar khyim bdag 'di ni na le sham dkar po 'byung ba dang 'dra bar 'di ga las 'ongs pa sus kyang mi shes pa yin gyis/ rnam pa thams cad du 'di gsad par bya'o snyam nas rngon pa des mda' dug can gyis gzhu rnga'i dbyibs ltar rna drung du thug par bkang ste sde pa'i gnad du bsnun to/ /sde pa de sdug bsngal gyi tshor ba dag gis nyen pas bdag bsad par gyur pa gang yin pa de thams cad nges par rab tu byung ba 'dis rngon pa 'di dang lhan cig brda byas pa yin gyi gang du 'di gsod par 'gyur ba der skye ba blang ngo snyam du sems dag gso bar byed cing des smon lam log par btab nas/ nye sde'i gnas khang gi sgo glegs 'drud pa'i 'og tu sbrul dug myur du khyab par byed pa zhig tu skyes so/ /dgra bcom pa dag ni ma bsams par shes pa dang mthong ba mi 'jug pas nye sdes sgo glegs phye bas sbrul dug myur du khyab par byed pa de shi bar gyur to/ /de nas sgo glegs 'drud pa'i steng du skyes nas der yang shi bar gyur to/ /de nas khri'i rkang rten gcig gi 'og tu skyes nas der yang shi bar gyur to/ /de bzhin du lan gnyis lan gsum lan bzhir 'og tu skyes nas der yang shi bar gyur to/ / ji lta ji ltar 'chi bar 'gyur ba de lta de ltar dug shin du rno ba dang / lus shin tu phra bas nying mtshams sbyor ba len pa byed do/ /ji tsam dus gzhan zhig na de steng gi spang leb kyi bar du skyes nas tshe dang ldan pa nye sde gcig pu dben par song ste nang du yang dag 'jog la zhugs pa'i lus la lhung bar gyur to/ /de nas tshe dang ldan pa nye sdes dge slong rnams la smras pa/ tshe dang ldan pa dag kho bo'i lus la sbrul dug myur du khyab par byed pa/ 'bar ba/ rno ba/ dug drag pa/ 'di lta ste/ dper na mig sman gyi thur ma ltar phra ba lhung gis/ kye tshe dang ldan pa dag lus kyi than kor nas bzung la 'di nyid du 'di lta ste/ dper na sbun pa'i chang bu ltar zhigs par mi 'gyur bar gtsug lag khang gi phyi rol du phyung shig /de'i tshe na tshe dang ldan pa shA ri'i bu tshe dang ldan pa nye sde dang ha cang mi ring ba'i shing drung zhig na rten cing nyin mo gnas pa'i phyir 'dug go/ /tshe dang ldan pa shA ri'i bus tshe dang ldan pa nye sde'i tshig brjod pa rnam pa de lta bu de thos so/ /thos nas kyang tshe dang ldan pa nye sde ga la ba der song ste phyin nas tshe dang ldan pa nye sde la 'di skad ces smras so/ /bdag gis tshe dang ldan pa nye sde'i bzhin gzhan du gyur pa 'am/ dbang po rnams sna tshogs su gyur pa ma mthong na/ 'on kyang tshe dang ldan pa nye sde 'di skad ces tshe dang ldan pa dag kho bo'i lus la sbrul dug myur du khyab par byed pa/ 'bar ba/ rno ba/ dug drag pa 'di lta ste/ dper na mig sman gyi thur ma ltar phra ba lhung gis/ kye tshe dang ldan pa dag lus kyi than kor nas bzung la 'di nyid du 'di lta ste/ dper na sbun pa'i chang bu ltar zhigs par mi 'gyur bar gtsug lag khang gi phyi rol du phyung shig ces zer ro/ /tshe dang ldan pa shA ri'i bu gang la 'di ltar mig bdag yin no/ /mig bdag gi yin no/ /rna ba dang / sna dang / lce dang / lus dang / yid bdag yin no/ /yid bdag gi yin no/ /gzugs bdag yin no/ /gzugs bdag gi yin no/ /sgra dang / dri dang / ro dang / reg bya dang / chos bdag yin no/ /chos bdag gi yin no/ /sa'i khams bdag yin no/ /sa'i khams bdag gi yin no/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams bdag yin no/ /rnam par shes pa'i khams bdag gi yin no/ /gzugs kyi phung po bdag yin no/ /gzugs kyi phung po bdag gi yin no/ /tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po bdag yin no/ /rnam par shes pa'i phung po bdag gi yin no zhes bya ba yod pa de la ni bzhin gzhan du gyur pa 'am/ dbang po rnams sna tshogs su gyur par 'gyur gyi/ tshe dang ldan pa shA ri'i bu kho bo la ni 'di ltar mig bdag yin no/ /mig bdag gi yin no/ /rna ba dang / sna dang / lce dang / lus dang / yid bdag yin no/ /yid bdag gi yin no/ /gzugs bdag yin no/ /gzugs bdag gi yin no/ /sgra dang / dri dang / ro dang / reg bya dang / chos bdag yin no/ /chos bdag gi yin no/ /sa'i khams bdag yin no/ /sa'i khams bdag gi yin no/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams bdag yin no/ /rnam par shes pa'i khams bdag gi yin no/ /gzugs kyi phung po bdag yin no/ /gzugs kyi phung po bdag gi yin no/ / tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po bdag yin no/ /rnam par shes pa'i phung po bdag gi yin no/ /zhes bya ba med pas kho bo'i bzhin gzhan du gyur pa 'am/ dbang po rnams sna tshogs su gyur pa ga la 'gyur/ tshe dang ldan pa nye sde yun ring po nas bdag tu 'dzin pa dang / bdag gir 'dzin pa dang / nga'i snyam pa'i nga rgyal dang / mngon par zhen pa dang / bag la nyal ba dag spangs shing yongs su shes la/ tA la'i mgo bzhin du drung nas bcad cing gzhi mi snang la phyis kyang mi skye ba'i chos can du gyur pas khyod la bzhin gzhan du gyur pa 'am/ dbang po rnams sna tshogs su gyur par ga la 'gyur/ de nas tshe dang ldan pa shA ri'i bu dge slong rab tu mang po dag dang bcas pas/ tshe dang ldan pa nye sde'i lus kyi than kor nas bzung ste gtsug lag khang gi phyi rol du bskyal nas/ tshe dang ldan pa nye sde'i lus 'di lta ste/ dper na sbun pa'i chang bu ltar rnam par brgyar zhigs so/ /de nas tshe dang ldan pa shA ri'i bus tshigs su bcad pa smras pa/ tshangs spyod legs par spyad pa dang / /lam nyid legs par bsgoms pa ni/ /tshe zad dga' bar 'gyur ba ste/ /nad dang bral ba ji bzhin no/ /tshangs spyod legs par spyad pa dang / /lam nyid legs par bsgom pa ni/ / tshe zad dga' bar 'gyur ba ste/ /dug snod spangs pa ji bzhin no/ /tshangs spyod legs par spyad pa dang / /lam nyid legs par bsgoms pa ni/ /'bar ba'i khyim nas thar ba ltar/ /'chi ba'i mthar ni mya ngan med/ /tshangs spyod legs par spyad pa dang / /lam nyid legs par bsgoms pa ni/ /gang tshe 'jig rten shes rab kyis/ /rtswa dang shing 'drar mthong gyur pa/ /de tshe nying mtshams sbyor med las/ /gzhan pa 'dod par mi byed do/ /de nas tshe dang ldan pa shA ri'i bus tshe dang ldan pa nye sde'i lus la lus kyi mchod pa byas nas/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la tshe dang ldan pa shA ri'i bus 'di skad ces gsol to/ /btsun pa tshe dang ldan pa nye sde'i lus la sbrul dug myur du khyab par bgyid pa/ 'bar ba/ rno ba/ dug drag pa 'di lta ste/ dper bgyi na/ mig sman gyi thur ma ltar phra ba lhung nas/ de'i lus 'di lta ste/ dper bgyi na sbun pa'i chang bu ltar zhigs par gyur to/ /shA ri'i bu tshe dang ldan pa nye sde la gal te de'i tshe tshigs su bcad pa 'di dag dang / gsang sngags kyi tshig 'di dag snang bar gyur na de'i lus la sbrul dug myur du khyab par byed pa 'bar ba/ rno ba/ dug drag pas tshugs par mi 'gyur zhing / de'i lus 'di lta ste/ dper na spun pa'i chang bu ltar zhigs par yang mi 'gyur ro/ /btsun pa tshigs su bcad pa de dag dang / gsang sngags kyi tshig de dag gang lags de nas bcom ldan 'das kyis de'i tshe tshigs su bcad pa bka' stsal pa/ nga ni yul 'khor srung la byams/ /sa srung bu la byams pa ste/ /la ba dang ni mgyogs mchog dang / / gcod ldan bu la nga byams so/ /gau ta ma ni nag po dang / /mig mi bzang la nga byams te/ /klu gang dga' bo nye dga' bo/ /de gnyis la ni nga rtag byams/ /rkang med rnams la nga byams te/ /rkang gnyis rnams la 'ang nga byams so/ /rkang bzhi rnams la nga byams te/ /rkang mangs rnams la 'ang nga byams so/ /gang dag rgya mtshor rten pa yi/ /klu rnams kun la nga byams so/ /sems can gang dag mgul gnas pa'i/ /sems can kun la nga byams so/ /sems can kun dang srog chags kun/ /'byung po kun dang ma 'dres shog /thams cad bde ba nyid gyur cing / /thams cad nad ni med gyur cig /kun gyi bzang po mthong gyur cing / /gang la 'ang sdig par ma gyur cig /sbrul gyis gang ba'i bya skyibs su/ /rtag tu bdag ni gnas gyur kyang / /dug myur khyab dang dug drag pos/ /bdag gi srog la gnod mi 'gyur/ /bdag gi bden tshig gang gis ni/ /ston pa 'jig rten bla med pa/ /bdag gi bden tshig de yis ni/ /bdag gis lus la dug ma 'jug / 'dod chags zhe sdang gti mug rnams/ /de dag 'jig rten dug gsum ste/ /sangs rgyas bcom ldan dug mi mnga'/ /sangs rgyas bden pas dug bcom mo/ /'dod chags zhe sdang gti mug rnams/ /de dag 'jig rten dug gsum ste/ / sangs rgyas chos ni dug mi mnga'/ /chos kyi bden pas dug bcom mo/ /'dod chags zhe sdang gti mug rnams/ /de dag 'jig rten dug gsum ste/ /bcom ldan dge 'dun dug mi mnga'/ /dge 'dun bden pas dug bcom mo/ /dug dang drag po'i dug bcom ste/ /bsrung bas yongs su gzung bar byas/ /sangs rgyas thams cad dug bcom pas/ /brang 'gro khyod kyi dug bcom mo/ /de la gsang sngags kyi tshigs rnams 'di dag yin te/ tAd ya thA/ oM tum bi le/ tum bi le/ tum be pra tum be/ na Ta Te/ su na Ta Te/ ke pa Ta Te/ mu na ye sa ma ye/ dan te/ dan ti le/ nI le nI la ke she/ bA le bA la ko pe/ o le n+yang go le swA hA/ shA ri'i bu gal te de'i tshe rigs kyi bu nye sde la tshigs su bcad pa de dag dang / gsang bsngags kyi tshig de dag snang bar gyur na de'i lus la dug myur du khyab par byed pas tshugs par mi 'gyur zhing / de'i lus 'di lta ste/ dper na sbun pa'i chang bu ltar rnam pa brgyar zhigs par yang mi 'gyur ro/ /btsun pa de'i tshe na tshe dang ldan pa nye sdes tshigs su bcad pa de dag dang / gsang bsngags kyi tshig de dag sngon ma thos pas de la da ltar bcom ldan 'das la ji lta ba bzhin du snang bar ga la 'gyur/ de nas tshe dang ldan pa shA ri'i bus bcom ldan 'das kyis bka' stsal pa la mngon par dga' ba dang rjes su yi rang ba byas te/ bcom ldan 'das kyi zhabs gnyis la mgo bos phyag 'tshal nas bcom ldan 'das kyis spyan snga nas song ngo // //'dul ba rnam par 'byed pa/ bam po dgu pa/ dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa nye sdes las ci zhig bgyis na las de'i rnam par smin pas phyug pa nor mang ba longs spyod che ba'i khyim du skyes/ las ci zhig bgyis na des bcom ldan 'das kyi spyan sngar rab tu byung nas nyon mongs pa thams cad spangs pas dgra bcom pa nyid mngon sum du bgyis/ las ci zhig bgyis na des dgra bcom pa nyid thob kyang dug gis gzir ba'i snyun gyis yongs su mya ngan las 'das/ bcom ldan 'das kyis bka' stsal pa/ dge slong dag rigs kyi bu nye sde nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas nye sde nyid kyi las byas shing / bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba 'das pa'i dus na sangs rgyas rnams 'byung ba med pa'i tshe rang sangs rgyas dman pa dang / bkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur pa dag 'jig rten du byung ngo / /ji tsam na ri brag zhig na rngon pa zhig 'dug ste/ ri brag de dang ha cang mi ring ba zhig na ri dgas dang bya mang po dag gi rten du gyur pa mtshe'u zhig yod pa der rngon pa de nyi ma re re zhing ri dgas dang bya mang po dag drungs dbyung ba'i phyir dang / nyams par bya ba'i phyir dang / tshul ma yin pas sdug bsngal bar bya ba'i phyir rngon spyad dang / snyi dang rnyong mang po dag 'dzugs par byed do/ /de'i rngon spyad dang / snyi dang / rnyong de dag kyang don yod pa yin no/ /ji tsam dus gzhan zhig na rang sangs rgyas zhig ljongs rgyu zhing song ba na ri brag der phyin nas lha'i gnas shig tu mtshan mo gnas par khas blangs nas de snga dro sham thabs bgos lhung bzed dang chos gos thogs te ri brag der bsod snyoms la zhugs so/ /der bsod snyoms brgyus nas bsams pa/ lha'i gnas 'di nyin mo rgyun lugs mang ba yin gyis/ ri brag kyi phyi rol gyi gnas zhi ba zhig tu bsod snyoms bza'o snyam nas de ri brag nas byung ste 'di ni zhi ba'o/ /'di ni zhi ba'o zhes mtshe'u de ga la ba der song ste phyin nas lhung bzed dang chu tshags mtha' gcig tu bzhag ste rkang pa gnyis pa bkrus nas lag pa gnyis bsnyal te chu btsags nas lo ma lhags pa dag blangs te 'dug nas zas kyi bya ba byas te lag pa gnyis bsnyal nas kha bkrus te lhung bzed dang chu tshags gnas ji lta ba bzhin du bzhag nas rkang pa gnyis bkrus te shing drung zhig tu brten nas brang 'gro'i rgyal po nyal ba'i lus bskyil ba ltar skyil mo dkrung bcas te spyod lam zhi bar 'dug pa dang / de'i nyin mo mi'i dris ri dgas gcig kyang ma zin to/ /de nas rngon pa de nang par sngar langs te mtshe'u de ga la ba der song nas des rngon spyad dang / snyi dang / rnyong de dag byul bar brtsams pa dang / ri dgas gcig kyang ma mthong nas de 'di snyam du sems te/ bdag gi rngon spyad dang / snyi dang / rnyong 'di dag don yod pa yin na gang gi phyir deng ri dgas gcig kyang ma zin pa 'di'i rgyu gang yin snyam nas/ des mtshe'u de'i than kor byul bar brtsams pa dang / mi'i rjes mthong nas de rjes de'i phyi bzhin du song ba dang rang sangs rgyas spyod lam zhi bar 'dug pa de mthong nas des bsams pa/ rab tu byung ba sems zhi ba 'di dag gnas 'di lta bu dag tu mngon par dga' bar byed pas gal te bdag gis 'di'i srog gcad par ma byas na 'di dag gis nges par bdag gi 'tsho ba gcod par byed kyis/ rnam pa thams cad du 'di gsad par bya'o snyam nas/ snying rje med pa'i sems dang ldan pa 'jig rten pha rol btang ba des mda' dug can gyis gzhu rnga'i dbyibs 'dra ba rna drung du thug par bkang ste rang sangs rgyas de'i gnad du bsnun to/ /rang sangs rgyas bdag nyid chen po des bsams pa/ rngon pa nyon mongs pa 'di ha cang smas pa dang / nyams par gyur na mi rung gis 'di lag nas drang ba sbyin no snyam nas des ngang pa'i rgyal po 'dab ma brkyang ba ltar steng gi nam mkha' la mngon par 'phags nas/ 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod par byed pa yin pas/ rngon pa de shing ljon pa rtsa ba nas bcad pa bzhin du/ rang sangs rgyas de'i rkang pa gnyis kyi drung du sgyel nas smras pa/ yon gnas yang dag par gyur pa mar gshegs su gsol/ nyon mongs pa'i 'dam du bying ba bdag gi sug pa nas drang ba stsal du gsol/ rang sangs rgyas de rngon pa de la rjes su snying brtse ba'i phyir steng gi nam mkha' las shod du babs so/ / de nas rngon pa des zug rngu med par byas te rma lhan gyi glan nas smras pa/ 'phags pa sdug par gshegs su gsol/ gal te 'dir gser gyi lhan pa klan par mdzad na de yang bdag gis sbyar bar bgyi'o/ /rang sangs rgyas kyis bsams pa bdag gis rnag gi lus 'dis thob par bya ba gang yin pa thob zin pas de'i phyir da ni zhi ba phung po'i lhag ma med pa'i mya ngan las 'das pa'i dbyings su 'jug par bya'o snyam nas de rngon pa de nyid kyi mdun du yang nam mkha'i dkyil du 'phags te cho 'phrul rnam pa sna tshogs dag rnam par bstan nas phung po'i lhag ma med pa'i mya ngan las 'das pa'i dbyings su mya ngan las 'das so/ /rngon pa de nor dang ldan pa yin pas des spos kyi shing thams cad kyis phung por gcer te bsregs nas phung po de 'o mas zhi bar byas te/ rus pa de dag gser gyi bum par bcug nas lam po che'i bzhi mdor lus kyi mchod rten brtsig tu bcug ste/ gdugs dang / rgyal mtshan dang / ba dan dag bsgreng zhing / dri dang / phreng ba rgyu dang / bdug spos dang / phye ma dang / sil snyan dag gis mchod pa byas nas rkang pa gnyis la phyag 'tshal te smon lam 'di skad ces bdag yon gnas yang dag par gyur pa 'di lta bu la gnod pa byas pa gang yin pa'i las de'i cha dang 'thun par mi 'gyur bar mchod pa byas pa gang yin pa'i dge ba'i rtsa ba 'dis bdag phyug pa/ nor mang ba/ longs spyod che ba'i khyim du gzugs bzang ba/ blta na sdug pa/ mdzes par skyes zhing 'di bas ches khyad par du 'phags pa'i ston pa mnyes par byed cing thugs byung bar mi byed pa'i yon tan gyi rnam pa de lta bu thob par gyur cig ces btab bo/ /dge slong dag de'i tshe de'i dus kyis rngon pa gang yin pa de ni nye sde 'di yin te/ des rang sangs rgyas kyi gnad du mda' dug can gyi bsnun pa gang yin pa'i las de'i rnam par smin pas bskal par sems can dmyal ba chen po mnar med par gdungs nas/ las de nyid kyi lhag mas tshe rabs lnga brgyar dug gis dus la bab ste/ da ltar gyi bar du yang dgra bcom pa thob kyang de dug gis yongs su mya ngan las 'das so/ /mchod pa byas nas smon lam btab pa gang yin pa des ni da ltar phyug pa/ nor mang ba longs spyod che ba'i khyim du gzugs bzang ba/ blta na sdug pa/ mdzes par skyes shing / nga'i bstan pa la rab tu byung nas nyon mongs pa thams cad spangs pas dgra bcom pa nyid mngon du byas shing 'dis rang sangs rgyas bye ba phrag 'bum bas ches khyad par du 'phags pa'i ston pa nga mnyes par byas shing thugs byung bar ma byas so/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang 'dren ma rnams spangs te/ las gcig tu dkar ba rnams la brtsal bar bya ste/ dge slong dag khyed kyis de ltar bslab par bya'o/ /'di yang re shig byung ba yin gyi sangs rgyas bcom ldan 'das 'dul ba la nyan thos rnams kyi bslab pa'i gzhi 'cha' bar ni mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na tshong dpon zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de la bu btsas nas de btsas pa'i rim gyis rigs dang 'thun pa'i ming btags te/ de bsrings shing bskyed nas chen por gyur to/ /ji tsam na tshong dpon de'i chung ma dus la bab nas des chung ma gzhan zhig blangs te/ tshong dpon des chung ma de la smras pa/ bzang mo gzhan las skyes pas ni bya ba byed par nus kyi/ mi mthun par skyes pas ni mi nus pas khye'u 'di khyod kyi bu yin gyis khyod kyis 'di la mkho ba bstabs par bya'o/ /ji tsam dus gzhan zhig na chung ma gnyis pa de la yang sems can zhugs par gyur nas des bsams pa/ bdag la yang bu yod par gyur pas khye'u 'di de'i zla bor 'gyur gyis 'di bstod par mi bya'o snyam nas des khye'u de zas ngan pa dang / gos ngan pa bsrel du 'jug cing khu tshur dang thal cag dag gis kyang yang dang yang du rdeg par byed do/ /khye'u de pha'i gan du song ste smras pa/ yab bdag la ma yar mo 'dis zas ngan pa dang / gos ngan pa bsrel du stsol cing khu tshur dang thal lcag dag gis kyang yang dang yang du rdeg par bgyid do/ /tshong dpon des smras pa/ bu ci nas kyang phyin chad de ltar mi byed par bzlog par bya'o/ /tshong dpon des chung ma la smras pa/ bzang mo kho bos khyod la dang po nyid nas gzhan las skyes pas ni bya ba byed par nus kyi mi mthun par skyes pas ni mi nus pas khye'u 'di khyod kyi bu yin gyis khyod kyis 'di la mkho ba bstabs par bya'o zhes ma smras sam/ ci'i phyir khyod kyis 'di la zas ngan pa dang / gos ngan pa bsrel du 'dzud cing khu tshur dang thal lcag dag gis kyang yang dang yang du rdeg par byed/ chung mas smras pa/ rje'i sras bdag gis 'di bslab par bgyi ste/ 'di ni tshong dpon gyi bu lags pas gal te ma bslabs na rje'i sras nyid la yang 'jig rten dag nges par smod par 'gyur ro/ /tshong dpon gyis smras pa/ khyod 'di slob par ma bskos kyis phyin chad 'di zas ngan pa dang / gos ngan pa bsrel du mi gzhug cing khu tshur dang / thal lcag gis yang dang yang du ma rdeg shig /chung ma de tshong dpon de'i shin tu gnang chen yin pas/ chung ma des khye'u de phyir zhing shas cher gos ngan pa dang / zas ngan pa srel du 'dzud cing / khu tshur dang thal lcag gis kyang yang dang yang du rdeg par byed do/ /khye'u des bsams pa/ bdag gi phas ma yar mo 'di drag tu ma bzlog pas des ma yar mo 'di bdag la phyir zhing shas cher zas ngan pa dang / gos ngan pa srel du 'dzud cing / khu tshur dang thal lcag dag gis kyang yang dang yang du rdeg par byed kyis bdag rab tu 'byung du 'gro'o snyam nas/ khye'u des pha la yab khyod kyis bdag gi ma yar mo 'di bzlog kyang 'dir slar zhing shas cher bdag zas ngan pa dang / gos ngan pa srel du stsal cing / khu tshur dang thal lcag dag gis kyang yang dang yang du rdeg par bgyid kyis bdag rab tu 'byung du mchi'o/ / zhes ci nas cir bsgyur te gsol ba byas so/ /tshong dpon de chung ma de la ha cang byams shing de'i sems srung bas de drag tu bzlog par ma nus nas des smras pa/ bu khyim bdag gi chung ma 'di gtum pa brtun ngas pa/ drag shul che ba yin gyis song la rab tu byung shig dang / khyod gson pa mthong bar yang 'gyur gyi/ gal te na khyod la gnod pa byed par 'gyur ba'i gnas kyang yod do/ /khye'u de phas gnang nas rgyal byed kyi tshal du song ste dge slong gi drung du song nas rkang pa gnyis la phyag 'tshal te smras pa/ 'phags pa bdag rab tu 'byung bar 'tshal lo/ /dge slong des smras pa/ bzhin bzangs khyod kyis sems bskyed pa legs te/ longs spyod dag ni 'gyur ba yin gyis rab tu byung shig /dge slong des khye'u de rab tu phyung rdzogs par bsnyen par byas nas smras pa/ bzhin bzangs dge slong gi las ni gnyis te/ bsam gtan dang / klog pa yin no/ /kho bo ni bsam gtan pa yin na khyod bsam gtan dang / klog pa gang byed/ des smras pa/ mkhan po klog pa'o/ /bu legs kyis khyod kyis sde snod gsum po dag klag par bya'o/ /des bsams pa/ gzhung mang la mkhan po rjes su bsrung dgos pas/ 'di na bdag la klog tu 'dzud pa med kyis/ yul gzhan du 'gro'o snyam nas de yul gzhan du song ngo / /des der sde snod gsum po dag blags shing sde snod gsum dang ldan pa/ chos sgrogs pa/ rig pa dang grol ba'i spobs pa can du gyur to/ /des bsams pa/ bcom ldan 'das kyis dge slong dag bu'i pha ma snyod par byed pa/ gso bar byed pa/ skyed par byed pa nu ma snun par byed pa/ 'dzam bu'i gling sna tshogs ston par byed pa gnyis ni dka' ba byed pa dag yin te/ bus phrag pa gcig gis ni pha/ gcig shos kyis ni ma lo brgya tham par yongs su spang ba byas sam/ sa chen po 'dir nor bu dang / mu tig dang / bai dUr+ya dang / man shel dkar po dang / byi ru dang / dngul dang / sa le sbram dang / rdo'i snying po dang / spug dang / dmar po dang / g.yas su 'khyil ba dang / de lta bu'i dbang phyug gi bdag po la bkod par gyur pa gang yin pa de tsam gyis ni bus pha ma gnyis la byas pa dang / nye bar byas par mi 'gyur gyi/ des pha ma ma dad pa gnyis dad pa phun sum tshogs pa yang dag par 'dzin du 'dzud/ 'dul bar byed/ 'dzud par byed/ rab tu 'god par byed pa dang / tshul khrims 'chal ba gnyis tshul khrims phun sum tshogs pa dang / ser sna can gnyis gtong ba phun sum tshogs pa dang / shes rab 'chal ba gnyis shes rab phun sum tshogs pa yang dag par 'dzin du 'dzud/ 'dul bar byed/ 'dzud par byed/ rab tu 'god par byed na/ de tsam gyis ni bus pha ma gnyis la byas pa dang nye bar byas par 'gyur ro/ /zhes gsungs pas bdag gi pha de yang ma dad pa yin gyis bdag song la de la chos bstan par bya'o snyam nas de lhung bzed dang chos gos thogs te mnyan yod ga la ba der rgyu zhing song ba na mthar gyis mnyan yod du phyin nas de mnyan yod du 'jug pa nyid na rgyal byed kyi tshal du song ngo / /mnyan yod kun tu tshong dpon che ge mo'i bu zhig ljongs nas sde snod gsum blags te rgyal byed kyi tshal du 'ongs so/ /zhes bya ba'i sgras khyab par gyur pa de tshong dpon des thos nas bdag gi bu sde snod gsum blags te ljongs nas rgyal byed kyi tshal du 'ongs kyis de yang dag par rab tu dga' bar byed du 'gro'o snyam nas/ tshong dpon de rgyal byed kyi tshal du song ba dang / des bu de mthong nas smras pa/ bu khyod kyis kho bo spangs te rab tu byung mod kyi/ khyod dge slong du red cing mang du thos par gyur pa legs te/ bdag kyang yongs su dga'o zhes smras nas de'i mdun du 'dug go/ /dge slong des tshong dpon de la gang gis tshong dpon de dad pa skyes pas skyabs su 'gro ba dang / bslab pa'i gzhi dag bzung bar gyur pa de 'dra ba'i chos bstan pa byas so/ /tshong dpon des bu'i rkang pa gnyis la phyag 'tshal te phyi de nyin par zan la 'gron du bos pa dang / bu des kyang cang mi smra bas dang du blangs so/ /de nas tshong dpon des bu'i rkang pa gnyis la phyag 'tshal te song ba dang / de la lam kar blo skyes pa/ bdag gis bu de ma bgros par gya tsom du 'gron du bos na bdag gi chung ma de yang gtum pa/ brtun ngas pa/ drag shul che ba yin pas bu de la bsnyen bkur byed par mi 'gyur na/ de la ji ltar bsgrub par bya snyam mo/ /yang bsams pa/ da ni de 'gron du bos zin pas ci byar yang med kyis bdag gis gang gis chung ma de 'khrugs par mi 'gyur bar rnam pa thams cad du dga' ba dang snyan pa'i tshig dag gis thabs bsham par bya'o snyam nas de khyim du song ste chung ma la smras pa/ bzang mo 'khyams pa dang / shi ba dang / rab tu byung ba zhes bya ba dag don gcig gam/ 'on te tha dad du bya ba cung zad yod/ chung mas smras pa/ rje'i sras tha dad du bgyi ba cung zad kyang ma mchis so/ /tshong dpon gyis smras pa/ bzang mo gzhan dag na re khyod kyi bu yar po de dge slong bzang por red de ljongs nas sde snod gsum blags nas rgyal byed kyi tshal du 'ongs te/ sde snod gsum dang ldan pa 'ba' shig tu yang ma zad kyi/ chos sgrogs pa/ rigs pa dang grol ba'i spobs pa can du yang gyur ces zer ro/ /chung mas smras pa/ rje'i sras gal te de lta na ci'i slad du 'tshal ma la g.yar mi drang / bzang mo 'gron du bos kyis zas sta gon gyis shig /chung ma de de la zhe sdang gi kun nas dkris pa dang bral nas des zas bsil ba'i ro dang ldan pa gang dag yin pa de dag ni de nyid kyi nyin mo sta gon byas/ zas dro ba'i ro dang ldan pa gang dag yin pa de dag ni phyi de nyin par sta gon byas nas/ btsun pa gdugs tshod g.yar dgongs 'tshal lags na de'i dus lags par dgongs su gsol zhes g.yar 'dren pa'i mi btang ngo / /dge slong de snga dro sham thabs bgos lhung bzed dang chos gos thogs nas pha'i khyim ga la ba der song ste phyin nas stan bshams pa nyid la 'dug go/ /de nas tshong dpon de chung ma dang bcas pas rang gi lag nas zas bsod pas dge slong de tshim par byas shing rang gi lag nas bstabs so/ / tshim par byas shing bstabs te zos zin par rig nas lag pa bsnyal cing lhung bzed bzhag pa na rkang pa la phyag 'tshal te chos mnyan pa'i phyir mdun du 'dug go/ /des ma yar mo de la yang gang thos na des kyang skyabs su 'gro ba dang / bslab pa'i gzhi dag bzung bar gyur pa'i rnam pa de ltar chos bstan par byas so/ /des khyim de 'di ltar dge slong rnams dang dge slong ma rnams kyis khron pa lta bur gyur pa de ltar btul nas de dag sbyin pa dang bya bar sems pa gang yin pa ci yang rung ste de thams cad dge slong rnams dang / dge slong ma rnams la sems so/ /ji tsam dus gzhan zhig na tshong dpon de'i 'byung ba chen po ma snyoms pas na bar gyur nas/ de'i bus bdag gi pha na bar gyur to zhes thos nas de 'di snyam du sems te/ bdag song la pha de la mchog tu dga' bar 'gyur ba'i chos bstan par bya'o snyam nas/ dge slong de de'i drung du dus dang 'thun pa'i dus su song nas 'di skad ces yab khyod kyis mi dgyes par mi bgyi ste/ 'di ltar khyod kyis dge ba'i bshes gnyen bdag la brten nas sangs rgyas la skyabs su song / chos dang dge 'dun la skyabs su song zhing bslab pa'i gzhi dag blangs/ sbyin pa dag byin/ bsod nams dag byas pas khyod yul gzhan du song na lo legs shing mtho ris ni dar gyis chod pa tsam/ thar pa ni yol bas bsgribs pa tsam ste/ lus zhig nas yang lha rnams kyi nang du skye bar 'gyur ro zhes chos ston par byed do/ /tshong dpon gyis smras pa/ bu de de bzhin no/ /de de bzhin te/ bdag gis dge ba'i bshes gnyen khyod la brten nas/ sangs rgyas la skyabs su song / chos dang dge 'dun la skyabs su song zhig bslab pa'i gzhi dag blangs sbyin pa dag byin/ bsod nams dag byas pas bdag yul gzhan du song na lo legs shing mtho ris ni dar gyis chod pa tsam/ thar pa ni yol bas bsgribs pa tsam ste/ lus zhig na yang lha rnams kyi nang du skye bar 'gyur ro/ /tshong dpon de'i bu des pha la de ltar chos bstan nas song ngo / /tshong dpon de la blo skyes pa bdag gi bu sde snod gsum dang ldan pa/ chos sgrogs pa/ rigs pa dang / grol ba'i spobs pa can de gzhan du smra bar mi 'gyur bas bdag sdug bsngal gyi tshor bas nyen pa ni thun mong ma yin pas bdag gis bdag nyid gsod par bya'o snyam mo/ /yang bsams pa/ bdag nyid la rtsom par byed pa ni sdug bsngal ba yin na/ de'i phyir bdag srog dang bral bar byed nus pa su yod snyam nas/ de la bran mo mngag gzhug ma skyong ma zhes bya ba sbom mo/ /glen ma/ dman pa zhig yod nas/ tshong dpon des bsams pa/ skyong ma 'di ni sbom mo glen ma/ dman pa yin pas 'dis bdag srog dang bral bar byed nus kyis gzhan gyis ni mi nus snyam mo/ /tshong dpon de'i khyim dang ha cang thag mi ring ba zhig na khyim bdag cig gis bus chung ma blangs pa der tshong dpon de'i chung ma bran mo mngag gzhug ma skyong ma dang bcas shing 'gron du bos te song ngo / /bag ma blang pa dang / ston mo zin nas tshong dpon gyi chung mas skyong ma la smras pa/ skyong ma khyod song la tshong dpon gnyid log par mi 'gyur bar srungs shig /kho mo yang phyi bzhin 'ong ngo / /skyong mas rje mo'i tshig mnyan te khyim du song nas tshong dpon gyi drung du phyin pa dang / tshong dpon gyis smras pa/ skyong ma khyod ga las 'dir 'ongs/ skyong mas smras pa/ rje'i sras khyim bdag che ge mo'i bus bag ma blangs pa de bdag gis bltas te 'tshal ma 'tshal nas mchis so/ /skyong ma bag ma len pa bzang ngam/ rje'i sras bzang ngo / /gal te ngas khyod de ltar bag mar gtang bar bya na khyod dga' 'am/ rje'i sras dga'o/ /gal te de na kho bo ci zer ba de bzhin du byed na kho bo khyod dga' bar 'gyur ba shes so/ /skyong mas smras pa/ rje'i sras de bzhin du bgyi'o/ /skyong ma gal te de lta na kho bo'i ltor mi ma yin pa zhig zhugs kyis de sod cig /rje'i sras go rims ji ltar bgyi/ skyong ma dang por nga'i rkang pa gnyis tshir cig /de'i 'og tu byin pa gnyis/ de'i 'og tu pus mo gnyis/ de'i 'og tu brla gnyis/ de'i 'og tu rked pa/ de'i 'og tu lto ba/ de'i 'og tu brang / de'i 'og tu gre ba tshir la/ gal te kho bo 'gul na ma gtang shig /skyong ma glen ma des de bzhin du byas/ dam du btsir ba dang / tshong dpon gyis bsams pa/ kye ma'o bdag skyong ma 'dis btang yang ci ma rung snyam na skyong mas de bas kyang ches dam du btsir to/ /lhas tshigs su bcad pa smras pa/ blo ngan gyis ni gang 'dzin pa/ /rus sbal gyis ni gang 'dzin bzhin/ /skyong mas zin par gyur pas na/ /khyod ni 'tsho bar ma mthong ngo / /tshong dpon de dus la bab nas skyong mas ras kyis g.yogs te bzhag go/ /de nas tshong dpon gyi chung ma phyi bzhin 'ongs nas de smras pa/ skyong ma khyod 'dug bzhin du tshong dpon nyal du bcug gam zhes tshong dpon gyi chung ma des tshong dpon bslang bar brtsams pa dang / skyong mas smras pa/ ngan bus 'di'i lto na dgra bo mchis pa phyung bas des na 'di nyal bar gyur gyis 'di ma bslang shig /tshong dpon gyi chung mas bsams pa/ 'di'i dgra bo ci 'dra ba zhig yin pa je blta 'o snyam nas/ des brtag par brtsams pa dang / dus la bab par mthong ngo / /tshong dpon gyi chung ma de la blo skyes pa/ 'di ni skyong ma'i spobs pa ma yin gyi/ 'di ni bu zan mo'i bu sde snod gsum dang ldan pa de'i spobs pa yin te/ des sde snod gsum blags na chos gzhan 'ga' yang bstan pa ma byas par yab khyod kyis mi dgyes par mi bgyi ste/ khyod yul gzhan du song na lo legs shing mtho ris ni dar gyis chod pa tsam/ thar pa ni yol bas bsgribs pa tsam ste/ lus zhig na yang lha rnams kyi nang du skye bar 'gyur ro zhes bstan pas da ni 'di'i lus kyang zhig /lha rnams kyi nang du yang skyes zin gyis khyod tshur shog /kho mo dang lhan cig dga' mgur spyod cig /khyim gyi bya ba yang rjes su sgrubs shig ces chung ma sdug bsngal gyi tshor bas nyen pa des tshig tu brjod nas/ de'i 'og tu gos sngon po dang / ser po dang / dmar po dang / dkar po dag gis khyogs brgyan nas mnyan yod kyi phyi rol gyi dur khrod du bsregs te de nas mya ngan bsang ba byas te 'dug go/ /chung ma des bar bar du yang de skad sha dag zer bas dge slong sde snod gsum pa des bdag gi pha dus la bab par thos nas bsams pa/ 'di ni 'dus byas rnams kyi chos nyid yin mod kyi 'on kyang ma yar mo de'i mya ngan bsang ba byas 'gro'o snyam nas/ de song ba dang ma yar mo des thag ring po kho na nas dge slong de mthong ngo / /mthong nas kyang yang bu zan mo'i bu sde snod gsum dang ldan pas sde snod gsum blags na chos gzhan 'ga' yang bstan pa ma byas par yab khyod kyis mi dgyes par mi bgyi ste/ khyod yul gzhan du song na lo legs shing mtho ris ni dar gyis chod pa tsam/ thar pa ni yol bas bsgribs pa tsam ste/ lus zhig na yang lha rnams kyi nang du skye bar 'gyur ro zhes bstan pas da ni 'di'i lus kyang zhig /lha rnams kyi nang du yang skyes zin gyis khyod tshur shog kho mo dang lhan cig dga' mgur spyod cig /khyim gyi bya ba yang rjes su sgrubs shig /ces smra bar brtsams pa dang / dge slong de nyam nga nas de nyid nas phyir log go/ /de bdag gis 'chir bcug par ma gyur tam snyam du 'gyod pa skyes nas/ des skabs de dge slong rnams la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ltung ba med do/ /yang dge slong gis nad pa la gang thos na nad pa 'chi bar sems pa de 'dra ba'i chos bstan par mi bya'o/ /dge slong gis nad pa la gang thos na nad pa 'chi bar sems pa de 'dra ba'i chos ston par byed na 'gal tshabs can du 'gyur ro/ /'di yang re shig byung ba yin gyis sangs rgyas bcom ldan 'das 'dul ba la nyan thos rnams kyi bslab pa'i gzhi 'cha' bar ni mi mdzad do/ /sangs rgyas bcom ldan 'das spong byed dag na chu klung yid 'ong ldan gyi 'gram na sgron shing gi tshal gseb na bzhugs so/ /de na bcom ldan 'das dge slong gis dge 'dun la dge slong dag mi sdug pa sgoms shig /mi sdug pa bsten cing goms par byas lan mang du byas na 'bras bu chen po dang / phan yon chen por 'gyur ro zhes mi sdug pa ston par mdzad cing mi sdug pa bsgom pa'i sngags pa brjod par yang mdzad do/ /bcom ldan 'das kyis dge slong dag mi sdug pa sgoms shig /mi sdug pa bsten cing goms par byas/ lan mang du byas na 'bras bu chen po dang phan yon chen por 'gyur ro zhes gsungs pas de'i tshe na dge slong dag mi sdug pa sgom par byed de/ de dag mi sdug pa sgom par byed pa de'i tshe rnag gis lus 'dis sgyid lug pa dang / mus byung ba dang / the tshom za ba dang / smod par byed pa na mtshon yang 'byin par byed dug kyang za bar byed/ thag pas 'ching bas kyang 'chi bar byed/ g.yang sar yang mchong bar byed cing 'di ltar dge slong gis kyang dge slong la rtsol bar byed do/ /de nas dge slong gzhan zhig rnag gi lus 'dis sgyid lug pa dang / mus byung ba dang / the tshom za ba dang / smod par byed pa na ri dgas zlog dge sbyong sbed ga la ba der song ste phyin nas ri dgas zlog dge sbyong sbed la 'di skad ces smras so/ /bzhin bzangs tshur shog / kho bo srog dang phrol cig dang / kho bo'i lhung bzed dang / chos gos gang yin pa de khyod kyir 'gyur ro/ /de nas ri dgas zlog dge sbyong sbed kyis dge slong de srog dang phral nas ral gri khrag gos pa khyer te chu klung yid 'ong ldan ga la ba der song nas phyin pa dang / chu klung yid 'ong ldan gyi 'gram du tsog tsog por 'dug ste ral gri khrag gis gos pa 'khru bar byed do/ /de nas bdud kyi ris kyi lha zhig chu klung yid 'ong ldan gyi rgyun ma phye bar 'dug nas ri dgas zlog dge sbyong sbed la 'di skad ces smras so/ /bzhin bzangs legs so legs so/ /'di ltar khyod dge slong tshul khrims dang ldan pa/ yon tan dang ldan pa dag ma rgal ba rgal bar byed/ ma grol ba grol bar byed/ dbugs ma phyin pa dbugs 'byin par byed/ yongs su mya ngan las ma 'das pa yongs su mya ngan las 'da' bar byed pa ni khyod la bsod nams mang du skye bar 'gyur zhing / de dag gi lhung bzed dang chos gos gang yin pa de khyod kyir 'gyur ba 'di yang khyod kyi rnyed pa lhag pa yin no/ /de ltar de la ri dgas zlog dge sbyong sbed 'di snyam du 'di ltar bdag dge slong tshul khrims dang ldan pa/ yon tan dang ldan pa dag ma rgal ba rgal bar byed/ ma grol ba grol par byed/ dbugs ma phyin pa dbugs 'byin par byed/ yongs su mya ngan las ma 'das pa yongs su mya ngan 'da' bar byed pa ni bden mod/ bdag la bsod nams mang du skye zhing de dag gi lhung bzed dang / chos gos gang yin pa de bdag gir 'gyur ba 'di yang bdag gi rnyed pa lhag pa yin no snyam du rgya cher sdig pa can gyi lta ba'i rnam pa thob par gyur to/ /de nas ri dgas zlog dge sbyong sbed ral gri rnon po mchan khung gis khyer te/ kun dga'i ra ba nas kun dga'i ra bar/ gtsug lag khang nas gtsug lag khang du/ khang khyim nas khang khyim du/ 'chags sa nas 'chags sar dang / lam gol bar rjes su rgyu ba na dge slong de dang / de dag mthong nas 'di skad ces smras so/ /dge sbyong tshul khrims dang ldan pa/ yon tan dang ldan pa/ ma rgal ba rgal bar bya ba/ ma grol ba dgrol bar bya ba/ dbugs ma phyin pa dbugs dbyung bar bya ba/ yongs su mya ngan las ma 'das pa yongs su mya ngan las 'da' bar bya ba gang yin/ des na dge slong zhig rnag gi lus 'dis sgyid lug pa dang / mus byung ba dang / the tshom za ba dang / smod pa na gnas nas phyir byung ste/ ri dgas zlog dge sbyong sbed la 'di skad ces smras so/ /bzhin bzangs bdag ma rgal ba yin gyis sgrol cig /bdag ma grol ba yin gyis khrol cig /bdag dbugs ma phyin pa yin gyis dbugs phyung shig /bdag yongs su mya ngan las ma 'das pa yin gyis yongs su mya ngan las zlos shig / de nas ri dgas zlog dge sbyong sbed kyis dge slong de srog dang bral bar byas te/ de bzhin du gnyis dang / gsum nas dge slong drug cu'i bar dag srog dang bral bar byas so/ /de'i tshe dge slong dag nyung ngur gyur/ nyams par gyur/ rnga rngor gyur cing / dge slong gi dge 'dun srabs par gyur to/ /de nas bcom ldan 'das de nyid kyi tshes bcwa lnga'i gso sbyong la dge slong gi dge 'dun gyi gung du gdan bshams pa nyid la bzhugs so/ /bzhugs nas bcom ldan 'das kyis 'khor thams cad la rnam par gzigs te/ tshe dang ldan pa kun dga' bo la bka' stsal pa/ kun dga' bo gang gis da ltar dge slong dag nyung ngur gyur/ nyams par gyur/ rnga rngor gyur cing dge slong gi dge 'dun srabs par gyur pa'i rgyu ni gang yin/ rkyen ni gang yin/ btsun pa dus gcig na bcom ldan 'das dge slong gi dge 'dun la dge slong dag mi sdug pa sgoms shig /mi sdug pa sten cing / goms par byas lan mang du byas na 'bras bu chen po dang phan yon chen por 'gyur ro zhes mi sdug pa ston par mdzad cing mi sdug pa sgom pa'i bsngags pa brjod par yang mdzad do/ /de'i tshe na dge slong dag mi sdug pa sgom par bgyid de/ de dag mi sdug pa sgom par bgyid pa'i tshe rnag gi lus 'dis sgyid lug pa dang / mus byung ba dang / the tshom za ba dang / smod par bgyid pa na mtshon yang 'byin par bgyid/ dug kyang 'tshal bar bgyid/ thag pas 'ching bas kyang 'gum par bgyid/ g.yang sar yang mchong bar bgyid cing / dge slong gis kyang dge slong la rtsol bar bgyid do/ /de nas dge slong gzhan zhig rnag gi lus 'dis sgyid lug pa dang / mus byung ba dang / the tshom za ba dang / smod par bgyid pa na ri dgas zlog dge sbyong sbed ga la ba der mchis te phyin nas/ ri dgas zlog dge sbyong sbed la 'di skad ces bzhin bzang tshur shog kho bo srog dang phrol cig dang kho bo'i lhung bzed dang chos gos gang yin pa de khyod kyir 'gyur ro zhes mchi'o/ /de nas ri dgas zlog dge sbyong sbed kyis dge slong de srog dang phral nas ral gri khrag gis gos pa 'tshal te chu klung yid 'ong ldan ga la ba der mchis nas phyin pa dang / chu klung yid 'ong ldan gyi 'gram du tsog tsog por mchis te/ ral gri khrag gis gos pa 'khru bar bgyid do/ /de nas bdud kyi ris kyi lha zhig chu klung yid 'ong ldan gyi rgyun ma phye bar mchis nas ri dgas zlog dge sbyong sbed la 'di skad ces bzhin bzang legs so legs so/ /'di ltar khyod dge slong tshul khrims dang ldan pa/ yon tan dang ldan pa dag ma rgal ba rgal bar byed/ ma grol ba grol bar byed/ dbugs ma phyin pa dbugs 'byin par byed/ yongs su mya ngan las ma 'das pa yongs su mya ngan las 'da' bar byed pa ni khyod la bsod nams mang du skye bar 'gyur zhing / de dag gi lhung bzed dang chos gos gang yin pa de khyod kyir 'gyur ba 'di yang khyod kyi rnyed pa lhag pa yin no zhes mchis nas/ de ltar de la ri dgas zlog dge sbyong sbed 'di snyam du 'di ltar bdag dge slong tshul khrims dang ldan pa/ yon tan dang ldan pa dag ma rgal ba rgal bar byed/ ma grol ba grol bar byed/ dbugs ma phyin pa dbugs 'byin par byed/ yongs su mya ngan las ma 'das pa yongs su mya ngan las 'da' bar byed pa ni bden mod/ bdag la bsod nams mang du skye zhing de dag gi lhung bzed dang chos gos gang yin pa de bdag gis rnyed pa lhag pa yin no snyam du rgya cher sdig pa can gyi lta ba'i rnam pa thob par gyur to/ /de nas ri dgas zlog dge sbyong sbed ral gri rnon po mchan khung gis 'tshal te/ kun dga'i ra ba nas kun dga'i ra bar/ gtsug lag khang nas gtsug lag khang du/ khang khyim nas khang khyim du/ 'chags sa nas 'chag sar dang / shul gol ba rjes su rgyu ba na dge slong de dang de dag mthong nas/ 'di skad ces dge slong tshul khrims dang ldan pa/ yon tan dang ldan pa/ ma rgal ba rgal bar bya ba/ ma grol ba grol bar bya ba/ dbugs ma phyin pa dbugs dbyung bar bya ba/ yongs su mya ngan las ma 'das pa yongs su mya ngan las 'da' bar bya ba gang yin zhes mchi'o/ /de nas dge slong zhig rnag gi lus 'dis sgyid lug pa dang / mus byung ba dang / the tshom za ba dang / smod pa na gnas nas slar byung ste/ ri dgas zlog dge sbyong sbed la 'di skad ces bzhin bzangs bdag ma rgal ba yin gyis sgrol cig /bdag ma grol ba yin gyis khrol cig /bdag dbugs ma phyin pa yin gyis dbugs phyung shig /bdag yongs su mya ngan las ma 'das pa yin gyis yongs su mya ngan la zlos shig ces mchi'o/ /de nas ri dgas zlog dge sbyong sbed kyi dge slong de srog dang bral bar bgyis te/ de bzhin du gnyis dang / gsum nas dge slong drug cu'i bar dag srog dang bral bar bgyis pas btsun pa gang gis da ltar dge slong dag nyung ngur gyur/ nyams par gyur/ rnga rngor gyur cing dge slong gi dge 'dun srabs par gyur pa'i rgyu ni de lags/ rkyen ni de lags so/ /kun dga' bo dge slong yang dge slong la rtsol ba byed dam/ btsun pa rtsol bar bgyid do/ /sangs rgyas bcom ldan 'das kyis dge sbyong gis tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes smad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ 'di lta ste/ dge 'dun bsdu ba'i phyir dang / dge 'dun legs par bya ba'i phyir dang / dge 'dun bde bar gnas par bya ba'i phyir dang / gnong mi bkur ba'i gang zag rnams tshar gcad par bya ba'i phyir dang / ngo tsha shes pa rnams bde bar gnas par bya ba'i phyir dang / mngon par ma dad pa rnams mngon par dad par bya ba'i phyir dang / mngon par dad pa rnams phyir zhing 'byung bar bya ba'i phyir dang / tshe 'di'i zag pa rnams bsdam par bya ba'i phyir dang / tshe rabs phyi ma'i rnams bzlog par bya ba'i phyir dang / nga'i tshangs par spyod pa skye bo mang po la phan pa yangs par gyur pa lha dang mi'i bar dag la yang dag par rab tu bstan pa yun ring du gnas par 'gyur ba'o/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang mi 'am mir chags pa la bsams bzhin du rang gi lag dar te srog bcad dam/ de la mtshon byin nam/ de la mtshon thogs pa gnyer tam/ de 'chir bcug gam/ de la 'chi ba'i bsngags pa brjod kyang rung ste/ de la 'di skad ces kye mi khyod 'tsho ba sdig pa mi gtsang ba ngan pa 'dis ci zhig bya/ kye mi khyod gson pa bas shi bla'o zhes zer zhing sems kyi 'dod pa dang / sems kyi kun tu rtog pa dag gis rnam grangs du mas de 'chir bcug gam/ de la 'chi ba'i bsngags pa brjod de/ de yang rtsom pa des dus byas na dge slong de yang pham par gyur pa yin gyis gnas par mi bya'o/ /yang dge slong gang zhes bya ba ni dge slong rnam pa bzhi po ming gi dge slong dang / khas 'che ba'i dge slong dang / slong ba'i phyir dge slong dang / nyon mongs pa bcom pa'i phyir dge slong ngo / /ming gi dge slong gang zhe na/ gang gi ming dang ming du brjod pa dang / tshig gnyis pa dang / tshig bla dwags dang / 'du shes dang / bod pa dang / gdags pa dang / tha snyad dge slong zhes 'am/ dge slong gi rigs zhe 'am/ dge slong dang 'dra bar gyur pa zhes bya ba de ni ming gi dge slong zhes bya'o/ /khas 'che ba'i dge slong gang zhe na/ gang dge slong ma yin bzhin du bdag nyid dge slong ngo zhes khas 'che bar byed pa dang / rku thabs su gnas shing dge slong du dam 'cha' bar byed pa de ni khas 'che ba'i dge slong zhes bya'o/ /slong ba'i phyir dge slong gang zhe na/ chos dang ldan pas slongs mo spyod pas 'tsho bar byed pa de ni slong ba'i phyir dge slong zhes bya'o/ /nyon mongs pa bcom pa'i phyir dge slong gang zhe na/ gang gis zag pa kun nas nyon mongs par byed pa/ yang srid par byed pa/ rims nad dang bcas pa/ rnam par smin pa sdug bsngal ba/ phyi ma la skye ba dang / rga ba dang / 'chi bar 'gyur ba gang dag yin pa de dag spangs pa dang / yongs su shes pa dang / rtsa ba nas bcad pa dang / shing ta la'i mgo bzhin du gzhi mi snang ba dang / phyi ma la mi skye ba'i chos can du gyur pa de ni nyon mongs pa bcom pa'i phyir dge slong zhes bya'o/ /don 'dir ni gsol ba dang gzhi'i las mi g.yo ba bzhag par mi 'os pas bsnyen par rdzogs pa gang yin pa de ni dge slong du dgongs te/ des na yang dge slong gang zhes gsungs so/ /mi 'am zhes bya ba ni gang gis ma'i ltor dbang po drug po 'di lta ste/ mig gi dbang po dang / rna ba'i dbang po dang / sna'i dbang po dang / lce'i dbang po dang / lus kyi dbang po dang / yid kyi dbang po thob par gyur pa'o/ /mir chags pa la zhes bya ba ni gang gis ma'i ltor dbang po gsum po 'di lta ste/ lus kyi dbang po dang / tshor ba'i dbang po dang / yid kyi dbang po thob par gyur pa la'o/ /bsams bzhin du zhes bya ba ni rnam par brtags pa nas so/ /rang gi lag dar te zhes bya ba ni lag pas lag pa'o/ /srog bcad dam zhes bya ba ni de'i srog bcad par gyur na'o/ / de la mtshon byin nam zhes bya ba ni ral gri 'am/ spu gri 'am/ chu gri'o/ /de la mtshon thogs pa gnyer tam zhes bya ba ni skyes pa 'am/ bud med dam/ ma ning ngo / /de 'chir bcug gam zhes bya ba ni 'chir gzhug pa ni rnam pa gsum ste/ tshul khrims 'chal ba dang / tshul khrims dang ldan pa dang / nad pa'o/ /tshul khrims 'chal ba la ji ltar zhe na/ 'di ltar dge slong tshul khrims 'chal ba la lhung bzed dam/ chos gos sam/ dra ba 'am/ phor bu 'am/ ska rags sam/ dge sbyong gis 'tsho ba'i yo byad gang yang rung ba cung zhig rag lus pa na de 'di snyam du sems te/ ji srid du tshe dang ldan pa 'di gson pa de srid du bdag gis thob par mi 'gyur gyis/ bdag de'i drung du song la 'chir gzhug go snyam nas de de'i drung du song ste 'di skad ces tshe dang ldan pa ni tshul khrims 'chal ba/ sdig pa'i chos can/ lus kyis nyes par spyad pa dang ldan pa/ ngag dang yid kyis nyes par spyad pa dang ldan pa yin pas tshe dang ldan pa ji srid yun ring du 'tsho bar 'gyur ba de srid du bsod nams ma yin pa mang du 'phel bar 'gyur zhing / bsod nams ma yin pa mang du 'phel na yun ring du sems can dmyal ba rnams su skye bar 'gyur ro zhes smras pa na/ tshul khrims 'chal ba de dge slong de la 'di skad ces tshe dang ldan pa 'o na kho bo ji ltar bya zhes zer ba'i tshe tshe dang ldan pa tshur shog khyod kyis bdag nyid thong shig /bdag nyid sod cig /bdag nyid srog dang bral bar byed du chug shig ces smras na/ gal te tshul khrims 'chal ba de bdag nyid gtong bar byed dam/ bdag nyid gsod par byed dam/ bdag nyid srog dang bral bar byed du 'jug na dge slong de pham par 'gyur ro/ /gal te tshul khrims 'chal ba de 'di snyam du de ltar yin no snyam mod kyi 'on kyang 'di skad ces kho bo bdag nyid mi gtong ngo / /kho bo bdag nyid srog dang bral bar byed du mi 'jud do zhes zer zhing / gal te de bdag nyid gtong bar mi byed/ bdag nyid gsod par mi byed/ bdag nyid srog dang bral bar byed du mi 'jug na/ dge slong de la sbyor ba snga ma de nyid kyis nyes pa sbom por 'gyur ro/ /gal te dge slong de de skad smras nas 'gyod par gyur cing / de tshul khrims 'chal ba de'i gan du song ste/ 'di skad ces tshe dang ldan pa shes par gyis shig /'di lta ste/ byis pa/ blun pa/ mi gsal ba/ mi mkhas pa bdag gis te por gya tsom dang / byung rgyal gyis so sor ma brtags par tshig smras te/ 'di ltar tshe dang ldan pas dge ba'i bshes gnyen 'ga' zhig mgu bar byas na/ des lus kyi kun tu spyod pa yongs su ma dag pa nyid 'di las bslang ste/ lus kyi kun tu spyod pa yongs su dag pa nyid la 'jog pa dang / ngag dang yid kyi kun tu spyod pa yongs su ma dag pa nyid 'di las bslang ste ngag dang / yid kyi kun tu spyod pa yongs su dag pa nyid la 'jog par gyur pa/ de lta na tshe dang ldan pa lus kyi kun du spyod pa yongs su dag pa dang / ngag dang yid kyis kun tu spyod pa yongs su dag pa yin pas lus zhig na yang bde 'gro mtho ris kyi 'jig rten lha rnams kyi nang du skye bar 'gyur ro zhes smras pa na/ gal te tshul khrims 'chal ba de dge slong de la 'di skad ces tshe dang ldan pa 'o na kho bos ji ltar bya zhes zer ba'i tshe dge slong des 'di skad ces tshe dang ldan pa bdag nyid ma gtong shig /bdag nyid srog dang bral bar byed du ma 'dzud cig ces smras nas/ gal te tshul khrims 'chal ba de bdag nyid gtong bar mi byed/ bdag nyid gsod par mi byed/ bdag nyid srog dang bral bar byed du mi 'jug kyang dge slong de la sbyor ba snga ma de nyid kyis nyes pa sbom por 'gyur ro/ /gal te tshul khrims 'chal ba de 'di snyam du de lta yin no snyam mod kyi 'on kyang 'di skad ces kho bo bdag nyid gtong ngo / /kho bo bdag nyid gsod do/ /kho bo bdag nyid srog dang bral bar byed du 'dzud do zhes zer zhing / gal te de bdag nyid gtong bar byed/ bdag nyid gsod par byed/ bdag nyid srog dang bral bar byed du 'dzud na dge slong de la sbyor ba snga ma de nyid kyis nyes pa sbom por 'gyur te/ re shig tshul khrims 'chal ba la ni de ltar ro/ /tshul khrims dang ldan pa la ji ltar zhe na/ 'di ltar dge slong tshul khrims dang ldan pa lhung bzed dam/ chos gos sam/ dra ba 'am/ phor bu 'am/ ska rags sam/ dge slong gi 'tsho ba'i yo byad gang yang rung ba cung zhig rag lus pa na de 'di snyam du sems te/ ji srid du tshe dang ldan pa 'di gson pa de srid du bdag gis thob par mi 'gyur gyis bdag de'i drung du song la 'chir gzhug go snyam nas de de'i drung du song ste 'di skad ces tshe dang ldan pa ni tshul khrims dang ldan pa/ dge ba'i chos can lhug par gtong la lag rkyong ba/ rnam par gtong ba la dga' ba/ mchod sbyin rgyun du byed pa/ gtong ba phun sum tshogs pa/ sbyin pa la 'ged par dga' ba yin pas tshe dang ldan pa kun gzhan du song na lo legs shing mtho ris ni dar gyis chod pa tsam/ thar pa ni yol bas bsgribs pa tsam ste/ lus zhig na yang lha rnams kyi nang du skye bar 'gyur ro zhes smras pa na/ tshul khrims dang ldan pa de dge slong de la 'di skad ces tshe dang ldan pa 'o na kho bos ji ltar bya zhes zer ba'i tshe tshe dang ldan pa tshur shog /khyod kyis bdag nyid thong shig / bdag nyid sod cig /bdag nyid srog dang bral bar byed du chug shig ces smras nas/ gal te tshul khrims dang ldan pa de bdag nyid gtong bar byed dam/ bdag nyid gsod par byed dam bdag nyid srog dang bral bar byed du 'dzud na dge slong de pham par 'gyur ro/ /gal te tshul khrims dang ldan pa de 'di snyam du de lta yin no snyam mod kyi/ 'on kyang 'di skad ces kho bo bdag nyid mi gtong ngo / /kho bo bdag nyid mi gsod do/ /kho bo bdag nyid srog dang bral bar byed du mi 'dzud do zhes zer zhing / gal te de bdag nyid gtong bar mi byed/ bdag nyid gsod par mi byed/ bdag nyid srog dang bral bar byed du mi 'dzud na/ dge slong de la sbyor ba snga ma de nyid kyis nyes pa sbom por 'gyur ro/ /gal te dge slong de de skad smras nas 'gyod par gyur cing de tshul khrims dang ldan pa de'i gan du song ste 'di skad ces tshe dang ldan pa shes par gyis shig /'di lta ste byis pa/ blun pa/ mi gsal ba/ mi mkhas pa dag gis te por gya tsom dang / byung rgyal gyis so sor ma rtags par tshig smras te/ 'di ltar tshe dang ldan pa ni tshul khrims dang ldan pa dge ba'i chos can/ lhug par gtong ba/ lag skyong ba rnam par gtong ba la dga' ba/ mchod sbyin rgyun du byed pa/ gtong ba phun sum tshogs pa/ sbyin pa la 'ged par dga' ba yin pas tshe dang ldan pa ji srid du yun ring du 'tsho bar 'gyur ba de srid du bsod nams mang du 'phel bar 'gyur zhing bsod nams mang du 'phel na yun ring du mtho ris dag tu dga' bar 'gyur ro zhes smras pa na/ gal te tshul khrims dang ldan pa de dge slong de la 'di skad ces tshe dang ldan pa 'o na kho bos ji ltar bya zhes zer ba'i tshe dge slong des 'di skad ces tshe dang ldan pa khyod bdag nyid ma gtong shig bdag ma gsod cig bdag nyid srog dang bral bar byed du ma 'jud cig ces smras nas/ gal te tshul khrims dang ldan pa de bdag nyid gtong bar mi byed/ bdag nyid gsod par mi byed/ bdag nyid srog dang bral bar byed du mi 'jug kyang dge slong de la sbyor ba snga ma de nyid kyis nyes pa sbom por 'gyur ro/ /gal te tshul khrims dang ldan pa de 'di snyam du de lta yin no snyam mod kyis 'on kyang 'di skad ces kho bo bdag nyid gtong ngo / /kho bo bdag nyid gsod do/ /kho bo bdag nyid srog dang bral bar byed du 'dzud do zhes zer zhing / gal te de bdag nyid gtong bar byed/ bdag nyid gsod par byed/ bdag nyid srog dang bral bar byed du 'dzud na dge slong de la sbyor ba snga ma de nyid kyis nyes pa sbom por 'gyur te/ tshul khrims dang ldan pa la ni de ltar ro/ /nad pa la ji ltar zhe na/ 'di ltar dge slong nad pa la lhung bzed dam/ chos gos sam/ dra ba 'am/ phor bu 'am/ ska rags sam/ dge sbyong gis 'tsho ba'i yo byad gang yang rung ba cung zhig rag lus pa na de 'di snyam du sems te/ tshe dang ldan pa na ba/ sdug bsngal ba nad tshabs che ba 'di ji srid du gson pa de srid du bdag la mi ster gyis/ bdag de'i drung du song la 'chir gzhug go snyam nas de de'i drung du song ste/ 'di skad ces tshe dang ldan pa ni na ba sdug bsngal ba nad tshabs che ba yin pas tshe dang ldan pa ji srid du yun ring du 'tsho ba de srid du tshor ba sdug bsngal ba/ mi bzad pa/ rtsub pa tsha ba/ yid du mi 'ong ba dag nyams su myong bar 'gyur ro/ /zhes smras pa na nad pa de dge slong de la 'di skad ces tshe dang ldan pa 'o na kho bos ji ltar bya zhes zer ba'i tshe tshe dang ldan pa tshur shog /khyod kyis bdag nyid thong shig /bdag nyid sod cig /bdag nyid srog dang bral bar byed du chug shig ces smras nas/ gal te nad pa de bdag nyid gtong bar byed dam/ bdag nyid gsod par byed dam/ bdag nyid srog dang bral bar byed du 'dzud na dge slong de pham par 'gyur ro/ /gal te nad pa de 'di snyam du de lta yin no snyam mod kyi/ 'on kyang 'di skad ces kho bo bdag nyid mi gtong ngo / /kho bo bdag nyid mi gsod do/ /kho bo bdag nyid srog dang bral bar byed du mi 'dzud do zhes zer zhing / gal te bdag nyid gtong bar mi byed/ bdag nyid gsod par mi byed/ bdag nyid srog dang bral bar byed du mi 'dzud na dge slong de la sbyor ba snga ma de nyid kyis nyes pa sbom por 'gyur ro/ /gal te dge slong de de skad smras nas 'gyod par gyur cing de nad pa de'i gan du song ste 'di skad ces tshe dang ldan pa shes par gyis shig /'di lta ste byis pa/ blun pa/ mi gsal ba/ mi mkhas pa bdag gis te por gya tsom dang / byung rgyal gyis so sor ma brtags par tshig smras te/ 'di ltar tshe dang ldan pa dge ba'i bshes gnyen 'ga' zhig mgu bar byas te des khyod la sman 'thun pa dang / 'phrod pa dag dang / zas so sor bsten par bya ba dag dang / nad g.yog tshul dang 'thun pa dag gis bsnyen bkur byed par 'gyur te/ de ltar na tshe dang ldan pa yun mi ring ba kho nar bde ba dang / nad med pa dang / stobs dang ldan pa dang / gang du dga' bar 'gro bar 'gyur ro zhes smras pa na/ gal te nad pa de dge slong de la 'di skad ces tshe dang ldan pa 'o na kho bos ji ltar bya zhes zer ba'i tshe dge slong des 'di skad ces tshe dang ldan pa khyod bdag nyid ma gtong shig /bdag nyid ma gsod cig /bdag nyid srog dang bral bar byed du ma 'jud cig ces smras nas/ gal te nad pa de bdag nyid gtong bar mi byed/ bdag nyid gsod par mi byed/ bdag nyid srog dang bral bar byed du mi 'jud kyang / dge slong de la sbyor ba snga ma de nyid kyis nyes pa sbom por 'gyur ro/ /gal te nad pa de 'di snyam du de lta yin no snyam mod kyi 'on kyang 'di skad ces kho bo bdag nyid gtong ngo / /kho bo bdag nyid gsod do/ /kho bo bdag nyid srog dang bral bar byed du 'jud do zhes zer zhing / gal te bdag nyid gtong bar byed/ bdag nyid gsod par byed/ bdag nyid srog dang bral bar byed du 'jud na dge slong de la sbyor ba snga ma de nyid kyis nyes pa sbom por 'gyur te/ nad pa la ni de ltar ro/ /des na 'chir bcug gam zhes gsungs so/ /de la 'chi ba'i bsngags pa brjod kyang rung ste zhes bya ba ni 'chi bar mngon par dga' ba'i mdun du 'chi ba'i bsngags pa brjod pa'o/ /de la 'di skad ces kye mi khyod ces bya ba ni bod pa'i tshig bla dgas yin no/ /'tsho ba'i sdig pa mi gtsang ba ngan pa 'dis ci zhig bya/ kye mi khyod gson pa bas shi bla'o zhes bya ba de dag ni smad pa'i tshig yin no zer zhing zhes bya ba ni brjod par byed cing ngo / /sems kyi 'dod pa dang / sems kyi kun du rtog pa dag gis shes bya ba ni sems kyi mngon par 'dod pa dang / sems kyi rnam par rtog pa dag gis so/ /rnam grangs du mas shes bya ba ni rnam pa mang pos so/ /de 'chir bcug gam/ de la 'chi ba'i bsngags pa brjod de zhes smos pa ni 'chi bar mngon par dga' ba'i mdun du rnams grangs du mas 'chi ba'i sngags pa brjod pa bzlog pa'i phyir ro/ /de yang rtsom pa des dus byas na shes bya ba ni de nyid kyis yin gyi gzhan gyis ma yin na'o/ /dge slong zhes bya ba ni gang la dge slong gi dngos po yod pa gang yin pa'o/ / dge slong gi dngos po gang zhe na/ bsnyen par rdzogs pa gang yin pa'o/ /bsnyen par rdzogs pa gang zhe na/ gsol ba dang / bzhi'i las kyi bya ba byed pa nyid dang / rtog pa nyid dang / yang dag par rtog pa nyid dang / mthar phyin par byed pa nyid dang / yang dag par mthar phyin par byed pa nyid gang yin pa dang / gang zag de'i khas len pa dang / mngon par khas len pa dang / phyir mi zlog pa dang / phyir mi zlog pa nyid dang / ngag dang tshig dang / tha snyad dang / skad dang / rjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed gang yin pa'o/ /de zhes bya ba ni nye bar bstan pa dang / kun tu bstan pa'i tshig bla dgas de'o/ /pham par gyur pa yin gyis zhes bya ba ni de mthar gyur pa dang / ltung ba dang / dman pa dang / mjug na 'dug pa dang / tha chad dang / yid dang mi mthun pa yin pa'o/ /yang gang gis ltung ba de byas na byas ma thag tu dge slong du mi rung bar 'gyur/ /dge sbyong du mi rung / shAkya'i sras kyir mi rung / dge slong gi dngos po las nyams par 'gyur te/ de'i dge sbyong gi tshul zhig par 'gyur zhing / nyams pa/ bcom pa/ ltung ba/ pham par gyur pa ste/ de'i dge sbyong gi tshul phyir blang du med par 'gyur ro/ /'di lta ste dper na shing ta la'i mgo bcad na sngon por 'gyur du mi rung la/ 'phel zhing rgyas pa dang yangs par 'gyur du mi rung ba de bzhin du dge slong gis gnas de lta bu byas na byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge sbyong gi dngos po las nyams par 'gyur te/ de'i dge sbyong gi tshul zhig par 'gyur zhing / nyams pa/ bcom pa/ ltung ba/ pham par gyur pa ste/ de'i dge sbyong gi tshul phyir blang du med par 'gyur bas des na pham par gyur pa yin gyis shes gsungs so/ /gnas par mi bya'o zhes bya ba ni/ dge slong rnams kyis de dang gso sbyong dang / dgag dbye dang / gsol ba dang / gsol ba dang gnyis dang / gsol ba dang bzhi'i las la gnas par mi bya'o/ /gang zag bcu gnyis po dag tu bsko bar mi bya ba ste/ des na gnas par mi bya'o zhes gsungs so// //'dul ba rnam par 'byed pa/ bam po bcu pa/ de la ltung ba ji ltar 'gyur zhe na/ /sdom la/ bdag nyid kyis ni zin pa dang / /phyi rol tu ni 'phangs pa dang / /gnyi ga dang ni ldan pa yi/ /sde tshan yang dag bsdus pa yin/ /ji ltar bdag nyid kyis zin pas zhe na/ dge slong gis skyes pa dang / bud med dang / ma ning la bsad pa'i sems kyis 'di ltar rtsom pa 'dis 'di dus byed par gyur cig snyam pas sor mo gcig gis snun par byed cing de yang rtsom pa des dus byed na dge slong de pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ / sor mo gcig gis ji lta ba de bzhin du 'di ltar rtsom pa 'dis 'di dus byed par gyur cig snyam pas sor mo gnyis kyis sam/ gsum gyis sam/ bzhis sam/ lngas sam/ khu tshur gyis sam/ gru mos sam/ phrag pas sam/ mgo bos sam/ glos sam/ rked pas sam/ brlas sam/ pus mos sam/ rje ngar gyis sam/ long bus sam/ rkang mthil gyis sam/ tha na rkang pa'i mthe bong snun par byed cing de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur te/ de ltar bdag nyid kyis zin pas so/ /ji ltar phyir rol du 'phangs pas zhe na/ dge slong gis skyes pa dang / bud med dang / ma ning la bsad pa'i sems kyis 'di ltar rtsom pa 'dis 'di dus byed par gyur cig snyam pas mdas snun par byed cing de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la/ des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /mdas ji lta ba de bzhin du 'di ltar rtsom pa 'dis 'di dus byed par gyur cig snyam pas lcags mdas sam/ mda' phyed lcags las byas pas sam/ ste'u kha mas sam/ mde'u be'u so lta bus sam/ mde'u zur bzhi pas sam/ mde'u ka ra bi ra'i lo ma lta bus sam/ mde'u byi'u snying mas sam/ 'khor los sam/ rdo rje rtse gcig pas sam/ mda' bo ches sam/ mtshon rtse cig pas sam/ tha na rgya shug gi 'bras bus snun par byed cing de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur te/ de ltar phyi rol du 'phangs pas so/ /ji ltar gnyi ga dang ldan pas she na/ dge slong gis skyes pa dang / bud med dang / ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas ral gris snun par byed cing de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /ral gris ji lta ba de bzhin du 'di ltar rtsom pa 'dis dus byed par gyur cig snyam pas shang lang gis sam/ ral gri so gcig pas sam/ ral gri so gnyis pas sam/ mdung gis sam/ mdung thung gis sam/ 'phang mdung gis sam/ khyo ba kha brag gis sam/ tsha lcags kyis sam/ tha na rtswa mdas snun par byed cing de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur te/ de ltar gnyi ga dang ldan pas so/ /sdom la/ dug dang phye ma'i sbyor ba dang / /sa dang shing la 'ching ba dang / /myos par byed dang brang 'debs dang / /'khrul 'khor dang ni rngon spyad do/ /dge slong gis skyes pa dang / bud med dang ma ning la bsad pa'i sems kyis/ 'di ltar rtsom pa 'dis 'di dus byed par gyur cig snyam pas 'di lta ste/ bca' bar ram/ bza' bar ram/ bldag par ram/ bzhib par ram/ btung bar dug gi sbyor ba byed cing de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ / dge slong gis skyes pa dang / bud med dang / ma ning la bsad pa'i sems kyis rtsom pa 'dis 'di dus byed par 'gyur cig snyam pas 'di lta ste/ dril phyir ram/ khrus su 'am/ mnye bar ram/ phreng ba dang / dri dang / byug par ram/ bdug spos su dug gi phye ma'i sbyor ba byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /'ching ba ni gnyis te/ sa la 'ching ba dang / shing la 'ching ba'o/ /dge slong gis skyes pa dang / bud med dang / ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas sam/ seng ge dag gam/ stag dag gam/ gung dag gam/ mtsha' dag gam/ spyang ki dag gis zos par gyur pas sam/ rlung dang nyi ma dag gis yongs su skam pa dang / yongs su zad pa dang / yongs su gtugs par gyur pas sam/ bkres pa dang skom pa'i nyam chung bas dkris pas dus byed par gyur cig snyam pas sa'i 'ching bar 'jog par byed cing long bu man chad 'jud par byed la/ de yang rtsom pa des dus byed na dge slong pham par 'gyur ro/ / des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /long bu man chad ji lta ba de bzhin du/ 'di ltar rtsom pa 'dis 'di dus byed par gyur cig snyam pas sam/ seng ge dag gam/ stag dag gam/ gung dag gam/ mtsha' dag gam/ spyang ki dag gis zos par gyur pas sam/ rlung dang nyi ma dag gis yongs su skam pa dang / yongs su zad pa dang / yongs su gtugs par gyur pas sam/ bkres pa dang skom pa'i nyam chung bas dkris pas dus byed par gyur cig snyam pas byin pa man chad dam/ brla man chad dam/ rked pa man chad dam/ brang man chad dam/ mgrin pa man chad 'jud par byed la/ de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang / bud med dang / ma ning la gsad pa'i sems kyis 'di ltar brtsom pa 'dis 'di dus byed par gyur cig snyam pas sam/ seng ge dag gam/ stag dag gam/ gung dag gam/ mtsha' dag gam/ spyang ki dag gis zos par gyur pas sam/ rlung dang nyi ma dag gis yongs su skam pa dang / yongs su zad pa dang / yongs su gtugs par gyur pas sam/ bkres pa dang skom pas nyam chung ba'i dkris pas dus byed par gyur cig snyam pas shing la 'ching bar byed/ 'jog par byed cing / ka ba 'am/ phur ba brtan po la 'breng rlon gyis long bu man chad 'ching bar byed la/ de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ / long bu man chad ji lta ba de bzhin du 'di ltar rtsom pa 'dis 'di dus byed par gyur cig snyam pas sam/ seng ge dag gam/ stag dag gam/ gung dag gam/ mtsha' dag gam/ spyang ki dag gis zos par gyur pas sam/ rlung dang nyi ma dag gis yongs su skam pa dang / yongs su zad pa dang / yongs su gtugs par gyur pas sam/ bkres pa dang skom pa'i nyam chung bas dkris pas dus byed par gyur cig snyam pas byin pa man chad dam/ brla man chad dam/ rked pa man chad dam/ brang man chad dam/ mgrin pa man chad 'ching bar byed la/ de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang / bud med dang / ma ning la gsod pa'i sems kyis 'di ltar rtsom pa 'dis 'di dus byed par gyur cig snyam pas sam/ seng ge dag gam/ stag dag gam/ gung dag gam/ mtsha' dag gam/ spyang ki dag gis zos par gyur pas sam/ rlung dang nyi ma dag gis yongs su skam pa dang / yongs su zad pa dang / yongs su gtugs par gyur pas sam/ bkres pa dang / skom pa'i nyam chung bas dkris pas dus byed par gyur cig snyam pas chang gis myos par byed du 'jud cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /chang gis ji lta ba de bzhin du 'di ltar rtsom pa 'dis 'di dus byed par gyur cig snyam pas sam/ rgyal po 'am/ blon po 'am/ chom rkun pa dag gis sam/ g.yon can dag gis sam/ thong mi pa dag gis sam/ dgra bo dag gis sam/ phas kyi dgra dag gis dus byed par gyur cig snyam pas bcos pa'i chang gis sam/ 'bru'i chang dang / bcos pa'i chang gis sam/ rtsa ba'i btung bas sam/ sdong bu'i btung bas sam/ 'dab ma'i btung bas sam/ me tog gi btung bas sam/ 'bras bu'i btung bas myos par byed du 'jud dam/ gsang sngags dag gam/ sman dag gam/ rig sngags dag gis sems 'khrugs par byed dam/ gnyid log par byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang / bud med dang / ma ning la gsad pa'i sems kyis/ 'di ltar rtsom pa 'dis 'di dus byed par gyur cig snyam pas brang du 'debs pa sbyor bar byed cing / skyes pa 'am/ bud med dam/ ma ning che ge mo zhig 'ong bar 'gyur ba de'i lag pa 'am/ rkang pa 'am/ gdong ngam/ yan lag dang / nying lag gang yang rung ba gcod par gyur cig snyam pa 'am/ thams cad kyi thams cad du srog dang bral bar byed par gyur cig snyam pas de la yang ral gri 'am/ spu gri 'am/ chu gri 'dogs par byed cing / gal te des de'i lag pa 'am/ rkang pa 'am/ gdong ngam/ yan lag dang nying lag gang yang rung ba gcod par byed dam/ thams cad kyis thams cad du srog dang bral bar byed cing de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /'khrul 'khor dang rngon spyad la yang de bzhin du brjod par bya'o/ / sdom la/ ro langs dang ni ro langs phyed/ /dku mnyed pa dang srog 'gog dang / /g.yang sa chu dang me dang ni/ /mngags pa dang ni grang dro 'o/ /dge slong gis skyes pa dang / bud med dang / ma ning la gsad pa'i sems kyis zla ba mar gyi ngo'i tshes bcu bzhi la dur khrod du song ste shi ba'i ro tha na srog chags grog sbur phra mos kyang ma smas ma nyams pa tshol bar byed cing rnyed nas sa kar gyis dril phyi byed cing / sa kar gyis dril phyi byas nas spos chus 'khru bar byed la/ spos chus bkrus nas ras sar pa skon par byed cing / de'i rkang pa gnyis kyang skud par byed/ gsang sngags kyang rjod par byed pa na de langs par 'gyur te bya smyangs byed pa'i tshe des de 'khor lo gnyis dang ldan pa'i shing rta la 'jog par byed cing / de'i mgul du dril bu gnyis kyang 'dogs par byed/ lag par ral gri so gnyis pa yang sbyin par byed pa na de langs te blag blag zer zhing 'di skad ces ngas gang btang bar bya/ ngas gang gsad par bya/ ngas gang srog dang bral bar bya zhes zer ba'i tshe dge slong des ro langs de la 'di skad ces khyod kyis skyes pa dang / bud med dang / ma ning che ge mo zhig shes sam zhes smras pa na/ shes so zhes zer ba'i tshe de thong shig /de sod cig /de srog dang bral bar gyis shig ces smras nas/ gal te ro langs des de gtong bar byed dam/ gsod par byed dam/ srog dang bral bar byed na dge slong pham par 'gyur ro/ /gal te de na srung bar byed pa 'di lta bu 'di lta ste/ sgor nags kyi phreng ba btags pa 'am/ bum pa gang ba bzhag pa 'am/ ba dang be'u 'dra ba btags pa 'am/ lug btags pa 'am/ mchig mchig gu dang bcas pa bzhag pa 'am/ sgor 'khor gtan bsnyal ba 'am/ me tshugs sbar ba 'am/ rgyal ba bzhugs pa 'am/ rgyal bas bka' stsal pa 'am/ 'khor los sgyur ba 'am/ 'khor los sgyur ba'i ma'i mngal du 'khor los sgyur ba zhugs pa 'am/ byang chub sems dpa' 'am/ byang chub sems dpa'i ma'i mngal du byang chub sems dpa' zhugs pa 'dug pa 'am/ so sor thar pa'i mdo ma bton bar 'don par byed pa 'am/ bton pa rgya cher dbyangs kyis kha ton byed pa 'am/ mdo sde'i sde tshan bzhi po gang rung ba ma bton pa 'don par byed pa 'am/ bton pa rgya cher dbyangs kyis kha ton byed pa 'am/ mdo chen po che ba 'di lta ste/ chung ngu stong pa nyid dang / chen po stong pa nyid dang / lnga gsum pa dang / sgyu ma'i dra ba dang / gzugs can snying pos bsu ba dang / rgyal mtshan dam pa dang / kun tu rgyu ba dang kun tu mi rgyu ba dang 'thun pa'i mdo dang / 'dus pa chen po'i mdo de dag ma bton pa 'don par byed pa dang / bton pa dag rgya cher dbyangs kyis kha ton byed pa bzhag par gyur na/ gtang nyes pa yin pas ro langs kyis dge slong bdag nyid gsod par sems par 'gyur bas/ gal te ro langs kyis dge slong gsod par byed na dge slong la nyes pa sbom por 'gyur ro/ /gal te dge slong gis ro langs gsod par byed na dge slong la nyes pa sbom po gnyis su 'gyur te/ gcig ni ro langs bsad pa las so/ /gnyis pa ni sbyor ba snga ma de nyid las so/ /ro langs la ji lta ba bzhin du ro langs phyed la yang de bzhin te/ ro langs dang / ro langs phyed la bye brag ni 'di yod de/ 'khor lo gcig dang ldan pa'i shing rta la 'jog pa dang / mgul du dril bu gcig 'dogs pa dang / lag par ral gri so gcig pa sbyin pa ni ro langs phyed ces bya'o/ /ltung ba rnam par gzhag pa ni thams cad snga ma bzhin du brjod par bya'o/ /dge slong gis bud med gsad pa'i sems kyis bud med gsad par bya'i/ mngal na gnas pa ni mi bya'o snyam pas sbrum ma'i dku mnyed par byed cing / gal te bud med shi bar gyur la/ mngal na gnas pa ma yin na dge slong pham par 'gyur ro/ / gal te mngal na gnas pa shi bar gyur la bud med ma shi na dge slong la sbyor ba snga ma de nyid kyis nyes pa sbom por 'gyur ro/ /gnyi ga shi bar gyur na dge slong pham par 'gyur ro/ /gnyi ga shi bar ma gyur na dge slong la sbyor ba snga ma de nyid kyis nyes pa sbom por 'gyur ro/ /dge slong gis mngal na gnas pa gsad pa'i sems kyis mngal na gnas pa gsad par bya'i bud med ni mi bya'o snyam pas bud med kyi dku mnyed par byed cing / gal te mngal na gnas pa shi bar gyur la/ bud med ma shi na dge slong pham par 'gyur ro/ /gal te bud med shi bar gyur la mngal na gnas pa ma shi na dge slong la sbyor ba snga ma de nyid kyis nyes pa sbom por 'gyur ro/ /gnyi ga shi bar gyur na dge slong pham par 'gyur ro/ /gnyi ga shi bar ma gyur na dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang / bud med dang / ma ning la gsad pa'i sems kyis khri las ldang bar byed/ sham thabs gyon par byed/ 'gro bar byed/ dkyil 'khor nyug par byed/ me sbar bar byed/ yam sreg shing 'dzud par byed/ gsang sngags rjod par byed cing yam sreg shing 'di dag kyang tshig par gyur cig /skyes pa 'am/ bud med dam/ ma ning che ge mo zhig gi srog kyang nye bar 'gag par gyur cig snyam pa las/ gal te yam sreg shing de dag 'tshig pa na skyes pa 'am/ bud med dam/ ma ning de'i srog nye bar 'gags par gyur na/ dge slong la nyes pa sbom por 'gyur ro/ /gal te yam sreg shing de dag tshig par gyur pa na skyes pa 'am/ bud med dam/ ma ning de'i srog kyang nye bar 'gags par gyur na/ dge slong pham par 'gyur ro/ /dge slong gis skyes pa dang / bud med dang / ma ning la gsad pa'i sems kyis khri las ldang bar byed/ sham thabs gyon par byed/ 'gro bar byed/ til bre'u chung gang ngam/ yungs kar bre'u chung gang gtun du blugs te gtun bu'i rtse mos rdung bar byed/ gsang sngags rjod par byed cing / 'bru 'di dag kyang 'dres par gyur pa na skyes pa 'am/ bud med dam/ ma ning che ge mo zhig gi srog kyang nye bar 'gag par gyur cig snyam pa las/ gal te 'bru de dag 'dre ba na skyes pa 'am/ bud med dam/ ma ning de'i srog nye bar 'gags par ma gyur na dge slong la nyes pa sbom por 'gyur ro/ /gal te 'bru de dag 'dres par gyur pa na skyes pa 'am/ bud med dam/ ma ning de'i srog kyang nye bar 'gags par gyur na dge slong pham par 'gyur ro/ /dge slong gis skyes pa dang / bud med dang / ma ning la gsad pa'i sems kyis khri las ldang bar byed/ sham thabs gyon par byed/ 'gro bar byed/ 'o ma bre'u chung gang ngam/ zho bre'u chung gang snod du blugs te sor mos dkrug par byed/ gsang sngags rjod par byed cing / 'di yang khrag tu gyur cig /skyes pa 'am bud med dam/ ma ning che ge mo zhig gi srog kyang nye bar 'gag par gyur cig snyam pa las gal te de khrag tu gyur pa na skyes pa 'am/ bud med dam/ ma ning de'i srog nye bar 'gags par ma gyur na/ dge slong la nyes pa sbom por 'gyur ro/ / gal te khrag tu gyur pa na/ skyes pa 'am/ bud med dam/ ma ning de'i srog kyang nye bar 'gags par gyur na dge slong pham par 'gyur ro/ /dge slong gis skyes pa dang / bud med dang / ma ning la gsad pa'i sems kyis tshon sna lnga'i skud pas snam sbyar la 'tshem par byed/ gsang sngags rjod par byed cing / snam sbyar 'di yang btsems par gyur cig /skyes pa 'am/ bud med dam/ ma ning che ge mo zhig gi srog kyang nye bar 'gag par gyur cig snyam pa las gal te snam sbyar de 'tshem pa na skyes pa 'am/ bud med dam/ ma ning de'i srog nye bar 'gag par ma gyur na dge slong la nyes pa sbom por 'gyur ro/ /gal te snam sbyar de btsems par gyur pa na skyes pa 'am/ bud med dam/ ma ning de'i srog kyang nye bar 'gags par gyur na dge slong pham par 'gyur ro/ /dge slong gis skyes pa dang / bud med dang / ma ning la gsad pa'i sems kyis sa la ri mo bdun 'dren par byed/ gsang sngags rjod par byed cing / ri mo 'di dag kyang byid par gyur cig /skyes pa 'am/ bud med dam/ ma ning che ge mo zhig gi srog kyang nye bar 'gag par gyur cig snyam pa las/ gal te ri mo de dag 'byid pa na skyes pa 'am/ bud med dam/ ma ning de'i srog nye bar 'gag par ma gyur na dge slong la nyes pa sbom por 'gyur ro/ /gal te ri mo de dag byid par gyur pa na/ skyes pa 'am/ bud med dam/ ma ning de'i srog kyang nye bar 'gags par gyur na dge slong pham par 'gyur ro/ /dge slong gis skyes pa dang / bud med dang / ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas g.yang sa nas g.yang du gtong bar byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /g.yang sa nas ji lta ba de bzhin du 'di ltar rtsom pa 'dis 'di dus byed par gyur cig snyam pas khang bzangs nas sam/ ra ba las sam/ glang po che'i gshul nas sam/ rta'i rgyab nas sam/ khyogs spyil las sam/ khri las sam/ khri'u las sam/ phrag pa nas sam/ glo nas sam/ rked pa nas sam/ brla nas sam/ byin pa nas sam/ tha na long bu nas sa la ltung bar byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang / bud med dang / ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas chur 'jud par byed cing de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /chur ji lta ba de bzhin du 'di ltar rtsom pa 'dis 'di dus byed par gyur cig snyam pas shar phyogs kyi rgya mtsho chen por ram/ lho phyogs kyi rgya mtsho chen por ram/ nub phyogs kyi rgya mtsho chen por ram/ byang phyogs kyi rgya mtsho chen por ram/ mtshor ram/ lteng kar ram/ ljan ljin du 'jud dam/ tha na de'i khar snyim pa'i chu ldugs par byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang / bud med dang / ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas mer 'jud par byed cing de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ / des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /mer ji lta ba de bzhin du 'di ltar rtsom pa 'dis 'di dus byed par gyur cig snyam pas grong khyer sreg pa 'am/ grong sreg pa 'am/ yul sreg pa 'am/ rgyal thabs 'am/ da nur du 'jud dam/ tha na de'i khar mgal pa tsam 'jud par byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang / bud med dang / ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas/ seng ge dag gam/ stag dag gam/ gung dag gam/ mtsha' dag gam/ spyang ki dag gis zos par gyur pas sam/ nyi ma dang rlung dag gis yongs su skam pa dang / yongs su zad pa dang / yongs su gtugs par gyur pas sam/ bkres pa dang / skom pa'i nyam chung bas dkris pas dus byed par gyur cig snyam pas 'jigs pa dang bcas pa'i phyogs su mngag pa nyid du gtong bar byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang / bud med dang / ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas dus grang ba/ mchog tu grang ba gang dag yin pa de dag gi tshes brgyad kyi bar gang dag tu 'od ma 'gas pa'i rlung dag ldang ba de dag tu nyin mo steng g.yogs par 'dzin du bcug nas mtshan mo bla gab med par 'dzin cing de'i steng du sog ma'i chag chag 'debs par byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang / bud med dang / ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas dus tsha ba/ mchog tu tsha ba gang dag yin pa/ de dag gis so ka'i gung gis tsha ba la bab pa gang dag tu srog chags phra mo skye ba de dag tu nyin mo bla gab med par 'dzin tu bcug nas mtshan mo steng g.yogs par 'dzin cing / de'i lus la gseg gam/ re ldes kyang 'khri bar byed/ du ba rngub pas kyang 'dug par byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro// //sdom la/ bsro gang dang ni me khang dang / / 'char ka dang ni gnyis po dang / /skyong ma dang ni bcu bdun sde/ /ri brags pa dang rgan zhugs so/ /sangs rgyas bcom ldan 'das 'brog gnas na 'brog gi gnas mchog na bzhugs so/ /de na dge slong bsod snyoms pa zhig khyim bdag cig gi sdum par dus dang 'thun pa'i dus su 'gro zhing chos kyang ston par byed do/ /ji tsam na dge slong des khyim bdag de skyabs su 'gro ba dang / bslab pa'i gzhi dag la rab tu bzhag go/ /de nas yang dge slong de nye bar song nas khyim bdag de la rdzas las byung ba'i bsod nams bya ba'i gzhi bdun po dag gis bsngags pa rgya cher brjod pa dang / khyim bdag des smras pa/ 'phags pa bdag gis kyang dge 'dun la rdzas las byung ba'i bsod nams bya ba'i gzhi 'ga' zhig bgyid du stsal to/ /bsod snyoms pas smras pa/ khyim bdag legs kyis byed du chug shig /'phags pa ci zhig bgyid du stsal/ khyim bdag dge 'dun la bsro khang gi khang pa med kyis de byed du chug shig /'phags pa bdag la kAr Sha pA Na dag ni mchis mod kyi 'on kyang bsod nams kyis grogs bgyid pa ma mchis so/ /khyim bdag kho bo khyed kyi bsod nams kyi grogs yin no/ /'phags pa legs so/ /khyim bdag des bsod snyoms pa de la kAr Sha pA Na dag phul nas bsod snyoms pa de dge 'dun gyi bsro khang gi khang pa byed du 'dzud pa la zhugs so/ /ji tsam dus gzhan zhig na 'brog gnas su dus ston byung nas bla mi dag ma 'ongs pa dang / bsod snyoms pas de dag bos te smras pa/ bzhin bzangs dag deng khyed cag ci'i phyir ma 'ongs/ de dag gis smras pa/ 'phags pa deng 'jig rten gyi dus ston lags pas de'i slad du bdag cag ma mchis so/ /bsod snyoms pas smras pa/ bzhin bzangs dag gang dag bsod nams kyi 'bras bus 'tsho ba de dag la ni dus ston yod na/ khyed cag mkhar lan gyi 'bras bus 'tsho ba dag la dus ston ci 'dra ba dag cig yod/ tshur sheg la las gyis shig dang / de'i phyir gla nyis gyur du sbyin no/ /de dag gis smras pa/ 'phags pa gang dag bsod nams kyi 'bras bus 'tsho ba de dag la ni rtag pa kho nar dus ston mchis kyi/ bdag cag ni mkhar lan gyi 'bras bus 'tsho ba lags pas de nyid kyis na bdag cag la brgya la brgya lam na dus ston 'byung bas gal te gla sum gyur du stsal du lags kyang bdag deng ni las mi bgyid do zhes de dag ma btub ste dong nas bsod snyoms pa yang snying las chung ngur 'dug go/ /khyim bdag gis bsams pa/ bdag gis sbyin par bya ba'i chos de la ji tsam ni byas/ ji tsam ni ma byas pa de ltar 'gro'o snyam nas de nang par sngar langs te song ba dang / 'ga' yang las mi byed pa mthong na de bsod snyoms pa'i drung du song ste rkang pa gnyis la phyag 'tshal nas smras pa/ 'phags pa gla mi dag deng las mi bgyid dam/ khyim bdag mi byed do/ /ci'i slad du de dag na re deng 'jig rten gyi dus ston yin pas bdag cag las mi byed do zhes zer ro/ /khyim bdag gis smras pa/ 'phags pa de dag ni mkhar lan gyi 'bras bus 'tsho ba lags pas 'phags pas de dag la gla ma stsal pas des na ma btub gor ma bkum/ bsod snyoms pas smras pa/ khyim bdag kho bos gla nyis gyur byin yang ma grub ste/ de dag na re 'phags pa gang dag bsod nams kyi 'bras bus 'tsho ba de dag ni rtag pa kho nar dus ston mchis kyi/ bdag cag ni mkhar lan gyi 'bras bus 'tsho ba lags pas de nyid kyis na bdag cag la brgya la brgya lam na dus ston 'byung bas gal te gla sum gyur du stsal du lags kyang bdag cag deng ni las mi bgyid do zhes zer ro/ /khyim bdag gis smras pa/ 'phags pa bdag ni bdag gi slad du yang bgyid du ma stsol la/ nye du rnams kyi slad du yang bgyid du mi rtsol gyi/ 'di ltar 'phags pa rnams kyi slad du bgyid du rtsol ba lags pas kye ma 'phags pa rnams kyis kyang brgya la brgya lam du mkhar lan gyi stongs mo mdzod cig /bsod snyoms pas skabs de dge slong rnams la brjod nas/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gzhi ma zin pa la dge slong rnams kyis mkhar lan gyi stongs mo bya'o/ /bcom ldan 'das kyis gzhi ma zin pa la dge slong rnams kyis mkhar lan gyi stongs mo bya'o zhes bka' stsal nas/ dge slong dag gis mkhar lan gyi stongs mo bya bar brtsams nas/ de dag phan tshun so phag 'phen par byed do/ /ji tsam na dge slong zhig gis dge slong la so phag 'phangs pa dang lag pa nas shor te dge slong gi mgo la phog nas de dus la bab bo/ /dge slong de dag 'gyod pa skyes shing / de dag yid mi bde nas 'di skad ces tshe dang ldan pa dag bsod snyoms pa las med pas las phyung nas bdag cag tshangs pa mtshungs par spyod pa yid du 'ong ba dang bral bar gyur cing / bdag cag la pham par 'gyur ba'i ltung ba ma byung ngam snyam du 'gyod pa skyes par gyur to/ /zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed la ni ltung ba med de/ yang dge slong rnams kyis so phag 'phang bar mi bya bar 'di ltar lag pas lag par brgyud par bya'o/ /gal te bye ba 'am/ gas pa yin na go bar bya ste brgyud par bya'o/ /go bar ma byas par brgyud par byed na 'gal tshabs can du 'gyur ro/ /bcom ldan 'das kyis dge slong rnams kyis mkhar lan gyi stongs mo bya'o zhes bka' stsal nas/ dge slong rnams nyi ma rangs par las byed nas bram ze dang khyim bdag dag ci'i phyir dge slong 'di dag nyi ma rangs par gla mi bzhin du las byed ces 'phya bar byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ nyi ma rangs par las mi bya bar 'di ltar lan gcig bya'o/ /dge slong dag so ka ni phyi dro las byed la/ dgun ni snga dro las byed nas/ bcom ldan 'das kyis bka' stsal pa/ so ka ni snga dro las bya la/ dgun ni phyi dro las bya'o/ /de dag dus rting la thug pa na gtong zhing 'jim rdzab kyis gos pa'i lus kyis de bzhin rings pa rings par bsod snyoms la 'jug pa na ma dad pa dag 'phags pa dag khyed cag gis gla mi dag kyang pham par byas te/ de dag kyang zas kyi dus yongs su spong bar byed na/ khyed cag zas kyi dus kyang spong bar mi byed do zhes co 'dri bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ bsod snyoms pa gang dag yin pa de dag gis ni sta gon byas nas grong du bsod snyoms la 'jug khom pa dang / gang dag dge 'dun gyi rnyed pa dbang ba de dag gis ni sta gon byas nas dge 'dun gyi dbus su 'jug khom pa de ltar dus shes par byas te gtang bar bya'o/ /bcom ldan 'das kyis sta gon byas nas grong du bsod snyoms la 'jug par bya zhing dge 'dun gyi dbus su yang 'jug par bya'o zhes bka' stsal nas/ dge slong rnams kyis ji tsam gyis na sta gon byas par brjod par bya ba mi shes nas/ bcom ldan 'das kyis bka' stsal pa/ ji tsam gyis lag pa gnyis dang / rkang pa gnyis bkrus pa dang / lhung bzed bkrus par gyur pa de tsam gyis sta gon byas par brjod par bya'o/ /gzhan yang ngas dge slong mkhar lan byed pa dag gis kun du spyod pa'i chos dag bca' bar bya ste/ dge slong mkhar lan byed pas dus ji lta ba bzhin du snga dro ni khye'u sus dag sbyor du gzhug par bya'o/ /phyi dro ni skom dang / lag pa dang / rkang pa'i bsku mnye rgyu dag sbyor du gzhug par bya'o/ /dge slong mkhar lan byed pas kun du spyod pa'i chos ji ltar bcas pa dag yang dag par blangs te 'jug par mi byed na 'gal tshabs can du 'gyur ro/ /'brog gnas su bsod snyoms pas bsro gang byed du bcug pa ji lta ba bzhin du me khang gi gleng gzhi yang de kho na bzhin du rgyas par brjod par bya'o/ /bye brag ni 'di yod de/ bcom ldan 'das kyis gzhi ma zin pa la mkhar lan gyi stongs mo bya'o zhes bka' stsal nas/ dge slong dag me khang gi las byed cing phyam dag phar sbed tshur sbed pa na de dag gi 'og na shing mkhan zhig zhal ta byed de/ ji tsam na phyam dag sbed pa na/ dge slong gi lag nas phyam shor bas shing mkhan gyi mgor phog nas de dus la bab pa dang / dge slong de dag tshe dang ldan pa dag bsod snyoms pa las med pa las byung bas bdag cag la pham par 'gyur ba'i ltung ba ma byung ngam snyam du 'gyod pa skyes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed la ni ltung ba med de/ yang dge slong dag gis mi bzod pa'i khur 'deg par mi bya'o/ /rkyen de lta bu zhig byung na mdo mdor khyim pa dag 'dzin du gzhug par bya zhing gdegs pa dag dang / gzhag pa dag kyang brjod par bya ste/ mnyam du gdeg pa dang / mnyam du gzhag par bya'o/ /dge slong dag mi bzod pa'i khur 'deg par byed na 'gal tshabs can du 'gyur ro/ /bcom ldan 'das kyis dge slong dag gis mi bzod pa'i khur 'deg par mi bya'o zhes bka' stsal nas/ dge slong rnams kyis ji tsam ni bzod pa yin/ ji tsam ni mi bzod pa yin pa mi shes nas/ bcom ldan 'das kyis bka' stsal pa/ khyim pa gcig gi khur gang yin pa de dag dge slong gnyis kyis gdeg par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa 'char kas gtum mo btul te skyabs su 'gro ba dang / bslab pa'i gzhi dag la bkod pa de'i tshe des tshe dang ldan pa 'char ka'i rkang pa gnyis la phyag 'tshal nas yo byad thams cad kyis bstabs pa dang / tshe dang ldan pa 'char kas dang du ma blangs te smras pa/ sring mo bcom ldan 'das kyi bstan pa ni gzhan la phan pas rjes su 'dzin par zhugs pa yin pas/ kho bos kyang gzhan la phan par bya dgos so/ /gtum mos smras pa/ 'phags pa gal te de lta lags te dang du mi bzhes na/ bdag gis 'phags pa'i slad du drang srong gi gdan bsham par bgyis/ khyod kyis bsod snyoms brgyus nas drang srong gi gdan la longs spyad de gshegs par rigs so/ /tshe dang ldan pa 'char kas smras pa/ sring mo de bzhin bya'o zhes tshe dang ldan pa 'char ka nyi ma re re zhing bsod snyoms brgyus nas gtum mo'i khyim du drang srong gi stan la longs spyad de 'gro'o/ /ji tsam dus gzhan zhig na tshe dang ldan pa 'char ka la ljongs su bya ba zhig byung nas tshe dang ldan pa 'char kas bsams pa/ bdag je song la sring mo blta bar bya'o snyam nas/ tshe dang ldan pa 'char ka gtum mo'i gan du song ste smras pa/ sring mo kho bo ljongs rgyur 'gro yis/ khyod kyis chos kyi lus la bag gyis shig /gtum mos smras pa/ 'phags pa myur du slar gshegs pa'i rigs te/ der bzhugs par mi mdzad cing der dgyes pa mi bskyed du gsol/ tshe dang ldan pa 'char kas gtum mo bltas te ljongs rgyur 'phags pa dang / tshe dang ldan pa kun dga' bos dge slong rnams la smras pa/ tshe dang ldan pa dag bcom ldan 'das ljongs rgyur gshegs kyis/ khyed cag las gang bcom ldan 'das dang thabs gcig ljongs rgyur 'gro bar spro ba des chos gos kyi las gyis shig /tshe dang ldan pa 'char kas thos nas bsams pa/ sangs rgyas kyi rgyu ba la ni phan yon bcwa brgyad yod de/ rgyal po'i 'jigs pa med pa dang / chom rkun gyi 'jigs pa med pa dang / me'i 'jigs pa med pa dang / mi'i 'jigs pa med pa dang / mi ma yin pa'i 'jigs pa med pa dang / klu'i 'jigs pa med pa dang / gdug pa'i 'jigs pa med pa dang / seng ge'i 'jigs pa med pa dang / stag gi 'jigs pa med pa dang / gung gi 'jigs pa med pa dang / pha rol gyi dmag tshogs kyi 'jigs pa med pa dang / spyang ki'i 'jigs pa med pa dang / sho gam gyi 'jigs pa med pa dang / la gcan gyi 'jigs pa med pa dang / gru btsas kyi 'jigs pa med pa dang / dus dang dus su lha'i gzugs dag mthong zhing lha'i sgra dag thos la kun shes pa brda sprod pa dag thos pa dang / chos kyi longs spyod dang / zang zing gi longs spyod yod pa dang / sangs rgyas kyi rgyu ba la gnod pa nyung ba yin gyis/ bdag kyang bcom ldan 'das dang thabs gcig ljongs rgyur 'gros phyir ldog par bya'o snyam nas/ tshe dang ldan pa 'char ka phyir log go/ /de'i bar skabs su gtum mo'i khyim du bu mo zhig la khye'u zhig btsas nas/ gtum mos khye'u de'i ma la smras pa/ bu mo khye'u 'di khrus gyis la gos dkar pos dkris te drang srong gi stan 'di la snyol cig dang yun ring du 'tsho bar 'gyur zhing tshe ring du skyong bar 'gyur ro/ /bu mo des khye'u de khrus byas te gos dkar pos dkris nas/ drang srong de'i stan de la rtag tu bsnyal lo/ /tshe dang ldan pa 'char ka yang nyi ma gzhan zhig na bsod snyoms la zhugs nas gtum mo'i khyim ga la ba der song ngo / /dgra bcom pa dag ni ma bsams par shes pa dang mthong ba mi 'jug pas/ tshe dang ldan pa 'char ka de bzhin du drang srong gi stan de la 'dug pa dang / bud med kyi yul de brtad pa dang bcas shing 'phags pa khye'u 'phags pa khye'u zhes zer nas tshe dang ldan pa 'char ka myur du langs te bltas na khye'u dus la bab pa mthong ngo / / khyim mi dag gis cho nges gdab par brtsams pa dang / tshe dang ldan pa 'char kas smras pa/ sring mo ma ngu shig /sems can 'dis tshe thung bar 'gyur ba'i las byas te/ bcom ldan 'das kyis kyang 'du byed thams cad ni mi rtag go zhes gsungs so/ /de lta mod kyi 'di la kho bos ngud mos gdab par bya ba yin te/ 'di ltar kho bos dgra bcom pa nyid thob kyang kho bo la brten te bcom ldan 'das kyis 'dul ba la nyan thos rnams kyi bslab pa'i gzhi 'cha' bar 'gyur ro/ /des skabs de dge slong rnams la brjod nas/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong 'char ka la ni ltung ba med de/ yang dge slong gis khyim gzhan du stan la ma brtags par 'dug par mi bya'o/ /'dug na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag phyug pa/ nor mang ba/ longs spyod che ba/ phan tshun gtam 'dres pa/ phebs par smra ba/ 'grogs bshes/ smos 'drin gnyis shig 'khod do/ /ji tsam dus gzhan zhig na de gnyis nor zad pa dang / longs spyod zad par gyur nas de gnyis kyis gros bya bar brtsams pa/ bdag cag gnyis 'di nyid du ma thos pa dang dmas par gyur pas rnam pa 'di lta bu'i 'tsho ba za zhing longs spyod pas ci bya/ rab tu 'byung du 'dong ngo zhes de gnyis legs par gsungs pa'i chos 'dul ba la rab tu byung ngo / /de na gcig na bar gyur nas gcig shos de'i nad g.yog byed do/ /nad pa de nyams dmas shing sos par ma gyur nas/ nad g.yog des nad pa la smras pa/ tshe dang ldan pa khyod la sngon khyim pa'i tshe na lan 'ga' nad 'di lta bu byung ngam/ sngon yang byung ngo / /'o na ji zhig gis zhi bar gyur/ lan tshwa'i sman rtsabs kyis so/ /'o na de ci'i phyir lan tshwa'i sman rtsabs mi 'thung zhes nad g.yog des lan tshwa'i sman rtsabs bslangs te nad pa la blud pa dang / nad pa de dus kyi chos dang ldan par gyur nas dge slong de bdag gis 'di la sman ma yin pa byin par ma gyur tam snyam du 'gyod pa skyes nas/ des skabs de dge slong rnams la brjod nas/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med de/ yang dge slong gis sman pa la ma dris par rang gi blos nad pa la sman sbyin par mi bya'o/ /gal te sman pa med na sman pa rab tu byung ba la dri bar bya'o sman pa rab tu byung ba med na sman pas bkol ba la dri bar bya'o/ /sman pas bkol ba med na nad kyis thebs pa la dri bar bya'o/ /nad kyis thebs pa med na dge slong rgan pa rgan pa dag la dri bar bya'o/ / dge slong gis sman pa la ma dris sam/ ji skad bstan pa'i rim pa bzhin ma byas par rang gi blos nad pa la sman sbyin na 'gal tshabs can du 'gyur ro/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa dge slong de la sman gang lags pa de nyid sman ma lags pa nyid du gyur pa'i rgyu ni gang lags/ rkyen ni gang lags/ bcom ldan 'das kyis bka' stsal pa/ de sngon khyim pa'i tshe na rlung dang bad kan can du gyur la/ da ltar ni rlung dang mkhris pa can du gyur pas des na de la sman gang yin pa de nyid sman ma yin pa nyid du gyur to/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcom ldan 'das kyis ma ga d+hAr byung ba'i rgyal po bzo sbyangs gzugs can snying po lha brgyad khri dang ma ga d+hAr byung ba'i bram ze dang khyim bdag brgya stong phrag du ma dang lhan gcig bden pa dag la bkod pa de'i tshe na ma ga d+hAr byung ba'i rgyal po bzo sbyangs gzugs can snying pos rgyal po'i khab tu 'di skad ces rgyal po'i khab tu 'khod pa dang / pho brang 'khor ba dang / yul tha dad pa nas lhags pa'i tshong pa'i tshogs shes ldan dag nyon cig /nga'i yul du gang gis kyang chom rkun mi bya'o/ /gang nga'i yul du chom rkun byed pa de ngas yul med par bya'o/ /bcom pa rnams kyi rkun rdzas ni nga'i mdzod dang bang ba nas sbyin no zhes dril gyi sgra bsgrags pa byas so/ /gang gi tshe bcom ldan 'das kyis ko sa lar byung ba'i rgyal po gsal rgyal gzhon nu'i dpe'i mdo sdes btul ba de'i tshe na ko sa lar byung ba'i rgyal po gsal rgyal gyis kyang mnyan yod du 'di skad ces mnyan yod na 'khod pa dang / pho brang 'khor ba dang / yul tha dad pa nas lhags pa'i tshong pa'i tshogs shes ldan dag nyon cig /nga'i yul du gang gis kyang chom rkun mi bya'o/ /gang nga'i yul du chom rkun byed pa des ngas bsad pa'i gyod la bsgrin par bya'o/ /bcom pa rnams kyi rkun rdzas ni nga'i mdzod dang bang ba nas sbyin no zhes dril gyi sgra bsgrags pa byas so/ /de'i bar skabs na chom rkun pa gang dag yul ma ga d+hA na gnas pa dag dang / chom rkun pa gang dag yul ko sa la na gnas pa de dag sa mtshams kyi bar du dong ste 'khod do/ thams cad du chom rkun pa gang dag yul ma ga d+hA na gnas pa dag dang / chom rkun pa gang dag yul ko sa la na gnas pa de dag sa mtshams kyi bar du dong ste 'khod cing don 'thun 'joms par byed do zhes bya ba'i sgra de lta bus kyang khyab par gyur to/ / de thos nas yul ma ga d+hA nas don 'thun bsel ba dang bcas pas yul ko sa lar 'gro bar brtsams shing yul ko sa la nas kyang don 'thun bsel ba dang bcas pas yul ma ga d+har 'gro bar brtsams so/ /ji tsam dus gzhan zhig na yul ma ga d+ha nas don 'thun bsel ba dang bcas pa yul ko sa lar 'phags nas de gang gi tshe sa mtshams kyi bar las 'das te yul ko sa lar zhugs pa de'i tshe na ded dpon gyis smras pa/ shes ldan dag ko sa lar byung ba'i rgyal po gsal rgyal 'di ni gtum pa/ rtun ngas pa drag shul che ba/ dpa' ba/ rtsal che ba zhes grags pas/ gal te don 'thun chom rkun pas bcom par gyur na yang des bdag cag la rkun rdzas sbyin par nus kyis bsel ba phyir thong shig /don 'thun dag gis smras pa/ ded dpon gal te de lta na de ltar bgyi'o zhes de dag gis bsel ba phyir btang ngo / /chom rkun pa dag gis bya ma rta bzhag ste 'khod pa dang / bya ma rta dag gis bsel ba phyir btang ba de mthong nas de dag gis smras pa/ shes ldan dag bsel ba phyir log gis don 'thun gzhom par byas 'dong ngo zhes de dag gis don 'thun sa la'i dgon par zhugs pa bcom mo/ /de na tshong pa kha cig ni bsad/ kha cig ni byer ro/ / de na gang dag byer ba de dag mgo sa rdul gyis bkang ste/ ko sa lar byung ba'i rgyal po gsal rgyal gyi drung du dong nas smras pa/ lha bdag cag tshong pa rnams khyod kyi yul du tshong par mi rung bar rnam par bkod do/ /ci zhig byas/ lha bdag cag chom rkun pa dag gis bcom mo/ /rgyal pos dmag dpon 'phags skyes po la bsgo ba/ gzhon nu song la chom rkun pa dag dang rkun rdzas dag myur du khug shig / dmag dpon 'phags skyes pos lha bka' bzhin 'tshal zhes ko sa lar byung ba'i rgyal po gsal rgyal las mnyan nas dpung gi tshogs yan lag bzhi pa glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te myur ba myur bar sa la'i dgon par song ngo / /de'i bar skabs na chom rkun pa dag sa la'i dgon pa shin tu stug po'i nang na zhugs nas bag phab ste rkun rdzas bged par byed do/ /'phags skyes pos kyang de dag gis steng du brdzis nas de na chom rkun pa kha cig ni bsad/ kha cig ni byer/ chom rkun pa drug bcu ni gson por bzung ngo / /de nas g.yul las rnam par rgyal zhing chom rkun pa dang rkun rdzas khyer te ko sa lar byung ba'i rgyal po gsal rgyal gyi drung du song nas rkang pa gnyis la phyag 'tshal te smras pa/ lha chom rkun pa ni 'di dag lags/ rkun rdzas ni 'di dag lags so/ /rgyal pos chom rkun pa dag la smras pa/ shes ldan dag ngas 'di skad ces nga'i yul du gang gis kyang chom rkun mi bya'o/ /gang nga'i yul du chom rkun byed pa de ngas gsad pa'i gyod la bsgrin par bya'o/ /bcom pa rnams kyi rkun rdzas ni nga'i mdzod dang bang ba nas sbyin no zhes dril gyi sgra bsgrags pa byas pa de khyod kyis ma thos sam/ lha thos so/ /'o na khyed kyis ci'i phyir tshong pa 'di dag bcom/ lha bdag cag 'tsho ba ma mchis so/ /gal te de lta na yang ci'i phyir gzhan gsad par gyur/ lha 'jigs pa bstan pa'i slad du'o/ /ngas kyang khyed la sngon sus kyang ma bstan pa de lta bu'i 'jigs pa bstan par bya'o/ /rgyal po de gtum pas des blon po rnams la bsgo ba/ shes ldan dag deng la chom rkun pa 'di dag bsad sar khrid la lag pa dang / rkang pa chod cig / tshong pa 'di dag gi ci phrogs pa nga'i bang ba dang mdzod nas byin cig /blon po de dag gis chom rkun pa de dag dur khrod du khrid de lag pa dang rkang pa bcad nas tshong pa rnams la kun rdzas rgyal po'i bang ba dang mdzod nas byin no/ /bcom ldan 'das kyis dge slong dag bdag gi rgud pa dang / gzhan gyi rgud pa la yang dang yang du so sor rtogs shig /bdag gi 'byor pa dang / gzhan gyi 'byor pa la yang dang yang du so sor rtogs shig /de ci'i phyir zhe na/ dge slong dag bdag dang gzhan gyis rgud pa la ni yid 'byung ba'i gnas yin la/ bdag dang gzhan gyi 'byor pa yang yid 'byung ba'i gnas yin pa'i phyir ro/ /zhes bka' stsal nas/ dge slong dag langs shing langs shing dur khrod rgyur 'gro bar brtsams so/ /dge slong ma dag kyang langs shing langs shing dur khrod rgyur 'gro bar brtsams so/ /de'i tshe na rab tu mang po dag dur khrod rgyur dong zhing de dang de dag gis chom rkun pa dag la nges par brtag par brtsams so/ /mi gzhan zhig kyang de dag nyid la rtog cing 'dug pa des smras pa/ gal te don 'dod pa 'ga' zhig gis 'di dag la lan tshwa'i sman rtsabs blud par gyur na/ des na 'di dag 'di nas shi 'phos na ma gzhon nu dag gi nu zho 'thung bar 'gyur ro/ /dge slong ma de dag gi nang na dge slong ma skyong ma zhes bya ba sbom mo/ glen ma/ mi gsal ba zhig 'dug pa des de thos nas des bsams pa/ gal te bdag bsod nams kyi phung po de lta bu las yongs su nyams par gyur na/ bdag gis legs par gsungs pa'i chos 'dul ba la rab tu byung nas ci zhig rnyed kyis bdag song la lan tshwa'i sman rtsabs bslangs te 'di dag la blud par bya'o snyam nas/ dge slong ma skyong ma de dge slong ma rnams kyi nang nas phyir byung ste/ gnas su song nas de nas lan tshwa'i sman rtsabs kyi phru ba dang / kham phor drug bcu bslangs te/ chom rkun pa dag gi drung du song ba dang / chom rkun pa de dag sdug bsngal gyi tshor ba dag gis nyen cing srog la mi ltos pa skom pas gdungs pa dag gis bsams pa/ kye ma 'phags ma 'dis bdag cag skom gyis gdungs pa rnams la bum pa de nas skom blud na ci ma rung snyam mo/ /skyong mas bsod nams kyi 'du shes kyis re re la kham phor byin te lan tshwa'i sman rtsabs brims pa dang / gang gis 'thungs pa de dus la bab ste de bzhin du thams cad dus la bab bo/ /skyong ma chom rkun pa de dag la lan tshwa'i sman rtsabs 'drim par byed pa na nam sros par gyur nas dge slong ma'i dbyar khang sgo bcad pa na skyong ma 'ongs nas des dal bus khad kyis khad kyis sgo gtan brdungs pa dang / dge slong ma rnams kyis smras pa/ sgo gtan rdung bar byed pa 'di su/ skyong mas smras pa/ bdag skyong ma'o/ / khyod nam sros nas ga las 'ongs/ phu nu mo dag rjes su yi rang bar gyis shig /rjes su yi rang bar gyis shig /ci khyed kyis dgra bcom pa nyid mngon sum du byas sam/ 'on te phyir mi 'ong ba'i 'bras bu 'am/ lan cig phyir 'ong ba'i 'bras bu 'am/ rgyun du zhugs pa'i 'bras bu mngon du byas sam/ 'on te dge 'dun gyi gtsug lag khang byed du bcug /phu nu mo dag ma yin no/ /'o na 'bras chan nam/ skyo ma 'am/ thug pa'i btung ba 'am/ ras yug chen sbyor du bcug gam/ skyong mas smras pa/ phu nu mo dag ci khyed cag la 'bras chan dang / skyo ma dang / thug pa'i btung ba dang / ras yug chen sbyor du gzhug pa btsal ba las las gzhan med dam/ 'o na gzhan ci byas/ khyed cag gis chom rkun pa drug bcu po lag pa dang / rkang pa bcad pa de dag mthong ngam/ mthong ngo / /bdag gis lan tshwa'i sman rtsabs bslangs te de dag 'thung du bcug nas 'thungs pa dang / de dag dus la bab pas ma gzhon nu dag gi nu zho 'thung du bcug go/ /skal chad ma khyod lto pham par 'gyur ba dag gis bkang ba la nged cag rjes su yi rang bar byed du 'jud dam/ de bdag la yang dag par pham par 'gyur ba'i ltung ba ma byung ngam snyam du 'gyod pa skyes nas des skabs de dge slong rnams la brjod nas dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong ma de la 'du shes kyang yod/ sems pa yang yod pas pham par gyur to/ /de lta bas na dge slong ngam/ dge slong mas nad pa la ji nas kyang nad pa dus byed par gyur cig snyam pa de lta bu'i sems kyis sman sbyin par mi bya bar 'di ltar ci nas kyang nad sos par gyur cig snyam pa de lta bu'i sems kyis sman sbyin par bya'o/ /dge slong gis nad pa la ci nas kyang nad pa dus byed par gyur cig snyam pa de lta bu'i sems kyis sman sbyin par byed na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa maud gal gyi bu chen pos nye bar 'khor la sogs pa skyes phran gzhon nu bcu bdun sde'i tshogs dag rab tu phyung rdzogs par bsnyen par byas pa de'i tshe na bcu bdun sde dag gal te gcig la las su bsko ba bab na yang de dag thams cad sdongs te byed do/ /ji tsam dus gzhan zhig na gtsug lag khang der mtshan thog thag tu chos mnyan pa byung bas der de dag thams cad kyis bsdongs te tron byas so/ /phyi de nyin par dge 'dun gyi bsro gang byung nas der yang de dag thams cad kyis bsdongs te tron byas so/ /de'i phyi de nyin par bcu bdun sde las gcig la dge skos bab nas de'i nyin mo yang thams cad kyis gtsug lag khang brgyan te 'khod do/ /de na dge skos tron byed pa'i tshe bcu bdun sde las gcig la blo byung ba bdag ni chad kyis nyal lo/ /mi bcu drug gis ci'i phyir tron mi nus snyam mo/ /de bzhin du re re la yang blo de lta bu byung nas gzhan bcu drug po thams cad so sor nyal du dong ngo / /dge skos de 'ba' shig gcig pus/ mtshan thog thag las byas te/ mtshan mo nam nangs pa dang / mar me'i kong bu dag bsdus/ sgo dag phye/ gtsug lag khang chag chag btab/ byug pa byas te/ dus shes par byas nas stan bshams shing mchod rten gyi 'khor sar bdug spos brims te/ gtsug lag khang gi steng du 'greng nas gaN DI brdung bar brtsams so/ /de nas bcu drug po de dag gaN DI'i sgras sad nas rang rang gi gnas khang dag nas lhung bzed thogs te byung ba dang / de dag gis dge skos de gcig pu phar rgyug tshur rgyug cing 'dug pa mthong nas de dag gis phan tshun smras pa/ tshe dang ldan pa dag 'di gcig pu phar rgyug tshur rgyug cing 'dug na yu bu cag las sus kyang 'di'i grogs ma byas sam/ gcig gis smras pa/ kho bo la blo byung ba bdag ni chad kyi nyal lo/ /mi bcu drug gis ci'i phyir tron mi nus snyam mo/ /de bzhin du gzhan yang de skad zer/ gzhan dag kyang zer te/ thams cad kyis de skad smras so/ /de nas bcu drug po dag gis smras pa/ tshe dang ldan pa dag 'di bdag cag gi 'phral gyi bya ba thams cad la thog mar 'gro ba yin na bdag cag gis 'di'i grogs ma byas pa ni yu bu cag gis ma legs pa byas te/ 'di bdag cag la gshe bar 'gyur gyis zan zos ma thag tu bzod pa gsol bar bya'o zhes de dag gis zan zos nas bzod pa gsol bar brtsams te/ gzhon pa rnams kyis ni de'i rkang pa gnyis la gtugs/ rgan pa rnams kyis ni mgul nas 'khyud de tshe dang ldan pa bzod par gsol zhes byas nas de cang mi smra ba nyid du 'dug go/ /de dang ches bshes pa gcig yod pa des ga ga tshil byas pa dang / des rgod par bsams te/ bzod do zhes kyang zer ro/ /de dag gis bsams pa/ de ni thabs legs pa yin no snyam nas gzhan gyis kyang ga ga tshil byas shing de bzhin du thams cad kyi bar gyis ga ga tshil byas pa dang / de rlung gyen du 'chugs te dus la bab bo/ /de dag brtad cing mya ngan bya bar brtsams pa dang / dge slong rnams gyis smras pa/ kye bcu bdun sde dag ci'i phyir brtad cing mya ngan byed/ de dag gis smras pa/ bdag cag sngon ni bcu bdun sder gyur na da ni bcu drug sder gyur te tshangs pa mtshungs par spyod pa yid du 'ong ba dang bral zhing pham par gyur pa'i ltung ba byung ngo / /dge slong de dag gis ma legs so zhes smras te dong ngo / /bcu drug po de dag kyang mtha' gcig tu dong ste/ sems khongs su chud cing 'khod pa dge slong gzhan dag gis mthong nas dge slong de dag gis sbyor bar brtsams te/ tshe dang ldan pa bcu bdun sde 'di dag ni sog ma'i me bzhin du skad cig gis 'bar zhing skad cig gis shi bar gyur te/ yud tsam zhig gis rgod bag byed cing yud tsam zhig gis sems khongs su chud cing 'khod do zhes zer ro/ /de dag mya ngan gyi mes yid gdungs pas yongs su spyos kyang cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de rnams la ni ltung ba med de/ yang dge slong gis ga ga tshil mi bya'o/ /byed na 'gal tshabs can du 'gyur ro// //'dul ba rnam par 'byed pa/ bam po bcu gcig pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / mnyan yod nas ha cang mi ring ba na/ ri brags zhig yod pa de na khyim bdag phyug pa/ nor mang ba/ longs spyod che ba zhig 'dug ste/ de yang dad pa can bzang ba dge ba'i bsam pa can yin pas des dge 'dun la bsngos te gtsug lag khang rta babs mthon po dang / skar khung dang / skar khung dra ba can dang / lan kan gyis brgyan pa/ snying dang mig 'phrog pa/ mtho ris kyi them skas su gyur pa zhig byed du bcug go/ /gtsug lag khang der dge slong drug bcus dbyar gnas pa dag byas te dong nas khyim bdag des der ma byin par len pa dag gi khri 'am/ khri'u dag ma rkus par gyis shig ces srungs ma'i mi bzhag go/ /ji tsam dus gzhan zhig na dge slong gzhan drug bcu ljongs rgyu zhing 'gro ba na ri brags der phyin nas bsti gnas rnyan par byed pa na mi zhig gis smras pa/ 'phags pa dag khyed cag ci'i slad du gtsug lag khang du mi gnas/ bzhin bzangs gtsug lag khang ga la yod/ 'phags pa dag dgon pa 'di na'o/ /dge slong de dag der dong ba dang srungs ma'i mis mthong nas des 'ongs pa legs so zhes bya ba'i tshig gis bsnyen bkur byas te/ gnas khang dag bskos nas khri dang / khri'u dang / stan nang tshangs can dang / la ba la sogs pa dag phul te spyangs tshags g.yar nas smras pa/ 'phags pa dag re shig chab btsag par mdzod cig dang de'i bar du bdag gis khyim bdag la brjod par bgyi'o zhes mi de khyim bdag gi drung du song ste smras pa/ khyim bdag dgyes pa skyed cig /khyod kyi gtsug lag khang du dge slong glo bur du lhags pa drug bcu mchis so/ /khyim bdag gus par bsgrim pa dang bcas pas nang mi dag la smras pa/ shes ldan dag kho bo'i gtsug lag khang du dge slong gi dge 'dun byon pa de dag legs par sbyar ba'i btung bas mtshim par byas/ bu ram dang / hwags dang / li kha ra dang / dgun dang / bal bu se'u long shig ces khyim bdag des legs par sbyar ba'i btung ba sbyar nas gtsug lag khang du song ba dang / dge slong dag kyang chu btsags te rang rang gi spyod lam gyis 'khod do/ /khyim bdag des dge slong de dag thag ring po kho na nas mthong ste/ des gtsug lag khang de mtsho pad mas gang ba bzhin du mthong nas rgya cher dad pa'i shugs kyis bsgyur ba'i rgyud kyis tshigs su bcad pa smras pa/ grong ngam yang na dgon pa 'ang rung / /gshong ngam yang na thang yang rung / /gang na 'os pa gnas pa yi/ /sa gzhi de ni dga' byed yin/ /de nas legs par sbyar ba'i btung ba sta gon byas te rang gi lag nas dge slong gi dge 'dun de tshim par byas nas rang nyid kyis pog phor thogs te dge slong gi dge 'dun dang lhan cig mchod rten la phyag 'tshal nas gtsug lag khang du zhugs te rgan pa'i mtha' logs su 'dug go/ /dge 'dun gyi gnas brtan gyis yon bshad nas khyim bdag des rkang pa gnyis la phyag 'tshal te sang bdag gi sdum par 'phags pa'i dge 'dun gyis gdugs tshod gsol bar ci gnang zhes smras pa dang / dge slong rnams kyis kyang dang du blangs nas khyim bdag des rkang pa gnyis la phyag 'tshal te song ngo / /khyim bdag des phyi de nyin par zas bsod pas dge slong dag tshim par byas shing dus ma yin par yang btung ba blud nas dge slong rnams kyis kyang chos bstan to/ /phyis kyang de kho na bzhin du dge 'dun gyi gnas brtan gyis yon bshad pa dang / khyim bdag de rgan pa'i mtha' logs su 'dug ste smras pa/ 'phags pa dag bdag gis gtsug lag khang 'di bdag nyid kyi slad du yang bgyid du ma stsal/ nye du rnams kyi slad du yang bgyid du ma stsal gyi/ 'di ltar 'phags pa rnams kyi slad du bgyid du stsal pa lags kyis 'di nyid du dbyar gnas par zhal gyis bzhes shig dang / bdag gis 'phags pa rnams la yo byad thams cad kyis mi brel bar bgyi'o/ /dge slong rnams kyis smras pa/ khyim bdag gnyan yod na bcom ldan 'das chos kyi rje mngon sum du bzhugs shing / dus dang dus su dge slong che ge mo zhig gis ni dgra bcom pa nyid mngon sum du byas/ che ge mo zhig gis ni mi sdug pa'i bar grub bo zhes shes pa brda sprod pa dag kyang thos par 'gyur/ rgyal po yang bstan pa la shin tu dad/ btsun mo phreng ldan ma dang / rgyal rigs dbyar tshul ma dang / bla mkhyen drang srong byin dang / rnying pa dang / dge bsnyen ma sa ga dang / ri dgas 'dzin gyi ma dang / gzhan yang dad pa can mang du yod pas der zang zing gi longs spyod dang / chos kyi longs spyod chen po yang 'grub pas bdag cag de nyid du 'dong ngo / /'phags pa dag chos kyi longs spyod ni 'phags pa bdag nyid la rag las pa lags kyi/ zang zing gi longs spyod ni bdag la rag las pa lags pas dgyes pa skyed cig dang / cung zad kyang nyams par mi 'gyur ro/ /dge 'dun gyi gnas brtan gyis smras pa/ tshe dang ldan pa dag bcom ldan 'das kyis dad pa can gyi dad pa spel bar bya zhing sbyin bdag la rjes su snying brtse bar bya'o zhes gsungs pas 'di nyid du 'khod par bya'o zhes de dag der 'khod nas blo brtan pas gtsug lag khang de'i phyi nang bcas par so sor brtag par brtsams pa dang / gtsug lag khang de me tog phun sum tshogs pa/ 'bras bu phun sum tshogs pa/ shin tu dga' ba mthong nas dge 'dun gyi gnas brtan gyis smras pa/ tshe dang ldan pa dag gtsug lag khang 'di me tog phun sum tshogs pa/ 'bras bu phun sum tshogs pa/ shin du dga' ba yin pas gal te bdag cag gis 'dir dbyar snga ma gnas par khas blangs na me tog dang 'bras bu thams cad yongs su longs spyad par mi 'gyur gyis/ bdag cag gis nges par dbyar phyi ma gnas par khas blang bar bya'o zhes de dag gis der dbyar phyi mar gnas par khas blangs so/ /khyim bdag de la gtsug lag khang de gcig pu 'ba' shig yod pas de sbyin pa dang bya bar sems pa gang yin pa de thams cad gtsug lag khang de nyid du sbyin zhing byed do/ /ri brags de na yang gtsug lag khang gzhan med pas/ ri brags pa de dag kyang sbyin pa dang bya bar sems pa gang yin pa de thams cad gtsug lag khang de nyid du sbyin zhing byed do/ /de'i nyen kor na yang gtsug lag khang gzhan med pas ri brags kyi nyen kor ba de dag kyang sbyin pa dang bya bar sems pa gang yin pa de dag thams cad gtsug lag khang de nyid du sbyin zhing byed pas der dbyar gnas par khas blangs pa'i dge slong rnams la rnyed pa mang po byung ngo / /ston zla tha chungs kyi g.yon can dag gi kun tu spyod pa ni dgag dbye byas ma thag tu 'dus te/ bdag cag gis las ci zhig byas na des btsal mi dgos par lo bskor du longs spyod cing bde bar 'khod par 'gyur zhes phan tshun gros byed do/ /de dag 'di snyam du sems te/ shAkya'i sras kyi dge sbyong 'di dag gzhom par bya'o snyam mo/ /gzhan dag gis smras pa/ de dag ni sgo 'phar brgya snyed bzla ba byas kyang lto khengs pa 'grub par dka' bas de dag la ci yang med na bdag cag ci'i phyir yul de srid du bsdad par bya/ de na dge slong gi rgyus shes pa gcig 'dug pas smras pa/ khyed ci shes de dag la mang du yod do/ /ji lta re shig gtsug lag khang 'di gang gi yin pa khyim bdag de ni dad can bzang ba dge ba'i bsam pa can yin la khyim bdag de la yang gtsug lag khang 'di gcig pu 'ba' shig yod pas de sbyin pa dang bya bar sems pa gang yin pa de thams cad gtsug lag khang 'di nyid du sbyin zhing byed do/ /ri brags 'di na yang gtsug lag khang gzhan med pas ri brags pa 'di dag kyang sbyin pa dang bya bar sems pa gang yin pa de thams cad gtsug lag khang 'di nyid du sbyin zhing byed do/ /ri brags 'di'i nyen kor na yang gtsug lag khang gzhan med pas ri brags kyi nyen kor ba 'di dag kyang sbyin pa dang bya bar sems pa gang yin pa de thams cad gtsug lag khang 'di nyid du sbyin zhing byed pas 'dir dbyar gnas par khas blangs pa'i dge slong rnams la rnyed pa mang po byung ngo / /gal te yid mi ches na song la ltos shig dang rang nyid kyi mngon sum du 'gyur ro/ /gal te de lta na khyod nyid je song la/ mngon sum du gyis shig dang / kho bo cag phyis 'ong ngo / /des smras pa/ legs kyis de bzhin gyis shig dang kho bo 'gro 'o zhes des gos tshags bcos te 'phags shing de nas tshigs su bcad pa'i dbyangs kyis mchod rten la phyag 'tshal te/ gtsug lag khang der zhugs so/ /ji tsam na sgo khang na rgan zhugs zhig 'dug nas g.yon can de de'i rkang pa la phyag 'tshal te dri bar brtsams pa/ 'phags pa gtsug lag khang snying dang mig 'phrog pa mtho ris kyi them skas su gyur pa 'di su'i lags/ bzhin bzangs khyim bdag che ge mo zhig gi yin no/ /'phags pa ci 'di gtsug lag khang lags sam/ 'on te phongs pa lags/ bzhin bzangs gtsug lag khang ni ji lta bu yin/ phongs pa ni ji lta bu yin/ 'phags pa gang na yo byad phun sum tshogs pa ni gtsug lag khang lags so/ / gang na yo byad ma mchis pa ni phongs pa lags so/ /bzhin bzangs 'o na 'di ni gtsug lag khang yin gyi phongs pa ma yin te/ 'di na yo byad phun sum tshogs pa yod kyi 'di na yo byad med pa ma yin no/ /'phags pa zas za ba ni 'ga' yang sa rdul mi za la/ gos dag gyon pa ni 'ga' yang shing shun dag mi gyon pas khyed cag la gos cung zad mchis sam/ rgan zhugs de drang po'i rang bzhin can yin pas des g.yon can de'i lag nas bzung ste gnas khang du bcug nas smras pa/ bzhin bzangs gos kyi rdang gos dag gis phur shog cing 'dug pa la ltos/ 'phags pa ci 'di khyod kyi lags sam/ 'on te dge 'dun gyi lags/ bzhin bzangs 'di kho bo gang zag gi yin no/ /'phags pa 'o na khyod ni gor ma bkum par dge 'dun gyi gnas brtan nam/ chos sgrog pa zhig lags sam/ /bzhin bzangs kho bo ni dge 'dun gyi gnas brtan yang ma yin la/ chos sgrog pa yang ma yin te/ 'di ltar kho bo ni dge 'dun gsar bu dge tshul zhig yin no/ /'phags pa de ni mjal na 'di na dge 'dun gyi gnas mal cung zad mchis sam/ bzhin bzangs mang du yod de re shig kho bo'i byug ris su yang dngos po bdun po dag 'thob bo/ / 'phags pa de yang mjal gyis 'di zhu'o/ /gtsug lag khang 'di na gang la la 'tshal ma bgyid pa de ci rdza mkhan gyi snod du 'tshod dam/ 'on te zangs ma'i snod du 'tshod bzhin bzangs khyod kyis gnas khang 'di dag mthong ngam/ 'phags pa mthong ngo / /bzhin bzangs gnas khang 'di zangs ma'i snod kyis gang zhing 'dug go/ /g.yon can des bsams pa/ legs par brid zin gyis da ni 'gro'o snyam nas g.yon can des smras pa/ 'phags pa khyod kyi dge ba'i phyogs yongs su nyams pa ni bdag gi don yongs su nyams pa lags pas bdag slad kyis kyang mchi yis da ni mchi'o/ /bzhin bzangs de bzhin gyis shig /g.yon can des rgan zhugs de'i rkang pa la phyag 'tshal te song nas g.yon can de chom rkun pa de dag gi drung du song ste smras pa/ pad ma'i mig can dag rdzas thams cad kyis gang ba'i gru bo che skams la 'dug gis phrogs shig /phrogs shig /de nas gcig gis smras pa/ de na 'khod pa'i rab tu byung ba drug bcu po dag ni 'phong gi slob dpon sha stag yin zhes grags pas de bzhin du gzhom par mi nus kyis/ gang gis tshe de dag mtshan mo chos nyan pa de'i tshe gzhom mo/ /gzhan dag gis smras pa/ nyi ma gang la de dag gi chos nyan pa 'byung bar 'gyur/ des smras pa/ tshes brgyad dang bcu bzhi la 'byung ste/ de la tshes brgyad ni thal zin pas tshes bcu bzhi la 'byung bar 'gyur ro/ /de dag sor mo dag gis nyi ma bgrang zhing 'khod 'khod pa nas ji tsam na tshes bcu bzhi la bab ste/ dge 'dun gyi gnas brtan gyis so sor thar pa'i mdo bton te dge 'dun gyi gso sbyong byas nas chos sgrog pa seng ge'i khri la 'dzegs te/ 'di skad ces mi mchog 'dul ba kha lo sgyur mdzad pa/ /kun sbyor 'ching ba gcod pa de bzhin gshegs/ /dbang po zhi zhing nyer zhi zhi la mkhas/ / mnyan yod bzhugs pa'i bka' bzhin byed la gsungs/ /zhes smra bar brtsams pa dang / g.yon can de dag gis sgo brdungs so/ /dge slong de dag gis tshor nas smras pa/ shes ldan dag khyed cag su yin/ 'phags pa dag bdag cag rigs kyi bu dag go/ /dge slong rnams kyis bsams pa/ ri brags nas skye bo'i tshogs dag chos nyan du lhags gor ma chag gis sgo dbye'o snyam nas de dag gis sgo phye ba dang de dag zhugs so/ /ji tsam na gzhom par brtsams pa dang / dge slong rnams kyis smras pa/ shes ldan dag khyed cag na re bdag cag rigs kyi bu dag go zhes zer na da nged cag 'jom par byed dam/ de dag gis smras pa/ 'phags pa dag bdag cag la ming gnyis te/ slad rol du ni rigs kyi bu dag ces bgyi la/ nang du ni chom rkun pa dag ces bgyi'o/ /khyed cag ming 'dogs par byed pa ni nyams so/ /g.yon can de dag gis dge slong dag bcom ste dong nas/ dge slong bcom pa de dag gis gros byas pa/ tshe dang ldan pa dag bcom ldan 'das kyis lhag ma dang bcas par bzho bar bya'o zhes gsungs pas re shig khyim bdag 'di phyogs bzhi'i dge slong gi dge 'dun la sbyin du bcug ste yang ci bya/ bdag cag la sbyin du bcug ste yang ci byas/ bdag cag mnyan yod nyid du dong na der bdag cag re re la tshangs pa mtshungs par spyod pa dag gis chos gos dag gis mi phongs par byed par 'gyur ro zhes gros byas so/ /ji ltar 'dong bar bya/ mtshan mo 'gebs pas 'dong zhing nyin mo thibs por zhugs te 'gro bar bya'o zhes de dag gis khyim bdag la yang ma bltas par dong ngo / /ji tsam na mthar gyis mnyan yod du phyin pa dang / dge slong dag nam gyi cha stod dang cha smad la mi nyal bar sbyor ba'i rjes su brtson par gnas pa de dag gis dge slong de dag sgren mor sgo'i gam yo na rgyu ba mthong nas smras pa/ gcer bu sgre byi dag khyed cag 'dir ci 'dod/ 'di khyed kyi gtsug lag khang yang ma yin la 'dug gnas kyang ma yin no/ /de dag gis smras pa/ tshe dang ldan pa dag bdag cag gcer bu dag ma yin no/ /'o na khyed su yin/ dge slong dag go/ /'di lta bu dag dge slong yin nam/ gang dag chom rkun po dag gis bcom pa de dag ji lta bu yin/ khyed cag ming ci/ sangs rgyas 'tsho'o/ /chos 'tsho'o/ /dge 'dun 'tsho'o/ /tshe dang ldan pa dag 'ongs pa legs so/ /'ongs pa legs so/ /zhes de dag gis sgo phye nas dge slong de dag 'jug tu bcug ste/ de dag la la las ni chos gos byin/ la las ni sham thabs byin/ la las ni rngul zan byin/ la las ni lhung bzed byin/ la las ni chu tshags byin te/ bgo bsha' ji lta ba bzhin du thams cad bgo bsha' byas pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ mi shes pa la gtsug lag khang gi sgo gya tshom du dbye bar mi bya ste/ gal te 'ga' zhig mtshan mo sgo 'dod na de'i ming dang rus dri bar bya zhing gal te ngo shes na sgo dbye bar bya zhing / ngo mi shes na sgo dbye bar mi bya'o/ /gzhan yang chos mnyan pa la bab pa'i tshe dge slong mel tse ba gzhag par bya zhing / gal te chom rkun pa 'ongs na gaN DI 'on cig /gaN DI the 'u 'on cig /dus kyi 'khor lo 'on cig /snam sbyar dang / bdun pa dang / lnga pa dang / gtur bu dang / rgya cang dang / shur bu dang / lcag pod dang / shur bu phre'u 'on cig ces tsham ngam bya'o/ /gzhan yang ngas dge slong dge 'dun gyi gnas brtan gyi kun tu spyod pa'i chos dag bca' bar bya ste/ dge slong dge 'dun gyi gnas brtan gyis chos mnyan pa la bab pa'i tshe dge skos la tshe dang ldan pa khyod kyis gtsug lag khang gi sgo bcad dam/ so sor brtags sam/ chos smra ba la gsol ba btab bam/ bshang ba dang gci ba'i skyabs byi dor byas sam zhes dri bar bya'o/ /dge slong dge 'dun gyi gnas brtan gyis kun tu spyod pa'i chos ji ltar bcas pa dag yang dag par blangs te 'jug par mi byed na 'gal tshabs can du 'gyur ro/ /de nas chom rkun pas bcom pa'i dge slong de dag la dge slong rnams kyis smras pa/ tshe dang ldan pa dag kho bo cag gis khyed cag la bgo bsha' ji lta ba bzhin du bgo bsha' byas mod kyi 'on kyang da dung khyed cag chos gos dag gis brel gyis khyed cag khyim bdag gang gi gtsug lag khang du bcom par gyur pa'i khyim bdag de ni dad pa can bzang ba dge ba'i bsams pa can yin pas de nyid kyi gtsug lag khang du deng shig dang de nyid kyis khyed la chos gos dag gis mi brel bar byed par 'gyur ro/ / dge slong de dag mtha' gcig tu dong ste phan tshun gros bya bar brtsams pa/ tshe dang ldan pa dag tshangs par mtshungs par spyod pa 'di dag zer ba ni bzang ste/ bdag cag gis khyim bdag la ma bltas par 'ongs pas yang phyir de nyid du dong na des bdag cag la chos gos dag gis bgo bsha' byed par 'gyur ba'i gnas kyang yod do/ /zhes de dag yang phyir der dong ngo / /de nas khyim bdag des mthong nas smras pa/ 'phags pa dag ci'i slad du khyed kyis bdag la ma gzigs par bzhud/ dge slong de dag gis smras pa/ khyim bdag bcom ldan 'das kyis lhag ma dang bcas par bzho bar bya'o zhes gsungs pas des na bdag cag la blo byung ba re shig khyim bdag 'di phyogs bzhi'i dge slong gi dge 'dun la sbyin du bcug ste yang ci bya/ bdag cag la sbyin du bcug ste yang ci byas/ bdag cag mnyan yod du dong na der bdag cag la tshangs pa mtshungs par spyod pa dag gis chos gos dag gis mi phongs par byed par 'gyur ro snyam nas de'i phyir bdag cag mnyan yod du dong ngo / /khyim bdag gis smras pa/ 'phags pa dag gal te bdag gi gtsug lag khang bcom pas ci khyim na bdag dbang ba'i rdzas kyang bcom snyam mam/ 'phags pa dag khyed cag gang gi slad du byon pa ni legs so/ /zhes khyim bdag des yang rgya cher gus pa dang bcas pas mkhos su phab ste dge slong re re la yang yo byad bcu gsum bcu gsum phul lo/ /chom rkun pa de dag yang phyir 'ongs te gtsug lag khang gi sgo rdung bar byed pa dang / dge slong rnams kyis tshor nas de dag gis smras pa/ tshe dang ldan pa dag g.yon can de dag nyid lhags kyis tsham ngam gyis shig ces gaN DI 'on cig ces/ gaN DI de'i the'u dang / dus kyi 'khor lo dang / snam sbyar dang / bdun pa dang / lnga pa dang / gtur bu dang / rgya cang dang / shur bu dang / lcag pod dang / shur bu phre'u 'on cig ces tsham ngam bya bar brtsams pa dang / g.yon can de dag skrag ste 'byer bar brtsams pa na lhas tshigs su bcad pa smras pa/ legs gsungs rkang gnyis gtso bo thub pa yis/ /nyan thos rnams kyi tsham ngam gang bstan pa/ /tsham ngam rab brtson pa dag mchog yin gyi/ / g.yon can g.yul la sdar ba go gyon pa/ /lnga brgya dag ni de lta ma yin no/ /g.yon can de dag la dge slong gi rgyus shes pa des smras pa/ shes ldan dag khyed cag ci'i phyir 'byer bar byed/ de dag gis smras pa/ khyed nyid na re/ 'di na 'khod pa'i rab tu byung ba drug bcu po dag ni 'phong gi slob dpon sha stag yin no zhes zer bas ji ltar mi 'bros su rung / gzhan yang bdag cag gis gaN DI zhes bya ba la sogs pa'i mtshon de lta bu dag gi ming ni sngon lan 'ga' yang ma thos so/ /des smras pa/ de dag ni mtshon ma yin no/ /'o na de dag ci yin/ re shig gaN DI zhes bya ba ni de dag gi brdung ba'o/ /gaN DI'i the'u zhes bya ba ni gang gis rdung bar byed pa'o/ /dus kyi 'khor lo ni dus yongs su gcod par byed pa'o/ /snam sbyar dang / bdun pa dang / lnga pa zhes bya ba de dag ni chos gos dag gi ming ngo / /gtur bu zhes bya ba ni gang du de dag gzhug pa'o/ /rgya cang dang / shur bu dang / lcag pod dang / shur bu phre'u zhes bya ba de dag gi ska rags kyi ming yin gyi khyed cag ma sdar bar yang phyir 'dong la gzhom par bya'o zhes smras nas/ de dag yang phyir log ste chom rkun pa'i dmag dpon gyis ya gad gtsugs te 'dzeg par brtsams pa dang / de na rgan zhugs zhig mel tse bar bzhag pa des chom rkun pa'i dmag dpon 'dzeg pa mthong nas rgan zhugs des bsams pa/ g.yon can 'di dag ni gang dag gis bdag cag lhung bzed dang chos gos phrogs te sgrin mor bzhag pa dag yin gyis/ gal te 'di dag la btang snyoms byas na yang 'di dag gis bdag cag gi lhung bzed dang chos gos phrogs te sgrin mor bzhag par 'gyur bas 'di dag bsdigs par bya'o snyam nas/ rgan zhugs des dal bus khad kyis khad kyis song ste chom rkun pa'i dmag dpon de'i mgor gaN DI 'phangs pa dang de'i glad pa zhom nas de bsnun pa drag pos phog pas/ sdug bsngal gyi tshor ba dag gis nyen nas tshegs chen pos babs te cung zhig tu song ba dang dus la bab bo/ /rgan zhugs des chom rkun pa chom rkun pa zhes ku co'i sgra phyung ba dang / dge slong rnams kyis chos nyan pa bcad de/ khang steng du 'dzegs nas smras pa/ chom rkun pa de dag gar dong / rgan zhugs kyis smras pa/ phyogs 'dir ya gad btsugs te 'dzegs pa na kho bos bsdigs nas byer ro/ /dge slong rnams kyis smras pa/ gal te byer na legs so zhes de dag babs te/ ji tsam na mtshan mo nam nangs pa dang / gtsug lag khang gi nyen kor so sor brtags par brtsams te/ chom rkun pa de dag 'dzegs par gyur pa'i phyogs de gang yin zhes de dag gis so sor brtags pa na khrag mthong ngo / /de dag khrag rjes su dong ba dang chom rkun pa'i dmag dpon bsad pa mthong ngo / /mthong nas kyang bslab pa 'khrugs pa'i 'jigs pas skrag ste smra bar brtsams pa/ tshe dang ldan pa dag bdag cag sngon ma bcom gyis bdag cag gang gis pham par gyur pa'i ltung ba byung bas da ni bcom par gyur to zhes de dag 'gyod pa skyes pa'i skabs de bcom ldan 'das la gsol pa dang / bcom ldan 'das kyis bka' stsal pa/ dge slong dag khyed la ni ltung ba med de/ yang dge slong gis ci nas kyang 'di la bsnun pas bsnun par bya'o snyam pa de lta bu'i sems kyis 'phang bar mi bya bar 'di ltar glo 'am rgyab logs su 'phang bar bya zhing bsdigs pa bskyed pa'i phyir tsham ngam bya'o/ /dge slong gis ci nas kyang bsnun pas bsnun par bya'o snyam pa de lta bu'i sems kyis 'phen par byed na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag gcig 'dug pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i chung ma la dus gzhan na sems can zhugs par gyur nas/ de zla ba brgyad dam dgu 'das te btsas pa las khye'u zhig byung nas de bsrings shing bskyed de chen por gyur to/ /ji tsam dus gzhan zhig na khyim bdag de nye du zad par gyur cing nor dang longs spyod kyang zad par gyur/ de'i chung ma yang dus la bab nas des bu la smras pa/ bu kho bos ni rgas pa'i gnas skabs su nor sgrub tu 'gro mi nus kyis rab tu 'byung du 'gro'o/ /bus smras pa/ yab gal te de lta na bdag kyang rab tu 'byung ngo / / bu legs so/ /zhes des khye'u de khrid de rgyal byed kyi tshal du song nas dge slong gi drung du song ste rkang pa gnyis la phyag 'tshal nas smras pa/ 'phags pa bdag rab tu 'byung bar 'tshal lo/ /dge slong des smras pa/ ci khye'u 'di yang rab tu 'byung ngam/ 'phags pa rab tu 'byung ngo / /dge slong de khye'u de 'dod pas de bu dang bcas te rab tu byung ngo / /chos nyid kyis na rgan pa'i mtha' nas rnyed pa 'thob la/ gzhon pa'i mtha' nas las su bsko ba yin pas rgan zhugs kyi bu rtag tu las su sko bar byed nas/ des pha la smras pa/ yab bdag cag gnyis gang cung zad zil gyis non pa de thams cad thos pa nyung ba las gyur pa lags kyis bzhengs shig dang / skol cag gnyis yul gzhan du bzhud la thos pa gzung bar bgyi'o/ /rgan zhugs kyis smras pa/ bu legs kyis 'dong ngo zhes de gnyis yul gzhan du dong ngo / /'on kyang gzhon pa'i mtha' nyid nas las su bsko bas de gnyis son ma thag kho nar las su bsko bar bskos pa dang / bus rgan zhugs la smras pa/ yab mnyan yod na las su bsko ba mchis su lags kyang de na bcom ldan 'das chos kyi rje mngon sum du bzhugs shing dus dang dus su dge slong che ge mo zhig gis ni dgra bcom pa nyid mngon du byas so/ /che ge mo zhig gis ni mi sdug pa'i bar grub bo zhes shes pa brda sprod pa yang thos par 'gyur/ rgyal po yang bstan pa la shin du dad cing btsun mo phreng ldan ma dang rgyal rigs dbyar tshul ma dang / bla mkhyen drang srong byin dang / rnying pa dang / dge bsnyen ma sa ga dang / ri dgas 'dzin gyi ma dang / gzhan yang dad pa can mang du mchis pas/ de na zang zing gi longs spyod dang / chos kyi longs spyod chen po yang mchis kyis/ der bzhud do zhes smras nas/ de gnyis ci dga' bar ljongs su 'khod nas mnyan yod ga la ba der rgyu zhing dong ba na mthar gyis rgyu zhing 'dong ba'i tshe mnyan yod du phyir phyin to/ /ji tsam na rgyal byed kyi tshal dang nye bar phyin pa na gaN DI yang brdungs nas bus smras pa/ yang gtsug lag khang du gaN DI brdungs kyis myur ba myur bar bzhud do/ /rgan zhugs des rgas par gyur pas shin du ngal zhing 'gro mi nus pas de dal bus 'gro ba na bus de'i gnya' ba nas bzung ste phul ba dang / rgan zhugs des myur ba myur bar 'gro bar brtsams so/ /bus bsams pa/ thabs 'di ni bzang po zhig yin gyis yang phul bar bya'o snyam nas/ bus des rgan zhugs de yang de bzhin du phul ba dang / rgan zhugs de sa la khas bub du sgyel nas de'i kha phang los glogs pa'i sas gang ste dus la bab bo/ /bu des ngud mos btab ste rgan zhugs kyi ro de lam gyi mtha' gcig tu bor ro/ /de nas bu des lhung bzed dang chos gos khyer te rgyal byed kyi tshal du song ba dang / dge slong rnams kyis de mthong nas smras pa/ rgan zhugs kyi bu 'ongs pa legs so/ /'ongs pa legs so/ /khyod kyi rgan zhugs de ga la 'dug ces dris pa dang / gsar bu des ngu bar brtsams so/ /dge slong rnams kyis smras pa/ bu ci'i phyir ngu bar byed/ gsar bu des smras pa/ bdag gi rgan zhugs de dus la bab bo/ /dge slong de dag gis smras pa/ bu 'du byed thams cad kyi chos de lta bu yin la khyod ni legs par gsungs pa'i chos 'dul ba la rab tu byung ba yin pas mya ngan ma byed cig /gsar bu des smras pa/ de bdag gis bsad do/ /dge slong de dag gis smras pa/ bu 'o na khyod kyis mtshams med pa'i las gang yin pa yang byas la pham par 'gyur ba'i ltung ba gang yin pa yang byung bas yun ring por sems can dmyal ba chen po mnar med par gnas par 'gyur bas da ngu ba'i rigs so zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med de/ yang dge slong lam du zhugs pas dge slong lam gyis dub pa phul bar mi bya'o/ /ngas dge slong lam du zhugs pa'i kun du spyod pa'i chos dag bca' bar bya ste/ dge slong lam du zhugs pas dge slong lam gyis dub pa ngal sor gzhug par bya/ chos gos gsum dang / lhung bzed dang / chu tshags dang / lhung bzed kyi snod dang / bar bur snod kyi rdzas blang bar bya'o/ /dus shes par bya ste/ gal te 'gro nus na de lta na legs/ gal te mi nus na ches sngar song ste/ lhung bzed bkru bar bya/ gos gzhag par bya/ snod dag byin len byed du bcug nas so sor brtag par bya'o/ /gal te 'ong mi nus na zas mnos te bsu bar bya'o/ /dus ma yin na skom gyis bsu bar bya'o/ /dge slong lam du zhugs pas kun tu spyod pa'i chos ji ltar bcas pa dag yang dag par blangs te 'jug par mi byed na 'gal tshabs can du 'gyur ro/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa rgan zhugs kyis bu 'dis pha srog dang bral yang mtshams ma mchis pa'i kha na ma tho bas kyang ma reg la/ pham par 'gyur ba'i ltung ba yang ma byung ba la gzigs/ bcom ldan 'das kyis bka' stsal pa/ dge slong dag da ltar 'ba' shig tu ma zad de 'di ltar 'das pa'i dus na yang 'dis pha srog dang phral yang mtshams med pa'i kha na ma tho bas ma reg ste de nyon cig /dge slong dag sngon byung ba 'das pa'i dus na ri brags shig na btso blag mkhan zhig 'dug pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i chung ma las bu byung nas de bsrings shing bskyed de chen por gyur to/ /ji tsam dus gzhan zhig na ri brags der dus ston byung nas de la gos bkru bshal bya ba mang po dag byung ba dang des bu la smras pa/ bu gos mang po dag bkru bshal bya dgos pas kho bo khyim du song ste zan za mi nus kyi tshur shog gos dag khyer te 'dong ngo / /phyir song la zas khyer te shog shig /de bu dang lhan cig gos dag khyer te song ngo / /bu phyir song ste zan khyer te 'ongs nas des zan zos te smras pa/ bu kho bo ngal gyis nyal lo/ /khyod re shig gos dag bkru bshal gyis shig /bus smras pa/ de ltar bgyi'o/ /btso blag mkhan de phyogs gcig tu glos phab ste gnyid log go/ /de spyi cher zhig yin pas de'i mgo la sbrang bu chags so/ /ji tsam na btso blag mkhan gyi bu des gos dag bkru bshal byas nas pha'i gan du song ba dang pha'i mgo la sbrang bu chags pa mthong nas des bskrad par brtsams pa dang / sbrang bu khrag gis myos pa 'phur du ma btub nas bu de mi bzod pa skyes te bsams pa/ sbrang bu 'dis bdag gi pha gson bzhin du khrag 'thung bar byed kyis gsad par bya'o snyam nas/ bu des de la spang leb kyis bsnun pa dang / /sbrang bu de ni bros te song gi pha'i glad pa zhom nas de dus la bab pa dang / lhas tshigs su bcad pa smras pa/ dgra bo blo gros ldan pa mchog yin te/ /mdza' bshes blo gros bral ba de lta min/ / blo gros chung ngus sbrang bu gsad snyam nas/ /tho bas pha yi glad pa bcom par gyur/ /dge slong dag ji snyam du sems/ de'i tshe de'i dus na btso blag mkhan gang yin pa de ni rgan zhugs 'di nyid yin no/ /de'i tshe de'i dus na btso blag mkhan gyi bu gang yin pa de ni rgan zhugs kyi bu 'di nyid yin te/ 'dis de'i tshe yang pha srog dang phral yang mtshams med pa'i kha na ma tho bas ma reg la/ da ltar yang pha srog dang phral yang mtshams med pa'i kha na ma tho bas kyang ma reg la pham par 'gyur ba'i ltung ba yang ma byung ngo / /las dang po pa dang / smyos pa dang / sems 'khrugs pa dang / tshor ba dag gis nyen pa la ni ltung ba med do/ /pham par 'gyur ba gsum pa rdzogs s+ho// // sangs rgyas bcom ldan 'das yangs pa can spre'u rdzing gi 'gram na khang pa brtsegs pa'i khang bzangs na bzhugs so/ /de'i tshe na nya pa lnga brgya chu klung yid 'ong ldan la rten cing 'khod do/ /de dag la rgya mo spyod pa dang / spyod pa chen mo zhes bya ba gnyis shig yod do/ /de dag lan 'ga' ni rgya mo spyod pa 'dzud par byed la/ lan 'ga' ni spyod pa chen mo 'dzud par byed de/ gang gi tshe nya dag nyo ba med pa de'i tshe na rgya mo spyod pa 'dzud par byed la/ gang gi tshe nya dag nyo ba yod pa de'i tshe ni spyod pa chen mo 'dzud par byed do/ /ji tsam dus gzhan zhig na yangs pa can du dus ston byung nas/ de dag gis rgya mo gnyis ka bcug ste/ nyis brgya lnga bcus ni rgya mo spyod pa bcug /nyis brgya lnga bcus ni spyod pa chen po bcug go/ /gang dag gis rgya mo spyod pa bcug pa de dag gis ni nya dang / rus sbal dang / sbal pa dang / chu srin byis pa gsod dang / nya khyi ba la sogs mang po dag 'di lta ste/ dper na til dang / 'bras thug po che dang / rgya shug dang / rgya sran la sogs pa bzhin du phung po chen por rnam par bzhag go/ /gang dag gis rgya mo spyod pa chen mo bcug pa de dag gis ni rgya mtsho chan po nas chu klung yid 'ong ldan du zhugs pa chu srin nya'i rigs bong tshod chen po nyal ba zin nas de dag gis de drang bar brtsams so/ /de dag gis drangs pa na de sad nas nya pa nyis brgya lnga bcu po de dag dang rgya mo spyod pa chen mo khyer te rgyun phyogs su zhugs so/ /nya pa de dag gis nya pa nyis brgya lnga bcu po gzhan dag la shes ldan dag rgya mo spyod pa chen mo dang bdag cag khyer gyis ra mda' zlog shig ces byas so/ / de dag gis thos nas nya pa nyis brgya lnga bcu po gzhan dag kyang lhags te de nyid la rub pa dang des nya pa lnga brgya dang rgya mo spyod pa chen mo khyer te rgyun phyogs su zhugs nas gzung bar ma nus so/ /skyabs med pa de dag gis kun du shes ldan dag rgya mo spyod pa chen mo dang bdag cag khyer gyis grogs gyis shig ces ra mda' bzlog pa dang las ma mthong ba'i mi ba lang rdzi dag dang / phyugs rdzi dag dang / shing thun dag dang / rtswa thun dag dang / lam gyis 'tsho ba dag dang / lam gol bas 'tsho ba'i mi dag dang / gzhan yang srog chags brgya stong phrag du ma dag log nas de dag gis lus smas pa dang / rnam par smas pa dag gis rgya mo ral pa dang rab tu ral pas chu srin de chu nas skam la phyung ngo / /de la mgo bcwa brgyad dang / mig sum cu rtsa drug yod de/ de'i mgo la la ni glang po che'i mgo 'dra/ la la ni rta'i mgo 'dra/ la la ni rnga mo'i mgo dang / bong bu'i mgo dang / ba lang gi mgo dang / spre'u yi mgo dang / seng ge'i mgo dang / stag gi mgo dang / dom gyi mgo dang / dred mo'i mgo dang / gung gi mgo dang / byi la'i mgo dang / ra'i mgo dang / lug gi mgo dang / ri dgas kyi mgo dang / ma he'i mgo dang / phag gi mgo dang / khyi'i mgo 'dra'o/ /kun du chu klung yid 'ong ldan pa'i nya pa lnga brgyas rgya mtsho chen po nas chu klung yid 'ong ldan du zhugs pa'i chu srin nya'i rigs bong tshod chen po zhig rgya mo spyod pa chen mos zin te/ chu nas skam la phyung zhing de la mgo bcwa brgyad dang mig sum cu rtsa drug yod do zhes sgras khyab par gyur to/ /de thos nas srog chags brgya stong phrag du ma dag chu klung yid 'ong ldan gyi 'gram du lhags te/ kha cig ni ltad mo skyes par gyur/ kha cig ni sngon gyi dge ba'i rtsa ba dag gis bskul bar gyur to/ /rdzogs byed la sogs pa'i ston pa drug po yangs pa can na rten cing gnas pa dag kyang ltad mo skyes te der lhags so/ /skye bo'i tshogs chen po yang ya mtshan skyes te mig tshugs su rtog cing shes ldan dag 'di'i mgo la la ni glang po che'i mgo 'dra la de nas rtog par byed/ de'i mgo la la ni khyi'i bar gyi mgo 'dra la de nas rtog par byed do zhes zer ro/ /de'i skabs su sangs rgyas bcom ldan 'das rnams la ni mi mkhyen pa dang / mi gzigs pa dang / ma rig pa dang / rnam par mi mkhyen pa cung zad kyang mi mnga' bas sangs rgyas bcom ldan 'das thugs rje chen po dang ldan pa/ 'jig rten la phan par bzhugs pa/ bsrung ba gcig pu pa/ nyag gcig dpa' ba/ gnyis pa med pa/ gnyis su mi gsung ba/ zhi gnas dang lhag mthong gis bzhugs pa rig pa gsum gsal bar mdzad pa/ bslab pa gsum la legs par bslabs pa/ dul ba'i gnas gsum gyi gzhi la mkhas pa/ chu bo bzhi las rgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos po bzhi la yun ring po nas yongs su sbyangs pa mdzad pa/ mi 'jigs pa bzhis bsnyengs pa mi mnga' ba/ yan lag lnga spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas pa drug gis gnas pa/ byang chub kyi yan lag bdun gyi me tog gis phyug pa/ lam gyi yan lag brgyad ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang bsgyur ba las khyad par du 'phags pa rnams kyi chos nyid ni nyin lan gsum/ mtshan lan gsum sangs rgyas kyi spyan gyis 'jig rten la rnam par gzigs nas gang ni nyams par 'gyur/ gang ni 'phel bar 'gyur/ gang ni gnod par gyur/ gang ni nyam nga bar gyur/ gang ni mi bde bar gyur/ gang ni gnod pa dang / nyam nga ba dang / mi bde bar gyur/ gang ni ngan song la gzhol/ gang ni ngan song la bab/ gang ni ngan song la 'bab/ ngas gang ni ngan song gi lam nas bslangs te mtho ris dang / thar pa dang / 'bras bu la gzhag par bya/ 'dod pa'i 'dam du bying pa gang gi lag nas ni drang bar bya/ 'phags pa'i nor gyi dbyig dang bral ba gang ni 'phags pa'i nor gyi dbang phyug la gzhag par bya/ gang gi sangs rgyas 'byung bas brgyan pa'i 'jig rten rnams 'bras bu dang bcas par bya/ gang gi dge ba'i rtsa ba dag ma bskyed pa ni bskyed par bya/ gang gi dge ba'i rtsa ba dag bskyed pa ni yongs su smin par bya/ yongs su smin pa gang yin pa ni rnam par grol bar bya zhes mkhyen pa dang / gzigs pa 'jug go/ /smras pa/ chu srin gnas kyi dug can pa/ /dus las 'da' bar 'gyur srid kyi/ /sangs rgyas gdul la byams pa ni/ /dus las 'da' bar mi 'gyur ro/ /ji ltar ma ni bu sdug gcig pu la/ /rtog cing de srog srung bar byed pa ltar/ /de bzhin gshegs pa 'ang gdul ba'i skye bo la/ /rtog par mdzad cing de srog srung bar mdzad/ /kun mkhyen rgyud la mnga' ba'i thugs rje yi/ /gzhon ma gdul ba'i be'u tshol mi skyo ste/ /srid dang ngan 'gros nyams la byams pa ni/ /rab byams be'u la byams pa'i ba bzhin no/ /bcom ldan 'das kyis dgongs pa/ chu srin nya'i rigs gnod pa dang / nyam nga ba dang / mi bde ba thob par gyur pa 'di ni sngon gyi sangs rgyas dag la bya ba lhag par byas pa yin gyis/ ngas chu srin nya'i rigs 'di la rten te gdul bar gyur pa'i rgya mo chen mo drang bar byas/ de'i phyir chu klung yid 'ong ldan gyi 'gram du 'gro'o snyam mo/ /sangs rgyas bcom ldan 'das 'tsho zhing bzhugs la gson zhing gzhes pa rnams kyi chos nyid ni gdul bar gyur pa'i skye bo la rjes su thugs brtse bas dus dang dus su sems can dmyal ba rgyur gshegs pa dang / dud 'gro rgyu ba dang / yi dags rgyu ba dang / lha rgyu ba dang / ljongs rgyu ba dang / chu klung rgyu ba dang / ri rgyu ba dang / dur khrod rgyu ba dang / gtsug lag khang rgyur gshegs pas don 'dir ni sangs rgyas bcom ldan 'das chu klung rgyur gshegs par bzhed nas 'dzum pa mdzad do/ /chos nyid kyis ni gang gi tshe sangs rgyas bcom ldan 'das rnams 'dzum pa mdzad pa de'i tshe na zhal nas 'od zer sngon po dang / ser po dang / dmar po dang / dkar po dang / btsod kha dang / shel dang / dngul gyi kha dog lta bu dag byung nas kha cig ni 'og logs su 'dong / kha cig ni steng logs su 'dong bas gang dag 'og logs su 'dong ba de dag ni sems can dmyal ba yang sos dang / thig nag dang / bsdus gzhom dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol ba dang / so thams thams dang / kye hud zer ba dang / a chu zer ba dang / ut+pal ltar gas pa dang / pad ma ltar gas pa dang / pad ma ltar gas pa chen por dong ste/ sems can dmyal ba tsha ba gang dag yin pa de dag tu ni bsil bar gyur te 'bab par byed la/ sems can dmyal ba grang ba gang yin pa de dag tu ni dro bar gyur te 'bab par byed do/ /des sems can de dag gi gnod pa'i bye brag dag rgyun gcod par byed cing de dag 'di snyam du shes ldan dag ci bdag cag 'di nas shi 'phos sam/ 'on te gzhan du skyes snyam du sems so/ /de dag dad pa bskyed par bya ba'i phyir bcom ldan 'das kyis sprul pa gtong bar mdzad de/ de dag gis sprul pa mthong nas 'di snyam du shes ldan dag bdag cag 'di nas shi 'phos pa yang ma yin la/ gzhan du skyes pa yang ma yin te/ 'di ltar sems can sngon ma mthong ba 'di'i mthus bdag cag gi gnod pa'i bye brag dag rgyun chad par gyur to snyam du sems so/ /de dag sprul pa la sems mngon par dad par gyur nas sems can dmyal ba myong bar 'gyur ba'i las de zad par byas nas gang du bden pa dag gi snod du gyur par 'gyur ba'i lha dang mi rnams kyi nang du nying mtshams sbyor ba len par byed do/ /gang dag steng logs su 'dong ba de dag ni rgyal chen bzhi pa dang / sum cu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / mi che dang / mi gdung ba dang / gya nom snang dang / shin tu mthong dang / 'og min gyi lha rnams kyi nang du dong nas mi rtag pa dang / sdug bsngal ba dang / stong pa dang / bdag med pa zhes bya ba'i sgra sgrog par byed cing tshigs su bcad pa gnyis po/ brtsams par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes bya ba yang smras so/ /de nas 'od zer de dag stong gsum gyi stong chen po'i 'jig rten gyi khams byul nas bcom ldan 'das nyid kyi slad bzhin slad bzhin du rjes su 'dong ste/ de la gal te bcom ldan 'das 'das pa'i lung ston par bzhed na ni bcom ldan 'das kyi snam logs su nub par 'gyur ro/ /ma 'ongs pa'i las lung ston par bzhed na ni mdun logs su nub par 'gyur/ sems can dmyal bar skye bar lung ston par bzhed na ni zhabs kyi mthil du nub par 'gyur/ dud 'gror skye bar lung ston par bzhed na ni long bur nub par 'gyur/ yi dags su skye bar lung ston par bzhed na ni zhabs kyi mthe bor nub par 'gyur/ mir skye bar lung ston par bzhed na ni pus mor nub par 'gyur/ stobs kyi 'khor los sgyur ba'i rgyal srid lung ston par bzhed na ni phyag mthil g.yon par nub par 'gyur/ 'khor los sgyur ba'i rgyal srid lung ston par bzhed na ni phyag mthil g.yas par nub par 'gyur/ lhar skye bar lung ston par bzhed na ni lte bar nub par 'gyur/ nyan thos kyi byang chub lung ston par bzhed na ni zhal du nub par 'gyur/ rang sangs rgyas kyi byang chub lung ston par bzhed na ni mdzod spur nub par 'gyur/ bla na med pa yang dag par rdzogs pa'i byang chub du lung ston par bzhed na ni gtsug tor tu nub par 'gyur ro/ /de nas 'od zer de dag gis bcom ldan 'das la lan gsum bskor ba byas te bcom ldan 'das kyi lte bar nub bo/ /de nas tshe dang ldan pa kun dga' bos thal mo sbyar te bcom ldan 'das la zhus pa/ btsun pa de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis rkyen ma mchis par 'dzum pa mi mdzad na/ btsun pa 'dzum pa mdzad pa'i rgyu ni gang lags/ rkyen ni gang lags/ tshigs su bcad pa yang gsol pa/ kha dog sna tshogs stong gis bkra ba yi/ /tshogs rnams zhal gyi sgo nas byung gyur te/ /de yis phyogs rnams thams cad snang bgyis pa/ /nyi gdugs bdal bar gyur pa ji bzhin no/ /rgod bral zhum dang rgyags pa rab spangs pa/ /sangs rgyas 'gro ba mchog gi rgyur gyur pa/ /rgyal ba dgra thul byed rgyu ma mchis par/ /rtsa lag dung ltar dkar 'dzum ston mi mdzad/ /de slad bstan pa rang blos dus mkhyen nas/ /thub pa khyu mchog dge sbyong skye dbang po/ / nyan pa'i skye bo som nyi ldan rnams la/ /the tshom skyes pa gsung tshig brtan pa dang / /dam pa dge ba dag gis bsal du gsol/ /tshwa chu ri rgyal lta bur brtan pa yi/ /sangs rgyas mgon rnams glo bur 'dzum mi ston/ /bstan pa ci slad 'dzum pa ston mdzad pa/ /skye bo'i tshogs rnams de ni nyan par 'tshal/ /bcom ldan 'das kyis bka' stsal pa/ kun dga' bo de de bzhin no/ /de de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad kyis/ kun dga' bo song la dge slong rnams la dge slong dag de bzhin gshegs pa chu klung rgyur gshegs bzhed kyis/ khyed cag las gang de bzhin gshegs pa dang thabs gcig du chu klung rgyur 'gro bar spro ba des chos gos dag long shig ces bsgo shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas dge slong rnams la smras pa/ tshe dang ldan pa dag bcom ldan 'das chu klung rgyur gshegs bzhed kyis/ khyed cag las gang bcom ldan 'das dang thabs gcig tu chu klung rgyur 'gro bar spro ba des chos gos dag long shig / //'dul ba rnam par 'byed pa/ bam po bcu gnyis pa/ de nas bcom ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa mdzes pa 'khor mdzes pa dang ldan pa/ khyu mchog ltar ba lang gi tshogs kyis yongs su bskor ba/ glang po che ltar glang po che'i phru gu'i tshogs kyis yongs su bskor ba/ seng ge ltar mche ba can gyi tshogs kyis yongs su bskor ba/ ngang pa'i rgyal po ltar ngang pa'i tshogs kyis yongs su bskor ba/ nam mkha' lding ltar bya'i tshogs kyis yongs su bskor ba/ bram ze ltar slob ma'i tshogs kyis yongs su bskor ba/ sman pa mkhas pa ltar nad pa'i tshogs kyis yongs su bskor ba/ dpa' bo ltar ru pa'i tshogs kyis yongs su bskor ba/ sa mkhan ltar lam du zhugs pa'i tshogs kyis yongs su bskor ba/ ded dpon ltar tshong pa'i tshogs kyis yongs su bskor ba/ tshong dpon ltar 'khor gyi tshogs kyis yongs su bskor ba/ mkhar gyi rgyal po ltar blon po'i tshogs kyis yongs su bskor ba/ 'khor los sgyur ba ltar bu stong gi tshogs kyis yongs su bskor ba/ zla ba ltar rgyu skar gyi tshogs kyis yongs su bskor ba/ nyi ma ltar 'od zer stong gi tshogs kyis yongs su bskor ba/ yul 'khor srung ltar dri za'i tshogs kyis yongs su bskor ba/ 'phags skyes po ltar grul bum gyi tshogs kyis yongs su bskor ba/ mig mi bzang ltar klu'i tshogs kyis yongs su bskor ba/ nor sbyin ltar gnod sbyin gyi tshogs kyis yongs su bskor ba/ thag zangs ris ltar lha ma yin gyi tshogs kyis yongs su bskor ba/ brgya byin ltar sum cu rtsa gsum pa'i tshogs kyis yongs su bskor ba/ tshangs pa ltar tshangs ris kyi tshogs kyis yongs su bskor ba/ dbang po rnams kyis shin du dul ba/ spyod lam dang spyod pa ma 'khrugs pa/ chu gter ltar ting nge ba/ sprin ltar chu dang bcas pa glang po che'i rgyal po ltar dregs pa dang bral ba/ skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad bcus sku rnam par mdzes pa/ 'od 'dom gang gi gzugs can brgyan pa/ nyi ma stong bas lhag pa'i 'od dang ldan pa/ rin po che'i ri bo 'gro ba ltar kun du bzang ba/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa/ kun shes kauN+Di n+ya dang / rlangs pa dang / ming chen dang / ma 'gags pa dang / shA ri'i bu dang / maud gal gyi bu dang / 'od srung dang / kun dga' bo dang / nam gru la sogs pa nyan thos chen po dag dang / gzhan yang dge slong gi dge 'dun mang pos bskor te chu klung yid 'ong ldan ga la ba der rgyu zhing gshegs so/ /'khor des thag ring po kho na nas bcom ldan 'das nyan thos kyi dge 'dun dang bcas pa mthong ngo / /mthong nas kyang gang dag ma dad pa de dag ni dge sbyong gau ta ma ltad mo dang bral lo zhes grags na/ de yang ltad mo skyes te chu srin nya'i rigs blta ba'i phyir nye bar 'ongs so zhes zer ro/ /gang dag dad pa dang ldan pa de dag ni ma dad pa de dag la shes ldan dag sangs rgyas bcom ldan 'das rnams ni ltad mo dang bral ba kho na yin te/ bcom ldan 'das chu srin nya'i rigs las brtsams te/ skye bo'i tshogs chen po la ngo mtshar rmad du byung ba'i chos cung zhig ston par bzhed gor ma chag go zhes zer zhing 'di skad ces kyang smras so/ /thub pa ltad mo bral ba'i dgongs ldan pa/ /ltad mo med la skye ngan don med smra/ /gzhan phan de la gzhol ba'i rgyal ba 'di/ /lus can phan phyir nges par 'dir gshegs so/ /de nas 'khor des bcom ldan 'das mthong nas 'phral kho na la mngon par langs te/ 'di ltar bcom ldan 'das sngon byang chub sems dpar gyur pas yab dang / yum dang / mkhan po dang / slob dpon dang / bla ma dang / bla ma'i gnas lta bu dag la mngon par bzhengs pa mdzad pa'i phyir ro/ /de nas bcom ldan 'das 'khor de'i dbus su gshegs te dge slong gi dge 'dun gyi gong du gdan gshams pa nyid la bzhugs so/ /bzhugs nas bcom ldan 'das kyis nya pa lnga brgya po de dag la bka' stsal pa/ bzhin bzangs dag re shig khyed cag ni nyes par byas pa'i las byed pa yin te/ des na da lta nya pa'i skye gnas dman par skyes shing khyed cag da ltar drag shul can/ lag pa khrag gis gos pa/ nyams pa dang rab tu nyams pa la zhen pa/ gzhan gyi srog 'phrog pa gzhan gyi srog gcod pas 'tsho bar byed de/ 'di nas shi 'phos na khyed cag gi 'gro ba ni cir 'gyur/ skye ba ni cir 'gyur/ tshe phyi ma ni cir 'gyur/ de dag gis gsol pa/ bcom ldan 'das bdag cag gis ci zhig bgyi ba bka' stsal du gsol/ bcom ldan 'das kyis bka' stsal pa/ nya dang / rus sbal dang / sbal pa dang / chu srin byis pa gsod dang / nya khyi ba la sogs pa chu nas bton pa 'di dag thong shig /bcom ldan 'das kyis ji ltar bka' stsal pa bzhin btang bar bgyi'o zhes de dag gis bcom ldan 'das kyi bka' stsal pa'i dus kyi mjug thogs su de dag btang ngo / /de nas bcom ldan 'das 'di snyam du dgongs te/ ngas ci nas kyang chu srin nya'i rigs ma gtogs pa nya dang / rus sbal dang / sbal pa dang / chu srin byis pa gsod dang / nya khyi ba la sogs pa'i srog chags 'di dag chu ji lta ba kho na bzhin du chu klung yid 'ong ldan du 'jug par 'gyur ba dang / chu srin nya'i rigs kyang sngon gyi skye ba rjes su dran zhing mi'i skad rjod par 'gyur la/ nga dang thabs gcig smra bar 'gyur ba de lta bu'i rdzu 'phrul mngon par 'du bya ba mngon par 'du bya'o snyam mo/ /de nas bcom ldan 'das kyis ci nas kyang chu srin nya'i rigs ma gtogs pa nya dang / rus sbal dang / sbal pa dang / chu srin byis pa gsod dang / nya khyi ba la sogs pa'i srog chags de dag chu ji lta ba kho na bzhin du chu klung yid 'ong ldan du 'jug par 'gyur ba dang / chu srin nya'i rigs kyang sngon gyi skye ba rjes su dran zhing mi'i skad brjod par 'gyur la/ bcom ldan 'das dang thabs gcig smra bar 'gyur ba de lta bu'i rdzu 'phrul mngon par 'du bya ba mngon par 'du mdzad do/ /de nas bcom ldan 'das kyis chu srin nya'i rigs la bka' stsal pa/ bu khyod ser skya yin nam bcom ldan 'das bdag ser skya lags so/ /bu khyod ser skya yin nam bde bar gshegs pa bdag ser skya lags so/ / bu khyod la lus kyis nyes par spyad pa yod dam/ bcom ldan 'das mchis lags so/ /bu khyod la ngag dang yid gnyis kyis nyes par spyad pa yod dam/ bde bar gshegs pa mchis so/ /bu khyod kyis lus kyis nyes par spyad pa'i rnam par smin pa nyams su myong ngam/ bcom ldan 'das nyams su myong ngo / /bu khyod kyis ngag dang yid kyi nyes par spyad pa'i rnam par smin pa nyams su myong ngam/ bde bar gshegs pa nyams su myong ngo / /'o na khyod kyi mi dge ba'i bshes gnyen su yin/ bdag gi ma lags so/ /de gang du skyes sems can dmyal ba rnams su'o/ /khyod gang du skyes/ dud 'gror ro/ /ji snyam du sems/ khyod 'di nas shi 'phos nas gang du skye bar 'gyur/ bcom ldan 'das sems can dmyal ba rnams su'o/ /bde bar gshegs pa sems can dmyal ba rnams su'o zhes gsol nas ngu ba la zhugs so/ /de nas bcom ldan 'das kyis de'i tshe tshigs su bcad pa bka' stsal pa/ khyod ni dud 'gro'i skye gnas skyes/ /mi khom zhugs par gyur pa la/ /de ltar ngas kyang ci byar med/ /don med ngus pas ci la phan/ /thugs rje ldan rgyal nga la ni/ /legs par sems ni dad gyis dang / /dud 'gro'i skye 'dir chags bral zhing / /de nas mtho ris 'gro bar 'gyur/ /des bcom ldan 'das la sems dad par byas nas de nas bcom ldan 'das kyi de la bzhin bzangs 'di ltar 'du byed thams cad ni mi rtag pa'o/ /chos thams cad ni bdag med pa'o/ /mya ngan las 'das pa ni zhi ba'o zhes tshig gsum gyis chos bstan to/ /de nas 'khor de mchog tu ngo mtshar skyes nas shes ldan dag bcom ldan 'das kyis bka' stsal pas sngon gyi skye ba dran par byas shing mi'i skad kyang rjod par byed la/ bcom ldan 'das dang thabs gcig smra bar byed pa 'di su zhig yin/ sangs rgyas bcom ldan 'das rnams ni bsnyen par dka' ba dang / bzod par dka' ba yin pas bdag cag gis bcom ldan 'das la don de zhu bar ni mi nus kyis bdag cag 'phags pa kun dga' bo ga la ba der dong ste phyin nas 'phags pa kun dga' bo la don de zhu bar bya zhing / 'phags pa kun dga' bos bdag cag la ji skad lung ston par 'gyur ba de de kho na bzhin du gzung bar bya'o zhes zer ro/ /de nas 'khor de tshe dang ldan pa kun dga' bo ga la ba der song ste phyin nas/ tshe dang ldan pa kun dga' bo la 'di skad ces smras so/ /'phags pa kun dga' bo bcom ldan 'das kyis bka' stsal pas/ sngon gyi skye ba dran par bgyis shing mi'i skad kyang rjod par bgyid la/ bcom ldan 'das dang thabs gcig smra bar bgyid pa 'di su zhig lags/ kun dga' bos smras pa/ shes ldan dag bcom ldan 'das nyid la don de zhus shig /'phags pa kun dga' bo sangs rgyas bcom ldan 'das rnams ni bsten par dka' ba dang / bzod par dka' ba lags pas bdag cag gis bcom ldan 'das la don de zhu bar rngo mi thog go/ /shes ldan dag kho bo la yang sangs rgyas bcom ldan 'das rnams bsten par dka' ba dang / bzod par dka' ba yin pas kho bos kyang bcom ldan 'das la don de zhu bar mi nus mod kyi/ 'on kyang khyod kyi don du zhu bar bya'o zhes smras nas bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa bcom ldan 'das kyis bka' stsal pas sngon gyi skye ba dran par bgyis shing mi'i skad kyang rjod par bgyis la/ bcom ldan 'das dang thabs gcig smra bar bgyid pa 'di su zhig lags/ kun dga' bo 'di ni chu srin nya'i rigs yin no/ /kun dga' bo khyod chu srin nya'i rigs kyi sngon gyi las kyi rgyu ba las brtsams te chos dang ldan pa'i gtam nyan par 'dod dam bcom ldan 'das kyis chu srin nya'i rigs kyi sngon gyi las kyi rgyu ba las brtsams te dge slong rnams dang skye bo'i tshogs la chos dang ldan pa'i bka' mchid bka' stsal na/ bcom ldan 'das las thos nas dge slong rnams dang skye bo'i tshogs dag 'dzin par 'gyur bas bcom ldan 'das de ni dus lags so/ / bde bar gshegs pa de ni dus lags so/ /kun dga' bo de'i phyir nyon la legs par rab tu yid la gyis shig dang bshad par bya'o/ /kun dga' bo sngon byung ba bskal pa chen po bzang po 'di nyid la skyes dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de dge slong nyi khris bskor cing grong khyer bA rA Na sI na drang srong smra ba ri dgas kyi nags na nye bar brten cing bzhugs so/ /de'i tshe grong khyer bA rA Na sI na rgyal po kri ki zhes bya bas rgyal srid 'byor pa/ rgyas pa/ bde ba/ lo legs pa/ skye bo dang / mi mang pos gang ba/ thab mo dang / 'thab pa dang / phyi dgra dang / nang 'khrug rab tu zhi ba/ chom rkun dang / mu ge dang / nad dang bral ba/ sA lu dang / bu ram shing gi phreng ba dang / ba lang dang / ma he phun sum tshogs pa byed du bcug ste/ chos dang ldan pa chos kyi rgyal pos chos kyi rgyal srid byed du bcug go/ /de nas shed bu gsang tshig 'dod pa gsang tshig tshol ba zhig yul dbus nas lho lam du song ngo / /de na bram ze rig byed dang rig byed kyi yan lag gi pha rol du son pa/ yul tha dad pa na gnas pa'i bram ze rnams kyis ston par gyur pa zhig 'dug nas/ shed bu de bram ze de'i drung du song ste phyin nas zhi ba dang spyod lam zhi bas mgo bos phyag 'tshal te mtha' gcig tu 'dug go/ /de nas bram ze des shed bu de la 'ongs pa legs so zhes bya ba'i tshig gis kun du spyad nas smras pa/ kye shed bu khyod ga las 'ongs/ ci zhig 'dod/ shed bus smras pa/ bdag yul dbus nas mchis te mkhan po'i zhabs la sri zhu bgyid par 'tshal lo/ /ci zhig gi phyir/ rig byed klag pa'i slad du'o/ /shed bu legs kyis de bzhin gyis shig /de ni bram zes bya ba yin no/ /shed bu des bram ze'i drung du rig byed klag par bya bar brtsams so/ /shed bu rnams kyi kun tu spyod pa ni 'di yin te/ gang gi tshe mi klog par gyur pa de'i tshe na lan 'ga' ni chu ngogs su nye reg byed du 'dong ngo / /lan 'ga' ni grong khyer ltar 'dong ngo / /lan 'ga' ni yam sreg shing thur 'dong ngo / /ci tsam dus gzhan zhig na de dag mi klog par gyur nas de'i tshe de dag yam sreg shing thur dong ba dang / de dag la lam gyi bar du bar skabs kyi gtam rjod pa 'di lta bu 'di byung ste/ kye kud sa'i rigs dag /bad sa'i rigs dag /shan di la'i rigs dag /ba ra dwa dza'i rigs dag /lnga pa'i rigs dag /nye lnga'i rigs dag je khyed cag las gang ni yul ga las 'ongs pa dri bar bya'o/ /de na shed bu gcig gis smras pa/ kho bo ni yul shar nas so/ /gzhan zhig gis smras pa/ kho bo ni lho lam nas so/ /yang gzhan zhig gis smras pa/ kho bo ni nub kyi nas so/ /yang gzhan zhig gis smras pa/ kho bo ni byang lam nas so/ /shed bu des smras pa/ kho bo ni yul dbus nas so/ /de dag gis smras pa/ shes ldan dag bdag cag gis yul thams cad mthong zhing thos nas yul dbus ma mthong ma thos so/ /shar na blo can gnas pa ste/ /lho lam na ni yon byed 'dug /nub kyi yul na phra ma can/ /byang lam na ni tshig rtsub bo/ /zhes tshigs su bcad pa yang smras so/ /de nas dris pa/ shed bu yul dbus ci 'dra/ shes ldan dag yul dbus ni yul rnams kyi mchog yin te/ sA lu dang / bu ram shing gi phreng ba dang / ba lang dang / ma he phun sum tshogs pa/ slongs mo ba brgyas khyab pa/ dbus pa'i skye bos gang ba mtha' 'khob pa'i skye bos spangs pa/ skye bo mkhas pas bsten pa/ de na chu klung gang gA kha rje dang / bsod nams dang / bkra shis dang / gtsang ba dang / gtsang ba nyid kyi gnas su grags pa/ 'gram gnyis nas rlan 'phyo ba/ drang srong rnams kyi bsti gnas shes bya ba chu dgur bcwa brgyad 'bab pa yod de/ der drang srong rnams kyis dka' thub spyad na rang gi lus nyid kyis mtho ris su 'dong ba yin no/ /kye shed bu de ni mjal gyis gzhan 'di 'dri'o/ /yul dbus na mkhas par bgrang ba dag yod dam/ shes ldan dag kho bos dang po nyid nas shes ldan dag yul dbus ni dbus pa'i skye bos gang ba/ mtha' 'khob pa'i skye bos spangs pa/ skye bo mkhas pas bsten pa'o zhes ma smras sam/ shed bu khyod kyis de skad smras so/ /shed bu yul dbus na 'di lta ste/ dper na bdag cag gi mkhan po dang 'dra ba smra ba'i khyu mchog de lta bu dag yod dam/ shes ldan dag yul dbus na bdag cag gi mkhan pos gang dag gi gdong du lta bar yang mi nus pa snyan par smra ba smra ba'i khyu mchog de lta bu dag yod do/ /shed bu de dag la de lta de ltar yul dbus kyi bsngags pa brjod pa dang / 'di ltar de dag thams cad yul dbus su 'dong 'dod par gyur to/ /de nas shed bu de dag gis yam sreg shing dag btsal te/ yam sreg shing gi khur thogs nas bram ze de'i khyim gal ba der dong ste/ phyin nas yam sreg shing gi khur mtha' gcig tu bzhag ste/ bram ze de ga la bar dong ste phyin pa dang / bram ze de la 'di skad ces smras so/ /mkhan po mkhyen par mdzod cig /shed bu 'dis ci nas kyang bdag cag thams cad yul dbus su mchi 'tshal bar gyur pa de ltar yul dbus kyi bsngags pa brjod do/ /bram ze des smras pa/ bu dag ci snyed thos pa de snyed bgrod par bya ba yin nam/ 'di ltar yul dag ni thos nas dga' bar 'gyur ba yin pas mnyan par bya'i bgrod par ni mi bya'o/ /mkhan po shed bu 'di'i mchid nas yul dbus na bdag cag gi mkhan pos gang dag gi gdong du lta bar yang mi nus pa snyan par smra ba smra ba'i khyu mchog de lta bu dag mchis so zhes mchi'o/ /bu dag ci kho bo na re sa'i steng na kho bo gcig pu kho na smra ba yin gyi smra ba gzhan 'ga' yang med do zhes zer ram/ sa ni rin po che mang po 'dzin pa yin pas sa gzhi ni mdzes pa mdzes pa dag gis gang ba yin no/ /mkhan po re shig yul de yang mthong bar 'gyur zhing chu ngogs su nye reg kyang bgyi/ smra ba'i khyu mchog de dag la yang bsnyen bkur bgyi/ rgol ba dag kyang tshar gcad par bgyi/ rang gi grags pa yang bsgrag par bgyi/ rnyed pa yang bsgrub par bgyis/ bdag cag yul dbus su mchi 'o/ /bram ze de slob ma la rjes su chags pa dang bcas pa dang 'khor nyung ba yin pas des shed bu de dag la 'di skad ces smras so/ /bu dag gal te de lta na g.yang gzhi dag dang / shing shun dag dang / dbyug gu dag dang / glugs gzar dag dang / dgang gzar dag dang / ril ba dag long shig dang yul dbus su 'dong ngo / /de dag gis de dag blangs nas bram ze de shed bu de dag dang lhan cig yul dbus su 'phags pa dang / des rgol ba kha cig ni tshar bcad de rgol ba'i shing rta la sbyor bar byed/ kha cig ni mgor thal ba'i bum pa dag gis bsnun/ kha cig ni 'phong gi dpong sar khwa bzhin du thag ring po nas yongs su spong bar byed/ kha cig ni gdugs dang rgyal mtshan dang / ba dan dag gis bsu bar byed/ kha cig ni slob ma nyid du khas len par byed cing de mthar gyis grong dang / grong khyer dang / grong rdal dang / dbye tshongs dang / tshong rdal dag tu rgol ba 'dul zhing bA rA Na sIr phyin to/ /bram ze des bsams pa/ bdag gis ci'i phyir rtsa ba spangs te yal ga dang / 'dab ma dang / lo ma la nyug par bya/ rgol ba gang dag dang mkhas par bgrang ba gang ji snyed pa de dag thams cad kyang rgyal po dang nye ba yin gyis bdag kyang rgyal po'i gan du 'gro'o snyam nas/ bram ze de rgyal po kri ki ga la ba der song ste phyin nas rgyal po kri ki la rgyal ba dang tshe spel ba byas te mtha' gcig tu 'dug go/ /mtha' gcig tu 'dug nas rgyal po kri ki la 'di skad ces smras so/ /lha bdag la bla ma las yi ge nyung shas shig blangs pa mchis te de'i slad du lha'i spyan sngar rgol ba dag dang lhan cig bka' mchid dam par gtan la dbab par 'tshal lo/ /rgyal pos blon po rnams la smras pa/ shes ldan dag nga'i yul na bram ze 'di dang lhan cig gtam rnam par gtan la 'bebs par byed pa'i rgol ba 'ga' yod dam/ blon po rnams kyis smras pa/ lha ri brags che ge mo zhig na bram ze ser skya zhi ba zhes bgyi ba rig byed dang rig byed kyi yan lag gi pha rol tu mchis pa/ zhugs lta bu'i shes pas rang gi smra ba gsal bar bgyid pa/ gzhan gyi smra ba tshar gcod par rngo thog pa zhig mchis so/ / mkhan po de bos shig /lha bod par bgyi'o zhes de dag gis de bos nas/ de rgyal po kri ki ga la ba der song ste phyin nas rgyal po kri ki la rgyal ba dang / tshe spel ba byas te mtha' gcig tu 'dug pa dang / blon po rnams kyis smras pa/ lha mkhan po de 'di lags so/ /rgyal pos 'ongs pa legs so zhes bya ba'i tshig gis kun tu spyad de smras pa/ mkhan po khyod kho bo'i mdun du bram ze 'di dang lhan cig gtam rnam par gtan la dbab par byed nus sam/ ser skya zhi bas smras pa/ bdag gis rngo ci thog pas rgyal po dgyes par bgyi'o/ /rgyal pos blon po rnams la bsgo ba/ shes ldan dag rgol ba'i dkyil 'khor shoms shig /phyogs dang gzhan gyi phyogs dag rnam par zhog shig /blon po rnams kyis rgol ba'i dkyil 'khor bshams shing phyogs dang gzhan gyi phyogs dag rnam par bzhag go/ /de nas blon po rnams kyis rgyal po'i rkang pa gnyis la phyag 'tshal te smras pa/ lha phyogs snga ma gang bgyid du stsal/ rgyal pos smras pa/ bram ze 'di 'gron po yin gyis 'di phyogs snga ma byed du chug shig /bram ze de phyogs snga ma byed du bcug nas des rgyud chags lnga brgya bzlas so/ /ser skya zhi bas phyir bzlas so/ /'di ni rigs pa med pa yin no/ /'di ni mi mthun pa yin no/ / 'di ni mi 'thad pa yin no zhes skyon btags pa dang / bram ze de cang mi smra bar 'dug go/ /tshar gcad pa'i gnas rnams kyi nang na 'di lta ste lan la spobs pa med pa 'di ni tha chad yin no/ /de nas rgyal po mngon par dga' nas smras pa/ mkhan po khyod gnas gang du gnas/ ser skya zhi bas smras pa/ lha ri brags che ge mo zhig tu'o/ /khyod song la ri brags de khyod kyi rgol ba'i longs spyod gyis shig /ser skya zhi ba rangs pa dang / dga' ba dang / mchog tu dga' bar gyur nas skye bo mkhas pa dag gis yongs su bskor te ri brags der song ngo / /'jig rten ni 'byor pa 'dod pa yin pas ser skya zhi ba des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa de'i chung ma bu ral pa ser skya can zhig btsas nas zhag bdun gsum nyi shu gcig tu btsas pa'i btsas ston rgya cher byas te/ khye'u yi ming cir gdags shes ming 'dogs par byed do/ /nye du rnams kyis smras pa/ khye'u 'di bram ze ser skya zhi ba'i bu yin la 'di'i ral pa yang ser skyar 'dug pas khye'u 'di'i ming ser skyar gdags so zhes de'i ming ser skyar btags so/ /de 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad+ma bzhin myur du skyed par byed do/ /de gang gi tshe chen por gyur pa de'i tshe na yi ge dang / grangs dang / rtsis dang / lag rtsis dang / dbyung ba dang / gzhug pa dang / gzhag pa dang / 'byed pa dang / klog pa'i pha rol du son cing / de'i tshe na bram ze'i spyod tshul dang / spyod pa dang / gtsang sbra dang / kun du spyod pa dang / thal ba blang ba dang / bya ma bum blang ba dang / sa blang ba dang / lag ltang dang / thor tshugs dang / rab bsngags bya ba dang / kye zhes bya ba dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / bram ze'i las drug po mchod sbyin byed pa dang / mchod sbyin byed du 'jug pa dang / klog pa dang / klog tu 'jud pa dang / sbyin pa dang / len pa la mkhas pa'i bram ze'i rig byed dang rig byed kyi yan lag gi pha rol tu son pa/ me lta bu'i shes pas rang gi smra ba gsal bar byed pa/ gzhan gyi smra ba tshar gcod nus par gyur to/ /de'i tshe na bram ze ser skya zhi bas bram ze'i khye'u lnga brgya tsam dag bram ze'i gsang tshig dag 'don du bcug go/ /ji tsam dus gzhan zhig na/ shed bu ser skya klog par byed pas pha la smras pa/ yab ri tsa zhes bgyi ba 'di'i don ci lags/ ser skya zhi bas smras pa/ bu yi ge dag ni yun ring po nas bral ba dag ste bla ma'i tshig shes par dka' ba yin pas drang srong de dag gis don dang bral ba'i bstan bcos nye bar sbyar ba 'di ci yin mi shes so/ /ser skyas smras pa/ yab bdag gis ri tsa zhes bgyi ba 'di'i don de 'tshal to/ /bram ze ser skya zhi bas bsams pa/ 'di ltar phas bu la bdag dang mnyam pa 'am khyad par du 'phags pa de ni 'dod par bya ba yin pas de'i phyir 'di bdag pas ches khyad par du 'phags pa yin gyis bdag gis 'di la bram ze'i khye'u lnga brgya po 'di dag gtad par bya'o snyam du rig nas bram ze'i khye'u ser skya la smras pa/ bu 'di ltar phas bu la bdag dang mnyam pa 'am khyad par du 'phags pa de ni 'dod par bya ba yin pas de'i phyir khyod kho bo bas ches khyad par du 'phags pa yin gyis/ khyod kyis bram ze'i khye'u lnga brgya po 'di dag bram ze'i gsang tshig dag 'don du chug shig /ser skyas smras pa/ bka' bzhin 'tshal 'don du stsal to zhes des bram ze'i khye'u lnga brgya po de dag bram ze'i gsang tshig dag 'don du gzhugs par brtsams so/ /bram ze ser skya zhi ba yang bya ba med cing cir dgar 'gro ba dang / spyod pas dga' mgur spyod par brtsams so/ /de dus gzhan zhig na drang srong smra bar song ste der dge slong zhig gi gan du song nas smras pa/ slob dpon tshig 'di'i don ci lags/ dge slong des smras pa/ tshe dang ldan pa dri ba de ni de skad dri bar mi bya ste/ dri ba de de skad dris na yongs su rdzogs par mi 'gyur ro/ /'di ltar dri ba de ni 'di skad dri bar bya ste/ dri ba de 'di skad dris na tshig 'di'i don 'di yin no zhes yongs su rdzogs par 'gyur ro/ /bram ze ser skya zhi bas bsams pa/ bdag gis 'di dag la dri ba yang 'dri bar mi nus na bdag gis 'di dag dang lhan cig ci ltar smra ba bya bar 'gyur snyam nas/ de dge slong rnams la shin du mngon par dad par gyur nas dus dang dus su dge slong dag 'gron du bos te khyim gzhan du zan sbyin par byed do/ / de dus gzhan zhig na na bar gyur nas des shed bu ser skya la smras pa/ bu ji tsam na nyi ma 'char ba dang / ji tsam na nub pa de'i bar du khyod dang 'dra ba'i smra ba gzhan med kyis/ de'i phyir khyod kyis kho bo 'das nas smra ba thams cad dang lhan cig 'jigs pa med pa dang / bag tsha ba med par smra bar bya'o/ /'od srung gi dge sbyong rnams ni ma gtogs te/ de dag ni rgyud rgya chen po dang ldan pa/ rgyud zab mo dang ldan pa/ rgyud bzang po dang ldan pa/ 'jig rten pa la pham par mi nus pa/ 'jig rten las 'das pa la gting med pa yin te/ de dag ni mang ba dang / 'thun pa dang / longs spyod dag don du mi gnyer ba yin no/ /ser skyas smras pa/ yab de bzhin bgyi'o/ /bram ze ser skya zhi ba na ba las ma langs te/ de rtsa ba dang sdong bu dang / 'dab ma dang / me tog dang / 'bras bu'i sman dag gis bsnyen bkur byas kyang nyams pa nyid du gyur nas/ ji tsam na bsags pa kun gyi mtha' zad cing / /mthon po rnams kyi mtha' ltung 'gyur/ /phrad pa'i mtha' ni 'bral ba ste/ / gson pa'i mtha' ni 'chi ba yin/ /zhes bya ba yin pas dus kyi chos rnams dang ldan par gyur to/ /de shed bu ser skya dang nang mis gos sngon po dang / ser po dang / dmar po dag gis khyogs spyil brgyan te dur khrod du bskyal nas bsregs te de'i 'og tu mya ngan gsang ba byas nas 'khod do/ /lho phyogs nas lhags pa'i smra ba de dag gis bram ze ser skya zhi ba dus la bab ces thos so/ /thos nas kyang phan tshun smra bar brtsams pa/ shes ldan dag bram ze smra ba de dus la bab kyis da ni 'dong bar bya'o zhes de dag thams cad 'dus te rgyal po kri ki'i gan du dong ngo / /de nas rgyal po la rgyal ba dang tshe spel ba byas te smras pa/ lha bdag cag la bla ma las yi ge nyung shas shig blangs pa mchis te bdag cag lha'i spyan sngar bka' mchid rnam par gtan la dbab pa bgyid par 'tshal lo/ /rgyal pos blon po rnams la smras pa/ shes ldan dag mkhan po de bos shig /blon po rnams kyis smras pa/ lha bram ze smra ba de dus la bab bo/ /rgyal pos smras pa/ de'i phyir 'di dag g.yul du phug ron bzhin du 'dus te nga'i drung du lhags kyis/ bram ze de'i bu 'am phu nu bo 'ga' ci yod/ lha de'i bu shed bu ser skya zhes bgyi ba mchis so/ /mkhan po'i bu de bos shig /de dag gis de bos nas des rgyal po la rgyal ba dang tshe spel ba byas te mtha' gcig tu 'dug pa dang / blon po rnams kyis smras pa/ lha de'i bu shed bu ser skya zhes bgyi ba 'di lags so/ /rgyal pos de la 'ongs pa legs so zhes bya ba'i tshig gis kun tu spyad nas smras pa/ mkhan po'i bu bram ze smra bar 'dod pa yul tha dad pa na gnas pa 'di dag nga'i drung du lhags na/ khyod 'di dag dang lhan cig smra bar byed par nus sam/ rngo ci thog gis lha dgyes par bgyi'o/ /de nas rgol ba'i dkyil 'khor bshams shing phyogs dang gzhan gyi phyogs dag rnam par bzhag ste de dag phyogs snga ma byed du bcug pa dang / smra ba de dag bram ze ser skya dang lhan cig gzhi gang dang gang la smra ba de dang de la bram ze ser skyas spobs pa med par byas nas de dag cang mi smra bar 'khod do/ / tshar gcad pa'i gnas rnams kyi nang na 'di lta ste/ lan la spobs pa med pa nyid ni tha chad yin no/ /rgyal po ngo mtshar skyes te/ e ma na tshod gzhon la shes rab kyi spobs pa 'di dang 'di lta bu yod do zhes ngo mtshar skyes nas de'i 'og tu mngon par dad pas glang po che'i gshul du bskyon te smra ba'i rgyal srid la dbang bskur to/ /ser skya de'i ma sems khongs su chud cing rnam par rtog pa bzang po ma yin pa dag la rnam par rtog par byed de/ ser skya des hab shur gyis rgol ba'i longs spyod 'phrog tu bcug ste/ 'ong bar mi 'gyur ram snyam du de de ltar sems khongs su chud cing rnam par rtog pa bzang po ma yin pa dag la/ rnam par rtog par byed cing 'dug pa na shed bu ser skya smra ba'i rgyal srid la dbang bskur bas dbang bskur te/ skye bo mkhas pas yongs su bskor nas rang gi sdum par 'ongs so/ /de nas de'i mas gus par bsgrim pa dang bcas pas smras pa/ bu khyod kyis smra ba thams cad tshar bcad dam/ ser skyas smras pa/ yum tshar bcad de 'od srung gi dge sbyong rnams ni ma gtogs so/ /ser skya'i ma de bzhin sgyur bar byed/ lag mthil gnyis 'dril bar byed do/ / shed bu ser skyas smras pa/ yum khyod ci'i slad du bzhin sgyur bar mdzad/ lag mthil gnyis 'dril bar mdzad/ mas smras pa/ bu da dung yang khyod 'gran zla dang bcas pa yin pas/ 'od srung gi dge sbyong de dag gis rgol ba'i longs spyod dag phrogs par 'gyur ba'i gnas de lta bu yod kyis song la 'di dag tshar chod cig /ser skyas smras pa/ yum bdag la pha'i mchid nas bu ji tsam na nyi ma 'char ba dang / ji tsam na nub pa de'i bar du khyod dang 'dra ba'i smra ba gzhan med kyis de'i phyir khyod kyis kho bo 'das nas smra ba thams cad dang lhan cig 'jigs pa med pa dang / bag tsha ba med par smra bar bya'o/ /'od srung gi dge sbyong rnams ni ma gtogs te/ de dag ni rgyud rgya chen po dang ldan pa/ rgyud zab mo dang ldan pa/ rgyud bzang po dang ldan pa/ 'jig rten pa la pham par mi nus pa/ 'jig rten las 'das pa la gting med pa yin te/ de dag ni mang ba dang / 'thun pa dang / longs spyod dang don du mi gnyer ba yin no zhes mchi'o/ /mas smras pa/ bu khyod kyi pha ni dge sbyong gi bran du gyur pa yin na ci khyod kyang dge sbyong gi bran du 'gyur ram/ song la de dag tshar chod cig /ser skya de ma la gus pa yin pas des ma'i tshig mdun du byas te/ drang srong smra bar 'phags pa dang / dge slong zhig kyang bA rA Na sIr 'phags nas/ ser skyas dge slong de lam gyi bar du mthong nas smras pa/ kye dge slong ga las 'ongs/ drang srong smra ba nas so/ /drang srong smra ba na dge slong ji snyed yod/ dge slong nyi khri lhag tsam mo/ /re shig dge slong dag ni mang na bstan bcos kyi tshad ji tsam/ sde snod gsum mo/ /sde snod kyi tshad ji tsam stong phrag brgya'o/ /khyim pas gzung du rung ngam/ mdo sde dang chos mngon pa gnyis ni rung ngo / /'dul ba ni cho ga'i gzhung yin pas mi rung ngo / /ser skyas bsams pa/ 'di dag gi smra ba'i bstan bcos gang yin pa de ni khyim pa la mi ston to snyam du rig nas smras pa/ kye dge slong je sangs rgyas kyi bka' las cung zhig smros shig /dge slong des bsams pa/ bram ze 'di ni smra ba yin pas ji 'di 'jal bar 'dod pas dri ba 'dri 'am/ 'on te kun shes par 'dod pas dri ba 'dri ba ji blta'o snyam nas/ des tshigs su bcad pa smras pa/ mtsho rnams gang du ldog par 'gyur/ /lam ni gang du ldog par 'gyur/ /gang du 'jig rten bde sdug bsngal/ /ma lus par ni 'gag par 'gyur/ /zhes brjod de smras pa/ bram ze tshigs su bcad pa 'di'i don ci yin smros shig bram zes rig pa'i gnas thams cad la rnam par dpyad par brtsams na mtsho yang ma shes/ lam yang ma shes/ ldog pa yang ma shes nas de bdag la las mthong bar ma gyur tam snyam du phyogs bzhir rnam par lta bar byed cing bsams pa/ gal te 'di na gzu bo 'ga' zhig yod par gyur du zin na bdag deng nyid du tshar gcad par 'gyur bas rnam pa thams cad du spang bar bya'o snyam du rig nas smras pa/ kye dge slong tshigs su bcad pa de ni rgyud rgya chen po dang ldan pa/ don zab mo nyid dang ldan pa yin la khyod kyang bA rA Na sIr 'phags pa yin/ kho bo yang drang srong smra bar 'phags pa yin pas 'di'i don 'phral kho nar smra bar mi nus kyis song shig dang / phyis kyang 'di'i don smra bar mi dka'o zhes de drang srong smra bar song ba dang / dge slong klog pa dang / kha ton dang / yid la byed pa'i sbyor ba'i rjes su brtson pa dag mthong ngo / /mthong ma thag tu de sems mngon par dad par gyur nas/ bsams pa/ su zhig snying rje med cing 'jig rten pha rol btang ste/ 'di dag la rab tu sdang ba'i sems skyed cing 'di dag dang lhan cig rtsod pa skyed par 'gyur snyam du rig nas rang gi khyim du song ba dang de la mas smras pa/ bu khyod kyis 'od srung gi dge slong dag tshar bcad dam/ ser skyas smras pa/ yum khyod bdag gi rgol ba'i longs spyod dag gis mi dgyes sam/ 'di ltar khyod ni rgol ba'i longs spyod dag 'phrog tu stsol bar bzhed par gda'o/ /bu ji skad zer/ yum bdag deng drang srong smra bar 'phags pa dang / ji tsam na bdag gis shul gyi bar du dge slong zhig mthong nas bdag gis de la kye dge slong ci sangs rgyas kyi bka' las cung zhig smros shig ces bgyis pa dang / des tshigs su bcad pa/ mtsho rnams gang du ldog par 'gyur/ /lam ni gang du ldog par 'gyur/ /gang du 'jig rten bde sdug bsngal/ /ma lus par ni 'gag par 'gyur/ /zhes brjod nas bdag gis rig pa'i gnas thams cad la rnam par dpyad par brtsams na mtsho yang ma 'tshal/ lam yang ma 'tshal/ ldog pa yang ma 'tshal nas/ gal te de na gzu'o 'ga' zhig mchis par gyur du lags na bdag deng nyid du tshar bkum par yang 'gyur ro/ /bu gal te de lta na song la sangs rgyas kyi bka' lhogs shig /yum ci zhig klag par bgyi ste/ de dag gi smra ba'i bstan bcos gang lags pa de ni khyim pa la mi ston to/ /bu song la rab tu byung ste lhogs shig /yum rigs mchog tu gyur nas rigs tha dad pa rnams kyi nang du ji ltar rab tu 'byung bar bgyi/ bu ci khyod kyi mgo bo la smyig ma dang rtswa dag skye bar 'gyur ram yang phyir bobs shig /de ma la gus pas nan gyis mnan pa na rab tu 'byung ngo zhes drang srong smra bar song ste dge slong gi drung du song nas smras pa/ kye dge slong bdag rab tu 'byung bar 'tshal lo/ /dge slong gis bsams pa/ bram ze smra ba 'di rab tu byung na bstan pa la gces pa bstan par 'gyur ro snyam du rig nas smras pa/ bram ze legs kyis de ltar bya'o/ /longs spyod dag ni mi rtag pa yin pas/ rab tu byung shig /ser skyas smras pa/ kye dge slong bdag ni rab tu shes pa'i bram ze lags pas bdag gis 'dir rab tu 'byung bar rngo mi thog gis ljongs su bzhud do/ /dge slong des bram ze de ljongs su khrid nas rab tu phyung rdzogs par bsnyen par byas te klag pa dang / kha ton dag la nges par sbyar to/ /ser skya des klag pa dang kha ton byas pa na sde snod gsum po dag blags shing sde snod gsum dang ldan pa/ chos sgrog pa/ rigs pa dang grol ba'i spobs pa can du gyur to/ /gang gi tshe de chos mnyan pa sbyin par 'dod pa de'i tshe na seng ge'i khri rin po che sna tshogs kyis brgyan pa shom par byed/ dung sgril ma 'bud du 'dzud par byed/ rnga bo che rdung du 'dzud par byed cing rgyal po dang bcas pa'i 'khor sdud par byed/ skye bo phal po che'i tshogs kyang mngon par dad par byed do/ /chos sgrog pa ser skyas bsams pa/ bdag gis thos pas thob par bya ba gang yin pa de thob kyis bdag bA rA Na sIr song ste/ yang dag par rdzogs pa'i sangs rgyas 'od srung la bsnyen bkur bya'o snyam nas/ de ljongs su ci dgar 'dug ste bA rA Na sIr ga la ba der rgyu zhing song ba na mthar gyis rgyu zhing 'gro ba'i tshe bA rA Na sIr phyin to/ /de nas de'i mas thos nas ma de bu tshol zhing drang srong smra bar song ba dang des bu mthong nas smras pa/ bu khyod kyis 'od srung gi dge sbyong rnams tshar bcad dam/ yum bdag ni lung tsam dang ldan pa lags la de dag ni lung dang rtogs pa dang ldan pa lags pas de'i slad du bdag gis de dag tshar dgum par ji ltar rngo thog /bu khyod kyis de dag gdon mi za bar tshar gcad par bya ba yin gyis tshar chod cig /ser skya de ma la gus pas mas nan gyis mnan pa dang / dang du blangs te smras pa/ yum gang gi tshe seng ge'i khri bshams par gyur/ dung sgril ma bus par gyur/ rnga bo che brdungs par gyur cing rgyal po dang bcas pa'i 'khor 'dus par gyur pa de'i tshe na khyod spyon cig /bu legs kyis 'ong bar bya'o/ /ji tsam dus gzhan zhig na ser skya la chos sgrog par gsol ba btab nas seng ge'i khri bshams par gyur/ dung sgril ma bus par gyur/ rnga bo che brdungs par gyur cing / rgyal po dang bcas pa'i 'khor 'dus par gyur to/ /de nas ser skya'i mas dung dang rnga bo che'i sgra thos nas rings pa rings par drang srong smra bar song ste gtsug lag khang du zhugs nas seng ge'i khri'i rgyab logs su 'dug go/ /chos sgrog pa ser skya yang seng ge'i khri la 'dzegs te chos bstan par brtsams nas des chos ji tsam pa de tsam zhig bstan nas chos ma yin pa bstan par brtsams pa dang / dge slong rnams kyis de la smras pa/ tshe dang ldan pa mdo sde'i mtha' la gnod pa ma byed cig / chos kyi khrid byed rnam par dkrug par ma byed cig /chos kyi mngal ma rtol cig /chos kyi rgyal mtshan ma rtib shig /bdud kyi rgyal mtshan ma bsgreng shig /sems can dmyal ba la gzhol bar 'gyur bar ma byed cig / ser skya de nyam nga nas babs te de'i 'og tu ma la smras pa/ yum khyod kyis gzigs sam/ bu mthong ngo / /bdag gis dang po nas khyod la yum bdag ni lung tsam dang ldan pa lags la de dag ni lung dang rtogs pa dang ldan pa lags pas de'i slad du bdag gis de dag tshar dgum par ji ltar rngo thog ces ma bgyis sam/ bu gang gi tshe khyod chos ston pa de'i tshe ni chos ji tsam pa de tsam zhig bstan nas chos ma yin pa ston cig /gal te khyod la de dag na re tshe dang ldan pa mdo sde'i mtha' la gnod pa ma byed cig /chos kyi khrid byed rnam par dkrug pa ma byed cig /chos kyi mngal ma rtol cig /chos kyi rgyal mtshan ma rtib shig /bdud kyi rgyal mtshan ma sgreng shig /sems can dmyal ba la gzhol bar 'gyur bar ma byed cig ces zer na/ de'i tshe khyod kyis tshig gi mtshon gyis gdab par bya ste/ de dag ni legs pa ma yin pa byed pas 'jigs pa yin pas cang mi smra bar 'dug par 'gyur te/ des na 'jig rten dag gi mig lam na tshar bcad do/ / snyam du shes par 'gyur ro/ /yum thabs de ni bzang ste/ 'on kyang de'i tshe khyod kyang yang spyon cig /bu de ltar bya ste kho mo yang 'ong ngo / /ji tsam na yang chos mnyan pa'i seng ge'i khri bshams nas ser skya la chos sgrog par gsol ba btab ste dung sgril ma yang bus/ rnga bo che yang brdungs shing rgyal po dang bcas pa'i 'khor 'dus pa dang / ser skya'i ma de yang snga ma bzhin du 'ongs te seng ge'i khri'i rgyab logs su 'dug go/ /chos sgrog pa ser skya yang seng ge'i khri la 'dzegs te chos bstan par brtsams nas/ des chos ji tsam pa de tsam zhig bstan nas yang chos ma yin pa bstan par brtsams pa dang / dge slong rnams kyis de la smras pa/ tshe dang ldan pa mdo sde'i mtha' la gnod par ma byed cig /chos kyi khrid byed rnam par dkrug par ma byed cig /chos kyi mngal ma rtol cig /chos kyi rgyal mtshan ma rtib shig /bdud kyi rgyal mtshan ma sgreng shig /sems can dmyal ba la gzhol bar 'gyur bar ma byed cig /ser skya de mas bslus pas mi bzod pa skyes nas tshig gi mtshon gyis gdab par brtsams te/ glang po che'i mgo can khyod kyis re shig chos sam chos ma yin pa 'am/ 'dul ba 'am 'dul ba ma yin pa ci shes/ rta'i mgo can/ rnga mo'i mgo can/ bong bu'i mgo can/ ba lang gi mgo can/ spre'u mgo can/ seng ge'i mgo can/ stag mgo can/ dom mgo can/ dred mgo can/ gung mgo can/ byi la'i mgo can/ ra mgo can/ lug mgo can/ ri dgas mgo can/ ma he'i mgo can/ phag gi mgo can/ khyi mgo can khyed kyis chos sam/ chos ma yin pa 'am/ 'dul ba 'am/ 'dul ba ma yin pa ci shes zhes smras pa dang / dge slong rnams kyis smras pa/ tshe dang ldan pa dag 'dis tshig gi mtshon gyis gdab par brtsams kyis 'dong ngo zhes zer ro/ /de na gang dag so sor rtog pa mi mang ba de dag ni 'dong ngo / /gang dag spro ring ba de dag ni gal te re shig chos ston par 'gyur na ni mnyan par bya'o/ /'on te chos ma yin pa ston par 'gyur na ni 'di nyid kyis 'gyur bar zad do zhes de nyid na 'khod do/ /de nas chos sgrog pa ser skyas dge slong slob pa dang mi slob pa dag la ngag gis nyes par spyad pa bcwa brgyad byas nas seng ge'i khri las babs te ma la smras pa/ yum khyod dgyes par gyur tam/ bu kho mo dga' bar gyur gyis tshur shog khyim du 'dong ngo / /ser skyas smras pa/ yum bdag ni yang dag par rdzogs pa'i sangs rgyas 'od srung gi gsung rab la mngon par dgas mi mchi'o/ /bu khyod kyis ma'i tshig tshig ma yin par mi bya'o zhes bya ba ma thos sam tshur shog 'dong ngo / /ser skyas smras pa/ kho bo 'khor ba na khyod 'dra ba'i ma yod par ma gyur cig /deng mi dge ba'i bshes gnyen khyod la brten nas kho bos gang zag slob pa dang mi slob pa dag la ngag gi las rtsub po brjod pas de ni rnam par smin pa mi 'dod pa so sor myong bar 'gyur ro/ /ser skya'i ma des bA rA Na sI'i lam po che dang / srang dang / bzhi mdo dang / sum mdo dag tu bA rA Na sI na gnas pa dang / pho brang 'khor ba dang / yul mi shes ldan dag nyon cig /'od srung gi dge slong rnams kyis kho mo'i bu phrogs kyis grogs gyis shig ces khu co gdon par brtsams so/ /de na gang dag dad pa can de dag ni yang dag par dbugs 'byin par byed do/ /gang dag ma dad pa de dag ni mtho 'tsham par byed do/ /ser skya'i ma de la tho btsams pa na 'di lta bu'i kun nas dkris pa byung ste/ des khrag tsha ba skyugs nas dus la babs te sems can dmyal ba rnams kyi nang du skyes so/ /chos sgrog pa ser skya yang dge slong slob pa dang mi slob pa rnams la ngag gi nyes par spyad pa bcwa brgyad byas pas dus la bab ste/ dud 'gro rnams kyi nang du chu srin nya'i rigs 'jigs su rung ba 'dir skyes so/ /de nas 'khor de yid la gcags te/ shes ldan dag chos sgrog pa ser skya sde snod gsum dang ldan pa rigs pa dang grol ba'i spobs pa can gyis srog chags brgya stong phrag du ma dag gi rna ba'i sbubs dag tshim par byas nas ngag gi nyes par spyad pa tsam gyis dud 'gro'i skye gnas ngan par skyes par gyur na/ bdag cag 'di nas shi 'phos pa rnams kyi 'gro ba ni cir 'gyur/ skye ba ni cir 'gyur/ tshe phyi ma ni cir 'gyur zhes zer ro/ /de nas bcom ldan 'das kyis 'khor de'i bsam pa dang / bag la nyal dang / khams dang / rang bzhin thugs su chud nas gang thos nas kha cig gis dri bar gyur pa dag rtogs pa dang / kha cig gis rtse mo dag dang / kha cig gis bzod pa dag dang / kha cig gis 'jig rten pa'i chos kyi mchog dag rtogs pa dang / kha cig gis rgyun du zhugs pa'i 'bras bu mngon sum du byas pa dang / kha cig gis lan cig phyir 'ong ba'i 'bras bu dang / kha cig gis ni phyir mi 'ong ba'i 'bras bu dang / kha cig gis ni rab tu byung nas nyon mongs pa thams cad spangs pas dgra bcom pa nyid mngon sum du byas pa dang / kha cig gis nyan thos kyi byang chub tu sems bskyed pa dang / kha cig gis rang sangs rgyas kyi byang chub dang / kha cig gis bla na med pa yang dag par rdzogs pa'i sangs rgyas kyi byang chub tu sems bskyed pa dang / 'khor de las phal cher sangs rgyas la gzhol ba dang / chos la 'bab pa dang / dge 'dun la bab par rnam par gzhag pa de lta bu'i chos bstan pa mdzad do/ /de nas bcom ldan 'das gdul ba'i don chen po mdzad nas gshegs so/ /de nas chu srin nya'i rigs 'di snyam du sems te/ gang gi phyir bdag gis bcom ldan 'das kyi spyan sngar tshig gsum gyi chos thos nas zas za bar byed pa ni bdag gi tshul dang 'thun pa ma yin no snyam nas/ des zas mi za ba la zhugs so/ /dud 'gro'i skye gnas su skyes pa rnams kyi me ni rno ba yin pas de bkres pas nyam dmas pa na/ bcom ldan 'das la sems mngon par dad par byas nas dus la bab pa dang rgyal chen bzhi pa'i lha rnams kyi nang du skyes so/ /lha'i bu 'am lha'i bu mo'i chos nyid ni skyes nas ring po ma lon pa la sems gsum skye ste/ gang nas shi 'phos pa dang / gang du skyes pa dang / /las gang gis skyes pa'o/ /des dud 'gro rnams kyi nang nas shi 'phos pa dang / rgyal chen bzhi pa'i lha rnams kyi nang du skyes pa dang / bcom ldan 'das la sems mngon par dad par byas pas skyes pa mthong ngo / /de nas sngon chu srin lha'i bu de 'di snyam du sems te/ gang gi phyir bdag yongs su gnas pa bstan te bcom ldan 'das la blta ba dang bsnyen bkur bya ba'i phyir nye bar 'gro ba ni bdag gi tshul dang 'thun pa ma yin gyis/ bdag yongs su gnas pa ma bsten pa kho nar bcom ldan 'das la blta ba dang bsnyen bkur bya ba'i phyir nye bar 'gro'o snyam mo/ /de nas sngon chu srin lha'i bu rna ca gdub kor g.yo zhing dri ma med pa thogs te/ do shal dang se mo dos brgyan pa'i lus kyis lha'i ut+pa la dang / pad ma dang / ku mu da dang / pad ma dkar po dag gis thu ba bkang ste kha dog shin tu 'das pas mtshan mo la bab pa dang / bcom ldan 'das ga la ba der song ste phyin nas/ bcom ldan 'das la me tog dag gis mngon par gtor te/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug pa dang / 'di ltar sngon chu srin lha'i bu'i kha dog gis mthus khang pa brtsegs pa'i khang bzangs thams cad snang ba rgya chen pos khyab par gyur to/ /de nas bcom ldan 'das kyis sngon chu srin lha'i bu'i bsam pa dang / bag la nyal ba dang / khams dang / rang bzhin thugs su chud nas gang thos nas sngon chu srin lha'i bus stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan pa mdzad do/ /des bden pa mthong nas btsun pa bcom ldan 'das kyis bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang / yid dgas dag ni rkang pa phyung / lha dang mi rnams kyi nang du ni bzhag go zhes lan gsum ched du brjod pa ched du brjod do/ /yang smras pa/ khyod mthus rab drag nyes pa mang ldan pa'i/ /ngan song shul bkag bsod nams rab ldan pa'i/ /mtho ris 'gro ba phye zhing bdag gis ni/ /mya ngan 'das pa'i shul yang thob par gyur/ /shin du rnam dag khyod brten bdag gis ni/ /de ring skyon bral dag pa'i mig thob cing / /go 'phang zhi ba 'phags pa dgyes thob ste/ /sdug bsngal rgya mtsho'i pha rol rgal bar gyur/ /'gro ba lha min mi dang lhas mchod pa/ /skye dang rga dang na 'chi bral ba po/ /srid pa stong du mthong ba rab dkon pa/ /thub pa de ring khyod mthong 'bras bu mchis/ /de nas gdud byas do shal rab 'phyangs pas/ /zhabs la phyag 'tshal rangs pa skyes gyur nas/ /dgra thul g.yas nas yongs su bskor byas te/ /lha yi 'jig rten mngon phyogs mkha' la song / /de nas sngon chu srin lha'i bu tshong pa khe spogs rnyed pa lta bu dang / zhing pa lo thog 'byor pa lta bu dang / dpa' bo g.yul las rnam par rgyal ba lta bu dang / nad pa nad thams cad las yongs su thar pa lta bur gyur te/ cha lugs gang gis bcom ldan 'das kyi spyan sngar 'ongs pa'i cha lugs de nyid kyis rang gi gnas su song ngo / /dge slong dag nam gyi cha stod dang nam gyi cha smad la mi nyal bar sbyor pa'i rjes su brtson par gnas pa de dag gis bcom ldan 'das kyi spyan sngar snang ba rgya chen pos khyab par gyur pa mthong ngo / /mthong nas the tshom za ba'i yid kyis mtshan mo nam nangs pa dang bcom ldan 'das la zhus pa/ bcom ldan 'das ci lags mdang sum mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi 'am/ lha'i bu 'byor pa che ba mthu che ba gzhan zhig bcom ldan 'das la blta ba'i slad du nye bar mchis sam/ bcom ldan 'das kyis bka' stsal pa/ dge slong dag mi mjed kyi bdag po tshangs pa nga la blta ba'i phyir nye bar 'ongs pa yang ma yin/ lha'i dbang po brgya byin yang ma yin/ 'jig rten skyong ba bzhi yang ma yin/ lha'i bu 'byor pa che ba mthu che ba gzhan ma yin te/ dge slong dag 'di ltar khyed kyis ngas chu srin nya'i rigs gang la tshig gsum gyi chos bstan pa de mthong ngam/ bcom ldan 'das mthong ngo / /dge slong dag de de nas shi 'phos te rgyal chen bzhi pa'i lha rnams kyi nang du skyes nas de mdang sum nga'i gan du 'ongs te/ ngas de la chos bstan nas des bden pa mthong ste rang gi gnas su song ngo / /yang dge slong rnams kyis bcom ldan 'das la zhus pa/ btsun pa sngon chu srin lha'i bus las ci bgyis na des rgyal chen bzhi pa'i lha rnams kyi nang du skyes par gyur/ las ci bgyis na des bcom ldan 'das kyi spyan sngar bden pa mthong bar bgyis/ bcom ldan 'das kyis bka' stsal pa/ dge slong dag sngon chu srin lha'i bu nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ sngon chu srin lha'i bus las byas shing bsags pa dag gzhan su zhig gis nyams su myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur te/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched dag kho na la rnam par smin par 'gyur ro/ /las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag skyes nas myong bar 'gyur ba'i las kyang yod/ lan grangs gzhan la myong bar 'gyur ba'i las kyang yod do/ /skyes nas myong bar 'gyur pa'i las gang zhe na/ 'dis chu srin du gyur pa na nga la sems mngon par dad pa byas pa gang yin pa de ni skyes nas myong bar 'gyur ba'i las shes bya ste/ de'i rnam par smin pas rgyal chen bzhi pa'i lha rnams kyi nang du skyes par gyur to/ /lan grangs gzhan la myong bar 'gyur ba'i las gang zhe na/ ser skyas yang dag par rdzogs pa'i sangs rgyas 'od srung gi bstan pa la rab tu byung ba dang / lung phog pa dang blags pa dang / kha ton byas pa dang / phung po la mkhas pa dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas pa dang / gnas dang gnas ma yin pa la mkhas par byas pa gang yin pa de ni lan grangs gzhan la myong bar 'gyur ba'i las zhes bya ste/ las de'i tshogs kyi dngos pos da ltar lha'i bur gyur pas nga'i spyan sngar bden pa mthong bar byas so/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang 'dren ma rnams spangs te/ las gcig tu dkar ba rnams la brtsal bar bya ste/ dge slong dag khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag bcom ldan 'das kyis gsungs pa la mngon par bstod do// // 'dul ba rnam par 'byed pa/ bam po bcu gsum pa/ de nas rigs kyi bu lnga brgya po de dag 'di snyam du sems te/ shes ldan dag re shig chos sgrog pa ser skya de sde snod gsum dang ldan pa/ rig pa dang grol ba'i spobs pa can du gyur te srog chags brgya stong phrag du ma dag gi rna ba'i sbubs dag tshim par byas nas/ ngag gis nyes par spyad pa tsam gyis dud 'gro'i skye gnas ngan par skyes par gyur na/ bdag cag da ltar drag shul can/ lag pa dmar pa/ snun pa dang rab tu snun pa la zhugs pa/ gzhan gyi srog 'phrog pa/ gzhan gyi srog gcod du 'jud pa/ gzhan gyi srog gcod pas 'tsho bar byed pa dag yin pas/ bdag cag 'di nas shi 'phos pa rnams kyi 'gro ba ni cir 'gyur/ skye ba ni cir 'gyur/ tshe phyi ma ni cir 'gyur/ gal te bdag cag rigs dma' bar skyes par ma gyur na/ bdag cag gis kyang legs par gsungs pa'i chos 'dul ba la rab tu 'byung zhing chu bo rnams las rgal bar bya ba dang / sbyor ba rnams las yang dag par 'da' bar bya ba'i phyir spro bar bya/ 'bad par bya/ brtsal bar bya ba zhig na snyam mo/ /sangs rgyas bcom ldan 'das gson zhing bzhugs te 'tsho zhing gzhes pa rnams kyi chos nyid ni 'dul bar gyur pa'i skye bo la thugs brtse bas nyin lan gsum/ mtshan lan gsum sangs rgyas kyi spyan gyis 'jig rten la rnam par gzigs pa mdzad do/ /nyan thos chen po rnams kyang de bzhin pas tshe dang ldan pa shA ri'i bus nyan thos kyi mig gis 'jig rten la rnam par bltas pa na rigs kyi bu lnga brgya po de dag shin du yid la gcags shing lag pa la 'gram pa gtad de sems khongs su chud cing 'khod pa dag mthong ngo / /mthong nas kyang rigs kyi bu lnga brgya po de dag ga la ba der song ste phyin nas de dag la 'di skad ces smras so/ /bzhin bzangs dag khyed cag ci'i phyir lag pa la 'gram pa gtad de sems khongs su chud cing 'khod/ de dag gis smras pa/ 'phags pa 'di ltar chos sgrog pa ser skya de sde snod gsum dang ldan pa rigs pa dang grol ba'i spobs pa can du gyur te srog chags brgya stong phrag du ma dag gi rna ba'i sbubs dag tshim par bgyis nas/ ngag gis nyes par spyad pa tsam gyis dud 'gro'i skye gnas ngan par skyes par gyur na/ bdag cag da ltar drag shul can/ sug pa dmar ba/ snun pa dang rab tu snun pa la zhugs pa/ gzhan gyi srog 'phrog pa/ gzhan gyi srog gcod du stsol ba/ gzhan gyi srog gcod pas 'tsho bar bgyid pa dag lags pas bdag cag 'di nas shi 'phos pa rnams kyi 'gro ba ni cir 'gyur/ skye ba ni cir 'gyur/ tshe phyi ma ni cir 'gyur/ gal te bdag cag rigs dma' bar skyes par ma gyur na/ bdag cag gis kyang legs par gsungs pa'i chos 'dul ba la rab tu 'byung zhing / chu bo rnams las rgal bar bgyi ba dang / sbyor ba rnams las yang dag par 'da' bar bgyi ba'i slad du spro bar bgyi/ 'bad par bgyi/ brtsal bar bgyi ba zhig na snyam pas bdag cag ji ltar sems khongs su chud cing mi mchis su rung / bzhin bzangs dag thub pa'i dbang po'i gsung rab 'di la ni rigs gces pa ma yin/ khyim gces pa ma yin/ rus gces pa ma yin gyi/ thub pa'i dbang po'i gsung rab 'di la ni sgrub pa gces pa yin no/ /yang smras pa/ de bzhin gshegs rnams rigs dang ni/ /khyim dang rus dag rtog mi mdzad/ /yun ring byas par gyur kyang ni/ /las rnams la ni yongs rtog mdzad/ /gal te khyed cag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'dod na tshur shog /yu bu cag bcom ldan 'das ga la ba der 'dong dang / bcom ldan 'das kyis khyed cag rab tu 'byin par 'gyur ro/ /'phags pa legs te/ gal te de lta na bdag cag bcom ldan 'das kyi spyan sngar rab tu 'byung du mchi'o/ /de nas tshe dang ldan pa shA ri'i bus rigs kyi bu lnga brgya po de dag khrid nas bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal te mtha' gcig tu 'dug go/ /mtha' gcig tu 'dug nas tshe dang ldan pa shA ri'i bus bcom ldan 'das la 'di skad ces gsol to/ /btsun pa rigs kyi bu lnga brgya po 'di dag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'tshal na/ bcom ldan 'das kyis thugs brtse ba'i slad du 'di dag rab tu dbyung du gsol/ bsnyen par rdzogs par mdzad du gsol/ bcom ldan 'das kyis de dag la dge slong tshur shog ces pas rab tu byung zhing dge slong dag tshur shog tshangs par spyad pa spyod cig ces bka' stsal pa dang / de dag bcom ldan 'das kyi bka' mjug kho nar skra byi ba dang snam sbyar gyon par gyur to/ /skra dang kha spu zhag bdun skyes pa tsam dang / lag pa lhung bzed dang bya ma bum gyis brel ba dang / dge slong bsnyen par rdzogs nas lo brgya lon pa'i spyod lam lta bur gnas par gyur to/ /yang smras pa/ de bzhin gshegs pas tshur shog bka' stsal pas/ /skra byi snam sbyar gyon pa'i lus ldan zhing / /mod la dbang po rab zhir gnas gyur te/ /sangs rgyas dgongs pas lus gzugs bkab par gyur/ /de nas bcom ldan 'das kyis rigs kyi bu lnga brgya po de dag rab tu phyung bsnyen par rdzogs par mdzad nas yangs pa can du ci dgyes par bzhugs te/ 'od ma can gyi grong ga la ba der rgyu zhing gshegs nas mthar gyis rgyu zhing gshegs pa na 'od ma can gyi grong du byon nas 'od ma can gyi grong na grong gi byang phyogs shing sha pa'i tshal na bzhugs so/ /de'i tshe na mu ge nyam nga ba dgon pa slongs mo pas zas rnyed par dka' zhing pha ma dag kyang rang gi bu dag la zas sbyin pa dang bya bar sems pa dka' na slongs mo pa dag lta la smos kyang ci dgos pa byung ngo / /de nas bcom ldan 'das kyis dge slong rnams la bka' stsal pa/ dge slong dag da ltar mu ge nyam nga ba dgon pa slongs mo pas zas rnyed par dka' zhing pha ma dag kyang rang gi bu dag la zas sbyin pa dang bya bar sems pa dka' na slongs mo pa dag la lta smos kyang ci dgos pa byung gis/ dge slong dag khyed cag tshur shog la smos 'drin ji lta ba dang / phebs par smra ba ji lta ba dang / 'grogs bshes ji lta bas yangs pa can gyi nyen kor spong byed kyi grong du dbyar gnas par khas long shig /nga yang 'od ma can gyi grong 'di nyid du bsnyen bkur ba dge slong kun dga' bo dang dbyar gnas par khas len gyis/ thams cad nyid ni bsod snyoms kyis nyon mongs par gyur na mi rung ngo / /dge slong de dag gis btsun pa bka' bzhin 'tshal zhes bcom ldan 'das las mnyan nas smos 'drin ji lta ba dang / phebs par smra ba ji lta ba dang / 'grogs bshes ji lta bas yangs pa can gyi nyen kor spong byed kyi grong du dbyar gnas par khas blangs so/ /bcom ldan 'das kyang 'od ma can gyi grong de nyid du bsnyen bkur ba tshe dang ldan pa kun dga' bo dang dbyar gnas par zhal gyis bzhes so/ /de nas dge slong lnga brgya po de dag 'di snyam du sems te/ tshe dang ldan pa dag shes par gyis shig /bcom ldan 'das kyis 'di skad ces/ dge slong dag da ltar mu ge nyam nga ba dgon pa slongs mo pas zas rnyed par dka' zhing pha ma dag kyang rang gi bu dag la zas sbyin pa dang bya ba sems pa dka' na slongs mo pa dag la lta smos kyang ci dgos pa dag byung gis/ dge slong khyed cag tshur sheg la/ smos 'drin ji lta ba dang / phebs par smra ba ji lta ba dang / 'grogs bshes ji lta bas yangs pa can gyi nyen kor spong byed kyi grong du dbyar gnas par khas long shig /nga yang 'od ma can gyi grong 'di nyid du bsnyen bkur ba dge slong kun dga' bo dang dbyar gnas par khas len gyis/ thams cad nyid ni bsod snyoms kyis nyon mongs par gyur na mi rung ngo zhes bka' stsal na/ 'di na bdag cag la nye du 'ga' yang med de nya pa'i grong na bdag cag gi nye du dag 'khod kyis bdag cag nya pa'i grong du dong ste nye du rnams bltas nas nya pa'i grong gi nyen kor du lo ma dang 'dab ma'i spyil bu dag byas te dbyar gnas par khas blang bar bya gor ma chag snyam mo/ /de nas dge slong lnga brgya po de dag nya pa'i grong du dong ste nye du dag la bltas nas nya pa'i grong gi nyen kor du lo ma dang / 'dab ma'i spyil bu dag byas te dbyar gnas par khas blangs so/ /de dag 'di snyam du sems te/ tshe dang ldan pa dag shes par gyis shig /bdag cag ni thos pa nyung ngu dang ldan pa dag yin pas bdag cag gi nye du dag nye bar 'ongs par gyur na bdag cag gis nye bar 'ongs pa de dag la chos ston par mi nus kyis/ bdag cag gis nye du 'ongs pa dag la nye du dag khyed cag gang dag gi grong tshigs na dge slong gi dge 'dun 'di 'di ltar dbyar gnas par khas blangs par gyur pa'i nye du de dag gis ni rnyed pa legs pa rnyed pa yin te/ dge slong 'di ni mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par sngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang / rnam par 'bus bzhigs pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang / rus gong gi 'du shes dang / stong pa nyid du so sor rtog pa'i 'du shes thob pa yin no/ /dge slong 'di ni bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / rdzu 'phrul gyi yul dang / lha'i rna ba dang / sems yongs su shes pa dang / sngon gyi gnas dang / 'chi 'pho dang skye ba dang / zag pa zad pa thob pa yin no/ /dge slong 'di ni dgra bcom pa rnam par thar pa brgyad la bsam gtan pa yin no/ /dge slong 'di ni gnyi ga'i cha las rnam par grol ba yin no zhes gcig gis gcig gi yon tan bsgrag par bya gor ma chag snyam mo/ /de dag gi nye du dag nye bar 'ongs par gyur nas/ de dag gis nye du dag nye bar 'ongs pa de dag la gcig gis gcig gi yon tan bsgrag par brtsams te/ nye du dag khyed cag gang dag gi grong tshigs na dge slong gi dge 'dun yon gyi gnas 'di lta bu dbyar gnas par khas blangs par gyur pa'i nye du de dag gis ni rnyed pa legs par rnyed pa yin te/ dge slong 'di ni mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs kyi 'du shes dang spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par sngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang / rnam par 'bus bzhigs pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang / rus gong gi 'du shes dang / stong pa nyid du so sor rtog pa'i 'du shes thob pa yin no/ /dge slong 'di ni bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / rdzu 'phrul gyi yul dang / lha'i rna ba dang / sems yongs su shes pa dang / sngon gyi gnas dang / 'chi 'pho dang / skye ba dang / zag pa zad pa thob pa yin no/ /dge slong 'di ni dgra bcom pa rnam par thar pa brgyad la bsam gtan pa yin no/ /dge slong 'di ni gnyi ga'i cha las rnam par grol ba yin no/ /de dag gis smras pa/ 'phags pa dag khyed kyis yon tan gyi tshogs de lta bu dag thob bam/ thob bo/ /'jig rten ni yon tan la dga' ba yin pas re shig rang gi bu dag las kyang phrogs te/ de dag la bsod snyoms sbyin pa dang bya bar sems so/ /sangs rgyas bcom ldan 'das gson zhing bzhugs te 'tsho zhing gzhes pa rnams la chos nyid kyis nyan thos rnams kyis 'dus pa chen po gnyis yod de/ gcig ni dbyar zla 'bring po nya la dbyar nye bar sgrub pa'i tshe'o/ /gnyis pa ni ston zla 'bring po'i zla ba nya la'o/ /de la gang dag dbyar zla 'bring po'i nya la dbyar nye bar sgrub pa'i tshe gdams ngag mnos te/ grong dang / grong rdal dang / yul 'khor dang / rgyal po'i pho brang dag tu dbyar gnas par khas len pa de dag ni ston zla 'bring po'i zla ba nya la lhags nas ji ltar thob pa ni brjod par byed ma thob pa ni thob par bya ba'i phyir 'og tu 'dri bar byed do/ /de nas dge slong gang dag yangs pa can gyi nyen kor spong byed gyi grong du dbyar gnas par khas blangs pa de dag dbyar gyi zla ba gsum po dag 'das nas chos gos byas pa dang ldan/ chos gos zin pa dang ldan zhing rid pa dang / nyam chung ba dang / rke ba dang / skam pa dang / lus ma thob pas lhung bzed dang chos gos thogs te/ 'od ma can gyi grong ga la ba der rgyu zhing 'dong ba na mthar gyis rgyu zhing 'dong ba'i tshe 'od ma can gyi grong du phyin pa dang / tshe dang ldan pa kun dga' bos dge slong rab tu mang po de dag thag ring po kho na nas mthong ngo / /mthong nas kyang tshangs pa mtshungs par spyod pa la mnyes gshin pas bshes pa dang bcas pa nyid kyis tshig gis bsu nas lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham yu chad dang / mchil lham len par byed cing 'di skad ces kyang smras so/ /tshe dang ldan pa dag tshur shog 'ongs pa legs so/ /tshe dang ldan pa dag khyed cag gang nas da ltar 'dir 'ongs/ khyed cag gang du dbyar gnas par khas blangs/ tshe dang ldan pa kun dga' bo bdag cag spong byed kyi grong nas 'dir 'ongs so/ /bdag cag spong byed kyi grong du dbyar gnas par khas blangs so/ /tshe dang ldan pa dag ji ltar spong byed kyi grong du bde ba la reg par dbyar gnas par khas blangs sam/ khyed cag bsod snyoms kyis ngal bar ma gyur tam/ tshe dang ldan pa kun dga' bo bdag cag spong byed kyi grong du te por bde ba la reg par dbyar gnas par khas blangs mod kyi bdag cag bsod snyoms kyis ngal bar gyur te/ tshe dang ldan pa dag de kho na ltar snang ste 'di ltar bsod snyoms kyis brel bas rid pa dang / nyam chung ba dang / rke ba dang / skam pa dang / lus ma thob pa dang / lpags pa dang / sha dang / khrag bri bar gyur to/ /dge slong gang dag nya pa'i grong gi nyen kor du dbyar gnas par khas blangs pa de dag kyang dbyar gyi zla ba gsum po dag 'das nas/ chos gos byas pa dang ldan/ chos gos zin pa dang ldan zhing tsho ba dang / lpags pa dang / sha dang / khrag rgyas pas lhung bzed dang / chos gos thogs te 'od ma can gyi grong ga la ba der rgyu zhing 'dong ba na/ mthar gyis rgyu zhing 'dong ba'i tshe 'od ma can gyi grong du phyin pa dang / tshe dang ldan pa kun dga' bos dge slong rab tu mang po de dag thag ring po kho na nas mthong ngo / /mthong nas kyang tshangs pa mtshungs par spyod pa la mnyes gshin pas bshes pa dang bcas pa nyid kyi tshig gis bsu nas lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham yu chad dang / mchil lham len par byed cing 'di skad ces kyang smras so/ /tshe dang ldan pa dag tshur shog /'ongs pa legs so/ /tshe dang ldan pa dag khyed cag gang nas da ltar 'dir 'ongs/ khyed cag dbyar gang du gnas par khas blangs/ tshe dang ldan pa kun dga' bo bdag cag nya pa'i grong nas 'dir 'ongs so/ /bdag cag nya pa'i grong du dbyar gnas par khas blangs so/ /tshe dang ldan pa dag ji ltar nya pa'i grong du bde ba la reg par dbyar gnas par khas blangs sam/ khyed cag bsod snyoms kyis ngal bar ma gyur tam/ tshe dang ldan pa kun dga' bo bdag cag nya pa'i grong du te por bde ba la reg par dbyar gnas par khas blangs so/ /bdag cag bsod snyoms kyis kyang ngal bar ma gyur to/ /tshe dang ldan pa dag de kho na ltar snang ste/ 'di ltar bsod snyoms kyis brel ba med pas tsho ba dang / lpags pa dang / sha dang / khrag rgyas par gyur to/ /tshe dang ldan pa dag da ltar mu ge nyam nga ba/ dgon pa slongs mo pas zas rnyed par dka' zhing pha ma dag kyang rang gi bu dag la zas sbyin pa dang / bya bar sems dpa' dka' na slongs mo pa lta smos kyang ci dgos pa byung na 'dir tshe dang ldan pa khyed cag bsod snyoms kyis brel ba med par gyur pa'i rgyu ni gang yin rkyen ni gang yin/ tshe dang ldan pa kun dga' bo bdag cag nye du rnams kyis mdun du gcig gis gcig gi yon tan bsgrag pa byas te/ dge slong 'di ni mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par sngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang / rnam par 'bus bzhigs pa'i 'du shes dang / rnam par zos pa'i 'du shes dang / rnam par dmar pa'i 'du shes dang / rnam par 'thor ba'i 'du shes dang / rus gong gi 'du shes dang / stong pa nyid du so sor rtog pa'i 'du shes thob pa yin no/ /dge slong 'di ni bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / rdzu 'phrul gyi yul dang / lha'i rna ba dang / sems yongs su shes pa dang / sngon gyi gnas dang / 'chi 'pho dang skye ba dang / zag pa zad pa thob pa yin no/ /dge slong 'di ni dgra bcom pa rnam par thar pa brgyad la bsam gtan pa yin no/ /dge slong 'di ni gnyi ga'i cha las rnam par grol ba yin no zhes gcig gis gcig gi yon tan bsgrag par byas so/ /ci yang dag pas sam/ yang dag pa ma yin pas yang dag pa ma yin pas so/ khyed cag zang zing cung zad tsam gyi phyir mi'i chos bla ma med la med bzhin du smrar rung ngam/ rung yang srid mi rung yang srid de/ 'di ltar bdag cag gis smras so/ /dge slong don nyung ngu dag ci'i phyir dge slong dag zang zing cung zad tsam gyi phyir mi'i chos bla ma med la med bzhin du smra bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa snga ma bzhin no/ / sangs rgyas bcom ldan 'das kyis chu klung yid 'ong ldan gyi 'gram na gnas pa'i dge slong rnams la smras pa/ dge slong dag khyod kyis zang zing cung zad tsam gyi phyir mi'i chos bla ma med la med bzhin du smras pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad do/ /dge slong dag gsum po 'di dag ni 'jig rten na yod cing srid pa'i rkun po rkun po chen po yin te/ gsum gang zhe na/ dge slong dag 'di la rkun po 'khor brgya dang ldan pa 'am/ 'khor stong dang ldan pa de brgya 'am stong gi mdun du song ste/ khyim 'bugs par byed/ mdud pa 'grol bar byed/ ril gyis 'phrog par byed/ lam bsgugs shing 'dug par byed/ me gtong bar byed/ lam pa 'joms par byed/ rgyal po'i mdzod rku bar byed/ grong 'joms par byed/ grong khyer 'joms par byed/ yul 'joms par byed pa de ni dge slong 'jig rten na yod cing srid pa'i rkun po rkun po chen po dang po yin no/ /dge slong dag gzhan yang rkun po rkun po chen po 'khor brgya dang ldan pa yang ma yin/ 'khor stong dang yang ldan pa ma yin la/ de brgya 'am/ stong gi mdun du song ste/ khyim 'bugs par mi byed/ mdud pa 'grol bar mi byed/ ril gyis 'phrogs par mi byed/ lam sgugs shing 'dug par mi byed/ me gtong bar mi byed/ lam pa 'joms par mi byed/ rgyal po'i mdzod rku bar mi byed/ grong 'joms par mi byed/ grong khyer 'joms par mi byed/ yul 'joms par mi byed mod kyi/ 'on kyang dge 'dun gyi rtsa 'am/ shing ngam/ me tog gam/ 'bras bu 'am/ 'od ma 'am/ gzhal ba gang yang rung ba de btsongs shing btsongs shing 'tsho bar byed pa dang / des khyim mi gso bar byed pa 'di ni 'jig rten na yod cing srid pa'i rkun po rkun po chen po gnyis pa yin no/ /dge slong dag gzhan yang rkun po rkun po chen po 'khor brgya dang ldan pa yang ma yin/ 'khor stong dang ldan pa yang ma yin la/ de brgya 'am/ stong gi mdun du song ste/ khyim 'bugs par mi byed/ mdud pa 'grol bar mi byed/ ril gyis 'phrog par mi byed/ lam sgugs shing 'dug par mi byed/ me gtong bar mi byed/ lam pa 'joms par mi byed/ rgyal po'i mdzod rku bar mi byed/ grong 'joms par mi byed/ grong khyer 'joms par mi byed/ yul 'joms par mi byed/ dge 'dun gyi rtswa 'am/ shing ngam/ me tog gam/ 'bras bu 'am/ 'od ma 'am/ gzhal ba gang yang rung ba de btsongs shing btsongs shing 'tsho bar mi byed la/ des khyim mi gso bar mi byed mod kyi 'on kyang mi chos bla ma med la med bzhin du smra bar byed pa 'di ni 'jig rten na yod cing srid pa'i rkun po rkun po chen po gsum pa yin no/ /dge slong dag rkun po rnams kyi nang na rkun po gang 'khor brgya dang ldan pa 'am/ 'khor stong dang ldan pa 'am/ brgya 'am stong gi mdun du song ste/ khyim 'bugs par byed/ mdud pa 'grol bar byed/ ril gyis 'phrog par byed/ lam sgugs shing 'dug par byed/ me gtong bar byed/ lam pa 'joms par byed/ rgyal po'i mdzod rku bar byed/ grong 'joms par byed/ grong khyer 'joms par byed/ yul 'joms par byed pa de ni cung zad tsam yin no/ /rkun po rnams kyi nang na rkun po gang dge 'dun gyi rtswa 'am/ shing ngam/ me tog gam/ 'bras bu 'am/ 'od ma 'am/ gzhal ba gang yang rung ba de btsongs shing btsongs shing 'tsho bar byed pa dang / des khyim mi gso bar byed pa de yang cung zad tsam yin no/ /dge slong dag rkun po rnams kyi nang na gang mi'i chos bla ma med la med bzhin du smra bar byed pa de ni 'jig rten lha dang bcas pa/ bdud dang bcas pa/ tshangs pa dang bcas pa/ dge sbyong dang bram zer bcas pa'i skye dgu dang / lha dang mir bcas pa'i nang na rkun po rkun po chen po yin no bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to/ /'di na gang zhig dgra bcom ma gyur par/ /bdag nyid dgra bcom yin zhes brjod byed pa/ /de ni tshangs bcas 'jig rten rkun po ste/ /tshul khrims 'chal ba yin par brjod par bya/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas ngas 'dul ba la nyan thos rnams kyi bslab pa'i gzhi bca' bar bya ste/ dge 'dun bsdu ba'i phyir zhes bya ba nas/ nga'i tshangs par spyod pa skye bo mang po la phan pa yangs par gyur pa lha dang mi'i bar la yang dag par bstan pa yun ring du gnas par bya ba'i bar snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang mngon par mi shes shing yongs su mi shes la/ mi'i chos bla ma mtha' dang / 'phags pa dang bye brag thob pa dang / shes pa dang / mthong ba dang / reg par spyod pa med la med bzhin du 'di shes so/ /'di mthong ngo zhes khas 'ches pa las/ de ltung ba byung ba rnam par dag par 'dod nas dus gzhan zhig na dris kyang rung ma dris kyang rung / 'di skad ces tshe dang ldan pa dag bdag gis ni mi shes par shes so zhes smras/ ma mthong bar mthong ngo zhes smras te/ gsob gsog brdzun du smras so zhes zer na/ dge slong de yang pham par gyur pa yin gyis gnas par mi bya'o zhes bcom ldan 'das kyis 'dul ba la nyan thos rnams kyi bslab pa'i gzhi bca' bar mdzad do/ /dge slong rab tu mang po gnas mal dgon pa nags khrod dang / ri drung dang / bas mtha' dag na rnal 'byor gyi rjes su brtson par gnas pa dag gis zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig rten pa'i yid la byed pas nyon mongs pa dag rnam par mnan pas des na 'dod pa la 'dod chags dang / gnod sems dag de dag gi rgyud la kun du mi 'byung nas de'i 'og tu de dag gis gcig la gcig tshe dang ldan pa dag shes par gyis shig /dgon pa pa dag gis thob par bya ba gang yin pa de bdag cag gis thob ste/ bdag cag skye ba ni zad/ tshangs par spyad pa ni bsten/ bya ba ni byas/ srid pa 'di las gzhan ni mi shes kyis/ tshur shog bdag cag gnas mal dgon pa dag btang ste/ gnas mal grong mtha' ba dag tu 'jug par bya'o zhes brjod nas/ de dag gis gnas mal dgon pa dag btang ste/ gnas mal grong mtha' ba dag tu zhugs pa dang / der de dag yang dang yang du bud med kyi yul mthong zhing kun dga' ra ba'i dge tshul rnams dang / lhan cig 'dre zhing gnas pa dag la yang nyon mongs pa dag byung bar gyur te/ 'dod pa la 'dod chags dang / gnod sems dag rgyud la kun tu byung bar gyur nas de dag 'di snyam du sems te/ tshe dang ldan pa dag shes par gyis shig /bcom ldan 'das kyis 'dul ba la nyan thos rnams kyis bslab pa'i gzhi 'di ltar bca' ba mdzad de/ yang dge slong gang mngon par mi shes shing yongs su mi shes la mi'i chos bla ma mtha' dang / 'phags pa dang / bye brag thob pa dang / shes pa dang / mthong ba dang / reg par spyod pa med la med bzhin du 'di shes so/ /'di mthong ngo zhes khas 'ches pa las de ltung ba byung ba rnam par dag par 'dod nas dus gzhan zhig na dris kyang rung ma dris kyang rung / 'di skad ces tshe dang ldan pa dag bdag gis ni mi shes par shes so zhes smras/ ma mthong bar mthong ngo zhes smras te/ gsob gsog brdzun du smras so zhes zer na dge slong de yang pham par gyur pa yin gyi gnas par mi bya'o/ /zhes bca' ba mdzad na/ bdag cag gnas mal dgon pa nags khrod dang / ri drung dang / bas mtha' dag na gnas pa dag gis zhi gnas rgyu mtshan rang gi mtshan nyid 'dzin pa cung zad cig la brten nas 'jig rten pa'i yid la byed pas nyon mongs pa dag rnam par mnan pas 'dod pa la 'dod chags dang / gnod sems dag rgyud la kun tu mi 'byung nas/ bdag cag gis gcig la gcig tshe dang ldan pa dag shes par gyis shig /dgon pa dag gis thob par bya ba gang yin pa de dag bdag cag gis thob ste/ bdag cag skye ba ni zad/ tshangs par spyad pa ni bsten/ bya ba ni byas/ srid pa 'di las gzhan ni mi shes kyis/ tshur sheg bdag cag gnas mal dgon pa dag btang ste/ gnas mal grong mtha' ba dag tu 'jug par bya'o zhes brjod nas/ bdag cag gis gnas mal dgon pa dag btang ste/ gnas mal grong mtha' ba dag tu zhugs pa dang / der bdag cag yang dang yang du bud med kyi yul mthong zhing / kun dga' ra ba'i dge tshul rnams dang lhan cig 'dre zhing gnas pa dag la yang nyon mongs pa dag byung bar gyur te/ 'dod pa la 'dod chags dang / gnod sems dag rgyud la kun tu byung bar ma gyur na/ bdag cag la pham par gyur pa'i ltung ba byung bar ma gyur tam/ tshur shog bdag cag tshe dang ldan pa kun dga' bo ga la ba der dong zhing phyin nas/ tshe dang ldan pa kun dga' bo la don de yongs su dri bar bya ste/ bdag cag la tshe dang ldan pa kun dga' bos ji skad du lung ston par 'gyur ba de kho na bzhin du gzung bar bya'o snyam nas/ de dag tshe dang ldan pa kun dga' bo ga la ba der song ste phyin nas/ tshe dang ldan pa kun dga' bo la 'di skad ces smras so/ /tshe dang ldan pa kun dga' bo mkhyen par mdzod cig /bcom ldan 'das kyis 'dul ba la nyan thos rnams kyi bslab pa'i gzhi 'di ltar bca' ba mdzad de/ yang dge slong gang mngon par mi shes shing yongs su mi shes la/ mi'i chos bla ma mtha' dang / 'phags pa dang / bye brag thob pa dang / shes pa dang / mthong ba dang / reg par spyod pa med pas med bzhin du 'di shes so/ /'di mthong ngo / / zhes khas 'ches pa las/ de ltung ba byung ba rnam par dag par 'dod nas dus gzhan zhig na dris kyang rung ma dris kyang rung 'di skad ces tshe dang ldan pa dag bdag gis ni mi shes par shes so zhes smras/ ma mthong bar mthong ngo zhes smras te/ gsob gsog brdzun du smras so/ /zhes zer na/ dge slong de yang pham par gyur pa yin gyis gnas par mi bya'o zhes bca' ba mdzad na/ bdag cag gnas mal dgon pa nags khrod dang / ri drung dang bas mtha' dag na gnas pa dag gis zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig rten pa'i yid la byed pas nyon mongs pa dag rnam par mnan pas 'dod pa la 'dod chags dang / gnod sems dag rgyud la kun du mi 'byung nas/ bdag cag gis gcig la gcig tshe dang ldan pa dag shes par gyis shig /dgon pa pa dag gis thob par bya ba gang yin pa de bdag cag gis thob ste/ bdag cag skye ba ni zad / tshangs par spyod pa ni bsten/ bya ba ni byas/ srid pa 'di las gzhan ni mi shes kyis/ tshur sheg bdag cag gnas mal dgon pa dag btang ste/ gnas mal grong mtha' ba dag tu 'jug par bya'o zhes brjod nas/ bdag cag gis gnas mal dgon pa dag btang ste/ gnas mal grong mtha' ba dag tu zhugs pa dang / der bdag cag yang dang yang du bud med kyi yul mthong zhing kun dga' ra ba'i dge tshul rnams dang / lhan cig 'dre zhing gnas pa dag la yang nyon mongs pa dag byung bar gyur te/ 'dod pa la 'dod chags dang / gnod sems dag rgyud la kun tu byung bar gyur na/ bdag cag la pham par gyur pa'i ltung ba byung bar ma gyur tam/ tshur sheg bdag cag tshe dang ldan pa kun dga' bo ga la ba der 'dong zhing phyin nas tshe dang ldan pa kun dga' bo la don de yongs su dri bar bya ste/ bdag cag la tshe dang ldan pa kun dga' bos ji skad du lung ston par 'gyur ba de kho na bzhin du gzung bar bya'o snyam nas/ bdag cag tshe dang ldan pa kun dga' bo la don de yongs su 'dri na/ tshe dang ldan pa bdag cag la pham par gyur pa'i ltung ba 'byung bar ma gyur tam/ de nas tshe dang ldan pa kun dga' bos dge slong rab tu mang po de dag khrid de/ bcom ldan 'das ga la ba der song ste phyin pa dang / bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ / btsun pa bcom ldan 'das kyis 'dul ba la nyan thos rnams kyi bslab pa'i gzhi 'di ltar bca' ba mdzad de/ yang dge slong gang mngon par mi shes shing yongs su mi shes la mi'i chos bla ma mtha' dang / 'phags pa dang / bye brag thob pa dang / shes pa dang / mthong ba dang / reg par spyod pa med la med bzhin du 'di shes so/ /'di mthong ngo / /zhes khas 'ches pa las de ltung ba byung ba rnam par dag par 'dod nas dus gzhan zhig na dris kyang rung / ma dris kyang rung 'di skad ces tshe dang ldan pa dag bdag gis ni mi shes par shes so zhes smras/ ma mthong bar mthong ngo zhes smras ste/ gsob gsog brdzun du smras so/ /zhes zer na dge slong de yang pham par gyur pa yin gyis gnas par mi bya'o zhes bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad na/ tshe dang ldan pa gnas mal dgon pa nags khrod dang / ri drung dang / bas mtha' dag na gnas pa 'di dag gis zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig rten pa'i yid la bgyid pas nyon mongs pa dag rnam par mnan pas 'dod pa la 'dod chags dang / gnod sems dag rgyud la kun du mi 'byung nas/ 'di dag gis gcig la gcig tshe dang ldan pa dag shes par gyis shig /dgon pa pa dag gis thob par bya ba gang yin pa de bdag cag gis thob ste/ bdag cag skye ba ni zad/ tshangs par spyod pa ni bsten/ bya ba ni byas/ srid pa 'di las gzhan ni mi shes kyis/ tshur shog bdag cag gnas mal dgon pa dag btang ste gnas mal grong mtha' ba dag tu 'jug par bya'o zhes brjod nas/ 'di dag gis gnas mal dgon pa dag btang ste gnas mal grong mtha' ba dag tu zhugs pa dang / der 'di dag yang dang yang du bud med kyi yul mthong zhing kun dga' ra ba pa'i dge tshul rnams dang lhan cig 'dre zhing gnas pa dag la yang nyon mongs pa dag byung bar gyur te/ 'dod pa la 'dod chags dang / gnod sems dag rgyud la kun du byung bar gyur nas/ 'di dag bdag cag la pham par gyur ba'i ltung ba byung bar ma gyur tam/ snyam du 'gyod pa skyes par gyur na de'i slad du bdag bcom ldan 'das la don 'di yongs su zhu ste/ 'di dag la pham par gyur pa'i ltung ba byung bar ma gyur tam/ bcom ldan 'das kyis bka' stsal pa/ kun dga' bo de lta bas na mngon pa'i nga rgyal ma gtogs so/ /de nas bcom ldan 'das kyis rnam grangs du mas bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang rjes su 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni rjes su gnang ba yin te nga'i nyan thos rnams kyis 'dul ba la bslab pa'i gzhi 'di ltar gdon par bya'o/ /yang dge slong gang mngon par mi shes shing yongs su mi shes la/ mi'i chos bla ma mtha' dang / 'phags pa dang / bye brag thob pa dang / shes pa dang / mthong ba dang / reg par spyod pa med la med bzhin du 'di shes so/ / 'di mthong ngo zhes khas 'ches pa las de ltung ba byung ba rnam par dag par 'dod nas dus gzhan zhig na dris kyang rung / ma dris kyang rung / 'di skad ces tshe dang ldan pa dag bdag gis ni mi shes par shes so zhes smras/ ma mthong bar mthong ngo zhes smras te/ gsob gsog brdzun du smras so zhes zer na mngon pa'i nga rgyal ma gtogs te/ dge slong de yang pham par gyur pa yin gyis gnas par mi bya'o/ /yang dge slong gang zhes bya ba ni dge slong bzhi po dag las zhes bya ba nas don gyi skabs 'dir ni gsol ba dang bzhi'i las mi g.yo ba bzhag par mi 'os pas bsnyen par rdzogs pa gang yin pa de dge slong du dgongs te zhes bya ba'i bar du snga ma bzhin te/ des na yang dge slong gang zhes gsungs so/ /mngon par mi shes shing zhes bya ba la ci zhig mngon par mi shes shing zhe na/ gzugs mngon par mi shes pa dang / tshor ba dang / 'du shes dang / 'du byed rnams dang / rnam par shes pa mngon par mi shes shing ngo / yongs su mi shes la zhes bya ba la ci zhig yongs su mi shes la zhe na/ gzugs nyid yongs su mi shes pa dang / tshor ba dang / 'du shes dang / 'du byed rnams dang / rnam par shes pa yongs su mi shes la'o/ /mi'i chos shes bya ba ni mi rnams kyi chos mya ngan las 'das pa ste/ de mi rnams kyis 'thob kyi za ma dang / ma ning dang / mtshan gnyis pa dag gis kyang mi 'thob na sems can dmyal ba dang / dud 'gro dang / yi dags rnams gyis lta smos kyang ci dgos pa'i phyir ro/ /bla ma zhes bya ba ni 'dod pa'i khams pas gzugs kyi khams bla ma yin la/ gzugs kyi khams pas gzugs med pa'i khams bla ma yin pa'o/ / yang na mi'i chos zhes bya ba ni sgrib pa lnga po dag go/ /bla ma zhes bya ba ni de dag spangs pa gang yin pa'o/ /mtha' zhes bya ba la mtha' zhes bya ba ni mya ngan las 'das pa'o/ /'phags pa zhes bya ba la 'phags pa ni sangs rgyas rnams dang / sangs rgyas kyi nyan thos rnams so/ /bye brag thob pa zhes bya ba la bye brag thob pa ni dge sbyong gi tshul gyi 'bras bu bzhi po dag ste/ rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid do/ /shes pa zhes bya ba ni shes pa bzhi po dag ste/ sdug bsngal shes pa dang / kun 'byung ba shes pa dang / 'gog pa shes pa dang / lam shes pa'o/ /mthong ba shes bya ba ni mthong ba bzhi po dag ste/ sdug bsngal mthong ba dang / kun 'byung ba mthong ba dang / 'gog pa mthong ba dang / lam mthong ba'o/ /reg par spyod pa zhes bya ba la reg par spyod pa ni bsam gtan bzhi po dag ste/ snyoms par 'jug pa las yin gyi skye ba las ni ma yin no/ /med la zhes bya ba ni de'i dngos po med la'o/ /med bzhin du zhes bya ba ni bdag nyid la 'o/ /'di shes so zhes bya ba la ci zhig shes zhe na/ sdug bsngal shes pa dang / kun 'byung ba dang / 'gog pa dang / lam shes so zhes so/ /'di mthong ngo zhes bya ba la ci zhig mthong ngo zhe na/ lha rnams mthong ngo / /klu rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams mthong ngo / /lha rnams kyis kyang bdag mthong ngo / /klu rnams dang / gnod sbyin rnams dang / nam mkha' lding rnams dang / dri za rnams dang / mi 'am ci rnams dang / lto 'phye chen po rnams dang / yi dags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams kyis kyang bdag mthong ngo / /lha rnams kyi sgra thos so/ /klu rnams dang / gnod sbyin rnams dang / nam mkha' lding rnams dang / dri za rnams dang / mi 'am ci rnams dang / lto 'phye chen po rnams dang / yi dags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams kyi sgra thos so/ /lha rnams kyis kyang bdag gi sgra thos so/ /klu rnams dang / gnod sbyin rnams dang / nam mkha' lding rnams dang / dri za rnams dang / mi 'am ci rnams dang / lto 'phye chen po rnams dang / yi dags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams kyis kyang bdag gi sgra thos so/ /lha rnams blta ba'i phyir 'gro 'o/ /klu rnams dang / gnod sbyin rnams dang / nam mkha' lding rnams dang / dri za rnams dang / mi 'am ci rnams dang / lto 'phye chen po rnams dang / yi dags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams blta ba'i phyir 'gro'o/ /lha rnams bdag blta ba'i phyir 'ong ngo / /klu rnams dang / gnod sbyin rnams dang / nam mkha' lding rnams dang / dri za rnams dang / mi 'am ci rnams dang / lto 'phye chen po rnams dang / yi dags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams bdag blta ba'i phyir 'ong ngo / /lha rnams dang lhan cig gtam 'dre bar byed/ phebs par smra bar byed/ so sor kun dga' bar byed/ kun du yang lhan cig gnas par byed do/ /klu rnams dang / gnod sbyin rnams dang / nam mkha' lding rnams dang / dri za rnams dang / mi 'am ci rnams dang / lto 'phye chen po rnams dang / yi dags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed do/ /lha rnams bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed do/ / klu rnams dang / gnod sbyin rnams dang / nam mkha' lding rnams dang / dri za rnams dang / mi 'am ci rnams dang / lto 'phye chen po rnams dang / yi dags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed do/ /ma thob bzhin du bdag gis mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par sngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang / rnam par 'bus gzhigs pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang / rus gong gi 'du shes dang / stong pa nyid du so sor rtog pa'i 'du shes thob bo/ /ma thob bzhin du bdag gis bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid kyi 'bras bu dang / rdzu 'phrul gyi yul dang / lha'i rna ba dang / sems yongs su shes pa dang / sngon gyi gnas dang / 'chi 'pho dang skye ba dang / zag pa zad pa thob bo/ /bdag ni dgra bcom pa rnam par thar pa brgyad la bsam gtan pa dang / gnyi ga'i cha las rnam par grol ba yin no zhes pa'o/ /khas 'ches pa las zhes bya ba ni khas blangs pa las so/ /de ltung ba byung ba zhes bya ba ni gzhi de'i'o/ /rnam par dag par 'dod nas zhes bya ba ni rnam par ldang bar 'dod nas so/ /dus gzhan zhig na zhes bya ba ni dus gzhan na'o/ /dris kyang rung zhes bya ba ni gzhan dag gis so/ /ma dris kyang rung zhes bya ba ni de bdag nyid la 'gyod pa dang / cung zad 'gyod pa dang / rnam par 'gyod pa dang / rab tu 'gyod pa skyes pas so/ /'di skad ces tshe dang ldan pa dag bdag gis ni mi shes par shes so/ /zhes smras zhes bya ba ni yid kyi rnam par shes pas so/ /ma mthong bar mthong ngo zhes smras te/ zhes bya ba ni mig gi rnam par shes pas so/ /gsob gsog brdzun du smras so zhes bya ba de dag ni smras pa'i rnam grangs kyi tshig yin no/ /zer na zhes bya ba ni brjod na'o/ /mngon pa'i nga rgyal ma gtogs te zhes bya ba ni mngon pa'i nga rgyal bzhag ste'o/ /dge slong zhes bya ba ni gang la dge slong gi dngos po yod pa ste/ snga ma bzhin no/ /de yang zhes bya ba de ni nye bar bstan pa dang / kun tu bstan pa'i tshig bla dgas yin no/ /pham par gyur pa yin gyis zhes bya ba ni snga ma bzhin no/ /gnas par mi bya'o zhes bya ba yang gang zag bcu gnyis po dag gi bsko bar mi bya'o zhes bya ba'i bar du snga ma bzhin te/ des na gnas par mi bya'o zhes gsungs so/ /de la ltung ba ji ltar 'gyur zhe na/ /sdom la/ 'du shes bsgyur dang dgon pa dang / /khyim rnams su ni stan bkra dang / /rang gi mtshan nyid 'dzin pa dang / /bdag nyid nye bar ston pa'o/ /dge slong gis 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces lha rnams mthong ngo zhes zer na pham par 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar du mthong ngo zhes zer na pham par 'gyur ro/ /tha na 'di skad ces rdul khrod kyi sha za rnams mthong ngo zhes zer na nyes pa sbom por 'gyur ro/ /dge slong gis 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces lha rnams kyi sgra thos so zhes zer na pham par 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar gyi sgra thos so zhes zer na pham par 'gyur ro/ /tha na 'di skad ces rdul khrod kyi sha za rnams kyi sgra thos so zhes zer na nyes pa sbom por 'gyur ro/ /dge slong gis 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces lha rnams blta ba'i phyir 'gro'o zhes zer na pham par 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar blta ba'i phyir 'gro'o zhes zer na pham par 'gyur ro/ /tha na 'di skad ces rdul khrod kyi sha za rnams blta ba'i phyir 'gro'o zhes zer na nyes pa sbom por 'gyur ro/ /dge slong gis 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces lha rnams bdag blta ba'i phyir 'ong ngo zhes zer na pham par 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar du bdag blta ba'i phyir 'ong ngo zhes zer na pham par 'gyur ro/ /tha na 'di skad ces rdul khrod kyi sha za rnams kyang bdag blta ba'i phyir 'ong ngo zhes zer na nyes pa sbom por 'gyur ro/ /dge slong gis 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces lha rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na pham par 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na pham par 'gyur ro/ /tha na 'di skad ces rdul khrod kyi sha za rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na nyes pa sbom por 'gyur ro/ /dge slong gis 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces lha rnams bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na pham par 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar yang bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na pham par 'gyur ro/ /tha na 'di skad ces rdul khrod kyi sha za rnams kyang bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na nyes pa sbom por 'gyur ro/ /dge slong gis 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces ma thob bzhin du bdag gis mi rtag pa'i 'du shes thob bo zhes zer na pham par 'gyur ro/ /mi rtag pa la sdug bsngal ba'i 'du shes nas snga ma bzhin du stong pa nyid du so sor rtog pa'i 'du shes kyi bar du thob bo zhes zer na pham par 'gyur ro/ /dge slong gis 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces ma thob bzhin du bdag gis bsam gtan dang po thob bo zhes zer na pham par 'gyur ro/ /de bzhin du gnyis pa dang / gsum pa dang / bzhi pa dang / snga ma bzhin du bdag dgra bcom pa rnam par thar pa brgyad la bsam gtan pa dang / gnyi ga'i cha las rnam par grol ba'o zhes zer na pham par 'gyur ro// //'dul ba rnam par 'byed pa/ bam po bcu bzhi pa/ 'di ltar dge slong rab tu mang po dag grong med pa'i dgon pa'i gnas shig na gnas shing de na de dag la mi ma yin pa dag gis 'tshe ba na/ de na dge slong gang rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa yin pa de la de na mi ma yin pa dag gis 'tshe bar mi byed nas/ dge slong gis 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag kyang grong med pa'i dgon pa'i gnas de na gnas te/ de na bdag la mi ma yin pa rnams 'tshe bar mi byed do zhes zer na pham par 'gyur ro/ /'di ltar dge slong rab tu mang po dag khyim rnams su 'gron du bos te za bar byed cing / de na de dag la stan khra bo nye bar bkra ba dag bshams shing / de na dge slong gang rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa yin pa de la de na stan khra bo nye bar bkra ba dag shom par byed nas/ dge slong gis 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag kyang khyim der 'gron du bos shing zos te de na bdag la yang stan khra bo nye bar bkra ba dag shom par byed do/ /zhes zer na pham par 'gyur ro/ /'di ltar dge slong rab tu mang po dgon pa na gnas pa dag gis zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig rten pa'i lam gyis nyon mongs pa dag rnam par mnan pas 'dod pa la 'dod chags dang / gnod sems dag rgyud la kun du mi 'byung nas/ dge slong gis 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag kyang grong med pa'i dgon pa'i gnas de na gnas shing bdag gis kyang de na gnas pa na zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig rten pa'i lam gyis nyon mongs pa dag rnam par mnan pas 'dod pa la 'dod chags dang / gnod sems dag bdag gi rgyud la yang kun tu mi 'byung ngo zhes zer na nyes pa sbom por 'gyur ro/ /dge slong gis bdag nyid la nye bar ston pas 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces dge slong gang gis lha rnams mthong ba de yod do zhes zer zhing 'di skad ces kho bo 'o zhes ni mi zer na nyes pa sbom por 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar du mthong ba yod do zhes zer zhing / 'di skad ces kho bo 'o zhes ni mi zer na nyes pa sbom por 'gyur ro/ /tha na 'di skad ces dge slong gang gis rdul khrod kyi sha za rnams mthong ba de yod do zhes zer zhing / 'di skad ces kho bo'o zhes ni mi zer na nyes byas su 'gyur ro/ /dge slong gis bdag nyid la nye bar ston pas 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces dge slong gang gis lha rnams kyi sgra thos pa de yod do zhes zer zhing / 'di skad ces kho bo'o zhes ni mi zer na nyes pa sbom por 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar gyi sgra thos pa yod do zhes zer zhing / 'di skad ces kho bo'o zhes ni mi zer na nyes pa sbom por 'gyur ro/ /tha na 'di skad ces dge slong gang gis rdul khrod kyi sha za rnams kyi sgra thos pa de yod do zhes zer zhing / 'di skad ces kho bo'o zhes ni mi zer na nyes byas su 'gyur ro/ /dge slong gis bdag nyid la nye bar ston pas 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces dge slong gang lha rnams blta ba'i phyir 'gro ba de yod do zhes zer zhing / 'di skad ces kho bo'o zhes ni mi zer na nyes pa sbom por 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar du blta ba'i phyir 'gro ba de yod do zhes zer zhing / 'di skad ces kho bo 'o zhes ni mi zer na nyes pa sbom por 'gyur ro/ /tha na 'di skad ces dge slong gang rdul khrod kyi sha za rnams blta ba'i phyir 'gro ba de yod do zhes zer zhing / 'di skad ces kho bo'o zhes ni mi zer na nyes byas su 'gyur ro/ /dge slong gis bdag nyid la nye bar ston pas 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces dge slong gang la lha rnams blta ba'i phyir 'ong ba de yod do zhes zer zhing / 'di skad ces kho bo'o zhes ni mi zer na nyes pa sbom por 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar du blta ba'i phyir 'ong ba yod do zhes zer zhing / 'di skad ces kho bo'o zhes ni mi zer na nyes pa sbom por 'gyur ro/ /tha na 'di skad ces dge slong gang la rdul khrod kyi sha za rnams blta ba'i phyir 'ong ba yod do zhes zer zhing / 'di skad ces kho bo'o zhes ni mi zer na nyes byas su 'gyur ro/ /dge slong gis bdag nyid la nye bar ston pas 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces dge slong gang lha rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa de yod do zhes zer zhing 'di skad ces kho bo'o zhes ni mi zer na nyes pa sbom por 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa de yod do zhes zer zhing / 'di skad ces kho bo'o zhes ni mi zer na nyes pa sbom por 'gyur ro/ /tha na 'di skad ces dge slong gang rdul khrod kyi sha za rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa yod do zhes zer zhing / 'di skad ces kho bo'o zhes ni mi zer na nyes byas su 'gyur ro/ /dge slong gis bdag nyid la nye bar ston pas 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces dge slong gang dang lhan cig lha rnams gtam 'dre bar byed/ phebs par smra bar byed/ /so sor kun dga' bar byed/ rtag tu yang lhan cig gnas par byed pa de yod do zhes zer zhing / 'di skad ces kho bo'o zhes ni mi zer na nyes pa sbom por 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar yang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa de yod do zhes zer zhing / 'di skad ces kho bo'o zhes ni mi zer na nyes pa sbom por 'gyur ro/ /tha na 'di skad ces dge slong gang dang lhan cig rdul khrod kyi sha za rnams dang lhan cig gtam 'dre bar byed/ phebs par smra bar byed/ /so sor kun dga' bar byed/ rtag tu yang lhan cig gnas par byed pa de yod do zhes zer zhing / 'di skad ces kho bo'o zhes ni mi zer na nyes byas su 'gyur ro/ /dge slong gi bdag nyid la nye bar ston pas 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces dge slong gang gis mi rtag pa'i 'du shes thob pa de yod do zhes zer zhing 'di skad ces kho bo'o zhes ni mi zer na nyes pa sbom por 'gyur ro/ /mi rtag pa'i 'du shes ji lta ba de bzhin du gang gis snga ma bzhin du stong pa nyid du so sor rtog pa'i 'du shes kyi bar du thob pa de yod do zhes zer zhing / 'di skad ces kho bo'o zhes ni mi zer na nyes pa sbom por 'gyur ro/ / dge slong gis bdag nyid la nye bar ston pas 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces dge slong gang gis bsam gtan dang po thob pa de yod do zhes zer zhing / 'di skad ces kho bo'o zhes ni mi zer na nyes pa sbom por 'gyur ro/ /bsam gtan dang po ji lta ba de bzhin du gang gis snga ma bzhin du gnyis pa dang / gsum pa dang / bzhi pa nas dge slong gang dgra bcom pa rnam par thar pa brgyad la bsam gtan pa dang / gnyi ga'i cha las rnam par grol ba'i bar de yod do zhes zer zhing / 'di skad ces kho bo'o zhes ni mi zer na nyes pa sbom por 'gyur ro/ /'di ltar dge slong rab tu mang po dag grong med pa'i dgon pa'i gnas shig na gnas shing de la de dag na mi ma yin pa dag gis 'tshe ba na dge slong gang rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa yin pa de la de na mi ma yin pa dag gis 'tshe bar mi byed nas dge slong gis bdag nyid la nye bar ston pas 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces dge slong gang grong med pa'i dgon pa'i gnas de na gnas pa de la de na mi ma yin pa rnams 'tshe bar mi byed pa de yod do zhes zer zhing / 'di skad ces kho bo'o zhes ni mi zer na nyes pa sbom por 'gyur ro/ /'di ltar dge slong rab tu mang po dag khyim rnams su 'gron du bos te za bar byed cing de na de dag la stan khra bo nye bar bkra ba dag bshams shing de na dge slong gang rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa yin pa de la de na stan khra bo nye bar bkra ba dag shom par byed nas/ dge slong gis bdag nyid la nye bar ston pas 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces dge slong gang khyim der 'gron du bos shing zos te/ de na de la yang stan khra bo nye bar bkra ba dag shom par byed pa de yod do zhes zer zhing / 'di skad ces kho bo'o zhes ni mi zer na nyes pa sbom por 'gyur ro/ /'di ltar dge slong rab tu mang po dag dgon pa na gnas pa dag gis zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig rten pa'i lam gyis nyon mongs pa dag rnams par mnan pas 'dod pa la 'dod chags dang gnod sems dag rgyud la kun du mi 'byung nas dge slong gis bdag nyid la nye bar ston pas 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces dge slong gang gis grong med pa'i dgon pa'i gnas de na gnas shing zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig rten pa'i lam gyis nyon mongs pa dag rnam par mnan pas 'dod pa la 'dod chags dang / gnod sems dag rgyud la kun du mi 'byung ba de yod do zhes zer zhing / 'di skad ces kho bo'o zhes ni mi zer na nyes byas su 'gyur ro/ /sdom la/ phan tshun zhe ni 'gras pa dang / /char 'bab pa dang mtshan gyur dang / /rgyal po'i khab kyi chu dron dang / /glang chen rnams kyi sgra skad do/ /sangs rgyas bcom ldan 'das yangs pa can na spre'u rdzing gi 'gram khang pa brtsegs pa'i khang bzangs na bzhugs so/ /de'i tshe na lus 'phags ma'i bu ma ga d+har byung ba'i rgyal po ma skyes dgra dang / yangs pa can gyi lid tsa bi rnams phan tshun zhe 'gras par gyur to/ /de nas lus 'phags ma'i bu ma ga d+har byung ba'i rgyal po ma skyes dgras dpung gi tshogs yan lag bzhi pa glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te/ yul spong byed gzhom par brtsams pa dang / yul spong byed na gnas pa'i skye bo'i tshogs kyis yangs pa can gyi lid tsa bi rnams la shes ldan dag lus 'phags ma'i bu ma ga d+har byung ba'i rgyal po ma skyes dgras dpung gi tshogs yan lag bzhi po glang po che ba'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te yul spong byed 'joms par byed do zhes ra mda' ba bzlog go/ /yangs pa can gyi lid tsa bi rnams kyis thos nas de dag gis kyang dpung gi tshogs yan lag bzhi pa glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te/ yangs pa can nas 'byung bar brtsams pa dang / de dag 'byung ba na tshe dang ldan pa maud gal gyi bu chen po yang snga dro sham thabs bgos lhung bzed dang chos gos thogs te yangs pa can du bsod snyoms la zhugs so/ /yangs pa can gyi lid tsa bi rnams kyis tshe dang ldan pa maud gal gyi bu chen po thag ring po kho na nas mthong ngo / / mthong nas kyang de dag 'di snyam du sems te/ shes ldan dag 'di ni mchog gsum pa yin te/ 'dis mi shes pa 'am/ mi mthong ba 'am/ ma rig pa 'am/ rnam par mi shes pa cung zad kyang med do zhes grag gis bdag cag gis 'di la bdag cag gang rgyal bar 'gyur ba dri bar bya'o snyam nas/ de dag gis tshe dang ldan pa maud gal gyi bu chen po la dris pa/ 'phags pa lus 'phags ma'i bu ma ga d+hAr byung ba'i rgyal po ma skyes dgras yul spong byed 'joms par bgyid pas bdag cag g.yul 'gyed pa'i slad du mngon du mchi na/ bdag cag gang rgyal bar 'gyur/ maud gal gyi bu chen pos smras pa/ ba siSh+tha'i rigs dag khyed cag rgyal bar 'gyur ro/ /de dag 'phags pa maud gal gyi bu chen pos bdag cag rgyal bar lung bstan to zhes rangs pa dang / dga' ba dang / mchog tu dga' ba dang / mgu ba dang / yid bde ba skyes pa nas lus 'phags ma'i bu ma ga d+hAr byung ba'i rgyal po ma skyes dgra ma brtsis pa tsham tshom med pa kho nar de'i steng du brtul ba dang / de nas lus 'phags ma'i bu ma ga d+har byung ba'i rgyal po ma skyes dgra pham pa dang / skrag pa dang / bcom pa dang / gzhan rgyal ba dang / rgyab kyis phyogs par byas te/ chu klung gang gA'i 'gram du phyin to/ /yangs pa can gyi lid tsa bi rnams rgya cher rab tu dga' ba'i yid kyis phyi bzhin kho nar 'brang ba dang / lus 'phags ma'i bu ma ga d+har byung ba'i rgyal po ma skyes dgras bsams pa/ yangs pa can gyi lid tsa bi 'di dag ni gdug cing rnam par gnon pa yin pas gal te bdag gang gA'i nang du zhugs na yang 'di dag gis rgya mo 'am mchil pas dbyung bas 'byin par byed cing tshul ma yin pas sdug bsngal bar 'gyur ba'i gnas yod kyis bdag mngon du phyogs te shi ba ni legs so snyam du rig nas/ des 'chi ba'i shugs kyis bsngos pa dang / dpung thams cad phyir log nas yangs pa can gyi lid tsa bi rnams pham pa dang / skrag pa dang / bcom pa dang / gzhan rgyal ba dang / rgyab kyis phyogs par byas nas/ gar yang ma 'khor bar yangs pa can du zhugs nas/ sgo dag bcad de ra ba'i khar sbrengs nas 'dug go/ /lus 'phags ma'i bu ma ga d+har byung ba'i rgyal po ma skyes dgra g.yul las rnam par rgyal zhing yul spong byed bcom nas rgyal po'i khab tu song ngo / /de nas yangs pa can gyi lid tsa bi rnams lam po che dang / srang dang / bzhi mdo dang / sum mdo dag na 'phags pa maud gal gyi bu chen pos khyed cag rgyal bar 'gyur ro zhes bdag cag la lung bstan na/ de ci gal te bdag cag gi yangs pa can phrogs par gyur na de lta na rgyal bar 'gyur ram zhes smod par byed/ phyar kha gtong bar byed/ kha zer bar byed do/ /de dag smod par byed pa na drug sde dag kyang bsod snyoms la zhugs nas de dag gis de dag la 'phya ba thos nas drug ste dag gis smras pa/ shes ldan dag khyod cag su la smod/ khyed cag la'o/ /'phags pa maud gal gyi bu chen pos khyed cag rgyal bar 'gyur ro zhes bdag cag la lung bstan na/ de ci gal te bdag cag gi yangs pa can phrogs par gyur na de lta na rgyal bar 'gyur ram/ drug sde dag gis smras pa/ shes ldan dag dang por g.yul sprad pa gang yin pa der su rgyal/ kho bo cag go/ /gal te khyed cag rgyal na de'i 'og tu ci'i phyir ldog par mi byed/ ci yul ma ga d+ha bcom ste rgyal po'i khab len par 'dod dam/ khyed cag gi ha cang mnan na wa yang seng ge lta bur 'gyur ro zhes bya ba ma thos sam/ de dag spobs pa med par gyur nas cang mi smra bar 'khod pa dang / drug ste dag gis smras pa/ dga' bo nye dga' de dag la go bar byas zin mod kyi 'on kyang don nyung ngu de la ltung ba byung gis tshur sheg de'i gan du dong la 'chags su gzhug go zhes de dag zas kyi bya ba byas nas phyag 'tshal te tshe dang ldan pa maud gal gyi bu chen po ga la ba der dong nas phyin pa dang / tshe dang ldan pa maud gal gyi bu chen po la 'di skad ces smras so/ /gnas brtan phyag 'tshal lo/ /tshe dang ldan pa dag a rog khya/ gnas brtan je skabs phye shig /tshe dang ldan pa dag ltung ba sde lnga po dag la skabs phye'o/ /gnas brtan gyis yangs pa can gyi li tsa bi rnams la rgyal bar lung bstan tam/ lung bstan to/ /ci gal te de dag gi yangs pa can phrogs par gyur na de lta na rgyal bar 'gyur ram/ khyod lhung bzed nag pos 'tsho bar mi byed pas des na kun shes pa brda sprod par byed cing de yang 'bras bu med par gyur te/ khyod kyis spyod yul bsregs pas bdag cag gis bsod snyoms kyang mi rnyed kyis/ khyed la ltung ba byung ba de chos bzhin du slar mdzod cig /tshe dang ldan pa dag ltung ba ma mthong ngo / /drug sde rnams kyis smras pa/ tshe dang ldan pa dag bcom ldan 'das kyis ltung ba ma mthong ba'i phyir gnas nas dbyung ba'i las bya'o zhes gsungs pas de'i phyir 'di la ci'i phyir lhag par btang snyoms su bya/ khang skyong su yin/ che ge mo zhig go/ /bos shig /bos so/ /tshe dang ldan pa gaN DI rdungs shig /maud gal gyi bu chen po don nyung ngu la ltung ba byung ba chos bzhin du phyir mi byed pas/ de ltung ba ma mthong ba'i phyir gnas nas dbyung ba'i las bya'o/ /khang skyong dge 'dun gyi gnas brtan gyi gan du song ba dang / drug sde dag kyang de dang lhan cig dong ngo / /de'i tshe na tshe dang ldan pa shA ri'i bu dge 'dun gyi gnas brtan byed de/ de rtag tu gaN DI brdungs pa na tshe dang ldan pa su zhig yongs su gnas pa 'am/ gzhi nas yongs su gnas pa 'am/ mgu bar bya ba 'am/ gzhi nas mgu bar bya ba 'am/ 'byin par byed ces chos kyi dbang du byas pa rmed par byed do/ /drug sde dag gis smras pa/ gnas brtan su 'ang yongs su gnas pa 'am/ gzhi nas yongs su gnas pa 'am/ mgu bar bya ba 'am/ gzhi nas mgu bar bya ba 'am/ 'byin pa mi bgyid de/ 'di ltar tshe dang ldan pa maud gal gyi bu chen pos 'drums pa ltung bas bcom ldan 'das kyi bstan pa 'dral bar bgyid de/ lhung bzed nag pos 'tsho bar mi bgyid pas des na mi'i chos bla ma dam 'cha' zhing kun shes pa brda sprod par bgyid de/ de yang 'bras bu ma mchis par gyur nas des spyod yul bsregs pas bdag cag gis bsod snyoms kyang mi rnyed de/ de la ltung ba byung ba chos bzhin du slar mi bgyid pas de ltung ba ma mthong ba'i slad du gnas nas dbyung ba'i las bgyi'o/ /tshe dang ldan pa dag dge slong gnas brtan la tho ma brtsams par 'di ltar sangs rgyas bcom ldan 'das 'di thams cad mkhyen pa/ thams cad gzigs pa/ mkhyen pa dang shes bya dag la bla na med pa'i mnga' brnyes pa/ the tshom thams cad gcod par mdzad pa yin gyis de'i spyan sngar deng la don 'di zhus shig /bcom ldan 'das kyis khyed la ji skad lung ston pa de de kho na bzhin du zung shig /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag g.yul ngor dang po mi ma yin pa dag g.yul 'gyed cing / de'i 'og tu mi rnams g.yul 'gyed de/ gang du mi ma yin pa rnams rgyal bar 'gyur ba der mi rnams kyang rgyal bar 'gyur bas de'i phyir dge slong maud gal gyi bu chen pos yangs pa can gyi li tsa bi rnams la lung bstan pa de'i tshe na yangs pa can pa'i mi ma yin pa rnams kyis rgyal po'i khab pa'i mi ma yin pa rnams pham par byas so/ /gang gi tshe de dag gang gA'i 'gram du phyin pa de'i tshe rgyal po'i khab pa'i mi ma yin pa dag gis yangs pa can pa'i mi ma yin pa dag pham par byas so/ / gal te dge slong maud gal gyi bu chen po la de yang dris par gyur na/ dge slong maud gal gyi bu chen pos de yang lung ston par 'gyur ro/ /dge slong dag dge slong maud gal gyi bu chen po 'du shes de lta bus lung bstan pa la ltung ba med do/ /ji ltar yangs pa can pa dag gis sngar rgyal bar byas nas/ phyis rgyal po ma skyes dgras gang gA'i 'gram du 'chi ba'i shugs kyis bsdos pas pham par byas pa de bzhin du rgyal po ma skyes dgras sngar rgyal ba byas nas/ phyis yangs pa can pa dag gis gang gA'i 'gram du 'chi ba'i shugs kyis bsdos nas pham par byas pa yang de bzhin rgyas par sbyar bar bya'o/ /sangs rgyas bcom ldan 'das yangs pa can spre'u rdzing gi 'gram khang pa brtsegs pa'i khang bzangs na bzhugs so/ /de'i tshe na mu stegs can rnams kyis lo bcu gnyis su than pa 'byung bar bstan to/ /tshe dang ldan pa maud gal gyi bu chen po snga dro sham thabs bgos lhung bzed dang chos gos thogs te yangs pa can du bsod snyoms la zhugs pa dang / de la yangs pa can gyi li tsa bi rnams kyis dris pa/ 'phags pa yun ji srid kyis lhas char 'bebs par 'gyur/ des smras pa/ shes ldan dag nyi ma bdun 'das nas so/ /de dag 'phags pa maud gal gyi bu chen pos nyi ma bdun 'das nas lhas char 'bebs par 'gyur ro/ /zhes lung bstan to zhes de dag gi khyim dang bang ba na 'dug pa'i 'bru gang dag yin pa de dag kyang phyi rol tu khyer te bor ro/ /ji tsam na nyi ma bdun 'das nas lhas 'brug bsgrags shing sgra phyung nas sa rgyas btab ste btang ba dang / de dag lam po che dang / srang dang / bzhi mdo dang / sum mdo dag na shes ldan dag mu stegs can rnams dam pa yin gyi/ shAkya'i bu'i dge sbyong rnams ni de lta ma yin te/ rtag tu 'gro ba'i shing ljon pa bzhin du ngur smrig dag gis lus dag dkris shing 'khod par zad kyi cung zad kyang mi shes so zhes smod par byed/ phyar ka gtong bar byed/ kha zer bar byed do/ /de dag smod par byed pa na drug sde dag kyang bsod snyoms la zhugs nas de dag gis de dag smod pa thos nas drug sde dag gis smras pa/ shes ldan dag khyed cag su la smod/ khyed cag la'o/ /nged kyis ci byas/ mu stegs can rnams kyis lo bcu gnyis su than pa 'byung ba bstan na 'phags pa maud gal gyi bu chen pos nyi ma bdun 'das nas lhas char 'bebs par 'gyur ro zhes lung bstan nas/ bdag cag gis khyim dang bang ba na 'dug pa'i 'bru gang dag yin pa de dag kyang phyi rol tu khyer te bor na lhas char ma phab bo/ /drug sde dag gis smras pa/ shes ldan dag mu stegs can rnams kyi kun du spyod pa ni gal te sprin kyang yod/ sprin las 'brug kyang grag /glog kyang 'byung / phyogs bzhi nas rlung bsil ba dag kyang ldang / lhas khad kyis dal bu dal bus char cung zad kyang 'bebs pa de'i tshe na de dag dang / 'jig rten dag kyang lhas gdon mi za bar char 'bebs so zhes zer na/ char cher bab cing sa rgyas btab par gyur na lta smos kyang ci dgos pa yin no/ /'di ltar ci 'phags pa maud gal gyi bu chen pos lo tog thams cad 'grub par 'gyur ro/ /zhes lung bstan tam/ de dag spobs pa med par gyur nas cang mi smra bar 'khod pa dang / drug sde rnams kyis smras pa/ dga' bo nye dga' de dag la go bar byas zin mod kyi 'on kyang don nyung ngu de la ltung ba byung gis tshur sheg /de'i gan du dong la 'chags su gzhug go/ /zhes de dag zas kyi bya ba byas nas phyag 'tshal te/ tshe dang ldan pa maud gal gyi bu chen po ga la ba der dong nas phyin pa dang / tshe dang ldan pa maud gal gyi bu chen po la 'di skad ces smras so/ /gnas brtan phyag 'tshal lo/ /tshe dang ldan pa dag a rog khya/ gnas brtan je skabs phye shig /tshe dang ldan pa dag ltung ba sde lnga po dag la skabs phye'o/ /mu stegs can rnams kyis lo bcu gnyis su than pa 'byung ngo zhes bstan na/ khyod kyis char 'bab par 'gyur ro/ /zhes lung bstan gyis/ chos gos kyi grwa rdzab kyis ma rungs par gyur na mi rung gis theg shig /khyod lhung bzed nag pos 'tsho bar mi byed pas des na kun shes pa brda sprod par byed cing de yang 'bras bu med par gyur te/ khyod kyis spyod yul bsregs pas bdag cag gis bsod snyoms kyang mi rnyed kyis/ khyod la ltung ba byung ba de chos bzhin du slar mdzod cig /tshe dang ldan pa dag ltung ba ma mthong ngo / /drug sde rnams kyis smras pa/ tshe dang ldan pa dag bcom ldan 'das kyis ltung ba ma mthong ba'i phyir gnas dbyung ba'i las bya'o zhes gsungs pas de'i phyir 'di la ci'i phyir lhag par btang snyoms su bya/ khang skyong su yin/ che ge mo zhig go/ /bos shig /bos so/ /tshe dang ldan pa dag gaN DI rdungs shig /maud gal gyi bu chen po don nyung ngu ltung ba byung ba chos bzhin du phyir mi byed pas de ltung ba ma mthong ba'i phyir gnas nas dbyung ba'i las bya'o/ /khang skyong dge 'dun gyi gnas brtan gyi gan du song ba dang / drug sde dag kyang de dang lhan cig dong ngo / /de'i tshe na tshe dang ldan pa shA ri'i bu dge 'dun gyi gnas brtan byed de/ de rtag tu gaN DI brdungs pa na tshe dang ldan pa su zhig yongs su gnas pa 'am/ gzhi nas yongs su gnas pa 'am/ mgu bar bya ba 'am/ gzhi nas mgu bar bya ba 'am/ 'byin par byed ces chos kyi dbang du byas pa rmed par byed do/ /drug sde dag gis smras pa/ gnas brtan su yang yongs su gnas pa 'am/ gzhi nas yongs su gnas pa 'am/ mgu bar bya ba 'am/ gzhi nas mgu bar bya ba 'am/ 'byin par mi bgyid de/ 'di ltar tshe dang ldan pa maud gal gyi bu chen pos 'drums pa ltung bas bcom ldan 'das kyi bstan pa 'dral bar bgyid de/ lhung bzed nag pos 'tsho bar mi bgyid pas des na mi'i chos bla ma dam 'cha' zhing kun shes pa brda sprod par bgyid de de yang 'bras bu ma mchis par gyur nas/ des spyod yul bsregs pas bdag cag gis bsod snyoms kyang mi rnyed de/ de la ltung ba byung ba chos bzhin du slar mi bgyid pas de ltung ba ma mthong ba'i slad du gnas nas dbyung ba'i las bgyi'o/ /tshe dang ldan pa dag dge slong gnas brtan la tho ma brtsams par 'di ltar sangs rgyas bcom ldan 'das 'di thams cad mkhyen pa/ thams cad gzigs pa/ mkhyen pa dang / shes bya dag la bla na med pa'i mnga' brnyes pa the tshom thams cad gcod par mdzad pa yin gyis de'i spyan sngar deng la don 'di zhus shig /bcom ldan 'das kyis khyed la ji skad lung ston pa de de kho na bzhin du zung shig /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag 'di dag ni ltas mkhan dag gis lhas char 'bebs par 'gyur ro zhes ston kyang mi rtog pa than pa chen po'i rgyu lnga dang rkyen lnga yin te/ lnga gang zhe na/ 'di ltar sprin kyang yod/ glog kyang 'byung / sprin las 'brug kyang grag /phyogs bzhi nas rlung bsil ba dag kyang ldang / ltas mkhan dag kyang lhas char 'babs par 'gyur ro zhes ston mod kyi/ 'on kyang sa gzhi chen po 'di las me'i khams mngon par 'phags nas des char pa de bar ma do kho nar skam par byed de/ 'di ni ltas mkhan dag gis lhas char 'bebs par 'gyur ro zhes ston kyang mi rtog pa than pa chen po'i rgyu dang po dang rkyen dang po yin no/ /gzhan yang sprin yang yod/ glog kyang 'byung / sprin las 'brug kyang grag /phyogs bzhi nas rlung bsil ba dag kyang ldang / ltas mkhan dag kyang lhas char 'bebs par 'gyur ro zhes ston mod kyi/ 'on kyang nam mkha' la mi mnyam pa'i rlung dag ldang zhing des char pa de da Na Da'i ka'i dgon pa dag dang / ka ling ka'i dgon pa dag dang / ma tang ka'i dgon pa dag tu 'bebs par byed de/ 'di ni ltas mkhan dag gis lhas char 'bebs par 'gyur ro zhes ston kyang mi rtogs pa than pa chen po'i rgyu gnyis pa dang / rkyen gnyis pa yin no/ /gzhan yang sprin kyang yod/ glog kyang 'byung / sprin las 'brug kyang grag /phyogs bzhi nas rlung bsil ba dag kyang ldang / ltas mkhan dag kyang lhas char 'bebs par 'gyur ro/ /zhes ston mod kyi 'on kyang lha'i bu char gyi shugs can dag rab tu myos par gnas pa dang / bag med par gnas shing de dag rab tu myos par gnas pa dang / bag med par gnas pas lhas dus dang dus su chu'i rgyun legs par 'bebs su mi ster te/ 'di ni ltas mkhan dag gis lhas char 'bebs par 'gyur ro zhes ston kyang mi rtog pa than pa chen po'i rgyu gsum pa dang rkyen gsum pa yin no/ /gzhan yang sprin yang yod/ glog kyang 'byung / sprin las 'brug kyang grag /phyogs bzhi nas rlung bsil ba dag kyang ldang / ltas mkhan dag kyang lhas char 'bebs par 'gyur ro zhes ston mod kyi/ 'on kyang mi rnams chos ma yin pa'i 'dod chags kyis chags pa dang / 'dod pa dka' bas zil gyis non pa dang / chos log pas dkris par gyur na/ chos ma yin pa'i 'dod chags kyis chags pa dang / 'dod pa dga' bas zil gyis non pa dang / chos log pas dkris pa de dag la lhas dus dang dus su chu'i rgyun legs par 'bab tu mi ster te/ 'di ni ltas mkhan dag gis lhas char 'bebs par 'gyur ro zhes ston kyang mi rtog pa than pa chen po'i rgyu bzhi pa dang rkyen bzhi pa yin no/ /gzhan yang sprin yang yod/ glog kyang 'byung / sprin las 'brug kyang grag /phyogs bzhi nas rlung bsil ba dag kyang ldang / ltas mkhan dag kyang lhas char 'bebs par 'gyur ro/ /zhes ston mod kyi/ 'on kyang lha ma yin gyi dbang po sgra gcan rgya mtsho chen po nas mngon par 'phags nas des char pa de lag pa gnyis kyis bzed cing rgya mtsho chen por ldugs par byed de/ 'di ni ltas mkhan dag gis lhas char 'bebs par 'gyur ro zhes ston kyang mi rtogs pa than pa chen po'i rgyu lnga pa dang rkyen lnga pa yin no/ /dge slong dag 'di ltar de'i tshe lhas char phab mod kyi/ de na lha ma yin gyi dbang po sgra gcan rgya mtsho chen po nas mngon par 'phags nas des char pa de lag pa gnyis kyis bzed cing rgya mtsho chen por blugs so/ /ci de dag gis lo tog thams cad grub par 'gyur ram zhes dris sam/ gal te dge slong maud gal gyi bu chen po la de yang dris par gyur na/ dge slong maud gal gyi bu chen pos de yang lung ston par 'gyur ro/ /dge slong dag dge slong maud gal gyi bu chen pos 'du shes de lta bus lung bstan pa la ltung ba med do/ /sangs rgyas bcom ldan 'das yangs pa can na spre'u rdzing gi 'gram khang pa brtsegs pa'i khang bzangs na bzhugs so/ /de'i tshe na yangs pa can na gcer bu pa'i nyan thos shig 'dug pa de'i chung ma la sems can zhugs par gyur to/ /ji tsam dus gzhan zhig na tshe dang ldan pa maud gal gyi bu chen po snga dro sham thabs bgos lhung bzed dang chos gos thogs te yangs pa can du bsod snyoms la zhugs so/ /de mthar gyis bsod snyoms rgyu ba na de'i khyim du zhugs pa dang / des bsams pa/ 'phags pa maud gal gyi bu chen po 'di ni mchog gsum pa ste/ 'dis mi shes pa 'am/ ma mthong ba 'am/ ma rig pa 'am/ rnam par mi shes pa cung zad kyang med do zhes grag gis bdag gis 'di la bdag gi chung ma sbrum pa 'di las khye'u 'am/ bu mo 'am ci zhig skye bar 'gyur ba gsungs shig ces dri bar bya'o snyam du rig nas/ tshe dang ldan pa maud gal gyi bu chen po la 'di skad ces smras so/ /'phags pa bdag gi mchis 'brang 'di sbrum na ci 'di'i mngal na khye'u mchis sam/ 'on te bu mo mchis/ des smras pa/ bzhin bzangs khye'u 'o/ /'jig rten ni 'byor pa 'dod pas de rangs pa dang / dga' ba dang / rab tu dga' bas tshe dang ldan pa maud gal gyi bu chen po la bza' ba dang / bca' ba gtsang ba bsod pas lhung bzed bkang ste byin nas smras pa/ 'phags pa yang gshegs su gsol/ tshe dang ldan pa maud gal gyi bu chen pos a rog khya zhes smras te song ngo / /de'i khyim dang ha cang mi ring ba na gcer bu pa zhig 'dug pa des tshe dang ldan pa maud gal gyi bu chen po lhung bzed bkang ste song ba mthong nas des bsams pa/ bdag gi slongs mo ster ba'i khyim gcig pu yod pa gang yin pa der shAkya'i bu dge sbyong dag rgyu bar 'gyur ba ni ma legs kyis de'i phyir je khyim bdag de'i gan du song la des khyim bdag dang lhan cig gtam ci zhig byas par gyur pa dri'o snyam nas/ de myur ba myur bar khyim bdag gi gan du song ste smras pa/ khyim bdag dge sbyong maud gal gyi bu chen po 'ongs sam/ 'ongs so/ khyod kyis cung zad dris sam/ dris so/ /ci dris/ bdag gi mchis 'brang 'di sbrum na ci 'di'i mngal na khye'u mchis sam/ 'on te bu mo mchis shes dris pa dang / de na re khye'u 'o zhes zer ro/ /gcer bu pa de rtog ge'i shes pa la mkhas pas brtsi bar brtsams pa dang / ji tsam na bu mor mthong nas de bzhin sgyur bar byed/ lag pa gnyis 'dril bar byed do/ /khyim bdag des gcer bu pa de la dris pa/ ci'i phyir bzhin sgyur bar byed/ lag pa gnyis 'dril bar byed/ gcer bu pas smras pa/ kho bos bu mor mthong gi khye'ur ma mthong ngo / /khyim bdag des spyos nas 'phral bar 'phral rtsa gsum bsgreng zhing khro gnyer byas te smras pa/ gcer bu pa sgre byi khyod ci shes/ khyod pas 'phags pa maud gal gyi bu chen po'i mkhyen pa ches dri ma can yin nam/ 'phags pa maud gal gyi bu chen pos khye'u 'o zhes lung bstan na/ khyod bu mo'o zhes zer ram/ de de ltar tshar bcad nas yang brtsi bar brtsams pa dang bu mo nyid du mthong nas kun nas dkris pas smras pa/ gal te dge sbyong shAkya'i bu nyid kyis lung bstan du zin kyang / de lta na yang 'di ni bu mo nyid yin gyi khye'u ma yin no/ / ji tsam na de zla ba dgu 'das te btsas pa las bu mo zhig skyes nas/ khyim bdag de nang mi dang bcas ba gcer bu pa dag dam pa yin gyi/ shAkya'i bu'i dge sbyong rnams ni de lta ma yin te/ 'phags pa maud gal gyi bu chen pos khye'u'o zhes lung bstan na/ 'di bu mor gyur to zhes smod par byed/ phyar ka gtong bar byed/ kha zer bar byed do/ /thos pa gcig nas gcig tu brgyud pas yangs pa can na gnas pa'i skye bo'i tshogs kyang lam po che dang / srang dang bzhi mdo dang / sum mdo dag na smod pa la zhugs par gyur to/ /de dag smod par byed pa na drug sde dag snga dro sham thabs dgos lhung bzed dang chos gos thogs te yangs pa can du bsod snyoms la zhugs pa dang / de dag gis de dag smod pa thos so/ /thos nas smras pa shes ldan dag khyed cag su la smod/ khyed cag la'o/ /nged kyis ci byas/ 'phags pa maud gal gyi bu chen pos gcer bu pa'i nyan thos kyi chung ma'i mngal na khye'u yod do zhes lung bstan na/ de las da bu mo btsas so/ /drug sde dag gis smras pa/ shes ldan dag 'jig rten thams cad shes pa rgya mtsho la 'khrul pa yod kyis/ bcom ldan 'das nyag gcig chos rnams la skyob pa yin gyi/ skyob pa gzhan med do/ /gzhan yang mi'i skye dgu rnams la khye'u 'am/ bu mo btsa' bar zad kyi/ gzhan mtshan ci zhig tu 'gyur/ ci khyi zhig gam/ 'on te spre'u zhig tu 'gyur snyam 'am/ de dag spobs pa med par gyur te/ cang mi smra bar 'khod pa dang / drug sde dag gis smras pa/ dga' bo nye dga' de dag la go bar byas zin mod kyi don nyung ngu de la ltung ba byung gis tshur sheg /de'i gan du dong la 'chags su gzhug go/ /zhes de dag zas kyi bya ba byas nas phyag 'tshal te tshe dang ldan pa maud gal gyi bu chen po ga la ba der dong nas phyin pa dang / tshe dang ldan pa maud gal gyi bu chen po la 'di skad ces smras so/ /gnas brtan phyag 'tshal lo/ /tshe dang ldan pa dag a rog khya nad med par gyur cig gnas brtan je skabs phyed shig /tshe dang ldan pa dag ltung ba sde lnga po dag la skabs phye'o/ /gnas brtan gyis ci gcer bu pa'i nyan thos kyi chung ma'i mngal na khye'u yod do zhes lung bstan tam/ lung bstan to/ /bzhud cig dang dga' ba 'phel ba nyams su myong zhing 'bru mar dang bu ram yang thob par 'gyur ro/ /khyod lhung bzed nag pos 'tsho bar mi byed pas des na kun shes pa brda sprod par byed cing de yang 'bras bu med par gyur te/ khyod kyis spyod yul bsregs pas kho bo cag gis bsod snyoms kyang mi thob kyis khyod la ltung ba byung ba de chos bzhin du slar mdzod cig /tshe dang ldan pa dag ltung ba ma mthong ngo / /drug sde dag gis smras pa/ tshe dang ldan pa dag bcom ldan 'das kyis ltung ba ma mthong ba'i phyir gnas nas dbyung ba'i las bya'o zhes gsungs pas de'i phyir 'di la ci'i phyir lhag par btang snyoms su bya/ khang skyong su yin/ che ge mo zhig go/ /bos shig /bos so/ /tshe dang ldan pa gaN DI rdungs shig /maud gal gyi bu chen po don nyung ngu la ltung ba byung ba chos bzhin du phyir mi byed pas de ltung ba ma mthong ba'i phyir gnas nas dbyung ba'i las bya'o/ /khang skyong dge 'dun gyi gnas brtan gyi gan du song ba dang / drug sde dag kyang de dang lhan cig dong ngo / /de'i tshe na tshe dang ldan pa shA ri'i bu dge 'dun gyi gnas brtan byed de/ de rtag tu gaN DI brdungs pa na tshe dang ldan pa dag su zhig yongs su gnas pa 'am/ gzhi nas yongs su gnas pa 'am/ mgu bar bya ba 'am/ gzhi nas mgu bar bya ba 'am/ 'byin par byed ces chos kyi dbang du byas pa 'dri bar byed do/ /drug sde dag gis smras pa/ gnas brtan su yang yongs su gnas pa 'am/ gzhi nas yongs su gnas pa 'am/ mgu bar bya ba 'am/ gzhi nas mgu bar bya ba 'am/ 'byin par mi bgyid de/ 'di ltar tshe dang ldan pa maud gal gyi bu chen pos 'drums pa ltung bas bcom ldan 'das kyi bstan pa 'dral bar bgyid de/ lhung bzed nag pos 'tsho bar mi bgyid pas des na mi'i chos bla ma dam 'cha' zhing kun shes pa brda sprod par bgyid de/ de yang 'bras bu ma mchis par gyur nas/ des spyod yul bsregs pas bdag cag gis bsod snyoms kyang mi rnyed de/ de ltung ba byung ba chos bzhin du slar mi bgyid pas de ltung ba ma mthong ba'i slad du gnas nas dbyung ba'i las bgyi'o/ /tshe dang ldan pa dag dge slong gnas brtan la tho ma 'tsham par 'di ltar sangs rgyas bcom ldan 'das 'di thams cad mkhyen pa/ thams cad gzigs pa/ mkhyen pa dang shes bya dag la bla na med pa'i mnga' brnyes pa/ the tshom thams cad gcod par mdzad pa yin gyis de'i gan du deng la don 'di zhus shig /bcom ldan 'das kyis khyed la ji skad lung ston pa de de kho na bzhin zung shig /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gnas bzhi po 'di dag ni bsam par mi bya ba dag yin te/ gang dag sems par byed pa dag myos pa dang / rmongs par 'gyur zhing sems rnam par g.yengs pa thob par 'gyur ba yin no/ bzhi gang zhe na/ 'di lta ste/ bdag la sems pa dang / 'jig rten la sems pa dang / sems can rnams kyi las kyi rnam par smin pa dang / sangs rgyas rnams kyi sangs rgyas kyi yul lo/ /'di ltar gang gi tshe dge slong maud gal gyi bus lung bstan pa de'i tshe na de khye'ur yod pa yin la/ phyis de'i las kyi rnam par smin pas mtshan gyur to/ /gal te dge slong maud gal gyi bu la de yang dris par gyur na/ dge slong maud gal gyi bus de yang lung ston par 'gyur ro/ /dge slong dag dge slong maud gal gyi bus 'du shes de lta bus lung bstan pa la ltung ba med do/ /sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /rgyal po'i khab na khyim bdag cig 'dug pa des gang dge slong gi dge 'dun la so sor rig par ma byas par zas sbyin pa de 'phral na longs spyod dag gis mngon par 'phel lo zhes thos so/ /thos nas kyang de 'di snyam du sems te/ de ni nor grub pa'i thabs bzang po yin gyis/ bdag gis kyang dge slong gi dge 'dun la so sor rig par ma byas par zas sbyin par bya'o snyam nas des srang du song ste/ sha mang po nyos nas de'i 'og tu zangs kyi nang du zhun mar mang po dang sbyar ba'i thug pa bskol nas grong khyer gyi sgor sgo ba la kye nang rje dge slong gang la la zhig bsod snyoms la 'jug na de kho bo'i khyim du thong shig ces spring pa dang / sgo ba des smras pa/ khyim bdag de bzhin du btang ngo zhes dge slong bsod snyoms la 'jug pa gang mthong ba de la 'phags pa khyim bdag che ge mo zhig deng dge slong rnams la bsod snyoms 'bul gyis de'i sdum par bzhud cig ces smras pa dang / de de'i khyim du song ngo / /de bzhin du sgo bas bsod snyoms pa thams cad la bsgo ba dang / bsod snyoms pa thams cad khyim bdag de'i khyim du dong ngo / /de nas khyim bdag des shin du snum pa'i sha'i thug pa dag gis de dag so so'i lhung bzed bkang ste byin no/ /de'i nyin mo nam mkha' sprin gyis khebs shing yul ngan byung bar gyur nas dge slong dag zan zos nas lhung bzed snum po 'di dag rtsub par bya mi nus kyis de na chu dron yod kyis chu dron gyi gan du song ste/ bkru bar bya'o zhes de dag chu dron gyi gan du song ste bkru bar brtsams pa dang / ji tsam na dge slong gzhon nu zhig la chu dron 'di gang nas 'ong snyam pa'i tshul bzhin yid la byed pa byung nas de dang yang ha cang mi ring ba na tshe dang ldan pa nye dga' lhung bzed 'khru bar byed de de'i gan du song nas/ btsun pa nye dga' chu dron 'di gang nas 'ong zhes dris pa dang / de dang yang ha cang mi ring ba nas tshe dang ldan pa maud gal gyi bu chen po lhung bzed 'khru bar byed nas nye dgas song la don nyung ngu 'di la dris shig /ces gzhon nu tshe dang ldan pa maud gal gyi bu chen po'i gan du btang ba dang / gzhon nu de spyod lam zhi ba rgya chen pos de'i gan du song ste gus pa dang bcas pas dris pa gnas brtan chab dron 'di ga las mchi/ des smras pa/ tshe dang ldan pa mtsho chen po ma dros pa nas so/ /nye dgas thos nas des smras pa/ tshe dang ldan pa mdo sde'i mtha' la gnod par ma byed cig /chos kyi khrid byed rnam par ma dkrug shig /chos kyi mngal ma rtol cig /'di ltar kho bo cag la rtogs pa med kyang ci lung yang med dam/ bcom ldan 'das kyis mtsho chan po ma dros pa'i chu ni yan lag brgyad dang ldan pa yin te/ bsil ba dang / mngar ba dang / yang ba dang / 'jam pa dang / dang ba dang / dri nga ba med pa dang / 'thung ba na mgul pa la mi gnod pa dang / 'thungs na lto la mi gnod pa'o zhes gsungs na/ de'i phyir khyod kyis yan lag dang po nyid kyis bslus so/ /khyod lhung bzed nag pos 'tsho bar mi byed pas des na kun shes pa brda sprod par byed cing de yang 'bras bu med par gyur te/ khyod kyis spyod yul bsregs pas bdag cag gis bsod snyoms kyang mi rnyed kyis/ khyod la ltung ba byung ba de chos bzhin du slar mdzod cig / tshe dang ldan pa ltung ba ma mthong ngo / /drug sde dag gis smras pa/ tshe dang ldan pa dag bcom ldan 'das kyis ltung ba ma mthong ba'i phyir gnas nas 'byung ba'i las bya'o zhes gsungs pas de'i phyir 'di la ci'i phyir lhag par btang snyoms su bya/ khang skyong su yin/ che ge mo zhig go/ /bos shig /bos so/ /tshe dang ldan pa gaN DI rdungs shig /maud gal gyi bu chen po don nyung ngu la ltung ba byung ba chos bzhin du phyir mi byed pas de ltung ba ma mthong ba'i phyir gnas nas dbyung ba'i las bya'o/ /khang skyong dge 'dun gyi gnas brtan gyi gan du song ba dang / drug sde dag kyang de dang lhan cig dong ngo / /de'i tshe na tshe dang ldan pa shA ri'i bu dge 'dun gyi gnas brtan byed de/ de rtag tu gaN DI brdungs pa na/ tshe dang ldan pa dag su zhig yongs su gnas pa 'am/ gzhi nas yongs su gnas pa 'am/ mgu bar bya ba 'am/ gzhi nas mgu bar bya ba 'am/ 'byin par byed ces chos kyi dbang du byas pa 'dri bar byed do/ /drug sde dag gis smras pa/ gnas brtan su yang yongs su gnas pa dang / gzhi nas yongs su gnas pa 'am/ mgu bar bya ba 'am/ gzhi nas mgu bar bya ba 'am/ 'byin par mi bgyid de/ 'di ltar tshe dang ldan pa maud gal gyi bu chen pos 'drums pa ltung bas bcom ldan 'das kyi bstan pa 'dral bar bgyid de/ lhung bzed nag pos 'tsho bar mi bgyid pas des na mi'i chos bla ma dam 'cha' zhing kun shes pa brda sprod pa bgyid de/ de yang 'bras bu ma mchis par gyur nas des spyod yul bsregs pas bdag cag gis bsod snyoms kyang mi rnyed de/ de ltung ba byung ba chos bzhin du slar mi bgyid pas de ltung ba ma mthong ba'i slad du gnas nas dbyung ba'i las bgyi'o/ /tshe dang ldan pa dag dge slong gnas brtan la tho ma 'tsham par 'di ltar sangs rgyas bcom ldan 'das 'di thams cad mkhyen pa/ thams cad gzigs pa/ mkhyen pa dang shes bya dag la bla na med pa'i mnga' brnyes pa/ the tshom thams cad gcod par mdzad pa yin gyis de'i gan du deng la don 'di zhus shig /bcom ldan 'das kyis khyed la ji skad lung ston pa de de kho na bzhin zung shig /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag de de bzhin no/ /de de bzhin te/ chu dron de ni mtsho chen po ma dros pa kho na las 'ong ngo / /dge slong rnams kyis gsol pa/ bcom ldan 'das gal te chab de mtsho chen po ma dros pa las mchi na ci'i slad du dro lags/ bcom ldan 'das kyis bka' stsal pa/ dge slong dag 'di ltar chu de nyid tsha ba'i sems can dmyal ba lnga brgya'i steng nas 'ong ba'i phyir ro/ /gal te dge slong maud gal gyi bu la de yang dris par gyur na dge slong maud gal gyi bus de yang lung ston par 'gyur ro/ /dge slong dag dge slong maud gal gyi bus 'du shes de lta bus lung bstan pa la ltung ba med do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas tshe dang ldan pa maud gal gyi bu chen pos dge slong rnams la smras pa/ tshe dang ldan pa dag kho bo ci yang med pa'i skye mched la snyoms par zhugs pas/ rdzing bu dal gyis 'bab gyi 'gram na glang po che gtso bo rab tu mang po dag gis sgra skad thos so/ /de'i tshe na tshe dang ldan pa nye dga' 'khor de nyid na 'dug cing 'thun par gyur nas des smras pa/ tshe dang ldan pa mdo sde'i mtha' la gnod pa ma byed cig /chos kyi khrid byed rnam par ma dkrug shig / chos kyi mngal ma rtol cig /'di ltar bdag cag la rtogs pa med kyang ci lung yang med dam/ bcom ldan 'das kyis ci yang med pa'i skye mched la snyoms par zhugs pa'i gzugs kyi 'du shes rnam par gzhig cing sgra'i 'du shes dang bral lo zhes gsungs na/ de'i phyir ji ltar gzugs kyi 'du shes rnam par bshig cing sgra'i 'du shes dang bral ba des gzugs dag mthong bar 'gyur zhing sgra dag thos par 'gyur te de ni gnas med do/ /khyod lhung bzed nag pos 'tsho bar mi byed pas des na kun shes pa brda sprod par byed cing de yang 'bras bu med par gyur te/ khyod kyis spyod yul bsregs pas bdag cag gis bsod snyoms kyang mi rnyed kyis khyod la ltung ba byung ba de chos bzhin du slar mdzod cig / tshe dang ldan pa ltung ba ma mthong ngo / /drug sde dag gis smras pa/ tshe dang ldan pa dag bcom ldan 'das kyis ltung ba ma mthong ba'i phyir gnas nas dbyung ba'i las bya'o/ /zhes gsungs pas de'i phyir 'di la ci'i phyir lhag par btang snyoms su bya/ khang skyong su yin/ che ge mo zhig go/ /bos shig /bos so/ /tshe dang ldan pa gaN DI'i rdungs shig /maud gal gyi bu don nyung ngu la ltung ba chos bzhin du phyir mi byed pas de ltung ba ma mthong ba'i phyir gnas nas dbyung ba'i las bya'o/ /khang skyong dge 'dun gyi gnas brtan gyi gan du song ba dang / drug sde dag kyang de dang lhan cig dong ngo / /de'i tshe na tshe dang ldan pa shA ri'i bu dge 'dun gyi gnas brtan byed de/ de rtag tu gaN DI brdungs pa na tshe dang ldan pa dag su zhig yongs su gnas pa 'am/ gzhi nas yongs su gnas pa 'am/ mgu bar bya ba 'am/ gzhi nas mgu bar bya ba 'am/ 'byin par byed ces chos kyi dbang du byas pa 'dri bar byed do/ /drug sde dag gis smras pa/ gnas brtan su yang yongs su gnas pa 'am/ gzhi nas yongs su gnas pa 'am/ mgu bar bya ba 'am/ gzhi nas mgu bar bya ba 'am/ 'byin par mi bgyid de/ 'di ltar tshe dang ldan pa maud gal gyi bu chen pos 'drums pa ltung bas bcom ldan 'das kyi bstan pa 'dral bar bgyid de/ lhung bzed nag pos 'tsho bar mi bgyid pas des na mi'i chos bla ma dam bca' zhing kun shes pa brda sprod par bgyid de/ de yang 'bras bu ma mchis par gyur nas/ des spyod yul bsregs pas bdag cag gis bsod snyoms kyang mi rnyed de/ de la ltung ba byung ba chos bzhin du slar mi bgyid pas de ltung ba ma mthong ba'i slad du gnas nas dbyung ba'i las bgyi'o/ /tshe dang ldan pa dag dge slong gnas brtan la tho ma 'tsham par 'di ltar sangs rgyas bcom ldan 'das 'di thams cad mkhyen pa/ thams cad gzigs pa/ mkhyen pa dang shes bya dag la bla na med pa'i mnga' brnyes pa/ the tshom thams cad gcod par mdzad pa yin gyis de'i gan du deng la don 'di zhus shig /bcom ldan 'das kyis khyed la ji skad lung ston pa de de kho na bzhin du zung shig /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag de de bzhin no/ /de de bzhin te/ ci yang med pa'i skye mched la snyoms par zhugs pa'i gzugs kyi 'du shes rnam par bshig cing sgra'i 'du shes dang bral bas gzugs kyi 'du shes rnam par bshig cing sgra'i 'du shes dang bral ba des gzugs dag mthong bar mi 'gyur zhing / sgra dag thos par mi 'gyur te de ni gnas med do/ /'di ltar dge slong maud gal gyi bu ni bsam gtan dang / rnam par thar pa dang / ting nge 'dzin dang / snyoms par 'jug pa dag thob pa yin te/ de ni myur du snyoms par 'jug cing rnam par ldang bar byed pas des snyoms par zhugs pa'i sems nye bar rtogs shing rnam par langs pa'i sems ni ma rtogs te/ dge slong dag dge slong maud gal gyi bu rnam par langs pas sgra de thos so/ /dge slong dag dge slong maud gal gyi bus 'du shes de lta bus lung bstan pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gi nyen pa la ltung ba med do/ /pham par 'gyur ba bzhi pa rdzogs te/ pham par 'gyur ba rnams rdzogs s+ho// //'dul ba rnam par 'byed pa/ bam po bco lnga pa/ sdom la/ khu ba 'byin pa 'khrig tshig bsnyen bkur smyen/ /khang pa khang chen dang ni gzhi med pa/ /bag tsam dge 'dun dbyen dang de rjes phyogs/ /khyim sun 'byin dang bka' blo mi bde ba'o// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa 'char ka'i kun du spyod pa ni grong ngam grong rdal gang na nye bar brten cing gnas pa de nang par sngar langs te/ gtsug lag khang du chag chag 'debs par byed/ legs par nyug par byed/ ba lang gi lci ba sar pa'i byug pas skud par byed cing / de gtsug lag khang gi phyi rol tu rkang pa gnyis bkrus nas lag pa gnyis bsnyal te so shing bor nas snga dro sham thabs bgos/ lhung bzed dang chos gos thogs te grong ngam/ grong rdal de nyid du lus ma bsrungs/ dbang po rnams ma bsdams/ dran pa nye bar ma bzhag par bsod snyoms la 'jug cing / de grong ngam/ grong rdal der bsod snyoms brgyus nas zas kyi bya ba byas te/ phyi ma'i zas kyi bsod snyoms las phyir log pas lhung bzed dang chos gos mkhos su phab ste/ rkang pa gnyis bkrus nas nang du yang dag 'jog gi phyir gtsug lag khang du 'jug par byed do/ /gal te de'i sems 'dod pa la 'dod chags kyis kun nas dkris par gyur na/ des rang gi yan lag gi rnam pa las su rung bar byas te/ lag pa gnyis kyis bzung nas rtsol bar byed cing khu ba 'byin par byed do/ /de nas dge slong rab tu mang po dag gtsug lag khang rgyu zhing 'dong ba na tshe dang ldan pa 'char ka'i gtsug lag khang ga la ba der dong ste phyin nas/ tshe dang ldan pa 'char ka dang lhan cig mngon du yang dag par dga' bar 'gyur ba dang / yang dag par mgu bar 'gyur ba'i gtam sna tshogs byas te mtha' gcig tu 'khod do/ /mtha' gcig tu 'khod nas dge slong rab tu mang po dag gis tshe dang ldan pa 'char ka la 'di skad ces smras so/ /tshe dang ldan pa ji ltar khyod bzod dam/ 'tsho 'am/ bde ba la reg par gnas sam/ bsod snyoms kyis ngal bar ma gyur tam/ tshe dang ldan pa dag bdag te por bzod do/ /'tsho'o/ /bde ba la reg par gnas so/ /bsod snyoms kyis ngal bar ma gyur to/ /tshe dang ldan pa 'char ka khyod ji ltar bzod pa dang / 'tsho ba dang / bde ba la reg par gnas pa dang / bsod snyoms kyis ngal bar ma gyur/ tshe dang ldan pa dag bdag grong ngam/ grong rdal gang na nye bar rten cing gnas par bdag nang par sngar langs te/ gtsug lag khang chag chag 'debs par byed/ legs par nyug par byed/ ba lang gi lci ba sar pa'i byug pas skud par byed cing / bdag gtsug lag khang gi phyi rol tu rkang pa gnyis bkrus nas lag pa gnyis bsnyal te so shing bor nas snga dro sham thabs bgos lhung bzed dang chos gos thogs te grong ngam/ grong rdal de nyid du bsod snyoms la 'jug cing bdag grong ngam/ grong rdal de nyid du bsod snyoms brgyus nas zas kyi bya ba byas te/ phyi ma'i zas kyi bsod snyoms las phyir log pas lhung bzed dang chos gos mkhos su phab ste/ rkang pa gnyis bkrus nas nang du yang dag 'jog gi phyir gtsug lag khang du 'jug par byed do/ /gal te bdag ni sems 'dod pa la 'dod chags kyis kun nas dkris par gyur na/ bdag gis rang gi yan lag gi rnam pa las su rung bar byas te/ lag pa gnyis kyis bzung nas rtsol bar byed cing khu ba phyung nas rims nad dang bral zhing yongs su gdung ba dang bral bas bde ba la reg par gnas shing bsod snyoms kyis ngal bar yang med de/ tshe dang ldan pa dag bdag de ltar na bzod pa dang / 'tsho ba dang / bde ba la reg par gnas pa dang / bsod snyoms kyis ngal ba yang med do/ /dge slong de dag des smras pa la mngon par bstod par yang mi byed/ phyir zlog par mi byed cing / mngon par bstod par ma byas/ phyir bzlog par yang ma byas par dong ste bcom ldan 'das ga la ba der dong nas phyin pa dang / bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas dge slong rab tu mang po dag gis skabs de bcom ldan 'das la rgyas par gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ / de bzhin gshegs pa ni don gyi dbang gnyis gzigs pa na dge slong gi dge 'dun sdud par mdzad de/ 'di lta ste/ nga'i nyan thos rnams kyis kun shes pa nyid du bya ba'i phyir dang / ngas 'dul ba la bslab pa'i gzhi legs par bcas par 'gyur ba'o/ /sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen bzhin du rmed pa/ mkhyen kyang mi rmed pa/ dus su rmed pa/ dus las yol bar mi rmed pa/ don dang ldan pa rmed pa/ don dang mi ldan pa mi rmed pas sangs rgyas bcom ldan 'das rnams ni don dang mi ldan pa rmed pa la chu lon gyis zlog par mdzad pa yin no/ /de la sangs rgyas bcom ldan 'das rnams ni don dang ldan pa rmed pa la dus mkhyen pa yin pas sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no/ /'char ka ngas 'dod chags 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos bstan pa dang / zhe sdang 'dod chags dang bral bar bya ba dang / gti mug 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos bstan pa la khyod kyis ci'i phyir mi mdzes pa de lta bu de byas par gyur/ mi gti mug can khyod kyis lag pa gang dag gis bram ze dang / khyim bdag dad pa can dag las dad pas sbyin par bya ba len par byed pa'i lag pa de dag nyid kyis ci'i phyir mi mdzes pa de lta bu de byas par gyur/ mi gti mug can khyod kyis sbrul nag po dug myur du khyab par byed pa/ dug drag pa/ dug rno ba lag pa gnyis kyis gzung bar gyur pa ni bla'i/ de ltar gyur pas rang gi yan lag gi rnam par bzung ba ni ma yin no zhes rnam par smad pa mdzad do/ /'char ka ji snyam du sems/ de lta na bdag nyid kyi lus kyi bsnyen bkur bdag gir ma byas sam/ btsun pa bgyis so/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ 'di lta ste/ dge 'dun bsdu ba'i phyir dang / dge 'dun legs par bya ba'i phyir dang / dge 'dun bde bar gnas par bya ba'i phyir dang / gnong mi bkur ba'i gang zag rnams tshar gcad par bya ba'i phyir dang / ngo tsha shes pa rnams bde bar gnas par bya ba'i phyir dang / mngon par ma dad par rnams mngon par dad par bya ba'i phyir dang / mngon par dad pa rnams phyir zhing 'byung ba bya ba'i phyir dang / tshe 'di'i zag pa rnams bsdam par bya ba'i phyir dang / tshe rabs phyi ma'i rnams bzlog par bya ba'i phyir dang / nga'i tshangs par spyod pa skye bo mang po la phan pa yangs par gyur pa lha dang mi'i bar dag la yang dag par rab tu bstan pa yun ring du gnas par 'gyur ba'o/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bsam bzhin du khu ba phyung na dge 'dun lhag ma'o/ /bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas dge slong rab tu mang po nyal ba dag gi rmyi lam na mi gtsang ba shor cing khu ba phyung bar gyur te de dag la 'du shes kyang yod/ sems pa yang yod pas de dag 'gyod pa skyes par gyur nas/ 'di ltar bcom ldan 'das kyis bsam bzhin du khu ba phyung na dge 'dun lhag ma'o zhes 'dul ba la nyan thos rnams kyis bslab pa'i gzhi bca' ba mdzad na/ bdag cag dge slong rab tu mang po nyal ba dag gi rmyi lam na mi gtsang ba shor zhing khu ba byung bar gyur te/ bdag cag la 'du shes kyang yod/ sems pa yang yod pas bdag cag la dge 'dun lhag ma'i ltung ba byung bar ma gyur tam/ tshur sheg bdag cag tshe dang ldan pa kun dga' bo ga la ba der dong zhing phyin nas tshe dang ldan pa kun dga' bo la brjod par bya zhing bdag cag la tshe dang ldan pa kun dga' bos ji skad lung ston par 'gyur ba de de kho na bzhin du gzung bar bya'o snyam mo/ /de nas dge slong rab tu mang po dag tshe dang ldan pa kun dga' bo ga la ba der dong ste phyin nas tshe dang ldan pa kun dga' bo la 'di skad ces smras so/ /tshe dang ldan pa kun dga' bo mkhyen par mdzod cig /'di ltar bcom ldan 'das kyis bsam bzhin du khu ba phyung na dge 'dun lhag ma'o zhes 'dul ba la nyan thos rnams kyi bslab pa'i gzhi bca' ba mdzad na/ bdag cag dge slong rab tu mang po nyal ba dag gi rmi lam na mi gtsang ba shor cing khu ba byung bar gyur te/ bdag cag la 'du shes kyang mchis la/ sems pa yang mchis pas bdag cag la dge 'dun lhag ma'i ltung ba byung bar ma gyur tam/ de nas tshe dang ldan pa kun dga' bos dge slong rab tu mang po de dag khrid de bcom ldan 'das ga la ba der song nas phyin pa dang / bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la tshe dang ldan pa kun dga' bos 'di skad ces gsol to/ /btsun pa bcom ldan 'das kyis 'di ltar bsam bzhin du khu ba phyung na dge 'dun lhag ma'o zhes 'dul ba la nyan thos rnams kyi bslab pa'i gzhi bca' ba mdzad na/ tshe dang ldan pa dge slong rab tu mang po 'di dag mchis nyal ba'i g.yar lam na mi gtsang ba shor cing khu ba phyung bar gyur te/ 'di dag la 'du shes kyang mchis/ sems pa yang mchis pas 'di dag la dge 'dun lhag ma'i ltung ba byung bar ma gyur tam/ kun dga' bo 'di dag la 'du shes kyang yod/ sems pa yang yod pas de med do zhes nga mi smra mod kyi 'di dag gi de ni tha snyad du byar rung ba ma yin te/ kun dga' bo de lta bas na rmi lam gyi ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la 'di ni rjes su gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bsam bzhin du khu ba phyung na rmi lam gyi ma gtogs te dge 'dun lhag ma'o/ /bsams bzhin du zhes bya ba ni rnam par dpyad nas so/ /khu ba zhes bya ba ni khu ba rnam pa lnga ste/ sngon po dang / ser po dang / dmar po dang / bska ba dang / sla ba'o/ /de la sngon po ni 'khor los sgyur ba'i rgyal po'i 'o/ /'khor los sgyur ba'i rgyal po'i bu thu bo dbang bskur bar 'os la dbang ma bskur ba gnas pa mtshams thob pa gang yin pa de khu ba yang sngon po yin no/ / ser po ni 'khor los sgyur ba'i rgyal po'i bu de las gzhan pa dag gi'o/ /dmar po ni sna chen po la gtogs pa 'khor lo'i mtha' pa'i 'o/ /ska ba ni dbang po yongs su smin pa rnams kyi'o/ /sla ba ni dbang po yongs su ma smin pa rnams kyi'o/ /yang na bud med kyis dub pa dang / khur gyis dub pa dang / lam gyis dub pa dang / gta' gam pa dang / ya za ma lug gang yin pa de'i yang sla ba yin no/ /phyung na zhes bya ba ni de ma thag tu phyung ba'o/ /rmi lam gyi ma gtogs te zhes bya ba ni rmi lam gyi bzhag ste 'o/ /dge 'dun lhag ma'o zhes bya ba ni ltung ba de dge 'dun la rag lus pa dang / dge 'dun dang 'brel ba dang / dge 'dun la rten pa yin te/ ltung ba de dge 'dun las rnam par ldang bar 'gyur gyi gang zag las ma yin pa'o/ /gzhan yang pham par 'gyur ba'i chos bzhi po dag ni lhag ma med pa yin gyi/ 'di ni lhag ma dang bcas pa yin pa ste/ des na dge 'dun lhag ma'o zhes gsungs so/ /de la ltung ba ji ltar 'gyur zhe na/ gzhi lngas te bde ba 'dod pa dang / sa bon 'dod pa dang / rig sngags 'dod pa dang / sman 'dod pa dang / brtag pa 'dod pas so/ /ji ltar bde ba 'dod pas she na/ dge slong gis bde ba 'dod pas nang gi gzugs nye bar len cing sems par byed/ rtsol bar byed la khu ba 'byin na dge 'dun lhag mar 'gyur ro/ /khu ba ma 'byin na nyes pa sbom por 'gyur ro/ /bde ba 'dod pas ji lta ba bzhin du sa bon 'dod pa dang / rig sngags 'dod pa dang / sman 'dod pa dang / brtag pa 'dod pas kyang de bzhin no/ /dge slong gis bde ba 'dod pas nang gi gzugs nye bar len cing sems par byed/ rtsol bar byed/ ril gyis 'chang bar byed/ dam du 'chang bar byed la/ khu ba 'byin na dge 'dun lhag mar 'gyur ro/ /khu ba mi 'byin na nyes pa sbom por 'gyur ro/ /bde ba 'dod pas ji lta ba bzhin du sa bon 'dod pa/ rig sngags 'dod pa dang / sman 'dod pa dang / brtag pa 'dod pas kyang de bzhin no/ /dge slong gis bde ba 'dod pas nang gi gzugs nye bar len cing sems par byed/ rtsol bar byed/ ril gyis 'chang bar byed/ dam du 'chang bar byed la des kyang bye brag nges par myong ba'i bde ba nyams su myong bar byed cing khu ba 'byin na dge 'dun lhag mar 'gyur ro/ /khu ba mi 'byin na nyes pa sbom por 'gyur ro/ /bde ba 'dod pas ji lta ba bzhin du sa bon 'dod pa dang / rig sngags 'dod pa dang / sman 'dod pa dang / brtag pa 'dod pas kyang de bzhin no/ /dge slong gis bde ba 'dod pas nang gi gzugs nye bar len cing sems par byed/ rtsol bar byed/ ril gyis 'chang bar byed/ dam du 'chang bar byed la/ des kyang byung la thug pa'i bde ba nyams su myong bar byed cing khu ba 'byin na dge 'dun lhag mar 'gyur ro/ /khu ba mi 'byin na nyes pa sbom por 'gyur ro/ /bde ba 'dod pas ji lta ba bzhin du sa bon 'dod pa dang / rig sngags 'dod pa dang / sman 'dod pa dang / brtag pa 'dod pas kyang de bzhin no/ /dge slong gis bde ba 'dod pas nang gis gzugs nye bar len cing sems par byed/ rtsol bar byed/ ril gyis 'chang bar byed la/ des kyang ngad las pa'i bde ba nyams su myong bar byed cing khu ba 'byin na dge 'dun lhag mar 'gyur ro/ /khu ba mi 'byin na nyes pa sbom por 'gyur ro/ /bde ba 'dod pas ji lta ba bzhin du sa bon 'dod pa dang / rig sngags 'dod pa dang / sman 'dod pa dang / brtag pa 'dod pas kyang de bzhin no/ /dge slong gis bde ba 'dod pas nang gi gzugs nye bar len cing sems par byed/ rtsol par byed/ ril gyis 'chang bar byed/ dam du 'chang bar byed la/ des kyang bye brag nges par myong ba'i bde ba dang / byung la thug pa'i bde ba dang / ngad langs pa'i bde ba nyams su myong bar byed cing khu ba 'byin na dge 'dun lhag mar 'gyur ro/ /khu ba mi 'byin na nyes pa sbom por 'gyur ro/ /bde ba 'dod pas ji lta ba bzhin du sa bon 'dod pa dang / rig sngags 'dod pa dang / sman 'dod pa dang / brtag pa 'dod pas kyang de bzhin no/ /nang gi gzugs ji lta ba bzhin du phyi rol gyi gzugs nye bar len pa la yang de bzhin du rgyas par sbyar ro/ /bar sdom la/ gar byed rab tu gar byed dang / /mkha' dang shugs dang sbubs 'ongs dang / /kun du mnyed dang bye brag nges/ /'jal ba dang ni lta ba dang / /rgyun las bzlog dang rdzi bzlog pa'i/ /sde tshan yang dag bsdus pa yin/ /dge slong gis gar byed pas khu ba 'byin na nyes pa sbom por 'gyur ro/ /khu ba mi 'byin na nyes byas su 'gyur ro/ /dge slong gis rab tu gar byed pas khu ba 'byin na nyes pa sbom por 'gyur ro/ /khu ba mi 'byin na nyes byas su 'gyur ro/ /dge slong gis nam mkha' la rked pa skyod pas khu ba 'byin na nyes pa sbom por 'gyur ro/ / khu ba mi 'byin na nyes byas su 'gyur ro/ /dge slong gis shugs btang ste/ khu ba 'byin na nyes pa sbom por 'gyur ro/ /khu ba mi 'byin na nyes byas su 'gyur ro/ /dge slong gis sbubs su 'ongs pa'i khu ba 'byin na nyes pa sbom por 'gyur ro/ / khu ba mi 'byin na nyes byas su 'gyur ro/ /dge slong gis kun du mnyed pa'i bde ba nyams su myong bar byed cing khu ba 'byin na nyes pa sbom por 'gyur ro/ /khu ba mi 'byin na nyes byas su 'gyur ro/ /dge slong gis bye brag nges par myong ba'i bde ba nyams su myong bar byed cing khu ba 'byin na nyes pa sbom por 'gyur ro/ /khu ba mi 'byin na nyes byas su 'gyur ro/ /dge slong gis kun du chags pa'i sems kyis rang gi yan lag gi rnam pa 'jal bar byed na nyes pa sbom por 'gyur ro/ /dge slong gis chags pa'i sems kyis rang gi yan lag gi rnam pa la lta na nyes byas su 'gyur ro/ /dge slong gis chags pa'i sems kyis rang gi yan lag gi rnam pa chu'i rgyun las bzlog phyogs su gtod par byed na nyes pa sbom por 'gyur ro/ / chu'i rgyun phyogs su gtod par byed na nyes byas su 'gyur ro/ /dge slong gis chags pa'i sems kyis rang gi yan lag gi rnam pa rdzi phyogs ma yin par gtod par byed na nyes pa sbom por 'gyur ro/ /rdzi phyogs su gtod par byed na nyes byas su 'gyur ro/ /rma sbyang ba dang / shu ba dang / g.yan pa dang / mdze dang / phol mig dang / skrangs pa dang / khyi rngo dang / glog pa dang / 'brum bu dang / phyi rol du mchong ba dang / 'obs la mchong ba dang / brla la reg pa dang / gos la reg pa dang / chags par 'gyur ba'i gzugs dag mthong ba dang / sngon spyad pa'i yul rjes su dran pa dang / bsro khang gi las nyams su myong bar byed pas khu ba phyung ba la ni ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ni ltung ba med do/ /khu ba 'byin pa'i dge 'dun lhag ma ste dang po rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag gi kun du spyod pa ni 'dir bdag cag gis bram ze dang khyim bdag 'ongs shing lhags pa rnams la yang chos bstan par bya/ rgol ba dag kyang tshar gcad par bya/ rang gi grags pa yang bsgrag par bya'o snyam pas drug sde las gang yang rung bas rgyal byed kyi tshal gyi sgo stong par mi 'jog pas tshe dang ldan pa 'char ka nang par sngar langs te so shing bor nas snam sbyar dmar ser gyon te rgyal byed kyi tshal gyi sgo na 'chag cing 'dug go/ /mnyan yod na gnas pa'i bram ze dang khyim bdag gi chung ma rnams kyi kun du spyod pa ni bskyed mos tshal du song ste/ rgyal byed kyi tshal du 'jug pa dang / gtsug lag khang blta ba dang / bcom ldan 'das dang dge slong gnas brtan gnas brtan rnams kyi zhabs la phyag 'tshal tu 'gro bas/ bram ze dang / khyim bdag dag gi chung ma rab tu mang po dag bskyed mos tshal du byung ste gtsug lag khang lta 'dod pas rgyal byed kyi tshal ga la ba der dong ngo / /drug sde dag gis grong khyer chen po drug po dag na 'khod pa'i mi rnams 'di lta ste/ rigs las sam/ rus las sam/ rgyud las sam/ ming las sam/ gzugs las sam/ bzo las sam/ 'tsho ba las mi shes pa 'am/ ma mthong ba 'am/ ma thos pa 'am/ ma rig pa 'am/ rnam par mi shes pa 'ga' yang med pas/ tshe dang ldan pa 'char kas bram ze dang khyim bdag gi chung ma rab tu mang po de dag thag ring po kho na nas mthong ste/ mthong nas kyang 'di skad ces smras so/ /che ge mo'i ma/ che ge mo'i chung ma/ che ge mo'i mna' ma/ che ge mo'i bu mo/ che ge mo'i sring mo 'ongs pa legs so 'ongs pa legs so/ /khyed cag ci'i phyir yun ring mo ring mo nas zla ba ltar rgyu bar byed/ de dag gis smras pa/ btsun pa 'char ka bcom ldan 'das kyis mi khom pa brgyad ni gang zag gi tshangs par spyad pa'i dus ma lags so zhes legs par gsungs na/ bdag cag ni 'di lta ste/ khyim gyi 'du 'dzi dang ldan pas mi khom pa dgu pa lags so/ /'char kas smras pa/ sring mo dag khyed kyis 'ga' zhig gis 'di skad ces/ dug can la sogs rgyal po yis/ /bya ba dag ni ma byas par/ /de dag nyid dang bya ba rnams/ /zhig pa nyid du gyur pa yin/ /bya ba de dag nyid kyang ni/ /yongs su rdzogs par ma gyur par/ /'jig rten dgra bo 'chi bdag de/ /'ong ba nyid du 'gyur ba yin/ / zhes smras pa ma thos sam/ de dag gis smras pa/ btsun pa 'char ka de'i slad du bdag cag bskyed mos tshal du mchis te rgyal byed kyi tshal du 'jug pa dang / gtsug lag khang blta ba dang / bcom ldan 'das dang / dge slong gnas brtan gnas brtan rnams kyi zhabs la phyag 'tshal ba'i slad du mchis pa lags so/ /'char kas smras pa/ sring mo dag gal te khyed cag de'i phyir 'ongs na bcom ldan 'das kyis kyang snying po med pa'i lus las snying po blang bar bya'o gsungs pas legs so legs so/ /sring mo dag de ni mjal gyis 'di ltar ltad mo ji ltar blta ba dri bar bya'o/ /sring mo dag khyed cag gang du 'jug par byed/ btsun pa 'char ka bdag cag kun dga' ra bar 'jug cing gtsug lag khang lta bar 'tshal lo/ /sring mo dag bcom ldan 'das kyis/ mkhas pa gang zhig rab tu sems dang bas/ /sangs rgyas mchod rten dag la gom 'dor na/ /'dzam bu chu bo gser gyi srang tshad ni/ /stong phrag brgya yang de dang mnyam pa min/ / zhes gsungs pas de yang legs so/ /sring mo dag khyed kyis gang khyed cag gtsug lag khang ston par byed pa'i dge slong 'ga' zhig btsal tam/ 'phags pa ci bdag cag sgron ma sug pa na thogs bzhin du zhugs gzhan du tshol lam/ btsun pa 'char ka spangs te dge slong gzhan ga la tshol/ khyod bas gzhan khyad par du 'phags pa su zhig mchis kyis/ khyod nyid kyis bstan du gsol/ de nas tshe dang ldan par 'char ka 'di snyam du sems te/ gal te 'di dag la gtsug lag khang bstan par bya na ni bdag gi dge ba'i phyogs yongs su nyams par yang 'gyur/ gal te bstan par mi bya na ni tshig pa'i bsod snyoms kyang ster bar mi 'gyur la/ bcom ldan 'das kyis kyang ma dad pa rnams dad pa phun sum tshogs pa yang dag par 'dzin du gzhug par bya/ gdul bar bya/ gzung bar bya/ rab tu dgod par bya'o zhes gsungs pas de'i phyir 'di dag dge ba la nges par sbyar bar bya/ rnam pa thams cad du bstan par bya'o snyam du rig nas des me tog dang / bdug spos la sogs pa mchod pa rnam pa sna tshogs thogs te pog por lag tu blangs nas go rim ji lta ba bzhin du bstan par brtsams te/ sring mo dag 'di ni bcom ldan 'das kyi dri gtsang khang ste/ gang du bcom ldan 'das nyin lan gsum mtshan lan gsum sangs rgyas kyi spyan gyis 'jig rten la rnam par gzigs nas gang ni nyams par 'gyur/ gang ni 'phel bar 'gyur/ gang ni gnod par gyur/ gang ni nyam nga bar gyur/ gang ni mi bde bar gyur/ gang ni gnod pa dang / nyam nga ba dang / mi bde bar gyur/ gang ni ngan song la gzhol/ gang ni ngan song la 'bab/ gang ni ngan song gi lam nas bslangs te mtho ris dang / thar pa dang / 'bras bu la gzhag par bya/ 'dod pa'i 'dam du bying ba gang gi lag nas ni drang bar bya/ 'phags pa'i nor gyi dbyig dang bral ba gang ni 'phags pa'i nor gyi dbang phyug la gzhag par bya/ gang gi sangs rgyas 'byung bas brgyan pa'i 'jig rten ni 'bras bu dang bcas par bya/ gang gi dge ba'i rtsa ba dag ma bskyed pa ni bskyed par bya/ dge ba'i rtsa ba dag bskyed pa gang ni yongs su smin par bya/ yongs su smin pa gang ni rnam par grol bar bya zhes mkhyen pa dang / gzigs pa 'jug cing 'di ltar/ chu srin gnas kyi dug can pa/ /dus las 'da' bar 'gyur srid kyi/ /sangs rgyas gdul la byams pa ni/ / dus las 'da' bar mi 'gyur ro/ /ji ltar ma ni bu sdug gcig pu la/ /rtog cing de srog srung bar byed pa ltar/ /de bzhin gshegs pa'ang gdul ba'i skye bo la/ /rtog par mdzad cing de srog srung bar mdzad/ /kun mkhyen rgyud la mnga' ba'i thugs rje yis/ / bzhon ma gdul ba'i be'u tshol mi skyo ste/ /srid dang ngan 'gros nyams la byams pa ni/ /rab nyams be'u la byams pa'i ba bzhin no zhes bya ba 'jug pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas stobs bcu'i stobs dang ldan pa/ mi 'jigs pa bzhis bsnyengs pa mi mnga' ba/ khyu mchog rlabs po che'i gnas su dam 'cha' ba/ 'khor gyi nang du seng ge'i sgra yang dag par sgrog pa gang yin pa de'i yin gyis 'dir zhabs la phyag dag 'tshol cig /'di ni tshe dang ldan pa kun shes kauN+Di n+ya'i gtsug lag khang ste/ bcom ldan 'das kyi 'jig rten mi shes pa'i mun pa dang / 'dren pa med pa dang / yongs su 'dren pa med pa na de'i dang por ye shes kyi mig sman gyi thur mas gang gi chos kyi mig rnam par sbyangs pa/ bcom ldan 'das kyis gnas brtan rnams dang / rgyal tshab lta bu rnams dang / yun ring po nas rab tu byung ba rnams dang / tshangs par spyod pa mngon par spyad pa rnams dang / snam sbyar gyi rgyal mtshan thogs pa rnams gyi mchog tu lung bstan pa gang yin pa gang gi rgyud la de'i dang por bcom ldan 'das kyis 'jig rten du dge sbyong ngam/ bram ze 'am/ lha 'am/ bdud dam/ tshangs pa 'am/ sus kyang chos dang 'thun par bskor mi nus pa chos dang ldan pa'i chos kyi 'khor lo skye bo mang po'i don dang / skye bo mang po la phan pa dang / bde ba dang / 'jig rten la rjes su thugs brtse ba dang / lha dang mi rnams kyi don dang / phan pa dang / bde ba'i phyir lan gsum du bzlas te rnam pa bcu gnyis su bskor ba de'i yin gyis 'dir yang zhabs la phyag dag tshol cig /'di ni tshe dang ldan pa 'od srung chen po'i gtsug lag khang ste/ bram ze shing sA la chen po lta bu rmon pa dor stong du gcig gis ma chog pa spangs te rab tu byung ba dbyig bye ba phrag drug cu dang ldan pa/ gser gyi nas bang chung brgyad cu bdog pa/ bran gyi grong bcwa brgyad bdog pa/ sbyor ba'i grong bcu drug bdog pa/ ser skya bzang mo lus gser bas lhag pa dang ldan pa mchil ma'i thal ba smin pa ltar spangs te mtshan mo'i thun tha ma la ras sbyar ma'i snam sbyar rin thang 'bum ri ba thogs te 'jig rten na dgra bcom pa gang dag bzhugs pa de dag gi phyir rab tu byung ba/ bsam gtan dang / rnam par thar pa dang / ting nge 'dzin dang / snyoms par 'jug par bskyed pa'i phyir nags na brten pa gang yin pa/ gang mthong na spos kyi glang po che dag kyang rgyags pa dang bral bar 'gyur ba/ gang gis bu mangs kyi mchod rten du ston par khas blangs nas dge slong gi sdom pa thob pa/ bcom ldan 'das kyis kyang dge slong dag nga'i nyan thos kyi dge slong 'dod pa chung ba chog shes pa/ sbyangs pa'i yon tan smra ba rnams kyi nang na mchog ni 'di yin te/ 'di lta ste/ dge slong 'od srung chen po'o zhes gsungs shing / bcom ldan 'das kyis rjes su bsngags pa gang yin pa de'i yin gyis 'dir yang zhabs la phyag dag tshol cig /'di ni tshe dang ldan pa shA ri'i bu'i gtsug lag khang ste/ mchog thob pa'i bu gang yin pa/ gang gis lo brgyad gnyis su dbang po'i brda sprod pa blags pa/ rgol ba thams cad tshar gcad pa/ bcom ldan 'das kyi bstan pa la rab tu byung nas/ bcom ldan 'das kyis shes rab chen po rnams dang / spobs pa chen po rnams kyi mchog tu bstan pa gang yin pa/ bcom ldan 'das kyis 'jig rten thams cad gang gi cha bcu drug par gzhag cing bcom ldan 'das kyis/ de bzhin gshegs pa ma gtogs par/ /'jig rten kun gyi shes rab gang / /shA ri'i bu yi shes rab kyi/ /bcu drug char yang mi chog go/ /gal te lhar bcas 'jig rten 'di/ /shA ri'i bu dang mnyam gyur pas/ /de bzhin gshegs pa'i ye shes kyi/ /bcu drug char yang mi chog go/ /zhes gsungs pa gang yin pa de'i yin gyis 'dir yang zhabs la phyag dag tshol cig /'di ni tshe dang ldan pa maud gal gyi bu chen po'i gtsug lag khang ste/ mdun na 'don gyi bu cod pan med pa'i rgyal srid spangs te rab tu byung ba gang yin pa gang gis lha'i dbang po brgya byin gyi khang bzangs rnam par rgyal byed rkang pa g.yas pa'i mthe bos lan gsum du bsgul/ kun tu bsgul/ kun tu rab tu bsgul ba/ gang gi rdzu 'phrul gyis bcom ldan 'das 'jig rten gyi khams 'od can du nyin mtshan bdun gyis gshegs pa/ bcom ldan 'das kyis rdzu 'phrul chen po rnams dang / mthu chen po rnams kyi mchog tu bstan pa gang yin pa de'i yin gyis 'dir yang zhabs la phyag dag 'tshol cig /'di ni tshe dang ldan pa ma 'gags pa'i gtsug lag khang ste/ mi skal ba bzang po las rab tu byung ba gang yin pa/ bcom ldan 'das kyi yab kyi mched kyi sras gang gi ming yang dag par bsgrags pas tshong pa dag rgya mtsho chan po nas bzhon pa'i snod legs par grub cing 'ong bar 'gyur ba/ bcom ldan 'das kyis lha'i mig can rnams kyi mchog tu bstan pa gang yin pa de'i yin gyis 'dir yang zhabs la phyag dag 'tshol cig /'di ni tshe dang ldan pa kun dga' bo'i gtsug lag khang ste/ yun ring po nas bcom ldan 'das kyis bsnyen bkur ba gang yin pa/ bcom ldan 'das kyi zha 'bring na nye bar spyod pa/ ston pas yang dag par bsngags pa/ tshangs pa mtshungs par spyod pa mkhas pa rnams kyis yang dag par bkur ba gang yin pa/ bcom ldan 'das kyi yab kyi mched kyi sras las rab tu byung ba/ bcom ldan 'das kyis mang du thos pa rnams dang / thos pa 'dzin pa rnams dang / thos pa bsags pa rnams kyi mchog tu bstan pa gang yin pa de'i yin gyis 'dir yang zhabs la phyag dag 'tshol cig /'di ni tshe dang ldan pa mdzes dga'i gtsug lag khang ste/ bcom ldan 'das kyi gcung po sru'i sras las rab tu byung ba/ gal te rab tu ma byung na stobs kyis 'khor los sgyur ba'i rgyal por 'gyur ba/ bcom ldan 'das kyis dbang po dag gi sgo bsdams pa rnams kyi mchog tu bstan pa gang yin pa de'i yin gyis 'dir yang zhabs la phyag dag 'tshol cig 'di ni tshe dang ldan pa sgra gcan zin gyi gtsug lag khang ste/ bcom ldan 'das kyis sras las rab tu byung ba/ gal te rab tu ma byung na mthu dang ldan pa'i rgyal por 'gyur ba gang yin pa/ gang rab tu byung na rgyal po mang pos bkur gyi rgyud cig nas gcig tu brgyud pa yang dag par rgyun chad pa/ bcom ldan 'das kyis bslab pa 'dod pa rnams dang / bslab pa la gus pa rnams dang / bslab pa la yo byad bsnyungs pa thob pa rnams kyi mchog tu bstan pa gang yin pa de'i yin gyis 'dir yang zhabs la phyag dag 'tshol cig /'di ni tshe dang ldan pa dga' bo'i gtsug lag khang ngo / /'di ni nye dga'i 'o/ /'di ni 'dun pa'i 'o/ /'di ni 'gro mgyogs kyi'o/ /'di ni nab so'i 'o/ /'di ni kho bo'i gtsug lag khang ngo / /ci 'di yang lta bar byed dam/ 'phags pa ci bdag cag gis gtsug lag khang thams cad bltas nas gdod 'phags pa 'char ka'i gtsug lag khang blta bar mi bgyi 'am/ bdag cag gis 'phags pa 'char ka'i gtsug lag khang 'di da shin du blta bar bgyi'o/ /sring mo dag de bzhin gyis shig /tshe dang ldan pa 'char ka de 'dod chags spyod pa yin pas de'i gtsug lag khang na gzhi mon sran gre'u 'i phye mas bskus pa dang / rtsig pa cung zhig nye bar bkra ba dang / mal stan be'u phrug gi snying po can bshams pa dang / bum pa btung bas bkang ba bcu snod dang bcas pa bzhag pa dang / skon pa'i nang na bca' ba sna tshogs kyis gang ba dag yod do/ /tshe dang ldan pa 'char kas bram ze dang khyim bdag gi chung ma rab tu mang po rang gi gtsug lag khang du 'ongs pa rnams la smras pa/ sring mo dag ci je khye'u sus bya 'am/ 'on te btung ba btung / 'phags pa ci chu klung bzlog phyogs su 'bab bam/ bdag cag gis 'phags pa la gsol bar bgyi ba gang lags pa de nyid 'phags pas bdag cag la stsol tam/ 'di ltar bdag cag la gang dkon pa de stsol cig /sring mo dag khyed cag la ci zhig dkon/ 'phags pa chos mnyan pa'o/ /sring mo dag bcom ldan 'das kyis gnas drug po dag 'jig rten du byung ba ni ngo mtshar rmad du byung ba yin te/ drug po de dag gang zhe na/ de bzhin gshegs pa dgra bcom pa yang dag par rdzogs pa'i sangs rgyas dang / de bzhin gshegs pas gsungs pa'i chos 'dul ba dang / mi nyid dang / dbus pa'i gnas su skye ba dang / dbang po ma tshang ba med pa dang / dge ba'i chos la 'dun pa'o zhes legs par gsungs pas de'i phyir khyed cag dge ba'i chos la 'dun pa skyes pa 'di ni sangs rgyas 'byung ba dang 'dra ste legs so legs so/ /sring mo dag 'khod cig dang kho bos khyed la chos bstan par bya'o/ /de dag gis de'i rkang pa gnyis la phyag 'tshal te chos mnyan pa'i phyir mdun du 'khod pa dang / des de dag la chos bstan par brtsams so/ /ji lta ji ltar chos ston pa de lta de ltar kun du chags so/ /ji lta ji ltar kun du chags pa de lta de ltar dral to/ /ji lta ji ltar dral ba de lta de ltar de dag gi yan lag dang nying lag dag la nyug par brtsams so/ /'di lta ste dper na mi gsang sngags nyid rjod par byed pa 'byung po 'am/ sha zas thal lcag gis bsnun pas bsnun par gyur pa de bzhin du de yang de dag la ji lta ji ltar chos ston par byed pa de lta de ltar kun du chags so/ /ji lta ji ltar kun du chags pa de lta de ltar dral to/ /ji lta ji ltar dral ba de lta de ltar de dag gi yan lag dang nying lag dag la nyug par brtsams so/ /de na gang dag bdag gir byed pa de dag ni de dang lhan cig gzhog steg dang / phyar g.yeng dang / tho 'tsham pa dang / kun du rtse ba dang / kun du ca co 'don pa dang / dgod pa dang / dregs pa dang / lus sgyur bar byed do/ /gang dag bdag gir mi byed pa de dag ni de nas phyir byung ste/ 'chag sa dang / dag ra dang / sgo khang dag na/ gang las chu 'byung de las 'bar/ /gang las skyob pa de las 'jigs/ /'jigs pa med las 'jigs pa skyes/ /skyabs las 'jigs pa skyes par gyur/ /bdag cag gi phyogs gcig tu bde ba zhi ba/ bde legs brjod pa/ bde legs su 'gyur ba gang yin pa de las 'jigs pa dang / yams dang / 'go ba'i nad dang / 'khrug pa byung bar gyur to zhes smod par byed/ phyar ka gtong bar byed/ kha zer bar byed do/ /de dag smod cing 'dod pa na dge slong dag gi mngon sum du gyur na de dag gis de dag smod pa thos pa dang / de dag gis smras pa/ sring mo dag khyed cag su la smod/ 'phags pa dag khyed cag la'o/ /nged kyi ci byas/ 'phags pa dag bdag cag gi yan lag dang nying lag khyim thab kyis kyang ma byugs pa gang dag lags pa de dag 'phags pa 'char kas byugs so/ /gal te bdag cag gi pha ma 'am/ phu nu mo dag gis thos par gyur na rgyal byed kyi tshal ga la ba der ltar yang mi ster na mchi bar lta smos kyang ci 'tshal/ sring mo dag kha rog shig /dge slong de ni mdun na 'don gyi bu las rab tu byung ba/ tshul khrims dang ldan pa yin mod kyi/ 'on kyang 'dod chags shas che ba yin pas rtsom pa des nyon mongs pa sel bar byed do/ /'phags pa dag ci lags/ glang bu gang la rwa rnon po gnyis mchis pa des bdag nyid kyi dku 'dral bar bgyid dam/ de ni mi rigs so/ /sring mo dag kha rog shig dang bzlog par bya'o/ /'phags pa dag gal te bzlog na de lta na legs/ gal te bzlog par mi mdzad na/ bdag cag slan cad rgyal byed kyi tshal du mi mchi'o/ /sring mo dag kha rog shig dang ci nas kyang phyin chad de lta byed par mi 'gyur bar bzlog par bya'o/ /dge slong rnams kyis de dag la bsgo ste dong ba dang / lhag ma rnams kyang gtsug lag khang nas byung ste dong ngo / /de nas tshe dang ldan pa 'char ka yang rgod bzhin du gtsug lag khang nas byung ba dang / dge slong rnams kyis de mthong nas smras pa/ tshe dang ldan pa 'char ka khyod mi mdzes pa de lta bu de byas nas da ci rgod/ 'char kas smras pa/ kho bos chang 'thungs sam/ skun dong zos sam ci/ tshe dang ldan pa ci de yang byas sam/ gzhan ci zhig byas/ bram ze dang khyim bdag gi chung ma rab tu mang po de dag 'phya zhing dong ngo / /'char kas smras pa/ tshe dang ldan pa dag lhung bzed nag po can rnams kyi rang bzhin ni ser snas gang la yang tshig bzhi pa'i tshigs su bcad pa gcig tsam yang mi ston la/ de dag ni gang gzhan la ston pa de la 'phya bar byed do/ /de dag gis smras pa/ ci khyod kyis de dag bden pa dag la bkod dam des smras/ je de dag gi dbang po yongs su smin par bya bar brtsams na mthar gyis bden pa yang mthong bar 'gyur ro/ /dge slong don nyung ngu dag ci'i phyir dge slong dag yan lag gang gis ngo tsha bar bya ba'i yan lag de dag nyid kyis khengs par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad do/ /de nas bcom ldan 'das kyis rnams grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dral cing gyur pa'i sems kyis bud med kyi yul dang lhan cig lus la reg par byed dam/ lag pa nas bzung ngam/ dpung pa nas bzung ngam/ lan bu nas bzung ngam/ yan lag dang nying lag gang yang rung ba la nom pa dang / nyug pa bdag gir byed na dge 'dun lhag ma'o/ /yang dge slong gang zhes bya ba ni 'char ka 'am/ gzhan yang de dang 'dra ba gang yin pa'o/ /dral cing gyur pa'i sems kyis shes bya ba la/ sems dral cing ma gyur pa yang yod/ gyur cing ma dral ba yang yod/ dral cing gyur pa yang yod/ ma dral cing ma gyur pa yang yod do/ /de la re shig dral cing ma gyur pa ni sems chags pa dang / kun du chags pa dang / kun nas dkris pa gang yin pa'o/ /gyur cing ma dral ba ni sems ltos pa dang ldan zhing sems 'brel ba gang yin pa'o/ /dral cing gyur pa ni sems chags pa dang / kun du chags pa dang / kun nas dkris shing sems ltos pa dang ldan pa dang 'brel ba gang yin pa'o/ /ma dral cing ma gyur pa ni rnam pa de dag ma gtogs pa'o/ /bud med kyi yul dang lhan cig ces bya ba ni bud med dam/ gzhon nu ma mi tshangs par spyod pa 'khrig pa'i chos sten nus pa gang yin pa dang ngo / /lus reg par zhes bya ba ni lus la lus gzhol bar ro/ /byed dam zhes bya ba ni byed par gyur tam mo/ /lag pa nas bzung ngam zhes bya ba ni 'khrig ma man chad kyi lag pa nas so/ /dpung pa nas bzung ngam zhes bya ba nas 'khrig ma yan chad nas so/ /lan bu nas bzung ngam zhes bya ba la/ lan bu zhes bya ba ni skra dag dang / de dang 'brel ba'i gos so/ /yan lag dang nying lag gang yang rung ba zhes bya ba ni lag pa nas bzung ba dang / dpung pa nas bzung ba ma gtogs pa de las gzhan pa'i yan lag gi rnam pa gang yin pa la'o/ /nom pa dang nyug pa bdag gir byed na zhes bya ba ni ro myong bar byed na'o/ /dge 'dun lhag ma'o zhes bya ba ni ltung ba de dge 'dun la rag las pa ste/ des na dge 'dun lhag ma'o zhes gsungs so zhes bya ba'i bar du snga ma bzhin no/ /de la ltung ba ji ltar 'gyur zhe na/ gzhi dgus te/ nom par byed pa dang / nyug par byed pa dang / sprod par byed pa dang / 'dzin par byed pa dang / 'dren par byed pa dang / yongs su 'dren par byed pa dang / 'og nas 'khyud par byed pa dang / steng nas 'khyud par byed pa dang / dam du sbyor bar byed pas so/ /ji ltar nom par byed pas she na/ dge slong gis dral cing gyur pa'i sems kyis bud med dam/ gzhon nu ma mi tshangs par spyod pa 'khrig pa'i chos sten nus pa gang yin pa de'i spyi bo la nom par byed na gos kyis bar du ma chod pa la nom na dge 'dun lhag mar 'gyur ro/ /gos kyis bar du chod pa dang bcas pa la nom na nyes pa sbom por 'gyur ro/ /spyi bo la ji lta ba de bzhin du 'phral ba dang / mkhur ba dang / mchu dang / ko sko dang / mgrin pa dang / rna ba dang / sna dang / za 'gram dang / phrag pa dang / mchan kung dang / thal gong dang / blo dang / rgyab dang / brang dang / rked pa dang / pus mo dang / brla dang / rje ngar dang / rkang pa'i rtse mo dang / tha na rkang pa'i mthe bo la nom par byed na gos kyis bar du ma chod pa la nom na dge 'dun lhag mar 'gyur ro/ /gos kyis bar du chod pa dang bcas pa la nom na nyes pa sbom por 'gyur ro/ /nom par byed pa la ji lta ba bzhin du nyug par byed pa dang sprod pa byed pa dang / 'dzin par byed pa la yang de bzhin no/ /ji ltar 'dren par byed pas she na/ dge slong gis dral cing gyur pa'i sems kyis bud med dam/ gzhon nu ma mi tshangs par spyod pa 'khrig pa'i chos sten nus pa gang yin pa de thag ring po nas drung du 'dren par byed dam/ drung nas thag ring por 'dren par byed na gos kyis bar du chod pa med pa la 'dren na dge 'dun lhag mar 'gyur ro/ /gos kyis bar du chod pa dang bcas pa la 'dren na nyes pa sbom por 'gyur te/ de ltar 'dren par byed pas so/ /ji ltar yongs su 'dren par byed pas she na/ dge slong gis dral cing gyur pa'i sems kyis bud med dam/ gzhon nu ma mi tshangs par spyod pa 'khrig pa'i chos ston nus pa gang yin pa de rkang pa'i mtha' nas mgo'i mthar ram/ mgo'i mtha' nas rkang pa'i mthar yongs su 'dren par byed dam/ glo g.yon pa nas glo g.yas par ram/ glo g.yas pa nas glo g.yon par yongs su 'dren par byed na gos kyis bar du chod pa med pa yongs su 'dren na dge 'dun lhag mar 'gyur ro/ /gos kyis bar du chod pa dang bcas pa yongs su 'dren na nyes pa sbom por 'gyur te/ de ltar yongs su 'dren par byed pas so/ /ji ltar 'og nas 'khyud par byed pas she na/ dge slong gis dral cing gyur pa'i sems kyis bud med dam/ gzhon nu ma mi tshangs par spyod pa 'khrig pa'i chos sten nus pa gang yin pa de sa nas rkang pa'i rtse mor 'og nas 'khyud par byed na gos kyis bar du chod pa med par 'og nas 'khyud na dge 'dun lhag mar 'gyur ro/ /gos kyis bar du chod pa dang bcas par 'og nas 'khyud na nyes pa sbom por 'gyur ro/ /sa nas rkang pa'i rtse mor ji lta ba de bzhin du rkang pa'i rtse mo nas rje ngar du dang / rje ngar nas brlar dang / brla nas rked par dang / rked pa nas brang du dang / brang nas glor dang / glo nas rgyab tu dang / rgyab nas phrag par dang / phrag pa nas mgrin par dang / mgrin pa nas kos skor dang / kos sko nas za 'gram du dang / za 'gram nas mkhur ba dang / mkhur ba nas 'phral bar dang 'phral ba nas spyi bor dang / spyi bo nas khri'ur dang / khri'u nas khrir dang / khri nas khyogs spyil du dang / khyogs spyil nas rta'i rgyab tu dang / rta'i rgyab nas glang po che'i rgyab tu dang / glang po che'i rgyab nas khang bzangs su 'og nas 'khyud par byed na gos kyis bar du chod pa med par 'og nas 'khyud na dge 'dun lhag mar 'gyur ro/ /gos kyis bar du chod pa dang bcas par 'og nas 'khyud na nyes pa sbom por 'gyur te/ de ltar 'og nas 'khyud par byed pas so/ /ji ltar steng nas 'khyud par byed pas she na/ dge slong gis dral cing gyur pa'i sems kyis bud med dam/ gzhon nu ma mi tshangs par spyod pa 'khrig pa'i chos sten nus pa gang yin pa de khang bzangs nas glang po che'i rgyab tu steng du 'khyud par byed na gos kyis bar du chod pa med par steng nas 'khyud par byed na/ dge 'dun lhag mar 'gyur ro/ /gos kyis bar du chod pa dang bcas par steng nas 'khyud na nyes pa sbom por 'gyur ro/ /khang bzangs nas glang po che'i rgyab tu ji lta ba de bzhin du glang po'i rgyab nas rta'i rgyab du dang / rta'i rgyab nas khyogs spyil du dang / khyogs spyil nas khrir dang / khri nas khri'u dang / khri'u nas spyi bor dang / spyi bo nas 'phral bar dang / 'phral ba nas mkhur bar dang / mkhur ba nas za 'gram du dang / za 'gram nas kos skor dang / kos sko nas mgrin bar dang / mgrin pa nas phrag par dang / phrag pa nas rgyab tu dang / rgyab nas glor dang / glo nas brang du dang / brang nas rked par dang / rked pa nas brlar dang / brla nas rje ngar du dang / rje ngar nas rkang pa'i rtse mor dang / rkang pa'i rtse mo nas sa la steng nas 'khyud par byed na gos kyis bar du chod pa med par steng nas 'khyud na dge 'dun lhag mar 'gyur ro/ /gos kyis bar du chod pa dang bcas par steng nas 'khyud na nyes pa sbom por 'gyur te/ de ltar steng nas 'khyud par byed pas so/ /ji ltar dam du sbyor bar byed pas she na/ dge slong gis dral cing gyur pa'i sems kyis bud med dam/ gzhon nu ma mi tshangs par spyod pa 'khrig pa'i chos sten nus pa gang yin pa de'i spyi bor gos kyis bar du chod pa med par dam du sbyor na dge 'dun lhag mar 'gyur ro/ /gos kyis bar du chod pa dang bcas par dam du sbyor na nyes pa sbom por 'gyur ro/ /spyi bor ji lta ba de bzhin du 'phral ba dang / mkhur ba dang / mchu dang / kos sko dang / mgrin pa dang / rna ba dang / sna dang / za 'gram dang / phrag pa dang / mchan khung dang / thal gong dang / glo dang / rgyab dang / brang dang / rked pa dang / pus mo dang / brla dang / rje ngar dang / rkang pa'i rtse mo dang / tha na rkang pa'i mthe bor dam du sbyor bar byed na gos kyis bar du chod pa med par dam du sbyor na dge 'dun lhag mar 'gyur ro/ /gos kyis bar du chod pa dang bcas par dam du sbyor na nyes pa sbom por 'gyur te/ de ltar dam du sbyor bar byed pas so/ /gzhan yang ji ltar nom par byed pas she na/ bud med dam/ gzhon nu ma mi tshangs par spyod pa 'khrig pa'i chos sten nus pa gang yin pa des dge slong gi spyi bo la nom par byed pa na/ gal te dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar lus nye bar gzhol bar byed na gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na dge slong la nyes pa sbom por 'gyur ro/ /spyi bo la ji lta ba de bzhin du 'phral ba dang / mkhur ba dang / mchu dang / kos sko dang / mgrin pa dang / rna ba dang / sna dang / za 'gram dang / phrag pa dang / mchan khung dang / thal gong dang / glo dang / rgyab dang / brang dang / rked pa dang / pus mo dang / brla dang / rje ngar dang / rkang pa'i rtse mo dang / tha na rkang pa'i mthe bo la nom par byed pa na gal te dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar lus nye bar gzhol bar byed na gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na nyes pa sbom por 'gyur ro/ /nom par byed pa la ji lta ba bzhin du nyug par byed pa dang / sprod par byed pa dang / 'dzin par byed pa yang de bzhin no/ /ji ltar 'dren par byed pas she na/ bud med dam/ gzhon nu ma mi tshangs par spyod pa 'khrig pa'i chos sten nus pa gang yin pa des dge slong thag ring po nas drung du 'dren par byed dam/ drung nas thag ring por 'dren par byed pa na/ gal te dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar lus nye bar gzhol bar byed na gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na nyes pa sbom por 'gyur te/ de ltar 'dren par byed pas so/ / ji ltar yongs su 'dren par byed pas she na/ bud med dam/ gzhon nu ma mi tshangs par spyod pa 'khrig pa'i chos sten nus pa gang yin pa des dge slong rkang pa'i mtha' nas mgo'i mthar ram/ mgo'i mtha' nas rkang pa'i mthar yongs su 'dren par byed dam/ glo g.yon pa nas glo g.yas par ram/ glo g.yas pa nas glo g.yon par yongs su 'dren par byed pa na/ gal te dge slong gis dral cing gyur pa'i sems kyis de'i ro myang bar byed nges par rtog par byed/ lhag par chags par byed/ lhag par chags shing 'dug par byed pa de lta de ltar lus nye bar gzhol bar byed na gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na dge slong la nyes pa sbom por 'gyur te/ de ltar yongs su 'dren par byed pas so/ /ji ltar 'og nas 'khyud par byed pas she na/ bud med dam/ gzhon nu ma mi tshangs par spyod pa 'khrig pa'i chos sten nus pa gang yin pa des dge slong sa nas rkang pa'i rtse mor 'og nas 'khyud par byed pa na gal te dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar lus nye bar gzhol bar byed na gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na dge slong la nyes pa sbom por 'gyur ro/ /sa nas rkang pa'i rtse mor ji lta ba de bzhin du rkang pa'i rtse mo nas rje ngar du dang / rje ngar nas brlar dang / brla nas rked par dang / rked pa nas brang du dang / brang nas glor dang / glo nas rgyab tu dang / rgyab nas phrag pa dang / phrag pa nas mgrin par dang / mgrin pa nas kos skor dang / kos sko nas za 'gram du dang / za 'gram nas 'khur bar dang / 'khur ba nas 'phral bar dang / 'phral ba nas spyi bor dang / spyi bo nas khri'ur dang / khri'u nas khrir dang / khri nas khyogs spyil du dang / khyogs spyil nas rta'i rgyab tu dang / rta'i rgyab nas glang po che'i rgyab tu dang / glang po che'i rgyab nas khang bzangs su 'og nas 'khyud par byed pa na/ gal te dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar lus nye bar gzhol bar byed na gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na dge slong la nyes pa sbom por 'gyur te/ de ltar 'og nas 'khyud par byed pas so/ /ji ltar steng nas 'khyud par byed pas she na/ bud med dam gzhon nu ma mi tshangs par spyod pa 'khrig pa'i chos sten nus pa gang yin pa des dge slong khang bzangs nas glang po che'i rgyab tu steng nas 'khyud par byed pa na gal te dge slong gis dral cing gyur pa'i sems kyis ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar lus nye bar gzhol bar byed na gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na dge slong la nyes pa sbom por 'gyur ro/ /khang bzangs nas glang po che'i rgyab tu ji lta ba de bzhin du glang po che'i rgyab nas rta'i rgyab tu dang / rta'i rgyab nas khyogs spyil du dang / khyogs spyil nas khrir dang / khri nas khri'ur dang / khri'u nas spyi bor dang / spyi bo nas 'phral bar dang / 'phral ba nas mkhur bar dang / mkhur ba nas za 'gram du dang / za 'gram nas kos skor dang / kos sko nas mgrin par dang / mgrin pa nas phrag par dang / phrag pa nas rgyab tu dang / rgyab nas glor dang / glo nas brang du dang / brang nas rked par dang / rked pa nas brlar dang / brla nas rje ngar du dang / rje ngar nas rkang pa'i rtse mor dang / rkang pa'i rtse mo nas sa la steng nas 'khyud par byed pa na/ gal te dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ /lhag par chags shing 'dug par byed pa de lta de ltar lus nye bar gzhol bar byed na/ gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na dge slong la nyes pa sbom por 'gyur te/ de ltar steng nas 'khyud par byed pas so/ /ji ltar dam du sbyor bar byed pas she na/ bud med dam/ gzhon nu ma mi tshangs par spyod pa 'khrig pa'i chos sten nus pa gang yin pa des dge slong gi spyi bor dam du sbyor bar byed pa na/ gal te dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar lus nye bar gzhol bar byed na gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol bar byed na dge slong la nyes pa sbom por 'gyur ro/ /spyi bo la ji lta ba de bzhin du 'phral ba dang / mkhur ba dang / mchu dang / kos sko dang / mgrin pa dang / rna ba dang / sna dang / za 'gram dang / phrag pa dang / mchan khung dang / thal gong dang / glo dang / rgyab dang / brang dang / rked pa dang / pus mo dang / brla dang / rje ngar dang / rkang pa'i rtse mo dang / tha na rkang pa'i mthe bong la dam du sbyor bar byed pa na/ gal te dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar lus nye bar gzhol bar byed pa na gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na dge slong la nyes pa sbom por 'gyur te/ de ltar dam du sbyor bar byed pas so/ /nus pa la dge 'dun lhag ma gang yin pa de mi nus pa la nyes pa sbom po'o/ /skyes pa dang / za ma dang / ma ning dang / mtshan gnyis pa la nyes pa sbom po'o/ /nus pa la nyes pa sbom po gang yin pa de mi nus pa la nyes byas so/ /skyes pa dang / za ma dang / ma ning dang / mtshan gnyis pa la yang nyes byas nyid do/ /dud 'gro'i skye gnas su skyes pa la yang nyes byas nyid do/ /nus pa la nyes byas gang yin pa de mi nus pa la yang nyes byas nyid do/ /skyes pa dang / za ma dang / ma ning dang / mtshan gnyis pa dang / dud 'gro'i skye gnas su skyes pa la yang nyes byas nyid do/ /ma yang yin la/ mar 'du shes pa yang yod pa dang / sring mo yang yin la/ sring mor 'du shes pa yang yod pa dang / bu mo yang yin la/ bu mor 'du shes pa yang yod pa la ltung ba med do/ /mer mchong ba dang / chus khyer ba dang / dug za ba dang / mtshon 'byin pa dang / g.yang sa nas 'chong ba dang / thag pas 'ching ba dang / 'chi ba la mngon par phyogs pa 'chi ba las thar par byed pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /lus kyis reg pa'i dge 'dun lhag ma ste gnyis pa rdzogs s+ho// //'dul ba rnam par 'byed pa/ bam po bcu drug pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag gi kun du spyod pa ni 'dir bdag cag gis bram ze dang / khyim bdag 'ongs shing lhags pa rnams la yang chos bstan par bya/ rgol ba dag kyang tshar gcad par bya/ rang gi grags pa yang bsgrag par bya'o snyam pas drug sde las gang yang rung bas rgyal byed kyi tshal gyi sgo stong par mi 'jog pas tshe dang ldan pa 'char ka nang par sngar langs te so shing bor nas snam sbyar dmar ser gyon te/ rgyal byed kyi tshal gyi sgo na 'chag cing 'dug go/ /mnyan yod na gnas pa'i bram ze dang / khyim bdag gi chung ma rnams kyi kun du spyod pa ni bskyed mos tshal du song ste rgyal byed kyi tshal du 'jug pa dang / gtsug lag khang lta ba dang / bcom ldan 'das dang / dge slong gnas brtan gnas brtan rnams kyi zhabs la phyag 'tshal du 'gro bas bram ze dang / khyim bdag gi chung ma rab tu mang po dag bskyed mos tshal tu byung ste/ gtsug lag khang lta 'dod pas rgyal byed kyi tshal ga la ba der dong ngo zhes bya ba nas/ des de dag la chos bstan par brtsams so zhes bya ba'i bar du dge 'dun lhag ma gnyis pa'i skabs su bstan pa bzhin no/ /ji lta ji ltar chos bstan pa de lta de ltar kun du chags so/ /ji lta ji ltar kun du chags pa de lta de ltar dral to/ /ji lta ji ltar dral ba de lta de ltar de dag las gnas ngan len gyi tshig sdig pa can tshogs par mi dbyung ba 'khrig pa dang ldan pa dag skyes bus na chung la ji lta ba bzhin du smra bar brtsams so/ /'di lta ste dper na mi gsang sngags nyid rjod par byed pa 'byung po 'am/ sha zas thal lcag gis snun pas bsnun par gyur pa de bzhin du de yang de dag la ji lta ji ltar chos ston par byed pa de lta de ltar kun du chags so/ /ji lta ji ltar kun du chags pa de lta de ltar dral to/ /ji lta ji ltar dral ba de lta de ltar de dag la gnas ngan len gyi tshig sdig pa can tshogs par mi dbyung ba 'khrig pa dang ldan pa dag skyes bus na chung la ji lta ba bzhin du smra bar brtsams so/ /de na gang dag bdag gir byed pa de dag ni de dang / lhan cig gzhog steg dang / phyar g.yeng dang / tho 'tsham pa dang / kun du rtse ba dang / kun du ca co 'don pa dang / rgod pa dang dregs pa dang / lus sgyur bar byed de/ gang dag bdag gir mi byed pa de dag ni de nas phyir byung ste 'chag sa dang / dag ra dang / sgo khang dag na/ gang las chu 'byung de las 'bar/ /gang las skyob pa de las 'jigs/ /'jigs pa med pas 'jigs pa skyes/ /skyabs las 'jigs pa skyes par 'gyur/ /bdag cag gis phyogs gcig tu bde ba/ zhi ba bde legs rjod pa/ bde legs su 'gyur ba gang yin pa de las 'jigs pa dang / yams dang / gnod pa dang / 'go ba'i nad dang 'khrug pa byung bar gyur to/ /zhes smod par byed/ phyar ka gtong bar byed/ kha zer bar byed do/ /de dag smod cing / 'dong ba na dge slong dag gi mngon sum du gyur nas/ de dag gis de dag smod pa thos pa dang / de dag gis smras pa/ sring mo dag khyed cag su la smod/ 'phags pa dag khyed cag la'o/ /nged kyis ci byas/ 'phags pa dag bdag cag gis dwa rnams dang / rgyan po pa rnams dang / nal gyi bu rnams las kyang tshig gang dag sngon ma thos pa de dag 'phags pa 'char ka las thos so/ /gal te bdag cag gi pha ma dang / phu nu mo dag gis thos par gyur na rgyal byed kyi tshal ga la ba der ltar yang mi ster na mchi bar lta smos kyang ci 'tshal/ sring mo dag kha rog shig / dge slong de ni mdun na 'don gyi bu las rab tu byung ba tshul khrims dang ldan pa yin mod kyi 'on kyang 'dod chags shas che ba yin pas rtsom pa des nyon mongs pa sel bar byed do/ /'phags pa dag ci lags glang bu gang la rwa rnon po gnyis mchis pa des bdag nyid kyi dku 'dral bar bgyid dam/ de ni mi rigs so/ /sring mo dag kha rog shig dang / bzlog par bya'o/ /'phags pa dag gal te bzlog na de lta na legs/ gal te zlog par mi mdzad na bdag cag slan chad rgyal byed tshal du mi mchi'o/ /sring mo dag kha rog shig dang ci nas kyang phyin chad de lta byed par mi 'gyur bar bzlog par bya'o/ /dge slong rnams kyis de dag la bsgo ste dong ba dang / lhag ma rnams kyang gtsug lag khang nas byung ste dong ngo / / de nas tshe dang ldan pa 'char ka yang / rgod bzhin du gtsug lag khang nas byung ba dang / dge slong rnams kyis de mthong nas smras pa/ tshe dang ldan pa 'char ka khyod mi mdzes pa de lta bu de byas nas de ci rgod/ 'char kas smras pa/ kho bos chang 'thungs sam/ skun 'dong zos sam ci/ tshe dang ldan pa ci de yang byas sam/ gzhan ci zhig byas/ bram ze dang / khyim bdag gi chung ma rab tu mang po de dag smod cing dong ngo / /'char kas smras pa/ tshe dang ldan pa dag lhung bzed nag po can rnams kyis rang bzhin ni ser snas gang la yang tshig bzhi pa'i tshigs su bcad pa gcig tsam mi ston la/ de dag ni gang gzhan la ston pa de la smod par byed do/ /de dag gis smras pa/ ci khyod kyis de dag bden pa dag la bkod dam/ des smras pa/ je de dag gis dbang po yongs su smin par bya ba brtsams nas mthar gyis bden pa yang mthong bar 'gyur ro/ /dge slong don nyung ngu dag ci'i phyir dge slong dag yan lag gang gis ngo tsha bar bya ba'i yan lag de nyid kyis khengs par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge slong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no/ / zhes rnam par smad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dral cing gyur pa'i sems kyis bud med kyi yul la gnas ngan len gyi tshig sdig pa can tshogs par mi dbyung ba 'khrig pa dang ldan pa dag skyes bus na chung la ji lta ba bzhin du smras na dge 'dun lhag ma'o/ /yang dge slong gang zhes bya ba ni 'char ka 'am gzhan yang de lta bu gang yin pa'o/ /dral cing gyur pa'i sems kyis shes bya ba ni sems dral cing ma gyur pa yang yod/ gyur cing ma dral ba yang yod/ dral cing gyur pa yang yod/ ma dral cing ma gyur pa yang yod do/ / de la re shig sems dral cing ma gyur pa ni sems chags pa dang / kun du chags pa dang / kun nas dkris pa gang yin pa'o/ /gyur cing ma dral ba ni sems ltos pa dang bcas shing 'brel ba gang yin pa'o/ /dral cing gyur pa ni sems chags pa dang / kun du chags pa dang / kun nas dkris pa dang / sems ltos pa dang bcas shing 'brel ba gang yin pa'o/ /ma dral cing ma gyur pa ni rnam pa de dag ma gtogs pa'o/ /bud med kyi yul la zhes bya ba ni bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa la'o/ /gnas ngan len ces bya ba la/ gnas ngan len ni gnyis te/ pham par 'gyur ba kun nas slong ba dang / dge 'dun lhag ma kun nas slong ba'o/ /ci'i phyir de dag gnas ngan len ces bya zhe na/ ngo bo nyid las dang kun nas slong ba las so/ /tshig ces bya ba ni brjod pa'o/ /sdig pa can zhes bya ba la/ sdig pa zhes bya ba ni kha na ma tho ba'o/ /tshogs par mi dbyung ba zhes bya ba ni dbus pa'i mtshams las 'das pa ste tshul dang mi mthun pa'o/ /'khrig pa dang ldan pa zhes bya ba ni mi tshangs par spyod pa dang ldan pa'o/ /skyes bus na chung la ji lta ba bzhin du zhes bya ba la/ skyes bu zhes bya ba ni skyes pa'o/ /na chung zhes bya ba ni bud med do/ /smras na zhes bya ba ni ma smras pa la smras pa dang / smras pa la phyir smras na'o/ /dge 'dun lhag ma'o/ /zhes bya ba ni snga ma bzhin no/ /de la ltung ba ji ltar 'gyur zhe na/ gzhi dgus te/ bsngags pa byed pa dang / bsngags pa ma yin pa byed pa dang / gsol ba byed pa dang / nye bar gsol ba byed pa dang / 'dri bar byed pa dang / yongs su 'dri bar byed pa dang / rjod par byed pa dang / smon par byed pa dang / gshe bar byed pas so/ de la ji ltar bsngags pa byed pas she na/ dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces sru khyod kyi rma'i sgo gsum po dag ni te por legs par dod pa dang / legs par gnas pa dang / legs par gyur pa dag yin no zhes zer zhing 'khrig pa dang ldan pa rgya'i rna ru zhes bya ba'i ming brjod par byed na dge 'dun lhag mar 'gyur ro/ /rgya'i rna ru'i zhes bya ba'i ming rjod par mi byed na nyes pa sbom por 'gyur te/ de ltar bsngags pa byed pas so/ /ji ltar bsngags pa ma yin pa byed pas she na/ dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes pa smras pa'i chos rnams kyi don kun shes par nus pa gang yin pa de'i gan du song ste/ 'di skad ces sru khyod kyi rma'i sgo gsum po dag ni te por ma legs par dod pa dang / ma legs par gnas pa dang / ma legs par gyur pa dag yin no/ /zhes zer zhing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar bsngags pa ma yin pa byed pas so/ /ji ltar gsol ba byed pas she na/ dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces sru tshur shog de dang de bya'o zhes zer zhing / 'khrig pa dang ldan pa'i rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar gsol bar byed pas so/ /ji ltar nye bar gsol ba byed pas she na/ dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces sru bud med dang / skyes pa de dang de byed pa gang yin pa de ni de'i dga' ba dang yid du 'ong ba yin gyis sru bdag cag kyang de dang de bya na sru bdag gi dga' ba dang yid du 'ong bar 'gyur ro/ /zhes zer zhing 'khrig pa dang ldan pa'i rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar nye bar gsol bar byed pas so/ /ji ltar 'dri bar byed pas she na/ dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces sru skyes pa gang bud med gang la de dang de byed pa de ni de'i dga' ba dang yid du 'ong bar gyur na/ kho bos kyang sru la de dang de bya na sru kho bo'i dga' ba dang yid du 'ong bar 'gyur ram zhes zer zhing / 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar 'dri bar byed pas so/ /ji ltar yongs su 'dri bar byed pas she na/ dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces sru skyes pa gang bud med dang de dang de byed pa de ni de'i dga' ba dang / yid du 'ong bar 'gyur na/ kho bos kyang sru la de dang de bya na sru kho bo la dga' ba dang yid du 'ong bar 'gyur ba de de bzhin nam 'on te ma yin/ de la sru ji snyam byed cing zer zhing 'khrig pa dang ldan pa/ rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru'i ming rjod par mi byed na nyes pa sbom por 'gyur te/ de ltar yongs su 'dri bar byed pas so/ /ji ltar rjod par byed pas she na/ dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces sru mdang sum kho bo'i gan du bskyed mos tshal lam/ lha'i gnas sam/ dus mal che ge mo zhig tu bud med de lta bu zhig don de'i phyir 'ongs par gyur nas/ kho bos mal me tog gis bkram pa bshams shing mtshan thog thag 'bru mar gyi mar me btsugs nas kho bos de dang lhan cig bca' ba de dang de lta bu 'chos shing bza' ba de dang de lta bu yang zos/ btung ba de dang de lta bu yang 'thungs shing / kho bos de dang lhan cig de dang de yang byas te/ sru don de'i phyir 'ongs par gyur na kho bos mal me tog gis bkram pa bshams shing mtshan thog thag 'bru mar gyi mar me btsugs nas kho bos sru dang lhan cig bca' ba de dang de lta bu 'chos shing bza' ba de dang de lta bu yang zos/ btung ba de dang de lta bu yang 'thungs shing / kho bos sru dang lhan cig de dang de yang byas pa 'gyur ro zhes zer zhing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar rjod par byed pas so/ /ji ltar smon par byed pas she na/ dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces su gang dag sru dang lhan cig de lta de ltar byed pa de dag ni bde bar gyur cing mtho ris thob pa yin pas kho bos yang gal te sru dang lhan cig de dang de byas na/ bde bar 'gyur zhing mtho ris kyang thob par 'gyur ro/ /zhes zer zhing 'khrig pa dang ldan pa rgya'i rna ru zhes bya ba'i ming rjod par byed na/ dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na/ nyes pa sbom por 'gyur ro/ /de ltar smon par byed pas so/ /ji ltar gshe bar byed pas she na/ dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces ro lta bu zhes bya ba la sogs pas spyo ba dag gis spyo bar byed cing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar gshe bar byed pas so/ /gzhan yang ji ltar bsngags pa byed pas she na/ bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de dge slong gi gan du 'ongs te 'di skad ces 'phags pa khyod kyi rma'i sgo gsum po dag ni te por legs par dod pa dang / legs par gnas pa dang / legs par gyur pa yin no zhes zer ba na/ dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar phyir smra bar byed cing / 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar bsngags pa byed pas so/ /ji ltar bsngags pa ma yin pa byed pas she na/ bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de dge slong gi gan du 'ongs te 'di skad ces 'phags pa khyod kyi rma'i sgo gsum po dag ni te por ma legs par dod pa dang / ma legs par gnas pa dang / ma legs par gyur pa dag yin no/ /zhes zer ba na dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing / 'dug par byed pa de lta de ltar phyir smra bar byed cing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar bsngags pa ma yin pa byed pas so/ /ji ltar gsol ba byed pas she na/ bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de dge slong gi gan du 'ongs te 'di skad ces 'phags pa tshur spyon/ de dang de bgyi'o zhes zer ba na/ dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar phyir smra bar byed cing / 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar gsol ba byed pas so/ /ji ltar nye bar gsol bar byed pas she na/ bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de dge slong gi gan du 'ongs te 'di skad ces 'phags pa bud med dang / skyes pa de dag de bgyid pa gang lags pa de ni de'i dga' ba dang yid du 'ong ba lags kyis/ 'phags pa bdag cag kyang de dang de bgyid na 'phags pa bdag gi dga' ba dang yid du 'ong bar 'gyur ro zhes zer ba na/ dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar phyir smra bar byed cing / 'khrig pa dang ldan pa rgya'i rna ru zhes bya ba'i ming rjod par byed na/ dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na/ nyes pa sbom por 'gyur te/ de ltar nye bar gsol bar byed pas so/ /ji ltar 'dri bar byed pas she na/ bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de dge slong gi gan du 'ongs te 'di skad ces 'phags pa skyes pa gang bud med gang la de dang de byed pa de ni de'i dga' ba dang / yid du 'ong bar 'gyur na/ kho mos kyang 'phags pa la de dang de bgyid na 'phags pa kho mo'i dga' ba dang yid du 'ong bar 'gyur ram zhes zer ba na/ dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar phyir smra bar byed cing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar 'dri bar byed pas so/ /ji ltar yongs su 'dri bar byed pas she na/ bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de dge slong gi gan du 'ongs te 'di skad ces 'phags pa skyes pa gang bud med la de dang de bgyid pa/ de ni de'i dga' ba dang yid du 'ong bar 'gyur na/ kho mos kyang 'phags pa la de dang de bgyid na 'phags pa kho mo dga' ba dang / yid du 'ong bar 'gyur ba de de bzhin nam/ 'on te ma lags/ de la 'phags pa ji snyam mdzad ces zer ba na/ dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar phyir smra bar byed cing / 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar yongs su 'dri bar byed pas so/ /ji ltar rjod par byed pas zhes na/ bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de dge slong gi gan du 'ongs te 'di skad ces 'phags pa mdang sum kho mo'i gan du bskyed mos tshal lam/ lha'i gnas sam/ dus mal che ge mo zhig tu skyes pa de lta bu zhig don de'i slad du mchis par gyur nas/ kho mos mal me tog gis bkram pa bshams shing mtshan thog thag tu 'bru mar gyi mar me btsugs nas kho mos de dang lhan cig bca' ba de dang de lta bu 'chos shing bza' ba de dang de lta bu yang 'tshal/ btung ba de dang de lta bu yang 'tshal cing kho mos de dang de yang bgyis te 'phags pa yang don de'i slad du byon par gyur na/ kho mos mal me tog gis bkram pa bshams shing mtshan thog thag 'bru mar gyi mar me btsugs nas kho mos 'phags pa dang lhan cig bca' ba de dang de lta bu 'chos shing bza' ba de dang de lta bu yang 'tshal btung ba de dang de lta bu yang 'tshal cing kho mos 'phags pa dang lhan cig de dang de yang bgyis par 'gyur ro zhes zer ba na/ dge slong gis dral cing gyur pa'i sems kyis de'i ro myang bar byed/ nges par rtogs par byed/ lhag par chags par byed/ lhag par chags shing 'dug par byed pa de lta de ltar phyir smra bar byed cing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar rjod par byed pas so/ /ji ltar smon par byed pas she na/ bud med dam/ gzhon nu ma legs par smras pa dang / nyes par smras pa'i don kun shes par nus pa gang yin pa de dge slong gi gan du 'ongs te 'di skad ces 'phags pa gang dag 'phags pa dang lhan cig de lta de ltar bgyid pa de dag ni bde bar gyur cing / mtho ris thob pa lags pas/ kho mos yang gal te 'phags pa dang / lhan cig de dang de bgyis na bde bar 'gyur zhing mtho ris kyang thob par 'gyur ro zhes zer ba na/ dge slong gis dral cing gyur pa'i sems kyis de'i ro myang bar byed/ nges par rtog par byed lhag par chags par byed/ lhag par chags shing 'dug par byed pa de lta de ltar phyir smra bar byed cing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar smon par byed pas so/ /ji ltar gshe bar byed pas she na/ bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de dge slong gi gan du 'ongs te 'di skad ces ro lta bu zhes bya ba la sogs pas spyo ba dag gis spyo bar byed pa na/ dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar phyir smra bar byed cing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar gshe bar byed pas so/ /nus pa la dge 'dun lhag ma gang yin pa de mi nus pa la nyes pa sbom po'o/ /skyes pa dang za ma dang ma ning dang / mtshan gnyis pa la nyes pa sbom po'o/ /nus pa la nyes pa sbom po gang yin pa de mi nus pa la nyes byas so/ /skyes pa dang / za ma dang / ma ning dang / mtshan gnyis pa la yang nyes byas nyid do/ /dud 'gro'i skye gnas su skyes pa la yang nyes byas nyid do/ /nus pa la yang nyes byas gang yin pa de mi nus pa la yang nyes byas nyid do/ /skyes pa dang / za ma dang / ma ning dang / mtshan gnyis pa la yang nyes byas nyid do/ /dud 'gro'i skye gnas su skyes pa la yang nyes byas nyid do/ /skad kyi nges pa'i tshig dang / yul gyi nges pa'i tshig dang / ljongs kyi nges pa'i tshig gis ni ltung ba med do/ /nas kyi ming dang / rtswa'i ming dang / yol ba'i ming brjod pa la ni ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ni ltung ba med do/ /'khrig pa dang ldan pa smra ba'i dge 'dun lhag ma ste gsum pa rdzogs s+ho// // sangs rgyas bcom ldan 'das mnyan yod na rgyal byed kyi tshal dgon med zas sbyin gyi kun dga' ra ba na bzhugs so/ /drug sde dag gi kun du spyod pa ni 'dir bdag cag gis bram ze dang khyim bdag 'ongs shing lhags pa rnams la yang chos bstan par bya/ rgol ba dag kyang tshar gcad par bya/ rang gis grags pa yang bsgrag par bya'o snyam pas drug sde las gang yang rung bar rgyal byed kyi tshal gyi sgo stong par mi 'jog pas tshe dang ldan pa 'char ka nang par sngar langs te so shing bor nas snam sbyar dmar ser gyon te rgyal byed kyi tshal gyi sgo na 'chag cing 'dug go/ /mnyan yod na gnas pa'i bram ze dang khyim bdag gi chung ma rnams kyi kun du spyod pa ni bskyed mos tshal du song ste rgyal byed kyi tshal du 'jug pa dang / gtsug lag khang blta ba dang / bcom ldan 'das dang / dge slong gnas brtan gnas brtan rnams kyi zhabs la phyag 'tshal du 'gro bas bram ze dang khyim bdag gi chung mar rab tu mang po dag bskyed mos tshal du byung ste gtsug lag khang lta 'dod pas rgyal byed kyi tshal ga la ba der dong ngo zhes bya ba nas/ des de dag la chos bstan par brtsams so zhes bya ba'i bar du dge 'dun lhag ma gnyis pa'i skabs su bstan pa bzhin no/ /ji lta ji ltar chos ston pa de lta de ltar kun du chags so/ /ji lta ji ltar kun du chags pa de lta de ltar dral to/ /ji lta ji ltar dral ba de lta de ltar de dag gi mdun du bdag nyid kyi lus kyi bsnyen bkur gyi phyir 'di lta ste/ nga lta bu dge slong tshul khrims dang ldan pa dge ba'i chos can tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes bsngags pa brjod par brtsams so/ /'di lta ste/ dper na mi gsang sngags nyid rjod par byed pa 'byung po 'am/ sha zas tha lcag gi snun pas bsnun par gyur pa de bzhin du/ de yang de dag la ji lta ji ltar chos ston par byed pa de lta de ltar kun du chags so/ /ji lta ji ltar kun du chags pa de lta de ltar dral to/ /ji lta ji ltar dral ba de lta de ltar de dag gi mdun du bdag nyid kyi lus kyi bsnyen bkur gyi phyir 'di lta ste/ nga lta bu dge slong tshul khrims dang ldan pa/ dge ba'i chos can/ tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no/ /zhes bsngags pa brjod par brtsams so/ /de na gang dag bdag gir byed pa de dag ni de dang lhan cig gzhog steg dang / phyar g.yeng dang / tho 'tsham pa dang / kun du rtse ba dang / kun du ca co 'don pa dang / rgod pa dang / dregs pa dang / lus sgyur bar byed do/ /gang dag bdag gir mi byed pa de dag ni de nas phyir byung ste/ 'chag sa dang / dag ra dang / sgo khang dag na gang las chu 'byung de las 'bar/ /gang las skyob pa de las 'jigs/ /'jigs pa med las 'jigs pa skyes/ /skyabs las 'jigs pa skyes par gyur/ /bdag cag gis phyogs gcig tu bde ba/ zhi ba/ bde legs rjod pa bde legs su 'gyur ba gang yin pa de las 'jigs pa dang / yams dang / gnod pa dang / 'go ba'i nad dang / 'khrug pa byung bar gyur to zhes smod par byed/ phyar ka gtong bar byed/ kha zer bar byed do/ /de dag smod cing 'dong ba na dge slong dag gi mngon sum du gyur nas/ de dag gis de dag smod pa thos pa dang / de dag gis smras pa/ sring mo dag khyed cag su la smod/ 'phags pa dag khyed cag la'o/ /nged kyis ci byas/ 'phags pa dag bdag cag gis rang gi khyim thab las kyang tshig gang dag ma thos pa/ de dag 'phags pa 'char ka las thos so/ /gal te bdag cag gis pha ma 'am/ nu mo dag gis thos par gyur na/ rgyal byed kyi tshal ga la ba der ltar yang mi ster na mchi bar lta smos kyang ci 'tshal/ sring mo dag kha rog shig /dge slong de ni 'dun na 'don gyi bu las rab tu byung ba tshul khrims dang ldan pa yin mod kyi 'on kyang 'dod chags shas che ba yin pas rtsom pa des nyon mongs pa sel bar byed do/ /'phags pa dag ci lags/ glang bu gang la rwa rnon po gnyis mchis pa des bdag nyid kyi dku 'dral bar bgyid dam/ de ni mi rigs so/ /sring mo dag kha rog shig dang bzlog par bya'o/ /'phags pa dag gal te bzlog na de lta na legs/ gal te zlog par mi mdzad na bdag cag slan chad rgyal byed kyi tshal du mi mchi'o/ /sring mo dag kha rog shig dang / ci nas kyang phyin chad de ltar byed par mi 'gyur bar bzlog par bya'o/ /dge slong rnams kyis de dag la bsgo ste dong ba dang / lhag ma rnams kyang gtsug lag khang nas byung ste dong ngo / /de nas tshe dang ldan pa 'char ka yang rgod bzhin du gtsug lag khang nas byung ba dang / dge slong rnams kyis de mthong nas smras pa/ tshe dang ldan pa 'char ka khyod mi mdzes pa de lta bu de byas nas da ci rgod/ 'char kas smras pa/ kho bos chang 'thungs sam/ skun 'dong zos sam ci/ tshe dang ldan pa ci de yang byas sam/ gzhan ci zhig byas/ bram ze dang khyim bdag gi chung ma rab tu mang po de dag 'phya zhing dong ngo / /'char kas smras pa/ tshe dang ldan pa dag lhung bzed nag po can rnams kyi rang bzhin ni ser snas gang la yang tshig bzhi pa'i tshigs su bcad pa gcig tsam yang mi ston la/ de dag ni gang gzhan la ston pa de la 'phya bar byed do/ /de dag gis smras pa/ ci khyod kyis de dag bden pa dag la bkod dam/ des smras pa/ je de dag gi dbang po yongs su smin par bya ba brtsams nas mthar gyis bden pa yang mthong bar 'gyur ro/ /dge slong don nyung ngu dag ci'i phyir dge slong dag yan lag gang gis ngo tsha bar bya ba'i yan lag de nyid kyis khengs par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba dang / gleng gzhi 'di dang / skabs 'di la dge slong gi dge 'dun bsdu ba mdzad do/ / zhes bya ba la sogs pa snga ma bzhin no/ /sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ / nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dral cing gyur pa'i sems kyis bud med kyi yul gyi mdun du bdag nyid kyi lus kyi bsnyen bkur gyi phyir 'di lta ste/ nga lta bu dge slong tshul khrims dang ldan pa/ dge ba'i chos can/ tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes bsngags par brjod na dge 'dun lhag ma'o/ /yang dge slong gang zhes bya ba ni 'char ka 'am/ gzhan yang de dang 'dra ba gang yin pa'o/ /dral cing gyur pa'i sems kyis shes bya ba ni sems dral cing ma gyur pa yang yod/ gyur cing ma dral ba yang yod/ dral cing gyur pa yang yod/ ma dral cing ma gyur pa yang yod do/ /de la re shig dral cing ma gyur pa ni sems chags pa dang / kun du chags pa dang / kun nas dkris pa gang yin pa'o/ /gyur cing ma dral ba ni sems ltos pa dang / ldan zhing sems 'brel ba gang yin pa'o/ /dral cing ma gyur pa ni chags pa dang / kun du chags pa dang / kun nas dkris pa'i sems dang / sems ltos pa dang bcas shing 'brel ba gang yin pa'o/ /ma dral cing ma gyur pa ni rnam pa de dag ma gtogs pa'o/ / bud med kyi yul gyi zhes bya ba ni bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa'i 'o/ /mdun du zhes bya ba ni mngon du'o/ /bdag nyid kyi lus kyi bsnyen bkur gyi phyir zhes bya ba ni bdag nyid kyi lus kyi kun tu spyad pa'i phyir ro/ /'di lta ste/ nga lta bu zhes bya ba de ni nye bar bstan pa dang kun du bstan pa'i tshig bla dgas yin no/ /dge slong zhes bya ba ni dge slong gi dngos po ji skad bstan pa dang ldan pa'o/ /tshul khrims dang ldan pa zhes bya ba ni tshul khrims kyi phung po ji skad bstan pa dang ldan pa'o/ /dge ba'i chos can zhes bya ba ni ting nge 'dzin gyi phung po ji skad bstan pa dang ldan pa'o/ /tshangs par spyod pa la zhes bya ba ni shes rab kyi phung po ji skad bstan pa dang ldan pa'o/ /'di ltar 'khrig pa dang ldan pa'i zhes bya ba ni mi tshangs par spyod pa dang ldan pa'i 'o/ /chos 'dis shes bya ba ni chos ma yin pa chos kyi sgras bstan pa 'dis yin gyis gzhan gyis ni ma yin pa'o/ /bsnyen bkur byas na zhes bya ba ni kun du spyad pa byas na'o/ /sru zhes bya ba ni dga' ba'i tshig bla dgas so/ /'di ni bsnyen bkur rnams kyi mchog yin no zhes bya ba la mchog yin na zhes bya ba ni gtso bo yin no/ /bsngags pa brjod na zhes bya ba ni bstod pa byas na'o/ /dge 'dun lhag ma'o zhes bya ba ni ltung ba de dge 'dun la rag las pa dang zhes bya ba nas/ de ni dge 'dun lhag ma'o zhes gsungs so/ /zhes bya ba'i bar du snga ma bzhin no/ /de la ltung bar ji ltar 'gyur zhe na/ gzhi bcwa brgyad kyis te/ mchog dang / phul dang / khyad par du 'phags pa dang / bzang ba dang / mdzes pa dang / dge ba dang / mchod par 'os pa dang / bstod par 'os pa dang / rgya che ba dang / ches mchog dang / ches phul dang / ches khyad par du 'phags pa dang / ches bzang ba dang / ches mdzes pa dang / ches dge ba dang / ches mchod par 'os pa dang / ches bstod par 'os pa dang / ches rgya che bas so/ /de la ji ltar mchog gis she na/ dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ nga lta bu dge slong tshul khrims dang ldan pa la 'di ltar 'khrig pa dang ldan pa'i chos 'dis bsnyen bkur byas na sru 'di ni kun du spyad pa rnams kyi mchog yin no zhes brjod na dge 'dun lhag mar 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ nga lta bu dge slong dge ba'i chos can la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes brjod na dge 'dun lhag mar 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ nga lta bu dge slong tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes brjod na dge 'dun lhag mar 'gyur ro/ / dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshul khrims dang ldan pa dge ba'i chos can la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes brjod na dge 'dun lhag mar 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ nga lta bu dge slong tshul khrims dang ldan pa tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes brjod na dge 'dun lhag mar 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ nga lta bu dge slong dge ba'i chos can tshul khrims dang ldan pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes brjod na dge 'dun lhag mar 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ nga lta bu dge slong dge ba'i chos can tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes brjod na dge 'dun lhag mar 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshangs par spyod pa tshul khrims dang ldan pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes brjod na dge 'dun lhag mar 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshangs par spyod pa dge ba'i chos can la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes brjod na dge 'dun lhag mar 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ nga lta bu dge slong tshul khrims dang ldan pa dge ba'i chos can tshangs par spyod pa la 'di ltar khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes brjod na dge 'dun lhag mar 'gyur ro/ /mchog ji lta ba bzhin du phul dang / khyad par du 'phags pa dang / bzang ba dang / mdzes pa dang / dge ba dang / mchod par 'os pa dang / bstod par 'os pa dang / rgya che ba dang / ches mchog dang / ches phul dang / ches khyad par du 'phags pa dang / ches bzang ba dang / ches mdzes pa dang / ches dge ba dang / ches mchod par 'os pa dang / ches bstod par 'os pa dang / ches rgya che bar yang de bzhin no/ /dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ nga lta bu dge slong tshul khrims dang ldan pa la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong dge ba'i chos can la 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ nga lta bu dge slong tshangs par spyod pa la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshul khrims dang ldan pa dge ba'i chos can la 'di ltar chos 'dis bsnyen bkur byas na sru 'di ni bsnyen bkur rnams gyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ nga lta bu dge slong tshul khrims dang ldan pa tshangs par spyod pa la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong dge ba'i chos can tshul khrims dang ldan pa la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces sprod pa las byung ba dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ nga lta bu dge slong dge ba'i chos can tshangs par spyod pa la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ nga lta bu dge slong tshangs par spyod pa tshul khrims dang ldan pa la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshangs par spyod pa dge ba'i chos can la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ nga lta bu dge slong tshul khrims dang ldan pa dge ba'i chos can tshangs par spyod pa la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /mchog ji lta ba bzhin du phul dang / khyad par du 'phags pa dang / bzang ba dang / mdzes pa dang / dge ba dang / mchod par 'os pa dang / rgya che ba dang / ches mchog dang / ches phul dang / ches khyad par du 'phags pa dang / ches bzang ba dang / ches mdzes pa dang / ches dge ba dang / ches mchod par 'os pa dang / ches bstod par 'os pa dang / ches rgya che ba yang de bzhin no/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ dge slong tshul khrims dang ldan pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ dge slong dge ba'i chos can tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces/ nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ dge slong tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces/ 'di lta ste/ dge slong tshul khrims dang ldan pa dge ba'i chos can la 'di ltar 'khrig pa dang ldan pa'i chos 'dis bsnyen bkur byas na bsnyen bkur rnams kyi mchog yin no zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste dge slong tshul khrims dang ldan pa tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no/ / zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste dge slong dge ba'i chos can tshul khrims dang ldan pa la 'di lta ste/ 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ dge slong dge ba'i chos can tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste dge slong tshangs par spyod pa tshul khrims dang ldan pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ dge slong tshangs par spyod pa dge ba'i chos can la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces/ 'di lta ste/ dge slong tshul khrims dang ldan pa dge ba'i chos can tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no/ /zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /mchog ji lta ba bzhin du/ phul dang / khyad par du 'phags pa dang / bzang ba dang / mdzes pa dang / dge ba dang / mchod par 'os pa dang / bstod par 'os pa dang / rgya che ba dang / ches mchog dang / ches phul dang / ches khyad par du 'phags pa dang / ches bzang ba dang / ches mdzes pa dang / ches dge ba dang / ches mchod par 'os pa dang / ches bstod par 'os pa dang / ches rgya che ba yang de bzhin no// // 'dul ba rnam par 'byed pa/ bam po bcu bdun pa/ dge slong gis dral cing gyur pa'i sems kyis bud med dam gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste dge slong tshul khrims dang ldan pa la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ dge slong dge ba'i chos can la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la/ nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ dge slong tshul khrims dang ldan pa tshangs par spyod pa la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la/ nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ dge slong tshul khrims dang ldan pa dge ba'i chos can la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ dge slong tshul khrims dang ldan pa tshangs par spyod pa la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la/ nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ dge slong dge ba'i chos can tshul khrims dang ldan pa la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la/ nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ dge slong dge ba'i chos can tshangs par spyod pa la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la/ nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ dge slong tshangs par spyod pa tshul khrims dang ldan pa la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la/ nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ dge slong tshangs par spyod pa dge ba'i chos can la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la/ nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces 'di lta ste/ dge slong tshul khrims dang ldan pa dge ba'i chos can tshangs par spyod pa la 'di ltar chos 'dis bsnyen bkur byas na sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la/ nga lta bu zhes kyang mi zer na nyes byas su 'gyur ro/ /mchog ji lta ba bzhin du phul dang / khyad par du 'phags pa dang / bzang ba dang / mdzes pa dang / dge ba dang / mchod par 'os pa dang / bstod par 'os pa dang / rgya che ba dang / ches mchog dang / ches phul dang / ches khyad par du 'phags pa dang / ches bzang ba dang / ches mdzes pa dang / ches dge ba dang / ches mchod par 'os pa dang / ches bstod par 'os pa dang / ches rgya che ba yang de bzhin no/ /nus pa la dge 'dun lhag ma gang yin pa de mi nus pa la nyes pa sbom po'o/ /skyes pa dang / za ma dang / ma ning dang / mtshan gnyis pa la yang nyes pa sbom po'o/ /nus pa la nyes pa sbom po gang yin pa de mi nus pa la nyes byas so/ /skyes pa dang za ma dang ma ning dang / mtshan gnyis pa la yang nyes byas so/ /dud 'gro'i skye gnas su skyes pa la yang nyes byas so/ /nus pa la nyes byas gang yin pa de mi nus pa la yang nyes byas nyid do/ /skyes pa dang / za ma dang / ma ning dang / mtshan gnyis pa la yang nyes byas nyid do/ /dud 'gro'i skye gnas su skyes pa la yang nyes byas nyid do/ /las dang po pa dang smyos pa dang sems 'khrugs pa dang / tshor ba dag gi nyen pa la ltung ba med do/ /bsnyen bkur bsngags pa'i dge 'dun lhag ma ste bzhi pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na mnyan yod na ri dgas 'dzin gyi bu nag po zhes bya ba 'dug ste/ de mnyan yod pa'i bram ze dang / khyim bdag rnams kyi gtam 'dre ba phebs par smra ba smos 'drin 'grogs bshes/ yid gcug pa/ khyim du 'jug par byed pa yin pas gang yang rung ba dag la bu mo sbyin par bya ba yod pa de dag kyang ri dgas 'dzin gyi bu nag po'i gan du song ste/ 'di skad ces nag po khyod kyis khyim che ge mo zhig shes sam zhes 'dri'o/ /des shes so zhes smras pa dang / de dag de la nag po ji ltar de na/ khye'u de mkhas pa dang le lo med pa dang / sgrub phod pa dang / khye'u de bu mo la bza' ba dang / bgo ba mang po sbyin nus pa dang / las chung ba yin nam zhes 'dri'o/ /gal te ri dgas 'dzin gyi bu nag pos 'di skad ces khye'u de te por mi mkhas pa dang / le lo can dang / sgrub mi phod pa dang / khye'u de bu mo la bza' ba dang / bgo ba mang po sbyin mi nus pa dang / las che ba yin no zhes bstan par gyur na des na de dag bu mo de khye'u de la sbyin par mi byed do/ /gal te ri dgas 'dzin kyi bu nag pos 'di skad ces khye'u de te por mkhas pa dang / le lo med pa dang / sgrub phod pa dang / khye'u de bu mo la bza' ba dang / bgo ba mang po sbyin nus pa dang / las chung ba yin no zhes bstan par gyur na des na/ de dag bu mo de khye'u de la sbyin par byed do/ /gang yang rung ba dag bu mo slong bar byed pa de dag kyang ri dgas 'dzin kyi bu nag po'i gan du song ste 'di skad ces nag po khyod kyis khyim che ge mo zhig shes sam zhes 'dri'o/ /des shes so zhes smras pa dang / de dag de la nag po ji lta de na bu mo de mkhas pa dang / le lo med pa dang / sgrub phod pa dang / bu mo de bag yod pas khyim na gnas par nus pa yin nam zhes 'dri'o/ /gal te ri dgas 'dzin gyi bu nag pos 'di skad ces bu mo de te por mi mkhas pa dang le lo can dang sgrub mi phod pa dang / bu mo de bag yod pas khyim na gnas par mi nus pa yin no zhes bstan par gyur na des na de dag bu mo de slong bar mi byed do/ /gal te ri dgas 'dzin gyi bu nag pos 'di skad ces bu mo de te por mkhas pa dang / le lo med pa dang / sgrub phod pa dang / bu mo de bag yod pas khyim na gnas par nus pa yin no zhes bstan par gyur na de dag bu mo de slong bar byed do/ /ri dgas 'dzin gyi bu nag pos de ltar bstan nas gang yang rung ba dag gi bu mo sbyin nyes par gyur na/ de dag 'di skad ces bdag cag gis ri dgas 'dzin gyi bu nag po la dris nas bu mo byin na khye'u de mi mkhas pa dang / le lo can dang / sgrub mi phod pa dang / khye'u de bu mo la bza' ba dang / bgo ba mang po sbyin mi nus pa dang / las che ba yin pas gang dag la ri dgas 'dzin gyi bu nag pos gtam 'dres pa/ phebs par smra ba smos 'drin/ 'grogs bshes yid gcugs pa/ khyim du 'jug par byed par bdog pa de dag la yang 'di ltar 'gyur ro/ /zhes mi bsngags pa rjod par byed do/ /gang yang rung ba dag gi bu mo sbyin legs par gyur na de dag 'di skad ces bdag cag gis ri dgas 'dzin gyi bu nag po la dris nas bu mo byin na khye'u de mkhas pa dang / le lo med pa dang / sgrub phod pa dang / khye'u de bu mo la bza' ba dang / bgo ba mang po sbyin nus pa dang / las chung ba yin pas gang dag la ri dgas 'dzin gyi bu nag po gtam 'dres pa/ phebs par smra ba smos 'drin 'grogs bshes/ yid gcugs pa/ khyim du 'jug par byed par bdog pa de dag la yang 'di ltar 'gyur ro zhes bsngags pa rjod par byed do/ /de bzhin du gang yang rung ba dag gis bu mo bslang nyes par gyur na/ de dag 'di skad ces bdag cag gis ri dgas 'dzin gyi bu nag po la dris nas bu mo bslang na bu mo de mi mkhas pa dang / le lo can dang / sgrub mi phod pa dang / bu mo de bag yod pas/ khyim na gnas par mi nus pa yin pas gang dag la ri dgas 'dzin gyi bu nag po gtam 'dres pa phebs par smra ba smos 'drin/ 'grogs bshes/ yid gcugs pa khyim du 'jug par byed par bdog pa de dag la yang 'di ltar 'gyur ro zhes mi bsngags pa brjod par byed do/ /gang yang rung ba dag gis bu mo bslang legs par gyur na de dag 'di skad ces bdag cag gis ri dgas 'dzin gyi bu nag po la dris nas bu mo bslangs na bu mo de mkhas pa dang / le lo med pa dang / sgrub phod pa dang / bu mo de bag yod pas khyim na gnas par nus pa yin pas gang dag la ri dgas 'dzin gyi bu nag po gtam 'dres pa/ phebs par smra ba smos 'drin/ 'grogs bshes/ yid gcugs pa khyim du 'jug par byed par bdog pa de dag la yang 'di ltar 'gyur ro zhes bsngags pa rjod par byed do/ / de na ri dgas 'dzin gyi bu nag po la mnyan yod na dus gcig tu bsngags pa dang bsngags pa ma yin pa dag byung bar gyur to/ /de dus gzhan zhig na sangs rgyas la mngon par dad/ chos dang dge 'dun la mngon par dad/ sangs rgyas la skyabs su song / chos dang dge 'dun la skyabs su song zhing / des srog gcod pa spangs te/ srog gcod pa las phyir log /ma byin par len pa dang / 'dod pas la log par g.yem pa dang / brdzun du smra ba dang / 'bru'i chang dang bcos pa'i chang myos par 'gyur ba bag med pa'i gnas spangs te/ 'bru'i chang dang bcos pa'i chang myos par 'gyur ba bag med pa'i gnas las phyir ldog go/ /de dus cung zhig khyim par khyim na 'dug nas dad pa snga ma de nyid rjes su spel zhing skra dang kha spu bregs te gos ngur smrig dag bgos nas yang dag pa kho nar dad pas legs par gsungs pa'i chos 'dul ba la khyim nas khyim med par rab tu byung ngo / /de de ltar rab tu byung nas kyang mnyan yod pa'i bram ze dang khyim bdag rnams dang sngon bshes pa nyid kyis de dag gi gtam 'dre ba/ phebs par smra ba/ smos 'drin 'grogs bshes yid gcugs pa/ khyim du 'jug par byed pa yin pas gang yang rung ba dag la bu mo sbyin par bya ba yod pa de dag kyang ri dgas 'dzin gyi bu nag po'i gan du song ste/ 'di skad ces 'phags pa khyod kyis khyim che ge mo zhig mkhyen tam/ zhes 'dri'o/ /des shes so zhes smras pa dang / de dag de la 'phags pa ji lta de na khye'u de mkhas pa dang / le lo ma mchis pa dang / sgrub phod pa dang / khye'u de bu mo la bza' ba dang / bgo ba mang po stsol rngo thog pa dang / las chung ba lags sam zhes 'dri'o/ /gal te ri dgas 'dzin gyi bu nag pos 'di skad ces bzhin bzangs dag khye'u de te por mi mkhas pa dang / le lo can dang / sgrub mi phod pa dang / khye'u de bu mo la bza' ba dang / bgo ba mang po sbyin mi nus pa dang / las che ba yin no zhes bstan par gyur na des na de dag bu mo de khye'u de la sbyin pa mi byed do/ /gal te ri dgas 'dzin gyi bu nag pos 'di skad ces bzhin bzangs dag khye'u de te por mkhas pa dang / le lo med pa dang / sgrub phod pa dang / khye'u de bu mo la bza' ba dang / bgo ba mang po sbyin nus pa dang / las chung ba yin no zhes bstan par gyur na des na de dag bu mo de khye'u de la sbyin par byed do/ /gang yang rung ba dag bu mo slong bar byed pa de dag kyang ri dgas 'dzin gyi bu nag po'i gan du song ste 'di skad ces 'phags pa khyod kyis khyim che ge mo zhig mkhyen tam zhes 'dri'o/ /des shes so zhes smras pa dang / de dag de la 'phags pa ji lta de na bu mo de mkhas pa dang / le lo ma mchis pa dang / sgrub phod pa dang / bu mo de bag yod pas khyim na gnas par rngo thog pa lags sam zhes 'dri'o/ /gal te ri dgas 'dzin gyi bu nag pos 'di skad ces bzhin bzangs dag bu mo de te por mi mkhas pa dang / le lo can dang / sgrub mi phod pa dang / bu mo de bag yod pas khyim na gnas par mi nus pa yin no zhes bstan par gyur na/ des na de dag bu mo de slong bar mi byed do/ /gal te ri dgas 'dzin gyi bu nag pos 'di skad ces bzhin bzangs dag bu mo de te por mkhas pa dang / le lo med pa dang / sgrub phod pa dang / bu mo de bag yod pas khyim na gnas par nus pa yin no zhes bstan par gyur na des na de dag bu mo de slong bar byed do/ /ri dgas 'dzin gyi bu nag pos de ltar bstan nas gang yang rung ba dag gi bu mo sbyin nyes par gyur na de dag 'di skad ces bdag cag gis ri dgas 'dzin gyi bu nag po la dris nas bu mo byin na khye'u de mi mkhas pa dang / le lo can dang / sgrub mi phod pa dang / khye'u de bu mo la bza' ba dang / bgo ba mang po sbyin mi nus pa dang / las che ba yin pas gang dag la ri dgas 'dzin gyi bu nag po gtam 'dres pa/ phebs par smra ba smos 'drin/ 'grogs bshes yid gcug pa/ khyim du 'jug par byed par bdog pa de dag la yang 'di ltar 'gyur ro zhes mi bsngags pa rjod par byed do/ /gang yang rung ba dag gi bu mo sbyin legs par gyur na de dag 'di skad ces bdag cag gis ri dgas 'dzin gyi bu nag po la dris nas bu mo sbyin na khye'u de mkhas pa dang / le lo med pa dang / sgrub phod pa dang / khye'u de bu mo la bza' ba dang / bgo ba mang po sbyin nus pa dang / las chung ba yin pas gang dag la ri dgas 'dzin gyi bu nag po gtam 'dres pa/ phebs par smra ba smos 'drin/ 'grogs bshes yid gcugs pa/ khyim du 'jug par byed par bdog pa de dag la yang 'di ltar 'gyur ro zhes bsngags pa rjod par byed do/ /de bzhin du gang yang rung ba dag gis bu mo bslang nyes par gyur na de dag 'di skad ces bdag cag gis ri dgas 'dzin gyi bu nag po la dris nas bu mo de bslangs na bu mo de mi mkhas pa dang / le lo can dang / sgrub mi phod pa dang / bu mo de bag yod pas khyim na gnas par mi nus pa yin pas gang dag la ri dgas 'dzin gyi bu nag po gtam 'dre ba/ phebs par smra ba smos 'drin 'grogs bshes/ yid gcugs pa/ khyim du 'jug par byed par bdog pa de dag la yang 'di ltar 'gyur ro zhes mi bsngags pa rjod par byed do/ /gang yang rung ba dag gi bu mo bslang legs par gyur na de dag 'di skad ces bdag cag gis ri dgas 'dzin gyi bu nag po la dris nas bu mo bslangs na bu mo de mkhas pa dang / le lo med pa dang / sgrub phod pa dang / bu mo de bag yod pas khyim na gnas par nus pa yin pas gang dag la ri dgas 'dzin gyi bu nag po gtam 'dre ba/ phebs par smra ba smos 'drin/ 'grogs bshes/ yid gcugs pa khyim du 'jug par byed par bdog pa de dag la yang 'di ltar 'gyur ro zhes bsngags pa rjod par byed do/ /de na ri dgas 'dzin gyi bu nag po la mnyan yod na dus gcig na bsngags pa dang bsngags pa ma yin pa dag byung bar gyur to/ /de ni re shig byung ba yin gyi sangs rgyas bcom ldan 'das kyis re shig 'dul ba la nyan thos rnams kyi bslab pa'i gzhi bca' ba ni ma mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag bud med la/ skyes pa'i tshig dang / skyes pa la bud med kyi tshig gis chung ma nyid dam/ mdza' na mo nyid du smyan byed na mu stegs can dag shes ldan dag shAkya'i bu'i dge sbyong 'di dag ni bud med la skyes pa'i tshig dang / skyes pa la bud med kyi tshig gis chung ma nyid dang / mdza' na mo nyid du smyan byed de/ bram ze dang / khyim bdag bslab pa'i gzhi yang dag par ma blangs pa gzhan dag kyang bud med la skyes pa'i tshig dang / skyes pa la bud med kyi tshig gis chung ma nyid dam/ mdza' na mo nyid du smyan byed na/ shes ldan dag shAkya'i bu'i dge slong rnams dang / bram ze dang / khyim bdag bslab pa'i gzhi yang dag par ma blangs pa rnams la bye brag ni ci yod/ bsam pa ni ci yod/ tha dad du bya ba ni ci yod/ dge sbyong mgo reg 'di dag la su zhig bsod snyoms sbyin pa dang bya bar sems shes smod par byed/ phyar ka gtong bar byed/ kha zer ba byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /de bzhin gshegs pa ni don gyi dbang gnyis gzigs pa na dge slong gi dge 'dun sdud par mdzad de/ 'di lta ste/ nga'i nyan thos rnams kyis kun shes pa nyid du bya ba'i phyir dang / ngas 'dul ba la bslab pa'i gzhi legs par bcas par 'gyur ba'o/ /sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen bzhin du rmed pa/ mkhyen kyang mi rmed pa/ dus su rmed pa/ dus las yol bar mi rmed pa/ don dang ldan pa rmed pa/ don dang mi ldan pa mi rmed pas sangs rgyas bcom ldan 'das rnams ni don dang mi ldan pa rmed pa la chu lon gyis zlog par mdzad pa yin no/ /de la sangs rgyas bcom ldan 'das rnams ni don dang ldan pa rmed pa la dus mkhyen pa yin pas/ sangs rgyas bcom ldan 'das kyis drug sde rnams la rmas pa/ dge slong dag khyed kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes bya ba la sogs pas rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pa la 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bud med la skyes pa'i tshig dang / skyes pa la bud med kyi tshig gis chung ma nyid dam/ mdza' na mo nyid du smyan byed na tha na thang 'ga' phrad pa la yang rung ste dge 'dun lhag ma'o/ /yang dge slong gang zhes bya ba ni drug sde 'am gzhan yang de dang 'dra ba gang yin pa'o/ /bud med la skyes pa'i tshig dang zhes bya ba ni skyes pa'i kun tu spyad pa'i bsam pa'i tshig gang yin pa de bud med la brjod par byed pas so/ /skyes pa la bud med gyi tshig gis shes bya ba ni bud med kyi kun du spyad pa'i bsam pa'i tshig gang yin pa de skyes pa la rjod par byed pas so/ /chung ma nyid dam mdza' na mo nyid du zhes bya ba ni chung ma bdun dang / mdza' na mo bcu nyid du'o/ /chung ma bdun gang zhe na/ chu tshigs kyis byin pa dang / rin chas nyos pa dang / btsan phrogs su thob pa dang / dang sam du 'dus pa dang / gos zas kyis 'tshos pa dang / kha dum pa dang / thang 'ga' phrad pa ni bdun pa'o/ /de la chu tshigs kyis byin pa'i chung ma gang zhe na/ bud med dam gzhon nu ma gang pha ma dag gis skyes pa la byin nas/ khyod kyi chung ma skye dgu'i bdag mo byos shig ces chu tshigs kyis byin zhing de de'i chung ma skye dgu'i bdag mor gyur nas/ des 'di la gzhan dag 'dod pa dag gi phyir spyod par ma gyur cig ces bsrungs pa shin du bsrungs pa/ sbas pa shin du sbas pa de ni chu tshigs kyis byin pa'i chung ma zhes bya'o/ /rin chas nyos pa'i chung ma gang zhe na/ bud med dam gzhon nu ma gang skyes pas 'di dag gi chung ma skye dgu'i bdag mo bya'o zhes pha ma dag las rin chas nyos shing de de'i chung ma skye dgu'i bdag mor gyur nas des de 'di la gzhan dag 'dod pa dag gi phyir spyod par ma gyur cig ces bsrungs pa shin du bsrungs pa/ sbas pa shin du sbas pa de ni rin chas nyos pa'i chung ma zhes bya'o/ /btsan phrogs su thob pa'i chung ma gang zhe na/ 'di lta ste/ rgyal po rgyal rigs spyi bor dbang bskur bas dpung gi tshogs yan lag pa bzhi pa go bskon te/ pha rol gyi yul 'khor dang / pha rol gyi yul du song nas ma phebs pa phab cing / phebs par gnas nas thob rgyal du sgrogs par byed pa'i tshe de na skyes pas rgyal po rgyal mtshan du byas nas bud med dam gzhon nu ma gang yin pa 'di bdag gi chung ma skye dgu'i bdag mo bya'o zhes phrogs shing de de'i chung ma skye dgu'i bdag mor gyur nas des de 'di la gzhan dag 'dod pa dag gi phyir spyod par ma gyur cig ces bsrungs pas shin du bsrungs pa/ sbas pa shin du sbas pa/ de ni btsan phrogs su thob pa'i chung ma zhes bya'o/ /gzhan yang btsan phrogs su thob pa'i chung ma gang zhe na/ 'di lta ste/ chom rkun pa dag gis grong gzhom pa 'am/ grong khyer gzhom pa 'am/ ljongs gzhom pa byas te/ rang gi mgo rgyal mtshan du byas nas/ bud med dam gzhon nu ma gang 'di bdag gi chung ma skye dgu'i bdag mo bya'o zhes phrogs shing de de'i chung ma skye dgu'i bdag mor gyur nas/ des de 'di la gzhan dag 'dod pa dag gi phyir/ spyod par ma gyur cig ces bsrungs pa shin du bsrungs pa/ sbas pa shin du sbas pa de ni btsan phrogs su thob pa'i chung ma zhes bya'o/ /dang sam du 'dus pa'i chung ma gang zhe na/ bud med dam gzhon nu ma gang rang gi dad pa dang / gcugs pa dang / dga' bas skyes pa'i gan du 'ongs te/ 'di skad ces rje'i sras tshur spyon khyod bdag gi khyim thab mdzod cig dang bdag gis khyod kyi btsun mo skye dgu'i bdag mo bgyi'o zhes zer zhing de de'i chung ma skye dgu'i bdag mor gyur nas des de 'di la gzhan dag 'dod pa dag gi phyir spyod par ma gyur cig ces bsrungs pa shin du bsrungs pa/ sbas pa shin du sbas pa/ de ni dang sam du 'dus pa'i chung ma zhes bya'o/ /gos zas kyis 'tshos pa'i chung ma gang zhe na/ bud med dam gzhon nu ma gang skyes pa'i gan du 'ongs te 'di skad ces rje'i sras tshur spyon/ khyod kyis bdag la gos dang zas stsol cig dang / bdag gis khyod kyis btsun mo skye dgu'i bdag mo bgyi'o/ /zhes zer zhing de de'i chung ma skye dgu'i bdag mor gyur nas des de 'di la gzhan dag 'dod pa dag gi phyir spyod par ma gyur cig ces bsrungs pa shin du bsrungs pa/ sbas pa shin du sbas pa/ de ni gos zas kyis 'tshos pa'i chung ma zhes bya'o/ /kha dum pa'i chung ma gang zhe na/ bud med dam gzhon nu ma gang skyes pa'i gan du 'ongs te 'di skad ces rje'i sras tshur spyon/ khyod kyi nor gang lags pa de dang bdag gi nor gang lags pa de dag gcig tu bsdus te/ bdag cag gnyis mnyam du 'tsho bar bgyi zhing bdag cag gnyis las khye'u 'am/ bu mo gang dag mchis par 'gyur ba de dag kyang bdag cag shi zhing dus la bab pa dag la nyung ngu 'am/ mang po yang rung ba'i sbyin pa dag byin zhing bsod nams dag bgyis nas 'di de gnyis gang du skyes pa der 'gro zhing rjes su 'gro bar gyur cig ces ming gis yon bshad pa bgyid par gyur pa bgyi'o zhes zer zhing de de'i chung ma skye dgu'i bdag mor gyur nas/ des de 'di la gzhan dag 'dod pa dag gi phyir spyod par ma gyur cig ces bsrungs pa shin du bsrungs pa/ sbas pa shin du sbas pa/ de ni kha dum pa'i chung ma zhes bya'o/ /thang 'ga' phrad pa'i chung ma gang zhe na/ bud med dam gzhon nu ma gang skyes pas deng bdag 'di dang lhan cig dga' mgur spyad par bya'o snyam nas de'i dus su glas shing yud tsam phrad par gyur nas des de 'di la gzhan dag 'dod pa dag gi phyir spyad par ma gyur cig ces bsrungs pa shin du bsrungs pa/ sbas pa shin du sbas pa/ de ni thang 'ga' phrad pa'i chung ma zhes bya'o/ /mdza' na mo bcu gang zhe na/ mas bsrungs pa dang / phas bsrungs pa dang / ming pos bsrungs pa dang / phu nu mos bsrungs pa dang / sgyug mos bsrungs pa dang / gyos pos bsrungs pa dang / nye dus bsrungs pa dang / rigs kyis bsrungs pa dang / rus chags kyis bsrungs pa dang / rnam par 'khrug pa med pa ni bcu pa'o/ /de la mas bsrungs pa'i mdza' na mo gang zhe na/ bud med dam gzhon nu ma gang gi khyim thab shi zhing dus la bab par gyur tam/ rgyal pos bcings sam/ bsad dam/ rgyal po'i 'jigs pas yul 'khor gzhan dang / yul gzhan du bros par gyur tam/ smyos pa dang / sems 'khrugs pa dang / tshor ba dag gis nyen par gyur nas/ de ma'i gan na gnas shing mas de 'di la gzhan dag 'dod pa dag gi phyir spyod par ma gyur cig ces bsrungs pa shin du bsrungs pa/ sbas pa shin du sbas pa/ de ni mas bsrungs pa'i mdza' na mo zhes bya'o/ /phas bsrungs pa'i mdza' na mo gang zhe na/ bud med dam gzhon nu ma gang gi khyim thab shi zhing dus la bab par gyur tam/ rgyal pos bcings sam bsad dam/ rgyal po'i 'jigs pas yul 'khor gzhan dang / yul gzhan du bros par gyur tam/ smyos pa dang / sems 'khrugs pa dang / tshor ba dag gis nyen par gyur nas/ de'i pha'i gan na gnas shing phas de 'di la gzhan dag 'dod pa dag gi phyir spyod par ma gyur cig ces bsrungs pa shin du bsrungs pa/ sbas pa shin du sbas pa/ de ni phas bsrungs pa'i mdza' na mo zhes bya'o/ /ming pos bsrungs pa'i mdza' na mo gang zhe na/ bud med dam gzhon nu ma gang gi pha ma dang / khyim thab shi zhing dus la bab par gyur tam/ rgyal pos bcings sam/ bsad dam/ rgyal po'i 'jigs pas yul 'khor gzhan dang / yul gzhan du bros par gyur tam/ smyos pa dang / sems 'khrugs pa dang / tshor ba dag gis nyen par gyur nas/ de ming po'i gan na gnas shing ming pos de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa/ sbas pa shin du sbas pa/ de ni ming pos bsrungs pa'i mdza' na mo zhes bya'o/ /phu nu mos bsrungs pa'i mdza' na mo gang zhe na/ bud med dam gzhon nu ma gang gi pha ma dang / khyim thab shi zhing dus la bab par gyur tam/ rgyal pos bcings sam/ bsad dam/ rgyal po'i 'jigs pas yul 'khor gzhan nam/ yul gzhan du bros par gyur tam/ smyos pa dang / sems 'khrugs pa dang / tshor ba dag gis nyen par gyur nas/ de phu nu mo'i gan na gnas shing phu nu mos de 'di la gzhan dag 'dod pa dag gi phyir spyod par ma gyur cig ces bsrungs pa shin du bsrungs pa/ sbas pa shin du sbas pa/ de ni phu nu mos bsrungs pa'i mdza' na mo zhes bya'o/ / sgyug mos bsrungs pa'i mdza' na mo gang zhe na/ bud med dam gzhon nu ma gang gi pha ma dang khyim thab shi zhing dus la bab par gyur tam/ rgyal pos bcings sam/ bsad dam/ rgyal po'i 'jigs pas yul 'khor gzhan dang / yul gzhan du bros par gyur tam/ smyos pa dang / sems 'khrugs pa dang / tshor ba dag gis nyen par gyur nas/ de sgyug mo'i gan na gnas shing / sgyug mos de la 'di skad ces kho mo'i bu mthong ba gang yin pa de ni khyod mthong ba yin la/ khyod mthong ba gang yin pa de yang kho mo'i bu mthong ba yin pas kho mo'i zas dang / gos kyis mna' ma gnas par gyis shig /mna' ma dga' bar gyis shig ces smras nas/ sgyug mos de 'di la gzhan dag 'dod pa dag gi phyir spyod par ma gyur cig ces bsrungs pa shin du bsrungs pa/ sbas pa shin du sbas pa/ de ni sgyug mos bsrungs pa'i mdza' na mo zhes bya'o/ /gyos pos bsrungs pa'i mdza' na mo gang zhe na/ bud med dam gzhon nu ma gang gis pha ma dang / khyim thab shi zhing dus la bab par gyur tam/ rgyal pos bcings sam/ bsad dam/ rgyal po'i 'jigs pas yul 'khor gzhan dang / yul gzhan du bros par gyur tam/ smyos pa dang / sems 'khrugs pa dang / tshor ba dag gis nyen par gyur nas/ de gyos po'i gan na gnas shing gyos pos de la 'di skad ces kho bo'i bu mthong ba gang yin pa de ni khyod mthong ba yin la khyod mthong ba gang yin pa de yang kho bo'i bu mthong ba yin pas kho bo'i zas dang gos kyis mna' ma gnas par gyis shig /mna' ma dga' bar gyis shig /ces smras nas gyos pos de 'di la gzhan dag 'dod pa dag gi phyir spyod par ma gyur cig ces bsrungs pa shin du bsrungs pa/ sbas pa shin du sbas pa de ni gyos pos bsrungs pa'i mdza' na mo zhes bya'o/ /nye dus bsrungs pa'i mdza' na mo gang zhe na/ nye du zhes bya ba ni khyim bdun pa tshun chad las brten pa ni nye du yin la de phan cad ni nye du ma yin te/ bud med dam gzhon nu ma gang gi pha ma dang / khyim thab shi zhing dus la bab par gyur tam/ rgyal pos bcings sam/ bsad dam/ rgyal po'i 'jigs pas yul 'khor gzhan dang / yul gzhan du bros par gyur tam/ smyos pa dang / sems 'khrugs pa dang / tshor ba dag gis nyen par gyur nas/ de nye du'i gan na gnas shing nye dus de 'di la gzhan dag 'dod pa dag gi phyir spyod par ma gyur cig ces/ bsrungs pa shin du bsrungs pa/ sbas pa shin du sbas pa/ de ni nye dus bsrungs pa'i mdza' na mo zhes bya'o/ /rigs kyis bsrungs pa'i mdza' na mo gang zhe na/ rigs shes bya ba ni bram ze dang / rgyal rigs dang / rje'u rigs dang / dmangs rigs te/ bud med dam gzhon nu ma gang gi pha ma dang khyim thab shi zhing dus la bab par gyur tam/ rgyal pos bcings sam/ bsad dam/ rgyal po'i 'jigs pas/ yul 'khor gzhan dang / yul gzhan du bros par gyur tam/ smyos pa dang / sems 'khrugs pa dang / tshor ba dag gis nyen par gyur nas/ de rigs gcig pa'i gan na gnas shing rigs gcig pas/ de 'di la gzhan dag 'dod pa dag gi phyir spyod par ma gyur cig ces bsrungs pa shin du bsrungs pa/ sbas pa shin du sbas pa/ de ni rigs kyis bsrungs pa'i mdza' na mo zhes bya'o/ /rus chags kyis bsrungs pa'i mdza' na mo gang zhe na/ rus shes bya ba ni ku sa'i rigs dang / bad sa'i rigs dang / shan di li'i rigs dang / b+ha ra dwa dza'i rigs dang / lnga pa'i rigs dang / nye lnga'i rigs dang / gau ta ma'i rigs te/ bud med dam gzhon nu ma gang gi pha ma dang khyim thab shi zhing dus la bab par gyur tam/ rgyal pos bcings sam/ bsad dam/ rgyal po'i 'jigs pas yul 'khor gzhan dang / yul gzhan du bros par gyur tam/ smyos pa dang / sems 'khrugs pa dang tshor ba dag gis nyen par gyur nas/ de rus chags kyi gan na gnas shing rus chags kyis de 'di la gzhan dag 'dod pa dag gi phyir spyod par ma gyur cig ces/ bsrungs pa shin du bsrungs pa/ sbas pa shin du sbas pa de ni rus chags kyis bsrungs pa'i mdza' na mo zhes bya'o/ /rnam par 'khrug pa med pa'i mdza' na mo gang zhe na/ dge slong ma dang / spyod can mo dang / kun du rgyu'i mo dang / khyim thab kyi mal gyi rjes su 'jug pa dang / chos bzhin spyod pa de ni rnam par 'khrug pa med pa'i mdza' na mo zhes bya'o/ /smyan zhes bya ba ni phrin byed pa'o/ / byed na zhes bya ba ni byed par gyur na'o/ /tha na thang 'ga' phrad pa la yang rung ste zhes bya ba ni tha na yud tsam la yang rung ste/ dge 'dun lhag ma'o zhes bya ba ni snga ma bzhin no/ /de la ltung bar ji ltar 'gyur zhe na/ /bar sdom la/ spring ba'i phrin dang dge slong gnyis/ /spyod lam dang ni sngon 'gro dang / /bdag dang bdag myin yul phyogs tshigs/ /spring yig lag yig chung ma 'o/ /dge slong gis bdag nyid kyis spring ba mnos te bdag nyid kyis phrin phar yang skyel bar byed cing / bdag nyid kyis phrin tshur yang skyel bar byed na dge 'dun lhag mar 'gyur ro/ /dge slong gis bdag nyid kyis spring ba mnos te/ bdag nyid kyis phrin phar skyel bar byed cing mngags pas phrin tshur skyel bar byed na dge 'dun lhag mar 'gyur ro/ /dge slong gis bdag nyid kyis spring ba mnos te/ mngags pas phrin phar skyel bar byed cing bdag nyid kyis phrin tshur skyel bar byed na dge 'dun lhag mar 'gyur ro/ /dge slong gis bdag nyid kyis spring ba mnos te/ mngags pas phrin phar yang skyel bar byed cing mngags pas phrin tshur yang skyel bar byed na dge 'dun lhag mar 'gyur ro/ /dge slong gis mngags pa las bdag nyid kyis spring ba mnos te/ bdag nyid kyis phrin phar yang skyel bar byed cing bdag nyid kyis phrin tshur yang skyel bar byed na dge 'dun lhag mar 'gyur ro/ /dge slong gis mngags pa las bdag nyid kyis spring ba mnos te/ bdag nyid kyis phrin phar skyel bar byed cing mngags pas phrin tshur skyel bar byed na dge 'dun lhag mar 'gyur ro/ /dge slong gis mngags pa las bdag nyid kyis spring ba mnos te/ mngags pas phrin phar skyel bar byed cing bdag nyid kyis phrin tshur skyel bar byed na dge 'dun lhag mar 'gyur ro/ / dge slong gis mngags pa las bdag nyid kyis spring ba mnos te/ mngags pas phrin phar skyel bar byed cing mngags pas phrin tshur yang skyel bar byed na dge 'dun lhag mar 'gyur ro/ /dge slong gis mngags pas mngags pa las bdag nyid kyis spring ba mnos te/ bdag nyid kyis phrin phar yang skyel bar byed cing bdag nyid kyis phrin tshur yang skyel bar byed na dge 'dun lhag mar 'gyur ro/ /dge slong gis mngags pas mngags pa las bdag nyid kyis spring ba mnos te/ bdag nyid kyis phrin phar skyel bar byed cing mngags pas mngags pas phrin tshur skyel bar byed na dge 'dun lhag mar 'gyur ro/ /dge slong gis mngags pas mngags pa las bdag nyid kyis spring ba mnos te/ mngags pas mngags pas phrin phar skyel bar byed cing bdag nyid kyis phrin tshur skyel bar byed na dge 'dun lhag mar 'gyur ro/ /dge slong gis mngags pas mngags pa las bdag nyid kyis spring ba mnos te/ mngags pas mngags pas phrin phar yang skyel bar byed cing / mngags pas mngags pas phrin tshur yang skyel bar byed na dge 'dun lhag mar 'gyur ro/ /dge slong gnyis kyis gnyi gas spring ba mnos te/ gnyi gas phrin phar yang skyel bar byed cing gnyi gas phrin tshur yang skyel bar byed na gnyi ga la dge 'dun lhag mar 'gyur ro/ /dge slong gnyis kyis gnyi gas spring ba mnos te/ de na gcig 'di skad ces re shig kho bo'i don du phrin phar yang skyol la/ phrin tshur yang skyol cig ces zer nas/ des de'i don du phrin phar yang skyel bar byed cing phrin tshur yang skyel bar byed na gnyi ga la dge 'dun lhag mar 'gyur ro/ /dge slong gnyis kyis gnyi gas spring ba mnos te/ de na gcig 'di skad ces kho bo ni phrin phar ni skyel lo/ /phrin tshur ni mi skyel lo zhes zer na de gnyis las gang phrin phar yang skyel bar byed cing phrin tshur yang skyel bar byed pa de la ni dge 'dun lhag mar 'gyur ro/ /gang phrin phar ni skyel bar byed la phrin tshur ni skyel bar mi byed pa de la ni nyes pa sbom po gnyis su 'gyur ro/ /dge slong gnyis kyis gnyi gas spring ba mnos te/ de na gcig 'di skad ces kho bo ni phrin phar yang mi skyel la phrin tshur yang mi skyel lo/ /zhes zer na de gnyis las gang phrin phar yang skyel bar byed cing phrin tshur yang skyel bar byed pa la ni dge 'dun lhag mar 'gyur la/ gang phrin phar yang skyel bar mi byed la/ phrin tshur yang skyel bar mi byed pa de la ni nyes pa sbom po gcig tu 'gyur ro/ /dge slong gnyis kyis gnyi gas spring ba mnos te/ gnyi gas phrin phar ni skyel bar byed la/ phrin tshur ni skyel bar mi byed na gnyi ga la nyes pa sbom po gnyis gnyis su 'gyur ro/ /dge slong gnyis kyis gnyi gas spring ba mnos te/ de na gnyi ga 'di skad ces bdag cag gnyi ga phrin phar yang skyel bar mi byed la/ phrin tshur yang skyel bar mi byed do zhes zer na gnyi ga la nyes pa sbom po re rer 'gyur ro/ /dge slong gcig gis khyim pa gcig dang khyim pa mo gcig 'dron lam du 'gro ba na de na gal te khyim pa de dge slong de la 'di skad ces 'phags pa khyod khyim pa mo 'di la 'di skad ces khyod khyim pa 'di'i chung ma 'am/ mdza' na mo 'am/ smos 'drin gyis shig ces smra nus sam zhes zer ram/ yang na khyim pa mo de dge slong de la 'di skad ces 'phags pa khyod khyim pa 'di la 'di skad ces khyod khyim pa mo 'di'i khyo 'am/ mdza' na po 'am/ smos 'drin gyis shig ces smra nus sam zhes zer ba la dge slong des spring ba rnam pa de lta bu de mnos te/ phrin phar skyel bar byed dam/ phrin tshur skyel bar byed na dge 'dun lhag mar 'gyur ro/ /'gro ba la ji lta ba bzhin du sdod pa dang / 'dug pa dang / nyal ba dag la yang de bzhin no/ /dge slong gcig dang / khyim pa gcig dang / khyim pa mo gcig la ji lta ba bzhin du dge slong gnyis dang / khyim pa gnyis dang / khyim pa mo gnyis dang / dge slong rab tu mang po dang / khyim pa rab tu mang po dang / khyim pa mo rab tu mang po la yang de bzhin du ci rigs par rgyas par sbyar ro/ /dge slong mdun du 'gro ba'i dge sbyong dang / phyi bzhin 'brang ba'i dge sbyong gnyis las mdun du 'gro ba'i dge sbyong gis spring ba mnos te/ mdun du 'gro ba'i dge slong gis phrin phar yang skyel bar byed cing mdun du 'gro ba'i dge sbyong gis phrin tshur yang skyel bar byed na/ mdun du 'gro ba'i dge sbyong la dge 'dun lhag mar 'gyur ro/ /mdun du 'gro ba'i dge sbyong gis spring ba mnos te/ mdun du 'gro ba'i dge sbyong gis phrin phar skyel bar byed cing phyi bzhin 'brang ba'i dge sbyong gis phrin tshur skyel bar byed na/ mdun du 'gro ba'i dge sbyong la nyes pa sbom po gnyis su 'gyur la/ phyi bzhin 'brang ba'i dge sbyong la ni nyes pa sbom po gcig tu 'gyur ro/ /mdun du 'gro ba'i dge sbyong gis spring ba mnos te/ phyi bzhin 'brang ba'i dge sbyong gis phrin phar skyel bar byed cing mdun du 'gro ba'i dge slong gis phrin tshur skyel bar byed na/ mdun du 'gro ba'i dge sbyong la nyes pa sbom po gnyis su 'gyur la/ phyi bzhin 'brang ba'i dge sbyong la ni nyes pa sbom po gcig tu 'gyur ro/ /mdun du 'gro ba'i dge sbyong gis spring ba mnos te/ phyi bzhin 'brang ba'i dge sbyong gis phrin phar yang skyel bar byed cing phyi bzhin 'brang ba'i dge sbyong gis phrin tshur yang skyel bar byed na mdun du 'gro ba'i dge sbyong la nyes pa sbom po gcig tu 'gyur la/ phyi bzhin 'brang ba'i dge sbyong la ni nyes pa sbom po gnyis su 'gyur ro/ /dge slong mdun du 'gro ba'i dge sbyong dang / phyi bzhin 'brang ba'i dge sbyong gnyis las phyi bzhin 'brang ba'i dge sbyong gis spring ba mnos te phyi bzhin 'brang ba'i dge sbyong gis phrin phar yang skyel bar byed cing phyi bzhin 'brang ba'i dge sbyong gis phrin tshur yang skyel bar byed na phyi bzhin 'brang ba'i dge sbyong la dge 'dun lhag mar 'gyur ro/ /phyi bzhin 'brang ba'i dge sbyong gis spring ba mnos te phyi bzhin 'brang ba'i dge sbyong gis phrin phar skyel bar byed cing mdun du 'gro ba'i dge sbyong gis phrin tshur skyel bar byed na/ phyi bzhin 'brang ba'i dge sbyong la nyes pa sbom po gnyis su 'gyur la/ mdun du 'gro ba'i dge sbyong la ni nyes pa sbom po gcig tu 'gyur ro/ /phyi bzhin 'brang ba'i dge sbyong gis spring ba mnos te mdun du 'gro ba'i dge sbyong gis phrin phar skyel bar byed cing / phyi bzhin 'brang ba'i dge sbyong gis phrin tshur skyel bar byed na/ phyi bzhin 'brang ba'i dge sbyong la nyes pa sbom po gnyis su 'gyur la/ mdun du 'gro ba'i dge sbyong la ni nyes pa sbom po gcig tu 'gyur ro/ /phyi bzhin 'brang ba'i dge sbyong gis spring ba mnos te/ mdun du 'gro ba'i dge sbyong gis phrin phar yang skyel bar byed cing / mdun du 'gro ba'i dge sbyong gis phrin tshur yang skyel bar byed na/ phyi bzhin 'brang ba'i dge sbyong la nyes pa sbom po gcig tu 'gyur la mdun du 'gro ba'i dge sbyong la ni nyes pa sbom po gnyis su 'gyur ro/ /khyim bdag ni gnyis te/ bdag po dang / bdag po ma yin pa'o/ /de la bdag po zhes bya ba ni bu mo sbyin pa dang / 'phrog pa'i bdag por gyur cing bla'i grwa'i nang du song yang rung / 'og gzu'i nang du song yang rung ste/ de'i tshig yang dag pa ma yin pa yang gzung bar 'os par 'gyur ba gang yin pa de ni bdag po zhes bya'o/ /bdag po ma yin pa zhes bya ba ni bu mo sbyin pa dang / 'phrog pa'i bdag por gyur pa ma yin zhing bla'i grwa'i nang du song yang rung / 'og gzu'i nang du song yang rung ste/ de'i tshig yang dag par yang gzung bar 'os par mi 'gyur ba gang yin pa de ni bdag po ma yin pa zhes bya'o/ /dge slong gis bdag po las spring ba mnos te/ bdag po las phrin phar yang skyel bar byed cing bdag po la phrin tshur yang skyel bar byed na dge 'dun lhag mar 'gyur ro/ /dge slong gis bdag po las spring ba mnos te/ bdag po la phrin phar skyel bar byed cing bdag po ma yin pa la phrin tshur skyel bar byed na nyes pa sbom po gnyis dang / nyes byas gcig tu 'gyur ro/ /dge slong gis bdag po las spring ba mnos te/ bdag po ma yin pa la phrin phar skyel bar byed cing bdag po la phrin tshur skyel bar byed na nyes pa sbom po gnyis dang / nyes byas gcig tu 'gyur ro/ /dge slong gis bdag po las spring ba mnos te/ bdag po ma yin pa la phrin phar skyel bar byed cing bdag po ma yin pa la phrin tshur skyel bar byed na nyes pa sbom po gcig dang / nyes byas gnyis su 'gyur ro/ /dge slong gis bdag po ma yin pa las spring ba mnos te/ bdag po ma yin pa la phrin phar yang skyel bar byed cing / bdag po ma yin pa la phrin tshur yang skyel bar byed na/ nyes byas gsum du 'gyur ro/ /dge slong gis bdag po ma yin pa las spring ba mnos te/ bdag po la phrin phar skyel bar byed cing / bdag po ma yin pa las phrin tshur skyel bar byed na/ nyes pa sbom po gcig dang / nyes byas gnyis su 'gyur ro/ / dge slong gis bdag po ma yin pa las spring ba mnos te bdag po ma yin pa las phrin phar skyel bar byed cing bdag po la phrin tshur skyel bar byed na nyes pa sbom po gcig dang / nyes byas gnyis su 'gyur ro/ / dge slong gis bdag po ma yin pa las spring ba mnos te bdag po la phrin phar yang skyel bar byed cing / bdag po la phrin tshur yang skyel bar byed na nyes pa sbom po gnyis dang / nyes byas gcig tu 'gyur ro/ /rgyu gsum gyis spring ba'i phrin tshur bskyel bar 'gyur la phar bskyel bar ni mi 'gyur te/ gsum gang zhe na/ yul phyogs dang / brda dang / mtshan mas so/ /ji ltar yul phyogs kyis she na/ gang gi tshe kho bo bskyed mos tshal lam/ mdun sa 'am/ lha'i gnas ga ge mo zhig na 'dug pa khyod kyis mthong ba de'i tshe bya ba de byas par khyod kyis shes par gyis shig ces bya ba ste/ de ltar yul phyogs kyis so/ /ji ltar brdas she na/ gang gi tshe kho bo snga dro 'am/ gung tshigs sam/ phyem bred na khyod kyis mthong ba de'i tshe bya ba de byas par khyod kyis shes par gyis shig ces bya ba ste de ltar brdas so/ /ji ltar mtshan mas she na/ gang gi tshe kho bo skra dang / kha spu bregs nas ring po ma lon pa 'am/ snam sbyar dmar ser gyon pa 'am/ lhung bzed zha nye'i dbyar mdab can nam/ khar ba lcags sbubs can nam/ zhun mar gyi lhung bzed dam/ 'bru mar gyi lhung bzed dam/ sbrang rtsi'i lhung bzed dam/ bu ram gyi dbu ba'i lhung bzed thogs pa khyod kyis mthong ba de'i tshe bya ba de byas par khyod kyis shes par gyis shig ces bya ba ste/ de ltar mtshan mas so/ /rgyu gsum gyis ni spring ba'i phrin phar bskyal bar yang 'gyur la phrin tshul bskyal bar yang 'gyur te/ gsum gang zhe na/ tshig dang / spring yig dang / lag yig gis so/ /dge slong gis tshig gis spring ba mnos te/ tshig gis phrin phar yang skyel bar byed cing / tshig gis phrin tshur yang skyel bar byed na/ dge 'dun lhag mar 'gyur ro/ /dge slong gis tshig gis spring ba mnos te tshig gis phrin phar skyel bar yang byed cing / spring yig gis phrin tshur skyel bar byed na dge 'dun lhag mar 'gyur ro/ /dge slong gis tshig gis spring ba mnos te spring yig gis phrin phar skyel bar byed cing tshig gis phrin tshur skyel bar byed na dge 'dun lhag mar 'gyur ro/ /dge slong gis tshig gis spring ba mnos te spring yig gis phrin phar skyel bar yang byed cing / spring yig gis phrin tshur skyel bar yang byed na dge 'dun lhag mar 'gyur ro/ /dge slong gis tshig gis spring ba mnos te spring yig gis phrin phar skyel bar byed cing yul phyogs dang / brda dang / mtshan mas phrin tshur skyel bar byed na dge 'dun lhag mar 'gyur ro/ /dge slong gis tshig gis spring ba mnos te tshig gis phrin phar yang skyel bar byed cing tshig gis phrin tshur yang skyel bar byed na dge 'dun lhag mar 'gyur ro/ /dge slong gis tshig gis spring ba mnos te tshig gis phrin phar skyel bar byed cing lag yig gis phrin tshur skyel bar byed na dge 'dun lhag mar 'gyur ro/ /dge slong gis tshig gis spring ba mnos te/ lag yig gis phrin phar skyel bar byed cing / tshig gis phrin tshur skyel bar byed na/ dge 'dun lhag mar 'gyur ro/ /dge slong gis tshig gis spring ba mnos te/ lag yig gis phrin phar skyel bar yang byed cing / lag yig gis phrin tshur skyel bar yang byed na dge 'dun lhag mar 'gyur ro/ /dge slong gis tshig gis spring ba mnos te lag yig gis phrin phar skyel bar byed cing yul phyogs dang / brda dang / mtshan mas phrin tshur skyel bar byed na dge 'dun lhag mar 'gyur ro/ /dge slong gis spring yig gis spring ba mnos te spring yig gis phrin phar yang skyel bar byed cing spring yig gis phrin tshur yang skyel bar byed na dge 'dun lhag mar 'gyur ro/ /dge slong gis spring yig gis spring ba mnos te spring yig gis phrin phar skyel bar byed cing tshig gis phrin tshur skyel bar byed na dge 'dun lhag mar 'gyur ro/ / dge slong gis spring yig gis spring ba mnos te tshig gis phrin phar skyel bar byed cing spring yig gis phrin tshur skyel bar byed na dge 'dun lhag mar 'gyur ro/ /dge slong gis spring yig gis spring ba mnos te/ tshig gis phrin phar yang skyel bar byed cing tshig gis phrin tshur yang skyel bar byed na dge 'dun lhag mar 'gyur ro/ /dge slong gis spring yig gis spring ba mnos te spring yig gis phrin phar skyel bar byed cing yul phyogs dang / brda dang / mtshan mas phrin tshur skyel bar byed na dge 'dun lhag mar 'gyur ro/ /dge slong gis spring yig gis spring ba mnos te spring yig gis phrin phar yang skyel bar byed cing spring yig gis phrin tshur yang skyel bar byed na dge 'dun lhag mar 'gyur ro/ /dge slong gis spring yig gis spring ba mnos te/ spring yig gis phrin phar skyel bar byed cing lag yig gis phrin tshur skyel bar byed na dge 'dun lhag mar 'gyur ro/ /dge slong gis spring yig gis spring ba mnos te lag yig gis phrin phar skyel bar byed cing / spring yig gis phrin tshur skyel bar byed na dge 'dun lhag mar 'gyur ro/ /dge slong gis spring yig gis spring ba mnos te lag yig gis phrin phar yang skyel bar byed cing lag yig gis phrin tshur yang skyel bar byed na dge 'dun lhag mar 'gyur ro/ /dge slong gis spring yig gis spring ba mnos te/ spring yig gis phrin phar skyel bar byed cing / yul phyogs dang / brda dang / mtshan mas phrin tshur skyel bar byed na dge 'dun lhag mar 'gyur ro/ /dge slong gis lag yig gis spring ba mnos te/ lag yig gis phrin phar yang skyel bar byed cing / lag yig gis phrin tshur yang skyel bar byed na dge 'dun lhag mar 'gyur ro/ /dge slong gis lag yig gis spring ba mnos te lag yig gis phrin phar skyel bar byed cing tshig gis phrin tshur skyel bar byed na/ dge 'dun lhag mar 'gyur ro/ /dge slong gis lag yig gis spring ba mnos te/ tshig gis phrin phar skyel bar byed cing lag yig gis phrin tshur skyel bar byed na dge 'dun lhag mar 'gyur ro/ /dge slong gis lag yig gis spring ba mnos te tshig gis phrin phar yang skyel bar byed cing / tshig gis phrin tshur yang skyel bar byed na dge 'dun lhag mar 'gyur ro/ /dge slong gis lag yig gis spring ba mnos te/ lag yig gis phrin phar skyel bar byed cing yul phyogs dang / brda dang / mtshan mas phrin tshur skyel bar byed na dge 'dun lhag mar 'gyur ro/ /dge slong gis lag yig gis spring ba mnos te lag yig gis phrin phar yang skyel bar byed cing lag yig gis phrin tshur yang skyel bar byed na dge 'dun lhag mar 'gyur ro/ /dge slong gis lag yig gis spring ba mnos te lag yig gis phrin phar skyel bar byed cing spring yig gis phrin tshur skyel bar byed na dge 'dun lhag mar 'gyur ro/ /dge slong gis lag yig gis spring ba mnos te spring yig gis phrin phar skyel bar byed cing lag yig gis phrin tshur yang skyel bar byed na dge 'dun lhag mar 'gyur ro/ /dge slong gis lag yig gis spring ba mnos te spring yig gis phrin phar skyel bar byed cing spring yig gis phrin tshur yang skyel bar byed na dge 'dun lhag mar 'gyur ro/ /dge slong gis lag yig gis spring ba mnos te/ lag yig gis phrin phar skyel bar byed cing / yul phyogs dang / brda dang / mtshan mas phrin tshur skyel bar byed na dge 'dun lhag mar 'gyur ro// //'dul ba rnam par 'byed pa/ bam po bcwa brgyad pa/ dge slong gis chung ma dang po gsum po chu tshigs kyis byin pa dang / rin chas nyos pa dang / btsan phrogs su thob pa/ 'thabs pa nyid kyi mod yin la 'thabs pa'i 'og ma yin pa dang / dum pa ma bcad pa dang / rde'u gsum ma gtor ba dang / cho ga ma gtang ba dang / chung ma ma yin par ma bsgrags pa dang / dril ma bsgrags pa dag gi sdums byed cing 'thun na nyes byas gcig tu 'gyur ro/ /dge slong gis chung ma dang po gsum po chu tshigs kyis byin pa dang / rin chas nyos pa dang / btsan phrogs su thob pa de dag nyid 'thabs pa nyid kyi mod dang 'thabs pa'i 'og yin la/ dum pa ma bcad pa dang / rde'u gsum ma gtor ba dang / cho ga ma gtang ba dang / chung ma ma yin par ma bsgrags pa dang / dril ma bsgrags pa dag gi sdums byed cing 'thun par gyur na nyes byas gnyis su 'gyur ro/ /dge slong gis chung ma dang po gsum po chu tshigs kyis byin pa dang / rin chas nyos pa dang / btsan phrogs su thob pa de dag nyid 'thabs pa nyid kyi mod dang / 'thabs pa'i 'og dang / dum pa bcad pa yin la/ rde'u gsum ma gtor ba dang / cho ga ma btang ba dang / chung ma ma yin par ma bsgrags pa dang / dril ma bsgrags pa dag gi sdums byed cing 'thun par gyur na nyes byas gsum du 'gyur ro/ /dge slong gis chung ma dang po gsum po chu tshigs kyis byin pa dang / rin chas nyos pa dang / btsan phrogs su thob pa 'thabs pa nyid kyi mod dang / 'thabs pa'i 'og dang / dum pa bcad pa dang / rde'u gsum gtor ba yin la/ cho ga ma btang ba dang / chung ma ma yin par ma bsgrags pa dang / dril ma bsgrags pa dag gi sdums byed cing 'thun par gyur na nyes byas gsum dang / nyes pa sbom po gcig tu 'gyur ro/ /dge slong gis chung ma dang po gsum po chu tshigs kyis byin pa dang / rin chas nyos pa dang / btsan phrogs su thob pa 'thabs pa nyid kyi mod dang / 'thabs pa'i 'og dang / dum pa bcad pa dang / rde'u gsum gtor ba dang / cho ga btang ba yin la/ chung ma ma yin par ma bsgrags pa dang / dril ma bsgrags pa dag gi sdums byed cing 'thun par gyur na nyes byas gsum dang / nyes pa sbom po gnyis su 'gyur ro/ /dge slong gis chung ma dang po gsum po chu tshigs kyis byin pa dang / rin chas nyos pa dang / btsan phrogs su thob pa 'thabs pa nyid kyi mod dang / 'thabs pa'i 'og dang / dum pa bcad pa dang / rde'u gsum gtor ba dang / cho ga btang ba dang / chung ma ma yin par bsgrags pa yin la/ dril ma bsgrags pa dag gi sdums byed cing / 'thun par gyur na nyes byas gsum dang / nyes pa sbom po gsum dang / dge 'dun lhag ma gcig tu 'gyur ro/ /dge slong gi chung ma dang po gsum po chu tshigs kyis byin pa dang / rin chas nyos pa dang / btsan phrogs su thob pa 'thabs pa nyid kyi mod dang / 'thabs pa'i 'og dang / dum pa bcad pa dang / rde'u gsum gtor ba dang / cho ga btang ba dang / chung ma ma yin par bsgrags pa dang / dril bsgrags pa dag gi sdums byed cing 'thun par gyur na nyes byas gsum dang / nyes pa sbom po bzhi dang / dge 'dun lhag ma gnyis su 'gyur ro/ /dge slong gis chung ma de las gzhan pa 'thabs pa nyid kyi mod dang / 'thabs pa'i 'og dang / dum pa bcad pa dang / rde'u gsum gtor ba dang / cho ga gtang ba dang / chung ma ma yin par bsgrags pa dang / dril bsgrags pa dag gi sdums byed cing 'thun par gyur na dge 'dun lhag mar 'gyur ro/ /dge slong khyim du 'gro bas khyim du song ste 'di skad ces ci'i phyir khye'u chen po 'di'i khyim mi dbub ces zer na nyes byas su 'gyur ro/ / ci'i phyir bu mo chen mo 'di mi bkri zhes zer na nyes byas su 'gyur ro/ /ci'i phyir khye'u 'di dang bu mo 'di mi sprad ces zer na nyes byas su 'gyur ro/ /ci'i phyir khye'u 'di gyos po'i gan du mi 'gro zhes zer na nyes byas su 'gyur ro/ /ci'i phyir bu mo 'di gyos po'i gan du mi bkri zhes zer na nyes byas su 'gyur ro/ /dge slong khyim du 'gro bas de ltar de dang 'thun pa'i tshig rjod na thams cad du nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /smyan byed pa'i dge 'dun lhag ma ste lnga pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong rnams la khang pa 'di lta bur mang ba nyid du gyur te/ kha cig ni khang pa 'di ha cang rings so zhes de bor nas gzhan byed du 'jud do/ /kha cig ni khang pa 'di ha cang thungs so/ /'di ha cang yangs so/ /'di ha cang dog go/ /'di ha cang rnyings so/ /'di ha cang stobs chung ngo / /'di ha cang brtsig nyes so zhes de bor nas/ gzhan byed du 'jug go/ /de dag khang pa byed pa dang / byed du 'jud pas bya ba dang / byed pa mang bar gyur nas lung mnod pa dang / klag pa dang / kha ton dang / rnal 'byor dang / yid la byed pa gtong zhing / yang dang yang du rtsa ba dang / shing dang / mi blas dang / shing rta'i las slong bar byed pas bram ze dang / khyim bdag rnams kyis kha bya bar gyur to/ /de'i tshe na tshe dang ldan pa 'od srung chen po mnyan yod na shar gyi kun dga' ra ba ri dgas 'dzin gyi ma'i khang bzangs na 'dug go/ /de nas tshe dang ldan pa 'od srung chen pos dge slong rab tu mang po dag la khang pa de lta bur mang ba nyid du gyur pa thos so/ /thos nas kyang phyi dro nang du yang dag 'jog las langs nas bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas/ bcom ldan 'das la tshe dang ldan pa 'od srung chen pos 'di skad ces gsol to/ /btsun pa da ltar dge slong rnams la khang pa 'di lta bur mang ba nyid du gyur te/ kha cig ni khang pa 'di ha cang rings so/ /zhes de bor nas gzhan bgyid du stsal to/ /kha cig ni khang pa 'di ha cang thungs so/ /'di ha cang yangs so/ /'di ha cang dog go/ / 'di ha cang rnyings so/ /'di ha cang stobs chung ngo / /'di ha cang brtsig nongs so/ /zhes de bor nas gzhan bgyid du stsal to/ /de dag khang pa bgyid pa dang / bgyid du stsal bas bya ba dang / byed pa mang bar gyur nas lung mnod pa dang / klag pa dang / kha ton dang / rnal 'byor dang / yid la bgyid pa gtong zhing / yang dang yang du ran dang / zhugs shing dang / mi blas dang / shing rta'i las slong bar bgyid pas bram ze dang / khyim bdag rnams kyis kha bgyi bar gyur na/ bcom ldan 'das kyis thugs brtse ba'i slad du dge slong rnams la khang pa dang / khang pa'i gzhi legs par bstan du gsol/ bcom ldan 'das kyis tshe dang ldan pa 'od srung chen po la cang mi gsung bas gnang ngo / /de nas tshe dang ldan pa 'od srung chen pos bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas tshe dang ldan pa 'od srung chen po de nyid kyi mtshan mo 'das pa dang tshangs pa mtshungs par spyod pa rnams kyi sems bsrung ba'i phyir lhung bzed dang / chos gos thogs te ljongs rgyur song ngo / /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das kyis dge slong rab tu mang po dag la rmas pa/ dge slong dag khyed cag la khang pa 'di lta bur mang ba nyid du gyur te/ kha cig ni khang pa 'di ha cang rings so zhes de bor nas gzhan byed du 'jug /kha cig ni khang pa 'di ha cang thungs so/ /'di ha cang yangs so/ /'di ha cang dog go/ /'di ha cang rnyings so/ /'di ha cang stobs chung ngo / /'di ha cang brtsig nyes so zhes de bor nas gzhan byed du 'jud pa bden nam/ btsun pa mad do/ /sangs rgyas bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par smad do/ /de nas bcom ldan 'das kyis 'dod pa chung ba'i bsngags pa brjod de/ chog shes pa dang / gso sla ba dang / dgang sla ba dang / phri ba dang / yo byad bsnyungs pa dang / sbyangs pa'i yon tan dang / mdzes pa dang / tshod shes pa nyid kyi bsngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyis bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis bdag gis bslangs pa bdag po med pa/ bdag gi phyir khang pa rtsig tu 'jud na dge slong des khang pa tshad bzhin du rtsig tu chug shig /de la khang pa'i tshad ni 'di yin te/ nang srid du bde bar gshegs pa'i mtho'i mtho bcu gnyis/ zheng du mtho bdun no/ /gzhi blta ba'i phyir dge slong des dge slong dag bkri bar bya'o/ /khrid pa'i dge slong dag gis kyang gzhi rung ba dang / rtsod pa med pa dang / brtsam du rung bar blta bar bya'o/ /gal te dge slong gis gzhi mi rung ba 'am/ rtsod pa dang bcas pa 'am/ brtsam du mi rung ba bdag gis bslangs pa bdag po med pa bdag gi phyir khang pa brtsig tu 'jud dam gzhi blta ba'i phyir dge slong dag kyang mi khrid dam/ dge slong khrid pa dag la gzhi mi ston tam/ tshad las 'das na dge 'dun lhag ma'o/ /dge slong gis shes bya ba ni chos 'di pas so/ /bdag gis bslangs pa zhes bya ba ni 'dun pa las byung ba'i slongs mo la la las ni shing / la la las ni rtswa/ la la las ni mi blas/ la la las ni shing rta'i las bslangs pa'o/ /bdag po med pa zhes bya ba ni gang la bdag po skyes pa 'am bud med dam ma ning med pa'o/ /bdag gi phyir zhes bya ba ni bdag nyid la bsngos te'o/ /khang pa zhes bya ba ni gang du spyod lam bzhi po 'chag pa dang / 'greng ba dang / 'dug pa dang / nyal ba dag shong ba'o/ /rtsig tu 'jug na zhes bya ba ni bdag nyid kyis sam gzhan gyis so/ /dge slong des khang pa tshad bzhin du rtsig tu chug shig /de la khang pa'i tshad ni 'di yin te/ nang srid du bde bar gshegs pa'i mtho'i mtho bcu gnyis zheng du mtho bdun no zhes bya ba la/ bde bar gshegs pa zhes bya ba ni ston pa ste/ de'i mtho bcu gnyis gang dag yin pa de dag la ni tshad dang ldan pa'i khru'i khru bcwa brgyad de/ nang gi srid du tshad dang ldan pa'i khru bcwa brgyad do/ /bde bar gshegs pa'i mtho bdun gang dag yin pa de dag la ni tshad dang ldan pa'i khru'i khru phyed dang bcu gcig ste/ nang gi zheng du khru phyed dang bcu gcig go/ /gzhi blta ba'i phyir dge slong des dge slong dag bkri bar bya'o zhes bya ba la/ gzhi blta ba'i phyir zhes bya ba ni sa gzhi rung ba dang / rtsod pa med pa dang / brtsam du rung ba nyid blta ba'i phyir ro/ /dge slong des shes bya ba ni dge slong gang yin pa des so/ /dge slong dag bkri bar bya'o zhes bya ba ni/ de na dge slong gang dag yod pa dag yin gyi ji tsam gyis gzhi de mig gis bltas par 'gyur ba'i dge slong de tsam bkri bar bya ba ni ma yin no/ /gal te de na sbrul gyi gnas sam/ sdig pa'i gnas sam/ sril gyi gnas sam/ grog ma'i gnas yod pa yin na mi rung ba yin pa'i phyir bstan par mi bya'o/ /gal te rung ba yin na de'i 'og tu nye bar brtag par bya ste gal te rgyal po'i gzhi 'am/ mchod rten gyi gzhi 'am/ khyim bdag gi gzhi 'am/ mu stegs can gyi gzhi 'am/ dge slong ma'i dbyar khang ngam/ shing ljon pa gcad par bya ba yod na/ rtsod pa dang bcas pa yin pa'i phyir bstan par mi bya'o/ /gal te gzhi rung ba dang / rtsod pa med pa yin na de'i nyen kor 'dom gang kho ra khor yug nye bar brtag par bya ste/ gal te de na gzhi chu klung la rten tam/ khron pa la rten tam/ lam la rten tam/ ngam grog la rten pa yin na brtsam du mi rung ba'i phyir bstan par mi bya'o/ / gal te gzhi de rung ba dang / rnam pa thams cad yongs su rdzogs pa yin na dge slong des gtsug lag khang du song ste/ gnas mal bsham pa byas nas gaN DI brdungs te/ dris pa'i tshig gis dge slong dag la bskul nas dge 'dun thams cad 'dug cing 'thun par gyur pa la mchil lham phud de/ bla gos phrag pa gcig tu byas nas rgan rims bzhin du phyag 'tshal te rgan pa'i mtha' logs su tsog bur 'dug nas thal mo sbyar te 'di skad ces brjod par bya'o/ /dge 'dun btsun pa rnams gsan du gsol/ bdag dge slong lag gi bla ming 'di zhes bgyi bas khang pa'i gzhi rung ba/ rtsod pa ma mchis pa/ brtsam du rung ba zhig btsal te/ bdag dge slong lag gi bla ming 'di zhes bgyi ba dge 'dun las khang pa'i gzhi rung ba/ rtsod pa ma mchis pa/ brtsam du rung ba bstan pa gsol na/ thugs brtse ba can dge 'dun btsun pa rnams kyis thugs brtse ba'i slad du bdag dge slong lag gi bla ming 'di zhes bgyi ba la khang pa'i gzhi rung ba rtsod pa ma mchis pa/ brtsam du rung ba bstan pa stsal du gsol/ de bzhin du lan gnyis lan gsum du bzlas/ dge slong de dag gis kyang dge slong de la dad pas sam yid ches pas 'gro bar mi bya bar 'di ltar dge 'dun thams cad der 'gro bar bya ba 'am/ dge 'dun gyis bskos pa'i dge slong dag gtang bar bya'o/ /de dag gis gzhi de mig gis blta bar bya zhing / gal te de na sbrul gyi gnas sam/ sdig pa'i gnas sam/ sril gyi gnas sam/ grog ma'i gnas yod pa yin na mi rung ba yin pa'i phyir bstan par mi bya'o/ /gal te rung ba yin na de'i 'og tu nye bar brtag par bya ste/ gal te rgyal po'i gzhi 'am/ mchod rten gzhi 'am/ khyim bdag gi gzhi 'am/ mu stegs can gyi gzhi 'am/ dge slong ma'i dbyar khang ngam/ shing ljon pa gcad par bya ba yod na rtsod pa dang bcas pa yin pa'i phyir bstan par mi bya'o/ /gal te gzhi rung ba dang / rtsod pa med pa yin na de'i nyen kor 'dom gang kho ra khor yug nye bar brtag par bya ste/ gal te de na gzhi chu klung la rten tam/ khron pa la rten tam/ lam la rten tam/ ngam grog la rten pa/ yin na brtsam du mi rung ba'i phyir bstan par mi bya'o/ /gal te gzhi de rung ba dang / rnam pa thams cad yongs su rdzogs pa yin na de'i tshe dge slong de dag gis rgan pa'i mtha' logs su gus pa dang bcas pas 'dug ste 'di skad ces brjod par bya'o/ /gnas brtan dag gzhi de rung ba dang / rtsod pa ma mchis pa dang / brtsam du rung ba lags kyis da de'i dus la bab par mkhyen par mdzod cig de'i 'og tu dge slong gcig gis gsol ba byas te/ las bya'o/ /dge 'dun btsun pa rnams gsan du gsol/ dge slong lag gi bla ming 'di zhes bgyi ba 'dis khang pa'i gzhi rung ba rtsod pa ma mchis pa/ brtsam du rung ba zhig btsal te/ dge slong lag gi bla ming 'di zhes bgyi ba 'di dge 'dun las khang pa'i gzhi rung ba/ rtsod pa ma mchis pa/ brtsam du rung ba bstan pa gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong lag gi bla ming 'di zhes bgyi ba la khang pa'i gzhi rung ba rtsod pa ma mchis pa brtsam du rung ba bstan pa stsol to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong lag gi bla ming 'di zhes bgyi ba 'dis khang pa'i gzhi rung ba/ rtsod pa ma mchis pa/ brtsam du rung ba zhig btsal te/ dge slong lag gi bla ming 'di zhes bgyi ba 'di dge 'dun las khang pa'i gzhi rung ba/ rtsod pa ma mchis pa/ brtsam du rung ba bstan pa gsol te/ de'i slad du dge 'dun gyis dge slong lag gi bla ming 'di zhes bgyi ba la khang pa'i gzhi rung ba/ rtsod pa ma mchis pa/ brtsam du rung ba bstan pa stsol na tshe dang ldan pa gang dag dge slong lag gi bla ming 'di zhes bgyi ba la khang pa'i gzhi rung ba/ rtsod pa ma mchis pa brtsam du rung ba bstan pa stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong lag gi bla ming 'di zhes bgyi ba khang pa'i gzhi rung ba/ rtsod pa ma mchis pa/ brtsam du rung ba bstan pa stsal lags te/ 'di ltar cang mi gsungs pas de de bzhin du 'dzin to/ /dge 'dun gyis dge slong lag gi bla gang la khang pa'i gzhi rung ba/ rtsod pa med pa/ brtsam du rung ba bstan pa byin pa des khang pa brtsig tu gzhug par bya ste 'di la 'gyod par mi bya'o/ /khrid pa'i dge slong dag gis kyang zhes bya ba ni der dge slong gang dag khrid pa dag gis kyang ngo / /gzhi zhes bya ba ni khang pa'i dbang du byas pa'i gzhi gang yin pa'o/ /rung ba zhes bya ba ni sbrul gyi gnas dang / sdig pa'i gnas la sogs pa dang bral ba'o/ /rtsod pa med pa zhes bya ba ni 'thab mo dang / mtshang 'dru ba sogs pa dang bral ba'o/ /brtsam du rung ba zhes bya ba ni de'i nyen kor 'dom gang kho ra khor yug na skyon med par ro/ /blta bar bya'o zhes bya ba ni so sor brtag par bya'o/ /gal te dge slong gis gzhi mi rung ba 'am zhes bya ba ni sbrul dang sdig pa la sogs pa'i gnas kyi shas che ba'o/ /rtsod pa dang bcas pa 'am zhes bya ba ni thab mo dang bcas pa dang / mtshang 'dru ba dang bcas pa dang rtsod pa dang bcas pa dang / 'gyed pa dang bcas pa'o/ /brtsam du mi rung ba zhes bya ba ni gang gi nyen kor 'dom gang kho ra khor yug med par ro/ /bdag gis bslangs pa bdag po med pa/ bdag gi phyir khang pa brtsig tu 'dzud dam/ gzhi blta ba'i phyir dge slong dag kyang mi khrid dam/ dge slong khrid pa dag la gzhi mi ston tam/ tshad las 'das na zhes bya ba ni tshad ji skad bstan pa de las lhag par rtsig tu 'dzud na'o/ /dge 'dun lhag ma'o zhes bya ba ni snga ma bzhin te/ des na dge 'dun lhag ma'o/ /zhes gsungs so/ /de la ltung ba ji ltar 'gyur zhe na dge slong gis khang pa byed du 'dzud cing mi rung ba byed du 'dzud na nyes pa sbom por 'gyur ro/ /rtsod pa dang bcas pa byed du 'dzud na nyes pa sbom por 'gyur ro/ /brtsam du mi rung bar byed du 'dzud na nyes pa sbom por 'gyur ro/ /ma bstan par byed du 'dzud na nyes pa sbom por 'gyur ro/ /tshad las 'das par byed du 'dzud na nyes pa sbom por 'gyur ro/ /thams cad las 'das par byed du 'jud na dge 'dun lhag mar 'gyur ro/ /dge slong gis dge slong gi gan du song ste 'di skad ces kho bo'i phyir khang pa rung ba/ rtsod pa med pa brtsam du rung ba/ bstan pa tshad dang ldan pa byed du chug shig ces smras pa las des de'i phyir khang pa byed du 'jud cing mi rung bar byed du 'jud na byed pa po la nyes pa sbom por 'gyur ro/ / rtsod pa dang bcas par byed du 'jud na/ byed pa po la nyes pa sbom por 'gyur ro/ /brtsam du mi rung bar byed du 'jud na byed pa po la nyes pa sbom por 'gyur ro/ /ma bstan par byed du 'jud na byed pa po la nyes pa sbom por 'gyur ro/ / tshad las 'das par byed du 'jud na byed pa po la nyes pa sbom por 'gyur ro/ /thams cad las 'das par byed du 'jud na byed pa po la dge 'dun lhag mar 'gyur ro/ /gal te de de'i gan du song ste 'di skad ces legs par byas so/ /shin du byas so/ /ngas khyod la 'di skad bsgo'o zhes zer zhing des kyang de la shing ngam/ rtswa 'am/ lci ba 'am/ sa 'jim 'bul bar byed la/ gal te des mi rung bar byed du 'jud na/ gnyi ga la nyes pa sbom por 'gyur ro/ /rtsod pa dang bcas par byed du 'jud na gnyi ga la nyes pa sbom por 'gyur ro/ /brtsam du mi rung bar byed du 'jud na gnyi ga la nyes pa sbom por 'gyur ro/ /ma bstan par byed du 'jud na gnyi ga la nyes pa sbom por 'gyur ro/ /tshad las 'das par byed du 'jud na gnyi ga la nyes pa sbom por 'gyur ro/ /thams cad las 'das par byed du 'jud na gnyi ga la dge 'dun lhag mar 'gyur ro/ /gal te de de'i gan du song ste 'di skad ces legs par ma byas so/ / shin du ma byas so/ /ngas khyod la 'di ltar ma bsgo'o/ /zhes zer zhing des de la shing ngam/ rtswa 'am/ lci ba 'am/ sa 'jim 'bul bar mi byed la/ gal te des mi rung bar byed du 'jud na byed pa po la nyes pa sbom por 'gyur ro/ /rtsod pa dang bcas par byed du 'jud na byed pa po la nyes pa sbom por 'gyur ro/ /brtsam du mi rung bar byed du 'jud na byed pa po la nyes pa sbom por 'gyur ro/ /ma bstan par byed du 'jud na byed pa po la nyes pa sbom por 'gyur ro/ /tshad las 'das par byed du 'jud na byed pa po la nyes pa sbom por 'gyur ro/ /thams cad las 'das par byed du 'jud na byed pa po la dge 'dun lhag mar 'gyur ro/ / byas pa rnyed pa dang / byas pa la longs spyod pa dag la ni ltung ba med do/ /rnying pa 'chos pa la yang ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /khang pa'i dge 'dun lhag ma ste drug pa rdzogs s+ho// // sangs rgyas bcom ldan 'das kau sham+bi na gdangs can gyi kun dga' ra ba na bzhugs so/ /drug sde dag gzhan gyis byed du bcug pa'i gtsug lag khang dag na gnas shing de dag de dag na gnas pa na dga' bo nye dga' ltos shig /gtsug lag khang 'di ni gyong grugs su gyur pa yin no/ /'di ni gas pa yin no/ /'di ni mtshams nyams pa yin no/ /'di ni ngos nyams pa yin no/ /'di ni ma mo'i khyim 'dra ba yin no zhes 'phya bar byed pa dang / dge slong rnams kyis de dag la smras pa/ tshe dang ldan pa dag khyed cag re shig gzhan gyis byed du bcug pa'i gtsug lag khang dag na gnas shing / khyed cag gis rdo yang sgreng bar mi nus la/ 'on kyang 'phya bar byed do/ /de skad ces smras pa dang / de dag nga rgyal gyis khengs par gyur nas/ phan tshun smra bar brtsams pa/ dga' bo nye dga' lhung bzed nag po can 'di dag gis bdag cag la khyed cag re shig gzhan gyis byed du bcug pa'i gtsug lag khang dag na gnas shing / khyed cag gis rdo yang sgreng ba mi nus la 'on kyang 'phya bar byed do/ /zhes ha cang zil gyis mnan gyis tshur sheg /bdag cag gis sngon lhung bzed nag po can gang gis kyang byed du ma bcug pa'i gtsug lag khang ci 'dra ba'i gtsug lag khang byed du gzhug go/ /gal te bdag cag thams cad lag gi bla la brtson par gyur na lhung bzed nag po can dag rtag pa kho nar bdag cag la skabs tshol bas de dag gis drug sde dag thams cad lag gi bla la zhugs so zhes skabs rnyed par yang 'gyur la/ bdag cag gis slongs mo'i khyim gang dag yin pa de dag tu yang brel ba dag gi skyon brjod nas rjes su 'jug par byed par 'gyur gyis/ bdag cag gis bdag cag gi nang na mkhas pa/ spyod pa gsal ba/ khab gzhug par gtun bu 'jud nus pa gang yin pa de'i gan du bdag cag dong la spro ba bskyed par bya gor ma chag na/ de'i phyir bdag cag gi nang na mkhas pa spyod pa gsal ba/ khab gzhug par gtun bu 'jud nus pa gang yin/ bdag cag gi nang na tshe dang ldan pa 'dun pa mkhas pa/ spyod pa gsal ba/ khab gzhug par gtun bu 'jud nus pa yin gyis bdag cag de'i gan du 'dong la spro ba bskyed par bya'o/ /zhes de dag 'dun pa'i gan du dong ste smras pa/ tshe dang ldan pa 'dun pa lhung bzed nag po can 'di dag gis bdag cag la khyed cag re shig gzhan gyis byed du bcug pa'i gtsug lag khang dag na gnas shing khyed cag gis rdo yang sgreng bar mi nus la/ 'on kyang 'phya bar byed do zhes ha cang zil gyis mnan nas/ kho bo cag 'di snyam du sems te/ lhung bzed nag po can 'di dag gis bdag cag la khyed cag re shig gzhan gyis byed du bcug pa'i gtsug lag khang dag na gnas shing khyed cag gis/ rdo yang sgreng bar mi nus la/ 'on kyang 'phya bar byed do zhes ha cang zil gyis mnan gyis tshur sheg /bdag cag gis sngon lhung bzed nag po can gang gis kyang byed du ma bcug pa'i gtsug lag khang ci 'dra ba de 'dra ba'i gtsug lag khang byed du gzhug go/ /gal te bdag cag thams cad lag gi bla la brtson par gyur na/ lhung bzed nag po can dag rtag pa kho nar bdag cag la skabs tshol bas de dag gis drug sde dag thams cad lag gi bla la zhugs so zhes skabs rnyed par yang 'gyur la/ bdag cag gi slongs mo'i khyim gang dag yin pa de dag tu yang brel ba dag gi skyon brjod nas rjes su 'jug par byed par 'gyur gyis/ bdag cag gis bdag cag gi nang na mkhas pa/ spyod pa gsal ba/ khab gzhug par gtun bu 'jud nus pa gang yin pa de'i gan du bdag cag dong la spro ba bskyed par bya gor ma chag na/ de'i phyir bdag cag gi nang na mkhas pa/ spyod pa gsal ba/ khab gzhug par gtun bu 'jud nus pa gang yin/ bdag cag gi nang na tshe dang ldan pa 'dun pa mkhas pa/ spyod pa gsal ba/ khab gzhug par gtun bu 'jud nus pa yin gyis bdag cag de'i gan du dong la spro ba bskyed par bya'o snyam nas/ bdag cag gis tshe dang ldan pa gtsug lag khang gi phyir spro bar bya zhing khyod la gsol ba 'debs kyis lhung bzed nag po can dag yan lag 'dis zil gyis non par gyis shig /'dun pas smras pa/ thabs yin gyis de ltar bya'o/ /de dag yid dga' nas dong ngo / /tshe dang ldan pa 'dun pa yang gtsug lag khang gi phyi rol du rkang pa gnyis bkrus nas gtsug lag khang du zhugs te/ 'dug nas thabs ci yod na des dge 'dun gyis gtsug lag khang 'grub par 'gyur snyam du sems pa la zhugs so/ /des su zhig su la mngon par dad snyam du rnam par dpyad par brtsams pa dang / de 'di snyam du sems te/ re shig 'jig rten lha dang bcas pa ni bcom ldan 'das la mngon par dad pa yin/ khyim che ge mo zhig ni tshe dang ldan pa kun shes kauN+Di n+ya la/ khyim che ge mo zhig ni/ tshe dang ldan pa 'od srung chen po la/ khyim che ge mo zhig ni tshe dang ldan pa shA ri'i bu la/ khyim che ge mo zhig ni tshe dang ldan pa maud gal gyi bu chen po la/ khyim che ge mo zhig ni tshe dang ldan pa ma 'gags pa la/ khyim che ge mo zhig ni tshe dang ldan pa rta thul la/ khyim che ge mo zhig ni tshe dang ldan pa bzang ldan la/ khyim che ge mo zhig ni tshe dang ldan pa rlangs pa la/ khyim che ge mo zhig ni tshe dang ldan pa ming chen la/ khyim che ge mo zhig ni tshe dang ldan pa gang po la/ khyim che ge mo zhig ni tshe dang ldan pa dri ma med pa la/ khyim che ge mo zhig ni tshe dang ldan pa ba lang bdag la/ khyim che ge mo zhig ni tshe dang ldan pa kun dga' bo la/ khyim che ge mo zhig ni bcom ldan 'das kyi gcung sru'i sras tshe dang ldan pa mdzes dga' la/ khyim che ge mo zhig ni bcom ldan 'das kyi sras tshe dang ldan pa sgra gcan zin la/ khyim che ge mo zhig ni tshe dang ldan pa gyad bu nor la/ khyim che ge mo zhig ni tshe dang ldan pa dga' bo la/ khyim che ge mo zhig ni tshe dang ldan pa nye dga' la/ khyim che ge mo zhig ni tshe dang ldan pa 'gro mgyogs la/ khyim che ge mo zhig ni tshe dang ldan pa 'char ka la/ khyim che ge mo zhig ni tshe dang ldan pa nab so la mngon par dad pa yin pas de'i phyir de dag sbyor du gzhug tu ni mi nus kyis/ 'di ltar kau sham+bi na bram ze phyug pa/ nor mang ba/ longs spyod che ba yongs su gzung ba yangs shing rgya ba che ba zhig 'dug na de ni ser sna can mig phra ba/ bya rog la yang gtor ma mi ster ba/ yo byad kun 'dzin pa yin la/ de la dbyig dang / gser mang po bdog pas gal te de rjes su 'jug par byed nus na dge 'dun gyi gtsug lag khang 'grub par 'gyur ro snyam nas/ de de ltar sems pa la zhugs pas/ tshegs chen pos nam nangs par byas nas/ snga dro sham thabs bgos lhung bzed dang chos gos thogs te/ kau sham+bir bsod snyoms la zhugs so/ /des khyim gnyis sam/ gsum du bsod snyoms rgyus nas phye nyung shas shig khyer te/ bram ze de'i khyim du 'jug par brtsam pa dang / sgo bas 'phags pa sdod cig /ma 'jug ces bgags so/ /des smras pa/ bzhin bzangs bcom ldan 'das kyis kho bo cag gi spyod yul ma yin pa ni rnam pa lnga gsungs te/ rol mo mkhan gyi gnas dang / 'jud 'thun ma'i gnas dang / chang pa'i gnas dang / gdol pa'i gnas dang / rgyal po'i pho brang yin na ci khyim 'di ni rol mo mkhan gyi gnas yin nam/ 'on te 'jud 'thun ma'i gnas sam/ chang pa'i gnas sam/ gdol pa'i gnas sam/ rgyal po'i pho brang yin nam ci na de'i phyir kho bo 'gog par byed/ sgo bas smras pa/ 'phags pa khyod mang du bkyon par 'gyur mod kyi 'di ni rol mo mkhan gyi gnas kyang ma lags/ 'jud 'thun ma'i gnas dang / chang pa'i gnas dang / gdol pa'i gnas dang / rgyal po'i pho brang yang ma lags te/ 'di ltar 'di ni bram ze che ge mo zhig gi khyim lags so/ /'dun pas bsams pa/ gang du re shig ngo phrad par yang med pa der gzhan ci zhig yod par 'gyur snyam nas/ de de ltar sgor bgags te/ sems khongs su chud cing 'dug pa na khyim bdag cig gi bu byung ba der bcu gnyis 'dus pa'i dga' 'dun gar dang / glu dang / sil snyan gyis zhugs pa dang / sgo ba des de dag la te por brtag par brtsams te sgo la mi lta ba'i tshe/ tshe dang ldan pa 'dun pas 'jug pa thob ste zhugs nas de'i spyod lam gyis 'dod chags dang bral ba'i sa sbyong bar byed pa de/ bram ze des mthong nas smras pa/ btsun pa 'dun pa byon pa legs so/ /gdan 'di la bzhugs shig /'dun pa don yod pas 'dug pa dang gtam gyi skabs ma rnyed nas 'dun pas smras pa/ bram ze kho bos bsod snyoms kyi phye nyung shas shig rnyed pa 'di 'tshag tu chug ste byin cig /bram zes bu mo la bsgo ba/ bu mo 'phags pa'i bsod snyoms kyi phye tshogs te phul cig /bu mo des btsag par brtsams pa dang / tshe dang ldan pa 'dun pas phye la brtag par brtsams so/ /bram zes smras pa/ 'phags pa ci rtog /srog chags so/ /gal te mchis na ji ltar bgyi/ bza' bar mi bya'o/ /gal te gsol bar gyur na nongs pa ci mchis/ bram ze bcom ldan 'das kyis srog gcod pa kun du bsten cing goms par byas lan mang du byas pas lus zhig ste shi ba'i 'og tu ngan song dang / ngan 'gro dang / log par ltung ba dang / sems can dmyal ba rnams su skye bar 'gyur zhing / gal te 'di lta bu nyid du mi rnams dang skal ba mnyam par 'ongs na yang tshe thung bar 'gyur ro zhes gsungs so zhes bya ba la sogs pa mi dge ba bcu dang / dge ba bcu'i las kyi lam dag rgyas par brjod pa dang / bram ze de mngon par dad par gyur nas rang nyid kyis bza' ba dang / bca' ba gtsang zhing bsod pas snod bkang ste smras pa/ 'phags pa thugs brtse ba'i slad du 'di bzhes su gsol/ tshe dang ldan pa 'dun pas bsams pa/ gal te blangs par gyur na 'di lta ste dper na shing las byas pa'i snod du bskol ba dang 'dra bar bdag gi dang po 'di nyid tha mar 'gyur ro snyam du rig nas smras pa/ bram ze kho bos bsod snyoms kyi phye nyung shas shig rnyed pa 'di nyid yongs su longs spyod par bya'i/ /dad pas sbyin par bya ba blangs te dor du ga la rung / bram zes smras pa/ 'phags pa bdag cag bram ze rnams kyi kun tu spyod pa ni gal te ngan pa rnyed nas bzang po rnyed par gyur na ngan pa spangs te bzang po yongs su longs spyod par bgyid pa lags na de khyed cag la ci nongs/ bram ze kho bo cag ni bslab pa'i gzhi yang dag par blangs pa yin la/ khyed cag bram ze dag ni bslab pa'i gzhi yang dag par blangs pa ma yin pas khyed cag bram ze dag ni ci dgar 'jug par byed pa yin no/ /kho bo cag la ni bcom ldan 'das kyis 'phags pa'i rigs bzhi bka' stsal te/ bzhi gang zhe na/ chos gos gang yang rung bas chog shes pa 'phags pa'i rigs dang / bsod snyoms gang yang rung bas chog shes pa 'phags pa'i rigs dang / gnas mal gang yang rung bas chog shes pa 'phags pa'i rigs dang / spong ba la dga' ba dang / bsgom pa la dga' ba 'phags pa'i rigs so/ /bram ze de shin du mngon par dad par gyur nas smras pa/ 'phags pa 'di ni/ khyod kyi khab lags kyis dus dang dus su gshegs su gsol/ bram ze khyod kyi sgo ba 'di ni gshin rje'i dbyug pa dang 'dra ba yin pas su yang 'jug tu mi ster gyis/ legs par bsgo ba gyis shig dang / des na kho bo la 'gog par mi byed do/ / bram zes sgo ba bkug ste legs par bsgo ba/ kwa'e nang rje khyim 'di 'phags pa 'dun pa'i yin gyis khyod kyis ma bgag shig /nang mi la yang bsgo ba/ khyed cag gis 'phags pa 'dun pa la mi gus par mi bya'o/ /tshe dang ldan pa 'dun pas bsams pa/ bram ze 'di ni mngon par dad par gyur na 'on kyang gal te 'dir lhung bzed nag po can 'jug par gyur na/ des 'di ci nas kyang 'khrug par byed par 'gyur bas thabs kyi rnam pa zhig bya'o snyam nas/ 'dun pas sgo ba de la smras pa/ kwa'e nang rje khyod kyis bram ze de ji ltar kho bo la mngon par dad par gyur pa mthong ngam/ 'phags pa mthong ngo / /des kho bo 'ba' shig 'dir 'jug tu gnang gis lhung bzed nag po can su yang 'jug tu ma gzhug cig /gal te 'dir lhung bzed nag po can 'ga' zhig 'jug tu bcug na kho bos khyod la khrims chen po 'char gzhug par bya'o/ /'phags pa shin du bag yangs su bzhud cig /khyod nyid kyang re shig de'u ma chud pa lags na lhung bzed nag po can gzhan 'jud par 'gyur ba lta smos kyang ci 'tshal/ tshe dang ldan pa 'dun pa yid bde ba skyes te song nas de dus dang dus su bram ze de'i khyim du 'gro bar byed do/ /bram zes kyang de kho na bzhin du yang dang yang du stobs par byed na tshe dang ldan pa 'dun pas dang du len par mi byed par sbyin pa dang ldan pa'i chos bstan pa 'ba' shig byas shing byas shing 'gro bar byed do/ /ji tsam dus gzhan zhig na tshe dang ldan pa 'dun pas bram ze de la rdzas las byung ba'i bsod nams bya ba'i gzhi bdun po dag gis bsngags pa brjod cing de dag rgya cher legs par bshad pa dang / bram zes smras pa/ 'phags pa bdag gis kyang rdzas las byung ba'i bsod nams bya ba'i gzhi 'ga' zhig bgyi'o/ /bram ze de bzhin gyis shig /'phags pa ci zhig bgyi/ dge 'dun gyi gtsug lag khang byed du chug shig /bram zes bsams pa/ bdag gis 'phags pa 'dun pa la rnam pa du mar bstabs na 'dis lan 'ga' yang dang du ma blangs te/ da dang du blangs pa gang yin pa 'di yang dge 'dun gyi phyir ro snyam nas de ngo mtshar skyes nas smras pa/ 'phags pa bdag la kAr ShA pa Na dag ni mchis na/ 'on kyang sa gzhi ni rgyal po dbang bas gang du dge 'dun gyi gtsug lag khang bgyid du stsal ba'i dog sa ma mchis so/ /bram ze khyod snying las chung ngur gyis shig dang kho bos rgyal po las sa bslang bar bya'o/ /'phags pa gal te de lta na legs so/ /tshe dang ldan pa 'dun pas bsams pa/ ji ltar bya je rgyal po la bsten par bya 'am 'on te blon po rnams la bsten par bya snyam nas de 'di snyam du sems te/ la la na re 'di skad ces bsten pa la bsten par mi bya bar bsten pa la bsten pa bsten par bya'o zhes zer ro snyam nas/ des blon po rnams la bsten par brtsams te/ de dag la dus la cung zad cig bsten pa dang / blon po rnams kyis smras pa/ 'phags pa bka' stsal pa ci mchis/ 'dun pas smras pa/ bzhin bzangs dag bram ze zhig gis dge 'dun gyi phyir gtsug lag khang byed du bcug na sa gzhi rgyal po dbang bas gang du gtsug lag khang brtsig tu gzhug pa'i sa med na de'i phyir sa gzhi'i ched du lha'i snyan du gsol ba zhig 'dong na de khyed cag gis grogs gyis shig / 'phags pa gang gi tshe rgyal po tshogs nyung ngu dang dben pa na bzhugs pa de'i tshe khyod sbran par bgyi yis spyon cig / ji tsam dus gzhan zhig na rgyal po tshogs nyung ngu dang dben pa na 'dug pa'i tshe blon po de dag gis tshe dang ldan pa 'dun pa la/ 'phags pa rgyal po tshogs nyung ngu dang dben pa na bzhugs kyis spyon cig ces bang chen btang ba dang / 'dun pa 'ongs nas rgyal po la a rog khya zhes byas te mtha' gcig tu 'dug go/ /blon po rnams kyis rgyal po la gsol pa/ lha 'di ni 'phags pa 'dun pa zhes bgyi ste/ shAkya las rab tu byung ba/ sde snod gsum dang ldan pa/ chos sgrog pa/ rigs pa dang grol ba'i spobs pa dang ldan pa lags so/ /rgyal pos smras 'phags pa byon pa legs so/ /ci'i slad du byon/ 'dun pas smras pa/ lha bram ze zhig gis dge 'dun gyi slad du gtsug lag khang bgyid du stsal na/ sa gzhi rgyal po mnga' bas de'i dog sa ma mchis na lhas dog sa stsal bar rigs so/ /'phags pa rgyal po'i pho brang 'ba' shig ma gtogs pa gang du bzhed pa der gtsug lag khang rtsig tu stsol cig /tshe dang ldan pa 'dun bas a rog khya zhes smras te/ yid bde ba skyes nas rgyal po'i pho brang nas phyir byung ste drug sde gzhan dag gi gan du song nas des smras pa/ dga' bo nye dga' bram ze che ge mo zhig gis dge 'dun gyi phyir gtsug lag khang byed du bcug nas kho bos rgyal po la sa gzhi'i phyir gsol ba byas na/ rgyal po na re 'phags pa rgyal po'i pho brang 'ba' zhig ma gtogs pa gang du 'dod pa der gtsug lag khang rtsig tu stsol cig ces zer gyis sa gzhi 'doms shig /de dag 'dus te bram ze de'i drung du song nas smras pa/ bram ze rgyal pos bdag cag la rgyal po'i pho brang 'ba' zhig ma gtogs pa gang du 'dod pa der gtsug lag khang rtsig tu chug shig ces dam pa byin gyis kar Sha pA Na dag 'on cig dang gtsug lag khang rtsig tu gzhug go/ /bram ze des drug sde de dag la kAr Sha pA Na dag byin nas/ de dag gis kAr Sha pA Na dag blangs te phan tshun gros bya bar brtsams pa/ phyogs gang du gtsug lag khang rtsig tu gzhug ces glengs so/ /kau sham+bi dang gdangs can gyi kun dga' ra ba'i bar dag na gnas gyi shing ljon pa zhig yod pa de'i drung du/ bram ze 'khor shin du mang po dang ldan pa zhig bram ze'i khye'u lnga brgya bram ze'i gsang tshig dag klog tu 'jud pa de'i bram ze'i khye'u lnga brgya po de dag drug sde dag bsod snyoms la 'jug pa dang 'byung ba na yang dang yang du kye drug sde dag ci bsod snyoms mchog dang bsod snyoms dang po thob bam/ snod khengs sam zhes co 'dri bar byed pas de'i tshe drug sde dag 'di snyam du sems te/ gnas kyi shing ljon pa de'i drung na bram ze de'i slob ma bram ze'i khye'u de dag rtag tu bdag cag la kye drug sde dag ci bsod snyoms mchog dang bsod snyoms dang po thob bam/ snod khengs sam zhes co 'dri bar byed kyis de dag mi dga' bar bya zhing gnas kyi shing ljon pa de gcod du bcug ste phyogs der gtsug lag khang rtsig tu bcug na des na phyin chad yang dang yang du co 'dri bar mi byed do zhes de dag gis gros byas nas kar Sha pa Na dag khyer te gla mi'i srang du dong nas bzhin bzangs dag gla sbyin gyis gtsug lag khang du las gyis shig ces smras nas/ de dag gis gla mi dag bsgrubs so/ /drug sde dag gis gla mi de dag khye'u sus byin te lus bsku ba dang / mgo bsku ba yang byin pa dang / de dag mgu nas smras pa/ 'phags pa dag bzhud la bdag cag la sug las dag phob shig /drug sde dag gis smras pa/ las kyang 'byung bar 'gyur gyis re shig sdod cig ces de dag gis de dag re shig bgags pa dang / ji tsam na nyi ma nub nas de dag gis smras pa/ 'phags pa dag bdag cag da slar mchi yis deng gi gla stsol cig /drug sde dag gis smras pa/ khyed cag gis las mang po zhig byas pas de'i phyir gla ded dam/ de dag gis smras pa/ 'phags pa dag khyed cag gis bdag cag la bka' stsal pa gang zhig bdag cag gis ma bgyis/ bzhin bzangs dag sta re dang / gzhor dang / gle ba dag long shig dang las byed du 'dong ngo / /gla mi de dag drug sde dag dang lhan cig sta re dang / gzhor dang / gle ba dag thogs te/ mig lam chad pa dang gnas kyi shing ljon pa de'i gan du song nas drug sde dag gis smras pa/ shes ldan dag gnas kyi shing ljon pa 'di chod cig /de dag gis smras pa/ 'phags pa dag 'di ni gnas kyi shing ljon pa lags pas/ ci ga bdag cag la mgo gnyis mchis sam mi gcod do/ /bkren pa dag sa gzhi ni rgyal po dbang bas des kho bo cag la rgyal po'i pho brang 'ba' zhig ma gtogs pa gang du 'dod pa der gtsug lag khang rtsig tu chug ces dam pa byin pas su zhig khyed kyi mgo gcod par byed/ bag tsha ba med par chod cig /de dag gis gnas kyi shing ljon pa de bcad nas shing de thams cad kyang rtsa ba nas phyung / sa phyogs de yang ci nas kyang gnas kyi shing ljon pa de phyogs gang na 'dug 'dug par gyur ces bya bar mi shes pa de ltar mnyam par byas so/ /drug sde dag gis phyogs der mig gis brtag par brtsams te/ dga' bo nye dga' phyogs 'dir ni bcom ldan 'das kyi dri gtsang khang brtsig par bya'o/ /phyogs 'dir ni sgo khang bya'o/ /phyogs 'dir ni me khang bya'o/ /phyogs 'dir ni rung ba'i khang pa bya'o/ /phyogs 'dir ni nye bar gnas pa'i khang pa bya'o/ /zhes mtshan ma byas te dong ngo / /bram ze'i khye'u de dag gi kun tu spyod pa ni res kyis gnas kyi shing ljon pa de'i drung du chag chag 'debs par byed/ legs par skud par byed/ ba lang gi lci ba sar ba'i byug pas nyug par byed pas ji tsam na bram ze'i khye'u zhig la res bab nas de nang par sngar langs te song ba dang / des gnas kyi shing ljon pa de ma mthong nas de mkhan po'i gan du 'ongs nas smras pa/ mkhan po gnas kyi shing ljon pa de ma mchis so/ /bram zes smras pa/ kwa'e bram ze'i khye'u ci log par ma song ngam/ mtshan mo gzhan gyis shing ljon pa de gar song / bram ze'i khye'u gzhan zhig kyang de dang lhan cig gad mos 'debs shing des smras pa/ mkhan po bram ze'i khye'u 'dis mdang sum 'bras bu'i rtsabs 'tshal bas des na ma mthong ngo zhes mchi'o/ /bram zes bram ze'i khye'u ches sgrin pa gzhan zhig btang na/ des kyang de kho na bzhin du ma mthong nas/ de yang 'ongs te smras pa/ mkhan po de de bzhin te gnas kyi shing ljon pa de ye ma mchis so/ /de nas thams cad 'dus te dong ba dang / de dag gis de kho na bzhin du ma mthong nas/ bram ze'i khye'u dran pa dang ldan pa zhig yod pa de na re phyogs 'di na ni mkhan po gsang tshig 'don par mdzad mdzad do/ /phyogs 'di na ni bdag spyod spyod na de ci nongs ji ltar gyur pa ma 'tshal to zhes zer ro/ /de dag de ltar sems khongs su chud cing 'dug pa na mi zhig 'ongs nas des smras pa/ bram ze ci'i phyir 'khor dang bcas pa de ltar sems khongs su chud cing 'khod/ kye nang po phyogs 'di na gnas kyi shing ljon pa zhig 'dug par gyur pa de mtshan mo gzhan gyis gar song ma shes so/ /bram ze kho bos mdang sum mig la ma chad pa na phyogs 'di na drug sde dag mi sta re dang / gzhor dang / gle ba dag gis lag brel ba dang lhan cig 'dug pa mthong na de dag gis bcad par ma gyur tam/ bram zes smras pa/ kye nang po 'on tang de lags so zhes de dag de bzhin du sems khongs su chud cing 'khod pa na drug sde dag lhags nas de dag gis smras pa/ bram ze dag ci'i phyir sems khongs su chud cing 'khod/ 'phags pa dag phyogs 'di na gnas kyi shing ljon pa zhig mchis par gyur pa de mtshan mo gzhan gyis gar mchis ma 'tshal to/ /drug sde dag gis bgad par brtsams pa dang / bram zes smras pa/ 'phags pa dag khyed cag gis ma bkum 'am/ bkren pa dag khyed cag rtag tu de'i drung na 'khod cing kho bo cag la kye drug sde dag ci bsod snyoms mchog dang / bsod snyoms dang po thob bam/ snod khengs sam zhes co 'dri bar byed pas/ de'i phyir 'di ltar khyed cag mi dga' bar bya'o/ /de dag shAkya'i bu'i dge sbyong rnams kyi dge sbyong gi tshul ni tshig go/ /bram ze'i tshul ni tshig ste/ 'di ltar gnas kyi shing ljon pa yang bcad par gyur to zhes smod par byed/ phyar ka gtong bar byed/ kha zer bar byed do/ /thos pa gcig nas gcig tu brgyud pas kau sham+bi na gnas pa'i skye bo'i tshogs dang / yul tha dad pa na gnas pa der lhags pa dag gis kyang thos nas de dag kyang lam po che dang / srang dang / bzhi mdo dang / sum mdo dag na smod par byed/ phyar ka gtong bar byed/ kha zer bar byed cing gang dag ma dad pa de dag gis ni bsod snyoms la zhugs pa dag la yang bsod snyoms sbyin par mi byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis bdag po yod pa dge 'dun gyi phyir gtsug lag khang chen po rtsig tu 'jud na gzhi blta ba'i phyir dge slong des dge slong dag bkri bar bya'o/ /khrid pa'i dge slong dag gis kyang gzhi rung ba dang / rtsod pa med pa dang / brtsam du rung bar blta bar bya'o/ /gal te dge slong gis gzhi mi rung ba 'am/ rtsod pa dang bcas pa 'am/ brtsam du mi rung bar bdag po yod pa dge 'dun gyi phyir gtsug lag khang chen po brtsig tu 'jud dam/ gzhi blta ba'i phyir dge slong dag kyang mi khrid dam/ dge slong khrid pa dag la gzhi mi ston na dge 'dun lhag ma'o/ /dge slong gis zhes bya ba ni/ drug sde 'am/ gzhan yang chos 'di bas so/ /bdag po yod pa zhes bya ba ni/ gang la bdag po skyes pa 'am/ bud med dam/ ma ning yod pa'o/ /dge 'dun gyi phyir zhes bya ba ni de bzhin gshegs pa'i nyan thos kyi dge 'dun gyi phyir ro/ /gtsug lag khang zhes bya ba ni/ gang du spyod lam bzhi po 'chag pa dang / 'greng ba dang / 'dug pa dang / nyal ba dag shong ba'o/ /chen po zhes bya ba ni chen po gnyis po sbyin par bya ba dang / tshad kyis te/ de las 'dir ni sbyin par bya bas chen por dgongs pa yin gyi tshad kyis ni ma yin no/ /rtsig tu 'jud na zhes bya ba ni bdag nyid kyis sam gzhan gyis so/ /gzhi blta ba'i phyir dge slong des dge slong dag bkri bar bya'o zhes bya ba la/ gzhi blta ba'i phyir zhes bya ba ni sa gzhi rung ba dang / rtsod pa med pa dang / brtsam du rung ba nyid blta ba'i phyir ro/ /dge slong des shes bya ba ni dge slong gang yin pa des so/ /dge slong dag bkri bar bya'o/ /zhes bya ba ni de na dge slong gang dag yod pa dag yin gyi/ ji tsam gyis gzhi de mig gis bltas par 'gyur ba'i dge slong de tsam bkri bar bya ba ni ma yin no/ /gal te de na sbrul gyi gnas sam/ sdig pa'i gnas sam/ srin gyi gnas sam/ grog ma'i gnas yod pa yin na mi rung ba yin pa'i phyir bstan par mi bya'o/ /gal te rung ba yin na de'i 'og tu nye bar brtag par bya ste/ gal te rgyal po'i gzhi 'am/ mchod rten gyi gzhi 'am/ khyim bdag gi gzhi 'am/ mu stegs can gyi gzhi 'am/ dge slong ma'i dbyar khang 'am/ shing ljon pa gcad par bya ba yod na rtsod pa dang bcas pa yin pa'i phyir bstan par mi bya'o/ /gal te gzhi rung ba dang / rtsod pa med pa yin na de'i nyen kor 'dom gang kho ra khor yug nye bar brtag par bya ste/ gal te de na gzhi chu klung la rten tam/ khron pa la rten tam/ lam la rten tam/ ngam grog la rten pa yin na brtsam du mi rung ba'i phyi bstan par mi bya'o/ /gal te gzhi de rung ba dang / rnam pa thams cad yongs su rdzogs pa yin na/ dge slong des gtsug lag khang du song ste gnas mal bsham pa byas nas gaN DI brdungs te dris pa'i tshig gis dge slong dag la bskul nas dge 'dun/ thams cad 'dug cing 'thun par gyur pa la mchil lham phud de bla gos phrag pa gcig tu byas nas/ rgan rims bzhin du phyag 'tshal te/ rgan pa'i mtha' logs su/ tsog pur 'dug nas thal mo sbyar te 'di skad ces brjod par bya'o/ /dge 'dun btsun pa rnams gsan du gsol/ / bdag dge slong lag gi bla ming 'di zhes bgyi bas gtsug lag khang gi gzhi rung ba rtsod pa ma mchis pa/ brtsam du rung ba zhig btsal te/ bdag dge slong lag gi bla ming 'di zhes bgyi ba dge 'dun las gtsug lag khang gi gzhi rung ba/ rtsod pa ma mchis pa/ brtsam du rung ba bstan pa gsol na/ thugs brtse ba can dge 'dun btsun pa rnams kyis thugs brtse ba'i slad du bdag dge slong lag gi bla ming 'di zhes bgyi ba la gtsug lag khang gi gzhi rung ba/ rtsod pa ma mchis pa/ brtsam du rung ba bstan pa stsal du gsol/ de bzhin du lan gnyis lan gsum du bzlas/ dge slong de dag gis kyang dge slong de la dad pas sam yid ches pas 'gro bar mi bya bar 'di ltar dge 'dun thams cad der 'gro bar bya ba 'am/ dge 'dun gyis bskos pa'i dge slong dag btang bar bya'o/ /de dag gis gzhi de mig gis blta bar bya zhing gal te de na sbrul gyi gnas sam/ sdig pa'i gnas sam/ sril gyi gnas sam/ grog ma'i gnas yod pa yin na mi rung ba yin pa'i phyir bstan par mi bya'o/ /gal te rung ba yin na de'i 'og tu nye bar brtag par bya ste/ gal te rgyal po'i gzhi 'am/ mchod rten gyi gzhi 'am/ khyim bdag gi gzhi 'am/ mu stegs can gyi gzhi 'am/ dge slong ma'i dbyar khang ngam/ shing ljon pa gcad par bya ba yod na rtsod pa dang bcas pa yin pa'i phyir bstan par mi bya'o/ /gal te gzhi rung ba dang / rtsod pa med pa yin na de'i nyen kor 'dom gang kho ra khor yug nye bar brtag par bya ste/ gal te de na gzhi chu klung la rten tam/ khron pa la rten tam/ lam la rten tam/ ngam grog la rten pa yin na brtsam du mi rung ba'i phyir bstan par mi bya'o/ / gal te gzhi de rung ba dang / rnam pa thams cad yongs su rdzogs pa yin na de'i tshe/ dge slong de dag gis rgan pa'i mtha' logs su gus pa dang bcas pas 'dug ste/ 'di skad ces brjod par bya'o/ /gnas brtan dag gzhi de rung ba dang / rtsod pa ma mchis pa dang / brtsam du rung ba lags kyis/ da de'i dus la bab pa mkhyen par mdzod cig /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong lag gi bla ming 'di zhes bgyi ba 'dis gtsug lag khang gi gzhi rung ba/ rtsod pa ma mchis pa/ brtsam du rung ba zhig btsal te/ dge slong lag gi bla ming 'di zhes bgyi ba 'di dge 'dun las gtsug lag khang gi gzhi rung ba/ rtsod pa ma mchis pa/ brtsam du rung ba bstan pa gsol na/ gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis dge slong lag gi bla ming 'di zhes bgyi ba la gtsug lag khang gi gzhi rung ba/ rtsod pa ma mchis pa/ brtsam du rung ba bstan pa stsol to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong lag gi bla ming 'di zhes bgyi ba 'dis gtsug lag khang gi gzhi rung ba/ rtsod pa ma mchis pa/ brtsam du rung ba zhig btsal te/ dge slong lag gi bla ming 'di zhes bgyi ba dge 'dun las gtsug lag khang gi gzhi rung ba/ rtsod pa ma mchis pa/ brtsam du rung ba bstan pa gsol te/ de'i slad du dge 'dun gyis dge slong lag gi bla ming 'di zhes bgyi ba la gtsug lag khang gi gzhi rung ba rtsod pa ma mchis pa/ brtsam du rung ba bstan pa stsol na/ tshe dang ldan pa gang dag dge slong lag gi bla ming 'di zhes bgyi ba la gtsug lag khang gi gzhi rung ba rtsod pa ma mchis pa/ brtsam du rung ba bstan pa stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong lag gi bla ming 'di zhes bgyi ba la gtsug lag khang gi gzhi rung ba/ rtsod pa ma mchis pa/ brtsam du rung ba bstan pa stsal lags te/ 'di ltar cang mi gsung bas/ de de bzhin du 'dzin to/ /dge 'dun gyis dge slong lag gi bla gang la gtsug lag khang gi gzhi rung ba/ rtsod pa med pa/ brtsam du rung ba bstan pa byin pa des gtsug lag khang rtsig tu gzhug par bya ste/ 'di la 'gyod par mi bya'o/ /khrid pa'i dge slong dag gis kyang zhes bya ba ni der dge slong gang dag khrid pa dag gis kyang ngo / /gzhi zhes bya ba ni gtsug lag khang gi dbang du byas pa'i gzhi gang yin pa'o/ /rung ba zhes bya ba ni sbrul gyi gnas dang / sdig pa'i gnas la sogs pa dang bral ba'o/ /rtsod pa med pa zhes bya ba ni thab mo dang / mtshang 'dru ba la sogs pa dang bral pa'o/ /brtsam du rung bar zhes bya ba ni de'i nyen kor 'dom gang kho ra khor yug na skyon med par ro/ /blta bar bya'o zhes bya ba ni so sor brtag par bya'o/ /gal te dge slong gis gzhi mi rung ba 'am zhes bya ba ni sbrul dang sdig pa la sogs pa'i gnas kyi shas che ba'o/ /rtsod pa dang bcas pa 'am zhes bya ba ni thab mo dang bcas pa dang mtshang 'dru ba dang bcas pa dang / rtsod pa dang bcas pa dang / 'gyed pa dang bcas pa'o/ /brtsam du mi rung ba zhes bya ba ni gang gi nyen kor 'dom gang kho ra khor yug med par ro/ /bdag po yod pa dge 'dun gyi phyir gtsug lag khang chen po rtsig tu 'jud dam/ gzhi blta ba'i phyir dge slong dag kyang mi khrid dam/ dge slong khrid pa dag la gzhi mi ston na dge 'dun lhag ma'o zhes bya ba ni snga ma bzhin te/ des na dge 'dun lhag ma'o zhes gsungs so/ /de la ltung ba ji ltar 'gyur zhe na/ dge slong gis dge 'dun gyi phyir gtsug lag khang byed du 'jud cing mi rung bar byed du 'jud na nyes pa sbom por 'gyur ro/ /rtsod pa dang bcas par byed du 'jud na nyes pa sbom por 'gyur ro/ /brtsam du mi rung bar byed du 'jud na nyes pa sbom por 'gyur ro/ /ma bstan par byed du 'jud na nyes pa sbom por 'gyur ro/ /thams cad las 'das par byed du 'jud na dge 'dun lhag mar 'gyur ro/ /dge slong gis dge slong gi gan du song ste/ 'di skad ces dge 'dun gyi phyir gtsug lag khang rung ba/ rtsod pa med pa/ brtsam du rung ba bstan pa byed du chug shig ces smras pa las/ gal te des dge 'dun gyi phyir gtsug lag khang byed du 'jud cing / mi rung ba byed du 'jud na byed pa po la nyes pa sbom por 'gyur ro/ /rtsod pa dang bcas par byed du 'jud na byed pa po la nyes pa sbom por 'gyur ro/ /brtsam du mi rung bar byed du 'jud na byed pa po la nyes pa sbom por 'gyur ro/ /ma bstan par byed du 'jud na/ byed pa po la nyes pa sbom por 'gyur ro/ /thams cad las 'das par byed du 'jud na byed pa po la dge 'dun lhag mar 'gyur ro/ /gal te de de'i gan du song ste 'di skad ces legs par byas so/ /shin du byas so/ /ngas khyod la 'di ltar bsgo'o zhes zer zhing des kyang de la shing ngam/ rtswa 'am/ lci ba 'am/ sa 'jim 'bul bar byed la/ gal te des mi rung bar byed du 'jud na gnyi ga la nyes pa sbom por 'gyur ro/ /rtsod pa dang bcas par byed du 'jud na gnyi ga la nyes pa sbom por 'gyur ro/ /brtsam du mi rung bar byed du 'jud na gnyi ga la nyes pa sbom por 'gyur ro/ /ma bstan par byed du 'jud na gnyi ga la nyes pa sbom por 'gyur ro/ /thams cad las 'das par byed du 'jud na gnyi ga la dge 'dun lhag mar 'gyur ro/ /gal te de de'i gan du song ste 'di skad ces legs par ma byas so/ /shin tu ma byas so/ /ngas khyod la 'di ltar ma bsgo'o zhes zer zhing des de la shing ngam/ rtswa 'am/ lci ba 'am/ sa 'jim 'bul bar mi byed la gal te des mi rung bar byed du 'jud na byed pa po la nyes pa sbom por 'gyur ro/ /rtsod pa dang bcas par byed du 'jud na byed pa po la nyes pa sbom por 'gyur ro/ /brtsam du mi rung bar byed du 'jud na byed pa po la nyes pa sbom por 'gyur ro/ /ma bstan par byed du 'jud na byed pa po la nyes pa sbom por 'gyur ro/ /thams cad las 'das par byed du 'jud na byed pa po la dge 'dun lhag mar 'gyur ro/ /byas pa rnyed pa dang / byas pa la longs spyod pa la ni ltung ba med do/ /rnying pa 'chos pa la yang ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /gtsug lag khang gi dge 'dun lhag ma ste bdun pa rdzogs s+ho// //'dul ba rnam par 'byed pa/ bam po bcu dgu pa/ sangs rgyas bcom ldan 'das rgyal po'i khab na ka lan da ka'i gnas na bzhugs so/ /de'i tshe na sdig byung na/ gyad kyi sna chen po la gtogs pa/ rgyal sde zhes bya ba phyug pa nor mang ba/ longs spyod che ba/ yongs su gzung ba yangs shing rgya che ba rnam thos kyi bu'i nor dang ldan pa/ rnam thos kyi bu la nor gyis 'gran pa/ gyad rnams la cod pan med pa'i rgyal srid byed du 'jud pa zhig 'dug ste/ des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod kyang de la bu yang med/ bu mo yang med nas des bu med cing bu mngon par 'dod pas zhi ba dang / chu lha dang / lus ngan dang / brgya byin dang / tshangs pa la sogs pa dag la gsol ba 'debs shing / lha'i bye brag gzhan 'di lta ste/ kun dga' ra ba'i lha dag dang / tshal gyi lha dag dang / bzhi mdo'i lha dag dang / sum mdo'i lha dag dang / gtor ma len pa'i lha dag dang / lhan cig skyes pa dag dang / chos 'thun pa dag dang / rjes su 'brang ba'i lha dag la yang gsol ba 'debs so/ /'jig rten na gang gsol ba 'debs pa'i rgyu las bu dang bu mo dag skye'o zhes bya ba'i gtam de lta bu yod de/ de ni de lta bu ma yin te/ gal te de ltar 'gyur du zin na re re la yang 'di lta ste/ dper na 'khor los sgyur ba'i rgyal po bzhin du bu stong yod par 'gyur ro/ /'di ltar gnas gsum po dag mngon du gyur pa las bu dang bu mo dag skye bar 'gyur te/ gsum po de dag gang zhe na/ pha dang ma gnyis chags par gyur cing 'dus pa dang / ma dus la bab cing zla mtshan dang ldan pa dang / dri za nye bar gnas shing 'jug 'dod pa ste/ gnas gsum po de dag mngon du gyur pa las bu dang bu mo dag skye bar 'gyur ro/ /de de ltar gsol ba 'debs pa lhur len cing 'dug pa na sems can srid pa tha ma pa spyod pa tshol ba/ thar pa'i snying po bzung ba/ mya ngan las 'das pa la phyogs pa/ 'khor ba las phyir phyogs pa/ srid pa'i 'gro ba thams cad du 'chi 'pho ba dang / skye ba don du mi gnyer ba lus tha ma 'dzin pa zhig kyang / lha'i ris bzang po zhig nas shi 'phos te de'i skye dgu'i bdag mo'i mngal du zhugs so/ /bud med kyi yul mkhas pa'i rang bzhin can la la la ma 'dres pa'i chos lnga yod de/ lnga gang zhe na/ skyes pa chags par gyur pa shes shing chags pa dang bral ba shes pa dang / dus shes shing zla mtshan shes pa dang / mngal na gnas pa zhugs pa shes pa dang / gang las mngal na gnas pa zhugs pa de shes pa dang / khye'u shes shing bu mo shes pa ste/ gal te khye'u yin na dku g.yas par rten cing 'dug la gal te bu mo yin na dku g.yon par rten cing 'dug pa'o/ /de yid dga' zhing yid dga' nas khyim thab la smras pa/ rje'i sras bdag la sems can zhugs par gyur pa ni 'di ltar bdag gi dku g.yas par rten cing mchis pas nges par khye'ur 'gyur gyis dgyes pa bskyed du gsol/ de yang yid dga' zhing yid dga' nas ro stod bsrang ste/ lag pa g.yas pa brkyang nas 'di skad ces kho bo yun ring po nas mngon par 'dod pas bu'i ngo mthong ba dang / kho bo dang 'thun par skye zhing mi mthun par mi skye ba dang / kho bo'i bya ba dag byed pa dang / gsos pas phyir gso ba dang / bgo skal la spyod pa dang / kho bo'i rigs rgyud yun ring du gnas par 'gyur ba dang / bdag cag shi zhing dus la bab pa dag la nyung ngu 'am/ mang po yang rung ba'i sbyin pa dag byin zhing bsod nams dag byas nas/ 'di de gnyis gang du skyes pa der 'gro zhing rjes su 'gro bar gyur cig ces ming gis yon bshad pa byed par gyur cig ces ched du brjod pa ched du brjod par byed do/ /de la sems can zhugs par rig nas 'di lta ste/ mngal na gnas pa yongs su smin par bya ba'i phyir steng gi khang bzangs kyi gzhi grang ba na grang ba'i yo byad dag dang / dro ba na dro ba'i yo byad dag dang / sman pas bcas pa'i zas ha cang mi kha ba dang / ha cang mi skyur ba dang / ha cang lan tshwa mi che ba dang / ha cang mi mngar ba dang / ha cang mi tsha ba dang / ha cang mi bska ba dang / kha ba dang / skyur ba dang / lan tshwa che ba dang / mngar ba dang / tsha ba dang / bska ba rnam par spangs pa'i zas dag dang / do shal dang / se mo do dang / rgyan gyis klubs pa'i lus la lha'i bu mo dga' ba'i tshal na rnams par spyod pa lta bu dang / khri nas khrir dang / khri'u nas khri'ur dang / shod kyi gzhir mi 'bab pa dang / de sgra yid du mi 'ong ba cung zad kyang mi thos par gnod pa med pa nyid du rim gro byed du 'jud do/ /de zla ba brgyad dam/ dgu 'das te btsas pa las khye'u gzugs bzang ba/ blta na sdug pa/ mdzes pa/ gsal ba/ gser gyi mdog 'dra ba/ mgo bo gdugs lta bu dang ldan pa/ lag pa ring ba/ 'phral ba'i dbyes che ba/ smin ma 'jar ba/ sna'i gzangs mtho ba zhig byung ngo / /de'i nye du dag 'dus shing lhags nas nyi ma bdun gsum nyi shu rtsa gcig tu btsas pa'i btsas ston rgya cher byas nas khye'u yi ming cir gdags shes ming 'dog par byed do/ /khye'u de'i kun du spyod pa ni ji srid du mal chen po nas ma phab pa de srid du bshang ba dang gci ba mi byed pa yin la/ yul dbus na kun du spyod pa ni gang mkhas pa spyod pa gsal ba de la nor lta bu zhes zer bas nye du de dag gis smras pa/ shes ldan dag khye'u 'di gyad gyi sna chen po la gtogs pa rgyal sde'i bu yang yin la/ ji srid du mal chen po nas ma phab pa de srid du bshang ba dang gci ba mi byed de/ mkhas pa spyod pa gsal bas nor lta bu yang yin pa'i phyir khye'u 'di'i ming gyad bu nor zhes bya'o zhes de'i ming gyad bu nor zhes bya bar btags so/ /nyi ma gang la gyad bu nor btsas pa'i nyi ma de nyid la blon po lnga brgya dag la yang bu dag btsas te de dag gi ming yang khyim dang 'thun pa dag tu btags shing / de dag kyang gyad bu nor gyis ne'u ldangs su byas so/ /khye'u gyad bu nor ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsed grogs kyi ma ma gnyis la rjes su gtad do/ /de ma ma brgyad po dag gis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring par byed skyed par byed cing / rdzing na gnas pa'i pad+ma bzhin du myur du skyed par byed do/ /de ma ma'i pang na 'dug pa na bram ze mtshan mkhan zhig gis mthong nas des de la shin du nges par brtag par bya ste des bsams pa/ khye'u 'di ni rkang gnyis pa bsod nams kyi zhing yin te/ gang dag 'di la mchod pa dag byed pa de dag gi mchod pa byas pa de dag ni shin du 'bras bu chen po dang / phan yon chen po dang / gsal ba chen po dang / yangs pa chen por 'gyur ro snyam nas/ bram ze mtshan mkhan des ma ma de la smras pa/ khye'u 'di kho bo la yud tsam zhig byin cig dang kho bo 'di la mchod pa dag bya'o/ /ma mas smras pa/ bram ze kho mo la khye'u sbyin pa'i dbang med kyis gal te khyod khye'u 'dod na dmag dpon gyi gan du song la gsol cig / de nas bram ze de gyad kyi sna chen po la gtogs pa'i gan du song ste/ shis pa brjod pa sngar byas nas smras pa/ dmag dpon khyod kyi khye'u 'di ni rkang gnyis pa bsod nams kyi zhing yin te gang dag 'di la mchod pa dag byed pa de dag gi mchod pa byas pa de dag ni shin du 'bras bu chen po dang / phan yon chen po dang / gsal ba chen po dang / yangs pa chen por 'gyur bas de'i phyir khye'u 'di kho bo la yud tsam zhig byin cig dang / kho bos 'di la mchod pa dag bya'o/ /dmag dpon gyis smras pa/ bram ze gal te de lta na sbyin gyis khyer cig /bram ze de yid rab tu dga' bas khye'u de rang gi khyim du khyer nas chung ma'i drung du yon tan brjod de smras pa/ bzang mo shes par gyis shig /khye'u 'di ni rkang gnyis pa bsod nams kyi zhing yin te/ gang dag 'di la mchod pa dag byed pa de dag gi mchod pa byas pa de dag ni shin du 'bras bu chen po dang / phan yon chen po dang / gsal ba chen po dang / yangs pa chen por 'gyur bas de'i phyir 'di la mchod pa dag gyis shig /des de'i yon tan brjod pa thos nas yid bde ba skyes te smras pa/ bram ze gal te de lta na re shig gzhes shig dang khyim gyi go rims dag bgyi'o zhes des khyim byug pas byugs shing zhal zhal byas nas rtsa lag gi skye bo snying du sdug cing 'brel ba dag 'gron du bos nas de'i 'og tu khye'u de bkur sti chen pos dril phyis byas shing khrus byas te/ spos dang / me tog dag gis brgyan nas sbrang rtsi dang / 'o mas legs par bsnyod do/ /de ltar brgyan cing gnyen 'dab kyis yongs su bskor nas rang gi khyim du phyir khrid do/ /de gang gi tshe chen por gyur pa de'i tshe yi ge dang / grangs dang / rtsis dang / lag rtsis dang / dbyung ba dang / gzhug pa dang / gzhag pa la nye bar zhugs nas de yi ge'i mthar phyin cing 'byed pa dang / klog pa dang / mkhas pa dang / spyod pa gsal ba dang / brtag pa brgyad po 'di lta ste/ rin po che brtag pa dang / gzhi brtag pa dang / gos brtag pa dang / shing brtag pa dang / glang po che brtag pa dang / rta brtag pa dang / bud med brtag pa dang / skyes pa brtag pa la mkhas par gyur to/ /rgyal po rgyal rig spyi bo nas dbang bskur ba/ ljongs kyi dbang phyug mthu dang brtson 'grus thob pa/ sa chen po'i dkyil 'khor mngon par rgyal bar byas te gnas pa rnams kyi bzo'i gnas dang / las kyi gnas tha dad par gyur pa gang dag yin pa 'di lta ste/ glang po che'i gnyar bzhon pa dang / rta la bzhon pa dang / shing rta'i thabs dang / ral gri'i thabs dang / 'phong dang / phyir bsnur ba dang / mdun du bsnur ba dang / lcags kyus bsgyur thabs dang / zhags pas gdab pa dang / mda' bo che 'phen thabs dang / 'dzin stangs dang / goms stangs dang / thor tshugs dang / gcad pa dang / dral ba dang / dbug pa dang / gnas lnga po 'di lta ste/ rgyang nas phog pa dang / sgra grag par phog pa dang / gnad du phog pa dang / mi 'chor bar phog pa dang / tshabs che ba de dag la yang zhugs shing byang bar gyur to/ /blon po'i bu lnga brgya po de dag kyang bzo'i gnas dang / las kyi gnas dag la byang bar gyur to/ / phas de'i chung ma'i 'khor gsum po rab dang / 'bring dang / tha ma dag rnam par bzhag go/ /'dug pa'i gnas gsum po dgun gyi dang / dpyid kyi dang / dbyar gyi dag byed du bcug go/ /bskyed mos tshal gsum po dgun gyi dang / dpyid kyi dang / dbyar gyi dag byed du bcug go/ /de steng gi khang bzangs kyi gzhir gtogs pa na skyes pa med par sil snyan gyis rtse bar byed/ dga' bar byed/ dga' mgur spyod par byed do/ /de'i ne'u ldangs lnga brgya po de dag kyang dus gsum du de blta ba'i phyir 'ong zhing de dag dang lhan cig sten grogs kyi dga' bas rtse mo rnam pa sna tshogs dag gis rtse bar byed do/ /ji tsam dus gzhan zhig na gzhon nu lnga brgya po de dag nang par sngar langs te ri dgas shor du dong ba dang / de dag gis de'i nyin mo ri dgas gcig kyang ma rnyed nas de dag gis bsams pa/ deng bdag cag gis ri dgas gcig kyang ma rnyed pas ji ltar lag pa stong pa dag gis khyim du 'dong bar bya/ deng 'di nyid du bsdad de sang ri dgas dag gshor la khyim du 'dong bar bya'o snyam nas/ de dag de'i nub mo der 'khod nas phyi de nyin par ri dgas dag bshor te mtshan mo mig lam chad pa dang rang rang gi khyim du dong ngo / /de dag 'di snyam du sems te/ deng ni nam sros kyis sang gzhon nu ltar 'dong ngo snyam nas/ de dag mtshan mo nam nangs pa dang / nyi ma gsum pa de la gzhon nu gyad bu nor bltar dong ba dang / gzhon nus smras pa/ shes ldan dag khyed cag kho bo'i ne'u ldangs mnyam du skyes pa sa la lhan cig rtse ba dag yin na ci'i phyir khyed cag de bar kho bo'i gan du ma 'ongs par deng nyi ma gsum pa gdod 'ongs/ gzhon nu bdag cag ri dgas shor du mchis par gyur nas de'i slad du ma mchis so/ /khyed cag gis der ci zhig byas/ gzhon nu ri dgas dag bkum mo/ /ri dgas de dag ci za ci 'thung / gzhon nu ran dag 'tshal zhing / chab dag 'tshal lo/ /shes ldan dag gal te de lta na de dag gis khyed cag la gnod pa ci zhig byas na khyed cag de dag gsod par byed/ gzhon nu bdag cag des glo ba dga' ba nyid du 'gyur ro/ /shes ldan dag dga' ba de ni mi bzang ste/ gzhan la gnod pas dga' ba gang yin pa de thong shig /gzhon nu lnga brgya po de dag cang mi smra bar 'khod de/ rgyal po'i pho brang nas phyir byung nas smras pa/ shes ldan dag gzhon nu 'di chung ma'i 'khor spangs te 'gro mi 'dod pas de'i phyir bdag cag la smod par byed kyis/ de'i phyir bdag cag gis ci nas kyang dmag dpon la go bar bya ba'i thabs shig gis 'di yang ri dgas shor du 'gro bar 'gyur ba de lta bu'i thabs shig byas na des na 'di yang bdag cag dang lhan cig ri dgas shor du 'gro bar 'gyur ro zhes de dag gis gros byas nas dmag dpon gyi gan du song ste rkang pa gnyis la phyag 'tshal nas smras pa/ dmag dpon gzhon nu gang dag grib mar skyes par gyur pa de dag ni nges par nyi 'og gi mkhar gyi rgyal po dag gis zil gyis gnon par 'gyur ba lags na/ ci'i slad du gzhon nu grib mar skyed par mdzad cing bdag dang lhan cig ri dgas shor du mi gtong / bdag cag dang lhan cig mchis na gdug pa dang / rtsal che ba dang / nyi 'og gi mkhar gyi rgyal po dag gis zil gyis mi non par 'gyur ro/ /shes ldan dag gal te de ltar na gzhon nu gtang gis deng shig /dmag dpon gyis gzhon nu bos te smras pa/ gzhon nu khyod kyi ne'u ldangs dag ri dgas shor du 'dong gis khyod kyang de dag dang lhan cig song shig /yab bdag gzhan gyi srog la gnod par mi bgyid na/ ci'i slad du de dag dang lhan cig mchi/ gzhon nu bdag cag rgyal rigs dag ni mtshon gyis 'tsho ba yin pas chos 'di rgyal rigs dag dang mi 'gal gyis song shig /gzhon nu de pha la gus shing rje sa byed pa yin pas des khas blangs te de phyi de nyin par de dag dang lhan cig ri dgas shor du song ba dang / gzhon nu lnga brgya po de dag gis gros bya bar brtsams pa/ shes ldan dag gzhon nu 'di ni dmag dpon 'das nas dmag dpon du 'gyur bas 'di bsten pa'i dus kyis ni 'bras bu ster bar 'gyur gyis/ bdag cag gis da 'di bsten par bya'o zhes de dag gis blo gros gcig gis de la smras pa/ gzhon nu khyod 'di kho nar gzhes shig dang bdag cag gis ri dgas dag ci nas kyang khyod kyi drung kho nar mchi bar 'gyur ba de ltar gdab par bgyis de na khyod kyis ri dgas mchis so 'tshal khums par 'gyur ro/ /de nas de dag gis gzhon nu de 'phan kar bzhag nas ri dgas mang po dag phyogs kun nas bskongs shing brims nas de dag 'chi ba'i 'jigs pas lus smas pa dang / rnam par smas bzhin du lce phyung ste gzhon nu'i drung du lhags so/ /gzhon nus ri dgas de dag gnas skabs de ltar gyur pa thag ring po kho na nas mthong nas des bsams pa/ snying rje med pa'i snying gis 'jig rten pha rol btang ste 'di dag la sems kyis rab tu sdang bar 'gyur ba yang su zhig yod na 'di dag gi srog gcod par 'gyur ba lta smos kyang ci dgos snyam du rig nas phyogs bzhir rnam par blta bar brtsams pa dang / de dang ha cang mi ring ba na mi zhig 'dug pa mthong nas des de'i sems bsrung ba'i phyir mda' gnyis sam/ gsum zhig 'phangs te mda' de dag kyang ri dgas de dag gi rwa'i bar dag dang rkang lag gi bar dag tu btang nas de'i 'og tu des brtsal ba btang ste 'dug pa dang ri dgas de dag kyang byer te dong ngo / /blon po'i bu rnams kyis bsams pa/ gzhon nu ni gnas lnga dag la byang bar gyur pa yin pas des gdon mi za bar ri dgas mang po dag bsad par gyur gyis bdag cag myur du 'dong ngo snyam nas de dag myur du lhags pa dang / ri dgas gcig kyang ma sod par mthong nas de dag 'di snyam du sems te/ gzhon nus gdon mi za bar shing rta dag dang / rnga mo dag gis sngar bskyas par gyur pa lta snyam du rig nas smras pa/ gzhon nu ri dgas de dag gar mchis/ shes ldan dag ri dgas dag ga re/ ri dgas dag su'i yin/ de dag ni ri dgas nyid yin te/ phyir bcos par mi nus so/ /de dag spyod pa de lta bu dang shugs de lta bus rgyug pas de'i phyir de dag gis kho bo nyid kyang de'u bsad do/ /mi des smras pa/ shes ldan dag khyed kyis chos la dga' ba 'di 'phan kar bzhag pas ri dgas ga la sod/ gal te 'di mngon par 'dod par gyur na ri dgas gcig kyang bros par mi 'gyur ro/ /de dag mi bzod pa skyes nas mtha' cig tu dong ste smras pa/ shes ldan dag bdag cag gi lus smas pa dang / rnam par smas pa dag gis ri dgas dag 'di ga la ba der btab ste 'dis bsad grang snyam na 'dis yal bar bor gyis 'dong la 'di nyid gsad par bya'o/ /de dag gis yang bsams pa/ gal te 'di bsad par gyur na thos pa gcig nas gcig tu brgyud pas dmag dpon gyis thos na bdag cag la gnod pa byed par 'gyur gyis 'di bsad par mi bya bar 'di 'di ltar 'di nyid du bskyur te bor la bdag cag 'dong bar bya'o snyam nas/ de dag gis de la ma bltas par 'dong ngo / /gzhon nus bsams pa/ de dag bdag gi ne'u ldangs mnyam du skyes pa sa la lhan cig rtse rtse ba yin na ri dgas tsam gyi phyir de dag gis bdag dgon par bskyur te bor nas dong ba las na/ gang gi tshe bdag gi pha 'das nas bdag dmag dpon du gyur pa de'i tshe na bdag gis gdon mi za bar sems can gyi gnas la nyes par spyod pa mang po bya dgos par 'gyur ro snyam nas/ de snying stong zhing zug rngus zug pa bzhin du rtog pa na/ khyim du song ste lag pa la 'gram pa gtad nas sems khongs su chud cing 'dug go/ / de'i gan du chung ma'i 'khor dag 'ong ba de dag des mthong ba dang dbang po dag phyir glon par byed do/ /de dag gis gcig nas gcig tu brgyud pas dmag dpon la gzhon nu te por sems khongs su chud de/ 'chis 'brang gi 'khor la yang mi sems par dbang po dag slar glon zhing mchis so zhes go bar byas so/ /dmag dpon gyis thos nas de yang yid mi bde bar gyur nas gzhon nu'i gan du song ste smras pa/ bu gzhon nu khyod ci'i phyir lag pa la 'gram pa gtad de sems khongs su chud cing 'dug /yab kyis bdag las mi 'dra bar bskos te gang gi tshe rngon pa drag shul can lag pa dmar ba bsnun pa dang rab tu bsnun pas zhugs pa/ gzhan gyi srog 'phrog pa/ gzhan gyi srog gcod du 'jud pa/ gzhan gyi srog gcod pas 'tsho bar bgyid pa rnams kyi las de la nges par sbyar na bdag ji ltar sems khongs su chud cing mi mchis su rung bu gzhon nu gal te khyod bde bar 'dug la bsam pa thong ste phyin chad ma 'gro shig /de nas gzhon nu de sems can la gnod pa las skyes pa'i yid mi bde ba las nges par byung ste mngon par dga' bar gyur nas dge ba gang yin zhes tshol bas nges par 'byung ba'i mngon par dga' ba btsal bar brtsams so/ /de'i tshe na rdzogs byed la sogs pa ston pa drug po thams cad mkhyen pa ma yin par thams cad mkhyen par mngon pa'i nga rgyal can dag sdig byung na nye bar rten cing gnas so/ /de nas gzhon nu gyad bu nor gyis pha dang chung ma'i 'khor la ma bltas par 'od srung rdzogs byed ga la ba der song ste phyin nas/ 'od srung rdzogs byed la 'di skad ces smras so/ /shes ldan dag khyod kyi chos kyi tshul ni gang yin/ slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ rdzogs byed kyis smras pa/ gzhon nu kho bo ni 'di ltar lta zhing 'di skad smra ste sbyin pa med do/ /mchod sbyin med do/ /sbyin sreg med do/ /legs par spyad pa med do/ /nyes par spyad pa med do/ /legs par spyad pa dang nyes par spyad pa'i las rnams kyi 'bras bu dang / rnam par smin pa med do/ /'jig rten 'di ni med do/ /'jig rten pha rol med do/ /ma med do/ /pha med do/ /sems can rdzus te skyes pa med do/ /'jig rten na dgra bcom pa yang dag par rtogs pa/ yang dag par sgrub pa/ gang dag tshe 'di nyid la rang gi mngon par shes pas 'jig rten 'di dang 'jig rten pha rol mngon sum du byas nas bsgrubs te/ bdag cag ni skye ba zad do/ /tshangs par spyad pa bsten to/ /bya ba byas so/ /srid pa 'di las gzhan mi shes so zhes go bar byed pa dag med do/ /srog ni 'di nyid la 'tsho zhing de phyis 'chad par 'gyur/ zhig par 'gyur te shi ba'i 'og tu mi 'byung ngo / /skyes bu'i lus ni 'byung ba chen po bzhi las gyur pa yin te/ de ni gang gi tshe dus byed pa na de'i sa'i lus ni sa'i bag la zha/ chu'i lus ni chu'i/ me'i lus ni me'i/ rlung gi lus ni rlung gi bag la zha bar 'gyur ro/ /dbang po rnams ni nam mkha'i rjes su 'gro bar 'gyur ro/ /skyes bu'i ro ni khri dang lnga'i mi dag gis khyer te dur khrod du 'gro zhing bsregs phan chad mi mngon par 'gyur ro/ /bsreg bya dag ni thal bar 'gyur ro/ /rus pa dag ni thi ba'i mdog 'dra bar gnas so/ /'di ltar rmongs pa nye bar bstan pa ni sbyin la/ mkhas pa nye bar bstan pa ni len to/ /de la gang dag yod par smra ba de dag thams cad ni gsob gsog /brdzun du smra ba dag yin no/ /'di ltar byis pa dang / mkhas pa de gnyis ni phyis 'chad par 'gyur/ zhig par 'gyur te/ shi ba'i 'og tu mi 'byung ngo / /de nas gyad bu nor 'di snyam du sems te/ ston pa shes ldan 'di ni lam gol bar zhugs pa/ lam ngan pa legs par sgrub pa yin te/ lam 'jigs pa dang bcas pa ji lta ba bzhin du mkhas pa rnams kyis spang bar bya ba yin no snyam du rig nas tshigs su bcad pa smras pa/ blo ngan log par ston byed pa/ /dman pa ston par grags pa ste/ /gang gi chos 'di de 'dra ba/ /de yi chos min ci zhig 'dra/ /zhes smras nas snod stong pa bzhin du brdabs te song ngo / /de nas gyad bu nor gnag lhas kyi bu kun du rgyu ga la ba der song ste phyin nas gnag lhas kyi bu kun du rgyu la 'di skad ces smras so/ /shes ldan khyod kyi chos kyi tshul ni gang yin/ slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ kun du rgyus smras pa/ gzhon nu kho bo ni 'di ltar lta zhing 'di skad smra ste/ sems can rnams kun nas nyon mongs par gyur pa la rgyu med rkyen med do/ /sems can rnams rgyu med rkyen med par kun nas nyon mongs par 'gyur ro/ /sems can rnams rnam par dag par 'gyur ba la rgyu med rkyen med do/ /sems can rnams rgyu med rkyen med par rnam par dag par 'gyur ro/ /sems can rnams shes pa med par 'gyur ba dang / mthong ba med par 'gyur ba la rgyu med rkyen med do/ /sems can rnams rgyu med rkyen med par shes pa med pa dang / mthong ba med par 'gyur ro/ /sems can rnams shes par 'gyur ba dang / mthong bar 'gyur ba la rgyu med rkyen med do/ /sems can rnams rgyu med rkyen med par shes pa dang / mthong bar 'gyur ro/ /stobs med do/ /brtson 'grus med do/ /stobs dang brtson 'grus med do/ /skyes bu'i rtsal med do/ /pha rol gnon pa med do/ /skyes bu'i rtsal dang pha rol gnon pa med do/ /bdag gi rtsal med do/ /gzhan gyi rtsal med do/ /bdag gi rtsal dang gzhan gyi rtsal med do/ /sems can thams cad dang / srog chags thams cad dang / 'byung po thams cad mthu med/ stobs med/ dbang med/ brtson 'grus med/ pha rol gnon pa med do/ /'gro ba mtshams sbyor ba'i srid pa dag nges par gyur to/ /'di ltar 'gro ba drug po dag tu bde ba dang / sdug bsngal so sor myong bar 'gyur ro/ /de nas gyad bu nor 'di snyam du sems te/ ston pa shes ldan 'di yang lam gol bar zhugs pa/ lam ngan pa legs par sgrub pa yin te/ lam 'jigs pa dang bcas pa ji lta ba bzhin du mkhas pa rnams kyis spang bar bya ba yin no snyam du rigs nas tshigs su bcad pa smras pa/ blo ngan log par ston byed pa/ /dman pa ston par grags pa ste/ /gang gi chos 'di de 'dra ba/ /de yi chos min ci zhig 'dra/ /zhes smras nas snod stong pa bzhin du brdabs te song ngo / /de nas gyad bu nor smra 'dod kyi bu mo'i bu yang dag rgyal ba can ga la ba der song ste phyin nas smra 'dod kyi bu mo'i bu yang dag rgyal ba can la 'di skad ces smras so/ /shes ldan khyod kyi chos kyi tshul ni gang yin/ slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ yang dag rgyal ba can gyis smras pa/ gzhon nu kho bo ni 'di ltar lta zhing 'di skad smra ste/ byed pa dang byed du 'jud pa dang / gcod pa dang gcod du 'jud pa dang / sreg pa dang sreg tu 'jud pa dang / rdeg pa dang rdeg tu 'jud pa dang / srog chags la 'tshe ba dang / ma byin par len pa dang / 'dod pa la log par spyod pa dang / shes bzhin du brdzun smra ba dang / myos par 'gyur ba'i btung ba 'thung ba dang / khyim 'bigs pa dang / mdud pa 'grol ba dang / ril gyis 'phrog pa dang / lam 'gog cing 'dug pa dang / grong 'joms par byed pa dang / grong khyer 'joms par byed pa dang / yul 'joms par byed pa dang / sa gzhi chen po 'di la sems can gang dag yod pa de dag thams cad 'khor lo'i mtha' spu gri las byas pas kun du gcod par byed/ kun du 'tsheg par byed/ kun du rdung bar byed/ kun du 'dral bar byed cing sems can de dag thams cad kun du gcad/ kun du gshegs/ kun du brdungs/ kun du dral nas sha'i thang ma gcig tu byed/ sha'i tshoms gcig tu byed/ sha'i bungs gcig tu byed/ sha'i phung po gcig tu byed cing sha'i thang ma gcig tu byas/ sha'i tshoms gcig tu byas/ sha'i bungs gcig tu byas/ sha'i phung po gcig tu byas nas/ de ltar kun du sgrub par byed pa la gzhi de las sdig pa yang med/ gzhi de las sdig par 'gyur ba yang med do/ /chu klung gang gA'i lho nas kun du gcod par byed/ kun du 'tsheg par byed/ kun du rdung bar byed/ kun du 'dral bar byed cing 'gro la/ chu klung gang gA'i byang nas sbyin pa byed/ mchod sbyin byed cing 'gro bar gyur na/ gzhi de las sdig pa dang bsod nams kyang med/ gzhi de las sdig pa dang bsod nams su 'gyur ba med do/ /sbyin pa dang / dul ba dang / yang dag par sdom pa dang / don spyod pa dang / don 'thun pas de ltar byed pa yang bsod nams mi byed pa kho na yin no/ /de nas gyad bu nor 'di snyam du sems te/ ston pa shes ldan 'di yang lam gol bar zhugs pa/ lam ngan pa yang dag par sgrub pa yin te/ 'jigs pa dang bcas pa'i lam ji lta ba bzhin du mkhas pa rnams kyis spang bar bya ba yin no snyam du rig nas tshigs su bcad pa smras pa/ blo ngan log par ston byed pa/ /dman pa ston par grags pa ste/ /gang gi chos 'di de 'dra ba/ /de yi chos min ci zhig 'dra/ /zhes smras nas snod stong pa bzhin du brdabs te song ngo / /de nas gyad bu nor mi pham skra'i la ba can ga la ba der song ste phyin nas/ mi pham skra'i la ba can la 'di skad ces smras so/ /shes ldan khyod kyi chos kyi tshul ni gang yin/ slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ mi pham gyis smras pa/ gzhon nu kho bo ni 'di ltar lta zhing 'di skad smra ste/ lus bdun po 'di dag ni ma byas pa/ byas par ma byas pa/ ma sprul pa/ sprul pas ma byas pa/ gnod par bya ba ma yin pa ther zug tu gnas pa/ ka ba bzhin du gnas pa dag yin te/ bdun gang zhe na/ 'di lta ste/ sa'i lus dang / chu'i lus dang / me'i lus dang / rlung gi lus dang / bde ba dang / sdug bsngal ba dang / srog gson pa nyid ni bdun pa ste/ lus bdun po de dag ni ma byas pa/ byas pas ma byas pa/ ma sprul pa/ sprul pas ma byas pa/ gnod par bya ba ma yin pa/ ther zug tu gnas pa/ ka ba bzhin du gnas pa dag yin no/ /de dag ni 'di lta ste/ bsod nams su 'gyur ba'i phyir ram/ sdig par 'gyur ba'i phyir ram/ bsod nams dang sdig par 'gyur ba'i phyir ram/ bde bar 'gyur ba'i phyir ram/ sdug bsngal bar 'gyur ba'i phyir ram/ bde ba dang sdug bsngal bar 'gyur ba'i phyir g.yo bar mi byed/ rnam par 'gyur bar mi byed/ gcig la gcig gnod par mi byed do/ /skyes bu gang gis skyes bu mgo gcod par byed pa des kyang 'jig rten na g.yo ba 'am/ gnas pa la gnod pa cung zad mi byed de/ lus bdun po dag la bar med par mtshon thal byung du 'gro zhing der srog la yang gnod pa med do/ /de la gsod par byed pa 'am/ gsod du bcug pa 'am/ skul bar byed pa 'am/ skul du bcug pa 'am/ dran par byed pa 'am/ dran par byed du bcug pa 'am/ rnam par rig par byed pa 'am/ rnam par rig par byed du bcug pa 'ga' yang med do/ /byis pa 'am/ mkhas pa gang dag yin pa dag ni skye gnas gtso bo dang ldan pa khri bzhi stong dang / rtog pa chen po drug khri dang / drug brgya dang / las lnga dang / las gsum dang / las gnyis dang / las dang / las phyed dang / las drug cu rtsa gnyis dang / rtog pa bar ma drug cu rtsa gnyis dang / sems can dmyal ba brgya nyi shu dang / dbang po brgya nyi shu dang / rdul gyi khams drug cu rtsa gnyis dang / klu'i rigs bzhi khri dgu stong dang / nam mkha' lding gi rigs bzhi khri dgu stong dang / kun du rgyu'i rigs bzhi khri dgu stong dang / kun du 'tsho'i rigs bzhi khri dgu stong dang / gcer bu ba'i rigs bzhi khri dgu stong dang / 'du shes can gyi gnas bdun dang / 'du shes med pa'i gnas bdun dang / gcer pu ba'i gnas bdun dang / lha ma yin bdun dang / sha za bdun dang / lha bdun dang / mi bdun dang / mtsho chen po bdun dang / mtsho bdun brgya dang / rmi lam chen po bdun dang / rmi lam bdun brgya dang / 'bri ba chen po bdun dang / 'bri ba bdun brgya dang / 'phel ba chen po bdun dang / 'phel ba bdun brgya dang / sad pa chen po bdun dang / sad pa bdun brgya dang / g.yang sa chen po bdun dang / g.yang sa bdun brgya dang / rigs btsun pa dang / mngon par mtho ba bcu dang / skyes bu chen po'i sa brgyad po de dag tu bskal pa chen po brgyad khri bzhi stong du mtshams sbyar cing 'khor nas sdug bsngal mthar byed do/ / 'di lta ste/ dper na skud pa'i drug bu yang ba steng gi nam mkha' las 'phangs pa gzangs ba na sa la 'bab pa de bzhin du byis pa 'am/ mkhas pa gang dag yin pa dag kyang de dag tu bskal pa chen po brgyad khri bzhi stong du mtshams sbyar cing 'khor nas sdug bsngal mthar byed do/ /de la dge sbyong ngam/ bram ze gang 'di skad ces bdag tshul khrims sam/ brtul zhugs sam/ dka' thub bam/ tshangs par spyod pa la gnas pa 'dis las yongs su ma smin pa ni smin par bya zhing / yongs su smin pa ni reg par byas nas byang bar bya'o zhes zer ba 'ga' yang med do/ /bde ba dang sdug bsngal 'di ni nges pa yin no/ /yar skye ba dang / mar 'grib pa ni mi srid do/ /'di lta bu nyid dang / gzhan ma yin pas 'khor ba gzhal lo/ /de nas gyad bu nor 'di snyam du sems te/ ston pa shes ldan 'di yang lam gol bar zhugs pa/ lam ngan pa legs par sgrub pa yin te/ lam 'jigs pa dang bcas pa ji lta ba bzhin du mkhas pa rnams kyis spang bar bya ba yin no snyam du rig nas tshigs su bcad pa smras pa/ blo ngan log par ston byed pa/ /dman pa ston par grags pa ste/ /gang gi chos 'di de 'dra ba/ /de yi chos min ci zhig 'dra/ /zhes smras nas snod stong pa bzhin du brdabs te song ngo / /de nas gyad bu nor kA t+yA ya bu nog can ga la ba der song ste phyin nas/ kA t+yA ya bu nog can la 'di skad ces smras so/ /shes ldan khyod kyi chos kyi tshul ni gang yin/ slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ nog can gyis smras pa/ gzhon nu kho bo ni 'di ltar lta zhing 'di skad ces smra ste/ gal te 'ga' zhig kho bo'i gan du 'ongs te 'di skad ces 'jig rten pha rol yod dam zhes dri ba 'dri na/ de la kho bo 'jig rten pha rol yod do zhes dri ba dris pa'i lan 'debs par byed do/ /'jig rten pha rol med dam zhes dri ba 'dri na/ de la kho bo 'jig rten pha rol med do zhes dri ba dris pa'i lan 'debs par byed do/ /'jig rten pha rol yod pa dang med pa yin nam zhes dri ba 'dri na/ de la kho bo 'jig rten pha rol yod pa dang med pa yin no zhes dri ba dris pa'i lan 'debs par byed do/ /'jig rten pha rol yod pa yang ma yin med pa yang ma yin nam zhes dri ba 'dri na/ de la kho bo 'jig rten pha rol yod pa yang ma yin med pa yang ma yin no zhes dri ba dris pa'i lan 'debs par byed do/ /de bzhin du gal te 'ga' zhig kho bo'i gan du 'ongs te 'di skad ces 'jig rten pha rol 'di lta bu nyid dang / 'di lta bu nyid ma yin nam zhes dri ba 'dri na/ de la kho bo 'jig rten pha rol 'di lta bu dang / 'di lta bu nyid ma yin pa yin no zhes dri ba dris pa'i lan 'debs par byed do/ /'jig rten pha rol gzhan nyid dang gzhan nyid ma yin pa yin nam zhes dri ba 'dri na/ de la kho bo 'jig rten pha rol gzhan nyid dang / gzhan nyid ma yin pa yin no zhes dri ba dris pa'i lan 'debs par byed do/ / 'jig rten pha rol gzhan ma yin pa nyid dang gzhan ma yin pa nyid ma yin nam zhes dri ba 'dri na/ de la kho bo 'jig rten pha rol gzhan ma yin pa nyid dang gzhan ma yin pa nyid ma yin no zhes dri ba dris pa'i lan 'debs par byed do/ /'jig rten pha rol de nyid dang de nyid ma yin pa nyid yin nam zhes dri ba 'dri na/ de la kho bo 'jig rten pha rol de nyid dang de nyid ma yin pa yin no zhes dri ba dris pa'i lan 'debs par byed do/ /de nas gyad bu nor 'di snyam du sems te/ ston pa shes ldan 'di yang lam gol bar zhugs pa/ lam ngan pa legs par sgrub pa yin te/ lam 'jigs pa dang bcas pa ji lta ba bzhin du mkhas pa rnams spang bar bya ba yin no snyam du rig nas tshigs su bcad pa smras pa/ blo ngan log par ston byed pa/ /dman pa ston par grags pa ste/ /gang gi chos 'di de 'dra ba/ /de yi chos min ci zhig 'dra/ /zhes smras nas snod stong pa bzhin du brdabs te song ngo / /de nas gyad bu nor gnyen gyi bu gcer bu ga la ba der song ste phyin nas gnyen gyi bu gcer bu la 'di skad ces smras so/ /shes ldan khyod kyi chos kyi tshul ni gang yin/ slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ gcer bus smras pa/ gzhon nu kho bo 'di ltar lta zhing 'di skad ces smra ste/ skyes bu gang zag 'dis so sor myong ba gang yin pa ci yang rung ste/ de thams cad sngon byas pa'i rgyu las byung ba yin no/ /las rnying pa rnams ni dka' thub kyis byang bar 'gyur la/ las sar pa rnams ni mi bya ba'i chu lon gyis bzlog par bya'o/ /de ltar na phyin chad zag pa med do/ /zag pa med na las zad do/ /las zad na sdug bsngal zad do/ /sdug bsngal zad na sdug bsngal mthar byed par 'gyur ro/ /de nas gyad bu nor 'di snyam du sems te/ ston pa shes ldan 'di yang lam gol bar zhugs pa/ lam ngan pa legs par sgrub pa ste/ lam 'jigs pa dang bcas pa ji lta ba bzhin du mkhas pa rnams kyis spang bar bya ba yin no snyam du rig nas tshigs su bcad pa smras pa/ blo ngan log par ston byed pa/ /dman pa ston par grags pa ste/ /gang gi chos 'di de 'dra ba/ /de yi chos min ci zhig 'dra/ /zhes smras nas snod stong pa bzhin du brdabs te song ngo / /de nas gyad bu nor rang gi khyim ga la ba der song ste phyin nas steng gi khang bzangs kyi gzhir gtogs pa na lag pa la 'gram pa gtad de sems khongs su chud cing 'dug nas/ de 'di snyam du sems te/ ma la 'jig rten lha dang bcas pa/ bdud dang bcas pa/ tshangs pa dang bcas pa dang / dge sbyong dang bram zer bcas pa'i skye dgu dang / lha dang mir bcas pa'i nang na gang gis bdag 'khor ba dgon pa 'di nas rab tu thar bar byed pa'i dge sbyong ngam/ bram ze sman dang / gsang sngags dang / rig sngags tshig gcig gam/ tshig gnyis sam/ tshig bzhi tsam 'chang ba de lta bu su yod snyam du sems so/ /de'i skabs su sangs rgyas bcom ldan 'das rnams la ni mi mkhyen pa dang / ma gzigs pa dang / ma rig pa dang / rnam par mi mkhyen pa cung zad kyang mi mnga' bas sangs rgyas bcom ldan 'das thugs rje chen po dang ldan pa/ 'jig rten la phan par zhugs pa/ srung ba gcig pu ba/ nyag gcig dpa' pa/ gnyis pa med pa/ gnyis su mi gsung ba/ zhi gnas dang lhag mthong gis zhugs pa/ rig pa gsum gsal bar mdzad pa/ bslab pa gsum la legs par bslabs pa/ 'dul ba'i gnas gsum gyi gzhi la mkhas pa/ chu bo bzhi las rgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos po bzhi la yun ring po nas yongs su sbyang ba mdzad pa/ mi 'jigs pa bzhis bsnyengs pa mi mnga' ba/ yan lag lnga spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas pa drug gis gnas pa/ byang chub kyi yan lag bdun gyi me tog gis phyug pa/ lam gyi yan lag brgyad ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang sgyur ba la khyad par du 'phags pa rnams kyi chos nyid ni nyin lan gsum/ mtshan lan gsum sangs rgyas kyi spyan gyis 'jig rten la rnam par gzigs nas gang ni nyams par 'gyur/ gang ni 'phel bar 'gyur/ gang ni gnod par 'gyur/ gang ni nyam nga bar 'gyur/ gang ni mi bde bar gyur/ gang ni gnod pa dang / nyam nga ba dang / mi bde bar 'gyur/ gang ni ngan song la gzhol/ gang ni ngan song la 'bab/ gang ni ngan song la bab/ ngas gang ni ngan song gi lam nas bslang ste mtho ris dang / thar pa dang / 'bras bu la gzhag par bya/ 'dod pa'i 'dam du bying ba gang gi lag nas ni drang bar bya/ 'phags pa'i nor gyi dbyig dang bral ba gang ni 'phags pa'i nor gyi dbang phyug la gzhag par bya/ gang gi sangs rgyas 'byung bas brgyan pa'i 'jig rten ni 'bras bu dang bcas par bya/ gang gi dge ba'i rtsa ba dag ma bskyed pa ni bskyed par bya/ dge ba'i rtsa ba dag bskyed pa gang ni yongs su smin pa bya/ yongs su smin pa gang ni rnam par grol bar bya zhes mkhyen pa dang gzigs pa 'jug go/ /yang smras pa/ chu srin gnas kyi dug can pa/ /dus las 'das par 'gyur srid kyi/ /sangs rgyas 'dul la byams pa ni/ /dus las 'da' bar mi 'gyur ro/ /ji ltar ma ni bu sdug gcig pu la/ /rtog par byed cing de srog srung byed ltar/ /de bzhin gshegs pa 'ang gdul ba'i skye bo la/ /rtog par mdzad cing de srog srung bar mdzad/ /kun mkhyen rgyud la mnga' ba'i thugs rje yi/ /gzhon ma gdul ba'i be'u tshol mi skyo ste/ /srid dang ngan 'gros nyams pa'i gdul ba la/ /rab nyams be'u la byams pa'i ba bzhin no/ /de ltar bcom ldan 'das kyis sangs rgyas kyi spyan gyis 'jig rten la rnam par gzigs na/ sdig byung na gyad bu nor de rgyud yongs su smin pa/ sngon gyi sangs rgyas rnams la bya ba lhag par byas pa yin te/ de gdul ba'i dus ni dper na 'bras yongs su smin pa mtshon gyis brtol ba la sdod pa lta bu yin par gzigs nas/ bcom ldan 'das 'di snyam du dgongs te/ ci 'di re shig ston pas gdul ba yin nam/ 'on te nyan thos kyis gdul ba yin snyam du dgongs na/ nyan thos kyis gdul ba yin par gzigs so/ /sgo gang nas 'jug par 'gyur/ ci rdzu 'phrul gyis gdul ba yin nam/ 'o na te spyod lam gyis gdul ba yin snyam du dgongs na/ spyod lam gyis gdul ba yin pa gzigs so/ /bcom ldan 'das ni gang la spyod lam gyis dul ba de la tshe dang ldan pa rta thul gtong bar mdzad de/ 'di ltar de'i spyod lam gyis ni lha dang mi'i yid sdud par byed pa yin pa'i phyir ro/ / de nas bcom ldan 'das kyis tshe dang ldan pa rta thul la bka' stsal pa/ rta thul khyod kyis sdig byung na gyad bu nor 'dug pa la soms shig /tshe dang ldan pa rta thul gyis cang mi smra bas bcom ldan 'das las dang du blangs so/ / de nas tshe dang ldan pa rta thul bcom ldan 'das kyi bka' la lhag par bya ba byed pa yin pas bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /de nas tshe dang ldan pa rta thul de nyid kyi mtshan mo 'das nas snga dro sham thabs bgos lhung bzed dang / chos gos thogs te rgyal po'i khab tu bsod snyoms la zhugs so/ /rgyal po'i khab tu bsod snyoms brgyus nas zas kyi bya ba byas te/ phyi ma'i zas kyi bsod snyoms las phyir log pas ji ltar yongs su spyad pa'i gnas mal mkhos su phab ste/ lhung bzed dang / chos gos thogs nas sdig byung ga la ba der rgyu zhing song ba na mthar gyis rgyu zhing 'gro ba'i tshe sdig byung du phyin nas sdig byung na pad pa'i nags khrod na 'dug go/ /de nas tshe dang ldan pa rta thul snga dro sham thabs bgos/ lhung bzed dang chos gos thogs te/ 'gro ba dang / ldog pa dang / cung zad blta ba dang / rnam par blta ba dang / bskum pa dang / brkyang ba dang / snam sbyar dang / chos gos dang / lhung bzed thogs pa mdzes pas sdig byung du bsod snyoms la zhugs so/ /de'i tshe na gyad bu nor steng gi khangs bzangs kyi gzhir gtogs pa na dge ba gang yin tshol bas grong khyer la lta zhing 'dug pas gyad bu nor gyis tshe dang ldan pa rta thul 'gro ba dang / ldog pa dang / cung zad blta ba dang / rnam par blta ba dang / bskum pa dang / brkyang ba dang / snam sbyar dang / chos gos dang / lhung bzed thogs pa mdzes pas sdig byung na bsod snyoms la rgyu ba thag ring po kho na nas mthong ngo / /mthong nas kyang 'di snyam du sems te/ sdig byung 'dir rab tu byung ba ji snyed cig lhags shing gnas pa dag las 'di lta ste/ rab tu byung ba 'di'i spyod lam lta bu ni bdag gis sngon chad 'ga' yang ma mthong ngo snyam nas/ yang 'di snyam du sems te/ rab tu byung ba dag la ni gang dag grong du spyod lam 'chos la dgon par ci dgar spyod pa dag kyang yod pas bdag gis dgon par 'di'i spyod lam brtag par bya'o snyam du rigs nas mi zhig la smras pa/ kwa'e nang rje tshur shog rab tu byung ba 'di'i phyi bzhin du rjes su song la 'di ji ltar grong du spyod lam zhi ba ltar dgon par yang de bzhin nam/ 'on te ma yin pa rtogs shig /mi des gzhon nu bka' bzhin 'tshal zhes gyad bu nor las mnyan nas tshe dang ldan pa rta thul gyi phyi bzhin phyi bzhin rjes su song ngo / /de nas tshe dang ldan pa rta thul sdig byung du bsod snyoms brgyus nas/ pad pa'i nags khrod ga la ba der song ste phyin pa dang / lhung bzed dang / chu tshags mtha' cig tu bzhag nas snam sbyar sprugs te rkang pa gnyis bkrus nas lag pa gnyis bsnyal te chu brtsags nas lo ma lhags pa dag blangs te 'dug nas zas kyi bya ba byas te lo ma lhags pa dag bor nas/ lag pa gnyis bsnyal te lhung bzed dang chu tshags mtha' gcig tu bzhag nas rkang pa gnyis bkrus te shing ljon pa zhig gis drung du brten nas/ brang 'gro'i rgyal po nyal ba'i lus bskyil ba ltar dkyil mo dkrung bcas te spyod lam zhi bas 'dug go/ /de nas mi de tshe dang ldan pa rta thul gyi spyod lam zhi bas lha dang mi'i sems sdud par byed pas yid bsdus nas gyad bu nor ga la ba der song ste phyin nas gyad bu nor la 'di skad ces smras so/ /gzhon nu mkhyen par mdzod cig /khyod kyis rab tu byung ba de spyod lam ji lta bus grong du bsod snyoms rgyu ba gzigs pa de bas brgya stong gis lhag pa'i spyod lam gyis dgon par mchis te gnas to/ /de nas gyad bu nor tshe dang ldan pa rta thul gyi spyod lam 'byor pa phun sum tshogs pa thos pas yid bsdus nas gus par bsgrim pa dang bcas pas mi de la smras pa/ kwa'e nang rje myur du bzhon pa bde ba stod cig dang kho bo de la zhon te deng rab tu byung ba de ltar 'gro'o/ /mi des gzhon nu bka' bzhin 'tshal zhes gyad bu nor las mnyan nas myur du bzhon pa bde ba bstad de/ gyad bu nor ga la ba der song nas phyin pa dang / gyad bu nor la 'di skad ces smras so/ /gzhon nu gor bu bsgron lags kyis da de'i dus la bab par mkhyen par mdzod cig /de nas gyad bu nor bzhon pa bde ba la zhon te/ sdig byung nas phyir byung nas pad pa'i nags khrod ga la ba der shing rta bsgyur te bzhon pa'i sa ji srid pa de srid du bzhon pas song nas bzhon pa las babs te/ rkang pa dag nyid kyis pad pa'i nags khrod du zhugs pa dang / gyad bu nor gyis tshe dang ldan pa rta thul dbang po shin du mnyam par bzhag cing spyod lam zhi bas 'dug pa mthong ngo / /mthong nas kyang 'di snyam du sems te/ 'di ltar bdag gis rab tu byung ba ting nge 'dzin 'di las bslang ba ni bdag gi tshul dang 'thun pa ma yin gyis/ gang gi tshe 'di ting nge 'dzin las langs par gyur pa de'i tshe de'i drung du 'gro bar bya'o snyam du rig nas/ mtha' cig tu 'dug ste/ de ldang ba la sdod cing 'dug go/ /de nas tshe dang ldan pa rta thul phyem bred nang du yang dag 'jog las langs nas mtha' cig tu 'dug go/ /de nas gyad bu nor tshe dang ldan pa rta thul ga la ba der song ste phyin nas tshe dang ldan pa rta thul dang lhan cig mngon du yang dag par dga' bar 'gyur ba dang / yang dag par mgu bar 'gyur ba'i gtam sna tshogs byas te mtha' gcig tu 'dug go/ /mtha' cig tu 'dug nas gyad bu nor gyis tshe dang ldan pa rta thul la 'di skad ces smras so/ /shes ldan ci khyod ston pa lags sam/ 'on te nyan thos lags/ bzhin bzangs kho bo ni nyan thos ston pa'i lam gyi rjes su zhugs pa yin no/ /shes ldan ston pa dang / nyan thos la khyad par ci mchis/ bzhin bzangs khyad par shin du che ste/ 'di lta ste/ dper na ri'i rgyal po ri rab dang yungs kar lta bu dang / rgya mtsho chen po dang ba lang gi rjes lta bu dang / nyi ma dang srin bu me khyer lta bu dang / nam mkha' dang pad ma'i rtsa ba'i bu ga lta bu'o/ /de la ri'i rgyal po ri rab ji lta ba de ltar ni ston pa blta bar bya la/ yungs kar ji lta ba de ltar ni nyan thos blta bar bya'o/ /rgya mtsho chen po ji lta ba de ltar ni ston pa blta bar bya la/ ba lang gi rjes ji lta ba de ltar ni nyan thos blta bar bya'o/ /nyi ma ji lta ba de ltar ni ston pa blta bar bya la/ srin bu me khyer ji lta ba de ltar ni nyan thos blta bar bya'o/ /nam mkha' ji lta ba de ltar ni ston pa blta bar bya la/ pad ma'i rtsa ba'i bu ga ji lta ba de ltar ni nyan thos blta bar bya'o/ /zhes smras nas/ tshigs su bcad pa smras pa/ ri rgyal yungs kar gnyis la khyad par gang yod dang / / dug can glang rjes chu la khyad par gang yod dang / /nyi ma me khyer srin la khyad par gang yod pa/ /nam mkha' pad ma'i bu gar khyad par gang yod pa/ /sangs rgyas nyan thos byang chub khyad par de yod do/ /de nas gyad bu nor 'di snyam du sems te/ ji ltar rab tu byung ba 'di'i ston pa la bstod par byed cing bdag nyid la smod par byed pa las na/ sangs rgyas ni dam pa ma yin par mi 'gyur la/ chos bstan pa yang dam pa ma yin par mi 'gyur ro snyam du rig nas/ tshe dang ldan pa rta thul la 'di skad ces smras so/ /'phags pa bdag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po thob par bgyi'o/ /bdag 'phags pa'i drung na tshangs par spyod pa spyad par bgyi'o/ /bzhin bzangs khyod pha ma dag gis gnang ngam/ 'phags pa ma gnang ngo / /bzhin bzangs de bzhin gshegs pa dang / de bzhin gshegs pa'i nyan thos ni pha ma dag gis ma gnang ba'i rigs kyi bu rab tu 'byin par mi mdzad/ bsnyen par rdzogs par mi mdzad do/ /'phags pa khyod kyis bdag rab tu dbyung ba 'ba' zhig mdzod cig dang / ci nas kyang bdag pha ma dag gis gnang bar 'gyur ba de ltar bdag bgyid do/ /tshe dang ldan pa rta thul gyis de la bzhin bzangs legs kyis de ltar byos shig ces smras so/ /de nas gyad bu nor gyis tshe dang ldan pa rta thul gyis smras pa la mngon par bstod pa byas shing rjes su yi rang ba byas nas rang gi khyim ga la ba der stong ste phyin nas pha ma gnyis la 'di skad ces smras so/ /yab yum mkhyen par mdzod cig /bdag legs par gsungs pa'i chos 'dul ba la yang dag pa kho nar dad pas khyim nas khyim med par rab tu 'byung ngo / /bu gzhon nu shes par gyis shig /khyod nged kyi bu gcig pa/ sdug pa/ yid du 'ong ba bzod pa mthong na mi mthun pa med pa yin pas/ khyod shi bar gyur na nged mi 'dod bzhin du 'bral ba kho na yin gyi/ gson bzhin du btang ba lta smos kyang ci dgos/ yab yum gal te gnang na de lta na legs/ gal te mi gnang na deng slan chad 'tshal ma yang mi 'tshal/ phyag la yang mi 'tshal lo/ /bu gzhon nu mi gnang gis ji srid nged gson gyi bar du khyod nged kyi mig lam na 'dug la bya ba gzhan ma sems shig /de nas gyad bu nor gyis nyi ma gcig gi zan bcad pa byas so/ /gnyis pa dang / gsum nas drug gi bar du yang zan bcad pa byas so/ /de nas gyad bu nor gyi pha ma gnyis kyis gyad bu nor la 'di skad ces smras so/ /bu gzhon nu shes par gyis shig /khyod ni shin du gzhon pa bde ba 'dod pa yin pas khyod kyis sdug bsngal mi shes te/ tshangs par spyod pa spyad dka'o/ /rab tu dben pa bya dka'o/ /gcig pu nyid la mngon par dga' bar dka'o/ / gnas mal dgon pa nags khrod dang / ri drung dang / bas mtha' dag tu gnas pa khong du chud par dka'o/ /gcig pu dgon par gnas pa sdug bsngal lo/ /khyod kyis ji srid 'tsho'i bar du ri dgas gdug pa dag dang lhan cig gnas par bya dgos so/ /khyod kyis ji srid 'tsho'i bar du gzhan gyis byin pas 'tsho bar bya dgos so/ /khyod kyis ji srid 'tsho'i bar du mi'i 'dod pa dag las dben par bya dgos so/ /khyod kyis ji srid 'tsho'i bar du mi'i dga' ba dang / rtsed mo dag las dben par bya dgos so/ /gzhon nu tshur shog /'dug la 'dod pa dag la yongs su spyod cing / sbyin pa dag kyang byin cig /bsod nams dag kyang gyis shig / de skad smras kyang gyad bu nor cang mi smra'o/ /de nas gyad bu nor gyi pha ma gnyis kyis nye du rnams la bsgo ba/ kye nye du dag tshur shog /bu gzhon nu gyad bu nor slong shig /de nas gyad bu nor gyi nye du dag gyad bu nor ga la ba der song ste phyin nas/ gyad bu nor la 'di skad ces smras so/ /sras gzhon nu mkhyen par mdzod cig /khyod ni shin du gzhon pa bde ba bzhed pa lags pas khyod kyis sdug bsngal mi mkhyen te/ tshangs par spyod pa spyad dka'o/ /rab tu dben pa bgyid dka'o/ /gcig pu nyid la mngon par dga' bar dka'o/ /gnas mal dgon pa nags khrod dang / ri drung dang / bas mtha' dag tu gnas pa khong du chud par dka'o/ /gcig pu dgon par gnas pa sdug bsngal lo/ /khyod kyis ji srid 'tsho'i bar du ri dgas gdug pa dag dang lhan cig gnas par bgyi 'tshal lo/ /khyod kyis ji srid 'tsho'i bar du gzhan gyis byin pas 'tsho bar bgyi 'tshal lo/ /khyod kyis ji srid 'tsho'i bar du mi'i 'dod pa dag las dben par bgyi 'tshal lo/ /khyod kyis ji srid 'tsho'i bar du mi'i dga' ba dang / rtsed mo dag las dben par bgyi 'tshal lo/ /sras gzhon nu tshur spyon bzhugs la 'dod pa dag la yang yongs su spyod cig /sbyin pa dag kyang stsol cig /bsod nams dag kyang mdzod cig /de skad smras kyang gyad bu nor cang mi smra'o/ /de nas gyad bu nor gyi pha ma gnyis kyis gyad bu nor gyi ne'u ldangs rnams la bsgo ba/ kye gzhon nu dag tshur shog /bu gzhon nu gyad bu nor slong shig /de nas gyad bu nor gyi ne'u ldangs dag gyad bu nor ga la ba der song ste phyin nas gyad bu nor la 'di skad ces smras so/ /sras gzhon nu mkhyen par mdzod cig /khyod ni shin du gzhon pa bde ba bzhed pa lags pas khyod kyis sdug bsngal mi mkhyen te/ tshangs par spyod pa spyad dka'o/ /rab tu dben pa bgyi dka'o/ / gcig pu nyid la mngon par dga' bar dka'o/ /gnas mal dgon pa nags khrod dang / ri drung dang / bas mtha' dag tu gnas par khong du chud par dka'o/ /gcig pu dgon par gnas pa sdug bsngal lo/ /khyod kyis ji srid 'tsho'i bar du ri dgas gdug pa dag dang lhan cig gnas par bgyi 'tshal lo/ /khyod kyis ji srid 'tsho'i bar du gzhan gyis byin pas 'tsho bar bgyi 'tshal lo/ /khyod kyis ji srid 'tsho'i bar du mi'i 'dod pa dag las dben par bgyi 'tshal lo/ /khyod kyis ji srid 'tsho'i bar du mi'i dga' ba dang / rtse mo dag las dben par bgyi 'tshal lo/ /sras gzhon nu tshur spyon bzhugs la 'dod pa dag la yang yongs su spyod cig /sbyin pa dag stsol cig /bsod nams dag kyang mdzod cig /de skad smras kyang gyad bu nor cang mi smra'o/ /de nas gyad bu nor gyi ne'u ldangs rnams gyad bu nor gyi pha ma gnyis ga la ba der song ste phyin nas/ gyad bu nor gyi pha ma gnyis la 'di skad ces smras so/ /yab yum dag mkhyen par mdzod cig /zhi ba gzhon nu gum pas ci zhig bgyi/ rab tu byung ba ni mkhas pas bsngags pa lags pas gal te rab tu byung nas mngon par dga' bar gyur na yang de gson po nyid du gzigs par 'gyur la/ mngon par dga' bar ma gyur na yang drang srong dag ni slar ldog pa lags pas bu'i gnas pha ma gnyis ma gtogs pa gzhan su zhig mchis par 'gyur gyis rab tu byung na legs so/ /de nas gyad bu nor gyi pha ma gnyis kyis gyad bu nor la 'di skad ces smras so/ /bu gzhon nu khyod la rab tu 'byung ba legs par byed pa yin la/ khyim na gnas pa legs pa byed pa ma yin nam/ yab yum bdag la rab tu 'byung ba legs pa bgyid pa lags la/ khyim na gnas pa legs pa bgyid pa ma lags so/ /bu gzhon nu da de'i dus la bab par shes par gyis shig /de nas gyad bu nor pha ma gnyis kyis gnang nas 'bras khu'i rim gyis lus kyi mthu dang / stobs dang / brtson 'grus bskyed de sdig byung nas phyir byung nas tshe dang ldan pa rta thul ga la ba der song ste phyin nas/ tshe dang ldan pa rta thul gyi rkang pa gnyis la mgo bos phyag 'tshal te mtha' cig tu 'dug go/ /mtha' gcig tu 'dug nas gyad bu nor gyis tshe dang ldan pa rta thul la 'di skad ces smras so/ /'phags pa mkhyen par mdzod cig /bdag pha ma gnyis kyis gnang gis bdag legs par gsungs pa'i chos 'dul ba la rab tu 'byung ba dang / bsnyen par rdzogs pa dge slong gi dngos po thob par bgyi'o/ /bdag 'phags pa'i drung na tshangs par spyod pa spyad par bgyi'o/ /tshe dang ldan pa rta thul gyis smras pa/ bzhin bzangs legs so/ /longs spyod dag ni mi rtag pa yin la/ rab tu 'byung ba ni legs pa yin gyis de ltar gyis shig /bcom ldan 'das kyis kyang phan yon lnga yang dag par rjes su mthong ba'i mkhas pas rab tu 'byung ba la mos par bya ba kho nar rigs te/ lnga gang zhe na/ bdag gis rang gi don ma 'dres pa rjes su thob par 'gyur ro zhes bya bar yang dag par rjes su mthong ba'i mkhas pas rab tu 'byung ba la mos par bya ba kho nar rigs pa dang / bdag gang dag gi bran dang / mngag gzhug dang / bsgo ba dang / rang dbang med pa dang / dga' mgur 'gror med pa yin pa de dag gi mchod par bya ba dang / bstod par bya bar 'gyur ro zhes bya bar 'gyur ro zhes bya bar yang dag par rjes su mthong ba'i mkhas pas rab tu 'byung ba la mos par bya ba kho nar rigs pa dang / grub pa dang / bde ba bla na med pa'i mya ngan las 'das pa 'thob par 'gyur ro zhes bya bar yang dag par rjes su mthong ba'i mkhas pas rab tu 'byung ba la mos par bya ba kho nar rigs pa dang / grub pa dang / bde ba bla na med pa'i mya ngan las 'das pa 'thob pa las nyams na yang lha rnams kyi nang du skye bar 'gyur ro zhes bya bar yang dag par rjes su mthong ba'i mkhas pas rab tu 'byung ba la mos par bya ba kho nar rigs pa dang / rab tu byung ba ni sangs rgyas rnams dang / sangs rgyas kyi nyan thos dam pa yang dag par rtogs pa/ yang dag par sgrub pa/ skyes bu dam pa rnams kyis rnam grangs du mas bsngags so zhes yang dag par rjes su mthong ba'i mkhas pas rab tu 'byung ba la mos par bya ba kho nar rigs so zhes gsungs kyis rab tu byung shig /de nas tshe dang ldan pa rta thul gyis rigs kyi bu gyad bu nor rab tu phyung bsnyen par rdzogs par byas nas smras pa/ bu dge slong gi las ni gnyis te/ bsam gtan dang / klog pa yin na/ khyod bsam gtan dang / klog pa gang 'dod/ gyad bu nor gyis smras pa/ mkhan po gnyi ga yang bgyi ste/ gdugs la ni glog pa bgyi/ dgung la ni bsam gtan bgyi'o/ /tshe dang ldan pa rta thul gyis smras pa/ bu de bzhin gyis shig /de nas tshe dang ldan pa gyad bu nor gyis nyin mo klag pa dang / kha ton byas pas sde snod gsum po dag lhogs par gyur to/ /mtshan mo bsam gtan byas pas gong nas gong du yid la byed pa'i khyad par thob nas 'khor ba'i 'khor lo cha lnga pa g.yo ba dang / mi g.yo ba 'di nyid rig ste/ 'du byed kyi rnam pa thams cad nyams pa dang / ltung ba dang / rnam par 'thor ba dang / rnam par 'jig pa'i chos nyid kyi zil gyis mnan nas nyon mongs pa thams cad spangs pas rigs kyi bu dag gang gi phyir skra dang kha spu bregs te gos ngur smrig dag bgos nas yang dag par kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de tshe de nyid la rab tu mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing / dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bu/ rig pas sgo nga'i sbubs dral bar gyur cing / rig pa dang / mngon par shes pa dang / so so yang dag par rig pa thob bo/ /srid pa dang / 'dod pa'i rnyed pa dang bkur sti la rgyab kyis phyogs pa/ dbang po dang / nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to// //'dul ba rnam par 'byed pa/ bam po nyi shu pa/ ji ltar sangs rgyas bcom ldan 'das gson zhing bzhugs te 'tsho zhing gzhes pa rnams la chos nyid kyis nyan thos rnams kyi 'dus pa chen po gnyis yod de/ gcig ni dbyar zla 'bring po nya la dbyar nye bar sgrub pa'i tshe'o/ /gnyis pa ni ston zla 'bring po'i zla ba nya la yin pa de bzhin du nyan thos chen po rnams la yang nyan thos rnams kyi 'dus pa chen po gnyis yod de/ gcig ni dbyar zla 'bring po nya la dbyar nye bar sgrub pa'i tshe'o/ /gnyis pa ni ston zla 'bring po'i zla ba nya la'o/ /de la gang dag dbyar zla 'bring po'i nya la dbyar nye bar sgrub pa'i tshe gdams ngag mnos te grong dang / grong rdal dang / yul 'khor dang / rgyal po'i pho brang dag tu dbyar gnas par khas len pa de dag ni ston zla 'bring po'i zla ba nya la lhags nas ji ltar thob pa ni rjod par byed/ ma thob pa ni thob par byed pa'i phyir 'og tu mdo sde dang / 'dul ba dang / chos mngon pa de dag gi kha ton dag dang yongs su 'bri ba dag tshol bar byed do/ /de nas tshe dang ldan pa rta thul gyi lhan cig gnas pa dang nye gnas gang dag ljongs su dbyar gnas par khas blangs pa de dag dbyar gyi zla ba gsum po dag 'das nas chos gos byas pa dang ldan/ chos gos zin pa dang ldan zhing lhung bzed dang chos gos thogs te tshe dang ldan pa rta thul ga la ba der dong nas phyin pa dang / tshe dang ldan pa rta thul gyi rkang pa gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas de dag kha cig ni ji ltar thob pa rjod par byed do/ /kha cig ni mdo sde dang / 'dul ba dang / chos mngon pa dag gi kha ton dag dang / yongs su 'dri ba dag tshol bar byed do/ /tshe dang ldan pa rta thul gyis de dag gi sde snod gsum dang bsam gtan gyi lam la som nyi dang yid gnyis yang dag par bcad nas de dag gis phan tshun smra bar brtsams pa/ tshe dang ldan pa dag bdag cag gis mkhan po mthong zhing bsnyen bkur byas zin kyis da ni rgyal po'i khab tu bcom ldan 'das la bsnyen bkur byed du 'dong ngo / /de nas tshe dang ldan pa gyad bu nor gyis de dag gis gtam 'dre ba thos nas de la kye ma bdag gis kyang bcom ldan 'das blta'o snyam pa'i 'dod pa skyes shing rig nas tshe dang ldan pa rta thul ga la ba der song ste phyin nas/ tshe dang ldan pa rta thul gyi rkang pa gnyis la mgo bos phyag 'tshal te tshe dang ldan pa rta thul la 'di skad ces smras so/ /mkhan po mkhyen par mdzod cig /bdag gis bcom ldan 'das chos kyi sku'i sgo nas ni mthong na gzugs kyi sku'i sgo nas ma mthong bas de'i slad du bcom ldan 'das kyi gzugs kyi sku blta bar 'tshal na mchi bar ci gnang / tshe dang ldan pa rta thul gyis smras pa/ bu ma nyes kyis blta bar gyis shig /bu de bzhin gshegs pa dgra bcom pa yang dag par rdzogs pa'i sangs rgyas rnams dang / de dag 'byung ba ni 'di lta ste dper na u dum ba ra'i me tog bzhin du dkon pa yin gyis de bzhin gyis shig /de nas tshe dang ldan pa gyad bu nor mkhan pos gnang nas/ bcom ldan 'das la blta bar spro ba'i blo gros kyis yid bde ba skyes nas de nyid kyis mtshan mo 'das pa dang / snga dro sham thabs bgos lhung bzed dang chos gos thogs te sdig byung du bsod snyoms la zhugs so/ /sdig byung du bsod snyoms brgyus nas zas kyi bya ba byas te/ phyi ma'i zas kyi bsod snyoms las phyir ldog pas ji ltar longs spyad pa'i gnas mal mkhos su phab nas lhung bzed dang chos gos thogs te mkhan po gcig pa dang / slob dpon gcig pa dang lhan cig rgyal po'i khab ga la ba der rgyu zhing song nas mthar gyis rgyu zhing 'gro ba na rgyal po'i khab tu phyin to/ /de nas tshe dang ldan pa gyad bu nor gyis lhung bzed dang chos gos mkhos su phab ste rkang pa gnyis bkrus nas bcom ldan 'das ga la ba der song ngo / /de'i tshe na bcom ldan 'das dge slong gi 'khor brgya phrag du ma'i mdun na bzhugs shing chos ston te/ bcom ldan 'das kyis tshe dang ldan pa gyad bu nor thag ring po kho na nas gzigs so/ / gzigs nas kyang tshe dang ldan pa gyad bu nor la bka' stsal pa/ gyad bu nor tshur shog /'ongs pa legs so/ /khyod dus su phyin to/ /gyad bu nor rang gi stan ji lta ba la 'dug shig /de nas tshe dang ldan pa gyad bu nor gyis bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /de'i tshe na rgyal po'i khab na gnas mal mi mthun pa 'bog par byed de/ mdo sde 'dzin pa rnams dang 'dul ba 'dzin pa rnams kyi/ mdo sde 'dzin pa rnams dang ma mo 'dzin pa rnams kyi/ mdo sde 'dzin pa rnams dang chos sgrog pa rnams kyi/ mdo sde 'dzin pa rnams dang spong ba pa rnams kyi gnas mal lhan cig tu 'bog par byed/ 'dul ba 'dzin pa rnams dang mdo sde 'dzin pa rnams kyi/ 'dul ba 'dzin pa rnams dang ma mo 'dzin pa rnams kyi/ 'dul ba 'dzin pa rnams dang chos sgrog pa rnams kyi/ 'dul ba 'dzin pa rnams dang spong ba pa rnams kyi gnas mal lhan cig 'bog par byed/ ma mo 'dzin pa rnams dang mdo sde 'dzin pa rnams kyi/ ma mo 'dzin pa rnams dang 'dul ba 'dzin pa rnams kyi/ ma mo 'dzin pa rnams dang chos sgrog pa rnams kyi/ ma mo 'dzin pa rnams dang spong ba pa rnams kyi gnas mal lhan cig tu 'bog par byed/ chos sgrog pa rnams dang mdo sde 'dzin pa rnams kyi/ chos sgrog pa rnams dang 'dul ba 'dzin pa rnams kyi/ chos sgrog pa rnams dang ma mo 'dzin pa rnams kyi/ chos sgrog pa rnams dang spong ba pa rnams kyi gnas mal lhan cig tu 'bog par byed/ spong ba pa rnams dang mdo sde 'dzin pa rnams kyi/ spong ba pa rnams dang 'dul ba 'dzin pa rnams kyi/ spong ba pa rnams dang ma mo 'dzin pa rnams kyi/ spong ba pa rnams dang chos sgrog pa rnams kyi gnas mal lhan cig tu 'bog par byed do/ /gnas mal mi mthun par 'bog pa na dge slong dag phan tshun sems srung bas dge ba'i phyogs dag mi byed cing de dag dge ba'i chos rnams kyis mi 'phel to/ /dper na chu med pa na ut+pal bzhin no/ /bcom ldan 'das kyis dgongs pa/ gyad bu nor 'dis sngon gyi sangs rgyas rnams dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gi spyan sngar kye ma bdag skye dgu'i tshe lo brgya pa na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i bstan pa la rab tu byung nas gnas mal 'bog pa rnams kyi mchog tu gyur cig ces smon lam btab pas 'di dge slong rnams kyi gnas mal 'bog par skor gzhug go snyam du dgongs nas de nas bcom ldan 'das kyis dge slong rnams la bka' stsal pa/ dge slong dag khyed kyis dge slong gyad bu nor ram/ gzhan yang de lta bu gang yin pa gnas mal 'bog par bsko bar bya'o/ /gnas mal 'bog pa chos lnga dang ldan pa ni ma bskos pa yang bsko bar mi bya la/ bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / gnas mal phog pa dang ma phog pa mi shes pa'o/ /gnas mal 'bog pa chos lnga dang ldan pa ni ma bskos pa yang bsko bar bya/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / gnas mal phog pa dang / ma phog pa shes pa'o/ /'di ltar bsko bar bya ste/ gnas mal bsham par byas nas gaN+Di brdungs te dris pa'i tshig gis dge slong rnams la bskul nas dge 'dun thams cad 'dug cing 'thun par gyur pa la je dang por spro bar bya ste/ ming 'di zhes bya ba khyod dge 'dun la gnas mal 'bog par spro 'am/ gal te spro na des spro'o zhes brjod par bya'o/ /de'i 'og tu dge slong cig gis gsol ba byas te las bya'o/ /dge 'dun btsun pa rnams gsan du gsol dge slong ming 'di zhes bgyi ba 'di dge 'dun la gnas mal 'bog par spro na/ gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dge 'dun la gnas mal 'bog par bsko bar bgyi ste/ dge slong ming 'di zhes bgyi ba 'di dge 'dun la gnas mal 'bog go/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun la gnas mal 'bog par spro ste/ de'i slad du dge 'dun gyis dge slong ming 'di zhes bgyi ba dge 'dun la gnas mal 'bog par bsko na/ tshe dang ldan pa gang dag dge slong ming 'di zhes bgyi ba 'di dge 'dun la gnas mal 'bog par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di dge 'dun la gnas mal 'bog par bskos lags te/ 'di ltar cang mi gsung bas de de bzhin du 'dzin to/ /gang gi tshe tshe dang ldan pa gyad bu nor gnas mal 'bog par bskos pa de'i tshe na des gnas mal de dag mthun par rnam par bzhag ste/ mdo sde 'dzin pa rnams kyang mdo sde 'dzin pa rnams dang lhan cig rnam par bzhag /'dul ba 'dzin pa rnams kyang 'dul ba 'dzin pa rnams dang / ma mo 'dzin pa rnams kyang ma mo 'dzin pa rnams dang / chos sgrog pa rnams kyang chos sgrog pa rnams dang / spong ba pa rnams kyang spong ba pa rnams dang lhan cig rnam par bzhag go/ /de dag gnas mal 'thun par phog pas phan tshun gtam dang 'bel ba'i gtam gyis rnam par gtan la 'bebs pas dge ba'i chos rnams kyis rnam par 'phel te/ dper na chu nas ut+pa la bzhin no/ /de na gang dag mtshan mo 'ong ba de dag la ni tshe dang ldan pa gyad bu nor gyis rdzu 'phrul gyis sor mo gcig las 'od sbar te gnas mal 'bog par byed do/ /de na gang dag mtshan mo ches 'phyi ba na 'ong ba de dag la ni tshe dang ldan pa gyad bu nor gyis rdzu 'phrul gyis sor mo gnyis las 'od sbar te gnas mal 'bog par byed do/ /de na dge slong gang dag tshe dang ldan pa gyad bu nor gyis mi'i chos bla ma rdzu 'phrul gyi cho 'phrul lta bar 'dod pa de dag ni ched du bsams te mtshan mo 'ong bar byed pas de dag la tshe dang ldan pa gyad bu nor gyis rdzu 'phrul gyis sor mo lnga char las 'od sbar te gnas mal 'bog par byed do/ /de dag 'di snyam du sems te/ bdag cag gis ston pa dang 'dra ba'i nyan thos chen po 'di lta bus gnas mal phog pa la glos phab ste gnyid log par byed pa ni bdag cag gi tshul dang 'thun pa ma yin gyis/ bdag cag gis nam gyi cha stod dang / nam gyi cha smad la mi nyal bar sbyor ba la rjes su brtson par gnas par bya'o snyam nas de dag nam gyi cha stod dang / nam gyi cha smad la mi nyal bar sbyor ba'i rjes su brtson par gnas pas ma thob pa ni thob par gyur cing / thob pa las ni yongs su mi nyams par gyur to/ /de nas bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong gnas mal 'bog pa rnams kyi nang na 'di lta ste/ nga'i gyad bu nor 'di mchog yin no/ /gang gi tshe bcom ldan 'das kyis bstan pa rgyas par gyur pa de'i tshe bram ze dang / khyim bdag dad pa rnams kyis khyim dag tu dge 'dun gyi zas dag bshams pa na drug sde dag gang na zas dag bsod pa der song ste yongs su longs spyod par byed nas/ bram ze dang / khyim bdag dad pa de dag gis smras pa/ 'phags pa dag khyed cag 'ba' zhig gdugs gcig bzhin du byon na ci'i slad du dge slong gnas brtan gnas brtan de dag ma byon/ drug sde dag gis smras pa/ de dag zas 'di lta bu dag la yongs su longs spyod par mi byed do/ /'o na ji lta bu dag la yongs su longs spyod par mdzad/ bsod pa dag la'o/ / 'phags pa dag bcom ldan 'das kyis bdag cag bsod pa sbyin par byed pa rnams kyis mchog tu bstan na khyed cag ci'i slad du de skad ces de dag zas 'di lta bu dag la yongs su longs spyod par mi byed do zhes gsung / bcom ldan 'das kyis 'phags pa'i rigs kyi mdo las/ chos gos gang yang rung bas chog shes pa 'phags pa'i rigs dang / bsod snyoms gang yang rung bas chog shes pa 'phags pa'i rigs dang / gnas mal gang yang rung bas chog shes pa 'phags pa'i rigs dang / spong ba la mngon par dga' ba dang bsgom pa la mngon par dga' ba 'phags pa'i rigs shes gsungs na/ khyed cag legs par gsungs pa'i chos 'dul ba la rab tu byung nas ci'i slad du byung rgyal du smra bar mdzad/ bzhud la slan chad 'dir ma byon cig /drug sde dag spobs pa med par gyur nas cang mi smra bar dong ngo / /thos pa gcig nas gcig tu brgyud pas dge slong dag gis thos nas dge slong dag gis skabs de bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong gyad bu nor ram/ gzhan yang de lta bu gang yin pa zas la sko bar bsko bar bya'o/ / zas la sko ba chos lnga dang ldan pa ni ma bskos pa yang bsko bar mi bya la/ bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / zas la bskos pa dang ma bskos pa mi shes pa'o/ /zas la sko ba chos lnga dang ldan pa ni ma bskos pa yang bsko bar bya la/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / zas la bskos pa dang ma bskos pa shes pa'o/ /'di ltar bsko bar bya ste/ gnas mal bsham pa byas nas gaN DI brdungs te dris pa'i tshig gis dge slong rnams la bskul nas dge 'dun thams cad 'dug cing 'thun par gyur pa la je dang por spro bar bya ste/ ming 'di zhes bya ba khyod dge slong rnams la zas la sko bar spro 'am/ gal te spro na des spro'o zhes brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge slong rnams la zas la sko bar spro na/ gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dge slong rnams la zas la sko bar bsko bar bgyi ste/ dge slong ming 'di zhes bgyi ba 'di dge slong rnams la zas la bsko'o/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dge slong rnams la zas la sko bar spro ste/ dge slong ming 'di zhes bgyi ba dge slong rnams la zas la sko bar bsko na/ tshe dang ldan pa gang dag dge slong ming 'di zhes bgyi ba dge slong rnams la zas la sko ba bsko bar bzod pa de dag ni cang ma gsungs shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba dge slong rnams la zas la sko bar bskos lags te/ 'di ltar cang mi gsung bas de de bzhin du 'dzin to/ /gang gi tshe tshe dang ldan pa gyad bu nor zas la sko bar bskos pa de'i tshe na des dge 'dun la zas rnam pa gsum bshams te/ bsod pa dag dang / 'bring dag dang / ngan pa dag go/ /dge slong gang dag glo bur du lhags pa de dag la ni nyi ma dang po la ni zas bsod pa dag tu sko bar byed/ nyi ma gnyis pa ni 'bring du/ gsum pa la ni ngan par sko bar byed do/ /nyi ma bzhi pa la ni de dag rang gi spyod yul shes pas bsod snyoms la 'jug par byed do/ /de'i tshe na tshe dang ldan pa gyad bu nor rgyal po'i khab na gnas pa dang / gnyug mar gnas pa dang / gsol ba byed pa dang / gtams pa 'dzin pa dang / gnas mal 'bog pa dang / zas la sko bar byed pas de dge 'dun la lugs ji lta ba bzhin dang / rgan rims ji lta ba bzhin dang / go rims ji lta ba bzhin dang / thed rgal med par zas la sko bar byed do/ /tshe dang ldan pa gyad bu nor dang / dge slong mdza' bo dang / sa las skyes gnyis tshe rabs tshe rabs su khon yod pas de gnyis lha'i ri bo dag tu ljongs rgyu zhing 'dong ba na rgyal po'i khab tu phyin nas de gnyis kyis dge slong zhig la dris pa/ tshe dang ldan pa dge 'dun gyis gnas mal 'bog par bskos pa su yin/ des smras pa/ tshe dang ldan pa gyad bu nor ro/ /de nas de gnyis tshe dang ldan pa gyad bu nor ga la ba der song ste phyin nas/ tshe dang ldan pa gyad bu nor la 'di skad ces smras so/ /kho bo cag gnyis kyi gnas mal phog shig /de'i tshe na mal cha bzang po gang dag yin pa de dag ni gnas brtan gnas brtan rnams la phog zin pas lhag ma ngan pa dag lus so/ /gtsug lag khang yang nyen kor gyi gang dag yin pa de dag ni gnas brtan gnas brtan rnams kyis bskos zin pas mtha'i gtsug lag khang dag 'ba' zhig lus nas tshe dang ldan pa gyad bu nor gyis de gnyis la mal cha ngan pa dag phog cing gtsug lag khang yang mtha' dag tu bskos so/ /de gnyis kyis smras pa/ dge 'dun gyi zas la sko ba su yin/ tshe dang ldan pa gyad bu nor gyis smras pa/ bdag ste gyad bu nor ro/ /kho bo cag gnyis kyi zas bsko shig /tshe dang ldan pa gyad bu nor gyis nyi ma dang po la de gnyis zas bsod pa dag tu bskos pa dang / bram ze dang / khyim bdag dad pa dag gis dris pa/ sang bdag cag gi 'dir 'gron su 'ong bar 'gyur/ gzhan dag gis smras pa/ mdza' bo dang / sa las skyes gnyis so/ /de dag gis bsams pa/ de gnyis ni gnas ngan len kun tu spyod pa yin pas su zhig de gnyis kyi phyir gus par byed par 'gyur te ci yang rung ba zos shing 'gro bar gyur cig snyam nas de dag gis de gnyis la gus pa ma byas par zas ngan pa byin no/ /tshe dang ldan pa gyad bu nor gyis nyi ma gnyis pa la de gnyis zas 'bring dag tu bskos pa dang / de bzhin du bram ze dang / khyim bdag dad pa dag gis dris pa/ sang bdag cag gi 'dir 'gron su 'ong bar 'gyur/ gzhan dag gis smras pa/ mdza' bo dang / sa las skyes gnyis so/ /de dag gis bsams pa/ de gnyis ni gnas ngan len kun tu spyod pa yin pas su zhig de gnyis kyi phyir gus par byed par 'gyur te ci yang rung ba zos shing 'gro bar gyur cig snyam nas de dag gis de gnyis la gus pa ma byas par zas ngan pa byin no/ /tshe dang ldan pa gyad bu nor gyis nyi ma gsum pa la ni de gnyis rang bzhin gyis zas ngan pa dag tu bskos so/ /de nas mdza' bo dang / sa las skyes gnyis 'di snyam du sems te/ kye ma'o sdug bsngal lo/ /kye ma'o mi bzad do/ /tshe dang ldan pa gyad bu nor gyis bsams bzhin du bdag cag gnyis lan gsum gyi bar du gang dag zos na rjud par 'gyur ba'i zas ngan pa shin tu yid du mi 'ong ba dag gis tho btsams gyis bdag cag gnyis kyis 'di la gnod pa ji lta bu zhig bya snyam mo/ /de'i tshe na dge slong mdza' bo dang sa las skyes gnyis kyi sring mo dge slong ma mdza' mo zhes bya ba rgyal po'i khab na dge slong ma'i dbyar khang rgyal po'i kun dga' ra ba na 'dug go/ /dge slong ma mdza' mo dge slong mdza' bo dang / sa las skyes gnyis ga la ba der song ste phyin nas/ dge slong mdza' bo dang / sa las skyes gnyis kyi rkang pa gnyis la mgo bos phyag 'tshal te mtha' gcig tu 'dug go/ /mtha' gcig tu 'dug pa dang / dge slong mdza' bo dang / sa las skyes gnyis dge slong ma mdza' mo la gtam 'dre bar mi byed/ phebs par smra bar mi byed/ cung zad lta bar mi byed/ rnam par lta bar mi byed do/ /de nas dge slong ma mdza' mos dge slong mdza' bo dang / sa las skyes gnyis la 'di skad ces smras so/ /'phags pa gnyis ci'i slad du khyed gnyis bdag la gtam 'dre bar mi mdzad/ phebs par smra bar mi mdzad/ cung zad lta bar mi mdzad/ rnam par lta bar mi mdzad/ sring mo kho bo cag gnyis tshe dang ldan pa gyad bu nor gyis bsam bzhin du lan gsum gyi bar du gang dag zos na rjud par 'gyur ba'i zas ngan pa shin tu yid du mi 'ong ba dag gis tho btsams pa de khyod kyis yal bar dor ram/ 'phags pa gnyis 'o na bdag gis ci zhig bgyi/ sring mo tshur shog /bcom ldan 'das ga la ba der song la phyin nas bcom ldan 'das la 'di skad ces btsun pa 'di ltar 'phags pa gyad bu nor bdag dang lhan cig mi tshangs par spyad de pham par gyur pa de ni mi mdzes shing tshul dang 'thun pa ma lags so zhes smros shig dang / kho bo cag gnyis kyis kyang 'di skad ces bcom ldan 'das de de bzhin no/ /bde bar gshegs pa de de bzhin te/ bdag cag gnyis kyi sring mos ji skad gsol ba de kho na bzhin du bdag cag gnyis kyis kyang 'tshal to zhes smra bar bya'o/ /'phags pa gnyis ji ltar bdag gis dge slong dag pa ltung ba ma mchis pa la gzhi ma mchis par pham par 'gyur ba'i chos kyis skur pa gdab par bgyi/ sring mo khyod ji srid du de skad mi zer ba de srid du kho bo cag gnyis khyod la gtam 'dre bar mi byed/ phebs par smra bar mi byed/ cung zad lta bar mi byed/ rnam par lta bar mi byed do/ /de nas dge slong ma mdza' mo yud tsam zhig cang mi smra bar 'dug nas/ dge slong mdza' bo dang / sa las skyes gnyis la 'di skad ces smras so/ /'phags pa gnyis de lta na bdag gis de skad bgyi'o/ /sring mo de'i phyir khyod ji srid du kho bo cag gnyis bcom ldan 'das ga la ba der ma son pa de srid du re shig sdod la/ gang gi tshe kho bo cag gnyis bcom ldan 'das kyi drung du son pa de'i tshe na khyod phyi bzhin shog shig /de nas dge slong mdza' bo dang / sa las skyes gnyis bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /de nas dge slong ma mdza' mos dge slong mdza' bo dang / sa las skyes gnyis dong nas ring po ma lon par rig nas bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la dge slong ma mdza' mos 'di skad ces gsol to/ /btsun pa 'di ltar 'phags pa gyad bu nor bdag dang lhan cig mi tshangs par spyad de pham par gyur pa de ni mi mdzes shing tshul dang 'thun pa ma lags so/ /dge slong mdza' bo dang / sa las skyes gnyis kyis kyang 'di skad ces gsol to/ /bcom ldan 'das de de bzhin no/ /bde bar gshegs pa de de bzhin te/ bdag cag gnyis kyi sring mos ji skad gsol ba de kho na bzhin du bdag cag gnyis kyis kyang 'tshal to/ /de'i tshe na tshe dang ldan pa gyad bu nor 'khor de nyid na 'dug cing 'thun par gyur to/ /de nas bcom ldan 'das kyis tshe dang ldan pa gyad bu nor la bka' stsal pa/ gyad bu nor khyod kyis thos sam/ bcom ldan 'das bdag gis thos so/ /gyad bu nor khyod kyis thos sam/ bde bar gshegs pa bdag gis thos so/ /gyad bu nor khyod de la ji snyam du sems/ bcom ldan 'das kyis bdag la ji ltar mkhyen pa lags so/ /bde bar gshegs pas bdag la ji ltar mkhyen pa lags so/ /gyad bu nor de skad ces bcom ldan 'das kyis bdag la ji ltar mkhyen pa lags so/ /bde bar gshegs pas bdag la ji ltar mkhyen pa lags so zhes zer ba de ni dus ma yin/ 'di ni skabs ma yin te/ 'di ltar dran na yang dran zhes brjod par bya'o/ /mi dran na yang mi dran zhes brjod par bya'o/ /bcom ldan 'das mi dran no/ /bde bar gshegs pa mi dran no/ /de'i tshe na tshe dang ldan pa sgra gcan zin bcom ldan 'das kyi snam logs na 'dug par gyur cing rdul yab thogs te bcom ldan 'das la g.yob par byed do/ /de nas bcom ldan 'das la tshe dang ldan pa sgra gcan zin gyis 'di skad ces gsol to/ /btsun pa 'di ltar dge slong ma mdza' mo bcom ldan 'das ga la ba der mchis te phyin nas bcom ldan 'das kyi zhabs gnyis la mgo bos phyag 'tshal te mtha' gcig tu mchis shing mtha' gcig tu mchis nas/ bcom ldan 'das la dge slong ma mdza' mos 'di skad ces btsun pa 'di ltar 'phags pa gyad bu nor bdag dang lhan cig mi tshangs par spyad de pham par gyur pa de ni mi mdzes shing tshul dang 'thun pa ma lags so zhes gsol nas/ dge slong mdza' bo dang / sa las skyes gnyis kyis kyang 'di skad ces bcom ldan 'das de de bzhin no/ / bde bar gshegs pa de de bzhin te/ bdag cag gnyis kyi sring mos ji skad gsol pa de kho na bzhin du bdag cag gnyis kyis kyang 'tshal to zhes gsol na/ btsun pa de'i slad du tshe dang ldan pa gyad bu nor la rma ci 'tshal/ sgra gcan zin de'i phyir de khyod nyid la dri'i khyod kyis ji ltar bzod pa de kho na bzhin du lan thob shig /sgra gcan zin gal te dge slong ma mdza' mo nga ga la ba der 'ongs te phyin nas nga'i zhabs gnyis la mgo bos phyag 'tshal te mtha' gcig tu 'dug cing mtha' gcig tu 'dug nas/ nga la dge slong ma mdza' mos 'di skad ces btsun pa 'di ltar 'phags pa sgra gcan zin bdag dang lhan cig mi tshangs par spyad de pham par gyur pa de ni mi mdzes shing tshul dang 'thun pa ma lags so zhes gsol nas/ dge slong mdza' bo dang / sa las skyes gnyis kyis kyang 'di skad ces bcom ldan 'das de de bzhin no/ /bde bar gshegs pa de de bzhin te/ bdag cag gnyis kyi sring mos ji skad gsol pa de kho na bzhin du bdag cag gnyis kyis kyang 'tshal to zhes gsol nas/ ngas khyod la sgra gcan zin de la khyod ji snyam du sems shes rmas na/ khyod ji skad lan 'debs par byed/ btsun pa bdag 'di skad ces dran na yang dran zhes gsol lo/ /mi dran na yang mi dran zhes gsol lo/ /mi gti mug can 'o na khyod kyis don de 'thob na dge slong gyad bu nor dag pa ltung ba med pas ci'i phyir mi 'thob/ de nas bcom ldan 'das kyis dge slong rnams la bka' stsal pa/ dge slong dag khyod kyis dge slong gyad bu nor ni dran pa dang ldan par zung shig /dge slong ma mdza' mo ni rang gis khas blangs pas bsnyil bar bya'o/ /dge slong mdza' bo dang / sa las skyes gnyis la ni ci zhig mthong / ji ltar mthong / gang du mthong / khyed gnyis don ci la der son pas der mthong zhes legs par rab tu gleng bar gyis shig /brtag par gyis shig ces bka' stsal nas/ bcom ldan 'das gdan las bzhengs te nang du yang dag 'jog gi slad du gtsug lag khang du gshegs so/ /de nas dge slong rab tu mang po dag gis bcom ldan 'das nang du yang dag 'jog la zhugs nas ring po ma lon par rig nas tshe dang ldan pa gyad bu nor ni dran pa dang ldan par bzung / dge slong ma mdza' mo ni rang gis khas blangs pas bsnyil/ dge slong mdza' bo dang / sa las skyes gnyis la ni ci zhig mthong / ji ltar mthong / gang du mthong / khyed gnyis ci'i phyir der son pas der mthong zhes legs par rab tu glengs shing brtags so/ /dge slong rab tu mang po dag gis legs par rab tu glengs shing brtags pa na de gnyis kyis smras pa/ tshe dang ldan pa gyad bu nor la mi tshangs par spyod pa'i pham par gyur pa ma byung ste/ 'di ltar tshe dang ldan pa gyad bu nor gyis bdag cag gnyis gang dag zos na rjud par 'gyur ba shin tu yid du mi 'ong ba'i zas ngan pa dag gis lan gsum gyi bar du tho btsams pas bdag cag gnyis kyis tshe dang ldan pa gyad bu nor la 'dun pas smras pa/ zhe sdang dang / gti mug dang / 'jigs pas smras par zad kyi/ tshe dang ldan pa gyad bu nor la mi tshangs par spyod pa'i pham par 'gyur ba ma byung ste/ 'di ltar dge slong dag pa ltung ba med pa yin no/ de nas bcom ldan 'das phyem bred nang du yang dag 'jog las bzhengs nas dge slong gi dge 'dun gyi mdun du gdan bshams pa nyid la bzhugs so/ /de nas bcom ldan 'das la dge slong rab tu mang po dag gis 'di skad ces gsol to/ /btsun pa 'di na bdag cag dge slong rab tu mang po dag gis bcom ldan 'das nang du yang dag 'jog la zhugs nas ring po ma lags par rig nas tshe dang ldan pa gyad bu nor ni dran pa dang ldan par bzung / dge slong ma mdza' mo ni rang gi mchid kyis 'tshal bas bsnyil/ dge slong mdza' bo dang / sa las skyes gnyis la ni ci zhig mthong / ji ltar mthong / gang du mthong / khyed gnyis ci'i phyir der son pas der mthong zhes legs par rab tu glengs shing brtags te/ bdag cag dge slong rab tu mang po dag gis legs par rab tu glengs shing brtags pa na/ de gnyis kyis mchid nas tshe dang ldan pa dag tshe dang ldan pa gyad bu nor la mi tshangs par spyod pa'i pham par 'gyur ba ma byung ste/ 'di ltar tshe dang ldan pa gyad bu nor gyis bdag cag gnyis gang dag zos na rjud par 'gyur ba shin tu yid du mi 'ong ba'i zas ngan pa dag gis lan gsum gyi bar du tho btsams pas bdag cag gnyis kyis tshe dang ldan pa gyad bu nor la 'dun pas smras/ zhe sdang dang / gti mug dang / 'jigs pas smras par zad kyi/ tshe dang ldan pa gyad bu nor la mi tshangs par spyod pa'i pham par 'gyur ba ma byung ste/ 'di ltar dge slong dag pa ltung ba med pa yin no zhes mchi'o/ /dge slong dag mi gti mug can de gnyis kyis ci'i phyir zang zing cung zad tsam gyi phyir shes bzhin du brdzun gyi tshig smras par gyur/ de nas bcom ldan 'das kyis de'i tshe tshigs su bcad pa gnyis bka' stsal pa/ lus can brdzun du smra ba yi/ /chos gcig las ni 'das gyur cing / /'jig rten pha rol dral ba yis/ /'di la sdig pa mi bya med/ /lcags gong me lce 'dra ba dag /zos par gyur pa mchog yin gyi/ tshul 'chal yang dag mi sdom pas/ /yul 'khor bsod snyoms za ba min/ /de'i skabs su nam mkha'i dkyil na gnas pa'i lha rnams kyis ngan to zhes bya ba brjod de/ kham gyi zas ni ngan to/ /mi bzad do/ /mchog tu mi bzad do/ /'di ltar dge slong smas pa dag zang zing cung zad tsam gyi phyir dge slong dag pa ltung ba med pa la gzhi med par pham par 'gyur ba'i chos kyis skur ba 'debs par byed do/ /yang smras pa/ 'jig rten dag na 'khor ba la/ /blo ldan su zhig dga' bar byed/ /srid gsum grol ba'i nor gyis kyang / /skur pa thob par gyur phyir ro/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong mdza' bo dang / sa las skyes gnyis la rmas pa/ mi gti mug can khyod gnyis kyis dge slong dag pa ltung ba med pa la gzhi med par pham par 'gyur ba'i chos kyis skur ba btab pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa de ni rab tu byung bas bya ba ma yin no zhes bya ba la sogs pas rnam par smad par mdzad do/ /de nas bcom ldan 'das kyis dge slong rnams la bka' stsal pa/ dge slong dag gang zag gsum po 'di dag ni ma spangs na ngan song du 'gro ba/ sems can dmyal bar 'gro ba dag yin te/ gsum gang zhe na/ 'di la gang zag 'dod pa dag kyang sten par byed la sdig pa'i las kyang byed pa 'di ni gang zag de ma spangs na ngan song du 'gro ba/ sems can dmyal bar 'gro ba dang po yin no/ /gzhan yang gang zag bdag nyid tshul khrims 'chal cing gzhan la tshul khrims kyi dbang du byas te smra ba 'di ni gang zag de ma spangs na ngan song du 'gro ba/ sems can dmyal bar 'gro ba gnyis pa yin no/ /gzhan gang zag bdag nyid mi tshangs par spyod cing gzhan la gzhi med par mi tshangs par spyod pa pham par 'gyur ba'i chos kyis skur ba 'debs par byed pa 'di ni gang zag de ma spangs na ngan song du 'gro ba sems can dmyal bar 'gro ba gsum pa yin no/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to/ /tshig gis nyes smras brjod byed na/ /skyes bu skyes pa'i kha nas ni/ /sta re skye zhing de yis ni/ /bdag nyid gcod par byed par 'gyur/ /gang zhig smad bya bstod byed cing / /bstod bya rnam par smod byed pa/ /de yi kha nas thab krol skyed/ /thab krol can gyis bde mi myong / /gang 'dir cho los rang nor pham byed pa/ /thab krol de ni cung zad tsam du zad/ /gang zhig bde gshegs yid rab khro byed pa/ /de 'dir thab krol shin du chen po yin/ /'phags pas smad pa gang yin sdig brten na/ /bye ba brgya stong dang ni dung phyur phrag /sum bcu drug dang lnga po ji snyed par/ /sems can dmyal ba rnams su 'gro bar 'gyur/ /de nas bcom ldan 'das kyis rnam grangs du mas rnams par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya sde zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khros shing zhe sdang bar gyur nas ci nas kyang 'di tshangs par spyod pa dang dbral lo snyam nas dge slong dag pa ltung ba med pa la gzhi med par pham par 'gyur ba'i chos kyis skur ba las de dus gzhan zhig na dris kyang rung / ma dris kyang rung / rtsod pa de yang gzhi med pa yin la/ dge slong yang zhe sdang la gnas pas zhe sdang gis smras so zhe na/ dge 'dun lhag ma'o/ /yang dge slong gang zhes bya ba ni mdza' bo dang / sa las skyes sam/ gzhan yang de lta bu gang yin pa'o/ /khros shing zhes bya ba ni 'khrugs shing ngo / /zhe sdang bar gyur nas zhes bya ba ni yid mi dga' bar gyur nas 'khrugs pa ma bsal bar ro/ /ci nas kyang 'di tshangs par spyod pa dang dbral lo snyam nas zhes bya ba ni ci nas kyang 'di dge slong gi tshul dang dbral lo snyam nas so/ /dge slong dag pa zhes bya ba ni gyad bu nor ram gzhan yang de lta bu gang yin pa'o/ /ltung ba med pa la zhes bya ba ni gzhi de'i ltung ba med pa la'o/ / gzhi med par zhes bya ba ni gzhi gsum po mthong ba'i gzhi dang / thos pa'i gzhi dang / dogs pa'i gzhi med par ro/ /pham par 'gyur ba'i chos kyis shes bya ba ni chos bzhi po gang yang rung bas te/ de ni chos ma yin pa chos kyi sgrar gsungs pa yin no/ /skur pa las zhes bya ba ni skur pa btab pa las so/ /de dus gzhan zhig na zhes bya ba ni de dus gzhan na'o/ /dris kyang rung zhes bya ba ni gzhan dag gis so/ / ma dris kyang rung zhes bya ba ni de rang nyid 'gyod pa dang / cung zad 'gyod pa dang / rnam par 'gyod pa dang / rab tu 'gyod par gyur nas so/ /rtsod pa de yang zhes bya ba ni rtsod pa bzhi po 'gyed pa'i phyir rtsod pa dang / mi gdams pa'i phyir rtsod pa dang / ltung ba'i phyir rtsod pa dang / bya ba'i phyir rtsod pa'o/ /gzhi med pa yin la zhes bya ba ni gzhi gsum po dag med pa yin la'o/ /dge slong yang zhe sdang la gnas pas shes bya ba ni skur pa 'debs par 'dod pas so/ /zhe sdang gis smras so zhe na zhes bya ba ni skur ba btab par gyur to zhes zer na'o/ /dge 'dun lhag ma'o zhes bya ba ni snga ma bzhin te/ des na dge 'dun lhag ma'o zhes gsungs so/ /de la ltung ba ji ltar 'gyur zhe na/ gang zag dag pa la skur ba 'debs pa la bzhi bcus ni ltung bar 'gyur la/ gzhi lngas ni ltung bar mi 'gyur ro/ /ji ltar gzhi bcus ltung bar 'gyur zhe na/ de ma mthong ba dang / ma thos pa dang / mi dogs par 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis mthong ngo / /bdag gis thos so/ /bdag dogs so zhes zer na brjod do cog dge 'dun lhag mar 'gyur ro/ /des thos la de yang brjed pa dang / de dogs la de yang brjed bzhin du des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis thos te de yang ma brjed do/ /bdag dogs te de yang ma brjed do zhes zer na brjod do cog dge 'dun lhag mar 'gyur ro/ /thos pa la yid ches nas bdag gis mthong ngo zhes zer ba dang / thos pa la yid ma ches par bdag gis mthong ngo zhes zer ba dang / thos pa la dogs pa na bdag gis mthong ngo zhes zer ba dang / thos pa la mi dogs pa na bdag gis mthong ngo zhes zer ba dang / dogs pa la dogs pa na bdag gis mthong ngo zhes zer na brjod do cog dge 'dun lhag mar 'gyur te/ de ltar gzhi bcus ltung bar 'gyur ro/ /ji ltar gzhi lngas ltung bar mi 'gyur zhe na/ des ma mthong ba dang / ma thos pa dang / mi dogs pa la des 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces bdag gis mthong ngo / /thos so/ /dogs so zhes zer na ltung bar mi 'gyur ro/ /des thos la de yang brjed pa dang / de dogs la de yang brjed pa la des 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces bdag gis thos te de yang ma brjed do/ /bdag dogs te de yang ma brjed do zhes zer na ltung bar mi 'gyur te/ de ltar gzhi lngas ltung bar mi 'gyur ro/ /ji ltar gang zag dag pa la skur ba 'debs pa la gzhi bcus ltung bar 'gyur la/ gzhi lngas ltung bar mi 'gyur ba de bzhin du gang zag dag pa ma dag pa ltar bcos pa la skur ba 'debs pa la yang gzhi bcus ltung bar 'gyur la/ gzhi lngas ltung bar mi 'gyur ro/ /gang zag ma dag pa la skur ba 'debs pa la ni gzhi bcu gcig gis ltung bar 'gyur la/ gzhi drug gis ltung bar mi 'gyur ro/ /ji ltar gzhi bcu gcig gis ltung bar 'gyur zhe na/ de ma mthong ba dang / ma thos pa dang / mi dogs pa la des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur cing 'di skad ces bdag gis mthong ngo / /bdag gis thos so/ /bdag dogs so zhes zer na brjod do cog dge 'dun lhag mar 'gyur ro/ /des mthong la de yang brjed pa dang / des thos la de yang brjed pa dang / de dogs la de yang brjed pa la des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis mthong ste de yang ma brjed do/ /bdag gis thos te de yang ma brjed do/ /bdag dogs te de yang ma brjed do zhes zer na brjod do cog dge 'dun lhag mar 'gyur ro/ /thos pa la yid ches nas bdag gis mthong ngo zhes zer ba dang / thos pa la yid ma ches par bdag gis mthong ngo zhes zer ba dang / thos pa la dogs pa na bdag gis mthong ngo zhes zer ba dang / thos pa la mi dogs pa na bdag gis mthong ngo zhes zer ba dang / dogs pa la dogs pa na bdag gis mthong ngo / /zhes zer na brjod do cog dge 'dun lhag mar 'gyur te/ de ltar gzhi bcu gcig gis ltung bar 'gyur ro/ /ji ltar gzhi drug gis ltung ba med par 'gyur zhe na/ des ma mthong ba dang / ma thos pa dang / mi dogs pa la des 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces bdag gis mthong ngo / /thos so/ /dogs so zhes zer na ltung bar mi 'gyur ro/ /des mthong la de yang ma brjed pa dang / des thos la de yang ma brjed pa dang / de dogs la de yang ma brjed pa la des 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba bsgyur bar 'di skad ces bdag gis mthong ste de yang ma brjed do/ /bdag gis thos te de yang ma brjed do/ bdag dogs te de yang ma brjed do zhes zer na ltung bar mi 'gyur te/ de ltar gzhi drug gis ltung bar mi 'gyur ro/ /ji ltar gang zag ma dag pa la skur ba 'debs pa la gzhi bcu gcig gis ltung bar 'gyur la/ gzhi drug gis ltung bar mi 'gyur ba de bzhin du gang zag ma dag pa dag pa ltar bcos pa la skur pa 'debs pa la yang gzhi bcu gcig gis ltung bar 'gyur la/ gzhi drug gis ltung bar mi 'gyur ro/ /dril bsgrags pa la ni ltung ba med do/ /ngos la ri mo bris pa phan cad la yang ltung ba med de/ ji ltar bdag gis shes pa de bzhin du 'jig rten thams cad kyis kyang shes so snyam na'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa gyad bu nor gyis las ci zhig bgyis na las de'i rnam par smin pas phyug pa/ nor mang ba/ longs spyod che ba'i khyim du skyes/ las ci zhig bgyis na des bcom ldan 'das kyi bstan pa la rab tu byung nas nyon mongs pa thams cad spangs pas dgra bcom pa nyid mngon du bgyis/ las ci zhig bgyis na des dgra bcom pa nyid thob kyang yang dag pa ma lags pas skur par gyur/ las ci zhig bgyis na de gnas mal 'bog pa rnams kyi mchog tu bstan/ bcom ldan 'das kyis bka' stsal pa/ dge slong dag rig kyi bu gyad bu nor nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas gyad bu nor nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi 'di ltar las dge ba dang / mi dge ba byas shing bsags pa dag ni zin pa'i phung po dang / khams dang skye mched dag la rnam par smin par 'gyur te/ las rnams bskal ba brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba 'das pa'i dus na ri brags shig na ded dpon rkyal chen can zhes bya ba 'dug ste/ de rgya mtsho chen por 'gro ba'i zong thogs te don 'thun dang lhan cig rgya mtsho chen por 'phags so/ /sangs rgyas rnams 'byung ba med pa'i tshe rang sangs rgyas dman pa dang bkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur pa dag 'jig rten du byung ngo / /de nas rang sangs rgyas shig ded dpon de nyid dang lhan cig ljongs rgyur 'phags nas de'i mtshan mo me'i khams la snyoms par zhugs so/ /mi gtso bo dag gi kun tu spyod pa ni mi mel tshe ba mtshan mo res kyis res kyis mel tshe byed pas ji tsam na mi zhig la res bab ste/ mel tshe byed pas des de me'i phung po bzhin du 'bar ba mthong nas des ya mtshan gyis bsdus pa'i yid kyis mtshan mo nam nangs pa dang ded dpon rkyal chen can la smras pa/ ded dpon rab tu byung ba ded dpon dang thabs gcig 'phags pa 'di ni brtul zhugs grub pa bdag nyid chen po zhig lags te/ bdag gis mtshan mo zhugs kyi phung po ltar 'bar ba mthong ngo / /ded dpon gyis smras pa/ kye nang rje de phyogs gang na 'dug /ded dpon ga ge mo zhig na'o/ /ded dpon de dga' ba skyes nas de'i gan du song ste rkang pa gnyis la phyag 'tshal nas smras pa/ 'phags pa khyod ni bsod snyoms bzhed pa lags la/ bdag kyang bsod nams 'tshal ba lags pas bdag gi bsod snyoms gsol zhing gshegs su gsol/ des de'i dang du blangs nas ji tsam na ded dpon rkyal chen can grong dang / grong rdal dang / yul 'khor dang / rgyal po'i pho brang dang / tshong rdal dag tu mthar kyis rnam par rgyu ba na rgya mtsho chen po'i 'gram du phyin nas des lam gyis dub pa bsal te rnying pa lnga rgyas gru sbyar nas zho shas 'tsho ba lnga po stobs par byed pa dang / sel bar byed pa dang / rkyal chen dang / gru dang / rlung yor thogs pa dag khrid de/ rang sangs rgyas ga la ba der song nas phyin pa dang / rje sa dang bcas pas rkang pa gnyis la phyag 'tshal te rang sangs rgyas la 'di skad ces smras so/ /'phags pa bdag ni rgya mtsho chen por 'jug na ci 'phags pa 'jug gam/ des smras pa/ bzhin bzangs khyod ni re shig pha ma dang / bu dang / chung ma dang / bran dang / bran mo dang / las byed pa dang / zho shas 'tsho ba dang / dge sbyong dang / bram ze rnams dang / bkren pa dang / sdug phongs pa'i skye bo rnams kyi don du rgya mtsho chen por 'jug pa yin gyi/ kho bo ni khyim gyi las kyi mtha' spangs pa/ srid pa dang / longs spyod la mi phyogs pa/ gcig pu gnyis pa med pa yin pas gang gi don du rgya mtsho chen por 'jug /ded dpon rkyal chen can gyis bsams pa/ bdag gis 'phags pa 'di la bsod snyoms ni phul na gos ma bskon gyis/ bdag gis da 'di zan byin la/ chen po la 'os pa'i ras yug chen po bskon par bya'o snyam nas ded dpon des de zas bsod pas tshim par byas nas chen po la 'os pa'i ras yug chen bskon no/ /de nas rang sangs rgyas kyis zas kyi bya ba byas nas/ de la snying brtse ba'i phyir ngang pa'i rgyal po mdab ma brkyang ba ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod par byed pa yin pas ded dpon de shing ljon pa rtsa ba nas bcad pa bzhin du rang sangs rgyas de'i rkang pa gnyis kyi drung du 'gyel nas smon lam gdab par brtsams pa/ bdag gis yon gnas yang dag par gyur pa 'di lta bu la mchod pa byas pa gang yin pa'i dge ba'i rtsa ba 'dis bdag phyug pa/ nor mang ba/ longs spyod che ba'i khyim du skye bar gyur cig / 'di bas ches khyad par du 'phags pa'i ston pa mnyes par byed cing thugs byung bar mi byed pa'i yon tan gyi rnam pa de lta bu dag kyang thob par gyur cig ces smon lam btab bo/ /dge slong dag de'i tshe de'i dus na ded dpon rkyal chen can gang yin pa de ni gyad bu nor 'di yin te/ des rang sangs rgyas la mchod pa byas nas bdag gis yon gnas yang dag par gyur pa 'di lta bu la mchod pa byas pa gang yin pa'i dge ba'i rtsa ba 'dis bdag phyug pa/ nor mang ba/ longs spyod che ba'i khyim du skye bar gyur cig ces smon lam btab pa des ni phyug pa/ nor mang ba/ longs spyod che ba'i khyim du skyes so/ /'di bas ches khyad par du 'phags pa'i ston pa mnyes par byed cing thugs byung bar mi byed pa'i yon tan gyi rnam pa de lta bu dag kyang thob par gyur cig ces smon lam btab pa des ni nga'i bstan pa la rab tu byung nas nyon mongs pa thams cad spangs pas dgra bcom pa nyid mngon du byas shing 'dis rang sangs rgyas bye ba phrag 'bum bas ches khyad par du 'phags pa'i ston pa nga mnyes par byas shing thugs byung bar ma byas so/ /des dgra bcom pa nyid thob kyang yang dag pa ma yin pas skur bar gyur pa de nyon cig /dge slong dag sngon byung ba 'das pa'i dus na ri brag shig na khyim bdag phyug pa nor mang ba/ longs spyod che ba/ yongs su bzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug ste/ des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de la bu yang med/ bu mo yang med nas de 'di snyam du bdag gi khyim nor du ma dang ldan na bdag la bu yang med/ bu mo yang med pas bdag 'das nas bu med pa'i phyir nor thams cad rgyal pos dbang du byas par 'gyur ro snyam nas lag pa la 'gram pa gtad de sems khongs su chud cing 'dug go/ /chung mas de mthong nas smras pa/ rje'i sras khyod ci'i slad du lag pa la 'gram pa gtad de sems khongs su chud cing bzhugs/ des smras pa/ bzang mo bdag gi khyim nor du ma dang ldan na bdag la bu yang med/ bu mo yang med pas bdag 'das nas bu med pa'i phyir nor thams cad rgyal pos dbang du byas par 'gyur ro snyam na ji ltar sems khongs su chud cing mi 'dug tu rung / chung mas bsams pa/ ci 'di la skal ba med pas bu yang med/ bu mo yang med dam/ 'on te bdag la skal ba med pas bu yang med bu mo yang med pa gang yin pa ni gtol med na 'di ni nges par bdag la skyon 'dogs shing chung ma gzhan len par 'dod pas des ni 'di skad ces bdag gi khyim nor du ma dang ldan na bdag la bu yang med bu mo yang med pas bdag 'das nas bu med pa'i phyir nor thams cad rgyal po'i dbang du byas par 'gyur ro/ /zhes zer zhing bdag gi drung na lag pa la 'gram pa gtad de sems khongs su chud pa ltar byed cing 'dug gis de'i phyir re shig bdag nyid thar bar bya'o snyam du rig nas smras pa/ rje'i sras gal te bdag la skal ba ma mchis pas khyod la sras kyang mi mnga'/ sras mo yang mi mnga' ba lags na btsun mo gzhan bzhes shig dang de'i 'og tu khyod la sras kyang mnga'/ sras mo yang mnga' bar 'gyur ro/ /des smras pa/ bzang mo khyod kyis skyes pa gang la chung ma gnyis yod pa des lan 'ga' yang skyo ma grang mo mi 'thung la/ rtag tu de'i khyim na thab mo dang / mtshang 'dru ba dang / rtsod pa dang / 'gyed pas nang mi yongs su 'khrug par byed cing rang gi las rjes su sgrub pa lhur len par yang mi 'gyur ro zhes bya ba de ma thos sam/ chung mas smras pa/ rje'i sras bzhes shig dang / gal te re shig phu nu mo lta bu zhig lags na ni phu nu mo'i 'du shes kyis bskyang bar bgyi'o/ /gal te bu mo lta bu zhig lags na ni bu mo'i 'du shes kyis bskyang bar bgyi'o/ /khyim bdag de chung ma des g.yo'i kun du spyod pa smras pa na bu mo tshol bar rtsom mo/ /ji tsam na ri brags shig na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod pa de la bu gnyis dang bu mo gcig btsas nas des de dag bsrings shing bskyed nas khyim bdag de dus la bab bo/ /de nas bu mo tshol ba'i khyim bdag des de gnyis las bu mo de bslangs nas dpal dang ldan pa'i yo lang chen pos bag mar blangs so/ /chos nyid kyis na sar pa thams cad kyis rnying pa zil gyis gnon pa yin pas khyim bdag de bag ma sar pa de la shin du ltos pa dang ldan zhing sems 'brel bar gyur to/ /de nas de'i chung ma snga ma de phrag dog gi rang bzhin gyis mngal gyi gnas rnam par dag cing de'i mngal du sems can zhugs par gyur to/ /de nas de mchog tu dga' ba skyes nas khyim thab la smras pa/ rje'i sras bdag la sems can zhugs kyis dgyes pa skyed cig /khyim bdag gis smras pa/ bzang mo legs te gal te khye'ur skye bar 'gyur na kho bo 'das nas khyim gyi bdag por 'gyur ro/ /chung mas smras pa/ rje'i sras gal te khyod kyi bag sar gyi mngal na gnas pa rlugs par bgyi ba'i tshul gyis rlugs par ma bgyis na khye'u 'di khyim gyi bdag por 'gyur ro/ /khyim bdag gis smras pa/ bzang mo kho bos dang po dang po nyid nas don de khyod la go bar ma byas sam da dung cir yang ma gyur pa nas khyod kyis brtsams so/ /chung ma de spobs pa med par gyur nas cang mi smra bar 'dug go/ /de zla ba brgyad dam dgu 'das te btsas pa las khye'u zhig byung nas de btsas pa'i btsas ston byas te khyim dang 'thun pa'i ming btags nas de 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad ma bzhin du myur du skyed par byed do/ /de gang gi tshe tshig smra nus par gyur pa de'i tshe na gang cung zad ci smra ba de thams cad bden par smra zhing brdzun du mi smra bas de'i ming khyim dang 'thun par btags pa gang yin pa de nub cing bden smra zhes bya ba'i ming chags par gyur te kha nas kyang ut+pal sngon po'i dri 'byung ngo / /de'i mas bsams pa bdag la bu yod kyang sngon skal ba med pa bzhin du khyim thab 'di da dung yang bag sar la ltos pa dang ldan zhing sems 'brel bar byed kyis de'i phyir thabs kyi rnam pa zhig bya'o snyam nas de phrag dog dang / ser snas kun nas dkris pa'i sems kyis shugs mi bzod pa na khyim thab kyi gan du song ste smras pa/ rje'i sras khyod bag sar 'di la khyod 'di ltar ha cang ltos pa dang ldan zhing sems 'brel bas dgyes par ma mdzad cig /khyim bdag gis smras pa/ bzang mo yang khyod kyis brtsams so/ /des spobs pa med par gyur nas cang mi smra bar 'dug go/ //'dul ba rnam par 'byed pa/ bam po nyi shu gcig pa/ skyes pa 'am bud med 'dod pa dag bsten pas ni sdig pa'i las mi bya ba ci yang med pas des bu la smras pa/ bu khyod kyis bud med rnams la shin du gnod pa gang yin shes sam/ bus smras pa/ yum 'tshal te/ phrag dog dang / ser sna'o/ /bu mnyes te khyod ni shes rab kyis rtogs pa dang ldan pas de de bzhin no/ /kho mo khyod kyi ma yar mo sun 'byin par byed kyis khyod kyis che bzhi phye shig /yum ci yang dag pas sam/ yang dag pa ma lags pas/ bu yang dag pa ma yin pas so/ /yum bdag 'jig rten thams cad la bden smra zhes bgyi bar grags na de'i slad du da ji ltar brdzun du smra bar bgyi/ bu khyod kho mos zla ba dgur lto na bsrel bsrel na re shig de tsam yang smra bar mi nus te/ de ltar na khyod tshig tu ma smra bar gang gi tshe khyod la phas dris pa de'i tshe na khyod kyis mgo lcogs shig /bus bsams pa/ ma'i tshig tshig ma yin par byar mi rung ngo snyam du rig nas smras pa/ yum gal te de lta na ma nongs kyis/ mgo lcog par bgyi'o/ /des bu de dam 'char bcug nas khyim bdag gi gan du song ste smras pa/ rje'i sras khyod kyi bag sar gyi rtul ba bdag gis mthong ngo / /ci byas/ skyes pa gzhan dang lhan cig dga' mgur spyod do/ /khyim bdag de kun nas dkris pas smras pa/ sdig can ma yang khyod kyis brtsams so/ /rje'i sras khyod bden smra la yang thugs mi ches sam/ yid ches te de 'jig rten thams cad la bden par smra ba yin na kho bo la ji ltar brdzun du smra bar 'gyur/ rje'i sras gal te de lta na de rtse zhing mchis gyis bos shig /khyim bdag des bu de bos nas pang par bzhag ste smras pa/ bu khyod kyi ma yar mo 'dis skyes pa gzhan dang lhan cig dga' mgur spyod pa bden nam/ bud med kyi yul ni ma bslabs par mkhas pa yin pas des de'i kha lag pas bkab nas smras pa/ bu de khyod kyi ma dang 'dra ba yin gyis tshig tu ma smra shig /gal te bden pa yin na mgo lcogs shig /khye'u des mgo lcogs so/ /las shin tu rngams che zhing yongs su rdzogs pa dag ni/ lus 'jig pa la mi ltos pas/ khye'u de'i kha nas tshe 'di nyid la dri nga ba byung bar gyur to/ /kun tu yang bden smra des ma yar mo la yang dag pa ma yin pas skur bas de ni bden smra ma yin gyi brdzun du smra ba yin no zhes bya ba'i sgras khyab par gyur te/ de'i ming bden smra zhes bya ba gang yin pa de nub par gyur cing / brdzun smra zhes bya ba'i ming chags par gyur to/ /de nas khyim bdag des chung ma de la smras pa/ khyod nyes par spyod pa yin gyis/ khyod kho bo'i khyim na ma 'dug shig /chung ma des ma nyes so/ /zhes smra mod kyi 'on kyang 'jig rten dag tshig ngan smra bas 'jigs nas khyim nas bskrad pa dang / de ma rangs bzhin du ming po gnyis kyi khyim du song ngo / /ming po gnyis kyis de la smras pa/ sring mo khyod ci'i phyir 'dir 'ongs/ des smras pa/ bdag khyim thab kyis rang gi khyim nas bskrad do/ /ci'i phyir nyes par spyod ce'o/ /gal te de lta na khyod 'dir yang ma 'dug shig /des smras pa/ bdag gis nyes par ma spyad de 'di ltar bden smra mas bslus pa des yang dag pa ma yin pas skur te de ni bden smra ma yin gyi brdzun smra yin no/ / de ji ltar shes/ gal te khyed gnyis yid mi ches na sdum tshes kyi skye bo dag khyed gnyis la smra bar 'gyur bas de dag che bzhi yin no/ /de gnyis 'jig rten dag kha zer bas 'jigs pas song ste khyim bdag de'i sdum tshes kyi skye bo dag la dris pa dang / de dag na re 'di ni nyes par spyod pa ma yin gyi 'di ltar bden smra mas bslus pa de yang dag pa ma yin pas skur te de ni bden smra ma yin gyi brdzun smra yin no zhes zer ro/ /de nas de gnyis bden smra la khro ba'i kun nas dkris pa skyes nas nye du'i tshogs snying du sdug pa dag la ji ltar gyur pa go bar byas nas/ sring mo de rang gi khyim na bsrel zhing de la yang glan ka btsal ba lhur len cing 'khod do/ /sangs rgyas rnams 'byung ba med pa'i tshe rang sangs rgyas dman pa dang / bkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu 'jig rten gyi gnas su gyur pa dag 'jig rten du 'byung ngo / /ji tsam na rang sangs rgyas shig ljongs rgyu zhing 'gro ba na/ ri brags der phyin nas/ de snga dro sham thabs bgos/ lhung bzed dang chos gos thogs te bsod snyoms rgyu zhing khyim rim gyis 'gro ba na lha dang mi'i yid sdud par byed pa'i spyod lam zhi bas khyim der zhugs pa de bden smras yang dag pa ma yin pas skur ba'i chung ma des mthong nas/ des bsams pa/ rab tu byung ba 'di'i spyod lam 'di 'dra ba las na 'di ni brtul zhugs grub pa bdag nyid chen po yin te/ gang dag gis 'di la mchod pa byas shing smon lam 'debs par byed pa de dag gang sems pa dang / gang 'dod pa de ni de dag las thams cad 'grub par 'gyur ro/ /snyam du rig nas des de'i rkang pa gnyis la phyag 'tshal te smras pa/ 'phags pa khyod ni bsod snyoms bzhed pa lags la bdag ni bsod nams 'tshal ba lags kyis 'di nyid du gdugs tshod gsol cig / bdag nyid chen po de dag ni gzhan gyi don la zhugs pa yin pas des dang du blangs so/ /de nas des rang sangs rgyas de bsod pa dang bcas pa'i zas kyis tshim par byas nas rkang pa gnyis la phyag 'tshal te/ smon lam log pa 'di skad ces pa bdag gis yon gnas yang dag par gyur pa 'di lta bu la mchod pa dag byas pa'i dge ba'i rtsa ba 'dis ji ltar bden smra des bdag sun ma byung ba gnod pa med pa la yang dag pa ma yin pas skur ba de ltar bdag gis kyang de gang dang gang du skyes pa de dang der des dgra bcom pa nyid thob kyi bar du yang dag pa ma yin pas de la skur ba 'debs par gyur cig ces btab bo/ /ming po gnyis kyis de la dris pa/ sring mo khyod kyis smon lam ci zhig btab/ des smras pa/ ming po gnyis 'di dang / 'di lta bu zhig go/ /de gnyis kyis smras pa/ gal te de lta na kho bo cag gnyis kyang khyod kyi ming po yin pas che bzhi dbye bar bya'o/ /dge slong dag de la de'i tshe de'i dus na khyim bdag gi bu bden smra gang yin pa de ni gyad bu nor 'di yin no/ /de'i tshe de'i dus na de'i ma yar mo gang yin pa de ni/ dge slong ma mdza' mo 'di yin no/ /de'i ming po gnyis gang dag yin pa de gnyis ni dge slong mdza' bo dang / sa las skyes yin no/ / des ma yar mo la yang dag pa ma yin pas skur ba gang yin pa'i las de'i rnam par smin pas lo brgya phrag mang po dang / lo stong phrag mang po dag tu sems can dmyal ba dag tu gdungs nas las de nyid kyi lhag mas tshe rabs lnga brgyar de la 'dis yang dag pa ma yin pas skur cing de gnyis kyis kyang che bzhi phye'o/ /des na da ltar dgra bcom pa nyid thob kyang dge slong ma mdza' mos yang dag pa ma yin pas skur cing mdza' bo dang / sa las skyes gnyis kyis che bzhi phye bar gyur to/ /gnas mal 'bog pa rnams kyi mchog tu bstan pa gang yin pa de ni smon lam gyi dbang gis te/ gang du smon lam btab ce na dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'od srung 'jig rten du byung ste/ de bA rA Na sI na drang srong smra ba ri dgas kyi nags na nye bar brten cing bzhugs so/ /de'i bstan pa la 'di rab tu byung nas dge slong gang gis de rab tu phyung ba'i dge slong de de bzhin gshegs pa yang dag par rdzogs pa'i sangs rgyas 'od srung gis gnas mal 'bog pa rnams kyi mchog tu bstan to/ /de nas 'dis tshe ji srid par tshangs par spyod pa spyad na yon tan gyi tshogs 'ga' yang ma thob nas de'i 'og tu 'chi ba'i tshe smon lam 'di skad ces bdag gis/ bcom ldan 'das de bzhin gshegs pa yang dag par rdzogs pa'i sangs rgyas yon gnas bla na med pa 'od srung la tshe ji srid par tshangs par spyod pa spyad na yon tan gyi tshogs 'ga' yang ma thob ste/ bdag gis tshe ji srid par tshangs par spyod pa spyad pa'i dge ba'i rtsa ba 'dis bcom ldan 'das de bzhin gshegs pa yang dag par rdzogs pa'i sangs rgyas 'od srung gis bram ze'i khye'u bla ma la bram ze'i khye'u khyod ma 'ongs pa'i dus na skye dgu'i tshe lo brgya thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das shAkya thub pa zhes bya bar 'gyur ro zhes lung bstan pa de'i bstan pa la bdag rab tu byung nas nyon mongs pa thams cad spangs pas dgra bcom pa nyid mngon du byed cing / ji ltar mkhan po 'di bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis gnas mal 'bog pa rnams kyi mchog tu bstan pa de bzhin du/ bdag kyang bcom ldan 'das shAkya thub pa/ shAkya seng ge/ shAkya'i rgyal po gtso bo des gnas mal 'bog pa rnams kyi mchog tu bstan par gyur cig ces gdab par brtsams pas smon lam de'i dbang gis da ltar de bzhin gshegs pas gnas mal 'bog pa rnams kyi mchog tu bstan to/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang / 'dren ma rnams spangs te las gcig tu dkar ba rnams la brtsal bar bya ste/ dge slong dag khyod kyis de ltar bslab par bya'o/ /gzhi med par skur ba 'debs pa'i dge 'dun lhag ma ste brgyad pa rdzogs s+ho// // sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /de'i tshe na tshe dang ldan pa gyad bu nor rgyal po'i khab na bya rgod phung po'i ri la 'dug ste/ de dang ha cang mi ring ba na rdzing bu rdo rtsigs can zhes bya ba 'dug pa/ de'i 'gram na tshe dang ldan pa gyad bu nor nyin mo/ gnas par byed do/ /gang gi tshe ut+pa la'i mdog dge ba'i bshes gnyen tshe dang ldan pa maud gal gyi bu chen po la brten te legs par gsungs pa'i chos 'dul ba la rab tu byung zhing dgra bcom pa rnam par rgyal bar bya ba las rnam par rgyal bar gyur pa de'i tshe na de shes nas dad pa dang ldan pas bcom ldan 'das dang / dge slong gnas brtan gnas brtan rnams la yang dang yang du blta ba'i phyir 'gro zhing / lhag par yang tshe dang ldan pa gyad bu nor la 'di 'di ltar dgra bcom pa rnam par thar pa brgyad la bsam gtan par gyur kyang bsam gtan dang / rnam par thar pa dang / ting nge 'dzin la snyoms par 'jug pa'i bde ba dag spangs te dge 'dun gyi chos dang ldan pa'i zhal ta'i las dag la brtson par gyur pa ni dka' ba byed pa yin no snyam nas yang dang yang du de blta ba'i phyir 'gro'o/ / de dus gzhan zhig na bcom ldan 'das dang / dge slong gnas brtan gnas brtan rnams kyi zhabs la phyag 'tshal nas tshe dang ldan pa/ gyad bu nor ga la ba der song ste phyin nas tshe dang ldan pa gyad bu nor gyi rkang pa gnyis la mgo bos phyag 'tshal te chos mnyan pa'i phyir mdun du 'dug go/ /de'i tshe na dge slong mdza' bo dang / sa las skyes gnyis phyag dar khrod cig rnyed cing de gnyis tshe dang ldan pa gyad bu nor dang tshe rabs tshe rabs su 'khon byung ste/ rtag tu glan ka tshol ba la brtson pa yin pas/ mdza' bos smras pa/ sa las skyes phyag dar khrod rnyed pa 'di gang du 'khrur gzhug /sa las skyes kyis smras pa/ rdzing bu rdo rtsigs can ni rgyun lugs nyung zhing nyen kor gtsang ba yin pas der 'dong ngo / / de gnyis phyag dar khrod khyer te rdzing bu rdo rtsigs can du dong nas de gnyis kyis phyag dar khrod der 'khrur bcug nas/ nyi ma la bting ste 'khod do/ /de'i tshe na ri dgas kyi khyu dag rdzing bu rdo rtsigs can du lhags nas chu 'thungs te 'dong bar byed do/ /ri dgas dag gi chos nyid ni/ gcig gi rgyab tu gcig rgal bar byed pa yin pas/ ji tsam na ri dgas zhig gis/ ri dgas mo zhig gi rgyab tu rgal te mi tshangs par spyod pa 'khrig pa'i chos brten par brtsams so/ /de mdza' bos mthong nas des smras pa/ sa las skyes gyad bu nor 'di dge slong ma ut+pa la'i mdog la mi tshangs par spyod pa 'khrig pa'i chos bsten gyi 'dong la dge slong rnams la brjod par bya'o/ /sa las skyes kyis smras pa/ tshe dang ldan pa mdza' bo de'i tshe yang re shig bdag cag gnyis gnas nas dbyung ba'i las byas na ci da yang gnas nas dbyung ba'i las byed du 'jud par 'dod dam mdza' bos smras pa/ tshe dang ldan pa sa las skyes de'i tshe na ni yang dag pa ma yin pas yin gyi da ni bag tsam las bsam pa yod do/ /gyad bu nor dang dge slong ma ut+pa la'i mdog dang mi tshangs par spyod pa 'khrig pa'i chos bsten pa ma mthong ngam/ tshe dang ldan pa 'di la brdzun du smra ba ga la yod kyis tshur shog 'dong la dge slong rnams la brjod par bya'o/ /sa las skyes de mdza' bos bslus pa na btub par gyur nas de gnyis gtsug lag khang du dong ste dge slong rnams la smras pa/ tshe dang ldan pa dag 'di ltar bdag cag gnyis kyis tshe dang ldan pa gyad bu nor dge slong ma ut+pa la'i mdog dang / mi tshangs par spyod pa 'khrig pa'i/ chos sten pa mthong ste/ 'di la bdag cag gnyis gang gi dad pa 'am yid ches pas 'gro bar bya/ dge slong rnams kyis smras pa/ tshe dang ldan pa gnyis/ ci khyed gnyis lha dang / mi rnams gcig tu yongs su btang zhing / sems can dmyal ba dang / yi dags dang / dud 'gro ba rnams su gcig tu gnas sam/ ci na dge slong dgra bcom pa rnam par thar pa brgyad la bsam gtan pa/ mi'i chos bla ma'i rdzu 'phrul gyi cho 'phrul rnam par ston pa de la khyed gnyis gzhan gyi cha ma yin pa dang 'thun par pham par 'gyur ba'i chos kyis skur ba 'debs par byed/ de gnyis kyis smras pa/ tshe dang ldan pa dag de ni bdag cag gnyis kyis ma nyes kyi 'di ltar bdag cag gnyis kyi mig dag gis mthong bas mig dbyung bar bya grang / bcom ldan 'das kyis sngar ltar de gnyis la ci zhig mthong / ji ltar mthong / gang du mthong / khyed gnyis don ci la der son pas der mthong zhes legs par rab tu gleng bar gyis shig /brtag par gyis shig ces bka' stsal pas/ dge slong rnams kyis de gnyis la ci zhig mthong / ji ltar mthong / gang du mthong / khyed gnyis ci'i phyir der son pas der mthong zhes legs par rab tu glengs shing brtags so/ /dge slong rab tu mang po dag gis legs par rab tu glengs shing brtags pa na de gnyis kyis smras pa/ tshe dang ldan pa dag tshe dang ldan pa gyad bu nor gyis dge slong ma ut+pa la'i mdog la mi tshangs par spyod pa 'khrig pa'i chos ma bsten te/ 'di ltar tshe dang ldan pa gyad bu nor gyis bdag cag gnyis gang dag zos na rdzud par 'gyur ba shin du yid du mi 'ong ba'i zas ngan pa dag gis lan gsum gyi bar du tho btsams pas bdag cag gnyis kyis tshe dang ldan pa gyad bu nor la gzhan gyi cha ma yin pa dang 'thun pa pham par 'gyur pa'i chos kyis skur ba btab par zad kyi tshe dang ldan pa gyad bu nor gyis dge slong ma ut+pa la'i mdog la mi tshangs par spyod pa 'khrig pa'i chos ma bsten te/ 'di ltar dge slong dag pa ltung ba med pa yin no/ /dge slong don nyung ngu dag ci'i phyir dge slong dag dge slong dag pa ltung ba med pa la gzhan gyi cha ma yin pa dang 'thun pa pham par 'gyur pa'i chos kyis skur ba 'debs par byed ces smod par byed/ phyar ka gtong bar byed/ kha zer bar byed pa'i skabs de dag dge slong rnams kyis bcom ldan 'das la gsol to/ / de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khros shing / zhe sdang bar gyur nas ci nas kyang / 'di tshangs par spyod pa dang dbral lo snyam nas dge slong dag pa ltung ba med pa la gzhan gyi cha ma yin pa dang 'thun pa pham par 'gyur ba'i chos kyis skur ba las de dus gzhan zhig na dris kyang rung / ma dris kyang rung rtsod pa de yang gzhan gyi cha ma yin pa dang 'thun pa yin la rtsod pa de gzhan gyi cha ma yin pa dang 'thun pas bag tsam las bsams pa tsam gyi chos 'ga' zhig blangs par gyur la/ dge slong yang zhe sdang la gnas pas zhe sdang gis smras so zhe na/ dge 'dun lhag ma'o/ /yang dge slong gang zhes bya ba ni mdza' bo dang / sa las skyes sam/ gzhan yang de lta bu gang yin pa'o/ /khros shing zhes bya ba ni 'khrugs shing ngo / /zhe sdang bar gyur nas zhes bya ba ni yid mi dga' bar gyur nas te 'khrugs pa ma bsal bar ro/ /ci nas kyang 'di tshangs par spyod pa dang dbral lo snyam nas shes bya ba ni ci nas kyang 'di dge slong gi tshul dang dbral lo snyam nas so/ /dge slong dag pa zhes bya ba ni gyad bu nor ram/ gzhan yang de lta bu gang yin pa'o/ /ltung ba med pa la zhes bya ba ni gzhi de'i ltung ba med pa'o/ /gzhan gyi cha ma yin pa dang 'thun pa zhes bya ba ni mya ngan las 'das pa'o/ /de'i cha dang 'thun pa ma yin pa ni pham par 'gyur ba'i chos bzhi po dag go/ /pham par 'gyur ba'i zhes bya ba ni bzhi po gang yang rung ba'i 'o/ /chos kyis zhes bya ba ni chos ma yin pa chos kyi sgrar gsungs pas so/ /skur ba las zhes bya ba ni skur ba btab pa las so/ /de dus gzhan zhig na zhes bya ba ni de dus gzhan na'o/ /dris kyang rung zhes bya ba ni gzhan dag gis so/ /ma dris kyang rung zhes bya ba ni rang nyid 'gyod pa dang / cung zad 'gyod pa dang / rnam par 'gyod pa dang / rab tu 'gyod par gyur nas so/ /rtsod pa de yang zhes bya ba ni rtsod pa bzhi po 'gyed pa'i phyir rtsod pa dang / mi gdams pa'i phyir rtsod pa dang / ltung ba'i phyir rtsod pa dang / bya ba'i phyir rtsod pa'o/ /gzhan gyi cha ma yin pa dang 'thun pa yin la zhes bya ba ni/ mya ngan las 'das pa'i cha ma yin pa dang 'thun par pham par 'gyur ba/ zhes bya ba yin la'o/ / rtsod pa de gzhan gyi cha ma yin pa dang 'thun pas bag tsam las bsam pa tsam gyis chos 'ga' zhig blangs par gyur la zhes bya ba la/ bag tsam las bsam pa tsam gyis zhes bya ba ni ri dgas dang / ri dgas mo'i 'o/ chos shes bya ba ni chos ma yin pa de chos kyi sgrar gsungs pa'o/ /blangs par gyur la zhes bya ba ni bzung bar gyur la'o/ /dge slong yang zhe sdang la gnas pas shes bya ba ni skur ba 'debs par 'dod pas so/ /zhe sdang gis smras so zhe na zhes bya ba ni skur ba btab par gyur to zhes zer na'o/ /dge 'dun lhag ma'o zhes bya ba ni snga ma bzhin te/ des na dge 'dun lhag ma'o zhes gsungs so/ /de la ltung ba ji ltar 'gyur zhe na/ dge slong gis dge slong pham par 'gyur ba'i ltung ba 'byin par mthong zhing de de la ltung ba med pa'i lta ba thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ / dge slong gis dge slong pham par 'gyur ba'i ltung ba 'byin pa mthong zhing de de la dge 'dun lhag ma'i lta ba thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong pham par 'gyur ba'i ltung ba 'byin pa mthong zhing de de la ltung byed kyi lta ba thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba sgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong pham par 'gyur ba'i ltung ba 'byin pa mthong zhing de de la so sor bshags par bya ba'i lta ba thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong pham par 'gyur ba'i ltung ba 'byin pa mthong zhing de de la nyes byas kyi lta ba thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong dge 'dun lhag ma'i ltung ba 'byin pa mthong zhing de de la ltung ba med pa'i lta ba thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong dge 'dun lhag ma'i ltung ba 'byin pa mthong zhing de de la dge 'dun lhag ma'i lta ba nyid thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong dge 'dun lhag ma'i ltung ba 'byin pa mthong shing de de la ltung byed kyi lta ba thob par gyur nas des 'du shes bsgyur cing / bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong dge 'dun lhag ma'i ltung ba 'byin pa mthong zhing des de la so sor bshags par bya ba'i lta ba thob par gyur nas/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis/ dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong dge 'dun lhag ma'i ltung ba 'byin pa mthong zhing de de la nyes byas kyi lta ba thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong ltung byed kyi ltung ba 'byin pa mthong zhing de de la ltung ba med pa'i lta ba thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong ltung byed kyi ltung ba 'byin pa mthong zhing de de la dge 'dun lhag ma'i lta ba thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong ltung byed kyi ltung ba 'byin pa mthong zhing des de la ltung byed kyi lta ba nyid thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong ltung byed kyi ltung ba 'byin pa mthong zhing de la so sor gshags par bya ba'i lta ba thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong ltung byed kyi ltung ba 'byin pa mthong zhing de de la nyes byas kyi lta ba thob par gyur na des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong so sor bshags par bya ba'i ltung ba 'byin pa mthong zhing de de la ltung ba med pa'i lta ba thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong so sor bshags par bya ba'i ltung ba 'byin pa mthong zhing de de la dge 'dun lhag ma'i lta ba thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ / dge slong gis dge slong so sor bshags par bya ba'i ltung ba 'byin pa mthong zhing de de la ltung byed kyi lta ba thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong so sor bshags par bya ba'i ltung ba 'byin pa mthong zhing de de la so sor bshags par bya ba'i lta ba nyid thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong so sor bshags par bya ba'i ltung ba 'byin pa mthong zhing de de la nyes byas kyi lta ba thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong nyes byas kyi ltung ba 'byin pa mthong zhing de de la ltung ba med pa'i lta ba thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong nyes byas kyi ltung ba 'byin pa mthong zhing de de la dge 'dun lhag ma'i lta ba thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong nyes byas kyi ltung ba 'byin pa mthong zhing de de la ltung byed kyi lta ba thob par gyur nas des 'du shes bsgyur cing bzod pa dang / 'dod pa dang blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong nyes byas kyi ltung ba 'byin pa mthong zhing de de la so sor bshags par bya ba'i lta ba thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong nyes byas kyi ltung ba 'byin pa mthong zhing de de la nyes byas kyi lta ba nyid thob par gyur nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dril bsgrags pa la ni ltung ba med do/ /ngos la ri mor bris pa phan chad kyang ltung ba med de/ ji ltar bdag gis shes pa de bzhin du 'jig rten thams cad kyis kyang shes so snyam na'o/ /las dang po pa dang / myos pa dang / sems 'khrugs pa dang / tshor ba dag gis nyen pa la ltung ba med do/ /gzhan gyi cha ma yin pa dang 'thun pa'i dge 'dun lhag ma ste dgu pa rdzogs s+ho// // sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /de'i tshe na mu ge nyam nga ba dgon pa slongs mo pas bsod snyoms rnyed par dka' ba byung ba'o/ /de na dge slong gang dag rdzu 'phrul thob pa de dag ni gang gi ming gis 'dzam bu'i gling zhes bya bar shes pa'i shing 'dzam bu de las 'dzam bu'i 'bras bu lhags pa kha dog dang / dri dang / ro dang ldan pa dag dang / de'i nyen kor na skyu ru ra'i tshal dang / bil ba'i tshal dang / ka pid tha'i tshal nas de dag gi 'bras bu lhags pa kha dog dang / dri dang / ro dang ldan pa dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong rnams la yang bgo bsha' byed do/ /shar gyi lus 'phags dang / nub kyi ba lang spyod du yang song / byang gi sgra mi snyan du yang song ste/ ma rmos ma btab pa'i 'bras sa lu'i 'bru dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong rnams la yang bgo bsha' byed do/ /rgyal chen bzhi'i ris kyi lha rnams kyi nang du yang song / sum bcu rtsa gsum pa'i ris kyi lha rnams kyi nang du yang song ste lha'i bdud rtsi dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong dag la yang bgo bsha' byed do/ /yul gang dag 'byor pa rgyas pa bde ba/ lo legs pa/ skye bo dang mi mang pos gang ba de dag tu yang song ste bca' ba dang / bza' ba gtsang ba bsod pa dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong dag la yang bgo bsha' byed do/ /de nas lhas byin 'di snyam du sems te/ de ltar mu ge nyam nga ba dgon pa slongs mo pas bsod snyoms rnyed par dka' ba byung ste/ 'di na dge slong gang dag rdzu 'phrul thob pa de dag ni gang gi ming gis 'dzam bu'i gling zhes bya bar shes pa'i shing 'dzam bu de las 'dzam bu'i 'bras bu lhags pa/ kha dog dang / dri dang / ro dang ldan pa dag dang / de'i nyen kor na skyu ru ra'i tshal dang / bil ba'i tshal dang / ka pid tha'i tshal nas de dag gi 'bras bu lhags pa kha dog dang / dri dang / ro dang ldan pa dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong rnams la yang bgo bsha' byed/ shar gyi lus 'phags dang / nub kyi ba lang spyod du yang song / byang gi sgra mi snyan du yang song ste/ ma rmos ma btab pa'i 'bras sa lu'i 'bru dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong rnams la yang bgo bsha' byed/ rgyal chen bzhi'i ris kyi lha rnams kyi nang du yang song / sum bcu rtsa gsum pa'i ris kyi lha rnams kyi nang du yang song ste/ lha'i bdud rtsi dag gis lhung bzed bskang ste khyer nas bdag nyid kyang yongs su longs spyod par byed/ lhag ma yod na dge slong rnams la yang bgo bsha' byed/ yul gang dag 'byor pa/ rgyas pa/ bde ba/ lo legs pa/ skye bo dang / mi mang pos gang ba de dag tu yang song ste bca' ba dang bza' ba gtsang ba bsod pa dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong dag la yang bgo bsha' byed kyis/ bdag gis kyang gal te rdzu 'phrul thob par gyur na bdag gis kyang gang gi ming gis 'dzam bu'i gling zhes bya bar shes pa'i shing 'dzam bu de las 'dzam bu'i 'bras bu lhags pa kha dog dang / dri dang / ro dang ldan pa dag dang / de'i nyen kor na skyu ru ra'i tshal dang / bil ba'i tshal dang / ka pid tha'i tshal nas de dag gi 'bras bu lhags pa kha dog dang / dri dang / ro dang ldan pa dag gis lhung bzed bkang ste khyer nas bdag nyid kyang yongs su longs spyod par bya/ lhag ma yod na dge slong rnams la yang bgo bsha' bya/ shar gyi lus 'phags dang / nub kyi ba lang spyod du yang song / byang gi sgra mi snyan du yang song ste/ ma rmos ma btab pa'i 'bras sa lu'i 'bru dag gis lhung bzed bkang ste khyer nas bdag nyid kyang yongs su longs spyod par bya/ lhag ma yod na dge slong rnams la yang bgo bsha' bya/ rgyal chen bzhi'i ris kyi lha rnams kyi nang du yang song / sum bcu rtsa gsum pa'i ris kyi lha rnams kyi nang du yang song ste/ lha'i bdud rtsi dag gis lhung bzed bkang ste khyer nas bdag nyid kyang yongs su longs spyod par bya/ lhag ma yod na dge slong dag la yang bgo bsha' bya/ yul gang dag 'byor pa/ rgyas pa/ lo legs pa/ skye bo dang / mi mang pos gang ba de dag tu yang song ste bca' ba dang bza' ba gtsang ba bsod pa dag gis lhung bzed bkang ste khyer nas bdag nyid kyang yongs su longs spyod par bya/ lhag ma yod na dge slong dag la yang bgo bsha' bya na/ de'i phyir bdag nyid la rdzu 'phrul gyi lam ston par nus pa su yod snyam mo/ /de nas lhas byin bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go/ /mtha' gcig tu 'dug nas bcom ldan 'das la lhas byin gyis 'di skad ces gsol to/ /bcom ldan 'das kyis bdag la rdzu 'phrul gyi lam bstan du gsol/ de nas bcom ldan 'das kyis/ lhas byin la sdig pa can gyi 'dod pa'i rnam pa de lta bu de byung bar thugs su chud nas/ lhas byin la 'di skad ces bka' stsal to/ gau ta ma'i bu khyod kyis lhag pa'i tshul khrims la mngon par brtson par gyis shig dang / khyod la rdzu 'phrul dang gzhan yang 'byung bar 'gyur ro/ / gau ta ma'i bu khyod kyis lhag pa'i sems dang / lhag pa'i shes rab la mngon par btson par gyis shig dang / khyod la rdzu 'phrul dang gzhan yang 'byung bar 'gyur ro/ /de nas lhas byin 'di snyam du sems te/ bcom ldan 'das kyis bdag la rdzu 'phrul gyi lam mi ston to snyam du rig nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song nas tshe dang ldan pa kun shes kauN+Di n+ya ga la ba der song ste phyin nas/ tshe dang ldan pa kun shes kauN+Di n+ya la 'di skad ces smras so/ /gnas brtan gyis bdag la rdzu 'phrul gyi lam bstan du gsol/ tshe dang ldan pa kun shes kauN+Di n+yas bcom ldan 'das kyi thugs la yang rnam par bltas/ lhas byin la sdig pa can gyi 'dod pa'i rnam pa de lta bu de byung bar yang rig nas lhas byin la 'di skad ces smras so/ /lhas byin khyod kyis gzugs tshul bzhin yid la gyis shig dang / khyod la rdzu 'phrul dang / gzhan yang 'byung bar 'gyur ro/ /lhas byin khyod kyis tshor ba dang / 'du shes dang / 'du byed rnams dang / rnam par shes pa tshul bzhin yid la gyis shig dang / khyod la rdzu 'phrul dang / gzhan yang 'byung bar 'gyur ro/ /de nas lhas byin 'di snyam du sems te/ gnas brtan kun shes kauN+Di n+ya yang bdag la rdzu 'phrul gyi lam ston par mi byed do snyam du rig nas/ tshe dang ldan pa rta thul dang / bzang po dang / rlangs pa dang / ming chen dang / grags pa dang / gang po dang / dri med dang / ba lang bdag dang / lag bzangs la sogs pa gnas brtan lnga brgya po dag ga la ba der song ste phyin nas/ gnas brtan lnga brgya po dag la 'di skad ces smras so/ /gnas brtan dag gis bdag la rdzu 'phrul gyis lam bstan du gsol/ de nas gnas brtan lnga brgya po dag gis bcom ldan 'das dang dge slong gnas brtan gnas brtan rnams kyi thugs yid la rnam par bltas/ lhas byin la sdig pa can gyi 'dod pa'i rnam pa de lta bu de byung bar yang rig nas lhas byin la 'di skad ces smras so/ /lhas byin khyod kyis gzugs tshul bzhin yid la gyis shig dang / khyod la rdzu 'phrul dang / gzhan yang 'byung bar 'gyur ro/ /lhas byin khyod kyis tshor ba dang / 'du shes dang / 'du byed rnams dang / rnam par shes pa tshul bzhin du yid la gyis shig dang / khyod la rdzu 'phrul dang / gzhan yang 'byung bar 'gyur ro/ /de nas lhas byin 'di snyam du sems te/ gnas brtan lnga brgya po dag kyang bdag la rdzu 'phrul gyi lam mi ston te/ 'di ltar tshe dang ldan pa 'di dag gis sngar bcom ldan 'das dang lhan cig yang dag par 'gros par gyur pas des na 'ga' yang bdag la rdzu 'phrul gyi lam ston par mi byed na bdag la rdzu 'phrul gyi lam ston par nus pa gzhan su yod snyam mo/ /de'i tshe na tshe dang ldan pa 'od srung stobs bcu pa rgyal po'i khab na sde can ma'i phug na 'dug go/ /de nas lhas byin 'di snyam du sems te/ gnas brtan 'od srung stobs bcu pa 'di ni yun ring po nas g.yo med pa/ sgyu med pa/ drang po drang po'i rang bzhin can bdag gi phu nu bo rgan pa kun dga' bo'i mkhan po yin pas gnas brtan 'od srung stobs bcu pas bdag la rdzu 'phrul gyi lam ston par nus so snyam du rig nas/ tshe dang ldan pa 'od srung stobs bcu pa ga la ba der song ste phyin nas tshe dang ldan pa 'od srung stobs bcu pa'i rkang pa gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas/ tshe dang ldan pa 'od srung stobs bcu pa la lhas byin gyis 'di skad ces smras so/ /gnas brtan gyis bdag la rdzu 'phrul gyi lam bstan du gsol/ de nas tshe dang ldan pa 'od srung stobs bcu pas/ bcom ldan 'das dang dge slong gnas brtan gnas brtan rnams kyi thugs yid dang / lhas byin la sdig pa can gyi 'dod pa'i rnam pa de lta bu de byung ba la/ rnam par ma ltas par lhas byin la rdzu 'phrul gyi lam bstan to/ /de nas lhas byin gyis nam gyi cha stod dang nam gyi cha smad la mi nyal bar sbyor ba'i rjes su brtson pas/ spyod cing bsam gtan dang po la brten nas 'jig rten pa'i lam gyi rdzu 'phrul mngon par bsgrubs nas de gcig tu gyur nas mang por 'gyur ro/ /mang por gyur nas gcig tu 'gyur ro/ /shes pa dang / mthong bas snang ba dang / mi snang ba yang nyams su myong bar byed do/ /ngos kyi rtsig pa dang / ngos kyi ra ba dang / ri la yang lus kyis mi thogs par 'gro ste/ dper na nam mkha' la bya ba bzhin no/ /sa la yang steng du 'byung ba dang / bye'u zul byed do/ /dper na chu la bya ba bzhin no/ /chu la yang mi nub par rgyun phyogs su 'gro ste/ dper na sa chen po la bya ba bzhin no/ / nam mkha' la yang dkyil mo dkrung gis 'gro ste/ dper na 'dab chags bya bzhin no/ /du ba 'thul bar yang byed/ 'bar bar yang byed de/ dper na me'i phung po chen po bzhin no/ /lus las chu'i rgyun chen po 'byin te/ dper na sprin chen po bzhin no/ /nyi ma dang / zla ba 'di gnyis 'di ltar rdzu 'phrul che ba/ 'di ltar mthu che ba/ 'di ltar gzi brjid che ba la yang lag pas nom zhing nyug par byed do/ /de nas lhas byin 'di snyam du sems te/ bdag la gang gi ming gis 'dzam bu'i gling zhes bya bar shes pa'i shing 'dzam bu de las 'dzam bu'i 'bras bu lhags pa kha dog dang / dri dang / ro dang ldan pa rnams dang / de'i nyen kor na skyu ru ra'i tshal dang / bil ba'i tshal dang / ka pid tha'i tshal de las de dag gi 'bras bu lhags pa kha dog dang / dri dang / ro dang ldan pa rnams kyis lhung bzed bkang ste khyer nas bdag nyid kyang yongs su longs spyad par bya/ lhag ma yod na dge slong dag la yang bgo bsha' bya ba dang / shar gyi lus 'phags dang / nub kyi ba lang spyod du yang song / byang gi sgra mi snyan du yang song ste/ ma rmos ma btab pa'i 'bras sa lu'i 'bru dag gis lhung bzed bkang ste khyer nas bdag nyid kyang yongs su longs spyad par bya/ lhag ma yod na dge slong dag la yang bgo bsha' bya ba dang / rgyal chen bzhi'i ris kyis lha rnams kyi nang du yang song / sum bcu rtsa gsum pa'i ris kyi lha rnams kyi nang du yang song ste/ lha'i bdud rtsi dag gis lhung bzed bkang ste khyer nas bdag nyid kyang yongs su longs spyad par bya/ lhag ma yod na dge slong dag la yang bgo bsha' bya ba dang / yul gang dag 'byor pa/ rgyas pa/ bde ba/ lo legs pa/ skye bo dang / mi mang pos gang ba de dag nas bca' ba dang / bza' ba gtsang ba bsod pa dag gis lhung bzed bkang ste khyer nas bdag nyid kyang yongs su longs spyod par bya/ lhag ma yod na dge slong dag la yang bgo bsha' bya bas ci zhig byas/ bdag gis ma ga d+ha'i zhing 'di na mi gtso bo gang yin pa rjes su 'jug par bya na/ ma ga d+ha'i zhing 'di na gang rjes su 'jug par byas nas tshegs chung ngus skye bo phal po che'i tshogs kyang rjes su 'jug par 'gyur ba'i mi'i gtso bo rjes su 'jug par bya ba gang yod snyam mo/ /de nas lhas byin 'di snyam du sems te/ gzhon nu ma skyes dgra 'di ni/ pha 'das nas/ pha'i rgyal srid kyi dbang phyug gi bdag po la gnas par gyur pa yin gyis/ bdag gis gzhon nu ma skyes dgra rjes su 'jug par bya ste/ de rjes su zhugs pa na/ tshegs chung ngus skye bo phal po che'i tshogs kyang rjes su 'jug par 'gyur ro snyam mo/ /de nas lhas byin gyis glang po che mthu dang ldan pa'i bu rigs btsun par bsgyur nas gzhon nu ma skyes dgra'i khyim du sgo nas zhugs te/ sge'u cung nas phyir byung zhing sge'u cung nas zhugs te/ sgo nas phyir byung ngo / /rta mthu dang ldan pa'i bu rigs btsun par bsgyur nas sgo nas/ zhugs te sge'u cung nas phyir byung zhing / sge'u chung nas zhugs te/ sgo nas phyir byung ngo / /de nas dge slong mgo bregs pa snam sbyar gyon par bsgyur nas gzhon nu ma skyes dgra'i khyim du sgo nas zhugs te/ sge'u cung nas phyir byung zhing / sge'u cung nas zhugs te/ sgo nas phyir byung ba dang / gzhon nu ma skyes dgras kyang kye ma 'di ni 'phags pa lhas byin yin no snyam du shes so/ /de nas lhas byin gyis skyes phran gzhon nu gser gyi 'og pag can du bsgyur nas gzhon nu ma skyes dgra'i pang pa na 'gre bar byed/ ldog par byed cing / gzhon nu ma skyes dgra yang de la 'khyud par byed/ kha sbyor bar byed/ kun tu 'khyud par byed cing / de'i khar mchil ma yang ldugs par byed pa na yang 'di lta ste/ lhas byin rnyed pa dang / bkur stis zil gyis gnon cing sems yongs su gtugs pas de yang myid par byed do/ /gzhon nu ma skyes dgras kyang kye ma/ 'di ni 'phags pa lhas byin yin no/ / snyam du yang shes so/ /de nas gzhon nu ma skyes dgras/ kye ma 'phags pa lhas byin ni ston pa bas kyang ches rdzu 'phrul che ba yin no snyam pa'i sdig pa can gyi lta ba rgya chen po thob par gyur cing de la dad pa'i ched du bya ba byed par gyur te nang par dang / dgongs kar shing rta lnga brgya tsam dang / lhan cig 'byung zhing / de la bsnyen bkur byed do/ /de la snod du btsos pa lnga brgya tsam gyi zas kyi tshom bu tshom bu dag 'bul bar byed do/ /lhas byin yang dge slong lnga brgya tsam dang lhan cig zas kyi gral du bkad par byed do/ /de nas dge slong rab tu mang po dag snga dro sham thabs bgos lhung bzed dang / chos gos thogs te rgyal po'i khab tu bsod snyoms la zhugs pa na dge slong rab tu mang po dag rgyal po'i khab na bsod snyoms rgyu bas lhas byin la rnyed pa dang / bkur sti rnam pa 'di lta bu 'di 'byung ste/ lus 'phags ma'i bu ma ga d+har byung ba'i rgyal po ma skyes dgra nang par dang / dgongs kar shing rta lnga brgya tsam dang / lhan cig 'byung zhing / de la bsnyen bkur byed do/ /de la snod du btsos pa lnga brgya tsam gyi zas kyi tshom bu tshom bu dag kyang 'bul bar byed do/ /lhas byin yang dge slong lnga brgya tsam dang lhan cig zas kyi gral du bkad par byed do zhes thos so/ /thos nas kyang rgyal po'i khab tu bsod snyoms brgyus nas/ zas kyi bya ba byed te/ phyi ma'i zas kyi bsod snyoms las phyir log pas/ lhung bzed dang chos gos mkhos su phab ste/ rkang pa gnyis bkrus nas/ bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te/ mtha' gcig tu 'khod do/ /mtha' gcig tu 'khod nas/ bcom ldan 'das la dge slong rab tu mang po dag gis 'di skad ces gsol to/ /btsun pa 'di na bdag cag dge slong rab tu mang po dag /snga dro sham thabs 'tshal/ lhung bzed dang / chos gos thogs te rgyal po'i khab tu bsod snyoms la zhugs pa na/ bdag cag dge slong rab tu mang po dag rgyal po'i khab na bsod snyoms rgyu bas/ lhas byin la rnyed pa dang / bkur sti rnam pa 'di lta bu 'di byung ste/ lus 'phags ma'i bu ma ga d+har byung ba'i rgyal po ma skyes dgra/ nang par dang / dgongs kar shing rta lnga brgya tsam dang / lhan cig 'byung zhing / de la bsnyen bkur bgyid do/ /de la snod du bsgral ba lnga brgya tsam gyi zas kyi tshom bu tshom bu dag kyang 'bul bar bgyid do/ /lhas byin yang dge slong lnga brgya tsam dang lhan cig zas kyi gral du bkad par bgyid do zhes thos so/ /dge slong dag khyed cag lhas byin gyi rnyed pa dang bkur sti la dga' bar ma byed cig /de ci'i phyir zhe na/ dge slong dag lhas byin gyi rnyed pa dang bkur sti ni gsod par 'gyur ba dang / lhas byin gyi rnyed pa dang / bkur sti ni zil gyis gnon par 'gyur ba yin pa'i phyir ro/ / dge slong dag 'di lta ste/ dper na chu shing 'bras bu rgyas pa ni gsod par 'gyur ba dang / chu shing 'bras bu rgyas pa ni zil gyis gnon par 'gyur ba de bzhin du lhas byin gyi rnyed pa dang bkur sti yang gsod par 'gyur ba dang / lhas byin gyi rnyed pa dang bkur sti yang zil gyis gnon par 'gyur ba yin no/ /'di lta ste/ dper na 'od ma dang / 'dam bu 'bras bu rgyas pa ni gsod par 'gyur ba dang / 'od ma dang / 'dam bu'i 'bras bu rgyas pa ni/ zil gyis gnon par 'gyur ba de bzhin du/ lhas byin gyi rnyed pa dang / bkur sti yang gsod par 'gyur ba dang / lhas byin gyi rnyed pa dang / bkur sti yang zil gyis gnon par 'gyur ba yin no/ / 'di lta ste/ dper na dre'u mos mngal na gnas pa 'dzin pa ni gsod par 'gyur ba dang / dre'u mos mngal na gnas pa 'dzin pa ni zil gyis gnon par 'gyur ba de bzhin du lhas byin gyi rnyed pa dang bkur sti yang gsod par 'gyur ba dang / lhas byin gyi rnyed pa dang / bkur sti yang zil gyis gnon par 'gyur ba yin no/ /dge slong dag lhas byin la ji tsam du rnyed pa dang / bkur sti rnam pa de lta bu de 'byung bar 'gyur ba ni mi gti mug can de la yun ring por don med pa dang / gnod pa dang / sdug bsngal du 'gyur ro/ /dge slong dag de lta bas na/ khyod kyis 'di ltar bslab par bya ste/ rnyed pa dang / bkur sti zil gyis gnon par bya zhing rnyed pa dang / bkur sti byung bas/ sems yongs su gtug shing / gnas par mi bya ste/ dge slong dag khyed kyis de ltar bslab par bya'o/ / bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to/ /chu shing 'bras bus gsod par byed/ /'od ma'i 'dam bu 'bras bus gsod/ /dre'u mo rang gi mngal gyis ltar/ /mi ngan bkur stis gsod par byed/ /byis pa ji tsam grags gyur pa/ /don med nyid du 'gyur ba yin/ /byis pa'i dkar cha gsod byed cing / /rtse mo las kyang ltung bar 'gyur/ /de nas lhas byin rnyed pa dang / bkur stis zil gyis non cing sems yongs su gtugs pa la sdig pa can gyi 'dod pa'i rnam pa 'di lta bu 'di byung ste/ da ltar bcom ldan 'das ni rgan po rgas pa dgog tu gyur pas 'khor bzhi po/ dge slong dang / dge slong ma dang / dge bsnyen dang / dge bsnyen ma la 'doms pas ngal bar 'gyur bas/ kye ma bcom ldan 'das kyis dge slong gi dge 'dun bdag la btang bar gyur na bdag gis kyang dge slong gi dge 'dun yongs su drang bar bya zhing / bcom ldan 'das kyang tshe 'di la bde bar gnas pa la sbyor ba'i rjes su brtson pas/ thugs las chung ngur gnas par 'gyur ro snyam mo/ /sems bskyed ma thag tu de'i rdzu 'phrul yongs su nyams par gyur cing yongs su nyams kyang bdag yongs su nyams so snyam du mi shes par gyur to/ /de'i tshe na bcom ldan 'das kyi nyan thos ko'u t+ya'i bu dge slong nog can gyis bcom ldan 'das kyi drung du tshangs par spyod pa spyad pa de tshangs pa'i gnas bzhi po dag bsgoms nas/ 'dod pa dag la 'dod pa la 'dun pa spangs te des mang du gnas pas tshangs pa'i 'jig rten dang ris mthun par skyes so/ /de'i tshe na tshe dang ldan pa maud gal gyi bu chen po ngan spong gi bu dag na chu srin byis pa gsod kyi ri la 'jigs rung gi tshal ri dgas kyi nags na 'dug go/ /de nas tshangs pa nog can gyis lhas byin rdzu 'phrul de las yongs su nyams par rig nas 'di lta ste/ dper na skyes bu stobs dang ldan pas lag ngar bskums pa las brkyang ba 'am/ brkyang ba las bskum par byed pa de bzhin du tshangs pa nog can tshangs pa'i 'jig rten nas mi snang bar gyur nas ngan spong gi bu dag tu chu srin byis pa gsod kyi ri la 'jigs rung gi tshal ri dgas kyi nags su tshe dang ldan pa maud gal gyi bu chen po'i mdun du 'dug go/ /de nas tshe dang ldan pa maud gal gyi bu chen po la tshangs pa nog can gyis 'di skad ces smras so/ /'phags pa maud gal gyi bu mkhyen par mdzod cig / lhas byin gyi rnyed pa dang / bkur stis zil gyis non cing sems yongs su gtugs pa la sdig pa can gyi 'dod pa'i rnam pa 'di lta bu 'di byung ste/ da ltar bcom ldan 'das ni rgan po rgas pa dgog tu gyur pas 'khor bzhi po/ dge slong dang / dge slong ma dang / dge bsnyen dang / dge bsnyen ma la 'doms pas ngal bar 'gyur bas/ kye ma bcom ldan 'das kyis dge slong gi dge 'dun bdag la btang bar gyur na/ bdag gis kyang dge slong gi dge 'dun drang bar bya zhing bcom ldan 'das kyang tshe 'di la bde bar gnas pa la sbyor ba'i rjes su brtson pas/ thugs las chung ngur gnas par 'gyur ro snyam nas sems bskyed ma thag tu de'i rdzu 'phrul yongs su nyams par gyur cing / yongs su nyams kyang / bdag yongs su nyams so snyam du mi shes par gyur gyis btsun pa maud gal gyi bu chen po bcom ldan 'das ga la ba der bzhud de byon nas don de bcom ldan 'das la rgyas par gsol na legs so/ /tshe dang ldan pa maud gal gyi bu chen pos tshangs pa nog can la cang mi smra bas dang du blangs so/ /de nas tshe dang ldan pa nog can gyis tshe dang ldan pa maud gal gyi bu chen pos cang mi smra bas dang du blangs par rig nas tshe dang ldan pa maud gal gyi bu chen po'i rkang pa gnyis la mgo bos phyag 'tshal te/ de nyid du mi snang bar gyur to/ /de nas tshe dang ldan pa maud gal gyi bu chen pos tshangs pa nog can song nas ring po ma lon par rig nas/ ji ltar sems mnyam par bzhag na/ 'di lta ste dper na/ skyes bu stobs dang ldan pas lag ngar bskums pa las brkyang ba 'am/ brkyang ba las bskum par byed pa de bzhin du tshe dang ldan pa maud gal gyi bu chen po ngan spong gi bu dag nas mi snang bar gyur cing / rgyal po'i khab tu 'od ma'i tshal bya ka lan da ka'i gnas su gnas par gyur pa de lta bu'i ting nge 'dzin la snyoms par zhugs so/ /de nas tshe dang ldan pa maud gal gyi bu chen po bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go/ /mtha' gcig tu 'dug nas/ tshe dang ldan pa maud gal gyi bu chen pos de la tshangs pa nog can dang lhan cig bar du gtam brjod pa ci byung bar gyur pa de dag thams cad bcom ldan 'das la rgyas par gsol to/ /de skad ces gsol pa dang / bcom ldan 'das kyis tshe dang ldan pa maud gal gyi bu chen po la 'di skad ces bka' stsal to/ /maud gal gyi bu khyod kyis ches sngar lhas byin gyis sems la sems kyis khyab par byas te rig nas de'i 'og tu tshangs pa nog can gyis ma brjod dam/ btsun pa de lags te/ bdag gis ches sngar lhas byin gyis sems la sems kyis khyab par bgyis te rig nas de'i 'og tu tshangs pa nog can gyi brjod lags so/ /bcom ldan 'das tshe dang ldan pa maud gal gyi bu chen po dang thabs gcig bar du bka' mchid 'di gsung ba'i skabs su lhas byin grogs dge slong bzhi po ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin dang lhan cig bcom ldan 'das ga la ba der song ngo / /bcom ldan 'das kyis lhas byin thag ring po kho na nas gzigs so/ /gzigs nas kyang tshe dang ldan pa maud gal gyi bu chen po la bka' stsal pa/ maud gal gyi bu lhas byin de 'ong zhing da mi gti mug can de nga'i mdun du bdag nyid kyi bdag nyid lung ston par byed gyis da tshig srungs shig /de nas tshe dang ldan pa maud gal gyi bu chen pos bcom ldan 'das kyi zhabs gnyis la mgo bos phyag 'tshal te/ ji ltar sems mnyam par bzhag na/ 'di lta ste/ dper na skyes bu stobs dang ldan pas/ lag ngar bskum pa las brkyang ba 'am/ brkyang ba las bskum par byed pa de bzhin du tshe dang ldan pa maud gal gyi bu chen po rgyal po'i khab kyi 'od ma'i tshal bya ka lan da ka'i gnas nas mi snang bar gyur cing ngan spong gi bu dag tu chu srin byis pa gsod kyi ri la 'jigs rung gi tshal ri dgas kyi nags su gnas par gyur pa de lta bu'i ting nge 'dzin la snyoms par zhugs so/ /de nas lhas byin bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go/ /mtha' gcig tu 'dug nas/ bcom ldan 'das la lhas byin gyis 'di skad ces gsol to/ /da ltar bcom ldan 'das ni/ bgres po bgres pa/ dgog tu gyur pas 'khor bzhi po/ dge slong dang / dge slong ma dang / dge bsnyen dang / dge bsnyen ma la 'doms pas mnyel bar 'gyur bas bcom ldan 'das kyis dge slong gi dge 'dun bdag la btang na legs te/ bdag gis dge slong gi dge 'dun yongs su drang bar bgyi zhing bcom ldan 'das kyang tshe 'di la bde bar gnas pa la sbyor ba'i rjes su brtson pas thugs las chung ngur gnas par 'gyur ro/ /mi gti mug can shA ri'i bu dang / maud gal gyi bu tshangs pa mtshungs par spyod pa des pa des pa dag la yang re shig dge slong gi dge 'dun gtong bar mi byed na/ ro 'dra ba mchil ma za ba khyod la gtong re skan/ de nas lhas byin 'di snyam du sems te/ bcom ldan 'das kyis shA ri'i bu dang / maud gal gyi bu gnyis kyi bsngags pa brjod cing / bdag la ro dang 'dra ba/ mchil ma za ba zhes brjod pas kun du spyad do snyam nas/ de na lhas byin gyis de'i dang por bcom ldan 'das la kun nas mnar sems dang / mi bzod pa dang / yid mi ches pa byas par gyur to/ /de nas lhas byin gyis/ sdod cig ces brjod de/ mgo lan gsum lcogs nas bcom ldan 'das kyi spyan snga nas song ngo // // / (cha) @#/ ! /'dul ba lung bzhugs so/ / (黃) 律師戒行經第六部 'dul ba rnam par 'byed pa/ bam po nyi shu gnyis pa/ de'i tshe na tshe dang ldan pa kun dga' bo bcom ldan 'das kyi snam logs na bsil yab thogs te bcom ldan 'das la bsil yab kyis g.yob cing 'dug go/ /de nas bcom ldan 'das kyis lhas byin song nas ring po ma lon par thugs su chud nas tshe dang ldan pa kun dga' bo la bka' stsal pa/ kun dga' bo song la 'od ma'i tshal ka lan dka'i gnas na dge slong ji snyed nye bar rten cing gnas pa de dag thams cad dpong sa'i khang par sdus shig / tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas/ ' od ma'i tshal ka lan da ka'i gnas na dge slong ji snyed nye bar rten cing gnas pa de dag thams cad dpong sa'i khang par bsdus nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' cig tu 'dug go/ /mtha' cig tu 'dug nas bcom ldan 'das la tshe dang ldan pa kun dga' bos 'di skad ces gsol to/ /btsun pa 'od ma'i tshal ka lan da ka'i gnas na dge slong ji snyed nye bar rten cing gnas pa de dag thams cad dpong sa'i khang par mchis shing 'thun par gyur na bcom ldan 'das da de'i dus la bab par dgongs su gsol/ de nas bcom ldan 'das dpong sa'i khang pa ga la ba der gshegs te byon nas/ dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag lnga po 'di dag ni 'jig rten na yod cing srid pa'i ston pa dag yin te/ lnga gang zhe na/ 'di na ston pa gcig ni tshul khrims yongs su ma dag bzhin du bdag gi tshul khrims yongs su dag cing kun nas nyon mongs pa med do zhes dam 'cha' bar byed de/ de la nyan thos rnams kyis lhan cig 'grogs pa'i rgyus ston pa shes ldan 'di ni tshul khrims yongs su ma dag bzhin du bdag gi tshul khrims yongs su dag cing kun nas nyon mongs pa med do zhes dam 'cha' bar shes mod kyi/ bdag cag gis gal te ston pa 'di gzhan la brjod par gyur na/ des 'di yid mi dga' bar 'gyur bas bdag cag la gang gis 'di yid mi dga' bar gyur pa des ston pa la kun du spyad pas ci bya ste/ ston pa shes ldan 'di rang nyid kyis shes par zad do/ /'di bdag cag la 'di lta ste chos gos dang / bsod snyoms dang / gnas mal dang / na ba'i rkyen dang / sman gyi yo byad dag gis sems par byed do snyam pas nyan thos rnams kyang de la tshul khrims kyi sgo nas rjes su bsrung ba bya bar sems so/ /ston pa de lta bu ni nyan thos rnams las tshul khrims rjes su srung bar re bar byed de/ 'di ni 'jig rten na yod cing srid pa'i ston pa dang po yin no/ / gzhan yang 'di na ston pa gcig ni 'tsho ba yongs su ma dag bzhin du bdag gi 'tsho ba yongs su dag cing kun nas nyon mongs pa med do zhes dam 'cha' bar byed de/ de la nyan thos rnams kyis lhan cig 'grogs pa'i rgyus ston pa shes ldan 'di ni 'tsho ba yongs su ma dag bzhin du bdag gi 'tsho ba yongs su dag cing kun nas nyon mongs pa med do zhes dam 'cha' bar shes mod kyi/ bdag cag gis ston pa 'di gal te gzhan la brjod par gyur na des 'di yid mi dga' bar 'gyur bas bdag cag la gang gis 'di yid mi dga' bar gyur pa des ston pa la kun du spyad pas ci bya ste/ ston pa shes ldan 'di rang nyid shes par zad do/ /'di bdag cag la 'di lta ste/ chos gos dang / bsod snyoms dang / gnas mal dang / na ba'i rkyen dang / sman gyi yo byad dag gis sems par byed do/ /snyam pas nyan thos rnams kyang de la 'tsho ba'i sgo nas rjes su bsrung ba bya bar sems so/ /ston pa de lta bu ni nyan thos rnams las 'tsho ba rjes su srung ba re bar byed de/ 'di ni 'jig rten na yod cing srid pa'i ston pa gnyis pa yin no/ /gzhan yang 'di na ston pa gcig ni shes pa dang mthong ba yongs su ma dag bzhin du bdag gi shes pa dang mthong ba yongs su dag cing kun nas nyon mongs pa med do zhes dam 'cha' bar byed de/ de la nyan thos rnams kyis lhan cig 'grogs pa'i rgyus ston pa shes ldan 'di ni shes pa dang mthong ba yongs su ma dag bzhin du bdag gi shes pa dang mthong ba yongs su dag cing kun nas nyon mongs pa med do zhes dam 'cha' bar shes mod kyi bdag cag gis ston pa 'di gzhan la brjod par gyur na des 'di yid mi dga' bar 'gyur bas/ bdag cag la gang gis 'di yid mi dga' bar gyur pa des ston pa la kun du spyad pas ci bya ste/ ston pa shes ldan 'di rang nyid shes par zad do/ /'di bdag cag la 'di lta ste/ chos gos dang bsod snyoms dang / gnas mal dang / na ba'i rkyen dang / sman gyi yo byad dag gis sems pa byed do snyam pas nyan thos rnams kyang de la shes pa dang mthong ba'i sgo nas rjes su bsrung ba bya bar sems so/ /ston pa de lta bu ni nyan thos rnams las shes pa dang mthong ba rjes su srung ba re bar byed de/ 'di ni 'jig rten na yod cing srid pa'i ston pa gsum pa yin no/ /gzhan yang 'di na ston pa gcig ni brda' sprod pa phun sum tshogs pa ma yin bzhin du bdag ni brda' sprod pa phun sum tshogs shing kun nas nyon mongs pa med do/ / zhes dam 'cha' bar byed de/ de la nyan thos rnams kyis lhan cig 'grogs pa'i rgyus ston pa shes ldan 'di ni brda' sprod pa phun sum tshogs pa ma yin bzhin du bdag ni brda' sprod pa phun sum tshogs shing kun nas nyon mongs pa med do zhes dam 'cha' bar shes mod kyi/ bdag cag gis ston pa 'di gzhan la brjod par gyur na des 'di yid mi dga' bar 'gyur bas bdag cag la gang gis 'di yid mi dga' bar gyur pa des ston pa la kun du spyad pas ci bya ste/ ston pa shes ldan 'di rang nyid shes par zad do/ /'di bdag cag la 'di lta ste chos gos dang bsod snyoms dang gnas mal dang / na ba'i rkyen dang sman gyi yo byad dag gis sems par byed do snyam pas nyan thos rnams kyang de la brda' sprod pa phun sum tshogs pa'i sgo nas rjes su bsrung ba bya bar sems so/ /ston pa de lta bu ni nyan thos rnams las brda' sprod pa phun sum tshogs pa rjes su srung ba re bar byed de/ 'di ni 'jig rten na yod cing srid pa'i ston pa bzhi pa yin no/ /gzhan yang 'di na ston pa gcig ni chos 'dul ba nyes par bshad pa dang ldan bzhin du bdag ni chos 'dul ba legs par gsungs pa dang ldan zhing kun nas nyon mongs pa med do zhes dam 'cha' bar byed de/ de la nyan thos rnams kyis lhan cig 'grogs pa'i rgyus ston pa shes ldan 'di ni chos 'dul ba nyes par bshad pa dang ldan bzhin du bdag ni chos 'dul ba legs par gsungs pa dang ldan zhing kun nas nyon mongs pa med do/ /zhes dam 'cha' bar shes mod kyi/ bdag cag gis ston pa 'di gzhan la brjod par gyur na/ des 'di yid mi dga' bar 'gyur bas bdag cag la gang gis 'di yid mi dga' bar gyur pa des ston pa la kun du spyad pas ci bya ste/ ston pa shes ldan 'di rang nyid shes par zad do/ /'di bdag cag la 'di lta ste chos gos dang bsod snyoms dang gnas mal dang na ba'i rkyen dang sman gyi yo byad dag gis sems par byed do snyam pas nyan thos rnams kyang de la chos 'dul ba legs par gsungs pa'i sgo nas rjes su bsrung ba bya bar sems so/ /ston pa de lta bu ni nyan thos rnams las chos 'dul ba legs par bshad pa rjes su srung ba re bar byed de/ 'di ni 'jig rten na yod cing srid pa'i ston pa lnga pa yin no/ /dge slong dag nga ni tshul khrims yongs su dag pa kho na yin pas nga'i tshul khrims yongs su dag cing kun nas nyon mongs pa med do zhes dam 'cha' bar byed de/ nga la nyan thos rnams tshul khrims kyi sgo nas rjes su bsrung ba bya bar mi sems shing nga yang nyan thos rnams las tshul khrims rjes su srung ba re bar mi byed do/ /dge slong dag nga ni 'tsho ba yongs su dag pa kho na yin pas nga'i 'tsho ba yongs su dag cing kun nas nyon mongs pa med do zhes dam 'cha' bar byed de nga la nyan thos rnams 'tsho ba'i sgo nas rjes su bsrung ba bya bar mi sems shing nga yang nyan thos rnams las 'tsho ba yongs su srung ba re bar mi byed do/ /dge slong dag nga ni shes pa dang mthong ba yongs su dag pa kho na yin pas nga'i shes pa dang mthong ba yongs su dag cing kun nas nyon mongs pa med do zhes dam 'cha' bar byed do/ nga la nyan thos rnams shes pa dang mthong ba'i sgo nas rjes su bsrung ba bya bar mi sems shing nga yang nyan thos rnams las shes pa dang mthong ba rjes su srung ba re bar mi byed do/ /dge slong dag nga ni brda' sprod pa phun sum tshogs pa kho na yin pas nga'i brda' sprod pa phun sum tshogs shing kun nas nyon mongs pa med do zhes dam 'cha' bar byed de/ nga la nyan thos rnams brda' sprod pa phun sum tshogs pa'i sgo nas rjes su srung ba bya bar mi sems shing / nga yang nyan thos rnams las brda' sprod pa phun sum tshogs pa rjes su srung ba re bar mi byed do / /dge slong dag nga ni chos 'dul ba legs par gsungs pa dang ldan pa kho na yin pas nga'i chos 'dul ba legs par gsungs pa yin zhing kun nas nyon mongs pa med do zhes dam 'cha' bar byed de/ nga la nyan thos rnams chos 'dul ba legs par gsungs pa'i sgo nas rjes su bsrung ba bya bar mi sems shing / nga yang nyan thos rnams las chos 'dul ba legs par bshad pa rjes su srung ba re bar mi byed do/ /dge slong dag nga ni khyed la tshar bcad cing tshar bcad cing smra bar byed zil gyis mnan cing zil gyis mnan cing smra bar byed de/ khyed la dbyig tu mi 'dzin cing rdza mkhan gyi snod so ma btang ba dag bzhin du gang snying po yod pa de 'jog par byed kyis nga'i tshig gi lam dag la bzod par gyis shig /de nas lhas byin gyis ko ka li ka dang / khan da dra bya dang / ka ta mo ra ka ti sh+ya dang / rgya mtshos byin dag la smras pa/ ko ka li ka /khan da dra bya/ ka ta mo ra ka ti sh+ya/ rgya mtshos byin dag khyed cag tshur sheg /dge sbyong gau ta ma 'dug bzhin du nyan thos kyi dge 'dun 'thun pa dbye bar bya zhing 'khor lo yang dbye bar bya ste/ des na bdag cag shi zhing / dus la bab pa dag la dge sbyong gau ta ma de tsam du rdzu 'phrul che ba/ de tsam du mthu che ba 'dug bzhin du lhas byin dang / ko ka li ka dang / khan da dra bya dang / ka ta mo ra ka ti sh+ya dang / rgya mtshos byin gyis nyan thos kyi dge 'dun 'thun pa phye zhing 'khor lo yang dbye ba byas so zhes phyogs dang phyogs mtshams rnams su snyan pa'i sgra'i tshogs rgya chen po dge ba mngon par grags par 'gyur ro/ /lhas byin bdag cag gis de ltar byar mi nus te/ de ci'i phyir zhe na/ bcom ldan 'das kyi nyan thos mthu che ba/ rdzu 'phrul che ba/ lha'i mig dang ldan pa/ gzhan gyi sems shes pa gang dag yod pa de dag ni thag ring po yang mthong la drung na 'dug pas kyang mi mthong zhing de dag gi sems kyis bdag cag gi sems la khyab par bya ste/ yid kyis kyang bdag cag rnam par shes par byed pas de dag gis bdag cag 'phags pa nyid kyang shes par 'gyur ba'i phyir ro/ /ko ka li ka thabs 'ga' zhig yod do/ /lhas byin thabs de gang yin/ tshur sheg dang bdag cag dge slong gnas brtan gnas brtan rnams kyi drung du dong ste/ gnas brtan dag thugs las chung ngur mdzod cig dang bdag cag gis gnas brtan rnams yo byad thams cad kyis mi brel bar bgyi'o zhes yo byad thams cad kyis bstabs par bya'o/ /gzhon nu rnams la ni lhung bzed dang chos gos dang dra ba dang phor bu dang ska rags dang lung dbog pa dang / klag pa dang kha ton dang / rnal 'byor dang yid la bya bas bsnyen bkur dang stongs mo bya'o/ /lhas byin gal te thabs de lta bu yod na de ltar bya'o/ /de nas lhas byin gyis dge 'dun 'thun pa dbye ba'i phyir brtul ba dang / dge slong gnas brtan gnas brtan rnams kyis 'phags ma thag tu lhas byin gyis dge 'dun 'thun pa dbye ba'i phyir brtul to/ / zhes rnam par shes par gyur nas/ dge slong rnams kyis skabs de bcom ldan 'das la gsol pa dang / de nas bcom ldan 'das kyis dge slong rnams la bka' stsal pa/ dge slong dag lhas byin dang gzhan yang de lta bu gang yin pa la bzhams te bsgo bar bya'o/ /'di skad ces bsgo bar bya ste/ tshe dang ldan pa lhas byin khyod dge 'dun 'thun pa dbye ba'i phyir rtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug shig / tshe dang ldan pa lhas byin khyod dge 'dun dang 'thun par gyis shig /dge 'dun 'thun mi phyed kun du dga' mi rtsod mchog gcig 'don pa gcig cing / chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pa lhas byin khyod dge 'dun 'byed par byed pa'i gzhi 'di lta bu 'di thong shig ces bsgo bar bya'o/ /dge slong rnams kyis btsun pa bka' bzhin 'tshal zhes bcom ldan 'das las mnyan nas lhas byin la tshe dang ldan pa lhas byin khyod dge 'dun 'thun pa dbye ba'i phyir rtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug shig /tshe dang ldan pa lhas byin khyod dge 'dun dang 'thun par gyis shig /dge 'dun 'thun mi phyed kun du dga' mi rtsod mchog gcig 'don pa gcig cing / chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pa lhas byin khyod dge 'dun 'byed par byed pa'i gzhi 'di lta bu 'di thong shig ces bzhams te bsgo'o/ /dge slong rnams kyis de la bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la rgyas par gsol pa dang / bcom ldan 'das kyis bka' stsal pa/ dge slong dag khyed kyis lhas byin dang gzhan yang de lta bu gang yin pa la gsol ba dang bzhi'i las kyis bsgo bar bya'o/ /'di ltar bsgo bar bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa la dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong lhas byin 'dis dge 'dun 'thun pa dbye ba'i slad du brtul te/ dbyen bgyid par 'gyur ba'i rtsod pa yang dag par blangs nas rab tu bzung ste mchis nas/ 'di la dge slong mang pos bzhams te bsgo na 'di la dge slong mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis lhas byin la tshe dang ldan pa lhas byin khyod dge 'dun 'thun pa dbye ba'i phyir brtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug shig /tshe dang ldan pa lhas byin khyod dge 'dun dang 'thun par gyis shig /dge 'dun 'thun mi phyed kun du dga' mi rtsod mchog gcig /'don pa gcig cing / chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pa lhas byin khyod dge 'dun 'byed par byed pa'i gzhi 'di lta bu 'di thong shig ces gsol ba dang bzhi'i las kyis bsgo ba mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong lhas byin 'dis dge 'dun 'thun pa dbye ba'i slad du brtul te dbyen bgyid par 'gyur ba'i rtsod pa yang dag par blangs nas rab tu bzung ste mchis nas/ 'di la dge slong mang pos bzhams te bsgo na 'di la dge slong mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di ni bden gyi gzhan ni brdzun pa'o zhes rjes su tha snyad 'dogs par bgyid de/ de'i slad du dge 'dun gyis lhas byin la tshe dang ldan pa lhas byin khyod dge 'dun 'thun pa dbye ba'i phyir rtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug shig /tshe dang ldan pa lhas byin khyod dge 'dun dang 'thun par gyis shig /dge 'dun 'thun mi phyed kun du dga' mi rtsod mchog gcig /'don pa gcig cing / chu dang 'o ma gcig tu 'dres pa lta bur gyur la ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pa lhas byin khyod dge 'dun 'byed par byed pa'i gzhi 'di lta bu 'di thong shig ces gsol ba dang bzhi'i las kyis bsgo ba mdzad na / tshe dang ldan pa gang dag lhas byin la gsol ba dang bzhi'i las kyis bsgo ba mdzad par bzod pa de dag ni cang ma gsungs shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis lhas byin la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to/ /dge slong rnams kyis btsun pa bka' bzhin 'tshal zhes bcom ldan 'das las mnyan nas lhas byin la gsol ba dang bzhi'i las kyis bsgo'o/ /gsol ba dang bzhi'i las kyis bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed do/ /de'i grogs byed pa'i dge slong mi mthun par smra ba'i rjes su phyogs pa bzhi po ko ka li ka dang / khan da dra bya dang / ka ta mo ra ka ti sh+ya dang / rgya mtshos byin de dag kyang dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa dge slong 'di ni shes bzhin du smra'i/ mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes zer ba'i skabs de dge slong rnams kyis bcom ldan 'das la rgyas par gsol pa dang / bcom ldan 'das kyis bka' stsal pa/ dge slong dag ko ka li ka dang / khan da dra bya dang / ka ta mo ra ka ti sh+ya dang / rgya mtshos byin dang / gzhan yang de lta bu gang yin pa la bzhams te bsgo bar bya'o/ /'di skad bsgo bar bya ste/ tshe dang ldan pa ko ka li ka /khan da dra bya/ ka ta mo ra ka ti sh+ya/ rgya mtshos byin khyed shes bzhin du dge slong gang dge 'dun 'thun pa dbye ba'i phyir rtul bar byed cing / dbyen byed par 'gyur ba'i rtsod pa yang dag par blangs nas rab tu bzung ste 'dun pa de'i grogs byed cing mi 'thun par smra ba'i rjes su phyogs par ma byed cig /dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa dge slong 'di ni shes bzhin du smra'i/ mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes ma zer cig /de ci'i phyir zhe na/ tshe dang ldan pa dag dge slong 'di ni chos smra ba ma yin/ 'dul ba smra ba ma yin gyi/ tshe dang ldan pa dag dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos ma yin pa dang 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong 'di ni mi shes bzhin du smra'i shes par ma yin pa'i phyir te/ dge slong 'di gang la 'dod cing bzod pa de la tshe dang ldan pa dag 'dod cing bzod par ma byed cig /tshe dang ldan pa dag khyed dge 'dun 'byed 'dod par ma byed par tshe dang ldan pa dag dge 'dun 'thun pa nyid du 'dod par gyis shig tshe dang ldan pa dag dge 'dun dang 'thun par gyis shig /dge 'dun 'thun mi phyed kun du dga' mi rtsod/ mchog gcig 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pa dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig ces bsgo bar bya'o/ /dge slong rnams kyis btsun pa bka' bzhin 'tshal zhes bcom ldan 'das las mnyan nas de'i grogs byed pa'i dge slong mi mthun par smra ba'i rjes su phyogs pa bzhi po ko ka li ka dang / khan da dra bya dang / ka Ta mo ra ka ti sh+ya dang / rgya mtshos byin rnams la 'di skad ces tshe dang ldan pa dag khyed shes bzhin du dge slong gang dge 'dun 'thun pa dbye ba'i phyir rtul bar byed cing dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs byed cing mi mthun par smra ba'i rjes su phyogs par ma byed cig /dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang / 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni shes bzhin du smra'i mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes ma zer cig /de ci'i phyir zhe na/ tshe dang ldan pa dag dge slong 'di ni chos smra ba ma yin/ 'dul ba smra ba ma yin gyi/ tshe dang ldan pa dag dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos ma yin pa dang / 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong 'di ni mi shes bzhin du smra'i shes par ma yin pa'i phyir te/ dge slong 'di gang la 'dod cing bzod pa de la tshe dang ldan pa dag 'dod cing bzod par ma byed cig /tshe dang ldan pa dag khyed dge 'dun 'byed 'dod par ma byed par tshe dang ldan pa dag dge 'dun 'thun pa nyid du 'dod par gyis shig /tshe dang ldan pa dag dge 'dun dang 'thun par gyis shig /dge 'dun 'thun mi phyed kun du dga' mi rtsod/ mchog gcig 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pa dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig ces bsgo'o/ /dge slong rnams kyis de dag la bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la rgyas par gsol pa dang / bcom ldan 'das kyis bka' bstsal pa/ dge slong dag khyed kyis ko ka li ka dang / khan da dra bya dang / ka Ta mo ra ka ti sh+ya dang / rgya mtshos byin rnams dang / gzhan yang de lta bu gang yin pa la gsol ba dang bzhi'i las kyis bsgo bar bya'o/ /'di ltar bsgo bar bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa la dge slong gcig gis gsol ba byas te las bya'o/ /dge 'dun btsun pa rnams gsan du gsol/ ko ka li ka dang / khan da dra bya dang / ka Ta mo ra ka ti sh+ya dang / rgya mtshos byin 'di dag dge slong gang dge 'dun 'thun pa dbye ba'i slad du rtul bar bgyid cing dbyen bgyid par 'gyur ba'i rtsod pa yang dag par blangs nas rab tu bzung ste mchis pa de'i grogs bgyid cing mi 'thun par smra nas/ 'di dag la dge slong rnams kyis bzhams te bsgo na 'di dag la dge slong rnams kyis bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis ko ka li ka dang / khan da dra bya dang / ka Ta mo ra ka ti sh+ya dang / rgya mtshos byin rnams la tshe dang ldan pa dag khyed shes bzhin du dge slong gang dge 'dun 'thun pa dbye ba'i phyir rtul bar byed dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs byed cing mi 'thun par smra ba'i rjes su phyogs par ma byed cig /dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang / 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni shes bzhin du smra'i mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes ma zer shig /de ci'i phyir zhe na/ tshe dang ldan pa dag dge slong 'di ni chos smra ba ma yin/ 'dul ba smra ba ma yin gyi/ tshe dang ldan pa dag dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos ma yin pa dang / 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong 'di ni mi shes bzhin du smra'i shes par ma yin pa'i phyir te/ dge slong 'di gang la 'dod cing bzod pa de la tshe dang ldan pa dag 'dod cing bzod par ma byed cig /tshe dang ldan pa dag khyed dge 'dun 'byed 'dod par ma byed par tshe dang ldan pa dag dge 'dun 'thun pa nyid du 'dod par gyis shig /tshe dang ldan pa dag dge 'dun dang 'thun par gyis shig /dge 'dun 'thun mi phyed kun du dga' mi rtsod/ mchog gcig 'don pa gcig cing / chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pa dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig ces gsol ba dang bzhi'i las kyis bsgo ba mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ ko ka li ka dang / khan da dra bya dang / ka Ta mo ra ka ti sh+ya dang / rgya mtshos byin 'di dag dge slong gang dge 'dun 'thun pa dbye ba'i slad du rtul bar bgyid cing dbyen bgyid par 'gyur ba'i rtsod pa yang dag par blangs nas rab tu bzung ste mchis pa de'i grogs bgyid cing mi mthun par smra nas 'di dag la dge slong rnams kyis bzhams te bsgo na/ 'di dag la dge slong rnams kyis bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid de/ de'i slad du dge 'dun gyis ko ka li ka dang / khan da dra bya dang / ka Ta mo ra ka ti sh+ya dang / rgya mtshos byin rnams la/ tshe dang ldan pa dag khyed shes bzhin du dge slong gang dge 'dun 'thun pa dbye ba'i phyir rtul bar byed cing dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs byed cing mi mthun par smra ba'i rjes su phyogs par ma byed cig dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang / 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni shes bzhin du smra'i mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes ma zer cig de ci'i phyir zhe na/ tshe dang ldan pa dag dge slong 'di ni chos smra ba ma yin/ 'dul ba smra ba ma yin gyi tshe dang ldan pa dag dge slong 'di ni chos ma yin pa smra ba/ 'dul ba ma yin pa smra ba dge slong 'di ni chos ma yin pa dang / 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong 'di ni mi shes bzhin du smra'i shes par ma yin pa'i phyir te/ dge slong 'di gang la 'dod cing bzod pa de la tshe dang ldan pa dag 'dod cing bzod par ma byed cig /tshe dang ldan pa dag khyed dge 'dun 'byed 'dod par ma byed par tshe dang ldan pa dag dge 'dun 'thun pa nyid du 'dod par gyis shig /tshe dang ldan pa dag dge 'dun dang 'thun par gyis shig /dge 'dun 'thun mi phyed kun du dga' mi rtsod/ mchog gcig 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pa dag dge 'dun 'byed pa'i rjes su phyogs shing / mi mthun par smra ba 'di lta bu 'di thong shig ces gsol ba dang bzhi'i las kyis bsgo ba mdzad na/ tshe dang ldan pa gang dag ko ka li ka dang / khan da dra bya dang / ka Ta mo ra ka ti sh+ya dang / rgya mtshos byin rnams gsol ba dang bzhi'i las kyis bsgo ba mdzad par bzod pa de dag ni cang ma gsung shig gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis ko ka li ka dang / khan da dra bya dang / ka Ta mo ra ka ti sh+ya dang / rgya mtshos byin rnams la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to/ /dge slong rnams kyis btsun pa bka' bzhin 'tshal zhes bcom ldan 'das las mnyan nas ko ka li ka dang / khan da dra bya dang / ka Ta mo ra ka ti sh+ya dang / rgya mtshos byin rnams la gsol ba dang bzhi'i las kyis bsgo'o/ /gsol ba dang bzhi'i las kyis bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la rgyas par gsol to/ /de nas bcom ldan 'das kyis dge slong rnams la bka' stsal pa/ dge slong dag lhas byin gyis nga'i nyan thos kyi dge 'dun 'thun pa dbye ba dang 'khor lo yang 'byed par nus te/ 'di ltar de'i grogs byed pa'i dge slong mi mthun par smra ba nyid kyi rjes su phyogs pa bzhi po ko ka li ka dang / khan da dra bya dang / ka Ta mo ra ka ti sh+ya dang / rgya mtshos byin dag yod pa'i phyir ro/ /lhas byin gyis dge sbyong gau ta mas dge slong dag lhas byin gyis nga'i nyan thos kyi dge 'dun 'thun pa dbye ba dang 'khor lo yang 'byed par nus te 'di ltar de'i grogs byed pa'i dge slong mi mthun par smra ba nyid kyi rjes su phyogs pa bzhi po ko ka li ka dang / khan da dra bya dang / ka Ta mo ra ka ti sh+ya dang / rgya mtshos byin dag yod pa'i phyir ro zhes bdag la lung bstan to zhes thos so/ /thos nas kyang ko ka li ka dang / khan da drab bya dang / ka Ta mo ra ka ti sh+ya dang / rgya mtshos byin rnams la smras pa/ ko ka li ka dang / khan da dra bya dang / ka Ta mo ra ka ti sh+ya dang / rgya mtshos byin dag shes par gyis shig /dge sbyong gau ta mas lhas byin gyis nga'i nyan thos kyi dge 'dun 'thun pa dbye ba dang 'khor lo yang 'byed par nus te/ 'di ltar de'i grogs byed pa'i dge slong mi mthun par smra ba nyid kyi rjes su phyogs pa bzhi po ko ka li ka dang / khan da dra bya dang / ka Ta mo ra ka ti sh+ya dang / rgya mtshos byin dag yod pa'i phyir ro zhes kho bo la lung bstan to/ /de dag gis smras pa/ lhas byin gal te de lta na legs so/ /des rgya cher dge 'dun 'thun pa dbye ba'i phyir brtul bar brtsams pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ sangs rgyas bcom ldan 'das kyis lhas byin la rmas pa/ lhas byin khyod gyis dge 'dun 'thun pa dbye ba'i phyir brtul zhing dbyen byed par 'gyur ba'i rtsod pa yang dag par blangs nas rab tu bzung ste 'dug pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes bya ba la sogs pas rnam par smad pa snga ma bzhin no/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par rjes su gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab ba'i gzhi 'di ltar gdon par bya ste/ yang dge slong gang dge 'dun 'thun pa dbye ba'i phyir rtul bar byed cing dbyen byed par 'gyur ba'i rtsod pa yang dag par blangs nas rab tu bzung ste 'dug na/ dge slong de la dge slong rnams kyis 'di skad ces tshe dang ldan pa khyed dge 'dun 'thun pa dbye ba'i phyir rtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug shig /tshe dang ldan pa dge 'dun dang 'thun par gyis shig dge 'dun 'thun mi phyed kun du dga' mi rtsod/ mchog gcig 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pa khyed dge 'dun 'byed par byed pa'i gzhi 'di lta bu 'di thong shig ces bsgo bar bya'o/ /dge slong de la dge slong rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na dge 'dun lhag ma'o/ /yang dge slong gang zhes bya ba ni lhas byin nam gzhan yang de lta bu gang yin pa'o/ /dge 'dun zhes bya ba ni de bzhin gshegs pa'i nyan thos kyi dge 'dun no/ /'thun pa zhes bya ba ni ro gcig pa'o/ /dbye ba'i phyir zhes bya ba ni gnyis su bya ba'i phyir ro/ /rtul bar byed cing zhes bya ba ni rtsol bar byed cing ngo / /dbyen byed par 'gyur ba'i rtsod pa yang dag par blangs nas rab tu bzung ste 'dug na zhes bya ba ni ko ka li ka dang / khan da dra bya dang / ka Ta mo ra ka ti sh+ya dang / rgya mtshos byin dag yang dag par blangs nas rab tu bzung ste 'dug na'o/ /dge slong de la zhes bya ba ni lhas byin la'o/ /dge slong rnams kyis shes bya ba ni chos 'di pa rnams kyis so/ /'di skad ces shes bya ba ni bzhams te bsgo ba ji skad sngar bstan pa ltar bsgo bar bya'o/ /dge slong de la dge slong rnams kyis de skad bsgo ba na zhes bya ba ni bzhams te bsgo ba na'o/ /gal te gzhi de gtong na zhes bya ba ni lta ba de yongs su gtong na'o/ /de lta na legs zhes bya ba ni de lta na bzang ba'o/ /gal te mi gtong na zhes bya ba ni yongs su mi gtong na'o/ /lan gnyis lan gsum du yang dag par bsgo bar bya/ yang dag par bstan par bya'o zhes bya ba ni gsol ba dang bzhi'i las kyis bsgo ba ji skad sngar bstan pa ltar bsgo bar bya ste/ yang dag par bsgo ba de ni de yin/ yang dag par bstan pa de ni de yin no/ /dge 'dun lhag ma'o zhes bya ba ni snga ma bzhin du ltung ba de dge 'dun la rag las pa yin te/ des na dge 'dun lhag ma'o zhes gsungs so/ /de la ltung bar ji ltar 'gyur zhe na/ dge slong gis cung zad ji tsam du dge 'dun 'thun pa dbye ba'i phyir rtul bar byed na thams cad du nyes byas su 'gyur ro/ /dge slong gis bzhams te bsgo ba na gzhi de gtong na de lta na legs/ gal te mi gtong na nyes pa sbom por 'gyur ro/ /gsol ba dang bzhi'i las kyis bsgo ba na gzhi de gtong na de lta na legs/ gal te mi gtong na gsol ba byas pa na nyes pa sbom por 'gyur ro/ /las brjod pa dang po brjod pa na ma rdzogs par gzhi de gtong na de lta na legs/ gal te mi gtong na rdzogs par brjod pa na nyes pa sbom por 'gyur ro/ /las brjod pa gnyis pa brjod pa na ma rdzogs par gzhi de gtong na de lta na legs/ gal te mi gtong na rdzogs par brjod pa na nyes pa sbom por 'gyur ro/ /las brjod pa gsum pa brjod pa na ma rdzogs par gzhi de gtong na de lta na legs/ gal te mi gtong na nyes pa sbom por 'gyur ro/ /rdzogs par brjod pa na gal te 'thun pa dang chos ma yin pas bsgo bar byed na ltung ba med do/ /mi mthun pa dang chos kyi bsgo bar byed na ltung ba med do/ /'thun pa dang chos ltar bcos pas bsgo bar byed na ltung ba med do/ /mi mthun pa dang chos ma yin pa ltar bcos pas bsgo bar byed na ltung ba med do/ / chos ji lta ba dang / 'dul ba ji lta ba dang / ston pa'i bstan pa ji lta ba de ltar bsgo bar mi byed na ltung ba med do/ /chos ji lta ba dang 'dul ba ji lta ba dang / ston pa'i bstan pa ji lta ba de ltar 'thun pas bsgo bar byed na rdzogs par brjod pa na dge 'dun lhag mar 'gyur ro/ /dge slong des stan de la 'dug bzhin du 'di skad ces tshe dang ldan pa dag bdag la dge 'dun lhag ma'i ltung ba byung ngo zhes brjod par bya ste/ gal te de skad brjod na de lta na legs/ gal te mi brjod na de phyin chad nas de la 'chab pa'i nyes pa 'byung bar 'gyur ro/ /de bas na dge slong gis ji tsam du gzhi des ma bshags shing so sor ma bshags par gsol ba dang / gsol ba dang gnyis dang / gsol ba dang bzhi'i las nyams su myong bar byed na thams cad du nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dge 'dun gyi dbyen byed pa'i dge 'dun lhag ma ste bcu pa rdzogs s+ho// // de nas bcom ldan 'das kyis gdan de nyid la bzhugs bzhin du 'dul ba la nyan thos rnams kyi bslab pa'i gzhi gnyis pa bca' bar bzhed nas dge slong rnams la bka' stsal pa/ dge slong dag dge 'dun gyis bya ba cung zhig yod kyis re shig stan las ma ldang shig /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa snga ma bzhin no/ /sangs rgyas bcom ldan 'das kyis ko ka li ka dang / khan da dra bya dang / ka Ta mo ra ka ti sh+ya dang / rgya mtshos byin rnams la rmas pa/ ko ka li ka /khan da dra bya/ ka Ta mo ra ka ti sh+ya/ rgya mtshos byin khyed shes bzhin du dge slong gang dge 'dun 'thun pa dbye ba'i phyir rtul bar byed cing dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs byed cing mi 'thun par smra ba'i rjes su phyogs nas dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang / 'dul ba yang dag par blangs nas rab tu bzung ste rjes su tha snyad 'dogs par byed pa dge slong 'di ni shes bzhin du smra'i mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes smras pa bden nam/ btsun pa mad do/ /sangs rgyas bcom ldan 'das kyis dge slong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes bya ba la sogs pas rnam par smad pa snga ma bzhin no/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par rjes su gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong de'i grogs byed pa'i dge slong mi mthun par smra ba nyid kyi rjes su phyogs pa gcig gam/ gnyis sam/ mang po dag yod cing / gal te de dag dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa dge slong 'di ni shes bzhin du smra'i mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes zer na dge slong de dag la dge slong rnams kyis 'di skad ces tshe dang ldan pa dag khyed cag de skad ces dge slong 'di ni chos smra ba/ 'dul ba smra ba/ dge slong 'di ni chos dang / 'dul ba yang dag par blangs nas/ rab tu bzung ste rjes su tha snyad 'dogs par byed pa/ dge slong 'di ni shes bzhin du smra'i mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes ma zer cig /de ci'i phyir zhe na/ tshe dang ldan pa dag dge slong 'di ni chos smra ba ma yin/ 'dul ba smra ba ma yin gyi/ tshe dang ldan pa dag dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos ma yin pa dang / 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong 'di ni mi shes bzhin du smra'i shes par ma yin pa'i phyir te/ dge slong 'di gang la 'dod cing bzod pa de la tshe dang ldan pa dag 'dod cing bzod par ma byed cig /tshe dang ldan pa dag khyed dge 'dun 'byed 'dod par ma byed par tshe dang ldan pa dag dge 'dun 'thun pa nyid du 'dod par gyis shig /tshe dang ldan pa dag dge 'dun dang 'thun par gyis shig /dge 'dun 'thun mi phyed kun du dga' mi rtsod/ mchog gcig /'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pa dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig ces bsgo bar bya'o/ /dge slong de dag la dge slong rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ /yang dag par bstan pa na gzhi de gtong na de lta na legs/ gal te mi gtong na dge 'dun lhag ma'o/ /dge slong de'i zhes bya ba ni lhas byin gyi'o/ /grogs byed pa'i dge slong zhes bya ba ni ko ka li ka dang / khan da dra bya dang / ka Ta mo ra ka ti sh+ya dang / rgya mtshos byin dag go/ mi mthun par smra ba nyid kyi rjes su phyogs pa zhes bya ba ni lta ba de dag dang / 'dod pa de dag dang / bsam pa de dag dang ldan pa'o/ /gcig gam/ gnyis sam/ mang po dag yod cing zhes bya ba ni gnyis las lhag pa ni mang ba'o/ /gal te de dag ces bya ba ni rjes su phyogs pa de dag go/ /dge slong rnams la zhes bya ba ni chos 'di pa rnams la'o/ /'di skad ces shes bya ba ni 'di skad ces zer na'o/ /dge yang rung zhes bya ba ni dge ba la sbyor bar yang ma byed cig pa'o/ /sdig kyang rung zhes bya ba ni sdig pa las zlog par yang ma byed cig ces bya ba'o/ /dge slong 'di la zhes bya ba ni lhas byin la'o/ /ci yang ma smra shig ces bya ba ni cung zad kyang ma smra shig pa'o/ /de ci'i phyir zhe na/ tshe dang ldan pa dag dge slong 'di ni chos smra ba 'dul ba smra ba/ dge slong 'di ni chos dang / 'dul ba yang dag par blangs nas rab tu bzung ste rjes su tha snyad 'dogs par byed pa zhes bya ba ni chos ji lta ba dang / 'dul ba ji lta ba dang / ston pa'i bstan pa ni lta ba de ltar rjes su tha snyad 'dogs par byed pa'o/ /dge slong 'di ni shes bzhin du smra'i mi shes par ma yin pa'i phyir te zhes bya ba ni don rtogs pa yin gyi/ don ma rtogs pa ma yin pa'i phyir ro/ /dge slong 'di gang la 'dod cing bzod pa de la bdag cag kyang 'dod cing bzod do/ /zhes zer na zhes bya ba ni dge slong lhas byin 'di gzhi gang 'dod pa de bdag cag kyang 'dod do zhes zer na'o/ /dge slong de dag la zhes bya ba ni ko ka li ka dang / khan da dra bya dang / ka Ta mo ra ka ti sh+ya dang / rgya mtshos byin dag la 'o/ /dge slong rnams kyis shes bya ba ni chos 'di pa rnams kyis so/ /'di skad ces shes bya ba ni bzhams te bsgo ba ji skad sngar bstan pa ltar bsgo bar bya ba'o/ /dge slong de dag la dge slong rnams kyis de skad bsgo ba na zhes bya ba ni bzhams te bsgo ba na'o/ /gal te gzhi de gtong na zhes bya ba ni lta ba de yongs su gtong na'o/ /de lta na legs zhes bya ba ni de lta na bzang ba'o/ /gal te mi gtong na zhes bya ba ni yongs su mi gtong na'o/ /lan gnyis lan gsum du yang dag par bsgo bar bya/ yang dag par bstan par bya'o zhes bya ba ni gsol ba dang / bzhi'i las kyis bsgo ba ji skad sngar bstan pa ltar bsgo bar bya ba ste/ yang dag par bsgo ba de ni de yin/ yang dag par bstan pa de ni de yin no/ /dge 'dun lhag ma'o zhes bya ba ni snga ma bzhin du ltung ba de dge 'dun la rag las pa yin te/ des na dge 'dun lhag ma'o zhes gsungs so/ /de la ltung bar ji ltar 'gyur zhe na/ dge slong gis cung zad ji tsam du dge 'dun 'thun pa dbye ba'i phyir rtul bar byed cing dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs byed cing mi mthun pa smra ba'i rjes su phyogs par byed na thams cad du nyes byas su 'gyur ro/ /dge slong gis bzhams te bsgo ba na gzhi de gtong na de lta na legs/ gal te mi gtong na nyes pa sbom par 'gyur ro/ /gsol ba dang bzhi'i las kyis bsgo ba na gzhi de gtong na de lta na legs/ gal te mi gtong na gsol ba byas pa na nyes pa sbom por 'gyur ro/ /las brjod pa dang po brjod pa na ma rdzogs par gzhi de gtong na de lta na legs/ gal te mi gtong na rdzogs par brjod pa na nyes pa sbom por 'gyur ro/ /las brjod pa gnyis pa brjod pa na ma rdzogs par gzhi de gtong na de lta na legs/ gal te mi gtong na rdzogs par brjod pa na nyes pa sbom bor 'gyur ro/ /las brjod pa gsum pa brjod pa na ma rdzogs par gzhi de gtong na de lta na legs/ gal te mi gtong na nyes pa sbom por 'gyur ro/ /rdzogs par brjod pa na gal te 'thun pa dang / chos ma yin pas bsgo bar byed na ltung ba med do/ /mi mthun pa dang chos kyis bsgo bar byed na ltung ba med do/ / 'thun pa dang / chos ltar bcos pas bsgo bar byed na ltung ba med do/ /mi mthun pa dang / chos ma yin pa ltar bcos pas bsgo bar byed na ltung ba med do/ /chos ji lta ba dang / 'dul ba ji lta ba dang / ston pa'i bstan pa ji lta ba de ltar bsgo bar mi byed na ltung ba med do/ /chos ji lta ba dang / 'dul ba ji lta ba dang / ston pa'i bstan pa ji lta ba de ltar 'thun pas bsgo bar byed na rdzogs par brjod pa na dge 'dun lhag mar 'gyur ro/ /dge slong des stan de la 'dug bzhin du 'di skad ces tshe dang ldan pa dag bdag la dge 'dun lhag ma'i ltung ba byung ngo zhes brjod par bya ste/ gal te de skad brjod na de lta na legs/ gal te mi brjod na de phyin cad nas de la 'chab pa'i nyes pa 'byung bar 'gyur ro/ /de bas na dge slong gis ji tsam du gzhi des ma bshags shing so sor ma bshags par gsol ba dang / gsol ba dang gnyis dang / gsol ba dang bzhi'i las nyams su myong bar byed na thams cad du nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /rjes su phyogs pa'i dge 'dun lhag ma ste bcu gcig pa rdzogs so// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe re lde ri la dge slong 'gro mgyogs dang / nab so gnyis dang / dge slong dmar ser can khyim sun 'byin pa/ sdig pa'i chos kun du spyod pa dag 'khod do/ /de dag bud med kyi yul dang lhan cig tho 'tsham par byed/ kun du rtse bar byed/ kun tu ca co 'don par byed/ rgod pa dang / dregs pa dang / lus sgyur bar byed/ stan gcig la 'dug par byed/ snod gcig tu za bar byed/ phor bu gcig tu myos par 'gyur ba'i btung ba sna tshogs dag 'thung bar byed/ me tog dag 'thog par byed/ 'thog tu 'jud par byed/ phreng ba dag rgyud par byed/ rgyud du 'jud par byed/ me tog rna rgyan dag thogs par byed/ thogs su 'jud par byed/ bro brdung bar byed/ bro rdung du 'jud par byed/ glu len par byed/ glu len du 'jud par byed/ rol mo'i sgra 'byin par byed/ rol mo'i sgra 'byin du 'jud par byed/ bro mkhas pa dang / glu mkhas pa dang / rol mo'i sgra 'byin pa mkhas pa la ngo so las byung ba sbyin par byed/ chos gos dag brdzes te rgyug par byed/ mchong bar byed/ rab tu mchong bar byed/ brla skor bar byed/ lag pa skor bar byed/ nya ltar skor bar byed/ chur 'phyo ba 'phen par byed/ chu la rnga mang du ka ltar rdung bar byed/ glang po che'i skad kyi sgra 'byin par byed/ rta'i skad kyi sgra 'byin par byed/ khyu mchog gi skad kyi sgra 'byin par byed/ rma bya'i skad kyi sgra 'byin par byed/ khu byug gi skad kyi sgra 'byin par byed/ khas rdza rnga'i sgra 'byin par byin par byed/ khas dung gi sgra 'byin par byed/ khas rnga bo che'i sgra 'byin par byed/ glang po che'i thab mo yang byed/ glang po che'i thab mo byed du 'jud par yang byed/ rta'i thab mo dang / khyu mchog gi thab mo dang / ma he'i thab mo dang / ra'i thab mo dang / lug gi thab mo dang / bud med kyi thab mo dang / skyes pa'i thab mo dang / gzhon nu'i thab mo dang / gzhon nu ma'i thab mo dang / bya gag gi thab mo dang / thi ba'i thab mo dang / ngur pa'i thab mo yang byed/ byed du 'jud par yang byed de/ de dag dang gzhan yang dge slong gi las ma yin pa dag byed cing byed du 'jud de/ de dag gi spyod tshul dang / spyod pa dang / log par sgrub pa des re lde'i ri la dge slong ma 'ongs pa dag kyang mi 'ong la/ 'ongs pa dag kyang mngon par mi dga' zhing re lde'i ri'i gnas spong bar byed do/ /re lde'i ri la gnas pa'i bram ze dang / khyim bdag dag kyang yid mi dga' zhing zhe bcil bar gyur nas dge slong gnyug mar gnas pa dag la yang bsod snyoms dbul ba dang / bya bar sems pa dka' na/ blo bur du lhag pa rnams la lta smos kyang ci dgos par gyur to/ /ji tsam dus gzhan zhig na tshe dang ldan pa kun dga' bo yul ka shi ka dag tu ljongs rgyu zhing 'gro ba na re lde rir phyin nas re lde ri'i nags na 'dug go/ /de nas tshe dang ldan pa kun dga' bo snga dro sham thabs bgos lhung bzed dang chos gos thogs te re lde ri la bsod snyoms la zhugs pa dang / de ji ltar lhung bzed bkrus pa kho nas re lde ri la bsod snyoms la zhugs pa de ltar lhung bzed bkrus pa kho nas tha na slongs mo gcig sbyin pa yang ma thob/ phyir gtong ba yang ma thob par phyir byung ngo / /de nas tshe dang ldan pa kun dga' bo 'di snyam du sems te/ sngon ni re lde ri 'di 'byor pa dang / rgyas pa dang / bde ba dang / lo legs pa dang / skye bo dang / mi mang pos kyang gang bar gyur la/ 'dir slongs mo bas kyang bsod snyoms rnyed sla bar gyur na/ da ltar yang re lde ri 'di 'byor pa dang / rgyas pa dang / bde ba dang / lo legs pa dang / skye bo dang mi mang pos kyang gang ba ni yin na/ 'on kyang bdag ji ltar ltung bzed bkrus pa kho nas re lde ri la bsod snyoms la zhugs pa de ltar lhung bzed bkrus pa kho nas tha na slongs mo gcig sbyin pa yang ma thob/ phyir gtong ba yang ma thob par phyir byung ba las na 'dir bcom ldan 'das kyi nyan thos byin pa/ blun pa/ mi gsal ba/ mi mkhas pa 'ga' zhig gis nyon mongs pa'i dbang du gyur pas spyod yul lam spyod yul gyi grong ngam rigs kyi bud med dam/ rigs kyi gzhon nu ma dag la kun du smras pa 'am/ nom pa 'am/ nyug pa byas par ma gyur tam snyam mo/ de'i tshe na re lde ri pa'i bram ze dang / khyim bdag rnams kyi dpong sa'i gnas na bram ze dang / khyim bdag lnga brgya tsam bya ba zhig gi phyir 'dug ste 'thun par gyur to/ /de nas tshe dang ldan pa kun dga' bo re lde ri pa'i bram ze dang / khyim bdag rnams kyi dpong sa'i gnas ga la ba der song ste phyin nas/ re lde ri pa'i bram ze dang / khyim bdag rnams la 'di skad ces smras so/ /shes ldan dag sngon ni re lde ri 'di 'byor pa dang / rgyas pa dang / bde ba dang / lo legs pa dang / skye bo dang / mi mang pos kyang gang bar gyur la/ 'dir slongs mo bas kyang bsod snyoms rnyed sla bar gyur na/ da ltar yang re lde ri 'di 'byor pa dang / rgyas pa dang / bde ba dang / lo legs ba dang / skye bo dang / mi mang pos gang ba ni yin na/ 'on kyang bdag ji ltar lhung bzed bkrus pa kho nas re lde ri la bsod snyoms la zhugs pa de ltar lhung bzed bkrus pa kho nas tha na slongs mo gcig sbyin pa yang ma thob/ phyir gtong ba yang ma thob par phyir byung bar gyur to/ /de skad ces smras pa dang / re lde ri pa'i bram ze dang / khyim bdag de dag dbang po rnams phyir blan te 'khod do/ /de'i tshe na dge bsnyen chu rgyun can 'khor de nyid du 'dug cing 'thun par gyur to/ /de nas dge bsnyen chu rgyun can gyis tshe dang ldan pa kun dga' bo'i lag pa gnyis nas bzung ste mtha' gcig tu khrid nas tshe dang ldan pa kun dga' bo la 'di skad ces smras so/ /btsun pa kun dga' bo mkhyen par mdzod cig /re lde ri 'di la dge slong 'gro mgyogs dang / nab so gnyis dang / dge slong dmar ser can khyim sun 'byin pa/ sdig pa'i chos kun du spyod pa dag mchis te/ de dag bud med kyi yul dang lhan cig tho 'tsham par bgyid/ kun du rtse bar bgyid/ kun du ca co 'don par bgyid/ rgod pa dang / dregs pa dang / lus sgyur bar bgyid/ stan gcig la mchis par bgyid/ snod gcig tu 'tshal bar bgyid/ phor bu gcig tu myos par 'gyur ba'i btung ba sna tshogs dag 'tshal bar bgyid/ me tog dag 'thog par bgyid/ 'thog tu stsol bar bgyid/ phreng ba dag rgyud par bgyid/ rgyud du stsal bar bgyid/ me tog rna rgyan dag thogs par bgyid/ 'thog du stsal bar bgyid/ bro rdung bar bgyid/ bro rdung du stsal bar bgyid/ mchid mchi bar bgyid/ mchid mchir stsol bar bgyid/ rol mo'i sgra 'byin par bgyid/ rol mo'i sgra 'byin du stsal bar bgyid/ bro mkhas pa dang / glu mkhas pa dang / rol mo'i sgra 'byin mkhas pa la ngo so las byung ba stsol bar bgyid/ chos gos dag brdzes te rgyug par bgyid/ mchong bar bgyid/ rab tu mchong bar bgyid/ brla skor bar bgyid/ lag pa skor bar bgyid/ nya ltar skor bar bgyid/ chab tu 'phyo ba 'phen par bgyid/ chab la rnga ma du ka ltar rdung bar bgyid/ chab la rnga bo che ltar rdung bar bgyid/ glang po che'i skad kyi sgra 'byin par bgyid/ rta'i skad kyi sgra 'byin par bgyid/ khyu mchog gi skad kyi sgra 'byin par bgyid/ rma bya'i skad kyi sgra 'byin par bgyid/ khu byug gi skad kyi sgra 'byin par bgyid/ khas rdza rnga'i sgra 'byin par bgyid/ khas dung gi sgra 'byin par byed/ khas rnga bo che'i sgra 'byin par bgyid/ glang po che'i thab mo yang bgyid/ glang po che'i thab mo bgyid du stsol bar yang bgyid/ rta'i thab mo dang / khyu mchog gi thab mo dang / ma he'i thab mo dang / ra'i thab mo dang / lug gi thab mo dang / bud med kyi thab mo dang / skyes pa'i thab mo dang / gzhon nu'i thab mo dang / gzhon nu ma'i thab mo dang / bya gag gi thab mo dang / thi ba'i thab mo dang / ngur ba'i thab mo yang bgyid/ bgyid du stsal bar yang bgyid de/ de dag dang gzhan yang dge sbyong gi las ma lags pa dag bgyid cing bgyid du stsal to/ /de dag gi spyod tshul dang / spyod pa dang / log par sgrub pa des re lde ri la dge slong ma mchis pa dag kyang mi mchis la/ mchis pa dag kyang mngon par mi dga' zhing re lde ri'i gnas spong bar bgyid do/ /re lde ri la gnas pa'i bram ze dang / khyim bdag dag kyang yid mi dga' zhing / zhe bcil bar gyur nas dge slong gnyug mar gnas pa dag la yang bsod snyoms dbul ba dang bgyi bar sems pa dka' na/ glo bur du lhags pa rnams la lta smos kyang ci 'tshal bar gyur gyis btsun pa kun dga' bo gal te khyod mi dga' na khyod kyis thugs brtse ba'i slad du don 'di bcom ldan 'das la rgyas par gsol cig /tshe dang ldan pa kun dga' bos dge bsnyen chu rgyun can la cang mi smra bas dang du blangs so/ / de nas dge bsnyen chu rgyun can gyis tshe dang ldan pa kun dga' bos cang mi smra bas dang du blangs par rig nas tshe dang ldan pa kun dga' bo la 'di skad ces smras so/ /btsun pa kun dga' bo bdag gi sdum par bsod snyoms gcig gsol bar ci gnang / tshe dang ldan pa kun dga' bos dge bsnyen chu rgyun can la cang mi smra bas dang du blangs so/ /de nas dge bsnyen chu rgyun can gyis tshe dang ldan pa kun dga' bos cang mi smra bas dang du blangs par rig nas tshe dang ldan pa kun dga' bo bde bar 'dug pa la rang gi lag nas bca' ba dang bza' ba gtsang zhing bsod pas tshim par byed/ stobs par byed cing / rang gi lag nas bca' ba dang bza' ba gtsang zhing bsod pa rnam grangs du mas tshim par byas shing bstabs nas tshe dang ldan pa kun dga' bos zos shing lag pa bsnyal lhung bzed bzhag par rig nas stan ches dma' ba zhig khyer te/ tshe dang ldan pa kun dga' bo'i mdun du chos mnyan pa'i phyir 'dug go/ /de nas tshe dang ldan pa kun dga' bo dge bsnyen chu rgyun can la chos dang ldan pa'i gtam yang dag par ston/ yang dag par 'dzin du bcug /yang dag par gzeng stod/ yang dag par rab tu dga' bar byed cing chos dang ldan pa'i gtam yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar byas nas stan las langs te song ngo // // 'dul ba rnam par 'byed pa/ bam po nyi shu gsum pa/ de nas tshe dang ldan pa kun dga' bos ji ltar yongs su spyad pa'i gnas mal mkhos su phab nas lhung bzed dang / chos gos thogs te mnyan yod ga la ba der rgyu zhing song nas mthar gyis rgyu zhing 'gro ba na mnyan yod du phyin to de nas tshe dang ldan pa kun dga' bos ltung bzed dang / chos gos mkhos su phab ste rkang pa gnyis bkrus nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas tshe dang ldan pa kun dga' bos de la dge bsnyen chu rgyun can dang lhan cig skabs su gtam brjod pa ji snyed byung bar gyur pa de dag thams cad bcom ldan 'das la rgyas par gsol to/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo khyod dge slong gnas brtan gnas brtan rnams dang lhan cig re lde'i ri la song la dge slong 'gro mgyogs dang / nab so gnyis bskrad pa'i las gyis shig /'di ltar bya ste/ lam gyi bar du 'dug la dge slong gleng ba po bsko bar bya ste/ dge slong gleng ba po chos lnga dang ldan pa ni ma bskos pa yang bsko bar mi bya zhing bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / glengs pa dang ma glengs pa mi shes pa ste/ dge slong gleng ba po chos lnga po de dag dang ldan pa ni ma bskos pa yang bsko bar mi bya zhing / bskos pa yang dbyung bar bya'o/ /dge slong gleng ba po chos lnga dang ldan pa ni ma bskos pa yang bsko bar bya zhing bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / glengs pa dang ma glengs pa shes pa ste/ /dge slong gleng ba po chos lnga po de dag dang ldan pa ni ma bskos pa yang bsko bar bya zhing bskos pa yang dbyung bar mi bya'o/ /'di ltar bsko bar bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa la je dang po spro bar bya ste/ tshe dang ldan pa ming 'di zhes bya ba khyod re lde ri la song ste/ dge slong 'gro mgyogs dang / nab so la dge sbyong gi chos ma yin pa rnam pa mang pos gleng bar spro 'am/ gal te spro na des spro'o zhes brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong gleng ba po ming 'di zhes bgyi ba 'di re lde ri la mchis te dge slong 'gro 'gyogs dang / nab so la dge sbyong gi chos ma lags pa rnam pa mang pos gleng bar spro na gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong gleng ba po ming 'di zhes bgyi ba dge slong 'gro mgyogs dang / nab so la gleng bar bsko'o/ /'di ni gsol ba'o/ las ni 'di ltar bya ste/ dge 'dun btsun pa rnams gsan du gsol/ dge slong gleng ba po ming 'di zhes bgyi ba 'di re lde ri la mchis nas dge slong 'gro mgyogs dang / nab so la dge sbyong gi chos ma lags pa rnam pa mang pos gleng bar spro ste/ de'i slad du dge 'dun gyis dge slong gleng ba po ming 'di zhes bgyi ba dge slong 'gro mgyogs dang / nab so la gleng bar bsko na/ tshe dang ldan pa gang dge slong gleng ba po ming 'di zhes bgyi ba dge slong 'gro mgyogs dang / nab so la gleng bar bsko bar mdzad par bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong gleng ba po ming 'di zhes bgyi ba dge slong 'gro mgyogs dang / nab so la gleng bar bskos lags te/ 'di ltar cang mi gsung bas de de bzhin du 'dzin to/ /dge slong dag ngas dge slong gleng ba po'i kun du spyod pa'i chos bca' bar bya ste/ dge slong gleng ba pos srin bu can gyi ril song ste gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa na dge slong 'gro mgyogs dang / nab so gnyis la gleng bar bya'o/ /gal te 'thun pa mi sbyin na ma gus pa de nyid kyis gnas nas bskrad pa'i las bya'o/ /gal te 'thun pa ster na skabs 'byed du gzhug par bya'o/ /gal te skabs mi 'byed na ma gus pa de nyid kyis bskrad pa'i las bya'o/ /gal te skabs 'byed na gleng bar bya'o/ /gal te ltung ba ma mthong ngo zhes zer na ma gus pa de nyid kyis bskrad pa'i las bya'o/ /gal te ltung ba mthong ngo zhes zer na 'di skad ces de kho na'i phyir dge 'dun gyis khyed gnyis la bskrad pa'i phrin las mdzad do zhes brjod par bya'o dge slong gleng ba pos gleng ba po'i chos ji ltar bcas pa yang dag par blangs te 'jug par mi byed na 'gal tshabs can du 'gyur ro/ /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas dge slong gnas brtan gnas brtan rnams dang lhan cig re lde ri la song ste/ lam gyi bar du 'dug nas dge slong gleng ba po bskos so/ /de na dge slong dmar ser can gang dag dge slong 'gro mgyogs dang / nab so gnyis dang mtshungs par byed pa de dag gis tshe dang ldan pa kun dga' bo dge slong gnas brtan gnas brtan rnams dang lhan cig 'dir 'ongs te lam gyi bar du 'dug nas/ dge slong gleng ba po bskos te dge slong 'gro mgyogs dang / nab so gnyis skrod pa'i las byed par 'gyur ro zhes thos so/ /thos nas kyang de dag 'di snyam du sems te/ tshe dang ldan pa 'di gnyis kyis kun du spyad pa dang / smras pa dang / brtul ba gang yin pa dag las bdag cag gis kun du ma spyad pa dang / ma brtul ba ci yang med pas de'i phyir 'di gnyis la skrod pa'i las byed na bdag cag la yang ci'i phyir mi byed de/ /gang gi tshe tshe dang ldan pa kun dga' bo dang dge slong gnas brtan gnas brtan rnams 'dir 'ongs te dang por 'gro mgyogs dang / nab so gnyis bskrad pa'i las byas nas de'i 'og tu bdag cag la yang skrod pa'i las byed par 'gyur ba'i gnas yod par 'gyur bas bdag cag gtur bu'i khur drags te nyan rna ba bzhag cing 'khod nas/ tshe dang ldan pa kun dga' bo dang / dge slong gnas brtan gnas brtan rnams sgo gcig nas 'jug par 'gyur ba na/ bdag cag gtur bu'i khur dag thogs te sgo gcig nas 'byung zhing mnyan yod du 'dong bar bya gor ma chag snyam mo/ /de nas dge slong gleng ba po re lde ri la song ste gnas mal bsham pa byas nas/ gaN DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa na dge slong 'gro mgyogs dang / nab so gnyis kyis 'thun pa byin te skabs phye nas dge slong gleng ba pos glengs pa dang / de gnyis kyis smras pa/ tshe dang ldan pa ltung ba mthong ngo / /gleng ba pos smras pa/ de kho na'i phyir dge 'dun gyis khyed gnyis la bskrad pa'i phrin las mdzad do/ /de nas tshe dang ldan pa kun dga' bo dang / dge slong gnas brtan gnas brtan rnams sgo gcig nas zhugs par gyur pa na dge slong dmar ser can dag gtur bu'i khur dag thogs te sgo gcig nas byung zhing mnyan yod du dong nas de dag gis ltung ba bshags par bya ba gang yin pa de dag kyang bshags shing / sems kyi rnam par rtog pa sna tshogs bsdam par bya ba dag kyang sems kyis bsdams te/ dge slong rang bzhin du gnas pa dag dang lhan cig gnas shing dge 'dun gyi bya ba yang rjes su srung bar byed do/ / de nas tshe dang ldan pa kun dga' bo dang / dge slong gnas brtan gnas brtan rnams kyis dge slong 'gro mgyogs dang / nab so gnyis la bskrad pa'i las byas nas mnyan yod ga la ba der song ste/ mthar gyis rgyu zhing 'dong ba na mnyan yod du phyin to/ /'gro mgyogs dang / nab so gnyis kyis bsams pa/ gang sa la sgyel ba de ni sa nyid las brten te ldang ba yin pas bdag cag gnyis kyang mnyan yod nyid du song ste/ bcom ldan 'das dang dge slong gi dge 'dun la bzod pa gsol bar bya'o snyam nas 'gro mgyogs kyis smras pa/ nab so gang sa la sgyel ba de ni sa nyid las brten te ldang ba yin pas bdag cag gnyis kyang mnyan yod nyid du song ste/ bcom ldan 'das dang dge slong gi dge 'dun la bzod pa gsol bar byas 'dong ngo / /nab sos smras pa/ ma nyes kyis tshur shog bzod pa gsol du 'dong ngo / /de gnyis kyis gros byas nas de nyid kyi mtshan mo 'das pa dang snga dro sham thabs bgos lhung bzed dang chos gos thogs te re lde ri la bsod snyoms la zhugs nas/ re lde ri la bsod snyoms brgyus te zas kyi bya ba byas nas phyi ma'i zas kyi bsod snyoms las phyir log pas ji ltar spyad pa'i gnas mal mkhos su phab ste lhung bzed dang chos gos thogs nas mnyan yod ga la ba der rgyu zhing dong ste mthar gyis rgyu zhing dong ba na mnyan yod du phyin nas dge slong gnas brtan gnas brtan rnams kyis de gnyis mthong ba dang / de dag de gnyis la gtam 'dre bar mi byed/ phebs par smra bar mi byed do/ /dge slong dmar ser can dag gis kyang de gnyis mthong ba dang de dag kyang de gnyis la gtam 'dre bar mi byed/ phebs par smra bar mi byed do/ /de nas dge slong 'gro mgyogs dang nab so gnyis kyis dge slong dmar ser can dag la smras pa/ tshe dang ldan pa dag dge slong gnas brtan gnas brtan dag kho bo cag gnyis la gtam 'dre bar mi byed/ phebs par smra bar mi byed pa ni rigs na/ khyed cag ci'i phyir kho bo cag gnyis la gtam 'dre bar mi byed/ phebs par smra bar mi byed/ kho bo cag gnyis kyis kun du spyad pa dang / smras pa dang / brtul ba gang yin pa dag las khyed cag gis kun du ma spyad pa dang / ma smras pa dang / ma brtul ba ci zhig yod/ de dag gis smras pa/ tshe dang ldan pa gnyis de yang bden mod kyi 'on kyang kho bo cag gis ltung ba bshags par bya ba gang dag yin pa de dag kyang bshags shing sems kyi rnam par rtog pa sna tshogs bsdam par bya ba dag kyang sems kyis bsdams te/ da ltar dge slong rang bzhin du gnas pa dag dang lhan cig gnas shing dge 'dun gyi bya ba yang rjes su srung bar byed pas kho bo cag phyin cad gnas ngan len kun du spyod pa dag dang lhan cig longs spyod par mi byed do/ /de gnyis kyis tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ / kha cig ni skrod par mi byed do zhes 'phya bar brtsams pa dang / dge slong rnams kyis de gnyis la smras pa/ tshe dang ldan pa gnyis khyed cag gnyis su la 'dun pas 'gro ba zhes zer/ zhe sdang gis 'gro ba/ gti mug gis 'gro ba/ 'jigs pas 'gro ba zhes zer/ tshe dang ldan pa dag dge slong tshe dang ldan pa kun dga' bo dang / gnas brtan gnas brtan gang dag re lde ri la dong nas bdag cag bskrad pa'i las byas pa dag la'o/ /dge slong don nyung ngu dag ci'i phyir dge slong dag dge slong tshe dang ldan pa kun dga' bo dang / gnas brtan gnas brtan gang dag re lde ri la dong nas bdag cag bskrad pa'i las byas par shes bzhin du de dag la 'dun pas 'gro ba zhes zer/ zhe sdang gis 'gro ba/ gti mug gis 'gro ba/ 'jigs pas 'gro ba zhes zer zhing / dge slong rnams la yang de skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do/ /zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyi bka' stsal pa/ dge slong dag khyed kyis dge slong 'gro mgyogs dang / nab so gnyis dang / gzhan yang de lta bu gang yin pa la bzhams te bsgo bar bya'o/ /'di skad bsgo bar bya ste/ tshe dang ldan pa 'gro mgyogs dang / nab so gnyis khyed dge slong tshe dang ldan pa kun dga' bo dang / gnas brtan gnas brtan gang dag re lde ri la dong nas khyed bskrad pa'i las byas par shes bzhin du de dag la 'dun pas 'gro ba zhes ma zer cig /zhe sdang gis 'gro ba/ gti mug gis 'gro ba/ 'jigs pas 'gro ba zhes ma zer cig /dge slong rnams la yang 'di skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do/ /zhes ma zer cig /de ci'i phyir zhe na/ dge slong de dag ni 'dun pas 'gro ba ma yin/ zhe sngang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar tshe dang ldan pa dag nyid khyim sun 'byin pa/ sdig pa'i chos kun du spyod pa dag yin te/ khyed nyid kyis khyim dag sun phyung bar yang mthong zhing thos la rab tu shes/ khyed sdig pa kun du spyod par yang mthong zhing thos la rab tu shes pa'i phyir te/ tshe dang ldan pa dag 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig ces bsgo bar bya'o/ /dge slong rnams kyis btsun pa bka' bzhin 'tshal zhes bcom ldan 'das las mnyan nas dge slong 'gro mgyogs dang / nab so gnyis la tshe dang ldan pa 'gro mgyogs dang / nab so gnyis khyed dge slong tshe dang ldan pa kun dga' bo dang / gnas brtan gnas brtan gang dag re lde ri la dong nas khyed bskrad pa'i las byas par shes bzhin du de dag la 'dun pas 'gro ba zhes ma zer cig /zhe sdang gis 'gro ba/ gti mug gis 'gro ba/ 'jigs pas 'gro ba zhes ma zer cig /dge slong rnams la yang 'di skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do/ /zhes ma zer cig /de ci'i phyir zhe na/ dge slong de dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar tshe dang ldan pa dag nyid khyim sun 'byin pa sdig pa'i chos kun du spyod pa dag yin te/ khyed nyid kyis khyim dag sun phyung bar mthong zhing thos la rab tu shes/ khyed sdig pa kun du spyod par yang mthong zhing thos la rab tu shes pa'i phyir te/ tshe dang ldan pa dag 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig ces bzhams te bsgo'o/ /dge slong rnams kyis de gnyis la bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'gro mgyogs dang / nab so gnyis dang / gzhan yang de lta bu gang yin pa la gsol ba dang bzhi'i las kyis bsgo bar bya'o/ /'di ltar bsgo bar bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa la dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'gro mgyogs dang / nab so 'di gnyis dge slong tshe dang ldan pa kun dga' bo dang / gnas brtan gnas brtan gang dag re lde ri la mchis nas 'di gnyis bskrad pa'i las bgyid par 'tshal bzhin du de dag la 'dun pas 'gro ba zhes mchi/ zhe sdang gis 'gro ba/ gti mug gis 'gro ba/ 'jigs pas 'gro ba zhes mchi zhing / dge slong rnams la yang 'di skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do/ /zhes mchi nas/ 'di gnyis la dge slong mang pos bzhams te bsgo na/ 'di gnyis la dge slong mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'gro mgyogs dang nab so gnyis la tshe dang ldan pa 'gro mgyogs dang nab so gnyis khyed dge slong tshe dang ldan pa kun dga' bo dang / gnas brtan gnas brtan gang dag re lde ri la dong nas khyed bskrad pa'i las byas par shes bzhin du de dag la 'dun pas 'gro ba zhes ma zer cig /zhe sdang gis 'gro ba/ gti mug gis 'gro ba/ 'jigs pas 'gro ba zhes ma zer cig /dge slong rnams la yang 'di skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes ma zer cig /de ci'i phyir zhe na/ dge slong de dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar tshe dang ldan pa dag nyid khyim sun 'byin pa sdig pa'i chos kun du spyod pa dag yin te/ khyed nyid kyis khyim dag sun phyung bar yang mthong zhing thos la rab tu shes/ khyed sdig pa kun du sbyod par yang mthong zhing thos la rab tu shes pa'i phyir te/ tshe dang ldan pa dag 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig ces gsol ba dang bzhi'i las kyis bsgo ba mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'gro mgyogs dang / nab so 'di gnyis dge slong tshe dang ldan pa kun dga' bo dang / gnas brtan gnas brtan gang dag re lde ri la mchis nas 'di gnyis bskrad pa'i las bgyis par 'tshal bzhin du/ de dag la 'dun pas 'gro ba zhes mchi/ zhe sdang gis 'gro ba/ gti mug gis 'gro ba/ 'jigs pas 'gro ba zhes mchi zhing / dge slong rnams la yang 'di skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes mchi nas/ 'di gnyis la dge slong mang pos bzhams te bsgo na 'di gnyis la dge slong mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid de/ de'i slad du dge 'dun gyis dge slong 'gro mgyogs dang / nab so gnyis la tshe dang ldan pa 'gro mgyogs dang / nab so gnyis khyed dge slong tshe dang ldan pa kun dga' bo dang / gnas brtan gnas brtan gang dag re lde ri la dong nas khyed bskrad pa'i las byas pas shes bzhin du de dag la 'dun pas 'gro ba zhes ma zer cig /zhe sdang gis 'gro ba/ gti mug gis 'gro ba/ 'jigs pas 'gro ba zhes ma zer cig /dge slong rnams la yang 'di skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes ma zer cig /de ci'i phyir zhe na/ dge slong de dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar tshe dang ldan pa dag nyid khyim sun 'byin pa/ sdig pa'i chos kun du spyod pa dag yin te/ khyed nyid kyis khyim dag sun phyung bar yang mthong zhing thos la rab tu shes/ khyed sdig pa kun du spyod par yang mthong zhing thos la rab tu shes pa'i phyir te/ tshe dang ldan pa dag 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig ces gsol ba dang bzhi'i las kyis bsgo ba mdzad na/ tshe dang ldan pa gang dag dge slong 'gro mgyogs dang / nab so gnyis la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'gro mgyogs dang / nab so gnyis la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to/ /dge slong rnams kyis btsun pa bka' bzhin 'tshal zhes bcom ldan 'das las mnyan nas dge slong 'gro mgyogs dang / nab so gnyis la gsol ba dang bzhi'i las kyis bsgo'o/ /gsol ba dang bzhi'i las kyis bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong rab tu mang po dag grong ngam/ grong rdal zhig na nye bar rten cing gnas par gyur la de dag kyang khyim sun 'byin pa sdig pa'i chos kun du spyod par gyur cing / de dag gis khyim dag sun phyung bar mthong ngam/ thos sam/ rab tu shes sam/ de dag sdig pa kun du spyod par mthong ngam/ thos sam/ rab tu shes na dge slong de dag la dge slong rnams kyis 'di skad ces tshe dang ldan pa dag khyim sun 'byin pa sdig pa'i chos kun du spyod pa dag yin te/ khyed kyis khyim dag sun phyung bar yang mthong zhing thos la rab tu shes/ khyed sdig pa kun du spyod par yang mthong zhing thos la rab tu shes kyis/ tshe dang ldan pa dag khyed 'di na gnas pas chog gis gnas 'di nas deng shig ces bsgo bar bya'o/ /gal te de dag dge slong rnams la 'di skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes zer na dge slong de dag la dge slong rnams kyis 'di skad ces tshe dang ldan pa dag khyed de skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do/ /zhes ma zer cig /de ci'i phyir zhe na/ dge slong de dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar tshe dang ldan pa dag nyid khyim sun 'byin pa sdig pa'i chos kun du spyod pa dag yin te/ khyed nyid kyis khyim dag sun phyung bar yang mthong zhing thos la rab tu shes/ khyed sdig pa kun du spyod par yang mthong zhing thos la rab tu shes pa'i phyir te/ tshe dang ldan pa dag 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig ces bsgo bar bya'o/ /dge slong de dag la dge slong rnams kyis de skad bsgo ba na/ gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na dge 'dun lhag ma'o/ /dge slong zhes bya ba ni 'gro mgyogs dang / nab so dag gam/ /gzhan yang de lta bu gang yin pa'o/ /rab tu mang po dag ces bya ba ni gnyis las lhag pa ni rab tu mang po dag go/ /grong ngam/ grong rdal zhig na zhes bya ba ni re lde ri la'o/ de dag kyang khyim sun 'byin pa zhes bya ba la/ khyim zhes bya ba ni bram ze dang / khyim bdag gi khyim dag go/ /de dag ni rgyu gnyis kyis sun 'byin par byed de/ 'grogs pa dang longs spyod pas so/ /ji ltar 'grogs pas she na/ bud med kyi yul dang lhan cig stan gcig la 'dug par byed/ snod gcig tu za bar byed/ phor bu gcig tu myos par 'gyur ba'i btung ba sna tshogs dag 'thung bar byed pa ste/ de ltar 'grogs pas so/ /ji ltar longs spyod pas she na/ zas kyis dang / skom gyis dang / gos kyis dang / me tog gis dang / 'bras bus dang / so shing gis te/ de ltar longs spyod pas so/ /sdig pa'i chos kun du spyod par gyur cing zhes bya ba ni gnas ngan len kun du spyod par gyur cing ngo / /de dag gis khyim dag ces bya ba ni bram ze dang / khyim bdag gi khyim dag go/ /mthong ngam zhes bya ba ni mig gi rnam par shes pas so/ /thos sam zhes bya ba ni rna ba'i rnam par shes pas so/ /rab tu shes sam zhes bya ba ni de las gzhan pa'i rnam par shes pa'i tshogs dag gis so/ /de dag sdig pa kun du spyod par zhes bya ba ni gnas ngan len kun du spyod par ro/ /dge slong de dag la dge slong rnams kyis shes bya ba ni chos 'di pa rnams kyis so/ /'di skad ces shes bya ba ni bzhams te bsgo ba ji skad sngar bstan pa ltar bsgo bar bya'o/ /dge slong de dag la dge slong rnams kyis de skad bsgo ba na zhes bya ba ni bzhams te bsgo ba na 'o/ /gal te gzhi de gtong na zhes bya ba ni lta ba de yongs su gtong na'o/ /de lta na legs zhes bya ba ni de lta na bzang ba'o/ /gal te mi gtong na zhes bya ba ni yongs su mi gtong na 'o/ /lan gnyis lan gsum du yang dag par bsgo bar bya/ yang dag par bstan par bya'o zhes bya ba ni gsol ba dang bzhi'i las kyis bsgo ba ji skad sngar bstan pa ltar bsgo bar bya ba ste/ yang dag par bsgo ba de ni de yin / yang dag par bstan pa de ni de yin no/ /dge 'dun lhag ma'o zhes bya ba ni snga ma bzhin du ltung ba de dge 'dun la rag las pa yin te/ des na dge 'dun lhag ma'o zhes gsungs so/ /de la ltung bar ji ltar 'gyur zhe na/ dge slong gis cung zad ji tsam du dge slong gang dag gis bdag nyid bskrad pa'i las byas par shes bzhin du de dag la 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba zhes zer na thams cad du nyes byas su 'gyur ro/ /dge slong gis bzhams te bsgo ba na gzhi de gtong na de lta na legs/ gal te mi gtong na nyes pa sbom por 'gyur ro/ / gsol ba dang bzhi'i las kyis bsgo ba na gzhi de gtong na de lta na legs/ gal te mi gtong na gsol ba byas pa na nyes pa sbom por 'gyur ro/ /las brjod pa dang po brjod pa na ma rdzogs par gzhi de gtong na de lta na legs/ gal te mi gtong na rdzogs par brjod pa na nyes pa sbom por 'gyur ro/ /las brjod pa gnyis pa brjod pa na ma rdzogs par gzhi de gtong na de lta na legs/ gal te mi gtong na rdzogs par brjod pa na nyes pa sbom por 'gyur ro/ /las brjod pa gsum pa brjod pa na ma rdzogs par gzhi de gtong na de lta na legs/ gal te mi gtong na nyes pa sbom por 'gyur ro/ /rdzogs par brjod pa na gal te 'thun pa dang chos ma yin pas bsgo bar byed na ltung ba med do/ /mi 'thun pa dang chos kyis bsgo bar byed na ltung ba med do/ /'thun pa dang chos ltar bcos pas bsgo bar byed na ltung ba med do/ /mi mthun pa dang chos ma yin pa ltar bcos pas bsgo bar byed na ltung ba med do/ /chos ji lta ba dang / 'dul ba ji lta ba dang / ston pa'i bstan pa ji lta ba de ltar bsgo bar mi byed na ltung ba med do/ /chos ji lta ba dang / 'dul ba ji lta ba dang / ston pa'i bstan pa ji lta ba de ltar 'thun pas bsgo bar byed na rdzogs par brjod na dge 'dun lhag mar 'gyur ro/ / dge slong des stan de la 'dug bzhin du 'di skad ces tshe dang ldan pa bdag la dge 'dun lhag ma'i ltung ba byung ngo zhes brjod par bya ste/ gal te de skad brjod na de lta na legs/ gal te mi rjod na de phyin cad nas de la 'chab pa'i nyes pa 'byung bar 'gyur ro/ /de bas na dge slong gis ji tsam du gzhi des ma bshags shing so sor ma bshags par gsol ba dang / gsol ba dang gnyis dang / gsol ba dang bzhi'i las nyams su myong bar byed na thams cad du nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ khyim sun 'byin pa'i dge 'dun lhag ma ste bcu gnyis pa rdzogs so// // sangs rgyas bcom ldan 'das kau sham bi na gdangs can gyi kun dga' ra ba na bzhugs so/ /de'i tshe na tshe dang ldan pa 'dun pa ltung ba byung ba chos bzhin du phyir mi byed nas de la dge slong don 'dod pa/ phan pa 'dod pa/ bde ba 'dod pa/ bde ba la reg par 'dod pa/ grub pa dang bde ba 'dod pa rnams kyis tshe dang ldan pa 'dun pa khyod ltung ba byung ba de dag chos bzhin du phyir gyis shig ces gleng bar byed/ dran par byed pa na des smras pa/ su la ltung ba de phyir byed par 'gyur ro/ /khyod la ltung ba byung na su zhig phyir byed par 'gyur su 'gyod par 'gyur ba'o/ /khyod la ltung ba byung ba la su 'gyod par 'gyur/ de la dge slong rnams kyis phyir zhing phyir zhing smras pa na der 'thur zhing smras pa/ tshe dang ldan pa dag khyed cag dge yang rung sdig kyang rung bdag la ci yang ma smra shig /bdag kyang dge yang rung sdig kyang rung tshe dang ldan pa dag la ci yang mi smra'o/ /tshe dang ldan pa dag gis bdag la tshig gi lam thong shig /khyed la yang bdag gis smras pas ci zhig bya/ 'di ltar khyed cag ni rigs sna tshogs dang / rus sna tshogs dang / khyim sna tshogs nas rab tu byung ba dag yin te/ 'di lta ste/ dper na shing ljon pa dag gi lo ma sna tshogs rlung gis blags pa dag gcig tu lhung zhing gcig tu 'dug pa de bzhin du khyed cag kyang rigs sna tshogs dang / rus sna tshogs dang / khyim sna tshogs nas rab tu byung ba dag yin gyi/ kho bo'i 'phags pas ni byang chub thugs su chud pa yin no/ /dge slong don nyung ngu dag ci'i phyir dge slong dag dge slong rnams kyis gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams kyis chos dang 'thun pa dang / 'dul ba dang 'thun par smras pa ni bdag nyid brjod par bya ba ma yin par byed ces smod par byed/ phyar ka gtong bar byed/ kha zer bar byed ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'dun pa dang / gzhan yang de lta bu gang yin pa la bzhams te bsgo bar bya'o/ /'di skad ces bsgo bar bya ste/ tshe dang ldan pa 'dun pa khyod dge slong rnams kyis gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams kyis chos dang 'thun pa dang / 'dul ba dang 'thun par smras pa na bdag nyid brjod par bya ba ma yin par ma byed par tshe dang ldan pas bdag nyid brjod par bya ba kho nar gyis shig /dge slong rnams tshe dang ldan pa la chos dang 'thun pa dang 'dul ba dang 'thun par smra ba na tshe dang ldan pa yang dge slong rnams la chos dang 'thun pa dang / 'dul ba dang 'thun par smros shig /'di lta ste/ gcig la gcig brjod par bya ba nyid du byed pa dang / gcig la gcig 'doms shing rjes su ston pa dang / gcig gis gcig ltung ba las slong ba nyid de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyis/ tshe dang ldan pa 'dun pa khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig ces bsgo bar bya'o/ /dge slong rnams kyis btsun pa bka' bzhin 'tshal zhes bcom ldan 'das las mnyan nas tshe dang ldan pa 'dun pa la tshe dang ldan pa 'dun pa khyod dge slong rnams kyis gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams kyis chos dang 'thun pa dang / 'dul ba dang 'thun par smras pa na/ bdag nyid brjod par bya ba ma yin par ma byed par tshe dang ldan pas bdag nyid brjod par bya ba kho nar gyis shig /dge slong rnams tshe dang ldan pa la chos dang 'thun pa dang / 'dul ba dang 'thun par smra ba na tshe dang ldan pa yang dge slong rnams la chos dang 'thun pa dang / 'dul ba dang 'thun par smos shig /'di lta ste/ gcig la gcig brjod par bya ba nyid du byed pa dang / gcig la gcig 'doms shing rjes su ston pa dang / gcig gis gcig ltung ba las slong ba nyid de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyis/ tshe dang ldan pa 'dun pa khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig ces bzhams te bsgo'o/ /de la dge slong rnams kyis bzhams te bsgo ba na gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'dun pa dang / gzhan yang de lta bu gang yin pa la gsol ba dang bzhi'i las kyis bsgo bar bya'o/ /'di ltar bsgo bar bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa la dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'dun pa 'di ltung ba byung ba chos bzhin du slar mi bgyid nas/ 'di la dge slong rnams kyis gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams kyis chos dang 'thun pa dang / 'dul ba dang 'thun par smras pa na/ tshe dang ldan pa dag khyed cag dge yang rung sdig kyang rung bdag la ci yang ma smra shig /bdag kyang dge yang rung sdig kyang rung tshe dang ldan pa dag la ci yang mi smra'o/ /tshe dang ldan pa dag gis bdag la tshig gi lam thong shig / khyed la yang bdag gis smras pas ci zhig bya zhes bdag nyid brjod par bgyi ba ma lags par bgyid nas/ 'di la dge slong mang pos bzhams te bsgo na 'di la dge slong mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid na/ gal te dge 'dun gyi dus la bab cing bzod na dge 'dun gyis gnang bar mdzod cig dang / /dge 'dun gyis dge slong 'dun pa la tshe dang ldan pa 'dun pa khyod dge slong rnams kyis gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams kyis chos dang 'thun pa dang / 'dul ba dang 'thun par smras pa na bdag nyid brjod par bya ba ma yin par ma byed par tshe dang ldan pas bdag nyid brjod par bya ba kho nar gyis shig /dge slong rnams tshe dang ldan pa la chos dang 'thun pa dang / 'dul ba dang 'thun par smra ba na/ tshe dang ldan pa yang dge slong rnams la chos dang 'thun pa dang / 'dul ba dang 'thun par smros shig /'di lta ste/ gcig la gcig brjod par bya ba nyid du byed pa dang / gcig la gcig 'doms shing rjes su ston pa dang / gcig gis gcig ltung ba las slong ba nyid de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyis/ tshe dang ldan pa 'dun pa khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig ces gsol ba dang bzhi'i las kyis bsgo ba mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'dun pa 'di ltung ba byung ba chos bzhin du slar mi bgyid nas 'di la dge slong rnams kyis gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams chos dang 'thun pa dang / 'dul ba dang 'thun par smras pa na/ tshe dang ldan pa dag khyed cag dge yang rung sdig kyang rung bdag la ci yang ma smra shig /bdag kyang dge yang rung sdig kyang rung tshe dang ldan pa dag la ci yang mi smra'o/ /tshe dang ldan pa dag gis bdag la tshig gi lam thong shig /khyed la yang bdag gis smras pas ci zhig bya zhes bdag nyid brjod par bgyi ba ma lags par bgyid nas/ 'di la dge slong mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o/ /zhes rjes su tha snyad 'dogs par bgyid de/ de'i slad du dge 'dun gyis dge slong 'dun pa la tshe dang ldan pa 'dun pa khyod dge slong rnams kyis gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams kyis chos dang 'thun pa dang / 'dul ba dang 'thun par smras pa na bdag nyid brjod par bya ba ma yin par ma byed par tshe dang ldan pas bdag nyid brjod par bya ba kho nar gyis shig /dge slong rnams tshe dang ldan pa la chos dang 'thun pa dang / 'dul ba dang 'thun par smra ba na/ tshe dang ldan pa yang dge slong rnams la chos dang 'thun pa dang / 'dul ba dang 'thun par smos shig /'di lta ste/ gcig la gcig brjod par bya ba nyid du byed pa dang / gcig la gcig 'doms shing rjes su ston pa dang / gcig gis gcig ltung ba las slong ba nyid de lta bus bcom ldan 'das de bzhin gshegs pa dgra bcom pa yang dag par rdzogs ba'i sangs rgyas de'i 'khor 'di 'phel bar 'gyur gyis/ tshe dang ldan pa 'dun pa khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig ces gsol ba dang bzhi'i las kyis bsgo ba mdzad na/ tshe dang ldan pa gang dag dge slong 'dun pa la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'dun pa la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to/ /dge slong rnams kyis btsun pa bka' bzhin 'tshal zhes bcom ldan 'das las mnyan nas dge slong 'dun pa la gsol ba dang bzhi'i las kyis bsgo'o/ /gsol ba dang bzhi'i las kyis bsgo ba na gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin no/ /sangs rgyas bcom ldan 'das kyis 'dun pa la rmas pa/ 'dun pa khyod dge slong rnams kyis gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams kyis chos dang 'thun pa dang / 'dul ba dang 'thun par smras pa na bdag nyid brjod pa bya ba ma yin par byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'di na dge slong 'ga' zhig bka' blo mi bde ba'i rang bzhin can du gyur la/ de la dge slong rnams kyis gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams kyis chos dang 'thun pa dang / 'dul ba dang 'thun par smras pa na tshe dang ldan pa dag khyed cag dge yang rung sdig kyang rung bdag la ci yang ma smra shig /bdag kyang dge yang rung sdig kyang rung tshe dang ldan pa dag la ci yang mi smra 'o/ /tshe dang ldan pa dag gis bdag la tshig gi lam thong shig /khyod la yang bdag gis smras pas ci zhig bya zhes bdag nyid brjod par bya ba ma yin par byed na/ dge slong de la dge slong rnams kyis 'di skad ces tshe dang ldan pa khyod dge slong rnams kyis gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams kyis chos dang 'thun pa dang / 'dul ba dang 'thun par smras pa na/ bdag nyid brjod par bya ba ma yin par ma byed par tshe dang ldan pas bdag nyid brjod par bya ba kho nar gyis shig /dge slong rnams tshe dang ldan pa la chos dang 'thun pa dang / 'dul ba dang 'thun par smra ba na tshe dang ldan pa yang dge slong rnams la chos dang 'thun pa dang / 'dul ba dang 'thun par smros shig /'di lta ste gcig la gcig brjod par bya ba nyid du byed pa dang / gcig la gcig 'doms shing rjes su ston pa dang / gcig gis gcig ltung ba las slong ba nyid de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyis tshe dang ldan pa khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig /ces bsgo bar bya'o/ /dge slong de la dge slong rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na dge 'dun lhag ma'o/ /'di na dge slong 'ga' zhig ces bya ba ni 'dun pa 'am gzhan yang de lta bu gang yin pa'o/ /bka' blo mi bde ba'i rang bzhin can du gyur la zhes bya ba la/ bka' blo mi bde ba zhes bya ba ni tshig gi lam rjes su 'thun pa/ rjes su mnyan par bya ba/ tshul dang 'thun pa/ drang por 'jug pa/ 'grus skyong gi yan lag gi tshogs dag kun du 'gog pa dang / mi 'dzin pa dang / mi bya ba dang / mi mthun par 'dzin pa'o/ / de la zhes bya ba ni 'dun pa la'o/ /dge slong rnams kyis zhes bya ba ni chos 'di pa rnams kyis so/ /gdon par gtogs pa'i bslab pa'i gzhi rnams shes bya ba la/ gdon pa zhes bya ba ni pham par 'gyur ba'i chos bzhi dang / dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum bcu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po dag go/ /bde bar gshegs pa'i mdor gtogs pa rnams kyis shes bya ba la/ bde bar gshegs pa zhes bya ba ni ston pa'o/ /mdo zhes bya ba ni des nye bar sbyar ba'i mdo 'am/ yang na mdo yang dag par sbyor ba'o/ /chos dang 'thun pa zhes bya ba ni mdo sde dang / ma mo dang ngo / /'dul ba dang 'thun pa zhes bya ba ni 'dul ba nyid dang ngo / /smras pa na zhes bya ba ni bzlog pa na ste/ chos ji lta ba dang / 'dul ba ji lta ba dang / ston pa'i bstan pa ji lta ba de ltar bsgo ba na'o/ /tshe dang ldan pa dag khyed cag dge yang rung sdig kyang rung bdag la ci yang ma smra shig ces bya ba ni dge ba la sbyor bar yang ma byed la sdig pa las zlog par yang ma byed cig ces pa'o/ /bdag kyang dge yang rung sdig kyang rung tshe dang ldan pa dag la ci yang mi smra'o zhes bya ba ni dge ba la sbyor bar yang mi byed la sdig pa las zlog par yang mi byed do/ /zhes pa'o/ /tshe dang ldan pa dag gis bdag la tshig gi lam thong shig /khyed la yang bdag gis smras pas ci zhig bya zhes bya ba ni rgya cher bdag nyid brjod par bya ba ma yin pa nyid du 'jog par byed pa'o/ /bdag nyid brjod par bya ba ma yin par byed na zhes bya ba ni bdag nyid brjod par bya ba ma yin pa nyid du 'jog par byed na'o/ /dge slong de la zhes bya ba ni 'dun pa la'o/ /dge slong rnams kyis shes bya ba ni chos 'di pa rnams kyis so/ /'di skad ces bya ba ni bzhams te bsgo ba ji skad sngar bstan pa ltar bsgo bar bya ba'o/ /dge slong de la dge slong rnams kyis 'di skad bsgo ba zhes bya ba ni bzhams te bsgo bas bzlog pa na'o/ /gal te gzhi de zhes bya ba ni bka' blo mi bde ba nyid do/ /gtong na zhes bya ba ni yongs su gtong na'o/ /de lta na legs zhes bya ba ni de lta na bzang ba'o/ /gal te mi gtong na zhes bya ba ni yongs su mi gtong na'o/ /lan gnyis lan gsum du yang dag par bsgo bar bya/ yang dag par bstan par bya'o zhes bya ba ni gsol ba dang bzhi'i las kyis bsgo ba ji skad sngar bstan pa ltar bsgo bar bya ste/ yang dag par bsgo ba de ni de yin no/ /yang dag par bstan pa de ni de yin no/ / dge 'dun lhag ma'o zhes bya ba ni snga ma bzhin du ltung ba de dge 'dun la rag las pa yin te/ des na dge 'dun lhag ma'o zhes gsungs so/ /de la ltung bar ji ltar 'gyur zhe na/ dge slong gis cung zad ji tsam du dge slong rnams kyis gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams kyis chos dang 'thun pa dang / 'dul ba dang 'thun par smras pa na bdag nyid brjod par bya ba ma yin par byed na thams cad du nyes byas su 'gyur ro/ / dge slong gis bzhams te bsgo ba na gzhi de gtong na de lta na legs/ gal te mi gtong na nyes pa sbom por 'gyur ro/ /gsol ba dang bzhi'i las kyis bsgo ba na gzhi de gtong na de lta na legs/ gal te mi gtong na gsol ba byas pa na nyes byas sbom por 'gyur ro/ /las brjod pa dang po brjod pa na ma rdzogs par gzhi de gtong na de lta na legs/ gal te mi gtong na rdzogs par brjod pa na nyes pa sbom por 'gyur ro/ /las brjod pa gnyis pa brjod pa na ma rdzogs par gzhi de gtong na de lta na legs/ gal te mi gtong na rdzogs par brjod pa na nyes pa sbom por 'gyur ro/ /las brjod pa gsum pa brjod pa na ma rdzogs par gzhi de gtong na de lta na legs/ gal te mi gtong na nyes pa sbom por 'gyur ro/ /rdzogs par brjod pa na gal te 'thun pa dang chos ma yin pas bsgo bar byed na ltung ba med do/ /mi mthun pa dang chos kyis bsgo bar byed na ltung ba med do/ /'thun pa dang chos ltar bcos pas bsgo bar byed na ltung ba med do/ /mi mthun pa dang / chos ma yin pa ltar bcos pas bsgo bar byed na ltung ba med do/ /chos ji lta ba dang / 'dul ba ji lta ba dang / ston pa'i bstan pa ji lta ba de ltar bsgo bar mi byed na ltung ba med do/ /chos ji lta ba dang / 'dul ba ji lta ba dang / ston pa'i bstan pa ji lta ba de ltar 'thun pas bsgo bar byed na rdzogs par brjod pa na dge 'dun lhag mar 'gyur ro/ /dge slong des stan de la 'dug bzhin du 'di skad ces tshe dang ldan pa dag bdag la dge 'dun lhag ma'i ltung ba byung ngo zhes brjod par bya ste/ gal te de skad brjod na de lta na legs/ gal te mi brjod na de phyin cad nas de la 'chab pa'i nyes pa 'byung bar 'gyur ro/ /de bas na dge slong gis ji tsam du gzhi de ma bshags shing so sor ma bshags par gsol ba dang / gsol ba dang gnyis dang bzhi'i las nyams su myong bar byed na thams cad du nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do// // 'dul ba rnam par 'byed pa/ bam po nyi shu bzhi pa/ dge slong rnams the tshom skyes nas tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa 'dun pa 'di tshangs pa mtshungs par spyod pa des pa rnams kyi mdun du bcom ldan 'das nye du lags par ston cing bdag nyid smra ba dang rnam bar smra bar bgyid pa la gzigs/ bcom ldan 'das kyis bka' stsal pa/ dge slong dag da ltar du ma zad de/ 'di ltar 'das pa'i dus na yang 'dis bram ze dang khyim bdag des pa des pa rnams kyi mdun du nga nye du yin par bstan cing bdag nyid smra ba dang rnam par smra bar byas pa de nyon cig /dge slong dag sngon byung ba 'das pa'i dus na rdo 'jog na bram ze zla grags shes bya ba zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i bu btsas nas de'i ming nyi zla zhes bya bar btags te de bsrings bskyed nas chen por gyur to / /ji tsam dus gzhan zhig na bram ze zla grags na bar gyur nas/ de chung ma dang bus yal bar bor zhing na ba ma sos nas de la bu mo mngag gzhug ma zhig yod pa des bsams pa/ bram ze zla grags kyis khrus gzhal ba brgya dag gis longs spyod dag bsgrubs te 'di na bar gyur na chung ma dang bus yal bar bor zhing na ba ma sos pas bdag gis rje bo yal bar dor ba ni bdag la tshul dang 'thun pa ma yin no snyam nas de dge ba'i bsam pa dang rje bo la snying nye bas sman pa'i gan du song ste smras pa/ bzhin bzangs khyod kyis bram ze zla grags zhes bya ba de shes sam/ shes te de ci nyes/ de na bar gyur nas chung ma dang bus yal bar bor nas na ba ma sos kyis de'i sman ston cig /sman pas smras pa/ bu mo gal te de chung ma dang bus yal bar bor na g.yog sus byed/ bzhin bzangs sman ston cig dang bdag gis g.yog bya'o/ /sman pa des de la nad ci las gyur pa dris nas sman bstan to/ /de nas bu mo des bram ze zla grags kyi g.yog byas nas des nad de las sos so/ /bram ze zla grags kyis bsams pa/ bdag nad de lta bus btab na chung ma dang bus yal bar bor nas srog dag dang cung zad ma bral ba gang yin pa de ni bu mo 'di'i mthu yin pas bdag gis 'di la ngal ba 'bras bu dang bcas pa bskyed par bya'o snyam du rig nas bu mo de bos te smras pa/ bu mo kho bo nad de lta bus btab na chung ma dang bus yal bar bor nas khyod kyi mthus srog dag dang ma bral bar kho bos shes kyis khyod la dam pa ci zhig sbyin par bya ba de smros shig / jo bo gal te khyod bdag la dgyes na bdag khyod dang lhan cig mjal bar 'tshal lo/ /bu mo khyod la kho bo dang lhan cig phrad pas ci bya/ kho bos khyod kar sha pa Na lnga brgya sbyin zhing bran mo las gtang ngo / /jo bo bdag shin du ring du mchis su lags kyang bran mo nyid lags kyis/ gal te khyod bdag la dgyes na bdag khyod dang lhan cig mjal bar 'tshal lo/ /des de gdon mi za bar dngan dus byed par rig nas smras pa/ bu mo gang gi tshe khyod dus la bab cing zla mtshan dang ldan par gyur pa de'i tshe khyod kho bo'i gan du shog shig /bu mo de de'i tshig gis snying dga' bar gyur nas/ zla mtshan 'dzag pa'i nyi ma bgrang zhing 'dug 'dug nas gang gi tshe zla mtshan dang ldan par gyur pa de'i tshe bram ze de'i gan du song ba dang / des de dang lhan cig dga' mgur spyad nas de la sems can zhugs par gyur to/ /de'i chung ma bram ze mos bram ze 'di bu mo 'di dang lhan cig dga' mgur spyad do snyam du rig nas de phrag dog gi kun nas dkris pa kun du spyod pas mi bzod pa skyes nas bu mo de la rtag tu khu tshur dang thal lcag gis rdeg cing zas ngan pa dang / gos ngan pa srel du 'jud do/ /bu mo des bsams pa bdag gi mngal du zhugs pa'i sems can skal chad 'di su zhig yin na 'di mngal du zhugs pa'i dus tshun cad nas bdag rtag tu khu tshur dang thal lcag dag gis rdeg cing zas ngan pa dang / gos ngan pa srel du bcug go snyam nas de bdag nyid mya ngan byed cing 'dug go/ /ji tsam na zla ba dgu tshang nas btsas pa las khye'u zhig byung nas des bsams pa/ sems can skal chad 'di bdag gi mngal du zhugs nas bdag gis de 'dra ba'i gnas skabs thob par gyur pas gal te 'di skyes par gyur na bdag thams cad kyi thams cad du med par 'gyur ro snyam du rig nas de chol zangs su bzhag ste dor bar brtsams pa dang / de'i tshe bram ze des mthong nas smras pa/ bu mo de ci yin/ des smras pa/ cang ma lags so/ /des chol zangs de bltas pa dang / ji tsam na khye'u zhig mthong nas des smras pa/ bu mo ci'i phyir 'di 'dor bar byed/ jo bo gang tshun chad nas sems can skal chad 'di bdag gi mngal du zhugs par gyur pa de tshun chad nas bdag bram ze mo 'dis rtag tu khu tshur dang thal lcag dag gis rdeg cing / 'tshal ma ngan pa dang rad pa ngan pa srel du stsal bas gal te 'di skyes par gyur na bdag thams cad kyi thams cad du ma mchis par 'gyur ba'i slad du'o/ /des smras pa/ bu mo de ni des ma nyes kyi kho bos nyes kyis 'di skyed cig dang 'di la kho bos dus shes par bya'o/ /des de bsnyod par brtsams pa dang / bram zes kyang bram ze mo la smras pa/ gang gi tshe kho bo de ltar na bar gyur pa na khyod dang bus yal bar bor ba de'i tshe na bu mo 'dis sman dang g.yog gis legs par gsos par kho bos shes kyis/ de'i phyir gal te 'di la mkho ba stobs par byed na de lta na legs/ gal te mi byed na kho bos 'di khyim bdag mor gzhag cing khyod 'di'i bran mor bsko'o/ /bram ze mo de skrag te bsams pa/ bram ze 'di gtum pas gal te de ltar ma byas na de lta byed par 'gyur ba'i gnas yod do/ /snyam du rig nas des smras pa/ bram ze khyod kyis bu mo mngag gzhug ma la dga' mgur spyad pa dang / khye'u 'di khyod kyi sras lags par yang bdag gis ma 'tshal te da slan cad cung zad kyang tho 'tsham par mi byed do/ /khye'u de chol zangs su bcug pas de'i ming chol zangs pa zhes bya bar chags so/ /bram ze de chol zangs pa la 'di'i las bdag gi g.yog byas shing 'di yang bdag las byung ba yin no snyam pas shin tu byams pa dang ldan par 'gyur te/ de de dang lhan cig gcig tu za zhing gang du 'gron du bos par 'gro ba der yang de dang lhan cig 'gro'o/ /ji tsam dus gzhan zhig na bram ze de yang na bar gyur nas de rtsa ba dang / sdong bu dang / 'dab ma dang / me tog dang / 'bras bu'i sman dag gis gso bar byed de/ gso bar byed pa na nad na ba kho nar gyur nas gang gi tshe de 'chi ba la thug pa'i tshor ba byung zhing ring po mi thogs par dus byed par 'gyur ba de'i tshe na des bu thu bo nyi zla bkug ste smras pa/ bu kho bo 'das nas khyod ni mya ngan bya ba ma yin gyi/ khyod kyi nu bo chol zangs pa 'di mya ngan bya bar 'gyur bas khyod kyis 'di la mkho ba bstabs par bya'o zhes smras nas/ bsags pa kun gyi mtha' zad cing / /mthon po rnams kyi mtha' ltung 'gyur/ /phrad pa'i mtha' ni 'bral ba ste/ /gson pa'i mtha' ni 'chi ba yin/ /zhes bya ba yin pas de dus kyi chos dang ldan par gyur nas de nyi zla dang / chol zangs pa dang / snying du sdug cing 'brel pa'i rtsa lag gzhan dag gis dur khrod du khyer te bsregs nas de'i 'og tu mya ngan bsang ba byas te 'khod do/ /ji tsam dus gzhan zhig na nyi zlas zan gyi dus su chol zangs pa tshur shog 'dir zan zo shig ces bos pa dang / de la mas smras pa/ bu khyod bran mo'i bu dang ji ltar lhan cig zan za bar byed/ ma bdag gis dus thams cad du nu bo 'di dang lhan cig zos shing 'thungs na da ji ltar bran mo'i bu zhes bya/ mas smras pa/ bu khyod kyi pha gtum par gyur pas de la cung zad smra bar sus nus 'di ni bran mo'i bu kho na yin no/ /chol zangs pas thos nas de ma'i gan du song ste smras pa/ ma bdag bran mo'i bu yin pa bden nam/ bu 'jig rten ni rang gi las kyi 'bras bu la spyod pa yin pas su zhig su'i bran yin/ bu yul gzhan du song la thos pa 'dzin cing 'dug shig / de yul gzhan du song nas de yul gzhan du rang gi ming chol zangs pa zhes bya ba btang ste zla ba zhi ba zhes bya bar bsgrags nas ji tsam na mthar gyis mnyan yod du phyin nas/ de na bram ze mdun na 'don zhig 'dug nas/ de gcig nas gcig tu de'i gan du song ste cha lugs dul ba dang spyod lam zhi bas gus par smra ba byas te mtha' gcig tu 'dug go/ /de nas bram ze des 'ongs pa legs so zhes bya ba'i tshig kun du brjod pas rab tu dga' bar byas te dris pa/ kye bram ze'i khye'u khyod ga las 'ongs/ rdo 'jog nas mchis so/ /khyod kyis rdo 'jog na 'khod pa'i skye bo'i tshogs dag shes sam 'tshal to/ /de na bram ze zla grags de'i gtam ci grag bram ze'i khye'u des ngu bar brtsams pa dang / des smras pa/ bram ze'i khye'u ci'i phyir ngu / de bdag gi pha lags so/ /'o na ci'i phyir ngu / de gum mo/ /bram ze'i khye'u skyes pas ni gdon mi za bar 'chi bar bya dgos kyis kho bo khyod kyi pha'i chung po grogs yin gyis bag phob shig dang thams cad bya'o/ /des smras pa/ mkhan po re shig bgyi ba gzhan btang ste/ je rig byed klag par bgyi'o/ /bu ma nyes te/ bram ze rang gi rigs sgrogs pas bya ba ni de yin no/ /des de'i drung du rig byed klag par brtsams pa dang / de blo rno ba dang / brtan pa dang / brtson 'grus brtsams pa yin pas des dus cung zhig gis rig byed bzhi po dag blags so/ /bram ze de mngon par dga' nas des de'i bu mo rgyan thams cad kyis brgyan te de'i chung mar byin zhing bdag dbang ba'i nor mang po dag kyang byin no/ de bram ze mdun na 'don gyi dmag par gyur cing rig byed bzhi dang ldan pa zhes 'jig rten thams cad la rnam par grags shing / sbyin pa dang / mchod pa dang / bsnyen bkur dag gis khyim gyi 'byor pa nye bar bsags par gyur to/ /ji tsam dus gzhan zhig na rdo 'jog na gnas pa'i skye bo'i tshogs dag zong thogs te mnyan yod du lhags nas/ de dag gis chol zangs pa ji ltar bram ze mdun na 'don gyi dmag par gyur cing / rig byed bzhi dang ldan pa/ sbyin pa dang / mchod pa dang / bsnyen bkur dag gis khyim gyi 'byor pa nye bar bsags par gyur pa thos so/ /thos nas kyang gros bya bar brtsams pa/ bdag cag 'dong zhing de mngon sum du byas te rdo 'jog na nyi zla bde ba'i gtam bya'o/ /snyam nas de dag de'i gan du song ste/ de dag gis de ngo shes nas cang ma smras par de nas zong bsgyur te rin blangs nas rdo 'jog tu dong ngo / /de dag gis lam gyi ngal ba bso ste nyi zla la smras pa/ mnyan yod na khyod kyi nu bo chol zangs pa bram ze 'dun na 'don gyi dmag par gyur cing / rig byed bzhi dang ldan par 'jig rten thams cad la rnam par grags te/ sbyin pa dang / mchod pa dang / bsnyen bkur dag gis khyim gyi 'byor pa nye bar bsags par gyur to/ /de yid dga' ba skyes nas ma la smras pa/ ma chol zangs pa de mnyan yod na bram ze mdun na 'don gyi dmag par gyur cing / rig byed bzhi dang ldan par 'jig rten thams cad la grags te/ sbyin pa dang / mchod pa dang / bsnyen bkur dag gis khyim gyi 'byor pa nye bar bsags shes grag go/ /mas smras pa/ de ltar ga la 'gyur te/ bran mo'i bu de la su zhig sbyin pa dang / mchod pa dang / bsnyen bkur byed par 'os na de la bsnyen bkur byed par 'gyur/ de nas de cang mi smra bar 'dug go/ /ji tsam dus gzhan zhig na nyi zla longs spyod srabs par gyur nas mas de la smras pa/ bu nu bo de'i gan du song shig dang gal te na de khyod la longs spyod dag gis bgo bsha' byed par 'gyur ro/ /des smras pa/ ma de'i tshe na de bran mo'i bu yin na da ji ltar nu bor 'gyur/ mas smras pa/ bu gal te de lta na yang song la de las blang ba ma bzlog shig /de mas nan gyis mnan pa na don 'thun btsal te mnyan yod du song ngo / /chol zangs pas ji ltar bdag gi phu bo nyi zla de don 'thun dang lhan cig 'dir 'ongs te phyogs ga ge mo zhig na 'dug go zhes thos so/ /thos nas kyang bsu nas des de la 'ongs pa legs so zhes bya ba'i tshig gis kun du spyad nas smras pa/ bdag gis 'dir zla ba zhi ba zhes bya ba'i ming btags kyis/ bdag la khyod chol zangs pa zhes ma 'bod cig /nyi zlas smras pa/ khyod zla ba zhi ba yin na su zhig gzhan du 'bod par 'gyur des nyi zla khyim du khrid de bkur sti chen pos mkhos su phab nas zan byin te bram ze mo la smras pa/ khyod shes par gyis shig /'di ni kho bo'i pho bo nyi zla zhes bya ba yin gyis khyod kyis 'di la mkho ba thams cad bstabs par bya zhing tshig mi gcag pa dang / rtag tu gus pa dang bcas par gyis shig /des kyang khas blangs so/ /nyi zla ni des shing 'grogs na bde ba yin la/ chol zangs pa ni gtum zhing gzu lums dang / drag shul can yin pas de chung ma de la nyes pa cung zad tsam gyis kyang khu tshur dang thal lcag dag gis rdeg par byed do/ /bram ze mo des nyi zla la smras pa/ jo bo khyod gnyis nu ma gcig la gsol gsol ba'i mched lags na gang gi slad du khyod ni des shing 'grogs na bde ba lags la/ khyod kyi gcung po 'di ni gtum zhing gzu lums dang / drag shul can lags pa 'di la rgyu ci mchis/ nyi zlas smras pa/ sru 'dis khyim gyi rig pa ma blags so/ /jo bo bdag la khyim gyi rig pa de stsol cig /nyi zlas tshigs su bcad pa smras pa/ rig pa su la 'ang sbyin bya min/ /rig dang bcas te 'chi bar bya/ /rig pa rig dang gus pa dang / /nor gyis sbyin par bya ba na/ /bram ze mos smras pa/ jo bo nor ji tsam gyis stsol bar mdzad/ sru kar sha pa Na lnga brgyas so/ /des kar sha pa Na lnga brgya thogs te de'i rkang pa gnyis la gtugs nas smras pa/ jo bo khyim gyi rig pa de stsol cig /nyi zlas smras pa/ sru je kho bo rdzongs shig dang nam 'gro ba'i tshe sbyin no/ /bram ze mo de khyim thab kyi gan du song ste smras pa/ rje'i sras khyod kyi gcen 'di khyim gyi bya ba sems pas mi dga' bar 'gyur gyis 'di slar thong shig /des smras pa/ bzang mo gal te de lta na khyod kyis je 'di'i lam rgyags sta gon gyis shig dang / kho bos don 'thun btsal bar bya'o/ /des rdo 'jog tu 'gro ba'i don 'thun btsal bar brtsams nas/ bram ze mo des de'i lam rgyags sta gon byas nas kAr Sha pa Na lnga brgya thogs te nyi zla'i rkang pa gnyis la gtugs nas smras pa/ jo bo khyod brdzang ba'i dus 'di lags kyis khyim gyi rig pa stsol cig /nyi zlas smras pa/ sru gang gi tshe zla ba zhi ba khyod la rdeg par byed pa de'i tshe khyod kyis rig pa 'di klag par bya'o/ /skye bo mang po gzhan dag dang / /gzhan gyi khyim du 'ang shes gyur cing / /grong srung rigs kyis shes gyur gyis/ /kha rog 'dug shig chol zangs pa/ /gal te smras pa 'di don ci zhes zer na de la gal te rdeg par byed na don yang bshad par bya'o zhes brjod par bya'o/ /sru gsang sngags kyi tshig don dang ldan pa 'di dag ni brjod pa tsam kho nas 'bras bu dang bcas par 'gyur ba yin gyis phyis 'gyod par mi 'gyur bar legs par zung shig /bram ze mo des yi ge de dag legs par bzung nas zla ba zhi bas kyang rdo 'jog tu 'gro ba'i don 'thun btsal nas nyi zla la kar sha pa Na dag gis bgo bsha' byas te lam rgyags byin nas de skyel du song ngo / /bu mo des bsams pa/ ci gsang sngags kyi tshig 'di dag bden nam brdzun pa sad par bya'o snyam nas/ des zla ba zhi bas nyi zla bskyal te phyir log pa'i tshe bza' ba dang / /btung ba dang / khrus bya ba ci yang sta gon ma byas so/ /de nas zla ba zhi bas smras pa/ bzang mo chu khyer te shog /khrus bya'o/ / chung mas smras pa/ rje'i sras chab sta gon ma bgyis so/ /bzang mo gal te de lta na zas khyer te shog bza'o/ /rje'i sras de yang sta gon ma bgyis so/ /de khros te smras pa/ nga'i phu bo 'dug pa de'i tshe na ngas re shig khyod btang snyoms su bzhag par zad kyi/ khyod kyi rang bzhin ni ma brdegs kyi bar du byed du mi btub pa yin no zhes des bsnun pa gzas te brdeg par brtsams pa dang / chung mas smras pa/ rje'i sras re shig gzhes shig dang khyim gyi rig pa je gsan par bgyi'o/ / des smras pa/ thos par gyis shig chung mas skye bo mang po gzhan dag dang / /gzhan gyi khyim du 'ang shes gyur cing / /grong srung rigs kyis shes gyur gyis/ /kha rog 'dug shig chol zangs pa zhes smras pa dang / des smras pa/ bzang mos smras pa de'i don ci yin/ chung mas smras pa/ gal te rdeg par mdzad na don yang khyod la brjod par bgyi'o/ /de ri dgas gnad du phog pa ltar zug rngus zug nas smras pa/ mi rdeg gis thong la don ma smra shig ces zer ro/ /dge slong dag de'i tshe de'i dus na bram ze zla grags shes bya ba gang yin pa de ni nga nyid yin no/ /de'i tshe de'i dus na chol zangs pa zhes bya ba gang yin pa de ni 'dun pa 'di yin no/ /dge slong dag de'i tshe yang 'dis bram ze dang / khyim bdag des bdag gi mdun du nga nye dur brjod cing bdag nyid smra ba dang / rnam par smra ba byas so/ /da ltar yang 'dis tshangs pa mtshungs par spyod pa des pa des pa rnams kyi mdun du nga nye dur brjod cing bdag nyid smra ba dang / rnam par smra bar byed do/ /dge slong dag de lta bas na nga nye dur brjod pa rnams kyis tshangs pa mtshungs par spyod pa gnas brtan rnams dang / bar ma rnams dang / gsar bu rnams la yang gus pa dang bcas pa dang / rje sa dang bcas pa dang / 'jigs pa dang bcas pa'i dbang du 'gyur ba dag gis gnas par bya'o/ /bka' blo mi bde ba'i dge 'dun lhag ma ste/ bcu gsum pa rdzogs s+ho// //tshe dang ldan pa dag bdag gi dge 'dun lhag ma'i chos bcu gsum po dag bton zin no/ /de dag las dgu ni ltung ba dang po dag nyid kyis so/ /bzhi ni lan gsum gyi bar gyis so/ /dge slong gis de dag las ltung ba gang yang rung ba zhig byas la ji srid du shes bzhin du 'chab par byed pa de srid du des mi 'dod bzhin du spo ba bya'o/ /dge slong gis mi 'dod bzhin du spo ba byas nas 'og tu zhag drug gi bar du dge 'dun mgu bar bya ba spyad par bya'o/ /dge slong gis mgu bar bya ba spyad nas dbyung ba la thogs te chos dang 'thun par byas la dge slong gi dge 'dun gyi sems mgu bar byas na/ gang na dge slong nyi shu'i tshogs kyi dge 'dun yod pa der dge slong de dbyung bar bya'o/ /gal te dge slong nyi shur gcig gis ma tshang ba'i tshogs kyi dge 'dun gyis dge slong de 'byin par byed na dge slong de yang ma phyin la/ dge slong de dag kyang smad par bya ba yin te/ de la de ni cho ga yin no/ /dge 'dun lhag ma rnams rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs s+ho/ /de nas tshe dang ldan pa 'char ka snga dro sham thab bgos lhung bzed dang chos gos thogs te mnyan yod du bsod snyoms la zhugs nas mthar gyis mnyan yod du bsod snyoms la rgyu ba na khyim bdag gi chung ma sbed ma'i khyim ga la ba der song ngo / /khyim bdag gi chung ma sbed mas tshe dang ldan pa 'char ka thag ring po kho na nas mthong ste/ mthong nas kyang tshe dang ldan pa 'char ka'i phyir stan shom par byed cing 'di skad ces kyang smras so/ /btsun pa 'char ka tshur spyon/ btsun pa 'char ka byon pa legs so/ /btsun pa 'char ka gdan bshams pa nyid la bzhugs shig /tshe dang ldan pa 'char ka stan bshams pa de la 'dug go/ /de nas khyim bdag gi chung ma sbed mas/ tshe dang ldan pa 'char ka'i rkang pa gnyis la mgo bos phyag 'tshal te pus mo gnyis la pus mo gnyis gtad de chos nyan pa'i phyir 'dug go/ /tshe dang ldan pa 'char kas de la chos snyan pa dag bstan par brtsams so/ /de'i tshe na ri dgas 'dzin gyi ma sa ga khyim de'i nyen kor na 'gro bas ri dgas 'dzin gyi ma sa gas khyim bdag gi chung ma sbed ma'i khyim na tshe dang ldan pa 'char ka'i skad kyi gdangs grag pa thos so/ /thos nas kyang de 'di snyam du sems te/ kye ma 'phags pa 'char ka skad kyi gdangs kyis khyim bdag gi chung ma sbed ma la sbrang bu sbrang rtsi 'byin pa dang 'dra bar chos snyan pa snyan pa dag ston par byed kyis bdag kyang gzhan la brtsams pa'i chos mnyan pa'i phyir 'gro'o snyam mo/ /de nas ri dgas 'dzin gyi ma sa ga khyim bdag gi chung ma sbed ma'i khyim ga la ba der song ba dang / ri dgas 'dzin gyi ma sa gas khyim bdag gi chung ma sbed ma tshe dang ldan pa 'char ka'i pus mo gnyis la pus mo gnyis gtad de chos mnyan pa'i phyir 'dug pa mthong ngo / /mthong nas kyang de 'di snyam du sems te/ gal te khyim bdag gam/ khyim bdag gi chung ma 'am/ khyim bdag gi bu ma dad pa 'ga' zhig gis 'di mthong bar gyur na/ 'phags pa 'char ka 'dis khyim bdag gi chung ma sbed ma dang lhan cig dben pa skyabs yod par dge sbyong gi tshul ma yin pa sdig pa'i las cung zhig byas sam byed par sems so/ / snyam du gdon mi za bar mthar thug par 'gro bar 'gyur bas de'i phyir 'di ni bdag gi bya ba yin no snyam nas/ de nas ri dgas 'dzin gyi ma sa ga bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go/ /mtha' gcig tu 'dug nas bcom ldan 'das la ri dgas 'dzin gyi ma sa gas 'di skad ces gsol to/ /btsun pa bdag gis khyim bdag gi mchis brang sbed ma'i sdum pa na tshe dang ldan pa 'char ka'i skad kyi gdangs grag pa thos te/ thos nas bdag 'di snyam bgyid de/ kye ma 'phags pa 'char ka khyim bdag gi mchis brang sbed ma la sbrang bu sbrang rtsi 'byin pa dang 'dra bar chos snyan pa snyan pa dag ston par bgyid kyis/ bdag kyang gzhan la brtsams pa'i chos mnyan pa'i slad du mchi 'o snyam nas/ bdag khyim bdag gi mchis brang sbed ma'i sdum pa ga la ba der mchis pa dang / bdag gis khyim bdag gi mchis brang sbed ma tshe dang ldan pa 'char ka'i pus mo gnyis la pus mo gnyis gtad de mchis pa mthong ngo / /mthong nas kyang bdag 'di snyam bgyid de/ /gal te khyim bdag gam/ khyim bdag gi mchis brang ngam/ khyim bdag gi bu ma dad pa 'ga' zhig gis 'di mthong bar gyur na/ 'phags pa 'char ka 'dis khyim bdag gi mchis brang sbed ma dang lhan cig dben pa skyabs mchis par dge sbyong gi tshul ma lags pa sdig pa'i las cung zhig bgyis sam bgyid par sems so snyam du gdon mi 'tshal bar mthar thug par mchi bar 'gyur bas de'i slad du 'di ni bdag gi bgyi ba lags so snyam bgyid na/ btsun pa de'i slad du bcom ldan 'das kyis thugs brtse ba'i slad du/ gang gis 'phags pa dag bud med kyi yul dang lhan cig gcig pu gcig dang dben pa skyabs mchis pa na stan la mchis par mi 'gyur bar 'phags pa rnams la dran pa bgyi ba cung zhig bca' ba mdzad na legs so legs so/ /bcom ldan 'das kyis ri dgas 'dzin gyi ma sa ga la cang mi gsung bas gnang ngo / /de nas ri dgas 'dzin gyi ma sa gas bcom ldan 'das kyis cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal te stan las langs nas song ngo / /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes bya ba la sogs pas rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bud med kyi yul dang lhan cig gcig pu gcig dang dben pa skyabs yod pa na 'dod pa byar rung bar stan la 'dug par byed cing / de la gal te dge bsnyen ma yid ches pa'i tshig dang ldan pa chos gsum po pham par 'gyur ba 'am/ dge 'dun lhag ma 'am/ ltung byed las chos gang yang rung bas smras par gyur la dge slong gis 'dug par khas blangs na chos gsum po pham par 'gyur ba 'am/ dge 'dun lhag ma 'am/ ltung byed las chos gang yang rung bas byed du gzhug cing / dge slong de la dge bsnyen ma yid ches pa'i tshig dang ldan pas chos gang dang gang gis smras par gyur pa'i chos de dang des dge slong de byed du gzhug ste de ni ma nges pa'i chos so/ / yang dge slong gang zhes bya ba ni 'char ka 'am gzhan yang de lta bu gang yin pa'o/ /bud med kyi yul dang zhes bya ba ni bud med dam gzhon nu ma mi tshangs par spyad pa las byung ba'i chos sten nus pa dang ngo / /lhan cig ces bya ba ni de dang lhan cig go/ /gcig pu gcig dang zhes bya ba ni de de dang ngo / /dben pa zhes bya ba ni gang na bud med dang skyes pa dang ma ning gzhan 'ga' yang med pa'o/ /skyabs yod pa na zhes bya ba ni lngas bskyabs pa ste/ rtsig pas bskyabs pa dang / rib mas bskyabs pa dang / yol bas bskyabs pa dang / thibs pos bskyabs pa dang / mtshan mos bskyabs pa na'o/ /'dod pa byar rung bar zhes bya ba ni mi tshangs par spyod pa byar rung bar ro/ /stan la zhes bya ba ni gzhi la'o/ /'dug par byed cing zhes bya ba ni 'dom gang gi nang du rkub btsos 'jog par byed cing ngo / /de la gal te dge bsnyen ma yid ches pa'i tshig dang ldan pas shes bya ba la yid ches pa zhes bya ba ni sangs rgyas la mngon par dad pa dang / chos dang dge 'dun la mngon par dad pa dang / sangs rgyas la skyabs su song ba dang / chos dang dge 'dun la skyabs su song ba dang / sangs rgyas la gcig tu gyur pa dang / chos dang dge 'dun la gcig tu gyur pa dang / sangs rgyas la nem nur med cing the tshom med pa dang / chos dang dge 'dun dang / sdug bsngal dang / kun 'byung dang / 'gog pa dang / lam la nem nur med cing the tshom med pa dang / bden pa mthong ba dang / 'bras bu thob pa dang / mngon par rtogs pa dang ldan pa dang / gang gi rang gi srog gi phyir yang shes bzhin du brdzun gyi tshig smra bar mi nus pa'o/ /chos gsum po zhes bya ba la/ gsum po zhes bya ba ni grangs bstan pa'o/ /pham par 'gyur ba 'am/ dge 'dun lhag ma 'am/ ltung byed las chos gang yang rung bas shes bya ba la/ pham par 'gyur ba zhes bya ba ni bzhi po dag las gang yang rung bas so/ /dge 'dun lhag ma zhes bya ba ni bcu gsum po dag las gang yang rung bas so/ / ltung byed ces bya ba ni dgu bcu po dag las gang yang rung bas so/ /'di ltar dge bsnyen ma yid ches pa'i tshig dang ldan pa ni ltung ba la mi mkhas pa dang / ltung ba'i gleng gzhi la mi mkhas pa dang / ltung ba kun nas slong ba la mi mkhas pa yin pas 'di ltar des dge slong mi chos bla ma smra ba 'am/ bud med kyi yul dang lhan cig stan gcig la lus kyis reg par byed pa 'am/ snod gcig tu za bar byed pa 'am/ phor bu gcig tu myos par 'gyur ba'i btung ba sna tshogs 'thung ba 'am/ sa rko ba 'am/ rtswa sngon po gcod pa 'am/ dus ma yin par za ba 'am/ gzhan yang rang bzhin dang bcas pa'i kha na ma tho ba dang bcas ba'i las gang byed par mthong ba de dag las gang khas blangs pa de byed du gzhug pa'o/ /byed du gzhug ces bya ba ni 'chags su gzhug pa'o/ /de ni ma nges pa'i chos so zhes bya ba ni de ni rnam par ma bzhag pa'i chos yin pa'o/ /de la ltung bar ji ltar 'gyur zhe na/ dge slong gis dge bsnyen ma yid ches pa'i tshig dang ldan pa'i tshig gis 'gro ba khas len cing 'greng ba yang mi len 'dug pa yang mi len nyal ba yang mi len na/ gang khas len pa de byed du gzhug go/ /dge slong gis dge bsnyen ma yid ches pa'i tshig dang ldan pa'i tshig gis 'gro ba dang / 'greng ba khas len cing 'dug pa yang mi len/ nyal ba yang mi len na gang khas len pa de byed du gzhug go/ /dge slong gis dge bsnyen ma yid ches pa'i tshig dang ldan pa'i tshig gis 'gro ba dang / 'greng ba dang / 'dug pas khas len cing nyal ba mi len na gang khas len pa de byed du gzhug go/ /dge slong gis dge bsnyen ma yid ches pa'i tshig dang ldan pa'i tshig gis 'gro ba dang / 'greng ba dang / 'dug pa dang / nyal ba khas len na thams cad byed du gzhug go/ /gal te dge slong gis dge bsnyen ma yid ches pa'i tshig dang ldan pa'i tshig gis 'gro ba yang khas mi len cing 'greng ba yang mi len 'dug pa yang mi len/ nyal ba yang mi len na de la chad pa'i las 'os pa yin pas dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa sbyin par bya'o/ /'di ltar sbyin par bya ste/ gnas mal bsham pa byas nas gaN DI brdungs te dris pa'i tshig gis dge 'dun thams cad la yang dag par bsgo nas dge 'dun thams cad 'dug cing 'thun par gyur pa la dge slong gcig gis gsol ba byas te las bya'o/ /dge 'dun btsun pa rnams gsan du gsol/ tshe dang ldan pa 'char ka 'di dge bsnyen ma yid ches pa'i tshig dang ldan pa'i tshig gis 'gro ba yang mchid kyis mi 'tshal/ 'greng ba yang mi 'tshal/ 'dug pa yang mi 'tshal/ nyal ba yang mi 'tshal na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa stsol to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ tshe dang ldan pa 'char ka 'di dge bsnyen ma yid ches pa'i tshig dang ldan pa'i tshig gis 'gro ba yang mchid kyis mi 'tshal/ 'greng ba yang mi 'tshal/ 'dug pa yang mi 'tshal / nyal ba yang mi 'tshal te/ de'i slad du dge 'dun gyis tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa stsol na/ tshe dang ldan pa gang dag tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug stsal lags te 'di ltar cang mi gsung bas de de bzhin du 'dzin to/ /dge slong dag ngas dge slong de'i ngo bo nyid tshol du gzhug pa byin pa'i kun du spyod pa'i chos dag bca' bar bya ste/ dge slong de'i ngo bo nyid tshol du gzhug pa byin pas rab tu dbyung bar mi bya/ bsnyen par rdzogs par mi bya/ gnas sbyin par mi bya/ dge tshul nye bar gzhag par mi bya'o/ /des dge slong la tshul khrims nyams pa dang / lta ba nyams pa dang / cho ga nyams pa dang / 'tsho ba nyams pas gleng bar mi bya/ dran par mi bya'o/ /dge slong ma la ston par bsko bar mi bya'o/ /sngar bskos na yang des dge slong ma la bstan par mi bya'o/ /des gdams ngag gzhag par mi bya/ gso sbyong gzhag par mi bya/ dgag dbye gzhag par mi bya'o/ /des gsol ba mi bya gsol ba dang gnyis dang / gsol ba dang bzhi'i las mi bya'o/ /des dge 'dun gyi nang du gang zag 'dul ba 'dzin pa gzhan dag yod na so sor thar pa'i mdo gdon par mi bya'o/ /dge slong de'i ngo bo nyid tshol du gzhug pa byin pas kun du spyad par bya ba'i chos ji ltar bcas pa yang dag par blangs te 'jug par mi byed na 'gal tshabs can du 'gyur ro/ /ma nges pa'i chos dang po rdzogs s+ho// // sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs s+ho/ /de nas dge slong shi ri ka snga dro sham thabs bgos lhung bzed dang chos gos thogs te rgyal po'i khab tu bsod snyoms la zhugs nas/ mthar gyis rgyal po'i khab tu bsod snyoms rgyu ba na khyim bdag gi chung ma gso sbyong 'phags kyi khyim ga la ba der song ngo / /khyim bdag gi chung ma gso sbyong 'phags kyis dge slong shi ri ka thag ring po kho na nas mthong ste/ mthong nas kyang dge slong shi ri ka'i phyir stan shom par byed cing 'di skad ces kyang smras so/ /btsun pa shi ri ka tshur spyon/ btsun pa shi ri ka byon pa legs so/ /btsun pa shi ri ka gdan bshams pa nyid la bzhugs shig /dge slong shi ri ka stan bshams pa de la 'dug go/ /de nas khyim bdag gi chung ma gso sbyong 'phags kyis dge slong shi ri ka'i rkang pa gnyis la mgo bos phyag 'tshal te pus mo gnyis la pus mo gnyis ma reg par chos mnyan pa'i phyir 'dug go/ /dge slong shi ri kas de la chos snyan pa snyan pa dag bstan par brtsams so/ /de'i tshe na dge bsnyen ma legs skyes de'i nyen kor na 'gro bas dge bsnyen ma legs skyes kyis khyim bdag gi chung ma gso sbyong 'phags kyi khyim na dge slong shi ri ka'i skad kyi gdangs grags pa thos so/ /thos nas kyang de 'di snyam du sems te/ kye ma 'phags pa shi ri ka'i skad kyi gdangs kyis khyim bdag gi chung ma gso sbyong 'phags la sbrang bu sbrang rtsi 'byin pa dang 'dra bar chos snyan pa snyan pa dag ston par byed kyis/ bdag kyang gzhan la brtsams pa'i chos mnyan pa'i phyir 'gro'o snyam mo/ /de nas dge bsnyen ma legs skyes khyim bdag gi chung ma gso sbyong 'phags kyi khyim ga la ba der song ba dang / dge bsnyen ma legs skyes kyis khyim bdag gi chung ma gso sbyong 'phags dge slong shi ri ka'i pus mo gnyis la pus mo gnyis ma reg par chos mnyan pa'i phyir 'dug pa mthong ngo / /mthong nas kyang de 'di snyam du sems te/ gal te khyim bdag gam/ khyim bdag gi chung ma 'am/ khyim bdag gi bu ma dad pa 'ga' zhig gis 'di mthong bar gyur na 'phags pa shi ri ka 'dis khyim bdag gi chung ma gso sbyong 'phags dang lhan cig dben pa skyabs yod par dge sbyong gi tshul ma yin pa sdig pa'i las cung zhig byas sam/ byed par sems so snyam du gdon mi za bar mthar thug par 'gro bar 'gyur bas de'i phyir 'di ni bdag gis bya ba yin no snyam nas de nas dge bsnyen ma legs skyes bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la dge bsnyen ma legs skyes kyis 'di skad ces gsol to/ /btsun pa bdag gis khyim bdag gi mchis brang gso sbyong 'phags kyi sdum pa na 'phags pa shi ri ka'i skad kyi gdangs grags pa thos te/ thos nas kyang bdag 'di snyam bgyid de/ kye ma 'phags pa shi ri ka khyim bdag gi mchis brang gso sbyong 'phags la sbrang bu sbrang rtsi 'byin pa dang 'dra bar chos snyan pa snyan pa dag ston par bgyid kyis/ bdag kyang gzhan la brtsams pa'i chos mnyan pa'i slad du mchi'o snyam nas bdag khyim bdag gi mchis brang gso sbyong 'phags kyi sdum pa ga la ba der mchis pa dang / bdag gis khyim bdag gi mchis brang gso sbyong 'phags dge slong shi ri ka'i pus mo gnyis la pus mo gnyis ma reg par mchis pa mthong ngo / /mthong nas kyang bdag 'di snyam bgyid de/ gal te khyim bdag gam/ khyim bdag gi mchis brang ngam/ khyim bdag gi bu ma dad pa 'ga' zhig gis 'di mthong bar gyur na 'phags pa shi ri ka 'dis khyim bdag gi mchis brang gso sbyong 'phags dang lhan cig dben pa skyabs mchis par dge sbyong gi tshul ma lags pa sdig pa'i las cung zhig bgyis sam/ bgyid par sems so snyam du gdon mi 'tshal bar mthar thug par mchis par 'gyur bas de'i slad du 'di ni bdag gi bgyi ba lags so snyam bgyid na/ btsun pa de'i slad du bcom ldan 'das kyis thugs brtse ba'i slad du gang gis 'phags pa dag bud med kyi yul dang lhan cig gcig pu gcig dang dben pa skyabs mchis pa na stan la mchis par mi 'gyur bar 'phags pa rnams la dran par bgyi ba cung zhig bca' ba mdzad na legs lags so/ /bcom ldan 'das kyis dge bsnyen ma legs skyes la cang mi gsungs bas gnang ngo / /de nas dge bsnyen ma legs skyes kyis bcom ldan 'das kyis cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal te stan las langs nas song ngo / /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong shi ri ka la rmas pa/ shi ri ka khyod kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes bya ba la sogs pas rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyis bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bud med kyi yul dang lhan cig gcig pu gcig dang dben pa skyabs yod pa na 'dod pa byar mi rung bar stan la 'dug par byed cing de la gal te dge bsnyen ma yid ches pa'i tshig dang ldan pas chos gnyis po dge 'dun lhag ma 'am/ ltung byed las chos gang yang rung bas smras par gyur la/ dge slong gis 'dug par khas blangs na chos gnyis po dge 'dun lhag ma 'am/ ltung byed las chos gang yang rung bas byed du gzhug cing dge slong de la dge bsnyen ma yid ches pa'i tshig dang ldan pas chos gang dang gang gis smras par gyur pa'i chos de dang des dge slong de byed du gzhug ste de yang ma nges pa'i chos so/ /yang dge slong gang zhes bya ba ni shi ri ka 'am gzhan yang de lta bu gang yin pa'o/ /bud med kyi yul dang zhes bya ba ni bud med dang gzhon nu ma mi tshangs par spyod pa las byung ba'i chos sten nus pa dang ngo / /lhan cig ces bya ba ni de dang lhan cig go/ /gcig pu gcig dang zhes bya ba ni de de dang ngo / /dben pa zhes bya ba ni gang na bud med dang / skyes pa dang / ma ning gzhan 'ga' yang med pa'o/ /skyabs yod pa na zhes bya ba ni lngas bskyabs pa ste/ rtsig pas bskyabs pa dang / rib mas bskyabs pa dang / yol bas bskyabs pa dang / thibs pos bskyabs pa dang / mtshan mos bskyabs pa na'o/ /'dod pa byar mi rung bar zhes bya ba ni mi tshangs par spyod pa byar mi rung bar ro/ /stan la zhes bya ba ni khri dang khri'u la'o/ /'dug par byed cing zhes bya ba ni mdom gang gi nang ma yin par rkub btsos 'jog par byed cing ngo / /de la gal te dge bsnyen ma yid ches pa'i tshig dang ldan pas zhes bya ba la/ yid ches pas zhes bya ba ni sangs rgyas la mngon par dad pa dang / chos dang dge 'dun la mngon par dad pa dang / sangs rgyas la skyabs su song ba dang / chos dang dge 'dun la skyabs su song ba dang / sangs rgyas la gcig tu gyur pa dang / chos dang dge 'dun la gcig tu gyur pa dang / sangs rgyas la nem nur med cing the tshom med pa dang / chos dang / dge 'dun dang / sdug bsngal ba dang / kun 'byung ba dang / 'gog pa dang / lam la nem nur med cing the tshom med pa dang / bden pa mthong ba dang / 'bras bu thob pa dang / mngon par rtogs pa dang ldan pa dang / gang gis rang gi srog gi phyir yang shes bzhin du brdzun gyi tshig smra bar mi nus pa'o/ /chos gnyis po zhes bya ba la gnyis po zhes bya ba ni grangs bstan pa'o/ /dge 'dun lhag ma 'am/ ltung byed las chos gang yang rung bas zhes bya ba la/ dge 'dun lhag ma zhes bya ba ni bcu gsum po dag las gang yang rung bas so/ /ltung byed ces bya ba ni dgu bcu po dag las gang yang rung bas so/ /'di ltar dge bsnyen ma yid ches pa'i tshig dang ldan pa ni ltung ba la mi mkhas pa dang / ltung ba'i gleng gzhi la mi mkhas pa dang / ltung ba kun nas slong ba la mi mkhas pa yin pas 'di ltar des dge slong mi'i chos bla ma smra ba 'am/ bud med kyi yul dang lhan cig stan gcig la/ lus kyis reg par byed pa 'am/ snod gcig tu za bar byed pa 'am/ phor bu gcig tu myos par 'gyur ba'i btung ba sna tshogs 'thung ba 'am/ sa rko ba 'am/ rtswa sngon po gcod pa 'am/ dus ma yin par za ba dang / gzhan yang rang bzhin dang bcas pa'i kha na ma tho ba dang bcas pa'i las gang byed par mthong ba de dag las gang khas blangs pa de byed du gzhug pa'o/ /byed du gzhug ces bya ba ni 'chags su gzhug pa'o/ /de yang ma nges pa'i chos so zhes bya ba ni de yang rnam par ma bzhag pa'i chos yin pa'o/ /ltung ba rnam par bzhag pa dang / de'i ngo bo nyid tshol du gzhug pa'i sbyin pa dang / de'i ngo bo nyid tshol du gzhug pa byin pa'i kun du spyod pa'i chos dag ni snga ma bzhin du shes par bya'o/ /ma nges pa'i chos gnyis rdzogs s+ho// // sdom la/ 'chang ba 'bral ba 'jog pa dang / /'khrur 'jug pa dang len pa dang / /slong dang stod g.yogs smad g.yogs bcas/ /rin thang so sor bskur ba'o/ / sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong rnams la chos gos mang ba nyid 'di lta bu 'di byung ste/ chos gos gzhan gyis ni gtsug lag khang du chags chag 'debs par byed/ gzhan gyis ni legs par nyug par byed/ gzhan gyis ni lci ba sar pa'i byug pas skud par byed/ gzhan gyis ni lag pa dang rkang pa dag 'khru bar byed/ gzhan gyis ni so shing 'dor bar byed/ gzhan gyis ni grong du bsod snyoms la rgyu bar byed/ gzhan gyis ni zas kyi gral du bkad par byed/ gzhan gyis ni mkhan po dang slob dpon dag la bltar 'gro bar byed/ gzhan gyis ni ston pa'i gdams ngag nyams su myong bar byed/ gzhan gyis ni nyin mo chos mnyan pa nyams su myong bar byed/ gzhan gyis ni mtshan mo chos mnyan pa nyams su myong bar byed de/ de dag gyon pa dang 'bud par byed pa na bya ba mang ba dang / byed pa mang bar gyur cing lung mnod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed do/ /dge slong don nyung ngu dag ci'i phyir dge slong rnams la chos gos mang ba nyid 'di lta bu 'di byung ste/ chos gos gzhan gyis ni gtsug lag khang chag chag 'debs par byed/ gzhan gyis ni legs par nyug par byed/ gzhan gyis ni lci ba sar pa'i byug pas skud par byed/ gzhan gyis ni lag pa dang rkang pa dag 'khru bar byed/ gzhan gyis ni so shing 'dor bar byed/ gzhan gyis ni grong du bsod snyoms la rgyu bar byed/ gzhan gyis ni zas kyi gral du bkad par byed/ gzhan gyis ni mkhan po dang slob dpon dag la bltar 'gro bar byed/ gzhan gyis ni ston pa'i gdams ngag nyams su myong bar byed/ gzhan gyis ni nyin mo chos mnyan pa nyams su myong bar byed/ gzhan gyis ni mtshan mo chos mnyan pa nyams su myong bar byed de/ de dag byon pa dang 'bud par byed pa na bya ba mang ba dang / byed pa mang bar gyur cing lung mnod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /de bzhin gshegs pa ni don gyi dbang gnyis gzigs pa na dge slong gi dge 'dun sdud par mdzad de/ 'di lta ste nga'i nyan thos rnams kyis kun shes pa nyid du bya ba'i phyir dang / ngas 'dul ba la bslab pa'i gzhi legs par bcas par 'gyur ba'o/ /sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen bzhin du rmed pa/ mkhyen kyang mi rmed pa/ dus su rmed pa/ dus las yol bar mi rmed pa/ don dang ldan pa rmed pa/ don dang mi ldan pa mi rmed pas sangs rgyas bcom ldan 'das rnams ni don dang mi ldan pa rmed pa la chu lon gyis zlog par mdzad pa yin no/ /de la sangs rgyas bcom ldan 'das rnams ni don dang ldan pa rmed pa la dus mkhyen pa yin pas sangs rgyas bcom ldan 'das kyis dge slong rnams la rmas pa/ dge slong dag khyed la chos gos mang ba nyid 'di lta bu 'di byung ste/ chos gos gzhan gyis ni gtsug lag khang du chags chags 'debs par byed/ gzhan gyis ni legs par nyug par byed/ gzhan gyis ni lci ba sar pa'i byug pas skud par byed/ gzhan gyis ni lag pa dang rkang pa dag 'khru bar byed/ gzhan gyis ni so shing 'dor bar byed/ gzhan gyis ni grong du bsod snyoms la rgyu bar byed/ gzhan gyis ni zas kyi gral du bkad par byed/ gzhan gyis ni mkhan po dang slob dpon dag la bltar 'gro bar byed/ gzhan gyi ni ston pa'i gdams ngag nyams su myong bar byed/ gzhan gyis ni nyin mo chos mnyan pa nyams su myong bar byed/ gzhan gyis ni mtshan mo chos mnyan pa nyams su myong bar byed de/ khyed cag gyon pa dang 'bud par byed pa na bya ba mang ba dang / byed pa mang bar gyur cing lung mnod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed pa bden nam/ btsun pa mad do/ /sangs rgyas bcom ldan 'das kyis gso dka' ba dang / dgang dka' ba dang / 'dod pa che ba dang / chog mi shes pa rnam par smad do/ /de nas bcom ldan 'das kyis gso sla ba dang / dgang sla ba dang / 'dod pa chung ba dang / chog shes pa dang / phreng ba dang / yo byad bsnyungs pa dang / sbyangs pa'i yon tan dang / mdzes pa dang / tshod shes pa nyid kyi bsngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ 'di lta ste/ dge 'dun bsdu ba'i phyir dang / dge 'dun legs par bya ba'i phyir dang / dge 'dun bde bar gnas par bya ba'i phyir dang / gnong mi bkur ba'i gang zag rnams tshar gcad pa'i phyir dang / ngo tsha shes pa rnams bde bar gnas par bya ba'i phyir dang / mngon par ma dad pa rnams mngon par dad par bya ba'i phyir dang / mngon par dad pa rnams phyir zhing 'byung bar bya ba'i phyir dang / tshe 'di'i zag pa rnams bsdams par bya ba'i phyir dang / tshe rabs phyi ma'i rnams bzlog pa'i phyir dang / nga'i tshangs par spyod pa skye bo mang po la phan pa yangs par gyur pa lha dang mi'i bar dag la yang dag par rab tu bstan pa yun ring du gnas par 'gyur ba'o/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong chos gos zin pas sra brkyang phyung na chos gos gsum bcang bar bya'o/ /de las lhag par 'chang na spang ba'i ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad do/ /sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /de'i tshe na tshe dang ldan pa 'od srung chen po rgyal po'i khab na dgon pa'i spyil bu na 'dug ste/ gang gi tshe bcom ldan 'das kyis tshe dang ldan pa 'od srung chen po dge 'dun la gtad pa'i tshe khyim bdag gcig gis yun ring po nas smon pa kye ma bdag gis gnas brtan 'od srung chen po lha dang mis mchod pa bshos gsol te/ ras yug chen zhig bskon na ci ma rung snyam na de'i 'dod pa yongs su rdzogs par ma gyur nas/ de nas khyim bdag de ras yug chen thogs nas tshe dang ldan pa kun dga' bo ga la ba der song ste phyin nas tshe dang ldan pa kun dga' bo'i rkang pa gnyis la mgo bos phyag 'tshal te/ tshe dang ldan pa kun dga' bo la 'di skad ces smras so/ /btsun pa kun dga' bo khyod kyis da ltar gnas brtan 'od srung chen po ga la bzhugs ci gsan/ khyim bdag dgon pa'i spyil bu na 'dug ces thos so / /ji tsam byon par 'gyur/ 'di nyid kyi gso sbyong bcwa lnga pa'i tshe'o/ /btsun pa kun dga' bo mkhyen par mdzod cig /'di na bdag yun ring po nas smon pa/ kye ma bdag gis gnas brtan 'od srung chen po lha dang mis mchod pa bshos gsol te ras yug chen zhig bkon na ci ma rung snyam na/ bdag gis ras yug chen de yang 'tshal te mchis na/ btsun pa kun dga' bo mkhyen par mdzod cig /bdag cag khyim pa dag ni bgyi ba mang ba dang / bgyid pa mang ba lags kyi/ kye ma btsun pa kun dga' bos bdag la thugs brtse ba'i slad du gnas brtan 'od srung chen po lha dang mis mchod pa la ras yug chen 'di bskon du gsol/ de nas tshe dang ldan pa kun dga' bo 'di snyam du sems te/ gal te bdag gis khyim bdag las ras yug chen blangs na ni bslab pa'i gzhi ral bar yang 'gyur/ gal te ma blangs na ni khyim bdag gi bsod nams kyi bar chad dang / gnas brtan 'od srung chen po'i rnyed pa'i bar chad du yang 'gyur na bdag gis blangs par gyur na dus yin pa'i phyir bcom ldan 'das kyis gnang bar 'gyur ba gang yin pa de'i gnas kyang yod par 'gyur grang snyam nas/ de nas tshe dang ldan pa kun dga' bos khyim bdag las ras yug chen blangs nas bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ mtha' gcig tu 'dug nas tshe dang ldan pa kun dga' bos skabs de bcom ldan 'das la rgyas par gsol to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo legs so legs so/ /ngas gnang ba gang yin pa de khyod kyis shes te/ de lta bas na dge slong gis zhag bcu'i bar du gos lhag pa rung bar ma byas pa bcang bar rjes su gnang ngo / /de nas bcom ldan 'das kyis bslab pa 'dod pa rnams dang / bslab pa la gus pa rnams dang / bslab pa la yo byad bsnyungs pa rnams dang / sbyangs pa'i yon tan rnams dang / mdzes pa rnams dang / tshod shes pa rnams kyi bsngags pa brjod nas dge slong rnams bka' stsal pa/ dge slong dag de lta bas na snga ma ni bcas pa yin la 'di ni gnang ba yin no/ / nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong chos gos zin pas sra brkyang phyung na zhag bcu'i bar du gos lhag pa rung bar ma byas pa bcang bar bya'o/ /de las 'das par 'chang na spang ba'i ltung byed do/ /dge slong zhes bya ba ni chos 'di pa'o/ /chos gos zin pas sra brkyang phyung na zhes bya ba la/ chos gos zin la sra brkyang ma phyung ba yang yod/ sra brkyang phyung la chos gos ma zin pa yang yod/ chos gos zin cing sra brkyang phyung ba yang yod/ chos gos ma zin cing sra brkyang ma phyung ba yang yod do/ /de la re shig ji tsam gyis na chos gos zin la sra brkyang ma phyung ba yin zhe na/ 'di lta ste/ dge slong gis chos gos dag bkru ba dang / dra ba dang / drub pa dang / kha bsgyur zin la dge 'dun gyis sra brkyang ma phyung ba yin te/ de tsam gyis na chos gos zin la sra brkyang ma phyung ba yin no/ /ji tsam gyis na sra brkyang phyung la chos gos ma zin pa yin zhe na/ 'di lta ste/ dge slong gis chos gos dag bkru ba dang / dra ba dang / drub pa dang / kha bsgyur ma zin la dge 'dun gyis sra brkyang phyung ba yin te/ de tsam gyi na sra brkyang phyung la chos gos ma zin pa yin no/ /ji tsam gyis na chos gos zin cing sra brkyang phyung ba yin zhe na/ 'di lta ste/ dge slong gis chos gos dag bkru ba dang / dra ba dang / drub pa dang / kha bsgyur zin cing dge 'dun gyis kyang sra brkyang phyung ba yin te/ de tsam gyis na sra brkyang phyung zhing chos gos zin pa yin no/ /ji tsam gyis na chos gos ma zin cing sra brkyang ma phyung ba yin zhe na/ rnam pa de dag ma gtogs pa'o/ /zhag bcu'i bar du zhes bya ba ni mtshan mo bcu'i mthar ro/ /gos lhag pa zhes bya ba ni byin gyis brlab par bya ba las lhag pa'o/ / rung bar ma byas pa zhes bya ba ni brtag pa ma byas pa'o/ /bcang bar bya'o zhes bya ba ni bdag gir bya ba'o/ /de las 'das par 'chang na zhes bya ba ni de las thal bar 'chang na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so// //'dul ba rnam par 'byed pa/ bam po nyi shu lnga pa/ de la ltung bar ji ltar 'gyur zhe na/ 'di lta ste dge slong gis tshes la gos rnyed na dge slong des gos de zhag bcu po de nyid kyi nang du byin gyis brlab par bya ba 'am/ gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya reng shar na spang ba'i ltung byed du 'gyur ro/ /tshes la gos ma rnyed kyang tshes gnyis sam/ tshes gsum 'am/ tshes dgu 'am/ tshes bcu tshun cad kyis gos rnyed na dge slong des gos de zhag bcu po de nyid kyi nang du byin gyis brlab par bya ba 'am/ gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /dge slong gis tshes la gos shig rnyed cing des tshes gnyis la yang gzhan zhig rnyed na dge slong des zhag bcu po de nyid kyi nang du snga ma byin gyis brlab par bya zhing phyi ma gtang bar bya ba 'am/ rung bar bya ba 'am/ gzhan la sbyin par bya'o/ /yang na phyi ma byin gyis brlabs par bya zhing snga ma gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ / tshes dang tshes gnyis la ma rnyed kyang tshes gsum dang tshes bcu tshun cad kyis gos shig rnyed na dge slong des zhag bcu po de nyid kyi nang du snga ma byin gyis brlab par bya zhing phyi ma gtang bar bya ba 'am/ rung bar bya ba 'am/ gzhan la sbyin par bya'o/ /yang na phyi ma byin gyis brlab par bya zhing snga ma gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /dge slong gis tshes la gos gnyis rnyed na dge slong des gos de gnyis zhag bcu po de nyid kyi nang du byin gyis brlab par bya ba 'am/ gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ /gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /tshes la gos gnyis ma rnyed kyang tshes gnyis sam/ tshes gsum 'am/ tshes dgu 'am/ tshes bcu tshun cad kyis gos gnyis rnyed na dge slong des gos de gnyis zhag bcu po de nyid kyi nang du byin gyis brlab par bya ba 'am/ gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /dge slong gis tshes la gos gnyis shig rnyed cing des tshes gnyis la yang gos gzhan gnyis shig rnyed na dge slong des zhag bcu po de nyid kyi nang du snga ma gnyis byin gyis brlab par bya zhing phyi ma gnyis gtang bar bya ba 'am/ rung bar bya ba 'am/ gzhan la sbyin par bya'o/ /yang na phyi ma gnyis byin gyis brlab par bya zhing snga ma gnyis gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /tshes dang tshes gnyis la ma rnyed kyang tshes gsum dang tshes bcu tshun cad kyis gos gnyis shig rnyed na dge slong des zhag bcu po de nyid kyi nang du snga ma gnyis byin gyis brlab par bya zhing phyi ma gnyis gtong bar bya ba 'am/ rung bar bya ba 'am/ gzhan la sbyin par bya'o/ /yang na phyi ma gnyis byin gyis brlab par bya zhing snga ma gnyis gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma bcu gcig pa'i skya ring shar na spang ba'i ltung byed du 'gyur ro/ /dge slong gis tshes la gos mang po rnyed na dge slong des gos de dag zhag bcu po de nyid kyi nang du byin gyis brlab par bya ba 'am/ gtong bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /tshes la gos mang po ma rnyed kyang tshes gnyis sam/ tshes gsum 'am/ tshes dgu 'am/ tshes bcu tshun cad kyis gos mang po rnyed na dge slong des gos de dag zhag bcu po de nyid kyi nang du byin gyis brlab par bya ba 'am/ gtong bar bya ba 'am/ rung bar bya ba 'am/ gzhan la sbyin par bya'o/ / byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /dge slong gis tshes la gos mang po dag cig rnyed cing des tshes gnyis la yang gzhan mang po dag cig rnyed na dge slong des zhag bcu po de nyid kyi nang du snga ma dag byin gyis brlab par bya zhing phyi ma dag gtang bar bya ba 'am/ rung bar bya ba 'am/ gzhan la sbyin par bya'o/ /yang na phyi ma dag byin gyis brlab par bya zhing snga ma dag gtong bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /tshes dang tshes gnyis la ma rnyed kyang tshes gsum dang tshes bcu tshun cad kyis gos mang po dag cig rnyed na dge slong des zhag bcu po de nyid kyi nang du snga ma dag gtong bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /dge slong gi gos spang bar gyur na de ma spangs shing bral bar ma byas la ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ /dge slong gi gos spang bar gyur na de spangs shing bral bar ma byas la ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ /dge slong gi gos spang bar gyur na de spangs shing bral bar byas la ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ /dge slong gi gos spang bar gyur na de spangs shing bral bar byas la ltung ba bshags nas gzhan zhig rnyed na de la ltung ba med do/ /de bzhin du dge slong gis ji srid du spang ba'i dngos po de ma bshags shing so sor ma bshags par lhung bzed dam/ chos gos sam/ dra ba 'am/ phor bu 'am/ ska rags sam/ dge sbyong gi 'tsho ba'i yod byad gang yang rung ba gzhan nye bar 'jog par byed na de yang snga ma'i rgyud kyis spang bar 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /'chang ba'i spang ba ste dang po rdzogs so// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong rnams la chos gos mang ba nyid 'di lta bu 'di byung ste/ dge slong dbyar gnas par khas blangs pa gang yang rung bas chos gos rnyed nas des de bkrus shing dras te drubs nas kha bsgyur te gtur bu'i bam po bsgres nas dge slong gnas pa dang / gnyug mar gnas pa rnams la rjes su gtad de/ dge slong dag chos gos stod g.yogs smad g.yogs dang bcas pas ljongs rgyur 'dong zhing de dag chos gos stod g.yogs smad g.yogs dang bcas pas ljongs rgyur 'dong ba na ma sbas pa dang sbed du ma bcug par gyur to/ /dge slong gnas pa dang gnyug mar gnas pa dag kyang chos gos de dag skems pa dang / gsang ba dang 'ding ba dang / sprug pa dang / brtul ba dang / sbed pa dag byed pas bya ba mang ba dang / byed pa mang bar gyur cing lung mnod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed nas/ dge slong don nyung ngu dag ci'i phyir dge slong rnams la chos gos mang ba nyid 'di lta bu 'di byung ste/ dge slong dbyar gnas par khas blangs pa gang yang rung bas chos gos rnyed nas des de bkrus shing dras te drubs nas kha bsgyur te gtur bu'i bam po bsgres nas dge slong gnas pa dang / gnyug mar gnas pa rnams la rjes su gtad de/ dge slong dag chos gos stod g.yogs smad g.yogs dang bcas pas ljongs rgyur 'dong zhing de dag chos gos stod g.yogs smad g.yogs dang bcas pas ljongs rgyur 'dong ba na ma sbas pa dang sbed du ma bcug par gyur/ dge slong gnas pa dang gnyug mar gnas pa dag kyang chos gos de dag skems pa dang / bsang ba dang / 'ding ba dang / sprug pa dang / brtul ba dang / sbed pa dag byed pas bya ba mang ba dang / byed pa mang bar gyur cing lung mnod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ / sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong mang po dag la rmas pa/ dge slong dag khyed la chos gos mang ba nyid 'di lta bu byung ste/ dge slong dbyar gnas par khas blangs pa gang yang rung bas chos gos rnyed nas des de bkrus shing dras te drubs nas kha bsgyur te gtur bu'i bam po bsgres nas dge slong gnas pa dang / gnyug mar gnas pa rnams la rjes su gtad de/ dge slong dag chos gos stod g.yogs smad g.yogs dang bcas pas ljongs rgyur 'dong zhing khyed cag chos gos stod g.yogs smad g.yogs dang bcas pas ljongs rgyur 'dong ba na ma sbas pa dang / sbed du ma bcug par gyur la/ dge slong gnas pa dang gnyug mar gnas pa dag kyang chos gos de dag skems pa dang / bsang ba dang / 'ding ba dang / sprug pa dang / rtul ba dang / sbed pa dag byed pas bya ba mang ba dang / byed pa mang bar gyur cing lung mnod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed pa bden nam/ btsun pa mad do/ /sangs rgyas bcom ldan 'das kyis gso dka' ba dang / dgang dka' ba dang / 'dod pa che ba dang / chog mi shes pa rnam par smad pa mdzad do/ /de nas bcom ldan 'das kyis gso sla ba dang / dgang sla ba dang / 'dod pa chung ba dang / chog shes pa dang / phri ba dang / yo byad bsnyungs pa dang / sbyangs pa'i yon tan dang / mdzes pa nyid dang / tshod shes pa'i bsngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par rjes su gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /'dul ba la nyan thos rnams kyi bslab pa'i gzhi 'di ltar bca' bar bya ste/ dge slong chos gos zin pas sra brkyang phyung na gal te nub gcig kyang chos gos gsum las chos gos gang yang rung ba dang mtshams kyi phyi rol du bral bar byed na spang ba'i ltung byed do/ /zhes bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad do/ /sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /de'i tshe na tshe dang ldan pa 'od srung chen po rgyal po'i khab na sde can ma'i phug na gso sbyong gcig pa'i gnas kyi sdom pas dge 'dun dang 'thun par 'dug go/ /dge slong rab tu mang po dag de nyid kyi gso sbyong bcwa lnga pa'i tshe gso sbyong gi gnas su 'dug cing 'thun par gyur nas gtso cher tshe dang ldan pa 'od srung chen po 'ong ba la sdod do/ /de nas tshe dang ldan pa 'od srung chen po gso sbyong gi gnas su 'phags pa na chu klung dbyar bzang ldan rgal ba dang chu rlabs chen po byung ba des de'i snam sbyar gsher bar gyur to/ / de nas tshe dang ldan pa 'od srung chen po snam sbyar de 'tshir ba dang / 'ding ba dang / skems pa na yun ring du thogs par gyur to/ /de nas tshe dang ldan pa 'od srung chen pos snam sbyar de btsir cing bting ste bskams nas gso sbyong gi gnas ga la ba der song ste phyin nas dge slong gi dge 'dun gyi gong du stan bshams pa nyid la 'dug go/ /de nas dge slong rab tu mang po dag gis tshe dang ldan pa 'od srung chen po la 'di skad ces smras so/ /btsun pa 'od srung chen po mkhyen par mdzod cig /'di na bdag cag dge slong rab tu mang po dag gso sbyong gi gnas su 'dug cing 'thun par gyur nas gtso char tshe dang ldan pa 'od srung chen po la sdod cing 'khod na/ 'on kyang tshe dang ldan pa 'od srung chen po 'phyis par gyur to/ /tshe dang ldan pa dag 'di na bdag gso sbyong gi gnas su 'phags pa na chu klung dbyar bzang ldan rgal ba dang chu rlabs chen po byung ba des bdag gi snam sbyar gsher bar gyur nas/ bdag snam sbyar 'tshir ba dang / 'ding ba dang / skems pa na yun ring zhig thogs par gyur to/ /tshe dang ldan pa dag da ltar bdag dge slong 'od srung chen po rgan po rgas pa dgog tu gyur pa lags la bdag gi snam sbyar ni lci bas yongs su skyong bar rngo mi thog na/ bdag gis ji ltar bgyi zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'od srung chen po rgan po rgas pa dgog tu gyur pa dang / gzhan yang de lta bu gang yin pa la snam sbyar dang 'bral bar mi 'gyur ba'i gnang ba byin cig /'di ltar sbyin par bya ste/ gnas mal bshams pa byas nas gaN DI brdungs te dris pa'i tshig gis dge slong rnams la yang dag par bsgo nas dkyil 'khor bar dge slong bzhi'i tshogs las mi nyung ba'i dge 'dun thams cad 'dug cing 'thun par gyur pa la dge slong 'od srung gis bla gos phrag pa gcig tu byas te rgan rims bzhin du phyag 'tshal nas rgan pa'i mtha' logs su tsog pur 'dug ste thal mo sbyar nas dge 'dun la snam sbyar nye bar bstan te 'di skad ces brjod par bya'o/ /dge 'dun btsun pa rnams gsan du gsol/ bdag dge slong 'od srung rgan po rgas pa dgog tu gyur pa lags la bdag gi snam sbyar ni lci bas yongs su skyong bar rngo mi thog nas/ bdag dge slong 'od srung rgan po rgas pa dgog tu gyur pa dge 'dun las snam sbyar dang 'bral bar mi 'gyur ba'i gnang ba gsol na/ thugs brtse ba can dge 'dun btsun pa rnams kyis thugs brtse ba'i slad du bdag dge slong 'od srung rgan po rgas pa dgog tu gyur pa la snam sbyar dang 'bral bar mi 'gyur ba'i gnang ba stsal du gsol/ de bzhin du lan gnyis lan gsum du bzlas/ de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'od srung 'di rgan po rgas pa dgog tu gyur pa lags la 'di'i snam sbyar ni lci bas yongs su skyong bar rngo mi thogs nas/ dge slong 'od srung rgan po rgas pa dgog tu gyur pa 'di dge 'dun las snam sbyar dang 'bral bar mi 'gyur ba'i gnang ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'od srung rgan po rgas pa dgog tu gyur pa la snam sbyar dang 'bral bar mi 'gyur ba'i gnang ba stsol to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'od srung 'di rgan po rgas pa dgog tu gyur pa lags la 'di'i snam sbyar ni lci bas yongs su skyong bar rngo mi thogs nas/ dge slong 'ong srung rgan po rgas pa dgog tu gyur pa 'di dge 'dun las snam sbyar dang 'bral bar mi 'gyur ba'i snang ba gsol te/ de'i slad du dge 'dun gyis dge slong 'od srung rgan po rgas pa dgog tu gyur pa la snam sbyar dang 'bral bar mi 'gyur ba'i gnang ba stsol na/ tshe dang ldan pa gang dag dge slong 'od srung rgan po rgas pa dgog tu gyur pa la snam sbyar dang 'bral bar mi 'gyur ba'i gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong 'od srung rgan po rgas pa dgog tu gyur pa la snam sbyar dang 'bral bar mi 'gyur ba'i gnang ba stsal lags te/ 'di ltar cang mi gsung bas de de bzhin du 'dzin to/ /dge 'dun gyis dge slong gang yang rung ba la snam sbyar dang / 'bral bar mi 'gyur ba'i gnang ba byin par gyur na des chos gos stod g.yogs smad g.yogs dang bcas pas ljongs rgyur 'gro bar bya ste/ 'di la 'gyod par mi bya'o/ /de'i tshe na tshe dang ldan pa shA ri'i bu 'khor de nyid du 'dug cing 'thun par gyur to/ /de nas tshe dang ldan pa shA ri'i bus dge slong rnams la smras pa/ tshe dang ldan pa dag da ltar bdag dge slong shA ri'i bu rlung nad can lags la/ bdag gi snam sbyar ni lci bas yongs su skyong bar rngo mi thog na bdag gis ji ltar bgyi zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong shA ri'i bu rlung nad can dang gzhan yang de lta bu gang yin pa la snam sbyar dang 'bral bar mi 'gyur ba'i gnang ba byin cig /'di ltar sbyin par bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas dkyil 'khor bar dge slong bzhi'i tshogs las mi nyung ba'i dge 'dun thams cad 'dug cing / 'thun par gyur pa la dge slong shA ri'i bus bla gos phrag pa gcig tu byas te rgan rims bzhin du phyag 'tshal nas rgan pa'i mtha' logs su tsog bur 'dug ste thal mo sbyar nas dge 'dun la snam sbyar nye bar bstan te 'di skad ces brjod par bya'o/ /dge 'dun btsun pa rnams gsan du gsol/ bdag dge slong shA ri'i bu rlung nad can lags la bdag gi snam sbyar ni lci bas yongs su skyong bar rngo mi thog nas/ bdag dge slong shA ri'i bu rlung nad can dge 'dun las snam sbyar dang 'bral bar mi 'gyur ba'i gnang ba gsol na thugs brtse ba can dge 'dun btsun pa rnams kyis thugs brtse ba'i slad du bdag dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsal du gsol/ de bzhin du lan gnyis lan gsum du bzlas/ de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong shA ri'i bu 'di rlung nad can lags la 'di'i snam sbyar ni lci bas yongs su skyong bar rngo mi thog nas/ dge slong shA ri'i bu rlung nad can 'di dge 'dun las snam sbyar dang 'bral bar mi 'gyur ba'i gnang ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsol to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong shA ri'i bu 'di rlung nad can lags la 'di'i snam sbyar ni lci bas yongs su skyong bar rngo mi thog nas/ dge slong shA ri'i bu rlung nad can 'di dge 'dun las snam sbyar dang 'bral bar mi 'gyur ba'i gnang ba gsol te/ de'i slad du dge 'dun gyis dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsol na/ tshe dang ldan pa gang dag dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsal lags te/ 'di ltar cang mi gsung bas de de bzhin du 'dzin to/ /dge 'dun gyis dge slong gang yang rung ba la snam sbyar dang 'bral bar mi 'gyur ba'i gnang ba byin par gyur na/ des chos gos stod g.yogs smad g.yogs dang bcas pas ljongs rgyur 'gro bar bya ste/ 'di la 'gyod par mi bya'o/ /de nas bcom ldan 'das kyis bslab pa 'dod pa rnams kyi bsngags pa brjod cing bslab pa la gus pa rnams dang / bslab pa la yo byad bsnyungs pa rnams dang / phri ba rnams dang / sbyangs pa'i yon tan rnams dang / mdzes pa rnams dang / tshod shes pa rnams kyi yon tan brjod nas dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong chos gos zin pas sra brkyang phyung na gal te nub gcig kyang chos gos gsum las chos gos gang yang rung ba dang mtshams kyi phyi rol du 'bral bar byed na dge 'dun gyis gnang ba ma gtogs te spang ba'i ltung byed do/ /dge slong zhes bya ba ni chos 'di pa'o/ /chos gos zin pas sra brkyang phyung na zhes bya ba ni chos gos zin la sra brkyang ma phyung ba yang yod/ chos gos ma zin la sra brkyang phyung ba yang yod/ chos gos zin cing sra brkyang phyung ba yang yod/ chos gos ma zin cing sra brkyang ma phyung ba yang yod de/ snga ma bzhin du mu bzhir rgyas par sbyar ro/ /gal te nub gcig kyang zhes bya ba ni nub gcig gi mthar yang ngo / /chos gos gsum las chos gos gang yang rung ba dang zhes bya ba ni snam sbyar dang bla gos dang mthar gos las gang yang rung ba dang ngo / /mtshams kyi phyi rol du 'bral bar byed na zhes bya ba ni gzhan du skya reng 'char bar byed na'o/ /dge 'dun gyis gnang ba ma gtogs te zhes bya ba ni dge 'dun gyis gnang ba bzhag ste'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na / bar sdom la/ khyim gcig pa dang khyim gnyis dang / /khyim gyi tshogs dang ldan pa dang / /rtsig pa rib ma 'obs bskor dang / /rnam bzhir bya ba grong dang khyim/ /sten 'gro mu stegs tshong rdal dang / /tshong khang sgra khang g.yul dang ni/ /g.yul tshoms gru dang shing rta dang / /shing ljon kun dga'i ra ba yin/ /lam du 'gro sdod 'dug nyal dang / /thad kar yang ni de bzhin te/ /mtshams gzhan nyal ba tha ma yi/ /sde tshan yang dag bsdus pa yin/ / khyim gcig dang ldan pa'i grong dang / khyim gnyis dang ldan pa'i grong dang / khyim gyi tshogs dang ldan pa'i grong dang / rtsig pas bskor ba'i grong dang / rib mas bskor ba'i grong dang / 'obs kyis bskor ba'i grong dang rnam pa bzhir bya ba grong nyen kor gcig pa dang / grong nyen kor tha dad pa dang / grong rab tu mang po nyen kor gcig pa dang / grong rab tu mang po nyen kor tha dad pa dang / khyim nyen kor gcig pa dang / khyim nyen kor tha dad pa dang / khyim rab tu mang po nyen kor gcig pa dang / khyim rab tu mang po nyen kor tha dad pa dang / sten 'gro'i khyim nyen kor gcig pa dang / sten 'gro'i khyim nyen kor tha dad pa dang / sten 'gro'i khyim rab tu mang po nyen kor gcig pa dang / sten 'gro'i khyim rab tu mang po nyen kor tha dad pa dang / mu stegs can gyi khyim nyen kor gcig pa dang / mu stegs can gyi khyim nyen kor tha dad pa dang / mu stegs can gyi khyim rab tu mang po nyen kor gcig pa dang / mu stegs can gyi khyim rab tu mang po nyen kor tha dad pa dang / tshong rdal nyen kor gcig pa dang / tshong rdal nyen kor tha dad pa dang / tshong rdal rab tu mang po nyen kor gcig pa dang / tshong rdal rab tu mang po nyen kor tha dad pa dang / tshong khang nyen kor gcig pa dang / tshong khang nyen kor tha dad pa dang / tshong khang rab tu mang po nyen kor gcig pa dang / tshong khang rab tu mang po nyen kor tha dad pa dang / sgra khang nyen kor gcig pa dang / sgra khang nyen kor tha dad pa dang / sgra khang rab tu mang po nyen kor gcig pa dang / sgra khang rab tu mang po nyen kor tha dad pa dang / g.yul nyen kor gcig pa dang / g.yul nyen kor tha dad pa dang / g.yul rab tu mang po nyen kor gcig pa dang / g.yul rab tu mang po nyen kor tha dad pa dang / g.yul gyi tshoms nyen kor gcig pa dang / g.yul gyi tshoms nyen kor tha dad pa dang / g.yul gyi tshoms rab tu mang po nyen kor gcig pa dang / g.yul gyi tshoms rab tu mang po nyen kor tha dad pa dang / gru nyen kor gcig pa dang / gru nyen kor tha dad pa dang / gru rab tu mang po nyen kor gcig pa dang / gru rab tu mang po nyen kor tha dad pa dang / shing rta nyen kor gcig pa dang / shing rta nyer kor tha dad pa dang / shing rta rab tu mang po nyen kor gcig pa dang / shing rta rab tu mang po nyen kor tha dad pa dang / shing ljon pa nyen kor gcig pa dang / shing ljon pa nyen kor tha dad pa dang / shing ljon pa rab tu mang po nyen kor gcig pa dang / shing ljon pa rab tu mang po nyen kor tha dad pa dang / kun dga'i ra ba nyen kor gcig pa dang / kun dga'i ra ba nyen kor tha dad pa dang / kun dga'i ra ba rab tu mang po nyen kor gcig pa dang / kun dga'i ra ba rab tu mang po nyen kor tha dad pa dang / lam du 'gro ba la sogs pa dang / thad kar 'gro ba la sogs pa dang / mtshams gzhan dag gi gnas thun mong dang thun mong ma yin pa'i bye brag gis dge slong chos gos dang mi 'bral ba'i ltung ba rnam par bzhag pa'i bye brag rgya cher ston to/ /de la khyim gcig dang ldan pa'i grong gang zhe na/ 'di lta ste ri khrod pa rnams dang / bod rnams dang / kla klo rnams kyi grong ngo / /de'i nyen kor gang zhe na/ nang thams cad dang / phyi rol 'dom gang 'am/ gang du de dag rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni de'i nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /khyim gnyis dang ldan pa'i grong gang zhe na/ 'di lta ste khyim gcig dang ldan pa'i grong ji lta ba bzhin du khyim gnyis dang ldan pa'i grong yang de bzhin no/ /khyim gyi tshogs dang ldan pa'i grong gang zhe na/ 'di lta ste grong sgo sna tshogs nas kun nas gnas pa gang yin pa'o/ /de'i nyen kor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ / rtsigs pas bskor ba'i grong gang zhe na/ 'di lta ste grong rtsig pas bskor ba gang yin pa'o/ /de'i nyen kor gang zhe na/ nang thams cad dang phyi rol mdom gang ngam/ gang du ba lang drug dang ldan pa'i shing rta smyig ma can gyis khyab cing 'dug pa dang / bya gag spar nas 'dug pa'i bar de ni de'i nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skye reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /rib mas bskor ba'i grong gang zhe na/ 'di lta ste grong rib mas bskor ba gang yin pa'o/ /de'i nyen kor gang zhe na/ nang thams cad dang / phyi rol 'dom gang ngam/ gang du ra lug bton pa dag gi rmig pas bslang ba'i rdul 'bab pa dang / mi rang bzhin gyis ngo tsha dang ldan pa bshang sar 'gro ba'i bar de ni de'i nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /'obs kyis bskor ba'i grong gang zhe na/ 'di lta ste grong 'obs kyis bskor ba gang yin pa'o/ /de'i nyen kor gang zhe na/ nang thams cad dang phyi rol 'dom gang ngam/ gang du skas gdang bu bcu gnyis pas khyab cing 'dug pa dang / phyag dar bor ba'i bong ba rags pa 'dril ba'i bar de ni de'i nyen kor yin no/ /dge slong gis nang du chos gos dag bzhag ste/ nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /grong nyen kor gcig pa gang zhe na/ 'di lta ste/ grong gang na bskyed mos tshal lam mdun sa 'am/ lha'i gnas gcig yod pa gang yin pa'o/ /de'i nyen kor gang zhe na/ so so tha dad pa'o/ /ci zhig thun mong yin zhe na/ lha'i gnas so/ /dge slong gis grong du chos gos dag bzhag ste lha'i gnas su skya reng 'char bar byed na ltung ba med do/ /lha'i gnas su chos gos dag bzhag ste grong du skya reng 'char bar byed na yang ltung ba med do/ /grong ngam lha'i gnas su chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /grong nyen kor tha dad pa gang zhe na/ 'di lta ste grong gang na bskyed mos tshal lam/ 'dun sa 'am/ lha'i gnas rab tu mang po dag yod pa gang yin pa'o/ /de'i nyen kor gang zhe na/ so so tha dad pa'o/ / ci zhig thun mong yin zhe na/ ci yang ma yin no/ /grong rab tu mang po nyen kor gcig pa gang zhe na/ 'di lta ste/ grong gang dag na bskyed mos tshal lam/ mdun sa 'am/ lha'i gnas gcig yod pa gang yin pa'o/ /de dag gi nyen kor gang zhe na/ so so tha dad pa'o/ /ci zhig thun mong yin zhe na/ lha'i gnas so/ /dge slong gis grong du chos gos dag bzhag ste lha'i gnas su skya reng 'char bar byed na ltung ba med do/ /lha'i gnas su chos gos dag bzhag ste grong du skya reng 'char bar byed na yang ltung ba med do/ /grong ngam lha'i gnas su chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /grong rab tu mang po nyen kor tha dad pa gang zhe na/ 'di lta ste grong gang dag na bskyed mos tshal lam/ 'dun sa 'am/ lha'i gnas rab tu mang po dag yod pa gang yin pa'o/ /de dag gi nyen kor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /khyim nyen kor gcig pa gang zhe na/ 'di lta ste mi gcig gi 'am/ spun sgo ma phye ba dag gi khyim gang yin pa'o/ /de'i nyen kor gang zhe na/ nang thams cad dang / phyi rol mdom gang ngam/ /gang du de dag rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni de'i nyen kor yin no/ / dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste/ gzhan du skya reng 'char bar byed na spang ba'i ltung byed du 'gyur ro/ khyim nyen kor tha dad pa gang zhe na/ 'di lta ste mi tha dad pa dag gi 'am/ spun sgo bye ba dag gi khyim gang yin pa'o/ /de'i nyen kor gang zhe na/ so so tha dad pa'o/ / ci zhig thun mong yin zhe na/ sgo'o/ /dge slong gis nang du chos gos dag bzhag ste sgor skya reng 'char bar byed na ltung ba med do/ /sgor chos gos dag bzhag ste nang du skya reng 'char bar byed na yang ltung ba med do/ /nang ngam sgor chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /khyim rab tu mang po nyen kor gcig pa gang zhe na/ 'di lta ste mi gcig gi 'am/ spun sgo ma bye ba dag gi khyim rab tu mang po dag gang yin pa'o/ /de dag gi nyen kor gang zhe na/ nang thams cad dang phyi rol mdom gang ngam/ gang du de dag rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni de dag gi nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /khyim rab tu mang po nyen kor tha dad pa gang zhe na/ 'di lta ste mi tha dad pa dag gi 'am/ spun sgo bye ba dag ni/ khyim rab tu mang po gang dag yin pa'o/ /de dag gi nyen kor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /sten 'gro'i khyim nyen kor gcig pa gang zhe na/ 'di lta ste mi gcig gi 'am/ spun sgo ma bye ba dag gi sten 'gro'i khyim gang yin pa'o/ /de'i nyen kor gang zhe na/ nang thams cad dang phyi rol 'dom gang ngam/ gang du de dag gi gling bu 'jog par byed pa dang / rnga pa ta ha dang / pi bang dang / rdza rnga kha gcig pa dang / khar rnga dang / su g+ho sha ka 'jog par byed pa dang / mong phang dang phang lo 'jog par byed pa dang / gang du rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni de'i nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /sten 'gro'i khyim nyen kor tha dad pa gang zhe na/ 'di lta ste mi tha dad pa dag gi 'am/ spun sgo bye ba dag gi sten 'gro'i khyim gang yin pa'o/ /de'i nyen kor gang zhe na/ so so tha dad pa'o/ /ci zhig thun mong yin zhe na/ rgyal mtshan gyi shing ngo / /dge slong gis nang du chos gos dag bzhag ste rgyal mtshan gyi shing la skya reng 'char bar byed na ltung ba med do/ /rgyal mtshan gyi shing la chos gos dag bzhag ste/ nang du skya reng 'char bar byed na yang ltung ba med do/ /nang ngam rgyal mtshan gyi shing la chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /sten 'gro'i khyim rab tu mang po nyen kor gcig pa gang zhe na/ 'di lta ste mi gcig gi 'am/ spun sgo ma bye ba dag gi sten 'gro'i khyim rab tu mang po gang dag yin pa'o/ / de dag gi nyen kor gang zhe na/ nang thams cad dang phyi rol 'dom gang 'am/ gang du de dag gi gling bu 'jog par byed pa dang / rnga pa ta ha dang / pi bang dang / rdza rnga kha gcig pa dang / khar rnga dang / su g+ho sha ka 'jog par byed pa dang / mong phang dang / phang lo 'jog par byed pa dang / gang du rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni de dag gi nyen kor yin no/ / dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /sten 'gro'i khyim rab tu mang po nyen kor tha dad pa gang zhe na/ 'di lta ste mi tha dad pa dag gi 'am/ spun sgo bye ba dag gi sten 'gro'i khyim rab tu mang po gang dag yin pa'o/ /de dag gi nyen kor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /mu stegs can gyi khyim nyen kor gcig pa gang zhe na/ /'di lta ste/ mu stegs can gyi khyim lta ba gcig pa dang / bzod pa gcig pa dang / 'dod pa gcig pa dang / bsam pa gcig pa gang yin pa'o/ /de'i nyen kor gang zhe na/ nang thams cad dang phyi rol mdom gang ngam/ gang du de dag lci ba dag gding ba byed pa dang / yam sreg shing dag 'jog par byed pa dang / g.yang gzhi dag dang / shing shun dag dang / dbyig gu dag dang / ril ba dag dang / blugs gzar dag dang / dgang gzar dag 'jog pa dag dang / me sbar bar byed pa dang / yam sreg shing dag sreg par byed pa dang / gang du de dag rdung bar byed pa dang / rngo bar byed pa dang / 'thag bar byed pa dang / 'cha' bar byed ba dang / za bar byed pa dang / 'thung bar byed pa dang / khye'u sus byed pa de ni de'i nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /mu stegs can gyi khyim nyen kor tha dad pa gang zhe na/ 'di lta ste mu stegs can gyi khyim lta ba tha dad pa dang / bzod pa tha dad pa dang / 'dod pa tha dad pa dang / bsam pa tha dad pa gang yin pa'o/ /de'i nyen kor gang zhe na/ so so tha dad pa'o/ /ci zhig thun mong yin zhe na/ lha'i gnas so/ /dge slong gis mu stegs can gyi khyim du chos gos dag bzhag ste lha'i gnas su skya reng 'char bar byed na ltung ba med do/ /lha'i gnas su chos gos dag bzhag ste mu stegs can gyi khyim du skya reng 'char bar byed na yang ltung ba med do/ /mu stegs can gyi khyim 'am lha'i gnas su chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /mu stegs can gyi khyim rab tu mang po nyen kor gcig pa gang zhe na/ 'di lta ste mu stegs can gyi khyim rab tu mang po lta ba gcig pa dang / bzod pa gcig pa dang / 'dod pa gcig pa dang / bsam pa gcig pa gang dag yin pa'o/ /de dag gi nyen kor gang zhe na/ nang thams cad dang phyi rol mdom gang 'am/ gang du de dag lci ba dag 'ding bar byed pa dang / yam sreg shing dag 'jog par byed pa dang / g.yang gzhi dag dang / shing shun dag dang / dbyig gu dag dang / ril ba dag dang / blugs gzar dag dang / dgang gzar dag 'jog par byed pa dang / me sbar bar byed pa dang / yam sreg shing sreg par byed pa dang / gang du de dag rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni de dag gi nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste/ gzhan du skya reng 'char bar byed na spang ba'i ltung byed du 'gyur ro/ /mu stegs can gyi khyim rab tu mang po nyen kor tha dad pa gang zhe na/ 'di lta ste mu stegs can gyi khyim rab tu mang po lta ba tha dad pa dang / bzod pa tha dad pa dang / 'dod pa tha dad pa dang / bsam pa tha dad pa gang dag yin pa'o/ /de dag gi nyen kor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /tshong rdal nyen kor gcig pa gang zhe na/ 'di lta ste mi gcig gi 'am/ spun sgo ma bye ba dag gi tshong rdal gang yin pa'o/ /de'i nyen kor gang zhe na/ nang thams cad dang / phyi rol mdom gang ngam/ gang du de dag zong 'jog par byed pa dang / nyo bar byed pa dang / 'tshong bar byed pa dang / bgrang bar byed pa dang / 'jal bar byed pa dang / 'jog par byed pa de ni de'i nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /tshong rdal nyen kor tha dad pa gang zhe na/ 'di lta ste mi tha dad pa dag gi 'am/ spun sgo bye ba dag gi tshong rdal gang yin pa'o/ /de'i nyen kor gang zhe na/ so so tha dad pa'o/ / ci zhig thun mong yin zhe na/ gzhag stegs so/ /dge slong gis nang du chos gos dag bzhag ste stegs su skya reng 'char bar byed na ltung ba med do/ /gzhag stegs su chos gos dag bzhag ste nang du skya reng 'char bar byed na yang ltung ba med do/ /nang ngam gzhag stegs su chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /tshong rdal rab tu mang po nyen kor gcig pa gang zhe na/ 'di lta ste/ mi gcig gi 'am/ spun sgo ma bye bdag gi tshong rdal rab tu mang po gang dag yin pa'o/ /de dag gi nyen kor gang zhe na/ nang thams cad dang / phyi rol mdom gang ngam/ gang du de dag zong 'jog par byed pa dang / nyo bar byed pa dang / 'tshong bar byed pa dang / bgrang bar byed pa dang / 'jal bar byed pa dang / 'jog par byed pa de ni de dag gi nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do / /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /tshong rdal rab tu mang po nyen kor tha dad pa gang zhe na/ 'di lta ste mi tha dad pa dag gi 'am/ spun sgo bye ba dag gi tshong rdal rab tu mang po gang dag yin pa'o/ /de dag gi nyen kor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /tshong khang nyen kor gcig pa gang zhe na/ 'di lta ste mi gcig gi 'am/ spun sgo ma bye ba dag gi tshong khang gang yin pa'o/ /de'i nyen kor gang zhe na/ nang thams cad dang phyi rol mdom gang ngam/ gang du de dag zong 'jog par byed pa dang / gro dag dang / nas dag dang / mon sran gre'u dag dang / sa lu dag dang / 'bras dag dang / til dag dang / 'bras thug po che dag dang / bu ram dag dang / mar dag dang / ras bal dag dang / skud pa dag dang / gos dag 'jog par byed pa dang / 'bru spung bar byed pa dang / bre'u chung dang / gle ba 'jog par byed pa dang / 'jal bar byed pa dang / /rlung yor 'dzugs par byed pa dang / nyo bar byed pa dang / 'tshong bar byed pa dang / bgrang bar byed ba dang / 'jal bar byed pa dang / 'jog par byed pa de ni de'i nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /tshong khang nyen kor tha dad pa gang zhe na/ 'di lta ste mi tha dad pa dag gi 'am/ spun sgo bye ba dag gi tshong khang gang yin pa'o/ /de'i nyen kor gang zhe na/ so so tha dad pa'o/ /ci zhig thun mong yin zhe na/ 'dug stegs so/ /dge slong gis nang du chos gos dag bzhag ste 'dug stegs su skya reng 'char bar byed na ltung ba med do/ /'dug stegs su chos gos dag bzhag ste nang du skya reng 'char bar byed na yang ltung ba med do/ /nang ngam 'dug stegs su chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /tshong khang rab tu mang po nyen kor gcig pa gang zhe na/ 'di lta ste mi gcig gi 'am/ spun sgo ma bye ba dag gi tshong khang rab tu mang po gang dag yin pa'o/ /de dag gi nyen kor gang zhe na/ nang thams cad dang phyi rol mdom gang ngam/ gang du de dag zong 'jog par byed pa dang / gro dag dang / nas dag dang / mon sran gre'u dag dang / sa lu dag dang / 'bras dag dang / til dag dang / 'bras thug po che dag dang / bu ram dag dang / mar dag dang / ras bal dag dang / skud pa dag dang / gos dag 'jog par byed pa dang / 'bru spung bar byed pa dang / bre'u chung dang / gle ba 'jog par byed pa dang / 'jal bar byed pa dang / rlung yor 'dzugs par byed pa dang / nyo bar byed pa dang / 'tshong bar byed pa dang / bgrang bar byed pa dang / 'jal bar byed pa dang / 'jog par byed pa de ni de dag gi nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /tshong khang rab tu mang po nyen kor tha dad pa gang zhe na/ 'di lta ste mi tha dad pa dag gi 'am/ spun sgo bye ba dag gi tshong khang rab tu mang po gang dag yin pa'o/ /de dag gi nyen kor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ / sgra khang nyen kor gcig pa gang zhe na/ 'di lta ste mi gcig gi 'am/ spun sgo ma bye ba dag gi sgra khang gang yin pa'o/ /de'i nyen kor gang zhe na/ nang thams cad dang / phyi rol mdom gang ngam/ gang du de dag glang dag 'dogs par byed pa dang / rtswa dag 'jog par byed pa dang / mun dza dag rdung bar byed pa dang / thag pa dag 'khal bar byed pa dang / gang du rdung bar byed pa dang / rngo bar byed pa dang / 'thag par byed pa dang / 'cha' bar byed pa ngang / za bar byed pa dang / 'thung bar byed pa dang / khye'u sus byed pa de ni de'i nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /sgra khang nyen kor tha dad pa gang zhe na/ 'di lta ste mi tha dad pa dag gi 'am/ spun sgo bye ba dag gi sgra khang gang yin pa'o/ /de'i nyen kor gang zhe na/ so so tha dad pa'o/ /ci zhig thun mong yin zhe na ya gad do/ /dge slong gis nang du chos gos dag bzhag ste ya gad la skya reng 'char bar byed na ltung ba med do/ /ya gad la chos gos dag bzhag ste/ sgra khang du skya reng 'char bar byed na yang ltung ba med do/ /sgra khang ngam ya gad la chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /sgra khang rab tu mang po nyen kor gcig pa gang zhe na/ 'di lta ste mi gcig gi 'am/ spun sgo ma bye ba dag gi sgra khang rab tu mang po gang dag yin pa'o/ /de dag gi nyen kor gang zhe na/ nang thams cad dang / phyi rol mdom gang ngam/ gang du de dag glang dag 'dogs par byed pa dang / rtswa dag 'jog par byed pa dang / mun dza dag rdung bar byed pa dang / thag pa dag 'khal bar byed pa dang / gang du rdung bar byed pa dang / rngo bar byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni de dag gi nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /sgra khang rab tu mang po nyen kor tha dad pa gang zhe na/ 'di sta ste mi tha dad pa dag gi 'am/ spun sgo bye ba dag gi sgra khang rab tu mang po gang dag yin pa'o/ /de dag gi nyen kor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /g.yul nyen kor gcig pa gang zhe na/ 'di lta ste mi gcig gi 'am/ spun sgo ma bye ba dag gi g.yul gang yin pa'o/ /de'i nyen kor gang zhe na/ nang thams cad dang / phyi rol mdom gang ngam/ gang du de dag 'bru rdung bar byed pa dang / 'phyar bar byed pa dang / 'khrab par byed pa dang / spung bar byed pa dang / bre'u chung dang / gle ba 'jog par byed pa dang / 'jal bar byed pa dang / rlung yor 'dzugs par byed pa de ni de'i nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /g.yul nyen kor tha dad pa gang zhe na/ 'di lta ste mi tha dad pa dag gi 'am/ spun sgo bye ba dag gi g.yul gang yin pa'o/ /de'i nyen kor gang zhe na/ so so tha dad pa'o/ /ci zhig thun mong yin zhe na/ g.yul gyi dkyil lo/ /dge slong gis g.yul gyi dkyil du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste g.yul gyi dkyil du skya reng 'char bar byed na yang ltung ba med do/ /g.yul gyi dkyil du 'am nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /g.yul rab tu mang po nyen kor gcig pa gang zhe na/ 'di lta ste mi gcig gi 'am/ spun sgo ma bye ba dag gi g.yul rab tu mang po gang dag yin pa'o/ /de dag gi nyen kor gang zhe na/ nang thams cad dang phyi rol mdom gang ngam/ gang du de dag 'bru rdung bar byed pa dang / 'phyar bar byed pa dang / 'khrab par byed pa dang / spung bar byed pa dang / bre'u chung dang / gle ba 'jog par byed pa dang / 'jal bar byed pa dang / rlung yor 'dzugs par byed pa de ni de dag gi nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /g.yul rab tu mang po nyen kor tha dad pa gang zhe na/ 'di lta ste mi tha dad pa dag gi 'am/ spun sgo bye ba dag gi g.yul rab tu mang po gang dag yin pa'o/ /de dag gi nyen kor gang zhe na/ so so tha dad pa'o/ /ci zhig thun mong yin zhe na/ ci yang ma yin no// // 'dul ba rnam par 'byed pa/ bam po nyi shu drug pa/ g.yul gyi tshoms nyen kor gcig pa gang zhe na/ 'di lta ste mi gcig gi 'am/ spun sgo ma bye ba dag gi g.yul gyi tshoms gang yin pa'o/ /de'i nyen kor gang zhe na/ nang thams cad dang phyi rol mdom gang ngam/ gang du de dag glang dag 'dogs par byed pa dang / rtswa dag 'jog par byed pa dang / mun dza dag rdung bar byed pa dang / thag pa dag 'khal bar byed pa dang / lci ba dag 'dor bar byed pa de ni de'i nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ g.yul gyi tshoms nyen kor tha dad pa gang zhe na/ 'di lta ste mi tha dad pa dag gi 'am/ spun sgo bye ba dag gi g.yul gyi tshoms gang yin pa'o/ /de'i nyen kor gang zhe na/ so so tha dad pa'o/ /ci zhig thun mong yin zhe na/ sgo'o/ /dge slong gis nang du chos gos dag bzhag ste sgor skya reng 'char bar byed na ltung ba med do/ /sgor chos gos dag bzhag ste nang du skya reng 'char bar byed na yang ltung ba med do/ / nang ngam sgor chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /g.yul gyi tshoms rab tu mang po nyen kor gcig pa gang zhe na/ 'di lta ste mi gcig gi 'am/ spun sgo ma bye ba dag gi g.yul gyi tshoms rab tu mang po gang dag yin pa'o/ /de dag gi nyen kor gang zhe na/ nang thams cad dang phyi rol mdom gang ngam gang du de dag glang dag 'dogs par byed pa dang / rtswa dag 'jog par byed pa dang / mun dza dag rdung bar byed pa dang / thag pa dag 'khal bar byed pa dang / lci ba dag 'dor bar byed pa de ni de dag gi nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /g.yul gyi tshoms rab tu mang po nyen kor tha dad pa gang zhe na/ 'di lta ste mi tha dad pa dag gi 'am/ spun sgo bye ba dag gi g.yul gyi tshoms rab tu mang po gang dag yin pa'o/ /de dag gi nyen kor gang zhe na/ so so tha dad pa 'o/ /ci zhig thun mong yin zhe na/ ci yang ma yin no/ /gru nyen kor gcig pa gang zhe na/ 'di lta ste mi gcig gi 'am/ spun sgo ma bye ba dag gi gru gang yin pa'o/ /de'i nyen kor gang zhe na/ 'gro ba'i ni nang thams cad dang / phyi rol mdom gang ngam/ 'dug pa ni nang thams cad dang phyi rol mdom gang ngam/ gang du de dag phur pa 'debs bar byed pa dang / gru rtod par byed pa dang / gdos pa dag 'jog par byed pa dang / gru skya dag 'jog par byed pa dang / mun dza dag rdung bar byed pa dang / thag pa dag 'khal bar byed pa dang / gang du rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni de'i nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /gru nyen kor tha dad pa gang zhe na 'di lta ste mi tha dad pa dag gi 'am/ spun sgo bye ba dag gi gru gang yin pa'o/ / de'i nyen kor gang zhe na/ so so tha dad pa'o/ /ci zhig thun mong yin zhe na/ gru gdong ngo / /dge slong gis nang du chos gos dag bzhag ste gru gdong du skya reng 'char bar byed na ltung ba med do/ /gru gdong du chos gos dag bzhag ste nang du skya reng 'char bar byed na yang ltung ba med do/ /nang ngam gru gdong du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /gru rab tu mang po nyen kor gcig pa gang zhe na/ 'di lta ste mi gcig gi 'am/ spun sgo ma bye ba dag gi gru rab tu mang po gang dag yin pa'o/ /de dag gi nyen kor gang zhe na/ 'gro ba'i ni nang thams cad dang phyi rol mdom gang ngo / /'dug pa'i ni nang thams cad dang phyi rol mdom gang ngam/ gang du de dag phur pa 'debs par byed pa dang / gru rtod par byed pa dang / gdos pa dag 'jog par byed pa dang / gru skya dag 'jog par byed pa dang / mun dza dag rdung bar byed pa dang / thag pa dag 'khal bar byed pa dang / gang du rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni de dag gi nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ / gru rab tu mang po nyen kor tha dad pa gang zhe na/ 'di lta ste mi tha dad pa dag gi 'am/ spun sgo bye ba dag gi gru rab tu mang po gang dag yin pa'o/ /de dag gi nyen kor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /shing rta nyen kor gcig pa gang zhe na/ 'di lta ste mi gcig gi 'am/ spun sgo ma bye ba dag gi shing rta gang yin pa'o/ /de'i nyen kor gang zhe na/ 'gro ba'i ni nang thams cad dang / phyi rol mdom gang ngo / / 'dug pa'i ni nang thams cad dang phyi rol mdom gang ngam/ gang du de dag phur pa 'debs par byed pa dang / glang dag 'dogs par byed pa dang / rtswa dag 'jog par byed pa dang / mun dza dag rdung bar byed pa dang / thag pa dag 'khal bar byed pa dang / gang du rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni de'i nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /shing rta nyen kor tha dad pa gang zhe na/ 'di lta ste mi tha dad pa dag gi 'am/ spun sgo bye ba dag gi shing rta gang yin pa'o/ /de'i nyen kor gang zhe na/ so so tha dad pa'o/ /ci zhig thun mong yin zhe na/ kha lo pa'i gnas so/ /dge slong gis nang du chos gos dag bzhag ste kha lo pa'i gnas su skya reng 'char bar byed na ltung ba med do/ /kha lo pa'i gnas su chos gos dag bzhag ste nang du skya reng 'char bar byed na yang ltung ba med do/ /nang ngam kha lo pa'i gnas su chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /shing rta rab tu mang po nyen kor gcig pa gang zhe na/ 'di lta ste mi gcig gi 'am/ spun sgo ma bye ba dag gi shing rta rab tu mang po gang dag yin pa'o/ /de dag gi nyen kor gang zhe na 'gro ba'i ni nang thams cad dad phyi rol mdom gang ngo / /'dug pa'i ni nang thams cad dang phyi rol mdom gang 'am/ gang du de dag phur pa 'debs par byed pa dang / glang dag 'dogs par byed pa dang / rtswa dag 'jog par byed pa dang / mun dza dag rdung bar byed pa dang / thag pa dag 'khal bar byed pa dang / gang du rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni de dag gi nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /shing rta rab tu mang po nyen kor tha dad pa gang zhe na/ 'di lta ste mi tha dad pa dag gi 'am/ spun sgo bye ba dag gi shing rta rab tu mang po gang dag yin pa'o/ /de dag gi nyen kor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ / shing ljon pa nyen kor gcig pa gang zhe na/ 'di lta ste shing ljon pa yal ga'i tshogs 'brel ba gang yin pa'o/ /de'i nyen kor gang zhe na/ nang thams cad dang phyi rol mdom gang ngam/ gang du lo ma lhags pa rlung gis ma bdas pa dag 'bab ba dang / char chad pa'i thigs pa sboms po dag 'bab ba dang / gang du gung tshigs kyi tshe shing ljon pa'i grib mas khyab cing 'dug pa de ni de'i nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /shing ljon pa nyen kor tha dad pa gang zhe na/ 'di lta ste shing ljon pa yal ga'i tshogs ma 'brel ba gang yin pa'o/ /de'i nyen kor gang zhe na/ so so tha dad pa'o/ /ci zhig thun mong yin zhe na rtsa ba'o/ /dge slong gis rtsa bar chos gos dag bzhag ste yal gar skya reng 'char bar byed na ltung ba med do/ /yal gar chos gos dag bzhag ste rtsa bar skya reng 'char bar byed na yang ltung ba med do/ /rtswa ba 'am yal gar chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /shing ljon pa rab tu mang po nyen kor gcig pa gang zhe na/ 'di lta ste shing ljon pa rab tu mang po yal ga'i tshogs 'brel ba gang yin pa'o/ /de dag gi nyen kor gang zhe na nang thams cad dang phyi rol mdom gang ngam/ gang du lo ma lhags pa rlung gis ma bdas pa dag 'bab pa dang / char chad pa'i thigs pa sbom po dag 'bab pa dang / gang du gung tshigs kyi tshe shing ljon pa'i grib mas khyab cing 'dug pa de ni de dag gi nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ / nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /shing ljon pa rab tu mang po nyen kor tha dad pa gang zhe na/ 'di lta ste/ shing ljon pa rab tu mang po yal ga'i tshogs ma 'brel ba gang dag yin pa'o/ /de dag gi nyen kor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /kun dga'i ra ba nyen kor gcig pa gang zhe na/ 'di lta ste/ mi gcig gi 'am/ spun sgo ma bye ba dag gi kun dga'i ra ba gang yin pa'o/ /de'i nyen kor gang zhe na/ nang thams cad dang phyi rol mdom gang ngam/ gang du de dag me tog dag thu bar byed pa dang / skon pa dag 'jog par byed pa dang / phreng ba dag rgyud par byed pa dang / 'jal bar byed pa dang / nyo bar byed pa dang / 'tshong bar byed pa dang / dre'u chung dang / phul 'jog par byed pa de ni de'i nyen kor yin no/ / dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /kun dga'i ra ba'i nyen kor tha dad pa gang zhe na/ 'di lta ste mi tha dad pa dag gi 'am/ spun sgo bye ba dag gi kun dga'i ra ba gang yin pa'o/ de'i nyen kor gang zhe na/ so so tha dad pa'o/ /ci zhig thun mong yin zhe na/ khron pa'o/ /dge slong gis nang du chos gos dag bzhag ste/ khron par skya reng 'char bar byed na ltung ba med do/ /khron par chos gos dag bzhag ste nang du skya reng 'char bar byed na yang ltung ba med do/ /nang ngam khron par chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ /kun dga'i ra ba rab tu mang po nyen kor gcig pa gang zhe na/ 'di lta ste/ mi gcig gi 'am/ spun sgo ma bye ba dag gi kun dga'i ra ba rab tu mang po gang dag yin pa'o/ /de dag gi nyen kor gang zhe na/ nang thams cad dang / phyi rol mdom gang ngam/ gang du de dag me tog dag thu bar byed pa dang / skon pa dag 'jog par byed pa dang / phreng ba dag rgyud par byed pa dang / 'jal bar byed pa dang / nyo bar byed pa dang / 'tshong bar byed pa dang / bre'u chung dang / phul 'jog par byed pa de ni de dag gi nyen kor yin no/ /dge slong gis nang du chos gos dag bzhag ste nyen kor du skya reng 'char bar byed na ltung ba med do/ /nyen kor du chos gos dag bzhag ste nang du skya reng 'char bar byed na yang ltung ba med do/ /nang ngam nyen kor du chos gos dag bzhag ste gzhan du skya reng 'char bar byed na spang ba'i ltung byed du 'gyur ro/ / kun dga'i ra ba rab tu mang po nyen kor tha dad pa gang zhe na/ 'di lta ste/ mi tha dad pa dag gi 'am/ spun sgo bye ba dag gi kun dga'i ra ba rab tu mang po gang dag yin pa'o/ /de dag gi nyen kor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa dge slong gis chos gos dag dge slong la gtad de 'dron lam du mchi na/ btsun pa de'i nyen kor gang lags/ nye bar 'khor ngas bram ze gro zhin skyes la a mra'i sdong po shin tu me tog phun sum tshogs pa/ 'bras bu phun sum tshogs pa/ yal ga phun sum tshogs pa/ mdom bdun gyis bar du chod pa'i a mra'i sdong po bdun po gang dag yin pa de dag la mdom bzhi bcu rtsa dgu yod par bstan pa de ni dge slong lam du zhugs pa'i chos gos dag gi nyen kor yin no/ /'greng ba dang / 'dug pa dang / nyal ba'i nyen kor ni mdom gang kho ra khor yug go/ /thad kar 'gro ba'i nyen kor yang mdom gang kho ra khor yug go/ /thad kar 'greng ba dang / 'dug pa dang nyal ba'i nyen kor yang mdom gang kho ra khor yug go/ /btsun pa dge slong 'tshams gzhan du mchis nas/ nyal bar bgyid na de'i chos gos dag gi nyen kor gang lags/ nye bar 'khor ji tsam du chos gos kyi grwa lus dang ma 'bral ba tshun cad do/ /dge slong gis chos gos spang bar gyur na de ma spangs shing bral bar ma byas la ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ / dge slong gis chos gos spang bar gyur na/ de spangs shing bral bar ma byas la ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ /dge slong gis chos gos spang bar gyur na de spangs shing bral bar byas la ltung ba bshags nas gzhan zhig rnyed na de la ltung ba med do/ /de bzhin du dge slong gis ji srid du spang ba'i dngos po des ma bshags shing so sor ma bshags par lhung bzed dam/ chos gos sam/ dra ba 'am/ phor bu 'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog par byed na de yang snga ma'i rgyud kyis spang bar 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /'bral ba'i spang ba ste gnyis pa rdzogs so// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong rnams la gos mang ba nyid 'di lta bu 'di byung ste/ dge slong gang yang rung bas gos sngon po zhig rnyed na des de byed du mi 'dzud par de gang gi tshe 'di dang 'dra ba rnyed par gyur pa de'i tshe gos byed du gzhug go snyam du re bas de 'jog par byed cing / sngon po ji lta ba bzhin du ser po dang / dmar po dang / stug po dang / srab mo yang de bzhin no/ /dge slong don nyung ngu dag ci'i phyir dge slong rnams gos mang ba nyid 'di lta bu 'di byung ste/ dge slong gang yang rung bas gos sngon po zhig rnyed na des de byed du mi 'dzud par de gang gi tshe 'di dang 'dra ba rnyed par gyur pa de'i tshe gos byed du bzhug go snyam du re bas 'jog par byed cing sngon po ji lta ba bzhin du ser po dang / dmar po dang / stug po dang / srab mo yang de bzhin no/ /zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong rab tu mang po dag la rmas pa/ dge slong dag khyed la gos mang ba nyid 'di lta bu 'di byung ste/ dge slong gang yang rung bas gos sngon po zhig rnyed na des de byed du mi 'dzud par de gang gi tshe 'di 'dra ba rnyed par gyur pa de'i tshe gos byed du 'jug go snyam du re bas de 'jog par byed cing / sngon po ji lta ba bzhin du ser po dang / dmar po dang / stug po dang / srab mo yang de bzhin du bden nam/ btsun pa mad do/ /sangs rgyas bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par smad par mdzad do/ /de nas bcom ldan 'das kyis 'dod pa chung ba'i bsngags pa brjod cing / chog shes pa dang / gso sla ba dang / dgang sla ba dang / phri ba dang / yo byad bsnyungs pa dang / sbyangs pa'i yon tan rnams dang / mdzes pa nyid dang / drod rig pa'i bsngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa yang snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong chos gos zin pas sra brkyang phyung na dus ma yin pa'i gos shig rnyed la 'dod na dge slong des gos de blang bar bya'o/ /blangs nas gal te langs na myur ba kho nar gos su bya ste bcang bar bya'o/ / gal te mi langs la kha ma langs pa kha skong ba'i gos la re ba yod na dge slong des gos de zla ba gcig gi mthar gzhag par bya'o/ /de las 'das par 'jog na spang ba'i ltung byed do/ /dge slong zhes bya ba ni chos 'di pa'o/ /chos gos zin pas sra brkyang phyung na zhes bya ba ni chos gos zin la sra brkyang ma phyung ba yang yod/ chos gos ma zin la sra brkyang phyung ba yang yod/ chos gos zin cing sra brkyang phyung ba yang yod/ chos gos ma zin cing sra brkyang ma phyung ba yang yod de/ mu bzhir bcad pa snga ma bzhin no/ /dus ma yin pa'i gos shig ces bya ba la dge slong gis gos kyi dus ni gang yin/ dus ma yin pa ni gang yin zhe na/ sra brkyang bting ba'i gnas na ni ston zla 'bring po nya nas dpyid zla ra ba nya'i bar gyi zla ba de dag ni gos kyi dus yin la/ de phan cad ni dus ma yin no/ /sra brkyang ma bting ba'i gnas na ni thams cad dus ma yin no/ /rnyed la zhes bya ba ni gzhan las so/ /'dod na zhes bya ba ni gal te don du gnyer na'o/ /dge slong des gos de blang bar bya'o zhes bya ba ni bdag gir bya'o/ /gal te langs na zhes bya ba ni gal te chog na'o/ /myur ba kho nar gos su byas te bcang bar bya'o zhes bya ba ni mi bsgyang ba kho nar byin gyis brlab tu rung bar byas te'o/ /kha ma langs pa kha skong ba'o zhes bya ba ni snam sbyar ram/ bla gos sam/ mthang gos kha ma langs pa kha skong ba'i 'o/ /gos la re ba yod na zhes bya ba ni dge slong la mas bdag la gos sbyin pa'i re ba 'am/ pha 'am/ phu nu 'am/ sring mo 'am/ slob dpon nam/ mkhan pos bdag la gos sbyin pa'i re ba 'am/ lo lnga'i dus ston gyi tshe 'am/ lo drug gi dus ston gyi tshe 'am/ gtsug phud 'dreg pa'i dus ston gyi tshe 'am/ gnas khang gi dus ston gyi tshe 'am/ dus ston chen po'i tshe rnyed du re ba yod na'o/ /dge slong des gos de zla ba gcig gi mthar gzhag par bya'o/ /zhes bya ba ni zla ba gcig gi mtha' tshun chad du'o/ /de las 'das par 'jog na zhes bya ba ni de las thal bar ro/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na/ / bar sdom la/ dogs bcas dogs pa med pa dang / /nyams gyur grub par ma gyur dang / /rgyun chad gos lnga gos gnyis dang / /sbyar ba dang ni tshad rnams so/ /dge slong gis tshes la gos sngon po zhes rnyed nas des de byed du mi 'dzud par de gang gi tshe 'di dang 'dra ba rnyed pa de'i tshe gos byed du gzhug go/ /snyam du re bas de 'jog par byed cing des tshes de nyid la gos sngon po dogs pa dang bcas pa gzhan zhig rnyed par gyur na/ dge slong des gos de nyi ma bcu po de nyid kyi nang du byin gyis brlab par bya ba 'am/ gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /tshes la ma rnyed kyang tshes gnyis sam/ tshes gsum 'am/ tshes bcu tshud cad kyis gos sngon po zhig rnyed na/ dge slong des gos de zhag bcu po de nyid kyi nang du byin gyis brlab par bya ba 'am/ gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /gos de bcu la ma rnyed kyang nyi ma bcu dgu tshun bcad kyis rnyed na/ dge slong des gos de nyi ma nyi shu po de nyid kyi nang du byin gyis brlab par bya ba 'am/ gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma nyi shu pa'i skya reng shar na spang ba'i ltung byed du 'gyur ro/ / nyi ma nyi shu pa la ma rnyed kyang nyi ma nyi shu rtsa dgu tshun cad kyis rnyed na dge slong des gos de zla ba de nyid kyi nang du byin gyis brlab par bya ba 'am/ gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob bar mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma sum bcu gcig pa'i skya reng shar na spang ba'i ltung byed du 'gyur ro/ /gos sngon po rnyed pa ji lta ba bzhin du ser po dang / dmar po dang / stug po dang / srab mo yang de bzhin no/ /dge slong gis tshes la gos sngon po zhig rnyed nas des de byed du mi 'dzud par de gang gi tshe 'di dang 'dra ba rnyed par gyur pa de'i tshe gos byed du gzhug go snyam du re ba med pas de 'jog par byed cing des tshes de nyid la gos sngon po dogs pa med pa gzhan zhig rnyed par gyur na/ dge slong des gos de nyi ma bcu po de nyid kyi nang du byin gyis brlab par bya ba 'am/ gtang bar bya ba 'am/ rung bar bya ba 'am/ gzhan la sbyin par bya'o/ / byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /tshes la ma rnyed kyang tshes gnyis sam/ tshes bcu tshun cad dam/ nyi ma bcu dgu tshun cad dam/ nyi ma nyi shu rtsa dgu tshun cad kyis gos sngon po zhig rnyed na/ dge slong des gos de zla ba de nyid kyi nang du byin gyis brlab par bya ba 'am/ gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma sum bcu gcig gi skya reng shar na spang ba'i ltung byed du 'gyur ro/ /gos sngon po rnyed pa ji lta ba bzhin du ser po dang / dmar po dang / stug po dang / srab mo yang de bzhin no/ /dge slong gis tshes la gos sngon po zhig rnyed nas des de byed du mi 'dzud par de gos la re ba yod pa de 'jog par byed cing de'i gos la re ba gang yin pa de nyams par gyur/ 'gyangs par gyur/ nyams chung bar gyur cing / des tshes de nyid la gos sngon po gzhan zhig rnyed par gyur na/ dge slong des gos de nyi ma bcu po de nyid kyi nang du byin gyis brlab par bya ba 'am/ gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ / tshes la ma rnyed kyang gnyis sam/ tshes bcu tshun chad dam/ tshes bcu la ma rnyed kyang nyi ma nyi shu rtsa dgu tshun chad kyi gos sngon po zhig rnyed na dge slong des gos de zla ba de nyid kyi nang du byin gyi brlab par bya ba 'am/ gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma sum bcu gcig pa'i skya reng shar na spang ba'i ltung byed du 'gyur ro/ / gos sngon po rnyed pa ji lta ba bzhin du ser po dang / dmar po dang / stug po dang / srab mo yang de bzhin no/ /dge slong gis tshes la gos sngon po zhig rnyed nas des de byed du mi 'dzud par de re bas de 'jog par byed cing de'i gos la re ba gang yin pa de grub par ma gyur/ rgyun chad par ma gyur par des tshes de nyid la gos sngon po gzhan zhig rnyed par gyur na dge slong des gos de nyi ma bcu po de nyid kyi nang du byin gyis brlab par bya ba 'am/ gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /tshes la ma rnyed kyang tshes gnyis sam/ nyi ma nyi shu dgu tshun chad kyis rnyed na dge slong des gos de zla ba de nyid kyi nang du byin gyis brlab par bya ba 'am/ gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma sum bcu gcig pa'i skya reng shar na spang ba'i ltung byed du 'gyur ro/ /gos sngon po rnyed pa ji lta ba bzhin du ser po dang / dmar po dang / stug po dang / srab mo yang de bzhin no/ /dge slong gis tshes la gos sngon po zhig rnyed nas des de byed du mi 'dzud par de re bas de 'jog par byed cing de'i gos la re ba gang yin pa de thams cad kyi thams cad du rgyun chad par gyur na dge slong des gos de nyi ma bcu po de nyid kyi nang du byin gyis brlab par bya ba 'am/ gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya reng shar na spang ba'i ltung byed du 'gyur ro/ /tshes la ma rnyed kyang tshes gnyis sam/ nyi ma nyi shu rtsa dgu tshun chad kyis rnyed nas des de byed du mi 'dzud par de re bas de 'jog par byed cing de'i gos la re ba gang yin pa de thams cad kyi thams cad du rgyun chad par gyur na dge slong des gos de nyi ma bcu po de nyid kyi nang du byin gyis brlab par bya ba 'am/ gtang bar bya ba 'am/ rung bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /gos sngon po ji lta ba bzhin du ser po dang / dmar po dang / stug po dang / srab mo yang de bzhin no/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa gos dag du mchis/ nye bar 'khor lnga ste/ gos bdag po yod pa dang / gos bdag po med pa dang / gos bor blangs dang / gos dur khrod pa dang / gos phyag dar khrod pa nyid ni lnga pa'o/ /de la gos bdag po yod pa gang zhe na/ gang la bdag po skyes pa 'am/ bud med dam/ ma ning yod pa de ni gos bdag po yod pa zhes bya'o/ /gos bdag po med pa gang zhe na/ gang la bdag po skyes pa 'am/ bud med dam/ ma ning med pa de ni gos bdag po med pa zhes bya'o/ /gos bor blangs gang zhe na/ 'di lta ste/ nye du dag gis nye du nyams pa dang / shi ba dang / dus la bab par rigs nas de'i rgyab nas gos kyis bkab ste dur khrod du khyer nas de dag gis gos de yang phyir khyer te 'ongs nas dge 'dun la 'bul ba de ni gos bor blangs zhes bya'o/ /gos dur khrod pa gang zhe na/ yongs su 'dzin pa med pa'i dur khrod nas blangs pa gang yin pa de ni gos dur khrod pa zhes bya'o/ /gos phyag dar khrod pa gang zhe na/ phyag dar khrod pa rnam pa lnga ste/ lam po che'i gos dang / dgon par bor ba dang / chu 'gram pa dang / sril zan dang / ral rul nyid ni lnga pa yin te/ ral rul zhes bya ba ni ha cang zegs pa gang yin pa'o/ /gzhan yang phyag dar khrod pa rnam pa lnga ste/ mes tshig pa dang / chus khyer ba dang / byi bas zos pa dang / be'us zos pa dang / ma ma'i gos nyid ni lnga pa yin no/ /gzhan yang gos gnyis te/ sar pa dang dus tshigs su spyad pa'o/ /gos sar pa gang zhe na/ tha ga pas gsar du btags pa dus tshigs gsum po dag las dus tshigs gang yang rung ba'i dus tshigs su ma spyad pa gang yin pa de ni gos sar pa zhes bya'o/ /gos dus tshigs su spyad pa gang zhe na/ dus tshigs gsum po dag las dus tshigs gang yang rung ba'i dus tshigs su spyad pa gang yin pa ste/ dus tshigs shes bya ba ni zla ba bzhi ste/ de ni gos dus tshigs su spyad pa zhes bya'o/ /dge slong gis gos sar pa rnyed na gal te dge slong des bcag pa dang / gding ba dang / dra ba dang / btsem pa dang / kha bsgyur bar nus na dge slong des gos de las snam sbyar ni nyi rim du bya/ gding ba yang nyi rim du bya/ bla gos ni cig rkyang du bya/ mthang gos kyang cig rkyang du bya'o/ /dge slong gis snam sbyar nyi rim la rim pa gsum pa glon par byed na de glon par byed pa na nyes byas su 'gyur la/ zhag bcu 'das na spang ba'i ltung byed du 'gyur ro/ /dge slong gis snam sbyar nyi rim las gzhan du klan no snyam pas rim pa 'bogs par byed na de 'bogs pa na nyes byas su 'gyur la/ nyi ma bcu 'das na spang ba'i ltung byed du 'gyur ro/ /dge slong gis snam sbyar nyi rim las bkrus shing kha bsgyur te 'di nyid la klan no snyam pas rim pa 'bogs par byed na de 'bogs pa na ltung ba med la/ nyi ma bcu 'das na spang ba'i ltung byed du 'gyur ro/ /snam sbyar la ji lta ba bzhin du gding ba la yang de bzhin no/ /dge slong gis bla gos cig brkyang la rim pa klon par byed na de klon pa na nyes byas su 'gyur la/ nyi ma bcu 'das na spang ba'i ltung byed du 'gyur ro/ /bla gos la ji lta ba bzhin du mthang gos la yang de bzhin no/ /dge slong gis gos dus tshigs su spyad pa zhig rnyed la gal te dge slong des bcag pa dang / /gding ba dang / dra ba dang / bcom pa dang / kha bsgyur bar nus na dge slong des gos de las snam sbyar ni bzhi rim du bya/ gding ba yang bzhi rim du bya/ bla gos ni nyi rim du bya/ mthang gos kyang nyi rim du bya'o/ /dge slong gis snam sbyar bzhi rim la rim pa lnga pa klon par byed na de klon pa na nyes byas su 'gyur la/ nyi ma bcu 'das na spang ba'i ltung byed du 'gyur ro/ /dge slong gis snam sbyar bzhi rim las gzhan du klon no snyam pas rim pa 'bogs par byed na de 'bogs pa na nyes byas su 'gyur la/ nyi ma bcu 'das na spang ba'i ltung byed du 'gyur ro/ /dge slong gis snam sbyar bzhi rim las bkrus shing kha bsgyur te 'di nyid du klan par bya'o snyam pas rim pa 'bogs par byed na de 'bogs pa na ltung ba med la/ nyi ma bcu 'das na spang ba'i ltung byed du 'gyur ro/ /snam sbyar la ji lta ba de bzhin du gding ba la yang de bzhin du brjod par bya'o/ /dge slong gis bla gos nyi rim la rim pa gsum pa klon par byed na de klon pa na nyes byas su 'gyur la nyi ma bcu 'das na spang ba'i ltung byed du 'gyur ro/ /dge slong gis bla gos nyi rim las gzhan du klan no snyam pas rim pa 'bogs par byed na de 'bogs pa na nyes byas su 'gyur la/ nyi ma bcu 'das na spang ba'i ltung byed du 'gyur ro/ /dge slong gis bla gos nyi rim las 'di nyid bkrus shing kha bsgyur te 'di nyid du klan no snyam pas rim pa 'bogs par byed na de 'bogs pa na ltung ba med la/ nyi ma bcu 'das na spang ba'i ltung byed du 'gyur ro/ / bla gos la ji lta ba bzhin du mthang gos la yang de bzhin no/ /phyag dar khrod la ni ji tsam 'dod pa klan par bya'o/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa snam sbyar dag gi snam phran du lags/ nye bar 'khor dgu ste/ snam phran dgu pa dang / snam phran bcu gcig pa dang / snam phran bcu gsum pa dang / snam phran bcwa lnga pa dang / snam phran bcu bdun pa dang / snam phran bcu dgu pa dang / snam phran nyi shu gcig pa dang snam phran nyi shu gsum pa dang / snam phran nyi shu lnga pa'o/ /nye bar 'khor de la snam phran dgu pa ni gsum sbyar gsum mo/ /snam phran bcu gcig pa ni gsum sbyar gsum dang snam phran gnyis so/ /snam phran bcu gsum pa ni gsum sbyar bzhi dang snam phran gcig go/ /snam phran bcwa lnga pa ni gsum sbyar lnga'o/ /snam phran bcu bdun pa ni gsum sbyar lnga dang snam phran gnyis so/ /snam phran bcu dgu pa ni gsum sbyar drug dang snam phran gcig go/ /snam phran nyi shu gcig pa ni gsum sbyar bdun no/ /snam phran nyi shu gsum pa ni gsum sbyar bdun dang snam phran gnyis so/ /snam phran nyi shu lnga pa ni gsum sbyar brgyad dang snam phran gcig go/ /nye bar 'khor de la snam sbyar snam phran dgu pa gang yin pa dang / snam phran bcu gcig pa gang yin pa dang / snam phran bcu gsum pa gang yin pa de gsum ni glegs bu phyed dang gsum par byas te bcang bar bya'o/ /snam sbyar snam phran bcwa lnga pa gang yin pa dang / snam phran bcu bdun pa gang yin pa dang / snam phran bcu dgu pa gang yin pa de gsum ni glegs bu phyed dang bzhi par byas te bcang bar bya'o/ /snam sbyar snam phran nyi shu gcig pa gang yin pa dang / snam phran nyi shu gsum pa gang yin pa dang / snam phran nyi shu lnga pa gang yin pa de gsum ni glegs bu phyed dang lnga par byas te bcang bar bya'o/ /nye bar 'khor de yan cad ni tshem bu'o/ /btsun pa snam sbyar gyi tshad ji tsam lags/ nye bar 'khor gsum ste/ snam sbyar chen po dang / 'bring dang / chung ngur rig par bya'o/ /de la chen po ni khru gsum dang lnga'o/ /chung ngu ni khru phyed dang gsum dang phyed dang lnga'o/ /'bring gi ni de gnyis kyi bar ma'o/ /snam sbyar ji lta ba bzhin du bla gos dang / mthang gos kyang de bzhin no/ /gzhan yang mthang gos rnam pa gnyis te/ khru do dang lnga pa dang / khru do dang bzhi pa'o/ /mthang gos tha ma ni 'khor gsum khebs pa gang yin pa'o/ /spang ba rnams kyi gos tha ma ni khru gang kho ra khor yug go/ / dge slong gi gos spang bar gyur na de ma spangs shing bral bar ma byas la ltung ba ma bshags par gzhan zhig rnyed na de yang snga ma'i rgyud kyis spangs bar 'gyur ro/ /dge slong gi gos spang bar gyur na de spangs shing bral bar ma byas la ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ /dge slong gi gos spang bar gyur na de spangs shing bral bar byas la ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ /dge slong gi gos spang bar gyur na de spangs shing bral bar byas la ltung ba bshags nas gzhan zhig rnyed na de la ltung ba med do/ /de bzhin du ji tsam du dge slong gi spang ba'i dngos po de nyid kyis ma bshags shing / so sor ma bshags par lhung bzed dam/ chos gos sam/ dra ba 'am/ phor bu 'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog par byed na de yang snga ma'i rgyud kyis spang bar 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /'jog pa'i spang ba ste gsum pa rdzogs s+ho// // gang gi tshe bcom ldan 'das byang chub sems dpa' dga' ldan gyi gnas na bzhugs pas gzigs pa lnga po rigs dang / yul dang / dus dang / rus dang / bud med la gzigs pa dag gis 'jig rten la gzigs nas glang po cher snang bar bsgyur te yum gyi lhums su zhugs pa de'i tshe na sa chen po shin tu g.yos par gyur cing 'jig rten gyi 'jig rten gyi bar gang na nyi ma dang zla ba 'di ltar rdzu 'phrul che ba/ 'di ltar mthu che ba 'di gnyis kyi 'od dag nyams su mi myong ba'i mun pa mun gnag mun par byed pas gnas par gyur pa gang dag yin pa de dag kyang de'i tshe na snang ba rgya chen pos khyab par gyur nas sems can gang dag der skyes pa dag gis rang gi lag pa brkyang ba yang mi mthong ba de dag gis kyang 'od des sems can gcig gis gcig mthong nas shes ldan dag sems can gzhan yang 'dir skyes so/ /shes ldan dag sems can gzhan yang 'dir skyes so zhes shes par gyur to/ /gang gi tshe bcom ldan 'das byang chub sems dpa' zla ba bcu 'das nas yum gyi lhums nas bltam pa de'i tshe yang sa chen po shin tu g.yos par gyur cing 'jig rten gyi 'jig rten gyi bar gang na nyi ma dang / zla ba 'di ltar rdzu 'phrul che ba 'di ltar mthu che ba 'di gnyis kyi 'od dag nyams su mi myong ba'i mun pa mun gnag mun par byed pas gnag par gyur pa gang dag yin pa de dag kyang de'i tshe na snang ba chen pos khyab par gyur nas sems can gang dag der skyes pa dag gis rang gi lag pa brkyang ba yang mi mthong ba de dag gis kyang / 'od des sems can gcig gis gcig mthong nas shes ldan dag sems can gzhan yang 'dir skyes so/ /shes ldan dag sems can gzhan yang 'dir skyes so zhes shes par gyur to/ /gang gi nyin mo bcom ldan 'das byang chub sems dpa' bltams par gyur pa de'i nyin mo rgyal po chen po bzhi dag gi bu yang btsas par gyur te/ mnyan yod na rgyal po chen po rtsibs kyis 'phur tshangs sbyin gyi bu btsas nas de 'di snyam du sems te/ bdag gi bu btsas pa na 'jig rten gsal ba gsal ba ltar snang bas gzhon nu 'di'i ming gsal rgyal du gdags so snyam nas bu de'i ming gsal rgyal zhes bya bar btags so/ /rgyal po'i khab na rgyal po chen po pad ma chen po'i bu btsas nas de 'di snyam du sems te/ bdag gi bu btsas pa na 'jig rten nyi ma'i gzugs shar ba ltar snang zhing 'di btsun mo gzugs can gyi bu yin pas gzhon nu 'di'i ming gzugs can snying por gdags so snyam nas bu de'i ming gzugs can snying po zhes bya bar btags so/ /kau sham+bi na rgyal po chen po dmag brgya pa'i bu btsas nas de 'di snyam du sems te/ bdag gi bu btsas pa na 'jig rten nyi ma shar ba ltar snang bar gyur pas gzhon nu 'di'i ming shar bar gdags so snyam nas bu de'i ming shar ba zhes bya bar btags so/ /'phags rgyal na rgyal po chen po mu khyud mtha' yas kyi bu btsas nas de 'di snyam du sems te/ bdag gi bu btsas pa na 'jig rten rab tu snang bas snang bar gyur pas gzhon nu 'di'i ming rab snang zhes bya bar gdags so snyam nas bu de'i ming rab snang zhes bya bar btags so/ /rgyal po re res bsams pa/ yang bdag gi bu'i mthu yin no/ /bdag gi bu'i mthu yin no snyam mod kyi/ de ni de lta ma yin te/ 'di ltar de dag thams cad ni byang chub sems dpa'i mthu yin pa'i phyir ro/ /gang gi nyin mo bcom ldan 'das byang chub sems dpa' bltams pa de nyid kyi nyin mo shAkya gzhon nu bzang ldan la sogs pa lnga brgya yang btsas so/ /bsnyen bkur ba 'dun byed la sogs pa lnga brgya yang btsas so/ /rta rgod ma lnga brgya las rte'u bsngags ldan la sogs pa lnga brgya yang 'brangs so/ /lha rnams kyis kyang gter lnga brgya nye bar bstan to/ /bcom ldan 'das byang chub sems dpa' de bram ze ltas pa dang mtshan mkhan dag gis lung bstan pa/ gal te gzhon nu pho brang gi nang na bzhugs par gyur na 'khor los sgyur ba'i rgyal po mtha' bzhir rgyal ba/ chos kyi rgyal po chos dang ldan pa/ rin po che sna bdun dang ldan par 'gyur te/ de'i rin po che sna bdun po de dag ni 'di lta bur 'gyur te/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / dmag dpon rin po che nyid ni bdun pa yin no/ /'di la bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'jom pa stong tshang ba yod par 'gyur ro/ /de rgya mtsho la thug pa'i sa chen po ma lus pa gnod par sdo ba med cing 'tshe ba med pa 'di nyid chad pa med cing mtshon gyis bda' ba med la chos dang 'thun zhing snyoms pas legs par phab ste gnas par 'gyur ro/ /gal te skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung na ni de bzhin gshegs pa dgra bcom pa yang dag par rdzogs pa'i sangs rgyas 'jig rten du rnam par grags pa'i sgra dang ldan par 'gyur ro zhes lung bstan to/ /gang gi tshe bcom ldan 'das byang chub sems dpa' 'jig rten du byung ba de'i tshe na thams cad du gangs kyi ngos dang nye ba chu klung skal ldan shing rta'i 'gram drang srong ser skya'i bsti gnas dang / ha cang mi ring bar shAkya rnams kyi gzhon nu byung ste/ de bram ze ltas pa dang / mtshan mkhan dag gis gal te gzhon nu de pho brang gi nang na bzhugs par gyur na 'khor los sgyur ba'i rgyal po mtha' bzhir rgyal ba/ chos kyi rgyal po chos dang ldan pa rin po che sna bdun dang ldan par 'gyur te/ de'i rin po che sna bdun po de dag ni 'di lta bur 'gyur te/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / dmag dpon rin po che nyid ni bdun pa yin no/ /'di la bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa stong tshang ba yod par 'gyur ro/ /de rgya mtsho la thug pa'i sa chen po ma lus pa gnod par sdo ba med cing 'tshe ba med pa 'di nyid chad pa med cing mtshon gyis bda' ba med la chos dang 'thun zhing / snyoms pas legs par phab ste gnas par 'gyur ro/ /gal te skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung na ni de bzhin gshegs pa dgra bcom pa yang dag par rdzogs pa'i sangs rgyas 'jig rten du rnam par grags pa'i sgra dang ldan par 'gyur ro zhes lung bstan to zhes sgra bsgrags par gyur to/ /nyi 'og gi khams kyi rgyal po dag gis kyang gangs ri'i ngos dang nye ba chu klung skal ldan shing rta'i 'gram drang srong ser skya'i bsti gnas dang ha cang mi ring bar shAkya rnams kyi gzhon nu byung ste/ de bram ze ltas pa dang / mtshan mkhan dag gis gal te gzhon nu de pho brang gi nang na bzhugs par gyur na 'khor los sgyur ba'i rgyal po mtha' bzhir rgyal ba/ chos kyi rgyal po chos dang ldan pa/ rin po che sna bdun dang ldan par 'gyur te/ de'i rin po che sna bdun po de dag ni 'di lta bur 'gyur te/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / dmag dpon rin po che nyid ni bdun pa yin no/ /'di la bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa stong tshang ba yod par 'gyur ro/ /de rgya mtsho la thug pa'i sa chen po ma lus pa gnod par sdo ba med cing 'tshe ba med pa 'di nyid chad pa med cing mtshon gyis bda' ba med la chos dang 'thun zhing snyoms pas legs par phab ste gnas par 'gyur ro/ /gal te skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung na ni de bzhin gshegs pa dgra bcom pa yang dag par rdzogs pa'i sangs rgyas 'jig rten du rnam par grags pa'i sgra dang ldan par 'gyur ro/ /zhes lung bstan to zhes thos so/ /thos nas kyang nyi 'og gi khams kyi rgyal po de dag 'di snyam du sems te/ da gzhon nu bsten na dus su 'bras bu ster bar 'gyur bas gang bsten par 'gyur snyam mo/ /de dag gis bsams pa/ rgyal po zas gtsang bsten par bya ste/ de bsten na gzhon nu bsten par 'gyur ro snyam nas/ de dag gis rgyal po zas gtsang bsten par brtsams te/ dus dang 'thun pa'i dus su 'dud pas pho nya dang / dkor sgrom dag skur bar byed do/ /de nas rgyal po zas gtsang 'di snyam du sems te bdag gi bu btsas pa na don thams cad dang las kyi mtha' thams cad grub pas de'i phyir gzhon nu 'di'i ming don thams cad grub pa zhes bya bar gdags so snyam nas de'i ming don thams cad grub pa zhes bya bar btags so/ / gang gi tshe bcom ldan 'das byang chub sems dpa' chen por 'khrungs shing des rgan po dang / nad pa dang / shi ba gzigs nas thugs byung ste nags kyi nang du gshegs pa de'i tshe na rgyal po zas gtsang dang / shAkya legs par rab rtogs kyis bka' mchid gsol ba'i mi nyis brgya lnga bcu nyis brgya lnga bcu bkye ste/ de dag gis nyi ma re re zhing der ni gzhon nu til 'bru gcig gam/ 'bras thug po che 'bru gcig gam/ mon sran sde'u 'bru gcig gam/ mon sran gre'u 'bru gcig gam/ rgya shug gi 'bru gcig gam/ rgya sran 'bru gcig gis 'tsho bar mdzad do zhes bcom ldan 'das byang chub sems dpa'i bka' mchid khyer te 'ong ngo / /nyi 'og gi khams kyi rgyal po dag gis de ltar gzhon nu don thams cad grub pa rgan po dang / nad pa dang / shi ba gzigs nas thugs byung ste rab tu byung ngo zhes thos nas de dag 'di snyam du sems te/ gang gi phyir bdag cag rgyal po zas gtsang la sten par byed pa'i gzhon nu de rab tu byung ngo snyam nas/ de dag las ko sa lar byung ba'i rgyal po gsal rgyal ma gtogs pa gzhan thams cad kyis 'dud pa dang / pho nya dang dkor sgrom 'bul ba rgyun bcad par gyur to/ /de'i tshe na ko sa lar byung ba'i rgyal po gsal rgyal la blon po'i mchog sbed pa zhes bya ba zhig yod la/ rgyal po zas gtsang la ni mdun na 'don gyi bu 'char ka zhes bya ba yod de/ gang gi tshe ko sa lar byung ba'i rgyal po gsal rgyal rgyal po zas gtsang gi gan du pho nya gtong bar byed pa de'i tshe na blon po'i mchog sbed pa gtod bar byed de/ des rgyal po'i bya ba dag dang / rgyal po'i byed pa dag byas nas 'char ka'i khyim du 'jug par byed do/ /gang gi tshe rgyal po zas gtsang ko sa lar byung ba'i rgyal po gsal rgyal gyi gan du pho nya gtong bar byed pa de'i tshe na ni mdun na 'don gyi bu 'char ka gtong bar byed do/ /des kyang rgyal po'i bya ba dag dang / rgyal po'i byed pa dag byas nas blon po'i mchog sbed pa'i khyim du 'jug par byed do/ /sbed pa la chung ma sbed ma zhes bya ba gzugs bzang ba/ blta na sdug pa/ mdzes pa/ skyes bu dga' ba zhig yod de/ 'char ka sbed ma dang lhan cig kha dum par gyur to/ /sbed pas ji ltar 'char ka sbed ma dang lhan cig kha dum par gyur par shes nas des bsams pa/ 'di gsad par bya'o snyam mo/ /yang bsams pa/ gal te 'di bsad par gyur na yul 'khor gnyis 'khrug pa chen por 'gyur bas bdag gis bud med kyi lus kyi phyir ci'i phyir bram ze gsad par bya snyam nas de btang snyoms su bzhag go/ /de nas 'char ka 'di snyam du sems te/ bdag sbed pas 'phrigs so snyam du rig nas skrag ste khyim nas byung zhing gzhan na 'dug pa dang / sbed pas smras pa/ 'char ka khyod ci'i phyir rang gi khyim spangs te gzhan na 'dug tshur shog /'di khyod rang gi khyim yin gyis ci bder 'dug shig /de nas 'char ka 'di snyam du sems te/ don gyis na 'dis bdag la rjes su gnang ngo snyam du rig nas de nyid na 'dug go/ //'dul ba rnam par 'byed pa/ bam po nyi shu bdun pa/ de nas dus gzhan zhig na blon po'i mchog sbed pa dus la bab nas ko sa lar byung ba'i rgyal po gsal rgyal gyis de la bu med pa'i phyir nor thams cad rang gi mdzod dang bang bar bcug go/ /sbed mas 'char ka la gang gi tshe bdag gi khyim thab gson zhing 'dug ste 'tsho zhing sdod pa de'i tshe na khyod rtag pa kho nar byon na da de'i dus la bab ste ko sa lar byung ba'i rgyal po gsal rgyal gyis kyang bu ma mchis pa'i slad du nor thams cad rang gi mdzod dang bang bar stsal na/ da khyod kyis bka' mchid tsam yang mi spring ngam zhes yi ge spring ngo / /de nas 'char ka spring yig gi don thos nas 'di snyam du sems te/ gal te bdag der song bar gyur na gzhi de las 'char ka bud med kyi phyir der song ngo zhes gzhan dag kha zer bar 'gyur gyis bdag gis thabs kyi rnam pa zhig bya'o snyam nas des lan gnyis sam gsum du rgyal po'i bya ba dag dang / rgyal po'i byed pa dag byas nas rgyal po zas gtsang ga la ba der song ste phyin nas rgyal po zas gtsang la 'di skad ces smras so/ /lha gang gi tshe gzhon nu don thams cad grub pa bltams pa de'i tshe na nyi 'og gi khams kyi rgyal po thams cad 'dud cing thams cad kyis pho nya dang / dkor sgrom dag gsol nas/ gang gi tshe gzhon nu don thams cad grub pa rgan po dang / nad pa dang / gum pa gzigs nas thugs byung ste nags su gshegs pa de'i tshe na nyi 'og gi khams kyi rgyal po de dag las ko sa lar byung ba'i rgyal po gsal rgyal ma gtogs pa gzhan thams cad kyis pho nya dang / dkor sgrom 'bul ba rgyun bkum nas lhas ko sa lar byung ba'i rgyal po gsal rgyal la pho nya dang / dkor sgrom dag bka' stsal cing bskur nas de lta de ltar rkyen par gyur pa las da yal bar bor na slad kyis gnod pa chen por 'gyur ba de skol dang mtshams 'brel bar mchis pas de dang lhan cig rkyen par mdzad pa'i rigs so/ /'char ka gal te de lta na khyod nyid pho nyar song shig /lha bka' bzhin 'tshal zhes de nas 'char kas dkor sgrom dag khyer te mnyan yod ga la ba der 'phags nas mthar gyis mnyan yod du phyin to/ /de nas 'char ka 'di snyam du sems te/ sten pa la bsten par mi bya bar bsten pa la bsten pa bsten par bya ba yin pas je dang por blon po rnams blta bar bya zhing de'i 'og tu rgyal po blta ste/ sbed ma'i phyir rgyal po la gsol ba bya'o snyam nas/ des blon po rnams la blta bar brtsams te smras pa/ shes ldan dag khyed kyis kho bo ji ltar sbed ma dang lhan cig bshes pa de mi shes sam/ de khyim thab dus la bab nas ko sa lar byung ba'i rgyal po gsal rgyal gyis bu med pa'i phyir de'i nor thams cad rang gi mdzod dang / bang bar bcug pas de'i phyir kho bo rgyal po la gsol ba byed kyis khyed kyis grogs gyis shig /de dag gis de bzhin du khas blangs so/ /de nas 'char ka ko sa lar byung ba'i rgyal po gsal rgyal ga la ba der song ste phyin nas/ ko sa lar byung ba'i rgyal po gsal rgyal la rgyal ba dang / tshe spel ba byas te mtha' gcig tu 'dug nas lan gnyis lan gsum du rgyal po'i bya ba dag dang / rgyal po'i byed pa dag byas te/ ko sa lar byung ba'i rgyal po gsal rgyal la 'di skad ces smras so/ /lha bdag gi gnas stsol cig /'char ka khyod sngon gang du zhugs/ lha blon po'i mchog sbed pa'i sdum par mchis so/ /'char ka song la de nyid du zhugs shig /lha blon po'i mchog sbed pa dus la bab bo/ /gal te de dus la bab na ci de'i khyim yang dus la bab bam/ lha de'i sdum pa ni dus la ma bab mod kyi 'on kyang de na stan tsam yang ma mchis so/ /rgyal pos blon po rnams la smras pa/ shes ldan dag khyed kyis 'char ka'i gnas byin cig /'char ka'i phyir byung ba dang / blon po rnams kyis smras pa/ lha ci lags 'char ka la gnas ma mchis snyam 'am/ 'di ltar 'char ka sbed ma dang lhan cig mchid mjal bas don gyis na 'char kas sbed ma'i slad du lha la gsol ba lags kyis/ lha 'char ka ni bram ze mdun na 'don gyi bu lags pas bram ze ni mi 'dod bzhin du gzung bar bgyi ba lags te/ 'di legs par bzung na rgyal po zas gtsang legs par bzung bar 'gyur ro/ /de nas rgyal pos 'char ka bos te smras pa/ 'char ka ngas khyod ji ltar sbed ma dang lhan cig bshes par sngar ma shes kyis da song la sbed ma dang / de'i khyim dang / nor thams cad khyod khyer cig /lha bka' stsal pa bzhin 'tshal lo zhes smras nas/ 'char ka sbed ma'i khyim ga la ba der song ba dang / sbed mas 'char ka 'ongs so zhes thos nas sgo khang du 'dug ste ngu bar brtsams so/ /'char kas mthong nas smras pa/ sbed ma khyod ci'i phyir ngu / des smras pa/ bdag 'tshal ba'i khyim thab dus la bab na ci khyod kyis kyang yongs su btang ngam/ de nas 'char ka 'di snyam du sems te/ gal te bdag gis 'thun par smras na 'di shin du ngu bar 'gyur bas bdag gis 'di tshar gcad par bya'o snyam du rig nas 'char kas sbed ma la smras pa/ sbed ma byang chub sems dpa' dka' ba byed pa gang gis btsun mo grags 'dzin dang / sa 'tsho ma dang / ri dgas skyes la sogs pa bud med drug khri spangs te rab tu byung ba de dag gi rkang pa'i rdul tsam du yang khyod kyis mi phod do/ /de nas de cang mi smra bar 'dug pa dang / 'char kas smras pa/ kho bos khyod ma btang bas khyod nyid kyi phyir 'dir 'ongs pa yin no/ /kho bos rgyal po las khyod dang khyim dang / nor thams cad thob na ci khyod 'di nyid du 'dug gam/ ser skya'i gnas su 'gro/ des bsams pa/ gal te ser skya'i gnas su song nas bram ze mo las srog kyang mi thob bo snyam du rig nas 'di nyid du mchis so zhes smras te de de nyid du 'dug go/ /de'i tshe na 'char ka la khyim gnyis yod de/ gcig ni mnyan yod na'o/ /gcig ni ser skya'i gnas na'o/ /gang gi tshe bcom ldan 'das byang chub sems dpas lo drug tu dka' ba spyad de dka' ba byed pa ci yang med par rig nas/ ci bder dbugs rngub par mdzad ci bder dbugs 'byin par mdzad cing / 'bras chan dang / zan dron la sogs pa zhal zas rgya chen po dag kyang gsol bar mdzad/ zhun mar dang / 'bru mar dag gis sku dag kyang skud par mdzad/ chu dron pos kyang sku bsil bar mdzad cing / grong sde 'dong du gshegs nas grong pa'i bu mo dga' mo dang / dga' stobs ma gnyis las lan bcu drug bzlas pa'i 'o ma sbrang rtsi dang bsres pa gsol te/ klu'i rgyal po nag pos mngon par bstod pa na rtswa bkra shis 'tshong pa las rtswa gser gyi mdog lta bu dag bzhes nas byang chub kyi gzhi ga la ba der gshegs te byon nas/ nyid kyis rtswa ma 'khrugs pa'i gdan bshams nas dkyil mo dkrung bcas te sku drang por bsrang nas dran pa phyogs par bzhag ste bzhugs nas thugs bskyed cing gsung brjod pa/ ji srid zag med ma thob bar/ /de srid dkyil dkrung gzhig mi bya/ /de yis ji srid zag med pa/ /ma brnyes dkyil dkrung 'jig mi mdzad/ /gang gi tshe bcom ldan 'das kyis mtshan mo'i gung thun la bdud 'byung po dung phyur phrag gsum dang / bye ba phrag drug gi 'khor dang ldan pa byams pa'i stobs kyis mngon par btul te bla na med pa'i mkhyen pa thugs su chud nas tshangs pas gsol to/ /bA rA Na sIr gshegs nas lan gsum du bzlas te rnam pa bcu gnyis su chos dang ldan pa'i chos kyi 'khor lo bskor ba de'i tshe lnga pa dang / nye lnga dag dang / grong pa'i khye'u mtho ba mtho ba lnga bcu btul to/ /kar pa si'i tshal gseb tu gshegs nas bzang sde'i tshogs drug bcu bden pa dag la bkod do/ /grong sde 'don du gshegs nas grong pa'i bu mo dga' mo dang / dga' stobs ma gnyis bden pa dag la bkod do/ /steng rgyas su gshegs nas ral pa can stong rab tu phyung zhing rdzogs par bsnyen par mdzad do/ /ga yA mgo'i mchod rten du gshegs nas dge slong stong po de dag cho 'phrul gsum gyis gdams pa mdzad nas 'khor ba'i dgon pa las bsgral te shin du mthar thug pa grub pa dang bde ba bla na med pa'i mya ngan las 'das pa la bkod do/ /shar pa'i tshal gseb tu gshegs nas ma ga d+hAr byung ba'i rgyal po bzo sbyangs gzugs can snying po lha brgyad khri dang / ma ga d+hAr byung ba'i bram ze dang / khyim bdag 'bum phrag du ma dang lhan cig bden pa dag la bzhag go/ /rgyal po'i khab tu gshegs nas 'od ma'i tshal bzhes te shA ri'i bu dang / maud gal gyi bu 'khor nyis brgya lnga bcu dang ldan pa rab tu phyung zhing rdzogs par bsnyen par mdzad do/ / mnyan yod du gshegs nas rgyal byed kyi tshal bzhes te ko sa lar byung ba'i rgyal po gsal rgyal gzhon nu'i dpe'i mdos btul nas/ de nas sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas ko sa lar byung ba'i rgyal po gsal rgyal gyis rgyal po zas gtsang gi gan du pho nya btang ste/ lha dgyes pa skyed cig /khyod kyi sras kyis bdud rtsi thugs su chud de/ bdud rtsis 'gro ba tshim par mdzad cing / mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes spring ngo / /rgyal po zas gtsang gis thos nas bcom ldan 'das kyi spyan sngar pho nya btang ste/ gzhon nu bdag gis ring du ma mthong ste/ bdag gzhon nu mthong bas yongs su skom mo zhes gsol pa dang / pho nya de de nyid du rab tu phyung ngo / /pho nya gnyis pa btang ba dang de yang de nyid du rab tu phyung ngo / /bcom ldan 'das kyis chos 'dul ba ni legs par gsungs pa yin pa'i phyir gang dang gang pho nyar btang ba de dang de de nyid du rab tu byung ngo / /de nas dus gzhan zhig na rgyal po zas gtsang gis de thos nas lag pa la 'gram pa gtad de sems khongs su chud cing 'dug pa 'char kas mthong nas smras pa/ lha ci'i slad du phyag la zhal gtad de thugs khongs su chud cing bzhugs/ 'char ka gang gi tshe gzhon nu don thams cad grub pa dka' ba dag spyod pa'i tshe ngas gtam rmed pa'i mi dag btang na de dag nyi ma re re zhing gtam khyer te 'ongs nas gzhon nu don thams cad grub pa gnas pa 'dis gnas so zhes gtam snyod par byed na/ da gzhon nu don thams cad grub pas bdud rtsi thugs su chud de bdud rtsis 'gro ba tshim par mdzad cing / mnyan yod na rgyal byed kyi tshal mgon med zas sbyin gyi kun dga' ra ba na bzhugs shes thos nas ngas gtam rmed pa'i mi dag btang na/ 'gas kyang gzhon nu don thams cad grub pa'i gtam khyer te mi 'ong bar gang dang gang pho nyar btang ba de dang de de nyid du 'dug par gyur na nga ji ltar lag pa la 'gram pa gtad de sems khongs su chud cing mi 'dug tu rung / 'char kas smras pa/ lha bdag la bka' stsal du gsol/ khyod kyang der 'dug par 'gyur ro/ /lha bdag gis lha'i spyan sngar bka' mchid 'tshal te mchi'o/ /rgyal po zas gtsang gis rang nyid kyis phrin yig 'di skad ces/ ma rum bzhugs pa tshun chad nas/ /bdag gis legs par khyod bsrungs te/ /nyon mongs gdugs kyis rab gdungs pas/ /rgyal ba'i ljon shing sdod cing mchis/ /slob ma'i yal ga rtsa lag gis/ /da ltar khyod ni rgyas gyur pas/ /gzhan dag bde bas dga' mdzad na/ /bdag ni sdug bsngal sten par gyur/ /gang tshe dang po khyod 'khrungs tshe/ /shin tu don chen mdzad nas ni/ /nye du rjes su gzung mdzad ces/ /de tshe khyod kyis thugs dam bcas/ de slad go 'phang zhi brnyes khyod/ /bdag dang nye du'i tshogs rnams la/ /rjes su thugs brtse nyer bzung ste/ /byon pa'i blo gros mdzad du gsol/ /zhes bris so/ /de nas 'char ka phrin yig de blangs te mnyan yod du 'phags nas de mthar gyis mnyan yod du phyin nas ji tsam na 'char kas bcom ldan 'das la phrin yig phul ba dang / bcom ldan 'das nyid kyis phrin yig klag pa mdzad nas/ 'char kas gsol pa/ bcom ldan 'das ser skya'i gnas su gshegs sam/ 'char ka 'ong ngo / /'char kas sngon gyi gcugs pa de nyid kyis 'di skad ces gsol te/ /gal te bcom ldan 'das mi gshegs na bdag gis mthus bkri bar bgyi'o/ /de nas bcom ldan 'das kyis de'i tshe tshigs su bcad pa bka' stsal pa/ gang la khrid byed sred pa yi/ /dra bkram gang na'ang yod min pa/ /spyod yas gzhi med sangs rgyas de/ /gang gi gzhis ni khrid par byed/ /gang la khrid byed sred pa yi/ /dra bkram gang na'ang yod min pa/ /rtsal yas gzhi med sangs rgyas de/ /gang gi gzhis ni khrid par byed/ /gang rgyal mi nyams gang la ni/ /'jig rten ma rgyal yod med pa/ /spyod yas gzhi med sangs rgyas de/ /gang gi gzhis ni khrid par byed/ /gang rgyal mi nyams gang la ni/ /'jig rten ma rgyal yod med pa/ /rtsal yas gzhi med sangs rgyas de/ /gang gi gzhis ni khrid par byed/ /'char kas gsol pa/ bcom ldan 'das bdag rgyal po zas gtsang la brjod du mchi'o/ /bcom ldan 'das kyis bka' stsal pa/ 'char ka rgyal ba'i pho nya dag ni de lta bu ma yin no/ /bcom ldan 'das 'o na rgyal ba'i pho nya dag ji lta bu lags/ skra bregs shing gos ngur smrig gon pa rab tu byung ba dag yin no/ /bcom ldan 'das bdag gis rgyal po zas gtsang la slar mchis par mchid kyis 'tshal to/ /bcom ldan 'das kyis bka' stsal pa/ rab tu byung ste song shig /'di ltar bcom ldan 'das byang chub sems dpar gyur pas sngon tshe rabs rjes pa de dang de dag tu yab dang / yum dang / mkhan po dang / slob dpon dang / bla ma dang / bla ma'i gnas lta bu dag gi chos dang ldan pa'i tshig 'ga' yang ma bcag pas bka' stsal ma thag tu 'char kas gsol pa/ bcom ldan 'das bdag rab tu 'byung ngo / /de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu 'char ka rab tu phyung shig dang / de ni 'di la yun ring po'i don dang / phan pa dang / bde bar 'gyur ro/ /tshe dang ldan pa shA ri'i bus btsun pa bka' bzhin 'tshal zhes bcom ldan 'das las mnyan nas 'char ka rab tu phyung bsnyen par rdzogs par byas te/ de la 'di ni khyod kyi bya ba yin no/ /'di ni khyod kyis bya ba ma yin no/ /'char ka khyod kyis deng phyin cad bud med kyi yul dang lhan cig khyim gcig tu nyal bar mi bya'o zhes bya ba la sogs pa kun du spyad pa'i chos thams cad brjod do/ /'char kas mkhan po bka' bzhin 'tshal zhes tshe dang ldan pa shA ri'i bu'i rkang pa gnyis la mgo bos phyag 'tshal te song nas/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te bcom ldan 'das la 'di skad ces gsol to/ /bcom ldan 'das ser skya'i gnas su mchi'o/ /bcom ldan 'das kyis bka' stsal pa/ 'char ka khyod kyis tsham tshom med par rgyal po'i pho brang du 'jug par mi bya bar sgor 'greng ste shAkya'i dge slong 'ongs so zhes brjod par bya'o/ /gal te shAkya'i dge slong gzhan dag kyang yod dam zhes 'dri na shAkya'i dge slong gzhan dag kyang yod do zhes brjod par bya'o/ /gal te zhugs shig ces zer na 'jug par bya'o/ /gal te gzhon nu don thams cad grub pa yang cha lugs 'di 'dra ba nyid yin nam zhes 'dri na/ cha lugs 'di 'dra ba nyid yin no zhes brjod par bya'o/ /khyod kyis rgyal po'i pho brang du gnas par mi bya'o/ /gal te gzhon nu don thams cad grub pa yang rgyal po'i pho brang du gnas 'cha' bar mi byed dam zhes 'dri na/ gnas 'cha' bar mi byed do zhes brjod par bya'o/ /gal te gang du gnas 'cha' bar byed ces 'dri na/ dgon pa 'am/ gtsug lag khang du'o zhes brjod par bya'o/ /gal te gzhon nu don thams cad grub pa 'ong ngam zhes 'dri na 'ong ngo zhes brjod par bya'o/ /gal te yun ji tsam na 'ong zhes 'dri na zhag bdun 'das nas so zhes brjod par bya'o/ /tshe dang ldan pa 'char kas bcom ldan 'das bka' bzhin 'tshal zhes bcom ldan 'das las mnyan nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /'char ka 'ong ba'i tshe mnyan yod du nyi ma mang po dag gis phyin na phyir 'gro ba'i tshe 'di lta ste/ sangs rgyas rnams kyi sangs rgyas kyi mthu dang / lha rnams kyi lha'i mthus nyi ma gcig gis ser skya'i gnas su phyin to/ /de nas tshe dang ldan pa 'char ka rgyal po zas gtsang gi pho brang ga la ba der song ste phyin nas mi sgo ba bos te smras pa/ kye nang rje khyod song la rgyal po la shAkya'i dge slong 'ongs so zhes sbron cig /des smras pa/ shAkya'i dge slong gzhan dag kyang mchis sam/ 'char kas smras pa/ shAkya'i dge slong gzhan dag kyang yod do/ / sgo bas rgyal po la sbran pa dang / rgyal pos smras pa/ shAkya 'jug tu chug shig /su zhig shAkya zlog par byed/ de nas tshe dang ldan pa 'char ka sgo bas ngo shes nas rgyal po zas gtsang ga la ba der song ste phyin nas rgyal po zas gtsang la 'di skad ces smras so/ /rgyal po chen po khyod la bcom ldan 'das a rog khya zhes gsung ngo / /rgyal po zas gtsang gis 'char ka skad las ngo shes nas smras pa/ khyod 'char ka yin nam/ lha bdag skye bos de ltar 'tshal to/ /rgyal pos smras pa/ gzhon nu don thams cad grub pa yang cha lugs 'di 'dra ba nyid yin nam/ lha cha lugs 'di 'dra ba nyid lags so/ /rgyal po seng ge'i khri las brgyal te sa la lhung nas chus dbang bskur bas srog phyir 'ongs nas dris pa/ gzhon nu don thams cad grub pa 'ong ngam/ lha mchi'o/ /yun ji tsam na 'ong / dgung bdun 'das nas so/ /rgyal pos blon po rnams la smras pa/ shes ldan dag deng la rgyal po'i pho brang dang / btsun mo'i 'khor dag byi dor gyis shig /lha gzhon nu don thams cad grub pa de rgyal po'i pho brang ngam/ btsun mo'i 'khor gyi nang du gnas 'cha' bar mi bgyid do/ /'o na gang du gnas 'cha' bar byed/ dgon pa 'am/ gtsug lag khang du'o/ /gtsug lag khang ci 'dra bar/ 'char kas mnyan yod na gtsug lag khang ci 'dra ba dag mthong ba de 'dra ba brjod do/ /de'i tshe na rgyal po zas gtsang la skyed mos tshal skye yod dang / n+ya gro ng+ha'i kun dga' ra ba dang / tshangs pa'i gnas la sogs pa skyed mos tshal lnga brgya yod pas rgyal pos blon po rnams la smras pa/ shes ldan dag khyed deng la/ skyed mos tshal gsum po skye yod dang / n+ya gro ng+ha'i kun dga' ra ba dang / tshangs pa'i gnas dag tu skyed mos tshal re rer yang rgyal byed kyi tshal 'dra ba'i gtsug lag khang khang chen bcu drug dang / khang pa'i gzhi drug bcu yod pa dag myur du byed du chug la/ grong khyer ser skya'i gnas thams cad kyang rdo ba dang gseg ma dang / gyo mo med par gnas par gyis shig /rgyal po rnams ni tshig gis 'grub pa yin la/ lha rnams ni sems kyis 'grub pa yin/ rnal 'byor pa rnams ni sems bskyed pa tsam gyis thams cad 'grub pa yin pas blon po rnams kyis lha bka' bzhin 'tshal zhes rgyal po zas gtsang las mnyan nas bskyed mos tshal gsum po skye yod dang / n+ya gro ng+ha'i kun dga' ra ba dang / tshangs pa'i gnas dag tu bskyed mos tshal re rer yang rgyal byed kyi tshal 'dra ba'i gtsug lag khang khang chen bcu drug dang / khang pa'i gzhi drug bcu yod pa dag byed du bcug cing grong khyer ser skya'i gnas thams cad kyang rdo ba dang / gseg ma dang / gyo mo med par gnas par byas so/ /sangs rgyas bcom ldan 'das gson zhing bzhugs te 'tsho zhing gzhes pa rnams la chos nyid kyis gdon mi za bar bgyi ba bcu mnga' ste/ sangs rgyas bcom ldan 'das kyis ji srid du sangs rgyas su lung ma bstan pa dang / ji srid du sems can gzhan gyis bla na med pa'i byang chub tu phyir mi ldog pa'i sems ma bskyed pa dang / sangs rgyas kyis gdul bar bya ba thams cad ma btul ba dang / ji srid du sku tshe'i cha lnga pa ma lus pa dang / ji srid du mtshams bcad pa ma mdzad pa dang / ji srid du nyan thos zung gcig mchog tu ma bstan pa dang / ji srid du grong khyer kun 'od du lha las babs pa ma bstan pa dang / ji srid du mnyan yod du cho 'phrul chen po rnam par ma bstan pa dang / ji srid du mtsho chan po ma dros par nyan thos rnams dang thabs gcig sngon gyi las kyi rgyu ba lung ma bstan pa dang / ji srid du yab yum gnyis bden pa dag la ma bkod pa de srid du yongs su mya ngan las mi 'da' ba yin no/ /de nas bcom ldan 'das 'di snyam du dgongs te/ rgyal po chen po zas gtsang dang / shAkya 'bum phrag du ma dag gdul ba'i dus nye bar gnas par gyur cing / 'di lta ste/ yab yum gnyis bden pa dag la gzhag pa de ni de bzhin gshegs pas gdon mi za bar mdzad pa yin no snyam du dgongs nas/ de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu khyod song la dge slong rnams la de bzhin gshegs pa ser skya'i gnas su gshegs kyis/ khyed cag las gang de bzhin gshegs pa dag thabs gcig ser skya'i gnas su 'gro ba dang / yab dang sras mjal ba lta bar spro ba des chos gos dag long shig ces bsgo shig /tshe dang ldan pa maud gal gyi bu chen pos btsun pa bka' bzhin 'tshal zhes bcom ldan 'das las mnyan nas/ dge slong rnams la tshe dang ldan pa dag bcom ldan 'das ser skya'i gnas su gshegs kyis khyed cag las gang de bzhin gshegs pa dang thabs gcig ser skya'i gnas su 'gro ba dang / yab dang sras mjal ba lta bar spro ba des chos gos dag long shig ces bsgo'o/ /dge slong dag gis tshe dang ldan pa de bzhin bgyi'o zhes tshe dang ldan pa maud gal gyi bu chen po las mnyan to/ /de nas bcom ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ /grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa/ mdzes pa 'khor mdzes pa dang ldan pa/ khyu mchog ltar ba lang gi tshogs kyis yongs su bskor ba/ glang po che ltar glang po che'i phru gu'i tshogs kyis yongs su bskor ba/ seng ge ltar mche ba can gyi tshogs kyis yongs su bskor ba/ ngang pa'i rgyal po ltar ngang pa'i tshogs kyis yongs su bskor ba/ nam mkha'i lding ltar bya'i tshogs kyis yongs su bskor ba/ bram ze ltar slob ma'i tshogs kyis yongs su bskor ba/ sman pa mkhas pa ltar nad pa'i tshogs kyis yongs su bskor ba/ dpa' bo ltar ru pa'i tshogs kyis yongs su bskor ba/ sa mkhan ltar lam du zhugs pa'i tshogs kyis yongs su bskor ba/ ded dpon ltar tshong pa'i tshogs kyis yongs su bskor ba/ tshong dpon ltar 'khor gyi tshogs kyis yongs su bskor ba/ mkhar gyi rgyal po ltar blon po'i tshogs gyis yongs su bskor ba/ 'khor los sgyur ba ltar bu stong gi tshogs kyis yongs su bskor ba/ zla ba ltar rgyu skar gyi tshogs kyis yongs su bskor ba/ nyi ma ltar 'od zer stong gi tshogs kyis yongs su bskor ba/ yul 'khor srung ltar dri za'i tshogs kyis yongs su bskor ba/ 'phags skyes po ltar grul bum gyi tshogs kyis yongs su bskor ba/ mig mi bzang ltar klu'i tshogs kyis yongs su bskor ba/ nor sbyin ltar gnod sbyin gyi tshogs kyis yongs su bskor ba/ thag bzangs ris ltar lha ma yin gyis tshogs kyis yongs su bskor ba/ brgya byin ltar sum bcu rtsa gsum pa'i tshogs kyis yongs su bskor ba/ tshangs pa ltar tshangs ris kyi tshogs kyis yongs su bskor ba/ dbang po rnams shin tu dul ba/ spyod lam dang / spyod pa ma 'khrugs pa/ chu gter ltar ting nge ba/ sprin ltar chu dang bcas pa/ glang po che'i rgyal po ltar dregs pa dang bral ba/ skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus sku rnam par mdzes pa/ 'od 'doms gang gis gzugs can brgyan pa/ nyi ma stong bas lhag pa'i 'od dang ldan pa/ rin po che'i ri bo 'gro ba ltar kun du bzang ba/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa/ 'jig rten la phan par zhugs pa/ srung ba gcig pu pa/ nyag gcig dpa' ba/ gnyis pa med pa/ gnyis su mi gsung ba/ zhi gnas dang lhag mthong gis bzhugs pa/ rig pa gsum gsal bar mdzad pa/ bslab pa gsum la legs par bslabs pa/ dul ba'i gnas gsum gyi gzhi la mkhas pa/ chu bo bzhi las rgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos po bzhi la yun ring po nas yongs su sbyang ba mdzad pa/ mi 'jigs pa bzhis bsnyengs pa mi mnga' ba/ yan lag lnga spangs pa/ 'gro ba lnga las yang dag par 'das pa/ yan lag drug dang ldan pa/ pha rol du phyin pa drug yongs su rdzogs pa/ rtag tu gnas pa drug gis gnas pa/ byang chub kyi yan lag bdun gyi me tog gis phyug pa/ lam gyi yan lag brgyad ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang bsgyur ba las khyad par du 'phags pa/ 'khor nyan thos chen po tshe dang ldan pa lteng rgyas 'od srung dang / ga ya 'od srung dang / chu klung 'od srung la sogs pa sngon gyi ral pa can stong dang / tshe dang ldan pa shA ri'i bu dang / maud gal gyi bu chen po la sogs pa dge slong gi dge 'dun mang pos mdun du bdar te ser skya'i gnas ga la ba der rgyu zhing gshegs so/ /de'i tshe na rgyal po zas gtsang gis nyi ma bdun pa la grong khyer ser skya'i gnas thams cad rdo ba dang / gseg ma dang / gyo mo med par bzhag cing bdug pa dang / phye ma 'khrigs pa dang / me tog sna tshogs bkram pa dang / rgyal mtshan dang / ba dan bsgreng ba la sogs pa mchod pa'i yo byad rgya chen po dag bshams shing / n+ya gro ng+ha'i kun dga' ra bar sa phyogs go skabs yangs par gdan thams cad zla kham lta bur bshams te/ n+ya gro ng+ha'i kun dga' ra ba nas grong khyer ser skya'i gnas kyi bar gyi lam thams cad mdzes shing rdo ba dang / gseg ma dang / gyo mo med par bzhag ste/ spos chu'i chag chag btab cing bar bar du dar gyi chun po mang po spyangs shing / me tog gi tshoms dag kyang bshams/ bdug spos dri zhim po'i du ba 'khrigs pa dang / me tog sna tshogs bkram pa dang / rgyal mtshan dang / ba dan bsgreng ba dag rnam par bzhag go/ /rgyal po zas gtsang nyid kyis rgyal po'i 'byor pa chen po dang / rgyal po'i mthu chen pos n+ya gro ng+ha'i kun dga' ra ba na 'di lta ste/ bcom ldan 'das la sdod cing 'dug go/ /de nas bcom ldan 'das mthar gyis rgyu zhing gshegs pa na chu rlung ro ha ka'i 'gram du gshegs so/ /de na dge slong kha cig ni lag pa dang rkang pa dag 'khru bar byed/ kha cig ni so shing 'dor bar byed/ kha cig ni chu 'tshag par byed/ kha cig ni khrus byed do/ /grong khyer ser skya'i gnas na 'khod pa'i shAkya rnams kyis gzhon nu don thams cad grub pa 'ongs shing / rgyal po zas gtsang gis n+ya gro ng+ha'i kun dga' ra bar sa phyogs go skabs yangs par gnas mal bshams shes thos so/ /thos nas kyang shAkya 'bum phrag du ma dag n+ya gro ng+ha'i kun dga' ra bar 'dus par gyur cing / de na kha cig ni sngon gyi dge ba'i rtsa ba dag gis bskul zhing lhags so/ /kha cig ni ya mtshan skyes te je dang por yab kyis sras kyi zhabs la phyag 'tshal bar mdzad dam/ 'on te sras kyis yab kyi zhabs la phyag 'tshal bar mdzad pa blta'o snyam pas lhags so/ /de nas bcom ldan 'das 'di snyam du dgongs te/ gal te de bzhin gshegs pa zhabs kyis ser skya'i gnas su gshegs na shAkya nga rgyal can dag gzhon nu don thams cad grub pas chen po ma rnyed de/ 'di ltar 'di sngon byang chub sems dpar gyur pa na grong khyer ser skya'i gnas nas lha 'bum phrag du mas bsu ste steng gi nam mkha' las byung ste song na/ da 'dis bla na med pa'i ye shes rtogs kyang rkang pas 'ongs so zhes ma dad pa skye bar 'gyur bas bdag rdzu 'phrul gyis ser skya'i gnas su 'jug par bya'o snyam du dgongs shing rig nas/ dge slong rnams la bka' stsal pa/ dge slong dag khyed ni rkang pa dag gis chu klung ro ha ka rgol cig /de bzhin gshegs pa ni rdzu 'phrul gyis gshegs so/ /dge slong rnams kyis btsun pa bka' bzhin 'tshal zhes bcom ldan 'das las mnyan nas/ rkang pa dag gis chu klung ro ha ka rgal te n+ya gro ng+ha'i kun dga' ra ba ga la ba der dong ngo / /de nas bcom ldan 'das kyis dge slong gi dge 'dun song nas ring po ma lon par thugs su chud nas ting nge 'dzin 'di lta bu la snyoms par zhugs te/ ji ltar thugs mnyam par bzhag na rdzu 'phrul gyis chu klung ro ha ka'i pha rol gyi 'gram nas mi snang bar gyur cing steng gi nam mkha' la ngang pa'i rgyal po 'dab ma brkyang ba ltar mngon par 'phags nas ser skya'i gnas kyi steng nas n+ya gro d+ha'i kun dga' ra ba ga la ba der gshegs te byon nas n+ya gro ng+ha'i kun dga' ra ba'i steng gi nam mkha' la dkyil mo dkrung bcas te bzhugs so/ /de na bcom ldan 'das shar phyogs logs su spyod lam bzhi po 'di lta ste/ 'chag pa dang bzhengs pa dang / bzhugs pa dang / mnal ba dag mdzad do/ /me'i khams la yang snyoms par 'jug pa mdzad de/ sangs rgyas bcom ldan 'das me'i khams la snyoms par zhugs pa'i sku las 'od zer sna tshogs 'di lta ste/ sngon po dag dang / ser po dag dang / dmar po dag dang / dkar po dag dang / btsod ka dag dang / shel dang / dngul gyi kha dog lta bu dag byung ngo / /cho 'phrul zung dag kyang rnam par ston pa mdzad de/ sku'i smad nas me 'bar zhing sku'i stod nas chu grang mo'i rgyun 'bab par mdzad do/ /sku'i stod nas me 'bar zhing sku'i smad nas chu grang mo'i rgyun 'bab par mdzad do/ /shar phyogs su ji lta ba bzhin du lho phyogs dang / nub phyogs dang / byang phyogs su yang de bzhin du mdzad do/ /de ltar phyogs bzhir rdzu 'phrul gyi cho 'phrul rnam pa bzhi bzhi ston par mdzad do/ /de nas bcom ldan 'das 'di snyam du dgongs te/ gal te de bzhin gshegs pas rgyal po zas gtsang gi rkang pa gnyis la gtugs par gyur na ni de'i spyi bo tshal pa bdun du 'gas par 'gyur la/ gal te rgyal po zas gtsang gis de bzhin gshegs pa'i zhabs gnyis la gtugs par gyur na ni shAkya nga rgyal can dag ci'i phyir yab tu gyur pas sras kyi rkang pa gnyis la gtugs par byed ces ma dad pa skye bar 'gyur bas bdag gis ci nas kyang rgyal po zas gtsang gis lus ma btud bzhin du de bzhin gshegs pa'i zhabs gnyis la phyag 'tshal bar 'gyur ba de lta bu'i rdzu 'phrul mngon par 'du bya'o snyam du dgongs shing rig nas ta la bdun srid tsam gyi steng gi nam mkha' la gzhes shing / ta la drug dang / lnga dang / bzhi dang / gsum dang / gnyis dang / gcig srid tsam na bzhugs so/ /de nas skyes bu bdun srid tsam na gzhes shing skyes bu drug dang / lnga dang / bzhi dang / gsum dang / gnyis dang / gcig srid tsam na gzhes so/ /de nas rgyal po zas gtsang gis ma btud bzhin du de bzhin gshegs pa'i zhabs gnyis la mgo bos phyag 'tshal nas shAkya rnams la go bar bya ba'i phyir de'i tshe tshigs su bcad pa smras pa/ gang tshe khyod bltams dog sa rab g.yos dang / /'dzam bu'i grib mas khyod sku ma btang dang / /'di dang lan gsum kun gzigs mkhyen ldan pa/ /sangs rgyas khyod kyi zhabs la bdag phyag 'tshal/ /de nas bcom ldan 'das kyis rdzu 'phrul mngon par 'du mdzad pa de slar bsdu ba mdzad nas n+ya gro ng+ha'i kun dga' ra bar gshegs te/ dge slong gi dge 'dun gyi gong du gdan bshams pa nyid la bzhugs so/ /de nas rgyal po zas gtsang dang / bre bo zas dang / zas dkar dang / bdud rtsi zas dang / shAkya 'bum phrag du ma dag gis bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /shAkya kha cig ni bcom ldan 'das ga la ba de logs su thal mo sbyar te mtha' gcig tu 'khod do/ /shAkya kha cig ni thag ring po kho na nas bcom ldan 'das mthong nas cang mi smra bar mtha' gcig tu 'khod do/ /de nas rgyal po zas gtsang gis bcom ldan 'das la tshigs su bcad pa'i skad kyis zhu ba zhus pa/ dpa' bo bcibs pa glang po dang / /chibs dang shing rtas khab gshegs na/ /tsher bcas dog sa'i gzhi dag la/ /ji ltar zhabs kyis gshegs pa mdzad/ /bcom ldan 'das kyis bka' stsal pa/ bdag ni rdzu 'phrul rkang pa dang / /yang dag stsol ba'i bzhon pa yis/ /nyon mongs tsher mas ma smas par/ /sa gzhi kun du rnam par rgyu/ /rgyal pos gsol pa/ dpa' bo sngan chad ka shi ka'i/ /na bza' gsol bas rnam mdzes na/ /ngur smrig na bza' rtsub po dag /ji ltar khyod skus bzod par mdzad/ /bcom ldan 'das kyis bka' stsal pa/ rgyal po bdag ni khrel 'dzem pa'i/ /snam sbyar gos gyon mdzes pa yin/ /gang gis thub pa'i gos gyon pa/ /zhi ba'i nags na mdzes par 'gyur/ /rgyal pos gsol pa/ brtan pa sngan chad gser snod nas/ /zhal zas ro mang ldan gsol nas/ da ltar bsod snyoms ngan pa dag /ji ltar khyod kyi mgur du byon/ /bcom ldan 'das kyis bka' stsal pa/ chos ldan dga' ba dag gi zas/ /nges 'byung ldan zhing mnyam bzhag yin/ / zas sred spangs kyang 'jig rten kun/ /rjes su gzung phyir bdag spyod byed / /rgyal pos gsol pa/ blo bzang khyod sngon yang thog gi/ gzhal med khang steng dus mthun bzhugs/ /nyag gcig nags na khyod bzhugs na/ /ji ltar bsnyengs dang bral bar 'gyur/ /bcom ldan 'das kyis bka' stsal pa/ gau tam 'jigs kun rtsa dang srid/ /de dag bag nyal bcas spangs pas/ /mya ngan 'jigs bral nags gnas te/ /de na bdag 'jigs ci yang med/ /rgyal pos gsol pa/ thub dbang khyod sngon rab dgyes pa'i/ /khab na rtag tu khrus mchog mdzad/ /nags na nyag gcig khyod bzhugs na/ /de na 'byor khrus su dag bgyid/ /bcom ldan 'das kyis bka' stsal pa / gau tam chos rdzing bsod nams 'gram/ /rnyog med dam pas bsngags pa ste/ /mi lus mi gsher der bkrus pa/ /rig byed yon tan pha rol 'gro/ /rgyal pos gsol pa/ dpa' bo rang gi pho brang na/ /gser dngul bum pas khrus mdzad na/ /chab tshan rnyog dang bcas pa yis/ /ji ltar khyod kyi sku khrus mdzad/ /bcom ldan 'das kyis bka' stsal pa/ gau tam dang klung tshul khrims 'gram/ /dang ba bsil ba mkhas pas bsngags/ /mi lus mi gsher der bkrus pa/ /rig byed yon tan pha rol 'gro/ /rgyal po zas gtsang gis gsol pa/ zil gnon gang nas skye 'gyur zhing / /'jigs skrags gang nas 'byung bar 'gyur/ /yid 'byung gang nas skye bar 'gyur/ /zhus pa de ni bdag la gsungs/ /bcom ldan 'das kyis bka' stsal pa/ zil gnon gang nas skye 'gyur zhing / /'jigs skrag gang nas 'byung bar 'gyur/ /yid 'byung gang nas skye 'gyur ba/ /gson cig bdag gis khyod la bshad/ /rga dang na dang 'chi 'gyur ba/ /gal te de gsum yod min na/ /bdag kyang shin tu yid 'ong ba'i/ /yul rnams la ni dga' bar 'gyur/ /rgyal pos gsol pa/ shAkya'i rigs rnams dga' mdzad pa/ /dpa' bo 'jig rten chos brgyad kyis/ /khyod la gos pa mi mnga' ba/ /legs par 'khrungs pa legs pa lags/ / de nas rab dga' dad rgyas pas/ /drang srong dge 'dun bskor byas te/ /thub dbang zhabs la mgos gtugs nas/ /bde gshegs kun nas rtog cing sdod/ /de nas rgyal po zas gtsang 'di snyam du sems te/ bdag gi bus yon tan gyi tshogs 'di lta bu rtogs pa ni bdag gis rnyed pa legs par rnyed do snyam mo/ /de nas bcom ldan 'das kyis skye bo phal po che'i tshogs de'i bsam pa dang / bag la nyal dang / khams dang / rang bzhin thugs su chud nas/ 'di ltar rgyal po zas gtsang dang / lhas sbyin sdig pa 'dod pa nga rgyal las kyang nga rgyal tsam ma gtogs pa zas dkar la sogs pa shAkya bdun khri bdun stong gis bden pa dag mthong bar gyur pa de ltar chos bstan pa mdzad do/ /de nas srog chags stong phrag mang po kha cig gis ni rgyun du zhugs pa'i 'bras bu mngon sum du byas/ kha cig gis ni lan gcig phyir 'ong ba'i 'bras bu/ kha cig gis ni phyir mi 'ong ba'i 'bras bu/ kha cig gis ni rab tu byung ste nyon mongs pa thams cad spangs pas dgra bcom pa nyid mngon sum du byas te/ 'khor de las phal cher sangs rgyas la gzhol ba dang / chos la 'bab pa dang / dge 'dun la bab par rnam par gzhag par mdzad do/ / rgyal po zas gtsang ni bdag gi bu 'di ltar rdzu 'phrul che ba/ 'di ltar mthu che ba yin no snyam du ha cang dga' bas bden pa ma mthong ngo / /lhas byin ni sdig pa 'dod pa dang / nga rgyal las kyang nga rgyal gyis bden pa ma mthong ngo / /lhas byin bden pa ma mthong zhing khro bas zil gyis non pas smras pa/ gal te bdag gis kyang 'di ltar rjes su 'jug par byed pa'i sgyu ma shes par gyur na/ bdag gis kyang 'jig rten thams cad rjes su 'jug par bya ba la rag go/ /shAkya gcugs par gyur pa dga' ba ston pa dag gis de la smras pa/ lhas byin thong shig bcom ldan 'das ni rdzu 'phrul che ba/ mthu che ba yin gyis de skad ma zer cig /de nas de cang mi smra bar 'dug go/ /nyi ma gnyis pa la bskyed mos tshal skye yod du sa phyogs go skabs yangs par gdan thabs zla gam lta bu bshams pa byas nas/ der yang bcom ldan 'das kyis skye bo phal po che'i tshogs de'i bsam pa dang bag la nyal dang / khams dang / rang bzhin thugs su chud nas 'di ltar rgyal po zas gtsang dang / lhas byin sdig pa 'dod pa nga rgyal las kyang nga rgyal can ma gtogs bre bo zas la sogs pa shAkya bdun khri drug stong gis bden pa dag mthong bar gyur pa de ltar chos bstan pa mdzad do/ /de na srog chags stong phrag mang po kha cig gis ni rgyun du zhugs pa'i 'bras bu mngon sum du byas/ kha cig gis ni lan gcig phyir 'ong ba'i 'bras bu/ kha cig gis ni phyir mi 'ong ba'i 'bras bu/ kha cig gis ni rab tu byung ste nyon mongs pa thams cad spangs pas dgra bcom pa nyid mngon sum du byas te 'khor de las phal cher sangs rgyas la gzhol ba dang / chos la 'bab pa dang / dge 'dun la bab par rnam par gzhag par mdzad do/ /rgyal po zas gtsang ni bdag gi bu 'di ltar rdzu 'phrul che ba/ 'di ltar mthu che ba yin no snyam du ha cang dga' bas bden pa ma mthong ngo / /lhas byin ni sdig pa 'dod pa dang / nga rgyal las kyang nga rgyal gyis bden pa ma mthong ngo / /lhas byin bden pa ma mthong zhing khro ba'i zil gyis non pas smras pa/ gal te bdag gis kyang 'di ltar rjes su 'jug par byed pa'i sgyu ma shes par gyur na/ bdag gis kyang 'jig rten thams cad rjes su 'jug par bya ba la rag go/ /shAkya gcugs par gyur pa dga' ba ston pa dag gis de la smras pa/ lhas byin thong shig /bcom ldan 'das ni rdzu 'phrul che ba/ mthu che ba yin gyis de skad ma zer cig /de nas de cang mi smra bar 'dug go/ /nyi ma gsum pa la bskyed mos tshal tshangs pa'i gnas su sa phyogs go skabs yangs par gdan thabs zla gam lta bu bshams pa byas nas/ der yang bcom ldan 'das kyis skye bo phal po che'i tshogs de'i bsam pa dang / bag la nyal dang / khams dang rang bzhin thugs su chud nas 'di ltar rgyal po zas gtsang dang / lhas byin sdig pa 'dod pa nga rgyal las kyang nga rgyal can ma gtogs pa bdud rtsi zas la sogs pa shAkya bdun khri lnga stong gis bden pa dag mthong bar gyur pa de ltar chos bstan pa mdzad do/ /de na srog chags stong phrag mang po kha cig gis ni rgyun du zhugs pa'i 'bras bu mngon sum du byas/ kha cig gis ni lan gcig phyir 'ong ba'i 'bras bu/ kha cig gis ni phyir mi 'ong ba'i 'bras bu/ kha cig gis ni rab tu byung ste nyon mongs pa thams cad spangs pas dgra bcom pa nyid mngon sum du byas te 'khor de las phal cher sangs rgyas la gzhol ba dang / chos la 'bab pa dang / dge 'dun la bab par rnam par gzhag par mdzad do/ /rgyal po zas gtsang ni bdag gi bu 'di ltar rdzu 'phrul che ba/ 'di ltar mthu che ba yin no snyam du ha cang dga' bas bden pa ma mthong ngo / /lhas byin ni sdig pa 'dod pa dang / nga rgyal las kyang nga rgyal gyis bden pa ma mthong ngo / /de nas bcom ldan 'das 'di snyam du dgongs te/ ci'i phyir rgyal po zas gtsang bden pa mthong bar mi byed snyam du dgongs na/ rgyu gnyis kyis bden pa mi mthong ste/ sems ha cang mtho ba dang / ha cang zhum pas so/ /de ltar rgyal po zas gtsang gi sems gzhon nu don thams cad grub pa sngon cad lha dang mis mchod par gyur na/ da ni mis mchod cing lhas mchod par ma gyur to/ /snyam du ha cang zhum par gyur par thugs su chud do/ /de nas bcom ldan 'das 'di snyam du dgongs te/ bdag gis rgyal po zas gtsang gdul ba'i phyir lha'i 'khor 'ba' zhig la chos bstan par bya'o snyam du dgongs shing rig nas 'jig rten pa'i thugs bskyed pa mdzad do/ /sangs rgyas bcom ldan 'das rnams kyi chos nyid ni gal te 'jig rten pa'i thugs bskyed par mdzad na ni tha na srog chags grog sbur gyis kyang bcom ldan 'das kyi thugs sems kyis shes la ji ste 'jig rten las 'das pa'i thugs bskyed par mdzad na ni rang sangs rgyas rnams kyis kyang bcom ldan 'das kyi thugs sems kyis mi shes na nyan thos la sogs pas lta smos kyang ci dgos/ de nas tshangs pa dang / brgya byin la sogs pa lha rnams 'di snyam du sems te/ ci'i slad du bcom ldan 'das kyis 'jig rten pa'i thugs bskyed pa mdzad snyam pa dang / bcom ldan 'das rgyal po zas gtsang gdul ba'i slad du lha'i 'khor 'ba' zhig la chos ston pa bzhed par mthong ngo / /de nas 'dod pa na spyod pa dang / gzugs na spyod pa'i lha rnams kyis bcom ldan 'das kyi thugs sems kyis shes nas/ 'di lta ste/ dper na skyes bu'i lag pa bskums pa las rkyong bar byed pa 'am/ brkyang ba las skum par byed pa de bzhin du/ 'dod pa na spyod pa dang / gzugs na spyod pa'i lha rnams lha'i 'jig rten nas mi snang bar gyur te bskyed mos tshal tshangs pa'i gnas su bcom ldan 'das kyi spyan sngar lhags so/ /bcom ldan 'das kyis kyang rdzu 'phrul gyis rin po che sna bzhi las byas pa'i khang bzangs sgo bzhi pa sprul pa mdzad de/ sgo bzhi po dag tu 'jig rten skyong ba bzhi po dag sgo srungs su rnam par gzhag par mdzad do/ /de nas gzugs na spyod pa'i lha rnams kyis bcom ldan 'das la lan gsum bskor ba byas te/ bcom ldan 'das kyi zhabs gnyis la mgo bos phyag 'tshal nas g.yas phyogs su nye bar brten te 'khod do/ /'dod pa na spyod pa'i lha rnams kyis kyang bcom ldan 'das la lan gsum bskor ba byas te/ /bcom ldan 'das kyi zhabs gnyis la mgo bos phyag 'tshal nas g.yon phyogs su nye bar brten te 'khod do/ /rgyal po zas gtsang gi kun du spyod pa ni nyin mo lan gsum bcom ldan 'das la blta ba dang / bsnyen bkur bya ba'i phyir 'gro'o/ /de nas rgyal po zas gtsang nang par sngar langs te khang bzangs kyi shar sgo ga la ba der song ba dang / yul 'khor srung gis smras pa/ rgyal po chen po ma 'jug par sdod cig /ci'i phyir/ bcom ldan 'das lha'i 'khor 'ba' zhig la chos ston par mdzad pas 'dir mi tsam gyis tshod kyis mi chud do/ /bzhin bzangs khyod su zhig yin/ rgyal po chen po kho bo ni rgyal po chen po yul 'khor srung yin no/ / de nas rgyal po zas gtsang khang bzangs kyi lho sgo ga la ba der song ba dang / 'phags skyes pos smras pa/ rgyal po chen po ma 'jug par sdod cig /ci'i phyir/ bcom ldan 'das lha'i 'khor 'ba' zhig la chos ston par mdzad pas 'dir mi tsam gyis tshod kyis mi chud do/ /bzhin bzangs khyod su zhig yin/ rgyal po chen po kho bo ni rgyal po chen po 'phags skyes po yin no/ /de nas rgyal po zas gtsang khang bzangs kyi nub sgo ga la ba der song ba dang / mig mi bzang gis smras pa/ rgyal po chen po ma 'jug par sdod cig /ci'i phyir/ bcom ldan 'das lha'i 'khor 'ba' zhig la chos ston par mdzad pas 'dir mi tsam gyis tshod kyis mi chud do/ /bzhin bzangs khyod su zhig yin/ rgyal po chen po kho bo ni rgyal po chen po mig mi bzang yin no/ /de nas rgyal po zas gtsang khang bzangs kyi byang sgo ga la ba der song ba dang / rnam thos kyi bus smras pa/ rgyal po chen po ma 'jug par sdod cig /ci'i phyir/ bcom ldan 'das lha'i 'khor 'ba' zhig la chos ston par mdzad pas 'dir mi tsam gyis tshod kyis mi chud do/ /bzhin bzangs khyod su zhig yin/ rgyal po chen po kho bo ni rgyal po chen po rnam thos kyi bu yin no/ /de nas rgyal po zas gtsang kye ma bdag gis bcom ldan 'das lha'i 'khor 'ba' zhig la chos ston par mdzad pa mthong na ci ma rung snyam du 'dod pa skyes so/ /bcom ldan 'das kyis rgyal po zas gtsang gi sems thugs kyis mkhyen nas khang bzangs shel gyi rang bzhin du sprul pa mdzad pa dang / 'di ltar rgyal po zas gtsang gis bcom ldan 'das lha'i 'khor 'ba' zhig la chos ston pa me long gi gzugs kyi nang na 'dug pa ltar mthong ngo / /mthong nas kyang 'di snyam du sems te/ su la yang 'di lta ste/ da ltar bdag gi don thams cad grub pa lta bu'i bu med do snyam mo/ /de nas rgyal po zas gtsang gi sems kyi rgyud ha cang mtho bar gyur to/ /de nas bcom ldan 'das kyis rdzu 'phrul mngon par 'du mdzad pa de slar bsdu ba mdzad nas rgyal po zas gtsang la chos bstan par brtsam pa mdzad do/ /de nas bcom ldan 'das 'di snyam du dgongs te/ ci'i phyir rgyal po zas gtsang bden pa mthong bar mi byed snyam du dgongs pa dang / da ltar rgyal po zas gtsang su la yang 'di lta ste/ da ltar bdag gi don thams cad grub pa lta bu'i bu med do snyam du ha cang dga' bas sems kyi rgyud ha cang mtho bar gyur par thugs su chud do/ /de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu khyod kyis rgyal po zas gtsang la soms shig /tshe dang ldan pa maud gal gyi bu chen pos btsun pa bka' bzhin 'tshal zhes bcom ldan 'das las mnyan nas rgyal po zas gtsang ga la ba der song ngo / /rgyal po zas gtsang gis tshe dang ldan la maud gal gyi bu chen po thag ring po kho na nas mthong ngo / /mthong nas kyang 'di skad ces smras so/ /btsun pa maud gal gyi bu tshur gshegs/ btsun pa maud gal gyi bu byon pa legs so/ / btsun pa maud gal gyi bu gdan bshams pa nyid la bzhugs shig /de nas tshe dang ldan pa maud gal gyi bu chen po bcom ldan 'das kyis skabs dbye ba mdzad pas ting nge 'dzin 'di lta bu la snyoms par zhugs te/ ji ltar sems mnyam par bzhag na rang gi stan las mi snang bar gyur cing shar phyogs kyi steng gi nam mkha' la mngon par 'phags te/ spyod lam bzhi po 'di lta ste/ 'gro ba dang / 'greng ba dang / 'dug pa dang / nyal ba dag byed do/ /me'i khams la yang snyoms par 'jug ste/ tshe dang ldan pa maud gal gyi bu chen po me'i khams la snyoms par zhugs pa'i lus las 'od zer sna tshogs 'di lta ste/ sngon po dag dang / ser po dag dang / dmar po dag dang / dkar po dag dang / btsod ka dag dang / shel dang / dngul gyi kha dog lta bu dag byung ngo / /cho 'phrul zung dag kyang rnam par ston te/ lus kyi smad nas me 'bar zhing lus kyi stod nas chu grang mo'i rgyun 'bab par byed do/ /lus kyi stod nas me 'bar zhing lus kyi smad nas chu grang mo'i rgyun 'bab par byed do/ /shar phyogs su ji lta ba bzhin du lho dang nub dang / byang phyogs su 'ang de bzhin te/ phyogs bzhir rdzu 'phrul gyi cho 'phrul rnam pa bzhi bstan nas rdzu 'phrul mngon par 'du bya ba de phyir bsdus te stan bshams pa nyid la 'dug go/ /de nas rgyal po zas gtsang gis tshe dang ldan pa maud gal gyi bu chen po la 'di skad ces smras so/ /btsun pa maud gal gyi bu chen po bcom ldan 'das kyi nyan thos 'di ltar rdzu 'phrul che ba/ 'di ltar mthu che ba/ gzhan dag kyang mchis sam/ de nas tshe dang ldan pa maud gal gyi bu chen pos de'i tshe tshigs su bcad pa smras pa/ thub pa'i nyan thos mthu che ba/ /gsum rig sems kyi rnam grangs shes/ /zag pa zad par gyur pa dang / /dgra rnams bcom pa mang du yod/ /de nas rgyal po zas gtsang 'di snyam du sems te/ bcom ldan 'das nyag gcig rdzu 'phrul che ba/ mthu che bar ma zad kyi/ 'di ltar nyan thos rnams la yang rdzu 'phrul che ba mthu che ba dag yod do snyam nas/ de na rgyal po zas gtsang gi sems kyi rgyud snyoms par gyur to/ /de nas tshe dang ldan pa maud gal gyi bu chen pos rgyal po zas gtsang khrid de bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /de nas bcom ldan 'das kyis rgyal po zas gtsang gi sems thugs kyis mkhyen cing / bsam pa dang / bag la nyal dang / khams dang / rang bzhin thugs su chud nas/ 'di ltar rgyal po zas gtsang gis stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de ltar chos bstan pa mdzad do/ /des bden pa mthong nas gsol pa/ btsun pa bdag gis dge ba'i bshes gnyen bcom ldan 'das la brten nas/ bcom ldan 'das kyis bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ /dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang / mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang / yi dags nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs ba'i 'bras bu ni thob ste/ btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang / chos dang dge slong gi dge 'dun la skyabs su mchis/ bdag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /tshigs su bcad pa yang gsol pa/ bu pho bzang pos pha la ni/ /lan du phan gdags gang bgyi ba/ /de ni khyod kyis bdag la bgyis/ /sems ni mtho ris gzhol bar gyur/ /bu pho bzang pos pha la ni/ /lan du phan gdags gang bgyi ba/ /de ni khyod kyis bdag la bgyis/ /sems ni thar la gzhol bar gyur/ /ngan song dag las legs phyung zhing / /khyod kyis mtho ris thar pa la/ /rab tu 'bad pas bdag bzhag ste/ /khyod kyis dka' ba legs par mdzad/ /tshong pas khe spogs rnyed pa ltar/ /mtho ris rnyed pa bdag gis rnyed/ /dge ba'i bshes gnyen rnams la ni/ /nye bar rten pa bzang ba lags/ /de nas rgyal po zas gtsang gis bden pa mthong nas zas dkar la smras pa/ gzhon nu khyod kyis rgyal srid byed du chug shig /da ni rgyal po'i drang srong gis tshangs par spyad pa spyod do/ /lha ci'i slad du rgyal srid bgyid du mi stsol/ ngas bden pa dag mthong ngo / /lhas nam gzigs / deng nyid do/ /lhas deng nyid gzigs kyi bdag gis gang gi gdugs la bcom ldan 'das 'dir gshegs pa de nyid kyi gdugs la bden pa dag mthong lags so/ /de nas rgyal po zas gtsang gis bre bo zas dang bdud rtsi zas la smras pa/ gzhon nu gnyis khyed kyis rgyal srid byed du chug shig /nga ni rgyal po'i drang srong gis tshangs par spyad pa spyod do/ /ci'i slad du rgyal srid bgyid du mi stsol/ ngas bden pa mthong ngo / /lhas nam gzigs/ deng nyid do/ /lhas deng nyid gzigs kyi bdag cag gis ches sngar mthong lags so/ /rgyal pos smras pa/ gzhon nu rnams kyi bu thu bo gang yin/ gzhon du bzang ldan lags so/ /rgyal po zas gtsang gis gzhon nu bzang ldan shAkya'i rgyal por dbang bskur ro/ /de'i tshe na bcom ldan 'das nyan thos kyi dge 'dun dang bcas pa/ nyin gcig mi chad par rgyal po'i pho brang du gdugs tshod gsol ba dang / rgyal po zas gtsang gis ral ba can las rab tu byung ba dka' thub kyis lus mi sdug par snang ba dag mthong ngo / /mthong nas kyang de 'di snyam du sems te/ bdag nyid chen po 'di dag sems ni bzang ba yin na lus mi bzang ste/ dka' thub drag po dag gis lus mi sdug par snang ba dag yin no/ /bcom ldan 'das kyi 'khor ni bcom ldan 'das nyid ci 'dra bar 'khor yang de 'dra ba nyid du gyur na de lta na bcom ldan 'das mdzes par 'gyur ro snyam mo/ /de nas rgyal po zas gtsang gis shAkya rnams bsdus te smras pa/ shes ldan dag gal te gzhon nu don thams cad grub pa rab tu ma byung bar gyur na cir 'gyur/ lha 'khor los sgyur ba'i rgyal por 'gyur ro/ /khyed kyi bu dag cir 'gyur/ lha zhabs ring bar 'gyur ro/ /'o na da gzhon nu don thams cad grub pas bdud rtsi thugs su chud de/ bdud rtsis 'gro ba tshim par mdzad na khyed kyi bu dag ci'i phyir zhabs ring mi byed/ lha ci lags de dag rab tu dbyung ngam/ rab tu phyung shig /lha shAkya'i rigs rgyun chad par 'gyur ro/ /rgyal pos smras pa/ khyim re re nas re re rab tu phyung shig /lha bka' stsal pa bzhin 'tshal lo/ /rgyal po zas gtsang gis shAkya gzhon nu rnams kyis khyim re re nas re re rab tu dbyung bar bya'o zhes dril bsgrags pa byas so/ /gang gi tshe rgyal po zas gtsang gis dril bsgrags pa de'i tshe na bzang ldan dang ma 'gags pa dang / nam gru la sogs pa shAkya'i gzhon nu lnga brgya rab tu byung ngo / /gang gi tshe bcom ldan 'das kyis shAkya gzhon nu lnga brgya rab tu phyung ba de'i tshe na bcom ldan 'das kyis 'di lta ste/ rigs mthon po las rab tu byung ba ni rnyed pa'i phyir dang nye ba yin no/ /zhes gsungs pas de dag las rnyed pa dang bkur sti chen po byung bar gyur to/ /bcom ldan 'das kyis dgongs pa/ rigs kyi bu 'di dag gzhan gyi phyir kho nar rab tu byung ba yin na/ gzhan kho na la chags so snyam du dgongs nas/ de nas bcom ldan 'das de dag las rnyed pa dang bkur sti byung ba gcad par bzhed nas ser skya'i gnas su ci dgyes par bzhugs nas mnyan yod ga la ba der gshegs te/ mthar gyis rgyu zhing gshegs pa na mnyan yod du byon nas mnyan yod na rgyal byed kyi tshal mgon med zas sbyin gyi kun dga' ra ba na bzhugs so// //'dul ba rnam par 'byed pa/ bam po nyi shu brgyad pa/ de nas tshe dang ldan pa 'char ka snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas/ mthar gyis mnyan yod na bsod snyoms la rgyu ba na/ khyim bdag gi chung ma sbed ma'i khyim ga la ba der song ngo / /khyim bdag gi chung ma sbed mas tshe dang ldan pa 'char ka thag ring po kho na nas mthong ngo / /mthong nas kyang brang brdungs te smras pa/ 'char ka ci'i slad du khyod kyis bdag spangs te rab tu byung / 'char kas smras pa/ byang chub sems dpas btsun mo grags 'dzin ma dang / sa 'tsho ma dang / ri dgas skyes la sogs pa bud med drug khri spangs te rab tu byung ba ni shin tu dka' ba yin gyi rdul gyi rdzab 'dra ba khyod la mi bra ba ci yod/ 'char ka bdag kyang rab tu 'byung ngo / /de ltar gyis shig /khyim gyi bya ba legs par bsdu bar bgyi'o/ / 'char ka de der dus dang 'thun pa'i dus su 'ong zhing smras pa/ sbed ma rab tu mi 'byung ngam/ sbed mas smras pa/ da dung khyim gyi bya ba legs par ma bsdus so/ /sbed ma dus de tsam gyis ko sa lar byung ba'i khyim gyi bya ba yang legs par bsdus par 'gyur ro/ / 'char ka deng legs par bsdus te sang rab tu 'byung ngo / /'char ka 'di snyam du sngon yang bdag lhung bzed nag po can rnams kyis zil gyis mnan par 'gyur bas gal te bdag gis dge slong ma rab tu phyung bar gyur na drug sde dag gis dge slong ma rab tu phyung ngo zhes rgya cher zil gyis gnon par 'gyur ro snyam du 'gyod pa skyes nas de lhung bzed dang chos gos thogs te rgyal po'i khab ga la ba der rgyu zhing song nas mthar gyis rgyu zhing 'gro ba na rgyal po'i khab tu phyin nas de rgyal po'i khab tu dbyar gnas par khas blangs te 'dug go/ /sbed ma yang phyi de nyin par khyim gyi bya ba legs par bsdus te rgyal byed kyi tshal du 'ongs nas de dge slong rnams kyi gan du song ste dris pa/ 'phags pa dag de gar mchis/ de su yin/ 'phags pa 'char ka'o/ /de rgyal po'i khab tu song ngo / /sbed mas ngu bar brtsams pa dang / dge slong rnams kyis smras pa/ sbed ma ci'i phyir ngu / 'phags pa 'char ka'i mchid nas khyim gyi bya ba legs par bsdus la mchi shig dang / bdag gis rab tu dbyung ngo zhes mchi nas bdag gis khyim gyi bya ba legs par bsdus te mchis na de rgyal po'i khab tu mchis pas da ni bdag khyim na gnas pa yang ma lags la/ rab tu byung ba yang ma lags so/ /dge slong rnams kyis de la smras pa/ sbed ma 'char ka spu gri'i phyir rgyal po'i khab tu song bas spu gri sar pas khyod kyi skra 'dreg par 'gyur ro/ /dge slong ma gso sbyong 'bul ba dag rgyal byed kyi tshal du lhags nas de dag gis sbed ma ngu ba mthong nas smras pa/ sbed ma ci'i phyir ngu / 'phags pa 'char ka'i mchid nas khyim gyi bya ba legs par bsdus la mchi shig dang / bdag gis rab tu dbyung ngo zhes mchi nas bdag gis khyim gyi bya ba legs par bsdus te mchis na/ de rgyal po'i khab tu mchis pas da ni bdag khyim na gnas pa yang ma lags la rab tu byung ba yang ma lags so/ /g.yengs ma dge slong dag su zhig dge slong ma rab tu 'byin par byed/ 'di ltar dge slong ma rnams kyis dge slong ma rab tu 'byin par byed kyis tshur shog /'phags ma skye dgu'i bdag mo chen mo gau ta mis khyod rab tu 'byin par 'gyur ro/ /de dag gis de skye dgu'i bdag mo chen mo gau ta ma'i gan du khrid nas smras pa/ 'phags ma khyim bdag gi mchis brang sbed ma 'di rab tu 'byung bar 'tshal lo/ /skye dgu'i bdag mo chen mo gau ta mis de rab tu phyung rdzogs par bsnyen par byas so/ /'char ka 'di snyam du bdag gis lhung bzed nag po can rnams rjes su srung bas khyim bdag gi chung ma sbed ma rab tu ma phyung bas rgya cang dang / lcag por dang / shur bu dang / shur bu phre'u dag gi bar chad kyang byas la/ de yang lhung bzed nag po can 'ga' zhig gis rab tu phyung bar gyur na de dang phrad du yang mi ster ro snyam du 'gyod pa skyes nas de mi dga' bzhin du dbyar gnas par khas blangs so/ /mnyan yod na rgan zhugs shig mi dga' bzhin du dbyar gnas par khas blangs pa des lhung bzed dang chos gos mchan khung du bcug ste dgag dbye byas pa na dgag dbye legs par byas so/ /dgag dbye shin du byas so zhes de rgyal po'i khab ga la ba der song ste/ mthar gyis rgyu zhing 'gro ba na rgyal po'i khab tu phyin pa dang / tshe dang ldan pa 'char ka gtsug lag khang gi sgo na lam la rnam par lta zhing 'dug pa des thag ring po kho na nas rgan zhugs mgo spra ba'i me tog ltar skya ba/ smin ma 'phyang ba zhig 'ong ba de mthong nas 'char kas bsams pa/ dge slong 'ong ba 'di gnas brtan gang yin pa su'o snyam nas/ des smras pa/ gnas brtan byon pa legs so/ /byon pa legs so phyag 'tshal lo/ /des smras pa/ slob dpon phyag 'tshal lo/ /'char kas 'di ni rgan zhugs shig ste/ slob dpon yang mi shes/ mkhan po yang mi shes pa zhig go snyam du shes nas 'char kas de gtsug lag khang du bcug ste smras pa/ rgan zhugs khyod ga las 'ongs/ des smras pa/ mnyan yod nas so/ /'char kas bsams pa/ gal te dang po kho nar sbed ma'i gtam dris na 'phya bar 'gyur bas 'di ltar snga phyir byas te dri bar bya'o snyam nas smras pa/ tshe dang ldan pa ji lta bcom ldan 'das gnod pa chung ba dang / nyam nga ba chung ba dang / bde ba dang / snyun mi mnga' ba dang / stobs dang ldan par mnyan yod du dbyar gnas par zhal gyis bzhes sam/ btsun pa 'char ka de bzhin te/ bcom ldan 'das gnod pa chung ba dang / nyam nga ba chung ba dang / bde ba dang / snyun mi mnga' ba dang / stobs dang ldan par mnyan yod du dbyar gnas par zhal gyis bzhes so/ /tshe dang ldan pa ji lta dge slong gi dge 'dun dang / dge slong ma'i dge 'dun dang / dge bsnyen gyi 'khor dang / dge bsnyen ma'i 'khor gnod pa chung ba dang / nyam nga ba chung ba dang / bde ba dang / nad med pa dang / stobs dang ldan par mnyan yod na gnas sam/ ston pa la lta bar 'dod dam/ dam pa'i chos nyan par 'dod dam/ btsun pa 'char ka de bzhin te/ dge slong gi dge 'dun dang / dge slong ma'i dge 'dun dang / dge bsnyen gyi 'khor dang / dge bsnyen ma'i 'khor gnod pa chung ba dang / nyam nga ba chung ba dang / bde ba dang / nad med pa dang / stobs dang ldan par mnyan yod na gnas shing ston pa la blta bar 'dod pa dang / dam pa'i chos nyan par 'dod do/ /tshe dang ldan pa ji lta gnas brtan kun shes kau N+Di N+ya dang / gnas brtan 'od srung chen po dang / gnas brtan shA ri'i bu dang / gnas brtan maud gal gyi bu chen po dang / gzhan yang dge slong gnas brtan gnas brtan dag gnod pa chung ba dang / nyam nga ba chung ba dang / bde ba dang / nad med pa dang / stobs dang ldan par mnyan yod na gnas sam/ btsun pa 'char ka de bzhin te/ gnod pa chung ba dang / nyam nga ba chung ba dang / bde ba dang / nad med pa dang / stobs dang ldan par mnyan yod na gnas so/ /tshe dang ldan pa ji lta ko sa lar byung ba'i rgyal po gsal rgyal dang / bla mkhyen drang srong byin dang / rnying pa dang / khyim bdag gi chung ma ri dgas 'dzin gyi ma sa ga dang / legs skyes dag shes sam/ btsun pa 'char ka de bzhin te shes so/ /tshe dang ldan pa 'o na khyod kyis khyim bdag gi chung ma sbed ma shes sam/ btsun pa 'char ka shes te de ni btsun pa 'char ka'i sngon gyi chung ma yin no/ /rgan zhugs gtam shes so/ /de da dung yang khyod kyi khyim bdag gi chung ma yin snyam 'am/ de ni rab tu byung ngo / sus rab tu phyung / skye dgu'i bdag mo chen mo gau ta mis so/ /'char kas bsams pa/ da dung spyod yul lhag ma dang bcas pa yin no snyam nas smras pa/ rgan zhugs tshur shog / rkang pa dag khrus shig ces des de la rkang pa bsku ba dang / lag pa bsku ba mang po byin nas des de'i lhung bzed dang chos gos ya gad btsugs te zung mthon po la bzhag nas smras pa/ rgan zhugs gtsug lag khang 'di ni zas dang bcas pa/ rnyed pa dang bcas pa yin gyis gtsug lag khang 'dir mngon par dga' bar gyis shig /des smras pa/ btsun pa 'char ka bdag ni mchod rten la phyag 'tshal du 'ongs te 'gro ba yin pas bdag gnas 'di mi 'dod do/ /'char kas de'i mdun du sgo lcags dang lde mig khyog po dag bzhag ste 'di skad ces tshe dang ldan pa bcom ldan 'das kyis dge slong gis gtsug lag khang gnas pa dang bcas par bya'i mi gnas par mi bya'o zhes bka' stsal to zhes smras nas mig lam du mi snang bar song ste/ de mthar gyis rgyu zhing 'gro ba na mnyan yod du phyin nas 'char kas rang gi gtsug lag khang chag chag btab/ legs par byugs/ lci ba sar pa'i byug pas byugs te sgo bcad nas khri'i steng na phyi gan du nyal zhing skad kyi gdangs kyis kha ton byed cing 'dug go/ /dge slong ma 'dun pa 'bul ba dag lhags nas de dag gis de'i skad kyi gdangs thos nas de dag gis de la phyag 'tshal te smras pa/ 'phags pa 'char ka khyod gar bzhud bzhud/ 'char kas smras pa/ rgyal po'i khab tu'o/ /de dag dbyar khang du dong nas sbed ma la smras pa/ sbed ma dga' ba skyed cig /khyod kyi slob dpon 'ongs so/ /kho mo'i slob dpon gang / 'char ka'o/ /de ji ltar kho mo'i slob dpon/ ci kho mos de'i gan nas blags sam/ g.yengs ma khyod kyis mi shes dge slong ma rnams ni dge slong la rag mang du las kyis khyod song la ltos shig /sbed mas nas kyi dar phye dang khrus kyi chal dang / 'bru mar thogs te 'char ka'i gtsug lag khang du song nas sbed mas 'char ka'i gtsug lag khang gi sgo brdungs pa dang / 'char kas smras pa/ de su yin/ sbed mas smras pa/ bdag sbed ma'o/ /khyim bdag gi chung ma sbed ma 'ongs pa legs so/ /bdag da dung yang khyod kyi khyim bdag gi chung ma lags sam/ 'o na ci yin/ bdag rab tu byung ngo / /khyod sus rab tu phyung / 'phags ma skye dgu'i bdag mo chen mo gau ta mis so/ /kho bo re shig bya ba de lta bu zhig byung nas de'i phyir kho bo rgyal po'i khab tu song na khyod la brtad pa ci byung na de'i phyir khyod rab tu byung / khyod gyi zhal nas khyim gyi bya ba legs par bsdus la shog shig dang / kho bos khyod rab tu dbyung ngo zhes gsungs nas/ bdag gis khyim gyi bya ba legs par bsdus te mchis na khyod rgyal po'i khab tu bzhud de/ gal te bdag 'phags mas rab tu ma phyung du lags na bdag khyim na gnas pa yang ma lags la rab tu byung ba yang ma lags par 'gyur ro/ /'char kas smras pa/ sbed mas ci kho bo bdag nyid kyi lag ngar la sos 'debs par byed dam/ skye dgu'i bdag mo chen mo gau ta mis rab tu phyung yang rung / kho bos rab tu phyung yang rung ste legs kyis nang du zhugs shig dang chos bstan par bya'o/ /sbed mas 'char ka'i rkang pa gnyis la phyag 'tshal te chos mnyan pa'i phyir mdun du 'dug go/ /des de la chos bstan par brtsams te/ des de la ji tsam pa de tsam du chos bstan nas sngon gyi bgad pa dang / dga' bar byas pa dang / rtses pa dang / dga' mgur spyad pa dran par bya bar brtsams te/ sbed ma bdag cag gnyis kyis bskyed mos tshal dang / 'dun sa dang / lha'i gnas ga ge mo zhig tu zas 'di dang 'di lta bu zos pa dang / bca' ba 'di dang 'di lta bu 'chos pa dang / btung ba 'di dang 'di lta bu 'thungs pa gang yin pa de dran nam zhes smras pa dang 'char ka kun du chags par gyur to/ /ji lta ji ltar chags par gyur pa de lta de ltar dral to/ /bud med kyi yul mkhas pa'i rang bzhin can la la la ma 'dres pa'i chos lnga yod de/ lnga gang zhe na/ skyes pa chags par gyur pa shes shing chags pa dang bral ba shes pa dang / dus shes shing zla mtshan shes pa dang / mngal na gnas pa zhugs pa shes pa dang / gang las mngal na gnas pa zhugs pa de shes pa dang / khye'u shes shing bu mo shes pa ste/ gal te khye'u yin na dku g.yas par brten cing 'dug la/ gal te bu mo yin na dku g.yon par brten cing 'dug pa'o/ /sbed ma des 'char ka de chags so snyam du shes nas sbed mas smras pa/ slad rol du mchis te slar mchi'o/ /'char kas bsams pa/ 'di bshang ba byed 'dod dam/ gci ba byed 'dod gor ma chag snyam nas des smras pa/ song shig /sbed ma phyir byung nas shing nga dpung bcad brdzes te rgyug par brtsams pa dang / 'char ka de sgra la mkhas pa yin pas des de'i sgra thos nas des de'i phyi bzhin du byung ste/ dge sbyong ma mgo reg mo gar 'bros shes de de'i phyi bzhin rgyug par brtsams pa dang / de la brla'i reg pas khu ba byung nas de kun nas dkris pa dang bral te glang po che chags pa dang bral ba bzhin du gzhi de dag nyid na 'dug go/ /sbed mas de kun nas bkris pa dang bral zhing phyir log pa mthong nas 'di kun nas dkris pa dang bral lo snyam du rig nas drung du song ste tshe dang ldan pa 'char ka la 'di skad ces smras so/ /'phags pa gal te bdag gis dang du blangs par gyur na bdag kyang dge slong mar mi rung ba nyid du 'gyur la/ khyod kyang dge slong du mi rung ba nyid du 'gyur ro/ /sring mo bcom ldan 'das kyis kyang bdag nyid srung na gzhan srung bar byed la/ gzhan srung na bdag nyid srung bar byed do zhes legs par gsungs so/ /ji ltar bdag nyid srung na gzhan srung bar byed ce na/ sten par byed pa dang / goms par byed pa dang / lam mang du byed pa dang / rjes su srung bar byed pa dang / reg par byed pa dang / mngon sum du byed pa ste/ de ltar bdag nyid srung na gzhan srung bar byed do/ /ji ltar gzhan srung na bdag nyid srung bar byed ce na/ tho mi 'tshams pa dang / mi gshe ba dang / mi 'tshe ba dang / rjes su brtse ba dang / rjes su snying brtse ba dang / byams pa'i sems kyis te/ de ltar gzhan srung na bdag nyid srung bar byed do/ /'phags pa sham thabs 'di tshur stsol bkru bar bgyi'o/ /'char kas sham thabs de sbed ma la byin no/ /sbed mas khu ba de mthong nas 'gyod pa skyes te/ bdag gi lus kyi phyogs btsun pa 'char kas sngon ma mthong ba 'am sngon ma mnams pa 'am/ sngon ma byugs pa ci zhig yod na bdag gis dang du ma blangs pa ni ma legs pa zhig byas so snyam du 'gyod pa skyes so/ / sbed ma de ltar rnam par rtog pa na de kun du chags shing dral bar gyur pa'i sems kyis khu ba de rang gi mngal gyi go sar blugs so/ /sems can rnams kyi las kyi rnam par smin pa bsam gyis mi khyab pas de la sems can zhugs par gyur to/ /de dge slong ma rnams kyis mthong nas smras pa/ sbed ma kho mo cag ko khyod chos bzang po'i chos kyis 'phags pa 'char ka'i gan du 'gro bar sems kyi kho mo cig gis des khyod gnas skabs 'di lta bur byas par mi sems so/ /sbed mas smras pa/ phu nu mo dag dge slong de ni tshul khrims dang ldan pa yin te/ gang tshun chad rab tu byung nas des kho mo la sngon chad lan 'ga' yang lag gis kyang ma byugs so/ /de dag gis smras pa/ ma byugs na yang des khyod gnas skabs 'di 'dra bar byas na/ gal te byugs na des khyod gnas skabs ji lta bur byas par 'gyur zhes zer ba'i skabs de dge slong ma rnams kyis dge slong rnams la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong ma de ni pham par ma gyur gyis 'di ltar phyogs dben par bzhag ste bsod snyoms kyis brel ba med pa gyis shig dang / bu gzhon nu 'od srung zhes bya ba btsa' bar 'gyur zhing nga'i bstan pa la rab tu byung nas nyon mongs pa thams cad spangs pas dgra bcom pa nyid mngon sum du byed par 'gyur te 'di lta ste/ dge slong gzhon nu 'od srung de ni nga'i gtam sna tshogs dang / gtam snyan pa dang / spobs pa dge ba can rnams kyi mchog tu 'gyur ro/ /bcom ldan 'das kyis dgongs pa dge slong rnams kyi nyes dmigs byung ba gang yin pa de ni dge slong ma nye du ma yin pa la gos rnying pa 'khrur 'dzud pa las gyur pa yin no snyam du dgongs nas/ de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma nye du ma yin pa la gos rnying pa 'khrur 'dzud dam/ 'tshed du 'dzud dam/ 'chag tu 'jud na spangs ba'i ltung byed do/ /yang dge slong gang zhes bya ba ni 'char ka 'am gzhan yang de lta bu gang yin pa'o/ /dge slong ma zhes bya ba ni chos 'di pa'o/ /nye du ma yin pa la zhes bya ba ni phyi mo dang / mes po dang / phrugs las brten pa'i bdun pa tshun chad ni nye du yin pa de phan cad ni nye du ma yin no/ /gos shes bya ba ni bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos dag las gang yang rung ba'o/ /rnying pa zhes bya ba ni dus tshigs gsum po dag las dus tshigs gang yang rung bar spyad pa gang yin pa'o/ /'khrur 'dzud dam zhes bya ba ni tha na chur snyug pa byed du 'dzud na'o/ /'tshed du 'dzud dam zhes bya ba ni tha na tshon du snyug pa byed du 'dzud na'o/ /'chag tu 'dzud dam zhes bya ba ni tha na thal mos rdebs par byed du 'dzud na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste des na spang ba'i ltung byed do zhes gsungs so/ /de la ltung bar ji ltar 'gyur zhe na/ dge slong gis dge slong ma nye du ma yin pa la nye du ma yin par 'du shes pas gos rnying pa 'khrur 'dzud na spang ba'i ltung byed du 'gyur ro/ /'tshed du 'dzud na spang ba'i ltung byed du 'gyur ro/ /'chag tu 'dzud na spang ba'i ltung byed du 'gyur ro/ /'khrur 'jud pa dang 'tshed du 'dzud dam/ 'khrur 'dzud pa dang 'chag tu 'jud dam/ 'tshed du 'dzud pa dang 'khrur 'jud dam/ 'tshed du 'jud pa dang 'chag tu 'jud dam/ 'chag tu 'jud pa dang 'khrur 'jud dam/ 'chag tu 'jud pa dang 'tshed du 'jud dam/ 'khrur 'jud pa dang 'tshed du 'jud pa dang / 'chag tu 'jud na spang ba'i ltung byed du 'gyur ro/ /dge slong gis dge slong ma nye du ma yin pa la yid gnyis za bas gos rnying pa 'khrur 'jug na spang ba'i ltung byed du 'gyur ro/ /'tshed du 'jud na spang ba'i ltung byed du 'gyur ro/ /'chag tu 'jud na spang ba'i ltung byed du 'gyur ro/ /'khrur 'jud pa dang 'tshed du 'jud dam/ 'khrur 'jud pa dang 'chag tu 'jud dam/ 'tshed du 'dzud pa dang 'khrur 'jud dam/ 'tshed du 'jud pa dang 'chag tu 'jud dam/ 'chag tu 'jud pa dang 'khrur 'jud dam/ 'chag tu 'jud pa dang 'tshed du 'jud dam/ 'khrur 'jud pa dang 'tshed du 'jud pa dang / 'chag tu 'jud na spang ba'i ltung byed du 'gyur ro/ /dge slong gis dge slong ma nye du la nye du ma yin par 'du shes pas gos rnying pa 'khrur 'jud na nyes byas su 'gyur ro/ /'tshed du 'jud na nyes byas su 'gyur ro / /'chag tu 'jud na yang nyes byas su 'gyur ro/ /'khrur 'jud pa dang 'tshed du 'jud dam/ 'khrur 'jud pa dang 'chag tu 'jud dam/ 'tshed du 'jud pa dang 'khrur 'jud dam/ 'tshed du 'jud pa dang 'chag tu 'jud dam/ 'chag tu 'jud pa dang 'khrur 'jud dam/ /'chag tu 'jud pa dang 'tshed du 'jud dam/ 'khrur 'jud pa dang 'tshed du 'jud pa dang / 'chag tu 'jud na nyes byas su 'gyur ro/ /dge slong gis dge slong ma nye du la yid gnyis za bas gos rnying pa 'khrur 'dzud na nyes byas su 'gyur ro/ /'tshed du 'jud na nyes byas su 'gyur ro/ /'chag tu 'jud na nyes byas su 'gyur ro/ /'khrur 'jud pa dang 'tshed du 'jud dam/ 'khrur 'jud pa dang 'chag tu 'jud dam/ 'tshed du 'jud pa dang 'khrur 'jud dam/ 'tshed du 'jud pa dang 'chag tu 'jud dam/ 'chag tu 'jud pa dang 'khrur 'jud dam/ 'chag tu 'jud pa dang 'tshed du 'jud dam/ 'khrur 'jud pa dang 'tshed du 'jud pa dang / 'chag tu 'jud na nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong dag 'di lta ste/ rigs mthon po las rab tu byung ba 'di ni rnyed pa rnams kyi phyed dang nye ba yin no/ /zhes bka' stsal pas de na yang shAkya'i khyim nas rab tu byung ba de dag la rnyed pa dang bkur sti chen po byung nas de dag shin tu gos kyis cha ba la sbyor ba'i rjes su brtson par gnas shing / lhung bzed dang chos gos dang dra ba dang phor bu dang / ska rags lhag pa dag kyang 'chang bar byed pas bcom ldan 'das kyis de dag la dus dang dus su chos bstan kyang de dag gis bden pa dag ma mthong ngo / /de nas bcom ldan 'das 'di snyam du dgongs te/ ci'i phyir shAkya rab tu byung ba dag bden pa dag mthong bar mi byed snyam du dgongs nas de dag shin du gos kyis cha ba la sbyor ba'i rjes su brtson par gnas shing de dag lhung bzed dang / chos gos dang dra ba dang phor bu dang / ska rags lhag pa dag 'chang ba'i phyir te/ gal te ngas shAkya rab tu byung ba rnams la smad na dbral dka' bar 'gyur ro/ /snyam du dgongs nas/ sangs rgyas bcom ldan 'das rnams ni gdul ba la mkhas pa bla na med pa yin pas de na bcom ldan 'das kyis dge slong rnams la bka' stsal pa/ dge slong dag nga zla ba gsum po 'di la nang du yang dag 'jog bzhed kyis/ nga'i spyan sngar dge slong bsod snyoms stobs pa cig dang / 'di nyid gso sbyong bcwa lnga pa'i tshe ma gtogs par dge slong gang gis kyang nye bar 'ong bar mi bya'o/ /dge slong gi dge 'dun gyis kyang tshe dang ldan pa dag dbyar gyi nang dag tu dge slong bsod snyoms stobs pa cig dang / 'di nyid kyi gso sbyong bcwa lnga pa'i tshe ma gtogs par bdag cag las gang gis kyang bcom ldan 'das la ltar 'gro bar mi bya ste/ dbyar gyi nang dag tu dge slong bsod snyoms stobs pa cig dang / 'di nyid kyi gos sbyong bcwa lnga pa'i tshe ma gtogs par bdag cag las gang bcom ldan 'das la ltar 'gro ba de bdag cag gis ltung byed kyi ltung ba byed du gzhug go zhes khrims su bya ba bcas so/ /bcom ldan 'das zla ba gsum nang du yang dag 'jog la zhugs pa na dge slong bsod snyoms stobs pa cig dang / de nyid kyi gso sbyong bcwa lnga pa'i tshe ma gtogs par der dge slong 'ga' yang mi 'gro'o/ /de'i tshe na tshe dang ldan pa nye sde zla ba shol ma bor bas dbyar ljongs su gnas par khas blangs la/ bcom ldan 'das ni zla bshol bor bas dbyar ljongs su gnas par zhal gyis bzhes so/ /de nas tshe dang ldan pa nye sde dbyar gyi zla ba gsum po dag 'das nas chos gos byas pa dang ldan/ chos gos zin pa dang ldan zhing mdzes pa 'khor mdzes pa dang ldan pas lhung bzed dang chos gos thogs te mnyan yod ga la ba der rgyu zhing song nas mthar gyis rgyu zhing 'gro ba na mnyan yod du phyin to/ /de nas tshe dang ldan pa nye sde lhung bzed dang chos gos mkhos su phab ste rkang pa gnyis bkrus nas bcom ldan 'das kyi gtsug lag khang ga la ba der song ba dang / dge slong drug sde dag gis tshe dang ldan pa nye sde thag ring po kho na nas mthong ngo / /mthong nas kyang 'di skad ces tshe dang ldan pa dag da ltar kho na na don nyung ngus dge 'dun gyi khrims su bya ba 'dral bar 'gyur ro/ /zhes smras so/ /gzhan dag gi smras pa/ des de ltung byed kyi ltung ba byed du gzhug go/ /gzhan dag gis smras pa da ltar sbyor ba la 'jug gis gang gi tshe dral bar gyur pa de'i tshe na des de byed du gzhug go/ /de nas tshe dang ldan pa nye sdes bcom ldan 'das kyi gtsug lag khang du dal bus khad kyis sgo gtan brdungs pa dang / bcom ldan 'das kyis de la chab sgo dbye ba mdzad do/ /de nas tshe dang ldan pa nye sdes bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /sangs rgyas bcom ldan 'das rnams kyi chos nyid ni dge slong glo bur du 'ongs pa la dge slong khyod da lta ga las 'ongs/ gang du dbyar gnas par khas blangs shes bya ba'i so sor kun dga' bar mdzad pa 'dis so sor kun dga' bar mdzad pa yin pas bcom ldan 'das kyis tshe dang ldan pa nye sde la nye sde khyod da ltar ga las 'ongs/ gang du dbyar gnas par khas blangs shes so sor kun dga' bar mdzad pa dang / tshe dang ldan pa nye sdes gsol ba/ btsun pa bdag da ltar ljongs nas mchis so/ /bdag ljongs su dbyar gnas par mchid kyis 'tshal to/ /nye sde ljongs su dge slong rnams kyis dgag dbye byas sam/ btsun pa bgyis so/ /nye sde gang gis khyod mdzes pa 'khor mdzes pa dang ldan par gyur pa'i rgyu ni gang yin/ rkyen ni gang yin/ btsun pa 'di na gal te bdag gi g.yar sngar rab tu 'byung ba la ltos pa zhig mchis na/ bdag de la 'di skad ces bzhin bzangs khyod tshur mchi/ dgon pa pa 'tshol cig ces mchi zhing dgon pa pa nyid kyi bsngags pa yang brjod par bgyid/ bsod snyoms pa dang / chos gos gsum pa dang / phyag dar khrod pa dang / shing drung pa 'tshol cig ces mchi zhing shing drung pa nyid kyi bsngags pa yang brjod par bgyid do/ /gal te de ltar bgyi'o zhes mchi na/ de rab tu 'byin par bgyid do/ /gal te rdzogs par bsnyen par 'tshal ba dang / gnas la zhugs pa dang / klag pa la zhugs pa dang / mchid don la zhugs pa dang / yid la bgyi ba la zhugs pa zhes mchis na/ bdag de la yang 'di skad ces bzhin bzangs khyod tshur mchi/ dgon pa pa 'tshol cig ces mchi zhing dgon pa pa nyid kyi bsngags pa yang brjod par bgyid/ bsod snyoms pa dang / chos gos gsum pa dang / phyag dar khrod pa dang / shing drung pa 'tshol cig ces mchi zhing shing drung pa nyid kyi bsngags pa yang brjod par bgyid do/ /gal te de ltar bgyi'o zhes mchi na de la yid la bgyi ba stsol bar bgyid de/ btsun pa gang gis bdag mdzes pa 'khor mdzes pa dang ldan par gyur pa'i rgyu ni de lags/ rkyen ni de lags so/ /nye sde khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang / bde ba'i phyir zhugs pa legs so legs so/ /nye sde gang la la zhig sbyangs pa'i yon tan de dag gis bsngags pa rjod par mi byed pa de ni nga'i bsngags pa rjod par mi byed pa yin no/ /gang la la sbyangs pa'i yon tan de dag gi bsngags pa rjod par byed pa de ni nga'i bsngags pa rjod par byed pa yin no/ /de ci'i phyir zhe na/ ngas sbyangs pa'i yon tan de dag yul ring po nas bstod pa dang / bkur ba dang / bsngags pa dang rab tu bsngags pa'i phyir ro/ /nye sde khyod dge 'dun gyi khrims su bya ba mi srung ngam/ btsun pa bdag gis dge 'dun gyi khrims ni gang lags/ khrims su bgyi ba ni gang lags ma 'tshal to/ /nye sde 'di na ngas dge slong rnams la 'di skad ces dge slong dag nga zla ba gsum po 'di la nang du yang dag 'jog bzhed kyis/ nga'i spyan sngar dge slong bsod snyoms stobs pa cig dang / 'di nyid kyi gso sbyong bcwa lnga pa'i tshe ma gtogs par dge slong gang gis kyang 'ong bar mi bya'o zhes bka' stsal pa dang / dge slong gi dge 'dun gyis kyang tshe dang ldan pa dag dbyar gyi nang dag tu dge slong bsod snyoms stobs pa cig dang / 'di nyid kyi gso sbyong bcwa lnga pa'i tshe ma gtogs par bdag cag las gang gis kyang bcom ldan 'das la ltar 'gro bar mi bya ste/ dbyar gyi nang dag tu dge slong bsod snyoms stobs pa cig dang / 'di nyid kyi gso sbyong bcwa lnga pa'i tshe ma gtogs par bdag cag las gang bcom ldan 'das la ltar 'gro ba de bdag cag gis ltung byed kyi ltung ba byed du gzhug go zhes khrims su bya ba bcas so/ /btsun pa bdag ni glo bur du mchis pa lags te/ don de ni dge slong gnyug mar gnas pa rnams kyis bsrung bar bgyi ba lags so/ / nye sde dge slong glo bur du 'ongs pa dang / gnyug mar gnas pas kyang dge 'dun gyi khrims su bya ba bsrung bar bya ba kho na yin no/ /nye sde 'di ltar ngas dge slong glo bur du lhags pa rnams kyi kun du spyod pa'i chos dag bca' bar bya ste/ dge slong glo bur du 'ongs pas gtsug lag khang du zhugs nas dge slong dag la gnas 'di na khrims su bya ba ji lta bu yod ces dri bar bya'o/ /gal te 'dri na de lta na legs/ gal te mi 'dri na 'gal tshabs can du 'gyur ro/ /nye sde de lta mod kyi ngas dge slong dgon pa pa la dgon pa'i yongs su spang ba sbyin par bya ste/ dge slong dgon pa pa de bzhin gshegs pa la bsnyen bkur bya ba'i phyir ltar 'gro ba'i dus ma yin pa med do/ /dge slong bsod snyoms pa dang / rnyed pas chog pa'i bsod snyoms pa dang / zas phyis mi len pa dang / stan gcig pa dang / chos gos gsum pa dang / phying ba pa dang / phyag dar khrod pa dang / shing drung pa dang / dur khrod pa dang / cog pu pa dang / bla gab med pa dang / gzhi ji bzhin pa la gzhi ji bzhin pa'i yongs su spang ba sbyin par bya ste/ dge slong gzhi ji bzhin pa la de bzhin gshegs pa la bsnyen bkur bya ba'i phyir 'gro ba'i dus ma yin pa med do/ /de nas tshe dang ldan pa nye sdes bcom ldan 'das kyis gsungs pa la mngon par bstod pa dang rjes su yi rang bar byas te bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas drug sde dag tshe dang ldan pa nye sde ga la ba der song ste phyin nas tshe dang ldan pa nye sde la 'di skad ces smras so/ /tshe dang ldan pa nye sde je skabs phye shig /ltung ba sde lnga po dag la skabs phye'o/ /khyod la ltung ba byung ba de chos bzhin du slar gyis shig /ltung ba ma mthong ngo / khyod kyis dge 'dun gyi khrims su bya ba ma dral tam/ dge 'dun gyi khrims su bya ba ji lta bu yin/ /drug sde dag gis skabs de rgyas par brjod pa dang / tshe dang ldan pa nye sdes drug sde dag la 'di skad ces smras so/ /tshe dang ldan pa dag bcom ldan 'das kyis nye sde de lta mod kyi ngas dge slong dgon pa pa la dgon pa pa'i yongs su spang ba sbyin par bya ste/ dge slong dgon pa pa la de bzhin gshegs pa la bsnyen bkur bya ba'i phyir ltar 'gro ba'i dus ma yin pa med do/ /dge slong bsod snyoms pa dang / rnyed pas chog pa'i bsod snyoms pa dang / zas phyis mi len pa dang / stan gcig pa dang / chos gos gsum pa dang / phying pa pa dang / phyag dar khrod pa dang / shing drung pa dang / dur khrod pa dang / cog bu pa dang / bla gab med pa dang / gzhi ji bzhin pa la gzhi ji bzhin pa'i yongs su spang ba sbyin par bya ste/ dge slong gzhi ji bzhin pa la de bzhin gshegs pa la bsnyen bkur bya ba'i phyir 'gro ba'i dus ma yin pa med do zhes gsungs so/ / de nas shAkya rab tu byung ba de dag 'di snyam du sems te/ de ltar bcom ldan 'das kyis 'dod pa che ba rnam par smad cing / 'dod pa chung ba la bstod pa ni don gyis na bcom ldan 'das kyis bdag cag smad pa mdzad pa yin gyis bdag cag gis lhung bzed dang / chos gos dang / dra ba dang / phor bu dang / ska rags lhag pa dag tshe dang ldan pa kun dga' bo la btad ste rgyud dag pas bcom ldan 'das ga la ba der 'dong ngo snyam mo/ /de nas dge slong de dag lhung bzed dang / chos gos dang / phor bu dang / ska rags lhag pa dag khyer te tshe dang ldan pa kun dga' bo ga la ba der dong nas phyin pa dang tshe dang ldan pa kun dga' bo la 'di skad ces smras so/ /tshe dang ldan pa kun dga' bo thugs brtse ba'i slad du bdag cag las lhung bzed dang / chos gos dang / dra ba dang / phor bu dang ska rags lhag pa 'di dag bzhes shig /tshe dang ldan pa dag de'i phyir bdag gis bcom ldan 'das la zhus de'i bar du sdod cig /de nas tshe dang ldan pa kun dga' bo bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas tshe dang ldan pa kun dga' bos skabs de bcom ldan 'das la rgyas par gsol to/ /de nas bcom ldan 'das kyis tshe dang ldan pa kun dga' bo la bka' stsal pa/ /kun dga' bo de'i phyir long la blangs nas kyang gtsug lag khang chen po zhig tu spungs te zhog la dge slong gang des brel ba'i dge slong de la de sbyin par bya'o/ /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas shAkya rab tu byung ba rnams las lhung bzed dang / chos gos dang / dra ba dang / phor bu dang / ska rags lhag pa dag blangs nas gtsug lag khang chen po zhig tu spungs te bzhag go/ /de nas shAkya rab tu byung ba de dag lhung bzed dang / chos gos dang / dra ba dang phor bu dang / ska rags lhag pa dag nad ji lta ba dang / 'bras ji lta ba dang / zug rngu ji lta bzhin du spangs nas chos gos gsum pa lhur len cing rgyud dag pa dang / yo byad bsnyungs pa'i tshul dag gis bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /bcom ldan 'das kyis shAkya rab tu byung ba de dag gi bsam pa dang / bag la nyal dang / khams dang / rang bzhin thugs su chud nas 'di ltar shAkya gzhon nu lnga brgya po de dag gis stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de ltar chos bstan pa mdzad do/ /de dag gis bden pa mthong nas gsol pa/ btsun pa bdag cag gis dge ba'i bshes gnyen bcom ldan 'das la brten nas bcom ldan 'das kyis bdag cag la gang mdzad pa 'di lta bu ni bdag cag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang / yi dags dag nas ni rkang pa phyung lha dang / mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu mngon sum du bgyis so/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa ji tsam du bcom ldan 'das kyis shAkya gzhon nu lnga brgya po dag tshe dang ldan pa nye sde la brten te 'dod pa che ba dang phral zhing 'dod pa chung ba nyid la bkod de shin du mthar thug pa'i grub pa dang bde ba mya ngan 'das pa la bzhag pa mdzad pa ni ngo mtshar to/ /dge slong dag da ltar nga 'dod chags dang bral ba/ sred pa med pa/ len pa med pa/ thams cad mkhyen pa mkhyen pa dang shes bya thams cad la mnga' brnyes pas shAkya gzhon nu lnga brgya po dag rigs kyi bu nye sde la brten te 'dod pa che ba dang phral zhing 'dod pa chung ba nyid la bkod de shin du mthar thug pa'i grub pa dang bde ba mya ngan las 'das pa la gzhag pa mdzad pa ngo mtshar ci che/ 'di ltar 'das pa'i dus na nga 'dod chags dang bcas pa/ zhe sdang dang bcas pa/ gti mug dang bcas pa/ sred pa dang bcas pa/ len pa dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las rnam par ma grol bas kyang shAkya gzhon nu lnga brgya po 'di dag rigs kyi bu nye sde la brten te 'dod pa che ba dang / phral zhing 'dod pa chung ba nyid la bkod de mngon par shes pa lnga po dag la gzhag par mdzad pa de nyon cig /dge slong dag sngon byung ba 'das pa'i dus na grong khyer bA rA Na sI na rgyal po tshangs byin zhes bya bas rgyal srid 'byor pa/ rgyas pa/ bde ba lo legs pa/ skye bo dang / mi mang pos gang ba/ thab mo dang / 'thab pa dang / rtsod pa dang / 'gyed pa dang / 'khrug long dang / nang 'khrug dang / chom rkun dang / mu ge dang / nad rab tu zhi ba byed du bcug ste/ des bu gcig pa snying du sdug pa dang 'dra bar rgyal srid skyong du bcug go/ /rgyal po tshangs byin la btsun mo tshangs ldan zhes bya ba dang / rdzing bu tshangs ldan zhes bya ba yod de/ rgyal po tshangs byin de la bu med nas des bu 'dod pas zhi ba dang / chu lha dang / lus ngan dang / brgya byin dang / tshangs pa dang / gzhan yang lha'i bye brag 'di lta ste/ kun dga' ra ba'i lha dag dang / tshal gyi lha dag dang / bzhi mdo'i lha dag dang / sum mdo'i lha dag dang / gtor ma len pa'i lha dag dang / lhan cig skyes pa'i lha dag dang / chos 'thun pa dag dang / rtag tu rjes su 'brang ba'i lha dag la yang gsol ba 'debs so/ /'jig rten na gang gsol ba 'debs pa'i rgyu las bu dag dang bu mo dag skye'o zhes bya ba'i gtam de lta bu yod de/ de ni de lta ma yin te/ gal te de ltar 'gyur du zin na/ re re la yang 'di lta ste dper na 'khor los sgyur ba'i rgyal po bzhin du bu stong yod par 'gyur ro/ /'di ltar gnas gsum po dag mngon du gyur pa las ma'i mngal du mngal na gnas pa 'jug par 'gyur te/ gsum po de dag gang zhe na/ pha ma gnyis chags par gyur cing phrad pa dang / ma dus la bab cing zla mtshan dang ldan pa dang / dri za nye bar gnas shing 'jug 'dod pa ste/ gnas gsum po de dag mngon du gyur pa las bu dang bu mo skye bar 'gyur ro/ /de de ltar gsol ba 'debs pa lhur len pa la zhugs pa na sems can bla na med pa yang dag par rdzogs pa'i byang chub tu smon lam btab pa/ yi dam brtan pa zhig sems can dmyal ba nas shi 'phos nas btsun mo tshangs ldan gyi mngal du zhugs so/ /bud med kyi yul mkhas pa'i rang bzhin can la la la ma 'dres pa'i chos lnga yod de/ lnga gang zhe na/ skyes pa chags par gyur pa shes shing chags pa dang bral ba shes pa dang / dus shes shing zla mtshan shes pa dang / mngal na gnas pa zhugs pa shes pa dang / gang las mngal na gnas pa zhugs pa de shes pa dang / khye'u shes shing bu mo shes pa ste/ gal te khye'u yin na dku g.yas par rten cing 'dug la/ gal te bu mo yin na dku g.yon par rten cing 'dug pa'o/ /de yid dga' nas rgyal po tshangs byin la smras pa/ lha dgyes pa bskyed du gsol/ bdag la sems can zhugs par gyur pa ni 'di ltar bdag gi dku g.yas par rten cing mchis pas nges par khye'ur 'gyur ro/ /rgyal po tshangs byin yang yid dga' zhing yid dga' nas 'di skad ces kye ma kho bo yun ring po nas mngon par 'dod pa'i bu'i ngo mthong ba dang / kho bo dang 'thun par skye zhing mi 'thun par mi skye ba dang / kho bo'i bya ba dag byed pa dang / gsos pas phyir gso ba dang / bgo skal la spyod pa dang / kho bo'i rigs rgyud yun ring du gnas par 'gyur ba dang / bdag cag shi zhing dus las 'das pa dag la nyung ngu 'am mang po yang rung ba'i sbyin pa dag sbyin zhing bsod nams dag byas nas/ 'di de gnyis gang du skyes pa der 'gro zhing rjes su 'gro bar gyur cig ces ming gis yon bshad pa byed par gyur cig ces ched du brjod pa ched du rjod par byed do/ / de la sems can zhugs par rig nas 'di lta ste mngal na gnas pa yongs su smin par bya ba'i phyir steng gi khang bzangs kyi gzhir gtogs pa na grang ba na grang ba'i yo byad dag dang / dro ba na dro ba'i yo byad dag dang / sman pas bcas pa'i kha zas ha cang mi kha ba dang / ha cang mi skyur ba dang / ha cang lan tshwa mi che ba dang / ha cang mi mngar ba dang / ha cang mi tsha ba dang / ha cang mi bska ba dang / kha ba dang / skyur ba dang / lan tshwa dang / mngar ba dang / tsha ba dang / bska ba rnam par spangs ba'i zas dag dang / do shal dang / se mo do dang / rgyan gyis klubs pa'i lus lha'i bu mo dga' ba'i tshal na rnam par spyod pa lta bu dang / khri nas khrir dang / khri'u nas khri'ur dang / shod kyis gzhir mi 'bab pa dang / des sgra yid du mi 'ong ba cung zad kyang mi thos par gnod pa med pa nyid du rim gro byed du 'dzud do/ /de nas dus gzhan zhig na btsun mo tshangs ldan la 'dod pa 'di lta bu 'di skyes te/ kye ma lhas grong khyer gyi shar sgor sbyin pa dag byin par gyur cing / bsod nams dag byed par gyur cig /lho sgo dang / nub sgo dang / byang sgo dang / dbus kyi bzhi mdor kyang sbyin pa dag sbyin/ bsod nams dag byed cing btson thams cad thar bar byed par gyur cig snyam mo/ /de nas rgyal po tshangs byin gyis btsun mo tshangs ldan la 'dod pa de lta bu de skyes par thos nas grong khyer gyi shar sgor sbyin pa dag sbyin zhing bsod nams dag byed do/ /de bzhin du lho sgo dang / nub sgo dang byang sgo dang / dbus kyi bzhir mdor yang sbyin pa dag sbyin/ bsod nams dag byed cing / btson thams cad thar bar byas so/ / yang btsun mo tshangs ldan la 'dod pa 'di lta bu 'di skyes te kye ma bdag lha dang lhan cig bskyed mos tshal dang / dka' thub kyi nags su rtse ba dang / dga' ba dang / dga' mgur spyod par gyur cig snyam mo/ /de nas rgyal po tshangs byin gyi btsun mo tshangs ldan la 'dod pa rnam pa de lta bu de skyes par thos nas/ btsun mo tshangs ldan dang lhan cig skyed mos tshal dang / dka' thub kyi nags su zhugs te/ rtse ba dang / dga' ba dang / dga' mgur sbyod pa dag byas so/ /yang btsun mo tshangs ldan la 'dod pa'i rnam pa 'di lta bu 'di skyes te/ kye ma bdag lha dang thabs gcig chur 'jug pa'i grur zhugs te/ rdzing bu tshangs ldan du rtse ba dang / dga' ba dang / dga' mgur spyod par gyur cig snyam mo/ /de nas rgyal po tshangs byin gyis btsun mo tshangs ldan la 'dod pa'i rnam pa de lta bu de byung bar thos nas btsun mo tshangs ldan dang lhan cig chur 'jug pa'i gru me tog uta pa la dang / pad ma dang / ku mu ta dang / pad ma dkar pos bkang bar zhugs te rdzing bu tshangs ldan du rtse ba dang / dga' ba dang / dga' mgur spyod pa byas so/ /de gru de nyid du btsas pa las khye'u tshe rabs dran pa/ gzugs bzang ba/ blta na sdug pa/ mdzes pa/ gsal ba/ gser gyi mdog 'dra ba/ mgo gdugs lta bu dang ldan pa/ lag pa ring ba/ 'phral ba'i dbyes che ba/ smin ma 'jar ba sna'i gzangs mtho ba zhig byung ngo / /de'i nye du dag 'dus shing lhags nas nyi ma bdun gsum nyi shu gcig tu btsas pa'i btsas ston rgya cher byas nas khye'u'i ming cir gdags shes ming 'dogs par byed do/ /de dag 'di snyam du sems te/ gang gi phyir khye'u 'di chu'i nang du btsas pa de'i phyir khye'u'i ming chu skyes shes bya'o zhes de'i ming chu skyes shes bya bar btags so/ /gzhon nu chu skyes ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsen grogs kyi ma ma gnyis la rjes su gtad do/ /de ma ma brgyad po dag gis 'o ma dang / zho dang zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad ma bzhin du myung du skyed par byed do/ /de nas gzhon nu chu skyes 'di snyam du sems te/ bdag gang nas shi 'phos te 'dir skyes snyam na/ sems can dmyal ba dag nas shi 'phos te 'dir skyes par shes so/ /las ci byas na des sems can dmyal ba rnams su skyes snyam na/ lo drug bcur rgyal tshab kyi rgyal srid du bcug pas de dag tu skyes par shes so/ /da ltar gang du skyes snyam na mi rnams kyi nang du rgyal po'i rigs su skyes par shes nas/ de 'di snyam du sems te/ bdag yang rgyal srid byed du bcug na yang sems can dmyal ba rnams su 'gro bar 'gyur na ma legs kyis/ bdag gis sgyu thabs cung zhig bya'o snyam nas/ des bdag nyid 'phye bo nyid du bstan te 'dug go/ /gang gi nyin mo gzhon nu chu skyes btsas pa de nyid kyi nyin mo blon po lnga brgya dag gi bu dag kyang btsas te de dag kyang rang rang gi rigs dang 'thun pa'i ming dag btags par gyur to/ /blon po de dag gis kun du spyod pa ni nyi ma re re zhing rgyal po tshangs byin dang / gzhon nu chu skyes ltar 'ong ngo / /de nas dus gzhan zhig na gzhon nu lnga brgya po de dag mchongs pa dang / dkyus mo byed nus par gyur to/ /de nas rgyal po tshangs byin 'di snyam du sems te/ gal te nga'i bu gzhon nu chu skyes kyang 'phye bor ma gyur du zin na/ de yang da tsam mchongs pa dang / dkyus mo byed nus par 'gyur gyis/ 'di ltar bdag gi de 'phye bo yin yang blas rgyal srid kyi dbang phyug la gzhag par bya'o snyam mo/ /de nas gzhon nu chu skyes kyis de thos nas 'di snyam du sems te/ rgyal po 'di ni gcugs med par gnod pa byed pa yin gyis bdag gis lkug pa nyid du bstan te 'dug par bya'o snyam nas/ des ched du bsams te lkug pa nyid du bstan te 'dug go/ /de nas dus gzhan zhig na gzhon nu lnga brgya po de dag smra nus par gyur to/ /de nas rgyal po tshangs byin 'di snyam du sems te/ gal te bdag gi gzhon nu chu skyes kyang lkug par ma gyur du zin na de yang da tsam smra nus par 'gyur ro snyam mo/ /de'i tshe na gzhon nu chu skyes kyi ming gzhon nu chu skyes gzhon nu chu skyes shes bya ba gang yin pa de nub par gyur cing gzhon nu lkug 'phye gzhon nu lkug 'phye zhes bya ba'i ming chags par gyur to/ /de nas dus gzhan zhig na rgyal po tshangs byin lag pa la 'gram pa gtad de sems khongs su chud cing 'dug nas/ blon po rnams kyis smras pa/ lha ci'i slad du phyag la zhal gtad de thugs khongs su chud cing bzhugs/ rgyal pos smras pa/ 'di ltar nga'i rgyal srid kyi dbang phyug 'di 'dra ba la bu yang med bu mo yang med pas nga 'das nas gdung chad par yang 'gyur la/ bu gcig bdog pa de yang lkug 'phyer gyur na/ nga ji ltar sems khongs su chud cing mi 'dug tu rung / blon po rnams kyis sman pa gnyer te sman pa la rmas nas smras pa/ lha gzhon nu 'di'i dbang po gsal bar gda' ste/ 'di la bro nad kyis rnam pa ni cung zad kyang ma mchis pas bsdigs par bgyi ba'i rigs so/ /rgyal po tshangs byin gyis gshed ma dag bkug nas gsang ste bsgo ba/ ngas gzhon nu lkug 'phye 'di skye bo phal po che'i mngon sum du yongs su gtang bar byas/ khyed kyis gsad par mi bya'o/ /lha bka' bzhin 'tshal/ rgyal po tshangs byin gyis 'khor gyi nang du song ste gshed ma rnams la bsgo ba/ ngas gzhon nu 'di yongs su btang gis khyod kyis 'or cig /lha bka' bzhin 'tshal zhes de nas gshed ma'i mi de dag gis rgyal po tshangs byin las mnyan nas gzhon nu lkug 'phye shing rtar bcug ste/ grong khyer bA rA Na sI'i nang nas phyir khrid de/ de nas gzhon nu lkug 'phyes grong khyer bA rA Na sI'i 'byor pa dang rgyas pa mthong nas 'di skad ces smras so/ /ci bA rA Na sI 'di stong pa yin nam/ 'on te gnas pa yin/ gshed ma'i mi rnams kyi gzhon nu lkug 'phye rgyal po la phul nas lha gzhon nu lkug 'phyes tshig 'di lta bu brjod do zhes smras so/ /de nas rgyal po tshangs byin gyis gzhon nu lkug 'phye pang du bzhag ste 'di skad ces smras so/ /gzhon nu gang gsad par bya/ gang gsod du gzhug par bya/ gang srog dang dbral bar bya/ gang la ci zhig sbyin par bya/ de skad smras kyang gzhon nu lkug 'phye cang mi smra'o/ /rgyal po tshangs byin gyis yang gshed ma rnams la smras pa/ ngas gzhon nu 'di yongs su btang gis khyed kyis 'or cig /gshed ma'i mi rnams kyis lha bka' bzhin 'tshal zhes yang gzhon nu lkug 'phye shing rtar bcug ste/ grong khyer bA rA Na sI'i nang nas phyir khrid pa dang / gzhon nu lkug 'phyes mi'i ro mi bzhis khyer ba zhig mthong nas smas pa/ ci ro 'di shi ba nyid kyi ro yin nam/ 'on te gson po'i ro yin/ yang gshed ma'i mi rnams kyis gzhon nu lkug 'phye rgyal po la phul nas lha gzhon nu tshig 'di lta bu 'di brjod do zhes smras so/ /rgyal po tshangs byin gyis yang gzhon nu lkug 'phye pang du bzhag ste 'di skad ces smras so/ /gzhon nu gang gsad par bya/ gang gsod du gzhug par bya/ gang srog dang dbral bar bya/ gang la ci zhig sbyin par bya/ de skad smras kyang gzhon nu lkug 'phye cang mi smra'o/ /yang rgyal po tshangs byin gyis gshed ma rnams la smras pa/ ngas gzhon nu yongs su btang gis khyed kyis 'or cig /gshed ma'i mi rnams kyis lha bka' bzhin 'tshal zhes yang gzhon nu lkug 'phye shing rtar bcug ste grong khyer ba rA Na sI'i nang nas phyir khrid pa dang / /gzhon nu lkug 'phyes 'bru'i phung po chen po zhig mthong nas smras pa/ gal te 'bru'i phung po 'di dang po nyid nas drung ma zos na chen por 'gyur ro/ /gshed ma'i mi rnams kyis yang gzhon nu lkug 'phye rgyal po la phul nas/ lha gzhon nu tshig 'di lta bu 'di brjod do zhes smras so/ /rgyal po tshangs byin gyis yang gzhon nu lkug 'phye pang du bzhag ste 'di skad ces smras so/ /gzhon nu gang gsad par bya/ gang gsod du gzhug par bya/ gang srog dang dbral bar bya/ gang la ci zhig sbyin par bya/ de skad smras kyang gzhon nu lkug 'phye cang mi smra'o/ /rgyal po tshangs byin gyis yang gshed ma rnams la smras pa/ ngas gzhon nu yongs su btang gis shes ldan dag song la gzhon nu nags khrod du myur du sa thams su chug shig /lha bka' bzhin 'tshal zhes gshed ma'i mi rnams kyis yang gzhon nu lkug 'phye shing rtar bcug ste nags khrod ga la ba der song nas phyin pa dang / dong brko bar brtsams so/ /de nas lkug 'phyes de'i tshe tshigs su bcad pa smras pa/ kha lo sgyur ba ci phyir khyod/ /brtad dang bcas pas dong brko byed/ /ci phyir khyed cag dong brko ba/ /dris pa nga la myur du smros/ /kha lo sgyur bas smras pa/ rgyal po'i sras bu mi smra ba/ /lkug 'phye btsas nas de yis ni/ /myur bar 'di ni nags khrod du/ /dong du chug ces bka' stsal to/ /de nas gzhon nu lkug 'phye 'di snyam du sems te/ 'di dag ni drag shul can/ lag pa dmar ba/ snun pa dang / rab tu snun pa la zhugs pa/ gzhan gyi srog gcod pa/ gzhan gyi srog gcod pas 'tsho bar byed pa dag yin pas gal te na 'di dag gis bdag gsad par 'gyur du 'ong ngo snyam du rig nas de skrag ste gshed ma rnams la smras pa/ gal te lhas bdag la dam pa cig stsol na/ bdag rkang pas grong khyer du 'jug cing tshig kyang smra'o/ /gshed ma pa rnams kyis rgyal po'i gan du song ste rgyas par brjod pa dang / rgyal pos smras pa/ gzhon nu gal te rgyal srid 'dod na ngas de yang gzhon nu la sbyin no/ /de nas rgyal po tshangs byin gyis yid dga' zhing yid dga' nas blon po rnams la smras pa/ shes ldan dag deng la grong khyer thams cad myur du rdo ba dang / gseg ma dang / gyo mo med par zhog la/ bdug spos dang / /phye ma 'khrigs pa dang / rgyal mtshan dang / ba dan bsgreng ba dang / me tog sna tshogs bkram pa gyis shig /rgyal po rnams ni tshig gis 'grub la/ lha rnams ni sems kyis 'grub/ rnal 'byor pa rnams ni sems bskyed pa tsam gyis thams cad 'grub pas blon po rnams kyis lha bka' bzhin 'tshal zhes rgyal po las mnyan nas/ grong khyer thams cad rdo ba dang / gyo mo dang / gseg ma med par bzhag cing / bdug spos dang / phye ma 'khrigs pa dang / rgyal mtshan dang / ba dan bsgreng ba dang / me tog sna tshogs bkram pa byas so/ /ljongs kyi mi 'bum phrag du ma dag kyang gzhon nu lkug 'phye rkang pas grong khyer du 'jug cing tshig kyang smra bar 'gyur ro/ /zhes ya mtshan skyes nas 'dus par gyur to// //'dul ba rnam par 'byed pa/ bam po nyi shu dgu pa/ de nas gzhon nu lkug 'phye rkang pas grong khyer du zhugs nas rgyal po tshangs byin ga la ba der song ste phyin nas/ rgyal po tshangs byin gyi rkang pa gnyis la gtugs te/ de'i tshe tshigs su bcad pa smras pa/ bdag lkug ma lags 'phye ma lags/ /glen pa ma lags blo med min/ /gsal bar bgyid pa'i tshig rnams kyis/ /smra ba bdag lags mi dbang po/ /bdag lkug ma lags 'phye ma lags/ /glen pa ma lags blo med min/ /dbang po tshang ba gsal ba dang / /ldan pa bdag lags mi dbang po/ /rgyal pos smras pa/ bu khyed ci'i phyir tshig smra bar mi byed cing rkang pas 'gro bar mi byed/ lha de'i slad du gson cig /bdag gis sngon gyi tshe rabs su/ dgung lo drug bcur bdag gis ni/ /mi rnams nang du rgyal 'tshab kyi/ /rgyal srid rigs 'thun bgyid stsal pas/ /dgung lo stong phrag drug bcu ru/ /sems can dmyal bar rab tu bsregs/ /sems dmyal sdug bsngal mi bzad pa/ /drag po 'jigs rung dran gyur nas/ /rgyal srid mngon par mi 'tshal zhing / /slan cad sems dmyal mchi mi bgyi/ /yab kyis bdag ni rab 'byung bar/ /rjes su gnang ba mdzad du gsol/ /rgyal pos smras pa/ bu drang srong dag gang gi phyir dka' thub kyis gdung ba dang / sbyin sreg dang / mchod sbyin byed pa ni rgyal srid kyi phyir yin na/ khyod ci'i phyir lag mthil na 'dug pa spangs te rab tu 'byung bar byed/ de nas gzhon nu lkug 'phyes de'i tshe tshigs su bcad pa smras pa/ khon gcugs thab rtsod bgyid pa yis/ /'dod la spyod pa bdag mi 'tshal/ /'khon gcugs 'thab rtsod 'jigs bgyid pa'i/ /tshangs spyod bdag gis spyad par bgyi/ /kim pa'i 'bras bu 'dra ba yi/ /'dod pa spyod par bdag mi 'tshal/ /'bras bu bdud rtsi'i ro bda' ba'i/ /tshangs spyod bdag gis spyad par bgyi/ /rgyal pos smras pa/ bde ba gang dang gang dag nyams su myong bar 'gyur ba de dag thams cad ni rgyal po nyid yin na/ khyod ci'i phyir rgyal srid spangs te rab tu 'byung bar byed/ de nas gzhon nu lkug 'phyes de'i tshe tshigs su bcad pa smras pa/ gang las sdug bsngal skye 'gyur ba'i/ /bde ba de la bder mi sems/ /gang las bde ba skye 'gyur ba'i/ /sdug bsngal de la bde bar sems/ / yab kyis bdag ni dka' thub kyi/ /nags su mchi ba gnang bar mdzod/ /rgyal pos smras pa/ bu 'di ni yang tog gi steng bdug spos dang / phye ma 'khrigs par me tog sna tshogs bkram zhing gnas mal 'jam po legs par bshams pa dag tu gang nas kyang 'jigs pa med par nyal bar bya zhing / sil snyan gyi sgra snyan pa dag gis sad par bya ba dang / gos 'jam po bgo bar bya ba dang / zhim po bza' bar bya ba dang / zhim po btung bar bya ba yin na dgon par rab tu byung bas rtag tu shing drung du rtswa bting ba 'am/ lo ma bting ba la bred ngas kyis 'jigs pa dang bcas pa'i sems kyis ri dgas gdug pa dag dang lhan cig nyal bar bya ba dang / wa'i skad kyis sad par bya ba dang / g.yang gzhi dang shing shun bgo bar bya ba dang / rtsa ba dang 'bras bu dag bza' bar bya ba dang / chu dron po rnyog pa can dag btung bar bya dgos na/ ci'i phyir khyod rgyal srid spangs te rab tu 'byung bar byed/ de nas gzhon nu lkug 'phyes de'i tshe tshigs su bcad pa smras pa/ nags na shing shun rtswa gyon zhing / /rtsa ba 'bras bu 'cha' ba dang / /ri dgas gdug pa rnams dang ni/ /lhan cig gnas pa mchog lags kyi/ /'jig rten pha rol 'jigs bgyid pa'i/ /mkhas pas rgyal srid slad du ni/ /gsod dang 'ching dang brdeg pa dag /bgyid pa de lta ma lags kyis/ /yab kyis bdag ni dka' thub kyi/ /nags su mchi ba gnang bar mdzod/ /rgyal pos smras pa/ bu je kho bo'i the tshom gsum po 'di dag chod cig dang / de'i 'og tu khyod rab tu 'byung ba mi dka'o/ /khyod kyis grong khyer bA rA Na sI'i 'byor pa dang rgyas pa mthong nas 'di skad ces bA rA Na sI 'di stong pa yin nam/ 'on te gnas pa yin zhes smras pa de khyod kyis ci las bsams te smras/ lha de'i slad du gson cig /lhas bdag rgyu ma mchis par khum shig ces bka' stsal na/ 'ga' yang ci'i slad du gzhon nu 'di dgum par bgyi zhes chos dang ldan pa'i tshig mi smra bas bdag gis de las bsams te smras so/ /bu ma nyes so/ /khyod kyis mi'i ro mi bzhis khyer ba zhig mthong nas 'di skad ces ci ro 'di shi ba nyid kyi ro yin nam/ 'on te gson po'i ro yin zhes smras pa/ de khyod kyis ci las bsams te smras/ lha de'i slad du gson cig /gang nongs pa bgyid pa'i las bgyis pa'i ro de ni gum pa nyid kyi ro lags la/ gang legs pa bgyid pa'i las bgyis pa'i ro de ni gson po'i ro lags pas bdag gis de las bsams te smras so/ /bu ma nyes so/ /khyod kyis 'bru'i phung po chen po zhig mthong ba na/ 'di skad ces gal te 'bru'i phung po 'di dang po nyid nas drung ma zos na chen por 'gyur ro zhes smras pa de khyod kyis ci las bsams te smras/ lha de'i slad du gson cig /lha zhing pa gang dag 'bru skyin po bgyis te 'tshal nas/ las bgyid pa de dag ni 'bru smin pa na 'bru'i phung po chen po bu lon pa dag la 'bul bar bgyis pas de dag gis ni dang po nyid nas drung 'tshal ba lags so/ /de bzhin du dge ba bcu'i las kyi lam dag gis mi nyid rnyed pa na/ gal te de rnyed nas dge ba'i las kyi lam sogs par mi bgyid pa de'i sngon gyi dge ba'i rtsa ba de yang rgyun chad par 'gyur zhing / dge ba'i rtsa ba rgyun chad na bde 'gro las yongs su nyams shing ngan 'gro la rten par 'gyur bas bdag gis de las bsams te smras so/ /de nas rgyal pos bu'i tshig de thos nas/ mchi mas brnangs pas bu blangs te tshig smras pa/ brtul zhugs des 'chang rang gi chos spyod cig /bdag kyang khyod kyi slob mar khas len no/ /de nas rgyal po tshangs byin gyis blon po rnams la smras pa/ shes ldan dag gal te gzhon nu lkug 'phye rab tu ma byung na cir 'gyur/ lha rgyal por 'gyur ro/ /khyod kyi bu dag cir 'gyur/ lha zhabs ring bar 'gyur ro/ /'o na da de rab tu 'byung na khyed kyi bu de dag ci'i phyir rab tu mi 'byung / lha bka' stsal pa bzhin 'tshal lo/ /de'i tshe na grong khyer bA rA Na sI dang ha cang mi ring ba na bsti gnas shig yod pa de na drang srong byams pa'i bdag nyid can/ snying rje dang ldan pa/ brtse ba dang ldan pa/ sems can la byams pa zhig 'dug nas gzhon nu lkug 'phye 'khor lnga brgya dang ldan pa 'byor pa chen pos drang srong de'i drung du rab tu byung ngo / /drang srong des lkug 'phye la gdams ngag byin nas lkug 'phyes brtsal ba dang / 'bad pa dang / bsgrim pa byas nas mngon par shes pa lnga mngon sum du byas so/ /de nas dus gzhan zhig na drang srong de dus kyi chos dang ldan par gyur nas gzhon nu lkug 'phyes drang srong de'i lus spos kyi shing sna tshogs kyi phung por bcer te bsregs nas mchod pa dang bsnyen bkur chen po byas so/ / gzhon nu lkug 'phyes bral ze'i khye'u lnga brgya po de dag yongs su bskyang bar brtsams nas de'i ming gzhon nu lkug 'phye zhes bya ba gang yin pa de nub par gyur cing / ston pa lkug 'phye ston pa lkug 'phye zhes bya ba'i ming chags par gyur to/ / de nas dus gzhan zhig na ston pa lkug 'phye 'di snyam du sems te/ ci'i phyir bram ze'i khye'u lnga brgya po 'di dag mngon par shes pa lnga mngon sum du mi byed snyam nas de 'di snyam du sems te/ 'di dag g.yang gzhi dang shing shun dang dbyug gu dang / ril ba dang / blugs gzar dang / dgang gzar lhag pa 'chang zhing / shin du lo ma dang / khri rgod dang / ud pa la'i rtsa ba la sbyor ba'i rjes su brtson par gnas pa'i phyir ro snyam mo/ /de nas ston pa lkug 'phye 'di snyam du sems te/ gal te bdag gis bram ze'i khye'u 'di dag smad na dbral dka' bar 'gyur ro snyam nas/ byang chub sems dpa' rnams ni gdul ba la mkhas pa bla na med pa yin pas de nas ston pa lkug 'phyes bram ze'i khye'u rnams la smras pa/ bram ze'i khye'u dag nga zla ba gsum po 'di la nang du yang dag 'jog 'dod kyis nga'i gan du bram ze'i khye'u rtsa ba dang / 'bras bu stobs pa gcig dang 'di nyid kyi gso sbyong bcwa lnga pa'i tshe ma gtogs par gang gis kyang nye bar 'ong bar mi bya'o/ /bram ze'i khye'u rnams kyis kyang dbyar gyi nang dag tu bram ze'i khye'u rtsa ba dang / 'bras bu stobs pa gcig dang 'di nyid kyi gso sbyong bcwa lnga pa'i tshe ma gtogs par bdag cag las bram ze'i khye'u gang gis kyang mkhan po la ltar 'gro bar mi bya'o/ /dbyar gyi nang dag tu bram ze'i khye'u rtsa ba dang / 'bras bu stobs pa gcig dang 'di nyid kyi gso sbyong bcwa lnga pa'i tshe ma gtogs par bdag cag las bram ze'i khye'u gang mkhan po la ltar 'gro ba de bdag cag gis ltung byed kyi ltung ba byed du gzhug go zhes khrims su bya ba bcas so/ /ston pa lkug 'phyes zla ba gsum nang du yang dag 'jog la zhugs pa na/ de'i gan du bram ze'i khye'u rtsa ba dang / 'bras bu stobs pa gcig dang / de nyid kyi gso sbyong bcwa lnga pa'i tshe ma gtogs par bram ze'i khye'u gang yang nye bar mi 'gro'o/ /ston pa lkug 'phyes thag ring po kho na nas ri dgas mthong ngo / /mthong nas kyang 'di skad ces smras so/ /ri dgas tshur shog /ri dgas khyod 'ongs pa legs so/ /khyod dang kho bo mtshungs te/ khyod kyang lto khengs pa'i zas kyis chog shes pa dang / kun du chog shes pa yin la/ kho bo yang lto khengs pa'i bsod snyoms kyis chog shes pa dang / kun du chog shes pa yin no/ /'di na kha cig shin tu lo ma dang / khre rgod dang / ud pa la'i rtsa ba la sbyor ba'i rjes su brtson par gnas pa dag ni ma yin no/ /de nas bram ze'i khye'u de dag 'di snyam du sems te/ gor ma chag par mkhan po'i brtul zhugs rdzogs par gyur te/ 'di ltar mkhan po ri dgas dang lhan cig phebs par smra bar byed do snyam du rig nas ston pa lkug 'phye ga la ba der dong ste phyin nas/ ston pa lkug 'phye'i rkang pa gnyis la phyag 'tshal te mtha' gcig tu 'khod do/ /de nas ston pa lkug 'phye cang mi smra bar 'dug go/ /de nas bram ze'i khye'u de dag 'di snyam du sems te/ mkhan po dud 'gro rnams dang lhan cig phebs par smra bar byed kyi/ mi rnams dang mi byed gor ma chag snyam nas stan las langs te dong ngo / /de nas ri dgas kyi brtul zhugs can zhig ston pa lkug 'phye ga la ba der dong ba dang / ston pa lkug 'phyes ri dgas kyi brtul zhugs can de thag ring po kho na nas mthong ngo / /mthong nas kyang 'di skad ces smras so/ /ri dgas kyi brtul zhugs can tshur shog /ri dgas kyi brtul zhugs can khyod 'ongs pa legs so/ /khyod dang kho bo mtshungs te/ khyod kyang g.yang gzhi gcig 'chang la/ kho bo yang g.yang gzhi gcig 'chang ngo / /khyod kyang shung shin gcig dang / dbyug gu gcig dang / ril ba gcig dang / blugs gzar dang / dgang gzar gcig 'chang la/ kho bo yang shing shun gcig dang / dbyug gu gcig dang / ril ba gcig dang / blugs gzar dang / dgang gzar gcig 'chang ngo / /khyod kyang lto khengs pa'i bsod snyoms kyis chog shes pa dang / kun du chog shes pa yin la/ kho bo yang lto khengs pa'i bsod snyoms kyis chog shes pa dang / kun du chog shes pa yin no/ /'di na kha cig g.yang gzhi dang / shing shun dang / dbyug gu dang / ril ba dang / blugs gzar dang / dgang gzang lhag par 'chang ba dag ni ma yin no/ /de nas bram ze'i khye'u de dag 'di snyam du sems te/ 'di ltar mkhan pos 'dod pa che ba smad cing / 'dod pa chung ba nyid bstod pa ni don gyis na mkhan pos bdag cag smad pa yin gyis/ bdag cag gis g.yang gzhi dang / shing shun dang / dbyug gu dang / ril ba dang / blugs gzar dang / dgang gzar lhag pa dag chu klung zlog byed kyi nang du bor te/ mkhan po ga la ba der 'dong ngo snyam nas/ de dag gi g.yang gzhi dang / shing shun dang / dbyug gu dang / ril pa dang / blugs gzar dang / dgang gzar lhag pa dag chu klung zlog byed du bor nas rgyud dag pa dang / yo byad bsnyungs pa'i tshul dag gis ston pa lkug 'phye ga la ba der dong ste phyin nas/ ston pa lkug 'phye'i rkang pa gnyis la mgo bos phyag 'tshal te mtha' gcig tu 'khod do/ /de nas ston pa lkug 'phyes bram ze'i khye'u de dag gi bsam pa dang / bag la nyal dang / khams dang rang bzhin khongs su chud nas/ 'di ltar bram ze'i khye'u lnga brgya po de dag gis mngon par shes pa lnga mngon sum du byas par gyur pa de ltar chos bstan pa byas so/ /dge slong dag de'i tshe de'i dus na ston pa lkug 'phye gang yin pa de ni nga byang chub sems dpa'i spyod pa la 'jug pa yin no/ /de'i tshe de'i dus na bram ze'i khye'u lnga brgya po gang dag yin pa de dag ni shAkya gzhon nu lnga brgya po 'di dag yin no/ /de'i tshe de'i dus na ri dgas kyi brtul zhugs can gang yin pa de ni dge slong nye sde yin te/ de'i tshe yang ngas shAkya gzhon nu lnga brgya po 'di dag rigs kyi bu nye sde la brten nas 'dod pa che ba dang phral zhing 'dod pa chung ba nyid la bkod de/ mngon par shes pa lnga po dag la gzhag par byas la da ltar yang ngas shAkya gzhon nu lnga brgya po 'di dag rigs kyi bu nye sde la brten nas 'dod pa che ba dang phral zhing 'dod pa chung ba nyid la bkod de/ shin du mthar thug pa'i grub pa dang bde ba mya ngan las 'das pa la gzhag pa mdzad do/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa dang / 'dren ma spangs nas las gcig tu dkar ba dag la brtsal bar bya ste/ dge slong dag de ltar khyod kyis bslab par bya'o/ /'khrur 'jug pa'i spang ba ste bzhi pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / gang gi tshe bcom ldan 'das kyis dge slong ma rnams kyis dgon par gnas pa ma bkag pa de'i tshe na dge slong ma rnams kyang dgon pa'i gnas su dong ste/ bsam gtan dang / rnam par thar pa dang / ting nge 'dzin dang / snyoms par 'jug pa'i bde ba dag nyams su myong bar byed do/ /de nas dge slong ma ud pa la'i mdog 'khor lnga brgya dang nags mun pa can ga la ba der song ste phyin nas shing ljon pa'i drung zhig tu brten te dkyil mo dkrung phyed kyis 'dug nas bsam gtan dang rnam par thar pa dang / ting nge 'dzin dang / snyoms par 'jug pa'i bde ba dag nyams su myong bar byed do/ /dge slong ma de dag phyem bred mnyan yod du 'jug 'dod nas smras pa/ 'phags ma ud pa la'i mdog bslang bar bya'o/ /kha cig gis smras pa/ 'phags ma ud pa la'i mdog ni mthu che ba rdzu 'phrul che ba yin pas dang po kho nar dbyar khang du 'gro bar 'gyur ba'i gnas kyang yod do zhes zer nas de dag gis de ma bslang ba kho nar dong ngo / /ud pa la'i mdog kyang phyem bred langs nas dge slong ma de dag thams cad dong bar mthong ba dang / des bsams pa / ci nga 'gro 'am/ 'on te 'di nyid du 'dug snyam nas de de nyid du 'gog pa la snyoms par zhugs so/ /g.yon can lnga brgya tsam gyis las dag byas nas nags mun pa can du lhags te/ de dag gis smras pa/ bdag cag las nyis brgya lnga bcus ni bskal pa dag bgo bar bya'o/ /nyis brgya lnga bcus ni nags byul bar bya'o zhes de dag las nyis brgya lnga bcus ni skal ba dag bgo bar brtsams/ nyis brgya lnga bcus ni nags byul bar brtsams pa dang / de dag gis ud pa la'i mdog 'dug pa mthong ngo / /de na kha cig na re shes ldan dag 'di ni tho yor zhig yin no zhes zer/ kha cig na re 'di ni mi zhig yin no zhes zer/ kha cig na re 'di ni dge slong zhig yin no zhes zer ro/ /de na dge slong gi rgyus shes pa zhig 'dug pa des smras pa/ 'di ni dge slong ma zhig yin gyi dge slong ni ma yin no/ /ji ltar shes/ dge slong dag ni dkyil mo dkrung gis 'dug la/ dge slong ma rnams ni dkyil mo dkrung phyed kyis 'dug go/ /de dag ngo mtshar skyes nas shes ldan dag 'di lta bu'i nags 'jigs su rung ba'i nang na dge slong ma gcig pu mtshan mo gnas par khas blangs pa ltos shes zer ro/ /de dag dmag dpon gyi gan du song ba dang / dmag dpon gyis de dag la dris pa/ shes ldan dag khyed kyi nags mun pa can 'di na ngo mtshar cung zad mthong ba yod dam mchis te/ 'di lta bu'i nags 'jigs su rung ba'i nang na/ dge slong ma gcig pu mtshan mo gnas par khas blangs pa mchis so/ /de bltas 'dong ngo zhes de dag de'i drung du dong ba dang / dmag dpon gyis dge slong ma ud pa la'i mdog gzugs bzang ba/ blta na sdug pa/ mdzes pa mthong ngo / /mthong nas kyang mngon par dad par gyur nas de mngon par dad pa skyes pas smras pa/ kye ma dge slong ma 'di ni gnyi ga nas bzang ba yin te/ mtshan mo zla ba nyi mo ltar 'dug pa gang yin pa dang / gzugs bzang ba/ blta na sdug pa/ mdzes pa gang yin pas so zhes de bslang bar brtsams pa dang / de dag gis smras pa/ ci'i phyir 'di slong bar byed/ zas sbyin par bya'o/ /dge slong gi rgyus shes pa gcig gis smras pa/ 'di ni dus ma yin par mi za'o/ /dmag dpon gyis smras pa/ ci'i phyir/ des smras pa/ 'di ni dus ma yin pa'i zas spangs pa yin no/ /dmag dpon gyis smras pa/ kye ma dge slong ma 'di ni gnyis ka nas bzang ba yin te/ gzugs bzang ba/ blta na sdug pa/ mdzes pa gang yin pa dang / dus ma yin pa'i zas spangs pa gang yin pas so/ /yang smras pa/ 'di la chang blud par bya'o/ /dge slong gi rgyus shes pa des smras pa/ 'di ni myos par 'gyur ba'i btung ba spangs pa yin no/ /dmag dpon gyis smras pa/ kye ma dge slong ma 'di ni gnyi ga nas bzang ba yin te/ gzugs bzang ba/ blta na sdug pa/ mdzes pa gang yin pa dang / myos par 'gyur ba'i btung ba spangs pa gang yin pas so/ /yang smras pa/ kho bos yon gnas kyi zhing 'di lta bu la bsod snyoms kyis bsgrub par ma nus so zhes des ras yug chen po la 'os pa gcig dang / bsod snyoms kyi phud cig phul nas shing ljon pa'i yal ga la btags te bzhag nas smras pa/ 'phags ma 'di ltar khyod la mi mkhyen pa dang / mi gzigs pa dang / mi rig pa dang / rnam par mi mkhyen pa ci yang mi mnga' bas bdag gis khyod la bsod snyoms dang na bza' 'di 'bul lo zhes smras te song ngo / / ud pa la'i mdog nang par sngar langs pas skye bo phal po che'i rjes shul mthong nas des bsams pa dang / g.yon can lnga brgya nye bar 'ongs par mthong nas mi mdzes pa 'ga' zhig rig par ma byas sam snyam na 'ga' yang ma byas par mthong ngo / /shing ljon pa'i yal ga la ras yug chen dang / bsod snyoms btags te bzhag pa mthong nas des bsams pa/ 'di ni dad par gyur pa rnams kyis dad pa'i dbang du byas pa yin no snyam nas des bsams pa/ gal te byin len stobs pa la bsdad na bya 'am/ spre'us chud gzan par 'gyur bas bdag ni dge 'dun la bsod snyoms kyi phud 'bul ba yin la 'di ltar dge slong rnams la mi rung ba gang yin pa de ni dge slong ma rnams la rung ba yin la/ dge slong ma rnams la mi rung ba gang yin pa de ni dge slong rnams la rung ba yin pas bdag rang nyid kyis 'di khyer te/ dge 'dun la bsod snyoms kyi phud 'bul du 'gro'o snyam nas des de khyer te rgyal byed kyi tshal du song ngo / /drug sde rnams kyi kun du spyod pa ni drug sde las gang yang rung bas rgyal byed kyi tshal gyi sgo stong par mi 'jog pas nye dga' rgyal byed kyi tshal gyi sgo na 'chag cing 'dug pa des ud pa la'i mdog mthong nas smras pa/ /sring mo ci'i phyir nang pa sngar mnyan yod kyi sgo dag phye ste 'ongs/ des smras pa/ bdag mnyan yod du ma mchis kyi/ bdag mdang sum nags mun pa can du mchis par khas blangs so/ /nye dgas smras pa/ nye dga' ni nyin mo nyid nags mun pa can du zhugs na yang spu dag gyen du 'greng bar 'gyur ro/ /sring mo khyer ba 'di ci yin/ des smras pa/ chom rkun pa lnga brgya tsam der mchis nas de dag dad par gyur pas bdag la dad pa'i dbang du bgyis pa stsal to/ /sring mo khyod ni chom rkun pas kyang dad par bya ba yin gyi/ gal te nye dga' de dag gis mthong du zin na lcag rgod mang pos brdabs te khur tsa bar 'gyur ro/ /'di ltar gang la ras yug chen 'di lta bu yod pa de ni gos sar pa las snam sbyar nyi rim byas te sems las chung ngus dge ba'i phyogs la tron byed par 'gyur ro/ /'phags pa khyod ras yug chen 'di bzhed dam/ lha'i gnas kyi lhag ma bzhin du'o/ /'phags pa bdag gis dge 'dun la bsod snyoms kyi phud phul te slar mchis pa'i bar du gzhes shig dang / de'i 'og tu khyod la ras yug chen gsol lo/ /nye dgas bsams pa/ lhung bzed nag po can 'ga' zhig gis 'di la bslangs pa dang de la byin par 'gyur ro snyam nas/ sring mo bdag gis bsod snyoms kyi phud len pa dag khrid de 'ong gis de'i bar du 'di nyid du sdod cig /nye dga' rgyal byed kyi tshal du zhugs pa dang / des dge slong bsod snyoms kyi phud len pa dag snying las chung ngur 'khod pa mthong nas des smras pa/ tshe dang ldan pa dag sbyin bdag dag ni khur gyis ngal zhing sdod la/ khyed cag ni 'di na snying las chung ngur 'khod na tshur shog bsod snyoms kyi phud long shig /de dag gis gzhong bu thogs te dong ba dang / ud pa la'i mdog gis de dag la bsod snyoms kyi phud phul nas ras yug chen sprugs nas nye dga' la phul lo/ /nye dgas khyod sbyin pa 'dis sems kyi rgyan dang / sems kyi yo byad dang / rnal 'byor gyi tshogs dang / don gyi mchog dang / lha dang mi rnams kyi gos dag thob par gyur cig ces smras so/ /ud pa la'i mdog gis bsams pa/ nga dbyar khang du song ste ci rung / bcom ldan 'das kyi zhabs la phyag 'tshal du 'gro bar bya'o snyam nas/ de nas ud pa la'i mdog bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /de'i tshe na ud pa la'i mdog gis chos gos lnga ngan cing snam sbyar yang rnyings par gyur nas/ de na bcom ldan 'das kyis tshe dang ldan pa kun dga' bo la bka' stsal pa/ kun dga' bo dge slong ma rnams kyis dbyar gyi gos kyi rnyed pa ma grub bam/ btsun pa grub bo/ /'o na ci'i phyir dge slong ma ud pa la'i mdog gi chos gos lnga ngan cing snam sbyar yang rnyings par gyur/ btsun pa sring mo 'di ni dad pa dang ldan zhing bzang la dge ba'i bsam pa can lags te/ 'dis sangs rgyas sam/ chos sam/ dge 'dun nam/ dge slong yid du 'thad pa dag la ma phul ba 'am/ yongs su ma btang ba ci yang ma mchis te/ 'dis dang yang ras yug chen rnyed nas de yang 'dis btsun pa nye dga' la stsol to/ /kun dga' bo dge slong dag dge slong ma nye du ma yin pa la gos lhag pa len tam/ btsun pa len to/ /kun dga' bo dge slong dag dge slong ma nye du ma yin pa la 'di snyam du 'di'i chos gos lnga tshang ngam/ 'on te ma tshang snyam du mi sems par 'di ltar thob bo cog len par byed kyi/ nye du la ni byin yang len par mi byed do/ /de nas bcom ldan 'das kyi tshe dang ldan pa kun dga' bo la bka' stsal pa/ kun dga' bo dge slong ma ud pa la'i mdog la gtsug lag khang chen po nas chos gos lnga byin cig /tshe dang ldan pa kun dga' bos dge slong ma ud pa la'i mdog la gtsug lag khang chen po nas chos gos lnga byin no/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma nye du ma yin pa las gos len na spang ba'i ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /de bdag gi khyim nor du ma dang ldan na bdag gis 'jig rten pha rol gyi lam rgyags cung zad kyang ma khyer ro snyam nas lag pa la 'gram pa gtad de sems khong su chud cing 'dug pa chung mas mthong nas smras pa/ rje'i sras khyod ci'i slad du phyag la 'gram pa gtad de sems khong su chud cing bzhugs/ bzang mo kho bo'i khyim nor du ma dang ldan na bdag gis 'jig rten pha rol gyi lam rgyags cung zad kyang ma khyer te/ gal te bdag gis sangs rgyas la sogs pa dge slong gi dge 'dun bshos gsol te re re la ras bcos bu sar pa phrugs re bskon na des bdag gi 'jig rten pha rol gyi lam rgyags khyer bar 'gyur ro/ /chung mas smras pa/ rje'i sras de bzhin mdzod cig /de nas khyim bdag de bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das kyis khyim bdag de la chos dang ldan pa'i gtam gyis yang dag par ston par mdzad/ yang dag par 'dzin du 'jud par mdzad/ yang dag par gzeng bstod par mdzad/ yang dag par rab tu dga' bar mdzad de/ rnam grangs du mas chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas khyim bdag de stan las langs nas bla gos phrag pa gcig tu byas te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das sang bdag gi sdum par dge slong gi dge 'dun dang thabs gcig tu gdugs tshod gsol bar ci gnang / bcom ldan 'das kyis khyim bdag de la cang mi gsung bas gnang ngo / /de nas khyim bdag des bcom ldan 'das kyis cang mi gsung bas gnang bar rig nas bcom ldan 'das kyis bka' stsal pa la mngon par dga' ba dang rjes su yi rang bar byas te bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas khyim bdag des de nyid kyi mtshan mo bca' ba dang bza' ba gtsang zhing bsod pa legs par sbyar nas nang par sngar langs te gdan bshams nas chur bzhag ste/ bcom ldan 'das la spyan 'dren gyis/ btsun pa gdugs tshod sbyar ba'i dus lags na/ da bcom ldan 'das kyis de'i dus la bab par mkhyen par mdzad du gsol zhes gdugs tshod la spyan drangs so/ /de nas bcom ldan 'das snga dro sham thabs gsol/ lhung bzed dang chos gos bsnams te dge slong gi tshogs kyis yongs su bskor cing dge slong gi dge 'dun gyis mdun du bdar te/ khyim bdag de'i bkad sa ga la ba der gshegs te byon nas/ dge slong gi dge 'dun gyi gong du gdan bshams pa nyid la bzhugs so / /de nas khyim bdag des sangs rgyas la sogs pa dge slong gi dge 'dun bde bar bzhugs par rig nas/ rang gi lag gis bca' ba dang bza' ba gtsang zhing bsod pas tshim par byed do/ /rnam grangs du mas bca' ba dang bza' ba gtsang zhing bsod pas rang gi lag nas tshim par byas shing bstabs nas/ sangs rgyas la sogs pa dge slong gi dge 'dun re re la ras bcos bu sar pa phrugs re re gsol to/ /de nas khyim bdag des stan dma' ba zhig blangs nas bcom ldan 'das kyi spyan sngar chos mnyan pa'i phyir 'dug go/ /de nas bcom ldan 'das kyis khyim bdag de la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ /yang dag par rab tu dga' bar mdzad de/ rnam grangs du mas chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs so/ /de nas khyim bdag des bcom ldan 'das kyi slad bzhin pha zad tsam du song nas bcom ldan 'das kyi zhabs gnyis la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi spyan snga nas phyir log ste rang gi khyim ga la ba der song nas phyin pa dang / steng gi khang bzangs kyi gzhir gtogs pa na rjes su dran par sgom pa na chung ma la smras pa/ bzang mo bdag cag gis 'jig rten pha rol gyi lam rgyags mang du khyer gyis mchog tu dga' ba dang / rjes su yi rang bar gyis shig /chung mas smras pa/ rje'i sras kyis ni 'jig rten pha rol gyi lam rgyags bsnams na/ bdag gis ma 'tshal to/ /bzang mo bdag cag gnyis kyi longs spyod dag thun mong ma yin nam/ rje'i sras 'di ltar 'o skol cag gi longs spyod dag thun mong lags mod kyi 'on kyang bdag gis kyang skye dgu'i bdag mo chen mo gau ta mi la sogs pa dge slong ma'i dge 'dun bshos gsol te/ chen po la 'os pa'i gos dag phul na de lta na bdag gis kyang 'jig rten pha rol gyi lam rgyags 'tshal bar 'gyur ro/ /khyim bdag gis smras pa/ bzang mo ci sngar sbyin pa byin pas phyin sbyin par byar med dam/ /de bzhin gyis shig /de nas khyim bdag gi chung ma de skye dgu'i bdag mo chen mo gau ta mi ga la ba der song ste phyin nas skye dgu'i bdag mo chen mo gau ta mi'i rkang pa gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas skye dgu'i bdag mo chen mo gau ta mis khyim bdag gi chung ma de la chos dang ldan pa'i gtam gyis yang dag par ston par byed/ yang dag par 'dzin du 'jud par byed/ yang dag par gzeng bstod par byed/ yang dag par rab tu dga' bar byed de/ rnam grangs du mas chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar byas nas cang mi smra'o/ /de nas khyim bdag gi chung ma de stan las langs te skye dgu'i bdag mo chen mo gau ta mi ga la ba de logs su thal mo sbyar ba btud nas skye dgu'i bdag mo chen mo gau ta mI la 'di skad ces smras so/ /'phags ma sang bdag gi sdum par dge slong ma'i dge 'dun dang thabs gcig gdugs tshod gsol bar ci gnang / skye dgu'i bdag mo chen mo gau ta mIs khyim bdag gi chung ma de la cang mi smra bas dang du blangs so/ /de nas khyim bdag gi chung ma des skye dgu'i bdag mo chen mo gau ta mIs cang mi smra bas dang du blangs par rig nas skye dgu'i bdag mo chen mo gau ta mIs smras pa la mngon par dga' ba dang rjes su yi rang ba byas te/ skye dgu'i bdag mo chen mo gau ta mI'i rkang pa gnyis la mgo bos phyag 'tshal nas skye dgu'i bdag mo chen mo gau ta mI'i drung nas song ngo / /de nas khyim bdag gi chung ma de nyid kyi mtshan mo bca' ba dang bza' ba gtsang zhing bsod pa legs par sbyar nas nang par sngar langs te stan bshams nas skye dgu'i bdag mo chen mo gau ta mI la spyan 'dren gyis 'phags ma gdugs tshod sbyar ba'i dus lags na/ da 'phags mas de'i dus la bab par mkhyen par mdzad du gsol zhes dro la bos so/ /de nas skye dgu'i bdag mo chen mo gau ta mi snga dro sham thabs bgos/ lhung bzed dang / chos gos thogs te dge slong ma'i tshogs kyis yongs su bskor cing / dge slong ma'i dge 'dun gyis mdun du bdar te khyim bdag gi chung ma de'i bkad sa ga la ba der song ste phyin nas dge slong ma'i dge 'dun gyi gong du stan bshams pa nyid la 'dug go/ /de nas khyim bdag gi chung ma des skye dgu'i bdag mo chen mo gau ta mi la sogs pa dge slong ma'i dge 'dun bde bar 'dug par rig nas/ rang gi lag nas bca' ba dang bza' ba gtsang zhing bsod pas tshim par byed/ stobs par byed do/ /rnam grangs du mas bca' ba dang bza' ba gtsang zhing bsod pas rang gi lag nas tshim par byas shing bstabs nas/ des chen po la 'os pa'i gos dag gi sprog ma phye nas chen po la 'os pa'i gos dag thogs te rgan pa'i mtha' logs su 'dug go/ /de nas skye dgu'i bdag mo chen mo gau ta mi 'di snyam du sems te/ bcom ldan 'das kyis dge slong ma rnams la chen po la 'os pa'i gos dag dgag pa mdzad pas gal te re shig blangs par gyur na ni bslab pa'i gzhi 'khrugs par yang 'gyur/ /gal te ma blangs na ni khyim bdag gi chung ma'i bsod nams kyi bar chad dang / dge slong ma'i dge 'dun gyi rnyed pa'i bar chad du 'gyur ro snyam mo/ /dge slong ma rnams kyis bsams pa/ kye ma 'phags ma skye dgu'i bdag mo chen mo gau ta mis chen po la 'os pa'i gos dag blangs par gyur cig / bdag cag gis blangs par gyur na bcom ldan 'das kyis kyang dus lags pa'i slad du gnang bar 'gyur ro snyam mo/ /de nas skye dgu'i bdag mo chen mo gau ta mis chen po la 'os pa'i gos dag blangs nas/ khyim bdag gi chung ma la yon bshad pa byas te stan las langs te song ste/ bcom ldan 'das ga la ba der song ste phyin pa dang / bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas skye dgu'i bdag mo chen mo gau ta mis skabs de bcom ldan 'das la rgyas par gsol to/ /de skad ces gsol pa dang / bcom ldan 'das kyis skye dgu'i bdag mo chen mo gau ta mis la 'di skad ces bka' stsal to/ /gau ta mi ngas gnang ba gang yin pa de khyod kyis shes pa legs so legs so/ /de lta bas na ngas dge slong ma rnams kyis chen po la 'os pa'i gos dag blangs nas dge slong rnams dang lhan cig brje bar bya ba rjes su gnang ngo / /de nas dge slong ma bcu gnyis sde dag gis gos de dag khyer te drug sde dag gi gan du dong nas smras pa/ 'phags pa dag bcom ldan 'das kyis dge slong ma rnams la chen po la 'os pa'i gos dag dgag pa mdzad de/ bdag cag gis chen po la 'os pa'i gos rnyed pa 'di dag khyed bzhes la bdag cag la ngan pa dag stsol cig /drug sde dag gis smras pa/ sring mo dag bdag cag la dge slong ma'i ras ma dag dgos pa med de/ de'i tshe yang bdag cag byis pa rmongs pa mi gsal ba/ mi mkhas pa dag la khur dag bslang bar gyur gyis bdag cag mi len to/ /dge slong ma gzhan dag dge slong gnas brtan gnas brtan rnams kyi drung du dong ste smras pa/ 'phags pa dag bcom ldan 'das kyis dge slong ma rnams la chen po la 'os pa'i gos dag dgag pa mdzad de/ bdag cag gis chen po la 'os pa'i gos rnyed pa 'di dag khyed bzhes la/ bdag cag la ngan pa dman pa dag stsol cig /sring mo dag bcom ldan 'das la zhu'o zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na brjes pa ma gtogs te/ de la brje ba ni 'di yin te/ de tsam gyis sam/ ji tsam gyis dge slong ma dga' bar 'gyur bas brje bar bya'o/ /de nas bcom ldan 'das kyis bslab pa 'dod pa'i bsngags pa brjod de/ bslab pa la gus pa dang / bslab pa la yo byad bsnyungs pa dang / sbyangs pa'i yon tan dang / phri ba dang / drod rig pa'i bsngags pa brjod do/ / dge slong rnams la yang de dang 'thun pa dang / de dang 'tsham pa dang / de'i shas che ba dang / de dang ldan pa'i chos dang 'thun pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma nye du ma yin pa las gos len na brjes pa ma gtogs te spang ba'i ltung byed do/ /yang dge slong gang zhes bya ba ni nye dga' 'am gzhan yang de lta bu gang yin pa'o/ /dge slong ma zhes bya ba ni chos 'di pa'o/ /nye du ma yin pa las zhes bya ba ni phyi mo dang / mes po dang / phrugs kyi bdun pa tshun chad nye du yin la de phan cad ni nye du ma yin no/ /gos shes bya ba ni gos bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos las gang yang rung ba'o/ /len na zhes bya ba ni bdag gir byed na'o/ /brjes pa ma gtogs te zhes bya ba ni brjes pa bzhag ste'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ / de la ltung bar ji ltar 'gyur zhe na/ dge slong gis dge slong ma nye du ma yin pa la nye du ma yin pa'i 'du shes kyis gos len na spang ba'i ltung byed du 'gyur ro/ /dge slong gis dge slong ma nye du ma yin pa la yid gnyis za bas gos lan na spang ba'i ltung byed du 'gyur ro/ /dge slong gis dge slong ma nye du la nye du ma yin pa'i 'du shes kyis gos len na nyes byas su 'gyur ro/ /dge slong gis dge slong ma nye du la yid gnyis za bas gos len na nyes byas su 'gyur ro/ /dge 'dun la gos 'bul ba dang / legs par smra ba la ltung ba med do/ /rdzogs par bsnyen pa byed pa dang bor rlag byung ba la ltung ba med do/ /rin gyis len pa dang / brjes pa la ltung ba med do/ /dge slong ma grags pa bsod nams che ba yin la/ des dge slong gi mdun du bzhag nas 'di skad ces 'phags pa bdag la rdzas 'di lta bu dag mchis kyis/ 'phags pas bdag la thugs brtse ba'i slad du bzhes shig ces brjod de mi ltos par song ba la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /len pa'i spang ba ste lnga pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs te/ de de dang lhan cig rtse bar byed dga' bar byed/ dga' mgur spyod par byed pa des chung ma la smras pa/ bzang mo kho bo zong thogs te yul gzhan du 'gro'o/ /rje'i sras re shig gzhon pa'i gnas skabs su rol pa dang / dgyes pa dang / dgyes mgur spyod pa mdzod la/ bgres pa'i gnas skabs su nor sgrub par mdzod cig /bzang mo ji tsam du gzhon pa'i 'byung ba chen po dag ni grang ba dang / dro ba bzod pa yin pas je nor bsgrub par bya zhing / rgas pa'i gnas skabs su bde ba spyad cing 'dug par bya'o/ /chung mas bsams pa/ bdag gis bskul bar bya ba gang yin pa de rang nyid byed do snyam nas smras pa/ rje'i sras de ltar mdzod cig /khyim bdag des chung ma de la kha zas tsam byin nas zong khyer te yul gzhan du song ngo / /de'i chung ma des bsams pa/ bdag gi khyim thab grang ba na grang bas sbrebs bzhin pa dang / tsha ba na tsha bas gdungs bzhin pa dang / bkres pa dang / skom pas gnod bzhin pa dang / /sha sbrang dang / sbrang bu dang / rlung dang / nyi ma dang / sdig sbrul gyi reg pa dag gis nyen bzhin du longs spyod dag mngon par bsgrub pa'i phyir spro bar byed/ 'bad par byed/ rtsol bar byed pa gang yin pa de dag thams cad bdag gi phyir bya'o snyam pa yin pas bdag las med par 'dug pa ni bdag gi tshul dang 'thun pa ma yin no snyam nas/ des tshongs dus su song ste ras bal bzang po blangs nas dog pa bzang po bkal te/ tha ga pa mkhas pa la ras zung bzang po 'thag tu bcug nas/ des ras de spos sna tshogs kyis bsgos te gos kyi za ma tog tu bcug ste bzhag go/ /khyim bdag des kyang don legs par grub nas khe spogs rnyed de legs par 'ongs nas chung ma des khyim bdag de khrus byas nas de la ras zung de phul lo/ /khyim bdag des bsams pa/ bdag gis 'di la kha zas tsam bzhag pa gang yin pa de dag thams cad kyis kyang ras zung 'di mi rnyed do snyam du rig nas chung ma la smras pa/ bzang mo ras zung 'di ga las rnyed/ rje'i sras je gsol cig /khyim bdag des de gyon nas yang smras pa/ bzang mo ras zung 'di ga las rnyed/ rje'i sras je bshos mnobs shig /des zan zos nas yang dris pa/ bzang mo ras zung 'di ga las rnyed/ des skabs de rgyas par brjod pa dang / khyim bdag gis smras pa/ bzang mo legs so/ /kho bo ni sgrub pa yin la/ khyod kyang 'di ltar sbed pa yin na/ bdag cag gi longs spyod dag ring po mi thogs pa kho nar 'phel zhing rgyas pa dang / yangs par 'gyur ro/ /chung mas smras pa/ rje'i sras 'di ni bdag gis dka' bas bsgrubs pa lags kyis/ khyod kyis su la yang ma stsol cig /khyim bdag de dad pa dang ldan pa/ bzang ba/ dge ba'i bsam pa can yin pas de bcom ldan 'das kyi zhabs la phyag 'tshal du rgyal byed kyi tshal du byung ste 'gro ba na mi sgo bas mthong nas des bsams pa/ khyim bdag 'di ras zung 'di lta bu gyon pa las na 'dis ni rnyed pa mang po rnyed pa yin no snyam mo/ /drug sde dag gi kun du spyod pa ni drug sde dag las gang yang rung bas rgyal byed kyi tshal gyi sgo stong par mi 'jog pas nye dga' rgyal byed kyi tshal gyi sgo na 'chag cig 'dug pa des khyim bdag de mthong nas bsams pa/ khyim bdag 'di ras zung 'di lta bu gyon pa las na 'dis ni rnyed pa mang po rnyed pa yin gyis/ gal te bdag gis 'di ma phrogs na nye dga' zhes bya ba'i ming mi gzung ngo snyam nas des de la smras pa/ khyim bdag 'ongs pa legs so/ /'ongs pa legs so/ /khyod yun ring mo ring mo nas zla ba bzhin du ga las 'khor 'khor/ 'phags pa bdag zong thogs te yul gzhan du mchis par gyur to/ /khyim bdag khyod kyis rnyed pa mang po grub bam/ 'phags pa cung zad tsam mo/ /khyim bdag mtshe'u ni rnyog ma can nam/ dad pa'i rgyu 'thun pas rig par bya ste/ khyod ras zung 'di lta bu gyon pa las na khyod kyis rnyed pa mang po grub par mngon gyis tshur shog /chos bstan par bya'o/ /drug sde dag gi kun du spyod pa ni gal te tshul khrims kyi gtam dag byed na nyan pa po dag bdag cag lha rnams su skyes so snyam du sems la/ gal te sbyin pa'i gtam byed na nyan pa po dag rang gi sha gang yin pa de yang bcad cing bcad cing sbyin par bya'o snyam du sems so/ /gal te ngan song gi gtam dag byed na nyan pa po dag bdag cag ngan song rnams su skyes so snyam du sems par 'gyur ba yin no/ /khyim bdag des nye dga'i rkang pa gnyis la phyag 'tshal te chos mnyan pa'i phyir mdun du 'dug pa dang / nye dgas de la chos bstan par brtsams nas/ des de la ci nas kyang de'i sems dad par 'gyur ba de ltar chos kyi gtam byas so/ /de dad par gyur nas smras pa/ bdag gis 'phags pa la legs par gsungs pa'i na bza' phrugs gcig 'bul lo/ /bzhin bzangs a rog khya/ sbyin pa 'dis khyod sems kyi rgyan dang / sems kyi yo byad dang / rnal 'byor gyi tshogs dang / don gyi mchog dang / lha rnams kyi gos dag thob par gyur cig /bzhin bzangs bcom ldan 'das kyis kyang 'di skad ces/ sang dag 'chi 'ang su shes kyis/ /de ring nyid du brtul te bya/ / 'chi bdag sde chen de dag ni/ /khyed cag bshes pa ma yin no zhes gsungs kyis/ bzhin bzangs khyod kyis ras zung bzang po gyon pa 'di nyid kho bo la byin cig dang / kho bos 'di las snam sbyar nyi rim byas te sems las chung ngus dge ba'i phyogs la bde bar tron bya'o/ /'phags pa khyod 'di bzhed dam/ lha'i gnas kyi lhag ma ji lta ba bzhin du'o/ /'phags pa bdag khyod la mi 'bul ba ni ma lags na/ 'di ltar 'di ni mchis brang gis bdag la stsal ba lags so/ /khyim bdag kho bos khyod gzhan la dad par byas na khyod ko bud med kho na'i dbang yin nam/ zhes nye dgas dngan dus kyi phyed kyis de'i bla gos blangs nas de lag pa gnyis 'dril bar byed/ bzhin sgyur bar byed do/ /khyim bdag gis de la smras pa/ 'phags pa 'di ci'i tha tshig khyim bdag 'di ni khyod la yongs su btang ba las byung ba'i bsod nams bya ba'i gzhi ni yod na yongs su longs spyod pa las byung ba'i bsod nams bya ba'i gzhi ni med de/ nam zhig na 'di dang 'dra ba rnyed na 'di las chos gos byed par 'gyur bas 'di chos gos kyi gdang kho na la zad par 'gyur ro/ /'phags pa ci bdag sgren mor mchi bar bgyi 'am/ khyim bdag khyod la gos gyon pas ci zhig bya/ tshul khrims dang / rigs dang / spyod pa gyon pas chog mod/ gcer bu la ngo tsha shes pa dang / khrel yod pa nyams pa de dag ni sgren mor 'gro na mi sdug pa yin gyi khyod lta bu ngo tsha shes pa dang / khrel yod pa dang ldan pa la sgren mor 'gro ba mi sdug pa ci yod/ khyim bdag khyod dor thung mi gyon nam/ 'phags pa 'tshal lo/ khyim bdag khyim bdag rnams kyi kun du spyod pa ni dor thung gyon te shing tshal thogs la/ ba lang gi phyi bzhin 'gro ba yin pas khyod kyang shing tshal thogs la ba lang gi phyi bzhin song shig dang / skye bo dag gis ba lang sur 'gro ba phyir byung ba zhig yin par shes par 'gyur ro/ /zhes nye dgas dngan dus kyi phyed kyis de'i smad g.yogs kyang blangs so/ /khyim bdag de shing tshal pa thogs te ba lang gi phyi bzhin zhugs pa dang / mi sgo bas mthong nas smras pa/ khyim bdag kho bos da ci kho na khyod chen po la 'os pa'i ras zung gyon par mthong na/ ci de dag chom rkun pa dag gis bcom 'am/ bzhin bzangs kho bo chom rkun pa dag gis ni ma bcom mod kyi/ 'di ltar btsun pa nye dgas kha'i chos kyis bcom mo/ /khyim bdag mgon med zas sbyin gyi kun du spyod pa ni nang par nang par sngar langs te 'khor lnga brgya dang lhan cig bcom ldan 'das dang / dge slong gnas brtan gnas brtan rnams kyi zhabs la phyag 'tshal du 'gro ba yin pas khyim bdag mgon med zas sbyin nang par sngar langs te 'khor lnga brgya dang lhan cig mnyan yod nas byung ste 'gro ba mi sgo bas mthong nas des smras pa/ khyim bdag khyod kyis don 'thun mang du khrid de 'ongs kyis ci nas kyang mi choms par bag gyis shig /kye nang rje rgyal byed kyi tshal dang lam gyi bar na chom rkun pa dag 'khod dam ci/ lam gyi bar na ma yin gyi rgyal byed kyi tshal nyid na 'khod do/ /kye nang rje khyod ni bal gyi rigs nag po dang 'dra ste/ sgo 'di nas bcom ldan 'das dang / dge slong gnas brtan gnas brtan dag gshegs pa gang gis kyang khyod dkar por mdzad ma spyod do/ /bcom ldan 'das dang dge slong gnas brtan rnams kyi zhabs kyi rdul ni bdag gis mgos blang ba yin na/ khar tsang gi nyin mo khyim bdag cig chen po la 'os pa'i ras zung gyon te byung ba de'i ras de nye dgas kha'i chos kyis phrogs nas khyim bdag de smod cing dor thung gis zhugs par gyur to/ / de nas khyim bdag mgon med zas sbyin 'di snyam du sems te/ de ni bdag gi bya ba yin no snyam nas rgyal byed kyi tshal du song ba dang / nye dgas mthong nas smras pa/ khyim bdag a rog khya/ khyim bdag gis smras pa/ a rog mi khya yang rung ngo / /khyim bdag khyod kho bo la sngan chad du ba 'thul na da ci me kho nar 'bar ro/ /kho bo mer mi 'bar du ji ltar rung / gzhan dag rab tu byung ba ni 'dod pa spangs pa'i phyir yin na btsun pa nye dga' ni 'dod pa mngon par spel ba'i phyir kho nar yin no/ /kho bos ci byas/ khyod kyis khyim bdag cig rgyal byed kyi tshal ltar 'ongs pa de'i ras zung dngan dus kyis phrogs nas khyim bdag de smod par mi byed dam/ nye dgas smras pa/ de ni 'jig rten na lha ni sbyin par byed la yi dags ni zlog par byed do zhes zer ba yin no/ /ci des khyod la ril pa b+h+ring ga ra thogs te phul lam/ khyim bdag gal te mi bzod na bslab pa'i gzhi 'char chug shig /ci kho bos de yal bar bor du re 'am/ de nas khyim bdag mgon med zas sbyin bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go mtha' gcig tu 'dug nas bcom ldan 'das la khyim bdag mgon med zas sbyin gyis 'di skad ces gsol to/ /btsun pa 'phags pa 'di dag khyim bdag gam khyim bdag gi mchis brang nye du ma lags pa las gos slong bar bgyid na/ kye ma bcom ldan 'das kyis gang gis 'phags pa dag khyim bdag gam/ khyim bdag gi mchis brang nye du ma lags pa las gos slong bar mi 'gyur bar 'phags pa rnams la dran par bgyi ba cung zhig bca' bar mdzad pa'i rigs so/ /bcom ldan 'das kyis khyim bdag mgon med zas sbyin la cang mi gsung bas gnang ngo / /de nas khyim bdag mgon med zas sbyin gyis bcom ldan 'das kyis cang mi gsung bas gnang bar rig nas stan las langs te/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga' khyod kyis khyim bdag gam/ khyim bdag gi chung ma nye du ma yin pa las gos bslangs pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khyim bdag gam khyim bdag gi chung ma nye du ma yin pa'i gan du song ste gos slong na spang ba'i ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' bar mdzad do// //'dul ba rnam par 'byed pa/ bam po sum bcu pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /grong phreng ba can pa'i dge slong bzhi bcu don 'thun pa dang lhan cig ljongs rgyu zhing 'dong ba na chom rkun pa dag gis bcom nas de dag 'di snyam du sems te/ bcom ldan 'das kyis yang dge slong gang khyim bdag gam khyim bdag gi chung ma nye du ma yin pa'i gan du song ste gos slong na spang ba'i ltung byed do/ /zhes bslab pa'i gzhi bca' bar mdzad pas 'di na bdag cag la nye du 'ga' yang med kyis bdag cag mnyan yod du song na der bdag cag la tshangs pa mtshungs par spyod pa rnams kyis gos dag gis bgo bsha' byed par 'gyur ro snyam nas/ de dag gis smras pa/ ci bdag cag sgren mor 'dong bar bya 'am/ mtshan mo 'gebs pas 'dong bar bya zhing nyin mo tshang tshing gi nang du zhugs te 'khod la mtshan mo lam du 'jug par bya'o zhes de dag mtshan mo 'gebs pas rgyal byed kyi tshal du dong ba dang / dge slong nam gyi cha stod dang nam gyi cha smad la mi nyal bar sbyor ba'i rjes su brtson pa dag gis de dag mthong nas smras pa/ gcer bu sgre byi dag 'di khyed kyi 'dug gnas kyang ma yin/ gtsug lag khang yang ma yin na khyed ga las 'ongs/ tshe dang ldan pa dag bdag cag ni gcer bu pa ma yin no/ /'o na khyed cag su yin dge slong dag go dge slong 'di lta bu yod dam/ gang dag chom rkun pa dag gis bcom pa dag ci 'dra ba yin khyed cag ming ci grong phreng ba can de'i dge slong bzhi bcu'o/ /tshe dang ldan pa dag 'ongs pa legs so 'ongs pa legs so zhes de dag gis de dag la la las ni snam sbyar byin la las ni bla gos byin la las ni mthang gos byin/ la las ni rngul gzan byin pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dus ma gtogs te/ de la dus ni 'di yin te/ dge slong gos phrogs sam/ gos rlag gam/ gos tshig gam/ gos rlung gis khyer ram/ gos chus khyer na de la de ni dus yin no/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la yang de dang 'thun pa dang / de'i shas che ba dang de dang ldan pa'i chos dang 'thun pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khyim bdag gam khyim bdag gi chung ma nye du ma yin pa'i gan du song ste gos slong na dus ma gtogs te spang ba'i ltung byed do/ /de la dus ni 'di yin te/ dge slong gos phrogs sam/ gos rlag gam/ gos tshig gam/ gos rlung gis khyer ram/ gos chus khyer na de la de ni dus yin no/ /yang dge slong gang zhes bya ba ni nye dga' 'am gzhan yang de lta bu gang yin pa'o/ /khyim bdag gam zhes bya ba ni skyes pa'o/ / khyim bdag gi chung ma zhes bya ba ni bud med do/ /nye du ma yin pa'i zhes bya ba ni phyi mo dang / mes po dang / phrugs kyi bdun pa tshun chad ni nye du yin la/ de phan cad ni nye du ma yin no/ /gan du song ste zhes bya ba ni drung du song ste'o/ /gos shes bya ba ni bdun po bal gos dang / sha na'i gos dang / zar ma'i gos dang / ras bal gyi gos dang / du gu la'i gos dang / ko tam pa'i gos dang / nyi 'og gi gos las gang yang rung ba'o/ slong na zhes bya ba ni slongs mo byed na'o/ /dus ma gtogs te zhes bya ba ni dus bzhag ste'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya'o/ /de la dus ni 'di yin te/ dge slong gos phrogs sam/ zhes bya ba ni 'di lta ste/ dge slong gi gos dag chom rkun pa dag gam/ g.yon can dag gis phrogs par gyur pa'o/ /gos rlag gam zhes bya ba ni 'di lta ste/ dge slong gi gos dag rlag par gyur pa 'am/ 'khyams par gyur pa'o/ /gos tshig gam zhes bya ba ni 'di lta ste/ dge slong gi gos dag mes tshig par gyur pa'o/ /gos rlung gis khyer ram zhes bya ba ni 'di lta ste/ dge slong gi gos dag rlung gis khyer bar gyur pa'o/ /gos chus khyer na zhes bya ba ni 'di lta ste/ dge slong gi gos dag chus khyer bar gyur pa'o/ /de la ltung bar ji ltar 'gyur zhe na/ rin thang dang / kha dog dang / khru tshad las te/ ji ltar rin thang las she na/ dge slong gi gos kAr ShA pa Na lnga ri ba slong bar byed cing / des kAr ShA pa Na lnga ri ba'i gos thob na de slong ba la nyes byas su 'gyur la/ thob na spang ba'i ltung byed du 'gyur ro/ /kAr ShA pa Na lnga ri ba ji lta ba de bzhin du kAr ShA pa Na bcu ri ba dang / kAr ShA pa Na bcwa lnga ri ba dang / kAr ShA pa Na nyi shu ri ba dang / kAr ShA pa Na lnga bcu ri ba'i bar gyi gos slong bar byed cing / des kAr ShA pa Na lnga bcu ri ba'i gos thob na de slong ba la nyes byas su 'gyur la/ thob na spang ba'i ltung byed du 'gyur ro/ /dge slong gis kAr ShA pa Na lnga ri ba'i gos slong bar byed cing lhag pa thob na de slong ba la nyes byas su 'gyur la/ lhag pa thob na ltung ba med do/ /kAr ShA pa Na lnga ri ba ji lta ba de bzhin du kAr ShA pa Na bcu ri ba dang / kAr ShA pa Na bcwa lnga ri ba dang / kAr ShA pa Na nyi shu ri ba dang / kAr ShA pa Na lnga bcu'i bar ri ba'i gos slong zhing lhag pa thob na de slong ba la nyes byas su 'gyur la/ lhag pa thob na ltung ba med do/ /de ltar rin thang las so/ /ji ltar kha dog las she na/ dge slong gis gos sngon po slong bar byed cing des gos sngon po thob na de slong ba la nyes byas su 'gyur la/ thob na spang ba'i ltung byed du 'gyur ro/ /sngon po ji lta ba de bzhin du ser po dang / dmar po dang / gos stug po dang / srab mo slong bar byed cing / des srab mo thob na slong ba la nyes byas su 'gyur la/ thob na spang ba'i ltung byed du 'gyur ro/ /dge slong gis gos sngon po slong bar byed pa na ser po thob na/ sngon po slong ba de la nyes byas su 'gyur la/ ser po thob pa la ltung ba med do/ /sngon po slong ba la ji lta ba de bzhin du ser po dang / dmar po dang / stug po dang / srab mo slong ba na stug po thob na/ srab mo slong ba de la nyes byas su 'gyur la/ gong ma thob pa la ltung ba med de/ de ltar kha dog las so/ /ji ltar khru tshad las she na/ dge slong gis gos khru lnga pa slong bar byed cing / des gos khru lnga pa thob na/ de slong ba la nyes byas su 'gyur la/ thob na spang ba'i ltung byed du 'gyur ro/ /khru lnga pa ji lta ba de bzhin du khru bcu pa dang / khru bcwa lnga pa dang / khru nyi shu pa dang / khru lnga bcu pa'i bar gyi gos slong bar byed cing / gos khru lnga bcu pa thob na/ de slong ba la nyes byas su 'gyur la/ thob na spang ba'i ltung byed du 'gyur ro/ /dge slong gis gos khru lnga pa slong ba na lhag pa thob na/ khru lnga pa slong ba de la nyes byas su 'gyur la/ lhag pa thob pa la ltung ba med do/ /khru lnga pa ji lta ba de bzhin du khru bcu pa dang / khru bcwa lnga pa dang / khru nyi shu pa dang / khru lnga bcu pa'i bar gyi gos slong bar byed pa na lhag pa thob na gos khru lnga bcu pa slong bar byed pa de la nyes byas su 'gyur la/ lhag pa thob pa la ltung ba med de/ de ltar khru tshad las so/ /ras ma slong ba na kha tshar thob pa dang / kha tshar slong ba na ras ma thob pa dang / ras ma slong ba na ras yug chen dang / ras yug phran thob pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /slong ba'i spang ba ste drug pa rdzogs s+ho// sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / nye dga' la blo skyes pa/ 'di dag thams cad khyim bdag mgon med zas sbyin gyis bslab pa'i gzhi dag gis bsdams pas phyin cad gang nas kyang bca' ba'i rin tsam yang bslang bar mi nus na/ 'di ltar bcom ldan 'das kyis grong phreng ba can pa'i dge slong bzhi bcu la brten nas bslab pa'i gzhi bag yangs su mdzad pa yod pas bdag gis grong phreng ba can pa'i dge slong bzhi bcu po dag sngon du btang ste rnyed pa bsgrub par bya'o snyam nas/ de grong phreng ba can pa'i dge slong bzhi bcu po dag ga la ba der song ba dang / ji tsam na grong phreng ba can pa'i dge slong bzhi bcu po dag rnyang rnying dag 'tshem zhing 'khod pa mthong nas/ des de dag la smras pa/ tshe dang ldan pa dag bdag gis gzhan thos la gzhan mthong ste/ bdag ko grong phreng ba can pa'i dge slong bzhi bcu po dag bsam gtan dang / rnam par thar pa dang / ting nge 'dzin dang / snyoms par 'jug pa'i bde ba dag nyams su myong bar byed cing 'dug par sems kyi/ bdag tshe dang ldan pa dag 'di ltar rnyang rnying dag 'tshem zhing 'khod par ni mi sems so/ /gnas brtan bdag cag chom rkun pa dag gis bcom mo/ /kye ma ma legs so/ / ma legs so/ /gnas brtan su'i mya ngan byed/ ci kho bo cag gi 'am/ ma yin te gang dag gis khyed cag bcom pa'i ma byin par len pa de dag sgren mo kho nar skye bar 'gyur zhing / sgren mo kho nar dus byed par 'gyur bas de dag gi mya ngan byed do/ /tshe dang ldan pa dag khyed ci'i phyir gos dag mi slong / gnas brtan su zhig sangs rgyas dang / chos dang / dge 'dun spangs te kho bo cag la sbyin pa dang bya bar sems par 'gyur/ tshe dang ldan pa dag khyed cag bcom ldan 'das kyis mdo sde'i mtha' de dang de dag tu nges par bstod pa dang / bkur ba dang / bsngags pa dang / rab tu bsngags pa dag ma yin nam/ gnas brtan kho bo cag gis su la bslang ba yang mi shes so/ /tshe dang ldan pa dag dge slong rab tu shes pa gang gis khyed kyis gos dag slong bar 'gyur ba 'ga' zhig la ci'i phyir mi bcol/ gnas brtan dge slong rab tu shes pa su zhig bdag nyid kyi dge ba'i phyogs yongs su nyams par byas te kho bo cag gi don du gos dag slong bar 'gyur/ tshe dang ldan pa dag re shig kho bo bdag nyid dang bcu pa la yang thabs yod la/ gzhan yang kho bo cag mi drug re re yang bdag nyid dang bcu pa yin pas kho bo cag mi drug bcu la yang thabs yod do/ /gzhan yang gal te khyed cag la mi gnod na kho bo cag kyang gzhon nu dag gi don du ras yug phran dang / ras yug chen slong bar byed do/ /gnas brtan de la kho bo cag la gnod pa ci yod/ re shig re res kyang chos gos gsum gsum slong la rag go/ /tshe dang ldan pa dag kho bo cag gis bsod snyoms la rgyu ba dang / gos dag bslang ba gnyis ka mi nus kyis/ 'di ltar gang gi tshe phyi rol du zas la bos pa de'i tshe bslang bar bya'o zhes nye dga' gtsug lag khang gi phyi rol du rkang pa bkrus nas gtsug lag khang gi nang du zhugs te 'dug nas des bsams pa/ thabs ci zhig byas na des mnyan yod thams cad chub par 'gyur snyam nas des yang bsams pa/ rje dang po kho nar dbul po'i srang du 'gro bar bya zhing de'i 'og tu phyug po'i srang du 'gro bar bya/ de'i 'og tu ko sa lar byung ba'i rgyal po gsal rgyal gyi pho brang dang btsun mo rgyal rigs dbyar tshul ma'i khyim dang / btsun mo phreng ldan ma'i khyim dang / khyim bdag mgon med zas sbyin gyi khyim dang / bla mkhyen drang srong byin dang / rnying pa gnyis kyi khyim dang / dge bsnyen ma ri dgas 'dzin gyi ma sa ga'i khyim dang / dge bsnyen ma khyim bdag gi chung ma legs skyes kyi khyim dag tu 'gro bar bya'o snyam mo/ /de'i tshe na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas nye dgas gzhon nu rnams la smras pa/ tshe dang ldan pa dag gal te khyed cag la las su bsgo ba dag 'ong bar gyur na/ khyed cag gis mi gnod par 'di skad ces bdag cag la mkhan po dang / slob dpon dag gi bya ba cung zhig yod do zhes brjod par bya'o/ /nye dgas phyi de nyin par gzhon nu zhig grong phreng ba can pa'i dge slong bzhi bcu po dag gi gan du btang ste chos gos dag bslang gis tshur sheg shig ces spring ngo / /gzhon nu de der song ba dang / ji tsam na de dag snyoms par zhugs pa mthong nas des bsams pa/ snying rje med pa'i snying dang ldan pa 'jig rten pha rol btang ba su zhig 'di dag ting nge 'dzin las slong bar 'gyur snyam nas de nye dga'i gan du song ste smras pa/ slob dpon de dag snyoms par zhugs shing mchis pas sus kyang de dag ting nge 'dzin de las slong bar mi nus so/ /nye dgas smras pa/ bkren pa khyod brtson 'grus 'di lta bus zag pa zad pa mngon sum du byed par 'gyur ram/ nye dga' rang nyid 'gro'o zhes de song nas dpong sa'i khang par sgo glegs la rting bas brdabs pa dang / dpong sa'i khang pa thams cad 'gul nas de dag ting nge 'dzin de las langs nas smras pa/ tshe dang ldan pa dge slong bzhi bcu po dag chos gos gsum bslang bar bya na khyed cag snying las chung ngur 'khod dam/ tshur sheg 'dong ngo / /gnas brtan je so shing bor nas 'dong ngo / /tshur sheg lam ka nyid du 'or cig /de dag 'phags pa dang nye dgas smras pa/ tshe dang ldan pa dag kho bo cag drug sde dag ni bya rog dkar po dang 'dra bas kho bo cag gis rgan rims bzhin du 'khod par mi bya bar bar bar du rgan pa dag gis 'khod par bya'o/ /de dag dbul po'i srang du dong nas dngar kha byas te bsdad pa dang / de dag gis de dag mthong nas nyam nga bar gyur te smras pa/ 'phags pa dag nyes dmigs 'ga' zhig ma byung ngam/ bzhin bzangs dag nyes dmigs byung ngo / /ci nongs khyod kyis grong phreng ba can pa'i dge slong bzhi bcu po gang dag bcom ldan 'das kyis mdo sde'i mtha' de dang de dag tu bstod pa/ bkur ba/ bsngags pa/ rab tu bsngags pa de dag thos sam/ thos so/ /de dag chom rkun pa dag gis bcom mo/ /de dag gis smras pa/ shes ldan dag mda' gzhu long shig /phub dang / dbyug pa dag long shig /chom rkun pa dag 'dzin du 'dong ngo / /drug sde dag gis smras pa/ de dag bcom nas yun ring du lon zhing yul 'khor gzhan du bcom par gyur to/ /'o na ji ltar bgyi/ de dag la gos dag byin cig /de dag gis de dag la gos sar pa dang rnying pa dag byin no/ /de dag gis gos de dag khur du drags te gzhon nu dag la gtad nas smras pa/ deng la 'di dag gtsug lag khang du skyol cig /gzhon nu dag gis de dag khyer te gtsug lag khang du dong ba dang / de dag phyug po'i srang du dong nas/ dngar kha byas te bsdad pa dang / de dag nyam nga bar gyur te smras pa/ 'phags pa dag nyes dmigs 'ga' zhig ma byung ngam/ nyes dmigs byung ngo / /ci nongs/ khyed kyis grong phreng ba can pa'i dge slong bzhi bcu po gang dag bcom ldan 'das kyis mdo sde'i mtha' de dang de dag tu bstod pa/ bkur ba/ bsngags pa/ rab tu bsngags pa/ de dag thos sam/ thos so/ /de dag chom rkun pa dag gis bcom mo/ /de dag gis smras pa/ shes ldan dag mda' gzhu long shig /phub dang / dbyug pa dag long shig /chom rkun pa dag 'dzin du 'dong ngo / /drug sde dag gis smras pa/ de dag bcom nas yun ring du lon cing yul 'khor gzhan du bcom par gyur to/ /'o na ji ltar bgyi/ de dag la gos dag byin cig / de dag gis de dag la chen po la 'os pa'i gos dag byin to/ /drug sde dag gis gos de dag khur du drags te gzhon nu dag la gtad nas smras pa/ deng la 'di dag gtsug lag khang du skyol cig /de dag gis gos dag khyer te gtsug lag khang du dong ba dang / de dag ko sa lar byung ba'i rgyal po gsal rgyal gyi pho brang du dong nas dngar kha byas te bsdad pa dang / ko sa lar byung ba'i rgyal po gsal rgyal gyis de dag mthong nas/ nyam nga bar gyur te smras pa/ 'phags pa dag nyes dmigs 'ga' zhig ma byung ngam/ lha nyes dmigs byung ngo / /ci nongs/ lhas grong khyer phreng ba can pa'i dge slong bzhi bcu po gang dag bcom ldan 'das kyis mdo sde'i mtha' de dang de dag tu bstod pa bkur ba/ bsngags pa/ rab tu bsngags pa de dag gsan tam/ thos so/ /de dag chom rkun pa dag gis bcom mo/ /rgyal pos dmag dpon 'phags skyes po la bsgo ba/ song la myur du chom rkun pa dag dang / rkun rdzas dag khug shig /drug sde dag gis smras pa/ lha de dag ni bcom nas yun ring du lon cing yul 'khor gzhan du bcom par gyur to/ /'o na ji ltar bya/ lha de dag la gos dag stsol cig /rgyal pos dge slong re re la yo byad bcu gsum bcu gsum byin no/ /drug sde dag gis gos de dag khur du drags te gzhon nu rnams la gtad nas smras pa/ deng la 'di dag gtsug lag khang du skyol cig /de dag gis gos de dag khyer te gtsug lag khang du dong ba dang / grong phreng ba can pa'i dge slong bzhi bcu po dag gis smras pa/ gnas brtan dag da chog gis thong shig /drug sde dag gis smras pa/ tshe dang ldan pa dag ha cang brtabs mangs shig /khyed la kho bo cag gis dang po nyid nas tshe dang ldan pa dag gal te khyed la mi gnod na kho bo cag kyang gzhon nu dag gi don du ras yug phran dang / ras yug chen dag slong ngo zhes ma smras sam/ de dag dge slong dbang che bar grags pas bsgo bas cang mi smras bar 'khor do/ /de dag btsun mo rgyal rigs dbyar tshul ma'i khyim dang / btsun mo phreng ldan ma'i khyim dang / khyim bdag mgon med zas sbyin gyi khyim dang / bla mkhyen drang srong khyim dang / rnying pa gnyis kyi khyim dang / dge bsnyen ma ri dgas 'dzin gyi ma sa ga'i khyim dang / dge bsnyen ma khyim bdag gi chung ma legs skyes kyi khyim du mthar gyis dong ste sngar bstan pa skad brjod pa dang / de dag gis kyang dge slong re re la yo byad bcu gsum bcu gsum byin no/ /de nas drug sde dag gis smras pa/ tshe dang ldan pa dag gal te dge slong brgya gral du ma bkod na gral stongs par 'gyur gyis deng la gral du bkod cig /ma nyes te bdag cag kyang bsod snyoms blangs te 'ong ngo / /drug sde dag gis gtsug lag khang du dong ste rnyang rnying dag las bzhi bcu phung por byas te bzhag go/ /dge slong bzhi bcu po dag zas kyi bya ba byas te 'ongs pa dang / drug sde dag gis lhan cig gnas pa dang / nye gnas dag la smras pa/ tshe dang ldan pa dag tshur sheg don nyung ngu dag bos shig /de dag gis de dag bos pa dang / drug sde dag gis smras pa/ tshe dang ldan pa dag ci kho bo cag khyed kyi gos srung ba yin nam/ rang gi gos dag long shig /dge slong bzhi bcu po dag gis phan tshun gdong du blta bar brtsams pa dang / drug ste dag gis smras pa/ tshe dang ldan pa dag ci'i phyir phan tshun gdong du lta/ gnas brtan dag thams cad rnyang rnying sha stag yin no/ /tshe dang ldan pa dag 'di dag mdud pa 'or cig dang snam sbyar yin no/ /'di dag ni drubs shig dang bla gos yin no/ /'di dag ni drubs shig dang mthang gos yin no/ /'di dag ni drubs shig dang rngul zan yin no/ /gal te mi dga' na 'dong dang yang bslang bar bya'o/ /kye ma'o gnas brtan dag 'di dag nyid kyang ma bslangs kyang rung ngo / /de dag gis rnyang rnying de dag khyer te dgon par dong nas 'tshem zhing 'khod do/ /thams cad du sgra grags pa/ grong phreng ba can pa'i dge slong bzhi bcu po dag re res kyang yo byad bcu gsum bdun bdun rnyed do zhes grags go/ /de dag dge slong rnams kyis mthong nas smras pa/ tshe dang ldan pa dag bdag cag gis gzhan thos la gzhan mthong ste/ bdag cag gis grong phreng ba can pa'i dge slong bzhi bcu po dag re res kyang yo byad bcu gsum bdun bdun rnyed do zhes thos na/ tshe dang ldan pa dag ko rnyang rnying dag 'tshem zhing 'khod do/ /de dag gis smras pa/ khyed cag gis lta kho bo cag rang rang phrag pa dag gis kyang khyer zhes kyang thos so zhes zer ba'i skabs de dge slong rnams la brjod nas dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis grong phreng ba can pa'i dge slong bzhi bcu po dag la rmas pa/ dge slong dag khyed len pa'i drod mi shes pa bden nam/ btsun pa mad do/ /sangs rgyas bcom ldan 'das kyis mi brtson pa dang / mi sbyor ba dang / ma brtags par spyod pa rnam par smad pa mdzad do/ /de nas bcom ldan 'das kyis brtson pa dang / sbyor ba dang / brtags te spyod pa'i bsngags pa brjod nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gos phrogs sam/ gos rlag gam/ gos tshig gam/ gos rlung gis khyer ram/ gos chus khyer na khyim bdag gam/ khyim bdag gi chung ma nye du ma yin pa'i gan du song la gos bslang bar bya'o/ /gal te de la bram ze 'am/ khyim bdag dad pa can zhig gis dus kyis gos mang po stobs par 'dod na dge slong des de las gos stod g.yogs smad g.yogs dang bcas pa'i mthar thug par blang bar bya'o/ /de las lhag par len na spang ba'i ltung byed do/ /dge slong zhes bya ba ni chos 'di pa'o/ /gos phrogs sam zhes bya ba ni 'di lta ste/ dge slong gi gos dag chom rkun pa dag gam/ g.yon can dag gis phrogs par gyur pa'o/ /gos rlag gam zhes bya ba ni 'di lta ste/ dge slong gi gos dag rlag gam 'khyams par gyur pa'o/ / gos tshig gam zhes bya ba ni 'di lta ste/ dge slong gi gos dag mes tshig par gyur pa'o/ /gos rlung gis khyer ram zhes bya ba ni 'di lta ste/ dge slong gi gos dag rlung gis khyer bar gyur pa'o/ /gos chus khyer na zhes bya ba ni 'di lta ste/ dge slong gi gos dag chus khyer bar gyur pa'o/ /khyim bdag ces bya ba ni skyes pa'o/ /khyim bdag gi chung ma zhes bya ba ni bud med do/ /nye du ma yin pa zhes bya ba ni phyi mo dang / mes po dang / phrugs kyi bdun pa tshun chad nye du yin la/ de phan cad ni nye du ma yin no/ /gan du song la zhes bya ba ni gan du song ste'o/ /gos shes bya ba ni bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos las gang yang rung ba'o/ /bslang bar bya'o zhes bya ba ni slongs mo bya ba'o/ /'dod na zhes bya ba ni gal te don du gnyer na'o/ /gos stod g.yogs smad g.yogs dang bcas pa'i mthar thug pa blang bar bya'o zhes bya ba ni stod g.yogs smad g.yogs dang bcas pa ni gnyis te/ dge slong gi stod g.yogs smad g.yogs dang bcas pa dang / khyim pa'i stod g.yogs smad g.yogs dang bcas pa'o/ /dge slong gi stod g.yogs smad g.yogs dang bcas pa ni sar pa las snam sbyar nyi rim dang / ras yug phran khru lnga pa dang do pa'o/ /khyim pa'i stod g.yogs smad g.yogs dang bcas pa ni ras yug chen khru bcu gnyis pa dang / ras yug phran khru bdun pa dang do pa'o/ /de las lhag pa len na zhes bya ba ni de las gong ma'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ste/ des na spang ba'i ltung byed do zhes gsungs so/ /de la ltung ba ji ltar 'gyur zhe na/ dge slong khyim pa'i stod g.yogs smad g.yogs dang bcas pa slong bas khyim pa'i stod g.yogs smad g.yogs dang bcas pa thob pa na lhag pa slong na de slong ba la nyes byas su 'gyur la/ thob na spang ba'i ltung byed du 'gyur ro/ /dge slong gi stod g.yogs smad g.yogs dang bcas pa slong bas dge slong gi stod g.yogs smad g.yogs dang bcas pa thob pa na/ lhag pa slong na de slong ba la nyes byas su 'gyur la/ thob na spang ba'i ltung byed du 'gyur ro/ /dge slong khyim pa'i stod g.yogs smad g.yogs dang bcas pa slong bas khyim pa'i stod g.yogs smad g.yogs dang bcas pa thob pa na/ gal te chung na yang bslang bar mi bya la/ lhag na yang sbyin par mi bya'o/ /dge slong dge slong gi stod g.yogs smad g.yogs dang bcas pa slong bas dge slong gi stod g.yogs smad g.yogs dang bcas pa thob pa na/ gal te chung na bslang bar bya la lhag na yang sbyin par bya'o/ /de ltar na dge slong gis khyim pa'i stod g.yogs smad g.yogs dang bcas pa las lhag pa slong ba dang / dge slong gi stod g.yogs smad g.yogs dang bcas pa las lhag par sbyin par mi byed na thams cad du spang ba'i ltung byed du 'gyur ro/ /dge slong gis gos spang bar gyur na de ma spangs shing bral bar ma byas la/ ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ /dge slong gi gos spang bar gyur na de spangs shing bral bar ma byas la/ ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ /dge slong gi gos spang bar gyur na de spangs shing bral bar byas la/ ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ / dge slong gi gos spang bar gyur na/ de spangs shing bral bar byas la ltung ba bshags nas gzhan zhig rnyed na de la ni ltung ba med do/ /de bzhin du dge slong gis ji tsam du spang ba'i dngos po de nyid kyis ma bshags shing so sor ma bshags par lhung bzed dam/ chos gos sam/ dra ba 'am/ phor bu 'am/ ska rags sam/ dge sbyong gi 'tsho ba'i yo byad gang yang rung ba nye bar 'jog par byed na de yang snga ma'i rgyud kyis spang bar 'gyur ro/ /las dang po dang / smyos pa dang / sems 'khrugs pa dang / tshor ba dag gis nyen pa la ltung ba med do/ /slong bar rigs pa'i spang ba ste bdun pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs te/ de dang lhan cig rtse bar byed/ dga' bar byed/ dga' mgur spyod par byed do/ /khyim bdag de gzhan gyi chung ma la chags par gyur nas de la chung mas rje'i sras de ltar ma mdzad cig ces phyir bzlog na ji tsam du de phyir bzlog kyang phyir ma log pa de tsam du de'i chung ma de yang skyes pa gzhan dag dang lhan cig 'khrul ba rtsom par byed do/ /khyim bdag de yang bud med gzhan dag la sbyin par byed la/ chung ma de yang skyes pa gzhan dag la sbyin par byed pas de ltar khyim de gnyis ka nas rgud par gyur nas de gnyis la bu mo mngag gzhug ma zhig yod nas khyim bdag des bu mo de la 'dis khyim rgud par byas so zhes khu tshur dang thal lcag dag gis rdeg par byed do/ /bu mo des smras pa/ bdag gis khyim rgud par gyur pa 'di ci las gyur pa 'tshal mod kyi/ 'on kyang bdag gis ji ltar rje dag la bsngags pa ma lags pa brjod par bgyir rung / nye dgas de tshor nas khyim bdag de dang khyim bdag gi chung ma de'i gan du song ste/ ci nas kyang de gnyis skyabs su 'gro ba dang bslab pa'i gzhi dag la gnas par 'gyur ba de lta de ltar tshul khrims kyi bsngags pa brjod cing tshul khrims 'chal ba'i bsngags pa ma yin pa brjod nas/ des de gnyis skyabs su 'gro ba dang bslab pa'i gzhi dag la gnas par byas so/ /khyim bdag de gtum pa/ brtun ngas pa/ drag shul che ba yin pas yang bu mo de la brdeg par brtsams pa dang / chung mas de la smras pa/ rje'i sras gang gi tshe bdag cag las dang las kyi rnam par smin pa mi mkhyen pa de'i tshe go rdeg par mdzad mod/ da bdag cag dge ba'i bshes gnyen 'phags pa nye dga' la brten nas las dang las kyi rnam par smin pa mkhyen pas 'di ltar 'jig rten ni rang gi las kyi 'bras bu la spyod pa lags pas su zhig su'i bran lags/ bu mo 'di la rdeg par ma mdzad cig /bzang mo khyod zer ba ma nyes so/ /bu mo tshur shog /khrus gyis la shog shig /bu mo de khrus byas te 'ongs pa dang des de la gos phrugs cig bskon nas smras pa/ bu mo dga' zhing las byos shig /bu mo des bsams pa/ khyim bdag khyo shug 'di sngon gtum pa/ brtun ngas pa/ drag shul che ba yin te/ yang dang yang du bdag la khu tshur dang / thal lcag dag gis rdeg par byed cing / zas dang gos ngan pa dag sbyin par byed na/ da 'di bdag gi pha ma dang 'dra bar gyur to snyam nas/ yang bsams pa/ gang tshun chad nas 'phags pa nye dga' khyim du 'jug par brtsams pa de tshun chad nas khyim bdag 'di pha ma dang 'dra bar gyur pas bdag gis 'phags pa nye dga' la ci zhig gi dga' bar bya snyam nas des bsams pa/ gal te bdag gis 'di la cung zhig brkus te dbul du ni khyim bdag 'dis bdag brdeg btsog mang po byas te sngon gyi gnas su bzhag par 'gyur ro snyam nas de sdod cing 'dug go/ /khyim bdag gi chung ma des khyim bdag de la smras pa/ rje'i sras mkhyen par mdzod cig /'phags pa nye dga' ni bdag cag gi dge ba'i bshes gnyen lags te/ 'phags pa nye dgas bdag cag las dri ma can dang phral nas skyabs su 'gro ba dang bslab pa'i gzhi dag la bkod de/ yang dang yang du bdag cag la chos kyis sdud par byed pas bdag cag gis kyang de la zang zing cung zad kyis bsdu bar bgyi'o/ /bzang mo de bzhin bya'o/ /ci zhig bgyi/ de la ras yug chen cig dbul bar bya'o/ /bu mo des de thos nas bsams pa/ bdag gis 'phags pa nye dga' la dga' ba de sbran par bya'o snyam mo/ /nye dga' yang snga dro sham thabs bgos lhung bzed dang chos gos thogs te mnyan yod du bsod snyoms la zhugs te mthar gyis bsod snyoms la rgyu ba na khyim der zhugs pa dang / bu mo des khyim legs par byugs shing phyag dar bor nas des nye dga' mthong ba dang rkang pa gnyis la phyag 'tshal te smras pa/ bdag gis 'phags pa nye dga' la dgyes pa sbran par bgyi'o/ /khyim bdag 'di khyod la ras yug chen 'bul bar 'gyur ro/ /nye dgas bsams pa/ sa'i steng na 'dod pa'i bdag nyid can gang ji snyed pa de dag dang bdag mnyam par deng bu mo 'dis kyang 'phrigs so snyam nas des gshe ste smras pa/ bu mo gal te bden par gyur na ni ngas khyod la gshe ba dag la chugs ma bya'o/ /ji ste brdzun par gyur na ni brdeg btsog mang po byed du bcug ste sngon gyi gnas ji lta bar gzhag par bya'o/ /'phags pa spyo ba mang du mdzad na bzhud cig dang khyod nyid kyis mkhyen par 'gyur ro/ /de bzhud nas stan bshams pa nyid la 'dug pa dang / khyim bdag de chung ma dang bcas pas rkang pa la phyag 'tshal te stan ches dma' ba blangs nas chos mnyan pa'i phyir mdun du 'dug go/ /nye dgas smras pa/ khyim bdag kho bo la bskon par bya ba'i ras yug chen gang yin pa de blta'o/ /de gnyis kyis phan tshun gdong du blta bar brtsams te 'di skad ces smras so/ /'phags pa bdag cag gis gsang ste smras pa de 'phags pa la sus bgyis/ ci 'phags pas gzhan gyi sems kyang mkhyen nam/ nye dgas smras pa/ kho bo lhung bzed du zos shing so lhags pa dang / skra dkar por gyur pa yin na kho bo la de tsam yang mi srid dam/ khyim bdag des ras yug chen de blangs te nye dga' la phul ba dang / nye dgas ras yug chen de mthong nas lag pa gnyis 'dril bar byed/ bzhin sgyur bar byed do/ /khyim bdag gis smras pa/ 'phags pa ci'i slad du phyag gnyis 'dril bar mdzad zhal sgyur bar mdzad/ nye dgas smras pa/ khyim bdag 'di ni khyod la yongs su btang ba las byung ba'i bsod nams ni yod na yongs su longs spyad pa las byung ba'i bsod nams ni med de/ ras yug chen 'di ni mchil lham phyi ba 'am/ skar khung klan par rung ste/ 'di ni chos gos kyi gdong la yongs su zad pa dang mthar thug par 'gyur ro/ /'o na ji ltar bgyi/ ras yug chen bzang po gzhan byin cig /ras yug chen gzhan ma mchis so/ /tshongs 'dus nas nyos te byin cig rin ma mchis so/ /dus thob la byin cig /khyim bdag des chung ma'i gdong du blta bar brtsams pa dang / chung mas smras pa/ rje'i sras bdag cag la 'phags pa nye dgas phan btags kyis ras yug chen mjol la de la phul cig /khyim bdag de nye dga' dang lhan cig srang du song nas/ tshong khang du phyin pa dang / nye dgas bsams pa/ tshong pa 'di nga rgyal bskyed par bya ste/ des na ras yug chen bzang po ster bar 'gyur ro/ /snyam nas nye dgas khyim bdag la smras pa/ khyim bdag tshong pa 'di ni gcam bu zhig yin pas 'di la ras yug chen bzang po med kyis gzhan du 'dong ngo / /tshong pa des de thos nas des chen po la 'os pa'i ras yug chen bstan te smras pa/ 'phags pa ras yug chen la gzigs/ ras yug chen 'di ni bzang na 'di rin ji tsam 'di dang 'di tsam mo/ /khyim bdag 'di mjal lo/ /khyim bdag mjal lam mjal lo/ /dus ji tsam na/ dus 'di tsam na'o/ /tshong pa des khyim bdag de la ras yug chen de byin nas khyim bdag des nye dga' la phul ba dang / nye dga' khyim bdag a rog khya zhes smras nas/ khyod sbyin pa 'dis sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi gos dag thob par gyur cig ces smras te song ngo / /khyim bdag de longs spyod srabs nas/ des rin de dus de tsam gyis 'bul bar ma nus nas/ tshong pa des khyim bdag de nyi ma la btags pa dang de chung po grogs dag gis mthong nas smras pa/ ci khyod zhun mar 'thungs sam/ 'on te rims kyis btab/ bu lon pas bzung ste 'dug go/ /khyod kyi phas kyang bu lon pa yod par ma byas/ mes po dag gis kyang ma byas na bu lon pa ga las byung / des smras pa/ gang dag shAkya'i bu'i dge sbyong dag la dad par byed pa de dag 'di ltar 'gyur te/ 'di ltar gang byin pa de mi len par lhag par slong bar byed do zhes zer ba'i skabs de dge slong rnams kyis bcom ldan 'das la gsol to/ / de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga' khyod gang byin pas mi mgu zhing lhag pa slong ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gi phyir khyim bdag gam khyim bdag gi chung ma nye du ma yin pas gos kyi rin dag spags nas bdag gi gos kyi rin 'di dag gis gos 'di dang 'di lta bu zhig nyos la dge slong ming 'di zhes bya ba 'ongs pa dang de la gos rung ba dus su bskon no snyam pa las/ de na gal te dge slong de la sngar ma bstabs par rnam par rtog pa 'ga' zhig byung ste/ bzang po 'dod pa'i phyir khyim bdag gam/ khyim bdag gi chung ma nye du ma yin pa de'i gan du song nas 'di skad ces tshe dang ldan pas bdag gi phyir gos kyi rin gang dag spags pa'i gos kyi rin de dag gis tshe dang ldan pa gos 'di dang 'di lta bu zhig nyos la bdag la gos rung ba dus su legs par bskon cig ces smras te gos grub na spang ba'i ltung byed do/ /dge slong gi phyir zhes bya ba ni shAkya'i bu nye dga' 'am/ gzhan yang de lta bu gang yin pa'o/ /khyim bdag gam zhes bya ba ni skyes pa'o/ /khyim bdag gi chung ma zhes bya ba ni bud med do/ /nye du ma yin pas shes bya ba ni phyi mo dang / mes po dang / phrugs kyi bdun pa tshun chad ni nye du yin la/ de phan chad ni nye du ma yin no/ /gos kyi rin dag ces bya ba ni gser ram dngul lo/ /gos 'di dang 'di lta bu zhig ces bya ba ni bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos las gang yang rung ba'o/ /nyos la zhes bya ba ni nyos te'o/ / dge slong ming 'di zhes bya ba 'ong / dang zhes bya ba ni shAkya'i bu nye dga'os pa de la gos rung ba dus su bskon no snyam pa las shes bya ba ni longs spyad par bzod pa'o/ /de ni gal te dge slong de la sngar ma bstabs par zhes bya ba ni sngar 'gron du ma bos par ro/ /rnam par rtog pa 'ga' zhig byung ste zhes bya ba ni bsnyen bkur byed pa zhig byung ste'o/ /bzang po 'dod pa'i phyir zhes bya ba ni rab dang mchog gi phyir ro/ /khyim bdag gam khyim bdag gi chung ma nye du ma yin pa de'i gan du song nas zhes bya ba ni drung du song nas so/ /gos grub na zhes bya ba ni gos thob na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na/ rin thang dang / kha dog dang / khru tshad las te/ ji ltar rin thang las she na/ dge slong gis kAr shA pa Na lnga ri ba'i gos thob pa na de de las lhag par slong na/ lhag pa slong ba de la nyes byas su 'gyur la/ thob na spang ba'i ltung byed du 'gyur ro/ /snga ma la ni ltung ba med do/ /kAr shA pa Na lnga ri ba ji lta ba bzhin du kAr shA pa Na bcu ri ba dang / kAr shA pa Na nyi shu ri ba dang kAr shA pa Na lnga bcu ri ba'i bar gyi gos thob pa na/ de de las lhag pa slong na/ lhag pa slong ba de la nyes byas su 'gyur la/ thob na spang ba'i ltung byed du 'gyur ro/ /snga ma la ni ltung ba med de de ltar rin thang las so/ /ji ltar kha dog las she na/ dge slong gis gos sngon po thob pa na de de las lhag par slong na/ lhag pa slong ba de la nyes byas su 'gyur la/ thob na spang ba'i ltung byed du 'gyur ro/ /snga ma la ni ltung ba med do/ /sngon po ji lta ba bzhin du ser po dang / dmar po dang / stug po dang / srab mo thob na de de las lhag pa slong ba na/ lhag pa slong ba de la nyes byas su 'gyur la/ thob na spang ba'i ltung byed du 'gyur ro/ /snga ma la ni ltung ba med do/ de ltar kha dog las so/ /ji ltar khru tshad las she na/ dge slong gis gos khru lnga pa thob pa na de de las lhag pa slong na/ lhag pa slong ba de la nyes byas su 'gyur la/ thob na spang ba'i ltung byed du 'gyur ro/ /snga ma la ni ltung ba med do/ /khru lnga pa ji lta ba de bzhin du khru bcu pa dang / khru nyi shu pa dang / khru lnga bcu pa'i bar gyi gos thob na de de las lhag pa slong na/ lhag pa slong ba de la nyes byas su 'gyur la/ thob na spang ba'i ltung byed du 'gyur te/ de ltar khru tshad las so/ /dge slong gi gos spang bar gyur na de ma spangs shing bral bar ma byas la ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ /dge slong gi gos spang bar gyur na de spangs shing bral bar ma byas la ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ /dge slong gi gos spang bar gyur na de spangs shing bral bar byas la ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ /dge slong gi gos spang bar gyur na de spangs shing bral bar byas la ltung ba bshags nas gzhan zhig rnyed na de la ltung ba med do/ /de bzhin du dge slong gi gos spang bar gyur na ji srid du dngos po de ma bshags shing so sor ma bshags par lhung bzed dam/ chos gos sam/ dra ba 'am/ phor bu 'am/ ska rags sam/ dge sbyong gi 'tsho ba'i yo byad gang yang rung ba nye bar 'jog na de yang snga ma'i rgyud kyis spang bar 'gyur ro/ /kha tshar slong ba na lhan pa thob pa dang / lhan pa slong ba na ras yug phran nam ras yug chen thob pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /spags pa las lhag pa slong ba'i spang ba ste brgyad pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /khyim bdag de gzhan gyi chung ma la chags par gyur nas de la chung mas rje'i sras de ltar ma mdzad cig ces phyir bzlog na/ ji tsam du de phyir bzlog kyang phyir ma log pa de tsam du de'i chung ma de yang skyes pa gzhan dag dang lhan cig 'phrul brtsom par byed do/ /khyim bdag de yang bud med gzhan dag la sbyin par byed la/ chung ma de yang skyes pa gzhan dag la sbyin par byed pas de ltar khyim de gnyis ka nas rgud par gyur nas/ de gnyis la bu mo mngag gzhug ma zhig yod nas khyim bdag des bu mo de la 'dis khyim rgud par byas so zhes khu tshur dang thal lcag dag gis brdeg par byed do/ /bu mos smras pa/ bdag gis khyim rgud par gyur pa 'di ci las gyur pa 'tshal mod kyi/ 'on kyang bdag gis ji ltar rje dag la bsngags pa ma lags pa brjod par bgyir rung / nye dgas de tshor nas khyim bdag dang / khyim bdag gi chung ma de'i gan du song ste/ ci nas kyang de gnyis skyabs su 'gro ba dang / bslab pa'i gzhi dag la gnas par 'gyur ba de lta de ltar tshul khrims kyi bsngags pa brjod cing / tshul khrims 'chal ba'i bsngags pa ma yin pa brjod nas/ des de gnyis skyabs su 'gro ba dang / bslab pa'i gzhi dag la gnas par byas so/ /khyim bdag de gtum pa / brtun ngas pa/ drag shul che ba yin pas yang bu mo de la brdeg par brtsams pa dang / chung mas de la smras pa/ rje'i sras gang gi tshe bdag cag las dang las kyi rnam par smin pa mi mkhyen pa de'i tshe go rdeg par mdzad mod/ da bdag cag dge ba'i bshes gnyen 'phags pa nye dga' la brten nas las dang las kyi rnam par smin pa mkhyen pas 'di ltar 'jig rten ni rang gi las kyi 'bras bu la spyod pa lags pas su zhig su'i bran lags/ bran mo 'di la rdeg par ma mdzad cig /bzang mo khyod zer ba ma nyes so/ /bu mo tshur shog khrus gyis la shog shig /bu mo des khrus byas te 'ongs pa dang / des de la gos phrugs cig bskon nas smras pa/ bu mo dga' zhing las byos shig /bu mo des bsams pa/ khyim bdag khyo shug 'di sngon gtum pa/ brtun ngas pa/ drag shul can yin te/ yang dang yang du bdag la khu tshur dang / thal lcag dag gis rdeg par byed cing zas dang gos ngan pa dag sbyin par byed na/ da 'di bdag gi pha ma dang 'dra bar gyur to snyam nas yang bsams pa/ gang tshun chad nas 'phags pa nye dga' khyim 'dir 'jug par brtsams pa de tshun chad nas khyim bdag 'di pha ma dang 'dra bar gyur pas/ bdag gis 'phags pa nye dga' la ci zhig gis dga' bar bya snyam nas des bsams pa gal te bdag gis 'di las cung zhig brkus te dbul du ni khyim bdag 'dis brdeg btsog mang po byas te sngon gyi gnas su bzhag par 'gyur ro snyam nas de sdod cing 'dug go/ /khyim bdag gi chung ma des khyim bdag de la smras pa/ rje'i sras mkhyen par mdzod cig /'phags pa nye dga' ni bdag cag gi dge ba'i bshes gnyen lags te/ 'phags pa nye dgas bdag cag las dri ma can dang phral nas skyabs su 'gro ba dang / bslab ba'i gzhi dag la bkod de/ yang dang yang du bdag cag la chos kyis sdud par byed pas bdag cag gis kyang de la zang zing cung zad kyis bsdu bar bgyi'o/ /bzang mo de bzhin bya'o/ /ci zhig bgyi/ de la bdag cag so so nas ras yug chen dbul bar bya'o/ /bu mo des de thos nas bsams pa/ bdag gis 'phags pa nye dga' la dga' ba de sbran par bya'o snyam mo/ /nye dga' yang snga dro sham thabs bgos lhung bzed dang chos gos thogs te mnyan yod du bsod snyoms la zhugs te mthar gyis bsod snyoms rgyu ba na khyim der zhugs pa dang / bu mo des khyim dag legs par byugs shing phyag dar bor nas des nye dga' mthong ba dang rkang pa gnyis la phyag 'tshal te smras pa/ bdag gis 'phags pa nye dga' la dgyes pa sbran par bgyi'o/ /khyim bdag dang khyim bdag gi chung ma 'di khyod la so so nas ras yug chen 'bul bar 'gyur ro/ /nye dgas bsams pa/ sa'i steng na 'dod pa'i bdag nyid can gang ji snyed pa de dag dang bdag mnyam par deng bu mo 'dis kyang 'phrigs so snyam nas des gshes te smras pa/ bu mo gal te bden par gyur na ni des khyod la gshe ba dag la chugs ma bya'o/ / ji ste brdzun par gyur na ni brdeg btsog mang po byed du bcug ste sngon gyi gnas ji lta bar gzhag par bya'o/ /'phags pa spyo ba mang du mdzad na bzhud cig dang khyod nyid kyis mkhyen par 'gyur ro/ /de zhugs nas stan bshams pa nyid la 'dug pa dang khyim bdag de chung ma dang bcas pas rkang pa la phyag 'tshal te stan ches dma' ba blangs nas chos mnyan pa'i phyir mdun du 'dug go/ /nye dgas smras pa/ khyim bdag kho bo la so so nas ras yug chen sbyin par byas pa de blta'o/ /de gnyis kyis phan tshun gdong du blta bar brtsams te 'di skad ces kyang smras so/ /'phags pa bdag cag gis gsang ste smras pa de 'phags pa la sus bgyis/ ci 'phags pas gzhan gyi sems kyang mkhyen nam/ nye dgas smras pa/ kho bo lhung bzed du zos shing so lhags pa dang / skra dkar por gyur pa yin na kho bo la de tsam yang mi srid dam/ khyim bdag dang chung mas so so nas ras yug chen blangs te nye dga' la phul ba dang nye dgas ras yug chen de dag mthong nas lag pa gnyis 'dril bar byed/ bzhin sgyur bar byed do/ /khyim bdag gis smras pa/ 'phags pa ci'i slad du phyag gnyis 'dril bar mdzad/ zhal sgyur bar mdzad/ nye dgas smras pa/ khyim bdag 'di dag ni khyed la yongs su btang ba las byung ba'i bsod nams ni yod na yongs su longs spyad pa las byung ba'i bsod nams ni med de ras yug chen 'di dag ni mchil lham phyi ba 'am/ skar khung klan par rung ste/ 'di dag ni chos gos kyi gdang la yongs su zad pa dang mthar thug par 'gyur ro/ /'o na ji ltar bgyi ras yug chen bzang po gzhan dag byin cig /ras yug chen dag ma mchis so/ /tshong dus nas nyos te byin cig /rin dag ma mchis so/ /dus thob la byin cig /khyim bdag des chung ma'i gdong du blta bar brtsams pa dang / chung mas smras pa/ rje'i sras bdag cag la 'phags pa nye dgas phan btags kyis ras yug chen dag mjal la de la phul cig / khyim bdag de nye dga' dang lhan cig srang du song nas tshong khang du phyin pa dang nye dgas bsams pa/ tshong pa 'di nga rgyal bskyed par bya ste/ des na ras yug chen bzang po ster bar 'gyur ro/ /snyam nas nye dgas khyim bdag la smras pa/ khyim bdag tshong pa 'di ni gcam bu zhig yin pas 'di la ras yug chen bzang po med kyis gzhan du 'dong ngo / /tshong pa des de thos nas des chen po la 'os pa'i ras yug chen bstan te smras pa/ 'phags pa ras yug chen la gzigs/ ras yug chen 'di ni bzang na 'di'i rin ji tsam/ 'di dang 'di tsam mo/ /khyim bdag 'di mjal lo/ /khyim bdag mjal lam/ mjal lo/ /dus ji tsam na dus 'di tsam na'o/ /tshong pa des khyim bdag de la ras yug chen de byin nas khyim bdag des nye dga' la phul ba dang / nye dgas khyim bdag a rog khya zhes smras nas khyod sbyin pa 'dis sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi gos dag thob par gyur cig ces smras te song ngo / /khyim bdag de longs spyod srabs nas des rin de dus de tsam gyis 'bul bar ma nus nas tshong pa des khyim bdag de nyi ma la btags pa dang / de chung po grogs dag gis mthong nas smras pa/ ci khyod zhun mar 'thungs sam/ 'on te rims kyis btab/ bu lon pas bzung ste 'dug go/ /khyod kyi phas kyang bu lon dag yod par ma byas/ mes po dag gis kyang ma byas na bu lon pa ga las byung des smras pa/ gang dag shAkya'i bu'i dge sbyong dag la dad par byed pa de dag 'di ltar 'gyur te/ 'di ltar gang byin pa de mi len par lhag pa slong bar byed do zhes zer ba'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga' khyod gang byin pas mi mgu zhing lhag pa slong ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gi phyir khyim bdag dang / khyim bdag gi chung ma nye du ma yin pas gos kyi rin so so ba dag spags nas bdag cag gnyis kyis gos kyi rin so so ba 'di dag gis gos 'di dang 'di lta bu so so ba dag nyos la dge slong ming 'di zhes bya ba 'ongs dang bdag cag gnyis kyis so so nas de la gos rung ba dus su bskon no snyam pa las/ de na gal te dge slong de la sngar ma bstabs par rnam par rtog pa 'ga' zhig byung ste/ bzang po 'dod pa'i phyir khyim bdag dang khyim bdag gi chung ma nye du ma yin pa de dag gi gan du song nas 'di skad ces tshe dang ldan pa dag gis bdag gi phyir gos kyi rin so so ba gang dag spags pa'i gos kyi rin so so ba de dag gis tshe dang ldan pa dag gos 'di dang 'di lta bu so so ba dag nyos la gnyi ga 'dus te bdag la gos rung ba cig dus su legs par skon cig ces smras te gos grub na spang ba'i ltung byed do/ /dge slong gi phyir zhes bya ba ni shAkya'i bu nye dga' 'am/ gzhan yang de lta bu gang yin pa 'o/ /khyim bdag ces bya ba ni skyes pa'o/ /khyim bdag gi chung ma zhes bya ba ni bud med do/ /nye du ma yin pas shes bya ba ni phyi mo dang mes po dang / phrugs kyi bdun pa tshun chad ni nye du yin la de phan chad ni nye du ma yin no/ /gos kyi rin ces bya ba ni gser ram/ dngul lo/ /gos 'di dang 'di lta bu zhig ces bya ba ni bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos las gang yang rung ba'o/ /nyos la zhes bya ba ni nyos te'o/ /dge slong ming 'di zhes bya ba 'ongs dang zhes bya ba ni shAkya'i bu nye dga'o/ / de la gos rung ba dus su bskon no snyam pa las zhes bya ba ni longs spyad par bzod pa'o/ /de na gal te dge slong de la sngar ma bstabs par zhes bya ba ni sngar 'gron du ma bos par ro/ /rnam par rtog pa 'ga' zhig byung ste zhes bya ni bsnyen bkur byed pa zhig byung ste'o/ /bzang po 'dod pa'i phyir zhes bya ba ni rab dang mchog gi phyir ro/ /khyim bdag dang khyim bdag gi chung ma nye du ma yin pa de dag gi gan du song nas shes bya ba ni drung du song nas so/ /gnyi ga 'dus te zhes bya ba ni gnyi ga tshogs te 'o/ /gos grub na zhes bya ba ni gos thob na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na/ rin thang dang / kha dog dang / khru tshad las te ji ltar rin thang las she na/ dge slong gis kAr shA pa Na lnga ri ba'i gos thob pa na de de las lhag pa slong na lhag pa slong ba de la nyes byas su 'gyur la/ thob na spang ba'i ltung byed du 'gyur ro/ /snga ma la ni ltung ba med do/ /kAr ShA pa Na lnga ri ba ji lta ba de bzhin du kAr ShA pa Na bcu ri ba dang / kAr ShA pa Na nyi shu ri ba dang / kAr ShA pa Na lnga bcu ri ba'i bar gyi gos thob pa na de de las lhag pa slong na lhag pa slong ba de la nyes byas su 'gyur la/ thob na spang ba'i ltung byed du 'gyur ro/ /snga ma la ni ltung ba med do/ /de ltar rin thang las so/ / ji ltar kha dog las she na/ dge slong gis gos sngon po thob pa na de de las lhag pa slong na lhag pa slong ba de la nyes byas su 'gyur la/ thob na spang ba'i ltung byed du 'gyur ro/ /snga ma la ni ltung ba med do/ /gos sngon po la ji lta ba de bzhin du ser po dang / dmar po dang / stug po dang / srab mo thob pa na de de las lhag pa slong na lhag pa slong ba de la nyes byas su 'gyur la/ thob na spang ba'i ltung byed du 'gyur ro/ /snga ma la ni ltung ba med do/ de ltar kha dog las so/ /ji ltar khru tshad las she na/ dge slong gi gos khru lnga pa thob pa na de de las lhag pa slong na lhag pa slong ba de la nyes byas su 'gyur la/ thob na spang ba'i ltung byed du 'gyur ro/ /snga ma la ni ltung ba med do/ /khru lnga pa ji lta ba de bzhin du khru bcu pa dang / khru nyi shu pa dang / khru lnga bcu pa'i bar gyi gos thob na de de las lhag pa slong na lhag pa slong ba de la nyes byas su 'gyur la/ thob na spang ba'i ltung byed du 'gyur te/ de ltar khru tshad las so/ /dge slong gi gos dag spang bar gyur na de ma spangs shing bral bar ma byas la ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gi gos spang bar gyur na de spangs shing bral bar ma byas la ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gi gos spang bar gyur na de spangs shing bral bar byas la ltung ba bshags nas gzhan zhig rnyed na de la ltung ba med do/ /de bzhin du dge slong gi gos spang bar gyur na ji srid du dngos po de ma bshags shing so sor ma bshags par lhung bzed dam/ chos gos sam/ dra ba 'am/ phor bu dang / ska rags sam/ dge slong gi 'tsho ba'i yo byad gang yang rung ba nye bar 'jog na/ de yang snga ma'i rgyud kyis spang bar 'gyur ro/ /kha tshar slong ba na lhan pa thob pa dang / lhan pa slong ba na ras yug phran nam/ ras yug chen thob pa la ltung ba med do/ /las dang po pa dang / smyos pa dang / sems 'khrugs pa dang tshor ba dag gis nyen pa la ltung ba med do/ /so so nas spags pa las lhag pa slong ba'i spang ba ste dgu pa rdzogs s+ho// //'dul ba rnam par 'byed pa/ bam po sum bcu rtsa gcig pa/ sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /nye dga' la blo skyes pa 'di thams cad khyim bdag mgon med zas sbyin gyis bslab pa'i gzhi dag gis bsdam pa byas pas phyin cad ras yug phran sgre bo yang su las kyang bslang bar mi nus kyis 'di ltar bdag dang lhan cig yi ge'i gwa na yig 'bru'i yi ge dag slob slob pa bram ze dbyar tshul yod kyis de'i gan du song ste bltas na de las cung zad 'thob kyang srid do snyam nas de de'i khyim du song ba dang / sgo bas 'phags pa ma bzhud cig ces bgags so/ /nye dgas smras pa/ bzhin bzangs bcom ldan 'das kyis bdag cag gi spyod yul ma yin pa ni rnam pa lnga gsungs te/ rol mo mkhan gyi khyim dang / 'jud 'thun ma'i khyim dang / chang pa'i khyim dang / rgyal po'i pho brang dang / gdol pa'i khyim yin na/ ci 'di rol mo mkhan gyi khyim 'am/ 'jud 'thun ma'i khyim 'am/ chang pa'i khyim 'am/ rgyal po'i pho brang ngam/ gdol pa'i gnas yin nam/ 'phags pa khyod spyo ba mang du mdzad de/ 'di ni rol mo mkhan gyi khyim yang ma lags/ 'jud 'thun ma'i khyim yang ma lags/ chang pa'i khyim yang ma lags/ rgyal po'i pho brang yang ma lags/ gdol pa'i gnas kyang ma lags te/ 'di ltar 'di ni bram ze dbyar tshul gyi sdum pa lags so/ /kwa'i nang rje song la bram ze dbyar tshul la nye dga' shes ldan lta bar 'dod cing sgo na sdod do zhes gyis shig /sgo bas smras pa/ khyod rgyal po gzugs can snying po'i snying tshoms mchis pa lags snyam mam/ bkren pa gal te sbron na ni sbron cig /mi sbron na khyod la mtshams chen po bcad pa sbyin par bya'o/ /sgo bas bsams pa / 'di ni 'di ltar 'jigs pa med pa dang / bag tsha ba med par tshig gtong ba las na ma sbran na gnod pa byed kyis song la sbran no snyam nas de der song ste smras pa/ jo bo btsun pa nye dga' jo bo lta bar 'tshal zhing chab sgo na sdod do/ /dbyar tshul gyis smras pa/ btsun pa nye dga' la su 'gog /btsun pa nye dga' 'jug tu chug shig /nye dga' zhugs pa dang / dbyar tshul gyis smras pa/ btsun pa nye dga' byon pa legs so/ /byon pa legs so/ /btsun pa nye dga' gdan bshams pa nyid la bzhugs shig /nye dga' de'i mdun du 'dug ste der sgra mthon po dang sgra yid du 'ong ba dang / sgra zab mos sbyin pa'i bsngags pa brjod par brtsams so/ /gang gi tshe nye dga' yid dga' zhing yid dga' nas sbyin pa'i bsngags pa rjod par byed pa de'i tshe na bram ze dang / khyim bdag dad pa can dag 'di snyam du kye ma rang sha dag kyang bcad cing bcad cing sbyin par bya'o snyam du sems pas bram ze dbyar tshul gyis smras pa/ btsun pa nye dga' dbyar gnas pa la kAr shA pa Na drug bcu 'bul lo/ / a rog khya sbyin pa 'dis khyod sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang lha dang mi rnams kyi longs spyod kyang thob par gyur cig ces smras te song ngo / /mnyan yod nas dge slong gnyis shig bcom ldan 'das kyi zhabs la phyag 'tshal du rgyal po'i khab tu 'ongs so/ /bcom ldan 'das kyis kyang tshe dang ldan pa kun dga' bo la bka' stsal pa/ kun dga' bo khyod song la dge slong rnams la de bzhin gshegs pa ko sa la dag tu ljongs rgyur gshegs kyis khyod cag las gang de bzhin gshegs pa dang thabs gcig ko sa la dag tu ljongs rgyur 'gro bar spro ba des chos gos kyi las gyis shig ces bsgo shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas/ dge slong rnams la tshe dang ldan pa dag bcom ldan 'das ko sa la dag tu ljongs rgyur gshegs kyis khyod cag las gang de bzhin gshegs pa dang thabs gcig ko sa la dag tu ljongs rgyur 'gro bar spro ba des chos gos kyi las gyis shig /dge slong rnams kyis tshe dang ldan pa kun dga' bo la bka' bzhin 'tshal zhes tshe dang ldan pa kun dga' bo la mnyan to/ /mnyan yod nas 'ongs pa'i dge slong de gnyis kyis de thos nas bdag cag kyang mnyan yod du 'gro dgos so snyam nas mi dga' bar gyur to/ / nye dgas thos nas nyam nga bar gyur te/ bdag la brgya la brgya lam na rnyed pa byung ba de'i bar chad byung ngo snyam nas/ de bram ze dbyar tshul gyi gan du song ste sgra dma' ba dang / sgra yid du mi 'ong ba dang / sgra zhum pas sbyin pa'i bsngags pa brjod par brtsams pa dang / dbyar tshul gyis smras pa/ btsun pa nye dga' khyod sngon sgra mthon po dang / sgra yid du 'ong ba dang / sgra zab mos sbyin pa'i bsngags pa brjod par mdzad na/ khyod da ltar sgra dma' ba dang / sgra yid du mi 'ong ba dang / sgra mi zab pas sbyin pa'i bsngags pa brjod par mdzad pa 'di la rgyu ci mchis/ chung po grogs bdag cag brgya la brgya lam na phrad pa 'byung na de yang yun mi ring ba kho nas 'bral bar 'gyur ba'i phyir ro/ /ma ga d+ha pa zur gyis go/ /ko sa la pa brjod nas shes/ /pan tsa la pa yig phyed kyis/ /nub mi ma smras mi shes so/ /zhes bya ba yin pas dbyar tshul gyis bsams pa/ 'di ni shAkya'i rigs rgya chen po de snyed spangs te rab tu byung ba yin pas 'di bdag dang 'bral ba la mya ngan mi byed kyi kAr Sha pa Na drug bcu 'chor ba'i mya ngan byed do snyam nas smras pa/ btsun pa nye dga' gang dang gang du gnas par bdag gis kar sha pa Na drug bcu bskur bar bgyi'o/ /a rog khya de lta na phan phun med pa dang / kun nas nyon mongs pa med pa'i sbyin pa dag sbyin zhing bsod nams dag byed pa yin no zhes smras nas stan las langs te song ngo / /de nas bcom ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ grol ba 'khor grol ba dang ldan pa dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa/ mdzes pa 'khor mdzes pa dang ldan pa/ khyu mchog ltar ba lang gi tshogs kyis yongs su bskor ba/ glang po che ltar glang po che'i phru gu'i tshogs kyis yongs su bskor ba/ seng ge ltar mche ba can gyi tshogs kyis yongs su bskor ba/ ngang pa'i rgyal po ltar ngang pa'i tshogs kyis yongs su bskor ba/ nam mkha' lding ltar bya'i tshogs kyis yongs su bskor ba/ bram ze ltar slob ma'i tshogs kyis yongs su bskor ba/ sman pa mkhas pa ltar nad pa'i tshogs kyis yongs su bskor ba/ dpa' bo ltar ru pa'i tshogs kyis yongs su bskor ba/ sa mkhan ltar lam du zhugs pa'i tshogs kyis yongs su bskor ba/ ded dpon ltar tshong pa'i tshogs kyis yongs su bskor ba/ tshong dpon ltar 'khor gyi tshogs kyis yongs su bskor ba/ mkhar gyi rgyal po ltar blon po'i tshogs kyis yongs su bskor ba/ 'khor los sgyur ba ltar bu stong gi tshogs kyis yongs su bskor ba/ zla ba ltar rgyu skar gyi tshogs kyis yongs su bskor ba/ nyi ma ltar 'od zer stong gi tshogs kyis yongs su bskor ba/ yul 'khor srung ltar dri za'i tshogs kyis yongs su bskor ba/ 'phags skyes po ltar grul bum gyi tshogs kyis yongs su bskor ba/ mig mi bzang ltar klu'i tshogs kyis yongs su bskor ba/ nor sbyin ltar gnod sbyin gyi tshogs kyis yongs su bskor ba/ thag bzangs ris ltar lha ma yin gyi tshogs kyis yongs su bskor ba/ brgya byin ltar sum bcu rtsa gsum pa'i tshogs kyis yongs su bskor ba/ tshangs pa ltar tshangs ris kyi tshogs kyis yongs su bskor ba/ dbang po rnams kyis shin du dul ba/ spyod lam dang / spyod pa ma 'khrugs pa/ chu gter ltar ting nge ba/ sprin ltar chu dang bcas pa/ glang po che'i rgyal po ltar dregs pa dang bral ba/ skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus sku rnam par mdzes pa/ 'od 'dom gang gis gzugs can brgyan pa/ nyi ma stong bas lhag pa'i 'od dang ldan pa/ rin po che'i ri bo 'gro ba ltar kun du bzang ba/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa/ 'jig rten la phan par zhugs pa/ srung ba gcig pu pa/ nyag gcig dpa' ba/ gnyis pa med pa/ gnyis su mi gsung ba/ zhi gnas dang lhag mthong gis bzhugs pa/ rig pa gsum gsal bar mdzad pa/ bslab pa gsum la legs par bslabs pa/ dul ba'i gnas gsum gyi gzhi la mkhas pa/ chu bo bzhi las rgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos po bzhi la yun ring po nas yongs su sbyang ba mdzad pa/ mi 'jigs pa bzhis bsnyengs pa mi mnga' ba/ yan lag lnga spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas pa drug gis gnas pa/ byang chub kyi yan lag bdun gyi me tog gis phyug pa/ lam gyi yan lag brgyad ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang sgyur ba las khyad par 'phags pa/ kun shes kauN+Di n+ya dang / rlangs pa dang / ming chen dang / ma 'gags pa dang / shA ri'i bu dang / maud gal gyi bu dang / 'od srung dang / kun dga' bo dang / nam gru la sogs pa nyan thos chen po dag dang / gzhan yang dge slong gi dge 'dun mang pos yongs su bskor cing mdun du bdar nas ko sa la dag tu ljongs rgyur gshegs te mnyan yod du byon nas mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod pa'i tshong pa dag zong thogs te rgyal po'i khab tu dong ba dag gal te don 'thun mang na de la rgyal po 'am/ bram ze dbyar tshul sho gam gcod par byed pas bram ze dbyar tshul gyis sho gam pa dag la smras pa/ gang gi tshe mnyan yod pa'i tshong pa dag mnyan yod du phyir 'gro ba de'i tshe na kho bo la sbron cig /sho gam pa dag gis tshong pa dag la bsgo nas de dag gis zong bsgyur te rin blangs nas bram ze dbyar tshul gyi gan du dong ste bdag cag mnyan yod du mchi na bgyi ba ci mchis shes smras pa dang / bram ze dbyar tshul gyis tshong pa gcig la kAr ShA pa Na drug bcu gtad de khyod kyis 'di btsun pa nye dga'i gan du khyer la phul cig ces bsgo'o/ /tshong pa des bsams pa/ gang bram ze dbyar tshul gyis dad par bya ba'i dge slong de ni gdon mi za bar grags pa yin pas bdag gis kyang de la dga' ba cung zad byas/ gos dag bskon no snyam nas de 'od ma'i tshal du song ste dge slong gi gan du phyin nas dris pa/ 'phags pa dge slong gi tshul dang 'thun pa'i gos dag ji ltar lags/ bzhin bzangs ci dge 'dun la ras yug chen gyi sbyin pa byed dam/ 'phags pa dge 'dun la ras yug chen gyi sbyin pa mi bgyid de/ 'di ltar bram ze dbyar tshul gyis btsun pa nye dga' la kAr ShA pa Na drug bcu bskur ba dag de'i gos dag tu bsgyur te mchi'o/ /dge slong des smras pa/ bzhin bzangs gos dag kyang len cing khyod kAr ShA pa Na drug bcu yang 'bul du 'jud pa gang yin pa de lta bu'i gnas yod par 'gyur ro/ /tshong pa des bsams pa/ 'di ni gor ma chag par de dang khon yod pa yin no snyam nas de dge slong gzhan zhig gi gan du song ste dris pa/ 'phags pa dge slong gi tshul dang 'thun pa'i gos dag ji lta bu lags/ bzhin bzangs ci dge 'dun la ras yug chen gyi sbyin pa byed dam/ 'phags pa dge 'dun la ras yug chen gyi sbyin pa mi bgyid de 'di ltar bram ze dbyar tshul gyis btsun pa nye dga' la kAr ShA pa Na drug bcu bskur ba dag de'i gos dag tu bsgyur te mchi'o/ /dge slong des smras pa/ gal te rgyas ma btab par khyer na khyod yul gyi khe spogs 'bul du 'jud pa gang yin pa de lta bu'i gnas yod par 'gyur ro/ /tshong pa des bsams pa/ 'di dang de gnyis 'thun no snyam nas de bram ze dbyar tshul gyi gan du song ste smras pa/ dbyar tshul kAr ShA pa Na 'di dag rgyas thob shig /bzhin bzangs yid ches kyis khyod nyid kyis khyer cig /dbyar tshul bdag la thugs ches mod kyis 'on kyang bdag gis legs par bgyi ba bgyi'o/ /dbyar tshul gyis rgyas btab nas des de dag khyer te mnyan yod du song nas de rgyal byed kyi tshal du song ste dge slong rnams la dris pa/ 'phags pa dag 'phags pa nye dga'i gtsug lag khang gang lags/ de dag gis de'i gtsug lag khang 'di yin no zhes bstan nas de der song ba dang nye dga' mi snang nas des dge slong zhig la dris pa/ 'phags pa btsun pa nye dga' gar bzhud/ des smras pa/ nyin mo spyod pa'i phyir ro/ /tshong pa des smras pa/ bram ze dbyar tshul gyis de la kAr ShA pa Na drug bcu bskur ba 'di dag zhog la de mchis na stsol cig /bzhin bzangs khyod kyis sgron ma rab tu 'bar ba mgo bos 'dzin pa 'ga' mthong ngam/ des bsams pa/ 'di ni gdon mi za bar de dang khon yod pa yin no snyam nas des dge slong gzhan zhig gi gan du song ste smras pa/ 'phags pa bram ze dbyar tshul gyis btsun pa nye dga' la kAr ShA pa Na drug bcu bskur ba 'di dag zhog la de mchis na stsol cig /bzhin bzangs gal te khyod kyis rgyas ma btab par 'ongs na khyod yul gyi khe spogs 'jal du 'jud pa gang yin pa de lta bu'i gnas yod par 'gyur ro/ /des bsams pa/ 'di dang de gnyis su 'thun gyis khyim du song la de nyid du de 'ongs pa la bde bar tshig gi lan gdab bo snyam nas smras pa/ 'phags pa btsun pa nye dga' la khyim bdag gi mchid nas 'di skad ces bdag gi sdum pa ni phyogs ga ge mo zhig na mchis kyis gal te kAr ShA pa Na bzhed na gshegs su gsol zhes gsungs shig ces smras te song ngo / nye dga' yang gtsug lag khang du 'ongs nas dge slong rnams kyis smras pa/ btsun pa nye dga' bcom ldan 'das kyis tshul khrims dang ldan pa'i sems kyi smon pa 'grub ste/ de yang tshul khrims rnam par dag pa'i phyir ro zhes bya ba de legs par gsungs pa yin te/ khyod deng kho na nyin mo spyod du song bas deng nyid du kAr ShA pa Na drug bcu grub bo/ /gang gis bcom ldan 'das kyi 'khor stong nyis brgya lnga bcu re re la kAr ShA pa Na drug bcu drug bcu byin pa'i sbyin bdag de lta bu de gang yin/ btsun pa nye dga' dge 'dun thams cad la ma yin gyi khyod gcig pu la'o/ /gang gis nye dga' la kAr ShA pa Na drug bcu byin pa'i sbyin bdag de lta bu de gang yin/ bram ze dbyar tshul gyis bskur ro/ / de ni phyi rol gyi rnyed pa kho na yin na rgya ma byid dam/ ma zhu 'am/ sgyu ma zhugs sam sus brtags/ ma brtags pa kho nar blangs sam/ sus blangs/ kho bo ni dgra bo sha stag gi nang na 'dug go/ /dge slong gzhan des smras pa/ btsun pa nye dga' yi chad du ci yod/ khyim bdag de na re bdag gi sdum pa ni phyogs ga ge mo zhig na mchis kyis gal te kAr ShA pa Na bzhed na gshegs su gsol zhes zer ro/ /nye dgas snam sbyar blangs te gom pa bskyed de song ba dang / khyim bdag des de thag ring po kho na nas 'ong ba mthong nas/ des bsams pa/ dge sbyong hral po gom pa 'di lta bus 'ong ba 'di ni btsun pa nye dga' yin gor ma chag snyam nas/ des thag ring po kho na nas de la smras pa/ khyod btsun pa nye dga' ma lags sam/ kho bo yin no/ /bram ze dbyar tshul gyis khyod la kAr ShA pa Na drug bcu bskur ba 'di lags kyis bzhes shig /a rog khya sbyin pa 'dis khyod sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi longs spyod kyang thob par gyur cig /'phags pa ci'i slad du bdag gi ming gis yon bshad pa mdzad/ bram ze dbyar tshul gyi ming gis yon bshad pa mdzod cig /bkren pa 'di la dgos pa ci yod/ 'di ltar khyod kyis kyang mang du byas te khyod kyis khyer te 'ongs pa'i phyir ro/ /gang gis 'di khyer te srang du 'gro ba'i khye'u zhig re shig rnyos shig /'phags pa bdag la khye'u ma mchis so/ /bkren pa rgyal po'i khab nas thag ring po 'di srid du khyer te 'ongs na srang du skyel mi nus sam/ des khye'u la smras pa/ kAr ShA pa Na khyer te 'phags pa'i phyi bzhin song la phyi rol du ma 'byung shig /'dis khyod la bca' ba'i rin sbyin du ma gzhug shig /khye'u des kAr ShA pa Na khyer te de'i phyi bzhin srang du song nas tshong rdal dang por phyin pa dang / des smras pa/ 'phags pa kAr ShA pa Na 'di dag 'dir 'jog tu stsol cig /nye dgas khye'u khyod shin du legs par bslabs so/ /zhes des spos 'tshong gi khye'u zhig la smras pa/ bzhin bzangs kAr ShA pa Na 'di dag re shig zhog shig /'phags pa bdag ni bla ma la rag las pa lags so/ /khyod nam yang rang la rag las par ma gyur cig /des spos 'tshong gi khye'u gzhan zhig gi gan du song ste smras pa/ bzhin bzangs kAr ShA pa Na 'di dag re shig zhog shig /'phags pa bdag gi bla ma slad rol du mchis so/ /nam yang 'jug par ma gyur cig /de spos 'tshong gi khye'u dad pa gsar dang ldan pa zhig yod pa de'i gan du song ste smras pa/ bzhin bzangs kAr ShA pa Na 'di dag re shig zhog shig /'phags pa bdag ma la rag las pa lags so/ /kho bos ko khyod dad pa dang ldan par shes kyi kho bos khyod ji ltar rtug pa la dad par ni mi shes so/ /gal te khyod kyis dad pa ma thob tu zin na khyod kyis shing tshal blangs te dge slong skrod par yang 'gyur ro/ /de skyengs nas smras pa/ 'phags pa gzhan tu gsol/ nye dgas kAr ShA pa Na de dag der bzhag ste khyim bdag gi khye'u de phyir btang ste song ngo / /tshong pa'i tshogs kyis kyang bdag cag las gang nyi ma shar na 'ong ba de bdag cag gis kAr ShA pa Na drug bcu 'jal du gzhug go zhes khrims su bya ba bcas nas spos 'tshong gi khye'u de la mas smras pa/ bu ci nas kyang bdag nyid kAr ShA pa Na drug bcu 'jal du mi gzhug pa de ltar gyis shig /nye dga' mtshan mo 'gyod pa skyes te spos 'tshong gi khye'u de dad pa gsar dang ldan pa yin pas kAr ShA pa Na de dag bsnyon par 'gyur ba'i gnas gang yin pa de lta bu yod par 'gyur ro snyam nas de nang par sngar langs te khye'u zhig khrid nas de tshong rdal du song ba dang / spos 'tshong gi khye'u de tshong rdal 'byed cing 'dug pa des mthong nas smras pa/ bzhin bzangs kAr ShA pa Na de dag byin cig /'phags pa tshong pa'i tshogs kyis bdag cag las gang gdugs shar na mchi ba de kAr ShA pa Na drug bcu 'jal du stsal ba'i khrims su bgyi ba bcas pas bdag cag tshong pa'i tshogs kyi nang du mchis te/ slar mchis kyi bar du yud tsam zhig bzhes su gsol/ bkren pa su zhig khyod kyi lto gol ba yin snyam su zhig sgyid pa gnyis skrangs skrangs su sdod par 'gyur/ gal te ma byin par 'gro na ko sa lar byung ba'i rgyal po gsal rgyal gyis kAr ShA pa Na drug bcu 'jal du gzhug pa'i gyod la bsgrin par bya'o/ /spos 'tshong gi khye'u khros nas kAr ShA pa Na'i thum bu de 'phangs pa dang / de'i rgya gogs so/ /nye dgas smras pa/ rgya ma byid dam/ ma zhu 'am/ rgya ma zhugs sam blta'o/ /ci kho bo khyod kyis brtags te gtad dam/ gal te khyod kyis brtags te blangs na ci'i phyir rgya gcog par byed/ nye dgas spos 'tshong gi khye'u de de srid du bsgor gyi bar du tshong pa'i tshogs kyis de'i khyim nas kAr ShA pa Na drug bcu'i gta' bcad nas/ de la mas smras pa/ bu khyod kyis las ci byas na des khyod kyis bdag nyid kAr ShA pa Na drug bcu'i gyod la bsgrin par gyur/ khye'u smras pa/ gang dag shAkya'i sras kyi dge sbyong rnams la mngon par dad par byed pa de dag 'di ltar 'gyur te/ dad pa'i myu gu skyes ma thag pa nyid nyams par byas so zhes zer ba'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin no/ /sangs rgyas bcom ldan 'das kyis tshe dang ldan pa nye dga' la rmas pa/ nye dga' khyod kyis mi mdzes pa de lta bu de byas pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gi phyir rgyal po 'am/ blon po chen po 'am bram ze 'am khyim bdag gam/ grong rdal gyi mi 'am yul gyi mi 'am/ nor can nam/ tshong dpon nam/ ded dpon gyis pho nya'i lag tu gos kyi rin dag bskur bar gyur la/ de nas pho nya de gos kyi rin de dag khyer nas dge slong de ga la ba der song ste phyin nas dge slong de la 'di skad ces 'phags pa mkhyen par mdzod cig /khyod la rgyal po 'am/ blon po chen po 'am/ bram ze 'am khyim bdag gam/ grong rdal gyi mi 'am/ yul gyi mi 'am/ nor can nam/ ded dpon che ge mos gos kyi rin 'di dag bskur gyis 'phags pas thugs brtse ba'i slad du 'di dag bzhes shig ces zer na dge slong des/ pho nya de la 'di skad ces tshe dang ldan pa pho nya dge slong dag ni gos kyi rin dag len du mi rung ste/ bdag cag gos rung ba dus su rnyed na ni len to zhes brjod par bya'o/ /gal te pho nya des dge slong de la 'di skad ces 'phags pa rnams kyi zhal ta bgyid pa/ 'phags pa rnams kyi zhal ta nyams su len pa gang lags pa/ 'ga' mchis sam zhes zer na dge slong gos 'dod pas pho nya 'di ni dge slong rnams kyi zhal ta byed pa ste/ 'di ni dge slong rnams kyi zhal ta nyams su len pa'o zhes kun dga'i ra ba pa 'am/ dge bsnyen zhal ta byed pa bstan par bya'o/ / de nas pho nya des gos kyi rin de dag khyer nas zhal ta byed pa ga la ba der 'gro bar bya zhing phyin nas zhal ta byed pa de la 'di skad ces tshe dang ldan pa zhal ta byed pa shes par gyis shig /khyod kyi gos kyi rin 'di dag gis gos 'di dang 'di lta bu zhig nyos la dge slong ming 'di zhes bya ba 'ongs dang de la gos rung ba dus su skon cig ces brjod par bya'o/ /de nas pho nya des zhal ta byed pa de la shin tu legs par yang dag par bsgo zhing yang dag par bstan nas/ dge slong de ga la ba der 'gro bar bya zhing phyin nas dge slong de la 'di skad ces 'phags pas zhal ta bgyid pa bstan pa gang lags pa de la bdag gis yang dag par bstan lags kyis de'i gan du bzhud cig dang / des khyod la gos rung ba dus su skon par 'gyur ro zhes brjod par bya'o/ /dge slong gos 'dod pas zhal ta byed pa'i gan du song la tshe dang ldan pa zhal ta byed pa bdag gos 'dod do/ /tshe dang ldan pa zhal ta byed pa bdag gos 'dod do zhes lan gnyis lan gsum du bskul bar bya/ dran par bya'o/ /lan gnyis lan gsum du bskul zhing dran par byas pa na gal te gos de grub na de lta na legs/ gal te ma grub na lan bzhi lan lnga lan drug gi bar du phyogs su cang mi smra bar bsdad par bya'o/ /lan bzhi lan lnga lan drug gi bar du phyogs su cang mi smra bar bsdad pa na/ gal te gos de grub na de lta na legs/ gal te ma grub na de'i 'og tu gos bsgrub pa'i phyir brtsal te/ gos grub pa na spang ba'i ltung byed do/ /gal te ma grub na phyogs gang nas gos kyi rin de dag 'ongs pa der bdag 'gro bar bya'o/ /yang yid brtan pa'i pho nyas tshe dang ldan pa dag gis dge slong che ge mo'i phyir gos kyi rin gang dag bskur ba de dag ni dge slong de'i don ci yang ma grub kyis/ shes par gyis shig tshe dang ldan pa dag gis rang gi nor chud ma gzan cig ces spring bar bya ste/ de la de ni cho ga yin no/ /dge slong gi phyir zhes bya ba ni shAkya'i bu nye dga' 'am/ gzhan yang de lta bu gang yin pa'i phyir ro/ /rgyal po 'am zhes bya ba ni 'di lta ste/ bud med rgyal srid la dbang bskur bar gyur na de yang rgyal po rgyal rigs spyi bor dbang bskur ba yin la/ rgyal rigs dang / bram ze dang / rje'i rigs dang / dmangs rigs dag rgyal srid la dbang bskur bas dbang bskur bar gyur na de yang rgyal po rgyal rigs spyi bor dbang bskur ba yin no/ /blon po chen po 'am zhes bya ba ni rgyal po las gzhan pa blon po dang / rtsis mkhan dang / sna chen po la gtogs pa rgyal srid byed pa gsang tshig 'thun pas 'tsho ba gang dag rgyal po la brten nas 'tsho bar byed pa dag go/ /bram ze 'am zhes bya ba ni bram ze gtsang sbra can no/ /khyim bdag gam zhes bya ba ni phyug pa'o/ /grong rdal gyi mi 'am zhes bya ba ni grong khyer gyi mi'o/ / yul gyi mi 'am zhes bya ba ni yul mi'o/ /nor can nam zhes bya ba ni nor byed pas phyug pa'o/ /tshong dpon nam zhes bya ba ni cod pan bcings pa'o/ /ded dpon gyis shes bya ba ni gang gis lan gnyis sam gsum don 'thun 'das par gyur pas so/ /pho nya'i lag tu zhes bya ba ni skyes pa dang / bud med dang / ma ning gi'o/ /gos kyi rin dag ces bya ba ni gser ram dngul dag go/ /zer na zhes bya ba ni smra na 'o/ /gos rung ba zhes bya ba ni spyad bzod pa'o/ /dge slong gos 'dod pas zhes bya ba ni gal te don du gnyer na'o/ /kun dga'i ra ba pa zhes bya ba ni rung ba byed pa'o/ /dge bsnyen zhes bya ba ni gsum la skyabs su song ba bslab pa'i gzhi lnga blangs pa'o/ /phyogs su zhes bya ba ni phyogs bzhi po dag tu ste/ phyogs bzhi po dag gang zhe na/ 'bod gnas dang / khyim gnas dang / las kyi mtha' dang / las kyi gnas dag go/ /'bod gnas ni rdza mkhan gyi gnas dang / 'breg mkhan gyi gnas dang / khyim gnas ni khyim 'am chu'i gnas so/ /las kyi mtha' ni bu ram shing gi las kyi mtha' dang / sA lu'i las kyi mtha' dang / lan tshwa'i las kyi mtha' dag go/ /las kyi gnas ni tshong khang dang tshong rdal lo/ /cang mi smra bar bsdad par bya'o/ / zhes bya ba ni bskul ba'i sgo drug po dag gis te/ bskul ba'i sgo drug po dag gang zhe na/ khyod 'ongs sam zhes zer ba la de'i phyir ro zhes bya ba dang / 'ongs pa legs so zhes zer ba la de'i phyir ro zhes bya ba dang / stan 'di la 'dug shig ces zer ba la de'i phyir ro zhes bya ba dang / rkang pa khrus shig ces zer ba la de'i phyir ro zhes bya ba dang / bca' ba dang bza' ba zo shig ces zer ba la de'i phyir ro zhes bya ba dang / btung ba 'thung shig ces zer ba la de'i phyir ro zhes bya ba'o/ / bskul ba'i sgo drug po de dag ha cang myur ba dang / thogs pa med par brjod cing de la gzhan gyi tshig gi skabs med par byed na bskul ba'i sgo drug po dag yongs su ma rdzogs par brjod par bya'o/ /bskul ba'i sgo drug po de dag ha cang mi myur ba dang / thogs pa dang bcas par brjod par byed cing de la gzhan gyi tshig gi skabs yod par byed na/ bskul ba'i sgo drug po dag yongs su rdzogs par brjod par bya'o/ /de'i 'og tu zhes bya ba ni de'i 'og rol du'o/ /gos grub na zhes bya ba ni thob na'o/ / spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ste/ des na spang ba'i ltung byed do/ /zhes gsungs so/ /gal te ma grub na phyogs gang nas gos kyi rin de dag 'ongs pa der bdag 'gro bar bya'o/ /zhes bya ba ni bdag nyid 'gro bar bya'o/ /yang na yid bstan pa'i pho nya las shes bya ba ni lhan cig gnas pa 'am nye gnas las so/ /de la de ni cho ga yin no zhes bya ba ni de la de ni rjes su 'thun pa'i chos yin pa'o/ /de la ltung bar ji ltar 'gyur zhe na/ gal te zhal ta byed pa de dge slong de'i gan du 'ongs nas 'di skad ces 'phags pa gos 'di dag bzhes shig ces zer na dge slong des zhal ta byed pa de la 'di skad ces bdag gis 'di dag spangs zin gyis song la de nyid la byin cig ces brjod par bya'o/ /gal te zhal ta byed pa de dge slong de la 'di skad ces 'phags pa bdag gis de'i sems bsdu ba rjes su bsgrub kyis bzhes shig ces zer na blang bar bya'o/ /dge slong gis go rims de lta bu ma byas par gang cung zad len na thams cad du nyes byas su 'gyur ro/ /mi ma yin pas sbyin par byed cing mi ma yin pa'i pho nya dang / mi ma yin pas rung bar byed na nyes byas su 'gyur ro/ / mi ma yin pas sbyin par byed cing mi ma yin pa'i pho nya dang / mis rung bar byed na yang nyes byas su 'gyur ro/ /mi ma yin pas sbyin par byed cing mi'i pho nya dang / mi ma yin pas rung bar byed na yang nyes byas su 'gyur ro/ /mis sbyin par byed cing mi ma yin pa'i pho nya dang / mi ma yin pas rung bar byed na yang nyes byas su 'gyur ro/ /mis sbyin par byed cing mi'i pho nya dang / mi ma yin pas rung bar byed na nyes byas su 'gyur ro/ /mis sbyin par byed cing mi ma yin pa 'i pho nya dang mis rung bar byed na nyes byas su 'gyur ro/ /mi ma yin pas sbyin par byed na yang nyes byas su 'gyur ro/ /mis sbyin par byed cing mi'i pho nya dang / mis rung bar byed na ni spang ba'i ltung byed du 'gyur ro/ /dge slong gi gos spang bar gyur na de ma spangs shing bral bar ma byas la ltung ba ma bshags par gos gzhan zhig rnyed na de yang snga ma'i rgyud kyis spang bar 'gyur ro/ /dge slong gi gos spang bar gyur na de spangs shing bral bar ma byas la ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ /dge slong gi gos spang bar gyur na de spangs shing bral bar byas la/ ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ /dge slong gi gos spang bar gyur na de spangs shing bral bar byas la ltung ba bshags nas gos gzhan zhig rnyed na de la ltung ba med do/ /de bzhin du dge slong gis ji srid du gzhi des ma bshags shing so sor ma bshags par lhung bzed dam chos gos sam dra ba 'am/ phor bu 'am/ ska rags sam/ dge sbyong gi 'tsho ba'i yo byad gang yang rung ba nye bar 'jog na de yang spang bar 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bskur ba'i spang ba ste bcu pa rdzogs s+ho// // sdom la srin bal 'ba' zhig cha gnyis dang / /drug dang mtho gang lam dang ni/ / 'khru ba dang ni gser dngul dang / /mngon mtshan can dang nyo 'tshong ngo / /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong dag srin bal gyi stan sar pa byed pa dang / byed du 'jud de/ dge slong dag srin bal gyi stan sar pa byed pa dang byed du 'jud pa na srin bal dkon zhing rin che bas bya ba mang ba dang byed pa mang bar gyur cing / lung nod pa dang klag pa dang / kha ton dang / rnal 'byor dang / yid la bya ba dang / nang gi sems kyi zhi gnas kyang gtong bar byed/ srin bal 'dod pa dang / srin bal gyi don nyid du 'ongs pa dag bram ze dang / khyim bdag rnams la yang dang yang du rig par byed nas/ gzhan mu stegs can dag shAkya'i bu'i dge sbyong 'di dag ni srog gcod par byed pa dag ste/ srog gcod pa las ma log ma spangs pas des na srin bal gyi stan sar pa byed pa dang / byed du 'jud pas srin bal 'byung ba'i srin bu srog chags mang po'i tshogs bsgrub shing srog gcod par byed de/ su zhig dge sbyong mgo reg 'di dag la bsod snyoms sbyin pa dang bya bar sems shes smod par byed/ phyar ka gtong bar byed/ kha zer bar byed pa'i skabs de dge slong dag gis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste/ zhes bya ba la sogs pa snga ma bzhin no/ / sangs rgyas bcom ldan 'das kyis dge slong rnams la rmas pa/ dge slong dag khyod srin bal gyi stan sar pa byed pa bden nam/ btsun pa mad do/ /sangs rgyas bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par smad par mdzad do/ /de nas bcom ldan 'das kyis 'dod pa chung ba dang / chog shes pa dang / gso sla ba dang / dgang sla ba dang / /phreng ba dang / yo byad bsnyungs pa dang / sbyangs pa'i yon tan dang / mdzes pa dang / drod rig pa nyid kyi bsngags pa brjod nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang srin bal gyi stan sar pa byed na spang ba'i ltung byed do/ /yang dge slong gang zhes bya ba ni chos 'di pa'o/ /srin bal gyi stan zhes bya ba ni stan gnyis te/ nang tshangs can dang / rlings pa ste/ don 'dir ni gnyis ka yin par dgongs so/ /sar pa zhes bya ba ni sar pa gnyis te/ gsar pas sar pa dang / rnyed pas sar pa ste/ don 'dir ni gsar pas sar pa yin par dgongs so/ /byed na zhes bya ba ni bdag nyid kyis sam gzhan byed du 'dzud na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so/ /de la ltung bar ji ltar 'gyur zhe na/ chun po dang / 'da' ba dang / phung po las te/ dge slong gis srin bal dag gi chun po 'byed par byed/ 'jig par byed/ rmel bar byed cing ji srid du stan mi byed pa de srid du nyes byas su 'gyur la/ stan byas zin na spang ba'i ltung byed du 'gyur ro/ /dge slong gis srin bal dag gi 'da' bar 'byed par byed/ 'jig par byed/ rmel bar byed cing ji srid du stan mi byed pa de srid du nyes byas su 'gyur la/ stan byas zin na spang ba'i ltung byed du 'gyur ro/ /dge slong gis srin bal dag gi phung po 'byed par byed/ 'jig par byed/ rmel bar byed cing ji srid du stan mi byed pa de srid du nyes byas su 'gyur la/ stan byas zin na spang ba'i ltung byed du 'gyur ro/ / dge slong gis srin bal dag gi chun po dang 'da' ba dang / chun po dang phung po dang / 'da' ba dang / chun po dang 'da' ba dang / phung po dang chun po dang / phung po dang 'da' ba dang / phung po 'byed par byed/ 'jig par byed/ rmel bar byed cing ji srid du stan mi byed pa de srid du nyes byas su 'gyur la/ stan byas zin na spang ba'i ltung byed du 'gyur ro/ /byas zin pa rnyed pa dang / byas zin pa la yongs su longs spyod pa dang / rnying pa mngon par 'du byed pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /sril bal gyi spang ba ste bcu gcig pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ de'i tshe na dge slong dag lug bal nag po 'ba' zhig gi stan sar pa byed pa dang / byed du 'dzud de/ dge slong dag lug bal nag po 'ba' zhig gi stan sar pa byed pa dang / byed du 'jug pa na lug bal nag po 'ba' zhig dkon zhing rin che bas bya ba mang ba dang / byed pa mang bar gyur cing / lung mnod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas kyang gtong bar byed/ lug bal nag po 'ba' zhig 'dod pa dang / lug bal nag po 'ba' zhig gi don nyid du 'ongs pa dag bram ze dang / khyim bdag rnams la yang dang yang du rig par byed nas/ dge slong don nyung ngu dag ci'i phyir/ dge slong dag lug gi bal nag po 'ba' zhig gi stan sar pa byed pa dang / byed du 'jud de/ dge slong dag lug bal nag po 'ba' zhig gi stan sar pa byed pa dang / byed du 'jud pa na lug bal nag po 'ba' shig dkon zhing rin che bas bya ba mang ba dang / byed pa mang bar gyur cing lung mnod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas kyang gtong bar byed/ lug bal nag po 'ba' zhig 'dod pa dang / lug bal nag po 'ba' zhig gi don nyid du 'ongs pa dag bram ze dang / khyim bdag rnams la yang dang yang du rig par byed ces smod par byed/ phyar ka gtong bar byed/ kha zer bar byed pa'i skabs de dge slong dag gis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin no/ /sangs rgyas bcom ldan 'das kyis dge slong rnams la rmas pa/ dge slong dag khyed lug bal nag po 'ba' zhig gi stan sar pa byed pa bden nam/ btsun pa mad do/ /sangs rgyas bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par smad par mdzad do/ /de nas bcom ldan 'das kyis 'dod pa chung ba dang / chog shes pa dang / gso sla ba dang / dgang sla ba dang / phri ba dang / yo byad bsnyungs pa dang / sbyangs pa'i yon tan dang / mdzes pa dang / drod rig pa nyid kyi bsngags pa brjod nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang lug bal nag po 'ba' zhig gi stan sar pa byed na spang ba'i ltung byed do/ /yang dge slong gang zhes bya ba ni chos 'di pa'o/ /lug bal zhes bya ba ni lug gi bal lo/ /nag po 'ba' zhig gi zhes bya ba ni nag po bzhi ste/ / rang bzhin gyis gnag pa dang / sngo bas gnag pa dang / 'dam kha dang / kham pa'o/ /stan zhes bya ni stan gnyis te/ nang tshangs can dang / rlings pa ste/ don 'dir ni rlings pa yin par dgongs so/ /sar pa zhes bya ba ni sar pa gnyis te/ gsar pas sar pa dang / rnyed pas sar pa ste/ don 'dir ni gsar pas sar pa yin par dgongs so/ /byed na zhes bya ba ni bdag nyid kyis sam/ gzhan byed du 'jud na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so/ /de la ltung bar ji ltar 'gyur zhe na/ chun po dang 'da' ba dang / phung po las te/ dge slong gis lug bal nag po 'ba' zhig dag gi chun po 'byed par byed/ 'jig par byed/ rmel bar byed cing ji srid du stan mi byed pa de srid du nyes byas su 'gyur la/ stan byas zin na spang ba'i ltung byed du 'gyur ro/ /dge slong gis lug bal nag po 'ba' zhig dag gi 'da' ba 'byed par byed/ 'jig par byed/ rmel bar byed cing ji srid du stan mi byed pa de srid du nyes byas su 'gyur la/ stan byas zin na spang ba'i ltung byed du 'gyur ro/ /dge slong gis lug bal nag po 'ba' zhig dag gi phung po 'byed par byed/ 'jig par byed/ rmel bar byed cing ji srid du stan mi byed pa de srid du nyes byas su 'gyur la/ stan byas zin na spang ba'i ltung byed du 'gyur ro/ /dge slong gis lug bal nag po 'ba' zhig dag gi chun po dang / 'da' ba dang / chun po dang / phung po dang / 'da' ba dang / chun po dang / 'da' ba dang / phung po dang / phung po dang / chun po dang / phung po dang / 'da' ba dang / chun po dang / 'da' ba dang / phung po 'byed par byed/ 'jig par byed rmel bar byed cing ji srid du stan mi byed pa de srid du nyes byas su 'gyur la/ stan byas zin na spang ba'i ltung byed du 'gyur ro/ /byas zin pa rnyed pa dang / byas zin pa la yongs su longs spyod pa dang / rnyed pa mngon par // 'du byed pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bal nag po 'ba' zhig gi spang ba ste bcu gnyis pa rdzogs so// sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong gis lug gi bal nag po 'ba' zhig gi stan sar pa mi bya'o zhes gsungs pas/ de dag bal dkar po dang / mkhob bal cung zhig bcug nas lug gi bal nag po 'ba' zhig gi stan sar pa byed pa dang / byed du 'jud de/ des kyang de dag bya ba mang ba dang / byed pa mang bar gyur cing lung mnod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas kyang gtong bar byed do/ /de 'dod pa dang / de'i don nyid du 'ongs pa dag bram ze dang / khyim bdag rnams la yang dang yang du rig par byed nas/ dge slong don nyung ngu dag ci'i phyir dge slong dag bal dkar po dang / mkho bal cung zhig bcug nas lug gi bal nag po 'ba' zhig gi stan sar pa byed pa dang / byed du 'jud de/ des kyang bya ba mang ba dang / byed pa mang bar gyur cing / lung mnod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas kyang gtong bar byed/ de 'dod pa dang / de'i don nyid du 'ongs pa dag bram ze dang / khyim bdag rnams la yang dang yang du rig par byed ces smod par byed/ phyar ka gtong bar byed/ kha zer bar byed pa'i skabs de dge slong dag gis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste/ zhes bya ba la sogs pa yang snga ma bzhin no/ /sangs rgyas bcom ldan 'das kyis dge slong rnams la rmas pa/ dge slong dag ngas dge slong gis lug gi bal nag po 'ba' zhig gi stan sar pa mi bya'o/ /zhes gsungs pas bal dkar po dang / mkhob bal cung zhig bcug nas lug gi bal nag po 'ba' zhig gi stan sar pa byed pa dang / byed du 'jud pa bden nam/ btsun pa mad do/ /sangs rgyas bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par smad pa mdzad do/ /de nas bcom ldan 'das kyis/ 'dod pa chung ba dang / chog shes pa dang / gso sla ba dang / dgang sla ba dang / phreng ba dang / yo byad bsnyungs pa dang / sbyangs pa'i yon tan dang / mdzes pa dang / drod rig pa nyid kyi bsngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis stan sar pa byed na cha gnyis ni lug bal nag po 'ba' zhig las gzhug par bya/ gsum pa ni dkar po las/ bzhi pa ni mkhob bal las gzhug par bya'o/ /gal te dge slong gis cha gnyis lug bal nag po 'ba' shig las ma gcug gam/ gsum pa ni dkar po las/ bzhi pa ni mkhob bal las ma bcug par stan sar pa byed na spang ba'i ltung byed do/ /dge slong gis shes bya ba ni chos 'di pas so/ /stan zhes bya ba ni stan gnyis te/ nang tshangs can dang / rlings pa ste/ don 'dir ni rlings pa yin par dgongs so/ /sar pa zhes bya ba ni sar pa gnyis te/ gsar pas sar pa dang / rnyed pas sar pa ste/ don 'dir ni gsar pas sar pa yin par dgongs so/ /byed na zhes bya ba ni bdag nyid kyis sam/ gzhan byed du 'jud na'o/ /cha gnyis ni lug bal nag po 'ba' zhig las gzhug bar bya zhes bya ba la/ lug bal zhes bya ba ni lug bal lo/ /nag po 'ba' zhig ces bya ba ni nag po bzhi ste/ rang bzhin gyis gnag pa dang / sngo bas gnag pa dang / /'dam kha ba dang / kham pa'o/ /gsum pa ni dkar po las shes bya ba las dkar po zhes bya ba ni glo'i bal dang / rgyab kyi bal dang / gnya' ba'i bal lo/ /bzhi pa ni mkhob bal las gzhug par bya'o zhes bya ba la/ mkhob bal zhes bya ba ni rkang pa'i bal dang / mgo'i bal dang / lto'i bal lo/ /ma bcug ces bya ba ni ma bsres par ro/ /spang ba'i ltung byed do/ /zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na/ dge slong gis stan srang bcu pa byed na de lug bal nag po 'ba' zhig las srang lnga dang / dkar po las srang phred dang gsum dang / mkhob bal las srang phyed dang gsum gzhug par bya'o/ /gal te dge slong gis cha gnyis lug bal nag po 'ba' zhig las ma bcug gam/ gsum pa dkar po las/ bzhi pa mkhob bal las ma bcug par stan sar pa byed na stan zin na spang ba'i ltung byed du 'gyur ro/ /srang bcu pa ji lta ba de bzhin du dge slong gis stan srang nyi shu pa dang / srang sum bcu pa dang / srang bzhi bcu pa dang / srang lnga bcu pa byed na des lug bal nag po 'ba' zhig las srang nyi shu rtsa lnga dang / dkar po las srang phyed dang bcu gsum dang / mkhob bal las srang phyed dang bcu gsum gzhug par bya'o/ /gal te dge slong gis cha gnyis lug bal nag po 'ba' zhig las ma bcug gam/ gsum pa dkar po las bzhi pa mkhob bal las ma bcug par stan sar pa byed na/ stan zin na spang ba'i ltung byed du 'gyur ro/ /dge slong gis dkar po dang / mkhob bal las srang gcig gam/ srang phyed phri ste/ lug bal nag po 'ba' zhig las stan sar pa byed na thams cad du spang ba'i ltung byed du 'gyur ro/ /nag po 'ba' shig mod pa dang / rin mnyam pa dang / dkar po dang mkhob bal/ dkon pa dang / rin che bar gyur na ltung ba med do/ /las dang po pa // dang / smyos pa dang / sems 'khrugs pa dang / tshor ba dag gis nyen pa la ltung ba med do/ /cha gnyis bsres pa'i spang ba ste bcu gsum pa rdzogs so// sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong rnams la stan mang ba nyid 'di lta bu 'di byung bar gyur te/ de dag stan 'di ni ha cang rings so/ /'di ni ha cang thungs so zhes de bor nas gzhan byed du 'jud do/ /stan 'di ni ha cang dog go/ /'di ni ha cang yangs so/ /'di ni thams cad kyi thams cad du bug rdol dang / sha zad pa dang / bcos dka' ba nyid yin no zhes de bor nas gzhan byed du 'jud pas/ dge slong de dag stan byas shing byas shing 'dor ba na bya ba mang ba dang / byed pa mang bar gyur cing / /lung mnod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed nas/ dge slong don nyung du dag ci'i phyir/ dge slong rnams la stan mang ba nyid 'di lta bu 'di byung bar gyur te/ 'di dag stan 'di ni ha cang rings so/ /'di ni ha cang thungs so/ /zhes de bor nas gzhan byed du 'jud/ stan 'di ni ha cang dog go/ /'di ni ha cang yangs so/ / 'di ni thams cad du bug rdol dang / sha zad pa dang / bcos dka' ba nyid yin no/ /zhes de bor nas gzhan byed du 'jud pas/ dge slong 'di dag stan byas shing stan byas shing 'dor ba na bya ba mang ba dang / byed ba mang bar 'gyur cing / lung mnod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed ces smod par byed/ kha zer bar byed/ phyar ka gtong bar byed pa'i skabs de dge slong dag gis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin no/ /sangs rgyas bcom ldan 'das kyis dge slong rnams la rmas pa/ dge slong dag khyed la stan mang ba nyid 'di lta bu 'di byung bar gyur te/ khyed cag stan 'di ni ha cang rings so/ /'di ni ha cang thungs so zhes de bor nas gzhan byed du 'jud/ stan 'di ni ha cang dog go/ /'di ni ha cang yangs so/ /'di ni thams cad kyi thams cad du bug rdol dang / sha zad pa dang / bcos dka' ba dag nyid yin no/ /zhes de bor nas gzhan byed du 'jud pa bden nam/ btsun pa mad do/ /sangs rgyas bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par smad par mdzad do/ /de nas bcom ldan 'das kyis 'dod pa chung ba dang / chog shes pa dang / gso sla ba dang / dgang sla ba dang / phri ba dang yo byad bsnyungs pa dang / sbyangs pa'i yon tan dang / mdzes pa dang / drod rig pa nyid kyi bsngags pa brjod nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis stan sar pa byed na mi 'dod bzhin du lo drug tu bcang bar bya'o/ /gal te dge slong gis lo drug tshun chad du stan rnying pa de spangs kyang rung / ma spangs kyang rung stan sar pa gzhan byed na spang ba'i ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad do/ /sangs rgyas bcom ldan 'das 'brog gnas na 'brog gi nags na bzhugs so/ /'brog gnas grang zhing rlung che bas dge slong lag gi bla dag lo drug tu stan gyis mi thub pa de dag grang ba dag gis las sar pa dag rgyun bcad par gyur to/ /sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen bzhin du rmed pa/ mkhyen kyang mi rmed pa/ dus su rmed pa/ dus las yol bar mi rmed pa/ don dang ldan par rmed pa/ don dang mi ldan par mi rmed pas/ sangs rgyas bcom ldan 'das rnams ni don dang mi ldan par rmed pa la chu lon gyis zlog pa mdzad pa yin no/ /de la sangs rgyas bcom ldan 'das rnams ni don dang ldan par rmed pa la dus mkhyen pa yin pas/ sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo ci'i phyir dge slong lag gi bla dag gis las sar pa dag rgyun bcad par gyur/ btsun pa bcom ldan 'das kyis 'di ltar dge slong gis stan sar pa byed na mi 'dod bzhin du lo drug tu bcang bar bya'o/ /gal te dge slong gis lo drug tshun chad du stan rnying pa de spang kyang rung / ma spangs kyang rung / stan sar pa gzhan byed na spang ba'i ltung byed do/ /zhes 'dul ba la nyan thos rnams kyi bslab pa'i gzhi bca' ba mdzad pas/ dge slong lag gi bla dag dgung lo drug gi bar du stan gyis mi thub pa de dag grang ba dag gis las sar pa dag rgyun bkum par gyur to/ /bcom ldan 'das kyis bka' stsal pa/ kun dga' bo dge slong lag gi bla gang la lo drug tu stan gyis mi thub pa'i dge slong des dge 'dun las lo drug tshun chad du stan gyi gnang ba gsol bar bya'o/ /'di ltar gsol bar bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing 'thun par gyur la dge slong lag gi bla des bla gos phrag pa gcig tu byas te/ rgan rims kyis phyag 'tshal nas/ rgan pa'i mtha' logs su tsog pur 'dug ste/ thal mo sbyar nas 'di skad ces brjod par bya'o/ /dge 'dun btsun pa rnams gsan du gsol/ bdag dge slong lag gi bla ming 'di zhes bgyi ba lo drug tu stan mi bgyid pa las/ bdag dge slong lag gi bla ming 'di zhes bgyi ba dge 'dun las lo drug tshun chad du stan gnang ba gsol na thugs brtse ba can/ dge 'dun btsun pa rnams kyis thugs brtse ba'i slad du bdag dge slong lag gi bla ming 'di zhes bgyi ba la lo drug tshun chad du stan gnang ba stsal du gsol/ de bzhin du lan gnyis lan gsum du bzlas te gsol bar bya'o/ /dge slong de dag gis dge slong lag gi bla de la dad pa 'am yid ches pas 'gro bar mi bya bar dge 'dun thams cad der 'dong bar bya ba 'am/ dge 'dun gyis bskos pa'i dge slong dag btang bar bya zhing de dag stan de rang gi mig sngar bab par bya ba 'am/ yang na stan de dge 'dun gyi dbus su dbyung bar bya ste/ gal te stan de ha cang ring ba yin na de dag gis bcad par bya'o/ /gal te ha cang thung ba yin na bal sbyin par bya'o/ /gal te ha cang yangs pa yin na de dag gis bcad par bya'o/ /gal te ha cang dog pa yin na bal sbyin par bya'o/ /gal te ral ba dang rdol ba yin na bal sbyin par bya'o/ /gal te thams cad kyis thams cad du bug rdol ba dang / sha zad pa dang / bcos dka' ba nyid yin na de'i 'og tu dge slong cig gis gsol ba bya ste las bya'o/ /dge 'dun btsun pa rnams gsan du gsol/ dge slong lag gi bla ming 'di zhes bgyi ba 'di lo drug du stan mi bgyid pa las dge slong lag gi bla ming 'di zhes bgyi ba 'di dge 'dun las lo drug tshun chad du stan gnang bar gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong lag gi bla ming 'di zhes bgyi ba la lo drug tshun chad du stan gnang ba stsol to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong lag gi bla ming 'di zhes bgyi ba 'di lo drug tu stan mi bgyid pa las dge slong lag gi bla ming 'di zhes bgyi ba 'di dge 'dun las lo drug tshun chad stan gnang bar gsol te/ de'i slad du dge 'dun gyis dge slong lag gi bla ming 'di zhes bgyi ba la lo drug tshun chad du stan gnang ba stsal na/ tshe dang ldan pa gang dag dge slong lag gi bla ming 'di zhes bgyi ba 'di la lo drug tshun chad du stan gnang bar stsal bar bzod pa de dag ni cang ma gsung shig /gang dag mi bzod pa de dag ni gsungs shig / dge 'dun gyis bzod cing gnang nas dge 'dun gyis dge slong lag gi bla ming 'di zhes bgyi ba la lo drug tshun chad du stan gnang ba stsal lags te/ 'di ltar cang mi gsung bas de de bzhin du 'dzin to/ /dge 'dun gyis dge slong lag gi bla gang la lo drug tshun chad du stan gnang ba byin pa des lo drug tshun chad du stan byed du gzhug ste 'di la 'gyod par mi bya'o/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod do/ /dge slong rnams la yang de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin no/ / nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis stan sar pa byed na mi 'dod bzhin du lo drug du bcang bar bya'o/ /gal te dge slong gis lo drug tshun chad du stan rnying pa de spangs kyang rung ma spangs kyang rung / stan sar pa gzhan byed na dge 'dun gyis gnang ba ma gtogs te spang ba'i ltung byed do/ /dge slong gis shes bya ba ni chos 'di pas so/ /stan zhes bya ba ni stan gnyis te/ nang tshangs can dang / rlings pa ste/ don 'dir ni rlings pa yin par dgongs so/ /sar pa zhes bya ba ni sar pa gnyis te/ gsar pas sar pa dang / rnyed pas sar pa ste/ don 'dir ni gsar pas sar pa yin par dgongs so/ /byed na zhes bya ba ni bdag nyid kyis sam/ gzhan byed du 'jud na 'o/ /mi 'dod bzhin du lo drug du bcang bar bya'o zhes bya ba ni lo drug gi mtha' tshun chad du bcang bar bya ba'o/ /gal te dge slong gis lo drug tshun chad du zhes bya ba ni de'i mtha' tshun chad do/ /stan rnying pa zhes bya ba ni stan gang yod pa de'o/ /spangs kyang rung ma spangs kyang rung stan sar pa gzhan byed na zhes bya ba ni gnyis pa'o/ /dge 'dun gyis gnang ba ma gtogs so zhes bya ba ni dge 'dun gyis gnang ba bzhag ste'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spangs ba'i ltung byed do zhes gsungs so/ /de la ltung bar ji ltar 'gyur zhe na/ bar sdom la/ gnyis brtsams phyi ma zin pa dang / /gnyis brtsams snga ma zin pa dang / /gnyis zin nas ni gcig spong dang / /gnyis ka brtsams te gtong ba dang / /lo drug pa la nyes med pa/ /de ni stan gyi bsdu ba yin/ /dge slong gis lo gang la stan rtsom par byed pa'i lo de nyid la stan gnyis pa rtsom par byed na gnyis pa rtsom pa de la nyes byas su 'gyur la/ byas zin na yang nyes byas su 'gyur ro/ /snga ma la ni ltung ba med do/ /lo de nyid la stan gnyis pa mi rtsom yang lo gnyis pa dang / gsum pa dang / bzhi pa dang / lo lnga pa la stan gnyis pa rtsom par byed na gnyis pa rtsom pa de la nyes byas su 'gyur la/ byas zin na yang nyes byas su 'gyur ro/ /snga ma la ni ltung ba med do/ /dge slong gis lo gang la stan rtsom par byed pa'i lo de nyid la stan gnyis pa brtsams nas snga ma zin par byed na gnyis pa rtsom pa de la nyes byas su 'gyur la/ byas zin na spang ba'i ltung byed du 'gyur ro/ /lo de nyid la stan gnyis pa brtsams nas zin par mi byed kyang lo gnyis pa dang / gsum pa dang / bzhi pa dang / lnga pa la stan gnyis pa brtsams nas snga ma zin par byed na de rtsom pa la nyes byas su 'gyur la/ byas zin na spang ba'i ltung byed du 'gyur ro/ /dge slong gis lo gang la stan byas pa'i lo de nyid la stan gnyis pa yang byas nas des snga ma shos byin gyis brlabs te phyi ma shos gtong bar byed dam/ phyi ma shos bzhag ste snga ma shos gtong bar byed na gnyis pa rtsom pa de la nyes byas su 'gyur la/ byas zin na spang ba'i ltung byed du 'gyur ro/ /snga ma la ni ltung ba med do/ /lo de nyid la stan gnyis pa ma byas kyang lo gnyis pa dang / gsum pa dang / bzhi pa dang / lnga pa la stan gnyis pa byas nas des snga ma shos bzhag ste phyi ma shos gtong bar byed dam/ phyi ma shos bzhag ste snga ma shos gtong bar byed na gnyis pa rtsom pa de la nyes byas su 'gyur la/ byas zin na spang ba'i ltung byed du 'gyur ro/ /snga ma la ni ltung ba med do/ /dge slong gis lo gang la stan rtsom pa'i de nyid la stan gnyis pa yang brtsams nas de ma zin par gtong bar byed dam/ lo gnyis pa dang / gsum pa dang / bzhi pa dang / lnga pa la brtsams nas de ma zin par gtong bar byed na de rtsom par byed pa la nyes byas lngar 'gyur la/ snga ma la ni ltung ba med do/ /dge slong gis lo gang la stan byed pa'i lo de nyid la stan gnyis pa mi byed cing lo gnyis pa la yang mi byed/ gsum pa la yang mi byed/ bzhi pa la yang mi byed/ lnga pa la yang mi byed par lo drug pa la byed na ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /lo drug tu bcang ba'i spang ba ste bcu bzhi pa rdzogs so// //'dul ba rnam par 'byed pa/ bam po sum bcu rtsa gnyis pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcom ldan 'das kyis bla na med pa'i mkhyen pa thugs su chud pa de'i tshe na thams cad du yul dbus su sangs rgyas 'jig rten du byung zhes grag go zhes sgra grags so/ /byang lam na tshong pa dag gis yul dbus su sangs rgyas 'jig rten du byung ste/ gang dag de la mchod pa dag byed pa de dag gi mchod pa byas pa de dag ni shin du 'bras bu che ba dang / phan yon che ba dang / gsal ba che ba dang / rgya chen por 'gyur ro zhes thos so/ /thos nas kyang de dag 'di snyam du sems te/ bdag cag zong dag thogs te mnyan yod du 'dong zhing der bdag cag gis khe spogs kyang bsgrub par bya/ bcom ldan 'das la yang bsnyen bkur bya'o snyam du rig nas tshong pa lnga brgya byang lam nas zong dag thogs te yul dbus su 'phags so/ /de dag mthar gyis mnyan yod du phyin nas de dag gis zong mkhos su phab ste/ khyim bdag mgon med zas sbyin ga la ba der dong nas phyin pa dang / khyim bdag mgon med zas sbyin la 'di skad ces smras so/ /khyim bdag bdag cag sangs rgyas bcom ldan 'das blta bar 'dod do/ / shes ldan dag de bzhin gshegs pa dgra bcom pa yang dag par rdzogs par sangs rgyas pa rnams ni blta bar bya ba rin po che kho na yin te/ de bzhin gshegs pa dgra bcom pa yang dag par rdzogs pa'i sangs rgyas rnams ni 'di lta ste/ dper na u dum ba ra'i me tog ltar bltams pa dang / 'byung ba dkon pa yin no/ /de nas khyim bdag mgon med zas sbyin gyis tshong pa lnga brgya po de dag khrid nas bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das tshong pa de dag la chos dang ldan pa'i gtam gyis yang dag par ston par mdzad/ yang dag par 'dzin du 'jud par mdzad/ yang dag par gzeng stod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i gtam gyis yang dag par bstan/ yang dag par 'dzin du bcug / yang dag par gzeng bstod/ yang dag par rab tu dga' bar mdzad nas cang mi gsung ngo / /de nas tshong pa de dag gis bcom ldan 'das la bsnyen bkur byas nas/ dge slong gnas brtan gnas brtan rnams kyi gtsug lag khang blta bar brtsams pa dang / tshong pa de dag gis dge slong gnas brtan gnas brtan rnams kyi mal dag na gding ba dbus rdol ba dag mthong ngo / /mthong nas kyang khyim bdag mgon med zas sbyin la 'di skad ces smras so/ /khyim bdag ci'i phyir dge slong gnas brtan gnas brtan 'di dag gi gding ba dag dbus rdol bar gyur/ khyim bdag mgon med zas sbyin gyis smras pa/ bdag nyid chen po 'di dag ni phal cher mtshan mo skyil mo dkrung gis 'da' bar byed do/ /de dag sems mngon par dad par gyur nas dad pa skyes pa de dag gis dge slong rnams la ras yug chen lnga brgya phul lo/ /dge slong rnams kyis gding ba rnying pa de dag khang pa chen po'i gtsug lag khang bla gab med pa zhig tu bzhag go/ /de'i tshe khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs pa dang / dge slong gi dge 'dun ni zhugs so/ /bcom ldan 'das ni rdzas las byung ba na bzhugs shing bsod snyoms mngon par bsgrubs so/ /sangs rgyas bcom ldan 'das rnams ni rgyu lngas rdzas las byung ba na bzhugs shing bsod snyoms mngon par sgrub pa mdzad de/ lnga gang zhe na/ nang du yang dag 'jog par bzhed pa dang / lha rnams la chos ston par bzhed pa dang / nad pa la blta bar bzhed pa dang / gnas mal la rtog par bzhed pa dang / 'dul ba la nyan thos rnams kyi bslab pa'i gzhi bca' bar bzhed pa'o/ /don 'dir ni bcom ldan 'das gnas mal la rtog par bzhed pa dang / 'dul ba la nyan thos rnams kyi bslab pa'i gzhi bca' bar bzhed pas/ rdzas las byung ba ni bzhugs shing bsod snyoms mngon par sgrub pa mdzad do/ /de nas bcom ldan 'das kyis dge slong gi dge 'dun song nas ring po ma lon par thugs su chud nas lde mig bsnams te kun dga'i ra ba nas/ kun dga'i ra ba na/ gtsug lag khang nas gtsug lag khang du/ khang khyim nas khang khyim du 'chag sa nas 'chag sa dang / gol bar gshegs shing mthar gyis gshegs pa na khang pa chen po'i gtsug lag khang ga la ba der gshegs so/ /de'i tshe na khang pa chen po'i gtsug lag khang de na gding ba rnying pa rdol ba dang ral bas rdul gyi phye ma dang 'dres pa rab tu mang po dag sa la bkram zhing 'dug go/ /bcom ldan 'das kyis gding ba rnying pa rdol ba dang / ral ba sa rdul gyi phye ma dang 'dres pa rab tu mang po dag sa la bkram zhing 'dug pa dag gzigs so/ /gzigs nas kyang e ma zhes gsung zhing smad nas 'di snyam du dgongs te/ bram ze dang khyim bdag dad pa can dag gis lpags pa dang sha dang khrag dag btsir cing sbyin pa dag sbyin/ bsod nams dag byed pa gang yin pa de la dge slong dag drod mi shes pa dang / so sor mi rtog par yongs su longs spyod par byed do snyam du dgongs so/ /de nas bcom ldan 'das kyis gding ba rnying pa de dag legs par brtul cing sprugs nas bting zhing bskams te rtsig pa la mi reg par mdzad nas/ gtsug lag khang gi slad rol tu zhabs gnyis bsil te nang du yang dag 'jog gi slad du gtsug lag khang du gshegs so/ /de nas dge slong bsod snyoms sgrub pas bsod snyoms blangs nas/ bcom ldan 'das ga la ba der song ngo / /sangs rgyas bcom ldan 'das rnams ni chos nyid kyi bsod snyoms sgrub pa'i dge slong la dge slong las ji ltar zas bsod dam/ dge slong gi dge 'dun tshim par byas sam zhes so sor kun dga' bar mdzad pa 'dis so sor kun dga' bar mdzad pa yin pas bcom ldan 'das kyis dge slong bsod snyoms sgrub pa la/ dge slong ji ltar zas bsod dam/ dge slong gi dge 'dun tshim par byas sam zhes so sor kun dga' bar mdzad pa dang / des gsol pa/ btsun pa te por zas bsod cing dge slong gi dge 'dun tshim par bgyis so/ / de nas bcom ldan 'das zhal zas kyi bya ba mdzad nas/ gtsug lag khang gi slad rol du zhabs gnyis bsil te nang du yang dag 'jog gi slad du gtsug lag khang du gshegs so/ /de nas bcom ldan 'das phyi dro nang du yang dag 'jog las bzhengs nas/ dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag 'di na ngas dge slong gi dge 'dun song nas ring po ma lon par shes nas lde mig khyer te kun dga'i ra ba nas kun dga'i ra bar/ gtsug lag khang nas gtsug lag khang du/ khang khyim nas khang khyim du/ 'chag sa nas 'chag sar dang / gol bar song zhing mthar gyis 'gro ba na khang pa chen po'i gtsug lag khang zhig ga la ba der phyin nas ngas khang pa chen po'i gtsug lag khang de na gding ba rnying pa rdol ba dang ral ba sa rdul gyi phye ma dang 'dres pa rab du mang po dag sa la bkram zhing 'dug pa mthong ngo / /mthong nas kyang e ma zhes byas te smad nas 'di snyam du bram ze dang / khyim bdag dad pa can dag gis lpags pa dang / sha dang / khrag dag btsir cing btsir cing sbyin pa dag sbyin/ bsod nams dag byed pa gang yin pa de la dge slong dag drod mi shes pa dang / so sor mi rtog par yongs su longs spyod par byed do snyam du dgongs kyis/ dge slong dag khyed kyis dad pas sbyin par bya ba la/ drod ran par yongs su longs spyad pa dang / spang zhing yongs su longs spyad pa dang / dus su yongs su longs spyad pa dang / brtag cing yongs su longs spyad pa dang / khad kyis yongs su longs spyad na legs so/ /bar sdom la drod ran pa dang spang ba dang / /de bzhin dus dang brtag pa dang / /khad kyis yongs su spyad pa yin/ /de nas bcom ldan 'das kyis drod ran pa dang / spang ba dang dus brtag pa dang / khad kyis yongs su longs spyad pa'i bsngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis gding ba sar pa byed na sar pa bya kha dog mi sdug par bya ba'i phyir gding ba rnying pa bde bar gshegs pa'i mtho gang 'khor bas klan par bya'o/ /gal te dge slong gis sar pa kha dog mi sdug par bya ba'i phyir gding ba rnying pa bde bar gshegs pa'i mtho gang 'khor bas ma klan par gding ba sar pa spyod na spang ba'i ltung byed do/ /dge slong gis shes bya ba ni chos 'di pas so/ /gding ba zhes bya ba ni so sor gding ba'o/ /sar pa zhes bya ba ni sar pa gnyis te/ gsar pas sar pa dang / rnyed pas sar pa ste/ don 'dir ni gsar pas sar pa yin par dgongs so/ /byed na zhes bya ba ni bdag nyid kyis sam/ gzhan byed du 'jug na'o/ /sar pa kha dog mi sdug par bya ba'i phyir zhes bya ba ni sar pa sra bar bya ba'i phyir ro/ /gding ba rnying pa bde bar gshegs pa'i mthong gang 'khor bas klan par bya'o zhes bya ba ni gal te de la gding ba rnying pa bde bar gshegs pa'i mtho gang 'khor ba gzhan yod na'o/ /bde bar gshegs pa zhes bya ba ni ston pa'o/ /bde bar gshegs pa'i mtho gang la ni tshad dang ldan pa'i khru'i khru phyed dang do yod do/ /'khor bas shes bya ba ni kun nas mtho re yod pas so/ /klan par bya'o zhes bya ba ni sbyar bar bya ba'o/ /ma klan par zhes bya ba ni ma sbyar bar ro/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na/ dge slong gis gding ba rnying pa bde bar gshegs pa'i mtho gang 'khor bas ma bklan par ji tsam cung zad du gding ba sar pa spyod par byed na thams cad du spang ba'i ltung byed du 'gyur ro/ /gding ba rnying pa thams cad kyi thams cad du sha zad pa dang / bug rdol du gyur pa dang / bcos su mi rung ba yin na ltung ba med do/ / de tsam med na ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /mtho gang gi spang ba ste bcwa lnga pa rdzogs so// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag gis smras pa/ dga' bo nye dga' lhung bzed nag po can 'di dag ni rkang pa spre'u'i zhag gis bskus te 'gro na yang 'gro bar chas pa'i rnyed pa sgrub par byed 'ong na yang blo bur du 'ongs pa'i rnyed pa sgrub par byed cing skye bo mang po dga' ba dang / yid du 'ong bar yang 'gyur ro/ /yu bu cag ni khron pa'i rus sbal dang 'dra bar gar yang mi 'dong / gang nas kyang mi 'ong bas rnyed pa 'thob pa dang / skye bo mang po dga' ba dang / yid du 'ong bar ga la 'gyur gyis yu bu cag kyang 'dong ngo / /gang du 'dong / gang du don 'thun 'grub par ro/ /de dag gis bsams pa/ gal te thams cad dong bar 'gyur na bdag cag gi nye bar spyod pa'i khyim gang dag yin pa de dag kyang lhung bzed nag po can dag gis rjes su 'jug par byed par 'gyur gyis bdag cag gis gcig bzhag ste 'dong bar bya na su bzhag par bya/ btsun pa 'char ka'o/ /btsun pa 'char ka khyod 'di nyid du 'dug shig /kho bo cag 'dong bar bya'o/ /de bzhin gyis shig ces 'char ka de nyid du 'dug go/ /lnga po dag gis don 'thun btsal bar brtsams pa dang / de dag gis bal yul du 'gro ba'i don 'thun mthong nas/ de'i drung du song ste smras pa/ bzhin bzangs dag khyed gang du 'phags/ 'phags pa dag bal yul du'o/ /bzhin bzangs dag kho bo cag kyang khyed dang lhan cig 'dong ngo / /'phags pa dag bal yul ni rnga mo'i rgyab 'dra ba lags pas/ khyed cag der dgyes par mi 'gyur ro/ /bzhin bzangs dag gal te de lta bu yin du zin kyang / yul mthong bar 'gyur bas 'dong bar bya'o/ /'phags pa dag gal te de lta na tshur spyon bzhud do/ /drug sde dag don 'thun de dag dang lhan cig bal yul du 'phags nas mthar gyis bal yul du phyin pa dang / nyi ma gang kho na la bal yul du phyin pa'i nyi ma de nyid la mngon par mi dga' bar gyur nas de dag nang par sngar langs te lam srang du dong ba dang / tshong pa dag gis drug sde dag mthong nas de dag gi rkang pa la phyag 'tshal te smras pa/ 'phags pa dag bal yul ci 'dra/ khyed cag mngon par mi dgyes par ma gyur tam/ bzhin bzangs dag nyi ma gang kho na la bal yul du phyin pa'i nyi ma de nyid la mngon par mi dga' bar gyur to/ /'phags pa dag bdag cag gis khyed la dang po kho na nas bal yul ni rnga mo'i rgyab 'dra ba lags pas khyed cag der dgyes par mi 'gyur ro zhes ma bgyis sam/ bzhin bzangs dag ci de lta na 'gro 'am 'dong ngo / /'phags pa dag bdag cag gis zong ma bsgyur de de lta lags mod kyi 'on kyang bdag cag dang bshes pa'i tshong pa gzhan dag mchis pa de dag gis zong bsgyur bas de dag la gtad par bgyis de dag dang thabs cig bzhud cig /drug sde dag gis smras pa/ de ma nongs kyis de bzhin bgyi'o/ /bal yul na bal dang ldong ros gnyis mod pas don 'thun de dag gis bal gyis shing rta bkang ste chas pa dang / drug sde dag kyang don 'thun de dang lhan cig 'phags so/ /drug sde dag gi kun du spyod pa ni rdul gyis 'jigs pas yang na ni don 'thun gyi mdun du 'gro/ yang na ni phyi bzhin 'brang zhing 'gro bas de dag don 'thun gyi phyi bzhin 'gro bar brtsams pa dang / ji tsam na tshong pa de dag gi shing rta'i srog shing chag nas tshong pa de dag gis bsams pa/ gal te shing rta'i srog shing bcos na sgras chom rkun pa dag 'ong bar 'gyur zhing de dag gis dang por bdag cag bsad par 'gyur la de'i 'og tu nor yang phrogs par 'gyur gyis/ bdag cag gis gces pa dag khyer te 'dong ngo snyam nas yid mi dga' zhing 'khod pa dang / drug sde dag lhags nas de dag gis smras pa/ shes ldan dag ci'i phyir yid mi dga' zhing 'khod/ 'phags pa dag shing rta'i srog shing chag ste gal te shing rta'i srog shing bcos na sgras chom rkun pa dag mchis par 'gyur zhing de dag gis dang por bdag cag bkum par 'gyur la/ de'i 'og tu nor yang phrogs par 'gyur bas bdag cag gis gces pa dag 'tshal de mchi'o snyam nas yid mi dga' zhing mchis so/ /bzhin bzangs dag khyod kyis bal dag yongs su brtang ngam/ yongs su btang ngo / /gal te khyed cag la mi gnod na zhwa dang / lham sgrog gu can dang / stod kor nang tshangs can dang / rgya cang dang / lcag pod dang / shur bu phre'u la sogs pa'i don du cung zhig bskur ro/ /'phags pa dag bdag cag la 'dis ci bgyi/ thams cad snoms shig /drug sde dag gis smras pa/ dga' bo nye dga' phyag dar khrod pa rnyed do zhes de dag gis lnga car gyi lhung bzed dang chos gos dag gcig gis bskur nas mi bzhis de nyid las thag pa bka' de khur po che ba bzhi drags nas de dag gis de khur te dong ngo / /de dag gis khur de dag khyer te 'phags pa dang / tshong pa de dag gis drug sde dag bal gyi khur blang ste phyi bzhin 'ongs pa mthong nas smras pa/ 'phags pa dag bdag cag gis gla mi dag khrid de mchi'o snyam du bsams nas/ khyed cag gis bal 'di thams cad bsnams de byon kyis 'phags pa dag la gla gsol lo/ /bkren pa dag kho bo cag khyod kyi gla mi dag yin nam/ 'phags pa dag mad kyang bzhad gad bgyi'o/ /don 'thun de'i nang na mu stegs can dag cig 'dong ba de dag gis smras pa/ kye ma drug sde dag khyed cag gang du khur 'jig par 'gyur/ gang du rnyed pa 'grub par 'gyur/ khyod kyi ma'i lto dral te der khur 'jig par 'gyur zhing der rnyed pa 'grub par 'gyur ro/ /drug sde dag gis smras pa/ dga' bo nye dga' gal te don mthun dang lhan cig 'dong na tho 'tsham pa mang du 'byung gis don 'thun gyi mdun du 'dong ngo zhes de dag don 'thun gyi mdun du 'phags te dong ba dang / ri brags shig na chom rkun pa gcad pa'i phyir yang rgod kyi mi mang po bkod cing 'khod pa de dag gis de dag thag ring po kho na nas mthong ngo / / mthong nas kyang nyam nga bar gyur nas de dag gis smras pa/ shes ldan dag glang po che dang bcas pa'i dmag byung ngo zhes ri brags pa de dag thams cad skrag nas nags khrod du byer ro/ /de dag gi nang nas kha cig gis smras pa/ 'di dag ni glang po che dang bcas pa'i dmag ma yin gyi 'di ltar rnga mo dag cig 'ong ba yin no/ /kha cig gis smras pa/ 'di dag ni rnga mo ma yin gyi 'di ltar glang dag cig yin no/ /kha cig gis smras pa/ 'di dag ni glang ma yin gyi 'di dag ni khur thogs pa dag cig yin no/ /de dag thag nye bar gyur pa dang yang rgod de dag gis smras pa/ 'phags pa dag khyed cag 'di lta bu'i khur dag thogs pas de'i phyir ri brags pa thams cad skrag ste nags khrod du byer ro/ /bkren pa dag gal te chom rkun pa dag gis khyed cag de dag bred ngas par shes par gyur na nyin mo'i nyi ma kho na la yang bcings te nags khrod du khrid par 'gyur ro/ /dga' bo nye dga' gal te lam du 'dong na tho 'tsham pa mang du 'byung gis lam gol bar 'dong zhugs te dong ba dang / sho gam pa dag gis tshong pa sho gam 'dral ba bsgugs pa'i phyir 'ge gu pa'i mi mang po dag bkod cing 'khod pa de dag gis de dag mthong nas smras pa/ e ma'o tshong pa sho gam 'dral ba dag ci'i phyir sho gam dral te 'dong / bkren pa dag kho bo cag khyed kyi tshong pa sho gam 'dral ba dag yin nam/ khyed cag su yin/ 'phags pa drug sde dag yin no/ /bzhud cig de dag gis smras pa/ dga' bo nye dga' gal te rgyal byed kyi tshal gyi sgo nas zhugs na lhung bzed nag po can dag las tho 'tsham pa mang du 'byung gis sge'u chung nas 'jug par bya'o zhes de dge sge'u chung nas zhugs pa dang / rgan zhugs shigs gis mthong nas des smras pa/ e ma'o khur tsa ba dag ci'i phyir grong dral te 'jug par byed/ rgan zhugs kho bo cag khyod kyi khur tsa ba dag yin nam/ des smras pa khyed su yin/ tshe dang ldan pa drug sde dag yin no/ /tshe dang ldan pa dag byon pa legs so byon pa legs so/ /de dag nang du zhugs nas de dag gi bal gyi khur de dag bshig pa dang / ri rab kyi rnam pa 'dra ba'i phung po chen por rnam par gnas so/ /de dag la dge slong rnams kyis smras pa/ tshe dang ldan pa dag khyed cag khur 'di lta bu dag thogs nas khyed la tho 'tsham pa dag mi 'byung ngam/ tshe dang ldan pa dag khyed ci kho bo cag gis bza' ba kho na'i phyir kha mngon par bsgrubs sam/ gang kho bo cag la tho 'tsham par byed pa de la kho bo cag gis kyang nyis gyur sbyin par bya'o/ /dge slong dag don nyung ba dag ci'i phyir dge slong dag yan lag gang gis ngo tsha bar bya ba'i yag lag de nyid kyis khengs par byed ces smod par byed/ phyar ka gtong bar byed/ /kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin no/ /sangs rgyas bcom ldan 'das kyis drug sde dag la rmas pa/ dge slong dag khyed kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no/ / zhes rnam par smad pa mdzad do/ /de nas bcom ldan 'das kyis rnam grangs du mas rnam par smad pa mdzad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong lam du zhugs pas lug bal dag rnyed la 'dod na dge slong des blang bar bya'o/ / blangs nas khyer ba med na dpag tshad gsum gyi mtha'i bar du bdag nyid kyis bkur bar bya'o/ /de las 'das par khyer na spang ba'i ltung byed do/ /dge slong zhes bya ba ni drug sde dag gam/ gzhan yang de lta bu gang yin pa'o/ /lam du zhugs pas zhes bya ba ni/ zhes bya ba dgon pa'i lam du zhugs pas so/ /lug bal dag ces bya ba ni lug gi bal dag go/ /rnyed pa zhes bya ba ni gzhan las so/ /'dod na zhes bya ba ni gal te don du gnyer na'o/ /dge slong des blang bar bya'o zhes bya ba ni mnod par bya ba'o/ /blangs nas khyer ba med na zhes bya ba ni rung ba byed pa med na'o/ /dpag tshad gsum gyi mtha'i bar du zhes bya ba ni dpag tshad gsum gyi mthar thug pa'i bar tshun chad du'o/ /bdag nyid kyis bkur bar bya'o/ /zhes bya ba ni bdag rang gis bkur bar bya ba'o/ /de las 'das par khyer na zhes bya ba ni de las thal bar khyer na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na/ dge slong gis lug bal dag rnyed la khyer ba med na bdag nyid kyis dpag tshad gsum gyi mtha' las 'das par khyer na rgyang grags phyed du phyin na nyes byas su 'gyur la/ rgyang grags kyi mthar phyin na spang ba'i ltung byed du 'gyur ro/ / khyer ba yod bzhin du bdag nyid kyis khyer na rtsom pa'i dus kho na na nyes byas su 'gyur la rgyang grags phyed du phyin na nyes byas su gzhan gcig tu 'gyur/ rgyang grags kyi mthar phyin na spang ba'i ltung byed du 'gyur ro/ /rdul phra rab drug la rdul phra mo gcig go/ /rdul phra mo drug la chu rdul gcig go/ /chu rdul drug la lcag rdul gcig go/ /lcag rdul drug la ri bong gi rdul gcig go/ /ri bong rdul drug la lug rdul gcig go/ /lug rdul drug la glang rdul gcig go/ /glang rdul drug la nyi zer gyi rdul gcig go/ /nyi zer gyi rdul drug la sro ma gcig go/ /sro ma drug la shig gcig go/ /shig drug la nas gcig go/ /nas drug la sor gcig go/ /sor bzhi drug la khru gang ngo / /khru phyed dang bzhi la mi'i srid do/ /khru bzhi la gzhu'o/ /gzhu lnga brgya la rgyang grags gcig go/ /rgyang grags brgyad la dpag tshad gcig go/ /de la dge slong dgon pa pa lam du zhugs pas lug bal dag rnyed la/ de blangs te khyer ba med na rgyang grags kyis chod pa'i grong bdun po dag gi grong phyed du ni nyes byas su 'gyur la/ grong gi mthar ni spang ba'i ltung byed du 'gyur ro/ /grong nas dgon pa'i lam du 'jug na rgyang grags phyed phyed du nyes byas su 'gyur la/ rgyang grags re rer spang ba'i ltung byed du 'gyur ro/ /zhwa dang lham sgrog gu can dang / stod kor nang tshangs can dang / rgya cang dang / lcag pod dang / shur bu phre'u la sogs pa'i don du de tsam dag khyer ba la ni ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /bal thogs pa'i spang ba ste bcu drug pa rdzogs so// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag gis smras pa/ dga' bo nye dga' bal bgo bar bya'o/ /cha dur bya de dag gis smras pa/ bdag cag gis btsun pa 'char ka 'di nyid na 'dug 'dug pa la ci'i phyir skal ba sbyin/ cha lngar bya'o/ /'char kas thos nas des smras pa/ tshe dang ldan pa dag khyed kyis der rnyed pa gang grub pa de yang khyed kyis gyis shig /kho bo 'di nyid na 'dug 'dug pas rnyed pa gang grub pa de yang kho bo nyid kyir bya'o/ /nye dgas bsams pa 'di 'di na 'dug 'dug pas rnyed pa mang po grub gor ma chag snyam nas des smras pa/ tshe dang ldan pa dag bdag cag dus thams cad du drug sde yin na da ci'i phyir lnga sder 'gyur bar bya/ cha drug kho nar bya'o su bgod tu gzhug /btsun pa 'char ka ma dub pa yin gyis de 'god du gzhug go/ /'char kas drug tu byas te bdag nyid kyi skal ba rang gi gnas khang du bcug ste bzhag go/ /de dag gis smras pa/ btsun pa 'char ka khyod kyis rnyed pa gang grub pa de khyer shog bgo'o/ /'char kas smras pa/ kho bos de'i bar du ka ka Ni gcig tsam yang ma rnyed do/ /khyod kyis kho bo cag bslus so/ /'char kas bsam pa/ bdag gis bal nyung ngu ma zhig rnyed pa 'di su rmel du gzhug /gal te khyim pa dag la bcol na ni de dag bslab pa yang dag par ma blangs pa yin pas thams cad brkus par 'gyur ro/ /gal te bcu gnyis sde dag la bcol na ni bca' ba'i rin du 'jog par 'gyur ro/ /chos byin la bcol yang chos byin ni mdo sde'i mtha' pa yin la/ 'khor yang mdo sde'i mtha' pa dang ldan pa yin pas mdo sde'i tshig dag sems pa na dus 'gyangs par 'gyur ro/ /gau ta mI skem mo la bcol du yang gau ta mI skem mo ni 'dul ba 'dzin pa yin la/ de'i 'khor yang 'dul ba 'dzin pa dang ldan pas de 'di ni ltung ba yin no/ /'di ni ltung ba ma yin no zhes sem pa na dus 'gyangs par 'gyur ro/ /skye dgu'i bdag mo chen mo gau ta mI ni spong ba ma yin la/ 'khor yang spong ba pa dang ldan pas des sems rtse gcig tu 'jog pa la bal rmel ba mi gnod kyis bdag gis de la bal rmel du bcol lo snyam nas/ de de snyam sems zhing 'dug pa na skye dgu'i bdag mo chen mo gau ta mIs bcos ldan 'das ga la ba der 'ongs pa de tshe dang ldan pa 'char kas thag ring po kho na nas mthong nas smras pa/ gau ta mIs bcom ldan 'das kyis tshul khrims dang ldan pa'i sems kyi smon pa 'grub ste/ de yang tshul khrims rnam par dag pa'i phyir ro zhes bka' stsal pa de legs par gsungs pa yin te/ da gzod kho na bdag kye ma skye dgu'i bdag mo chen mo gau ta mI 'ongs na ci ma rung snyam pa'i blo skyes na khyod kyang 'dir 'ongs so/ /bdag gis bal nyung zhig rnyed pa de khyed kyis rmel du chug ste byin cig /'phags pa bdag bcom ldan 'das kyi zhabs la phyag 'tshal te slar mchis nas dge slong ma gnyis btang gis de gnyis la bskur bar stsol cig /'char kas bal de dag gzar thag gis bam po gnyis su dam du rab tu bcings te sgo glegs kyi phag tu bzhag go/ /de nas skye dgu'i bdag mo chen mo gau ta mI bcom ldan 'das kyi zhabs la phyag 'tshal te/ dbyar khang du son nas des de'i gan du dge slong ma gnyis btang ste/ 'phags pa 'char ka'i gan du deng la bal de bskur du stsol zhes gyis shig ces bsgo'o/ /de gnyis dong ste smras pa/ 'phags pa gau ta mI'i mchid nas bal de bskur du gsol zhes mchi'o/ /'char kas de gnyis la smras pa/ sgo glegs kyi phag na bam po gnyis 'dug pa de gnyis khyer la deng shig /de gnyis gnas khang du zhugs te 'degs par brtsams pa dang / bsgul ba tsam du yang ma nus nas de gnyis kyis smras pa/ 'phags pa ci 'dir rang thag gi gor ma dag stsal tam/ gzhon nu ma gnyis ci khyed gnyis gzhon nu ma gta' gam pa yin nam/ zhes des the'u chung gis bteg ste gcig ni gcig gi mgor bskur/ gcig ni gcig gi rked du bskur ro/ /de gnyis mgo chag la thug go/ /rked pa chag la thug go zhes zer zhing dbyar khang du dong nas khur sa la bzhag ste khri steng du sgyel cing 'dug go/ /dge slong ma rnams kyis de gnyis la smras pa/ khyed gnyis gzhon nu ma gta' gam pa yin nam/ de gnyis kyis smras pa/ khyed cag las stobs dang ldan pa gang yin pa des je 'di theg shig /de dag gis de 'dig par brtsams pa dang bsgul ba tsam du yang ma nus nas de dag gis smras pa/ 'phags ma gnyis ci 'dir rang thag gi rdo dag bcug gam zhes de dag gis bam po de gnyis bshig pa dang ji tsam na phung po chen por rnam par gnas par gyur to/ /dge slong ma rnams kyis rta gad kyis btab ste smras pa/ 'phags pa 'char ka na re bal cung zhig zer na gal te mang bar gyur na ji lta bur 'gyur/ skye dgu'i bdag mo chen mo gau ta mIs smras pa/ nu mo dag mgo bregs shing mchan khung ral bu can dag yin na god tu ci yod/ 'phags pa 'char ka'i mchid nas bal nyung zhig ces mchi na gal te mang bar gyur na ji lta bur 'gyur/ skye dgu'i bdag mo chen mo gau ta mIs smras pa/ nu mo dag de dag ni gnas ngan len kun tu spyod pa dag yin pas de dag gis bcom ldan 'das kyi bstan pa la 'drums pa ltung bas ltung bar byed do/ /nu mo dag bcom ldan 'das kyis 'di gnyis ni skyes bu dam pa yin te/ khur ma blangs pa mi len pa gang yin pa dang / khur blangs pa mthar phyin par byed pa gang yin pa'o zhes gsungs pas/ 'di ni khur blangs pa yin pas mthar phyin par bya dgos kyis/ khyed cag las gang gis ji tsam rmel bar spro ba de tsam rmel la de'i gan du khyer te byin cig / de dag yun ring du thogs pa dang 'char kas bsams pa/ de dag gis gal te bca' ba'i rin du bzhag gor ma chag /bdag gis ma legs pa zhig byas te bdag gis bal de ni char pas 'jigs pas gang la khar bzhag pa dang 'dra bar gyur to snyam mo/ /dge slong ma gnyis kyis bal khal cig rmel te khyer te 'ongs nas smras pa/ 'phags pa 'char ka bal dag 'tshal te mchis na gang du gzhag par bgyi/ 'char kas bsams pa/ da dung spyod yul lhag ma dang bcas pa yin no snyam nas smras pa gnas khang du chug ste zhog shig /de gnyis kyis bzhag ste song ba dang / gzhan dag gis kyang khyer te 'ongs so/ /ji tsam thams cad kyis kyang khyer te 'ongs so/ /de nas skye dgu'i bdag mo chen mo gau ta mI bcom ldan 'das ga la der song ste phyin nas/ bcom ldan 'das kyi zhabs la phyag 'tshal te mtha' gcig tu 'dug go/ /de'i tshe skye dgu'i bdag mo chen mo gau ta mI'i lag pa gnyis 'di lta ste/ dper na btso blag mkhan gyi lag pa ltar dmar ba dmar ba dang shin tu dmar bar gyur to/ /de nas bcom ldan 'das kyis skye dgu 'i bdag mo chen mo gau ta mI la 'di skad ces bka' stsal to/ /gau ta mI ci'i phyir khyod kyi lag pa gnyis 'di lta ste/ dper na btso blag mkhan gyi lag pa dmar ba ltar dmar ba dang shin tu dmar bar gyur/ bcom ldan 'das 'di na bgyi ba gzhan lags na gzhan bgyid do/ / ji ltar gyur 'phags pa 'char kas bdag bal rmel du stsal to de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo dge slong dag dge slong ma nye du ma yin pa la lug bal dag rmel du 'dzud dam/ btsun pa rmel du stsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la rmas pa 'char ka khyod dge slong ma nye du ma yin pa la lug bal dag rmel du 'dzud pa bden nam btsun pa mad do sangs rgyas bcom ldan 'das kyis dge sbyong gi tshul ma yin pa rjes su 'thun pa ma yin pa rung ba ma yin pa tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma nye du ma yin pa la lug bal 'khrur 'dzud dam/ 'tshed du 'dzud dam/ rmel du 'dzud na spang ba'i ltung byed do/ /yang dge slong gang zhes bya ba ni 'char ka 'am gzhan yang de lta bu gang yin pa'o/ /dge slong ma zhes bya ba ni chos 'di pa'o/ /nye du ma yin pa la zhes bya ba ni phyi mo dang mes po dang / phrugs kyi bdun pa tshun chad ni nye du yin la/ de phan chad ni nye du ma yin no/ /lug bal zhes bya ba ni lug gi bal lo/ /'khrur 'dzud dam zhes bya ba ni tha na chur snyug pa byed du 'dzud na'o/ /'tshed du 'dzud dam zhes bya ba ni tha na tshon du snyug pa byed du 'dzud na'o/ /rmel du 'dzud na zhes bya ba ni tha na 'da' ba byed du 'dzud na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na/ dge slong gis dge slong ma nye du ma yin pa la nye du ma yin par 'du shes pas lug bal dag 'khrur 'dzud na spang ba'i ltung byed du 'gyur ro/ / 'tshed du 'dzud na spang ba'i ltung byed du 'gyur ro/ /rmel du 'dzud na spang ba'i ltung byed du 'gyur ro/ /'khrur 'dzud pa dang 'tshed du 'dzud dam/ 'khrur 'dzud pa dang rmel du 'dzud dam/ 'tshed du 'dzud pa dang 'khrur 'dzud dam/ 'tshed du 'dzud pa dang rmel du 'dzud dam/ rmel du 'dzud pa dang 'khrur 'dzud dam/ rmel du 'dzud pa dang 'tshed du 'dzud dam/ 'khrur 'dzud pa dang 'tshed du 'dzud pa dang / rmel du 'dzud na spang ba'i ltung byed du 'gyur ro/ /dge slong gis dge slong ma nye du ma yin pa la yid gnyis za bas lug bal dag 'khrur 'dzud na spang ba'i ltung byed du 'gyur ro/ /'tshed du 'dzud na spang ba'i ltung byed du 'gyur ro/ /rmel du 'dzud na spang ba'i ltung byed du 'gyur ro/ /'khrur 'dzud pa dang 'tshed du 'dzud dam/ 'khrur 'dzud pa dang rmel du 'dzud dam/ 'tshed du 'dzud pa dang 'khrur 'dzud dam/ 'tshed du 'dzud pa dang rmel du 'dzud dam/ rmel du 'dzud pa dang 'khrur 'dzud dam/ rmel du 'dzud pa dang 'tshed du 'dzud dam/ 'khrur 'dzud pa dang 'tshed du 'dzud pa dang / rmel du 'dzud na spang ba'i ltung byed du 'gyur ro/ /dge slong gis dge slong ma nye du la nye du ma yin par 'du shes pas lug bal dag 'khrur 'dzud na nyes byas su 'gyur ro/ /'tshed du 'dzud na nyes byas su 'gyur ro/ /rmel du 'dzud na nyes byas su 'gyur ro/ /'khrur 'dzud pa dang 'tshed du 'dzud dam/ 'khrur 'dzud pa dang rmel du 'dzud dam/ 'tshed du 'dzud pa dang 'khrur 'dzad dam/ 'tshed du 'dzud pa dang rmel du 'dzud dam/ rmel du 'dzud pa dang 'khrur 'dzud dam/ rmel du 'dzud pa dang 'tshed du 'dzud dam/ 'khrur 'dzud pa dang 'tshed du 'dzud dam/ 'khrur 'dzud pa dang rmel du 'dzud dam/ 'tshed du 'dzud pa dang / 'khrur 'dzud dam/ 'tshed du 'dzud pa dang rmel du 'dzud dam/ rmel du 'dzud pa dang 'khrur 'dzud dam/ rmel du 'dzud pa dang 'tshed du 'dzud dam/ 'khrur 'dzud pa dang 'tshed du 'dzud dang / rmel du 'dzud na nyes byas su 'gyur ro/ / dge slong gis dge slong ma nye du la yid gnyis za bas lug bal dag 'khrur 'dzud na nyes byas su 'gyur ro/ /'tshed du 'dzud na nyes byas su 'gyur ro/ /rmel du 'dzud na nyes byas su 'gyur ro/ /'khrur 'dzud pa dang 'tshed du 'dzud dam/ 'khrur 'dzud pa dang rmel du 'dzud dam/ 'tshed du 'dzud pa dang 'khrur 'dzud dam/ 'tshed du 'dzud pa dang rmel du 'dzud dam/ rmel du 'dzud pa dang 'khrur 'dzud dam/ rmel du 'dzud pa dang 'tshed du 'dzud dam/ 'khrur 'dzud pa dang 'tshed du 'dzud pa dang / rmel du 'dzud na nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bal rmel du 'dzud pa'i spang ba ste bcu bdun pa rdzogs s+ho// // sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /de nas grong dpon gtsug na nor bu bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la grong dpon gtsug na nor bus 'di skad ces gsol to/ /btsun pa sngon gyi gdugs rnams kyis ches snga ba zhig na rgyal po'i pho brang na rgyal po dang blon po'i 'khor mchis shing 'thun par gyur pa rnams la bar skabs kyi bka' mchid kun tu brjod pa 'di lta bu 'di byung bar gyur te/ shes ldan dag ci dge slong rnams la mngon mtshan can rung ngam/ shAkya'i sras kyi dge sbyong rnams gser bdag gir bgyid dam/ 'on te dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi bgyid ces mchi nas/ de na kha cig ni 'di skad ces dge slong rnams la mngon mtshan can rung zhing shAkya'i sras kyi dge sbyong rnams gser bdag gir bgyid do zhes mchi/ kha cig ni 'di skad ces dge slong rnams la mngon mtshan can mi rung shing shAkya'i sras kyi dge sbyong rnams gser bdag gir mi bgyid do zhes mchi na/ btsun pa de la gang dag de skad ces dge slong rnams la mngon mtshan can rung zhing shAkya'i sras kyi dge sbyong rnams gser bdag gir bgyid do zhes mchis na/ btsun pa ji ltar gang dag de skad mchi ba de dag de ltar brda sprod par bgyid pa na/ bcom ldan 'das la skur pa 'debs par mi bgyid cing ha cang thal bar yang mi bgyid pa dang / de dag bcom ldan 'das kyis gsungs pa'i rjes su smra ba dang / chos smra ba dang / chos kyi rjes su 'thun pa'i chos brda sprod par bgyid pa dang / gsungs pa'i rjes su smra ba de dag la gzhan las chos dang 'thun pas smad pa'i gnas lta bu'i chos 'ga' yang mi mchi ba lags sam/ grong dpon gang dag de skad ces dge slong rnams la mngon mtshan can rung zhing shAkya'i sras kyi dge sbyong rnams gser bdag gir byed do zhes zer ba de dag de ltar brda sprod par byed pa na nga la skur pa 'debs par byed cing ha cang thal bar byed pa dang / de dag ngas smras pa'i rjes su smra ba ma yin pa dang chos smra ba ma yin pa dang / chos kyi rjes su 'thun pa'i chos brda sprod par byed pa ma yin pa dang / smras pa'i rjes su smra ba ma yin pa de dag la gzhan las chos dang 'thun pas smad pa'i gnas lta bu'i chos shin tu 'ong ba yin no/ /de ci'i phyir zhe na/ grong dpon dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi byed de gang mngon mtshan can rung zhing gser bdag gir byed pa de ni dge sbyong gi chos ma yin zhing de ni shAkya'i sras kyi chos ma yin pa'i phyir ro/ /grong dpon ngas khyod la don de nyid kyi phyir lan gnyis lan gsum gyi bar du brjod par bya ste/ /dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi byed de/ gang la la la mngon mtshan can rung zhing gser bdag gir byed pa de ni dge sbyong gi chos ma yin zhing de ni shAkya'i sras kyi chos ma yin no/ /btsun pa gang gi slad du bcom ldan 'das kyis de skad ces dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi bgyid de/ gang la la la mngon mtshan can rung zhing gser bdag gir bgyid pa de ni dge sbyong gi chos ma lags shing de ni shAkya'i sras kyi chos ma lags so zhes bka' stsal te/ ji tsam du bcom ldan 'das kyis legs par gsungs pa ni ngo mtshar te/ btsun pa gang gi slad du bcom ldan 'das kyis de skad ces/ grong dpon ngas khyod la don de nyid kyi phyir lan gnyis lan gsum gyi bar du brjod par bya ste/ dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi bgyid de/ gang la la la mngon mtshan can rung zhing gser bdag gir bgyid pa de ni dge sbyong gi chos ma lags shing de ni shAkya'i sras kyi chos ma lags so zhes bka' stsal pa'i bcom ldan 'das kyi bka' de ni rgya cher bzang ba lags so/ /btsun pa bdag kyang 'di snyam bgyid de/ dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi bgyid de/ gang la la la mngon mtshan can rung zhing gser bdag gir bgyid pa de la ni 'dod pa'i yon tan lnga po dag kyang rung ba kho na lags so/ /grong dpon de de bzhin no/ /de de bzhin te/ dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi byed de/ gang la la la mngon mtshan can rung zhing gser bdag gir byed pa de ni dge sbyong gi chos ma yin zhing de ni shAkya'i sras kyi chos ma yin no/ /de nas grong dpon gtsug na nor bus bcom ldan 'das kyis bka' stsal pa la mngon par dga' ba dang rjes su yi rang ba byas nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de'i tshe na tshe dang ldan pa kun dga' bo bcom ldan 'das kyi snam logs na 'dug par gyur cing bsil yab thogs te bcom ldan 'das la g.yob cing 'dug go/ /de nas bcom ldan 'das kyis grong dpon gtsug na nor bu song nas ring por ma lon par thugs su chud nas tshe dang ldan pa kun dga' bo la bka' stsal pa/ kun dga' bo song la 'od ma'i tshal ka lan da ka'i gnas na dge slong ji snyed nye bar rten cing gnas pa de dag thams cad dpong sa'i khang par bsdus shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas 'od ma'i tshal ka lan dka'i gnas na dge slong ji snyed nye bar rten cing gnas pa de dag thams cad dpong sa'i khang par bsdus te/ bcom ldan 'das ga la ba der song ste phyin nas bcom ldan 'das kyi zhabs la phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la tshe dang ldan pa kun dga' bos 'di skad ces gsol to/ / btsun pa 'od ma'i tshal ka lan da ka'i gnas na dge slong ji snyed nye bar rten cing gnas pa de dag thams cad dpong sa'i khang par mchis shing 'thun par gyur na bcom ldan 'das kyis da de'i dus la bab par mkhyen par mdzad du gsol/ de nas bcom ldan 'das dpong sa'i khang pa ga la ba der gshegs te byon nas dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag da ci'i grong dpon gtsug na nor bu nga ga la ba der 'ongs te phyin nas nga'i rkang pa gnyis la phyag 'tshal te mtha' gcig tu 'dug go/ /mtha' gcig tu 'dug nas nga la grong dpon gtsug na nor bu 'di skad ces btsun pa sngon gyi gdugs rnams kyi ches snga ba zhig na rgyal po'i pho brang na rgyal po dang blon po'i 'khor mchis shing mthun par gyur pa rnams la bar skabs kyi bka' mchid kun tu rjod pa 'di lta bu 'di byung bar gyur te/ shes ldan dag ci dge slong rnams la mngon mtshan can rung ngam shAkya'i sras kyi dge sbyong rnams gser bdag gir bgyid dam/ 'on te dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi bgyid ces mchi nas/ de na kha cig ni 'di skad ces dge slong rnams la mngon mtshan can rung zhing shAkya'i sras kyi dge sbyong rnams gser bdag gir bgyid do zhes mchi/ kha cig ni 'di skad ces dge slong rnams la mngon mtshan can mi rung zhig shAkya'i sras kyi dge sbyong rnams gser bdag gir mi bgyid do zhes mchi na/ btsun pa de la gang dag de skad ces dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir bgyid do zhes mchi na/ btsun pa ji ltar gang dag de skad mchi ba de dag de ltar brda sprod par bgyid pa na bcom ldan 'das la skur pa 'debs par mi bgyid cing ha cang thal bar yang mi bgyid pa dang / de dag bcom ldan 'das kyis gsungs pa'i rjes su smra ba dang / chos smra ba dang / chos kyi rjes su 'thun pa'i chos brda sprod par bgyid pa dang / gsungs pa'i rjes su smra ba pa de dag la gzhan las chos dang 'thun pas smad pa'i gnas lta bu'i chos 'ga' yang mi mchi ba lags sam zhes zer nas/ ngas de la 'di skad ces grong dpon gang dag de skad ces dge slong rnams la mngon mtshan can rung zhing shAkya'i sras kyi dge sbyong rnams gser bdag gir byed do zhes zer ba de dag de ltar brda sprod par byed pa na nga la skur pa 'debs par byed cing ha cang thal bar byed pa dang / de dag ngas smras pa'i rjes su smra ba ma yin pa dang / chos smra ba ma yin pa dang / chos kyi rjes su 'thun pa'i chos brda sprod par byed pa ma yin pa dang / smras pa'i rjes su smra ba ma yin pa de dag la gzhan las chos dang 'thun pas smad pa'i gnas lta bu'i chos shin tu 'ong ba yin no/ /de ci'i phyir zhe na/ grong dpon dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir byed de gang la la la mngon mtshan can rung zhing gser bdag gir byed pa de ni dge sbyong gi chos ma yin zhing de ni shAkya'i sras kyi chos ma yin pa'i phyir ro/ /grong dpon ngas khyod la don de nyid kyi phyir lan gnyis lan gsum gyi bar du brjod par bya ste/ dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi byed de/ gang la la la mngon mtshan can rung zhing gser bdag gir byed pa de ni dge sbyong gi chos ma yin zhing de ni shAkya'i sras kyi chos ma yin no zhes smras pa dang / deng la 'di skad ces btsun pa gang gi slad du bcom ldan 'das kyis de skad ces dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi bgyid de/ gang la la la mngon mtshan can rung zhing gser bdag gir bgyid pa de ni dge sbyong gi chos ma lags shing de ni shAkya'i sras kyi chos ma lags so zhes bka' stsal te/ ji tsam du bcom ldan 'das kyis legs par gsungs pa ni ngo mtshar to/ /btsun pa gang gi slad du bcom ldan 'das kyis de skad ces grong dpon ngas khyod la don de nyid kyi phyir lan gnyis lan gsum gyi bar du brjod par bya ste/ dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi bgyid de/ gang la la la mngon mtshan can rung zhing gser bdag gir bgyid pa de ni dge sbyong gi chos ma lags shing de ni shAkya'i sras kyi chos ma lags so/ /zhes bka' stsal pa'i bcom ldan 'das kyi bka' de ni rgya cher bzang ba lags so/ /btsun pa bdag kyang 'di snyam bgyid de/ dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi bgyid de/ gang la la la mngon mtshan can rung zhing gser bdag gir bgyid pa de la ni 'dod pa'i yon tan lnga po dag kyang rung ba kho na lags so zhes zer ro/ /ngas de la 'di skad ces grong dpon de de bzhin no de de bzhin te/ dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi bgyid do/ /gang la la la mngon mtshan can rung zhing gser bdag gir byed pa de ni dge sbyong gi chos ma yin zhing de ni shAkya'i sras kyi chos ma yin no zhes smras so/ /de nas grong dpon gtsug na nor bu des ngas smras pa la mngon par dga' ba dang rjes su yi rang ba byas nas nga'i rkang pa gnyis la mgo bos phyag 'tshal te nga'i drung nas song ngo / /dge slong dag de ltar grong dpon gtsug na nor bu des rgyal po dang bcas pa'i 'khor gyi mdun du dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi byed do/ gang la la la mngon mtshan can rung zhing gser bdag gir byed pa de la ni 'dod pa'i yon tan lnga po dag kyang gdon mi za bar rung ba yin no zhes cha gcig bzung ste/ khyu mchog gi tshig rgya chen po smras shing 'khor gyi nang du yang dag par seng ge'i sgra bsgrags so/ /dge slong dag ngas kyang de skad ces dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi byed de/ /gang la la la mngon mtshan can rung zhing gser bdag gir byed pa de ni dge sbyong gi chos ma yin zhing de ni shAkya'i sras kyi chos ma yin no zhes smras so/ /dge slong dag de lta bas na khyed kyis da deng phyin cad shing 'dod pa dag gis shing yongs su btsal bar bya/ rtswa 'dod pa dag gis ni rtswa/ shing rta'i las 'dod pa dag gis ni shing rta'i las/ mi blas 'dod pa dag gis ni mi blas yongs su btsal bar bya zhes smra ba'i 'di skad ces rnam grangs gang gis kyang gser bdag gir bya ba ni mi smra'o/ /'di ni re shig byung ba yin gyi sangs rgyas bcom ldan 'das re shig 'dul ba la nyan thos rnams kyi bslab pa'i gzhi 'cha' bar ni mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag rang gi lag gis gser dang dngul len par byed/ len du 'jud par byed/ phung po gcig tu byed/ phung po gnyis su byed/ khri dang khri'u dang khri 'u chung ngu dag tu 'jog par byed nas/ gzhan mu stegs can dag shes ldan dag shAkya'i bu'i dge sbyong dag ni ma log ma spangs so sor ma spangs pa yin te 'di ltar rang gi lag gis gser dang dngul len par byed/ len du 'jud par byed/ phung po gcig tu byed/ phung po gnyis su byed/ khri dang khri'u dang khri'u chung ngu dag tu 'jog par byed do/ /bram ze dang khyim bdag dag kyang rang gi lag gis gser dang dngul len par byed len du 'jud par byed/ phung po gcig tu byed/ phung po gnyis su byed/ khri dang khri'u dang / khri 'u chung ngu dag 'jog par byed na shes ldan dag shAkya'i bu'i dge sbyong rnams dang bram ze dang / khyim bdag rnams kyi 'di la bye brag ni ci yod/ bsam pa ni ci yod/ tha dad du bya ba ni ci yod/ su zhig dge sbyong mgo reg 'di dag la bsod snyoms sbyin pa dang bya bar sems shes smod par byed/ phyar ka gtong bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag khyed rang gi lag gis gser dang dngul len pa dang len du 'jud par byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa dang rjes su 'thun pa ma yin pa rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang rang gi lag gis gser dang dngul len tam/ len du 'jud na spang ba'i ltung byed do/ /yang dge slong gang zhes bya ba ni drug sde dag gam gzhan yang de lta bu gang yin pa'o/ /rang gi lag gis shes bya ba ni rang gi lag pas so/ /gser dang dngul zhes bya ba ni dbyig dang gser ro/ /len tam zhes bya ba ni bdag nyid kyis so/ /len du 'jug na zhes bya ba ni gzhan no/ /spang ba'i ltung byed ces bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na/ gzhi bcwa brgyad kyis te/ 'di long shig /'di nas longs shig /'di tsam long shig ces bya ba dang / 'di khyer shog /'di nas khyer shog /'di tsam khyer shog ces bya ba dang / 'di zhog shig /'dir zhog shig /'di tsam zhog shig ces bya ba dang / de long shig de nas long shig /de tsam long shig ces bya ba dang / de khyer shog de nas khyer shog /de tsam khyer shog ces bya ba dang / de zhog shig der zhog shig /de tsam zhog shig ces bya bas so/ /de la 'di long shig ces bya ba ni 'thob par 'gyur ba'i phyogs su dbyig gam/ gser 'di long shig ces bsgo bar byed pa ste/ de bsgo bar byed pa la nyes byas su 'gyur la/ blangs pa na spang ba'i ltung byed du 'gyur ro/ /'di nas long shig ces bya ba ni 'thob par 'gyur ba'i phyogs su zangs po che nas sam/ zangs nas sam/ rdza bo nas sam/ sgrom nas sam/ ko lpags nas sam/ za ma tog nas long shig ces bsgo bar byed pa ste/ de bsgo bar byed pa la nyes byas su 'gyur la/ blangs pa na spang ba'i ltung byed du 'gyur ro/ /'di tsam long shig ces bya ba ni 'thob par 'gyur ba'i phyogs su brgya 'am/ stong ngam 'bum long shig ces bsgo bar byed pa ste/ de bsgo bar byed pa la nyes byas su 'gyur la/ blangs pa na spang ba'i ltung byed du 'gyur ro/ /'di khyer shog ces bya ba ni 'thob par 'gyur ba'i phyogs su dbyig gam/ gser 'di khyer shog ces bsgo bar byed pa ste/ de bsgo bar byed pa la nyes byas su 'gyur la/ khyer ba na spang ba'i ltung byed du 'gyur ro/ /'di nas khyer shog ces bya ba ni 'thob par 'gyur ba'i phyogs su zangs po che nas sam/ zangs nas sam/ rdza bo nas sam/ sgrom nas sam/ ko lpags nas sam/ za ma tog nas khyer shog ces bsgo bar byed pa ste/ de bsgo bar byed pa la nyes byas su 'gyur la/ blangs pa na spang ba'i ltung byed du 'gyur ro/ /'di tsam khyer shog ces bya ba ni 'thob par 'gyur ba'i phyogs su brgya 'am/ stong ngam/ 'bum khyer shog ces bsgo bar byed pa ste/ de bsgo bar byed pa la nyes byas su 'gyur la/ khyer ba na spang ba'i ltung byed du 'gyur ro/ /'di zhog cig ces bya ba ni 'thob par 'gyur ba'i phyogs su dbyig gam/ gser 'di zhog shig ces bsgo bar byed pa ste/ de bsgo bar byed pa la nyes byas su 'gyur la/ bzhag pa na spang ba'i ltung byed du 'gyur ro/ /'dir zhog shig ces bya ba ni 'thob par 'gyur ba'i phyogs su zangs po cher ram/ zangs su 'am/ rdza phor ram/ sgrom du 'am/ ko lpags su 'am/ za ma tog tu zhog shig ces bsgo bar byed pa ste/ de bsgo bar byed pa la nyes byas su 'gyur la bzhag pa na spang ba'i ltung byed du 'gyur ro/ /'di tsam zhog shig ces bya ba ni 'thob par 'gyur ba'i phyogs su brgya 'am/ stong ngam/ 'bum zhog shig ces bsgo bar byed pa ste/ de bsgo bar byed pa la nyes byas su 'gyur la/ bzhag pa na spang ba'i ltung byed du 'gyur ro/ /de long shig ces bya ba ni 'thob par 'gyur ba'i phyogs su dbyig gam/ gser de long shig ces bsgo bar byed pa ste/ de bsgo bar byed pa la nyes byas su 'gyur la/ blangs pa na spang ba'i ltung byed du 'gyur ro/ /de nas long shig ces bya ba ni 'thob par 'gyur ba'i phyogs su zangs po che nas sam/ zangs nas sam/ rdza bo nas sam/ sgrom nas sam/ ko lpags nas sam/ za ma tog nas long shig ces bsgo bar byed pa ste/ de bsgo bar byed pa la nyes byas su 'gyur la/ blangs pa na spang ba'i ltung byed du 'gyur ro/ /de tsam long shig ces bya ba ni 'thob par 'gyur ba'i phyogs su brgya 'am/ stong ngam/ 'bum long shig ces bsgo bar byed pa ste/ de bsgo bar byed pa la nyes byas su 'gyur la blangs pa na spang ba'i ltung byed du 'gyur ro/ /de khyer shog ces bya ba ni 'thob par 'gyur ba'i phyogs su dbyig gam/ gser de khyer shog ces bsgo bar byed pa ste/ de bsgo bar byed pa la nyes byas su 'gyur la/ khyer ba na spang ba'i ltung byed du 'gyur ro/ / de nas khyer shog ces bya ba ni 'thob par 'gyur ba'i phyogs su zangs po che nas sam/ zangs sam/ rdza bo nas sam/ sgrom nas sam/ ko lpags nas sam/ za ma tog nas khyer shog ces bsgo bar byed pa ste/ de bsgo bar byed pa la nyes byas su 'gyur la/ blangs pa na spang ba'i ltung byed du 'gyur ro/ /de tsam khyer shog ces bya ba ni 'thob par 'gyur ba'i phyogs su brgya 'am/ stong ngam/ 'bum khyer shog ces bsgo bar byed pa ste de bsgo bar byed pa la nyes byas su 'gyur la/ khyer ba na spang ba'i ltung byed du 'gyur ro/ /de zhog shig ces bya ba ni 'thob par 'gyur ba'i phyogs su dbyig gam/ gser de zhog shig ces bsgo bar byed pa ste/ de bsgo bar byed pa la nyes byas su 'gyur la/ bzhag pa na spang ba'i ltung byed du 'gyur ro/ /der zhog shig ces bya ba ni 'thob par 'gyur ba'i phyogs su zangs po cher ram/ zangs su 'am/ rdza phor ram/ sgrom du 'am/ ko lpags su 'am/ za ma tog tu zhog shig ces bsgo bar byed pa ste/ de bsgo bar byed pa la nyes byas su 'gyur la/ bzhag pa na spang ba'i ltung byed du 'gyur ro/ /de tsam zhog shig ces bya ba ni 'thob par 'gyur ba'i phyogs su brgya 'am/ stong ngam/ 'bum zhog shig ces bsgo bar byed pa ste/ de bsgo bar byed pa la nyes byas su 'gyur la/ bzhag pa na spang ba'i ltung byed du 'gyur ro/ /'di long shig 'di nas long shig 'di tsam long shig ces bya ba dang / 'di khyer shog 'di nas khyer shog /'di tsam khyer shog ces bya ba dang / 'di zhog shig 'dir zhog shig /'di tsam zhog shig ces bya ba dang / de long shig de nas long shig /de tsam long shig ces bya ba dang / de khyer shog de nas khyer shog /de tsam khyer shog ces bya ba dang / de zhog shig der zhog shig /de tsam zhog shig ces bya ba de dag 'thob par 'gyur ba ma yin pa'i phyogs su bsgo bar byed na de bsgo bar byed pa la nyes byas su 'gyur la/ blangs pa dang khyer ba dang / bzhag pa na yang nyes byas su 'gyur ro/ /dge slong gis dbyig la reg na spang ba'i ltung byed du 'gyur ro/ /gser la reg na spang ba'i ltung byed du 'gyur ro/ /dbyig dang gser la reg na spang ba'i ltung byed du 'gyur ro/ /dge slong gis dbyig gam/ gser brdungs pa la reg na spang ba'i ltung byed du 'gyur ro/ /dbyig dang gser mngon mtshan can la reg na spang ba'i ltung byed du 'gyur ro/ / dngul la reg na spang ba'i ltung byed du 'gyur ro/ /nor bu la reg na spang ba'i ltung byed du 'gyur ro/ /mu tig la reg na spang ba'i ltung byed du 'gyur ro/ /bai dUr+ya la reg na spang ba'i ltung byed du 'gyur ro/ /nor bu dang mu tig dang bai dUr+ya la reg na spang ba'i ltung byed du 'gyur ro/ /dge slong gis yul gyi tha snyad can gyi dbyig dang / gser la reg na nyes byas su 'gyur ro/ /ra gan dang zangs ma dang / lcags dang rno lcags dang ro nye dang zha nye dang / khro chu la reg pa la ltung ba med do zhes de ltar bcom ldan 'das 'dul ba la nyan thos rnams kyi bslab pa'i gzhi bca' ba mdzad do// //'dul ba rnam par 'byed pa/ bam po sum bcu rtsa gsum pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tsam pa na khyim bdag dad pa dang ldan pa/ dge ba'i bsam pa can/ bzang po sbyin pa zhig 'dug pa des de bzhin gshegs pa'i nyan thos kyi dge 'dun gyi phyir gtsug lag khang rta babs mthon po dang / skar khung dang skar khung dra ba can dang / lan kan gyis brgyan pa/ snying dang mig 'phrog pa mtho ris kyi them skas su gyur pa zhig byed du bcug nas/ der dge slong mang po dag dbyar gnas par khas blangs te/ de dag gis dgag dbye byas nas smras pa/ khyim bdag bdag cag mnyan yod du ston pa dang / dge slong gnas brtan gnas brtan rnams kyi zhabs la phyag 'tshal du 'gros bdag cag la gos dag byin cig /khyim bdag des smras pa/ 'phags pa dag 'di na gos bzang po dag ma mchis te/ don 'thun dag mchi zhes grag gis don mthun dag mchis kyi bar du re shig gzhes shig dang / de nas gos bzang po dag 'jal te gsol lo/ /de dag gis smras pa/ khyim bdag gal te gos bzang po dag med na gos ngan pa dag byin cig /'phags pa dag bdag ni bzang po sbyin pa lags na/ ji ltar bdag gis ngan pa dag gsol bar bgyi/ gal te khyed cag rings na gos kyi rin kAr ShA pa na dag snoms la bzhud cig /khyim bdag bcom ldan 'das kyis kAr ShA pa Na dag bkag pas bdag cag mi len to/ /'phags pa dag 'di ltar bdag la ma byin pa ni mi mnga'i/ gos ngan pa dag sbyin du ni mi rung ngo / /dge slong de dag gis kAr Sha pa na dag ma blangs par gos ngan pa dag kho nas dong ste/ mthar gyis mnyan yod du phyin pa dang / de dag la dge slong rnams kyis smras pa/ tshe dang ldan pa dag khyed cag gis dbyar gnas pa'i gos kyi rnyed pa ma rnyed dam/ ci na gang gi phyir khyed cag gos dag ngan par gyur ma rnyed do/ /khyed cag gang du dbyar gnas par khas blangs tsam par ro/ /khyim bdag gang la brten/ che ge mo zhig la'o/ /khyim bdag de bzang po sbyin pa zhes grag go de'i phyir ma rnyed do/ /ci'i phyir de dag gis skabs de rgyas par brjod pa dang / dge slong rnams kyis bcom ldan 'das la gsol to/ /de nas bcom ldan 'das 'di snyam du dgongs te/ kye ma bram ze dang khyim bdag dad pa can dag kyang gos kyi rin dag sbyin par byed la/ nga'i nyan thos rnams kyang gos kyi rin dag 'dod kyis ngas nyan thos rnams la rung bar bya bar chung zhig gnang bar bya'o/ /snyam du dgongs nas/ bcom ldan 'das kyis bka' stsal pa/ blangs bar bya zhing blangs nas kyang sbyin bdag de nyid la yid brten te bcang bar bya'o/ /gzhan yang dge slong gis zhal ta byed pa spro bar bya 'o/ /dge slong dag gis zhal ta byed pa gang spro bar bya ba mi shes nas bcom ldan 'das kyis bka' stsal pa/ kun dga' ra ba pa 'am/ dge bsnyen spro bar bya ste/ kun dga' ra ba pa zhes bya ba ni rung ba byed pa'o/ /dge bsnyen zhes bya ba ni gsum la skyabs su song ba bslab pa'i gzhi lnga bzung ba'o / /dge slong dag yul gzhan du 'dong ba na de dag 'di na bdag cag la sbyin bdag dga' yang med do zhes 'gyod pa skyes pa dang / bcom ldan 'das kyis bka' stsal pa/ sbyin bdag de nyid ji srid du son pa dang / 'dug pa dang / 'tsho ba dang / sdod pa'i bar tu shin tu ring du song yang nyams pa med do/ /dge slong rnams kyis chos gos kyi rin dag rnyed la sbyin bdag med nas de dag 'gyod pa skyes te/ mi len pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ blangs bar bya zhing blangs nas kyang dge slong gi mdun du 'greng ste 'di skad ces brjod par bya'o/ /tshe dang ldan pa dgongs su gsol/ bdag dge slong ming 'di zhes bgyi bas dngos po rung ba ma lags pa 'di rnyed de/ bdag dge slong ming 'di zhes bgyi bas dngos po rung ba ma lags pa 'di byin gyis brlab bo/ /dngos po rung ba ma lags pa 'dis dngos po rung ba bsgrub par bgyi'o/ /de bzhin du lan gnyis lan gsum du brjod par bya ste/ 'di la 'gyod par mi bya'o/ /bram ze dang khyim bdag dad pa can dag gis mtha' 'khob dag du gtsug lag khang dag byed du bcug nas de na dus dang dus su skrag pa dag byung nas dge slong dag gis gtsug lag khang du stong par bor te byer ro/ /ma byin par len pa dag gis gtsug lag khang stong par rig nas gtsug lag khang bcom pa dang / bcom ldan 'das kyis bka' stsal pa dge 'dun bye 'am/ mchod rten gyi dbyig dang gser sbas te 'gro bar bya'o/ / bcom ldan 'das kyis sba bar bya'o zhes bka' stsal pa dang / de dag gis gang gis sba bar bya ba mi shes nas bcom ldan 'das kyis bka' stsal pa/ kun dga' ra ba pa 'am/ dge bsnyen gyis sba bar bya'o/ /gang dag sbed par byed pa de dag nyid rku bar byed nas bcom ldan 'das kyis bka' stsal pa/ dge bsnyen dad pa can gyis sba bar bya'o/ /dge bsnyen dad pa can med na dge tshul gyis sba bar bya'o/ /dge tshul med na dge slong dag gis rang gis sba bar bya'o/ /de la dong brko bar bya ba yod nas gang gis brko bar bya ba mi shes nas bcom ldan 'das kyis bka' stsal pa/ kun dga' ra ba pa 'am/ dge bsnyen gyis brko bar bya'o/ /de nyid rku bar byed nas bcom ldan 'das kyis bka' stsal pa/ dge bsnyen dad pa can gyis brko bar bya'o/ / dge bsnyen dad pa can med na dge tshul gyis brko bar bya'o/ /dge tshul med na dge slong dag gis rang gis brko bar bya'o/ /'jigs pa dang bral na rnam pa de lta bu nyid kyis phyung ste dge 'dun la dbul bar bya'o/ /dge slong dag ngas phongs pa'i dus dag du gnang ba gang yin pa de bde ba'i gnas skabs dag tu spyad par mi bya ste/ spyod na 'gal tshabs can du 'gyur ro/ /las dang po dang / smyos pa dang / sems 'khrugs pa dang / tshor ba dag gis nyen pa la ltung ba med do/ / gser dngul la reg pa'i spang ba ste bcwa brgyad pa rdzogs so/ // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcom ldan 'das 'jig rten du byung ba de'i tshe na thams cad du yul dbus su sangs rgyas bcom ldan 'das byung ngo zhes sgra grags te/ de'i nyan thos rnams 'bar ba dang / gsal ba dang / char 'bab pa dang / glog 'byin pa'i cho 'phrul dag byed pas gang dag de la mchod pa dag byed pa de dag ni shin tu 'bras bu che ba dang / phan yon che ba dang / gsal ba che ba dang / rgyas pa che bar 'gyur ro zhes byang lam pa'i tshong pa dag gis thos nas de dag gis smras pa/ shes ldan dag yul dbus su 'dong ngo / /der khe spogs mang po yang bsgrub bar bya/ sangs rgyas dang / chos dang dge 'dun dag la mchod pa bya'o zhes byang lam pa'i tshong pa de dag zong thogs te/ yul dbus su 'phags nas mthar gyis mnyan yod du phyin te/ /mnyan yod na shes pa can rtsis mkhas pa zhig 'dug pa des byang lam nas tshong pa don 'thun 'ongs shes thos nas des bsams pa/ song ste je ltas na der cung zad 'thob bo snyam nas/ des cung zad dmigs pas kyang shes/ cung zad rtog ges kyang shes nas de song ste/ ded dpon la ming dang rus nas brjod cing ming 'di zhes bya ba 'ongs pa legs so 'ongs pa legs so/ /khyod kyi ma ni ming 'di zhes bya/ khyod kyi pha ni ming 'di zhes bya/ khyod kyi rdzas ni 'di snyed cig 'ongs so/ /nyi ma mang ge mo zhig la ni khal 'jig par 'gyur ro/ /khe spogs ni 'di snyed cig 'grub par 'gyur ro zhes smras pa dang / ded dpon des bsams pa/ bcom ldan 'das kyi nyan thos gang dag 'bar ba dang / gsal ba dang / char 'bab pa dang / glog 'byin pa'i cho 'phrul dag byed ces grag pa de dag las 'ga' zhig 'di yin gor ma chag snyam nas des de la dad pas byang lam gyi nags kyi 'bras bus slong phor bkang ste phyin nas la ba srin bu'i mdog lta bu cig kyang bskon no/ /shes pa can des blangs shing gyon te tshangs pa mtshungs par spyod pa rnams kyi gan du song ba dang / de dag gis de mthong nas smras pa/ shes pa can khyod kyis mgo bzlog ste nyal ba gang zhig las thob des smras pa/ byang lam nas tshong pa don 'thun 'ongs nas der kho bos ded dpon la ming dang rus nas brjod nas des kho bo la dad pas dad pa'i dbang du byas pa sbyin no/ /de dag gis smras pa/ shes pa can bdag cag la shAkya'i bu'i dge sbyong de dag rtag tu khyed la thag pa dag dang phreng rgyud dag dang / 'bru mar mkhan dag las gzhan pa mi gtso bo 'ga' yang mngon par dad par mi byed do zhes tho 'tsham par byed kyis/ khyod la ba 'di gyon te song la shAkya'i bu'i dge sbyong de dag gi snying dag gas par gyis shig /de ltar bya'o zhes smras te/ de nas shes pa can de la ba de gyon nas rgyal byed kyi tshal du song ngo / /drug sde dag gis kun tu spyod pa ni 'dir bdag cag gis bram ze dang khyim bdag 'ongs pa rnams la yang chos bstan par bya/ rgol ba dag kyang tshar gcad par bya/ rang gi grags pa yang bsgrag par bya'o snyam pas drug sde las gang yang rung bas rgyal byed kyi tshal gyi sgo stong par mi 'jog pas nye dga' rgyal byed kyi tshal gyi sgo na 'chag cing 'dug pa des shes pa can de thag ring po kho na nas mthong ngo / /de nas nye dgas bsams pa/ gcer bu pa ngan pa 'di la ba bzang po zhig gyon te 'ongs kyis gal te bdag gis de ma phrogs na nye dga' zhes bya ba'i ming mi gzung ngo snyam nas/ des de la smras pa/ shes pa can khyod gcer bu pa yin la la ba 'di lta bu gyon na phyir babs sam ci kho bo phyir ma babs te/ 'di ltar byang lam nas tshong pa don 'thun 'ongs nas der kho bos ded dpon la ming dang rus nas brjod nas des kho bo la dad pas dad pa'i dbang du byas pa byin no/ /ma legs so ma legs so/ /khyed kyis rgas pa'i gnas skabs su tshul khrims 'chal ba kun tu spyad do/ /tshur shog 'dug shig dang chos bstan par bya'o/ /shes pa can de nye dga'i mdun du 'dug pa dang / nye dga' yid dga' zhing yid dga' nas de la sbyin pa'i bsngags pa brjod par brtsams so/ /drug sde dag gi kun tu spyod pa ni gal te tshul khrims kyi gtam dag byed na nyan pa po dag bdag cag lha rnams su skyes so snyam du sems la gal te sbyin pa'i gtam dag byed na nyan pa po dag rang gi sha gang yin pa de yang bcad cing bcad cing sbyin par bya'o snyam du sems so/ /gal te ngan song gi gtam dag byed na nyan pa po dag bdag cag ngan song rnams su skyes so snyam du sems par 'gyur ba yin pas nye dgas shes pa can de la smras pa/ shes pa can khyod kyi ston pa ni ngan pa la mos pa yin te/ gal te de bzang po 'dod pa gyur na des khyed cag la gos 'bum ri ba dang / zas ro brgya dang ldan pa dang / khang pa brtsegs pa mig lnga brgya pa yang gnang bar 'gyur ba zhig ma gnang ngo / /kho bo cag gi ston pa ni bzang po la mos pa yin pas/ des kho bo cag la gos 'bum ri ba dang / zas ro brgya dang ldan pa dang / khang pa brtsegs pa mig lnga brgya pa yang gnang ngo / /gal te khyod la ba 'di lta bu gyon te slong mo la 'gro bar gyur na bram ze dang khyim bdag dad pa can dag gis shes pa can 'dis tshul khrims 'chal ba kun tu spyad do snyam du shes pas khyed kyis slongs mo yang mi rnyed par gyur gyis/ khyod kyi la ba 'di kho bo la byin cig dang kho bos khyod la la ba gzhan zhig sbyin no/ /kho bo la ba 'di gyon te bsod snyoms la 'jug pa na bram ze dang khyim bdag dad pa can dag gis kho bo mthong nas btsun pa nye dgas la ba 'di lta bu ga las rnyed ces zer na/ kho bos de dag la 'di skad ces shes pa can che ge mo zhig gis byin no zhes brjod par bya ste/ des na de dag gis shes pa can dad pa dang ldan par gyur to snyam du shes par 'gyur zhing de dag gis khyod slongs mo la zhugs pa la chang dang nor rdzas slong phor bkang ste sbyin par 'gyur ro des smras pa/ btsun pa nye dga' bzhes shig /nye dgas smras pa/ shes pa can khyod kyi tshangs pa mtshungs par spyod pa dag ni tshul khrims 'chal ba yin pas khyod de dag gi tshig thos nas yang phyir 'phrog du 'ong bar gyur pa de lta bu'i gnas yod do/ /btsun pa nye dga' ci kho bo'i la ba 'di tshangs pa mtshungs par spyod pa de dag dbang ba yin nam/ la ba 'di ni kho bo nyid dbang ba yin gyis bzhes shig dang / slar 'phrog tu mi mchis so/ /nye dgas la ba de blangs nas klam rtsub po gzhan zhig de la byin nas shes pa can de klam rtsub po de gyon nas tshangs pa mtshungs par spyod pa rnams kyi gan du phyir song ba dang / de dag gis de mthong nas smras pa/ shes pa can khyod kyis yang mgo bsgyur de nyal ba gang zhig las thob/ des smras pa/ 'di ni glo gzhan nas grub pa yin no/ /ji ltar gyur/ kho bos la ba de btsun pa nye dga' la byin nas des kyang kho bo la la ba 'di byin no/ /de dag gis spyos te smras pa/ shes pa can shAkya'i bu'i dge sbyong rnams ni yu bu cag gson pas kyang mi dga' ba yin no/ /drug sde dag ji lta bar gzhan de lta ma yin la/ nye dga' ji lta bar drug sde gzhan de lta ma yin no/ /gal te khyod kyis dge slong gnas brtan gzhan 'ga' zhig la byin par gyur na kho bo cag kyang rjes su yi rang bar byed na khyod kyis nye dga' la byin te/ de ni bdag cag las zong gis kyang khrag gi phyis bu len par 'dod pa yin gyis/ gal te la ba khyer te 'ong na de lta na legs/ gal te khyer te mi 'ong na kho bo cag gis khyod tshangs pa mtshungs par spyod pa'i nang nas gnas nas dbyung bar bya zhing / tshul shing yang dbyung bar bya/ spang leb khri'u yang bsgyur bar bya/ slong phor yang khas dbub par bya/ khar ba yang dor bar bya'o/ /de skrag nas nye dga' ga la ba der song ba dang nye dgas thag ring po kho na nas de 'ong ba mthong nas des bsams pa/ shes pa can 'gros 'di lta bus 'ong ba 'di ni bdag gi la ba 'phrog par byed pa yin no snyam nas de gtsug lag khang gi nang du zhugs nas sgo bcad de 'dug go/ /shes pa can des sgo brdung bar brtsams te btsun pa nye dga' btsun pa nye dga' zhes bos pa dang / nye dga' cang mi smra bar 'dug go/ /dge slong rnams kyis de la smras pa/ shes pa can khyod la btsun pa nye dgas ci bya/ des smras pa/ des kho bo'i la ba zhig khyer ro/ /shes pa can gal te khyod la ba 'dod na song la bcom ldan 'das la skyabs su sgrubs shig /de bcom ldan 'das ga la ba der song ba dang / bcom ldan 'das kyis shes pa can de thag ring po kho na nas 'ong ba gzigs so/ /gzigs nas kyang dge slong rnams la bka' stsal pa/ dge slong dag khyed shes pa can thag ring po kho na nas 'ong ba la ltos shig /btsun pa bka' bzhin 'tshal/ 'di ni la ba'i phyir 'ongs te/ gal te la ba thob na de lta na legs gal te ma thob na khrag tsha ba skyugs te dus byed par 'gyur ro/ /de nas shes pa can de phyin nas bcom ldan 'das la 'di skad ces gsol to/ /bcom ldan 'das btsun pa nye dgas bdag gis 'tshal ba de bcom ldan 'das kyis bdag la slar stsal du gsol cig /gal te bcom ldan 'das kyis bdag la la ba slar stsal du ma stsal na/ 'di ltar bdag tshangs pa mtshungs par spyod pa'i nang nas gnas nas phyung bar 'gyur zhing tshul shing yang phyung bar gyur/ spang leb khri'u yang bsgyur bar 'gyur/ slong phor yang khas phub par 'gyur/ khar ba yang bor bar 'gyur ro/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la nye dga'i gan du song ste/ shes pa can gyi la ba phyir byin cig /gal te mi byin na shes pa can 'di khrag tsha ba skyugs te dus byed par 'gyur ba'i gnas de lta bu yod do zhes gyis shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas nye dga' ga la ba der song ba dang / nye dgas tshe dang ldan pa kun dga' bo thag ring po kho na nas 'ong ba mthong nas des bsams pa/ shes pa can gyi pho nya 'di lta bu khrid de 'ongs pas 'dis kho bo 'i la ba phrogs par 'gyur ro snyam mo/ /de nas tshe dang ldan pa kun dga' bos nye dga' la 'di skad ces smras so/ /bcom ldan 'das kyis bka' stsal pa/ shes pa can gyi la ba phyir byin cig /gal te 'di'i la ba phyir myur bar ma byin na shes pa can 'di khrag tsha ba skyugs te dus byed par 'gyur pa'i gnas de lta bu yod par 'gyur ro zhes byung ngo / /nye dgas smras pa/ btsun pa kun dga' bo ston pa'i bka' mnyan par zad kyi/ gzhan du na sgre byi gcer bu 'di khrag tsha ba skyugs te dus byed par 'gyur ba bas gal te shes pa can sha stag gis 'dzam bu'i gling 'di lta ste/ dper na bu ram shing gi tshal lam/ 'dam bu'i tshal lam/ 'od ma'i tshal bzhin du gang bar gyur la de dag thams cad khrag tsha ba skyugs te kha dag cing dus byed par gyur kyang nye dga'i spu'i rtse mo tsam yang mi g.yo ste/ 'on kyang bzhud cig dang sbyin no/ /tshe dang ldan pa kun dga' bo song ba dang nye dgas smras pa/ kwa'i gcer bu pa nyon cig khyod kyis ston pa brdzun ma des brdzun du smra bas 'jig rten bslus nas sems can dmyal ba rnams su skyes te/ de'i lce la thong gshol lnga brgyas rmed par byed na/ khyed kyang de bas kyang brdzun ma chen po yin pas khyed kyi lce la yang thong gshol stong gis rmo bar 'gyur ro/ /gzhan yang kho bo'i la ba khyod kyis spyod na/ ci kho bos kyang khyod kyi la ba spyad snyam 'am/ btsun pa nye dga' ma lags so/ /nye dga'as de'i la ba des 'doms kyi phyogs thams cad phyis nas bzhi ltab tu bltab ste/ lag pa g.yon pa'i steng du bzhag nas lag pa g.yas pas thal lcag gis bsnun pa dang rim pa thams cad rdol bar gyur nas smras pa/ shes pa can lag pa gnyis rkyong shig /des lag pa gnyis brkyang ba dang nye dgas gang gis de khas bub tu 'gyel bar 'gyur ba de lta bu'i shugs kyis la ba lag tu byin pa dang / de khas bub du 'gyel nas nye dgas rdog pas bsnun te smras pa/ gcer bu pa sgre byi gtsug lag khang sla tsas ma gtal bar song shig /btsun pa nye dga' gal te ma gum na mchi ste/ slan chad rgyal byed kyi tshal du mi mchi'o/ /de ni re shig byung ba yin gyi/ sangs rgyas bcom ldan 'das re shig 'dul ba la nyan thos rnams kyi bslab pa'i gzhi 'cha' bar ni mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag mngon mtshan can gyis spyod pa rnam pa sna tshogs byed de/ kun tu sbyor bar byed/ rab tu sbyor bar byed / bun 'gyed par byed/ skyed 'gyed par byed/ byas pa'i phyir byas pa dang / byas pa'i phyir ma byas pa dang / ma byas pa'i phyir byas pa dang / ma byas pa'i phyir ma byas pa gtong bar byed do/ /ji ltar kun tu sbyor bar byed ce na/ kun tu rtsom par byed/ yul tshol bar byed/ shing rta sog par byed/ yul du 'gro ba'i rdzas shom par byed/ le'u pa dang gro ba dang / snag tsha dang / smyu gu dang / yi ge pa tshol bar byed de/ de ltar kun tu sbyor bar byed do/ /ji ltar rab tu sbyor bar byed ce na brgyad shas dang / bcu shas dang / bcu gnyis shas kyi phyir dpang po dang / gro ba dang / snag tsha dang / smyu gu dang / yi ge pa tshol bar byed de/ de ltar rab tu sbyor bar byed do/ /ji ltar phun 'gyel bar byed ce na/ nas dang 'bru rnying pa gser phye dang nye sde'i phyir gtong ba dang / gzhal ba'i snod dang / bre'u chung dang / phul dang gro ba dang / snag tsha dang / smyu gu dang / yi ge pa tshol bar byed de/ de ltar bun 'gyed par byed do/ /ji ltar skyed 'gyed par byed ce na/ dung gi tshogs kyi phyir nor bu'i tshogs gtong bar byed pa dang / nor bu'i tshogs kyi phyir mu tig gi tshogs gtong bar byed pa dang / mu tig gi tshogs kyi phyir bai dUr+ya'i tshogs gtong bar byed cing / dpang po dang / gro ba dang / snag tsha dang / smyu gu dang / yi ge pa tshol bar byed de/ de ltar skyed 'gyed par byed do/ /ji ltar byas pa'i phyir byas pa gtong bar byed ce na/ gser mngon mtshan can gyi phyir mngon mtshan can gtong bar byed de/ de ltar byas pa'i phyir byas pa gtong bar byed do/ /ji ltar byas pa'i phyir ma byas pa gtong bar byed ce na/ gser mngon mtshan can med pa gtong bar byed de/ de ltar byas pa'i phyir ma byas pa gtong bar byed do/ /ji ltar ma byas pa'i phyir byas pa gtong bar byed ce na/ gser mngon mtshan can ma yin pa'i phyir mngon mtshan can gtong bar byed de/ de ltar ma byas pa'i phyir byas pa gtong bar byed do/ /de ltar ma byas pa'i phyir ma byas pa gtong bar byed do/ /ji ltar ma byas pa'i phyir ma byas pa gtong bar byed ce na/ gser mngon mtshan can ma yin pa'i phyir mngon mtshan can ma yin par gtong bar byed de/ de ltar ma byas pa'i phyir ma byas pa gtong bar byed do/ /gzhan mu stegs can dag shes ldan dag shAkya'i bu'i dge sbyong rnams ni ma log ma spangs so sor ma spangs pa yin te/ 'di ltar mngon mtshan can gyis spyod pa rnam pa sna tshogs byed de/ kun tu sbyor bar byed/ rab tu sbyor bar byed/ bun 'gyed par byed/ skyed 'gyed par byed/ byas pa'i phyir byas pa dang / byas pa'i phyir ma byas pa dang ma byas pa'i phyir byas pa dang ma byas pa'i phyir ma byas pa gtong bar byed do/ /bram ze dang / khyim bdag rnams kyang mngon mtshan can gyis spyod pa rnam pa sna tshogs byed de/ kun tu sbyor bar byed/ rab tu sbyor bar byed/ bun 'gyed par byed/ skyed 'gyed par byed/ byas pa'i phyir byas pa dang / byas pa'i phyir ma byas pa dang ma byas pa'i phyir byas pa dang / ma byas pa'i phyir ma byas pa gtong bar byed na shes ldan dag shAkya'i bu'i dge sbyong rnams dang bram ze dang / khyim bdag rnams la bye brag ni ci yod/ bsam pa ni ci yod/ tha dad du bya ba ni ci yod/ su zhig dge sbyong mgo reg 'di dag la bsod snyoms sbyin pa dang bya bar sems shes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa snga ma bzhin no/ /sangs rgyas bcom ldan 'das kyis dge slong drug sde dag la rmas pa/ dge slong dag khyed mngon mtshan can gyis spyod pa rnam pa sna tshogs byed pa bden nam / btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang mngon mtshan can gyis spyod pa rnam pa sna tshogs byed na spang ba'i ltung byed do/ /yang dge slong gang zhes bya ba ni drug sde dag gam/ gzhan yang de lta bu gang yin pa'o/ /mngon mtshan can gyis spyod pa rnam pa sna tshogs shes bya ba ni rnam pa du ma'o/ /byed na zhes bya ba ni kun tu sbyor bar byed pa dang / rab tu sbyor bar byed pa dang / bun 'gyed par byed pa dang / skyed 'gyed par byed pa lhag par spyod par byed na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na/ dge slong gis rnyed pa 'dod pas yul gyi tha snyad kyi zong kun tu sbyor bar byed cing / de de la shing rta dang gla mi dang / dpang po dang / gro ba dang / snag tsha dang / smyu gu dang / yi ge pa tshol bar byed de/ sho gam dang la can dang gru btsas sbyin par byed na ji srid du rnyed pa dag bdag gir mi byed pa de srid du nyes byas su 'gyur la/ rnyed pa bdag gir byed pa na spang ba'i ltung byed du 'gyur ro/ /dge slong gis rnyed pa 'dod pas dbyig gam/ gser rab tu sbyor bar byed cing / de de la dpang po dang / gro ba dang snag tsha dang / smyu gu dang / yi ge pa tshol bar byed na ji srid du rnyed pa bdag gir mi byed pa de srid du nyes byas su 'gyur la/ rnyed pa dag bdag gir byed na spang ba'i ltung byed du 'gyur ro/ /dge slong gis rnyed pa 'dod pas nas dang / 'bru'i bun 'gyed par byed cing / de de la gzhal blugs dang / bre'u chung dang / phul dang / dpang po dang / gro ba dang / snag tsha dang / smyu gu dang / yi ge pa tshol bar byed na ji srid du rnyed pa bdag gir mi byed pa de srid du nyes byas su 'gyur la/ rnyed pa bdag gir byed pa na spang ba'i ltung byed du 'gyur ro/ /dge slong gis rnyed pa 'dod pas dung gi tshogs kyi phyir nor bu'i tshogs gtong bar byed pa dang / nor bu'i tshogs kyi phyir mu tig gi tshogs gtong bar byed pa dang / mu tig gi tshogs kyi phyir bai dUr+ya'i tshogs gtong bar byed cing / de de la dpang po dang / gro ba dang / snag tsha dang / smyu gu dang / yi ge pa tshol bar byed na/ ji srid du rnyed pa bdag gir mi byed pa de srid du nyes byas su 'gyur la/ rnyed pa bdag gir byed na spang pa'i ltung byed du 'gyur ro zhes de ltar bcom ldan 'das kyis 'dul ba la nyan thos rnams kyi bslab pa'i gzhi bca' bar mdzad do/ /sangs rgyas bcom ldan 'das yangs pa can na spre'u rdzing gi 'gram na khang pa brtsegs pa'i khang bzangs na bzhugs so/ /de'i tshe na yangs pa can pa'i lid tsa byi dag gi khang pa dag drug rtseg dang bdun rtseg tu byed do/ /yangs pa can gyi lid rtsu byi rnams kyi khang pa ji lta ba de bzhin du gtsug lag khang dag kyang drug rtseg dang bdun rtseg tu byed pas de dag mtho ches pas brtsigs shing brtsigs shing rdib nas sbyin bdag dag gis bsams pa/ bdag cag gson zhing 'dug ste/ 'tsho zhing sdod pa rnams kyi gtsug lag khang dag kyang 'di ltar 'jig na shi ba rnams kyi ji ltar 'gyur/ bdag cag gis mkhar lan gyi rgyur dge 'dun la mi zad pa dbul bar bya'o snyam nas de dag mi zad pa thogs te dge slong rnams kyi gan du dong nas phyin pa dang / dge slong rnams la 'di skad ces smras so/ /'phags pa dag mkhar len gyi slad du mi zad pa 'di dag bzhes shig /dge slong rnams kyis smras pa/ bzhin bzangs dag bcom ldan 'das kyis bslab pa'i gzhi bca' bar mdzad pas bdag cag mi len to zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge 'dun gyi phyir mkhar las gyi rgyu mi zad par blangs bar bya'o/ /gzhan yang dge slong gi dge 'dun gyi gtsug lag khang ni sum rtseg tu bya'o dge slong ma'i dge 'dun gyi dbyar khang ni nyis rtseg tu bya'o/ /dge slong rnams kyis bcom ldan 'das las mnyan nas mi zad pa blangs nas dge 'dun gyi mdzod du bcug ste bzhag go/ /sbyin bdag dag 'ongs te smras pa/ 'phags pa dag ci'i slad du gtsug lag khang gi mkhar lan mi bgyid kar sha pa Na dag med do/ /'o na bdag cag gis khyed la mi zad pa dag ma phul lam/ dge slong rnams kyis smras pa/ ci kho bo cag gis mi zad pa dag zos snyam 'am/ dge 'dun gyi mdzod na 'dug go/ /'phags pa dag de lta na mi zad par mi 'gyur gyi 'di ltar zad par 'gyur te ci bdag cag gi sdum pa na gnas ma mchis snyam 'am/ ci'i slad du rab tu sbyor bar mi mdzad/ dge slong rnams kyis smras pa/ bcom ldan 'das kyis bslab pa'i gzhi bca' ba mdzad pas bdag cag rab tu sbyor bar mi mdzad do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge 'dun gyi phyir mkhar lan gyi rgyu mi zad pa rab tu sbyor bar bya'o/ / de bzhin du bram ze dang / khyim bdag dad pa can dag sangs rgyas dang / chos dang / dge 'dun gyi phyir mi zad pa 'bul nas/ bcom ldan 'das kyis bka' stsal pa/ sangs rgyas dang / chos dang / dge 'dun gyi phyir mi zad pa rab tu sbyor bar bya zhing de las skyed gang grub pa des sangs rgyas dang / chos dang / dge 'dun la mchod par bya'o/ /de dag gis de dag nyid la byin nas de dag la 'das pa na rtsod par byed cing / 'phags pa dag ci'i phyir bdag nyid kyi nor las rtsod pa byung zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de dag la sbyin par mi bya'o/ /de dag gis phyug po dag la byin nas/ de dag la 'das pa na mthu dang ldan pa la rten cing mi ster ba dang / bla'i grwa'i mthus mi ster nas bcom ldan 'das kyis bka' stsal pa/ de dag la sbyin par mi bya'o/ /de dag gis dbul po rnams la byin nas de dag gis kyang 'jal mi nus nas bcom ldan 'das kyis bka' stsa pa/ gta' nyi rir blangs te dpang po dang bcas pa'i dam rgya'i glegs bu bris te sbyin par bya'o/ /glegs bu de la yang lo dang / zla ba dang / nyi ma dang / dge 'dun gyi gnas brtan dang / dge skos dang / len pa po dang / rdzas dang / skyed rnams kyi ming bri bar bya'o/ /gang la sbyin par bya ba dge bsnyen dad pa can bslab pa'i gzhi lnga bzung ba la yang gta' nyi ri kho nas sbyin par bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /mngon mtshan can gyis spyod pa'i spang ba ste bcu dgu pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag nyo tshong rnam pa sna tshogs byed de/ len par byed/ gtong bar byed/ nyo bar byed/ 'tshong bar byed do/ ji ltar len par byed ce na/ gang gi tshe ljongs su lo legs shing grong khyer du lo nyes pa de'i tshe na ljongs nas grong khyer du len par byed de/ de ltar len par byed do/ ji ltar gtong bar byed ce na/ gang gi tshe grong khyer du lo legs shing ljongs su lo nyes pa de'i tshe na grong khyer nas ljongs su gtong bar byed de/ de ltar gtong bar byed do/ /ji ltar nyo bar byed ce na/ gang gi tshe rin chung ba de'i tshe na nyo bar byed de / de ltar nyo bar byed do/ /ji ltar 'tshong bar byed ce na/ gang gi tshe rin che ba de'i tshe na 'tshong bar byed de/ de ltar 'tshong bar byed do/ /gzhan mu stegs can dag shes ldan dag shAkya'i bu'i dge sbyong rnams ni ma log ma spangs so sor ma spangs pa yin te/ 'di ltar nyo 'tshong rnam pa sna tshogs byed de/ len par byed/ gtong bar byed/ nyo bar byed/ 'tshong bar byed cing bram ze dang / khyim bdag rnams kyang nyo 'tshong rnam pa sna tshogs byed de/ len par byed/ gtong bar byed/ nyo bar byed/ 'tshong bar byed na shAkya'i bu'i dge sbyong rnams dang / bram ze dang / khyim bdag 'di dag la bye brag ni ci yod/ bsam pa ni ci yod/ tha dad du bya ba ni ci yod/ su zhig dge sbyong mgo reg 'di dag la bsod snyoms sbyin pa dang bya bar sems shes smod par byed/ phyar ka gtong bar byed/ kha zer bar byed ba'i skabs de dge slong rnams kyis bcom ldan 'das la gsol to/ / de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag khyed nyo 'tshong rnam pa sna tshogs byed de/ len par byed/ gtong bar byed/ nyo bar byed/ 'tshong bar byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang nyo 'tshong rnam pa sna tshogs byed na spang ba'i ltung byed do/ /yang dge slong gang zhes bya ba ni drug sde dag gam/ gzhan yang de lta bu gang yin pa'o/ /nyo 'tshong rnam pa sna tshogs shes bya ba ni rnam pa mang po'o/ /byed na zhes bya ba ni len par byed pa dang / gtong bar byed pa dang / nyo bar byed pa dang / 'tshong bar byed pa dag lhag par spyod par byed na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na/ dge slong gis rnyed pa 'dod pas nyo bar byed/ 'tshong bar byed na nyo bar byed pa la nyes byas su 'gyur la/ 'tshong ba la spang ba'i ltung byed du 'gyur ro/ /dge slong gis rnyed pa 'dod pas nyo bar byed cing rnyed pa mi 'dod pas 'tshong bar byed pa la nyes byas su 'gyur la/ 'tshong bar byed pa la ltung ba med do/ /dge slong gis rnyed pa mi 'dod pas nyo bar byed cing rnyed pa 'dod pas 'tshong bar byed na nyo bar byed pa la ltung ba med la/ 'tshong bar byed pa la spang ba'i ltung byed du 'gyur ro/ /dge slong gis rnyed pa mi 'dod pas nyo bar byed cing rnyed pa mi 'dod pas 'tshong bar byed na gnyis ka la ltung ba med do/ / yul gzhan gyi sbyor bas snga ma'i rgyud sbyong bar byed pa la ltung ba med do zhes bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad do/ /sangs rgyas bcom ldan 'das yangs pa can na spre'u rdzing gi 'gram na khang pa brtsegs pa'i khang bzangs na bzhugs so/ /de'i tshe na byang lam pa'i tshong pa lam gyi bgrod par zhugs pa dag gis gtsug lag khang rta babs mthon po dang ldan pa skar khung dang / skar khung dra ba can dang / lan kan gyis brgyan pa/ mig dang snying 'phrog pa mtho ris kyi them skas su gyur pa dag mthong nas de dag dad par gyur te/ de dag gtsug lag khang du dong nas dge slong rnams la 'di skad ces smras so/ /'phags pa dag bdag cag gis dge 'dun la mchod ston bgyi'o/ /dge slong rnams kyis smras pa/ mchod ston gyi yo byad dag khyer te sheg shig /de dag gis smras pa/ bdag cag blo bur du lhags pa dag lags te/ 'di ltar bdag cag rin 'bul gyis khyed kyis 'bras dag stsol cig /bcom ldan 'das kyis bslab pa'i gzhi bca' ba mdzad pas bdag cag 'bras dag mi 'tshong ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de ltar mi bya bar 'di ltar gang dag dge 'dun gyi phyir mchod ston byed pa de la rin gyis 'bras sbyin par bya'o/ /dge slong dag ri ba kho na sbyin nas bcom ldan 'das kyis bka' stsal pa/ gang gtsug lag khang de nyid du mchod ston byed pa de la 'theb dang bcas pa sbyin par bya'o/ /bcom ldan 'das kyis rin gyis 'bras sbyin par bya'o zhes bca' ba mdzad pas mang po dag mchod ston byed nas thams cad la byin na 'bras dag spyad pas spyi bungs chad par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de ltar mi bya bar 'di ltar rin des 'bras gzhan dag nyo bar bya'o/ /'bras rnying pa dag kyang so sor brtags nas gal te srog chags med na dus su btsongs te 'bras sar pas bang ba dag dgang bar bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /nyo 'tshong byed pa'i spang ba ste nyi shu pa rdzogs s+ho// // sdom la/ lhung bzed gnyis dang tha ga gnyis/ /byin 'phrog ston zla tha chungs dang / /dgon pa pa dang ras chen dang / /bsngos pa dang ni gsog 'jog go/ /sangs rgyas bcom ldan 'das mnyan yod na rgyal khyed kyi tshal mgon med zas sbyin gyi kun dga' ra ba na bzhugs so/ /de nas tshe dang ldan pa nye dga' 'di snyam du sems te/ 'di dag thams cad khyim bdag mgon med zas sbyin gyis bslab pa'i gzhi dag gis khyab par byas pas phyin cad gang nas kyang rnyed pa bslang bar mi nus so snyam nas de de snyam sems pa na dga' 'dun drug bcu bskyed mos tshal du dong ba de dag nye dgas mthong ngo / / mthong nas kyang 'di snyam du sems te/ gal te 'di dag las rnyed pa ma grub na nye dga' zhes bya ba'i ming gzung bar mi bya'o snyam mo/ /drug sde dag gi kun du spyod pa ni gal te sbyin pa'i gtam dag byed na nyan pa po dag bdag cag gis rang gi sha dag bcad cing bcad cing sbyin par bya'o snyam du sems la/ gal te tshul khrims kyi gtam dag byed na nyan pa po dag bdag cag lha rnams kyi nang du skyes so snyam du sems so/ /gal te ngan song gi gtam dag byed na nyan pa po dag bdag cag ngan song rnams su skyes so snyam du sems pa yin pas des lhung bzed gsal ba/ zlum pa longs spyad par bzod pa mchan khung gis khyer te dga' 'dun de dag ga la ba der song ste phyin nas dga' 'dun pa gcig la ci nas kyang de'i sems mngon par dad par 'gyur ba de ltar sbyin pa'i gtam byas nas des mas dad par gyur te smras pa/ 'phags pa ci'i slad du byon/ nye dgas smras pa/ bzhin bzangs bdag la lhung bzed dgos so/ / 'phags pa bdag la lhung bzed ma mchis te gal te rin gyis rnyed na bdag gis mjal te gsol lo/ /nye dgas lhung bzed mchan khung nas phyung ste de la bstan nas smras pa/ bzhin bzangs lhung bzed 'di yang rin gyis rnyed pa yin no/ / 'phags pa 'di'i rin ji tsam/ kAr ShA pa Na drug bcu'o/ /bdag gis 'di'i rin kAr ShA pa Na drug bcu 'bul lo/ /bzhin bzangs a rog khya de dag khyod kyir gyur cig /sbyin pa 'dis khyod sems kyi rgyan dang / sems kyi yo byad dang / rnal 'byor gyi tshogs dang / don gyi mchog 'thob pa dang / lha dang mi rnams kyi nang du snod tu 'gyur bar gyur cig /de bzhin du de des dga' 'dun drug bcu po dag re re yang kAr ShA pa Na drug bcu drug bcu sbyor du bcug nas song ngo / /dga' 'dun de dag thams cad gcig tu 'dus par gyur nas de na dga' 'dun gcig gis smras pa/ shes ldan dag kho bos btsun pa nye dga' shAkya'i rigs las rab tu byung ba chos sgrog pa rigs pa dang grol ba'i spobs pa dang ldan pa la lhung bzed kyi rin du kAr ShA pa Na drug bcu phul gyis rjes su yi rang bar gyis shig /gzhan zhig gis smras pa/ kho bos kyang phul lo / /yang gzhan zhig gis smras pa/ kho bos kyang phul lo/ /de bzhin du thams cad kyis kho bos kyang phul lo/ /kho bos kyang phul lo zhes smras nas de dag phan tshun blta bar brtsams te/ shes ldan dag dge slong gcig la lhung bzed du dgos shes de dag gis dge slong zhig la dris pa/ 'phags pa dge slong gcig la lhung bzed du 'tshal/ des smras pa/ bzhin bzangs dag gcig kho na dgos so/ /de dag gis shAkya'i sras kyi dge sbyong rnams ni rnyed pa 'dod pas zil gyis gnon pa dag yin no zhes smad par brtsams so/ /de ni re shig byung ba yin gyi sangs rgyas bcom ldan 'das re shig 'dul ba la nyan thos rnams kyi bslab pa'i gzhi 'cha' bar ni mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag lhung bzed rnyed do cog gsog par byed cing bdag nyid kyang spyod par mi byed/ dge slong gzhan dag la yang sbyin par mi byed nas dge slong don nyung ngu dag ci'i phyir dge slong dag lhung bzed rnyed do cog gsog par byed cing bdag nyid kyang spyod par mi byed/ dge slong gzhan dag la yang sbyin par mi byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag khyed lhung bzed rnyed do cog sogs par byed cing bdag nyid kyang spyod par mi byed/ dge slong gzhan dag la yang sbyin par mi byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul dang 'thun pa ma yin pa/ rjes su 'thun pa ma yin pa/ /rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis lhung bzed lhag pa zhag bcu'i bar du bcang bar bya'o/ /de las 'das par 'chang na spang ba'i ltung byed do/ /dge slong gis shes bya ba ni chos 'di pas so/ /lhung bzed lhag pa zhes bya ba ni byin gyis brlab par bya ba las lhag pa'o/ /zhag bcu'i bar du zhes bya ba ni nyin mtshan bcu'i mtha'i bar du'o/ /bcang bar bya'o zhes bya ba ni bdag gir bya'o/ /de las 'das par 'chang na zhes bya ba ni de las thal bar 'chang ba'o/ /spang ba'i lhung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na 'di lta ste/ dge slong gis tshes la lhung bzed rnyed na dge slong des lhung bzed de zhag bcu po de nyid kyi nang du byin gyis brlab par bya ba 'am/ btang bar bya ba 'am/ rnam par brtag par bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par brtag par mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /tshes la lhung bzed ma rnyed kyang tshes gnyis sam/ tshes gsum mam/ tshes dgu 'am/ tshes bcu tshun chad kyis lhung bzed rnyed na dge slong des lhung bzed de zhag bcu po de nyid kyi nang du byin gyis brlab par bya ba 'am/ btang bar bya ba 'am/ rnam par brtag par bya ba 'am/ gzhan la sbyin par bya'o/ byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na nyi ma bcu gcig pa'i skya reng shar ba na spang ba'i ltung byed du 'gyur ro/ /dge slong gis tshes la lhung bzed cig rnyed cing des tshes gnyis la yang gzhan zhig rnyed na dge slong des zhag bcu po de nyid kyi nang du snga ma byin gyis brlab par bya zhing phyi ma btang bar bya ba 'am/ rnam par brtag par bya ba 'am/ gzhan la sbyin par bya'o/ / yang na phyi ma byin gyis brlab par bya zhing snga ma btang bar bya ba 'am/ rnam par brtag par bya ba 'am gzhan la sbyin pa bya'o/ /byin gyis rlob par mi byed dam gtong bar mi byed dam rnam par rtog par mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /tshes dang / tshes gnyis la ma rnyed kyang tshes gsum dang tshes bcu tshun chad kyi lhung bzed cig rnyed na dge slong des zhag bcu po de nyid kyi nang du snga ma byin gyis brlab par bya zhing phyi ma btang bar bya ba 'am/ rnam par brtag par bya ba 'am/ gzhan la sbyin par bya'o/ /yang na phyi ma byin gyis brlab par bya zhing snga ma btang bar bya ba 'am/ rnam par brtag par bya ba 'am gzhan la sbyin par bya'o/ /byin gyis rlob par mi byed dam gtong bar mi byed dam/ rnam par rtog par mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /dge slong gis tshes la lhung bzed gnyis rnyed na dge slong des lhung bzed de gnyis zhag bcu po de nyid kyi nang du byin gyis brlab par bya ba 'am/ btang bar bya ba 'am/ rnam par brtag bar bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /tshes la lhung bzed gnyis ma rnyed kyang tshes gnyis sam/ tshes gsum mam/ tshes dgu 'am/ tshes bcu tshun chad kyis lhung bzed gnyis rnyed na dge slong des lhung bzed de gnyis zhag bcu po de nyid kyi nang du byin gyis brlab par bya ba 'am/ btang bar bya ba 'am/ rnam par brtag par bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /tshes la lhung bzed gnyis ma rnyed kyang tshes gnyis sam/ tshes gsum mam/ tshes bcu tshun chad kyis lhung bzed gnyis rnyed na dge slong des lhung bzed de gnyis zhag bcu po de nyid kyi nang du byin gyis brlab par bya ba 'am/ btang bar bya ba 'am/ rnam par brtag par bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ dge slong gis tshes la lhung bzed gnyis shig rnyed cing des tshes gnyis la lhung bzed gzhan gnyis rnyed na dge slong des zhag bcu po de nyid kyi nang du snga ma gnyis byin gyis brlab par bya zhing phyi ma gnyis btang bar bya ba 'am/ rnam par brtag par bya ba 'am/ gzhan la sbyin par bya'o/ /yang na phyi ma gnyis byin gyis brlab par bya zhing snga ma gnyis btang bar bya ba 'am/ rnam par brtag par bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /tshes dang / tshes gnyis la ma rnyed kyang tshes gsum dang / tshes bcu tshun chad kyis lhung bzed gnyis shig rnyed na dge slong des zhag bcu po de nyid kyi nang du snga ma gnyis byin gyis brlab par bya zhing phyi ma gnyis btang bar bya ba 'am/ rnam par brtag par bya ba 'am/ gzhan la byin par bya'o/ /yang na phyi ma gnyis byin gyis brlab par bya zhing snga ma gnyis gtang bar bya ba 'am/ rnam par brtag par bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /dge slong gis tshes la lhung bzed mang po rnyed na dge slong des lhung bzed de dag zhag bcu po de nyid kyi nang du byin gyis brlab par bya ba 'am/ btang bar bya ba 'am/ rnam par brtag par bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na nyi ma bcug gcig pa'i skya reng shar na spang ba'i ltung byed du 'gyur ro/ /tshes la lhung bzed mang po ma rnyed kyang tshes gnyis sam/ tshes gsum mam/ tshes dgu 'am/ tshes bcu tshun chad kyis lhung bzed mang po rnyed na dge slong des lhung bzed de zhag bcu po de nyid kyi nang du byin gyis brlab par bya ba 'am/ btang bar bya ba 'am/ rnam par brtag par bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /dge slong gis tshes la lhung bzed mang po dag cig rnyed cing des tshes gnyis la yang gzhan mang po dag cig rnyed na dge slong des zhag bcu po de nyid kyi nang du snga ma dag byin gyis brlab par bya zhing phyi ma dag btang bar bya ba 'am/ rnam par brtag par bya ba 'am/ gzhan la sbyin par bya'o/ /yang na phyi ma dag byin gyis brlab par bya zhing snga ma dag btang bar bya ba 'am/ rnam par brtag par bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed tu 'gyur ro/ /tshes dang / tshes gnyis la ma rnyed kyang tshes gsum dang / tshes bcu tshun chad kyis lhung bzed mang po dag cig rnyed na dge slong des zhag bcu po de nyid kyi nang du snga ma dag byin gyis brlab par bya zhing phyi ma dag btang bar bya ba 'am/ rnam par brtag par bya ba 'am/ gzhan la sbyin par bya'o/ /yang na phyi ma dag byin gyis brlab par bya zhing snga ma dag gtang bar bya ba 'am/ rnam par brtag par bya ba 'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na nyi ma bcu gcig pa'i skya reng shar na spang ba'i ltung byed du 'gyur ro/ /dge slong gi lhung bzed spang bar 'gyur na de ma spangs shing dbral bar ma byas la ltung ba ma bshags par gzhan shig rnyed na de yang snga ma'i rgyud kyis spang bar 'gyur ro/ /dge slong gi lhung bzed spang bar gyur na de spangs shing bral bar ma byas la ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ dge slong gi lhung bzed spang bar gyur na de spangs shing bral bar byas la/ ltung ba bshags nas gzhan zhig rnyed na de la ltung ba med do/ /de bzhin du dge slong gis ji srid du spang ba'i dngos po de ma bshags shing so sor ma bshags par lhung bzed dam/ chos gos sam/ dra ba 'am/ phor bu 'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog par byed na de yang snga ma'i rgyud kyis spang bar 'gyur ro/ /lhung bzed chung ngu dang / lhung bzed skya ba dang / lhung bzed che ba dang / lhung bzed ma tshos pa 'chang ba la ltung ba med do/ /rab tu 'byung ba la ltos pa'i don du ltung bzed 'chang ba la thams cad du ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do / /lhung bzed 'chang ba'i spang ba ste nyi shu gcig pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na spos 'tshong gi khye'u zhig 'dug pa des lhung bzed shin du gsal ba/ dbyibs legs pa/ longs spyad par bzod pa zhig rnyed do/ /bsod snyoms pa zhig kyang snga dro sham thabs bgos lhung bzed dang / chos gos thogs te mnyan yod du bsod snyoms la zhugs nas des bsod snyoms brgyus te srang du phyin pa dang / spos 'tshong gi khye'u des de mthong nas smras pa/ 'phags pa bdag gis lhung bzed shin du gsal ba/ dbyibs legs pa/ longs spyad par bzod pa zhig rnyed kyis gal te bzhed na snoms shig bzhin bzangs bdag la ltung bzed yod do/ /'phags pa gal te dge slong gzhan 'ga' zhig lhung bzed 'tshal ba mchis na de btang du gsol/ btang bar bya'o/ /de nas bsod snyoms pa des mnyan yod du bsod snyoms la brgyus nas rgyal byed kyi tshal du song ste/ des zan zos nas lhung bzed 'khru ba na dge slong rnams la smras pa/ tshe dang ldan pa dag srang ga ge mo zhig na spos 'tshong gi khye'u zhig 'dug pa des lhung bzed shin du gsal ba/ dbyibs legs pa/ longs spyad par bzod pa zhig rnyed kyis khyed cag las gang lhung bzed 'dod pa de song shig /de dang ha cang thag mi ring ba na nye dga' 'dug pa des thos nas des bsams pa/ de lhung bzed nag po can 'ga' zhig gis thos nas rab tu rgyug par gyur na mi rung gis smad par bya'o snyam nas des de la smras pa/ tshe dang ldan pa khyod dad pas byin pa zos nas lhung bzed kyi gtam dang / chos gos kyi gtam las gzhan pa'i gtam 'ga' yang med mod/ des bsams pa/ 'jig rten na 'dod pa'i bdag nyid can gang ji snyed pa de dag dang nye dga' mtshungs pa yin na 'dis kyang re shig bdag smad par gyur na gal te dge slong gnas brtan gzhan 'ga' zhig gis thos par gyur na des rgya cher smad par 'gyur ro snyam nas de cang mi smra bar 'dug go/ /nye dgas de bkar te smras pa/ tshe dang ldan pa khyod kyi mkhan po dang kho bo bshes pas de'i phyir khyod smad kyis ma gshe shig /gnas brtan gal te bdag yang smra bar gyur na khyod kyis bdag la yang smad par mdzod cig /tshe dang ldan pa kho bo yang nye bar ma zhi ba tsam du zad kyi ci lhung bzed de lhung bzed ma yin nam/ gnas brtan snga ma nyid kyang smra bar mi bgyi ba lags kyis 'tshal to/ /tshe dang ldan pa de lta mod kyi 'on kyang re shig smros shig /gnas brtan srang che ge mo zhig na spos 'tshong gi khye'u zhig mchis pa des lhung bzed shin du gsal ba/ dbyibs legs pa/ longs spyad par bzod pa zhig rnyed nas de'i mchid nas gal te dge slong lhung bzed 'tshal ba 'ga' zhig mchis na de btang du gsol zhes mchi'o/ /de ni de tsam du zad de/ de yang nye bar ma zhi ba tsam kho nar zad do/ /de nas nye dga' snam sbyar gyon te 'gros bskyed nas phya ra ra song ba dang / spos 'tshong gi khye'u des de 'gros bskyed de 'ong ba thag ring po kho na nas mthong nas des bsams pa/ dge sbyong hral pa 'gros 'di lta bus 'ong ba 'dis bdag gi lhung bzed 'di phrogs par 'gyur du 'ong ngo snyam nas des lhung bzed de blangs te mdzod tshe'i 'og tu bcug ste bzhag pa dang nye dgas de sbed pa'i tshe mthong nas des smras pa/ bzhin bzangs ci lhung bzed 'di nal gyi bu yin nam ci na de phyir sbed par byed ces des lag pa brkyang ste lhung bzed blangs nas smras pa/ bzhin bzangs a rog khya sbyin pa 'dis khyod sems kyi rgyan dang / sems kyi yo byad dang / rnam 'byor gyi tshogs dang / don gyi mchog thob pa dang / lha dang mi rnams kyi nang na snod tu 'gyur bar gyur cig /'phags pa bdag cag tshong pa dag ni khe spogs 'tshal bas 'tsho ba lags pas 'di rin ma mchis par mi dbul te 'di ltar rin gyi phyir 'bul lo/ /bzhin bzangs ci khyod drang srong gi snod 'tshong bar byed dam/ tshigs su bcad pa yang smras pa/ gal te skyes bu sa snod kyis/ /gser gyi snod ni thob gyur na/ /de yis mya ngan ci phyir bya/ /bslus pa med par kho bos mthong / /'phags pa khyod mang du gsung mod kyi 'on kyang rin ma mchis par mi 'bul lo/ /nye dgas smras pa/ khyod kyi lhung bzed la lhag par chags pa 'dis yi dags lko lba can dag gi nang du skye bar bya dgos so zhes de de skad spyo bar byed pa na khyim bdag cig phyogs der 'ongs nas des smras pa/ 'phags pa phyag 'tshal lo/ /btsun pa nye dga' phyag 'tshal lo/ /nye dgas smras pa/ bzhin bzangs khyod kyi phyag skam po 'dis ci bya/ 'phags pa bdag la btsun pa nye dgas bka' stsal pa gang zhig bdag gis ma bsgrubs/ lhung bzed 'di nyos te byin cig /khyim bdag des spos 'tshong gi khye'u de la smras pa/ bzhin bzangs/ lhung bzed 'di rin ci tsam/ 'di dang 'di tsam mo/ /kho bos khyod la sbyin no/ /spos 'tshong gi khye'u des lhung bzed de khyim bdag de la byin nas khyim bdag des kyang nye dga' la phul lo nye dgas smras pa/ a rog khya sbyin pa 'dis khyod sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi nang na snod tu 'gyur bar gyur cig /khyim bdag de song ba dang / nye dgas spos 'tshong gi khye'u de la smras pa/ bkren pa khyod kyis nye dgas lhung bzed kyi rin sbyor du 'jud mi nus snyam du shes sam/ khyod kyi lhung bzed la lhag par chags pa 'dis yi dags lba ba can dag gi nang du skye bar bya dgos so/ /'phags pa ci zhig sbyor mchis/ khyod kyis kyang lhung bzed thob la/ bdag gis kyang rin thob kyis bzhud cig /nye dga' yang lhung bzed khyer te gtsug lag khang du song nas des lhung bzed de dge slong rnams la bstan te smras pa/ tshe dang ldan pa dag ltos shig /kho bo'i lhung bzed ci 'dra/ gzhon nu zhig gis smras pa/ gnas brtan ci khyod la lhung bzed gzhan ma mchis sam/ yod do/ /'o na gnas brtan gyis lhung bzed yod cing bdog bzhin du lhung bzed gzhan btsal du rung ngam/ dgra bo rnams kyi gre bar rkang pas mnan nas so/ /gnas brtan la dgra bo dag kyang mchis sam/ gang gi phyir khyod kho bo'i lhung bzed gnyis pa yang mi bzod pas je khyod kho bo'i dgra bo thu bo yin no/ / dge slong don nyung ngu dag ci'i phyir dge slong dag lhung bzed yod cing bdog bzhin du lhung bzed gzhan tshol bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga' khyod lhung bzed yod cing bdog bzhin du lhung bzed gzhan tshol ba bden nam/ btsun pa mad do/ sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na dge slong gis lhung bzed yod cing bdog bzhin du lhung bzed gzhan btsal bar mi bya'o// //'dul ba rnam par 'byed pa/ bam po sum bcu rtsa bzhi pa/ bcom ldan 'das kyis dge slong gis lhung bzed yod cing bdog bzhin du lhung bzed gzhan btsal bar mi bya'o zhes bka' stsal nas bsod snyoms pa zhig gi lhung bzed cung zhig rdol nas des de thogs te mnyan yod tu bsod snyoms la zhugs pa dang des phye dag rnyed nas des de dag lhung bzed kyi snod kyis mnos so/ /'bras can gsher ba rnyed nas des de dag lhung bzed kyis mnos pa dang de nas zags pas phye dag gsher bar gyur te de dag gis lhung bzed kyi snod ma rung bar gyur nas de sbrang bu dag gis yongs su bskor bar gyur pa dang / de la khye'u dang / bu mo dag gis smras pa/ 'phags pas nor can dang / tshong dpon dang / ded dpon dag bzhin du 'khor mang por 'gyur ba'i las byas pas sbrang bu dag gis yongs su bskor cing bzhud do/ /khyim bdag mgon med zas sbyin gyis de mthong nas smras pa/ byis pa dag ci'i phyir 'phags pa la tho 'tsham par byed/ khyim bdag 'phags pa la tho btsam du ci mchis/ 'phags pas nor can dang / tshong dpon dang / ded dpon dag bzhin du 'khor mang po 'gyur ba'i las bgyis pas sbrang bu dag gis yongs su bskor cing bzhud do/ / khyim bdag mgon med zas sbyin gyis dge slong de la smras pa/ 'phags pa bcom ldan 'das kyis bstan pa kun du mdzes pa la khyod ci cal col byed/ khyim bdag 'di la cal col du gyur pa ci yod/ khyod kyis kho bo rol mo mkhan gyi khyim dang / 'jud 'thun ma'i khyim dang / chang pa'i khyim dang / rgyal po'i pho brang dang / gdol pa'i khyim du zhugs par mthong ngam/ 'phags pa 'o na ci'i phyir khyod byis pa dag gis bskor te 'phags par byed/ khyim bdag kho bo'i lhung bzed 'di zag go/ /'o na ci'i phyir lhung bzed gzhan mi tshol/ bcom ldan 'das kyis dge slong gis lhung bzed yod cing bdog bzhin du lhung bzed gzhan btsal bar mi bya'o zhes gsungs so/ /'phags pa khyod kyi lhung bzed 'di 'dra ba yod cing bdog pa yin nam zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gang gi lhung bzed rdol ba des klan par bya'o/ /bcom ldan 'das kyis gang gi lhung bzed rdol ba des klan par bya'o zhes bca' ba mdzad nas/ dge slong dag lhan pa snyi ba lnga po bu ram dang / rgya skyegs kyi tshigs ma dang / spra tshil dang / ro nye dang / tshon mo steng dag gis klon par byed nas/ de dag tsha ba dang phrad nas yang zags par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ lhan pa snyi ba lnga po de dag spangs te lhan pa sra ba lnga po gzhan dag gis klan par bya'o/ /dge slong dag gis lhan pa sra ba lnga po dag ci 'dra ba mi shes nas bcom ldan 'das kyis bkal stsal pa/ lhan rings dang / tham phran dang / lhan pa dang / chu srin gyi so lta bu dang / phye mas so/ /dge slong rnams kyis phye ma du yod mi shes nas bcom ldan 'das kyis bka' stsal pa/ /phye ma gnyis te/ lcags kyi phye ma dang / rdo'i phye ma'o/ /lcags kyi lhung bzed la ni lcags kyi phye mas bklan par bya'o/ /sa'i lhung bzed la ni rdo'i phye mas bklan par bya'o/ /de dag chur phye ma bdar te klon par byed nas de de bzhin du 'gogs nas bcom ldan 'das kyis bka' stsal pa/ 'bru mar du bdar bas bklan par bya'o/ /de dag ha cang drag tu sreg pas de 'gogs pa dang / ha cang chung ngur sros pas mi 'chags nas bcom ldan 'das kyis bka' stsal pa/ ci ran tsam du bsro bar bya'o/ /ha cang rtsub por gyur nas bcom ldan 'das kyis bka' stsal pa/ bdar bar bya'o/ /de dag chus blugs te bdar bar byed pas de yang 'gogs nas bcom ldan 'das kyis bka' stsal pa/ 'bru mar blugs te bdar bar bya'o/ /sa las byas pa'i lhung bzed dag rdol nas bcom ldan 'das kyis bka' stsal pa/ bu ram dang / 'jim pas klan nas de dag bsro bar bya'o/ /bcom ldan 'das kyis de ltar lhan pa lnga po dag gis bklan par bya'o zhes bca' bar mdzad nas/ dge slong bsod snyoms pa zhig gis sa las byas pa'i lhung bzed lag pa nas shor te gyo dum lngar gyur nas/ des de dag bu gu phug ste gyo dum dag skud pas brgyus nas bsod snyoms la rgyu bar byed do/ /bcom ldan 'das kyis lhung bzed la zas med par bya'o zhes bka' stsal nas des de rung bar byed pa na bshig cing rgyud par byed pas snga dro thams cad zad par gyur nas dge slong rnams kyis de la smras pa/ tshe dang ldan pa ci khyod kyi dge ba'i phyogs 'di lta ste/ bcings pa 'grol ba 'di kho na yin nam/ des smras pa/ tshe dang ldan pa dag bcom ldan 'das kyis lhung bzed chag pa la lhan pa sra ba lnga po dag gis klan par bya'o zhes bca' bar mdzad do zhes zer ba'i skabs de dge slong rnams kyis bcom ldan 'das la gsol to/ /de nas bcom ldan 'das kyis rnam grangs du mas bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de dang rjes su 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang lhung bzed lhan pa lnga med pa/ spyad bzod pa yod bzhin du bzang po 'dod pa'i phyir lhung bzed sar pa gzhan tshol zhing lhung bzed grub na spang ba'i ltung byed do/ /dge slong des lhung bzed de dge slong gi 'khor la dbul bar bya'o/ /dge slong gi 'khor de'i lhung bzed tha mar gyur pa gang yin pa de dge slong de la dge slong khyod kyis lhung bzed 'di byin gyis brlab par mi bya/ gtang bar mi bya/ gzhan la sbyin par mi bya bar chag pa'i mthar thug pa'i bar du khad kyis dal bu dal bus spyad par bya'o zhes sbyin par bya ste/ de la de ni cho ga yin no/ /yang dge slong gang zhes bya ba ni chos 'di pa'o/ /lhung bzed lhan pa lnga med pa zhes bya ba ni lhung bzed lhan pa lngar ma tshang ba'o/ /spyad bzod pa yod bzhin du zhes bya ba ni yongs su longs spyad par bzod pa yod bzhin du'o/ /bzang po 'dod pa'i phyir zhes bya ba ni mchog 'dod pa'i phyir ram/ yang dang yang 'dod pa'i phyir ro/ /lhung bzed sar pa zhes bya ba ni sar pa gnyis te gsar pas sar pa dang / rnyed pas sar pa ste/ don 'dir ni gnyis ka yin par dgongs so/ /gzhan zhes bya ba ni gnyis pa'o/ /tshol zhing zhes bya ba ni tshol bar byed cing ngo / /lhung bzed grub na zhes bya ba ni lhung bzed thob na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /dge slong des shes bya ba ni dge slong gang yin pa des so/ /lhung bzed de zhes bya ba ni lhung bzed 'brel pa med pa de'o/ /dge slong gi 'khor la dbul bar bya'o zhes bya ba ni de na dge slong gang dag 'khod pa la'o/ /dge slong gi 'khor de'i lhung bzed tha mar gyur pa gang yin pa de dge slong de la dge slong khyod kyis lhung bzed 'di byin gyis brlab par mi bya/ btang bar mi bya/ gzhan la sbyin par mi bya bar chag pa'i mthar thug gi bar du khad kyis dal bu dal bus spyad par bya'o zhes sbyin par bya ste zhes bya ba la/ dge slong gi dge 'dun gyis kyang lhung bzed 'brel pa med pa 'brim pa'i dge slong bsko bar bya ste/ lhung bzed 'brel pa med pa 'brim pa'i dge slong chos lnga dang ldan pa ni ma bskos pa yang bsko bar mi bya la/ bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / lhung bzed 'brel pa med pa brims pa dang ma brims pa mi shes pa'o/ /lhung bzed 'brel ba med pa 'brims pa'i dge slong chos lnga dang ldan pa ni ma bskos pa yang bsko bar bya la/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / lhung bzed 'brel pa med pa brims pa dang ma brims pa shes pa'o/ /'di ltar bsko bar bya ste/ rje dang por spro bar bya ste/ ming 'di zhes bya ba khyod dge 'dun la lhung bzed 'brel pa med pa 'brim par spro 'am/ gal te spro na des spro'o zhes brjod par bya'o/ /de'i 'og tu des gnas mal bsham pa byas te/ gaN DI brdungs nas dris pa'i tshig gis dge slong rnams la yang dag par bsgo ste/ dge 'dun thams cad 'dug cing 'thun par gyur pa la/ dge slong gcig gis gsol ba byas te las bya'o/ / dge 'dun btsun pa rnams gsan du gsol/ /dge slong ming 'di zhes bgyi ba 'di dge 'dun la lhung bzed 'brel pa med pa 'brim par spro na/ gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bya ba dge 'dun la lhung bzed 'brel pa med pa 'brim par bsko'o/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun la lhung bzed 'brel pa med pa 'brim par spro ste/ de'i slad tu dge 'dun gyis dge slong ming 'di zhes bgyi ba 'di dge 'dun la lhung bzed 'brel pa med pa 'brim par bsko na/ tshe dang ldan pa gang dag dge slong ming 'di zhes bgyi ba 'di dge 'dun la lhung bzed 'brel pa med pa 'brim par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di dge 'dun la lhung bzed 'brel pa med pa 'brim par skos lags te/ 'di ltar cang mi gsung bas de de bzhin du 'dzin to/ /ngas lhung bzed 'brel pa med pa 'brim pa'i dge slong gi kun du spyod pa'i chos dag bca' bar bya ste/ lhung bzed 'brel pa med pa 'brim pa'i dge slong gis tshogs pa'i dus su dge 'dun la tshe dang ldan pa dag bdag sang dge 'dun la lhung bzed 'brel pa med pa 'brim par 'gyur gyis/ khyed cag nang par gaN DI brdungs pa na rang rang gi lhung bzed dag thogs la dge 'dun gyi nang du gshegs par mdzod cig ces bsgo bar bya'o/ /de nas lhung bzed 'brel pa med pa 'brim pa'i dge slong gis phyi de nyin par gnas mal bsham pa byas te/ gaN DI brdungs nas dris pa'i tshig gis dge slong rnams la yang dag par bsgo bar bya'o/ /dge slong rnams kyis kyang rang rang gi lhung bzed dag byin gyis brlabs pa phyung zhing thogs te dge 'dun gyi nang du 'jug par bya'o/ / de nas lhung bzed 'brel pa med pa 'brim pa'i dge slong gis dge 'dun thams cad 'dug cing 'thun par gyur pa la lhung bzed 'brel pa med pa thogs te rgan pa'i mtha' logs su phyag 'tshal nas dge 'dun gyi gnas brtan gyi mdun du 'dug ste/ gnas brtan lhung bzed 'di ni shin du gsal ba/ dbyibs legs pa/ longs spyad par bzod pa lags kyis gal te bzhed na snoms shig ces yon tan ji lta ba bzhin du lhung bzed 'brel pa med pa'i sngags pa brjod de dbul bar bya'o/ /dge 'dun gyi gnas brtan gyis kyang gal te 'dod na blang bar bya'o/ /gal te dge 'dun gyi gnas brtan gyis lhung bzed de blangs na dge 'dun gyi gnas brtan gyi lhung bzed gang yin pa de gnas brtan gnyis pa la dbul bar bya'o/ /gnas brtan gnyis pa'i lhung bzed gang yin pa de gnas brtan gsum pa la dbul bar bya'o/ /de bzhin du dge 'dun gyi gsar bu gnyis pa'i lhung bzed gang yin pa de dge 'dun gyi sar bu la dbul ba'i bar du bya'o/ /gal te dge 'dun gyi gnas brtan gyis ma blangs na gnas brtan gnyis pa la dbul bar bya'o/ /gal te gnas brtan gnyis pas ma blangs na gnas brtan gsum pa la dbul bar bya'o/ /gal te gnas brtan gsum pas ma blangs na dge 'dun gyi gnas brtan slong bar byed na brjod pa dang po la sbyin par mi bya zhing brjod pa gnyis pa la yang sbyin par mi bya'o/ /brjod pa gsum pa la sbyin par bya ste/ dge 'dun gyi gnas brtan gyi 'dul ba dang 'ga' ba'i nyes byas kyi ltung ba bshags par bya'o/ /de bzhin du dge 'dun gyi gsar bu gsum pas ma blangs na gsar bu gnyis pa la dbul bar bya'o/ /gal te gsar bu gnyis pas ma blangs na gsar bu la dbul bar bya'o/ / gal te dge 'dun gyi gsar bus blangs pa na gsar bu gsum pa slong bar byed na brjod pa dang po la sbyin par mi bya zhing / brjod pa gnyis pa la yang sbyin par mi bya'o/ /brjod pa gsum pa la sbyin par bya ste/ dge 'dun gyi gsar bu gsum pas 'dul ba dang 'gal ba'i nyes byas kyi ltung ba bshags pa'i bar du bya'o/ /dge slong gi 'khor de'i lhung bzed tha mar gyur pa gang yin pa de dge slong de la dge slong khyod kyis lhung bzed 'di byin gyis brlab par mi bya/ gtang bar mi bya/ gzhan la sbyin par mi bya bar chag pa'i mthar thug gi bar du khad kyis dal bu dal bus spyad par bya'o zhes sbyin par bya'o/ /lhung bzed 'brel pa med pa 'brim pa'i dge slong gis kun tu spyad par bya ba'i chos ji ltar bcas pa dag yang dag par blangs te 'jug par mi byed na 'gal tshabs can du 'gyur ro/ /ngas lhung bzed 'brel pa med pa 'chang ba'i dge slong gi kun du spyad par bya ba'i chos dag bca' bar bya ste lhung bzed 'brel pa med pa 'chang ba'i dge slong gis lhung bzed kyi snod gnyis nye bar gzhag par bya zhing de la bzang po gang yin pa der lhung bzed 'brel pa med pa gzhug par bya zhing / cig shos su lhung bzed byin gyis brlabs pa gzhug par bya'o/ /des lhung bzed gnyi ga thogs te bsod snyoms la 'jug par bya zhing gal te 'bras chan skam po rnyed na lhung bzed 'brel pa med pas blang bar bya'o/ /gal te 'bras chan gsher ba rnyed na lhung bzed byin gyis brlabs pas blang bar bya'o/ /gtsug lag khang du 'ongs nas dkyil 'khor byas te lhung bzed 'brel pa med pa mdun du bzhag nas lhung bzed byin gyis brlabs par bza' bar bya'o/ /zos zin nas byi dor dang / kha zas 'bags pa'i dril phyi bya ba yang dang por lhung bzed 'brel pa med pa la bya zhing / de'i 'og tu lhung bzed byin gyis brlabs pa la bya'o/ /bkru ba dang / bskam pa dang / lci bas brud pa la yang de bzhin du bya'o/ /gal te lhung bzed kyi ngos khung gnyis yod na bzang po gang yin pa der lhung bzed 'brel pa med pa gzhug par bya zhing / cig shos su lhung bzed byin gyis brlabs pa gzhug par bya'o/ /gal te ngos khung gcig yod la gal te shod bzang na shod tu lhung bzed 'brel pa med pa gzhag par bya zhing / ngos khung du lhung bzed byin gyis brlabs pa gzhug par bya'o/ /gal te ngos khung bzang na ngos khung du lhung bzed 'brel pa med pa gzhug par bya zhing / shod du lhung bzed byin gyis brlabs pa gzhag par bya'o/ /lhung bzed kyi las byed pa na gal te rdza bo gnyis yod na rdza bo bzang po gang yin pa der lhung bzed 'brel pa med pa bsreg par bya zhing / cig shos su lhung bzed byin gyis brlabs pa bsreg par bya'o/ /gal te rdza bo gcig yod na gal te 'og ma legs par tshos par 'gyur na 'og tu lhung bzed 'brel pa med pa gzhag par bya zhing / steng du lhung bzed byin gyis brlabs pa gzhag par bya'o/ /gal te steng du bzhag pa legs par chos par 'gyur na steng du lhung bzed 'brel pa med pa gzhag par bya zhing / 'og tu lhung bzed byin gyis brlabs pa gzhag par bya'o/ /lam du 'gro ba na lhung bzed kyi snod gnyis bskur bar bya ste/ de la bzang po gang yin pa der lhung bzed 'brel pa med pa gzhug par bya zhing / cig shos su lhung zed byin gyis brlabs pa gzhug par bya'o/ /gal te khur tsha ba 'ga' zhig yod na de la lhung bzed 'brel pa med pa bskur bar bya zhing / bdag nyid kyis lhung bzed byin gyis brlabs pa bskur bar bya'o/ /gal te khur tsha ba 'ga' yang med na phrag pa g.yon pas lhung bzed 'brel pa med pa bskur bar bya zhing / phrag pa g.yas pas lhung bzed byin gyis brlabs pa bskur bar bya'o/ /'di ni re shig chad pa'i las yin te tshul khrims yang dag par rjes su srung bas ji srid 'tsho'i bar du spyad par bya'o/ /lhung bzed 'brel pa med pa 'chang ba'i dge slong gis kun du spyad pa'i chos ji ltar bcas pa dag yang dag par blangs te 'jug par mi byed na 'ga' tshabs can du 'gyur ro/ /de la de ni cho ga yin no zhes bya ba ni de la de ni rjes su 'thun pa'i yin pa'o/ /de la ltung bar ji ltar 'gyur zhe na/ dge slong gi lhung bzed chag kyang lhan pa gcig gis klan par 'os shing ma klan la spyad pa yin na/ de lhung bzed spyad bzod pa de yod bzhin du lhung bzed sar pa gzhan tshol ba la nyes byas su 'gyur la/ thob na spang ba'i ltung byed tu 'gyur ro/ /dge slong gi lhung bzed chag kyang lhan pa gnyis kyis klan par 'os shing ma klan la spyad bzod pa yin na/ de yod bzhin du lhung bzed sar pa gzhan tshol bar byed na de tshol ba la nyes byas su 'gyur la/ thob na spang ba'i ltung byed tu 'gyur ro/ /dge slong gi lhung bzed chag kyang lhan pa gsum gyis klan par 'os shing ma klan la spyad bzod pa yin na/ de la lhung bzed spyad bzod pa de yod bzhin du lhung bzed sar pa gzhan tshol bar byed na de tshol ba la nyes byas su 'gyur la/ thob na spang ba'i ltung byed tu 'gyur ro/ /dge slong gi lhung bzed chag kyang lhan pa bzhis slan par 'os shing ma klan la spyad bzod pa yin na/ de lhung bzed spyad bzod pa de yod bzhin du lhung bzed sar pa gzhan tshol bar byed na de tshol ba la nyes byas su 'gyur la/ thob na spang ba'i ltung byed du 'gyur ro/ /dge slong gi lhung bzed chag kyang lhan pa gcig gis klan par 'os shing klan la spyad bzod pa yin na/ de lhung bzed spyad bzod pa de yod bzhin du lhung bzed sar pa gzhan tshol bar byed na de tshol ba la nyes byas su 'gyur la/ thob na spang ba'i ltung byed tu 'gyur ro/ /dge slong gi lhung bzed chag kyang lhan pa gnyis kyis klan par 'os shing klan la spyad bzod pa yin na/ de lhung bzed spyad bzod pa de yod bzhin du lhung bzed sar pa gzhan tshol bar byed na de tshol ba la nyes byas su 'gyur la/ thob na spang ba'i ltung byed tu 'gyur ro/ /dge slong gi lhung bzed chag kyang lhan pa gsum gyis klan par 'os shing klan la spyad bzod pa yod bzhin du lhung bzed sar pa gzhan tshol bar byed na de tshol ba la nyes byas su 'gyur la/ thob na spang ba'i ltung byed tu 'gyur ro/ /dge slong gi lhung bzed chag kyang lhan pa bzhis klan par 'os shing klan la spyad bzod pa yin na/ de lhung bzed spyad bzod pa de yod bzhin du lhung bzed sar pa gzhan tshol bar byed na de tshol ba la nyes byas su 'gyur la/ thob na spang ba'i ltung byed tu 'gyur ro/ /dge slong gi lhung bzed chag cing lhan pa lngas klan par 'os pa yin na de des klan kyang rung / ma klan kyang rung / spyad bzod kyang rung / spyad mi bzod kyang rung / lhung bzed sar pa gzhan tshol bar byed na de tshol ba la yang ltung ba med la/ thob na yang ltung ba med do/ /rin gyis len pa dang / brje bas len pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /lhung bzed tshol ba'i spang ba ste nyi shu // gnyis pa rdzogs s+ho// sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /nye dgas bsams pa/ 'di dag thams cad khyim bdag mgon med zas sbyin gyis bslab pa'i gzhi dag gis bsdams pas phyin chad ras yug phran sbom po cig gi rin yang gang las kyang bslang bar mi nus kyis/ song ste bltas la gal te la la las bslang bar nus kyang srid do snyam nas de snga dro sham thams bgos lhung bzed dang / chos gos thogs te mnyan yod tu shar sgo nas bsod snyoms la zhugs pa dang / bskyed mos tshal zhig na yugs sa mo lnga brgya tsam dog pa 'khal zhing 'khod pa de dag des mthong nas bsams pa/ 'di dag ni las bdag gir bya ba dang ldan pa dag cig ste/ nyin mtshan du thong gshol dkar po spyod kyang ko sa lar byung ba'i rgyal po gsal rgyal la sgyur dpya 'jal bar mi byed pa dag yin no snyam nas des de dag la smras pa/ sring mo dag a rog khya/ a rog khya/ de dag cang mi smra bar 'khod pa dang des de dag la smras pa/ sring mo dag skye bo mang po mi 'dod pa dang / skye bo mang po mi dga' ba dang / skye bo mang po la mi sdug pa dang / skye bo mang po'i yid tu mi 'ong ba 'jig rten thams cad dang thun mong ba 'di lta ste/ 'chi ba zhes bya ba'i chos de 'ong bar 'gyur bas khyed cag de'i tshe tshig smrar ni dang po nyid nas mi nus par 'gyur ro/ /de na gzhon nu ma bsod nams 'dod pa cig 'dug pa des stan las langs te nye dga'i stan bting ba dang / nye dga' de la 'dug nas des nye dga'i rkang pa la phyag 'tshal te mdun du 'dug go/ /nye dgas de dag la smras pa/ sring mo dag khyed cag la dge ba'i chos yang dag par blangs te 'jug par bya ba cung zad yod dam/ 'phags pa ci yang ma mchis so/ /sring mo dag ma legs so/ /bu mo 'dis ni re shig dge ba'i chos gnyis byas shing bsags te/ 'dis kho bo la sems mngon par dad par byas pa gang yin pa des ni 'dis phyug por 'gyur ba'i las byas shing bsags pa yin no/ /'dis kho bo la mngon du ldang ba byas shing stan bting ba dang / phyag byas pa gang yin pa des ni 'dis rigs mthon por 'gyur ba'i las byas shing bsags pa yin no/ /gal te cung zad sbyin par byed na de ni 'di'i longs spyod chen por 'gyur ba yin no/ /sring mo dag khyed cag gi 'tsho tshis dag ga las 'byung / 'phags pa sgyur ba 'di nyid las so/ /gos dag ga las 'byung / sgyur ba 'di nyid las so/ /khyed cag gis 'jig rten pha rol tu 'gro ba'i lam rgyags cung zad khyer ba yod dam/ 'phags pa de ni thams cad kyi thams cad du ma mchis so sring mo dag ma legs so ma legs so/ /'phags pa su la thugs ngan mdzad/ khyed cag la ste/ khyed cag 'jig rten pha rol nas kyang bcom zhing 'dir 'ongs la/ 'di nas bcom bzhin du 'jig rten pha rol tu 'gro bar byed do/ /'phags pa gang gis bdag cag gis 'jig rten pha rol tu mchi ba'i shul rgyags cung zad bskur ba'i thabs ci mchis/ sring mo dag gal te khyed kyis dge sbyong shAkya'i rigs las rab tu byung ba sde snod gsum dang ldan pa/ chos sgrogs pa/ rigs pa dang / grol ba'i spobs pa dang ldan pa gang yin pa de la ras yug chen po skon na des khyed cag gis 'jig rten pha rol tu 'gro ba'i lam rgyags mang po khyer bar 'gyur ro/ / 'phags pa bdag gis dge slong de lta bu ga las rnyed/ sring mo dag khyed kyis kho bo shAkya'i rigs las rab tu byung ba sde snod gsum dang ldan pa/ chos sgrogs pa/ rigs pa dang grol ba'i spobs dang ldan pa yin par mi shes sam/ 'phags pa bdag cag la ras yug chen gyi 'byor pa ga las mchis/ sring mo dag khyed kyis/ bsod nams chung yang brnyas mi bya/ /de ni bdag la mi 'ong min/ /chu yi thigs pa 'dzag pa yis/ /snod chen gang bar 'gyur ba bzhin/ /brtan pa rnams kyis bsod nams ni/ /cung zad cung zad bsags na rdzogs/ /zhes bya ba de mi shes sam/ khyed kyis re shig dog pa srang gcig sbyin nus sam/ rngo thog go/ /gzhan zhig gis smras pa/ bdag gis kyang srang phyed dbul lo/ /gzhan zhig gis kyang smras pa/ bdag gis kyang srang gi bzhi cha cig dbul lo/ /de bzhin du thams cad kyis kyang shas shas kyis dbul bar khas blangs so/ /nye dgas smras pa/ sring mo dag dog pa phra mo dag byin cig /'phags pa bdag cag thams cad ni sbom po 'khal ba dag lags so/ /bdag cag gi nang na bde gnas ma zhig ni phra mor 'khal lo/ /sring mo dag de je bos shig /de dag gis de bos pa dang / nye dgas de la smras pa/ bu mo je dog pa phrar khol cig /des phrar bkal ba dang / nye dgas smras pa/ bu mo de bas kyang phrar khol cig /des de bas kyang phrar bkal ba dang / nye dgas yang dang yang du bu mo de bas kyang phrar khol cig ces smras pa dang / des smras pa/ 'phags pa 'di las phra bar ni rngo mi thog go/ /nye dgas de dag la smras pa/ sring mo dag khyed cag thams cad kyis dog pa 'di 'dra ba sha stag byin cig /'phags pa bdag cag gis dog pa 'di 'dra ba 'khal du rngo mi thog go/ /bu mo 'dis kyang mi nus sam ci/ khyed cag gis 'di'i don du 'khol la 'di khyed cag gi don du 'khal du chug shig /'phags pa gal te btub na'o/ nye dgas de la smras pa/ bu mo gyis shig dang khyod la bsod nams su 'gyur ro/ /'phags pa dog pa 'di ni phra ba dar che ba lags pas yun ring mos bka' 'tshal gyis ha cang ngos drag tu ma mdzad par dus 'di tsam na spyon cig /nye dgas de la a rog khya zhes smras nas stan las langs te song ngo / /bde gnas ma des dus de srid kyis dog pa bkal nas de gzhan dag gi gan du song ste thams cad 'dus nas dog pa de nye dga' la phul lo/ /nye dgas de dag la a rog khya sbyin pa 'dis khyed sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi gos dag thob par gyur cig ces smras te song ngo / /de nas nye dgas dog pa de khyer te gtsug lag khang du song nas/ des dge slong rnams la dog pa de bstan te smras pa/ tshe dang ldan pa dag kho bo'i dog pa ci 'dra ltos/ gnas brtan dog pa bzang ngo / /gnas brtan gyis gang ras yug chen 'thag par 'gyur ba'i thag pa 'ga' btsal ba mchis sam/ tshe dang ldan pa dag ci khyed kyis nye dga' zil gyis gnon tam/ gal te nye dga' rab tu ma byung du zin na nye dga' rang nyid 'thag par 'gyur ro/ /gnas brtan bdag cag gis gnas brtan gal zil gyis gnon/ 'di ltar ra ba ga ge mo'i drung na tha ga pa spyi cer khyo shug mchis te/ gal te des dog pa 'di rnyed tu lags na chen po la 'os pa'i ras yug chen 'grub par 'gyur ro/ /bu dag a rog khya don gyis na khyed kyis kho bo'i ras yug chen 'thag tu bcug go zhes des dog pa de khyer te tha ga pa de'i khyim du song ba dang / des tha ga pa de thag ring po kho na nas mthong nas tshigs su bcad pa smras pa/ mkhas pa ring nas rab snang ba/ /gangs dang ldan pa'i ri bo bzhin/ /mi mkhas rab tu mi snang ba/ /mun pa'i nang du mda' 'phangs bzhin/ /bzhin bzangs khyod kyi grags pas mnyan yod thams cad gang bar gyur pa ni khyod kyis rnyed pa legs par rnyed pa yin no/ / dog pa 'di ci 'dra je ltos shig /'phags pa dog pa bzang ngo / /dog pa ni 'di lags la tha ga pa ni bdag lags na chen po la 'os pa'i ras yug chen du 'gyur ro/ /bzhin bzangs thogs shig /'phags pa bdag la thags gla sus stsol bar 'gyur/ bzhin bzangs khyod rtag pa nyid tu thags glas mi ngoms sam/ 'jig rten pha rol du 'gro ba'i lam rgyags kyang bskur bar gyis shig /de la chung mas smras pa/ rje'i sras 'dis thag ring po kho na nas bdag cag gnyis kyi bsngags pa brjod kyis 'di'i ras yug chen thogs shig /'phags pa dog pa 'di phra ba dar che ba lags kyis yun 'di tsam na spyon cig /nye dgas a rog khya zhes smras te song ngo / /tha ga pa des ras yug chen de dus de tsam gyis btags so/ /nye dgas yang dus de tsam gyis der song ba dang tha ga pa des de la ras yug chen de phul lo/ /nye dgas de khyer te gtsug lag khang du song nas des dge slong rnams la ras yug chen de bstan te smras pa/ tshe dang ldan pa dag kho bo'i ras yug chen ci 'dra ltos/ gnas brtan ras yug chen bzang ngo / /'di ltar gang la 'di lta bu gnyis pa yang mchis pa de ni sar pa las snam sbyar nyi rim du bgyis te dge ba'i phyogs la snying las chung ngus tron bgyid par 'gyur ro/ /tshe dang ldan pa dag ci khyod kyi snying lam na nye dgas ras yug chen 'di 'dra ba gnyis sbyor du 'jud mi nus snyam 'am/ ji ltar sbyor du 'jud pa ltos shig /de nas nye dga' snga dro sham thabs bgos lhung bzed dang chos gos thogs te mnyan yod tu nub sgo nas bsod snyoms la zhugs pa dang / skyed mos tshal zhig na yugs sa mo lnga brgya tsam dog pa 'khal zhing 'khod pa de dag des mthong nas bsams pa/ 'di dag ni las bdag gir bya ba dang ldan pa dag cig ste/ nyin mtshan du thong gshol dkar po spyod kyang ko sa lar byung ba'i rgyal po gsal rgyal la sgyur dpya 'jal bar mi byed pa dag yin no snyam nas des de dag la smras pa/ sring mo dag a rog khya/ a rog khya/ de dag cang mi smra bar 'khod pa dang de dag la smras pa/ sring mo dag skye bo mang po mi 'dod pa dang skye bo mang po mi dga' ba dang / skye bo mang po la mi sdug pa dang / skye bo mang po'i yid tu mi 'ong ba 'jig rten thams cad dang thun mong ba 'di lta ste/ 'chi ba zhes bya ba'i chos de 'ong bar 'gyur bas khyed cag de'i tshe tshig smrar ni dang po nyid nas mi nus par 'gyur ro/ /de na gzhon nu ma bsod nams 'dod pa cig 'dug pa des stan las langs te nye dga'i stan bting ba dang nye dga' de la 'dug nas des nye dga'i rkang pa la phyag 'tshal te mdun du 'dug go/ /nye dgas de dag la smras pa/ sring mo dag khyed cag la dge ba'i chos yang dag par blangs te 'jug par bya ba cung zad yod dam/ 'phags pa ci yang ma mchis so/ /sring mo dag ma legs so/ /bu mo 'dis ni re shig dge ba'i chos gnyis byas shing bsags te/ 'dis kho bo la sems mngon par dad par byas pa gang yin pa des ni 'dis phyug por 'gyur ba'i las byas shing bsags pa yin no/ /'dis kho bo la mngon du ldang ba byas shing stan bting ba dang phyag byas pa gang yin pa des ni 'dis rigs mthon por 'gyur ba'i las byas shing bsags pa yin no/ /gal te cung zad sbyin par byed na de ni 'di'i longs spyod chen por 'gyur ba yin no/ /sring mo dag khyed cag gi 'tsho tshis dag ga las 'byung 'phags pa sgyur ba 'di nyid las so/ /gos dag ga las 'byung / sgyur ba 'di nyid las so/ /khyed cag gis 'jig rten pha rol du 'gro ba'i lam rgyags cung zad khyer ba yod dam/ 'phags pa de ni thams cad kyi thams cad tu ma mchis so/ /sring mo dag ma legs so ma legs so/ /'phags pa su la thugs ngan mdzad/ khyed cag la ste/ khyed cag 'jig rten pha rol nas kyang bcom zhing 'dir 'ongs la/ 'di nas kyang bcom bzhin du 'jig rten pha rol du 'gro bar byed do/ /'phags pa gang gis bdag cag gis 'jig rten pha rol du mchi ba'i shul rgyags cung zad bskur ba'i thabs ci mchis/ sring mo dag gal te khyed kyis dge slong shAkya'i rigs las rab tu byung ba sde snod gsum dang ldan pa chos sgrogs pa/ rigs pa dang grol ba'i spobs pa dang ldan pa gang yin pa de la ras yug chen bskon na des khyed cag gis 'jig rten pha rol du 'gro ba'i lam rgyags mang po khyer bar 'gyur ro/ /'phags pa bdag cag gis dge slong de lta bu ga las rnyed/ sring mo dag khyed kyis kho bo shAkya'i rigs las rab tu byung ba sde snod gsum dang ldan pa/ chos sgrogs pa/ rigs pa dang grol ba'i spobs pa dang ldan pa yin par mi shes sam 'phags pa bdag cag la ras yug chen gyi 'byor pa ga las mchis/ sring mo dag khyed kyis/ bsod nams chung yang brnyas mi bya/ /de ni bdag la mi 'ong min/ /chu yi thigs pa 'dzag pa yis/ /snod chen gang bar 'gyur ba bzhin/ /brtan pa rnams kyis bsod nams ni/ / cung zad cung zad bsags na rdzogs/ /zhes bya ba de mi shes sam/ khyed kyis re shig dog pa srang gcig sbyin nus sam/ rngo thog go/ /gzhan zhig gis smras pa/ bdag gis kyang srang phyed dbul lo/ /gzhan zhig gis kyang smras pa/ bdag gis kyang srang gi bzhi cha cig dbul lo/ /de bzhin du thams cad kyis kyang shas shas kyis dbul bar khas blangs so/ /nye dgas smras pa/ sring mo dag dog pa phra mo dag byin cig /'phags pa bdag cag thams cad ni sbom po 'khal ba dag lags so/ /bdag cag gi nang na bde gnas ma zhig ni phra mor 'khal lo/ /sring mo dag de je bos shig /de dag gis de bos pa dang nye dgas de la smras pa/ bu mo je dog pa phrar khol cig /des phrar bkal ba dang nye dgas smras pa/ bu mo de bas kyang phrar khol cig /des de bas kyang phrar bkal ba dang / nye dgas yang dang yang du bu mo de bas kyang phrar khol cig ces smras pa dang / des smras pa/ 'phags pa 'di las phra bar ni rngo mi thog go/ /nye dgas de dag la smras pa/ sring mo dag khyed cag thams cad kyis dog pa 'di 'dra ba sha stag byin cig /'phags pa bdag cag gis dog pa 'di 'dra ba 'khal du rngo mi thog go/ /bu mo 'dis kyang mi nus sam ci khyed cag gis 'di'i don du 'khol la/ 'di khyed cag gi don du 'khal du chug shig /'phags pa gal te btub na'o/ /nye dgas de la smras pa/ bu mo gyis shig dang khyod la bsod nams su 'gyur ro/ / 'phags pa dog pa 'di ni phra ba dar che ba lags pas yun ring mos bkal 'tshal gyis ha cang dos drag par ma mdzad par dus 'di tsam na spyon cig /nye dgas de la a rog khya zhes smras nas stan las langs te song ngo / / bde gnas ma des dus de srid kyis dog pa bkal nas de gzhan dag gi gan du song ste thams cad 'dus nas dog pa de nye dga' la phul lo/ /nye dgas de dag la a rog khya/ sbyin pa 'dis khyed sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi gos dag thob par gyur cig ces smras te song ngo / /de nas nye dgas dog pa de khyer te gtsug lag khang du song nas des dge slong rnams la dog pa de bstan te smras pa/ tshe dang ldan pa dag kho bo'i dog pa 'di ci 'dra ltos/ gnas brtan dog pa bzang ngo / /gnas brtan gyis gang ras yug chen 'thag par 'gyur ba'i tha ga pa 'ga' btsal ba mchis sam/ tshe dang ldan pa dag ci khyed kyis nye dga' zil gyis gnon tam/ gal te nye dga' rab tu ma byung du zin na nye dga' rang nyid 'thag par 'gyur ro/ /gnas brtan bdag cag gis gnas brtan ga la zil gyis gnon/ 'di ltar ra ba ga ge mo'i drung na tha ga pa spyi cer khyo shug mchis te/ gal te des dog pa 'di rnyed tu lags na chen po la 'os pa'i ras yug chen 'grub par 'gyur ro/ /bu dag a rog khya de don gyis na khyed kyis kho bo'i ras yug chen 'thag tu bcug go zhes des dog pa de khyer te tha ga pa de'i khyim du song ba dang / des tha ga pa de thag ring po kho na nas mthong nas tshigs su bcad pa smras pa/ mkhas pa ring nas rab snang ba/ /gangs dang ldan pa'i ri bo bzhin/ / mi mkhas rab tu mi snang ba/ /mun pa'i nang du mda' 'phangs bzhin/ /bzhin bzangs khyod kyi grags pas mnyan yod thams cad gang bar gyur pa ni khyed kyis rnyed pa legs par rnyed pa yin no/ /dog pa 'di ci 'dra je ltos shig /'phags pa dog pa bzang ngo / /dog pa ni 'di lags la tha ga pa ni bdag lags na chen po la 'os pa'i ras yug chen du 'gyur ro/ /bzhin bzangs 'di yang thogs shig /'phags pa bdag la thags gla sus stsal bar 'gyur/ bzhin bzangs khyod rtag pa nyid du thags glas mi ngoms sam/ 'jig rten pha rol du 'gro ba'i lam rgyags kyang bskur bar gyis shig /'phags pa ras yug chen snga med 'thag pa na bdag gis bu lon gang dag blangs pa de dag kyang da dung ma 'khor ro/ /des chung ma'i gdong du blta bar brtsams pa dang / chung mas smras pa/ 'phags pa gal te 'di 'tshal yang bdag ni mi 'tshal lo/ /nye dgas spyos te smras pa/ kwa'i tha ga pa spyi cer nyon cig /kho bos gal te khyod ras yug chen 'di 'thag tu ma bcug na spyi cer gyi mgo 'dis mna' 'dor ro/ /tha ga pa des kyang spyos te smras pa/ kwa'i dge sbyong mgo reg nyon cig /kho bo gal te khyod kyi ras yug chen 'thag na mgo 'dis mna' 'dor ro/ /nye dgas spyos te song nas ko sa lar byung ba'i rgyal po gsal rgyal gyi pho brang gi yid brten pa che ba zhes bya ba nye dga'i mdza' bo zhig yod de/ nye dga' de'i sdum par song ste/ g.yog 'khor dag la smras pa/ kye nang rje dag che ba gar song / de dag gis smras pa/ 'phags pa srang du mchis so/ /nye dga' de 'ong ba'i srang du song ba dang / che ba chang 'tshong ba'i tshong rdal zhig tu zhugs so/ /nye dga' tshong rdal de'i sgor bsdad de che ba la nye dga' sgo na sdod kyis phyir byung shig ces phrin spring ba dang / che ba phyir byung nas smras pa/ btsun pa nye dga' phyag 'tshal lo/ /phyag 'tshal lo/ /nye dgas smras pa/ che ba kho bos ko khyod rgyal po'i bya ba dang / rgyal po'i byed pa dag la na rtson par gyur snyam du bsams kyis/ kho bos khyod 'di ltar chang 'tshong ba'i khyim nas chang 'tshong ba'i khyim du 'phyan par ni ma bsams so/ /'phags pa bdag rgyal po'i dgos pas 'dir zhugs so/ /btsun pa nye dga' byon pa'i dgos pa ci mchis/ che ba dog pa cung zhig rnyed pa 'dis re shig ras yug chen 'thag tu chug shig /bdag gis btsun pa nye dga' la ras yug chen nyid dbul lo/ /de yang bskur na ci dad pas sbyin par bya ba 'di dor bar bya 'am/ che bas mi zhig la bsgo ba/ kye nang rje tha ga pa'i sna bo'i gan du song la 'phags pa nye dga'i ras yug chen 'di thogs la phul cig ces gyis shig /nye dgas smras pa/ 'di tha ga pa'i sna bo 'thag tu ma gzhug par 'di ltar ra ba ga ge mo zhig gi drung na thag pa spyi cer khyo shug 'dug pa des 'di btag par bya'o/ /che bas mi de la smras pa/ kye nang rje tha ga pa spyi cer de'i gan du song la 'di skad ces che ba na re 'di thogs la byin cig ces zer ro zhes gyis shig /mi des dog pa de khyer te tha ga pa spyi cer gyi gan du song ste smras pa/ kye spyi cer che ba'i zhal nas 'di thogs la byin cig ces gsung ngo / /spyi cer gyis dog pa de ngo shes nas des smras pa/ bdag gis res khor ro/ /mi de song ste che ba la smras pa/ tha ga pa spyi cer gyi mchid nas bdag gi res khor ro zhes mchi'o/ /che bas smras pa/ kye nang rje spyi cer gyi gan du song la 'di skad ces res gzhan byed tu mi gzhug go zhes gyis shig /mi de song ste smras pa/ kye spyi cer che ba'i zhal nas res gzhan byed tu mi gzhug go zhes gsung ngo / /spyi cer gyis smras pa/ kye nang rje che ba mnyan yod tu dbang byed na kho bo mnyan yod tu mi gnas par zad mod/ kho bo skal ba ma yin pa'i las mi byed do/ /mi de che ba'i gan du song ste smras pa/ spyi cer gyi mchid nas che ba mnyan yod tu dbang byed na kho bo mnyan yod tu mi gnas par zad mod/ kho bo skal ba ma yin pa'i las mi byed do zhes mchi'o/ /che bas smras pa/ kye nang rje tha ga pa'i sna bo'i gan du song la dog pa 'di las ras yug chen thogs shig ces bgyi shig /nye dgas smras pa/ 'di tha ga pa'i sna bos btag par mi bya bar 'di ltar tha ga pa spyi cer gyis btag par bya'o/ /che bas mi de la smras pa/ kye nang rje tha ga pa spyi cer gyi gan du song la/ che ba na re skom zong sbyin gyis ras yug chen thogs shig ces zer ro zhes gyis shig /de 'phags pa nye dgas de la smras pa/ bkren pa khyod su zhig gis rgyal po'i mir bzhag /khyod lcag rgod mang pos brdabs te sa dang shing dag skyed tu gzhug par bya ba yin no/ /tha ga pa spyi cher gyi gan du song ste 'di skad ces che ba'i zhal nas ras yug chen thogs shig ces byung ngo / /zhes zer mi nus sam/ gal te mi 'thag go zhes zer na thor to dag nas bzung ste khug la khu tshur gyis gtogs shig gal te ngu na thags mi mthun bar dril cig /gal te de'i chung ma ngu na lan bu nas bzung ste drang bar bya zhing / khyed gnyis kyis che ba'i mchid bcag pas khyed gnyis ko sa lar byung ba'i rgyal po gsal rgyal la kAr ShA pa Na lnga brgya gzhal dgos pa'i gyod la bsgrin no zhes brjod par bya'o/ /de lta na kho bo'i ras yug chen yang 'grub par 'gyur la khyod kyis kyang gsug mang po 'thob par 'gyur ro/ /de song ste smras pa/ che ba'i zhal nas skom zong sbyin gyis ras yug chen thogs shig ces byung ngo / /spyi cer gyis smras pa/ kho bo skal ba ma yin pa 'thag mi nus so/ /des de'i thor tho dag nas bzung ste bkug nas khu tshur gyis btags so/ /des ngu bar brtsams pa dang / des de'i thags mi mthun bar dril bar brtsams so/ /de'i chung mas ngu bar brtsams pa dang / des de'i lan bu nas bzung ste drang bar brtsams shing khyed gnyis kyis che ba'i mchid bcag pas khyed gnyis ko sa lar byung ba'i rgyal po gsal rgyal la kAr ShA pa Na lnga brgya gzhal dgos pa'i gyod la bsgrin par byas tshur shog / rgyal po'i pho brang du 'dong ngo zhes des de gnyis khrid de 'phags pa dang / chung mas spyi cer la smras pa/ rje'i sras gal te bdag cag gnyis btson rar bcug par gyur na bdag cag gnyis la thar bar byed pa 'ga' yang med pas btson rar gnod pa dag gis 'chi bar bya dgos kyis ras yug chen 'di thogs shig /spyi cer gyis smras pa/ kye nang po bdag cag rgyal po'i pho brang du ma bkri bar dog pa zhog la bzhud cig dang bdag gis ras yug chen yang btag cing khyod la yang gsug mang po dbul lo/ /des dog pa bzhag ste song ba dang spyi cher gyis chung ma la smras pa/ bzang mo ras yug chen 'di gang gis dog par yang mi rung la ras yug chen du'ang mi rung bar 'gyur ba de ltar btag par bya'o/ /chung mas smras pa/ rje'i sras de dge sbyong hral po de lta bu yin pas bdag cag gis ras yug chen de lta bur byas na des btang re skan/ des ras yug chen de btags nas de ras yug chen de thags las 'grol zhing 'dug pa na nye dga' yang 'ongs nas nye dgas ras yug chen de blangs pa dang / spyi cer gyis smras pa/ 'phags pa bdag la skom zong stsol cig /bkren pa kho bo khyod kyi skom zong dbul ba yin nam/ dug ci'i phyir mi brkyud/ nu rdzi ci'i phyir mi brkyud/ de shAkya'i bu'i dge sbyong rnams kyi dge sbyong gi tshul ni tshig go/ /bram ze'i tshul ni tshig ste/ 'di ltar kha'i chos cung zad kyis kyang 'thag tu bcug go/ /rgyal po'i pho brang gi mthu cung zad kyis kyang 'thag tu bcug go zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin ste/ sangs rgyas bcom ldan 'das kyis nye dga' la smras pa/ nye dga' khyod kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang rang gis bslangs pa'i dog pas tha ga pa nye du ma yin pa las gos 'thag tu 'jud na gos grub na spang ba'i ltung byed do/ /yang dge slong gang zhes bya ba ni shAkya'i bu nye dga' 'am/ gzhan yang de lta bu gang yin pa'o/ /rang gis bslangs pa'i dog pas zhes bya ba ni 'dun pas la la las srang gcig /la la las srang phyed/ la la las zho gnyis/ la la las zho gcig bslangs pa'i dog pas so/ /tha ga pa zhes bya ba ni thags mkhan no/ /nye du ma yin pa la zhes bya ba ni phyi mo dang / mes po dang / phrugs las brten pa'i bdun pa tshun chad ni nye du yin la/ de phan chad ni nye du ma yin no/ /gos 'thag tu 'jud na zhes bya ba ni bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos la ba gang yang rung ba'o/ /gos grub na zhes bya ba ni gos thob na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags pa bya ba ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na/ dge slong gis nye du ma yin pa las dog pa bslangs te tha ga pa nye du ma yin pa la gos 'thag tu 'jud na de slong ba la nyes byas su 'gyur la/ tha ga pa nye du ma yin pa la 'thag tu 'jud pa la spang ba'i ltung byed tu 'gyur ro/ /dge slong gis nye du ma yin pa las dog pa bslangs te tha ga pa nye du la gos 'thag tu 'jud na de slong ba la nyes byas su 'gyur la/ tha ga pa nye du la 'thag tu 'jud pa la ltung ba med do/ /dge slong gis nye du ma yin pa las dog pa bslangs te bdag nyid kyis 'thag par byed na/ de slong ba la nyes byas su 'gyur la bdag nyid kyis 'thag pa la yang nyes byas nyid du 'gyur ro/ /dge slong gis nye du ma yin pa las dog pa bslangs te tha ga pa nye du dang nye du ma yin pa la gos 'thag tu 'jud na de slong ba la nyes byas su 'gyur la/ tha ga pa nye du la 'thag tu 'jud pa la ltung ba med do/ /tha ga pa nye du ma yin pa la 'thag tu 'jud pa la spang ba'i ltung byed du 'gyur ro/ /dge slong gis nye du ma yin pa las dog pa bslangs te bdag nyid dang tha ga pa nye du ma yin pa la gos 'thag tu 'jud na de slong ba la nyes byas su 'gyur la/ bdag nyid kyis 'thag pa la yang nyes byas nyid du 'gyur ro tha ga pa nye du ma yin pa la 'thag tu 'jud pa la spang ba'i ltung byed tu 'gyur ro/ /dge slong gis nye du ma yin pa las dog pa bslangs te bdag nyid dang tha ga pa nye du la gos 'thag tu 'jud na de slong ba la nyes byas su 'gyur la/ bdag nyid kyis 'thag pa la yang nyes byas nyid du 'gyur ro/ /tha ga pa nye du la 'thag tu 'jud pa la ltung ba med do/ /dge slong gis nye du las dog pa bslangs te tha ga pa nye du ma yin pa la gos 'thag tu 'jud na de slong ba la ltung ba med la/ tha ga pa nye du ma yin pa la gos 'thag tu 'jud pa la spang ba'i ltung byed du 'gyur ro/ /dge slong gis nye du las dog pa bslangs te tha ga pa nye du la gos 'thag tu 'jud na de slong ba la ltung ba med la/ tha ga pa nye du la gos 'thag tu 'jud pa la yang ltung ba med do/ /dge slong gis nye du las dog pa bslangs te bdag nyid kyis 'thag par byed na de slong ba la ltung ba med la bdag nyid kyis 'thag pa la nyes byas nyid du 'gyur ro/ /dge slong gis nye du las dog pa bslangs te tha ga pa nye du ma yin pa la gos 'thag tu 'jud na de slong ba la ltung ba med la/ tha ga pa nye du la gos 'thag tu 'jud pa la yang ltung ba med do/ /tha ga pa nye du ma yin pa la gos 'thag tu 'jud pa la spang ba'i ltung byed du 'gyur ro/ /dge slong gis nye du las dog pa bslangs te bdag nyid dang tha ga pa nye du ma yin pa la gos 'thag tu 'jud na de slong ba la ltung ba med la/ bdag nyid kyis 'thag pa la nyes byas nyid du 'gyur ro/ /tha ga pa nye du ma yin pa la 'thag tu 'jud pa la spang ba'i ltung byed du 'gyur ro/ dge slong gis nye du las dog pa bslangs te bdag nyid dang tha ga pa nye du la gos 'thag tu 'jud na de slong ba la ltung ba med la/ bdag nyid kyis 'thag pa la nyes byas nyid tu 'gyur ro/ /tha ga pa nye du la gos 'thag tu 'jud pa la ltung ba med do/ gla rngan gyi 'thag tu 'jud pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /'thag tu 'jud pa'i spang ba ste nyi shu gsum pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs te/ de de dang lhan cig rtse bar byed/ dga' bar byed dga' mgur spyod par byed do/ /khyim bdag de dus gzhan zhig na gzhan gyi chung ma la chags par gyur nas de la chung mas rje'i sras de lta ma mdzad cig ces phyir bzlog na/ ji tsam du de phyir bzlog kyang ma log pa de tsam du de'i chung ma de yang skyes pa gzhan dag dang lhan cig 'khrul ba rtsom par byed do/ /khyim bdag de yang bud med gzhan dag la sbyin par byed la/ chung ma de yang skyes pa gzhan dag la sbyin par byed pas de ltar khyim de gnyis ka rgud par gyur nas de gnyis la bu mo mngag gzhug ma zhig yod nas khyim bdag des bu mo de la 'dis khyim rgud par byas so zhes khu tshur dang / thal lcag dag gis rdeg par byed do/ /bu mo des smras pa/ bdag gis khyim rgud par gyur pa 'di ci las gyur pa 'tshal mod kyi 'on kyang bdag gis ji ltar rje dag la bsngags pa ma lags pa brjod par bgyir rung / nye dgas de tshor nas khyim bdag de dang khyim bdag gi chung ma de'i gan du song ste ci nas kyang de gnyis skyabs su 'gro ba dang / bslab pa'i gzhi dag la gnas par 'gyur ba de lta de ltar tshul khrims kyi bsngags pa brjod cing / tshul khrims 'chal ba'i bsngags pa ma yin pa brjod nas des de gnyis skyabs su 'gro ba dang / bslab pa'i gzhi dag la gnas par byas so/ /khyim bdag de gtum pa/ brtun ngas pa/ drag shul che ba yin pas yang bu mo de la brdeg par brtsams pa dang / chung mas de la smras pa/ rje'i sras gang gi tshe bdag cag las dang las kyi rnam par smin pa mi mkhyen pa de'i tshe go rdeg par mdzad mod/ da bdag cag dge ba'i bshes gnyen 'phags pa nye dga' la brten nas las dang las kyi rnam par smin pa mkhyen pas 'di ltar 'jig rten ni rang gi las kyi 'bras bu la spyod pa lags pas su zhig su'i bran lags/ bu mo 'di la rdeg par ma mdzad cig /bzang mo khyod zer ba ma nyes so/ /bu mo tshur shog /khrus gyis la shog shig /bu mo de khrus byas te 'ongs pa dang / des de la gos phrugs gcig bskon nas smras pa/ bu mo dga' zhing las byos shig /bu mo des bsams pa/ khyim bdag khyo shug 'di sngon gtum pa/ brtun ngas pa/ drag shul che ba yin te/ yang dang yang du bdag la khu tshur dang thal lcag dag gis rdeg par byed cing zas dang gos ngan pa dag sbyin par byed na/ da 'di bdag gi pha ma dang 'dra bar gyur to snyam nas/ yang bsams pa/ gang tshun cad nas 'phags pa nye dga' khyim 'dir 'jug par brtsams pa de tshun chad nas khyim bdag 'di pha ma dang 'dra bar gyur pas bdag gis 'phags pa nye dga' la ci zhig gis dga' bar bya snyam nas des bsams pa/ gal te bdag gis 'di las chung zhig brkus te dbul du ni khyim bdag 'dis bdag brdeg btsog mang po byas te sngon gyi gnas su bzhag par 'gyur ro snyam nas de sdod cing 'dug go/ /khyim bdag gi chung ma des khyim bdag de la smras pa/ rje'i sras mkhyen par mdzod cig /'phags pa nye dga' ni bdag cag gi dge ba'i bshes gnyen lags te/ 'phags pa nye dgas bdag cag las dri ma can dang phral nas skyabs su 'gro ba dang / bslab pa'i gzhi dag la bkod de/ yang dang yang du bdag cag la chos kyis sdud par byed pas bdag cag gis kyang de la zang zing cung zad kyis bsdu bar bgyi'o/ /bzang mo de bzhin bya'o/ /rje'i sras bdag gis dog pa 'jam po bkal te/ dog pa de las tha ga pa che ge mo zhig la ras yug chen 'thag tu stsal cing slad kyis ras yug chen skon par bgyi'o/ /khyim bdag des dog pa de tha ga pa la byin nas smras pa/ bzhin bzangs khyod kyis dog pa 'di las ras yug chen thogs shig dang 'phags pa nye dga' la dbul bar bya'o/ /de ltar bya'o/ /bu mo des de thos nas bsams pa/ bdag gis 'phags pa nye dga' la dga' ba de sbran par bya'o snyam mo/ /nye dga' yang snga dro sham thabs bgos lhung bzed dang chos gos thogs te mnyan yod tu bsod snyoms la zhugs nas mthar gyis bsod snyoms la rgyu ba na khyim der zhugs pa dang / bu mo des khyim legs par byugs shing phyag dar bor nas/ des nye dga' mthong ba dang rkang pa gnyis la phyag 'tshal te smras pa/ bdag gis 'phags pa nye dga' la dgyes pa sbran par bgyi'o/ /nye dgas smras pa/ bu mo khyod kyis kho bo la dga' ba ci zhig sbran par bya/ khyim bdag 'di khyod la ras yug chen 'bul bar 'gyur ro/ /nye dgas bsams pa/ sa'i steng na 'dod pa'i bdag nyid can gang ji snyed yod pa de dag dang bdag mnyam par deng bu mo 'dis kyang 'phrigs so snyam du rig nas bu mo de la 'di skad ces smras so/ /bu mo ci kho bo la tho 'tsham par byed dam/ bu mos smras pa/ bdag ci'i slad tu 'phags pa la tho 'tsham par bgyid/ nye dgas smras pa/ bu mo gal te bden par gyur na ni ngas khyod la gshe ba dag la chugs ma bya 'o/ /ji ste brdzun par gyur na ni brdeg btsog mang po byed tu bcug ste sngon gyi gnas ji lta bar gzhag par bya'o/ /'phags pa gal te bdag la thugs mi ches na phyogs ga ge mo zhig na tha ga pa mchis pa der bzhud cig dang khyod nyid kyis mkhyen par 'gyur ro/ /de der song te tha ga pa la smras pa/ bzhin bzangs ras yug chen 'thag pa 'di su'i yin/ 'phags pa btsun pa nye dga'i lags so/ /khyod kyis nye dga' shes sam/ ma 'tshal to/ /de ni kho bo yin no/ /bzhin bzangs srid tu 'di tsam gyis srings shig /'phags pa dog pa sus stsol bar 'gyur/ khyim bdag de nyid kyis sbyin par 'gyur ro/ /kho bos kyang khyod la cung zhig nye bar bsgrub par bya'o/ /nye dga' phyi de nyin par snga dro sham thabs bgos lhung bzed dang chos gos thogs te mnyan yod tu bsod snyoms la zhugs nas de mthar gyis bsod snyoms la rgyu ba na/ btsun mo phreng ldan ma'i khyim du zhugs nas/ des de'i stan bting ba dang / de de la 'dug nas btsun mo phreng ldan mas nye dga'i rkang pa la phyag 'tshal te chos mnyan pa'i phyir mdun du 'dug go/ /des de la chos bstan nas des smras pa/ 'phags pa ci lags/ deng spyan drangs sam/ bsod snyoms mdzad/ bsod snyoms bgyid do/ /des bsams pa su zhig bdag bas bsod snyoms ches bzang ba 'bul bar 'gyur snyam nas des de la hwags kyi la thu dag gis lhung bzed bkang ste phul lo/ /nye dgas de dag blangs te tha ga pa de'i gan du song nas des de la smras pa/ bzhin bzangs je lag pa gnyis zed cig des lag pa gnyis bzed pa dang / des de la la thu cig byin nas smras pa/ bzhin bzangs je zo shig /des de zos pa dang / des de la smras pa/ bzhin bzangs la thu'i ro ci 'dra/ 'phags pa bda'o/ /khyod kyis sngon lan 'ga' la thu 'di 'dra ba zos sam/ 'phags pa lan 'ga' yang ma 'tshal to/ /thu ba zed cig /des thu ba bzed pa dang / des de'i thu bar la thu thams cad blugs te smras pa/ bzhin bzangs kho bo'i ras yug chen 'di legs par thogs shig /kho bos khyod la phyis kyang la thu chung zad nye bar bsgrub par byas zhing du 'di tsam gyis skyed cig /'phags pa dog pa bas par gyur na sus stsol bar 'gyur/ khyim bdag de nyid kyis sbyin par 'gyur ro/ /des ras yug chen de 'thag pa na dog pa zad nas de khyim bdag de'i gan du song ba dang / ji tsam na khyim bdag gi chung ma ni med/ khyim bdag ni 'dug nas thag pa des khyim bdag de la smras pa/ khyim bdag ras yug chen de btag pa'i dog pa zad kyis dog pa byin cig khyim bdag des byin te btang ngo / /yang 'thag pa na dog pa zad pa nas de yang khyim bdag de'i gan du song ba dang / ji tsam na khyim bdag ni med khyim bdag gi chung ma ni 'dug nas tha ga pa des khyim bdag gi chung ma de la smras pa/ sru ras yug chen de btag pa'i dog pa zad kyis dog pa byin cig /des byin te btang ngo / /yang 'thag pa na zad nas de khyim bdag de'i khyim du song ba dang / ci tsam na khyim bdag dang khyim bdag gi chung ma gnyi ga 'dug nas tha ga pa des khyim bdag de la smras pa/ /khyim bdag yang ras yug chen de btag pa'i dog pa zad kyis yang dog pa byin cig /khyim bdag gi chung mas smras pa/ kye tha ga pa ci ras yug chen de bskyed dam/ khyim bdag gis chung ma la smras pa/ bzang mo ci khyod kyis kyang 'di la dog pa byin nam/ stsal to/ /khyim bdag gis smras pa/ kye tha ga pa ci ras yug chen de bskyed dam/ tha ga pas smras pa/ khyim bdag ci deng bskyed par brtsams snyam 'am/ nyi ma gang kho na la btsun pa nye dga' mchis nas 'di skad ces srid tu 'di tsam gyis srings shig /zheng du 'di tsam gyis skyed cig ces mchi ba'i nyi ma de kho na la bskyed par brtsams so/ /khyim bdag gi chung mas bsams pa/ ras yug chen de ci 'dra ji ltar 'gro'o snyam nas de der song ba dang / ji tsam chen po la 'os pa'i ras yug chen mthong ngo / /de mthong nas de'i mig khrag gis gang ste smras pa/ kho mos ras yug chen 'di 'phags pa nye dga' la mi byin no/ /kho mos de'i don du ras yug chen gzhan zhig 'thag tu gzhug go zhes zer te song ngo / /nye dga' dus dang dus su der 'ongs nas smras pa/ kye tha ga pa rung ngam/ 'phags pa bdag gi ni rung na khyod kyi ni mi rung ngo / /kye tha ga pa ji ltar gyur/ des smras pa/ khyim bdag gi chung ma mchis par gyur te des ras yug chen mthong nas de'i mig khrag gis gang ste/ kho mos 'phags pa nye dga' la ras yug chen 'di mi sbyin no/ /kho mos de'i don du ras yug chen gzhan 'thag tu gzhug go zhes mchi ste mchis so/ /kye tha ga pa khyod la kho bos cung zhig byas pa yod pa shes sam/ des smras pa ci'i slad du ma 'tshal/ bdag da dung yang khyod kyi la thu dag 'tshal zhig mchis so/ /kye tha ga pa gang gi tshe kho bo khyim der 'ongs par gyur pa de'i tshe na khyod kyis ras yug chen 'di khyer shog shig /'phags pa je bzhud cig dang bdag gis kyang kha tshar bkal te mchi'o/ /nye dga' de'i khyim du song ste sgo'i thad kar 'dug pa dang / khyim bdag gi chung ma des rkang pa la phyag 'tshal te kha sgor lta zhing mdun du 'dug go/ /tha ga pa des kyang ras yug chen de'i kha tshar dril nas de khyer te der song ba dang / khyim bdag gi chung ma des de thag ring po kho na nas mthong nas des lag brdas ma 'ong shig ces byas pa dang / tha ga pa des phyogs bzhir rnam par bltas nas ltos bzung bas mgo smad de nang du zhugs nas des ras yug chen de khyim bdag gi chung ma de'i pang du bzhag pa dang / nye dgas tsham tshom med par blangs te smras pa/ a rog khya sbyin pa 'dis khyod sems kyi rgyan dang / sems kyi yo byad dang / rnal 'byor gyi tshogs dang / don gyi mchog 'thob pa dang / lha dang mi rnams kyi gos thob par gyur cig /khyim bdag gi chung mas smras pa/ 'phags pa khyim bdag gis rang gi sug pa nas dbul gyis slar stsol cig /nye dgas smras pa/ kho bos 'di je rung bar byas/ de'i 'og tu khyim bdag drang srong gi rgyal mtshan skon du gzhug go/ /khyim bdag gi chung mas smras pa/ 'phags pa bcom ldan 'das kyis kha dog dkar po bsngags so/ /nye dgas smras pa/ drang srong gi rgyal mtshan skon du chug shig ces smras nas langs te song ngo // //'dul ba rnam par 'byed pa/ bam po sum bcu rtsa lnga pa/ tha ga pas smras pa/ khyim bdag gi btsun mo bdag la gla byin cig /des smras pa/ kho mo'i ras yug chen gcig kyang 'phrog tu bcug nas gla gzhan yang ded dam/ song la khyod kyis gang la ras yug chen byin pa de nyid la gla dos shig /de nye dga'i gan du song ste smras pa/ 'phags pa bdag la gla stsol cig /song la khyim bdag gi chung ma de nyid la dos shig /'phags pa khyim bdag gi mchis brang de mchid 'bo zhing 'di skad ces khyod kyis gang la ras yug chen byin pa de nyid la gla dos shig ces mchi'o/ /nye dgas smras pa/ song shig dang byin par 'gyur ro/ / tha ga pa de yang de'i gan du song ste smras pa/ khyim bdag gi btsun mo bdag la gla byin cig /des smras pa/ kwa'i khyo ga khyod 'dug mi phod dam/ gal te 'dug na ni 'dug shig /mi 'dug na kho mos khyod kyi mgrin par chol zangs btags te mnyan yod thams cad tu bskor bar bya'o/ /tha ga pa de yang nye dga'i thad tu song ste smras pa/ 'phags pa khyim bdag gi mchis brang des bdag spyos te/ kwa'i khyo ga khyod 'dug mi phod dam/ gal te 'dug na ni 'dug shig mi 'dug na kho mos khyod kyis mgrin par chol zangs btags te mnyan yod thams cad tu bskor bar bya'o zhes mchi yis 'phags pas bdag la gla stsol cig /nye dgas smras pa/ kye nang rje gal te gang gis kho bo'i ras yug chen 'thag tu bcug pa de'i gla kho bo 'jal bar gyur na kho bo'i lhung bzed dang chos gos kyang med par 'gyur ro/ /gzhan yang tshur shog rtsis byas khyod kyis kho bo las bag phye'i rin dang / zhun mar dang / hwags la sogs pa ji tsam khyer ba dag khod cig ces rtsis byas pa dang / ji tsam na ches lhag par khyer bar gyur nas/ nye dgas tha ga pa de yud tsam zhig nyi tshan la btags te btang ngo / /tha ga pa de shAkya'i bu'i dge sbyong rnams kyi dge sbyong gi tshul ni tshig go/ /bram ze'i tshul ni tshig ste/ de ltar lhag pa kho na bya'o zhes zer la 'bri ba kho nar byed do zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga' khyod kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ / de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gi phyir khyim bdag gam khyim bdag gi chung ma nye du ma yin pas tha ga pa nye du ma yin pa la gos 'thag tu bcug pa las de na gal te dge slong de la sngar ma bstabs par rnam par rtog pa 'ga' zhig byung nas tha ga pa nye du ma yin pa'i gan du song ste 'di skad ces tshe dang ldan pa tha ga pa shes par gyis shig /gos 'di kho bo'i phyir 'thag gis tshe dang ldan pa tha ga pa gos 'di zheng che ba dang / khrun ring ba dang / thar gyis zhag pa dang / thags ran bzang bar legs par gyis shig /tshe dang ldan pa tha ga pa 'di ltar kho bos gla rngan 'di lta ste/ bza' ba 'am/ bca' ba tsam 'am bza' rgyu cung zad sbyin no zhes smras nas/ de la gal te dge slong des gos bsgrub pa'i phyir gla rngan 'di lta ste/ bza' ba 'am/ bca' ba tsam 'am/ bza' rgyu cung zad cig sbyin zhing gos grub na spang ba'i ltung byed do/ /dge slong gi phyir zhes bya ba ni shAkya'i bu nye dga' 'am gzhan yang de lta bu gang yin pa'o/ /khyim bdag ces bya ba ni skyes pa'o/ /khyim bdag gi chung ma zhes bya ba ni bud med do/ /nye du ma yin pa zhes bya ba ni phyi mo dang / mes po dang / phrugs kyi bdun pa tshun chad ni nye du yin la/ de phan chad ni nye du ma yin no/ /tha ga pa zhes bya ba ni thags mkhan no/ /nye du ma yin pa la zhes bya ba ni phyi mo dang / mes po dang / phrugs kyi bdun pa tshun chad ni nye du yin la/ de phan chad ni nye du ma yin no/ /gos 'thag tu bcug pa las shes bya ba ni bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos dag las gang yang rung ba'o/ /de na gal te dge slong de la zhes bya ba ni shAkya'i bu nye dga' la'o/ /sngar ma bstabs par zhes bya ba ni sngar mgron du ma bos par ro/ /rnam par rtog pa 'ga' zhig byung nas shes bya ba ni bsnyen bkur byed pa 'ga' byung nas so/ /tha ga pa nye du ma yin pa'i gan du song ste zhes bya ba ni drung du song ste'o/ /'di skad ces tshe dang ldan pa tha ga pa shes par gyis shig /gos 'di kho bo'i phyir 'thag gis shes bya ba ni bdag nyid nye bar ston par byed pa'o/ /zhing che ba zhes bya ba ni rgyar che ba'o/ /khrun ring ba zhes bya ba ni chur ring ba'o/ /thar gyis zhag pa zhes bya ba ni 'jur mdud med pa'o/ /thags ran bzang bar zhes bya ba ni byer zug snyoms pa dang / shas bzang ba dang / sad sed med par ro/ /bza' ba 'am zhes bya ba ni bza' ba lnga po dag go/ /bca' ba tsam 'am zhes bya ba ni bca' ba lnga po dag go/ /bza' rgyu zhes bya ba ni bza' ba'i rgyu'o/ /de la gal te dge slong des shes bya ba ni shAkya'i bu nye dgas so/ /gos bsgrub pa'i phyir zhes bya ba ni gos thob par bya ba'i phyir ro/ /gos grub na zhes bya ba ni gos thob na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam du gos bsgrub pa'i phyir khri las ldang bar byed/ gos dag dang / sham thabs gon par byed/ lag pa dang / lhung bzed 'khru bar byed/ bsod snyoms la 'jug par byed/ bca' ba lnga dang bza' ba lnga dag slong bar byed/ tha ga pa la sbyin par byed cing ji srid tu gos thob par mi byed kyi bar du nyes byas su 'gyur ro/ /gos thob na spang ba'i ltung byed tu 'gyur ro/ /gal te phyogs ga ge mo zhig tu gos 'thag tu bcug gis de khyod kyis blta bar bya'o zhes sngar bstabs par gyur na ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /'thag pa skyed pa'i spang ba ste nyi shu bzhi pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dga' bo la lhan cig gnas pa chos shes bya ba ngo tsha shes pa 'gyod pa dang ldan pa bsdams pa/ bslab pa 'dod pa zhig yod pa des ji srid tu de gnas ngan len kun tu spyod par mi shes pa de srid tu de dang lhan cig gnas so/ /gang gi tshe des de gnas ngan len kun du spyod par shes pa de'i tshe na de rang bzhin du gnas pa'i dge slong rnams dang lhan cig gnas par brtsams te/ bcom ldan 'das kyi bka' lung gis dus gsum du rkang pa la phyag 'tshal du 'gro ba 'ba' zhig byed do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la de bzhin gshegs pa ko sa la dag tu ljongs rgyur gshegs kyis khyed cag las gang de bzhin gshegs pa dang thabs gcig ko sa la dag tu ljongs rgyur 'gro bar spro ba des chos gos kyi las gyis shig ces bsgo shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas dge slong rnams la smras pa/ tshe dang ldan pa dag bcom ldan 'das ko sa la dag tu ljongs rgyur gshegs kyis khyed cag las gang bcom ldan 'das dang thabs gcig ko sa la dag tu ljongs rgyur 'gro bar spro ba des chos gos kyi las gyis shig /dga' bos thos te/ thos nas kyang nye dga' la smas pa/ tshe dang ldan pa nye dga' shes par gyis shig /tshe dang ldan pa kun dga' bos dge slong rnams la tshe dang ldan pa dag shes par gyis shig /bcom ldan 'das ko sa la dag tu ljongs rgyur gshegs kyis/ khyed cag las gang bcom ldan 'das dang thabs gcig ko sa la dag tu ljongs rgyur 'gro bar spro ba des chos gos kyi las gyis shig ces bsgo na/ gal te bdag cag 'di nyid tu 'dug na ni sgo 'phar brgya dag 'das te ci nas kyang lto dgang ba bsgrub par bya dgos so/ /ji ste bcom ldan 'das dang thabs gcig 'gro na ni bcom ldan 'das kyis sangs rgyas gshegs pa la phan yon bcwa brgyad yod par gsungs pas srog chags brgya stong phrag du ma dag kyang bcom ldan 'das dang thabs gcig 'gro bar 'gyur bas/ gal te bcom ldan 'das dang thabs gcig 'gro na re shig chu yang rnyog pa can dag btung dgos par 'gyur la/ shing ljon pa'i drung du yang go thob par mi 'gyur gyis bdag cag dge slong rab tu bshes pa 'ga' zhig khrid de/ sangs rgyas dang / chos dang / dge 'dun gyi bsngags pa brjod cing mdun du dong na de lta na bdag cag bde bar rgyu bar 'gyur zhing rnyed pa mang po yang 'grub par 'gyur ro/ /nye dgas smras pa/ slob dpon re shig gser gyi snod spangs te sa'i snod kyis bsod snyoms rgyu bar byed dam/ khyod kyi lhan cig gnas pa chos lta bu ngo tsha shes pa/ 'gyod pa dang ldan pa/ bsdams pa/ bslab pa 'dod pa su la yod/ des kho bo mthong bar yang mi 'dod do/ /slob dpon bcom ldan 'das kyis bsdu ba'i dngos po bzhi po sbyin pa dang / snyan par smra ba dang / don spyod pa dang / don 'thun pa gang dag bka' stsal pa de dag las slob dpon gyis 'ga' zhig yang dag par blangs te 'jud par byas pa yod dam/ de ni thams cad kyi thams cad tu med do/ /de'i phyir khyod kyi gnas skabs de lta bu der gyur to/ /tshe dang ldan pa chos kyi snam sbyar rnyings nas des ras yug chen zhig rnyed nas bsams pa/ bdag song la mkhan po la zhus te snam sbyar btsem par bya'o snyam nas/ des de khyer te dga' bo'i gan du 'phags pa dang / de 'gro ba na bsod snyoms pa zhig gis mthong nas des smras pa/ tshe dang ldan pa chos gar 'gro/ des smras pa/ kho bo'i snam sbyar rnyings te kho bo'i ras yug chen 'di rnyed pas bdag song ste mkhan po la zhus la snam sbyar btsem par bya'o/ /bsod snyoms pas smras pa/ gal te khyod snam sbyar sar pa gzhan 'tshem na snam sbyar rnying pa 'di kho bo la byin cig /de bzhin bya'o/ /de dga' bo'i gan du song ste smras pa/ mkhan po bdag gi snam sbyar rnyings te bdag gis ras yug chen 'di rnyed pas snam sbyar btsem par zhu'o/ /nye dgas smras pa slob dpon 'di ni de'i dus lags so/ /dga' bos smras pa/ tshe dang ldan pa chos kho bo nyid la snam sbyar zhig yod pa de kho bos khyod la sbyin no/ /mkhan po mi 'tshal te bdag gis ras yug chen 'di las snam sbyar drubs te bcang bar bgyi'o/ /nye dgas smras pa/ tshe dang ldan pa chos kho bos ko gzhan thos la gzhan mthong ste/ kho bos khyod ngo tsha shes pa/ 'gyod pa dang ldan pa/ bsdams pa/ bslab pa 'dod pa yin par shes kyi/ kho bos khyod 'di ltar mkhan po'i chos dang ldan pa'i tshig gcog par mi shes so/ / ci khyod mkhan po dang mi mthun pa'i don yang dag par len par byed dam/ de dge slong dbang chen pos smad pas cang mi smra bar 'dug pa dang / dga' bos kyang de la snam sbyar byin no/ /des de blangs nas smras pa/ mkhan po khyod ras yug chen 'di bzhes shig /tshe dang ldan pa chos ci kho bos khyod la brje ba'i phyir snam sbyar byin nas ras yug chen yang khyod nyid khyer cig /des bsams pa/ bdag la yo byad don med pa 'dis ci bya/ bdag gis ras yug chen 'di dge 'dun la dbul bar bya zhing snam sbyar rnying pa 'di yang bsod snyoms pa de la sbyin pa mkhan po la zhu'o snyam nas smras pa/ mkhan po bdag gis ras yug chen 'di dge 'dun la dbul bar bgyi zhing snam sbyar rnying pa 'di yang bsod snyoms pa zhig gis bslangs pas de la stsal bar bgyi ba mkhan po la zhu'o/ /de bzhin gyis shig /des ras yug chen de dge 'dun la phul zhing snam sbyar rnying pa de yang bsod snyoms pa de la byin no/ /phyi de nyin par de snam sbyar de gyon te mkhan po'i rkang pa la phyag 'tshal du 'ongs pa dang / dga' bos smras pa/ tshe dang ldan pa chos shes par gyis shig /tshe dang ldan pa kun dga' bos dge slong rnams la tshe dang ldan pa dag shes par gyis shig /bcom ldan 'das ko sa la dag tu ljongs rgyur gshegs kyis/ khyed cag las gang bcom ldan 'das dang thabs gcig ko sa la dag tu ljongs rgyur 'gro bar spro ba des chos gos kyi las gyis shig ces bsgo na/ gal te bdag cag 'di nyid du 'dug na ni sgo 'phar brgya dag 'das te ci nas kyang lto gang ba bsgrub par bya dgos so/ /ji ste bcom ldan 'das dang thabs gcig 'gro na ni bcom ldan 'das kyis sangs rgyas gshegs pa la phan yon bcwa brgyad yod par gsungs pas srog chags brgya stong phrag du ma dag kyang bcom ldan 'das dang thabs gcig 'gro bar 'gyur bas gal te bcom ldan 'das dang thabs gcig 'gro ba na re shig chu yang rnyog pa can dag btung dgos par 'gyur la/ shing ljon pa'i drung du yang go thob par mi 'gyur gyis/ bdag cag sangs rgyas dang / chos dang / dge 'dun gyi bsngags pa brjod cing mdun du dong na de lta na bdag cag bde bar rgyu bar 'gyur zhing / rnyed pa mang po yang 'grub par 'gyur ro/ /mkhan po bcom ldan 'das kyis sangs rgyas gshegs pa la phan yon bcwa brgyad mchis par bka' stsal pa gang dag lags pa de dag mkhan po la nyes dmigs kho nar gyur te bdag ni re shig bcom ldan 'das nyid dang thabs gcig mchi'o/ /dga' bos smras pa/ kho bo dang lhan cig 'dong ngo / /des smras pa/ bcom ldan 'das nyid dang lhan cig mchi'o/ /dga' bos spyos te smras pa/ ngan pa ci kho bos khyod la chos la chos nyid bzang pos snam sbyar byin snyam 'am/ khyod kho bo dang lhan cig 'gro ba'i phyir byin pa yin na gal te kho bo dang lhan cig mi 'gro na snam sbyar 'on cig khyod la mi sbyin no/ /tshe dang ldan pa chos kyis bsams pa/ bdag la chos gos phrogs pa ni bla'i bdag gnas ngan len kun du spyod pa dag dang lhan cig ljongs rgyur 'gro ba ni mi rung ngo snyam nas des de la snam sbyar phyir byin no/ /de nas bcom ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa/ mdzes pa 'khor mdzes pa dang ldan pa/ khyu mchog ltar ba lang gi tshogs kyis yongs su bskor ba/ glang po che ltar glang po che'i phru gu'i tshogs kyis yongs su bskor ba/ seng ge ltar mche ba can gyi tshogs kyis yongs su bskor ba/ ngang pa'i rgyal po ltar ngang pa'i tshogs kyis yongs su bskor ba/ nam mkha' lding ltar bya'i tshogs kyis yongs su bskor ba/ bram ze ltar slob ma'i tshogs kyis yongs su bskor ba/ sman pa mkhas pa ltar nad pa'i tshogs kyis yongs su bskor ba/ dpa' bo ltar ru pa'i tshogs kyis yongs su bskor ba/ sa mkhan ltar lam du zhugs pa'i tshogs kyis yongs su bskor ba/ ded dpon ltar tshong pa'i tshogs kyis yongs su bskor ba/ tshong dpon ltar 'khor gyi tshogs kyis yongs su bskor ba/ mkhar gyi rgyal po ltar blon po'i tshogs kyis yongs su bskor ba/ 'khor los sgyur ba ltar bu stong gi tshogs kyis yongs su bskor ba/ zla ba ltar rgyu skar gyi tshogs kyis yongs su bskor ba/ nyi ma ltar 'od zer stong gi tshogs kyis yongs su bskor ba/ yul 'khor srung ltar dri za'i tshogs kyis yongs su ba skor ba/ 'phags skyes po ltar grul bum gyi tshogs kyis yongs su bskor ba/ mig mi bzang ltar klu'i tshogs kyis yongs su bskor ba/ nor sbyin ltar gnod sbyin gyi tshogs kyis yongs bskor ba/ thags bzangs ris ltar lha ma yin gyi tshogs kyis yongs su bskor ba/ brgya byin ltar sum bcu rtsa gsum pa'i tshogs kyis yongs su bskor ba/ tshangs pa ltar tshangs ris kyi tshogs kyis yongs su bskor ba/ dbang po rnams kyis shin tu dul ba/ spyod lam dang / spyod pa ma 'khrugs pa chu gter ltar ting nge ba/ sprin ltar chu dang bcas pa/ glang po che'i rgyal po ltar dregs pa dang bral ba/ skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus sku rnam par mdzes pa/ 'od 'dom gang gis gzugs can brgyan pa/ nyi ma stong bas lhag pa'i 'od dang ldan pa/ rin po che'i ri bo 'gro ba ltar kun du bzang ba/ stobs bcu dang / mi 'jigs pa bzhi dang ma 'dres pa'i dran pa nye bar gzhag pa gsum dang / thugs rje chen po dang ldan pa/ 'jig rten la phan par zhugs pa/ srung ba gcig pu pa/ nyag gcig dpa' ba/ gnyis pa med pa/ gnyis su mi gsung ba/ zhi gnas dang / lhag mthong gis bzhugs pa rig pa gsum gsal bar mdzad pa/ bslab pa gsum la legs par bslabs pa/ dul ba'i gnas gsum gyi gzhi la mkhas pa/ chu bo bzhi las rgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos po bzhi la yun ring po nas yongs su sbyang ba mdzad pa/ mi 'jigs pa bzhis bsnyengs pa mi mnga' ba/ yan lag lnga spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas pa drug gis gnas pa/ byang chub kyi yan lag bdun gyi me tog gis phyug pa/ lam gyi yan lag brgyad ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang sgyur ba las khyad par du 'phags pa/ 'khor nyan thos chen po tshe dang ldan pa lteng rgyas 'od srung dang / ga ya 'od srung dang / chu klung 'od srung la sogs pa sngon gyi ral pa can stong dang / tshe dang ldan pa shA ri'i bu dang / maud gal gyi bu chen po la sogs pa dge slong gi dge 'dun mang pos mdun du bdar te ko sa la dag tu ljongs rgyur gshegs so/ / sangs rgyas bcom ldan 'das ljongs rgyur gshegs pa rnams ni chos nyid kyis sku thams cad kyis g.yas phyogs su glang po che'i lta stangs kyis la las legs par ma bgos pa dang / legs par ma bcangs par ma gyur tam snyam du rnam par gzigs par mdzad pas bcom ldan 'das kyis g.yas phyogs su glang po che'i lta stangs kyis rnam par gzigs pa na tshe dang ldan pa chos chos gos stod g.yogs smad g.yogs dang bcas pas ljongs rgyur 'gro ba gzigs so/ /gzigs nas kyang tshe dang ldan pa kun dga' bo la bka' stsal pa/ kun dga' bo dge slong dbyar gnas pa rnams kyis chos gos kyi rnyed pa ma grub 'am/ bcom ldan 'das grub bo/ /'o na ci'i phyir dge slong chos chos gos stod g.yogs smad g.yogs dang bcas pas ljongs rgyur 'gro/ /des skabs de bcom ldan 'das la rgyas par gsol pa dang / bcom ldan 'das kyis bka' stsal pa/ kun dga' bo dge slong dag dge slong la gos byin nas 'phrog par byed dam/ btsun pa 'phrog par bgyid do/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dga' bo la rmas pa/ dga' bo khyod kyis dge slong la gos byin nas yang phyir phrogs pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rung ba ma yin pa/ rjes su 'thun pa ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong la gos byin nas de'i 'og tu khros 'khrugs rngam par gyur te yid ma rangs nas 'phrog gam 'phrog tu 'jud cing / de la 'di skad ces dge slong khyod la gos mi sbyin gyis phyir byin cig ces zer na dge slong des lhag ma yod pa phyir sbyin par bya zhing btang na spang ba'i ltung byed do/ /yang dge slong gang zhes bya ba ni shAkya'i bu dga' bo 'am/ gzhan yang de lta bu gang yin pa'o/ /dge slong la zhes bya ba ni chos 'di pa'o/ /gos shes bya ba ni bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos las gang yang rung ba'o/ /byin nas shes bya ba ni phyir sbyin mi dgos par ro de'i 'og tu zhes bya ba ni dus gzhan na'o/ /khros 'khrugs rngam par gyur te yid ma rangs nas shes bya ba ni khro ba ma sangs par ro/ /'phrog gam zhes bya ba ni bdag nyid kyis so/ /'phrog tu 'jud cing zhes bya ba ni gzhan no/ /dge slong des shes bya ba ni dge slong gang yin pa des so/ /lhag ma yod pa zhes bya ba ni de'i lhag ma gang yod pa'o/ /phyir sbyin par bya zhing zhes bya ba ni gtang bar bya zhing ngo / /btang na zhes bya ba ni lus dang bral bar byas na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na/ lus g.yo bar byed pa dang / tshig rjod par byed pa dang / de gnyis ka dang ldan pa dang / gzhan dag gis so/ de la ji ltar lus g.yo bar byed pas she na/ /dge slong gis dge slong la gos byin nas de'i 'og tu khros 'khrugs rngam par gyur te yi ma rangs nas lus kyis rtul bar byed cing 'dren par byed khrid par byed la/ tshig gis dge slong khyod la gos mi sbyin gyis phyir byin cig ces ni mi zer na ji srid tu gos kyi grwa lus las bral bar mi byed pa de srid tu nyes byas su 'gyur la/ gos kyi gra lus la bral bar byed na spang ba'i ltung byed tu 'gyur te/ de ltar lus g.yo bar byed pas so/ /ji ltar tshig rjod par byed pas she na/ dge slong gis dge slong la gos byin nas de'i 'og tu khros 'khrugs rngam par gyur te yid ma rangs nas dge slong khyod la gos mi sbyin gyis phyir byin cig ces tshig rjod par byed la lus kyis rtul bar mi byed na ji srid tu gos kyi grwa lus las bral bar mi byed pa de srid du nyes byas su 'gyur la/ gos kyis grwa lus las bral bar byed na spang ba'i ltung byed tu 'gyur te/ de ltar tshig rjod par byed pas so/ /ji ltar de gnyis ka dang ldan pas she na dge slong gis dge slong la gos byin nas de'i 'og tu khros 'khrugs rngam par gyur te yid ma rangs nas lus kyis kyang rdul bar byed cing tshig gis kyang dge slong khyod la gos mi sbyin gyis phyir byin cig ces zer na ji srid tu gos kyi grwa lus las bral bar mi byed pa de srid du nyes byas su 'gyur la/ gos kyi grwa lus las bral bar byed na spang ba'i ltung byed du 'gyur te/ de ltar gnyis ka dang ldan pas so/ /ji ltar gzhan dag gis she na dge slong gis dge slong la gos byin nas de'i 'og tu khros 'khrugs rngam par gyur te yid ma rangs nas dge slong 'phrog tu 'jud na ji srid du gos kyi grwa lus las bral bar mi byed pa de srid tu gnyis ka la nyes byas re rer 'gyur la/ gos kyi grwa lus las bral bar byed na gnyis la spang ba'i ltung byed re rer 'gyur ro/ /dge slong gis dge slong la gos byin nas de'i 'og tu khros 'khrugs rngam par gyur te yid ma rangs nas dge slong ma 'phrog tu 'jud na ji srid tu gos kyi grwa lus las bral bar mi byed pa de srid tu gnyis ka la nyes byas re rer 'gyur la/ gos kyi grwa lus las bral bar byed na dge slong ma la nyes byas nyid du 'gyur la/ dge slong la spang ba'i ltung byed tu 'gyur ro/ /dge slong gis dge slong la gos byin nas de'i 'og tu khros 'khrugs rngam par gyur te yid ma rangs nas dge slob ma 'phrog tu 'jud na ji srid du gos kyi grwa lus las bral bar mi byed pa de srid tu gnyis ka la nyes byas re rer 'gyur la gos kyi grwa lus las bral bar byed na dge slob ma la nyes byas nyid tu 'gyur la/ dge slong la spang ba'i ltung byed du 'gyur ro/ /dge slong gis dge slong la gos byin nas de'i 'og tu khros 'khrugs rngam par gyur te yid ma rangs nas dge tshul 'phrog tu 'jud na/ ji srid tu gos kyi grwa lus las bral bar mi byed pa de srid tu gnyis ka la nyes byas re rer 'gyur ro/ /gos kyi grwa lus las bral bar byed na dge tshul la nyes byas nyid tu 'gyur la/ /dge slong la spang ba'i ltung byed tu 'jud na ji sid du 'gyur ro/ /dge slong gis dge slong la gos byin nas de'i 'og tu khros 'khrugs rngam par gyur te yid ma rangs nas dge tshul ma 'phrog tu 'jud na ji srid tu gos kyis grwa lus las bral bar mi byed pa de srid tu gnyis ka la nyes byas re rer 'gyur la/ gos kyi grwa lus las bral bar byed na dge tshul ma la nyes byas nyid du 'gyur la/ dge slong la spang ba'i ltung byed tu 'gyur ro/ /dge slong gis dge slong la gos byin nas de'i 'og tu khros 'khrugs rngam par gyur te yid ma rangs nas khyim pa 'phrog tu 'jud na ji srid tu gos kyi grwa lus las bral bar mi byed pa de srid tu khyim pa la bsod nams ma yin pa mang po skye bar 'gyur zhing / dge slong la nyes byas su 'gyur la/ gos kyi grwa lus las bral bar byed na khyim pa la bsod nams ma yin pa ches mang du skye bar 'gyur zhing / dge slong la spang ba'i ltung byed tu 'gyur ro/ /dge slong gis dge slong la gos byin nas de'i 'og tu khros 'khrugs rngam par gyur te yid ma rangs nas khyim pa mo 'phrog tu 'jud na ji srid du gos kyi grwa lus las bral bar mi byed pa de srid tu khyim pa mo la bsod nams ma yin pa mang du skye bar 'gyur zhing dge slong la nyes byas su 'gyur la/ gos kyi grwa lus las bral bar byed na khyim pa mo la bsod nams ma yin pa ches mang du skye bar 'gyur zhing / dge slong la spang ba'i ltung byed tu 'gyur te/ de ltar gzhan dag gis so/ /don gzhan dang 'dul ba'i yo byad kyis ni ltung ba med do/ /ji ltar don gzhan gyis she na/ 'di lta ste/ slob dpon dang / mkhan po'i lhan cig gnas pa dang nye gnas dag 'jigs pa dang bcas pa'i phyogs su dus ma yin pa dang / chu klung gi kha 'am/ yur po che'i khar 'gro ba de dag la slob dpon dang / mkhan pos chos rkun pa dang / g.yon can dag gis gos dag phrogs par gyur na mi rung ngo snyam pas 'phrog gam/ 'phrog tu 'jud pa ste/ de ltar don gzhan gyis so/ /ji ltar 'dul ba'i yo byad kyis she na/ 'di lta ste/ dge slong rnams kyi lhan cig gnas pa dang / nye gnas dag sdig pa'i grogs po dang / sdig pa'i zla bo dang / sdig pa'i sten grogs dag dang lhan cig sdig pa sten cing lam du 'gro bar gyur na de dag la mkhan po dang / slob dpon gyis 'di dag sdig pa'i grogs po dang / sdig pa'i zla bo dang / sdig pa'i sten grogs la sten par gyur na mi rung ngo snyam pas gos dag 'phrog tu 'jud pa ste/ de ltar 'dul ba'i yo byad kyis so/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /'phrog pa'i spang ba ste nyi shu lnga pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /ri brag shig na khyim bdag dad pa dang ldan pa bzang ba dge ba'i bsam pa can zhig 'dug pa des dgon par dge 'dun gyi gtsug lag khang rta babs mthon po dang ldan pa mthong khung dang / skar khung dra ba can dang / lan kan gyis brgyan pa/ snying dang mig 'phrog par byed pa/ mtho ris kyi them skas su gyur pa/ khri dang / khri'u dang / yo byad phun sum tshogs pa zhig byed du bcug ste/ de na dge slong drug bcu gnas pa de dag la khyim bdag des chos gos dang / bsod snyoms la sogs pa mkho ba stobs par byed do/ /de nas dus gzhan zhig na khyim bdag de dus kyi chos dang ldan par gyur nas khyim bdag de la bu zhig yod pa de'i gan du dge slong de dag dong ste smras pa/ bzhin bzangs khyod kyi phas dge slong drug bcu la chos gos dang / bsod snyoms la sogs pas mkho ba bstabs pa byas par gyur na khyod kyis kyang kho bo cag dge slong drug bcu la chos gos dang / bsod snyoms la sogs pas mkho ba stobs par byed nus sam/ des smras pa/ 'phags pa dag la la ni brgya la bsnyen bkur byed/ la la ni stong la/ la la ni 'bum la bsnyen bkur byed pa yang yod/ la las ni bdag nyid kyang gso bar dka' bas bdag gis rngo mi thog go/ /de nas dge slong de dag gtsug lag khang de nas dong ngo / /rgan zhugs ri brag de nyid nas rab tu byung ba gnyis shig bsod snyoms brgyus nas gtsug lag khang de nyid na 'khod do/ /byang lam nas don 'thun dag lhags nas de dag gis gtsug lag khang de thag ring po kho na nas mthong nas de dag der dong ste tshigs su bcad pa'i skad kyis mchod rten la phyag 'tshal nas gtsug lag khang du zhugs pa dang / ji tsam na gtsug lag khang stong par 'dug nas de dag gis bsams pa/ dge slong dag nang du yang dag 'jog la zhugs sam/ yang na nyin mo spyod tu dong gor ma chag snyam nas de dag de na yongs su bskor ba na rgan zhugs de gnyis mthong nas de dag gis de gnyis la smras pa 'phags pa gnyis dge slong dag gar dong / de gnyis kyis smras pa/ bzhin bzangs dag 'di na dge slong dag mi 'khod do ji slad tu/ khyim bdag gang gis gtsug lag khang 'di byed tu bcug pa des dge slong drug bcu la chos gos dang / bsod snyoms la sogs pas mkho ba bstabs par byas par gyur te dus kyi chos dang ldan par gyur nas dge slong rnams kyis de la bu zhig yod pa de'i gan du song ste bzhin bzangs khyod kyi phas dge slong drug bcu la chos gos dang / bsod snyoms la sogs pas bstabs par byas par gyur na khyod kyis kyang kho bo cag dge slong drug bcu la chos gos dang / bsod snyoms la sogs pas mkho ba stobs par byed nus sam zhes smras na/ de na re 'phags pa dag la la ni brgya la bsnyen bkur byed/ la la ni stong la/ la la ni 'bum la bsnyen bkur byed pa yang yod/ la las ni bdag nyid gso bar dka' bas bdag gis rngo mi thog go zhes zer nas dge slong de dag dong ngo / /kho bo cag gnyis ni bsod snyoms brgyus nas gtsug lag khang 'di nyid na 'khod do/ /ded dpon gyis smras pa/ shes ldan dag bdag cag yun ring po nas smon pa/ kye ma bdag cag gis dge 'dun gyi gtsug lag khang byed tu gzhug cing gtsug lag khang byed tu bcug nas dge slong rnams la mkho ba bstabs par bya'o/ /snyam na/ gtsug lag khang 'di ni byas zin pa yin pas gtsug lag khang 'di nyid tu dge slong rnams la mkho ba bstabs par bya'o zhes des ras yug chen bting ste/ shes ldan dag khyed cag las gang gis ji yongs su btang ba de 'dir phul cig ces smras pa dang / de dag gis kyang ji 'byor ba der phul nas der rnyed pa mang po 'dus par gyur pa dang ded dpon gyis rgan zhugs de gnyis la smras pa/ 'phags pa gnyis 'di ni dge slong drug bcu'i zla ba gsum gyi bsod snyoms lags so/ /'di ni brgyad ston dang / bcu bzhi ston dang / nya ston gyi bsod snyoms lags so/ /'di ni na ba'i rkyen dang / sman gyi yo byad lags so/ /'di ni rnyed pa lags so/ /'di ni chos gos kyi zong lags kyis dge slong bzang po dag spyan drongs shig /bdag cag dbyar 'das nas 'dir mchis te dge slong brgya la mkho ba bstabs par bgyi'o zhes smras te dong ngo / /rgan zhugs gcig gis smras pa/ rgan zhugs dge 'dun gyi rnyed pa sus sba bar bya/ cig shos kyis smras pa/ gang gzhon pas so/ /de gnyis las gang gzhon pas rnyed pa de sbas nas des smras pa/ rgan zhugs mnyan yod nas dge slong dag bod na der gang 'gro bar bya/ rgan pas smras pa/ gang gzhon pa 'gro bar bya'o/ /gzhon pas smras pa/ kho bos rnyed pa sbas kyis khyod der song shig /rgan pa shos mnyan yod tu dge slong sbron du song ngo / /drug sde dag gi kun du spyod pa ni 'dir bdag cag gis bram ze dang khyim bdag 'ongs shing lhags pa rnams la yang chos bstan par bya/ rgol ba dag kyang tshar gcad par bya/ rang gi grags pa yang bsgrag par bya'o snyam pas drug sde las gang yang rung bas rgyal byed kyi tshal gyi sgo stong par mi 'jog pas tshe dang ldan pa nye dga' rgyal byed kyi tshal gyi sgo na 'chag cing 'dug pa des thag ring po kho na nas rgan zhugs mgo spra ba'i me tog ltar skya ba smin ma 'phyang ba zhig 'ong ba de mthong nas des bsams pa/ dge slong gnas brtan zhig 'ong ba 'di gang yin bsu'o snyam nas des de la gnas brtan byon pa legs so/ /byon pa legs so/ /phyag 'tshal lo zhes smras pa dang / de na re slob dpon phyag 'tshal lo zhes zer nas nye dgas bsams pa/ kye ma 'di ni rgan zhugs shig ste slob dpon yang mi shes/ mkhan po yang mi shes so snyam nas des de la smras pa/ rgan zhugs ga las 'ongs/ ri brags kyi gtsug lag khang ga ge mo zhig nas mchis so/ /rgan zhugs ci de gtsug lag khang yin nam/ 'on te phongs pa yin gtsug lag khang ni ci 'dra/ phongs pa ni ci 'dra/ gang na yo byad thams cad dang ldan pa ni gtsug lag khang yin la/ gang na yo byad thams cad dang bral ba ni phongs pa yin no/ /de sngon ni phongs par gyur la/ da ni gtsug lag khang du gyur to/ /ji ltar gyur byang lam nas don 'thun dag lhags nas de dag gis der dge slong drug bcu'i zla ba gsum gyi bsod snyoms dang / brgyad ston dang / bcu bzhi ston dang / nya ston dang / na ba'i rkyen sman gyi yo byad dang / rnyed pa dang / chos gos kyi zong dag phul nas 'di skad ces 'phags pa dge slong bzang po dag bos shig /bdag cag kyang dbyar 'das nas 'dir mchis te dge slong brgya la mkho ba bstabs par bgyi'o zhes mchi'o/ /nye dgas smras pa/ 'on tang khyod dge slong rkur 'ongs mod/ lags so/ rgan zhugs ko sa lar byung ba'i rgyal po gsal rgyal dang / btsun mo phreng ldan ma dang / rgyal rigs dbyar tshul ma dang / khyim bdag mgon med zas sbyin dang / bla mkhyen drang srong byin dang / rnying pa dang / khyim bdag gi chung ma ri dgas 'dzin gyi ma sa ga dang / legs skyes dang / bram ze dang / khyim bdag dad pa can mang po gzhan dag gis kyang dge slong rnams la yo byad thams cad kyis bsnyen bkur byas shing / dge 'dun gyi gnas brtan nyi ma re re zhing yon bshad pa byed pa na yang gnas 'dir dge slong gang dag ma 'ongs pa de dag kyang 'ong bar 'gyur zhing 'ongs pa dag kyang mngon par dga' bar gyur cig ces zer la/ de dag kyang 'di lta ste/ chos gos dang / bsod snyoms dang / gnas mal dang / na ba'i rkyen dang / sman gyi yo byad dag gis brel ba med cing bcom ldan 'das kyang mngon sum du chos ston par mdzad pas 'di na chos kyi longs spyod dang / zang zing gi longs spyod phun sum tshogs pa yin pas gal te dge slong rnams kyis khyod dge slong rkur 'dir 'ongs par shes par gyur na khyod gnas nas dbyung ba'i las byed par 'gyur ba gang yin pa de lta bu'i gnas yod par 'gyur gyis/ dge slong gzhan la de skad ma zer cig /'di ltar kho bo cag mi drug re re la yang 'khor bcu bcu yod pas khyod la snying brtse ba'i phyir 'ong ngo / /slob dpon bdag bcom ldan 'das kyi zhabs la phyag 'tshal du mchis te slad kyis mchi'o/ /nye dgas bsams pa/ lhung bzed nag po can 'ga' zhig gis 'di mthong zhing de thos nas dang po kho nar 'gro bar gyur na mi rung ngo snyam nas smras pa/ rgan zhugs khyod kyis lha ni yid kyis bskor ba yin gyi lus kyis bskor ba ma yin no zhes bya ba ma thos sam/ bcom ldan 'das kyis kyang / chos rnams yid kyis 'dren byed cing / /yid gtso yid kyi 'gros can yin zhes gsungs kyis/ 'di nyid nas bcom ldan 'das kyi zhabs la phyag 'tshol cig ces des de'i gnya' ba nas bzung ste rgan zhugs sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo zhes gyis shig ces 'dud tu bcug go/ /slob dpon skom gyis ji skom 'thung du mchi'o/ /'di nyid tu sdod cig dang kho bos skom gyis phor bu bkang ste khyer te 'ong ngo zhes des skom gyis phor bu bkang ste blud nas smras pa/ rgan zhugs da song shig ces des de thag ring por bskyal nas da phyir ma ldog cig ces bsgo ste bdag nyid phyir log go/ /drug sde dag gi kun du spyod pa ni gang chung zad ci thos pa de phyem bred kyi dus kyi tshe gcig tu 'dus nas phan tshun rjod par byed pa yin pas nye dga' gtsug lag khang du song ste drug sde rnams la smras pa/ tshe dang ldan pa dag bdag cag gis yun ji srid kyis brel ba spang bar bya/ khyod kyis thos pa chung zhig yod dam/ yod de/ ri brags kyi gtsug lag khang ga ge mo zhig tu byang lam nas don 'thun dag lhags nas de dag gis der dge slong drug bcu'i dbyar zla ba gsum gyi bsod snyoms dang / brgyad ston dang / bcu bzhi ston dang / nya ston dang / na ba'i rkyen dang / sman gyi yo byad dang / rnyed pa dang chos gos kyi zong dag phul gyis der dong ngo / /ci de nyid tu dbyar gnas par bya 'am/ mi bya ste/ 'di ltar dbyar gyi nang nyid tu de dag zos te 'di nyid tu 'ongs la dbyar phyi ma nye bar sgrub pa'i dus su gnas par khas blang bar bya'o/ /de dag der 'ong ba dang rgan zhugs kyis de dag thag ring po kho na nas 'ong ba mthong nas/ tshe dang ldan pa dag 'ongs pa legs so/ /'ongs pa legs so zhes de gnyis kyis de dag gi gnas khang dag bskos shing gnas mal dang / khri dang / khri'u dang / chu ra dang / phor bu dang / chu tshags dang / lde mig khyog po dag phog go/ /de dag gis bsams pa/ bdag cag don gang gi phyir lhags pa de je brtag par bya'o snyam nas de dag gis smras pa/ rgan zhugs gnyis 'dir rnyed pa ci grub pa dag ji bltas 'on cig /rgan zhugs de gnyis drang po'i rang bzhin can yin pas de gnyis kyis 'di ni dge slong drug bcu'i zla ba gsum gyi bsod snyoms so/ /'di ni brgyad ston no/ /'di ni bcu bzhi ston no/ /'di ni nya ston no/ /'di ni na ba'i rkyen to/ /'di ni sman gyi yo byad do/ /'di ni 'di'i rnyed pa'o/ /'di ni chos gos kyi zong ngo zhes rnyed pa de dag thams cad bstan no/ /de dag gis smras pa/ tshe dang ldan pa dag rgan zhugs ser sna can yin pas zas bsod pa sbyin par mi nus la 'di ltar rgan zhugs 'di gnyis kyis dge 'dun la bsnyen bkur byas pas yongs su spang ba sbyin no zhes de dag gis de gnyis la yongs su spang ba sbyin nas de gnyis kyang bdag cag gnyis kyis yongs su spang ba thob bo zhes dga' bar gyur to/ /de dag gis smras pa/ tshe dang ldan pa dag dge slong lto mdun can 'ga' zhig la bcol na des dge 'dun la nyi ma re re zhing bca' ba rnam pa bcwa brgyad dang / tshod ma snum bag can mang po sna tshogs dag dang / legs par sbyar ba'i btung ba yang 'brim par 'gyur ro zhes de dag gis dge slong lto mdun can zhig la bcol ba dang / des de dag la nyi ma re re zhing bca' ba rnam pa bcwa brgyad dang / tshod ma snum pa bag can mang po sna tshogs dag dang / legs par sbyar ba'i btung ba yang 'brim par byed pas dus cung zad cig gis bsod snyoms thams cad spyad pa dang / dge bskos kyis rgan pa'i mtha' logs su 'dug ste smras pa/ tshe dang ldan pa dag dge 'dun gyi gdugs gcig kho na'i spyi bungs shig mchis so/ /de dag gis smras pa/ tshe dang ldan pa dag gang dag bslab pa yang dag par ma blangs pa de dag ni brgyad ston dang / bcu bzhi ston dang / nya ston byed la/ bdag cag bslab pa yang dag par blangs pa dag de mi byed kyis de yang bza'o zhes de dag gis de yang zos pa dang / dge bskos kyis yang rgan pa'i mtha' logs su 'dug ste smras pa/ tshe dang ldan pa dag da ni dge 'dun gyi na ba'i rkyen dang yo byad dag gcig mchis so/ /drug sde dag gis smras pa/ tshe dang ldan pa dag ji srid du nye bar len pa'i phung po lnga 'tsho ba de srid tu bdag cag rtag tu nad pa yin pas na ba'i sman de yang bza'o zhes de dag gis de yang zos nas de dag gis smras pa/ tshe dang ldan pa dag khur ya gcig na 'dug par dka' ba yin gyis gos kyi rnyed pa 'di yang bgos la/ khur do mnyam pas bde bar 'dong bar bya'o zhes de dag gis de yang bgos pa dang / dge bskos kyis yang rgan pa'i mtha' logs su 'dug ste smras pa/ da ni dge 'dun gyi gdugs gcig kho na'i spyi bungs las ma mchis so/ /de dag gis smras pa/ rgan zhugs gnyis khyed gnyis na re dge slong drug bcu'i zla ba gsum gyi bsod snyoms yod do zhes zer na dbyar gyi nang du zad par gyur to/ /de gnyis kyis smras pa/ ci de dag gis bca' ba rnam pa bcwa brgyad dang / tshod ma snum bag can mang po sna tshogs dag dang / legs par sbyar ba'i btung ba sha stag rims shig ces smras sam/ de dag gis smras pa/ rgan zhugs gnyis gnya' ba smad de spyod spyod la da smod par byed kyis tshe dang ldan pa dag 'di gnyis gnas nas dbyung ba'i las gyis shig /kha cig gis smras pa/ rgan zhugs gnyis myur du bzod pa gsol cig /phyis bzod pa gsol na ltag pa'i spyi byi bar 'gyur ro/ /de gnyis kyis bzod pa gsol bar brtsams pa dang / kha cig gis smras pa/ tshe dang ldan pa dag rgan zhugs 'di gnyis drang po'i rang bzhin can yin gyis 'di gnyis la bzod pa gyis shig /de dag gis smras pa/ rgan zhugs gnyis bzod par bya'o/ /ri brags 'di ni ma dad pa mang bas 'dir bsod snyoms kyang mi rnyed kyis gal te lhag rol cung zad yod na de yang byin cig /'on te med na ni kho bo cag 'dong ngo / /tshe dang ldan pa dag ci yang med kyis deng shig /de dag de nas dong ste mnyan yod tu song nas de dag der phyin pa dang dbyar phyi mar gnas par khas blangs so/ /dbyar 'das pa dang don 'thun de dag yang lhags nas de dag gis de bzhin du tshigs su bcad pa'i skad kyis mchod rten la phyag 'tshal te/ gtsug lag khang du zhugs pa dang / ji tsam na gtsug lag khang stong par mthong nas de dag gis bsams pa/ dge slong dag nang du yang dag 'jog la zhugs sam/ nyin mo spyod tu dong gor ma chag snyam nas/ de dag de na yongs su bskor ba na rgan zhugs de gnyis mthong nas de dag gis smras pa/ 'phags pa gnyis dge slong dag gar dong / bzhin bzangs dag 'di na dge slong dag mi 'khod do/ /'phags pa gnyis bdag cag gis dge slong drug bcu'i zla ba gsum gyi bsod snyoms ma phul lam/ de gnyis kyis smras pa/ dge slong dag lhags par gyur nas de dag gis dbyar gyi nang nyid tu thams cad zos te dong ngo / /khyed gnyis kyis dge slong gang dag khrid de 'ongs/ drug sde dag go/ /'phags pa gnyis khyed gnyis rgya mtsho chen por dong nas nor bu mching bu dag khyer te 'ongs so/ /de na dge slong gzhan dag med dam ci na drug sde dag khrid de 'ongs/ de dag shAkya'i bu'i dge sbyong rnams kyi dge sbyong gi tshul ni tshig go/ /bram ze'i tshul ni tshig ste/ 'di ltar bdag cag gi dad pa'i myu gu skyes ma thag tu bcom mo zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag khyed kyis dbyar gyi rnyed pa dbyar gyi nang du bgos pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /'dul ba la nyan thos rnams kyis bslab pa'i gzhi 'di ltar gdon par bya ste/ de lta bas na dge slong rnams kyis dbyar gyi rnyed pa dbyar gyi nang du bgo bar mi bya'o/ /dge slong rnams kyis dbyar gyi rnyed pa dbyar gyi nang du bgo bar byed na 'gal tshabs can du 'gyur ro zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' bar mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong ma skye dgu'i bdag mo chen mo gau ta mI dang / chos byin gnyis las skye dgu'i bdag mo chen mo gau ta mI ni spong ba ma 'khor yang spong ba ma dang ldan pa yin la/ chos byin ni mdo sde'i mtha' pa 'khor yang mdo sde'i mtha' pa dang ldan pa yin te/ de gnyis dbyar khang cig tu gnas par khas blangs nas gang gi tshe/ skye dgu'i bdag mo chen mo gau ta mI'i 'khor rnam par langs par gyur pa de'i tshe na chos byin gyis rang gi 'khor la nu mo dag bcom ldan 'das kyis dge slong ma rnams la rab tu 'byung ba dang rdzogs par bsnyen pa dge slong ma'i dngos po rjes su gnang ba gang yin pa de thams cad skye dgu'i bdag mo chen mo gau ta mI las brten pa yin la/ bcom ldan 'das kyis kyang gzhan gyi sems srung ba'i gang zag ni bsod nams mang du skyed par byed do/ / zhes gsungs kyis/ khyed cag kyang re shig mi rtag pa nyid yid la bya ba sgoms shig ces 'doms par byed cing / /de dag kyang mi rtag pa nyid yid la bya ba sgom par rtsom mo/ /gang gi tshe chos byin gyi 'khor rnam par langs par gyur pa de'i tshe na skye dgu'i bdag mo chen mo gau ta mI yang rang gi 'khor la nu mo dag bcom ldan 'das kyis bskal pa grangs med pa gsum gyis dka' pa spyod pa brgya stong phrag du ma dag gis pha rol tu phyin pa drug yongs su rdzogs par mdzad de bla na med pa'i mkhyen pa thugs su chud pa gang yin pa de thams cad la phan pa'i rgyu yin la/ bcom ldan 'das kyis kyang gzhan gyi sems srung ba'i gang zag ni bsod nams mang po skyed par byed par byed do zhes gsungs kyis/ khyed cag kyang re shig mi rtag pa nyid dang ldan pa'i mdo' sde'i mtha' dag kha ton gyis shig ces 'doms par byed cing / de dag kyang mi rtag pa nyid dang ldan pa'i mdo' sde'i mtha' dag kha ton du byed par rtsom mo/ /dge slong ma dag de ltar phan tshun sems rjes su srung bas dge ba'i chos rnams kyis mi 'phel te/ chu med pa nas ut+pa la bzhin no/ /chos byin la dge bsnyen sa ga zhes bya ba mngon par dad pas des yo byad thams cad kyis de mgron du bos so/ /dus gzhan zhig na dge bsnyen sa ga chos byin gyi rkang pa la phyag 'tshal tu 'ongs pa dang / chos byin gyis de la smras pa/ bzhin bzangs dge slong ma rab tu mang po dag dbyar khang gcig tu gnas par khas blangs pas de dag phan tshun sems rjes su srung bas dge ba'i chos rnams kyis mi 'phel te chu med pa nas ut+pa la bzhin du gyur na khyod kyis dge slong ma'i dge 'dun gyi phyir dbyar khang byed du 'jud nus sam/ des smras pa/ 'phags ma bdag la kAr ShA pa Na dag ni mchis na sa gzhi rgyal po dbang bas sa gzhi'i slad tu rgyal po la gsol ba mdzod cig dang der bdag gis dbyar khang bgyid tu stsal to/ /dge slong ma chos byin btsun mo phreng ldan ma'i gan du song ba dang / btsun mo phreng ldan mas smras pa/ 'phags ma byon pa legs so/ / byon pa legs so/ /'phags ma sku don ci zhig gi slad tu byon/ bdag dge slong ma'i dbyar khang zhig bgyid tu stsol bar 'tshal na sa gzhi rgyal po dbang bas sa gzhi'i slad du rgyal po la gsol ba bgyi bar 'tshal lo/ /'phags ma khyod bzhud cig dang / bdag gis 'phags ma'i slad du lha la gsol bar bgyi'o/ /chos byin song ba dang btsun mo phreng ldan ma ko sa lar byung ba'i rgyal po gsal rgyal gyi gan du song ste des smras pa/ lha khyod kyi pho brang du 'phags ma chos byin byon par gyur pa ni khyod kyis rnyed pa legs par rnyed do/ /de ci'i slad tu byon/ de dge slong ma'i dbyar khang zhig bgyid tu stsol bar bzhed nas/ dog sa rgyal po mnga' bas dog sa'i slad tu rgyal po la gsol ba bgyid ces mchi'o/ /rgyal pos smras pa/ gal te 'phags ma chos byin re shig gnas 'di nyid tu bzhed na yang de 'di nyid tu bzhugs la rag ste/ nga'i pho brang gzhan du byed tu gzhug go/ /gal te mi bzhed na gang du dgyes pa de dbyar khang bgyid tu stsol la rag go/ / btsun mo phreng ldan mas chos byin la lhas 'phags ma la dam pa gsol te/ gal te 'phags ma chos byin gnas 'di nyid tu bzhed na yang de 'di nyid tu bzhugs la rag ste nga'i pho brang gzhan du byed tu gzhug go/ /gal te mi bzhed na gang du dgyes pa der dbyar khang bgyid du stsol la rag ces byung ngo zhes spring ngo / /chos sbyin gyis dge bsnyen sa ga la ko sa lar byung ba'i rgyal po gsal rgyal gyis bdag la dam pa byin te/ gal te 'phags ma chos byin re shig gnas 'di nyid tu bzhugs rag ste nga'i pho brang gzhan du byed tu gzhug go/ /gal te mi bzhed na gang du dgyes pa der dbyar khang bgyid tu stsol la rag ces byung ngo zhes spring ngo / /ko sa lar byung ba'i rgyal po gsal rgyal la ral gri'i mthu can dang / rgyal rigs bzang po pa zhes bya ba'i khrom gnyis yod pa las/ ral gri'i mthu can gyi khrom dmag gi gnas su song ba dang / de dag gi chung ma rnams skyes pa gzhan dag dang lhan cig dga' mgur spyod par byed pas phyogs de go skabs dben par gyur nas chos byin gyis smras pa/ phyogs 'dir dbyar khang byed tu chug shig /dge bsnyen sa gas phyogs der dbyar khang byed tu bcug nas dge slong ma rnams kyis der gnas par brtsams so/ /ral gri'i mthu can gyi khrom de dmag gi gnas nas phyir 'ongs te/ de dag gis chung ma de dag bkug cing bkug cing brdeg par brtsams pa dang / srang dag na de dag ngu ba'i sgra rta'i skad dang / glang po che'i skad lta bu'i skad mthon po dang / skad chen po dag byung ngo / /dge slong ma rnams kyis smras pa/ 'phags ma bdag cag dgung char gyis 'jigs pa sa dang la kha'i 'og tu zhugs so/ /chos byin gyis bsams pa/ 'di dag las kha cig la dge ba'i rtsa ba yod dam snyam du bsams na/ yod par mthong ngo / /su la rag lus snyam du bsams na bdag nyid la rag lus par mthong nas des smras pa/ nu mo dag gdul ba la ltos pas thams cad bzod par bya'o/ /chos byin gyis phyogs gcig tu gyo mo sar pa bzhag ste dge slong ma rnams la smras pa/ nu mo dag khyed cag gang la sder lhag yod pa de thams cad gyo mo 'dir chug shig /de dag la sder lhag ci yod pa de thams cad gyo mo der 'jud par byed do/ /de na byis pa dag der 'ong bar gyur nas chos byin gyis de na khye'u gang dag yin pa de dag la ni 'bru mar byin nas gcig gis gcig gi mgo skud tu bcug ste rang gi lag gis bca' ba dag sbyin par byed do/ /bu mo gang dag yin pa de dag la ni bdag nyid kyis 'bru mar gyis mgo bskus nas rang gi lag gis bca' ba dag sbyin par byed do/ /byis pa de dag gis de dag khyer te rang rang gi khyim dag tu dong ba dang de dag gi ma dag gis dris pa/ khyed cag la 'di dag sus byin/ de dag gis smras pa/ 'phags ma chos byin gyis so/ /chung ma de dag gis bsams pa/ don gyis na 'phags ma chos byin ni bdag cag la ma ma'i bya ba mdzad do snyam du rig nas de mngon par dad par gyur te/ de dag gis bsams pa/ gang gi tshe bdag cag gi khyim thab dag dmag gi gnas su 'dong ba de'i tshe na bdag cag gis khyim thab dag bskyal nas 'phags ma chos byin la bsnyen bkur bya'o snyam mo/ /dus gzhan zhig na de dag gi khyim thab dag dmag gi gnas su 'phags pa dang / chos byin gyis de dag 'dul ba'i dus shes nas gtsug lag khang chag chag btab/ legs par byugs/ lci ba sar pa'i byug pas bskus te 'dag rdzas dang / chu dang dri dang / gdug pa dang / me tog dang / pog por bzhag nas dge slong ma skad snyan pa dag bskos te bsdad pa dang / chung ma de dag kyang khyim thab dag bskyal te chos byin gyi drung du lhags nas chos byin gyis de dag la 'dag rdzas dang / lag pa bsnyal ba'i chu dang / dri dang / bdug pa dang / me tog dang / pog por dag byin nas tshigs su bcad pa'i skad kyis mchod rten la phyag 'tshal te dge slong ma'i dge 'dun gyi gong du stan bshams pa nyid la 'dug go/ /de dag kyang de'i rkang pa la phyag 'tshal te chos mnyan pa'i phyir mdun du 'khod do/ /chos byin gyis de dag gi bsam pa dang / bag la nyal dang / khams dang / rang bzhin khong du chud nas ji nas kyang de dag gis 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun tu zhugs pa'i 'bras bu mngon sum du byas pa de ltar chos bstan pa byas so/ /de dag gis bden pa mthong nas smras pa/ 'phags ma bdag cag gis dge ba'i shes gnyen 'phags ma la brten nas 'phags mas bdag cag la gang mdzad pa 'di lta bu ni bdag cag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang yi dags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jigs tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ 'phags ma bdag cag ni mngon par zhugs pa lags so/ /'phags ma bdag cag ni mngon par zhugs pa lags te/ 'phags ma bdag cag bcom ldan 'das dang / chos dang / dge slong gi dge 'dun la skyabs su mchis/ bdag cag dge bsnyen mar gzung du gsol/ deng slan chad ji srid 'tsho'i bar du glo ba thag pa nas skyabs su mchi'o/ /de dag mngon par dad par gyur nas khyim khyim du dong ste chag chag btab/ legs par byugs/ lci ba sar pa'i byug pas bskus te spyod lam zhi bas 'khod do/ / de dag gi khyim thab dag dmag gi gnas nas phyir 'ong ba na bsams pa/ bdag cag gi chung ma glang po che 'tsho ba 'am/ ba lang rdzi 'am/ su zhig dang lhan cig dga' mgur spyod par byed cing 'dug snyam mo/ /de dag gis bdag cag gi khyim thab dag 'ongs shes thos so/ /thos nas kyang bshes pa dang bcas pa'i tshig gis rje'i sras dag byon pa legs so/ /byon pa legs so zhes bsu nas de dag rang rang gi khyim du dong ba dang / de dag rang rang gi chung ma dag gis bsku mnye dang dril phyi byas te khrus byas nas legs par bskus te zas byin no/ /de dag gis bsams pa/ 'di dag gi spyod lam 'di lta bu ni sngon ma byung ngo snyam nas de dag la dris pa/ bzang mo dag khyed kyi spyod lam 'di lta bu 'di sngon ma byung ba yin na ji las gyur/ de dag gis smras pa/ rje'i sras dag 'phags ma chos byin gyis bdag cag la ji nas kyang bdag cag 'khor ba na 'khor ba rnams la slan chad nyon mongs pa de lta bu kun du 'byung bar mi 'gyur ba de ltar chos bstan pa mdzad do/ /de dag gis bsams pa/ 'phags ma chos byin ni ma dul ba 'dul bar mdzad pa yin te/ des 'di dag btul ba lta ste/ gang gi phyir bdag cag gis 'di dag bsad pa dang / bcing ba dang / brdeg pa dang / spyo bas gdul bar ma nus pa dag 'phags ma chos byin gyis chos bstan pas btul bas 'phags ma chos byin gyis bdag cag la phan btags kyis/ bdag cag gis kyang rgyal po bltas te 'phags ma chos byin la bsnyen bkur bya'o snyam mo/ /chos byin gyis kyang de dag gdul ba'i dus shes nas gtsug lag khang chag chag btab/ legs par byugs/ lci ba sar pa'i byug pas bskus te 'dag rdzas dang / chu dang / dri dang / bdug pa dang / me tog dang / pog por bzhag nas dge slong ma skad snyan pa dag bskos te bsdad pa dang / de dag kyang rgyal po bltas nas chos byin gyi drung du lhags pa dang / chos byin gyis de dag la 'dag rdzas dang / lag pa bsnyal ba'i chu dang dri dang / bdug pa dang / me tog dang / pog por dag byin nas tshigs su bcad pa'i skad kyis mchod rten la phyag 'tshal te dge slong ma'i dge 'dun gyi gong du stan bshams pa nyid la 'dug go/ /de dag kyang de'i rkang pa la phyag 'tshal te chos mnyan pa'i phyir mdun du 'khod do/ /chos byin gyis de dag gi bsam pa dang / bag la nyal dang / khams dang / rang bzhin khong du chud nas ci nas kyang de dag gis 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de ltar chos bstan pa byas so/ /de dag gis bden pa mthong nas smras pa/ 'phags ma bdag cag gis dge ba'i bshes gnyen 'phags ma la brten nas 'phags mas bdag cag la gang mdzad pa 'di lta bu ni bdag cag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / 'dza' bshes dang / rtsa lag gi tshogs kyis kyang ma bgyis te/ khrag dang / mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang / yi dags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ 'phags ma bdag cag ni mngon par zhugs pa lags so/ / 'phags ma bdag cag ni mngon par zhugs pa lags te/ 'phags ma bdag cag bcom ldan 'das dang / chos dang / dge slong gi dge 'dun la skyabs su mchis/ bdag cag dge bsnyen du gzung du gsol/ deng slan chad ji srid 'tsho'i bar du glo ba thag pa nas skyabs su mchi'o/ /de dag mngon par dad par gyur nas yang smras pa/ 'phags ma bdag cag gis da ni srog chags grog sbur la yang bsams bzhin du srog 'gums pa'i rngo mi thog la/ bdag cag ni mtshon chas 'tsho ba lags na bdag cag gis ji ltar bsgrub par bgyi/ chos byin gyis smras pa/ gzhu gzhu rgyud med pa dag dang / mda' mde'u med pa dag dang / shing gi ral gri dag thogs shig /de dag gzhu gzhu rgyud med pa dag dang / mda' mde'u med pa dag dang / shing gi ral gri dag thogs so/ /gang gi tshe de dag gis bden pa dag mthong ba de'i tshe na phyin chad brgyan pos rtse bar mi byed/ chang 'thung bar mi byed/ bud med gzhan dag dang lhan cig dga' mgur spyod par mi byed pas de dag longs spyod dag gis phyugs pa dang nye bar bsags par gyur te/ /de dag gi glang po che dag dang / rta dag kyang yongs su ma spyad pas tsho ba dang / lpags pa dang / sha dang / khrag rgyas par gyur to/ /ko sa lar byung ba'i rgyal po gsal rgyal gyi ri brags pa zhig log nas der dmag ru gcig btang na bcom pa dang / rab tu bcom pa dang / so sor bcom par gyur te phyir 'ongs so/ /de bzhin du ru gnyis pa btang na de yang bcom pa dang / rab tu bcom pa dang / so sor bcom par gyur te phyir 'ongs nas blon po rnams kyis rgyal po la smras pa/ lha ri brags pa'i dpung ni skyes shing lha'i dpung ni nyams te gal te lha nyid der ma gshegs na ri brags pa bsgrub dka' bar 'gyur ro/ /rgyal pos dril bsgrags pa byas te nga'i yul na mtshon chas 'tsho ba ji snyed 'khod pa de dag thams cad der 'gro bar bya'o zhes bsgo nas/ rgyal po yang dpung gi tshogs yan lag bzhi pa go bkon te chas so/ /ko sa lar byung ba'i rgyal po gsal rgyal la ral gri'i mthu can dang / rgyal rigs bzang po pa bya ba'i khrom gnyis yod pa las ral gri'i mthu can gyi khrom ni mdun du 'gro ba'i mi yin la/ rgyal rigs bzang po'i khrom ni phyi nas 'ong ba'i mi yin pas rgyal pos ral gri'i mthu can gyi khrom mdun du song ba'i mi dag tsho zhing lpags pa dang / sha dang / khrag rgyas pa dang / de dag gi glang po che dag dang / rta dag kyang tsho zhing lpags pa dang / sha dang / khrag rgyas pa mthong ngo / /mthong nas kyang blon po rnams la smras pa/ shes ldan dag khrom 'di gang gi yin/ de dag gis smras pa/ lha'i khrom ral gri'i mthu can zhes bgyi ba mdun du mchi ba lags so/ /rgyal pos rgyab tu bltas pa dang ji tsam rgyal rigs bzang po pa'i khrom gyi mi dag rid pa dang / nyam chung ba dang / rke ba dang / skam pa dang / lus ma thob pa dang / de dag gi glang po che dag dang / rta dag kyang rid pa dang / nyam chung ba dang / rke ba dang / skam pa dang / lus ma thob pa mthong ngo / /mthong nas kyang blon po rnams la smras pa/ / shes ldan dag 'di gang gi khrom yin/ de dag gis smras pa/ lha'i khrom rgyal rigs bzang po pa zhes bgyi ba slad bzhin mchi ba lags so/ /rgyal pos smras pa/ shes ldan dag ci 'di dag dbang thang mnyam par mi sbyin nam/ de dag gis smras pa/ lha dbang thang mnyam par stsol to/ /de dag bos shig /de dag bos pa dang rgyal pos de dag la smras pa/ shes ldan dag khyed cag dbang thang mnyam par mi sbyin nam/ lha mnyam par stsol to/ /'o na ci'i phyir ral gri'i mthu can gyi khrom 'di dag ni 'byor pa dang / pags pa dang / sha dang / khrag rgyas par gyur la/ rgyal rigs bzang po'i khrom khyed ni rgud pa dang / nyam chung ba dang / rke ba dang / skam pa dang / lus ma thob par gyur/ lha gal te bdag cag kyang gzhu gzhu rgyud ma mchis pa dang / mda' mde'u ma mchis pa dang / zhugs shing gi ral gri dag thogs shing mtshon cha dag btsongs shing btsongs shing 'tshal bar 'gyur na/ bdag cag kyang 'byor pa dang / lpags pa dang / sha dang / khrag rgyas par 'gyur ro/ /gzhan yang 'di dag gi glang po che dag dang / rta dag ni yongs su ma spyad la/ bdag cag gi rta dang / glang po che dag ni yongs su spyad do/ /rgyal pos de dag la smras pa/ /shes ldan dag khyed de ltar gyur pa bden nam/ lha mad do/ /ci khyed cag da der khrid la ri brags su gsad par 'dod dam/ de dag gis smras pa/ lha ci lags mtshon chas g.yul sprod dam/ mis g.yul sprod/ /rgyal pos spyos te smras pa/ / gal te mtshon chas g.yul mi sprod na khyed cag nyid deng la ri brags pa de phob shig ces smras te rgyal po de nyid nas phyir log go/ /ral gri'i mthu can gyi khrom de dag chos byin gyi gan du song ste smras pa/ 'phags ma bdag cag rgyal pos dmag gi gnas su bskos na bdag cag gis ji ltar bslab par bgyi/ chos byin gyis smras pa/ deng shig dang / khyed cag der dong ba rnams la nyes dmigs 'ga' yang 'byung bar mi 'gyur ro/ /'di ltar gang dang gang du 'brang 'debs pa de dang der rgyud chags gsum pa lhogs shig /nyi ma gang la ri brags skor bar byed pa'i nyi ma de la mtshan thams cad du chos mnyan pa byin la mi mjed kyi bdag po tshangs pa dang / lha'i dbang po brgya byin dang / 'jig rten skyong ba bzhi dang / gnod sbyin gyi dmag dpon chen po nyi shu rtsa brgyad dang / gnod sbyin gyi dmag dpon chen po lngas rtsen dang / klu'i rgyal po dga' bo dang / nye dga'i ming gis yon bshad pa gyis shig /de dag gis 'phags ma chos byin gyis smras pa la mngon par bstod pa dang / rjes su yi rang ba byas te/ 'phags nas de dag gang dang gang du 'brang 'debs pa de dang der rgyud chags gsum pa klog par byed cing / gang gi nyin mo ri brags skor bar byed pa de'i nyin mo mtshan thams cad du chos mnyan pa byin nas mi mjed kyi bdag po tshangs pa dang / lha'i dbang po brgya byin dang / 'jig rten skyong ba bzhi dang / gnod sbyin gyi dmag dpon chen po nyi shu rtsa brgyad dang / gnod sbyin gyi dmag dpon chen po lngas rtsen dang / klu'i rgyal po dga' bo dang / nye dga'i ming gis yon bshad pa byas pa dang / de'i tshe na rgyal po chen po rnam thos kyi bu gnod sbyin rnams gnod sbyin 'du bar 'phags pa dang / des yon bshad pa byed pa de thos nas des bsams pa/ bdag gi ming gis yon bshad pa byed pa 'di su zhig snyam nas ji tsam na chos kyi spun dag gnas ma yin par bskos pa mthong ngo / /mthong nas kyang gnod sbyin gyi dmag dpon chen po lngas rtsen la smras pa/ nga'i chos kyi spun 'di dag gnas ma yin par bskos kyis song la ri brags de phob ste 'di dag la byin la srog chags 'ga' la yang mi gnod par gyis shig /gnod sbyin gyi dmag dpon chen po lngas rtsen gyis rgyal po chen po rnam thos kyi bu las mnyan nas/ ri'i rtse mo lta bu'i glang po che dag dang / rnga mo lta bu'i rta dag dang / gzhal med khang lta bu'i shing rta dag dang / gnod sbyin gdug pa lta bu'i mi dag mngon par sprul nas ri brag pa dag gis de dag thag ring po kho na nas 'ong ba mthong ngo / /de dag gis de dag mthong nas skrag ste bsams pa/ / yul dang srog la gnod gyur na/ /skyes bus kun du srog bsrung bya/ /blo yis gnyis ka dpyad byas na/ /yul ni yang rnyed srog rnams min/ /snyam nas de dag gis ral gri mgul du btags te ri brag nas byung ba dang / de dag gis de dag bzung nas sgyu dpya dang bcas te mnyan yod tu bdas nas ko sa lar byung ba'i rgyal po gsal rgyal gyi gan du dong ste smras pa/ lha ri brag pa ni 'di lags/ sgyu dpya ni 'di dag lags so/ /rgyal po dga' nas des smras pa/ shes ldan dag sgyu dpya dag khyed cag nyid khyer cig /de dag gis bsams pa/ bdag cag gson zhing lhags pa gang yin pa de thams cad 'phags ma chos byin gyi mthu yin pas bdag cag dong la sgyu dpya 'di dag 'phags ma chos byin la dbul lo snyam nas de dag gis de dag khyer te chos byin gyi gan du dong nas smras pa/ 'phags ma bdag cag son zhing lhags pa dang / bdag cag gi dpal dang skal ba bzang po phun sum tshogs pa gang lags pa de thams cad 'phags ma kho na'i mthu lags kyis/ rgyal pos bdag cag la sgyu dpya stsal ba 'di dag 'phags mas thugs brtse ba'i slad tu bzhes su gsol/ des smras pa/ bu dag lha rnams kyi nang du yang lha dbul ba yod kyis sangs rgyas dang / chos dang / dge 'dun la mchod pa gyis shig dang / des khyed cag gi yun ring po'i don dang / phan pa dang / bde bar 'gyur ro/ /de dag gis bcom ldan 'das nyan thos kyi dge 'dun dang bcas pa zla ba gsum du yo byad thams cad kyis spyan drangs nas de dag snga dro ni sangs rgyas dang / chos dang / dge 'dun la mchod pa dag byed/ phyi dro ni chos nyan par byed do// //'dul ba rnam par 'byed pa/ bam po sum bcu rtsa drug pa/ dus gzhan zhig na ko sa lar byung ba'i rgyal po gsal rgyal gyi ri brag pa gzhan zhig log nas rgyal pos rgyal rigs bzang po pa'i khrom la bsgo ba/ deng la ri brag pa de phob shig /de dag gis smras pa/ lha bdag cag ni rgud pa lags la/ ral gri'i mthu can gyi khrom ni 'byor pa lags na/ 'di'i tshe de dag la bka' stsal cing bdag cag res gzhan la mchi bar ci gnang / rgyal pos ral gri'i mthu can gyi khrom la bsgo ba/ deng la ri brags pa che ge mo zhig phob shig / de dag gis smras pa/ lha bdag cag gis res khor lags so/ /deng shig dang res gzhan la mi btang ngo / /de dag gis bsams pa/ de'i tshe ni bdag cag gis gnod sbyin gyi dmag dpon chen po lngas rtsen gyi mthus ri brags pa de phab kyi/ da ni bdag gis de nyid du 'chi bar bya dgos par 'gyur bas 'di ltar bdag cag gis 'phags pa dag zla ba gsum du yo byad thams cad kyis spyan drangs pa de dag la chos gos dag phul te 'dod par bya'o snyam nas/ de dag chos gos dag thogs te gtsug lag khang du dong nas dge slong rnams la smras pa/ 'phags pa dag bdag cag rgyal pos dmag gi gnas su btang ste/ gal te na bdag cag de nyid tu 'gum par 'gyur ba gang lags pa de lta bu'i gnas kyang mchi bar 'gyur bas chos gos 'di dag bzhes su gsol/ dge slong rnams kyis smras pa/ bzhin bzangs dag bcom ldan 'das kyis dge slong rnams kyis dbyar gyi nang du bgo bar mi bya'o zhes bslab pa'i gzhi bca' ba mdzad pas bdag cag mi len to/ /de dag gis smras pa/ 'phags pa dag khyed cag gis bzhes te zhog la dgag dbye bgyis nas bgo bar mdzad cig ces de dag gis de dag gi gnas khang du bcug ste dong ngo / /de dag 'phags pa dag khyim bdag mgon med zas sbyin gyis mthong nas smras pa/ shes ldan dag gar 'dong / khyim bdag dmag gi gnas gnas su mchi'o/ /khyed kyis res ma khor ram/ khyim bdag res khor ro/ /'o na ci'i phyir 'dong / lha'i zhal nas deng shig dang res gzhan du mi btang ngo zhes byung ngo / /kho bos lha la zhus de'i bar du yud tsam zhig sdod cig /de rgyal po'i gan du song ste smras pa/ lhas ral gri'i mthu can gyi khrom gang du bka' stsal/ khyim bdag ri brags pa che ge mo zhig log nas de 'bebs su'o/ /lha de dag gis res ma khor ram/ khyim bdag res khor ro/ /'o na ji slad tu bka' stsal/ res gzhan du mi btang bar byas so/ /ci lhas gzhu gzhu rgyud ma mchis pa dang / mda' mde'u ma mchis pa dang / zhugs shing gi ral gri thogs pa de dag gis ri brags pa dag mi phebs par mi mkhyen tam/ gzhan yang de dag ni sangs rgyas kyi sras sha stag ste/ de dag gis srog chags grog sbur la yang bsams bzhin du srog 'gums pa'i rngo mi thog go/ /'di ltar de'i tshe yang de dag gis gnod sbyin gyi dmag dpon chen po lngas rtsen gyi mthus ri brag pa de phab bo/ /'di ltar de dag der mchis su lags na nongs dmigs 'ga' zhig kyang 'byung bar 'gyur zhing / des lha la yang ma legs par 'gyur gor ma bkum mo/ /khyim bdag ji de dag sangs rgyas kyi sras sha stag yin nam/ lha de lags te de dag gis dge ba'i bshes gnyen 'phags ma chos byin la brten nas thams cad kyis rgyun du zhugs pa'i 'bras bu mngon sum du bgyis so/ /ko sa lar byung ba'i rgyal po gsal rgyal gyis blon po rnams la bsgo ba/ shes ldan dag deng phyin chad khyed kyis dmag dpon 'phags skyes po la bsgo bar bya'i/ ral gri'i mthu can gyi khrom la bsgo bar mi bya'o de nas ral gri'i mthu can gyi khrom de dag phyir mkhos su phab nas dge slong rnams kyis dgag dbye byas pa'i tshe dge slong de dag de dag gi gan du dong ste smras pa/ bzhin bzangs dag kho bo cag dgag dbye byas kyis chos gos dag byin cig /'phags pa dag bdag cag gis chos gos dag phul lags kyis de dag bzhes shig /dge slong de dag dong ste gnas khang sgo phye ba dang / phyogs des snum zhing mngar bas chos gos de dag sril dag gis rmugs te rdul du brlags te 'dug par snang ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag gos sbed pa'i dge slong bsko bar bya ste/ gos sbed pa'i dge slong chos lnga dang ldan pa ni ma bskos pa ni bsko bar mi bya la/ bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / gos kyi rnyed pa sbas pa dang ma sbas pa mi shes pa'o/ /gos sbed pa'i dge slong chos lnga dang ldan pa ni ma bskos pa yang bsko bar bya la/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / gos sbas pa dang ma sbas pa shes pa'o/ /'di ltar bsko bar bya ste/ ji dang por spro bar bya ste/ ming 'di zhes bya ba khyod dbyar dge 'dun gyi rnyed pa sbed par spro 'am/ gal te spro na des spro'o zhes brjod par bya'o de'i 'og tu gnas mal bsham pa byas te/ gan Di brdungs nas dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dbyar dge 'dun gyi gos kyi rnyed pa sbed par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dbyar dge 'dun gyi gos kyi rnyed pa sbed par bsko bar bgyi ste/ dge slong ming 'di zhes bgyi ba 'di dbyar dge 'dun gyi gos kyi rnyed pa sbed do/ /'di ni gsol ba'o/ /las ni 'di ltar bya ste dge 'dun btsun pa rnams gsan du gsol/ dge slong ming 'di zhes bgyi ba 'di dbyar dge 'dun gyi gos kyi rnyed pa sbed par bsko ste/ dge slong ming 'di zhes bgyi ba 'di dbyar dge 'dun gyi gos kyi rnyed pa sbed par bsko na/ tshe dang ldan pa gang dag dge slong ming 'di zhes bgyi ba 'di dbyar dge 'dun gyi gos kyi rnyed pa sbed par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di dbyar dge 'dun gyi gos kyi rnyed pa sbed par bskos lags te/ 'di ltar cang mi gsung bas de de bzhin du 'dzin to/ /de nas bcom ldan 'das kyis bslab pa 'dod pa rnams dang / bslab pa la gus pa rnams dang / bslab pa la yo byad bsnyungs pa rnams dang / phri ba rnams dang / sbyangs pa'i yon tan rnams dang / mdzes pa rnams dang / drod rig pa rnams kyi bsngags pa brjod nas dge slong rnams la bka' stsal pa/ dge slong dag de lta bas na snga ma ni bcas pa yin pa 'di ni gnang ba yin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis ston zla tha chung nyar zhag bcus ma tshang ba tshun chad du brtad pa las byung ba'i gos shig rnyed la 'dod na dge slong des gos de blang bar bya'o/ /blangs nas gos sbyin pa'i dus kyi bar du bcang bar bya'o/ /de las 'das par 'chang na spang ba'i ltung byed do/ /dge slong gis shes bya ba ni chos 'di pas so/ /ston zla tha chungs nyar zhag bcus ma tshang ba tshun cad tu zhes bya ba ni zhag bcu na dgag dbye 'byung ba tshun chad tu'o/ /brtad pa las byung ba'i gos shig ces bya ba ni brtad pa las byung ba'i gos lnga po dag ste/ lnga gang zhe na/ nad pa la sbyin pa dang / nad pa'i phyir sbyin pa dang / 'chi ba la sbyin pa dang / shi ba'i phyir sbyin pa dang / 'gro bar chas pa la sbyin pa'o/ /rnyed pa la zhes bya ba ni gzhan las so/ /'dod na zhes bya ba ni gal te don du gnyer na'o/ /dge slong des shes bya ba ni dge slong gang yin pa des so/ /gos de zhes bya ba ni bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos las gang yang rung ba'o/ /blang bar bya'o zhes bya ba ni bdag gir bya ba'o/ /blangs nas gos sbyin pa'i dus kyi bar du bcang bar bya'o zhes bya ba ni sba bar bya'o/ / dge slong gi gos sbyin pa'i dus ni gang yin/ dus ma yin pa ni gang yin zhe na/ sra brkyang ma bting ba'i gnas ni ston zla tha chung nya tshun chad ni gos sbyin pa'i dus ma yin la/ lhag ma ni dus yin no/ /sra brkyang bting ba'i gnas na ni ston zla tha chung nya phan chad nas dpyid zla 'bring po nya tshun chad ni dus ma yin la/ lhag ma ni dus yin no/ /de las 'das par 'chang na zhes bya ba ni de las thal bar 'chang na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam du dbyar gyi rnyed pa dbyar gyi nang du bdag gir byed dam/ gos sbyin pa'i dus las 'das par 'chang na thams cad tu spang ba'i ltung byed du 'gyur ro/ /brtad pa las byung ba'i gos lnga po dag bdag gir byed pa dang / sbyin bdag gis rang gi lag nas sbyin par byed na ltung ba med do/ /gos sbed pa'i dge slong bskos pa dang / sbyin bdag 'ongs te 'phags pa dag bzhes shig dang / gos 'di bdag mchis nas rang gi sug pa nyid nas dbul lo zhes zer ba la ltung ba med do/ /las dang po pa dang / smyos pa dang / sems 'khrugs pa dang tshor ba dag gis nyen pa la ltung ba med do/ /brtad pa las byung ba'i spang ba ste nyi shu drug pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod nas ha cang mi ring ba na ri brag shig yod pa de na khyim bdag phyug pa nor mang ba/ longs spyod che ba zhig 'dug ste de yang dad pa can bzang ba dge ba'i bsam pa can yin pas des dge 'dun la bsngos te gtsug lag khang rta babs mthon po dang / skar khung dang / skar khung dra ba can dang / lan kan gyis brgyan pa/ snying dang mig 'phrog pa mtho ris kyi them skas su gyur pa zhig byed du bcug go/ /gtsug lag khang der dge slong drug bcus dbyar dgag dbye dag byas te dong nas khyim bdag des der ma byin par len pa dag gis khri 'am khri'u dag ma brkus par gyis shig ces srungs ma'i mi bzhag go/ /ji tsam dus gzhan zhig na dge slong gzhan drug bcu ljongs rgyu zhing 'gro ba na ri brag der phyin nas/ bsti gnas rnyed par byed pa na mi zhig gis smras pa/ 'phags pa dag khyed cag ci'i slad tu gtsug lag khang du mi gnas/ bzhin bzangs gtsug lag khang ga la yod/ 'phags pa dag dgon pa 'di na'o/ /dge slong de dag der dong ba dang / srungs ma'i mis mthong nas/ des 'ongs pa legs so zhes bya ba'i tshig gis bsnyen bkur byas te gnas khang dag bskos nas khri dang khri'u dang stan nang tshang can dang / la ba la sogs pa dag phul te/ spyangs tshags g.yar nas smras pa/ 'phags pa dag re shig chab btsag par mdzod cig dang de'i bar du bdag gis khyim bdag la brjod par bgyi'o zhes mi de khyim bdag gi drung du song ste smras pa / khyim bdag dgyes pa skyed cig /khyod kyi gtsug lag khang du dge slong blo bur du lhags pa drug bcu mchis so/ /khyim bdag gus par sgrim pa dang bcas pas nang mi dag la smras pa/ shes ldan dag kho bo'i gtsug lag khang du dge slong gi dge 'dun byon pa dag legs par sbyar ba'i btung bas tshim par byas/ bu ram dang / hwags dang / li kha ra dang / rgun 'brum dang / bal po se'u long shig ces khyim bdag des legs par sbyar ba'i btung ba sbyar nas gtsug lag khang du song ba dang / dge slong dag kyang chu btsags te rang rang gi spyod lam gyis 'khod do/ /khyim bdag des dge slong de dag thag ring po kho na nas mthong ste/ des gtsug lag khang de mtsho pad mas gang ba bzhin du mthong nas/ rgya cher dad pa'i shugs kyis bsgyur ba'i rgyud kyis tshigs su bcad pa smras pa/ grong ngam yang na dgon pa'ang rung / /gshong ngam yang na thang yang rung / /gang na 'os pa gnas pa yi/ /sa gzhi de na dga' byed yin/ /de nas legs par sbyar ba'i btung ba sta gon byas te/ rang gi lag nas dge slong gi dge 'dun de dag tshim par byas nas rang nyid kyis pog por thogs te/ dge slong gi dge 'dun dang lhan cig mchod rten la phyag 'tshal nas/ gtsug lag khang du zhugs te rgan pa'i mtha'i logs su 'dug go dge 'dun gyi gnas brtan gyis yon bshad nas khyim bdag des rkang pa gnyis la phyag 'tshal te/ sang bdag gi sdum par 'phags pa'i dge 'dun gyis gdugs tshod gsol bar ci gnang zhes smras pa dge slong rnams kyis kyang dang du blangs nas/ khyim bdag de rkang pa gnyis la phyag 'tshal te song ngo / /khyim bdag des phyi de nyin par zas bsod pas dge slong dag tshim par byas shing dus ma yin par yang btung ba blud nas dge slong rnams kyis kyang chos bstan to/ /phyis kyang de kho na bzhin du dge 'dun gyi gnas brtan gyis yon bshad pa dang / khyim bdag de rgan pa'i mtha' logs su 'dug ste smras pa/ 'phags pa dag bdag gis gtsug lag khang 'di bdag nyid kyi slad tu yang bgyid du ma stsal/ nye du rnams kyi slad du yang bgyid du ma stsal gyi/ 'di ltar 'phags pa rnams kyi slad du stsal pa lags kyis/ 'di nyid tu dbyar gnas par zhal gyis bzhes shig dang / bdag gis 'phags pa rnams la yo byad thams cad kyis mi brel bar bgyi'o/ /dge slong rnams kyis smras pa/ khyim bdag mnyan yod na bcom ldan 'das chos kyi rje mngon sum du bzhugs shing / dus dang dus su dge slong che ge mo zhig gis ni dgra bcom pa nyid mngon sum du byas/ che ge mo zhig gis ni mi sdug pa'i bar grub bo zhes shes pa brda sprod pa dag kyang thos par 'gyur/ rgyal po yang bstan pa la shin tu dad/ btsun mo phreng ldan ma dang / rgyal rigs dbyar tshul ma dang / bla mkhyen drang srong byin dang / rnying pa dang / dge bsnyen ma sa ga dang / ri dgas 'dzin gyi ma dang / gzhan yang dad pa can mang du yod pas der zang zing gi longs sbyod dang / chos kyi longs spyod chen po yang 'grub pas bdag cag de nyid tu 'dong ngo / /'phags pa dag chos kyi longs spyod ni 'phags pa dag nyid la rag las pa lags kyi/ zang zing gi longs spyod ni bdag la rag las pa lags pas dgyes pa bskyed cig dang cung zad kyang nyams par mi 'gyur ro/ /dge 'dun gyi gnas brtan gyis smras pa tshe dang ldan pa dag bcom ldan 'das kyis dad pa can gyi dad pa spel bar bya zhing sbyin bdag la rjes su snying brtse bar bya'o zhes gsungs pas/ 'di nyid tu 'khod par bya'o zhes de dag der 'khod nas/ blo brtan pas gtsug lag khang de'i phyi nang bcas par so sor brtag par brtsams pa dang / gtsug lag khang de me tog phun sum tshogs pa/ 'bras bu phun sum tshogs pa/ shin tu dga' bar mthong nas/ dge 'dun gyi gnas brtan gyis smras pa/ tshe dang ldan pa dag gtsug lag khang 'di me tog phun sum tshogs pa/ 'bras bu phun sum tshogs pa/ shin tu dga' ba yin pas gal te bdag cag gis 'dir dbyar snga mar gnas par khas blangs na me tog dang 'bras bu thams cad yongs su longs spyod par mi 'gyur gyis/ bdag cag gis nges par dbyar phyi mar gnas par khas blang bar bya'o zhes de dag gis der dbyar phyi mar gnas par khas blangs so/ /khyim bdag de la gtsug lag khang de gcig pu 'ba' zhig yod pas de sbyin pa dang bya bar sems pa gang yin pa de thams cad gtsug lag khang de nyid tu sbyin zhing byed do/ /ri brag de na yang gtsug lag khang gzhan med pas ri brag pa de dag kyang sbyin pa dang bya bar sems pa gang yin pa de thams cad gtsug lag khang de nyid tu sbyin par byed do/ /ri brag de'i nyen kor na yang gtsug lag khang gzhan med pas ri brags kyi nyen kor pa de dag kyang sbyin pa dang bya bar sems pa gang yin pa de thams cad gtsug lag khang de nyid du sbyin zhing byed pas der dbyar gnas par khas blangs pa'i dge slong rnams la rnyed pa mang po byung ngo / / ston zla tha chungs kyi g.yon can dag gi kun tu spyod pa ni dgag dbye byas ma thag tu 'dus te bdag cag gis las ci zhig byas na des brtsal mi dgos par lo skor du longs spyod cing bde bar 'khod par 'gyur zhes phan tshun gros byed do/ /de dag 'di snyam du sems te/ shAkya'i sras kyi dge slong 'di dag gzhom par bya'o snyam mo/ /gzhan dag gis smras pa/ de dag ni sgo 'phar brgya snyed bzla ba byas kyang lto khengs pa 'grub par dka' bas/ de dag la ci yang med na bdag cag ci'i phyir yun de srid du bsdad par bya/ de na dge slong gi rgyus shes pa cig 'dug pas smras pa/ khyod ci shes de dag la mang du yod do/ /ji ltar re shig gtsug lag khang 'di gang gi yin pa'i khyim bdag de ni dad pa can bzang ba/ dge ba'i bsam pa can yin la/ khyim bdag de la yang gtsug lag khang de gcig pu 'ba' shig yod pas de sbyin pa dang bya bar sems pa gang yin pa de thams cad gtsug lag khang 'di nyid du sbyin zhing byed do/ /ri brags 'di na yang gtsug lag khang gzhan med bas ri brags pa 'di dag kyang sbyin pa dang bya bar sems pa gang yin pa de thams cad gtsug lag khang 'di nyid du sbyin zhing byed do/ /ri brags 'di'i nye 'khor na yang gtsug lag khang gzhan med pas ri brags kyi nye 'khor ba 'di dag kyang sbyin pa dang bya bar sems pa gang yin pa de thams cad gtsug lag khang 'di nyid du sbyin zhing byed pas 'dir dbyar gnas par khas blangs pa'i dge slong rnams la rnyed pa mang po byung ngo / /gal te yid mi ches na song la ltos shig dang rang nyid kyi mngon sum du 'gyur ro/ /gal te de lta na khyod nyid je song la mngon sum du gyis shig dang kho bo cag phyis 'ong ngo / /de smras pa/ legs kyis de bzhin gyis shig dang / kho bo 'gro'o zhes de gos tshags bcos te 'phags shing / de nas tshigs su bcad pa'i dbyangs kyis mchod rten la phyag 'tshal te gtsug lag khang der zhugs so/ / ji tsam na sgo khang na rgan zhugs shig 'dug nas g.yon can des de'i rkang pa la phyag 'tshal te dri bar brtsams pa/ 'phags pa gtsug lag khang snying dang mig 'phrog pa/ mtho ris kyi them skas su gyur pa 'di su'i lags/ bzhin bzangs khyim bdag che ge mo zhig gi yin no/ /'phags pa ci 'di gtsug lag khang lags sam/ 'on te phongs pa lags/ bzhin bzangs gtsug lag khang ni ji lta bu yin/ phongs pa ni ji lta bu yin/ 'phags pa gang na yo byad phun sum tshogs pa ni gtsug lag khang lags so/ /gang na yo byad ma mchis pa ni phongs pa lags so/ /bzhin bzangs 'o na 'di ni gtsug lag khang yin gyi phongs pa ma yin te 'di na yo byad phun sum tshogs pa yod kyi/ 'di na yo byad med pa ma yin no/ /'phags pa zas za ba ni 'ga' yang sa rdul mi za la/ gos dag gyon pa ni 'ga' yang shing shun dag mi gyon pas khyed cag la gos cung zad ma mchis sam/ rgan zhugs de drang po'i rang bzhin can yin pas des g.yon can de'i lag nas bzung ste gnas khang du bcug nas smras pa/ bzhin bzangs gos kyi gdang gos dag gis phur shog cing 'dug pa la ltos/ 'phags pa ci 'di khyod kyi lags sam/ 'on te dge 'dun gyi lags/ bzhin bzangs 'di kho bo gang zag gi yin no/ /'phags pa 'o na khyod ni gor ma bkum par dge 'dun gyi gnas brtan nam/ chos sgrog pa zhig lags so/ /bzhin bzangs kho bo ni dge 'dun gyi gnas brtan yang ma yin la/ chos sgrog pa yang ma yin te/ 'di ltar kho bo ni dge 'dun gyi gsar bu dge tshul zhig yin no/ /'phags pa de ni mjal na 'di na dge 'dun gyi gnas mal cung zad ma mchis sam/ bzhin bzangs mang du yod de re shig kho bo'i byug ris su yang dngos po bdun po dag 'thob bo/ /'phags pa de yang mjal gyis 'di zhu'o/ /gtsug lag khang 'di na gang la la 'tshal ma bgyid pa de ji rdza mkhan gyi snod du 'tshed dam/ 'on te zangs ma'i snod tu 'tshed bzhin bzangs khyod kyis gnas khang 'di dag mthong ngam/ 'phags pa mthong ngo / /bzhin bzangs gnas khang 'di dag zangs ma'i snod kyis gang zhing 'dug go/ /g.yon can des bsams pa/ legs par brid zin gyis da ni 'gro'o snyam nas g.yon can des smras pa/ 'phags pa khyod kyi dge ba'i phyogs yongs su nyams pa ni bdag gi don yongs su nyams pa lags pas bdag slad kyis kyang mchi yis da ni mchi'o/ /bzhin bzangs de bzhin gyis shig /g.yon can des rgan zhugs de'i rkang pa la phyag 'tshal te song nas g.yon can de chom rkun pa de dag gi drung du song ste smras pa/ pad ma'i mig can dag rdzas thams cad kyis gang ba'i gru bo che skam sa na 'dug gis phrogs shig /phrogs shig /de na gcig gis smras pa/ de na 'khod pa'i rab tu byung ba drug bcu po dag ni 'phong gi slob dpon sha stag yin zhes grags pas de bzhin du gzhom par mi nus kyis/ gang gi tshe de dag mtshan mo chos nyan pa de'i tshe gzhom mo/ /gzhan dag gis smras pa nyi ma gang la de dag gi chos nyan pa 'byung bar 'gyur/ des smras pa/ tshes brgyad dang / bcu bzhi la 'byung ste/ de la tshes brgyad ni thal zin pas tshes bcu bzhi la 'byung bar 'gyur ro/ /de dag sor mo dag gis nyi ma bgrang zhing 'khod 'khod nas/ ji tsam na tshes bcu bzhi la bab ste/ dge 'dun gyi gnas brtan gyis so sor thar pa'i mdo bton te/ dge 'dun gyis gso sbyong byas nas chos sgrog pa seng ge'i khri la 'dzegs te 'di skad ces/ mi mchog gdul ba'i kha lo sgyur mdzad pa/ /kun sbyor 'ching ba gcod pa de bzhin gshegs/ /dbang po zhi zhing nyer zhi zhi la mkhas/ /mnyan yod zhugs pas bka' bzhin byed la gsungs/ /zhes bya bar brtsams pa dang / g.yon can de dag gis sgo brdungs so/ /dge slong dag gis tshor nas smras pa/ shes ldan dag khyed cag su yin/ 'phags pa dag bdag cag rigs kyi bu dag go/ /dge slong rnams kyis bsams pa/ ri brags nas skye bo'i tshogs dag chos nyan du lhags gor ma chag gis sgo dbye'o snyam nas/ de dag gis sgo phye ba dang de dag zhugs so/ /ji tsam na gzhom par brtsams pa dang / dge slong rnams kyis smras pa/ shes ldan dag khyed cag na re bdag cag rigs kyi bu dag go zhes zer na/ da nged cag 'joms par byed dam/ de dag gis smras pa/ 'phags pa dag bdag cag la ming gnyis mchis te/ slad rol tu ni rigs kyi bu dag ces bgyi la/ nang du ni chom rkun pa dag ces bgyi'o/ /khyed cag gi ming 'dogs par byed pa ni nyams so/ /g.yon can de dag gis dge slong de dag bcom ste dong nas dge slong bcom pa de dag gis gros byas pa/ tshe dang ldan pa dag bcom ldan 'das kyis lhag ma dang bcas par bzho bar bya'o zhes gsungs pas/ re shig khyim bdag 'di phyogs bzhi'i dge slong gi dge 'dun la sbyin du bcug ste yang ci bya/ bdag cag la sbyin du bcug ste yang ci bya/ bdag cag mnyan yod nyid tu dong na der bdag cag la tshangs pa mtshungs par spyod pa dag gis chos gos dag gis mi phongs par byed par 'gyur ro zhes gros byas so/ /ji ltar 'dong bar bya/ mtshan mo 'gebs pas 'dong zhing nyin mo thibs por zhugs te 'gro bar bya'o zhes de dag gis khyim bdag la yang ma bltas par dong ngo / /ji tsam na mthar gyis mnyan yod tu phyin pa dang dge slong dag nam gyi cha stod dang nam gyi cha smad la mi nyal bar sbyor ba'i rjes su brtson par gnas pa de dag gis dge slong de dag sgren mor sgo'i gam yo na rgyu ba mthong nas smras pa/ gcer bu sgre byi dag khyed cag 'dir ci 'dod 'di khyed kyi gtsug lag khang yang ma yin la/ 'dug gnas kyang ma yin no/ /de dag gis smras pa/ tshe dang ldan pa dag bdag cag gcer bu dag ma yin no/ /'o na khyed su yin/ dge slong dag go/ /'di lta bu dag dge slong yin nam/ gang dag chom rkun pa dag gis bcom pa de dag ji lta bu yin/ khyed cag ming ci/ sangs rgyas 'tsho'o/ /chos 'tsho'o/ /dge 'dun 'tsho'o/ /tshe dang ldan pa dag 'ongs pa legs so 'ongs pa legs so zhes de dag gis sgo phye nas dge slong de dag 'jug tu bcug ste/ de dag la la las ni chos gos byin/ la las ni sham thabs byin/ la las ni rngul zan byin/ la las ni lhung bzed byin/ la las ni chu tshags byin te/ bgo bsha' ji lta ba bzhin du thams cad du thams cad bgo bsha' byas pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong dag dgon pa pas chos gos gsum las chos gos gang yang rung ba khyim gzhan du gzhag par bya'o/ /bcom ldan 'das kyis chos gos gsum las chos gos gang yang rung ba khyim gzhan du gzhag par bya'o zhes bka' stsal nas/ de dag de nyid tu dong ste nyal bar byed pa dang / bram ze dang khyim bdag rnams kyis smras pa/ 'phags pa dag khyed cag ci'i slad tu 'dir gzims par mdzad/ kho bo cag gis chos gos dag 'dir gzhag go/ /'phags pa dag ci khyod kyi chos gos dag rku bar bgyid dam/ gal te thugs mi ches na snoms te bzhud cig ces zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ der nyal bar mi bya'o/ /de dag phyir dong ste skya reng 'char bar byed pa dang / bud med kyi yul sgren mor nyal ba de dag gis smras pa/ 'phags pa dag khyed cag ci'i slad tu mtshan mo nyid la 'dir byon/ kho bo cag gis 'dir chos gos dag bzhag go/ /'phags pa dag ci khyed cag gi chos gos dag rku bar bgyid dam/ gal te thugs mi ches na snoms te bzhud cig ces zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ der skya reng 'char bar mi bya'o/ de dag phyis der dong ste bang rim du skya reng 'char bar byed pa dang / de dag chom rkun pa dag dang / g.yon can dag dang / seng ge dag dang / stag dang / gung dag gi dbang du gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gtsug lag khang du skya reng 'char bar bya'o/ /dge slong rnams la dge 'dun gyi dang / mchod rten gyi dang / gang zag gi bya ba'i phyir mtshams kyi phyi rol tu 'gro dgos par gyur pa de dag bdag cag gis khyim gzhan du chos gos dag gzhag go zhes der mi 'gro ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dgon pa pas zhag drug gi mtha' tshun chad tu chos gos de dang mtshams kyi phyi rol tu 'bral bar bya'o/ /dge slong drug sde dag bsams bzhin du zhag bdun du 'bral bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin ste/ sangs rgyas bcom ldan 'das kyis dge slong drug sde dag la rmas pa/ dge slong dag ngas dge slong dgon pa pas zhag drug gi mtha' tshun chad du chos gos de dang mtshams kyi phyi rol du 'bral bar bya'o zhes gsungs na/ khyed cag bsams bzhin du zhag bdun du mtshams kyi phyi rol du 'bral bar byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong rab tu mang po dag gnas mal dgon pa dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa dag tu dbyar phyi mar gyur la/ dge slong dgon pa pas 'dod na chos gos gsum las chos gos gang yang rung ba khyim gzhan du gzhag par bya'o/ /dge slong dgon pa pa la mtshams kyi phyi rol tu 'gro dgos pa de lta bu'i rkyen zhig byung na dge slong dgon pa pa des zhag drug gi mtha' tshun chad tu chos gos de dang mtshams kyi phyi rol du 'bral bar bya'o/ /de las 'das par 'bral na spang ba'i ltung byed do/ /dge slong zhes bya ba ni chos 'di pa'o/ /rab tu mang po dag ces bya ba ni gnyis yan chad rab tu mang po dag yin no/ / gnas mal zhes bya ba ni gtsug lag khang ngo / /dgon pa zhes bya ba ni rdul phra rab drug la rdul phra mo gcig go/ /rdul phra mo drug la chu rdul gcig go/ /chu rdul drug la lcags rdul gcig go/ /lcags rdul drug la ri bong rdul gcig go/ /ri bong rdul drug la lug rdul gcig go/ /lug rdul drug pa glang rdul gcig go/ /glang rdul drug la nyi zer gyi rdul gcig go/ /nyi zer gyi rdul drug la sro ma gcig go/ /sro ma drug la shig gcig go/ /shig drug la nas gcig go/ / nas drug la sor gcig go/ /sor bzhi drug la khru gang ngo / /khru phyed dang bzhi la mi'i srid do/ /khru bzhi la gzhu'o/ /gzhu lnga brgya la rgyang grags te de phan cad dgon pa'o/ /dogs pa dang bcas par grags pa zhes bya ba ni chom rkun pa dang / g.yon can gyis 'jigs par grags pa'o/ /'jigs pa dang bcas par grags pa zhes bya ba ni seng ge dang / stag dang / gung gis 'jigs par grags pa'o/ /'jigs pa tha dad pas 'jigs su rung ba dang bcas par grags pa dag tu zhes bya ba ni sha sbrang dang / sbrang bu mchu rings dang / rlung dang / nyi ma dang / sdig sbrul gyi 'jigs pa tha dad pas 'jigs su rung ba dang bcas par grags pa dag tu'o/ /dbyar phyi mar gyur la zhes bya ba ni dbyar phyi mar gnas par khas blangs par gyur la'o/ /dge slong dgon pa pas zhes bya ba ni dge slong gang yin pa des so/ /'dod na zhes bya ba ni gal te don du gnyer na'o/ /chos gos gsum las chos gos gang yang rung ba zhes bya ba ni snam sbyar dang / bla gos dang / mthang gos las gang 'dod pa'o/ /khyim gzhan du zhes bya ba ni gang na lam po che dang / srang dang / bzhi mdo dang / sum mdo dag yod par ro/ /gzhag par bya'o zhes bya ba ni gtams par bya ba'o/ /dge slong dgon pa la mtshams kyi phyi rol du 'gro dgos pa de lta bu'i rkyen zhig byung na zhes bya ba ni dge 'dun gyi 'am/ mchod rten gyi 'am/ gang zag gi bya ba'i phyir mtshams kyi phyi rol du 'gro dgos pa de lta bu'i rkyen zhig byung na'o/ /dge slong dgon pa pa des shes bya ba ni dge slong gang yin pa des so/ /zhag drug gi mtha' tshun cad tu zhes bya ba ni nyin mtshan drug gi mtha' tshun cad tu'o/ /chos gos de dang mtshams kyi phyi rol du 'bral bar bya'o zhes bya ba ni chos gos bzhag pa gang yin pa de dang ngo / /de las 'das par 'bral na zhes bya ba ni de las lhag par skya reng 'char bar byed na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na/ 'di ltar dge slong dgon pa pas chos gos gsum las chos gos gang yang rung ba dang mtshams kyi phyi rol du bral na thams cad du spang ba'i ltung byed tu 'gyur ro/ /'di 'am der bar chad brgyad po 'di lta ste/ rgyal po'i 'jigs pa dang / chom rkun pa'i 'jigs pa dang / me'i 'jigs pa dang / chu'i 'jigs pa dang / seng ge'i 'jigs pa dang / stag gi 'jigs pa dang / mi'i 'jigs pa dang / mi ma yin pa'i 'jigs pa las gang yang rung ba nye bar gnas pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /zhag bdun gyis 'bral ba'i spang ba ste nyi shu bdun pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong gis dbyar gyi gos ras chen bcang bar bya'o zhes bka' stsal nas/ de na dge slong gang dag snga mas dbyar gnas pa khas len pa de dag ni rang gi dus yin no/ /zhes tshol bar byed cing bdag cag gis ci'i phyir mi bcang zhes 'chang bar byed do/ /phyi mas dbyar gnas par khas len pa de dag kyang rang gi dus yin no zhes 'chang bar byed cing bdag cag gis ci'i phyir mi btsal zhes tshol bar byed de/ de dag ha cang myur bar tshol ba dang / ha cang yun ring du 'chang bar byed pas bya ba mang ba dang / byed pa mang bar gyur te/ lung mnod pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed nas/ dge slong don nyung ngu dag bcom ldan 'das kyis dge slong gis dbyar gyi gos ras chen bcang bar bya'o zhes gsungs na ci'i phyir de dag ha cang myur du tshol bar byed cing ha cang yun ring du 'chang bar byed pas bya ba dang byed pa mang bar gyur te/ lung mnod pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong rnams la rmas pa/ dge slong dag khyed ngas dge slong gis dbyar gyi gos ras chen bcang bar bya'o zhes gsungs na/ khyed cag ha cang myur du tshol ba dang / ha cang yun ring du 'chang bar byed pa bden nam/ btsun pa mad do/ /sangs rgyas bcom ldan 'das kyis gso dka' ba dang / dgang dka' ba dang / 'dod pa che ba dang / chog mi shes pa rnam par smad pa mdzad do/ /de nas bcom ldan 'das kyis gso sla ba dang / dgang sla ba dang / 'dod pa chung ba dang / chog shes pa dang / phri ba dang / /sbyangs pa'i yon tan dang / mdzes pa dang / drod rig pa'i bsngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis so ka rnams kyi zla ba gcig lus na dbyar gyi gos ras chen btsal bar bya'o/ /dbyar zad nas 'og tu zla ba phyed kyi bar du bcang bar bya'o/ /gal te dge slong gis so ka rnams kyi zla ba gcig lus pa'i sngon rol du dbyar gyi gos ras chen tshol bar byed dam/ dbyar zad nas 'og du zla ba phyed las 'das par 'chang na spang ba'i ltung byed do/ /dge slong gis shes bya ba ni chos 'di pas so/ /so ka rnams kyi zla ba gcig lus na zhes bya ba ni zla ba gcig na dbyar nye bar sgrub pa 'byung bar 'gyur ba na'o/ /dbyar gyi gos ras chen zhes bya ba ni char pa bab pa'i gos so/ /btsal bar bya'o zhes bya ba ni gzhan las so/ /dbyar zad nas 'og tu zla ba phyed kyi bar du bcang bar bya'o zhes bya ba ni dgag dbye byas nas zla ba phyed kyi bar du'o/ /gal te dge slong gis so ka rnams kyi zla ba gcig lus pa'i sngon rol du dbyar gyi gos ras chen tshol bar byed dam zhes bya ba ni de'i mdun rol du'o/ /dbyar zad nas 'og tu zla ba phyed las 'das par 'chang na zhes bya ba ni de las 'das par ro/ /spang ba'i ltung byed do zhes bya ba ni dngos po de spang nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung bar ji ltar 'gyur zhe na/ snga ma dang / phyi ma las te/ de la gang dag dbyar snga mar gnas par khas len pa de dag la ni ha cang yang yun ring du 'chang na spang ba'i ltung byed du 'gyur ro/ /gang dag dbyar phyi mar gnas par khas len pa de dag la ha cang myur du tshol na spang ba'i ltung byed du 'gyur ro/ /de ltar na dge slong gis ji tsam du ha cang myur du tshol bar byed pa dang / ha cang yun ring du 'chang bar byed na thams cad du spang ba'i ltung byed du 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dbyar gyi ras chen gyi spang ba ste nyi shu brgyad pa rdzogs s+ho// // sangs rgyas bcom ldan 'das shAkya rnams kyi nang na shAkya rnams kyi grong rdal wa tshongs can zhes bya ba na bzhugs so/ /de'i tshe na khyim bdag cig gis rang gi dad pa dang / rang gi gcugs pa dang / rang gi dang bas gtsug lag khang byed tu bcug nas tshe dang ldan pa sgra gcan zin la gang zag gir phul lo/ /de nas tshe dang ldan pa sgra gcan zin gtsug lag khang der ji tsam pa de tsam 'dug nas lhung bzed dang chos gos thogs te ljongs rgyur song ngo / /khyim bdag des 'phags pa sgra gcan zin gtsug lag khang der ji tsam pa de tsam 'dug nas lhung bzed dang chos gos thogs te ljongs rgyur song zhes thos so thos nas kyang khyim bdag des gtsug lag khang de dge 'dun la phul lo/ /de nas tshe dang ldan pa sgra gcan zin ci dgar ljongs su 'dug nas shAkya rnams kyi grong rdal wa tshongs can ga la ba der rgyu zhing song ba na mthar gyis rgyu zhig 'gro ba'i tshe wa tshongs can du phyin nas tshe dang ldan pa sgra gcan zin gyis khyim bdag des gtsug lag khang de dge 'dun la phul lo zhes thos so/ /thos nas kyang bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la tshe dang ldan pa sgra gcan zin gyis 'di skad ces gsol to/ /btsun pa 'di na khyim bdag cig gis rang gi dad pa dang rang gi gcugs pa dang / rang gi dang bas gtsug lag khang bgyid du stsal nas bdag la gang zag gir stsal te/ bdag gtsug lag khang der ci tsam mchis nas lhung bzed dang / chos gos 'tshal te ljongs rgyur mchis pa dang khyim bdag des 'phags pa sgra gcan zin gtsug lag khang der ci tsam pa de tsam mchis nas lhung bzed dang / chos gos 'tshal te/ ljongs rgyur mchis shes thos nas kyang khyim bdag des gtsug lag khang de dge 'dun la phul na/ btsun pa de la bdag gis da ji ltar bgyi/ sgra gcan zin tshur shog /khyod khyim bdag de ga la ba der song la phyin nas khyim bdag de la 'di skad ces khyim bdag khyod kho bo'i lus sam/ ngag la cung zad smod par mi byed dam zhes smros shig /tshe dang ldan pa sgra gcan zin gyis btsun pa bka' bzhin 'tshal zhes bcom ldan 'das las mnyan nas khyim bdag de ga la ba der song ste phyin nas khyim bdag de la 'di skad ces smras so/ /khyim bdag khyod kho bo'i lus sam/ ngag la cung zad smod par mi byed dam/ 'phags pa sgra gcan zin bdag khyod kyi sku 'am/ gsung la cung zad kyang smod par mi bgyid do/ /de nas tshe dang ldan pa sgra gcan zin bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la tshe dang ldan pa sgra gcan zin gyis 'di skad ces gsol to/ /btsun pa 'di na bdag khyim bdag ga la ba der mchis te phyin nas khyim bdag de la 'di skad ces khyim bdag khyod kho bo'i lus sam/ ngag la cung zad smod par mi byed dam zhes bgyis na/ de 'di skad ces 'phags pa sgra gcan zin bdag khyod kyi sku 'am/ gsung la smod pa cung zad kyang ma mchis so zhes mchi'o/ /de'i tshe na tshe dang ldan pa kun dga' bo bcom ldan 'das kyi snam logs na 'dug par gyur cing bsil yab thogs te bcom ldan 'das la g.yob cing 'dug go/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong ji snyed wa tshongs can nye bar rten cing 'khod pa de dag thams cad dpong sa'i khang par bsdus shig /tshe dang ldan pa kun dga' bos bka' bzhin 'tshal/ zhes bcom ldan 'das las mnyan nas dge slong ji snyed wa tshongs can nye ba rten cing 'khod pa de dag thams cad dpong sa'i khang par bsdus nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go mtha' gcig tu 'dug nas bcom ldan 'das la tshe dang ldan pa kun dga' bos 'di skad ces gsol to/ /btsun pa dge slong ji snyed wa tshongs can nye bar rten cing mchis pa de dag thams cad dpong sa'i khang par mchis shing 'thun par gyur na bcom ldan 'das kyis de de'i dus la bab par mkhyen par mdzad du gsol/ /de nas bcom ldan 'das dpong sa'i khang pa ga la ba der gshegs te byon nas/ dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag gang gis gang zag gcig la sbyin pa byin nas gzhan gcig la sbyin par byed pa ni chos dang ldan pa'i sbyin pa ma yin zhing chos dang ldan pa'i len pa ma yin la/ longs spyad du rung ba ma yin no/ / gzhan gnyis sam/ rab tu mang po 'am/ dge 'dun la sbyin par byed pa yang chos dang ldan pa'i sbyin pa ma yin zhing chos dang ldan pa'i len pa ma yin la longs spyod tu rung ba ma yin no/ /dge slong dag gang gis gnyis la sbyin pa byin nas gzhan gcig la sbyin par byed pa ni chos dang ldan pa'i sbyin pa ma yin zhing chos dang ldan pa'i len pa ma yin la/ longs spyad tu rung ba ma yin no/ /gzhan gnyis sam/ rab tu mang po 'am/ dge 'dun la sbyin par byed pa yang chos dang ldan pa'i sbyin pa ma yin zhing chos dang ldan pa'i len pa ma yin la longs spyad tu rung ba ma yin no/ /dge slong dag gang gis rab tu mang po la sbyin pa byin nas gzhan gcig la sbyin par byed pa ni chos dang ldan pa'i sbyin pa ma yin zhing chos dang ldan pa'i len pa ma yin la longs spyad tu rung ba ma yin no/ /gzhan gnyis sam/ rab tu mang po 'am/ dge 'dun la sbyin par byed pa yang chos dang ldan pa'i sbyin pa ma yin zhing chos dang ldan pa'i len pa ma yin la/ longs spyad tu rung ba ma yin no/ /dge slong dag gang gis dge 'dun la sbyin pa byin nas gzhan gcig la sbyin par byed pa ni chos dang ldan pa'i sbyin pa ma yin zhing chos dang ldan pa'i len pa ma yin la/ longs spyad tu rung ba ma yin no/ /gzhan gnyis sam/ rab tu mang po 'am/ dge 'dun la sbyin par byed pa yang chos dang ldan pa'i sbyin pa ma yin zhing chos dang ldan pa'i len pa ma yin la/ longs spyad tu rung ba ma yin no/ /dge slong dag gang gis dge 'dun bye zhing gnyis su gyur te phyogs dang gzhan gyi phyogs su rnam par gnas pa na phyogs gcig la sbyin pa byin nas/ phyogs gnyis pa la sbyin par byed pa ni chos dang ldan pa'i sbyin pa ma yin zhing chos dang ldan pa'i len pa ma yin la/ longs spyad tu rung ba ma yin no/ /dge slong dag gang gis gang zag gcig la sbyin pa byin nas gzhan gcig la sbyin par mi byed pa ni chos dang ldan pa'i sbyin pa yin zhing chos dang ldan pa'i len pa yin la/ longs spyad tu rung ba yin no/ /gzhan gnyis sam/ rab tu mang po 'am/ dge 'dun la sbyin par mi byed pa yang chos dang ldan pa'i sbyin pa yin zhing chos dang ldan pa'i len pa yin la/ longs spyad tu rung ba yin no/ /dge slong dag gang gis gnyis la sbyin pa byin nas gzhan gcig la sbyin par mi byed pa ni chos dang ldan pa'i sbyin pa yin zhing chos dang ldan pa'i len pa yin la/ longs spyad tu rung ba yin no/ / gzhan gnyis sam/ rab tu mang po 'am/ dge 'dun la sbyin par mi byed pa yang chos dang ldan pa'i sbyin pa yin zhing chos dang ldan pa'i len pa yin la/ longs spyad tu rung ba yin no/ /dge slong dag gang gis rab tu mang po la sbyin pa byin nas gzhan gcig la sbyin par mi byed pa ni chos dang ldan pa'i sbyin pa yin zhing chos dang ldan pa'i len pa yin la/ longs spyad tu rung ba yin no/ /gzhan gnyis sam/ rab tu mang po 'am/ dge 'dun la sbyin par mi byed pa yang chos dang ldan pa'i sbyin pa yin zhing chos dang ldan pa'i len pa yin la/ longs spyad tu rung ba yin no/ /dge slong dag gang gis dge 'dun la sbyin pa byin nas gzhan gcig la byin par mi byed pa ni chos dang ldan pa'i sbyin pa yin zhing chos dang ldan pa'i len pa yin la/ longs spyad tu rung ba yin no/ /gzhan gnyis sam/ rab tu mang po 'am/ dge 'dun la sbyin par mi byed pa yang chos dang ldan pa'i sbyin pa yin zhing chos dang ldan pa'i len pa yin la/ longs spyad tu rung ba yin no/ /dge slong dag gang gis dge 'dun bye zhing gnyis su gyur la phyogs dag gzhan gyi phyogs su rnam par gnas pa na phyogs gcig la sbyin pa byin nas/ phyogs gnyis pa la sbyin par mi byed pa ni chos dang ldan pa'i sbyin pa yin zhing chos dang ldan pa'i len pa yin la/ longs spyad tu rung ba yin no/ /dge slong dag de lta bas na snga ma ni sbyin pa yin la/ phyi ma ni ma yin no/ /rgyal po ni sa gzhi la dbang la/ bdag po ni gnas mal la dbang / dge slong ni lhung bzed dang chos gos la dbang ngo / / sbyin pa po dang sbyin bdag gis rang gi sbyin par bya ba'i chos mngon par 'du bya bar ni rung gi rang gis gzhan la sbyin du ni mi rung ngo / /dge slong dag dge slong sgra gcan zin la gtsug lag khang de phyir byin cig /dge slong de dag gis tshe dang ldan pa sgra gcan zin la gtsug lag khang de phyir byin no/ /'di ni re shig byung ba yin gyi bcom ldan 'das re shig 'dul ba la nyan thos rnams kyi bslab pa'i gzhi 'cha' bar ni mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bsod snyoms pa zhig gis khyim bdag cig skyabs su 'gro ba dang / bslab pa'i gzhi dag la bzhag nas dus gzhan zhig na bsod snyoms pa des khyim bdag de la rdzas las byung ba'i bsod nams bya ba'i gzhi bdun po dag gi bsngags pa brjod pa dang / khyim bdag des smras pa/ 'phags pa bdag gis kyang re shig rdzas las byung ba'i bsod nams bgyi ba'i gzhi cung zhig bgyi'o/ /de bzhin gyis shig /ci zhig bgyi/ sangs rgyas la sogs pa dge slong gi dge 'dun mchod ston gsol cig /de bzhin bgyi'o/ /na bza' dbul ba yang cung zad yod dam/ 'phags pa bdag ni longs spyod srab pa lags mod kyi ras zung gcig dbul lo/ /'phags pa khyod kyis sang bdag gi ming gis sangs rgyas la sogs pa dge slong gi dge 'dun gdugs tshod la spyan drang du gsol/ /bsod snyoms pa des tshogs pa'i dus su khyim bdag de'i ming gis sangs rgyas la sogs pa dge slong gi dge 'dun khyim gzhan du gdugs tshod la spyan drangs pa dang / dge slong rnams kyis smras pa/ bsod snyoms pa khyod khyim dad par byed par gyur to/ /bsod snyoms pa ci khyim bdag gis yon dang bcas pa'i mchod ston gsol lam/ 'on te yon med pa'i mchod ston gsol/ tshe dang ldan pa dag yon dang bcas pa ste/ 'on kyang khyim bdag de longs spyod srab pa lags pas 'di ltar ras zung gcig 'bul lo/ /nye dgas thos nas des bsams pa/ gang gis sangs rgyas la sogs pa dge slong gi dge 'dun la ras zung gcig 'bul ba de ni chen po la 'os pa zhig 'byung gor ma chag gis gal te bdag gis ras zung de ma phrogs na nye dga' zhes bya ba'i ming mi gzung ngo snyam nas nye dga' de'i phyi de nyin par snga dro sham thabs bgos/ lhung bzed dang chos gos thogs te khyim bdag de'i khyim du song ba dang / ji tsam na des khyim bdag de mchod ston sbyor ba mthong nas/ des khyim bdag de la dris pa/ khyim bdag ci byed/ 'phags pa mchod ston sbyor ro/ /khyim bdag bcom ldan 'das kyis sems can gang dag snga dro'i dus kyi tshe lus kyis legs par spyad cing spyod/ /ngag dang yid kyis legs par spyad cing spyod pa'i sems can de dag la dus de na snga dro bzang por nye bar gnas par 'gyur la/ sems can gang dag gung tshigs kyi dus kyi tshe dang / phyem 'phred kyi dus kyi tshe legs par spyad cing spyod/ ngag dang yid kyis legs par spyad cing spyod pa'i sems can de dag la dus de na gung tshigs bzang po dang phyem bred bzang por nye bar gnas par 'gyur ro zhes bka' stsal pa de ni legs par gsungs pa yin no/ /khyim bdag gos sbyin pa yang cung zad yod dam/ 'phags pa bdag ni longs spyod srab pa lags te 'on kyang ras zung gcig 'bul lo/ khyim bdag ras zung de ci 'dra blta'o/ /des bstan pa dang ci tsam na bzang bar mthong nas nye dgas smras pa/ khyim bdag khyod la yongs su btang ba las byung ba'i bsod nams ni yod na yongs su longs spyod pa las byung ba'i bsod nams ni lan 'ga' yang med do bcom ldan 'das kyi 'khor stong nyis brgya lnga bcu la ras zung stong nyis brgya lnga bcus 'grub pas 'dis ni re shig chos gos kyi rdang kho na la yongs su zad par bya dgos par 'gyur ro/ /bcom ldan 'das kyis kyang zas kyi rnyed pa byung na ni pu la sa'i 'dab mas kyang bgo bar bya la/ gos kyi rnyed pa byung na ni mar me'i snying por rung bas kyang bgo bar bya 'o zhes gsungs na/ gal te 'ged par mi byed na khyod kyi 'di yang longs spyod par mi 'gyur ro/ /des smras pa/ 'phags pa gang gis bdag la yongs su btang ba las byung ba'i bsod nams kyang mchis la/ yongs su longs spyad pa las byung ba'i bsod nams kyang mchis par 'gyur pa'i thabs ci mchis/ khyim bdag gal te khyod kyis shAkya'i rigs las rab tu byung pa/ sde snod gsum dang ldan pa/ chos sgrog pa/ rigs pa dang grol ba'i spobs pa can gang yin pa de la ras zung 'di bskon na de lta na khyod la yongs su btang ba las byung ba'i bsod nams dang / yongs su longs spyad pa las byung ba'i bsod nams su yang 'gyur ro/ /des smras pa/ 'phags pa shAkya'i rigs las rab tu byung ba/ sde snod gsum dang ldan pa/ chos sgrog pa/ rigs pa dang grol ba'i spobs pa can su mchis/ khyim bdag kho bo nyid shAkya'i rigs las rab tu byung ba/ sde snod gsum dang ldan pa/ chos sgrog pa/ rigs pa dang grol ba'i spobs pa can yin no/ /khyim bdag des nye dga' la 'phags pa khyod ras zung 'di bzhes shig ces sbyin par brtsams pa dang / nye dgas smras pa/ khyim bdag khyod sbyin pa sbyin yang mi shes sam/ gang gi tshe sangs rgyas la sogs pa dge slong gi dge 'dun mchod ston gsol ba de'i tshe na khyod kyis rgan pa'i mtha' logs su rjes su yi rang ba byed tu chug la kho bo la byin cig /'phags pa de bzhin bgyi'o zhes khyim bdag des de las mnyan nas khyim bdag des de'i 'og tu sangs rgyas la sogs pa dge slong gi dge 'dun mchod ston gsol nas ras zung de rgan pa'i mtha' logs su yi rang bar mdzod cig /rjes su yi rang bar mdzod cig ces rjes su yi rang bar byed du bcug nas nye dga' la byin no/ /dge slong rnams kyis dge skos la smras pa/ nye dga' las ras zung de long shig /dge bskos kyis nye dga' la smras pa/ ras zung de 'on cig /ci gtsug lag khang du khyer te sbyin nam/ dge bskos kyis smras pa/ ma yin te/ 'di ni dge 'dun la phul ba yin no/ /nye dgas smras pa/ khyod ci'i phyir rang gi lhung bzed dang / chos gos dge 'dun la dbul bar mi byed/ 'di ni kho bo la byin pa yin no/ /de nas bcom ldan 'das kyis yon bshad pa mdzad nas gdan las bzhengs te gshegs pa dang bsod snyoms pa de skyengs nas de nyid tu 'dug go/ /de nas bsod snyoms pa des sangs rgyas la sogs pa dge slong gi dge 'dun bzhud nas ring po ma lon par rig nas khyim bdag de la 'di skad ces smras so/ /khyim bdag gis gzhan du 'brug bsgrags la gzhan du char phab bo/ /'phags pa ji ltar bgyi/ btsun pa nye dga'i mchid nas khyim bdag khyod la yongs su btang ba las byung ba'i bsod nams ni yod na yongs su longs spyad pa las byung ba'i bsod nams ni lan 'ga' yang med de/ bcom ldan 'das kyi 'khor stong nyis brgya lnga bcu la ras zung stong nyis brgya lnga bcus 'grub pas 'di ni re shig chos gos kyi rdang kho na la yongs su zad par bya dgos par 'gyur ro/ /bcom ldan 'das kyis kyang zas kyi rnyed pa byung na ni pu la sa'i 'dab mas kyang bgo bar bya la/ gos kyi rnyed pa byung na ni mar me'i snying por rung bas kyang bgo bar bya'o zhes gsungs na/ gal te bged par mi byed na ni khyod kyi 'di yang longs spyad par mi 'gyur ro zhes mchi nas bdag gis de la 'di skad ces 'phags pa gang gis bdag la yongs su btang ba las byung ba'i bsod nams mchis la/ yongs su longs spyad pa las byung ba'i bsod nams kyang mchis par 'gyur ba'i thabs ci mchis shes bgyis na/ btsun pa nye dga'i mchid nas khyim bdag gal te khyod kyis shAkya'i rigs las rab tu byung ba sde snod gsum dang ldan pa/ chos sgrog pa/ rigs pa dang grol ba'i spobs pa can gang yin pa de la ras zung 'di bskon na de lta na khyod la yongs su btang ba las byung ba'i bsod nams dang / yongs su longs spyad pa las byung ba'i bsod nams su yang 'gyur ro zhes mchi'o/ /bdag gis de la 'di skad ces 'phags pa shAkya'i rigs las rab tu byung ba/ sde snod gsum dang ldan pa/ chos sgrog pa/ rigs pa dang grol ba'i spobs pa can su mchis shes bgyis na/ btsun pa nye dga' bdag la 'di skad ces khyim bdag kho bo nyid shAkya'i rigs las rab tu byung ba/ sde snod gsum dang ldan pa/ chos sgrog pa/ rigs pa dang grol ba'i spobs pa can yin no zhes mchi nas/ bdag gis btsun pa nye dga' la 'phags pa khyod ras zung 'di bzhes shig ces sbyin par brtsams pa dang / btsun pa nye dga'i mchid nas khyim bdag khyod sbyin pa sbyin yang mi shes sam/ gang gi tshe sangs rgyas la sogs pa dge slong gi dge 'dun mchod ston gsol ba de'i tshe khyod kyis rgan pa'i mtha' logs su rjes su yi rang ba byed tu chug la kho bo la byin cig ces mchi nas/ bdag gis de kho na bzhin du bgyis pas 'di la bdag gis nongs pa ci mchis/ bsod snyoms pa de gtsug lag khang du song ba dang / dge slong rnams kyis de la smras pa/ bsod snyoms pa dang ris 'thun pa gang yin pas kyang khyim bdag cig ji ltar dad pas bskyed na des kyang gzhan du 'brug bsgrags la gzhan du char phab bo/ /des smras pa/ des ci nyes 'di ltar der gcig gcig gis song ste 'di skad ces khyim bdag 'di ni khyod la yongs su btang ba las byung ba'i bsod nams ni yod na/ yongs su longs spyad pa las byung ba'i bsod nams ni lan 'ga' yang med de/ bcom ldan 'das kyi 'khor stong nyis brgya lnga bcu la ras zung stong nyis brgya lnga bcus 'grub pas 'di ni re shig chos gos kyi rdang kho na la yongs su zad par 'gyur ro/ /bcom ldan 'das kyis kyang zas kyi rnyed pa byung na ni pu la sa'i 'dab mas kyang bgo bar bya la/ gos kyi rnyed pa byung na ni mar me'i snying por rung bas kyang bgo bar bya'o zhes gsungs na gal te 'ged par mi byed na ni khyod kyi 'di yang longs spyad par mi 'gyur ro zhes zer nas 'di skad ces 'phags pa gang gis bdag la yongs su btang ba las byung ba'i bsod nams kyang mchis la/ yongs su longs spyad pa las byung ba'i bsod nams kyang mchis par 'gyur ba'i thabs ci mchis zhes byas na/ de na re 'di skad ces gal te khyod kyis shAkya'i rigs las rab tu byung ba/ sde snod gsum dang ldan pa/ chos sgrog pa/ rigs pa dang grol ba'i spobs pa can gang yin pa de la ras zung 'di bskon na de lta na khyod la yongs su btang ba las byung ba bsod nams dang yongs su longs spyad pa las byung ba'i bsod nams su yang 'gyur ro/ /zhes zer ro/ /des 'di skad ces shAkya'i rigs las rab tu byung ba/ sde snod gsum dang ldan pa/ chos sgrog pa/ rigs pa dang grol ba'i spobs pa can su yod ces byas na de na re kho bo nyid shAkya'i rigs las rab tu byung ba/ sde snod gsum dang ldan pa/ chos sgrog pa/ rigs pa dang grol ba'i spobs pa can yin no zhes zer nas/ des de la ras zung de sbyin par brtsams pa dang / de na re khyim bdag khyod sbyin yang mi shes sam/ gang gi tshe sangs rgyas la sogs pa dge slong gi dge 'dun mchod ston gsol ba de'i tshe khyod kyis rgan pa'i mtha' logs su rjes su yi rang bar byed du chug la kho bo la byin cig ces zer nas/ des de kho na bzhin byas pas des nyes pa ci yod/ /dge slong don nyung ngu dag ci'i phyir dge slong dag dge 'dun la bsngos pa'i rnyed pa shes bzhin du gang zag bdag la sngos 'jug ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga' khyod dge 'dun la bsngos pa'i rnyed pa shes bzhin du gang zag bdag la bsngor 'jug pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ /rjes su 'thun pa ma yin pa rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun la bsngos pa'i rnyed pa shes bzhin du gang zag bdag la sgyur du 'jud na spang ba'i ltung byed do/ /yang dge slong gang zhes bya ba ni shAkya'i bu nye dga' 'am gzhan yang de lta bu gang yin pa'o/ / dge 'dun la zhes bya ba ni de bzhin gshegs pa'i nyan thos kyi dge 'dun la'o/ /bsngos pa'i zhes bya ba ni gzas pa'i 'o/ /rnyed pa zhes bya ba ni rnyed pa gnyis te/ gos kyi rnyed pa dang / zas kyi rnyed pa ste/ don 'dir ni gos kyi rnyed pa yin par dgongs so/ /shes bzhin du zhes bya ba ni bdag nyid kyis de shes par gyur pa 'am/ gzhan dag gis brjod pas so/ /gang zag bdag la sgyur du 'jud na zhes bya ba ni bdag la 'bul du 'jud na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so// //'dul ba rnam par 'byed pa/ bam po sum bcu rtsa bdun pa/ de la ltung bar ji ltar 'gyur zhe na/ dge slong gis gang zag gcig la bsngos pa'i rnyed pa gang zag bdag la sgyur du 'jud na de sgyur du 'jud pa la nyes byas su 'gyur la/ thob na spang ba'i ltung byed du 'gyur ro/ /dge slong gos gang zag gnyis la bsngos pa'i rnyed pa gang zag bdag la sgyur du 'jud na de sgyur du 'jud pa la nyes byas su 'gyur la/ thob na spang ba'i ltung byed tu 'gyur ro/ /dge slong gis gang zag rab tu mang po dag la bsngos pa'i rnyed pa gang zag bdag la sgyur du 'jud na de sgyur du 'jud pa la nyes byas su 'gyur la/ thob na spang ba'i ltung byed du 'gyur ro/ /dge slong gis dge 'dun la bsngos pa'i rnyed pa gang zag bdag la sgyur du 'jud na de sgyur du 'jud pa la nyes byas su 'gyur la/ thob na spang ba'i ltung byed du 'gyur ro/ /dge slong gis gang zag gcig la bsngos pa'i rnyed pa gang zag gzhan gcig la sgyur du 'jud na de sgyur du 'jud pa la nyes byas su 'gyur la/ thob na nyes byas nyid du 'gyur ro/ /dge slong gis gang zag gcig la bsngos pa'i rnyed pa gang zag gzhan gnyis la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur ro/ /dge slong gis gang zag gcig la bsngos pa'i rnyed pa gang zag gzhan rab tu mang po dag la sgyur du 'jud na de sgyur du 'jud pa la nyes byas su 'gyur la/ thob na yang nyes byas su 'gyur ro/ /dge slong gis gang zag gcig la bsngos pa'i rnyed pa dge 'dun la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur ro/ /dge slong gis gang zag gnyis la bsngos pa'i rnyed pa gang zag gzhan gcig la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur ro/ /dge slong gis gang zag gnyis la bsngos pa'i rnyed pa gang zag gzhan gnyis la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur ro/ /dge slong gis gang zag gnyis la bsngos pa'i rnyed pa gang zag gzhan rab tu mang po dag la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur ro/ /dge slong gis gang zag gnyis la bsngos pa'i rnyed pa dge 'dun la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid tu 'gyur ro/ /dge slong gis gang zag rab tu mang po dag la bsngos pa'i rnyed pa gang zag gzhan gcig la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid tu 'gyur ro/ /dge slong gis gang zag rab tu mang po dag la bsngos pa'i rnyed pa gang zag gzhan gnyis la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid tu 'gyur ro/ /dge slong gis gang zag rab tu mang po dag la bsngos pa'i rnyed pa gang zag gzhan rab tu mang po dag la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid tu 'gyur ro/ /dge slong gis gang zag rab tu mang po dag la bsngos pa'i rnyed pa dge 'dun la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid tu 'gyur ro/ /dge slong gis dge 'dun la bsngos pa'i rnyed pa gang zag gcig la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid tu 'gyur ro/ /dge slong gis dge 'dun la bsngos pa'i rnyed pa gang zag gnyis la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid tu 'gyur ro/ /dge slong gis dge 'dun la bsngos pa'i rnyed pa gang zag rab tu mang po dag la sgyur du 'jud na de sgyur du 'jud pa la nyes byas su 'gyur ro/ /thob na yang nyes byas nyid tu 'gyur ro/ /dge slong gis dge 'dun la bsngos pa'i rnyed pa dge 'dun gzhan la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid tu 'gyur ro/ /dge slong gis dge 'dun la bsngos pa'i rnyed pa dge slong ma'i dge 'dun la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid tu 'gyur ro/ /dge slong gis dge slong ma'i dge 'dun la bsngos pa'i rnyed pa dge slong gi dge 'dun la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur ro/ /dge slong gis gnyis ka'i dge 'dun la bsngos pa'i rnyed pa dge slong gi dge 'dun la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur ro/ /dge slong gis gnyis ka'i dge 'dun la bsngos pa'i rnyed pa dge slong ma'i dge 'dun la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid tu 'gyur ro/ /dge slong gis dge 'dun bye zhing gnyis su gyur te/ phyogs dang gzhan gyi phyogs su rnam par gnas pa na phyogs gcig la bsngos pa'i rnyed pa'i phyogs gnyis pa la bsngor 'jud na de bsngor 'jud pa la nyes byas su 'gyur la/ thob na yang nyes byas nyid tu 'gyur ro/ /dge slong gis gnas khang gcig la bsngos pa'i rnyed pa gnas khang gzhan la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur ro/ /dge slong gis gnas khang la bsngos pa'i rnyed pa khyams la sgyur du 'jud na de sgyur du 'jud pa la nyes byas su 'gyur la thob na yang nyes byas su 'gyur ro/ / dge slong gis khyams la bsngos pa'i rnyed pa gnas khang la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur ro/ /dge slong gis ka ba gzhan cig la bsngos pa'i rnyed pa ka ba gzhan gnyis pa la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur ro/ /dge slong gis ka ba gzhan cig la bsngos pa'i rnyed pa sgo khang la sgyur du 'jud na de sgyur du 'jud pa nyes byas su 'gyur la/ thob na yang nyes byas nyid du 'gyur ro/ /dge slong gis sgo khang la bsngos pa'i rnyed pa la bang rim la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur ro/ /dge slong gis bang rim la bsngos pa'i rnyed pa sgo khang la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur ro/ /dge slong gis sangs rgyas kyi sku gzugs gcig la bsngos pa'i rnyed pa sangs rgyas kyi sku gzugs gzhan gnyis pa la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur ro/ /g.yar po'i chos kyi sbyin pa la ni ltung ba med do/ /dge slong gis mchod rten gcig la bsngos pa'i rnyed pa mchod rten gzhan la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni ltung ba med do/ /dge slong gis mchod rten gyi them skas kyi gzhi dang po la bsngos pa'i rnyed pa them skas kyi gzhi gnyis pa la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni ltung ba med do/ /them skas kyi gzhi gnyis pa dang gsum pa dang / bzhi pa dang / thams cad kyi steng ma'i bar la yang de bzhin no/ /dge slong gis them skas kyi gzhi thams cad kyi steng ma la bsngos pa'i rnyed pa me tog khang la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur ro/ /g.yar po'i chos kyi sbyin pa la ni ltung ba med do/ /dge slong gis/ me tog khang la bsngos pa'i rnyed pa ba gam la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni ltung ba med do/ /dge slong gis ba gam gcig la bsngos pa'i rnyed pa ba gam gnyis pa la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni ltung ba med do/ /ba gam gnyis pa dang gsum pa dang bzhi pa la yang de bzhin no/ /dge slong gis ba gam bzhi pa la bsngos pa'i rnyed pa mchod rten gyi bum pa la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ltung ba med do/ /dge slong gis mchod rten gyi bum pa la bsngos pa'i rnyed pa pu shu la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni ltung ba med do/ dge slong gis pu shu la bsngos pa'i rnyed pa gdugs tha ma la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyis sbyin pa la ltung ba med do/ /gdugs gnyis pa dang / gsum pa dang / bzhi pa nas thams cad kyi steng ma'i bar la yang de bzhin no/ /dge slong gis gdugs thams cad kyi steng ma la bsngos pa'i rnyed pa char khab la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni ltung ba med do/ /dge slong gis char khab la bsngos pa'i rnyed pa gdugs thams cad kyi steng ma la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni ltung ba med do/ /dang 'og dang / gsum pa dang / gdugs tha ma'i bar la yang de bzhin no/ /dge slong gis gdugs tha ma la bsngos pa'i rnyed pa pu shu la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni ltung ba med do/ /dge slong gis pu shu la bsngos pa'i rnyed pa mchod rten gyi bum pa la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni ltung ba med do/ /dge slong gis mchod rten gyi bum pa la bsngos pa'i rnyed pa ba gam la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni ltung ba med do/ dge slong gis ba gam la bsngos pa'i rnyed pa me tog khang la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni ltung ba med do/ /dge slong gis me tog khang la bsngos pa'i rnyed pa them skas kyi gzhi steng ma la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni ltung ba med do/ /them skas kyi gzhi dang / 'og dang gsum pa nas thams cad kyi tha ma'i bar la yang de bzhin no/ /dge slong gis mu lto ba gcig la bsngos pa'i rnyed pa mu lto ba gzhan la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur te/ btsal te ma rnyed pa la ni ltung ba med do/ /dge slong gis dud 'gro'i skye gnas su skyes pa'i srog chags gcig la bsngos pa'i rnyed pa dud 'gro'i skye gnas su skyes pa'i srog chags gzhan la sgyur du 'jud na de sgyur du 'jud pa la nyes byas su 'gyur la/ thob na yang nyes byas nyid du 'gyur te/ btsal te ma rnyed pa la ni ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bsngos pa las bsgyur ba'i spang ba ste/ nyi shu dgu pa rdzogs s+ho// // sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ / de'i tshe na tshe dang ldan pa pi lin da'i bu'i lhan cig gnas pa dang / nye gnas dge slong dag sman gang dag de nas lag nyar blangs pa dang / de las byin len byas pa dang / zas kyi phye ma dang 'dres pa dang / phan tshun 'dres pa dang / rang gi rgyud kyis myags pa gang dag rnam par dbyer yang mi mngon pa de dag dus su yang za bar byed/ dus ma yin par yang za bar byed cing de dag la za bar rnam par dbye ba yang mi mngon nas/ dge slong don nyung ngu dag ci'i phyir dge slong dag sman gang dag de nas lag nyar blangs pa dang / de las byin len byas pa dang / zas kyi phye ma dang 'dres pa dang / phan tshun 'dres pa dang / rang gi rgyud kyis myags pa gang dag rnam par dbyer yang mi mngon pa de dag dus su yang za bar byed / dus ma yin par yang za bar byed cing de dag la bza' bar rnam par dbye ba yang mi mngon zhes smod par byed/ phyar ka gtong bar byed/ kha zer bar byed ba'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa pi lin da'i bu'i lhan cig gnas pa dang nye gnas dge slong rnams la rmes pa/ dge slong dag khyed sman gang dag de nas lag nyar blangs pa dang / de las byin len byas pa dang / zas kyi phye ma dang 'dres pa dang / phan tshun 'dres pa dang / rang gi rgyud kyis myags pa gang dag rnam par dbyer yang mi mngon pa de dag dus su yang za bar byed/ dus ma yin par yang za bar byed cing de dag la bza' bar rnam par dbye ba yang mi mngon pa bden nam/ btsun pa mad do/ /sangs rgyas bcom ldan 'das kyis gso dka' ba dang / dgang dka' ba dang / 'dod pa che ba dang / chog mi shes pa rnam par smad pa mdzad do/ /de nas bcom ldan 'das kyis gso sla ba dang / dgang sla ba dang / 'dod pa chung ba dang / chog shes pa dang / sbyangs pa'i yon tan rnams dang / mdzes pa dang / drod rig pa'i bsngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bcom ldan 'das kyis dge slong na ba rnams la phan pa so sor bsten par bya ba'i sman gang dag bka' stsal pa/ 'di lta ste zhun mar dang / 'bru mar dang / sbrang rtsi dang / bu ram gyi dbu ba de dag las dge slong na bas 'dod na rang gis zhag bdun par byin gyis brlabs te/ gsog 'jog gi yongs su longs spyod pas yongs su longs spyad par bya'o/ /de las 'das par yongs su longs spyod par byed na spang ba'i ltung byed do/ /bcom ldan 'das kyis zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyis so/ /dge slong zhes bya ba ni chos 'di pas so/ /na ba rnams la zhes bya ba ni nad pa rnams la'o/ /phan pa zhes bya ba ni rjes su 'thun pa'o/ /so sor bsten par bya ba'i zhes bya ba ni rung ba'i 'o/ /sman gang dag bka' stsal pa zhes bya ni rab tu bstan pa'o/ /'di lta ste zhun mar zhes bya ba ni mar bzhus pa'o/ /'bru mar zhes bya ba ni 'bru'i mar nyid do/ /sbrang rtsi zhes bya ba ni sbrang bu'i sbrang rtsi'o/ /bu ram gyi dbu ba zhes bya ba ni bu ram mo/ /dge slong zhes bya ba ni dge slong gang yin pa de'o/ /na bas zhes bya ba ni nad pas so/ /'dod na zhes bya ba ni gal te don du gnyer na 'o/ /rang gis zhes bya ba ni bdag nyid kyis so/ /zhag bdun par byin gyis brlabs te zhes bya ba ni nyin mtshan bdun bar ro/ /gsog 'jog gi yongs su longs spyod pas yongs su longs spyod par bya'o/ /zhes bya ba ni rang gis blangs te bza' bar bya'o/ /de las 'das par yongs su longs spyod par byed na zhes bya ba ni zhag bdun las 'das par ro/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba te/ des na spang ba'i ltung byed do zhes gsungs so/ / de la ltung bar ji ltar 'gyur zhe na/ dge slong gis tshes la na ba'i sman zhig rnyed na dge slong des sman de nyi ma bdun po de nyid kyi nang du yongs su longs spyad par bya ba 'am/ gtang bar bya ba 'am/ gzhan la sbyin par bya'o/ /yongs su longs spyod par mi byed dam/ gtong bar mi byed dam/ gzhan la sbyin par mi byed na nyi ma brgyad pa'i skya reng shar nas spang ba'i ltung byed du 'gyur ro/ /tshes la ma rnyed kyang tshes gnyis sam/ tshes gsum mam/ tshes bdun tshun chad kyis na ba'i sman zhig rnyed na dge slong des sman de nyi ma bdun po de nyid kyi nang du yongs su longs spyad par bya ba 'am/ gtang bar bya ba 'am/ gzhan la sbyin par bya'o/ /yongs su longs spyod par mi byed dam/ gtong bar mi byed dam/ gzhan la sbyin par mi byed na nyi ma brgyad pa'i skya reng shar na spang ba'i ltung byed du 'gyur ro/ /dge slong gis tshes la na ba'i sman zhig rnyed cing / des tshes gnyis la yang sman gzhan zhig rnyed na dge slong des nyi ma bdun po de nyid kyi nang du sman snga ma shos yongs su longs spyad par bya zhing / phyi ma shos gtang bar bya ba 'am/ gzhan la sbyin par bya'o/ /yang na phyi ma shos yongs su longs spyad par bya zhing snga ma shos gtang bar bya ba 'am/ gzhan la sbyin par bya'o/ /yongs su longs spyod par mi byed dam/ /gtong bar mi byed dam/ gzhan la sbyin par mi byed na nyi ma brgyad pa'i skya reng shar na spang ba'i ltung byed du 'gyur ro/ /tshes gcig dang gnyis la ji lta ba de bzhin du des tshes drug gi bar la na ba'i sman zhig rnyed cing / des tshes bdun gyi bar la yang gzhan zhig rnyed na dge slong des nyi ma bdun po de nyid kyi nang du snga ma shos yongs su longs spyad par bya zhing / phyi ma shos gtang bar bya ba 'am/ gzhan la sbyin par bya'o/ /yang na phyi ma shos yongs su longs spyad par bya zhing snga ma shos gtang bar bya ba 'am/ gzhan la sbyin par bya'o/ / yongs su longs spyod par mi byed dam/ gtong bar mi byed dam/ gzhan la sbyin par mi byed na/ nyi ma brgyad pa'i skya reng shar na spang ba'i ltung byed du 'gyur ro/ / dge slong gis tshes la na ba'i sman gnyis shig rnyed na dge slong des sman de gnyis nyi ma bdun po de nyid kyi nang du yongs su longs spyad par bya ba 'am/ gtang bar bya ba 'am/ gzhan la sbyin par bya'o/ /yongs su longs spyod par mi byed dam/ gtong bar mi byed dam/ gzhan la sbyin par mi byed na nyi ma brgyad pa'i skya reng shar na spang ba'i ltung byed du 'gyur ro/ /tshes la ma rnyed kyang tshes gnyis sam/ tshes gsum 'am/ tshes bdun tshun chad kyis na ba'i sman gnyis zhig rnyed na/ dge slong des sman de gnyis nyi ma bdun po de nyid kyi nang du yongs su longs spyad par bya ba 'am/ gtang bar bya ba 'am/ gzhan la sbyin par bya'o/ /yongs su longs spyod par mi byed dam/ gtong bar mi byed dam/ gzhan la sbyin par mi byed na nyi ma brgyad pa'i skya rengs shar na spang ba'i ltung byed du 'gyur ro/ /dge slong gis tshes la na ba'i sman gnyis shig rnyed cing des tshes gnyis la yang gzhan gnyis shig rnyed na dge slong des nyi ma bdun po de nyid kyi nang du sman snga ma gnyis yongs su longs spyad par bya zhing / phyi ma gnyis gtang bar bya ba 'am/ gzhan la sbyin par bya'o/ yang na phyi ma gnyis yongs su longs spyad par bya zhing snga ma gnyis gtang bar bya ba 'am/ gzhan la sbyin par bya'o/ /yongs su longs spyod par mi byed dam/ gtong bar mi byed dam/ gzhan la sbyin par mi byed na nyi ma brgyad pa'i skya reng shar na spang ba'i ltung byed du 'gyur ro/ /tshes gcig dang / gnyis la ji lta ba de bzhin du des tshes drug gi bar la na ba'i sman gnyis shig rnyed cing des tshes bdun gyi bar la yang gnyis shig rnyed na/ dge slong des nyi ma bdun po de nyid kyi nang du snga ma gnyis yongs su longs spyod par bya zhing phyi ma gnyis gtang bar bya ba 'am/ gzhan la sbyin par bya'o/ /yang na phyi ma gnyis yongs su longs spyod par bya zhing snga ma gnyis gtang bar bya ba 'am/ gzhan la sbyin par bya'o/ /yongs su longs spyod par mi byed dam/ gtong bar mi byed dam/ gzhan la sbyin par mi byed na nyi ma brgyad pa'i skya reng shar na spang ba'i ltung byed du 'gyur ro/ /dge slong gis tshes la na ba'i sman rab tu mang po dag cig rnyed na dge slong des sman de dag nyi ma bdun po de nyid kyi nang du yongs su longs spyod par bya ba 'am/ gtang bar bya ba 'am/ gzhan la sbyin par bya'o/ /yongs su longs spyod par mi byed dam/ gtong bar mi byed dam/ gzhan la sbyin par mi byed na nyi ma brgyad pa'i skya reng shar na spang ba'i ltung byed du 'gyur ro/ /tshes la ma rnyed kyang tshes gnyis sam/ tshes gsum 'am/ tshes bdun tshun chad kyis na ba'i sman rab tu mang po dag cig rnyed na dge slong des sman de dag nyi ma bdun po de nyid kyi nang du yongs su longs spyad par bya ba 'am/ gtang bar bya ba 'am/ gzhan la sbyin par bya'o/ /yongs su longs spyod par mi byed dam/ gtong bar mi byed dam/ gzhan la sbyin par mi byed na nyi ma brgyad pa'i skya reng shar na spang ba'i ltung byed du 'gyur ro/ /dge slong gis tshes la na ba'i sman rab tu mang po dag cig rnyed cing des tshes gnyis la yang gzhan rab tu mang po dag cig rnyed na dge slong des nyi ma bdun po de nyid kyi nang du sman snga ma dag yongs su longs spyad par bya zhing / phyi ma dag gtang bar bya ba 'am/ gzhan la sbyin par bya'o/ /yang na phyi ma dag yongs su longs spyad par bya zhing / snga ma dag gtang bar bya ba 'am/ gzhan la sbyin par bya'o/ /yongs su longs spyod par mi byed dam/ gtong bar mi byed dam/ gzhan la sbyin par mi byed na nyi ma brgyad pa'i skya reng shar na spang ba'i ltung byed du 'gyur ro/ /tshes gcig dang gnyis la ji lta ba de bzhin du des tshes drug gi bar la na ba'i sman rab tu mang po dag cig rnyed cing de tshes bdun gyi bar la yang gzhan rab tu mang po dag rnyed na dge slong des nyi ma bdun po de nyid kyi nang du snga ma dag yongs su longs spyad par bya zhing / phyi ma dag btang bar bya ba 'am/ gzhan la sbyin par bya'o/ /yang na phyi ma dag yongs su longs spyad par bya zhing / snga ma dag btang bar bya ba 'am/ gzhan la sbyin par bya'o/ /yongs su longs spyod par mi byed dam/ gzhan la sbyin par mi byed na nyi ma brgyad pa'i skya reng shar na spang ba'i ltung byed du 'gyur ro/ /de la sman gang dag de nas lag nyar blangs pa dang / /de las byin len byas pa dang / zas kyi phye ma dang 'dres pa dang / phan tshun 'dres pa dang / rang gi rgyud kyis myags pa gang dag rnam par dbyer yang mi mngon pa de dag ni kun dga'i ra ba 'am/ dge tshul dag la spang bar bya'o/ /de la sman gang dag de nas lag nyar ma blangs pa dang / de las byin len ma byas pa dang / zas kyi phye ma dang ma 'dres pa dang / phan tshun ma 'dres pa dang / rang gi rgyud kyis ma myags pa gang dag rnam par dbyer yang mi mngon pa de dag ni dge slong gis rang gis zhag bdun par byin gyis brlabs te gsog 'jog gi yongs su longs spyod pas yongs su longs spyod par bya'o/ /'di ltar byin gyis brlab par bya ste/ lag pa bsnyal nas sman byin len byas te tshangs pa mtshungs par spyod pa'i mdun du 'dug nas 'di skad ces brjod par bya'o/ /tshe dang ldan pa dgongs su gsol/ /bdag dge slong ming 'di zhes bgyi bas sman rung ba 'di bdag nyid dang tshangs pa mtshungs par spyod pa rnams kyir bgyi ba'i slad du zhag bdun par byin gyis brlab bo/ /de bzhin du lan gnyis/ lan gsum du bzlas par bya'o/ /ji tsam yongs su longs spyad pa yang tshangs pa mtshungs par spyod pa la brjod par bya ste/ deng du bdag gi nyi ma gcig yongs su longs spyad lags te/ lhag ma rnams kyang yongs su longs spyad par bgyi'o zhes de bzhin du nyi ma bdun gyi bar du brjod par bya'o/ /gal te lhag ma yod na de kun dga'i ra ba pa 'am/ dge tshul dag la spang bar bya'o/ /dge slong gi na ba'i sman spang bar gyur na de ma spangs shing bral bar ma byas la ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ /dge slong gi na ba'i sman spang bar gyur na de spangs shing bral bar ma byas la ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ /dge slong gi na ba'i sman spang bar gyur na de spangs shing bral bar byas la ltung ba ma bshags par gzhan zhig rnyed na de yang snga ma'i rgyud kyis spang bar 'gyur ro/ /dge slong gi na ba'i sman spang bar gyur na de spangs shing bral bar byas la ltung ba bshags nas gzhan zhig rnyed na de la ltung ba med do/ /de bzhin du dge slong gis ji tsam du na ba'i sman spang ba des ma spangs shing so sor ma spangs la ma bshags shing so sor ma bshags par lhung bzed dam/ chos gos sam/ dra ba 'am/ phor bu 'am/ ska rags sam/ dge sbyong gi 'tsho ba'i yo byad gang yang rung ba'i bar dag nye bar 'jog par byed na de yang snga ma'i rgyud kyis spang bar 'gyur ro/ /las dang po pa dang / smyo ba dang / sems 'khrugs pa dang / tshor ba dag gis nyen pa la ltung ba med do/ /gsog 'jog gi spang ba ste sum bcu pa rdzogs s+ho// //spang ba'i ltung byed rnams rdzogs s+ho// // spyi sdom la/ shes bzhin dang ni sa bon dang / /ma bskos pa dang yang yang dang / /chu dang khyim dang bsams bzhin dang / /'gron mang rkun ma mchod ston no/ / sdom la/ brdzun skyon dge slong phra ma dang / /skyo sngogs byed dang ston pa dang / /'don dang gnas ngan len dang chos/ /bshes ngor byed dang khyad du gsod/ / sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /de'i tshe na tshe dang ldan pa sgra gcan zin rgyal po'i khab na chu dron gyi kun dga' ra ba na 'dug ste/ bram ze dang khyim bdag dad pa can dag tshe dang ldan pa sgra gcan zin ga la ba der dong ste phyin nas tshe dang ldan pa sgra gcan zin la btsun pa sgra gcan zin bcom ldan 'das la bzhugs shes 'dri ba na/ gal te bcom ldan 'das 'od ma'i tshal na bzhugs na ni de na re bya rgod phung po la bzhugs so zhes zer/ gal te bcom ldan 'das bya rgod phung po la bzhugs na ni de na re 'od ma'i tshal na bzhugs so zhes zer/ gal te bcom ldan 'das pib pa la'i phug na bzhugs na ni de na re sde can ma'i phug na bzhugs so zhes zer/ gal te bcom ldan 'das sde can ma'i phug na bzhugs na ni pib pa la'i phug na bzhugs so zhes zer nas/ de dag gis bcom ldan 'das btsal na ma rnyed nas de dag lus ngal ba dang / lus dub pa dang / lus rgud pas tshe dang ldan pa sgra gcan zin ga la ba der dong ba dang / de na tshe dang ldan pa sgra gcan zin gyis de dag la dris pa/ shes ldan dag bcom ldan 'das mthong ngam/ btsun pa sgra gcan zin ma mthong ngo / /de rgod pa dang de dag gis smras pa/ btsun pa sgra gcan zin bsams bzhin du bdag cag la tho 'tshams par mi mdzad dam/ de yin no/ /de dag smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das snga dro sham thabs gsol/ lhung bzed dang chos gos bsnams te rgyal po'i khab tu bsod snyoms la gshegs nas rgyal po'i khab tu bsod snyoms brgyus te zas kyi bya ba mdzad nas phyi ma'i zas kyi bsod snyoms las slar log pas chu dron gyi kun dga' ra bar tshe dang ldan pa sgra gcan zin gyi gtsug lag khang ga la ba der gshegs so/ /tshe dang ldan pa sgra gcan zin gyis thag ring po kho na nas bcom ldan 'das mthong ngo / /mthong nas kyang bcom ldan 'das kyi slad du gdan shom par byed/ zhabs bsil ba'i chab dang zhabs rten mtha' gcig tu 'jog par byed cing bsu nas/ chos gos len par byed cing 'di skad ces bcom ldan 'das gshegs su gsol/ bcom ldan 'das byon pa legs so/ /bcom ldan 'das gdan bsham pa nyid la bzhugs su gsol/ zhes kyang smras so/ /bcom ldan 'das gdan bshams pa nyid la bzhugs nas/ de nas bcom ldan 'das kyis nyid kyis zhabs gnyis bsil nas chu snod tu chu'i lhag ma nyung zhig bzhag nas tshe dang ldan pa sgra gcan zin la bka' stsal pa/ sgra gcan zin ngas chu snod tu chu'i lhag ma nyung zhig bzhag pa khyod kyis mthong ngam/ btsun pa mthong ngo / /sgra gcan zin de bzhin du nga ni mi gti mug can gang la la shes bzhin du brdzun smra zhing ngo tsha med pa/ 'dzem pa med pa/ 'gyod pa med pa de'i dge sbyong gi tshul chung bar smra'o/ /de nas bcom ldan 'das kyis chu'i lhag ma nyung ngu de sa la pho nas tshe dang ldan pa sgra gcan zin la bka' stsal pa/ sgra gcan zin ngas chu'i lhag ma nyung ngu ma sa la pho ba khyod kyis mthong ngam/ btsun pa mthong ngo / /sgra gcan zin de bzhin du nga ni mi gti mug can gang la la shes bzhin du brdzun smra zhing ngo tsha med pa/ 'dzem pa med pa/ 'gyod pa med pa de'i dge slong gi tshul bor bar smra'o/ /de nas bcom ldan 'das kyis chu snod de sa la bzur nas tshe dang ldan pa sgra gcan zin la bka' stsal pa/ sgra gcan zin ngas chu snod sa la bzur ba khyod kyis mthong ngam/ btsun pa mthong ngo / /sgra gcan zin de bzhin du nga ni mi gti mug can gang la las shes bzhin du brdzun smra zhing ngo tsha med pa/ 'dzem pa med pa/ 'gyod pa med pa de'i dge sbyong gi tshul bzur bar smra'o/ /de nas bcom ldan 'das kyis chu snod de sa la khas bub nas tshe dang ldan pa sgra gcan zin la bka' stsal pa/ sgra gcan zin ngas chu snod sa la khas phub pa khyod kyis mthong ngam/ btsun pa mthong ngo / /sgra gcan zin de bzhin du nga ni mi gti mug can gang la la shes bzhin du brdzun smras zhing ngo tsha med pa/ 'dzem pa med pa/ 'gyod pa med pa de'i dge sbyong gi tshul khas phub par smra'o/ /sgra gcan zin 'di lta ste/ dper na rgyal po'i glang po che dregs pa ma tang ga nas byung ba gzhon pa lo drug bcu lon pa/ mche ba shing rta'i mda' tsam dang ldan pa/ brang dkyel che ba/ g.yul ngor spyad pa/ g.yul gyi nang du son pa/ lag pa gnyis dang / rkang pa gnyis dang / rked pa dang / 'jug ma dang / glo gnyis dang / rgyab dang / za 'gram gnyis dang / mgrin pa dang / rna ba gnyis dang / mche ba gnyis kyis las byed cing snas las mi byed pa/ pha rol gyi dpung dang / pha rol gyi dmag 'joms par byed pa na de na rgyal po'i glang po che zhon pa 'di snyam du 'di ltar rgyal po'i glang po che dregs pa ma tang ka nas byung ba gzhon pa lo drug bcu lon pa/ /mche ba shing rta'i mda' tsam dang ldan pa/ brang dkyel che ba/ g.yul ngor spyad pa/ g.yul gyi nang du song ba lag pa gnyis dang / rkang pa gnyis dang / brla gnyis dang / rked pa dang / 'jug ma dang / glo gnyis dang / rgyab dang / za 'gram gnyis dang / mgrin pa dang / rna ba gnyis dang / mche ba gnyis kyis las byed cing snas las mi byed pa/ pha rol kyi dpung dang pha rol kyi dmag 'joms par byed pa'i rgyal po'i glang po che ni sna drung bar byed pas rgyal po'i glang po ches srog yongs su ma btang ngo snyam du sems so/ /sgra gcan zin gang gi phyir rgyal po'i glang po che dregs pa ma tang ka nas byung ba gzhon pa/ lo drug bcu lon pa/ mche ba shing rta'i mda' tsam dang ldan pa/ brang dkyel che ba/ g.yul ngor spyad pa/ g.yul gyi nang du son pa/ lag pa gnyis dang / rkang pa gnyis dang / brla gnyis dang / rked pa dang / 'jug ma dang / glo gnyis dang / rgyab dang / za 'gram gnyis dang / mgrin pa dang / rna ba gnyis dang / mche ba gnyis dang / snas kyang las byed pa/ pha rol gyi dpung dang / pha rol gyi dmag 'joms par byed pa na de na rgyal po'i glang po che la zhon pa 'di snyam du 'di ltar rgyal po'i glang po che dregs pa ma tang ga nas byung ba gzhon pa/ lo drug bcu lon pa/ mche ba shing rta'i mda' tsam dang ldan pa/ brang dkyel che ba/ g.yul ngor spyad pa/ g.yul gyi nang du son pa/ lag pa gnyis dang / rkang pa dang / brla gnyis dang / rked pa dang / mjug ma dang / glo gnyis dang / rgyab dang / za 'gram gnyis dang / mgrin pa dang / rna ba gnyis dang / mche ba gnyis dang / snas kyang las byed pa/ pha rol gyi dpung dang / pha rol gyi dmag 'joms par byed pa'i rgyal po'i glang po che ni sna srung bar mi byed pas rgyal po'i glang po ches srog yongs su btang ngo snyam du sems te/ sgra gcan zin nga ni de'i tshe na rgyal po'i glang po che des las mi bya ba ni yang med par smra'o/ /sgra gcan zin de bzhin du gang la las shes bzhin du brdzun smra zhing ngo tsha med pa/ 'dzem pa med pa/ 'gyod pa med par gyur na nga ni mi gti mug can des sdig pa'i las mi bya ba cung zad kyang med par smra'o/ /de nas bcom ldan 'das kyis de'i tshe tshigs su bcad pa gnyis bka' stsal pa/ lus can brdzun du smra ba yis/ /chos gcig las ni 'das gyur cing / /'jig rten pha rol bral ba yis/ /'di la sdig pa mi bya med/ /lcags gong me lce 'dra ba dag /zos par gyur pa mchog yin gyi/ /tshul 'chal yang dag mi sdom pas/ /yul 'khor bsod snyoms za ba min/ /sgra gcan zin ji snyams du sems/ mi rnams kyi me long ci'i phyir 'chang / btsun pa 'di ltar rang gi bzhin gyi gzugs so sor brtag pa'i slad du'o/ /sgra gcan zin de bzhin du khyod kyis kyang lus kyi las bya bar bsams pa gang yin pa'i lus kyi las de la ci bdag gis lus kyis las bya bar bsams pa'i lus kyi las gang yin pa de bdag dang gzhan la gnod par 'gyur ba mi dge ba'i sdug bsngal 'byung ba rnam par smin pa sdug bsngal ba yin nam/ 'on te lus kyi las de bdag dang gzhan la phan par 'gyur ba dge ba bde ba 'byung ba rnam par smin pa bde ba yin zhes yang dang yang du so sor brtag par bya'o/ /sgra gcan zin khyod de ltar so sor rtog pa na gal te bdag gis lus kyi las bya bar bsams pa gang yin pa'i lus kyi las de bdag dang gzhan la gnod par 'gyur ba mi dge ba sdug bsngal 'byung ba rnam par smin pa sdug bsngal ba yin par shes na sgra gcan zin khyod kyi lus kyi las de gtang bar bya'o/ /sgra gcan zin khyod de ltar so sor rtog pa na gal te bdag gis lus kyi las bya bar bsams pa gang yin pa'i lus kyi las de bdag dang gzhan la phan par 'gyur ba dge ba bde ba 'byung ba rnam par smin pa bde ba yin pa shes na sgra gcan zin khyod kyis lus kyi las de rjes su bsgrub par bya'o/ /sgra gcan zin khyod kyi lus kyis las byed pa gang yin pa'i lus kyi las de la ci bdag gis lus kyi las byed pa'i lus kyi las gang yin pa de bdag dang gzhan la gnod par 'gyur ba mi dge ba sdug bsngal 'byung ba rnam par smin pa sdug bsngal ba yin nam/ 'on te lus kyi las de bdag dang gzhan la phan par 'gyur ba dge ba bde ba 'byung ba rnam par smin pa bde ba yin zhes yang dang yang du so sor brtag par bya'o/ /sgra gcan zin khyod de ltar so sor rtog pa na gal te bdag gis lus kyi las byed pa gang yin pa'i lus kyi las de bdag dang gzhan la gnod par 'gyur ba mi dge ba sdug bsngal 'byung ba rnam par smin pa sdug bsngal ba yin par shes na sgra gcan zin khyod kyis lus kyi las de gtang bar bya'o/ /sgra gcan zin khyod de ltar so sor rtog pa na gal te bdag gis lus kyi las byed pa gang yin pa'i lus kyi las de bdag dang gzhan la phan par 'gyur ba dge ba bde ba 'byung ba rnam par smin pa bde ba yin par shes na/ sgra gcan zin khyod kyis lus kyi las de rjes su bsgrub par bya'o/ /sgra gcan zin khyod kyis lus kyi las bya ba gang yin pa'i lus kyi las de la ci bdag gis lus kyi las byas pa 'das pa zad pa 'gags pa bral ba rnam par 'gyur ba gang yin pa de bdag dang gzhan la gnod par 'gyur ba mi dge ba sdug bsngal 'byung ba rnam par smin pa sdug bsngal ba yin nam/ 'on te lus kyi las de bdag dang gzhan la phan par 'gyur ba dge ba bde ba 'byung ba rnam par smin pa bde ba yin zhes yang dang yang du so sor brtag par bya'o/ /sgra gcan zin khyod de ltar so sor rtog pa na gal te bdag gis lus kyi las byas pa 'das pa zad pa 'gags pa bral ba rnam par gyur pa gang yin pa'i lus kyi las de bdag dang gzhan la gnod par 'gyur ba mi dge ba sdug bsngal 'byung ba rnam par smin pa sdug bsngal ba yin par shes na/ sgra gcan zin khyod kyis lus kyi las de ston pa dang tshangs pa mtshungs par spyod pa mkhas pa rnams kyi mdun du so sor bshags par bya zhing phyin chad kyang bsdam pa bsgrub bar bya'o/ /sgra gcan zin khyod de ltar so sor rtog pa na gal te bdag gis lus kyi las byas pa 'das pa zad pa 'gags pa bral ba rnam par gyur pa gang yin pa'i lus kyi las de bdag dang gzhan la phan par 'gyur ba dge ba bde ba 'byung ba rnam par smin pa bde ba yin par shes na/ sgra gcan zin khyod kyis dga' ba dang mchog tu dga' ba de nyid kyis nyin mtshan du rjes su bslab cing dran pa dang shes bzhin gyis mang du gnas par bya'o/ /sgra gcan zin khyod kyis ngag gi las bya bar bsams pa gang yin pa'i ngag gi las de la ci bdag gis ngag gis las bya bar bsams pa'i ngag gi las gang yin pa de bdag dang gzhan la gnod par 'gyur ba mi dge ba sdug bsngal 'byung ba rnam par smin pa sdug bsngal ba yin nam/ 'on te ngag gi las de bdag dang gzhan la phan par 'gyur ba dge ba bde ba 'byung ba rnam par smin pa bde ba yin zhes yang dang yang du so sor brtag par bya'o/ /sgra gcan zin khyod de ltar so sor rtog pa na gal te bdag gis ngag gi las bya bar bsams pa gang yin pa'i ngag gi las de bdag dang gzhan la gnod par 'gyur ba mi dge ba sdug bsngal 'byung ba rnam par smin pa sdug bsngal ba yin par shes na/ sgra gcan zin khyod kyis ngag gi las de gtang bar bya'o/ /sgra gcan zin khyod de ltar so sor rtog pa na gal te bdag gis ngag gi las bya bar bsams pa gang yin pa'i ngag gi las de bdag dang gzhan la phan par 'gyur ba dge ba bde ba 'byung ba rnam par smin pa bde ba yin par shes na/ sgra gcan zin khyod kyis ngag gi las de rjes su bsgrub par bya'o/ /sgra gcan zin khyod kyis ngag gi las byed pa gang yin pa'i ngag gi las de la ci bdag gis ngag gi las byed pa'i ngag gi las gang yin pa de bdag dang gzhan la gnod par 'gyur ba mi dge ba sdug bsngal 'byung ba rnam par smin pa sdug bsngal ba yin nam/ 'on te ngag gi las de bdag dang gzhan la phan par 'gyur ba dge ba bde ba 'byung ba rnam par smin pa bde ba yin zhes yang dang yang du so sor brtag par bya'o/ /sgra gcan zin khyod de ltar so sor rtog pa na gal te bdag gis ngag gi las byed pa gang yin pa'i ngag gi las de bdag dang gzhan la gnod par 'gyur ba mi dge ba sdug bsngal 'byung ba rnam par smin pa sdug bsngal ba yin par shes na/ sgra gcan zin khyod kyis ngag gi las de gtang bar bya'o/ /sgra gcan zin khyod de ltar so sor rtog pa na gal te bdag gis ngag gi las de bdag dang gzhan la phan par 'gyur ba dge ba bde ba 'byung ba rnam par smin pa bde ba yin par shes na/ sgra gcan zin khyod kyis ngag gi las de rjes su bsgrub par bya'o/ /sgra gcan zin khyod kyis ngag gi las byas pa gang yin pa'i ngag gi las de la ci bdag gis ngag gi las byas pa 'das pa zad pa 'gags pa bral ba rnam par gyur pa gang yin pa de bdag dang gzhan la gnod par 'gyur ba mi dge ba sdug bsngal 'byung ba rnam par smin pa sdug bsngal ba yin nam/ 'on te ngag gi las de bdag dang gzhan la phan par 'gyur ba dge ba bde ba 'byung ba rnam par smin pa bde ba yin zhes yang dang yang du so sor brtag par bya'o/ /sgra gcan zin khyod kyis de ltar so sor rtog pa na/ gal te bdag gis ngag gi las byas pa 'das pa zad pa 'gags pa bral ba rnam par gyur pa gang yin pa'i ngag gi las de bdag dang / gzhan la gnod par 'gyur ba mi dge ba sdug bsngal 'byung ba rnam par smin pa sdug bsngal ba yin par shes na/ /sgra gcan zin khyod kyis ngag gi las de ston pa dang / tshangs pa mtshungs par spyod pa mkhas pa rnams kyi mdun du so sor bshags par bya zhing phyin chad kyang bsdam pa bsgrub par bya'o/ / sgra gcan zin khyod de ltar so sor rtog pa na gal te bdag gis ngag gi las byas pa 'das pa zad pa 'gags pa bral ba rnam par gyur pa gang yin pa'i ngag gi las de bdag dang gzhan la phan par 'gyur ba dge ba bde ba 'byung ba rnam par smin pa bde ba yin par shes na/ sgra gcan zin khyod kyis dga' ba dang mchog tu dga' ba de nyid kyis nyin mtshan du rjes su bslab cing dran pa dang shes bzhin gyis mang du gnas par bya'o/ /sgra gcan zin yid ni 'das pa'i 'du byed rnams las brten te skye bas khyod kyi yid kyi las de bdag gi yid 'das pa'i 'du byed rnams las brten te skyes pa gang yin pa'i yid kyi las de bdag dang gzhan la gnod par 'gyur ba mi dge ba sdug bsngal 'byung ba rnam par smin pa sdug bsngal ba yin nam/ 'on te yid kyi las de bdag dang gzhan la phan par 'gyur ba dge ba bde ba 'byung ba rnam par smin pa bde ba yin zhes yang dang yang du so sor brtag par bya'o/ /sgra gcan zin khyod de ltar so sor rtog pa na gal te bdag gi yid 'das pa'i 'du byed rnams las brten te skyes pa gang yin pa'i yid kyi las de bdag dang gzhan la gnod par 'gyur ba mi dge ba sdug bsngal 'byung ba rnam par smin pa sdug bsngal ba yin par shes na/ sgra gcan zin khyod kyis yid kyi las de gtang bar bya'o/ /sgra gcan zin khyod de ltar so sor rtog pa na gal te bdag gi yid 'das pa'i 'du byed rnams las brten te skyes pa gang yin pa'i yid kyi las de bdag dang gzhan la phan par 'gyur ba dge ba bde ba 'byung ba rnam par smin pa bde ba yin par shes na/ sgra gcan zin khyod kyis yid kyi las de rjes su bsgrub par bya'o/ /sgra gcan zin yid ni ma 'ongs pa'i 'du byed rnams las brten te skye bas khyod kyis yid kyi las de la ci bdag gi yid ma 'ongs pa'i 'du byed rnams las brten te skyes pa gang yin pa'i yid kyi las de bdag dang gzhan la gnod par 'gyur ba mi dge ba sdug bsngal 'byung ba rnam par smin pa sdug bsngal ba yin nam/ 'on te yid kyi las de bdag dang gzhan la phan par 'gyur ba dge ba bde ba 'byung ba rnam par smin pa bde ba yin zhes yang dang yang du so sor brtag par bya'o/ /sgra gcan zin khyod de ltar so sor rtog pa na gal te bdag gi yid ma 'ongs pa'i 'du byed rnams las brten te skyes pa gang yin pa'i yid kyi las de bdag dang gzhan la gnod par 'gyur ba mi dge ba sdug bsngal 'byung ba rnam par smin pa sdug bsngal bar shes na/ sgra gcan zin khyod kyis yid kyi las de gtang bar bya'o/ /sgra gcan zin khyod de ltar so sor rtog pa na gal te bdag gi yid ma 'ongs pa'i 'du byed rnams las brten te skyes pa gang yin pa'i yid kyi las de bdag dang gzhan la phan par 'gyur ba rnam par smin pa bde ba yin par shes na/ sgra gcan zin khyod kyis yid kyi las de rjes su bsgrub par bya'o/ /sgra gcan zin yid ni da ltar byung ba'i 'du byed rnams las brten te skye bas khyod kyis las de la ji bdag gi yid da ltar byung ba'i 'du byed rnams las brten te skyes pa gang yin pa'i yid kyi las de bdag dang gzhan la gnod par 'gyur ba mi dge ba sdug bsngal 'byung ba rnam par smin pa sdug bsngal ba yin nam/ 'on te yid kyi las de bdag dang gzhan la phan par 'gyur ba dge ba bde ba 'byung ba rnam par smin pa bde ba yin zhes yang dang yang du so sor brtag par bya'o/ /sgra gcan zin khyod de ltar so sor rtog pa na/ gal te bdag gi yid da ltar byung ba'i 'du byed rnams las brten te skyes pa gang yin pa'i yid kyi las de bdag dang gzhan la gnod par 'gyur ba mi dge ba sdug bsngal 'byung ba rnam par smin pa sdug bsngal bar shes na/ sgra gcan zin khyod kyis yid kyi las de gtang bar bya'o/ /sgra gcan zin khyod de ltar so sor rtog pa na gal te bdag gi yid da ltar byung ba'i 'du byed rnams las brten te skyes pa gang yin pa'i yid kyi las de bdag dang gzhan la phan par 'gyur ba dge ba bde ba 'byung ba rnam par smin pa bde ba yin par shes na/ sgra gcan zin khyod kyis yid kyi las de rjes su bsgrub par bya'o/ /sgra gcan zin dge sbyong ngam bram ze gang dag da ltar lus kyi las dang / ngag gi las dang / yid kyi las la so sor brtags shing so sor brtags nas yongs su sbyangs shing yongs su sbyangs te mang du gnas par byed pa de dag thams cad kyang lus kyi las dang / ngag gi las dang / yid kyi las la de ltar so sor brtags shing so sor brtags nas yongs su sbyangs shing yongs su sbyangs te mang du gnas par byed do/ /dge sbyong ngam bram ze gang dag 'das pa'i dus na lus kyi las dang ngag gi las dang yid kyi las la so sor brtags shing / so sor brtags nas yongs su sbyangs shing yongs su sbyangs te mang du gnas par gyur pa de dag thams cad kyis kyang lus kyi las dang / ngag gi las dang / yid kyi las la de ltar so sor brtags shing so sor brtags nas yongs su sbyangs shing yongs su sbyangs te mang du gnas par gyur to/ / dge sbyong dang / bram ze gang dag ma 'ongs pa'i dus na lus kyi las dang / ngag gi las dang / yid kyi las la so sor brtags shing so sor brtags nas yongs su sbyangs shing yongs su sbyangs te mang du gnas par 'gyur ba de dag thams cad kyang lus kyi las dang / ngag gi las dang yid kyi las la de ltar so sor brtags shing so sor brtags nas yongs su sbyangs shing yongs su sbyangs te mang du gnas par 'gyur ro/ /sgra gcan zin de lta bas na 'di ltar lus kyi las dang / ngag gi las dang / yid kyi las de la so sor brtags shing so sor brtags nas yongs su sbyangs shing yongs su sbyangs te mang du gnas par bya'o zhes bslab par bya ste/ sgra gcan zin khyod kyis de ltar bslab par bya'o/ / bcom ldan 'das kyis de skad ces bka' stsal te/ bde bar gshegs pas de skad gsungs nas ston pas gzhan yang 'di skad ces bka' stsal to/ /sangs rgyas bstan pa dran byed na/ /lus kyi las dang ngag las dang / /yid kyi las la mang du ni/ /so sor rtogs shig sgra gcan zin/ /'di ni dge sbyong las yin te/ /'di la slobs shig sgra gcan zin/ /'di la khyod ni slob byed na/ /dge bar 'gyur zhing sdig med yin/ /de nas bcom ldan 'das kyis tshe dang ldan pa sgra gcan zin la chos dang ldan pa'i gtam gyis yang dag par bstan/ yang dag par 'dzin du bcug /yang dag par bzeng bstod/ yang dag par rab tu dga' bar mdzad nas gdan las bzhengs te gshegs so/ /'di ni re shig byung ba yin te/ sangs rgyas bcom ldan 'das re shig 'dul ba la nyan thos rnams kyi bslab pa'i gzhi bca' bar ni mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na mnyan yod na shAkya'i bu dge slong lag brgyud ces bya ba zhig 'dug pa de shin tu smra ba dang gzhan gyi smra ba'i rjes su brtson par gnas so/ /de na shed bu gsang tshig 'dod pa/ gsang tshig pa tshol ba zhig yul dbus nas lho lam du song ngo / /de na bram ze rig byed dang rig byed kyi yan lag gi pha rol du son pa yul tha dad pa na gnas pa'i bram ze rnams kyi ston par gyur pa zhig 'dug nas/ shed bu de bram ze de'i drung du song ste phyin nas zhi ba dang spyod lam zhi bas mgo bos phyag 'tshal te mtha' gcig tu 'dug go/ /de nas bram ze des shed bu de la 'ongs pa legs so zhes bya ba'i tshig gi kun tu spyod pas smras pa/ kye shed bu khyod ga las 'ongs ci zhig 'dod/ shed bus smras pa/ bdag yul dbus nas mchis te/ mkhan po'i zhabs la sri zhu bgyid par 'tshal lo/ /ci zhig gi phyir rig byed klag pa'i slad du'o/ /shed bu legs kyis de bzhin gyis shig /de ni bram zes bya ba yin no/ /shed bu des bram ze de'i drung du rig byed klag pa bya bar brtsams so/ /shed bu rnams kyi kun du spyod pa ni 'di yin te / gang gi tshe mi klog par gyur pa de'i tshe na lan 'ga' ni chu ngogs su nye reg byed du dong ngo / /lan 'ga' ni grong khyer bltar 'dong ngo / /lan 'ga' ni yam sreg shing thur 'dong ngo / /ji tsam dus gzhan zhig na de dag mi klog par gyur nas de'i tshe de dag yam sreg shing thur dong ba dang / de dag la lam gyi bar du bar skabs kyi gtam rjod pa 'di lta bu 'di byung ste/ kye kud sa'i rigs dag bad sa'i rigs dag /shan di li'i rigs dag /b+ha ra dwa dza'i rigs dag /lnga pa'i rigs dag /nye lnga'i rigs dag ji khyed cag las gang ni yul ga las 'ongs pa dri bar bya'o/ /de na shed bu gcig gis smras pa/ kho bo ni yul shar nas so/ / gzhan dag gis smras/ kho bo ni lho lam nas so/ /yang gzhan zhig gis smras pa/ kho bo ni nub kyi sa nas so/ /yang gzhan zhig gis smras pa/ kho bo ni byang lam nas so/ /shed bu des smras pa/ kho bo ni yul dbus nas so/ /de dag gis smras pa shes ldan dag bdag cag gis yul thams cad mthong thos na yul dbus ni ma mthong ma thos so/ /shar na blo can gnas pa ste/ /lho lam na ni g.yon byed 'dug /nub kyi yul na phra ma can/ /byang lam na ni tshig rtsub po zhes tshigs su bcad pa yang smras so/ /de nas dris pa/ shed bu yul dbus ci 'dra shes ldan dag yul dbus ni yul rnams kyi mchog yin te/ sA lu dang / bu ram shing gi phreng ba dang / ba lang dang / ma he phun sum tshogs pa/ slongs mo pa brgyas khyab pa/ dbus pa'i skye bos gang ba/ mtha' 'khob pa'i skye bos spangs pa/ skye bo mkhas pas bsten pa/ de na chu klung gang gA kha rje dang bsod nams dang / bkra shis dang / gtsang ba dang / gtsang ma nyid kyi gnas su grags pa 'gram gnyis nas rlan 'phyo ba/ drang srong rnams kyi bsti gnas shes bya ba chu dgur bcwa brgyad 'bab pa yod de/ der drang srong rnams kyis dka' thub spyad na rang gi lus nyid kyis mtho ris su 'dong ba yin no/ /kye shed bu de ni mjal gyis gzhan 'di 'dri'o/ /yul dbus na mkhas par bgrang ba dag yod dam/ shes ldan dag kho bos dang po nyid nas yul dbus ni dbus pa'i skye bos gang ba/ mtha' 'khob pa'i skye bos spangs pa/ skye bo mkhas pas bsten pa'o zhes ma smras sam/ shed bu khyod kyis de skad smras so/ /shed bu yul dbus na 'di lta ste/ dper na bdag cag gi mkhan po dang 'dra ba smra ba'i khyu mchog de lta bu dag yod dam/ shes ldan dag yul dbus na bdag cag gi mkhan pos gang dag gi gdong du blta bar yang mi nus pa/ snyan par smra ba smra ba'i khyu mchog de lta bu dag yod do/ /shed bu des de dag la de lta de ltar yul dbus kyi bsngags pa brjod pa dang / 'di ltar de dag thams cad yul dbus su 'dong 'dod par gyur to/ /de nas shed bu de dag gis yam sreg shing dag btsal te/ yam sreg shing gi khur thogs nas bram ze de'i khyim ga la ba der dong ste phyin nas yam sreg shing gi khur mtha' gcig tu bzhug ste/ bram ze de ga la ba der dong nas phyin pa dang / bram ze de la 'di skad ces smras so/ /mkhan po mkhyen par mdzod cig /shed bu 'dis ci nas kyang bdag cag thams cad yul dbus su mchi 'tshal bar gyur pa de ltar yul dbus kyi bsngags pa brjod do/ /bram ze des smras pa/ bu dag ci ji snyed thos pa de snyed bgrod par bya ba yin nam/ 'di ltar yul dag ni thos na dga' bar 'gyur ba yin pas mnyan par bya'i/ bgrod par ni mi bya'o/ /mkhan po shed bu 'di'i mchid nas yul dbus na bdag cag gi mkhan pos gang dag gi gdong du blta bar yang mi nus pa/ snyan par smra ba smra ba'i khyu mchog de lta bu dag mchis so zhes mchi'o/ /bu dag ci kho bo na re sa'i steng na kho bo gcig pu kho na las smra ba gzhan 'ga' yang med do zhes zer ram/ sa ni rin po che mang po 'dzin pa yin pas sa gzhi ni mdzes pa dag gis gang ba yin no/ /mkhan po re shig yul de yang mthong bar 'gyur zhing chu ngogs su nye reg kyang bgyi/ smra ba'i khyu mchog de dag la yang bsnyen bkur bgyi/ rgol ba dag kyang tshar gcad par bgyi/ rang gi grags pa yang bsgrag par bgyi/ rnyed pa yang bsgrub par bgyis/ bdag cag yul dbus su mchi'o/ /bram ze de slob ma la rjes su chags pa dang bcas pa dang / 'khor nyung ba yin pas des shed bu de dag la 'di skad ces smras so/ /bu dag gal te de lta na g.yang gzhi dag dang / shing shun dag dang / dbyug gu dag dang / blugs gzar dag dang / dgang gzar dag dang / ril ba dag long shig dang yul dbus su 'dong ngo / /de dag gis de dag blangs nas bram ze de shed bu de dag dang lhan cig yul dbus su 'phags pa dang / des rgol ba kha cig ni tshar bcad de rgol ba'i shing rta la sbyor bar byed/ kha cig mgor thal ba'i bum pa dag gis bsnun/ kha cig ni 'phong gi dpong sar khwa bzhin du thag ring po nas yongs su spong bar byed/ kha cig ni gdugs dang / rgyal mtshan dang / ba dan dag gis bsu bar byed/ kha cig ni slob ma nyid du khas len par byed cing de mthar gyis grong rdal dang / dbye tshongs dang / tshong rdal dag tu rgol ba 'dul zhing mnyan yod du phyin to// //'dul ba rnam par 'byed pa/ bam po sum bcu rtsa brgyad pa/ mnyan yod na bram ze 'khor shin du mang ba zhig gis lho lam nas bram ze rgol ba zhig 'ongs shes thos so/ /thos nas kyang des rang gi 'khor rnams la smras pa/ shes ldan dag shes par gyis shig /kho bos lho lam nas bram ze rgol ba zhig mnyan yod tu 'ongs shes thos kyis de gal te rig pa'i gnas che ge mo zhig la gtam 'dre bar byed na khyod kyis de dang lhan cig gtam 'dre bar bya'o/ /rig pa'i gnas che ge mo zhig la gtam 'dre bar byed na ni khyod kyis de dang lhan cig gtam 'dre bar bya'o/ /gal te re shig tshar gcad par nus na de lta na legs/ gal te gcad par ma nus na shAkya'i dge sbyong rnams kyi nang du gtang bar bya'o/ /gal te re shig shAkya'i bu'i dge sbyong rnams tshar chod na bram ze mchog nyid tu 'gyur la/ gal te shAkya'i bu'i dge sbyong rnams kyis tshar gcad par gyur na/ de lta na yang lho lam nas rgol ba zhig 'ongs pa de mnyan yod nas tshar bcad do zhes bdag cag la phyogs dang phyogs mtshams rnams su snyan pa'i sgra'i tshogs rgya chen po dge ba mngon par 'byung bar 'gyur ro/ /lho lam nas 'ongs pa'i bram ze de nang par sngar langs te gos kyis glo dgris nas rtswa'i sgron ma thogs te mnyan yod du zhugs pa dang / mnyan yod pa'i bram ze'i khye'u rnams kyis de la smras pa/ mkhan po ci'i slad du gos kyis glo dkris par gyur/ kho bos thos pa de snyed bzung ba glo rdol te mi 'byung bar bya ba'i phyir ro/ /gal te de lta na zangs ma'i glegs bus dkris par bgyi ba'i rigs so/ /ci'i slad du rtswa'i sgron ma bsnams/ ci 'jig rten mi shes pa'i mun pa can gyi nang du shes pa'i sgron mas 'jug par bya'o/ /de de dag dang lhan cig rig pa'i gnas gang dang gang la gtam 'dre bar byed pa de la des de dag spobs pa med par byed cing / gang gi tshe thams cad spobs pa med par byas pa de'i tshe na de dag gis smras pa/ mkhan po ci rang gi phyogs 'joms pa kho na lags sam/ des smras pa ci kho bo la gzhan gyi phyogs 'ga' zhig kyang yod dam de dag gis smras pa/ mchis te shAkya'i bu'i dge sbyong byung nas dus ring po ma lags pa dag lags te/ de dag ni shin tu rigs bzhi po dag rnam par dag par 'dod pa dang / ston pa dang / 'dogs pa dang / rab tu 'joms par bgyid pa lags kyis/ de dag dang re shig lhan cig gtam 'dre bar mdzod cig /de dag ga la 'khod mnyan yod 'di nyid na rgyal byed kyi tshal mgon med zas sbyin gyi kun dga' ra ba na'o/ /de dag gi smra ba'i khyu mchog gang yin/ de dag thams cad kyang mkhas pa/ spyod pa gsal ba sha stag lags mod kyi/ 'on kyang de dag gi smra ba'i khyu mchog ni dge sbyong lag brgyud ces bgyi ba lags so/ /de ga la 'dug /mnyan yod 'di nyid na rgyal byed kyi tshal mgon med zas sbyin gyi kun dga' ra ba na'o/ /de dag de ltar gtam 'dre bar byed pa na shAkya'i bu lag brgyud de nyid du phyin nas bram ze'i khye'u de dag gis bram ze de la smras pa/ mkhan po re shig shAkya'i bu'i dge sbyong gzhan dag zhog la shAkya'i bu lag brgyud 'di dang lhan cig gtam 'dre bar mdzod cig /des de mthong nas smras pa/ 'di la slob dpon gyi mtshan yod pas 'di ni smra ba'i khyu mchog yin no zhes de de'i gan du song ste smras pa/ kye dge slong bdag gis bla ma las yi ge cung zad blangs pa dag cig yod de/ bdag khyod dang lhan cig cung zad gtam rnam par gtan la dbab par byed par 'dod do/ /bram ze mnyes te/ kho bo la yang gang du bdag gi rgol ba'i bstan bcos rnon por bya snyam pa'i blo skyes na khyod kyang 'dir 'ongs kyis de bzhin bya'o/ /nyi ma gang la bya/ sang bya'o/ /phyogs gang du/ bskyed mos tshal ga ge mo zhig tu'o/ /de bzhin bya'o zhes smras te song ngo / /de nas bram ze de phyogs dang gzhan gyi phyogs sems shing gal te 'di skad ces zer na bdag gis 'di skad ces bya'o snyam du sems pa na mtshan thams cad 'das par gyur to/ /shAkya'i bu lag brgyud kyis bsams pa/ gal te bdag gis re shig bram ze tshar bcad na ni de lta na yang bdag gis sgo 'phar brgya dag 'das te/ ji ltar lto dgang ba bsgrub par bya dgos so/ /gal te bram zes bdag tshar bcad na ni de lta na bdag gi grags pa'i phreng ba med par 'gyur ro snyam mo/ /bram ze yang nang par sngar langs te bskyed mos tshal du song nas des der de yun ring du bsdad de de ma 'ongs par rig nas mnyan yod du zhugs so/ /shAkya'i bu lag brgyud kyang brtsad pa'i dus yol nas mnyan yod du bsod snyoms la zhugs pa dang de bram ze des mthong nas smras pa/ kye dge slong khyod bskyed mos tshal der ma 'ongs so/ / lag brgyud kyis smras pa/ kho bo bskyed mos tshal gang du bos na ma 'ongs/ sang bskyed mos tshal ga ge mo zhig tu gtam rnam par gtan la dbab par bya'o zhes so/ /lag brgyud kyis smras pa/ bram ze kho bos ye brjed do/ /bram zes bsams pa/ bdag ni mtshan thog thag tu phyogs dang gzhan gyi phyogs sems pas nam nangs par gyur na dge slong 'di na re kho bos ye brjed do zhes zer ba las na yang na ni blon po chen po zhig yin no/ /yang na ni shes pas mi 'khrugs pa zhig yin no snyam nas des smras pa/ kye dge slong sang bya'o/ /bram ze de ltar bya'o/ /bram ze de phyi de nyin par yang nang par sngar langs te bskyed mos tshal der song nas des der yun ring du bsdad de/ de ma 'ongs par rig nas yang mnyan yod du zhugs so/ / shAkya'i bu lag brgyud kyang brtsad pa'i dus yol nas mnyan yod tu bsod snyoms la zhugs pa dang / de bram ze des mthong nas smras pa/ kye dge slong khyod bskyed mos tshal der ma 'ongs so/ /lag brgyud kyis smras pa/ bram ze ci kho bo'i bya ba de kho nar zad dam/ kho bos je ston pa la bsnyen bkur bya dgos so/ /thos pa gzung bar bya dgos so/ /tshogs klog tu gzhug dgos so/ /bram ze dang / khyim bdag 'ongs shing lhags pa rnams la yang chos bstan par bya dgos so/ /bram zes smras pa/ dge slong khyod ched du bsams te tho 'tsham pa mi byed dam/ de yin no/ /de'i tshe na shAkya'i bu lag brgyud yul phyogs byed cing brda dang mtshan ma byed do/ /des yul phyogs byas shing brda dang mtshan ma byas nas ched du bsams te mi 'gro nas gzhan mu stegs can dag shes ldan dag /shAkya'i bu'i dge sbyong 'di dag ni brdzun smra ba las ma log /ma spangs so sor ma spangs pa dag yin te yul phyogs byed cing brda dang mtshan ma byed la/ yul phyogs byas shing brda dang mtshan ma byas nas ched tu bsams te 'gro bar mi byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis shAkya'i bu lag brgyud la rmas pa/ lag brgyud khyod yul phyogs byed cing brda dang mtshan ma byed la/ yul phyogs byas shing brda dang mtshan ma byas nas ched tu bsams te mi 'gro ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ shes bzhin du brdzun smra na ltung byed do/ /shes bzhin du zhes bya ba ni rnam par dpyad nas so/ /brdzun smra na zhes bya ba la brdzun smra ba ni rnam pa dgu yang yod/ rnam pa brgyad kyang yod/ rnam pa bdun yang yod/ rnam pa drug kyang yod/ rnam pa lnga yang yod/ rnam pa bzhi yang yod/ rnam pa gsum yang yod/ rnam pa gnyis kyang yod do/ /de la brdzun du smra ba rnam par dgu gang zhe na/ gzhi med par pham par 'gyur ba dang / dge 'dun lhag ma dang / ltung byed dang / so sor bshags par bya ba dang / nyes byas kyis gleng ba dang / gzhi med par tshul khrims nyams pa dang / lta ba nyams pa dang / cho ga nyams pa dang / 'tsho ba nyams pas gleng ba'o/ /brdzun du smra ba rnam pa brgyad gang zhe na/ gzhi med par pham par 'gyur ba dang / dge 'dun lhag ma dang / ltung byed dang / so sor bshags par bya ba dang / nyes byas kyis gleng ba dang / gzhi med par mthong ba dang / thos pa dang / dogs pas gleng ba'o/ /brdzun du smra ba rnam pa bdun gang zhe na/ gzhi med par tshul khrims nyams pa dang / lta ba nyams pa dang / cho ga nyams pa dang / 'tsho ba nyams pas gleng ba dang / gzhi med par mthong ba dang / thos pa dang / dogs pas gleng ba'o/ /brdzun du smra ba rnam pa drug gang zhe na/ dge slong brdzun du smra bar 'dod pa ni 'di snyam du brdzun smra bar bya'o snyam pa dang / brdzun smra ba na 'di snyam du brdzun smra'o snyam pa dang / brdzun smras pa na 'di snyam du brdzun smras so snyam pa dang / dge slong gzhi med par mthong ba dang / thos pa dang / dog pas brdzun smra ba'o/ /brdzun du smra ba rnam pa lnga gang zhe na/ gzhi med par pham par 'gyur ba dang / dge 'dun lhag ma dang / ltung byed dang / so sor bshags par bya ba dang / nyes byas kyis gleng ba'o/ /brdzun du smra ba rnam pa bzhi gang zhe na/ gzhi med par tshul khrims nyams pa dang / lta ba nyams pa dang / cho ga nyams pa dang / 'tsho ba nyams pas gleng ba'o/ /brdzun du smra ba rnam pa gsum gang zhe na/ gzhi med par mthong ba dang / thos pa dang / dogs pas gleng ba'o/ /gzhan yang brdzun du smra ba rnam pa gsum gang zhe na/ brdzun smra bar 'dod pa na 'di snyam du brdzun du smra bar bya'o snyam pa dang / brdzun du smra ba na 'di snyam du brdzun du smra'o snyam pa dang / brdzun du smras pa na 'di snyam du brdzun smras so snyam pa'o/ /brdzun du smra ba rnam pa gnyis gang zhe na/ brdzun du smra ba na 'di snyam du brdzun smra'o snyam pa dang / brdzun smras pa na 'di snyam du brdzun smras so snyam pa'o/ /brdzun smra ba la rnam pa gcig pu 'ba' zhig ni med do/ /brdzun du smra ba ni pham par 'gyur ba yang yod/ brdzun du smra ba ni dge 'dun lhag mar 'gyur ba yang yod/ brdzun du smra ba ni nyes pa sbom por 'gyur ba yang yod/ ltung byed du 'gyur ba yang yod/ nyes byas su 'gyur ba yang yod do/ /de la brdzun du smra ba pham par 'gyur ba gang zhe na/ 'di lta ste/ dge slong med la med bzhin du mi'i chos bla ma smra ba'o/ /brdzun du smra ba dge 'dun lhag mar 'gyur ba gang zhe na/ 'di lta ste/ dge slong khros shing zhe sdang bar gyur nas ci nas kyang 'di tshangs par spyod pa dang dbral lo snyam nas dge slong dag pa ltung ba med pa la gzhi med par pham par 'gyur ba'i chos kyis skur pa 'debs pa'o/ /brdzun du smra ba nyes pa sbom por 'gyur ba gang zhe na/ 'di lta ste/ dge slong dge 'dun gyi nang du ched du bsams te chos ma yin pa chos su ston pa dang / chos chos ma yin par ston pa dang / 'dul ba ma yin pa 'dul bar ston pa dang / 'dul ba 'dul ba ma yin par ston pa'o/ /brdzun du smra ba nyes byas su 'gyur ba gang zhe na/ 'di lta ste/ dge slong zla ba phyed phyed cing so sor thar pa'i mdo bstan pa 'don pa na ci 'di la khyed yongs su dag gam zhes dris pa na yongs su ma dag bzhin du cang mi smra bar sdod pa'o/ /brdzun du smra ba ltung byed du 'gyur ba gang zhe na/ 'di lta ste/ brdzun du smra ba rnam pa bzhi po de dag ma gtogs par brdzun du smra ba gzhan gang yin pa de dag thams cad ni ltung byed tu 'gyur ba yin no/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshed par byed/ ltung bar byed pa'o/ /gzhan yang ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ bar sdom la/ ma brjed pa dang yid gnyis dang / /'du shes pa ni tha ma yin/ /dge slong gis ma mthong ba dang / ma thos pa dang / ma rig pa dang / rnam par mi shes la/ des 'du shes bsgyur zhing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis mthong ngo / /bdag gis thos so/ /bdag gis rig go/ /bdag gis rnam par shes so zhes zer na smras so cog ltung byed du 'gyur ro/ /des mthong la de yang brjed pa dang / thos shing rig ste rnam par shes la/ de yang brjed nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis mthong ste de yang ma brjed do/ /bdag gis thos shing rig la rnam par shes te de yang ma brjed do zhes zer na smras so cog ltung byed tu 'gyur ro/ / des mthong la de la yid gnyis za ba dang / thos shing rig ste rnam par shes la/ de la yid gnyis za nas/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis mthong ste de la yid gnyis mi za'o/ /bdag gis thos shing rig la rnam par shes te/ de la yid gnyis mi za'o zhes zer na smras so cog ltung byed tu 'gyur ro/ /des mthong ba la ma mthong bar 'du shes shing / thos pa dang / rig pa dang / rnam par shes pa la rnam par ma shes par 'du shes la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis mthong ngo / /thos so/ /rig go/ /rnam par shes so zhes zer na smras so cog ltung byed du 'gyur ro/ /des ma mthong zhing thos pa dang / rig pa dang / rnam par shes la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis mthong gi ma thos/ ma rig /rnam par ma shes so zhes zer na smras so cog ltung byed du 'gyur ro/ /des ma thos shing / mthong ba dang / rig pa dang / rnam par shes la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis thos kyi/ ma mthong / ma rig rnam par ma shes so zhes zer na smras so cog ltung byed du 'gyur ro/ /des ma rig cing / mthong ba dang / thos pa dang / rnam par shes la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis rig gi/ /ma mthong / ma thos/ rnam par ma shes so zhes zer na smras so cog ltung byed tu 'gyur ro/ /des rnam par ma shes shing / mthong ba dang / thos pa dang / rig la des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis rnam par shes kyi/ ma mthong ma thos/ ma rig go zhes zer na smras so cog ltung byed du 'gyur ro/ /des mthong la de yang brjed pa dang thos shing rig ste rnam par shes la/ de yang brjed nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis ma mthong ste/ de yang ma brjed do/ /ma thos/ ma rig /rnam par ma shes te de yang ma brjed do zhes zer na smras so cog ltung byed tu 'gyur ro/ /des mthong la de la yid gnyis za ba dang / thos shing rig ste rnam par shes la de la yid gnyis za nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis ma mthong ste de la yid gnyis mi za'o/ /bdag gis ma thos/ ma rig /rnam par ma shes te yid gnyis mi za'o zhes zer na smras so cog ltung byed tu 'gyur ro/ /des mthong la mthong bar 'du shes nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis ma mthong gi thos shing rig la rnam par shes so zhes zer na smras so cog ltung byed tu 'gyur ro/ /des thos la thos par 'du shes nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis ma thos kyi/ mthong zhing rig ste rnam par shes so zhes zer na smras so cog ltung byed tu 'gyur ro/ /des rig la rig par 'du shes nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis ma rig gi mthong zhing thos la rnam par shes so zhes zer na smras so cog ltung byed tu 'gyur ro/ /des rnam par shes la rnam par shes par 'du shes nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces bdag gis rnam par ma shes kyi/ mthong zhing thos la rig go zhes zer na smras so cog ltung byed tu 'gyur ro/ / dge slong gis mthong ba dang / thos pa dang / rig pa dang / rnam par shes la de la 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis ma mthong ngo / /bdag gis ma thos so/ /bdag gis ma rig go/ /bdag gis rnam par ma shes so zhes zer na smras so cog ltung byed tu 'gyur ro/ /des ma mthong la de yang ma brjed pa dang ma thos ma rig rnam par ma shes la de yang ma brjed nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis mthong ste de yang brjed do/ /bdag gis thos shing rig la rnam par shes te de yang brjed do zhes zer na smras so cog ltung byed tu 'gyur ro/ /des ma mthong la de la yang yid gnyis mi za ba dang / ma thos ma rig rnam par ma shes la de la yid gnyis mi za nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis mthong ste de la yid gnyis za'o/ /bdag gis thos shing rig la rnam par shes te de la yid gnyis za'o zhes zer na smras so cog ltung byed tu 'gyur ro/ /des ma mthong ba la mthong bar 'du shes shing ma thos pa dang / ma rig pa dang / rnam par ma shes pa la rnam par shes par 'du shes la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis ma mthong ngo / /ma thos so/ /ma rig go/ /rnam par ma shes so zhes zer na smras so cog ltung byed tu 'gyur ro/ /des mthong zhing ma thos pa dang / ma rig pa dang / rnam par ma shes la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis ma mthong gi/ /thos zhing rig la rnam par shes so zhes zer na smras so cog ltung byed tu 'gyur ro/ /des thos shing ma mthong ma rig rnam par ma shes la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis ma thos kyi/ mthong zhing rig la rnam par shes so zhes zer na smras so cog ltung byed tu 'gyur ro/ /des rig cing ma mthong ma thos rnam par ma shes la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis ma rig gi/ mthong zhing thos la rnam par shes so zhes zer na smras so cog ltung byed tu 'gyur ro/ /des rnam par shes shing ma mthong ma thos ma rig la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis rnam par ma shes kyi/ mthong zhing thos la rig go zhes zer na smras so cog ltung byed tu 'gyur ro/ /des ma mthong ba na yang ma brjed pa dang / ma thos ma rig rnam par ma shes la de yang ma brjed nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis mthong ste de yang brjed do/ /thos shing rig la rnam par shes te de yang brjed do zhes zer na smras so cog ltung byed tu 'gyur ro/ /de ma mthong ba de la yid gnyis mi za ba dang / ma thos ma rig rnam par ma shes la de la yid gnyis mi za nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis mthong ste de la yid gnyis za'o/ /bdag gis thos shing rig la rnam par shes te de la yid gnyis za'o zhes zer na smras so cog ltung byed tu 'gyur ro/ /des ma mthong la ma mthong bar 'du shes nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis mthong gi/ ma thos ma rig rnam par ma shes so zhes zer na smras so cog ltung byed tu 'gyur ro/ /des ma thos la ma thos par 'du shes nas des 'du shes pa bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis thos kyi/ ma mthong ma rig rnam par ma shes so zhes zer na smras so cog ltung byed du 'gyur ro/ /des ma rig la ma rig par 'du shes nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis rig gi ma mthong ma thos rnam par ma shes so zhes zer na smras so cog ltung byed tu 'gyur ro/ /des rnam par ma shes la rnam par ma shes par 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis rnam par shes kyi/ ma mthong ma thos ma rig go zhes zer na smras so cog ltung byed tu 'gyur ro/ /dge slong ji tsam du 'du shes bsgyur te tshig smra bar byed na thams cad// ltung byed tu 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /brdzun tu smra ba'i ltung byed de dang po rdzogs s+ho// sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag dge slong rnams la 'di lta ste/ zhar ba dag /theng po dag /smad 'chal dag /lag sor rdum po dag / sgur po dag /mi'u thung dag /lba ba can dag /lkug pa dag /'on pa dag /rten 'phye dag /rkang bam dag /gyol po dag /mchu 'phyangs dag /mgo bo che dag ces mi'i skyon nas smra bas kun du spyod par byed do/ /mi'i skyon nas smra bas kun tu spyod pa na dge slong dag spa gong ba dang / gzengs dmas pa dang / zhum par gyur nas lung mnod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong zhing sdug bsngal dang / yid mi bde ba mang bar gnas so/ /dge slong don nyung ngu dag ci'i phyir dge slong dag dge slong rnams la 'di lta ste/ zhar ba dag /theng po dag /smad 'chal dag /lag sor rdum po dag /sgur po dag /mi'u thung dag / lba ba can dag /lkug pa dag /'on pa dag /rten 'phye dag /rkang bam dag /gyol po dag /mchu 'phyangs dag /mgo bo che dag ces mi'i skyon nas smra bas kun tu sbyod par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin no/ /sangs rgyas bcom ldan 'das kyis dge slong drug sde dag la rmas pa/ dge slong dag khyed dge slong rnams la 'di lta ste/ zhar ba dag /theng po dag /smad 'chal dag /lag sor rdum po dag /sgur po dag /mi'u thung dag /lba ba can dag /lkug pa dag /'on pa dag /rten 'phye dag /rkang 'bam dag /gyol po dag /mchu 'phyangs dag / mgo bo che dag ces mi'i skyon nas smra bas kun tu spyod par byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /dge slong dag sngon byung ba 'das pa'i dus na ri brags zhig na khyim bdag cig 'dug pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /de la bu mo zhig byung nas de bsrings bskyed nas chen mor gyur to/ /khyim bdag de zhing pa yin pas rang nyid zhing rmed par byed do/ /khyim bdag cig gi bu pha ma dang bral nas dgon pa nas shing khur thogs te de'i zhing dang nye bar shing ljon pa'i drung du khur bzhag ste ngal bso nas des smras pa/ zhang po ci'i phyir khyod rang nyid zhing rmo bar byed/ khyod kyis grong du grong gi bya ba bya ba'i rigs na khyod dgon par dgon pa'i bya ba byed dam/ tsha bo kho bo la bu yang med/ phu nu yang med do/ /zhang po gshol 'on cig dang kho bos rmos khyod re shig ngal so shig ces des zhing rmo bar brtsams pa dang / khyim bdag des de'i zan khyer te 'ongs nas smras pa tsha bo tshur shog zan za'o/ / de gnyis kyis zan zos nas khyim bdag gi bu des smras pa/ zhang po kho bos khyod kyi khyim mi shes kyi khyod song shig dang / kho bos zhing rmos rgongs kar su shig /khyim bdag de song ba dang / khyim bdag gi bu des kyang yud tsam zhig zhing rmos nas zhing tshigs kyi phyogs su glang gnyis zar bcug ste/ rgongs kar rtswa khur cig thogs nas ri brags der 'jug par brtsams pa dang / khyim bdag des kyang de bsu nas khyim bdag des de khyim du khrid do/ /khyim bdag gi bu des glang brags su stsal te gcal bkram nas du ba btul te glang gnyis kyi mdun du rtswa bkram pa dang / khyim bdag des bsams pa/ bdag khyim bdag gi bu 'dis bde bar byas kyis bdag gis bu mo 'di 'di la chung mar sbyin no snyam nas des de la smras pa/ tsha bo mngon par dga' bzhin du las gyis shig dang bu mo 'di khyod la chung mar sbyin no/ /des der khyim brtsig par brtsams pa dang / de'i glang zhing zan cig zhing la bros nas des de bzlog kyang ma bzlogs nas des de la spyos te shing tshal zhig 'phangs pa dang / des de'i rwa chag nas de'i ming rwa chag ces bya bar btags so/ /dus gzhan zhig na de yang zhing la bros nas des de bzlog kyang ma bzlogs nas des de la spyos te zor ba 'phangs pa dang des de'i mjug ma chad nas de'i ming mjug rdum zhes bya bar btags so/ /de ltar de'i ming du chag rdum zhes bya bar btags so/ /dus gzhan zhig na khyim bdag gi bu des khyim bdag de la smras pa/ zhang po ji ltar khas blangs pa bzhin gyis shig /khyim bdag des chung ma la smras pa/ bzang mo bag rdzangs sta gon gyis shig /bu mo bag mar gtang bar bya'o/ /chung mas smras pa/ rje'i sras bu mo 'di su la yang ma stsal na ji ltar bag mar gtang bar bgyi des smras pa/ kho bos 'di gzhan la sbyin no/ /su la stsal/ khyim bdag gi bu 'di la'o/ /chung mas smras pa/ kho mos na le zham dkar po bzhin du ji ltar byung gtol med pa gang yin pa 'di la bu mo sbyin re skan/ 'di ltar gang du kho mo bgo bar bya ba dang / bza' bar bya ba yod pa der kho mos bu mo sbyin par bya'o/ /des smras pa/ bzang mo khyim bdag gi bu 'dis kho bo bde bar gyur te/ gal te 'di 'gro bar gyur na yang kho bos zhing rmo dgos par 'gyur ro/ /chung mas smras pa/ kho mos lto gol ba 'di la bu mo sbyin par mi nus so/ /khyim bdag gis bsams pa/ gal te bdag gis khye'u 'di la kho bos khyod la bu mo mi sbyin no zhes smras na deng nyid du 'di 'gro bar 'gyur zhing bdag sdug bsngal bar 'gyur ro snyam nas de la sgyang ba byas so/ /khyim bdag gi bu des khyim bdag de la yang smras pa/ zhang po ji ltar khas blangs pa bzhin gyis shig /des smras pa/ tsha bo kho bo nye du'i 'khor rgya chen po dag la zan sbyar dgos kyis re shig sa lu dag sgrubs shig /des sa lu dag bsgrubs nas smras pa/ zhang po bag ma rdzongs shig /des smras pa/ tsha bo de la bu ram dag kyang dgos kyis re shig bu ram shing dag sgrubs shig /des bu ram shing dag bsgrubs nas smras pa/ zhang po da bag ma rdzongs shig /des smras pa/ tsha bo de la khur ba dag kyang dgos kyis re shig gro dag sgrubs shig /des gro dag kyang bsgrubs nas smras pa/ zhang po da bag ma rdzongs shig /khyim bdag des smras pa/ tsha bo sa lu snga ma dag /zad kyis da yang re shig sa lu sgrubs shig /khyim bdag gi bu des bsams pa/ de gsum ni rang bzhin gyis dus gcig tu bsgrub par mi nus pas 'di sgyong bar byed kyis skye bo phal po che'i nang du song ste khas lan du bcug la gal te mi ster na rgyal po'i pho brang nas bde bar sbyin du gzhug go snyam nas des skye bo phal po che'i nang du de la smras pa/ zhang po bag ma rdzongs shig /khyim bdag des spyos te smras pa/ shes ldan dag mi 'di kho bo'i lto gol ba lto glas las byed pa yin na kho bos 'di la bu mo sbyin re skan/ khyim bdag gi bu des bsams pa/ bdag gis kAr shA pa Na dag kyang ma thob la bu mo yang ma thob pas 'di la gnod pa cung zhig byas te 'gro'o snyam nas des glang de dag nyin par zhing rmos nas lcag mang pos gzhus te nyi ma la shing skam la btags te song ngo / /chos nyid kyis na 'jig rten gnas pa chags nas ring po ma lon pa'i tshe na dud 'gro dag kyang smra shes pa yin pas glang de dag gis de la smras pa/ kye mi khyod kho bo cag gi pha ma 'dra bar 'dug 'dug ste/ rtag tu kho bo cag legs par bde bas yongs su skyong bar byed na da ci'i phyir nyin par zhing rmos nas lcag mang pos gzhus te nyi ma la shing skam la btags te 'gro/ /ci kho bo cag gis khyod la nyes pa zhig byas sam/ khyed cag gis kho bo la nyes pa cung zad kyang ma byas te/ 'di ltar khyed cag gi bdag pos kho bo la nyes pa byas so/ /des ci byas/ kho bo la bu mo sbyin par khas blangs nas ma ster ro/ /'o na rgyal po'i pho brang du ci'i phyir mi 'gro/ che bzhi dag med do/ /song shig dang kho bo cag gis che bzhi dbye'o/ /ci mi'i skad tu smra bar 'gyur ram/ ma yin te/ 'di ltar khyod kyis bden pas gsol bar bya ste/ kho bo cag zhag bdun gyi bar du brags su btags ste/ rtswa yang sbyin par mi bya/ chu yang blud par mi bya bar gzhag par bya zhing nyi ma bdun pa la rtswa phun sum tshogs pa dang / chu phun sum tshogs pa'i phyogs su gtang bar bya ste/ de'i tshe khyod kyis rgyal po'i mdun du gal te bdag bden na glang 'di dag rtswa yang mi za chu yang mi 'thung bar gyur cig ces bden pa'i tshig gis gsol cig dang / kho bo cag ji srid du rgyal po yid ches par ma gyur gyi bar du rtswa yang mi za chu yang mi 'thung ngo / /khyim bdag gi bu des rgyal po'i pho brang du song ste rgyal po la gsol pa/ lha khyim bdag che ge mo zhig gis bdag la bu mo stsal bar mchid kyis 'tshal nas mi ster ro/ /rgyal pos smras pa/ khyod la che bzhi 'ga' yod dam/ /lha mchis so/ /ci mi dag gam/ mi ma yin pa dag /mi ma lags pa glang dag go/ /ci mi'i skad tu smra bar 'gyur ram/ ma lags te 'di ltar bdag gis bden pas gsol bar bgyi ste/ bdag gis dgung bdun gyi bar du glang de dag brags su btags te ran yang stsal bar mi bgyi/ chab kyang stsal bar mi bgyi bar gzhag par bgyi zhing / gdugs bdun pa la ran phun sum tshogs pa dang / chab phun sum tshogs pa'i phyogs su gtang bar bgyi ste/ de'i tshe bdag gis lha'i spyan sngar gal te bdag mad na glang 'di dag ran yang mi 'tshal chab kyang mi 'tshal bar gyur cig ces bden pa'i tshig gis gsol na ji srid du lha thugs ches par ma gyur gyi bar du de dag ran yang mi 'tshal/ chab kyang mi 'tshal bar 'gyur ro/ /rgyal pos blon po rnams la bsgo ba shes ldan dag de ltar gyis shig /de dag gis glang de dag brags su btags te bzhags pa dang / chag rdum gyis smras pa/ nub phyogs nas nyi ma shar tam/ ci na gang gis bdag cag gtong bar mi byed/ gzhan dag gis smras pa/ ma yin te/ bdag cag gis khyim bdag gi bu de la 'di ltar khyod kyis bden pas gsol bar bya ste/ kho bo cag zhag bdun gyi bar du brags su btags te rtswa yang sbyin par mi bya/ chu yang blud par mi bya bar gzhag par bya zhing / nyi ma bdun pa la rtswa phun sum tshogs pa dang / chu phun sum tshogs pa'i phyogs su gtang bar bya ste/ de'i tshe khyod kyis rgyal po'i mdun du/ gal te bdag bden na glang 'di dag rtswa yang mi za/ chu yang mi 'thung bar gyur cig ces bden pa'i tshig gis gsol cig dang / kho bo cag ji srid du rgyal po yid ches par ma gyur gyi bar du rtswa yang mi za chu yang mi 'thung ngo zhes khas blangs so/ /chag rdum gyis smras pa/ kho bo ni gal te btang bar gyur na rdo ba yang za na rtswa lta smos kyang ci dgos/ de dag gis smras pa/ khyim bdag gi bu de bdag cag gi pha ma dang 'dra bar 'dug 'dug gis/ de ltar ma byed cig /chag rdum gyis smras pa/ de bdag cag gi pha ma dang 'dra bar 'dug 'dug pa yang bden mod kyi 'on kyang de kho bo la chag rdum zhes 'bod pas kho bo ni de ltar mi 'dod de/ 'di ltar kho bo ni de'i lto 'dral bar yang 'dod do/ khyim bdag gi bu de dus dang dus su glang de dag gi gan du song ste dris pa/ kwa'i glang dag ji ltar khyod cag rung ngam/ de dag gis smras pa/ kho bo cag ni rung na/ khyod kyi mi rung ngo / /ci nyes chag rdum 'di na re kho bo ni gal te btang bar gyur na rdo ba yang za na rtswa lta smos kyang ci dgos zhes zer ro/ /'o na ci kho bo 'bros par bya 'am/ ma 'bros par 'di ltar chag rdum 'di'i sna phug shig dang / gal te 'di rtswa za bar 'gyur ram/ chu 'thung bar 'gyur ba na kho bo cag gis rwa dag gis 'di'i sna blangs te kha gyen du gzung bar byas/ khyod kyis kyang de'i tshe 'di dag 'jig rten skyong ba lnga pa nyi ma yang che bzhir yod ces nyi ma ston par byed do zhes smra bar bya'o/ / des de'i sna dbug par brtsams pa dang / des smras pa/ shes ldan dag 'di ltar kho bo la tho 'tsham par byed pa la ltos shig /de dag gis smras pa/ 'di khyod la rgyan 'dogs par byed kyis kha rog shig /de nas nyi ma bdun pa la rgyal po blon po rnams dang thabs gcig tshogs pas glang de dag rtswa phun sum tshogs pa dang chu phun sum tshogs pa'i phyogs su btang ba na chag rdum des rtswa'i kham blang bar brtsams pa dang / glang de dag gis rwa dag gis de'i sna blangs te nyi ma la lta zhing 'dzin to/ /rgyal pos blon po rnams la smras pa/ shes ldan dag ci'i phyir glang 'di dag nyi ma la lta zhing 'khod/ de na blon po gcig gis smras pa/ lha 'di dag don gyis na lha la gsol bar bgyid de bdag cag 'ba' shig che bzhi lags par ma bas kyi 'jig rten skyong ba lnga pa gdugs 'di yang che bzhi gzhan lags so zhes mchi'o/ /rgyal po ngo mtshar skyes nas blon po rnams la bsgo ba/ shes ldan dag mi ma yin pa dag gis che bzhi phyes khyim bdag gi bu 'di la de'i bu mo sbyin du chug shig /khyim bdag gi bu des khyim bdag de pham par byas nas de la bu mo byin no/ /dge slong dag re shig dud 'gro'i skye gnas su skyes pa'i srog chags de dag kyang mis skyon nas smra bas kun du spyod pa na gsod par sems na mi rnams lta smos kyang ci dgos/ de lta bas na dge slong gis dge slong la mi'i skyon nas smra bas kun tu spyod par mi bya'o/ /dge slong dag sngon byung ba 'das pa'i dus na ri brags shig na khyim bdag shing rta spyod pa zhig 'dug pa de la ba dga' byed dang sa ri zhes bya ba gnyis shig yod pa de gnyis las dpyid kyi zla ba la be'u khra bo dang / nye bkra gnyis shig 'brangs so/ /de nas dga' byed kyi be'u ni ru 'del zhig yin la/ sa ri'i be'u ni khu yu zhig yin nas des gcig gi ming ni dga' byed ru 'del zhes bya bar btags/ gcig gi ming ni sa ri khu yu zhes bya bar btags te/ de gnyis dus gzhan na glang chen po gnyis su gyur to/ /dus gzhan zhig na shing rta spyod pa dag chang gral 'tshogs te gtam zer ba na shes ldan dag bdag cag las su'i glang dag bzang zhes smras pa dang / de na gcig na re kho bo'i bzang ngo zhes zer ro/ /yang gzhan zhig na re kho bo'i bzang ngo zhes zer ro/ /shing rta spyod pa de na re kho bo'i bzang ngo zhes zer ro/ /de dag gis smras pa/ ji ltar shes/ des smras pa/ lam dma' ba nas shing rtar khal 'di tsam bzhag ste kAr ShA pa Na lnga brgya skugs su btsugs la glang gnyis bda' bar bya'o/ /de dag gis lam dma' ba nas shing rtar khal de tsam bzhag ste kAr ShA pa Na lnga brgya skugs su btsugs nas glang de gnyis deng tu bcug go/ /shing rta spyod pa des dga' byed tu 'del song shig /sa ri khu yu song shig ces bda' bar brtsams pa dang / glang de gnyis mi 'gul bar 'khod nas des glang de gnyis la khag pas btsag par brtsams pa dang / shing rta spyod pa gzhan dag gis smras pa/ khyod pha ma gyis ba lang ma gsod par glang 'di gnyis thong la skugs 'jol cig ces de dag gis de kAr ShA pa Na lnga brgya 'jal tu bcug go/ /shing rta spyod pa des glang de gnyis la spyos te lcag mang pos gzhus nas nyi ma la shing skam la btags te gzhag go/ /chos nyid kyis na 'jig rten gnas pa chags nas ring po ma lon pa'i tshe na dud 'gro dag kyang mi'i skad smra shes pas de gnyis kyis smras pa/ khyod bdag cag gi pha ma dang 'dra bar 'dug 'dug na bdag cag gis khyod la nyes pa byas sam/ ci na khyod kyis da bdag cag lcag mang pos gzhus te nyi ma la shing skam la btags te 'jog par byed des smras pa/ khyod gnyis kyis nus bzhin du sgyu byas te kho bo kAr ShA pa Na lnga brgya'i skugs 'jal du bcug go/ /de gnyis kyis smras pa/ khyod rang gi lces skugs 'jal du bcug go/ /ji ltar gyur/ bdag cag gnyis kyi gcig gi ming ni dga' byed ces bya/ gcig gi ming ni sa ri zhes bya na/ khyod ci'i phyir kho bo cag gnyis la ru 'del dang / khu yu zhes ming mi snyan par brjod par byed/ de lta mod kyi da lam ches dma' ba nas shing rtar khal de'i nyis gyur zhog ste kAr ShA pa Na de'i nyis gyur skugs su tshugs la kho bo cag gnyis dos shig /ci khyed gnyis yang kho bo skugs 'jal du gzhug par 'dod dam/ bdag cag gnyis la ming mi snyan par ma brjod cig dang khyod skugs nod du gzhug go/ /dus gzhan zhig na shing rta spyod pa de dag yang chang gral du tshogs te gtam zer ba na shes ldan dag bdag cag las su'i glang dag bzang zhes smras pa dang / de na gcig na re kho bo'i bzang ngo zhes zer ro/ /yang gzhan zhig na re kho bo'i bzang ngo zhes zer ro/ /shing rta spyod pa de na re yang kho bo'i bzang ngo zhes zer ro/ /de dag gis smras pa/ kye nang rje khyod yang bdag nyid skugs 'jal du gzhug par 'dod dam/ des smras pa/ khyed cag la ci gnod da lam ches dma' ba nas shing rtar khal de'i nyis gyur bzhag ste/ kAr ShA pa Na stong skugs su btsug la glang dag bda' bar bya'o/ /de dag gis lam ches dma' ba nas shing rtar khal de'i nyis gyur bzhag ste/ kAr ShA pa Na stong skugs su btsugs nas glang de gnyis ded du bcug go/ /shing rta spyod pa des dga' byed song shig /sa ri song shig ces bda' bar brtsams pa dang / de gnyis kyis khal de myur ba myur ba kho nar thang la bskyal te shing rta spyod pa des skugs kAr shA pa Na stong thob pa dang / lhas tshigs su bcad pa dag smras pa/ gang tshe khal ni ches lci zhing / / gang tshe lam yang ches dma' ba/ /de tshe de gnyis khal khyer zhing / /de tshe shing rta 'dren par byed/ /yid du 'ong ba brjod byas na/ /shin du lci ba'i khal khyer zhing / /de yang rnyed dang ldan gyur la/ /de gnyis kyang ni yid dgar gyur/ /de bas yid 'ong rjod bya zhing / /yid du mi 'ong nam yang min/ /yid du 'ong ba rjod byed na/ /dge bar 'gyur zhing sdig med yin/ /dge slong dag re shig dud 'gro'i skye gnas su skyes pa'i srog chags de dag kyang mis skyon nas smra bas kun du spyad pa na byams pa'i rgyun gcod par byed na mi rnams lta smos kyang ci dgos/ de lta bas na dge slong gis dge slong la mi'i skyon nas smras pas kun du spyod par mi bya'o/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi'i skyon nas smra na ltung byed do/ /mi'i skyon nas smra na zhes bya ba ni mi'i skyon nas smra ba'i bsams pas ngag dang tshig dang / tha snyad dang skad dang rjod pa dang / nges pa'i tshig dang tshig gi lam dang / tshig gi sgra dang / ngag gi las dang / ngag gi rnam par rig byed smra na'o/ /ltung byed do zhes bya ba ni sems can dmyal ba dang dud 'gro dang yi dags ngan song dang / ngan 'gro dang log par ltung ba dag tu sreg par byed/ 'tshed par byed/ ltung bar byed pa'o/ /gzhan yang ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung bar ji ltar 'gyur zhe na/ bar sdom la/ rigs dang bzo dang las dang ni/ /rtags nang ltung ba sde lnga dang / /nye ba'i nyon mongs rnams dang ni/ /spyo bar byed pa tha ma yin/ /dge slong gis mi'i skyon nas smra ba'i bsam pas bram ze las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni bram ze las rab tu byung ba yin no zhes smras na dge slong spa gong ba nyid du gyur kyang rung ma gyur kyang rung dge slong la nyes byas su 'gyur ro/ /dge slong gis mi'i skyon nas smra ba'i bsam pas rgyal rigs las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rgyal rigs las rab tu byung ba yin no zhes smras na dge slong spa gong ba nyid du gyur kyang rung ma gyur kyang rung dge slong la nyes byas su 'gyur ro/ /dge slong gis mi'i skyon nas smra ba'i bsam pas rje'u rigs las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rje'u rigs las rab tu byung ba yin no zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas dmangs rigs las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni dmangs rigs las rab tu byung ba yin no zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ / dge slong gis mi'i skyon nas smra ba'i bsam pas/ tha ga pa las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni tha ga pa las rab tu byung ba yin no zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas khab ris mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni khab ris mkhan las rab tu byung ba yin no zhes smras na dge slong spa gong ba nyid du gyur kyang rung ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas bzang mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni bzang mkhan las rab tu byung ba yin no zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas lcags mgar las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni lcags mgar las rab tu byung ba yin no zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas rdungs mgar las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rdungs mgar las rab tu byung ba yin no zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas ko lpags mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni ko lpags mkhan las rab tu byung ba yin no zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ / dge slong gis mi'i skyon nas smra ba'i bsam pas rdza mkhan las rab tu byung ba'i gan du song ste/ 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rdza mkhan las rab tu byung ba yin no zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas 'dreg mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni 'dreg mkhan las rab tu byung ba yin no zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas shing mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni shing mkhan las rab tu byung ba yin no zhes smra na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas smyig ma mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni smyig ma mkhan las rab tu byung ba yin no zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas bran las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni bran las rab tu byung ba yin no zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas bram ze las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni bram ze las rab tu byung ba yin gyis tshe dang ldan pas rang gi bzo 'di lta ste/ bram ze'i spyod tshul dang / spyod pa dang / gtsang sbra dang / kun tu spyod pa dang / thal ba blang ba dang / bya ma bum blang ba dang / sa blang ba dang lag stangs dang / thor tshugs dang / rab bsngags bya ba dang / kye zhes bya ba dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin byed pa dang / mchod sbyin byed du 'jug pa dang / klog pa dang / klog tu 'jug pa dang / sbyin pa dang / len pa dag bslab par bya'o zhes smras na dge slong spa gong ba nyid du gyur kyang rung ma gyur kyang rung dge slong la nyes byas su 'gyur ro/ /dge slong gis mi'i skyon nas smra ba'i bsam pas rgyal rigs las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rgyal rigs las rab tu byung ba yin gyis/ tshe dang ldan pas rang gi bzo 'di lta ste/ glang po che'i gnyar bzhon pa dang / rta la bzhon pa dang / shing rta'i thabs dang / ral gri'i thabs dang / 'phong dang phyir bsnur ba dang / mdun du bsnur ba dang / lcags kyus sgyur thabs dang / zhags pa gdab pa dang / mda' bo che 'phen thabs dang / 'dzin stangs dang gom stangs dang / thor tshugs dang / gcad pa dang dral ba dang dbug pa dang / rgyang nas phog pa dang / sgra grags par phog pa dang / gnad du phog pa dang / mi 'chor bar phog pa dang / tshabs che ba dag bslab par bya'o zhes smras na dge slong spa gong ba nyid du gyur kyang rung ma gyur kyang rung dge slong la nyes byas su 'gyur ro/ /dge slong gis mi'i skyon nas smra ba'i bsam pas rje'u rigs las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rje'u rigs las rab tu byung ba yin gyis/ tshe dang ldan pa rang gi bzo 'di lta ste/ zhing rmo ba dang ba lang bsrung ba dang / tshong bya ba bslab par bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas dmangs rigs las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni dmangs rigs las rab tu byung ba yin gyis/ tshe dang ldan pas rang gi bzo 'di sta ste zor ba dang / /phrag rdang bslab par bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas tha ga pa las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul gal yod/ tshe dang ldan pa ni tha ga pa las rab tu byung ba yin gyis/ tshe dang ldan pas rang gi bzo 'di sla ste/ dar dag dang / ras yug chen dag dang / be'u ras dag dang / dar la dag dang / du gu la dag dang / ko tam pa dag bslab par bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas khab ris mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni khab ris mkhan las rab tu byung ba yin gyis/ tshe dang ldan pas rang gi bzo 'di lta ste/ be'u ras dang ras yug chen dang / par thang dang / khab ris dang / khre'u tshe dang gor bu bslab par bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas bzang mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni bzang mkhan las rab tu byung ba yin gyis/ tshe dang ldan pas rang gi bzo 'di lta ste/ zhwa dang zhwa sgre bo dang / byis pa'i gos dag dang / shing nga dpung chad dag dang / dor mang dag dang dor thung dag dang / bzang mkhan gyi bzo gzhan gang yin pa dag bslab par bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas lcags mgar las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni lcags mgar las rab tu byung ba yin gyis/ tshe dang ldan pas rang gi bzo 'di lta ste lhung bzed dang lhung bzed chung ngu dang / khab dang gri dag dang / sen gri dag dang / lcags mgar gyi bzo gzhan gang yin pa de dag bslab par bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ / dge slong gis mi'i skyon nas smra ba'i bsam pas rdungs mgar las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rdungs mgar las rab tu byung ba yin gyis/ tshe dang ldan pas rang gi bzo 'di lta ste/ khar gzhong dag dang / gzhong bu dag dang / cha lang dag dang / skom phor dag dang / ril ba dag dang / rdungs mgar gyi bzo gzhan gang yin pa dag bslab par bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas ko lpags mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni ko lpags mkhan las rab tu byung ba yin gyis/ tshe dang ldan pas rang gi bzo 'di lta ste/ lham sgrog gu can dag dang / lham yu chad dag dang / mchil lham dag dang / sga dag dang / dong pa dag dang / ko lpags mkhan gyi bzo gzhan gang yin pa dag bslab par bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas rdza mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa rdza mkhan las rab tu byung ba yin gyis/ tshe dang ldan pas rang gi bzo 'di lta ste/ rdza ma dag dang / bum pa dag dang ril ba dag dang / rdze'u dag dang / kham phor dag dang rdza mkhan gyi bzo gzhan gang yin pa dag bslab par bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas 'breg mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni 'breg mkhan las rab tu byung ba yin gyis/ /tshe dang ldan pas rang gi bzo 'di lta ste/ skra 'breg pa dang / sen mo 'breg pa dang / kha spu 'breg pa dang / byin pa bcos pa dang / 'breg mkhan gyi bzo gzhan gang yin pa dag bslab par bya'o zhes smras na dge slong spa gong ba nyid du 'gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas shing mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni shing mkhan las rab tu byung ba yin gyis/ tshe dang ldan pas rang gi bzo 'di lta ste/ khri dag dang / khri'u dag dang / an dag dang / an khri'u dag dang / sgo glegs dag dang / shing mkhan gyi bzo gzhan gang yin pa dag bslab par bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas smyig ma mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni smyig ma mkhan las rab tu byung ba yin gyis/ tshe dang ldan pas rang gi bzo 'di lta ste/ skon bu dag dang / sprog ma dag dang / gdugs dag dang / bsil yab dag dang / dud gzeb dag dang / smyig ma mkhan gyi bzo gzhan gang yin pa dag bslab par bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas bran las rab tu byung ba'i gan du song ste/ 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni bran las rab tu byung ba yin gyis/ tshe dang ldan pas rang gi bzo 'di lta ste/ sku mnyes dang / dril phyi dang / khrus dang / pho nyar 'gro ba dang / mngag pa dang / bran gyi bzo gzhan gang yin pa dag bslab par bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro// //'dul ba rnam par 'byed pa/ bam po sum bcu rtsa dgu pa/ dge slong gis mi'i skyon nas smra ba'i bsam pas bram ze las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni bram ze las rab tu byung ba yin gyis/ tshe dang ldan pas rang gi las 'di lta ste/ bram ze'i spyod tshul dang / spyod pa dang gtsang sbra dang / kun tu spyod pa dang / thal ba blang ba dang / bya ma bum blang ba dang / sa blangs pa dang / lag stangs dang / thor tshugs dang / rab bsngags bya ba dang / kye zhes bya ba dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin byed pa dang / mchod sbyin byed du 'jud pa dang / klog pa dang / klog tu 'jud pa dang / sbyin pa dang / len pa dang / bram ze'i las gzhan gang yin pa dag kyang bya'o zhes smras na dge slong spa gong ba nyid du gyur kyang rung ma gyur kyang rung dge slong la nyes byas su 'gyur ro/ /dge slong gis mi'i skyon nas smra ba'i bsam pas rgyal rigs las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rgyal rigs las rab tu byung ba yin gyis/ tshe dang ldan pas rang gi las 'di lta ste/ glang po che'i gnyar bzhon pa dang / rta la bzhon pa dang / shing rta'i thabs dang / ral gri'i thabs dang / 'phong dang / phyir bsnur ba dang / mdun du bsnur ba dang / lcags kyus sgyur thabs dang / zhags pa gdab pa dang / mda' bo che 'phen thabs dang / 'dzin stangs dang / gom stangs dang / thor tshugs dang / gcad pa dang / dral ba dang / dbug pa dang / rgyang nas phog pa dang / sgra grag par phog pa dang / gnad du phog pa dang / mi 'chor bar phog pa dang / tshabs che ba dang / rgyal rigs kyi las gzhan gang yin pa dag kyang bya'o zhes smras na dge slong spa gong ba nyid du gyur kyang rung ma gyur kyang rung dge slong la nyes byas su 'gyur ro/ /dge slong gis mi'i skyon nas smra ba'i bsam pas rje'u rigs las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rje'u rigs las rab tu byung ba yin gyis/ /tshe dang ldan pas rang gi las 'di lta ste/ zhing rmo ba dang / ba lang bsrung ba dang / tshong bya ba dang / rje'u rigs kyi las gzhan gang yin pa dag kyang bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong mi'i skyon nas smra ba'i bsam pas dmangs rigs las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni dmangs rigs las rab tu byung ba yin gyis/ tshe dang ldan pas rang gi las 'di lta ste/ zor ba dang / phrag rdang dang dmangs rigs kyi las gzhan gang yin pa dag kyang bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas tha ga pa las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni tha ga pa las rab tu byung ba yin gyis/ tshe dang ldan pas 'di lta ste/ thags zangs dang / son pa dang / dru bu dang / snas las sogs pas rang gi las bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas khab ris mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni khab ris mkhan las rab tu byung ba yin gyis/ tshe dang ldan pas 'di lta ste rgyang shing / skud pa dang tshon dang / phur dang / so mangs kyis rang gi las bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas bzang mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni bzang mkhan las rab tu byung ba yin gyis/ tshe dang ldan pas 'di lta ste/ khab dang / skud pa dang / gri dang chan pa dang / lcug mos rang gi las bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas lcags mgar las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni lcags mgar las rab tu byung ba yin gyis/ tshe dang ldan pas 'di lta ste sbud pa dang / sbud ru dang / ti tsa dang skam pa dang / tho bas rang gi las bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas rdungs mgar las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rdungs mgar las rab tu byung ba yin gyis/ tshe dang ldan pas ni 'di lta ste/ sbud pa dang / sbud ru dang / ti tsa dang / skam pa dang / tho bas rang gi las bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas ko lpags mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod bram ze'i tshul ga la yod/ tshe dang ldan pa ni ko lpags mkhan las rab tu byung ba yin gyis/ tshe dang ldan pas 'di lta ste/ rgyus pa dang / rgye'u dang / 'breng bu dang / dra gri dang / smyung dang smyung bus rang gi las bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas rdza mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod bram ze'i tshul ga la yod tshe dang ldan pa ni rdza mkhan las rab tu byung ba yin gyis/ tshe dang ldan pas 'di lta ste 'khor lo dang / dbyig gu dang / tha gu dang / 'khor lo'i rten ma dang / gsal gyis rang gi las bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas 'breg mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni 'breg mkhan las rab tu byung ba yin gyis/ tshe dang ldan pas 'di lta ste/ spu gri dang / chan pa dang / bdar dang / smang tser dang / sen gris rang gi las bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas shing mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni shing mkhan las rab tu byung ba yin gyis/ tshe dang ldan pas 'di lta ste ste 'u dang / sta re dang gzong dang / sog le dang / tho bas rang gi las bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas smyig ma mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni smyig ma mkhan las rab tu byung ba yin gyis/ tshe dang ldan pas 'di lta ste/ smyig ma dang gri dang / tshon dang / smyug tho dang / lhang tsher gyis rang gi las bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas bran las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni bran las rab tu byung ba yin gyis/ tshe dang ldan pas 'di lta ste/ bsku mnye dang dril phyi dang / khrus dang pho nyar 'gro ba dang / mngag pas rang gi las bya'o zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas dge slong gi gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni theng po dang / smad 'chal dang / zhar ba dang / lag sor rdum po dang / sgur po dang / mi'u thung dang / lba ba can dang / glen pa dang / lkug pa dang / grum po dang / 'on pa dang / rten 'phye dang / rkang 'bam las rab tu byung ba yin no zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas dge slong gi gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni mdze can dang / 'brum bu phra mo dang / ngal skyen pa dang / shu ba can dang / g.yan pa can dang / khyi rngo can dang / glog pa can dang / rkang shu can dang / skyigs bu can dang / skyug bro ba dang / khong skem can dang / rims can dang / rims drag po can dang / lud pa can dang / dbugs mi bde ba can dang / skem nad dang / brjed byed can dang / bkres ngab can dang / skya rbab can dang / tshil po che dang / skran can dang / khrag nad can dang / mkhris nad can dang / mtshan bar rdol ba las rab tu byung ba yin no zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas dge slong gi gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni pham par 'gyur ba dang / dge 'dun lhag ma dang / ltung byed dang / so sor bshags par bya ba dang / nyes byas kyi ltung ba byung ba yin no zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas dge slong gi gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni khro ba dang / khon du 'dzin pa dang / 'chab pa dang / dngan dus can dang / phrag dog can dang / ser sna can dang / g.yon can dang / sgyu can dang ngo tsha med pa dang / khrel med pa dang / sdig pa 'dod pa dang / log par lta ba yin no zhes smras na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas dge slong gi gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni ro lta bu yin no zhes bya ba la sogs pa'i spyo ba dag gis spyo bar byed na dge slong spa gong ba nyid du gyur kyang rung ma gyur kyang rung dge slong la ltung byed du 'gyur ro/ /gal te ming de lta bu mang po dag yod par gyur na de la lan gdab par smra ba sangs rgyas skyong gang yin zhes zer ba la bram ze las rab tu byung ba gang yin pa de'o zhes bya ba la sogs pa snga ma lta bu dag brjod pa la ltung ba med do/ / las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /mi'i skyon nas smra ba'i ltung byed de gnyis pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag dge slong rnams la phra mas kun du spyod par byed de/ phra mas kun tu spyod pa na dge slong dag spa gong ba dang / gzeng dmas pa dang / zhum par gyur nas lung mnod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas kyang gtong bar byed/ /'di ltar dus yun ring po nas nye bar bsags pa chos dang ldan pa'i gcugs pa'i rgyun yang gcod par byed nas dge slong don nyung ngu dag ci'i phyir dge slong dag dge slong rnams la phra mas kun du spyod par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag khyed dge slong rnams la phra mas kun du spyod pa bden nam btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /dge slong dag sngon byung ba 'das pa'i dus na nags tshal zhig na seng ge mo sbrum ma zhig 'dug ste/ de la seng ge mo rnams kyi kun tu spyod pa ni gang gi tshe 'brang ba'i dus la bab pa de'i tshe na sha'i tshogs byas te 'brang bar byed pas seng ge mo de ba lang gi tshogs chen po zhig gi phyi bzhin du rjes su song ba dang / ba 'brangs nas ring po ma lon pa be'u rjes su skyong bar byed pa zhig khyu'i phyi bzhin 'brang zhing 'gro ba de seng ge mo des bsad nas sha khyer te rang gi tshang du song ngo / /be'u de yang ma'i nu ma 'thung 'dod pas de'i phyi bzhin du song ba dang seng ge mos bsam pa/ be'u 'di yang gsad par bya'o snyam nas yang bsam pa/ gal te bdag gi bu 'brangs par gyur na 'di'i grogs su 'gyur gyis mi gsad do snyam mo/ /seng ge mo de 'brangs nas de las phrug gu pho zhig byung ba dang / seng ge mo des rang gi phrug gu dang / be'u de gnyis ka nu ma bsnun par brtsams nas ji tsam dus gzhan zhig na de gnyis ka chen por gyur te/ dus gzhan zhig na seng ge mo de na bar gyur nas de 'chi ba'i dus kyi tshe smras pa/ bu gnyis nu ma gcig la nu nu ba'i spun yin la/ phra ma can snod 'byed pa dag gis 'jig rten gang bar 'khod kyis/ kho mo 'das pa'i 'og tu khyed gnyis kyis 'ga' yang mnyan par mi bya'o zhes smras nas/ /bsags pa kun gyi mtha' zad cing / /mthon po rnams kyi mtha' ltung 'gyur/ /phrad pa'i mtha' ni 'bral ba ste/ /gson pa'i mtha' ni 'chi ba yin/ zhes bya ba yin pas dus kyi chos dang ldan par gyur to/ /seng ge de ri dgas dam pa dam pa dag bsad nas sha dam pa dam pa dag za zhing khrag mang po dag 'thung bas chen por gyur to/ /khyu mchog de yang seng ges bsrung ba'i rtswa bzang po dag za zhing chu gtsang ma dag 'thung bas chen por gyur to/ /ri dgas kyi rgyal po seng ge de la wa rgan po rab tu brkam pa lhag ma za ba zhig 'khor zhing phyi bzhin phyi bzhin rjes su 'brang nas seng ge des ri dgas dam pa dam pa dag bsad nas sha dam pa dag zos shing khrag dam pa dag 'thungs bag tsha ba med par de na 'dug pas phyogs der gcan gzan phra mo gzhan dag gis nye mi phod pas wa rgan po de seng ge des ri dgas dam pa dam pa dag bsad nas sha dam pa dag zos shing khrag dam pa 'thungs pa'i sha'i lhag ma dang khrag gi lhag ma dag za zhing 'thung bas lpags pa dang / sha dang / khrag rgyas par gyur to/ /ji tsam dus gzhan zhig na seng ge de ri dgas dam pa dam pa dag bsad nas sha dam pa dag zos shing khrag dam pa dag 'thungs nas myur ba kho nar tshang du song ste/ khyu mchog de dang lhan cig rtse zhing 'dug par byed nas sha'i lhag ma de dag kyang gcan gzan phra mo gzhan dag gis zos nas wa rgan po des bsams pa/ seng ge 'di gang du 'gro ba ji blta bar bya'o snyam nas/ de de'i phyi bzhin phyi bzhin du song ba dang / ji tsam na khyu mchog dang lhan cig rtse zhing 'dug pa mthong nas des bsams pa/ khyu mchog 'di bdag gi lto'i dgrar gyur ba yin gyis/ /bdag gis 'di gnyis dbye bar bya'o snyam nas wa rgan po de khyu mchog de'i mdun du rna ba phab ste 'dug pa dang / khyu mchog gis smras pa/ zhang po rlung tsha ba dag mi ldang ngam/ was smras pa/ tsha bo rlung rab tu 'bar ba dag ldang ngo / /ci nyes/ seng ge 'di na re kho bo'i sha tshogs rgyu khyu mchog de gar song / gang gi tshe kho bos sha gzhan ma rnyed pa de'i tshe na kho bos khyu mchog 'di bza' bar bya'o zhes zer ro/ /khyu mchog gis smras pa/ zhang po kho bo cag gnyis la mas 'chi kar bu gnyis khyed gnyis nu ma gcig la nu nu ba'i spun yin la phra ma can snod 'byed pa dag gis 'jig rten gang bar 'khod kyi/ kho mo 'das pa'i 'og tu khyed gnyis kyis 'ga' yang mnyan bar mi bya'o zhes kha chems bzhag gis khyod de skad ma zer cig /was smras pa/ tsha bo khyod da kho bo phan par 'dod pa'i tshig mi nyan na chud zos par 'ong ngo / /khyu mchog gis smras pa/ zhang po go rims ji ltar 'ong bar 'gyur/ was smras pa tsha bo seng ge 'di tshang nas byung nas bya smyangs byed par 'gyur la/ bya smyangs byas nas glal bar 'gyur zhing glal nas phyogs bzhir rnam par lta bar 'gyur/ phyogs bzhir rnam par bltas nas seng ge'i skad thang gsum phyung ste/ khyod kyi mdun du 'ong bar 'gyur ba na khyod kyis bdag 'dis bsad do snyam du shes par gyis shig /wa de de'i 'og tu seng ge'i mdun du rna ba phab ste 'dug pa dang / seng ges smras pa/ zhang po rlung tsha ba dag mi ldang ngam/ was smras pa/ tsha bo rlung rab tu 'bar ba dag ldang ngo / /ci nyes/ khyu mchog 'di na re kho bo'i rtsa'i seng ge de gar song / 'di'i mas kho bo'i ma bsad kyis 'di'i lto nges par dral bar bya'o zhes zer ro/ /seng ges smras pa/ zhang po kho bo cag gnyis la mas 'chi kar bu gnyis khyed gnyis nu ma gcig la nu nu ba'i spun yin la/ phra ma can snod 'byed pa dag gis 'jig rten gang bar 'khod kyis/ kho mo 'das pa'i 'og tu khyod gnyis kyis 'ga' yang mnyan par mi bya'o zhes kha chems bzhag gis khyod de skad ma zer cig /was smras pa/ tsha bo khyod da kho bo phan par 'dod pa'i tshig mi nyan na chud zos par 'ong ngo / /seng ges smras pa/ zhang po go rims ji ltar 'ong bar 'gyur/ was smras pa/ tsha bo khyu mchog 'di lhas nas byung nas bya smyangs byed par 'gyur la/ bya smyangs byas nas 'bu sgra 'byin par 'gyur zhing 'bu sgra phyung nas phug thrig byed par 'gyur/ phug thrig byas nas rngam pa byas te khyod kyi mdun du 'ong bar 'gyur na/ khyod kyis bdag 'dis bsad do snyam du shes par gyis shig /de gnyis rang bzhin gyis rtag tu de lta byed mod kyi lan 'ga' yang phan tshun mtshan mar ma bzung ngo / /de nas dus gzhan zhig na ri dgas kyi rgyal po seng ge de tshang nas byung nas bya smyangs byas te phyogs bzhir rnam par bltas te seng ge'i skad thang gsum phyung nas khyu mchog gi mdun du song ngo / /khyu mchog de yang lhas nas byung nas bya smyangs byas te 'bu sgra phyung nas phug thrig byas te rngam pa byas nas seng ge'i mdun du song ngo / /de gnyis rang bzhin gyis rtag tu de lta byed mod kyi lan 'ga' yang mtshan mar ma bzung ste gang gi tshe rgyud la dbyen gyi sa bon btab pa de'i tshe na mtshan mar bzung bas/ khyu mchog gis kyang bdag 'dis bsad do snyam du bsams la/ seng ges kyang bdag 'dis bsad do snyam du bsams nas/ seng ges khyu mchog gi brang la sder mos btab pa dang / khyu mchog gis kyang rwas seng ge'i lto dral nas de gnyis ka dus la bab pa dang / lhas tshigs su bcad pa smras pa/ bzang po dag la lta ba'i mis/ /skye bo ngan pa bsten mi bya/ /seng ge khyu mchog mdza' ba la/ / wa yis tha dad phye la ltos/ /dge slong dag re shig dud 'gro'i skye gnas su skyes pa'i srog chags de dag kyang phra mas kun du spyod pa na gsod par sems na mi rnams lta smos kyang ci dgos/ dge slong dag de lta bas na dge slong gis dge slong la phra mas kun du spyod par mi bya'o/ /dge slong gis dge slong la phra mas kun du spyod par byed na 'gal tshabs can du 'gyur ro/ /dge slong dag sngon byung ba 'das pa'i dus na nags tshal zhig na seng ge mo phrug gu dang bcas pa zhig dang / stag mo phrug gu dang bcas pa zhig 'dug ste/ seng ge mo spyod yul du song ba dang / de'i phrug gu de 'khyam pa na stag mo'i gan du song nas stag mos de mthong nas bsams pa 'di bsad par bya'o snyam nas/ yang bsams pa/ 'di bdag gi bu'i chung po grogs su 'gyur gyis mi bsad do snyam nas des de nu ma snun par brtsams so/ /seng ge mo des kyang spyod yul brgyus te phyir 'ongs pa dang / ji tsam na phrug gu mi snang nas des de btsal bar brtsams pa dang / des phrug gu stag mos bsnun par mthong ngo / /stag mo des kyang seng ge mo de mthong nas skrag ste 'bros par brtsams pa dang / seng ge mo des stag mo la smras pa/ nu mo ma 'bros shig dang / lhan cig 'khod par bya ste/ 'di ltar kho mo spyod yul du song ba na khyod kyis kho mo'i phrug gu la mkho ba bstabs pas gal te khyod spyod yul du 'gro bar gyur na/ kho mos kyang khyod kyi phrug gu la mkho ba bstabs par bya'o/ /de gnyis lhan cig 'khod par brtsams nas de gnyis kyis seng ge'i phrug gu'i ming ni mche bzang zhes bya bar btags/ stag phrug gi ming ni dpung bzang zhes bya bar btags nas de gnyis dus gzhan zhig chen por gyur to/ /dus gzhan zhig na seng ge mo dang / stag mo gnyis na bar gyur nas de gnyis 'chi ba'i dus kyi tshe bu gnyis la smras pa/ bu gnyis khyed gnyis nu ma gcig la nu nu ba'i spun yin la phra ma can snod 'byed pa dag gis 'jig rten gang bar 'khod kyis/ kho mo cag gnyis 'das pa'i 'og tu khyod gnyis kyis 'ga' yang mnyan par mi bya'o zhes smras nas/ bsags pa kun gyi mtha' zad cing / /mthon po rnams kyi mtha' ltung 'gyur/ /phrad pa'i mtha' ni 'bral ba ste/ /gson pa'i mtha' ni 'chi ba yin/ / zhes bya ba yin pas dus kyi chos dang ldan par gyur to/ /seng ges ni ri dgas dam pa dam pa dag bsad nas sha dam pa dag za bar byed/ khrag dam pa dam pa 'thung bar byed cing / de sha dam pa dag zos shing khrag dam pa dag 'thungs nas myur ba myur ba kho nar tshang du 'gro bar byed do/ /stag gis spyod yul du song nas tshegs chen pos ri dgas dag bsad de/ sha dang khrag zos shing 'thungs nas yun ring pos phyir 'ong ngo / /dus gzhan zhig na stag gis lhag rol dag sbas nas des de zos te myur du phyir 'ongs pa dang / seng ges stag la smras pa/ khyod sngon chad ni yun ring zhig gis phyir 'ongs na deng myur du phyir 'ongs pa 'di la rgyu ci yod/ stag gis smras pa/ kho bos lhag rol sbas par gyur pa de zos te phyir 'ongs so/ /seng ges smras pa/ khyod lhag rol sbed dam/ stag gis smras pa sbed do/ /seng ges smras pa/ kho bo ni ri dgas dam pa dam pa dag bsad nas sha dam pa dag zos shing khrag dam pa dag 'thungs nas ltos pa med par 'gro'o/ /stag gis smras pa/ khyod ni stobs dang ldan pa yin gyis/ kho bos ni de ltar byed mi nus so/ /seng ges smras pa/ bdag cag lhan cig dong ngo / /de gnyis lhan cig 'dong bar brtsams so/ /ri dgas kyi rgyal po seng ge de la wa rgan po rab tu gdu ba lhag ma za ba zhig 'khor zhing phyi bzhin du 'brang ba des bsams pa/ stag 'di bdag gi lto'i dgrar gyur pa yin gyis 'di gnyis dbye bar bya'o snyam nas/ de nas wa rgan po de seng ge'i mdun du rna ba phab ste 'dug pa dang / seng ges smras pa/ zhang po rlung tsha ba dag mi ldang ngam/ was smras pa/ tsha bo rlung rab tu 'bar ba dag ldang ngo / /ci nyes/ stag 'di na re kho bo'i rtsa'i seng ge de gar song / des kho bo lhag ma zar bcug gis kho bos de nges par gsad par bya'o zhes zer ro/ /seng ges smras pa/ zhang po kho bo cag gnyis la ma gnyis kyis 'chi kar bu gnyis nu ma gcig la nu nu ba'i spun yin la/ phra ma can snod 'byed pa dag gis 'jig rten gang bar 'khod kyis/ kho mo cag gnyis 'das pa'i 'og tu khyed gnyis kyis 'ga' yang mnyan par mi bya'o zhes kha chems bzhag gis khyod de skad ma zer cig /was smras pa/ tsha bo khyod da kho bo phan par 'dod pa'i tshig mi nyan na chud zos par 'ong ngo / /seng ges smras pa/ zhang po go rims ji ltar 'ong bar 'gyur/ was smras pa/ tsha bo stag 'di tshang nas byung nas bya smyangs byed par 'gyur la/ bya smyangs byas nas glal bar 'gyur zhing / glal nas phyogs bzhir rnam par blta bar 'gyur/ phyogs bzhir rnam par bltas nas stag gi skad thang gsum phyung ste khyod kyi mdun du 'ong bar 'gyur ba na khyod kyis bdag 'dis bsad do snyam du shes par gyis shig /de'i 'og tu stag gi mdun du rna ba phab ste 'dug pa dang / stag gis smras pa/ zhang po rlung tsha ba dag mi ldang ngam / was smras pa/ tsha bo rlung rab tu 'bar ba dag ldang ngo / /ci nyes/ seng ge 'di na re kho bo'i rtsa'i stag de gar song / de nges par gsad par bya'o zhes zer ro/ /stag gis smras pa/ zhang po kho bo cag gnyis la ma gnyis kyis 'chi kar bu gnyis khyed gnyis ma gcig la nu nu ba'i spun yin la/ phra ma can snod 'byed pa dag gis 'jig rten gang bar 'khod kyis/ khyed gnyis kyis 'ga' yang mnyan par mi bya 'o zhes kha chems bzhag gis khyod de skad ma zer cig /was smras pa/ tsha bo khyod da kho bo phan par 'dod pa'i tshig mi nyan na chud zos par 'ong ngo / /zhang po go rims ji ltar 'ong bar 'gyur/ was smras pa/ tsha bo seng ge 'di tshang nas byung nas bya smyangs byed par 'gyur la/ bya smyangs byas nas glal bar 'gyur zhing / glal nas phyogs bzhir rnam par lta bar 'gyur/ phyogs bzhir rnam par bltas nas seng ge'i skad thang gsum phyung ste khyod kyi mdun du 'ong bar 'gyur ba na khyod kyis bdag 'dis bsad par 'gyur ro snyam du shes par bya'o/ /de gnyis rang bzhin gyis rtag tu de ltar byed mod kyi/ lan 'ga' yang mtshan mar ma bzung ngo / /dus gzhan zhig na ri dgas kyi rgyal po seng ge de tshang nas byung nas bya smyangs byas te glal nas phyogs bzhir rnam par bltas te seng ge'i skad thang gsum phyung nas stag gi mdun du song ngo / / stag gis kyang tshang nas byung nas bya smyangs byas te glal nas phyogs bzhir rnam par bltas te stag skad thang gsum phyung nas seng ge'i mdun du song ngo / /de gnyis rtag tu de lta byed mod kyi/ lan 'ga' yang mtshan mar ma bzung ste/ gang gi tshe rgyud la dbyen gyi sa bon btab pa de'i tshe mtshan mar bzung bas seng ges kyang bdag 'dis bsad do snyam du bsams la/ stag gis kyang bdag 'dis bsad do snyam du bsams so/ /yang seng ges bsams pa/ bdag ni stobs dang ldan pa yin la stag ni ma yin pas 'dis bdag la rgol mi nus kyis je brtag par bya'o snyam nas des tshigs su bcad pas smras pa/ chu zhing phun sum tshogs pa dang / /rtsal dang shugs dang ldan pa yi/ /mche ba bzang la rgol byed pa/ /dpung bzang de ni rigs pa min/ stag gis kyang tshigs su bcad pa smras pa/ chu zhing phun sum tshogs pa dang / /rtsal dang shugs dang ldan pa yi/ /dpung bzang la ni rgol byed pa/ /mche bzang de ni rigs pa min/ /seng ges smras pa/ khyod la sus smras/ stag gis smras pa/ wa 'dis so/ /stag gis smras pa/ khyos la sus smras/ seng ges smras pa/ wa 'dis so/ /seng ges bsams pa/ 'dis bdag cag gnyis 'byed par byed do snyam nas des wa de thal lcag gis bsnun te bsad pa dang / lhas tshigs su bcad pa smras pa/ gzhan gyi tshig gis mdza' bshes mi spang zhing / /gzhan gyis smras pa dag la brtag par bya/ /'byed par 'dod pa skabs tshol byed pas na/ /skye bo phra ma can la yid ma rton/ /wa skyes grong pa brdzun du smra byed pa/ /mdza' bshes 'byed par byed pas skyes to re/ /phra ma smra ba de ni bsad gyur nas/ /bde bas mdza' bshes dga' bar byed la ltos/ /dge slong dag re shig dud 'gro'i skye gnas su skyes pa'i srog chags de dag kyang phra mas kun du spyod pa na gsod par sems na mi rnams la smos kyang ci dgos/ dge slong dag de lta bas na dge slong gis dge slong la phra mas kun du spyad par mi bya'o/ /dge slong gis dge slong la phra mas spyod par byed na 'gal tshabs can du 'gyur ro/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong la phra ma byed na ltung byed do/ /dge slong la phra ma byed na zhes bya ba ni dge slong la phra ma bya ba'i bsam pas ngag dang / tshig dang tha snyad dang / skad dang / brjod pa dang / nges pa'i tshig dang / tshig gi lam dang / tshig gi sgra dang / ngag gi rnam par rig byed smras pa'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshed par byed/ ltung bar byed pa'o/ /gzhan yang ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ bar sdom la/ rigs dang bzo dang las dang ni/ /rtags nad ltung ba sde lnga dang / /nye ba'i nyon mongs rnams dang ni/ /spyo bar byed pa tha ma yin dge slong gis phra ma bya ba'i bsam pas bram ze las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni bram ze las rab tu byung ba yin no zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la nyes byas su 'gyur la/ rigs dang rus brjod pa la nyes byas phra mor 'gyur ro/ /dge slong gis phra ma bya ba'i bsam pas rgyal rigs las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rgyal rigs las rab tu byung ba yin no zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la nyes byas su 'gyur la/ rigs dang rus brjod pa la nyes byas phra mor 'gyur ro/ /dge slong gis phra ma bya ba'i bsam pas rje'u rigs las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rje'u rigs las rab tu byung ba yin no zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na/ ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas dmangs rigs las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni dmangs rigs las rab tu byung ba yin no zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas tha ga pa las rab tu byung ba'i gan du song ste/ 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod bram ze'i tshul ga la yod/ tshe dang ldan pa ni tha ga pa las rab tu byung ba yin no zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na/ ming brjod pa la ltung byed du 'gyur la rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas khab ris mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod tshe dang ldan pa ni khab ris mkhan las rab tu byung ba yin no zhes zer te/ dge slong gang zhe na ming 'di zhes bya rigs 'di zhes bya/ rus 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas bzang mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni bzang mkhan las rab tu byung ba yin no zhes zer te dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas lcags mgar las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni lcags mgar las rab tu byung ba yin no zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas rdungs mgar las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rdungs mgar las rab tu byung ba yin no/ /zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas ko lpags mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni ko lpags mkhan las rab tu byung ba yin no zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas rdza mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rdza mkhan las rab tu byung ba yin no zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas 'breg mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni 'breg mkhan las rab tu byung ba yin no zhes zer te/ dge slong gang zhe na ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas shing mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni shing mkhan las rab tu byung ba yin no zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas smyig ma mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni smyig ma mkhan las rab tu byung ba yin no zhes zer te/ dge slong gang zhen/ ming ni 'di zhes bya/ rigs ni 'di zhes bya rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas bran las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni bran las rab tu byung ba yin no zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas bram ze las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni bram ze las rab tu byung ba yin gyis/ tshe dang ldan pas rang gi bzo 'di lta ste/ bram ze'i spyod tshul dang / spyod pa dang / gtsang sbra dang / kun tu spyod pa dang / thal ba blang ba dang / bya ma bum pa blang ba dang / sa blang ba dang / lag stangs dang / thor tshugs dang rab bsngags bya ba dang / kye zhes bya ba dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin byed pa dang / mchod sbyin byed du 'jud pa dang / klog pa dang / klog tu 'jud pa dang / sbyin pa dang / len pa dag bslab par bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya rus ni 'di zhes bya zhes smras na ming brjod pa la nyes byas su 'gyur la/ rigs dang rus brjod pa la nyes byas phra mor 'gyur ro/ /dge slong gis phra ma bya ba'i bsam pas rgyal rigs las rab tu byung ba'i gan du song ste/ 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rgyal rigs las rab tu byung ba yin gyis/ tshe dang ldan pas rang gi bzo 'di lta ste glang po che'i gnyar bzhon pa dang rta bzhon pa dang / shing rta'i thabs dang / ral gri'i thabs dang 'phong dang phyir bsnur ba dang / mdun du bsnur ba dang / lcags kyus sgyur thabs dang / zhags pa gdab pa dang / mda' bo che 'phen thabs dang / 'dzin stangs dang / gom stabs dang / thor tshugs dang / bcad pa dang / dral ba dang / dbug pa dang / rgyang nas phog pa dang / sgra grag par phog pa dang / gnad du phog pa dang / mi 'chor bar phog pa dang / tshabs che ba dag bslab par bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la nyes byas su 'gyur la/ rigs dang rus brjod pa la nyes byas phra mor 'gyur ro/ /dge slong gis phra ma bya ba'i bsam pas rje'u rigs las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rje'u rigs las rab tu byung ba yin gyis/ tshe dang ldan pas rang gi bzo 'di lta ste/ zhing rmo ba dang / ba lang bsrung ba dang / tshong bya ba bslab par bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas dmangs rigs las rab tu byung ba'i gan du song ste/ 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod bram ze'i tshul ga la yod/ tshe dang ldan pa ni dmangs rigs las rab tu byung ba yin gyis/ tshe dang ldan pas rang gi bzo 'di lta ste/ zor ba dang / phrag rdang bslab par bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas tha ga pa las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni tha ga pa las rab tu byung ba yin gyis/ tshe dang ldan pas rang gi bzo 'di lta ste/ dar dag dang / ras yug chen dag dang / be'u ras dag dang / dar la dag dang / du gu la dag dang / ko tam pa dag bslab par bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas khab ris mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni khab ris mkhan las rab tu byung ba yin gyis/ tshe dang ldan pas rang gi bzo 'di lta ste/ be'u ras yug chen dang / par thang dang / khab ris dang / khre'u tshe dang / gor bu bslab par bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas bzang mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni bzang mkhan las rab tu byung ba yin gyis/ tshe dang ldan pas rang gi bzo 'di lta ste/ zhwa dang zhwa sgre bo dang / byis pa'i gos dag dang / shi nga dpung chad dag dang / dor mang dag dang / dor thung dag dang / bzang mkhan gyi bzo gzhan gang yin pa dag bslab par bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas lcags mgar las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni lcags mgar las rab tu byung ba yin gyis/ tshe dang ldan pas rang gi bzo 'di lta ste/ lhung bzed dang / lhung bzed chung ngu dang / khab dang / gri dag dang / sren gri dag dang / lcags mgar gyi bzo gzhan gang yin pa dag bslab par bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas rdungs mgar las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rdungs mgar las rab tu byung ba yin gyis/ tshe dang ldan pas rang gi bzo 'di lta ste/ khar gzhong dag dang / gzhong bu dag dang / cha lang dag dang / skam phor dag dang / ril ba dag dang / rdungs mgar gyi bzo gzhan gang yin pa dag bslab par bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas ko lpags mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni ko lpags mkhan las rab tu byung ba yin gyis/ tshe dang ldan pas rang gi bzo 'di lta ste/ lham sgrog gu can dag dang / lham yu chad dag dang / mchil lham dag dang / sga dang / dong pa dag dang / ko lpags mkhan gyi bzo gzhan gang yin pa dag bslab par bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas rdza mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rdza mkhan las rab tu byung ba yin gyis/ tshe dang ldan pas rang gi bzo 'di lta ste/ rdza ma dag dang / bum pa dag dang / ril ba dag dang / rdze'u dag dang / kham phor dag dang / rdza mkhan gyi bzo gzhan gang yin pa dag bslab par bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas 'breg mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni 'breg mkhan las rab tu byung ba yin gyis/ tshe dang ldan pas rang gi bzo 'di lta ste/ skra breg pa dang / sen mo breg pa dang / kha spu breg pa dang / byin pa bcos pa dang / 'breg mkhan gyi bzo gzhan gang yin pa dag bslab par bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na/ ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas shing mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni shing mkhan las rab tu byung ba yin gyis/ tshe dang ldan pas rang gi bzo 'di lta ste/ khri dag dang / khri'u dag dang / an dag dang / an khri'u dag dang / sgo glegs dag dang / shing mkhan gyi bzo gzhan gang yin pa dag bslab par bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas smyig ma mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni smyig ma mkhan las rab tu byung ba yin gyis/ tshe dang ldan pas rang gi bzo 'di lta ste/ skon bu dag dang / sprog ma dag dang / gdugs dag dang / bsil yab dag dang / dung gzeb dag dang / smyig ma mkhan gyi bzo gzhan gang yin pa dag bslab par bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas bran las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni bran las rab tu byung ba yin gyis/ tshe dang ldan pas rang gi bzo 'di lta ste/ bsku mnye dang / dril phyi dang / khrus dang / pho nyar 'gro ba dang / mngag pa dang / bran gyi bzo gzhan gang yin pa dag bslab par bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro// //'dul ba rnam par 'byed pa/ bam po bzhi bcu pa/ dge slong gis phra ma bya ba'i bsam pas bram ze las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni bram ze las rab tu byung ba yin gyis/ tshe dang ldan pas rang gi las 'di lta ste/ bram ze'i spyod tshul dang / spyod pa dang / gtsang sbra dang / kun du spyod pa dang / thal ba blang ba dang / bya ma bum blang ba dang / lag stangs dang / thor tshugs dang / rab bsngags bya ba dang / kye zhes bya dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin byed pa dang / mchod sbyin byed du 'jud pa dang / klog pa dang / klog tu 'jud pa dang / sbyin pa dang / len pa dang / bram ze'i las gzhan gang yin pa dag kyang bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la nyes byas su 'gyur la/ rigs dang rus brjod pa la nyes byas phra mor 'gyur ro/ /dge slong gis phra ma bya ba'i bsam pas rgyal rigs las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod bram ze'i tshul ga la yod/ tshe dang ldan pa ni rgyal rigs las rab tu byung ba yin gyis/ tshe dang ldan pas rang gi las 'di lta ste/ glang po che'i gnyar bzhon pa dang / rta la bzhon pa dang / shing rta'i thabs dang ral gri'i thabs dang / 'phong dang / phyir bsnur ba dag dang / mdun du bsnur ba dang / lcags kyus sgyur thabs dang / zhags pa gdab pa dang / mda' bo che 'phen thabs dang / 'dzin stangs dang / gom stangs dang / thor tshugs dang / gcad pa dang / dral ba dang / dbug pa dang / rgyang nas phog pa dang / sgra grag par phog pa dang / gnad du phog pa dang / mi 'chor bar phog pa dang / tshabs che bar phog pa dang / rgyal rigs kyi las gzhan gang yin pa dag kyang bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la nyes byas su 'gyur la/ rigs dang rus brjod pa la nyes byas phra mor 'gyur ro/ /dge slong gis phra ma bya ba'i bsam pas rje'u rigs las rab tu byung ba'i gan du song ste/ 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rje'u rigs las rab tu byung ba yin gyis/ tshe dang ldan pas rang gi las 'di lta ste/ zhing rmo ba dang / ba lang bsrung ba dang / tshong bya ba dang / rje'u rigs kyi las gzhan gang yin pa dag kyang bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas dmangs rigs las rab tu byung ba'i gan du song ste/ 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni dmangs rigs las rab tu byung ba yin gyis/ tshe dang ldan pas rang gi las 'di lta ste/ zor ba dang / phrag rdang dang / dmangs rigs kyi las gzhan gang yin pa de dag kyang bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas tha ga pa la rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni tha ga pa las rab tu byung ba yin gyis/ tshe dang ldan pas 'di lta ste/ thags zangs dang / son pa dang / dru bu dang / snas ma la sogs pas rang gi las bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas khab ris mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni khab ris mkhan las rab tu byung ba yin gyis/ tshe dang ldan pas 'di lta ste/ rgyang shing dang / skud pa dang / tshon dang / phur pa dang / so mangs kyis rang gi las bya'o zhes zer te dge slong gang zhe na/ ming ni 'di zhes bya rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas bzang mkhan las rab tu byung ba'i gan du song ste/ 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod tshe dang ldan pa ni bzang mkhan las rab tu byung ba yin gyis/ tshe dang ldan pas 'di lta ste/ khab dang / skud pa dang / gri dang / chan pa dang / lcub mos rang gi las bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas lcags mgar las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni lcags mgar las rab tu byung ba yin gyis/ tshe dang ldan pas 'di lta ste/ sbud pa dang / sbud ru dang / ti tsa dang / skam pa dang / tho bas rang gi las bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas rdungs mgar las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rdungs mgar las rab tu byung ba yin gyis/ tshe dang ldan pas 'di lta ste/ sbud pa dang / sbud ru dang / ti tsa dang / skam pa dang / tho bas rang gi las bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas ko lpags mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni ko lpags mkhan las rab tu byung ba yin gyis/ tshe dang ldan pas 'di lta ste/ rgyus pa dang / rgyi'u dang / 'breng bu dang / dra gri dang / smyung dang / smyung bus rang gi las bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas rdza mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni rdza mkhan las rab tu byung ba yin gyis/ tshe dang ldan pas 'di lta ste/ 'khor lo dang / dbyig gu dang / tha gu dang / 'khor lo'i rten ma dang / gsal gyis rang gi las bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas 'breg mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni 'dreg mkhan las rab tu byung ba yin gyis/ tshe dang ldan pas 'di lta ste/ spu gri dang / chan pa dang / bdar dang / smang tser dang / sen gris rang gi las bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas shing mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni shing mkhan las rab tu byung ba yin gyis/ tshe dang ldan pas 'di lta ste/ ste'u dang / sta re dang / gzong dang / sog le dang / tho bas rang gi las bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas smyig ma mkhan las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni smyig ma mkhan las rab tu byung ba yin gyis/ tshe dang ldan pas 'di lta ste/ smyig ma dang / gri dang / tshon dang / smyug tho dang / lhang tsher gyis rang gi las bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas bran las rab tu byung ba'i gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni bran las rab tu byung ba yin gyis/ tshe dang ldan pas 'di lta ste bsku mnye dang / dril phyi dang / khrus dang / pho nyar 'gro ba dang / mngag pas rang gi las bya'o zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas dge slong gi gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni theng po dang / smad 'chal dang / zhar ba dang / lag sor rdum po dang / sgur po dang / mi'u thung dang / lba ba can dang / glen pa dang / lkug pa dang / grum po dang / 'on pa dang / rten 'phye dang / rkang 'bam las rab tu byung ba yin gyis zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas dge slong gi gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni mdze can dang / 'brum bu phra mo can dang / ngal skyen pa dang / shu ba can dang / g.yan pa can dang / khyi rngo can dang / glog pa can dang / rkang shu can dang / skyigs bu can dang / skyug bro ba dang / khong skam can dang / rims can dang / rims drag po can dang / lud pa can dang / dbugs mi bde ba can dang / skem nad can dang / brjed byed can dang / bkres ngab can dang / skya rbab can dang / tshil po che dang / skran can dang / khrag nad can dang / mkhris nad dang / mtshan par rdol ba las rab tu byung ba yin no zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas dge slong gi gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni pham par 'gyur ba dang / dge 'dun lhag ma dang / ltung byed dang / so sor bshags par bya ba dang / nyes byas kyi ltung ba byung ba yin no zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas dge slong gi gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni khro ba dang / khon du 'dzin pa dang / 'chab pa dang / dngan dus can dang / phrag dog can dang / ser sna can dang / g.yon can dang / sgyu can dang / ngo tsha med pa dang / khrel med pa dang / sdig pa 'dod pa dang / log par lta ba yin no zhes zer te/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /dge slong gis phra ma bya ba'i bsam pas dge slong gi gan du song ste 'di skad ces tshe dang ldan pa khyod la dge slong na re tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni ro lta bu yin no zhes bya ba la sogs pa'i spyo ba dag gis spyo bar byed de/ dge slong gang zhe na/ ming ni 'di zhes bya/ rigs ni 'di zhes bya/ rus ni 'di zhes bya zhes smras na ming brjod pa la ltung byed du 'gyur la rigs dang rus brjod pa la nyes byas su 'gyur ro/ /de bzhin du dge slong gis ji tsam du phra ma bya ba'i bsam pas dge slong dag dbye ba'i tshig smra na bden yang rung / brdzun yang rung thams cad du ltung byed du 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dge slong la phra ma byed pa'i ltung byed de gsum pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag dge 'dun 'thun pas chos bzhin du rtsod pa sbyangs par shes bzhin du rtsod pa 'di ni shad kyis ma byang ba dang / legs par shad kyis ma byang ba yin gyis yang shad kyis byang bar bya'o/ /rtsod pa 'di ni nges par ma brtags pa dang / legs par nges par ma brtags pa yin gyis yang nges par brtag par bya'o/ /rtsod pa 'di ni nye bar ma zhi ba dang / legs par nye bar ma zhi ba yin gyis yang nye bar zhi bar bya'o zhes yang las kyis skyo sngogs byed de/ dge slong dag yang dang yang du rtsod pa nye bar zhi bar byed pa na bya ba mang ba dang / byed pa mang bar gyur nas lung mnod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed do/ /dge slong don nyung ngu dag ci'i phyir dge slong dag dge 'dun 'thun pas chos bzhin du rtsod pa sbyangs par shes bzhin du rtsod pa 'di ni shad kyis ma byang ba dang / legs par shad kyis ma byang ba yin gyis yang shad kyis sbyang bar bya'o/ /rtsod pa 'di ni nges par ma brtags pa dang / legs par nges par ma brtags pa yin gyis yang nges par brtag par bya'o/ /rtsod pa 'di ni nye bar ma zhi ba dang / legs par nye bar ma zhi ba yin gyis yang nye bar zhi bar bya'o zhes yang las kyis skyo sngogs byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag khyed dge 'dun 'thun pas chos bzhin du rtsod pa sbyangs par shes bzhin du yang las kyis skyo sngogs byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su 'thun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun 'thun pas chos bzhin du rtsod pa sbyangs par shes bzhin du yang las kyis skyo sngogs byed na ltung byed do/ /yang dge slong gang zhes bya ba ni drug sde 'am/ gzhan yang de lta bu gang yin pa'o/ /dge 'dun zhes bya ba ni de bzhin gshegs pa'i nyan thos kyi dge 'dun no/ /'thun pas zhes bya ba ni blo 'thun pas so/ /chos bzhin du zhes bya ba ni chos ji lta ba dang / 'dul ba ji lta ba dang / ston pa'i bstan pa ji lta ba bzhin du'o/ /rtsod pa zhes bya ba ni rtsod pa bzhi po 'thab pa'i phyir rtsod pa dang / mi gdams pa'i phyir rtsod pa dang / ltung ba'i phyir rtsod pa dang / bya ba'i phyir rtsod pa'o/ /sbyangs pa zhes bya ba ni nye bar zhi bar byas pa'o/ /shes bzhin du zhes bya ba ni rang nyid kyis yongs su rig pa 'am/ gzhan dag gis brjod pas so/ /yang las kyis skyo sngogs byed na zhes bya ba ni yang byed na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ / gzhan yang ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis 'thab pa'i phyir rtsod pa la 'thab pa'i phyir rtsod par 'du shes nas shad kyis byang ba la shad kyis byang bar 'du shes shing yang las kyis skyo sngogs byed na ltung byed du 'gyur ro/ /shad kyis byang ba la yid gnyis za zhing yang las kyis skyo sngogs byed na ltung byed du 'gyur ro/ /shad kyis ma byang ba la shad kyis byang bar 'du shes shing yang las kyis skyo sngogs byed na nyes byas su 'gyur ro/ /shad kyis ma byang ba la yid gnyis za zhing yang las kyis skyo sngogs byed na nyes byas su 'gyur ro/ /dge slong gis 'thab pa'i phyir rtsod pa la mi gdams pa'i phyir rtsod par 'du shes nas shad kyis byang ba la shad kyis byang bar 'du shes shing yang las kyis skyo sngogs byed na ltung byed du 'gyur ro/ /shad kyis byang ba la yid gnyis za zhing yang las kyis skyo sngogs byed na ltung byed du 'gyur ro/ /shad kyis ma byang ba la shad kyis byang bar 'du shes shing yang las kyis skyo sngogs byed na nyes byas su 'gyur ro/ /shad kyis ma byang ba la yid gnyis za zhing yang las kyis skyo sngogs byed na nyes byas su 'gyur ro/ /dge slong gis 'thab pa'i phyir rtsod pa la ltung ba'i phyir rtsod par 'du shes nas shad kyis byang ba la shad kyis byang bar 'du shes shing yang las kyis skyo sngogs byed na ltung byed du 'gyur ro/ /shad kyis byang ba la yid gnyis za zhing yang las kyis skyo sngogs byed na ltung byed du 'gyur ro/ /shad kyis ma byang ba la shad kyis byang bar 'du shes shing / yang las kyis skyo sngogs byed na nyes byas su 'gyur ro/ / shad kyis ma byang ba la yid gnyis za zhing yang las kyis skyo sngogs byed na nyes byas su 'gyur ro/ /dge slong gis 'thab pa'i phyir rtsod pa la bya ba'i phyir rtsod par 'du shes nas shad kyis byang ba la shad kyis byang bar 'du shes yang las kyis skyo sngogs byed na ltung byed du 'gyur ro/ /shad kyis byang ba la yid gnyis za zhing yang las kyis skyo sngogs byed na ltung byed du 'gyur ro/ /shad kyis ma byang ba la shad kyis byang bar 'du shes shing yang las kyis skyo sngogs byed na nyes byas su 'gyur ro/ /shad kyis ma byang ba la yid gnyis za zhing yang las kyis skyo sngogs byed na nyes byas su 'gyur ro/ /dge slong gis mi gdams pa'i phyir rtsod pa la mi gdams pa'i phyir rtsod par 'du shes nas shad kyis byang ba la shad kyis byang bar 'du shes shing yang las kyis skyo sngogs byed na ltung byed du 'gyur ro/ /shad kyis byang ba la yid gnyis za zhing yang las kyis skyo sngogs byed na ltung byed du 'gyur ro/ /shad kyis ma byang ba la shad kyis byang bar 'du shes shing yang las kyis skyo sngogs byed na nyes byas su 'gyur ro/ /shad kyis ma byang ba la yid gnyis za zhing yang las kyis skyo sngogs byed na nyes byas su 'gyur ro/ /dge slong gis mi gdams pa'i phyir rtsod pa la 'thab pa'i phyir rtsod par 'du shes nas shad kyis byang ba la shad kyis byang bar 'du shes shing yang las kyis skyo sngogs byed na ltung byed du 'gyur ro/ /shad kyis byang ba la yid gnyis za zhing yang las kyis skyo sngogs byed na ltung byed du 'gyur ro/ /shad kyis ma byang ba la shad kyis byang bar 'du shes shing yang las kyis skyo sngogs byed na nyes byas su 'gyur ro/ /shad kyis ma byang ba la yid gnyis za zhing yang las kyis skyo sngogs byed na nyes byas su 'gyur ro/ /dge slong gis mi gdams pa'i phyir rtsod pa la ltung ba'i phyir rtsod par 'du shes nas shad kyis byang ba la shad kyis byang bar 'du shes shing yang las kyis skyo sngogs byed na ltung byed du 'gyur ro/ /shad kyis byang ba la yid gnyis za zhing yang las kyis skyo sngogs byed na ltung byed du 'gyur ro/ /shad kyis ma byang ba la shad kyis byang bar 'du shes shing yang las kyis skyo sngogs byed na nyes byas su 'gyur ro/ /shad kyis ma byang ba la yid gnyis za zhing yang las kyis skyo sngogs byed na nyes byas su 'gyur ro/ /dge slong gis mi gdams pa'i phyir rtsod pa la bya ba'i phyir rtsod par 'du shes nas shad kyis byang ba la shad kyis byang bar 'du shes shing yang las kyis skyo sngogs byed na ltung byed du 'gyur ro/ /shad kyis byang ba la yid gnyis za zhing yang las kyis skyo sngogs byed na ltung byed du 'gyur ro/ /shad kyis ma byang ba la shad kyis byang bar 'du shes shing yang las kyis skyo sngogs byed na nyes byas su 'gyur ro/ /shad kyis ma byang ba la yid gnyis za zhing yang las kyis skyo sngogs byed na nyes byas su 'gyur ro/ /dge slong gis ltung ba'i phyir rtsod pa la ltung ba'i phyir rtsod par 'du shes nas shad kyis byang ba la shad kyis byang bar 'du shes shing yang las kyis skyo sngogs byed na ltung byed du 'gyur ro/ /shad kyis byang ba la yid gnyis za zhing yang las kyis skyo sngogs byed na ltung byed du 'gyur ro/ /shad kyis ma byang ba la shad kyis byang bar 'du shes shing yang las kyis skyo sngogs byed na nyes byas su 'gyur ro/ /shad kyis ma byang ba la yid gnyis za zhing yang las kyis skyo sngogs byed na nyes byas su 'gyur ro/ /dge slong gis ltung ba'i phyir rtsod pa la 'thab pa'i phyir rtsod par 'du shes nas shad kyis byang ba la shad kyis byang bar 'du shes shing yang las kyis skyo sngogs byed na ltung byed du 'gyur ro/ /shad kyis byang ba la yid gnyis za zhing yang las kyis skyo sngogs byed na ltung byed du 'gyur ro/ /shad kyis ma byang ba la shad kyis byang bar 'du shes shing yang las kyis skyo sngogs byed na nyes byas su 'gyur ro/ /shad kyis ma byang ba la yid gnyis za zhing yang las kyis skyo sngogs byed na nyes byas su 'gyur ro/ /dge slong gis ltung ba'i phyir rtsod pa la gdams pa'i phyir rtsod par 'du shes nas shad kyis byang ba la shad kyis byang bar 'du shes shing yang las kyis skyo sngogs byed na ltung byed du 'gyur ro/ /shad kyis byang ba la yid gnyis za zhing yang las kyis skyo sngogs byed na ltung byed du 'gyur ro/ /shad kyis ma byang ba la shad kyis byang bar 'du shes shing yang las kyis skyo sngogs byed na nyes byas su 'gyur ro/ /shad kyis ma byang ba la yid gnyis za zhing yang las kyis skyo sngogs byed na nyes byas su 'gyur ro/ /dge slong gis ltung ba'i phyir rtsod pa la bya ba'i phyir rtsod par 'du shes nas shad kyis byang ba la shad kyis byang bar 'du shes shing yang las kyis skyo sngogs byed na ltung byed du 'gyur ro/ /shad kyis byang ba la yid gnyis za zhing yang las kyis skyo sngogs byed na ltung byed du 'gyur ro/ /shad kyis ma byang ba la shad kyis byang bar 'du shes shing yang las kyis skyo sngogs byed na nyes byas su 'gyur ro/ / shad kyis ma byang ba la yid gnyis za zhing yang las kyis skyo sngogs byed na nyes byas su 'gyur ro/ /dge slong gis bya ba'i phyir rtsod pa la bya ba'i phyir rtsod par 'du shes nas shad kyis byang ba la shad kyis byang bar 'du shes shing yang las kyis skyo sngogs byed na ltung byed du 'gyur ro/ /shad kyis byang ba la yid gnyis za zhing yang las kyis skyo sngogs byed na ltung byed du 'gyur ro/ /shad kyis ma byang ba la shad kyis byang bar 'du shes shing yang las kyis skyo sngogs byed na nyes byas su 'gyur ro/ / shad kyis ma byang ba la yid gnyis za zhing yang las kyis skyo sngogs byed na nyes byas su 'gyur ro/ /dge slong gis bya ba'i phyir rtsod pa la 'thab pa'i phyir rtsod par 'du shes nas shad kyis byang ba la shad kyis byang bar 'du shes shing yang las kyis skyo sngogs byed na ltung byed du 'gyur ro/ /shad kyis byang ba la yid gnyis za zhing yang las kyis skyo sngogs byed na ltung byed du 'gyur ro/ /shad kyis ma byang ba la shad kyis byang bar 'du shes shing yang las kyis skyo sngogs byed na nyes byas su 'gyur ro/ /shad kyis ma byang ba la yid gnyis za zhing yang las kyis skyo sngogs byed na nyes byas su 'gyur ro/ /dge slong gis bya ba'i phyi rtsod pa la mi gdams pa'i phyir rtsod par 'du shes nas shad kyis byang ba la shad kyis byang bar 'du shes shing yang las kyis skyo sngogs byed na ltung byed du 'gyur ro/ /shad kyis byang ba la yid gnyis za zhing yang las kyis skyo sngogs byed na ltung byed du 'gyur ro/ /shad kyis ma byang ba la shad kyis byang bar 'du shes shing yang las kyis skyo sngogs byed na nyes byas su 'gyur ro/ /shad kyis ma byang ba la yid gnyis za zhing yang las kyis skyo sngogs byed na nyes byas su 'gyur ro/ /dge slong gis bya ba'i phyir rtsod pa la ltung ba'i phyir rtsod par 'du shes nas shad kyis byang ba la shad kyis byang bar 'du shes shing yang las kyis skyo sngogs byed na ltung byed du 'gyur ro/ /shad kyis byang ba la yid gnyis za zhing yang las kyis skyo sngogs byed na ltung byed du 'gyur ro/ /shad kyis ma byang ba la shad kyis byang bar 'du shes shing yang las kyis skyo sngogs byed na nyes byas su 'gyur ro/ /shad kyis ma byang ba la yid gnyis za zhing yang las kyis skyo sngogs byed na nyes byas su 'gyur ro/ /de dag ni gang zag lnga ste/ gnyug mar gnas pa dang / las byed pa dang / 'dun pa 'bul ba dang / lta ba smra ba dang / blo bur du 'ongs pa dag go/ /de la gang zag gnyug mar gnas pa gang zhe na/ gang gis rtsod pa de'i thog ma dang / dbus dang / tha ma dag shes pa'o/ /gang zag las byed pa gang zhe na/ gang gis rtsod pa de nye bar zhi bar bya ba'i phyir las byas pa'o/ /gang zag 'dun pa 'bul ba gang zhe na/ gang gis las de bya ba'i phyir 'dun pa phul bar gyur pa'o/ /gang zag lta ba smra ba gang zhe na/ gang gis rtsod pa de la rang gi lta ba smras par gyur pa'o/ /gang zag blo bur du 'ongs pa gang zhe na/ gang gis rtsod pa de'i thog ma dang / dbus dang / tha ma dag mi shes pa'o/ /de la gang zag dang po gsum po gnyug mar gnas pa dang / las byed pa dang / 'dun pa 'bul ba'i gang zag de gsum gyis dge 'dun 'thun pas chos bzhin du rtsod pa sbyangs par shes bzhin du yang las kyis skyo sngogs byed na ltung byed du 'gyur ro/ /gang zag tha ma gnyis po lta ba smra ba dang / blo bur du 'ongs pa'i gang zag de gnyis dge 'dun 'thun pas chos bzhin du rtsod pa sbyangs par shes bzhin du yang las kyis skyo sngogs byed na nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /skyo sngogs byed pa'i ltung byed de bzhi pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa 'char ka sha mtshan gyi rig pa shes te/ de snga dro sham thabs bgos/ lhung bzed dang chos gos thogs te mnyan yod du bsod snyoms la 'jug go/ /de bram ze dang / khyim bdag gi khyim dag tu song ste chos ston par byed cing chos bstan nas mna' ma la dris pa/ sru mo khyod kyi sgyug mo ci 'dra/ des smras pa/ 'phags pa ri bong ma mdas phog pa ci 'dra ba de 'dra'o/ /'char kas smras pa/ sru mo ci de de'i nyes pa yin snyam 'am/ 'di ltar de la gtum pa'i mtshan nu ma'i bar dang / 'doms kyi bar dang / rked pa'i bar dag na sha rman dang / mdzer bu dang / sme ba dang / sme ba dmar po dang / spu 'khyil ba dag yod pas de ni de'i nyes pa yin no/ /de'i 'og tu sgyug mo'i gan du song ste dris pa/ sru mo khyod kyi mna' ma ci 'dra/ 'phags pa de'i skyon ni seg dar gyis bdar 'tshal te/ le lo can sgrub mi phod pa/ gtum pa/ gshe ba/ spyo bar bgyid pa lags so/ /sru mo ci de de'i nyes pa yin snyam 'am/ 'di ltar de la gtum pa'i mtshan nu ma'i bar dang / 'doms kyi bar dang / rked pa'i bar dag na sha rman dang / mdzer bu dang / sme ba dang / sme ba dmar po dang / spu 'khyil ba dag yod pas de ni de'i nyes pa yin no/ /de dus gzhan zhig na yang sham thabs bgos/ lhung bzed dang chos gos thogs te mnyan yod du bsod snyoms la 'jug go/ /de bram ze dang / khyim bdag gi khyim dag tu song ste chos ston par byed cing / chos ston pa na sgyug mo la dris pa/ sru mo khyod kyi mna' ma ci 'dra/ 'phags ma bu mo 'am/ nu mo ci 'dra ba de 'dra'o/ /sru mo de ni 'di'i yon tan ma yin te/ 'di ltar de la nges pa'i mtshan nu ma'i bar dang / 'doms kyi bar dang / rked pa'i bar dag na 'di lta ste/ dpal be'u dang / bum pa gang ba dang / bkra shis dang / g.yung drung dag yod pas de ni de'i yon tan yin no/ /de'i 'og tu de'i mna' ma'i gan du song ste dris pa/ sru mo khyod kyi sgyug mo ci 'dra/ 'phags pa ma 'am/ bu mo ci 'dra ba de 'dra'o/ /sru mo de ni de'i yon tan ma yin te/ 'di ltar de la nges pa'i mtshan nu ma'i bar dang / 'doms kyi bar dang / rked pa'i bar dag na 'di lta ste/ dpal be'u dang / bum pa gang ba dang / bkra shis dang / g.yung drung dag yod pas de ni de'i yon tan yin no/ /de nas dus gzhan zhig na bud med de dag bsku mnye dang / dril phyi dang / khrus bdag gir byed pa'i tshe gcig la gcig gsang ba'i gnas kyi mtshan ma rtog par byed pa na/ ji tsam na tshe dang ldan pa 'char kas ji skad bstan pa de kho na lta bu'i mtshan bzang po dang / mtshan ngan pa dag mthong ngo / /de dag gang gi tshe thab mo byung ba de'i tshe na gcig la gcig gleng bar byed de/ khyod kyang kho mo dang lhan cig smra bar byed dam/ khyod skyes pa gzhan dag dang lhan cig 'di dang 'di ltar byed do/ /sdig pa zhi'o/ /'o na khyod kyi 'doms kyi bar dag na mtshan dang / mtshan ngan pa dag yod pa skyes pa gzhan gyis ji ltar shes/ gal te de lta na kho mo yang ci'i phyir mi smra/ khyod kyang kho mo dang lhan cig smra bar byed dam/ khyod skyes pa gzhan dag dang lhan cig 'di dang 'di ltar byed do/ /sdig pa zhi'o/ /'o na khyod kyi 'doms kyi bar dag na mtshan dang / mtshan ngan pa dag yod pa skyes pa gzhan gyis ji ltar shes/ gang gi tshe de dag gcig la gcig bzod pa gsol ba de'i tshe na gcig gis gcig la dris pa/ khyod la sus smras/ 'phags pa 'char kas so/ /khyod la yang sus smras/ 'phags pa 'char kas so/ /de dag 'phags pa 'char kas bsams bzhin du bdag cag 'thab tu bcug go zhes smod par byed/ phyar ka gtong bar byed/ kha zer bar byed do/ /de dag the tshom skyes nas dge slong gnas brtan gnas brtan dag bsod snyoms la zhugs pa na de dag gis de dag la dris pa/ 'phags pa 'char ka dge slong ji lta bu lags/ sring mo dag de ni mdun na 'don gyi bu las rab tu byung ba dge slong tshul khrims dang ldan pa yin no/ /'phags pa dag gal te dge slong tshul khrims dang ldan pa lags na des ji ltar bud med kyi yul gyi gsang ba'i phyogs dag na sha rman mchis pa dag 'tshal/ de dag gis smras pa/ sring mo dag des sha mtshan brtags pa'i rig pa shes pas de'i mthus shes so/ /'phags pa dag ci ji tsam 'tshal ba de dag thams cad bstan par bgyi 'am zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das 'di snyam du dgongs te/ gang gi phyir nyes dmigs cung zad ci byung ba de dag thams cad dge slong dag bud med kyi yul la chos ston pa las gyur pa yin gyis/ de'i phyir dge slong gis bud med kyi yul la chos bstan par mi bya'o snyam du dgongs nas de lta bas na dge slong gis bud med kyi yul la chos bstan par mi bya'o zhes bka' stsal to/ /bcom ldan 'das kyis dge slong gis bud med kyi yul la chos bstan par mi bya'o zhes bka' stsal nas dge slong dag bsod snyoms la zhugs pa na bud med kyi yul dag gis smras pa/ 'phags pa dag chos bstan du gsol/ sring mo dag bcom ldan 'das kyis ma gnang ngo / /de dag gis smras pa/ gal te khyod chos mi ston na bdag cag kyang bsod snyoms mi 'bul lo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ tshig lngas chos bstan par bya ste/ sring mo dag 'di ltar gzugs ni mi rtag pa'o/ /tshor ba dang / 'du shes dang / 'du byed rnams dang / rnam par shes pa ni mi rtag pa'o zhes bya bas so/ /dge slong dag bsod snyoms la zhugs pa na bud med kyi yul dag gis smras pa/ 'phags pa dag chos bstan du gsol/ dge slong rnams kyis sring mo dag 'di ltar gzugs ni mi rtag pa'o/ /tshor ba dang / 'du shes dang / 'du byed rnams dang / rnam par shes pa ni mi rtag pa'o zhes tshig lngas chos bstan pa dang / de dag gis smras pa/ 'phags pa dag yang chos bstan du gsol/ sring mo dag bcom ldan 'das kyis re shig de tsam zhig rjes su gnang ngo / /de dag gis smras pa/ 'phags pa dag legs kyis bdag cag kyang bsod snyoms cung zhig 'bul lo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ tshig drug gis chos bstan par bya ste/ sring mo dag 'di ltar mig ni mi rtag pa'o/ / rna ba dang / sna dang / lce dang / lus dang / yid ni mi rtag pa'o zhes bya bas so/ /dge slong dag bsod snyoms la zhugs pa na bud med kyi yul dag gis smras pa/ 'phags pa dag chos bstan du gsol / dge slong rnams kyis sring mo dag 'di ltar mig ni mi rtag pa'o/ /rna ba dang / sna dang / lce dang / lus dang / yid ni mi rtag pa'o zhes tshig drug gis chos bstan pa dang / de dag gis smras pa/ 'phags pa dag yang chos bstan du gsol/ sring mo dag bcom ldan 'das kyis re shig de tsam zhig rjes su gnang ngo / /de dag gis smras pa/ 'phags pa dag legs kyis bdag cag kyang bsod snyoms chung zhig 'bul lo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ skyes pa bzhag ste ji tsam 'dod par chos bstan par bya'o/ /dge slong dag bsod snyoms la zhugs pa dag na bud med kyi yul dag gis smras pa/ 'phags pa chos bstan du gsol/ dge slong rnams kyis smras pa/ sring mo dag skyes pa 'ga' zhig khrid de shog /'phags pa dag skyes pas ci bgyi/ sring mo dag bcom ldan 'das kyis skyes pa bzhag ste ci tsam 'dod par chos bstan par bya'o zhes bslab pa'i gzhi bca' bar mdzad do/ /'phags pa dag legs te bdag cag kyang shin du sbas pa dang / shin du bsrungs par 'gyur la/ 'phags pa dag kyang mi bsnyengs par chos ston par 'gyur ro zhes de dag gis skyes pa khrid de 'ongs nas dge slong dag gis kyang ci 'dod par chos bstan te dong ngo / /drug sde dag bsod snyoms la zhugs nas de dag gis bud med kyi yul dag la smras pa/ sring mo dag 'khod cig dang chos bstan par bya'o/ /de dag gis smras pa/ 'phags pa dag skyes pa 'ga' zhig khrid de mchi'i bar du re shig yud tsam zhig bzhes su gsol drug sde dag gis smras pa/ khyi dang / spre'u dang / be'u dang / phyi skan du nyal ba dang / gog pa dang / khye'u 'dug pa 'di las gzhan pa'i skyes pa ci dgos shes de ga la chos bstan nas dong ngo / /dge slong gnas brtan gnas brtan dag bsod snyoms la zhugs pa na bud med kyi yul dag gis smras pa/ 'phags pa dag chos bstan du gsol/ sring mo dag skyes pa 'ga' zhig khrid de shog /de dag gis smras pa/ 'phags pa dag ci lags khyi dang / spre'u dang / be'u dang / phyi rgan du nyal ba dang / gog pa dang / khye'u 'di dag ma mchis sam/ sring mo dag kho bo cag skyes pa 'di lta bu dang chos mi ston te/ khyed cag la skyes pa 'di lta bu dang chos ston par byed pa de su yin/ de dag gis smras pa/ 'phags pa drug sde dag go/ /de kho na'i phyir de dag gi gnas skabs de 'dra'o zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ rig pa'i skyes pa bzhag ste ci 'dod par chos bstan par bya'o/ /bcom ldan 'das kyis bud med kyi yul la tshig lnga 'am drug gis chos bstan par bya'o zhes bka' stsal nas/ drug sde dag tshig lngas chos ston pa na bsams bzhin du tshig drug pa la 'jug par byed cing / tshig drug gis chos ston pa na yang bsams bzhin du tshig bdun pa la 'jug par byed nas dge slong rnams kyis de dag la smras pa/ tshe dang ldan pa dag bcom ldan 'das kyis tshig lnga 'am drug gis chos bstan par bya'o zhes bka' stsal na/ khyed cag tshig lngas chos ston pa na bsams bzhin du tshig drug pa la 'jug par byed cing / tshig drug gis chos ston pa na yang bsams bzhin du tshig bdun pa la 'jug par byed dam/ de dag gis smras pa/ tshe dang ldan pa dag gang la tshig lnga pa rung ba de la tshig drug pa yang rung la/ gang la tshig drug pa rung ba de la tshig bdun pa yang rung ste/ tshig drug pa dang / bdun pas sku 'dong zos sam/ chang 'thungs sam/ ji na dmigs kyis dgag par bya/ dge slong don nyung ngu dag bcom ldan 'das kyis bud med kyi yul la tshig lnga 'am/ drug gis chos bstan par bya'o zhes bka' stsal nas/ ci'i phyir dge slong dag tshig lngas chos ston pa na bsams bzhin du tshig drug pa la 'jug par byed cing / tshig drug gis chos ston pa na yang bsams bzhin du tshig bdun pa la 'jug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag ngas bud med kyi yul la tshig lnga 'am/ drug gis chos bstan par bya'o zhes bstan na/ khyed tshig lngas chos ston pa na bsams bzhin du tshig drug pa la 'jug par byed cing / tshig drug gis chos ston pa na yang bsams bzhin du tshig bdun pa la 'jug pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ /dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bud med kyi yul la tshig lnga 'am drug las lhag pa'i chos ston na/ rig pa'i skyes pa ma gtogs te ltung byed do/ /yang dge slong gang zhes bya ba ni drug sde 'am/ gzhan yang de lta bu gang yin pa'o/ /bud med kyi yul la zhes bya ba ni bud med dam/ gzhon nu ma legs par smras pa dang / nyes par smras pa'i chos rnams kyis don kun du shes par nus pa la'o/ /tshig lnga 'am drug las lhag par zhes bya ba ni tshig lngas chos ston pa na bsams bzhin du tshig drug pa la thal bar byed pa dang / tshig drug gis chos ston pa na yang bsams bzhin du tshig bdun pa la thal bar byed pa'o/ /chos shes bya ba ni sangs rgyas kyis gsungs pa 'am/ sangs rgyas kyi nyan thos kyis bshad pa'o/ /ston na zhes bya ba ni 'chad na 'o/ /rig pa'i skyes pa ma gtogs te zhes bya ba ni rig pa'i skyes pa bzhag ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong steng gi khang thog du bud med kyi yul la chos ston par byed na/ des tshig lnga 'am/ drug gis chos bstan par bya ste/ dge slong gis tshig lngas chos ston pa na bsams bzhin du tshig drug pa la thal bar byed na ltung byed du 'gyur ro/ /tshig drug gis chos ston pa na bsams bzhin du tshig bdun pa la thal bar byed na ltung byed du 'gyur ro/ /chos bstan nas khang thog bar mar zhugs pa de'i phyi bzhin 'ong zhing 'phags pa chos bstan du gsol zhes zer na de la sring mo khyod la chos bstan zin to zhes byas nas/ 'phags pa 'dir yang chos bstan du gsol zhes zer na der yang tshig lnga 'am drug gis chos bstan par bya ste/ dge slong gis tshig lngas chos ston pa na bsams bzhin du tshig drug pa la thal bar byed na ltung byed du 'gyur ro/ /tshig drug gis chos ston pa na bsams bzhin du tshig bdun pa la thal bar byed na ltung byed du 'gyur ro/ /'og gzhi'i sa dang / sgo khang dang / bang rim gyi bar du yang de bzhin du sbyar ro/ /bud med kyi yul mkhas pa'i rang bzhin can gyis gong nas gong du dris pa gtan la dbab pa byas pa dang / slob gnyer gsod pa dang / kha ton zhu ba dang / dmigs kyis 'dri ba dang / dus khrims dpog pa dang / yon bshad pa byed pa la ltung ba med do/ /dge slong gis ji tsam 'dod pa bkag pa dang / ldab ldib can dang / smra ba myur ba la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /ston pa'i ltung byed de lnga pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag gang zag rdzogs par ma bsnyen pa dag dang tshig gis chos 'don par byed de/ des kun dga'i ra ba'i mthar sgra mthon po dang / sgra chen po skye bo phal po che'i tshogs kyi sgra lta bu 'di lta ste/ dper na bram ze rnams bram ze'i gsang tshig 'don pa lta bu dang / rtsis mkhan rnams rtsis kyi gnas na smra ba lta bu grags par gyur to/ /bcom ldan 'das kyis kun dga'i ra ba na mthar de dag gi sgra mthon po dang / sgra chen po skye bo phal po che'i tshogs kyi sgra lta bu de gsan to/ / gsan nas kyang tshe dang ldan pa kun dga' bo la bka' stsal pa/ kun dga' bo kun dga'i ra ba'i mtha' na sgra mthon po dang / sgra chen po skye bo phal po che'i tshogs kyi sgra lta bu 'di lta ste/ dper na bram ze rnams bram ze'i gsang tshig 'don pa lta bu dang / rtsis mkhan rnams rtsis kyi gnas na smra ba lta bu 'di ci yin/ btsun pa dge slong drug sde dag gang zag rdzogs par ma bsnyen pa dag dang tshig gis chos 'don par bgyid de/ des kun dga'i ra ba'i mtha' sgra mthon po dang / sgra chen po skye bo phal po che'i tshogs kyi sgra lta bu 'di lta ste/ dper bgyi na bram ze rnams bram ze'i gsang tshig 'don pa lta bu dang / rtsis mkhan rnams rtsis kyi gnas na smra ba lta bu 'di grag par gyur to/ /kun dga' bo dge slong dag gang zag rdzogs par ma bsnyen pa dang lhan cig tshig gis chos 'don par byed dam/ btsun pa bgyid do/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la smras pa/ dge slong dag khyed gang zag rdzogs par ma bsnyen pa dang lhan cig tshig gis chos 'don par byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang gang zag rdzogs par ma bsnyen pa dang tshig gis chos 'don na ltung byed do/ / yang dge slong gang zhes bya ba ni drug sde 'am/ gzhan yang de lta bu gang yin pa'o/ /gang zag rdzogs par ma bsnyen pa dang zhes bya ba la rdzogs par bsnyen pa ni gnyis te/ dge slong dang dge slong ma'o/ /de las gzhan pa ni rdzogs par ma bsnyen pa'o/ /tshig gis shes bya ba ni tshig mnyam pa dang / tshig snga ba dang / yi ge mnyam pa dang / yi ge snga bas so/ /ji ltar tshig mnyam pas she na/ slob dpon 'di skad ces sdig pa thams cad mi bya ste zhes 'don pa na nye gnas kyang dus gcig tu sdig pa thams cad mi bya ste zhes 'don pa ste/ 'di ltar tshig mnyam pas so/ /ji ltar tshig snga bas she na/ slob dpon gyis re shig sdig pa thams cad mi bya ste zhes ma bton par nye gnas dge ba phun sum tshogs par bya zhes 'don pa ste/ de ltar tshig snga bas so/ /ji ltar yi ge mnyam pas she na/ slob dpon a zhes 'don pa na nye gnas kyang dus gcig tu a zhes 'don pa ste/ de ltar yi ge mnyam pas so/ /ji ltar yi ge snga bas zhe na/ slob dpon gyis re shig a zhes ma bton par nye gnas a zhes 'don pa ste/ de ltar yi ge snga bas so/ chos shes bya ba ni sangs rgyas kyis gsungs pa dang / sangs rgyas kyi nyan thos kyis bshad pa'o/ /'don pa zhes bya ba ni 'dzin du 'dzud na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis gang zag rdzogs par ma bsnyen pa la rdzogs par ma bsnyen par 'du shes pas tshig mnyam pas chos 'don na ltung byed du 'gyur ro/ /dge slong gis gang zag rdzogs par ma bsnyen pa la rdzogs par ma bsnyen par 'du shes pas tshig snga bas chos 'don na ltung byed du 'gyur ro/ /dge slong gis gang zag rdzogs par ma bsnyen pa la rdzogs par ma bsnyen par yid gnyis za bas tshig mnyam pas chos 'don na ltung byed du 'gyur ro/ /dge slong gis gang zag rdzogs par ma bsnyen pa la rdzogs par ma bsnyen par yid gnyis za bas tshig snga bas chos 'don na ltung byed du 'gyur ro/ /dge slong gis gang zag rdzogs par ma bsnyen pa la rdzogs par ma bsnyen par 'du shes pas yi ge mnyam pas chos 'don na ltung byed du 'gyur ro/ /dge slong gis gang zag rdzogs par ma bsnyen pa la rdzogs par ma bsnyen par 'du shes pas yi ge snga bas chos 'don na ltung byed du 'gyur ro/ /dge slong gis gang zag rdzogs par ma bsnyen pa la rdzogs par ma bsnyen par yid gnyis za bas yi ge mnyam pas chos 'don na ltung byed du 'gyur ro/ /dge slong gis gang zag rdzogs par ma bsnyen pa la rdzogs par ma bsnyen par yid gnyis za bas yi ge snga bas chos 'don na ltung byed du 'gyur ro/ /dge slong gis gang zag rdzogs par bsnyen pa la rdzogs par ma bsnyen par 'du shes pas tshig mnyam pas chos 'don na nyes byas su 'gyur ro/ /dge slong gis gang zag rdzogs par bsnyen pa la rdzogs par ma bsnyen par 'du shes pas tshig snga bas chos 'don na nyes byas su 'gyur ro/ /dge slong gis gang zag rdzogs par bsnyen pa la rdzogs par ma bsnyen par yid gnyis za bas tshig mnyam pas chos 'don na nyes byas su 'gyur ro/ /dge slong gis gang zag rdzogs par bsnyen pa la rdzogs par ma bsnyen par yid gnyis za bas tshig snga bas chos 'don na nyes byas su 'gyur ro/ /dge slong gis gang zag rdzogs par bsnyen pa la rdzogs par ma bsnyen par 'du shes pas yi ge mnyam pas chos 'don na nyes byas su 'gyur ro/ /dge slong gis gang zag rdzogs par bsnyen pa la rdzogs par ma bsnyen par 'du shes pas yi ge snga bas chos 'don na nyes byas su 'gyur ro/ / dge slong gis gang zag rdzogs par bsnyen pa la rdzogs par ma bsnyen par yid gnyis za bas yi ge mnyam pas chos 'don na nyes byas su 'gyur ro/ /dge slong gis gang zag rdzogs par bsnyen pa la rdzogs par ma bsnyen par yid gnyis za bas yi ge snga bas chos 'don na nyes byas su 'gyur ro/ /ldab ldib can dang / smra ba myur ba la ltung ba med do/ /kha ton zhur gzhug pa dang / yongs su 'brir 'jug pa la ltung ba med do/ /rjes su bsgrags te lung dbog pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /'don pa'i ltung byed de drug pa rdzogs s+ho// // 'dul ba rnam par 'byed pa/ bam po bzhi bcu rtsa gcig pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /'dod chags dang bral ba med pa nyon mongs pa rnams ma spangs pa'i phyir dge slong dag dge 'dun lhag ma'i ltung ba 'byin par byed pa dang / kha cig ni lam gol bar rgas pas de dag gang gi tshe dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la thos pa de'i tshe na de dag ltung ba de chos bzhin du phyir byed cing de dag yongs su gnas pa dang / mgu bar bya ba spyod pa na dge 'dun la chu 'brim pa'i tshe bram ze dang / khyim bdag dad pa can dag gis smras pa/ gang dag rin po che rtog pa dag kyang de las nye bar brtags shing rin po che de dag sdud par byed do/ /dge slong gnas brtan gnas brtan bsod snyoms pa 'di dag kyang dge 'dun la chu 'brim pa'i bsod snyoms sogs par byed do/ /drug sde lto mdun can 'di dag ni za zhing 'khod par byed do/ /de dag smod par byed pa na drug sde dag gis thos nas de dag gis smras pa/ shes ldan dag ci 'di dag chos bzang po'i chos kyis dge 'dun la chu 'brim par byed snyam 'am/ 'di ltar 'di dag ni chad pa'i las byed pa yin no/ /de dag gis dris pa/ 'di dag gis ci byas/ drug sde dag gis lag pas bya ba ma yin pa byas te 'di ltar 'di ltar byas so zhes smras pa dang / de dag dge slong gnas brtan gnas brtan gang dag yin pa de dag gi gnas skabs kyang re shig 'di 'dra na dge slong bar ma dang / gsar bu gang dag yin pa de dag gi gnas skabs ci 'dra bar 'gyur zhes smod par byed/ phyar ka gtong bar byed/ kha zer bar byed do/ /dge slong yongs su gnas pa byed pa de dag phyi dro dbu skra dang sen mo'i mchod rten dag la lci ba 'jam po'i byug pas nyug par byed pa na drug sde dag gis de dag gi lhan cig gnas pa dang / nye gnas dag la dris pa/ dge tshul dag khyed kyi mkhan po dang / slob dpon dag gar dong / de dag gis smras pa/ bsod nams dag byed de/ bcom ldan 'das kyi dbu skra dang sen mo'i mchod rten dag la lci ba 'jam po'i byug pas nyug par byed do/ /khyed cag kyang de lta bu'i bsod nams dag gyis shig /ci de dag chos bzang po'i chos kyis dbu skra dang sen mo'i mchod rten dag la lci ba 'jam po'i byug pas nyug par byed snyam 'am/ 'di ltar de dag ni chad pa'i las byed pa yin no/ /de dag gis de dag la dris pa/ de dag gis ci byas/ drug sde dag gis lag pas bya ba ma yin pa byas te 'di ltar 'di ltar byas so zhes smras so/ /gang gi tshe dge slong yongs su gnas pa byed pa de dag ltung ba de las langs par gyur pa de'i tshe na dge tshul dag la dge tshul dag 'di dang 'di gyis shig ces bsgo ba dang / dge tshul de dag gis smras pa/ khyed rang ci'i phyir mi byed/ kho bo cag gis byar mi rung ngo / /de dag gis smras pa/ khyed kyis 'di lta 'di ltar byar rung na 'di ci'i phyir byar mi rung / de dag gis smras pa/ de lta bu yang yod mod kyi 'on kyang kho bo cag gis ltung ba de chos bzhin du phyir byas zin to/ /khyed la sus smras/ drug sde dag gis so/ /dge slong don nyung ngu dag ci'i phyir dge slong dag gang zag rdzogs par ma bsnyen pa la gnas ngan len gyi ltung ba brjod par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de dag la 'di skad ces lan gdab par bya ste/ gang la nyes pa med pa yin/ / skyon mi byed pa'i mi gang yin/ /su zhig kun du rmongs mi 'gyur/ /su zhig rtag tu brtan par gsungs/ /yang dag mkhyen pas rnam grol ba/ /rdzogs pa'i sangs rgyas rab mkhyen pa/ /de la nyes pa med pa yin/ /skyon mi byed pa'i mi de yin/ /de ni kun du rmongs mi 'gyur/ / de ni rtag tu brtan par gsungs/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag khyed gang zag rdzogs par ma bsnyen pa la gnas ngan len gyi ltung ba brjod pa bden nam/ btsun pa mad do/ / sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zag rdzogs par ma bsnyen pa la gnas ngan len gyi ltung ba brjod na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad do/ /mnyan yod na dge slong 'phral ba dang / dge slong ma gsal ma zhes bya ba ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong khyed kyis dge slong 'phral ba dang / dge slong ma gsal ma khyim rnams su so sor go bar byed pa'i dge slong bsko bar bya ste/ khyim rnams su so sor go bar byed pa'i dge slong chos lnga dang mi ldan pa ni ma bskos pa yang bsko bar mi bya la/ bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / go bar byas pa dang ma byas pa'i khyim mi shes pa'o/ /khyim rnams su so sor go bar byed pa'i dge slong chos lnga dang ldan pa ni ma bskos pa yang bsko bar bya la/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / go bar bya ba dang / ma byas pa'i khyim shes pa'o/ /'di ltar bsko bar bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa na je dang por spro bar bya ste/ dge slong ming 'di zhes bya ba khyod dge slong 'phral ba dang / dge slong ma gsal ma khyim rnams su so sor go bar byed par spro 'am/ gal te spro na des spro'o zhes brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'phral ba dang / dge slong ma gsal ma ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par bgyid de/ /dge slong ming 'di zhes bgyi ba 'di dge slong 'phral ba dang / dge slong ma gsal ma khyim rnams su so sor go bar bgyid par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di khyim rnams su so sor go bar bgyid par bsko ste/ dge slong ming 'di zhes bgyi ba 'di dge slong 'phral ba dang / dge slong ma gsal ma khyim rnams su so sor go bar bgyid do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'phral ba dang / dge slong ma gsal ma ci nas kyang skye bo phal po che'i tshogs ma dad par rig par 'gyur ba de ltar de ltar khyim rnams su spyod par bgyid nas dge slong ming 'di zhes bgyi ba 'di dge slong 'phral ba dang / dge slong ma gsal ma khyim rnams su so sor go bar bgyid par spro ste/ de'i slad du dge 'dun gyis dge slong ming 'di zhes bgyi ba 'di khyim rnams su so sor go bar bgyid par bsko ste/ dge slong ming 'di zhes bgyi ba 'di dge slong 'phral ba dang / dge slong ma gsal ma khyim rnams su so sor go bar bgyid na tshe dang ldan pa gang dag dge slong ming 'di zhes bgyi ba 'di khyim rnams su so sor go bar bgyid par bsko bar bzod pa de dag ni cang ma gsung shig / gang dag mi bzod pa de dag ni gsung shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di khyim rnams su so sor go bar bgyid par bskos lags te 'di ltar cang mi gsung bas de de bzhin du 'dzin to/ /dge slong dag ngas dge slong khyim rnams su so sor go bar byed pa'i kun du spyod pa'i chos dag bca' bar bya ste/ dge slong khyim rnams su so sor go bar byed pas 'di skad ces brjod par bya ste/ tshe dang ldan pa dag khyed nyon cig /khyim rnams su khyim sun par byed pa dang / gnas rnams su gnas sun par byed pa 'di lta ste/ dper na 'bras sa lu'i zhing phun sum tshogs pa la ser ba 'khor lo mi bzad pa bab na 'di ltar 'bras sa lu de nyid shin te ma dang / chud za ba dang / tshul ma yin pas ma rung bar 'gyur ba dang / bu ram shing gi zhing phun sum tshogs pa la nad kyi rigs dmar po zhes bya ba byung na 'di ltar bu ram shing de nyid shin te ma dang / chud za ba dang / tshul ma yin pas ma rung bar 'gyur ba lta bu dag yod kyis/ tshe dang ldan pa dag khyed cag dge slong 'di dang dge slong ma 'dis bstan pa'i tshod ma 'dzin cig /'di ltar dge slong 'di dang / dge slong ma 'di ni yos tshig pa bzhin du chos 'dul ba 'di la skyer mi rung ba'i chos can yin gyis/ bcom ldan 'das dang / gnas brtan kun shes kauN+Di n+ya dang / rlangs pa dang / rta thul dang / bzang ldan dang / gnas brtan grags pa dang / gang po dang / dri med dang / ba lang bdag dang / lag bzangs dang / shA ri'i bu dang / maud gal gyi bu chen po dang / gsus po che chen po dang / skul byed chen po dang / kA t+yA'i bu chen po dang / lteng rgyas 'od srung dang / chu klung 'od srung dang / ga yA 'od srung dang / 'gab ma 'od srung dang / 'od srung chen po dang / dga' byed dang / kim pi la dang / legs skyes dang / nam gru dang / sa ri dang / nye sde dang / som nyi nam gru dang / lam brtan dang / lam phran brtan dang / brtag pa'i shing rta dang / chen po pa dang / grags sbyin dang / de dag la sogs pa dge slong gnas brtan gnas brtan rnams la ltos shig ces brjod par bya'o/ /dge slong khyim rnams su so sor go bar byed pa de khyim rnams su so sor go bar byed du song ba dang / dge slong 'phral bas dge 'dun gyis dge slong ming 'di zhes bya ba de khyim rnams su so sor go bar byed par bskos so zhes thos nas de de'i gan du song ste smras pa/ khyod khyim rnams su kho bo sun 'byin du 'gro 'am/ dge 'dun gyi chos dang ldan pa'i bka' bsgrub par bya'o/ / kho bos de dang de byar rung na khyod kyi lto dral te rgyu ma dag gis rgyal byed kyi tshal dkri bar bya ba dang / mgo yang 'bru mar gyi snod bzhin du rgyal byed kyi tshal gyi sgor dpyang la gdags par mi rung ba ci yod/ dge slong des dge slong rnams la 'phral bas bdag spyos te/ de na re kho bos de dang de byar rung na khyod kyi lto dral te rgyu ma dag gis rgyal byed kyi tshal dkri bar bya ba dang / mgo yang 'bru mar gyi snod bzhin du rgyal byed kyi tshal gyi sgor dpyang la gdags par mi rung ba ci yod ces zer gyis/ bdag de khyim rnams su so sor go bar byed par mi spro zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag mi gti mug can des gang zag ni gsod par nus kyi/ dge 'dun ni mi nus pas de'i phyir dge 'dun gyis khyim rnams su so sor go bar bya'o/ /'di ltar so sor go bar bya ste/ gsol ba 'ba' zhig gi las bya'o/ /de yang 'di ltar bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa la dge slong cig gis gsol ba bya ste/ dge 'dun btsun pa rnams gsan du gsol/ dge slong 'phral ba 'di dang / dge slong ma gsal ma 'di ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par bgyid/ dge slong 'phral ba dang / dge slong ma gsal ma ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par bgyid kyang / dge slong 'phral ba dang / dge slong ma gsal ma khyim rnams su so sor go bar bgyid par spro ba su yang ma mchis na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'phral ba dang / dge slong ma gsal ma ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par bgyid par gang gis mthong zhing gang du mthong ba des khyim der khyed dge slong 'di dang / dge slong ma 'dis bstan pa'i tshod ma 'dzin cig /dge slong 'di dang / dge slong ma 'di ni yos tshig pa bzhin du chos 'dul ba 'di la skyer mi rung ba'i chos can yin gyis/ bcom ldan 'das dang dge slong gnas brtan gnas brtan rnams la ltos shig ces so sor go bar bgyid du stsal to/ /'di ni gsol ba'o/ /bcom ldan 'das kyis so sor rig par khyim dag tu so sor go bar bya'o zhes bka' stsal na/ de dag so sor rig pa dang / so sor ma rig pa'i khyim dag tu so sor go bar byed pa na/ de dag bsod snyoms kyis phongs par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ so sor rig pa'i khyim dag tu so sor go bar bya'i/ so sor ma rig pa'i khyim dag tu so sor go bar mi bya ste/ de lta bas na dge 'dun gyis gnang ba ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang gang zag rdzogs par ma bsnyen pa la gnas ngan len gyi ltung ba brjod na dge 'dun gyis gnang ba ma gtogs te ltung byed do/ /yang dge slong gang zhes bya ba ni drug sde 'am/ gzhan yang de lta bu gang yin pa'o/ /gang zag rdzogs par ma bsnyen pa la zhes bya ba la rdzogs par bsnyen pa ni gnyis te/ dge slong dang / dge slong ma'o/ /de las gzhan pa ni rdzogs par ma bsnyen pa'o/ / gnas ngan len ces bya ba la gnas ngan len ni gnyis te/ pham par 'gyur ba kun nas slong ba dang / dge 'dun lhag ma kun nas slong ba'o/ /de ci'i phyir de dag gnas ngan len ces bya zhe na/ ngo bo nyid las dang / kun nas slong ba las so/ /ltung ba brjod na zhes bya ba ni smra na'o/ /dge 'dun gyis gnang ba ma gtogs te zhes bya ba ni dge 'dun gyis gnang ba bzhag ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis so sor ma rig pa'i khyim dag tu so sor ma rig par 'du shes pas dge slong so sor go bar byed na ltung byed du 'gyur ro/ /dge slong gis so sor ma rig pa'i khyim dag tu so sor ma rig par yid gnyis za bas dge slong so sor go bar byed na ltung byed du 'gyur ro/ /dge slong gis so sor rig pa'i khyim dag tu so sor ma rig par 'du shes pas dge slong so sor go bar byed na nyes byas su 'gyur ro/ /dge slong gis so sor rig pa'i khyim dag tu so sor ma rig par yid gnyis za bas dge slong so sor go bar byed na nyes byas su 'gyur ro/ /dril bsgrags pa la ni ltung ba med do/ /ngos la ri mor bris pa phan chad la yang ltung ba med do/ /ji ltar bdag gis shes pa de bzhin du 'jig rten thams cad kyis kyang shes so snyam na'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /gnas ngan len brjod pa'i ltung byed de bdun pa rdzogs s+ho// // sangs rgyas bcom ldan 'das yangs pa can na spre'u rdzing gi 'gram na khang pa brtsegs pa'i khang bzangs na bzhugs so/ /de'i tshe na nya pa lnga brgya chu klung yid 'ong ldan la rten cing 'khod do/ /de dag la rgya mo spyod pa dang / spyod pa chen mo zhes bya ba gnyis shig yod do/ /de dag lan 'ga' ni rgya mo spyod pa 'jug par byed la/ lan 'ga' ni spyod pa chen mo 'dzud par byed de/ gang gi tshe nya dag nyo ba med pa de'i tshe ni rgya mo spyod pa 'jud par byed la/ gang gi tshe nya dag nyo ba yod pa de'i tshe ni spyod pa chen mo 'dzud par byed do/ /ji tsam dus gzhan zhig na yangs pa can du dus ston byung nas de dag gis rgya mo gnyis ka bcug ste/ nyis brgya lnga bcus ni rgya mo spyod pa bcug ste/ nyis brgya lnga bcus ni spyod pa chen mo bcug go/ /gang dag gis rgya mo spyod pa bcug pa de dag gis ni nya dang / rus sbal dang / sbal pa dang / chu srin byis pa gsod pa dang / nya khyi ba la sogs pa mang po dag 'di lta ste/ dper na til dang / 'bras thug po che dang / rgya shug dang / rgya sran la sogs pa bzhin du phung po chen po rnam par bzhag go/ /gang dag gis rgya mo spyod pa chen mo bcug pa de dag gis ni rgya mtsho chen po nas chu klung yid 'ong ldan du zhugs pa chu srin nya'i rigs bong tshod chen po nyal ba zin nas de dag gis de drang bar brtsams so/ /de dag gis drangs pa na de sad nas nya ba nyis brgya lnga bcu po de dag dang / rgya mo spyod pa chen mo khyer te rgyun phyogs su zhugs so/ /nya ba de dag gis nya ba nyis brgya lnga bcu po gzhan dag la shes ldan dag rgya mo spyod pa chen mo dang / bdag cag khyer gyis ram mda' log shig ces byas so/ /de dag gis thos nas nya ba nyis brgya lnga bcu po dag kyang lhags te de nyid la rub pa dang / des nya ba lnga brgya dang rgya mo spyod pa chen mo khyer te rgyun phyogs su zhugs nas gzung bar ma nus so/ /skyabs med pa de dag gis kun du shes ldan dag rgya mo spyod pa chen mo dang / bdag cag khyer gyis grogs gyis shig ces ram mda' ba bzlog pa dang / las ma mthong ba'i mi ba lang rdzi dag dang / phyugs rdzi dag dang / shing thun dag dang / rtswa thun dag dang / lam gyis 'tsho ba dag dang / lam gol bas 'tsho ba'i mi dag dang / gzhan yang srog chags brgya stong phrag du ma dag log nas de dag gis lus smas pa dang / rnam par smas pa dag gis rgya mo ral ba dang / rab tu ral bas chu srin de chu nas skam la phyung ngo / /de la mgo bcwa brgyad dang / mig sum bcu rtsa drug yod de/ de'i mgo la la ni glang po che'i mgo 'dra/ la la ni rta'i mgo 'dra/ la la rnga mo'i mgo dang / bong bu'i mgo dang / ba lang gi mgo dang / spre'u'i mgo dang / seng ge'i mgo dang / stag gi mgo dang / dom gyi mgo dang / dred mo'i mgo dang / gung gi mgo dang / byi la'i mgo dang / ra'i mgo dang / lug gi mgo dang / ri dgas kyi mgo dang / ma he'i mgo dang / phag gi mgo dang / khyi'i mgo 'dra'o/ /kun du chu klung yid 'ong ldan pa'i nya ba lnga brgyas rgya mtsho chen po nas chu klung yid 'ong ldan du zhugs pa'i chu srin nya'i rigs bong tshod chen po zhig rgya mo spyod pa chen mos zin te chu nas skam la phyung zhing de la mgo bcwa brgyad dang / mig sum bcu so drug yod do zhes sgras khyab par gyur to/ /de thos nas srog chags brgya stong phrag du ma dag chu klung yid 'ong ldan gyi 'gram du lhags te/ kha cig ni ltad mo skyes par gyur/ kha cig ni sngon gyi dge ba'i rtsa ba dag gis bskul bar gyur to/ /rdzogs byed la sogs pa ston pa drug po yangs pa can na rten cing gnas pa de dag kyang ltad mo skyes te der lhags so/ /skye bo'i tshogs chen po yang ya mtshan skyes te mig tshugs su rtog cing shes ldan dag 'di'i mgo la la ni glang po che'i mgo 'dra la de nas rtog par byed/ 'di'i mgo la la ni khyi'i bar gyi mgo 'dra la de nas rtog par byed do zhes kyang zer ro/ /de'i skabs su sangs rgyas bcom ldan 'das rnams la ni mi mkhyen pa dang / ma gzigs pa dang / ma rig pa dang / rnam par mi mkhyen pa cung zad kyang mi mnga' bas shes bya ba nas/ bcom ldan 'das kyis nya ba lnga brgya po de dag rab tu phyung rdzogs par bsnyen par mdzad pa'i bar du sngar pham par 'gyur ba bzhi pa'i skabs su bstan pa bzhin du rgyas par sbyar ro/ /de nas dus gzhan zhig na chu klung yid 'ong ldan gyi 'gram gyi dge slong lnga brgya po de dag gis gdos bu dang / pho long gi sbyor bas spro bar byed/ 'bad par byed/ rtsol bar byed pa dag gis gcig pu dben pa bag yod pa rtun pa dang ldan pa bdag nyid btang bar gnas pa na rigs kyi bu dag gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa/ tshangs par spyod pa'i mtha' bla na med pa de tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing / dgra bcom pa khams gsum las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bu rig pas sgo nga'i sbubs dral bar gyur cing rig pa dang / mngon par shes pa dang / so so yang dag par rig pa thob pa/ srid pa dang / 'dod pa'i rnyed pa dang / bkur sti la rgyab kyis phyogs pa/ dbang po dang / nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de'i tshe na mu ge nyam nga ba dgon pa slongs mo pas zas rnyed par dka' zhing pha ma dag kyang rang gi bu dag la zas sbyin pa dang bya bar sems pa dka' na slongs mo pa dag la lta smos kyang ci dgos pa byung ngo / /de nas bcom ldan 'das kyis dge slong rnams la bka' stsal pa/ dge slong dag da ltar mu ge nyam nga ba dgon pa slongs mo pas zas rnyed par dka' zhing pha ma dag kyang rang gi bu dag la zas sbyin pa dang bya bar sems pa dka' na slongs mo pa dag lta la smos kyang ci dgos pa byung gis dge slong dag khyed cag tshur sheg la smos 'drin ji lta ba dang / phebs par smra ba ji lta ba dang / 'grogs bshes ji lta bas yangs pa can yi nye 'khor spong byed kyi grong du dbyar gnas par khas long shig /nga yang 'od ma can gyi grong 'di nyid du bsnyen bkur ba dge slong kun dga' bo dang dbyar gnas par khas len gyis/ thams cad ni bsod snyoms kyis nyon mongs par gyur na mi rung ngo / /dge slong dag gis btsun pa bka' bzhin 'tshal zhes bcom ldan 'das las mnyan nas smos 'drin ji lta ba dang / phebs par smra ba ji lta ba dang / 'grogs bshes ji lta bas yangs pa can gyi nyen kor spong byed kyi grong du dbyar gnas par khas blangs so/ /bcom ldan 'das kyang 'od ma can gyi grong de nyid du bsnyen bkur ba tshe dang ldan pa kun dga' bo dang dbyar gnas par zhal gyis bzhes so/ /de nas dge slong lnga brgya po de dag 'di snyam du sems te/ bcom ldan 'das kyis 'di skad ces bka' stsal na/ 'di na bdag cag la nye du 'ga' yang med de nya ba'i grong na bdag cag gi nye du dag 'khod kyis bdag cag nya ba'i grong du dong ste nye du rnams bltas nas nya ba'i grong gi nyen kor du lo ma dang / 'dab ma'i spyil bu dag byas te dbyar gnas par khas blang bar bya gor ma chag snyam mo/ /de nas chu klung yid 'ong ldan gyi 'gram gyi dge slong lnga brgya po de dag 'di snyam du sems te/ bdag cag gis sngon ni nya ba'i grong du dong ste nye du rnams la gcig gis gcig gi yang dag pa ma yin pa'i yon tan bsgrag pa byas pas da ni gcig gis gcig gi yang dag pa'i yon tan bsgrag par bya'o snyam nas dge slong lnga brgya po de dag nya ba'i grong du dong ste nye du dag bltas nas nya ba'i grong gi nyi kor du lo ma dang / 'dab ma'i spyil bu dag byas te dbyar gnas par khas blangs so/ /de dag gi nye du dag nye bar 'ongs par gyur nas de dag gis nye du nye bar 'ongs pa de dag la smras pa/ nye du dag khyed cag gang dag gi grong tshigs na dge slong gi dge 'dun yon gyi gnas 'di lta bu 'di ltar dbyar gnas par khas blangs par gyur pa'i nye du de dag gis ni rnyed pa legs par rnyed pa yin te/ dge slong 'di ni mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par sngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang / rnam par 'bus gzhigs pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang / rus gong gi 'du shes dang / stong pa nyid du so sor rtog pa'i 'du shes thob pa yin no/ /dge slong 'di ni bsam gtan dang po dang / /gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / rdzu 'phrul gyi yul dang / lha'i rna ba dang / sems yongs su shes pa dang / sngon gyi gnas dang / 'chi 'pho dang skye ba dang / zag pa zad pa thob pa yin no/ /dge slong 'di ni dgra bcom pa rnam par thar pa brgyad la bsam gtan pa yin no/ /dge slong 'di ni gnyis ka'i cha las rnam par grol ba yin no/ /de dag gis smras pa/ 'phags pa dag khyed kyis yon tan gyi tshogs de lta bu dag thob bam/ thob bo/ /'jig rten ni yon tan la dga' ba yin pas re shig rang gi bu dag las kyang phrogs te de dag la bsod snyoms sbyin pa dang bya bar sems so/ /sangs rgyas bcom ldan 'das gson zhing bzhugs te 'tsho zhing gzhes pa rnams la chos nyid kyis nyan thos rnams kyi 'dus pa chen po gnyis yod de/ gcig ni dbyar zla 'bring po'i nya la dbyar nye bar sgrub pa'i tshe'o/ /gnyis pa ni ston zla 'bring po'i nya la'o/ /de la gang dag dbyar zla 'bring po'i nya la dbyar nye bar sgrub pa'i tshe gdams ngag mnos te/ grong dang / grong rdal dang / yul 'khor dang / rgyal po'i pho brang dag tu dbyar gnas par khas len pa de dag ni ston zla 'bring po'i zla ba nya la lhags nas ji ltar thob pa ni brjod par byed/ ma thob pa ni thob par bya ba'i phyir 'og tu 'dre bar byed do/ /de nas dge slong gang dag yangs pa can gyi nyen kor spong byed kyi grong du dbyar gnas par khas blangs pa de dag dbyar gyi zla ba gsum po dag 'das nas chos gos byas pa dang ldan/ chos gos zin pa dang ldan zhing / rid pa dang / nyam chung ba dang / rke ba dang / skam pa dang / lus ma thob pas lhung bzed dang / chos gos thogs te 'od ma can gyi grong ga la ba der rgyu zhing 'dong ba na/ mthar gyis rgyu zhing 'dong ba'i tshe 'od ma can gyi grong du phyin pa dang / tshe dang ldan pa kun dga' bos dge slong rab tu mang po de dag thag ring po kho na nas mthong ngo / /mthong nas kyang tshangs pa mtshungs par spyod pa la mnyes gshin pas bshes pa dang bcas pa nyid kyi tshig gis bsu nas lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham yu chad dang / mchil lham len par byed cing 'di skad ces kyang smras so/ /tshe dang ldan pa dag tshur sheg /'ongs pa legs so/ /tshe dang ldan pa dag khyed cag gang nas da ltar 'dir 'ongs/ khyed cag gang du dbyar gnas par khas blangs/ tshe dang ldan pa kun dga' bo bdag cag spong byed kyi grong nas 'dir 'ongs so/ /bdag cag spong byed kyi grong du dbyar gnas par khas blangs so/ /tshe dang ldan pa dag ji ltar spong byed kyi grong du bde ba la reg par dbyar gnas par khas blangs sam/ khyed cag bsod snyoms kyis ngal bar ma gyur tam/ tshe dang ldan pa kun dga' bo bdag cag spong byed kyi grong du te por bde ba la reg par dbyar gnas par khas blangs mod kyi/ bdag cag bsod snyoms kyis ngal bar gyur to/ /tshe dang ldan pa dag de kho na ltar snang ste/ 'di ltar bsod snyoms kyis brel bas rid pa dang / nyam chung ba dang / rke ba dang / skam pa dang / lus ma thob pa dang / lpags pa dang / sha dang / khrag bri bar gyur to/ /dge slong gang dag nya ba'i grong gi nyen kor du dbyar gnas par khas blangs pa de dag kyang dbyar gyi zla ba gsum po dag 'das nas chos gos byas pa dang ldan/ chos gos zin pa dang ldan zhing / tsho ba dang / lpags pa dang / sha dang / khrag rgyas pas lhung bzed dang / chos gos thogs te 'od ma can gyi grong ga la ba der rgyu zhing 'dong ba na mthar gyis rgyu zhing 'dong ba'i tshe 'od ma can gyi grong du phyin pa dang / tshe dang ldan pa kun dga' bos dge slong rab tu mang po de dag thag ring po kho na nas mthong ngo / /mthong nas kyang tshangs pa mtshungs par spyod pa la mnyes gshin pas bshes pa dang bcas pa nyid kyi tshig gis bsu nas lhung bzed dang / chos gos dang / khar ba dang / gtur bu dang / ril ba spyi blugs dang / 'bru mar snod dang / zhwa dang / lham yu chad dang / mchil lham len par byed cing 'di skad ces kyang smras so/ /tshe dang ldan pa dag tshur sheg 'ongs pa legs so/ /tshe dang ldan pa dag khyed cag gang nas da ltar 'dir 'ongs/ khyed cag gang du dbyar gnas par khas blangs/ tshe dang ldan pa kun dga' bo bdag cag nya ba'i grong nas 'dir 'ongs so/ /bdag cag nya ba'i grong du dbyar gnas bar khas blangs so/ /tshe dang ldan pa dag ji ltar nya ba'i grong du bde ba la reg par dbyar gnas par khas blangs sam/ khyed cag bsod snyoms kyis ngal bar ma gyur tam/ tshe dang ldan pa kun dga' bo bdag cag nya ba'i grong du te por bde ba la reg par dbyar gnas par khas blangs te bdag cag bsod snyoms kyis kyang ngal bar ma gyur to/ /tshe dang ldan pa dag de kho na ltar snang ste/ 'di ltar bsod snyoms kyis brel ba med pas tsho ba dang / lpags pa dang / sha dang / khrag rgyas par gyur to/ /tshe dang ldan pa dag da ltar mu ge nyam nga ba dgon pa slongs mo pas zas rnyed par dka' zhing pha ma dag kyang rang gi bu dag la zas sbyin pa dang bya bar sems pa dka' na slongs mo pa lta la smos kyang ci dgos pa byung na/ 'dir tshe dang ldan pa khyed cag bsod snyoms kyis brel ba med par gyur pa'i rgyu ni gang yin/ rkyen ni gang yin/ tshe dang ldan pa kun dga' bo bdag cag gis nye du rnams kyi mdun du gcig gis gcig gi yang dag pa'i yon tan bsgrag pa byas te/ dge slong 'di ni mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par sngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang / rnam par 'bus gzhigs pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang / rus gong gi 'du shes dang / stong pa nyid du so sor rtog pa'i 'du shes thob pa yin no/ /dge slong 'di ni bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / rdzu 'phrul gyi yul dang / lha'i rna ba dang / sems yongs su shes pa dang / sngon gyi gnas dang / 'chi 'pho dang skye ba dang / zag pa zad pa thob pa yin no/ /dge slong 'di ni dgra bcom pa rnam par thar pa brgyad la bsam gtan pa yin no/ / dge slong 'di ni gnyis ka'i cha las rnam par grol ba yin no zhes gcig gis gcig gi yang dag pa'i yon tan bsgrag par byas so/ /ci yang dag pas sam/ yang dag pa ma yin pas/ yang dag pas so/ /tshe dang ldan pa dag khyed cag gang zag rdzogs par ma bsnyen pa la mi'i chos bla ma bden pa brjod du rung ngam/ rung yang srid/ mi rung yang srid de/ 'di ltar bdag cag gis ni smras so/ /dge slong don nyung ngu dag ci'i phyir dge slong dag gang zag rdzogs par ma bsnyen pa la mi'i chos bla ma bden pa brjod ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste/ zhes bya ba la sogs pa yang snga ma bzhin te/ sangs rgyas bcom ldan 'das kyis chu klung yid 'ong ldan gyi 'gram na gnas pa'i dge slong rnams la rmas pa/ dge slong dag khyed kyis gang zag rdzogs par ma bsnyen pa la mi'i chos bla ma bden pa smras pa bden nam/ btsun pa mad do/ /sangs rgyas bcom ldan 'das kyis mi brtson pa dang / mi sbyor ba dang / ma brtags par spyod pa rnam par smad pa mdzad do/ /de nas bcom ldan 'das kyis brtson pa dang / sbyor ba dang / brtags te spyod pa'i bsngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang gang zag rdzogs par ma bsnyen pa la mi'i chos bla ma bden pa brjod na ltung byed do/ /yang dge slong gang zhes bya ba ni chos 'di pa'o/ /gang zag rdzogs par ma bsnyen pa la zhes bya ba la rdzogs par bsnyen pa ni gnyis te/ dge slong dang dge slong ma'o/ /de las gzhan pa ni rdzogs par ma bsnyen pa'o/ /mi'i chos shes bya ba ni mi rnams kyi chos mya ngan las 'das pa ste/ de mi rnams kyis 'thob kyi za ma dang / ma ning dang / mtshan gnyis pa dag gis kyang mi 'thob na/ sems can dmyal ba dang / dud 'gro dang / yi dags rnams kyis lta smos kyang ci dgos pa'i phyir ro/ /bla ma zhes bya ba ni 'dod pa'i khams pas gzugs kyi khams bla ma yin la/ gzugs kyi khams pas gzugs med pa'i khams bla ma yin pa'o/ /yang na mi'i chos shes bya ba ni sgrib pa lnga po dag go/ /bla ma zhes bya ba ni de dag spangs pa gang yin pa'o/ /bden pa zhes bya ba ni de'i dngos po bden pa kho na yin pa'o/ /smra na zhes bya ba ni brjod na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ bar sdom la/ 'du shes ma bsgyur dgon pa dang / /khyim rnams su ni stan bkra dang / /rang gi mtshan nyid 'dzin pa dang / /bdag nyid nye bar ston pa'o/ / dge slong gis 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces lha rnams mthong ngo zhes zer na ltung byed du 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar du mthong ngo zhes zer na ltung byed du 'gyur ro/ /tha na 'di skad ces rdul khrod kyi sha za rnams mthong ngo zhes zer na nyes byas su 'gyur ro/ / dge slong gis 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces lha rnams kyi sgra thos so zhes zer na ltung byed du 'gyur ro/ / klu rnams dang / gnod sbyin rnams nas snga ma bzhin du lus srul po rnams kyi bar gyi sgra thos so zhes zer na ltung byed du 'gyur ro/ /tha na 'di skad ces rdul khrod kyi sha za rnams kyi sgra thos so zhes zer na nyes byas su 'gyur ro/ /dge slong gis 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces lha rnams blta ba'i phyir 'gro'o zhes zer na ltung byed du 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar du blta ba'i phyir 'gro'o zhes zer na ltung byed du 'gyur ro/ /tha na 'di skad ces rdul khrod kyi sha za rnams blta ba'i phyir 'gro'o zhes zer na nyes byas su 'gyur ro/ /dge slong gis 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces lha rnams bdag blta ba'i phyir 'ong ngo zhes zer na ltung byed du 'gyur ro/ /klu rnams dang / gnod sbyin rnams nas snga ma bzhin lus srul po rnams kyi bar dag bdag blta ba'i phyir 'ong ngo zhes zer na ltung byed du 'gyur ro/ /tha na 'di skad ces rdul khrod kyi sha za rnams kyang bdag blta ba'i phyir 'ong ngo zhes zer na nyes byas su 'gyur ro/ /dge slong gis 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces lha rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na ltung byed du 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na ltung byed du 'gyur ro/ /tha na 'di skad ces rdul khrod kyi sha za rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na nyes byas su 'gyur ro/ /dge slong gis 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces lha rnams bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na ltung byed du 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar yang bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na ltung byed du 'gyur ro/ /tha na 'di skad ces rdul khrod kyi sha za rnams kyang bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na nyes byas su 'gyur ro/ /dge slong gis 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces thob bzhin du bdag gis mi rtag pa'i 'du shes thob bo zhes zer na ltung byed du 'gyur ro/ /mi rtag pa la sdug bsngal ba'i 'du shes nas snga ma bzhin du stong pa nyid du so sor rtog pa'i 'du shes kyi bar du thob bo zhes zer na ltung byed du 'gyur ro/ /dge slong gis 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces thob bzhin du bdag gis bsam gtan dang po thob bo zhes zer na ltung byed du 'gyur ro/ /de bzhin du gnyis pa dang / gsum pa dang / bzhi pa nas snga ma bzhin du bdag dgra bcom pa rnam par thar pa brgyad la bsam gtan pa dang / gnyis ka'i cha las rnam par grol ba'o zhes zer na ltung byed du 'gyur ro/ /'di ltar dge slong rab tu mang po dag grong med pa'i dgon pa'i gnas shig na gnas shing de na de dag la mi ma yin pa dag gis 'tshe ba dang / de na dge slong gang rgyun du zhugs pa dang / lan cig phyir 'ong ba dang / phyir mi 'ong ba/ dgra bcom pa yin pa de la de na mi ma yin pa dag gis 'tshe bar mi byed nas dge slong gis 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces bdag kyang grong med pa'i dgon pa'i gnas de na gnas te/ de na bdag la mi ma yin pa rnams 'tshe bar mi byed do zhes zer na ltung byed du 'gyur ro/ /'di ltar dge slong rab tu mang po dag khyim rnams su mgron du bos te za bar byed cing de na de dag la stan khra bo bkra ba dag bshams shing de na dge slong gang rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa yin pa de la de na stan khra bo nye bar bkra ba dag shom par byed nas dge slong gis 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces bdag kyang khyim der mgron du bos shing zos te/ de na bdag la yang stan khra bo nye bar bkra ba dag shom par byed do zhes zer na ltung byed du 'gyur ro/ /'di ltar dge slong rab tu mang po dgon pa na gnas pa dag gis zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig rten pa'i lam gyis nyon mongs pa dag rnam par mnan pas 'dod pa la 'dod chags dang / gnod sems dag rgyud la kun du mi 'byung nas dge slong gis 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces bdag kyang grong med pa'i dgon pa'i gnas de na gnas shing / bdag gis kyang de na gnas pa na zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig rten pa'i lam gyis nyon mongs pa dag rnam par mnan pas 'dod pa la 'dod chags dang / gnod sems dag bdag gi rgyud la yang kun du mi 'byung ngo zhes zer na nyes byas su 'gyur ro/ /dge slong gis bdag nyid la nye bar ston pas 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces dge slong gang gis lha rnams mthong ba de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar du mthong ba de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /tha na 'di skad ces dge slong gang gis rdul khrod kyi sha za rnams mthong ba de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /dge slong gis bdag nyid la nye bar ston pas 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces dge slong gang gis lha rnams kyi sgra thos pa de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar gyi sgra thos pa de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /tha na 'di skad ces dge slong gang gis rdul khrod kyi sha za rnams kyi sgra thos pa de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /dge slong gis bdag nyid la nye bar ston pas 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces dge slong gang lha rnams blta ba'i phyir 'gro ba de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar du blta ba'i phyir 'gro ba de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /tha na 'di skad ces dge slong rdul khrod kyi sha za rnams blta ba'i phyir 'gro ba de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /dge slong gis bdag nyid la nye bar ston pas 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces dge slong gang la lha rnams blta ba'i phyir 'ong ba de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar du blta ba'i phyir 'ong ba de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ / tha na 'di skad ces dge slong gang la rdul khrod kyi sha za rnams blta ba'i phyir 'ong ba yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /dge slong gis bdag nyid la nye bar ston pas 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces dge slong gang lha rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /tha na 'di skad ces dge slong gang rdul khrod kyi sha za rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /dge slong gis bdag nyid la nye bar ston pas 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces dge slong gang dang lhan cig lha rnams gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar yang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /tha na 'di skad ces dge slong gang dang lhan cig rdul khrod kyi sha za rnams gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /dge slong gang gis bdag nyid la nye bar ston pas 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces dge slong gang gis mi rtag pa'i 'du shes thob pa de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /mi rtag pa'i 'du shes ji lta ba de bzhin du gang gis snga ma bzhin du stong pa nyid du so sor rtog pa'i 'du shes kyi bar du thob pa de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /dge slong gis bdag nyid la nye bar ston pas 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces dge slong gang gis bsam gtan dang po thob pa de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /bsam gtan dang po ji lta ba de bzhin du gang gis snga ma bzhin du gnyis pa dang / gsum pa dang / bzhi pa nas dge slong gang dgra bcom pa rnam par thar pa brgyad la bsam gtan pa dang / gnyis ka'i cha las rnam par grol ba'i bar de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /'di ltar dge slong rab tu mang po dag grong med pa'i dgon pa'i gnas shig na gnas shing de na de dag la mi ma yin pa dag gis 'tshe ba na dge slong gang rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa yin pa de la de na mi ma yin pa dag gis 'tshe bar mi byed nas/ dge slong gis bdag nyid la nye bar ston pas 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces dge slong gang grong med pa'i dgon pa'i gnas de na gnas pa de la de na mi ma yin pa rnams 'tshe bar mi byed pa de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /'di ltar dge slong rab tu mang po dag khyim rnams su mgron du bos te za bar byed cing de na de dag la stan khra bo nye bar bkra ba dag bshams shing / de na dge slong gang rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa yin pa de la de na stan khra bo nye bar bkra ba dag shom par byed nas/ dge slong gis bdag nyid la nye bar ston pas 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces dge slong gang khyim der mgron du bos shing zos te de na de la yang stan khra bo nye bar bkra ba dag shom par byed pa de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /'di ltar dge slong rab tu mang po dag dgon pa na gnas pa dag gis zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig rten pa'i lam kyis nyon mongs pa dag rnam par mnan pas 'dod pa la 'dod chags dang / gnod sems dag rgyud la kun du mi 'byung nas dge slong gis bdag nyid la nye bar ston pas 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces dge slong gis grong med pa'i dgon pa'i gnas de na gnas shing zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig rten pa'i lam gyis nyon mongs pa dag rnam par mnan pas 'dod pa la 'dod chags dang / gnod sems dag rgyud la kun du mi 'byung ba de yod do zhes zer zhig 'di skad ces kho bo'o zhes ni mi zer na nyes byas su 'gyur ro/ /mi'i chos bla ma brjod pa'i ltung byed de brgyad pa rdzogs s+ho// //'dul ba rnam par 'byed pa/ bam po bzhi bcu rtsa gnyis pa/ sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /gang gi tshe tshe dang ldan pa gyad bu nor gnas mal 'bog pa dang / zas la sko bar bskos pa de'i tshe na de dad pa dang ldan zhing bzang la dge ba'i bsam pa can yin pas dge 'dun la chos dang ldan pas zhal ta byed pa'i las la brtson pa yin la/ des sangs rgyas sam/ chos sam/ dge 'dun nam/ yid du 'thad pa'i dge slong rnams la ma phul ba 'am/ yongs su ma btang ba ci yang med de/ des de ltar phul zhing yongs su btang bas chos gos gsum ngan cing snam sbyar yang yongs su rnyings nas dge slong rnams kyis smras pa/ tshe dang ldan pa dag tshe dang ldan pa gyad bu nor 'di dad pa dang ldan zhing bzang la dge ba'i bsam pa can yin pas dge 'dun la chos dang ldan pas zhal ta byed pa'i las la brtson pa yin la/ des sangs rgyas sam/ chos sam/ dge 'dun nam/ yid du 'thad pa'i dge slong rnams la ma phul ba 'am/ yongs su ma btang ba ci yang med de/ des de ltar phul zhing yongs su btang bas chos gos gsum ngan cing snam sbyar yang yongs su rnyings kyis/ gal te dge 'dun gyis ras yug chen 'ga' zhig rnyed na de tshe dang ldan pa gyad bu nor la sbyin par bya'o zhes smras nas/ dge 'dun gyis kyang ras yug chen rnyed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gsol ba byas te byin na mi g.yo bar 'gyur ro/ /'di ltar bya ste/ gnas mal bsham pa byas nas gaN+DI de brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa la dge slong cig gis gsol ba bya ste/ dge 'dun btsun pa rnams gsan du gsol/ tshe dang ldan pa gyad bu nor 'di ni dad pa dang ldan zhing bzang la dge ba'i bsam pa can de dge 'dun la yang chos kyis zhal ta bgyid pa'i las la brtson pa lags la/ des sangs rgyas sam/ chos sam/ dge 'dun nam/ yid du 'thad pa'i dge slong rnams la ma phul ba 'am/ yongs su ma btang ba ci yang ma mchis te/ des de ltar phul zhing yongs su btang bas chos gos gsum ngan cing snam sbyar yang yongs su rnyings la dge 'dun la ni ras yug chen 'byor par mnga' na/ gal te dge 'dun gyi dus la bab cing bzod na dge 'dun gyis gnang bar mdzod cig dang dge 'dun gyis tshe dang ldan pa gyad bu nor la ras yug chen stsol to/ /'di ni gsol ba'o/ /phyis dge 'dun gyis de la ras yug chen byin pa dang / dge slong mdza' bo dang / sa las skyes gnyis tshe dang ldan pa gyad bu nor dang tshe rabs tshe rabs nas rjes su 'brel ba'i khon yod pas de gnyis dge slong rnams kyi mdun na tshe dang ldan pa dag 'di ltar dge 'dun gyi rnyed pa rnyed do cog gcig gis gang zag la yongs su bsngo bar byed na/ dge 'dun gyis rnyed pa 'grub par ga la 'gyur zhes smod par byed nas dge slong rnams kyis de gnyis la smras pa/ tshe dang ldan pa gnyis khyed gnyis der ma 'dus sam/ 'dus so/ /'o na ci'i phyir smod par byed/ de gnyis kyis smras pa/ ci kho bo cag gnyis 'dur yang mi gnang ngam/ dge slong don nyung ngu dag ci'i phyir dge slong dag sngar legs par rung bar byas nas/ de'i 'og tu 'di skad ces tshe dang ldan pa dag gis 'di ltar bshes ngor byas te dge 'dun gyi rnyed par bsngos pa bdag gi gang zag la bsngos shes zer zhing smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong mdza' bo dang / sa las skyes gnyis la rmas pa/ dge slong gnyis khyed gnyis kyis sngar legs par rung bar byas nas de'i 'og tu 'di skad ces tshe dang ldan pa dag gis 'di ltar bshes ngor byas te dge 'dun gyi rnyed par bsngos pa bdag gi gang zag la bsngos so zhes smras pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa/ de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang sngar legs par rung bar byas nas/ de'i 'og tu 'di skad ces tshe dang ldan pa dag gis 'di ltar bshes ngor byas te dge 'dun gyi rnyed par bsngos pa bdag gi gang zag la bsngos so zhes zer na ltung byed do/ / yang dge slong gang zhes bya ba ni mdza' bo dang sa las skyes sam/ gzhan yang de lta bu gang yin pa'o/ /sngar legs par rung bar byas nas zhes bya ba ni sngar dad pa phul nas so/ /de'i 'og tu zhes bya ba ni dus gzhan na'o/ /'di skad ces shes bya ba ni 'di skad ces zer na'o/ /tshe dang ldan pa dag gis 'di ltar bshes ngor byas te zhes bya ba la/ dge slong gi bshes pa gang zhe na/ mkhan po'i ni lhan cig gnas pa'o/ /lhan cig gnas pa'i ni mkhan po'o/ /slob dpon gyi ni nye gnas so/ /nye gnas kyi ni slob dpon no/ /mkhan po gcig pa'i ni mkhan po gcig pa'o/ /slob dpon gcig pa'i ni slob dpon gcig pa'o/ /mdza' bo'i ni mdza' bo'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /rnyed pa zhes bya ba la rnyed pa ni gnyis te/ gos kyi rnyed pa dang / zas kyi rnyed pa ste/ don 'dir ni gos kyi rnyed pa yin par dgongs so/ /bsngos pa zhes bya ba ni dge 'dun gyi nang du grub pa'o/ /bdag gi gang zag la bsngos so zhes bya ba ni bdag gi don du'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam du cung zad sngar 'thun zhing rung bar byas nas de'i 'og tu 'di skad ces tshe dang ldan pa dag gis 'di ltar bshes ngor byas te dge 'dun gyi rnyed par bsngos pa bdag gi gang zag la bsngos so zhes zer na thams cad du ltung byed du 'gyur ro/ /bshes ngor byas te dge 'dun gyi rnyed par bsngos pa bdag gi gang zag la bsngos pa bden na ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /skur pa 'debs pa'i ltung byed de dgu pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis zla ba phyed phyed cing so sor thar pa'i mdo gdon pa gdon par bya'o zhes bka' stsal nas/ dge slong rnams zla ba phyed phyed cing so sor thar pa'i mdo gdon pa 'don par byed pa na/ drug sde dag pham par 'gyur ba bzhi po dag 'don pa'i tshe ni cang mi smra bar 'khod do/ /dge 'dun lhag ma bcu gsum 'don pa'i tshe na 'di skad ces tshe dang ldan pa dag gang la gzhi nges pa dang / gang zag nges par rab tu shes pa yod bzhin du/ bdag cag gis rma sos pa sos pa dag ci'i phyir 'dral bar byed/ gang dag gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya zhes zer ro/ /de bzhin du ma nges pa gnyis dang / spang ba'i ltung byed kyi chos sum bcu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po dag 'don pa'i tshe na yang 'di skad ces tshe dang ldan pa dag gang la gzhi nges pa dang / gang zag nges pa rab tu shes pa yod bzhin du bdag cag gi rma sos pa sos pa dag ci'i phyir 'dral bar byed/ gang dag gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya zhes zer nas/ dge slong rnams kyis smras pa/ tshe dang ldan pa dag gi phyir kho bo cag zla ba phyed phyed cing so sor thar pa'i mdo gdon pa 'don pa ma yin gyi/ 'di ltar kho bo cag ni ston pa'i bka' lung gis 'don to/ /gal te khyed cag sdug bsngal ba dang / yid mi bde ba skye na ci'i phyir lhag par spyod par byed/ dge slong don nyung ngu dag ci'i phyir dge slong dag pham par 'gyur ba bzhi po dag 'don pa'i tshe ni cang mi smra bar 'khod la/ dge 'dun lhag ma bcu gsum 'don pa'i tshe ni 'di skad ces tshe dang ldan pa dag gang la gzhi nges pa dang / gang zag nges pa rab tu shes pa yod bzhin du bdag cag gi rma sos pa sos pa dag ci'i phyir 'dral bar byed/ gang dag gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton bdag gis ci bya zhes zer/ de bzhin du ma nges pa gnyis dang / spang ba'i ltung byed kyi chos sum bcu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po dag 'don pa'i tshe na yang 'di skad ces tshe dang ldan pa dag gang la gzhi nges pa dang / gang zag nges pa rab tu shes pa yod bzhin du bdag cag gi rma sos pa sos pa dag ci'i phyir 'dral bar byed/ gang dag gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya zhes zer zhing smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag khyed cag pham par 'gyur ba bzhi po dag 'don pa'i tshe ni cang mi smra bar 'khod la/ dge 'dun lhag ma bcu gsum 'don pa'i tshe ni 'di skad ces tshe dang ldan pa dag gang la gzhi nges pa dang / gang zag nges pa rab tu shes pa yod bzhin du bdag cag gi rma sos pa sos pa dag ci'i phyir 'dral bar byed/ gang gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya/ de bzhin du ma nges pa gnyis dang / spang ba'i ltung byed kyi chos sum bcu dang / ltung byed kyi chos dgu bcu dang / so sor bshags par bya'i chos bzhi dang / bslab pa'i chos mang po dang / rtsod pa zhi bar bya ba'i chos bdun po dag 'don pa'i tshe yang 'di skad ces tshe dang ldan pa dag gang la gzhi nges pa dang / gang zag nges pa rab tu shes pa yod bzhin du bdag cag gi rma sos pa sos pa dag ci'i phyir 'dral bar byed/ gang dag gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya zhes smras pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zla ba phyed phyed cing so sor thar pa'i mdo gdon pa 'don pa na/ 'di skad ces tshe dang ldan pa dag gang dag gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs 'di dag gis zla ba phyed phyed cing so sor thar pa'i mdo gdon pa bton pa dag gis ci bya zhes zer zhing bslab pa khyad du gsod na ltung byed do/ /yang dge slong gang zhes bya ba ni drug sde 'am/ gzhan yang de lta bu gang yin pa'o/ /zla ba phyed phyed cing zhes bya ba ni zla ba phyed phyed cing ngo / /so sor thar pa zhes bya ba ni pham par 'gyur ba'i chos bzhi dang / dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum bcu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po dag go/ /mdo zhes bya ba ni des nye bar sbyar ba'i mdo 'am/ yang na mdo yang dag par sbyar ba'o/ /gdon pa 'don pa na zhes bya ba ni rab tu ston pa na'o/ /'di skad ces tshe dang ldan pa dag gang dag gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya zhes zer zhing bslab pa khyad du gsod na zhes bya ba ni bslab pa khyad du gsod pa'i bsam pas ngag dang / tshig dang / tha snyad dang / skad dang / /brjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed brjod pa'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong pham par 'gyur ba bzhi po dag 'don pa na 'di skad ces tshe dang ldan pa dag gang dag gis dge slong rnams 'gyod par 'gyur ba 'di dag bton pas ci bya zhes zer na ltung byed du 'gyur ro/ /dge slong pham par 'gyur ba bzhi po dag 'don pa na 'di skad ces tshe dang ldan pa dag gang dag gis ni dge slong rnams yid la gcags par 'gyur ba 'di dag bton pas ci bya zhes zer na ltung byed du 'gyur ro/ /dge slong pham par 'gyur ba bzhi po dag 'don pa na 'di skad ces tshe dang ldan pa dag gang dag gis dge slong rnams la gnod par 'gyur ba 'di dag bton pas ci bya zhes zer na ltung byed du 'gyur ro/ /dge slong pham par 'gyur ba bzhi po dag 'don pa na 'di skad ces tshe dang ldan pa dag gang dag gis dge slong rnams gdung bar 'gyur ba 'di dag bton pas ci bya zhes zer na ltung byed du 'gyur ro/ /dge slong pham par 'gyur ba bzhi po dag 'don pa na 'di skad ces tshe dang ldan pa dag gang dag gis dge slong rnams kun du gdung bar 'gyur ba 'di dag bton pas ci bya zhes zer na ltung byed du 'gyur ro/ /dge slong pham par 'gyur ba bzhi po dag 'don pa na 'di skad ces tshe dang ldan pa dag gang dag gis dge slong rnams yongs su gdung bar 'gyur ba 'di dag bton pas ci bya zhes zer na ltung byed du 'gyur ro/ /dge slong pham par 'gyur ba bzhi po dag 'don pa na 'di skad ces tshe dang ldan pa dag gang dag gis dge slong rnams 'dod par 'gyur ba 'di dag bton pas ci bya zhes zer na ltung byed du 'gyur ro/ /dge slong pham par 'gyur ba bzhi po dag 'don pa na 'di skad ces tshe dang ldan pa dag gang dag gis dge slong rnams mngon par mi dga' bar 'gyur ba 'di dag bton pas ci bya zhes zer na ltung byed du 'gyur ro/ /dge slong pham par 'gyur ba bzhi po dag 'don pa na 'di skad ces tshe dang ldan pa dag gang dag gis dge slong rnams rnam par 'khyam par 'gyur ba 'di dag bton pas ci bya zhes zer na ltung byed du 'gyur ro/ /de bzhin du dge slong / dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum bcu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po dag 'don pa na 'di skad ces tshe dang ldan pa dag gang dag gis dge slong rnams 'gyod pa dang / yid la gcags pa dang / / gnod pa dang / gdung ba dang / kun du gdung ba dang / yongs su gdung ba dang / 'dod pa dang / mngon par mi dga' ba dang / rnam par 'khyam par 'gyur ba 'di dag bton pas ci bya zhes zer na ltung byed du 'gyur ro/ /de bzhin du dge slong gzhi dag dang / phran tshegs dag dang / gleng gzhi dag dang / sil bu dag dang / 'dul ba lnga pa dag dang / 'dul ba drug pa dang / 'dul ba'i ma mo dag dang / de las gzhan pa 'dul ba dang ldan pa'i mdo dag 'don pa na 'di skad ces tshe dang ldan pa dag gang dag gis dge slong rnams 'gyod pa dang / yid la gcags pa dang / gnod sems dang / gdung ba dang / kun du gdung ba dang / yongs su gdung ba dang / 'dod pa dang / mngon par mi dga' ba dang / rnam par 'khyam par 'gyur ba 'di dag bton pas ci bya zhes zer na ltung byed du 'gyur ro/ /dge slong de las gzhan pa'i mdo sde dag 'don pa na 'di skad ces tshe dang ldan pa dag gang dag gis dge slong rnams 'gyod pa dang / yid la gcags pa dang / gnod pa dang / gdung ba dang / kun du gdung ba dang / yongs su gdung ba dang / 'dod pa dang / mngon par mi dga' ba dang / rnam par 'khyam par 'gyur ba 'di dag bton pas ci bya zhes zer na nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ / bslab pa khyad du gsod pa'i ltung byed de bcu pa rdzogs s+ho// // sdom la/ sa bon 'phya ba bsgo ba dang / /khri dang gding dang skrod pa dang / /phyis gnod 'byung ba 'debs pa dang / /rim pa gnyis su rtsig pa'o/ / sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na sngon shing mkhan rgan zhugs byis pa/ rmongs pa/ mi gsal ba mi mkhas pa zhig gis shing ljon pa bcad nas dge 'dun gyi gtsug lag khang byed du bcug go/ /de nas shing ljon pa de la gnas pa'i lha kha dog shin du 'das pa gang yin pa de mtshan mo nam sros pa dang bcom ldan 'das ga la ba der song ste phyin pa dang / bcom ldan 'das kyi zhabs gnyis la mgo bos phyag 'tshal te mtha' gcig tu 'dug pa dang / 'di ltar lha de'i kha dog gi mthus rgyal byed kyi tshal thams cad snang ba rgya chen pos khyab par gyur to/ /mtha' gcig tu 'dug nas bcom ldan 'das la lha des 'di skad ces gsol to/ / btsun pa sngon shing mkhan rgan zhugs byis pa/ rmongs pa/ mi gsal ba/ mi mkhas pa zhig gis bdag gi gnas pa dang / gling dang / skyob pa dang / skyabs dang / dpung gnyen dang / gnas mal dang / gzhi dang / rten gyi zhugs shing ljon pa gang lags pa de bkum nas dge 'dun gyi gtsug lag khang bgyid du stsal te/ btsun pa dgun gyi dgung ni ring / dgun smad kyi dus kyi tshe ni tshes brgyad kyi bar la 'od ma 'gas pa'i bser ma dag ldang zhing btsun pa bdag gi bu dang phrug gu dag ni chung na bdag gis ji ltar bgyi/ de nas bcom ldan 'das kyis lha zhig la bka' stsal pa/ lha khyod kyi gnas su lha 'di'i gnas byin cig /lha des 'di lta ste/ ston pa'i bka' lung gis rang gi gnas su lha de'i gnas byin no/ /de nas bcom ldan 'das de nyid gyi mtshan mo 'das pa dang dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag mdang lha kha dog shin du 'das pa zhig mtshan mo nam sros pa dang nga ga la ba der 'ongs te phyin nas/ nga'i zhabs gnyis la mgo bos phyag 'tshal te mtha' gcig tu 'dug pa dang / 'di ltar lha de'i kha dog gi mthus rgyal byed kyi tshal thams cad snang ba rgya chen pos khyab par gyur to/ /mtha' gcig tu 'dug nas nga la lha de 'di skad ces btsun pa sngon shing mkhan rgan zhugs byis pa/ rmongs pa/ mi gsal ba/ mi mkhas pa zhig gis bdag gi gnas dang / gling dang / skyob pa dang / skyabs dang / dpung gnyen dang / gnas mal dang / gzhi dang / rten gyi zhugs shing ljon pa gang lags pa de bkum nas dge 'dun gyi gtsug lag khang bgyid du stsal te/ btsun pa dgun gyi dgung ni ring / dgun smad kyi dus kyi tshe ni tshes brgyad kyi bar la 'od ma 'gas pa'i bser ma dag ldang zhing / btsun pa bdag gi bu dang phrug gu dag ni chung na bdag gis ji ltar bgyi zhes zer bas dge slong dag 'di ltar lha dag de skad ces kye ma shAkya'i bu'i dge sbyong rnams ni 'di lta ste/ dge ba'i chos rnams kyis yongs su nyams par 'gyur ro zhes smod par byed/ phyar ka gtong bar byed/ kha zer bar byed pa de ni mi mdzes shing tshul dang 'thun pa ma yin no/ /de nas bcom ldan 'das 'di snyam du dgongs te/ nyes dmigs gang cung zad ci byung ba de ni dge slong dag shing ljon pa gcod par byed pa las gyur pa yin no snyam du dgongs nas dge slong rnams la bka' stsal pa/ dge slong dag de lta bas na dge slong gis shing ljon pa gcad par mi bya'o/ /gcod na 'gal tshabs can du 'gyur ro/ / sangs rgyas bcom ldan 'das 'brog gnas na 'brog gi nags mchog na bzhugs so/ /bcom ldan 'das kyis dge slong gis shing ljon pa gcad par mi bya'o zhes bka' stsal nas/ dge slong lag gi bla dag gis shing med pas mkhar lan dag btang bar gyur to/ /sangs rgyas bcom ldan 'das rnams ni mkhyen bzhin du rmed par mdzad pas sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo ci'i phyir dge slong lag gi bla dag gis mkhar lan dag btang bar gyur/ btsun pa bcom ldan 'das kyis dge slong gis shing ljon pa gcad par mi bya'o zhes bka' stsal nas/ dge slong lag gi bla dag gis zhugs shing ma mchis pas mkhar lan btang ba gyur to/ /kun dga' bo ngas dge slong lag gi bla'i kun du spyod pa'i chos dag bca' bar bya ste/ dge slong lag gi blas zhag bdun nam brgyad kyis shing ljon pa gcod par 'gyur ba na shing ljon pa de'i drung du dkyil 'khor bya zhing / spos dang / me tog dang / gtor ma yang sbyin par bya/ rgyud chags gsum pa yang klag par bya/ yon bshad pa yang bya zhing dge ba bcu'i las kyi lam dag nye bar gzhag par yang bya/ mi dge ba bcu'i las kyi lam dag gi bsngags pa ma yin pa dag kyang brjod par bya/ 'di skad ces shing ljon pa 'di la lha gang gnas pa de gnas gzhan tshol cig /shing ljon pa 'dis mchod rten gyi 'am/ chos kyi 'am/ dge 'dun gyi bya ba byed par 'gyur ro zhes kyang brjod par bya'o/ /de'i 'og tu nyi ma bdun nam brgyad kyis shing ljon pa de gcad par bya'o/ /gal te 'gyur ba ston na gcad par mi bya'o/ /dge slong lag gi blas kun du spyad pa'i chos ji ltar bcas pa yang dag par blangs te 'jug par mi byed na 'gal tshabs can du 'gyur ro/ /'di ni re shig byung ba yin te/ sangs rgyas bcom ldan 'das re shig 'dul ba la nyan thos rnams kyi bslab pa'i gzhi bca' bar ni mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag rang gi lag gis shing ljon pa gcod cing gcod du 'dzud par yang byed/ rtswa sngon po rnga zhing rngar 'dzud par yang byed/ me tog dag 'thog cing 'thog tu 'dzud par yang byed nas gzhan mu stegs can dag shes ldan dag shAkya'i bu'i dge sbyong 'di dag ni rang gi lag gis shing ljon pa gcod cing gcod du 'dzud par yang byed/ rtswa sngon po rnga zhing rngar 'dzud par yang byed/ me tog dag 'thog cing 'thog tu 'dzud par yang byed de/ bram ze dang khyim bdag 'di dag kyang rang gi lag gis shing ljon pa gcod cing gcod du 'dzud par yang byed/ rtswa sngon po rnga zhing rngar 'dzud par yang byed/ me tog dag 'thog cing 'thog tu 'dzud par yang byed pas shes ldan dag shAkya'i bu'i dge sbyong 'di dag dang / bram ze dang / khyim bdag 'di dag la bye brag ni ci yod/ bsam pa ni ci yod/ tha dad du bya ba ni ci yod/ su zhig dge sbyong mgo reg 'di dag la bsod snyoms byin pa dang bya bar sems shes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag khyed cag rang gi lag gis shing ljon pa gcod cing gcod du 'dzud par yang byed/ rtswa sngon po rnga zhing rngar 'dzud par yang byed/ me tog dag 'thog cing 'thog tu 'dzud par yang byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs ba yang snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sa bon gyi tshogs dang / 'byung po'i gnas 'jig gam/ 'jig tu 'dzud na ltung byed do/ /sa bon gyi tshogs shes bya ba ni sa bon lnga ste/ rtsa ba'i sa bon dang / sdong bu'i sa bon dang / tho gu'i sa bon dang / 'gas pa'i sa bon dang / sa bon gyi sa bon nyid ni lnga pa'o/ rtsa ba'i sa bon gang zhe na/ glas gang dang / shu dag dang / yung dang / sge'u gsher dang / bong nga dkar po dang / gzhan yang rtsa ba btab pa las rtsa ba nyid skye ba gang yin pa'o/ /sdong bu'i sa bon gang zhe na/ shing kan tsa na dang / ka pi ta la dang / a shwad tha dang / u dum ba ra dang / n+ya gro d+ha dang / gzhan yang sdong bu btab pa las sdong bu nyid skye ba gang yin pa'o/ /tho gu'i sa bon gang zhe na/ bu ram shing dang / 'dam bu dang / smig ma dang / rgya mtsho nas 'byung ba dang / gzhan yang tho gu btab pa las tho gu nyid skye ba gang yin pa'o/ /'gas pa'i sa bon gang zhe na/ ardza ka dang / sardza ka dang / pha ni nardza ka dang / b+hu s+t+rin dang / dzam b+hir dang / gzhan yang 'gas pa btab pa las 'gas pa nyid skye ba gang yin pa'o/ /sa bon gyi sa bon gang zhe na/ sa lu dang / nas dang / gro dang / mon sran sde'u dang / yungs kar dang / gzhan yang sa bon btab pa las sa bon nyid skye ba gang yin pa'o/ /'byung po'i gnas zhes bya ba la 'byung po zhes bya ba ni grog sbur dag dang / phye ma leb dag dang / sbrang bu dag dang / til dang phub ma za ba dag dang / sbrul dag dang / sdig pa dag dang / sbrang bu tre ma pu ka dag dang / tre la ta ka dag go/ /gnas shes bya ba ni shing ljon pa la sogs pa'o/ /de dag 'jig gam 'jig tu 'jud na zhes bya ba ni 'byin pa dang / snyol ba dang / gcod pa dang / 'bigs pa dang / 'tsheg pa dang / 'tsheg tu 'jug na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ bar sdom la/ /sa bon lnga dang nyams byed dang / /ljon shing gcod dang rtswa rnga dang / /sngon dang 'chag dang rtswa rgyun dang / /nya lcibs sha mo rlam nyid do/ /dge slong gis rtsa ba'i sa bon la rtsa ba'i sa bon du 'du shes shing sngon po la sngon por 'du shes nas gcod dam/ gcod du 'jug na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /dge slong gis rtsa ba'i sa bon la sdong bu'i sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /dge slong gis rtsa ba'i sa bon la tho gu'i sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'dzud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /dge slong gis rtsa ba'i sa bon la 'gas pa'i sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /dge slong gis rtsa ba'i sa bon la sa bon gyi sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /de bzhin du dge slong gis sdong bu'i sa bon la sdong bu'i sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /dge slong gis sdong bu'i sa bon la rtsa ba'i sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /dge slong gis sdong bu'i sa bon la tho gu'i sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /dge slong gis sdong bu'i sa bon la 'gas pa'i sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /dge slong gis sdong bu'i sa bon la sa bon gyi sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /de bzhin du dge slong gis tho gu'i sa bon la tho gu'i sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jug na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /dge slong gis tho gu'i sa bon la rtsa ba'i sa bon du 'du shes sngon po la sngon por 'du shes pas gcod dam/ gcod du 'jug na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /dge slong gis tho gu'i sa bon la sdong bu'i sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /dge slong gis tho gu'i sa bon la 'gas pa'i sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /dge slong gis tho gu'i sa bon la sa bon gyi sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /de bzhin du dge slong gis 'gas pa'i sa bon la 'gas pa'i sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /dge slong gis 'gas pa'i sa bon la rtsa ba'i sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jug na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /dge slong gis 'gas pa'i sa bon la sdong bu'i sa bon du 'du shes shing sngon po la sngon por 'du shes pas gcod dam/ /gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ / dge slong gis 'gas pa'i sa bon la tho gu'i sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro / /dge slong gis 'gas pa'i sa bon la sa bon gyi sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /de bzhin du dge slong gis sa bon gyi sa bon la sa bon gyi sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /dge slong gis sa bon gyi sa bon la rtsa ba'i sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ dge slong gis sa bon gyi sa bon la sdong bu'i sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ dge slong gis sa bon gyi sa bon la tho gu'i sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ dge slong gis sa bon gyi sa bon la 'gas pa'i sa bon du 'du shes shing sngon po la sngon por 'du shes pas gcod dam/ gcod du 'jud na ltung byed du 'gyur ro/ /sngon po la yid gnyis za bas gcod dam/ gcod du 'jud na ltung byed du 'gyur ro/ /skam po la sngon por 'du shes pas gcod dam/ gcod du 'jud na nyes byas su 'gyur ro/ /skam po la yid gnyis za bas gcod dam/ gcod du 'jud na nyes byas su 'gyur ro/ /dge slong gis sa bon nyams par gyur cig /sa bon rnam par nyams par gyur cig snyam pas sa bon gyi rigs lnga po dag mer 'jud par byed cing / sa bon nyams pa dang / sa bon rnam par nyams par gyur na dge slong la ltung byed lngar 'gyur ro/ /sa bon nyams par ma gyur cing / sa bon rnam par nyams par ma gyur na nyes byas lngar 'gyur ro/ /dge slong gis sa bon nyams par gyur cig /sa bon rnam par nyams par gyur cig snyam pas sa bon gyi rigs lnga po dag chur 'jud cing / sa bon nyams pa dang / sa bon nyams par gyur na dge slong la ltung byed lngar 'gyur ro/ sa bon nyams par ma gyur cing / sa bon rnam par nyams par ma gyur na nyes byas lngar 'gyur ro/ dge slong gis sa bon nyams par gyur cig /sa bon rnam par nyams par gyur cig snyam pas sa bon gyi rigs lnga po dag gtun du blugs te gtun bus brdungs nas sa bon nyams pa dang / sa bon rnam par nyams par gyur na dge slong la ltung byed lngar 'gyur ro/ /sa bon nyams par ma gyur cing / sa bon rnam par nyams par ma gyur na nyes byas lngar 'gyur ro/ /dge slong gis sa bon nyams par gyur cig /sa bon rnam par nyams par gyur cig snyam pas sa bon gyi rigs lnga po dag sa skam po la 'jog cing sa bon nyams pa dang / sa bon rnam par nyams par gyur na dge slong la ltung byed lngar 'gyur ro/ /sa bon nyams par ma gyur cing / sa bon rnam par nyams par ma gyur na nyes byas lngar 'gyur ro/ /dge slong gis sa bon nyams par gyur cig /sa bon rnam par nyams par gyur cig snyam pas sa bon gyi rigs lnga po dag tshwa rgo 'am/ 'gyur byed dam/ lci ba 'am/ sas 'gebs par byed cing sa bon nyams pa dang / sa bon rnam par nyams par gyur na dge slong la ltung byed lngar 'gyur ro/ / sa bon nyams par ma gyur cing / sa bon rnam par nyams par ma gyur na nyes byas lngar 'gyur ro/ /dge slong gis sa bon nyams par gyur cig /sa bon rnam par nyams par gyur cig snyam pas sa bon gyi rigs lnga po dag la khu tshan nam/ 'bras khu 'am/ sran tshod ldugs par byed cing / sa bon nyams pa dang / sa bon rnam par nyams par gyur na dge slong la ltung byed lngar 'gyur ro/ /sa bon nyams par ma gyur cing / sa bon rnam par nyams par ma gyur na nyes byas lngar 'gyur ro/ / dge slong gis sbyor ba gcig gis shing ljon pa gcig gcod na nyes byas gcig dang / ltung byed gcig tu 'gyur ro/ /dge slong gis sbyor ba gcig gis shing ljon pa gnyis gcod na nyes byas gcig dang ltung byed gnyis su 'gyur ro/ /dge slong gis sbyor ba gcig gis shing ljon pa rab tu mang po gcod na nyes byas gcig dang / ltung byed rab tu mang por 'gyur ro/ /dge slong gis sbyor ba gnyis kyis shing ljon pa gcig gcod na nyes byas gnyis dang / ltung byed gcig tu 'gyur ro/ dge slong gis sbyor ba gnyis kyis shing ljon pa gnyis gcod na nyes byas gnyis dang / ltung byed gnyis su 'gyur ro/ /dge slong gis sbyor ba gnyis kyis shing ljon pa rab tu mang po gcod na nyes byas gnyis dang / ltung byed rab tu mang por 'gyur ro/ /dge slong gis sbyor ba rab tu mang pos shing ljon pa gcig gcod na nyes byas rab tu mang po dang / ltung byed gcig tu 'gyur ro/ /dge slong gis sbyor ba rab tu mang pos shing ljon pa gnyis gcod na nyes byas rab tu mang po dang / ltung byed gnyis su 'gyur ro/ /dge slong gis sbyor ba rab tu mang pos shing ljon pa rab tu mang po gcod na nyes byas rab tu mang po dang / ltung byed rab tu mang por 'gyur ro/ /dge slong gis sbyor ba gcig gis rtswa gcig rnga na nyes byas gcig dang / ltung byed gcig tu 'gyur ro/ /dge slong gis sbyor ba gcig gis rtswa gnyis rnga na nyes byas gcig dang / ltung byed gnyis su 'gyur ro/ /dge slong gis sbyor ba gcig gis rtswa rab tu mang po rnga na nyes byas gcig dang / ltung byed rab tu mang por 'gyur ro/ /dge slong gis sbyor ba gnyis kyis rtswa gcig rnga na nyes byas gnyis dang / ltung byed gcig tu 'gyur ro/ /dge slong gis sbyor ba gnyis kyis rtswa gnyis rnga na nyes byas gnyis dang / /ltung byed gnyis su 'gyur ro/ /dge slong gis sbyor ba gnyis kyis rtswa rab tu mang po rnga na nyes byas gnyis dang / ltung byed rab tu mang por 'gyur ro/ /dge slong gis sbyor ba rab tu mang pos rtswa gcig rnga na nyes byas rab tu mang po dang / ltung byed gcig tu 'gyur ro/ /dge slong gis sbyor ba rab tu mang pos rtswa gnyis rnga na nyes byas rab tu mang po dang / ltung byed gnyis su 'gyur ro/ /dge slong gis sbyor ba rab tu mang pos rtswa rab tu mang po rnga na nyes byas rab tu mang po dang / ltung byed rab tu mang por 'gyur ro/ /ut+pa la dang / pad ma la sogs pa la yang de bzhin du rgyas par sbyar ro/ /dge slong gis sngo nyams par gyur cig /sngo rnam par nyams par gyur cig snyam pas sngo'i phyogs su tshwa rgo 'am/ 'gyur byed dam/ lci ba 'am/ sas nyug par byed cing / sngo nyams pa dang / rnam par nyams par gyur na ltung byed du 'gyur ro/ /sngo nyams par ma gyur cing rnam par nyams par ma gyur na nyes byas su 'gyur ro/ /nyug pa'i bsam pa la ni ltung ba med do/ /dge slong gis sngo nyams par gyur cig /sngo rnam par nyams par gyur cig snyam pas sngo'i phyogs su khu tshan nam/ 'bras khu 'am/ sran tshod 'thor bar byed cing / sngo nyams pa dang / rnam par nyams par gyur na ltung byed du 'gyur ro/ /sngo nyams par ma gyur cing rnam par nyams par ma gyur na nyes byas su 'gyur ro/ /'dor ba'i bsam pa la ni ltung ba med do/ /dge slong gis sngo nyams par gyur cig /sngo rnam par nyams par gyur cig snyam pas sngo'i phyogs su 'chag par byed cing sngo nyams pa dang / rnam par nyams par gyur na ltung byed du 'gyur ro/ /sngo nyams par ma gyur cing sngo rnam par nyams par ma gyur na nyes byas su 'gyur ro/ /'chag pa'i bsam pa la ni ltung ba med do/ /dge slong gis sngo nyams par gyur cig /sngo rnam par nyams par gyur cig snyam pas sngo'i phyogs su yal ga 'am/ seg gam/ re lde 'drin par byed cing / sngo nyams pa dang / sngo rnam par nyams par gyur na ltung byed du 'gyur ro/ /sngo nyams par ma gyur cing sngo rnam par nyams par ma gyur na nyes byas su 'gyur ro/ /'drud pa'i bsam pa la ni ltung ba med do/ /dge slong gis sha bal nyams par gyur cig /sha bal rnam par nyams par gyur cig snyam pas sha bal chags pa'i phyogs su 'chag par byed cing / sha bal nyams pa dang / rnam par nyams par gyur na nyes byas su 'gyur ro/ /sha bal nyams par ma gyur cing rnam par nyams par ma gyur na yang nyes byas su 'gyur ro/ /'chag pa'i bsam pa la ni ltung ba med do/ /dge slong gis sha bal nyams par gyur cig /sha bal rnam par nyams par gyur cig snyam pas sha bal chags pa'i phyogs su khu tshan nam/ 'bras khu 'am/ sran tshod 'dor bar byed cing sha bal nyams pa dang / sha bal rnam par nyams par gyur na nyes byas su 'gyur ro/ /sha bal nyams par ma gyur cing rnam par nyams par ma gyur na nyes byas nyid du 'gyur ro/ /'dor ba'i bsam pa la ni ltung ba med do/ /dge slong gis sha bal nyams par gyur cig /sha bal rnam par nyams par gyur cig snyam pas sha bal chags pa'i phyogs su tshwa rgo 'am/ 'gyur byed dam/ lci ba 'am/ sas nyug par byed cing sha bal nyams pa dang / sha bal rnam par nyams par gyur na nyes byas su 'gyur ro/ /sha bal nyams par ma gyur cing rnam par nyams par ma gyur na yang nyes byas nyid du 'gyur ro/ /nyug pa'i bsam pa la ni ltung ba med do/ /dge slong gis shing ljon pa'i rtsa rgyun 'byin par byed na nyes byas su 'gyur ro/ /dge slong gis shing ljon pa'i rtsa ba 'byin par byed na ltung byed du 'gyur ro/ /dge slong gis shing ljon pa'i shun pa 'chu bar byed na nyes byas su 'gyur ro/ /dge slong gis shing ljon pa'i snying po 'chu bar byed na ltung byed du 'gyur ro/ /dge slong gis shing ljon pa'i lo ma rlon pa rlog par byed na ltung byed du 'gyur ro/ /dge slong gis shing ljon pa'i lo ma ser po rlog par byed na nyes byas su 'gyur ro/ /dge slong gis shing ljon pa'i me tog kha ma bye ba rlog par byed na ltung byed du 'gyur ro/ /dge slong gis shing ljon pa'i me tog kha bye ba rlog par byed na nyes byas su 'gyur ro/ /dge slong gis shing ljon pa'i 'bras bu ma smin pa rlog par byed na ltung byed du 'gyur ro/ /dge slong gis shing ljon pa'i 'bras bu smin pa rlog par byed na nyes byas su 'gyur ro/ /dge slong gis nya lcibs 'byin par byed na ji srid du chu nas skam la 'don par mi byed kyi bar du nyes byas su 'gyur ro/ /chu nas skam la 'don par byed na ltung byed du 'gyur ro/ /dge slong gis nya tshang 'don par byed na ji srid du chu nas skam la 'don par mi byed kyi bar du nyes byas su 'gyur ro/ /chu nas skam la 'don par byed na ltung byed du 'gyur ro/ /dge slong gis sha mo 'thog par byed na nyes byas su 'gyur ro/ /dge slong gis pha ba gol gol 'thog par byed na nyes byas su 'gyur ro/ /dge slong gis rdza ma 'am/ phru ba 'am/ ril ba 'am/ gos sam/ gos kyi rdang la rlam chags pa bskyod na nyes byas su 'gyur ro/ /rung bar byas te spyod pa la ni ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /sa bon dang skye ba 'jig pa'i ltung byed de bcu gcig pa rdzogs s+ho// //snga zhus kun dga'o/ /gnyis zhus sngags/ gsum zhus// (ja) @#/ ! /'dul ba lung bzhugs so/ / (黃) 律師戒行經第七部 'dul ba rnam par 'byed pa/ bam po bzhi bcu rtsa gsum pa/ sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /gang gi tshe tshe dang ldan pa gyad bu nor dge 'dun gyis gnas mal 'bog pa dang / zas la sko bar bskos pa'i tshe na dge slong mdza' bo dang / sa las skyes gnyis tshe dang ldan pa gyad bu nor dang tshe rabs nas khon yod pas dge slong mdza' bo dang / sa las skyes gnyis tshe dang ldan pa nye dga' dang lhan cig tu 'du 'dzi'i gtam gyis 'khod pa na/ tshe dang ldan pa gyad bu nor phyogs der 'ongs pa dang / de gnyis kyis nye dga' la smras pa/ tshe dang ldan pa nye dga' gal te khyod kyang dge 'dun gyis gnas mal 'bog pa dang / zas la sko bar bskos par gyur na/ khyod kyang kho bo cag la 'di lta ste/ dper na tshe dang ldan pa gyad bu nor bzhin du tho 'tsham par 'gyur ro/ /nye dgas de gnyis la smras pa/ tshe dang ldan pa gnyis khyed gnyis dge 'dun 'thun pas dge slong gang gnas mal 'bog pa dang / zas la sko bar bskos par shes bzhin du de la ngor 'phya 'am/ de gnyis kyis smras pa/ ci kho bo cag gnyis 'dur yang mi dbang ngam/ dge slong don nyung ngu dag ci'i phyir dge slong dag dge 'dun 'thun pas dge slong gang gnas mal 'bog pa dang / zas la sko bar bskos par shes bzhin du de la ngor 'phya bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong mdza' bo dang / sa las skyes gnyis sam/ gzhan yang de lta bu gang yin pa de ngor 'phya ba'i grangs su chug shig /'di ltar grangs su gzhug par bya ste/ gnas mal bsham pa byas nas/ gaN DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa la dge slong gcig gis gsol bar bya ste/ dge 'dun btsun pa rnams gsan du gsol/ dge slong mdza' bo dang / sa las skyes 'di gnyis 'tshal bzhin du dge slong gang dge 'dun 'thun pas gnas mal 'bog pa dang / zas la sko bar bskos pa tshe dang ldan pa gyad bu nor de la ngor 'phya na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong mdza' bo dang / sa las skyes ngor 'phya ba'i grangs su stsal to/ /'di ni gsol ba'o/ /gang gi tshe dge 'dun gyis dge slong mdza' bo dang / sa las skyes gnyis ngor 'phya ba'i grangs su bcug pa de'i tshe na de gnyis tshe dang ldan pa nye dga' dang lhan cig gtam zer zhing 'dug pa na/ tshe dang ldan pa gyad bu nor phyogs der 'ongs pa dang / de gnyis kyis nye dga' la smras pa/ tshe dang ldan pa nye dga' gal te khyod kyang dge 'dun gyis gnas mal 'bog pa dang / zas la sko bar bskos par gyur na/ khyod kyang kho bo cag la 'di lta ste dper na kha cig bzhin du tho 'tsham par 'gyur ro/ /nye dgas de gnyis la smras pa/ tshe dang ldan pa gnyis khyed gnyis dge 'dun 'thun pas dge slong gang gnas mal 'bog pa dang / zas la sko bar bskos par shes bzhin du de la gzhog 'phyas byed dam/ de gnyis kyis smras pa/ ci kho bo cag gnyis kyis 'ga' zhig gi ming ngam rus nas smos sam/ nye dgas smras pa/ gal te ming dang rus ma smos par gzhog 'phyas byed du gnang na/ nye dgas kyang 'jig rten thams cad la ming dang rus mi smos par gzhog 'phyas byas par 'gyur ro/ /dge slong don nyung ngu dag ci'i phyir dge slong dag dge 'dun 'thun pas/ dge slong gang gnas mal 'bog pa dang / zas la sko bar bskos par shes bzhin du de la gzhog 'phyas byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong mdza' bo dang / sa las skyes gnyis sam/ gzhan yang de lta bu gang yin pa de gzhog 'phyas byed pa'i grangs su chug shig 'di ltar grangs su gzhug par bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa la dge slong gcig gis gsol bar bya ste/ dge 'dun btsun pa rnams gsan du gsol/ dge slong mdza' bo dang / sa las skyes 'di gnyis 'tshal bzhin du dge slong gang dge 'dun 'thun pas gnas mal 'bog pa dang / zas la sko bar bskos pa tshe dang ldan pa gyad bu nor de la gzhog 'phyas bgyid na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong mdza' bo dang / sa las skyes gzhog 'phyas bgyid pa'i grangs su stsal to/ /'di ni gsol ba'o/ /gang gi tshe dge 'dun gyis dge slong mdza' bo dang / sa las skyes ngor 'phya ba dang / gzhog 'phyas byed pa'i grangs su bcug pa de'i tshe na de gnyis tshe dang ldan pa gyad bu nor la ngor 'phya ba dang / gzhog 'phyas byed nas/ dge slong don nyung ngu dag ci'i phyir dge slong dag dge 'dun 'thun pas dge slong gang gnas mal 'bog pa dang / zas la sko bar bskos par shes bzhin du de la ngor 'phya ba dang / gzhog 'phyas byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong mdza' bo dang / sa las skyes gnyis la rmas pa/ dge slong khyed gnyis shes bzhin du dge slong gang dge 'dun 'thun pas gnas mal 'bog pa dang / zas la sko bar bskos pa dge slong gyad bu nor de la ngor 'phya ba dang / gzhog 'phyas byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'phya 'am gzhog 'phyas byed na ltung byed do/ /'phya 'am gzhog 'phyas byed na zhes bya ba ni 'phya ba dang gzhog 'phyas bya ba'i bsam pas ngag dang / tshig dang tha snyad dang / skad dang / rjod pa dang / nges pa'i tshig dang / tshig gi lam dang / tshig gi sgra dang / ngag gi lam dang / ngag gi rnam par rig byed rjod pa'o/ /ltung byed do zhes bya ba ni sems can dmyal ba dang / dud 'gro dang / yi dags dang / ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong dge 'dun gyis bgrangs shing / de yang gang zag bcu gnyis su bskos pa sbyor ba ma btang ba dag la 'phya na ltung byed du 'gyur ro/ /gzhog 'phyas byed na ltung byed du 'gyur ro/ /'phya ba dang gzhog 'phyas byed na ltung byed du 'gyur ro/ /dge slong dge 'dun gyis bgrangs shing de yang gang zag bcu gnyis su bskos pa sbyor ba btang ba dag la 'phya na ltung byed du 'gyur ro/ /gzhog 'phyas byed na ltung byed du 'gyur ro/ /'phya ba dang gzhog 'phyas byed na ltung byed du 'gyur ro/ /dge slong dge 'dun gyis bgrangs shing de yang gang zag bcu gnyis su ma bskos pa sbyor ba ma btang ba dag la 'phya na ltung byed du 'gyur ro/ /gzhog 'phyas byed na ltung byed du 'gyur ro/ /'phya ba dang gzhog 'phyas byed na ltung byed du 'gyur ro/ / dge slong dge 'dun gyis bgrangs shing de yang gang zag bcu gnyis su ma bskos pa sbyor ba btang ba dag la 'phya na ltung byed du 'gyur ro/ /gzhog 'phyas byed na ltung byed du 'gyur ro/ /'phya ba dang gzhog 'phyas byed na ltung byed du 'gyur ro/ /dge slong dge 'dun gyis ma bgrangs shing de yang gang zag bcu gnyis su bskos pa sbyor ba ma btang ba dag la 'phya na nyes byas su 'gyur ro/ /gzhog 'phyas byed na nyes byas su 'gyur ro/ /'phya ba dang gzhog 'phyas byed na nyes byas su 'gyur ro/ /dge slong dge 'dun gyis ma bgrangs shing de yang gang zag bcu gnyis su bskos pa sbyor ba btang ba dag la 'phya na nyes byas su 'gyur ro/ /gzhog 'phyas byed na nyes byas su 'gyur ro/ / 'phya ba dang gzhog 'phyas byed na nyes byas su 'gyur ro/ /dge slong dge 'dun gyis ma bgrangs shing de yang gang zag bcu gnyis su ma bskos pa sbyor ba ma btang ba dag la 'phya na nyes byas su 'gyur ro/ /gzhog 'phyas byed na nyes byas su 'gyur ro/ /'phya ba dang gzhog 'phyas byed na nyes byas su 'gyur ro/ /dge slong dge 'dun gyis ma bgrangs shing de yang gang zag bcu gnyis su ma bskos pa sbyor ba btang ba dag la 'phya na nyes byas su 'gyur ro/ / gzhog 'phyas byed na nyes byas su 'gyur ro/ /'phya ba dang gzhog 'phyas byed na nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /'phya ba'i ltung byed de bcu gnyis pa/ / rdzogs s+ho// // sangs rgyas bcom ldan 'das kau sham+bi na gdangs can gyi kun dga' ra ba na bzhugs so/ /de'i tshe tshe dang ldan pa 'dun pa ltung ba chos bzhin du phyir mi byed nas/ de la dge slong don 'dod pa/ bde ba 'dod pa/ bde ba la reg par 'dod pa/ grub pa dang bde ba 'dod pa rnams kyis de la smras pa/ tshe dang ldan pa 'dun pa chos bzhin du phyir gyis shig /des smras pa/ su la ltung ba byung ba de phyir byed par 'gyur ro/ /khyod la ltung ba byung ba su zhig phyir byed par 'gyur/ su 'gyod par 'gyur ba'o/ /khyod la ltung ba byung ba la su 'gyod par 'gyur/ gal te tshe dang ldan pa khyed cag la ltung ba byung na kho bo'i mdun du ma 'chags par gzhan gyi mdun du shog shig /tshe dang ldan pa dag khyed cag ni rigs sna tshogs dang / rus sna tshogs dang / khyim sna tshogs nas rab tu byung ba dag yin te/ 'di lta ste dper na shing ljon pa dag gi lo ma sna tshogs rlung gis brlags pa dag gcig tu ltung zhing gcig tu 'dug pa de bzhin du khyed cag kyang rigs sna tshogs dang / rus sna tshogs dang / khyim sna tshogs nas rab tu byung ba dag yin gyi/ kho bo'i 'phags pas ni byang chub thugs su chud pa yin no zhes de dge slong rnams kyis bsgo ba rna la gzon par byed nas/ dge slong don nyung ngu dag ci'i phyir dge slong dag dge slong rnams kyis bsgo ba rna la gzon par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'dun pa dang gzhan yang de lta bu gang yin pa la bsgo ba rna la gzon pa'i grangs su chug shig /'di ltar grangs su gzhug par bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing 'thun par gyur pa la dge slong gcig gis gsol ba bya ste/ dge 'dun btsun pa rnams gsan du gsol/ tshe dang ldan pa 'dun pa 'di ltung ba byung yang chos bzhin du slar mi bgyid de/ 'di la dge slong don 'tshal ba/ phan pa 'tshal ba/ bde ba 'tshal ba/ bde ba la reg par 'tshal ba/ grub pa dang bde ba 'tshal ba rnams kyis gzhi des glengs kyang dge slong rnams kyis bsgo ba rna la gzon na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis tshe dang ldan pa 'dun pa bsgo ba rna la gzon pa'i grangs su stsal to/ /'di ni gsol ba'o/ /gang gi tshe na tshe dang ldan pa 'dun pa bsgo ba rna la gzon pa'i grangs su bcug pa de'i tshe na des bsams pa/ bdag la nyes pa gang byung ba de ni bdag gis de dag la tshig smras pa las gyur pa yin te/ gang gis/ skyes bu mkhas dang ldan pa yis/ /ngag rnams bzhi po bsrung bya ste/ /nags kyi nang du gong ma sreg /sgra 'byin pas ni zin la ltos/ /shes smras pa ni legs par smras pa yin no snyam nas/ de dge slong rnams kyis smras pa na cang mi smra bas/ dge slong rnams kyis bsgo ba rna la gzon par byed nas/ dge slong don nyung ngu dag ci'i phyir dge slong dag dge slong rnams kyis smras pa na cang mi smra bas dge slong rnams kyis bsgo ba rna la gzon par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'dun pa 'am gzhan yang de lta bu gang yin pa de cang mi smra ba bsgo ba rna la gzon pa'i grangs su chug shig /'di ltar gzhug par bya ste/ gnas mal bsham pa byas nas gaN DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa la dge slong gcig gis gsol ba bya ste/ dge 'dun btsun pa rnams gsan du gsol/ tshe dang ldan pa 'dun pa 'di ltung ba byung yang chos bzhin du slar mi bgyid de/ 'di la dge slong don 'tshal ba/ phan pa 'tshal ba/ bde ba 'tshal ba/ bde ba la reg par 'tshal ba/ grub pa dang bde ba 'tshal ba rnams kyis gzhi des glengs kyang dge slong rnams la cang mi smra bas rna la gzon na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis tshe dang ldan pa 'dun pa cang mi smra bas rna la gzon pa'i grangs su stsal to/ /'di ni gsol ba'o/ /gang gi tshe dge 'dun gyis dge slong 'dun pa bsgo ba rna la gzon pa dang / cang mi smra bas rna la gzon pa'i grangs su bcug pa de'i tshe na dge slong rnams kyis bsgo ba rna la gzon pa dang / cang mi smra bas rna la gzon par byed nas/ dge slong don nyung ngu dag ci'i phyir dge slong dag dge slong rnams kyis bsgo ba rna la gzon pa dang / cang mi smra bas rna la gzon par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong 'dun pa la smras pa/ dge slong khyod dge slong rnams kyis bsgo ba rna la gzon pa dang / cang mi smra bas rna la gzon pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bsgo ba rna la gzon na ltung byed do/ /bsgo ba rna la gzon na zhes bya ba ni bsgo ba rna la gzon pa'i bsam pas ngag dang / tshig dang / tha snyad dang / skad dang / rjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed brjod pa'o/ /ltung byed do zhes bya ba ni sems can dmyal ba dang / dud 'gro dang / yi dags dang / ngan song dang / ngan 'gro dang / log par ltung ba dag du sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong dge slong gi gan du 'ongs te 'di skad ces tshe dang ldan pa khyod kyis dge slong skra dang kha spu bregs nas ring po ma lon pa snam sbyar dmar ser dang lhung bzed zha nye'i dbyar 'dab kyis sbyar ba dang / khar ba sbu bus dkris pa dang / zhun mar gyi lhung bzed dam/ 'bru mar gyi lhung bzed dam/ sbrang rtsi'i lhung bzed dam/ bu ram gyi dbu ba'i lhung bzed kyis 'ong ba mthong ngam zhes zer ba la/ des 'di skad ces tshe dang ldan pa kho bos dge slong skra dang kha spu bregs nas ring po ma lon pa snam sbyar dmar ser dang lhung bzed zha nye'i dbyar 'dab kyis sbyar ba dang / khar ba sbu bus bkris pa dang / zhun mar gyi lhung bzed dam/ 'bru mar gyi lhung bzed dam/ sbrang rtsi'i lhung bzed dam/ bu ram gyi dbu ba'i lhung bzed kyis 'ong ba ni ma mthong gi/ /'di ltar kho bos dge slong rkang pa gnyis kyis 'ong ba mthong ngo zhes smras na ltung byed du 'gyur ro/ /dge slong dge slong gi gan du 'ongs te/ 'di skad ces tshe dang ldan pa khyod kyis dge slong ma skra bregs nas ring po ma lon pa snam sbyar dmar ser dang lhung bzed zha nye'i dbyar 'dab kyis sbyar ba dang / zhun mar gyi lhung bzed dam/ 'bru mar gyi lhung bzed dam/ sbrang rtsi'i lhung bzed dam/ bu ram gyi dbu ba'i lhung bzed kyis 'ong ba mthong ngam zhes zer ba la/ des 'di skad ces tshe dang ldan pa kho bos dge slong ma skra bregs nas ring po ma lon pa snam sbyar dmar ser dang lhung bzed zha nye'i dbyar 'dab kyis sbyar ba dang zhun mar gyi lhung bzed dam/ 'bru mar gyi lhung bzed dam/ sbrang rtsi'i lhung bzed dam/ bu ram gyi dbu ba'i lhung bzed kyis 'ongs pa ni ma mthong gi/ /'di ltar kho bos dge slong ma rkang pa gnyis kyis 'ong ba mthong ngo zhes smras na ltung byed du 'gyur ro/ /dge slong ma dang dge tshul dang / dge tshul ma la yang de bzhin du ci rigs par sbyar ro/ /dge slong dge slong gi gan du 'ongs te/ 'di skad ces tshe dang ldan pa ji ltar khyim pa bu ram shing gi khur gyis sam/ smyig ma'i khur gyis sam/ 'dam bu'i khur gyis sam/ shing gi khur gyis sam/ zhun mar gyi bum pas sam/ 'bru mar gyi bum pas sam/ sbrang rtsi'i bum pas sam/ bu ram gyi dbu ba'i bum pas 'ong ba mthong ngo zhes zer ba la/ des 'di skad ces tshe dang ldan pa kho bos khyim pa bu ram shing gi khur gyis sam/ smyig ma'i khur gyis sam/ 'dam bu'i khur gyis sam/ shing gi khur gyis sam/ zhun mar gyi bum pas sam/ 'bru mar gyi bum pas sam/ sbrang rtsi'i bum pas sam/ bu ram gyi dbu ba'i bum pas 'ongs pa ni ma mthong gi/ /'di ltar kho bos khyim pa rkang pa gnyis kyis 'ong ba mthong ngo zhes smras na ltung byed du 'gyur ro/ /dge slong dge slong gi gan du 'ongs te/ 'di skad ces tshe dang ldan pa ji ltar khyim pa mo gos thams cad sngon pos sam/ thams cad ser pos sam/ thams cad dmar pos sam/ thams cad dkar pos sam/ zhun mar gyi bum pas sam/ 'bru mar gyi bum pas sam/ sbrang rtsi'i bum pas sam/ bu ram gyi dbu ba'i bum pas 'ong ba mthong ngam zhes zer ba la/ des 'di skad ces tshe dang ldan pa kho bos khyim pa mo gos thams cad sngon pos sam/ thams cad ser pos sam/ thams cad dmar pos sam/ thams cad dkar pos sam/ zhun mar gyi bum pas sam/ 'bru mar gyi bum pas sam/ sbrang rtsi'i bum pas sam/ bu ram gyi dbu ba'i bum pas 'ong ba ni ma mthong gi/ /'di ltar kho bos khyim pa mo rkang pa gnyis kyis 'ong ba mthong ngo zhes smras na ltung byed du 'gyur ro/ /dge slong gis ji tsam du gzhan 'dri ba la lan gzhan 'debs na thams cad du ltung byed du 'gyur ro/ / rnam grangs de dag thams cad la cang mi smra bas rna la gzon na nyes byas su 'gyur ro/ /gshed ma'i gsad par bya ba bros nas de dge slong gi gan du 'ongs te 'phags pa ji ltar gsad par bya ba mthong ngam zhes 'dri na/ gal te grang ba'i dus yin dge slong gis gshed ma la bzhin bzangs me khang du zhugs la me 'de shig ces rjod par bya'o/ /gal te tsha ba'i dus yin na bzhin bzangs je dpong sa'i khang par zhugs shig /je skom 'thung zhig /je ngal so shig ces brjod par bya'o/ /gal te des de skad ces bdag mi grang ngo / /bdag mi tsha'o/ /bdag mi skom mo/ /bdag ma chad do/ /'di ltar bdag gsad par bya ba 'dri'o zhes zer na/ je sen mo la bltas te sen mo mthong ngo zhes brjod par bya'o/ /nam mkha' la bltas te nam mkha' mthong ngo zhes brjod par bya'o/ /gal te 'di skad ces bdag sen mo mi 'dri'o/ /bdag nam mkha' mi 'dri'o/ /'di ltar bdag gsad par bya ba 'dri'o/ /zhes zer na/ dge slong des phyogs bzhir rnam par bltas te 'du byed thams cad bdag med pa yid la byas nas don dam par na sems can ma mthong ngo zhes brjod par bya ba la ltung ba med do/ /kha na ba dang / khas sman 'dzin pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /sangs rgyas bcom ldan 'das la dge slong rnams kyis zhus pa/ btsun pa tshe dang ldan pa 'dun pa tshangs pa mtshungs par spyod pa rnams kyi ngag mi nyan nas bsgo ba rna la gzon pa dang / cang mi smra bas rna la gzon pa'i grangs su stsal ba la gzigs/ dge slong dag da ltar du ma zad kyi 'di ltar 'das pa'i dus na yang 'di dge ba'i bshes gnyen rnams kyi ngag mi nyan nas tshul ma yin pas sdug bsngal bar gyur te/ de nyon cig /dge slong dag sngon byung ba'i dus na rdzing zhig na ru sbal gcig dang ngang pa gnyis shig 'khod de/ de nas dus gzhan zhig na lo bcu gnyis su than pa byung nas des rdzing de bskam par brtsams so/ /chos nyid kyis na 'jig rten gnas pa chags nas ring po ma lon pa'i tshe na dud 'gro dag kyang smra shes pas ngang pa gnyis kyis ru sbal la smras pa/ grogs po kho bo cag gnyis ni rdzing gzhan du 'gro'o/ /ru sbal gyis smras pa/ grogs po gnyis kho bo yang khrid de song shig /ngang pa gnyis kyis smras pa/ khyod ji ltar khrid de 'gro bar bya/ ru sbal gyis smras pa/ kho bo shing gi dbus su khas gzung bar byas/ khyed gnyis kyis rtse mo gnyis nas zung la deng shig /ngang pa gnyis kyis smras pa/ khyod smra 'dod pa yin pas tshig srung mi nus kyis kho bo cag gnyis khyer te mi 'gro'o/ /ru sbal gyis smras pa/ tshig bsrung bar bya'o/ /ngang pa gnyis kyis ru sbal de khyer te steng gi nam mkha' la 'phags nas ji tsam na ri brags shig gi steng na phar song ba dang / khye'u dang bu mo dag gis mthong nas de dag gis smras pa/ shes ldan dag ltos shig ngang pa gnyis kyis ru sbal zhig khyer te song ngo zhes zer ba na/ ru sbal des kyang dang du blangs so/ /de nas ri brags gzhan zhig gi steng na phar song ba dang / yang khye'u dang bu mo dag gis mthong nas de dag gis smras pa/ shes ldan dag ltos shig /ngang pa gnyis kyis ru sbal zhig khyer te song ngo zhes zer ba dang / ru sbal des bsams pa/ bdag gis yun ji srid du tho 'tsham pa mnags par bya snyam nas smras pa/ ngang pa gnyis kyis kho bo khyer ba ma yin gyis 'di ltar kho bo rang 'gro'o zhes byas pa dang / shing shor nas de sa la lhung ste/ de dag gis bzung nas tshul ma yin pas sdug bsngal bar byas pa dang lhas tshigs su bcad pa smras pa/ mdza' shes phan par 'dod rnams kyis/ /smras pa gang zhig mi 'dzin pa/ /ru sbal gyis ni shing btang ltar/ /de ni lhung zhing las par 'gyur/ /dge slong dag de'i tshe de'i dus na ngang pa ches rgan shos gang yin pa de ni nga yin no/ /de'i tshe de'i dus na ngang pa cig shos gang yin pa de ni kun dga' bo yin no/ /de'i tshe de'i dus na ru sbal gang yin pa de ni 'dun pa 'di yin te/ 'di de'i tshe na yang dge ba'i bshes gnyen rnams kyi ngag mi nyan pas tshul ma yin pas sdug bsngal bar gyur la/ da ltar yang 'di tshangs pa mtshungs par spyod pa rnams kyi ngag mi nyan pas bsgo ba rna la gzon pa dang cang mi smra bas rna la gzon pa'i grangs su bcug go/ /bsgo ba rna la gzon pa'i ltung byed de bcu gsum pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na khyim bdag gcig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs pa dang / dge slong gi dge 'dun ni bzhugs so/ /bcom ldan 'das ni rdzas las byung ba na bzhugs shing bsod snyoms mngon par bsgrubs so/ /sangs rgyas bcom ldan 'das ni rgyu lngas rdzas las byung ba na bzhugs shing bsod snyoms mngon par sgrub par mdzad de/ lnga gang zhe na/ nang du yang dag 'jog la bzhed pa dang / lha rnams la chos ston par bzhed pa dang / nad pa la lta bar bzhed pa dang / gnas mal la rtog par bzhed pa dang / 'dul ba la nyan thos rnams kyi bslab pa'i gzhi bca' bar bzhed pa'o/ /don 'dir ni bcom ldan 'das gnas mal la rtog par bzhed pa dang / 'dul ba la nyan thos rnams kyis bslab pa'i gzhi 'cha' bar bzhed pas rdzas las byung ba na bzhugs shing bsod snyoms mngon par sgrub par mdzad do/ /de nas bcom ldan 'das kyis dge slong gi dge 'dun song nas ring po ma lon par thugs su chud nas lde mig bsnams te kun dga'i ra ba nas kun dga'i ra bar gtsug lag khang nas gtsug lag khang du/ khang khyim nas khang khyim du/ 'chag sa nas 'chag sa dang / gol bar gshegs shing mthar gyis gshegs pa na/ khang pa chen po'i gtsug lag khang zhig ga la ba der gshegs so/ /de'i tshe na khang pa chen po'i gtsug lag khang de na gnas mal rab tu mang po dag bla gab med par bzhag cing / dus ma yin pa'i sprin chen po yang 'dus par gyur to/ /bcom ldan 'das kyis khang pa chen po'i gtsug lag khang de na gnas mal rab tu mang po dag bla gab med par bzhag cing dus ma yin pa'i sprin chen po 'dus pa yang gzigs so/ /gzigs nas kyang e ma zhes gsung zhing smad nas 'di snyam du dgongs ste/ bram ze dang khyim bdag dad pa can dag gis lpag pa dang / sha dang khrag dag btsir cing btsir cing sbyin pa dag sbyin/ bsod nams dag byed pa gang yin pa de la dge slong dag drod mi shes pa dang / so sor mi rtog par yongs su longs spyod do snyam du dgongs so/ /de nas bcom ldan 'das kyis rdzu 'phrul gyis dus ma yin pa'i sprin chen po de phyir dgag pa mdzad de/ bcom ldan 'das kyis rdzu 'phrul gyis dgag pa mdzad pas de steng gi bar snang la chu lon lta bur gyur te/ mtha' na 'dug cing shas cher bcom ldan 'das la sdod cing 'dug go/ /de nas bcom ldan 'das kyis gnas mal rab tu mang po de dag skyabs yod par brubs nas dbyar gyi na bza' ras chen bsnams te sku bsil bar bzhed nas bang rim na bzhugs so/ /de nas bcom ldan 'das kyis dus ma yin pa'i sprin chen po de dgag pa'i rdzu 'phrul de slar bsdu ba mdzad de/ bcom ldan 'das kyis rdzu 'phrul de slar bsdu ba mdzad nas 'brug grags shing char gyis gshong dang thang thams cad tshim par gyur to/ /de nas bcom ldan 'das kyis sku dag bsil nas zhabs gnyis bsil te/ nang du yang dag 'jog gi slad du gtsug lag khang du gshegs so/ /de nas dge slong bsod snyoms sgrub pas bsod snyoms blangs nas/ bcom ldan 'das ga la ba der song ngo / /sangs rgyas bcom ldan 'das rnams ni chos nyid kyis bsod snyoms sgrub pa'i dge slong la/ dge slong ji lta zas bsod dam/ dge slong gi dge 'dun tshim par byas sam zhes so sor kun dga' bar mdzad pa yin pas/ bcom ldan 'das kyis dge slong bsod snyoms bsgrub pa la/ dge slong ji lta zas bsod dam/ dge slong gi dge 'dun tshim par byas sam zhes so sor kun dga' bar mdzad pa dang / des gsol pa/ btsun pa te por zas bsod cing / dge slong gi dge 'dun tshim par bgyis so/ /de nas bcom ldan 'das zhal zas kyi bya ba mdzad nas gtsug lag khang gi slad rol tu zhabs gnyis bsil te/ nang du yang dag 'jog gi slad du gtsug lag khang du gshegs so/ /de nas bcom ldan 'das phyi dro nang du yang dag 'jog las bzhengs nas/ dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag ngas 'di na dge slong gi dge 'dun song nas ring po ma lon par shes nas/ lde mig khyer te kun dga'i ra ba nas kun dga'i ra bar/ gtsug lag khang nas gtsug lag khang du/ khang khyim nas khang khyim du/ 'chag sa nas 'chag sa dang / gol bar song zhing mthar gyis 'gro ba na/ khang pa chen po'i gtsug lag khang zhig ga la ba der phyin nas/ ngas khang pa chen po'i gtsug lag khang de na gnas mal rab tu mang po dag bla gab med par bzhag cing dus ma yin pa'i sprin chen po 'dus pa mthong ngo / /mthong nas kyang e ma zhes byas te smad nas/ 'di snyam du bram ze dang khyim bdag dad pa can dag gis lpags pa dang / sha dang / khrag dag btsir cing btsir cing sbyin pa dag sbyin/ bsod nams dag byed pa gang yin pa de la dge slong dag drod mi shes pa dang / so sor mi rtog par yongs su longs spyod do snyam du dgongs kyis dge slong dag khyed kyis dad pas sbyin par bya ba la drod ran par yongs su longs spyad pa dang / spang zhing yang yongs su longs spyad pa dang / dus su yongs su longs spyad pa dang / brtag cing yongs su longs spyad pa dang / khad kyis yongs su longs spyad na legs so/ /bar sdom la/ drod ran pa dang spang ba dang / /de bzhin dus dang brtag pa dang / /khad kyis yongs su spyad pa yin/ /de nas bcom ldan 'das kyis drod ran pa dang / spang ba dang / dus dang / brtag pa dang / khad kyis yongs su longs spyod pa'i bsngags pa brjod nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi khri 'am/ khri'u 'am/ stan nang tshangs can nam/ la ba 'am/ sngas sam/ gor bu bla gab med par bting ngam 'ding du bcug nas ma bsdus sam/ sdud du ma bcug par de nas song na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi bca' bar mdzad do/ /dge slong rab tu mang po dag don 'thun dang lhan cig ljongs rgyur dong ba na ri brags shig tu phyin nas/ de dag gis ri brags der gnas bca' bar brtsams pa dang / ri brags de na gtsug lag khang zhig yod nas de na de dag la mi zhig gis smras pa/ 'phags pa dag khyed cag gtsug lag khang du mi gnas sam/ bzhin bzangs mi gnas te kho bo cag ni don 'thun la rag las pa yin pas/ gal te kho bo cag gtsug lag khang gnas par gyur na don 'thun gyis kho bo cag bor te 'gro bar 'gyur ro/ /des smras pa/ 'phags pa dag bzhud la gtsug lag khang du gzims shig dang / don 'thun cha ba'i dus kyi tshe bdag gis 'phags pa dag bslang bar bgyi'o/ /de dag gtsug lag khang du dong ste gnas mal bshams nas nyal ba dang / don 'thun chas te/ glang tha ma bkal zin pa dang / de nas mi de sad nas de song ste dge slong rnams la smras pa/ 'phags pa dag don 'thun chas kyis myur du spyon cig /de dag ji srid du lag pa dag bsnyal bar byed/ so shing dag 'dor bar byed/ gnas mal dag gtong bar byed pa de srid du don 'thun thal bar gyur nas/ de dag phyi bzhin 'brang zhing 'dong ba na chom rkun pa dag gis bcom par gyur nas de dag mthar gyis gtsug lag khang du phyin pa dang / de dag dge slong rnams kyis mthong nas smras pa/ tshe dang ldan pa dag 'ongs pa legs so 'ongs pa legs so/ /ji lta bde bar brgyus sam/ tshe dang ldan pa dag bde bar brgyus re skan/ ci nyes/ tshe dang ldan pa dag kho bo cag chom rkun pa dag gis bcom mo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong 'khod pa dag la bcol bar bya'o/ /bcom ldan 'das kyis dge slong 'khod pa dag la bcol bar bya'o zhes bka' stsal nas/ mnyan yod na khyim bdag gnyis shig 'khod pa de gnyis phan tshun khon yod cing gcig ni dad pa dang ldan pa yin la/ gcig ni ma dad pa yin nas/ dad pa can gyis bsams pa/ khon spel bas ci bya ste/ khon zhi bar byas song la rab tu 'byung bar bya'o snyam nas de rgyal byed kyi tshal du song ste dge slong gi gan du rab tu byung ngo / /khyim bdag ma dad pa shos des mi zhig la dris pa/ bzhin bzangs khyim bdag che ge mo zhes bya ba de gar song / des smras pa/ rab tu byung ngo / /gang du/ shAkya'i bu'i dge sbyong rnams kyi nang du'o/ /ci de mi 'jigs pa'i grong khyer yin nam/ kho bo der yang song la de la gnod par bya'o/ /'jig rten ni mdza' shes dang / dgra bo dang / tha mal pa yin pas gzhan zhig de'i gan du song ste smras pa/ khyod la khyim bdag de gshe'o/ /des bsam pa/ bdag nyes dmigs gang gis rab tu byung ba'i nyes dmigs de nyid kyis rjes su 'brel to snyam nas de mkhan po'i drung du song ste/ smras pa/ mkhan po bdag nyes dmigs gang gis rab tu byung ba'i nyes dmigs de nyid kyis rjes su 'brel bar gyur gyis mchi'o/ /bu gang du 'gro/ rgyal po'i khab tu'o/ /de ltar gyis shig /de rgyal po'i khab tu 'phags pa dang / khyim bdag de yang rgyal byed kyi tshal du 'ongs nas dge slong la dris pa/ 'phags pa khyim bdag 'di zhes bgyi ba de ci rab tu byung ngam/ rab tu byung ngo / /de gar mchis/ rgyal po'i khab tu song ngo / /des bsam pa/ ci de mi 'jigs pa'i grong khyer yin nam/ bdag der yang song la de la mtshams bcad par bya'o snyam nas de yang rgyal po'i khab tu 'phags so/ /dge slong ni dus su 'gro zhing dus ma yin par mi 'gro la/ khyim pa ni dus su yang 'gro/ dus ma yin par yang 'gro bas dge slong de ri brags kyi gtsug lag khang zhig tu zhugs pa dang / khyim bdag des mthong nas des bsam pa/ gal te bdag gis 'di la cung zad smra ba'i rigs na 'di'i grogs dge slong dag mang bas bdag la gnod pa byed par 'gyur gyis bdag gis sang 'di shes par bya'o snyam mo/ /dge slong de yang nang par sngar langs te dge slong rnams la smras pa/ tshe dang ldan pa dag bdag 'gros gnas mal 'di re zhes gnas mal gtad pa dang / dge slong rnams kyis smras pa/ khyod gar 'gro/ rgyal po'i khab tu'o/ /tshe dang ldan pa lam 'di ni dogs pa dang bcas pa yin gyis 'di nas ma 'gro shig /'di ni lam gzhan yin gyis de nas song shig /de lam de nas song ba dang / khyim bdag de yang nang par sngar langs nas gtsug lag khang du song ste dge slong la dris pa/ 'phags pa dge slong 'di zhes bgyi ba gar mchis/ rgyal po'i khab tu 'o/ /shul gang nas/ che ge mo zhig nas so/ /de de'i phyi bzhin song ba dang / dge slong des de mthong nas des de la smras pa/ bzhin bzangs khon zhi bar gyur cig / des smras pa/ da zhi bar bya'o zhes khyim bdag des dge slong de shin du brdeg brdeg nas lhung bzed kyang bcag /chos gos dag kyang dral te tha ma ma shi tsam byas te btang nas/ dbugs de'u chad pa las sos te phyir log nas gtsug lag khang de nyid du phyin pa dang / dge slong rnams kyis de mthong nas smras pa/ tshe dang ldan pa ci'i phyir khyod gnas skabs 'di lta bur gyur/ des skabs de dge slong rnams la rgyas par brjod nas yang smras pa/ gal te kho bos tshe dang ldan pa dag gis bstan pa ltar ma byas na kho bo gnas skabs 'di 'dra bar mi 'gyur ro zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de 'dra ba'i rkyen ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang 'thun pa dang / de'i shas che ba dang / de dang 'tsham pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya te/ yang dge slong gang dge 'dun gyi khri 'am/ khri'u 'am/ stan nang tshangs can nam/ la ba 'am/ sngas sam/ gor bu bla gab med par bting ngam/ 'ding du bcug nas ma bsdus sam/ sdud du ma bcug gam/ dge slong 'khod pa la ma bcol bar de nas song na de 'dra ba'i rkyen ma gtogs te ltung byed do/ /yang dge slong gang zhes bya ba ni chos 'di pa'o/ /dge 'dun gyis zhes bya ba ni de bzhin gshegs pa'i nyan thos kyi dge 'dun gyi'o/ /khri zhes bya ba ni khri nyid do/ /khri'u zhes bya ba ni khri'u nyid do/ /stan nang tshangs can zhes bya ba ni shing bal can no/ /la ba zhes bya ba ni la ba nyid do/ /sngas shes bya ba ni sngas su gzhugs pa'o/ /gor bu zhes bya ba ni gru bzhi'o/ /bla gab med par zhes bya ba ni ma g.yogs par ro/ /bting ngam zhes bya ba ni rang gis so/ /'ding du bcug nas shes bya ba ni gzhan no/ /ma bsdus sam zhes bya ba ni rang gis so/ /sdud du ma bcug gam zhes bya ba ni gzhan no/ /dge slong 'khod pa la zhes bya ba ni de na dge slong gang 'dug pa la'o/ /ma bcol bar zhes bya ba la bcol ba ni rnam pa lnga ste/ gtsug lag khang 'de re zhes bya ba dang / gtsug lag khang ltos shig ces bya ba 'am/ gnas mal 'de re zhes bya ba dang / gnas mal sdus shig ces bya ba dang / sgo lcags chug shig ces bya ba nyid ni lnga pa'o/ /gal te dge slong med na dge tshul la bcol bar bya'o/ / gal te dge tshul med na khyim bdag la bcol bar bya'o/ /gal te khyim bdag med na phyogs bzhir rnam par bltas te lde mig sbas nas 'gro bar bya'o/ /gal te lam kar dge slong mthong na kho bos phyogs ga ge mo zhig tu lde mig sbas kyis long shig ces brjod par bya'o/ /de nas song na zhes bya ba ni nyen kor spangs na'o/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa dge slong gi gnas mal gyi nyen kor gang lags/ nye ba 'khor ngas bram ze gro bzhin skyes la a mra'i sdong po shin du me tog phun sum tshogs pa/ 'bras bu phun sum tshogs pa/ yal ga'i tshogs phun sum tshogs pa 'dom bdun gyis bar du chod pa'i a mra'i sdong po bdun po gang dag yin pa de dag la 'dom bzhi bcu rtsa dgu yod par bstan pa de ni dge slong gi gnas mal gyi nyen kor yin no/ /de 'dra ba'i rkyen ma gtogs te zhes bya ba ni de 'dra ba'i rkyen bzhag ste'o/ /ltung byed do zhes pa ni sems can dmyal ba dang / dud 'gro dang / yi dags dang / ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ 'di lta ste/ dge slong gis dge 'dun gyi gnas mal bla gab med par bzhag ste de nas song na ji srid du nyen kor ma spangs kyi bar du nyes byas su 'gyur la/ nyen kor spangs na ltung byed du 'gyur ro/ /gal te lam kar bdag gi dge 'dun gyi gnas mal shos 'di bu zhig tu gzhag go snyam du dran zhing / gal te de 'di snyam du bdag gi tshangs pa mtshungs par spyod pa mkhas pa dag sdud par 'gyur ro snyam na dge slong des phyin cad de ltar mi bya'o snyam du sems bskyed par bya zhing tshig tu yang brjod par bya ste ltung ba de yang chos bzhin du phyir bya'o/ /gal te lam kar dge slong der 'gro ba mthong zhing / gal te de 'di snyam su 'dis sdud par 'gyur ro snyam na de la 'di skad ces tshe dang ldan pa kho bos dge 'dun gyi gnas mal phyogs ga ge mo zhig tu bzhag pa de sdus shig ces brjod par bya zhing dge slong des phyin cad de ltar mi bya'o snyam du sems bskyed par bya zhing tshig tu yang brjod par bya ste ltung ba de yang chos bzhin du phyir bya'o/ / dge slong des kyang dge slong de la khas blangs nas gus par bya ste bsdu bar bya'o/ /gal te sdud par mi byed na 'gal tshabs can du 'gyur ro/ /gal te der son nas bdag gis dge 'dun gyi gnas mal phyogs 'di lta bu zhig tu gzhag go snyam du dran zhing gal te de 'di snyam du bdag gi tshangs pa mtshungs par spyod pa mkhas pa dag sdud par 'gyur ro snyam na/ dge slong des phyin cad de ltar mi bya'o snyam du sems bskyed par bya zhing tshig tu yang brjod par bya ste ltung ba de yang chos bzhin du phyir bya'o/ /gal te der son nas dge slong der 'gro ba mthong zhing / gal te de 'di snyam du 'dis sdud par 'gyur ro snyam na de la 'di skad ces tshe dang ldan pa kho bos dge 'dun gyi gnas mal phyogs ga ge mo zhig tu bzhag pa de sdus shig ces brjod par bya zhing dge slong des phyin cad de ltar mi bya'o snyam du sems bskyed par bya zhing tshig tu yang brjod par bya ste ltung ba de yang chos bzhin du phyir bya'o/ /dge slong des kyang dge slong de la khas blang nas gus par bya ste bsdu bar bya'o/ /gal te sdud par mi byed na 'gal tshabs can du 'gyur ro/ /dge slong gis dge 'dun gyi gnas mal bla gab med par bzhag nas gtsug lag khang du 'dir bdag gis sems mnyams par ma bzhag pa mnyam par gzhag go snyam pa 'am/ sems mnyam par bzhag pa rnam par grol bar bya'o snyam pas nang du yang dag 'jog gi phyir 'jug par byed cing / de ting nge 'dzin de las mtshan mo'i thun dang po 'am/ thun phyed na ldang bar byed na gal te gnas mal phan phun du ma gyur na nyes byas su 'gyur la/ gal te phan phun du gyur na ltung byed du 'gyur ro/ /dge slong gis dge 'dun gyi gnas mal bla gab med par bzhag nas gtsug lag khang du 'dir bdag gis sems mnyam par ma bzhag pa mnyam par gzhag go snyam pa 'am/ sems mnyam par bzhag pa rnam par grol bar bya'o snyam pas nang du yang dag 'jog gi phyir 'jug par byed cing de ting nge 'dzin de las mtshan mo'i gung thun nam/ thun tha ma 'am/ skya rengs ma shar ba 'am/ skya rengs shar ba 'am/ nyi ma ma shar ba 'am/ nyi ma shar ba 'am/ nyi ma'i brgyad cha shar ba 'am/ nyi ma'i bzhi cha shar ba 'am/ phyed ma yol ba 'am/ phyed yol ba 'am/ nyi ma'i bzhi cha lus pa 'am/ nyi ma'i brgyad cha lus pa 'am/ nyi ma ma nub pa 'am/ nyi ma nub pa 'am/ rgyu skar dag ma shar ba 'am/ rgyu skar dag shar ba na ldang bar byed na/ gal te gnas mal phan phun du ma gyur na nyes byas su 'gyur la/ gal te phan phun du gyur na ltung byed du 'gyur ro/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa gnas mal gyi phan phun du mchis/ nye ba 'khor gnyis te/ rlung gi phan phun dang / char pa'i phan phun no/ /rlung gi phan phun gang zhe na/ rim pa gcig nas rim pa gnyis pa'i bar du bzlog par gyur pa'o/ /char pa'i phan phun gang zhe na/ rim pa gcig nas rim pa gnyis pa'i bar du thal bar gyur pa'o/ /bar sdom la/ chos bstan pa dang mgron 'bod dang / /gtsug lag khang dang chos nyan dang / /'dug pa dang ni gnyis po dang / /sku gzugs dang ni nad pa dang / /stan dang lnga dang gcig la gnyis/ /phyi bzhin 'gro dang grogs bya dang / /kha ton pa dang zhu ba dang / /stan bkur ba dang zan bcad dang / /brub pa dang ni bcol ba dang / /me dang chu yang de bzhin no/ /bram ze dang khyim bdag dad pa can dag dge slong dag gi gan du 'ongs te smras pa/ 'phags pa dag chos bstan du gsol/ dge slong dag gis smras pa/ bcom ldan 'das 'dir bzhugs kyis/ bcom ldan 'das kyi gan du deng shig dang / bcom ldan 'das ston par 'gyur ro/ /'phags pa dag ston pa nyag gcig lags pas re shig lha rnams la chos ston tam/ 'on te klu rnams la 'am/ 'on te gnod sbyin rnams la 'am/ 'on te dri za rnams la 'am/ 'on te mi rnams la chos ston sus 'tshal gyis khyed kyis kyang ston cig /bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag de lta bas na rjes su gnang gis dge slong rnams kyis kyang chos bstan par bya'o/ /bcom ldan 'das kyis dge slong rnams kyis kyang chos bstan par bya'o zhes bka' stsal nas/ dge slong dag 'greng bzhin du chos ston par byed pa ni de dag skye bo phal po che'i tshogs kyis yongs su bskor bar gyur nas/ bram ze dang khyim bdag dad pa can dag gis smras pa/ 'di dag skyes 'bul ba dag 'ongs pa yin nam ci zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ 'dug ste chos bstan par bya'o/ /dge slong dag rang rang gi stan dag thogs te 'dong ba na ma dad pa dag gis mthong nas rol mo ltar 'dong ngam ci zhes co 'dri bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na rjes su gnang gis dge 'dun gyi stan dag nye bar gzhag par bya'o/ /bcom ldan 'das kyis dge 'dun gyi stan dag nye bar gzhag par rjes su gnang ba khyim bdag mgon med zas sbyin gyis thos nas/ des dge 'dun la khri lnga brgya phul ba dang / de dag thams cad chos ston par byed pa na ca cor gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gcig gis chos bstan par bya'o/ /de dag gis gang gis bstan par bya ba mi shes nas/ bcom ldan 'das kyis bka' stsal pa/ dge 'dun gyi gnas brtan nas bzung ste/ dge 'dun gyi gsar bu'i bar gyis chos bstan par bya'o/ /gal te gsar bu'i mtha' dag chos ston par byed pa na/ rgan pa'i mtha' dag mi brjid par gyur nas/ bcom ldan 'das kyis bka' stsal pa/ rgan pa'i mtha' logs su 'dug ste chos bstan par bya'o/ /dge 'dun gyi gnas brtan mi brjid par gyur nas/ bcom ldan 'das kyis bka' stsal pa/ rgan pa'i mtha' logs su stan gnyis sam gsum bzhag ste chos bstan par bya'o/ /der yang chos ston pa mi brjid par gyur nas/ bcom ldan 'das kyis bka' stsal pa/ rgan pa'i mtha' logs su stan gnyis sam gsum bzhag ste seng ge'i khri bsham par bya'o/ /chos ston pa'i 'dzeg dka' nas/ bcom ldan 'das kyis bka' stsal pa/ gal te phyogs nges pa yin na so phag dag gis them skas bya'o/ /gal te phyogs nges pa ma yin na shing dag gis them skas bya'o/ /de mchil ma 'dor bas yid du mi 'ong bar gyur nas/ bcom ldan 'das kyis bka' stsal pa/ mchil ma'i snod gzhag par bya'o/ /der sbrang bu dag 'du nas bcom ldan 'das kyis bka' stsal pa/ gcal glugs par bya'o/ /dge slong rnams kyis ci zhig glug pa mi shes nas/ bcom ldan 'das kyis bka' stsal pa/ bye ma 'am thal ba glug par bya'o/ /de dri nga bar gyur nas bcom ldan 'das kyis bka' stsal pa/ dus dus su sbyang ba dang bskam par bya'o/ /de dag gral tshar gcig kho nar ring por shom par byed pa na gzhon pa'i mtha' dag gis mi thos nas/ bcom ldan 'das kyis bka' stsal pa/ gnas mal rnam pa gnyis su bsham par bya ste/ zla gam gyi rnam pa lta bu 'am/ rdzing bu'i rnam pa lta bur 'gyur ro/ /bram ze dang khyim bdag dad pa can dag gis dge slong rnams khyim gzhan du mgron du bos pa na dge slong dag dang du mi len nas/ bram ze dang khyim bdag dad pa can dag gis smras pa/ 'phags pa dag gang gi tshe sangs rgyas 'jig rten du ma byung ba de'i tshe na ni mu stegs can dag sbyin gnas lags mod/ da ni bcom ldan 'das 'jig rten du byung bas khyed cag sbyin gnas lags te/ gal te khyed cag dang du mi bzhes na/ ci bdag cag dge ba'i shul rgyags ma mchis par 'jig rten 'di nas 'jig rten pha rol tu mchi bar bgyi 'am zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dang du blang bar bya'o/ /de dag stan dag g.yar po byed pa na dge slong rnams kyis mi ster nas/ bcom ldan 'das kyis bka' stsal pa/ stan dag brnyan par bya'o/ /dge slong dag zan zos nas/ stan de dag khyer te 'dong ba na de dag gis smras pa/ 'phags pa dag khyed bzhud cig dang bdag cag gis 'tshal te mchi'o zhes mchi ba na/ dge slong dag 'gyod pas mi 'jog nas/ bcom ldan 'das kyis bka' stsal pa/ gzhag par bya'o/ /de dag gis smras pa/ 'phags pa dag skom mnabs te bzhud kyi bar du re shig gzhes shig ces zer ba na dge slong dag mi sdod nas/ bcom ldan 'das kyis bka' stsal pa/ bsdad par bya'o/ /de dag la de lta bu'i rkyen byung nas des na stan de dag mi skyel nas/ bcom ldan 'das kyis bka' stsal pa/ blang bar bya'o/ /bcom ldan 'das kyis blang bar bya'o zhes bka' stsal nas de dag gis gang gis blang ba mi shes nas/ bcom ldan 'das kyis bka' stsal pa/ gnas pa dag gis gaN DI chung ngu brdungs te blang bar bya'o/ /bram ze dang khyim bdag dad pa can dag gtsug lag khang du lhags te dge slong dag mgron du 'bod pa na dge slong dag dang du mi len nas/ bcom ldan 'das kyis bka' stsal pa/ dang du blang bar bya'o/ /de dag dge slong dag zan zos nas stan dag g.yar po byed pa na dge slong dag gis mi ster nas de dag gis smras pa/ 'phags pa dag bdag cag ni khyed la bshos gsol ba lags na/ khyed kyis bdag cag la stan dag mi g.yar ram zhes zer nas bcom ldan 'das kyis bka' stsal pa/ stan dag brnyan par bya'o/ /de dag gis de nyid du bor te dong ba na de dag ma byin par len pa dag gis brkus nas bcom ldan 'das kyis bka' stsal pa/ bsrung ba'i dge slong gzhag par bya'o/ /de de dag gi nang nyid du zhugs pa dang de dag gis smras pa/ 'phags pa ci yang bzhed dam/ des smras pa/ kho bo mi 'dod de/ 'di ltar kho bo stan dag srung ngo / /de dag gis smras pa/ 'phags pa ci bdag cag khyed kyi gdan dag rku snyam 'am/ gal te thugs mi ches na snoms te bzhud cig ces zer nas/ bcom ldan 'das kyis bka' stsal pa/ de'i nang du 'jug par mi bya bar mtha' gcig tu 'dug ste/ gal te kha ton pa yin na ni des kha ton bya zhing de la yang sems gtad par bya'o/ /gal te spong ba pa yin na ni des kyang mtha' gcig tu 'dug ste yid la bya ba bskyed par bya zhing de la yang sems gtad par bya'o/ /gang gis tshe dong bar gyur pa de'i tshe na brub par bya'o/ /de dag chang gi tshigs ma dang / snum dang / bshang ba dang / gci bas ma rung bar gyur pa na dge slong dag 'dor bar byed nas/ bcom ldan 'das kyis bka' stsal pa/ de dag dor bar mi bya bar gang dag chang gi tshigs mas ma rung bar gyur pa de dag ni chu dag gis sbyang bar bya'o/ /gang dag snum gyis ma rung bar gyur pa de dag ni chal gyis sbyang bar bya'o/ /gang dag bshang ba dang gci bas ma rung bar gyur pa de dag ni sa 'am/ 'dag rdzas sam/ lci bas sbyang bar bya'o/ /bcom ldan 'das kyis chos mnyan par bya'o/ /zhes bka' stsal nas/ dge slong dag bla gab med par byed pa na nyi ma tsha nas/ bcom ldan 'das kyis bka' stsal pa/ bla re gdags par bya'o/ /rlung dang char byung nas de dag gis gnas mal bor te 'dong bas de ma rung bar gyur nas/ bcom ldan 'das kyis bka' stsal pa/ brub par bya'o/ /de dag gis sus brub pa mi shes te/ su gang la la 'dug pa des de 'brub par byed pa na rgan pa'i mtha' dag la gzhi bzang po bshams pa de dag dge slong gnas brtan gnas brtan dag gis brub par mi nus nas bcom ldan 'das kyis bka' stsal pa/ rgan pa'i mtha' dag gi ni gzhon pa rnams kyis brub par bya zhing / gzhon pa'i mtha' dag gi ni rgan pa rnams kyis brub par bya'o/ /brubs nas tshoms gcig tu byed pas de dag ma rung bar gyur nas/ bcom ldan 'das kyis bka' stsal pa/ 'thun pa dang 'thun par gzhag par bya'o/ /de dag phyis chos mnyan pa mi byed nas/ bcom ldan 'das kyis bka' stsal pa/ g.yogs pa 'am/ bla gab med par bya'o/ /de ltar chos nyan pa na bram ze dang / khyim bdag dad pa can dag gis nor bus spras pa dang / gser dang dngul gyis brgyan pa'i gos dag gis seng ge'i khri bshams pa dang / dge slong dag 'gyod pas mi 'dug nas/ bcom ldan 'das kyis bka' stsal pa/ khyim pa'i gos dag yin par bya ste/ mi rtag pa nyid yid la bya bas zil gyis mnan nas 'dug par bya ste/ 'di la 'gyod par mi bya'o/ /dge slong dag dge 'dun gyi gnas mal mi 'brub cing de nyid du 'dor ba na de dag ma rung bar gyur nas/ bcom ldan 'das kyis bka' stsal pa/ de dag kyang brub par bya'o/ /khyim bdag gcig la gtsug lag khang dgon pa dang / grong mtha' pa gnyis yod nas de'i gtsug lag khang grong mtha' pa na ni gnas mal mang du yod la/ gtsug lag khang dgon pa na ni gnas mal nyung ngo / /dus gzhan zhig na dgon pa'i gtsug lag khang du dus ston byung nas/ dge slong dgon pa pa dag gi grong mtha'i gtsug lag khang nas gnas mal g.yar ba dang / dge slong grong mtha' pa dag gis ma ster nas/ bcom ldan 'das kyis bka' stsal pa/ brnyan par bya'o/ /gal te char 'bab bam/ char 'bab du dogs na brnyan par mi bya'o/ /lam kar rlung dang / char bab pas de dag ma rung bar gyur nas/ bcom ldan 'das kyis bka' stsal pa/ shing ljon pa'i drung ngam/ rtsig drung du bcer te rdzas gcig gis g.yog par bya'o/ /de dag rdzas bzang pos g.yog par byed nas/ bcom ldan 'das kyis bka' stsal pa/ rdzas ngan pas g.yog par bya'o/ /dus ston zin nas de dag gtsug lag khang 'di yang khyim bdag de'i yin no snyam nas phyir mi 'bul nas/ bcom ldan 'das kyis bka' stsal pa/ mthus dgug par bya'o/ /ngo mi shes nas bcom ldan 'das kyis bka' stsal pa/ gnas mal 'di ni khyim bdag che ge mo zhig gi dgon pa'i gtsug lag khang gi yin no/ /'di ni grong mtha'i gtsug lag khang gi yin no zhes yi ge bri zhing gnas mal ji ltar nges par byas pa bzhin du longs spyad par bya'o/ /khyim bdag mgon med zas sbyin bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la khyim bdag mgon med zas sbyin gyis 'di skad ces gsol to/ /gang gi tshe bcom ldan 'das bgres pa'i mtha' logs na bzhugs pa de'i tshe na bgres pa'i mtha' brjid par gyur cing / gang gi tshe bcom ldan 'das bgres pa'i mtha' logs na mi bzhugs pa de'i tshe na bgres pa'i mtha' mi brjid par gyur na/ gal te bcom ldan 'das kyis gnang na bdag gis 'dzam bu'i grib ma la bzhugs pa'i sku gzugs bgyid du stsal to/ /bcom ldan 'das kyis bka' stsal pa/ gnang gis byed du chug shig /des 'dzam bu'i grib ma la bzhugs pa'i sku gzugs byed du bcug ste/ de rgan pa'i mtha' logs su bzhag go/ /rlung dang char pa byung nas dge slong rnams kyis de bor te dong ba dang / bram ze dang khyim bdag dad pa can dag khyed kyis ston pa yang bor ro zhes smod par byed nas/ bcom ldan 'das kyis bka' stsal pa/ khyim pa 'am/ dge tshul gyis spyan drang bar bya'o/ /khyim pa yang med/ dge tshul yang med nas bcom ldan 'das kyis bka' stsal pa/ dge slong rnams kyis ston pa'i 'du shes bskyed de spyan drang bar bya'o/ /dge slong dag na bar gyur nas de dag la su yang mi lta nas/ bcom ldan 'das kyis bka' stsal pa/ nad pa dus gsum du blta bar bya'o/ /bcom ldan 'das kyis nad pa dus gsum du blta bar bya'o zhes bka' stsal nas/ de dag gis gang gis blta bar bya ba mi shes nas/ bcom ldan 'das kyis bka' stsal pa/ dge 'dun gyi gnas brtan nas bzung ste dge 'dun gyi gsar bu'i bar gyis blta bar bya'o/ /bcom ldan 'das kyis nad pa blta bar bya'o zhes bka' stsal nas/ dge slong gnas brtan gnas brtan dag nad pa lta bar byed pa na/ de dag 'greng bzhin du nad pa lta bar byed pas nad pa dag nyam nga bar gyur nas/ bcom ldan 'das kyis bka' stsal pa/ 'dug ste nad pa blta bar bya'o/ /bcom ldan 'das kyis 'dug ste nad pa blta bar bya'o/ /zhes bka' stsal nas/ dge slong dag rang rang gi stan dag khyer te 'dong ba na ma dad pa dag 'phags pa dag rol mo ltar 'dong ngam ci zhes tho 'tsham pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ stan dag khyer te 'dong bar mi bya bar 'di ltar nad g.yog gis stan dag bsham par bya'o/ /drug sde dag nad pa ltar dong ba na de dag de nyid na 'du 'dzi'i gtam gyis yun ring du 'khod nas nad g.yog rnams kyis smras pa/ tshe dang ldan pa dag nad pa'i bya ba yongs su nyams par gyur gyis deng shig /de dag gis smras pa/ de yang gyis la gnas mal yang ltos shig dang de ltar na nad pa shi ba'i yo byad drug 'thob par 'gyur ro/ /gzhan yang khyed nad pa'i bya ba yongs su nyams par ma byed par deng shig dang kho bo cag gis blta bar bya'o/ / nad g.yog de dag gis nad pa la ma bcol bar dong ba dang / drug sde dag kyang dong nas rlung dang char pa dag byung ba na nad pas gnas mal rtul ma nus nas de dag ma rung bar gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag lnga po 'di dag la bcol bar mi bya ste/ ngo tsha med pa dang / nad dang bcas pa dang / rgas pa 'khogs shing nyam chung ba dang / na ba sbyor mi bzod pa dang / rdzogs par ma bsnyen pa thams cad la'o// //'dul ba rnam par 'byed pa/ bam po bzhi bcu rtsa bzhi pa/ sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa khri gcig la dge slong gnyis mchis na de gang dag gis brub par bgyi/ gang phyis langs pas so/ /gnyis ka dus gcig tu langs na gzhon pas so/ /gnyi ga gzhon na gnyis ga brub par bya'o/ /slob dpon dang mkhan po dag 'chag tu dong ba na dge slong lhan cig gnas pa dang / nye gnas gtsug lag khang na 'khod pa na de dag chu med pa nas ut+pa la bzhin du dge ba'i chos rnams kyis mi 'phel nas/ bcom ldan 'das kyis bka' stsal pa/ dge slong lhan cig gnas pa dang / nye gnas dag gis slob dpon dang / mkhan po dag gi phyi bzhin 'gro bar bya'o/ /slob dpon dang / mkhan po dag stan dag khyer te 'dong zhing lhan cig gnas pa dang / nye gnas dag lag pa brkyang ste 'gro nas/ bcom ldan 'das kyis bka' stsal pa/ dge slong lhan cig gnas pa dang / nye gnas dag gis slob dpon dang / mkhan po dag gi stan dag khyer te 'gro bar bya'o/ /slob dpon dang mkhan po de dag 'chags na phyag dar byed pa na lhan cig gnas pa dang / nye gnas dag lag pa brkyang ste 'khod nas/ bcom ldan 'das kyis bka' stsal pa/ lhan cig gnas pa dang / nye gnas dag gis phyags ma blangs te/ slob dpon dang / mkhan po dag snying las chung ngur bya'o/ /mkhar lan byed par bskos na ni ltung ba med do/ /slob dpon dang / mkhan po dag gos dag 'tshem pa na lhan cig gnas pa dang / nye gnas dag snying las chung ngur 'khod nas/ bcom ldan 'das kyis bka' stsal pa/ lhan cig gnas pa dang / nye gnas dag gis khab blang zhing / slob dpon dang / mkhan po dag snying las chung ngur bya'o/ /tshem 'drub par bskos na ni ltung ba med do/ /lhan cig gnas pa dang / nye gnas dag gis slob dpon dang / mkhan po dag gi lung mnos te de dag nyid kyi mdun na glog nas/ bcom ldan 'das kyis bka' stsal pa/ dge slong kha ton slob pa dag gis lung mnos nas thos pa'i nyen kor spangs te snang ba'i nye 'khor du 'dug nas lung phog la bklag par bya'o/ /dge slong spong ba pa dag gis gdams ngag mnos nas mtha' gcig tu song ste yid la bya ba bskyed par bya'o/ /lhan cig gnas pa dang / nye gnas de dag las su bskos par 'gro ba na de dag slob dpon dang / mkhan po dag la zhus te song ba na/ der song ba de dag la las gzhan byung nas de dag yang phyir 'ong zhing zhu bar byed nas bcom ldan 'das kyis bka' stsal pa/ gal te der dong ba rnams la las gzhan byung na de dag gis yang dang yang du phyir 'ongs te zhu bar mi bya bar de nyid du las bya ste/ de dag gis sngar zhus pa de nyid kyis thams cad zhus pa yin no/ /de dag gis der stan dag khyer ba phyir khyer te mi 'ong nas/ bcom ldan 'das kyis bka' stsal pa/ de dag gis stan khyer te 'ong bar bya'o/ /de dag gis ches sngar stan dag khyer te dong ba dang / slob dpon dang / mkhan po dag la gang gis de dag mi 'gro ba de 'dra ba'i rkyen byung nas/ bcom ldan 'das kyis bka' stsal pa/ de dag gis slob dpon dang mkhan po dag la 'chag tu 'gro 'am mi 'gro zhes zhu bar bya zhing gal te 'gro'o zhes zer na stan dag bskur bar bya'o/ /gal te mi 'gro zhes zer na stan dag bskur bar mi bya'o/ /khyim bdag gcig gis sangs rgyas la sogs pa dge slong gi dge 'dun khyim gzhan du gshos la spyan drangs pa na/ gzhon nu zhig dge ba'i phyogs la shin du brtson nas des bsams pa/ deng bdag bsod snyoms la 'jug mi dgos pas ji srid du gdugs tshod la bab par ma gyur pa de srid kyi bar du dge ba'i phyogs la tron bya'o snyam nas/ de stan khyer te phyi rol du song ba dang / dge slong rnams dus snga ma tshogs su gtsug lag khang gi sgo bcad de dong ngo / /des kyang dus shes par byas te 'ongs pa dang / ji tsam na gtsug lag khang gi sgo bcad pa mthong nas des bsams pa/ bdag zan bcad pa ni bla'i bdag ltung ba dang bcas na mi rung ngo snyam nas de zan bcad pa byas pa dang / de'i lus la ji srid du mdangs yod pa de srid du des dge ba'i phyogs la tron byas so/ /gang gi tshe lus las mdangs yal ba de'i tshe na glos phab ste nyal ba dang / dge slong rnams kyis de la smras pa/ tshe dang ldan pa gal te zan gzhan gyi yin zhes te lto yang gzhan gyi yin snyam 'am/ ci na khyed ci tsam gyis dge ba'i phyogs la tron byed kyang mi nus pa de tsam za 'am/ sus zos/ khyod kyis ma zos sam/ ma zos so/ /ci'i phyir/ de skabs de dge slong rnams la brjod nas/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong rnams kyis dus snga ma tshogs su khyim gzhan du 'jug par mi bya bar dus shes par byas te gaN DI brdungs nas 'jug par bya'o/ / slob dpon dang / mkhan po dag gis kyang rang rang gi 'khor la blta bar bya'o/ /blo bur du 'ongs pa 'ga' zhig yod na de ni dge 'dun gyi gnas brtan gyis blta bar bya'o/ /gal te dge slong sgo bcad par 'ongs na des stan rtsig pa'i drung ngam shing ljon pa'i drung du bzhag ste 'gro bar bya'o/ /dge slong gis gya tshom du zan gcad par mi bya'o/ /dge slong gis gya tshom du zan gcod par byed na 'gal tshabs can du 'gyur ro/ /bram ze dang khyim bdag dad pa can dag gtsug lag khang du 'ongs te/ de dag stan dag la 'dug 'dug nas de nyid du bor te dong nas/ de dag sus kyang ma brubs pas de nyid du ma rung bar gyur nas/ bcom ldan 'das kyis bka' stsal pa/ gang gis mthong ba des brub par bya'o/ /dge slong rgan po 'khogs pa nyam chung ba dang / nad pa sbyor mi bzod pa dag gis de dag bla gab med par bzhag pa mthong zhing de dag gis 'brub par mi nus nas/ bcom ldan 'das kyis bka' stsal pa/ de dag gis dge bskos la brjod par bya zhing / des kyang gus par bya ste brub par bya'o/ /dge slong rnams kyis gnas mal dag bla gab med par bting nas dge slong gcig pu zhig la bcol nas bsod snyoms la zhugs shing gzhan gyis kyang de nyid la bcol/ gzhan gyis kyang de nyid la bcol te bsod snyoms la zhugs pa dang / rlung dang char byung ste des brub par ma nus nas/ bcom ldan 'das kyis bka' stsal pa/ rab tu mang po dag gis dge slong gcig la bcol bar mi bya'o/ /gal te de lta bu'i rkyen byung na des gaN DI brdung bar bya zhing de na dge slong gang dag 'khod pa de dag gis gus par bya ste brub par bya'o/ /de dag gis kyang gaN DI thos nas gus pas 'gro bar bya'o/ /nags kyi nang na gtsug lag khang 'dug pa la me shor nas mes grong dang / grong khyer dang / rgyal po'i pho brang dang / yul 'khor yang tshig la thug /spyod yul dang spyod yul gyi lam dang / 'chag sa dang / dag ra dang / sgo khang dang / gtsug lag khang yang tshig la thug pa na/ dge slong rnams kyis rang rang gi lhung bzed dang chos gos dag ni phyung / dge 'dun gyi gnas mal dag ni tshig nas khyim bdag 'ongs te dge slong rnams la dris pa/ 'phags pa dag ci dag ma tshig gam/ ci yang ma tshig go/ /dge 'dun gyi gnas mal dag ga re/ tshig go/ /ci yang ma tshig pa de/ de 'dra 'am/ kho bo cag gi ci yang ma tshig go/ /des smras pa/ kye ma'o dge 'dun gyi gnas mal tsam 'byin kyang ma phod ces zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge 'dun gyi gnas mal yang dbyung bar bya'o/ /de dag dge 'dun gyi gnas mal 'byin pa na de dag gi gang zag gi gnas mal dang / lhung bzed dang / chos gos dag tshig nas/ de dag phongs par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gang zag ni phongs par 'gyur la/ dge 'dun ni mi 'gyur bas je dang por gang zag gi lhung bzed dang / chos gos dbyung bar bya zhing de'i 'og tu dge 'dun gyi dbyung bar bya'o/ /de dag phyung ba na ma byin pa len pa dag gis brkus nas/ bcom ldan 'das kyis bka' stsal pa/ der srung ma dge slong gzhag par bya'o/ /de dag mthu dang ldan pa 'jog par byed nas/ bcom ldan 'das kyis bka' stsal pa/ mthu chung ngu gzhag par bya'o/ /de dag me mi bzod par 'jug par byed nas/ bcom ldan 'das kyis bka' stsal pa/ gal te me mi bzod pa yin na 'jug par mi bya ste/ gal te tshig na yang de la 'gyod par mi bya'o/ /ser che ba'i dbus na gtsug lag khang 'dug cing / steng gi ri kha nas char pa'i rgyun sbom po bab pa na/ gtsug lag khang du chu byung zhing grong dang / grong khyer dang / rgyal po'i pho brang dang / yul 'khor yang khyer la thug /spyod yul dang spyod yul gyi lam dang / dag ra dang / sgo khang dang / gtsug lag khang yang khyer la thug pa na/ dge slong rnams kyis rang rang gi lhung bzed dang chos gos dag ni phyung / dge 'dun gyi gnas mal dag ni khyer nas/ khyim bdag 'ongs nas dge slong rnams la dris pa/ 'phags pa dag ci dag ma khyer ram/ ci yang ma khyer ro/ /dge 'dun gyi gnas mal dag ga re/ khyer ro/ /ci yang ma khyer ba de de 'dra 'am/ kho bo cag gi ci yang ma khyer ro/ /des smras pa/ kye ma'o dge 'dun gyi gnas mal tsam 'byin kyang ma phod ces zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge 'dun gyi gnas mal yang dbyung bar bya'o/ /de dag dge 'dun gyi gnas mal 'byin pa na de dag gi gang zag gi gnas mal dang / lhung bzed dang / chos gos dag khyer nas de dag phongs par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gang zag ni phongs par 'gyur la/ dge 'dun ni mi 'gyur bas je dang por gang zag gi lhung bzed dang / chos gos dbyung bar bya zhing / de'i 'og tu dge 'dun gyi dbyung bar bya'o/ / de dag phyung ba na ma byin par len pa dag gis brkus nas/ bcom ldan 'das kyis bka' stsal pa/ der srung ma dge slong gzhag par bya'o/ /de dag mthu dang ldan pa 'jog par byed nas/ bcom ldan 'das kyis bka' stsal pa/ mthu chung ngu gzhag par bya'o/ /de dag chu mi bzod par 'jug par byed nas/ bcom ldan 'das kyis bka' stsal pa/ gal te chu mi bzod pa yin na 'jug par mi bya ste/ gal te khyer na yang de la 'gyod par mi bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /gnas mal gyi ltung byed de bcu bzhi pa rdzogs s+ho// // bar sdom la/ lho lam dang ni ma bor dang / /ma dris 'dor dang mthus 'dor dang / /khron pa dang ni blang ba dang / /dag ra dang ni 'chag sa dang / /lci ba gzhag pa tha ma yin/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /lho lam nas dge slong rgan pa dang / gzhon pa gnyis shig bcom ldan 'das kyi zhabs la phyag 'tshal du mnyan yod du 'ongs nas/ rgan shos kyi gtsug lag khang ni gnas mal dang bcas pa zhig tu bskos/ gzhon pa shos kyi gtsug lag khang ni gnas mal med pa zhig tu bskos pa dang / gzhon pa shos de sgrub phod pa zhig yin pas des rtswa mang po dag blangs nas pus mo nub tsam gyi gding ba bshams so/ /rgan pa des bsams pa/ gzhon nu de'i gtsug lag khang ji lta bu zhig tu bskos pa je bltas 'gro'o snyam nas de der song ba dang / ji tsam na gding ba bzang po bshams pa mthong nas des bsams pa/ bdag ji srid du gnas mal phyir gtod par byed pa de srid du sang 'gro ba 'phyis par 'gyur gyis 'di nyid du 'dug go snyam nas/ des gnas mal dang bcas pa'i gtsug lag khang de dge slong gnas mal 'bog pa la phyir gtad nas/ de gnyis gtsug lag khang der mtshan mo gnas nas nang par sngar langs te dong ngo / /phyogs des snum zhing dngar ba yin pas rtswa bting ba dag la sril dag chags nas gtsug lag khang de'i phyi nang bcas pa thams cad sril gyis khyab par gyur to/ /de'i tshe na khyim bdag gcig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs pa dang / dge slong gi dge 'dun ni bzhugs so/ /bcom ldan 'das ni rdzas las byung ba na bzhugs shing bsod snyoms mngon par bsgrubs so/ /sangs rgyas bcom ldan 'das rnams ni rgyu lngas rdzas las byung ba na bzhugs shing bsod snyoms mngon par bsgrub par mdzad de/ lnga gang zhe na/ nang du yang dag 'jog bzhed pa dang / lha rnams la chos ston par bzhed pa dang / nad pa la lta bar bzhed pa dang / gnas mal la rtog par bzhed pa dang / 'dul ba la nyan thos rnams kyi bslab pa'i gzhi 'cha' bar bzhed pa'o/ /don 'dir ni bcom ldan 'das gnas mal la rtog par bzhed pa dang / 'dul ba la nyan thos rnams kyi bslab pa'i gzhi 'cha' bar bzhed pas rdzas las byung ba na bzhugs shing bsod snyoms mngon par bsgrub par mdzad do/ /de nas bcom ldan 'das kyis dge slong gi dge 'dun song nas ring po ma lon par thugs su chud nas lde mig bsnams te kun dga'i ra ba nas kun dga'i ra bar gtsug lag khang nas gtsug lag khang du/ khang khyim nas khang khyim du/ 'chag sa nas 'chag sar dang / gol bar gshegs shing mthar gyis gshegs pa na/ gtsug lag khang de ga la ba der gshegs pa dang / bcom ldan 'das kyis gtsug lag khang de sril dag gis phyi nang thams cad khyab par gzigs so/ /gzigs nas kyang e ma zhes gsungs shing smad nas 'di snyam du dgongs te/ bram ze dang khyim bdag dad pa can dag gis lpags pa dang / sha dang / khrag dag btsir cing btsir cing sbyin pa dag sbyin/ bsod nams dag byed pa gang yin pa de la dge slong dag drod mi shes pa dang / so sor mi rtog par yongs su longs spyod do snyam du dgongs so/ /de nas bcom ldan 'das 'di snyam du dgongs te/ bdag gis ci nas kyang sril dag logs shig tu 'gyur zhing / sa dag kyang logs shig tu 'gyur ba de lta bu'i rdzu 'phrul mngon par 'du bya ba mngon par 'du bya'o snyam du dgongs so/ /de nas bcom ldan 'das kyis ci nas kyang sril dag kyang logs shig tu 'gyur zhing sa dag kyang logs shig tu 'gyur ba de lta bu'i rdzu 'phrul mngon par 'du bya ba mngon par 'du mdzad do/ /de nas bcom ldan 'das kyis 'khor lo dang / bkra shis dang / g.yung drung gi lcags kyu dag dang ldan pa'i phyag dra bar 'brel pa/ bsod nams brgya phrag du ma las 'khrungs pa gnyis kyis sril de dag legs par bsdus te bsil ba'i phyogs su gzhag pa mdzad do/ /de nas bcom ldan 'das kyis gtsug lag khang de chag chag btab ste phyag dar mdzad nas nyal nyil gtsug lag khang gi phyi rol du bor te phyag dang zhabs gnyis bsil nas nang du yang dag 'jog gi slad du gtsug lag khang du gshegs so/ / de nas dge slong bsod snyoms sgrub pas bsod snyoms blangs nas bcom ldan 'das ga la ba der song ngo / /sangs rgyas bcom ldan 'das rnams ni chos nyid kyis bsod snyoms sgrub pa'i dge slong la dge slong ji lta zas bsod dam/ dge slong gi dge 'dun tshim par byas sam zhes so sor kun dga' ba mdzad pa yin pas bcom ldan 'das kyis dge slong bsod snyoms sgrub pa la dge slong ji lta zas bsod dam/ dge slong gi dge 'dun tshim par byas sam/ zhes so sor kun dga' bar mdzad pa dang / des gsol pa/ btsun pa zas te por bsod cing dge slong gi dge 'dun tshim par bgyis so/ /de nas bcom ldan 'das zhal zas kyi bya ba mdzad nas/ gtsug lag khang gi slad rol du zhabs gnyis bsil te/ nang du yang dag 'jog gi slad du gtsug lag khang du gshegs so/ /de nas bcom ldan 'das phyi dro nang du yang dag 'jog las bzhengs nas/ dge slong gi dge 'dun gyi gong du gdan bsham pa nyid la bzhugs so/ / bzhugs nas bcom ldan 'das kyis dge slong rnam la bka' stsal pa/ dge slong dag 'di na ngas dge slong gi dge 'dun song nas ring po ma lon par shes nas lde mig khyer te kun dga'i ra ba nas kun dga'i ra bar gtsugs lag khang nas gtsugs lag khang du/ khang khyim nas khang khyim du/ 'chag sa nas 'chag sar dang / gol bar song nas mthar gyis 'gro ba na gtsug lag khang zhig ga la ba der phyin nas ngas gtsug lag khang de sril dag gis phyi nang thams cad khyab par mthong ngo / / mthong nas kyang / e ma'o zhes byas te smad nas 'di snyam du bram ze dang khyim bdag dad pa can dag gis lpag pa dang / sha dang / khrag dag btsir cing btsir cing sbyin pa dag sbyin bsod nams dag byed pa gang yin pa de la dge slong dag drod mi shes pa dang / so sor mi rtog par yongs su longs spyod do snyam du dgongs kyis/ dge slong dag khyed kyis dad pas sbyin par bya ba la drod ran par yongs su longs spyad pa dang / spang zhing yongs su longs spyad pa dang / dus su yongs su longs spyad pa dang / brtags cing yongs su longs spyad pa dang / khad kyis yongs su longs spyad na legs so/ /bar sdom la/ drod ran pa dang spang ba dang / /de bzhin dus dang brtag pa dang / /khad kyis yongs su spyad pa yin/ /de nas bcom ldan 'das kyis drod ran pa dang / spang ba dang / dus dang / brtag pa dang / khad kyis yongs su longs spyod pa'i bsngags pa brjod nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi gtsug lag khang du rtswa'i gding ba 'am/ lo ma'i gding ba bting ngam/ 'ding du bcug nas ma bsdus sam sdud du ma bcug par de nas song na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /dge slong rab tu mang po dag don 'thun dang lhan cig ljongs rgyur 'dong ba na ri brags shig tu phyin nas/ de na de dag khyim bdag gi gan du song ste/ khyim bdag kho bo cag la gnas g.yor cig ces gnas brnyas pa dang / khyim bdag gis smras pa/ dam tshig gis g.yar bar bgyi ste/ gal te bdag gi bsod snyoms gsol te gshegs na g.yar ro/ /dge slong rnams kyis smras pa/ khyim bdag kho bo cag ni don 'thun la rag las pa yin pas/ gal te don 'thun sdod na bza' bar bya'o/ / khyim bdag 'di na khri 'am/ khri'u lta yod dam/ 'phags pa dag ma mchis so/ /dge slong de dag la khyim pa dang / dge tshul mang du yod pas de dag gis rtswa mang po blangs te pus mo nub tsam gyi gding ba bshams so/ /don 'thun nam ma nangs pa nyid du 'phags nas/ dge slong de dag gis kyang gding ba ma bor bar dong ngo / /khyim bdag gis bsams pa/ gal te 'phags pa dag bzhugs na de dag gi gdugs tshod sta gon byas je blta'o snyam nas de song ba dang / ji tsam na dge slong de dag nam ma nangs pa kho nar dong ba mthong ngo / /khyim bdag de chung ma dang bcas pas gding ba de dag 'dor ba na snga dro ril gyis yol bar gyur to/ /dge slong rab tu mang po gzhan dag don 'thun dang lhan cig ljongs rgyur dong ba na ri brags de nyid du phyin nas/ de na de dag khyim bdag gi gan du song ste khyim bdag kho bo cag la gnas g.yor cig ces gnas brnyas pa dang / khyim bdag gis smras pa/ 'phags pa dag dam tshig gis g.yar bar bgyi ste/ gal te khyed cag ran gyi gding ba mi 'ding na g.yar bar bgyi'o/ /khyim bdag 'di na gang du kho bo cag nyal bar bya ba'i khri 'am/ khri'u lta yod dam/ 'phags pa dag ma mchis so/ /khyim bdag sa sgre bo la ji ltar nyal bar bya/ 'phags pa dag khyed cag nyid kyis tshangs pa mtshungs par spyod pa dag lhags par gyur nas/ de dag gis ran gyi gding ba bting nas ma bor bar dong nas bdag mchis brang dang bcas pa de 'dor ba na snga dro ril gyis yol bar gyur to/ /dge slong de dag sa sgre bo la mtshan mo 'da' bar byas nas nang par sngar langs te dong ngo / /de dag mthar gyis rgyu zhing dong ba na mnyan yod du phyin nas/ dge slong rnams kyis de dag mthong nas smras pa/ tshe dang ldan pa dag 'ongs pa legs so 'ongs pa legs so/ /ji lta bde bar brgyus sam/ ji ltar bde ba brgyus/ sa sgre bo la mtshan thog thag 'gre ldog pas 'da' ba byas so/ /khyod cag ri brags gang du bzhag /ga ge mo zhig tu'o/ /khyim bdag gang gi sdum par/ che ge mo zhig gi'o/ /de na dge slong kha cig gis smras pa/ kho bo cag ni khyim bdag de'i sdum par gding ba la nyal te 'ongs so/ /khyod cag gis gding ba de gang du bor/ de nyid du bor ro/ /de'i phyir khyim bdag de smod par byed do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ khyim gzhan nas kyang gding ba dor bar bya'o/ /bcom ldan 'das kyis khyim gzhan nas kyang gding ba dor bar bya'o/ /zhes bka' stsal nas/ dge slong rab tu mang po dag don 'thun dang lhan cig ljongs rgyur 'dong ba na ri brags shig tu phyin to/ /ri brags de na khyim bdag cig gis dge sbyong dang / bram ze blo bur du lhags pa rnams kyi don du thag ring po nas rtswa mang po dag blangs te gding ba bshams so/ /dge slong de dag khyim bdag de'i gan du song ste/ khyim bdag kho bo cag la gnas g.yor cig ces gnas brnyas pa dang / khyim bdag des smras pa/ 'phags pa dag bdag gis dge sbyong dang / bram ze blo bur du lhags pa rnams kyi don du thag ring po nas rtswa mang po blangs te gding ba 'di bshams kyis 'dir gzims shig /de dag der nyal nas nam ma nangs pa kho nar khyim bdag la ma dris par gding ba bor te dong ngo / /khyim bdag de nang par sngar langs nas/ de bor te dong ba mthong nas khyim bdag des bsams pa/ ltar 'gro'o/ /gal te phyogs gtsang mar bor bar gyur na yang blang ngo / /snyam nas de ltar song ba dang / ji tsam na phyogs mi gtsang bar bor ba mthong nas des de ma blangs so/ /dge slong rab tu mang po gzhan dag don 'thun dang lhan cig ljongs rgyur 'dong ba na ri brags de nyid du phyin nas/ de dag khyim bdag de'i gan du song ste/ khyim bdag kho bo cag la gnas g.yor cig ces gnas brnyas pa dang / khyim bdag des smras pa/ 'phags pa dag bzhugs su gsol/ khyim bdag 'di na khri 'am/ khri'u dag yod dam/ 'phags pa dag ma mchis so/ /khyim bdag sa sgre bo 'di la ji ltar nyal bar bya/ 'phags pa dag bdag gis dge sbyongs dang bram ze blo bur du lhag pa rnams kyi don du thag ring po nas rtswa mang po blangs te gding ba bshams par gyur pa las/ khyed cag nyid kyi tshangs pa mtshungs par spyod pa dag lhags par gyur te/ de dag der nyal nas nam ma nangs pa kho nar bdag la ma dris par gding ba de dag phyog mi gtsang bar bor te dong ngo / /de dag der sa sgre bo la nyal te dong ngo / /de dag mthar gyis rgyu zhing 'dong ba na mnyan yod du phyin nas/ dge slong rnams kyis de dag mthong nas smras pa/ tshe dang ldan pa dag 'ongs pa legs so/ /'ongs pa legs so/ /ji lta bde bar brgyus sam/ de dag gis smras pa/ ji ltar bde bar brgyus/ sa sgre bo la mtshan thog thag 'gres ldogs te nam nangs so/ /khyed cag ri brags gang du bzhag /ga ge mo zhig tu'o/ /khyim bdag gang gi sdum par/ che ge mo zhig gi'o/ /de na dge slong kha cig gis smras pa/ kho bo cag ni khyim bdag de'i sdum par gding ba la nyal te 'ongs so/ /khyed cag gis gding ba de gar bzhag /phyi rol du bor ro/ /de'i phyir khyim bdag de smod do/ /zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ khyim bdag 'dug pa la dri bar bya ste/ gal te 'or cig ces zer na dor bar bya'o/ /gal te ma dor cig ces zer na dor bar mi bya'o/ / ri brags shig na gtsug lag khang gnas mal med pa zhig yod pa der/ dge slong rnams kyis dge slong blo bur du lhags pa rnams kyis/ don du thag ring po nas rtswa mang po dag blangs te gding ba bshams so/ /dge slong rab tu mang po dag don mthun dang lhan cig ljongs rgyu zhing 'dong ba na ri brags der phyin nas/ de dag gtsug lag khang der zhugs nas de dag gis/ dge slong rnams la dris pa/ tshe dang ldan pa dag 'di na gnas mal cung zad yod dam/ de dag gis smras pa/ yod de 'di ltar kho bo cag gis/ dge slong blo bur du lhags pa rnams kyi don du/ thag ring po nas rtswa mangs po blang te gding ba bshams kyis 'dir nyol cig /de dag der nyal nas nang par sngar langs te gding ba de bor bar brtsams pa dang / dge slong rnams kyis de dag la smras pa/ tshe dang ldan pa dag gding ba 'di ma dor cig /kho bo cag gis tshangs pa mtshungs par spyod pa blo bur du lhags pa rnams kyi don du thag ring po nas rtswa mang po blangs te bting ba yin no/ /de dag gis smras pa/ tshe dang ldan pa dag khyed cag gis re shig bdag nyid ltung ba dang bcas par byas so/ /kho bo cag gis ji ltar bdag nyid ltung ba dang bcas par byas/ de dag gis de dag spyos te gding ba de dag mthus bor nas dong ngo / /dge slong rab tu mang po gzhan dag don 'thun dang lhan cig ljongs rgyur 'dong ba na gtsug lag khang de nyid du phyin nas de dag gis dge slong de dag la gnas mal brnyas pa dang / dge slong rnams kyis dge slong de dag la smras pa/ tshe dang ldan pa dag gtsug lag khang 'di gnas mal med pa yin nam/ kho bo cag gis tshangs pa mtshungs par spyod pa blo bur du lhags pa rnams kyi don du thag ring po nas rtswa mang po dag blangs te gding ba bshams par gyur pa las tshangs pa mtshungs par spyod pa gzhan dag cig don 'thun dang lhan cig ljongs rgyur 'dong ba na gtsug lag khang 'dir lhags te de dag de la nyal nas nang par sngar langs te gding ba de bor bar brtsams pa dang / kho bo cag gis ma dor cig ces byas na/ de dag gis kho bo cag spyos te mthus bor nas dong ngo / /de dag kyang der sa sgre bo la nyal nas nang par sngar langs te dong ngo / /de dag mthar gyis ljongs rgyu zhing 'dong ba na mnyan yod du phyin nas dge slong rnams kyis de dag mthong nas smras pa/ tshe dang ldan pa dag 'ongs pa legs so 'ongs pa legs so/ /ji lta bde bar brgyus sam/ de dag gis smras pa/ ji ltar bde bar brgyus/ mtshan mo thog thag sa sgre bo la 'gres ldogs te nam nangs so/ /tshe dang ldan pa dag ri brags gang du zhag / gtsugs lags khang ga ge mo zhigs tu'o/ /de na dge slong kha cig gis smras pa/ kho bo cag ni gtsugs lags khang der gding ba la nyal te 'ongs so/ /khyed cag gis gding ba de gar bzhag /kho bo cag gis rgan zhugs de dag smras bzhin du mthus phyi rol du bor ro/ /de'i phyir tshangs pa mtshungs par spyod pa de dag smod par byed do/ /zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de bzhin du dor bar mi bya bar dge slong 'khod pa dag la dri bar bya'o/ /dge slong rab tu mang po dag don 'thun dang lhan cig ljongs rgyu zhing 'ongs pa na khron pa'i drung zhig tu mtshan mo zhag nas de dag gis rtswa mang po dag kyang blangs te rtswa'i gding ba bshams so/ /de dag dang ha cang thag mi ring ba na bram ze zhig kyang mtshan mo zhag go/ /dge slong dag don mthun dang bcas te nang par sngar langs te dong ba dang / don 'thun phyir 'gro ba yang 'ongs so/ /bram ze de don 'thun de la don bsgrubs nas de don 'thun de nyid dang lhan cig phyir log pa dang / don 'thun de yang khron pa'i drung de nyid du gding ba ji ltar bshams pa dag la mtshan mo nyal lo/ /don mthun de dang gcer bu pa dag lhan cig 'ongs pa de dag gding ba gang la dge slong dag nyal nyal ba'i gding ba de nyid la nyal ba dang / de na gcer bu pa gcig gis smras pa/ shes pa can ji zhig gis zin no/ /gcer bu pa gzhan zhig gis smras pa/ khyod kyis chang gi tshigs ma mang du zos pas khyod 'dod pa'i rnam par rtog pas zin no/ /des gding ba de la bltas pa dang / ji tsam na sril dag mthong nas des smras pa/ gding ba 'di la su nyal bar gyur/ de dag dang ha cang thag mi ring ba na bram ze nyal ba des de smra ba thos nas des smras pa/ shAkya'i bu'i dge sbyong dag gding ba 'di la nyal bar gyur to/ /de dag gis smras pa/ shes ldan dag shAkya'i bu'i dge sbyong dag 'jig rten la bdag nyid mkhas par bgrangs par byed na/ 'di ltar dgon par gding ba dor bar bya ba de yang mi shes so/ /zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dgon par yang rtswa'i gding ba dor bar bya'o/ /bcom ldan 'das kyis dgon par yang rtswa'i gding ba dor bar bya'o zhes bka' stsal nas/ dge slong rab tu mang po dag don 'thun dang lhan cig ljongs rgyu zhing 'dong ba na dgon pa'i gnas shig tu zhag pa dang don 'thun de nam ma nangs pa nyid du 'phags nas/ dge slong de dag ji srid du gding ba 'dor bar byed pa de srid du don 'thun thal nas/ de dag phyi bzhin 'brang zhing 'dong ba na chom rkun pa dag gis bcom mo/ /de dag mthar gyis rgyu zhing 'dong ba na mnyan yod du phyin nas dge slong rnams kyis de dag mthong nas smras pa/ tshe dang ldan pa dag 'ongs pa legs so 'ongs pa legs so/ /ji lta bde bar brgyus sam/ tshe dang ldan pa dag ji ltar bde bar brgyus/ kho bo cag chom rkun pa dag gis bcom mo/ /gang gis ji ltar gyur/ de dag gis skabs de dge slong rnams la brjod nas dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ thams cad kyi thams cad du dor bar mi bya bar 'di ltar glongs te 'gro bar bya'o/ /dge slong dag tshon rtsi'i las byed pa na dag ra dag tu rtswa dag bkram ste gos dag skems par byed cing de dag rtswa de dag 'dor bar mi byed nas der sril dag byung bar gyur nas/ bcom ldan 'das kyis bka' stsal pa/ rtswa dag dor bar bya'o/ /dge slong gzhan dag tshon rtsi'i las byed par 'dod nas de dag gis smras pa/ tshe dang ldan pa dag rtswa 'di dag ma dor cig dang kho bo cag gis kyang 'dir gos dag bskams par bya'o/ /de dag gis de dag la mi ster nas/ bcom ldan 'das kyis bka' stsal pa/ sbyin par bya'o/ /de dag gis de dang de dag tu gos dag bskams nas kho bo cag gis ma bting ngo zhes rtswa de dag 'dor bar mi byed nas/ bcom ldan 'das kyis bka' stsal pa/ de dag la rtswa 'dor ram mi 'dor zhes dri bar bya zhing / gal te 'dor ro zhes zer na sbyin par bya'o/ /gal te mi 'dor ro zhes zer na sbyin par mi bya'o/ /dge slong dag 'chag sa dag tu 'chags pa na de na sa rtsub pas de dag gi rkang mthil tsha nas/ bcom ldan 'das kyis bka' stsal pa/ der rtswa dag gding bar bya'o/ /rtswa dag bting ba dang der sril dag byung nas/ bcom ldan 'das kyis bka' stsal pa/ dor bar bya'o/ /de dag nyi ma re re zhing 'dor bar byed nas/ bcom ldan 'das kyis bka' stsal pa/ nyi ma re re zhing dor bar mi bya bar 'di ltar dus dang dus su so sor brtag par bya'o/ /gal te thams cad kyi thams cad du 'dor na de'i tshe bsdus te 'dor bar bya'o/ /dge slong dag 'chag sa dag tu rtswa'i chun po dag sa la 'jog par byed pa na der sril dag byung nas/ bcom ldan 'das kyis bka' stsal pa/ thag pas bcings nas shing ljon pa dag la spyangs te gzhags par bya'o/ / dge slong dag lci ba dag sa la 'jog par byed pa na de dag tu sril dag byung nas/ bcom ldan 'das kyis bka' stsal pa/ gyo mor gzhags par bya'o/ /de nas bcom ldan 'das kyis bslabs pa 'dod pa dang / bslabs pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de dang 'thun pa dang / de'i shas che ba dang / de dang 'brel ba'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te nga'i nyan thos rnams kyis 'dul ba la bslabs pa'i gzhi 'di ltar gdon par bya ste/ yang dge slong gang dge 'dun gyi gtsugs lags khang du rtswa'i gding ba 'am/ lo ma'i gding ba bting ngam 'ding du bcug nas ma bsdus sam/ bsdud du ma bcug gam/ dge slong 'khod pa la ma bcol bar de nas song na de 'dra ba'i rkyen ma gtogs te ltung byed do/ /yang dge slong gang zhes bya ba ni chos 'di pa'o/ /dge 'dun gyi zhes bya ba ni/ de bzhin gshegs pa'i nyan thos kyi dge 'dun gyi'o/ /gtsugs lags khang du zhes bya ba ni gang du spyod lam bzhi po 'gro ba dang / 'greng ba dang / 'dug pa dang / nyal ba byar rung bar ro/ /rtswa'i gding ba zhes bya ba ni rtswa dag go/ /lo ma'i gding ba zhes bya ba ni lo ma dag go/ /bting ngam zhes bya ba ni bdag nyid kyis so/ /'ding du bcug nas zhes bya ba ni gzhan no/ /ma bsdus sam zhes bya ba ni bdag nyid kyis so/ / bsdud du ma bcugs gam zhes bya ba ni gzhan no/ /dge slong 'khod pa la zhes bya ba ni de na dge slong gang yod pa la'o/ /ma bcol bar zhes bya ba ni ma gtad par ro/ /de nas song na zhes bya ba ni nyen kor spangs na'o/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa gding ba'i nyen kor gang lags nye ba 'khor ngas bram ze gro bzhin skyes la a mra'i sdong po shin du me tog phun sum tshogs pa/ yal ga'i tshogs phun sum tshogs pa 'dom bdun gyis bar du chod pa'i a mra'i sdong po bdun po gang dag yin pa de dag la 'dom bzhi bcu rtsa dgu yod par bstan pa de ni gding ba'i nyen kor yin no/ /de 'dra ba'i rkyen ma gtogs te zhes bya ba ni de 'dra ba'i rkyen bzhags ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / logs par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ / dge slong gi dge 'dun gyi gartsugs lags khang du rtswa'i gding ba 'am/ lo ma'i gding ba bting ngam/ 'ding du bcugs nas ma bsdus sam/ sdud du ma bcug gam/ dge slong 'khod pa la ma bcol bar de nas song na ji srid du nyen kor ma spangs kyi bar du nyes byas su 'gyur la/ nyen kor spangs na ltung byed du 'gyur ro/ /gal te lam kar bdag gis dge 'dun gyi gtsugs lags khang du rtswa'i gding ba 'am/ lo ma'i gding ba bting ngo snyams du dran zhing / gal te de 'di snyam du bdag gi tshangs pa mtshungs par spyod pa mkhas pa dag sdud par 'gyur ro/ /snyam nas dge slong des phyin cad de ltar mi bya'o snyam du sems bskyed par bya zhing tshig tu yang brjod par bya ste/ ltung ba de yang chos bzhin du phyir bya'o/ /gal te lam kar dge slong der 'gro ba mthong zhing gal te de 'di snyam du 'dis sdud par 'gyur ro snyam na/ de la 'di skad ces tshe dang ldan pa kho bos dge 'dun gyi gtsug lag khang gi phyogs ga ge mo zhig tu rtswa'i gding ba 'am/ lo ma'i gding ba bting ba de sdus shig ces brjod par bya zhing / dge slong des phyin cad de ltar mi bya'o snyam du sems bskyed par bya zhing tshig tu yang brjod par bya ste ltung ba de yang chos bzhin du phyir bya'o/ /dge slong des kyang dge slong de la khas blangs nas gus par byas te bsdu bar bya'o/ /gal te sdud par mi byed na 'gal tshab can du 'gyur ro/ /gal te der son nas bdag gis dge 'dun gyi gtsug lags khang du rtswa'i gding ba 'am lo ma'i gding ba bting ngo snyam du dran zhing / gal te de 'di snyam du bdag gis tshangs pa mtshungs par spyod pa mkhas pa dag sdud par 'gyur ro snyam na/ dge slong des phyin cad de ltar mi bya'o snyam du sems bskyed par bya zhing tshig tu yang brjod par bya ste/ ltung ba de yang chos bzhin du phyir bya'o/ /gal te der son nas dge slong der 'gro ba mthong zhing gal te 'di snyam du 'dis sdud par 'gyur ro snyam na/ de la 'di skad ces tshe dang ldan pa kho bos dge 'dun gyi gtsug lag khang du rtswa'i gding ba 'am/ lo ma'i gding ba bting ba de bsdus shig ces brjod par bya zhing / dge slong des phyin cad de lta bu mi bya'o snyam du sems bskyed par bya zhing tshig tu yang brjod par bya ste/ ltung ba de yang chos bzhin du phyir bya'o/ /dge slong des kyang dge slong de la khas blangs nas gus par byas te bsdud par bya'o/ /gal te bsdud par mi byed na 'gal tshabs can du 'gyur ro/ /dge slong gis dge 'dun gyi gtsug lag khang du rtswa'i gding ba 'am/ lo ma'i gding ba bting ngam 'ding du bcug nas ma bsdus sam/ bsdud du ma bcug gam/ dge slong 'khod pa la ma bcol bar gtsug lag khang du 'dir bdag gis sems mnyam par ma bzhag pa mnyam par gzhag go snyam pa 'am/ sems mnyam par bzhag pa rnam par grol bar bya'o snyam pas nang du yang dag 'jog gi phyir 'jug par byed cing / de ting nge 'dzin de las mtshan mo'i thun dang po 'am thun phyed na ldang bar byed na gal te phan phun du ma gyur na nyes byas su 'gyur la gal te phan phun du gyur na ltung byed du 'gyur ro/ /dge slong gis dge 'dun gyi gtsug lag khang du rtswa'i gding ba 'am/ lo ma'i gding ba bting ngam 'ding du bcug nas ma bsdus sam/ bsdud du ma bcug gam/ dge slong 'khod pa la ma bcol bar gtsug lag khang du 'dir bdag gis sems mnyam par ma bzhag pa mnyam par gzhag go snyam pa 'am/ sems mnyam par bzhag pa rnam par grol bar bya'o snyam pas nang du yang dag 'jog gi phyir 'jug par byed cing / de ting nge 'dzin de las mtshan mo'i gung thun nam/ thun tha ma 'am/ skya rengs ma shar ba 'am/ skya rengs shar ba 'am/ nyi ma ma shar ba 'am/ nyi ma shar ba 'am/ nyi ma'i brgyad cha shar ba 'am/ nyi ma'i bzhi cha shar ba 'am/ phyed ma yol ba 'am/ phyed yol ba 'am/ nyi ma'i bzhi cha lus pa 'am/ nyi ma'i brgyad cha lus pa 'am/ nyi ma ma nub pa 'am/ nyi ma nub pa 'am/ rgyu skar dag ma shar ba 'am/ rgyu skar dag shar ba na ldang bar byed na/ gal te phan phun du ma gyur na nyes byas su 'gyur la/ gal te phan phun du gyur na ltung byed du 'gyur ro/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa gding ba'i phan phun du mchis/ nye ba 'khor gnyis te/ rlung gi phan phun dang / sril gyi phan phun no/ /rlung gi phan phun gang zhe na/ rim pa gcig nas rim pa gnyis pa'i bar du bzlog par gyur pa'o/ /sril gyi phan phun gang zhe na/ rim pa gcig nas rim pa gnyis kyi bar du phan phun du gyur pa'o/ / sa gzhi rdo ba'i gzhi can dang / bye ma'i gzhi can gang du nyes dmigs de lta bu mi 'byung ba la ni ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /gding ba'i ltung byed de bcwa lnga pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la tshe dang ldan pa dag tshur shog /ljongs rgyur 'dong dang der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing khyed cag kyang lhung bzed dang / chos gos dang / dra ba dang / phor bu dang / ska rags dang / lung dbog pa dang / klag pa dang / kha ton dang / rnal 'byor dang / yid la bya bas brel ba med par bya'o/ /zhes spro bar byas pa dang / de dag gis slob dpon dang / mkhan po dag la zhus pa/ mkhan po bdag cag ljongs rgyur mchi'o/ /su dang lhan cig tu/ btsun pa 'char ka dang ngo / / tshe dang ldan pa dag de ni gnas ngan len kun du spyod pa yin pas khyed la tho 'tsham par 'gyur ro/ /mkhan po btsun pa 'char ka ni bdag cag gi pha ma lta bur rnam par gnas pa lags pas ci'i slad du de bdag cag la tho 'tsham par 'gyur zhes de dag gis de dag gi tshig tshig ma yin par byas te de dang lhan cig ljongs rgyur 'phags so/ /'char kas gang gi tshe phyi rol gyi mtshams 'das pa de'i tshe na smras pa/ tshe dang ldan pa dag khyed cag ci'i phyir gnas ma bcas par ljongs rgyur 'dong bar byed/ tshur shog gnas chos shig ces des de dag mdun du tsog pur 'dug tu bcug ste gnas 'char bcug go/ /des de dag la la la gtur bu gtad la la la lhung bzed kyi snod gtad/ la la la bar bur snod gtad/ la la la phor bu gtad/ la la la ril ba spyi blugs gtad nas/ de lag pa gnyis brkyang ste/ rngul gzan las gzhan med par 'jig rten la tho 'tsham zhing 'gro ba na/ de dag ri brags shig tu phyin nas de dag der khron pa zhig gi drung du ngal so bar byed pa na/ de na ri brags kyi gtsug lag khang zhig yod pa der gaN DI brdungs pa dang / de dag gis thos nas smras pa/ slob dpon gtsug lag khang du gaN DI brdungs kyis bzhud do/ /'char kas smras pa/ lhung bzed nag po can las med pa dag gis las kyi gaN DI brdungs shing bdag cag ngal ba dag gis las bya dgos par 'gyur ba de lta bu'i gnas yod par 'gyur ro/ /slob dpon rnyed pa'i gaN DI ma lags sam/ de yin na bdag cag mtshams su phyin na 'thob bo/ / slob dpon ni grags pa bsod nams che ba lags pas 'thob kyi bdag cag sus stsol bar 'gyur/ deng la gal te rnyed pa yod na kho bo'i yang nos shig /de dag dong ba dang ji tsam na der gnas mal gyi gaN DI brdungs nas/ dge slong rnams kyis smras pa tshe dang ldan pa dag gnas mal nos shig /de dag gis smras pa/ bdag cag las ches rgan pa yang yod do/ /su yin/ slob dpon 'char ka'o/ /de'i yang nos shig /de dag gis gnas mal mnos so/ /tshe dang ldan pa 'char ka yang de na 'du 'dzi'i gtam gyis 'dug ste/ ri brags 'di su'i/ gtsug lag khang 'di su'i/ lha khang 'di su'i/ bskyed mos tshal 'di su'i/ kun dga' ra ba 'di su'i/ khron pa 'di su'i/ zhing 'di su'i/ ba lang 'di dag su'i/ ma he 'di dag su'i zhes 'du 'dzi'i gtam gyis 'dug go/ /de dag gis kyang bsams pa/ slob dpon 'char ka yun ring du thogs par 'gyur ro snyam nas de dag gis gcig la gcig zhus te/ tshe dang ldan pa 'char ka'i mal bshams nas rkang pa'i chu dang rkang pa bkru ba mtha' gcig tu bzhag ste/ rkang pa gnyis bkrus nas me khang du zhugs te nyal lo/ /tshe dang ldan pa 'char ka yang ji srid du de'i 'du 'dzi'i gtam gyi zla yod pa de srid du 'dug 'dug nas/ gang gi tshe de'i 'du 'dzi'i gtam gyi zla med pa de'i tshe na mig lam chad pa'i dus kyi tshe gtsug lag khang du 'ongs te/ tshe dang ldan pa dag tshe dang ldan pa dag ces bod par brtsams pa dang / dge slong rnams kyis de la smras pa/ tshe dang ldan pa 'char ka 'dam bu thibs po'i gseb tu zhugs pa bzhin du ci 'bod/ 'char kas smras pa/ 'di na kho bo'i gzhon nu dag cig 'khod na de dag las 'ga' zhig na bar ma gyur tam/ de dag gis de thos nas smras pa/ slob dpon ma 'bod cig /gnas khang 'o nir gzims mal bshams te/ zhabs kyi chab dang / zhabs bkru ba yang bzhag gis der gzims shig /'char kas smras pa/ tshe dang ldan pa dag khyed kyis su la zhus te rkang pa dag bkrus/ slob dpon yun ring du thogs par gyur nas gcig la gcig zhus te sug pa dag bkrus so/ /'char kas spyos te smras pa/ gtsug lag khang nas phyir byung la/ gang 'di ltar gus pa med pa dang / rje sa med pa dag la gnas sbyin par byed pa de'i gan du song la gnas chos shig ces des de dag gtsug lag khang nas phyi rol du bskrad do/ /de dag de na mtshan thog thag bla gab med par lhags pas nyen par gyur to/ /de dag nangs par sngar langs te smras pa/ slob dpon phyag 'tshal lo/ /bdag cag mchi'o/ /gar 'dong / mnyan yod du'o/ /sdod cig dang kho bos khyed cag na ba rnams kyi nad g.yog bya'o/ /slob dpon khyod kyis bdag cag mi na ba yang na bar byas pas na ba rnams kyi nad g.yog byas re skan zhes de dag mnyan yod du dong ba dang / dge slong rnams kyis de dag la smras pa/ tshe dang ldan pa dag 'ongs pa legs so/ /ji lta bde bar brgyus/ ji ltar bde bar brgyus bdag cag slob dpon 'char kas mtshan thog thag lhags pas tho btsams so/ /ci'i phyir/ de dag gis skabs de rgyas par brjod pa dang / dge slong don nyung ngu dag ci'i phyir dge slong dag dge 'dun gyi gtsug lag khang nas dge slong skrod par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis 'char ka la smras pa/ 'char ka khyod dge 'dun gyi gtsug lag khang nas dge slong skrod pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khros 'khrugs rngam par gyur te/ yi ma rangs nas dge 'dun gyi gtsug lag khang nas dge slong skrod dam skrod du 'jud na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' bar mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na sa'i gtsug lag khang zhig yod pa de na dge slong nad pa zhig 'dug nas/ ji tsam na sprin kha dog lnga pa 'dus nas dge slong rnams kyis de la smras pa/ tshe dang ldan pa sprin kha dog lnga pa 'dus pas gtsug lag khang rdib par 'gyur srid kyis phyir byung shig /kho bo rang 'byung mi nus so/ /dge slong rnams 'gyod pas ma phyung nas char bab ste gtsug lag khang rdib nas des dge slong de non te dus la bab pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khros 'khrugs rngam par gyur te/ yi ma rangs nas dge 'dun gyi gtsug lag khang nas dge slong skrod dam skrod du 'jug na de 'dra ba'i rkyen ma gtogs te ltung byed do/ /yang dge slong gang zhes bya ba ni 'char ka 'am/ gzhan yang de lta bu gang yin pa'o/ /khros 'khrugs rngam par gyur te/ yi ma rangs nas shes bya ba ni khros shing khro ba'i zil gyis non nas so/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /gtsug lag khang nas shes bya ba ni gang du spyod lam bzhi po 'gro ba dang / 'greng ba dang / 'dug pa dang / nyal ba dag byar rung ba nas so/ /dge slong zhes bya ba ni chos 'di pa'o/ /skrod dam zhes bya ba ni bdag nyid kyis so/ /skrod du 'jud na zhes bya ba ni gzhan no/ /de 'dra ba'i rkyen ma gtogs te zhes bya ba ni de 'dra ba'i rkyen bzhag ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam du khros 'khrugs rngam par gyur te/ yi ma rangs nas dge 'dun gyi gtsug lag khang nas dge slong skrod dam skrod du 'jud na thams cad du ltung byed du 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /skrod pa'i ltung byed de bcu drug pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la tshe dang ldan pa dag tshur shog /ljongs rgyur 'dongs dang der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing / khyed cag kyang lhung bzed dang / chos gos dang / dra ba dang / phor bu dang / ska rags dang / lung 'bog pa dang / klag pa dang / kha ton dang / rnal 'byor dang / yid la bya bas brel ba med par bya'o zhes spro bar byas pa dang / de dag gis slob dpon dang / mkhan po dag la zhus pa mkhan po bdag cag ljongs rgyur mchi'o/ /su dang lhan cig tu/ btsun pa 'char ka dang ngo / /tshe dang ldan pa dag de ni gnas ngan len kun du spyod pa yin pas khyed la tho 'tsham par 'gyur ro/ /mkhan po btsun pa 'char ka ni bdag cag gi pha ma lta bur rnam par gnas pa lags pas ci'i slad du de bdag cag la tho 'tsham par 'gyur zhes de dag gis de dag gi tshig tshig ma yin par byas te/ de dang lhan cig ljongs rgyur 'phags so/ / 'char kas gang gi tshe phyi rol gyi mtshams 'das pa de'i tshe na smras pa/ tshe dang ldan pa dag khyed cag ci'i phyir gnas ma bcas par ljongs rgyur 'dong bar byed/ tshur shog gnas chos shig ces des de dag mdun du tsog pur 'dug tu bcug ste gnas 'char bcug go/ /des de dag la la la gtur bu gtad/ la la la lhung bzed kyi snod gtad/ la la la bar bur gtad/ la la la phor bu gtad/ la la la ril ba spyi blugs gtad nas de lag pa gnyis brkyang ste/ rngul gzan las gzhan med par 'jig rten la tho 'tsham zhing 'gro ba na de dag ri brags shig tu phyinas de dag der khron pa zhig gi drung du ngal so bar byed pa na de na ri brags kyi gtsug lag khang zhig yod pa der gaN DI brdungs pa dang / de dag gis thos nas smras pa/ slob dpon gtsug lag khang du gaN DI brdungs kyis bzhud do/ /'char kas smras pa/ lhung bzed nag po can las med pa dag gis las kyi gaN DI brdungs shing bdag cag ngal ba dag gis las bya dgos par 'gyur ba de lta bu'i gnas yod par 'gyur ro/ /slob dpon rnyed pa'i gaN DI ma lags sam/ de yin na bdag cag mtshams su phyin na 'thob bo/ /slob dpon ni grags pa bsod nams che ba lags pas thob kyi bdag cag la sus stsol bar 'gyur/ deng la gal te rnyed pa yod na kho bo'i yang nos shig /de dag dong ba dang ji tsam na der gnas mal gyi gaN DI brdungs nas dge slong rnams kyis smras pa/ tshe dang ldan pa dag gnas mal nos shig /de dag gis smras pa/ bdag cag las ches rgan pa yang yod do/ /su yin/ slob dpon 'char ka'o/ /de'i yang nos shig /de dag gis gnas mal mnos so/ /tshe dang ldan pa 'char ka yang de na 'du 'dzi'i gtam gyis 'dug ste/ ri brags 'di su'i gtsug lag khang 'di su'i/ lha khang 'di su'i/ bskyed mos tshal 'di su'i/ kun dga' ra ba 'di su'i/ khron pa 'di su'i/ zhing 'di su'i/ ba lang 'di dag su'i/ ma he 'di dag su'i zhes 'du 'dzi'i gtam gyis 'dug go/ /de dag gis kyang bsams pa/ slob dpon 'char ka yun ring du thogs par 'gyur ro snyam nas de dag gis gcig la gcig zhus te/ tshe dang ldan pa 'char ka'i mal bshams nas rkang pa'i chu dang / rkang pa bsku ba mtha' gcig tu bzhag ste/ rkang pa gnyis bkrus nas me khang du zhugs te nyal lo/ /tshe dang ldan pa 'char ka yang ji srid du de'i 'du 'dzi'i gtam gyi zla yod pa de srid du 'dug 'dug nas/ gang gi tshe de'i 'du 'dzi'i gtam gyi zla med pa de'i tshe na mig lam chad pa'i dus kyi tshe gtsug lag khang du 'ongs te tshe dang ldan pa dag tshe dang ldan pa dag ces bod par brtsams pa dang / dge slong rnams kyis de la smra ba/ tshe dang ldan pa 'char ka 'dam bu thibs po'i gseb tu zhugs pa bzhin du ci 'bod 'char kas smras pa/ 'di na kho bo'i gzhon nu dag cig 'khod na de dag las 'ga' zhig na bar ma gyur tam/ de dag gis de thos nas smras pa/ slob dpon ma 'bod cig /gnas khang 'o nir gzims mal bshams te/ zhabs kyi chab dang / zhabs bsku ba yang bzhag gis der gzims shig /'char kas smras pa/ tshe dang ldan pa dag khyed kyis su la zhus te rkang pa dag bkrus/ slob dpon yun ring du thogs par gyur nas gcig la gcig zhus te sug pa dag bkrus so/ /'char kas spyos te smras pa/ kho bo khyed dang lhan cig bya ba cung zhig yod kyis sgo phye shig /de dag gis sgo ma phye ba dang / des spyos te sgo glegs la rdog pas brdabs nas des me khang thams cad 'gul bar gyur to/ /de dag skrag nas bsams pa/ 'di stobs dang ldan pa yin pas dge 'dun gyi gtsug lag khang rdib par gyur na mi rung gis sgo dbye'o snyam nas de dag gis sgo phye ba dang / de nang du zhugs nas de dag gi dbus su bsgyel te/ des de dag kha cig la ni gru mos bsnun kha cig la ni pus mos bsnun nas de dag gis smras pa/ slob dpon bdag cag gnad do/ /bdag cag gnad do/ /'char kas smras pa/ su la gnod pa de 'gro bar 'gyur ro/ /de dag gis gcig la gcig smras pa/ tshe dang ldan pa dag 'di ni stobs dang ldan pa yin pas 'dis bdag cag thams cad kyi thams cad du srog dang bral bar byed par 'gyur ba gang yin pa de lta bu'i gnas yod par 'gyur gyis phyir 'byung bar bya'o zhes de dag phyir byung ngo / /de dag de na mtshan thog tag bla gab med pa na lhags pas nyen par gyur to/ /de dag nang par sngar langs te smras pa/ slob dpon phyag 'tshal lo/ /bdag cag mchi'o/ /gar 'dong / mnyan yod du'o/ / sdod cig dang kho bos khyed cag na ba rnams kyi nad g.yog bya'o/ /slob dpon khyod kyis bdag cag mi na ba yang na bar byas pas na ba rnams kyi nad g.yog byas re skan zhes de dag mnyan yod du dong ba dang / dge slong rnams kyis de dag la smras pa/ tshe dang ldan pa dag 'ongs pa legs so/ /'ongs pa legs so/ /ji lta bde bar brgyus sam/ ji ltar bde bar brgyus/ bdag cag slob dpon 'char kas mtshan thog thag lhags pas tho btsams so/ /ci'i phyir/ de dag gis skabs de rgyas par brjod pa dang / dge slong don nyung ngu dag ci'i phyir dge slong dag dge 'dun gyi gtsug lag khang na dge slong dag snga na 'khod par shes bzhin du phyis 'ongs nas su la gnod pa de 'gro bar 'gyur ba de nyid rkyen du byas te phyis gnon byed cing stan la nyal ba dang 'dug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod kyis dge 'dun gyi gtsug lag khang na dge slong dag snga na 'khod par shes bzhin du phyis 'ongs nas su la gnod pa de 'gro bar 'gyur ba de nyid rkyen du byas te phyis gnon byas nas stan la nyal lam 'dug pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa yang snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi gtsug lag khang na dge slong dag snga na 'khod par shes bzhin du phyis 'ongs nas su la gnod pa de 'gro bar 'gyur ba de nyid rkyen du byas te phyis gnon byas nas stan la nyal lam 'dug na ltung byed do/ /yang dge slong gang zhes bya ba ni 'char ka 'am/ gzhan yang de lta bu gang yin pa'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /gtsug lag khang na zhes bya ba ni gang du spyod lam bzhi po 'gro ba dang / 'greng ba dang / 'dug pa dang / nyal ba dag byar rung ba na'o/ /dge slong dag ces bya ba ni chos 'di pa dag go/ /snga na 'khod pa zhes bya ba ni snga na gnas par ro/ /shes bzhin du zhes bya ba ni de rang gis rig par gyur pa 'am/ gzhan dag gis bstan pas so/ /phyis 'ongs nas shes bya ba ni de'i 'og tu 'ongs nas so/ /su la gnod pa zhes bya ba ni su bde ba la reg par mi 'gyur ba'o/ /de 'gro bar 'gyur ba zhes bya ba ni de de nas gzhan du 'gro bar 'gyur ba'o/ / de nyid rkyen du byas te zhes bya ba ni gzhan ma yin pa'o/ /phyis gnon byas nas shes bya ba ni gnod pas zil gyis mnan nas so/ /stan la zhes bya ba ni gnas mal la'o/ /nyal na zhes bya ba ni lus bsnyal na'o/ /'dug na zhes bya ba ni kub tshos bzhag na'o/ /ltung byed do zhes bya ba ni sems can dmyal ba dang dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad dge 'dun gyi gtsug lag khang na dge slong dag snga na 'khod par shes bzhin du phyis 'ongs nas su la gnod pa de 'gro bar 'gyur ba de nyid rkyen du byas te phyis gnon byas nas stan la nyal lam 'dug na thams cad du ltung byed du 'gyur ro// //bar sdom la/ ngan dang bsod dang grang dro dang / /chol zangs dang ni bkrus sman dang / /rnal 'byor 'thun dang kha ton dang / /'jigs dang bcas dang 'jigs med do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la tshe dang ldan pa dag tshur shog /ljongs rgyur 'dong dang der bdag cag gis rgol ba dag kyang tshar gcad par bya/ rang gi grags pa yang bsgrag par bya rnyed pa yang bsgrub par bya zhing khyed cag kyang lhung bzed dang / chos gos dang / dra ba dang / phor bu dang / ska rags dang / lung 'bog pa dang / klag pa dang / kha ton dang / rnal 'byor dang / yid la bya bas brel ba med par bya'o zhes spro bar byas pa dang / de dag gis slob dpon dang / mkhan po dag la zhus pa/ mkhan po bdag cag ljongs rgyur mchi'o/ /su dang lhan cig tu/ btsun pa 'char ka dang ngo / /tshe dang ldan pa dag de ni gnas ngan len kun tu spyod pa yin pas khyed la tho 'tsham par 'gyur ro/ /mkhan po btsun pa 'char ka ni bdag cag gi pha ma lta bur rnam par gnas pa lags pas ci'i slad du bdag cag la tho 'tsham par 'gyur zhes de dag gis de dag gi tshig tshig ma yin par byas te de dang lhan cig ljongs rgyur 'phags so/ /'char kas gang gi tshe phyi rol gyi mtshams 'das pa de'i tshe na smras pa/ tshe dang ldan pa dag khyed cag ci'i phyir gnas ma bcas par ljongs rgyur 'dong bar byed/ tshur shog gnas chos shig ces des de dag mdun du tsog pur 'dug tu bcug ste gnas 'char bcug go/ /des de dag la la la gtur bu gtad/ la la la lhung bzed kyi snod gtad/ la la la bar bur snod gtad/ la la la phor bu gtad/ la la la ril ba spyi blugs gtad nas de lag pa gnyis brkyang ste rngul gzan las gzhan med par 'jig rten la tho 'tsham zhing 'gro ba na de dag ri brags shig tu phyin nas/ de dag der khron pa zhig gi drung du ngal so bar byed pa na de na ri brags kyi gtsug lag khang zhig yod pa der gaN DI brdungs pa dang / de dag gis thos nas smras pa/ slob dpon gtsug lag khang du gaN DI brdungs kyis bzhud do/ /'char kas smras pa/ lhung bzed nag po can las med pa dag gis las kyi gaN DI brdungs shing / bdag cag ngal ba dag gis las bya dgos par 'gyur ba de lta bu'i gnas yod par 'gyur ro/ /slob dpon rnyed pa'i gaN DI ma lags sam de yin na bdag cag mtshams su phyin na 'thob bo/ /slob dpon ni grags pa bsod nams che ba lags pas 'thob kyi bdag cag sus stsol bar 'gyur/ deng la gal te rnyed pa yod na kho bo'i yang nos shig /de dag dong ba dang ji tsam na der gnas mal gyi gaN DI brdungs nas dge slong rnams kyis smras pa/ tshe dang ldan pa dag gnas mal nos shig /de dag gis smras pa/ bdag cag las ches rgan pa yang yod do/ /su yin/ slob dpon 'char ka'o/ /de'i yang nos shig de dag gis gnas mal mnos so/ /tshe dang ldan pa 'char ka yang de na 'du 'dzi'i gtam gyis 'dug ste ri brags 'di su'i/ gtsug lag khang 'di su'i/ lha khang 'di su'i/ bskyed mos tshal 'di su'i/ kun dga' ra ba 'di su'i/ khron pa 'di su'i/ zhing 'di su'i/ ba lang 'di dag su'i/ ma he 'di dag su'i zhes 'du 'dzi'i gtam gyis 'dug go/ /de dag gis kyang bsams pa/ slob dpon 'char ka yun ring du thogs par 'gyur ro snyam nas de dag gis gcig la gcig zhus te/ tshe dang ldan pa 'char ka'i mal bshams nas/ rkang pa'i chu dang / rkang pa bsku ba mtha' gcig tu bzhag ste/ gcig la gcig smras pa/ tshe dang ldan pa dag deng bdag cag gis kha zas ngan pa dag zos pas kha ton mi nus kyis re shig yid la byed pa bskyed par bya'o zhes de dag dpong sa'i khang par zhugs nas skyil mo krung bcas te bsam gtan bya bar brtsams so/ /tshe dang ldan pa 'char ka yang ji srid du de'i 'du 'dzi'i gtam gyi zla yod pa de srid du 'dug 'dug nas gang gi tshe de'i 'du 'dzi'i gtam gyi zla med pa de'i tshe mig lam chad pa'i dus kyi tshe gtsug lag khang du 'ongs te/ tshe dang ldan pa dag tshe dang ldan pa dag ces bod par brtsams pa dang / dge slong rnams kyis de la smras pa/ tshe dang ldan pa 'char ka 'dam bu thibs po'i gseb tu zhugs pa bzhin du ci 'bod/ 'char kas smras pa/ 'di na kho bo'i gzhon nu dag cig 'khod na de dag las 'ga' zhig na bar ma gyur tam/ de dag gis de thos nas smras pa/ slob dpon ma 'bod cig /gnas khang 'o nir gzims mal bshams te/ zhabs kyi chab dang / zhab bsku ba yang bzhag gis der gzims shig /bdag cag deng kha zas ngan pa dag 'tshal bas kha ton rngo mi thog nas re shig dpong sa'i khang pa 'dir bsam gtan bgyid do/ /'char kas smras pa/ tshe dang ldan pa dag bcom ldan 'das kyis mi klog pa la shes rab med do zhes ma gsungs sam/ tshur sheg kha ton gyis shig ces des de dag zung du lhan cig bzhag ste/ mtshan thog tag kha ton byed du bcug go/ /de dag nang par sngar langs te smras pa/ slob dpon phyag 'tshal lo/ /bdag cag mchi'o/ /gar 'dong / mnyan yod du'o/ /sdod cig dang kho bos khyed cag na ba rnams kyi nad g.yog bya'o/ /slob dpon khyod kyis bdag cag mi na ba yang na bar byas pas na ba rnams kyi nad g.yog byas re skan zhes de dag mnyan yod du dong ba dang / dge slong rnams kyis de dag la smras pa/ tshe dang ldan pa dag 'ongs pa legs so/ /'ongs pa legs so/ ji lta bde bar brgyus sam/ ji ltar bde bar brgyus/ bdag cag slob dpon 'char kas mtshan thog thag tho btsams so/ /ji ltar tho btsams/ de dag gis skabs de dge slong rnams la rgyas par brjod do/ /dge slong don nyung ngu dag ci'i phyir dge slong dag ched du bsams te dge slong rnams la tho 'tsham par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis ji tsam cung zad dge slong la tho 'tshams par byed na thams cad du ltung byed du 'gyur ro// //'dul ba rnam par 'byed pa/ bam po bzhi bcu rtsa lnga pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la tshe dang ldan pa dag tshur sheg /ljongs rgyur 'dong dang der bdag cag gis rgol ba dag kyang tshar bcad par bya/ rang gi grags pa yang bsgrag par bya/ rnyed pa yang bsgrub par bya zhing / khyed cag kyang lhung bzed dang / chos gos dang / dra ba dang / phor bu dang / ska rags dang / lung dbog pa dang / klag pa dang / kha ton dang / rnal 'byor dang / yid la bya bas brel ba med par bya'o zhes spro bar byas pa dang / de dag gis slob dpon dang / mkhan po dag la zhus pa/ mkhan po bdag cag ljongs rgyur mchi'o/ /su dang lhan cig tu/ btsun pa 'char ka dang ngo / /tshe dang ldan pa dag de ni gnas ngan len kun du spyod pa yin pas khyed la tho 'tsham par 'gyur ro/ /mkhan po btsun pa 'char ka ni bdag cag gi pha ma lta bur rnam par gnas pa lags pas ci'i slad du bdag cag la tho 'tsham par 'gyur zhes de dag gis de dag gi tshig tshig ma yin par byas te de dang lhan cig ljongs rgyur 'phags so/ /'char kas gang gi tshe phyi rol gyi mtshams 'das pa de'i tshe na smras pa/ tshe dang ldan pa dag khyed cag ci'i phyir gnas ma bcas par ljongs rgyur 'dong bar byed/ tshur sheg gnas chos shig ces des de dag mdun du tsog pur 'dug tu bcug ste gnas 'char bcug go/ /des de dag la la la gtur bu gtad/ la la la lhung bzed kyi snod gtad/ la la la bar bur snod gtad/ la la la phor bu gtad/ la la la ril ba spyi blugs gtad nas/ de lag pa gnyis brkyang ste/ rngul gzan las gzhan med par 'jig rten la tho 'tsham zhing 'gro ba na/ de dag ri brags shig tu phyin nas de dag der khron pa zhig gi drung du ngal so bar byed pa na de na ri brags kyi gtsug lag khang zhig yod pa der gaN DI brdungs pa dang / de dag gis thos nas smras pa/ slob dpon gtsug lag khang du gaN DI brdungs kyis bzhud do/ /'char kas smras pa/ lhung bzed nag po can las med pa dag gis las kyi gaN DI brdungs shing bdag cag ngal ba dag gis las bya dgos par 'gyur ba de lta bu'i gnas yod par 'gyur ro/ /slob dpon rnyed pa'i gaN DI ma lags sam/ de yin na bdag cag mtshams su phyin na thob bo/ /slob dpon ni grags pa bsod nams che ba lags pas 'thob kyi bdag cag sus stsol bar 'gyur/ deng la gal te rnyed pa yod na kho bo'i yang nos shig /de dag dong ba dang ji tsam na der gnas mal gyi gaN DI brdungs nas dge slong rnams kyis smras pa/ tshe dang ldan pa dag gnas mal nos shig /de dag gis smras pa/ bdag cag las ches rgan pa yang yod do/ /su yin/ slob dpon 'char ka'o/ /de'i yang nos shig /de dag gis gnas mal mnos so/ /tshe dang ldan pa 'char ka yang de na 'du 'dzi'i gtam gyis 'dug ste ri brags 'di su'i/ gtsug lag khang 'di su'i/ lha khang 'di su'i/ bskyed mos tshal 'di su'i/ kun dga' ra ba 'di su'i/ khron pa 'di su'i/ zhing 'di su'i/ ba lang 'di dag su'i/ ma he 'di dag su'i zhes 'du 'dzi'i gtam gyis 'dug go/ /de dag gis kyang bsams pa/ slob dpon 'char ka yun ring du thogs par 'gyur ro snyam nas de dag gis gcig la gcig zhus te/ tshe dang ldan pa 'char ka'i mal bshams nas/ rkang pa'i chu dang / rkang pa bsku ba mtha' gcig tu bzhag ste gcig la gcig smras pa/ tshe dang ldan pa deng bdag cag gis kha zas bsod pa dag zos pas re shig zung gis lhan cig kha ton bya'o zhes de dag gis zung gis kha ton bya bar brtsams so/ /tshe dang ldan pa 'char ka yang ji srid du de'i 'du 'dzi'i gtam gyi zla yod pa de srid su 'dug 'dug nas gang gi tshe de'i 'du 'dzi'i gtam gyi zla med pa de'i tshe na mig lam chad pa'i dus kyi tshe gtsug lag khang du 'ongs te de dag la dris pa/ tshe dang ldan pa dag ci byed/ slob dpon bdag cag gis deng kha zas bsod pa dag 'tshal bas re shig zung gis kha ton bgyid do/ /'char kas smras pa/ tshe dang ldan pa dag bcom ldan 'das kyis bsam gtan mi byed pa la shes rab med do zhes ma gsungs sam/ tshur shog bsam gtan gyis shig ces des de dag dpong sa'i khang par btsud de skyil mo dkrung 'char bcug nas mtshan thog tag bsril to/ /de dag nang par sngar langs te smras pa/ slob dpon phyag 'tshal lo/ /bdag cag mchi'o/ /gar 'dong / mnyan yod du'o/ /sdod cig dang kho bos khyed cag na ba rnams kyi nad g.yog bya'o/ /slob dpon khyod kyis bdag cag mi na ba yang na bar byas pas na ba rnams kyi nad g.yog byas re skan zhes de dag mnyan yod du dong ba dang / dge slong rnams kyis de dag la smras pa/ tshe dang ldan pa dag 'ongs pa legs so/ /'ongs pa legs so/ /ji lta bde bar brgyus sam/ ji ltar bde bar brgyus/ bdag cag slob dpon 'char kas mtshan thog thag tho btsams so/ /ji ltar tho btsams/ de dag gis skabs de dge slong rnams la rgyas par brjod do/ /dge slong don nyung ngu dag ci'i phyir dge slong dag ched du bsams te dge slong rnams la tho 'tsham par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis ji tsam cung zad dge slong la tho 'tsham par byed na thams cad du ltung byed du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la tshe dang ldan pa dag tshur sheg /ljongs rgyur 'dong dang der bdag cag gis rgol ba dag kyang tshar gcad par bya/ rang gis grags pa yang bsgrag par bya/ rnyed pa yang bsgrub par bya zhing / khyed cag kyang lhung bzed dang / chos gos dang / dra ba dang / phor bu dang / ska rags dang / lung dbog pa dang / klag pa dang / kha ton dang / rnal 'byor dang / yid la bya bas brel ba med par bya'o zhes spro bar byas pa dang / de dag gis slob dpon dang / mkhan po dag la zhus pa/ mkhan po bdag cag ljongs rgyur mchi'o/ /su dang lhan cig tu/ btsun pa 'char ka dang ngo / /tshe dang ldan pa dag de ni gnas ngan len kun du spyod pa yin pas khyed la tho 'tsham par 'gyur ro/ /mkhan po btsun pa 'char ka ni bdag cag gi pha ma lta bur rnam par gnas pa lags pas ci'i slad du bdag cag la tho 'tsham par 'gyur zhes de dag gis de dag gi tshig tshig ma yin par byas te de dang lhan cig ljongs rgyur 'phags so/ /'char kas gang gi tshe phyi rol gyi mtshams 'das pa'i tshe na smras pa/ tshe dang ldan pa dag khyed cag ci'i phyir gnas ma bcas par ljongs rgyur 'dong bar byed tshur shog gnas chos shig ces des de dag mdun du tsog pur 'dug tu bcug ste gnas 'char bcug go/ / des de dag la la la gtur bu gtad/ la la la lhung bzed kyi snod gtad/ la la la bar bur snod gtad/ la la la phor bu gtad/ la la la ril ba spyi blugs gtad nas/ de lag pa gnyis brkyang ste rngul gzan las gzhan med par 'jig rten la tho 'tsham zhing 'gro ba na de dag ri brags shig tu phyin nas de dag der khron pa zhig gi drung du ngal so bar byed pa na/ de na ri brags kyi gtsug lag khang zhig yod pa der gaN DI brdungs pa dang / de dag gis thos nas smras pa/ slob dpon gtsug lag khang du gaN DI brdungs kyis bzhud do/ /'char kas smras pa/ lhung bzed nag po can las med pa dag gis las kyi gaN DI brdungs shing bdag cag ngal ba dag gis las bya dgos par 'gyur ba de lta bu'i gnas yod par 'gyur ro/ /slob dpon rnyed pa'i gaN DI ma lags sam/ de yin na bdag cag mtshams su phyin na 'thob bo/ /slob dpon ni grags pa bsod nams che ba lags pas thob kyi bdag cag la sus stsol bar 'gyur/ deng la gal te rnyed pa yod na kho bo'i yang nos shig /de dag dong ba dang / ji tsam na der gnas mal gyi gaN DI brdungs nas dge slong rnams kyis smras pa/ tshe dang ldan pa dag gnas mal nos shig de dag gis smras pa bdag cag las ches rgan pa yang yod do/ /su yin/ slob dpon 'char ka'o/ /de'i yang nos shig de dag gis gnas mal mnos so/ /tshe dang ldan pa 'char ka yang de na 'du 'dzi'i gtam gyis 'dug ste ri brags 'di su'i/ gtsug lag khang 'di su'i/ lha khang 'di su'i/ bskyed mos tshal 'di su'i/ kun dga' ra ba 'di su'i/ khron pa 'di su'i/ zhing 'di su'i/ ba lang 'di dag su'i/ ma he 'di dag su'i zhes 'du 'dzi'i gtam gyis 'dug go/ /de dag gis kyang bsams pa/ slob dpon 'char ka yun ring du thogs par 'gyur ro/ /snyam nas de dag gis gcig la gcig zhus te/ tshe dang ldan pa 'char ka'i mal bshams nas/ rkang pa'i chu dang / rkang pa bsku ba mtha' gcig tu bzhag ste gcig la gcig smras pa/ tshe dang ldan pa dag da ltar grang ba'i dus la bab kyis bdag cag me khang du zhugs te nyal lo zhes de dag me khang du zhugs te nyal lo/ /tshe dang ldan pa 'char ka yang ji srid du de'i 'du 'dzi'i gtam gyi zla yod pa de srid du 'dug 'dug nas gang gi tshe de'i 'du 'dzi'i gtam gyi zla med pa de'i tshe na mig lam chad pa'i dus kyi tshe gtsug lag khang du 'ongs te tshe dang ldan pa dag ces bod par brtsams pa dang / dge slong rnams kyis de la smras pa/ tshe dang ldan pa 'char ka 'dam bu thibs po'i gseb tu zhugs pa bzhin du ci 'bod/ 'char kas smras pa/ 'di na kho bo'i gzhon nu dag cig 'khod na de dag las 'ga' zhig na bar ma gyur tam/ de dag gis de thos nas smras pa/ slob dpon ma 'bod cig /gnas khang 'o nir gzims mal bshams te zhabs kyi chab dang / zhabs bsku ba yang bzhag gis der gzims shig /bdag cag da ltar grang ba'i dus la bab pas me khang du zhugs te mchis nyal lo/ / tshe dang ldan pa dag khyed cag gal te khrag nad dam/ mkhris nad g.yos par gyur na kho bos yun de srid du khyed kyi nad g.yog byed par ga la nus phyir byung shig ces des de dag bla gab med par bton te chu grang mos btab nas mtshan thog tag bsil yab kyis g.yabs so/ /de dag gis mtshan mo'i nam nangs nas smras pa/ slob dpon phyag 'tshal lo/ /bdag cag mchi'o/ /gar 'dong / mnyan yod du'o/ /sdod cig dang kho bos khyed cag na ba rnams kyi nad g.yog bya'o/ /slob dpon khyed kyis kho bo cag mi na ba yang na bar byas pas na ba rnams kyi nad g.yog byas re skan zhes de dag mnyan yod du dong ba dang / dge slong rnams kyis de dag la smras pa/ tshe dang ldan pa dag 'ongs pa legs so 'ongs pa legs so/ / ji lta bde bar brgyus sam/ ji ltar bde bar brgyus/ bdag cag slob dpon 'char kas mtshan thog thag tho btsam so/ /ji ltar tho btsams/ de dag gis skabs de dge slong rnams la rgyas par brjod do/ /dge slong don nyung ngu dag ci'i phyir dge slong dag ched du bsams te dge slong rnams la tho 'tsham par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag ji tsam cung zad dge slong la tho 'tsham par byed na thams cad du ltung byed du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la tshe dang ldan pa dag tshur shog /ljongs rgyur 'dong dang / der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing / khyed cag kyang lhung bzed dang / chos gos dang / dra ba dang / phor bu dang / ska rags dang / lung dbog pa dang / klag pa dang / kha ton dang / rnal 'byor dang / yid la bya bas brel ba med par bya'o zhes spro bar byas pa dang / de dag gis slob dpon dang / mkhan po dag la zhus pa/ mkhan po bdag cag ljongs rgyur mchi'o/ /su dang lhan cig tu/ btsun pa 'char ka dang ngo / /tshe dang ldan pa dag de ni gnas ngan len kun du spyod pa yin pas khyed la tho 'tsham par 'gyur ro/ /mkhan po btsun pa 'char ka ni bdag cag gi pha ma lta bur rnam par gnas pa lags pas ci'i slad du bdag cag la tho 'tsham par 'gyur zhes de dag gis de dag gi tshig tshig ma yin par byas te de dang lhan cig ljongs rgyur 'phags so/ /'char kas gang gi tshe phyi rol gyi mtshams 'das pa de'i tshe na smras pa/ tshe dang ldan pa dag khyed cag ci'i phyir gnas ma bcas par ljongs rgyur 'dong bar byed/ tshur shog gnas chos shig ces des de dag mdun du tsog pur 'dug tu bcug ste gnas 'char bcug go/ /des de dag la la la gtur bu gtad/ la la la lhung bzed kyi snod gtad/ la la la bar bur snod gtad/ la la la phor bu gtad/ la la la ril ba spyi blugs gtad nas/ de lag pa gnyis brkyang ste/ rngul gzan las gzhan med par 'jig rten la tho 'tsham zhing 'gro ba na/ de dag ri brags shig tu phyin nas de dag der khron pa zhig gi drung du ngal so bar byed pa na de na ri brags kyi gtsug lag khang zhig yod pa der gaN DI brdungs pa dang / de dag gis thos nas smras pa/ slob dpon gtsug lag khang du gaN DI brdungs kyis bzhud do/ /'char kas smras pa/ lhung bzed nag po can las med pa dag gis las kyi gaN DI brdungs shing bdag cag ngal ba dag gis las bya dgos par 'gyur ba de lta bu'i gnas yod par 'gyur ro/ /slob dpon rnyed pa'i gaN DI ma lags sam/ de yin na bdag cag mtshams su phyin na 'thob bo/ /slob dpon ni grags pa bsod nams che ba lags pas 'thob kyi bdag cag la sus stsol bar 'gyur/ deng la gal te rnyed pa yod na kho bo'i yang nos shig /de dag dong ba dang ji tsam na der gnas mal gyi gaN DI brdungs nas dge slong rnams kyis smras pa/ tshe dang ldan pa dag gnas mal nos shig /de dag gis smras pa/ bdag cag las ches rgan pa yang yod do/ /su yin/ slob dpon 'char ka'o/ /de'i yang nos shig /de dag gis gnas mal mnos so/ /tshe dang ldan pa 'char ka yang de na 'du 'dzi'i gtam gyis 'dug ste ri brags 'di su'i/ gtsug lag khang 'di su'i/ lha khang 'di su'i/ bskyed mos tshal 'di su'i/ kun dga' ra ba 'di su'i/ khron pa 'di su'i/ zhing 'di su'i/ ba lang 'di dag su'i/ ma he 'di dag su'i zhes 'du 'dzi'i gtam gyis 'dug go/ /de dag gis bsams pa/ slob dpon 'char ka yun ring du thogs par 'gyur ro snyam nas/ de dag gis gcig la gcig zhus te tshe dang ldan pa 'char ka'i mal bshams nas rkang pa'i chu dang / rkang pa bsku ba mtha' gcig tu bzhag ste gcig la gcig smras pa/ tshe dang ldan pa dag da ltar dro ba'i dus la bab kyis bdag cag dpong sa'i khang par zhugs te nyal lo zhes de dag dpong sa'i khang par zhugs te nyal lo/ /tshe dang ldan pa 'char ka yang ji srid du de'i 'du 'dzi'i gtam gyi zla yod pa de srid du 'dug 'dug nas gang gi tshe 'du 'dzi'i gtam gyi zla med pa de'i tshe na mig lam ma chad pa'i dus kyi tshe gtsug lag khang du 'ongs te tshe dang ldan pa dag tshe dang ldan pa dag ces bod par brtsams pa dang / dge slong rnams kyis de la smras pa/ tshe dang ldan pa 'char ka 'dam bu thibs po'i gseb tu zhugs pa bzhin du ci 'bod/ 'char kas smras pa/ 'di na kho bo'i gzhon nu dag gcig 'khod na de dag las 'ga' zhig na bar ma gyur tam/ de dag gis de thos nas smras pa/ slob dpon ma 'bod cig /gnas khang 'o nir gzims mal bshams te zhabs kyi chab dang / zhabs bsku ba yang bzhag gis der gzims shig /bdag cag da ltar dro ba'i dus la bab pas dpong sa'i khang par zhugs te nyal lo/ /tshe dang ldan pa dag khyed cag gal te rlung 'am/ bad kan g.yos par gyur na kho bos yun de srid du khyed kyi nad g.yog byed par ga la nus/ byibs shig ces des de dag nang du btsud nas skar khung dag bcad de me sbar nas sgo bcad de la ba ji snyed yod pa dag gis dkris te steng du mnan nas 'dug go/ /de dag gis mtshan mo'i nam nangs nas smras pa/ slob dpon phyag 'tshal lo/ /bdag cag mchi'o/ /gar 'dong / mnyan yod du'o/ /sdod cig dang kho bos khyed cag na ba rnams kyi nad g.yog bya'o/ /slob dpon khyed kyis bdag cag mi na ba yang na bar byas pas na ba rnams kyi nad g.yog byas re skan zhes de dag mnyan yod du dong ba dang / dge slong rnams kyis de dag la smras pa/ tshe dang ldan pa dag 'ongs pa legs so/ /'ongs pa legs so/ /ji lta bde bar brgyus sam/ ji ltar bde bar brgyus/ bdag cag slob dpon 'char kas mtshan thog thag tho btsams so/ /ji ltar tho btsams/ de dag gis skabs de dge slong rnams la rgyas par brjod do/ /dge slong don nyung ngu dag ci'i phyir dge slong dag ched du bsams te dge slong rnams la tho 'tsham par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis ji tsam du cung zad dge slong la tho 'tsham par byed na thams cad du ltung byed du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la tshe dang ldan pa dag tshur shog /ljongs rgyur 'dong dang der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing khyed cag kyang lhung bzed dang / chos gos dang / dra ba dang / phor bu dang / ska rags dang / lung dbog pa dang / klag pa dang / kha ton dang / rnal 'byor dang / yid la bya bas brel ba med par bya'o/ /khyed cag na ba dag gi nad g.yog kyang bya'o zhes spro bar byas pa dang / de gang gi tshe na dge slong rnams kyis 'di gnas ngan len kun tu spyod pa yin no zhes bya bar shes par gyur pa de'i tshe na 'ga' yang de dang lhan gcig ljongs rgyur 'gro bar spro ba med nas/ de gcig pu ljongs rgyur song ba na ri brags kyi gtsug lag khang zhig tu phyin to/ /gtsug lag khang de na bshang ba'i skyabs kyang med/ gci ba'i skyab kyang med de de na dge slong dag gis gyo mo dag bzhag ste/ der bshang ba dang gci ba dag byas nas 'dor bar byed do/ /'char ka gtsug lag khang der zhugs pa na dge slong rnams kyis 'di gnas ngan len kun tu spyod pa yin no zhes bya bar de shes nas dge slong 'gas kyang de mkhos su ma phab pa dang / des bsams pa/ lhung bzed nag po can 'di dag mi dga' bar bya'o snyam nas de gtsug lag khang de'i steng du 'dzegs pa dang / ji tsam na des de na gyo mo dag bzhag pa mthong nas/ des smras pa/ ci gtsug lag khang 'di chos thams cad yin nam zhes gyo mo de dag rkang pa'i mthe bos bzung ste phyi rol du bor ro/ /dge slong dag mtshan mo langs pa dang ji tsam na gyo mo dag mi snang nas de dag gis wa'i khar bshang ba dang / gci ba byas so/ /de nas mtshan mo'i nam langs pa na bram ze dang / khyim bdag dad pa can dag lhags pa dang / des de dag la smras pa/ shes ldan dag ji ltar lhung bzed nag po can gnas ngan len kun tu spyod pa dag gis gtsug lag khang thams cad bshang ba dang / gci bas ma rung bar byas pa la ltos shes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis ji tsam cung zad dge slong la tho 'tsham par byed na thams cad du ltung byed du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la tshe dang ldan pa dag tshur sheg /ljongs rgyur 'dong dang der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing khyed cag kyang lhung bzed dang / chos gos dang / dra ba dang / phor bu dang / ska rags dang / lung dbog pa dang / klag pa dang / kha ton dang / rnal 'byor dang / yid la bya bas brel ba med par bya'o/ /khyed cag na ba dag gi nad g.yog kyang bya'o/ / zhes spro bar byas pa dang / de gang gi tshe na dge slong rnams kyis 'di gnas ngan len kun du spyod pa yin no zhes bya bar shes par gyur pa de'i tshe na 'ga' yang de dang lhan cig ljongs rgyur 'gro bar spro ba med nas de gcig pu ljongs rgyur song ba na ri brags kyi gtsug lag khang zhig du phyin to/ /'char ka gtsug lag khang der zhugs pa na dge slong rnams kyis 'di gnas ngan len kun tu spyod pa yin no zhes bya bar de shes nas dge slong 'gas kyang de mkhos su ma phab pa dang / des bsams pa/ lhung bzed nag po can 'di dag mi dga' bar bya'o snyam nas des bkru sman gyi ril du zos nas me khang du zhugs te 'dug pa na der des 'khru bar brtsams so/ /bcom ldan 'das kyis nad pa dus gsum du lta bar bya'o zhes bka' stsal pas/ dge slong gnas brtan gnas brtan dag de'i nad 'drir lhags nas/ de dag gis de la dris pa/ tshe dang ldan pa rung ngam/ des smras pa/ rung ngo / /gnas brtan dag yud tsam zhig 'khod nas 'dong bar brtsams pa dang / des smras pa/ gnas brtan dag re shig yud tsam zhig gzhes shig /de dag gis yud tsam zhig 'khod nas dong bar brtsams pa dang / des yang smras pa/ gnas brtan dag da dung yang yud tsam zhig gzhes shig /tshe dang ldan pa ched du bsams te tho 'tsham par mi byed dam/ lhung bzed nag po can khyed de ltar mi dga' bar bya'o zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis ji tsam cung zad dge slong la tho 'tsham par byed na thams cad du ltung byed du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la tshe dang ldan pa dag tshur sheg ljongs rgyur 'dong dang / der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing / khyed cag kyang lhung bzed dang / chos gos dang / dra ba dang / phor bu dang / ska rags dang / lung dbog pa dang / klag pa dang / kha ton dang / rnal 'byor dang / yid la bya bas brel ba med par bya'o/ /khyed cag na ba dag gi nad g.yog kyang bya'o zhes spro bar byas pa dang / de gang gi tshe dge slong rnams kyis 'di gnas ngan len kun du spyod pa yin no/ /zhes bya bar shes par gyur pa de'i tshe na 'ga' yang de dang lhan cig ljongs rgyur 'gro bar spro ba med nas de gcig pu ljongs rgyur song ba na ri brags kyi gtsug lag khang zhig tu phyin to/ /gtsug lag khang de na dge slong spong ba pa sha stag 'khod do/ /'char ka gtsug lag khang der zhugs pa na dge slong rnams kyis 'di gnas ngan len kun du spyod pa yin no zhes bya bar de shes nas/ dge slong 'gas kyang de mkhos su ma phab pa dang / des bsams pa/ lhung bzed nag po can 'di dag mi dga' bar bya'o snyam zhing gtsug lag khang de yang phyed byas zin par 'dug nas tshe dang ldan pa 'char ka khyim bdag de'i gan du song ste phyin nas smras pa/ khyim bdag ci'i phyir gtsug lag khang zin par mi byed/ bcom ldan 'das kyis kyang / myur bar dge la 'jug bya zhing / /sdig las sems kyang bzlog par bya/ /bsod nams bul bar byed gyur na/ /yid ni sdig la dga' bar 'gyur/ /zhes ma gsungs sam/ 'phags pa bdag la kAr ShA pa na dag ni mchis na gla mi dag ma mchis so/ /khyim bdag bcom ldan 'das kyis dge slong dag gis mkhar lan bya'o zhes ma gsungs sam/ gal te 'phags pas khar lan bgyid du stsal na legs so/ /'char kas gtsug lag khang du song ste gaN DI brdungs so/ / bcom ldan 'das kyis gaN DI bsu bar bya'o zhes bsngags pas dge slong rnams kyis gaN DI bsu ba dang / ji tsam na tshe dang ldan pa 'char kas so phag dag gdeg par brtsams pa mthong nas dge slong dag gis kyang so phag dag gdeg par brtsams so/ /'char kas dge slong de dag nyin thog thag so phag dag skyed du bcug pa dang / de dag gis smras pa/ tshe dang ldan pa dag gtsug lag khang 'di sngon ni rnal 'byor dang 'thun par gyur na/ da ni mkhar lan dang 'thun par gyur gyis mnyan yod du 'dong ngo zhes de dag mnyan yod du dong ba dang / dge slong rnams kyis de dag la smras pa/ tshe dang ldan pa dag 'ongs pa legs so/ /'ongs pa legs so/ /kho bo cag khyed mthong bar ni dga'i 'ongs par ni mi dga'o/ /gtsug lag khang de rnal 'byor dang 'thun pa yin na khyed cag ci'i phyir gtsug lag khang de bor te 'dir 'ongs/ tshe dang ldan pa dag gtsug lag khang de sngon ni rnal 'byor dang 'thun par gyur na da ni mkhar lan dang 'thun par gyur to/ /ji ltar gyur/ tshe dang ldan pa 'char ka der 'ongs nas mkhar lan phyung ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis ji tsam cung zad dge slong la tho 'tsham par byed na thams cad du ltung byed du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la tshe dang ldan pa dag tshur sheg ljongs rgyur 'dong dang / der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing / khyed cag kyang lhung bzed dang / chos gos dang / dra ba dang / phor bu dang / ska rags dang / lung dbog pa dang / klag pa dang / kha ton dang / rnal 'byor dang / yid la bya bas brel ba med par bya'o/ /khyed cag na ba dag gi nad g.yog kyang bya'o zhes spro bar byas pa dang / de gang gi tshe na dge slong rnams kyis 'di gnas ngan len kun tu spyod pa yin no zhes bya bar shes par gyur pa de'i tshe na 'ga' yang de dang lhan cig ljongs rgyur 'gro bar spro ba med nas de cig pu ljongs rgyur song ba na ri brags kyi gtsug lag khang zhig tu phyin to/ /gtsug lag khang de na dge slong kha ton pa sha stag 'khod do/ /'char ka gtsug lag khang der zhugs pa na dge slong rnams kyis 'di gnas ngan len kun tu spyod pa yin no zhes bya bar de shes nas dge slong 'gas kyang de mkhos su ma phab pa dang / des bsams pa dang / lhung bzed nag po can 'di dag mi dga' bar bya'o snyam zhing gtsug lag khang de yang phyed byas zin par 'dug nas tshe dang ldan pa 'char ka khyim bdag de'i gan du song ste phyin nas smras pa/ khyim bdag ci'i phyir gtsug lag khang zin par mi byed/ bcom ldan 'das kyis kyang / myur bar dge la 'jug bya zhing / /sdig las sems kyang bzlog par bya/ /bsod nams bul bar byed gyur na/ /yid ni sdig la dga' bar 'gyur/ /zhes ma gsungs sam/ 'phags pa bdag la kAr ShA pa na dag ni mchis na gla mi dag ma mchis so/ /khyim bdag bcom ldan 'das kyis dge slong dag gis mkhar lan bya'o zhes ma gsungs sam/ gal te 'phags pas mkhar lan bgyid du stsal na legs so/ /'char kas gtsug lag khang du song ste gaN DI brdungs so/ /bcom ldan 'das kyis gaN DI bsu bar bya'o zhes gsungs pas dge slong rnams kyis gaN DI bsu ba dang / ji tsam na tshe dang ldan pa 'char kas so phag dag gdeg par brtsams pa mthong nas dge slong dag gis kyang so phag dag gdeg par brtsams so/ /'char kas dge slong de dag nyin thog thag so phag dag skyed du bcug pa dang / de dag gis smras pa/ tshe dang ldan pa dag gtsug lag khang 'di sngon ni kha ton dang 'thun par gyur na da ni mkhar lan dang 'thun par gyur gyis mnyan yod du 'dong ngo zhes de dag mnyan yod du dong ba dang / dge slong rnams kyis de dag la smras pa/ tshe dang ldan pa dag 'ongs pa legs so/ /'ongs pa legs so/ /kho bo cag khyed cag mthong bar ni dga'i 'ong bar ni mi dga'o/ /gtsug lag khang de kha ton dang 'thun pa yin na khyed cag ci'i phyir gtsug lag khang de bor te 'dir 'ongs/ tshe dang ldan pa dag gtsug lag khang de sngon ni kha ton dang 'thun par gyur na da ni mkhar lan dang 'thun par gyur to/ /ji ltar gyur/ tshe dang ldan pa 'char ka der 'ongs nas mkhar lan phyung ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis ji tsam cung zad dge slong la tho 'tsham par byed na thams cad du ltung byed du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la tshe dang ldan pa dag tshur sheg ljongs rgyur 'dong dang / der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing / khyed cag kyang lhung bzed dang / chos gos dang / dra ba dang / phor bu dang / ska rags dang / lung dbog pa dang / klag pa dang / kha ton dang / rnal 'byor dang / yid la bya bas brel ba med par bya'o/ /khyed cag na ba dag gi nad g.yog kyang bya'o zhes spro bar byas pa dang / de gang gi tshe na dge slong rnams kyis 'di gnas ngan len kun du spyod pa yin no zhes bya bar shes par gyur pa de'i tshe na 'ga' yang de dang lhan cig ljongs rgyur 'gro bar spro ba med nas de gcig pu ljongs rgyur song ba na ri brags kyi gtsug lag khang zhig tu phyin to/ /gtsug lag khang de chom rkun pas 'jig pa dang bcas pa yin no/ /'char ka gtsug lag khang der zhugs pa na dge slong rnams kyis 'di gnas ngan len kun du spyod pa yin no zhes bya bar de shes nas dge slong 'gas kyang de mkhos su ma phab pa dang / des bsams pa/ lhung bzed nag po can 'di dag mi dga' bar bya'o snyam nas des sgo phye ste sgo khang du 'dug pa dang / dge bskos kyis smras pa/ btsun pa 'char ka kho bo sgo gcod par byed kyis khyod phyogs 'dir 'dug shig 'char kas smras pa/ khyod rang gi gnas khang gi sgo legs par chod la 'dug shig ces des sgo gcod du ma ster to/ /dge slong de dag 'jigs pa dang bcas par gtsug lag khang gi sgo ma bcad pas mtshan thog thag tron byed byed nas mtshan mo'i nam nangs par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis ji tsam cung zad dge slong la tho 'tsham par byed na thams cad du ltung byed du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la tshe dang ldan pa dag tshur sheg ljongs rgyur 'dong dang / der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing / khyed cag kyang lhung bzed dang / chos gos dang / dra ba dang / phor bu dang / ska rags dang / lung dbog pa dang / klag pa dang / kha ton dang / rnal 'byor dang / yid la bya bas brel ba med par bya'o/ /khyed cag na ba dag gi nad g.yog kyang bya'o zhes spro bar byas pa dang / de gang gi tshe na dge slong rnams kyis 'di gnas ngan len kun du spyod pa yin no zhes bya bar shes par gyur pa de'i tshe na 'ga' yang de dang lhan cig ljongs rgyur 'gro bar spro ba med nas/ de cig pu ljongs rgyur song ba na ri brags kyi gtsug lag khang zhig tu phyin to/ /gtsug lag khang de ni 'jigs pa med pa yin no/ /'char ka gtsug lag khang der zhugs pa na dge slong rnams kyis 'di gnas ngan len kun du spyod pa yin no zhes bya bar de shes nas dge slong 'gas kyang de mkhos su ma phab pa dang / des bsams pa/ lhung bzed nag po can 'di dag mi dga' bar bya'o snyam zhing gtsug lag khang de yang 'jigs pa med pa yin pas de na dge slong dag phyi rol du bshang ba dang / gci ba byed du 'dong nas 'char kas sgo bcad de sgo khang du mal bshams nas nyal lo/ /dge slong dag mtshan mo bshang ba dang / gci ba dag byed du 'dong 'dong nas smras pa/ tshe dang ldan pa 'char ka kho bo cag phyi rol tu 'dong gis khyod phyogs 'dir nyol cig /'char kas smras pa/ khyed cag rang rang gi gnas khang gi glo phug la phyi rol du deng shig /dge slong de dag bshang ba dang / gci ba bdo bas kha cig gis ni khyams su bshang ba dang / gci ba byas/ kha cig gis ni rdzing drung du bshang ba dang / gci ba byas so/ /de nas mtshan mo'i nam nangs pa na bram ze dang khyim bdag dad pa can dag gtsug lag khang du lhags pa dang / 'char kas de dag la smras pa/ shes ldan dag ji ltar lhung bzed nag po can gnas ngan len kun du spyod pa 'di dag gis gtsug lag khang thams cad bshang ba dang / gci bas ma rung bar byas pa la ltos shes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis ji tsam cung zad dge slong la tho 'tsham par byed na thams cad du ltung byed du 'gyur ro/ /dge slong dag gzhan yang drug po 'di dag ni bsko bar mi bya ste/ drug gang zhe na/ sgo khang dang / them skas kyi gzhi dang / khyams dang / dpong sa'i khang pa dang / me khang dang / bkad sa'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /phyis gnon gyi ltung byed de bcu bdun pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa nye dgas dge slong gsar bu gsar bu dag la tshe dang ldan pa dag tshur sheg ljongs rgyur 'dong dang / der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing / khyed cag kyang lhung bzed dang / chos gos dang / dra ba dang / phor bu dang / ska rags dang / lung dbog pa dang / klag pa dang / kha ton dang / rnal 'byor dang / yid la bya bas brel ba med par bya'o/ /khyed cag na ba dag gi nad g.yog kyang bya'o zhes spro bar byas pa dang / de gang gi tshe na dge slong rnams kyis 'di gnas ngan len du spyod pa yin no zhes bya bar shes par gyur pa de'i tshe na 'ga' yang de dang lhan cig ljongs rgyur 'gro bar spro ba med do/ /bsod snyoms pa zhig gis smras pa/ btsun pa nye dga' kho bo khyod dang lhan cig ljongs rgyur 'gro'o/ /dge slong rnams kyis bsod snyoms pa de la smras pa/ bsod snyoms pa de ni gnas ngan len kun du spyod pa yin pas khyod la tho 'tsham par 'gyur ro/ /bsod snyoms pas smras pa/ kho bo ni lo 'das pa yin pas kho bo de la gnas bca' ba dang / lung mnod pa dang / klag pa dang / kha ton dang / rnal 'byor dang / yid la bya ba'i rag lus pa cung zad kyang med pas des kho bo la ci byar yod ces des dge slong de dag gi tshig tshig ma yin par byas te de dang lhan cig ljongs rgyur song ngo / /nye dgas gang gi tshe phyi rol gyi mtshams 'das pa de'i tshe na smras pa/ bsod snyoms pa gtur bu 'di re shig khyer cig /btsun pa nye dga' ci khyod kyis sangs rgyas dang / chos dang / dge 'dun ma mthong ngam/ yo byad don med pa 'dis ci bya/ nye dgas smras pa/ bsod snyoms pa khyod re shig mi khyer ba ni yus na/ ci khyod kho bo bas kyang mkhas pa yin snyam 'am/ ci na khyod kho bo la de skad zer/ bsod snyoms pas smras pa/ mkhas pa ma yin yang rigs pa tsam smra'o/ /nye dgas bsams pa/ bsod snyoms pa 'di mi dga' bar bya'o snyam nas/ de gnyis mthar gyis ljongs rgyu zhing 'gro ba na de gnyis ri brags shig tu phyin nas/ de gnyis der khron pa zhig gi drung du ngal so bar byed pa na de na ri brags kyi gtsug lag khang zhig yod pa der gaN DI brdungs pa dang / bsod snyoms pa des thos nas smras pa/ btsun pa nye dga' gtsug lag khang du gaN DI brdungs kyis 'dong ngo / /nye dgas smras pa/ bsod snyoms pa lhung bzed nag po can las med pa dag gis las kyi gaN DI brdungs shing bdag cag gis las bya dgos par 'gyur ba de lta bu'i gnas yod par 'gyur ro/ /btsun pa nye dga' rnyed pa'i gaN DI ma yin nam/ bsod snyoms pa de yin na bdag cag mtshams su phyin na 'thob bo/ /btsun pa nye dga' ni grags pa bsod nams che ba yin pas 'thob kyi/ kho bo sus byin par 'gyur/ bsod snyoms pa song la gal te rnyed pa yod na kho bo'i yang nos shig /de song ba dang ji tsam na der gnas mal gyi gaN DI brdungs nas dge slong rnams kyis smras pa/ bsod snyoms pa gnas mal nos shig /des smras pa/ kho bo las ches rgan pa yang yod do/ /su yin/ btsun pa nye dga'o/ /de'i yang nos shig /des gnas mal mnos so/ /tshe dang ldan pa nye dga' yang de na 'du 'dzi'i gtam gyis 'dug ste/ ri brags 'di su'i/ gtsug lag khang 'di su'i/ lha khang 'di su'i/ bskyed mos tshal 'di su'i/ kun dga' ra ba 'di su'i/ khron pa 'di su'i/ zhing 'di su'i/ ba lang 'di dag su'i/ ma he 'di dag su'i zhes 'du 'dzi'i gtam gyis 'dug go/ /bsod snyoms pas kyang bsams pa/ btsun pa nye dga' yun ring du thogs par 'gyur ro/ /snyam nas/ des khang thog tu de'i mal bshams nas rkang pa'i chu dang / rkang pa bsku ba mtha' gcig tu bzhag ste/ gtsug lag khang gi phyi rol du rkang pa gnyis bkrus nas 'og khang du mal bshams par zhugs te nyal lo/ /tshe dang ldan pa nye dga' yang ji srid du de'i 'du 'dzi'i gtam gyi zla yod pa de srid du 'dug 'dug nas gang gi tshe de'i 'du 'dzi'i gtam gyi zla med pa de'i tshe na mig lam chad pa'i dus kyi tshe gtsug lag khang du 'ongs te/ bsod snyoms pa bsod snyoms pa zhes bod par brtsams pa dang / dge slong rnams kyis de la smras pa/ tshe dang ldan pa nye dga' 'dam bu thibs po'i gseb tu zhugs pa bzhin du ci 'bod/ nye dgas smras pa/ 'di na kho bo'i grogs po bsod snyoms pa zhig 'dug na/ de na bar ma gyur tam/ bsod snyoms pas de thos nas smras pa/ btsun pa nye dga' ma 'bod cig /kho bos khyed kyi mal khang thog tu bshams te rkang pa'i chu dang / rkang pa bsku ba yang mtha' gcig tu bzhag gis der song la nyol cig /nye dgas smras pa/ bsod snyoms pa 'tham pa chung zhig yod kyis je sgo phye shig /btsun pa nye dga' kho bo chad kyis sang 'tham mo/ /bsod snyoms pa kho bo khyod dang ji srid mtshan thog thag zad par 'gyur ba de srid du 'tham par bya'o/ /btsun pa nye dga' kho bo chad kyis khyod la sgo mi dbye'o/ /nye dga' khang thog tu 'dzegs nas rkang pa gnyis bkrus te gnas khang du zhugs nas bsod snyoms pa zhes bos pa dang / bsod snyoms pas btsun pa nye dga' ci zer zhes byas so/ /nye dga' sgra la mkhas pas des bsod snyoms pa'i dpral ba'i thad kar khri rkang gtad de ci nas kyang khri rkang gis khang thog brtol nas bsod snyoms pa de'i dpral bar 'bab par 'gyur ba de ltar shugs drag pos mnan pa dang / des bsod snyoms pa de'i dpral bar phog ste dpral ba zhom mo/ /bsod snyoms pas smras pa/ btsun pa nye dga' kho bo gnang ngo / /kho bo gnang ngo / /kwa'e bsod snyoms pa ci zer/ bsod snyoms pas bsams pa/ gal te skad phyung na 'dis rgan rims kyis bdag gi khri yang phrogs par 'gyur ro/ /snyam nas de cang mi smra bar 'dug go/ /de nang par sngar langs te smras pa/ btsun pa nye dga' phyag 'tshal lo/ /kho bo 'gro'o/ /bsod snyoms pa gar 'gro/ mnyan yod du'o/ /bsod snyoms pa sdod cig dang / kho bos khyod na ba'i nad g.yog bya'o/ /btsun pa nye dga' khyod kyis kho bo mi na ba yang na bar byas pas na ba'i nad g.yog byas re skan zhes de mnyan yod du song ba dang / dge slong rnams kyis de la smras pa/ tshe dang ldan pa bsod snyoms pa 'ongs pa legs so/ /'ongs pa legs so/ /ji lta bde bar brgyus sam/ tshe dang ldan pa dag ji ltar bde bar brgyus/ btsun pa nye dgas bdag gi dpral ba bcom mo/ /ji ltar bcom/ des skabs de dge slong rnams la rgyas par brjod do/ /dge slong don nyung ngu dag ci'i phyir dge slong dag dge 'dun gyi gtsug lag khang gi steng gi nam mkha' la thog bor bar khri 'am khri'u rtsa ba 'byung ba la shes bzhin du ljid kyis phab ste 'dug pa dang nyal bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa nye dga' la smras pa/ nye dga' khyod dge 'dun gyi gtsug lag khang gi steng gi nam mkha' la thog bor bar khri 'am khri'u rtsa ba 'byung ba la shes bzhin du ljid kyis phab ste 'dug pa dang nyal bar byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi gtsug lag khang gi steng gi nam mkha' la thog bor bar khri 'am khri'u rtsa ba 'byung ba la shes bzhin du ljid kyis phab ste 'dug gam nyal na ltung byed do/ /yang dge slong gang shes bya ba ni shAkya'i bu nye dga' 'am/ gzhan yang de lta bu gang yin pa'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /gtsug lag khang gi zhes bya ba ni gang du spyod lam bzhi po 'gro ba dang / 'greng ba dang / 'dug pa dang / nyal ba dag byar rung bar ro/ /steng gi nam mkha' la zhes bya ba ni khang steng gi nam mkha' la'o/ /thog bor bar zhes bya ba ni rtswa'i thog gam/ lo ma'i thog bor bar ro/ /khri zhes bya ba ni khri nyid do/ /khri'u zhes bya ba yang khri'u nyid do/ /rtsa ba 'byung ba la zhes bya ba ni rkang pa 'byung ba la'o/ /shes bzhin du zhes bya ba ni de rang nyid kyis rig par gyur pa 'am/ gzhan dag gis brjod pas so/ /ljid kyis phab ste zhes bya ba ni mthus mnan te'o/ /'dug gam zhes bya ba ni rkub tshos 'jog par byed pa'o/ /nyal na zhes bya ba ni lus bsnyal na'o/ /ltung byed do zhes bya ba ni sems can dmyal ba dang / dud 'gro dang yi dags ngan song dang ngan 'gro dang / log par ltung ba dag tu sreg par byed/ 'tshod par byed ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ / de la ltung bar ji ltar 'gyur zhe na/ dge slong gis ji tsam cung zad dge 'dun gyi gtsug lag khang gi steng gi nam mkha' la thog bor bar khri 'am/ khri'u rtsa ba 'byung ba la shes bzhin du ljid kyis phab ste 'dug gam/ nyal na thams cad du ltung byed du 'gyur ro/ /spang leb kyis g.yogs pa dang / spang leb chung ngus g.yogs pa dang / shing leb kyis g.yogs pa dang / shing leb 'bur can gyis g.yogs pa dang / byin gyis gzhol ba la ni ltung ba med do/ /rkang rten btsug pa dang / bkan pa byas pa la yang ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /rtsa ba 'byung ba la 'dug pa'i ltung byed de bcwa brgyad pa rdzogs s+ho// // sangs rgyas bcom ldan 'das kau sham+bi na gdangs can gyi kun dga' ra ba na bzhugs so/ /de'i tshe na tshe dang ldan pa 'dun pa shes bzhin du srog chags dang bcas pa'i chus rtswa dang / lci ba dang sa la 'debs par byed/ 'debs su 'jug par byed nas dge slong rnams kyis de la smras pa/ tshe dang ldan pa 'dun pa khyod shes bzhin du srog chags dang bcas pa'i chus rtsa dang / lci ba dang / sa la ma 'debs shig /'debs su ma 'jug cig /'dun pas smras pa/ kho bo la 'ga' zhig gis bgrangs te gtad dam ci/ shar gyi rgya mtsho chen por 'dong na ci nyes/ lho dang nub dang byang gi rgya mtsho chen por 'dong na ci nyes/ 'bab chu dang / mtsho dang / lting ka dag tu 'dong na ci nyes/ dge slong don nyung ngu dag ci'i phyir dge slong dag shes bzhin du srog chags dang bcas pa'i chus rtswa dang / lci ba dang / sa la 'debs pa dang / 'debs su 'jug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ / de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'dun pa la smras pa/ 'dun pa khyod shes bzhin du srog chags dang bcas pa'i chus rtswa dang / lci ba dang / sa la 'debs pa dang / 'debs su 'jud par byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang shes bzhin du srog chags dang bcas pa'i chus rtswa 'am/ lci ba 'am/ sa la 'debs sam/ 'debs su 'jud na ltung byed do/ /yang dge slong gang zhes bya ba ni 'dun pa 'am/ gzhan yang de lta bu gang yin pa'o/ /shes bzhin du zhes bya ba ni de rang nyid kyis rig par gyur pa 'am/ gzhan dag gis brjod pas so/ /srog chags dang bcas pa zhes bya ba la srog chag dang bcas pa ni gzhi te gang dag mig gis mthong bar 'gyur ba dang gang dag chu tshags kyis zin par 'gyur ba'o/ /chus zhes bya ba ni chu nyid kyis so/ /rtswa zhes bya ba ni rtswa nyid do/ /lci ba zhes bya ba yang lci ba nyid do/ /sa la zhes bya ba yang sa nyid la'o/ /'debs sam zhes bya ba ni rang gis so/ /'debs su 'jud na zhes bya ba ni gzhan no/ /ltung byed do zhes bya ba ni sems can dmyal ba dang / dud 'gro dang / yi dag ngan song dang / ngan 'gro dang / log par ltung ba dag bsreg par byed/ 'tshod par byed/ ltung bar byed pa'o/ /gzhan yang ji srid tu ltung ba de ma bshags shing so so ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis srog chags dang bcas pa'i chu la srog chags dang bcas par 'du shes pas rtswa 'am/ lci ba 'am/ sa la 'debs sam/ 'debs su 'jud na ltung byed du 'gyur ro/ /dge slong gis srog chags dang bcas pa'i chu la yid gnyis za bas rtswa 'am/ lci ba 'am/ sa la 'debs sam/ 'debs su 'jud na ltung byed du 'gyur ro/ /dge slong gis srog chags med pa'i chu la srog chags dang bcas par 'du shes pas rtswa 'am/ lci ba 'am/ sa la 'debs sam/ 'debs su 'jud na nyes byas su 'gyur ro/ / dge slong gis srog chags med pa'i chu la yid gnyis za bas rtswa 'am/ lci ba 'am/ sa la 'debs sam/ 'debs su 'jug na nyes byas su 'gyur ro/ /dge slong gis srog chags dang bcas pa'i yur po che 'bebs par byed na srog chags ji snyed dus byed pa de snyed kyi ltung byed du 'gyur ro/ /srog chags ji snyed dus mi byed pa de snyed kyi nyes byas su 'gyur ro/ /dge slong gis srog chags dang bcas pa'i yur po che gcod par byed na srog chags ji snyed dus byed pa de snyed kyi ltung byed du 'gyur ro/ /srog chags ji snyed dus mi byed pa de snyed kyi nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /srog chags dang bcas pa la spyod pa'i ltung byed de bcu dgu pa rdzogs s+ho// // sangs rgyas bcom ldan 'das kau sham+bi na gdangs can gyi kun dga' ra ba na bzhugs so/ /drug sde dag gzhan gyis byed tu bcug pa'i gtsug lag khang dag na gnas shing de dag de dag na gnas pa na dga' bo nye dga' ltos shig /gtsug lag khang 'di ni gyong grugs su gyur pa yin no/ /'di ni gas pa yin no/ /'di ni mtshams nyams pa yin no/ /'di ni ngos nyams pa yin no/ /'di ni ma mo'i khyim 'dra ba yin no/ /zhes 'phya bar byed pa dang / dge slong rnams kyis de dag la smras pa/ tshe dang ldan pa dag khyed cag re shig gzhan gyis byed du bcug pa'i gtsug lag khang dag na gnas shing khyed cag gis rdo yang sgreng bar mi nus la 'on kyang 'phya bar byed do/ /de skad ces smras pa dang / de dag nga rgyal gyis khengs par gyur nas phan tshun smras par brtsams pa/ dga' bo nye dga' lhung bzed nag po can 'di dag gis bdag cag la khyed cag re shig gzhan gyis byed tu bcug pa'i gtsug lag khang dag na gnas shing khyed cag gis rdo yang sgreng bar mi nus la 'on kyang 'phya bar byed do zhes ha cang zil gyi mnan gyis tshur shig bdag cag gis sngon lhung bzed nag po can gang gis kyang byed du ma bcug pa'i gtsug lag khang ci 'dra ba'i gtsug lag khang byed du gzhug go/ /gal te bdag cag thams cad lag gi bla la brtson par gyur na lhung bzed nag po can dag rtag pa kho nar bdag cag la skabs tshol bas de dag gis drug sde dag thams cad lag gi bla la zhugs so zhes skabs rnyed par 'gyur la/ bdag cag gi slongs mo'i khyim gang dag yin pa de dag tu yang brel ba dag gi skyon brjod nas rjes su 'jug par byed par 'gyur gyi bdag cag gis bdag cag gi nang na mkhas pa/ spyod pa gsal ba/ khab gzhug par gtun bu 'jud nus pa gang yin pa de'i gan du bdag cag dong la spro ba bskyed par bya gor ma chag na/ de'i phyir bdag cag gi nang na mkhas pa/ spyod pa gsal ba/ khab gzhug par gtun bu 'jud par nus pa gang yin pa/ bdag cag gi nang na tshe dang ldan pa 'dun pa mkhas pa/ spyod pa gsal ba/ khab gzhugs par gtun bu 'jud nus pa yin gyis bdag cag de'i gan du dong la spro ba bskyed par bya'o/ /zhes de dag 'dun pa'i gan du dong ste smras pa/ tshe dang ldan pa 'dun pa lhung bzed nag po can 'di dag gis bdag cag la re shig gzhan gyis byed tu bcug pa'i gtsug lag khang dag na gnas shing khyed cag gis rdo yang sgreng bar mi nus la 'on kyang 'phya bar byed do/ / zhes ha cang zil gyis mnan nas kho bo cag 'di snyam du sems te/ lhung bzed nag po can 'di dag gis bdag cag la khyed cag re shig gzhan gyis byed du bcug pa'i gtsug lag khang dag na gnas shing khyed cag gis rdo yang sgreng bar mi nus la 'on kyang 'phya bar byed do zhes ha cang zil gyis mnan gyis tshur sheg bdag cag gis sngon lhung bzed nag po can gang dag gis kyang byed du ma cug pa'i gtsug lag khang ci 'dra ba de 'dra ba'i gtsug lag khang byed du gzhug go/ / gal te bdag cag thams cad lag gi bla la brtson par gyur na lhung bzed nag po can dag rtag pa kho nar bdag cag la skabs tshol bas de dag gis drug sde dag thams cad lag gi bla la zhugs so/ /zhes skabs rnyed par yang 'gyur la/ bdag cag gi slongs mo'i khyim gang dag yin pa de dag tu yang brel ba dag gi skyon brjod nas rjes su 'jug par byed par 'gyur gyis/ bdag cag gis bdag gi nang na mkhas pa/ spyod pa gsal ba/ khab gzhugs par gtun bu 'jud nus pa gang yin pa de'i gan du bdag cag dong la spro ba bskyed par bya gor ma chag na/ de'i phyir bdag cag gi nang na mkhas pa/ spyod pa gsal ba/ khab gzhug par gtun bu 'jud nus pa gang yin/ bdag cag gi nang na tshe dang ldan pa 'dun pa mkhas pa/ spyod pa gsal ba/ khab gzhug par gtun bu 'jud nus pa yin gyis bdag cag de'i gan tu dong la spro ba bskyed par bya'o snyam nas/ bdag cag gis tshe dang ldan pa gtsug lag khang gi phyir spro bar bya zhing khyod la gsol ba 'debs kyis lhung bzed nag po can dag yan lag 'dis zil gyis non par gyis shig /'dun pas smras pa/ thabs yin gyis de ltar bya'o/ /de dag yid dga' nas dong ngo / /tshe dang ldan pa 'dun pa yang gtsug lag khang gi phyi rol du rkang pa gnyis bkrus nas gtsug lag khang du zhugs te 'dug nas thabs ci yod na des dge 'dun gyi gtsug lag khang 'grub par 'gyur snyam du sems pa la zhugs so/ /des su zhig su la mngon par dad snyam du rnam par dpyad par brtsams pa dang / de 'di snyam du sems te/ re shig 'jig rten lha dang bcas pa ni bcom ldan 'das la mngon par dad pa yin/ khyim che ge mo zhig ni tshe dang ldan pa kun shes kau N+Di n+ya la/ khyim che ge mo zhig ni tshe dang ldan pa 'od srung chen po la/ khyim che ge mo zhig ni tshe dang ldan pa shA ri'i bu la/ khyim che ge mo zhig ni tshe dang ldan pa maud gal gyi bu chen po la/ khyim che ge mo zhig ni tshe dang ldan pa ma 'gags pa la/ khyim che ge mo zhig ni tshe dang ldan pa rta thul dang / khyim che ge mo zhig ni tshe dang ldan pa bzang ldan dang / khyim che ge mo zhig ni tshe dang ldan pa rlangs pa la/ khyim che ge mo zhig ni tshe dang ldan pa ming chen la/ khyim che ge mo zhig ni tshe dang ldan pa gang po la/ khyim che ge mo zhig ni tshe dang ldan pa dri ma med pa la/ khyim che ge mo zhig ni tshe dang ldan pa ba lang bdag la/ khyim che ge mo zhig ni tshe dang ldan pa kun dga' bo la/ khyim che ge mo zhig ni bcom ldan 'das kyi gcung sru'i sras tshe dang ldan pa mdzes dga' la/ khyim che ge mo zhig ni bcom ldan 'das kyi sras tshe dang ldan pa sgra gcan zin la/ khyim che ge mo zhig ni tshe dang ldan pa gyad bu nor la/ khyim che ge mo zhig ni tshe dang ldan pa dga' bo la/ khyim che ge mo zhig ni tshe dang ldan pa nye dga' la/ khyim che ge mo zhig ni tshe dang ldan pa 'gro mgyogs la/ khyim che ge mo zhig ni tshe dang ldan pa 'char ka la/ khyim che ge mo zhig ni tshe dang ldan pa nab so la mngon par dad pa yin pas de'i phyir de dag sbyor du gzhug tu ni mi nus kyis/ 'di ltar kau sham+bi na bram ze phyug pa/ nor mang ba/ longs spyod che ba/ yongs su bzung ba yangs shing rgya che ba zhig 'dug na de ni ser sna can/ mig phra ba/ bya rog la yang gtor ma mi ster ba/ yo byad kun 'dzin pa yin la/ de la dbyig dang / gser mang po bdog pas gal te de rjes su 'jug par byed nus na dge 'dun gyi gtsug lag khang 'grub par 'gyur ro/ /snyam nas/ de de ltar sems pa la zhugs pas tshegs chen pos nam nangs par byas nas snga dro sham thabs bgos lhung bzed dang chos gos thogs te kau sham bir bsod snyoms la zhugs so/ /khyim gnyis sam gsum du bsod snyoms brgyus nas phye nyung shas shig khyer te bram ze de'i khyim du 'jug par brtsams pa dang / sgo bas 'phags pa sdod cig /ma 'jug shig ces bgags so/ /des smras pa/ bzhin bzangs bcom ldan 'das kyis kho bo cag gi spyod yul ma yin pa ni rnam pa lnga gsungs te/ rol mo mkhan gyi gnas dang / 'jud 'thun ma'i gnas dang / chang pa'i gnas dang / gdol pa'i gnas dang / rgyal po'i pho brang yin na ci khyim 'di rol mo mkhan gyi gnas yin nam/ 'on te 'jud 'thun ma'i gnas sam/ chang pa'i gnas sam/ gdol pa'i gnas sam/ rgyal po'i pho brang yin nam ci na de'i phyir kho bo 'gog par byed/ sgo bas smras pa/ 'phags pa khyod mang du bkyon par gyur mod kyi 'di ni rol mo mkhan gyi gnas kyang ma lags/ 'jud 'thun ma'i gnas dang / chang pa'i gnas dang / gdol pa'i gnas dang / rgyal po'i pho brang yang ma lags te/ 'di ltar 'di ni bram ze che ge mo zhig gi khyim lags so/ /'dun pas bsams pa/ gang du re shig ngo phrad pa yang med pa der gzhan ci zhig yod par 'gyur snyams nas/ de de ltar sgor bgags te sems khongs su chud cing 'dug pa na khyim bdag cig gi bu byung ba der bcu gnyis 'dus pa'i dga' 'dun gar dang / glu dang sil snyan gyis zhugs pa dang / sgo ba des de dag la te por brtag par brtsams te/ sgo la mi lta ba'i tshe tshe dang ldan pa 'dun pas 'jug pa thob ste zhugs nas de'i spyod lam gyis 'dod chags dang bral ba'i sa sbyong bar byed pa de bram ze des mthong nas smras pa/ btsun pa 'dun pa byon pa legs so/ /gdan 'di la bzhugs shig /'dun pa don yod pas 'dug pa dang / gtam gyi skabs ma rnyed nas 'dun pas smras pa/ bram ze kho bos bsod snyoms kyi phye nyung shas cig rnyed pa 'di 'tshag tu chug ste byin cig /bram zes bu mo la bsgo ba/ bu mo 'phags pa'i bsod snyoms kyi phye tshogs te phul cig /bu mo des btsag par brtsams pa dang / tshe dang ldan pa 'dun pas phye la brtag par brtsams so/ /bram zes smras pa/ 'phags pa ci rtog /srog chags so/ /gal te mchis na ji ltar bgyi/ bza' bar mi bya'o/ /gal te gsol bar gyur na nongs pa ci mchis/ bram ze bcom ldan 'das kyis srog gcod pa kun du bsten cing goms par byas lan mang du byas pas lus zhig ste shi ba'i 'og tu ngan song dang / ngan 'gro dang / log par ltung ba dang / sems can dmyal ba rnams su skye bar 'gyur zhing / gal te 'di lta bu nyid du mi rnams dang skal ba mnyam par 'ong na yang tshe thung bar 'gyur ro zhes gsungs so zhes bya ba la sogs pa mi dge ba bcu dang / dge ba bcu'i las kyi lam dag rgyas par brjod pa dang / bram ze de mngon par dad par gyur nas rang nyid kyis bza' ba dang bca' ba gtsang zhing bsod pas snod bkang ste smras pa/ 'phags pa thugs brtse ba'i slad du 'di bzhes su gsol/ tshe dang ldan pa 'dun pas bsams pa/ gal te blangs par gyur na 'di lta ste/ dper na shing las byas pa'i snod du bsko ba dang 'dra bar bdag gi dang po 'di nyid tha mar 'gyur ro/ /snyam du rig nas smras pa/ bram ze kho bos bsod snyoms kyi phye nyung shas shig rnyed pa 'di nyid yongs su longs spyad par bya'i dad pas sbyin par bya ba blangs te dor du ga la rung / bram ze smras pa/ 'phags pa bdag cag bram ze rnams kyi kun tu spyod pa ni gal te ngan pa rnyed nas bzang po rnyed par gyur na ngan pa spongs te bzang po yongs su longs spyod par bgyid pa lags na de khyed cag la ci nongs/ bram ze kho bo cag ni bslab pa'i gzhi yang dag par blangs pa yin la/ khyed cag bram ze dag ni bslab pa'i gzhi yang dag par blangs pa ma yin pas khyed cag bram ze dag ni ci dgar 'jug par byed pa yin no/ /kho bo cag la ni bcom ldan 'das kyis 'phags pa'i rigs bzhi bka' stsal te/ bzhi gang zhe na/ chos gos gang yang rung bas chog shes pa 'phags pa'i rigs dang / bsod snyoms gang yang rung bas chog shes pa 'phags pa'i rigs dang / gnas mal gang yang rung bas chog shes pa 'phags pa'i rigs dang / spong ba la dga' ba dang sgom pa la dga' ba 'phags pa'i rigs so/ /bram ze de shin du mngon par dad par gyur nas smras pa/ 'phags pa 'di ni khyod kyi khab lags kyis dus dang dus su gshegs su gsol/ bram ze khyod kyi sgo ba 'di ni gshin rje'i dbyug pa dang 'dra ba yin pas su yang 'jug tu mi ster gyis legs par sgo ba gyis shig dang / des na kho bo la 'gog par mi byed do/ /bram zes sgo ba bkug ste legs par sgo ba/ kwa'e nang rje khyim 'di 'phags pa 'dun pa'i yin gyis khyod kyis ma bgags shig /nang mi la yang sgo ba/ khyed cag gis 'phags pa 'dun pa la mi gus par mi bya'o/ /tshe dang ldan pa 'dun pas bsams pa/ bram ze 'di ni mngon par dad par gyur na/ 'on kyang gal te 'dir lhung bzed nag po can 'jug par gyur na des 'di ci nas kyang 'khrug par byed par 'gyur bas thabs kyi rnam pa zhig bya'o snyam nas 'dun pas sgo ba de la smras pa/ kwa'i nang rje khyod kyis bram ze de ji ltar kho bo la mngon par dad par gyur pa mthong ngam/ 'phags pa mthong ngo / /des kho bo 'ba' zhig 'dir 'jug tu gnang gis lhung bzed nag po can gzhan su yang 'jug tu ma gzhug shig /gal te 'dir lhung bzed nag po can 'ga' zhig 'jug tu bcug na kho bos khyod la khrims chen po 'char gzhug par bya'o/ /'phags pa shin du bag yangs su bzhud cig /khyod nyid kyang re shig de'u ma chud pa lags na lhung bzed nag po can gzhan 'jug par 'gyur ba lta smos kyang ci 'tshal/ tshe dang ldan pa 'dun pa yid bde ba skyes te song nas de dus dang dus su bram ze de'i khyim du 'gro bar byed do/ /bram zes kyang de kho na bzhin du yang dang yang du stobs par byed pa na tshe dang ldan pa 'dun pas dang du len par mi byed par sbyin pa dang ldan pa'i chos bstan pa 'ba' zhig byas shing 'gro bar byed do// //'dul ba rnam par 'byed pa/ bam po bzhi bcu rtsa drug pa/ ji tsam dus gzhan zhig na tshe dang ldan pa 'dun pas bram ze de la rdzas las byung ba'i bsod nams bya ba'i gzhi bdun po dag gi bsngags pa brjod cing de dag rgya cher legs par bshad pa dang / bram zes smras pa/ 'phags pa bdag gis kyang rdzas las byung ba'i bsod nams bya ba'i gzhi 'ga' zhig bgyi'o/ /bram ze de bzhin gyis shig /'phags pa ci zhig bgyi/ dge 'dun gyi gtsug lag khang byed du chug shig /bram zes bsams pa/ bdag gis 'phags pa 'dun pa la rnam pa du mar bstabs na 'dir lan 'ga' yang dang du ma blangs ste da dang du blangs pa gang yin pa 'di yang dge 'dun gyi phyir ro snyam nas de ngo mtshar skyes te smras pa/ btsun pa bdag la kAr shA pa na dag ni mchis na bsod nams kyi grogs ma mchis so/ /kho bos khyod kyi bsod nams kyi grogs byas 'di ltar khyod kyis kho bo dge 'dun gyis lag gi blar skor chug shig khyim bdag de gtsug lag khang du song ste rgan pa'i mtha' logs su 'dug nas smras pa/ 'phags pa dag 'phags pa 'dun pa 'di bdag gi gtsug lag khang bgyid du stsol bar 'tshal na de'i slad du 'phags pa'i dge 'dun gyis bdag la thugs brtse ba'i slad tu 'phags pa 'dun pa bdag gi gtsug lag khang bgyid pa'i lag gi slar bskor gsol/ de na dge 'dun gyi nang na tshe dang ldan pa shA ri'i bu dge 'dun gyi gnas brtan byed pa des bsams pa/ drug sde dag las su la bskos na yang dge slong dag la tho 'tsham par byed na gal te lag gi blar bskos par gyur na rgya cher dge slong rnams la tho 'tsham par 'gyur ro snyam nas tshe dang ldan pa shA ri'i bus 'dun pa la smras pa/ tshe dang ldan pa 'dun pa gang gi tshe kho bos rgyal byed kyi tshal rtsig tu bcug pa de'i tshe na yang kho bo sus kyang lag gi blar ma bskos so/ /gang gi tshe tshe dang ldan pa skul byed chen pos gdangs can gyi kun dga' ra ba rtsig tu bcug pa de'i tshe na yang de sus kyang lag gi blar ma bskos so/ /khyod kyang gal te gtsug lag khang byed du 'jud par 'dod na ma bskos pa nyid du byed du chug shig /tshe dang ldan pa 'dun pas bsams pa/ lhung bzed nag po can dag bdag cag mthong bar yang mi dga' na lag gi blar bskor ster bar lta ga la 'gyur snyam nas/ de bram ze de'i gan du song ste/ kAr ShA pa Na dag blangs nas so phag mkhan dag gi gan du song ste smras pa/ bzhin bzangs dag khyed kyis nyi ma gcig kho nas gtsug lag khang sum rtseg gi so phag sbyin par nus sam/ de dag gis smras pa/ 'phags pa kAr ShA pa na dag stsol cig dang log ste dbul bar bgyi'o/ /des de dag la kAr ShA pa Na dag byin no 'dun pa phya mkhan dag gi gan du song ste smras pa/ bzhin bzangs dag khyed kyis nyi ma gcig kho nas gtsug lag khang sum rtseg zin par nus sam/ 'phags pa kAr ShA pa Na dag stsol cig dang log ste legs par bgyi'o/ /des de dag la kAr ShA pa Na dag byin no/ /'dun pa shing mkhan dag gi gan du song ste smras pa/ bzhin bzangs dag khyed kyis nyi ma gcig kho nas gtsug lag khang sum rtseg gi shing dag 'jog nus sam/ 'phags pa kAr ShA pa na dag stsol cig dang log ste gzhog par bgyi'o/ /des de dag la kAr ShA pa Na dag byin no/ /'dun pa zhal zhal mkhan dag gi gan du song ste smras pa/ bzhin bzangs dag khyed kyis nyi ma gcig kho nas gtsug lag khang sum rtseg zhal zhal skud nus sam/ 'phags pa kAr ShA pa Na dag stsol cig dang log ste bsku bar bgyi'o/ /des de dag la kAr ShA pa Na dag byin no/ / 'dun pa ri mo mkhan dag gi gan du song ste smras pa/ bzhin bzangs dag khyed kyis nyi ma gcig kho nas gtsug lag khang sum rtseg ri mo bri bar nus sam/ 'phags pa kAr ShA pa Na dag stsol cig dang / log ste bri bar bgyi'o/ /des de dag la kAr ShA pa Na dag byin no/ /'dun pa gla mi'i srangs dag tu song ste/ gla mi mang po bkug nas gtsug lag khang du 'ongs te/ des nyi ma gcig kho nas gtsug lag khang sum rtseg zin par byas so/ /des de la sgo'i sbubs kyi gnas dang / gtan pa'i gnas dang / skar khung dang / chu khung gi gnas dag kyang ma bzhag par de bzhin kho nar sbyang 'dra bar brtsigs so/ /de bram ze de'i gan du song ste smras pa/ bram ze khyod kyi gtsug lag khang zin gyis tshur shog /dge 'dun la phul cig /bram zes smras pa/ 'phags pa deng bdag gis zhal zas sta gon ma bgyis kyis sang bdag gis zhal zas sta gon bgyis te mchi'o/ /bcom ldan 'das kyis dgongs pa/ gtsug lag khang 'di deng nyid du rdib par 'gyur te/ gal te yongs su ma spyad pa kho nar rdib par gyur na bram ze 'di khrag tsha ba skyug te dus byed par 'gyur ba gang yin pa de lta bu'i gnas yod par 'gyur ro snyam du dgongs nas/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la 'di skad ces ngas dge slong dag khyed dge ba ma spyoms pa dang / sdig pa bshags par gyis shig ces bstan mod kyi 'on kyang khyed cag las gang gis gnas pa gang gis snyoms par 'jug pa thob pa des gnas pa de'i snyoms par 'jug pa des bram ze de'i gtsug lag khang du mtshan mo'i thun dang po 'da' bar gyis shig ces bsgos shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas dge slong rnams la smras pa/ tshe dang ldan pa dag bcom ldan 'das kyis bka' stsal pa/ des dge slong dag khyed dge ba mi spyoms pa dang / sdig pa bshags par gyis shig ces bstan mod kyi 'on kyang khyed cag las gang gis gnas pa gang gis snyoms par 'jug pa thob pa des gnas pa de'i snyoms par 'jug pa des bram ze 'di'i gtsug lag khang du mtshan mo'i thun dang po 'da' bar gyis shig ces byung ngo / /dge slong de dag gis tshe dang ldan pa kun dga' bo bka' bzhin 'tshal zhes tshe dang ldan pa kun dga' bo las mnyan nas gang gis gnas pa gang gis snyoms par 'jug pa thob pa des gnas pa'i snyoms par 'jug pa des bram ze de'i gtsug lag khang du mtshan mo'i thun dang po 'da' bar byas so/ /de nas bcom ldan 'das mtshan mo'i gung thun la der gshegs nas bcom ldan 'das kyis 'jig rten pa'i thugs bskyed pa mdzad do/ /sangs rgyas bcom ldan 'das rnams kyis chos nyid ni gal te 'jig rten pa'i thugs skyed par mdzad na ni tha na srog chags grog sbur gyis kyang bcom ldan 'das kyi thugs sems kyis shes la/ ji ste 'jig rten las 'das pa'i thugs bskyed par mdzad na ni rang sangs rgyas rnams kyis kyang bcom ldan 'das kyi thugs sems kyis mi shes na nyan thos la sogs pas lta smos kyang ci dgos/ de nas tshangs pa dang / brgya byin la sogs pa lha rnams 'di snyam du sems te/ ci'i slad du bcom ldan 'das kyis 'jig rten pa'i thugs bskyed pa mdzad snyam pa dang / bcom ldan 'das bram ze de'i gtsug lag khang du mtshan mo'i gung thun la lha rnams la chos ston par bzhed par mthong ngo / /de nas brgya byin dang / tshangs pa la sogs pa lha rnams kyis bcom ldan 'das kyi thugs sems kyis shes nas 'di lta ste/ dper na skyes bu'i lag pa bskum pa las rkyong bar byed pa 'am/ brkyang ba las skum par byed pa de bzhin du tshangs pa dang / brgya byin la sogs pa lha rnams lha'i 'jig rten nas mi snang bar gyur te/ bcom ldan 'das kyi spyan sngar lhags nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /bcom ldan 'das kyis kyang de dag la chos bstan pa mdzad nas de dag gis/ bcom ldan 'das kyis bka' stsal pa la mngon par dga' ba dang rjes su yi rang ba byas te/ bcom ldan 'das kyi zhabs gnyis la mgo bos phyag 'tshal te de nyid du mi snang bar gyur to/ /bcom ldan 'das kyang der mtshan mo'i gung thun 'da' bar mdzad nas gshegs so/ /mtshan mo'i thun tha ma la sprin kha dog lnga pa 'dus nas des gtsug lag khang der ji tsam du dper na sbyang chus gang bar gyur pa bzhin du chus gang bar gyur pa de tsam gyi char phab nas chu des ci nas kyang gtsug lag khang de thams cad rdib par gyur pa de tsam du bangs par gyur to/ /drug sde dag gis de ltar gtsug lag khang de thams cad rdib par gyur to zhes thos so thos nas kyang de dag skrag ste bros so/ /bram ze des kyang phyi de nyin par bca' ba dang bza' ba gtsang zhing bsod pas shing rta bkang ste gtsug lag khang du 'ongs nas des dge slong rnams la dris pa/ 'phags pa dag bdag gi gtsug lag khang de gang lags/ de na rgan zhugs drug sde dag dang khon yod pa zhig 'dug pas smras pa/ bram ze khyed kyi gtsug lag khang de ni rnga mo sgyel ba bzhin du 'dug pa 'di yin gyis/ ci nas kyang sgo skyes kyis dpral ba mi bcom pa de ltar bag gyis la 'dir zhugs shig /bram ze des smras pa/ bdag gis gtsug lag khang la nor gyi phung po 'di snyed cig yongs su btang na gtsug lag khang de yang yongs su ma spyad pa kho nar rdib po zhes rigs nas brgyal te sa la 'gyel to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la bram ze de la 'di skad ces lha dang mi mang po dag gis de bzhin gshegs pa la bsngos te/ gtsug lag khang dag byed du bcug pa de dag ni de bzhin gshegs pas yongs su ma spyad kyis/ khyod kyi gtsug lag khang gang yin pa 'di ni dge slong gnas brtan gnas brtan dag gis mtshan mo'i thun dang po la yongs su spyad cing / bcom ldan 'das brgya byin dang tshangs pa la sogs pa lha rnams dang bcas pas kyang mtshan mo'i gung thun la yongs su spyad pas khyod kyis ni rnyed pa leg par rnyed do zhes gyis shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas bram ze de ga la ba der song ste phyin nas bram ze de la 'di skad ces smras so/ /bram ze bcom ldan 'das kyis bka' stsal pa/ lha dang mi mang po dag gis de bzhin gshegs pa la bsngos te gtsug lag khang dag byed du bcug pa de dag ni de bzhin gshegs pas yongs su ma spyad kyis/ khyod kyi gtsug lag khang 'di ni dge slong gnas brtan gnas brtan dag gis mtshan mo'i thun dang po la yongs su spyad cing / bcom ldan 'das dang brgya byin dang / tshangs pa la sogs pa lha rnams dang bcas pas kyang mtshan mo'i gung thun la yongs su spyad pas khyod kyis ni rnyed pa legs par rnyed do zhes byung ngo / /btsun pa kun dga' bo bdag gis gtsug lag khang bcom ldan 'das kyis yongs su spyad dam/ bram ze yongs su spyad do/ /btsun pa kun dga' bo gal te bdag gi gtsug lag khang bcom ldan 'das kyis yongs su spyad na bdag bcom ldan 'das kyi slad du gdugs re re zhing gtsug lag khang 'di lta bu sha stag bgyid du stsol bar yang spro'o/ /bdag gis dge ba'i bshes gnyen de dag gar mchis/ drug sde dag gis bram ze de de ltar bdag cag 'dri'o zhes thos so/ /thos nas kyang myur ba myur bar lhags pa dang / bram ze des de dag la ras yug chen sar pa re re bskon cing yo byad thams cad kyis kyang bstabs so/ /dge slong rnams kyis de dag la drug sde dag gis gtsug lag khang 'di 'dra ba byed du bcug go zhes smras pa dang / drug sde dag gis smras pa/ kho bo cag gis de ltar bram ze de'i nor de snyed chud zos par gyur du zin kyang 'on kyang des kho bo cag la ras yug chen sar pa re re bskon cing yo byad thams cad kyis kyang bstabs par gyur pa de ltar kho bo cag gis bram ze de mngon par dad par byas so/ /dge slong don nyung ngu dag ci'i phyir dge slong dag yan lag gang gis ngo tsha bar bya ba'i yan lag de nyid kyis rlom par byed ces smod par byed phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis mi mdzes so/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslabs pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslabs pa'i gzhi 'di ltar gdon par bya ste/ dge slong gis gtsug lag khang chen po zhig rtsig tu 'jud na sgo'i sbubs dang / gtan pa dang snang ba'i gnas ji tsam pa'i 'du shes kyis sa brtag pa nas bzung ste pha gu'i rim pa 'jim pa dang bcas pa gnyis sam/ gsum brtsigs par bya'o/ /de las lhag par rtsig na ltung byed do/ /dge slong gis shes bya ba ni drug sde 'am/ gzhan yang de lta bu gang yin pas so/ /gtsug lag khang zhes bya ba ni gang du spyod lam bzhi po 'gro ba dang / 'greng ba dang / 'dug pa dang / nyal ba dag byar rung ba'o/ /chen po zhes bya ba ni chen po gnyis te/ sbyin par bya ba las dang / tshad las te don 'dir ni gnyis ga yin par dgongs so/ /rtsig tu 'jud na zhes bya ba ni bdag nyid kyis sam gzhan no/ /sgo'i sbubs dang gtan pa zhes bya ba ni sgo'i sbubs dang / gtan pa gzhug par bya'o/ /snang ba'i gnas ji tsam pa'i 'du shes kyi shes bya ba ni skar khung dag dang chu khung gi gnas ji tsam gdod par bya ba'i 'du shes kyis so/ /sa brtag pa nas bzung ste pha gu'i rim pa 'jim pa dang bcas pa gnyis sam/ gsum zhes bya ba la/ pha gu'i rim pa zhes bya ba ni pha gu rtseg ma'o/ /'jim pa dang bcas pa zhes bya ba ni sa 'jim pa dang ces pa'o/ /rtsig par bya'o zhes bya ba ni gzhag par bya'o/ /de las lhag par brtsigs na zhes bya ba ni de las lhag par 'jog na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ / de la ltung bar ji ltar 'gyur zhe na/ dge slong gis ji tsam cung zad pha gu'i rim pa gnyis sam/ gsum las lhags par rtsigs na thams cad du ltung byed du 'gyur ro/ /rdo 'ba' shig gam/ so phag gam/ thams cad shing las byas pa 'am/ sbyin bdag na re byas nas blta'o/ /zin nas blta'o zhes zer ba la ltung ba med do/ /sangs rgyas bcom ldan 'das la dge slong rnams kyis zhus pa/ btsun pa tshe dang ldan pa shA ri'i bus tshe dang ldan pa 'dun pa lag gi blar bsgo bar bgyis pa bzlog pa la gzigs/ dge slong dag da ltar du ma zad de 'di ltar 'das pa'i dus na yang 'dis de bya'i rgyal por dbang bskur bar byas pa bzlog ste de nyon cig /dge slong dag sngon byung ba 'das pa'i dus na gangs kyi ser ka na bya'i tshogs chen po 'khod pa de dag gis bya'i rgyal po dus la bab nas de dag cig la gcig gnod par byed par brtsams pa dang / de dag gis smras pa/ shes ldan dag bdag cag gis bdag cag gi nang na gang bdag cag la chad pas gcod pa dang / phan 'dog par nus pa 'ga' zhig bya'i rgyal por dbang bskur bar bya na bdag cag gis gang zhig bya'i rgyal por dbang bskur bar bya/ de na ha cang thag mi ring ba zhig na 'ug pa rgan po zhig 'dug nas de dag gis smras pa/ 'ug pa rgan po 'dis bya'i rgyal por dbang bskur bar bya'o/ /de dang ha cang thag mi ring ba zhig na ne tso rgan po zhig 'dug nas/ de dag gis smras pa/ re shig ne tso rgan po 'di la yang dri bar bya'o zhes de dag de'i gan du song ste dris pa dang / ne tso rgan po des tshigs su bcad pa smras pa/ bya rnams 'ug pa dbang bskur du/ /bdag ni mos pa ma yin te/ /ma khros pa yi bzhin la ltos/ / khros na ji lta byed par 'gyur/ /de dag gis de dbang ma bskur bar ne rtso rgan po de nyid bya'i rgyal por dbang bskur to/ /dge slong dag de'i tshe de'i dus na ne rtso rgan po gang yin pa de ni shA ri'i bu 'di yin no/ /de'i tshe de'i dus na 'ug pa rgan po gang yin pa de ni 'dun pa 'di nyid yin te/ de'i tshe na yang 'dis de bya'i rgyal por dbang bskur bar byas pa bzlogs la da ltar yang 'dis de lag gis blar bsko bar byas pa bzlog go/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /gtsug lag khang gi ltung byed de nyi shu pa rdzogs s+ho// // sdom la/ ma bskos nyi ma nub pa dang / /zas dang chos gos gnyis dag dang / /don 'thun gru dang dben pa gnyis/ /dge slong ma yis sbyor bcug pa'o/ / bar sdom la/ dga' byed bstan pa'i mdo' sde dang / /drug sde lam mdo byi ro dang / /mdzod gsum 'phags 'tshongs 'du shes med/ /'tsho byad rta' dang smon lam mo/ /sangs rgyas bcom ldan 'das mnyan yod na rgyal byed kyi tshal/ mgon med zas sbyin gyi kun dga' ra ba na bzhugs so/ /de'i tshe na dge slong ma 'phags ma nyan thos chen mo gnas brtan mo gnas brtan mo 'di lta bu 'di dag mnyan yod du dge slong ma'i dbyar khang rgyal po'i kun dga' ra bar dbyar gnas par khas blangs te 'di lta ste skul byed ma dang / min da dang / ma da dang / pa Thad tsa ra dang / 'brog gnas dang / bde ba dang / zla ba dang / gau ta ma'i skem mo dang / ut+pa la'i mdog dang / dge slong ma skyes dgu'i bdag mo chen mo gau ta mI dang / de dag dang gzhan yang dge slong ma nyan thos chen mo gnas brtan mo gnas brtan mo dag / mnyan yod du dge slong ma'i dbyar khang rgyal po'i kun dga' ra bar dbyar gnas par khas blangs so/ /de nas skyes dgu'i bdag mo gau ta ma'i 'khor dge slong ma lnga brgya dang / bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das skyes dgu'i bdag mo chen mo gau ta mI la chos dang ldan pa'i bka' mchid kyis yang dag par ston par mdzad/ yang dag par 'dzin du 'jud par mdzad/ yang dag par gzeng stod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gau ta mI khyod kyis dus yin gyis song shig ces skul bar mdzad do/ /de nas skyes dgu'i bdag mo chen mo gau ta mIs bcom ldan 'das kyis bka' stsal pa la mngon par dga' ba dang / rjes su yi rang ba byas te bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo / /de nas bcom ldan 'das kyis skyes dgu'i bdag mo chen mo gau ta mI song nas ring po ma lon par thugs su chud nas dge slong rnams la bka' stsal pa/ dge slong dag nga ni da rgan po rgas pa dgog tu gyur pa yin pas 'khor bzhi po/ dge slong dang / dge slong ma dang / dge bsnyen dang / dge bsnyen ma dag la ston na ngal bar 'gyur gyis/ dge slong dag de lta bas na deng phyin chad dge slong gnas brtan gnas brtan rnams kyis res kyis dge slong ma la ston cig /de'i tshe na dge slong gnas brtan gnas brtan rnams res kyis dge slong ma rnams la ston par byed do/ /tshe dang ldan pa dga' byed ni res bab pa na dge slong ma rnams la ston par mi btub bo/ /de nas skyes dgu'i bdag mo chen mo gau ta mI 'khor dge slong ma lnga brgya dang / bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das skyes dgu'i bdag mo chen mo gau ta mI la chos dang ldan pa'i bka' mchid kyis yang dag par ston par mdzad/ yang dag par 'dzin du 'jud par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gau ta mI khyod kyi dus yin gyis song shig ces skul bar mdzad do/ / de nas skyes dgu'i bdag mo chen mo gau ta mIs bcom ldan 'das kyis bka' stsal pa la mngon par dga' ba dang / rjes su yi rang ba byas te bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo / /de nas bcom ldan 'das kyi skyes dgu'i bdag mo chen mo gau ta mI song nas ring po ma lon par thugs su chud nas tshe dang ldan pa kun dga' bo la bka' stsal pa/ kun dga' bo dge slong gnas brtan gang dag dge slong ma la res kyis ston par byed/ btsun pa dge slong gnas brtan gnas brtan dag phal cher dge slong ma la res kyis ston par bgyid de/ tshe dang ldan pa dga' byed ni res bab kyang dge slong ma la ston par mi 'tshal lo/ /de'i tshe na tshe dang ldan pa dga' byed 'khor de nyid na 'dug cing mthun par gyur to/ /de nas bcom ldan 'das kyis tshe dang ldan pa dga' byed la bka' stsal pa/ dga' byed khyod kyis dge slong ma la thoms shig /dga' byed khyod kyis dge slong ma la rjes su ston cig /dga' byed khyod kyis dge slong ma rnams la chos dang ldan pa'i gtam gyis shig /de ci'i phyir zhe na/ dga' byed dge slong ma la nga 'am/ khyod kyis gtam kyang rung zhing / dge slong ma la nga 'am/ khyod kyis rjes su bstan kyang rung la/ dge slong ma rnams la nga 'am/ khyod kyis chos dang ldan pa'i gtam byar yang rung ba'i phyir ro/ /tshe dang ldan pa dga' byed kyis cang ma smras pa'i bcom ldan 'das las dang du blangs so/ /de nas tshe dang ldan pa dga' byed kyis bcom ldan 'das kyis bka' stsal pa la mngon par dga' ba dang rjes su yi rang ba byas te bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo / /de nas tshe dang ldan pa dga' byed de nyid kyi mtshan mo 'das nas snga dro sham thabs bgos lhung bzed dang chos gos thogs te mnyan yod du bsod snyoms la zhugs so/ /de nas mnyan yod du bsod snyoms brgyus nas zas kyi bya ba byas te phyi ma'i zas kyi bsod snyoms las phyir log pas lhung bzed dang chos gos mkhos su phab ste rkang pa gnyis bkrus nas nang du yang dag 'jog gi phyir gtsug lag khang du zhugs so/ /de nas tshe dang ldan pa dga' byed phyem bred nang du yang dag 'jog las langs nas snam sbyar thog te phyi bzhin 'brang ba'i dge sbyong dge slong zhig dang dge slong ma'i dbyar khang rgyal po'i kun dga' ra ba ga la ba der song ngo / /dge slong ma de dag gis tshe dang ldan pa dga' byed thag ring po kho na nas mthong ngo / /mthong nas kyang tshe dang ldan pa dga' byed kyi phyir bstan shom par byed cing 'di skad ces kyang smras so/ /btsun pa dga' byed tshur gshegs/ btsun pa dga' byed byon pa legs so/ /btsun pa dga' byed gdan bshams pa nyid la bzhugs su gsol/ tshe dang ldan pa dga' byed stan bshams pa nyid la 'dug go/ /de nas dge slong ma de dag gis tshe dang ldan pa dga' byed kyi rkang pa gnyis la phyag 'tshal te mtha' cig tu 'khod do/ /mtha' gcig tu 'khod nas tshe dang ldan pa dga' byed kyis dge slong ma de dag la 'di skad ces smras so/ /sring mo dag khyed cag rnam par sel ba yongs su dris shig dang / chos dang ldan pa'i gtam brjod par bya'o/ /de la khyed kyis kun shes pa dag gis kyang kun shes so zhes brjod par gyis shig /kun mi shes pa dag gis kyang kun mi shes so zhes brjod par gyis shig /gang gis smras pa gang gis don kun shes pa des ni de kho na bzhin du zung shig /gang gis smras pa gang gis don kun mi shes pa des ni bdag nyid la btsun pa dga' byed smras pa 'di'i don ci lags/ 'di ji lta bu lags shes yongs su dris shig /btsun pa dga' byed gang gi slad du btsun pa dga' byed kyis de skad ces sring mo dag khyed cag rnam par sel ba dris shig dang chos dang ldan pa'i gtam brjod par bya'o/ /de la khyed kyis kun shes pa dag gis kyang kun shes so zhes brjod par gyis shig /kun mi shes pa dag gis kyang kun mi shes so zhes brjod par gyis shig /gang gis smras pa gang gis don kun shes pa des ni de kho na bzhin du zung shig /gang gis smras pa gang gis don kun mi shes pa des ni bdag nyid la btsun pa dga' byed smras pa 'di'i don ci lags 'di ji lta bu lags zhes yongs su dris shig ces bka' stsal pa de nyid kyis bdag cag glo ba dga' zhing rangs par gyur to/ /btsun pa dga' byed chos gsungs shig dang bdag cag gis kun 'tshal ba dag gis kyang kun 'tshal to zhes brjod par bgyi'o/ /kun ma 'tshal ba dag gis kyang kun ma 'tshal to zhes brjod par bgyi'o/ /gang gis smras pa gang gis don kun 'tshal ba des ni de kho na bzhin du gzungs bar bgyi'o/ /gang gis smras pa gang gis don kun ma 'tshal ba des ni btsun pa dga' byed nyid la btsun pa dga' byed smras pa 'di'i don ci lags 'di ji lta bu lags shes yongs su dri bar bgyi'o/ /sring mo dag khyed kyis nang gi skye mched mig la 'di ni bdag gi'o/ /'di ni bdag go/ /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /sring mo dag khyed kyis nang gis skye mched rna ba dang / sna dang / lce dang / lus dang / yid la 'di ni bdag gi'o/ /'di ni bdag go/ /'di ni bdag gi bdag go zhes yang dag par rjes su mthong ngam/ btsun pa dga' byed ma mthong ngo / /de ci'i slad du zhe na/ btsun pa dga' byed bdag cag gis dang po nyid nas ji ltar nang gi skye mched drug po 'di dag bdag ma mchis pa de ltar yang dag pa'i shes rab kyis yang dag pa ji lta ba bzhin du mthong zhing bdag cag gis sems kyang ji ltar nang gi skye mched drug po 'di dag bdag ma mchis pa de ltar de la mos pa'i slad du'o/ /sring mo dag legs so legs so/ /smras pa de'i don ni ji ltar nang gi skye mched drug po 'di dag bdag med pa de kho na bzhin du blta bar bya'o/ /sring mo dag khyed kyis phyi rol gyi skye mched gzugs dag la 'di ni bdag gi'o/ /'di ni bdag go/ /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /sring mo dag khyed kyis phyi rol gyi skye mched sgra dag dang / dri dag dang / ro dag dang / reg bya dag dang / chos dag la 'di ni bdag gi'o/ /'di ni bdag go/ /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /de ci'i slad du zhe na/ btsun pa dga' byed bdag cag gis dang po nyid nas ji ltar slad rol gyi skye mched drug po 'di dag bdag ma mchis pa de ltar yang dag pa'i shes rab kyis yang dag pa ji lta ba bzhin du mthong zhing / bdag cag gis sems kyang ji ltar slad rol gyi skye mched drug po 'di dag bdag ma mchis pa de ltar de la mos pa'i slad du'o/ /sring mo dag legs so legs so/ /smras pa de'i don ni ji ltar phyi rol gyi skye mched drug po 'di dag bdag med pa de kho na bzhin du blta bar bya'o/ /sring mo dag khyed kyis mig dang gzugs rnams la brten nas mig gi rnam par shes pa skye ba'i mig gi rnam par shes pa de la 'di ni bdag gi'o/ /'di ni bdag go 'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /sring mo dag khyed kyis rna ba dang / sna dang / lce dang / lus dang / yid dang / chos rnams la brten te yid kyi rnam par shes pa skye ba'i yid kyi rnam par shes pa de la 'di ni bdag gi'o/ /'di ni bdag go/ /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /de ci'i slad du zhe na/ btsun pa dga' byed bdag cag gis dang po nyid nas ji ltar rnam par shes pa'i tshogs drug po 'di dag bdag ma mchis pa de ltar yang dag pa'i shes rab kyis yang dag pa ji lta ba bzhin du mthong zhing / bdag cag gis sems kyang ji ltar rnam par shes pa yi tshogs drug po 'di dag bdag ma mchis pa de ltar de la mos pa'i slad du'o/ /sring mo dag legs so legs so/ /smras pa de'i don ni ji ltar rnam par shes pa'i tshogs drug po 'di dag bdag med pa de kho na bzhin du blta bar bya'o/ /sring mo dag khyed kyis mig dang gzugs rnams la brten nas mig gi rnam par shes pa skye zhing gsum 'dus pa las reg pa'i mig gi 'dus te reg pa de la 'di ni bdag gi'o/ /'di ni bdag go/ /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /sring mo dag khyed kyi rna ba dang / sna dang / lce dang / lus dang / yid dang / chos rnams la brten te yid kyi rnam par shes pa skye zhing / gsum 'dus pa las reg pa'i yid kyi 'dus te reg pa de la 'di ni bdag gi'o/ /'di ni bdag go/ /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /de ci'i phyir zhe na/ btsun pa dga' byed bdag cag gis dang po nyid nas ji ltar reg pa'i tshogs drug po 'di dag bdag ma mchis pa de ltar yang dag pa'i shes rab kyis yang dag pa ji lta ba bzhin du mthong zhing bdag cag gis sems kyang ji ltar reg pa'i tshogs drug po 'di dag bdag ma mchis pa de ltar de la mos pa'i slad du'o/ /sring mo dag legs so legs so/ /smras pa de'i don ni ji ltar reg pa'i tshog drug po 'di dag bdag med pa de kho na bzhin du blta bar bya'o/ /sring mo dag khyed kyis mig dang gzugs rnams la brten nas mig gi rnam par shes pa skye zhing / gsum 'dus pa las reg pa/ reg pa'i rkyen gyis tshor ba'i mig gi 'dus te reg pa las byung ba'i tshor ba de la 'di ni bdag gi'o/ /'di ni bdag go/ / 'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /sring mo dag khyed kyis rna ba dang / sna dang / lce dang / lus dang / yid dang / chos rnams la brten te yid kyi rnam par shes pa skye zhing gsum 'dus pa las reg pa/ reg pa'i rkyen gyis tshor ba'i yid kyi 'dus te reg pa las byung ba'i tshor ba de la 'di ni bdag gi'o/ /'di ni bdag go/ /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /de ci'i slad du zhe na/ btsun pa dga' byed bdag cag gis dang po nyid nas ji ltar tshor ba'i tshogs drug po 'di dag bdag ma mchis pa de ltar yang dag pa'i shes rab kyis yang dag pa ji lta ba bzhin du mthong zhing bdag cag gis sems kyang ji ltar tshor ba'i tshogs drug po 'di dag bdag ma mchis pa de ltar de la mos pa'i slad du'o/ /sring mo dag legs so legs so/ /smras pa de'i don ni ji ltar reg pa'i tshogs drug po 'di dag bdag med pa de kho na bzhin du blta bar bya'o/ /sring mo dag khyed kyis mig dang gzugs rnams la brten nas mig gi rnam par shes pa skye zhing / gsum 'dus pa las reg pa/ reg pa'i rkyen gyis tshor ba/ tshor ba'i rkyen gyis sred pa'i mig gi 'dus te reg pa las byung ba'i sred pa de la 'di ni bdag gi'o/ /'di ni bdag go/ /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /sring mo dag khyed kyis rna ba dang / sna dang / lce dang / lus dang / yid dang / chos rnams la brten te yid kyi rnam par shes pa skye zhing / gsum 'dus pa las reg pa/ reg pa'i rkyen gyis tshor ba/ tshor ba'i rkyen gyis sred pa'i yid kyi 'dus te reg pa las byung ba'i srid pa de la 'di ni bdag gi'o/ /'di ni bdag go/ /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /de ci'i slad du zhe na/ btsun pa dga' byed bdag cag gis dang po nyid nas ji ltar srid pa'i tshogs drug po 'di dag ni bdag ma mchis pa de ltar yang dag pa'i shes rab kyis yang dag pa ji lta ba bzhin du mthong zhing / bdag cag gis sems kyang ji ltar sred pa'i tshogs drug po 'di dag bdag ma mchis pa de ltar de la mos pa'i slad du'o/ /sring mo dag legs so legs so/ /smras pa de'i don ni ji ltar sred pa'i tshogs drug po 'di dag bdag med pa de kho na bzhin du blta bar bya'o/ /sring mo dag 'di lta ste dper na 'bru mar dang / mar me'i snying po la brten nas 'bru mar gyi mar me 'bar bar 'gyur zhing / 'bru mar gyi mar me de'i 'bru mar yang mi rtag pa yin/ mar me'i snying po dang / me lce dang snod kyang mi rtag pa yin na/ sring mo dag gang 'di skad ces de'i 'bru mar med pa dang mar me'i snying po dang / me lce dang / snod med na yang de la brten pa'i snang ba gang yin pa de rtag pa/ brtan pa ther zug pa/ rnam par mi 'gyur ba'i chos can yang dag pa de kho na bzhin du gnas par 'gyur ro zhes zer na/ de skad zer ba de yang dag par smras pa yin nam/ btsun pa dga' byed ma lags so/ /de ci'i slad du zhe na/ btsun pa dga' byed 'di ltar 'bru mar gyi mar me de'i 'bru mar yang mi rtag pa lags/ mar me'i snying po dang / me lce dang / snod kyang mi rtag pa lags la/ de'i 'bru mar ma mchis shing / zhun mar gyi snying po dang / me lce dang / snod ma mchis na de la brten pa'i snang ba gang lags pa de thams cad du mi 'byung ba'i slad du'o/ /sring mo dag de bzhin du nang gi skye mched drug po mi rtag pa 'di dag la gang 'di skad ces nang gi skye mched drug po mi rtag pa 'di dag la brten nas bde ba dang / yid bde ba skyed pa gang yin pa de rtag pa/ brtan pa ther zug pa/ rnam par mi 'gyur ba'i chos can yang dag pa de kho na bzhin du gnas par 'gyur ro/ /zhes zer na de skad ces zer ba de yang dag par smra ba yin nam btsun pa dga' byed ma lags so/ /de ci'i slad du zhe na/ btsun pa dga' byed bdag cag gis dang po nyid nas ji ltar nang gi skye mched drug po 'di dag mi rtag pa de ltar yang dag pa'i shes rab kyis yang dag pa ji lta ba bzhin du mthong zhing / bdag cag gis sems kyang ji ltar chos de dang de dag skyes pas chos de dang de dag skyes par 'gyur zhing / chos de dang de dag 'gags pas chos de dang de dag 'gag par 'gyur ba dang / nye bar zhi bar 'gyur ba dang / bsil bar 'gyur ba dang / nub par 'gyur ba de ltar de la mos pa'i slad du'o/ /sring mo dag legs so legs so/ /smras pa de'i don ni ji ltar nang gi skye mched drug po 'di dag mi rtag cing chos de dang de dag skye bas chos de dang de dag skye bar 'gyur zhing / chos de dang de dag 'gags pas chos de dang de dag 'gag par 'gyur ba dang / nye bar zhi bar 'gyur ba dang / bsil bar 'gyur ba dang / nub par 'gyur ba de kho na bzhin du blta bar bya'o/ /sring mo dag 'di lta ste dper na shing ljon pa chen po rtsa ba dang ldan pa/ sdong po dang ldan pa/ snying po dang ldan pa/ yal ga dang / lo ma dang / me tog dang / 'bras bu dang ldan pa'i rtsa ba yang mi rtag pa yin/ sdong po dang / snying po dang / yal ga dang / lo ma dang / me tog dang / 'bras bu yang mi rtag pa yin na sring mo dag gang 'di skad ces de'i rtsa ba med pa dang / sdong po dang / snying po dang / yal ga dang / lo ma dang / me tog dang / 'bras bu med na yang de la brten pa'i grib ma gang yin pa de rtag pa/ brtan pa ther zug pa/ rnam par mi 'gyur ba'i chos can yang dag pa de kho na bzhin gnas par 'gyur ro zhes zer na/ de skad zer ba de yang dag par smra ba yin nam/ btsun pa dga' byed ma lags so/ /de ci'i slad du zhe na/ btsun pa dga' byed 'di ltar zhugs shing ljon pa chen po rtsa ba dang ldan pa/ sdong po dang ldan pa/ snying po dang ldan pa/ yal ga dang / lo ma dang / me tog dang / 'bras bu dang ldan pa/ de'i rtsa ba yang mi rtag pa lags/ sdong po dang / snying po dang / yal ga dang / lo ma dang / me tog dang / 'bras bu yang mi rtag pa lags la/ de'i rtsa ba ma mchis shing / sdong po dang / snying po dang / yal ga dang / lo ma dang / me tog dang / 'bras bu ma mchis na/ de la brten pa'i grib ma gang lags pa de thams cad kyi thams cad du mi 'byung ba'i slad du'o/ /sring mo dag de bzhin du phyi rol gyi skye mched drug po mi rtag pa 'di dag la gang 'di skad ces phyi rol gyi skye mched drug po mi rtag pa 'di dag la brten nas bde ba dang / yid bde ba skyes pa gang yin pa de rtag pa/ brtan pa/ ther zug pa/ rnam par mi 'gyur ba'i chos can yang dag pa de kho na bzhin du gnas par 'gyur ro zhes zer na de skad zer ba de yang dag par smra ba yin nam/ btsun pa dga' byed ma lags so/ /de ci'i slad du zhe na/ btsun pa dga' byed bdag cag gis dang po nyid nas ji ltar slad rol gyi skye mched drug po 'di dag mi rtag pa de ltar yang dag pa'i shes rab kyis yang dag pa'i lta ba bzhin du mthong zhing / bdag cag gi sems kyang ji ltar chos de dang de dag skyes pas chos de dang de dag skye bar 'gyur zhing / chos de dang de dag 'gags pas chos de dang de dag 'gag par 'gyur ba dang / nye bar zhi bar 'gyur ba dang / bsil bar 'gyur ba dang / nub par 'gyur ba de ltar de la mos pa'i slad du'o/ /sring mo dag legs so legs so/ / smras pa de'i don ni ji ltar phyi rol gyi skye mched drug po 'di dag mi rtag cing chos de dang de dag skyes pas chos de dang de dag skye bar 'gyur zhing / chos de dang de dag 'gags pas chos de dang de dag 'gag par 'gyur ba dang / nye bar zhi bar 'gyur ba dang / bsil bar 'gyur ba dang / nub par 'gyur ba de kho na bzhin du blta bar bya'o/ /sring mo dag 'di na skye bu mkhas pa dag dpe smras pa don kun shes par 'gyur bas de'i phyir re shig dpe nyon cig /sring mo dag 'di lta ste dper na ba lang gsod pa 'am/ ba lang gsod pa'i slob ma mkhas pa zhig gis ba lang bsha' ba'i gri rnon pos ba lang bsad de de'i nang gi sha'i tshogs kyang ma nyams phyi rol gyi lpags pa'i tshogs kyang ma nyams par bar gyi chu rgyus dang / bar gyi glo ba dang / bar gyi mchin pa dang / bar gyi rtsa rgyun gang yin pa de dag thams cad kun du bcad/ kun du dral nas kun du brdung bar byed/ kun du bsnyal bar byed cing de dag thams cad kun du bcad/ kun du dral nas kun du brdung / kun du bsnyal te yang ba lang gi ko bas g.yogs par gyur pa de la sring mo dag gang 'di skad ces ba lang ko ba dang ldan pa yin gyi bral ba ma yin no zhes zer na de skad zer ba de yang dag par smra ba yin nam/ btsun pa dga' byed ma lags so/ /de ci'i slad du zhe na/ btsun pa dga' byed 'di ltar ba lang 'gums pa 'am/ ba lang 'gums pa'i slob ma mkhas pas ba lang 'gums pa'i gri rnon pos ba lang bkum ste nang gi sha'i tshogs kyang ma nyams slad rol gyi lpag pa'i tshogs kyang ma nyams par bar gyi chu rgyus dang / bar gyi glo ba dang / bar gyi mchin pa dang / bar gyi rtsa rgyun gang lags pa de dag thams cad kun du bcad/ kun du dral nas kun du brdung bar bgyid/ kun du bsnyal bar bgyid cing de dag thams cad kun du bcad/ kun du dral nas kun du brdungs/ kun du bsnyal te yang ba lang gi ko bas g.yogs par gyur pa de ni btsun pa dga' byed ba lang ko ba dang ldan pa ma lags kyis bral ba lags pa'i slad du'o/ /sring mo dag de ltar ji tsam du don rnam par rig par bya ba'i phyir dpe de byas te/ 'di la don ni 'di yin par blta bar bya ste/ sring mo dag ba lang zhes bya ba de ni lus gzugs can rags pa 'byung ba chen po bzhi las gyur pa/ pha ma'i mi gtsang ba mer mer po las byung ba/ 'bras chan dang zan dron gyis nye bar bsags pa/ rtag tu byug pa dang / khrus dang / mnye ba dang / 'bye ba dang / rnam par 'thor ba dang / rnam par 'jig pa'i chos can gang yin pa'i tshig bla dgas yin no/ /nang gi sha'i tshogs shes bya ba de ni nang gi skye mched drug po dag gi tshig bla dgas yin no/ /phyi rol gyi lpags pa'i tshogs shes bya ba de ni phyi rol gyi skye mched drug po dag gi tshig bla dgas yin no/ /bar gyi chu rgyus dang / bar gyi glo ba dang / bar gyi mchin pa dang / bar gyi rtsa rgyun zhes bya ba de ni dga' ba'i 'dod chags kyi tshig bla dgas yin no/ /ba lang gsod pa 'am/ ba lang gsod pa'i slob ma mkhas pa zhes bya ba de ni 'phags pa'i nyan thos thos pa dang ldan pa'i tshigs bla dgas yin no/ /gri zhes bya ba de ni shes rab kyi mtshon gyi tshigs bla dgas yin no/ /sring mo dag 'phags pa'i nyan thos thos pa dang ldan pas shes rab kyi mtshon gyis kun du sbyor ba dang / 'ching ba dang / bag la nyal ba dang / nye ba'i nyon mongs pa dang / kun nas dkris pa thams cad kun du gcod par byed/ kun du 'dral bar byed/ kun du brdungs bar byed/ kun du bsnyal bar byed do/ /sring mo dag de lta bas na 'di ltar bslab par bya ste/ 'dod chags spangs pa'i phyir chags par 'gyur ba'i chos rnams la bdag gi sems gang yin pa chags par mi 'gyur ba dang / zhe sdang spangs pa'i phyir zhe sdang bar 'gyur ba'i chos rnams la bdag gi sems gang yin pa zhe sdang bar mi 'gyur ba dang / gti mug spangs pa'i phyir rmongs par 'gyur ba'i chos rnams la bdag gi sems gang yin pa rmongs par mi 'gyur ba de ltar bslab par bya'o/ /sring mo dag de lta bas na 'di ltar bslab par bya ste/ nye bar len pa'i phung po lnga po dag la 'byung ba dang 'jig par rjes su lta zhing gnas par bya'o/ /reg pa'i skye mched drug po dag la kun 'byung ba dang nub par 'gyur bar rjes su lta zhing gnas par bya'o/ / dran pa nye bar gzhag pa bzhi po dag la sems nye bar bzhag cing gnas par bya'o/ /dran pa nye bar gzhag pa bzhi po dag la sems legs par nye bar bzhag cing gnas na byang chub kyi yan lag bdun po dag kun du bsten par bya/ gom par bya/ lan mang du bya'o/ /zhes de ltar bslab par bya'o/ /sring mo dag khyed kyis byang chub kyi yan lag bdun po dag kun du bsten pa'i rgyu dang / goms par byas pa'i rgyu dang / lan mang du byas pa'i rgyu dang legs par yid la byas pa'i rgyus 'dod pa'i zag pa las sems 'dod chags dang bral zhing rnam par grol ba dang / srid pa'i zag pa dang ma rig pa'i zag pa las sems 'dod chags dang bral zhing rnam par grol bar 'gyur ro/ /sring mo dag khyed cag rnam par grol ba dag la bdag cag skye ba ni zad/ tshangs par spyod pa ni spyad/ bya ba ni byas srid pa 'di las gzhan ni mi shes so zhes rnam par grol ba'i shes pa dang mthong ba skye bar 'gyur gyis/ sring mo dag khyed kyis de ltar bslab par bya'o/ /de nas tshe dang ldan pa dga' byed dge slong ma de dag la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar byas nas stan las langs te song ngo / /de nas skye dgu'i bdag mo chen mo gau ta mI 'khor dge slong ma lnga brgya dang bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das skye dgu'i bdag mo chen mo gau ta mI la chos dang ldan pa'i bka' mchid kyis yang dag par ston par mdzad/ yang dag par 'dzin du 'dzud par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug / yang dag par gzeng bstod/ yang dag par rab tu dga' bar mdzad nas gau ta mI khyod kyi dus yin gyi song shig ces skul bar mdzad do/ /de nas skye dgu'i bdag mo chen mo gau ta mI bcom ldan 'das kyis bka' stsal pa la mngon par dga' ba dang rjes su yi rang ba byas te/ bcom ldan 'das kyi zhab gnyis la mgo bos phyag 'tshal nas bcom ldan 'das kyi spyan snga nas song ngo de nas bcom ldan 'das kyi skye dgu'i bdag mo chen mo gau ta mI song nas ring po ma lon par thugs su chud nas dge slong rnams la bka' stsal pa/ dge slong dag rigs kyi bu dga' byed kyi dge slong ma lnga brgya po dag la legs par gtams shing legs par rjes su bstan nas rnam par grol zhing mthar thug pa nyid ma thob kyang 'di'i tshe dus byed par gyur na ngas de dag kun du sbyor ba gang dang ldan pas yang 'jig rten 'dir 'ong bar 'gyur ba'i kun du sbyor ba gcig ma spangs par yang dag par rjes su ma mthong ba la ltos/ dge slong dag 'di lta ste dper na zla ba yar gyi ngo de nyid kyi tshes bcu bzhi la bab pa na mi dag zla ba la nya 'am/ nya ma yin zhes gnyis su 'byed par byed de/ 'di ltar nya ma yin pa'i phyir mthar thug pa nyid du ma gyur pa de bzhin du rigs kyi bu dga' byed kyis dge slong ma lnga brgya po dag la legs par gtams shing legs par rjes su bstan nas rnam par grol zhing mthar thug pa nyid ma thob kyang 'di'i tshe dus byed par gyur na/ ngas de dag kun sbyor ba gang dang ldan pas yang 'jig rten 'dir 'ong bar 'gyur ba'i kun du sbyor ba gcig ma spangs par yang dag par rjes su ma mthong ngo / /de ltar de nas bcom ldan 'das kyis dge slong ma lnga brgya po dag phyir mi 'ong ba nyid du lung bstan to/ /de nas bcom ldan 'das kyis yang lan gnyis su tshe dang ldan pa dga' byed la bka' stsal pa/ dga' byed khyod kyis dge slong ma la 'doms shig /dga' byed khyod kyis dge slong ma la rjes su ston cig /dga' byed khyod kyis dge slong ma rnams la chos dang ldan pa'i gtam gyis shig /de ci'i phyir zhe na/ dga' byed dge slong ma la nga 'am/ khyod kyis gtams kyang rung zhing dge slong ma la nga 'am/ khyod kyis rjes su bstan kyang rung la/ dge slong ma rnams la nga 'am/ khyod kyis chos dang ldan pa'i gtam byar yang rung ba'i phyir ro/ /tshe dang ldan pa dga' byed kyis cang mi smra bas bcom ldan 'das las dang du blangs so/ / de nas tshe dang ldan pa dga' byed kyis bcom ldan 'das kyis bka' stsal pa la mngon par dga' ba dang rjes su yi rang ba byas te/ bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo / /de nas tshe dang ldan pa dga' byed de nyid kyi mtshan mo 'das nas snga dro sham thabs bgos/ lhung bzed dang chos gos thogs te mnyan yod du bsod snyoms la zhugs so/ /des mnyan yod du bsod snyoms brgyus nas zas kyi bya ba byas te/ phyi ma'i zas kyi bsod snyoms las phyir log pas lhung bzed dang chos gos mkhos su phab ste rkang pa gnyis bkrus nas nang du yang dag 'jog gi phyir gtsug lag khang du zhugs so/ /de nas tshe dang ldan pa dga' byed phyem phred nang du yang dag 'jog las langs nas snam sbyar thogs te phyi bzhin 'brang ba'i dge sbyong dge slong zhig dang dge slong ma'i dbyar khang rgyal po'i kun dga' ra ba ga la ba der song ngo / /dge slong ma de dag gis tshe dang ldan pa dga' byed thag ring po kho na nas mthong ngo / /mthong nas kyang tshe dang ldan pa dga' byed kyi phyir stan shom par byed cing 'di skad ces kyang smras so/ /btsun pa dga' byed tshur gshegs/ btsun pa dga' byed byon pa legs so/ /btsun pa dga' byed gdan bshams pa nyid la bzhugs su gsol/ tshe dang ldan pa dga' byed stan bshams pa nyid la 'dug go/ /de nas dge slong ma de dag gis tshe dang ldan pa dga' byed kyi rkang pa gnyis la phyag 'tshal te mtha' gcig tu 'khod do/ /mtha' gcig tu 'khod nas tshe dang ldan pa dga' byed dge slong ma de dag la chos dang ldan pa'i gtam gyis yang dag par ston par byed/ yang dag par 'dzin du 'jud par byed/ yang dag par gzeng stod par byed/ yang dag par rab tu dga' bar byed do/ /rnam grangs du mas chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar byas nas stan las langs te song ngo / /de nas skye dgu'i bdag mo chen mo gau ta mI'i 'khor dge slong ma lnga brgya dang bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas/ bcom ldan 'das skye dgu'i bdag mo chen mo gau ta mI la chos dang ldan pa'i bka' mchid kyis yang dag par ston par mdzad/ yang dag par 'dzin du 'dzud par mdzad/ yang dag par gzeng bstod par mdzad/ yang dag par rab tu dga' bar mdzad do/ / rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gau ta mI khyod kyi dus yin gyis song shig ces bskal bar mdzad do/ /de nas skye dgu'i bdag mo chen mo gau ta mIs bcom ldan 'das kyis bka' stsal pa la mngon par dga' ba dang rjes su yi rang ba byas te/ bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo / /de nas bcom ldan 'das kyis skye dgu'i bdag mo chen mo gau ta mI song nas ring po ma lon par thugs su chud nas dge slong rnams la bka' stsal pa/ dge slong dag rigs kyi bu dga' byed kyis dge slong ma lnga brgya po dag la legs par gdams shing legs par rjes su bstan nas rnam par grol zhing mthar thug pa nyid thob ste/ 'di'i tshe dus byed par gyur na de dag gis lam gdags su med de 'di sdug bsngal gyi mthar gyur pa la ltos/ dge slong dag 'di lta ste dper na zla ba yar gyi ngo de nyid kyi tshes bcwa lnga la bab pa na mi dag zla ba nya 'am/ nya ma yin zhes gnyis su 'byed par mi byed de/ 'di ltar nya yin pa'i phyir mthar thug pa nyid du gyur pa de bzhin du rigs kyi bu dga' byed kyis dge slong ma lnga brgya po dag la legs par gdams shing legs par rjes su bstan nas rnam par grol zhing mthar thug pa nyid thob ste 'di'i tshe dus byed par gyur na de dag gis lam gdags su med de/ 'di nyid sdug bsngal gyi mthar gyur pa yin no/ /de ltar de na bcom ldan 'das kyis dge slong ma lnga brgya po dag mchog nyid du lung bstan to/ /'di ni re shig byung ba yin te/ sangs rgyas bcom ldan 'das re shig 'dul ba la nyan thos rnams kyi bslab pa'i gzhi 'cha' bar mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong gnas brtan gnas brtan dag gi res kyis dge slong ma la bstan par bya'o/ /zhes bka' stsal nas/ dge slong drug sde dag la ston pa'i res bab pa na de dag ji tsam bstan nas/ de dag dang lhan cig tho 'tsham par byed/ kun du rtse bar byed/ kun du ca co 'don par byed/ gzhogs steg dang / phyar g.yeng dang / lus sgyur bar byed de/ de na gang dag bdag gir byed pa de dag ni de dag dang lhan cig tho 'tsham par byed/ kun du rtse bar byed/ kun du ca co 'don par byed/ gzhog steg dang / phyar g.yeng dang / lus sgyur bar byed do/ /gang dag bdag gir mi byed pa de dag ni 'chag sa dag dang / dag ra dag dang sgo khang dag na gnas ngan len kun du spyod pa 'di lta bu dag bdag cag la kun tu ston par byed do zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ drug sde dag dge slong ma'i ston par mi bya'o/ /de ltar bcom ldan 'das kyis drug sde dag dge slong ma'i ston par bsko bar mi bya'o zhes bka' stsal nas/ de dag gcig gis gcig bskos te dge slong ma la ston par byed pa na nyes dmigs de nyid du gyur nas/ bcom ldan 'das kyis bka' stsal pa/ ma bskos par dge slong ma la bstan par mi bya'o/ /de dag gis mtshams kyi phyi rol du dong ste gcig gis gcig bskos nas dge slong ma la ston par byed pa na nyes dmigs de nyid du gyur nas bcom ldan 'das kyis bka' stsal pa/ mtshams kyi phyi rol du bskos pas dge slong ma la bstan par mi bya'o/ /de dag gis mtshams kyi nang dge slong nad pa rnams kyi 'dun pa blangs te lhag ma rnams brel bar byas nas gcig gis gcig bskos te dge slong ma la ston par byed pa na nyes dmigs de nyid du gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ mtshams kyi nang du dge slong nad pa rnams kyis 'dun pa blang te lhag ma rnams brel bar byed nas gcig gis gcig bskos te dge slong ma la bstan par mi bya bar 'di ltar gso sbyong bcwa lnga pa de nyid kyi tshe dge 'dun thams cad 'dug cing 'thun par gyur pa na dge slong ma'i ston pa bsko bar bya'o/ /'di ltar bsko bar bya ste/ je dang por spro bar bya ste/ ming 'di zhes bya ba khyod dge slong ma'i ston par spro 'am/ gal te spro na des spro'o zhes brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge slong ma'i ston par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba dge slong ma'i ston par bskos te dge slong ming 'di zhes bgyi ba 'di dge slong ma la ston to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dge slong ma'i ston par spro nas de'i slad du dge 'dun gyis dge slong ming 'di zhes bgyi ba dge slong ma'i ston par bskos te/ dge slong ming 'di zhes bgyi ba 'di dge slong ma la ston na/ tshe dang ldan pa gang dag dge slong ming 'di zhes bgyi ba dge slong ma'i ston par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba dge slong ma'i ston par bskos lags te 'di ltar cang mi gsung bas de de bzhin du 'dzin to/ /bcom ldan 'das kyis dge slong ma'i ston pa bsko bar bya'o/ /zhes bka' stsal nas de dag bus pa yang rung rmongs pa yang rung / mi gsal ba yang rung / mi mkhas pa yang rung ste bye brag med par sko bar byed nas de dag re shig bdag nyid ma dul bas gzhan 'dul bar 'gyur ba de ni gnas med pa dang / bdag nyid ma zhi bas gzhan zhi bar byed pa de ni gnas med pa dang / bdag nyid 'dam las ma rgal bas gzhan 'dam las sgrol bar byed pa de ni gnas med pa dang / de dag re shig bdag nyid yongs su mya ngan las ma 'das pas gzhan yongs su mya ngan las 'das par byed pa de yang gnas med pas bcom ldan 'das kyis bka' stsal pa/ chos lnga dang ldan pa dge slong ma'i ston par bsko bar bya ste/ lnga gang zhe na/ tshul khrims dang ldan pa dang / mang du thos pa dang / gnas brtan rgyal tshab lta bu dang / grong khyer pa'i skad dang ldan pa dang / der dge slong ma la lus kyis reg pas sun ma phyung zhing / gal te sun phyung na yang des ltung ba de chos bzhin du phyir byas pa'o/ /ji ltar tshul khrims dang ldan pa yin zhe na/ pham par 'gyur ba bzhi po dag las gang yang rung ba'i ltung ba ma byung ba ste/ de ltar tshul khrims dang ldan pa yin no/ /ji ltar mang du thos pa yin zhe na/ des so sor thar pa'i mdo gdon pa rgya cher thon pa dang / lobs pa ste de ltar mang du thos pa yin no/ /ji ltar gnas brtan rgyal tshab lta bu yin zhe na/ rdzogs par bsnyen nas lo nyi shu 'am lhag pa ste de ltar gnas brtan rgyal tshab lta bu yin no/ /ji ltar grong khyer pa'i skad dang ldan pa yin zhe na/ pho brang 'khor ni grong khyer zhes bya ste/ de'i skad dang ldan pa ste de ltar grong khyer pa'i skad dang ldan pa yin no/ /ji ltar des dge slong ma la lus kyis reg pas sun ma phyung ba yin zhes na/ des dge slong ma'i lus la lus nye bar gzhal ba ma byas pa ste/ de ltar na des dge slong ma la lus kyis reg pas sun ma phyung ba yin te/ chos lnga po de dag dang ldan pa dge slong ma'i ston par bsko bar bya'o/ /bcom ldan 'das kyis chos lnga dang ldan pa dge slong ma'i ston par bsko bar bya'o/ /zhes bka' stsal nas/ dge slong drug sde dag ma bskos pa kho nar dge slong ma la ston par byed nas/ dge slong don nyung ngu dag ci'i phyir dge slong dag ma bskos pa kho nar dge slong ma la ston par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ /sangs rgyas bcom ldan 'das kyis dge slong drug sde dag la smras pa/ dge slong dag ngas ma bskos par dge slong ma la bstan par mi bya'o zhes gsungs na/ khyed ma bskos pa kho nar dge slong ma la ston par byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la/ nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyis ma bskos par dge slong ma la ston na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ / sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na bram ze zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de'i bu btsas so cog dus byed nas dus zhig na de'i chung ma la sems can zhugs par gyur nas/ de nas bram ze de lag pa la 'gram pa gtad de sems khongs su chud cing 'dug pa dang / de dang ha cang thag mi ring ba na bud med rgan mo zhig 'dug pa des de mthong nas des smras pa/ bram ze ci'i slad du khyod lag pa la 'gram pa gtad de sems khongs su chud cing bzhugs/ bram zes smras pa/ kho bo'i bu btsas so cog dus byed de/ da yang kho bo'i chung ma la sems can zhugs par gyur pas bu gzhan btsa' bar 'gyur ba gang yin pa de yang dus byed par 'gyur bas mya ngan mang po byin te 'gro bar 'gyur ro/ /rgan mos smras pa/ gang gi tshe khyod kyi btsun mo btsa' bar 'gyur ba de'i tshe na kho mo sbron cig /de nas dus gzhan zhig na de'i chung ma btsa' ba'i dus la bab nas/ bram ze des bud med rgan mo de bos nas de yang 'ongs so/ /ji tsam na btsas pa dang de las khye'u zhig byung nas bud med rgan mo des khye'u de khrus byas te ras dkar pos dkris nas/ de'i kha zhun mar gyis bkang ste bu mo zhig gi lag du byin nas/ des bu mo la smras pa/ bu mo khye'u 'di lam po che'i bzhi mdor zung la gal te dge sbyong ngam/ bram ze 'ga' snang na de la rje sa dang bcas/ gus pa dang bcas pas rkang pa la phyag 'tshol la/ de la 'di skad ces/ khye'u 'di 'phags pa dag gi zhabs la phyag 'tshal lo zhes gyis shig /nyi ma nub pa na gal te gson na khyer te shog shig /gal te dus byed na de nyid du 'or cig /bu mo de grims pa/ sgrub phod pa yin pas des khye'u de khyer nas lam po che'i bzhi mdor song ste 'dug go/ /mu stegs can dag gi kun du spyod pa ni nang par sngar langs te/ chu ngogs su reg pa'i phyir 'gro ba yin pas mu stegs can chu ngogs su reg pa'i phyir 'dong ba dag der lhags nas/ bu mo des rje sa dang bcas/ gus pa dang bcas pas rkang pa la phyag 'tshal te/ smras pa/ 'phags pa dag khye'u 'di/ 'phags pa dag gi zhabs la phyag 'tshal lo/ /de dag gis smras pa/ yun ring du 'tsho bar gyur cig /tshe ring du skyang bar gyur cig /pha ma gnyis gyis yid la bsam pa yongs su rdzogs par gyur cig /dge slong gnas brtan gnas brtan dag snga dro sham thabs bgos/ lhung bzed dang chos gos thogs ste mnyan yod du bsod snyoms la zhugs pa dang / bu mo des rje sa dang bcas/ gus pa dang bcas pas gnas brtan gnas brtan gyi rkang pa la phyag 'tshal te smras pa/ 'phags pa dag khye'u 'di 'phags pa dag gi zhabs la phyag 'tshal lo/ /gnas brtan gnas brtan dag gis smras pa/ yun ring du 'tsho bar gyur cig /tshe ring du skyong bar gyur cig /pha ma gnyis kyi yid la bsam pa yongs su rdzogs par gyur cig /bu mo des khye'u de rgyal byed kyi tshal gyi lam kar khyer ba dang / bcom ldan 'das kyang snga dro sham thabs gsol lhung bzed dang chos gos bsnams te mnyan yod du bsod snyoms la gshegs nas bu mo des rgya cher rje sa dang bcas/ gus pa dang bcas pas bcom ldan 'das kyi zhabs la phyag 'tshal te gsol pa/ bcom ldan 'das khye'u 'di bcom ldan 'das kyi zhabs la phyag 'tshal lo/ /bcom ldan 'das kyis bka' stsal pa/ yun ring du 'tsho bar gyur cig /tshe ring du skyong bar gyur cig /pha ma gnyis kyi chos dang ldan pa'i yid la bsam pa yongs su rdzogs par gyur cig /bu mo des nyi ma nub khar bltas na de gson par mthong nas des de khyer te khyim du 'ongs pa dang / de dag gis bu mo de la dris pa/ khye'u gson nam/ bu mos smras pa/ gson no/ /de dag gis smras pa/ khyod kyis gang du bzung / lam po che ga ge mo zhig tu 'o/ /de dag gis smras pa/ khye'u'i ming cir gdags/ khye'u 'di lam po cher bzung bas 'di'i ming lam chen po zhes gdags so zhes de'i ming lam chen po zhes btags so/ /khye'u lam chen pa de bsrings bskyed chen por gyur to/ /de gang gi tshe chen por gyur pa de'i tshe na yi ge dang / grangs dang / rtsis dang / lag rtsis dang / dbyung ba dang / gzhug pa dang / gzhag pa dang / 'byed pa dang / klog pa'i pha rol du son cing / de'i tshe na bram ze'i spyod tshul dang / spyod pa dang / gtsang sbra dang / kun du spyod pa dang thal ba blang ba dang / bya ma bum blang ba dang / sa blang ba dang / lag stangs dang / thor tshugs dang / rab bsngags bya ba dang / kye zhes bya ba dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srungs gi rig byed dang / bram ze'i las drug po mchod sbyin byed pa dang / mchod sbyin byed du 'jud pa dang / klog pa dang / klog tu 'jud pa dang / sbyin pa dang / len pa la mkhas pa'i bram ze rig byed dang / rig byed kyi yan lag gi pha rol du son pa shes pas rang gi smra ba gsal bar byed pa/ gzhan gyi smra ba tshar gcod nus par gyur to/ /de'i tshe na bram ze lam chen pa des bram ze'i khye'u lnga brgya tsam dag bram ze'i gsang tshig dag 'don du bcug go/ /ji tsam dus gzhan zhig na yang bram ze de chung ma dang lhan cig rtse bar byed/ dga' bar byed/ dga' mgur spyod par byed pa de'i chung ma la sems can zhugs par gyur nas de btsa' ba'i dus la bab pa'i tshe bram ze des bud med rgan mo de bos te de yang 'ongs so/ /ji tsam na btsas pa dang / de las khye'u zhig byung nas bud med rgan mo des khye'u de khrus byas te ras dkar pos dkris nas de'i kha zhun mar gyis bkang ste/ bu mo zhig gi lag tu byin nas des bu mo de la smras pa bu mo khye'u 'di lam po che'i gzhi mdor zung la gal te dge sbyong ngam/ bram ze 'ga' snang na de la rje sa dang bcas/ gus pa dang bcas pas rkang pa la phyag 'tshol la de la 'di skad ces khye'u 'di 'phags pa dag gi zhabs la phyag 'tshal lo zhes gyis shig / nyi ma nub pa na gal te gson na khyer te shog shig /gal te dus byed na de nyid du 'or cig /bu mo de blun mo le lo can yin pas des khye'u de khyer nas lam phran du song ste 'dug go/ /mu stegs can dag gi kun du spyod pa ni nang par sngar langs te/ chu ngogs su reg pa'i phyir 'gro ba yin pas mu stegs can chu ngogs su reg pa'i/ phyir 'dong ba dag der lhags nas bu mo des rje sa dang bcas/ gus pa dang bcas pas rkang pa la phyag 'tshal te smras pa/ 'phags pa dag khye'u 'di 'phags pa dag gi zhabs la phyag 'tshal lo/ /de dag gis smras pa/ yun ring du 'tsho bar gyur cig /tshe ring du skyong bar gyur cig /pha ma gnyis kyi yid la bsam pa yongs su rdzogs par gyur cig /bu mo des nyi ma nub khar bltas na de gson pa mthong nas des de khyer te khyim du 'ongs pa dang / de dag gis bu mo de la dris pa/ khye'u gson nam/ bu mos smras pa/ gson no/ /de dag gis smras pa/ khyod kyis gang du bzung / lam phran ga ge mo zhig tu'o/ /de dag gis smras pa/ khye'u'i ming cir gdags/ khye'u 'di lam phran du bzung bas 'di'i ming lam phran pa zhes gdags so zhes de'i ming lam phran pa zhes btags so/ /khye'u lam phran pa de bsrings bskyed de chen por gyur to/ /de gang gi tshe chen por gyur pa de'i tshe na yi ge la bcug na des sid ces brjod na d+ha~M` brjod par byed la/ d+ha~M` zhes brjod na sid brjod par byed nas/ de'i slob dpon des bram ze la smras pa/ bram ze kho bos bram ze'i khye'u mang po gzhan dag kyang klog tu gzhug dgos pas kho bo lam phran pa klog tu 'jud mi nus so/ /lam chen pa ni nyung ngu brjod pas mang po 'dzin par nus na lam phran pa 'di ni sid ces brjod na d+ha~M` brjed par byed la/ d+ha~M` brjod na sid brjed par byed do/ /bram zes bsams pa/ bram ze thams cad yi ge dang 'bru la mkhas pa ma yin te/ 'di rig byed kyi bram zer 'gyur ro snyam nas des klog mkhan la rig byed klog par phul ba dang / des u0f00 brjod na b+hu brjod par byed la/ b+hu zhes brjod na u0f00 brjed par byed nas klogs m khan gyis bram ze la smras pa/ bram ze kho bos bram ze'i khye'u mang po gzhan dag kyang klog tu gzhug dgos pas kho bo lam phran pa klog tu 'jud mi nus so/ /lam chen pa ni nyung ngu brjod pas mang po 'dzin par nus na/ lam phran pa 'di ni u0f00 zhes brjod na b+hu brjod par byed la/ b+hu zhes brjod na u0f00 brjed par byed do/ /bram zes bsams pa/ bram ze thams cad rig byed klog pa ma yin te/ mkhas kyang rung / gtsang yang rung mi gtsang yang rung ste/ bram ze gang yin pa de nyid lha yin pas 'di ni rigs bram ze kho nar 'gyur snyam mo de bul ba mchog tu bul ba chung ba mchog tu chung ba yin pas de'i ming lam chung ba lam chung ba zhes bya bar gyur to/ /bram ze de gang du cung zad ci la mgron du bos par lam chung ba de khrid de 'gro'o/ /dus gzhan zhig na bram ze de na bar gyur nas de rtsa ba dang / sdong bu dang 'dab ma dang me tog dang / 'bras bu'i sman dag gis bsnyen bkur byas kyang nyams pa nyid du gyur nas de lam chen pa bos te smras pa bu kho bo 'das nas khyod ni mya ngan bya mi dgos kyis khyod kyi nu bo lam chung ba 'di la khyod kyis mkho ba bstabs par gyis shig ces smras nas/ bsags pa kun gyi mtha' zad cing / /mthon po rnams ni mtha' ltung 'gyur/ /phrad pa'i mtha' ni 'bral ba ste/ /gson po'i mtha' ni 'chi ba yin/ /zhes bya ba yin pas de dus kyi chos dang ldan par gyur to/ /de gnyis kyis gos sngon po dang / ser po dang dmar po dang / dkar po dag gis khyogs spyil brgyan te dur khrod du bskyal nas bsregs te/ de'i 'og tu mya ngan bsang ba byas te 'khod do// //'dul ba rnam par 'byed pa/ bam po bzhi bcu rtsa bdun pa/ bram ze lam chen pa de mnyan yod dang / rgyal byed kyi tshal gyi bar na gnas kyi shing ljon pa zhig yod pa de'i drung na bram ze'i khye'u lnga brgya tsam bram ze'i gsang tshig klog tu 'jud cing 'dug go/ /tshe dang ldan pa shA ri'i bu dang / tshe dang ldan pa maud gal gyi bu chen po gnyis kyis 'dul ba'i bya ba byas nas 'khor lnga brgya dang ko sa la dag tu ljongs rgyu zhing 'dong ba na mnyan yod du phyin to/ /mnyan yod na skye bo phal po che'i tshogs kyis 'phags pa shA ri'i bu dang / maud gal gyi bu chen po gnyis 'khor lnga brgya dang ko sa la dag tu ljongs rgyu ba na mnyan yod du phyin to zhes thos so/ /thos nas kyang srog chags brgya phrag du ma dag phyir 'byung bar brtsams pa dang / lam chen pas de dag phyir 'byung bar mthong nas smras pa/ shes ldan dag gar 'dong / de dag gis smras pa/ 'phags pa shA ri'i bu dang / maud gal gyi bu gnyis ko sa la dag tu ljongs rgyu zhing gshegs pa na mnyan yod du byon te de gnyis ltar 'dong ngo / /lam chen pas smras pa/ de gnyis ni rigs mchog spangs te rigs gnyis pa dge sbyong gau ta ma'i gan du rab tu byung ba yin pas de gnyis mthong bas ci bya/ de na bram ze'i khye'u dad pa can zhig 'dug pa des smras pa/ mkhan po de skad ma gsung shig /de gnyis ni bdag nyid chen po/ lags pas gal te mkhan pos de gnyis las chos gsan par gyur na mkhan po'i thugs mngon par dad par 'gyur ba gang lags pa de lta bu'i gnas mchis so/ /lam chen pas bsams pa/ brtag par byas/ re shig gang gi tshe bram ze'i khye'u dag mi klog par 'gyur ba de'i tshe bdag kyang 'gro bar bya'o snyam mo/ /bram ze'i khye'u de dag gi kun du spyod pa ni gang gi tshe mi klog pa de'i tshe na lan 'ga' ni grong khyer ltar 'dong bar byed/ lan 'ga' ni yam sreg shing thur 'dong bar byed pas dus gzhan zhig na de dag mi klog par gyur nas de dag yam sreg shing thur dong ba dang / lam chen pa de yang rgyal byed gyis tshal ga la ba der song ngo / /dge slong zhig rgyal byed kyi tshal gyi sgo na shing ljon pa'i drung na 'chag cing 'dug pa de bram ze des thag ring po kho na nas mthong nas de'i gan du song ste smras pa/ kye dge slong sangs rgyas kyi bka' cung zhig smros shig /dge slong des bsams pa/ bram ze 'di ni rgol ba yin pas 'di la byung rgyal du smra bar mi nus so/ /snyam nas/ des bram ze de la dge ba bcu'i las kyi lam dang / mi dge ba bcu'i las kyi lam rgya cher bstan to/ /bram zes smras pa/ kye dge slong kho bo yang bya ba yongs su nyams la/ khyod kyang dge ba'i phyogs yongs su nyams na ma legs kyi kho bo 'gros/ phyis kyang 'ong ngo zhes smras te song ngo / /dus gzhan zhig na yang bram ze'i khye'u de dag mi klog par gyur nas de dag yam sreg shing thur dong ba dang / lam chen pa yang gcig pu rgyal byed kyi tshal du song ngo / /dge slong des bram ze de thag ring po kho na nas mthong ngo / /mthong nas kyang des bsams pa/ de'i tshe na bdag gis bram ze 'di la dge ba bcu'i las kyi lam dang / mi dge ba bcu'i las kyi lam rgya cher bstan gyis da ni bdag gis 'di la rten cing 'brel bar 'byung ba'i yan lag bcu gnyis lugs su 'byung ba dang / lugs las bzlog pa rgya cher bstan par bya'o snyam mo/ /bram ze de dge slong de ga la ba der song ste phyin nas dge slong de'i rkang pa gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas dge slong des bram ze de la rten cing 'brel bar 'byung ba'i yan lag bcu gnyis lugs su 'byung ba dang / lugs las bzlog pa rgya cher bstan to/ /bram ze de mngon par dad par gyur nas smras pa/ dge slong bdag rab tu dbyung du gsol/ dge slong des bsams pa/ bram ze 'di ni rgol ba yin pas rab tu phyung na bstan pa la gces pa byed par 'gyur gyis rab tu dbyung ngo snyam nas des smras pa/ bram ze de ltar gyis shig / bram zes smras pa/ kye dge slong bdag ni bram ze grags pa can lags pas bdag gis 'di nyid du rab tu 'byung ba'i rngo mi thog na ljongs su bzhud do/ /de ltar gyis shig /dge slong des bram ze de ljongs su khrid de rab tu phyung rdzogs par bsnyen par byas nas smras pa/ bzhin bzangs dge slong gi las ni gnyis te/ bsam gtan dang / klog pa yin na khyod bsam gtan dang / klog pa gang 'dod/ lam chen pas smras pa/ mkhan po gnyis ka yang bgyi ste/ gdugs la ni bklag par bgyi/ dgung la ni bsam gtan bgyi'o/ /bu de bzhin gyis shig /de nas tshe dang ldan pa lam chen pas nyin mo bklag pa dang kha ton byas pas sde snod gsum po dag lhogs par gyur te/ sde snod gsum dang ldan pa/ chos sgrog pa/ rigs pa dang grol ba'i spobs pa can du gyur to/ /mtshan mo bsam gtan byas pas gong nas gong du yid la byed pa'i khyad par thob nas 'khor ba'i 'khor lo cha lnga pa g.yo ba dang mi g.yo ba 'di nyid rig ste/ 'du byed kyi rnam pa thams cad nyams pa dang / ltung ba dang / rnam par 'thor ba dang / rnam par 'jig pa'i chos nyid kyis zil gyis mnan nas nyon mongs pa thams cad spangs pas rigs kyi bu dag gang gi phyir skra dang kha spu bregs te gos ngur smig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de tshe de nyid la rang gi mngon par shes pas mngon sum du byas te/ bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing dgra bcom pa khams gsum pa las 'dod chag dang bral ba bong ba dang gser du mnyam pa nam mkha' dang lag mthil du mtshungs pa'i sems dang ldan pa/ tsan dan bzhag pa lta bu rig pas sgo nga'i sbub dral bar gyur cing rig pa dang / mngon par shes pa dang so so yang dag par rig pa thob pa/ srid pa dang 'dod pa'i rnyed pa dang bkur sti la rgyab kyis phyogs pa dbang po dang nye dbang dang bcas pa'i lha rnams kyis mchod par bya ba dang / rjed par bya ba dang mngon du smra bar bya bar gyur to/ /gang gi tshe tshe dang ldan pa lam chen pa rab tu byung ba de'i tshe na lam chung ba'i longs spyod srabs pa dang / yongs su zad pa dang / yongs su gtugs par gyur nas des tshegs chen pos 'tsho ba sbyar bar brtsams so/ /de nas tshe dang ldan pa lam chen pa 'di snyam du sems te/ bdag gis thos pas thob par bya ba gang yin pa de bdag gis thob kyi bdag mnyan yod du song la bcom ldan 'das la bsnyen bkur bya'o snyam mo/ /de nas tshe dang ldan pa lam chen pa 'khor lnga brgya dang ko sa la dag tu ljongs rgyu zhing 'gro ba na mnyan yod du phyin to/ /mnyan yod na skye bo phal po che'i tshogs kyis 'phags pa lam chen pa 'khor lnga brgya dang ko sa la dag tu ljongs rgyu zhing 'gro ba na mnyan yod du phyin to zhes thos so/ /thos nas kyang skyes bo phal po che'i tshogs phyir 'byung bar brtsams pa lam chung bas mthong nas des dris pa shes ldan dag gar 'dong de dag gis smras pa/ 'phags pa lam chen pa 'khor lnga brgya dang ko sa la dag tu ljongs rgyur gshegs pa na mnyan yod du byon te de ltar 'dong ngo / /lam chung pas bsams pa/ de 'di dag gi phu nu yang ma yin/ nye du yang ma yin yang 'di dag de ltar 'dong na de bdag gi phu bo yin na bdag ci'i phyir de ltar mi 'gro snyam nas lam chung pa yang 'phags pa lam chen pa blta ba'i phyir song ngo / /tshe dang ldan pa lam chen pas de mthong nas smras pa lam pa 'tsho 'am/ 'phags pa 'tsho 'o/ /ji ltar 'tsho das smras pa 'phags pa tshegs chen pos so tshe dang ldan pa lam chen pas smras pa ji ltar rab tu mi 'byung ngam lam chung bas smras pa/ 'phags pa bdag ni bul ba mchog tu bul ba chung ba mchog tu chung ba lags na bdag bcom ldan 'das kyi bstan pa la rab tu 'byung bar 'gyur ram tshe dang ldan pa lam chen pas de la dge ba'i rtsa ba cung zad yod dam zhes bltas na yod par mthong ngo / /su la rag las snyams na bdag nyid la rag las par mthong nas des smras pa/ lam pa thub pa'i dbang po'i gsungs rab 'di la ni rigs gces pa ma yin rus gces pa ma yin/ thos pa gces pa ma yin gyi thub pa'i dbang po'i gsungs rab 'di la ni sgrub pa gces pa yin gyis gal te 'dod na rab tu byung shig /'phags pa rab tu 'byung ngo / /tshe dang ldan pa lam chen pas lam chung ba de rab tu phyung rdzogs par bsnyen par byas nas des de klog tu bzhugs par brtsams pa dang / lus ngag yid kyis sdig pa mi bya zhing / /'jig rten kun la yongs 'dzin 'dod bral ba/ /dran dang ldan zhing shes bzhin can gyis ni/ /gnod ldan sdug bsngal gang yin bsnyen mi bya/ /zhes bya ba'i tshigs su bcad pa 'di zla ba gsum gyis kyang lobs par ma gyur to/ /ba lang rdzi dang phyugs rdzi gzhan dag gis thos nas lobs par gyur pa dang / de rje sa dang bcas/ gus pa dang bcas pas de dag gi gan du song ste dris pa dang / de dag gis de la bstan to/ /ji ltar sangs rgyas bcom ldan 'das gson zhing bzhugs te 'tsho zhing gzhes pa rnams la chos nyid kyis nyan thos rnams kyi 'dus pa chen po gnyis yod de/ gcig ni dbyar zla 'bring po nya la dbyar nye bar bsgrub pa'i tshe'o/ /gnyis pa ni ston zla 'bring po'i nya la'o/ / nyan thos chen po rnams la yang de bzhin no/ /de la gang dag dbyar zla 'bring po nya la dbyar nye bar bsgrub pa'i tshe gdams ngag mnos te/ grong dang / grong rdal dang / yul 'khor dang / rgyal po'i pho brang dag tu dbyar gnas par khas len pa de dag ni ston zla 'bring po'i zla ba nya la lhags nas ji ltar thob pa ni brjod par byed/ ma thob pa ni thob par bya ba'i phyir 'og tu 'dri bar byed pas tshe dang ldan pa lam chen pa'i lhan cig gnas pa dang / nye gnas gang dag ljongs su dbyar gnas par khas blangs pa de dag dbyar gyi zla ba gsum po dag 'das nas chos gos byas pa dang ldan/ chos gos zin pa dang ldan zhing lhung bzed dang chos gos thogs ste/ tshe dang ldan pa lam chen po ga la ba der dong nas phyin pa dang / tshe dang ldan pa lam chen pa'i rkang pa gnyis la phyag 'tshal te mtha' gcig tu 'khod do/ /mtha' gcig tu khod nas de dag kha cig ni ji ltar thob pa brjod par byed do/ /kha cig ni mdo sde dang / 'dul ba dang / chos mngon pa dag gi kha ton dag dang yongs su dri ba dag tshol bar byed do/ /de na gang dag bul ba mchog tu bul ba/ chung ba mchog tu chung ba de dag drug sde dag la bsten par byed/ snyen par byed/ bsnyen bkur byed pas tshe dang ldan pa lam pa yang drug sde dag la sten par byed/ snyen par byed/ bsnyen bkur byed pa na nye dgas tshe dang ldan pa lam pa la smras pa/ lam pa khyod kyi mkhan po gcig pa 'di dag kyang mkhan po las kha ton dag dang yongs su dri ba dag tshol bar byed kyis khyed kyang song la re shig mkhan po las kha ton dag dang yongs su dri ba dag tshol cig /lam pas smras pa/ bdag gis ci yang ma klags te/ zla ba gsum gyis tshigs su bcad pa gcig klags na de yang ma lobs pas bdag gis kha ton dag dang yongs su dri ba dag ji ltar btsal/ nye dgas smras pa/ bcom ldan 'das kyis gsang tshig gi dri ma ni mi klog pa yin no zhes ma gsungs sam/ re shig lhogs shig dang tshigs su bcad pa ci'i phyir lobs par mi 'gyur/ tshol cig dang / lam pa song ste smras pa/ mkhan po dag bdag la re shig kha ton dag stsol cig /tshe dang ldan pa lam chen pas bsams pa/ ci 'di re shig rang gi blos gsol bar byed dam/ 'on te gzhan gyis btang snyam du bsams na/ de gzhan gyis btang bar mthong nas tshe dang ldan pa lam chen pas bsams pa/ ci 'di re shig smad pas gdul ba yin nam/ 'on te bstod pas 'dul ba yin snyam du bsams na/ smad pas gdul ba yin par mthong nas des de'i gnya' ba nas bzung ste/ rgyal byed kyi tshal gyi phyi rol du bskrad nas smras pa/ khyod ni re shig bul ba/ mchog tu bul ba/ chung ba mchog tu chung ba yin na khyod bcom ldan 'das kyi bstan pa la rab tu byung ste ci bya/ 'di nyid na 'dug shig /lam pa da ni bdag dge sbyong yang ma yin/ bram ze yang ma yin no snyam nas des ngu bar brtsams pa dang / bcom ldan 'das kyis tshe dang ldan pa lam pa rgyal byed kyi tshal gyi phyi rol na ngu ba gzigs so/ /de nas bcom ldan 'das thugs rje chen pos bskul ba na tshe dang ldan pa lam pa ga la ba der gshegs te byon nas tshe dang ldan pa lam pa la 'di skad ces bka' stsal to/ /lam pa khyod ci'i phyir rgyal byed kyi tshal gyi phyi rol na ngu / lam pas gsol pa/ bcom ldan 'das bdag mkhan pos gnya' ba nas bzung ste/ rgyal byed kyi tshal gyi slad rol du bskrad nas khyod ni re shig bul ba/ mchog tu bul ba/ chung ba mchog tu chung ba yin na/ khyod bcom ldan 'das kyi bstan pa la rab tu byung ste ci bya/ 'di nyid na 'dug shig ces mchi bas da ni bdag dge sbyong yang ma lags/ bram ze yang ma lags par gyur to/ /de nas bcom ldan 'das kyis/ de'i tshe tshigs su bcad pa bka' stsal pa/ byis pas bstod pa gang yin dang / /mkhas pas smod pa gang yin pa/ /'dir ni mkhas smod mchog yin gyi/ /byis pas bstod pa ma yin no/ /de nas bcom ldan 'das kyis bka' stsal pa/ bu khyod kyi mkhan po ni bskal pa grangs med pa gsum gyis bya dka' ba 'bum phrag du ma dag gis pha rol tu phyin pa drug yongs su rdzogs par byas te thub pa'i dbang po'i gsung rab 'di yang dag par bsgrubs pa ma yin gyi/ ngas ni bskal pa grangs med pa gsum gyis bya dka' ba 'bum phrag du ma dag gis pha rol tu phyin pa drug yongs su rdzogs par byas te thub pa'i dbang po'i gsung rab 'di yang dag par bsgrubs pa yin na khyod de bzhin gshegs pa las klog nus sam/ btsun pa bdag ni bul ba/ mchog tu bul ba/ chung ba/ mchog tu chung ba lags so/ /de nas bcom ldan 'das kyis byung ba 'di la tshigs su bcad pa bka' stsal pa/ gang gis byis pa byis nyid rig /de la des na de mkhas yin/ /byis pa mkhas par rlom byed pa/ /de 'dir shin tu byis pa yin/ /sangs rgyas bcom ldan 'das rnams tshig re re nas chos 'don par mdzad pa ni gnas ma yin skabs ma yin te/ de ni gnas med pas de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis lam pa klog tu chug shig /tshe dang ldan pa kun dga' bos lam pa klog tu gzhug par brtsams pa dang / des klog ma nus nas/ bcom ldan 'das la tshe dang ldan pa kun dga' bos 'di skad ces gsol to/ /btsun pa bdag gis re shig ston pa la yang bsnyen bkur bgyi 'tshal thos pa yang gzung 'tshal tshogs dag kyang klog tu stsal 'tshal bram ze dang khyim bdag mchis shing lhags pa rnams la yang chos bstan par bgyi 'tshal bas bdag gis lam pa klog tu stsal ba'i rngo mi thog go/ /bcom ldan 'das kyis de la rdul spang ngo dri ma spang ngo zhes bya ba'i tshig gnyis stsal na/ des tshig de gnyis ma zin nas bcom ldan 'das kyis 'di'i las sbyang bar bya'o snyam du dgongs nas/ de nas bcom ldan 'das kyis tshe dang ldan pa lam pa la bka' stsal pa/ lam pa khyod kyis dge slong rnams kyi mchil lham dang / lham sgrog gu can dag 'phyi nus sam/ btsun pa rngo thog go song la dge slong rnams kyi mchil lham dang / lham sgrog gu can dag phyis shig des dge slong rnams kyi mchil lham dang / lham sgrog gu can dag phyi bar brtsams pa dang / dge slong rnams kyis de la mi ster nas bcom ldan 'das kyis bka' stsal pa/ dge slong dag lam pa mchil lham dang / lham sgrog gu can dag 'phyir chug shig /de ci'i phyir zhe na/ 'di'i las sbyang bar bya ba'i phyir ro/ /'di la tshig gnyis kyi kha don dag kyang rjes su slobs shig /lam pas dge slong rnams kyis mchil lham dang / lham sgrog gu can dag 'phyi ba na dge slong rnams kyis de la rdul spang ngo / /dri ma spang ngo zhes bya ba'i kha ton gnyis po dag kyang bslabs nas/ lam pas dus gzhan zhig na kha ton gnyis po de yang lobs par gyur to/ / de nas tshe dang ldan pa lam pa mtshan mo'i nam nangs pa'i tshe 'di snyam du sems te/ bcom ldan 'das kyis rdul spang ngo / /dri ma spang ngo zhes bka' stsal pa gang yin pa de ci bcom ldan 'das kyis nang gi rdul las dgongs te bka' stsal tam/ 'on te phyi rol gyi rdul las dgongs te bka' stsal snyam mo/ /de de ltar sems pa na de'i tshe de la sngon ma thos pa'i tshigs su bcad pa gsum po 'di dag blo la snang bar gyur to/ /rdul 'dir 'dod chags de ni sa rdul min/ /rdul ni 'dod chags ming ste rdul gyi min/ /mkhas pa gang gis rdul de rnam spang pa/ /de dag bde gshegs bstan la bag yod 'gyur/ /rdul 'dir zhe sdang de ni sa rdul min/ /rdul ni zhe sdang ming ste rdul gyi min/ /mkhas pa gang gis rdul de rnam spang pa/ /de dag bde gshegs bstan la bag yod 'gyur/ /rdul 'dir gti mug de ni sa rdul min/ /rdul ni gti mug ming ste rdul gyi min/ /mkhas pa gang gis rdul de rnam spang pa/ /de dag bde gshegs bstan la bag yod 'gyur/ /des spro ba dang / 'bad pa dang / brtsal ba byas pas gong nas gong du yid la byed pa'i khyad par thob nas 'khor ba'i 'khor lo cha lnga pa g.yo ba dang mi g.yo ba 'di nyid rig ste/ 'du byed kyi rnam pa thams cad nyams pa dang / ltung ba dang / rnam par 'thor ba dang / rnam par 'jig pa'i chos nyid kyi zil gyis mnan nas nyon mongs pa thams cad spang pas rigs kyi bu dag gang gi phyir skra dang kha spu dag bregs te gos su ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing / dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bu/ rig pas sgo nga'i sbubs dral bar gyur cing / rig pa dang / mngon par shes pa dang / so so yang dag par rig pa thob pa/ srid pa dang / 'dod pa'i rnyed pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /tshe dang ldan pa lam pa skyil mo dkrung gis 'dug pa tshe dang ldan pa lam chen pas mthong nas dgra bcom pa dag ni ma bsams par shes pa dang / mthong ba mi 'jug pas tshe dang ldan pa lam chen pas lag pa gnyis kyis tshe dang ldan pa lam pa bzung ste smras pa/ lam pa re shig kha ton dag gyis shig dang de'i 'og tu bsam gtan par 'gyur ro/ /tshe dang ldan pa lam pas glang po che'i sna 'dra ba'i lag pa brkyang ba dang / tshe dang ldan pa lam chen pas rgyab tu rnam par bltas nas mthong ste/ des smras pa/ tshe dang ldan pa lam pa khyod kyis yon tan gyi tshogs de lta bu dag rtogs sam/ rtogs so/ /thams cad du bcom ldan 'das kyis lam chung ba rab tu phyung ngo zhes sgra grags nas/ rgyal po'i khab na 'tsho byad gzhon nus gsos kyis bcom ldan 'das kyis lam chung ba rab tu phyung ngo zhes thos nas des bsams pa/ gal te bcom ldan 'das rgyal po'i khab tu gshegs par gyur na btsun pa lam pa ma gtogs pa/ sangs rgyas la sogs pa dge slong gi dge 'dun khyim gzhan du spyan drangs te gdugs tshod gsol lo snyam mo/ /gzhan mu stegs can dag shes ldan dag dge sbyong gau ta ma 'di skad ces nga'i chos ni zab pa/ zab par snang ba/ mthong bar dka' ba/ rtogs par dka' ba brtag mi nus pa/ rtog ge'i spyod yul ma yin pa/ zhib mo brtags pa/ mkhas pa mdzangs pas rig par bya ba yin no zhes zer na 'di ltar lam chung ba la sogs pa bul ba/ mchog tu bul ba/ chung ba/ mchog tu chung ba dag kyang rab tu 'byin par byed na de'i chos ji ltar zab pa yin zhes smod par byed/ phyar ka gtong bar byed/ kha zer bar byed do/ /bcom ldan 'das kyis nyan thos chen po ri rab dang 'dra ba la skye bo phal po che'i tshogs kyis smras pa/ mi dge ba skyed par byed kyis 'di'i yon tan bsgrag par bya'o snyam du dgongs nas/ de na bcom ldan 'das kyis tshe dang ldan pa kun dga' bo la bka' stsal pa/ kun dga' bo song la lam pa la de bzhin gshegs pa'i zhal nas khyod kyis dge slong ma la ston cig ces bka' stsal to zhes gyis shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas tshe dang ldan pa lam pa ga la ba der song ste phyin nas tshe dang ldan pa lam pa la smras pa/ tshe dang ldan pa lam pa bcom ldan 'das kyis bka' stsal pa/ khyod kyis dge slong ma la ston cig ces byung ngo / /tshe dang ldan pa lam pas bsams pa/ bcom ldan 'das kyis ci'i slad du dge slong gnas brtan gnas brtan dag bzhag ste bdag la bka' stsal snyam nas/ des bcom ldan 'das bdag gi yon tan bsgrag par bzhed par rig nas ston pa'i thugs la dgongs pa yongs su rdzogs par bya'o snyam nas smras pa/ btsun pa kun dga' bo bcom ldan 'das kyis bka' stsal pa bzhin 'tshal lo/ /dge slong ma gso sbyong 'bul ba gnyis rgyal byed kyi tshal du 'ongs te/ de gnyis kyis smras pa/ bdag cag dge slong ma'i ston pa su bskos/ dge slong rnams kyis smras pa/ tshe dang ldan pa lam pa'o/ /ci lags 'phags pa lam chen pa 'am/ tshe dang ldan pa lam pa'o/ /de gnyis kyis smras pa/ phu nu mo ji ltar bud med kyi yul brnyas pa la ltos/ des zla ba gsum gyis tshigs su bcad pa gcig klags na de yang ma lobs pa yin la/ dge slong ma rnams ni sde snod gnyis pa dang / sde snod gsum pa chos sgrog pa/ rig pa dang / grol ba'i spobs pa can dag yin na/ des dge slong ma la ston par 'gyur lo/ /ji ltar byed pa bltas 'dong ngo zhes tshe dang ldan pa lam pa ga la ba der song ste phyin nas tshe dang ldan pa lam pa'i rkang pa gnyis la mgo bos phyag 'tshal te smras pa/ btsun pa lam pa dgongs su gsol/ rgyal po'i kun dga' ra ba'i dge slong ma'i dge 'dun 'thun pa rgyal byed kyi tshal gyi dge slong gi dge 'dun 'thun pa'i zhabs la mgo bos phyag 'tshal lo/ /gnod pa nyung ngam/ nyam nga ba chung ngam/ bskyod pa yang ngam/ 'tsho ba 'am/ stobs dang ldan nam/ bde 'am/ kha na ma tho ba ma mchis sam/ bde ba la reg par gnas sam zhes snyun gsol lo/ /zla ba phyed phyed cing gdams ngag dang rjes su bstan pa gsol lo/ /'dun pa dang gso sbyong bgyi bar gsol ba 'debs so/ /gsol ba yang mkhyen par gsol lo/ /thabs yin no/ /de gnyis kyis smras pa/ thabs yin no/ /zhes bya ba tsam yang shes pa lta zhes de gnyis dbyar khang du dong ba dang / dge slong ma rnams kyis mthong nas smras pa/ bdag cag dge slong ma'i ston pa su byon/ de gnyis kyis smras pa/ 'phags pa lam pa'o/ /ci 'phags pa lam chen pa 'am/ 'phags pa lam chen pa ma yin gyi 'di ltar lam pa'o/ /de dag gis smras pa/ phu nu mo dag ji ltar bud med kyi yul brnyas pa la ltos de zla ba gsum gyis tshigs su bcad pa gcig klags na de yang ma lobs pa yin la/ dge slong ma rnams ni sde snod gnyis pa dang / sde snod gsum pa/ chos sgrog pa/ rigs pa dang / grol ba'i spobs pa can dag yin na/ des ji ltar dge slong ma la ston par 'gyur/ bdag cag ji ltar bcom ldan 'das kyis zil gyis mnan pa ltar ni ya mtshan can dgu bcu rtsa drug po dag gis kyang bud med kyi yul 'ga' yang zil gyis ma mnan to/ /dge slong ma bcu gnyis sde dag gis de ltar 'phags pa lam pa dge slong ma'i ston par 'ong ngo zhes thos nas de dag gis smras pa/ phu nu mo dag bdag cag gis ci nas kyang phyin chad thos pa nyung ngu 'ga' yang dge slong ma la ston par mi 'gyur ba de ltar bu zan mo'i bu de mi dga' bar bya'o zhes de dag gis smras pa/ phu nu mo dag bdag cag las mi mo drug gis ni yal ga khru bcu gnyis pa dag las seng ge'i khri shoms shig /mi mo drug gis ni mnyan yod du zhugs la lam po che dang / srang dang / bzhi mdo dang / sum mdo dag du skye bo phal po che'i tshogs la sang bdag cag dge slong ma'i ston pa nyan thos chen po 'di 'dra ba zhig byon par 'gyur gyis khyed cag las gang gis der bden pa dag mthong bar ma gyur pa/ des yun ring por 'khor bar 'khor bar bya dgos par 'gyur ro/ /zhes sgrogs shig /de dag las mi mo drug gis ni yal ga khru bcu gnyis pa dag las seng ge'i khri bshams so/ /mi mo drug gis ni mnyan yod du zhugs te lam po che dang / srang dang / bzhi mdo dang / sum mdo dag tu skye bo phal po che'i tshogs la sang bdag cag dge slong ma'i ston pa nyan thos chen po 'di 'dra ba zhig byon par 'gyur gyis khyed cag las gang gis der bden pa dag mthong bar ma gyur pa des yun ring por 'khor bar 'khor bar bya dgos par 'gyur ro/ /zhes bsgrags pa dang / srog chags 'bum phrag du ma dag kha gcig ni ltad mo skyes pa na/ kha cig ni sngon gyi dge ba'i rtsa ba dag gis bskul ba na der 'dus par gyur to/ /de nas tshe dang ldan pa lam pa de nyid kyi mtshan mo 'das nas snga dro sham thabs bgos lhung bzed dang chos gos thogs te mnyan yod du bsod snyoms la zhugs so/ /de mnyan yod du bsod snyoms brgyus nas zas kyi bya ba byas te phyi ma'i zas kyi bsod snyoms las phyir logs pas lhung bzed dang chos gos mkhos su phab ste rkang pa gnyis bkrus nas nang du yang dag 'jog gi phyir gtsug lag khang du zhugs so/ /de nas tshe dang ldan pa lam pa phyem bred nang du yang dag 'jog las langs te snam sbyar thogs nas phyi bzhin 'brang ba'i dge sbyong dge slong zhig dang dge slong ma'i dbyar khang rgyal po'i kun dga' ra ba ga la ba der song ngo / /skye bo phal po che'i tshogs kyis de mthong nas de dag gis smras pa/ dge slong ma'i ston pa de gang yin/ ci dge sbyong snga ma yin nam/ 'on te phyi bzhin 'brang ba'i dge sbyong yin/ de dag gis smras pa/ khyed kyis phyi bzhin 'brang ba'i dge sbyong 'ga' zhig dge slong ma la ston par byed ces thos sam/ dge sbyong snga ma 'di nyid dge slong ma'i ston pa yin no/ /de dag gis smras pa/ 'di zla ba gsum gyis tshigs su bcad pa gcig klags na de yang ma lobs pa yin na/ des dge slong ma sde snod gnyis pa dang / sde snod gsum pa/ chos sgrog pa/ rigs pa dang / grol ba'i spobs pa can dag la ji ltar ston par 'gyur/ dge sbyong ma sgre byi mo 'di dag gis bdag cag brid par gyur gyis tshur sheg 'dong ngo / /gzhan dag gis smras pa/ ji lta byed pa yang bltas re shig sdod cig /de nas tshe dang ldan pa lam pa 'khor de'i nang du zhugs nas seng ge'i khri ga la ba der song ba dang / ji tsam na yal ga khru bcu gnyis pa dag las seng ge'i khri bshams pa mthong nas des bsams pa/ ci re shig dad par gyur pa dag gis bshams pa yin nam/ 'on te tho 'tsham pa'i bsam pa can dag gis bshams pa yin snyam na/ ji tsam na tho 'tsham pa'i bsam pa can dag gis bshams par mthong ngo / /de nas tshe dang ldan pa lam pas glang po che'i sna lta bu'i lag pa brkyang ste seng ge'i khri de ji ltar gnas su bzhag pa de ltar mnan nas tshe dang ldan pa lam pa ci nas kyang kha cig gis mthong / kha cig gis ma mthong ba de ltar seng ge'i khri la 'dug go/ /de nas tshe dang ldan pa lam pa ting nge 'dzin 'di lta bu la snyoms par zhugs te/ ji ltar sems mnyam par bzhag na rang gi stan las mi snang bar gyur cing / shar phyogs kyi steng gi nam mkha' la mngon par 'phags te/ spyod lam bzhi po 'di lta ste/ 'gro ba dang / 'greng ba dang / 'dug pa dang / nyal ba dag byed do/ /me'i khams la yang snyoms par 'jug ste/ tshe dang ldan pa lam pa me'i khams la yang snyoms par zhugs pa'i lus las 'od zer sna tshogs 'di lta ste sngon po dag dang / ser po dag dang / dmar po dag dang / dkar po dag dang / btsod ka dag dang / shel dang / dngul gyi kha dog lta bu dag byung ngo / /cho 'phrul zung dag kyang rnam par ston te/ lus kyi smad nas me 'bar zhing lus kyi stod nas chu grang mo'i rgyun dag 'byin par byed do/ /lus kyi stod nas me 'bar zhing lus kyi smad nas chu grang mo'i rgyun dag 'byin par byed do/ /shar phyogs su ji lta ba bzhin du lho dang / nub dang / byang phyogs su yang de bzhin te/ de phyogs bzhir rdzu 'phrul gyi cho 'phrul rnam pa bzhi bzhi bstan nas rdzu 'phrul mngon par 'du bya ba de phyir bsdus te 'khor gyi gong du seng ge'i khri bshams pa nyid la 'dug go/ /'dug nas tshe dang ldan pa lam pas dge slong ma rnams la smras pa/ sring mo dag kho bos zla ba gsum gyis tshigs su bcad pa gcig bzung ste/ kho bo tshigs su bcad pa de nyin mtshan bdun gyi bar du tshig gzhan dag dang / yi ge gzhan dag dang / tshig dang yi ge gzhan dag gis don rnam par 'byed par spro'o/ /sring mo dag de la lus shes bya bas ni bcom ldan 'das kyis lus kyis nyes par spyod pa gsum mi bya ba bstan to/ /ngag ces bya bas ni bcom ldan 'das kyis ngag gis nyes par spyod pa bzhi mi bya ba bstan to/ /yid kyis shes bya bas ni bcom ldan 'das kyis yid kyis nyes par spyod pa gsum mi bya ba bstan to/ / sdig pa mi bya zhing zhes bya bas ni bcom ldan 'das kyis sdig pa thams cad mi bya ste zhes bya ba bstan to/ /'jig rten kun la zhes bya bas ni bcom ldan 'das kyis nye bar len pa'i phung po thams cad bstan to/ /yongs 'dzin zhes bya bas ni bcom ldan 'das kyis yongs 'dzin rnam pa gsum bstan te/ 'dod chags kyi yongs 'dzin dang / zhe sdang gi yongs 'dzin dang / gti mug gi yongs 'dzin to/ /tshe dang ldan pa lam pas ji tsam gyis tshigs su bcad pa phyed kyi don kyang rnam par phye ba de tsam gyis srog chags khri nyis stong gis bden pa dag mthong ste/ kha cig gis ni rgyun du zhugs pa'i 'bras bu mngon sum du byas/ kha cig gis ni lan gcig phyir 'ong ba'i 'bras bu mngon sum du byas/ kha cig gis ni phyir mi 'ong ba'i 'bras bu mngon sum du byas/ kha cig gis ni rab tu byung ste nyon mongs pa thams cad spangs pas dgra bcom pa nyid mngon sum du byas so/ /kha cig gis ni nyan thos kyi byang chub tu sems bskyed/ kha cig gis ni rang byang chub tu sems bskyed/ kha cig gis ni bla na med pa yang dag par rdzogs pa'i byang chub tu sems bskyed do/ /'khor phal cher ni sangs rgyas la gzhol ba dang / chos la 'bab pa dang / dge 'dun la bab par bkod do/ /de nas tshe dang ldan pa lam pas 'khor de dag phal cher sangs rgyas la gzhol ba dang / chos la 'bab pa dang / dge 'dun la bab par rnam par bkod nas stan las langs te song ngo / /dge slong dag rgyal byed kyi tshal gyi sgo na 'chag cing 'khod pa de dag gis tshe dang ldan pa lam pa thag ring po kho na nas 'ong ba mthong nas de dag gis smras pa/ tshe dang ldan pa dag tshe dang ldan pa lam pas deng skye bo phal po che'i tshogs mngon par ma dad par gyur par byas gor ma chag na/ mngon sum du mi dga' ba brjod pa ni sdug bsngal ba yin pas phyi bzhin 'brang ba'i dge sbyong la dri'o zhes de dag gis de'i phyi bzhin 'brang ba'i dge sbyong la smras pa/ tshe dang ldan pa deng tshe dang ldan pa lam pas skye bo phal po che'i tshogs ji snyed cig mngon par ma dad par byas des smras pa/ sus ma dad pa byas bcom ldan 'das kyis bA rA Na sI drang srong smra ba ri dgas su kyi nags su lan gsum du bzlas te rnam pa bcu gnyis su chos dang ldan pa'i chos kyi 'khor lo bskor ces gang thos pa de deng tshe dang ldan pa lam pas rjes su bskor to/ /de dag gis smras pa/ ji ltar gyur/ des smras pa/ tshe dang ldan pa lam pas ji tsam gyis tshigs su bcad pa phyed kyi don kyang rnam par phye ba de rtsam gyis srog chags khri nyis stong gis bden pa dag mthong ste/ kha cig gis ni rgyun du zhugs pa'i 'bras bu mngon sum du byas/ kha cig gis ni lan cig phyir 'ong ba'i 'bras bu mngon sum du byas/ kha cig gis ni phyir mi 'ong ba'i 'bras bu mngon sum du byas/ kha cig gis ni rab tu byung ste nyon mongs pa thams cad spangs pas dgra bcom pa nyid mngon sum du byas so/ /kha cig gis ni nyan thos kyi byang chub tu sems bskyed/ kha cig gis ni rang sangs rgyas kyi byang chub tu sems bskyed/ kha cig gis ni bla na med pa yang dag par rdzogs pa'i byang chub tu sems bskyed do/ /'khor phal cher ni sangs rgyas la gzhol ba dang / chos la 'bab pa dang / dge 'dun la bab par rnam par bkod do/ /de nas bcom ldan 'das kyis dge slong rnams la bka' stsal pa/ dge slong dag nga'i nyan thos sems sgyur ba la mkhas pa rnams kyi nang na 'di lta ste/ lam pa 'di ni mchog yin no/ /de lta bas na chos 'di lta bu dang ldan pa ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang 'thun pa dang / de'i shes che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyis ma bskos par dge slong ma la ston na chos 'di lta bu dang ldan pa ma gtogs te ltung byed do/ /yang dge slong gang zhes bya ba ni drug sde 'am/ gzhan yang de lta bu gang yin pa'o/ /dge 'dun gyis shes bya ba ni de bzhin gshegs pa'i nyan thos kyi dge 'dun gyis so/ /ma bskos par zhes bya ba ni gsol ba dang gnyis kyi las kyis so/ /dge slong ma zhes bya ba ni chos 'di pa la'o/ /ston na zhes bya ba ni lhag pa'i tshul khrims dang / lhag pa'i sems dang / lhag pa'i shes rab bo/ /chos 'di lta bu dang ldan pa ma gtogs te zhes bya ba ni chos 'di lta bu dang ldan pa bzhag ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ / gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong dge 'dun gyis bskos kyang mtshams kyi phyi rol tu bskos shing mtshams kyi nang du ma bskos na gang dag sko bar byed pa de dag la nyes byas su 'gyur la/ de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing mtshams kyi phyi rol du ma bskos kyang gso sbyong bcwa lnga pa de nyid la ma bskos na/ gang dag sko bar byed pa de dag la nyes byas su 'gyur la de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing mtshams kyi phyi rol du ma bskos te/ gso sbyong bcwa lnga pa de nyid la bskos kyang dge 'dun thams cad 'dug cing mthun pa ma yin na gang dag sko bar byed pa de dag la nyes byas su 'gyur la/ de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing mtshams kyi phyi rol du ma bskos te/ gso sbyong bcwa lnga pa de nyid la bskos shing dge 'dun thams cad 'dug cing 'thun par gyur kyang tshul khrims dang ldan pa ma yin na/ gang dag sko bar byed pa de dag la nyes byas su 'gyur la/ de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing mtshams kyi phyi rol du ma bskos te/ gso sbyong bcwa lnga pa de nyid la bskos shing dge 'dun thams cad 'dug cing 'thun par gyur la de yang tshul khrims dang ldan pa yin yang mang du thos pa ma yin na/ gang dag sko bar byed pa de dag la nyes byas su 'gyur la/ de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing mtshams kyi phyi rol du ma bskos te/ gso sbyong bcwa lnga pa de nyid la bskos shing dge 'dun thams cad 'dug cing 'thun par gyur la/ de yang tshul khrims dang ldan zhing mang du thos pa yin yang gnas brtan rgyal tshab lta bu ma yin na gang dag sko bar byed pa de dag la nyes byas su 'gyur la/ de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing / mtshams kyi phyi rol du ma bskos te/ gso sbyong bcwa lnga pa de nyid la bskos shing dge 'dun thams cad 'dug cing 'thun par gyur la/ de yang tshul khrims dang ldan zhing mang du thos la/ gnas brtan rgyal tshab lta bu yin yang grong khyer pa'i skad dang ldan pa ma yin na/ gang dag sko bar byed pa de dag la nyes byas su 'gyur la/ de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing mtshams kyi phyi rol du ma bskos te/ gso sbyong bcwa lnga pa de nyid la bskos shing dge 'dun thams cad 'dug cing 'thun par gyur la/ de yang tshul khrims dang ldan zhing mang du thos la gnas brtan rgyal tshab lta bu yin zhing grong khyer pa'i skad dang ldan yang 'di ltar des dge slong ma la lus kyis reg pas sun phyung bar gyur cing des ltung ba de yang chos bzhin du phyir ma byas na gang dag sko bar byed pa de dag la nyes byas su 'gyur la/ de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing mtshams kyi phyi rol du ma bskos te/ gso sbyong bcwa lnga pa de nyid la bskos shing dge 'dun thams cad 'dug cing 'thun par gyur la/ de yang tshul khrims dang ldan zhing mang du thos pa yin la/ gnas brtan rgyal tshab lta bu yin zhing grong khyer pa'i skad dang ldan la/ des dge slong ma la lus kyis reg pas sun ma phyung zhing / gal te sun phyung bar gyur na yang des ltung ba de yang chos bzhin du phyir byas pa yin yang pham par 'gyur ba'i chos brgyad po dag rgya cher brjod par mi nus na gang dag sko bar byed pa dag la nyes byas su 'gyur la/ de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing mtshams kyi phyi rol du ma bskos te/ gso sbyong bcwa lnga pa de nyid la bskos shing / dge 'dun thams cad 'dug cing mthun par gyur la/ de yang tshul khrims dang ldan zhing mang du thos la gnas brtan rgyal tshab lta bu yin zhing grong khyer pa'i skad dang ldan la des dge slong ma la lus kyis reg pas sun ma phyung zhing / gal te sun phyung bar gyur na yang des ltung ba de yang chos bzhin du phyir byas la pham par 'gyur ba'i chos brgyad po dag rgya cher brjod par nus kyang lci ba'i chos brgyad po dag rgya cher brjod par mi nus na gang dag sko bar byed pa de dag la nyes byas su 'gyur la/ de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing mtshams kyi phyi rol du ma bskos te gso sbyong bcwa lnga pa de nyid la bskos shing dge 'dun thams cad 'dug cing 'thun par gyur la/ de yang tshul khrims dang ldan zhing mang du thos la gnas brtan rgyal tshab lta bu yin zhing grong khyer pa'i skad dang ldan pa des dge slong ma la lus kyis reg pas sun ma phyung zhing / gal te sun phyung bar gyur na yang des ltung ba yang chos bzhin du phyir byas la pham par 'gyur ba'i chos brgyad po dag rgya cher brjod nus shing lci ba'i chos brgyad po dag kyang rgya cher brjod nus na/ gang dag sko bar byed pa de dag la ltung ba med la/ de bskos pa des dge slong ma la ston na yang ltung ba med do/ /dge slong ma la ston pa phyi ma ni sring mo dag ci khyed cag dge slong ma'i dge 'dun tshogs sam/ yongs su dag gam/ 'thun nam/ kha na ma tho ba med dam/ khyed cag la dge 'dun gyis ma bskos pa'i gang zag 'ga' zhig ston par mi byed dam/ khyed cag la ston pa'i gang zag ni 'ga' zhig dge 'dun las 'ong ngo / /khyed cag la dge slong 'ga' yang ston par mi spro'o/ /khyed cag gi gdams ngag dang rjes su bstan pa ni dge 'dun las so/ /sring mo dag gis bag yod par sgrubs shig ces bya ba de ston nus pa'o/ /sangs rgyas bcom ldan 'das la dge slong rnams kyis zhus pa/ btsun pa dge slong ma bcu gnyis sde dag gis tshe dang ldan pa lam pa la gnod par bgyi'o snyam pa las phan pa nyid bgyis pa la gzigs/ dge slong da ltar 'ba' shig tu ma zad kyi/ 'di ltar 'das pa'i dus na yang de dag gis de la gnod par bya'o snyam pa las phan pa nyid byas par gyur te/ de nyon cig /dge slong dag sngon byung ba 'das pa'i dus na ri brags zhig na bram ze zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed pa de la bu btsas so/ /'dod pa 'di dag ni lan tshwa dang 'dra ste/ ji lta ji ltar bsten pa de lta de ltar skom par 'gyur bas de yang dang yang du rtse bar byed/ dga' bar byed/ dga' mgur spyod par byed pa de la ji tsam nas bu bcu gnyis btsas nas des de dag khyim 'bubs su bcug go/ /dus gzhan zhig na de'i chung ma dus la bab nas bram ze de yang rgas pa'i gnas skabs su mya ngan gyis non pas mig gnyis mdongs par gyur to/ / de'i mna' ma bcu gnyis po de dag nyes par spyod pa sha stag yin te/ gang gi tshe de dag gi khyim thab dag phyi rol du dong ba de'i tshe na skyes pa gzhan dag dang lhan cig dga' mgur spyod par byed do/ /bram ze de sgra la mkhas pas des 'di ni bdag gi bu rnams kyi sgra yin no/ /'di ni skyes pa gzhan dag gi sgra yin no/ /zhes bya bar shes pas des skyes pa gzhan dag gi sgra thos nas mna' ma rnams bsdigs pa dang / de dag gis bsams pa/ bram ze 'di bdag cag la gnod pa'i phyir zhugs pa yin gyis bza' nar bya'o snyam nas/ de dag gis de la 'bras chen rtsub po dang / rtsabs bskol ba byin no/ /bram ze des bu rnams la smras pa/ bu dag kho bo mna' ma 'di dag gis 'bras chan rtsub po dang / rtsabs bskol ba byin no/ /de dag gis chung ma dag la smras pa/ khyed cag gis ci'i phyir yab la 'bras chan rtsub po dang / rtsabs bskol ba gsol/ de dag gis smras pa/ yab kyi bsod nams dag pas te/ de'i don du snod du 'bras sa lu thug po che dag stsal na 'bras chan rtsub por 'gyur zhing / chab zho stsal na rtsabs bskol bar 'gyur ro/ /ci'i phyir de dag de ltar 'gyur/ de dag gis smras pa/ gal te khyed cag thugs mi ches na bdag cag gis khyed kyi mngon sum du bgyi'o/ /de dag gis gcig la gcig smras pa/ bdag cag gis khyim thab dag la dam bcas pa'i skabs de grub par bya dgos so zhes de dag gis rdza mkhan bos te smras pa/ bzhin bzangs khyod kyis rdze'u kha gcig la nang gnyis yod pa byed nus sam/ des smras pa/ nus so zhes des rdze'u kha gcig la nang gnyis yod pa byas so/ /de dag gis rdze'u'i nang gcig tu 'bras rtsub po dag blugs la/ nang gcig tu ni 'bras sa lu thug po che dag blugs so/ /rdze'u gcig shos kyi nang gcig tu ni zho blugs la/ nang gcig tu rtsab mo blugs te g.yos byas nas khyim thab dag la smras pa/ rje'i sras dag ci lags je dang por yab bshos gsol lam/ 'on te rje'i sras dag gsol/ de dag gis smras pa/ je dang por yab bshos gsol la/ de'i 'og tu kho bo cag byin cig /de dag gis de dag gi mdun du rdze'u'i nang gcig phye ste/ 'bras chan rtsub po bcus shing rdze'u gcig shos kyi nang gcig phye ste rtsab mo bskol ba bcu nas gyos po la byin no/ /de'i 'og tu rdze'u'i nang gcig phye ste 'bras sa lu thug po che'i chan bcus shing rdze'u gcig shos kyi nang gcig phye ste zho'i tshod ma bcus nas khyim thab rnams la byin no/ /bu rnams kyis pha la smras pa/ yab khyod kyi bsod nams dag pas te/ bdag cag gi mngon sum kho nar rdze'u gcig gi nang du 'bras sa lu thug po che dag stsal cing rdze'u gcig shos kyi nang du chab zho stsal te g.yos bgyid du stsal na/ khyod kyi zhal du ni 'bras chan rtsub po dang / rtsabs bskol ba mchi la/ bdag cag gi g.yar du ni 'bras sa lu thug po che'i chan dang / chab zho'i tshod ma mchi bas bud med dag gis ma nong so/ /bram zes bsams pa/ kho bos lag pas bcal ba brgya dag gis longs spyod dag bsgrubs na ci'i phyir kho bo'i bsod nams dag zad par gyur snyam nas/ des de dag gis ma tshor bar lkog tu de dag gi tshang mang du song ste lag nom gyis btsal ba dang / rdze'u kha gcig la nang gnyis yod pa dag lag pas zin nas des de dag gzhan du sbas te/ bu dag 'ongs shing lhag pa na bu dag kho bo'i bsod nams dag zad pa la ltos shes rdze'u de dag bstan nas tshigs su bcad pa smras pa/ bu rnams gzhan gyi khyim dag na/ /rdze'u gcig la ni kha gcig yod/ /bdag cag skal ba med rnams kyi/ /rdze'u nang gnyis la 'ang kha gcig yod/ /de dag gis chung ma de dag te por brdegs pa dang / de dag gis bsams pa/ bram ze 'di bdag cag la gnod pa'i phyir zhugs pa yin gyis/ bdag cag gis 'di gsad par bya'o snyam nas phyogs der sbrul khas sdigs pa zhig 'ongs nas de dag gis de la dris pa/ bzhin bzang sbrul yod dam/ des smras pa/ sbrul ji lta bu 'dod ci shi ba 'am/ 'on te gson po/ de dag gis smras pa/ shi ba'o/ /des bsams pa/ 'di dag la sbrul shi bas ci bya ste/ 'di dag bram ze 'di gsod par 'dod gor ma chag snyam mo/ /chos nyid kyis na sbrul khros pa'i dug ni mgo dang mjug ma'i gnas gnyis su 'pho bas des sbrul nag po khros par byas te mgo dang mjug ma bcad nas rked pa'i cha de dag la byin no/ / de dag gis pho sha'i khu sha byas te bram ze de la smras pa/ yab pho sha'i khu sha gsol lam/ bram ze des bsams pa/ ci'i phyir 'di dag gis bdag la pho sha'i khu sha ldud par 'gyur te/ dug cung zhig sbyin 'dod gor ma chag snyam nas/ des bsams pa/ ji ltar shi yang blas btung ngo snyam nas de dag gis de la sbrul gyi pho sha'i khu sha blud nas des de 'thungs pa dang / de'i rlangs pas ling thog phyid nas bram ze des mig mthong bar gyur to/ /des bsams pa/ ci nas kyang rnon du gzhug pa'i thabs bya'o snyam nas des sa la bsgyel te nyal nas smras pa/ kho bo shi la thug go kho bo shi la thug go de dag gis bsams pa/ myur du shi bar gyur cig snyam nas smras pa/ yab yang gsol cig dang khyod sos par 'gyur ro/ /des smras pa/ btung ngo de dag gis de la yang sbrul gyi pho sha'i khu sha blud nas des yang 'thungs pa dang / de'i rlangs pas de'i ling thog rgya cher phyid do/ /de'i mig gis snga ma bzhin gsal bar mthong nas de cang mi smra bar 'dug go/ /mna' ma de dag sngon bram ze mdongs par gyur pa'i gnas skabs na de khyad du bsad de bag med par spyod pa de bzhin du yang spyad par brtsams pa dang / bram ze de dbyug pa thogs te langs nas smras pa/ khyed ji snyam du sems/ da ltar kho bo mi mthong snyam 'am/ da kho bo'i mig sbrul gyi pho sha'i khu sha'i rlangs pas phog pas ling thog thams cad phyid de sngon gyi gnas skabs bzhin du thams cad gsal bar mthong gis bu mo dag phyin chad bag yod par spyod cig /dge slong dag de'i tshe de'i dus na bram ze gang yin pa de ni lam pa 'di nyid yin no/ /de'i tshe de'i dus na mna' ma bcu gnyis po gang yin pa de ni dge slong ma bcu gnyis sde 'di dag yin te/ de'i tshe na yang 'di dag gis de la gnod pa bya'o snyam pa las phan pa nyid byas par gyur to/ /yang sangs rgyas bcom ldan 'das la dge slong rnams kyis zhus pa/ btsun pa bcom ldan 'das kyis tshe dang ldan pa lam pa gdams ngag cung zhig gis gdams pa mdzad pas 'khor ba'i dgon pa nas phyung ste shin du mthur thag pa grub pa dang bde ba bla na ma mchis pa'i mya ngan las 'das pa la gzhag pa mdzad pa la gzigs/ dge slong dag da ltar du ma zad de 'di ltar 'das pa'i dus na yang ngas 'di gdams ngag cung zhig gis gtam pas dbang phyug gi bdag po chen po la bzhag par gyur te/ de nyon cig / dge slong dag sngon byung ba 'das pa'i dus na ri brags shig na khyim bdag phyug pa nor mang la longs spyod che ba/ yongs su bzung ba yangs shing rgya che ba zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de la bu byung nas des chung ma la smras pa/ bzang mo bdag cag la bu lon 'phrog pa nor 'phrog pa byung gis kho bo zong thogs te rgya mtsho chen por 'jug du 'gro'o/ /rje'i sras de bzhin mdzod cig /khyim bdag des bsams pa/ gal te chung ma 'di la kAr shA pa Na mang po dag gtad par gyur na skyes pa gzhan dang lhan cig 'gyur ba sten par 'gyur ro snyam nas des de la kAr ShA pa Na nyung zad cig byin no/ /ri brag de na tshong dpon zhig 'dug pa de khyim bdag de'i chung po grogs yin pas khyim bdag des tshong dpon de'i lag tu kAr ShA pa Na mang po dag gtams nas smras pa/ gal te kho bo'i chung ma gos dang zas yongs su nyams par gyur na/ khyod kyis zas dang gos kyis de la mkho ba bstabs par gyis shig ces smras nas/ de zong thogs te rgya mtsho chen por zhugs pa dang de nyid du tshul ma yin pas sdug bsngal bar gyur to/ /chung ma des khye'u de nye du'i stobs dang lag stobs kyis bsnyod cing gsos te/ bskyed pa dang / khye'u des ma la dris pa/ ma bdag gi pha dang mes po dag gis las ci zhig byas par gyur/ mas bsams pa/ gal te 'di la rgya mtsho chen por gru bo che spyod par gyur to zhes byas na 'di yang rgya mtsho chen por 'jug par 'gyur zhing de nyid du tshul ma yin pas sdug bsngal bar 'gyur ba gang yin pa de lta bu'i gnas yod par 'gyur ro snyam nas des smras pa/ bu khyod kyi pha dang mes po dag 'di nyid na tshong pa byed par gyur to/ /ma kAr Sha pa Na dag byin cig dang bdag gis kyang 'di nyid du tshong bya'o/ /bu kho mo la kAr Sha pa Na dag ga la yod/ kho mos khyod kyang nye du'i stobs dang lag stobs gyis bsnyod cing gsos te bskyed pa yin pas kho mo la kAr Sha pa Na dag gi 'byor pa yod re skan/ 'di ltar tshong dpon 'di khyod kyi pha'i chung po grogs yin gyis 'di las kAr ShA pa Na dag long la las gyis shig /khye'u de tshong dpon de'i gan du song ba dang / tshong dpon de yang mi gzhan zhig gis lan gsum gyi bar du tshong la dor byas pas de de la nan thur byed cing 'dug pa na de'i khyim nas bu mo mngag gzhug mas phyag dar gyi steng du byi ba'i ro zhig bzhag ste phyir phyung nas dor bar brtsams pa dang / tshong dpon des mi de la smras pa/ mi gang nus pa yin na des byi ba'i ro 'dis kyang bdag nyid 'dzin par nus so/ /khye'u des de thos nas bsams pa/ tshong dpon 'di ni bdag nyid chen po yin pas 'di byung rgyal du smra bar mi byed pas byi ba'i ro 'dis bdag nyid 'dzin par nus gor ma chag snyam nas/ khye'u de bu mo mngag gzhug ma de'i phyi bzhin song song ste/ bu mo mngag gzhug ma des phyag dar bor ba dang / khye'u des byi ba'i ro de blangs nas tshong dus su song ngo / /de na tshong khang na byi la zhig btags shing 'dug nas khye'u des byi ba'i ro de byi la de la bstan pa dang / des de mthong nas mchong bar brtsams pa dang / tshong pa des khye'u la smras pa/ byi ba'i ro ni byi la 'di la byin cig /khye'us smras pa/ 'di rin med par ji ltar sbyin/ rin byin cig dang sbyin no/ /tshong pa des khye'u de la sran ma dag gis snyim pa bkang ste byin no/ /khye'us bsams pa/ gal te bdag gis 'di 'chos par gyur na gzhi chad par 'gyur ro snyam nas khye'u des sran ma de dag slang la brngos nas chu grang mos ril ba bkang ste ri brags su song nas phyogs gang du shing thun dag ngal so bar 'gyur ba'i phyogs der song ste bsdad pa dang / shing thun dag lhags nas khye'u des de dag la smras pa/ zhang po dag shing khur zhog la yid tsam zhig ngal so shig /de nas shing thun de dag gis shing khur dag bzhag pa dang / khye'u des de dag la sran ma nyung zad nyung zad byin zhing chu grang mo yang 'thung du bcug go/ /shing thun rnams kyis smras pa/ tsha bo khyod gar 'gro/ shing thur 'gro'o/ /kho bo cag ji tsam du sngar dong na yang da 'khor ba yin na/ khyod da song na nam zhig 'khor bar 'gyur zhes de dag gis de la shing re re byin no/ /shing re re po de dag gis khye'u de'i shing khur longs nas des de khyer te phyir log go/ /des de dag btsongs te sran ma dag nyos nas de dag brngos te chu grangs mos bum pa bkang nas yang phyogs de nyid du song ste bsdad pa dang / shing thun de dag kyang lhags nas des de dag la smras pa/ zhang po dag shing khur zhog la yid tsam zhig ngal sos shig / de nas shing thun de dag gis shing khur dag bzhag pa dang / khye'u de yang de dag la sran ma dag gis bgo bsha' byas shing chu grang mos ngoms par byas pa dang / de dag gis smras pa/ tsha bo khyod nyin gcig bzhin du sran ma dang chu thogs la 'di nyid du sdod cig dang / kho bo cag gis khyod la shing khur gyi gong shing khyer te 'ong ngo / /khye'u des nyi ma re re zhing de bzhin bya bar brtsams nas des de dag la smras pa/ zhang po dag khyed cag shing khur dag tshong 'dus su ma khyer bar kho bo'i sdum par zhog shig dang / kho bos khyed cag la rin bsdoms te sbyin no/ /de dag gis shing khur dag de'i khyim du bzhag go/ /dus gzhan zhig na nyi ma bdun du yul ngan byung nas khye'u des shing de dag btsongs pa dang / des khe spogs mang po grub bo/ /de nas khye'u des bsams pa/ tshong pa rnams kyi nang na 'di lta ste/ shing tshong ba 'di ni tha chad yin te/ 'di ltar tsan dan gyis 'tsho na yang shing gis 'tsho ba kho nar zad pas/ bdag gis bza' bca'i zong dgram par bya'o snyam nas/ des bza' bca'i zong bkram zhing de chos dang rigs pas tshong byed pas des der yang khe spogs mang po grub par gyur to/ /des yang bsams pa/ tshong pa rnams kyi nang na 'di lta ste/ bza' bca' 'tshong ba 'di ni tha chad yin gyis bdag gis spos 'tshong gi zong dgram par bya'o snyam nas des spos 'tshong gi zong bkram zhing de chos dang rigs pas tshong byed pas des der yang khe spogs mang po grub par gyur to/ /des yang bsams pa/ tshong pa rnams kyi nang na 'di lta ste/ spos 'tshong 'di ni tha chad yin gyis bdag gis zong dgram par bya'o snyam nas des dbyig gi zong bkram zhing de chos dang rigs pas tshong byed pas des dbyig tshongs pa thams cad zil gyis mnan nas de'i ming byi dbyig pa byi dbyig pa zhes bya bar gyur to/ /dbyig tshongs pa de dag gis smras pa/ byi dbyig pa 'dis bdag cag thams cad zil gyis mnan gyis/ ci nas kyang 'di rgya mtsho chen por 'jug cing der tshul ma yin pas sdug bsngal bar 'gyur ba de ltar nga rgyal bskyed par bya'o snyam nas/ de dang ha cang thag mi ring bar 'khod de long gtam smra bas 'khod cing / shes ldan dag 'di lta ste dper na mi glang po che'i gnyar zhon nas rta'i rgyab tu zhon pa dang / rta'i rgyab tu zhon nas khyogs spyil la zhon pa dang / khyogs spyil la zhon nas rkang pas 'gro ba de bzhin du byi dbyig pa 'di yang pha mes dag rgya mtsho chen por gru bo che spyod cing 'gro bar gyur pa las 'di da ltar dbyig tshongs nyid kyis tshegs chen pos 'tsho ba sbyor bar byed do/ /zhes smras pa dang / byi dbyig pas thos nas des smras pa/ shes ldan dag ci zer/ khyod kyi pha mes dag rgya mtsho chen por gru bo che spyod cing 'gro bar gyur pa las deng sang de dag shi nas khyod dbyig tshongs tsam gyis tshegs chen pos 'tsho ba sbyor bar byed do/ /byi dbyig pa khyim du song ste ma la dris pa/ ma kho bo'i pha mes dag rgya mtsho chen por gru bo che spyod par gyur pa bden nam/ mas bsams pa/ 'dis 'ga' zhig las thos par gyur gor ma chag gis bdag gis 'di la brdzun gyi tshig smra ba ni bdag gi tshul dang 'thun pa ma yin no snyam nas des smras pa/ bu bden no/ /byi dbyig pas smras pa/ ma bdag kyang rgya mtsho chen por 'jug gis gnong shig /mas smras pa/ bu 'di nyid du 'dug shig /byi dbyig pas yang dang yang du 'gro'o zhes smras pa dang / mas de dus kyis 'chu bar shes nas gnang ngo / /byi dbyig pas srang chen por tshong pa'i tshogs rnams la khyed cag las gang ded dpon byi dbyig pa dang / lhan cig sho gam med pa dang / la gcan med pa dang / gru btsas med par rgya mtsho chen por 'jug par spro ba des rgya mtsho chen por 'gro ba'i zong sta gon gyis shig ces dril bsgrag pa byas so/ /de nas tshong pa lnga brgya tsam gyis rgya mtsho chen por 'gro ba'i zong sta gon byas so/ /de nas ded dpon byi dbyig pas dge mtshan dang / bkra shis dang / dge bar 'gyur ba byas te shing rta dag dang / khur dag dang / spyad dag dang / gle ba dag dang / rnga mo dag dang / ba glang dag dang / bong bu dag las zong mang po bkal te tshong pa de dag dang lhan cig rgya mtsho chen por 'phags so/ /de na de la mi lnga yod de/ sdud par byed pa dang / tshar gcod par byed pa dang / byi dor pa dang / chu phyags pa dang / rlung yor thogs pa'o/ /sdud par byed pa gang zhe na/ de na bza' ba dang / btung ba sbyor ba gang yin pa'o/ / tshar gcod par byed pa gang zhe na/ de na rtsod pa byung ngo cog nye bar zhi bar byed pa gang yin pa'o/ /byi dor bya ba gang zhe na/ de na gru 'chos par byed pa gang yin pa'o/ /chu phyags pa gang zhe na/ de na chu 'phyag par byed pa gang yin pa'o/ / rlung yor thogs pa gang zhe na/ de na rgyu skar dag la rnam par lta bar byed pa gang yin pa'o/ /de mthar gyis rgya mtsho'i 'gram du phyin pa dang / tshong pa de dag gis rgya mtsho chen po mthong nas skrag ste gru bo cher 'jug par mi spro nas/ ded dpon byi dbyig pas rlung yor thogs pa la smras pa/ kwa'i nang rje rgya mtsho chen po'i bsngags pa ji lta ba bzhin du sgrogs shig /de nas rlung yor thogs pas bsgrag par brtsams pa/ 'dzam bu'i gling pa'i tshong pa shes ldan dag nyon cig /rgya mtsho chen po 'di na rin po che chen po che ba 'di lta bu 'di lta ste/ nor bu dag dang / mu tig dang / bai dUr+ya dang / man shel dkar po dang / byi ru dang / dngul dang / sa le sbram dang / rdo'i snying po dang / spug dang / dmar po dang / g.yas su 'khyil pa dag yod kyis khyed cag las gang rin po che de lta bu dag gis bdag nyid dang / pha ma dang / bu dang / chung ma dang / bran dang / bran mo dang / las byed pa dang / zho shas 'tsho ba dang / mdza' bshes dang / blon po dang / nye du dang / snag gi gnyen mtshams dag legs par bde bas tshim par bya ba dang / dus dang dus su dge sbyong dang / bram ze dag la mthon por 'gro ba dang / skal ba can du 'gyur ba dang / rnam par smin pa bde ba dang / phyi ma la mtho ris su 'gro ba'i yon 'bul bar 'dod pa de rgya mtsho chen por zhugs shig /'jig rten ni 'byor pa 'dod pas skye bo phal po che'i tshogs gru bo cher zhugs pa dang / des de dag gru bo ches mi bzod par gyur nas ded dpon byi dbyig pas bsams pa/ da bdag gis phyir byung shig ces ji skad smra bar bya snyam nas des rlung yor thogs pa la smras pa/ kwa'i nang rje rgya mtsho chen po'i bsngags pa ma yin pa ji lta ba bzhin du sgrogs shig /de nas rlung yor thogs pas bsgrag par brtsams pa/ 'dzam bu'i gling pa'i tshong pa shes ldan dag nyon cig /rgya mtsho chen po 'di na 'jigs pa chen po che ba 'di lta bu 'di lta ste/ nya chen gyi 'jigs pa dang / nya chen mid kyi 'jigs pa dang / nya chen mid pa mid kyi 'jigs pa dang / chu rlabs kyi 'jigs pa dang / dba' glong gi 'jigs pa dang / chu srin kum b+hi ra'i 'jigs pa dang / chu srin byis pa gsod kyi 'jigs pa dang / chu'i nang nas byung ba'i ri dag la thug pa'i 'jigs pa dang / rlung nag po'i 'jigs pa dag yod cing / 'dir chom rkun pa nor 'phrog pa sngon po dang / dkar po dag kyang 'ong bar 'gyur te/ de dag gis khyed cag thams cad kyi thams cad du srog dang 'bral bar byed par 'gyur gyis khyed cag las gang bdag nyid dang / pha ma dang / bu dang / chung ma dang / bran dang / bran mo dang / las byed pa dang / zho shas 'tsho ba dang / mdza' bshes dang / blon po dang / nye du dang / snag gi gnyen mtshams sdug pa dag yongs su gtong bar mi 'dod pa de rgya mtsho chen por ma 'jug shig /'jig rten ni dpa' bo nyung la sngar ma mang bas skye bo phal po che'i tshogs phyir byung ba dang / des de dag grus bzod par gyur nas de'i 'og tu rlung yor thogs pas sgra lan gsum bsgrag pa byas te/ de'i 'og tu nyag thag gcig bkrol zhing gnyis pa dang / gsum pa'i bar du bkrol nas des grus bo che rlung yor chen po thogs pas legs par bzung ba/ rlung gi shugs stobs dang ldan pas bskyod pa/ sprin chen po bzhin du song ste rjes su 'thun pa'i rlung gis phul nas ji tsam na rin po che'i gling du phyin to/ /de nas rlung yor thogs pas sgra bsgrag par brtsams pa/ 'dzam bu'i gling pa'i tshong pa shes ldan dag nyon cig /rin po che'i gling 'di nyid na nor bu mching bu rin po che 'dra ba dag kyang yod kyis khyed kyis de dag nye bar brtag cing brtag cing phyis khyed cag 'dzam bu gling du son pa na 'gyod par mi 'gyur ba de ltar rin po che dag long shig rin po che'i gling 'di nyid na srin mo khrung khrung gzhon nu ma zhes bya ba dag yod de/ de dag gis skyes pa dag ci nas kyang 'di nyid du tshul ma yin pas sdug bsngal bar 'gyur ba de lta de ltar tho 'tsham par 'gyur gyis khyed kyis de dag bsnyen par mi bya'o/ /rin po che'i gling 'di nyid na myos par 'gyur ba'i 'bras bu dag yod de/ gang gis de dag zos pa zhag bdun du brgyal zhing 'dug par 'gyur bas khyed kyis de dag bza' bar mi bya'o/ /rin po che'i gling 'di nyid na mi ma yin pa dag 'khod de de dag zhag bdun las lhag par khyed 'khod par mi bzod pas zhag bdun 'das nas rlung gang gis 'di lta ste/ gru bo che bya ba ma byas par khyer bar 'gyur ba de lta bu gtong bar 'gyur bas khyed kyis de la yang ma thug par bya'o/ /tshong pa de dag gis de thos nas sems bsdus shing bag yod par 'khod de/ de dag gis rin po che dag nye bar brtags shing brtags shing gru bo che de 'di lta ste/ dper na til dang / 'bras thug po che dang / rgya shug dang / rgya sran dag bzhin du bkang ste rin po che'i gling nas 'phags nas rjes su 'thun pa'i rlung gis bdas te/ 'dzam bu'i gling du phyin par gyur to/ /de bzhin du lan bdun gyi bar du gru bo che legs par grub ste 'dzam bu'i gling du 'ongs so/ /de nas ded dpon byi dbyig pa la mas smras pa/ bu khyim phub shig /des smras pa/ ma ci bu lon pa dag bcad nas de'i 'og tu khyim dbub par bya'o/ /mas de la smras pa/ bu khyod kyi phas kyang bu lon pa yod par ma byas mes pos kyang ma byas na khyod la bu lon pa ga las byung / des smras pa/ ma kho bo nyid shes so zhes des rin po che bzhi las byas pa'i byi ba bzhi byed du bcug nas/ sprog ma gser gyis bkang ste byi ba bzhi po de dag sprog ma'i phyogs bzhir bzhag nas tshong dpon de'i gan du song ngo / /tshong dpon de yang de nyid kyi bsngags pa brjod cing 'dug ste shes ldan dag ded dpon byi dbyig pa des rtswa 'am/ bong ba 'am/ gang dang gang blang pa de dang de dag thams cad gser du 'gyur te/ ji tsam du de bsod nams dang ldan zhing dbang che bar grags pa la ltos shes de'i bsngags pa brjod cing 'dug go/ /de de ltar de'i bsngags pa brjod pa'i gtam zer zhing 'dug pa na sgo ba de'i gan du song ste ded dpon byi dbyig pa sgo na sdod cing mchis so zhes brjod pa dang / tshong dpon gyis smras pa/ ded dpon byi dbyig pa 'jug tu chug shig /su zhig ded dpon byi dbyig pa bzlog par byed/ de nas ded dpon byi dbyig pa nang du zhugs nas des tshong dpon de la smras pa/ tshong dpon 'di ni gzhi lags/ 'di ni khe spogs lags kyis bzhes shig /tshong dpon gyis smras pa/ ded dpon kho bos khyod la chung zad kyang byin par mi dran no/ /ded dpon gyis smras pa/ bdag gis khyod dran par bya'o zhes des dran par byas pa dang / tshong dpon gyis dris pa/ khyod su'i bu yin/ khyim bdag che ge mo zhig gi'o/ /tshong dpon gyis smras pa/ 'o na khyod kho bo'i chung po grogs kyi bu yin te/ khyod kyi pha 'gro ba na kho bo'i lag tu kAr ShA pa na mang po dag gtam pas kho bo nyid kyis khyod la sbyin par bya ba yin no zhes tshong dpon des gser gyi ril ba chus bkang ba'i mchod yon gyis bsu nas bu mo thu mo rgyan thams cad kyis brgyan te ded dpon byi dbyig pa'i chung mar byin no/ /dge slong dag de'i tshe de'i dus na tshong dpon gang yin pa de ni nga nyid yin no/ /de'i tshe de'i dus na ded dpon byi dbyig pa gang yin pa de ni lam pa 'di yin te/ de'i tshe yang ngas 'di la gdams ngag cung zhig gis gtams pas dbang phyug gi bdag po chen po la bzhag par gyur la/ da ltar yang ngas 'di la gdams ngag cung zhig gis gtams pas 'khor ba'i dgon pa nas phyung ste shin du mthar thug pa grub pa dang bde ba bla na med pa'i mya ngan las 'das pa la bzhag go/ //'dul ba rnam par 'byed pa/ bam po bzhi bcu rtsa brgyad pa/ sangs rgyas bcom ldan 'das la dge slong rnams kyis zhus pa/ btsun pa tshe dang ldan pa lam pas las ci zhig bgyis na las de'i rnam par smin pas bul ba/ mchog tu bul ba/ chung ba mchog tu chung bar gyur/ bcom ldan 'das kyis bka' stsal pa/ dge slong dag rigs kyi bu lam pa nyid kyis las tshogs rnyed pa rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas lam pa nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'od srung 'jig rten du byung ste/ de dge slong gi 'khor nyi khri dang bA rA Na sI na nye bar brten cing bzhugs so/ /de'i gsung rab la lam pa 'di dge slong sde snod gsum par gyur te/ des chos kyi ser snas 'ga' la yang tshig bzhi pa'i tshigs su bcad pa yang ma bstan to/ /yang ri brags shig na phag 'tshong zhig 'dug ste/ chu klung gi pha rol dang tshu rol gyi ri brags der dus ston byung nas phag 'tshong des bsams pa/ gal te phag dag bsad du ni sha de snyed nyo bar mi 'gyur bas gson po nyid du bkur bar bya zhing der phral la bsad cing bsad cing btsong bar bya'o snyam nas des phag mang po dag gcig la gcig sbrel te grur btsud nas 'phags pa dang / de dag gis gru de skyod pa na bub par gyur nas de dag der tshul ma yin pas sdug bsngal bar gyur to/ /phag 'tshong de yang rgyun phyogs su khyer ba na chu klung de'i 'gram na rang sangs rgyas lnga brgya tsam 'khod nas de dag las rang sangs rgyas gcig cig chu'i don du chu 'gram du song ba dang / des de mthong nas des bsams pa/ ci 'di re shig shi ba yin nam/ 'on te gson pa yin snyam nas des glang po che'i sna 'dra ba'i lag pa brkyang ste de phyung nas bye ma bdal te der kha sbub tu bzhag nas song ngo / /de'i rgyun thams cad nas chu zags nas des 'du shes phyir rnyed de langs pa dang / mi'i rjes mthong nas de de'i rjes bzhin du song ba dang / ji tsam na rang sangs rgyas lnga brgya mthong nas des de dag la lo ma dang / 'bras bu dang / so shing gis bsnyen bkur bya bar brtsam pa dang / de dag gis de la lhung bzed kyi lhag ma byin no/ /gang gi tshe rang sangs rgyas de dag skyil mo dkrung bcas te bsam gtan byed pa de'i tshe na de yang mtha' gcig tu 'dug nas skyil mo dkrung bcas te bsam gtan byed do/ /des der 'du shes med pa'i snyom par 'jug pa bskyed nas 'du shes med pa'i sems can lha rnams kyi nang du skyes so/ /dge slong dag de'i tshe de'i dus na yang dag par rdzogs pa'i sangs rgyas 'od srung gi gsung rab la dge slong sde snod gsum dang ldan par gyur pa gang yin pa dang / phag 'tshong du gyur pa gang yin pa de ni dge slong lam pa 'di yin te/ 'dis chos kyi ser snas 'ga' la yang tshigs bzhi tshig su bcad pa yang ma bstan pa gang yin pa dang / phag dag bsad pa gang yin pa dang / 'du shes med pa'i sems can rnams kyi nang nas 'dir skyes pa gang yin pa'i las de'i rnam par smin pas bul ba/ mchog tu bul ba/ chung ba mchog tu chung bar gyur to/ /dge slong dag de ltar na gdams ngag med pa la nyes dmigs 'di dang gzhan dag kyang yod de de lta bas na dge slong gis gdams ngag med par bsam gtan mi bya'o/ /bsam gtan byed na 'gal tshabs can du 'gyur ro/ /de nas bcom ldan 'das mnyan yod du ci dgyes par bzhugs nas rgyal po'i khab ga la ba der gshegs te mthar gyis rgyu zhing gshegs pa na rgyal po'i khab tu byon nas rgyal po'i khab na 'od ma'i tshal ka lan da ka'i gnas na bzhugs so/ /rgyal po'i khab na 'tsho byed gzhon nus gsos kyis bcom ldan 'das mthar gyis rgyu zhing gshegs pa na rgyal po'i khab tu byon nas rgyal po'i khab na 'od ma'i tshal ka lan da ka'i gnas na bzhugs shes thos nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' cig du 'dug go/ /mtha' gcig tu 'dug nas bcom ldan 'das 'tsho byed gzhon nus gsos la chos dang ldan pa'i bka' mchid kyis yang dag par ston par mdzad/ yang dag par 'dzin du 'jud par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs dus mas chos dang ldan pa'i bka' mchid kyis yang dag par bstan/ yang dag par 'dzin du 'jug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas 'tsho byed gzhon nus gsos stan las langs te bla gos phrag pa gcig tu byas nas/ bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das kyis sang bdag gi sdum par dge slong gi dge 'dun dang thabs gcig tu gdugs tshod gsol bar ci gnang / sangs rgyas bcom ldan 'das rnams ni bsnyen par dka' ba dang / bzod par dka' ba yin pas 'tsho byed gzhon nus gsos kyis sangs rgyas bcom ldan 'das la btsun pa lam pa ma gtogs so zhes gsol ma nus so/ /bcom ldan 'das kyis cang mi gsung bas 'tsho byed gzhon nus gsos la gnang ngo / /de nas 'tsho byed gzhon nus gsos kyis bcom ldan 'das kyis mi gsung bas gnang bar rig nas/ bcom ldan 'das kyis bka' stsal pa la mngon par dga' ba dang / rjes su yi rang ba byas nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song nas/ tshe dang ldan pa kun dga' bo ga la ba der song ste phyin nas tshe dang ldan pa kun dga' bo'i rkang pa gnyis la phyag 'tshal te mtha' cig tu 'dug go/ /mtha' cig tu 'dug nas 'tsho byed gzhon nus gsos kyis tshe dang ldan pa kun dga' bo la 'di skad ces smras so/ /btsun pa kun dga' bo mkhyen par mdzod cig /bdag gis sangs rgyas la sogs pa dge slong gi dge 'dun sang bdag gi sdum par gdugs tshod la spyan drungs te btsun pa lam pa ni ma gtogs so/ /'tsho byed khyod kyi dge ba'i chos rnams ji ltar 'phel bar gyur cig /de nas 'tsho byed gzhon nus gsos kyis tshe dang ldan pa kun dga' bos smras pa la mngon par dga' ba dang rjes su yi rang ba byas nas tshe dang ldan pa kun dga' bo'i rkang pa gnyis la mgo bos phyag 'tshal te song ngo / /de nas tshe dang ldan pa kun dga' bos 'tsho byed gzhon nus gsos song nas ring po ma lon par rig nas/ tshe dang ldan pa lam pa ga la ba der song ste phyin nas tshe dang ldan pa lam pa la 'di skad ces smras so/ / tshe dang ldan pa lam pa mkhyen par mdzod cig /'tsho byed gzhon nus gsos kyis sangs rgyas la sogs pa dge slong gi dge 'dun sang khyim gzhan du gdugs tshod la spyan drangs te tshe dang ldan pa lam pa gcig pu ma gtogs so/ /btsun pa kun dga' bo de'i dge ba'i chos rnams ji ltar phel bar gyur cig /de nas 'tsho byed gzhon nus gsos kyis de nyid kyi mtshan mo bca' ba dang bza' ba gtsang zhing bsod pa sta gon byas nas nang par sngar langs te gdan dag bshams nas chu ra bzhag ste/ bcom ldan 'das la spyan 'dren gyis btsun pa gdugs tshod g.yar dgongs 'tshal na/ bcom ldan 'das kyis da de'i dus la bab par dgongs su gsol zhes spyan drangs so/ /de nas bcom ldan 'das snga dro sham thabs gsol lhung bzed dang chos gos bsnams te dge slong gi tshogs kyis yongs su bskor cing dge slong gi dge 'dun gyis mdun du bdar nas 'tsho byed gzhon nus gsos kyi bkad sa ga la ba der gshegs te byon nas dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis tshe dang ldan pa kun dga' bo la bka' stsal pa/ kun dga' bo lam pa'i byug ris zhog zhig 'tsho byad gzhon nus gsos kyi gser gyi ril ba b+h+ring ga ra thogs te rgan pa'i mtha' logs su bsdad pa dang bcom ldan 'das kyis chab kyi rgyun ma bzhes so/ /'tsho byed gzhon nus gsos kyis gsol pa/ ci'i slad du bcom ldan 'das chab kyi rgyun bzhes par mi mdzad/ bcom ldan 'das kyis bka' stsal pa/ da dung dge slong gi dge 'dun ma 'tshogs so/ / 'tsho byed gzhon nus gsos kyis gsol pa/ bcom ldan 'das gang ma mchis/ bcom ldan 'das kyis bka' stsal pa/ dge slong lam pa'o/ /'tsho byed gzhon nus gsos kyis gsol pa/ bcom ldan 'das de bdag gis g.yar ma drangs so/ /bcom ldan 'das kyis bka' stsal pa/ gal te 'tsho byed khyod kyis sangs rgyas la sogs pa dge slong gi dge 'dun spyan ma drangs sam/ bcom ldan 'das spyan drangs so/ /'o na ci lam pa dge 'dun las phyi rol du gyur pa yin nam/ bcom ldan 'das ma lags so/ /song la de bos shig 'tsho byed gzhon nus gsos kyis bsams pa 'di ltar bdag gis bcom ldan 'das kyi bkas bod par ni bya mod kyi de la gus par byas te brim par ni mi bya'o snyam nas des mngag pa btang ste song la de bos shig ces bsgo'o/ /tshe dang ldan pa lam pa yang 'di lta bu'i ting nge 'dzin la snyoms par zhugs te/ ji ltar sems mnyam par bzhag na dge slong stong nyi brgya lnga bcu sprul te 'dug go/ /mngag pa de song ste lam pa lam pa zhes bos pa dang / dge slong du ma dag gis ang zhes lan btab bo/ /mi de 'ongs te 'tsho byed gzhon nus gsos la smras pa/ bdag der mchis te lam pa lam pa zhes bos na 'od ma'i tshal ka lan da ka'i gnas na sngar dge slong dag gis gang zhing 'khod pa de kho na bzhin du dge slong dag gis gang zhing 'khod nas dge slong du ma dag gis ang zhes lan btab na de dag las gang byon 'tsho byed gzhon nus gsos kyis skabs de bcom ldan 'das la gsol pa dang / bcom ldan 'das kyis bka' stsal pa/ song shig song la lam pa yang dag pa gang yin pa de shog shig ces gyis shig /de song ste smras pa/ lam pa yang dag pa gang lags pa de gshegs su gsol/ de nas tshe dang ldan pa lam pas rdzu 'phrul mngon par 'du bya ba de phyir bsdus nas der song ste rang gi byug ris su 'dug pa dang / 'tsho byed gzhon nus gsos kyis sangs rgyas la sogs pa dge slong gi dge 'dun la brim par brtsams nas tshe dang ldan pa lam pa la gus par ma byas par brims so/ /bcom ldan 'das kyis dgongs pa/ nyan thos chen po ri rab dang 'dra ba la 'tsho byed gzhon nus gsos kyis smas pa len par byed kyis/ 'di'i yon tan bsgrag par bya'o snyam nas tshe dang ldan pa kun dga' bo bcom ldan 'das kyis lhung bzed len pa yin na bcom ldan 'das kyis de la ma stsal to/ /chos nyid kyis na ji srid du bcom ldan 'das kyis lhung bzed blang bar ma gyur gyi bar du dge slong gnas brtan dag gi lhung bzed dag len par mi byed do/ /tshe dang ldan pa lam pas bsams pa/ ci'i phyir bcom ldan 'das dang dge slong gnas brtan gnas brtan dag lhung bzed dag len par mi byed snyam na/ bdag nyid kyi yon tan bsgrag pa'i phyir ro snyam du rig nas ston pa'i thugs la dgongs pa yongs su rdzogs par bya'o snyam nas/ tshe dang ldan pa lam pas stan phyed las 'phags par byas te glang po che'i sna lta bu'i lag pa brkyang nas bcom ldan 'das kyi lhung bzed blangs pa dang / 'tsho byed gzhon nus gsos rgan pa'i mtha' logs na 'dug pas mthong nas des bsams pa/ rdzu 'phrul gyi cho 'phrul rnam par ston pa 'di gnas brtan gang yin snyam nas de lhung bzed kyi rjes bzhin song ba dang / ci tsam na tshe dang ldan pa lam pa yin par mthong ngo / /mthong nas de brgyal te sa la bsgyel ba dang / chus gdab pas srog phyir lon nas tshe dang ldan pa lam pa'i rkang pa gnyis la gtugs te bzod pa gsol cing tshigs su bcad pas smras pa/ tsan dan rtag tu bsil ngad yon tan ldan/ /ut+pal rtag tu dri bda' dri med gsar/ /rtag gsal dag pa'i bai dUr+ya 'od bzhin/ /byis pa'i skye bo'i sdig pa rtag tu ni/ /mtshungs med gor ma'i ri mo rtag pa bzhin/ /'phags pa'i skye bo rtag tu thugs rje mnga'/ / dgra bcom dag gi bzod pa brtan pa lags/ /tshe dang ldan pa lam pas smras pa/ 'tsho byed bzod do/ /bcom ldan 'das kyis yon bshad pa mdzad nas gdan las bzhengs te gshegs so/ /sangs rgyas bcom ldan 'das la dge slong rnams kyis zhus pa/ btsun pa 'tsho byed gzhon nus gsos kyis gang gi tshe tshe dang ldan pa lam pa'i yon tan dag mngon par ma 'tshal ba de'i tshe na gus pa ma lags pa la brtson zhing / gang gi tshe yon tan dag mngon par 'tshal ba de'i tshe na rkang pa gnyis la gtugs te bzod pa gsol bar bgyid pa la gzigs/ dge slong dag da ltar du ma zad de/ 'di ltar 'das pa'i dus na yang des gang gi tshe 'di'i yon tan dag mngon par mi shes pa de'i tshe na gus pa ma yin pa la brtson zhing gang gi tshe yon tan dag mngon par shes pa de'i tshe na rkang pa gnyis la gtugs te bzod pa gsol bar gyur te de nyon cig /dge slong dag sngon byung ba 'das pa'i dus na byang lam nas ded dpon zhig gis zong rta lnga brgya bdas te yul dbus su phyin to/ /de'i rgod ma'i mngal du rta cang shes zhugs nas de gang gi nyi ma la zhugs pa de nyid kyi nyi ma nas bzung ste rta de dag phyin chad skad 'byin par mi byed nas ded dpon gyis bsams pa/ bdag gi rta rnams la nad 'ga' zhig byung 'am/ ci na des rta 'di dag skad 'byin par mi byed snyam mo/ /dus gzhan zhig na rgod ma de 'brangs pa las rte'u pho zhig byung nas de gang gi nyi ma la byung ba de nyid kyi nyi ma nas bzung ste rta de dag phyin chad sna sgra 'byin par yang mi brtson nas ded dpon gyis bsams pa/ rte'u sems can skal chad 'di byung bas 'di'i nyes pas bdag gi rta rnams la nad byung bar gyur to snyam nas des rgod ma de rtag tu zhon zhing de la rtswa dang chas kyang sbyin par mi byed do/ / de mthar gyis mchod gyur ces bya ba'i gnas su phyin pa dang / der de dbyar gyi nam la bab nas des bsams pa/ gal te nga song bar gyur na rta rnams kyi rmig pa 'drul bar 'gyur bas zong du mi rung bar 'gyur gyis dbyar gyi nam la 'di nyid du 'dug par bya'o snyam nas de dbyar gyi nam la de nyid du 'dug pa dang / de na gnas pa'i bzo bo dag gis de la rang rang gi bzo dag gis bsnyen bkur byas so/ /de 'gro ba'i dus kyi tshe bzo bo dag lhags pa dang / des de dag la bgo bsha' dag byas so/ / de na rdza mkhan cig cig 'dug pa des kyang de la bzos bsnyen bkur byas pas de la chung mas smras pa/ rje'i sras ded dpon de mchis bzhud la cung zhig slongs shig /rdza mkhan des ded dpon 'phags pa'i mdun du 'jim pa'i gong bu thogs te bsdad pa dang / ded dpon des de mthong nas de la smras pa/ kwa'i nang rje khyod ha cang 'phyis te 'ongs pas nga'i ban thams cad byas so/ /ded dpon de rte'u de la bkra mi shis pa'i blo skyes pas ded dpon des rdza mkhan de la smras pa/ 'di ltar kho bo la rte'u gcig yod kyi gal te 'dod na khrid de song shig /rdza mkhan gyis smras pa/ ma nongs so/ /bdag ni rdza ma bgyid par 'gyur la/ 'dis kyang gcog par 'gyur ro/ /de nas rte'u des rdza mkhan de'i rkang pa gnyis la lces bldag par brtsams pa dang / rdza mkhan de rte'u de la rjes su chags pa skyes nas des de khrid de khyim du song ngo / /de la chung mas smras pa/ rje'i sras khyod kyis de las cung zad thob bam/ rte'u 'di thob bo/ /ma nongs so/ /khyod ni rdza ma byed par 'gyur la 'dis kyang gcog par 'gyur ro/ / rte'u de chung ma'i rkang pa gnyis la yang lces bldag par brtsams pa dang / chung ma de yang rte'u de la rjes su chags pa skyes so/ /rte'u de rdza ma so btang ba dang ma btang ba dag gi nang du 'gro ba na rdza ma 'ga' yang mi gcog nas rdza mkhan des chung ma la smras pa/ rte'u bzang po zhig ste shes bzhin du 'gro bar byed do/ /dus gzhan zhig na rdza mkhan de sgro ba thogs te sa len du song ba dang / rte'u de yang de'i phyi bzhin thog thag 'brang zhing 'ongs so/ /rdza mkhan des sas sgro ba bkang ba dang / rte'u des rgyab bzed nas/ rdza mkhan des sa'i sgro ba de rte'u de'i rgyab tu bkal nas des de khrid de khyim du 'ongs nas rdza mkhan des chung ma la smras pa/ bzang mo rte'u bzang po zhig ste/ kho bos phyin chad sa bskur dgos par mi 'gyur ro/ /kho bos der sa dgal bar byas khyod kyis 'dir phog shig chung ma de legs so zhes rte'u de la phub ma dang sran phub dag byin no/ /de'i tshe na bA rA Na sI na rgyal po tshangs byin zhes bya bas rgyal srid 'byor pa/ rgyas pa/ bde ba/ lo legs pa/ skye bo dang mi mang pos gang ba/ thab mo dang / 'thab pa dang / 'khrug long dang / nang 'khrug rab tu zhi ba/ chom rkun dang / mu ge dang nad dang bral ba/ sa lu dang / bu ram shing gi phreng ba dang / ba lang dang / ma he phun sum tshogs pa byed du bcug ste chos dang ldan pa chos kyi rgyal pos chos kyi rgyal srid byed du bcug go/ /de'i rta cang shes dus la bab nas nyi 'og gi rgyal po rnams kyis rgyal po tshangs byin gyi rta cang shes dus la bab po zhes thos pa dang / de dag gis de la yang na ni sgyu dpya 'jol cig / yang na ni bA rA Na sI'i phyi rol gyi bskyed mos tshal du ma 'byung shig /de lta mi byed na gnya' ba nas btags te bkri'o zhes phrin spring ngo / /rgyal po tshangs byin de dag la sgyu dpya 'jal bar yang mi byed/ 'jigs pas phyi rol gyi bskyed mos tshal du yang 'byung bar mi byed cing 'dug go/ /ded dpon de yang mthar gyis bA rA Na sIr phyin pa dang / rgyal po tshangs byin gyis byang lam nas ded dpon zhig gis zong rta lnga brgya ded de bA rA Na sIr phyin ces thos nas des blon po rnams la smras pa/ shes ldan dag ngas yun ji srid cig tu 'dir zhugs te 'dug par bya/ deng la rta cang shes tshol cig /de dag ded dpon de'i gan du dong ste de dag gis rta de dag mthong nas gcig la gcig smras pa/ shes ldan dag rta 'di dag ni rta cang shes kyis btul ba sha stag yin na 'di na rta cang shes ni 'ga' yang mi snang ngo / /de dag gis rgod ma de mthong nas smras pa/ shes ldan dag rgod ma 'di las rta cang shes 'brangs na de ni mi snang ngo / /de dag ded dpon gyi gan du song ste dris pa/ ded dpon khyod kyis rta 'ga' zhig btsongs pa 'am/ gzhan la byin pa yod dam/ ded dpon gyis smras pa/ btsongs pa ni 'ga' yang med de/ 'di ltar kho bos mchod gyur gyi gnas su rte'u zhig bkra mi shis so snyam nas rdza mkhan zhig la byin pa ni yod do/ /de dag gi cig la gcig smras pa/ shes ldan dag ded dpon 'di ni blun po zhig yin te/ snying po gang yin pa bor nas snyigs ma dag ded de 'dir 'ongs so/ /de dag gis rgyal po la zhus te mchod gyur du dong nas de dag rdza mkhan de'i drung du dong ste dris pa/ khyod la rte'u 'dis ci bya/ rdza mkhan gyis smras pa/ 'di kho bo'i sa dgal lo/ /de dag gis smras pa/ kho bo cag gis khyod la bong bu sbyin gyis khyod kyis kho bo cag la 'di byin cig /rdza mkhan gyis smras pa/ kho bo la 'di nyid mkho'o/ /de dag gis smras pa/ glang bzhi dang ldan pa'i shing rta sbyin no/ /rdza mkhan gyis smras pa/ kho bo la 'di nyid mkho'o/ /de dag gis smras pa/ khyod deng gros gyis shig dang kho bo cag sang yang 'ong ngo zhes zer te dong ngo / /chos nyid kyis na 'jig rten gnas pa chags nas ring po ma lon pa'i tshe na dud 'gro dag kyang smra shes pa yin pas rte'u des rdza mkhan de la smras pa/ de dag ci 'dod/ khyod 'dod do/ /ci'i phyir sbyin par mi byed/ ci khyod kyi snying lam na kho bo ji srid 'tsho'i bar du khyod kyi sa khal byed cing phub ma dang sran phub za snyam 'am kho bos rgyal po rgyal rigs spyi bor dbang bskur ba bkur bar bya zhing gser gyi snod nas bzang chal zil dngar gyis bcin pa dag bza' bar bya dgos so/ /de dag rte'u zhes zer na de dag la rta cang shes zhes zer du ngo tsha 'am ci zhes brjod par bya'o/ /gal te rin gyi phyir byin cig ces zer na de dag la yang na gser 'bum byin cig /yang na 'di'i brla g.yas pas gser ji tsam 'dren nus pa de tsam byin cig ces brjod par bya'o/ /phyi de nyin par de dag 'ongs te rdza mkhan la dris pa/ kwa'i nang rje khyod kyis gros byas sam/ gros byas so/ /'o na rte'u 'di byin cig khyed rta cang shes zhes zer du ngo tsha 'am ci/ de dag gis bsams pa/ glen pa 'dis 'di rta cang shes yin nam ma yin ci shes te/ 'di ltar rta 'di nyid byas pa bzo ba yin pas 'di nyid kyis 'di la smras par gyur gor ma chag snyam nas de dag gis smras pa/ rta cang shes yin yang rung / rte'u yin yang rung gis rin gyi phyir byin cig /rdza mkhan gyis smras pa/ yang na gser 'bum byin cig / yang na 'di'i rla g.yas pas gser ji tsam 'dren nus pa de tsam byin cig /de dag gis bsams pa/ 'di mthu dang ldan pa yin pas chos mang po dag 'dren par 'gyur ba gang yin pa de lta bu'i gnas yod par 'gyur ro snyam nas smras pa/ gser 'bum sbyin no/ /de dag gis rgyal po tshangs sbyin la gser 'bum gyis rta cang shes khugs so zhes spring ba dang / rgyal po tshangs pas byin gyis de dag la rin ji tsam gyis khug pa de tsam gyis long shig ces spring ngo / /de dag gis gser 'bum gyis blangs nas de dag rta cang shes de khrid de bA rA Na sIr lhags nas de dag gis de rta bres kyi dang por btags te de la rtswa dang chas byin na de de mi za nas rgyal pos smras pa/ khyed kyi rta cang shes nad pa zhig khrid de 'ongs sam/ ci de dag gis smras pa/ 'di bro 'tshal ba ma lags te/ 'di ltar je 'di la rma'o zhes de nas 'dul sbyong bas tshigs su bcad pa smras pa/ mgyogs 'gro gang tshe ran chas chu med pa'i/ /rdza mkhan bres na mgo skams rus lpags tsam/ /rang sos gtubs pa'i rtswa dag za ba soms/ / de tshe mang pos khyod la bsams ma gyur/ /'di na mgyogs pa stong gi thog 'dren cing / /rgyal pos chibs ran mchog dag nyer bstabs pa/ /ci'i phyir mi za dris pa bdag la smros/ /de nas rab mgyogs drang po brtan ldan pa/ / mi bzod 'khrugs bcas mgyogs 'gro mchog gis ni/ /de las nyer zhi legs par bsams byas nas/ /'dul sbyong blo ldan mi mchog de la smras/ /'dir khyod kho bo'i yon tan de nyid shes/ /kho bo ji bzhin khyod kyis ma rigs min/ /mkhas pas brnyas na sa steng mi rgyu zhing / /kho bo 'dir ni myur du shi yang bla/ /skye bo ngan pas yun ring brnyas gyur kyang / /gal te yon tan khyod ldan de brnyas min/ /skye bo mdzangs pas skad cig brnyas gyur na/ /zhi ba gal te yon tan de brnyas yin/ /'dul sbyong bas rgyal po la smras pa/ lha 'di ni bro 'tshal ba ma lags kyi 'di ltar rim pa ma bgyis pas de'i slad du 'di ran dang chas mi 'tshal lo/ /'di'i rim pa ji ltar bya/ lha shul dpag tshad phyed dang gsum tshun chad mdzes par bgyi zhing grong khyer yang mdzes par bgyi/ rgyal po rgyal rigs spyi bor dbang bskur ba dpung gi tshogs yan lag bzhi dang bcas pas bsu bar bgyi/ phyogs gang du bzhag pa'i phyogs de zangs ma'i glegs bu dag gis g.yog par bgyi/ rgyal po'i sras bu thu bos mgo'i steng du gdugs srogs shing brgya pa gzung bar bgyi/ rgyal po'i sras mo thu mos rnga yab gser can nor bus spras pas sbrang ma dag bskyab par bgyi/ rgyal po'i btsun mo dam pas gser gyi snod nas zil dngar gyis bcin pa'i bzang chas kyi zas bstabs par bgyi/ rgyal po'i blon po dam pas gser gyi chol zangs kyis rtug pa dor bar bgyi'o/ /rgyal pos smras pa/ de lta na 'di rgyal po yin gyi nga rgyal po ma yin no/ /'dul sbyong bas smras pa/ lha 'di la dus thams cad du bsnyen bkur de ltar bgyi mi 'tshal te/ 'di ltar dgung bdun gyi bar du bgyi'o/ /dgung bdun 'das nas bka' nyan par 'gyur ro/ /'das pa gang lags pa de da bgyi bar mi spyod kyang lhag ma gang lags pa de mdzad du gsol/ rgyal pos phyogs gang du gzhag pa'i phyogs de zangs ma'i glegs bu dag gis kyang g.yogs/ rgyal po'i bu thu bo yang mgo'i steng du gdugs srog shing brgya pa 'dzin tu bcug /rgyal po'i bu mo thu mo yang rnga yab gser can nor bus spras pas sbrang ma dag skyob tu bcug /rgyal po'i btsun mo dam pa yang gser gyi snod nas zil dngar gyis bcin pa'i bzang chas kyi zas stobs su bcug /rgyal po'i blon po dam pa yang gser gyi chol zangs kyis rtug pa 'dor du bcug go/ /sa bdag 'dul sbyong bcas pa de la chags/ /shin tu dri zhim byug pa mchog 'chang zhing / /sa bdag btsun mo zil dngar bzang chas kyis/ /snod bkang mgyogs 'gro mchog phyir 'dzin par byed/ /rgyal po bskyed mos tshal gyi sar 'gro bar 'dod pa la rta cang shes phul ba dang / des rgyab smad nas rgyal pos 'dul sbyong ba la smras pa/ 'di rgyab mi na 'am/ des smras pa/ lha bro mi 'tshal te/ 'di ltar rgyal po bcibs dka' bar 'gyur snyam nas de'i slad du 'dis rgyab smad do/ /rgyal pos zhon te song ba dang / de 'gro ba na chu byung nas de de la mi rgal ba dang / rgyal pos 'dul sbyong ba la smras pa/ 'di mi 'jigs sam/ lha mi 'jigs te 'di ltar rnga ma'i chab kyis rgyal po gsher bar gyur na mi rung ngo snyam pas de'i slad du rgal bar mi bgyid do/ /rgyal pos de'i rnga ma gser gyi sbubs su bcug pa dang de de las rgal to/ /rgyal po de skyed mos tshal du song ste bag med par 'dug pa dang / nyi 'og gi rgyal po dag gis rgyal po tshangs byin bskyed mos tshal du song ngo zhes thos nas/ de dag lhags nas grong khyer gyi sgo dag bzungs ngo / /rgyal po tshangs byin gyis nyi 'og gi rgyal po dag gis grong khyer gyi sgo dag bzung ngo zhes thos nas de rta cang shes la zhon pa dang / bA rA Na sI dang bskyed mos tshal gyi bar du rdzing bu tshangs ldan zhes bya ba uta pa la dang / pad ma dang / ku mu da dang / pad ma dkar pos khebs pa zhig gis chod nas rta cang shes kyis bsams pa/ rgyal po rgyal rigs spyi bor dbang bskur ba/ gnod pa dang / nyam nga ba dang / phongs par gyur pa bdag gis yal bar dor ba ci bdag gi tshul dang mthun pa ma yin no snyam nas/ rta cang shes des pad ma'i 'dab ma dag gi steng du rkang pa bzhag ste sge'u cung nas bA rA Na sIr zhugs pa dang / rgyal po dga' nas blon po rnams la smras pa/ shes ldan dag gang gis rgyal po rgyal rigs spyi bor dbang bskur ba'i srog phyung ba de la ci sbyin/ lha rgyal srid kyi phyed do/ /rgyal pos smras pa/ 'di ni dud 'gro yin pas 'di la rgyal srid kyi phyed kyis ci bya ste/ 'di ltar 'di las rten te zhag bdun du sbyin pa dag sbyin/ bsod nams dag bya zhing dus ma yin par ku mu da'i dus ston bya'o snyam nas/ rgyal po de las rten te zhag bdun du sbyin pa dag sbyin pa dang / bsod nams dag bya bar brtsams shing zhag bdun du dus ma yin par ku mu da'i dus ston dag byas pa dang / ded dpon des mi dag la dris pa/ shes ldan dag ci'i phyir dus ma yin par ku mu da'i dus ston 'di byung bar gyur/ de dag gis de la smras pa/ rgyal pos mchod gyur ces bya ba'i gnas de nas rdza mkhan zhig las gser 'bum gyis rta cang shes nyos te 'dir 'ongs nas des rgyal po 'di'i srog phyung nas/ rgyal pos de las rten te zhag bdun du sbyin pa dag sbyin/ bsod nams dag byed cing dus ma yin par ku mu da'i dus ston byas so/ /ded dpon gyis bsams pa/ ma la rte'u de cang shes su ma gyur tam je song la de blta'o snyam nas de'i gan du song ba dang / rta cang shes des smras pa/ kwa'i nang rje khyod kyis rta lnga brgya po dag gis ci thob/ gser 'bum mo/ /kho bo cig pus kyang rdza mkhan de la gser 'bum byin no/ /de brgyal te sa la 'gyel nas chu gdab pas srog phyir rnyed nas rta cang shes kyi rkang pa gnyis la gtugs te bzod pa gsol to/ /dge slong dag de'i tshe de'i dus na ded dpon gang yin pa de ni 'tsho byed gzhon nus gsos 'di nyid yin no/ /de'i tshe de'i dus na rta cang shes gang yin pa de ni lam pa 'di nyid yin te/ de'i tshe yang des gang gi tshe de'i yon tan dag mngon par mi shes pa de'i tshe na de la gus pa ma yin pa la zhugs par gyur la/ gang gi tshe de'i yon tan dag mngon par shes par gyur pa de'i tshe na rkang pa gnyis la gtugs te bzod pa gsol bar gyur la/ da ltar yang des gang gi tshe 'di'i yon tan dag mngon par mi shes pa de'i tshe na 'di la gus pa ma yin pa la zhugs la/ gang gi tshe yon tan dag mngon par shes par gyur pa de'i tshe na rkang pa gnyis la gtugs te bzod pa gsol bar byed do/ /sangs rgyas bcom ldan 'das la dge slong rnams kyis zhus pa/ btsun pa tshe dang ldan pa lam pas las ci bgyis na las de'i rnam par smin pas bcom ldan 'das kyis sems sgyur ba la mkhas pa rnams kyi mchog tu lung bstan/ bcom ldan 'das kyis bka' stsal pa/ smon lam gyi dbang gis so/ /gang du smon lam btab/ dge slong dag sngon byung ba yang dag par rdzogs pa'i sangs rgyas 'od srung gi bstan pa la 'di rab tu byung bar gyur pa na gang las rab tu byung ba'i mkhan po de yang dag par rdzogs pa'i sangs rgyas 'od srung gis sems sgyur ba la mkhas pa rnams kyi mchog tu lung bstan to/ / de na 'dis tshe ji srid par tshangs par spyod pa spyad na yon tan gyi tshogs 'ga' yang ma thob nas de'i 'og tu 'chi ba'i tshe smon lam 'di skad ces bdag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan bla na med pa 'od srung la tshe ji srid par tshangs par spyod pa spyad na yon tan gyi tshogs 'ga' yang ma thob ste/ bdag gis tshe ji srid par tshangs par spyod pa spyad pa'i dge ba'i rtsa ba 'dis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis bram ze'i khye'u bla ma la bram ze'i khye'u khyod ma 'ongs pa'i dus na skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das shAkya thub pa zhes bya bar 'gyur ro zhes lung bstan pa de'i bstan pa la bdag rab tu byung nas nyon mongs pa thams cad spangs pas dgra bcom pa nyid mngon du byed cing ji ltar mkhan po 'di bcom ldan 'das de bzhin gshegs pa dgra bcom pa/ yang dag par rdzogs pa'i sangs rgyas 'od srung gis sems sgyur ba la mkhas pa rnams kyi mchog tu bstan pa de bzhin du bdag kyang bcom ldan 'das shAkya thub pa shAkya'i seng ge shAkya'i rgyal po'i gtso bo des sems sgyur ba la mkhas pa rnams kyi mchog tu bstan par gyur cig ces gdab par brtsams pas smon lam de'i dbang gis da ltar de bzhin gshegs pas sems sgyur ba la mkhas pa rnams kyi mchog tu bstan to/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa dang / 'dren ma rnams spangs te/ las gcig tu dkar ba rnams la brtsal bar bya ste/ dge slong dag khyed kyis de ltar bslab par bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /ma bskos par ston pa'i ltung byed de nyi shu gcig pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dga' byed khyod kyis dge slong ma la 'doms shig /dga' byed khyod kyis dge slong ma la rjes su ston cig /dga' byed khyod kyis dge slong ma rnams la chos dang ldan pa'i gtam gyis shig ces bka' stsal nas/ de nas ut+pa la'i mdog 'khor dge slong ma lnga brgya tshe dang ldan pa dga' byed ga la ba der song ste phyin nas tshe dang ldan pa dga' byed kyi rkang pa gnyis la mgo bos phyag 'tshal te mtha' gcig tu 'dug go/ /tshe dang ldan pa dga' byed kyis bsams pa/ bud med kyi yul ni shes rab chung ba yin no snyam nas des de la don dang / tshig dang / yi ge mdor 'dus pa 'dus pa dag gis chos bstan to/ /de shes rab can yin pas gong nas gong du 'dri bar byed nas tshe dang ldan pa dga' byed kyis lan btab cing / des de la ji tsam na nyi ma nub pa'i dus la bab pa de tsam gyi bar du chos bstan nas de dag gis de'i rkang pa gnyis la mgo bos phyag 'tshal te stan las langs te dong ba dang / ji tsam na mnyan yod kyi sgo dag bcad par gyur nas dge slong ma rnams kyis sgo btsal ba dang / sgo bas smras pa/ sgo bcad lags so/ /de dag gis smras pa/ phye shig /lde mig dag rgyal po'i pho brang du 'tshal to/ /de dag gis bsams pa/ 'di nyid du 'khod do snyam nas mnyan yod dang ha cang mi ring ba na kun dga' ra ba zhig 'dug pa der de dag dong ngo / /bcom ldan 'das kyis shing ljon pa yang rgan rims kyis bsko bar bya'o zhes bka' stsal pas de dag gis shing ljon pa dag rgan rims kyis bsko bar brtsam pa dang / de na de dag shing ljon pa dag sgo ba rnams la a y+ye a y+ya ha De a ga e a ga ha De zhes 'bod pa'i sgra mthon po dang / sgra chen po byung ngo / /g.yon can lnga brgya tsam mnyan yod 'jom par 'dod pa dag lhags pa de dag gis sgra mthon po dang / sgra chen po de thos nas/ de dag gis smras pa/ shes ldan dag mnyan yod na re shig sdod cig /shes ldan dag rje btsun mo'i 'khor gyis ma thos par 'di dag gzhom par bya'o/ /ut+pa la'i mdog gis bsams pa/ mi mdzes pa 'ga' zhig rims par mi 'gyur ram snyam na/ ji tsam na 'joms par 'dod pa'i g.yon can lnga brgya tsam po de dag mthong nas des 'phags skyes po'i dpung sprul te rnga pa ta ha brdungs pa dang / de dag gis smras pa/ shes ldan dag bdag cag 'phags skyes po'i dpung gis bskor te bdag cag zin par gyur na mi rung gis 'bros par bya'o zhes de ltar rig nas de dag bros so/ /ut+pa la'i mdog gis dge slong ma de dag la smras pa/ phu nu mo dag g.yon can 'jom par 'dod pa lnga brgya tsam 'dir lhags nas kho mos de dag bsdigs nas bros kyis/ khad kyi dal bu dal bus lag brdas sgo phye shig /de dag nang par sngar langs te mnyan yod du zhugs pa dang / bram ze dang / khyim bdag gis mthong nas de dag gis smras pa/ shAkya'i bu'i dge sbyong rnams kyis chos 'dre ba dang / lhag par 'dre zhing tshangs par spyad pa spyod par byed pa bzang ngo / /dge slong don nyung ngu dag ci'i phyir dge slong dag nyi ma nub pa'i dus kyi bar du dge slong ma la ston par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa dga' byed la smras pa/ dga' byed khyod nyi ma nub pa'i dus kyi bar du dge slong ma la ston pa bden nam/ btsun pa mad do/ /sangs rgyas bcom ldan 'das kyis mi brtson pa dang mi sbyor ba dang / ma brtags par spyod pa rnam par smad pa mdzad do/ /de nas bcom ldan 'das kyis brtson pa dang / sbyor ba dang brtags te spyod pa'i bsngags pa brjod nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong dge 'dun gyis bskos kyang nyi ma nub pa'i dus kyi bar du dge slong ma la ston na ltung byed do/ /dge slong zhes bya ba ni chos 'di pa'o/ /dge 'dun gyis zhes bya ba ni de bzhin gshegs pa'i nyan thos kyi dge 'dun gyis so/ /bskos kyang zhes bya ba ni gsol ba dang gnyis kyi las kyis so/ /nyi ma nub pa'i dus kyi bar du zhes bya ba ni nyi ma nub pa'i dus la bab par ro/ /dge slong ma zhes bya ba ni chos 'di pa la'o/ /ston na zhes bya ba ni lhag pa'i tshul khrims dang / lhag pa'i sems dang / lhag pa'i shes rab bo/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ / gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gi nyi ma nub pa la nyi ma nub par 'du shes pas dge slong ma la ston na ltung byed du 'gyur ro/ /dge slong gi nyi ma nub pa la yid gnyis za bas dge slong ma la ston na ltung byed du 'gyur ro/ /dge slong gis nyi ma ma nub pa la nyi ma nub par 'du shes pas dge slong ma la ston na nyes byas su 'gyur ro/ / dge slong gi nyi ma ma nub pa la yid gnyis za bas dge slong ma la ston na nyes byas su 'gyur ro/ /mtshan thog thag chos nyan par gyur pa dang / gtsug lag khang gi sgo drung du ston pa dang / sgo ma bcad par 'dug pa dang / grong khyer gyi nang na gtsug lag khang 'am/ dbyar khang 'dug pa dang / khyim gzhan du song ste ston pa la ltung ba med do/ las dang po pa dang / smyos pa dang / sems 'khrug pa dang / tshor ba dag gis nyen pa la ltung ba med do/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa ut+pa la'i mdog gis dge slong ma lnga brgya g.yon can gyi 'jig pa las yongs su bskyabs pa la gzigs/ bcom ldan 'das kyis bka' stsal pa/ dge slong dag da ltar du ma zad de/ 'di ltar 'das pa'i dus na yang 'dis don 'thun mang po seng ge'i 'jigs pa las yongs su bskyabs par gyur te de nyon cig dge slong dag sngon byung ba 'das pa'i dus na ri brags zhig na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /des chung ma la smras pa/ bzang mo kho bo zong thog te yul gzhan du 'gro'o/ /chung mas smras pa/ rje'i sras bdag kyang mchi'o/ / khyim bdag gis smras pa/ lam du khyod kyi g.yog sus byed par 'gyur/ khyod 'di nyid du 'dug shig chung mas bdag mi khrid do snyam nas ngu bar brtsams pa dang / zho shas 'tsho ba dag gis khyim bdag la dris pa/ jo bos ci'i slad du 'di ngur stsal/ khyim bdag gis smras pa/ mi khrid do snyam nas so/ /de dag gis smras pa/ ci'i slad du mi bkri/ khyim bdag gis smras pa/ der 'di'i g.yog su byed par 'gyur/ de dag gis smras pa/ der bdag cag gis 'di'i g.yog bgyi'o/ /khyim bdag des de khrid de song nas don mthun de dag dgon pa'i lam zhig tu mtshan mo btab pa dang / don 'thun de dag lam gyis dub pas nyal nas/ khyim bdag gi chung ma de mel tshe byed do/ /ji tsam na der seng ge 'ong nas des mgal dum thogs te de bsdigs pa dang bros par gyur nas lhas tshigs su bcad pa smras pa/ gang phyir bya ba thams cad la/ /skyes pa 'ba' shig mkhas pa min/ /de dang de la bud med kyang / /zin la mkhas pa nyid du 'gyur/ /dge slong dag de'i tshe de'i dus na khyim bdag gi chung ma gang yin pa de ni ut+pa la'i mdog 'di nyid yin la/ de'i tshe de'i dus na don 'thun lnga brgya gang yin pa de dag ni dge slong ma lnga brgya 'di dag yin te/ de'i tshe yang 'dis don 'thun mang po seng ge'i 'jigs pa las yongs su bskyabs par gyur la/ da ltar yang 'dis dge slong ma lnga brgya g.yon can gyi 'jigs pa las yongs su bskyab so/ /nyi ma nub kyi bar du ston pa'i ltung byed de nyi shu gnyis pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dga' byed khyod kyis dge slong ma la thoms shig dga' byed khyod kyis dge slong ma la rjes su ston cig dga' byed khyod kyis dge slong ma rnams la chos dang ldan pa'i gtam gyis shig ces bka' stsal nas skye dgu'i bdag mo chen mo gau ta mI 'khor dge slong ma lnga brgya dang tshe dang ldan pa dga' byed ga la ba der song ste phyin nas tshe dang ldan pa dga' byed kyi rkang pa gnyis la mgo bos phyag 'tshal te mtha' gcig tu 'dug go/ /tshe dang ldan pa dga' byed kyis de la don dang / tshig dang / yi ge zab pa zab pa dag gis chos bstan to/ /bud med kyi yul ni shes rab 'chal ba'i phyir brda mi phrad cing 'jigs pa'i phyir 'dri mi nus so/ /de nas skye dgu'i bdag mo chen mo gau ta mIs tshe dang ldan pa dga' byed kyis smras pa la mngon par dga' ba dang rjes su yi rang ba byas te tshe dang ldan pa dga' byed kyi rkang pa gnyis la mgo bos phyag 'tshal nas stan las langs te song nas/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la skye dgu'i bdag mo chen mo gau ta mIs 'di skad ces gsol to/ /btsun pa 'phags pa dga' byed kyis dge slong ma rnams la don dang / tshig dang / yi ge zab pa zab pa dag gis chos bstan na/ bud med kyi yul ni shes rab 'chal pa'i slad du brda mi mjal cing / 'jigs pa'i slad du 'dri ba'i rngo mi thog ste/ bcom ldan 'das kyis sbyin pa ni mi 'jigs pa'i rgyu lags so zhes bka' stsal na/ gal te bcom ldan 'das kyis gnang na dge slong ma rnams kyis dge slong rnams la kun dga' bar 'gyur ba dag bgyi'o/ /bcom ldan 'das kyis bka' stsal pa/ de lta na gnang gis dge slong ma rnams kyis dge slong rnams la kun dga' bar 'gyur ba dag bya'o/ /bcom ldan 'das kyis dge slong ma rnams kyis dge slong rnams la kun dga' bar 'gyur ba dag bya'o zhes bka' stsal nas/ de dag gis ji ltar bya ba dag mi shes nas bcom ldan 'das kyis bka' stsal pa/ bca' ba lnga po rtsa ba dang sdong bu dang 'dab ma dang / me tog dang / 'bras bu dag dang / bza' ba lnga po 'bras chen dang / zan dron dang / 'da' gu dang / sha dang / snum khur dag dang / lhung bzed dang / chos gos dang / dra ba dang / phor bu dang / shur bu dang / lcag pod dang / shur bu phring bu dang / rgya cang dag gis bya'o/ /dge slong ma zhig gis 'o thug khyer te rgyal byed kyi tshal du song ba dang / drug sde dag gi kun du spyod pa ni 'dir bdag cag gis bram ze dang / khyim bdag 'ongs shing lhags pa la yang chos bstan par bya/ rgol ba dag kyang tshar gcad par bya/ rang gi grags pa yang bsgrag par bya'o/ /snyam nas drug sde las gang yang rung bas rgyal byed kyi tshal gyi sgo stong par mi 'jog pas nye dga' nang par sngar langs te so shing bor nas snam sbyar dmar ser gyon te rgyal byed kyi tshal gyi sgo na 'chag cing 'dug go/ /nye dgas dge slong ma de mthong nas de la dris pa/ khyer te 'ongs pa 'di ci 'o thug go/ /su la blud/ 'phags pa dga' byed do/ /gal te nye dgas kyang 'o thug rnyed par 'gyur na rtag pa kho nar dge slong ma la ston par 'gyur ro/ /de bzhin du dge slong ma kha cig gis ni zho thug khyer te 'ongs/ kha cig gis ni hwags kyi la du khyer te 'ongs pa dang / nye dgas smras pa/ kho bo ko tshe dang ldan pa dga' byed chos bzang po'i chos kyis dge slong ma la ston snyam gyi/ kho bo ko tshe dang ldan pa dga' byed zas cung zad tsam gyi phyir dge slong ma la ston snyam mi sems so/ /dge slong don nyung ngu dag ci'i phyir dge slong dag dge slong rnams la 'di skad ces dge slong dag zas chung zad tsam gyi phyir dge slong ma rnams la ston par byed ces zer zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la smras pa/ nye dga' khyod dge slong rnams la 'di skad ces dge slong dag ni zas chung zad tsam gyi phyir dge slong ma la ston to zhes zer ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong rnams la 'di skad ces dge slong dag zas cung zad tsam gyi phyir dge slong ma la ston to zhes zer na ltung byed do/ /yang dge slong gang zhes bya ba ni shAkya'i bu nye dga' 'am/ gzhan yang de lta bu gang yin pa'o/ /dge slong rnams la zhes bya ba ni chos 'di pa rnams la'o/ /'di skad ces zhes bya ba ni 'di skad ces zer na'o dge slong dag ces bya ba ni chos 'di pa dag go/ /zas cung zad tsam gyi phyir zhes bya ba ni bca' ba lnga dang / bza' ba lnga'i phyir ro/ /dge slong ma la zhes bya ba ni chos 'di pa la'o/ /ston to zhes zer na zhes bya ba ni lhag pa'i tshul khrims dang / lhag pa'i sems dang / lhag pa'i shes rab bo/ /ltung byed do zhes bya ba ni sems can dmyal ba dang / dud 'gro dang yi dags ngan song dang / ngan 'gro dang log par ltung ba dag tu bsreg par byed/ 'tshod par byed/ ltung bar byed pa'o/ /gzhan yang ltung ba de ma bshags shing so sor ma bshags na dge ba'i chos rnams la sgribs par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad tsam dge slong rnams la 'di skad ces dge slong dag zas cung zad tsam gyi phyir dge slong ma la ston to zhes zer na thams cad du ltung byed du 'gyur ro/ /zas chung zad tsam gyi phyir dge slong ma la ston pa bden na ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /zas cung zad rtsam gyi phyir ston pa'i ltung byed de nyi shu gsum pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na tshongs dpon zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de rgas pa'i gnas skabs su nye du zad par gyur cing nor zad pa dang / longs spyod zad par gyur nas des chung ma la smras pa/ bzang mo kho bos da nor bsgrub par mi nus kyis kho bo rab tu 'byung du 'gro'o/ /chung mas smras pa/ rje'i sras bdag kyang rab tu 'byung ngo / /de ltar gyis shig ces des chung ma skye dgu'i bdag mo chen mo gau ta mI'i gan du khrid de smras pa/ 'phags ma bdag gi mchis 'brang 'di legs par gsungs pa'i chos 'dul ba la rab tu 'byung bar 'tshal na 'phags mas 'di rab tu dbyung du gsol/ rdzogs par bsnyen par mdzad du gsol/ skye dgu'i bdag mo chen mo gau ta mIs de rab tu phyung zhing rdzogs par bsnyen par byas so/ / des tshong dpon la smras pa/ rje'i sras bud med kyi yul ni srid pa spyad pa lags kyis dus dang dus su spyon cig /tshong dpon de yang rgyal byed kyi tshal du song ste dge slong gi gan du rab tu byung ngo / /mnyan yod pa'i tshong dpon rab tu byung ngo zhes de grags shing bsod nams che bas des de'i chos gos dang / bsod snyoms dang / gnas mal dang / na ba'i rkyen dang / sman gyi yo byad dag grub bo/ /de dus gzhan zhig na snam sbyar dmar ser gyon te dge slong ma de'i dbyar khang du song ba dang / dge slong ma des de'i rkang pa gnyis la mgo bos phyag 'tshal te/ mdun du 'dug nas des de'i snam sbyar de la yang dang yang du rtog nas dge slong des smras pa/ sring mo snam sbyar 'di 'dod dam/ des smras pa/ lha'i gnas kyi lhag ma bzhin du'o/ /des bsams pa/ bdag gi 'di la snam sbyar 'di sbyin par bya zhing bdag gis snam sbyar gzhan btsem par bya'o/ /snyam nas des de la snam sbyar de byin te song ngo / /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la dge slong dag de bzhin gshegs pa ko sa la dag tu ljongs rgyur gshegs kyis khyed cag las gang de bzhin gshegs pa dang thabs cig ljong rgyur 'gro bar spro ba des chos gos dag long shig ces gyis shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas dge slong rnams la tshe dang ldan pa dag bcom ldan 'das ko sa la dag tu ljongs rgyur gshegs kyis khyed cag las gang de bzhin gshegs pa dang thabs cig ljongs rgyur 'gro bar spro ba des chos gos dag long shig ces sgo'o/ /de nas bcom ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa/ mdzes pa 'khor mdzes pa dang ldan pa/ khyu mchog ltar ba lang gi tshogs kyis yongs su bskor ba/ glang po che ltar glang po che'i phrug gu'i tshogs kyis yongs su bskor ba/ seng ge ltar mche ba can gyi tshogs kyis yongs su bskor ba/ ngang pa'i rgyal po ltar ngang pa'i tshogs kyis yongs su bskor ba/ nam mkha' lding ltar bya'i tshogs kyis yongs su bskor ba/ bram ze ltar slob ma'i tshogs kyis yongs su bskor ba/ sman pa mkhas pa ltar nad pa'i tshogs kyis yongs su bskor ba/ dpa' bo ltar ru pa'i tshogs kyis yongs su bskor ba/ sa mkhan ltar lam du zhugs pa'i tshogs kyis yongs su bskor ba/ ded dpon ltar tshongs pa'i tshogs kyis yongs su bskor ba/ tshong dpon ltar 'khor gyi tshogs kyis yongs su bskor ba/ mkhar gyi rgyal po ltar blon po'i tshogs kyis yongs su bskor ba/ 'khor los sgyur ba ltar bu stong gi tshogs kyis yongs su bskor ba/ zla ba ltar rgyu skar gyi tshogs kyis yongs su bskor ba/ nyi ma ltar 'od zer stong gi tshogs kyis yongs su bskor ba/ yul 'khor srung ltar dri za'i tshogs kyis yongs su bskor ba/ 'phags skyes po ltar grul bum gyi tshogs kyis yongs su bskor ba/ mig mi bzang ltar klu'i tshogs kyis yongs su bskor ba/ nor sbyin ltar gnod sbyin gyi tshogs kyis yongs su bskor ba/ thag bzangs ris ltar lha ma yin gyi tshogs kyis yongs su bskor ba/ brgya byin ltar sum bcu rtsa gsum pa'i tshogs kyis yongs su bskor ba/ tshangs pa ltar tshangs ris kyi tshogs kyis yongs su bskor ba/ dbang po rnams kyi shin du dul ba/ spyod lam dang spyod pa ma 'khrugs pa/ chu gter ltar ting nge ba/ sprin ltar chu dang bcas pa/ glang po che'i rgyal po ltar dregs pa dang bral ba/ skye bu chen po'i mtshan sum bcu rtsa gnyis kyis legs par brgyan pa/ dpe byad bzangs po brgyad bcus sku rnam par mdzes pa/ 'od 'dom gang gis gzugs can brgyan pa/ nyi ma stong bas lhag pa'i 'od dang ldan pa/ rin po che'i ri bo 'gro ba ltar kun tu bzang ba/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa kun shes kauN+Di n+ya dang / rlangs pa dang / ming chen dang / ma 'gags pa dang / shA ri'i bu dang / maud gal gyi bu chen po dang / 'od srung dang / kun dga' bo dang / nam gru la sogs pa nyan thos chen po dag dang / gzhan yang dge slong gi dge 'dun mang pos bskor te ko sa la dag tu ljongs rgyur gshegs so/ /chos nyid kyis na sangs rgyas bcom ldan 'das dag ljongs rgyur gshegs pa na 'ga' zhig chos gos stod g.yogs smad g.yogs dang bcas pas ljongs rgyu bar mi 'gyur ram snyam pas sku thams cad kyis g.yas phyogs nas glang po che'i lta stangs kyis rnam par gzigs pa yin pas bcom ldan 'das kyis dge slong de chos gos stod g.yogs smad g.yogs dang bcas pas ljongs rgyur 'gro ba gzigs so/ /gzigs nas kyang tshe dang ldan pa kun dga' bo la bka' stsal pa/ kun dga' bo dge slong dbyar gnas pa dag gis chos gos kyi rnyed pa ma grub bam/ bcom ldan 'das grub bo/ /kun dga' bo 'o na ci'i phyir dge slong 'di chos gos stod g.yogs smad g.yogs dang bcas pas ljongs rgyur 'gro/ tshe dang ldan pa kun dga' bos skabs de bcom ldan 'das la rgyas par gsol pa dang / bcom ldan 'das kyis bka' stsal pa/ kun dga' bo dge slong dag dge slong ma nye du ma yin pa la gos dag sbyin nam/ btsun pa stsal to/ /bcom ldan 'das kyis bka' stsal pa/ kun dga' bo dge slong ma nye du ma yin pa ni 'di snyam du 'di'i chos gos gsum tshang 'am/ 'on te ma tshang snyam du mi sems par 'di ltar thob bo cog len par byed kyi nye du la ni byin yang len par mi byed do/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sog pa yang snga ma bzhin te/ sangs rgyas bcom ldan 'das kyis dge slong de la rmas pa/ dge slong khyod dge slong ma nye du ma yin pa la gos sbyin pa bden nam/ btsun pa mad do/ / sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnams grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma nye du ma yin pa la gos sbyin na ltung byed do/ /yang dge slong gang zhes bya ba ni chos 'di pa'o/ /dge slong ma zhes bya ba yang chos 'di pa'o/ /nye du ma yin pa la zhes bya ba ni phyi mo dang / mes po dang / phrug las brten pa'i bdun pa tshun chad ni nye du yin la de phan chad ni nye du ma yin no/ /gos shes bya ba ni bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos dag las gang yang rung ba'o/ /sbyin na zhes bya ba ni bslang mi dgos par ro/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la bsgribs par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis dge slong ma nye du ma yin pa la nye du ma yin par 'du shes pas gos byin na ltung byed du 'gyur ro/ /dge slong gis dge slong ma nye du ma yin pa la yid gnyis za bas gos byin na ltung byed du 'gyur ro/ /dge slong gis dge slong ma nye du la nye du ma yin par 'du shes pas gos byin na nyes byas su 'gyur ro/ /dge slong gis dge slong ma nye du la nye du ma yin par yid gnyis za bas gos byin na nyes byas su 'gyur ro/ /bor brlag byung ba la sbyin pa dang / legs par smra ba la sbyin pa dang / dge slong ma'i dge 'dun la gos kyi sbyin pa sbyin pa dang / rdzogs par bsnyen par byed pa la sbyin pa dang / rin gyi phyir sbyin pa dang / brje ba'i phyir sbyin pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /gos sbyin pa'i ltung byed de nyi shu bzhi pa rdzogs s+ho// //'dul ba rnam par 'byed pa/ bam po bzhi bcu dgu pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong ma sbed ma'i chos gos lnga ngan cing snam sbyar yang rnyings nas/ des ras yug chen cig rnyed pa dang de su zhig bdag gi chos gos tshem par 'gyur snyam du sems khongs su chud cing 'dug pa na/ dge slong ma rnams kyis de la smras pa/ sbed ma khyod ci'i phyir sems khongs su chud cing 'dug /phu nu mo dag kho mo chos gos lnga ngan cing snam sbyar yang rnyings nas kho mos ras yug chen zhig rnyed na/ kho mo'i chos gos su 'brub par 'gyur mi shes so/ /sbed ma khyod gser gyi snod kyis slongs mo la rgyu 'am/ khyod kyi dge slong 'phags pa 'char ka rab du bshes pa yin no/ /sbed mas smras pa/ des kho mo'i chos gos drubs par mi 'gyur ro/ / khyod kyis de la lan 'ga' bcol ba yod dam/ lan 'ga' yang bcol ba med do/ /ci khyod chu sgra grags pas lham 'bud dam/ song la chol cig dang 'drub par 'gyur ro/ /sbed ma 'char ka'i gan du song ste/ de'i rkang pa gnyis la mgo bos phyag 'tshal nas mdun du 'dug pa dang / tshe dang ldan pa 'char kas de'i ras yug chen mthong nas de la smras pa/ sbed ma gang la ras yug chen 'di lta bu yod pa des ras sar pa las snam sbyar nyi rim byas te snying las chung ngu dge ba'i phyogs la tron byas par 'gyur ro/ /sbed mas smras pa/ 'phags pa bdag khyod la ras yug chen mi 'bul ba ni ma lags na 'di ltar bdag gi chos gos lnga ngan cing snam sbyar yang rnyings pas khyod kyis bdag gi snam sbyar tshems te stsol cig /'char kas bsam pa/ gal te re shig btsem par byar yang bcu gnyis sde dag las gang dang gang dag la chos gos btsem par bya ba byung bar gyur pa de dag thams cad kyang bdag gi gan du khyer te 'ong bas de snyed cig btsem par yang ji ltar nus/ gal te mi btsem bar tsheg pa'i g.yar tshul kyang mi gter bar 'gyur bas 'di ltar ci nas kyang shing gi snod du bskol ba bzhin du dang po gang yin pa de nyid tha mar 'gyur ba de ltar btsem par bya'o snyam nas des de la smras pa/ zhog la song shig /sbed mas bzhag ste song ba dang / drug sde dag der dong nas de dag gis ras yug chen de mthong nas smras pa/ btsun pa 'char ka ras yug chen 'di su'i/ las bdag gir bya ba de'i'o/ /gang gi sbed ma'i'o/ /'o na 'khod de ci rung btsem par bya'o/ /de ltar gyis shig /de dag gis ras yug chen de brgyangs te dras shing drubs nas 'char kas snam sbyar de dang tshon sna lnga'i skud pa khyer te 'chag du song nas/ des der song ste snam sbyar de la tshon sna lnga'i skud pas bdag nyid sbed ma'i mgul nas 'khyud de 'dug pa zhig skud ris su btsem nas de gtsug lag khang du 'ongs te snam sbyar de bltab nas chos gos kyi gdang la bkal te bzhag pa dang / sbed ma yang 'ongs nas 'char kas smras pa/ sbed ma kho bos kyang snam sbyar btsem nas khyod kyang 'ongs so/ /des snam sbyar de bltab bzhin du sbed ma'i phrag pa la bkal te smras pa/ re shig ji srid du tshon gyis ma bcal ba de srid du ma dbye shig /ltung ba dang bcas par gyur ta re/ sbed mas snam sbyar de de bzhin bltab bzhin kho nar dbyar khang du 'phags pa dang / de la dge slong ma khrims zlas smras pa/ sbed ma 'phags pa 'char kas snam sbyar ji ltar btsem pa bltas 'on cig /sbed mas de la smras pa/ 'phags pa 'char ka na re re shig ji srid du tshon gyis ma bcas pa de srid du ma dbye shig /ltung ba dang bcas par gyur ta re zhes zer ro zhes ltar ma bster ro/ /sbed ma dbyar khang du song ba dang / de la dge slong ma rnams kyis smras pa/ sbed ma 'phags pa 'char kas snam sbyar ji ltar btsem pa bltas 'on cig /sbed mas smras pa/ 'phags pa 'char ka na re re shig ji srid du tshon gyis ma bcal ba de srid du ma dbye shig /ltung ba dang bcas par gyur ta re zhes zer ro/ / dge slong ma grogs mo dag gis 'di la ltung bar 'gyur ba ci yod ces de'i rgyab logs su 'dug ste snam sbyar hur ces phrogs nas phye ste bltas pa dang / dge slong ma rnams kyis de la tshon sna lnga'i skud pas 'char ka sbed ma'i mgul nas 'khyud de 'dug pa skud ris su btsem pa mthong nas rta gad kyis btab ste smras pa/ sbed ma khyod la 'phags pa 'char kas yun ring mo zhig gis gzod 'khyud do/ /skye dgu'i bdag mo chen mo gau ta mIs thos nas des smras pa/ nu mo dag khyed mgo phyi zhing mchan khung spun pa yin na ci rgod/ de dag gis smras pa/ 'phags ma ji lta ji ltar 'phags pa 'char kas mi mdzes pa bgyis pa la gzigs/ nu mo dag drug sde gnas ngan len kun du spyod pa dag gis 'drums pa ltung bas bcom ldan 'das kyi bstan pa 'jig par byed do zhes zer ba'i skabs de dge slong ma rnams kyis dge slong rnams la brjod nas/ dge slong rnams kyis bcom ldan 'das la gsol to/ / de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la smras pa/ 'char ka khyod dge slong ma nye du ma yin pa'i gos byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma nye du ma yin pa'i gos byed na ltung byed do/ /yang dge slong gang zhes bya ba ni 'char ka 'am/ gzhan yang de lta bu gang yin pa'o/ /dge slong ma zhes bya ba ni chos 'di pa'o/ /nye du ma yin pa'i zhes bya ba ni phyi mo dang / mes po dang / phrugs kyi bdun pa tshun chad ni nye du yin la/ de phan chad ni nye du ma yin no/ /gos shes bya ba ni bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos dag las gang yang rung ba'o/ /byed na zhes bya ba ni 'tshem na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed ltung bar byed pa'o gzhan yang ji srid du ltung ba de ma bshags shing so sor ma bshags na dge ba'i chos rnams la sgribs par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis dge slong ma nye du ma yin pa la nye du ma yin par 'du shes pas gos byed na ltung byed du 'gyur ro/ / dge slong gis dge slong ma nye du ma yin pa la yid gnyis za bas gos byed na ltung byed du 'gyur ro/ /dge slong gis dge slong ma nye du la nye du ma yin par 'du shes pas gos byed na nyes byas su 'gyur ro/ /dge slong gis dge slong ma nye du la yid gnyis za bas gos byed na nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /gos byed pa'i ltung byed de nyi shu lnga pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag gis smras pa/ dga' bo nye dga' lhung bzed nag po can 'di dag ni rkang pa spre'u zhag gis bskus te 'gro na yang 'gro bar chas pa'i rnyed pa bsgrub par byed/ 'ong na yang blo bur du 'ongs pa'i rnyed pa sgrub par byed cing / skye bo mang po dga' ba dang / yid du 'ongs bar yang 'gyur ro/ /yu bu cag ni khron pa'i rus sbal dang 'dra bar gar yang mi 'dong / gang nas kyang mi 'ong bas rnyed pa 'thob pa dang / skye bo mang po dga' ba dang / yid du 'ong bar ga la 'gyur gyis/ yu bu cag kyang 'dong ngo / /gang du 'dong / ljongs rgyur 'dong ngo / /je sring mo dag blta'o zhes de dag snga dro sham thabs bgos lhung bzed dang chos gos thogs te mnyan yod du bsod snyoms la zhugs nas de dag dge slong ma'i dbyar khang du dong ste bcu gnyis sde dag gi gan du song nas smras pa/ sring mo dag khyed cag bltas kyis kho bo cag ljongs rgyur 'dong ngo / / de dag ngus pa dang / drug sde dag gis smras pa/ sring mo dag ngur ci yod/ gal te khyed cag ljongs rgyur bzhud na bdag cag la rgyal byed kyi tshal stongs par 'gyur ro/ /drug sde dag gis smras pa/ sring mo dag bcom ldan 'das 'khor stong nyis brgya lnga bcu dang bzhugs na khyed cag bdag cag la rgyal byed kyi tshal stong par 'gyur ro zhes zer ram/ de dag gis smras pa/ lhung bzed nag po can dag bdag cag mthong bar yang mi dga' na mchi ba dang / stan 'ding ba dang / chos ston par lta ga la 'gyur/ nye dgas smras pa/ sring mo dag 'o na lhan cig 'dong ngo / /sbom dga' mos smras pa/ dge slong ma dag dge slong rnams dang lhan cig mchir rung 'am/ nye dgas smras pa/ legs par rung ngo shin tu rung ngo gang du bkag sus bkag lam rgyag mang po dag sta gon gyis shig /de dag gis lam rgyag mang po dag sta gon byas so/ /drug sde dag snga dro sham thabs bgos lhung bzed dang chos gos thogs te mnyan yod du bsod snyoms la zhugs nas/ de dag mnyan yod du bsod snyoms brgyus nas dge slong ma'i dbyar khang du dong ba dang / de dag la bcu gnyis sde dag gis smras pa/ jo bo cag je zhal tshul gsol cig /de dag gis g.yar tshus byas pa na de dag gis lam rgyags sbyar ba thams cad zos nas de dag gis smras pa/ sring mo dag khyed kyis lam rgyags ji snyed sta gon byas pa bsta 'on cig /de dag gis smras pa/ khyed kyis gsol ba de dag lags so/ /drug sde dag gis smras pa/ lam rgyag de tsam gyis ljongs rgyur ji ltar nus/ 'di ltar lam kar lhag par bkres par 'gyur gyis lam rgyags mang du sta gon gyis shig /de dag gis lam rgyag mang po dag sta gon byas te drug sde dag dang lhan cig ljongs rgyur 'phags so/ /bsod snyoms pa zhig kyang de dag dang lhan cig ljongs rgyur 'phags pa dang dge slong rnams kyis de la smras pa/ bsod snyoms pa 'di dag ni gnas ngan len kun du spyod pa yin gyis khyod 'di dag dang lhan cig ljongs rgyur ma 'gro shig /khyod la tho 'tsham par 'gyur ro/ /bsod snyoms pas smras pa/ kho bo la 'dod pa yin pas 'di dag la lung mnod pa dang / klag pa dang / kha ton dang / yongs su dri ba dang / rnal 'byor dang / yid la bya ba 'ga' yang rag ma las pas 'di dag gis kho bo la tho brtsam du ci yod ces des de dag gis tshig tshig ma yin par byas te drug sde dag dang lhan cig ljongs rgyur 'phags so/ /de dag gis/ gang gi tshe mtshams kyi phyi rol tu son pa de'i tshe na smas pa/ dga' bo nye dga' bdag cag gis yun ji srid du gzhan gyi spyod lam gyis 'khod par bya/ tshur sheg bdag cag rang rang gi spyod lam gyis 'khod par bya'o zhes dang por dga' bo 'dug nas de'i 'og tu dga' mo 'dug /de'i 'og tu dga' bo'i lhan cig gnas pa 'dug /de'i 'og tu dga' mo'i lhan cig gnas pa 'dug /de'i 'og du dga' bo'i dge tshul 'dug /de'i 'og tu dga' mo'i dge tshul 'dug go/ /de bzhin du nye dga' dang / gtsug dga' mo la sogs pa yang spel mar bkod de dong ngo / /don mthun de dang bram ze zhig 'gro ba des de dag mthong nas des smras pa/ 'di ni dge sbyong yin/ de'i chung ma ni 'di yin/ de'i bu ni 'di yin/ de'i mna' ma ni 'di yin/ de'i tsha bo 'di yin/ de'i tsha bo'i chung ma ni 'di yin par shes so/ /nye dgas thos nas des smras pa/ bkren pa khyod kyi gnya' ba rdog pas mnan nas 'di ni kho bo'i chung ma yin/ 'di ni kho'i bu yin/ 'di ni kho'i mna' ma yin/ 'di ni kho bo'i tsha bo yin/ 'di ni kho bo'i tsha bo'i chung ma yin/ bsod snyoms pa des bsam pa bdag shi ba ni bla'i gnas ngan len kun tu spyod pa 'di dag dang lhan cig ljongs rgyur 'gro ba ni mi rung ngo snyam nas de phyir log ste rgyal byed kyi tshal du song ba dang / dge slong rnams kyis de mthong nas smras pa/ bsod snyoms pa ji lta bde bar brgyus sam/ tshe dang ldan pa dag ji ltar bde bar brgyus/ drug sde gnas ngan len kun du spyod pa dag gis 'drum pa ltung bas bcom ldan 'das kyi bstan pa 'jig par byed do/ /ci byas/ des skabs de dge slong rnams la rgyas par rjod pa dang / dge slong don nyung ngu dag ci'i phyir dge slong dag dge slong ma'i don mthun dang lhan cig 'thams nas 'gron lam du 'jug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed dge slong ma'i don mthun dang lhan cig 'thams nas 'gron lam du 'jug pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa tshul dang mthun pa ma yin pa de ni rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma'i don 'thun dang lhan cig mthams nas 'gron lam du 'jug na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong ma rab tu mang po dag rgyal po'i khab tu dge slong ma'i dbyar khang rgyal po'i kun dga' ra bar dbyar gnas par khas blangs nas de dag dbyar gyi zla ba gsum po dag 'das nas/ bcom ldan 'das kyi zhabs la phyag 'tshal du mnyan yod du 'phags nas de dag gis mnyan yod du 'gro ba'i don 'thun btsal bar brtsam pa dang / ji tsam dag dge slong dang bcas pa'i don 'thun mthong nas smras pa/ phu nu mo dag don 'thun 'di ni dge slong dang bces pa yin gyis/ dge slong med pa'i don 'thun gzhan btsal bar bya'o/ /zhes de dag gis dge slong med pa'i don 'thun gzhan btsal bar brtsams pa dang / ji tsam na dge slong med pa'i don 'thun ma rnyed nas de dag gis smras pa/ phu nu mo dag bdag cag gis shin tu yun ring por bsdad na yang dge slong med pa'i don 'thun ma rnyed kyis don 'thun 'di nyid dang mgo snang tsam gyis 'dong bar bya'o/ /zhes de dag don 'thun de dang lhan cig mgo snang tsam gyis 'phags so/ /don 'thun de shin du rings par song nas de dag phyi bzhin 'brang zhing 'gro ba na chom rkun pa dag gis bcom nas de dag mthar gyis mnyan yod du phyin te dge slong ma'i dbyar khang du dong ba dang dge slong ma rnams kyis mthong nas smras pa/ phu nu mo dag ji lta bde bar brgyus sam/ ji ltar bde bar brgyus/ bdag cag chom rkun pa dag gis bcom mo/ / phu nu mo dag ji ltar bdag cag bcom ldan 'das kyis yongs su btang ba de ltar ni ya mtshan can dgu bcu rtsa drug po dag gis kyang bud med kyi yul 'ga' yang yongs su ma gtung ngo / / zhes zer ba'i skabs de dge slong ma rnams kyis dge slong rnams la brjod nas dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ dus ma gtogs so/ /dge slong dag don 'thun dang lhan cig ljongs rgyur 'dong ba na de dag bsod snyoms kyis phongs par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa lam rgyags bskur bar bya'o/ /bcom ldan 'das kyis lam rgyags bskur bar bya'o zhes bka' stsal nas de dag gis su bskur bar bya ba mi shes nas bcom ldan 'das kyis bka' stsal pa/ rtse rgod kyis bskur bar bya'o/ /rtse rgod med na rtse rgod mos bskur bar bya'o/ /rtse rgod mo med na dge tshul gyis bskur bar bya'o/ /dge tshul med na dge tshul mas bskur bar bya'o/ /dge tshul ma med na dge slong rnams kyis dge slong ma'i lam rgyags bskur bar bya zhing / dge slong ma rnams kyis dge slong rnams kyi lam rgyags bskur bar bya ste/ dge slong rnams kyis dge slong ma rnams kyi byin len bstabs par bya zhing / dge slong ma rnams kyis dge slong rnams kyi byin len bstabs par bya'o/ /dge slong dag ljongs rgyu zhing 'dong ba na na bar gyur nas dge slong ma dag gis de dag bor te dong nas/ bcom ldan 'das kyis bka' stsal pa/ dge slong ma rnams kyis kyang dge slong dag bskur bar bya'o/ /dge slong ma dag rkang pa logs nas 'dzin cing dge slong dag mgo logs nas 'dzin pa na dge slong ma dag 'dod chags skyes nas bcom ldan 'das kyis bka' stsal pa/ dge slong dag gis rkang pa logs nas gzung bar bya zhing / dge slong ma dag gis mgo logs nas bzung bar bya'o/ /de dag grong du phyin nas thams cad sdod pa na/ de dag bsod snyoms kyis phongs par gyur nas/ bcom ldan 'das kyis bka' stsal pa/ thams cad kyis bsdad par mi bya bar de na ba'i sman dang zan legs par sbyar te dge slong gcig bzhag nas lhag ma rnams 'dong bar bya'o/ /dge slong ma rnams la yang de bzhin du bya'o/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang 'thun pa dang / de'i shas che ba dang / de dang 'tshams pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma'i don 'thun dang lhan cig 'thams nas 'gron lam du 'jug na dus ma gtogs te ltung byed do/ /de la dus ni 'di yin te/ lam don 'thun gyis bgrod par bya ba dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa zhig na de la de ni dus yin no/ /yang dge slong gang zhes bya ba ni drug sde 'am gzhan yang de lta bu gang yin pa'o/ /dge slong ma'i don 'thun dang lhan cig ces bya ba ni chos 'di pa'o/ /'thams nas zhes bya ba ni brda' byas nas so/ /'gron lam du zhes bya ba ni dgon pa'i lam du'o/ /'jug na zhes bya ba ni 'gro na'o/ /dus ma gtogs te zhes bya ba ni dus bzhag ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshag shings so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la dus ni 'di yin te lam don 'thun gyis bgrod par bya ba zhes bya ba ni don 'thun med par bgrod mi nus pa'o/ /dogs pa dang bcas par grags pa zhes bya ba ni chom rkun pa dang g.yon can gyis 'jigs par grags pa'o/ /'jig pa dang bcas par grags pa zhes bya ba ni seng ge dang / stag dang / gung gis 'jigs par grags pa'o/ /'jigs pa tha dad pas 'jigs su rung ba dang bcas par grags pa zhig na zhes bya ba ni sha sbrang dang / sbrang bu mchu rings dang / rlung dang / nyi ma dang / sdig sbrul gyi 'jigs pa tha dad pas 'jigs su rung ba dang bcas par grags pa zhig na'o/ /de la ltung bar ji ltar 'gyur zhe na/ dge slong gis ji tsam cung zad dge slong ma'i don 'thun dang lhan cig 'thams nas 'gron lam du 'jug na rgyang grags phyed phyed du nyes byas su 'gyur ro/ /rgyang grags re rer ltung byed du 'gyur ro/ /dge slong gis dge slong ma'i don 'thun dang lhan cig 'thams nas grong nas dgon pa'i 'gron lam du 'jugs na grong rgyang grags kyis bar du chod pa bdun po dag gi rgyang grags phyed phyed du nyes byas su 'gyur la/ rgyang grags re rer ltung byed du 'gyur ro/ /dge slong gis dge slong ma'i don 'thun dang lhan cig 'thams nas dgon pa nas grong gi 'gron lam du 'jugs na grong rgyang grags kyis bar du chod pa bdun po dag gi rgyang grags phyed phyed du nyes byas su 'gyur la/ rgyang grags re rer ltung byed du 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dge slong ma dang lhan cig 'gron lam du 'jugs pa'i ltung byed de nyi shu drug pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag gis smras pa/ dga' bo nye dga' lhungs bzed nag po can 'di dag ni rkang pa spre'u zhag gis bsku te/ 'gron na yang 'gro bar chas pas brnyed pa bsgrubs par byed/ 'ong na yang blo bur du 'ongs pa'i brnyed pa bsgrubs par byed cing / skye bo mang po dag dga' ba dang / yid du 'ong bar yang 'gyur ro/ /yu bu cag ni khron pa'i rus sbal dang 'dra bar gar yang mi 'dong / gang nas kyang mi 'ong bas rnyed pa thob pa dang / skye bo mang po dag dga' ba dang / yid du 'ong bar ga la 'gyur gyis yu bu cag kyang 'dong ngo / /gang du 'dong / ljongs rgyur 'dong ngo / / je sring mo dag blta'o zhes de dag snga dro sham thabs bgos lhung bzed dang chos gos thogs te mnyan yod du bsod snyoms la zhugs nas de dag dge slong ma'i dbyar khang du dong ste bcu gnyis sde dag gi gan du dong nas smras pa/ sring mo dag khyed cag bltas kyis kho bo cag ljongs rgyur 'dong ngo / /de dag ngus pa dang / drug sde dag gis smras pa/ sring mo dag ngur ci yod/ gal te khyed cag ljongs rgyur bzhud na bdag cag la rgyal byed kyi tshal stongs par 'gyur ro/ /drug sde dag gis smras pa sring mo dag bcom ldan 'das 'khor stong nyis brgya lnga bcu dang bzhugs na/ khyed cag bdag cag la rgyal byed kyi tshal stongs par 'gyur ro/ /zhes zer ram de dag gis smras pa/ lhung bzed nag po can dag bdag cag mthong bar yang mi dga' na/ mchis pa dang stan gding ba dang / chos ston par lta ga la 'gyur nye dgas smras pa/ sring mo dag 'o na lhan cig 'dong ngo de dag gis smras pa/ bcom ldan 'das kyis dge slong dge slong ma'i don 'thun dang lhan cig 'thams nas 'gron lam du 'jug na dus ma gtogs te ltung byed do zhes bslab pa'i gzhi bca' ba ma mdzad dam/ nye dgas smras pa/ de ni skam sa'i lam du bca' ba mdzad pas bdag cag gru'i lam du 'dong ngo / /sbom dga' mos smras pa/ dge slong ma dag dge slong dag dang lhan cig gru'i lam du mchir rung ngam/ nye dgas smras pa/ legs par rung ngo / /shin tu rung ngo / /gang du bkag /sus bkag /lam rgyags mang po dag sta gon gyis shig /de dag gis lam rgyags mang po dag lta gon byas so/ /drug sde dag snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas/ de dag mnyan yod du bsod snyoms brgyus nas dge slong ma'i dbyar khang du dong ba dang / de dag la bcu gnyis sde dag gis smras pa/ jo bo cag je zhal tshul gsol cig /de dag gis g.yar tshus byas pa na de dag gis lam rgyags sbyar ba thams cad zos nas/ de dag gis smras pa/ sring mo dag khyed kyis lam rgyags ji snyed sta gon byas pa bltas 'on cig /de dag gis smras pa/ khyed kyis gsol pa de dag lags so/ / drug sde dag gis smras pa/ lam rgyags de tsam gyis ljongs rgyur ji ltar nus/ 'di ltar lam kar lhags par bkres par 'gyur gyis lam rgyags mang du sta gon gyis shig /de dag gis lam rgyags mang po dag sta gon byas te drug sde dag dang lhan cig ljongs rgyur 'phags so/ /bsod snyoms pa zhig kyang de dag dang ljongs rgyur 'phags pa dang / dge slong rnams kyis de la smras pa/ bsod snyoms pa 'di dag ni gnas ngan len kun du spyod pa yin gyis 'di dag dang lhan cig ljongs rgyur ma 'gro shig /khyod la tho 'tshams par 'gyur ro/ /bsod snyoms pas smras pa/ kho bo lo 'das pa yin pas 'di dag la lung mnod pa dang / klag pa dang / kha ton dang / yongs su dri ba dang / rnal 'byor dang / yid la bya ba 'ga' yang rag ma lus pas 'di dag gis kho bo la tho brtsam du ci yod ces des/ de dag gi tshig tshig ma yin par byas te/ drug sde dag dang lhan cig grur 'jugs tu 'phags so/ / de dag gis gang gi tshe mtshams kyi phyi rol du son pa de'i tshe na smras pa/ dga' bo nye dga' bdag cag gis yun ji srid du gzhan gyi spyod lam gyis 'khod par bya/ tshur gshegs bdag cag rang rang gi spyod lam gyis 'khod par bya'o/ /zhes dang por dga' bos 'dug nas/ de'i 'og tu dga' mo 'dug /de'i 'og tu dga' bo'i lhan cig gnas pa 'dug /de'i 'og tu dga' mo yi lhan cig gnas pa 'dug /de'i 'og tu dga' bo'i dge tshul 'dug /de'i 'og tu dga' mo'i dge tshul ma 'dug /de bzhin du nye dga' dang / gartsugs dga' mo la sogs pa yang spel mar bkod de dong ngo / /don 'thun de dang bram ze zhig lhan cig 'gro ba des de dag mthong nas des smras pa/ 'di ni dge sbyong yin de'i chung ma ni 'di yin de'i bu ni 'di yin de'i mna' ma ni 'di yin/ de'i tsha bo ni 'di yin/ de'i tsha bo'i chung ma ni 'di yin par shes so/ /nyes dgas thos nas des smras pa/ bkren pa khyod kyi gnya' ba rdog pas mnan nas 'di ni kho bo'i chung ma yin/ 'di ni kho bo'i bu yin/ 'di ni kho bo'i mna' ma yin/ 'di ni kho bo'i tsha bo yin/ 'di ni kho bo'i tsha bo'i chung ma yin no/ /bsod snyom pa des bsam pa bdag shi ba ni bla'i gnas ngan len kun du spyod pa 'di dag dang lhan cig grur zhugs te 'gro ba ni mi rung ngo snyam nas/ de phyir log ste rgyal byed kyi tshal du song ba dang / dge slong rnams kyis de mthong nas smras pa/ bsod snyoms pa ji lta bde bar brgyus sam/ tshe dang ldan pa dag ji ltar bde bar brgyus/ drug sde gnas ngan len kun du spyod pa dag gis 'drums pa ltung bas bcom ldan 'das kyi bstan pa 'jig par byed do/ /ci byas des skabs de dge slong rnams la rgyas par brjod pa dang / dge slong don nyung ngu dag ci'i phyir dge slong dag dge slong ma'i don 'thun dang lhan cig 'thams nas gru gcig tu 'jug par byed ces smod par byed/ phyar ka gtong bar byed kha zer bar byed pa'i skabs de dge slong rnam kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed dge slong ma'i don 'thun dang lhan cig 'thams nas gru gcig tu 'jug pa bden nam btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma'i don 'thun dang lhan cig 'thams nas gru gcig tu 'jug cing gyen du 'gro 'am/ thur du 'gro na ltung byed do zhes/ bcom ldan 'das kyis 'dul ba la nyan thos rnams kyi bslabs pa'i gzhi de ltar bca' ba mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe na khyim bdag gcig gis chu klung gnas can gyis pha rol thi ba can gyi kun dga' ra bar dge 'dun gyi phyir gtsug lag khang byed du bcug nas/ des gtsug lag khang de dbul ba'i phyir gnyis ka'i dge 'dun spyan drangs so/ / dge slong ma zhig dge ba'i phyogs la brtson par gyur pa des bsam pa/ deng bdag gis bsod snyoms la brgyus mi dgos pas ji srid du gdugs tshod la nye bar ma gyur pa de srid kyi bar du dge ba'i phyogs la tron bya zhing / de'i 'og tu dus shes par byas te 'gro'o snyam nas des ji srid du gdugs tshod la nye bar ma gyur pa de srid kyi bar du dge ba'i phyogs la tron byas nas/ de'i 'og tu dus shes par byas te chu klung gi 'gram du song ba dang / ji tsam na dge slong dag grur zhugs nas gru pas smras pa/ 'phags ma grur zhugs shig /bzhin bzangs je song shig dang / gru gzhan bkang ba na 'gro'o/ /gru pa des yang dang yang du 'ongs te smras pa/ 'phags ma grur zhugs shig /des kyang smras pa/ bzhin bzangs je song shig dang / gru gzhan bkang ba na 'gro'o/ /gru pa de song nas chu klung gi pha rol tu gru phur pa la brtod de/ skye bo phal po che'i tshogs kyi nang du zhugs shing 'dug go/ /dge slong ma des yang dang yang du bos pa dang / gru pa des tshig kyang ma ster nas de de na sdod sdod nas ji tsam na gdugs tshod yol nas/ de'i 'og tu dbyar khang du phyir log ste de ji srid du lus las mdang ma yal ba de srid kyi bar du dge ba'i phyogs la tron byas nas/ gang gi tshe lus las mdangs yal ba de'i tshe na glos phab ste nyal ba dang / dge slong ma rnams lhags te de la smras pa/ 'phags ma gal te zas gzhan gyi yin zhes te lto yang gzhan gyi yin snyam mam ci byas/ ji tsam gyis glos phab ste nyal bar gyur pa de tsam gyis zas zos so/ /su zos khyod kyis so kho mos ma zos so/ /'o na ci'i phyir glos phab ste nyal/ des skabs de rgyas par dge slong ma rnams la brjod nas dge slong ma rnams kyis dge slong rnams la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag de lta bas na thad kar pha rol du 'gro ba ma gtogs so/ /de nas bcom ldan 'das kyis bslab pa 'dod pa dang / bslabs pa la gus pa dang / bslabs pa la yo byad bsnyungs pa'i sngags pa brjod nas/ dge slong rnams la de dang 'thun pa dang / de'i shas che ba dang / de dang 'tshams pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma'i don 'thun dang lhan cig 'thams nas gru gcig tu 'jug cing gyen du 'gro 'am/ thur du 'gro na thad kar pha rol du 'gro ba ma gtogs te ltung byed do/ /yang dge slong gang zhes bya ba ni drug sde 'am/ gzhan yang de lta bu gang yin pa'o/ /dge slong ma'i don 'thun dang lhan gcig ces bya ba ni chos 'di pa'i'o/ /'thams nas zhes bya ba ni brda byas nas so/ /gru gcig tu zhes bya ba ni sho gam gcig pa dang / la gcan gcig pa dang / gru btsas gcig par ro/ /'jug cing zhes bya ba ni zhon zhing ngo / /gyen du 'gro 'am zhes bya ba ni rgyun las bzlog phyogs su 'gro ba'o/ /thur du 'gro na zhes bya ba ni rgyun phyogs su 'gro na'o/ /thad kar pha rol du 'gro ba ma gtogs te zhes bya ba ni thad kar pha rol du 'gro ba bzhag ste'o/ /ltung byed do zhes bya ni sems can dmyal ba dang / dud 'gro dang / yi dags ngan song dang / ngan 'gro dang / logs par ltung ba dag tu bsreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing / so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad dge slong ma'i don 'thun dang lhan cig 'thams nas gru gcig tu 'jug cing gyen du 'gro 'am/ thur du 'gro na rgyang grags phyed phyed du nyes byas su 'gyur la/ rgyang grags re rer ltung byed du 'gyur ro/ /dge slong gis dge slong ma'i don 'thun dang lhan cig 'thams nas grongs nas dgon par gru gcig tu 'jug cing gyen du 'gro 'am/ thur du 'gro na grong rgyang grags kyis bar du chod pa bdun po dag gi rgyang grags phyed phyed du nyes byas su 'gyur la/ rgyang grags re rer ltung byed du 'gyur ro/ /dge slong gis dge slong ma'i don 'thun dang lhan gcig 'thams nas dgon pa nas grong du gru gcig tu 'jug cing gyen du 'gro 'am/ thur du 'gro na grong rgyang grags kyis bar du ma chod pa bdun po dag gi rgyang grags phyed phyed du nyes byas su 'gyur la/ rgyang grags re rer ltung byed du 'gyur ro/ /yo ba las bzungs pa dang / gtib chad pa las bzur ba dang / dba' longs las bzur ba dang / ru skya chags pa dang / gdos pa chags pa dang / ru skya 'dzin pa mi nyan pa la ltung ba med do/ /'gram gnyis na bar chad brgyad po dag las gang yang rung ba nye bar gnas na ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dge slong ma dang lhan cig grur 'jugs pa'i ltung byed de nyi shu bdun pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas tshe dang ldan pa 'char ka snga dro sham thabs bgos lhung bzed dang chos gos thogs te mnyan yod du bsod snyoms la/ zhugs nas mthar gyis mnyan yod du bsod snyoms la rgyu ba na khyim bdag gi chung ma sbed ma'i khyim ga la ba der song ngo / /khyim bdag gi chung ma sbed mas tshe dang ldan pa 'char ka thag ring po kho na nas mthong ste/ mthong nas kyang tshe dang ldan pa 'char ka'i phyir stan shoms par byed cing 'di skad ces kyang smras so/ /btsun pa 'char ka tshur spyon btsun pa 'char ka byon pa legs so/ /btsun pa 'char ka gdan bshams pa nyid la bzhugs shig /tshe dang ldan pa 'char ka kha nang du bltas te 'dug go/ /khyim bdag gi chung ma sbed ma yang tshe dang ldan pa 'char ka'i rkang pa gnyis la phyag 'tshal te kha phyir bltas te 'dug go/ /'char kas de la ji tsam pa de tsam gyis chos bstan nas sngon bgad pa dang / tses pa dang / dga' ba byas pa dang / dga' mgur spyad pa dag dran par bya bar brtsams te/ sbed ma khyod kyis bdag cag gnyis bskyed mos tshal dang / 'dun sa dang / lha'i gnas ga ge mo zhig tu bca' ba 'di dang 'di lta bu 'chos pa dang / bza' ba 'di dang 'di lta bu 'chos pa dang / bza' ba 'di dang 'di lta bu zos pa dang / btung ba 'di dang 'di lta bu 'thung ba dang / gnas mal 'di dang 'di lta bu bshams pa dang / 'bru mar gyi mar me 'di dang 'di lta bu btsugs shing der bdag cag gnyis kyis 'di dang 'di lta bu byas pa dran nam/ sbed mas smras pa dran no/ /bsod snyoms pa zhig snga dro sham thabs bgos lhung bzed dang chos gos thogs ste mnyan yod du bsod snyoms la zhugs nas/ de mthar gyis mnyan yod du bsod snyoms la rgyu ba na khyim bdag gi chung ma sbed ma'i khyim ga la ba der song ba dang khyim bdag gi chung ma sbed mas de mthong nas des bsams pa gal te langs ste/ bsod snyoms phul bar gyur na btsun pa 'char ka'i gtam spangs par 'gyur ro snyam nas des lag pas song shig ces brda byas so/ /'char kas sbed ma lag brda byed pa mthong nas des smras pa/ sbed ma khyod kho bo 'dug bzhin du mdun du skyes pa gzhan dang lhan cig lag brda byed dam sbed mas smras pa/ 'phags pa bdag skyes pa gzhan dang lag brda mi bgyid de/ 'di ltar bsod snyoms pa zhig mchis nas bdag gis bsam pa gal te langs te/ bsod snyoms phul bar gyur na 'phags pa'i bka' mchid spangs par 'gyur ro snyam nas bdag gis de la mchis shig ces lags brda bgyis so/ /'char kas smras pa sbed mas khyod kyi snying lam na kho bos khyod la 'phags pa'i bden pa bzhi'i gtam byas snyam 'am/ ci 'di ltar kho bos lag pas bcal ba brgya dag gis longs spyod dag bsgrubs na khyod kyis sbyin pa dag byin zhing bsod nams dag byed kyang mi nus sam/ sbed mas bsod snyoms pa de bos te bca' ba dang / bza' ba gtsang zhing bsod pa dag gis lhung bzed bkang ste byin nas des de khyer te song ngo / /tshe dang ldan pa 'char ka zas kyi bya ba byas te gtsug lag khang du song ba dang / bsod snyoms pa des bsams pa/ btsun pa 'char ka la gtam bya zhing thos nas mchog tu dga' ba bskyed par bya'o snyam nas des de la smras pa/ btsun pa 'char ka mchog tu dga' ba skyed cig /deng don gyis na bdag gis khyod kyi bsod snyoms zos so/ /bsod snyoms pa shes te des dang por khyod bos snyam 'am/ ci des khyod song shig ces lag brda byas nas kho bos de'i 'og tu de'i phyir 'bod du bcug go/ /ci byin bca' ba dang bza' ba gtsang zhing bsod pas lhung bzed bkang ste byin te btsun pa 'char ka de ni khyod kyi yin no/ /de'i tshe na btsun pa 'char ka de nyid na 'dug par gyur tam 'dug go/ /khyod bud med kyi yul dang lhan cig gcig pu cig dang dben pa skyabs yod pa na stan la 'dug tu rung ngam rung yang srid mi rung yang srid de kho bo de ltar 'dug go/ / bsod snyoms pa khyod kyi deng de ltar kho bo'i bsod snyoms zos shing gal te mi bzod na kho bo las brten bslabs pa'i gzhi 'char chug shig /ci de kho bos yal bar bor du re 'am zhes zer ba'i skabs de dge slong rnams la brjod pa dang / dge slong don nyung ngu dag ci'i phyir dge slong dag bud med kyi yul dang lhan cig gcig pu cig dang dben pa skyabs yod pa na stan la 'dug par byed ces smod par byed/ phyar ka gtong bar byed kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la rmas pa 'char ka khyod bud med kyi yul dang lhan cig gcig pu cig dang dben pa skyabs yod pa na stan la 'dug par byed pa bden nam btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslabs pa'i gzhi bca' bar bya ste/ zhes bya ba la sogs pa snga ma bzhin no nga'i nyan thos rnams kyis 'dul ba la bslabs pa'i gzhi 'di ltar gdon par bya ste/ yang dge slong gang bud med kyi yul dang lhan cig gcig pu cig dang dben pa skyabs yod pa na stan la 'dug na ltung byed do/ /yang dge slong gang zhes bya ba ni 'char ka 'am/ gzhan yang de lta bu gang yin pa'o/ /bud med kyi yul dang zhes bya ba ni bud med dam/ gzhon nu ma mi tshangs par spyod pa sprod pa las byung ba'i chos sten nus pa dang ngo / /lhan cig ces bya ba ni de dang lhan cig go/ /gcig pu cig dang zhes bya ba ni de de dang ngo dben pa zhes bya ba ni gang na bud med dang skye pa dang ma ning gzhan 'ga' yang med pa'o/ /skyabs yod pa zhes bya ba ni lngas bskyabs pa na ste/ rtsig pas bskyabs pa dang / rib mas bskyabs pa dang / yol bas bskyabs pa dang / thibs pos bskyabs pa dang / mtshan mos skyabs pa na'o/ /stan la zhes bya ba ni gzhi la'o/ /'dug na zhes bya ba ni 'dom gang gi nang du rkub tshos 'jog par byed na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na dge slong gis ji tsam cung zad bud med kyi yul dang lhan cig gcig pu cig dang dben pa skyabs yod pa na stan la 'dug na thams cad du ltung byed du 'gyur ro/ /sgo khang na 'dug pa dang sman 'thag tu 'jud pa dang sgo ma bcad par 'dug pa dang / gzhan dag 'jug cing gzhan dag 'byung na ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /gcig pu 'dug pa'i ltung byed de nyi shu brgyad pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe sbed ma rab tu byung nas de dge bskos byed pa na dge slong ma rnams snga dro sham thabs bgos lhung bzed dang chos gos thogs te bsod snyoms la dong ba na sbed ma gtsug lag khang na phyag dar byed cing 'dug go/ /tshe dang ldan pa 'char ka yang snga dro sham thabs bgos lhung bzed dang chos gos thog te mnyan yod du bsod snyoms la zhugs nas/ mnyan yod du bsod snyoms la rgyu ba na dge slong ma'i dbyar khang ga la ba der song ngo / /sbed ma dge slong ma'i dbyar khang na phyag dar byed cing 'dug pa des tshe dang ldan pa 'char ka thag ring po kho na nas mthong ste mthong nas kyang 'di skad ces smras so/ /'phags pa 'char ka byon pa legs so byon pa legs so zhes des phyag ma phyogs cig tu bzhag nas tshe dang ldan pa 'char ka'i rkang pa gnyis la phyag 'tshal te mdun du 'greng ngo / /'char kas de la ji tsam pa de tsam gyis chos bstan nas sngon bgad pa dang rtse ba dang / dga' ba byed pa dang dga' mgur spyad pa dag dran par brtsams ste sbed ma khyod kyis bdag cag skyed mos tshal dang / 'dun sa dang lha'i gnas ga ge mo zhig tu bca' ba 'di dang 'di lta bu 'chos pa dang bza' ba 'di dang 'di lta bu zos pa dang / btung ba 'di dang 'di lta bu 'thung ba dang gnas mal 'di dang 'di lta bu bshams pa dang 'bru mar gyi mar me 'di dang 'di lta bu btsugs shing der bdag cag gnyis kyis 'di dang 'di lta bu byas pa dran nam/ sbed mas smras pa dran no/ /de nas dge slong ma rgan mo nad ma zhig 'dug nas des bsam pa/ 'di gnyis ci'i phyir na bag mar blangs pa tshun chad kyang gcig la gcig brjod par byed snyam mo sbed mas smras pa/ 'phags pa da bzhud cig dge slong ma dag mchi bar 'gyur zhing dbyar khang phyag dar ma bgyis par mchis pas dge slong ma dag smod par 'gyur ro zhes des phyag ma blangs pa dang 'char ka song ngo / / sbed mas gtsug lags khang phyag dar bya bar brtsams pa dang / dge slong ma de dag kyang lhag nas de dag gis smras pa/ sbed ma khyod kyis ci byas na dbyar khang 'di de kho na bzhin du phyag dar dang bcas par 'dug /sbed mas smras pa phu nu mo dag gang tshun chad nas khyed cag bsod snyoms la dong ba de tshun chad nas kho mo ma 'dug go/ /dge slong ma rgan mo nad ma des thos nas des dge slong ma rnams la smras pa/ gang tshun chad khyed cag bsod snyoms la dong ba de tshun chad nas sbed ma ma 'dug pa de ni bden te/ 'di ltar 'phags pa 'char ka byon par gyur nas 'di de dang lhan cig 'greng zhing / ma bag mar blangs pa mtshun bcad kyang gcig gis gcig la brjod do/ /dge slong ma de dag gis sbed ma la dris pa sbed ma khyod kyis de ltar byas pa bden nam/ phu nu mo dag bden no/ /dge slong ma de dag ci'i phyir dge slong dge slong ma dang lhan cig gcig pu gcig dang dben pa skyabs yod pa na 'greng bar byed ces smod par byed phyar ka gtong bar byed kha zer bar byed pa'i skabs de dge slong ma rnams kyis dge slong rnams la brjod pa dang / dge slong don nyung ngu dag ci'i phyir dge slong dag dge slong ma dang lhan cig gcig pu cig dang dben pa skyabs yod pa na 'greng bar byed ces smod par byed/ phyar ka gtong bar byed kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la smras pa/ 'char ka khyod dge slong ma dang lhan gcig gcig pu cig dang dben pa skyabs yod pa na 'greng ba bden nam btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su 'thun pa ma yin pa rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ / de nas bcom ldan 'das kyis rnam grangs dus mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma dang lhan cig gcig pu cig dang dben pa skyabs yod pa na 'greng na ltung byed do/ /yang dge slong gang zhes bya ba ni 'char ka 'am/ gzhan yang de lta bu gang yin pa'o/ /dge slong ma dang zhes bya ba ni chos 'di pa dang ngo / /lhan cig ces bya ba ni de de dang lhan gcig go/ /gcig pu gcig dang zhes bya ba de ni de de dang ngo / /dben pa zhes bya ba ni gang na skyes pa dang / bud med dang ma ning gzhan 'ga' yang med pa'o/ /skyabs yod pa na zhes bya ba ni lngas bskyabs pa na ste/ rtsig pas skyabs pa dang rib mas skyabs pa dang yol bas bskyabs pa dang / thibs pos bskyabs pa dang / mtshan mos bskyabs pa na'o/ /'greng na zhes bya ba ni 'dom gang gi nang du 'greng na'o/ /ltung byed do zhes bya ba ni sems can dmyal ba dang / dud 'gro dang yi dags ngan song dang ngan 'gro dang log par ltung ba dag tu sreg par byed/ 'tshod par byed ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so de la ltung bar ji ltar 'gyur zhe na/ dge slong gis ji tsam cung zad dge slong ma dang lhan cig gcig pu cig dang dben pa skyabs yod pa na 'greng na thams cad du ltung byed du 'gyur ro/ /sgo khang du 'greng ba dang / sman thag tu 'dzud pa dang sgo ma bcad par 'greng ba dang / gzhan dag 'jug cing gzhan dag 'byung na ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /gcig pu 'greng ba'i ltung byed de nyi shu dgu pa rdzogs s+ho// // sangs rgyas bcom ldan 'das mnyan yod na rgyal byed kyis tshal/ mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'od srungs chen po mnyan yod na/ shar gyi kun dga' ra ba na ri dgas 'dzin gyi ma'i khang bzangs na 'dug go/ /de nas tshe dang ldan pa 'od srungs chen po phyem bred nang du yang dag 'jog las langs nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal ste mtha' gcig tu 'dug go/ /mtha' gcig tu 'dug nas bcom ldan 'das kyis tshe dang ldan pa 'od srung chen po la 'di skad ces bka' stsal to/ /'od srungs da ltar khyod ni rgan po rgas pa dgog tu gyur pa yin la nga'i smad g.yogs sha na'i gos phyag dar khrod dag ni lcis/ 'od srungs khyod dge 'dun gyi gtsug lag khang du shog la gang zag gis mgron du bos pa dag bdag gir gyis shig /khyim bdag gis gos mtshon gyis dras pa dag kyang kha dog ngan par gyis la chong shig /tshe dang ldan pa 'od srungs chen pos mi smras pa bcom ldan 'das las mnyan to/ /de nas tshe dang ldan pa 'od srung chen pos/ bcom ldan 'das kyis bka' stsal pa la mngon par dga' ba dang rjes su yi rang ba byas ste/ bcom ldan 'das kyi zhabs gnyis la mgo bos phyag 'tshal te song ngo / /de'i tshe na mnyan yod na khyim bdag cig 'dug pa de la yun ring po nas smon pa 'di lta bu skyes te/ kye ma bdag gis gnas brtan 'od srungs chen po lha dang mis mchod pa khyim gzhan du spyan drangs te bshos gsol na ci ma rung snyam nas/ khyim bdag des bcom ldan 'das kyis 'phags pa 'od srung chen po dge 'dun la gtad pa thos so/ /thos nas kyang tshe dang ldan pa 'od srungs chen po ga la ba der song ste phyin nas/ tshe dang ldan pa 'od srungs chen po'i rkang pa gnyis la mgo bos phyag 'tshal te/ mtha' gcig tu 'dug go/ /mtha' gcig tu 'dug nas tshe dang ldan pa 'od srungs chen po khyim bdag de la chos dang ldan pa'i gtam gyis yang dag par ston par byed/ yang dag par 'dzin du 'jud par byed/ yang dag par gzeng stod par byed/ yang dag par rab tu dga' bar byed do/ /rnam grangs du mas chos dang ldan pa'i gtam gyis yang dag par bstan/ yang dag par 'dzin du bcug / yang dag par gzengs bstod/ yang dag par rab tu dga' bar byas nas cang mi smra'o/ /de nas khyim bdag de 'di snyam du sems te/ gal te bdag gis 'phags pa 'od srungs chen po nyag cig khyim gzhan du spyan drangs par gyur na mi gnang bar 'gyur ba de lta bu'i gnas yod par 'gyur gyis bdag gis de bdag nyid dang bzhi spyan drang ngo snyam mo/ /de nas khyim bdag de stan las langs te/ bla gos phrag pa gcig tu byas nas tshe dang ldan pa 'od srungs chen po ga la ba de logs su thal mo sbyar ba btud nas tshe dang ldan pa 'od srungs chen po la 'di skad ces smras so/ /'phags pa 'od srungs chen pos sang bdag gi sdum par bdag nyid dang bzhi gdugs tshod gsol bar ci gnang tshe dang ldan pa 'od srungs chen pos khyim bdag de la cang mi smra bas dang du blangs so/ /de nas khyim bdag des tshe dang ldan pa 'od srungs chen po cang mi smra bas dang du blangs par rig nas tshe dang ldan pa 'od srungs chen po'i rkang pa gnyis la mgo bos phyag 'tshal te rang gi sdum pa ga la ba der song ste phyin nas chung ma la smras pa/ bzang mo kho bo la yun ring po nas smon pa 'di lta bu skyes te/ kye ma bdag gis gnas brtan 'od srungs chen po lha dang mis mchod pa khyim gzhan du spyan drangs te bshos gsol na ci ma rung snyams nas/ kho bos de bdag nyid dang bzhi sang khyim gzhan du gdugs tshod la spyan drangs na des kyang cang mi gsungs bas gnang gis zhal zas bsod pa mang po dag sta gon gyis shig /khyim bdag gi chung ma des khyim bdag las mnyan nas kha zas grangs cha gang dag yin pa de dag ni de nyid kyi nyin mo sta gon byas/ dro bag gang dag yin pa de dag ni phyi de nyin par sta gon byas nas/ khyim bdag de nang par sngar langs te bsams pa/ gal te 'og gi sa gzhir gdan bshams na ni slongs mo pa dag 'dong ba na lang long byed par 'gyur la/ gal te steng gi sa gzhir gdan bshams na ni der sbrang bu dag gis 'khrug long byed par 'gyur bas bar gyi sa gzhir gdan bsham par bya'o/ /snyam nas des bar gyi sa gzhir stan bshams nas tshe dang ldan pa 'od srungs chen po la mngag pas btsun pa 'od srungs chen po gdugs tshod g.yar dgongs 'tshal na da de'i dus la bab par dgongs su gsol zhes bskul to/ /bcom ldan 'das kyis gang gi ngor mgron du bos pa des dus sngar der 'gro bar bya'o zhes bka' stsal pas/ de nas tshe dang ldan pa 'od srungs chen po dus snga ba kho nar sham thabs bgos lhung bzed dang chos gos thogs te khyim bdag de'i sdum pa ga la ba der song ste phyin nas bar gyi sa gzhir 'dzeg stan bsham pa nyid la 'dug go/ /de nas khyim bdag des tshe dang ldan pa 'od srungs chen po'i rkang pa gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas tshe dang ldan pa 'od srungs chen po khyim bdag de la chos dang ldan pa'i gtam gyis yang dag par ston par byed/ yang dag par 'dzin du 'dzud par byed/ yang dag par gzeng stod par byed/ yang dag par rab tu dga' bar byed do/ /de nas dge slong ma sbom dga' mo snga dro sham thabs bgos lhung bzed dang chos gos thogs te mnyan yod du bsod snyoms la zhugs nas de mthar gyis bsod snyoms la rgyu ba na khyim der zhugs te 'di skad ces smras so/ /mtshan bzang a rog khya bsod snyoms byin cig /khyim bdag des smras pa/ 'phags ma deng 'phags pa 'od srungs chen po lha dang mis mchod pa bdag gi sdum par spyan drangs te zhal zas sta gon bgyis pas re shig cung brel gyis bzhud cig sboms dga' mos smras pa/ de ni gzhan mu stegs can las rab tu byung ba/ bul ba mchog tu bul ba/ chung ba mchog tu chung ba yin la/ kho mo ni shAkya mo las rab tu byung ba sde snod gsum dang ldan pa/ chos sgrog pa rig pa dang grol ba'i spob pa can yin na de'i zan sbyor zhing kho mo la bsod snyoms mi ster mod tshe dang ldan pa 'od bsrung chen pos de thos te/ thos nas kyang bsams pa de la bsod nams ma yin pa mang po skye bar gyur na mi rung ngo snyam nas des mgul bsal ba'i sgra phyung ba dang / tshe dang ldan pa 'od srungs chen po dbyig gi gdangs dang ldan pa yin pas de'i sgras khyim thams cad gang bar gyur to/ /sbom dga' mos de'i sgra thos nas smras pa klu'i ming can 'di nyid na bzhugs so/ /khyim bdag des thos nas smras pa da gzod kho na de ni gzhan mu stegs can las rab tu byung ba bul ba mchog tu bul ba/ chung ba mchog tu chung ba yin la zhes zer zhing / da ni klu'i ming can zhes zer ro zhes de gshe zhing bar gyi gzhi nas 'bab par brtsams pa dang / sbom dga' mos de 'bab pa'i sgra thrigs thrig zer ba thos nas des bsams pa/ khyim bdag 'di shugs 'di lta bus 'bab pa las na bdag la gnod pa byed par 'gyur gor ma chag snyam nas/ des shing nga dpung chad brdzes te 'bros par brtsams pa dang / khyim bdag des smras pa/ dge sbyong ma mgo reg mo ma 'bros par sdod cig ci 'bros/ khyod kyis kho bo'i khyim du 'jug par mi bya'o/ /sbom dga' mos smras pa/ khyod kyi khyim rtug khung dang btson rar gyur cig /khyod kyi khyim du gdol pa dag 'jug par gyur cig /kho mo cag gis rgyal po las btsun mo'i 'khor gyis yongs su spang ba thob pas/ kho mos la ji rtsam du reg par byed pa de rtsam du kho mos khyod kyi lag pa gnyis khrigs ma nas gcod du gzhug go/ /khyim bdag des smras pa/ dge sbyong ma mgo reg mo dge slong ma gnas brtan mo gnas brtan mo dag gis rgyal po las/ btsun mo'i 'khor gyis yongs su spang ba thob pa yin gyis gnas ngan len kun du spyod pa khyod kyis ma thob bo/ /de nas khyim bdag de phyir log nas tshe dang ldan pa 'od srungs chen po la bca' ba dang / bza' ba gtsang zhing bsod pas rang gi lag nas tshim par byed/ stob par byed do/ /rnam grangs du mas bca' ba dang / bza' ba gtsang zhing bsod pas rang gi lag nas tshim par byas shing bstabs nas tshe dang ldan pa 'od srung chen po zan zos shing lag pa bsnyal lhung bzed bzhag par rig nas stan ches dma' ba zhig blangs te tshe dang ldan pa 'od srung chen po'i mdun du chos nyan pa'i phyir 'dug go/ /de nas tshe dang ldan pa 'od srungs chen po khyim bdag de la chos dang ldan pa'i gtam gyis yang dag par ston par byed/ yang dag par 'dzin du 'jud par byed/ yang dag par gzeng bstod par byed/ yang dag par rab tu dga' bar byed do/ /rnam grangs du mas chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar byas nas stan las langs te song nas/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la tshe dang ldan pa 'od srungs chen pos 'di skad ces gsol to/ /btsun pa bcom ldan 'das kyis bdag deng kho na dge 'dun la gtad par gyur na bdag deng kho na gzhan mu stegs can las rab tu byung ba/ bul ba mchogs tu bul ba chung ba/ mchog tu chung ba zhes bgyi bar yang gyur/ bdag deng kho na klu'i ming can zhes bgyi bar yang gyur te/ btsun pa bdag ni yun ring po nas dgon pa pa lags shing / dgon pa pa nyid kyi bsngags pa yang brjod/ bsod bsnyoms pa lags shing bsod bsnyoms pa nyid kyi bsngags pa yang brjod/ phyag dar khrod pa lags shing phyag dar khrod pa nyid kyi bsngags pa yang brjod pa lags so/ /'od srungs khyod kyis don gyi dbang du zhig yang dag par mthong na dgon pa pa yin zhing dgon pa pa nyid kyi bsngag pa yang brjod/ bsod snyoms pa yin zhing bsod snyoms pa nyid kyi bsngags pa yang brjod/ phyag dar khrod pa yin zhing phyag dar khrod pa nyid kyi bsngag pa yang brjod/ btsun pa gnyis te bdag nyid tshe 'di la bde bar gnas pa'i slad du dang / slad ma'i skye bo dag la snang ba bgyis par 'gyur ba'i slad du ste/ dge slong gnas brtan rgyal tshab lta' bu rab tu byung nas yun ring du lags pa/ tshangs par spyod pa mngon par spyad pa/ ston pas bsngags pa/ tshangs pa mtshungs par spyod pa mkhas pa rnams kyis bkur ba gang dag 'das par gyur pa de dag yun ring po nas dgon pa par gyur cing dgon pa pa nyid kyi bsngags pa yang brjod/ bsod snyoms par gyur cing bsod snyoms pa nyid kyi bsngags pa yang brjod/ phyag dar khrod par gyur cing phyag dar khrod pa nyid kyi bsngags pa yang brjod par gyur pa de dag thos nas de lta de ltar sgrub par 'gyur zhing de dag la yun ring po'i don dang sman pa dang / bde bar 'gyur ro/ /'od srung khyod yun ring po nas skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang / bde ba'i phyir zhugs pa legs so legs so/ /'od srung gang la la zhig sbyangs pa'i yon tan de dag gi bsngags pa ma yin pa brjod par byed pa de ni nga'i bsngags pa ma yin pa rjod par byed pa yin la/ gang la la zhig sbyangs pa'i yon tan de dag gi bsngags pa brjod par byed pa de ni nga'i bsngags pa brjod par byed pa yin no/ /de ci'i phyir zhe na/ ngas yun ring po nas sbyangs pa'i yon tan de dag bstod cing bkur la bsngags shing rab tu bsngags pa'i phyir ro/ /'od srung de lta bas na khyod ni dgon pa pa yin zhing dgon pa pa nyid kyi bsngags pa brjod pa dang / bsod snyoms pa yin zhing / bsod snyoms pa nyid kyi bsngags pa rjod pa dang / phyag dar khrod pa yin zhig phyag dar khrod pa nyid kyi bsngags pa brjod pa yin te/ 'od bsrung khyod kyis de ltar bslab par bya'o/ /'di ni re shig byung ba yin te sangs rgyas bcom ldan 'das re shig 'dul ba la nyan thos rnams kyi bslab pa'i gzhi 'cha' bar ni mi mdzad do// //'dul ba rnam par 'byed pa/ bam po lnga bcu pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /phongs pa dang bcas pa'i dus byung nas bram ze dang / khyim bdag dad pa can dag gis dge slong gnas brtan gnas brtan dag gi bsod snyoms sbyar to/ /drug sde dag snga dro sham thabs bgos lhung bzed dang chos gos thogs te mnyan yod du bsod snyoms la zhugs nas de dag bcu gnyis sde dag gi gan du dong ba dang / de dag gis smras pa/ 'phags pa dag bzhugs la zhal tshus gsol cig /sus sbyin par 'gyur/ de dag gis smras pa/ bdag cag gis gsol lo/ /sang sus sbyin par 'gyur/ bdag cag gis gsol lo/ /drug sde dag gis smras pa/ sring mo dag de tsam gyis kho bo cag 'tsho bar mi nus kyi 'di ltar/ bram ze dang khyim bdag dad pa can gang dag gis dge slong gnas brtan gnas brtan dag gi bsod snyoms sbyar ba de dag gal te khyed kyis kho bo cag gi phyir sbyor du bcug na de lta na kho bo cag 'tsho bar nus so/ /sbom dga' mos smras pa 'phags pa dag de ltar bgyir rung ngam/ drug sde dag gis smras pa/ ci kho bo cag ltogs te 'chi bar bya 'am/ legs par rung ngo / / shin tu rung ngo / /gang du bkag /sus bkag /de nas dge slong ma sbom dga' mo snga dro sham thabs bgos lhung bzed dang chos gos thogs te mnyan yod du bsod snyoms la zhugs nas/ de khyim gang du tshe dang ldan pa kun shes kauN+Di n+ya'i bsod snyoms sbyar ba'i khyim der song ste 'di skad ces smras so/ /khyed kyis su'i bsod snyoms sbyar/ de dag gis smras pa/ 'phags pa kun shes kauN+Di n+ya'i 'o/ /sbom dga' mos smras pa/ khyod kyis shAkya'i rigs las rab tu byung ba sde snod gsum dang ldan pa/ chos sgrog pa/ rig pa dang grol ba'i spobs pa can gang yin pa de'i bsod snyoms sbyor na de lta na khyed la bsod nams che bar 'gyur ro/ /de dag gis smras pa/ 'phags ma shAkya'i rigs las rab tu byung ba sde snod gsum dang ldan pa/ chos sgrog pa/ rig pa dang grol ba'i spobs pa can de gang lags/ sbom dga' mos smras pa/ 'phags pa dga' bo shAkya'i rigs las rab tu byung ba sde snod gsum dang ldan pa/ chos sgrog pa/ rig pa dang grol ba'i spobs pa can yin no/ /de dag gis smras pa/ de ltar bgyi'o zhes de dag gis 'phags pa kun shes kauN+Di n+ya'i bsod snyoms sbyar ba gang yin pa de dga' bo'i phyir sbyor du bcug go/ /de bzhin du gang dag gi dge slong gnas brtan gnas brtan dag gi bsod snyoms sbyar ba de dag thams cad drug sde dag gi phyir sbyor du bcug go/ /drug sde dag snga dro sham thabs bgos lhung bzed dang chos gos thogs te mnyan yod du bsod snyoms la dong ba dang / de dag lhung bzed snod khas btags pa'i bsod snyoms dag gis 'ongs pa dge slong rnams kyis mthong nas smras pa/ e ma'o drug sde dag gis lhung bzed snod dag khas btags so/ /drug sde dag gis smras pa/ gang dag gis bdag cag gi phyir bsod snyoms dag sbyor du bcug pa'i sring mo dag nad med par gyur cig /dge slong rnams kyis smras pa/ khyed cag shes bzhin du dge slong mas sbyor du bcug pa'i zas zar rung ngam/ drug sde dag gis smras pa/ rung yang srid/ mi rung yang srid de ci kho bo cag ltogs te 'chi bar bya 'am/ dge slong don nyung ngu dag ci'i phyir dge slong dag dge slong mas sbyor du bcug pa'i zas za bar byed ces smod par byed/ phyar ka gtong bar byed kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed shes bzhin du dge slong mas sbyor du bcug pa'i zas za ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang shes bzhin du dge slong mas sbyor du bcug pa'i zas za na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa de las kyi mtha' gnyis byed du 'dzud de tshong dang / zhing las kyi mtha'o/ /des dgon par zhing rmos nas sa bon btab ste zhing de'i drung du spyil bu byas nas zong thogs te yul gzhan du song ngo / /bsod snyoms pa zhig ljongs rgyu zhing 'gro ba na mnyan yod du phyin nas des der byul na zhing de'i drung na spyil bu mthong nas des bsams pa/ phyogs 'di go skabs dben pa yin gyi 'di nyid du 'dug par bya'o snyam nas/ des de nyid du 'dug par brtsams te mnyan yod du bsod snyoms brgyus nas de nyid du gnas 'cha'o/ / der mi'i dris ri dgas dang bya 'ga' yang mi 'ong zhing der lhas kyang dus dang dus su char gyi rgyun legs par phab pas zhing de shin du phun sum tshogs par gyur to/ /khyim bdag de yang don legs par grub ste bkra shis shing bde bar 'ongs so/ /de nas khyim bdag des rdzas sbas nas khrus byas te zan zos pa dang chung mas smras pa/ rje'i sras khyod kyis dgon pa'i zhing de la sa bon btab nas yul gzhan du bzhud na gal te sa bon gyi skyin pa tsam grub par gyur tam rje gzigs shig /khyim bdag de der song ba dang ji tsam na zhing de lo thog shin tu phun sum tshogs pa mthong nas des bsams pa/ bdag gis 'dir rib ma yang ma byed/ srungs ma'i mi 'ga' yang ma bzhag par zhing 'di lo thogs phun sum tshogs par gyur pa 'di la rgyu ci yod snyam nas/ des der byul ba dang mi'i rjes mthong nas de rjes bzhin du spyil bu der song ba dang / ji tsam na dge slong bsod snyoms pa zhig skyil mo krung gis 'dug pa mthong nas des bsams pa/ 'di'i mthus zhing 'di shin tu lo thogs phun sum tshogs par gyur to snyam nas des smras pa/ 'phags pa spyil bu 'di na bzhugs sam/ des smras pa/ khyim bdag yin no/ /khyim bdag gis smras pa/ 'phags pa zhing 'di bdag gi lags kyis 'phags pas me tog dang / 'bras bu dang / tshem shing dag ci bder longs spyad du gsol/ 'phags pas sang bdag gi sdum par bsod snyoms gsol bar ci gnang / khyim bdag kho bo ni bsod snyoms pa yin pas bsod snyoms 'ba' shig la rgyu'o zhes des de'i dang du ma blangs nas khyim bdag des de'i rkang pa gnyis la mgo bos phyag 'tshal te song nas rang gi khyim ga la ba der song ste phyin nas chung ma la 'di skad ces smras so/ /bzang mo bang ba sta gon gyis shig /zhing de las lo thog shin tu phun sum tshogs par gyur to/ /chung mas bsams pa 'di bdag la/ ku re zer ro snyam nas des smras pa/ rje'i sras khyod kyis der rib ma yang ma bgyis/ srungs ma'i mi 'ga' yang ma bzhag na bdag la/ ku re bgyir ci mchis/ khyim bdag gis smras pa/ bzang mo ci kho bo khyod la/ ku re byed snyam 'am 'di ltar yid ches par gyis shig /zhing de'i lo thogs shin du phun sum tshogs par gyur to/ /chung mas smras pa/ ci'i slad du/ khyim bdag gis smras pa/ kho bo zhing de'i drung du spyil bu byas te spyil bu der dge slong bsod snyoms pa zhig 'dug pas de'i mthus zhing de shin tu lo thog phun sum tshogs par gyur to/ /chung mas smras pa/ 'o na khyod kyis ci'i slad du de sang bsod snyoms la spyan ma drangs/ khyim bdag gis smras pa/ kho bos de spyan drangs na bsod snyoms pa de'i zhal nas khyim bdag kho bo ni bsod snyoms pa yin pas bsod snyoms 'ba' shig la rgyu'o zhes des dang du ma blangs so/ /chung mas smras pa/ de dag ni zhabs la phyag 'tshal te spyan drang ba lags so/ /khyim bdag gis smras pa/ 'o na khyod kyis zhal zas sta gon gyis shig dang kho bo der song la zhabs la phyag 'tshal te spyan drangs bar bya'o zhes de song ste de'i rkang pa gnyis la mgo bos phyag 'tshal te smras pa/ 'phags pa sang bdag gi sdum par bsod snyoms gsol bar ci gnang / bsod snyoms pa des smras pa/ khyim bdag kho bo ni bsod snyoms 'ba' zhig la rgyu'o/ /khyim bdag gis smras pa/ 'phags pa khyod kyis bdag gi sdum par bsod snyoms mi gsol du mi rung ngo / /bsod snyoms pa des khyim bdag de dus kyis 'chu bar shes nas cang mi smra bas dang du blangs so/ /khyim bdag des bsod snyoms pa des cang mi smra bas dang du blangs par rig nas rkang pa la phyag 'tshal te song nas rang gi khyim ga la ba der song ste phyin nas chung ma la smras pa/ bzang mo kho bos bsod snyoms pa de sang gdugs tshod la spyan drangs na des kyang ci mi smra bas dang du blangs kyis zhal zas gtsang zhing bsod pa dag sta gon gyis shig /khyim bdag gi chung ma des kha zas grang cha gang dag yin pa de dag ni de nyid kyi nyin mo sta gon byas/ drod bag gang dag yin pa de dag ni phyi de nyin par sta gon byas so/ /dge slong bsod snyoms pa dag bsod snyoms la 'jug par brtsams pa dang / bsod snyoms pa gzhan zhig bsod snyoms pa de'i gan du song ste smras pa/ bsod snyoms pa tshur shog bsod snyoms la 'dong ngo / /des smras pa/ kho bo khyim bdag gcig gis mgron du bos pas dus shes par byas te 'gros khyod song shig /des smras pa/ bsod snyoms pa rnyed pa dang ldan zhing bsod snyoms pa bsod nams chen por gyur gyis zas kyi tshod shes par gyis shig /kho bos kyang de la dus shes par bya'o/ /dge slong ma sbom dga' mo snga dro sham thabs bgos lhung bzed dang chos gos thogs te mnyan yod du bsod snyoms la zhugs nas/ de mthar gyis bsod snyoms la rgyu ba na khyim der zhugs te smras pa/ mtshan bzang a rog khya bsod snyoms byin cig /khyim bdag gi chung mas smras pa/ 'phags ma bdag gis bsod snyoms pa zhig spyan drangs pa de 'phyis te zan bcad par gyur na mi rung bas bdag brel gyis re shig bzhud cig /sbom dga' mos smras pa/ gal te kho mos bsod snyoms pa de khrid de 'ong na khyod kyis kho mo bsod snyoms sbyin nam/ des smras pa gsol lo/ /phyi bzhin 'brang ba'i dge sbyong ma 'di la sus sbyin par 'gyur/ bdag gis gsol lo/ /gtsug lag khang srung ba dag sus sbyin par 'gyur/ bdag gis gsol lo/ /sbom dga' mos bsams pa/ bsod snyoms pa dag gis bsod snyoms brgyus nas da tsam phyir 'byung bas gang da gzod 'jug pa de bsod snyoms pa de yin no snyam nas de grong khyer gyi sgor song ste bsdad do/ /bsod snyoms pa des kyang bsams pa/ deng bdag gis bsod snyoms la rgyu mi dgos pas dge ba'i phyogs la tron bya zhing dus shes par byas te/ 'gro snyam nas des dus shes par byas nas snga dro sham thabs bgos lhung bzed dang chos gos thogs te mnyan yod du bsod snyoms la 'jug par brtsams pa dang de sbom dga' mos mthong nas bsams pa/ bsod snyoms pa de 'di yin no snyam nas des de la dris pa/ 'phags pa sdum pa ga ge mo zhig tu spyan ma drangs sam/ sring mo g.yar drangs so/ /'phags pa bdag gis khyim der khyod kyi bsngags pa brjod do/ /des smras pa/ sring mo ci kho bos khyod la kho bo'i bsngags pa brjod cig ces byas sam/ 'phags pa bka' ma stsal to/ /bsod snyoms pa des bsams pa/ 'di ni dge slong mas sbyor du bcug pa'i zas yin par gyur gyis bdag gis zan bcad pa ni bla'i bdag ltung ba dang bcas par gyur na mi rung ngo snyam nas de phyir ldog par brtsams pa dang / sbom dga' mos smras pa/ 'phags pa bdag gis khyod kyi gdung yang ma 'tshal/ mtshan yang ma 'tshal bas bdag gis khyod kyi bsngags pa brjod re skan/ bsod snyoms pas smras pa/ sring mo gal te khyod kyi tshig snga ma bden na ni phyi ma brdzun la/ gal te phyi ma bden na ni snga ma brdzun no zhes de phyir log ste spyil bu de nyid du song nas de ji srid du lus las mdangs ma yal ba de srid du dge ba'i phyogs la tron byas nas/ gang gi tshe lus las mdangs yal ba de'i tshe na glos phab ste nyal ba dang bsod snyoms pa gzhan dag gis de la smras pa/ gal te zas gzhan gyi yin zhes de lto yang gzhan gyi lto yin snyam 'am/ ci byas/ ci tsam gyis dge ba'i phyogs la tron byed kyang mi nus pa de tsam gyi zas zos so/ /sus zos/ khyod kyis zos so/ /kho bos ma zos so/ /'o na ci'i phyir glos phab ste nyal/ des skabs de dge slong rnams la rgyas par brjod nas dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na sngar khyim du bos pa ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang shes bzhin du dge slong mas sbyor du bcug pa'i zas za na sngar khyim du bos pa ma gtogs te ltung byed do/ /yang dge slong gang zhes bya ba ni drug sde 'am/ gzhan yang de lta bu gang yin pa'o/ /shes bzhin du zhes bya ba ni bdag nyid kyis rig pa 'am/ gzhan gyis brjod pas so/ /dge slong mas shes bya ba ni chos 'di pas so/ /sbyor du bcug pa'i zhes bya ba ni sbyor du bcug pa gnyis te/ tshul khrims kyis sbyor du bcug pa dang / thos pas sbyor du bcug pa'o/ /zas shes bya ba ni bca' ba lnga dang / bza' ba lnga'o/ /za na zhes bya ba ni mgul du mid na'o/ / sngar khyim du bos pa ma gtogs te zhes bya ba ni sngar khyim du mgron du bos pa bzhag ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ 'di lta ste/ dge slong rab tu mang po dag khyim gzhan du mgron du bos par gyur pa na der dge slong ma 'ongs te mgron dris pa/ khyod cag gis dge slong gang dag mgron du bos/ che ge mo dang che ge mo la sogs pa dag go/ / zan ji lta bu dag sbyin/ sum phel gyi zan dag go/ /mi rung ste/ dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas de dag la gtsang phye sbyin par bya'o/ /zhun mar ji lta bu sbyin/ ra'i zhun mar sbyin no/ /mi rung ste/ dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas de dag la ba mar sbyin par bya'o/ /lan tshwa ji lta bu sbyin/ 'gyur byed kyi lan tshwa'o/ /mi rung ste/ dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas de dag la rgyam tshwa dang / ba tshwa dang / rgya mtsho'i tshwa sbyin par bya'o/ /btung ba ji lta bu blud rtsab mo'o/ /mi rung ste/ dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas de dag la dar ba blud par bya'o/ /zan spag pa ji lta bu sbyin/ tshwa dang sbyar ba'i ldum mo/ /mi rung ste/ dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas de dag la tshog pa dang / btsos pa dang / zho thug blud par bya'o/ /khur ba ji lta bu sbyin/ mo sran gre'u'i khur ba'o/ /mi rung ste/ dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas de dag la hwags kyi khur ba dang / mon khur dang / bog ran sbyin par bya'o/ /mon khur spag pa ji lta bu sbyin/ tshwa dang sbyar ba'i ldum mo/ /mi rung ste/ dge slong de dag ni rgyun du zhug pa dang / lan cig phyir 'ong ba dang / phyir mi 'ong ba dang / dgra bcom pa dag yin pas de dag la brngo sha dang / sreg sha dang / sha rnam pa mang po sbyin par bya'o/ /skom ji lta bu blud/ bu ram chab bo/ /mi rung ste/ dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas de dag la hwags chab dang / li kha ra'i chab dang / dro 'jam blud par bya'o/ /'bras chan ji lta bu sbyin/ 'bras chan rtsub po dang / ko dra ba'i chan no/ /mi rung ste/ dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas de dag la 'bras sa lu'i chan sbyin par bya'o/ /sran tshod ci lta bu blud/ mon sran gre'u'i sran tshod do/ /mi rung ste/ dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas de dag la mon sran sde'u'i sran tshod blud par bya'o/ /bya na ji lta bu sbyin/ sngo tshod do/ /mi rung ste/ dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas/ de dag la sha rnam pa sna tshogs dang / hwags tshod dang zho dang / 'o tshan blud par bya'o/ /zhes sbyor du bcug nas/ dge slong gis gal te shes bzhin du zos na ltung byed du 'gyur ro/ /rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas bden na ltung ba med do/ /'di lta ste dge slong rab tu mang po dag khyim gzhan du mgron du bos par gyur pa na der dge slong ma 'ongs te dris pa/ khyed cag gis dge slong gang dag 'gron du bos/ che ge mo dang che ge mo la sogs pa dag go/ /zan ji lta bu dag sbyin/ sum phel gyi zan dag go/ /mi rung ste/ dge slong de dag ni mdo sde 'dzin pa dang / 'dul ba 'dzin pa dang / ma mo 'dzin pa dag yin pas de dag la gtsang phye sbyin par bya'o/ /zhun mar ji lta bu sbyin/ ra'i zhun mar sbyin no/ /mi rung ste/ dge slong de dag ni mdo sde 'dzin pa dang / 'dul ba 'dzin pa dang / ma mo 'dzin pa dag yin pas de dag la ba mar sbyin par bya'o/ /lan tshwa ji lta bu sbyin/ 'gyur byed kyis lan tshwa'o/ /mi rung ste dge slong de dag ni mdo' sde 'dzin pa dang / 'dul ba 'dzin pa dang / ma mo 'dzin pa dag yin pas/ de dag la rgyam tshwa dang / ba tshwa dang / rgya' mtsho'i tshwa sbyin par bya'o/ /btung ba ji lta bu blud/ rtsab mo'i'o/ /mi rung ste/ dge slong de dag ni mdo' sde 'dzin pa dang / 'dul ba 'dzin pa dang / ma mo 'dzin pa dag yin pas de dag la dar ba blud par bya'o/ /zan spag pa ji lta bu sbyin/ tshwa dang sbyar ba'i ldum mo/ /mi rung ste/ dge slong de dag ni mdo' sde 'dzin pa dang / 'dul ba 'dzin pa dang / ma mo 'dzin pa dag yin pas de dag la tshog pa dang / btsos pa dang / zho thug blud par bya'o/ /khur ba ji lta bu sbyin/ mon sran gre'u'i khur ba'o/ /mi rung ste/ dge slong de dag ni mdo' sde 'dzin pa dang / 'dul ba 'dzin pa dang / ma mo 'dzin pa dag yin pas de dag la hwags kyi khur ba dang / mon khur dang / bog ran sbyin par bya'o/ /mon khur spag pa ji lta bu sbyin/ tshwa dang sbyar ba'i ldum mo/ /mi rung ste/ dge slong de dag ni mdo sde 'dzin pa dang / 'dul ba 'dzin pa dang / ma mo 'dzin pa dag yin pas de dag la brngo sha dang / sreg sha dang / sha rnam pa mang po sbyin par bya'o/ /skom ci lta bu blud/ bu ram chab bo/ /mi rung ste/ dge slong de dag ni mdo sde 'dzin pa dang / 'dul ba 'dzin pa dang / ma mo 'dzin pa dag yin pas de dag la hwags chab dang / li kha ra'i chab dang / dro 'jam blud par bya'o/ /'bras chan ji lta bu sbyin/ 'bras chan rtsub po dang / ko dra ba'i chan no/ /mi rung ste/ dge slong de dag ni mdo' sde 'dzin pa dang / 'dul ba 'dzin pa dang / ma mo mdzin pa dag yin pas de dag la 'bras sa lu'i chan sbyin par bya'o/ /sran tshod ji lta bu blud/ mon sran gre'u'i sran tshod do/ /mi rung ste/ dge slong de dag ni mdo' sde 'dzin pa dang / 'dul ba 'dzin pa dang / ma mo 'dzin pa dag yin pas de dag la mon sran sde'u'i sran tshod blud par bya'o/ /byan ji lta bu sbyin/ sngo tshod do/ /mi rung ste/ dge slong de dag ni mdo sde 'dzin pa dang / 'dul ba 'dzin pa pa dang / ma mo mdzin pa dag yin pas de dag la sha rnam pa sna tshogs dang hwags tshod dang / zho dang / 'o tshan blud par bya'o zhes sbyor du bcug nas/ dge slong gis gal te de shes bzhin du zos na ltung byed du 'gyur ro/ /mdo' sde 'dzin pa dang / 'dul ba 'dzin pa dang / ma mo 'dzin pa dag yin pa bden na ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dge slong mas sbyor du bcug pa za ba'i ltung byed de sum bcu pa rdzogs s+ho// // sdom la/ yang yang dang ni 'dug gnas gcig /phyed dang bca' dang stobs pa dang / /'dus dang dus min gsog 'jog dang / /kha nas mid dang bsod pa nyid/ / sangs rgyas bcom ldan 'das rgyal po'i khab 'od ma'i tshal ka lan da ka'i gnas na bzhugs so/ /tshe dang ldan pa shA ri'i bu dang / maud gal gyi bu chen po gnyis kyi kun du spyod pa ni dus su sems can dmyal ba rgyu ba dang / dud 'gro rgyu ba dang / yi dag rgyu ba dang / lha rgyu ba dang / mi rgyur 'gro ba yin pas de gnyis kyis de dag tu brgyus nas 'dzam bu'i gling du 'ongs te 'khor bzhi po dag la sems can dmyal ba pa'i sems can rnams kyi dbyung ba dang / gtub pa dang / gcad pa dang / gsheg pa la sogs pa'i sdug bsngal dang / dud 'gro rnams gcig la gcig za ba la sogs pa'i sdug bsngal dang / yi dags rnams kyi bkres pa dang / skom pa la sogs pa'i sdug bsngal dang / lha rnams kyi 'chi 'pho dang / ltung ba dang / rnam par 'thor ba dang / rnam par 'jig pa la sogs pa'i sdug bsngal dang / mi rnams kyi tshol ba dang / chags pa la sogs pa'i sdug bsngal gang dag yin pa de dag brjod par byed pas gang la la'i lhan cig gnas pa dang / nye gnas tshangs par spyod pa la mngon par mi dga' ba de dag des khrid de tshe dang ldan pa shA ri'i bu dang / maud gal gyi bu chen po gnyis ga la ba der song ste/ phyin nas tshe dang ldan pa shA ri'i bu dang / maud gal gyi bu chen po gnyis la yang dag par 'doms su 'chol bar byed/ yang dag par rjes su ston du 'chol bar byed cing / tshe dang ldan pa shA ri'i bu dang / maud gal gyi bu chen po gnyis kyang de la yang dag par 'doms par byed/ yang dag par rjes su ston par byed do/ /tshe dang ldan pa shA ri'i bu dang / maud gal gyi bu chen po gnyis kyis yang dag par gtams shing / yang dag par rjes su bstan pa na de dag tshangs par spyod pa la mngon par dga' zhing gong du khyad par yang rtogs par byed do/ /de'i tshe na tshe dang ldan pa shA ri'i bu dang / maud gal gyi bu chen po gnyis 'khor bzhi po dag gis kun du bskor cing 'khod do/ /de nas bcom ldan 'das kyi tshe dang ldan pa kun dga' bo la bka' stsal pa/ kun dga' bo gang gis dge slong shA ri'i bu dang / maud gal gyi bu gnyis 'khor bzhi po dag gis kun du bskor cing 'khod pa'i rgyu ni gang yin/ rkyen ni gang yin/ btsun pa tshe dang ldan pa shA ri'i bu dang / maud gal gyi bu chen po gnyis kyi kun du spyod pa ni dus dang dus su sems can dmyal ba rgyu ba dang / dud 'gro rgyu ba dang / yi dags rgyu ba dang / lha rgyu ba dang / mi rgyur mchi ba lags pas/ de gnyis kyis de dag tu brgyus nas 'dzam bu'i gling du mchis te 'khor bzhi po dag la sems can dmyal ba pa'i sems can rnams kyi dbyung ba dang / gtub pa dang / gcad pa dang / gsheg pa la sogs pa'i sdug sngal dang / dud 'gro rnams kyi gcig la gcig 'tshal ba la sogs pa'i sdug bsngal dang / yi dags rnams kyi bkres pa dang / skom pa la sogs pa'i sdug bsngal dang / lha rnams kyi 'chi 'pho dang / ltung ba dang / rnam par 'thor ba dang / rnam par 'jig pa la sogs pa'i sdug sngal dang / mi rnams kyi tshol ba dang / chag pa la sogs pa'i sdug bsngal gang dag lags pa de dag brjod par bgyid pas gang la la'i lhan cig gnas pa dang / nye gnas tshangs par spyod pa la mngon par mi dga' ba de dag des khrid de tshe dang ldan pa shA ri'i bu dang / maud gal gyi bu chen po gnyis ga la ba der mchis te/ mchis nas tshe dang ldan pa shA ri'i bu dang / maud gal gyi bu chen po gnyis la yang dag par 'doms su 'chol bar bgyid/ yang dag par rjes su ston du 'chol bar bgyid cing tshe dang ldan pa shA ri'i bu dang / maud gal gyi bu chen po gnyis kyang de dag la yang dag par 'doms par bgyid yang dag par rjes su ston par bgyid do/ /tshe dang ldan pa shA ri'i bu dang / maud gal gyi bu chen po gnyis kyis yang dag par btams shing / yang dag par rjes su bstan pa na de dag tshangs par spyod pa la mngon par dga' zhing gong du khyad par yang rtog par bgyid de/ btsun pa tshe dang ldan pa shA ri'i bu dang / maud gal gyi bu chen po gnyis 'khor bzhi po dag gis kun du bskor cing mchis pa'i rgyu ni de lags/ rkyen ni de lags so/ /kun dga' bo thams cad du dge slong shA ri'i bu dang / maud gal gyi bu chen po gnyis dang / shA ri'i bu dang / maud gal gyi bu chen po gnyis lta bu dag mi 'byung bas de'i phyir sgo khang du cha lnga pa'i 'khor lo bri bar rjes su gnang ngo / /bcom ldan 'das kyis sgo khang du cha lnga pa'i 'khor lo bri bar bya'o/ /zhes bka' stsal nas/ dge slong rnams kyis ji ltar bri ba mi shes nas bcom ldan 'das kyis bka' stsal pa/ 'gro ba lnga po sems can dmyal ba'i 'gro ba dang / dud 'gro'i 'gro ba dang / yi dags kyi 'gro ba dang / lha'i 'gro ba dang / mi'i 'gro ba bri bar bya'o/ /dge slong rnams kyis gang du gang bri bar bya ba mi shes nas bcom ldan 'das kyis bka' stsal pa/ mthar sems can dmyal ba dang / dud 'gro dang / yi dag kyis 'gro ba bri bar bya'o/ /shar gyi lus 'phags dang / nub kyi ba lang spyod dang / byang gi sgra mi snyan dang / 'dzam bu'i gling yang bri bar bya'o/ /dbus su 'dod chags dang / zhe sdang dang / gti mug dag bri bar bya'o/ /sangs rgyas kyi sku gzugs mya ngan las 'das pa'i dkyil 'khor dkar po ston par bri bar bya'o/ /brdzus te skyes pa'i sems can zo chun rgyud ma'i tshul gyis 'chi 'pho ba dang skye ba dag kyang bri bar bya'o/ /khor ra khor yug tu rten cing 'brel par 'byung ba'i yan lag bcu gnyis lugasu 'byung ba dang lugs las bzlog pa dag bri bar bya zhing thams cad mi rtag pas bzung bar bri bar bya'o/ /tshigasu bcad pa gnyis po/ brtsam par bya zhing dbyung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes bya ba yang bri bar bya'o/ /bcom ldan 'das kyis sgo khang du cha lnga pa'i 'khor lo bri bar bya'o/ /zhes bka' stsal nas/ dge slong rnams kyis sgo khang du cha lnga pa'i 'khor lo 'brir bcug pa dang / bram ze dang / khyim bdag dag lhags nas 'phags pa dag bris pa 'di ci lags shes 'dri ba na/ de dag gis kho bo cag gis kyang mi shes so zhes smras pa dang / bcom ldan 'das kyis bka' stsal pa/ der bram ze dang / khyim bdag 'ongs shing lhags pa rnams la de ston par 'gyur ba'i dge slong bsko bar bya'o/ /bcom ldan 'das kyis dge slong bsko bar bya'o zhes bka' stsal nas/ de dag bye brag med par byis pa yang rung / rmongs pa yang rung / mi gsal ba yang rung / mi mkhas pa yang rung ba las bsko bar byed nas de dag bdag nyid kyis kyang mi shes na bram ze dang khyim bdag 'ongs shing lhags pa rnams la ston par 'gyur ba lta ga la shes nas/ bcom ldan 'das kyis bka' stsal pa/ nus pa las bsko bar bya'o/ /rgyal po'i khab na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed pa de'i bu byung nas des chung ma la smras pa/ bzang mo bdag cag nor 'phrog pa/ long spyod 'phrog pa byung gis kho bo zong thogs te rgya mtsho chen por 'jug go/ /rje'i sras de ltar mdzod cig /de zong thogs te rgya mtsho chen por zhugs pa dang / de de nyid du tshul ma yin par sdug bsngal bar gyur to/ /chung ma des khye'u de nye du'i stobs dang / lag stobs kyis bsnyod cing gsos te bskyed nas des de yi ge dang / yig 'bru dag slob tu bcug nas des 'jig rten gyi gtam rgyud la shin du mkhas par gyur to/ /khye'u de ne'u ldangs dang lhan cig 'od ma'i tshal du song ste gtsug lag khang du zhugs pa dang / des sgo khang na cha lnga pa'i 'khor lo bris pa mthong nas des dge slong la dris pa/ 'phags pa bris pa 'di ci lags/ dge slong des smras pa/ bzhin bzang 'di dag ni 'gro ba lnga ste/ sems can dmyal ba dang / dud 'gro dang / yi dags dang / lha dang / mi dag go/ /des yang dris pa/ 'phags pa 'di dag gis las ci bgyis na las de'i rnam par smin pas sems can dmyal ba dag tu skyes shing des da ltar dbyung ba dang / gtub pa dang / gcad pa dang / gsheg pa la sogs pa'i sdug bsngal nyams su myong bar gyur/ bzhin bzangs 'di dag gis mi dge ba bcu'i las kyi lam dag cher kun du bsten cing goms par byas lan mang du byas pas las de'i rnam par smin pas sems can dmyal ba rnams su skye shing / de da ltar dbyung ba dang / gtub pa dang / gcad pa dang / gsheg pa la sogs pa'i bsdug bsngal dag nyams su myong bar gyur to/ / 'phags pa 'di dag gis kyang las ci bgyis na las de'i rnam par smin pas dud 'gro rnams su skye shing des da ltar gcig la gcig 'tshal ba la sogs pa'i sdug bsngal dag nyam su myong bar gyur/ bzhin bzang 'di dag gis ni mi dge ba bcu'i las kyi lam dag ches srab pa dang / ches chung ba dag kun du bsten cing goms par byas lan mang du byas pas las de'i rnam par smin pas dud 'gro rnams su skye shing / de da ltar gcig la gcig za ba'i sdug bsngal dag nyam su myong bar gyur to/ /'phags pa 'di dag gis kyang las ci bgyi na las de'i rnam par smin pas yi dags rnams su skye shing des da ltar bkres pa dang / skom pa la sogs pa'i sdug bsngal dag nyams su myong bar gyur/ bzhin bzang 'di dag gis ni ser sna kun du bsten cing goms par byas lan mang du byas pas las de'i rnam par smin pas yi dags rnams su skye shing / des da ltar bkres pa dang / skom pa la sogs pa'i sdug bsngal dag nyam su myong bar gyur to/ /'phags pa 'o na 'di dag gis las ci bgyis na las de'i rnam par smin pas lha rnams su skye shing des da ltar lha'i bde ba dag nyams su myong bar gyur/ bzhin bzang 'di dag gis ni dge ba bcu'i las kyi lam cher kun du rten cing goms par byas lan mang du byas pas las de'i rnam par smin pas lha rnams su skye shing des da ltar lha'i bde ba dag myong bar gyur to/ /'phags pa 'di dag gis las ci bgyis na las de'i rnam par smin pas mi rnams su skye shing des da ltar bde ba chung ngu nyams su myong bar gyur/ bzhin bzang 'di dag gis ni dge ba bcu'i las kyi lam chung ngu kun du rten cing goms par byas lan mang du byas pas las de'i rnam par smin pas mi rnams su skye shing / des da ltar bde ba chung ngu nyam su myong bar gyur to/ /'phags pa 'di la bdag 'gro ba gsum po sems can dmyal ba dang / dud 'gro dang / yi dags dag ni mi 'tshal lo/ /'gro ba gnyis po lha dang / mi gnyis ni 'tshal lo/ /'phags pa bdag gis las ci bgyis na des bdag lhar skye bar 'gyur ba mchis sam/ bzhin bzang yod do/ /gang lags/ bzhin bzangs bcom ldan 'das kyi spyan sngar rab tu byung la tshangs par spyad pa spyod cig dang / gal te tshe 'di nyid la kun shes pa rtogs par gyur na de nyid khyod kyi sdug bsngal gyi mtha' yin no/ /gal te kun du sbyor ba lhag ma dang bcas pas dus byed par gyur na khyod lha rnams su skye bar 'gyur ro/ /'phags pa yun ji srid du/ bzhin bzangs ji srid 'tsho'i bar du'o/ /de ni rngo mi thog na thabs gzhan 'ga' mchis sam yod do/ /gang lags/ bzhin bzang bcom ldan 'das kyi spyan sngar sngar tshangs par spyod pa'i gzhi dag long shig /'phags pa yun ji srid du/ bzhin bzangs ji srid 'tsho'i bar du'o/ /'phags pa de yang rngo mi thog na thabs gzhan ci mchis yod do/ /gang lags/ bzhin bzangs sangs rgyas la sogs pa dge slong gi dge 'dun gdugs tshod gsol cig dang / lha rnams su skye bar 'gyur ro/ /'phags pa kAr ShA pa Na du tsam dag gis sangs rgyas la sogs pa dge slong gi dge 'dun gdugs tshod byed par 'gyur/ bzhin bzangs kAr ShA pa Na lnga brgyas so/ /'phags pa de ni rngo thog go zhes des dge slong de'i rkang pa la phyag 'tshal te song nas rang gi khyim ga la ba der song ste phyin nas ma la 'di skad ces smras so/ /yum bdag deng 'od ma'i tshal du mchis nas bdag gis de na cha lnga pa'i 'khor lo bris pa mthong ste/ de na 'gro ba lnga po sems can dmyal ba dang / dud 'gro dang / yi dags dang / lha dang / mi dag bris na/ yum khyod ngan bu lha rnams su skye bar bzhed dam/ bu kho mo sems can thams cad lha rnams su skye ba yang 'dod na khyod lta smos kyang ci dgos/ yum khyod kyis bdag la kAr ShA pa Na lnga brgya stsol cig dang bdag gis sangs rgyas la sogs pa dge slong gi dge 'dun gdugs tshod gsol lo/ /bu khyod kyang kho mos nye du'i stobs dang lag stobs kyis bsnyod cing gsos te bskyed pa yin pas kho mo la kAr ShA pa Na lnga brgya'i 'byor ba ga la yod/ yum bdag gla rngan gyi slad du las bgyid du mchi'o/ /bu khyod ni shin du gzhon pa yin pas khyod kyis gla rngan gyi phyir las byed par mi nus so/ /yum rngo thog gis mchi'o/ /des de dus kyis 'chu bar shes te gnang nas khye'u de gla mi'i srang du song ste bsdad pa dang / bram ze dang khyim bdag gis gla mi gzhan dag khrid na de 'gas kyang ma khrid nas des der nyi ma nub par byas nas nam sros pa dang khyim du 'ongs so/ /mas de mthong nas dris pa/ bu khyod kyis deng gla rngan gyi phyir las byas sam/ khye'us smras pa/ yum bdag sus kyang ma khrid do/ /bu gla mi dag ni 'di mi 'dra ste/ gla mi dag ni skra yegs shing gos dri ma can dag gyon nas gla mi'i srang du song ste sdod kyis khyod kyang gal te gla rngan gyi phyir las byed par 'dod na skra yogs par gyis la/ gos dri ma can dag gyon te gla mi'i srang du song la sdod cig /des phyi de nyin par skra yegs par byas shing gos dri ma can dag gyon nas gla mi'i srang du song ste bsdad pa dang / tshong dpon zhig khyim rtsig par byed pa de gla mi dag gi phyir gla mi'i srang du 'ongs nas/ des gla mi gzhan dag khrid de khye'u de ma khrid pa dang / khye'us smras pa/ yab bdag gis kyang gla rngan gyi slad du las bgyi'o/ / tshong dpon gyis smras pa/ bu khyod shin du gzhon pas khyod kyis gla rngan gyi phyir las byed par mi nus so/ /khye'us smras pa/ ci khyod kyis bdag la dang por gla rngan stsol tam/ tshong dpon gyis smras pa/ mjug tu glang rngan sbyin no/ /khye'us smras pa/ bdag gis je deng las bgyi'i gal te mnyes par gyur na gla rngan stsol cig /tshong dpon des khye'u de khrid nas khye'u des tshong dpon de'i khyim du gla rngan gyi phyir las bya bar brtsams so/ /gla mi gzhan dag g.yos las byed pa na khye'u de myur ba myur bar las byed nas de dag gis de la smras pa/ tsha bo khyod ci'i phyir g.yos las mi byed/ khye'us smras pa/ zhang po dag kho bo sngon nyes par spyad pas dbul po'i khyim dag tu skyes shing des da ltar gla rngan gyis phyir las byed pa yin na/ gal te da g.yos las byas par gyur na 'di nas shi 'phos pa dag gi 'gro ba ji ltar 'gyur/ de dag gis smras pa/ tsha bo khyod gsar du dul ba yin pas thams cad kyi tha na las par 'gyur ba gang yin pa de lta bu'i gnas yod do/ /khye'u de 'jig rten pa'i gtam rgyud la mkhas pa yin pas des gla mi de dag la gtam rgyud smra shing myur ba myur bar song ba dang / gla mi de dag kyang gtam rgyud mi thos kyis dogs nas de'i phyi bzhin myur ba myur bar lhags nas de'i nyin mo gla mi de dag gis las mang du byas so/ /khyim bdag gi kun du spyod pa ni/ phyem red kyi dus kyi las kyi mtha' dag la so sor rtogs pa yin pas tshong dpon de/ rgongs kar 'ongs te las kyi mtha' dag la so so brtags pa dang / ci tsam na de nyis gyur gyur las byas par mthong nas des lag dpon gyi mi la dris pa/ ci khyod kyis gla mi gzhan dag kyang bkug gam/ des smras pa ma bkug go/ /tshong dpon gyis smras pa/ 'o na ci'i phyir deng las mang du zin/ des smras pa/ khyim bdag gi bu 'di nad med par gyur cig /'di 'jig rten gyi gtam rgyud la mkhas pas/ 'di 'jig rten gyi gtam rgyud zer zhing myur ba myur bar las byed pa na gla mi gzhan dag kyang gtam rgyud mi thos kyis dogs pas myur ba myur bar 'di'i phyi bzhin 'dong zhing las byed pas des na deng las mang du zin to/ /tshong dpon des khye'u de la gla rngan nyis sgyur sbyin par brtsams pa dang / khye'us smras pa/ ci lags bdag la gdugs gnyis kyi gla rngan gcig car stsal tam/ ma yin te/ 'di ltar kho bo khyod la dga' bas bya dga' sbyin no/ /khye'us smras pa/ gal te khyod bdag la dgyes na ji srid du bdag khyod kyi sdum pa na sug las 'tshal ba de srid du bdag gi gla rngan khyod kyi phyag tu gzhag tu gsol/ tshong dpon gyis smras pa/ de ltar gyis shig /gang gi tshe de'i khyim zin pa de'i tshe na khye'u de'i gla rngan brtsis na kAr ShA pa Na lnga brgyar ma chog nas khye'u des ngu bar brtsams pa dang / tshong dpon des smras pa/ bu ci ngu / kho bos brid par ma gyur tam/ yab khyod bdag nyid chen po lags pas khyod kyis bdag ga la brid de/ 'di ltar bdag gis kAr ShA pa Na lnga brgya'i ched du gla rngan gyi slad du las bgyis shing / sangs rgyas la sogs pa dge slong gi dge 'dun gdugs tshod gsol te/ bdag lha rnams kyi nang du skye bar bgyi'o snyam na/ de dag ma 'tshal bas yang bdag gis gzhan du gla rngan gyi slad du las bgyi 'tshal bar 'gyur ro/ /tshong dpon de dad pa can zhig yin pas des smras pa/ bu kho bos kha bskang bar bya'o/ /yab bdag lha rnams kyi nang du skye bar mi 'gyur ba snyam/ bu khyod bcom ldan 'das la mngon par dad dam/ mngon par dad do/ / song la bcom ldan 'das la zhus zhig /khye'u de bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la khyim bdag gi bu des 'di skad ces gsol to/ /bcom ldan 'das bdag gis kAr ShA pa Na lnga brgya'i ched du gla rngan gyi ched du tshong dpon che ge zhig gi sug las bgyis na de dag ma 'tshal nas tshong dpon des de'i kha skong bar bgyid na blang bar bgyi 'am/ bzhin bzangs tshong dpon de dad pa can yin gyis long shig /bcom ldan 'das bdag lha rnams kyi nang du skye bar mi 'gyur lags pa snyam/ skye bar 'gyur ro/ /khye'u des bcom ldan 'das kyi zhabs gnyis la mgo bos phyag 'tshal te song ngo / /de nas khyim bdag gi bu des tshong dpon de las kAr ShA pa Na lnga brgya mnos te ma'i gan du song nas smras pa/ yum kAr ShA pa Na lnga brgya po 'di dag gis zhal zas sta gon mdzod cig dang sangs rgyas la sogs pa dge slong gi dge 'dun gdugs tshod gsol lo/ /bu kho mo la snod spyad 'ga' yang med cing / mi blas dang / gnas mal 'ga' yang med kyis tshong dpon de nyid snod spyad dang / mi blas dang / gnas mal mang ba yin la dad pa can yin gyis song la de nyid la gyis shig /khye'u de tshong dpon de'i gan du song ste smras pa/ yab bdag gi sdum pa na snod spyad dang / mi blas dang / gnas mal cung zad kyang ma mchis kyis khyod nyid kyis zhal zas sta gon mdzod cig dang bdag mchis nas rang gi sug pa nas sangs rgyas la sogs pa dge slong gi dge 'dun gdugs tshod gsol lo/ /tshong dpon de dad pa can yin pas des bsams pa/ bdag gi khyim gsar du brtsigs pa der sangs rgyas la sogs pa dge slong gi dge 'dun gyis gdugs tshod gsol bar gyur na legs so snyam nas des smras pa/ bu zhog ste song la sangs rgyas la sogs pa dge slong gi dge 'dun sang gdugs tshod la spyan drongs shig dang kho bos zhal zas sta gon bya'o/ /de nas khyim bdag gi bu des tshong dpon de'i lag tu kAr ShA pa Na lnga brgya gtad nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te rgan pa'i mtha' logs su 'dug nas gsol pa/ bcom ldan 'das sang bdag gis sangs rgyas la sogs pa dge slong gi dge 'dun gdugs tshod la spyan 'dren to/ /bcom ldan 'das kyis khyim bdag gi bu de la cang mi gsung bas gnang ngo / /de nas khyim bdag gi bu des bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te song ngo / /tshong dpon des kyang de nyid kyi mtshan mo zhal zas sta gon byas nas nang par sngar langs te gdan bshams nas chu ra bzhag ste/ bcom ldan 'das la spyan 'dren gyis btsun pa gdugs tshod g.yar dgongs 'tshal na bcom ldan 'das kyis da de'i dus la bab par dgongs su gsol zhes spyan drangs so/ /de nas bcom ldan 'das snga dro sham thabs gsol lhung bzed dang chos gos bsnams te dge slong gi tshogs kyis yongs su bskor cing dge slong gi dge 'dun gyis mdun du bdar nas tshong dpon de'i khyim ga la ba der gshegs so/ /drug sde dag gis dris pa/ su'i khyim du sangs rgyas la sogs pa dge slong gi dge 'dun spyan drangs/ khyim bdag gi bu che ge mo zhig gi'o/ /drug sde dag gis smras pa/ de ni gla mi yin pas ci zhig sbyin par 'gyur/ khyim du 'gro ba'i khyim dag tu dong la g.yar tshus bzas 'dong ngo zhes de dag khyim du 'gro ba'i khyim dag tu dong ba dang / de dag gis smras pa/ 'phags pa dag gdan chud gsol cig /de ltar bya'o/ / zhes de dag gis khye'u tshus zos so/ /de nas bcom ldan 'das tshong dpon de'i bkad sa ga la ba der gshegs te byon nas dge slong gi dge 'dun gyi gong du gdan bshams pa nyid la bzhugs so/ /drug sde dag kyang khyim du 'gro ba'i khyim dag tu khye'u tshus zos nas de nyid du dong ste 'khod do/ /de nas khyim bdag gi bu des sangs rgyas la sogs pa dge slong gi dge 'dun bde bar bzhugs par rig nas bca' ba dang bza' ba gtsang zhing bsod pas rang gi lag nas tshim par byed cing stobs par byed do/ /de de na rgyu ba na drug sde dag gus par byas te mi za ba mthong ngo / /mthong nas kyang bcom ldan 'das kyi spyan sngar 'dug ste gsol pa/ bcom ldan 'das 'di na 'phags pa kha cig gus par bgyis te mi 'tshal na bdag lha rnams kyi nang du skye bar mi 'gyur lags pa snyam/ bcom ldan 'das kyis bka' stsal pa/ bzhin bzang re shig gnas mal gyi longs spyod kyis kyang khyod lha rnams kyi nang du skye bar 'gyur na kha zas kyi longs spyod kyis lta smos kyang ci dgos/ de nas bcom ldan 'das khyim bdag gi bu de la chos dang ldan pa'i bka' mchid kyis yang dag par ston par mdzad/ yang dag par 'dzin du 'dzud par mdzad/ yang dag par gzeng stod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs so/ /tshong pa lnga brgya tsam rgya mtsho chen po nas rgyal po'i khab tu lhags nas rgyal po'i khab tu dus ston byung bas tshong cung zad kyang ma rnyed nas de na tshong pa dge slong gi rgyus shes pa zhig 'dug pa des smras pa/ shes ldan dag shes par gyis shig /khyim gang du sangs rgyas la sogs pa dge slong gi dge 'dun gyis gdugs tshod gsol ba'i khyim de na gor ma chag par bza' ba dang btung ba lhag pa'i chos cung zad yod kyi der dong la rin gyis btsal lo/ /de dag gis smras pa dang / tshong dpon che ge mo zhig gi khyim du sangs rgyas la sogs pa dge slong gi dge 'dun gyis gdugs tshod gsol to zhes thos nas de dag zong thogs te der dong nas smras pa/ tshong dpon bdag cag tshong pa lnga brgya tsam rgya mtsho chen po nas rgyal po'i khab tu lhags nas rgyal po'i khab tu dus ston byung bas tshong cung zad kyang ma rnyed nas bdag cag ltog par gyur na khyod kyi khyim du sangs rgyas la sogs pa dge slong gi dge 'dun gyis gdugs tshod dag gsol bas bza' ba dang btung ba lhag pa'i chos cung zad yod na rin gyi phyir byin cig /tshong dpon gyis smras pa/ bzhin bzangs dag je lta'o zhes de khyim bdag gi bu de'i gan du song ste smras pa/ bu tshong pa lnga brgya tsam rgya mtsho chen po nas rgyal po'i khab tu lhags nas rgyal po'i khab tu dus ston byung bas tshong cung zad kyang ma rnyed nas de dag ltogs par gyur te rim gyis bza' ba dang btung ba tshol du 'dir lhags kyis lhag pa'i chos mang du yod na rin gyi phyir byin cig /khye'us smras pa/ yab bdag rin gyi slad du mi stsol gyi sbyin pa'i chos kyi slad du de bzhin du stsol gyis de dag mchis su stsol cig /tshong dpon des tshong pa de dag 'dug tu bcug pa dang / khye'u des bza' ba dang btung bas de dag tshim par byas so/ /tshong pa de dag lus tshim pas ched du brjod pa 'di skad ces ched du brjod do/ /tshong dpon gang gi khyim du sangs rgyas la sogs pa dge slong gi dge 'dun gdugs tshod gsol cing bdag cag tshong pa lnga brgya yang bza' ba dang btung bas tshim par byas pa'i tshong dpon de ni rnyed pa dag legs par rnyed do/ /tshong dpon des smras pa/ bzhin bzangs dag 'di ni kho bo'i zas ma yin te/ khyim bdag gi bu 'di'i zas yin no/ /de dag gis dris pa/ 'di khyim bdag gang gi bu yin/ tshong dpon gyis smras pa/ khyim bdag che ge mo zhig gi'o/ /de dag gi ded dpon gyis smras pa/ 'o na 'di bdag gi chung po grogs kyi bu yin no/ /gzhan dag gis smras pa/ de lta na 'di bdag cag gi zhang po yin no/ /gzhan dag gis kyang smras pa/ de lta na 'di bdag cag gi tsha bo yin no/ /ded dpon des smras pa/ mang po dag gis ni gcig dbyung bar nus la gcig gis ni mang po dag dbyung bar mi nus so zhes des gzhi bting ste rin po che bzhag nas smras pa/ shes ldan dag gang gis ci yongs su btang ba des de gzhi 'dir zhog shig /der la las ni rin po che gcig bzhag /la las ni gnyis bzhag /la las ni mang po dag bzhag ste/ de ltar der rin po che'i phung po rnam par bzhag nas ded dpon gyis khye'u de la smras pa/ bu long shig khye'u smras pa/ shes ldan dag bdag gis rin gyi phyir ma byin no/ / ded dpon gyis smras pa/ kho bo cag khyod la rin sbyin pa ma yin te/ 'di ltar rin po che gcig gis kyang zas 'di lta bu brgya rnyed 'grub pas 'di ltar kho bo cag khyod la dga' bas dga' ba'i dbang du byas pa bya'o/ /khye'us smras pa/ bdag lha rnams kyi nang du skye bar mi 'gyur ba snyam/ khyod bcom ldan 'das la mngon par dad dam/ mngon par dad do/ /song la bcom ldan 'das la zhus shig /de nas khye'u de bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la khyim bdag gi bu des 'di skad ces gsol to/ /bcom ldan 'das 'di na bdag gis tshong pa lnga brgya tsam la bza' ba dang btung ba stsal nas de dag bdag la dga' ba'i dbang du bgyis pa bgyid na bdag gis blang bar bgyi 'am/ bzhin bzangs long shig /bcom ldan 'das bdag lha rnams kyi nang du skye bar mi 'gyur lags pa snyam/ bcom ldan 'das kyis bka' stsal pa/ bu de ni me tog yin gyi long shig /'bras bu gzhan 'byung bar 'gyur ro/ /khye'u des rin po che de dag blangs so/ /rgyal po'i khab na tshong dpon bu med pa zhig dus la bab nas nor can dag dang / tshong dpon dag dang / ded dpon dag 'dus te smras pa/ shes ldan dag bdag cag gis gang zhig grong khyer gyi tshong dpon du dbang bskur bar bya/ bdag cag gi nang na sems can gang bsod nams che bar grags pa'o/ /de dag gis smras pa/ bdag cag gis ji ltar shes par bya/ de dag gis smras pa/ sa bon kha dog sna tshogs dag rdza ma so btang ba'i nang du blugs shing gang gis kha dog gcig pa sha stag zin par 'gyur ba de bdag cag gis tshong dpon du dbang bskur bar bya'o/ /de dag gis sa bon kha dog sna tshogs dag rdza ma so btang ba'i nang du blugs te/ de dag gis gzung bar brtsams pa dang / gzhan thams cad kyis ni sa bon kha dog sna tshogs dag zin/ khyim bdag gi bu des ni sa bon kha dog gcig pa sha stag zin nas de dag gis smras pa/ bdag cag gis gla mi tshong dpon du dbang bskur bar ji ltar bya zhes de dag gis lan gsum gyi bar du de ltar byas pa dang / gzhan thams cad kyis ni sa bon kha dog sna tshogs dag zin/ khyim bdag gi bu des ni sa bon kha dog gcig pa sha stag zin nas de dag gis smras pa/ shes ldan dag mi ma yin pa dag gis che bzhi phyes khyim bdag gi bu 'di nyid tshong dpon du dbang bskur bar bya'o zhes de dag gis khye'u de grong khyer gyi tshong dpon du dbang bskur to/ /tshong dpon des bsams pa/ sems can 'di ni bsod nams dang dbang che bar grags pa yin gyis 'di la gcam gsag bya'o snyam nas tshong dpon des kyang rang gi bu mo rgyan thams cad kyis brgyan te grong khyer gyi tshong dpon de'i chung mar byin nas de'i khyim nor mang zhing longs spyod dag gis 'phral la mngon par mtho bar gyur nas de'i ming 'phral la mtho 'phral la mtho zhes bya bar gyur to de nas tshong dpon 'phral la mtho 'di snyam du sems te/ b dag gi khyim na dpal gyi 'byor pa phun sum tshogs pa gang yin pa de dag thams cad sangs rgyas bcom ldan 'das la brten nas bdag gis sangs rgyas la sogs pa dge slong gi dge 'dun khyim gzhan du spyan drangs te gdugs tshod gsol ba las gyur pa yin no snyam nas/ de nas tshong dpon 'phral la mthos/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ / mtha' gcig tu 'dug nas/ bcom ldan 'das tshong dpon 'phral la mtho la chos dang ldan pa'i bka' mchid kyis yang dag par ston par mdzad/ yang dag par 'dzin du 'jud par mdzad/ yang dag par gzeng stod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng stod/ yang dag par rab tu dga' bar mdzad nas cang mi gsung ngo / /de nas tshong dpon 'phral la mthos stan las langs te bla gos phrag pa gcig tu byas nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ / bcom ldan 'das kyis sang bdag gi sdum par dge slong gi dge 'dun dang thabs gcig gdugs tshod gsol bar ci gnang / bcom ldan 'das kyis tshong dpon 'phral la mtho la cang mi gsung bas gnang ngo / / de nas tshong dpon 'phral la mthos kyis bcom ldan 'das cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas tshong dpon 'phral la mthos kyis de nyid kyi mtshan mo bca' ba dang bza' ba gtsang zhing bsod pa sta gon byas nas nang par sngar langs te gdan bshams nas chu ra bzhag ste/ bcom ldan 'das la spyan 'dren gyis btsun pa gdugs tshod g.yar dgongs 'tshal na/ bcom ldan 'das kyis da de'i dus la bab par dgongs su gsol zhes spyan drangs so/ /de nas bcom ldan 'das snga dro sham thabs gsol lhung bzed dang chos gos bsnams te/ dge slong gi tshogs kyis yongs su bskor cing dge slong gi dge 'dun gyis mdun du bdar nas tshong dpon 'phral la mthos kyi bkad sa ga la ba der gshegs te byon nas dge slong gi dge 'dun gyi gong du gdan bshams pa nyid la bzhugs so/ /de nas tshong dpon 'phral la mthos kyis sangs rgyas la sogs pa dge slong gi dge 'dun bde bar bzhugs par rig nas bca' ba dang bza' ba gtsang zhing bsod pas rang gi lag nas tshim par byed cing stobs par byed do/ /rnam grangs du mas bca' ba dang bza' ba gtsang zhing bsod pas rang gi lag nas tshim par byas shing bstabs nas bcom ldan 'das gdugs tshod gsol cing phyag bcabs te lhung bzed bzhag par rig nas stan ches dma' ba zhig blangs te/ khyo shug gnyis bcom ldan 'das kyi spyan sngar chos mnyan pa'i phyir 'dug go/ /bcom ldan 'das kyis tshong dpon 'phral la mthos khyo shug gnyis kyi bsam pa dang / bag la nyal dang / khams dang / rang bzhin thugs su chud nas ci nas kyang tshong dpon 'phral la mthos khyo shug gnyis kyis 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de ltar chos bstan pa mdzad do/ /des bden pa mthong nas gsol pa/ btsun pa bdag gis dge ba'i bshes gnyen bcom ldan 'das la brten nas bcom ldan 'das kyis bdag la gang mdzad pa 'di lta bu ni bdag la phas kyang ma bgyis mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis dge sbyong dang bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho' ris dang thar pa'i sgo dag ni phye/ sems can dmyal ba dang / dud 'gro dang / yi dags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang chos dang dge slong gi dge 'dun la skyabs su mchi yis/ bdag dge bsnyen du gzung du gsol/ deng slan chad ji srid 'tsho'i bar du glo ba thag pa nas skyabs su mchi'o/ /de nas bcom ldan 'das tshong dpon 'phral la mthos la chos dang ldan pa'i bka' mchid kyis yang dag par ston par mdzad/ yang dag par 'dzin du 'dzud par mdzad/ yang dag par gzeng stod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs so/ /'di ni re shig byung ba yin te/ sangs rgyas bcom ldan 'das re shig 'dul ba la nyan thos rnams kyi bslab pa'i gzhi 'cha' bar ni mi mdzad do// // 'dul ba rnam par 'byed pa/ bam po lnga bcu rtsa gcig pa/ de nas bcom ldan 'das rgyal po'i khab tu ci dgyes par bzhugs nas yangs pa can ga la ba de logs su ljongs rgyu zhing gshegs so/ / de nas bcom ldan 'das spong byed dag tu ljongs rgyu zhing gshegs pa na yangs pa can du byon nas yangs pa can na spre'u rdzing gi 'gram khang pa brtseg pa'i khang bzang na bzhugs so/ /khyim bdag drag shul can gyis bcom ldan 'das spong byed dag tu ljongs rgyu zhing gshegs pa na yangs pa can du byon nas yangs pa can na spre'u rdzing gi 'gram du khang pa brtsegs pa'i khang bzang na bzhugs so zhes thos so/ /thos nas kyang bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das kyis khyim bdag drag shul can la chos dang ldan pa'i bka' mchid kyis yang dag par ston par mdzad/ yang dag par 'dzin du 'dzud par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas khyim bdag drag shul can stan las langs te bla gos phrag pa gcig tu byas nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das kyis sang bdag gi sdum par dge slong gi dge 'dun dang thabs gcig gdugs tshod gsol bar ci gnang / bcom ldan 'das kyis khyim bdag drag shul can la cang mi gsung bas gnang ngo / /de nas khyim bdag drag shul can gyis bcom ldan 'das kyis cang mi gsung bas gnang bar rig nas bcom ldan 'das kyi spyan snga nas song ste/ des zho shas 'tsho ba rnams la smras pa/ shes ldan dag bcom ldan 'das dge slong gi dge 'dun dang bcas pa yongs su mnyel cing / gshegs kyis zhal zas gtsang zhing bsod pa mang po dag sta gon gyis shig /de dag gis zhal zas gtsang zhing bsod pa mang po dag sta gon byas so/ /de nas khyim bdag drag shul can nang par sngar langs te gdan bshams nas chu ra bzhag ste/ bcom ldan 'das la spyan 'dren gyis btsun pa gdugs tshod g.yar dgongs 'tshal na bcom ldan 'das kyis da de'i dus la bab par dgongs su gsol zhes spyan drangs so/ /drug sde dag gis smras pa/ dga' bo nye dga' khyim du 'gro ba'i khyim dag tu 'dong / de ltar bya'o/ /de dag gis bsod snyoms pa zhig mthong nas smras pa/ tshur shog khyim du 'gro ba'i khyim du 'dong ngo zhes de khrid nas de dag ches sngar yangs pa can du zhugs nas khyim du 'gro ba'i khyim dag tu dong ba dang / de dag gis smras pa/ 'phags pa dag zhal tshus gsol cig /drug sde dag gis smras pa/ kho bo cag mgron du bos so/ /sus/ khyim bdag drag shul can gyis so/ /de dag gis smras pa/ 'phags pa dag 'o na a mra'i khur ba dag gsol cig /de ltar bya'o zhes de dag gis a mra'i khur ba dag zos so/ /bsod snyoms pa de mi za nas de dag gis smras pa/ 'phags pa khyod kyang a mra'i khur ba dag gsol cig /des smras pa/ kho bo stan gcig pa yin no/ /de dag gis smras pa'o/ /'o na snoms te bzhud la de nyid du gsol cig /des lhung bzed chung ngu bkang ste der song ba dang / dge slong gi dge 'dun ni bzhugs so/ /bcom ldan 'das ni rdzas las byung ba na bzhugs shing bsod snyoms mngon par bsgrubs so/ /sangs rgyas bcom ldan 'das rnams ni rgyu lngas rdzas las byung ba na bzhugs shing bsod snyoms mngon par sgrub par mdzad de/ lnga gang zhe na/ nang du yang dag par 'jog par bzhed pa dang / lha rnams la chos ston par bzhed pa dang / nad pa la lta bar bzhed pa dang / gnas mal la rtog par bzhed pa dang / 'dul ba la nyan thos rnams kyi bslab pa'i gzhi bca' bar bzhed pa'o/ /don 'dir ni bcom ldan 'das 'dul ba la nyan thos rnams kyi bslab pa'i gzhi 'cha' bar bzhed pas rdzas las byung ba na bzhugs shing bsod snyoms mngon par sgrub pa mdzad do/ /de nas khyim bdag drag shul can gyis dge slong gi dge 'dun bde bar 'khod par rig nas bca' ba dang / bza' ba gtsang zhing bsod pas rang gi lag nas tshim par byed cing stobs par byed do/ /de nas khyim bdag drag shul can bsod snyoms pa de'i mdun du 'dug pa dang / bsod snyoms pa des bsams pa/ khyim bdag la 'di ltar 'dis a mra'i khur ba zos so zhes bya ba de ltar rig par gyur gyis/ ji srid du 'dis bdag la klan ka ma rnyed pa de srid du bdag gis 'di la brjod par bya'o snyam nas des khyim bdag drag shul can la 'di skad ces smras so/ /khyim bdag bdag 'ba' shig a mra'i khur ba zos par ma zad kyi drug sde 'di dag gis kyang a mra'i khur ba dag zos so/ /khyim bdag gis smras pa/ 'phags pa ci'i phyir de skad ces bdag 'ba' shig gis a mra'i khur ba dag zos par ma zad kyi drug sde 'di dag gis kyang a mra'i khur ba dag zos so zhes zer zhes des spyos te smras pa/ 'phags pa ci kho bo la a mra'i khur ba dag med snyam 'am/ des zho shas 'tsho ba dag la smras pa/ shes ldan dag a mra'i khur ba dag gi sprog ma dag phye shig /de dag gis phye'o/ /de nas dge slong bsod snyoms sgrub pas bsod snyoms blangs nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /sangs rgyas bcom ldan 'das rnams ni chos nyid kyis bsod snyoms sgrub pa'i dge slong la dge slong ji lta zas bsod dam dge slong gi dge 'dun tshim par byas sam zhes so sor kun dga' bar mdzad pa 'dis so sor kun dga' bar mdzad pa yin pas bcom ldan 'das kyis dge slong bsod snyoms sgrub pa la dge slong ji lta zas bsod dam dge slong gi dge 'dun tshim par byas sam/ zhes so sor kun dga' bar mdzad pa dang / des gsol pa/ btsun pa te por zas bsod cing dge slong gi dge 'dun tshim par ni bgyis na/ 'di ltar khyim bdag drag shul can gyis dge slong gi dge 'dun spyos so/ /don gang la/ des skabs de bcom ldan 'das la rgyas par gsol pa dang / bcom ldan 'das kyis bka' stsal pa/ dge slong khyim bdag drag shul can gyis dge slong gi dge 'dun gnas su spyos so/ /de nas bcom ldan 'das zhal zas kyi bya ba mdzad nas gtsug lag khang gi slad rol du zhabs gnyis bsil te nang du yang dag 'jog gi slad du gtsug lag khang du gshegs so/ /de nas bcom ldan 'das nang du yang dag 'jog las bzhengs nas dge slong gi dge 'dun gyi gong du gdan bshams pa nyid la bzhugs so/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong rnams la smras pa/ dge slong dag khyed yang yang za ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa rung ba ma yin pa/ tshul dang 'thun pa ma yin pa de ni rab tu byung ba'i bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang yang za na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad do/ /sangs rgyas bcom ldan 'das yangs pa can na spre'u rdzing gi 'gram khang pa brtsegs pa'i khang bzang na bzhugs so/ /dge slong na ba zhig sman pa'i gnas su song ba dang / des de mthong nas smras pa/ bzhin bzang kho bo la sman ston cig /'phags pa je zhal tshus gsol cig /bzhin bzang bcom ldan 'das kyis ma gnang ngo / /'phags pa de khyod kyi sman lags te/ gzhan du na khyod kyis 'tsho bar mi spyod do/ /bzhin bzang bcom ldan 'das kyis bslab pa'i gzhi bca' bar mdzad do/ /'phags pa khyod kyi ston pa thugs rje can lags pas de nyid rkyen du mdzad nas gnang bar 'gyur ba gang lags pa de lta bu'i gnas mchis par 'gyur ro/ /dge slong rnams kyis skabs de bcom ldan 'das la gsol pa dang / bcom ldan 'das kyis bka' stsal pa/ de lta bas na na ba'i dus ma gtogs so/ /dge slong dag mchod rten gyi las dang dge 'dun gyi las dag byas pa na de dag bkres nas glos phab ste nyal zhing dge ba'i phyogs la tron byed par mi nus pa na bram ze dang khyim bdag dad pa can dag gtsug lag khang du lhags nas de dag gis smras pa/ 'phags pa dag bstan pa la gcig tu brtson par bgyi ba lags na/ ci'i slad du glos phab ste gzims shing dge ba'i phyogs la tron mi mdzad/ bzhin bzang dag kho bo cag bkres so/ /'phags pa dag zhal tshus gsol cig /bzhin bzangs dag bcom ldan 'das kyis bslab pa'i gzhi bca' ba mdzad do/ /zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na las kyi dus ma gtogs so/ /dge slong gzhan dag lam du zhugs pa na bkres par gyur nas glos phab ste nyal zhing dge ba'i phyogs la tron byed par mi nus pa na bram ze dang khyim bdag dad pa can dag lhags nas de dag gis smras pa/ 'phags pa dag bstan pa la gcig tu brtson par bgyi ba lags na ci'i slad du glos phab ste gzims shing dge ba'i phyogs la tron mi mdzad/ bzhin bzangs dag kho bo cag bkres so/ /'phags pa dag zhal tshus gsol cig /bzhin bzangs dag bcom ldan 'das kyis bslab pa'i gzhi bca' ba mdzad do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na lam gyi dus ma gtogs so/ /de nas bcom ldan 'das yangs pa can du ci dgyes par bzhugs nas mnyan yod ga la ba de logs su ljongs rgyu zhing gshegs pa na mnyan yod du byon nas mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / mnyan yod na khyim bdag cig 'dug pa de'i kun du spyod pa ni tshes brgyad dang / bcu bzhi la bsnyen gnas la gnas shing ji srid du dge 'dun bkrabs pa dag zan ma zos pa de srid du bdag nyid zan za bar mi byed do/ /khyim bdag gcig gis sangs rgyas la sogs pa dge slong gi dge 'dun khyim gzhan du spyan drangs nas sangs rgyas la sogs pa dge slong gi dge 'dun gshegs so/ /khyim bdag des gtsug lag khang du mi mngags te song la dge slong dag spyan drongs shig dang gdugs tshod gsol lo/ /mi de gtsug lag khang du song ba dang / ji tsam na dge slong gcig kyang mi snang nas de phyir log ste smras pa/ khyim bdag de na dge slong med de bdag gis gcig kyang ma mthong ngo / /khyim bdag des smras pa/ song la gang du sangs rgyas la sogs pa dge slong gi dge 'dun spyan drangs pa de nas dge slong dag spyan drongs shig dang gdugs tshod gsol lo/ /mi de der song ba dang / ji tsam na dge slong dag zan zos te phyir byung ba mthong nas des smras pa/ 'phags pa dag tshur gshegs khyim bdag che ge mo zhig gi sdum par gdugs tshod gsol bar ci gnang / dge slong rnams kyis smras pa/ kho bo cag zan zos zin no/ /mi de song ste khyim bdag de la smras pa/ khyim bdag dge slong dag gi zhal nas kho bo cag zan zos zin to zhes byung ngo / /kwa'i nang rje song la khyim bdag gi mchid nas tshur spyon gdugs tshod gsol dang ras yug chen 'bul lo zhes byos shig /de song ste smras pa/ 'phags pa dag khyim bdag gi mchid nas tshur gshegs gdugs tshod gsol dang ras yug chen 'bul lo zhes mchi'o/ /dge slong rnams kyis smras pa/ kho bo cag gis spangs so/ /mi de song ste khyim bdag la smras pa/ khyim bdag dge slong rnams kyi zhal nas bdag cag gis spangs so zhes byung ngo / /khyim bdag des bdag gis bkrabs pa'i dge 'dun gyis bshos ma gsol to zhes zan bcad pa bsgrubs pa dang / de'i ngos kyi khyim tshes dag shAkya'i bu'i dge sbyong 'di dag gos byin na 'ang longs spyod par mi btub pas khyim bdag 'dis dge slong dag gis zan ma zos pa'i phyir zas bcad pa byas so/ /zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gos sbyin pa'i tshe'i dus ma gtogs so/ /de nas bcom ldan 'das kyis bslab pa 'dod pa dang bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang yang za na dus ma gtogs te ltung byed do/ /de la dus ni 'di yin te/ na ba dus so/ /las dus so/ /lam dus so/ /gos sbyin pa'i tshe dus te/ de la de ni dus yin no/ /yang yang za na zhes bya ba ni yang dang yang du za na'o/ /dus ma gtogs te zhes bya ba ni dus bzhag ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la dus ni 'di yin te/ na ba dus so zhes bya ba ni 'di lta ste/ dge slong zas gcig gis 'tsho bar mi nus na'o/ /las dus so zhes bya ba ni 'di lta ste/ dge slong gis dge 'dun gyi 'am/ mchod rten gyi las de las tha na phyag dar re lde tsam byas sam/ dkyil 'khor ba mal tsam byas na'o/ /lam dus so zhes bya ba ni 'di lta ste/ dge slong dpag tshad phyed du song ngam/ de'i phyed du song ste phyir log na'o/ /gos sbyin pa'i tshe dus te zhes bya ba ni ras yug phran nam/ ras yug chen thob na'o/ /de la ltung bar ji ltar 'gyur zhe na/ gos dang bcas pa dang / gos med pa dang / gos dang bcas shing gos kyi rin dang yang bcas pa dang / gos med cing gos kyi rin yang med pa las te/ de la dge slong gos dang bcas par mgron du bos shing de gos dang bcas pa gzhan du yang mgron du bos na dge slong des gnyi ga yang khas blang bar bya zhing gnyi ga yang bza' bar bya ste/ de khes len pa la yang ltung ba med la za ba la yang ltung ba med do/ /dge slong gos dang bcas pa mgron du bos shing de gos med pa gzhan du yang mgron du bos na dge slong des snga ma khas blang bar bya zhing gnyis pa spang bar bya ba 'am/ gzhan la sbyin par bya'o/ /gnyi ga khas len par byed cing gnyi ga za bar byed na de khas len pa la nyes byas su 'gyur la/ za ba la ltung byed du 'gyur te/ snga ma la ni ltung ba med do/ /dge slong gos dang bcas par mgron du bos shing de gos dang bcas shing gos kyi rin dang yang bcas pa gzhan du mgron du bos na dge slong des gnyi ga khas blang bar bya zhing gnyi ga bza' bar bya ste/ de khas len pa la yang ltung ba med la/ za ba la yang ltung ba med do/ /dge slong gos dang bcas par mgron du bos shing de gos med cing gos kyi rin yang med pa gzhan du yang mgron du bos na dge slong des snga ma khas blang bar bya zhing gnyis pa spang bar bya ba 'am/ gzhan la sbyin par bya'o/ /gnyi ga khas len par byed cing gnyi ga za bar byed na de khas len pa la nyes byas su 'gyur la/ za ba la ltung byed du 'gyur te/ snga ma la ni ltung ba med do/ /dge slong gos med par mgron du bos shing de gos med pa gzhan du yang mgron du bos na dge slong des snga ma khas blang bar bya zhing gnyis pa spang bar bya ba 'am/ gzhan la sbyin par bya'o/ /gnyi ga khas len par byed cing gnyi ga za bar byed na de khas len pa la nyes byas su 'gyur la/ za ba la ltung byed du 'gyur te/ snga ma la ni ltung ba med do/ /dge slong gos med par mgron du bos shing de gos dang bcas pa gzhan du yang mgron du bos na dge slong des gnyi ga khas blang bar bya zhing gnyi ga bza' bar bya ste/ de la khas len pa la yang ltung ba med la/ za ba la yang ltung ba med do/ /dge slong gos med par mgron du bos shing de gos dang bcas shing gos kyi rin dang yang bcas pa gzhan du yang mgron du bos na dge slong des gnyi ga khas blang bar bya zhing gnyi ga bza' bar bya ste/ de khas len pa la yang ltung ba med la/ za ba la yang ltung ba med do/ /dge slong gos med par mgron du bos shing de gos med cing gos kyi rin yang med pa gzhan du yang mgron du bos na dge slong des snga ma khas blang bar bya zhing gnyis pa spang bar bya ba 'am/ gzhan la sbyin par bya'o/ /gnyi ga khas len par byed cing gnyi ga za bar byed na de khas len pa la nyes byas su 'gyur la/ za ba la ltung byed du 'gyur te/ snga ma la ni ltung ba med do/ /dge slong gos dang bcas shing gos kyi rin dang yang bcas par mgron du bos shing de gos dang bcas shing gos kyi rin dang yang bcas pa la gzhan du yang mgron du bos na dge slong des gnyi ga khas blang bar bya zhing gnyi ga bza' bar bya ste/ de khas len pa la yang ltung ba med la/ za ba la yang ltung ba med do/ /dge slong gos dang yang bcas shing gos kyi rin dang yang bcas par mgron du bos shing de gos dang bcas pa gzhan du yang mgron du bos na dge slong des gnyi ga khas blang bar bya zhing gnyi ga bza' bar bya ste/ de khas len pa la yang ltung ba med la/ za ba la yang ltung ba med do/ /dge slong gos dang bcas shing gos kyi rin dang bcas par mgron du bos shing de gos med pa gzhan du yang mgron du bos na dge slong des snga ma khas blang bar bya zhing gnyis pa spang bar bya ba 'am/ gzhan la sbyin par bya'o/ /gnyi ga khas len par byed cing gnyi ga za bar byed na de khas len pa la nyes byas su 'gyur la/ za ba la ltung byed du 'gyur te/ snga ma la ni ltung ba med do/ /dge slong gos dang bcas shing gos kyi rin dang yang bcas par mgron du bos shing de gos med cing gos kyi rin yang med pa gzhan du yang mgron du bos na dge slong des snga ma khas blang bar bya zhing gnyis pa spang bar bya ba 'am/ gzhan la sbyin par bya'o/ /gnyi ga khas len par byed cing gnyi ga za bar byed na de khas len pa la nyes byas su 'gyur la/ za ba la ltung byed du 'gyur te/ snga ma la ni ltung ba med do/ /dge slong gos med cing gos kyi rin yang med par mgron du bos shing de gos med cing gos kyi rin yang med pa gzhan du yang mgron du bos na dge slong des snga ma khas blang bar bya zhing gnyis pa spang bar bya ba 'am/ gzhan la sbyin par bya'o/ /gnyi ga khas len par byed cing gnyi ga za bar byed na de khas len pa la nyes byas su 'gyur la/ za ba la ltung byed du 'gyur te/ snga ma la ni ltung ba med do/ /dge slong gos med cing gos kyi rin yang med par mgron du bos shing de gos dang bcas pa gzhan du yang mgron du bos na dge slong des gnyi ga khas blang bar bya zhing gnyi ga bza' bar bya ste/ de khas len pa la yang ltung ba med la/ za ba la yang ltung ba med do/ /dge slong gos med cing gos kyi rin yang med par mgron du bos shing de gos med pa gzhan du yang mgron du bos na dge slong des snga ma khas blang bar bya zhing gnyis pa spang bar bya ba 'am/ gzhan la sbyin par bya'o/ /gnyi ga khas len par byed cing gnyi ga za bar byed na de khas len pa la nyes byas su 'gyur la/ za ba la ltung byed du 'gyur te/ snga ma la ni ltung ba med do/ /dge slong gos med cing gos kyi rin yang med par mgron du bos shing / de gos dang bcas shing gos kyi rin dang bcas pa gzhan du yang mgron du bos na dge slong des gnyi ga khas blang bar bya zhing gnyi ga za bar bya ste/ de khas len pa la yang ltung ba med la/ za ba la yang ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /yang yang za ba'i ltung byed de sum bcu rtsa gcig pa rdzogs so// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / ri brags shig na khyim bdag gcig 'dug pa des phyogs bzhi'i dge sbyong dang / bram ze rnams kyi don du 'dug gnas byed du bcug ste/ de 'dug gnas de na phyogs bzhi'i dge sbyong dang / bram ze gang 'dug pa de la bsod snyoms kyis mkho ba stobs par byed do/ /gang gi tshe bcom ldan 'das kyis mnyan yod du cho 'phrul chen po rnam par bstan te/ gzhan mu stegs can dag tshar bcad cing lha dang mi rnams kun du dga' bar mdzad/ skye bo mdzangs pa dag gi snying dag rangs par mdzad pa de'i tshe na gzhan mu stegs can dag mtha' 'khob dag na rten cing gnas so/ /dus gzhan zhig na gcer bu pa drug bcu ri brags der lhags nas de dag khyim bdag de'i gan du dong ste 'di skad ces smras so/ /bzhin bzang chos thob par gyur cig /chos thob par gyur cig /khyim bdag des smras pa/ shes ldan dag rab tu byung ba yin nam ci/ rab tu byung ba dag yin no/ /khyim bdag gis smras pa/ ma nongs ste bdag gis phyogs bzhi'i dge sbyong dang / bram ze rnams kyi don du 'dug gnas bgyid du stsal ba der bzhugs shig dang bdag gis khyed cag la bsod snyoms kyis mkho ba bstabs par bgyi'o/ /de dag gis der gnas par brtsams nas khyim bdag de de dag la bsod snyoms kyis mkho ba stobs par byed do/ /mnyan yod na khyim bdag dad pa can zhig 'dug pa de zong thogs te ri brags der 'ongs nas de khyim bdag de'i tshong khang du zhugs nas khyim bdag de de dang lhan cig pa shes par gyur to/ /khyim bdag des gcer bu pa de dag la brim par brtsams nas des khyim bdag de'i gan du mi mngags te grogs po tshur shog dang sbyin gnas dag la brim par bya'o zhes sbran pa dang / khyim bdag de dad pa can yin pas des bsams pa/ bcom ldan 'das kyi nyan thos dag yin gor ma chag gis song la blta'o snyam nas/ de der song ba dang / ji tsam na gcer bu pa ngo tsha dang khrel bor ba sha stag yin par mthong nas mngon sum du mi snyan pa brjod pa ni sdug bsngal ba yin pas de cang mi smra bar 'dug go/ /gcer bu pa dag gis zan zos te song nas khyim bdag des de la smras pa/ grogs po sa bon bzang zhing zhing sa bzang ngam des smras pa/ grogs po sa bon bzang na/ zhing ni gcer bu pa ngo tsha dang khrel bor ba sdig pa'i lta ba can dgon dung tshwa rgo can tha chad sdig pa can gyi sa gzhi sha stag yin no/ /khyim bdag gis smras pa/ grogs po zhing bzang po gzhan 'ga' yod dam/ des smras pa/ yod de/ bcom ldan 'das kyi nyan thos dag go/ /khyim bdag gis smras pa/ gal te de dag 'dir byon na bdag gis de dag la bsod snyoms kyis mkho ba bstabs par bya'o/ / khyim bdag de zong bsgyur te rin blangs nas mnyan yod du phyin pa dang / des zong dag tshong khang du mkhos su phab nas rgyal byed kyi tshal du song ngo / /drug sde dag gi kun tu spyod pa ni 'dir bdag cag gis bram ze dang / khyim bdag 'ongs shing lhag pa rnams la yang chos bstan par bya/ rgol ba dag kyang tshar gcad par bya/ rang gi grags pa yang sgrags par bya'o/ /snyam pas drug sde las gang yang rung bas rgyal byed kyi tshal gyi sgo stong par mi 'jog pas/ tshe dang ldan pa nye dga' nang par sngar langs te so shing bor nas snam sbyar dmar ser gyon te rgyal byed kyi tshal gyi sgo na 'chag cing 'dug go/ /nye dgas khyim bdag de thag ring po kho na nas mthong nas smras pa/ khyim bdag 'ongs pa legs so 'ongs pa legs so/ /khyod gang nas zla ba bzhin du yun ring mo ring mo nas 'khod cing 'ongs/ des smras pa/ 'phags pa ri brags ga ge mo zhig na/ khyim bdag che ge mo zhig mchis pa des phyogs bzhi'i dge sbyong dang / bram ze rnams kyi don du 'dug gnas bgyid du stsal nas de bcom ldan 'das kyi nyan thos dag mthong bar 'tshal lo/ /nye dgas bsams pa/ gal te lhung bzed nag po can 'ga' zhig gis thos par gyur na/ de shin du myur bar der 'gro bar 'gyur bas bdag gis khyim bdag 'di smad na lhung bzed nag po can 'ga' la yang brjod par mi 'gyur ro snyams nas des khyim bdag de la smras pa/ khyod kyi snying lam na kho bo cag zan sus sbyin par 'gyur/ gos sus sbyin par 'gyur snyams pa las gzhan pa bsam gtan nam/ klag pa 'ga' yang mi sems snyam 'am/ khyim bdag des bsams pa/ 'dod pa'i bdag nyid can gang dag yin pa de dag gi nang na nye dga' las lhag pa med na 'dis kyang re shig bdag smad par gyur na/ gal te bdag gis dge slong rang bzhin du gnas pa gzhan dag la brjod par gyur na de dag gis bdag rgya cher smad par 'gyur ro snyam nas de cang mi smra bar 'dug go/ /nye dgas kyang khyim bdag de smad nas drug sde dag gi gan du song ste smras pa/ tshe dang ldan pa dag bdag cag gis yun ji srid kyis phongs pa spong bar bya/ de dag gis smras pa/ khyod kyi thos pa cung zhig yod dam/ yod de ri brags ga ge mo zhig na khyim bdag che ge mo zhig 'dug pa des phyog bzhi'i dge sbyong dang / bram ze rnams kyi don du 'dug gnas byed du bcug nas/ de na gang dag 'dug pa de dag la de chos gos dang / bsod snyoms gyis mkho ba stobs par byed kyis der 'dong ngo / /de dag gis smras pa/ ci thams cad 'dong ngam/ nye dgas smras pa/ mi drug kho na 'dong ngo / / de ltar bya'o zhes de dag ri brags ga la ba der rgyu zhing dong ngo / /gcer bu pa de dag gis smras pa/ shes pa can dag spyod yul rjes su 'jug par byas 'dong ngo / /zhes de dag gis 'dug gnas der srungs ma gcer bu pa gcig bzhag ste gzhan du dong ngo / /drug sde dag kyang mthar gyis rgyu zhing 'dong ba na ri brags der phyin nas de dag khyim bdag de'i gan du dong ste smras pa/ khyim bdag a rog khya a rog khya/ khyim bdag gis smras pa/ khyed cag su yin/ bcom ldan 'das kyi nyan thos dag go/ /khyim bdag gis smras pa/ ma nongs te bdag cag kyang bcom ldan 'das kyi nyan thos dag mthong bar 'tshal na khyed cag kyang byon to/ /'phags pa dag bdag gis phyog bzhi'i dge sbyong dang / bram ze rnams kyi don du 'dug gnas bgyid du stsal ba der bzhugs shig dang bdag gis khyed cag la bsod snyoms kyis mkho ba bstabs par bgyi'o/ /drug sde dag gis smras pa/ gnas mal khri 'am/ khri'u cung zad yod dam/ khyim bdag gis smras pa/ ma mchis so/ /drug sde dag gis smras pa/ khyim bdag kho bo cag sa la gnas mal 'cha' bar mi byed do/ /khyim bdag des der gnas mal btsal nas khri dang khri'u dag 'dug gnas der bskur ro/ /gcer bu pa des smras pa/ kye shAkya'i bu'i dge sbyong dag 'di khyed kyi gtsug lag khang yang ma yin la/ 'dug gnas kyang ma yin na khyed cag 'dir gar 'jug /drug sde dag gis smras pa/ kwa'i shes pa can ci zer/ 'di kho bo cag gi gtsug lag khang yang ma yin la/ 'dug gnas kyang ma yin no zhes ma zer cig /gal te 'dug na ni 'dug tu zad/ gal te mi 'dug na khyod la mtshams chen po gcad par bya'o/ /gcer bu pa des bsams pa/ 'di dag ni mi drug yod la/ bdag ni gcig pu yin pas bdag gis 'di dag la ci yang bya bar mi nus pas 'di dag gis bdag la gnod pa byas par gyur na mi rung ngo snyam nas de skrag ste bros so/ /drug sde dag nyi ma re re zhing khyim bdag de'i khyim du dong ste za bar byed do/ / dus gzhan zhig na khyim bdag de la ri brags gzhan zhig tu bya ba cung zhig byung nas des drug sde dag la smras pa/ 'phags pa dag bdag la ri brags gzhan zhig tu bgyi ba cung zhig byung ste bdag der mchi yis khyed cag bdag gi sdum pa na ji ltar gsol ba de bzhin du bdag slar mchis kyi bar du gsol cig /drug sde dag gis smras pa/ de ltar bya'o/ /khyim bdag des nang mi la smras pa/ khyod kyis 'phags pa dag la ji ltar bsnyen bkur byas pa de bzhin du kho bo phyir 'ongs kyi bar du yang gyis shig /de ri brags der song ba dang drug sde dag nyi ma re re zhing der dong ste de bzhin du za bar byed pa na de dag gis smras pa/ dga' bo nye dga' bdag cag gis yun ji srid du gzhan gyi spyod lam gyis 'khod par bya/ rang gis spyod lam bstan par bya'o/ /de ltar bya'o zhes de dag gis smas pa/ dga' bo nye dga' bud med 'di'i mig dag dang / rna ba dag dang / so dag dang / mchu dag dang / nu ma dag dang / rked pa dag dang / brla dag dang rkang pa dag mdzes pa la ltos shig /ltos shig /bud med de ngo tsha nas gnas khang du zhugs te 'dug go/ /khyim bdag de yang ri brags de nas 'ongs nas des nang mi la dris pa/ khyod kyis sbyin gnas dag byon nas de bzhin du gsol gtam/ des smras pa/ 'di 'dra ba'i sbyin gnas dag ni 'ga' yang ma mchis kyang mi dong 'o/ /bdag gis dwi dag dang / rol mo mkhan dag dang / nal gyi bu dag las kyang sngon lan 'ga' yang ma thos pa'i tshig dag khyod kyi sbyin gnas dag las thos so/ /khyim bdag des bsams pa/ bud med kyi yul dag ni skyes pa la sems pa yin pas gcer bu pa sgren mo dag zhugs pa/ de dag mthong ba na chags par 'gyur gyi/ bcom ldan 'das kyi nyan thos sham thabs legs par bgos pa/ chos gos legs par bgos pa de dag la 'di mi dga'o snyam nas des de la smras pa/ khyod gcer bu la sgren mo dag la dga'i/ bcom ldan 'das kyi nyan thos shams thabs legs par bgos pa/ chos gos legs par bgos pa dag la khyod dga' bar ga la 'gyur/ chung mas smras pa/ rje'i sras gal te khyod bdag la thug mi ches na bdag gis khyod kyi mngon sum du 'gyur bar bgyi'o/ / khyim bdag gis bsams pa/ je bgam par bya'o snyam nas de nyi ma nyung shas shig 'dug nas drug sde dag la smras pa/ 'phags pa dag yang bdag la ri brags der bgyi ba cung zhig byung ste/ bdag der mchi yis khyed cag bdag gis sdum pa na ji ltar gsol ba de bzhin du bdag slar mchis kyi bar du gsol cig /drug sde dag gis smras pa/ de ltar bya'o/ /khyim bdag de yang gnas khang du zhugs te 'dug pa dang / drug sde dag kyang de bzhin du de'i khyim du zhugs te khod nas/ de dag la de'i chung ma des brim par brtsams pa dang / drug sde dag gis smras pa/ dga' bo nye dga' bud med 'di'i mig dag dang / rna ba dag dang / so dag dang / mchu dag dang / nu ma dag dang / rked pa dag dang / brla dag dang / rkang pa dag mdzes pa la ltos shig ltos shig /khyim bdag des de thos nas bsams pa/ bdag gis 'phral kho na la 'di dag gi bsod snyoms gcad pa ni bdag gi tshul dang 'thun pa ma yin gyis thabs kyi rnam pa zhig bya'o/ / snyam nas des de'i nyin mo khur ba gcig phri ba dang / drug sde dag gis smras pa/ dga' bo nye dga' spyod yul tshig go zhes de dag gis smras pa/ tshe dang ldan pa dag bdag cag gis mu lto ba dag la khur ba gcig sbyin par bya ba de deng phyin cad sbyin du med do/ /de phyi de nyin par khur ba gnyis pa phri ba dang / de dag gis smras pa/ dga' bo nye dga' spyod yul tshig go zhes de dag gis smras pa/ tshe dang ldan pa dag bdag cag gis khur ba gzhan gcig lhung bzed kyi 'og gzhir dor ba de yang deng phyin cad dor du med do/ /de bzhin du rim gyis ji tsam na 'bras chan rtsub po dang / rtsab mo bskol ba dag sbyin par brtsams pa dang / de dag gis smras pa/ dga' bo nye dga' spyod yul tshig go/ /yang smras pa/ 'dir ji ltar tshig /bdag cag sgo 'phar brgya snyed 'das kyang lto khengs pa bsgrubs par dka' na/ da ltar 'di na bdag cag grib ma bsil ba dag la 'khod du yod na 'bras chan rtsub po dang / rtsabs bskol ba yang mi 'dod dam/ gcer bu pa des kyang 'khor 'khor nas gcer bu pa de dag mthong nas smras pa/ shes pa can dag bdag cag gi spyod yul phrogs kyis phyir khug shig /de dag gis smras pa/ khyod 'dug gnas bor te 'dir gar 'ong / des smras pa/ kho bo de nas bskrad do/ /sus shAkya'i bu'i dge sbyong dag gis so/ /de dag gis smras pa/ shAkya'i bu'i dge sbyong ji snyed lhag des smras pa mi drug go/ /de dag gis smras pa bdag cag mi drug bcu yod na de dag shin du brdegs te bskrad par mi nus sam/ tshur sheg 'dong ngo / /bdag cag gis shes pa can rem shig ces brjod pa na drug sde re re la bdag cag mi bcu bcu rub ste shin du brdeg par bya'o/ /de dag gis smras pa/ je khyim bdag la dri bar bya snyam/ de ltar bya'o zhes de dag khyim bdag gi gan du dong ste smras pa/ khyim bdag khyod kyi 'dug gnas su la phul/ su la yang ma phul te/ 'di ltar gang de na 'dug pa de la bdag bsod snyoms kyis mkho ba stobs par byed do/ /de dag gis smras pa/ khyim bdag ni re shig dbus na gnas pa yin no zhes de dag 'dug gnas su dong nas drug sde dag la smras pa/ kwa'i shAkya'i bu'i dge sbyong dag khyed gang nas lhags te 'dir 'khod/ 'di khyed kyi gtsug lag khang yang ma yin la/ 'dug gnas kyang ma yin gyis phyir byung shig /gal te byung na ni byung du zad/ mi byung na kho bo cag gi khyed la mtsham chen po gcad par bya'o/ /drug sde dag gis smras pa/ kwa'i gcer bu pa sgre byi dag ci zer/ 'di khyed kyi gtsug lag khang yang ma yin la/ 'dug gnas kyang ma yin gyis phyir byung shig ces ma zer cig /gal te 'khod na ni 'khod du zad/ gal te mi 'khod na kho bo cag gis khyed la 'tsham chen po gcad par bya'o/ /gcer bu pa dag gis shes pa can rem shig ces smras nas drug sde re re la gcer bu pa bcu bcu rub ste/ de dag gis brdeg par brtsams pa dang / drug sde dag gis smras pa dang / dga' bo nye dga' tshang pa mtshungs par spyod pa dag gis smad par gyur na mi rung gis mig dag dang / rna ba dag srungs shig ces de dag gis smras pa/ sgre byi dag phod yang dag na phyogs 'dir snun cig ces rkub tshos la sog pa bstan te de dag brdeg tu bcug go/ /gang gi tshe gcer pu pa dag ngal bar gyur cing rdeg mi nus pa de'i tshe na drug sde dag gis tshe dang ldan pa dag shin tu rem shig ces drug sde re res kyang lag ngar brkyang pas kyang gcer bu pa lnga lnga sa la brdabs shing / lag ngar bskums pas kyang gcer bu pa lnga lnga sa la brdabs nas de dag shin du brdeg par brtsams te smras pa/ dga' bo nye dga' pham par 'gyur ba'i ltung ba byung bar gyur na mi rung gis rtsa ba'i ltung ba srungs shig ces drug sde dag gis de dag rgya lcag dag dang khu tshur dag dang rdog pa dag dang / lcug ma dag gis shin du gtal cing brim nas/ de dag gis gcer bu pa dag rdeg bzhin du 'dug gnas kyis nang nas phyi rol tu 'dzings te byung ba dang / bram ze dang / khyim bdag dag gis de dag mthong nas de dag gis smras pa/ shes ldan dag ltos shig ltos shig dge sbyong g.yul 'gyed pas char 'babs par 'gyur ro/ /drug sde dag gis smras pa/ dga' bo nye dga' spyod yul tshig cing me mdag zhi bar ma gyur gyi tshur shig mnyan yod du 'dong ngo lho nas 'jig rten rgyang pan pa'i rgol ba 'char ka zhes bya ba mnyan yod du 'ongs nas de 'gyed 'dod pa'i 'gyed pa'i yo byad kyi phyir tshe dang ldan pa kun shes kauN+Di n+ya'i drung du song te smras pa/ kye dge slong kho bos bla ma las yi ge nyung shas shig blang te de'i phyir kho bo khyod dang lhan cig gtam rnam par gtan la dbab pa byed par 'dod do/ /tshe dang ldan pa kun shes kauN+Di n+yas smras pa/ bram ze kho bo khyod dang 'gyed par mi 'dod kyis song shig /de nas 'jig rten rgyang pan pa de tshe dang ldan pa rta thul dang / bzang ldan dang / rlangs pa dang / ming chen dang / grags pa dang / gang po dang / dri med dang / ba lang bdag dang / lag bzangs ga la ba der song te de dag la smras pa/ kye dge slong kho bos bla ma las yi ge nyung shas shig blangs te de'i phyir kho bo khyod dang lhan cig gtam rnam par gtan la dbab par byed par 'dod do/ /de dag gis smras pa/ bram ze kho bo cag khyod dang 'gyed par mi 'dod kyis song shig /de nas 'jig rten rgyang pan pa de tshe dang ldan pa shA ri'i bu ga la ba der song ste phyin nas tshe dang ldan pa shA ri'i bu la 'di skad ces smras so/ /kye dge slong kho bos bla ma las yi ge nyung shes shig blangs te de'i phyir kho bos khyod dang lhan cig gtam rnam par gtan la dbab pa byed par 'dod do/ /tshe dang ldan pa sha ri'i bus 'di la dge ba'i rtsa ba dag cung zad yod dam snyam du bsams na yod par mthong ngo / /su la rag las snyam na/ bdag nyid la rag las par mthong ngo / /'gyed pas 'dul ba yin nam snyam na/ yin par mthong ngo / /yun ji srid kyis 'dul bar 'gyur snyam na/ zhag bdun 'das nas 'dul bar 'gyur bar mthong nas tshe dang ldan pa shA ri'i bus smras pa/ bram ze tshur shog de ltar bya'o zhes de nyi ma dang po la 'gyed pa lhag ma dang bcas par btang ngo / /phyi de nyin par yang 'gyed pa lhag ma dang bcas par btang ngo / /de bzhin du nyi ma bdun pa'i bar du yang 'gyed pa lhag ma dang bcas par btang ngo / /thams cad du lho lam nas 'jig rten rgyang pan pa'i rgol ba 'char ka zhes bya ba 'ongs nas/ de dang 'phags pa shA ri'i bu gnyis nyi ma bdun pa deng gi bar du bkye na/ cig gis kyang tshar ma bcod la gnyis pas kyang tshar ma chod do zhes sgra grags nas srogs chags 'bum phrag du ma dag kha cig ni ltad mo skyes pa dang / kha cig ni sngon gyi dge ba'i rtsa ba dag gis bskul ba na der 'dus par gyur nas tshe dang ldan pa shA ri'i bu bsams pa/ bdag 'gyed pas 'dul ba dag 'dus sam snyam na/ 'dus par mthong nas tshe dang ldan pa shA ri'i bus 'jig rten rgyang pan pa de pham par byas shing rdug par byas te 'gyed pa lhag ma ma lus par btang nas 'jig rten rgyang pan pa kun du rgyu 'char ka tshar bcad pa dang / de yang dad par gyur nas smras pa/ btsun pa shA ri'i bu bdag gis bcom ldan 'das kyis legs par gsungs pa'i chos 'dul ba la rab tu 'byung ba dang rdzogs par bsnyen pa dge slong gi dngos po 'thob na bdag bcom ldan 'das kyi spyan sngar tshangs par spyad pa spyod do/ /tshe dang ldan pa shA ri'i bus de rab tu phyung zhing rdzogs par bsnyen par byas so/ /de de ltar rab tu phyung nas gcig pu dben pa bag yod pa rtun pa dang ldan pa bdag nyid btang bar gnas pa na rigs kyi bu gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung bar byed pa tshang par spyod pa'i mtha' bla na med pa de tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshang par spyod pa spyad do bya ba byas so srid pa 'di las gzhan mi shes so zhes go bar byed cing dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bur rig pas sgo nga'i sbubs dral bar gyur cing rig pa dang / mngon par shes pa dang / so so yang dag par rig pa thob/ srid pa dang 'dod pa'i rnyed pa dang bkur sti la rgyab kyis phyogs pa/ dbang po dang nye dbang dang / bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de nas 'khor de tshe dang ldan pa shA ri'i bus 'di lta bu'i rgol ba tshar bcad do zhes ya mtshan skyes par gyur to/ /de nas tshe dang ldan pa shA ri'i bus 'khor de'i bsams pa dang / bag la nyal ba dang / khams dang / rang bzhin shes nas 'di ltar srogs chags 'bum phrag du ma dag gis bden pa dag mthong zhing kha cig gis ni lan cig phyir 'ong ba'i 'bras bu mngon sum du byas kha cig gis ni phyir mi 'ong ba'i 'bras bu mngon sum du byas/ kha cig gis ni rab tu byung te nyon mong pa thams cad spangs ste dgra bcom pa nyid mngon sum du byas pa de ltar chos bstan pa byas te/ 'khor de las phal cher sangs rgyas la gzhol ba dang / chos la 'bab pa dang / dge 'dun la bab par rnam par bzhag go/ /tshe dang ldan pa shA ri'i bus 'jig rten rgyang pan pa 'char ka snga dro tshar bcad nas phyi dro drug sde dag mnyan yod du lhags nas/ dge slong rnams kyis de dag la smras pa/ tshe dang ldan pa dag 'ongs pa legs so/ /'ongs pa legs so/ /khyod cag ga las 'ong / tshe dang ldan pa shA ri'i bus lho lam nas 'jig rten rgyang pan pa'i rgol ba bram ze kun tu rgyu 'char ka zhes bya ba 'gyed 'dod cing 'gyed pa'i yo byad kyi phyir 'ongs pa tshar bcad de g.yul las rnam par rgyal lo/ /drug sde dag gis smras pa/ tshe dang ldan pa dag 'di ltar tshe dang ldan pa shA ri'i bus tshogs can gnyis pa/ chos kyis dmag dpon/ chos kyis 'khor lo rjes su bskor bas rgol ba gcig tshar bcad pa 'di ngo tshar ci che/ gal te tshe dang ldan pa shA ri'i bus tshar bcad par ma gyur na yang / bcom ldan 'das slad na bzhugs pas de ngo mtshar mi che'i/ kho bo cag mi drug gis gcer bu pa drug bcu tshar bcad pa ngo mtshar che'o/ /rig pa'i gnas gang la/ dbyug pa'i rigs pas lus la chos bshad pas so/ /ci 'tsho 'am 'on te shi/ de'i tshe na ni 'tsho na da rtsam 'tsho 'am shi gtol med do/ /dge slong don nyung ngu dag ci'i phyir dge slong dag yan lag gang gis ngo tsha bar bya ba'i yan lag de nyid kyis rloms par byed ces smod par byed phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skab 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste/ zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la smras pa/ dge slong dag khyod kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la slab pa'i gzhi 'di ltar gdon par bya ste/ 'dug gnas gcig tu zhag lon pa'i dge slong gis bsod snyoms gcig bza' bar bya'o/ /de las lhag par za na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / de nas khyim bdag de zong thogs te ri brags de nyid du phyin nas de khyim bdag de'i tshong khang du zhugs pa dang / khyim bdag gis gcer bu pa dag la brim par brtsams nas des khyim bdag de'i gan du mi mngags te/ grogs po sbyin gnas dag la sbyin par byas tshur shog ces sbran pa dang / khyim bdag de dad pa can yin pas/ des bsams pa/ bcom ldan 'das kyi nyan thos dag yin gor ma chag gis song la blta'o snyam nas de der song ba dang / ji tsam na gcer bu pa ngo tsha dang khrel bor ba dag cig yin par mthong nas mngon sum du mi snyan rjod pa ni sdug bsngal ba yin pas de cang mi smra bar 'dug go/ /de dag zos te dong ba dang / khyim bdag gis de la smras pa/ grogs po zhing bzang zhing sa bon bzang ngam/ khyim bdag des smras pa/ grogs po sa bon ni bzang na zhing ni gcer bu pa ngo tsha dang khrel bor ba sdig pa'i lta ba can dgon dung tshwa sgo can tha chad sdig pa can gyi sa gzhi sha stag yin no/ /khyim bdag des smras pa/ grogs po zhing ches bzang ba gzhan yod dam/ des smras pa/ yod de bcom ldan 'das kyis nyan thos dag go/ /khyim bdag gis smras pa/ grogs po de dag gi ming yang ma smos shig /des smras pa ci de dag 'dir lhags par gyur tam lhags so/ /gang dag drug sde dag go/ /de dag gis re shig ci byas/ 'di dang 'di lta'o/ /des smras pa/ grogs po khyod kyis rgya mtsho chen po nas nor bu mching bu dag blangs so/ /khyim bdag gis smras pa/ bcom ldan 'das kyi nyan thos bzang po gzhan dag kyang yod dam/ yod de gal te khyod kyis tshe dang ldan pa shA ri'i bu dang / maud gal gyi bu chen po dang / nam gru dang / ma 'gag pa la sogs pa bcom ldan 'das kyi nyan thos chen po gzhan dag mthong bar 'gyur na/ khyod mngon par dad par 'gyur ba de lta bu'i gnas yod do/ /khyim bdag gis smras pa/ gal te de dag 'dir byon par gyur na bdag gis de dag la bsod snyoms kyis mkho ba bstabs par bya'o/ / khyim bdag des bsams pa/ da ni bdag song la bcom ldan 'das la gsol bar bya'o/ /snyam nas khyim bdag des zong bsgyur rin blangs nas mnyan yod ga la ba der song ste mthar gyis mnyan yod du phyin to/ /de nas khyim bdag des zong tshong khang du sbas nas/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go/ /mtha' gcig tu 'dug nas bcom ldan 'das la khyim bdag des 'di skad ces gsol to/ /btsun pa ri brags ga ge mo zhig na khyim bdag che ge mo zhig mchis pa de phyogs bzhi'i dge sbyong dang bram ze rnams kyis slad du 'dug gnas bgyid du stsal te/ de de na gang gnas pa de la bsod snyoms kyis mkho ba bstobs par bgyid cing de bcom ldan 'das kyi nyan thos dag mthong bar 'tshal na/ bcom ldan 'das kyis de la thugs brtse ba'i slad du der dge slong dag cig bka' stsal na legs so/ /bcom ldan 'das kyis khyim bdag de la cang mi gsung bas gnang ngo / /de nas khyim bdag des bcom ldan 'das kyis cang mi gsung bas gnang bar rigs nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyis spyan snga nas song ngo / /de nas bcom ldan 'das kyis dge slong gang gis khyim bdag de 'khor dang bcas pa dang / ri brags de na gnas pa'i skye bo'i tshogs dag 'dul bar 'gyur snyam du dgongs na/ dge slong shA ri'i bus 'dul bar gzigs nas/ de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu khyod kyis ri brags ga ge mo zhig na khyim bdag che ge mo 'khor dang bcas pa dang / ri brags na gnas pa'i skye bo'i tshogs la som shig /tshe dang ldan pa shA ri'i bus btsun pa bka' bzhin 'tshal zhes bcom ldan 'das las mnyan nas 'khor lnga brgya dang ri brags de ga la ba de logs su ljongs rgyu zhing song nas mthar gyis rgyu zhing 'gro ba na ri brags der phyin nas khyim bdag de'i 'dug gnas su zhugs so/ /khyim bdag des btsun pa shA ri'i bu 'khor lnga brgya dang ri brags 'dir 'ongs te bdag gi 'dug gnas su zhugs so zhes thos so/ /thos nas kyang tshe dang ldan pa shA ri'i bu ga la ba der song ste phyin nas tshe dang ldan pa shA ri'i bu'i rkang pa gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas tshe dang ldan pa shA ri'i bus khyim bdag de la chos dang ldan pa'i gtam gyis yang dag par ston par byed/ yang dag par 'dzin du 'dzud par byed/ yang dag par gzeng stod par byed/ yang dag par rab tu dga' bar byed/ rnam grangs du mas chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi smra'o/ /de nas khyim bdag de stan las langs te bla gos phrag pa gcig tu byas nas tshe dang ldan pa shA ri'i bu ga la ba de logs su thal mo sbyar ba btud nas/ tshe dang ldan pa shA ri'i bu la 'di skad ces smras so/ / btsun pa shA ri'i bus sang bdag gis sdum par dge slong gi dge 'dun dang gdugs tshod gsol bar ci gnang / tshe dang ldan pa shA ri'i bus khyim bdag de la cang mi smra bas dang du blangs so/ /de nas khyim bdag des tshe dang ldan pa shA ri'i bus cang mi smra ba dang du blang bar rigs nas tshe dang ldan pa shA ri'i bu'i rkang pa gnyis la mgo bos phyag 'tshal te/ tshe dang ldan pa shA ri'i bu'i drung nas song ngo / /de nas khyim bdag des de nyid kyi mtshan mo bca' ba dang bza' ba gtsang zhing bsod pa sta gon byas nas/ nang par sngar langs te stan bshams nas chu ra bzhag ste/ tshe dang ldan pa shA ri'i bu la mngag pas btsun pa shA ri'i bu gdugs tshod g.yar dgongs 'tshal na btsun pa shA ri'i bus da de'i dus la bab par dgongs su gsol zhes bskul to/ /de nas tshe dang ldan pa shA ri'i bu snga dro sham thabs bgos lhung bzed dang chos gos thogs te/ dge slong gi tshogs kyis yongs su bskor cing dge slong gi dge 'dun gyis mdun du bdar nas khyim bdag de'i khyim ga la ba der song ste phyin nas dge slong gi dge 'dun gyi gong du stan bshams pa nyid la 'dug go/ /de nas khyim bdag des tshe dang ldan pa shA ri'i bu la sogs pa dge slong gi dge 'dun bde bar 'dug par rig nas bca' ba dang bza' ba gtsang zhing bsod pas rang gi lag nas tshim par byed cing stobs par byed do/ /rnam grangs du mar bca' ba dang bza' ba gtsang zhing bsod pas rang gi lag nas tshim par byas shing bstabs te/ tshe dang ldan pa shA ri'i bu zan zos shing lag pa bsnyal lhung bzed bzhag par rig nas stan ches dma' ba zhig blangs te tshe dang ldan pa shA ri'i bu'i mdun du chos mnyan pa'i phyir 'dug go/ /'dug nas khyim bdag des tshe dang ldan pa shA ri'i bu la 'di skad ces smras so/ /btsun pa shA ri'i bu chos bstan du gsol/ khyim bdag de'i phyir khyod kyis sa phyogs go skabs yangs par stan 'ding du chug la ri brags 'dir skye bo phal po che'i tshogs la sang 'phags pa shA ri'i bu chos ston par 'gyur gyis khyed cag las gang chos nyan par 'dod pa de shog shig ces dril bsgrag pa byed du chug shig /tshe dang ldan pa shA ri'i bu yon bshad pa byas nas stan las langs te song ngo / / khyim bdag de ri brags de na gtso bor grags pa yin pas des sa phyogs go bskabs yangs par stan shom du bcug nas ri brags der skye bo phal po che'i tshogs la sang 'phags pa shA ri'i bu chos ston par 'gyur gyis khyed cag las gang chos nyan par 'dod pa de shog shig /khyed cag las gang gis der bden pa dag mthong bar ma gyur pa des 'khor bar yun ring du 'khor bar bya dgos so zhes dril bsgrag pa byed du gcug go/ /de nas tshe dang ldan pa shA ri'i bu phyogs der song de dge slong gi dge 'dun gyi gong du stan bshams pa nyid la 'dug pa dang / srog chags 'bum phrag du ma dag kyang kha cig ni ltad mo skyes pa na/ kha cig ni sngon gyi dge ba'i rtsa ba dag gis bskul ba na 'dug par gyur nas/ tshe dang ldan pa shA ri'i bus 'khor de'i bsams pa dang / bag la nyal dang / khams dang / rang bzhin shes nas 'di ltar khyim bdag de 'khor dang bcas pa dang / srog chags khri nyis stong gis bden pa dag mthong zhing kha cig gis ni rgyun du zhugs pa'i 'bras bu mngon sum du byas/ kha cig gis ni lan cig phyir 'ong ba'i 'bras bu mngon sum du byas/ kha cig gis ni phyir mi 'ong ba'i 'bras bu mngon sum du byas/ kha cig gis ni rab tu byung ste nyon mongs pa thams cad spangs pas/ dgra bcom pa nyid mngon sum du byas/ kha cig gis ni nyan thos kyi byang chub tu sems skyed/ kha cig gis ni rang sangs rgyas kyi byang chub tu sems skyed/ kha cig gis ni bla na med pa yang dag par rdzogs pa'i byang chub tu sems skyed pa de ltar chos bstan pa byas te/ 'khor de las phel cher sangs rgyas la gzhol ba dang / chos la 'bab pa dang / dge 'dun la bab par rnam par bzhag go/ /tshe dang ldan pa shA ri'i bus ha cang yun ring du chos bstan pas gdugs tshod yol zhing rlung gis de'i rgyab na bar gyur nas khyim bdag des smras pa/ btsun pa shA ri'i bu de'i slad du bdag gi 'dug gnas su bzhugs shig dang bdag gis khyod la bsod snyoms kyis mkho ba bstabs par bgyi'o/ /khyim bdag khyod nyid la brten nas bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad kyis 'gro'o/ /de nas tshe dang ldan pa shA ri'i bu na bzhin du zan bcad de ri brags de nas mnyan yod ga la ba de logs su rgyu zhing song ste mthar gyis rgyu zhing 'gro ba na mnyan yod du phyin nas/ dge slong rnams kyis tshe dang ldan pa shA ri'i bu'i lhan cig gnas pa dang / nye gnas dag la dris pa/ tshe dang ldan pa dag ji lta bde bar brgyus sam/ tshe dang ldan pa dag cung zhig bde bar yang brgyus/ cung zhig sdug bsngal bar yang brgyus so/ /ci zhig bde bar brgyus/ mkhan pos gdul bar bya ba 'di snyed cig mdzad pa gang yin pa de ni bde bar brgyus pa yin no/ /ci zhig sdug bsngal bar brgyus/ mkhan po bsnyung bzhin du gdugs tshod bcad de ri brags de nas bzhud pa gang yin pa de ni sdug bsngal bar brgyus pa yin no zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na na ba ma gtogs te/ dge slong gis pus 'khyud bcang bar rjes su gnang ngo / /de nas bcom ldan 'das kyis bslabs pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchis mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'dug gnas gcig du zhag lon pa'i dge slong mi na bas bsod snyoms gcig bza' bar bya'o/ /de las lhag pa za na ltung byed do/ /'dug gnas gcig du zhag lon pa'i zhes bya ba ni mu stegs can gyi 'dug gnas su zhag lon pa'i 'o/ /dge slong zhes bya ba ni chos 'di pa'o/ /mi na ba zhes bya ba ni na ba ma gtogs pas so/ /bsod snyoms gcig bza' bar bya'o zhes bya ba ni zan lan cig go/ /de las lhag pa za na zhes bya ba ni de las mang du za na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu bsregs par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgribs par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ der gnas shing der za na der gnas pa la nyes byas su 'gyur la/ der za ba la ltung byed du 'gyur ro/ /der gnas shing gzhan du za na/ der gnas pa la nyes byas su 'gyur la/ gzhan du za ba la ltung ba med do/ /gzhan du gnas shing der za na gzhan du gnas pa la ltung ba med la/ der za ba la ltung byed du 'gyur ro/ /gzhan du gnas shing gzhan du za na gnyis ka la ltung ba med do/ /tshogs kyi dang / nye du'i dang / sbyin bdag na re de nyid du 'dug shig ces zer ba la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /'dug gnas gcig tu za ba'i ltung byed de sum bcu rtsa gnyis pa rdzogs s+ho// //'dul ba rnam par 'byed pa/ bam po lnga bcu rtsa gnyis pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /byang lam nas don 'thun dag mnyan yod du lhag pa na drug sde dag gis de thos nas smras pa/ dga' bo nye dga' bdag cag gis byang lam nas don 'thun dag mnyan yod du lhags shes thos kyis gal te na cung zad bsgrub par nus kyang srid kyis 'dong ngo / / gal te bsod snyoms zo shig ces zer na lto gang bas chog go zhes rjod par bya'o/ /gal te gos long shig ces zer na blang bar bya'o zhes de dag dong ste smras pa/ bzhin bzang dag 'khod cig dang chos bstan par bya'o/ /de dag gis rkang pa la phyag 'tshal te/ mdun du chos mnyan pa'i phyir 'khod pa dang / de dag gis de dag la chos bstan nas de dag gis smras pa/ 'phags pa dag 'di nyid du bsod snyoms gsol cig /bzhin bzang dag lto gang bas chog go/ /drug sde dag yang dang yang du 'ongs te chos bstan pa dang / don 'thun dag gis kyang yang dang yang du smras pa/ 'phags pa dag 'di nyid du bsod snyoms gsol cig /drug sde dag gis kyang yang dang yang du smras pa/ bzhin bzang dag lto gang bas chog go/ /dus gzhan zhig na don 'thun dag gis smras pa/ shes ldan dag 'di na glang dag gi rtswa med kyis re shig ri brags gzhan zhig tu 'dong la glang dag gzan zhing 'khod par bya ste/ ji tsam na zong bsgyur te 'gro ba na mnyan yod du 'dong bar bya'o zhes de dag gis glang dag ded nas ri brags zhig tu glang dag gzon du dong ngo / /drug sde dag kyang nang par sngar langs te chos ston du dong ba dang / ji tsam na don 'thun de dag mi snang nas de dag sems khongs su chud cing 'khod pa dang / ji tsam na der mi zhig 'ongs te smras pa/ 'phags pa dag ci'i slad du sems khongs su chud cing bzhugs/ drug sde dag gis smras pa/ bzhin bzang phyogs 'di na kho bo cag gi mdza' bo don 'thun dag cig 'khod 'khod na de dag gis kho bo cag la ma ltas pa kho nar dong ngo / /des smras pa/ 'phags pa dag de dag ni thams cad kyis thams cad du mchis pa ma lags te/ 'di ltar de dag gis glang dag gi ran ma mchis nas de dag ri brags shig na glang dag gson cing mchis te slar yang 'dir mchis par 'gyur ro/ / bzhin bzang nad med par gyur cig ces drug sde dag ri brags der 'ong ba dang / ji tsam na de dag gis don 'thun de dag thag ring po kho na nas tshigs su bcad pa dag smras pa/ rtsub pa'i ri la 'gro mi bya/ /song na'ang yun ring gnas mi bya/ / rtsub pa'i ri dag ji bzhin du/ /ri la 'khod pa'ang de bzhin no/ /ri la 'khod pa dang por ni/ /gser dag bdar ba ji bzhin te/ /mi la 'tshe ba rnam brtags na/ /ri dag ji lta de bzhin no/ /don 'thun de dag gis thos nas smras pa/ 'phags pa dag khyed cag ci bkyon/ bzhin bzang dag khyed cag kho bo cag gi mdza' bo dag yin pas kho bo cag gis dge ba'i phyogs dag yongs su nyams par byas te khyed cag la chos bstan na/ khyed cag kho bo cag la ma bltas pa kho nar 'dir dong ngo / /'phags pa dag bdag cag thams cad kyi thams cad du 'dir mchis pa ma lags te 'di ltar de na bdag cag gi glang dag gi ran ma mchis pas de'i slad du bdag cag 'di na glang dag gson cing mchis te/ ji rtsam na zong dag bsgyur te mchi ba na bdag slar yang mnyan yod du mchi'o/ /bzhin bzang dag 'khod cig dang chos bstan par bya'o/ /de dag gis drug sde dag gi rkang pa la phyag 'tshal te stan ches dma' ba dag blangs nas mdun du chos mnyan pa'i phyir 'khod pa dang / drug sde dag gis de dag la chos bstan nas de dag gis smras pa 'phags pa dag 'di nyid du bsod snyoms gsol cig /bzhin bzang dag lto gang bas chog go/ /ded dpon gyis smras pa/ shes ldan dag 'phags pa dag yang dang yang du lto gang bas chog go zhes gsung ba las na 'di dag la na bza' mi mnga' gor ma chag gis 'di dag la na bza' dbul bar bya'o/ / de ltar bgyi'o/ /zhes de dag gis drug sde dag la la ba srin bu'i mdog lta bu re re bskon to de nas drug sde dag gis smras pa/ bzhin bzang dag khyed cag yang dang yang du bsod snyoms zo shig ces zer na bsod snyoms ji lta bu sbyin pa bltas 'on cig /drug sde dag las gcig gis thab snod lta bu bzed nas 'dir lugs shig ces smras pa dang / don 'thun de dag gis bsams pa/ snod 'di re che zhig ste 'di bkang bas 'di dag thams cad kyi lto khengs pa'i bsod snyoms 'byung bar 'gyur ro/ /snyams nas de dag gis lam rgyag lam snod de bkang ste phul lo/ /drug sde gzhan gyis kyang de bzhin du mthar gyis re re nas thab snod lta bu re re bzed pa dang / ji tsam na don 'thun de dag gis lam rgyag las thab snod lta bu'i snod drug bkang ste phul ba dang / don 'thun de dag gi lam rgyag thams cad zad par gyur nas de dag gis smras pa/ 'phags pa dag bdag cag gis 'dir shul rgyags nyung shas shig 'tshal te mchis pa de dag thams cad bas kyis bdag cag gis mi 'di kAr ShA pa Na dag bskur te 'phags pa dag dang thabs gcig mnyan yod du gtang gis 'phags pa dag gis bdag cag gi shul rgyags dag 'jol te stsol la bsel ba dang bcas te gtang du gsol/ bzhin bzang dag de ltar bya'o/ /don 'thun de dag gis drug sde dag gi phyi bzhin mi zhig kAr ShA pa Na dag bskur te btang ba dang / drug sde dag gtsug lag khang du song ste mi de la smras pa/ bzhin bzang je las 'di gyis shig /des de byas nas drug sde dag gis yang smras pa/ bzhin bzang las gzhan 'di yang gyis shig /des de yang byas pa dang / drug sde dag gis mi de ring zhig bkol bkol nas ji tsam na nyi ma yol bar gyur pa dang / de'i 'og tu btang ste smras pa/ da nyos la song shig /mi de rang gis lam rgyags dag nyos te 'phags pa dang / mnyan yod kyi nyen kor thibs por son pa na chom rkun pa dag gis bcom nas de cig pu don 'thun dag gi nang du song ngo / /don 'thun dag gis mthong nas smras pa/ khyod kyis ci khyer te 'ongs/ des smras pa/ ci yang ma 'ongs so/ /ci'i phyir chom rkun pa dag gis bcom mo/ /de dag gis smras pa/ 'phags pa dag gis khyod kyi bsel ba ma btang ngam/ des smras pa/ shes ldan dag don gyis na de dag nyid kyis bcom mo/ /de dag gis smras pa/ ji ltar gyur des smras pa/ de dag gis kho bo las sha stag byed du bcug nas ji tsam na nyi ma yol bar gyur pa dang de'i 'og tu btang ste da nyos la song shig ces zer nas/ kho bo rang gis lam rgyags dag nyos te 'phags pa dang mnyan yod kyi nyen kor thibs por son pa na chom rkun pa dag gis bcom mo/ / de dag shAkya'i bu'i dge sbyong rnams kyi dge sbyong gi tshul ni tshig go/ /bram ze'i tshul ni tshig ste 'di ltar phan pa bya'o zhes zer la gnod pa kho na byed do zhes smod par byed/ phyar ka gtong bar byed/ kha zer bar byed do/ / 'di ni re shig byung ba yin te/ sangs rgyas bcom ldan 'das re shig 'dul ba la nyan thos rnams kyi bslab pa'i gzhi 'cha' bar ni mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag gcig 'dug pa des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ / de la bu mo g.yas zhar ma zhig byung nas de bsrings shing bskyed de chen mor gyur to/ /bu mo de'i na zla gzhan thams cad bag mar btang na bu mo de g.yas zhar yin pa'i phyir slong ba 'ga' yang ma 'ongs so/ /mnyan yod na khyim bdag gzhan zhig 'dug pa des rigs mnyam pa las chung ma blangs nas de'i chung ma de rang gi las dag gis dus la bab bo/ /gnyis pa blangs pa dang de yang dus la bab bo/ /de bzhin du chung ma bdun pa'i bar du blangs pa dang de yang dus la bab bo/ /khyim bdag de yang skur pa gdab par 'gyur ba'i las dag gis chung ma gsod pa chung ma gsod pa zhes bya ba'i ming du gyur to/ /khyim bdag de yang bu mo bslangs pa dang mi ster cing / nged kyis ci'i phyir bu mo yongs su gtang / mi sbyin no zhes kyang zer ro/ / khyim bdag des yugs sa mo dag bslangs pa dang / yugs sa mo de dag kyang kho mo cag gis ci'i phyir bdag yongs su btang na khyod kyi khyim du 'jug ces zer ro/ /khyim bdag de rnam pa thams cad du yi chad nas rang nyid kyis khyim gyi so tshis dag bya bar brtsams pa dang / dus gzhan zhig na khyim bdag de'i chung po grogs shig 'ongs nas des khyim bdag de mthong nas dris pa/ khyod ci byed khyim bdag gis smras pa/ khyim gyi so tshis dag byed do/ /des smras pa khyod ci'i phyir rang nyid kyis khyim gyi so tshis dag byed/ khyim bdag gis smras pa/ kho bos chung ma gcig blangs pa dang de rang gi las dag gis dus la bab bo/ /gnyis pa blangs pa dang de yang dus la bab bo/ /de bzhin du bdun pa'i bar du blangs pa dang de yang dus la bab bo/ /des smras pa/ gzhan dag ci'i phyir mi slong / khyim bdag gis smras pa/ bslangs na mi ster cing nged kyis ci'i phyir bu mo yongs su gtang / mi sbyin no zhes zer ro/ /des smras pa/ yugs sa mo dag ci'i phyir mi slong / khyim bdag gis smras pa/ bslangs te de dag kyang kho mo cag gis ci'i phyir bdag yongs su btang na khyod kyi khyim du 'jug ces zer ro/ /des smras pa/ g.yas zhar ma ci'i phyir mi slong / mi ster ro/ /song la slongs shig dang / de dag bu mos yongs su dub pa yin pas ster bar 'gyur ro/ /khyim bdag de g.yas zhar ma'i pha'i khyim du song ste bde legs bde legs shes smras pa dang / de dag gis smras pa ci slong / des smras pa/ bu mo'i slongs mo slong ngo / /bu mo gang g.yas zhar ma'o/ /de dag des yongs su skyo ba yin pas smras pa/ sbyin no/ /des smras pa/ nam bag mar gtang / nyi ma mang ge mo zhig la'o/ /des de ltar gyis shig ces smras te song ngo / /de'i chung po grogs de yang 'gyod pa skyes te/ bdag gi grogs po la g.yas zhar ma slongs shig ces bskul ba de dag ni bdag gis ma legs pa zhig byas te/ de mtshan ngan pa yin pas des grogs po bsad par gyur na mi rung ngo snyam nas de khyim bdag de'i gan du song ste smras pa/ khyod kyis g.yas zhar ma thob bam/ khyim bdag gis smras pa/ thob bo/ /des tshigs su bcad pa dag smras pa/ rgya skyegs shing gi so shing dang / /nub du sngas bstan nyal ba dang / /shin tu gnyid che zho 'thung dang / /chung ma g.yas zhar len byed na/ /zhi ba 'ang gnas nas nyams par 'gyur/ /'gog la 'gog byed bab pa dang / /rdo la cag ni bab pa ltar/ /khyod kyang chung ma gsod byed la/ /de yang g.yas zhar yin pas na/ /khyed gnyis gang rgyal gang pham blta'o/ /grogs po bu mo de mtshan ngan pa yin pas khyod dus byed par gyur na mi rung gis de 'or la kho bo'i sring mo yugs sa mo zhig yod pa de long shig /khyim bdag des smras pa/ grogs po dor bar mi nus te/ 'on kyang 'di la thab kyi rnam pa zhig bya'o/ /g.yas zhar ma'i ma des kyang bag rdzangs sta gon bya bar brtsams so/ /khyim de drug sde dag gi khyim du 'gro ba'i khyim yin pas drug sde dag snga dro sham thabs bgos lhung bzed dang chos gos thogs te mnyan yod du bsod snyoms la zhugs nas mthar gyis bsod snyoms la rgyu ba na khyim der zhugs pa dang / ji tsam na khur ba dag sreg pa mthong nas de dag gis smras pa/ sring mo dus ston la bab tu nye 'am ci/ des smras pa/ 'phags pa dag khyed kyi lcam mo bag mar mchi ba la thugs nas de'i bag rdzangs sta gon bgyid do/ / drug sde dag gis smras pa/ sring mo kho bo cag gis cung zad mi thob bam/ 'phags pa dag khyed cag la su zhig gis dbul 'tshal 'di khyed nyid kyi lags so/ /drug sde dag gis smras pa/ sring mo re shig phugs na yod pa gzhan thams cad lta zhog shig /da 'phral du ci sbyin pa bltas 'on cig /des bag brkyang ste de dag gis lhung bzed thams cad khur ba dag gis bkang nas drug sde dag gis de'i kha zas thams cad bsdus te dong ngo / /ji tsam na khyim bdag de 'ongs pa dang / chung mas smras pa/ rje'i sras sbyin gnas dag byon par gyur nas de dag gis kha zas thams cad bzhes kyis bzhud la/ khyog de la bag rdzangs sta gon byed kyi bar du re shig nyi ma nyung shas shig sdod cig ces gsungs shig /khyim bdag gis smras pa/ bzang mo des sdod par mi nus kyis je bu mo bag mar gtang bar gyis shig dang phyis nye du dag zan sbyin par bya'o/ /chung mas smras pa/ rje'i sras de ni chung ma gsod pa lags pas de la gzhan sus kyang bu mo stsal bar mi 'gyur gyis bzhud cig dang sdod par 'gyur ro/ /khyim bdag de de'i gan du song ste smras pa/ bu bdag cag gis kha zas dag sta gon byas par 'gyur ba gang yin pa de sbyin gnas dag gis bzhes kyis/ da nye du dag gi phyir kha zas sta gon byed kyi bar du nyi ma nyung shas shig sdod cig /des smras pa/ kho bo mi sdod de gal te nyi ma de nyid la bag ma rdzongs zhing sbyin na bag mar blang ngo / /gal te mi sbyin na kho bo chung ma gzhan len gyis khyod kyi bu mo dor bar bya'o/ /khyim bdag de chung ma'i gan du song ste smras pa/ bzang mo khyo ga de na re gal te nyi ma de nyid la bag ma rdzongs zhing sbyin na bag mar blangs bar bya'o/ /gal te mi sbyin na kho bo chung ma gzhan len gyis khyod kyi bu mo dor bar bya'o zhes zer ro/ /chung mas smras pa/ rje'i sras de chung ma gsod pa lags pas gzhan su zhig gis de la bu mo stsol bar 'gyur zhes des bag rdzangs sta gon bya bar brtsams so/ /khyo ga des kyang grogs po'i sring mo yugs sa mo de blangs so/ /g.yas zhar ma'i ma des kyang kha zas sta gon byas nas yang khyim bdag de la smras pa/ rje'i sras da khyo ga de'i gan du bzhud la bag ma len du shog shig ces gsungs shig /khyim bdag de de'i gan du song ste smras pa/ bu da bag ma len du shog shig /des smras pa/ khyed kyis nyi ma de las yol bar byas pas da kho bo mi len to/ /khyim bdag des khyo ga de bzung ste rgyal po'i pho brang du 'o dod bos nas shags la bkug pa dang / khyo ga des khyim bdag de pham par byas so/ /g.yas zhar ma'i ma de bdag gi bu mo ma lom mo zhes ngu zhing 'dug pa dang / de'i ngos kyi sdum tshes dag shAkya'i bu'i dge sbyong rnams kyi dge sbyong gi tshul ni tshig go/ /bram ze'i tshul ni tshig ste/ 'di ltar bu mo byin zin pa'i bar chad byed do/ /zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das kyis drug sde dag la smras pa/ dge slong dag khyod kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong rab tu mang po dag khyim rnams su dong ba las gal te de dag la bram ze dang / khyim bdag dad pa can dag gis phye dag dang / khur ba dag dus kyis stobs par gyur la/ 'dod na dge slong de dag gis lhung bzed gang ba gnyis sam/ gsum blang bar bya'o/ /de las lhag par len na ltung byed do/ /lhung bzed gang ba gnyis sam/ gsum blangs nas phyi rol kun dga' ra bar dong la dge slong 'khod pa rnams la 'ang bgo bsha' bya/ bdag cag kyang bza' bar bya ste/ de la de ni cho ga yin no/ /dge slong zhes bya ba ni drug sde dag go/ /rab tu mang po dag ces bya ba ni gnyis las lhag pa ni rab tu mang po dag go/ /khyim rnams su zhes bya ba ni bram ze dang / khyim bdag dag gi khyim rnams su'o/ /dong ba las zhes bya ba ni song ba las so/ /gal te de dag la zhes bya ba ni dge slong de dag la'o/ /bram ze dang / khyim bdag dad pa can dag gis shes bya ba la/ dad pa can zhes bya ba ni sangs rgyas la mngon par dad pa dang / chos dang dge 'dun la mngon par dad pa dang / sangs rgyas la bskyabs su song ba dang / chos dang dge 'dun la skyabs su song ba dag go/ /phye dag ces bya ba ni phye dang / 'de' gu dag go/ /khur ba dag ces bya ba ni bag tshos dag go/ /dus kyis stobs par gyur la zhes bya ba ni yang dang yang du stobs par gyur pa'o/ / 'dod na zhes bya ba ni gal te don du gnyer na'o/ /dge slong de dag gis shes bya ba ni dge slong gang yin pa dag gis so/ /lhung bzed gang ba gnyis sam/ gsum blang bar bya'o zhes bya ba la/ lhung bzed ni gsum te/ chen po dang / 'bring dang / chung ngu'o/ /de la chen po ni gang du 'bras thug po che ma ga d+hA'i bre'u chung do btsos pa sran tshod dang bcas/ tshod ma dang bcas pa blugs na kha'i cha'i mtha' kho na nas mthe bo'i lto gang gis mi reg pa'o/ / chung ngu ni gang du 'bras thug po ma ga d+hA'i bre chung gang btsos pa sran tshod dang bcas/ tshod ma dang bcas pa blugs na kha'i cha'i mtha' kho na nas mthe bo'i lto gang gis mi reg pa'o/ /'bring de gnyis kyi bar ro/ / de las lhag par len na zhes bya ba ni de las mang du'o/ /ltung byed do zhes bya ba ni sems can dmyal ba dang / dud 'gro dang / yi dags/ ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgribs par byed pa ste/ des na ltung byed do zhes gsungs so/ /lhung bzed gang ba gnyis sam gsum blang nas phyi rol kun dga' ra bar dong la/ dge slong 'khod pa rnams la yang bgo bsha' bya zhes bya ba ni khyim gyi phyi rol gtsug lag khang du dong la de na dge slong gang dag 'khod pa rnams la yang sbyin par bya'o/ /de la ltung bar ji ltar 'gyur zhe na/ dge slong gis lhung bzed chen po gsum len par byed na/ de len pa la nyes byas su 'gyur la/ za ba la ltung byed du 'gyur ro/ /dge slong gis lhung bzed chen po gnyis dang / 'bring gcig len par byed na/ de len pa la nyes byas su 'gyur la/ za ba la ltung byed du 'gyur ro/ /dge slong gis lhung bzed chen po gnyis dang / chung ngu cig len par byed na/ de len pa la nyes byas su 'gyur la/ za ba la ltung byed du 'gyur ro/ /dge slong gis lhung bzed 'bring gnyis dang chen po gcig len par byed na/ de len pa la nyes byas su 'gyur la/ za ba la ltung byed du 'gyur ro/ /dge slong gis ji tsam du bre'u chung phyed dang lnga las lhag pa'i bsod snyom len na thams cad du ltung byed du 'gyur ro/ /sbyin bdag gis ci bder byas pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ / lhung bzed do gsum tsam las lhag par len pa'i ltung byed de sum bcu rtsa gsum pa rdzogs s+ho// // bar sdom la/ stan gcig dang ni chu bzhin spong / /'bags dang zas yod rung ba dang / /thong shig lhag por thug pa dang / / skyo ma'i sde tshan bsdus pa yin/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong dag nga ni stan gcig pa'i zas za ste/ nga stan gcig pa'i zas za ba na/ snying las chung ngur 'tsho zhing / gnod pa nyung ba dang / nyam nga ba chung ba dang / bskyod pa yang ba dang / 'tsho ba dang / stobs dang ldan pa dang / bde ba dang / kha na ma tho ba med pa dang / bde ba la reg par gnas par 'tsho'o/ /dge slong dag khyed kyang tshur sheg la stan cig pa'i zas zo shig dang / khyed kyang stan cig pa'i zas za ba na snying las chung ngur 'tsho zhing / gnod pa nyung ba dang / nyam nga ba chung ba dang / bskyod pa yang ba dang / 'tsho ba dang / stobs dang ldan pa dang / bde ba dang / kha na ma tho ba med pa dang / bde ba la reg par gnas par 'tsho bar 'gyur ro/ /dge slong rnams stan cig pa'i zas za bar byed de/ de dag stan cig pa'i zas za ba na slob dpon mthong na yang ldang bar byed/ mkhan po dang / bla ma dang / bla ma lta bu mthong na yang ldang bar byed pas de dag bdag cag gis spangs so zhes za bar mi byed pas de dag rid pa dang / nyam chung ba dang / rke ba dang / skam pa dang / lus ma thob par gyur to/ /sangs rgyas bcom ldan 'das rnams ni mkhyen bzhin du rmed par mdzad pas sangs rgyas bcom ldan 'das kyis tshe dang ldan pa kun dga' bo la smras pa/ kun dga' bo ngas dge slong dag nga ni stan cig pa'i zas za ste/ nga stan gcig pa'i zas za ba na snying las chung ngur 'tsho zhing / gnod pa nyung ba dang / nyam nga ba chung ba dang / skyod pa yang ba dang / 'tsho ba dang / stobs dang ldan pa dang / bde ba dang / kha na ma tho ba med pa dang / bde ba la reg par gnas par 'tsho'o/ /dge slong dag khyed kyang tshur shog la stan cig pa'i zas zo shig dang / khyed kyang stan gcig pa'i zas za ba na snying las chung ngur 'tsho zhing gnod pa nyung ba dang / nyam nga ba chung ba dang / bskyod pa yang ba dang / 'tsho ba dang / stobs dang ldan pa dang / bde ba dang / kha na ma tho ba med pa dang / bde ba la reg par gnas par 'tsho bar 'gyur ro/ /zhes byas na/ gang gis da ltar dge slong dag rid pa dang / nyam chung ba dang rke ba dang / skam pa dang / lus ma thob par gyur pa'i rgyu ni gang yin rkyen ni gang yin/ btsun pa bcom ldan 'das kyis dge slong dag nga ni stan gcig pa'i zas za ste/ bstan gcig pa'i zas za ba na snying las chung ngu 'tsho zhing gnod pa nyung ba dang nyam nga ba chung ba dang / bskyod pa yang ba dang / 'tsho ba dang / stobs dang ldan pa dang / bde ba dang / kha na ma tho ba med pa dang / bde ba la reg par gnas par 'tsho'o/ /dge slong dag khyed kyang tshur sheg la stan gcig pa'i zas zo shig dang / khyed kyang stan cig pa'i zas za ba na snying las chung ngur 'tsho zhing gnod pa nyung ba dang / nyam nga ba chung ba dang / bskyod pa yang ba dang / 'tsho ba dang / stobs dang ldan pa dang / bde ba dang / kha na ma tho ba med pa dang / bde ba la reg par gnas par 'tsho bar 'gyur ro zhes bka' stsal nas/ dge slong rnams stan cig pa'i 'tshal ma 'tshal bar bgyid de/ de dag stan gcig pa'i 'tshal ma 'tshal ba na/ slob dpon mthong ba na yang ldang bar bgyid/ mkhan po dang / bla ma dang / bla ma lta bu mthong na yang ldang bar bgyid pa de dag bdag cag gis spangs so zhes 'tshal bar mi bgyid pas de dag rid pa dang / nyam chung ba dang / rke ba dang / skam pa dang / lus ma thob par gyur te/ btsun pa gang gis da ltar dge slong dag rid pa dang / nyam chung ba dang / rke ba dang / skam pa dang / lus ma thob par gyur pa'i rgyu ni de lags/ rkyen ni de lags so/ /kun dga' bo de lta bas na ma spangs pas ji tsam gyis chog pa bza' bar bya zhing / zas brtsams pas slob dpon dang / mkhan po dang / bla ma dang / bla ma lta bu mthong na ldang bar mi bya'o/ /bcom ldan 'das kyis ma spangs pas/ ji tsam gyis chog pa/ bza' bar bya zhing / zas brtsams pas slob dpon dang / mkhan po dang / bla ma dang / bla ma lta bu mthong na ldang bar mi bya'o/ /zhes bka' stsal nas de dag chu bzhin du spangs pas lo ma dang / sran tshod dang / ldam ldum dang / skam tshod kyis kyang spong bar byed cing / de dag bdag cag gis spangs so zhes za bar mi byed pas de dag rid pa dang / nyam chung ba dang / rke ba dang / skam pa dang / lus ma thob par gyur to/ /sangs rgyas bcom ldan 'das rnams ni mkhyen bzhin du rmed par mdzad pas/ sangs rgyas bcom ldan 'das kyis tshe dang ldan pa kun dga' bo la smras pa/ kun dga' bo ngas ma spangs pas ji tsam gyis chog pa bza' bar bya zhing / zas brtsams pas slob dpon dang / mkhan po dang / bla ma dang / bla ma lta bu mthong na ldang bar mi bya'o/ / zhes byas na gang gis da ltar dge slong dag rid pa dang / nyam chung ba dang / rke ba dang / skam pa dang / lus ma thob par gyur pa'i rgyu ni gang yin/ rkyen ni gang yin/ btsun pa bcom ldan 'das kyis ma spangs pas ji tsam gyis chog pa bza' bar bya zhing / zas brtsams pas slob dpon dang / mkhan po dang / bla ma dang / bla ma lta bu mthong na ldang bar mi bya'o zhes bka' stsal nas/ de dag chab bzhin du spangs pas lo ma dang / sran tshod dang / ldam ldum dang / skams tshod kyis kyang spong bar bgyid cing de dag bdag cag gis spangs so zhes 'tshal bar mi bgyid pas de dag rid pa dang / nyam chung ba dang / rke ba dang / skam pa dang / lus ma thob par gyur te/ btsun pa gang gis da ltar dge slong dag rid pa dang / nyam chung ba dang / rke ba dang / skam pa dang / lus ma thob par gyur pa'i rgyu ni de lags/ rkyen ni de lags so/ /kun dga' bo de lta bas na/ bca' ba lnga po dag gis ni spangs par mi 'gyur la/ bza' ba lnga po dag gis ni spangs par 'gyur te/ bca' ba lnga po gang dag gis spangs par mi 'gyur zhe na/ bca' bar bya ba rtsa ba dang / sdong bu dang / 'dab ma dang / me tog dang / 'bras bu dag ste/ bca' ba lnga po de dag gis ni spangs par mi 'gyur ro/ / bza' ba lnga po gang dag gis spangs par 'gyur ba dag gang zhe na/ bza' bar bya ba 'bras chan dang / zan dron dang / sha dang / snum khur dang / 'de' gu dag ste/ bza' ba lnga po de dag gis ni spangs par 'gyur ro/ /bca' ba lnga po dag 'chos nas ni bza' ba lnga po dag bza' bar bya'i/ bza' ba lnga po dag zos nas ni bca' ba lnga po dag bca' bar mi bya'o/ /dge slong gis bza' ba lnga po dag zos nas bca' ba lnga po dag 'cha' na 'gal tshabs can du 'gyur ro/ / bcom ldan 'das kyis bca' ba lnga po dag gis ni spangs par mi 'gyur la/ bza' ba lnga po dag gis ni spangs par 'gyur ro zhes bka' stsal nas de dag des 'bags pa'i lag pa dag dang / des gos pa'i lhung bzed dag gis bdag cag gis spangs so zhes za bar mi byed pas de dag rid pa dang / nyam chung ba dang / rke ba dang / skam pa dang / lus ma thob par gyur to/ /sangs rgyas bcom ldan 'das rnams ni mkhyen bzhin du rmed par mdzad pas/ sangs rgyas bcom ldan 'das kyis tshe dang ldan pa kun dga' bo la smas pa/ kun dga' bo ngas bca' ba lnga po dag gis ni spangs par mi 'gyur la/ bza' ba lnga po dag gis ni spangs par 'gyur ro zhes byas nas/ gang dag gis da ltar dge slong dag rid pa dang / nyam chung ba dang / rke ba dang / skam pa dang / lus ma thob par gyur pa'i rgyu ni gang yin/ skyen ni gang yin/ btsun pa bcom ldan 'das kyis bca' ba lnga po dag gis ni spangs par mi 'gyur la/ bza' ba lnga po dag gis ni spangs par 'gyur ro zhes bka' stsal nas de dag des 'bags pa'i sug pa dag dang / des gos pa'i lhung bzed dag gis bdag cag gis spangs so zhes 'tshal bar mi bgyid pas de dag rid pa dang / nyam chung ba dang / rke ba dang / skam pa dang / lus ma thob par gyur te/ btsun pa gang gis da ltar dge slong dag rid pa dang / nyam chung ba dang / rke ba dang / skam pa dang / lus ma thob par gyur pa'i rgyu ni de lags/ rkyen ni de lags so/ / kun dga' bo de lta bas na rgyu lngas ni spangs par brjod par bya zhing / rgyu lngas ni ma spangs par brjod par bya'o/ /rgyu lnga po gang dag gis spangs par brjod par bya zhe na/ zas yod pa dang / zas stobs pa yod pa dang / zas brtsam pa yod pa dang / zas spangs pa yod pa dang / spyod lam las nyams pas so/ /ji ltar zas yod pas she na/ bca' ba lnga po dang / bza' ba lnga po dag yod pas te/ de ltar zas yod pas so/ / ji ltar zas stobs pa yod pas she na/ bud med dam/ skyes pa 'am/ ma ning yod pas te/ de ltar zas stobs pa yod pas so/ /ji ltar zas brtsams pa yod pas she na/ bca' ba lnga po dang / bza' ba lnga po dag kun du brtsams pa yod pas te/ de ltar zas brtsams pa yod pas so/ /ji ltar zas spangs pa yod pas she na/ bca' ba lnga po dang / bza' ba lnga po dag spangs pa yod pas te/ de ltar zas spangs pa yod pas so/ / ji ltar spyod lam las nyam pas she na/ stan gang la 'dug par gyur pa'i stan de las langs par gyur pa ste/ de ltar spyod lam las nyams pas te/ rgyu lnga po de dag gis ni spangs par brjod par bya'o/ /rgyu lnga po gang dag gis/ ma spangs par brjod par bya zhe na/ zas med pa dang / zas stobs pa med pa dang / zas brtsams pa med pa dang / zas spangs pa med pa dang / spyod lam las ma nyams pas so/ /ji ltar zas med pas she na/ bca' ba lnga po dang / bza' ba lnga po dag med pas ste/ de ltar zas med pas so/ /ji ltar zas stobs pa med pas she na/ bud med dam/ skyes pa 'am/ ma ning med pas te/ de ltar zas stobs pa med pas so/ /ji ltar zas brtsams pa med pas she na/ bca' ba lnga po dag dang / bza' ba lnga po dag kun tu brtsams pa med pas ste/ de ltar zas brtsams pa med pas so/ /ji ltar zas spangs pa med pas she na/ bca' ba lnga po dag dang / bza' ba lnga po dag spangs pa med pas te/ de ltar zas spangs pa med pas so/ /ji ltar spyod lam las ma nyams pas she na/ stan gang la 'dug par gyur pa'i stan de las langs par ma gyur pas te/ de ltar spyod lam las ma nyams pas te/ rgyu lnga po de dag gis ni ma spangs par brjod par bya'o/ /gzhan yang rgyu lngas ni spangs par brjod par bya zhing / rgyu lngas ni ma spangs par brjod par bya'o/ /rgyu lnga po gang dag gis spangs par brjod par bya zhe na/ rung bas spangs bar byed pa dang / gsog 'jog ma byas pas spangs bar byed pa dang / gsog 'jog ma byas pa dang / 'dres pas spangs bar byed pa dang / spyod lam las nyams pas te/ rgyu lnga po de dag gis spangs bar brjod par bya'o/ /rgyu lnga po gang dag gis ma spangs par brjod par bya zhe na/ mi rung bas spangs bar byed pa dang / mi rung ba dang 'dres pas spangs bar byed pa dang / gsog 'jog byas pas spangs bar byed pa dang / gsog 'jog byas pa dang 'dres pas spangs bar byed pa dang / spyod lam las ma nyams pas te/ rgyu lnga po de dag gis ni ma spangs par brjod par bya'o/ /gzhan yang tshig lhag ma med pa lngas ni spangs par brjod par bya zhing / tshig lhag ma dang bcas pa lngas ni ma spangs par brjod par bya'o/ /tshig lhag ma med pa lnga gang zhe na/ thong shig ces bya ba dang / byin cig ces bya ba dang / song shig ces bya ba dang / zos zin to zhes bya ba dang / chog go zhes bya ba ste/ tshig lhag ma med pa lnga po de dag gis ni spangs par brjod par bya'o/ /tshig lhag ma dang bcas pa lnga gang zhe na/ re shig thong shig ces bya ba dang / re shig byin cig ces bya ba dang / re shig song shig ces bya ba dang / re shig zos zin to zhes bya ba dang / re shig chog go zhes bya ba ste/ tshig lhag ma dang bcas pa lnga po de dag gis ni ma spangs par brjod par bya'o/ /bcom ldan 'das kyis dge slong gis spangs pas bza' bar mi bya'o zhes bka' stsal nas drug sde dag spangs pas kyang za bar byed/ ma spangs pas kyang za bar byed nas dge slong don nyung ngu dag bcom ldan 'das kyis dge slong gis spangs pas bza' bar mi bya'o/ /zhes bka' stsal na ci'i phyir dge slong dag spangs pas kyang za bar byed/ ma spangs pas kyang za bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun sdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin tu rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la smras pa/ dge slong dag ngas dge slong gis spangs pas bza' bar mi bya'o zhes bka' stsal na khyed spangs pas kyang za bar byed/ ma spangs pas kyang za bar byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zas zos zin cing spangs pa las bca' ba 'am/ bza' ba 'cha' 'am za na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas dge slong nad pa rab tu mang po dag gi nad g.yog rab tu mang po dag yod pa de dag gis bdag nyid zos nas nad pa rnams kyi lto khengs pa'i bsod snyoms dag mnos pa dang / dge slong nad pa rnams kyis za bar ma nus shing / dge slong nad g.yog gis kyang bdag cag spangs so zhes za bar mi byed/ kun dga' ra ba pa dang / dge tshul dag kyang med nas de dag gis kun dga' ra ba'i nang du zas kyi phung po chen po rnam par bzhag pa dang / der bya rog dag za ba na bya rog gis sgra 'byin pa chen po byung bar gyur to/ /sangs rgyas bcom ldan 'das rnams ni mkhyen bzhin du rmed par mdzad pa ste sangs rgyas bcom ldan 'das kyis tshe dang ldan pa kun dga' bo la bka' stsal pa/ kun dga' bo kun dga' ra ba'i nang na bya rog gis sgra 'byin pa chen po byung bar gyur pa 'di ci las gyur/ btsun pa khyim bdag cig gis sangs rgyas la sogs pa dge slong gi dge 'dun sdum pa gzhan du gdugs tshod la spyan drangs nas/ dge slong bro 'tshal ba rab tu mang po dag gi bro g.yog rab tu mang po dag mchis pa de dag gis bdag nyid 'tshal nas bro 'tshal ba rnams kyi g.yar bltam pa'i bsod snyoms dag mnos pa dang / dge slong bro 'tshal ba rnams kyis 'tshal bar rngo ma thog cing dge slong bro g.yog dag gis kyang bdag cag gis spangs so zhes 'tshal bar mi bgyid/ kun dga' ra ba pa dang / dge tshul dag kyang ma mchis nas/ de dag gis kun dga' ra ba'i nang du zas kyi phung po chen po rnam par bzhag pa dang / der bya rog dag 'tshal ba na bya rog gis sgra 'byin pa chen po byung bar gyur to/ /de nas bcom ldan 'das 'di snyam du dgongs te/ ngas dge slong rnams bde ba la reg par gnas par bya ba'i phyir dang / sbyin pa po rnams kyi sbyin par bya ba'i chos yongs su longs spyad par bya ba'i phyir lhag por gnang bar bya'o snyam du dgongs nas dge slong rnams la bka' stsal pa/ dge slong dag de lta bas na lhag por byas te bza' bar rjes su gnang ngo / /bcom ldan 'das kyis lhag por byas te bza' bar rjes su gnang ngo zhes bka' stsal nas/ dge slong rnams kyis lhag por ji ltar bya ba mi shes nas/ bcom ldan 'das kyis bka' stsal pa/ dge slong zas zos zin cing spangs te/ yongs su rdzogs shing mthar thug par byas pa gang yang rung ba zhig gis bca' ba 'am/ bza' ba rnyed cing za bar 'dod na dge slong des lag pa gnyis skan te byin len byas la dge slong zas zos zin cing ma spangs la spyod lam las ma nyams pa gang yin pa 'am/ dge slong zas zos zin cing spangs la spyod lam las ma nyams pa gang yin pa de'i mdun du tsog pur 'dug ste 'di skad ces brjod par bya'o/ /tshe dang ldan pa dgongs su gsol/ bdag dge slong ming 'di zhes bgyi ba 'tshal ma 'tshal lags shing spangs te yongs su rdzogs shing mthar thug par bgyis pa las bca' ba dang bza' ba rnyed cing 'tshal bar 'tshal na lhag por bgyis te bdag la stsal du gsol/ /des khams gnyis sam/ gsum zos nas 'di skad ces khyod kyir gyur gyis bzhud cig ces brjod par bya'o/ /de la dge slong zas zos zin cing ma spangs la spyod lam las ma nyams pa gang yin pa de ni bdag nyid kyis kham gnyis sam/ gsum zos nas lhags por bya'o/ /de la dge slong zas zos zin cing spangs la spyod lam las ma nyams pa gang yin pa des ni bza' bar mi bya bar lag par byin nas khyod kyir gyur gyis bzhud cig ces brjod par bya bas lhag por bya'o/ / gal te za na 'gal tshabs can du 'gyur ro/ /rgyu lngas lhag por ma byas par brjod par bya ste/ lnga gang zhe na/ mtshams kyi phyi rol du dang / mi thob pa'i phyogs su dang / rgyab nas dang / glo nas dang / spyod lam las nyams pa byed du 'dzud pa ste/ rgyu lnga po de dag gis ni lhag por ma byas par brjod par bya'o/ /rgyu lngas ni lhag por byas par brjod par bya ste/ lnga gang zhe na/ mtshams kyi phyi rol ma yin par dang / 'thob pa'i phyogs su dang / rgyab ma yin pa nas dang / glo ma yin pa nas dang / spyod lam las ma nyams pa byed du 'dzud pa ste/ rgyu lnga po de dag gis ni lhag bor byas par brjod par bya'o/ /gzhan yang rgyu lngas ni lhag bor ma byas par brjod par bya ste/ lnga gang zhe na/ mtshams kyi phyi rol du dang / mi thob pa'i phyogs su dang / lhung bzed kyi gzhir dang / thu bar dang / spyod lam las nyams pa byed du 'dzud pa ste/ rgyu lnga po de dag gis ni lhag bor ma byas par brjod par bya'o/ /rgyu lngas ni lhag bor byas par brjod par bya ste/ lnga gang zhe na/ mtshams kyi phyi rol ma yin par dang / 'thob pa'i phyogs su dang / lhung bzed kyi gzhi ma yin par dang / thu bar ma yin pa dang spyod lam las ma nyams pa byed du 'dzud pa ste/ rgyu lnga po de dag gis ni lhag bor byas par brjod par bya'o/ /gcig gis lhag bor byas pa mang po dag gis bza' bar bya ste/ 'di la 'gyod par mi bya'o/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bas nyung ba'i bsngags pa brjod nas/ dge slong rnams la de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zas zos zin cing spangs pa las lhag bor ma byas par bca' ba 'am/ bza' ba 'cha' 'am/ za na ltung byed do/ /yang dge slong gang zhes bya ba ni drug sde 'am/ gzhan yang de lta bu gang yin pa'o/ /zas zos zin cing spangs pa las zhes bya ba ni yongs su rdzogs shing mthar thug par byas pa las so/ /lhag bor ma byas par zhes bya ba ni lhag mar ma byas shing ma bor yongs su ma gtang bar ro/ /bca' ba 'am/ bza' ba zhes bya ba ni bca' ba lnga po dang / bza' ba lnga po dag go/ /'cha' ba 'am/ za na zhes bya ba ni mgul du mid na 'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgribs par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis spangs pa la spangs par 'du shes pas lhag bor ma byas par bca' ba 'am/ bza' ba 'cha' 'am/ za na ltung byed du 'gyur ro/ /dge slong gis spangs pa la yid gnyis za bas lhag bor ma byas par bca' ba 'am/ bza' ba 'cha' 'am/ za na ltung byed du 'gyur ro/ /dge slong gis ma spangs pa la spangs par 'du shes pas lhag bor ma byas par bca' ba 'am/ bza' ba 'cha' 'am/ za na nyes byas su 'gyur ro/ /dge slong gis ma spangs pa la yid gnyis za bas lhag bor ma byas par bca' ba'am/ bza' ba 'cha' 'am/ za na nyes byas su 'gyur ro/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa thug pa ji lta bu spangs par bgyi 'tshal nye ba 'khor gang la kha gzar gyen du 'greng ba'o/ /btsun pa skyo ma ji lta bu spangs par bgyi 'tshal/ nye ba 'khor gang la sor mo lnga mngon pa'o/ /nye ba 'khor mgul du btung ba la ni spangs pa med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /stan gcig pa'i zas kyi ltung byed de sum bcu rtsa bzhi pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de rgas pa'i gnas skabs su nye du zad pa dang / nor zad pa dang / longs spyod zad par gyur nas des chung ma la smras pa/ bzang mo kho bos rgas pa'i gnas skabs su nor bsgrub par mi nus kyis rab tu 'byung du 'gro 'o/ /rje'i sras de bzhin mdzod cig /de rgyal byed kyi tshal du song ste/ dge slong gi gan du song ste phyin nas rkang pa gnyis la phyag 'tshal te smras pa/ 'phags pa bdag rab tu 'byung gis rab tu dbyung du gsol/ des smras pa/ bzhin bzang kho bo rab tu byung nas gsar bu yin pas kho bos rab tu 'byin du mi rung ngo / /des smras pa/ 'phags pa bdag dang po kho nar khyod kyi gan du mchis pas khyod kyis bdag dge slong 'ga' zhig la gtad du gsol/ dge slong de'i mkhan po spong ba pa dgon pa na bsam gtan byed pa zhig yod nas des de khrid de mkhan po'i gan du song nas smras pa/ mkhan po rigs kyi bu 'di legs par gsungs pa'i chos 'dul ba la rab tu 'byung ba 'tshal na mkhan po thugs brtse ba'i slad du 'di rab tu dbyung du gsol/ rdzogs par bsnyen par mdzad du gsol/ mkhan pos smras pa/ bcom ldan 'das kyis dge slong dag shin pa'i gnas su gtung ba ni bla'i rab tu phyung zhing rdzogs par bsnyen par byas nas 'doms par mi byed/ rjes su ston par mi byed pa ni mi rung ngo zhes bka' stsal to/ /des smras pa/ mkhan po rab tu 'byung ba dang rdzogs par bsnyen pa 'ba' shig mdzod cig dang bdag gis 'di klog pa dang / slob tu stsal to/ /dge slong des de rab tu phyung zhing rdzogs par bsnyen par byas nas smras pa/ bzhin bzangs 'di khyod kyi slob dpon yin pas klog pa dang / slab tu 'jud par 'gyur gyis kun du spyad pa gang yin pa de 'di la dris te gyis shig /des de klog pa dang / slob tu 'dzud pa na rgan zhugs de brjed ngas pas yang dang yang du ltung ba 'byin nas/ des de mdun du tsog pur 'dug tu bcug ste ltung ba 'chags su 'dzud par byed do/ /rgan zhugs des bsam pa/ bdag gi slob dpon 'dis bdag rtag tu mdun du tsog pur 'dug tu bcug ste ltung ba 'chags su 'dzud pas/ bdag gis kyang 'di mdun du tsog pur 'dug tu bcug ste ltung ba 'chags su gzhugs pa'i thabs ci yod snyam mo/ /khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas sangs rgyas la sogs pa dge slong gi dge 'dun gshegs te/ bcom ldan 'das kyis gdugs tshod gsol nas khyim bdag de la chos bstan par brtsams so/ /dge slong des rgan zhugs de la smras pa/ rgan zhugs tshur shog /khyim du 'gro ba'i khyim dag ltar 'dong ngo / /de gnyis khyim du 'gro ba'i khyim dag tu dong ba dang / de dag gis smras pa/ 'phags pa gnyis gdugs tshod gsol cig /khyim bdag kho bo cag gnyis zan zos zin to/ /des smras pa/ snoms te bzhud la lhag bor mdzod de gsol cig / des rgan zhugs kyi gdong du bltas te smras pa/ rgan zhugs 'dod dam 'tshal lo/ /de gnyis kyis byin len byas te dong nas rgyal byed kyi tshal du phyin pa dang / dge slong des smras pa/ rgan zhugs khyod chu 'tshag gam/ 'on te gtsug lag khang du song ste lhag bor byed du 'dzud/ rgan zhugs kyis smras pa/ lhag bor bgyid du stsal to/ /dge slong des chu btsag par brtsam pa dang / rgan zhugs kyis bsod snyoms khyer te gtsug lag khang du zhugs nas/ des bdag nyid kyis bsod snyoms la lhag bor byed du bcug cing de'i bsod snyoms la lhag bor byed du ma bcug go/ /dge slong des chu btsags te/ gtsug lag khang du zhugs nas smras pa rgan zhugs lhag bor byed du bcug gam/ des smras pa/ bgyid du stsal to/ /dge slong des 'dug ste zos pa dang / rgan zhugs kyis smras pa/ slob dpon je skabs phye shig /phye'o/ /rgan zhugs kyis smras pa/ khyod la ltung ba byung gis/ chos bzhin du slar mdzod cig /des smras pa/ ltung ba ma mthong ngo / /rgan zhugs kyis smras pa/ khyod kyis lhag bor ma byas pa'i bca' ba dang bza' ba zos so/ /des smras pa/ kho bos khyod la lhag bor byed tu bcug gam zhes ma dris sam/ rgan zhugs kyis smras pa/ bdag gis bdag nyid kyi bgyid du stsal to/ /des smras pa/ rgan zhugs kho bo ltung ba mi 'chags kyi 'di ltar khyod nyid ltung ba dang bcas par 'gyur ba gang yin pa de lta bu'i gnas yod par 'gyur ro/ /zhes des dge slong rnams la brjod pa dang / dge slong don nyung ngu dag ci'i phyir dge slong dag shes bzhin du dge slong zas zos zin cing spangs pa la skabs tshol zhing ci nas kyang dge slong 'di nyes pa 'byung bar bya'o snyam pa de nyid rkyen du byas nas tshe dang ldan pa 'di cho shig /'di zo shig ces lhag bor ma byas pa'i bca' ba dang bza' ba dus kyis stob par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste/ zhes bya ba la sogs pa yang snga ma bzhin te sangs rgyas bcom ldan 'das kyis dge slong de la smas pa/ dge slong khyod shes bzhin du dge slong zas zos zin cing spangs pa la skabs tshol zhing ci nas kyang dge slong 'di nyes pa 'byung bar bya'o/ /snyam pa de nyid rkyen tu byas nas tshe dang ldan pa 'di 'cho shig /'di zo shig ces lhag bor ma byas pa'i bca' ba dang bza' ba dus kyis stobs pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa/ de ni rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang shes bzhin du dge slong zas zos zin cing spangs pa la skabs tshol zhing ci nas kyang dge slong 'di nyes pa 'byung bar bya'o snyam pa de nyid rkyen du byas nas/ tshe dang ldan pa 'di 'cho shig /'di zo shig ces lhag bor ma byas pa'i bca' ba dang bza' ba dus kyis stobs na ltung byed do/ /yang dge slong gang zhes bya ba ni chos 'di pa'o/ /shes bzhin du zhes bya ba ni de rang nyid kyis reg pa 'am/ gzhan dag gis brjod pas so/ /dge slong zhes bya ba ni chos 'di pa'o/ /zas zos zin cing spangs pa'i zhes bya ba ni yongs su rdzogs shing mthar thug par byed pa la'o/ /skabs tshol zhing zhes bya ba ni klan ka tshol zhing ngo / /ci nas kyang dge slong 'di nyes pa 'byung bar bya'o snyams pa zhes bya ba ni ci nas kyang dge slong 'di ltung ba dang bcas par byas par 'gyur ro/ /snyams pa'o/ / de nyid rkyen du byas nas zhes bya ba ni gzhan ma yin pa'o/ /tshe dang ldan pa 'di 'cho shig /'di zo shig ces bya ba ni bca' ba dang bza' ba'o/ /lhag bor ma byas pa'i zhes bya ba ni lhag mar ma byas shing ma bor yongs su ma btang ba'o/ /bca' ba dang bza' ba zhes bya ba ni bca' ba lnga po dang bza' ba lnga po dag go/ /dus kyis stobs na zhes bya ba ni yang dang yang du stobs na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang ngan 'gro dang logs par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgribs par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam na cung zad shes bzhin du dge slong zas zos zin cing spangs pa la skabs tshol zhing ci nas kyang dge slong 'di nyes pa 'byung bar bya'o snyam pa de nyid rkyen du byas nas tshe dang ldan pa 'di 'cho shig /'di zo shig ces lhag bor ma byas pa'i bca' ba dang bza' ba dus kyis stobs na thams cad du ltung byed du 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyes pa la ltung ba med do/ /spangs pa la stobs pa'i ltung byed de sum bcu rtsa lnga pa rdzogs s+ho// // 'dul ba rnam par 'byed pa/ bam bo lnga bcu rtsa gsum pa/ sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /de'i tshe na lhas byin dge slong rab tu mang po dag dang lhan cig kun dga' ra ba'i nang na 'dus shing za ba za nas dge slong don nyung ngu dag ci'i phyir dge slong dag kun dga' ra ba'i nang na 'dus shing za ba za bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ / sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis lhas byin la smras pa/ lhas byin khyod dge slong rab tu mang po dag dang lhan cig kun dga' ra ba'i nang na 'dus shing za ba bden nam btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa/ de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'dus shing za na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /dge slong rab tu mang po na ba dag sman pa'i gnas su dong ste/ de dag gis de mthong nas smras pa/ bzhin bzangs kho bo cag la je sman ston cig /des smras pa/ 'phags pa dag zhal tshus gsol cig /sus sbyin par 'gyur/ bdag gis gsol lo/ /ci dge 'dun thams cad dam/ ma lags te dge slong bsnyung ba ji snyed pa dag go/ /bzhin bzangs bcom ldan 'das kyis 'dus shing za ba la bslab pa'i gzhi bca' ba mdzad do/ /'phags pa dag khyed kyi ston pa thugs rje can lags pas de nyid rkyen du mdzad nas gnang bar 'gyur ba de lta bu'i gnas mchis so zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na na ba'i dus ma gtogs so/ /dge slong dag gis dge 'dun gyi dang / mchod rten gyi las dag byas nas/ de dag bkres pas glos phab ste nyal zhing dge ba'i phyogs la tron byed par mi nus pa na/ bram ze dang khyim bdag dad pa can dag gtsug lag khang du lhags nas/ de dag gis dris pa/ 'phags pa dag bstan pa la gcig tu brtson par bgyi ba lags na/ ci'i slad du glos phab ste gzims shing dge ba'i phyogs la tron mi mdzad/ de dag gis smras pa/ kho bo cag bkres so/ /ci'i slad du zhal tshul mi gsol/ su sbyin par 'gyur/ bdag cag gis gsol lo/ /ci dge 'dun thams cad gsol lam/ ma lags te khyed cag kho na gsol lo/ /bzhin bzangs dag bcom ldan 'das kyis 'dus shing za ba la bslab pa'i gzhi bca' ba mdzad do/ /zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na las kyi dus ma gtogs so/ /dge slong dag don 'thun dang lhan cig 'dron lam du 'dong ba na ji tsam na ri brags shig du phyin nas de dag gis smras pa/ bzhin bzang dag kho bo cag ri brags su bsod snyoms la rgyu'i bar du re shig yud tsam zhig sdod cig /don 'thun dag gis smras pa/ 'phags pa dag shul 'di na chom rkun pa'i 'jigs pa mchis kyis tshur gshegs dang bdag cag nyid kyis bsod snyoms gsol lo/ /ci cig gis thams cad sbyin nam/ ma lags te la las bzhi la'o/ /la las lnga la'o/ /bzhin bzangs dag bcom ldan 'das kyis 'dus shing za ba la bslab pa'i gzhi bca' ba mdzad do zhes dge slong de dag gis shas cher zan bcad par byas pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na lam gyi dus ma gtogs so/ /dge slong rab tu mang po dag don 'thun dang lhan cig grur zhugs ste ljong rgyur 'dong ba na ri brags zhig tu phyin nas de dag gis smras pa/ bzhin bzang dag kho bo cag ri brags su bsod snyoms la rgyu'i bar du re shig yud tsam zhig sdod cig /don 'thun dag gis smras pa/ 'phags pa dag gru'i shul 'di na chom rkun pa'i 'jigs pa mchis kyis tshur gshegs dang bdag cag nyid kyis bsod snyoms gsol lo/ /ci gcig gis thams cad sbyin nam/ ma lags te la las bzhi la'o/ /la las lnga la'o/ /bzhin bzang dag bcom ldan 'das kyis 'dus shing za ba la bslab pa'i gzhi bca' ba mdzad do/ /zhes dge slong de dag gis shas cher zan bcad par byas pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na grur zhugs pa'i dus ma gtogs so/ /bcom ldan 'das kyis gtsug phud kyi dus ston dang / dus ston chen po dang / lo lnga'i dus ston bya'o zhes bka' stsal nas/ de na dge slong rnams kyi 'dus pa chen po byung bar gyur nas bram ze dang / khyim bdag dad pa can dag gis dge slong rnams la smras pa/ 'phags pa dag tshur gshegs gdugs tshod gsol cig /dge slong rnams kyis smras pa/ ci dge 'dun thams cad gsol lam/ 'phags pa dag bdag cag la dge 'dun thams cad gsol ba'i 'byor pa gang lags pa de lta bu ga la mchis te/ 'di ltar la las nyi shu gsol lo/ /la las sum bcu gsol lo/ /bzhin bzang dag bcom ldan 'das kyis 'dus shing za ba la bslab pa'i gzhi bca' ba mdzad do/ /zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na 'dus pa chen po'i dus ma gtogs so/ /gang gi tshe rgyal po gzugs can snying pos bden pa dag ma mthong ba de'i tshe na 'od ma'i tshal kun tu 'tsho dag la phul bar gyur to/ /gang gi tshe bden pa dag mthong ba de'i tshe 'od ma'i tshal kun tu 'tsho dag las phrogs te bcom ldan 'das kyi nyan thos kyi dge 'dun la phul lo/ /rgyal po gzugs can snying po'i zhang po kun tu 'tsho dag gi nang du rab tu byung nas/ rgyal pos smras pa/ 'phags pa dag 'di bdag gi zhang po lags kyis ji srid du 'gyur ba sten par mi bgyid kyi bar du 'di gcig pu gzhag tu gsol/ gang gi tshe 'gyur ba sten par 'gyur ba de'i tshe na bdag gis 'di yang bskrad par bgyi'o zhes rgyal po gzugs can snyings pos kun du 'tsho de la kha zas kyi mkho ba stobs par byed do/ /dge slong dag nam gyi cha stod dang nam gyi cha smad la mi nyal bar sbyor ba'i rjes su brtson par gnas pa de dag kun du 'tsho des mthong nas de shin du dang ba skyes te/ des dge slong rnams la smras pa/ bdag gis kyang dge slong rnams kyi gdugs tshod bgyi'o/ /de ltar gyis shig /ci dge 'dun thams cad kyi byed dam/ ma lags te bdag gis rgyal pos zhal zas kyi mkho ba stobs par bgyid pa ltar bdag la dge 'dun thams cad kyi gdugs tshod bgyi ba'i 'byor pa gang lags pa de lta bu ma mchis te/ 'di ltar dge slong nyi shu 'am/ nyi shu rtsa lnga'i gdugs tshod bgyi'o/ /dge slong rnams kyis smras pa/ bcom ldan 'das kyis 'dus shing za ba la bslab pa'i gzhi bca' ba mdzad do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge sbyong gi zas kyi dus ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'dus shing za na dus ma gtogs te ltung byed do/ /de la dus ni 'di yin te/ na ba dus so/ /las dus so/ /lam dus so/ /grur zhug pa dang 'dus pa chen po dang dge sbyong gi zas dus te de la de ni dus yin no/ /'dus shing za na zhes bya ba ni mi 'thun par za na'o/ /dus ma gtogs te zhes bya ba ni dus bzhag ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag du sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la dus ni 'di yin te/ na ba dus so zhes bya ba ni 'di lta ste dge slong na ba zas gcig gis 'tsho bar mi nus pa'o/ /las dus so zhes bya ba ni 'di lta ste/ dge slong gi dge 'dun gyi 'am mchod rten gyi las tha na phyag dar re lde tsam 'am/ dkyil 'khor ba mal tsam byas pa'o/ /lam dus so zhes bya ba ni 'di lta ste/ dge slong dpag tshad phyed du song ba 'am/ de'i phyed du song te phyir 'ongs pa'o/ /grur zhugs pa dus so zhes bya ba ni 'di lta ste/ dge slong grur zhugs ste/ dpag tshad phyed du song ba 'am de'i phyed du song te phyir 'ongs pa'o/ / 'dus pa chen po dus so zhes bya ba ni spags pa'o/ /dge sbyong gi zas dus te zhes bya ba ni 'di las phyi rol pa'i rab tu byung ba dag 'khod na de yang dge sbyong zhes bya ba'i grangs su 'gro'o/ /de la de ni dus yin no zhes bya ba ni de la de ni 'thun pa'i chos yin pa'o/ /de la ltung bar ji ltar 'gyur zhe na/ dge slong gis mtshams kyi nang la mtshams kyi nang du 'du shes pas 'dus shing za ba za na ltung byed du 'gyur ro/ /dge slong gis mtshams kyi nang du yid gnyis za bas 'dus shing za ba za na ltung byed du 'gyur ro/ /dge slong gis mtshams kyi phyi rol du mtshams kyi nang du 'du shes pas 'dus shing za ba za na nyes byas su 'gyur ro/ /dge slong gis mtshams kyi phyi rol tu yid gnyis za bas 'dus shing za ba za na nyes byas su 'gyur ro/ /gnas gnyis po gzhi'i gnas dang / khang khyim gyi gnas de gnyis yod na de na gang dag gzhi'i gnas su za ba de dag gis khang khyim nas dge slong dag 'ongs sam zhes dri bar bya'o/ / ma dris par za na nyes byas su 'gyur ro/ /gang dag khang khyim du za ba de dag gis kyang gzhi'i gnas nas dge slong dag 'ongs sam zhes dri bar bya'o/ /ma dris par za na ltung byed du 'gyur ro/ /gsum za zhing gcig la byed pa dang / gsum rdzogs par bsnyen cing gcig rdzogs par ma bsnyen pa dang / zas brim pa tha na lan tshwa tshums gang ngam/ ldam ldum srang gcig tsam 'ongs pa dang / gnas so sor nges pa dang / sbyin bdag na re gang dag 'di na 'khod pa de dag la sbyin no zhes zer na ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /'dus shing za ba'i ltung byed de sum bcu rtsa drug pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa maud gal gyi bu chen po nye bar 'khor la sogs pa sar pa skyes phran gzhon nu bcu bdun sde'i tshogs rab du phyung zhing rdzogs par bsnyen par byas pa de'i tshe na/ de dag snga dro sham thabs bgos lhung bzed dang chos gos thogs te mnyan yod du bsod bsnyoms la bzhugs so/ /bud med kyi yul ni srid pa spyad pa yin pas bud med kyis de dag mthong nas brang brdungs te smras pa/ 'di dag skyed pa gang dag gis 'di dag skyes ma thag gi kha lan tshwas 'gengs par ma nus pa dang / brla phrag tu khron pa bcug ste 'brangs par mi nus pa de dag gis ci thob/ bcu bdun sde dag nyam nga bar gyur nas smras pa/ bdag cag gis zan bcad par gyur pa ni bla'i tshig ngan pa rnam pa 'di lta bu dag thos par gyur pa ni mi rung ngo zhes de dag de nyid nas phyir log ste de dag gis zan bcad pa byas nas/ de dag gis ji srid du lus la mdangs yod pa de srid du dge ba'i phyog la tron byas nas gang gi tshe lus la mdangs yal bar gyur pa de'i tshe na glos phab ste nyan pa dang nye dgas de dag mthong nas smras pa/ e ma'o bcu bdun sde dag ci gal te zas gzhan gyi yin zhes te lto yang gzhan gyi yin snyam 'am/ ci byas ji tsam gyi dge ba'i phyogs la tron byed kyang mi nus pa de tsam gyi zas zos so/ / su zos/ khyod kyis so/ /kho bo cag gis ma zos so/ /'o na ci'i phyir glos phab ste nyal/ de dag gis skabs de rgyas par brjod do/ /grongs khyer gyi sgabs mo can dag ni skyed mos tshal la dga' bas de dag bza' ba dang / btung ba khyer te mnyan yod kyi phyi rol rgyal byed kyi tshal du dong nas 'cha' bar byed/ za bar byed 'thung bar byed pa na bcu bdun sde dag gis de dag mthong nas lto ba nyug par byed cing / tshigs su bcad pa dag smras pa/ mgon po khyod kyi legs gsungs mang po dag /rgyu dang mi rgyu'i 'jig rten 'di na spyod/ /bkres mnyam lus kyi tshor ba ma mchis pa/ /thub pa de ni khyod kyi legs gsungs mchog /de dag gis smras pa/ 'phags pa dag gsol na bzhed dam/ 'dod do/ /de dag gis bcu bdun sde dag la bza' ba dang btung ba byin pa dang / de dag gis longs spyad nas de dag gis zung du bsdebs te 'chag cing kha ton bya bar brtsams pa dang / nye dgas de dag kha ton byed pa mthong nas smras pa/ kye ma'o bcu bdun sde/ dag gis shin du brtson 'grus brtsams so/ /btsun pa nye dga' bcom ldan 'das kyis bden chos mngon par brjod par byed do/ / sbyin pa po dang sbyin bdag gis len pa po la zas sbyin pa na gnas lnga sbyin par byed de/ tshe sbyin pa dang / kha dog sbyin pa dang / stobs sbyin pa dang / bde ba sbyin pa dang / spobs pa sbyin pa ni bde bar 'gyur ro/ /zhes bka' stsal pa ni legs par gsungs pa yin te/ zos na spobs pa dang ldan par 'gyur gyi ma zos na mi 'gyur ro/ /khyed kyis zos sam/ zos so/ /khyed dus ma yin par zar rung ngam/ gal te dus su ma rnyed na kho bo cag gis ltogs te 'chi bar bya 'am ci/ dge slong don nyung ngu dag ci'i phyir dge slong dag dus ma yin par bca' ba dang / bza' ba za bar byed ces smod par byed phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gis dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong bcu bdun sde dag la smras pa/ dge slong dag khyed dus ma yin par bca' ba dang bza' ba 'cha' zhing za ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dus ma yin par bca' ba 'am/ bza' ba 'cha' 'am za na ltung byed do/ /yang dge slong gang zhes bya ba ni bcu bdun sde 'am/ gzhan yang de lta bu gang yin pa'o/ /dus ma yin par zhes bya ba ni dus ma yin pa gnyis te/ skya rengs ma shar ba dang / phyed yol bar ro/ / bca' ba 'am/ bza' ba zhes bya ba ni bca' ba lnga po dang / bza' ba lnga po dag go/ /'cha' 'am za na zhes bya ba ni mgul du mid na 'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid tu ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis dus ma yin pa la dus ma yin par 'du shes pas bca' ba dang / bza' ba 'cha' 'am za na ltung byed tu 'gyur ro/ / dge slong gis dus ma yin par yid gnyis za bas bca' ba dang / bza' ba 'cha' 'am/ za na ltung byed du 'gyur ro/ /dge slong gis dus su dus ma yin par 'du shes pas bca' ba dang / bza' ba 'cha' 'am/ za na nyes byas su 'gyur ro/ /dge slong gis dus su yid gnyis za bas bca' ba dang / bza' ba 'cha' 'am/ za na nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dus ma yin par za ba'i ltung byed de sum bcu rtsa bdun pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / tshe dang ldan pa nag po'i kun tu spyod pa ni grong ngam/ grong rdal gang na nye bar rten cing gnas pa na/ de snga dro sham thabs bgos lhung bzed dang chos gos thogs te grong ngam/ grong rdal de nyid du lus shin tu bsrungs pa dang / dbang po rnams kyi shin tu bsdams pa dang / dran pa shin tu nye bar gzhag pas bsod snyoms la 'jug cing / gal te 'bras chan gsher ba rnyed na ni lhung bzed kyis len par byed/ gal te 'bras chan skams po rnyed na ni lhung bzed kyi snod kyis len par byed de/ de grong ngam/ grong rdal der bsod snyoms la brgyus nas gtsug lag khang tu song te/ 'bras chan gsher ba ni za bar byed/ 'bras chan skam po ni bskams nas rdza ma so btang ba bkang ste 'jog par byed cing / de rlung ldang ba 'am/ yul ngan 'byung ba 'am/ char pa 'bab pa 'am/ lhags pa 'byung ba gang dag byung bar gyur pa na/ rlung langs pa 'am/ yul ngan byung ba 'am/ char pa 'bab pa 'am/ lhags pa byung ba de lta bu'i tshe 'bras chan skams po chu dron mos sbangs te zos nas bsam gtan dang / rnam par thar pa dang / ting nge 'dzin la snyoms par 'jug pa'i bde ba dag nyams su myong bar byed do/ /sangs rgyas bcom ldan 'das 'tsho zhing bzhugs la gson zhing gzhes pa rnams kyi chos nyid ni 'dul bar gyur pa'i skye bo la rjes su thugs brtse bas dus dang dus su sems can dmyal ba rgyur gshegs pa dang / dud 'gro rgyu ba dang / yi dags rgyu ba dang / lha rgyu ba dang / ljongs rgyu ba dang / chu klung rgyu ba dang / ri rgyu ba dang / dur khrod rgyu ba dang / gtsug lag khang rgyur gshegs pas don 'dir ni sangs rgyas bcom ldan 'das gtsug lag khang rgyur gshegs par bzhed nas tshe dang ldan pa kun dga' bo la bka' stsal pa/ kun dga' bo song la dge slong rnams la dge slong dag de bzhin gshegs pa gtsug lag khang rgyur gshegs kyis khyed cag las gang de bzhin gshegs pa dang thabs gcig tu gtsug lag khang rgyur 'gro bar spro ba de chos gos dag long shig ces gyis shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas dge slong rnams la tshe dang ldan pa dag bcom ldan 'das gtsug lag khang rgyur gshegs kyis/ khyed cag las gang de bzhin gshegs pa dang thabs cig gtsug lag khang rgyur 'gro bar spro ba des chos gos dag long shig /de nas bcom ldan 'das dge slong gi tshogs kyis yongs su bskor cing dge slong gi dge 'dun gyis mdun du bdar te gtsug lag khang rgyu zhing gshegs pa na/ tshe dang ldan pa nag po'i gtsug lag khang ga la ba der gshegs so/ /de'i tshe na tshe dang ldan pa nag po'i gtsug lag khang na 'bras chan skam po rab tu mang po dag bting zhing 'dug go/ /bcom ldan 'das kyis tshe dang ldan pa nag po'i gtsug lag khang na 'bras chan skams po rab du mang po dag bting zhing 'dug pa gzigs so/ /gzigs nas kyang tshe dang ldan pa kun dga' bo la bka' stsal pa/ kun dga' bo 'bras chan skam po rab tu mang po bting ba 'di dag su'i/ btsun pa tshe dang ldan pa nag po'i kun du spyod pa ni grong ngam/ grong rdal gang na nye bar rten cing gnas pa na/ de snga dro sham thabs bgos lhung bzed dang chos gos thogs te grong ngam/ grong rdal de nyid du lus shin tu bsrungs pa dang / dbang po rnams kyang shin du sdam pa dang / dran pa shin du nye bar gzhag pas bsod bsnyom la 'jug cing gal te 'bras chan gsher ba rnyed na ni lhung bzed kyis len par bgyid/ gal te 'bras chan skam po rnyed na ni lhung bzed kyi nod kyis len par bgyid de/ de grong ngam/ grong rdal der bsod snyoms la bgyi nas/ gtsug lag khang du mchis te 'bras chan gsher ba ni 'tshal bar bgyid/ 'bras chan skam po ni rdza ma so btang ba bkang ste 'jog par bgyid cing / de bser ma ldang ba 'am/ yul ngan 'byung ba 'am/ dgung char 'bab pa 'am/ dgung lhags 'byung ba gang dag byung bar 'gyur ba na/ bser ma langs pa 'am/ yul ngan byung ba 'am/ dgung char bab pa 'am/ dgung lhags byung ba de lta bu'i tshe 'bras chan skams po chab dron mos sbangs te 'tshal nas bsam gtan dang / rnam par thar pa dang / ting nge 'dzin la snyoms par 'jug pa'i bde ba dag nyams su myong bar bgyid do/ /kun dga' bo dge slong dag gsog 'jog byas pa za 'am/ btsun pa 'tshal lo/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te sangs rgyas bcom ldan 'das kyis tshe dang ldan pa nag po la smras pa/ nag po khyod bca' ba dang / bza' ba gsog 'jog byas pa za ba bden nam/ btsun pa mad do/ /sangs rgyas bcom ldan 'das kyis mi brtson pa dang / mi sbyor ba dang / ma brtags par spyod pa rnam par smad pa mdzad do/ /de nas bcom ldan 'das kyis brtson pa dang / sbyor ba dang / brtags te spyod pa'i bsngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bca' ba dang / bza' ba gsog 'jog byas pa 'cha' 'am/ za na ltung byed do yang dge slong gang zhes bya ba ni tshe dang ldan pa nag po 'am/ gzhan yang de lta bu gang yin pa'o/ /bca' ba dang / bza' ba zhes bya ba ni bca' ba lnga po dang / bza' ba lnga po dag go/ /gsog 'jog byas pa zhes bya ba ni gsog 'jog byas pa rnam pa gnyis te/ snga dro byin len byas pa phyi dro'i bar du gsog 'jog byas pa dang / phyi dro byin len byas pa thun tshod las yol bar gsog 'jog byas pa'o/ /'cha' 'am/ za na zhes bya ba ni mgul du mid na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis gsog 'jog byas pa la gsog 'jog byas par 'du shes pas bca' ba dang / bza' ba 'cha' 'am/ za na ltung byed du 'gyur ro/ /dge slong gis gsog 'jog byas pa la yid gnyis za bas bca' ba 'am/ bza' ba 'cha' 'am/ za na ltung byed du 'gyur ro/ /dge slong gis gsog 'jog ma byas pa la gsog 'jog byas par 'du shes pas bca' ba dang / bza' ba 'cha' 'am/ za na nyes byas su 'gyur ro/ /dge slong gis gsog 'jog ma byas pa la yid gnyis za bas bca' ba dang / bza' ba 'cha' 'am/ za na nyes byas su 'gyur ro/ /dge slong gis lhung bzed dang / lhung bzed chung ngu dang / kha gzar dang / khar phor dang / tshwa khug dang / lhung bzed kyi snod dang / gos dang / man shel dang / khri dang / khri'u dang / khar ba dang / bum pa dang / ril ba dang / lde mig dang / lde mig kyog po gsog 'jog byas pas 'bags pa za na thams cad du nyes byas su 'gyur ro/ /dge slong gis gsog 'jog byas pa'i kha dang / gsog 'jog byas pa'i lag pa dag gis bca' ba dang / bza' ba 'cha' 'am/ za na nyes byas su 'gyur ro/ /dge slong gis me tog dang / 'bras bu gsog 'jog byas pa dang / dge slong gis ji rtsam du gsog 'jog byas pa za na thams cad du ltung byed du 'gyur ro/ /dge slong gis kha ma bkrus par skom 'thung na nyes byas su 'gyur ro/ /las dang po pa dang / smyos pa dang / sems 'khrug pa dang / tshor ba dag gis nyen pa la ltung ba med do/ /gsog 'jog gi ltung byed de sum bcu rtsa brgyad pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa nag po chen po ni thams cad dur khrod pa dang ldan pa yin te/ de'i lhung bzed kyang dur khrod pa yin/ chos gos kyang dur khrod pa yin/ bsod snyoms kyang dur khrod pa yin/ gnas mal yang dur khrod pa yin no/ /ji ltar lhung bzed dur khrod pa yin zhe na/ 'di lta ste/ nye du dag gis shi zhing dus la bab pa'i rdze'u dur khrod du 'dor bar byed pa de tshe dang ldan pa nag po chen pos gyo mo kha bzhogs te bsregs nas lhung bzed du byin gyis brlabs shing 'chang bar byed de/ de ltar lhung bzed dur khrod pa yin no/ /ji ltar chos gos dur khrod pa yin zhe na/ 'di lta ste/ nye du dag gis shi shing dus la bab pa'i gos dag dur khrod du 'dor bar byed pa de dag tshe dang ldan pa nag po chen pos bkrus te drub shing kha bsgyur nas chos gos su byin gyis brlabs shing 'chang bar byed de/ de ltar chos gos dur khrod pa yin no/ /ji ltar bsod snyoms dur khrod pa yin zhe na/ 'di lta ste nye du dag gis shi shing dus la bab pa'i zas lnga dur khrod du 'dor bar byed pa de dag tshe dang ldan pa nag po chen pos blang shing za bar byed de/ de ltar bsod snyoms dur khrod pa yin no/ /ji ltar gnas mal dur khrod pa yin zhe na/ 'di lta ste/ tshe dang ldan pa nag po chen po dur khrod na gnas par byed de/ de ltar gnas mal dur khrod pa yin no/ /gang gi tshe skye 'o phal po che la mi ngas byung ba de'i tshe na tshe dang ldan pa nag po chen po tsho ba dang / lpags pa dang / sha dang / khrag rgyas par gyur cing de yang dang yang du grong du bsod snyoms la 'jug par mi byed la/ gang gi tshe skye 'o phel po che la mi ngas ma byung ba de'i tshe na tshe dang ldan pa nag po chen po rid pa dang / nyam chung ba dang / rke ba dang / skam pa dang / lus ma thob par gyur cing / de yang dang yang du grong du bsod snyoms la 'jug par byed do/ /sgo ba de mtshan mar bzung nas/ 'phags pa nag po chen po 'di/ gang gi tshe skye'o phal po che la mi ngas byung ba de'i tshe na tshor ba dang / lpags pa dang / sha dang / khrag rgyas par gyur cing 'di yang dang yang du grong du bsod snyoms la 'jug par mi byed la/ gang gi tshe skye bo phal po che la mi ngas ma byung ba de'i tshe na 'phags pa nag po chen po 'di rid pa dang / nyam chung ba dang / rke ba dang / skam pa dang / lus ma thob par gyur cing 'di yang dang yang du grong du bsod snyoms la 'jug par byed pa las na 'phags pa nag po chen po 'di mi sha mi za 'am snyam mo/ /thams cad du yang 'phags pa nag po chen po mi sha za'o zhes sgra grags so/ /mnyan yod na bram ze zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i bu mo zhig byung nas srings shing bskyed de chen mor gyur to/ /dus gzhan zhig na bram ze de dus la bab nas nye du rnams kyis gos sngon po dang / ser po dang / dmar po dang / dkar po dag gis khyogs spyil brgyan nas dur khrod du khyer te/ bsregs shing dong nas de'i chung ma dang / bu mo gnyis mtha' cig tu dong ste bsdad pa dang / tshe dang ldan pa nag po chen po de'i gdong du lta zhing sdod do/ /bu mo des 'phags pa nag po chen po de'i gdong du lta zhing sdod pa mthong ngo / /mthong nas kyang ma la smras pa/ yum 'phags pa nag po chen po 'di bya rog mo zhar ma bzhin du nges par rtog cing sdod do/ /de nas bcom ldan 'das kyis dge slong rnams la bka' stsal pa/ dge slong dag bram ze'i bu mo zhig smras pa dang / nye bar smras par gyur te/ des nyan thos chen po ri rab dang 'dra ba la ngag gis las rtsub po smras pas bram ze'i bu mo de tshe rabs lnga brgyar bya rog mo zhar mar 'gyur ro/ /thams cad du bcom ldan 'das kyis bram ze'i bu mo de tshe rabs lnga brgyar bya rog mo zhar mar 'gyur ro zhes lungs bstan to/ /zhes sgra' grags so/ /bram ze mo des bcom ldan 'das kyis bdag gi bu mo tshe rab lnga brgyar bya rog mo zhar mar 'gyur bar lungs stan to zhes thos so/ /de nas bram ze mo des bu mo de khrid nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das bu mo 'di la bzod pa mdzad du gsol/ 'dis rab tu sdang ba'i sems kyis ngag gi las rtsub po ma smras so/ / bram ze mo ci ngas 'ga' zhig la mna' 'dor bar bya 'am/ gal te bu mo 'dis rab tu sdang ba'i sems kyis ngag gi las rtsub po smras par gyur na sems can dmyal ba rnams su skye bar 'gyur ba de lta bu'i gnas yod par 'gyur ro/ / mnyan yod na bram ze'i khye'u dag gis 'phags pa nag po chen po mi sha za'o/ /zhes thos nas de dag gis smras pa/ shes ldan dag ci yang dag pa yin nam/ 'on te de yang dag pa ma yin pa bdag cag gis 'phags pa nag po chen po bgam par byas/ bdag cag las cig shi ba'i cha lugs su byas pa de bdag cag gis dur khrod du bkur bar bya'o/ /bdag cag las gang zhig shi ba'i cha lugs su bya/ khyod shi ba'i cha lugs su gyis shig /des smras pa kho bo mi zos sam de dag gis smras pa/ kho bo cag gis khyod bsrungs bar bya'o/ /des shi ba'i cha lugs su byas pa dang / de dag gis de yang ba dang / 'bru mar gyis bskus ste khyogs spyil du bzhag nas mnyan yod nas phyir 'byung bar brtsams pa dang / tshe dang ldan pa nag po chen po yang mnyan yod du bsod snyoms la zhugs te des de mthong nas bsams pa/ bdag dgang dka' ba 'di'i don du grong du bsod snyoms la zhugs te ci rung phyir log la zas lnga po 'di dag nyid bza' bar bya'o/ /snyam nas de phyir log go/ /bram ze'i khye'u des de dag la smras pa/ shes ldan dag 'phags pa nag po chen po 'di phyir log pas kho bo zos par mi 'gyur ram/ de dag gis smras pa/ kho bo cag 'khod bzhin du ji ltar za bar 'gyur/ de dag gi de dur khrod du bor te mtha' gcig tu dong nas tshang tshing dang lhab lhub dag gi nang du mgo bsrings te bsdad do/ /der wa zhig gis bgrod par brtsams pa dang / tshe dang ldan pa nag po chen pos bsams pa/ was zas lnga po dag zos shing bdag gi zan chad par gyur na mi rung ngo snyams du rig nas des myur ba myur bar 'gro bar brtsams pa dang / bram ze'i khye'u de skrag ste kho bo zos kho bo zos zhes ngu bar brtsams so/ /bram ze'i khye'u de dag dbyug pa thogs te myur ba myur bar dong nas de dag gis smras pa/ 'phags pa drang srong gi rgyal mtshan thogs shing sdig pa'i las rtsub po 'di dang 'di lta bu lhag par spyod dam/ des smras pa/ ci byas mi sha za'o/ / bzhin bzang dag ci khyed kyis kho bo mtshon thogs te sha gcod cing za ba mthong ngam/ de dag gis smras pa/ 'o na ci'i slad du myur ba myur bar byon/ bzhin bzang dag kho bo la blo skyes pa/ wa 'dis zas lnga po dag zos shing bdag gi zan chad par gyur na mi rung ngo snyam du rig nas myur ba myur bar 'ongs so/ /'phags pa zas lnga po dag gsol lam/ mi sha gsol ni ma 'tshal gyis 'di ltar thams cad du 'phags pa nag po chen po mi sha gsol zhes sgra grag par gyur to zhes zes ba'i skabs de dge slong rnams kyis bcom ldan 'das la gsol to/ /de nas bcom ldan 'das 'di snyams du dgongs te/ nyes dmigs gang cung zad byung ba de ni dge slong dag byin len byed du ma bcug par za ba las gyur pa yin pas de lta bas na dge slong rnams kyis byin len byed du bcug ste za na de nyid dpang por 'gyur ro/ /snyams du dgongs nas bka' stsal pa/ de lta bas na dge slong rnams kyis byin len byed du bcug ste bza' bar bya'o/ /bcom ldan 'das kyis dge slong rnams kyis byin len byed du bcug ste bza' bar bya'o zhes bka' stsal nas/ de dag gis byin len du yod mi shes nas bcom ldan 'das kyis bka' stsal pa/ byin len ni rnam pa lnga ste/ lnga gang zhe na/ lus kyis lus su dang / lus dang 'brel bas lus su dang / lus kyis lus dang 'brel bar dang / lus dang 'brel bas lus dang 'brel bar dang / gzhag pa'i cho ga nyid ni lnga pa'o/ /ji ltar lus kyis lus su zhe na/ lus kyis sbyin par byed cing lus su len par byed pa ste/ de ltar lus kyis lus su'o/ /ji ltar lus dang 'brel bas lus su zhe na/ lhung bzed kyis sbyin par byed cing lus su len par byed pa ste/ de ltar lus dang 'brel bas lus su'o/ /ji ltar lus kyis lus dang 'brel bar zhe na/ lus kyis sbyin par byed cing lhung bzed du len par byed pa ste/ de ltar lus kyis lus dang 'brel bar ro/ / ji ltar lus dang 'brel bas lus dang 'brel bar zhe na/ lhung bzed kyis sbyin par byed cing lhung bzed du len par byed pa ste/ de ltar lus dang 'brel bas lus dang 'brel bar ro/ /ji ltar gzhag pa'i cho ga nyid ni lnga pa yin zhe na/ dge slong dag smad pa zhes bya ba'i yul gyi mi dag yod de/ de dag ma yang smod par byed/ pha yang smod par byed/ phu nu dang bu sring yang smod par byed de/ dge slong gang der 'gro ba des dkyil 'khor byas te 'dir zhog shig ces brjod par bya zhing / de dag gis der gang bzhag pa de byin len byed par brjod par bya zhing / byang gi sgra mi snyan gyi dus byin gyis brlabs te bza' bar bya zhing 'di la 'gyod par mi bya ste/ de ltar gzhags pa'i cho ga nyid ni lnga pa yin no/ /bram ze dang / khyim bdag dad pa can dag gis dge slong rnams la me tog dag 'bul bar byed pa na dge slong rnams de dag mi len nas de dag gis smras pa/ 'phags pa dag gang gi tshe bcom ldan 'das 'jig rten du ma gshegs pa de'i tshe na ni gzhan mu stegs can dag sbyin gnas lags mod/ da ni bcom ldan 'das 'jig rten du gshegs pas khyed cag sbyin gnas lags na/ gal te khyed cag mi bzhes na ci bdag cag dge ba'i shul rgyags dang bral ba dag gis 'jig rten 'di nas 'jig rten pha rol tu mchi bar bgyi 'am bzhes shig ces zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ blang bar bya zhing blangs nas kyang rung bar byas te bza' bar bya'o/ /de dag gis rung ba du yod mi shes nas bcom ldan 'das kyis bka' stsal pa/ rung ba ni rnam pa lnga ste/ lnga gang zhe na/ mis rung ba dang / mtshon gyis rung ba dang / sen mos rung ba dang / rnyings pas rung ba dang / ne tsos rma phyung bas rung ba nyid ni lnga pa'o/ /gzhan yang rung ba lnga ste/ lnga gang zhe na/ phyung ba dang / gshegs pa dang / bcad pa dang / phug pa dang / sa bon gyi chos med pa nyid ni lnga pa'o/ /bcom ldan 'das kyis shing tog dag byin len byed du bcug ste bza' bar bya'o zhes bka' stsal nas de dag gis byin len du yod mi shes nas bcom ldan 'das kyis bka' stsal pa/ lag pa bkan par byin len lnga ste/ lnga gang zhe na/ man she dang / khri dang / khri'u dang / thu ba dang / lhung bzed kyi gzhi nyid ni lnga pa'o/ /dge slong rnams shing tog dag re re nas rung bar byed du 'jug pas yun ring tu thogs nas bcom ldan 'das kyis bka' stsal pa/ phung po byas te mes gnas gnyis sam/ gsum du reg par byas na thams cad du rung bar 'gyur ro/ /mtshon dang / sen mos ni re re nas so/ /khyim pa rnams shing tog dag mi snyoms par 'drims par byed nas bcom ldan 'das kyis bka' stsal pa/ dge tshul dag 'drim du gzhug par bya'o/ /dge tshul dag kyang mi snyoms par 'drim par byed nas bcom ldan 'das kyis bka' stsal pa/ dge slong dag gis lags pa dag bsnyal te byin len byas nas brim par bya'o/ /'on kyang ma snyoms par gyur nas bcom ldan 'das kyis bka' stsal pa/ brim par bya ba gces pa dang / bar ma dang / tha ma dag so sor bya'o/ /gang dag 'drim par byed pa de dag gis phyis thams cad kyis tha chad dag thob nas bcom ldan 'das kyis bka' stsal pa/ 'drim par byed pa'i skal ba ni mkhan po dang / slob dpon dag gis mnod par bya'o de dag gis bzang po dag thob nas bcom ldan 'das kyis bka' stsal pa/ de dag gi drung na 'dug pa dag gis mnod par bya'o/ /de dag langs shing langs shing rab tu mang po dag gi skal ba dag byin len byed du 'jug nas bcom ldan 'das kyis bka' stsal pa/ stan las ma 'phags pas ji rtsam nus pa de tsam dag byin len byed du gzhug go/ /'drim pa na de dag yang byin len byed du 'jug nas bcom ldan 'das kyis bka' stsal pa/ stan las ma 'phags pas gang dag len nus pa de dag ni byin len byed du bcug zin par brjod par bya'o/ /stan las ma 'phags pas gang dag len mi nus pa de dag ni yang byin len byed du gzhug par bya'o/ /khyim bdag na re 'phags pa dag bdag cag gis kyang brim par bgyi'o/ /zhes zer ba na dge slong dag mi btub nas bcom ldan 'das kyis bka' stsal pa/ 'brim du gzhug par bya'o/ /de dag dang por 'dzin cing dge slong dag phyis 'dzin nas bcom ldan 'das kyis bka' stsal pa/ dge slong dag gis dang por gzung bar bya zhing phyis khyim bdag gis gzung bar bya'o/ /dge slong rnams dge slong dag las blangs pa gang dag yin pa de dag yang byin len byed du 'jug nas bcom ldan 'das kyis bka' stsal pa/ dge slong dag las blang pa gang dag yin pa de dag gi byin len ni de nyid yin no/ /khyim pa dag las blangs pa gang dag yin pa de dag ni byin len byed du gzhug go/ /gtong ba na dang por khyim pa dag gis gtong zhing phyis dge slong dag gis gtong bar byed nas/ dge slong rnams de dag gsog 'jog byas pa yin no zhes 'dor bar byed nas bcom ldan 'das kyis bka' stsal pa/ dang por dge slong dag gis gtang bar bya zhing phyis khyim pa dag gis gtang bar bya ste/ phyi de nyin par dge 'dun la brim par bya'o/ /bram ze dang / khyim bdag dad pa can dag gis dge 'dun la zhun mar gyi bum pa dang / 'bru mar gyi bum pa dang / sbrang rtsi'i bum pa dang / bu ram gyi dbu ba'i bum pa dag 'bul ba na dge slong dag mi len nas bcom ldan 'das kyis bka' stsal pa/ blang bar bya zhing blangs nas dge 'dun la brim par bya'o/ /de dag gis chos gos dag snums par gyur nas bcom ldan 'das kyis bka' stsal pa/ bar du rtswa 'am lo ma dag bcug ste brim par bya'o/ /de dag bzung ste 'greng ba na ngal bar gyur nas bcom ldan 'das kyis bka' stsal pa/ gzhag par bya'o/ /de dag gis gzhag pa dang 'dril nas bcom ldan 'das kyis bka' stsal pa/ 'og gzhi la gzhag par bya'o/ /de dag gis de dag zos nas de dag nyid la phyir sbyin nas de dag gis smras pa/ 'phags pa dag zhun mar dang / 'bru mar dang / sbrang rtsi dang / bu ram gyi dbu ba dag phul na bum pa dag ma phul lam ci/ bum pa dag kyang khyed nyid snoms shig /de dag gis mnos te 'dug pa dang / bcom ldan 'das kyis bka' stsal pa/ de dag chu'i rdzings bu zab mo'i nang du zhag bdun nam/ brgyad gzhugs par bya zhing / gang gi tshe nya 'am/ rus sbal lam/ sbal pa 'am/ chu srin byis pa gsod dam/ nya khyi bdag gis ma lus par ldogs par gyur pa de'i tshe na rung ba'i khang par bcug ste spyad par bya'o/ /bcom ldan 'das kyis byin len byed du bcug ste bza' bar bya'o/ /zhes bka' stsal nas/ de dag gis ji ltar byin len byed du bcug pa dang / ji ltar byin len byed du ma bcug pa mi shes nas bcom ldan 'das kyis bka' stsal pa/ rnam pa lngas ni byin len byed du ma bcug par brjod par bya la/ rnam pa lngas ni byin len byed du bcug par brjod par bya'o/ /rnam pa lnga po gang dag gis byin len byed du ma bcug par brjod par bya zhe na/ mtshams kyi phyi rol na 'dug pas dang / mi 'thob pa'i phyogs nas dang / glo nas dang / rgyab nas dang / lag pa khas phub pas byin len byed du 'jug pa ste/ rnam pa lnga po de dag gis ni byin len byed du ma bcug par rjod par bya'o/ /rnam pa lnga po gang dag gis byin len byed du bcug par brjod par bya zhe na/ mtshams kyi phyi rol ma yin pa na 'dug pas dang / mi 'thob pa'i phyogs ma yin pa nas dang / glo ma yin pa nas dang / rgyab ma yin pa nas dang / lag pa khas phub pa ma yin pas byin len byed du 'jud pa ste/ rnam pa lnga po de dag gis ni byin len byed du bcug par brjod par bya'o/ /bcom ldan 'das kyis byin len byed du bcug ste bza' bar bya'o zhes bka' stsal nas/ drug sde dag byin len byed du bcug pa dang / byin len byed du ma bcug pa yang za bar byed nas dge slong don nyung ngu dag bcom ldan 'das kyis byin len byed du bcug ste bza' bar bya'o zhes bka' stsal na/ ci'i phyir dge slong dag byin len byed du bcug pa dang / byin len byed du ma bcug pa yang za bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la smras pa/ dge slong dag ngas byin len byed du bcug ste bza' bar bya'o zhes bka' stsal na/ khyed byin len byed du bcug pa dang / byin len byed du ma bcug pa yang za ba bden nam/ btsun pa mad do/ /sangs rgyas bcom ldan 'das kyis/ dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa/ de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang ma byin par kha nas mid pa'i zas za na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' bar mdzad do/ /dge slong dgon pa pa dgon pa na gnas pa rnams la chu dang so shing gi byin len stobs pa med nas de dag gis dgon pa'i gnas mal dag bor te grong mtha'i gnas mal dag tu zhugs so/ /sangs rgyas bcom ldan 'das rnams ni mkhyen bzhin du rmed par mdzad pas sangs rgyas bcom ldan 'das kyis tshe dang ldan pa kun dga' bo la smras pa/ kun dga' bo ci'i phyir dge slong dgon pa pa dag gis dgon pa'i gnas mal dag bor te grong mtha'i gnas mal dag tu zhugs/ btsun pa bcom ldan 'das kyis yang dge slong gang ma byin par kha nas mid pa'i zas za na ltung byed do zhes 'dul ba la nyan thos rnams kyi bslab pa'i gzhi de ltar bca' ba mdzad pas dge slong dgon pa pa dgon pa na gnas pa rnams la chab dang / so shing gi byin len stob pa ma mchis nas de dag gis dgon pa'i gnas mal dag bor te grong mtha'i gnas mal dag tu zhugs so/ /bcom ldan 'das kyis bka' stsal pa/ de lta bas na chu dang so shing ma gtogs so/ /glang po che cang shes dang / spre'u cang shes dang / dom cang shes dag yod nas de dag gis dge slong rnams la shing tog dag 'bul ba na dge slong rnams 'gyod pas de dag mi len nas bcom ldan 'das kyis bka' stsal pa/ gang la len pa yod pa de la stobs pa yang yod pas de lta bas na de dag gis bstabs pa ni byin len byas par brjod par bya ste/ de la 'gyod par mi bya'o/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang ma byin par kha nas mid pa'i zas za na chu dang so shing ma gtogs te ltung byed do/ /yang dge slong gang zhes bya ba ni drug sde 'am/ gzhan yang de lta bu gang yin pa'o/ /ma byin par zhes bya ba ni de la skyes pa 'am/ bud med dam/ ma ning gang gis kyang ma byin par ro/ / kha nas mid pa'i zas shes bya ba ni bca' ba lnga po dang / bza' ba lnga po dag go/ /za na zhes bya ba ni mgul du mid na'o/ /chu dang so shing ma gtogs te zhes bya ba ni chu dang so shing bzhag ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis byin len ma byas pa la byin len ma byas par 'du shes pas bca' ba dang / bza' ba 'cha' 'am/ za na ltung byed du 'gyur ro/ /dge slong gis byin len ma byas pa la yid gnyis za bas bca' ba dang / bza' ba 'cha' 'am/ za na ltung byed du 'gyur ro/ /dge slong gis byin len byas pa la byin len ma byas par 'du shes pas bca' ba dang / bza' ba 'cha' 'am/ za na nyes byas su 'gyur ro/ /dge slong gis byin len byas pa la yid gnyis za bas bca' ba dang / bza' ba 'cha' 'am/ za na nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ / sangs rgyas bcom ldan 'das la dge slong rnams kyis zhus pa/ btsun pa tshe dang ldan pa nag po chen pos las ci bgyis na las de'i rnam par smin pas bcom ldan 'das kyi spyan sngar rab tu byung nas thams cad dur khrod pa dang ldan zhing nyon mongs pa thams cad spangs pas dgra bcom pa nyid mngon sum du bgyis shing dgra bcom pa nyid thob nas yang dag pa ma lags pas skur par gyur/ bcom ldan 'das kyis bka' stsal pa/ dge slong dag rigs kyis bu nag po chen po nyid kyis las tshogs rnyed pa rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas nag po chen po nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ / dge slong dag sngon byung ba 'das pa'i dus na grong khyer bA rA Na sI na rang sangs rgyas bla ma zhes bya ba zhig nye bar rten cing gnas pa de lha'i tshogs 'bum phrags du mas yongs su bskor cing mdun du bdar te dur khrod chen po'i dbus nas bA rA Na sIr bsod bsnyoms la zhugs so/ /dur khrod chen po de na gnod sbyin gdug pa zhig 'dug pa de de na mi ro myags pa za'o/ /gang gi tshe rang sangs rgyas bla ma dur khrod chen po der phyin pa de'i tshe na gnod sbyin gdug pa de lha'i mthus dur khrod chen po de nas bros pa dang de'i mi ro myags pa de dag wa la sogs pas zos nas gnod sbyin gdug pa des bsams pa/ rab tu byung ba 'di bdag gi lto'i bgegs su gyur gyis bdag gis 'di la bsnyen bkur ma yin pa bya'o/ / snyams nas des de'i lhung bzed du mi'i lag pa bcug pa dang / bA rA Na sIr thams cad du rab tu byung ba de mi sha za'o zhes sgra grags par gyur to/ /rang sangs rgyas bdag nyid chen po des bsams pa gnod sbyin gdug pa nyon mongs pa 'di ha cang smras pa dang / nyam par gyur na mi rung gis 'di la lag nas drangs pa sbyin no snyams nas de de la snying btse' ba'i phyir des ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang / gsal ba dang char phab pa dang / glog 'byin pa'i cho 'phrul dag bya bar brtsams so/ /so so'i skyes bo ni rdzu 'phrul la myur du sems gtod par byed pa yin pas gnod sbyin gdugs pa de shing ljon pa rtsa ba nas bcad pa bzhin du rang sangs rgyas de'i rkang pa gnyis kyi drung du 'gyel nas smras pa/ yon gnas yang dag par gyur pa mar gshegs su gsol/ mar gshegs su gsol/ nyon mongs pa'i 'dam du bying ba bdag gi sug pa nas drang ba stsal du gsol/ bdag gis khyod la yang dag pa ma lags pa'i sngags pa ma lags pa brjod do/ /bA rA Na sI thams cad du yang rab tu byung ba de mi sha mi za'i 'dis de la yang dag pa ma yin pa'i mi bsngags pa brjod do zhes sgra grags par gyur to/ /rang sangs rgyas de gnod sbyin gdug pa de la rjes su snyings brtse ba'i phyir steng gi nam mkha' las shod du babs so/ /de nas gnod sbyin gdug pa des de'i lhung bzed nas mi'i lag pa sa la bor te rkang pa gnyis la phyag 'tshal nas smon lam 'di skad ces bdag yon gnas yang dag par gyur pa 'di lta bu la gnod pa byas pa gang yin pa'i las de'i cha dang mthun par ma gyur par mchod pa byas pa gang yin pa'i dge ba'i tsa ba 'dis 'di bas ches khyad par du 'phags pa'i ston pa mnyes par byed cing thugs 'byung bar mi byed pa'i yon tan gyi rnam pa de lta bu thob par gyur cig ces btab bo/ /dge slong dag de la de'i tshe de'i dus na gnod sbyin gdug pa gang yin pa de ni nag po chen po 'di yin te/ des rang sangs rgyas la yang dag pa ma yin pas skur pa btab pa gang yin pa'i las de'i rnam par smin pas tshe rabs mang po dag du sems can dmyal ba rnams su gdungs nas las de nyid kyi lhag mas tshe rab lnga brgyar yang dag pa ma yin pas skur nas/ da ltar dgra bcom pa thob kyang yang dag pa ma yin pas bskur to/ /mchod pa byas nas smon lam btab pa gang yin pa'i las de'i rnam par smin pas ni nga'i drung du rab tu byung nas nyon mongs pa thams cad spangs pas dgra bcom pa nyid mngon sum du byas shing 'dis rang sangs rgyas bye ba phrag 'bum bas ches khyad par du 'phags pa'i ston pa nga mnyes par byas shing thugs byung bar ma byas so/ /'di dur khrod de na gnas gnas pa gang yin pa de'i bag chags kyis da ltar yang thams cad dur khrod pa dang ldan par gyur to/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin/ las cig tu dkar ba rnams kyi rnam par smin pa yang gcig tu dkar ba yin/ las 'dres ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang 'dren ma rnams spangs te/ las gcig tu dkar ba rnams la brtsal bar bya ste/ dge slong dag khyed kyis de ltar bslab par bya'o/ /bar sdom la/ thams cad dur khrod ldan pa dang / /sgo ba dang ni bu mo dang / /bram zes bgams dang byin len lnga/ /shing tog la sogs gzhan lnga dang / /chu dang so shing gnang ba dang / /glang chen spre'u dom dang ni/ /sngon gyi tshul dang sbyar ba yin/ /byin len ma byas par za ba'i ltung byed de sum bcu rtsa dgu pa rdzogs s+ho// //'dul ba rnam par 'byed pa/ bam po lnga bcu rtsa bzhi pa/ sangs rgyas bcom ldan 'das shAkya rnams kyi nang du ljongs rgyu zhing gshegs pa na ser skya'i gnas su byon nas ser skya'i gnas na n+ya gro d+ha'i kun dga' ra ba na bzhugs so/ /shAkya ming chen gyis bcom ldan 'das shAkya rnams kyi nang du ljongs rgyu zhing gshegs pa na ser skya'i gnas su byon nas ser skya'i gnas na n+ya gro d+ha'i kun dga' ra ba na bzhugs so zhes thos so/ /thos nas kyang ser skya'i gnas nas byung nas/ bcom ldan 'das ga la ba der song te phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das shAkya ming chen la chos dang ldan pa'i bka' mchid kyi yang dag par ston par mdzad/ yang dag par 'dzin du 'dzud par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng stod/ yang dag par rab tu dga' bar mdzad nas cang mi gsungs ngo / /de nas shAkya ming chen stan las langs te bla gos phrag pa gcig tu byas nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das kyis sang bdag gi sdum par dge slong gi dge 'dun dang thabs gcig tu gdugs tshod gsol bar ci gnang / bcom ldan 'das kyis shAkya ming chen la cang mi gsungs bas gnang ngo / /de nas shAkya ming chen gyis bcom ldan 'das kyis cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song nas rang gi khyim ga la ba der song te phyin nas zho shas 'tsho ba dag la smras pa/ shes ldan dag bcom ldan 'das dang dge slong gi dge 'dun shul gyis mnyel te gshegs kyis gdugs tshod snga rab tu zhal zas bsod pa sta gon gyis shig drug sde dag nang par sngar langs te smras pa/ dga' bo nye dga' je khyim du 'gro ba'i khyim dag bltas 'dong ngo / /de ltar bya'o zhes de dag khyim du 'gro ba'i khyim dag tu dong ba dang de dag gis smras pa/ 'phags pa dag 'di nyid du gdugs tshod gsol cig /drug sde dag gis smras pa/ kho bo cag mgron du bos so sus/ shAkya ming chen gyis so/ /'o na sang gdugs tshod gsol cig /de ltar bya'o de nas shAkya ming chen nang par sngar langs te gdan bshams nas chu ra bzhag ste/ bcom ldan 'das la spyan 'dren gyis btsun pa gdugs tshod g.yar dgongs 'tshal na/ bcom ldan 'das kyis da de'i dus la bab par dgongs su gsol zhes spyan drangs so/ /de nas bcom ldan 'das snga dro sham thabs gsol la lhung bzed dang chos gos bsnams te dge slong gi tshogs kyis yongs su bskor cing / dge slong gi dge 'dun gyis mdun du bdar nas shAkya ming chen gyi bkad sa ga la ba der gshegs te byon nas dge slong gi dge 'dun gyi gong du gdan bsham pa nyid la bzhugs so/ /de nas shAkya ming chen gyis sangs rgyas la sogs pa dge slong gi dge 'dun bde bar bzhugs par rig nas bca' ba dang / bza' ba gtsang zhing bsod pas rang gi lag nas tshim par byed cing stobs par byed do/ /rnam grangs du mas bca' ba dang / bza' ba gtsang zhing bsod pas rang gi lag nas tshim par byas shing bstabs nas/ bcom ldan 'das gdugs tshod gsol cing phyag bcabs te lhung bzed bzhag par rig nas stan ches dma' ba blangs te bcom ldan 'das kyi spyan sngar chos mnyan pa'i phyir 'dug go/ /de nas bcom ldan 'das kyis shAkya ming chen la chos dang ldan pa'i bka' mchid kyis yang dag par ston par mdzad/ yang dag par 'dzin du 'dzud par mdzad/ yang dag par gzeng stod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng stod/ yang dag par rab tu dga' bar mdzad nas gdan las bzhengs te gshegs so/ /de nas shAkya ming chen re shig bcom ldan 'das kyi slad bzhin du zham ring du song nas/ bcom ldan 'das kyi zhabs gnyis la mgo bos phyag 'tshal te bcom ldan 'das la lan gsum bskor ba byas nas bcom ldan 'das kyi spyan snga nas phyir log ste/ de steng gi khang bzangs kyi gzhir gtogs pa na stong pa rjes su dran pa sgom par byed do/ / zho shas 'tsho ba dag gis kyang de'i gnas mal dag brtul cing kha zas dag bsdus so/ /drug sde dag gis smras pa/ dga' bo nye dga' gdugs tshod la bab pas zan chad par gyur na mi rung gis 'dong ngo zhes de dag gis khyim du 'gro ba'i khyim dag tu zan drug bcu sbyor du bcug nas shAkya ming chen gyi khyim du dong ba dang / ji tsam na de na kha zas sta gon byas pa yang med/ gnas mal bshams pa yang med par mthong nas drug sde dag gis zho shas 'tsho ba de dag la smras pa/ shes ldan dag sangs rgyas la sogs pa dge slong gi dge 'dun spyan drangs nas snying las chung ngur 'khod cing gdug tshod kyang sta gon mi byed gnas mal yang shom par mi byed na ji sangs rgyas la sogs pa dge slong gi dge 'dun gyi gdugs tshod gcod par byed dam/ de dag gis smras pa/ 'phags pa dag khyed cag mnal bar gyur tam ci/ sangs rgyas la sogs pa dge slong gi dge 'dun gdugs tshod gsol te gshegs lags so drug sde dag gis smras pa/ kho bo cag gi zan gcad par bya 'am/ de dag gis smras pa/ 'phags pa dag bdag cag gis shAkya ming chen la sbran gyi bar du re shig yud tsam zhig gzhes zhes de dag dong ste shAkya ming chen la smras pa/ 'phags pa drug sde dag da gzod mchis te 'tshal ma slong ngo / / shAkya ming chen gyis smras pa/ deng la lhags rol cung zad ci yod pa de byin cig /de dag dong ste smras pa/ 'phags pa dag bzhugs la gsol cig ces de dag gis brim par btsam pa dang / drug sde dag gis smras pa/ shAkya ming chen gyis kha shin du chen pos bcom ldan 'das kyis sang bdag gi sdum par dge slong gi dge 'dun dang thabs gcig gdugs tshod gsol bar ci gnang zhes sangs rgyas la sogs pa dge slong gi dge 'dun spyan drang nas/ gal te zan 'di 'dra bas sangs rgyas la sogs pa dge slong gi dge 'dun spyan drangs du rung na ni nye dgas kyang nyi ma re re zhing sangs rgyas la sogs pa dge slong gi dge 'dun spyan 'dren par 'gyur ro/ /'di ltar bkren pa 'di la ci bdog gis deng la khyim bdag che ge mo'i khyim nas 'o ma long shig /che ge mo'i khyim nas zho long shig /che ge mo'i khyim nas mar long shig /che ge mo'i khyim nas nya sha long shig /che ge mo'i khyim nas sha long shig /che ge mo'i khyim nas sha skam dag long shig /ces de dag gis bdag nyid kyi phyir zas bsod pa de lta bu dag gzhan gyi khyim dag nas bslangs te der zos nas dong ste gtsug lag du dong ba dang / dge slong rnams kyis de dag la smras pa/ tshe dang ldan pa dag khyed kyis gang du zan zos de nyid du'o/ /khyed cag de na ma mthong ngo / /drug sde dag gis smras pa/ kho bo cag phyis lhags so khyed cag gis zan ji lta bu zos/ drug sde dag gis smras pa/ 'o ma dang zho dang / mar dang nya sha dang / sha dang sha skam dag go/ /dge slong rnams kyis smras pa/ kho bo cag gis zas de lta bu ma thob bo/ /drug sde dag gis smras pa/ bkren pa de la zas de lta bu ga la yod/ kho bo cag gis khyim du 'gro ba'i khyim dag nas blangs te der zos so/ /khyed cag bdag nyid kyi phyir zas bsod pa de lta bu dag gzhan gyi khyim dag nas bslang te zar rung ngam/ rung yang srid mi rung yang srid de ci kho bo cag gis ltogs te 'chis bar bya 'am/ dge slong don nyung ngu dag ci'i phyir dge slong dag bdag nyid kyi phyir zas bsod pa de lta bu dag gzhan gyi khyim dag nas bslangs te 'cha' ba dang / za bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la smras pa/ dge slong dag ngas dge slong rnams kyis zas bsod pa gang dag gsung pa 'di lta ste/ 'o ma dang / zho dang / mar dang / nya sha dang / sha dang / sha skam dag ste/ khyed kyis bdag nyid kyi phyir zas bsod pa de lta bu dag gzhan gyi khyim dag nas bslangs te zos pa bden nam btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su 'thun pa ma yin pa/ rung ba ma yin pa tshul dang 'thun pa ma yin pa de ni rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bcom ldan 'das kyis dge slong rnams kyi zas bsod pa gang dag gsungs pa 'di lta ste/ 'o ma dang / zho dang / mar dang / nya sha dang / sha dang / sha skam dag ste/ yang dge slong dag bdag nyid kyi phyir zas bsod pa de lta bu dag gzhan gyi khyim dag nas blangs te 'cha' 'am/ za na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /dge slong na ba zhig gis sman pa la dris pa/ bzhin bzangs je kho bo la sman ston cig /'phags pa 'o ma gsol cig /bzhin bzang kho bo la 'o ma sus sbyin par gyur / 'phags pa khyim dag nas slong shig /bzhin bzang bcom ldan 'das kyis bslab pa'i gzhi bca' ba mdzad do/ /'phags pa khyod kyi ston pa thug rje can lags pas de nyid rkyen du mdzad nas gnang bar gyur pa gang lags pa de lta bu'i gnas mchis par 'gyur ro/ /zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na na ba'i dus ma gtogs so/ / de bzhin du dge slong gzhan la 'o ma dang / zho dang / mar dang / nya sha dang / sha dang / sha skam dag khyim dag nas slong du gnang ba'i bar du snga ma bzhin no/ /de nas bcom ldan 'das kyis bslabs pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tshams pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bcom ldan 'das kyis dge slong rnams kyi zas bsod pa gang dag gsungs pa 'di lta ste/ 'o ma dang / zho dang / mar dang / nya sha dang / sha dang / sha skam dag ste/ yang dge slong gang mi na bar bdag nyid kyi phyir zas bsod pa de lta bu dag gzhan gyi khyim dag nas bslang te 'cha' 'am za na ltung byed do/ /bcom ldan 'das kyis shes bya ba ni de bzhin gshegs pa dgra bcom pa yang dag par rdzogs pa'i sangs rgyas kyis so/ /dge slong rnams kyi zhes bya ba ni chos 'di pa rnams kyi'o/ /zas bsod pa gang dag bsod pa zhes bya ba ni rab tu bstan pa'o 'di lta ste/ 'o ma dang / zho dang / mar dang / nya sha dang / sha dang / sha skam dag ste zhes bya ba ni zas bsod pa dag go/ /yang dge slong gang zhes bya ba ni drug sde 'am/ gzhan yang de lta bu gang yin pa'o/ / mi na bar zhes bya ba ni na ba ma gtogs par ro/ /bdag nyid kyi phyir zhes bya ba ni bdag nyid la bsngos te'o/ /zas bsod pa de lta bu dag ces bya ba ni 'o ma dang / zho dang / mar dang / nya sha dang / sha dang / sha skam dag go/ /gzhan gyi khyim dag nas shes bya ba ni bram ze dang / khyim bdag gi khyim dag nas so/ /bslangs te zhes bya ba ni gsol te'o/ /'cha' 'am za na zhes bya ba ni mgul tu mid na'o/ /ltung byed do zhes bya ba ni sems can dmyal ba dang dud 'gro dang / yi dags ngan song dang / ngan 'gro dang / log par ltung ba dag tu bsreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgribs par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis mi na bas slong zhing mi na bas za na de slong ba la nyes byas su 'gyur la/ za ba la ltung byed du 'gyur ro/ /dge slong gis mi na bas slong zhing na bas za na de slong ba la nyes byas su 'gyur la/ za ba la ltung ba med do/ /dge slong gis na bas slong zhing mi na bas za na de slong ba la ltung ba med la za ba la ltung byed du 'gyur ro/ /dge slong gis na bas slong zhing na bas za na gnyis ka la ltung ba med do/ /dge slong bsod snyoms la rgyu zhing khyim dag tu 'gro ba na bud med kyi yul zas thogs te phyir 'byung ba'i tshe dge slong cang mi smra bar sdod pa na/ bud med kyi yul na re 'phags pa ci bzhed ces 'dri na bstab par brjod par bya ste/ ji 'dod pa de bslang bar bya ba la ltung ba med do/ /sbyin bdag gis ci bder byas pa la ltung ba med do/ /zho sbyin pa na chur khu dang / dar ba slong ba la ltung ba med do/ /las dang po pa dang / smyos pa dang / sems 'khrugs pa dang / 'tshor ba dag gis nyen pa la ltung ba med do/ /bsod pa slong ba'i ltung byed de bzhi bcu pa rdzogs s+ho// // sdom la/ srog chags bcas dang nyal sar 'dug /'greng dang gcer bu dmag dang ni/ /zhag gnyis bshams bkrug 'gro ba dang / /rdeg dang gzas dang gnas ngan len/ / sangs rgyas bcom ldan 'das/ kau sham+bi na gdangs can gyi kun dga' ra ba na bzhugs so/ /tshe dang ldan pa 'dun pa shes bzhin du srogs chags dang bcas pa'i chu la ma spyod cig /de la dge slong rnams kyis smras pa/ tshe dang ldan pa 'dun pa khyod shes bzhin du srogs chags dang bcas pa'i chu la ma spyod cig /des smras pa/ kho bo la 'ga' zhigs gis bsgrangs te gtad dam ci shar gyi rgya mtsho chen por ci'i phyir mi 'gro/ lho dang nub dang / byang gi rgya mtsho' chen por ci'i phyir mi 'gro/ 'bab chu dang / mtsho' dang / lteng ka dag tu ci'i phyir mi 'gro zhes zer nas dge slong don nyung ngu dag ci'i phyir dge slong dag shes bzhin du srog chags dang bcas pa'i chu la spyod ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'dun pa la smras pa/ 'dun pa khyod shes bzhin du srogs chags dang bcas pa'i chu la spyod pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnams grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslabs pa'i gzhi 'di ltar gdon par bya ste/ yang dge slong gang shes bzhin du srog chags dang bcas pa'i chu la spyod na ltung byed do/ /yang dge slong gang zhes bya ba ni 'dun pa 'am/ gzhan yang de lta bu gang yin pa'o/ /shes bzhin du zhes bya ba ni de rang nyid kyis rig par gyur pa 'am/ gzhan dag gis rjod pas so/ /srog chags dang bcas pa'i zhes bya ba ni srog chags dang bcas pa ni rnam pa gnyis te/ gang dag mig sngar snang bar gyur pa dang / gang dag chu tshags kyis zin par gyur pa'o/ /chu la spyod na zhes bya ba ni chu'i spyad pa gnyis su ste/ nang gi dang phyi rol gyis so/ /nang gir spyad pa ni khrus byed pa dang / 'thung ba dang so shing 'dor ba dang / lag pa dang rkang pa dag 'khrus pa'o/ /phyi rol gyir spyad pa ni lhung bzed 'khru ba dang / lhung bzed chung ngu 'khru ba dang / chos gos dag 'khru ba dang / mtshon gyis las byed pa dang / gtsug lag khang du chags chags 'debs pa dang / zhal zhal skud pa dang / lci ba gsar pa'i byug pas nyung pa'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu bsreg par byed/ 'tshod par byed ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la bsgribs par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis srog chags dang bcas pa'i chu la srog chags dang bcas par 'du shes pas spyod na ltung byed du 'gyur ro/ /dge slong gis srog chags dang bcas pa'i chu la yid gnyis za bas spyod na ltung byed du 'gyur ro/ /dge slong gis srog chags med pa'i chu la srog chags dang bcas par 'du shes pas spyod na nyes byas su 'gyur ro/ /dge slong gis srogs chags med pa'i chu la yid gnyis za bas spyod na nyes byas su 'gyur ro/ /dge slong gis srogs chags dang bcas pa'i zhun mar dang / 'bru mar dang / sbrang rtsi dang / bu ram gyi dbu ba dang / 'o ma dang / zho dang / mar za na ltung byed du 'gyur ro/ /dge slong gis srogs chags dang bcas pa'i tshwa dang / 'bru'i tshwa dang / zho ga chu dang / rtsab mo 'thung na ltung byed du 'gyur ro/ /dge slong gis srogs chags dang bcas pa'i shing thog da 'cha' na ltung byed du 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /srog chags dang bcas pa'i chu la spyod pa'i ltung byed de bzhi bcu rtsa gcig pa rdzogs s+ho// // sangs rgyas bcom ldan 'das mnyan yod na rgyal byed gyi tshal mgon med zas sbyin gyi kun dga' ra ba na bzhugs so/ /tshe dang ldan pa 'char ka bsams pa'i nor bu'i rigs pa shes te/ snga dro sham thabs bgos lhung bzed dang chos gos thogs te mnyan yod du bsod bsnyoms la zhugs so/ /mnyan yod na spos 'tshong gi khye'u chung ma blangs nas ring po ma lon pa zhig 'dug pa des zong bkram pa na bdag chung ma dang lhan cig dga' 'gur spyod du 'gro'o snyam pa'i tshul bzhin ma yin pa yid la byed pa skyes nas des zong phyir bsdu bar brtsam pa dang / tshe dang ldan pa 'char kas de mthong nas bsam pa de ltar tshong pa gzhan dag zong 'grems par byed na spos 'tshong gi khye'u 'di zong sdud par byed pa ci'i phyir snyams nas des yang bsam pa dang / 'di chung ma blangs nas ring po ma lon pas 'di chung ma dang lhan cig dga' mgur spyod par 'dod do snyam du shes nas der bdag song la re ba med par bya'o snyams nas de dang por de yi khyim du song te stan la 'dug nas 'di skad ces smras so/ /bu mo tshur shog 'dug shig dang chos bstan par bya'o/ /bu mo des de'i rkang pa la phyag 'tshal te mdun du chos mnyan pa'i phyir 'dug pa dang / des de la chos bstan par btsams so/ / ji tsam na spos 'tshong gi khye'u de 'ongs nas des chung ma la smras pa/ 'phags pa 'char ka la bsod snyoms phul la bzhud du gsol cig /tshe dang ldan pa 'char kas smras pa/ bzhin bzang kho bos bdag nyid kyi dge ba'i phyogs yongs su nyams par byas ste 'ongs nas chos ston par byed khyod chos nyan mi 'dod dam 'dug la chos nyon cig ces des de nan gyis 'dug tu bcug ste/ des ji tsam gyis de'i kun nas dkris pa dang bral ba de tsam du chos bstan pa dang / de shAkya'i bu'i dge sbyong rnams kyis dge sbyong gi tshul ni tshig go/ /bram ze'i tshul ni tshig ste/ 'di ltar rang gi chung ma la yang dbang med do zhes smod par byed/ phyar ka gtong bar byed/ kha zer bar byed nas dge slong don nyung ngu dag ci'i phyir dge slong dag shes bzhin du nyal po byed par shom pa'i khyim du phyis gnon byas te stan la 'dug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ / de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la smras pa/ 'char ka khyod shes bzhin du nyal po byed par shom pa'i khyim du phyis gnon byas te stan la 'dug pa bden nam btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslabs pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslabs pa'i gzhi 'di ltar gdon par bya ste/ yang dge slong gang shes bzhin du nyal po byed par shom pa'i khyim du phyis gnon byas te stan la 'dug na ltung byed do/ /yang dge slong gang zhes bya ba ni 'char ka 'am/ gzhan yang de lta bu gang yin pa'o/ /shes bzhin du zhes bya ba ni de rang nyid kyis rig par gyur pa 'am/ gzhan dag gis brjod pas so/ /nyal po byed par shom pa'i zhes bya ba ni bud med ni skyes pa'i nyal po bya ba yin la skyes pa ni bud med kyi nyal po bya ba yin no/ /khyim du zhes bya ba ni bram ze dang khyim bdag gi khyim du'o/ /phyis gnon byas te zhes bya ba ni phyis zhugs te'o/ /stan la zhes bya ba ni gzhi la'o/ /'dug na zhes bya ba ni 'dom gang gi nang du rkub tsos bzhag na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang logs par ltung ba dag tu sreg par byed 'tshod par byed ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad shes bzhin du nyal po byed par shom pa'i khyim du phyis gnon byas te stan la 'dug na thams cad du ltung byed du 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /nyal po byed par shom pa'i khyim na 'dug pa'i ltung byed de bzhi bcu rtsa gnyis pa rdzogs s+ho// // sangs rgyas bcom ldan 'das mnyan yod na rgyal byed kyis tshal mgon med zas sbyin gyi kun dga' ra ba na bzhugs so/ /tshe dang ldan pa 'char ka bsam pa'i nor bu'i rigs pa shes te/ de snga dro sham thabs bgos lhung bzed dang chos gos thog te mnyan yod du bsod snyoms la zhugs so/ /mnyan yod na spos 'tshongs gi khye'u chung ma blangs nas rings po ma lon pa zhig 'dug pa des zong bkram pa na bdag chung ma dang lhan cig dga' mgur spyod du 'gro'o snyams pa'i tshul bzhin ma yin pa yid la byed pa skyes nas des zong phyir bsdus par brtsam pa dang / tshe dang ldan pa 'char kas de mthong nas bsam pa/ da ltar 'tshong pa gzhan dag zong 'grems par byed na spos 'tshong gi khye'u 'di zong sdud par byed pa ci'i phyir snyams nas des yang bsams pa dang / 'di chung ma blangs nas ring po ma lon pa 'di chung ma dang lhan cig dga' mgur spyod par 'dod do/ /snyams du shes nas de bdag song la blta'o snyam nas de dang por de'i khyim du song ste/ sgo glegs kyi rgyab na mgo sring zhing 'greng ngo / /de'i 'og tu spos 'tshong gis khye'u de 'ongs nas des 'chung ma khrid de gnas khang du zhugs pa dang / bu mo des 'char ka dben pa na 'greng ba mthong nas des khyo la smras pa/ rje'i sras 'phags pa 'char ka sgo glegs kyi rgyab na 'greng ngo / /spos 'tshong gi khye'u smras pa/ 'phags pa 'char ka gtsug lag khang na bsams gtan dang rnam par 'thar pa dang / ting nge 'dzin la snyoms par 'jugs pa'i bde ba dag nyams su myong zhing 'greng ngo zhes des chung ma la dga' mgur spyad nas gang gi tshe de'i kun nas bkris pa dang bral bar gyur pa de'i tshe na des 'char ka mthong ba dang / de shAkya bu'i dge sbyong rnams kyis dge sbyong gi tshul ni tshigs go bram ze'i tshul ni tshigs ste/ 'di ltar rang gis chung ma la dbang med do zhes smod par byed/ phyar ka gtong bar byed/ kha zer bar byed nas/ dge slong don nyung ngu dag ci'i phyir dge slong dag shes bzhin du nyal po byed par shoms pas khyim du dben pa skyab yod par 'greng bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ / zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste/ zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la smras pa/ 'char ka khyod shes bzhin du nyal po byed par shom pa'i khyim du dben pa bskyabs yod par 'greng ba bden nam btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa/ rung ba ma yin pa/ tshul dang 'thun pa ma yin pa/ de ni rab tu byung ba'i bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyis bslabs pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslabs pa'i gzhi 'di ltar gdon par bya ste/ yang dge slong gang shes bzhin du nyal po byed par shom pa'i khyim du dben pa bskyabs yod par 'greng na ltung byed do/ /yang dge slong gang zhes bya ba ni 'char ka 'am/ gzhan yang de lta bu gang yin pa'o shes bzhin du zhes bya ba ni de rang nyid kyis rig par gyur pa 'am/ gzhan dag gis brjod pas so/ /nyal po byed par shom pa'i zhes bya ba ni bud med ni skyes pa'i nyal po bya ba yin la skyes pa ni bud med kyis nyal po bya ba yin no/ /khyim du zhes bya ba ni bram ze dang / khyim bdag gi khyim du'o/ /dben pa zhes bya ba ni gang na bud med dang skyes pa dang / ma ning gzhan 'ga' yang med pa'o/ /skyabs yod par zhes bya ba ni lngas bskyabs par te rtsigs pas bskyabs pa dang / rib mas bskyabs pa dang / yol bas bskyabs pa dang / thibs pos bskyabs pa dang / mtshan mos bskyabs par ro/ /'greng na zhes bya ba ni 'dom gang du 'greng na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / logs par lta ba dag tu bsreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la bsgribs par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad shes bzhin du nyal po byed par shom pa'i khyim du dben pa skyab yod par 'greng na thams cad du ltung byed du 'gyur ro/ /las dang po pa dang / smyos pa dang / sems 'khrugs pa dang / 'tshor ba dag gis nyen pa la ltung ba med do/ /nyal po byed par shom pa'i khyim na 'greng ba'i ltung byed de bzhi bcu rtsa gsum pa rdzogs s+ho// // sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs te/ de nas rgyal po'i khab pa'i tshong pa rab tu mang po dag bcom ldan 'das ga la ba der dong te phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas/ bcom ldan 'das rgyal po'i khab pa'i tshong pa rab tu mang po dag la chos dang ldan pa'i bka' mchid kyis yang dag par ston par mdzad/ yang dag par 'dzin du 'dzud par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng stod/ yang dag par rab tu dga' bar mdzad nas cang mi gsung ngo / /de nas rgyal po'i khab pa'i tshong pa rab tu mang po dag gis/ bcom ldan 'das kyis bka' stsal pa la mngon par dga' ba dang rjes su yi rang ba byas nas/ bcom ldan 'das kyi zhabs gnyis la mgo' bos phyag 'tshal te/ bcom ldan 'das kyi spyan snga nas dong nas tshe dang ldan pa kun dga' bo ga la ba der dong te phyin nas tshe dang ldan pa kun dga' bo'i rkang pa gnyis la mgo bos phyag 'tshal te/ mtha' gcig tu 'khod do/ /mtha' gcig tu 'khod nas tshe dang ldan pa kun dga' bo rgyal po'i khab pa'i 'tshong pa rab tu mang po dag la chos dang ldan pa'i gtam gyis yang dag par ston par byed/ yang dag par 'dzin du 'jud par byed/ yang dag par gzeng stod par byed/ yang dag par rab tu dga' bar byed do/ /rnam grangs du mas chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar byas nas cang mi smra'o/ /de nas rgyal po'i khab pa'i tshongs pa rab tu mang po dag stan las langs te bla gos phrags pa gcig tu byas nas tshe dang ldan pa kun dga' bo ga la ba de logs su thal mo sbyar ba btud nas/ tshe dang ldan pa kun dga' bo la 'di skad ces smras so/ /btsun pa kun dga' bo bcom ldan 'das dbyar gnas par zhal gyis bzhes nas gang du gshegs par 'gyur/ shes ldan dag sangs rgyas bcom ldan 'das la zhus shig /btsun pa kun dga' bo sangs rgyas bcom ldan 'das ni bsnyen par dka' ba dang / bzod par dka' ba lags pas bdag cag gis sangs rgyas bcom ldan 'das la zhu ba'i rngo mi thog go/ /shes ldan dag kho bo la yang sangs rgyas bcom ldan 'das la snyen par bka' ba dang / bzod par bka' ba nyid yin pas kho bo sangs rgyas bcom ldan 'das la zhu bar mi nus so/ /btsun pa kun dga' bo gal te btsun pa kun dga' bo la yang sangs rgyas bcom ldan 'das bsnyen par dka' ba dang / bzod par dka' ba lags pas btsun pa kun dga' bos kyang sangs rgyas bcom ldan 'das la zhus par mi spyod na/ btsun pa kun dga' bos mtshan ma 'am/ bka' mchid kyis bcom ldan 'das dbyar gnas par zhal gyis bzhes nas phyogs ga ge mor gshegs par 'gyur bar ji ltar mkhyen/ mtshan mas ni ji ltar mkhyen bka' mchid kyis ni ji ltar mkhyen/ shes ldan dag bcom ldan 'das dbyar gnas par zhal gyis bzhes nas phyogs gang du gshegs par bzhed pa'i phyogs de logs su bcom ldan 'das zhal gzigs shing bzhugs la de dag gi bsngags pa yang brjod par mdzad do/ /btsun pa kun dga' bos bcom ldan 'das zhal gzigs shing bzhugs/ mi gang dag gi bsngags pa yang rjod par mdzad/ shes ldan dag bcom ldan 'das ko sa lar zhal gzigs shing bzhugs la/ mnyan yod pa'i mi dag gi bsngags pa yang brjod par mdzad do/ /de dag gis tshe dang ldan pa kun dga' bos smras pa la mngon par dga' ba dang rjes su yi rang ba byas nas tshe dang ldan pa kun dga' bo'i rkang pa gnyis la mgo bos phyag 'tshal te dong nas de dag gis bsam pa/ bcom ldan 'das dbyar gnas par zhal gyis bzhes nas mnyan yod du gshegs par 'gyur ro/ /snyams nas de dag gis mnyan yod du 'dong ba'i zong sta gon byas so/ /de nas bcom ldan 'das dbyar gnas par zhal gyis bzhes te dbyar gyi zla ba gsum po dag 'das nas/ bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la dge slong dag /de bzhin gshegs pa ko sa la dag tu ljongs rgyur gshegs kyis khyed cag las gang / de bzhin gshegs pa dang thabs gcig ko sa la dag tu ljongs rgyur 'gro bar spro ba des chos gos kyi las gyis shig ces bsgo shig /tshe dang ldan pa kun dga' bos btsun pa bka' bzhin 'tshal zhes/ bcom ldan 'das las mnyan nas dge slong rnams la tshe dang ldan pa dag /de bzhin gshegs pa ko sa la dag tu ljongs rgyur gshegs kyis khyed cag las gang / de bzhin gshegs pa dang thabs gcig ko sa la dag tu ljongs rgyur 'gro bar spro ba des chos gos kyi las gyis shig ces bsgo'o/ /rgyal po'i khab pa'i 'tshong pa dag gis tshe dang ldan pa kun dga' bos dge slong rnams la tshe dang ldan pa dag /de bzhin gshegs pa ko sa la dag tu ljongs rgyur gshegs kyis khyed cag las gang / de bzhin gshegs pa dang thabs gcig ko sa la dag tu ljongs rgyur 'gro bar spro ba des chos gos kyi las gyis shig ces bsgo ba thos so/ /thos nas kyang bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas/ bcom ldan 'das rgyal po'i khab pa'i 'tshongs pa rab tu mang po dag la chos dang ldan pa'i bka' mchid kyis yang dag par ston par mdzad/ yang dag par 'dzin du 'jud par mdzad/ yang dag par gzeng stod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas rgyal po'i khab pa'i tshongs pa rab tu mang po dag stan las langs te/ bla gos phrags pa gcig tu byas nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas rgyal po'i khab nas mnyan yod kyi bar ji tsam bar bdag cag las na bza' dang bsod snyoms dang / gnas mal dang / snyung ba'i rkyen dang / sman gyi yo byad dag bzhes par ci gnang / bcom ldan 'das kyis rgyal po'i khab pa'i tshong pa rab tu mang po dag la cang mi gsung bas gnang ngo / /de nas rgyal po'i khab pa'i 'tshongs pa rab tu mang po dag gis/ bcom ldan 'das kyis cang mi gsungs pas gnang bar rig nas/ bcom ldan 'das kyis bka' stsal pa la mngon par dga' ba dang rjes su yi rang ba byas te/ bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas dong ngo / /de nas rgyal po'i khab pa'i tshong pa rab tu mang po dag tshe dang ldan pa kun dga' bo ga la ba der dong ste phyin nas tshe dang ldan pa kun dga' bo'i rkang pa gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas rgyal po'i khab pa'i tshong pa rab tu mang po dag gis tshe dang ldan pa kun dga' bo la 'di skad ces smras so/ /btsun pa kun dga' bo bcom ldan 'das shul dag tu ji tsam du gshegs/ shes ldan dag 'di lta ste dper na 'khor los sgyur ba'i rgyal po tsam du'o/ /btsun pa kun dga' bo 'khor los sgyur ba'i rgyal po ji tsam du mchis/ shes ldan dag 'khor lo sgyur ba'i rgyal po ni lam dag tu rgyang drag bcur 'gro'o/ /de dag gis rgyang grags bcu bcur bcom ldan 'das dge slong gi dge 'dun dang bcas pa'i tshog dag bshams shing de dag gis zhal zas grangs cha gang dag yin pa de dag ni de nyid kyi nyin mo sta gon byas/ drod bag gang dag yin pa de dag ni nyi ma re re zhing sta gon byed do/ /de nas bcom ldan 'das dul ba 'khor dul ba dang ldan pa zhi ba 'khor zhi ba dang ldan pa/ grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa/ mdzes pa 'khor mdzes pa dang ldan pa khyu mchog ltar ba lang gi tshogs kyis yongs su bskor ba/ glang po che ltar glangs po che'i phrug gu'i tshogs kyis yongs su bskor ba/ seng ge ltar mche ba can gyi tshogs kyis yongs su bskor ba/ ngang pa'i rgyal po ltar ngang pa'i tshogs kyis yongs su bskor ba/ nam mkha' lding ltar bya'i tshogs kyis yongs su bskor ba/ bram ze ltar slob ma'i tshogs kyis yongs su bskor ba/ sman pa mkhas pa ltar nad pa'i tshogs kyis yongs su bskor ba/ dpa' bo ltar ru pa'i tshogs kyis yongs su bskor ba/ sa mkhan ltar lam du zhugs pa'i tshogs kyis yongs su bskor ba/ ded dpon ltar tshong pa'i tshogs kyis yongs su bskor ba/ tshong dpon ltar 'khor gyi tshogs kyis yongs su bskor ba/ mkhar gyi rgyal po ltar blon po'i tshogs kyis yongs su bskor ba/ 'khor los bsgyur ba ltar bu stong gi tshogs kyis yongs su bskor ba/ zla ba ltar rgyu skar gyi tshogs kyis yongs su bskor ba/ nyi ma ltar 'od zer stong gi tshogs kyis yongs su bskor ba/ yul 'khor srung ltar dri za'i tshogs kyis yongs su bskor ba/ 'phags skyes po ltar grul bum gyi tshogs kyis yongs su bskor ba/ mi mi bzang ltar klu'i tshogs kyis yongs su bskor ba/ nor sbyin ltar gnod sbyin gyi tshogs kyis yongs su bskor ba/ thags zangs ris ltar lha ma yin gyi tshogs kyis yongs su bskor ba/ brgya byin ltar sum bcu rtsa gsum pa'i tshogs kyis yongs su bskor ba/ tshangs pa ltar tshangs ris kyi tshogs kyis yongs su bskor ba/ dbang po rnams kyis shin du dul ba/ spyod lam dang spyod pa ma 'khrugs pa/ chu gter ltar ting nge ba sprin ltar chu dang bcas pa glang po che'i rgyal po ltar dregs pa dang bral ba/ skyes bu chen po'i mtshan sum bcu rtsa gnyis kyis legs par brgyan pa/ dpe' byad bzangs po brgyad bcus sku rnam par mdzes pa/ 'od 'dom gang gis gzugs can brgyan pa/ nyi ma stong bas lhags pa'i 'od dang ldan pa/ rin po che'i ri bo 'gro ba ltar kun du bzang ba/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa/ kun shes kauN+Di n+ya dang / rta thul dang / bzangs ldan dang / rlangs pa dang / ming chen dang / grags pa dang / gang po dang / dri med dang / ba lang bdag dang / lag bzangs la sogs pa nyan thos chen po de dag dang / gzhan yang dge slong gi dge 'dun rab tu mang pos yongs su bskor cing mdun du bdar te mnyan yod ga la ba de logs su ljongs rgyu zhing gshegs so/ / don 'thun de dang shes pa can zhig lhan gcig 'gro ba de 'phong pa'i dus la bab cing bkres pas nyam thag par gyur nas/ des bsams pa/ bdag gang gis bkres pas nyam thags par mi 'gyur ba'i thabs ci yod snyams nas des yang bsams pa/ shAkya'i bu'i dge sbyong rnams la skyabs btsal na des bdag bde bar lam du 'gro bar 'gyur ro/ /snyam du rig nas de dge slong rnams kyi gan du song ste smras pa/ khyed cag gi ston pa ni bzang po la mos pa yin ste/ de gser gyi gshol gyis zhing rmo bas des khyed cag la zas ro brgya pa dang / gos 'bum ri ba dang / khang pa brtsegs pa lnga brgya pa yang rjes su gnang bas khyed cag ni re shig tshe 'di nyid la yang bde ba la reg par gnas la 'di nas shi 'phos pa rnams kyang lha rnams kyi nang du skye bar 'gyur ro/ /kho bo cag gi ston pa ni ngan pa la mos pa yin te/ de til gyi tshigs ma'i gshol gyis zhing rmo bas des kho bo cag la gcer bu dang / sgre byi dang sbrang zan dang / yul rgyu ba dang / sa la nyal ba las gzhan rjes su ma gnang bas kho bo cag ni re shig tshe 'di nyid la yang bsdug bsngal la reg par gnas shing 'di nas shi 'phos pa rnams kyang / sems can dmyal ba rnams kyi nang du skye bar 'gyur ro/ /dge slong rnams kyis bsams pa/ shes pa can 'di dad par gyur to snyams nas de dag gis de la smras pa/ shes pa can ji ltar 'tshol/ dka' bas so/ /dge slong rnams kyi lhung bzed kyi lhags ma 'dod dam/ shes pa can des bsams pa/ gal te dge slong rnams kyi lhung bzed kyi lhag ma ma zos na ltogs te mchis par 'gyur ro snyams nas des smras pa 'tshal lo/ /dge slong rnams kyis smras pa/ shes pa can dge slong rnams zan za ba'i mig lam du 'dug shig dang / dge slong rnams khyod la lhung bzed kyi lhag ma sbyin par 'gyur ro/ /shes pa can de dge slong rnams zan za ba'i mig lam du 'dug pa dang / dge slong rnams kyis de la lhung bzed kyi lhag ma byin nas de'i slong phor khur bas byur bur byas so/ /de slong phor khur bas byur bur byas pa thogs te phyir byung ba ded dpon gyis mthong nas des smras pa/ shes pa can khyod la khur ba sus byin des smras pa/ khyod kyi yon gnas ni dge slong de dag yin la de dag gi yon gnas ni kho bo yin pas kho bo la de dag gis phul lo/ /ded dpon gyis smras pa/ shes pa can dge slong rnams kyis khyod la snying rje bas byin na khyod de skad ces de dag gi yon gnas kho bo yin no zhes zer ram/ gal te bcom ldan 'das kyis gsan par gyur na/ bcom ldan 'das kyis 'dul ba la nyan thos rnams kyi bslab pa'i gzhi bca' bar mdzad par 'gyur ba gang yin pa de lta bu'i gnas yod do/ /des smras pa ded dpon mad kyang bzhad gad bgyis so/ /lam de nas don 'thun tshur 'ong ba dag cig lhags nas don 'thun de dang lhan cig shes pa can zhig 'ong ba des de mthong nas smras pa/ shes pa can nyod pa nyod dam des smras pa/ nyod do gang nas des smras pa/ khyim bdag sgre byi 'di dag kho bo la mkho' ba stobs par byed do/ /des smras pa shes pa can khyod ni byas pa mi shes pa yin te/ 'di dag khyod kyi khyim bdag sgre byi dag yin nam/ 'di dag las ni lnga brgya pa'i tshogs dag yongs su mya ngan las 'da' bar snang gis/ khyod kyis shes pa can ni gcig 'ga' yang yongs su mya ngan las 'da' bar mthong ngam zhes des tshigs su bcad pa dag smras pa/ ngan pa ci phyir sa la 'bying mi byed/ /ci phyir lce yang tshal pa brgyar mi 'gas/ /khyod kyi lus la ci phyir gsang ba dag /rdo rje'i ser ba mdung thung mda' mi 'phen/ /ji ltar seng ge'i lhag ma za ba'i wa/ /seng ge nyid la gsod par 'dod pa ltar/ /de bzhin khyod kyang stobs bcu'i khyos za zhing / /stobs bcu nyid la smod byed ma 'phags pa/ /gang du gang la nye bar brten byas na/ /mi ngan 'di 'dras 'tsho ba 'thob pa las/ /de nas nges par mdza' bshes dgra rnams la/ /mnyam mdzad blo ldan thams cad mkhyen pa yin/ /mi rnams gang dag byas pa mi shes pa/ /de dag khyi bas shin du ngan par bsam/ / khyi yang mi la byas pa shes snang na/ /sbrul 'dra'i mi dag dug ni gtong bar byed/ /'di ni re shig byung ba yin te/ sangs rgyas bcom ldan 'das re shig 'dul ba la nyan thos rnams kyi bslabs pa'i gzhi 'cha' bar ni mi mdzad do/ / de nas bcom ldan 'das ko sa la dag du ljongs rgyu zhing gshegs pa na mnyan yod du byon to/ /mnyan yod na skyed mos tshal zhig na yugs sa mo lnga brgya tsam dog pa mkhal zhing 'khod pa de dag gis/ sangs rgyas bcom ldan 'das skyes bu chen po'i mtshan sum bcu rtsa gnyis kyis gzugs can brgyan cing gsal ba/ gzugs can lta bu chos dang ldan pa/ gser phyes btab pa'i mi lta bu/ gser gyi snod na 'dug pa'i mar me lta bu/ gser gyi ri bo 'gro ba lta bu/ rin po che sna tshogs kyis spras pa'i gser gyi mchod rten lta bu/ grags pa dang / gsal ba dang / mi bsnyengs pa dang / dri ma med pa dang / rnam par dag pa'i blo dang ldan pa mthong ngo / /mthong nas kyang 'di lta ste/ dge ba'i rtsa ba bsags pa'i rgyu las byung ba'i sems can gyis dang por sangs rgyas mthong ba na sems nyams bde ba skyed par byed pa de ltar ni lo bcu gnyis su zhi gnas kyis sems gom par byas pa dang / dbul pos gter mthong ba dang / bu med pas bu thob pa dang / rgyal srid la mngon par dga' ba rgyal srid la dbang bskur ba yang sems nyams bde ba bskyed par mi byed pas de dag bcom ldan 'das ga la ba der dong ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das kyis de dag gi bsam pa dang / bag la nyal dang / khams dang rang bzhin thugs su chud nas ci nas kyang de dag gis 'jigs tshogs la lta ba'i ri'i rtse mo nyi shu mtho' ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de ltar chos bstan pa mdzad do/ /de dag gis bden pa dag mthong nas gsol pa/ btsun pa bcom ldan 'das kyis bdag cag la gang mdzad pa 'di lta bu ni bdag cag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang rtsa lag gi tshogs kyis kyang ma bgyis te/ khrag dang mchi ma'i rgya mtsho' ni bskams/ rus pa'i ri bo dag las ni bsgral/ ngan song gis sgo dag ni bkum/ mtho' ris dang thar pa'i sgo dag ni phye/ sems can dmyal ba dang / dud 'gro dang / yi dags dag nas ni rkang pa phyung / lha dang mi rnams kyi nang du ni bzhag / 'khor ba ni mthar bgyis/ thogs ma ma mchis pa'i dus nas bsags pa'i 'jigs tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa bdag cag ni mngon par zhugs pa lags so/ /btsun pa bdag cag bcom ldan 'das dang / chos dang / dge slong gi dge 'dun la skyabs su mchis/ bdag cag dge snyen mar gzung du gsol/ deng slan chad nas ji srid 'tsho'i bar du glo ba thag pa nas skyabs su mchi'o/ /de dag gis bsams pa/ gal te bcom ldan 'das mnyan yod du gshegs par gyur na der bdag cag gis skabs kyang mi rnyed kyis bdag cag gis 'di nyid du bcom ldan 'das dge slong gi dge 'dun dang bcas pa sang gdugs tshod la spyan drang ngo snyam nas de nas rigs kyi bu mo de dag stan las langs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das kyis sang dge slong gi dge 'dun dang thabs gcig tu bdag cag gi gdugs 'tshod gsol bar ci gnang / bcom ldan 'das kyis rigs kyi bu mo de dag la cang mi gsung bas gnang ngo / / de nas rigs kyi bu mo de dag gis bcom ldan 'das kyis cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas dong nas tshe dang ldan pa kun dga' bo ga la ba der dong ste phyin nas tshe dang ldan pa kun dga' bo'i rkang pa gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas rigs kyi bu mo de dag gis tshe dang ldan pa kun dga' bo la 'di skad ces smras so/ /btsun pa kun dga' bo bdag cag gis sangs rgyas la sogs pa dge slong gi dge 'dun sang gdugs tshod la spyan drang na btsun pa kun dga' bo kAr ShA pa Na ji tsam gyis sangs rgyas la sogs pa dge slong gi dge 'dun gyi gdugs tshod 'tshal bar 'gyur/ tshe dang ldan pa kun dga' bos smras pa/ kAr ShA pa Na lnga brgyas so/ /de dag gis kAr ShA pa Na re re bsdus te smras pa/ btsun pa kun dga' bos bdag cag la snod spyad dang mi blas dang / gnas mal gyis 'byor pa ma mchis na khyod kyis zhal zas sta gon mdzod gcig dang bdag cag mchis te brim par bgyi'o/ /kAr ShA pa Na dag zhog shig /de dag gis kAr ShA pa Na dag mtha' gcig tu bzhag ste dong ngo // //'dul ba rnam par 'byed pa/ bam po lnga bcu rtsa lnga pa/ khyim bdag mgon med zas sbyin gyis bcom ldan 'das ko sa la dag tu ljongs rgyu zhing gshegs pa na mnyan yod du phyin ces thos so/ /thos nas kyang bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das khyim bdag mgon med zas sbyin la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs stod par mdzad/ yang dag par rab tu dga' bar mdzad do/ / rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng stod/ yang dag par rab tu dga' bar mdzad nas cang mi gsung ngo / /de nas khyim bdag mgon med zas sbyin stan las langs te/ bla gos phrags pa gcig tu byas nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das sang bdag gi bsdum par dge slong gi dge 'dun dang thabs gcig gdugs tshod gsol bar ci gnang / khyim bdag nga de'i dang por khyim bdag mo lnga brgyas spyan drangs so/ /de nas khyim bdag mgon med zas sbyin gyis bcom ldan 'das kyis bka' stsal pa la mngon par dga' ba dang rjes su yi rang ba byas te/ bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ste/ tshe dang ldan pa kun dga' bo ga la ba der song nas phyin pa dang / tshe dang ldan pa kun dga' bo'i rkang pa gnyis la mgo bos phyag 'tshal te mtha' gcig tu 'dug go/ /des kAr ShA pa Na de dag mthong nas smras pa/ btsun pa kun dga' bo kAr ShA pa Na 'di dag su'i lags/ tshe dang ldan pa kun dga' bos smras pa/ khyim bdag mo lnga brgya tsam gyi bcom ldan 'das dge slong gi dge 'dun dang thabs gcig sang khyim gzhan du gdugs tshod la spyan drangs nas de dag gis kAr ShA pa Na 'di dag bzhag gis khyod kyis 'di dag dang bdag nyid kyi kAr ShA pa Na gzhan dag bsres te zhal zas bsod pa sta gon gyis la 'dir skur cig /des kAr ShA pa Na de dag khyer te song nas des kAr ShA pa Na de dag dang bdag nyid kyi kAr ShA pa Na gzhan dag bsres te zhal zas bsod pa sta gon byas nas rgyal byed kyi tshal du bskur ro/ / tshe dang ldan pa kun dga' bos de dag la zhal zas sta gon byas kyis tshur gshegs la sangs rgyas la sogs pa dge slong gi dge 'dun la brims shig ces springs pa dang / de dag lhags te smras pa/ btsun pa kun dga' bo khyod bdag cag gi dge ba'i bshes gnyen lags kyis tshur spyon khyod kyis kyang brim du gsol/ tshe dang ldan pa kun dga' bos brims par btsam pa dang / der gcer bu ma gnyis shig 'ongs te/ de gnyis kyis khyim bdag mo de dag la zas bslangs pa na de dag gis smras pa zas 'di ni rgyal bu 'di'i yin no/ /gcer bu ma de gnyis kyis tshe dang ldan pa kun dga' bo la rgyal bu bdag cag gnyis ni sdug bsngal ba lags kyis bdag cag gnyis la zas stsol cig ces zas bslangs pa dang / tshe dang ldan pa kun dga' bos smras pa/ 'dug shig dang sbyin no/ /de gnyis 'dug go/ /de na cig ni rgan mo zhig yin/ gcig shos ni gzhon nu ma zhig yin no/ /tshe dang ldan pa kun dga' bos ma bsams par brims pa dang / rgan mo de la ni khur ba gcig byin gzhon nu ma de la ni khur ba gnyis byin no/ /rgan mo des khur ba gcig po de zos nas des gzhon nu ma la smras pa/ khyod gyis khur ba du thob des smras pa/ gnyis thob bo rgan mos smras pa/ rgyal bu des kho mo la ni khur ba gcig byin la/ khyod la gnyis byin pa las na rgyal bu des khyod don du gnyer gyis sta gon gyis shig /gzhon nu mas smras pa/ des btsun mo'i 'khor rgyas pa spangs te rab tu byung bas dri ma'i rdzab can kho mo lta bu don du gnyer bar ga la 'gyur rgan mos smras pa/ skyes pa dag la bud med sna tshogs dag la bud med kyi 'dun pa yod pas rgyal bu 'dis khyod don du gnyer gyis sta gon gyis shig /dge slong don nyung ngu dag ci'i phyir dge slong dag gcer bu pa dang / gcer bu ma kun du rgyu dang / kun du rgyu mo la rang gi lag nas bca' ba dang bza' ba sbyin par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin no/ /sangs rgyas bcom ldan 'das kyis tshe dang ldan pa kun dga' bo la smras pa/ kun dga' bo khyod gcer bu pa dang / gcer bu ma kun tu rgyu dang kun du rgyu mo la rang gi lag nas bca' ba dang bza' ba sbyin par byed pa bden nam btsun pa mad do/ /sangs rgyas bcom ldan 'das kyis mi btson pa dang mi sbyor ba dang mi brtags par spyod pa rnam par smad pa mdzad do/ /de nas bcom ldan 'das kyis brtson pa dang sbyor ba dang / brtags te spyod pa'i sngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi 'di ltar bca' bar bya ste zhes bya ba la sogs pa snga ma bzhin no/ / nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang gcer bu pa 'am/ gcer bu ma kun tu rgyu 'am/ kun tu rgyu mo la rang gis lag nas bca' ba dang / bza' ba sbyin na ltung byed do/ / yang dge slong gang zhes bya ba ni chos 'di pa'o/ /gcer bu pa 'am gcer bu ma kun du rgyu 'am/ kun du rgyu mo la rang gi lag nas shes bya ba ni lag pas lag par ro/ /bca' ba dang bza' ba zhes bya ba ni bca' ba lnga dang bza' ba lnga'o/ /sbyin na zhes bya ba ni bsab mi dgos par ro/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / logs par ltung ba dag tu sreg par byed/ 'tshod par byed ltung bar byed pa'o/ / gzhan yang ji srid du ltung ba de ma bshags shing so sor ma bshags na dge ba'i chos rnams la bsgribs par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad gcer bu pa 'am/ gcer bu ma kun du rgyu 'am/ kun tu rgyu mo la rang gi lag nas bca' ba dang / bza' ba sbyin na thams cad du ltung byed du 'gyur ro/ /nye du dang / nad pa dang / sdig pa can gyi lta ba'i rnam pa las dbral bar 'dod pa yin na ltung ba med do/ /dum bur byas te sbyin pa dang / gzhan sbyin du 'jug pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ / gcer bu pa la sbyin pa'i ltung byed bzhi bcu rtsa bzhi pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /ko sa lar byung ba'i rgyal po gsal rgyal gyis ri brags pa zhig logs nas der ru pa gcig btang ba dang de bcom zhing rab tu bcom ste phyir 'ongs so/ /ru pa gnyis pa dang / gsum pa btang ba dang de yang bcom bzhin rab tu bcom ste phyir 'ongs nas blon po rnams kyis ko sa lar byung ba'i rgyal po gsal rgyal la smras pa/ lha ri brags pa'i dpung ni skyes/ lha'i dpung ni nyams pas gal te lha nyid der rang ma gshegs na ri brags pa phebs dka' bar 'gyur na lhas rang nyid der gshegs par mdzad du gsol/ ko sa lar byung ba'i rgyal po gsal rgyal gyis nga'i yul na mtshon gyis 'tsho' ba gang dag 'khod pa de dag thams cad 'dong bar bya'o/ /gang mi 'gro ba des chad par kAr ShA pa Na lnga brgya dbul bar bya'o/ /zhes dril bsgrags pa byed du bcug ste/ rgyal po'i dpung gi tshogs yan lag bzhi pa 'phags pa dang / drug sde dag gis smras pa/ dga' bo nye dga' gsus po che'i dpung gi tshogs yan lag bzhi pa ci 'dra bltas 'dong ngo zhes de dag lam kar dong ste 'khod pa dang / ji tsam glang po che pa'i tshogs 'ongs nas drug sde dag gis de dag la smras pa/ shes ldan dag gar 'dong 'phags pa dag ko sa lar byung ba'i rgyal po gsal rgyal gyis ri brags pa zhig log par de 'bebs su mchi'o/ /bkren pa dag glang po che 'di lta bu dag gis ri brags pa phebs par 'gyur ram khyod kyi glangs po che 'di dag ni phag 'dra la/ ri brags pa'i glang po che dag ni ri bo brtsegs pa 'dra bas khyed cag phar 'gro ba yod kyang phyir ldogs pa med kyis phyir deng la pha ma dag la til gyi chu byin la gzod deng shig /de dag mtha' gcig tu dong ste sems khongs su chud cing 'khod do de nas rta pa'i tshogs 'ongs nas drug sde dag gis de dag la smras pa/ shes ldan dag gar 'dong 'phags pa dag ko sa lar byung ba'i rgyal po gsal rgyal gyis ri brag pa zhig logs pa de 'bebs su mchi'o/ /bkren pa dag rta 'di lta bu dag gis ri brag pa phebs par 'gyur ram/ khyed kyi rta 'di dag ni bong bu 'dra la/ ri brag pa'i rta dag ni glang po che'i phrug gu 'dra bas khyed cag phar 'gro ba yod kyang phyir ldog pa med kyis phyir deng la pha ma dag la til gyi chu byin la gzod deng shig /de dag mtha' gcig tu dong ste sems khongs su chud cing 'khod do/ /de nas shing rta pa'i tshogs 'ongs nas drug sde dag gis de dag la smras pa/ shes ldan dag gar 'dong / 'phags pa dag ko sa lar byung ba'i rgyal po gsal rgyal gyis ri brag pa zhig logs pa de 'bebs su mchi'o/ /bkren pa dag shing rta 'di lta bu dag gis ri brag pa phebs par 'gyur ram/ khyod kyi shing rta 'di dag ni shing rta zhig pa 'dra la/ ri brag pa'i shing rta dag ni gzhal med khang 'dra bas khyed cag phar 'gro ba yod kyang phyir ldog pa med kyis phyir deng la pha ma dag la til gyi chu byin la gzod deng shig /de dag mtha' gcig tu dong ste sems khongs su chud cing 'khod do/ /de nas dpung bu chung gi tshogs 'ongs nas drug sde dag gis de dag la smras pa/ shes ldan dag gar 'dong / 'phags pa dag ko sa lar byung ba'i rgyal po gsal rgyal gyis ri brag pa zhig logs pa de 'bebs su mchi'o/ /bkren pa dag mi 'di lta bu dag gis ri brag pa phebs par 'gyur ram/ khyed kyi mi 'di dag ni rtswa mi 'dra la/ ri brag pa'i mi dag ni gnod sbyin gdug pa 'dra bas khyed cag phar 'gro ba yod kyang phyir ldogs pa med kyis phyir deng la pha ma dag la til gyi chu byin la gzod deng shig /de dag mtha' gcig tu dong ste sems khongs su chud cing 'khod do/ /ji tsam na ko sa lar byung ba'i rgyal po gsal rgyal 'ongs nas des smras pa/ khyed cag ci'i phyir mi 'ongs bar mtha' gcig tu dong ste sems khongs su chud cing 'khod/ de dag gis smras pa/ lha bdag cag rgyal bar ga la 'gyur/ 'di ltar dge sbyong mgo reg ras yug chen gleg pa 'tshal ba 'di dag mi mchi dgu mchi'o/ /gang dag 'phags pa drug sde dag go/ /shes ldan dag de dag ni dge sbyong hral po dag yin pas de dag gis smras pas khyed la ci gnod deng shig /ko sa lar byung ba'i rgyal po gsal rgyal gyis bsams pa/ 'di dag yang dang yang du bdag la tho 'tsham par 'gyur ro/ /snyams du rigs nas mi zhig la smras pa/ kwa'i nang rje tshur shog /bcom ldan 'das ga la ba der song la nga'i tshig gis bcom ldan 'das kyi zhabs gnyis la mgo bos phyag 'tshal te/ bcom ldan 'das la gnod pa nyung ngam/ nyams nga ba chung ngam/ bskyod pa yang ngam/ 'tsho 'am/ stobs dang ldan nam/ bde ba la reg par gnas sam kha na ma tho ba ma mchis sam/ zhes snyun gsol la 'di skad ces ko sa lar byung ba'i rgyal po gsal rgyal gyi mchid nas btsun pa 'phags pa 'di dag dmag chas pa la ltar mchis na/ kye ma bcom ldan 'das kyis thugs brtse ba'i slad du gang gis 'phags pa dag dmag chas pa la ltar mchis par mi 'gyur bar dran par bgyi ba chung zhig bca' ba mdzad na legs so zhes gsol cig /mi des lha bka' bzhin 'tshal zhes ko sa lar byung ba'i rgyal po gsal rgyal las mnyan nas/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas mi des bcom ldan 'das la 'di skad ces gsol to/ /btsun pa ko sa lar byung ba'i rgyal po gsal rgyal bcom ldan 'das kyi zhabs gnyis la mgo bos phyag 'tshal te/ bcom ldan 'das la gnod pa nyung ngam/ nyam nga ba chung ngam/ bskyod pa yang ngam/ 'tsho 'am/ stobs dang bde ba la reg par gnas sam/ kha na ma mtho' ba ma mchis sam zhes snyun gsol lo/ /kwa'i nang rje ko sa lar byung ba'i rgyal po gsal rgyal dang khyed bde bar gyur cig /btsun pa ko sa lar byung ba'i rgyal po gsal rgyal gyi mchid nas/ btsun pa 'phags pa 'di dag dmag chas pa la ltar mchi na/ kye ma bcom ldan 'das kyis thugs brtse ba'i slad du gang gis 'phags pa dag dmag chas pa la ltar mchi bar mi 'gyur bar dran par bgyi ba chung zhig bca' ba mdzad na legs so zhes mchis so/ /bcom ldan 'das kyis mi de la cang mi gsung bas gnang ngo / /de nas mi des bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la smras pa/ dge slong dag khyod dmag chas pa la ltar 'gro ba bden nam btsun pa mad do/ /sangs rgyas bcom ldan 'das kyis dge sbyong gi tshul ma yin pa rung ba ma yin pa rjes su 'thun pa ma yin pa/ tshul dang 'thun pa ma yin pa de ni rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dmag chas pa la ltar 'gro na ltung byed do/ /yang dge slong gang zhes bya ba ni drug sde 'am/ gzhan yang de lta bu gang yin pa'o/ /dmag ces bya ba la dmag ni yan lag gcig pa yang yod/ yan lag gnyis pa yang yod/ yan lag gsum pa yang yod/ yan lag bzhi pa yang yod/ dmag yan lag gcig pa gang zhe na/ glang po che pa'i tshogs so/ /dmag yan lag gnyis pa gang zhe na/ glang po che pa'i tshogs dang / rta pa'i tshogs so/ /dmag yan lag gsum pa gang zhe na/ glang po che pa'i tshogs dang / rta pa'i tshogs dang / shing rta pa'i tshogs so/ /dmag yan lag bzhi pa gang zhe na/ glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs so/ /chas pa la zhes bya ba ni g.yul 'gyed par mngon par dga' ba la'o/ /ltar 'gro na zhes bya ba ni 'gro na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / logs par ltung ba dag tu sreg par byed/ 'tshod par byed ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgribs par byed pa ste/ des na ltung byed do zhes gsungs so/ /de la ltung bar ji ltar 'gyur zhe na dge slong ji tsam cung zad dmag chas pa la ltar 'gro na thams cad du ltung byed du 'gyur ro/ /dge slong bsod snyoms la zhugs pa na dmag 'gro ba dang / gtsug lag khang lam ka na 'dug pa dang / dmags gtsug lag khang du 'ongs pa dang / rgyal po dang btsun mo dang / gzhon nu dang zhang blon dang / khrom gyi ru sna dang / grongs rdal gyi mi dang / ljongs kyi mis bkug pa la ltung ba med do/ /bar chad brgyad po dag las bar chad gang yang rung ba nye bar gnas par gyur pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dmag la lta ba'i ltung byed de bzhi bcu rtsa lnga pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /ri brag pa de de lta na yang ma phebs nas rgyal pos de nyid du phru ma btabs te 'dug pa dang blon po rnams kyis smras pa/ lha khyim bdag mgon med zas sbyin ni bsod nams kyi rnam par smin pa can dbang che bar grags pa lags pas gal te de mchis par gyur na de'i mthus ri brag pa 'di phebs par 'gyur ba gang lags pa de lta bu'i gnas mchis par 'gyur gda'o/ /rgyal pos khyim bdag mgon med zas sbyin la khyim bdag mthong bar 'dod do zhes yi ge spring ba dang / khyim bdag mgon med zas sbyin der 'ongs so/ /de lta na yang ri brag pa de ma phebs nas ko sa lar byung ba'i rgyal po gsal rgyal gyis khyim bdag mgon med zas sbyin la smras pa/ khyim bdag khye'u dag mi dran nam/ lha khye'u dag ni mi dran te/ 'di ltar 'phags pa dag mthong bar 'tshal lo ko sa lar byung ba'i rgyal po gsal rgyal gyis dge 'dun la 'phags pa dag mthong bar 'tshal lo zhes yi ge springs pa dang / dge skos kyis dge 'dun gyi dbus su yi ge blags te/ gang der 'gro bar spro ba des tshul shing long shig ces tshul shing brims pa dang / dge slong gnas brtan gnas brtan dag gis smras pa/ kho bo cag gis rgan po sbyor mi bzod pa dag yin pas der 'gro ni mi nus so/ /dge slong gsar bu gsar bu dag gis smras pa/ der chos bstan par bya dgos na bdag cag ni thos pa nyung ba yin pas chos ston par ni mi nus na der mchis brims par bya 'am ci bdag cag kyang der 'gro mi nus so/ /drug sde dag gis smras pa/ dga' bo nye dga' ji srid du bcom ldan 'das bzhugs shing bdag cag gson pa de srid du bstan pa gnas la/ bcom ldan 'das yongs su mya ngan las 'das shing bdag cag dus la bab na bstan pa nub par brjod par bya ste/ ji srid du bdag cag gson pa de srid du bstan pa la gces pa bskyed par byas tshul shing blang ngo zhes de dag gis tshul shing blang te/ der dong nas rgyal po la chos bstan pas rgyal po mngon par dad par byas so/ /btsun mo dang gzhon nu dag dang / zhang blon dang / khrom gyi ru sna dag la yang chos bstan pas skye bo phal po che'i tshogs mngon par dad par byas so/ /ko sa lar byung ba'i rgyal po gsal rgyal gyis blon po rnams la smras pa/ ri brag pa bskor du 'dong ngo zhes de dag 'phags pa dang / drug sde dag gis smras pa/ dga' bo nye dga' bdag cag gis yun ji srid du gzhan gyi spyod lam gyis gnas par bya/ rang gi spyod lam gyis gnas par byas/ gsus po che'i dmags ci 'dra ba ltar 'dong ngo zhes de dag lam kar dong ste 'khod pa dang / ji tsam na glang po che pa'i tshogs 'ongs nas de dag gis smras pa/ 'phags pa dag shul phye shig shul phye shig ci bya/ glang po che'i tshogs mchis so/ /bkren pa dag 'di 'dra ba dag glang po che yin nam/ phag pa dag 'dra'o zhes de dag gis de dag gi mche' ba dag nas bzung ste/ mtha' gcig tu bor ro/ /ji tsam na rta pa'i tshogs 'ongs nas de dag gis smras pa/ 'phags pa dag shul phye shig shul phye shig ci bya rta pa'i tshogs mchi'o/ /bkren pa dag 'di 'dra ba dag rta yin nam bong bu dag 'dra'o zhes de dag gis de dag gi mjug ma dag nas bzung ste mtha' gcig tu bor ro/ /ji tsam na shing rta pa'i tshogs 'ongs nas de dag gis smras pa/ 'phags pa dag shul phye shig shul phye shig ci bya shing rta pa'i tshogs mchi'o/ / bkren pa dag 'di 'dra ba dag shing rta yin nam/ shing rta zhigs pa dag 'dra'o zhes de dag gis de dag gi srog shing dag nas bzung ste mtha' gcig tu bor ro/ /ji tsam na dpung bu chung gi tshogs 'ongs nas de dag gis smras pa/ 'phags pa dag shul phye shig shul phye shig ci bya/ dpung bu chung gi tshogs mchi'o/ /bkren pa dag 'di 'dra ba dag mi yin nam/ rtswa mi dag 'dra'o zhes de dag gis de dag gi gnya' ba dag nas bzung ste mtha' gcig tu bor nas de dag sems khongs su chud cing 'khod do/ /ji tsam na ko sa lar byung ba'i rgyal po gsal rgyal 'ongs nas des smras pa/ shes ldan dag ci'i phyir khyed cag mi 'dong bar sems khongs su chud cing 'khod lha bdag cag rgyal bar ga la 'gyur/ 'di ltar dge sbyong mgo reg ras yug chen gleg pa 'tshal ba 'di dag mi mchis dgu mchi'o/ /gang dag 'phags pa drug sde dag go/ /shes ldan dag 'di dag ni dge sbyong hral po dag yin pas de dag gis smras pas khyed la ci gnod deng shig /ko sa lar byung ba'i rgyal po gsal rgyal gyis bsams pa/ 'di dag bdag la yang dang yang du tho 'tsham par 'gyur ro snyam du rig nas mi zhig la smras pa/ kwa'i nang rje tshur shog /bcom ldan 'das ga la ba der song la nga'i tshig gis/ bcom ldan 'das kyi zhabs gnyis la mgo bos phyag 'tshal te/ bcom ldan 'das la gnod pa nyung ngam/ nyam nga ba chung ngam/ bskyod pa yang ngam/ 'tsho 'am/ stobs dang bde ba la reg par gnas sam/ kha na ma tho ba ma mchis sam zhes snyun gsol la/ 'di skad ces btsun pa ko sa lar byung ba'i rgyal po gsal rgyal gyi mchid nas btsun pa 'phags pa 'di dag dmag chas pa la ltar mchis nas shin tu yun ring por dmag gi nang na gnas na kye ma bcom ldan 'das kyis thugs brtse' ba'i slad du gang gis 'phags pa dag dmag chas pa la ltar mchis nas shin tu yun ring por dmag gi nang na gnas par mi 'gyur bar/ bcom ldan 'das kyis 'phags pa rnams la dran par bgyi ba cung zhig bca' ba mdzad na legs so zhes gsol gcig /mi des lha bka' bzhin 'tshal zhes ko sa lar byung ba'i rgyal po gsal rgyal las mnyan nas/ bcom ldan 'das ga la ba der song te phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas mi des bcom ldan 'das la 'di skad ces gsol to/ /bcom ldan 'das ko sa lar byung ba'i rgyal po gsal rgyal bcom ldan 'das kyi zhabs gnyis la mgo bos phyag 'tshal te/ bcom ldan 'das la nyam nga ba nyung ngam/ gnod pa chung ngam/ bskyod pa yang ngam/ 'tsho 'am/ stobs dang ldan nam bde ba la reg par gnas sam/ kha na ma mtho' ba ma mchis sam zhes snyun gsol lo/ /kwa'i nang rje ko sa lar byung ba'i rgyal po gsal rgyal dang khyod bde bar gyur cig /btsun pa ko sa lar byung ba'i rgyal po gsal rgyal gyi mchid nas btsun pa 'phags pa 'di dag dmag chas pa la ltar mchis nas shin tu yun ring por dmag gi nang na gnas na/ kye ma bcom ldan 'das kyis thug brtse ba'i slad du gang gis 'phags pa dag dmag chas pa la ltar mchis nas shin tu yun ring por dmag gi nang na gnas par mi 'gyur bar/ bcom ldan 'das kyis 'phags pa rnams la dran par bgyi ba cung zhig bca' ba mdzad na legs so zhes mchi'o/ /bcom ldan 'das kyis mi de la cang mi gsungs bas gnang ngo / /de nas mi des bcom ldan 'das kyis cang mi gsungs bas gnang bar rig nas bcom ldan 'das kyi spyan snga nas song ngo de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la smras pa/ dge slong dag khyed dmag chas pa la ltar song nas shin tu yun ring por dmag gi nang na gnas pa bden nam btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su 'thun pa ma yin pa/ rung ba ma yin pa tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslabs pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslabs pa'i gzhi 'di ltar gdon par bya ste/ dge slong la dmag chas pa la ltar 'gro ba de lta bu'i rkyen zhig byung na dge slong des dmag de'i nang du zhag gnyis tshun chad gnas par bya'o/ /de las lhag par gnas na ltung byed do/ /dge slong la zhes bya ba ni drug sde 'am/ gzhan yang de lta bu gang yin pa la'o/ /dmag ces bya ba la dmag ni yan lag gcig pa yang yod/ yan lag gnyis pa yang yod/ yan lag gsum pa yang yod/ yan lag bzhi pa yang yod do/ /dmag yan lag gcig pa gang zhe na/ glang po che pa'i tshogs so/ /dmag yan lag gnyis pa gang zhe na/ glang po che pa'i tshogs dang rta pa'i tshogs so/ /dmag yan lag gsum pa gang zhe na/ glang po che pa'i tshogs dang / rta pa'i tshogs dang / shing rta pa'i tshogs so/ /dmag yan lag bzhi pa gang zhe na/ glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs so/ /chas pa la zhes bya ba ni g.yul 'gyed par mngon par dga' ba la'o/ /ltar 'gro ba zhes bya ba ni rgyu gang gis so/ /de lta bu'i rkyen zhig byung na zhes bya ba ni rgyal po dang / btsun mo dang gzhon nu dang / zhang blon dang khrom gyi ru sna dang grongs rdal gyi mi dang ljongs kyi mis bkug na'o/ /dge slong des shes bya ba ni dge slong gang yin pa des so/ /dmag de'i nang du zhes bya ba ni dmag chas pa de'i nang du'o/ /zhag gnyis tshun cad gnas par bya'o zhes bya ba ni zhag gnyis kyi mtha' tshun cad gnas par bya ba'o/ /de las lhag par gnas na zhes bya ba ni de las 'das par gnas na'o/ /ltung byed do zhes bya ba ni/ sems can dmyal ba dang / dud 'gro dang / yi dags ngan song dang ngan 'gro dang / log par ltung ba dag tu 'tshod par byed/ sreg par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgribs par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam du cung zad zhag gnyis las lhag par dmag gi nang na gnas na thams cad du ltung byed du 'gyur ro/ /rgyal po dang btsun mo dang gzhon nu dang / zhang blon dang / khrom gyi ru sna dang / grongs rdal gyi mi dang / ljongs kyi mi na re 'dug shig ces zer ba la ltung ba med do/ /bar chad brgyad po dag las bar chad gang yang rung bas nye bar gnas par 'gyur na ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dmag gi nang na gnas pa'i ltung byed de bzhi bcu rtsa drug pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /ri brag pa de de lta na yang ma phebs nas ko sa lar byung ba'i rgyal po gsal rgyal gyis khyim bdag mgon med zas sbyin la smras pa/ khyim bdag khye'u dag mi dran nam/ lha khye'u dag ni mi dran te 'di ltar 'phags pa dag mthong bar 'tshal lo/ /ko sa lar byung ba'i rgyal po gsal rgyal gyis dge slong gi dge 'dun la 'phags pa dag mthong bar 'tshal lo/ /zhes yi ge spring ba dang dge skos kyis dge 'dun gyi dbus su yi ge blags te/ gang der 'gro bar spro ba des tshul shing long shig ces tshul shing brims pa dang / dge slong gnas brtan gnas brtan dag gis smras pa/ kho bo cag ni rgan po sbyor mi bzod pa dag yin pas der 'gro mi nus so/ /dge slong gsar bu gsar bu dag gis smras pa/ der chos bstan par bya dgos na bdag cag ni thos pa nyung ba yin pas chos ston par ni mi nus na der chu brim bar bya 'am ci bdag cag kyang der 'gro mi nus so/ /drug sde dag gis smras pa/ dga' bo nye dga' ji srid du bcom ldan 'das bzhugs shing bdag cag gson pa de srid du bstan pa gnas la/ bcom ldan 'das yongs su mya ngan las 'das shing bdag cag dus la bab na bstan pa nub par brjod par bya ste/ ji srid du bdag cag gson pa de srid du bstan pa la gces pa bskyed par byas tshul shing blang ngo zhes de dag gis tshul shing blang te der dong nas rgyal po la chos bstan pas rgyal po mngon par dad par byas so/ /btsun mo dang gzhon nu dag dang / zhang blon dang / khrom gyi ru sna dag la yang chos bstan pas skyes bo phal po che'i tshogs mngon par dad par byas so/ / ko sa lar byung ba'i rgyal po gsal rgyal gyis blon po rnams la smras pa/ deng la g.yul shoms shig dang ri brags pa bskor bar bya'o/ /de dag gis g.yul shams par btsams pa dang / drug sde dag gis smras pa/ dga' bo nye dga' bdag cag gis yun ji srid du gzhan gyi spyod lam gyis gnas par bya/ rang gi spyod lam gyis gnas par byas gsus po che'i rgyal mtshan gyi mchog dang / dpung gi mchog dang / g.yul bkod cing bshams pa'i dmag la lta ba nyams su myong bar byas 'dong ngo zhes de dag glang po che pa'i tshogs kyi gan du dong ste dris pa shes ldan dag ci byed de dag gis smras pa/ 'phags pa dag bkod pa shom mo/ /drug sde dag gis smras pa/ bkren pa dag glang po che bcos ma 'di lta bu dag phyogs 'dir 'jog gam 'di sol cig ces de dag gis de dag gi mche ba dag nas gzung ste mtha' gcig tu bor ro/ /de dag rta pa'i tshogs kyi gan du dong te dris pa/ shes ldan dag ci byed/ de dag gis smras pa/ 'phags pa dag bkod pa shom mo drug sde dag gis smras pa/ bkren pa dag rta theng po 'di lta bu dag phyogs 'dir 'jog gam 'di sol cig ces de dag gis de dag gi mjug ma dag nas bzung ste mtha' gcig tu bor ro/ /de dag shing rta pa'i tshogs kyi gan du dong ste dris pa/ shes ldan dag ci byed/ de dag gis smras pa/ 'phags pa dag bkod pa shom mo drug sde dag gis smras pa/ bkren pa dag shing rta zhig pa 'di lta bu dag phyogs 'dir 'jog gam 'di sol cig ces de dag gis de dag gi srog shing dag nas bzung ste mtha' gcig tu bor ro/ /de dag dpung bu chung gi tshogs kyi gan du song ste dris pa/ shes ldan dag ci byed de dag gis smras pa/ 'phags pa dag bkod pa shom mo drug sde dag gis smras pa/ bkren pa dag mi zhar ba 'di lta bu dag phyogs 'dir 'jog gam/ 'di sol cig ces de dag gis de dag gi gnya' ba dag nas bzung ste mtha' gcig tu bor ro/ /drug sde dag de dag gi mdun logs su ri brags pa dang ha cang thag mi ring bar 'khod de blag chor gyis sgra phyung ba dang / de dag gis bsam pa ri brag pa dag rdzong nas rlug te byung ngo snyam du rig nas skrag cing sngangs te 'bros par brtsams pa dang / drug sde dag myur ba myur bar dong ste/ khrom gyi ru sna'i mdun du 'khod nas smras pa/ shes ldan dag ci'i phyir 'bros/ de dag gis smras pa 'phags pa dag ri brag pa dag brdzong nas rlugs te byung ngo / /drug sde dag gis smras pa/ bkren pa dag de ni kho bo cag gis ku re cung zhig byas pa yin te/ gal te ri brag pa dag gis khyed cag de ltar bred par shes shing rig par gyur na nang par snga ba kho nar yang khyed cag gnya' ba dag nas brtags te ri brags su khrid par 'gyur gyis ma 'jigs par phyir log shig /de dag phyogs gcig tu dong ste sems khong su chud cing 'khod do/ /ji tsam na ko sa lar byung ba'i rgyal po gsal rgyal 'ongs nas des smras pa/ shes ldan dag khyed kyis da dung yang g.yul gyi bkod pa ma bshams sam de dag gis smras pa/ lha bdag cag rgyal bar ga la 'gyur/ 'di ltar dge sbyong mgo reg ras yug chen glegs pa 'tshal ba 'di dag mchis nas bdag cag la tho 'tshams zhing mi mchi dgu mchi'o/ /rgyal pos smras pa/ dge sbyong gang dag 'phags pa drug sde dag go/ /shes ldan dag 'di dag ni dge sbyong hral po dag yin pas de dag gis smras pa khyed la ci gnod/ deng la g.yul gyi bkod pa shom shig /ko sa lar byung ba'i rgyal po gsal rgyal gyis bsams pa/ 'di dag bdag la yang dang yang du tho 'tsham par 'gyur ro snyam du rig nas mi zhig la smras pa/ kwa'i nang rje tshur shog bcom ldan 'das ga la ba der song la nga'i tshig gis bcom ldan 'das kyi zhabs gnyis la mgo bos phyag 'tshal te bcom ldan 'das la gnod pa nyung ngam/ nyam nga ba chung ngam skyod pa yang ngam/ 'tsho 'am stobs dang bde ba la reg par gnas sam kha na ma tho ba ma mchis sam zhes snyun gsol la 'di skad ces btsun pa ko sa lar byung ba'i rgyal po gsal rgyal gyi mchid nas btsun pa 'phags pa 'di dag shin tu yun ring por dmag gi nang na gnas pa'i tshe yang bshams pa 'khrug tu mchi zhing rgyal mtshan gyi mchog dang / dpung gi mchog dang g.yul bshams pa'i dmag la lta ba nyams su myong bar bgyid na/ kye ma bcom ldan 'das kyis thug brtse ba'i slad du gang gis 'phags pa dag shin tu yun ring por dmag gi nang na gnas pa'i tshe yang bshams pa 'khrugs tu mi mchi zhing / rgyal mtshan gyi mchog dang dpung gi mchog dang / g.yul bshams pa'i dmag la lta ba nyams su myong bar bgyid par mi 'gyur bar dran par bgyi ba cung zhig bca' ba mdzad na legs so zhes mchi'o zhes gsol cig /mi des lha bka' bzhin 'tshal zhes ko sa lar byung ba'i rgyal po gsal rgyal las mnyan nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas mi des bcom ldan 'das la 'di skad ces gsol to/ /btsun pa ko sa lar byung ba'i rgyal po gsal rgyal/ bcom ldan 'das kyi zhabs gnyis la mgo bos phyag 'tshal te bcom ldan 'das la gnod pa nyung ngam nyam nga ba chung ngam/ bskyod pa yang ngam/ 'tsho 'am stobs dang bde ba la reg par gnas sam/ kha na ma tho ba ma mchis sam zhes snyun gsol lo/ /kwa'i nang rje ko sa lar byung ba'i rgyal po gsal rgyal dang khyed bde bar gyur cig /btsun pa ko sa lar byung ba'i rgyal po gsal rgyal gyi mchid nas 'phags pa 'di dag shin tu yun ring por dmag gi nang na gnas pa'i tshe yang bshams pa 'khrug tu mchis zhing / rgyal mtshan gyi mchog dang dpung gi mchog dang g.yul bshams pa'i dmag la lta ba nyams su myong bar bgyid na/ kye ma bcom ldan 'das kyis thugs brtse ba'i slad du gang gis 'phags pa 'di dag shin tu yun ring por dmag gi nang na gnas pa'i tshe yang bshams pa 'khrug du mi mchi zhing rgyal mtshan gyi mchog dang / dpung gi mchog dang / g.yul bshams pa'i dmag la lta ba nyams su myong bar bgyid par mi 'gyur bar dran par bgyis pa cung zhig bca' ba mdzad na legs so zhes mchi'o/ /bcom ldan 'das kyis mi de la cang mi gsungs bas gnang ngo / /de nas mi des bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /de nas bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la smras pa/ dge slong dag khyed dmag gi nang na gnas pa'i tshe bshams pa 'khrugs tu 'gro zhing / rgyal mtshan gyi mchog dang / dpung gi mchog dang / g.yul bshams pa'i dmag la lta ba nyams su myong bar byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong zhag gnyis dmag de'i nang na gnas pa'i tshe yang gal te bshams pa 'khrug tu 'gro 'am rgyal mtshan gyi mchog gam/ dpung gi mchog gam g.yul bshams pa'i dmag la lta ba nyams su myong bar byed na ltung byed do/ /dge slong zhes bya ba ni drug sde 'am/ gzhan yang de lta bu gang yin pa'o zhag gnyis shes bya ba ni zhag gnyis tshun chad do/ /dmag ces bya ba la dmag ni yan lag gcig pa yang yod/ yan lag gnyis pa yang yod/ yan lag gsum pa yang yod/ yan lag bzhi pa yang yod do/ /dmag yan lag gcig pa gang zhe na/ glang po che pa'i tshogs so/ /dmag yan lag gnyis pa gang zhe na/ glang po che pa'i tshogs dang rta pa'i tshogs so/ /dmag yan lag gsum pa gang zhe na/ glang po che pa'i tshogs dang / rta pa'i tshogs dang / shing rta pa'i tshogs so/ /dmag yan lag bzhi pa gang zhe na/ glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs so/ /de'i nang na gnas pa'i tshe yang zhes bya ba ni 'dug pa'i tshe yang ngo / /gal te bshams pa 'khrug tu 'gro 'am zhes bya ba ni g.yul la chas pa 'khrug tu 'gro ba'o/ /rgyal mtshan gyi mchog ces bya ba ni rgyal mtshan rnam pa bzhi ste khyu mchog gi rgyal mtshan dang / chu srin gyi rgyal mtshan dang / seng ge'i rgyal mtshan dang / klu'i rgyal mtshan no/ /dpung gi mchog ces bya ba ni dpung gi tshogs yan lag bzhi pa ste glang po che pa'i tshogs dang / rta pa'i tshogs dang shing rta pa'i tshogs dang / dpung bu chung gi tshogs so/ /g.yul bshams pa'i dmag la lta ba nyams su myong bar byed na zhes bya ba la bshams pa ni rnam pa bzhi ste/ 'bru'i kha lta bu dang shing rta'i dbyibs lta bu dang / zla gam gyi rnam pa lta bu dang nam mkha' lding gi 'dab ma lta bu'o/ /ltung byed do zhes bya ba ni sems can dmyal ba dang / dud 'gro dang yi dags ngan song dang / ngan 'gro dang log par ltung ba dag tu sreg par byed/ 'tshod par byed ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung bar ji ltar 'gyur zhe na/ dge slong gis glang po che go skon pa'i bshams pa 'khrug par byed na ltung byed du 'gyur ro/ /go ma bskon pa'i bshams pa 'khrug par byed na nyes byas su 'gyur ro/ /dge slong gis rta go bskon pa'i bshams pa 'khrug par byed na ltung byed du 'gyur ro/ /go ma bskon pa'i bshams pa 'khrug par byed na nyes byas su 'gyur ro/ / dge slong gis shing rta bcas pa'i bshams pa 'khrug par byed na ltung byed du 'gyur ro/ /ma bcas pa'i bshams pa 'khrug par byed na nyes byas su 'gyur ro/ /dge slong gis dpung bu chung go bskon pa'i bshams pa 'khrug par byed na ltung byed du 'gyur ro/ /go ma bskon pa'i bshams pa 'khrug par byed na nyes byas su 'gyur ro/ /dge slong bshams pa 'khrug du 'gro na ltung byed du 'gyur ro/ /rgyal mtshan gyi mchog dang / dpung gi mchog dang / g.yul bshams pa'i dmag la lta ba nyams su myong bar byed pa'i ltung byed kyang de bzhin no/ /bar chad brgyad po dag las bar chad gang yang rung ba nye bar gnas par gyur pa la ltung ba med do/ /las dang po pa dang smyos pa dang / sems 'khrug pa dang tshor ba dag gis nyen pa la ltung ba med do/ /dpung gi yan lag nyams su myong bar byed pa'i ltung byed de bzhi bcu rtsa bdun pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa maud gal gyi bu chen pos nye bar 'khor la sogs pa sar pa skyes phran gzhon nu bcu bdun sde'i tshogs dag rab tu phyung rdzogs par bsnyen par byas pa de'i tshe na de dag drug sde dag la sten par byed bsnyen par byed bsnyen bkur byed do de nas 'char kas smras pa bcu bdun sde dag tshur sheg /'di dang 'di gyis shig /de dag gis smras pa ci khyod kho bo cag gi slob dpon yin nam mkhan po yin mi byed do/ /des glen pa dag khyed gzhan ci zhig byed ces de dag las gcig brdegs pa dang / de dag thams cad kyis bdag cag brdegs so/ /bdag cag brdegs so zhes phyis gan du 'gyel te ngu bar brtsams so dge slong rnams kyis smras pa/ tshe dang ldan pa 'char ka ci'i phyir gzhon nu dag la brdeg par byed 'char kas smras pa/ tshe dang ldan pa dag kho bos gcig brdeg pa dang thams cad sa la 'gyel te ngu'o/ /dge slong rnams kyis bcu bdun sde dag la smras pa/ tshe dang ldan pa dag khyed cag las gcig brdeg na ci'i phyir thams cad sa la 'gyel te ngu / de dag gis smras pa/ gal te ma ngus na thams cad brdegs par 'gyur ro/ /dge slong don nyung ngu dag ci'i phyir dge slong dag 'khros 'khrugs rngam par gyur te yid ma rangs nas dge slong la rdeg par byed ces smod par byed phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la smras pa/ 'char ka khyod khros 'khrug brngam par gyur te yid ma rangs nas dge slong la brdegs pa bden nam btsun pa mad do/ / sangs rgyas bcom ldan 'das kyis dge sbyong gi tshul ma yin pa rjes su thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khros 'khrug brngam par gyur te yid ma rangs nas dge slong la rdegs na ltung byed do/ /yang dge slong gang zhes bya ba ni 'char ka 'am/ gzhan yang de lta bu gang yin pa'o/ /khros 'khrugs rngam par gyur te yid ma rangs nas shes bya ba ni khros shing khro ba'i zil gyis non nas so/ /dge slong la zhes bya ba ni chos 'di pa la'o/ /rdeg na zhes bya ba ni rdeg par byed na'o ltung byed do zhes bya ba ni sems can dmyal ba dang / dud 'gro dang yi dags ngan song dang / ngan 'gro dang logs par ltung ba dag tu sreg par byed 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgribs par byed pa ste des na ltung byed do zhes gsungs so/ /de la ltung bar ji ltar 'gyur zhe na nang gis zin pa dang / phyi rol du 'phangs pa dang de gnyis ga dang ldan pas so ji ltar nang gis zin pas she na dge slong khros 'khrugs rngam par gyur te yid ma rangs nas dge slong la sor mo gcig gis rdeg par byed na ltung byed du 'gyur ro/ /sor mo gnyis dang gsum dang bzhi dang / sor mo lngas rdeg par byed na ltung byed lngar 'gyur ro/ /khu tshur dang gru mo dang phrag pa dang / mgo dang glo dang / rgyab dang rked pa dang / brla dang pus mo dang / rje ngar dang / tha na rkang pa'i mthe bos rdeg par byed na ltung byed du 'gyur te/ de ltar nang gis zin pas so ji ltar phyi rol du 'phangs pas she na/ dge slong khros 'khrugs rngam par gyur te yid ma rangs nas dge slong la mdas 'phen par byed na ltung byed du 'gyur ro/ /mdas ji lta ba de bzhin du lcags mda' dang / mda' phyed lcag las byas pa dang / mde'u ste'u ka ma dang / mde'u be'u so lta bu dang / mde'u zur bzhi ma dang / mde'u ka ra bi ra'i 'dab ma lta bu dang / mde'u bye'u snyim ma dang / 'khor lo dang / rdo rje rtse gcig dang / mda' bo che dang / mtshon rtse gcig pa dang / rgya shug gi tshigs gu dang / tha na yungs kar spar gang 'phen par byed na yungs kar ji snyed lus la phogs pa de snyed kyi ltung byed du 'gyur ro/ /yungs kar ji snyed lus la ma phog pa de snyed kyis nyes byas su 'gyur te de ltar phyi rol tu 'phangs pas so/ /ji ltar de gnyis ga dang ldan pas she na dge slong khros 'khrugs rngam par gyur te yid ma rangs nas dge slong la ral gris 'debs na ltung byed du 'gyur ro/ /ral gris ji lta ba de bzhin du shang lang dang / ral gri so gcig pa dang / ral gri so gnyis pa dang / mdung dang 'phangs mdung dang / chu gri dang rtsa'i nyag ma dang tha na phyags mas rdegs par byed na nyag ma ji snyed lus la phog pa de snyed kyi ltung byed du 'gyur ro/ /nyag ma ji snyed lus la ma phog pa de snyed kyis nyes byas su 'gyur te/ de ltar gnyis ga dang ldan pas so brnangs pa dang / thal cag gis rig sngags sgrubs par byed pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /rdegs pa'i ltung byed de bzhi bcu rtsa brgyad pa rdzogs s+ho// // sangs rgyas bcom ldan 'das mnyan yod na rgyal byed kyis tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa maud gal gyi bu chen pos nye ba 'khor la sogs pa sar pa skyes phran gzhon nu bcu bdun sde'i tshogs dag rab tu phyung rdzogs par bsnyen par byed pa de'i tshe na de dag drug sde dag la bsten par byed bsnyen par byed bsnyen bkur byed do/ /de nas 'char kas smras pa/ bcu bdun sde dag tshur sheg 'di dang 'di gyis shig de dag gis smras pa/ ci khyod kho bo cag gi slob dpon yin nam mkhan po yin mi byed do/ /des glen pa dag khyed gzhan ci zhig byed ces de dag las gcig la brdeg par gzas pa dang / de dag thams cad kyis bdag cag la brdeg par gzas so/ /bdag cag la brdegs par gzas so zhes phyis gan du 'gyel te ngu bar brtsams so/ /dge slong rnams kyis smras pa tshe dang ldan pa 'char ka ci'i phyir gzhon nu dag la brdeg par gzas 'char kas smras pa/ tshe dang ldan pa dag kho bos gcig la brdeg par gzas pa dang thams cad sa la 'gyel te ngu'o dge slong rnams kyis bcu bdun sde dag la smras pa/ tshe dang ldan pa dag khyed cag las gcig la brdeg par gzas na ci'i phyir thams cad sa la 'gyel te ngu de dag gis smras pa/ gal te ma ngus na gang la ci brdegs gtol med do/ /dge slong don nyung ngu dag ci'i phyir dge slong dag khros 'khrugs rngam par gyur te yi ma rangs nas dge slong la brdeg par gzas par byed ces smod par byed phyar ka gtong bar byed/ kha zer bar byed pa'i skabs de dge slong rnam kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la smras pa/ 'char ka khyod khros 'khrugs rngam par gyur te yi ma rangs nas dge slong la brdeg par gzas pa bden nam btsun pa mad do/ /sangs rgyas bcom ldan 'das kyis dge slong gi tshul ma yin pa rjes su 'thun pa ma yin pa rung ba ma yin pa tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnam kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslabs pa'i gzhi 'di ltar gdon par bya ste/ yang dge slong gang khros 'khrugs rngam par gyur te yi ma rangs nas dge slong la brdeg par gzas na mtha' na thal mos kyang rung ste ltung byed do/ /yang dge slong gang zhes bya ba ni 'char ka 'am/ gzhan yang de lta bu gang yin pa'o/ /khros 'khrugs rngam par gyur te yi ma rangs nas shes bya ba ni khros shing khro ba'i zil gyis non nas so/ /dge slong la zhes bya ba ni chos 'di pa la'o/ /brdegs par gzas na zhes bya ba ni brdeg par bsham na'o/ /mtha' na thal mos kyang rung ste zhes bya ba ni tha na thal lcag tsam gzas kyang rung te'o/ /ltung byed do zhes bya ba ni sems can dmyal ba dang / dud 'gro dang yi dags ngan song dang / ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgribs par byed pa ste/ des na ltung byed do zhes gsungs so/ / de la ltung bar ji ltar 'gyur zhe na/ nang gis zin pa dang / phyi rol du 'phangs pa dang / de gnyis ga dang ldan pas so/ /ji ltar nang gis zin pas shes na/ dge slong khros 'khrugs rngam par gyur te yi ma rangs nas dge slong la sor mo gcig gis brdegs par gzas na ltung byed du 'gyur ro/ /sor mo gnyis dang / gsum dang / bzhi dang / sor mo lngas brdeg par gzas na ltung byed lngar 'gyur ro/ / khu tshur dang / gru mo dang phrag pa dang / mgo dang / glo dang / rgyab dang / rked pa dang / brla dang / pu mo dang / rje ngar dang / tha na rkang pa'i thal mos brdeg par gzas na ltung byed du 'gyur te/ de ltar na nang gis zin pas so/ /ji ltar phyi rol du 'phangs pas she na/ dge slong khros 'khrugs rngam par gyur te yid dag ma rangs nas dge slong la mda' 'phen pa gza' bar byed na ltung byed du 'gyur ro/ /mda' 'phen pa gzo' ba ji lta ba de bzhin du lcags mda' dang / mda' phyed lcags las byas pa dang / mde'u ste'u ka ma dang / mde'u be'u so lta bu dang / mde'u zur bzhi ma dang / mde'u ka ra bi ra'i 'dab ma lta bu dang / mde'u bye'u snying ma dang / 'khor lo dang / rdo rje rtse gcig dang / mda' bo che dang / mtshon rtse gcig dang / rgya shug gi tshig gu dang / tha na yungs kar spar gang gzas par byed na yungs kar ji snyed gzas pa de snyed kyi ltung byed du 'gyur te/ de ltar phyi rol du 'phang pas so/ /ji ltar de gnyis ga dang ldan pas she na/ dge slong khros 'khrugs rngam par gyur te yi ma rangs nas dge slong la ral gris gdab par gzas par byed na ltung byed du 'gyur ro/ /ral gris ji lta ba de bzhin du shang lang dang / ral gri so gcig pa dang / ral gri so gnyis pa dang / mdung dang 'phangs mdung dang / chu gri dang rtswa'i nyag ma dang / tha na phyags mas brdegs pa gza' bar byed na nyag ma ji snyed gzas pa de snyed kyi ltung byed du 'gyur ro/ /phyags mas ji lta ba bzhin du thur ma'i chags pa dang / thag pa'i chun pos brdeg pa gzas pa yang de bzhin te/ de ltar gnyis ga dang ldan pas so/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /gzas pa'i ltung byed de bzhi bcu rtsa dgu pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dga' bo la lhan gcig gnas pa'i dge slong chos shes bya ba ngo tsha shes pa 'gyod pa dang ldan pa bsdams pa/ bslabs pa 'dod pa zhig yod pa des de ji srid du gnas ngan len kun du spyod par mi shes pa de srid du de dang lhan gcig gnas so/ /gang gi tshe des de gnas ngan len kun du spyod par shes pa de'i tshe na de rang bzhin du gnas pa'i dge slong rnam dang lhan cig gnas par brtsams te bcom ldan 'das kyi bka' lung gis dus gsum du rkang pa la phyag 'tshal du 'gro ba 'ba' shig byed do/ /de de'i gan du song ste mkhan po gdugs la spyod du mchi'o zhes zhus pa dang / nye dgas thos nas smras pa/ bu chos kho bo yi stan yang khyer la song shig /ci slob dpon yang gdugs la spyod du bzhud dam/ glen pa khyod kyis kho bo la so sor brtag gam/ kho bos mi shes pa'i rnal 'byor spyod pa'i sa gang yod/ bdag slob dpon la so sor rtogs par mi bgyid de/ 'di ltar ci slob dpon yang gdugs la spyod du bzhud dam zhes zhu bar byas te gdan 'tshal te mchi'o/ /des de'i stan khyer te nyin mo spyod du song nas/ des de'i stan de shing ljon pa'i drung du bzhag ste dben pa'i phyogs su 'dug nas yid la byed pa bskyed par brtsams so/ /de'i 'og du nye dga' 'ongs nas chos kyis thags ring po kho na nas de mthong nas smras pa/ slob dpon gdan shing ljon pa'i drung du bzhag gis der bzhud la bzhugs shig /nye dga' der song nas mgo g.yogs te 'dug pa dang / des der mos pa ma rnyed nas stan las langs te phyogs bzhir rnam par blta bar brtsams pa dang / ji tsam na bu mo zhigs rgyal byed kyi tshal gyi rib ma 'dral ba mthong ba nas des chos la chos rib ma 'dral bar byed do zhes bos pa dang / chos kyis de la smras pa slob dpon rgyal byed gyi tshal gyi mdo dgongs shig glen pa khyod mdo' sde'i mtha' la rton par gyur tam/ bcom ldan 'das kyis dge 'dun gyi rtswa yang yal bar mi 'dor ro zhes ma gsungs sam kho bo rang nyid song la bzlog par bya'o slob dpon nyid mkhyen no nye dga' song ste smras pa/ bu mo khyod ci'i phyir rgyal byed kyi tshal gyi rib ma 'dral bar byed bu mo des 'dzum phyung ba dang / nye dga' de'i yan lag dang nying lag dag nas mnams te 'o byas nas de chos kyi gan du song ste dris pa bu chos khyod kyis cung zad mthong ngam slob dpon gzhugs pa 'dzud pa 'ba' shig ma gtogs pa gzhan thams cad mthong ngo / /bu chos su la yang ma zer cig slob dpon ji srid du rang bzhin du gnas pa'i dge slong ma mthong ba de srid kyi bar du su la yang mi mchi'o nye dgas smras pa/ kho bos khyod kyi mkhan po'i gnas ngan len gyi ltung ba 'chab par byed na khyod kho bo'i 'chab par mi byed dam chos kyis smras pa/ slob dpon khyod 'chab par mdzad kyang bdag ni 'chab par mi bgyid do zhes zer ba'i skabs de dge slong rnams la brjod pa dang / dge slong don nyung ngu dag ci'i phyir dge slong dag shes bzhin du dge slong gi gnas ngan len gyi ltung ba 'chab par byed ces smod par byed/ phyar ka gtong bar byed kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa nye dga' la smras pa/ nyes dga' khyod shes bzhin du dge slong gi gnas ngan len gyi ltung ba 'chab pa bden nam btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su 'thun pa ma yin pa rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste yang dge slong gang shes bzhin du dge slong gi gnas ngan len gyi ltung ba 'chab na ltung byed do/ /yang dge slong gang zhes bya ba ni shAkya yi bu nyes dga' 'am gzhan yang de lta bu gang yin pa'o/ /shes bzhin du zhes bya ba ni de rang nyid kyis rig pa 'am/ gzhan dag gis brjod pas so dge slong gi zhes bya ba ni chos 'di pa'o/ /gnas ngan len gyi ltung ba zhes bya ba ni gnas ngan len gnyis te pham par 'gyur ba kun nas slong ba dang / dge 'dun lhag ma kun nas slong ba'o ci'i phyir de dag gnas ngan len ces bya zhe na ngo bo nyid dang kun nas slong ba las so/ /'chab na zhes bya ba ni mkhyud na'o/ / ltung byed do zhes bya ba ni sems can dmyal ba dang / dud 'gro dang yi dags ngan song dang / ngan 'gro dang log par ltung ba dag tu sreg par byed 'tshod par byed ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so de la ltung bar ji ltar 'gyur zhe na/ dge slong gis dge slong pham par 'gyur ba'i ltung ba 'byin pa mthong zhing de de la bcab pa'i sems bskyed na ji srid du skya reng ma shar gyi bar du nyes byas su 'gyur la/ skya reng shar na ltung byed du 'gyur ro/ /dge slong gis dge slong dge 'dun lhag ma'i ltung ba 'byin pa mthong zhing de de la bcab pa'i sems skyed na ji srid du skya reng ma shar gyi bar du nyes byas su 'gyur la skya reng shar na ltung byed du 'gyur ro/ /dge slong gis dge slong ltung byed kyi ltung ba 'byin pa mthong zhing de de la bcab pa'i sems skyed na ji srid du skya reng ma shar gyi bar du nyes byas su 'gyur la skya reng shar na yang nyes byas su 'gyur ro/ /dge slong gis dge slong so sor bshags par bya ba'i ltung ba 'byin pa mthong zhing de de la bcab pa'i sems skyed na ji srid du skya reng ma shar gyi bar du nyes byas su 'gyur la skya reng shar na yang nyes byas nyid du 'gyur ro/ / dge slong gis dge slong nyes byas kyi ltung ba 'byin pa mthong zhing de de la bcab pa'i sems skyed na ji srid du skya reng ma shar gyi bar du nyes byas su 'gyur la skya reng shar na yang nyes byas nyid du 'gyur ro/ /bdag la gzhi 'dis bde ba la mi reg pa dang / dge sbyong gi tshul dang tshangs par spyod pa'i bar chad du 'gyur na ltung ba med do/ /bdag la gzhi 'dis dge 'dun dbye ba dang / dge 'dun 'khrugs pa dang / dge 'dun gnyis su 'gyur ba dang / dge 'dun tha dad par 'gyur na ltung ba med do/ /las dang po pa dang smyos pa dang / sems 'khrugs pa dang tshor ba dag gis nyen pa la ltung ba med do/ /gnas ngan len 'chab pa'i ltung byed de lnga bcu pa rdzogs s+ho// // 'dul ba rnam par 'byed pa/ / bam po lnga bcu rtsa drug pa/ sdom la/ bde dang me dang 'dun pa dang / /rdzogs par ma bsnyen chos dang smras/ /dge tshul kha dog bsgyur ba dang / /rin po che dang tsha ba'i dus/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dga' bo la lhan gcig gnas pa dge slong chos shes bya ba ngo tsha shes pa 'gyod pa dang ldan pa bsdams pa bslab pa 'dod pa zhig yod pa des ji srid du de gnas ngan len kun du spyod par mi shes pa de srid du de dang lhan cig gnas so/ /gang gi tshe des de gnas ngan len kun du spyod par shes pa de'i tshe na de rang bzhin du gnas pa'i dge slong rnams dang lhan gcigs gnas par brtsams te/ bcom ldan 'das kyis bka' lung gis dus gsum du rkang pa la phyag 'tshal du 'gro ba 'ba' shig byed do/ /nye dgas dga' bo la smras pa/ slob dpon chos 'dis kho bo sangs rgyas la sogs pa dge slong gi dge 'dun gyi mdun du tho' brtsams pa la ltos kho bos kyang 'di la nges par gnod pa cung zhig bya'o/ /dga' bos smras pa dge slong 'di ni ngo tsha shes pa 'gyod pa dang ldan pa/ bsdams pa bslab pa 'dod pa yin pas khyod kyis 'di la gnod pa ci zhig byar yod/ nges par 'di'i zan gcad par bya'o/ /de ni nus so khyim bdag cig gis dga' bo dang nye dga' gnyis zan la mgron du bos pa dang nye dgas bsams pa/ deng chos 'di'i zan bcad par bya'o snyam mo chos dga' bo'i gan du song ste smras pa/ mkhan po bdag bsod snyoms la mchi' ba zhus so/ /dga' bos smras pa chos kho bo cag deng khyim bdag cig gis zan la mgron du bos kyis tshur shog la 'di nyid du zan zo shig /chos kyis smras pa bdag mkhan po dang lhan gcig sngon cad mgron du bos pa 'ga' mchis sam nyes dgas smras pa chos kho bos gzhan thos la gzhan mthong ste/ kho bos ko khyod ngo tsha shes pa 'gyod pa dang ldan pa bsdams pa bslabs pa 'dod pa yin par shes na khyod mkhan pos mi dad pa'i dngos po yang dag par 'dzin du bcug gam/ ci na gang gis phyir mkhan po'i chos dang ldan pa'i tshig gcod par byed/ bcom ldan 'das kyis 'dul ba las slob dpon dang mkhan pos bsgo ba na khas blang bar bya'o/ /khas mi len na nyes byas su 'gyur ro zhes ma gsungs sam de dge slong rab tu grags pas smad pas cang mi smra bar 'dug nas/ des smras pa lhung bzed dang chu tshags blangs te mchi'o/ /dga' bos smras pa der lhung bzed dang chu tshags kyis ci bya/ der snod bkrus pa las chu brtsags pa dag 'thob kyis tshur shog 'dong ngo / /chos de gnyis dang lhan gcig 'phags pa dang bsod snyoms pa zhig gis mthong nas des smras pa/ chos gar 'gro mgron du bos par 'gro'o/ /zas kyi tshod shes par gyis shig /chos kyis smras pa zan za bar 'gyur ram/ 'on te zan bcad par 'gyur gtol med do de de gnyis dang lhan gcig mnyan yod du zhugs pa dang de gnyis srang du dong ste tshongs khang du 'khod nas nye dga' khyim bdag de'i khyim du song ste zan zos nas phyir 'ongs so/ /de'i 'og tu dga' bo yang khyim bdag de'i khyim du song ste zan za zhing 'dug go chos kyis nye dga' la smras pa slob dpon gdugs tshod la bab kyis bzhud do nye dgas smras pa/ der thams cad sta gon byas zin pas der song ste bza' ba las gzhan pa'i bya ba ci yang med kyis gdugs 'tshod gyis kha kho nar 'dong ngo / /chos langs te rkang pa gnyis kyis grib tshod gzhal bar brtsams pa dang nyes dgas smras pa/ glen pa khyod kho bo cag gi bslab pa la cung zad yid mi ches sam/ ci khyod kyis snying lam na kho bo cag dus ma yin par za bar 'gyur snyam 'am/ kho bo la khyod dang lhan gcig smra ba 'am 'dug pa bde ba ma yin gyi 'di ltar kho bo gcig pu kho na smra 'am 'dug nas bdes khyod song shig chos kyi bsams pa/ gal te bdag gis lhung bzed dang chu tshags khyer te 'ongs par gyur na bdag bsod snyoms la rgyu bar 'gyur ba zhig na da ni ci byar yang med do snyam nas de gtsug lag khang du song ste/ ji srid du de'i lus la mdangs yod pa de srid du dge ba'i phyogs la tron byas nas/ gang gi tshe de'i lus las mdangs yal ba de'i tshe na glos phab ste nyal ba dang / dge slong rnams kyis de la smras pa/ tshe dang ldan pa chos gal te zan gzhan gyis yin zhes te lto yang gzhan gyi yin nam/ ci na ji tsam gyis dge ba'i phyogs la tron byed kyang mi nus pa de tsam gyis zan zos chos kyis smras pa/ sus zos khyod kyis ma zos sam/ ma zos so ci'i phyir des skabs de rgyas par brjod pa dang dge slong don nyung ngu dag ci'i phyir dge slong dag ched du bsam ste dge slong zan gcod du 'jud ces smod par byed phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la smras pa/ nye dga' khyod glen ka tshol zhing ci nas kyang dge slong 'di la glan ka btsal bar 'gyur ro snyam pa de nyid rkyen du byas ste dge slong la 'di skad ces tshe dang ldan pa tshur shog khyim dag tu 'dong dang der khyod la bca' ba dang / bza' ba ji tsam 'dod pa sbyin du gzhug go zhes smras nas khyod kyi de la sbyin du ma bcug par de'i 'og du 'di skad ces tshe dang ldan pa kho bo la khyod dang lhan gcig smras pa 'am 'dug pa bde ba ma yin gyis 'di ltar kho bo gcig pu kho na smras 'am 'dug na bdes khyod song shig ces zer zhing zan gcod du 'jug pa bden nam btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzig pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang glan ka tshol zhing ci nas kyang dge slong 'di la glan ka btsal bar 'gyur ro snyam pa de nyid rkyen du byas te/ dge slong la 'di skad ces tshe dang ldan pa tshur shog khyim dag du 'dong dang der khyod la bca' ba dang bza' ba bsod pa ji tsam 'dod pa sbyin du gzhug go zhes smras nas/ des de la sbyin du ma bcug par de'i 'og tu 'di skad ces tshe dang ldan pa kho bo la khyod dang lhan cig smra ba 'am 'dug pa bde ba ma yin gyi 'di ltar kho bo cig pu kho na smra 'am 'dug na bdes khyod song shig ces zer na ltung byed do/ /yang dge slong gang zhes bya ba ni shAkya'i bu nye dga' 'am/ gzhan yang de lta bu gang yin pa'o/ /glan ka tshol zhing ci nas kyang dge slong 'di la glan ka btsal bar 'gyur ro snyams pa zhes bya ba ni ci nas kyang dge slong 'di'i zan gcod du bcug par 'gyur ro snyams pa'o/ /de nyid rkyen du byas te zhes bya ba ni gzhan ma yin pa'o/ /dge slong la zhes bya ba ni chos 'di pa la'o/ /'di skad ces shes bya ba ni 'di skad ces smras nas so/ /tshe dang ldan pa tshur shog khyim dag tu 'dong dang zhes bya ba ni bram ze dang / khyim bdag gi khyim dag tu'o/ /der khyod la bca' ba dang / bza' ba bsod pa zhes bya ba ni bca' ba lnga dang / bza' ba lnga'o/ /ji tsam 'dod pa sbyin du gzhug go zhes smra nas shes bya ba ni ci tsam gyis chog par ro/ /des de la sbyin du ma bcug par de'i 'og tu 'di skad ces tshe dang ldan pa kho bo la khyod dang lhan cig smra ba 'am 'dug pa bde ba ma yin gyis 'di ltar kho bo gcig pu kho na smra 'am/ 'dug na bdes khyod song shig ces zer na zhes bya ba ni de skad ces zer na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang log par ltung ba dag tu sreg par byed 'tshod par byed ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad ched du bsams ste dge slong gi zan gcod du 'jud na thams cad du ltung byed du 'gyur ro/ /nad pa'i byed du 'jud pa dang sman pas bstan pa byed du 'jud pa la ltung ba med do/ /las dang po pa dang smyos pa dang / sems 'khrugs pa dang / tshor ba dag gis nyen pa la ltung ba med do/ /zan gcod du 'jud pa'i ltung byed de lnga bcu rtsa gcig pa rdzogs s+ho// // sangs rgyas bcom ldan 'das mnyan yod na rgyal byed kyis tshal mgon med zas sbyin gyi kun dga' ra ba na bzhugs so/ /de nas mnyan yod pa'i tshong pa rab tu mang po dag bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das mnyan yod pa'i tshong pa rab tu mang po dag la chos dang ldan pa'i bka' mchid kyis yang dag par ston par mdzad/ yang dag par 'dzin du 'jud par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par stan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas mnyan yod pa'i tshong pa rab tu mang po dag gis bcom ldan 'das kyis bka' stsal pa la mngon par dga' ba dang rjes su yi rang ba byas nas bcom ldan 'das kyis zhabs gnyis la mgo bos phyag 'tshal te/ bcom ldan 'das kyi spyan snga nas dong nas tshe dang ldan pa kun dga' bo ga la ba der dong ste phyin nas tshe dang ldan pa kun dga' bo'i rkang pa gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas tshe dang ldan pa kun dga' bos mnyan yod pa'i tshong pa rab tu mang po dag la chos dang ldan pa'i gtam gyis yang dag par ston par byed/ yang dag par 'dzin du 'jud par byed/ yang dag par gzeng bstod par byed/ yang dag par rab tu dga' bar byed do/ /rnam grangs du mas chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar byas nas cang mi smra'o/ /de nas mnyan yod pa'i tshong pa rab tu mang po dag stan las langs te bla gos phrag pa gcig tu byas nas tshe dang ldan pa kun dga' bo ga la ba de logs su thal mo sbyar ba btud nas tshe dang ldan pa kun dga' bo la 'di skad ces smras so/ /btsun pa kun dga' bo bcom ldan 'das dbyar gnas par zhal gyis bzhes nas gang du gshegs par 'gyur/ shes ldan dag sangs rgyas bcom ldan 'das la zhus shig /btsun pa kun dga' bo sangs rgyas bcom ldan 'das ni bsnyen par dka' ba dang / bzod par dka' ba lags pas bdag cag gis sangs rgyas bcom ldan 'das la zhu ba'i rngo mi thog go/ /shes ldan dag kho bo la yang sangs rgyas bcom ldan 'das bsnyen par dka' ba dang bzod par dka' ba nyid yin pas kho bos kyang sangs rgyas bcom ldan 'das la zhu bar mi nus so/ /btsun pa kun dga' bo gal te btsun pa kun dga' bo la yang sangs rgyas bcom ldan 'das ni bsnyen par dka' ba dang / bzod par dka' ba lags pas btsun pa kun dga' bos kyang sangs rgyas bcom ldan 'das la zhu bar mi spyod na btsun pa kun dga' bos mtshan ma 'am/ bka' mchid kyis bcom ldan 'das dbyar gnas par zhal gyis bzhes nas phyogs ga ge mor gshegs par 'gyur bar ji ltar mkhyen mtshan mas ni ji ltar bka' mchid kyis ni ji ltar mkhyen/ shes ldan dag bcom ldan 'das dbyar gnas par zhal gyis bzhes pa'i phyogs gang du gshegs par bzhed pa'i phyogs de logs su bcom ldan 'das zhal gzigs shing bzhugs la de dag gis sngags pa yang brjod par mdzad do/ /btsun pa kun dga' bo bcom ldan 'das zhal gar gzigs shing bzhugs/ mi gang dag gis bsngags pa yang brjod par mdzad/ shes ldan dag bcom ldan 'das ma ga d+har zhal gzigs shing bzhugs la rgyal po'i khab pa'i mi dag gi bsngags pa yang brjod par mdzad do/ /de dag gis tshe dang ldan pa kun dga' bos smras pa la mngon par dga' ba dang rjes su yi rang ba byas nas tshe dang ldan pa kun dga' bo'i rkang pa gnyis la mgo bos phyag 'tshal te dong nas de dag gis bsams pa/ bcom ldan 'das dbyar gnas par zhal gyis bzhes nas rgyal po'i khab tu gshegs par 'gyur ro snyams nas de dag gis rgyal po'i khab tu 'dong ba'i zong sta gon byas so/ /de nas bcom ldan 'das dbyar gnas par zhal gyis bzhes te dbyar gyis zla ba gsum po dag 'das nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la dge slong dag de bzhin gshegs pa ma ga d+ha dag tu ljong rgyur gshegs kyis khyed cag las gang de bzhin gshegs pa dang thabs gcig ma ga d+ha dag tu ljongs rgyur 'gro bar spro ba des chos gos kyi las gyis shig ces bsgo zhig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas dge slong rnams la tshe dang ldan pa dag de bzhin gshegs pa ma ga d+ha dag tu ljongs rgyur gshegs kyis khyed cag las gang de bzhin gshegs pa dang thabs gcig ma ga d+ha dag tu ljongs rgyur 'gro bar spro ba des chos gos kyi las kyi shig ces bsgo'o/ / mnyan yod pa'i tshong pa dag gis tshe dang ldan pa kun dga' bos dge slong rnams la tshe dang ldan pa dag de bzhin gshegs pa ma ga d+ha dag tu ljongs rgyur gshegs kyis khyod cag las gang de bzhin gshegs pa dang thabs gcig ma ga d+ha dag tu ljongs rgyur 'gro bar spro ba des chos gos kyi las kyis shig ces bsgo ba thos so/ /thos nas kyang bcom ldan 'das ga la der song te phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das mnyan yod pa'i tshong pa rab tu mang po dag la chos dang ldan pa'i bka' mchid kyis yang dag par ston par mdzad/ yang dag par 'dzin du 'jud par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas mnyan yod pa'i tshong pa rab tu mang po dag stan las langs te bla gos phrag pa gcig tu byas nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas mnyan yod nas rgyal po'i khab kyi bar ji tsam par bdag cag las na bza' dang bsod bsnyoms dang / gnas mal dang / snyung ba'i rkyen dang sman gyi yo byad dag bzhes par ci gnang / bcom ldan 'das kyis mnyan yod pa'i tshong pa rab tu mang po dag la cang mi gsung bas gnang ngo / /de nas mnyan yod pa'i tshong pa rab tu mang po dag gis bcom ldan 'das kyis cang mi gsungs bas gnang bar rig nas bcom ldan 'das kyis bka' stsal pa la mngon par dga' ba dang rjes su yi rang ba byas te/ bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas dong ngo / /de nas mnyan yod pa'i tshong pa rab tu mang po dag tshe dang ldan pa kun dga' bo ga la ba der song ste phyin nas tshe dang ldan pa kun dga' bo'i rkang pa gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas mnyan yod pa'i tshong pa rab tu mang po dag gis tshe dang ldan pa kun dga' bo la 'di skad ces smras so/ /btsun pa kun dga' bo bcom ldan 'das shul dag tu ji tsam du gshegs/ shes ldan dag 'di lta ste dper na 'khor los sgyur ba'i rgyal po tsam du'o/ /btsun pa kun dga' bo 'khor los sgyur ba'i rgyal pos ji tsam du mchis/ shes ldan dag 'khor los sgyur ba'i rgyal po ni lam dag tu rgyang grags bcur 'gro'o/ /de dag gis rgyang grags bcu bcur bcom ldan 'das dge slong gi dge 'dun dang bcas pa'i tshogs dag bshams shing de dag gis zhal zas grangs cha gang dag yin pa de dag ni de nyid kyi nyin mo sta gon byas/ drod bag gang dag yin pa de dag ni nyi ma re re zhing sta gon byed do de nas bcom ldan 'das dul ba 'khor dul ba dang ldan pa zhi ba 'khor zhi ba dang ldan pa grol ba 'khor grol ba dang ldan pa dbugs phyin pa 'khor dbug phyin pa dang ldan pa thul ba 'khor thul ba dang ldan pa dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa mdzes pa 'khor mdzes pa dang ldan pa khyu mchog ltar ba lang gi tshogs kyis yongs su bskor ba glang po che ltar glang po che'i phru gu'i tshog kyis yongs su bskor ba/ seng ge ltar mche ba can gyi tshogs kyis yongs su bskor ba/ ngang pa'i rgyal po ltar ngang pa'i tshogs kyis yongs su bskor ba/ nam mkha' lding ltar bya'i tshogs kyis yongs su bskor ba/ bram ze ltar slob ma'i tshogs kyis yongs su bskor ba/ sman pa mkhas pa ltar nad pa'i tshogs kyis yongs su bskor ba/ dpa' bo ltar ru pa'i tshogs kyis yongs su bskor ba/ sa mkhan ltar lam du zhugs pa'i tshogs kyis yongs su bskor ba/ ded dpon ltar tshongs pa'i tshogs kyis yongs su bskor ba/ tshong dpon ltar 'khor gyi tshogs kyis yongs su bskor ba/ mkhar gyi rgyal po ltar blon po'i tshogs kyis yongs su bskor ba/ 'khor los sgyur ba'i rgyal po ltar bu stong gi tshogs kyis yongs su bskor bzla' ba ltar rgyu skar gyi tshogs kyis yongs su bskor ba/ nyi ma ltar 'od zer stong gi tshogs kyis yongs su bskor ba/ yul 'khor srung ltar dri za'i tshogs kyis yongs su bskor ba/ 'phags skye po ltar grul bum gyi tshogs kyis yongs su bskor ba/ mig mi bzang ltar klu'i tshogs kyis yongs su bskor ba/ nor sbyin ltar gnod sbyin gyi tshogs kyis yongs su bskor ba/ thag bzangs ris ltar lha ma yin gyi tshog kyis yongs su bskor ba/ brgya byin ltar sum bcu rtsa gsum pa'i tshogs kyis yongs su bskor ba/ tshangs pa ltar tshangs ris kyi tshogs kyis yongs su bskor ba/ dbang po rnams shin dul ba/ spyod lam dang spyod pa ma 'khrugs pa chu gter ltar ting nge ba/ sprin ltar chu dang bcas pa/ glang po che'i rgyal po ltar dregs pa dang bral ba/ skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus sku rnam par mdzes pa/ 'od 'dom gang gis gzugs can brgyan pa/ nyi ma stong bas lhag pa'i 'od dang ldan pa/ rin po che'i ri bo 'gro ba ltar kun du bzang ba/ stobs bcu dang / mi 'jigs pa bzhi dang ma 'dres pa'i dran pa nye bar gzhag pa gsum dang / thugs rje chen po dang ldan pa/ kun shes kauN+Di n+ya dang / rta thul dang / bzang ldan dang / rlang pa dang / ming chen dang / grags pa dang / gang po dang / dri med dang / ba lang bdag dang / lag bzangs la sogs pa nyan thos chen po de dag dang / gzhan yang dge slong gi dge 'dun rab tu mang pos yongs su bskor cing mdun du bdar te rgyal po'i khab ga la ba de logs su ljongs rgyu zhing gshegs so/ /tshe dang ldan pa kun dga' bo don 'thun du song ba dang / ji tsam na lam kha brag mthong nas des bcom ldan 'das ma gshegs kyi bar du der bsdad do/ /bcom ldan 'das gshegs nas bcom ldan 'das kyis bka' stsal pa/ kun dga' bo khyod ci sdod/ btsun pa 'di ni shul kha brags lags te/ shul 'di ni drang la seng ge'i 'jigs pa dang bcas pa lags/ shul 'di ni 'khyog la bde ba lags na shul gang nas mchi bar bgyi/ kun dga' bo lam drang po nas song shig dang / de bzhin gshegs pa ni seng ge'i 'jigs pa dang bral ba yin no/ /de nas bcom ldan 'das shul drang po nas gshegs par brtsams nas ji tsam na lam de na ri brags shig yod pa der byon pa dang / ri brags de nas byis pa khye'u gnyis shig lam kar 'ongs te rtse zhing 'dug go/ /de na gcig gi lag na ni rnga pa Ta ha thogs/ cig shos kyi lag na ni gzhu thogs so/ /de gnyis kyis bcom ldan 'das mthong nas 'di skad ces gsol to/ /bcom ldan 'das tshur gshegs su gsol/ bcom ldan 'das byon pa legs so/ /bcom ldan 'das 'jigs pa dang bcas pa'i shul du gar gshegs/ 'on kyang bcom ldan 'das mi bsnyings su gsol/ bdag cag gnyis kyis bcom ldan 'das kyi bsel bgyi'o/ /de na dad pa skyes pa gcig gis ni rnga pa Ta ha brdungs so/ dad pa skyes pa cig shos kyis ni gzhu brdungs te/ de gnyis bcom ldan 'das kyi mdun du 'gro bar brtsams pa dang / bcom ldan 'das 'di snyam du dgongs te/ khye'u 'di gnyis kyi dge ba'i rtsa ba dag skyed do snyam du rig nas bcom ldan 'das kyis khye'u de gnyis la 'di skad ces bka' stsal to/ /khye'u gnyis phyir log shig /de bzhin gshegs pa ni seng ge'i 'jigs pa bral ba yin no/ /de gnyis kyis bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas dong ba dang / bcom ldan 'das 'dzum pa mdzad do/ /chos nyid kyis na gang gi tshe sangs rgyas bcom ldan 'das rnams 'dzum pa mdzad pa de'i tshe na zhal nas 'od zer sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung nas kha cig ni 'og logs su 'dong / kha cig ni steng logs su 'dong bas gang dag 'og logs su 'dong ba de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ud pal ltar gas pa dang / pad ma ltar gas pa dang / pad ma ltar gas pa chen por dong ste/ sems can dmyal ba tsha ba gang dag yin pa de dag tu ni bsil bar gyur te 'bab par byed la/ sems can dmyal ba grang ba gang dag yin pa de dag tu ni dro bar gyur te 'bab par byed do/ /des sems can de dag gi gnod pa'i bye brag gang dag rgyun gcod par byed cing de dag 'di snyam du shes ldan dag ci bdag cag 'di nas shi 'phos sam/ 'on te gzhan du skyes snyam du sems so/ /de dag dad pa bskyed par bya ba'i phyir bcom ldan 'das kyis sprul pa gtang bar mdzad de/ de dag gis sprul pa mthong nas 'di snyam du shes ldan dag bdag cag 'di nas shi 'phos pa yang ma yin la/ gzhan du skyes pa yang ma yin te/ 'di ltar sems can sngon ma mthong ba 'di'i mthus bdag cag gi gnod pa'i bye brag dag rgyun chad par gyur to snyam du sems so/ /de dag sprul pa la/ sems mngon par dad par gyur nas sems can dmyal ba myong bar 'gyur ba'i las de zad par byas nas gang du bden pa dag gi snod du gyur par 'gyur ba'i lha dang mi rnams kyi nang du nying mtshams sbyor ba len par byed do/ /gang dag steng logs su 'dong ba de dag ni rgyal chen bzhi pa dang / sum bcu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / mi che dang / mi gdung dang / gya nom snang dang / shin tu mthong dang / 'og min gyi lha rnams kyi nang du dong nas mi rtag pa dang / sdug bsngal ba dang / stong pa dang / bdag med pa zhes bya ba'i sgra sgrog par byed cing tshigs su bcad pa gnyis po/ brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur zhes bya ba yang smras so/ /de nas 'od zer de dag gis stong gsum gyi stong chen po'i 'jig rten gyi khams byul nas bcom ldan 'das nyid kyi slad bzhin slad bzhin du rjes su 'dong ste/ de la gal te bcom ldan 'das 'das pa'i las lung ston par bzhed na ni bcom ldan 'das kyi snam logs su nub par 'gyur ro/ /ma 'ongs pa'i las lung ston par bzhed na ni mdun logs su nub par 'gyur/ sems can dmyal bar skye ba lung ston par bzhed na ni zhabs kyi mthil du nub par 'gyur/ dud 'gror skye ba lung ston par bzhed na ni long bur nub par 'gyur/ yi dags su skye ba lung ston par bzhed na ni zhabs kyi mthe bor nub par 'gyur/ mir skye ba lung ston par bzhed na ni pus mor nub par 'gyur/ stobs kyi 'khor los sgyur ba'i rgyal srid lung ston par bzhed na ni phyag mthil g.yon par nub par 'gyur/ 'khor los sgyur ba'i rgyal srid lung ston par bzhed na ni phyag mthil g.yas par nub par 'gyur/ lhar skye bar lung ston par bzhed na ni lte bar nub par 'gyur/ nyan thos kyi byang chub lung ston par bzhed na ni zhal du nub par 'gyur/ rang sangs rgyas kyis byang chub lung ston par bzhed na ni mdzod pur nub par 'gyur/ bla na med pa yang dag par rdzogs pa'i byang chub lung ston par bzhed na ni gtsug tor du nub par 'gyur ro/ /de nas 'od zer de dag gis bcom ldan 'das la lan gsum bskor ba byas te bcom ldan 'das kyi mdzod spur nub bo/ /de nas tshe dang ldan pa kun dga' bos thal mo sbyar te bcom ldan 'das la zhus pa/ kha dog sna tshogs stong gis bkra ba yi/ /tshogs rnams zhal gyi sgros nas byung gyur te/ /de yis phyogs rnams thams cad snang bgyis pa/ /nyi gdugs bdal bar gyur pa ji bzhin no/ /yang tshigs su bcad pa smras pa/ rgod bral zhum dang rgyags pa rab spangs pa/ /sangs rgyas 'gro ba mchog gi rgyur gyur pa/ /rgyal ba dgra thul byed rgyu ma mchis par/ /rtsa lag dung ltar dkar 'dzum ston mi mdzad/ /de slad ston pa rang blos dus mkhyen nas/ / thub pa khyu mchog dge sbyong skye dbang po/ /nyan pa'i skye bo som nyi ldan rnams la/ /the tshom skyes pa gsung tshig brtan pa dang / /dam pa dge ba dag gis bstsal du gsol/ /tshwa chu'i ri rgyal lta bur brtan pa yi/ /sangs rgyas mgon rnams blo bur 'dzum mi ston/ /brtan rnams ji slad 'dzum pa ston mdzad pa/ /skye bo'i tshogs rnams de ni nyan par 'tshal/ /btsun pa de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis/ rkyen ma mchis par 'dzum pa mi mdzad na/ btsun pa 'dzum pa mdzad pa'i rgyu ni gang lags/ rkyen ni gang lags/ bcom ldan 'das kyis bka' stsal pa/ kun dga' bo de de bzhin no/ /de de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo khyod kyis gang dag gis de bzhin gshegs pa'i bsel byas pa'i byis pa khye'u gnyis mthong ngam/ btsun pa mthong ngo / /kun dga' bo khye'u de gnyis ni dge ba'i rtsa ba 'di dang / legs par spyad pa 'dis bskal pa bcu gsum du log par ltung bar 'gro bar mi 'gyur zhing / de gnyis lha dang mi rnams su nying mtshams sbyor cing 'khor nas srid pa tha ma dang / gnas tha ma dang / gzugs tha ma dang / lus tha ma thob pa na las de nyid dang / dge ba'i rtsa ba de nyid dang / legs par spyad pa de nyid kyis rab tu byung nas rang byang chub mngon du byed par 'gyur te/ gcig ni rang sangs rgyas rnga sgra zhes bya bar 'gyur/ cig shos ni rang sangs rgyas mi 'jigs sbyin zhes bya bar 'gyur ro/ /de nas bcom ldan 'das grong khyer med pa'i dgon pa'i gnas shig tu mtshan mo gnas par zhal gyis bzhes so/ /bcom ldan 'das kyis shing ljon pa yang rgan rims kyis bskor bar bya'o zhes bka' stsal pas drug sde dag gis shing ljon pa khong stong zhig thob nas de dag gang ba dag gis shing ljon pa khong stong de la me btang ba dang / shing ljon pa khong stong de la sbrul dug myur du khyab par byed pa zhig gnas pa de du bas bkrug nas steng gi yal ga la 'dzegs te 'phyang zhing 'dug go/ /drug sde dag gis de 'phyang zhing 'dug pa mthong nas/ de dag gis smras pa/ byung ngo byung ngo / /don 'thun gyis de thos nas bsam pa/ seng ge byung ngo snyam nas don 'thun skrag ste phyogs bzhir bros so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo ci'i phyir don 'thun 'di phyogs bzhir bros/ btsun pa bcom ldan 'das kyis zhugs shing ljon pa yang rgan rims kyis bskor bar bya'o/ /zhes bka' stsal pas drug sde dag gis zhugs shing ljon pa khong stong zhig thob nas de dag grang ba dag gis zhugs shing ljon pa khong stong de la zhugs btang ba dang / zhugs shing ljon pa khong stong de la sbrul dug myur du khyab par bgyid pa zhig gnas pa de du bas dkrugs nas steng gi yal ga la 'dzegs te 'phyang zhing mchis ma drug sde dag gis mthong nas de dag gis byung ngo byung ngo zhes bgyis pa dang / don 'thun gyis de thos nas ci seng ge byung ngo snyam nas don 'thun skrag ste phyogs bzhir bros so/ /bcom ldan 'das kyis bka' stsal pa/ kun dga' bo song la don 'thun la de bzhin gshegs pa ni seng ge'i 'jigs pa dang bral ba yin gyis phyir logs shig ces sgo shig tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas don 'thun gyi gan du song ste shes ldan dag de bzhin gshegs pa ni seng ge'i 'jigs pa dang bral ba yin gyis phyir log shig ces smras nas de phyir log par gyur to/ /dge slong rnams kyis bcom ldan 'das la zhus pa/ btsun pa drug sde dag gis don 'thun skrags par bgyis te/ phyogs bzhir bros pa bcom ldan 'das kyis dbugs phyung ba la gzigs/ dge slong dag da ltar du ma zad de 'di ltar 'das pa'i dus na yang 'di dag gis ri dag kyi tshogs chen po skrag par byas te phyogs bzhir bros pa ngas dbugs phyung te de nyon cig dge slong dag sngon byung ba 'das pa'i dus na mtshe'u zhig gi 'gram na shing bil ba'i tshal de na ri bong drug cig gnas so/ /shing bil ba'i tshal de nas shing bil ba zhig mtshe'u'i nang du rdib pa na sgra cal ces zer ba byung ngo / /ri bong drug po de dag gis sgra de thos nas de dag lus chung bas skrag ste 'bros par brtsams so/ /de dag 'bros pa wa dag gis mthong nas de dag gis smras pa/ shes ldan dag ci'i phyir 'bros/ ri bong dag gis smras pa/ cal cal zer ba byung ngo / /de nas wa de dag gis kyang 'bros par brtsams so/ /de dag 'bros pa sbre dag gis mthong nas de dag gis smras pa/ shes ldan dag ci'i phyir 'bros/ wa dag gis smras pa/ cal cal zer ba byung ngo / /de nas sbre de dag gis kyang 'bros par brtsams so/ /de dag 'bros pa ri dgas dag gis mthong nas de dag gis smras pa/ shes ldan dag ci'i phyir 'bros/ sbre dag gis smras pa/ cal cal zer ba byung ngo de nas ri dgas dag gis kyang 'bros par brtsams so/ /de dag 'bros pa phag dag gis mthong nas de dag gis smras pa/ shes ldan dag ci'i phyir 'bros/ ri dgas dag gis smras pa/ cal cal zer ba byung ngo / /de nas phag dag gis kyang 'bros par brtsams so/ /de dag 'bros pa ma he dag gis mthong nas de dag gis smras pa/ shes ldan dag ci'i phyir 'bros/ phag dag gis smras pa/ cal cal zer ba byung ngo / /de nas ma he dag gis kyang 'bros par brtsams so/ /de dag 'bros pa bse dag gis mthong nas de dag gis smras pa/ shes ldan dag ci'i phyir 'bros/ ma he dag gis smras pa/ cal cal zer ba byung ngo / /de nas bse de dag gis kyang 'bros par brtsams so/ /de dag 'bros pa glang po che dag gis mthong nas de dag gis smras pa/ shes ldan dag ci'i phyir 'bros/ bse dag gis smras pa/ cal cal zer ba byung ngo / /de nas glang po che de dag gis kyang 'bros par brtsams so/ /de dag 'bros pa dom dag gis mthong nas de dag gis smras pa/ shes ldan dag ci'i phyir 'bros glang po che dag gis smras pa/ cal cal zer ba byung ngo / /de nas dom de dag gis kyang 'bros par brtsams so/ / de dag 'bros pa dred dag gis mthong nas de dag gis smras pa/ shes ldan dag ci'i phyir 'bros/ dom dag gis smras pa/ cal cal zer ba byung ngo / /de nas dred de dag gis kyang 'bros par brtsams so/ /de dag 'bros pa gung dag gis mthong nas de dag gis smras pa/ shes ldan dag ci'i phyir 'bros/ dred dag gis smras pa/ cal cal zer ba byung ngo / /de nas gung de dag gis kyang 'bros par brtsams so/ /de dag 'bros pa stag dag gis mthong nas de dag gis smras pa/ shes ldan dag ci'i phyir 'bros/ gung dag gis smras pa/ cal cal zer ba byung ngo / /de nas stag de dag gis kyang 'bros par brtsams so/ /de dag 'bros pa seng ge dag gis mthong nas de dag gis smras pa/ shes ldan dag ci'i phyir 'bros/ stag dag gis smras pa/ cal cal zer ba byung ngo / /de nas seng ge de dag gis kyang 'bros par brtsams so/ /ji tsam na ri drung dang nye ba zhig na seng ge ral pa can cod pan lta bu dang ldan pa zhig 'dug pa des seng ge de dag 'bros pa mthong nas des smras pa/ shes ldan dag khyed cag thams cad ni sder mo'i stobs can dang / mche ba'i stobs can sha stag yin na ci'i phyir 'bros/ seng ge de dag gis smras pa/ cal cal zer ba byung ngo / /shes ldan dag cal cal zer ba de ga las byung / bdag gis kyang cal cal zer ba ga las byung mi shes so/ /seng ge des smras pa/ shes ldan dag ma 'bros shig dang cal cal zer ba ga las byung ba brtag par bya'o zhes des stag dag la smras pa/ khyed cag la sus smras/ stag dag gis smras pa/ gung dag gis so/ /des gung dag la smras pa/ khyed cag la sus smras/ gung dag gis smras pa/ dred dag gis so/ /des dred dag la smras pa/ khyed cag la sus smras/ dred dag gis smras pa/ dom dag gis so/ /des dom dag la smras pa/ khyed cag la sus smras/ dom dag gis smras pa/ glang po che dag gis so/ /des glang po che dag la smras pa/ khyed cag la sus smras/ glang po che dag gis smras pa/ bse dag gis so/ /des bse dag la smras pa/ khyed cag la sus smras/ bse dag gis smras pa/ ma he dag gis so/ /des ma he dag la smras pa/ khyed cag la sus smras/ ma he dag gis smras pa/ phag dag gis so/ /des phag dag la smras pa/ khyed cag la sus smras/ phag dag gis smras pa/ ri dgas dag gis so/ /des ri dgas dag la smras pa/ khyed cag la sus smras/ ri dgas dag gis smras pa/ sbre dag gis so/ /des sbre dag la smras pa/ khyed cag la sus smras/ sbre dag gis smras pa/ wa dag gis so/ /des wa dag la smras pa/ khyed cag la sus smras/ wa dag gis smras pa/ ri bong dag gis so/ /des ri bong dag la smras pa/ khyed cag la sus smras/ ri bong dag gis smras pa/ bdag cag gis 'jigs pa de mngon sum du mthong gis tshur shog dang cal cal zer ba de ga las byung ba bstan par bya'o zhes de dag gis seng ge de khrid de shing bil ba'i tshal de bstan nas cal cal zer ba de 'di nas byung ngo zhes smras pa dang / ji tsam na shing bil ba'i tshal de nas yang bil ba zhig mtshe'u de'i nang du rdib pa na sgra cal ces zer ba byung nas seng ge des smras pa/ shes ldan dag 'di ni cal ba yin gyis ma 'jigs shig ces thams cad dbugs phyung ba dang lhas tshigs su bcad pas smras pa/ rab tu grags pas 'gro mi bya/ / bdag nyid kyis ni mngon sum bya/ /bil ba rdib pas nags tshal ni/ /rkang bzhi med par byas la ltos/ /dge slong dag de'i tshe de'i dus na seng ge ral pa can cod pan lta bu dang ldan pa gang gis ri dgas kyi tshogs chen po skrag pa phyogs bzhir bros pa dag dbugs phyung bar gyur pa de ni nga nyid yin no/ /de'i tshe de'i dus na ri bong drug po gang dag gis ri dgas kyi tshogs chen po skrag par byas pa de dag ni drug sde dag yin te/ dge slong dag de ltar 'das pa'i dus na yang 'di dag gis ri dgas kyi tshogs chen po skrag par byas te phyogs bzhir bros pa ngas dbugs phyung la da ltar yang 'di dag gis don 'thun skrag par byas te phyogs bzhir bros pa ngas dbugs phyung ngo / / 'di ni re shig byung ba yin te/ sangs rgyas bcom ldan 'das re shig 'dul ba la nyan thos rnams kyi bslab pa'i gzhi 'cha' bar ni mi mdzad do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la don 'thun la khyed cag las gang yang don 'thun gyi mdun du ma 'gro shig /de bzhin gshegs pa nyid don 'thun gyi mdun du gshegs so zhes bsgo shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas don 'thun gyi gan du song te smras pa/ shes ldan dag de bzhin gshegs pas bka' stsal pa/ khyed cag las gang yang don 'thun gyi mdun du ma 'gro shig /de bzhin gshegs pa nyid don 'thun gyi mdun du gshegs so zhes byung ngo zhes bsgo'o/ /de nas de bzhin gshegs pa nyid don 'thun gyi mdun du gshegs pa dang / ji tsam na seng ge ral pa can cod pan lta bu dang ldan pa zhig rngam ste bcom ldan 'das kyi spyan sngar 'dor cing byung ba dang / bcom ldan 'das kyis phyag g.yas pa'i mthil du seng ge ral pa can cod pan lta bu dang ldan pa lnga sprul pa mdzad nas des de dag gi dri tshor nas skrag ste 'bros par brtsams pa dang / bcom ldan 'das kyis phyogs bzhir me sprul pa mdzad do/ /seng ge des phyogs bzhir 'bar/ rab tu 'bar/ kun tu rab tu 'bar te me lce gcig tu gyur cing 'bar bar mthong zhing bcom ldan 'das nyid kyi zhabs kyi drung 'ba' shig na zhi bar mthong nas des bcom ldan 'das kyi zhabs gnyis la gtugs pa dang / bcom ldan 'das kyi phyag 'khor lo dang / bkra shis dang / g.yung drung dang / dra bas 'brel ba/ bsod nams brgya phrag du ma las 'khrungs pa/ 'jigs pa rnams dbugs 'byin par mdzad pas mgo la byugs te bka' stsal pa/ bzhin bzang khyod sngon gyi nyes par spyad pa dang ldan pas dud 'gro'i skye gnas su skyes te/ khyod da ltar drag shul can lag pa dmar bsnun pa dang rab tu snun pa la zhugs pa/ gzhan gyi srog 'phrog pa/ gzhan gyi srog gcod pas 'tsho bar byed pa yin pas khyod 'di nas shi 'phos pa'i 'gro ba ni cir 'gyur/ skye ba ni cir 'gyur/ tshe phyi ma ni cir 'gyur/ bzhin bzang 'di ltar 'du byed thams cad ni mi rtag pa'o/ /chos thams cad ni bdag med pa'o/ /mya ngan las 'das pa ni zhi ba'o zhes tshig gsum gyi chos bstan nas bzhin bzang khyod nga la sems mngon par dad par gyis shig dang / des dud 'gro'i skye gnas kyi 'dod chags dang bral bar 'gyur ro zhes bka' stsal to/ /dge slong dag seng ge de la reg par byed pa na de sgra 'byin to/ /de nas bcom ldan 'das kyis dge slong rnams la bka' stsal pa/ dge slong dag khyed seng ge la ma reg shig /de ci'i phyir zhe na/ dge slong dag seng ge ni bzod par dka' ba dang / bsnyen par dka' ba yin pa'i phyir ro/ /dge slong dag de lta bas na dge slong gis seng ge la reg par mi bya'o/ /dge slong seng ge la reg par byed na 'gal tshabs can du 'gyur ro/ /de nas ri dgas kyi rgyal po seng ge de 'di snyam du sems te/ gang gi phyir bdag gis bcom ldan 'das kyi spyan sngar tshig gsum gyi chos thos nas zas za bar byed pa ni bdag gi tshul dang 'thun pa ma yin no snyam nas de zas mi za ba la zhugs so/ /dud 'gro'i skye gnas su skyes pa rnams kyi me ni rno ba yin pas de bkres pas nyam dmas pa na bcom ldan 'das la sems mngon par dad par byas nas dus la bab pa dang / rgyal chen bzhi pa'i lha rnams kyi nang du skyes so/ / lha'i bu 'am/ lha'i bu mo'i chos nyid ni skyes nas ring po ma lon pa la sems gsum skye ste/ gang nas shi 'phos pa dang / gang du skyes pa dang / las gang gis skyes pa'o/ /de dud 'gro rnams kyi nang nas shi 'phos pa dang / rgyal chen bzhi pa'i lha rnams kyi nang du skyes pa dang / bcom ldan 'das la sems mngon par dad par byas pas skyes par mthong ngo / /de nas sngon seng ge lha'i bu de 'di snyam du sems te/ gang gi phyir bdag yongs su gnas pa bsten te bcom ldan 'das la blta ba dang / bsnyen bkur bya ba'i phyir nye bar 'gro ba ni bdag gi tshul dang 'thun pa ma yin gyis bdag yongs su gnas pa ma bsten pa kho nar bcom ldan 'das la blta ba dang bsnyen bkur bya ba'i phyir nye bar 'gro'o snyam mo/ /de nas sngon seng ge lha'i bu rna cha gdub 'khor g.yo zhing dri ma med pa thogs te/ do shal dang / se mo dos brgyan pa'i lus kyis lha'i ut+pa la dang / pad ma dang / ku mu da dang / pad ma dkar po dag gis thu ba bkang ste/ kha dog shin du 'das pas mtshan mo la bab pa dang bcom ldan 'das ga la ba der song ste phyin nas bcom ldan 'das la me tog dag gis mngon par gtor te/ bcom ldan 'das kyi zhabs gnyis la mgo bos phyag 'tshal nas mtha' gcig tu 'dug pa dang / 'di ltar sngon seng ge lha'i bu'i kha dog gi mthus grong med pa'i dgon pa'i gnas thams cad snang ba rgya chen pos khyab par gyur to/ /de nas bcom ldan 'das kyis sngon seng ge lha'i bu'i bsam pa dang / bag la nyal dang / khams dang / rang bzhin thugs su chud nas gang thos nas sngon seng ge lha'i bus stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan pa mdzad do/ /des bden pa mthong nas btsun pa bcom ldan 'das kyis bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyi kyang ma bgyis te/ khrag dang / mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang / yi dags dag nas ni rkang pa phyung / lha dang mi rnams kyi nang du ni bzhag go zhes lan gsum du ched du brjod pa ched du brjod do/ /yang smras pa/ khyod mthus rab drag nyes pa mang ldan pa'i/ /ngan song shul bkag bsod nams rab ldan pa'i/ /mtho ris 'gro ba phye zhing bdag gis ni/ /mya ngan 'das pa'i shul yang thob par gyur/ /shin du rnam dag khyod brten bdag gis ni/ /de ring skyon bral dag pa'i mig thob cing / / go 'phang zhi ba 'phags pa dgyes thob ste/ /sdug bsngal rgya mtsho'i pha rol rgal bar 'gyur/ /'gro bar lha min mi dang lhas mchod pa/ /skye dang rga dang na 'chi bral ba po/ /srid pa stong du mthong ba rab dkon pa/ /thub pa de ring khyod mthong 'bras bu mchis/ /de nas gdung byas do shal rab 'phyang bas/ /zhabs la phyag 'tshal rangs pa skyes gyur nas/ /dgra thul g.yas nas yongs su bskor byas te/ /lha yi 'jig rten mngon phyogs mkha' la song / /de nas sngon seng ge lha'i bu tshong pa khe spogs rnyed pa lta bu dang / zhing pa lo thog 'byor pa lta bu dang / dpa' bo g.yul las rnam par rgyal ba lta bu dang / nad pa nad thams cad las yongs su thar ba lta bur gyur te cha lugs gang gis bcom ldan 'das kyi spyan sngar 'ongs pa'i cha lugs de nyid kyis rang gi gnas su song ngo / /dge slong dag nam gyi cha stod dang / nam gyi cha smad la mi nyal bar sbyor ba'i rjes su brtson par gnas pa de dag gis bcom ldan 'das kyi spyan sngar snang ba rgya chen pos khyab par gyur pa mthong ngo / /mthong nas the tshom za ba'i yid kyis mtshan mo nam nangs pa dang bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi 'am/ lha'i bu 'byor pa che ba mthu che ba gzhan zhig bcom ldan 'das la blta ba'i slad du nye bar mchis sam/ bcom ldan 'das kyis bka' stsal pa/ dge slong dag mi mjed kyi bdag po tshangs pa nga la blta ba'i phyir nye bar 'ongs pa yang ma yin/ lha'i dbang po brgya byin yang ma yin/ 'jig rten skyong ba bzhi yang ma yin/ lha'i bu 'byor pa che ba/ mthu che ba gzhan yang ma yin te/ dge slong dag 'di ltar khyed kyis ngas ri dgas kyi rgyal po seng ge gang la tshigs gsum gyi chos bstan pa de mthong ngam bcom ldan 'das mthong ngo / /dge slong dag de de nas shi 'phos te rgyal chen bzhi pa'i lha rnams kyi nang du skyes nas de mdang sum nga'i gan du 'ongs te/ ngas de la chos bstan nas des bden pa mthong ste rang gi gnas su song ngo / /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa sngon seng ge lha'i bus las ci bgyis na las de'i rnam par smin pas seng ge rnams kyi nang du skyes par gyur/ las ci bgyis na las de'i rnam par smin pas rgyal chen bzhi pa'i lha rnams kyi nang du skyes par gyur/ las ci bgyis na las de'i rnam par smin pas bden pa mthong nas rang gi gnas su mchis/ bcom ldan 'das kyis bka' stsal pa/ dge slong dag sngon seng ge lha'i bu nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas sngon seng ge lha'i bus las byas shing bsags pa gzhan su zhig gis nyams su myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur te/ 'di ltar las dge ba dang / mi dge ba byas shing bsags pa dag ni zin pa'i phung po dang / khams dang skye mched dag kho na la rnam par smin par 'gyur ro/ /las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba 'das pa'i dus na bskal pa chen po bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de dge slong nyi khris bskor cing grong khyer bA rA Na sI na drang srong smra ba ri dgas kyi nags na nye bar rten cing bzhugs so/ /gang gi tshe yang dag par rdzogs pa'i sangs rgyas 'od srung 'jig rten du byung bar ma gyur pa de'i tshe bA rA Na sI na bram ze 'khor shin du mang ba/ rig byed dang / rig byed kyi yan lag gi pha rol du son pa/ yul tha dad pa na gnas pa'i bram ze rnams kyi ston par gyur pa zhig 'dug pa de 'jig rten thams cad kyis shin du bkur stir byas/ bla mar byas/ rjed par byas/ mchod par byas so/ /gang gi tshe yang dag par rdzogs pa'i sangs rgyas 'od srung 'jig rten du byung bar gyur pa de'i tshe na de la phyin cad 'ga' yang bkur stir mi byed/ bla mar mi byed/ rjed par mi byed/ mchod par mi byed do/ /yang dag par rdzogs pa'i sangs rgyas 'od srung 'khor brgya phrag du ma'i mdun na bzhugs shing chos ston par mdzad pa na bram ze 'khor shin du mang po de phyogs de nas song ba dang / bram ze des yang dag par rdzogs pa'i sangs rgyas 'od srung 'khor brgya phrag du ma'i mdun na bzhugs shing chos ston pa mthong ngo / /mthong nas kyang smras pa/ dge sbyong 'di ni seng ge bzhin du 'jigs pa med pa dang / bag tsha ba med par 'khor la chos ston par byed la/ nyan thos 'di dag ni ri dgas phra mo dag bzhin du chos nyan par byed do/ /yang dag par rdzogs pa'i sangs rgyas 'od srung gis de gsan to/ /gsan nas kyang bram ze de la bka' stsal pa/ bram ze khyod kyis ngag gi las rtsub po smras kyis/ nyes pa nyes pa'i sgo nas shogs shig dang / de lta na khyod kyi las de srab pa nyid dang / yongs su zad pa dang / yongs su mthar thug par 'gyur ro/ /bram ze des nyes pa nyes pa'i sgo nas bshags te yang dag par rdzogs pa'i sangs rgyas 'od srung gi spyan sngar skyabs su 'gro ba dang bslab pa'i gzhi dag blangs so/ /dge slong dag de'i tshe de'i dus na gang gi yang dag par rdzogs pa'i sangs rgyas 'od srung la seng ge zhes brjod pas kun du spyad pa gang yin pa de ni sngon seng ge lha'i bu 'di nyid yin te/ de'i tshe 'di yang dag par rdzogs pa'i sangs rgyas 'od srung la seng ge zhes brjod pas kun tu spyad pa'i las de'i rnam par smin pas tshe rabs lnga brgyar seng ge rnams kyi nang du skyes par gyur nas da ltar gyi bar du yang seng ge rnams kyi nang du yang skyes par gyur to/ /'dis nga la sems mngon par dad par byas pa'i las de'i rnam par smin pas ni shi zhing dus la bab nas rgyal chen bzhi pa'i lha rnams kyi nang du skyes so/ /'dis yang dag par rdzogs pa'i sangs rgyas 'od srung gi spyan sngar skyabs su 'gro ba dang / bslab pa'i gzhi dag blangs pa'i las de'i rnam par smin pas ni nga'i spyan sngar bden pa dag mthong zhing des bden pa dag mthong nas rang gi gnas su phyin to/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang / 'dren ma rnams spangs te las gcig tu dkar ba rnams la brtsal bar bya ste/ dge slong dag khyod kyis de ltar bslab par bya'o/ /de nas bcom ldan 'das ma ga d+ha dag tu ljongs rgyu zhing gshegs pa na rgyal po'i khab tu byon nas rgyal po'i khab na 'od ma'i tshal ka lan da ka'i gnas na bzhugs so/ /de'i dus na drug sde dag gis mes gzhan la gtong bas rtse bar byed cing / zla ba yang byed/ nyi ma yang byed/ mgal me'i 'khor lo yang byed nas gzhan mu stegs can dag shes ldan dag shAkya'i bu'i dge sbyong 'di dag ni mes gzhan la gtong bas rtse bar byed/ zla ba yang byed/ nyi ma yang byed/ mgal me'i 'khor lo yang byed de/ byis pa khye'u 'di dag kyang mes gzhan la gtong bas rtse bar byed cing / zla ba yang byed/ nyi ma yang byed/ mgal me'i 'khor lo yang byed na/ shes ldan dag byis pa khye'u 'di dag dang / shAkya'i bu'i dge sbyong 'di dag la bye brag ni ci yod/ bsam pa ni ci yod/ tha dad du bya ba ni ci yod/ su zhig dge sbyong mgo reg 'di dag la bsod snyoms sbyin pa dang bya bar sems shes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la smras pa/ dge slong dag khyed mes gzhan la gtong bas rtse bar byed cing / zla ba yang byed/ nyi ma yang byed/ mgal me'i 'khor lo yang byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang me la reg gam/ reg du 'jud na ltung byed do/ /zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' bar mdzad do/ /dge slong dag phyin cad de bzhin gshegs pa'i dbu skra dang sen mo'i mchod rten dag la bdug spos kyang gsol bar mi byed/ mar me yang sbar bar mi byed/ slob dpon dang / mkhan po dag la yang chu dron 'bul bar mi byed/ lhung bzed kyi las kyang mi byed/ tshon gyi las kyang mi byed do/ /sangs rgyas bcom ldan 'das rnams ni mkhyen bzhin du rmed par mdzad pa yin pas sangs rgyas bcom ldan 'das kyis tshe dang ldan pa kun dga' bo la smras pa/ kun dga' bo ci'i phyir dge slong dag phyin cad de bzhin gshegs pa'i dbu skra dang sen mo'i mchod rten dag la bdug spos kyang gsol bar mi byed/ mar me yang sbar bar mi byed/ slob dpon dang mkhan po dag la yang chu dron 'bul bar mi byed/ lhung bzed kyi las kyang mi byed/ tshon gyi las kyang mi byed/ btsun pa bcom ldan 'das kyis 'di ltar yang dge slong gang me la reg gam reg tu 'jud na ltung byed do zhes 'dul ba la nyan thos rnams kyi bslab pa'i gzhi bca' ba mdzad pas dge slong de dag slan cad de bzhin gshegs pa'i dbu skra dang / sen mo'i mchod rten dag la bdug spos kyang gsol bar mi bgyid/ mar me yang sbar bar mi bgyid/ slob dpon dang mkhan po dag la yang chab dron 'bul bar mi bgyid/ lhung bzed kyi las kyang mi bgyid/ tshon gyi las kyang mi bgyid do/ /kun dga' bo de lta bas na dus byin gyis brlab par bya'o/ /bcom ldan 'das kyis dus byin gyis brlab par bya'o zhes bka' stsal nas/ de dag gis ji ltar dus byin gyis brlab par bya ba mi shes nas bcom ldan 'das kyis bka' stsal pa/ ston pa dang / chos dang / dge 'dun dang / slob dpon dang / mkhan po dang / tshangs pa mtshungs par spyod pa rnams kyi chos dang ldan pa'i bya ba'i don nyid kyis dus byin gyis brlab par bya'o/ /dge slong dag lhung bzed kyi las dang / tshon gyi las dag byed pa na yang dang yang du brjed ngas pas me la reg nas de dag 'gyod pa skyes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dus yun ring du byin gyis brlab par bya'o/ /dge slong zhig na zhing rlung nad can du gyur nas de sman pa'i gan du song ste dris pa/ bzhin bzang kho bo la sman ston cig /'phags pa zhugs bsten cig /bzhin bzang bcom ldan 'das kyis bslab pa'i gzhi bca' bar mdzad do/ /'phags pa khyod kyi ston pa ni thugs rje can lags pas 'di ltar de nyid rkyen du mdzad nas rjes su gnang bar 'gyur ba gang lags pa de lta bu'i gnas mchis par 'gyur ro zhes zer ba'i skabs de dge slong rnams kyis/ bcom ldan 'das la gsol pa dang / bcom ldan 'das kyis bka' stsal pa/ de lta bas na na ba'i dus ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni rjes su gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya' ste/ yang dge slong gang mi na bar bdag nyid kyi phyir me la reg gam/ reg tu 'jud na ltung byed do/ /yang dge slong gang zhes bya ba ni drug sde 'am/ gzhan yang de lta bu gang yin pa'o/ /mi na bar zhes bya ba ni na ba bzhag te'o/ /bdag nyid kyi phyir zhes bya ba ni bdag nyid kyi ched du'o/ /me la reg gam zhes bya ba ni bdag nyid kyis so/ /reg du 'jud na zhes bya ba ni gzhan no/ / ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis mes gzhan la gtong bas rtse bar byed na ltung byed du 'gyur ro/ / zla ba byed na ltung byed du 'gyur ro/ /nyi ma byed na ltung byed du 'gyur ro/ /mgal me'i 'khor lo byed na ltung byed du 'gyur ro/ /dge slong me sbar bar byed na des dus byin gyis brlab par bya'o/ /dus byin gyis ma brlabs par sbar bar byed na ltung byed du 'gyur ro/ /dge slong me gsod par byed na des dus byin gyis brlab par bya'o/ /dus byin gyis ma brlabs par gsod par byed na ltung byed du 'gyur ro/ /dge slong bud shing skul bar byed dam/ bud shing 'dren par byed na des dus byin gyis brlab par bya'o/ /dus byin gyis ma brlabs par bud shing skul bar byed dam/ 'dren par byed na ltung byed du 'gyur ro/ /dge slong mdag ma spung bar byed dam/ mdag ma 'dru bar byed na des dus byin gyis brlab par bya'o/ /dus byin gyis ma brlabs par mdag ma spung bar byed dam/ 'dru bar byed na ltung byed du 'gyur ro/ /dge slong me ma mur spung bar byed dam/ 'dru bar byed na des dus byin gyis brlabs par bya'o/ /dus byin gyis ma brlab par me ma mur spung bar byed dam/ 'dru bar byed na nyes byas su 'gyur ro/ /dge slong mer skra dang / spu dang / rus pa dang / sen mo dag 'jud na nyes byas su 'gyur ro/ /dge slong mer mchil ma dang / snabs dang / skyugs pa dang / rlugs pa dag 'jud na nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /me la reg pa'i ltung byed de lnga bcu rtsa gnyis pa rdzogs s+ho// //'dul ba rnam par 'byed pa/ bam po lnga bcu rtsa bdun pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa 'char kas nyon mongs pa thams cad spangs pas dgra bcom pa nyid mngon sum du byas pa dang / tshe dang ldan pa 'dun pa ni kau sham+bir song ste yid dal du 'dug pa dang / 'gro mgyogs dang / nab so gnyis dus la bab pa dang / dga' bo dang / nye dga' gnyis ni dge 'dun gyi nang na gnas pa de'i tshe na bcu bdun sde dag gdug pa dang / pha rol gnon par gyur cing / mdo sde 'dzin pa dang / 'dul ba 'dzin pa dang / ma mo 'dzin pa yang yin pas de dag gis smras pa/ tshe dang ldan pa dag bdag cag yun ring po nas drug sde dag gis tho brtsams te/ ji ltar dga' bo dang / nye dga' gnyis kyi tho btsams pa ltar yang gzhan dag gis tho ma btsams la/ ji ltar nye dgas tho brtsams pa ltar yang dga' bos tho ma brtsams kyis tshur shog /de gnas nas dbyungs ba'i las bya'o/ /de na gcig gis smras pa/ phu nu bo dag de'i phu nu bo dga' bo rtsod pa la mkhas pas bdag cag gis nye dga' gnas nas dbyung ba'i las bya bar mi nus so/ /de brel ba skyed par bya'o zhes de dag dga' bo'i gan du song ste smras pa/ gnas brtan phyag 'tshal lo/ /tshe dang ldan pa dag a rog khya/ gnas brtan gyis chos gos dag dri ma can du gyur to/ /bu dag kho bo rgas par gyur pas dge slong lhan cig gnas pa dang / nye gnas dag gis kyang rgas pa'i phyir brnyas te phyin chad chos gos kyi las byed du mi btub bo/ / bdag cag gis gnas brtan gyi chos gos dag bkru bar bgyi yis chos gos dag tshur stsol/ dga' bos bcu bdun sde dag la chos gos dag byin no/ /de dag gis yang smras pa/ gnas brtan chos gos dag gcig car bkrus chos gos thams cad tshur stsol/ dga' bo brnyang rnying dag gyon te chos gos thams cad bcu bdun sde dag la byin no/ /bcu bdun sde dag gis chos gos de dag 'gyur byed kyis btsal nas gnas mal bshams te/ gaN DI brdungs nas dga' bo'i gan du song te smras pa/ gnas brtan dge 'dun gyi bya ba cung zhig mchis te/ gaN DI brdungs kyis tshur spyon/ dga' bos smras pa/ bu dag kho bo 'di 'dra ba'i gnas skabs kyis dge 'dun gyi nang du ji ltar 'gro bar bya/ dge 'dun gyi bya ba chos dang ldan pa la 'dun pa 'bul lo/ /de nas dge 'dun thams cad 'dug cing 'thun par gyur pa na dge slong gleng ba po rgan pa'i mtha' logs su 'dug ste nye dga' la smras pa/ btsun pa nye dga' khyod kyis bcu bdun sde dag gi lto dral te rgyu ma dag gis rgyal byed kyi tshal bskor bar bya'o zhes bya ba de lta bu'i tshig smras pa gang yin pa de dran nam/ tshe dang ldan pa dag rma sos pa dag dral te ci bya/ de ni 'das pa'i don yin no/ /de dag gis smras pa/ bcom ldan 'das kyis 'das pa'i dus kho na las brtsams te 'dul ba la nyan thos rnams kyi bslab pa'i gzhi bca' ba mdzad do zhes de dag gis nye dga' la gya tsom du nan gyis gnas nas dbyung ba'i las byas so/ /nye dga' gnas nas dbyung ba'i las byas nas phu bo dga' bo'i gan du song ste ngu bar brtsams pa dang / dga' bos smras pa/ nye dga' ci'i phyir ngu / nye dgas smras pa/ lhung bzed nag po can dag gis kho bo gnas nas dbyung ba'i las byas so/ /dga' bos smras pa/ gang dag gis kho bo'i nu bo gnas nas dbyung ba'i las byas pa de dag grong dang / grong khyer dang / ljongs dang / khams gsum nas gnas nas phyung bar gyur cig /'on kyang gnas nas dbyung ba'i las byas pa rnams la/ grong dang / grong khyer med dam ci sdod cig dang bzod pa gsol bar bya'o/ /'di ltar de dag gis mi mthun pa kho nar las byas so/ /gang zhig der ma 'dus/ kho bo'o/ /slob dpon gyis der 'dun pa phul lo/ /ci kho bos bdag gi nu bo gnas nas dbyung ba'i las byed par shes sam/ kho bo dge 'dun gyi bya ba de lta bu la 'dun pa mi 'bul gyis kho bos 'dun pa ma phul lo/ /kho bos 'dun pa nyes par phul lo/ /dge slong don nyung ngu dag ci'i phyir dge slong dag dge 'dun gyi bya ba chos dang ldan pa la dge slong la 'dun pa phul nas de'i 'og tu khros 'khrugs rngam par gyur te yi ma rangs nas spong ba'i chos su byed cing 'di skad ces dge slong 'dun pa phyir byin cig khyod la mi sbyin no zhes zer zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dga' bo la smras pa/ dga' bo khyod dge 'dun gyi bya ba chos dang ldan pa la dge slong la 'dun pa phul nas de'i 'og tu khros 'khrugs rngam par gyur te yi ma rangs nas spong ba'i chos su byed cing 'di skad ces dge slong 'dun pa phyir byin cig /khyod la mi sbyin no zhes zer ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi bya ba chos dang ldan pa la dge slong la 'dun pa phul nas de'i 'og tu khros 'khrugs rngam par gyur te yi ma rangs nas spong ba'i chos su byed cing 'di skad ces dge slong 'dun pa phyir byin cig /khyod la mi sbyin no zhes zer na ltung byed do/ /yang dge slong gang zhes bya ba ni shAkya'i bu dga' bo 'am/ gzhan yang de lta bu gang yin pa'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /bya ba chos dang ldan pa la zhes bya ba ni las chos dang ldan pa la'o/ /dge slong la zhes bya ba ni chos 'di pa la'o/ /'dun pa phul nas zhes bya ba ni 'dun pa byin nas so/ / de'i 'og tu zhes bya ba ni dus gzhan na'o/ /khros 'khrugs rngam par gyur te yi ma rangs nas shes bya ba ni khros shing khro ba'i zil gyis non nas so/ /spong ba'i chos su byed cing zhes bya ba ni bsnyon pa'i chos su byed cing ngo / / 'di skad ces shes bya ba ni 'di skad ces zer na'o/ /dge slong 'dun pa phyir byin cig /khyod la mi sbyin no zhes zer na zhes bya ba ni 'di skad ces zer na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag du sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnam la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad dge 'dun gyi bya ba chos dang ldan pa la dge slong la 'dun pa phul nas de'i 'og tu khros 'khrugs rngam par gyur te yi ma rangs nas spong ba'i chos su byed cing 'di skad ces dge slong 'dun pa phyir byin cig /khyod la mi sbyin no zhes zer na thams cad du ltung byed du 'gyur ro/ /las dang po pa dang / smyos pa dang / sems 'khrug pa dang / tshor ba dag gis nyen pa la ltung ba med do/ /'dun pa phyir sgyur ba'i ltung byed de lnga bcu rtsa gsum pa rdzogs s+ho// // bar sdom la/ chos nyan pa dang sgra can zin/ /na dang dge slong sdig can la/ /don 'thun gnyis su byas pa dang / /mdun du btud dang dge tshul lo/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bram ze dang khyim bdag dad pa can dag gtsug lag khang du lhags nas dge slong rnams la smras pa/ 'phags pa dag chos bstan du gsol/ dge slong rnams kyis smras pa/ bzhin bzang dag bcom ldan 'das kyi spyan sngar deng shig dang / bcom ldan 'das khyed cag la chos ston par mdzad do/ /de dag gis smras pa/ 'phags pa dag ston pa nyag cig tu bas pas re shig lha rnams la chos ston par mdzad dam/ 'on te klu rnams la 'am/ gnod sbyin rnams la 'am/ mi rnams la chos ston par mdzad sus 'tshal gyis/ khyed cag gis kyang chos bstan du gsol/ bzhin bzang dag bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong rnams kyis kyang chos bstan par bya bar gnang ngo / / bcom ldan 'das kyis dge slong rnams kyis kyang chos bstan par bya'o zhes bka' stsal nas/ de dag nyin mo chos ston par byed do/ /de na gang dag bsod nams kyi 'bras bus 'tsho ba de dag ni nyin mo chos mnyan nas mtshan mo rtsol ba'i 'bras bus 'tsho ba rnams la shes ldan dag 'phags pa dag chos snyan pa snyan pa ston par mdzad cing sbrang rtsi byed pa'i sbrang bu bzhin du chos sbrang rtsi lta bu ston cing stob par mdzad do/ / zhes brjod par byed do/ /rtsol ba'i 'bras bus 'tsho ba dag gis smras pa/ khyed cag las gang dag chos nyan pa de dag gi sangs rgyas 'byung ba ni 'bras bu dang bcas pa yin no/ /'o na khyod cag kyang ci'i phyir chos nyan par mi byed/ khyed cag ni bsod nams kyi 'bras bus 'tsho ba dag yin pas nyin mo chos nyan par byed kyi/ kho bo cag ni rtsol ba'i 'bras bus 'tsho ba dag yin pas gal te nyin mo las dag ma byas na ltogs te 'chi bar 'gyur/ gal te 'phags pa dag mtshan mo chos ston par 'gyur na de lta na bdag cag gis kyang chos mnyan par bya'o zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ mtshan mo chos bstan par bya'o/ /de dag mtshan mo thams cad kho nar chos ston par byed cing de dag ngal ba dang / bcom ldan 'das kyis bka' stsal pa/ mtshan thams cad kho nar chos bstan par mi bya'o/ /de dag nam phyed kyis bar du chos ston par byed pa na de lta na yang ngal bar gyur nas bcom ldan 'das kyis bka' stsal pa/ tshes brgyad dang / tshes bcu bzhi la chos bstan par bya'o/ /de dag tshes brgyad dang / tshes bcu bzhi la chos ston par byed pa na bsod snyoms pa zhig gtsug lag khang du chos nyan du 'ongs nas dge slong rnams kyis nam phyed kyi bar du chos bstan pa dang / bsod snyoms pa des bsam pa/ da ni 'gro ba'i dus ma yin gyis 'di nyid du 'dug par bya'o zhes de mtha' gcig tu song nas skyil mo krung bcas te 'dug go/ /der lhags pa'i khyim pa de dag kyang de nyid du nyal nas/ dge bskos kyis mar me bsad par brtsams pa dang / de dag gis smras pa/ 'phags pa zhugs mar ma dgum zhig dang bdag cag gis 'bru mar dbul lo/ /dge bskos kyis mar me gsos te song nas khyim pa de dag de na 'khod cing de dag gis smras pa/ 'phags pa che ge mo zhig gis ni chos snyan pa snyan pa dag bstan to/ /'phags pa che ge mo zhig gis ni chos ches snyan pa snyan pa dag bstan to zhes zer ro/ /de na dge slong rgan zhugs brjed ngas pa zhig nyal ba des rmi lam na sngon gyi rnying pa dang lhan cig nyal bar rmi nas des ci dang ci dag cig brdol bar brtsams pa dang / khyim pa de dag gis smras pa/ shes ldan dag khyim pa ci dang ci dag brdol ba 'di su yin zhes de dag gis de bskyod par brtsams pa dang / ji tsam na rgan zhugs de phyis gan du nyal zhing ci dang ci dag brdol ba mthong nas de dag gis smras pa/ shes ldan dag rgan po rnams kyis gnas skabs kyang re shig 'di 'dra na 'di dag ni rab du byung ba gzhon nu dag yin pas 'di dag gi gnas skabs ji lta bur 'gyur zhes ma dad pa go bar byed do/ /bsod snyoms pa de nang par sngar langs te dgon pa'i gnas su song ba dang / dge slong spong ba pa dag gis de mthong nas smras pa/ tshe dang ldan pa ji lta tshangs pa mtshungs par spyod pa dag gis chos snyan pa snyan pa dag bstan cing skye bo phal po che'i tshogs mngon par dad par byas sam/ des smras pa/ tshangs pa mtshungs par spyod pa dag gis chos snyan pa snyan pa dag bstan pas skye bo phal po che'i tshogs te por mngon par dad par byas so/ /rgan zhugs shig gis ni skye bo phal po che'i tshogs mngon par ma dad par byas so/ /ji ltar gyur/ des skabs de dge slong rnams la brjod nas dge slong rnams kyis bcom ldan 'das la rgyas par gsol to/ /de nas bcom ldan 'das 'di snyam du dgongs te/ nyes dmigs gang cung zad byung ba ni dge slong rnams rdzogs par ma bsnyen pa dang lhan cig nyal bar byed pa dang / snang ba la nyal bar byed pa las gyur to snyam nas bcom ldan 'das kyis bka' stsal pa/ de lta bas na dge slong gis gang zag rdzogs par ma bsnyen pa dang lhan cig nyal bar mi bya zhing snang ba la yang nyal bar mi bya'o/ /nyal bar byed na 'gal tshabs can du 'gyur ro/ /'di ni re shig byung ba yin te/ sangs rgyas bcom ldan 'das re shig 'dul ba la nyan thos rnams kyi bslab pa'i gzhi 'cha' bar ni mi mdzad do/ /tshe dang ldan pa shA ri'i bu la dge tshul sgra can zin dang / skul byed ces bya ba gnyis yod de/ dge slong blo bur du 'ongs pa zhig 'ongs pa na tshe dang ldan pa sgra can zin nyin mo spyod du song ba'i gtsug lag khang du dge slong blo bur du 'ongs pa de'i gtsug lag khang du bskos nas dge slong des tshe dang ldan pa sgra can zin gyi lhung bzed dang chos gos phyi rol du phyung ste mtha' gcig tu bzhag go/ /tshe dang ldan pa sgra can zin nyin mo spyod pa nas phyir 'ongs pa dang / ji tsam na rang gi lhung bzed dang / chos gos phyi rol du phyung ste mtha' cig tu bzhag pa mthong nas de sems khongs su chud cing 'dug go/ /ji tsam na dge tshul skul byed 'ongs nas des smras pa/ tshe dang ldan pa sgra can zin ci'i phyir sems khongs su chud cing 'dug sgra can zin gyis smras pa/ kho bo nyin mo spyod du song ba'i gtsug lag khang dge slong blo bur du 'ongs pa'i gtsug lag khang du bskos nas des kho bo'i lhung bzed dang / chos gos phyi rol du phyung ste mtha' cig tu bzhag na sprin kha dog lnga pa 'dus pas kho bo dang mal gang du bsham par bya ba mi shes so/ /skul byed kyi smras pa/ tshe dang ldan pa sgra can zin ci'i phyir sems khongs su chud cing 'dug tu yod/ gar yang rung bar nyol cig /sgra can zin gyis smras pa/ tshe dang ldan pa skul byed khyod ni rdzu phrul che ba dang mthu che ba yin pas lo ma yin pa'i spyil bu sprul te mal 'cha' bar byed mod kho bos ji ltar bya/ de'i tshe na bram ze dang / khyim bdag dad pa can dag gis bcom ldan 'das kyi snam phyi spos kyi byug pas skus nas/ tshe dang ldan pa sgra can zin gyis bsams pa/ sangs rgyas bcom ldan 'das rnams la dus ma yin par bshang ba mdzad par 'gyur ba gang yin pa de ni gnas med cing skabs ma yin gyis song la der nyal bar bya'o snyam nas de der song ste snam phyi sa'i zhabs rten la mgo bzhag ste nyal lo/ /de'i mtshan mo sprin kha dog lnga pa 'dus nas des char 'bab par brtsams pa dang / snam phyi sa de dang ha cang thag mi ring ba na sbrul dug myur du khyab par byed pa'i gtso bo zhig gi tshang 'dug pa der char bab pa'i chus gang nas sbrul dug myur du khyab par byed pa'i gtso bo de bcom ldan 'das kyis snam phyi sa ga la ba der 'phags so/ /sangs rgyas bcom ldan 'das rnams ni bsnyel ba mi mnga' ba'i chos nyid can yin pas bcom ldan 'das kyis dgongs pa/ gal te sbrul dug myur du khyab par byed pa'i gtso bo des sgra can zin rnyed par gyur na ming gi lhag ma tsam las par byed par 'gyur te/ shAkya nga rgyal can dag gal te gzhon nu sgra can zin bzang po rab tu byung bar ma gyur na/ rgyal po dngos brtsam par 'gyur ba zhig na/ de rab du byung nas mgon med pa'i bya bas dus la bab bo zhes ma dad pa go bar byed par 'gyur bar thugs su chud nas glang po che'i sna 'dra ba'i phyag rkyang te sgra can zin blangs nas nyid kyi gzims mal du bsnyal te bzhag go/ /sangs rgyas bcom ldan 'das rnams gang zag rdzogs par ma bsnyen pa dang lhan cig gnas gcig na gzims par 'gyur ba ni gnas ma yin zhing skabs med pas bcom ldan 'das kyis dgung la 'chag pa dang bzhugs pa gnyis kyis shas cher mtshan mo 'da' bar mdzad do/ /dge slong gnas brtan gnas brtan dag nang par sngar langs te bcom ldan 'das kyis zhabs la mgo bos phyag 'tshal du 'ongs pa dang / sangs rgyas bcom ldan 'das rnams kyi chos nyid ni gal te 'dul ba la nyan thos rnams kyi bslab pa'i gzhi 'cha' bar bzhed na de'i tshe dge slong ma 'ongs pa rnams la ni gzhes par mdzad la/ dge slong 'ongs pa rnams ni/ phyir gtong bar mi mdzad pas tshe dang ldan pa skul byed bcom ldan 'das kyi zhabs la mgo bos phyag 'tshal du song ba dang / ji tsam na tshe dang ldan pa sgra can zin bcom ldan 'das kyi gzims mal na nyal ba mthong ngo / /mthong nas kyang se gol gyi sgras tshe dang ldan pa sgra can zin sad par byas te smras pa/ tshe dang ldan pa sgra can zin khyod gang du nyal/ de sad pa dang ji tsam na bdag nyid bcom ldan 'das kyis gzims mal na nyal bar mthong nas de myur ba myur ba kho nar langs te bcom ldan 'das kyis gzims mal nas babs pa dang / skul byed kyi smras pa/ tshe dang ldan pa sgra can zin gal te khyod la bcom ldan 'das kyis ma dgongs su zin na sbrul dug myur du khyab par byed pa'i gtso bos khyod ming gi lhag ma tsam las par byed par 'gyur ro/ /de nas bcom ldan 'das kyis dge slong rnams la bka' stsal pa/ dge slong dag dge tshul 'di dag la ni ma yang med/ pha yang med/ byams pa dang mdza' bshes kyi tshogs gzhan 'ga' yang med de/ tshangs pa mtshungs par spyod pa khyed cag 'ba' shig tu zad cing 'di dag ni dgra bcom pa'i sgo lnga dang ldan pa dag yin te/ gal te khyed cag gis 'di dag yongs su skyong bar mi byed na gzhan su zhig byed par 'gyur/ dge slong dag de lta bas na gang zag rdzogs par ma bsnyen pa dang lhan cig nub gnyis tshun cad gnas gcig tu nyal bar rjes su gnang ngo / /dge slong zhig la 'khru ba'i nad byung nas de mun pa'i nang du bshang ba byed pa na rkang pa gnyis la gos nas rkang pa gnyis brkyang ste nyal ba dang / de'i gan du nang par sngar dge slong lhan gcig gnas pa dang / nye gnas dag 'ongs nas de dag gis dris pa/ mkhan po thugs bde 'am/ des smras pa/ mi bde'o/ /ji ltar mi bde/ des skabs de rgyas par brjod nas dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na snang ba bya'o/ /snang ba byas pa dang / de 'gyod pas mi nyal nas nyes dmigs de nyid du gyur pa dang / bcom ldan 'das kyis bka' stsal pa/ nyal bar bya ste/ 'di la 'gyod par mi bya'o/ /dge slong nad g.yog dag 'gyod pas mi nyal ba na de dag na bar gyur nas bcom ldan 'das kyis bka' stsal pa/ de dag gis kyang nyal bar bya'o/ /der byin len stobs pas bya ba byung nas bcom ldan 'das kyis bka' stsal pa/ rdzogs par ma bsnyen pas kyang der nyal bar bya'o/ /de dag nub gnyis 'das nas phyir 'byin par byed pa na nad pa la gnod par gyur nas bcom ldan 'das kyis bka' stsal pa/ nub gsum pa la yang nyal bar bya'o/ /nad pa 'gyod par gyur nas bcom ldan 'das kyis bka' stsal pa/ 'di la 'gyod par mi bya bar nyal bar bya'o/ /nad g.yog dag 'gyod pas mi nyal nas bcom ldan 'das kyis bka' stsal pa/ nyal bar bya ste/ 'di la 'gyod par mi bya'o/ /dge slong gnas brtan dag na bar gyur nas de dag langs shing rang nyid kyis byin len byas te za bar mi nus nas bcom ldan 'das kyis bka' stsal pa/ de dag gi nad g.yog dag gis lag brnyel te byin len byas nas lhan gcig 'dug ste bza' bar bya'o/ /de dag gi nad g.yog dag gzhon pa yin na yang de dag gis kyang de bzhin du bza' bar bya'o/ / rdzogs par snyen pa dag med nas bcom ldan 'das kyis bka' stsal pa/ rdzogs par ma bsnyen pas bza' bar bya'o/ /ji ltar rgan pa rnams la gsar bu rnams dang / rdzogs par ma bsnyen pa rnams nad g.yog byed pa de bzhin du rgan pa rnams kyis kyang gsar bu rnams dang rdzogs par ma bsnyen pa rnams kyi nad g.yog bya'o/ /zla ba'i snang ba dang / nyi ma'i snang ba byung nas dge slong dag 'gyod pas nyal bar mi byed nas bcom ldan 'das kyis de dag ni tha snyad du bya ba ma yin pas nyal bar bya ste/ 'di la 'gyod par mi bya'o/ /bcom ldan 'das kyis gang zag rdzogs par ma bsnyen pa dang lhan gcig nub gnyis las lhag par gnas cig tu nyal bar mi bya'o zhes bka' stsal nas/ dge slong rnams kyis gang zag rdzogs par ma bsnyen pa de dag gtsug lag khang nas phyir phyung nas chom rkun pa dag dang / g.yon can dag dang / seng ge dag dang / stag dag dang / gung dag gis bgrod par gyur nas bcom ldan 'das kyis bka' stsal pa/ de dag gtsug lag khang nas phyir 'byung bar mi bya'o/ /dge slong rnams kyis de dag khyams nas phyir phyung ba dang / bcom ldan 'das kyis bka' stsal pa/ khyams nas phyir dbyung bar mi bya bar 'di ltar nyen kor du spang bar bya'o/ /dge slong zhig la dge tshul zhig yod de gtsug lag khang der dge slong sdig can 'ongs nas des dge tshul de la smras pa/ dge tshul khyod gang du nyal/ des smras pa/ sgo gang 'dir ro/ /dge tshul de'i mkhan po des thos nas des dge tshul de la dris pa/ khyod smras pa de ci des smras pa/ 'di bdag la khyod gang du nyal zhes 'dri'o/ /mkhan po des dge tshul de bdag nyid kyi gnas khang du bsnyal nas/ mkhan po des kyang 'chag pa dang / 'dug pa dag gis mtshan mo 'da' bar byas so/ /de nang par sngar langs nas dge slong lhan cig gnas pa dang / nye gnas dag 'ongs te dris pa/ mkhan po thugs bde 'am/ des smras pa/ mi bde'o/ /ci'i slad du/ des skabs de rgyas par brjod pa dang / de dag gis smras pa/ mkhan po bcom ldan 'das kyis skyes bu dam pa ni gnyis te/ gang khur ma blangs pa len par mi byed pa dang / gang khur blangs pa mthar phyin par byed pa'o zhes bka' stsal pas khur blangs pa 'di mthar phyin par bgyi 'tshal lo zhes zer ba'i skabs de dge slong rnams kyi bcom ldan 'das la gsol pa dang / bcom ldan 'das kyis bka' stsal pa/ gal te gnas par khas ma blangs pa rnams kyi nang du dge slong sdig can 'ongs shing dge slong sdig can de re shig skrod par nus na de skrad par bya'o/ /gal te skrod par mi nus na dge tshul khrid de gtsug lag khang gzhan du 'gro bar bya'o/ /gal te gnas par khas blangs pa rnams kyi nang du dge slong sdig can 'ongs shing dge slong sdig can de skrod par nus na des skrad par bya'o/ /gal te skrod par mi nus na dge tshul dge slong mdza' bo'i gan du bzhag par bya'o/ /gal te dge slong mdza' bo med na gnas cig tu lhan cig zla ba gsum 'da' bar bya'o/ /dgag dbye byas nas gal te dge slong sdig can de skrod par nus na de skrad par bya'o/ /gal te mi nus na dge tshul khrid de gtsug lag khang gzhan du 'gro bar bya'o/ /dge slong dag lam du 'dong ba na de na dge tshul yang 'dong nas dge slong rnams kyis dge tshul de dag nub gnyis 'das shing don 'thun gyi phyi rol du 'byin par byed pa na de dag chom rkun pa dag dang / g.yon can dag dang / seng ge dag dang / stag dag dang / gung dag gis bgrod par gyur nas bcom ldan 'das kyis bka' stsal pa/ phyi rol du dbyung bar mi bya bar 'di ltar don 'thun gnyis su bya'o/ /don 'thun gnyis su byas pa dang / de dag dpung chungs bas chom rkun pa dag dang / g.yon can dag dang / seng ge dag dang / stag dag dang / gung dag gi bgrod par gyur nas bcom ldan 'das kyis bka' stsal pa/ gal te don 'thun dpung chung na gnyis su mi bya bar dge slong rnams kyis mi nyal bar tron bya'o/ /dge slong rnams mtshan thams cad du mi nyal bar tron byed pa na ngal bar gyur nas bcom ldan 'das kyis bka' stsal pa/ mtshan thams cad du tron mi bya bar thun gsum 'am/ gnyis sam/ gcig gam/ tha na skya reng 'char kar tron bya'o/ /de lta na yang ngal bar gyur nas bcom ldan 'das kyis bka' stsal pa/ nyal bar bya ste 'di la 'gyod par mi bya'o/ /dge slong rnams kyis dge tshul dag lam kar rjes su bor te dong ba na de dag chom rkun pa dag dang / g.yon can dag dang / seng ge dag dang / stag dag dang / gung dag gis bgrod par gyur nas bcom ldan 'das kyis bka' stsal pa/ mdun du btung ste 'gro bar bya'o/ /dge tshul de dag nang par snga ba kho nar bkres par gyur nas bcom ldan 'das kyis bka' stsal pa/ de dag la g.yar tshus sbyin par bya'o/ /dge tshul de dag dro kar yang zan slong nas dge slong rnams kyis khyed cag da nang g.yar tshus byin zin na da yang slong ngam ci zhes zer nas bcom ldan 'das kyis bka' stsal pa/ dge tshul dag ni me'i khams che ba yin gyis de dag la dro kar yang zan sbyin par bya'o/ /nye dga' la dge tshul tsher ma dang / chen po pa zhes bya ba gnyis yod de/ de de gnyis dang lhan cig nub gnyis las lhag par gnas cig tu nyal bar byed nas/ dge slong rnams kyis de la smras pa/ tshe dang ldan pa nye dga' bcom ldan 'das kyis dge slong gis gang zag rdzogs par ma bsnyen pa dang / lhan gcig nub gnyis las lhag par gnas gcig tu nyal bar mi bya'o zhes bka' stsal gyis khyod gang zag rdzogs par ma bsnyen pa dang lhan gcig nub gnyis las lhag par gnas gcig tu ma nyal cig /nye dgas smras pa/ gang la nub gnyis rung ba de la nub gsum pa yang rung mod/ nub gsum pas chang 'thungs sam/ kun dong zos sam ci nyes/ dge slong don nyung ngu dag bcom ldan 'das kyis dge slong gis gang zag rdzogs par ma bsnyen pa dang lhan cig nub gnyis las lhag par gnas cig tu nyal bar mi bya'o zhes bka' stsal na/ ci'i phyir dge slong dag ched du bsams te nub gnyis las lhag par 'da' bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ / de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun sdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la smras pa/ nye dga' ngas dge slong gis gang zag rdzogs par ma bsnyen pa dang lhan cig nub gnyis las lhag par gnas gcig tu nyal bar mi bya'o zhes gsungs na/ khyod ched du bsams te nub gnyis las lhag par 'da' bar byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ / nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang gang zag rdzogs par ma bsnyen pa dang lhan cig nub gnyis las lhag par gnas gcig tu nyal na ltung byed do/ /yang dge slong gang zhes bya ba ni shAkya'i bu nye dga'am/ gzhan yang de lta bu gang yin pa'o/ /gang zag rdzogs par ma bsnyen pa dang lhan cig ces bya ba la/ rdzogs par bsnyen pa ni gnyis te/ dge slong dang / dge slong ma'o/ /de las gzhan pa ni rdzogs par ma snyen pa'o/ /nub gnyis las lhag par zhes bya ba ni nub gnyis las 'das par ro/ /gnas gcig tu nyal na zhes bya ba ni gnas bzhi po thams cad g.yogs shing thams cad bskor ba dang / thams cad g.yogs shing phal cher bskor ba dang / phal cher g.yogs shing thams cad bskor ba dang / phal cher g.yogs shing phal cher bskor ba dag tu nyal bas skya reng 'char bar byed na'o/ /thams cad g.yogs shing thams cad bskor ba ni gnas khang ngam/ 'khor gyi khyams sam/ khang pa brtsegs pa dag go/ /thams cad g.yogs shing phal cher bskor ba ni sgo bcu pa dang / sgo bcu gnyis pa dag go/ /phal cher g.yogs shing thams cad bskor ba ni khyam ngos bzhi pa dag go/ /phal cher g.yogs shing phal cher bskor ba ni khyams ngos gsum pa dang / 'khor gyi khyams dag go/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag du sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis gang zag rdzogs par ma bsnyen pa rdzogs par ma bsnyen par 'du shes shing lhan cig nub gnyis las lhag par gnas gcig tu nyal na ltung byed du 'gyur ro/ / gang zag rdzogs par ma bsnyen pa la yid gnyis za bas lhan cig nub gnyis las lhag par gnas gcig tu nyal na ltung byed du 'gyur ro/ /dge slong gis gang zag rdzogs par bsnyen pa la rdzogs par ma bsnyen par 'du shes pas lhan cig nub gnyis las lhag par gnas cig tu nyal na nyes byas su 'gyur ro/ /rdzogs par bsnyen pa la yid gnyis za bas lhan cig nub gnyis las lhag par gnas gcig tu nyal na nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /rdzogs par ma bsnyen pa dang lhan cig nyal ba'i ltung byed de lnga bcu rtsa bzhi pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na sngon bong rdzi dge slong 'chi ltas la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsung ba gang dag yin pa de dag bsten kyang bar du gcod pa mi 'gyur te/ de ltar bcom ldan 'das kyis chos bstan pa bdag gis shes so zhes zer ro/ /dge slong rab tu mang po dag gis sngon bong rdzi dge slong 'chi ltas la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer ba thos nas dge slong rnams kyis skabs de bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis sngon bong rdzi dge slong 'chi ltas dang / gzhan yang de lta bu gang yin pa la bzhams te bsgo bar bya'o/ /'di skad ces bsgo bar bya ste/ tshe dang ldan pa 'chi ltas khyod ji ltar bcom ldan 'das kyis bar du gcod pa'i chos su gsungs pa gang dag yin pa de dag brten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /'chi ltas bar du gcod pa'i chos rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis/ 'chi ltas khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /dge slong rnams kyis btsun pa bka' bzhin 'tshal zhes bcom ldan 'das las mnyan nas 'chi ltas la tshe dang ldan pa 'chi ltas khyod ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /'chi ltas bar du gcod pa'i chos rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis 'chi ltas khyod sdig pa can gyi lta ba'i rnam pa 'di lta bu 'di thong shig ces bzhams te bsgo'o/ /dge slong rab tu mang po dag gis de la bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la rgyas par gsol pa dang / bcom ldan 'das kyis bka' stsal pa/ dge slong dag khyed kyis sngon bong rdzi dge slong 'chi ltas dang / gzhan yang de lta bu gang yin pa la gsol ba dang bzhi'i las kyis bsgo bar bya'o/ /'di ltar bsgo bar bya ste gnas mal bshams pa byas nas gaN DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa la dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes mchi nas/ 'di la dge slong rab du mang pos bzhams te bsgo na 'di la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs nas/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'chi ltas la 'chi ltas khyod ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsungs ngo / /'chi ltas bar du gcod pa'i chos rnams ni bar du gcod pa nyid do zhes bcom ldan 'das kyis rnam grang du mar gsungs te/ de dag bsten na bar du gcod par 'gyur gyis/ 'chi ltas khyod sdig pa can gyi lta ba'i rnam pa 'di lta bu 'di thong shig ces gsol ba dang bzhi'i las kyis bsgo ba mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes mchi nas/ 'di la dge slong rab tu mang pos bzhams te bsgo na/ 'di la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni rdzun pa'o zhes rjes su tha snyad du 'dogs te/ de'i slad du dge 'dun gyis dge slong 'chi ltas la 'chi ltas khyod ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /'chi ltas bar du gcod pa'i chos rnams ni bar du gcod pa nyid do zhes bcom ldan 'das kyis rnam grangs du mar gsungs te de dag bsten na bar du gcod par 'gyur gyis/ 'chi ltas khyod sdig pa can gyi lta ba'i rnam pa 'di lta bu 'di thong shig ces gsol ba dang bzhi'i las kyis bsgo ba mdzad na/ tshe dang ldan pa gang dag dge slong 'chi ltas la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsung shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'chi ltas la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to/ /dge slong rnams kyis btsun pa bka' bzhin 'tshal zhes bcom ldan 'das las mnyan nas 'chi ltas la gsol ba dang bzhi'i las kyis bsgo'o/ /gsol ba dang bzhi'i las kyis bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyod kyis dge slong 'chi ltas sdig pa can gyi lta ba'i rnam pa mi gtong ba dang / gzhan yang de lta bu gang yin pa la smad pa'i las bya'o/ /'di ltar bya ste gnas mal bshams pa byas nas/ gaN DI brdungs te dris pa'i tshig gis dge slong rnam la yang dag par bsgo nas dge 'dun thams cad 'dug cing 'thun par gyur pa la dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes 'chi nas/ 'di la dge slong rab tu mang pos bzhams te bsgo na 'di la dge slong rab tu mang pos bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs te/ 'di la dge 'dun gyis gsol ba dang bzhi'i las kyis bsgo na/ 'di la gsol ba dang bzhi'i las kyi bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'chi ltas sdig pa can gyi lta ba'i rnam pa mi gtong ba la smad pa'i las bgyi ste/ ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang / rnam pa thams cad kyi thams cad du mi gtong ba de srid du gtam 'dre bar mi bgyi/ phebs par smra bar mi bgyi zhing dper na gdol bu bzhin du smad par bgyi zhing mchog tu smad par bgyi'o/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsung pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes 'chi nas/ 'di la dge slong rab tu mang pos bzhams te bsgo na 'di la dge slong rab tu mang pos bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs te/ 'di la dge 'dun gyis gsol ba dang bzhi'i las kyis bsgo na 'di la gsol ba dang bzhi'i las kyis bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni rdzun pa'o zhes rjes su tha snyad 'dogs na/ de'i slad du dge 'dun gyis dge slong 'chi ltas sdig pa can gyi lta ba'i rnam pa mi gtong ba la smad pa'i las bgyi ste/ ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang / rnam pa thams cad kyi thams cad du mi gtong ba de srid du gtam 'dre bar mi bgyi/ phebs par smra bar mi bgyi zhing dper na gdol bu bzhin du smad par bgyi zhing mchog tu smad par bgyi na/ tshe dang ldan pa gang dag dge slong 'chi ltas sdig pa can gyi lta ba'i rnam pa mi gtong ba la smad pa'i las bgyi zhing ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang / rnam pa thams cad kyi thams cad du mi gtong ba de srid du gtam 'dre bar mi bgyi phebs par smra bar mi bgyi zhing dper na gdol bu bzhin du smad par bgyi zhing mchog tu smad par bgyi bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'chis ltas sdig pa can gyi lta ba'i rnam pa mi gtong ba la smad pa'i phrin las mdzad cing ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang / rnam pa thams cad kyi thams cad du mi gtong ba de srid du gtam 'dre bar mi bgyi pheb par smras bar mi bgyi zhing dper na gdol bu bzhin du smad par bgyis shing mchog tu smad par bgyi lags te/ 'di ltar cang mi gsung bas de de bzhin du 'dzin to/ /dge slong rnams kyis btsun pa bka' bzhin 'tshal zhes bcom ldan 'das las mnyan nas/ dge slong 'chi ltas sdig pa can gyi lta ba'i rnam pa mi gtong ba la smad pa'i las byas zhing ji srid du dge slong 'chi ltas sdig pa can gyi lta ba'i rnam pa de lta bu de thams cad kyi thams cad dang / rnam pa thams cad kyi thams cad du mi gtong ba de srid du gtam 'dre bar mi bya/ phebs par smra bar mi bya zhing dper na gdol bu bzhin du smad par byas shing mchog tu smad par byas so/ /dge slong de dag gis dge slong 'chi ltas sdig pa can gyi lta ba'i rnam pa mi gtong ba la smad pa'i las byas shing ji srid du sdig pa can gyi lta ba'i rnam pa de lta bu de thams cad kyi thams cad dang / rnam pa thams cad kyi thams cad du mi gtong ba de srid du gtam 'dre bar mi bya/ phebs par smra bar mi bya zhing dper na gdol bu bzhin du smad par byas shing mchog tu smad par byas kyang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis 'chi ltas la rmas pa/ 'chi ltas khyod ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su 'thun pa ma yin pa rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang 'di skad ces ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer na/ dge slong de la dge slong rnams kyi 'di skad ces tshe dang ldan pa khyod ji ltar bcom ldan 'das kyis bar du gcod pa'i chos su gsung pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la bkur pa ma 'debs shig /bcom ldan 'das la bkur pas legs par mi 'gyur ro/ /bcom ldan 'das ni de skad mi gsung ngo / /tshe dang ldan pa bar du gcod pa'i chos rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis tshe dang ldan pa khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /dge slong de la dge slong rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na ltung byed do/ /yang dge slong gang zhes bya ba ni 'chi ltas sam/ gzhan yang de lta bu gang yin pa'o/ /'di skad ces shes bya ba ni 'di skad ces zer na'o/ /ji ltar bcom ldan 'das kyis bar du gcod pa'i chos su gsungs pa gang dag yin pa zhes bya ba la/ bar du gcod pa'i chos shes bya ba ni pham par 'gyur ba'i chos bzhi dang / dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum bcu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po gang dag bcom ldan 'das kyis gsungs pa dag go/ /de dag bsten kyang zhes bya ba ni de dag lhag par spyad kyang ngo / /bar du gcod par mi 'gyur te zhes bya ba ni des dge sbyong gi tshul gyi bar du gcod par mi 'gyur te zhes zer ba'o/ /de ltar bcom ldan 'das kyis zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyis 'o/ /chos zhes bya ba ni sangs rgyas kyis gsungs pa dang / nyan thos kyis bshad pa'o/ /bstan pa zhes bya ba ni rab tu bstan pa'o/ /bdag gis shes so zhes zer na zhes bya ba ni bdag gis kun shes so zhes zer na'o/ /dge slong de la zhes bya ba ni 'chi ltas la'o/ /dge slong rnams kyis shes bya ba ni chos 'di pa rnams kyis so/ /'di skad ces shes bya ba ni bzhams te bsgo ba ji skad sngar bstan pa ltar bsgo bar bya'o/ /dge slong de la dge slong rnams kyis de skad bsgo ba na zhes bya ba ni bzhams te bsgo ba na'o/ /gal te gzhi de gtong na zhes bya ba ni lta ba'i rnam pa de yongs su gtong na'o/ /de lta na legs shes bya ba ni de lta na bzang ba'o/ /gal te mi gtong na zhes bya ba ni yongs su mi gtong na'o/ /lan gnyis lan gsum du yang dag par bsgo bar bya/ yang dag par bstan par bya'o zhes bya ba ni gsol ba dang bzhi'i las kyis bsgo ba ji skad du sngar bstan pa ltar bsgo bar bya ba ste/ yang dag par bsgo ba de ni de yin/ yang dag par bstan pa de ni de yin no/ /ltung byed do zhes bya ba ni sems can dmyal ba dang / dud 'gro dang / yi dags ngan song ngam/ ngan 'gro dang / log par ltung ba dag du sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsung so/ /de la ltung bar ji ltar 'gyur zhe na/ dge slong ji tsam cung zad 'di skad ces ji ltar bcom ldan 'das kyis bar du gcod pa'i chos su gsungs pa gang dag yin pa de dag brten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer na thams cad du nyes byas su 'gyur ro/ /dge slong gis bzhams te bsgo ba na gzhi de gtong na de lta na legs/ gal te mi gtong na nyes byas su 'gyur ro/ /gsol ba dang bzhi'i las kyis bsgo ba na gzhi de gtong na de lta na legs/ gal te mi gtong na gsol ba byed pa na nyes byas su 'gyur ro/ /las brjod pa dang po brjod pa na ma rdzogs par gzhi de gtong na de lta na legs/ gal te mi gtong na rdzogs par brjod pa na nyes byas su 'gyur ro/ /las brjod pa gnyis pa brjod pa na ma rdzogs par gzhi de gtong na de lta na legs/ gal te mi gtong na rdzogs par brjod pa na nyes byas su 'gyur ro/ /las brjod pa gsum pa brjod pa na ma rdzogs par gzhi de gtong na de lta na legs/ gal te mi gtong na rdzogs par brjod pa na gal te mi 'thun pa dang chos ma yin pas sgo bar byed na ltung ba med do/ /mi 'thun pa dang chos kyis sgo bar byed na ltung ba med do/ /'thun pa dang chos ltar bcos pas sgo bar byed na ltung ba med do/ /mi 'thun pa dang chos ma yin pa ltar bcos pas sgo bar byed na ltung ba med do/ /chos ji lta ba dang / 'dul ba ji lta ba dang / ston pa'i bstan pa ji lta ba de ltar sgo bar mi byed na ltung ba med do/ /chos ji lta ba dang / 'dul ba ji lta ba dang / ston pa'i bstan pa ji lta ba de ltar 'thun pas sgo bar byed na rdzogs par brjod pa na ltung byed du 'gyur ro/ /dge slong des stan de la 'dug bzhin du 'di skad ces tshe dang ldan pa dag bdag la ltung byed kyi ltung ba byung ngo zhes brjod par bya ste/ gal te de skad brjod na de lta na legs/ gal te mi brjod na de phyin cad nas des 'chab pa'i nyes pa 'byung bar 'gyur ro/ /de bas na dge slong gis ji tsam du gzhi des ma bshags shing so sor ma bshags par gsol ba dang / gsol ba dang gnyis dang / gsol ba dang bzhi'i las nyams su myong bar byed na thams cad du nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /lta ba'i rnam pa mi gtong ba'i ltung byed de lnga bcu rtsa lnga pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /'chi ltas de gnas nas dbyung ba'i las byas pa na ngu zhing nye dga'i gan du song ba dang / nye dgas smras pa/ 'chi ltas khyod ci'i phyir ngu / 'chi ltas kyi smras pa/ lhung bzed nag po can dag gis kho bo gnas nas dbyung ba'i las byas so/ /nye dgas smras pa/ gang dag gis 'chi ltas gnas nas dbyung ba'i las byas pa de dag grong dang / grong khyer dang / ljongs dang / khams gsum nas gnas nas phyung bar gyur cig /'on kyang gnas nas dbyung ba'i las byas pa rnams la grong ngam/ grong rdal dag med dam ci/ sdod la bzod pa gsol cig ces nye dgas 'chi ltas dang lhan cig gtam 'dre bar byed/ phebs par smras bar byed/ kun du gnas par byed/ kun du longs spyod par byed cing de dang lhan cig gnas cig tu nyal bar byed do/ /dge slong don nyung ngu dag ci'i phyir dge slong dag shes bzhin du de skad zer ba'i gang zag chos bzhin du ma byas pa sdig pa can gyi lta ba'i rnam pa de ma spangs pa dang gtam 'dre bar byed/ phebs par smra bar byed/ kun tu gnas par byed/ kun du longs spyod par byed cing de dang lhan cig gnas cig tu nyal bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga' khyod shes bzhin du de skad zer ba'i gang zag chos bzhin ma byas pa sdig pa can gyi lta ba'i rnam pa de ma spangs pa dang gtam 'dre bar byed/ phebs par smra bar byed/ kun du gnas par byed/ kun du longs spyod par byed cing de dang lhan cig gnas cig tu nyal ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rungs ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyis bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang shes bzhin du de skad zer ba'i gang zag chos bzhin ma byas pa sdig pa can gyi lta ba'i rnam pa de ma spangs pa dang gtam 'dre bar byed/ phebs par smra bar byed/ kun du gnas par byed/ kun du longs spyod par byed cing de dang lhan cig gnas cig tu nyal na ltung byed do/ /yang dge slong gang zhes bya ba ni shAkya'i bu nye dga' 'am/ gzhan yang de lta bu gang yin pa'o/ / shes bzhin du zhes bya ba ni de rang nyid kyis rig par gyur pa 'am/ gzhan dag gis brjod pas so/ /de skad zer ba'i gang zag ces bya ba ni 'chi ltas so/ /chos bzhin ma byas pa zhes bya ba ni chos dang 'thun par ma byas pa'o/ / sdig pa can gyi lta ba'i rnam pa de ma spangs pa zhes bya ba ni lta ba'i rnam pa gang yin pa de'o/ /gtam 'dre bar byed ces bya ba ni lung dbog pa sbyin par byed pa'o/ /phebs par smra bar byed ces bya ba ni dmigs kyis 'dri ba sbyin par byed pa'o/ /kun du gnas par byed ces bya ba ni gnas sbyin par byed pa'o/ /kun du longs spyod par byed cing zhes bya ba ni de las bsnyen bkur bdag gir byed cing ngo / /de dang lhan cig gnas gcig tu nyal na zhes bya ba ni gnas bzhi po thams cad g.yogs shing thams cad bskor ba dang / thams cad g.yogs shing phal cher bskor ba dang / phal cher g.yogs shing thams cad bskor ba dang / phal cher g.yogs shing phal cher bskor ba dag du nyal bas skya reng 'char bar byed na'o/ /gnas thams cad g.yogs shing thams cad bskor ba ni gnas khang dang / 'khor gyi khyams dang / khang pa brtsegs pa dag go/ /thams cad g.yogs shing phal cher bskor ba ni sgo bcu pa dang / sgo bcu gnyis pa dag go/ / phal cher g.yogs shing thams cad bskor ba ni khyams ngos bzhi pa dag go/ /phal cher g.yogs shing phal cher bskor ba ni khyams ngos gsum pa dang / 'khor gyi khyams dag go/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag du sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad shes bzhin du de skad zer ba'i gang zag chos bzhin ma byas pa sdig pa can gyi lta ba'i rnam pa de ma spangs pa dang gtam 'dre bar byed na ltung byed du 'gyur ro/ /phebs par smra bar byed na ltung byed du 'gyur ro/ /kun du gnas par byed na ltung byed du 'gyur ro/ /kun du longs spyod par byed na ltung byed du 'gyur ro/ /de dang lhan cig gnas bzhi po dag du nyal bas skya reng 'char bar byed na ltung byed du 'gyur ro/ /na bar gyur pa dang / sdig pa can gyi lta ba'i rnam pa de dang dbral bar 'dod pa la ltung ba med do/ /las dang po pa dang / smyos pa dang / sems khrug pa dang / tshor ba dag gis nyen pa la ltung ba med do/ /spangs pa'i rjes su phyogs pa'i ltung byed de lnga bcu rtsa drug pa rdzogs s+ho// //'dul ba rnam par 'byed pa/ bam po lnga bcu rtsa brgyad pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /nye dga' la dge tshul tsher ma dang / chen po pa zhes bya ba gnyis shig yod de/ 'dod chags dang bral ba med pa na dge slong rnams de gnyis dang lhan cig gzhog steg byed/ 'phyar g.yeng byed/ tho 'tsham par byed/ kun du rtse bar byed/ ca co 'don par byed/ rgod pa dang / dregs pa dang / lus sgyur bar byed do/ /phyis de dag gis bsdam par bya ba'i ltung ba gang dag yin pa de dag kyang bsdam pa byas/ bshags par bya ba'i ltung ba gang dag yin pa de dag kyang bshags pa byas te/ spro bar byed/ 'bad par byed/ rtsol bar byed pa dag gis nyon mongs pa thams cad spangs pas dgra bcom pa nyid mngon sum du byas shing rdzu 'phrul yang mngon par bsgrubs so/ /dus gzhan zhig na dge tshul tsher ma dang / chen po pa gnyis me tog dag thu zhing 'khod pa na nam mkha' las dge slong dag cig rdzu 'phrul gyis 'dong ba mthong nas de gnyis kyis smras pa/ khyed cag su dag yin/ de dag gis smras pa/ kho bo cag ming 'di zhes bya ba dag yin no/ /de gnyis kyis smras pa/ khyed cag gis kho bo cag gnyis dang lhan cig 'di dang 'di lta byas so/ /de dag gis smras pa/ de lta yin mod kyi/ 'on kyang kho bo cag gis bsdam par bya ba'i ltung ba gang dag yin pa de dag kyang bsdam pa byas/ bshags par bya ba'i ltung ba gang dag yin pa de dag kyang bshags par byas spro bar byed/ 'bad par byed/ rtsol bar byed pa dag gis nyon mongs pa thams cad spangs pas dgra bcom pa nyid mngon sum du byas shing rdzu 'phrul yang mngon par bsgrubs so/ /de na dge tshul tsher ma dang / chen po pa gnyis la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge tshul tsher ma dang / chen po pa dang / gzhan yang de lta bu gang yin pa la bzhams te bsgo bar bya'o/ /'di skad ces bsgo bar bya ste/ tsher ma dang / chen po pa khyed gnyis ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ 'di ltar bcom ldan 'das kyis chos bstan pa bdag cag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /tsher ma dang / chen po pa 'dod pa bar du gcod pa rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis tsher ma dang / chen po pa khyed gnyis sdig pa can gyi lta ba'i rnam pa 'di lta bu 'di thong shig ces bsgo bar bya'o/ /dge slong rnams kyis btsun pa bka' bzhin 'tshal zhes dge tshul tsher ma dang / chen po pa gnyis la tsher ma dang / chen po pa khyed gnyis ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes de skad ces ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsungs ngo / /tsher ma dang / chen po pa 'dod pa bar du gcod pa rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyi tsher ma dang / chen po pa khyed gnyis sdig pa can gyi lta ba'i rnam pa 'di lta bu 'di thong shig ces bzhams ste bsgo'o/ /dge slong rab tu mang po dag gis dge tshul tsher ma dang / chen po pa la bzhams te bsgo na/ de gnyis la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyi dge tshul tsher ma dang / chen po pa dang / gzhan yang de lta bu gang yin pa la gsol ba dang bzhi'i las kyi sgo bar bya'o/ /'di ltar bsgo bar bya ste/ gnas mal bshams pa byas nas gaN DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa na dge tshul tsher ma dang / chen po pa gnyis thos pa'i nyen kor nas spangs te mthong ba'i nyen kor du bzhag nas de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge tshul tsher ma dang / chen po pa 'di gnyis la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes mchi nas 'di gnyis la dge slong rab tu mang pos bzhams te bsgo na 'di gnyis la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyis gzhan ni brdzun pa'o zhes rjes su tha snyad 'dogs na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge tshul tsher ma dang / chen po pa la tsher ma dang / chen po pa khyed gnyis ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes de skad ces ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /tsher ma dang / chen po pa 'dod pa rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis tsher ma dang / chen po pa khyed gnyis sdig pa can gyi lta ba'i rnam pa 'di lta bu 'di thong shig ces gsol ba dang bzhi'i las kyi bsgo ba mdzad do/ /'di ni gsol ba'o/ /de'i 'og tu dge slong gcig gis de gnyis la dge 'dun gyis gsol ba dang bzhi'i las mdzad par 'gyur ba las gsol ba mdzad lags kyis/ khyed gnyis sdig pa can gyi lta ba'i rnam pa 'di lta bu 'di thong shig ces bsgo bar bya'o/ /de skad sgo ba na gzhi de gtong na de lta na legs/ gal te mi gtong na de'i 'og tu las bya'o/ /las ni 'di ltar bya ste/ dge 'dun btsun pa rnams gsan du gsol/ dge tshul tsher ma dang / chen po pa 'di gnyis la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes mchi nas 'di gnyis la dge slong rab tu mang pos bzhams te bsgo na/ 'di gnyis la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs nas de'i slad du dge 'dun gyi dge tshul tsher ma dang / chen po pa la tsher ma dang / chen po pa khyed gnyis ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes de skad ma zer cig /bcom ldan 'das la bskur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsungs ngo / /tsher ma dang / chen po pa 'dod pa bar du gcod pa rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis tsher ma dang / chen po pa khyod gnyis sdig pa can gyi lta ba'i rnam pa 'di lta bu 'di thong shig ces gsol ba dang bzhi'i las kyis bsgo ba mdzad na/ tshe dang ldan pa gang dag dge tshul tsher ma dang / chen po pa la gsol ba dang bzhi'i las kyis bsgo ba mdzad par bzod pa de dag ni cang ma gsungs shig /gang dag mi bzod pa de dag ni gsungs shig /'di ni las brjod pa dang po'o/ /de'i 'og tu dge slong cig gis de gnyis la khyed gnyis la dge 'dun gyis gsol ba dang bzhi'i las mdzad par 'gyur ba las las brjod pa dang po yang mdzad lags kyis khyed gnyis sdig pa can gyi lta ba'i rnam pa 'di lta bu 'di thong shig ces bsgo bar bya'o/ /de skad bsgo ba na gzhi de gtong na de lta na legs/ gal te mi gtong na de'i 'og tu las brjod pa gnyis pa bya'o/ /las rjod pa gnyis pa byas nas kyang de'i 'og tu dge slong gcig gis de gnyis la dge 'dun gyis gsol ba dang bzhi'i las mdzad par 'gyur ba las las brjod pa gnyis pa yang mdzad lags kyis khyed gnyis sdig pa can gyi lta ba'i rnam pa 'di lta bu 'di thong shig ces bsgo bar bya'o/ /de skad bsgo ba na gzhi de gtong na de lta na legs/ gal te mi gtong na de'i 'og tu las rjod pa gsum pa bya'o/ /las brjod pa gsum pa byas nas kyang de'i 'og tu dge slong gcig gis de gnyis la khyed gnyis la dge 'dun gyis gsol ba dang bzhi'i las mdzad par 'gyur ba las las brjod pa gsum pa yang mdzad lags kyis/ khyed gnyis sdig pa can gyi lta ba'i rnam pa 'di lta bu 'di thong shig ces bsgo bar bya'o/ /de skad bsgo ba na gzhi de gtong na de lta na legs/ gal te mi gtong na de'i 'og tu 'jug bsdu ba bya ste/ dge 'dun gyis bzod cing gnang nas dge 'dun gyis dge tshul tsher ma dang / chen po pa la gsol ba dang bzhi'i las kyis bsgo ba mdzad lags te/ 'di ltar cang mi gsungs bas de de bzhin du 'dzin to zhes brjod par bya'o/ /dge slong rnams kyis btsun pa bka' bzhin 'tshal zhes bcom ldan 'das kyi ltar mnyan nas dge tshul tsher ma dang / chen po pa la gsol ba dang bzhi'i las kyis bsgo'o/ /dge slong rnams kyis dge tshul tsher ma dang / chen po pa la gsol ba dang bzhi'i las kyis bsgo na/ de gnyis la bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge tshul tsher ma dang / chen po pa sdig pa can gyi lta ba'i rnam pa mi gtong ba dang / gzhan yang de lta bu gang yin pa la gsol ba dang bzhi'i las kyis bsnyil ba'i las bya'o/ /'di ltar bya ste/ gnas mal bshams pa byas nas gaN DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa na dge tshul tsher ma dang / chen po pa gnyis thos pa'i nyen kor nas spangs te mthong ba'i nyin kor du bzhag nas de'i 'og tu dge slong cig gis gsol ba byas te las bya'o/ /dge 'dun btsun pa rnams gsan du gsol/ dge tshul tsher ma dang / chen po pa 'di gnyis la sdig pa can gyi lta ba'i rnam pa 'di lta bu 'di byung ste ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes 'chi nas 'di gnyis la dge slong rab tu mang pos bzhams te bsgo na 'di gnyis la dge slong rab tu mang pos bzham te bsgo yang sdig pa can gyi lta ba'i rnam pa de nyid la nan gyi mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs nas 'di gnyis la dge 'dun gyis gsol ba dang bzhi'i las kyis bsgo na/ 'di gnyis la dge 'dun gyis gsol ba dang bzhi'i las kyi bsgo yang sdig pa can gyi lta ba'i rnam pa de nyid la nan gyis mchog du bzung zhing mngon par zhen nas 'di nyid bden gyi gzhan ni brdzun pa'o/ /zhes rjes su tha snyad 'dogs na/ gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis dge tshul tsher ma dang / chen po pa sdig pa can gyi lta ba'i rnam pa mi gtong ba la deng phyin cad dge tshul khyed gnyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig /tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin phyi bzhin du yang ma 'gro shig /dge slong rnams dang dge tshul lhan cig nub gnyis tshun chad gnas cig du nyal du dbang ba gang yin pa de yang deng phyin chad khyed la med de/ mi gti mug can khyed gnyis bsnyil gyis gzhan du song shig ces bsnyil pa'i phrin las mdzad do/ /'di ni gsol ba'o/ /de'i 'og tu dge slong gcig gis de gnyis la khyed gnyis la dge 'dun gyis gsol ba dang bzhi'i las mdzad par 'gyur ba las gsol ba mdzad lags kyi khyed gnyis sdig pa can gyi lta ba'i rnam pa 'di lta bu ni thong shig ces bsgo bar bya'o/ /de skad bsgo ba na gzhi de gtong na de lta na legs/ gal te mi gtong na de'i 'og du las bya'o/ /las ni 'di ltar bya ste/ dge 'dun btsun pa rnams gsan du gsol/ dge tshul tsher ma dang / chen po pa 'di gnyis la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes 'chi nas 'di gnyis la dge slong rab du mang pos bzham te bsgo nas 'di gnyis la bzham te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs nas 'di gnyis la dge 'dun gyis gsol ba dang bzhi'i las kyis bsgo na/ 'di gnyis la dge 'dun gyis gsol ba dang bzhi'i las kyi bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs te/ de'i slad du dge 'dun gyis dge tshul tsher ma dang / chen po pa sdig pa can gyi lta ba'i rnam pa mi gtong ba la tsher ma dang chen po pa khyed gnyis deng phyin chad bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig /tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin du yang ma 'gro shig /dge slong rnams dang dge tshul lhan cig nub gnyis tshun chad gnas gcig tu nyal du dbang ba gang yin pa de yang der phyin chad khyed la med de/ mi gti mug can khyed gnyis bsnyil gyi gzhan du song shig ces bsnyil ba'i phrin las mdzad na/ tshe dang ldan pa gang dag dge tshul tsher ma dang / chen po pa sdig pa can gyi lta ba'i rnam pa mi gtong ba la bsnyil ba'i phrin las mdzad par bzod pa de dag ni cang ma gsungs shig / gang dag mi bzod pa de dag ni gsungs shig /'di ni las brjod pa dang po'o/ /de'i 'og tu dge slong cig gis de gnyis la khyed gnyis la dge 'dun gyis gsol ba dang bzhi'i las mdzad par gyur pa las las brjod pa dang po yang mdzad lags kyis/ khyed gnyis sdig pa can gyi lta ba'i rnam pa 'di lta bu thong shig ces bsgo bar bya'o/ /de skad bsgo ba na gzhi de gtong na de lta na legs/ gal te mi gtong na de'i 'og tu las brjod pa gnyis pa bya'o/ /las brjod pa gnyis pa byas nas kyang de'i 'og du dge slong gcig gis de gnyis la khyed gnyis la dge 'dun gyis gsol ba dang bzhi'i las mdzad par 'gyur ba las las brjod pa gnyis pa yang mdzad lags kyis/ khyed gnyis sdig pa can gyi lta ba'i rnam pa 'di lta bu 'di thong shig ces bsgo bar bya'o/ /de skad bsgo ba na gzhi de gtong na de lta na legs/ gal te mi gtong na de'i 'og tu las brjod pa gsum pa bya'o/ /las brjod pa gsum pa byas nas kyang de'i 'og tu dge slong gcig gis de gnyis la khyed gnyis la dge 'dun gyis gsol ba dang bzhi'i las mdzad par 'gyur ba las las brjod pa gsum pa yang mdzad lags kyis/ khyed gnyis sdig pa can gyi lta ba'i rnam pa 'di lta bu 'di thong shig ces bsgo bar bya'o/ /de skad bsgo ba na gzhi de gtong na de lta na legs/ gal te mi gtong na de'i 'og tu 'jug bsdu ba bya ste/ dge 'dun gyis bzod cing gnang nas dge 'dun gyis dge tshul tsher ma dang / chen po pa la gsol ba dang bzhi'i las kyis bsnyil ba'i phrin las mdzad lags te/ 'di ltar cang mi gsung bas de de bzhin du 'dzin to zhes brjod par bya'o/ /dge slong rnams kyis btsun pa bka' bzhin 'tshal zhes bcom ldan 'das las mnyan nas/ dge tshul tsher ma dang / chen po pa la gsol ba dang bzhi'i las kyi bsnyil ba'i las byas so/ /de gnyis bsnyil ba'i las byas pa na ngu zhing nye dga'i gan du dong ba dang / nye dgas smras pa/ tsher ma dang / chen po pa khyed gnyis ci'i phyir ngu / de gnyis kyis smras pa/ lhung bzed nag po can dag gis bdag cag gnyis bsnyil ba'i las byas so/ /nye dgas smras pa/ gang dag gis khyed gnyis bsnyil ba'i las byas pa de dag grong dang / grong khyer dang / ljongs dang / khams gsum nas bsnyil bar gyur cig 'on kyang bsnyil ba'i las byas pa dag la grong dang / grong khyer dag med dam ci/ sdod la bzod pa gsol cig ces des de gnyis nye bar 'jog par byed/ nye bar bsten par byed cing de gnyis dang lhan cig gnas gcig tu nyal bar byed do/ /dge slong don nyung ngu dag ci'i phyir dge slong dag shes bzhin du de ltar bsnyil ba'i dge tshul dag nye bar 'jog par byed/ nye bar bsten par byed cing de dag dang lhan cig gnas gcig tu nyal bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la smras pa/ nye dga' khyod shes bzhin du de ltar bsnyil ba'i dge tshul dag nye bar 'jog par byed/ nye bar sten par byed cing de dag dang lhan cig gnas gcig tu nyal ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge tshul zhig kyang 'di skad ces ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur ste/ de ltar bcom ldan 'das kyis chos bstan pa bdag gis shes so zhes zer na dge tshul de la dge slong rnams kyis 'di skad ces dge tshul khyod ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la bskur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni 'di skad mi gsung ngo / /tshe dang ldan pa dge tshul 'dod pa bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis dge tshul khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /dge tshul de la dge slong rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtang bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na dge tshul de la dge slong rnams kyis deng phyin chad dge tshul khyod bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig /tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin phyi bzhin du yang ma 'gro zhig /dge slong rnams dang dge tshul lhan cig nub gnyis tshun chad gnas cig tu nyal du dbang ba gang yin pa de yang deng phyin chad khyod la med de/ mi gti mug can khyod bsnyil gyis gzhan du song shig ces bsgo bar bya'o/ /yang dge slong gang shes bzhin du de ltar bsnyil ba'i dge tshul nye bar 'jog par byed dam nye bar bsten par byed dam/ de dang lhan cig gnas gcig tu nyal na ltung byed do/ /dge tshul zhig kyang zhes bya ba ni tsher ma dang / chen po pa 'am/ gzhan yang de lta bu gang yin pa'o/ /'di skad ces shes bya ba ni 'di skad ces zer na'o/ /ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin zhes bya ba la/ 'dod pa dag ces bya ba ni 'dod pa'i yon tan lnga po dag go/ /de dag bsten kyang zhes bya ba ni de dag lhag par spyad kyang ngo / /bar du gcod par mi 'gyur te zhes bya ba ni dge sbyong gi tshul gyi bar du gcod par mi 'gyur te zhes zer ba'o/ /de ltar bcom ldan 'das kyis zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyi'o/ /chos shes bya ba ni sangs rgyas kyis gsungs pa 'am/ nyan thos kyis bshad pa'o/ /bstan pa zhes bya ba ni rab tu bstan pa'o/ /bdag gis shes so zhes zer na zhes bya ba ni bdag gis kun shes so zhes zer na'o/ /dge tshul de la zhes bya ba ni tsher ma dang / chen po pa la'o/ /dge slong rnams kyis shes bya ba ni chos 'di pa rnams kyis so/ /'di skad ces shes bya ba ni bzhams te bsgo ba ji ltar sngar bstan pa ltar bsgo bar bya'o/ /dge tshul de la dge slong rnams kyis de skad bsgo ba na zhes bya ba ni bzhams te bsgo ba na'o/ /gal te gzhi de gtong na zhes bya ba ni lta ba'i rnam pa de yongs su gtong na'o/ /de lta na legs shes bya ba ni de lta na bzang ba'o/ / gal te mi gtong na zhes bya ba ni yongs su mi gtong na'o/ /lan gnyis lan gsum du yang dag par bsgo bar bya/ yang dag par bstan par bya'o zhes bya ba ni gsol ba dang bzhi'i las kyi bsgo ba ji ltar sngar bstan pa ltar bsgo bar bya ba ste/ yang dag par bsgo ba de ni de yin no/ /yang dag par bstan pa de ni de yin no/ /dge tshul de la zhes bya ba ni tsher ma dang / chen po pa la'o/ /dge slong rnams kyis shes bya ba ni chos 'di pa rnams so/ /deng phyin chad dge tshul khyod bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig /tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin du yang ma 'gro shig dge slong rnams dang dge tshul lhan cig nub gnyis tshun chad gnas gcig tu nyal du dbang ba gang yin pa de yang deng phyin chad khyod la med de/ mi gti mug can khyod bsnyil gyis/ gzhan du song shig ces bsgo bar bya'o zhes bya ba ni gsol ba dang bzhi'i las kyi bsnyil bar bya ba ji skad sngar bstan pa ltar bsgo bar bya'o/ /yang dge slong gang zhes bya ba ni shAkya'i bu nye dga' 'o/ /gzhan yang de lta bu gang yin pa'o/ / shes bzhin du zhes bya ba ni de rang nyid kyis rig par gyur pa 'am/ gzhan dag gis brjod pas so/ /de ltar bsnyil ba'i dge tshul zhes bya ba ni tsher ma dang / chen po pa ji lta bar ro/ /nye bar 'jog par byed ces bya ba ni gnas sbyin par byed pa'o/ /nye bar bsten par byed ces bya ba ni lhung bzed dang / chos gos dang / dra ba dang / phor bu dang / ska rags dang / lungs 'bog pa dang / klag pa dang / kha ton dang / dmigs kyi dri ba sbyin pas so/ /de dang lhan cig gnas cig tu nyal na zhes bya ba ni gnas bzhi po thams cad g.yogs shing thams cad bskor ba dang / thams cad g.yogs shing phal cher bskor ba dang / phal cher g.yog shing thams cad bskor ba dang / phal cher g.yog shing phal cher bskor ba dag du nyal bas skya reng 'char bar byed na'o/ /gnas thams cad g.yog shing thams cad bskor ba ni gnas khang dang / 'khor gyi khyams dang / khang pa brtsegs pa dag go/ /thams cad g.yogs shing phal cher bskor ba ni bsgo bcu pa dang / bsgo bcu gnyis pa dag go/ /phal cher g.yogs shing thams cad bskor ba ni khyams ngos bzhi pa dag go/ /phal cher g.yogs shing phal cher bskor ba ni khyams ngos gsum pa dang / 'khor gyi khyams dag go/ / ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag du sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad shes bzhin du de ltar bsnyil ba'i dge tshul nye bar 'jog par byed na ltung byed du 'gyur ro/ /nye bar bsten par byed na ltung byed du 'gyur ro/ /de dang lhan cig gnas gcig tu nyal na ltung byed du 'gyur ro/ /na ba dang / sdig pa can gyi lta ba'i rnam pa de dang phral bar 'dod pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bsnyil ba bsdud pa'i ltung byed de lnga bcu rtsa bdun pa rdzogs s+ho// // sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /rgyal po'i khab na klu'i rgyal po ri bo dang / yid 'ong zhes bya ba gnyis shig gnas pa de gnyis kyi mthus rgyal po'i khab kyi chu dron lnga brgya dang / 'bab chu dag dang / mtsho dag dang / lteng ka dag tu lhas dus dang dus su chu'i rgyun legs par 'beb shing lo thog kyang shin du phun sum tshogs par gyur to/ /gang gi tshe bcom ldan 'das kyis klu'i rgyal po dga' bo dang / nye dga' gnyis btul ba de'i tshe na de gnyis tshes brgyad dang / bcu bzhi dang / tshes bcwa lnga la ri rab kyi bang rim du 'ongs te/ bcom ldan 'das la bsnyen bkur byed do/ /de nas klu'i rgyal po ri bo dang / yid 'ong gnyis 'di snyam du sems te/ klu'i rgyal po dga' bo dang / nye dga' gnyis tshes brgyad dang / tshes bcu bzhi dang / bcwa lnga la ri rab kyi bang rim du 'ongs te/ bcom ldan 'das la bsnyen bkur byed na bdag cag gnyis 'di na 'khod pas bcom ldan 'das la snyen bkur ma byas kyis/ bcom ldan 'das la snyen bkur byed du 'dong ngo snyam mo/ /de nas klu'i rgyal po ri bo dang / yid 'ong gnyis bcom ldan 'das ga la ba der dong ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das kyis klu'i rgyal po ri bo dang / yid 'ong gnyis skyabs su 'gro ba dang / bslab pa'i gzhi dag la bkod do/ /gang gi tshe bcom ldan 'das kyis de gnyis skyabs su 'gro ba dang / bslab pa'i gzhi dag la bkod pa de'i tshe na de gnyis lus dang longs spyod dag gis shin du mngon par mtho bar gyur to/ /gang gi tshe de gnyis lus dang longs spyod dag gis shin tu mngon par mtho bar gyur pa de'i tshe na de gnyis kyi bsam pa/ rgya mtsho chen por 'jug tu 'dong ngo snyam nas/ de gnyis bcom ldan 'das ga la ba der dong ste phyin nas/ bcom ldan 'das kyi zhabs gnyis la mgo bos phyag 'tshal te mtha' cig tu 'khod do/ /mtha' cig tu 'khod nas bcom ldan 'das la klu'i rgyal po ri bo dang / yid 'ong gnyis kyi 'di skad ces gsol to/ /btsun pa bcom ldan 'das kyis gang gi tshe bdag cag gnyis skyabs su 'gro ba dang / bslab pa'i gzhi dag la bkod pa de'i tshe na bdag cag gnyis lus dang longs spyod dag gis shin du mngon par mtho bar gyur pas gal te bcom ldan 'das kyis gnang na bdag cag gnyis rgya tsho chen por 'jug tu mchi'o/ /bcom ldan 'das kyis bka' stsal pa/ klu'i dbang po khyed gnyis ma ga d+har byung ba'i rgyal po bzo sbyangs gzugs can snying po'i yul na gnas pa dag yin pas na ma ga d+hAr byung ba'i rgyal po bzo sbyangs gzugs can snying po la zhus shig /de gnyis kyis bsams pa/ don gyis na bcom ldan 'das kyis bdag cag gnyis rgya mtsho chen por 'jug tu 'gror ma gnang ngo snyam mo/ /de gnyis gang gi tshe mtshan mo bcom ldan 'das la bsnyen bkur byed pa de'i tshe na ni gzhal med khang pa'i cha lugs kyi bsnyen bkur byed cing / gang gi tshe nyin mo bcom ldan 'das la snyen bkur byed pa de'i tshe na ni khyim bdag gi cha lugs kyi snyen bkur byed do/ /de nas ma ga d+hAr byung ba'i rgyal po bzo sbyangs gzugs can snying po 'od ma'i tshal ka lan da ka'i gnas ga la ba der song ngo / /rgyal rigs ni mngon pa'i nga rgyal can yin pas rgyal po de la kar bsdad de mi dag pa'i mtha' can zhig la smras pa/ kwa'i nang rje song la bcom ldan 'das la su dag bsnyen bkur byed pa ltos shig /mi dag pa'i tha can des lha bka' bzhin 'tshal zhes ma ga d+hAr byung ba'i rgyal po bzo sbyangs gzug can snying po las mnyan nas bcom ldan 'das ga la ba der song ba dang / ji tsam na khyim bdag gnyis shig bcom ldan 'das la snyen bkur byed pa mthong ngo / /mthong nas kyang ma ga d+hAr byung ba'i rgyal po bzo sbyangs gzugs can snying po ga la ba der song ste phyin nas ma ga d+hAr byung ba'i rgyal po bzo sbyangs gzugs can snying po la 'di skad ces smras so/ /lha khyim bdag gnyis shig bcom ldan 'das la snyen bkur bgyid de/ de gnyis lha'i yul na gnas pa dag lags gor ma bkum mo/ /rgyal pos bsam pa/ khyim bdag de gnyis bdag gi yul na gnas pa yin pas de gnyis kyis bdag mthong na mngon du ldang bar 'gyur grangs snyams nas de bcom ldan 'das ga la ba der song ngo / /klu'i rgyal po ri bo dang / yid 'ong gnyis kyis ma ga d+hAr byung ba'i rgyal po bzo sbyangs gzugs can snying po thag ring po kho na nas mthong ngo / /mthong nas kyang de gnyis kyi bcom ldan 'das la 'di skad ces gsol to/ /btsun pa ci lags re shig dam pa'i chos la bsnyen bkur bgyi 'am/ 'on te rgyal po la bsnyen bkur bgyi/ klu'i rgyal po gnyis re shig dam pa'i chos la bsnyen bkur gyis shig /sangs rgyas bcom ldan 'das rnams ni dam pa'i chos la gus par mdzad de dgra bcom pa dag kyang chos bla mar byed do/ /de nas bcom ldan 'das kyis byung ba 'di la tshigs su bcad pa dag bka' stsal pa/ sangs rgyas gang dag 'das pa dang / /sangs rgyas gang dag ma byon dang / /sangs rgyas mya ngan sel mdzad pa/ /da ltar mang po gang bzhugs dag / thams cad dam pa'i chos la ni/ /gus par gnas gyur gnas 'gyur zhing / /de bzhin gus par gnas mdzad de/ /de ni sangs rgyas chos nyid yin/ /de phyir bdag la legs 'dod cing / /bdag nyid chen po mngon 'dod pas/ /sangs rgyas bstan pa dran byed na/ /'di la dam chos gus par bya/ /de gnyis kyis ma ga d+hAr byung ba'i rgyal po bzo sbyangs gzugs can snying po la mngon du ldang ba ma byas pa dang / rgyal po khros te bsams pa/ khyim bdag 'di gnyis bdag gi yul na gnas pa dag yin na bdag la mngon du ldang ba mi byed do snyam nas/ des bcom ldan 'das kyis zhabs gnyis la mgo bos phyag 'tshal te mtha' cig tu 'dug go/ / mtha' gcig tu 'dug nas bcom ldan 'das la ma ga d+hAr byung ba'i rgyal po bzo sbyangs gzugs can snying pos 'di skad ces gsol to/ /bcom ldan 'das chos bstan du gsol/ /de nas bcom ldan 'das kyis byung ba 'di la tshigs su cad pa dag bka' stsal pa/ rab tu dang sems med pa dang / /zhe sdang can dang 'khrugs pa yis/ /yang dag rdzogs sangs bstan pa yi/ /dam chos kun shes bya mi nus/ /gang gis nyes rtsom brtul byas shing / /rab dang med pa'i sems bsal te/ /kun nas mnar sems 'dir spong ba/ /des ni legs gsung shes par gyur/ /rgyal pos bsams pa/ khyim bdag 'di gnyis la brten nas bcom ldan 'das kyis chos mnyan pa yang rgyun dgum mo snyam mo/ / de nas ma ga d+hAr byung ba'i rgyal po bzo sbyangs gzugs can snying pos bcom ldan 'das kyis zhabs gnyis la mgo bos phyag 'tshal te/ bcom ldan 'das kyis spyan snga nas song nas des 'od ma'i tshal nas phyir byung ba na zho shes 'tsho ba rnams la bsgo ba/ gang gi tshe khyim bdag 'di gnyis bcom ldan 'das kyis spyan snga nas phyir byung bar gyur pa de'i tshe na 'di skad ces rgyal po'i zhal nas khyed gnyis nga'i yul na ma 'dug shig ces byung ngo zhes gyis shig ces smras te rgyal po song ngo / /zho shas 'tsho ba dag gis lha bka' bzhin 'tshal/ zhes rgyal po las mnyan nas de nyid du bsdad pa dang / klu'i rgyal po ri bo dang / yid 'ong gnyis bcom ldan 'das kyis zhabs la phyag 'tshal te/ bcom ldan 'das kyis spyan snga nas phyir byung nas de gnyis 'od ma'i tshal nas phyir byung ba na rgyal po'i zho shas 'tsho ba dag gis smras pa/ khyim bdag gnyis rgyal po'i zhal nas khyod gnyis nga'i yul na ma 'dug cig ces byung ngo / /de skad ces smras pa dang / klu'i rgyal po ri bo dang yid 'ong gnyis kyis bsams pa/ bdag cag gnyis yun ring po nas smon pa gang yin pa de tshegs chung ngus grub bo snyam du rig nas de nyid du chu'i 'od pa chen po kun tu rab du bskyed nas ngam grog chung ngu dag tu zhugs so/ /ngam grog chung ngu dag nas ngam grog chen po dag du zhugs so/ /ngam grog chen po dag nas chu klung chung ngu dag du zhugs s+ho/ /chu klung chung ngu dag nas chu klung chen po dag tu zhugs so/ /chu klung chen po nas rgya mtsho chen por zhugs te/ gang gi tshe de gnyis rgya mtsho chen por zhugs pa de'i tshe na lus dang longs spyod dag gis chos shin du mngon par mtho bar gyur to/ /gang gi tshe de gnyis rgya mtsho chen por zhugs pa de'i tshe na rgyal po'i khab kyis chu dron lnga brgya po dag kyang bskam par brtsams/ 'bab chu dag dang / mtsho dag dang / ldeng ka dag du yang lhas dus dang dus su chu'i rgyun legs par 'bebs par mi byed/ lo thog dag kyang shin tu rgud par gyur nas rgyal pos bsams pa/ rgyal po'i khab 'di na klu'i rgyal po ri bo dang / yid 'ong zhes bya ba gnyis shig gnas pa de gnyis kyi mthus rgyal po'i khab kyi chu dron lnga brgya dang / 'bab chu dag dang / mtsho dag dang / lting ka dag tu lhas dus dang dus su chu'i rgyun legs par 'bebs shing lo thog kyang shin du phun sum tshog par gyur na/ da ltar rgyal po'i khab kyi chu dron lnga brgya po de dag kyang bskam par brtsams/ 'bab chu dag dang mtsho dag dang / lteng ka dag tu yang lhas dus dang dus su chu'i rgyun legs par mi 'bebs/ lo thog dag kyang shin du rgud par gyur pa las na klu'i rgyal po ri bo dang / yid 'ong gnyis nyams pa 'am/ shi ba 'am/ 'bros pa 'am/ sbrul khas sdigs pas bzung ba 'am gcig tu ma gyur tam/ 'di ltar sangs rgyas bcom ldan 'das 'di thams cad mkhyen pa/ thams cad gzigs pa/ mkhyen pa dang shes bya la bla na med pa'i mnga' brnyes pa yin kyis sangs rgyas bcom ldan 'das la zhur 'gro'o snyam mo/ /de nas ma ga d+hAr byung ba'i rgyal po bzo sbyangs gzugs can snying pos bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la ma ga d+hAr byung ba'i rgyal po bzo sbyangs gzugs can snying pos 'di skad ces gsol to/ /btsun pa rgyal po'i khab 'di na klu'i rgyal po ri bo dang / yid 'ong zhes bgyi ba gnyis shig gnas pa de gnyis kyi mthus rgyal po'i khab kyi chab dron lnga brgya dang / 'bab chu dag dang / mtsho dag dang / lteng ka dag tu lhas dus dang dus su chab kyi rgyun legs par 'bebs shing lo thog dag kyang shin du phun sum tshogs par gyur na/ da ltar rgyal po'i khab kyi chab dron lnga brgya po dag kyang bskam par brtsams/ 'bab chu dag dang / mtsho dag dang / lteng ka dag tu yang lhas dus dang dus su chab kyi rgyun legs par mi 'bebs/ lo thogs dag kyang shin du rgud par gyur pa las na klu'i rgyal po ri bo dang / yid 'ong gnyis nyams pa 'am/ gum pa 'am/ bros pa 'am/ sbrul khas sdigs pas bzung ba 'am gcig tu ma gyur tam/ rgyal po chen po klu'i rgyal po ri bo dang / yid 'ong gnyis ni nyams par yang ma gyur/ shi bar yang ma gyur/ bros par yang ma gyur/ sbrul khas sdigs pas bzung bar yang ma gyur 'di ltar khyod nyid kyis bskrad do/ /btsun pa bdag gis klu'i rgyal po ri bo dang / yid 'ong gnyis mthong bar yang mi dran na bskrad par lta ga la 'gyur/ rgyal po chen po ngas khyod dran par bya'o/ /btsun pa bcom ldan 'das kyis dran par mdzad du gsol/ rgyal po chen po de'i tshe khyod kyi khyim bdag de gnyis la ji skad smras/ btsun pa bdag gis zho shas 'tsho ba dag la gang gi tshe khyim bdag 'di gnyis bcom ldan 'das kyi spyan snga nas phyir byung bar gyur pa de'i tshe na 'di skad ces rgyal po'i zhal nas khyed gnyis nga'i yul na ma 'dug shig ces byung ngo zhes gyis shig ces mchid stsal to/ /bcom ldan 'das kyis bka' stsal pa/ rgyal po chen po khyim bdag de gnyis ni klu'i rgyal po ri bo dang yid 'ong gnyis yin no/ /rgyal pos gsol pa/ btsun pa de'i tshe de gnyis gang du mchis/ rgya mtsho chen por zhugs so/ /rgyal pos gsol pa/ btsun pa bcom ldan 'das de lta na bdag gi yul ma rung bas so/ /bcom ldan 'das kyis bka' stsal pa/ rgyal po chen po khyod kyi yul ma rung bar mi 'gyur te/ 'di ltar khyod kyis de gnyis la bzod pa gsol bar bya'o/ /rgyal pos gsol pa/ btsun pa de gnyis ni rgya mtsho chen por zhugs la bdag ni 'di na mchis na bdag gis ji ltar de gnyis la bzod pa gsol bar bgyi/ bcom ldan 'das kyis bka' stsal pa/ rgyal po chen po de gnyis tshes brgyad dang / tshes bcu bzhi dang / bcwa lnga la nga'i rkang pa la phyag 'tshal du 'dir 'ong gis khyod kyang tshes brgyad dang / tshes bcu bzhi dang / bcwa lnga la 'dir shog shig dang ngas khyod la de gnyis bstan par bya'i khyod gyis bzod pa gsol cig /btsun pa ci lags/ bdag gis de gnyis kyis rkang pa gnyis la gtug par bgyi 'am/ rgyal po chen po rkang pa gnyis la gtug par mi bya ste/ 'di ltar mi ma rabs dag gi rkang pa la phyag 'tshal ba gang yin pa de ni mi gtso bo dag gi lag pa nas bzung ba yin gyis khyod kyi lag pa g.yas pa rkyong la klu'i dbang po gnyis bzod pa mdzod cig ces bzod pa gsol cig / de nas dus gzhan zhig na klu'i rgyal po ri bo dang / yid 'ong gnyis bcom ldan 'das ga la ba der dong ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /de'i tshe ma ga d+har byung ba'i rgyal po bzo sbyangs gzugs can snying po yang bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug pa dang / bcom ldan 'das kyis brda' mdzad do/ /de nas ma ga d+har byung ba'i rgyal po bzo sbyangs gzugs can snying pos lag pa g.yas pa brkyang ste smras pa/ klu'i dbang po gnyis bzod pa mdzod cig /de gnyis kyi smras pa/ rgyal po chen po bzod par bgyi'o/ / klu'i dbang po gnyis gal te bzod na bdag gi yul du tshur spyon cig /de gnyis kyis smras pa/ rgyal po chen po gang gi tshe bdag cag gnyis rgya mtsho chen por zhugs pa de'i tshe na lus dang longs spyod dag gis ches shin du mngon par mtho bar gyur pas da gal te bdag cag gnyis 'dir mchi bar gyur na 'dir bdag cag gnyis kyi go skabs nyid kyang ma mchis par 'gyur ro/ /rgyal pos smras pa/ klu'i dbang po gnyis de lta na bdag gi yul ma rung du bas so/ /de gnyis kyis smras pa/ rgyal po chen po khyod kyi yul ma rung bar mi 'gyur te/ 'di ltar khyod kyis lha khang gnyis rtsig tu stsol la gcig ni ri bo'i slad du/ cig shos ni yid 'ong gi slad du rtsig du stsol cig dang der bdag cag gnyis kyi zho shas 'tsho ba dag gzhag par bgyi'o/ /zla ba drug drug cing dus ston bgyid du stsal cig dang der bdag cag gnyis kyang rang nyid mchis nas g.yar sngar brim par bgyi'o/ /de nas ma ga d+har byung ba'i rgyal po bzo sbyangs gzugs can snying pos lha khang gnyis rtsig tu bcug ste/ gcig ni ri bo'i phyir/ cig shos ni yid 'ong gi phyir rtsig du bcug nas zla ba drug drug cing dus ston byed du bcug go/ /gang gi tshe der dus ston byung ba de'i tshe na grong khyer chen po drug po dag nas skye bo phal po che'i tshogs dag lhags te 'dug cing 'thun par gyur to/ /de nas dus gzhan zhig na rgyal po'i khab na klu'i rgyal po ri bo dang / yid 'ong gnyis kyi dus ston la bab pa dang / lho lam nas gar mkhan zhig kyang rgyal po'i khab tu 'ongs nas des bsam pa/ gang gi skye bo phal po che'i tshogs kyang mngon par dga' bar 'gyur zhing rnyed pa mang po yang 'grub par 'gyur ba'i thabs ci yod snyams nas des yang bsam pa/ gal te skyes bu gtso bo'i bsngags pa brjod na de lta na skye bo phal po che'i tshogs kyang mngon par dga' bar 'gyur zhing rnyed pa mang po yang 'grub par 'gyur ro snyam mo/ /de'i tshe na skye bo phal po che'i tshogs phal cher bcom ldan 'das la mngon par dad par gyur nas gar mkhan des bsams pa/ re shig lha dang bcas pa'i 'jig rten 'di ni bcom ldan 'das la mngon par dad pa yin pas sangs rgyas bcom ldan 'das kyis bsngags pa brjod na skye bo phal po che'i tshogs kyang mngon par dga' bar 'gyur zhing rnyed pa mang po yang 'grub par 'gyur bas bdag gis sangs rgyas bcom ldan 'das kyi bsngags pa brjod par bya'o/ /snyam nas de dga' bo'i gan du song ste smras pa/ 'phags pa gang gi tshe bcom ldan 'das byang chub sems dpa' dga' ldan gyi gnas na bzhugs pas gzigs pa lnga po rigs dang / rus dang / yul dang / dus dang / bud med la gzigs pa dag gis 'jig rten la gzigs nas 'dod pa na spyod pa'i lha drug po dag lan gsum yongs su sbyang ba bgyid du stsal te/ glang po cher snang ba bsgyur nas shes bzhin du yum gyi lhums su zhugs pa de'i tshe na sa chen po 'di shin du g.yos par gyur cing 'jig rten gyi 'jig rten gyi bar gang na nyi ma dang zla ba 'di ltar rdzu 'phrul che ba/ 'di ltar mthu che ba 'di gnyis kyi 'od dag nyams su mi myong ba'i mun pa mun nag mun par byed pas gnag par gyur pa gang dag lags pa de dag kyang de'i tshe na snang ba rgya chen pos khyab par gyur nas/ sems can gang dag der skyes pa dag gis rang gis lag pa brkyang ba yang mi mthong ba de dag gis kyang 'od des sems can gcig gis gcig mthong nas shes ldan dag sems can gzhan yang 'dir skyes so/ /shes ldan dag sems can gzhan yang 'dir skyes so zhes 'tshal bar gyur pa dang / gang gi tshe bcom ldan 'das byang chub sems dpa' zla ba bcu 'das nas yum gyi lhums nas bltam pa de'i tshe yang sa chen po shin du g.yos par gyur cing / 'jig rten gyi 'jig rten gyi bar gang na nyi ma dang zla ba 'di ltar rdzu phrul che ba 'di ltar mthu che ba 'di gnyis kyi 'od dag nyams su mi myong ba'i mun pa mun nag mun par byed pas gnag par gyur pa gang dag yin pa de dag kyang de'i tshe na snang ba rgya chen pos khyab par gyur nas sems can gang dag der skyes pa dag gis rang gis lag pa brkyang ba yang mi mthong ba de dag gis kyang 'od des sems can gcig gis gcig mthong nas shes ldan dag sems can gzhan yang 'dir skyes so/ /shes ldan dag sems can gzhan yang 'dir skyes so/ /zhes 'tshal bar gyur pa dang / gang gi gdugs la bcom ldan 'das byang chub sems dpa' bltam par gyur pa de'i gdugs la rgyal po chen po bzhi dag gis bu yang btsas par gyur te/ mnyan yod na rgyal po chen po rtsibs kyis 'phur tshangs byin gyi bu btsas nas de 'di snyam dus sems te/ bdag gi bu btsas pa na 'jig rten gsal ba gsal ba ltar snang bas gzhon nu 'di'i ming gsal rgyal du gdags so snyam nas bu de'i ming gsal rgyal zhes bgyi bar btags pa dang / rgyal po'i khab na rgyal po pad ma chen po'i bu btsas nas de 'di snyam du sems te/ bdag gi bu btsas pa na 'jig rten nyi ma'i gzugs shar ba ltar snang zhing 'di btsun mo gzugs can gyi bu yin pas gzhon nu 'di'i ming gzugs can snying por gdags so snyams nas bu de'i ming gzugs can snying po zhes bgyi bar btags pa dang / kau sham+bI na rgyal po chen po dmag brgya pa'i bu btsas nas de 'di snyam du sems te/ bdag gi bu btsas pa na 'jig rten nyi ma shar ba ltar snang bar gyur pas gzhon nu 'di'i ming shar bar gdags so snyam nas bu de'i ming shar ba zhes bgyi bar btags pa dang / 'phags rgyal na rgyal po chen po mu khyud mtha' yas kyi bu btsas nas de 'di snyam du sems te/ bdag gi bu btsas pa na 'jig rten rab tu snang bar gyur pas bu 'di'i ming rab snang zhes bya bar gdags so/ /snyam nas bu de'i ming rab snang zhes bgyi bar btags pa dang / gang gi tshe gdugs la bcom ldan 'das byang chub sems dpa' bltam pa de nyid kyi gdugs la shAkya gzhon nu bzang ldan la sogs pa lnga brgya dang / bsnyen bkur ba 'dun byed la sogs pa lnga brgya yang btsas/ rta rgod ma lnga brgya las kyang rte'u bsngags ldan la sogs pa lnga brgya 'brangs lha rnams kyi kyang gter lnga brgya nye bar bstan pa dang / bcom ldan 'das byang chub sems dpa' de bram zes bltas pa dang / mtshan mkhan dag gis lung bstan pa/ gal te gzhon nu pho brang gi nang na bzhugs par gyur na 'khor los bsgyur ba'i rgyal po mtha' bzhir rgyal ba/ chos kyi rgyal po/ chos dang ldan pa/ rin po che sna bdun dang ldan par 'gyur te/ de'i rin po che sna bdun po de dag ni 'di lta bur 'gyur te/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / dmag dpon rin po che nyid ni bdun pa yin no/ /'di la bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'jom pa stong tshang ba yod par 'gyur ro/ /de rgya mtsho la thug pa'i sa chen po ma lus pa gnod par sdo ba med cing 'tshe ba med pa 'di nyid chad pa med cing mtshon gyis bda' ba med la/ chos dang 'thun zhing snyoms pas legs par phab ste gnas par 'gyur ro/ / gal te skra dang kha spu breg te gos ngur smrig dag bgos nas yang dag pa kho nar dad pas khyim nas khyim med par rab tu byung na ni de bzhin gshegs pa dgra bcom pa yang dag par rdzogs pa'i sangs rgyas 'jin rten du rnam par grags pa'i sgra dang ldan par 'gyur ro zhes lung bstan pa dang / gang gi tshe bcom ldan 'das byang chub sems dpa' 'jig rten du byung ba de'i tshe na thams cad du gangs ri'i ngos dang nye ba chu klung skal ldan shing rta'i 'gram drang srong ser skya'i bsti gnas dang ha cang mi ring bar shAkya rnams kyi gzhon nu byung ste/ de bram zes ltas pa dang / mtshan mkhan dag gis de skad lung bstan to zhes sgra grags par gyur pa dang / nyi 'og gi khams kyi rgyal po dag gis kyang gang ri'i ngos dang nye ba chu klung skal ldan shing rta'i 'gram drang srong ser skya'i bsti gnas dang ha cang mi ring bar shAkya rnam kyi gzhon nu 'gyur ste/ de bram zes bltas pa dang / mtshan mkhan dag gis de skad lung bstan to zhes thos pa dang / thos nas kyang nyi 'og gi khams kyi rgyal po de dag 'di snyam du sems te/ de nas gzhon nu bsten na dus su 'bras bu ster bar 'gyur bas gang bsten na gzhon nu bsten par 'gyur snyam nas de dag gis bsams pa/ rgyal po zas gtsang bsten par bya ste de bsten na gzhon nu bsten par 'gyur ro snyam nas de dag gis rgyal po zas gtsang bsten par brtsams te/ dus dang 'thun pa'i dus su pho nya dang dkor sgrom dag gtong zhing bkur bar bgyid pa dang / de nas rgyal po zas gtsang 'di snyam du sems te/ bdag gi bu btsas pa na don thams cad dang las kyi mtha' thams cad grub pas de'i phyir gzhon nu 'di'i ming don thams cad grub pa zhes bya bar gdags so snyam nas de'i mtshan don thams cad grub pa zhes bgyi bar gsol pa dang / shAkya rnams kyi lha gnod sbyin shAkya spel ba zhes bya ba la phyag 'tshal du khrid pa na shAkya de thub cing des phyag byas pas shAkya thub pa zhes bgyi ba dang / lha'i yang lha zhes bgyi bar mtshan gsol ba dang / gang gi tshe bcom ldan 'das byang chub sems dpa' sku chen por 'khrungs pa'i tshe rig pa'i gnas thams cad kyi mthar byon cing gzhon nu rol pa'i nang na rol par gyur pa dang / rgan po dang / nad pa dang / shi ba gzigs nas thugs byung ste/ nags kyi nang du gshegs te lo drug du dka' ba spyad pa dang / de'i tshe rgyal po zas gtsang dang / shAkya legs par rab rtogs kyi bka' mchid gsol ba'i mi nyis brgya lnga bcu nyis brgya lnga bcu bkye ste/ de dag gis nyi ma re re zhing bcom ldan 'das byang chub sems dpa'i bka' mchid 'tshal te mchi ba dang / gang gi tshe bcom ldan 'das byang chub sems dpa' lo drug du dka' ba spyad de/ dka' ba spyad pa ci yang med par rig nas ci bder dbugs rngub par mdzad/ ci bder dbugs 'byin par mdzad cing 'bras chan dang / zan dron la sogs pa zhal zas rgya chen po dag kyang gsol bar mdzad/ zhun mar dang / 'bru mar dag gis sku dag kyang skud par mdzad cing chab dron pos kyang sku bsil bar mdzad pa dang / grong sde 'dong du gshegs nas grong ba'i bu mo dga' mo dang / dga' stobs ma gnyis las kyang lan bcu drug bzlas pa'i 'o ma sbrang rtsi dang bsres pa gsol te/ klu'i rgyal po nag pos mngon par bstod pa na rtswa bkra shis 'tshong ba las rtswa gser gyi mdog lta bu dag bzhes nas byang chub kyi gzhi ga la ba der gshegs te byon nas nyid kyis rtswa ma 'khrugs pa'i gdan bshams nas/ skyil mo dkrung bcas te sku drang por bsrangs nas dran pa phyogs par bzhag ste bzhugs nas/ ji srid zag med ma thob par/ /de srid skyil dkrung gzhig mi bya zhes thugs bskyed cing gsung brjod pa dang / gang gi tshe bcom ldan 'das kyis mtshan mo'i gung thun la bdud 'byung po dung phyur phrag gsum dang / bye ba phrag drug gi 'khor dang ldan pa byams pa'i stobs kyis mngon par btul te bla na med pa yang dag par rdzogs pa'i byang chub ji ltar mngon par rdzogs par sangs rgyas pa rgya cher bstan du gsol/ dga' bos smras pa/ des khyod la ci bya/ gar mkhan gyis smras pa/ 'phags pa gar thabs sbyar bar bgyi'o/ /dga' bos smras pa/ bkren pa khyod kho bo cag gis ston pa ltar 'chos sam/ mi smras phar song shig / de nas gar mkhan de nye dga'i gan du song te de skad dris nas des kyang de skad lan btab bo/ /de nas 'gro mgyogs dang / nab so dang / 'dun pa dang / 'char ka dag gis gan du rim gyis song ste de skad dris na/ de dag thams cad kyis kyang so so nas de skad lan btab ste ma bstan to/ /de nas gar mkhan de dge slong ma bcu gnyis sde dag gi gan du song ste dang por dge slong ma sbom dga' mo la de skad ces dris pa dang / sbom dga' mos smras pa/ des khyod la ci bya/ gar mkhan gyis smras pa/ gar thabs sbyar bar bgyi'o/ /kho mo la bca' ba'i rin sbyin nam gsol lo/ /sbom dga' mo de mang du thos pa/ sde snod gsum dang ldan pa/ rigs pa dang grol ba'i spobs pa can yin pas des de la gang gi tshe bcom ldan 'das byang chub sems dpa' dga' ldan gyi gnas na bzhugs pas gzigs pa lnga po rigs dang / rus dang / yul dang / dus dang / bud med la gzigs pa dag gis 'jig rten la gzigs nas 'dod pa na spyod pa'i lha drug po dag lan gsum yongs su sbyang ba byed du bcug te glang po cher snang ba bsgyur nas shes bzhin du yum gyi lhums su bzhugs pa de'i tshe na sa chen po shin du g.yos par gyur cing 'jig rten gyi bar gang na nyi ma dang zla ba 'di ltar rdzu 'phrul che ba/ 'di ltar mthu che ba 'di gnyis kyi 'od dag nyams su mi myong ba'i mun pa mun nag mun par byed pas gnag par gyur pa gang dag yin pa de dag kyang de'i tshe na snang ba rgya chen pos khyab par gyur nas/ sems can gang dag der skyes pa dag gis rang gi lag pa brkyang ba yang mi mthong ba de dag gis kyang 'od des sems can gcig gis gcig mthong nas shes ldan dag sems can gzhan yang 'dir skyes so/ / shes ldan dag sems can gzhan yang 'dir skyes so zhes shes par gyur pa nas gang gi tshe bcom ldan 'das kyi mtshan mo'i gung thun la bdud 'byung po dung phyur phrag gsum dang / bye ba phrag drug gi 'khor dang ldan pa byams pa'i stobs kyis mngon par btul ste/ bla na med pa yang dag par rdzogs pa'i byang chub ji ltar mngon par rdzogs par sangs rgyas pa'i bar dag mngon par 'byung ba'i mdo las rgya cher ji skad gsungs pa bzhin thams cad rgyas par bstan to/ /de nas gar mkhan des gar thabs sbyar nas yang bsam pa/ bdag gis 'dis skye bo phal po che'i tshogs dad pa dang ldan pa rnams ni dad pa spel bar nus na gang gis ma dad pa dag kyang dad pa skye bar 'gyur ba'i thabs ci yod snyam nas/ de dge slong drug sde dag la snying na bas glan ka tshol zhing de dag gi phyi bzhin phyi bzhin rjes su 'brang zhing song ba dang / ji tsam na tshe dang ldan pa 'dun pa zas zos zin zhing spangs pas bca' ba dang / bza' ba bsod pa zhig rnyed cing de za bar 'dod nas des lag pa gnyis bsnyal te bca' ba dang / bza' ba bsod pa de byin len byas nas tshe dang ldan pa 'char ka zan za ba na 'dun pas de'i mdun du tsog pur 'dug ste smras pa/ btsun pa 'char ka dgongs su gsol/ bdag dge slong 'dun pa zhes bgyi ba 'tshal ma 'tshal lags shing spangs te yongs su rdzogs shing mthar thug par bgyis pa las bca' ba dang / bza' ba rnyed cing 'tshal bar 'tshal na lhag bor bgyi te bdag la stsal du gsol/ 'char kas de las kham gnyis sam gsum zos nas khyod kyir gyur gyis bzhud cig /ces smras pa gar mkhan des mthong nas des bsams pa/ bdag gis 'dis ma dad pa dag kyang dad par 'gyur bar nus so snyam nas de nas phyir song ngo // //'dul ba rnam par 'byed pa/ bam po lnga bcu rtsa dgu pa/ de nas gar mkhan des rgyal po'i khab tu klu'i rgyal po ri bo dang / yid 'ong gnyis kyi dus ston brtsams pa de'i nyin mo bla re bres te rdza rnga chen po brdungs pa dang / skye bo phal po che'i tshogs der lhag te 'dug cing 'thun par gyur pa'i tshe des gang gi tshe bcom ldan 'das byang chub sems dpa' dga' ldan gyis gnas na bzhugs pas gzigs pa lnga po rigs dang / rus dang / yul dang / dus dang / bud med la gzigs pa dag gis 'jig rten la gzigs nas 'dod pa na spyod pa'i lha drug po dag lan gsum yongs su sbyang ba byed du bcug ste/ glang po cher snang ba bsgyur nas shes bzhin du yum gyi lhums su zhugs pa de'i tshe na sa chen po shin du g.yos par gyur cing 'jig rten gyi 'jig rten gyi bar gang na nyi ma dang zla ba 'di ltar rdzu 'phrul che ba 'di ltar mthu che ba 'di gnyis kyi 'od dag nyams su mi myong ba'i mun pa mun nag mun par byed pas gnag par gyur pa gang dag yin pa de dag kyang de'i tshe na snang ba rgya chen pos khyab par gyur nas/ sems can gang dag der skyes pa dag gis rang gi lag pa brkyang ba yang mi mthong ba de dag gis kyang 'od des sems can gcig gis gcig mthong nas shes ldan dag sems can gzhan yang 'dir skyes so/ /shes ldan dag sems can gzhan yang 'dir skyes so zhes shes par gyur pa nas/ gang gi tshe bcom ldan 'das kyis mtshan mo'i gung thun la bdud 'byung po dung phyur phrag gsum dang / bye ba phrag drug gi 'khor dang ldan pa byams pa'i stobs kyis mngon par btul te bla na med pa yang dag par rdzogs pa'i byang chub ji ltar mngon par rdzogs par sangs rgyas pa'i bar dag mngon par 'gyur ba'i mdo las rgya cher ji skad gsungs pa dang 'dra bar de ltar bcos pa thams cad gar thabs su rgya cher sbyar te gar byed pa dang / skye bo phal po che'i tshogs dad pa dang ldan pa dag dad pa mngon par 'phel bar gyur nas e ma'o gar byas so/ /e ma'o gar byas so zhes zer zhing gar mkhan des kyang rnyed pa mang po grub par gyur to/ /de nas gar mkhan des yang bsams pa/ bdag gis skye bo phal po che'i tshogs dad pa dang ldan pa dag ni dad pa mngon par 'phel bar byas zin gyis/ da ni ma dad pa dag kyang dad par 'gyur bar bya'o snyam nas de'i 'og du gar mkhan gcig gis 'char ka'i cha lugs su byas shing gar mkhan cig shos kyis 'dun pa'i cha lugs su byas te des kham phor thal bas bkang nas steng du bu ram gyi dum bu gnyis sam gsum bzhag ste 'char ka'i cha lugs can zan za ba'i mdun du tsog pur 'dug ste smras pa btsun pa 'char ka dgongs su gsol/ bdag dge slong 'dun pa zhes bgyi ba 'tshal ma 'tshal shing spangs te yongs su rdzogs shing mthar thug par bgyi ba las bca' ba dang / bza' ba rnyed cing 'tshal bar 'tshal na lhag bor bgyis te bdag la stsal du gsol/ 'char ka'i cha lugs can des de nas bu ram gyi dum bu gnyis sam gsum po dag blangs te zos nas kham phor gyi thal ba 'dun pa'i cha lugs can gyis mgo'i steng du gtor te khyod kyir gyur gyis bzhud cig ces smras pa dang / skye bo phal po che'i tshogs thams cad gyis ha ha zhes gad mo'i sgra chen po phyung ste/ ma dad pa dag kyang dad pa mngon par 'phel bar gyur nas e ma'o smyon thabs byas so/ /e ma'o smyon thabs byas so zhes zer zhing gar mkhan des kyang rnyed pa mang po grub par gyur to/ /de na skye bo phal po che'i tshogs dad pa dang ldan pa dag ni shes ldan dag ltos shig /gar mkhan 'dis gang gi tshe bcom ldan 'das byang chub sems dpa' dga' ldan gyi gnas na bzhugs pas gzigs pa lnga po rigs dang / rus dang yul dang / dus dang / bud med la gzigs pa dag gis 'jig rten la gzigs nas 'dod pa na spyod pa'i lha drug po dag lan gsum yongs su sbyang ba byed tu bcug te glang po cher snang ba bsgyur nas shes bzhin du yum gyi lhums su zhugs pa de'i tshe na sa chen po shin du g.yos par gyur cing 'jigs rten gyi 'jig rten gyi bar gang na nyi ma dang zla ba 'di ltar rdzu 'phrul che ba/ 'di ltar mthu che ba 'di gnyis kyi 'od dag nyams su mi myong ba'i mun pa mun nag mun par byed pas gnag par gyur pa gang dag yin pa de dag kyang de'i tshe na snang ba rgya chen pos khyab par gyur nas sems can gang dag der skyes pa dag gis rang gi lag pa brkyang ba yang mi mthong ba de dag gis kyang 'od des sems can gcig gis gcig mthong nas shes ldan dag sems can gzhan yang 'dir skyes so/ /shes ldan dag sems can gzhan yang 'dir skyes so zhes shes par gyur pa nas/ gang gi tshe bcom ldan 'das kyi mtshan mo'i gung thun la bdud 'byung po dung phyur phrag gsum dang / bye ba phrag drug gi 'khor dang ldan pa byams pa'i stobs kyis mngon par btul te bla na med pa yang dag par rdzogs pa'i byang chub ji ltar mngon par rdzogs par sangs rgyas pa'i bar dag mngon par 'byung ba'i mdo las rgya cher ji skad gsungs pa dang 'dra bar de ltar bcos pa thams cad gar thabs su rgya cher sbyar te gar byas so zhes zer zhing dad pa mngon par 'phel bar gyur to/ /skye bo phal po che'i tshogs ma dad pa dag kyang shes ldan dag ltos shig /gar mkhan 'dis dge sbyong hral po drug sde dag mi byed dgu byed pa de ltar bcos pa thams cad smyon thabs su rgya cher sbyar te bzhad gad byed do zhes dad pa mngon par 'phel bar gyur to/ /ji tsam na mthar gyis drug sde dag gis gar mkhan des bdag cag ltar bcos shes grag go zhes thos nas de dag gis smras pa/ bdag cag gis gar mkhan de mi dga' bar byas sring mo dag gi gan du gros byed du 'dong ngo zhes de dag dge slong ma bcu gnyis sde dag gi gan du dong nas smras pa/ sring mo dag bdag cag gis bcom ldan 'das byang chub sems dpa'i spyod pa la 'jug pa na sgra mi snyan zhes bya ba'i gar thabs byas pa gang yin pa de las cung zad ci dran pa bgro'o zhes de rnams de dag dang lhan cig /skyed mos tshal du dong ste bgro bar brtsams pa dang / ji tsam na cung zad kyang ma brjed nas de dag gis rgyal po'i pho brang nas rgyan dang cha lug blangs te gar mkhan de dang ha cang thag mi ring bar bla re bres nas nye dga' mgo ras kyis dkris te rdza rnga chen po brdungs pa dang / gar la lta ba dang de'i nang nas skye bo phal po che'i tshogs phyir byung ste der lhags so/ /gar mkhan de yang der song ba dang / ji tsam na lha'i gar thabs lta bu mthong nas des bsams pa/ 'di dag lha dag gar byed pa yin nam/ 'on te klu dag gam/ 'on te gnod sbyin dag gam/ dri za dag gam/ mi 'am ci dag gam/ lto 'phye chen po dag gar byed pa yin snyam du rig nas ya mtshan skyes par gyur to/ /drug sde dag gis kyang gar byas nas cha byad brtul te dong ba dang / gar mkhan des bsams pa/ 'di dag su zhig yin snyam nas de dag gi phyi bzhin 'brang zhing song ba dang / ji tsam na de dag 'od ma'i tshal du zhugs nas gar mkhan des skor bsdad pa dang / ji tsam na 'char ka rna ba bab las bskus bzhin du sgor byung nas gar mkhan des de la smras pa/ 'phags pa gar de khyod kyis bgyis sam/ 'char kas smras pa/ kho bo cag gis khyod de ltar mi dga' bar bya'o/ / bkren pa khyod kho bo cag kho na'i sgyu rtsal gyis nye bar 'tsho la/ kho bo cag nyid ltar 'chos pas khyod gang dang gang du gar byed pa de dang der kho bo cag dong la khyod la tho brtsam par byas so/ /kho bo cag gis rdza rnga chen po dang cha spyad gzhan yang ci yang bkur mi dgos par 'ong ngo / /gar mkhan des smras pa/ 'phags pa de ni bdag cag gis 'tsho ba lags kyis bzod pa mdzod cig /'char kas smras pa/ gal te khyod kyi rnyed pa ci rnyed pa de dag thams cad kho bo cag la byin na bzod par bya'o/ /des bsams pa/ 'di dag yang dang yang du tho 'tsham par 'gyur gyis sbyin no snyam nas des rnyed pa thams cad de dag la byin nas sems khongs su chud cing 'dug go/ /ji tsam na de'i chung po grogs 'ongs nas des de la dris pa/ grogs po khyod ci'i phyir sems khongs su chud cing 'dug /des smras pa/ kho bo chad pas bcad do/ /sus/ shAkya'i bu'i dge sbyong dag gis so ci'i phyir/ des skabs de rgyas par rjod pa dang / de shAkya'i bu'i dge sbyong rnams kyi dge sbyong gi tshul ni tshig go/ /bram ze'i tshul ni tshig ste/ 'di ltar gar mkhan dag la yang chad pas gcod par byed do zhes smod par byed/ phyar ka gtong bar byed/ kha zer bar byed nas dge slong don nyung ngu dag ci'i phyir dge slong dag mi mdzes pa de lta bu byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das 'di snyam du dgongs te/ nyes dmig gang cung zad byung ba de ni dge slong dag khyim pa'i gos gyon pa las gyur pas de'i phyir dge slong gis khyim pa'i gos bgo bar mi bya'o snyam du dgongs nas/ de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la smras pa/ dge slong dag khyed kyis mi mdzes pa de lta bu de byas pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grang du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nga'i nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyi 'dul ba la bslab pa'i gzhi 'di ltar gdon par bya ste/ dge slong gis gos sar pa zhig rnyed na kha bsgyur ba gsum po sngon po 'am/ dmar po 'am/ ngur smrig las gang yang rung bar kha bsgyur bar bya'o/ /gal te dge slong gis gos sar pa kha bsgyur ba gsum po sngon po 'am/ dmar po 'am/ ngur smrig las gang yang rung bar kha ma bsgyur bar spyod na ltung byed do/ /de la dge slong gis zhes bya ba ni drug sdes so/ /gos shes bya ba ni bdun po bal gos dang / sha na'i gos dang / zar ma'i gos dang / du gu la'i gos dang / ko tam pa'i gos dang / ras bal gyi gos dang / nyi 'og gi gos las gang yang rung ba'o/ /sar pa zhig ces bya ba ni sar pa gnyis te gsar pas sar pa dang / rnyed pas gsar pa ste/ don 'dir ni gsar pas sar pa yin par dgongs so/ /rnyed na zhes bya ba ni gzhan las so/ /kha bsgyur ba gsum po sngon po 'am/ dmar po 'am/ ngur smrig las gang yang rung ba zhes bya ba la/ sngon po zhes bya ba ni rams so/ /dmar po zhes bya ba ni btsag go/ /ngur smrig ces bya ba ni shing shun no/ /kha bsgyur bar bya'o zhes bya ba ni kha dog ngan par bya ba'o/ /gal te dge slong gis gos sar pa kha sgyur ba gsum po sngon po 'am/ dmar po 'am/ ngur smrig las gang yang rung bar kha ma bsgyur bar spyod na zhes bya ba ni gyon na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad gos sar pa zhig rnyed na tha na lhung bzed kyi kha g.yogs kyang rung ste/ kha bsgyur ba gsum po sngon po 'am/ dmar po 'am/ ngur smrig las gang yang rung bar kha bsgyur bar bya'o/ /gal te dge slong gis gos sar pa kha bsgyur ba gsum po sngon po 'am/ dmar po 'am/ ngur smrig las gang yang rung bar kha ma bsgyur bar spyod na thams cad du ltung byed du 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /kha ma bsgyur ba'i gos gyon pa'i ltung byed de lnga bcu rtsa brgyad pa rdzogs so// // bar sdom la bya rgod phung po 'phong dang ni/ /rol mo lid tsa chen po dang / /sil snyan ri dgas 'dzin ma yi/ /sde tshan yang dag bsdus pa yin/ / sangs rgyas bcom ldan 'das rgyal po'i khab na bya rgod phung po'i ri la bzhugs so/ /de nas bcom ldan 'das snga dro sham thabs gsol/ lhung bzed dang / chos gos bsnams te/ bya rgod kyi phung po'i ri las babs nas slad bzhin 'brang ba'i dge sbyong tshe dang ldan pa kun dga' bo dang rgyal po'i khab tu bsod snyoms la gshegs pa dang / bcom ldan 'das kyis bskal pa dang po'i mi rnams kyis gter sbas pa lhas char phab pas phyogs der chu'i 'od pa bab cing de yang lam lam lam 'bar zhing 'dug pa gzigs so/ /gzigs nas kyang tshe dang ldan pa kun dga' bo la bka' stsal pa/ kun dga' bo sbrul dug myur du khyab par byed pa yin no/ /bcom ldan 'das sbrul dug drag po lags so/ /kun dga' bo sbrul dug myur du khyab par bya ba yin no/ /bde bar gshegs pa sbrul dug drag po lags so/ /de na ha cang thag mi ring ba na mi 'bras bu dang rtsa ba thu ba zhig 'dug pa des de thos nas des bsams pa/ bdag gis sbrul dug myur du khyab par byed pa ni mthong na sbrul dug drag po ni ma mthong bas/ shAkya'i bu'i dge sbyong rnams kyi sbrul dug drag po ci 'dra/ bdag kyang phyogs 'dir nyin mtshan du rgyu bas bdag sbrul dug drag pos zin par gyur na mi rung gis ji ltar 'gro'o snyam nas de der song ba dang / ji tsam na gter zhig lam lam lam 'bar zhing 'dug pa mthong nas des bsams pa/ shAkya'i bu'i dge sbyong rnams kyi sbrul dug drag po ni mdzes pa yin no/ /shAkya'i bu'i dge sbyong rnams kyi sbrul dug drag po ni shin du bzang ba yin te/ 'di ltar sbrul dug drag po 'di lta bus ni pha dang ma sdug pa yang zin kyang sla'o/ /bu dang / chung ma dang / bran mo dang / las mi dang / zho shas 'tsho ba dang / mdza' bshes dang / blon po dang / nye du dang / snag gi gnyen mtshams sdug pa yang zin kyang bla'o snyams nas mi des gter de lo ma'i chun po dag gis g.yog te/ khad kyis khad kyis rim gyis rang gi khyim du bskyas so/ /gang gi tshe lus 'phags ma'i bu ma ga d+har byung ba'i rgyal po ma skyes dgra sdig pa'i grogs po lha sbyin gyis nye bar bskor bas pha chos dang ldan pa chos kyis rgyal po gzugs can snying po srog dang phral te/ rang nyid cod pan bcings nas rgyal srid kyi dbang phyug gi bdag por bzhag pa de'i tshe na des zho shas 'tsho ba rnams la bsgo ba/ shes ldan dag song la gang la 'du ba ni ci yod/ 'god pa ni ci yod/ gang ni ci zhig gis 'tsho bar byed pa dag ltos shig /de nas zho shas 'tsho ba'i mi de dag gis lha bka' bzhin 'tshal zhes lus 'phags ma'i bu ma ga d+har byung ba'i rgyal po ma skyes dgra las mnyan nas/ rgyal po'i zho shas 'tsho ba'i mi de dag gis phyogs su byul ba na mi de khyim gyi 'byor pa dag byed pa mthong nas de dag gis de la smras pa/ kye nang rje dbul po rtsa ba dang 'bras bu thu ba rtsa ba dang 'bras bu dag btsongs shing 'tsho ba dag sbyor bar byed pa yin na khyod kyi khyim gyis 'byor pa 'di ga las 'ong / khyod kyis gter ma rnyed dam/ des smras pa/ bdag gis gter ma rnyed de/ bdag nyid la 'byor pa 'di lta bu dag yod mod kyis sngan chad ni rgyal po chos dang mi ldan pa byung ba de'i phyir bdag gis ma phyung ngo / /da ni rgyal po chos dang ldan pa byung bas/ de'i phyir bdag gis khyim gyi 'byor pa byed de rgyal po gzugs can snying po la pho brang 'khor dang ljongs kyi mi dag rjes su dga' bar zad kyi de chos dang ldan pa ma yin no/ /rgyal po ma skyes dgra la ni pho brang 'khor dang ljongs kyi mi dag rjes su mi dga' yang de chos dang ldan pa'i rgyal po yin no/ /de dag gis smras pa/ kye nang rje rgyal po gzugs can snying po chos dang ldan pa ma yin na gang chos dang ldan pa de chos dang ldan pa ma yin par gyur la/ pha gsod pa gang yin pa de chos dang ldan par gyur tam/ khyod kyis kho bo cag su yin shes sam/ des smras pa/ shes te rgyal po'i zho shas 'tsho ba dag yin pas khyed kyi mig gis rgyal po mthong ngo / /de dag gis smras pa/ kye nang rje kho bo cag brdzun gyis ma bslu shig /khyod kyis gter rnyed kyi phyed ni khyed khyer la phyed ni kho bo cag la byin cig /des smras pa/ kho bos gter ma rnyed de/ 'di ni kho bo nyid kyi yin mod kyi 'on kyang sum cha sbyin gyi kha rog par dengs shig /de dag gis de spyos te lag pa gnyis phying ka log tu bcings nas gnya' zungs rgyud mos rgyal po'i drung du khrid de smras pa/ lha mi 'dis gter rnyed do/ /rgyal pos smras pa/ kwa'i nang rje nga su yin shes sam/ lha 'tshal te 'jig rten skyong ba bzhi ni 'jig rten skyong bar bgyid pa lags/ khyod ni rgyal po rgyal rigs spyi bor dbang bskur ba 'jig rten skyong ba lnga pa lags te skye dgu skyong bar mdzad pa lags so/ /kwa'i nang rje khyod kyis gter rnyed kyi nga la brdzun gyi ma bslu bar bden pa smros la phyed ni khyod khyer cig / phyed ni nga la byin cig /lha bdag gis gter ma rnyed do/ /kwa'i nang rje khyod kyis gter rnyed kyis sum cha nga la byin cig /lha bdag gis gter ma rnyed do/ /rgyal po khros te blon po rnams la smras pa/ shes ldan dag gang gi rgyal po rgyal rigs spyi bor dbang bskur ba'i bka' lan gsum gyi bar du bcag pa de la chad pa ci yod/ de dag gis smras pa/ lha dgum pa la thug pa'i chad pa mchis so/ /rgyal pos smras pa/ shes ldan dag ngas mi 'di yongs su btang gis/ 'di'i nye du rnams kyang phyag sbal du chug la/ 'di'i nor thams cad kyang rgyal po'i pho brang du phul cig /de nas blon po rnams kyi lha bka' bzhin 'tshal zhes lus 'phags ma'i bu ma ga d+har byung ba'i rgyal po ma skyes dgra las mnyan nas mi de'i nye du rnams kyang btson rar bcug /de'i nor thams cad kyang rgyal po'i pho brang du phul/ mi de nyid kyang mi gos sngon po gyon pa lag na ral gri thogs pa dag gis kar bi ra'i me tog dmar po dag gis mgrin pa bcings te gsad sar khrid pa dang / mi de byung rgyal du smras pa/ kun dga' bo sbrul dug myur du khyab par byed pa yin no/ /bcom ldan 'das sbrul dug drag po lags so/ /kun dga' bo sbrul dug myur du khyab par byed pa yin no bde bar gshegs pa sbrul dug drag po lags so/ /rgyal po de'i chos nyid ni gsad par bya ba'i mi gang gzhan dris pa la lan gzhan 'debs par byed de/ ji srid du rgyal po la ma zhus kyi bar du re shig gsod par mi byed pas blon po rnams kyis rgyal po la smras pa/ lha mi de gzhan dris na lan gzhan 'debs par bgyid do/ /rgyal pos smras pa/ khrid de shog shig /blon po rnams kyis khrid de song nas/ rgyal pos dris pa/ kwa'i nang rje khyod ci zer/ des smras pa/ kun dga' bo sbrul dug myur du khyab par byed pa yin no/ /bcom ldan 'das sbrul dug drag po lags so/ /kun dga' bo sbrul dug myur du khyab par byed pa yin no/ /bde bar gshegs pa sbrul dug drag po lags so/ /rgyal pos smras pa/ kwa'i nang rje smras pa de'i don ci/ lha rje mi 'jigs pa stsal du gsol/ byin no/ /des skabs de rgyas par brjod nas 'di skad ces kyang smras so/ /gal te sbrul dug myur du khyab par bgyid pas bdag zin par gyur na bdag gcig pu dus la bab par 'gyur ba zhig na/ sbrul dug drag pos bdag zin pas de'i slad du bdag dang / nye du dang / nor thams cad kyang tshul ma lags pas sdug bsngal bar gyur to/ /de'i tshe na lus 'phags ma'i bu ma ga d+har byung ba'i rgyal po ma skyes dgras bcom ldan 'das la dad pa thob nas ring po ma lon pas des smras pa/ kwa'i nang rje khyod bcom ldan 'das la mngon par dad dam/ lha mngon par dad do/ /de nas lus 'phags ma'i bu ma ga d+har byung ba'i rgyal po ma skyes dgra mchi mas brnangs par gyur nas/ des smras pa/ kwa'i nang rje de khyod kyis yin gyi song shig /de nas rgyal pos zho shas 'tsho ba rnams la bsgo ba/ mi 'di'i nye du rnams kyang thong la 'di'i nor thams cad kyang phyir byin cig /zho shas 'tsho ba rnams kyis de'i nye du rnams kyang btang / de'i nor thams cad kyang phyir byin no/ /de nas mi de 'di snyam du sems te/ bdag gi khyim na dpal dang bskal ba bzang po phun sum tshogs pa gang cung zad ci yod pa de thams cad bcom ldan 'das la brten pa yin pas bdag gis sangs rgyas la sogs pa dge slong gi dge 'dun khyim gzhan du spyan drangs te gdugs tshod gsol lo snyam nas/ de nas mi de bcom ldan 'das ga la ba der song ste phyin nas bcom ldan 'das gyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das mi de la chos dang ldan pa'i bka' mchid kyis yang dag par ston par mdzad/ yang dag par 'dzin du 'dzud par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas mi de stan las langs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das kyis sang bdag gi sdum par dge slong gi dge 'dun dang thab cig du gdugs tshod gsol bar ci gnang / bcom ldan 'das kyis mi de la cang mi gsung bas gnang ngo / /de nas mi des bcom ldan 'das kyi cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas mi des de nyid kyi mtshan mo bca' ba dang / bza' ba gtsang zhing bsod pa sta gon byas nas nang par sngar langs te gdan bshams nas chu ra bzhag ste/ bcom ldan 'das la spyan 'dren gyis btsun pa gdugs tshod g.yar dgongs 'tshal na bcom ldan 'das kyis da de'i dus la bab par dgongs su gsol zhes spyan drangs so/ /de nas bcom ldan 'das snga dro sham thabs gsol lhung bzed dang chos gos bsnams te dge slong gi tshogs kyis yongs su bskor zhing dge slong gi dge 'dun gyis mdun du bdar te mi de'i bkad sa ga la ba der gshegs te byon nas dge slong gi dge 'dun gyi gong du gdan bshams pa nyid la bzhugs so/ /de nas mi des sangs rgyas la sogs pa dge slong gi dge 'dun bde bar bzhugs par rig nas bca' ba dang / bza' ba gtsang zhing bsod pas rang gi lag nas tshim par byed/ stobs par byed do/ /rnam grangs du mar bca' ba dang / bza' ba gtsang zhing bsod pas rang gi lag nas bstabs shing tshim par byas nas bcom ldan 'das gdugs tshod gsol zhing phyag bcabs te lhung bzed bzhag par rig nas stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go de nas bcom ldan 'das kyis mi de'i bsam pa dang / bag la nyal dang / khams dang / rang bzhin thugs su chud pas/ 'di ltar mi de chung ma dang bcas pas stan de nyid la 'dug bzhin du 'jigs tshogs la lta ba'i ri'i rtse mo nyi shu mtho ba ye shes kyis rdo rjes bcom ste rgyun du zhugs pa'i 'bras bu mngon sum du byas pa de ltar chos bstan pa mdzad do/ /des bden pa mthong nas gsol pa/ btsun pa bdag gis dge ba'i bshes gnyen bcom ldan 'das la brten nas bcom ldan 'das kyi bdag la gang mdzad pa 'di lta bu 'di bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri bo dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / yi dags dang / dud 'gro dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jigs tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu thob ste btsun pa bdag ni mngon par zhugs pa lags/ btsun pa bdag ni mngon par zhugs pa lags te/ btsun pa bdag bcom ldan 'das dang / chos dang / dge slong gi dge 'dun la skyabs su mchis/ bdag dge bsnyen du bzung du gsol/ deng slan chad ji srid 'tsho'i bar du glo ba thag pa nas dad pas skyabs su mchi'o/ /de nas bcom ldan 'das kyis mi de la chos dang ldan pa'i bka' mchid kyis yang dag par bstan yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs so/ /'di ni re shig byung ba yin te/ sangs rgyas bcom ldan 'das re shig 'dul ba la nyan thos rnams kyi bslab pa'i gzhi 'cha' bar ni mi mdzad do/ /sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /tshe dang ldan pa 'char kas snga dro sham thabs bgos lhung bzed dang chos gos thogs te rgyal po'i khab tu bsod snyoms la zhugs pa dang / ji tsam na des bsod snyoms brgyus nas 'phong gi dpong sa mthong nas de der zhugs pa dang / 'phong gi slob dpon ni med/ khye'u dag 'khod nas des dris pa/ khye'u dag ci byed/ de dag gis smras pa/ 'phags pa 'phong slob bo/ /'char kas smras pa/ bu dag legs te khyed cag gis sgyu rtsal mchog las rgal to/ /bu dag bltas g.yon 'phongs dang / g.yas 'phongs dang / gom stabs dang / 'dzin stabs dang / zhags pa gdab pa dang / mda' bo che 'phang ba dang / gcad pa dang / dral ba dang / dbug pa dang / rdo rje rtse gcig pa dang / mtshon rtse gcig 'phang ba gyis shig /de dag gis g.yon 'phongs dang / g.yas 'phongs dang / gom stabs dang / 'dzin stabs dang / zhags pa gdab pa dang / mda' bo che 'phang ba dang / gcad pa dang / dral ba dang / dbug pa dang / rdo rje rtse gcig pa dang / mtshon rtse gcig 'phang bar brtsams pa dang / 'char ka lag pa gnyis 'dril bar byed/ bzhin bsgyur bar byed nas de dag gis smras pa/ 'phags pa ci'i slad du phyag gnyis 'dril bar mdzad/ zhal sgyur bar mdzad/ 'char kas smras pa/ da dung khyed cag gi slob dpon gyis kyang mi shes na/ khyed cag gis lta shes par 'gyur re skan/ de dag gis smras pa/ 'phags pa 'di la cung zad mkhyen pa mnga' 'am/ 'char kas smras pa/ khye'u dag sa'i steng na gang kho bos mi shes pa'i las kyi gnas dang / bzo'i gnas de gang yin/ de dag gis smras pa/ 'phags pa g.yar snga brim gyis g.yon 'phongs dang / g.yas 'phong dang / gom stabs dang / 'dzin stabs dang / zhags pa gdab pa dang / mda' bo che 'phang ba dang / gcad pa dang / dral ba dang / dbug pa dang / rdo rje rtse gcig pa dang / mtshon rtse gcig pa 'phang ba mdzad du gsol/ 'char kas g.yon 'phong dang / g.yas 'phong dang / gom stabs dang / 'dzin stabs dang / zhags pa gdab pa dang / mda' bo che 'phang ba sus kyang byed mi nus pa byas shing rked chings kyis bcings te phub zlum thogs nas gcad pa dang / dral ba dang / dbug pa yang byas pa dang / de dag ya mtshan skyes nas smras pa dang / 'phags pa legs so legs so/ /'char kas smras pa/ khye'u dag bzo'i gnas de ltar bslab par bya ba 'am/ yang na slob dpon gzhan btsal bar bya'i 'bras bu med pa'i sbun pa phyir zhing 'khod de ci rung zhes smras te song ngo / /ji tsam na de dag gi slob dpon 'ongs nas des smras pa/ khye'u dag 'khod de ci rung / g.yon 'phongs dang / g.yas 'phongs dang / gom stabs dang / 'dzin stabs dang / zhags pa gdab pa dang / mda' bo che 'phang ba dang / gcad pa dang / dral ba dang / dbug pa dang / rdo rje rtse gcig dang / mtshon rtse gcig 'phangs ba gyis shig /de dag lag pa gnyis 'dril bar byed/ bzhin sgyur bar byed cing smras pa/ slob dpon yang da dung ci yang mi mkhyen na bdag cag gis lta 'tshal bar 'gyur re skan/ slob dpon gyis smras pa/ khye'u dag sngon ma byung ba'i rnam par 'gyur ba 'di lta bu byung na 'ga' zhig 'dir 'ongs par ma gyur tam/ de dag gis smras pa/ mchis so/ /su/ 'phags pa 'char ka ste/ des g.yon 'phongs dang / g.yas 'phong dang / gom stabs dang / 'dzin stabs dang / zhags pa gdab pa dang / mda' bo che 'phang ba dang / gcad pa dang / dral ba dang / dbug pa dang / rdo rje rtse gcig dang / mtshon rtse gcig 'phang ba sus kyang bgyi bar rngo mi thog pa de lta bu bgyis so/ /des de dag la smras pa/ byang chub sems dpa' 'phong gi dpong sa gang du 'phong bslab pa de'i drung du des kyang bslabs so/ /gal te de rab tu byung bar ma gyur na 'dzam bu'i gling mtha' dag tu 'phong gi slob dpon gyi mchog tu 'gyur ro/ /'on kyang kho bos ci shes pa de je kho bo las slobs la/ lhag ma gzhan las slob shig /slob dpon des bsam pa/ de yang dang yang du bdag la tho 'tsham par 'gyur gyis de bltar 'gro'o snyam nas/ de 'char ka'i gan du song ste smras pa/ 'phags pa 'char ka bdag cag gi 'phong gi dpong sar byon par gyur tam/ 'char kas smras pa son to/ /'phags pas khye'u dag cung zad tshar bkum 'am/ 'char kas smras pa/ tshar bcad do/ /des smras pa/ 'phags pa de ni bdag gi 'tsho ba lags kyis khye'u dag tshar ma dgum shig /bkren pa khyod kho bo cag gi sgyu rtsal gyis 'tsho la/ kho bo cag la bca' ba'i rin cung zad kyang mi sbyin nam/ des smras pa/ 'phags pa bdag ni dbul po lags so/ /'char kas smras pa/ bkren pa gal te mi sbyin na yang dang yang du kho bo song la tshar gcad par bya'o/ /des bsams pa/ 'di la bca' ba'i rin ma byin na yang dang yang du song te khye'u dag tshar gcod par 'gyur ro snyam nas/ de 'phong gi yo byad thams cad btsongs te de la bca' ba'i rin byin nas sems khongasu chud cing 'dug go/ /ji tsam na de'i chung po grogs 'ong nas des dris pa/ grogs po ci'i phyir sems khongs su chud cing 'dug /des smras pa/ kho bo chad pas bcad do/ /sus shAkya'i bu'i dge sbyong dag gis so/ /ci'i phyir/ des skabs de rgyas par brjod pa dang / des shAkya'i bu'i dge sbyong rnams kyis dge sbyong gi tshul ni tshig go/ /bram ze'i tshul ni tshig ste/ 'di ltar 'phong gi slob dpon dag kyang chad pas gcod par byed do zhes smod par byed/ phyar ka gtong bar byed/ kha zer bar byed do/ /'di yang re shig byung ba yin te/ sangs rgyas bcom ldan 'das re shig 'dul ba la nyan thos rnams kyis bslab pa'i gzhi 'cha' bar ni mi mdzad do/ /sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /tshe dang ldan pa 'char kas snga dro sham thabs bgos lhung bzed dang chos gos thogs ste/ rgyal po'i khab tu bsod snyoms la zhugs pa dang / ji tsam na des bsod snyoms brgyus nas rol mo'i dpong sa mthong nas de der zhugs pa dang / rol mo'i slob dpon ni med/ khye'u dag 'khod nas des dris pa/ khye'u dag ci byed/ de dag gis smras pa/ 'phags pa rol mo slob bo/ /'char kas smras pa/ bu dag legs te khyed cag gis sgyu rtsal mchog las rgal to/ /bu dag bltas drug ldan dang / drang srong pa dang / sa 'dzin pa dang / blo gsal dang / 'khor nyan dang / bar ma pa dang / ke shi ka gyis shig /de dag gis drug ldan dang / drang srong pa dang / sa 'dzin pa dang / blo gsal dang / 'khor nyan dang / bar ma pa dang / ke shi ka bya bar brtsams pa dang / 'char ka lag pa gnyis 'dril bar byed/ bzhin bsgyur bar byas nas de dag gis smras pa/ 'phags pa ci'i slad du phyag gnyis 'dril bar mdzad/ zhal sgyur bar mdzad/ 'char kas smras pa/ da dung khyed cag gi slob dpon gyis kyang ma shes na khyed cag gis lta shes par 'gyur re skan/ de dag gis smras pa/ 'phags pa 'di la cung zad mkhyen pa mnga' 'am/ 'char kas smras pa/ khye'u dag sa'i steng na gang kho bos mi shes pa'i bzo'i gnas dang / las kyi gnas de gang yin/ de dag gis smras pa/ 'phags pa g.yar snga brim gyis drug ldan dang / drang srong pa dang / sa 'dzin pa dang / blo gsal dang / 'khor nyan dang / bar ma dang / ke shi ka mdzod cig /'char kas drug ldan dang / drang srong pa dang / sa 'dzin pa dang / blo gsal dang / 'khor nyan dang / bar ma pa dang / ke shi ka sus kyang bya bar mi nus pa byas pa dang / de dag ya mtshan skyes nas smras pa/ 'phags pa legs so legs so/ /'char kas smras pa/ khye'u dag bzo'i gnas de ltar bslab par bya ba 'am/ yang na slob dpon gzhan btsal bar bya'i 'bras bu med pa'i sbun pa 'phyar zhing 'khod de ci rung zhes smras te song ngo / /ji tsam na de dag gi slob dpon 'ong nas des smras pa/ khye'u dag 'khod de ci rung drug ldan dang / drang srong pa dang / sa 'dzin pa dang / blo gsal dang / 'khor nyan dang / bar ma pa dang / ke shi ka gyis shig /de dag lag pa gnyis 'dril bar byed/ bzhin sgyur bar byed cing smras pa/ slob dpon yang da dung ci yang mi mkhyen na bdag cag gis lta 'tshal bar 'gyur re skan/ slob dpon gyis smras pa/ khye'u dag sngon ma byung ba'i rnam par 'gyur ba 'di lta bu byung na 'ga' zhig 'dir 'ong bar ma gyur tam/ de dag gis smras pa/ mchis so/ /su/ 'phags pa 'char ka ste/ des glu dang gar sus kyang brjod par rngo mi thog pa de lta bu bgyis so/ /des de dag la smras pa/ byang chub sems dpa' rol mo'i dpong sa gang du rol mo bslabs pa de'i drung du des kyang bslabs te/ gal te de rab tu byung bar ma gyur na 'dzam bu'i gling mtha' dag tu rol mo mkhan gyi slob dpon gyi mchog tu 'gyur ro/ /'on kyang kho bos ci shes pa de je kho bo las slobs la lhag ma gzhan las slobs shig /slob dpon des bsam pa/ de yang dang yang du bdag la tho 'tsham par 'gyur gyis de ltar 'gro'o snyam nas de 'char ka'i gan du song te smras pa/ 'phags pa 'char ka bdag cag gi rol mo'i dpong sar byon par gyur tam/ 'char kas smras pa/ son to/ /'phags pas khye'u dag cung zad tshar bkum 'am/ 'char kas smras pa/ tshar bcad do/ /des smras pa/ 'phags pa de ni bdag gi 'tsho ba lags kyis khye'u dag tshar ma dgum shig /bkren pa khyod kho bo cag gis sgyu rtsal gyis 'tsho la/ kho bo cag la bca' ba'i rin cung zad kyang mi sbyin nam/ des smras pa/ 'phags pa bdag ni dbul po lags so/ / 'char kas smras pa/ bkren pa gal te mi sbyin na yang dang yang du kho bo song la tshar gcad par bya'o/ /des bsam pa/ 'di la bca' ba'i rin ma byin na yang dang yang du song te khye'u dag tshar gcod par 'gyur ro snyam nas/ des rol mo'i yo byad thams cad btsongs te de la bca' ba'i rin byin nas sems khongs su chud cing 'dug go/ /ji tsam na de'i chung po grogs 'ongs nas des dris pa/ grogs po ci'i phyir sems khongs su chud cing 'dug /des smras pa/ kho bo chad pas bcad do/ /sus/ shAkya'i bu'i dge sbyong dag gis so/ /ci'i phyir/ des skabs de rgyas par brjod pa dang / de shAkya'i bu'i dge sbyong gi tshul ni tshig go/ /bram ze'i tshul ni tshig ste/ 'di ltar rol mo mkhan gyi slob dpon dag kyang chad pas gcod par byed do zhes smod par byed/ phyar ka gtong bar byed/ kha zer bar byed do/ /'di yang re shig byung ba yin te/ sangs rgyas bcom ldan 'das re shig 'dul ba la nyan thos rnams kyis bslab pa'i gzhi 'cha' bar ni mi mdzad do/ / de nas bcom ldan 'das rgyal po'i khab tu ci dgyes par bzhugs nas yangs pa can ga la ba de logs su ljongs rgyu zhing gshegs te mthar gyis rgyu zhing gshegs pa na yangs pa can du byon nas yangs pa can na spre'u rdzing gi 'gram khang pa brtsegs pa'i khang bzangs na bzhugs so/ /nye dga' snga dro sham thabs bgos lhung bzed dang chos gos thogs te yangs pa can du bsod snyoms la zhugs pa dang / lid tsa bi'i khye'u rab tu mang po dag kyang yangs pa can nas byung ste/ yangs pa can gyi phyi rol du rgyan thams cad phyogs gcig tu bzhag ste rtse bar brtsams so/ /nye dgas de mthong nas des de gnod sbyin gyi nor yin no zhes rgyan de dag thams cad khyer te song ba dang / yangs pa can gyi lid tsa bi'i khye'u de dag gis nye dga' la las ni lag pa nas bzung / la las ni rkang pa nas bzung / la las ni chos gos nas bzung ste 'phags pa ci'i phyir kho bo cag gi rgyan 'phrog par byed ces zer ro/ /lid tsa bi chen pos yang pa can gyi lid tsa bi'i khye'u dag gis nye dga' bzung ste tho 'tsham pa mthong nas/ des smras pa/ khye'u dag ci'i phyir 'phags pa nye dga' la tho 'tsham par byed/ de dag gis smras pa/ 'dis bdag cag gi rgyan dag phrogs so/ /des smras pa/ 'phags pa nye dga' ci'i slad du khye'u dag gis rgyan 'phrog par mdzad/ nye dgas smras pa/ kho bo gnod sbyin gyi nor 'di rnyed do/ /des smras pa/ 'di 'dra ba gnod sbyin gyi nor lags re skan/ gzhon nu dag gis rgyan lags kyis ma 'phrog par 'or cig /nye dgas de bor te rdul gyis gos pa'i chos gos dag gis gtsug lag khang du song ba dang / dge sbyong rnams kyis de la smras pa/ btsun pa nye dga' ci'i phyir rdul gyi tshogs kyis gos/ nye dgas smras pa/ lid tsa bi chen po nad med par gyur cig /kho bos gnod sbyin gyi nor thob pa des 'dor du bcug go/ /'di yang re shig byung ba yin te/ sangs rgyas bcom ldan 'das re shig 'dul ba la nyan thos rnams kyi bslab pa'i gzhi 'cha' bar ni mi mdzad do/ /sangs rgyas bcom ldan 'das yangs pa can na spre'u rdzing gi 'gram khang pa brtsegs pa'i khang bzangs na bzhugs so/ /drug sde dag snga dro sham thabs bgos lhung bzed dang chos gos thogs te yangs pa can du bsod snyoms la zhugs so/ /lam gyi bar na yangs pa can gyi lid tsa bi rnams kyis skyed mos tshal dag yong nas de dag gis smras pa/ dga' bo nye dga' bcom ldan 'das kyis yangs pa can gyis lid tsa bi dag gis dpe sum bcu rtsa gsum pa'i lha rnams las blangs gyi de dag gis skyed mos tshal dag ci 'dra ba bltas 'dong ngo zhes de dag der zhugs pa dang / ji tsam na de na yo byad rnam pa sna tshogs 'di lta ste/ khrus kyi tshal dag dang / so phag dag dang / bsku ba dag dang / phrag spyad dag dang / sa gar dag dang / skyu ru ra dag dang / mgo bkru ba dag dang / pi bang dang / 'od ma dang / ma ha ti dang / bal la ri dang / su g+ho sha ka dag bzhag pa dag mthong nas de dag gis smras pa/ dga' bo nye dga' je dang por khrus bya 'am/ 'on ste glu blang zhing bro rdung bar bya/ de dag gis smras pa/ bdag cag gis yun ring po nas glu blangs shing bro rdungs kyis je glu blang zhing bro brdung bar bya'o zhes de dag gis glu blang zhing bro rdung bar brtsams so/ /rgyal po zas gtsang gi skyed mos tshal du spyad pa'i rol mo'i sgra gang yin pa de ni lus 'phags ma'i bu ma ga d+har byung ba'i rgyal po ma skyes dgra'i g.yul ngor spyad pa'i rol mo'i sgra yin pas de dag gis rol mo'i sgra dbyung bar brtsams pa dang / yangs pa can gyi lid tsa bi dag gis thos so/ /thos nas de dag dngangs te smras pa/ shes ldan dag pha gsod pas ma sbran par dmag drangs te 'ongs so zhes de dag go bgos te phyir 'byung bar brtsams so/ /drug sde dag kyang skyed mos tshal de nas phyir byung ba dang / de dag gis yang pa can gyi lid tsa bi dag go bgos te phyir byung ba mthong nas drug sde dag gis de dag la dris pa/ shes ldan dag gar 'dong / de dag gis smras pa/ 'dir pha gsod pa 'ongs pas de dang g.yul dgye ba'i phyir sur 'dong ngo / /de ga la 'dug /de dag gis smras pa/ 'dir lus 'phags ma'i bu ma ga d+har byung ba'i rgyal po ma skyes dgra'i g.yul ngor spyad pa'i rol mo'i sgra byung ngo / / shes ldan dag de ni kho bo cag gis bzhad gad byas pa yin na khyed cag de ltar bred ngas sam/ de dag gis smras pa/ 'phags pa dag khyed kyi rol mo'i sgra'i yo byad de dag sgra phyung ngam/ drug sde dag gis smras pa/ kho bo cag gis sgra phyung ngo / /de dag gis smras pa/ 'phags pa dag yangs pa can gyi lid tsa bi dag sngangs pas khyed la gnod pa byed na mi rung gis slar log shig /de dag phyir logs pa dang / dge slong rnams kyis de dag la smras pa/ tshe dang ldan pa dag khyed cag ji ste phyir log /drug sde dag gis smras pa/ tshe dang ldan pa dag kho bo cag de'u gsad do/ /sus/ yangs pa can gyi lid tsa bi dag gis so/ /ci'i phyir/ de dag gis skabs de rgyas par brjod pa dang / dge slong don nyung ngu dag ci'i phyir dge slong dag mi mdzes pa de lta bu de byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis/ bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste/ zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la smras pa/ dge slong dag khyed kyis mi mdzes pa de lta bu byas pa bden nam/ btsun pa mad do/ / sangs rgyas bcom ldan 'das kyis dge slong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang rin po che 'am/ rin po cher smos pa rang gis lag gis len tam len du 'jud na ltung byed do zhes bcom ldan 'das kyis 'dul ba la nyan thos rnams kyis bslab pa'i gzhi de ltar bca' bar mdzad do/ /de nas bcom ldan 'das yangs pa can du ci dgyes par bzhugs nas mnyan yod ga la ba de logs su ljongs rgyu zhing gshegs nas mthar gyis rgyu zhing gshegs pa na mnyan yod du byon nas mnyan yod na shar gyi kun dga' ra ba na ri dgas 'dzin gyi ma'i khang bzang na bzhugs so/ /ri dgas 'dzin gyi ma sa gas bcom ldan 'das ko sa la dag tu ljongs rgyu zhing gshegs pa na mnyan yod du byon nas mnyan yod na bdag gi khang bzang na bzhugs zhes thos so/ /thos nas kyang rgyan thams cad kyis brgyan te mnyan yod nas byung nas bcom ldan 'das ga la ba der song ngo / /de ngo tsha dang ldan pa yin pas des rgyan bkrol te/ thum por bcings nas bu mo'i lag du byin te/ bcom ldan 'das kyi spyan sngar song nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /de na ha cang thag mi ring ba na sna ma'i yal ga me tog rgyas pa zhig 'dug nas bu mo des de mthong nas bsams pa/ 'di las me tog dag btogs te bcom ldan 'das la me tog sil ma dag gis gtor gyis 'thog tu 'gro'o snyam nas des rgyan de mtha' gcig tu bzhag ste sna ma'i yal ga de las me tog dag btogs nas bcom ldan 'das la me tog sil ma dag gis gtor te mtha' gcig tu 'dug go/ /bcom ldan 'das kyis de la yun ring du chos bstan nas des bcom ldan 'das kyi zhabs la phyag 'tshal te song ba dang / rgyan kyis thum po de de nyid du brjed de lus so/ /tshe dang ldan pa kun dga' bos des rgyan de bor te song ba mthong nas des bsams pa/ 'di ltar bcom ldan 'das kyis ma gnang mod kyis 'di nyid rkyen du mdzad de gnang bar 'gyur ba gang yin pa de lta bu'i gnas yod par 'gyur ro snyam nas/ de nas tshe dang ldan pa kun dga' bos rgyan de sbed du bcug nas bcom ldan 'das ga la ba der song te phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la tshe dang ldan pa kun dga' bos 'di skad ces gsol to/ /btsun pa ri dgas 'dzin gyi ma sa gas rgyan bskyud de de mchis nas bdag la blo skyes pa/ 'di ltar bcom ldan 'das kyis ma gnang mod kyi 'di nyid rkyen du mdzad de gnang bar 'gyur ba gang lag pa de lta bu'i gnas mchis par 'gyur ro snyam nas bdag gis rgyan de sbed du stsal to/ /kun dga' bo 'di ltar ngas gnang bar 'gyur ba gang yin pa de khyod kyis shes pa legs so legs so/ /kun dga' bo de lta bas na kun dga'i ra bar gtogs pa na 'dug pa 'am/ gnas khang du gtogs pa na 'dug pa ma gtogs so/ /bud med kyis yul ni rgyan la nye bar spyod pa yin pas sa gas phyi de nyin par rgyan de dran nas/ des bu mo de la smras pa/ bu mo rgyan ga re/ bu mos smras pa/ jo mo de nyid du bskyud do/ /des smras pa/ song la long shig /de'i bu dag gis de thos nas de dag gis smras pa/ yum mdzod khang du bzhag par mkhyen nam/ ci ga las blangs te mchi bar 'gyur/ sa gas bu rnams la smras pa/ bu dag kho mo ni nor chud mi za ba yin no/ /de nas bu mo de tshe dang ldan pa kun dga' bo'i gan du song ba dang / tshe dang ldan pa kun dga' bos smras pa/ bu mo ci la 'ongs/ bu mos smras pa/ 'phags pa jo mo'i rgyan bskyud do/ /tshe dang ldan pa kun dga' bos smras pa/ 'di na 'dug gis khyer te song shig /bu mo des de khyer te song nas sa ga la smras pa/ jo mo rgyan de 'tshal te mchis pa 'di lags so/ / sa gas bu rnams la smras pa/ bu dag rgyan de khyer te 'ongs pa 'di yin te/ kho mos kho mo ni nor chud mi za ba yin no zhes ma smras sam/ bu de dag gis bu mo de la dris pa/ bu mo 'phags pa gang gis sbed du bcug par gyur/ bu mo 'phags pa gang gis sbed du bcug par gyur/ bu mos smras pa/ 'phags pa kun dga' bos so/ /de dag gis smras pa/ 'phags pa kun dga' bos gzigs pas des na thob par zad kyi gal te drug sde dag gis mthong bar gyur du zin na de dag gis bca' ba'i rin du byin gyis brlabs par 'gyur ba gang yin pa de lta bu'i gnas yod par 'gyur ro/ /de dag gis da bdag cag gis ma 'di nor chud za ba yin nam ma yin pa brtags na shes par 'gyur ro/ /snyam nas de dag gis ma'i sor gdub rgya blangs te/ khron pa'i nang du bcug pa dang / sa gas bu mo mngag gzhug ma la smras pa/ bu mo chu chus shig dang khrus bya'o/ /bu mo des chu bcu bar brtsams pa dang de'i bum pa'i nang du sor gdub rgya de chud nas sa ga khrus byed pa na sor gdub rgya de pang par lhung nas sa gas bu rnams la bstan te smras pa/ bu dag kho mos kho mo ni nor chud mi za ba yin no zhes ma smras sam/ yang de dag gis sor gdub rgya de chu klung gnas can gyi nang du 'phangs pa dang de nya bo ches mid nas nya bo che de nya ba dag gis rgya mos bcus te phyung ngo / /sa ga'i bu mo mngag gzhug ma nya sha'i phyir tshong dus su song nas des nya pa las nya bo che de nyos te bshas pa dang / ji tsam na de'i lto nas sor gdub rgya de byung ba mthong nas des sa ga la smras pa/ jo mo sor gdub rgya de 'di lags so/ /sa gas bu rnams la de bstan te smras pa/ bu dag kho mos kho mo ni nor chud mi za ba yin no zhes ma smras sam/ bu de dag gis smras pa/ yum nor chud mi za ba lags sam ma lags pa da dung yang brtag par bgyi'o zhes de dag gis de'i da ni ra dag gis sre mo lta bu'i rkyal bu bkang te lam po che'i bzhi mdor bor ba dang / skye bo phal po che de nas 'gro bas mthong nas sbrul dug myur du khyab par byed pa yin no zhes yongs su spangs te 'gro zhing 'ga' yang len par mi byed nas de dag gis smras pa/ 'di na sre mo lta bu'i rkyal bu di na ra dag gis gang ba 'dug na mi len tam/ de dag gis smras pa/ 'di ni sbrul dug myur du khyab par byed pa yin gyi sre mo lta bu'i rkyal bu di na ra dag gis gang ba ma yin gyis mi len to/ /de nas bu de dag lhags te ma la smras pa/ yum khyod ni nor chud mi za ba lags mad do/ /thams cad du yang ri dgas 'dzin gyi ma sa ga ni nor chud mi za ba yin bden no zhes sgra grags par gyur to/ /dge slong gis kun dga'i ra bar gtogs par sre mo lta bu'i rkyal bu di na ra dag gis gang ba zhig lhung ba mthong nas phyogs der mi zhig 'ongs pa dang / dge slong des mi de la smras pa/ kye nang rje sre mo lta bu'i rkyal bu 'di khyod kyi ma yin nam/ 'phags pa lags so/ /khyer te song shig /des de khyer te myur ba myur bar song ba dang / mi gzhan zhig mgo rdul gyis gang ste ngu zhing 'ong nas des smras pa/ 'phags pa khyod kyis sre mo lta bu'i rkyal bu zhig gzigs sam/ dge slong des smras pa/ mi zhig gis khyer te song ngo / /des sre mo lta bu'i rkyal bu de ma rnyed pa na smyos shing sems 'khrugs pas de dang der tshol ba na tshul ma yin pas sdug bsngal bar gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de bzhin du gya tsom du smra bar mi bya bar de la sre mo lta bu'i rkyal bu ci 'dra ba zhig /srang du pa zhig ces dri bar bya'o/ /gal te rtags la bab par smra na sbyin par bya'o/ /gal te rtags la ma bab par smra na sbyin par mi bya'o/ /de dag gis der bor te dong ba na de gzhan dag gis brkus nas bcom ldan 'das kyis bka' stsal pa/ de bzhin du bor te 'dong bar mi bya bar 'gro ba'i lam logs su sa 'am lo ma'i tshogs dag gis g.yogs par bya'o/ /de dag gis de yal ba kho nar bor nas bcom ldan 'das kyis bka' stsal pa/ de yal bar dor bar mi bya bar zhag bdun nam brgyad du der song ste bsdad par bya'o/ /gal te bdag po 'ongs shing rtags la bab pa smra na sbyin par bya'o/ /gal te ma 'ongs na de'i 'og tu dge 'dun gyi mdzod du bcug ste gzhag par bya'o/ /gal te bdag po zla ba drug 'das nas 'ongs shing rtags la bab par smra na sbyin par bya'o/ /gal te ma 'ongs na de'i 'og tu dngos po brtan por btsongs te gzhag par bya'o/ /gal te de'i tshe bdag po 'ongs par gyur na de la de dngos po 'dir brtsongs kyis rjes su yid rang bar gyis shig ces brjod par bya'o/ /gal te rjes su yi rang na de lta na legs/ gal te rjes su yi rang bar mi byed na sbyin par bya'o/ /gal te skyed slong na kho bo cag gis yongs su bskyangs pa gang yin pa de nyid drin che bar mi sems sam/ khyer te song shig ces brjod par bya'o/ /de lta bas na kun dga'i ra bar gtogs pa na 'dug pa 'am/ gnas khang du gtogs pa na 'dug pa ma gtogs so/ / de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang rin po che 'am/ rin po cher smos pa rang gi lag gis len tam len du 'jud na kun dga'i ra bar gtogs pa na 'dug pa 'am gnas khang du gtogs pa na 'dug pa ma gtogs te ltung byed do/ /dge slong gis kun dga'i ra bar gtogs pa 'am/ gnas khang du gtogs pa na rin po che 'am/ rin po cher smos pa 'dug pa la 'di su'i yin pa de len par 'gyur grang snyam pa de lta bu'i sems kyis blangs bar bya ste/ de la de ni cho ga yin no/ /yang dge slong gang zhes bya ba ni drug sde 'am gzhan yang de lta bu gang yin pa'o/ /rin po che 'am zhes bya ba la/ rin po che zhes bya ba ni nor bu dang mu tig dang / bai dUr+ya dang / man shel dkar po dang / byi ru dang / gser dang / dngul dang / rdo'i snying po dang / spug dang / dmar po dang / g.yas su 'khyil pa'o/ /rin po cher smos pa zhes bya ba la/ rin po cher smos pa zhes bya ba ni g.yul ngor spyad pa'i mtshon ca thams cad dang / rol mor spyad pa'i yo byad thams cad do/ /rang gi lag gis shes bya ba ni lag pas lag par ro/ /len tam zhes bya ba ni bdag nyid kyis so/ /len du 'jud na zhes bya ba ni gzhan no/ /kun dga'i ra bar gtogs pa na 'dug pa zhes bya ba ni kun dga'i ra ba'i phyi rol na'o/ /gnas khang du gtogs pa na 'dug pa zhes bya ba ni kun dga'i ra ba'i nang na'o/ /ma gtogs te zhes bya ba ni kun dga'i ra bar gtogs pa na 'dug pa 'am/ gnas khang du gtogs pa na 'dug pa bzhag ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag du sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /dge slong gis bya ba ni chos 'di pas so/ /kun dga'i ra bar gtogs pa dang / gnas khang du gtogs pa na rin po che 'am/ rin po cher smos pa 'dug pa la 'di su'i yin pa de len par 'gyur grang snyam pa de lta bu'i sems kyis blangs par bya ste/ de la de ni cho ga yin no zhes bya ba la/ de la de ni cho ga yin no zhes bya ba ni de la de ni rjes su 'thun pa'i chos yin pa'o/ /de la ltung bar ji ltar 'gyur zhe na/ bar sdom la/ nor bu mgul rgyan pi bang dang / /dung dang gzhu dang mda' dang ni/ /sku gzugs sku gdung bcas pa dang / /sngon gyi tshul ni tha ma yin/ /dge slong gis nor bu len na bdar ba len na ltung byed du 'gyur la/ ma bdar ba len na nyes byas su 'gyur ro/ /nor bu ji lta ba bzhin du mu tig dang / bai dUr+ya dang / man shel dkar po dang / byi ru dang / dngul dang / gser dang / rdo'i snying po dang / spug dang / dmar po dang / g.yas su 'khyil pa dag kyang de bzhin no/ / tha na nor bu mching bu len na yang nyes byas su 'gyur ro/ /dge slong gis mgul rgyan len na ltung byed du 'gyur ro/ /mgul rgyan ji lta ba bzhin du gdu bu rgyan can dang / dpung rgyan dang / do shal dang / se mo do yang de bzhin no/ / tha na sog ma'i phreng ba len na yang nyes byas su 'gyur ro/ /dge slong gis pi bang len na rgyud dang bcas pa len na ltung byed du 'gyur la/ rgyud med pa len na nyes byas su 'gyur ro/ /pi bang ji lta ba de bzhin du 'od ma dang / bal la ri dang / ma ha ti dang / su g+ho sha ka yang de bzhin no/ /tha na mchu sbrang len na yang nyes byas su 'gyur ro/ /dge slong gis dung len na sgra 'byin pa len na ltung byed du 'gyur la/ sgra mi 'byin pa len na nyes byas su 'gyur ro/ / dung ji lta ba bzhin du rnga bo che dang / rnga pa Ta ha dang / rdza rnga yang de bzhin no/ /tha na rdza rnga kha cig pa len na yang nyes byas su 'gyur ro/ /dge slong gis gzhu len na rgyud dang bcas pa len na ltung byed du 'gyur la/ rgyud med pa len na nyes byas su 'gyur ro/ /gzhu ji lta ba bzhin du ral gri dang / ral gri khyog po dang / ral gri so gnyis dang / mdung dang / 'phang mdung dang / cags kyo yang de bzhin no/ /tha na gzhu'u len na yang nyes byas su 'gyur ro/ /dge slong gis mda' len na mde'u dang bcas pa len na ltung byed du 'gyur la/ mde'u med pa len na nyes byas su 'gyur ro/ /mda' ji lta ba bzhin du lcags mda' dang / mda' phyed lcags las byas pa yang de bzhin no/ /tha na mda' ltar bcos pa len na yang nyes byas su 'gyur ro/ /dge slong gis sku gzugs len na sku gdung dang bcas pa len na ltung byed du 'gyur la/ sku gdung med pa len na nyes byas su 'gyur ro/ /ston pa'i 'du shes nye bar bzhag ste len na ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa ri dgas 'dzin gyis ma sa gas las ci zhig bgyis na las de'i rnam par smin pas nor chab mi 'tshal bar 'gyur/ bcom ldan 'das kyis bka' stsal pa/ dge slong dag ri dgas 'dzin gyi ma sa ga nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'gyur ba dag byas shing bsags pas ri dgas 'dzin gyi ma sa ga nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyis/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skyes mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ / rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba bskal pa chen po bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ngo / /gang gi tshe yang dag par rdzogs pa'i sangs rgyas 'od srung gis sangs rgyas kyi mdzad pa mtha' dag mdzad nas phung po lhag ma med pa'i mya ngan las 'das pa'i dbyings su yongs su mya ngan las 'das pa de'i tshe na rgyal po kri ki zhes bya ba rgyal srid 'byor pa/ rgyas pa/ bde ba/ lo legs pa/ skye bo dang mi mang pos gang ba/ thab mo dang / 'thab pa dang / 'khrugs long dang / nang 'khrugs rab tu zhi ba/ chom rkun dang / mu ge dang / nad dang bral ba/ sA lu dang / bu ram shing gi phreng ba dang / ba lang dang / ma he phun sum tshogs pa byed du 'jud pa/ chos dang ldan pa/ chos kyi rgyal po chos kyi rgyal srid byed du 'jug pas rin po che sna bzhi las byas pa'i mchod rten rgyar dpag tshad gcig pa/ 'phang du dpag tshad phyed pa byed du bcug go/ /de na bud med rgan mo skyabs su 'gro ba dang / bslab pa'i gzhi blangs pa gcig cig bcom ldan 'das yang dag par rdzogs pa'i sangs rgyas 'od srung gi mchod rten la bsnyen bkur byed cing 'dug go/ /de nas rgyal po kri ki dpyid kyi dus kyi tshe shing ljon pa me tog kha bye zhing 'bras bu rgyas pa/ ngang pa dang / khrung khrung dang / rma bya dang / ne tso dang / ri skegs dang / khu byug dang / shang shang te'u sgra 'byin pa'i tshal gseb dag tu/ btsun mo'i 'khor dang lhan cig skyed mos tshal gyi sar byung nas rgyal po de myur ba myur bar yang bA rA Na sIr zhugs so/ /btsun mo'i 'khor gyis sna ma'i yal ga dag la mu tig gi chun po dpyangs te khrus bya bar brtsams pa dang / des rgyal po myur ba myur bar bA rA Na sIr zhugs pa thos nas de yang brtad pa dang bcas pas mu tig gi chun po brjed de bor nas bA rA Na sIr zhugs so/ / bud med rgan mo des mu tig gi chun po de mthong nas/ des mu tig gi chun po de smyug ma la btags te bzhag go/ /bud med kyi yul ni rgyan la nye bar spyod pa yin pas des phyi de nyin par rgyan de dran nas/ des rgyal po la gsol pa dang / rgyal pos zho shas 'tsho ba dag der btang nas de dag gis mu tig gi chun po smyug ma la btags pa de mthong ba dang / de dag gis bud med rgan mo de la dris pa/ mu tig gi chun po 'di sus smyug ma la btags te bzhag rgan mos smras pa/ kho mos so/ /de dag gis mu tig gi chun po de rgyal po la phul ba dang / rgyal pos zho shas 'tsho ba dag la smras pa/ khyod cag gis de ga las rnyed de dag gis smras pa/ bud med rgan mo zhig gis smyug ma la btags te bzhag pa de nas bdag gis rnyed do/ /rgyal pos smras pa/ bud med rgan mo de bos shig /de dag gis de bos te smras pa/ lha bud med rgan mo de 'di lags so/ /rgyal pos smras pa/ khyod kyi mu tig gi chun po 'di smyug ma la btags te bzhags pa bden nam/ rgan mos smras pa/ lha mad do/ /rgyal pos smras pa/ khyod de la 'dod pa ma skyes sam/ rgan mos smras pa/ lha bdag gis bcom ldan 'das yang dag par rdzogs pa'i sangs rgyas 'od srung gi spyan snga nas skyabs su mchi ba dang bslab pa'i gzhi dag blang bas bdag gzhan gyi rdzas la 'dod pa'i chos skyed par ga la 'gyur/ rgyal po dga' nas des de la mu tig gi chun po de nyid bya dgar byin te khyod kyir gyur gyi song shig ces smras so/ /rgan mo des mu tig gi chun po de khyer te btsongs nas bcom ldan 'das yang dag par rdzogs pa'i sangs rgyas 'od srung gi mchod rten la mchod pa dang / bsnyen bkur byas te zhabs gnyis la gtugs nas smon lam 'di skad ces bdag dge ba'i rtsa ba 'dis nor chud mi za bar gyur cig ces btab bo/ /dge slong dag de'i tshe de'i dus na bud med rgan mo gang yin pa de ni ri dgas 'dzin gyi ma sa ga 'di nyid yin te/ 'dis de'i tshe smon lam de ltar btab pa'i las de'i rnam par smin pas nor chud mi za bar gyur to/ /dge slong dag de ltar na las gcig tu gnag pa rnams kyi rnam par smin pa yang gcig tu gnag pa yin/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa dang / 'dren ma rnams spangs te las gcig tu dkar ba btsal bar bya ste/ dge slong dag khyed kyis de ltar bslab par bya'o/ /blangs pa'i gzhir gtogs pa'i ltung byed de lnga bcu rtsa dgu pa rdzogs s+ho// // 'dul ba rnam par 'byed pa/ bam po drug bcu pa/ sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /rgyal po'i khab na chu dron gsum yod pa gcig tu ni ma ga d+har byung ba'i rgyal po bzo sbyangs gzugs can snying po khrus byed/ gnyis par ni btsun mo'i 'khor khrus byed/ gsum par ni grongs rdal gyi mi dang yul gyi mi dag khrus byed do/ /ma ga d+har byung ba'i rgyal po bzo sbyangs gzugs can snying pos bsams pa/ bdag gis bcom ldan 'das nyan thos kyi dge 'dun dang bcas pa la rnam pa du ma'i sgo nas yo byad thams cad kyis bstabs na khrus kyis ma bstab kyis bdag gis bcom ldan 'das nyan thos kyi dge 'dun dang bcas pa la khrus kyi bstabs par bya'o snyam du rig nas bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la ma ga d+har byung ba'i rgyal po bzo sbyangs gzugs can snying pos 'di skad ces gsol to/ /btsun pa rgyal po'i khab 'di na chab dron gsum mchis pa gcig tu ni bdag khrus bgyid/ gnyis par ni mchis 'brang gi 'khor khrus bgyid gsum par ni grongs rdal gyi mi dang yul mi dag khrus bgyid na btsun pa gang du bdag khrus bgyid pa der 'phags pa dag kyang khrus mdzad cing gang gi tshe 'phags pa dag khrus mdzad pa de'i tshe na bdag sdod par bgyid la/ gang gi tshe bdag khrus bgyid pa de'i tshe yang 'phags pa bdag gis gzhes par mdzad du gsol/ gang du mchis 'brang gi 'khor khrus bgyid pa der yang 'phags ma dag khrus mdzad cing / gang gi tshe 'phags ma dag khrus mdzad pa de'i tshe yang mchis 'brang gis 'khor sdod par bgyid la gang gi tshe mchis brang gi 'khor khrus bgyid pa de'i tshe yang 'phags ma dag gis gzhes par mdzad du gsol/ bcom ldan 'das kyis ma ga d+har byung ba'i rgyal po bzo sbyang gzugs can snying po la cang mi gsungs bas gnang ngo / /de nas ma ga d+har byung ba'i rgyal po bzo sbyangs gzugs can snying po bcom ldan 'das kyis cang mi gsungs bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /drug sde dag la blo skyes pa dga' bo nye dga' ma ga d+har byung ba'i rgyal po bzo sbyangs gzugs can snying po dad pa dang ldan pa ni yin na dad pa ji lta bu dang ldan pa bltas khrus byed du 'dong ngo zhes de dag der khrus byed du dong nas/ de dag gis smras pa dga' bo nye dga' gal te bdag cag thams cad cig car khrus byas na myur du zin par 'gyur gyis gnyis kyis khrus bya zhing bzhis grogs bya'o/ /de'i 'og tu gnyis kyis khrus bya zhing bzhis grogs bya'o/ /de'i 'og tu yang gnyis kyis khrus bya zhing bzhis grogs bya'o/ /de ltar bya'o zhes de dag las gnyis kyis khrus bya bar brtsam te bzhi grogs byed cing 'dug go/ /de'i tshe ma ga d+har byung ba'i rgyal po bzo sbyangs gzugs can snying po yang der khrus byed du 'phags nas des mi gsangs la gtogs pa la smras pa/ kwa'e nang rje song la da ltar sus khrus byed ltos shig mi des lha bka' bzhin 'tshal zhes ma ga d+har byung ba'i rgyal po bzo sbyangs gzugs can snying po las mnyan nas der song ste bltas na ji tsam na drug sde dag khrus byas pa mthong nas de rgyal po'i gan du song ste smras pa/ lha 'phags pa drug sde dag khrus bgyid do rgyal pos smras pa/ khri'u tshugs shig dang bsdad par bya'o/ /des khri'u btsugs nas rgyal po bsdad pa dang / ji tsam na yun ring shig lon nas rgyal pos yang mi gsang la gtogs pa la smras pa/ kwa'e nang rje song la da ltar su khrus byed ltos shig mi des lha bka' stsal pa bzhin 'tshal zhes ma ga d+har byung ba'i rgyal po bzo sbyangs gzugs can snying po las mnyan nas der song ste bltas na ji tsam na yang drug sde dag khrus byed pa mthong nas de rgyal po'i gan du song ste smras pa/ lha 'phags pa drug sde de dag nyid khrus bgyid do/ /rgyal po yang khri'u btsug pa de nyid la bsdad pa dang / ji tsam na yun ring zhig lon nas yang rgyal pos mi gsang la gtogs pa la smras pa/ kwa'e nang rje song la da ltar su khrus byed ltos shig mi des lha bka' bzhin 'tshal zhes ma ga d+har byung ba'i rgyal po bzo sbyangs gzugs can snying po las mnyan nas der song ste bltas na/ ji tsam na da dung yang drug sde dag khrus byed pa mthong nas de'i rgyal po'i gan du song ste smras pa/ lha da dung yang 'phags pa drug sde de dag nyid khrus bgyid do rgyal pos smras pa/ shes ldan dag 'o na ni de dag yun ring por nga la tho 'tshams par byed kyi chu 'on gcig dang dbang bskur ba'i khrus kyis khrus bya'o/ /de dag gis chu blangs nas rgyal pos de nyid du dbang bskur ba'i khrus kyis khrus byas nas bcom ldan 'das ga la ba der song ste phyin nas bcom ldan 'das kyis zhabs gnyis la mgo bos phyag 'tshal te/ chos mnyan pa ma mnyan pa kho nar bcom ldan 'das kyis spyan snga nas song ngo / /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bos ci'i phyir rgyal po gzugs can snying po chos mnyan pa ma mnyan par song / btsun pa rgyal po gzugs can snying po 'di drug sde dag gis tho brtsams so/ /ci'i phyir des skabs de rgyas par gsol to/ /de nas bcom ldan 'das 'di snyam du dgongs te/ nyes dmigs gang ci byung ba de ni dge slong dag khrus byed pa las gyur pas de'i phyir dge slong rnam kyis khrus mi bya'o snyam du dgongs nas bka' stsal pa/ de lta bas na dge slong rnams kyis khrus mi bya'o bcom ldan 'das kyis dge slong rnams kyis khrus mi bya'o zhes bka' stsal nas/ dge slong dag phyin chad khrus mi byed pas de dag dri ma'i rdzab kyis gos pa'i lus dri nga bar gyur nas bram ze dang khyim bdag gis smras pa/ 'phags pa dag dri nga ba 'di su lags/ dge slong rnams kyis smras pa kho bo cag go/ /'phags pa dag ci'i slad du khrus mi mdzad/ bcom ldan 'das kyis ma gnang ngo ci khyed cag dri ma'i rdzab 'chang bas dag par 'gyur ram zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na zla ba phyed phyed cing khrus bya bar gnang ngo / /bcom ldan 'das kyis zla ba phyed phyed cing khrus bya'o zhes bka' stsal nas so ka'i dus la bab pa dang / dge slong dag tsha bas snyoms nas de dag skya bo bseng bseng por gyur cing rid pa dang / nyam chung ba dang / rke ba dang lus ma thob par gyur nas bram ze dang khyim bdag dad pa can dag gis smras pa 'phags pa dag ci'i slad du khyed skya bo bseng bseng por gyur cing rid pa dang / nyam chung ba dang / rke ba dang lus ma thob par gyur/ dge slong rnams kyis smras pa/ tsha bas snyoms mo/ /ci'i slad du khrus mi mdzad/ bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na tsha ba'i dus ma gtogs so/ /dge slong dag na bar gyur nas de dag sman pa'i gan du dong ste dris pa/ bzhin bzangs kho bo cag na na kho bo cag la sman ston cig /des smras pa/ 'phags pa dag gdugs re re zhing khrus sten cig dang des sos par 'gyur ro/ /bzhin bzangs bcom ldan 'das kyis ma gnang ngo / /'phags pa dag khyed kyis ston pa thug rjes dang ldan pas de nyid rkyen du mdzad nas gnang bar 'gyur ba gang lags pa de lta bu'i gnas mchis par 'gyur ro zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na na ba'i dus ma gtogs so/ /dge slong dag gis dge 'dun dang mchod rten gyi las dag byas nas de dag 'jim rdzab kyis gos shing 'bags bzhin du 'khod nas bram ze dang khyim bdag dad pa can dag 'ongs te dris pa/ 'phags pa dag ci'i slad du khyed cag 'jim rdzab kyis gos shing 'bags bzhin du 'khod khrus mdzad na ci nong / bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na las kyi dus ma gtogs so/ / dge slong dag lam du song zhing 'ongs par gyur pa na de dag lus ngal bas glos phab ste nyal ba na bram ze dang khyim bdag dad pa can dag 'ongs te dris pa/ 'phags pa dag bstan pa la gcig tu brtsal bar bgyi ba lags na ci'i slad du glos phab ste gzims shing dge ba'i phyogs la tron mi mdzad dge slong rnams kyis smras pa/ kho bo cag lam du song zhing 'ongs pas tsha bas snyoms nas glos phab te nyal zhing dge ba'i phyogs la tron byed mi nus par gyur to khrus mdzad na ci nongs/ bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na lam gyi dus ma gtogs so/ /rlung byung nas dge slong dag rdul gyis rdul can du gyur nas de dag de kho na bzhin du 'khod pa na bram ze dang khyim bdag dad pa can dag 'ongs te de dag gis mthong nas dris pa/ 'phags pa dag ci'i slad du rdul gyis gos shing bzhugs khrus mdzad na ci nongs/ bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na rlung gi dus ma gtogs so/ /char bab nas dge slong dag mngon par ldar nas de dag de kho na bzhin du 'khod pa dang bram ze dang khyim bdag dad pa can dag gtsug lag khang du 'ongs te dris pa/ 'phags pa dag ci'i slad du char gyis mngon par ldar cing bzhugs/ khrus mdzad na ci nongs/ bcom ldan 'das kyis ma gnang ngo zhes zer ba'i skabs de dge slong rnams kyi bcom ldan 'das la gsol pa dang / bcom ldan 'das kyis bka' stsal pa/ de lta bas na char gyi dus ma gtogs so/ /rdzi char byung nas dge slong dag lus khra bor gyur nas de dag de kho na bzhin du 'khod pa dang / bram ze dang khyim bdag dad pa can dag gtsug lag du 'ongs te dris pa/ 'phags pa dag ci'i slad du lus khra bor gyur cing bzhugs khrus mdzad na ci nongs/ bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na rdzi char gyi dus ma gtogs so/ /de nas bcom ldan 'das kyis bslabs pa 'dod pa dang / bslab pa la gus pa dang bslab pa la yo byad bsnyung pa'i sngags pa brjod nas dge slong rnams la de dang 'thun pa dang de'i shas che ba dang / de dang 'tshams pa'i chos dang ldan pa'i bka' mchid mdzad nas/ dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin te nga'i nyan thos rnams kyis 'dul ba la bslabs pa'i gzhi 'di ltar gdon par bya ste/ bcom ldan 'das kyis zla ba phyed phyed cing khrus bya bar gsungs pa de las 'dums par byed na dus ma gtogs te ltung byed do/ /de la dus ni 'di yin te so ka rnams kyi zla ba lhag ma phyed dang gnyis dang / dbyar rnams kyis dang po dang zla ba phyed dang gsum po 'di dag ni tsha ba'i dus so lhag ma ni na ba dus so las dus so lam dus so/ /rlung dus so char dus so/ / rdzi char dus ste/ de la de ni dus yin no/ /bcom ldan 'das kyis shes bya ba ni de bzhin gshegs pa dgra bcom pa yang dag par rdzogs pa'i sangs rgyas kyis so/ /zla ba phyed phyed cing khrus bya bar gsung pa zhes bya ba ni zla ba ngo phyed phyed la'o/ /de las 'dums par byed na zhes bya ba ni zla ba phyed las 'dums par byed na'o/ /dus ma gtogs te zhes bya ba ni dus bzhag te'o/ /ltung byed do zhes bya ba ni sems can dmyal ba dang / dud 'gro dang yi dags ngan song dang / ngan 'gro dang log par ltung ba dag tu sreg par byed/ 'tshod par byed ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgribs par byed pa ste des na ltung byed do zhes gsungs so/ /de la dus ni 'di yin te/ so ka rnams kyi zla ba lhags ma phyed dang gnyis dang / dbyar rnams kyi dang po dang zla ba phyed dang gsum po 'di dag ni tsha ba'i dus so zhes bya ba la so ka rnams kyis zla ba lhag ma phyed dang gnyis shes bya ba ni zla ba phyed dang gnyis na dbyar nye bar sgrub pa 'byung bar 'gyur ba ste/ dbyar zla ra ba tshes nas dbyar zla 'bring po nya'i bar gyi zla ba phyed dang gnyis so/ /dbyar rnams kyi dang po zhes bya ba ni gnas par khas blangs pa rnams kyi dang po zla ba gcig ste/ dbyar zla 'bring po tshes bcu drug nas dbyar zla tha chungs nya'i bar gyi zla ba gcig go/ /lhag ma ni na ba dus so zhes bya ba ni 'di lta ste dge slong na ba khrus ma byas par 'tsho bar mi nus na'o/ /las dus so zhes bya ba ni 'di lta ste dge slong gis dge 'dun gyi 'am mchod rten gyi las tha na re sde tsam zhig phyags sam/ dkyil 'khor ba mal tsam zhig byug pa na'o/ /lam dus so zhes bya ba ni 'di lta ste dge slong dpag tshad gcig tu song ngam dpag tshad phyed du song ste phyir 'ongs na'o/ /rlung dus so zhes bya ba ni tha na rlung gis gos kyis grwa bsgul bar gyur na'o/ /char dus so zhes bya ba ni 'di lta ste tha na lus la char gyi thig pa gnyis sam gsum bab par gyur na'o/ / rdzi char dus so zhes bya ba ni 'di lta ste tha na rdzi char gyis gos kyi mtha' bsgul bar gyur cing lus la char pa'i thigs pa gnyis sam gsum bab par gyur na'o/ /de la de ni dus yin no zhes bya ba ni de la de ni rjes su 'thun pa'i chos yin pa'o/ /de la ltung bar ji ltar 'gyur zhe na/ dge slong gis dbang bskur ba'i khrus kyis khrus byed na de dus byin gyis brlab par bya'o/ /dus byin gyis ma rlab par khrus byed na ji srid du chus lte bar ma son gyi bar du nyes byas su 'gyur la chus lte bar son na ltung byed du 'gyur ro/ /dge slong gis 'jug pa'i khrus kyis khrus byed na des dus byin gyis brlabs par bya'o/ /dus byin gyis ma brlabs par khrus byed na ji srid du chus lte bar ma son gyis bar du nyes byas su 'gyur la/ chus lte bar son na ltung byed du 'gyur ro/ /dge slong gis dbang bskur ba'i khrus kyis khrus byas nas 'jug pa'i khrus kyis khrus byed na des dus byin gyis brlab par bya'o/ /dus byin gyis ma brlab par khrus byed na ji srid du chus lte bar ma son gyis bar du nyes byas su 'gyur la/ chus lte bar son na ltung byed du 'gyur ro/ /dge slong gis 'jug pa'i khrus kyis khrus byas nas dbang skur ba'i khrus kyis khrus byed na des dus byin gyis brlabs par bya'o/ /dus byin gyis ma brlab par khrus byed na ji srid du chus lte bar ma son gyi bar du nyes byas su 'gyur la/ chus lte bar son na ltung byed du 'gyur ro/ /dge slong gis chu grang mos khrus byed na des dus byin gyis brlab par bya'o/ /dus byin gyis ma brlab par khrus byed na ji srid du chus lte bar ma son gyi bar du nyes byas su 'gyur la/ chus lte bar son na ltung byed du 'gyur ro/ /dge slong gis chu dron mos khrus byed na des dus byin gyis brlabs par bya'o/ /dus byin gyis ma brlabs par khrus byed na ji srid du chus lte bar ma son gyi bar du nyes byas su 'gyur la/ chus lte bar son na ltung byed du 'gyur ro/ /dge slong gis chu grang mos khrus byas nas chu dron mos khrus byed na des dus byin gyis brlab par bya'o/ /dus byin gyis ma brlab par khrus byed na ji srid du chus lte bar ma son gyi bar du nyes byas su 'gyur la/ chus lte bar son na ltung byed du 'gyur ro/ /dge slong gis chu dron mos khrus byas nas chu grang mos khrus byed na des dus byin gyis brlab par bya'o/ /dus byin gyis ma brlab par khrus byed na ji srid du chus lte bar ma son gyi bar du nyes byas su 'gyur la/ chus lte bar son na ltung byed du 'gyur ro/ /dge slong gis chu klung dal gyi 'bab par khrus byed na des dus byin gyis brlab par bya'o/ /dus byin gyis ma brlab par khrus byed na ji srid du chus lte bar ma son gyi bar nyes byas su 'gyur la/ chus lte bar son na ltung byed du 'gyur ro/ /dge slong gis chu klung drag tu 'bab par khrus byed na des dus byin gyis brlab par bya'o/ /dus byin gyis ma brlab par khrus byed na ji srid du chus lte bar ma son gyi bar du nyes byas su 'gyur la/ chus lte bar son na ltung byed du 'gyur ro/ /dge slong gis chu klung dal gyis 'bab par khrus byas nas chu klung drag tu 'bab par khrus byed na des dus byin gyis brlab par bya'o/ /dus byin gyis ma brlab par khrus byed na ji srid du chus lte bar ma son gyis bar du nyes byas su 'gyur la/ chus lte bar son na ltung byed du 'gyur ro/ /dge slong gis chu klung drag tu 'bab par khrus byas nas chu klung dal gyis 'bab par khrus byed na des dus byin gyis brlab par bya'o/ /dus byin gyis ma brlab par khrus byed na ji srid du chus lte bar ma son gyi bar du nyes byas su 'gyur la/ chus lte bar son na ltung byed du 'gyur ro/ /dge slong dag chu klung rgal ba na de dag 'gyod par gyur nas/ bcom ldan 'das kyis bka' stsal pa/ 'di la 'gyod par mi bya bar gal te khrus byed par 'dod na dus byin gyis brlab te khrus bya'o/ /dge slong dag bskam sa'o snyam nas chur zhugs pa dang de dag der ltung zhing de dag 'gyod pa skyes nas/ bcom ldan 'das kyis bka' stsal pa/ 'di la 'gyod par mi bya bar gal te khrus byed par 'dod na dus byin gyis brlab te khrus bya'o/ /de bzhin du dge slong dag 'chags sa na yeng pas chur ltung ba dang / brgyal ba la chus btab pa na de dag 'gyod par gyur nas/ bcom ldan 'das kyis bka' stsal pa/ 'di la 'gyod par mi bya bar gal te khrus byed par 'dod na dus byin gyis brlab te khrus bya'o/ /las dang po pa dang smyos pa dang / sems 'khrug pa dang / tshor ba dag gis nyen pa la ltung ba med do/ /khrus byed pa'i ltung byed de drug bcu pa rdzogs s+ho// // sdom la dud 'gro 'gyod pa sor mo dang / /rtse dang lhan gcig sngangs byed dang / /sbed dang rdeng med gzhi med dang / /skyes pa med par lam 'gro ba'o/ / sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa 'char ka snga dro shams thabs bgos lhung bzed dang chos gos thogs te mnyan yod du bsod snyoms la zhugs nas der bsod snyoms brgyus te 'phong gi dpong sa mthong nas des der zhugs pa dang / 'phong gi slob dpon ni med khye'u dag 'khod nas des khye'u dag la dris pa/ khye'u dag ci byed de dag gis smras pa/ 'phags pa 'phong slob bo 'char kas smras pa/ bu dag legs te khyod kyis sgyu rtsal mchog la rgal to bltas g.yon 'phongs dang / g.yas 'phong dang mda' lnga 'phang ba byos shig / de dag gis g.yon 'phong dang / g.yas 'phong dang / mda' lnga 'phang bar bya bar btsam pa dang / de lag pa gnyis 'dril bar byed bzhin sgyur bar byed do/ /de dag gis smras pa/ 'phags pa ci'i slad du phyag gnyis 'dril bar mdzad/ zhal sgyur bar mdzad/ 'char kas smras pa/ da dung khyed cag gi slob dpon gyis kyang mi shes na khyed cag gis lta shes par 'gyur re skan/ de dag gis smras pa/ 'phags pa 'di la mkhyen pa cung zad mnga' 'am/ 'char kas smras pa/ sa'i steng na kho bos mi shes pa'i bzo'i gnas dang las kyi gnas gang yod de dag gis smras pa/ 'phags pa g.yar snga brim gyis g.yon 'phong dang g.yas 'phong dang / mda' lnga 'phang ba mdzad du gsol/ 'char kas smras pa gzhu 'on gcig de dag gis gzhu phul ba dang / 'char kas smras pa/ gzhu 'di ni ras bal gyi gzhu 'dra la gzhu gzhan 'on gcig /de dag gis gzhu gnyis pa dang / gsum pa phul ba dang 'char kas smras pa/ gzhu 'di dag kyang ras bal gyis gzhu 'dras khyed kyis slob dpon gyi gzhu 'on cig de dag gis slob dpon gyi gzhu phul ba dang 'char kas smras pa/ 'di yang tshod yod pa zhig go zhes des gzhu de ras bal gyis gzhu bzhin du bdungs te rgyud sgra sbrengs pa dang / steng gi nam mkha' la bya rog gi tshogs rgyu bar brtsams nas 'char kas smras pa/ ji lta rje bya rog 'di'i rkub tu bsnun la khar dbyung bar bya 'am/ 'on te khar bsnun la rkub tu dbyung bar bya de dag gis smras pa/ 'phags pa rkub tu bsnun la khar dbyung du gsol/ 'char kas shar phyogs kyi steng gi nam mkha' la mda' cig 'phangs shing lho dang nub dang / byang phyogs kyis steng gi nam mkha' la yang mda' re re 'phang ba dang / bya rog des kha gyen du phyogs te 'gro bar brtsams nas/ 'char kas de'i phyi bzhin mda' gcig 'phangs pas rkub tu bsnun te khar phyungs nas bya rog de sa la lhung ba dang / de dag ya mtshan skyes nas sems khongasu chud cing 'khod do/ /'char kas smras pa/ bu dag bzo 'di ltar bslab par bya ba 'am yang na slob dpon gzhan btsal bar bya'i 'bras bu med pa'i sbun pa phyar zhing 'khod de ci rung zhes smras te song ngo / /de dag sems khong du chud cing 'khod pa dang ji tsam na de dag gi slob dpon 'ongs nas des smras pa/ khye'u dag ci'i phyir sems khongasu chud cing 'khod g.yon 'phongs dang / g.yas 'phongs dang / mda' lnga 'phang ba byos shig de dag lag pa gnyis 'dril bar byed/ bzhin sgyur bar byed pa dang slob dpon gyis smras pa/ khye'u dag sngon ma byung ba'i rnam par 'gyur ba 'di lta bu byung na 'dir 'ga' zhig 'ong bar ma gyur tam mchis so/ /su 'phags pa 'char ka'o des ci byas/ mda' lnga 'phang ba bgyi nas bya rog 'di'i rkub tu bsnun nas khar phyung ngo / /des smras pa khye'u dag byang chub sems dpa' 'phong gi dpong sa gang du 'phong bslabs par gyur pa der des kyang bslab te gal te de rab tu byung bar ma gyur na 'dzam bu'i gling mtha' dag tu 'phong gi slob dpon gyi mchog tu 'gyur ro/ /'on kyang kho bos ci shes pa re shig kho bo las slobs la lhag ma gzhan las slobs shig /des bsam pa de yang dang yang du bdag la tho 'tsham par 'gyur bas bdag gis de mi dga' bar bya'o snyam nas des khye'u de dag la smras pa/ khye'u dag khyed cag phyogs dang phyogs 'tshams rnam su btsun pa 'char ka'i sgra'i tshogs snyan pa rgya chen po grag par 'dod dam de dag smras pa/ 'tshal lo des smras pa/ gang gi tshe 'phags pa 'char ka bsod snyoms la zhugs pa de'i tshe na khyed kyis bya rog gi ro 'di smyugs ma ring po'i rtse mo la thogs te de'i phyi bzhin phyi bzhin rjes su song la mi 'o cog la 'di skad ces 'phags pa 'char kas mda' lnga 'phang ba 'di lta bu byas te bya rog 'di'i rkub tu bsnun nas khar phyung ba la ltos shig ces sgrogs la/ gal te phyir logs shig ces zer na yang ma logs shig /phyi de nyin par tshe dang ldan pa 'char ka snga dro shams thabs bgos/ lhung bzed dang chos gos thogs ste mnyan yod du bsod snyoms la zhugs pa dang / khye'u de dag gis de mthong nas de dag gis/ bya rog gi ro de smyugs ma ring po'i rtse mo la btags te/ tshe dang ldan pa 'char ka'i phyi bzhin phyi bzhin rjes su song nas mi 'o cog la 'di skad ces 'phags pa 'char kas mda' lnga 'phang ba 'di lta bu byas pas bya rog 'di'i rkub tu bsnun nas khar phyung ba la ltos shes bsgrag pa dang / 'char kas de dag mthong nas des smras pa/ khye'u dag ci'i phyir kho bo la tho 'tsham par byed phyir logs shig /'on kyang de dag phyir ma log na yang de skad sgrog par byed nas bram ze dang khyim bdag dag shes ldan dag shAkya'i bu'i dge sbyong 'di dag ni srog gcod par byed pa ste/ srog gcod pa las ma log /ma spangs/ so sor ma spangs pa yin no/ /shes ldan dag shAkya'i bu'i dge sbyong sems can gang gi lpags pa yang dgos par mi rung / sha dang / rgyus pa dang / rus pa yang dgos par mi rung ba 'di lta bu yang gsod par byed pa la ltos/ su zhig dge sbyong mgo reg 'di dag la bsod snyoms sbyin pa dang bya bar sems shes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis 'char ka la rmas pa/ 'char ka khyod kyis mi mdzes pa de lta bu de byas pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bsams bzhin du dud 'gro'i skye gnas su gtogs pa'i srog chags gsod na ltung byed do/ / yang dge slong gang zhes bya ba ni 'char ka 'am/ gzhan yang de lta bu gang yin pa'o/ /bsams bzhin du zhes bya ba ni rnam par brtags nas so/ /dud 'gro'i skye gnas su gtogs pa'i srog chags shes bya ba ni bya rog gam/ gzhan yang de lta bu gang yin pa'o/ /gsod na zhes bya ba ni de'i srog gcod par byed na'o/ /ltung byed do/ /zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag du sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshag shing so sor ma bshag na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ bar sdom la/ bdag nyid kyis ni zin pa dang / /phyi rol du ni 'phangs pa dang / /gnyi ga dang ni ldan pa'i/ /sde tshan yang dag bsdus pa yin/ /ji ltar bdag nyid kyis zin pas zhe na/ dge slong gis dud 'gro'i skye gnas su gtogs pa'i sems can la bsad pa'i sems kyis 'di ltar brtsams pa 'dis 'di dus byed par gyur cig snyam pas sor mo gcig gis snun par byed cing / de yang rtsom pa des dus byed na dge slong la ltung byed du 'gyur ro/ /des de'i tshe ma yin yang des de'i 'og tu na dge slong la ltung byed du 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes byas su 'gyur ro/ /sor mo gcig gis ji lta ba de bzhin du 'di ltar rtsom pa 'dis 'di dus byed par gyur cig snyam pas sor mo gnyis kyis sam gsum gyis sam/ bzhis sam/ lngas sam/ khu tshur gyis sam/ gru mos sam/ phrag pas sam/ mgo bos sam/ glos sam/ rked pas sam/ brlas sam/ pus mos sam/ rje ngar gyis sam/ long bus sam/ rkang mthil gyis sam/ tha na rkang pa'i mthe bos snun par byed cing de yang rtsom pa des dus byed na dge slong la ltung byed du 'gyur ro/ /des de'i tshe ma yin yang / des de'i 'og du na dge slong la ltung byed du 'gyur ro/ /des de'i tshe yang ma yin la des de'i 'og du yang ma yin na dge slong la sbyor ba snga ma de nyid kyis nyes byas su 'gyur te/ de ltar bdag nyid kyis zin pas so/ /ji ltar phyi rol du 'phangs pas shes na/ dge slong gis dud 'gro'i skye gnas su gtogs pa'i sems can la bsad pa'i sems kyis 'di ltar rtsom pa 'dis 'di dus byed par gyur cig snyam pas mdas snun par byed cing de yang rtsom pa des dus byed na dge slong la ltung byed du 'gyur ro/ /des de'i tshe ma yin yang des de'i 'og tu na dge slong la ltung byed du 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes byas su 'gyur ro/ /mdas ji lta ba de bzhin du 'di ltar rtsom pa 'dis 'di dus byed par gyur cig snyam pas lcags mdas sam/ mda' phyed lcags las byas pas sam/ ste'u ka mas sam/ mde'u be'u so lta bus sam/ mde'u zur bzhi mas sam/ mde'u ka ra bi ra'i lo ma lta bus sam/ mde'u bye'u snying mas sam/ 'khor los sam/ rdo rje rtse gcig pas sam/ mda' bo ches sam/ mtshon rtse gcig pas sam/ tha na rgya shug gi 'bras bus snun par byed cing / de yang rtsom pa des dus byed na dge slong la ltung byed du 'gyur ro/ /des de'i tshe ma yin yang des de'i 'og tu na dge slong la ltung byed du 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes byas su 'gyur ro/ /de ltar phyi rol tu 'phangs pas so/ / ji ltar de gnyi ga dang ldan pas she na/ dge slong gis dud 'gro'i skye gnas su gtogs pa'i srog chags la bsad pa'i sems kyis 'di ltar rtsom pa 'dis 'di dus byed par gyur cig /snyam pas ral gris snun par byed cing de yang rtsom pa des dus byed na dge slong la ltung byed du 'gyur ro/ /des de'i tshe ma yin yang des de'i 'og tu na dge slong la ltung byed du 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes byas su 'gyur ro/ /ral gris ji lta ba de bzhin du 'di ltar rtsom pa 'dis 'di dus byed par gyur cig snyam pas shang lang gis sam/ ral gri so cig pas sam/ ral gri so gnyis pas sam/ mdung gis sam/ 'phang mdung gis sam/ khyo ba kha brag gis sam/ tsha lcag gis sam/ tha na rtswa mdas snun par byed cing de yang rtsom pa des dus byed na dge slong la ltung byed du 'gyur ro/ /des de'i tshe ma yin yang des de'i 'og du na dge slong la ltung byed du 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes byas su 'gyur te/ de ltar gnyi ga dang ldan pas so/ /las dang po pa dang / smyos pa dang / sems 'khrug pa dang / tshor ba dag gi nyen pa la ltung ba med do/ /dud 'gro gsod pa'i ltung byed de drug bcu rtsa gcig pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / gang gi tshe tshe dang ldan pa maud gal gyi bu chen pos nye ba 'khor la sogs pa sar pa skyes phran gzhon nu bcu bdun sde'i tshogs dag rab tu phyung rdzogs par bsnyen par byas pa de'i tshe na de dag drug sde dag la sten par byed/ snyen par byed bsnyen bkur byed do/ /de nas tshe dang ldan pa 'char kas bcu bdun sde dag la smras pa/ bcu bdun sde dag tshur shog /'di dang 'di gyis shig /de dag gis smras pa/ khyod kho bo cag gis slob dpon yin nam/ mkhan po yin nam ci mi byed do/ /'char kas smras pa/ glen pa dag 'o na gzhan ci byed ces des gnya' ba dag nas bzung ste phyi rol du bskrad do/ /de dag gis smras pa/ tshe dang ldan pa dag drug sde dag gis gang cung zad brnyas par gyur pa de dag thams cad ni bdag cag thos pa nyung ba las gyur pa yin gyis je thos pa 'dzin du 'dod dang des na phyin cad drug sde dag la cung zad kyang dri mi dgos par 'gyur ro/ /zhes de dag dge slong zhig gi gan du dong ste smras pa btsun pa bdag cag klog tu stsol cig /des de dag la thabs yin no zhes smras nas/ de dag gis de'i gan du klag par brtsams so/ /nye dgas smras pa/ btsun pa 'char ka bcu bdun sde dag de bar bdag cag la sten par mi byed/ snyen par mi byed/ bsnyen bkur mi byed do/ /'char kas smras pa/ kho bos de dag bskrad nas da ltar thos pa 'dzin par brtsams so/ /btsun pa 'char ka khyod kyis bdag cag gis sbrul nyal ba lcag gis gzhus so/ /ji srid du glen pa de dag thos pa nyung ba de srid du de dag bdag cag la sten par byed/ snyen par byed/ bsnyen bkur byed kyis/ gang gi tshe de dag thos pa mang por gyur cing mdo sde 'dzin pa dang / 'dul ba 'dzin pa dang / ma mo 'dzin pa dang / gdug cing pha rol gnon par gyur pa de'i tshe na de dag bdag cag la gnod pa bya bar sems par 'gyur ro/ /'char kas smras pa/ kho bos de dag ci nas kyang thos pa 'dzin par mi 'gyur ba dang / thos pa bzung ba las kyang yongs su nyams par 'gyur ba de ltar bya'o zhes de dag gis gan du song ste 'di skad ces smras so/ /kye bcu bdun sde dag shin du brtson 'grus brtsams sam/ de dag gis smras pa/ brtsams so/ /brtson 'grus kyis ci bya/ thos pa bzung ngo / /thos pa bzung bas cir 'gyur/ mang du thos par 'gyur ro/ /mang du thos pas cir 'gyur/ dbang po yongs su smin par 'gyur ro/ /dbang po yongs su smin pas cir 'gyur/ nges pa la 'jug pa dang / zag pa zad par 'gyur ro/ /khyed nges pa la 'jug pa dang / zag pa zad par 'gyur re skan/ btsun pa 'char ka kho bo cag mtshams med pa'i las dag byas pa 'am/ dge ba'i rtsa ba chad pa yin nam ci/ khyed cag 'tshams med pa'i las dag byas pa yang ma yin/ dge ba'i rtsa ba chad pa yang ma yin mod kyi 'on kyang khyed kyis bcom ldan 'das kyis yang dge slong gang gang zag lo nyi shu ma lon pa dag dge slong gi dngos por rdzogs par bsnyen par byed na gang zag de yang rdzogs par bsnyen par mi 'gyur la/ dge slong de dag kyang smad par 'gyur ro/ /zhes gsungs pa ma thos sam/ khyed cag lo nyi shu ma lon par rdzogs par bsnyen pas khyod cag nges pa la 'jug pa dang / zag pa zad par 'gyur re skan/ de dag gis de thos nas sems khongs su chud cing 'khod pa dang / de dag gi slob dpon 'ongs nas des smras pa/ gzhon nu dag ci'i phyir sems khongs su chud cing 'khod/ tshur shog la thos pa zung shig /de dag gis smras pa/ slob dpon thos pa bzung bas cir 'gyur/ mang du thos par 'gyur ro/ / mang du thos pas cir 'gyur/ dbang po yongs su smin par 'gyur ro/ /dbang po yongs su smin pas cir 'gyur/ nges pa la 'jug pa dang / zag pa zad par 'gyur ro/ /de dag gis smras pa/ slob dpon bdag cag nges pa la 'jug pa dang / zag pa zad par 'gyur re skan/ khyed cag mtshams med pa'i las dag byas pa dang / dge ba'i rtsa ba chad pa yin nam ci/ de dag gis smras pa/ slob dpon bdag cag mtshams ma mchis pa'i las dag bgyis pa yang ma lags/ dge ba'i rtsa ba chad pa yang ma lags mod kyi/ 'on kyang bcom ldan 'das kyis yang dge slong gang gang zag lo nyi shu ma lon pa dge slong gi dngos por rdzogs par bsnyen par byed na gang zag de yang rdzogs par bsnyen par mi 'gyur la/ dge slong de dag kyang smad par 'gyur ro/ /zhes gsungs pas bdag cag lo nyi shu ma lon par rdzogs par bsnyen pas bdag cag nges pa la 'jug pa dang / zag pa zad par 'gyur re skan/ des smras pa/ khyed kyis de ni thos na bcom ldan 'das kyis las dang po pa la ltung ba med do zhes gsungs pa de ma thos sam/ khyed cag las dang po pa yin pas rdzogs par bsnyen par gyur kyis tshur sheg la lung nos shig /gzhan yang 'di ltar khyed sus 'gyod pa bskyed/ btsun pa 'char kas so/ /dge slong don nyung ngu dag ci'i phyir dge slong dag bsams bzhin du dge slong la 'gyod pa skyed par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa yang snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la smras pa/ 'char ka khyod bsams bzhin du dge slong la 'gyod pa skyed par byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grang du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya te zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bsams bzhin du ci nas kyang dge slong 'di yid tsam zhig kyang bde ba la mi reg par bya'o snyam pa de nyid rkyen du byas te dge slong la 'gyod pa skyed na ltung byed do/ /yang dge slong gang zhes bya ba ni 'char ka 'am/ gzhan yang de lta bu gang yin pa'o/ /bsams bzhin du zhes bya ba ni rnam par brtags nas so/ /ci nas kyang dge slong 'di yid tsam zhig kyang bde ba la mi reg par bya'o snyam pa zhes bya ba ni tha na yid tsam zhig kyang yid mi dga' bar bya'o snyam pa'o/ /de nyid rkyen du byas te zhes bya ba ni gzhan ma yin pa'o/ /dge slong la zhes bya ba ni chos 'di pa la'o/ /'gyod pa skyed na zhes bya ba ni sems la cung zad 'gyod pa dang / rnam par 'gyod pa dang / rab tu 'gyod pa skyed na'o/ /ltung byed do/ /zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis dge slong la 'gyod pa skyed pa'i bsam pas gan du song ste 'di skad ces tshe dang ldan pas rgyal po dang / nor can dang / tshong dpon dang / ded dpon che ge mo zhig dran nam zhes dris te/ mi dran no zhes zer nas de ni dus snga ba yin gyi tshe dang ldan pa ni dus 'phyi ba yin pas tshe dang ldan pa rdzogs par ma bsnyen cing nyes par rdzogs par bsnyen pas yang rdzogs par bsnyen par bya dgos so zhes smras na dge slong 'gyod pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la 'gyod pa skyed pa'i bsam pas gan du song ste 'di skad ces tshe dang ldan pas zla ba gzas zin pa dang / nyi ma gzas zin pa che ge mo zhig dran nam zhes dris te/ mi dran no zhes zer nas de ni dus snga ba yin gyis tshe dang ldan pa ni dus 'phyi ba yin pas tshe dang ldan pa rdzogs par ma bsnyen cing nyes par rdzogs par bsnyen pas yang rdzogs par bsnyen par bya dgos so zhes smras na dge slong 'gyod pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la 'gyod pa skyed pa'i bsam pas gan du song ste 'di skad ces tshe dang ldan pa lo legs pa dang / lo nyes pa che ge mo zhig dran nam zhes dris te/ mi dran no zhes zer na de ni dus snga ba yin gyi tshe dang ldan pa ni dus 'phyi ba yin pas tshe dang ldan pa rdzogs par ma bsnyen cing nyes par rdzogs par bsnyen pas yang rdzogs par bsnyen par bya dgos so zhes smras na/ dge slong 'gyod pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la 'gyod pa bskyed pa'i bsam pas gan du song ste 'di skad ces tshe dang ldan pa gnas gang du rdzogs par bsnyen ces dris te/ ga ge mo zhig tu'o zhes zer nas gnas de ni mtshams ma bcad pa dang / dkyil 'khor bar blo 'thun par ma byas pa yin pas tshe dang ldan pa rdzogs par ma bsnyen cing nyes par rdzogs par bsnyen pas yang rdzogs par bsnyen par bya dgos so zhes smras na dge slong 'gyod pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la 'gyod pa skyed pa'i bsam pas gan du song ste 'di skad ces tshe dang ldan pa'i mkhan po ni gang yin/ slob dpon ni gang yin zhes dris te mkhan po ni che ge mo zhig yin/ slob dpon ni che ge mo zhig yin no zhes zer nas/ de gnyis ni tshul khrims 'chal ba yin pas tshe dang ldan pa rdzogs par ma bsnyen cing nyes par rdzogs par bsnyen pas yang rdzogs par bsnyen par bya dgos so zhes smras na dge slong 'gyod pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la 'gyod pa skyed pa'i bsam pas gan du song ste 'di skad ces tshe dang ldan pa phyogs ga ge mo zhig tu 'gro 'am zhes dris ste/ 'gro'o zhes zer nas de ni gcan sgo yin pas tshe dang ldan pa pham par 'gyur ba'i ltung ba byung ngo zhes smras na dge slong 'gyod pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la 'gyod pa skyed pa'i bsam pas gan du song ste 'di skad ces tshe dang ldan pa slob dpon dang / mkhan po dag gi chos gos dag blangs sam zhes dris te blangs so zhes zer nas tshe dang ldan pas rku sems kyis blangs pas tshe dang ldan pa pham par 'gyur ba'i ltung ba byung ngo zhes smras na dge slong 'gyod pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la 'gyod pa skyed pa'i bsam pas gan du song ste 'di skad ces tshe dang ldan pas dge 'dun gyi nang du 'du byed thams cad ni mi rtag pa/ chos thams cad ni bdag med pa mya ngan las 'das pa ni zhi ba'o/ /zhes smras sam zhes dris te/ smras so zhes zer nas tshe dang ldan pa mi'i chos bla ma smras pas tshe dang ldan pa pham par 'gyur ba'i ltung ba byung ngo zhes smras na dge slong 'gyod pa skyes kyang rung ma skyes kyang rung dge slong la ltung byed du 'gyur ro/ /don gzhan dang / 'dul ba'i yo byad kyis ni ltung ba med do/ /ji ltar don gzhan gyis zhe na 'di lta ste/ dge slong gis dge slong gi gan du song ste 'di skad ces tshe dang ldan pas rgyal po dang / nor can dang tshong dpon dang / ded dpon che ge mo zhig dran nam zhes dris te/ mi dran no zhes zer na de ni dus snga ba yin pas tshe dang ldan pas mi dran te tshe dang ldan pa legs par rdzogs par bsnyen to zhes smras na ltung ba med do/ /'di lta ste dge slong gis dge slong gi gan du song ste 'di skad ces tshe dang ldan pas zla ba gzas zin pa dang / nyi ma gzas zin pa che ge mo zhig dran nam zhes dris te mi dran no zhes zer nas de ni dus snga ba yin pas tshe dang ldan pas mi dran tshe dang ldan pa legs par rdzogs par bsnyen to zhes smras na ltung ba med do/ /'di lta ste dge slong gis dge slong gi gan du song te 'di skad ces tshe dang ldan pas lo legs pa dang / lo nyes pa che ge mo zhig dran nam zhes dris te/ mi dran no zhes zer nas de ni dus snga ba yin pas tshe dang ldan pa mi dran te tshe dang ldan pa legs par rdzogs par bsnyen to zhes smras na ltung ba med de/ de ltar don gzhan gyis so/ /ji ltar 'dul ba'i yo byad kyis zhe na/ 'di lta ste/ dge slong gis dge slong gi gan du song ste 'di skad ces tshe dang ldan pa gnas gang du rdzogs par bsnyen ces dris te/ ga ge mo zhig tu'o zhes zer nas gnas de ni mtshams bcad pa dang / dkyil 'khor bar blo 'thun par byas pa yin pas tshe dang ldan pa legs par rdzogs par bsnyen to zhes smras na ltung ba med do/ /'di lta ste/ dge slong gis dge slong gi gan du song ste 'di skad ces tshe dang ldan pa'i mkhan po ni gang yin slob dpon ni gang yin zhes dris te mkhan po ni che ge mo zhig yin/ slob dpon ni che ge mo zhig yin zhes zer nas de gnyis ni dge slong tshul khrims dang ldan pa yin pas de gnyis la bsnyen bkur byas na khyod la bsod nams mang du skye zhing tshe dang ldan pa legs par rdzogs par bsnyen pa yin no zhes smras na ltung ba med do/ / 'di lta ste/ dge slong gis dge slong gi gan du song ste 'di skad ces tshe dang ldan pas mkhan po dang / slob dpon dag gi chos gos dag blangs sam zhes dris te blangs so zhes zer nas/ rku sems kyis ma len cig /pham par 'gyur ba'i ltung ba ma byung bar gyis shig ces smras na ltung ba med do/ /'di lta ste/ dge slong gis dge slong gi gan du song ste 'di skad ces tshe dang ldan pa phyogs ga ge mo zhig tu 'gro 'am zhes dris te/ 'gro'o zhes zer nas tshe dang ldan pa phyogs de ni gcan sgo yin gyis phyogs der ma 'gro shig /khyod tshangs pa mtshungs par spyod pa mkhas pa rnams mi dogs pa'i gnas la dogs par 'gyur bar ma byed cig /mi rtog pa'i gnas la rtog par 'gyur bar ma byed cig ces smras na ltung ba med do/ /'di lta ste/ dge slong gis dge slong gi gan du song ste 'di skad ces tshe dang ldan pas dge 'dun gyi nang du 'du byed thams cad ni mi rtag pa/ chos thams cad ni bdag med pa/ mya ngan las 'das pa ni zhi ba'o zhes smras sam zhes dris te/ smras so/ / zhes zer nas mi'i chos bla ma ma smra shig /pham par 'gyur ba'i ltung ba ma byung bar gyis shig ces smras na ltung ba med do/ /de ltar 'dul ba'i yo byad kyis so/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /'gyod pa skyed pa'i ltung byed de drug bcu rtsa gnyis pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa maud gal gyi bu chen pos nye ba 'khor la sogs pa sar pa skyes phran gzhon nu bcu bdun sde'i tshogs dag rab tu phyung rdzogs par bsnyen par byas pa de'i tshe na bcu bdun sde dag gal te cig la las su bsgo ba bab pa na yang de dag thams cad bsdongs te byed do/ /ci tsam dus gzhan zhig na gtsug lag khang der mtshan thog thag tu chos mnyan pa byung nas der de dag thams cad kyis bsdongs te tron byas so/ /phyi de nyin par dge 'dun gyi bsro gang du chos mnyan pa byung nas der yang de dag thams cad kyis bsdoms te tron byas so/ /de'i phyi de nyin par bcu bdun sde las cig la dge bskos bab nas de'i nyin mo yang thams cad kyis gtsug lag khang brgyan te 'khod do/ /de nas dge bskos tron byed pa'i tshe bcu bdun sde las cig la blo byung ba bdag ni chad kyis nyal lo/ /mi bcu drug gis ci'i phyir tron mi nus snyam mo/ /de de bzhin du re re la yang blo de lta bu byung nas gzhan bcu drug po thams cad so sor nyal du dong ngo / /dge bskos de 'ba' shig gcig pus mtshan thog thag las byas te mtshan mo nam nangs pa dang mar me'i kong bu dag bsdus/ sgo dag phye/ gtsug lag khang chag chag btab byug pa byas te dus shes par byas nas stan bshams shing mchod rten gyi 'khor sar bdug spos brims te gtsug lag khang gi steng du 'greng nas gaN DI brdung bar brtsams so/ /de nas bcu drug po de gaN DI 'i sgras sad nas rang rang gis gnas khang dag nas lhung bzed thogs te byung ba dang / de dag gis dge bskos de gcig pu phar rgyug tshur rgyug cing 'dug pa mthong nas/ de dag gis phan tshun smras pa/ tshe dang ldan pa dag 'di cig pu phar rgyug tshur rgyug cing 'dug na yu bu cag las sus kyang 'di'i grogs ma byas sam/ gcig gis smras pa/ kho bo la blo byung ba/ bdag ni chad kyis nyal lo/ /mi bcu drug gis ci'i phyir tron mi nus snyam mo/ /de bzhin du gzhan yang de skad zer/ gzhan dag kyang de skad zer te/ thams cad kyis de skad smras so/ /de nas bcu drug po dag gis smras pa/ tshe dang ldan pa dag 'di bdag cag gis 'phral gyi bya ba tham cad la thog mar 'gro ba yin na/ bdag cag gi 'di'i grogs ma byas pa ni yu bu cag gis ma legs pa byas te 'di bdag cag la gshe bar 'gyur gyis zan zos ma thag tu bzod pa gsol bar bya'o zhes de dag gis zan zos nas bzod pa gsol bar brtsams te/ gzhon pa rnams kyis ni de'i rkang pa gnyis la gtug / rgan pa rnams kyis ni mgul nas 'khyud de tshe dang ldan pa bzod pa gsol lo zhes byas na de cang mi smra ba nyid du 'dug go de dang ches bshes pa cig yod pa des ga ga tshil byas pa dang des rgod par brtsams te bzod do zhes kyang zer ro/ /de dag gis bsams pa/ de ni thabs legs pa yin no snyam nas gzhan gyis kyang ga ga tshil byas shing de bzhin du thams cad kyi bar gyi ga ga tshil byas pa dang / de rlung gyen du 'chug te dus la bab bo/ /de dag rtad cing mya ngan bya bar brtsams pa dang / dge slong rnams kyis smras pa/ kye bcu bdun sde dag ci'i phyir brtad cing mya ngan byed/ de dag gis smras pa/ bdag cag sngon ni bcu bdun sder gyur na da ni bcu drug sder gyur te/ tshang pa mtshungs par spyod pa yid du 'ong ba dang bral zhing pham par gyur pa'i ltung ba byung ngo / /dge slong de dag gis ma legs so zhes smras te dong ngo / /bcu drug po de dag kyang mtha' gcig tu dong ste sems khongasu chud cing 'khod pa dge slong gzhan dag gis mthong nas dge slong de dag gis spyo bar brtsams te/ tshe dang ldan pa bcu bdun sde 'di dag ni sog ma'i me bzhin du skad cig gis 'bar zhing skad cig gis shi bar gyur te/ yid tsam zhig gis rgod bag byed cing / yid tsam zhig gis sems khongs su chud cing 'khod do zhes zer ro/ /de dag mya ngan gyi mes yid gdungs pas yongs su spyos kyang cang mi smra bar sems khongs su chud cing 'khod do/ /de dag sems khongs su chud cing 'khod pa 'char kas mthong nas des smras pa/ bcu bdun sde dag ci'i phyir sems khongs su chud cing 'khod de dag gis smras pa/ kho bo cag da dung yang bcu bdun sde yin snyam 'am/ ci'i phyir ma yin/ de dag gis skabs de rgyas par brjod pa dang / dge slong don nyung ngu dag ci'i phyir dge slong dag dge slong la sor mos ga ga tshil byed ces smod par byed/ phyar ka gtong bar byed kha zer bar byed pa'i skabs de dge slong rnams kyis bcom ldan 'das gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis bcu bdun sde dag la smras pa/ dge slong dag khyed sor mos ga ga tshil byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab du byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sor mos ga ga tshil byed na ltung byed do/ /sor mos ga ga tshil byed na zhes bya ba ni sor mos ga ga tshil bya ba'i bsam pas lus kyis las dang / lus kyis spyod pa dang / lus kyi g.yo ba gang yin pa byed na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang ngan 'gro dang log par ltung ba dag tu sreg par byed tshod par byed ltung bar byed pa'o gzhan yang ji srid du ltung ba de ma bshags shing so sor ma bshags na dge ba'i chos rnams sgrib par byed pa ste/ des na ltung byed do zhes gsungs so de la ltung bar ji ltar 'gyur zhe na/ dge slong gis dge slong la sor mo gcig gis ga ga tshil byed na ltung byed du 'gyur ro/ /sor mo gnyis dang / gsum dang / bzhi dang / lngas ga ga tshil byed na yang ltung byed du 'gyur ro/ /khu tshur dang / gru mo dang / phrag pa dang / mgo dang / glo dang / rgyab dang / rked pa dang / brla dang / byin pa dang / tha na rkang pa'i mthe bos ga ga tshil byed na yang ltung byed du 'gyur ro/ /rma ston pa dang / sbrang bu dang / 'brum bu dang / sme ba dang / spu'i tshangs ston pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /ga ga tshil byed pa'i ltung byed de drug bcu rtsa gsum pa rdzogs so// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcu bdun sde dag las tshe dang ldan pa nye ba 'khor gyis nyon mongs pa thams cad spangs pas dgra bcom pa nyid mngon sum du byas pa de'i tshe na des bsams pa/ bdag gi tshangs pa mtshungs par spyod pa 'di dag la dge ba'i rtsa ba cung zad yod dam snyam na des yod par mthong ngo / /su la rag las snyam na bdag nyid la rag las par mthong nas de bcu drug po gzhan dag gdul ba la ltos pas de dag gi phyi bzhin phyi bzhin rjes su 'brang ba na de dag gis smras pa/ tshe dang ldan pa dag chu klung gnas can gyi ngogs su chu'i don du 'dong zhing der khrus kyang bya'o zhes de dag chu tshags dang / chu bum thogs te chu klung gnas can ga la ba der dong nas/ de dag smras pa/ tshe dang ldan pa dag ji lta je khrus bya 'am/ 'on te chu btsag par bya/ de dag gis smras pa/ je chu btsag par bya ste/ de'i 'og tu khrus bya'o/ /zhes de dag gis chu btsag nas gos dag mtha' gcig tu phud de khrus bya bar brtsams nas chur zhugs te de dag steng du 'byung bar yang byed/ 'og tu nub par yang byed/ tshu rol gyi 'gram nas pha rol gyi 'gram du 'gro bar yang byed/ pha rol gyi 'gram nas tshu rol gyi 'gram du 'ong bar yang byed/ rgyun phyogs su 'gro bar yang byed/ rgyun las zlog phyogs su 'gro bar yang byed/ chu la rnga bo che'i sgra 'byin par yang byed/ rdza rnga kha gcig pa'i sgra 'byin par yang byed/ chu la gseg ma 'khrab pa dang / 'phen par yang byed/ chu la khor yug dang rdo rje lta bu yang byed/ chu la khron pa dang / dba' klong dang / chu srubs 'dren pa yang byed/ chu la rgod bag dang / phyar g.yeng dang / lus sgyur ba dag kyang byed do/ /tshe dang ldan pa nye ba 'khor yang shes bzhin du khrus byas te chu klung gnas can rgal nas chos gos dag bgos te sdod do/ /de'i tshe na ko sa lar byung ba'i rgyal po gsal rgyal steng gi khang bzangs kyi gzhir gtogs pa na btsun mo phreng ldan ma dang lhan cig 'dug pas ji tsam na bcu bdun sde dag chu la rtse bas rtse ba mthong ngo / / mthong nas kyang des btsun mo phreng ldan ma la smras pa/ phreng ldan ma yon gnas dag gi mdzes pa la ltos shig ltos shig /phreng ldan mas smras pa/ lha de ni ngo mtshar mi che ste/ lang tsho gsar du gyur nas tshangs par spyad pa spyod pa lags kyi/ lha bgres pa'i gnas skabs su gyur kyang da dung thugs ma byung ba ngo mtshar che lags so/ /rgyal po skyengs nas cang mi smra bar 'dug go/ /tshe dang ldan pa nye ba 'khor gyis la la zhig mi dga' bar sems dpa' ma gyur tam snyam du bsams na/ de ji tsam na ko sa lar byung ba'i rgyal po gsal rgyal steng gi khang bzangs kyi gzhir gtogs pa na mi dga' bar sems pa mthong ngo / /mthong nas kyang des de dag la smras pa/ tshe dang ldan pa dag ko sa lar byung ba'i rgyal po gsal rgyal mi dga' bar sems kyis byung shig dang de dga' bar bya'o/ /de nas de dag byung ste gos dag gyon pa na tshe dang ldan pa nye ba 'khor mos pa las byung ba'i ting nge 'dzin la snyoms par zhugs nas/ 'di ltar de dag thams cad chu tshags dang chu bum dang bcas te steng gi nam mkha' la ngang pa'i rgyal po 'dab ma brkyang ba ltar 'phags te dong ngo / /de dag steng gi nam mkha' la 'dong ba'i grib ma ko sa lar byung ba'i rgyal po gsal rgyal gyi steng gi khang bzangs kyi gzhir bab nas btsun mo phreng ldan mas de dag steng gi nam mkha' la ngang pa'i rgyal po 'dab ma brkyang ba ltar 'phags te 'dong ba mthong nas des ko sa lar byung ba'i rgyal po gsal rgyal la smras pa/ lha yon gnas dag gi mdzes pa la gzigs shig gzigs shig /rgyal pos smras pa/ phreng ldan ma dgra bcom pa zag pa zad pa dag chu la phyar g.yeng gis rtse bar 'gyur ba de ni gnas ma yin skabs ma yin te/ de ni gnas med do/ /phreng ldan mas smras pa/ lhas de ni gsan na bcom ldan 'das kyis 'di na ngas dge slong 'dug pa na 'dod chags dang bcas/ zhe sdang dang bcas/ gti mug dang bcas par mthong la/ de nyid langs pa na 'dod chags dang bral/ zhe sdang dang bral/ gti mug dang bral bar yang mthong ngo / /dge slong dag de lta bas na sems ni glog dang 'dra la/ ting nge 'dzin ni rdo rje dang 'dra bas nyon mongs pa rnams ni ye shes kyis 'joms so zhes gsungs pa de ma gsan tam/ rgyal po thos pa nyung bas de cang mi smra bar 'dug go/ /phreng ldan mas kyang bsams pa/ dgra bcom pa zag pa zad pa dag chu la phyar g.yeng gis rtse ba de ni gnas ma yin skabs ma yin te/ de ni gnas med do snyam nas/ de nas btsun mo phreng ldan mas mi zhig la smras pa/ kye nang rje khyod tshur shog /bcom ldan 'das ga la ba der song la phyin pa dang / kho mo'i tshig gis bcom ldan 'das kyi zhabs gnyis la mgo bos phyag 'tshol la/ 'di skad ces btsun mo phreng ldan ma'i mchid nas/ btsun pa 'phags pa 'di dag chab la phyar g.yeng gis rtse bar bgyid pas rgyal po glo ba mi dga' bar sems na/ kye ma bcom ldan 'das kyis gang gis 'phags pa dag chab la phyar g.yeng gis rtse bar mi 'gyur ba dran par bgyi ba cung zhig bca' ba mdzad na legs so zhes mchi'o zhes gsol cig /mi des jo mo bka' bzhin 'tshal zhes btsun mo phreng ldan ma las mnyan nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' cig tu 'dug go/ /mtha' cig tu 'dug nas bcom ldan 'das la 'di skad ces gsol to/ /btsun pa btsun mo phreng ldan ma bcom ldan 'das kyi zhabs gnyis la mgo bos phyag 'tshal lo/ /btsun mo phreng ldan ma dang / khyod bde bar gyur cig /btsun pa btsun mo phreng ldan ma'i mchid nas 'phags pa 'di dag chab la phyar g.yeng gis rtse bar bgyid pas rgyal po glo ba mi dga' bar sems na/ kye ma bcom ldan 'das kyis gang gis 'phags pa dag chab la phyar g.yeng gis rtse bar mi 'gyur ba'i dran par bgyi ba cung zhig bca' ba mdzad na legs so zhes mchi'o/ /bcom ldan 'das kyis mi de la cang mi gsung bas gnang ngo / /de nas mi des bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / / de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis bcu bdun sde dag la smras pa/ dge slong dag khyed chu la phyar g.yeng gis rtse ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ chu la rtse na ltung byed do/ /chu la rtse na zhes bya ba ni chu la rtse ba'i bsam pas lus kyi las dang / lus kyi spyod pa dang / lus kyi g.yo ba byed na'o/ /ltung byed do/ /zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ gzhi dgu las te/ rtse bar bya'o/ /rtser gzhug par bya'o/ /rtsed mo bya'o/ /rtsed mo byed du gzhug go/ /dga' bar bya'o/ /dga' bar byed du gzhug go/ /rgod bag bya'o/ /'phyar g.yeng bya'o/ /lus bsgyur bar bya'o snyam pa'i bsam pas so/ /de la ji ltar rtse bar bya'o snyam pa'i bsam pas she na/ dge slong gis chu la rtse ba'i bsam pas khri las ldang bar byed/ sham thabs gyon par byed/ chos gos gyon par byed/ 'gro bar byed cing chos gos dag bzhag nas khrus ras gyon par byed/ chur 'jug par byed cing 'og tu nub par byed pa na ltung byed du 'gyur ro/ /steng du 'byung bar byed na ltung byed du 'gyur ro/ /sim par 'dod pa'i bsam pas ni ltung ba med do/ /tshu rol gyi 'gram nas pha rol gyi 'gram du 'gro bar byed na ltung byed du 'gyur ro/ /pha rol gyi 'gram nas tshu rol gyi 'gram du 'ong na ltung byed du 'gyur ro/ /rgal ba'i bsams pas ni ltung ba med do/ /rgyun phyogs su rtsol na ltung byed du 'gyur ro/ /rgyun las zlog phyogs su rtsol na ltung byed du 'gyur ro/ /slob pa'i bsam pas ni ltung ba med do/ /chu la rnga bo che rdung ngam/ chu la rdza rnga kha gcig pa rdung ngam/ chu la gseg ma 'khrab bam/ chu la khor yug byed dam/ chu la rdo rje byed dam/ chu la chu srubs 'dren na ltung byed du 'gyur ro/ /tha na chu la bam tol gyis rdeg na nyes byas su 'gyur ro/ /dge slong gis bum pa dang / phru ba dang / ril ba dang / kham phor du chu la rnga bo che rdung bar byed dam/ chu la rdza rnga kha gcig pa rdung bar byed dam/ tha na bam tol gyis rdeg na nyes byas su 'gyur ro/ /dge slong gis sran tshod dang / 'u sha dang / thang tsha bar chu la rnga bo che rdung bar byed dam/ rdza rnga kha gcig pa rdung bar byed dam/ tha na bam tol gyis rdeg na nyes byas su 'gyur ro/ /grangs par 'dod pa'i bsam pas ni ltung ba med do/ /de ltar rtse bar bya'o snyam pa'i bsam pas so/ /rtser gzhug go snyam pa'i bsam pa la sogs pa lhag ma rnams la yang de bzhin no/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /chu la rtse ba'i ltung byed de drug bcu rtsa bzhi pa rdzogs so// // 'dul ba rnam par 'byed pa/ bam po drug bcu rtsa gcig pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa ma 'gags pas nyon mongs pa thams cad spangs pas dgra bcom pa nyid mngon sum du byas shing des rnam par grol ba'i bde ba nyams su myong ba'i tshe de 'di snyam du sems te/ bcom ldan 'das de ni bdag la phan pa mdzad pa yin no/ /bde bar gshegs pa de ni bdag la legs pa mdzad pa yin te/ 'di ltar bcom ldan 'das de ni bdag gi sdug bsngal gyi chos mang po sel bar mdzad pa/ bcom ldan 'das de ni bdag gi bde ba'i chos mang po sgrub par mdzad pa/ bcom ldan 'das de ni bdag gi sdig pa mi dge ba'i chos mang po sel bar mdzad pa/ bcom ldan 'das de ni bdag gi dge ba'i chos mang po sgrub par mdzad pa yin na bdag gis de la ji zhig byas na bdag gis bcom ldan 'das la lan byas pa dang / nye bar byas pa dang / rab tu byas par 'gyur snyam nas/ yang de 'di snyam du sems te/ sangs rgyas bcom ldan 'das rnams dka' ba mdzad pa brgya stong du ma dag gis bskal pa grangs med pa gsum gyis pha rol du phyin pa drug yongs su rdzogs par mdzad nas bla na med pa'i mkhyen pa thugs su chud pa gang yin pa de dag thams cad ni sems can gyi don gyi phyir yin pas bdag gis kyang gdul ba'i bya ba cung zhig bya'o snyam mo/ /de nas tshe dang ldan pa ma 'gags pa phyem bred na nang du yang dag 'jog las langs nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la tshe dang ldan pa ma 'gags pas 'di skad ces gsol to/ /btsun pa bdag ljongs rgyur mchi bar 'tshal lo/ /de nas bcom ldan 'das kyis tshe dang ldan pa ma 'gags pa'i sems thugs kyis mkhyen nas tshe dang ldan pa ma 'gags pa la 'di skad ces bka' stsal to/ /ma 'gags pa khyod song la sems can ma rgal ba rnams ni sgrol cig /ma grol ba rnams ni khrol cig /dbugs ma phyin pa rnams ni dbugs phyung shig /yongs su mya ngan las ma 'das pa rnams ni yongs su mya ngan las zlos shig /de nas tshe dang ldan pa ma 'gags pas bcom ldan 'das kyi bka' stsal pa la mngon par dga' ba dang rjes su yi rang ba byas te bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo / /de nas tshe dang ldan pa ma 'gags pa de nyid kyi mtshan mo 'das nas snga dro sham thabs bgos lhung bzed dang chos gos thogs te mnyan yod du bsod snyoms la zhugs so/ /mnyan yod du bsod snyoms brgyus nas zas kyi bya ba byas te phyi ma'i zas kyi bsod snyoms las phyir log pas ji ltar longs spyod pa'i gnas mal mkhos su phab nas lhung bzed dang chos gos thogs te ljongs rgyur song ngo / /ri brags shig na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de la bu gnyis dang / bu mo gcig yod nas des bu de gnyis kyi khyim phub cing bu mo de yang bag mar btang ngo / /dus gzhan zhig na khyim bdag de yang dus la bab/ de'i bu mo de yang khyo shi bar gyur nas ming po gnyis kyi khyim du gnas par brtsams shing de skyes pa gzhan dag dang lhan cig dga' mgur spyod par byed do/ /ri brags de na de'i ming po de gnyis gtso bor grags pa yin te/ gang gi tshe de gnyis 'ga' zhig dang lhan cig 'thab pa de'i tshe na 'thab zla de na re khyod gnyis kyang smra 'am/ khyed gnyis kyi sring mo skyes pa gzhan dag dang lhan cig dga' mgur spyod do zhes zer ro/ / de gnyis dong ste sring mo la smras pa/ sring mo kho bo cag gnyis mi dang 'thab pa na de na re khyed gnyis kyang smra 'am/ khyod gnyis kyi sring mo skyes pa gzhan dag dang lhan cig dga' mgur spyod par byed do zhes zer ro/ /sring mos smras pa/ ming po gnyis bdag ni tshul khrims dang ldan pa lags na skye bo brdzun ma dag bdag la skur pa mchi'o/ /dus gzhan zhig na de la sems can zhugs par gyur te mngal na gnas pa'i mtshan ma dag kyang byung nas ming po gnyis kyis de la smras pa/ sring mo khyod na re bdag ni tshul khrims dang ldan pa lags na skye bo brdzun ma dag skur pa mchi'o zhes zer na 'di ga las byung / sring mos smras pa/ ming po gnyis 'di ni sems can spyi rdol can zhig nan gyis bdag gi mngal du zhugs pa lags so/ /dus gzhan zhig na de btsas pa las khye'u zhig byung nas de'i nye du dag 'dus shing lhags te khye'u 'di'i ming cir gdags shes de'i ming 'dogs par byed pa na de dag 'di snyam du sems te/ khye'u 'di ma btsas pa kho na nas mas spyi rdol can zhes bya ba'i tshig kun du brjod pas khye'u 'di'i ming spyi rdol can du gdags so zhes khye'u de'i ming spyi rdol can zhes bya bar btags so/ /de'i ma yang spyi rdol can gyi ma zhes bya ba'i ming du gyur nas/ ming po gnyis kyis de gnas gzhan du bzhag go/ /tshe dang ldan pa ma 'gags pa ljongs rgyu zhing 'gro ba na ri brags der phyin nas des der bsti gnas brnyas pa dang / khye'u dag cig rtse zhing 'khod pa de dag gis de la smras pa/ 'phags pa spyi rdol can gyi ma la bsti gnas g.yor cig dang / de khyod la bsti gnas 'bul bar 'gyur ro/ /dgra bcom pa rnams kyi chos nyid ni ma bsams par shes pa dang mthong ba mi 'jug pas de der song ste bsti gnas brnyas pa dang / des de la bsti gnas phul te stan bshams nas 'dir bzhugs shig ces smras so/ /de der 'dug pa dang des de'i rkang pa bkru ba'i chu khyer te 'ongs nas smras pa/ 'phags pa zhabs bkru bar bgyi'o/ /tshe dang ldan pa ma 'gags pas smras pa/ kho bo ni bud med kyis rkang pa mi 'khru'o/ /des bsams pa/ rab tu byung ba dag la 'di lta bu'i brtul zhugs yang dag par blangs pa yod do snyam nas des de'i rkang pa bsku ba khyer te 'ongs nas smras pa/ 'phags pa zhabs bsku bar bgyi'o/ /tshe dang ldan pa ma 'gags pas smras pa/ kho bo ni bud med kyis rkang pa mi skud do/ /des bsams pa/ rab tu byung ba dag la 'di lta bu'i brtul zhugs yang dag par blangs pa yod do snyam nas/ des zan khyer te 'ongs nas smras pa/ 'phags pa bshos gsol cig /tshe dang ldan pa ma 'gags pas smras pa/ kho bo ni dus ma yin par mi za'o/ /des bsams pa/ rab tu byung ba dag la brtul zhugs 'di lta bu yang dag par blangs pa yod do snyam nas/ des de'i mal bshams pa dang / tshe dang ldan pa ma 'gags pa mal der skyil mo krung bcas nas lus drang por bsrang ste dran pa mngon du phyogs par bzhag nas 'dug go/ /de de'i gan du 'ongs te/ bud med kyi g.yo dag dang / bud med kyi gya gyu dag dang / bud med kyi ya yo dag dang / bud med kyi sgyu gang dag yin pa de dag nye bar bstan par brtsams pa dang / tshe dang ldan pa ma 'gags pa dbang po dag 'bebs par byed do/ /des bsams pa/ 'di chad pas re shig nyal du bcug ste nam phyed na 'gro bar bya'o snyam nas/ de nam phyed na song ste de bzhin du bud med kyi g.yo dag dang / bud med kyi gya gyu dag dang / bud med kyi ya yo dag dang / bud med kyi sgyu gang dag yin pa de dag bstan par brtsams pa dang / tshe dang ldan pa ma 'gags pa dbang po dag 'bebs par byed do/ /des bsams pa/ skyes bu 'di lta bu dang ni shin du thag ring du song yang lhan cig dga' mgur spyad par bya ba yin na gang gis 'di bdag gi dbang du 'gyur ba'i thabs ci yod snyam nas/ des bsams pa/ bud med kyi yul gyi reg pa ni dug yin pas bdag gis 'khyud na 'di bdag gi dbang du 'gyur ro/ /snyam nas des 'khyud par brtsams pa dang / tshe dang ldan pa ma 'gags pa ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ / so so'i skye bo ni rdzu 'phrul la myur du sems gtod par byed pa yin pas bud med de shing ljon pa rtsa ba nas bcad pa bzhin du tshe dang ldan pa ma 'gags pa'i rkang pa gnyis kyi drung du sgyel nas smras pa/ yon gnas yang dag par gyur pa mar gshegs su gsol/ mar gshegs su gsol/ nyon mongs pa'i 'dam du bying ba bdag sug pa nas drang ba stsal du gsol/ tshe dang ldan pa ma 'gags pa bud med de la rjes su snying brtse ba'i phyir steng gi nam mkha' las shod du babs so/ /de nas bud med des tshe dang ldan pa ma 'gags pa'i rkang pa gnyis la mgo bos phyag 'tshal te stan shin du dma' ba zhig blangs nas chos mnyan pa'i phyir de'i mdun du 'dug go/ /tshe dang ldan pa ma 'gags pas de'i bsam pa dang / bag la nyal dang / khams dang / rang bzhin khongs su chud nas gang thos nas bud med des stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan pa byas so/ /des bden pa mthong nas smras pa/ btsun pa ma 'gags pas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs dag gis kyang ma bgyis te/ khrag dang mchi ma'i rgya mtsho ni skams/ rus pa'i ri dag las ni bsgral/ ngan song gi sgo dag ni bkum/ mtho ris dang / thar pa'i sgo dag ni phye/ sems can dmyal ba dang / dud 'gro dang / yi dags nas ni rkang pa phyung / lha dang / mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa ma 'gags pa bdag ni mngon par zhugs pa lags so/ /btsun pa ma 'gags pa bdag ni mngon par zhugs pa lags te/ btsun pa ma 'gags pa bdag bcom ldan 'das dang / chos dang / dge slong gi dge 'dun la skyabs su mchis/ bdag dge bsnyen mar gzung du gsol/ deng slan cad ji srid 'tsho'i bar du glo ba thag pa nas skyabs su mchi'o/ /btsun pa ma 'gags pa de'i slad du sang 'di nyid du gdugs tshod gsol bar ci gnang / sring mo dam tshig gis bza' bar bya ste/ gal te sgo bcad de sbyin par byed na bza'o/ /des smras pa/ chab sgo bkum ste gsol lo/ /des de nyid kyi mtshan mo kha zas sta gon byas nas nang par sngar langs te stan bshams nas sgo bcad de gdugs tshod la bab pa dang / tshe dang ldan pa ma 'gags pa bde bar 'dug par rig nas bca' ba dang gza' ba gtsang zhing bsod pas rang gi lag nas tshim par byed/ stobs par byed do/ /rnam grangs du mar bca' ba dang bza' ba gtsang zhing bsod pas rang gi lag nas bstabs shing tshim par byas nas/ tshe dang ldan pa ma 'gags pa zan zos shing lag pa bsnyal lhung bzed bzhag par rig nas stan ches dma' ba zhig blangs te tshe dang ldan pa ma 'gags pa'i mdun du chos mnyan pa'i phyir 'dug go/ /de'i tshe na de'i ming po gnyis mi zhig dang lhan cig thab mo byung ba na mi de na re khyed gnyis kyi smra 'am/ khyed gnyis kyi sring mo ya tshan can sna tshogs dang ldan pa'i mchod sbyin byed pas shAkya'i bu'i dge sbyong yang ma btang ste/ shAkya'i bu'i dge sbyong khar tsang zhugs na da dung yang ma byung ngo zhes zer ro/ /de gnyis kyis bsams pa/ bdag cag gnyis gang cung zad mis brnyas par gyur pa de thams cad ni 'di'i le lan yin gyis de gsad du 'dong ngo snyam nas ral gri shubs nas phyung ste de'i khyim ga la ba de logs su phyogs te brgyugs pa dang / srog chags brgya stong phrag du ma dag kyang kha cig ni ltad mo bskyes pa na/ kha cig ni sngon gyi dge ba'i rtsa ba dag gis bskul ba na de gnyis kyi phyi bzhin phyi bzhin du rjes su 'brang ngo / /de nas tshe dang ldan pa ma 'gags pas smras pa/ sring mo kho bo phyir 'byung gis khyod kyis sgo chod cig /de phyir phyung ba dang des sgo bcad do/ /de nas tshe dang ldan pa ma 'gags pas ngang pa'i rgyal po 'dab ma brkyang ba ltar steng gi nam mkha' la 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod par byed pa yin pas de gnyis shing ljon pa rtsa ba nas bcad pa bzhin du tshe dang ldan pa ma 'gags pa'i rkang pa gnyis kyi drung du 'gyel nas smras pa/ yon gnas yang dag par gyur pa mar gshegs su gsol/ mar gshegs su gsol/ nyon mongs pa'i 'dam du bying ba bdag cag gi sug pa nas drang ba stsal du gsol/ tshe dang ldan pa ma 'gags pa de gnyis la rjes su snying brtse ba'i phyir steng gi nam mkha' las shod du babs so/ /de nas de gnyis kyis tshe dang ldan pa ma 'gags pa'i rkang pa gnyis la phyag 'tshal te mtha' gcig tu 'khod do/ /tshe dang ldan pa ma 'gags pas 'khor de'i bsam pa dang / bag la nyal dang / khams dang / rang bzhin khong du chud nas 'di ltar srog chags nyi khris 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa dang / kha cig gis ni lan cig phyir 'ong ba'i 'bras bu/ kha cig gis ni phyir mi 'ong ba'i 'bras bu/ kha cig gis ni rab tu byung ste nyon mongs pa thams cad spangs pas dgra bcom pa nyid mngon sum du byas/ kha cig ni nyan thos kyi byang chub tu sems bskyed/ kha cig ni rang byang chub tu sems bskyed/ kha cig gis ni bla na med pa yang dag par rdzogs pa'i sangs rgyas kyi byang chub tu sems bskyed par gyur pa de ltar chos bstan par byas te 'khor de las phal cher sangs rgyas la gzhol ba dang / chos la 'bab pa dang / dge 'dun la bab par gyur to/ /de nas tshe dang ldan pa ma 'gags pas 'khor de la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar byas nas stan las langs te song nas ri brags gzhan zhig ga la ba de logs su song ngo / /ri brags de dang ha cang mi ring ba na skyed mos tshal zhig yod pa der mtshan mo gnas par khas blangs nas de skyil mo krung bcas te 'dug go/ /chom rkun pa ri brags 'jom par 'dod pa lnga brgya tsam zhig kyang / skyed mos tshal der zhugs nas de na chom rkun pa gcig gis tshe dang ldan pa ma 'gags pa sdong dum yin no snyam nas/ de'i steng du mda' dag bzhag ste chom rkun pa des mda' dag phyir blang bar brtsams pa dang / tshe dang ldan pa ma 'gags pas smras pa/ bzhin bzang rna sbrang chos gos la thogs kyis/ chos gos ral bar mi 'gyur bar dal bus long shig /des smras pa/ khyod su zhig /dge sbyong ngo / /gang dag gis/ shAkya'i bu'i dge sbyong dag gi'o/ /des smras pa/ shes ldan dag bdag cag gis bkra mi shis pa mthong gis gsad par bya'o/ /de na dmag dpon gang yin pa de tshe dang ldan pa ma 'gags pa sngon khyim na gnas pa'i bran du gyur cing / tshe dang ldan pa ma 'gags pas 'phong gi dpong sa gang du bslabs pa der des kyang bslabs shing de bcad pa la mkhas par gyur to/ /gang gi tshe tshe dang ldan pa ma 'gags pa rab tu byung ba de'i tshe na de yang chom rkun pa'i nang du zhugs te/ chom rkun pa lnga brgya'i dmag dpon du gyur pas des skad las tshe dang ldan pa ma 'gags pa ngo shes nas des smras pa/ 'phags pa ma 'gags pa ma lags sam/ bzhin bzangs skye bo dag gis de ltar shes so/ /des smras pa/ shes ldan dag 'di ma bsad cig /'di ni mi skal pa bzang po rab tu byung ba yin te/ 'di'i ming gis tshong pa dag rgya mtsho chen po nas kyang gru bo che legs par grub ste 'ong ngo / /ji ltar shes gal te bdag cag gis do mod ci yang mi thob na de'i 'og tu gzod gsad par bya'i thob na gsad par mi byas re shig sdod cig ces de dag gis de'i srungs ma chom rkun pa mi bzhi bzhag ste/ 'di bros par gyur ta re zhes bsgo nas de dag 'joms par 'dod pas ri brags der zhugs so/ /tshe dang ldan pa ma 'gags pas srung ma bzhi po de dag la smras pa/ bzhin bzangs dag re shig go phud cig /de dag gis smras pa/ khyod 'bros par 'gyur ro/ /khyod cag mi bzhi 'khod na kho bo ji ltar 'bros par 'gyur/ de dag gis go phud de 'khod pa dang / tshe dang ldan pa ma 'gags pas de dag gi bsam pa dang / bag la nyal dang / khams dang / rang bzhin khong du chud nas 'di ltar de dag gis stan de nyid la 'dug bzhin du 'jigs tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de ltar chos bstan pa byas so/ / de dag gis bden pa mthong nas smras pa/ btsun pa bdag cag gis dge ba'i bshes gnyen btsun pa la brten nas btsun pas bdag cag la gang mdzad pa 'di lta bu ni bdag cag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyi kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang / yi dags dag nas ni rkang pa phyung / lha dang mi rnams kyi nang du bzhag /'khor ba ni mthar bgyis/ thog ma ma mchis pa'i dus nas bsags pa'i 'jigs tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa bdag cag ni mngon par zhugs pa lags so/ /btsun pa bdag cag ni mngon par zhugs pa lags so/ /btsun pa bdag cag ni mngon par zhugs pa lags te/ btsun pa bdag cag bcom ldan 'das dang / chos dang / dge slong gi dge 'dun la skyabs su mchis/ bdag cag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /'phags pa bdag cag gi grogs gzhan de dag gis kyang chos 'di lta bu dag 'thob par 'gyur ram/ khyed cag las shas cher rten pa thams cad kyis 'thob par 'gyur ro/ /tshe dang ldan pa ma 'gags pas ci nas kyang ri brags de na khyi gcig kyang bsad par ma gyur pa de lta bu byin gyis brlabs nas chom rkun pa de dag gis las byas te phyir lhags nas/ de dag gis mi bzhi po dag la smras pa/ rab tu byung ba de ga re/ des ci bya/ kho bo cag gis las byas te/ lhags pas de la bsnyen bkur bya'o/ /tshe dang ldan pa ma 'gags pas de dag la smras pa/ bzhin bzangs dag go phud la 'khod cig dang khyed la chos bstan par bya'o/ /'phags pa bdag cag 'dzin pa mi mchi 'am/ mi 'ong ngo de dag gis go phud de/ tshe dang ldan pa ma 'gags pa'i mdun du chos mnyan pa'i phyir 'khod pa dang / tshe dang ldan pa ma 'gags pas de dag gi bsam pa dang / bag la nyal dang / khams dang / rang bzhin khong du chud nas 'di ltar de dag gis stan de nyid la 'dug bzhin du 'jigs tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu mngon sum du byas pa de ltar chos bstan pa byas so/ / de dag gis bden pa mthong nas smras pa/ btsun pa bdag cag gis dge ba'i bshes gnyen btsun pa la brten nas btsun pas bdag cag la gang mdzad pa 'di lta bu ni bdag cag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang dud 'gro dang / yi dgas dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jigs tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa bdag cag ni mngon par zhugs pa lags so/ /btsun pa bdag cag ni mngon par zhugs pa lags so/ /btsun pa bdag cag bcom ldan 'das dang chos dang / dge slong gi dge 'dun la skyabs su mchis/ bdag cag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /'phags pa bdag cag gis da ni gzhan gyi til gyi phub ma tsam yang ma byin par len pa'i rngo mi thog pas rdzas 'dis ci bgyi/ bzhin bzangs dag de nyid du deng la zhog shig /'phags pa bdag cag 'dzin pa mi mchi 'am/ ci khyed kyis der khyi cig tsam yang sad par gyur tam/ deng la de nyid du zhog shig /de dag gis der dong ste rdzas de dag phyir bzhag go/ /de nas tshe dang ldan pa ma 'gags pa la mngon par dad pa'i lha gang yin pa des ri brags der smras pa/ khyed ma bcom pa gang yin pa de thams cad ni 'phags pa ma 'gags pa'i mthu yin te/ 'phags pa ma 'gags pa skyed mos tshal 'di na bzhugs kyis deng la chos nyon cig /de nas srog chags brgya phrag du ma dag kha cig ni ltad mo skyes pa na/ kha cig ni sngon gyi dge ba'i rtsa ba dag gis bskul ba na/ de nas phyir 'thon nas/ 'phags pa ma 'gags pa ga la ba der dong ste phyin nas/ 'phags pa ma 'gags pa'i rkang pa gnyis la mgo bos phyag 'tshal te chos mnyan pa'i phyir 'phags pa ma 'gags pa'i mdun du 'khod do/ /tshe dang ldan pa ma 'gags pas 'khor de'i bsam pa dang / bag la nyal dang / khams dang / rang bzhin khong du chud nas 'di ltar srog chags khri nyi stong gis stan de nyid la 'dug bzhin du 'jigs tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun tu zhugs pa'i 'bras bu mngon sum du byas pa dang / kha cig gis ni lan cig phyir 'ong ba'i 'bras bu/ kha cig gis ni phyir mi 'ong ba'i 'bras bu/ kha cig gis ni rab tu byung ste/ nyon mongs pa thams cad spangs pas dgra bcom pa nyid mngon sum du byas/ kha cig gis ni nyan thos kyi byang chub tu sems bskyed/ kha cig gis ni rang byang chub tu sems bskyed/ kha cig gis ni bla na med pa yang dag par rdzogs pa'i sangs rgyas kyi byang chub tu sems bskyed pa de ltar chos bstan pa byas te/ 'khor de las phal cher sangs rgyas la gzhol ba dang / chos la 'bab pa dang / dge 'dun la bab par gyur to/ /de nas rigs kyi bu lnga brgya po de dag gis tshe dang ldan pa ma 'gags pa la 'di skad ces smras so/ /btsun pa ma 'gags pa bdag cag legs par gsungs pa'i chos 'dul ba la rab tu 'byung ba dang rdzogs par bsnyen pa dge slong gi dngos po 'thob na bdag cag bcom ldan 'das kyi spyan sngar tshangs par spyad pa spyod do/ /bzhin bzangs dag tshur shog dang / bcom ldan 'das kyis khyed rab tu 'byin pa dang rdzogs par bsnyen pa dge slong gi dngos po 'thob par mdzad par 'gyur ro/ /de nas tshe dang ldan pa ma 'gags pas rigs kyi bu lnga brgya po de dag khrid nas bcom ldan 'das ga la ba der song ngo / /de'i tshe na bcom ldan 'das 'khor brgya phrag du ma'i mdun na bzhugs shing chos ston par mdzad do/ /bcom ldan 'das kyis tshe dang ldan pa ma 'gags pa thag ring po kho na nas gzigs so/ /gzigs nas kyang dge slong rnams la bka' stsal pa/ dge slong dag khyed kyis dge slong ma 'gags pa thag ring po kho na nas 'ong ba mthong ngam/ btsun pa mthong ngo / /dge slong dag ma 'gags pa 'di de bzhin gshegs pa la skyes dang bcas shing 'ong ste/ de bzhin gshegs pa'i skyes ni 'di ltar gdul ba las gzhan pa de lta bu med do/ /de nas tshe dang ldan pa ma 'gags pa/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la tshe dang ldan pa ma 'gags pas 'di skad ces gsol to/ / btsun pa rigs kyi bu lnga brgya po 'di dag legs par gsungs pa'i chos 'dul ba la rab tu 'byung ba dang rdzogs par bsnyen pa dge slong gi dngos po 'tshal na bcom ldan 'das kyis thugs brtse ba'i slad du 'di dag rab tu dbyung du gsol/ rdzogs par bsnyen par mdzad du gsol/ bcom ldan 'das kyis de dag la dge slong tshur shog gis rab tu phyung zhing dge slong dag tshur shog /tshangs par spyad pa spyod cig ces bka' stsal pa dang / de dag bcom ldan 'das kyi bka'i 'jug kho nar skra byi ba dang snam sbyar gyon par gyur te/ skra dang kha spu zhag bdun skyes pa tsam dang / lag pa lhung bzed dang bya ma bum gyis brel ba dang / dge slong rdzogs par bsnyen nas lo brgya lon pa'i spyod lam lta bur gnas par gyur to/ /yang smras pa/ de bzhin gshegs pas tshur shog bka' stsal pas/ /skra byi snam sbyar gyon pa'i lus ldan zhing / / mod la dbang po rab zhir gnas gyur te/ /sangs rgyas dgongs pas lus gzugs bkab par gyur/ /de nas bcom ldan 'das kyis de dag la gdams ngag stsal te/ /gcig pu dben pa bag yod pa rtul ba dang ldan pa bdag nyid btang bar gnas pa na rigs kyi bu dag gang gi phyir skra dang kha spu dag bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing / dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bu/ rig pas sgo nga'i sbubs dral bar gyur cing / rig pa dang / mngon par shes pa dang / so so yang dag par rig pa thob pa/ srid pa dang / 'dod pa'i rnyed pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /dge slong rnams kyis tshe dang ldan pa ma 'gags pa la dris pa/ tshe dang ldan pa ma 'gags pa ji ltar bde bar brgyus sam/ tshe dang ldan pa dag cung zad bde bar yang brgyus/ cung zad sdug bsngal bar brgyus so/ /ji ltar bde bar brgyus/ ji ltar sdug bsngal bar brgyus/ 'di ltar re shig gdul ba'i bya ba byas pa gang yin pa de ni bde bar brgyus pa yin no/ /had por de'u bsad pa de ni sdug bsngal bar brgyus pa yin no/ /ci'i phyir/ des skabs de rgyas par brjod pa dang / dge slong rnams kyis smras pa/ tshe dang ldan pa ma 'gags pa khyod bud med kyi yul dang lhan cig gnas gcig tu nyal du rung ngam/ gang gi phyir mi rung ba de nyid kyi phyir nyes dmigs byung bar gyur to/ /dge slong don nyung ngu dag ci'i phyir dge slong dag bud med kyi yul dang lhan cig gnas gcig tu nyal zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa ma 'gags pa la rmas pa/ ma 'gags pa khyod bud med kyi yul dang lhan cig gnas gcig tu nyal ba bden nam/ btsun pa mad do/ /sangs rgyas bcom ldan 'das kyis mi brtson pa dang / mi sbyor ba dang / ma brtags par spyod pa rnam par smad pa mdzad do/ /de nas bcom ldan 'das kyis brtson pa dang / sbyor ba dang / brtags te spyod pa'i bsngags pa brjod nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bud med kyi yul dang lhan cig gnas gcig tu nyal na ltung byed do/ /yang dge slong gang zhes bya ba ni chos 'di pa la'o/ /bud med kyi yul dang zhes bya ba ni bud med dam gzhon nu ma mi tshangs par spyod pa sprod pa las byung ba'i chos sten nus pa dang ngo / /lhan cig ces bya ba ni de dang de'o/ /gnas gcig tu zhes bya ba ni gnas bzhi po thams cad g.yogs shing bskor ba dang / thams cad g.yogs shing phal cher bskor ba dang / phal cher g.yogs shing thams cad bskor ba dang / phal cher g.yogs shing phal cher bskor ba dag tu'o/ /gnas thams cad g.yogs shing thams cad bskor ba ni gnas khang dang / 'khor gyi khyams dang / khang pa rtsegs pa dag go/ /thams cad g.yogs shing phal cher bskor ba ni sgo bcu pa dang sgo bcu gnyis pa dag go/ /phal cher g.yogs shing thams cad bskor ba ni khyams ngos bzhi pa dag go/ /phal cher g.yogs shing phal cher bskor ba ni khyams ngos gsum pa dang / 'khor gyi khyams dag go/ /nyal na zhes bya ba ni mtshan mo glos phab ste nyal na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do/ /zhes gsungs so/ / de la ltung bar ji ltar 'gyur zhe na/ dge slong bar khang na nyal zhing bud med kyi yul 'og khang na nyal na dge slong des skas bsdu bar bya ba 'am/ sgo gtan pas gcad par bya ba 'am/ srung ba dge slong gzhag par bya'o/ / skas sdud par mi byed dam/ sgo gtan pas gcod par mi byed dam/ srung ba dge slong 'jog par mi byed na ji srid skya reng ma shar gyi bar du nyes byas su 'gyur la/ skya reng shar na ltung byed du 'gyur ro/ /dge slong steng khang na nyal zhing bud med kyi yul bar khang na nyal na dge slong des skas bsdu bar bya ba 'am/ sgo gtan pas gcad par bya ba 'am/ srung ba dge slong gzhag par bya'o/ /skas sdud par mi byed dam/ sgo gtan pas gcod par mi byed dam/ srung ba dge slong 'jog par mi byed na ji srid du skya reng ma shar gyi bar du nyes byas su 'gyur la/ skya reng shar nas ltung byed du 'gyur ro/ /dge slong bar khang na nyal zhing bud med kyi yul steng khang na nyal na dge slong des skas bsdu bar bya ba 'am/ sgo gtan pas gcad par bya ba 'am/ srung ba dge slong gzhag par bya'o/ /skas sdud par mi byed dam/ sgo gtan pas gcod par mi byed dam/ srung ba dge slong 'jog par mi byed na ji srid skya reng ma shar gyi bar du nyes byas su 'gyur la/ skya reng shar na ltung byed du 'gyur ro/ /dge slong 'og khang na nyal zhing bud med kyi yul bar khang na nyal na dge slong des skas bsdu bar bya ba 'am/ sgo gtan pas gcad par bya ba 'am/ srung ba dge slong gzhag par bya'o/ /skas bsdud par mi byed dam/ sgo gtan pas gcod par mi byed dam/ srung ba dge slong 'jog par mi byed na ji srid du skya reng ma shar gyi bar du nyes byas su 'gyur la/ skya reng shar na ltung byed du 'gyur ro/ /dge slong gnas khang na nyal zhing bud med kyi yul khyams na nyal na dge slong des sgo gtan pas gcad par bya ba 'am/ srung ba dge slong gzhag par bya'o/ /sgo gtan pas gcod par mi byed dam/ srung ba dge slong 'jog par mi byed na/ ji srid du skya reng ma shar gyi bar du nyes byas su 'gyur la/ skya reng shar na ltung byed du 'gyur ro/ /dge slong khyams na nyal zhing bud med kyi yul gnas khang na nyal na dge slong des sgo phyi rol nas gcad par bya ba 'am/ srung ba dge slong gzhag par bya'o/ /sgo phyi rol nas gcod par mi byed dam/ srung ba dge slong 'jog par mi byed na ji srid du skya reng ma shar gyi bar du nyes byas su 'gyur la/ skya reng shar na ltung byed du 'gyur ro/ /dge slong sgo khang na nyal zhing bud med kyi yul bang rim na nyal na/ dge slong des sgo nang nas gcad par bya ba 'am/ srung ba dge slong gzhag par bya'o/ /sgo nang nas gcod par mi byed dam/ srung ba dge slong 'jog par mi byed na ji srid skya reng ma shar gyi bar du nyes byas su 'gyur la/ skya reng shar na ltung byed du 'gyur ro/ /dge slong bang rim du nyal zhing bud med kyi yul sgo khang na nyal na dge slong des sgo phyi rol nas bcad par bya ba 'am/ srung ba dge slong gzhag par bya'o/ /sgo phyi rol nas gcod par mi byed dam/ srung ba dge slong 'jog par mi byed na ji srid du skya reng ma shar gyi bar du nyes byas su 'gyur la/ skya reng shar na ltung byed du 'gyur ro/ /khyim thab kyis bsrungs na ltung ba med do/ /dge slong ba lang gi lhas sam/ phyugs lhas su nyal na dge slong des phyogs de re lde dag gam/ seg dag gam/ yol ba dag gis bskor bar bya ba 'am/ srung ba dge slong gzhag par bya'o/ /phyogs de re lde dag gam/ seg dag gam/ yol ba dag gis bskor bar mi byed dam/ srung ba dge slong 'jog par mi byed na ji srid du skya reng ma shar gyi bar du nyes byas su 'gyur la/ skya reng shar na yang nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa ma 'gags pas las ci zhig bgyis na las de'i rnam par smin pas phyug pa/ nor mang ba/ longs spyod che ba'i khyim du skyes shing bcom ldan 'das kyi bstan pa la rab tu byung nas nyon mongs pa thams cad spangs pas dgra bcom pa nyid mngon sum du bgyis te/ des gdul ba'i bya ba de snyed bgyis/ bcom ldan 'das kyis bka' stsal pa/ dge slong dag rigs kyi bu ma 'gags pa nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas ma 'gags pa nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang / mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba bskal pa chen po bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'od srung 'jig rten du byung ba na 'di de'i bstan pa la rab tu byung bar gyur nas ri brags shig na gtsug lag khang zhig yod pa de na 'di zhal ta byed par gyur cing / de lhan cig gnas pa dang / nye gnas kyang lnga brgya yod/ ri brags de na gnas pa'i skye bo'i tshogs kyang phal cher de la mngon par dad do/ /dus gzhan zhig na de na bar gyur nas/ de la lhan cig gnas pa dang / nye gnas dag gis dris pa/ mkhan po khyod kyis yon tan gyi tshogs 'ga' zhig thob pa mchis sam/ des smras pa/ 'ga' yang med do/ /mkhan pos smon lam ji ltar btab/ kho bos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis bram ze'i khye'u bla ma la bram ze'i khye'u khyod ma 'ongs pa'i dus na skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das shAkya thub pa zhes bya bar 'gyur ro/ /zhes nges par skal ba dang ldan pa nyid du lung bstan pa de'i gsung rab la bdag rab tu byung nas nyon mongs pa thams cad spangs pas dgra bcom pa nyid mngon sum du byed par gyur cig ces smon lam btab bo/ /de dag gis smras pa/ bdag cag kyang mkhan po la brten te bcom ldan 'das de'i gsung rab la rab tu byung nas nyon mongs pa thams cad spangs pas dgra bcom pa nyid mngon du bgyid par gyur cig / ri brags de na gnas pa'i skye bo'i tshogs des de ltar 'phags pa na'o zhes thos nas de dag de'i gan du song ste dris pa/ 'phags pas yon tan gyi tshogs 'ga' zhig thob pa mchis sam/ 'ga' yang med do/ /'phags pas smon lam ji ltar btab/ kho bos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gi bram ze'i khye'u bla ma la bram ze'i khye'u khyod ma 'ongs pa'i dus na skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das shAkya thub pa zhes bya bar 'gyur ro zhes nges par skal ba dang ldan pa nyid du lung bstan pa de'i gsung rab la bdag rab tu byung nas nyon mongs pa thams cad spangs pas dgra bcom pa nyid mngon du byed par gyur cig ces smon lam btab bo/ /de dag gis smras pa/ bdag cag kyang 'phags pa la brten te bcom ldan 'das de'i gsung rab la bden pa dag mthong bar gyur cig /dge slong dag de'i tshe de'i dus na dge slong zhal ta byed par gyur pa gang yin pa de ni ma 'gags pa 'di yin te/ 'dis der chos dang ldan pas zhal ta byas pa'i las de'i rnam par smin pas ni phyug pa/ nor mang ba/ longs spyod che ba'i khyim du skyes shing nga'i bstan pa la rab tu byung nas nyon mongs pa thams cad spangs pas dgra bcom pa nyid mngon du byas so/ /de'i tshe de'i dus na de'i lhan cig gnas pa dang / nye gnas lnga brgya po gang dag yin pa de dag ni dge slong lnga brgya po 'di dag yin te/ 'di dag gis der smon lam de skad btab pa'i dbang gis da ltar ma 'gags pa la brten te nga'i bstan pa la rab tu byung nas nyon mongs pa thams cad spangs pas dgra bcom pa nyid mngon sum du byas so/ /de'i tshe de'i dus na ri brags de na gnas pa'i skye bo'i tshogs gang dag yin pa de dag ni da ltar ri brags na gnas pa'i skye bo'i tshogs 'di dag yin te/ 'di dag gis der smon lam de skad btab pa'i dbang gis da ltar ma 'gags pa la brten te nga'i gsung rab la bden pa dag mthong bar gyur to/ /btsun pa tshe dang ldan pa ma 'gags pas las ci zhig bgyis na las de'i rnam par smin pas lha'i mig dang ldan par gyur/ dge slong dag sngon byung ba bskal pa chen po bzang po 'di nyid la skye dgu'i tshe lo bzhi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang ldan pa/ zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du byung ste/ des sangs rgyas kyi mdzad pa mtha' dag mdzad nas phung po'i lhag ma med pa'i mya ngan las 'das pa'i dbyings su yongs su mya ngan las 'das nas rgyal po mdzes pas de'i mchod rten rin po che sna bzhi las byas pa/ rgyar dpag tshad gcig pa/ 'phang du dpag tshad phyed pa byed du bcug nas des de la dus ston bya ba yang bshams so/ /der dus ston la bab pa na chom rkun pa 'joms par 'dod pa lnga brgya der lhags nas de na chom rkun pa'i dmag dpon gyi lham ral nas de dang ha cang mi ring ba na dri gtsang khang 'dug pa de na mar me tshod du mi gsal bar 'bar ba chom rkun pa'i dmag dpon des mthong nas de dri gtsang khang der zhugs te lham drub par brtsams pa na mar me'i 'od tshod du mi gsal bar 'bar nas des mar me'i snying po bskul ba dang / mar me de shin du 'od gsal bar 'bar bar gyur nas/ ji tsam na des sku gzugs mthong ngo / /mthong nas kyang de shin du dad pa skyes nas des dbyig gis mchod pa byas te/ bdag gis dge ba'i rtsa ba 'di bdag lha'i mig dang ldan par gyur cig ces smon lam btab bo/ /dge slong dag de'i tshe de'i dus na chom rkun pa'i dmag dpon gang yin pa de ni dge slong ma 'gags pa 'di yin te/ 'dis mar me'i snying po bskul cing sems dad pa bskyed pa'i las de'i rnam par smin pas lha'i mig dang ldan par gyur to/ /btsun pa tshe dang ldan pa ma 'gags pas las ci zhig bgyis na las de'i rnam par smin pas bcom ldan 'das kyis lha'i mig can rnams kyi mchog tu bstan/ dge slong dag de yang smon lam gyi dbang gis te/ gang du smon lam btab ce na/ dge slong dag sngon byung ba bskal pa chen po bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung 'jig rten du byung ste de bA rA Na sI na drang srong smra ba ri dgas kyi nags na nye bar rten cing bzhugs so/ /de'i bstan pa la 'di rab tu byung nas dge slong gang gis de rab tu phyung ba'i dge slong de de bzhin gshegs pa yang dag par rdzogs pa'i sangs rgyas 'od srung gis lha'i mig can rnams kyi mchog tu bstan to/ /de na 'dis tshe ji srid par tshangs par spyod pa spyad na yon tan gyi tshogs 'ga' yang ma thob nas de'i 'og tu 'chi ba'i tshe smon lam 'di skad ces bdag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon gnas bla na med pa 'od srung la tshe ji srid par tshangs par spyod pa spyad na yon gyi tshogs 'ga' yang ma thob ste/ bdag gis tshe ji srid par tshangs par spyod pa spyad pa'i dge ba'i rtsa ba 'dis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis bram ze'i khye'u bla ma la bram ze'i khye'u khyod ma 'ongs pa'i dus na skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das shAkya thub pa zhes bya bar 'gyur ro zhes nges pa nyid du lung bstan pa de'i bstan pa la bdag rab tu byung nas nyon mongs pa thams cad spangs pas dgra bcom pa nyid mngon du byed cing / ji ltar mkhan po 'di bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis lha'i mig can rnams kyis mchog tu bstan pa de bzhin du bdag kyang bcom ldan 'das shAkya thub pa/ shAkya'i seng ge/ shAkya'i rgyal po'i gtso bo des lha'i mig can rnams kyi mchog tu bstan par gyur cig ces gdab par brtsams pas smon lam de'i dbang gis da ltar de bzhin gshegs pas lha'i mig can rnams kyi mchog tu bstan to/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang 'dren ma rnams spangs te las gcig tu dkar ba rnams la brtsal bar bya ste/ dge slong dag de ltar khyod kyis bslab par bya'o/ /bud med dang lhan cig nyal ba'i ltung byed de drug bcu rtsa lnga pa rdzogs so// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa maud gal gyi bu chen pos nye ba 'khor la sogs pa sar pa skyes phran gzhon nu bcu bdun sde'i tshogs dag rab tu phyung rdzogs par bsnyen par byas pa de'i tshe na de dag drug sde dag la sten par byed/ bsnyen par byed/ bsnyen bkur byed do/ /de nas 'char kas de dag la smras pa/ bcu bdun sde dag tshur shog 'di dang 'di gyis shig /de dag gis smras pa/ khyod kho bo cag gi slob dpon nam/ mkhan po yin nam ci/ mi byed do/ /'char kas smras pa/ glen pa dag 'o na gzhan ci byed ces des de dag gnya' ba dag nas bzung ste bskrad do/ /de dag gis smras pa/ tshe dang ldan pa dag bdag cag drug sde dag gis gang cung zad brnyas par gyur pa de dag thams cad ni bdag cag thos pa nyung ba las gyur pa yin gyis bdag cag thos pa 'dzin du 'dong dang / des na phyin cad drug sde dag la cung zad kyang dri bar mi bya'o/ /zhes de dag dge slong zhig gi gan du dong ste smras pa/ btsun pa bdag cag klog tu stsol cig / des de dag la thabs yin no zhes smras nas de dag gis de las klag par brtsams so/ /nye dgas smras pa/ btsun pa 'char ka bcu bdun sde dag de bar bdag cag la sten par mi byed/ bsnyen par mi byed/ bsnyen bkur mi byed do/ /'char kas smras pa/ de dag kho bos bskrad nas thos pa 'dzin par brtsams so/ / btsun pa 'char ka khyod kyis bdag cag gi sbrul nyal ba lcag gis gzhus so/ /ji srid du glen pa de dag thos pa nyung bar gyur pa de srid du de dag bdag cag la sten par byed/ bsnyen par byed/ bsnyen bkur byed kyi/ gang gi tshe de dag mang du thos par gyur cing mdo sde 'dzin pa dang / 'dul ba 'dzin pa dang / ma mo 'dzin pa dang / gdug cing pha rol gnon par gyur pa de'i tshe na de dag bdag cag la gnod pa bya bar sems par 'gyur ro/ /'char kas smras pa/ kho bos ci nas kyang de dag gis rtogs par mi 'gyur zhing / rtogs pa las kyang yongs su nyams par 'gyur ba de ltar bya'o/ /bcu bdun sde dag me khang du mar me btsugs te kha ton bya bar brtsams pa dang / ji tsam na tshe dang ldan pa 'char ka la ba zhig spu phyir bstan te gyon nas me khang du zhugs te mar me bsad nas 'byung po'o 'byung po'o/ /zhes smras pa dang / de dag sngangs shing skrag nas me khang nas phyir byung ste mtha' gcig tu 'khod do/ /de dag slob dpon gyis mthong nas des smras pa/ gzhon nu dag ci'i phyir kha ton mi byed par kha rog ste 'khod/ de dag gis smras pa/ slob dpon bdag cag mi ma lags pas gtses so/ /des bsams pa/ rgyal byed kyi tshal gnod sbyin gos sngon po gyon pa lnga brgyas rtag tu mi stong bas 'di na mi ma yin pa yod re skan/ lhung bzed nag po can gnas ngan len kun du spyod pa 'ga' zhig gis 'di dag bsdigs so snyam nas/ des smras pa/ gzhon nu dag khyod cag mi ma yin pa de 'dzin par 'dod dam/ de dag gis smras pa/ 'tshal lo/ /des smras pa/ gzhon nu dag me khang gi grwa bzhir mar me btsugs te rdza mas khob la dbus su mar me btsugs te kha ton gyis shig dang / gal te de 'ongs te dbus kyi mar me bsad nas 'byung po'o 'byung po'o zhes zer ba na sgo chod la me khang gi grwa bzhi'i mar me phye la zung shig /de dag gis de ltar byas pa dang ji tsam na tshe dang ldan pa 'char ka la ba zhig spu phyir bstan te gyon nas me khang du zhugs te dbus kyi mar me bsad nas 'byung po'o 'byung po'o/ /zhes smras pa/ de dag gis sgo bcad nas me khang gi grwa bzhi'i mar me phye ste bzung nas brdeg par brtsams pa dang / des smras pa/ 'char ka'o 'char ka'o/ /de dag gis smras pa/ khyod kyi snying lam na 'char ka kho bo cag gi grogs yin pas de yin no zhes byas na btang bar 'gyur snyam 'am/ shi drod kyis ma bzung gi bar du mi gtong ngo / /de dag gis smras pa/ tshe dang ldan pa dag mi ma yin pa ni shin du chen po zhig bsad kyang nyes pa sbom por 'gyur bar zad pas bdag cag gis ltung ba mthol zhing bshags par byas/ te por brdeg go zhes de dag gis te por gtal gtal te btang nas/ 'char ka 'phyes 'khrud de rang gi gnas su phyin nas/ de phyi de nyin par lus dag 'bru mar gyis bsku mnye byas nas khri la nyal zhing 'dug pa dang / dge slong rnams kyis de la smras pa/ tshe dang ldan pa 'char ka khyod ci nyes/ 'char kas smras pa/ tshe dang ldan pa dag kho bos ku re cung zhig byas na nyes dmigs 'di lta bu byung bar gyur to/ /ci byas/ des skabs de rgyas par brjod pa dang / dge slong rnams kyis de la smras pa/ khyod dge slong la sngangs par byed du rung ngam/ gang gi phyir mi rung ba de nyid kyi phyir nyes dmigs 'di lta bu byung bar gyur to/ /dge slong don nyung ngu dag ci'i phyir dge slong dag dge slong la sngangs par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste/ zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod dge slong la sngangs par byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong la sngangs par byed dam/ sngangs par byed du 'dzud na tha na bzhad gad bya bar bsams kyang rung ste ltung byed do/ /yang dge slong gang zhes bya ba ni 'char ka 'am/ gzhan yang de lta bu gang yin pa'o/ / dge slong la zhes bya ba chos 'di pa la'o/ /sngangs par byed dam zhes bya ba ni bdag nyid kyis so/ /sngangs par byed du 'dzud na zhes bya ba ni gzhan no/ /tha na bzhad gad bya bar bsams kyang rung ste zhes bya ba ni tha na ku re bya bar bsams kyang rung ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis dge slong la sdangs par bya ba'i bsam pas 'di lta ste dper na yi dags dang / sha za dang / grul bum dang / lus srul po gzugs la ba nag po dang / sol ba dang / ka ba tshig pa lta bu gzugs yid du mi 'ong ba dag yod de/ de dag gis khyod khrid par 'gyur/ de dag gis khyod gsod par 'gyur/ de dag gis khyod srog dang bral bar byed par 'gyur ro zhes nye bar sgrub par byed na/ dge slong 'jigs pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la sngangs par bya ba'i bsam pas 'di lta ste dper na yi dags dang / sha za dang / grul bum dang / lus srul po sgra seng ge dang / stag dang / gung dang / mtsha' dang / gzig dang / wa'i skad lta bu sgra yid du mi 'ong ba dag yod de/ de dag gis khyod khrid par 'gyur/ de dag gis khyod gsod par 'gyur/ de dag gis khyod srog dang bral bar byed par 'gyur ro/ /zhes nye bar sgrub par byed na/ dge slong 'jigs pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la sngangs par bya ba'i bsam pas 'di lta ste/ dper na yi dags dang / sha za dang / grul bum dang / lus srul po dri bshang ba dang / gci ba dang / ra dang / ra'i ze ba'i dri lta bu dri yid du mi 'ong ba dag yod de/ de dag gis khyod khrid par 'gyur/ de dag gis khyod gsod par 'gyur/ de dag gis khyod srog dang bral bar byed par 'gyur ro zhes nye bar sgrub par byed na/ dge slong 'jigs pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la sngangs par bya ba'i bsam pas 'di lta ste dper na yi dags dang / sha za dang / grul bum dang / lus srul po reg pa seg dang / re lde dang / phyar ba'i reg pa lta bu reg pa yid du mi 'ong ba dag yod de/ de dag gis khyod khrid par 'gyur/ de dag gis khyod gsod par 'gyur/ de dag gis khyod srog dang bral bar byed par 'gyur ro zhes nye bar sgrub par byed na/ dge slong 'jigs pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la sngangs par bya ba'i bsam pas 'di lta ste dper na lha dang / klu dang / dri za dang / gnod sbyin dang / mi 'am ci dang / lto 'phye chen po gzugs rgyal po dang / blon po chen po dang / bram ze dang / khyim bdag dang / nor can dang / tshong dpon dang / ded dpon lta bu gzugs yid du 'ong ba dag yod de/ de dag gis khyod khrid par 'gyur/ de dag gis khyod gsod par 'gyur/ de dag gis khyod srog dang bral bar byed par 'gyur ro zhes nye bar sgrub par byed na/ dge slong 'jigs pa skyes kyang rung ma skyes kyang rung dge slong la nyes byas su 'gyur ro/ /dge slong gis dge slong la sngangs par bya ba'i bsam pas 'di lta ste/ dper na lha dang / klu dang / dri za dang / gnod sbyin dang / mi 'am ci dang / lto 'phye chen po sgra pi bang dang / 'od ma dang / pa la ri dang / ma ha ti dang / su g+ho sha ka'i sgra lta bu yid du 'ong ba dag yod de/ de dag gis khyod khrid par 'gyur/ de dag gis khyod gsod par 'gyur/ de dag gis khyod srog dang bral bar byed par 'gyur ro/ /zhes nye bar sgrub par byed na/ dge slong 'jigs pa skyes kyang rung ma skyes kyang rung dge slong la nyes byas su 'gyur ro/ /dge slong gis dge slong la sngangs par bya ba'i bsam pas 'di lta ste dper na/ lha dang / klu dang / dri za dang / gnod sbyin dang / mi 'am ci dang / lto 'phye chen po dri a ga ru dang / tsan dan dang / gur gum dang / ta ma la'i lo ma'i dri lta bu dri yid du 'ong ba dag yod de/ de dag gis khyod khrid par 'gyur/ de dag gis khyod gsod par 'gyur/ de dag gis khyod srog dang bral bar byed par 'gyur ro zhes sgrub par byed na/ dge slong 'jigs pa skyes kyang rung ma skyes kyang rung dge slong la nyes byas su 'gyur ro/ /dge slong gis dge slong la sngangs par bya ba'i bsam pas 'di lta ste/ dper na lha dang / klu dang / dri za dang / gnod sbyin dang / mi 'am ci dang / lto 'phye chen po reg pa dar dang / ras yug chen dang / be'u ras dang / dar la dang / du gu la'i ras dang / ko tam pa'i ras kyi reg pa lta bu reg pa yid du 'ong ba dag yod de/ de dag gis khyod khrid par 'gyur/ de dag gis khyod gsod par 'gyur/ de dag gis khyod srog dang bral bar byed par 'gyur ro zhes nye bar sgrub par byed na/ dge slong 'jigs pa skyes kyang rung ma skyes kyang rung dge slong la nyes byas su 'gyur ro/ /skyo bar bya ba'i ched du sems can dmyal ba'i gtam dang / dud 'gro'i gtam dang / yi dags kyi gtam dang / lha'i gtam dang / mi'i gtam zer ba la ni ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /sngangs par byed pa'i ltung byed de drug bcu rtsa drug pa rdzogs s+ho// //'dul ba rnam par 'byed pa/ bam po drug bcu rtsa gnyis pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa maud gal gyi bu chen pos nye bar 'khor la sogs pa sar pa skyes phran gzhon nu bcu bdun sde'i tshogs dag rab tu phyung rdzogs par bsnyen par byas pa de'i tshe na de dag drug sde dag la bsten par byed/ bsnyen par byed/ bsnyen bkur byed do/ /khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas sangs rgyas la sogs pa dge slong gi dge 'dun ni gshegs so/ /drug sde dag dang bcu bdun sde dag phyi bzhin 'brang zhing 'dong ngo / /de na lam ga na rdzing bu chus gang ba zhig 'dug nas drug sde dag gis bcu bdun sde dag la smras pa/ bcu bdun sde dag kye ma khyed cag dang kho bo cag lhan cig shin du 'gran pa yin na tshur sheg yu bu cag chu'i nang du gang yun ring du nub cing 'dug phod pa lta'o/ /de dag gis smras pa/ de ltar bya'o zhes de dag thams cad chur zhugs pa dang / nye dga' chu nas byung ste des bcu bdun sde dag gi gos dag sa 'bus pa zhig gi 'og tu sbas ste bzhag pa dang / drug sde dag myur ba myur bar rdzing bu nas byung ste gos dag gyon nas dong ngo / /bcu bdun sde dag chu'i steng du byung ba dang / drug sde dag mi snang nas de dag gis bdag cag pham par byas na mi rung ngo zhes de dag yang chu'i 'og tu zhugs so/ /de dag yang dang yang du steng du byung ste bltas na drug sde dag mi snang nas/ de dag da dung yang chu'i 'og na 'dug go snyam nas de dag gis smras pa/ tshe dang ldan pa dag drug sde dag gis gos dag sbas te 'dong ngo zhes bgros pa dang / ji tsam na gos gcig kyang mi snang nas de dag gis smras pa/ tshe dang ldan pa dag de dag gis bdag cag tho brtsams so zhes de dag rdzing bu nas byung ste mtha' gcig na 'khod do/ /tshe dang ldan pa shA ri'i bu dang / maud gal gyi bu chen po gnyis 'khor lnga brgya dang ko sa la dag tu ljongs rgyu zhing 'dong ba na rgyal byed kyi tshal du phyin pa dang / ji tsam na rgyal byed kyi tshal stong par mthong nas de gnyis kyis smras pa/ sangs rgyas la sogs pa dge slong gi dge 'dun gar gshegs/ khyim bdag cig gis spyan drangs so/ /de gnyis kyis smras pa/ skol cag gnyis kyang der bzhud la bsod snyoms gsol lo zhes de gnyis dong ba dang / ji tsam na tshe dang ldan pa shA ri'i bus bcu bdun sde dag rdzing bu'i 'gram na rtse zhing 'dug pa mthong ngo / /mthong nas kyang tshe dang ldan pa maud gal gyi bu chen po la smras pa/ slob ma rnams kyi 'byor pa la gzigs/ tshe dang ldan pa maud gal gyi bu chen pos smras pa/ bdag gi mchid mi nyan pas bdag gis ji ltar bgyi/ tshe dang ldan pa maud gal gyi bu chen pos bcu bdun sde dag la smras pa/ gzhon nu dag gdugs tshod yol na mi rung gis chu rgol cig dang 'dong ngo / /de dag gis smras pa/ mkhan po drug sde dag gis bdag cag gi rad pa dag sbas so/ /tshe dang ldan pa maud gal gyi bu chen pos ci khyer te dong 'am 'on te 'di nyid du sbas te bzhag snyam du bsams na/ des ji tsam na de nyid du sbas te bzhag par mthong nas des blangs te de dag la byin no/ /bcu bdun sde dag gos dag gyon te der dong ba dang / tshe dang ldan pa shA ri'i bu dang / maud gal gyi bu gnyis kyis dge slong dag bshugs pa na bcu bdun sde dag kyang dge slong dag 'chugs par byed nas/ dge slong rnams kyis de dag la smras pa/ tshe dang ldan pa dag tshe dang ldan pa shA ri'i bu dang / maud gal gyi bu chen po gnyis ni gdul ba'i bya ba byas te 'ongs pa yin pas de gnyis kyis re shig dge slong dag bshugs pa ni rigs kyi/ khyed cag gis ci zhig byas na da 'dir lhags te dge slong dag 'chugs par byed/ de dag gis smras pa/ tshe dang ldan pa dag gal te kho bo cag la mkhan pos ma dgongs su zin na kho bo cag gis zan gcad par byas par 'gyur ro/ /ci'i phyir/ de dag gis skabs de rgyas par brjod pa dang / dge slong don nyung ngu dag ci'i phyir dge slong dag dge slong gi gos dag sbed par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la smras pa/ dge slong dag khyed dge slong dag gi gos dag sbed pa bden nam/ btsun pa mad do/ / sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa rung ba ma yin pa/ tshul dang 'thun pa ma yin pa/ de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ / nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ngam/ dge slong ma 'am/ dge slob ma 'am/ dge tshul lam/ dge tshul ma'i lhung bzed dam/ gos sam dra ba 'am/ phor bu 'am/ ska rags sam/ dge sbyong gi 'tsho ba'i yo byad gang yang rung ba sbed dam/ sbed du 'jud na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /dge slong zhig gis dge slong zhig gi lag tu gos dag btams nas 'jigs pa byung ba dang / dge slong des rang gi gos dag ni sbas/ dge slong de'i gos dag ni ma sbas pa dang / de dag ma byin par len pa dag gis phrogs nas dge slong de phongs par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na de 'dra ba'i rkyen ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de'i shas che ba dang / de dang 'thun pa dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste yang dge slong gang dge slong ngam/ dge slong ma 'am/ dge slob ma 'am/ dge tshul lam/ dge tshul ma'i lhung bzed dam/ gos sam/ dra ba 'am/ phor bu 'am/ ska rags sam/ dge sbyong gi 'tsho ba'i yo byad gang yang rung ba sbed dam sbed du 'dzud na de 'dra ba'i rkyen ma gtogs te ltung byed do/ /yang dge slong gang zhes bya ba ni shAkya'i bu nye dga' 'am/ gzhan yang de lta bu gang yin pa'o/ /dge slong ngam/ dge slong ma 'am/ dge slob ma 'am/ dge tshul lam/ dge tshul ma'i zhes bya ba ni chos 'di pa'i'o/ /lhung bzed ces bya ba ni lhung bzed nyid do/ /gos shes bya ba ni bdun po dag las gang yang rung ba'o/ /dra ba zhes bya ba ni lhung bzed kyi snod do/ /phor bu zhes bya ba ni kham phor ro/ /ska rags ces bya ba ni shur bu dang / cag pod dang / rgya cang dang / shur bu phre'u 'o/ /dge sbyong gi 'tsho ba'i yo byad gang yang rung ba zhes bya ba ni de dag las gzhan pa gang yang rung ba'o/ /sbed dam zhes bya ba ni bdag nyid kyis so/ /sbed du 'dzud na zhes bya ba ni gzhan no/ /de 'dra ba'i rkyen ma gtogs te zhes bya ba ni de 'dra ba'i rkyen bzhag ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad dge slong ngam/ dge slong ma 'am/ dge slob ma 'am/ dge tshul lam/ dge tshul ma'i lhung bzed dam/ gos sam/ dra ba 'am/ phor bu 'am/ ska rags sam/ dge sbyong gi 'tsho ba'i yo byad gang yang rung ba sbed dam/ sbed du mdzud na thams cad du ltung byed du 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /sbed pa'i ltung byed de drug bcu rtsa bdun pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa 'char kas ni nyon mongs pa thams cad spangs nas dgra bcom pa nyid mngon du byas tshe dang ldan pa 'dun pa ni kau sham+bir song ste snying las chung ngur 'dug 'gro mgyogs dang / nab so gnyis ni dus la bab/ dga' bo dang / nye dga' gnyis ni dge 'dun gyi nang na 'khod pa de'i tshe na tshe dang ldan pa nye dga' rgas par gyur nas de la lhan cig gnas pa dang / nye gnas 'ga' yang mi nyan pas de'i chos gos dag dri ma can du gyur kyang des 'khru ba dang / kha bsgyur bar mi nus nas/ de la blo byung ba/ thabs shig bya'o snyam nas des chos gos de dag lhan cig gnas pa dang / nye gnas dag la/ la la la snam sbyar byin/ la la la bla gos byin/ la la la mthang gos byin no/ /de dag gis smras pa/ mkhan po ci 'di dag bkrus shing kha bsgyur te slar dbul lam/ des smras pa/ bu dag kho bo rgas pas 'di dag khyed nyid kyi yin no/ /de dag gis rang gi sred pas chos gos de dag legs par bkrus shing legs par kha bsgyur ba byas so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la de bzhin gshegs pa ko sa la dag tu ljongs rgyur gshegs kyis khyed cag las gang de bzhin gshegs pa dang thabs gcig ko sa la dag tu ljongs rgyur 'gro bar spro ba des chos gos kyi las gyis shig ces sgo shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas/ dge slong rnams la tshe dang ldan pa dag de bzhin gshegs pa ko sa la dag tu ljongs rgyur gshegs kyis khyed cag las gang de bzhin gshegs pa dang thabs gcig ko sa la dag tu ljongs rgyur 'gro bar spro ba des chos gos kyi las gyis shig ces bsgo'o/ /de dag gis de skad bsgo ba thos nas chos gos de dag khyer te dge slong zhig gi gan du dong nas smras pa/ btsun pa bdag cag gi chos gos 'di dag re shig khyod la gtams so/ /bdag cag ni bcom ldan 'das dang thabs gcig ljongs rgyur 'gro'o/ /des smras pa/ ci khyed kyi mkhan po yang 'gro 'am/ de dag gis smras pa/ mi 'gro'o/ /des smras pa/ deng la de nyid la thoms shig /kho bo la 'khor 'byed par byed do/ / zhes zer dang mi rung ngo / /de dang nye dga'i gan du song ste smras pa/ mkhan po chos gos 'di dag re shig mkhan po'i gan du gtams so/ /bdag cag ni bcom ldan 'das dang thabs gcig ljongs rgyur mchi'o/ /nye dgas smras pa/ tshe dang ldan pa dag kho bo ni dge slong tshul khrims dang ldan pa rtswas bcings na yang dus byed par 'gyur ba yin pas kho bo 'jog par mi spros dge slong mdza' bo gzhan 'ga' zhig gi lag tu thoms shig /de dag gis smras pa/ mkhan po bdag cag la mkhan po las ches lhag pa'i dge slong mdza' bo su zhig mchis/ mkhan po nyid kyi phyag du gzhag go/ /nye dgas smras pa/ gal te de lta na mtshan ma legs par thob la zhog shig dang phyir lhags nas rang rang gis blang sla bar 'gyur ro/ /de dag gis chos gos der bzhag nas dang thabs gcig ljongs rgyur dong ngo / /nye dgas gtur bu gcig nas snam sbyar zhig phyung ste ji tsam gyis shin du dri ma can du gyur pa de tsam du gyon gyon nas gtur bu de nyid kyi nang du phyir bcug go/ /de bzhin du gtur bu gcig nas bla gos phyung ste gyon zhing de bzhin du chos gos thams cad spyad nas ji tsam na shin du dri ma can du gyur pa dang / des de dag snga ma kho na bzhin du bcings te bzhag go/ /ji tsam na bcom ldan 'das ljongs rgyus nas mnyan yod du gshegs pa dang / khyim bdag cig gis bcom ldan 'das dge slong gi dge 'dun dang thabs gcig ljongs brgyus nas mnyan yod du byon ces thos nas/ des sangs rgyas la sogs pa dge slong gi dge 'dun glo bur du gshegs pa rnams gdugs tshod la spyan drangs so/ /de dag gis bsams pa/ lam gyi chos gos dag bzhag ste/ chos gos gzhan dag gyon la 'dong ngo snyam nas de dag nye dga'i gan du dong ste chos gos gtams pa dag phyung ste bltas pa dang / dri ma can du gyur pas ngo ma shes nas de dag gis smras pa/ mkhan po bdag cag gi chos gos de dag 'di dag lags sam/ nye dgas smras pa/ tshe dang ldan pa dag kho bos khyed la kho bo ni dge slong tshul khrims dang ldan pa yin pa rtswas bcings na yang dus byed par 'gyur gyis/ mtshan ma legs par thob la zhog shig dang phyir lhags pa na rang rang gis blang sla bar 'gyur ro/ /zhes ma smras sam/ ji tsam na dge slong cig gis rang gi chos gos srubs las ngo shes nas des smras pa/ tshe dang ldan pa dag chos gos 'di dag ni kho bo'i yin na mkhan pos spyad do/ /nye dgas smras pa/ bkren pa dag khyed cag de ltar mi dga' bar bya'o/ /de dag gis smras pa/ tshe dang ldan pa dag 'di dag pas ni lam gyi chos gos dag ches bzang gi de dag gyon te 'dong ngo zhes de dag lam gyi chos gos dag gyon te der dong ba dang / dge slong rnams kyis de dag la smras pa/ tshe dang ldan pa dag khyed cag gis chos gos dag cig gtams te bzhag na ci'i phyir lam gyi chos gos dag gyon te 'ongs/ de dag gis smras pa/ gtams te bzhag go/ /'o na ci'i phyir de dag gyon/ de dag gis skabs de rgyas par brjod pa dang / dge slong don nyung ngu dag ci'i phyir dge slong dag dge slong la chos gos byin nas de'i 'og tu rdeng med par spyod par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis shAkya'i bu nye dga' la rmas pa/ nye dga' khyod dge slong la chos gos byin nas de'i 'og tu rdeng med par spyod pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong la gos byin nas de'i 'og tu rdeng med par spyod na ltung byed do/ /yang dge slong gang zhes bya ba ni shAkya'i bu nye dga' 'am/ gzhan yang de lta bu gang yin pa'o/ /dge slong la zhes bya ba ni chos 'di pa la'o/ /gos shes bya ba ni snam sbyar dang / bla gos dang / mthang gos dang gsum las gang yang rung ba'o/ /byin nas zhes bya ba ni blang ba med par byin nas so/ /de'i 'og tu zhes bya ba ni dus gzhan du'o/ /rdeng med par zhes bya ba ni ma blangs par ro/ /spyod na zhes bya ba ni gyon na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad dge slong la gos byin nas de 'og tu rdeng med par spyod na thams cad du ltung byed du 'gyur ro dga' ba dang / gcugs pa dang / yid du 'ong ba yin zhing thos nas mchog tu dga' ba bskyed par 'gyur na ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /byin pas nye bar 'tsho ba'i ltung byed de drug bcu rtsa brgyad pa rdzogs s+ho// // sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /de'i tshe tshe dang ldan pa gyad bu nor rgyal po'i khab na bya rgod phung po'i ri la 'dug ste/ de dang ha cang mi ring ba na rdzing bu rdo rtsigs can zhes bya ba 'dug pa de'i 'gram na tshe dang ldan pa gyad bu nor nyin mo gnas par byed do/ /gang gi tshe ut+pa la'i mdog dge ba'i bshes gnyen tshe dang ldan pa maud gal gyi bu chen po la brten te legs par gsungs pa'i chos 'dul ba la rab tu byung zhing dgra bcom pa rnam par rgyal bar bya ba las rnam par rgyal bar gyur pa de'i tshe na de shes nas dang ba dang ldan pas bcom ldan 'das dang / dge slong gnas brtan gnas brtan rnams la yang dang yang du blta ba'i phyir 'gro zhing lhag par yang tshe dang ldan pa gyad bu nor la 'di 'di ltar dgra bcom pa rnam par thar pa brgyad la bsam gtan par gyur kyang bsam gtan dang / rnam par thar pa dang / ting nge 'dzin la snyoms par 'jug pa'i bde ba dag spangs te dge 'dun gyi chos dang ldan pa'i zhal ta'i las dag la brtson par gyur pa ni dka' ba byed pa yin no snyam nas yang dang yang du de lta ba'i phyir 'gro'o/ /de dus gzhan zhig na bcom ldan 'das dang / dge slong gnas brtan gnas brtan rnams kyi zhabs la phyag 'tshal nas/ tshe dang ldan pa gyed bu nor ga la ba der song ste phyin nas tshe dang ldan pa gyad bu nor gyi rkang pa gnyis la mgo bos phyag 'tshal te chos mnyan pa'i phyir mdun du 'dug go/ /de'i tshe na dge slong mdza' bo dang / sa laskyes gnyis kyis phyag dar khrod cig rnyed cing de gnyis tshe dang ldan pa gyad bu nor dang tshe rabs tshe rabs su khon byung ste rtag tu klan ka tshol ba la brtson pa yin pas mdza' bos smras pa/ sa laskyes phyag dar khrod rnyed pa 'di gang du 'khrur gzhug sa laskyes kyis smras pa/ rdzing bu rdo rtsigs can ni rgyun lugs nyung zhing nyen kor gtsang ba yin pas der 'dong ngo / /de gnyis phyag dar khrod khyer te rdzing bu rdo rtsigs can du dong nas de gnyis kyis phyag dar khrod der 'khrur bcug nas nyi ma la bting ste 'khod do/ /de'i tshe na tshe dang ldan pa gyad bu nor gyi chos gos kyi grwa rlung gis bskyod nas dge slong ma ut+pa la'i mdog gi mgo la reg go/ /de mdza' bos mthong nas des smras pa/ sa laskyes gyad bu nor 'di la dge slong ma ut+pa la'i mdog dang lhan cig lus kyis reg pa'i dge 'dun lhag ma byung gis 'dong la dge slong rnams la brjod par bya'o/ /sa laskyes kyis smras pa/ tshe dang ldan pa mdza' bo de'i tshe yang re shig bdag cag gnyis gnas nas dbyung ba'i las byas na ci da yang gnas nas dbyung ba'i las byed du 'dzud par 'dod dam/ mdza' bos smras pa/ tshe dang ldan pa sa laskyes de'i tshe na ni yang dag pa ma yin pas yin gyi/ da ni yang dag pas yin te/ bcom ldan 'das kyis lan bu zhes bya ba ni skra dag dang de dang 'brel ba'i gos yin no zhes ma gsungs sam/ tshe dang ldan pa 'di la brdzun du smra ba ga la yod kyis tshur shog 'dong la dge slong rnams la brjod par bya'o/ /sa laskyes de mdza' bos bslus pa na btub par gyur nas/ de gnyis gtsug lag khang du dong ste dge slong rnams la smras pa/ tshe dang ldan pa dag 'di ltar bdag cag gnyis kyis tshe dang ldan pa gyad bu nor la dge slong ma ut+pa la'i mdog dang lhan cig lus kyis reg pa'i dge 'dun lhag ma byung ba mthong ste/ 'di la bdag cag gnyis gang gi dad pa 'am/ yid ches pas 'gro bar bya/ dge slong rnams kyis smras pa/ tshe dang ldan pa gnyis ci khyed gnyis lha dang mi rnams gcig tu yongs su btang zhing sems can dmyal ba dang / yi dags dang / dud 'gro rnams su gcig tu gnas sam/ ci na dge slong dgra bcom pa rnam par thar pa brgyad la bsam gtan pa mi'i chos bla ma'i rdzu 'phrul gyi cho 'phrul rnam par ston pa de la khyed gnyis gzhi med pa'i dge 'dun lhag ma'i chos kyis skur pa 'debs par byed/ de gnyis kyis smras pa/ tshe dang ldan pa dag de ni bdag cag gnyis kyis ma nyes kyi 'di ltar bdag cag gnyis kyi mig dag gis mthong bas mig dbyung bar bya grang / bcom ldan 'das kyis de gnyis la ci zhig mthong / ji ltar mthong / gang du mthong / khyed gnyis don ci la der son pas der mthong zhes legs par rab tu gleng bar gyis shig brtag par gyis shig ces bka' stsal pas/ dge slong rnams kyis de gnyis la ci zhig mthong / ji ltar mthong / gang du mthong / khyed gnyis ci'i phyir der son pas der mthong zhes legs par rab tu glengs shing brtags so/ /dge slong rab tu mang po dag gis legs par rab tu glengs shing brtags pa na/ de gnyis kyis smras pa/ tshe dang ldan pa dag tshe dang ldan pa gyad bu nor la dge slong ma ut+pa la'i mdog dang lhan cig lus kyis reg pa'i dge 'dun lhag ma ma byung ste 'di ltar bdag cag gnyis kyis tshe dang ldan pa gyad bu nor la 'dun pas smras/ zhe sdang dang / gti mug dang / 'jigs pas smras so/ /dge slong don nyung ngu dag ci'i phyir dge slong dag dge slong dag pa ltung ba med pa la gzhi med par dge 'dun lhag ma'i chos kyis skur pa 'debs par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis mdza' bo dang / sa laskyes gnyis la rmas pa/ dge slong dag khyed gnyis khros shing zhe sdang bar gyur nas dge slong dag pa ltung ba med pa la gzhi med par dge 'dun lhag ma'i chos kyis skur pa 'debs pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa rung ba ma yin pa/ tshul dang 'thun pa yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khros shing zhe sdang bar gyur nas dge slong dag pa ltung ba med pa la gzhi med par dge 'dun lhag ma'i chos kyis skur na ltung byed do/ /yang dge slong gang zhes bya ba ni mdza' bo 'am/ sa laskyes sam/ gzhan yang de lta bu gang yin pa'o/ /khros shing zhes bya ba ni 'khrugs shing ngo / /zhe sdang bar gyur nas zhes bya ba ni yid mi dga' bar gyur nas te/ 'khrugs pa ma gsal bar ro/ /dge slong dag pa zhes bya ba ni tshe dang ldan pa gyad bu nor ram/ gzhan yang de lta bu gang yin pa'o/ /ltung ba med pa la zhes bya ba ni gzhi de'i ltung ba med pa la'o/ /gzhi med par zhes bya ba ni gzhi gsum po mthong ba'i gzhi dang / thos pa'i gzhi dang / dogs pa'i gzhi med par ro/ /dge 'dun lhag ma'i chos kyis zhes bya ba ni bcu gsum po gang yang rung ba ste/ de ni chos ma yin pa chos kyi sgrar gsungs pa yin no/ /skur na zhes bya ba ni skur pa 'debs na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ gang zag dag pa la skur pa 'debs pa la gzhi bcus ni ltung bar 'gyur la/ gzhi lngas ni ltung bar mi 'gyur ro/ /ji ltar gzhi bcus ltung bar 'gyur zhe na/ des ma mthong ba dang / ma thos pa dang / mi dogs par des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis mthong ngo / /bdag gis thos so/ /bdag dogs so zhes zer na brjod do cog ltung byed du 'gyur ro/ /des thos la de yang brjod pa dang / de dogs la de yang brjed bzhin du des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis thos te de yang ma brjed do/ /bdag dogs te de yang ma brjed do zhes zer na brjod do cog ltung byed du 'gyur ro/ /thos pa la yid ches nas bdag gis mthong ngo zhes zer ba dang / thos pa la yid ma ches par bdag gis mthong ngo zhes zer ba dang / thos pa la dogs pa na bdag gis mthong ngo zhes zer ba dang / thos pa la mi dogs pa na bdag gis mthong ngo zhes zer ba dang / dogs pa la dogs pa na bdag gis mthong ngo zhes zer na brjod do cog ltung byed du 'gyur te/ de ltar gzhi bcus ltung byed du 'gyur ro/ / ji ltar gzhi lngas ltung bar mi 'gyur zhe na/ des ma mthong ba dang / ma thos pa dang / mi dogs pa la des 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces bdag gis mthong ngo / /thos so/ /dogs so zhes zer na ltung bar mi 'gyur ro/ /des thos la de yang brjed pa dang / de dogs la de yang brjed pa la des 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces bdag gis thos te de yang brjed do/ /bdag dogs te de yang brjed do/ /zhes zer na ltung bar mi 'gyur te/ de ltar gzhi lngas ltung bar mi 'gyur ro/ /ji ltar gang zag dag pa la skur pa 'debs pa la gzhi bcus ltung bar 'gyur la/ gzhi lngas ltung bar mi 'gyur ba de bzhin du gang zag dag pa ma dag pa ltar bcos pa la skur pa 'debs pa la yang gzhi bcus ltung bar 'gyur la/ gzhi lngas ltung bar mi 'gyur ro/ /gang zag ma dag pa la skur pa 'debs pa la ni gzhi bcu gcig gis ltung bar 'gyur la/ gzhi drug gis ltung bar mi 'gyur ro/ /ji ltar gzhi bcu gcig gis ltung bar 'gyur zhe na/ des ma mthong ba dang / ma thos pa dang / mi dogs pa la des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis mthong ngo / /bdag gis thos so/ /bdag dogs so zhes zer na brjod do cog ltung byed du 'gyur ro/ /des mthong la de yang brjed pa dang / de dogs la de yang brjed pa la des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces bdag gis mthong ste de yang ma brjed do/ /bdag gis thos te de yang ma brjed do/ /bdag dogs te de yang ma brjed do/ /zhes zer na brjod do cog ltung byed du 'gyur ro/ /thos pa la yid ches nas bdag gis mthong ngo zhes zer ba dang / thos pa la yid ma ches par bdag gis mthong ngo zhes zer ba dang / thos pa la dogs pa na bdag gis mthong ngo zhes zer ba dang / thos pa la mi dogs pa na bdag gis mthong ngo zhes zer ba dang / dogs pa la dogs pa na bdag gis mthong ngo zhes zer na brjod do cog ltung byed du 'gyur te/ de ltar gzhi bcu gcig gis ltung bar 'gyur ro/ /ji ltar gzhi drug gis ltung ba med par 'gyur zhe na/ des ma mthong ba dang / ma thos pa dang / mi dogs pa la des 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces bdag gis mthong ngo / /thos so dogs so zhes zer na ltung bar mi 'gyur ro/ /des mthong la de yang brjed pa dang / des thos la de yang brjed pa dang / de dogs la de yang brjed pa la des 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces bdag gis mthong ste de yang ma brjed do/ /bdag gis thos te de yang ma brjed do/ /bdag dogs te de yang ma brjed do/ /zhes zer na ltung bar mi 'gyur te/ de ltar gzhi drug gis ltung bar mi 'gyur ro/ /ji ltar gang zag ma dag pa la skur pa 'debs pa la gzhi bcu gcig gis ltung bar 'gyur la/ gzhi drug gis ltung bar mi 'gyur ba de bzhin du gang zag ma dag pa dag pa ltar bcos pa la skur pa 'debs pa la yang gzhi bcu gcig gis ltung bar 'gyur la/ gzhi drug gis ltung bar mi 'gyur ro/ /dril bsgrags pa la ni ltung ba med do/ /ngos la ri mor bris pa phan cad la yang ltung ba med de/ ji ltar bdag gis shes pa de bzhin du 'jig rten thams cad kyis kyang shes so snyam na'o/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /skur pa 'debs pa'i ltung byed de drug bcu rtsa dgu pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /rgyal po'i khab na tha ga pa spyi cer zhes bya ba zhig 'dug pa des mnyan yod pa'i tha ga pa zhig gi bu mo bag mar blang nas de bu mo de la yang dang yang du khu tshur dang thal lcag gis rdeg par byed do/ /de'i sdum tshes bud med rgan mo zhig 'dug nas bu mo de bud med rgan mo de'i gan du song ste smras pa/ yum bdag la khyim thab 'di yang dang yang du khu tshur dang thal lcag dag gis rdeg par bgyid pas bdag 'bros so/ /rgan mos smras pa/ bu mo khyod la ji srid du bu ma btsas pa de srid du khyod la khyim thab 'di rdeg par byed kyi gang gi tshe khyod la bu btsas par gyur pa de'i tshe na 'di khyod la byams par 'gyur gyis ma 'bros par sdod cig dang kho mos bzlog par bya'o zhes bud med rgan mo des tha ga pa spyi cer la smras pa/ bu khyod bu mo 'di la yang dang yang du khu tshur dang thal lcag dag gis rdeg pas 'di 'bros par gyur na mi rung gis phyin cad ma rdeg shig tha ga pa de de ltar bud med rgan mo des bzlog kyang ma btub ste phyin cad yang dang yang du bu mo de la khu tshur dang thal lcag dag gis rdeg par byed do/ /de nas dus gzhan zhig na tha ga pa de tshong khang du chang 'thungs te ra ro nas rang gi khyim ga la ba der song ste phyin nas des bu mo de shin du brdeg pa dang / bu mo des bsams pa/ bdag bu btsas par ma gyur gyi bar skabs su 'dis bsad par gyur na mi rung gis bdag la bu med kyang blas bdag bros te 'gro'o snyam nas/ bu mo des tha ga pa de gnyid log par rig nas sgo dang po phye ba kho na nas byung ste bros so/ /dge slong zhig rgyal po'i khab tu dbyar gnas par khas blangs nas mnyan yod du bcom ldan 'das kyi zhabs la phyag 'tshal du 'phags pa/ de yang sgo dang po phye ba kho na nas byung ste song ba dang / bu mo des dge slong de mthong nas des smras pa/ 'phags pa gar bzhud/ dge slong des smras pa/ sring mo mnyan yod du 'gro'o/ / bu mo des smras pa/ bdag kyang mnyan yod du mchis/ bdag 'phags pa dang lhan cig 'grogs te mchi'o/ /de ltar gyis shig /bu mo de dge slong de dang lhan cig 'grogs te 'gro bar brtsams so/ /ji tsam na tha ga pa spyi cer ra ro ba sangs te sad nas bu mo de mi snang nas de bud med rgan mo'i gan du song ste dris pa/ yum bu mo de mi snang ngo / /rgan mos smras pa/ bu kho mos dang po nyid nas khyod la de bros par gyur na mi rung gis ma rdeg shig ces ma byas sam/ de bros te song ba snyam gyis sgo ba la dris shig /tha ga pa de song ste sgo ba la dris pa/ kye nang rje sgo 'di nas bu mo zhig phyir byung ngam/ sgo bas smras pa/ sgo dang po phye ba kho na nas byung ste song ngo / / tha ga pa de ra ba la 'dzegs te phyi bzhin bltas pa dang / ji tsam na thag ring po kho na nas song ba mthong nas de myur ba myur bar babs te bsnyags pa dang / ji tsam na dge slong zhig dang lhan cig 'gro ba mthong nas/ des bsams pa/ bdag ni gcig pu yin la/ 'di gnyis ni gnyis yin pas gal te de gzung na 'di gnyis log ste bdag brdegs par 'gyur ba gang yin pa de lta bu'i gnas yod par 'gyur gyis/ gang gi tshe grogs rnyed par gyur pa de'i tshe na gzung bar bya'o snyam nas/ de de gnyis kyi phyi bzhin 'brang zhing song ba dang / ji tsam na ri brags shig tu phyin nas/ ri brags de na tha ga pa lnga brgya tsam 'khod nas tha ga pa spyi cer song ste smras pa/ shes ldan dag khyed kho bo'i nye du yin na kho bo'i chung ma shAkya'i bu'i dge sbyong gis phrogs kyi de la grogs gyis shig ces ra mda' zlog du bcug go/ /tha ga pa dag ni yongs su mi rtog pa yin pas de dag gis thag zangs lnga brgya tsam thogs te ri brags nas phyir byung nas de dag gis dge slong de shin du brdegs te lhung bzed kyang bcag /phor bu dang / khar ba yang bcag /chos gos dag kyang dral nas shi'o snyam du bsams te bor ro/ /bu mo des dge slong de la smras pa/ 'phags pa khyed cag gis rgyal po las gzhon nu'i yongs su spangs pa thob pa lags kyis/ rgyal po'i gan du bzhud de gsungs la/ 'di dag gi lag pa dang rkang pa dag gcod du gsol cig /de dag skrag nas dge slong de la bzod pa gsol bar brtsams te smras pa/ 'phags pa bdag cag la bzod pa mdzad du gsol/ dge slong gi snying ni mar dang 'dra bas des smras pa/ bzod par bya'o/ /bu mo des smras pa/ gal te 'phags pas bzod kyang bdag gis mi bzod do/ /de dag gis bu mo de la smras pa/ sring mo khyod bdag cag gi nye du yin pas khyod kyis kyang bzod par gyis shig /bu mo des smras pa/ khyed cag la ni bzod na tha ga pa spyi cer 'di la mi bzod de/ bdag gis 'di'i lag pa dang rkang pa dag gcad par bya'o/ /de dag gis smras pa/ 'di la yang bzod par gyis shig /bu mo des smras pa/ dam tshig gis bzod par bya ste/ gal te phyin cad bdag la mi rdeg na bzod do/ /tha ga pa des smras pa/ phyin cad mi rdeg go/ /bu mo des smras pa/ gal te de ltar na bzod par bya'o/ /dge slong de mthar gyis mnyan yod du phyin nas dge slong rnams kyis de la smras pa/ tshe dang ldan pa 'ongs pa legs so 'ongs pa legs so/ /ji lta bde bar brgyus sam/ tshe dang ldan pa dag ji ltar bde bar brgyus/ kho bo tha ga pa dag gis had por srog dang de'u phral lo/ /ci'i phyir/ des skabs de rgyas par brjod pa dang / dge slong rnams kyis smras pa/ khyod skyes pa med par bud med dang lhan cig 'gron lam du 'gror rung ngam/ gang gi phyir mi rung ba de nyid kyi phyir nyes dmigs 'di lta bu byung ngo / / dge slong don nyung ngu dag ci'i phyir dge slong dag skyes pa med par bud med dang lhan cig 'gron lam du 'gro zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong de la rmas pa/ dge slong khyod skyes pa med par bud med dang lhan cig 'gron lam du 'gro ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang skyes pa med par bud med dang lhan cig 'gron lam du 'gro na tha na grong bar du yang rung ste ltung byed do/ /yang dge slong gang zhes bya ba ni chos 'di pa 'am gzhan yang de lta bu gang yin pa'o/ /skyes pa med par zhes bya ba ni de dang de'o/ /bud med dang lhan cig ces bya ba ni bud med dam/ gzhon nu ma mi tshangs par spyod pa 'khrigs pa'i chos sten nus pa dang ngo / /'gron lam du 'gro na zhes bya ba ni dgon pa'i lam du 'gro na'o/ /tha na grong bar du yang rung ste zhes bya ba ni tha na rgyang grags kyi bar du yang rung ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad skyes pa med par bud med dang lhan cig 'gron lam du 'gro na thams cad du ltung byed du 'gyur ro/ /rgyang grags kyis bar du chod pa'i grong bdun las grong nas dgon par 'gro na rgyang grags phyed phyed du ni nyes byas su 'gyur la/ rgyang grags re rer ni ltung byed du 'gyur ro/ /dgon pa nas grong du 'gro na yang rgyang grags phyed phyed du ni nyes byas su 'gyur la/ rgyang grags re rer ni ltung byed du 'gyur ro/ /bud med bsel byed du 'dzud pa dang / lam nor ba bud med kyis lam du 'dzud pa dang / 'gro mi nus pa bud med kyis khrid pa la ni ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bud med dang lhan cig 'gro ba'i ltung byed de bdun bcu pa rdzogs s+ho// // sdom la/ rku dang nyi shu ma lon dang / /rko dang mgron dang bslab pa dang / /'thab dang mi smra 'gro ba dang / /mi gus chang 'thung dus min pa'o/ / sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig rgyal po'i khab 'od ma'i tshal ka lan da ka'i gnas su dbyar gnas par khas blangs so/ /de nas dge slong des dbyar gyi zla ba gsum po dag 'das nas chos gos byas pa dang ldan/ chos gos zin pa dang ldan zhing lhung bzed dang chos gos thogs te/ bcom ldan 'das kyi zhabs la phyag 'tshal du 'phags nas mnyan yod du 'gro ba'i don 'thun btsal ba dang / des tshong pa sho gam 'dral ba dag mthong nas des smras pa/ shes ldan dag gar 'dong / de dag gis smras pa/ 'phags pa mnyan yod du mchi'o/ /des smras pa/ shes ldan dag kho bo yang khyed dang lhan cig mnyan yod du 'gro'o/ /de dag gis smras pa/ 'phags pa de ltar mdzod cig /de dag gis thabs yin no zhes byas nas 'gyod pa skyes te de dag gis smras pa/ 'phags pa bdag cag ni tshong pa sho gam 'dral ba dag lags pas dus su yang mchi/ dus ma lags par yang mchi/ shul du yang mchi/ shul gol bar yang mchi bas khyod kyis bdag cag dang lhan cig bzhud mi spyod do/ /des smras pa/ ci khyed cag stong par 'dong ngam/ 'on te khur dag gis 'dong / de dag gis smras pa/ khur dag gis mchi'o/ /des smras pa/ khyed cag khur dag gis 'dong na kho bo stong par 'gro ba ci'i phyir khyed kyi phyi bzhin 'gro mi nus/ de dag gis smras pa/ gal te spyod na bzhud kyis phyogs 'dir bzhud la bdag cag ma mchis kyi bar du gzhes shig /de der song ste bsdad pa dang / ji tsam na tshong pa sho gam 'dral ba de dag 'ongs nas de de dag dang lhan cig 'phags so/ /ji tsam na ri brags shig tu sho gam gyi gnas su phyin pa dang / tshong pa sho gam 'dral ba de dag sho gam gcod pa dag gis 'jigs pas lam gol ba nas 'gro bar brtsams pa dang / dge slong de yang mdun du song ngo / /de dag lam gol ba nas 'dong ba na de dag sho gam pa dag gis mthong nas/ de dag gis smras pa/ kwa'i tshong pa sho gam 'dral ba dag gar 'dong / de dag gis dge slong de mdun du 'gro ba mthong nas/ de dag gis smras pa/ shes ldan dag tshong pa sho gam 'dral ba 'di dag gis ma nyes kyi shAkya'i bu'i dge sbyong mdun du 'gro ba 'dis nyes kyis 'di bsad par bya'o zhes de dag gis dge slong de shin tu brdegs te lhung bzed kyang bcag /phor bu dang / khar ba dag kyang bcag /chos gos dag kyang dral te shi'o snyam nas bor ro/ /tshong pa sho gam 'dral ba de dag gis dge slong de la smras pa/ 'phags pa khyed kyis rgyal po las gzhon nu'i yongs su spang ba thob pa lags kyis rgyal po'i gan du bzhud de gsungs la/ sho gam pa 'di dag gi lag pa dang rkang pa dag gcod du stsol cig /sho gam pa de dag skrag nas dge slong de la bzod pa gsol bar brtsams te smras pa/ 'phags pa bdag cag la bzod pa mdzad du gsol/ dge slong gi sems ni mar dang 'dra bas des smras pa/ bzod do/ /tshong pa sho gam 'dral ba dag gis smras pa/ gal te 'phags pas bzod kyang bdag cag gis mi bzod do/ /sho gam pa dag gis smras pa/ khyed kyang bzod par gyis shig /sho gam 'dral ba dag gis smras pa/ dam tshig gis bzod par bya ste/ khyed cag sho gam pa ji snyed pa dag gis kho bo cag tshong pa ji snyed pa dag sho gam 'jal du mi 'jug na kho bo cag gis kyang bzod par bya'o/ /sho gam pa de dag gis tshong pa de dag la gnang ngo / /dge slong de yang mthar gyis mnyan yod du phyin nas/ dge slong rnams kyis de la smras pa/ tshe dang ldan pa 'ongs pa legs so 'ongs pa legs so/ /ji lta bde bar brgyus sam/ tshe dang ldan pa dag ji ltar bde bar brgyus/ kho bo sho gam pa dag gis had por de'u bsad do/ /ci'i phyir/ des skabs de rgyas par brjod pa dang / dge slong rnams kyis smras pa/ khyod don 'thun rkun ma dang lhan cig mgron lam du 'gror rung ngam/ gang gi phyir mi rung ba de nyid kyi phyir nyes dmigs 'di lta bu dag byung bar gyur to/ /dge slong don nyung ngu dag ci'i phyir dge slong dag don 'thun rkun ma dang lhan cig 'gron lam du 'gro'o zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ / de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong de la rmas pa/ dge slong khyod don 'thun rkun ma dang lhan cig 'dron lam du 'gro ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa/ de ni rab tu byung bas bya ba ma yin no zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang don 'thun rkun ma dang lhan cig 'gron lam du 'gro na tha na grong bar du yang rung ste ltung byed do/ /yang dge slong gang zhes bya ba ni chos 'di pa 'am/ gzhan yang de lta bu gang yin pa'o/ /don 'thun rkun ma dang lhan cig ces bya ba la/ rkun ma zhes bya ba ni chom rkun pa dang grong 'joms par byed pa dag dang / tshong pa sho gam 'dral ba dag go/ /'gron lam du 'gro na zhes bya ba ni dgon pa'i lam du 'gro na'o/ /tha na grong bar du yang rung ste zhes bya ba ni tha na rgyang grags kyi bar du yang rung ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad don 'thun rkun ma dang lhan cig 'gron lam du 'gro na thams cad du ltung byed du 'gyur ro/ /grong bdun po rgyang grags kyis bar du chod pa dag las dge slong grong nas dgon par 'gro na rgyang grags phyed phyed du ni nyes byas su 'gyur la/ rgyang grags re rer ni ltung byed du 'gyur ro/ / dgon pa nas grong du 'gro na yang rgyang grags phyed phyed du ni nyes byas su 'gyur la/ rgyang grags re rer ni ltung byed du 'gyur ro/ /rkun ma bsel byed du 'jud pa dang / lam nor ba rkun mas lam du 'dzud pa dang / 'gro mi nus pa rkun mas khrid du 'dzud pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /rkun ma dang lhan cig 'gro ba'i ltung byed de bdun bcu rtsa gcig pa rdzogs s+ho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa maud gal gyi bu chen pos nye ba 'khor la sogs pa sar pa skyes phran gzhon nu bcu bdun sde'i tshogs dag rab tu phyung rdzogs par bsnyen par byas pa de'i tshe na de dag mtshan mo'i tho rangs kyi dus kyi tshe bkres pa'i nyams chung bas yongs su gzir nas ngu'o/ /bcom ldan 'das kyis mtshan mo'i tho rangs kyi dus kyi tshe kun dga' ra ba'i nang na byis pa khye'u rab tu mang po dag ngu ba'i sgra gsan to/ /gsan nas kyang tshe dang ldan pa kun dga' bo la bka' stsal pa kun dga' bo mtshan mo'i tho rangs kyi dus kyi tshe kun dga' ra ba'i nang na byis pa khye'u rab tu mang po ngu ba 'di dag su/ btsun pa 'di dag ni tshe dang ldan pa maud gal gyi bu chen pos nye ba 'khor la sogs pa sar pa skyes phran gzhon nu bcu bdun sde'i tshogs dag rab tu phyung rdzogs par bsnyen par bgyis pa de dag mtshan mo'i tho ras kyi dus kyi tshe bkres pa'i nyam chung bas yongs su gzir te ngu ba lags so/ /kun dga' bo dge slong dag gang zag lo nyi shu ma lon pa dge slong gi dngos por rdzogs par bsnyen par byed dam/ btsun pa bgyid do/ /kun dga' bo gang zag lo nyi shu ma lon pas ni grang ba dang / tsha ba dang / bkres pa dang / skom pa dang / rlung dang / nyi ma dang / sha sbrang dang / sbrang bu mchu rings dang / sdigs sbrul dag gis reg pa dag dang / gzhan las tshig gi lam ngan pa smras pa dang / ngan pa 'ongs pa dag dang / lus kyi tshor ba sdug bsngal mi bzad pa/ rtsub pa/ tsha ba/ yid du mi 'ong ba srog 'phrog par byed pa byung ngo cog dag mi bzod cing / zag pa dag la ci mi snyam par bya ba yang mi bzod cing dang du len mi nus pa'i rang bzhin can yin no/ /gang zag lo nyi shu lon pas ni grang ba dang / tsha ba dang / bkres pa dang / skom pa dang / rlung dang / nyi ma dang / sha sbrang dang / sbrang bu mchu rings dang / sdig sbrul gyi reg pa dag dang / gzhan las tshig gi lam ngan pa smras pa dang / ngan pa 'ongs pa dag dang / lus kyi tshor ba sdug bsngal mi bzad pa dang / rtsub pa/ tsha ba/ yid du mi 'ong ba srog 'phrog par byed pa byung ngo cog bzod cing zag pa dag la ci mi snyam par bya ba yang bzod cing dang du len nus pa'i rang bzhin can yin no/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ / sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa maud gal gyi bu chen po la rmas pa/ maud gal gyi bu khyod gang zag lo nyi shu ma lon pa dge slong gi dngos por rdzogs par bsnyen par byed pa bden nam/ btsun pa mad do/ /sangs rgyas bcom ldan 'das kyis mi brtson pa dang / mi sbyor ba dang / ma brtags par spyod pa rnam par smad pa mdzad do/ /de nas bcom ldan 'das kyis brtson pa dang / sbyor ba dang / brtags te spyod pa'i bsngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zag lo nyi shu ma lon pa dge slong gi dngos por rdzogs par bsnyen par byed na ltung byed do/ /gang zag de yang rdzogs par bsnyen par mi 'gyur la/ dge slong de dag kyang smad par 'gyur te/ de la de ni cho ga yin no/ /yang dge slong gang zhes bya ba ni chos 'di pa 'am/ gzhan yang de lta bu gang yin pa'o/ /gang zag ces bya ba ni dge slong du bya ba gang yin pa de'o/ /lo nyi shu ma lon pa zhes bya ba ni lo nyi shur ma lon pa'o/ /dge slong gi dngos por rdzogs par bsnyen par byed na zhes bya ba ni gsol ba dang bzhi'i las kyis so/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /gang zag de yang rdzogs par bsnyen par mi 'gyur la zhes bya ba ni gang zag gang yin pa de'o/ /dge slong de dag kyang smad par 'gyur te zhes bya ba ni de na dge slong gang dag 'khod pa de dag go/ /de la de ni cho ga yin no zhes bya ba ni de la de ni rjes su 'thun pa'i chos yin no/ /de la ltung bar ji ltar 'gyur zhe na/ lo nyi shu ma lon la lo nyi shu ma lon par yang 'du shes shing de la dge slong rnams kyis khyod lo nyi shu lon nam zhes dris pa na de 'di skad ces bdag lo nyi shu ma lon no zhes zer ba na/ dge slong rnams kyis gang zag de dge slong gi dngos por rdzogs par bsnyen par byed na gang zag de dang po nyid nas rdzogs par ma bsnyen cing 'grogs pa dang longs spyod pa la yang ltung bar 'gyur la/ des dge 'dun la yang 'gal tshabs can du 'gyur ro/ /lo nyi shu yang ma lon la lo nyi shu ma lon par yang 'du shes shing de la dge slong rnams kyis khyod lo nyi shu lon nam zhes dris pa na de 'di skad ces bdag shes shing dran la yid gnyis mi za ste bdag lo nyi shu ma lon no zhes zer ba na dge slong rnams kyis gang zag de dge slong gi dngos por rdzogs par bsnyen par byed na gang zag de dang po nyid nas rdzogs par ma bsnyen cing 'grogs pa dang longs spyod pa la yang ltung bar 'gyur la/ des dge 'dun la yang 'gal tshabs can du 'gyur ro/ /lo nyi shu ma lon la lo nyi shu lon par 'du shes shing de la dge slong rnams kyis khyod lo nyi shu lon nam zhes dris pa na de 'di skad ces bdag lo nyi shu lon no zhes zer ba na dge slong rnams kyis gang zag de dge slong gi dngos por rdzogs par bsnyen par byed na gang zag de la de'i mod la rab tu 'byung ba dang rdzogs par bsnyen pa dge slong gi dngos po 'chags shing 'grogs pa dang longs spyod pa la yang ltung bar mi 'gyur la/ des dge 'dun la yang 'gal tshabs can du mi 'gyur ro/ /lo nyi shu ma lon la lo nyi shu lon par 'du shes shing de la dge slong rnams kyi khyod lo nyi shu lon nam zhes dris pa na de 'di skad ces bdag shes shing dran la yid gnyis mi za ste bdag lo nyi shu lon no zhes zer ba na dge slong rnams kyis gang zag de dge slong gi dngos por rdzogs par bsnyen par byed na gang zag de la de'i mod la rab tu 'byung ba dang rdzogs par bsnyen pa dge slong gi dngos po 'chags shing 'grogs pa dang longs spyod pa la yang ltung bar mi 'gyur la/ des dge 'dun la yang 'gal tshabs can du mi 'gyur ro/ /lo nyi shu ma lon la des mi shes/ mi dran/ yid gnyis mi za zhing de la dge slong rnams kyis ma dris sam/ dris kyang lan mi 'debs pa na dge slong rnams kyis gang zag de dge slong gi dngos por rdzogs par bsnyen par byed na gang zag de la de'i mod la rab tu 'byung ba dang rdzogs par bsnyen pa dge slong gi dngos po 'chags shing 'grogs pa dang longs spyod pa la yang ltung bar mi 'gyur la/ des dge 'dun la ni 'gal tshabs can du 'gyur ro/ /lo nyi shu lon la lo nyi shu ma lon par 'du shes shing de la dge slong rnams kyis khyod lo nyi shu lon nam zhes dris pa na de 'di skad ces bdag lo nyi shu ma lon no zhes zer ba na dge slong rnams kyis gang zag de dge slong gi dngos por rdzogs par bsnyen par byed na gang zag de dang po nyid nas legs par rdzogs par bsnyen cing 'grogs pa dang longs spyod pa la yang ltung bar mi 'gyur la/ des dge 'dun la ni 'gal tshabs can du 'gyur ro/ /lo nyi shu lon la lo nyi shu ma lon par 'du shes shing de la dge slong rnams kyis khyod lo nyi shu lon nam zhes dris pa na/ de 'di skad ces bdag gis shes shing dran la yid gnyis mi za ste/ bdag lo nyi shu ma lon no zhes zer ba na dge slong rnams kyis gang zag de dge slong gi dngos por rdzogs par bsnyen par byed na gang zag de dang po nyid nas legs par rdzogs par bsnyen cing 'grogs pa dang longs spyod pa la yang ltung bar mi 'gyur la/ des dge 'dun la ni 'gal tshabs can du 'gyur ro/ /lo nyi shu yang lon la lo nyi shu lon par yang 'du shes shing de la dge slong rnams kyis khyod lo nyi shu lon nam zhes dris pa na/ de 'di skad ces bdag lo nyi shu lon no zhes zer ba na dge slong rnams kyis gang zag de dge slong gi dngos por rdzogs par bsnyen par byed na gang zag de dang po nyid nas legs par rdzogs par bsnyen cing 'grogs pa dang longs spyod pa la yang ltung bar mi 'gyur la/ des dge 'dun la yang 'gal tshabs can du mi 'gyur ro/ /lo nyi shu yang lon la lo nyi shu lon par yang 'du shes shing de la dge slong rnams kyis khyod lo nyi shu lon nam zhes dris pa na/ de 'di skad ces bdag shes shing dran la yid gnyis mi za ste bdag lo nyi shu lon no zhes zer ba na/ dge slong rnams kyis gang zag de dge slong gi dngos por rdzogs par bsnyen par byed na gang zag de dang po nyid nas legs par rdzogs par bsnyen cing 'grogs pa dang longs spyod pa la yang ltung bar mi 'gyur la/ des dge 'dun la yang 'gal tshabs can du mi 'gyur ro/ /lo nyi shu lon la des mi shes/ mi dran/ yid gnyis mi za zhing de la dge slong rnams kyis ma dris sam/ dris kyang lan mi 'debs pa na dge slong rnams kyis gang zag de dge slong gi dngos por rdzogs par bsnyen par byed na gang zag de dang po nyid nas legs par rdzogs par bsnyen cing 'grogs pa dang longs spyod pa la yang ltung bar mi 'gyur la/ des dge 'dun la ni 'gal tshabs can du 'gyur ro/ /de la gang zag dang po gnyis po gang dag yin pa de dag ni dang po 'khrugs pa yin pas dang po nyid nas rdzogs par ma bsnyen pa yin te/ gang zag rang bzhin du gnas pa rnams dang lhan cig lan gnyis sam/ gsum gso sbyong ngam/ las nyams su myong bar byed na rku thabs su gnas pa yin te/ gang zag bsnyil bar 'os pa dag yin no/ /de la gang zag lo nyi shu ma lon la lo nyi shu lon par 'du shes pa rdzogs par bsnyen pa gang yin pa de'i nye du dag 'ongs shing lhags nas ming 'di zhes bya ba de rdzogs par bsnyen tam/ zhes 'dri zhing de ni lo nyi shu ma lon no zhes zer na de'i mngal na gnas pa'i zla ba dang / shol gyi zla ba dag kyang brtsi bar bya ste/ gal te tshang na de lta na legs/ gal te ma tshang na sa spo bar bya ba 'am/ yang na rdzogs par bsnyen par bya'o/ / sa spo bar mi byed dam/ yang rdzogs par bsnyen par mi byed par gang zag rang bzhin du gnas pa rnams dang lhan cig lan gnyis sam/ gsum gso sbyong ngam/ las nyams su myong bar byed na rku thabs su gnas pa yin te/ gang zag bsnyil bar 'os pa yin no/ /de la gang zag lo bcu dgu lon na rdzogs par bsnyen pa gang yin pa des gal te lo ma tshang ba'i dran pa rnyed par gyur na des mngal na gnas pa'i zla ba dag dang shol gyi zla ba dag kyang brtsi bar bya ste/ gal te tshang na de lta na legs/ gal te ma tshang na sa spo bar bya ba 'am/ yang rdzogs par bsnyen par bya'o/ /sa spo bar mi byed dam/ yang rdzogs par bsnyen par mi byed par gang zag rang bzhin du gnas pa rnams dang lhan cig lan gnyis sam/ gsum gso sbyong ngam/ las nyams su myong bar byed na rku thabs su gnas pa yin te/ gang zag bsnyil bar 'os pa yin no/ /gal te lo gcig gi dran pa rnyed na de ltar rdzogs par bsnyen pa ni legs par rdzogs par bsnyen pa yin te/ 'di ltar gang zag legs par gsungs pa'i chos 'dul ba la rab tu 'byung zhing rdzogs par bsnyen pa dge slong gi dngos po 'thob pa ni dkon pa'i phyir ro/ /de la gang zag lo bcwa brgyad lon na rdzogs par bsnyen pa gang yin pa des gal te lo ma tshang ba'i dran pa rnyed par gyur na des sa spo bar bya ba 'am/ yang rdzogs par bsnyen par bya'o/ /sa spo bar mi byed dam/ yang rdzogs par bsnyen par mi byed par gang zag rang bzhin du gnas pa rnams dang lhan cig lan gnyis sam/ gsum gso sbyong ngam/ las nyams su myong bar byed na rku thabs su gnas pa yin te/ gang zag bsnyil bar 'os pa yin no/ /gal te lo gcig gi dran pa rnyed par gyur na des mngal na gnas pa'i zla ba dag dang / shol gyi zla ba dag kyang brtsi bar bya ste/ gal te tshang na de lta na legs/ gal te ma tshang na sa spo bar bya ba 'am/ yang rdzogs par bsnyen par bya'o/ /sa spo bar mi byed dam/ yang rdzogs par bsnyen par mi byed par gang zag rang bzhin du gnas pa rnams dang lhan cig lan gnyis sam/ gsum gso sbyong ngam/ las nyams su myong bar byed na rku thabs su gnas pa yin te/ gang zag bsnyil bar 'os pa yin no/ /gal te lo gnyis kyi dran pa rnyed par gyur na de ltar rdzogs par bsnyen pa ni legs par rdzogs par bsnyen pa yin te/ 'di ltar gang zag legs par gsungs pa'i chos 'dul ba la rab tu 'byung ba dang rdzogs par bsnyen pa dge slong gi dngos po 'thob pa ni dkon pa'i phyir ro/ /de la gang zag lo nyi shu ma lon la des mi shes/ mi dran/ yid gnyis za zhing rdzogs par bsnyen pa gang yin pa de la ni shes par bya/ dran par bya/ yid gnyis spang bar bya ste/ gang gi tshe des shes pa dang / dran pa dang / yid gnyis spangs par gyur pa na/ de'i mngal na gnas pa'i zla ba dag dang / shol gyi zla ba dag kyang brtsi bar bya ste/ gal te tshang na de lta na legs/ gal te ma tshang na sa spo bar bya ba 'am/ yang rdzogs par bsnyen par bya'o/ /sa spo bar mi byed dam/ yang rdzogs par bsnyen par mi byed par gang zag rang bzhin du gnas pa rnams dang lhan cig lan gnyis sam/ gsum gso sbyong ngam/ las nyams su myong bar byed na rku thabs su gnas pa yin te/ gang zag bsnyil bar 'os pa yin no/ / de la gang zag lo nyi shu lon la/ lo nyi shu ma lon par 'du shes pas rdzogs par bsnyen pa gang yin pa de ni dang po nyid nas legs par rdzogs par bsnyen pa yin no/ /de la gang zag lo nyi shu lon la lo nyi shu lon par 'du shes pas rdzogs par bsnyen pa gang yin pa de yang dang po nyid nas legs par rdzogs par bsnyen pa yin no/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /ma lon par rdzogs par bsnyen par byed pa'i ltung byed de bdun bcu rtsa gnyis pa rdzogs s+ho// // zhwa dmar cod pan 'dzin pa bzhi pa spyan snga thams cad mkhyen pa'i spyan sngar gtugs te/ dge ba'i bshes gnyen stod lung pa chen po'i thugs dam dang bstun nas dag par byas pa'o// // {nya}[ u0f04u0f05]/ / /'dul ba lung bzhugs so/ / [(黃) 律師戒行經第八部] 'dul ba rnam par 'byed pa/ bam po drug bcu rtsa gsum pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na drug sde dag rang gi lag gis sa rko bar byed/ rkor 'dzud par byed/ rnang sgal spyur bar byed/ spyur du 'dzud par byed/ yur ba 'dren par byed/ 'dren du 'dzud par byed nas/ gzhan mu stegs can dag shes ldan dag shākya'i bu'i dge sbyong 'di dag rang gi lag gis sa rko bar byed/ rkor 'dzud par byed/ rnang sgal spyur bar byed/ spyur du 'dzud par byed/ yur ba 'dren par byed/ 'dren du 'dzud par byed de/ bram ze dang / khyim bdag dag kyang rang gi lag gis sa rko bar byed/ rkor 'dzud par byed/ rnang sgal spyur bar byed/ spyur du 'dzud par byed/ yur ba 'dren par byed/ 'dren du 'dzud par byed na/ shes ldan dag shākya'i bu'i dge sbyong 'di dag dang / bram ze dang / khyim bdag dag la bye brag ni ci yod/ bsam pa ni ci yod/ tha dad du bya ba ni ci yod/ su zhig dge sbyong mgo reg 'di dag la bsod snyoms sbyin pa dang bya bar sems shes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed rang gi lag gis sa rko bar byed/ rkor 'dzud par byed/ rnang sgal spyur bar byed/ spyur du 'dzud par byed/ yur ba 'dren par byed/ 'dren du 'dzud par byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang rang gi lag gis sa rko 'am/ rkor 'dzud na ltung byed do/ /yang dge slong gang zhes bya ba ni drug sde 'am/ gzhan yang de lta bu gang yin pa'o/ /rang gi lag gis shes bya ba ni lag nas lag pas so/ /sa zhes bya ba ni sa gnyis te/ rang bzhin can dang / rang bzhin can ma yin pa'o/ /rang bzhin can zhes bya ba ni char chu zhod na zla ba gsum gyis sa 'thas par gyur pa'o/ /char chu ma zhod na zla ba drug gis sa 'thas par gyur pa'o/ /rang bzhin can ma yin pa ni de las gzhan pa'o/ /rko 'am zhes bya ba ni bdag nyid kyis so/ /rkor 'dzud na zhes bya ba ni gzhan no/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong sa rko na rang bzhin can rko na ltung byed du 'gyur la/ rang bzhin can ma yin pa rko na nyes byas su 'gyur ro/ /dge slong sa zhag 'gogs na sra ba 'gogs pa na ltung byed du 'gyur la/ grugs pa 'gogs na nyes byas su 'gyur ro/ /dge slong sa la phur pa 'debs na ltung byed du 'gyur la/ sa las phur pa 'byin na nyes byas su 'gyur ro/ /dge slong sa la ri mo 'dren na nyes byas su 'gyur ro/ /shod dgod pa'i bsam pa la ni ltung ba med do/ / dge slong sa dang 'byar ba'i lci ba 'gogs na nyes byas su 'gyur la/ lci ba 'ba' shig 'gogs pa la ni ltung ba med do/ /dge slong ngogs rtib par byed na sra ba rtib par byed na ltung byed du 'gyur la/ grugs pa rtib par byed na nyes byas su 'gyur ro/ /dge slong 'dam skyod par byed na nyes byas su 'gyur ro/ /dge slong 'dam dang 'brel ba'i phru ba dang / bum pa dang / ril ba 'degs par byed na nyes byas su 'gyur ro/ /dge slong rtsig pa 'jig par byed na sra ba 'jig par byed na ltung byed du 'gyur la/ grugs pa 'jig par byed na nyes byas su 'gyur ro/ /dge slong rtsig pa'i skyong nul 'gogs par byed na sra ba 'gogs par byed na ltung byed du 'gyur la/ grugs pa 'gogs par byed na nyes byas su 'gyur ro/ /dge slong rtsig pa la phur pa 'debs na ltung byed du 'gyur la/ rtsig pa las phur pa 'byin na nyes byas su 'gyur ro/ /dge slong rtsig pa dang 'byar ba'i lci ba 'gogs par byed na nyes byas su 'gyur ro/ /dge slong rtsig pa la ri mo 'dren par byed na nyes byas su 'gyur ro/ /shod dgod pa'i bsam pa la ni ltung ba med do/ /dge slong rtsig pa las tshwa rgo 'brul bar byed na nyes byas su 'gyur ro/ /dge slong rdo ba can gyi sa rko bar byed na/ gal te sa ches mang la rdo ba ches chung na ltung byed du 'gyur ro/ /gal te rdo ba ches mang la sa ches nyung na nyes byas su 'gyur ro/ /rdo ba 'ba' shig skyod par byed pa la ni ltung ba med do/ /dge slong bye ma can gyi sa rko bar byed na/ gal te sa ches mang la bye ma ches nyung na ltung byed du 'gyur ro/ /gal te bye ma ches mang la sa ches nyung na nyes byas su 'gyur ro/ /bye ma 'ba' shig rko ba la ni ltung ba med do/ /dge slong lag gi blas rgyu skar gyi sbyor bas rung bar byed pa med na thur ma sor bzhi tsam sa la 'dzugs pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /sa rko ba'i ltung byed de bdun bcu rtsa gsum pa rdzogs so// // sangs rgyas bcom ldan 'das shākya rnams kyi nang du ljongs rgyu zhing gshegs pa na ser skya'i gnas su byon nas ser skya'i gnas na nya gro dha'i kun dga' ra ba na bzhugs so/ /shākya ming chen gyis bcom ldan 'das shākya rnams kyi nang du ljongs rgyu zhing gshegs pa na ser skya'i gnas su byon nas ser skya'i gnas na nya gro dha'i kun dga' ra ba na bzhugs shes thos so/ /thos nas kyang de 'di snyam du sems te/ bdag gis bcom ldan 'das dge slong gi dge 'dun dang bcas pa lan mang du gdugs tshod la khyim gzhan du spyan drangs te bshos gsol na/ lan 'ga' yang yo byad thams cad kyis spyan ma drangs kyis bdag gis bcom ldan 'das dge slong gi dge 'dun dang bcas pa zla ba bzhir yo byad thams cad kyis spyan drang ngo snyam mo/ /de nas shākya ming chen bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das shākya ming chen la chos dang ldan pa'i bka' mchid kyis yang dag par ston par mdzad/ yang dag par 'dzin du 'dzud par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas shākya ming chen stan las langs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas dgung zla bzhir bdag gi na bza' dang / bsod snyoms dang / gnas mal dang / bsnyung ba'i rkyen dang / sman gyi yo byad dag bzhes par ci gnang / bcom ldan 'das kyis shākya ming chen la cang mi gsung bas gnang ngo / /de nas shākya ming chen gyis bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song nas des bsnyung ba'i rung ba'i khang pa rtsig tu bcug cing / bsnyung ba'i sman yang 'jog tu bcug /bde ba'i sman dus su rung ba dang / thun tshod du rung ba dang / zhag bdun pa dang / 'tsho ba'i bar du bcang ba dang / rtsa ba'i sman dang / sdong bu'i sman dang / lo ma'i sman dang / me tog gi sman dang / 'bras bu'i sman dag kyang 'jog tu bcug /zhun mar bskol ba dang ma bskol ba dag kyang 'jog tu bcug /'bru mar bskol ba dang ma bskol ba dag kyang 'jog tu bcug pa dag dang / ma he mo dag dang / ra bzhon dag kyang 'jog tu bcug /yo byad thams cad kyang 'jog tu bcug /sman pa dang snyun g.yog dag kyang 'jog tu bcug ste/ dge slong dag la yang yo byad thams cad kyis bstabs so/ /drug sde dag gis smras pa/ dga' bo nye dga' bca' ba dang / bza' bya 'di lta bu rnyed kyis thabs shig bya'o zhes de dag gis sman pa la dris pa/ bzhin bzangs kho bo cag la nad ci yod pa je ltos shig /sman pas bsams pa/ 'di dag ni dge sbyong hral po dag yin pas za 'dod kyis 'di dag dang 'thun par smra bar bya'o snyam nas des de dag la smras pa/ 'phags pa dag khyed cag ni shul gyis dub pa dag lags pas je skur snum bag gsol la de'i 'og tu bska ba gsol cig /de dag gis smras pa/ dga' bo nye dga' 'di ni sman pa chen po nad dang / nad kyi gzhi dang / khams la mkhas pa rgyal po la mkho ba yin te/ gal te bdag cag thams cad kyis dus gcig tu de ltar bya bar brtsams na myur du zin par 'gyur gyis je dang por gnyis kyis snum bag bsten cing bzhis nad g.yog bya'o/ /de'i 'og tu yang gnyis kyis snum bag bsten cing bzhis nad g.yog bya'o/ /de'i 'og tu yang gnyis kyis snum bag bsten cing bzhis nad g.yog bya'o/ /de ltar bya'o zhes de dag las gnyis kyis snum bag bsten par brtsams shing bzhis nad g.yog byed pa na ci tsam na zla ba gcig 'das so/ /de'i 'og tu gzhan gnyis kyis snum bag bsten par brtsams shing bzhis nad g.yog byed pa na zla ba gnyis pa 'das so/ /de'i 'og tu yang gzhan gnyis kyis snum bag bsten par brtsams shing bzhis nad g.yog byed pa na zla ba gsum pa 'das so/ /zla ba bzhi pa la thams cad 'dus te bza' bar brtsams nas zla ba bzhi 'das pa dang shākya ming chen gyis bcom ldan 'das gshegs ston la spyan drangs pa dang nye dgas phyag tshang la 'phrin spring ste/ bzhin bzangs deng kho bo la khu sha dang / khu ba dang / sha tshod dag gyis shig ces spring ngo / /phyag tshang gis smras pa/ 'phags pa dgung zla bzhi 'das te shākya ming chen gyis bcom ldan 'das gshegs ston la spyan drangs na/ khyed kyi bya ba da dung yang ma rdzogs sam/ nye dgas smras pa/ bkren pa shākya ming chen kha shin tu chen pos sangs rgyas la sogs pa dge slong gi dge 'dun zla ba bzhir yo byad thams cad kyis spyan 'dren na/ gal te spyan drang ba 'di lta bus sangs rgyas la sogs pa dge slong gi dge 'dun spyan drang du rung na ni nye dgas kyang sangs rgyas la sogs pa dge slong gi dge 'dun ji srid 'tsho'i bar du spyan 'dren par spro'o/ /des smras pa/ khyed cag zla ba bzhir sha dang khu ba sha stag zos par gyur kyang 'on kyang khyed cag smod par byed na/ gnas brtan gnas brtan gang dag gis zla ba bzhir a ru ra 'bru gcig kyang ma gsol ba de dag ni shin tu dka' ba byed pa yin no/ /dge slong don nyung ngu dag ci'i phyir dge slong dag ha cang slong bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong gis ha cang bslang bar mi bya'o/ /dge slong dag sngon byung ba 'das pa'i dus na grong med pa'i dgon pa'i gnas shig na drang srong zhig 'dug ste/ de'i bsti gnas de me tog phun sum tshogs pa/ 'bras bu phun sum tshogs pa/ nyen kor phun sum tshogs pa yin no/ /de'i bsti gnas de dang ha cang mi ring ba na rdzing chen po zhig yod pa de na klu gzhon nu zhig 'dug go/ /gang gi tshe drang srong de skyil mo dkrung gis 'dug pa de'i tshe na klu gzhon nu de rdzing chen po de nas byung nas lus kyis drang srong de'i lus la lan bdun dkris te steng du gdengs ka chen po byas te 'dug go/ /gang gi tshe drang srong de langs par gyur pa de'i tshe na klu gzhon nu des drang srong de'i lus la lus kyis bkrol nas dpung rgyan dang / rna cha gdub 'khor dang / phreng ba rgyu sna tshogs kyi rgyan dang / byug pas brgyan par gyur te thal mo sbyar nas mdun du 'dug ste/ drang srong de la yo byad thams cad kyis stobs par byed do/ /drang srong de klu gzhon nu de'i lus kyi reg pas skya bo bseng bseng por gyur cing rid pa dang / nyam chung ba dang / rke ba dang / lus ma thob par gyur to/ /dus gzhan zhig na drang srong gzhan zhig ljongs rgyu zhing 'gro ba na drang srong de'i bsti gnas su phyin nas des drang srong de la smras pa/ kye drang srong khyod kyi bsti gnas 'di me tog phun sum tshogs pa/ 'bras bu phun sum tshogs pa/ nyen kor phun sum tshogs pa yin na khyod ci'i phyir skya bo bseng bseng por gyur cing rid pa dang / nyam chung ba dang / rke ba dang / lus ma thob par gyur/ des smras pa/ de de bzhin te/ kho bo'i bsti gnas 'di me tog phun sum tshogs pa/ 'bras bu phun sum tshogs pa/ nyen 'khor phun sum tshogs pa yin mod kyi/ 'on kyang 'di na nyes dmigs kyang yod do/ / 'di na nyes dmigs ci yod/ /des smras pa/ rdzing chen po 'di na klu gzhon nu zhig 'dug ste/ gang gi tshe kho bo skyil mo dkrung gis 'dug pa de'i tshe na klu gzhon nu de rdzing chen po de nas byung nas lus kyis kho bo'i lus la lan bdun dkris te steng du gdengs ka chen po byas te 'dug go/ /gang gi tshe kho bo langs par gyur pa de'i tshe na des kho bo'i lus la lus kyis bkrol nas dpung rgyan dang / rna cha gdub 'khor dang / phreng ba rgyu sna tshogs kyi rgyan dang / byug pas brgyan par gyur te/ thal mo sbyar nas mdun du 'dug ste kho bo la yo byad thams cad kyis stobs par byed de/ de'i lus kyi reg pas kho bo skya bo bseng bseng por gyur cing rid pa dang / nyam chung ba dang / rke ba dang / lus ma thob par gyur to/ /des smras pa/ khyod klu gzhon nu de phyin cad 'ong bar mi 'gyur bar 'dod dam/ des smras pa/ 'dod do/ /des smras pa/ gang gi tshe klu gzhon nu de khyod la yo byad thams cad kyis stobs par byed pa de'i tshe na de'i mgo la nor bu 'dug pa de slongs shig dang klu rnams ni ser sna can yin pas mi ster bas phyin cad 'ong bar mi 'gyur ro/ /dus gzhan zhig na drang srong de skyil mo dkrung gis 'dug pa de'i tshe na klu gzhon nu de de bzhin du rdzing chen po de nas byung nas lus kyis drang srong de'i lus la lan bdun dkris te steng du gdengs ka chen po byas te 'dug go/ /gang gi tshe drang srong de langs par gyur pa de'i tshe na klu gzhon nu des drang srong de'i lus la lus kyis bkrol nas dpung rgyan dang / rna cha gdub 'khor dang / phreng ba rgyu sna tshogs kyi rgyan dang byug pas brgyan par gyur te thal mo sbyar nas 'dun du 'dug ste drang srong de la yo byad thams cad kyis stobs par byed pa na drang srong des de la smras pa/ klu gzhon nu khyod kyi mgo la 'dug pa'i nor bu gang yin pa de kho bo la byin cig /des smras pa/ pha ma dag la dri bar bya'o/ /drang srong gis smras pa/ de ltar gyis shig /klu gzhon nu des pha ma gnyis la dris pa/ yab yum gnyis drang srong bdag gi nor bu slong na de la stsal bar bgyi 'am/ de gnyis kyis smras pa/ nor bu 'di'i mthus bdag cag gis zas dang / skom dang / spos dang / phreng ba rgyu dang / rgyan dag rnyed pa yin gyis ma sbyin cig /de nas klu gzhon nu de rdzing de nas byung ste drang srong de'i mdun du 'dug pa dang drang srong des de la smras pa/ klu gzhon nu khyod kyi mgo la 'dug pa'i nor bu gang yin pa de kho bo la byin cig /de nas klu gzhon nu des tshigs su bcad pa dag smras pa/ bza' dang btung dang de bzhin bgo ba dag /nor bu 'di yi mthu las 'grub 'gyur bas/ /de phyir khyod la nor bu 'di mi sbyin/ /ha cang slong bas zhe sdang gnas su gyur/ /ha cang slong bas bdag la sdigs byed pa/ /ral gri rdo dang 'bru mar bdar ba bzhin/ /gal te khyod gnas phyin cad bdag 'ong na/ /bdag gi glad par rdo bas snun gyis shig /ces smras te mi snang ba'i lam na 'dug go/ /dge slong dag re shig dud 'gro'i skye gnas su skyes pa'i srog chags de dag kyang ha cang bslangs pa na mi snang ba'i lam na 'khod na mi dag lta smos kyang ci dgos/ de lta bas na dge slong gis ha cang bslang bar mi bya'o/ /dge slong dag gzhan yang sngon byung ba 'das pa'i dus na grong med pa'i dgon pa'i gnas shig na drang srong zhig 'dug ste/ de'i bsti gnas de me tog phun sum tshogs pa/ 'bras bu phun sum tshogs pa/ nyen kor phun sum tshogs pa yin no/ /de na bya mang po dag gnas pa de dag der sgra 'byin te/ bsam gtan dag gi tsher ma ni sgra yin pas drang srong des bya mang po dag gi sgra des sems rtse gcig pa nyid ma thob bo/ / de nas drang srong gzhan zhig ljongs rgyu zhing 'gro ba na drang srong de'i bsti gnas su phyin nas des drang srong de la smras pa/ kye drang srong khyod kyi bsti gnas 'di ni me tog phun sum tshogs pa/ 'bras bu phun sum tshogs pa/ nyen kor phun sum tshogs pa bzang ba yin na khyod kyis 'dir sems rtse gcig pa nyid thob bam/ des smras pa/ de de bzhin te/ kho bo'i bsti gnas 'di me tog phun sum tshogs pa/ 'bras bu phun sum tshogs pa/ nyen kor phun sum tshogs pa bzang ba yin na 'on kyang 'di na nyes dmigs kyang yod do/ /des smras pa/ 'di na nyes dmigs ci yod/ des smras pa/ 'di na bya mang po dag gnas pa de dag 'dir sgra 'byin par byed de/ bsam gtan dag gi tsher ma ni sgra yin pas bdag gis bya mang po dag gi sgra des sems rtse gcig pa nyid ma thob bo/ /des smras pa/ khyod bya de dag phyin cad 'dir mi 'ong bar 'dod dam/ des smras pa/ 'dod do/ /des smras pa/ tshes nyi shu dgu'i mtshan mo rtswa'i me sgron spor la shing ljon pa dag gi drung du song ste 'di skad ces sgo nga dag bza'o/ / phru gu dag bza'o zhes smros shig dang / phyin chad 'ong bar mi 'gyur ro/ /des de ltar bya bar brtsams pa dang bya de dag gis bsams pa/ drang srong 'di smyos par gyur tam ci snyam nas/ bya de dag gis phru gu dag 'dab ma skyes par gyur pa dang de dag dong ste/ phyin chad mi 'ong zhing ji tsam na mthar gyis thams cad mi snang ba'i lam na 'khod do/ /dge slong dag re shig dud 'gro'i skye gnas su skyes pa'i srog chags de dag kyang ha cang bslangs pa na mi snang ba'i lam na 'khod na mi rnams lta smos kyang ci dgos/ de lta bas na dge slong gis ha cang bslang bar mi bya'o/ /ha cang slong na 'gal tshabs can du 'gyur ro/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga' khyod zla ba bzhir mgron du bos pa bdag gir byas nas de las lhag par bdag gir byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /de nas bcom ldan 'das ser skya'i gnas su ci dgyes par bzhugs nas rgyal po'i khab ga la ba de logs su ljongs rgyu zhing gshegs te/ mthar gyis rgyu zhing gshegs pa na rgyal po'i khab du byon nas rgyal po'i khab na 'od ma'i tshal ka lan da ka'i gnas na bzhugs so/ /ma ga dhar byung ba'i rgyal po bzo sbyangs gzugs can snying pos bcom ldan 'das shākya rnams kyi nang du ljongs rgyu zhing gshegs pa na rgyal po'i khab du byon nas rgyal po'i khab na 'od ma'i tshal ka lan da ka'i gnas na bzhugs shes thos so/ /thos nas kyang de 'di snyam du sems te/ shākya ming chen gyis bcom ldan 'das dge slong gi dge 'dun dang bcas pa zla ba bzhir yo byad thams cad kyis spyan drangs te/ bdag gis kyang bcom ldan 'das dge slong gi dge 'dun dang bcas pa lan mang du gdugs tshod la khyim gzhan du spyan drangs te bshos gsol na/ lan 'ga' yang yo byad thams cad kyis spyan ma drangs kyis bdag gis kyang bcom ldan 'das dge slong gi dge 'dun dang bcas pa zla ba bzhir yo byad thams cad kyis spyan drang ngo snyam mo/ /de nas ma ga dhar byung ba'i rgyal po bzo sbyangs gzugs can snying po bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das ma ga dhar byung ba'i rgyal po bzo sbyangs gzugs can snying po la chos dang ldan pa'i bka' mchid kyis yang dag par ston par mdzad/ yang dag par 'dzin du 'dzud par mdzad/ yang dag par gzeng stod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas ma ga dhar byung ba'i rgyal po bzo sbyangs gzugs can snying po stan las langs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas dgung zla bzhir bdag gi na bza' dang / bsod snyoms dang / gnas mal dang / bsnyung ba'i rkyen dang / sman gyi yo byad dag bzhes par ci gnang / bcom ldan 'das kyis ma ga dhar byung ba'i rgyal po bzo sbyangs gzugs can snying po la cang mi gsung bas gnang ngo / /de nas ma ga dhar byung ba'i rgyal po bzo sbyangs gzugs can snying pos bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song nas des bsnyung ba'i rung ba'i khang pa rtsig tu bcug cing bsnyung ba'i sman yang 'jog tu bcug /bde ba'i sman dus su rung ba dang / thun tshod du rung ba dang / zhag bdun pa dang / 'tsho'i bar du bcang ba dang / rtsa ba'i sman dang / sdong bu'i sman dang / lo ma'i sman dang / me tog gi sman dang / 'bras bu'i sman dag kyang 'jog tu bcug /zhun mar bskol ba dang ma bskol ba dag kyang 'jog tu bcug /'bru mar bskol ba dang ma bskol ba dag kyang 'jog tu bcug /ba dag dang / ma he mo dag dang / ra bzhon dag kyang 'jog tu bcug /yo byad thams cad kyang 'jog tu bcug /sman pa dang / snyun g.yog dag kyang 'jog tu bcug go/ /tshe dang ldan pa pi lin da'i bu'i sring mo'i khyos bcom ldan 'das shākya rnams kyi nang du ljongs rgyu zhing gshegs pa na rgyal po'i khab tu byon nas rgyal po'i khab na 'od ma'i tshal ka lan da ka'i gnas na bzhugs shes thos so/ /thos nas kyang 'di snyam du sems te/ shākya ming chen gyis bcom ldan 'das dge slong gi dge 'dun dang bcas pa zla ba bzhir yo byad thams cad kyis spyan drangs te/ bdag gis kyang bcom ldan 'das dge slong gi dge 'dun dang bcas pa lan mang du gdugs tshod la khyim gzhan du spyan drangs te bshos gsol na/ lan 'ga' yang yo byad thams cad kyis spyan ma drangs kyis bdag gis bcom ldan 'das dge slong gi dge 'dun dang bcas pa zla ba bzhir yo byad thams cad kyis spyan drangs ngo snyam mo/ /de nas bram ze de bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das bram ze de la chos dang ldan pa'i bka' mchid kyis yang dag par ston par mdzad/ yang dag par 'dzin du 'dzud par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas bram ze de stan las langs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas dgung zla bzhir bdag gi na bza' dang / bsod snyoms dang / gnas mal dang / bsnyung ba'i rkyen dang / sman gyi yo byad dag bzhes par ci gnang / bram ze de'i dang por ma ga dhar byung ba'i rgyal po bzo sbyangs gzugs can snying pos spyan drangs so/ /bram ze des bsams pa/ 'phags pa pi lin da'i bu bdag gi nye du yin pas de spyan drangs na gnang bar 'gyur grang snyam nas/ de tshe dang ldan pa pi lin da'i bu ga la ba der song ste phyin nas tshe dang ldan pa pi lin da'i bu'i rkang pa gnyis la mgo bos phyag 'tshal te mtha' gcig tu 'dug go/ / mtha' gcig tu 'dug nas tshe dang ldan pa pi lin da'i bu bram ze de la chos dang ldan pa'i gtam gyis yang dag par ston par byed/ yang dag par 'dzin du 'dzud par byed/ yang dag par gzeng stod par byed/ yang dag par rab tu dga' bar byed do/ /rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar byas nas cang mi smra'o/ /de nas bram ze de stan las langs te tshe dang ldan pa pi lin da'i bu ga la ba de logs su thal mo sbyar ba btud nas tshe dang ldan pa pi lin da'i bu la 'di skad ces smras so/ /'phags pas dgung zla bzhir bdag gi na bza' dang / bsod snyoms dang / gnas mal dang / bsnyung ba'i rkyen dang / sman gyi yo byad dag bzhes par ci gnang / tshe dang ldan pa pi lin da'i bus smras pa/ bcom ldan 'das la zhu'o/ /de nas tshe dang ldan pa pi lin da'i bu bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ bcom ldan 'das la 'di skad ces gsol to/ /btsun pa bdag gi dmag pa bdag ga la ba der mchis nas de bdag la 'phags pas dgung zla bzhir bdag gi na bza' dang / bsod snyoms dang / gnas mal dang / bsnyung ba'i rkyen dang / sman gyi yo byad dag bzhes par ci gnang zhes mchi na/ de la mchid kyis 'tshal lam/ bcom ldan 'das kyis bka' stsal pa/ de lta bas na so sor mgron du bos pa ma gtogs te/ dge slong gis so sor mgron du bos pa bdag gir bya'o/ /dge slong gzhan dag phyis lhags pa de dag gis bsams pa/ bdag cag rgyal pos mgron du ma bos kyis bsod snyoms la 'jug par bya'o snyam du rig nas de dag bsod snyoms la zhugs pa dang / ma ga dhar byung ba'i rgyal po bzo sbyangs gzugs can snying po steng gi khang bzangs kyi gzhir gtogs pa na 'dug pas de dag bsod snyoms la rgyu ba mthong nas des blon po rnams la smras pa/ shes ldan dag ci'i phyir 'phags pa 'di dag bsod snyoms la zhugs/ de dag gis smras pa/ lha 'di dag slad kyis mchis pas 'di dag gi glo ba la dge slong gang dag bcom ldan 'das dang thabs gcig lhags pa de dag rgyal pos mgron du bos kyi/ bdag cag phyis lhags pa dag rgyal pos mgron du ma bos so snyam du rig nas bsod snyoms la zhugs so/ /rgyal pos smras pa/ de lta bas na 'phags pa dag yang dang yang mgron du bod do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na yang dang yang mgron du bos pa ma gtogs te/ dge slong gis yang dang yang mgron du bos pa bdag gir bya'o/ /dge slong dag gis bsams pa/ rgyal po gzugs can snying po ni bya ba mang ba dang / byed pa mang ba yin la/ bdag cag ni bya ba nyung ba dang / byed pa nyung ba yin gyis bdag cag bsod snyoms la 'jug par bya'o snyam du rig nas de dag bsod snyoms la zhugs pa dang / ma ga dhar byung ba'i rgyal po bzo sbyangs gzugs can snying po steng gi khang bzangs kyi gzhir gtogs pa na 'dug pas/ de dag bsod snyoms la rgyu ba mthong nas des blon po rnams la smras pa/ shes ldan dag ci'i phyir 'phags pa 'di dag bsod snyoms la zhugs/ de dag gis skabs de rgyas par brjod pa dang / rgyal pos smras pa/ de lta bas na 'phags pa dag dus kyis mgron du bod do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dus kyis mgron du bos pa ma gtogs te/ dge slong gis dus kyis mgron du bos pa bdag gir bya'o/ / rgyal po gzugs can snying pos bcom ldan 'das gshegs ston la spyan drangs nas phyi de nyin par dge slong rab tu mang po dag bsod snyoms la zhugs pa dang / ma ga dhar byung ba'i rgyal po bzo sbyangs gzugs can snying po steng gi khang bzangs kyi gzhir gtogs pa na 'dug pas de dag bsod snyoms la rgyu ba mthong nas/ des blon po rnams la smras pa/ shes ldan dag ci'i phyir 'phags pa 'di dag bsod snyoms la zhugs/ de dag gis skabs de rgyas par brjod pa dang / rgyal pos smras pa/ de lta bas na 'phags pa dag rtag tu mgron du bod do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na rtag tu mgron du bos pa ma gtogs te/ dge slong gis rtag tu mgron du bos pa bdag gir bya'o/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na ltung byed do/ /so sor mgron du bos pa dang / yang dang yang mgron du bos pa dang / dus kyis mgron du bos pa dang / rtag tu mgron du bos pa ni ma gtogs te/ de la de ni dus yin no/ /dge slong gis zhes bya ba ni chos 'di pas so/ /zla ba bzhir zhes bya ba ni zla ba bzhi tshun chad du'o/ /mgron du bos pa zhes bya ba ni bstabs pa'o/ /bdag gir bya'o zhes bya ba ni khas blang bar bya ba'o/ /de las lhag par bdag gir byed na zhes bya ba ni de las 'das par ro/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /so sor mgron du bos pa zhes bya ba ni 'di lta ste/ dge slong so sor tha dad par mgron du bos pa'o/ /yang dang yang mgron du bos pa zhes bya ba ni 'di lta ste/ dge slong yang dang yang mgron du bos pa'o/ /dus kyis mgron du bos pa zhes bya ba ni 'di lta ste/ dge slong nan gyis mgron du bos pa'o/ /rtag tu mgron du bos pa zhes bya ba ni 'di lta ste/ dge slong gtan du mgron du bos pa'o/ /ma gtogs te zhes bya ba ni bzhag ste'o/ /de la de ni dus yin no zhes bya ba ni de la de ni rjes su 'thun pa'i chos yin pa'o/ /de la ltung bar ji ltar 'gyur zhe na/ dge slong gis ji tsam cung zad zla ba bzhir mgron du bos pa las lhag par bdag gir byed na thams cad du ltung byed du 'gyur ro/ /dge slong gis ngan pa la mgron du bos pa na bsod pa slong na de slong ba la nyes byas su 'gyur la/ za ba la ltung byed du 'gyur ro/ /dge slong gis bsod pa la mgron du bos pa na ngan pa slong na de slong ba la nyes byas su 'gyur la/ za ba la yang nyes byas nyid du 'gyur ro/ /dge slong bsod snyoms la zhugs pa na bud med kyi yul zas khyer te 'ong na dge slong gis sring mo chog go/ /mi 'dod do zhes brjod par bya ste/ gal te bud med kyi yul na re 'phags pa ci zhig bzhed ces zer na bstabs pa brjod par bya ste/ gang 'dod pa de bslang bar bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ / mgron du gnyer ba las ring du 'dug pa'i ltung byed de bdun bcu rtsa bzhi pa rdzogs so// // sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /gang gi tshe bcom ldan 'das k yis 'dul ba la nyan thos rnams kyi bslab pa'i gzhi thun mong 'cha' bar mdzad pa de'i tshe na gnyi ga'i dge 'dun sdud par mdzad pas 'di yang bcom ldan 'das kyis 'dul ba la nyan thos rnams kyi bslab pa'i gzhi thun mong bca' ba mdzad pa yin na 'di la gnyi ga'i dge 'dun bsdu ba ma mdzad pas de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la dge slong zhig dge slong ma rnams kyi nang du thong la 'di skad ces sring mo dag bcom ldan 'das kyis 'dul ba la nyan thos rnams kyi bslab pa'i gzhi thun mong 'di ltar bca' ba mdzad de/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na ltung byed do/ /so sor mgron du bos pa dang / yang dang yang mgron du bos pa dang / dus kyis mgron du bos pa dang / rtag tu mgron du bos pa ni ma gtogs te/ de la de ni dus yin no zhes bca' ba mdzad kyis bslab pa 'di la bslab par bya'o zhes bsgo shig ces gyis shig tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas tshe dang ldan pa lam pa ga la ba der song ste phyin nas tshe dang ldan pa lam pa la bsgo ba/ tshe dang ldan pa lam pa khyod bzhud la dge slong ma rnams la sring mo dag bcom ldan 'das kyis 'dul ba la nyan thos rnams kyi bslab pa'i gzhi thun mong 'di ltar bca' ba mdzad de/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na ltung byed do/ /so sor mgron du bos pa dang / yang dang yang mgron du bos pa dang / dus kyis mgron du bos pa dang / rtag tu mgron du bos pa ni ma gtogs te/ de la de ni dus yin no zhes bca' ba mdzad kyis khyed kyis bslab pa 'di la bslab par bya'o zhes bsgo shig /tshe dang ldan pa lam pas btsun pa kun dga' bo bka' bzhin 'tshal zhes tshe dang ldan pa kun dga' bo las mnyan nas dge slong ma'i dbyar khang ga la ba der song ba dang / ji tsam na drug sde dag gis de mthong nas de dag gis dris pa/ tshe dang ldan pa lam pa khyod gar 'gro/ tshe dang ldan pa lam pas bsams pa/ 'di dag gis kyang ma thos pa 'dras 'di dag la yang brjod par bya'o snyam nas des smras pa/ tshe dang ldan pa dag bcom ldan 'das kyis 'dul ba la nyan thos rnams kyi bslab pa'i gzhi thun mong 'di ltar bca' ba mdzad de/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na ltung byed do/ /so sor mgron du bos pa dang / yang dang yang mgron du bos pa dang / dus kyis mgron du bos pa dang / rtag tu mgron du bos pa ni ma gtogs te/ de la de ni dus yin no zhes bca' ba mdzad kyis khyed kyis kyang bslab pa 'di la bslab par bya'o/ /de dag gis smras pa/ bdag cag dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri'i bar du byis pa/ rmongs pa/ mi gsal ba/ mi mkhas pa/ khyed kyi tshig gis bslab pa 'di la mi slob bo zhes de dag gis byis pa dang / rmongs pa dang / mi gsal ba dang / mi mkhas pa zhes bya ba dag gis khur bslang ngo / / tshe dang ldan pa lam pa de nas song ste 'gro ba na dge slong ma bcu gnyis sde dag gis mthong nas de dag gis de la smras pa/ btsun pa lam pa gar bzhud/ des smras pa/ sring mo dag shes par gyis shig /bcom ldan 'das kyis 'dul ba la nyan thos rnams kyi bslab pa'i gzhi thun mong 'di ltar bca' ba mdzad de/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na ltung byed do/ /so sor mgron du bos pa dang / yang dang yang mgron du bos pa dang / dus kyis mgron du bos pa dang / rtag tu mgron du bos pa ni ma gtogs te/ de la de ni dus yin no zhes bca' ba mdzad kyis khyed kyis kyang bslab pa 'di la bslab par bya'o/ /de dag gis smras pa/ bdag cag dge slong ma mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri'i bar du byis pa/ rmongs pa/ mi gsal ba/ mi mkhas pa khyed kyi tshig gis bslab pa 'di la mi slob bo zhes byis pa dang / rmongs pa dang / mi gsal ba dang / mi mkhas pa zhes bya ba dag gis khur bslang ste dong ngo / /tshe dang ldan pa lam pas bsams pa/ bdag la gnas ngan len kun du spyod pa 'di dag la brjod pas ci bya/ da ni song la skye dgu'i bdag mo chen mo gau ta mī ma gtogs pa gzhan 'ga' la yang brjod par mi bya'o snyam nas de skye dgu'i bdag mo chen mo gau ta mī ga la ba der song ste phyin nas skye dgu'i bdag mo chen mo gau ta mī la 'di skad ces smras so/ /gau ta mī shes par gyis shig /bcom ldan 'das kyis 'dul ba la nyan thos rnams kyi bslab pa'i gzhi thun mong 'di ltar bca' ba mdzad de/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na ltung byed do/ /so sor mgron du bos pa dang / yang dang yang mgron du bos pa dang / dus kyis mgron du bos pa dang / rtag tu mgron du bos pa ni ma gtogs te/ de la de ni dus yin no zhes bca' ba mdzad kyis khyed kyis bslab pa 'di la bslab par bya'o/ /skye dgu'i bdag mo chen mos smras pa/ btsun pa lam pa bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad de/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na ltung byed do/ /so sor mgron du bos pa dang / yang dang yang mgron du bos pa dang / dus kyis mgron du bos pa dang / rtag tu mgron du bos pa ni ma gtogs te/ de la de ni dus yin no zhes bca' ba mdzad pa gang lags pa de bdag mgo dang / ngag dang / yid kyis kyang nod do/ /btsun pa lam pa 'di lta ste/ dper bgyi na rgyal rigs kyi phyugs cung dag gam/ bram ze'i phyugs cung dag gam/ rje'u rigs kyi phyugs cung dag gam/ dmangs rigs kyi phyugs cung legs par khrus bgyis pa/ byug pas legs par byugs pa/ skra dang sen mo legs par bcos pa/ rad pa dkar po 'tshal ba dag gis ud pa la'i phreng ba 'am/ tsam pa ka'i phreng ba 'am/ bar shi ka'i phreng ba 'am/ a ti mug ta ka'i phreng ba 'ga' zhig stsal bar gyur na de yid dga' bas sug pa gnyis kyis blangs te yan lag gi dam pa mgo la gdags par bgyi ba de bzhin du/ btsun pa lam pa bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad de/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na ltung byed do/ /so sor mgron du bos pa dang / yang dang yang mgron du bos pa dang / dus kyis mgron du bos pa dang / rtag tu mgron du bos pa ni ma gtogs te/ de la de ni dus yin no zhes bca' ba mdzad pa gang lags pa de yang bdag mgo dang / ngag dang / yid kyis kyang nod do/ /tshe dang ldan pa lam pas bsgo ste phyir 'ongs pa dang / tshe dang ldan pa kun dga' bos de mthong nas dris pa/ tshe dang ldan pa lam pa khyod kyis dge slong ma rnams la bsgo 'am/ des smras pa/ bsgo ste/ 'di ltar byis pa dang / rmongs pa dang / mi gsal ba dang / mi mkhas pa zhes bya ba dag gis khur bslang ngo / /sus/ drug sde dag gis so/ /ci'i phyir/ des skabs de rgyas par brjod pa dang / dge slong don nyung ngu dag ci'i phyir dge slong rnams kyis tshe dang ldan pa dag khyed kyis bslab pa 'di la bslab par bya'o zhes bsgo ba na de dag la 'di skad ces bdag cag dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri'i bar du byis pa/ rmongs pa/ mi gsal ba/ mi mkhas pa khyed kyi tshig gis bslab pa 'di la mi slob bo zhes zer zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed dge slong rnams kyis tshe dang ldan pa dag khyed kyis bslab pa 'di la bslab par bya'o zhes bsgo ba na de dag la 'di skad ces bdag cag dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri'i bar du byis pa/ rmongs pa/ mi gsal ba/ mi mkhas pa khyed kyi tshig gis bslab pa 'di la mi slob bo zhes zer ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong rnams kyis tshe dang ldan pa khyod kyis bslab pa 'di la bslab par bya'o zhes bsgo ba na de dag la 'di skad ces bdag dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri'i bar du byis pa/ rmongs pa/ mi gsal ba/ mi mkhas pa khyed kyi tshig gis bslab pa 'di la mi slob bo zhes zer na ltung byed do/ /dge slong kun shes par 'dod pas kyang bslab pa de la bslab par bya'o/ / dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la yang dri bar bya ste/ de la de ni cho ga yin no/ /yang dge slong gang zhes bya ba ni drug sde 'am/ gzhan yang de lta bu gang yin pa'o/ /dge slong rnams kyis shes bya ba ni chos 'di pa rnams kyis so/ /tshe dang ldan pa khyod kyis bslab pa 'di la bslab par bya'o zhes bsgo ba na zhes bya ba ni bslab pa gang yin pa de la'o/ /de dag la zhes bya ba ni dge slong de dag la'o/ /'di skad ces shes bya ba ni 'di skad ces zer na'o/ /dge slong mdo sde 'dzin pa zhes bya ba ni mdo sde mtha' dag 'dzin pa gang dag yin pa rnams so/ /'dul ba 'dzin pa zhes bya ba ni 'dul ba mtha' dag 'dzin pa gang dag yin pa rnams so/ /ma mo 'dzin pa rnams la 'dri'i bar du zhes bya ba ni ma mo mtha' dag 'dzin pa gang dag yin pa rnams la'o/ /byis pa zhes bya ba la/ byis pa zhes bya ba ni nyes par bsam pa sems pa dang / nyes par smra ba rjod pa dang / nyes par bya ba'i las byed pa'o/ / rmongs pa zhes bya ba la/ rmongs pa zhes bya ba ni mdo sde 'dzin pa ma yin pa dang / 'dul ba 'dzin pa ma yin pa dang / ma mo 'dzin pa ma yin pa'o/ /mi gsal ba zhes bya ba la/ mi gsal ba zhes bya ba ni mdo sde la mi gsal ba dang / 'dul ba la mi gsal ba dang / ma mo la mi gsal ba'o/ /mi mkhas pa zhes bya ba la/ mi mkhas pa zhes bya ba ni mdo sde la mi mkhas pa dang / 'dul ba la mi mkhas pa dang / ma mo la mi mkhas pa'o/ / khyed kyi tshig gis bslab pa 'di la mi slob bo zhes zer na zhes bya ba ni de skad ces zer na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /dge slong kun shes par 'dod pas kyang bslab pa de la bslab par bya'o/ /dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la yang dri bar bya ste/ de la de ni cho ga yin no zhes bya ba ni de la de ni rjes su 'thun pa'i chos yin pa'o/ /de la ltung bar ji ltar 'gyur zhe na/ dge slong gis ji tsam cung zad dge slong rnams kyis tshe dang ldan pa khyod kyis bslab pa 'di la bslab par bya'o/ /zhes bsgo ba na de dag la 'di skad ces/ bdag dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri'i bar du byis pa/ rmongs pa/ mi gsal ba/ mi mkhas pa khyed kyi tshig gis bslab pa 'di la mi slob bo zhes zer na thams cad ltung byed du 'gyur ro/ /byis pa khyed kyi tshig gis bslab pa 'di la mi slob bo zhes zer na ltung byed du 'gyur ro/ /rmongs pa khyed kyi tshig gis bslab pa 'di la mi slob bo zhes zer na ltung byed du 'gyur ro/ /mi gsal ba khyed kyi tshig gis bslab pa 'di la mi slob bo zhes zer na ltung byed du 'gyur ro/ /mi mkhas pa khyed kyi tshig gis bslab pa 'di la mi slob bo zhes zer na ltung byed du 'gyur ro/ /yang dag pa kho nar byis pa dang / rmongs pa dang / mi gsal ba dang / mi mkhas pa yin na ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab pa la nye bar 'jog pa spang ba'i ltung byed de bdun bcu rtsa lnga pa rdzogs sho// sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa 'char kas ni nyon mongs pa thams cad spangs pas dgra bcom pa nyid mngon du byas/ tshe dang ldan pa 'dun pa ni kau shambir song ste snying las chung ngur 'dug /'gro mgyogs dang / nab so gnyis ni dus la bab/ dga' bo dang / nye dga' gnyis ni dge 'dun gyi nang na 'dug pa de'i tshe na bcu bdun sde'i tshogs dag gdug cing pha rol gnon pa dang / mdo sde 'dzin pa dang / 'dul ba 'dzin pa dang / ma mo 'dzin par gyur nas de dag gis smras pa/ tshe dang ldan pa dag bdag cag yun ring po nas drug sde dag gis tho brtsams te/ ji ltar dga' bo dang nye dga' gnyis kyis tho brtsams pa ltar yang gzhan gyis ma brtsams la/ ji ltar nye dgas tho brtsams pa ltar yang dga' bos ma brtsams kyis de gnas nas dbyung ba'i las bya'o/ /de dag gis smras pa/ 'di'i phu bo rtsod pa la mkhas pa yin gyis tshur sheg /je gros bya'o zhes de dag dpong sa'i khang par zhugs te sgo bcad nas gros bya bar brtsams pa dang / nye dga' skar khung na nyan cing des de dag bsdigs te/ kye ma bcu bdun sde dag ci'i gros byed/ kho bo'i tshangs pa mtshungs par spyod pa kha cig ni yongs su mya ngan las 'das/ kha cig ni snying las chung ngu kho nar 'dug /kha cig ni dus la bab pas da 'di gnas nas dbyung ba'i las bya'o snyam du sems sam ci/ khyed kyis da kho bo cag zil gyis mnan te 'khod snyam 'am/ kho bo cag gis kyang khyed la mtshams chen po gcad par bya'o/ /khyed kyis/ glang po'i thag pa nyi ma dang / /rlung gis yongs su bskams gyur cing / /glang po'i gnya' nas lhung gyur kyang / /lug ni lnga brgyas drang bar bya/ /zhes bya ba ma thos sam zhes bsdigs pa dang / de dag gis bsams pa/ 'dis bdag cag gros byed pa 'phrigs kyis gzhan du 'dong ngo zhes de dag me khang du zhugs te gros bya bar brtsams pa dang / nye dga' yang der 'jab cing 'ongs te nyan cing des der yang de bzhin du bsdigs so/ /de dag steng khang du 'khod de gros bya bar brtsams pa dang / nye dga' bar khang du 'dug ste nyan cing des der yang de bzhin du bsdigs so/ /de dag bar khang du 'khod de gros bya bar brtsams pa dang / nye dga' 'og khang du 'dug ste nyan cing des der yang de bzhin du bsdigs so/ /de dag gnas khang du 'khod de gros bya bar brtsams pa dang / nye dga' khyams su 'dug ste nyan cing des der yang de bzhin du bsdigs so/ /de dag khyams su 'khod de gros bya bar brtsams pa dang / nye dga' gnas khang du 'dug ste nyan cing des der yang de bzhin du bsdigs so/ /de dag sgo khang du 'khod de gros bya bar brtsams pa dang / nye dga' bang rim du 'dug ste nyan cing des der yang de bzhin du bsdigs so/ /de dag bang rim du 'khod de gros bya bar brtsams pa dang / nye dga' sgo khang du 'dug ste nyan cing des der yang de bzhin du bsdigs so/ /de dag 'chag sar 'khod de gros bya bar brtsams pa dang / nye dga' span spun dag gi nang du 'dug ste nyan cing des der yang de bzhin du bsdigs so/ /de dag span spun dag gi nang du 'khod de gros bya bar brtsams pa dang / nye dga' 'chag sar 'dug ste nyan cing des der yang de bzhin du bsdigs so/ /de dag dgon par 'khod de gros bya bar brtsams pa dang / nye dga' tshang tshing dag gi nang du 'dug ste nyan cing des der yang de bzhin du bsdigs so/ /de dag tshang tshing dag gi nang du 'khod de gros bya bar brtsams pa dang / nye dga' dgon par 'dug ste nyan cing des der yang de bzhin du bsdigs so/ /de dag lam nas 'dong zhing gros bya bar brtsams pa dang / nye dga' phyi bzhin song ste nyan cing des der yang de bzhin du bsdigs nas de dag gis smras pa/ tshe dang ldan pa dag bdag cag gis 'di gnas nas dbyung ba'i las bya bar mi nus kyis 'di la bzod pa gsol bar bya'o zhes de dag gis de la smras pa/ btsun pa nye dga' bdag cag la bzod par mdzod cig /nye dgas smras pa/ bzod par bya'o/ /de dag gis de la dris pa/ khyod kyis kho bo cag gros byed pa ji ltar shes/ nye dgas smras pa/ gang gi tshe khyed cag dpong sa'i khang par zhugs te gros byed pa de'i tshe na kho bos skar khung nas mnyan to/ /gang gi tshe khyed cag me khang du zhugs te gros byed pa de'i tshe na kho bos bzhabs te mnyan to/ /gang gi tshe khyed cag steng khang du 'khod de gros byed pa de'i tshe na kho bos bar khang du 'dug ste mnyan to/ /gang gi tshe khyed cag bar khang du 'khod de gros byed pa de'i tshe na kho bos 'og khang du 'dug ste mnyan to/ /gang gi tshe khyed cag gnas khang du 'khod de gros byed pa de'i tshe na kho bos khyams su 'dug ste mnyan to/ /gang gi tshe khyed cag khyams su 'khod de gros byed pa de'i tshe na kho bos gnas khang du 'dug ste mnyan to/ /gang gi tshe khyed cag sgo khang du 'khod de gros byed pa de'i tshe na kho bos bang rim du 'dug ste mnyan to/ /gang gi tshe khyed cag bang rim du 'khod de gros byed pa de'i tshe na kho bos sgo khang du 'dug ste mnyan to/ /gang gi tshe khyed cag 'chag sar 'khod de gros byed pa de'i tshe na kho bos span spun dag gi nang du 'dug ste mnyan to/ /gang gi tshe khyed cag span spun dag gi nang du 'khod de gros byed pa de'i tshe na kho bos 'chag sar 'dug ste mnyan to/ /gang gi tshe khyed cag dgon par 'khod de gros byed pa de'i tshe na kho bos tshang tshing dag gi nang du 'dug ste mnyan to/ /gang gi tshe khyed cag tshang tshing dag gi nang du 'khod de gros byed pa de'i tshe na kho bos dgon par 'dug ste mnyan to/ /gang gi tshe khyed cag lam nas 'dong zhing gros byed pa de'i tshe na kho bos phyi bzhin song ste mnyan to/ /de dag gis smras pa/ khyod nyan rnas 'dug tu rung ngam/ nye dgas smras pa/ gal te kho bo khyed cag gros byed pa'i tshe nyan rnas 'dug par ma gyur du zin na khyed cag gis kho bo gnas nas dbyung ba'i las byas par gyur to/ /dge slong don nyung ngu dag ci'i phyir dge slong dag dge slong rnams 'thab par gyur/ mtshang 'dru bar gyur/ mi mthun par gyur/ rtsod par gyur cing 'khod pa la dge slong 'di dag ji skad zer ba de bdag gis mnyan te/ de lta de ltar rjes su tha snyad gdags par bya'o snyam pa de nyid rkyen du byas te cang mi smra bar nyan rnas 'dug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis shākya'i bu nye dga' la rmas pa/ nye dga' khyod dge slong rnams 'thab par gyur/ 'tshang 'dru bar gyur/ mi mthun par gyur/ rtsod par gyur cing 'khod pa la dge slong 'di dag ji skad zer ba de bdag gis mnyan te de lta de ltar rjes su tha snyad gdags par bya'o snyam pa de nyid rkyen du byas te cang mi smra bar nyan rnas 'dug pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong rnams 'thab par gyur/ 'tshang 'dru bar gyur/ mi mthun par gyur/ rtsod par gyur cing 'khod pa la dge slong 'di dag ji skad zer ba de bdag gis mnyan te de lta de ltar rjes su tha snyad gdags par bya'o snyam pa de nyid rkyen tu byas te cang mi smra bar nyan rnas 'dug na ltung byed do/ /yang dge slong gang zhes bya ba ni shākya'i bu nye dga' 'am/ gzhan yang de lta bu gang yin pa'o/ /dge slong rnams shes bya ba ni chos 'di pa rnams so/ /'thab par gyur/ 'tshang 'dru bar gyur/ mi mthun par gyur/ rtsod par gyur cing 'khod pa la zhes bya ba ni phyogs dang gzhan gyi phyogs su rnam par gnas pa la'o/ /dge slong 'di dag ji skad zer ba de bdag gis mnyan te de lta de ltar rjes su tha snyad gdags par bya'o snyam pa zhes bya ba ni de lta bu'i bsam pas gnyen pos de lta de ltar pha rol gnan par bya'o snyam pa'o/ /de nyid rkyen du byas te zhes bya ba ni gzhan ma yin pa'o/ /cang mi smra bar nyan rnas 'dug na zhes bya ba ni cang mi smra bar rna gtod pas 'dug na'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ / gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong dag steng khang na gros byed cing dge slong yang 'dzeg na dge slong des rting sgra 'am/ se gol gyi sgra 'am/ mgul bsal ba'i sgra bya'o/ /rting sgra 'am/ se gol gyi sgra 'am/ mgul bsal ba'i sgra mi byed na ji srid du sgra thos shing don ma go'i bar du dge slong la nyes byas su 'gyur la/ sgra'i don go na ltung byed du 'gyur ro/ /dge slong dag bar khang dang / 'og khang dang / gnas khang dang / khyams dang / sgo khang dang / bang rim dang / 'chag sa dang / dgon pa dang / lam nas 'gro zhing gros byed la/ dge slong yang phyi bzhin 'gro na dge slong des rting sgra 'am/ se gol gyi sgra 'am/ mgul bsal ba'i sgra bya'o/ /rting sgra 'am/ se gol gyi sgra 'am/ mgul bsal ba'i sgra mi byed na ji srid du sgra thos la don ma go'i bar du dge slong la nyes byas su 'gyur la/ sgra'i don go na ltung byed du 'gyur ro/ /nang dang bcas pa ma yin pa dang / gya tsom du 'jug pa dang / mnyan nas nye bar zhi bar bya'o snyam pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /nyan rna las gyur pa'i ltung byed de bdun bcu rtsa drug pa rdzogs sho// 'dul ba rnam par 'byed pa/ bam po drug bcu rtsa bzhi pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa 'char kas ni nyon mongs pa thams cad spangs pas dgra bcom pa nyid mngon du byas/ tshe dang ldan pa 'dun pa ni kau shambir song ste snying las chung ngur 'dug /'gro mgyogs dang / nab so gnyis ni dus la bab/ dga' bo dang / nye dga' gnyis ni dge 'dun gyi nang na 'dug pa de'i tshe na bcu bdun sde'i tshogs dag gdug cing pha rol gnon pa dang / mdo sde 'dzin pa dang / 'dul ba 'dzin pa dang / ma mo 'dzin par gyur nas de dag gis smras pa/ tshe dang ldan pa dag bdag cag yun ring po nas drug sde dag gis tho brtsams te/ ji ltar dga' bo dang nye dga' gnyis kyis tho brtsams pa ltar yang gzhan gyis ma brtsams la/ ji ltar nye dgas tho brtsams pa ltar yang dga' bos ma brtsams kyis de gnas nas dbyung ba'i las bya'o/ /de na kha cig gis smras pa/ 'di'i phu bo dga' bo rtsod pa la mkhas pa yin pas bdag cag gis 'di gnas nas dbyung ba'i las bya bar mi nus so/ /kha cig gis smras pa/ gcig smra ba na gnyis kyis mnyan par mi bya bar tshogs smra na tshogs ni rgyal po dang 'dra bas gal te de cung zad smra bar gyur na de'i tshe gnas nas dbyung ba'i las bya'o zhes de dag gis gnas mal bshams nas/ gaṇ ḍī brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa na/ gleng ba po rgan pa'i mtha' logs su 'dug ste smras pa/ btsun pa nye dga' khyod kyis bcu bdun sde'i tshogs dag gi lto dral te rgyu ma dag gis rgyal byed kyi tshal bskor bar bya'o zhes bya ba de lta bu'i tshig smras pa gang yin pa de dran nam/ nye dgas smras pa/ tshe dang ldan pa dag de ni don 'das pa yin na rma sos pa glengs te ci bya/ de dag gis smras pa/ bcom ldan 'das ni 'das pa'i don kho na la brten te 'dul ba la nyan thos rnams kyi bslab pa'i gzhi 'cha' bar mdzad do/ /dga' bos phyir bzlog par brtsams pa dang / de dag gis smras pa/ gang gcig phyir zlog par byed pa de yang gnas nas dbyung ba'i las bya'o/ /dga' bos bsams pa/ 'di dag gi byed stangs las na bdag la yang gnas nas 'byin pa'i las byed par 'gyur na ma legs par 'gyur ro snyam nas/ de dgun gyi dus la bab pas la ba zhig gyon te des la ba de rtsig drung du bslang ste bzhag nas cang mi smra bar stan las langs te song ngo / / de dag gis smras pa/ tshe dang ldan pa dag 'dod pa smros shig ces de dag gis gya tsom du nye dga' gnas nas dbyung ba'i las byas so/ /de gnas nas dbyung ba'i las byas pa na ngu zhing phu bo'i gan du song ba dang / dga' bos smras pa/ nye dga' ci'i phyir ngu / lhung bzed nag po can dag gis bdag gnas nas dbyung ba'i las byas so/ /dga' bos smras pa/ gang dag gis kho bo'i nu bo gnas nas dbyung ba'i las byas pa de dag grong dang / grong khyer dang / khams gsum nas gnas nas phyung bar gyur cig /'on kyang gnas nas dbyung ba'i las byas pa dag la grong dang / grong khyer med dam ci/ sdod la phyis bzod pa gsol cig /'di ltar de dag gis mi mthun pa kho nar las byas so/ /su zhig der ma 'ongs/ dga' bos smras pa/ kho bo'o/ /bdag gis de na rgan pa'i mtha' logs na slob dpon gyi sgra thos so/ /dga' bos smras pa/ gang gi tshe de dag na re gang gcig phyir zlog par byed pa de yang gnas nas dbyung ba'i las bya'o zhes zer ba de'i tshe na kho bos bsams pa/ 'di dag gi byed stangs las na bdag la yang gnas nas 'byin pa'i las byed par 'gyur na ma legs par 'gyur ro snyam nas/ kho bo dgun gyi dus la bab pas la ba zhig gyon te kho bos la ba de rtsig drung du bslang ste bzhag nas cang mi smra bar stan las langs te song ngo / /dge slong don nyung ngu dag ci'i phyir dge slong dag dge 'dun gyi chos dang ldan pa'i gtam rnam par gtan la 'bebs pa byung ba na cang mi smra bar stan las langs te 'gro bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis shākya'i bu dga' bo la rmas pa/ dga' bo khyod dge 'dun gyi chos dang ldan pa'i gtam rnam par gtan la 'bebs pa byung ba na cang mi smra bar stan las langs te 'gro ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya zhes bya ba la sogs pa snga ma bzhin no/ / nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi chos dang ldan pa'i gtam rnam par gtan la 'bebs pa byung ba na cang mi smra bar stan las langs te 'gro na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /dge slong nad ngan can dag 'khod pa de dag gis yun ring du 'dug par mi nus pa na dge slong nad g.yog dag gis kyang nad pa dag gi bya ba nyams par byed/ dge slong zhal ta byed pa dag gis kyang dge 'dun gyi bya ba nyams par byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong 'dug pa la smras te 'gro bar bya'o/ /bcom ldan 'das kyis dge slong 'dug pa la smras te 'gro bar bya'o zhes bka' stsal nas dge slong zhig gis khyim gzhan du lhung bzed dang / chos gos bzhag nas ji tsam na der me shor nas dge slong des der 'gro bar brtsams te de lam gyi phyed du phyin pa dang / bdag gis dge slong 'dug pa la ma smras so snyam pa'i dran pa skyes nas de phyir log ste ji srid du dge slong 'dug pa la smra bar byed pa de srid du de'i lhung bzed dang chos gos tshig nas de der song ba dang khyim bdag gis smras pa/ 'phags pa khyod ci'i slad du 'phyis te byon/ des na khyod kyi lhung bzed dang chos gos tshig gi/ gal te khyod myur du byon par gyur na khyod kyi lhung bzed dang chos gos tshig par mi 'gyur ro zhes zer zhing dge slong de yang phongs par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na de 'dra ba'i rkyen ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi chos dang ldan pa'i gtam rnam par gtan la 'bebs pa byung ba na cang mi smra bar stan las langs te 'gro zhing dge slong 'dug pa la mi smra na de 'dra ba'i rkyen ma gtogs te ltung byed do/ / yang dge slong gang zhes bya ba ni shākya'i bu dga' bo 'am/ gzhan yang de lta bu gang yin pa'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /chos dang ldan pa'i gtam rnam par gtan la 'bebs pa byung ba na zhes bya ba ni gsol ba dang / gsol ba dang gnyis dang / gsol ba dang bzhi'i las byung ba na'o/ /cang mi smra bar stan las langs te 'gro zhing zhes bya ba ni thos pa'i nyen kor las 'das te 'gro zhing ngo / /dge slong 'dug pa la mi smra na zhes bya ba ni de na dge slong gang 'dug pa la'o/ /de 'dra ba'i rkyen ma gtogs te zhes bya ba ni de 'dra ba'i rkyen bzhag ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong ji tsam cung zad dge 'dun gyi chos dang ldan pa'i gtam rnam par gtan la 'bebs pa byung ba na cang mi smra bar stan las langs te 'gro zhing dge slong 'dug pa la mi smra na ji srid thos pa'i nyen kor las ma 'das kyi bar du nyes byas su 'gyur la/ thos pa'i nyen kor las 'das na ltung byed du 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /mi smra bar 'gro ba'i ltung byed de bdun bcu rtsa bdun pa rdzogs so// // sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /de'i tshe na glang chen lhas kyi bdag po'i bu nag pa dge sl ong rab tu mang po dag 'di lta ste/ 'di ni chos so/ /'di ni 'dul ba'o/ /'di ni ston pa'i bstan pa'o shes rtsod pa nye bar zhi bar bya ba 'ga' zhig gi phyir dpong sa'i khang par 'dug cing 'thun par gyur pa na gcig pus dge 'dun zlog par byed/ gcig pus dge 'dun mi mthun par byed cing / rtsod pa bzung ste rtsod cing / 'dug la gtam gyi mjug sdod par mi byed/ gus par mi byed/ rje sa mi byed cing phyir smra bar bya'o snyam du sems nas dge slong don nyung ngu dag ci'i phyir dge slong dag dge slong rab tu mang po dag 'di lta ste/ 'di ni chos so/ /'di ni 'dul ba'o/ /'di ni ston pa'i bstan pa'o zhes rtsod pa nye bar zhi bar bya ba 'ga' zhig gi phyir dpong sa'i khang par 'dug cing 'thun par gyur pa na gcig pus dge 'dun zlog par byed/ gcig pus dge 'dun mi mthun par byed cing / rtsod pa bzung ste rtsod cing 'dug la gtam gyi mjug sdod par mi byed/ gus par mi byed/ rje sa mi byed cing phyir smra bar bya'o snyam du sems shes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis glang chen lhas kyi bdag po'i bu nag pa la rmas pa/ dge slong khyod dge slong rab tu mang po dag 'di lta ste/ 'di ni chos so/ /'di ni 'dul ba'o/ /'di ni ston pa'i bstan pa'o zhes rtsod pa nye bar zhi bar bya ba 'ga' zhig gi phyir dpong sa'i khang par 'dug cing 'thun par gyur pa na gcig pus dge 'dun zlog par byed/ gcig pus dge 'dun mi mthun par byed cing rtsod pa bzung ste rtsod cing 'dug la gtam gyi mjug sdod par mi byed/ gus par mi byed/ rje sa mi byed cing / phyir smra bar bya'o snyam du sems pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ gus par mi byed na ltung byed do/ /gus par mi byed na zhes bya ba ni gnyis ka la gus par mi byed na ste/ dge 'dun la dang / gang zag la'o/ /de la dge 'dun ni de bzhin gshegs pa'i nyan thos kyi dge 'dun dang / dge 'dun gyi tha snyad pa'o/ /gang zag ni mkhan po dang / slob dpon dag go/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong dge 'dun gyis 'dug shig ces bsgo ba na mi 'dug na ltung byed du 'gyur ro/ /ma 'dug shig ces bsgo ba na 'dug na ltung byed du 'gyur ro/ /song shig ces bsgo ba na mi 'gro na ltung byed du 'gyur ro/ /ma 'gro shig ces bsgo ba na 'gro na ltung byed du 'gyur ro/ /gnas mal long shig ces bsgo ba na mi len na ltung byed du 'gyur ro/ /gnas mal ma len cig ces bsgo ba na len na ltung byed du 'gyur ro/ /gtsug lag khang long shig ces bsgo ba na mi len na ltung byed du 'gyur ro/ /gtsug lag khang ma len cig ces bsgo ba na len na ltung byed du 'gyur ro/ /smros shig ces bsgo ba na mi smra na ltung byed du 'gyur ro/ /ma smra shig ces bsgo ba na smra na ltung byed du 'gyur ro/ /chos dang ldan par shad kyis sbyang ba sbyin par byed na ltung ba med do/ /dge 'dun gyi tha snyad pas bsgo ba la yang de bzhin du sbyar ro/ /dge slong mkhan pos 'dug shig ces bsgo ba na mi 'dug na nyes byas su 'gyur ro/ /ma 'dug shig ces bsgo ba na 'dug na nyes byas su 'gyur ro/ /song shig ces bsgo ba na mi 'gro na nyes byas su 'gyur ro/ /ma 'gro shig ces bsgo ba na 'gro na nyes byas su 'gyur ro/ /gnas mal long shig ces bsgo ba na mi len na nyes byas su 'gyur ro/ /gnas mal ma len cig ces bsgo ba na len na nyes byas su 'gyur ro/ /gtsug lag khang long shig ces bsgo ba na mi len na nyes byas su 'gyur ro/ /gtsug lag khang ma len cig ces bsgo ba na len na nyes byas su 'gyur ro/ /smros shig ces bsgo ba na mi smra na nyes byas su 'gyur ro/ /ma smra shig ces bsgo ba na smra na nyes byas su 'gyur ro/ /chos dang ldan par shad kyis sbyang ba sbyin par byed na ltung ba med do/ /slob dpon rnams kyis bsgo ba la yang de bzhin du sbyar ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /ma gus pa'i tshul gyi ltung byed de bdun bcu rtsa brgyad pa rdzogs sho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /chu srin byis pa gsod kyi ri la khyim bdag rtogs ldan zhes bya ba phyug pa/ nor mang ba/ longs spyod che ba/ yongs su gzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de la bu mo gzugs bzang ba/ blta na sdug pa/ mdzes pa zhig btsas nas de bsrings shing bskyed de chen mor gyur to/ /khyim bdag des bsams pa/ bdag gis bu mo 'di gzugs kyi phyir yang mi sbyin/ bzo'i phyir yang mi sbyin gyi bdag dang rigs dang / nor gyis 'dra ba 'am/ lhag pa gang yin pa la bdag gis bu mo 'di sbyin no snyam mo/ /des mnyan yod na khyim bdag mgon med zas sbyin zhes bya ba phyug pa nor mang ba/ longs spyod che ba/ yongs su gzung ba yangs shing rgya che ba rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug pa de bdag dang rigs dang / nor gyis mnyam zhing nor gyi rnam pas ches lhag pa yin no zhes thos nas des bu mo de mnyan yod du khyim bdag mgon med zas sbyin gyi bu la byin no/ /khyim bdag mgon med zas sbyin gyis kyang dpal gyi 'byor pas bu'i chung mar blangs so/ /khyim bdag rtogs ldan yang rtse bar byed/ dga' bar byed/ dga' mgur spyod par byed pa'i chung ma la sems can zhugs par gyur nas de la gang gi nyin mo sems can zhugs par gyur pa de nyid kyi nyin mo khyim bdag rtogs ldan la gnod pa brgya dag byung bar gyur to/ / mngal na gnas pa de ji lta ji ltar skyes par gyur pa de lta de ltar khyim bdag rtogs ldan la yang dang yang du rgya cher gnod pa brgya dag byung bar gyur to/ /khyim bdag rtogs ldan gyis bsams pa/ bdag skyed mos tshal du song ste 'dug go snyam nas/ des zho shas 'tsho ba dag la bsgo ba/ shes ldan dag gal te kho bo la gnod pa chen po zhig byung bar gyur na sbron cig /ji ste ma byung na ma sbron cig ces bsgo nas de skyed mos tshal du song ste 'dug go/ /de nas dus gzhan zhig na de'i chung ma btsas pa las khye'u zhig byung nas de gang gi nyi ma la byung ba de nyid kyi nyin mo khyim bdag rtogs ldan la gnod pa stong dag byung bar gyur to/ /de nas mi zhig rings pa rings par khyim bdag rtogs ldan ga la ba der song ba dang / khyim bdag rtogs ldan gyis mi de thag ring po kho na nas rings pa rings par 'ong ba mthong nas des bsams pa/ bdag la gnod pa chen po zhig byung bar gyur gor ma chag snyam nas des mi de la smras pa/ kwa'i nang rje ci'i phyir 'di ltar rings pa rings par 'ong / mi des smras pa/ khyod kyi sras bltam gyis dgyes pa skyed cig /rtogs ldan gyis smras pa/ kwa'i nang rje kho bo'i bus gnod pa brgya phrag mang po bskyed mod kyi 'on kyang bu 'ongs pa legs so/ /de'i nye du dag 'dus shing lhags nas khye'u 'di'i ming cir gdags snyam nas de dag 'di snyam du sems te/ khye'u 'di la phas 'ongs pa legs so zhes bya ba'i tshig brjod pas khye'u 'di'i ming legs 'ongs shes gdags so zhes de'i ming legs 'ongs shes bya bar btags so/ /legs 'ongs ji lta ji ltar skyes par gyur pa de lta de ltar khyim bdag rtogs ldan gyi khyim na nor dang / 'bru dang / dbyig dang / gser dang / bran dang / bran mo dang / las byed pa dang / zho shas 'tsho ba dag yongs su zad par gyur to/ /de nas dus gzhan zhig na khyim bdag rtogs ldan yang dus la bab cing de'i chung ma yang dus la bab/ de'i khyim yang mes tshig /bang mdzod kyi rnam pa dang / zhing gi rnam pa dang / nor gyi rnam pa dang / 'bru'i rnam pa thams cad kyang mes tshig go/ /grong pa'i mi gang dag zong thogs te yul gzhan du dong ba dag kyang de na kha cig ni rgya mtsho chen por gru bo che zhig par gyur/ kha cig ni zong zong ma yin par gyur/ kha cig ni de nyid du tshul ma yin pas sdug bsngal bar gyur/ kha cig ni de nyid du 'khod de tshig kyang mi ster ro/ /nye du dag kyang kha cig ni dus la bab/ kha cig ni bros/ kha cig ni de nyid na 'khod de tshig kyang mi ster ro/ /bran dang / bran mo dang / las byed pa dang / zho shas 'tsho ba dag kyang kha cig ni dus la bab/ kha cig ni bros/ kha cig ni de nyid na 'khod de tshig kyang mi ster ro/ /khyim bdag rtogs ldan gyi sngon gyi bran mo rgan mo gcig pu zhig legs 'ongs kyi bsnyen bkur byed cing 'dug pa des legs 'ongs khye'u'i grwar yi ge dang yig 'bru slob tu phul lo/ /rgan mo des bsams pa/ khyim bdag rtogs ldan gyi khyim nor du ma dang ldan pa yongs su zad cing mthar thug par gyur na gang gi bsod nams med pas de ltar gyur pa ci bdag gi 'am 'on te legs 'ongs kyi bsod nams med pas de ltar gyur pa blta'o/ /snyam nas ji tsam na des legs 'ongs kyi ming gis phru rtog btsugs pa dang de chud zos par gyur cing / bdag gi ming gis phru rtog btsugs pa dang de tshos par gyur nas des bsams pa/ 'di ni sems can skal chad cig yin pas 'di'i le lan gyis khyim bdag rtogs ldan gyi khyim nor du ma dang ldan pa tshul ma yin pas chud zos par gyur pas bdag kyang 'di'i le lan gyis tshul ma yin pas sdug bsngal bar 'gyur ba gang yin pa de lta bu'i gnas yod par 'gyur gor ma chag na 'di la ji ltar bya snyam nas des bsams pa/ 'bros so snyam nas rgan mo des kyang de na gces pa cung zad ci yod pa de dag khyer te bros so/ /khyim stong pa der khyi dag zhugs nas zas zos te 'thab par brtsams pa dang / mi g.yon can zhig phyogs de nas 'gro ba des khyim de nas khyi dag 'thab pa'i sgra thos nas des bsams pa/ khyim bdag rtogs ldan gyi khyim stong par gyur tam ci na 'di ltar 'di na khyi dag 'thab cing 'khod/ bdag gis je blta'o snyam nas de der zhugs pa dang / ji tsam na khyi rkun phal po che dag 'thab cing 'dug gi mi ni 'ga' yang med de stong par mthong nas des de nas lhag rol gyi lhag ma cung zad ci yod pa de dag khyer te song ngo / /de'i 'og tu legs 'ongs zan bza'o snyam nas khye'u'i grwa nas 'ongs te de der zhugs pa dang / ji tsam na stong par mthong nas des ma ma ma ma zhes bos na 'ga' yang lan 'debs pa med nas de dang ha cang thag mi ring ba na nye du'i khyim zhig yod pa der zhugs pa dang / ji tsam na der yang khyim mi dag thab mo byung bar gyur to/ /gang gi tshe de dag thab mo zhi bar gyur pa de'i tshe na gcig la gcig smras pa/ shes ldan dag bdag gis sngan chad khyod mthong na snying du sdug na deng bdag gis khyod mthong na khyod bsad do snyam du sems so/ /gzhan dag kyang gcig la gcig de skad zer nas de dag gis bsams pa/ 'dir gzhan 'ga' zhig ma 'ongs sam blta'o snyam nas de dag gis bltas na ji tsam na legs 'ongs der 'ongs pa mthong nas de dag gis smras pa/ shes ldan dag 'di ni legs 'ongs ma yin gyi nyes 'ongs yin te/ 'di'i le lan gyis bdag cag thab mo byung bar gyur to zhes de dag gis bskrad de de gzhan du song ba dang / der yang de dag de bzhin du gyur nas de dag gis kyang de skad smras te de bskrad de btang ngo / /de mu lto ba dag gi nang du zhugs pa dang / ji tsam na mu lto ba de dag kyang lag pa stong pa dang / sprang phor stong par gyur te phyir lhags nas de dag gis smras pa/ shes ldan dag bdag cag sngon chad gang du zhugs pa der lag pa gang ba dang / sprang phor gang bar gyur te phyir 'ong na/ deng bdag cag lag pa stong pa dang / sprang phor stong par gyur te phyir lhags pa 'di la rgyu ci yod/ de dag gis smras pa/ bdag cag gi nang du sems can skal chad 'ga' zhig zhugs pas des na bdag cag lag pa stong pa dang / sprang phor stong par gyur te phyir lhags so/ /yang de dag gis smras pa/ brtag par byas bdag cag kha gnyis su bcad de 'jug par bya'o zhes de dag gis kha gnyis su bcad de zhugs pa dang / gang dag gi nang du legs 'ongs zhugs pa de dag lag pa stong pa dang / sprang phor stong par gyur te lhags so/ /de dag gis kyang kha gnyis su bcad de zhugs pa dang / gang dag gi nang du legs 'ongs zhugs pa de dag lag pa stong pa dang / sprang phor stong par gyur te lhags so/ /de dag gis kyang yang kha gnyis su bcad de zhugs pa dang / yang de ltar gyur to/ /de dag gis kyang yang dang yang du kha gnyis su bcad de zhugs pa dang / de lta de ltar gyur nas ji tsam na legs 'ongs dang mu lto ba gzhan cig dang gnyis lhan cig zhugs pa yang so sor bye ba dang legs 'ongs ni lag pa stong pa dang / sprang phor stong par gyur te 'ongs la gzhan thams cad lag pa gang ba dang / sprang phor gang bar gyur te 'ongs nas de dag gis smras pa/ sems can skal chad 'di bdag cag gi nang du zhugs pas des na bdag cag lag pa stong pa dang / sprang phor stong par gyur te lhags so zhes de dag gis legs 'ongs shin tu brdegs te bskrad do/ /mnyan yod na khyim bdag rtogs ldan gyi chung po grogs khyim bdag gcig 'dug pa de zong thogs te chu srin byis pa gsod kyi rir phyin nas khyim bdag des legs 'ongs lag na sprang phor thogs te srang du song ba mthong nas des bzhin gzugs las de ngo shes nas des de la smras pa/ bu khyod khyim bdag rtogs ldan gyi bu ma yin nam/ legs 'ongs kyis smras pa yin no/ /des smras pa/ khyod kyi pha ma gnyis gar song / legs 'ongs kyis smras pa/ dus la bab bo/ /des smras pa/ de'i khyim dang / bang mdzod kyi rnam pa dang / zhing gi rnam pa dang / nor gyi rnam pa dang / 'bru'i rnam pa dag ga re/ legs 'ongs kyis smras pa/ thams cad mes tshig go/ /des smras pa/ grong pa'i mi gang dag zong thogs te yul gzhan du dong ba dag gar dong / legs 'ongs kyis smras pa/ kha cig ni rgya mtsho chan por gru bo che zhig par gyur/ kha cig ni zong zong ma yin par gyur/ kha cig ni de nyid du tshul ma yin pas sdug bsngal bar gyur/ kha cig ni de nyid du 'khod de tshig kyang mi ster ro/ /des smras pa/ nye du dag gar dong / legs 'ongs kyis smras pa/ kha cig ni dus la bab/ kha cig ni bros/ kha cig ni de nyid na 'khod de tshig kyang mi ster ro/ /des smras pa/ bran dang / bran mo dang / las byed pa dang / zho shas 'tsho ba dag gar dong / legs 'ongs kyis smras pa/ kha cig ni dus la bab/ kha cig ni bros/ kha cig ni de nyid na 'khod de tshig kyang mi ster ro/ /khyim bdag des de thos nas mchi mas brnangs te 'dug nas des smras pa/ bu kho bo dang lhan cig mnyan yod du 'dong ngo / /legs 'ongs kyis smras pa/ pha bdag der song na cir 'gyur/ des smras pa/ bu de na khyim bdag mgon med zas sbyin 'dug pa de'i bus khyod kyi sring mo chung mar blangs pas khyod der song na sring mo de khyod la mkho ba stobs par 'gyur ro/ /legs 'ongs kyis smras pa/ pha 'gro'o/ /khyim bdag des legs 'ongs la kar sha pa ṇa gnyis byin te smras pa/ bu kho bo zong sgyur gyi bar du khyod re shig 'di gnyis za zhing sdod cig /legs 'ongs kyis kar sha pa ṇa de gnyis gos kyi grwar phur te bzhag pa dang / des las kyi rnam par smin pas de gnyis kyang brjed par gyur to/ /khyim bdag des zong bsgyur te rin blangs nas legs 'ongs khrid de 'phags pa dang / legs 'ongs kyang de dang lhan cig 'phags so/ /ji tsam na don 'thun de dag 'thab par brtsams shing glang dag kyang 'thab par brtsoms nas de dag gis smras pa/ shes ldan dag bdag cag sngan cad gcig gis gcig mthong na snying du sdug na deng bdag cag gcig gis gcig mthong na 'thab par brtsams shing glang dag kyang gcig gis gcig mthong na 'thab par rtsom pa las na/ ma la 'dir nyes 'ongs de ma 'ongs sam zhes bltas pa dang / ji tsam na de dag gis legs 'ongs der 'ongs pa mthong nas de dag gis smras pa shes ldan dag 'di ni legs 'ongs ma yin gyi nyes 'ongs yin te/ 'di'i le lan gyis bdag cag 'thab par brtsams shing / glang dag kyang 'thab par rtsom mo zhes de dag gis de bskrad par brtsams pa dang / khyim bdag des smras pa/ shes ldan dag 'di ni kho bo'i chung po grogs kyi bu yin gyis 'di ma bskrad cig /de dag gis smras pa/ khyim bdag khyod ni don 'thun la dbang ba yin mod kyi/ bdag cag 'di dang lhan cig 'gro mi phod de/ gal te 'di 'gro na bdag cag mi 'gro'o/ /khyim bdag des legs 'ongs la smras pa/ bu khyod phyi bzhin 'brang zhing shog shig dang / kho bos khyod kyi phyir zan gzhag par bya'o/ /legs 'ongs phyi bzhin 'brang zhing 'ong ba na khyim bdag des kyang de'i don du zan 'jog par byed cing kha cig ni sa gzhi la sas g.yogs te 'jog par byed/ kha cig ni shing ljon pa'i yal ga dag la lo ma dag gis g.yogs te 'jog par byed do/ /de'i zan gang dag sa gzhi la sas g.yogs te bzhag pa de dag ni wa dag gis zos/ gang dag shing ljon pa'i yal ga dag la lo ma dag gis g.yogs te bzhag pa de dag ni bya dag dang spre'u dag gis zos nas legs 'ongs kyis cung zad ni thob/ phal cher mi thob nas de shin du nyam nga bas 'tsho zhing 'gro'o/ /srid pa tha ma pa'i sems can zag pa zad pa ma thob par bar ma dor rgyun chad cing dus byed par 'gyur ba ni gnas ma yin skabs ma yin te/ de ni gnas med pas legs 'ongs mthar gyis mnyan yod du phyin nas/ mnyan yod kyi phyi rol khron pa'i kha na ngal so zhing 'dug go/ /legs 'ongs kyi sring mo khyim bdag mgon med zas sbyin gyi mna' ma byed pa de'i bu mo mngag gzhug ma chu bum thogs te khron pa de'i drung du chu chur song ba dang / des legs 'ongs bzhin gzugs la ngo shes nas des de la smras pa/ jo co khyod chu srin byis pa gsod kyi ri pa khyim bdag rtogs ldan gyi bu legs 'ongs ma lags sam/ sring mo yin no/ /jo co khyod kyi yab yum gnyis gar bzhud/ dus la bab bo/ /de'i khyim dang / bang mdzod kyi rnam pa dang / zhing gi rnam pa dang / nor gyi rnam pa dang / 'bru'i rnam pa dag gar mchis/ thams cad mes tshig go/ /grong pa'i mi gang dag zong thogs te yul gzhan du mchis pa dag gar mchis/ kha cig ni rgya mtsho cha[e]na por gru bo che zhig par gyur/ kha cig ni zong zong ma yin par gyur/ kha cig ni de nyid du tshul ma yin pas sdug bsngal bar gyur/ kha cig ni de nyid du 'khod de tshig kyang mi ster ro/ /nye du dag gar mchis/ kha cig ni dus la bab/ kha cig ni bros/ kha cig ni de nyid na 'khod de tshig kyang mi ster ro/ /bran dang / bran mo dang / las byed pa dang / zho shas 'tsho ba dag gar mchis/ kha cig ni dus la bab/ kha cig ni bros/ kha cig ni de nyid na 'khod de tshig kyang mi ster ro/ /bu mo des de thos nas de mchi mas brnangs te 'dug nas des legs 'ongs la smras pa/ jo bo bdag gis khyod kyi lcam mo la sbran gyi bar du re shig 'di nyid na gzhes shig ces smras te bu mo de song nas jo mo la smras pa/ jo mo khyod kyi dral po byon no/ / des smras pa/ zong ji lta bus byon/ bu mos smras pa/ jo mo khar ba dang / ral rul dang / sprang phor gyis byon no/ /des bu mo de'i lag tu gos dag dang / kar sha pa ṇa dag bskur nas smras pa/ jo co la 'di skad ces snga ma 'di tsam je gsol zhing mnobs shig dang slad kyis gal te dbon po dag dang / dbon mo dag dang mjal bar gyur na de dag kar sha pa ṇa ji snyed cig 'bul bar 'gyur bas khyod nye du dag gis glo bas bas par mi 'gyur ro zhes gyis shig /bu mo de der song ste legs 'ongs la gos dag dang / kar sha pa ṇa dag phul nas smras pa/ jo co lcam gyi mchid nas snga ma 'di tsam je gsol zhing mnobs shig dang slad kyis gal te dbon po dag dang / dbon mo dag dang mjal bar gyur na/ de dag kar sha pa ṇa ji snyed cig 'bul bar 'gyur bas khyod nye du dag gis glo bas bas par mi 'gyur ro zhes mchi'o zhes smras te song ngo / /legs 'ongs kyis bsams pa/ khyim bdag mgon med zas sbyin ni nye du'i 'khor rgya che ba yin la/ bdag kyang sngon nye du'i 'khor rgya che ba yin pas da der song na de dag bdag la gtam 'dri bas ring du thogs par 'gyur zhing des bdag ltogs te 'chi bar 'gyur gyis je g.yar sus bza' zhing 'grangs nas der song ste/ nye du'i tshogs dag la bde bar so sor kun dga' bar bya'o snyam nas de chang pa'i khyim du song ste/ des ji tsam gyis ra ro bar 'gyur ba de tsam gyi chang sar pa 'thungs nas de ra ro ste skyed mos tshal du song nas nyal lo/ /mnyan yod na skyed mos tshal 'joms pa'i mi dag skyed mos tshal nyug par byed cing / de dag gis gal te mi gnyid log pa mthong na de rkang pas sgul bar byed cing gal te sad na ni de la 'di skad ces kye nang rje khyod kyis mnyan yod na skyed mos tshal 'joms pa'i mi dag skyed mos tshal nyug par byed cing de dag mi gnyid log pa 'joms par byed do zhes ma thos sam/ longs la song shig ces zer ro/ /gal te ma sad na ni bcom ste 'dong bar byed pas skyed mos tshal 'joms pa'i mi de dag der lhags te/ legs 'ongs nyal ba mthong nas de dag gis de rkang pas bsgul na ma sad nas ji tsam na de dag gis de bcom ste dong ngo / /ji tsam na legs 'ongs sad pa dang bdag nyid bcom par mthong nas des ral rul de dag nyid gyon te 'dug go/ / de'i sring mos bsams pa/ ci'i phyir bdag gi ming po de yun ring du thogs snyam nas des bu mo mngag gzhug ma mngags te ltar btang ba dang de der song ste bltas na ji tsam na bcom par mthong nas/ bu mo de song ste jo mo la smras pa/ jo mo jo co bcom ste sngon gyi cha lugs nyid kyis bzhugs so/ /sring mos bsams pa/ de ni sems can skal chad cig yin pas de'i le lan gyis khyim bdag rtogs ldan gyi khyim nor du ma dang ldan pa tshul ma yin pas chud zos par gyur pas da gal te bdag gis de 'dir bcug par gyur na bdag gi gyos po'i khyim yang de'i le lan gyis tshul ma yin pas sdug bsngal bar 'gyur ba gang yin pa de lta bu'i gnas yod par 'gyur ro snyam nas des de yal bar bor ro/ /legs 'ongs kyis kyang las kyi sgrib pas de brjed nas de mu lto ba dag gi nang du zhugs pa dang / ji tsam na mu lto ba de dag kyang lag pa stong pa dang / sprang phor stong par gyur te phyir lhags nas de dag gis smras pa/ shes ldan dag bdag cag sngon cad gar zhugs pa der lag pa gang ba dang / sprang phor gang bar gyur te phyir 'ong na deng bdag cag lag pa stong pa dang / sprang phor stong par gyur te phyir lhags pa 'di la rgyu ci yod/ de dag gis smras pa/ bdag cag gi nang du sems can skal chad 'ga' zhig zhugs pas des na bdag cag lag pa stong pa dang / sprang phor stong par gyur te phyir lhags so/ /yang de dag gis smras pa/ brtag par byas bdag cag kha'i gnyis su bcad de 'jug par bya'o zhes de dag gis kha gnyis su bcad de zhugs pa dang / gang dag gi nang du legs 'ongs zhugs pa de dag lag pa stong pa dang / sprang phor stong par gyur te lhags so/ /de dag gis kyang kha gnyis su bcad de zhugs pa dang / gang dag gi nang du legs 'ongs zhugs pa de dag lag pa stong pa dang / sprang phor stong par gyur te lhags so/ /de dag gis kyang yang kha gnyis su bcad de zhugs pa dang yang de ltar gyur to/ /de dag gis kyang yang dang yang du kha gnyis su bcad de zhugs pa dang / de lta de ltar gyur nas ji tsam na legs 'ongs dang mu lto ba gzhan cig dang gnyis lhan cig zhugs pa yang so sor bye ba dang / legs 'ongs ni lag pa stong pa dang / sprang phor stong par gyur te 'ongs la/ gzhan thams cad lag pa gang ba dang / sprang phor gang bar gyur te 'ongs nas de dag gis smras pa/ sems can skal chad 'di bdag cag gi nang du zhugs pas des na bdag cag lag pa stong pa dang / sprang phor stong par gyur te lhags so zhes de dag gis legs 'ongs shin tu brdegs te sprang phor gyis de'i glad pa bcom nas nyes 'ongs khyod phar song shig ces smras te bskrad do/ /khyim bdag mgon med zas sbyin gyis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas des zho shas 'tsho ba dag la bsgo ba/ shes ldan dag ji srid du sangs rgyas la sogs pa dge slong gi dge 'dun gyis gdugs tshod ma gsol gyi bar du mu lto ba 'ga' yang 'jug tu ma gzhug shig /de dag la phyis sbyin par bya'o/ /de na mu lto bas 'jug par brtsams pa na sgo bas de dag phyir bzlog pa dang / de dag gis smras pa/ kye nang rje kho bo cag gi ming gis khyim bdag bzang byin gyi ming mgon med zas sbyin zhes bya bar grags pa yin na ci'i phyir khyod kho bo cag phyir zlog par byed/ yang de dag gis smras pa/ shes ldan dag bdag cag gi nang du yang nyes 'ongs de zhugs par ma gyur tam ltos shig ces de dag gis bltas pa dang / ji tsam na de dag gis legs 'ongs der zhugs pa mthong nas de dag gis smras pa/ nyes 'ongs de 'di yin no zhes de dag gis legs 'ongs shin du brdegs te sprang phor gyis de'i glad pa bcom nas de dag gis lag pa dang / rkang pa dag nas bzung ste khrid nas phyag dar gyi phung po'i steng du bzhag ste nyes 'ongs khyod 'dir 'dug shig ces smras pa dang / legs 'ongs phyag dar gyi phung po de'i steng na ngu zhing 'dug go/ / de nas bcom ldan 'das snga dro sham thabs gsol lhung bzed dang chos gos bsnams te/ dge slong gi tshogs kyis yongs su bskor cing dge slong gi dge 'dun gyis mdun du bdar te khyim bdag mgon med zas sbyin gyi gnas sa ga la ba de logs su gshegs pa dang / bcom ldan 'das kyis legs 'ongs phyag dar gyi phung po'i steng na glad pa zhom nas khrag 'dzag cing ngu zhing 'dug pa gzigs so/ /gzigs nas kyang dge slong rnams la bka' stsal pa/ dge slong dag 'di ltar srid pa tha ma pa'i sems can yang gnas skabs 'di lta bur gyur pas srid pa dag gis ngoms par bya zhing srid pa'i yo byad dag gis kyang ngoms par bya'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis legs 'ongs la lhung bzed kyi lhag ma gzhag par bya'o/ /de nas bcom ldan 'das khyim bdag mgon med zas sbyin gyi gnas sa ga la ba der gshegs te byon nas dge slong gi dge 'dun gyi gong du gdan bshams pa nyid la bzhugs so/ /de nas khyim bdag mgon med zas sbyin gyis sangs rgyas la sogs pa dge slong gi dge 'dun bde bar bzhugs par rig nas bca' ba dang / bza' ba gtsang zhing bsod pas rang gi lag nas tshim par byed/ stobs par byed do/ /rnam grangs du mar bca' ba dang / bza' ba gtsang zhing bsod pas rang gi lag nas tshim par byas shing bstabs nas bcom ldan 'das gdugs tshod gsol cing phyag bcabs lhung bzed bzhag par rig nas stan ches dma' ba zhig blangs te bcom ldan 'das kyi spyan sngar chos mnyan pa'i phyir 'dug go/ /tshe dang ldan pa kun dga' bos legs 'ongs la lhung bzed kyi lhag ma gzhag pa brjed do/ /sangs rgyas bcom ldan 'das rnams ni bsnyel ba mi mnga' ba'i chos nyid can yin pas bcom ldan 'das kyis legs 'ongs la lhung bzed kyi lhag ma gzhag pa mdzad do/ /de nas tshe dang ldan pa kun dga' bos bcom ldan 'das kyi lhung bzed kyi pham phabs blang bar brtsams pa dang / ji tsam na tshe dang ldan pa kun dga' bos bcom ldan 'das kyis bdag la legs 'ongs la lhung bzed kyi lhag ma zhog shig ces bka' stsal pa brjid pa dran nas des ngu bar brtsams pa dang / bcom ldan 'das kyis bka' stsal pa/ kun dga' bo khyod ci'i phyir ngu / btsun pa bdag gis legs 'ongs la lhung bzed kyi lhag ma gzhag pa bskyud de bdag gis bcom ldan 'das kyi bka' bcag go/ /kun dga' bo khyod kyis nga'i bka' bcag pa ma yin gyis 'di ltar legs 'ongs nyid kyi las kyi sgrib pas khyod kyis de la lhung bzed kyi lhag ma gzhag pa brjed par gyur to/ /kun dga' bo khyod song la legs 'ongs bos shig / de song ste legs 'ongs legs 'ongs shes bos pa dang / du ma dag gis ang zhes lan btab cing / de dag gis bsams pa/ deng bcom ldan 'das 'jig rten gsum gyi bla mas gang la dgongs snyam mo/ /tshe dang ldan pa kun dga' bo phyir log ste gsol pa/ btsun pa bdag gis legs 'ongs legs 'ongs shes bos na du ma dag gis ang zhes lan btab na gang mchi bar bgyi/ kun dga' bo song la 'di skad ces chu srin byis pa gsod kyi ri pa khyim bdag rtogs ldan gyi bu legs 'ongs gang yin pa de tshur shog ces bos shig /tshe dang ldan pa kun dga' bo song ste de skad bos pa dang / legs 'ongs kyis bdag gi ming dran nas des tshigs su bcad pa dag smras pa/ legs 'ongs sgra 'di bskyud gyur na/ /ga las 'dir ni mchis par gyur/ / nges par ma legs zad gyur cing / /legs par byung bar gyur yang dag /gang dag khyod la skyabs mchis pa/ /de dag mgon ni kun mkhyen lags/ /gang dag khyod kyi gsung dga' dang / /'phags pa de dag legs 'ongs lags/ /bdag ni skal dang bral ba ste/ /rtsa lag kun gyis spangs gyur cing / /brtse gnas drag po'i gnas thob pa/ /mya ngan zug rngus gzir ba lags/ /tshe dang ldan pa kun dga' bos de khrid de zhugs nas gsol pa/ btsun pa legs 'ongs de 'di lags so/ /bcom ldan 'das kyis bka' stsal pa/ bu khyod bcom ldan 'das kyi lhung bzed kyi pham phabs za 'am/ bcom ldan 'das 'tshal lo/ /bcom ldan 'das kyis de la lhung bzed kyi pham phabs stsal ba dang / ji tsam na des nyung ngur mthong nas des bsams pa/ bdag la bcom ldan 'das 'jig rten gsum gyi bla mas brgya lam na dgongs su zin kyang lhung bzed kyi pham phabs chung ngu zhig bzhag go snyam mo/ /bcom ldan 'das kyis de'i sems thugs kyis mkhyen nas bka' stsal pa/ bu legs 'ongs gal te khyod ri rab tsam gyi kham dag dang rgya mtsho cha[e]na po tsam gyi ltos za bar byed na yang ji srid du khyod tshim par ma gyur pa de srid du de bzhin gshegs pa'i lhung bzed kyi pham phabs zad par mi 'gyur ro/ / des bcom ldan 'das kyi lhung bzed kyi pham phabs zos pa dang de tshim par gyur nas des bcom ldan 'das kyi zhal du blta bar brtsams pa dang / bcom ldan 'das kyis bka' stsal pa/ bu legs 'ongs tshim 'am/ bcom ldan 'das tshim mo/ / kham tha ma long shig dang mi snang bar 'gyur ro/ /des de blangs nas mi snang bar gyur to/ /khyim bdag mgon med zas sbyin gyis gsol pa/ bcom ldan 'das 'di su lags/ bcom ldan 'das kyis bka' stsal pa/ khyim bdag chu srin byis pa gsod kyi ri pa khyim bdag rtogs ldan gyi bu yin no/ /bcom ldan 'das 'o na bdag gi chung po grogs kyi bu lags so/ /khyim bdag de yin no/ /de nas bcom ldan 'das kyis yon bshad pa mdzad nas gdan las bzhengs te gshegs pa dang / srid pa tha ma pa'i sems can de bcom ldan 'das kyi slad bzhin slad bzhin rjes su 'brang zhing song nas bcom ldan 'das gtsug lag khang du gshegs te dge slong gi dge 'dun gyi gong du gdan bshams pa nyid la bzhugs pa dang / legs 'ongs kyang bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /bcom ldan 'das kyis de'i las sbyang bar bya'o snyam du dgongs nas/ de nas bcom ldan 'das kyis legs 'ongs la bka' stsal pa/ legs 'ongs khyod la kar sha pa ṇa dag yod dam/ bcom ldan 'das ma mchis so/ /bcom ldan 'das kyis bka' stsal pa/ bu gos kyi grar ltos shig /des bltas pa dang / ji tsam na kar sha pa ṇa gnyis yod pa mthong nas des gsol pa/ bcom ldan 'das mchis so/ /bcom ldan 'das kyis bka' stsal pa/ bu song la kun dga' ra ba pa rgyal bu dum pa'i gan nas utpal sngon po dag khyer te shog shig /des bcom ldan 'das bka' bzhin 'tshal zhes bcom ldan 'das las mnyan nas kun dga' ra ba pa rgyal bu dum pa ga la ba der song ba dang / rgyal bu dum pas de thag ring po kho na nas 'ong ba mthong nas des bsams pa/ nyes 'ongs 'di ga shed nas 'dir 'ongs pas bdag la gnod pa 'byung bar 'gyur ba gang yin pa de lta bu'i gnas yod par 'gyur ro/ /snyam nas des smras pa/ nyes 'ongs kun dga'i ra bar ma 'jug shig / legs 'ongs kyis tshigs su bcad pa smras pa/ bdag ni utpal mi sgrub ste/ /pad ma bdag la dgos pa med/ /kho bo kun mkhyen grags ldan pa/ /thub pa'i dbang po'i pho nya yin/ /dum pas tshigs su bcad pa smras pa/ gal te thub pa zhi bdag nyid/ /lha mi rnams kyi mchod gnas kyi/ /mchod pa'i gnas kyis ches mchod pa'i/ /pho nya lags na tshur gshegs spyon/ /dum pas smras pa/ khyod sangs rgyas kyi pho nya yin nam/ legs 'ongs kyis smras pa/ kho bo sangs rgyas kyi pho nya yin no/ /don ci'i phyir 'ongs/ utpal dag gi phyir 'ongs so/ /song la ji snyed 'dod pa de snyed khyer te song shig /legs 'ongs kyis utpal sngon po dag gi khur khyer te bcom ldan 'das kyi spyan sngar song ba dang / bcom ldan 'das kyis bka' stsal pa/ legs 'ongs dge slong rnams la brims shig /legs 'ongs kyis dge slong rnams la utpal sngon po dag brim par brtsam pa dang / dge slong dag mi len nas bcom ldan 'das kyis bka' stsal pa/ dge slong dag dri zhim po thams cad ni mig la phan zhing 'di'i las sbyang bar yang byas long shig /dge slong rnams kyis me tog de dag blangs so/ /legs 'ongs kyi sngon zad par sngon po'i skye mched bskyed pas de rgan pa'i mtha' logs na 'dug pas dge slong rnams kyi lag na utpal sngon po dag thogs pa de dag mthong ngo / /mthong nas kyang zad par sngon po'i skye mched mngon du gyur nas/ bcom ldan 'das kyis bka' stsal pa/ legs 'ongs khyod ci'i phyir rab tu mi 'byung bcom ldan 'das bdag rab tu 'byung ngo / /bcom ldan 'das kyis de rab tu phyung rdzogs par bsnyen par mdzad nas bcom ldan 'das kyis de la gdams ngag stsal to/ /de de ltar rab tu byung nas gcig pu dben par bag yod pa rtun pa dang ldan pa bdag nyid btang bar gnas pa na rigs kyi bu dag gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa/ tshangs par spyod pa'i mtha' bla na med pa de tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bu rig pas sgo nga'i sbubs dral bar gyur cing / rig pa dang / mngon par shes pa dang / so so yang dag par rig pa thob pa/ srid pa dang 'dod pa'i rnyed pa dang bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de nas tshe dang ldan pa legs 'ongs kyis dgra bcom pa nyid thob nas rnam par grol ba'i dga' ba dang bde ba nyams su myong ba na de'i tshe tshigs su bcad pa dag smras pa/ dpa' bo de nyid gzigs pa yis/ /thabs kyi zhags pas bdag bcings te/ /glang chen rgas pa 'dam phyung ltar/ /thugs rjes sdug bsngal 'dam nas phyung / /bdag ni sngan cad legs 'ongs gyur/ /de yi 'og tu nyes 'ongs lags/ / da ni thub dbang khyod gsung gis/ /gsal bar legs 'ongs nyid du gyur/ /kun mkhyen lcags 'dra bdag gis ni/ /khyod kyi gsung mchog thos gyur nas/ /da ni gser dang 'dra ba yi/ /zag pa med pa'i lus kyang thob/ / rin chen la sogs 'thob pa dang / /mtho ris thar pa 'tshal ba yis/ /rtag tu phan pa bzhed pa yi/ /dge bshes bsten par bgyi ba bzang // //'dul ba rnam par 'byed pa/ bam po drug bcu rtsa lnga pa/ gang gi tshe tshe dang ldan pa legs 'ongs legs par gsungs pa'i chos 'dul ba la rab tu byung ba de'i tshe na gzhan mu stegs can dag shes ldan dag dge sbyong gau ta ma na re nga'i bstan pa ni kun du mdzes pa yin no/ /zhes zer na/ 'di ltar nyes 'ongs la sogs pa mu lto ba dag kyang rab tu 'byin par byed na de'i bstan pa ji ltar kun du mdzes pa yin zhes smod par byed/ phyar ka gtong bar byed/ kha zer bar byed nas/ bcom ldan 'das kyis dgongs pa/ nyan thos chen po ri rab lta bu la skye bo phal po che'i tshogs dag smas pa skyed par byed pas 'di'i yon tan bsgrag par bya na gang du bya gang du skyes shing gang du rdib pa de nyid du bya'o snyam du dgongs so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la de bzhin gshegs pa ngan spong gi bu dag tu ljongs rgyur gshegs kyis khyed cag las gang de bzhin gshegs pa dang thabs gcig ngan spong gi bu dag tu ljongs rgyur 'gro bar spro ba des chos gos dag long shig ces sgo shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas/ dge slong rnams la tshe dang ldan pa dag bcom ldan 'das ngan spong gi bu dag tu ljongs rgyur gshegs kyis khyed cag las gang bcom ldan 'das dang thabs gcig tu ngan spong gi bu dag tu ljongs rgyur 'gro bar spro ba des chos gos dag long shig ces bsgo'o/ /de nas bcom ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa/ mdzes pa 'khor mdzes pa dang ldan pa/ khyu mchog ltar ba lang gi tshogs kyis yongs su bskor ba/ glang po che ltar glang po che'i phru gu'i tshogs kyis yongs su bskor ba/ seng ge ltar mche ba can gyi tshogs kyis yongs su bskor ba/ ngang pa'i rgyal po ltar ngang pa'i tshogs kyis yongs su bskor ba/ nam mkha' lding ltar bya'i tshogs kyis yongs su bskor ba/ bram ze ltar slob ma'i tshogs kyis yongs su bskor ba/ sman pa mkhas pa ltar nad pa'i tshogs kyis yongs su bskor ba/ dpa' bo ltar ru pa'i tshogs kyis yongs su bskor ba/ sa mkhan ltar lam du zhugs pa'i tshogs kyis yongs su bskor ba/ ded dpon ltar tshong pa'i tshogs kyis yongs su bskor ba/ tshong dpon ltar 'khor gyi tshogs kyis yongs su bskor ba/ mkhar gyi rgyal po ltar blon po'i tshogs kyis yongs su bskor ba/ 'khor los sgyur ba ltar bu stong gi tshogs kyis yongs su bskor ba/ zla ba ltar rgyu skar gyi tshogs kyis yongs su bskor ba/ nyi ma ltar 'od zer stong gi tshogs kyis yongs su bskor ba/ yul 'khor srung ltar dri za'i tshogs kyis yongs su bskor ba/ 'phags skyes po ltar grul bum gyi tshogs kyis yongs su bskor ba/ mig mi bzang ltar klu'i tshogs kyis yongs su bskor ba/ nor sbyin ltar gnod sbyin gyi tshogs kyis yongs su bskor ba/ thags bzangs ris ltar lha ma yin gyi tshogs kyis yongs su bskor ba/ brgya byin ltar sum bcu rtsa gsum pa'i tshogs kyis yongs su bskor ba/ tshangs pa ltar tshangs ris kyi tshogs kyis yongs su bskor ba/ dbang po rnams kyis shin du dul ba/ spyod lam dang spyod pa ma 'khrugs pa/ chu gter ltar ting nge ba/ sprin ltar chu dang bcas pa/ glang po che'i rgyal po ltar dregs pa dang bral ba/ skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus sku rnam par mdzes pa/ 'od 'dom gang gis sku brgyan pa/ nyi ma stong bas lhag pa'i 'od dang ldan pa/ rin po che'i ri bo 'gro ba ltar kun du bzang ba/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa/ kun shes kauṇḍi nya dang / rta thul dang / bzang ldan dang / rlangs pa dang / ming chen dang / grags pa dang / gang po dang / dri med dang / ba lang bdag dang / lag bzangs la sogs pa nyan thos chen po de dag dang / gzhan yang dge slong gi dge 'dun mang pos yongs su bskor cing mdun du bdar te ngan spong gi bu dag tu chu srin byis pa gsod kyi ri ga la ba de logs su ljongs rgyu zhing gshegs pa na chu srin byis pa gsod kyi rir byon nas chu srin byis pa gsod kyi ri la 'jigs rung gi tshal ri dgas kyi nags na bzhugs so/ /chu srin byis pa gsod kyi ri pa'i bram ze dang khyim bdag gis bcom ldan 'das ngan spong gi bu dag tu ljongs rgyu zhing gshegs pa na/ chu srin byis pa gsod kyi rir byon nas/ chu srin byis pa gsod kyi ri la 'jigs rung gi tshal ri dgas kyi nags na bzhugs shes thos so/ /thos nas kyang tshogs nas tshogs su/ byings nas byings su 'dus shing lhags te chu srin byis pa gsod kyi ri nas byung ste/ bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das chu srin byis pa gsod kyi ri pa'i bram ze dang khyim bdag rnams la chos dang ldan pa'i bka' mchid kyis yang dag par ston par mdzad/ yang dag par 'dzin du 'dzud par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas chu srin byis pa gsod kyi ri pa'i bram ze dang khyim bdag rnams stan las langs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas sang bdag cag gi sdum par gdugs tshod gsol bar ci gnang bcom ldan 'das kyis chu srin byis pa gsod kyi ri pa'i bram ze dang khyim bdag rnams la cang mi gsung bas gnang ngo / /de nas chu srin byis pa gsod kyi ri pa'i bram ze dang khyim bdag rnams kyis bcom ldan 'das kyis cang mi gsung bas gnang bar rig nas/ bcom ldan 'das kyi zhabs la mgo bos phyag 'tshal te bcom ldan 'das kyi spyan snga nas dong ngo / /de nas chu srin byis pa gsod kyi ri pa'i bram ze dang khyim bdag rnams kyis de nyid kyi mtshan mo bca' ba dang / bza' ba gtsang zhing bsod pa dag sta gon byas nas nang par sngar langs te gdan bshams shing chu ra bzhag nas bcom ldan 'das la spyan 'dren gyis/ btsun pa gdugs tshod g.yar dgongs 'tshal na bcom ldan 'das kyis da de'i dus la bab par dgongs su gsol zhes spyan drangs so/ /de nas bcom ldan 'das snga dro sham thabs gsol/ lhung bzed dang chos gos bsnams te/ dge slong gi tshogs kyis yongs su bskor cing dge slong gi dge 'dun gyis mdun du bdar nas/ chu srin byis pa gsod kyi ri pa'i bram ze dang khyim bdag rnams kyi bkad sa ga la ba der gshegs te byon nas/ dge slong gi dge 'dun gyi gong du gdan bshams pa nyid la bzhugs so/ /de nas chu srin byis pa gsod kyi ri pa'i bram ze dang khyim bdag rnams kyis bcom ldan 'das dang / dge slong gi dge 'dun bde bar bzhugs par rig nas/ bca' ba dang bza' ba gtsang zhing bsod pas rang gi lag nas tshim par byed/ stobs par byed do/ /rnam grangs du mar bca' ba dang bza' ba gtsang zhing bsod pas rang gi lag nas tshim par byas shing bstabs nas bcom ldan 'das gdugs tshod gsol zhing phyag bcabs lhung bzed bzhag par rig nas stan ches dma' ba dag blangs te bcom ldan 'das kyi spyan sngar chos mnyan pa'i phyir 'khod do/ /'khod nas bcom ldan 'das la chu srin byis pa gsod kyi ri pa'i bram ze dang khyim bdag rnams kyis 'di skad ces gsol to/ /btsun pa bcom ldan 'das kyis klu gdug pa dang / gnod sbyin gdug pa sog ma med dang / 'brog gnas la sogs pa de dang de dag kyang btul na/ btsun pa klu a mra'i chu ngogs pa 'di yun ring po nas bdag cag khon ma mchis pa rnams la khon du 'dzin/ mi 'gran pa rnams la 'gran tshol/ mi 'khu ba rnams la 'khu bar bgyid cing lo thog 'khrungs so 'tshal ma rung bar bgyid na kye ma bcom ldan 'das kyis rjes su thugs brtse ba'i slad du klu a mra'i chu ngogs pa 'di gdul du gsol/ bcom ldan 'das kyis chu srin byis pa gsod kyi ri pa'i bram ze dang khyim bdag rnams la cang mi gsung bas gnang ngo / /de nas bcom ldan 'das chu srin byis pa gsod kyi ri pa'i bram ze dang khyim bdag rnams la chos dang ldan pa'i bka' mchid kyis yang dag par ston par mdzad/ yang dag par 'dzin du 'dzud par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas gdan las bzhengs te gshegs so/ / de nas bcom ldan 'das gtsug lag khang ga la ba der gshegs te byon nas dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la khyed cag las gang klu a mra'i chu ngogs pa 'dul bar spro ba des tshul shing long shig ces bsgo la dge 'dun la tshul shing brims shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas/ dge slong rnams la khyed cag las gang klu a mra'i chu ngogs pa 'dul bar spro ba des tshul shing long shig ces bsgo ste dge 'dun la tshul shing brim par brtsams pa dang / bcom ldan 'das kyis tshul shing ma bzhes nas dge slong gnas brtan gnas brtan dag gis bsams pa/ bcom ldan 'das kyis ci'i slad du tshul shing ma bzhes snyam du bsams na/ tshe dang ldan pa legs 'ongs kyi yon tan bsgrag par bzhed par rig nas de dag gis kyang tshul shing ma blangs so/ /tshe dang ldan pa legs 'ongs kyis bsams pa/ bcom ldan 'das dang / dge slong gnas brtan gnas brtan dag gis ci'i slad du tshul shing ma bzhes snyam du bsams na/ bdag gi yon tan bsgrag par bzhed pas ston pa'i thugs la dgongs pa yongs su rdzogs par bya'o snyam nas des stan phyed las 'phags te glang po che'i sna lta bu'i lag pa brkyang nas tshul shing blangs so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo dge slong gnas brtan gang gis tshul shing blangs/ btsun pa tshe dang ldan pa legs 'ongs kyis blangs so/ /bcom ldan 'das kyis bka' stsal pa/ kun dga' bo song la dge slong legs 'ongs la 'di skad ces de ni klu gdug pa yin gyis khyod kyis lus kyi dbang po bsrung bar bya'o zhes gyis shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas tshe dang ldan pa legs 'ongs la smras pa/ tshe dang ldan pa legs 'ongs bcom ldan 'das kyis bka' stsal pa/ de ni klu gdug pa yin gyis khyod kyis lus kyi dbang po bsrung bar bya'o zhes byung ngo / /tshe dang ldan pa legs 'ongs kyis smras pa/ btsun pa kun dga' bo ston pa'i bka' mnyan pas bka' bzhin 'tshal/ gzhan du na klu a mra'i chu ngogs pa lta bu sha stag gis 'dzam bu'i gling 'di lta ste dper na bu ram shing gi tshal lam/ 'dam bu'i tshal lam/ 'od ma'i tshal bzhin du gang bar gyur kyang de dag gis bdag gi spu'i rtse mo tsam yang g.yo bar mi nus na lus kyi dbang po 'gag par lta ga la nus te/ 'di ltar bdag gis bcom ldan 'das kyi spyan sngar rdzu 'phrul gyi rkang pa bzhi po dag kun du bsten cing goms par byas lan mang du byas pa'i phyir ro/ /de nas tshe dang ldan pa legs 'ongs de nyid kyi mtshan mo 'das nas snga dro sham thabs bgos lhung bzed dang chos gos thogs te chu srin byis pa gsod kyi rir bsod snyoms la zhugs so/ /chu srin byis pa gsod kyi rir bsod snyoms brgyus nas klu a mra'i chu ngogs pa'i gnas ga la ba der song ba dang / klu a mra'i chu ngogs pas tshe dang ldan pa legs 'ongs thag ring po kho na nas 'ong ba mthong ngo / /mthong nas kyang des bsams pa/ dge sbyong 'dis bdag shi bar gtam thos sam ci na bdag gi gnas su 'ong / re shig 'di ni glo bur ba yin gyis 'ong du chug shig snyam mo/ /de nas tshe dang ldan pa legs 'ongs kyis chu tshags dang lhung bzed mtha' gcig tu bzhag ste/ snam sbyar sprugs nas rkang pa gnyis bkrus shing lag pa gnyis bsnyal te chu btsags nas lo ma lhags pa dag blangs te 'dug nas zas kyi bya ba bya bar brtsams so/ /de nas tshe dang ldan pa legs 'ongs kyis zas kyi bya ba byas nas bsams pa/ klu gdug pa ni 'khrug par ma byas na dul ba'i gnas su mi rung bas 'di ni klu gdug pa yin pas 'khrug par bya'o snyam nas des lhung bzed bkrus te lhung bzed kyi khrud ma'i chu de de'i rdzing der blugs pa dang / klu a mra'i chu ngogs pa de 'khrugs nas/ des bsams pa bdag gis dge sbyong 'di 'ong ba dang za ba yang yal bar bor na bdag la brnyas te bdag gi gnas su khrud ma'i chu ldugs par byed pas dge sbyong 'di ni nye bar ma zhi ba zhig yin no snyam nas de khros te steng gi nam mkha' la mngon par 'phags nas 'brug sgra chen po phyung ste/ tshe dang ldan pa legs 'ongs kyi steng du rdo rje rtse gcig pa dang / 'khor lo dang / mda' bo che dang / mtshon rtse gcig pa la sogs pa mtshon cha sna tshogs dbab par brtsams pa dang / tshe dang ldan pa legs 'ongs byams pa'i ting nge 'dzin la zhugs pas mtshon cha de dag lha'i me tog utpal dang / pad ma dang / ku mu da dang / pad ma dkar po dag tu gyur te/ tshe dang ldan pa legs 'ongs kyi lus la 'bab bo/ /klu a mra'i chu ngogs pas me mdag gi char dbab par brtsams pa dang / tshe dang ldan pa legs 'ongs byams pa'i ting nge 'dzin la zhugs pas me mdag de dag lha'i me tog man da ra ka ni dag tu gyur te/ tshe dang ldan pa legs 'ongs kyi lus la 'bab bo/ /klu a mra'i chu ngogs pas phyag dar gyi char dbab par brtsams pa dang / tshe dang ldan pa legs 'ongs byams pa'i ting nge 'dzin la zhugs pas phyag dar de dag lha'i a ga ru'i phye ma dag dang / tsan dan gyi phye ma dag dang / rgya spos kyi phye ma dag dang / ta ma la'i lo ma'i phye ma dag tu gyur te/ tshe dang ldan pa legs 'ongs kyi lus la 'bab bo/ /klu a mra'i chu ngogs pas khro ba'i mthus du ba gtul ba dang / tshe dang ldan pa legs 'ongs kyis kyang rdzu 'phrul gyi mthus du ba gtul to/ /klu a mra'i chu ngogs pas khro ba'i mthus me sbar ba dang / tshe dang ldan pa legs 'ongs me'i khams la snyoms par zhugs so/ /de na klu a mra'i chu ngogs pa'i khro ba'i mthu dang / tshe dang ldan pa legs 'ongs kyi rdzu 'phrul gyi mthus snang ba chen po byung bar gyur nas chu srin byis pa gsod kyi ri pa'i bram ze dang khyim bdag rnams kyis smras pa/ shes ldan dag 'di ni bcom ldan 'das klu a mra'i chu ngogs pa 'dul bar mdzad pa yin no/ /de nas bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong yang dang yang du me'i khams la snyoms par 'jug pa rnams kyi nang na 'di lta ste/ dge slong legs 'ongs 'di mchog yin no/ / gang gi tshe klu a mra'i chu ngogs pa mtshon thams cad zad par gyur pa de'i tshe na des 'bros par brtsams pa dang / tshe dang ldan pa legs 'ongs kyis kun du me mngon par sprul nas klu a mra'i chu ngogs pas tshe dang ldan pa legs 'ongs kyi rkang pa'i drung 'ba' shig zhi bar mthong ba ma gtogs par thams cad kun du 'bar/ rab tu 'bar/ kun du rab tu 'bar zhing me lce gcig tu gyur par mthong nas de tshe dang ldan pa legs 'ongs ga la ba der song ste phyin nas tshe dang ldan pa legs 'ongs la 'di skad ces smras so/ / btsun pa legs 'ongs ci'i slad du bdag la tho 'tsham par mdzad/ rga ba'i chos can kho bo khyod la tho 'tsham pa ma yin gyi khyod kho bo la tho mtsham ste/ gal te kho bos yon tan gyi tshogs 'di lta bu thob par ma gyur du zin na khyod kyis deng kho bo ming las lhag ma ma lus par byed par 'gyur ro/ /des smras pa/ btsun pa legs 'ongs bdag gis ci bgyi ba bka' stsal du gsol/ bzhin bzangs tshur shog /bcom ldan 'das kyi spyan sngar song la skyabs su 'gro ba dang / bslab pa'i gzhi dag long shig de nas tshe dang ldan pa legs 'ongs kyis klu a mra'i chu ngogs pa lhung bzed du bcug nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la tshe dang ldan pa legs 'ongs kyis 'di skad ces gsol to/ /btsun pa klu a mra'i chu ngogs pa de 'di lags so/ /bcom ldan 'das kyis bka' stsal pa/ bzhin bzangs khyod re shig sngon gyi nyes par spyad pas da ltar dud 'gro'i skye gnas ngan par skyes shing drag shul can lag pa dmar ba/ snun pa dang rab tu snun pa la zhugs pa/ gzhan gyi srog 'phrog pa/ gzhan gyi srog gcod du 'dzud pa/ gzhan gyi srog gcod pas 'tsho bar byed pa yin pas/ khyod 'di nas shi 'phos pa'i 'gro ba ni cir 'gyur/ skye ba ni cir 'gyur/ tshe phyi ma ni cir 'gyur/ bcom ldan 'das bdag gis ji ltar bgyi ba bka' stsal du gsol/ bzhin bzangs khyod tshur shog la nga'i spyan sngar skyabs su 'gro ba dang / bslab pa'i gzhi dag long la chu srin byis pa gsod kyi ri pa'i bram ze dang khyim bdag rnams la mi 'jigs pa byin cig /btsun pa bdag bcom ldan 'das kyi spyan sngar skyabs su mchi ba dang / bslab pa'i gzhi dag len cing / deng slan cad nas chu srin byis pa gsod kyi ri pa'i bram ze dang khyim bdag rnams la mi 'jigs pa stsol to/ /de nas chu srin byis pa gsod kyi ri pa'i bram ze dang / khyim bdag rnams bya mo lab mang po thogs nas bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das la chu srin byis pa gsod kyi ri pa'i bram ze dang / khyim bdag rnams kyis 'di skad ces gsol to/ / btsun pa bcom ldan 'das kyis klu a mra'i chu ngogs pa btul tam/ bcom ldan 'das kyis bka' stsal pa/ ngas klu a mra'i chu ngogs pa ma btul te dge slong legs 'ongs kyis klu a mra'i chu ngogs pa btul to/ /btsun pa legs 'ongs gang gis chu srin byis pa gsod kyi ri pa khyim bdag rtogs ldan gyi bu legs 'ongs kyis so/ /de na kha cig gis smras pa/ bdag cag gi phu nu bo'i bu yin no/ /kha cig gis smras pa/ bdag cag gi tsha bo yin no/ /kha cig gis smras pa/ bdag cag gi zhang po yin no/ /kha cig gis smras pa/ bdag cag gi chung po grogs kyi bu yin no zhes de dag gis de la bya mo lab mang po phul lo/ /de nas chu srin byis pa gsod kyi ri pa'i bram ze dang khyim bdag rnams stan las langs te bla gos phrag pa gcig tu byas nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas btsun pa legs 'ongs las brten te gung bdun du bdag cag gi mchod pa'i dbang du bgyis pa'i gdugs tshod gsol bar ci gnang / bcom ldan 'das kyis chu srin byis pa gsod kyi ri pa'i bram ze dang khyim bdag rnams la cang mi gsung bas gnang ngo / /de nas chu srin byis pa gsod kyi ri pa'i bram ze dang khyim bdag rnams kyis bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas dong ngo / /chu srin byis pa gsod kyi ri la khyim bdag rtogs ldan gyi chung po grogs bram ze sbrul khas sdigs pa zhig 'dug pa de klu a mra'i chu ngogs pa'i 'jigs pas bros te mnyan yod du song ba de ko sa lar byung ba'i rgyal po gsal rgyal gyis glang po che'i chang pa'i blar bskos te bzhag go/ /de bya ba zhig gi phyir chu srin byis pa gsod kyi rir phyin pa dang / des ji ltar khyim bdag rtogs ldan gyi bu btsun pa legs 'ongs kyis klu a mra'i chu ngogs pa btul ba thos so/ /thos nas kyang tshe dang ldan pa legs 'ongs ga la ba der song ste phyin nas tshe dang ldan pa legs 'ongs kyi rkang pa gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas tshe dang ldan pa legs 'ongs la bram ze des 'di skad ces smras so/ /btsun pa legs 'ongs kyis sang bdag gi sdum par gdugs tshod gsol bar ci gnang / bram ze chu srin byis pa gsod kyi ri pa'i bram ze dang khyim bdag rnams kyis kho bo las brten nas sangs rgyas la sogs pa dge slong gi dge 'dun zhag bdun du mchod pa'i dbang du byas pa'i gdugs tshod la spyan drangs kyis mi 'tshal lo/ /bram zes smras pa/ gal te khyod kyis da mi gnang na gang gi tshe khyod mnyan yod du byon par gyur pa de'i tshe na khyod kyis dang po kho nar bdag gi bsod snyoms gsol pa mdzod cig tshe dang ldan pa legs 'ongs kyis de ltar bya'o zhes smras nas de langs te song ngo / /de nas bcom ldan 'das chu srin byis pa gsod kyi rir ci dgyes par bzhugs nas mnyan yod ga la ba de logs su ljongs rgyu zhing gshegs te/ mthar gyis rgyu zhing gshegs pa na mnyan yod du byon nas mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /khyim bdag mgon med zas sbyin gyis bcom ldan 'das ngan spong gi bu dag tu ljongs rgyu zhing gshegs pa na mnyan yod du byon nas/ mnyan yod na rgyal byed kyi tshal bdag gi kun dga' ra ba na bzhugs shes thos so/ /thos nas kyang mnyan yod nas byung nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das khyim bdag mgon med zas sbyin la chos dang ldan pa'i bka' mchid kyis yang dag par ston par mdzad yang dag par 'dzin du 'dzud par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / / de nas khyim bdag mgon med zas sbyin stan las langs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas sang bdag gi sdum par gdugs tshod gsol bar ci gnang / bcom ldan 'das kyis khyim bdag mgon med zas sbyin la cang mi gsung bas gnang ngo / /de nas khyim bdag mgon med zas sbyin gyis bcom ldan 'das kyis cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /bram ze sbrul khas sdigs pa des bcom ldan 'das ngan spong gi bu dag tu ljongs rgyu zhing gshegs pa na mnyan yod du byon nas mnyan yod na rgyal byed kyi tshal mgon med zas sbyin gyi kun dga' ra ba na bzhugs shes thos so/ /thos nas kyang tshe dang ldan pa legs 'ongs ga la ba der song ste phyin nas/ tshe dang ldan pa legs 'ongs kyi rkang pa gnyis la mgo bos phyag 'tshal te mtha' gcig tu 'dug go/ / mtha' gcig tu 'dug nas tshe dang ldan pa legs 'ongs bram ze de la chos dang ldan pa'i gtam gyis yang dag par ston par byed/ yang dag par 'dzin du 'jud par byed/ yang dag par gzeng stod par byed/ yang dag par rab tu dga' bar byed do/ /rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar byas nas cang mi smra'o/ /de nas bram ze de stan las langs te tshe dang ldan pa legs 'ongs ga la ba de logs su thal mo sbyar ba btud nas tshe dang ldan pa legs 'ongs la 'di skad ces smras so/ /btsun pa legs 'ongs kyis sang bdag gi sdum par gdugs tshod gsol bar ci gnang bram ze bcom ldan 'das la zhu'o/ /de nas bcom ldan 'das la tshe dang ldan pa legs 'ongs kyis 'di skad ces gsol to/ /bcom ldan 'das bram ze de bdag gi gan du mchis te bdag sang sdum pa gzhan du 'tshal ma la g.yar 'dren na mchid kyis 'tshal lam/ bcom ldan 'das kyis bka' stsal pa/ sngar mgron du bos pas bdag gir bya'o/ /tshe dang ldan pa legs 'ongs kyis bram ze de la cang mi smra bas dang du blangs so/ /de nas bram ze des tshe dang ldan pa legs 'ongs kyis cang mi smra bar dang du blangs par rig nas/ tshe dang ldan pa legs 'ongs kyi rkang pa gnyis la mgo bos phyag 'tshal te tshe dang ldan pa legs 'ongs kyi drung nas song ngo / /de nas khyim bdag mgon med zas sbyin gyis de nyid kyi mtshan mo bca' ba dang bza' ba gtsang zhing bsod pa dag sta gon byed du bcug nas/ nang par sngar langs te gdan bshams shing chu ra bzhag nas/ bcom ldan 'das la spyan 'dren gyis btsun pa gdugs tshod g.yar dgongs 'tshal na/ bcom ldan 'das kyis da de'i dus la bab par dgongs su gsol zhes spyan drangs so/ /de nas bcom ldan 'das snga dro sham thabs gsol lhung bzed dang chos gos bsnams te dge slong gi tshogs kyis yongs su bskor cing / dge slong gi dge 'dun gyis mdun du bdar nas khyim bdag mgon med zas sbyin gyi bkad sa ga la ba der gshegs te byon nas dge slong gi dge 'dun gyi gong du gdan bshams pa nyid la bzhugs so/ /bram ze des kyang tshe dang ldan pa legs 'ongs kyi kha zas bsod pa sta gon byas so/ /de nas tshe dang ldan pa legs 'ongs kyang snga dro sham thabs bgos lhung bzed dang chos gos thogs nas bram ze de'i bkad sa ga la ba der song ste phyin nas stan bshams pa nyid la 'dug go/ /de nas bram ze des tshe dang ldan pa legs 'ongs bde bar 'dug par rig nas tshe dang ldan pa legs 'ongs kha zas bsod pas tshim par byas so/ / bram ze des bsams pa/ btsun pa legs 'ongs kyis kha zas bsod pa zos pas 'ju bar mi nus so snyam du rig nas/ tshe dang ldan pa legs 'ongs la 'di skad ces smras so/ /btsun pa legs 'ongs sang nan gsol lam des smras pa/ 'thung ngo / /bram ze des glang po che'i chang gi nang du mdzub mo bcug ste skom gyi nang du krog krog dkrugs te/ tshe dang ldan pa legs 'ongs la phul lo/ /dgra bcom pa dag ni ma bsams par shes pa dang mthong ba mi 'jug pas tshe dang ldan pa legs 'ongs kyis de 'thungs te yon bshad pa byas nas stan las langs te song ngo / /de mnyan yod kyi srang re ldes g.yogs pa las thal nas nyi ma'i 'od gzer dag gis lus la phog pa dang / ra ro nas de chang gis myos pa'i shugs kyis sa la sgyel to/ /sangs rgyas bcom ldan 'das rnams ni bsnyel ba mi mnga' ba'i chos nyid can yin pas bcom ldan 'das kyis der lo ma ma yin pa'i spyil bu zhig sprul pa mdzad de bkab bo/ /de nas khyim bdag mgon med zas sbyin gyis sangs rgyas la sogs pa dge slong gi dge 'dun bde bar bzhugs par rig nas bca' ba dang bza' ba gtsang zhing bsod pas rang gi lag nas tshim par byed stobs par byed do/ /rnam grangs du mar bca' ba dang bza' ba gtsang zhing bsod pas rang gi lag nas tshim par byas shing bstabs nas bcom ldan 'das gdugs tshod gsol cing phyag bcabs lhung bzed bzhag par rig nas/ stan ches dma' ba zhig blangs te bcom ldan 'das kyi spyan sngar chos mnyan pa'i phyir 'dug go/ /de nas bcom ldan 'das khyim bdag mgon med zas sbyin la chos dang ldan pa'i bka' mchid kyis yang dag par ston par mdzad/ yang dag par 'dzin du 'dzud par mdzad/ yang dag par gzeng stod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas yon bshad pa mdzad de gdan las bzhengs te gshegs nas phyogs der byon to/ /de nas bcom ldan 'das kyis rdzu 'phrul mngon par 'du mdzad pa de btul nas dge slong rnams la bka' stsal pa/ dge slong dag 'di ni gang gis klu a mra'i chu ngogs pa btul ba'i dge slong legs 'ongs shes bya ba de yin na/ dge slong dag ji snyam du sems/ dge slong legs 'ongs 'dis da ltar sbrul phrug kyang thul bar nus sam/ btsun pa rngo mi thog go/ /dge slong dag de ltar na nyes dmigs 'di dang gzhan dag kyang myos par 'gyur ba 'thung ba las 'byung bas dge slong dag nga la ston pa'o zhes zer ba dag gis myos par 'gyur ba tha na rtswa'i rtse mos kyang btung bar mi bya zhing blud par yang mi bya'o/ /de nas bcom ldan 'das kyis tshe dang ldan pa legs 'ongs sad par mdzad nas bka' stsal pa/ legs 'ongs ci'i phyir 'di ltar gyur/ bcom ldan 'das ma bsams so/ /bde bar gshegs pa ma bsams so/ /de nas bcom ldan 'das gtsug lag khang du gshegs te byon nas dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'bru'i chang dang / bcos pa'i chang myos par 'gyur ba 'thung na ltung byed do/ /'bru'i chang zhes bya ba ni chan gyi btung ba dang / phye'i btung ba dang / phabs kyi btung ba'o/ /bcos pa'i chang zhes bya ba ni rtsa ba'i btung ba dang / sdong bu'i btung ba dang / 'dab ma'i btung ba dang / me tog gi btung ba dang / 'bras bu'i btung ba'o/ /de gnyis ga bsres pa ni 'bru'i chang dang bcos pa'i chang zhes bya ba'o/ /de 'thung na zhes bya ba ni mgul du mid na'o/ /ltung byed do zhes bya ba ni sems can dmyal ba dang / dud 'gro dang yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ / de la ltung bar ji ltar 'gyur zhe na/ dge slong myos par 'gyur ba'i kha dog dang ldan pa dang / myos par 'gyur ba'i dri dang ldan pa dang / myos par 'gyur ba'i ro dang ldan pa dang / myos par 'gyur ba'i myang ba dang ldan pa 'thung na/ 'thungs nas myos par 'gyur na ltung byed du 'gyur la/ 'thungs nas myos par mi 'gyur na nyes byas su 'gyur ro/ /dge slong myos par 'gyur ba'i kha dog dang ldan pa dang / myos par 'gyur ba'i dri dang ldan pa dang / myos par 'gyur ba'i ro dang ldan pa 'thung na/ 'thungs nas myos par 'gyur na ltung byed du 'gyur la/ 'thungs nas myos par mi 'gyur na nyes byas su 'gyur ro/ /dge slong myos par 'gyur ba'i kha dog dang ldan pa dang / myos par 'gyur ba'i dri dang ldan pa 'thungs na/ 'thungs nas myos par 'gyur na ltung byed du 'gyur la/ 'thungs nas myos par mi 'gyur na nyes byas su 'gyur ro/ /myos par 'gyur ba'i kha dog 'ba' shig ma 'dres pa dang ldan pa 'thung ba la ni ltung ba med de de yang tshwa nyid du gyur pa'o/ /dge slong 'bru'i chang 'thung na ltung byed du 'gyur ro/ /bcos pa'i chang 'thung na ltung byed du 'gyur ro/ /'bru'i chang dang bcos pa'i chang 'thung na ltung byed du 'gyur ro/ /dge slong 'bru'i chang gi nu rtsi 'thung na ltung byed du 'gyur ro/ /dge slong sbang ma za na ltung byed du 'gyur ro/ /dge slong tshigs ma za na ltung byed du 'gyur ro/ /dge slong phabs kyi chang bu za na nyes byas su 'gyur ro/ /dge slong me tog dang 'bras bu myos par 'gyur ba dag za na nyes byas su 'gyur ro/ /bskol ba 'thung ba dang / kha'i nad yod pa la sman pa'i lung gis khur bar srel ba dang / lus dag skud pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa legs 'ongs kyis las ci bgyis na las de'i rnam par smin pas phyug pa/ nor mang la longs spyod che ba'i khyim du skyes/ las ci bgyis na las de'i rnam par smin pas mu lto ba rnams kyi nang du zhugs shing nyes 'ongs shes bgyi ba'i ming du gyur/ las ci bgyis na las de'i rnam par smin pas bcom ldan 'das kyi bstan pa la rab tu byung nas nyon mongs pa thams cad spangs pas dgra bcom pa nyid mngon du bgyis/ bcom ldan 'das kyis bka' stsal pa/ dge slong dag rigs kyi bu legs 'ongs nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas legs 'ongs nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba 'das pa'i dus na ri brags shig na khyim bdag phyug pa/ nor mang ba/ longs spyod che ba zhig 'dug pa de 'khor dang bcas te skyed mos tshal gyi sar byung ngo / /sangs rgyas rnams 'byung ba med pa'i tshe rang sangs rgyas dman pa dang / bkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur pa dag 'jig rten du byung ngo / /rang sangs rgyas na ba zhig ri brags der bsod snyoms la zhugs pa dang / khyim bdag des rang sangs rgyas de thag ring po kho na nas mthong nas/ des zho shas 'tsho ba rnams la bsgo ba/ shes ldan dag rab tu byung ba 'di skrod cig /de dag las 'ga' yang rang sangs rgyas de skrod par spro ba med nas khyim bdag des spyos te stan las langs nas rang nyid kyis rang sangs rgyas de'i gnya' ba nas bzung ste bskrad nas smras pa/ nyes 'ongs mu lto ba rnams kyi nang du zhugs shig ces phul ba dang / de phyag dar gyi phung po'i nang du sgyel to/ /rang sangs rgyas bdag nyid chen po des bsams pa/ khyim bdag nyon mongs pa 'di ha cang smras pa dang / nyams par gyur na mi rung gis 'di la lag nas drang ba sbyin no snyam nas/ des ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod par byed pa yin pas khyim bdag de shing ljon pa rtsa ba nas bcad pa bzhin du rang sangs rgyas de'i rkang pa gnyis kyi drung du 'gyel nas smras pa/ yon gnas yang dag par gyur pa mar gshegs su gsol/ mar gshegs su gsol/ nyon mongs pa'i 'dam du bying ba bdag gi sug pa nas drang ba stsal du gsol/ rang sangs rgyas de khyim bdag de la rjes su snying brtse ba'i phyir steng gi nam mkha' las shod du babs so/ /khyim bdag des de la mchod pa byas/ rkang pa gnyis la mgo bos phyag 'tshal te smon lam 'di skad ces bdag yon gnas yang dag par gyur pa 'di lta bu la gnod pa byas pa gang yin pa'i las de'i cha dang 'thun par mi 'gyur bar mchod pa byas pa gang yin pa'i dge ba'i rtsa ba 'dis bdag phyug pa/ nor mang ba/ longs spyod che ba'i khyim du skye zhing / 'di bas ches khyad par du 'phags pa'i ston pa mnyes par byed cing thugs byung bar mi byed pa'i yon tan gyi rnam pa de lta bu thob par gyur cig ces smon lam btab bo/ /dge slong dag de la de'i tshe de'i dus na khyim bdag gang yin pa de ni legs 'ongs 'di yin te/ 'dis rang sangs rgyas de la mchod pa byas nas smon lam btab pa gang yin pa'i las de'i rnam par smin pas ni da ltar phyug la nor mang ba/ longs spyod che ba'i khyim du skyes so/ /gnod pa byas pa dang nyes 'ongs shes brjod pa gang yin pa'i las de'i rnam par smin pas ni bskal par sems can dmyal ba chen po mnar med par gdungs nas las de nyid kyi lhag mas tshe rabs lnga brgyar mu lto ba nyid kyis 'phyan par gyur cing nyes 'ongs shes bya bar gyur te/ da ltar gyi bar du yang mu lto ba rnams kyi nang du zhugs shing nyes 'ongs zhes bya ba'i ming du gyur to/ /bdag yon gnas yang dag par gyur pa 'di lta bu la gnod pa byas pa gang yin pa'i las de'i cha dang 'thun par mi 'gyur bar 'di bas ches khyad par du 'phags pa'i ston pa mnyes par byed cing / thugs byung bar mi byed pa'i yon tan gyi rnam pa de lta bu thob par gyur cig ces smon lam btab pa gang yin pa'i las de'i rnam par smin pas ni nga'i bstan pa la rab tu byung nas nyon mongs pa thams cad spangs pas dgra bcom pa nyid mngon du byas shing / 'dis rang sangs rgyas bye ba phrag 'bum bas ches khyad par du 'phags pa'i ston pa nga mnyes par byas shing thugs byung bar ma byas so/ /btsun pa tshe dang ldan pa legs 'ongs kyis las ci bgyis na las de'i rnam par smin pas bcom ldan 'das kyis yang dang yang du me'i khams la snyoms par 'jug pa rnams kyi mchog tu bstan/ de yang smon lam gyi dbang gis te/ gang du smon lam btab ce na/ dge slong dag sngon byung ba 'das pa'i dus na bskal pa chen po bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'od srung 'jig rten du byung ste/ de bā rā ṇa sī na drang srong smra ba ri dgas kyi nags na nye bar brten cing bzhugs so/ /de'i bstan pa la 'di rab tu byung nas dge slong gang gis de rab tu phyung ba'i dge slong de de bzhin gshegs pa yang dag par rdzogs pa'i sangs rgyas 'od srung gis yang dang yang du me'i khams la snyoms par 'jug pa rnams kyi mchog tu bstan to/ /de na 'dis tshe ji srid par tshangs par spyod pa spyad na yon tan gyi tshogs 'ga' yang ma thob nas/ de'i 'og tu 'chi ba'i tshe smon lam 'di skad ces bdag gis bcom ldan 'das de bzhin gshegs pa yang dag par rdzogs pa'i sangs rgyas yon gnas bla na med pa 'od srung la tshe ji srid par tshangs par spyod pa spyad na yon tan gyi tshogs 'ga' yang ma thob ste/ bdag gis tshe ji srid par tshangs par spyod pa spyad pa'i dge ba'i rtsa ba 'dis bcom ldan 'das de bzhin gshegs pa yang dag par rdzogs pa'i sangs rgyas 'od srung gis bram ze'i khye'u bla ma la bram ze'i khye'u khyod ma 'ongs pa'i dus na skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das shākya thub pa zhes bya bar 'gyur ro zhes lung bstan pa'i bstan pa la bdag rab tu byung nas nyon mongs pa thams cad spangs pas dgra bcom pa nyid mngon du byed cing / ji ltar mkhan po 'di bcom ldan 'das de bzhin gshegs pa yang dag par rdzogs pa'i sangs rgyas 'od srung gis yang dang yang du me'i khams la snyoms par 'jug pa rnams kyi mchog tu bstan pa de bzhin du/ bdag kyang bcom ldan 'das shākya thub pa/ shākya'i seng ge/ shākya'i rgyal po'i gtso bo des yang dang yang du me'i khams la snyoms par 'jug pa rnams kyi mchog tu bstan par gyur cig ces smon lam gdab par brtsams pas smon lam de'i dbang gis da ltar de bzhin gshegs pas yang dang yang du me'i khams la snyoms par 'jug pa rnams kyi mchog tu bstan to/ / dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dres ma yin no/ /dge slong dag de lta bas na las gcig tu gnag pa rnams dang 'dren ma rnams spangs te las gcig tu dkar ba rnams la brtsal bar bya ste/ dge slong dag khyed kyis de ltar bslab par bya'o/ /myos par 'gyur ba 'thung ba'i ltung byed de bdun bcu rtsa dgu pa rdzogs sho// // bar sdom la/ zhi ba ral pa nor bu dang / /sman pa dge 'dun lto dang skas/ /za dang nyes gyur gtum mo dang / /gzhon nu lhung bzed stobs rnams so/ /sangs rgyas bcom ldan ' das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /ri brags shig na bram ze zhig 'dug pa des mnyan yod pa'i bu mo zhig bag mar blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /de la bu mo zhig byung nas de srings shing bskyed de chen mor gyur to/ /bram ze de la re shig mnyan yod du bya ba zhig byung nas des shing rta bcas te 'phags pa dang / bu mo des mthong nas des smras pa/ yab gar bzhud/ bram zes smras pa/ bu mo mnyan yod du'o/ /bu mos smras pa/ yab bdag kyang mchi'o/ /bram zes smras pa/ bu mo khyod da mchog thob pa yin pas khyod kyi lag pa 'am rkang pa la 'ga' zhig gis reg par gyur na/ bdag cag la mi snyan par 'gyur gyis khyod 'di nyid na 'dug shig /bu mo des ngu bar brtsam pa dang / bram ze mos smras pa/ bu mo ci'i phyir ngu / bu mos smras pa/ yab mnyan yod du bzhud na bdag der khrid par mi bzhed do/ /bram ze mos smras pa/ rje'i sras bu mo yang khrid cig dang nye du dag mthong bar 'gyur ro/ /bram zes smras pa/ bu mo da mchog thob par 'gyur bas 'di'i lag pa 'am/ rkang pa la 'ga' zhig gis reg par gyur na bdag cag la mi snyan par 'gyur gyis 'di nyid du zhog shig /bram ze mos smras pa/ rje'i sras dang thabs gcig mchis na legs par sbas pa dang / legs par bsrungs par 'gyur ro/ /bram ze des bu mo de shing rtar bcug ste 'phags pa dang / bu mo de ltad mo'i rang bzhin can yin pas pha la dris pa/ yab 'di su'i kun dga' ra ba lags/ 'di su'i rdzing bu lags/ 'di su'i lha khang lags/ 'di su'i skyed mos tshal lags/ 'di su'i khron pa lags/ 'di su'i gtsug lag khang lags/ bram zes smras pa/ bu mo 'di ni shākya'i bu'i dge sbyong rnams kyi bsti gnas yin no/ /bu mos smras pa/ yab ltar mchi'o/ /bram zes smras pa/ bu mo bsti gnas 'di na rigs sna tshogs dang / rus sna tshogs las rab tu byung ba dag 'khod pas khyod kyi lag pa 'am/ rkang pa la 'ga' zhig gis reg par gyur na bdag cag la mi snyan par 'gyur gyis tshur shog 'dong ngo zhes de 'phags pa dang / ji tsam na grong bar de nyid nas bram ze dang khyim bdag gi chung ma rab tu mang po gtsug lag khang lta 'dod pa dag mnyan yod kyi phyi rol du byung ba de dag gis bram ze de mthong nas de dag gis smras pa/ snam zungs byon pa legs so byon pa legs so/ /khyod yun ring mo ring mo zhig gis gar bzhud/ bram zes smras pa/ kho bo khyod cag nyid ltar 'ongs na khyod cag gar 'dong / rgyal byed kyi tshal du gtsug lag khang ltar mchi'o/ /sru cag tsha mo 'di yang khrid de deng la/ 'di la yang gtsug lag khang ston cig /bu mo de yang de dag dang lhan cig rgyal byed kyi tshal du song ngo / /drug sde dag gi kun du spyod pa ni 'dir bdag cag gis bram ze dang khyim bdag 'ongs shing lhags pa rnams la yang chos bstan par bya/ rgol ba dag kyang tshar gcad par bya/ rang gi grags pa yang bsgrags par bya'o snyam pas drug sde dag las gang yang rung bas rgyal byed kyi tshal gyi sgo stong par mi 'jog pas/ tshe dang ldan pa 'char ka nang par sngar langs te so shing bor nas snam sbyar dmar ser gyon te rgyal byed kyi tshal gyi sgo na 'chag cing 'dug go/ /drug sde dag gis grong khyer chen po drug po dag na 'khod pa'i mi rnams 'di lta ste/ rigs las sam/ rus las sam/ rgyud las sam/ ming las sam/ gzugs las sam/ bzo las sam/ 'tsho ba las mi shes pa 'am/ ma mthong ba 'am/ ma thos pa 'am/ ma rig pa 'am/ rnam par mi shes pa 'ga' yang med pas tshe dang ldan pa 'char kas bram ze dang khyim bdag gi chung ma rab tu mang po de dag thag ring po kho na nas mthong ste/ mthong nas kyang 'di skad ces smras so/ /che ge mo'i ma/ che ge mo'i chung ma/ che ge mo'i mna' ma/ che ge mo'i bu mo/ che ge mo'i sring mo 'ongs pa legs so 'ongs pa legs so/ /khyed cag ci'i phyir yun ring mo ring mo nas zla ba ltar rgyu bar byed/ de dag gis smras pa/ btsun pa 'char ka bcom ldan 'das kyis mi khom pa brgyad ni gang zag gi tshangs par spyad pa'i dus ma lags so zhes legs par gsungs na/ bdag cag ni 'di lta ste/ khyim gyi 'du 'dzi dang ldan pas mi khom pa dgu pa lags so/ /'char kas smras pa/ sring mo dag khyed kyis 'ga' zhig gis 'di skad ces/ dug can la sogs rgyal po yis/ /bya ba dag ni ma byas par/ /de dag nyid dang bya ba rnams/ /zhig pa nyid du gyur pa yin/ /bya ba de dag nyid kyang ni/ /yongs su rdzogs par ma gyur par/ /'jig rten dgra bo 'chi bdag de/ /'ong ba nyid du 'gyur ba yin/ / zhes smras pa ma thos sam/ de dag gis smras pa/ btsun pa 'char ka de'i slad du bdag cag skyed mos tshal du mchis te rgyal byed kyi tshal du 'jug pa dang / gtsug lag khang blta ba dang / bcom ldan 'das dang dge slong gnas brtan gnas brtan rnams kyi zhabs la phyag 'tshal ba'i slad du mchis pa lags so/ /'char kas smras pa/ sring mo dag gal te khyed cag de'i phyir 'ongs na bcom ldan 'das kyis kyang snying po med pa'i lus las snying po blang bar bya'o zhes gsungs pas legs so legs so/ /sring mo dag de ni mjal gyis 'di ltar ltad mo ji ltar blta ba dri bar bya'o/ /sring mo dag khyed cag gang du 'jug par byed/ btsun pa 'char ka bdag cag kun dga'i ra bar 'jug cing gtsug lag khang blta bar 'tshal lo/ /sring mo dag bcom ldan 'das kyis mkhas pa gang zhig rab tu sems dad pas/ /sangs rgyas mchod rten dag la gom 'dor na/ /'dzam bu chu bo gser gyi srang tshad ni/ /stong phrag brgya yang de dang mnyam pa min/ /zhes gsungs pas de yang legs so/ /sring mo dag khyed kyis gang khyed cag la gtsug lag khang ston par byed pa'i dge slong 'ga' zhig btsal tam/ 'phags pa ci bdag cag sgron ma sug pa na thogs bzhin du zhugs gzhan du 'tshol lam/ btsun pa 'char ka spangs te dge slong gzhan ga la tshol/ khyod bas gzhan khyad par du 'phags pa su zhig mchis kyis khyod nyid kyis bstan du gsol/ de nas tshe dang ldan pa 'char ka 'di snyam du sems te/ gal te 'di dag gtsug lag khang bstan par bya na ni bdag gi dge ba'i phyogs yongs su nyams par yang 'gyur/ gal te bstan par mi bya na ni tshig pa'i bsod snyoms kyang ster bar mi 'gyur la/ bcom ldan 'das kyis kyang ma dad pa rnams dad pa phun sum tshogs pa yang dag par 'dzin du gzhug par bya/ gdul bar bya/ gzung bar bya/ rab tu dgod par bya'o zhes gsungs pas de'i phyir 'di dag dge ba la nges par sbyar bar byas/ rnam pa thams cad du bstan par bya'o snyam du rig nas des me tog dang / bdug spos la sogs pa mchod pa sna tshogs thogs te pog phor lag tu blangs nas go rims ji lta ba bzhin du bstan par brtsams te/ sring mo dag 'di ni bcom ldan 'das kyi dri gtsang khang ste/ gang du bcom ldan 'das nyin lan gsum mtshan lan gsum sangs rgyas kyi spyan gyis 'jig rten la rnam par gzigs nas gang ni nyams par 'gyur/ gang ni 'phel bar gyur/ gang ni gnod par gyur/ gang ni nyam nga bar gyur/ gang ni mi bde bar gyur/ gang ni gnod pa dang nyam nga ba dang mi bde bar gyur/ gang ni ngan song la gzhol/ gang ni ngan song la 'bab/ gang ni ngan song la bab/ gang ni ngan song gi 'dam nas bslang ste mtho ris dang / thar pa dang 'bras bu la gzhag par bya/ 'dod pa'i 'dam du bying ba gang gi lag nas ni drang bar bya/ 'phags pa'i nor gyi dbyig dang bral ba gang ni 'phags pa'i nor gyi dbang phyug la gzhag par bya/ gang gi sangs rgyas 'byung bas brgyan pa'i 'jig rten ni 'bras bu dang bcas par bya/ gang gi dge ba'i rtsa ba dag ma bskyed pa ni bskyed par bya/ dge ba'i rtsa ba dag bskyed pa gang ni yongs su smin par bya/ yongs su smin pa gang ni rnam par grol bar bya zhes mkhyen pa dang gzigs pa 'jug cing 'di ltar/ chu srin gnas kyi dug can pa/ /dus las 'da' bar 'gyur srid kyi/ /sangs rgyas gdul la byams pa ni/ /dus las 'da' bar mi 'gyur ro/ / ji ltar ma ni bu sdug gcig pu la/ /rtog cing de srog srung bar byed pa ltar/ /de bzhin gshegs pa 'ang gdul ba'i skye bo la/ /rtog par mdzad cing de srog srung bar mdzad/ /kun mkhyen rgyud la mnga' ba'i thugs rje yi/ /bzhon ma gdul ba'i be'u tshol mi skyo ste/ /srid dang ngan 'gros nyams la byams pa ni/ /rab nyams be'u la byams pa'i ba bzhin no/ /zhes bya ba 'jug pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas stobs bcu'i stobs dang ldan pa/ mi 'jigs pa bzhis bsnyengs pa mi mnga' ba/ khyu mchog rlabs po che'i gnas su dam 'cha' ba/ 'khor gyi nang du seng ge'i sgra yang dag par sgrog pa gang yin pa de'i yin gyis 'di'i zhabs la phyag dag 'tshol cig /'di ni tshe dang ldan pa kun shes kauṇḍi nya'i gtsug lag khang ste/ bcom ldan 'das kyis 'jig rten mi shes pa'i mun pa dang / 'dren pa med pa dang / yongs su 'dren pa med pa na de'i dang por ye shes kyi mig sman gyi thur mas gang gi chos kyi mig rnam par sbyangs pa bcom ldan 'das kyis gnas brtan rnams dang / rgyal tshab lta bu rnams dang / yun ring po nas rab tu byung ba rnams dang / tshangs par spyod pa mngon par spyod pa rnams dang / snam sbyar gyi rgyal mtshan thogs pa rnams kyi mchog tu lung bstan pa gang yin pa gang gi rgyud la de'i dang por bcom ldan 'das kyis 'jig rten du dge sbyong ngam/ bram ze 'am/ lha 'am/ bdud dam/ tshangs pa 'am/ sus kyang chos dang 'thun par bskor mi nus pa chos dang ldan pa'i chos kyi 'khor lo skye bo mang po'i don dang / skye bo mang po la phan pa dang / bde ba dang 'jig rten la rjes su thugs brtse ba dang / lha dang mi rnams kyi don dang / phan pa dang bde ba'i phyir lan gsum du bzlas te rnam pa bcu gnyis su bskor ba de'i yin gyis/ 'dir yang zhabs la phyag dag 'tshol cig /'di ni tshe dang ldan pa 'od srung chen po'i gtsug lag khang ste/ bram ze shing sā la chen po lta bu rmon pa dor stong du gcig gis ma chog pa spangs te rab tu byung ba/ dbyig bye ba phrag drug bcu dang ldan pa/ gser gyi nas bang chung brgyad bcu bdog pa/ bran gyi grong bcwa brgyad bdog pa/ sbyor ba'i grong bcu drug bdog pa/ ser skya bzang mo lus gser bas lhag pa dang ldan pa mchil ma'i thal ba smin pa ltar spangs te mtshan mo'i thun tha ma la ras sbyar ma'i snam sbyar rin thang 'bum ri ba thogs te 'jig rten na dgra bcom pa gang dag bzhugs pa de dag gi phyir rab tu byung ba/ bsam gtan dang / rnam par thar pa dang / ting nge 'dzin dang / snyoms par 'jug pa bskyed pa'i phyir nags na brten pa gang yin pa gang mthong na spos kyi glang po che dag kyang rgyags pa dang bral bar 'gyur ba/ gang gis bu mangs kyi mchod rten du ston par khas blangs nas dge slong gi sdom pa thob pa/ bcom ldan 'das kyis kyang dge slong dag nga'i nyan thos kyi dge slong 'dod pa chung ba/ chog shes pa/ sbyangs pa'i yon tan smra ba rnams kyi nang na mchog ni 'di yin te/ 'di lta ste dge slong 'od srung chen po'o zhes gsungs shing bcom ldan 'das kyis rjes su bsngags pa gang yin pa de'i yin gyis 'dir yang zhabs la phyag dag 'tshol cig /'di ni tshe dang ldan pa shā ri'i bu'i gtsug lag khang ste/ mchog thob pa'i bu gang yin pa/ gang lo brgyad gnyis su dbang po'i brda sprod pa blags pa/ rgol ba thams cad tshar bcad pa/ bcom ldan 'das kyi bstan pa la rab tu byung nas bcom ldan 'das kyis shes rab chen po rnams dang / spobs pa chen po rnams kyi mchog tu bstan pa gang yin pa/ bcom ldan 'das kyis 'jig rten thams cad gang gi cha bcu drug par bzhag cing bcom ldan 'das kyis/ de bzhin gshegs pa ma gtogs par/ /'jig rten kun gyi shes rab gang / /shā ri'i bu'i shes rab kyi/ /bcu drug char yang mi chog go/ /gal te lhar bcas 'jig rten 'di/ /shā ri'i bu dang mnyam gyur pas/ /de bzhin gshegs pa'i shes rab kyi/ / bcu drug char yang mi chog go/ /zhes gsungs pa gang yin pa de'i yin gyis 'dir yang zhabs la phyag dag 'tshol cig /'di ni tshe dang ldan pa maud gal gyi bu chen po'i gtsug lag khang ste/ mdun na 'don gyi bu cod pan med pa'i rgyal srid spangs te rab tu byung ba gang yin pa gang gis lha'i dbang po brgya byin gyi khang bzangs rnam par rgyal byed rkang pa g.yas pa'i the bos lan gsum du bsgul/ kun du bsgul kun du rab tu bsgul ba gang gi rdzu 'phrul gyis bcom ldan 'das 'jig rten gyi khams 'od zer can du nyin mtshan bdun gyis gshegs pa/ bcom ldan 'das kyis rdzu 'phrul chen po rnams dang / mthu chen po rnams kyi mchog tu bstan pa gang yin pa de'i yin gyis 'dir yang zhabs la phyag dag 'tshol cig /'di ni tshe dang ldan pa ma 'gags pa'i gtsug lag khang ste/ mi skal ba bzang po las rab tu byung ba gang yin pa bcom ldan 'das kyi yab kyi mched kyi sras gang gi ming yang dag par bsgrags pas tshong pa dag rgya mtsho chen po nas bzhon pa'i snod legs par grub cing 'ong bar 'gyur ba bcom ldan 'das kyis lha'i mig can rnams kyi mchog tu bstan pa gang yin pa de'i yin gyis 'dir yang zhabs la phyag dag 'tshol cig /'di ni tshe dang ldan pa kun dga' bo'i gtsug lag khang ste yun ring po nas bcom ldan 'das kyi bsnyen bkur ba gang yin pa bcom ldan 'das kyi zham ring na nye bar spyod pa/ ston pas yang dag par bsngags pa/ tshangs pa mtshungs par spyod pa mkhas pa rnams kyis yang dag par bkur ba gang yin pa bcom ldan 'das kyi yab kyi mched kyi sras las rab tu byung ba bcom ldan 'das kyis mang du thos pa rnams dang / thos pa 'dzin pa rnams dang / thos pa bsags pa rnams kyi mchog tu bstan pa gang yin pa de'i yin gyis 'dir yang zhabs la phyag dag 'tshol cig /'di ni tshe dang ldan pa mdzes dga'i gtsug lag khang ste/ bcom ldan 'das kyi gcung po sru'i sras las rab tu byung ba gal te rab tu ma byung na stobs kyi 'khor los sgyur ba'i rgyal por 'gyur ba/ bcom ldan 'das kyis dbang po dag gi sgo bsdams pa rnams kyi mchog tu bstan pa gang yin pa de'i yin gyis 'dir yang zhabs la phyag dag 'tshol cig /'di ni tshe dang ldan pa sgra can zin gyi gtsug lag khang ste/ bcom ldan 'das kyi sras las rab tu byung ba/ gal te rab tu ma byung na mthu dang ldan pa'i rgyal por 'gyur ba gang yin pa gang rab tu byung na rgyal po mang pos bkur gyi rgyud gcig nas gcig tu rgyud pa yang dag par rgyun chad pa/ bcom ldan 'das kyis bslab pa 'dod pa rnams dang / bslab pa la gus pa rnams dang / bslab pa la yo byad bsnyungs pa thob pa rnams kyi mchog tu bstan pa gang yin pa de'i yin gyis 'dir yang zhabs la phyag dag 'tshol cig /'di ni tshe dang ldan pa dga' bo'i gtsug lag khang ngo / /'di ni nye dga'i 'o/ /'di ni 'dun pa'i'o/ /'di ni 'gro mgyogs kyi'o/ /'di ni nab so'i'o/ / 'di ni kho bo'i gtsug lag khang ngo / /ci 'di yang lta bar byed dam/ 'phags pa ci bdag cag gis gtsug lag khang thams cad bltas nas/ gdod 'phags pa 'char ka'i gtsug lag khang blta bar mi bgyi 'am/ bdag cag gis 'phags pa 'char ka'i gtsug lag khang 'di da shin du blta bar bgyi'o/ /sring mo dag de bzhin gyis shig /tshe dang ldan pa 'char ka de 'dod chags spyad pa yin pas de'i gtsug lag khang nas sa gzhi mon sran gre'u'i phye mas bskus pa dang / rtsig pa bkra zhing nye bar bkra ba dang / mal stan be'u phrug gi snying po can bshams pa dang / bum pa btung bas bkang ba bcu snod dang bcas pa bzhag pa dang / skon pa'i nang na bca' ba sna tshogs kyis gang ba dag yod do/ /tshe dang ldan pa 'char kas bram ze dang khyim bdag gi chung ma rab tu mang po rang gi gtsug lag khang du 'ongs pa rnams la smras pa/ sring mo dag ci je khye'u sus bya 'am/ 'on te btung ba 'thung 'phags pa ci chu klung zlog phyogs su 'bab bam/ bdag cag gis 'phags pa la gsol bar bgyi ba gang lags pa de nyid 'phags pas bdag cag la stsol tam/ 'di ltar bdag cag la gang dkon pa de stsol cig /sring mo dag khyed cag la ci zhig dkon/ 'phags pa chos mnyan pa'o/ /sring mo dag bcom ldan 'das kyis gnas drug po dag 'jig rten du byung ba ni ngo mtshar rmad du byung ba yin te/ drug po de dag gang zhe na/ de bzhin gshegs pa dgra bcom pa yang dag par rdzogs pa'i sangs rgyas dang / de bzhin gshegs pas gsungs pa'i chos 'dul ba dang mi nyid dang / dbus pa'i gnas su skye ba dang / dbang po ma tshang ba med pa dang / dge ba'i chos la 'dun pa'o zhes legs par gsungs pas de'i phyir khyed cag dge ba'i chos la 'dun pa skyes pa 'di ni sangs rgyas 'byung ba dang 'dra ste legs so legs so/ /sring mo dag 'khod cig dang kho bos khyed la chos bstan par bya'o/ /de dag gis de'i rkang pa gnyis la phyag 'tshal te chos mnyan pa'i phyir mdun du 'khod pa dang / des de dag la chos bstan par brtsams so// //'dul ba rnam par 'byed pa/ bam po drug bcu rtsa drug pa/ bu mo de yang ltad mo'i rang bzhin can yin pas ri mo lta zhing gzhan du song ngo / /de dag gis kyang chos mnyan nas tshe dang ldan pa 'char ka'i rkang pa gnyis la phyag 'tshal te gtsug lag khang nas byung ngo / /bu mo des gzhan dag byung ba ma tshor nas sgo khang de nyid na ri mo lta zhing 'dug go/ /tshe dang ldan pa 'char kas de dag bskyal nas gtsug lag khang du 'jug par brtsams pa dang / des bu mo de sgo khang na 'dug pa mthong nas des de la smras pa/ bu mo khyod ma song ngam/ des 'dzum phyung ba dang 'char kas de la 'o byas te yan lag dang nying lag dag mnams kun du mnams so/ /bu mo de ngu zhing phyir byung nas pha'i gan du song ste smras pa/ yab bdag dge sbyong 'char kas gzhon nu ma dang bral bar bgyis so/ /bram ze des bsams pa/ gal te da cung zad smrar ni bdag gcig pu yin la/ 'di dag ni mang bas bdag la gnod pa byed par 'gyur ba gang yin pa de lta bu'i gnas yod par 'gyur gyis/ gang du grogs rnyed par gyur pa na ra mda' ba bzlog par bya'o snyam mo/ /rgyal byed kyi tshal dang mnyan yod kyi bar na gnas kyi shing ljon pa zhig yod pa de'i drung na bram ze zhig bram ze'i khye'u lnga brgya tsam bram ze'i gsang tshig klog du 'jug cing 'dug nas/ bram ze des de dag la smras pa/ shes ldan dag dge sbyong 'char kas kho bo'i bu mo gzhon nu ma dang bral bar byas kyis khyed cag kho bo'i tshangs pa mtshungs par spyod pa yin gyis grogs gyis shig /bram ze dag ni yongs su mi rtog pa yin pas de dag dbyug pa dag thogs te der dong ngo / /tshe dang ldan pa 'char ka rgyal byed kyi tshal gyi sgo na 'chag cing 'dug pa de de dag gis bzung zhing bkri bar brtsams pa dang / de dag gis de bsgul bar yang ma nus so/ /bcom ldan 'das kyis gdul ba'i dus mkhyen nas de'i stobs dbri bar mdzad pa dang / de dag gis tshe dang ldan pa 'char ka phar drangs tshur drangs te khrid do/ /tshe dang ldan pa 'char kas bsams pa/ bcom ldan 'das kyis bdag gnod pa dang / nyam nga ba dang / mi bde ba byung ba la mi dgongs sam snyam pa dang / bcom ldan 'das kyis dgongs pa 'di la gdams pa'i tha ma ni 'di yin pas khrid kyang bla'o snyam du dgongs so/ /de nas bcom ldan 'das kyis ko sa lar byung ba'i rgyal po gsal rgyal steng gi khang bzangs kyi gzhir gtogs pa na gnyid log cing 'dug pa se gol gyi sgras sad par mdzad nas bka' stsal pa/ rgyal po chen po khyod kyis gya tshom du mi bya bar legs par brtag par bya'o/ /zhes go bar mdzad do/ /bcom ldan 'das kyis ko sa lar byung ba'i rgyal po gsal rgyal steng gi khang bzangs kyi gzhir gtogs pa na gnyid log cing 'dug pa lan gnyis lan gsum du se gol gyi sgras sad par mdzad nas bka' stsal pa/ rgyal po chen po khyod kyis gya tsom du mi bya bar legs par brtag par bya'o zhes go bar mdzad do/ /bram ze de dag gis kyang tshe dang ldan pa 'char ka rgyal po'i pho brang gi sgor khrid do/ /de nas rgyal po'i pho brang gi sgo na skye bo phal po che'i tshogs dag bram ze rnams kyis dge sbyong 'char ka bzung ste rgyal po'i sgor khrid de 'ongs so zhes sgra mthon po dang / sgra chen po 'byin to/ /ko sa lar byung ba'i rgyal po gsal rgyal steng gi khang bzangs kyi gzhir gtogs pa na gnyid log pa skye bo phal po che'i sgra des sad nas/ des zho shas 'tsho ba dag la smras pa/ shes ldan dag ci'i phyir skye bo phal po che'i tshogs 'di dag sgra mthon po dang / sgra chen po 'byin par byed/ de dag gis smras pa/ lha btsun pa 'char ka dang / bram ze'i bu mo zhig dang / bram ze zhig dang / bram ze'i khye'u lnga brgya tsam rgyal po'i pho brang gi chab sgo na blag cor mchi zhing mchis so/ /ko sa lar byung ba'i rgyal po gsal rgyal gyis bsams pa/ bcom ldan 'das kyis 'di las dgongs nas bdag la rgyal po chen po khyod kyis gya tsom du mi bya bar legs par brtag par bya'o zhes bka' stsal to snyam du rig go/ /mnyan yod na chos nyid kyis gang gi tshe rtsod pa chen po byung ba de'i tshe na rnga bo che rdung zhing dung sgril ma yang 'bud par byed pas rgyal po gsal rgyal gyis zho shas 'tsho ba dag la bsgo ba/ shes ldan dag rnga bo che yang rdungs shig /dung sgril ma yang bus shig /de dag gis rnga bo che brdungs shing dung sgril ma bus pa dang / rgyal po dang bcas pa'i 'khor 'dus par gyur to/ /rgyal pos smras pa bram ze de dang btsun pa 'char ka nang du thong shig /de gnyis nang du 'ongs pa dang rgyal pos bram ze de la smras pa/ bram ze khyed ci zer/ lha dge sbyong 'char kas bdag gi bu mo gzhon nu ma dang bral bar bgyis so/ /rgyal pos smras pa/ btsun pa 'char ka bram ze 'di de skad mchi na khyod ci gsung / lha bdag gis de la sdig pa'i las ma bgyis so/ /rgyal pos blon po rnams la smras pa/ shes ldan dag 'di ji ltar dpyad par bya blon po rnams kyis smras pa/ lha bcom ldan 'das kyis khyod nyid spobs pa can rnams kyi mchog tu bstan pa lags pas lha nyid kyi zhal mchu 'di dgum du gsol/ rgyal pos smras pa/ shes ldan dag 'di la ji ltar shes par bya/ mig gi rnam par shes pas ni gzugs dag mthong mod/ btsun mo'i 'khor gyis ni bu mo brtag mod/ bu mo de btsun mo'i 'khor gyi nang du thong la rtog tu chug shig /de dag gis bu mo de btsun mo'i 'khor gyi nang du btang ba dang / btsun mo phreng ldan mas bu mo de pang bar bsnyal te smras pa/ bu mo bden par smros shig /gal te khyod btsun pa 'char kas gzhon nu ma dang bral bar byas na yang de ni bram ze mdun na 'don gyi bu las rab tu byung ba yin pas khyod kyi khyim thab kyi thab rir 'bab par 'gyur ro/ /'on te khyod phyugs cung ma smras pa tshul khrims dang ldan pa yin na ni dge slong la yang dag pa ma yin pas skur na sems can dmyal ba chen por 'gro bar 'gyur ro/ /bu mo des smras pa/ jo mo bdag des gzhon nu ma dang bral bar ma bgyis te/ 'di ltar des 'o bgyis shing yan lag dang nying lag dag mnams/ kun du mnams so/ /btsun mo phreng ldan mas smras pa/ bu mo khyod kyis don de tsam zhig la rgyal po dang bcas pa'i 'khor kun tu dkrugs so/ /ci pha dag kyang bu mo dag la 'o byed cing yan lag dang nying lag dag la nom/ kun du mi nom mam/ de nas bud med rgan mo rnams kyis bu mo de brtags na ji tsam na phyugs chung ma nyams par gyur nas/ de dag gis rgyal po la smras pa/ lha bu mo 'di phyugs chung ma nyams so/ /rgyal pos blon po rnams la smras pa/ shes ldan dag 'di la gang yus/ blon po rnams kyis smras pa/ lha btsun pa 'char ka yus so/ /rgyal pos smras pa/ shes ldan dag deng la bram ze 'di rgya skyegs kyi khang par chug la mes sregs shig /bu mo de yang rte'u dmu rgod kyi rkang pa gnyis la thogs shig /bram ze'i khye'u lnga brgya po de dag kyang lag pa dang rkang pa dag chod cig /tshe dang ldan pa 'char kas smras pa/ lha de gal te bdag las brten te sems can de snyed cig chab stsal bar gyur na/ don gyis lhas bdag bcom ldan 'das kyi bstan pa las phyung lags so/ /rgyal pos smras pa/ shes ldan dag 'o na deng la bram ze'i khye'u lnga brgya po de dag thong la/ bram ze 'di ni rgya skyegs kyi khang par chug la mes sregs shig /bu mo de yang rte'u dmu rgod kyi rkang pa gnyis la thogs shig /tshe dang ldan pa 'char kas smras pa/ lha gal te bdag las brten te tha na grog ma phra mo 'ga' zhig la gnod par gyur na yang / don gyis lhas bdag bcom ldan 'das kyi bstan pa las phyung ba kho na lags so/ /rgyal pos blon po rnams la smras pa/ shes ldan dag bcom ldan 'das kyi nyan thos 'dod chags dang ma bral na yang so sor rtog pa'i stobs la ltos/ gal te bram ze dag gis btsun pa 'char ka thub par gyur na ni rdo gcig gis kyang bsad par 'gyur ro/ /shes ldan dag deng la thams cad khye shig /de dag bkye nas gyes/ rnga brdungs shing yol bas bcad pa dang skye bo phal po che'i tshogs dag so sor gyes so/ /rgyal po dang btsun mo phreng ldan ma dang / tshe dang ldan pa 'char ka gsum 'dug pa na/ rgyal pos btsun mo phreng ldan ma la smras pa/ phreng ldan ma btsun pa 'char kas ji lta bu'i phun phun byas pas rgyal po dang bcas pa'i 'khor kun du dkrugs pa la ltos/ btsun mo phreng ldan mas tshe dang ldan pa 'char ka la smras pa/ btsun pa 'char ka khyod bas slad kyis rab tu byung ba dge slong ma utpa la'i mdog dang / dge tshul ma skul byed dang / dge tshul ma tsi ri ka dang / gzhan yang mang po gang lags pa de dag thams cad kyis nyon mongs pa thams cad spangs pas dgra bcom pa nyid mngon du bgyis na/ khyod kyis ni rgyal po dang bcas pa'i 'khor gyi nang du mi mdzes pa 'di lta bu bgyis par gyur kyang da dung skyo ba mi mnga' 'am/ tshe dang ldan pa 'char kas smras pa/ phreng ldan ma da phyin chad 'khor bar 'khor ba na nyon mongs pa de lta bu dag kun du spyod par mi 'gyur ba de ltar bya'o/ /zhes smras nas de stan las langs te song ngo / /de ngo tsha bas bcom ldan 'das dang phrad par ma nus nas/ tshe dang ldan pa shā ri'i bu ga la ba der song ste phyin nas tshe dang ldan pa shā ri'i bu la 'di skad ces smras so/ /mkhan po ji ltar bdag 'khor bar 'khor ba na nyon mongs pa de lta bu dag kun du spyod par mi 'gyur ba de ltar bdag la chos bstan du gsol/ tshe dang ldan pa shā ri'i bus bsams pa/ ltung ba lhag ma med pa byung bar ma gyur tam snyam na/ ji tsam na des lhag ma yod par mthong nas/ des de bshags par bya ba'i ltung ba gang dag yin pa de dag kyang 'chags su bcug /bsdam par bya ba'i ltung ba gang dag yin pa de dag kyang sdom du bcug nas/ des de la 'di dang 'di ltar yid la gyis la bag yod pas sgrubs shig ces gdams ngag byin no/ /de nas tshe dang ldan pa 'char ka gcig pu dben pa bag yod pa/ rtun pa dang ldan pa/ bdag nyid btang bar gnas pa na rigs kyi bu dag gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing / dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bu rig pas sgo nga'i sbubs dral bar gyur cing / rig pa dang mngon par shes pa dang / so so yang dag par rig pa thob pa/ srid pa dang 'dod pa'i rnyed pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyi mchod par bya ba dang / rjed par bya ba dang / mngon du smra bar bya bar gyur to/ /de nas tshe dang ldan pa 'char ka dgra bcom pa nyid thob cing rnam par grol ba'i dga' ba dang bde ba nyams su myong ba na 'di snyam du sems te/ bcom ldan 'das ni bdag la phan pa mdzad pa/ bde bar gshegs pa ni bdag la legs par mdzad pa ste/ 'di ltar bcom ldan 'das de ni bdag gi sdug bsngal gyi chos mang po dag sel bar mdzad pa/ bcom ldan 'das de ni bdag gi bde ba'i chos mang po dag sgrub par mdzad pa/ bcom ldan 'das de ni bdag gi sdig pa mi dge ba'i chos rnam pa du ma dag sel bar mdzad pa/ bcom ldan 'das de ni bdag gi dge ba'i chos rnam pa du ma dag sgrub par mdzad pa lags na/ bdag gis ci zhig byas na des bdag gis bcom ldan 'das la lan byas pa dang / nye bar byas pa dang / rab tu byas par 'gyur snyam nas/ des yang bsams pa/ sangs rgyas bcom ldan 'das rnams dka' ba mdzad pa brgya stong du ma dag gis bskal pa grangs med pa gsum gyis pha rol tu phyin pa drug yongs su rdzogs par mdzad nas bla na med pa'i mkhyen pa thugs su chud pa gang yin pa de dag thams cad ni sems can la phan pa'i phyir yin pas bdag gis kyang sems can la phan pa bya'o snyam mo/ / des bsams pa/ bcom ldan 'das kyis khyim pa dad par byed pa rnams kyi mchog tu bstan pa 'ga' yod dam snyam na/ des ji tsam na med par mthong ngo / /su la ltos snyam na bdag nyid la ltos par mthong nas/ legs kyis bdag gis ston pa'i thugs la dgongs pa yongs su rdzogs par bya'o snyam mo/ /gang gdul ba'i dus yin snyam na/ mnyan yod na bram ze zhi ba la dad pa/ zhi ba la bsnyen bkur byed pa zhig 'dug nas/ tshe dang ldan pa 'char kas bsams pa/ bram ze de gdul ba'i dus yin no snyam nas de de'i gan du song ba dang / bram ze des kyang zhi ba la bsnyen bkur byas nas/ kye bram ze bram ze zhes bram ze tshol bar byed do/ /tshe dang ldan pa 'char kas smras pa/ kho bo bram ze yin no/ /des smras pa/ bram ze ni thor tshugs can yin gyi khyod ni dge sbyong mgo reg yin no/ /tshe dang ldan pa 'char kas smras pa/ 'di ltar kho bo bram ze yin zhing / kho bo'i ston pa yang bram ze'i mchog yin na khyod zhi ba 'di la mngon par dad dam/ des smras pa/ mngon par dad do/ /tshe dang ldan pa 'char kas smras pa/ kwa'i zhi ba smros shig /ji ltar kho bo bram ze yin zhing kho bo'i ston pa yang bram ze'i mchog yin nam/ zhi bas smras pa/ 'phags pa 'char ka de de bzhin te/ khyod ni bram ze lags shing khyod kyi ston pa yang bram ze'i mchog lags so/ /bram ze des bsams pa/ bdag gis yun ring po nas zhi ba la bsnyen bkur byas na 'dis lan 'ga' rmi lam du yang ma bstan na/ btsun pa 'char kas smras na tshig smra bar byed pas kye ma btsun pa 'char ka ni rdzu 'phrul che ba/ mthu che ba yin no snyam nas des smras pa/ btsun pa 'char ka ci'i slad du byon/ khyod nyid gdul ba'i don du'o/ /btsun pa 'char ka de'i slad du 'di nyid du bzhugs te zhal zas kyi bya ba mdzod cig /tshe dang ldan pa 'char ka de nyid du 'dug ste zas kyi bya ba byas pa dang / bram ze de chung ma dang bcas pa tshe dang ldan pa 'char ka'i mdun du chos mnyan pa'i phyir 'dug nas/ tshe dang ldan pa 'char kas de'i bsam pa dang / bag la nyal dang / khams dang rang bzhin khong du chud nas 'di ltar bram ze de chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa bdag gis dge ba'i bshes gnyen btsun pa 'char ka la brten nas btsun pa 'char kas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang dud 'gro dang / yi dags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang chos dang / dge slong gi dge 'dun la skyabs su mchi yis/ bdag dge bsnyen du gzung du gsol/ /deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang / gnas mal dang / bsnyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni gzhan la phan pas rjes su 'dzin pa la zhugs pa yin pas/ bram ze gzhan dag la yang phan pa bya dgos so/ /zhes smras te dang du ma blangs so/ /de nas tshe dang ldan pa 'char kas mnyan yod du bram ze'i khyim dang po gnyi ga nas btul cing bzhag go/ /tshe dang ldan pa 'char kas bsams pa/ gang gdul ba'i dus yin snyam na/ mnyan yod na bram ze zhi ba la dad pa/ zhi ba la bsnyen bkur byed pa zhig 'dug nas tshe dang ldan pa 'char kas bsams pa/ bram ze de gdul ba'i dus yin no snyam nas de de'i gan du song ba dang / bram ze des kyang zhi ba la bsnyen bkur byas nas/ kye bram ze bram ze zhes bram ze tshol bar byed do/ /tshe dang ldan pa 'char kas smras pa kho bo bram ze yin no/ /des smras pa/ mgo reg 'di lta bu bram ze ga la yin/ tshe dang ldan pa 'char kas smras pa/ bram ze ji lta bu yin/ des smras pa/ bram ze ni ral pa can yin no/ /tshe dang ldan pa 'char kas ral pa can du sprul pa dang / ji tsam na bram ze de ngo mtshar skyes nas/ des smras pa/ btsun pa 'char ka ci'i slad du byon/ khyod nyid gdul ba'i don du'o/ /btsun pa 'char ka de'i slad du 'di nyid du bzhugs te zhal zas kyi bya ba mdzod cig / tshe dang ldan pa 'char ka der 'dug ste zas kyi bya ba byas pa dang / bram ze de chung ma dang bcas pa tshe dang ldan pa 'char ka'i mdun du chos mnyan pa'i phyir 'dug nas tshe dang ldan pa 'char kas de'i bsam pa dang / bag la nyal dang / khams dang rang bzhin khong du chud nas 'di ltar bram ze de chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun tu zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa bdag gis dge ba'i bshes gnyen btsun pa 'char ka la brten nas btsun pa 'char kas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang dud 'gro dang / yi dags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa 'char ka bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang / chos dang dge slong gi dge 'dun la skyabs su mchi yis/ bdag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang / gnas mal dang / bsnyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni gzhan la phan pas rjes su 'dzin pa la zhugs pa yin pas bram ze gzhan dag la yang phan pa bya dgos so/ /zhes smras te dang du ma blangs so/ /de na tshe dang ldan pa 'char kas mnyan yod du bram ze'i khyim gnyis pa gnyi ga nas btul cing bzhag go/ /tshe dang ldan pa 'char kas bsams pa/ gang gdul ba'i dus yin snyam na mnyan yod na bram ze ser sna can zhig 'dug pa de'i chung ma nor bu la dga' nas tshe dang ldan pa 'char kas bsams pa/ bram ze de gdul ba'i dus yin no snyam nas/ tshe dang ldan pa 'char ka nor bu mkhan gyi cha lugs su byas te de'i khyim du song nas nor bu su nyo nor bu su nyo zhes byas pa dang / bram ze mo des thos nas des smras pa/ nor bu dag rin ji tsam du 'tshong / tshe dang ldan pa 'char kas smras pa/ nor bu 'di dag rin che mod kyi 'on kyang rin chung ngu'i phyir sbyin no zhes tshe dang ldan pa 'char kas nor bu mkhan gyi cha lugs mi snang bar byas te rang gi cha lugs kyis 'dug pa dang / bram ze de ngo mtshar skyes nas des smras pa/ btsun pa 'char ka ci'i slad du 'dir byon/ khyod nyid gdul ba'i don tu'o/ /btsun pa 'char ka de'i slad du 'di nyid du bzhugs te zhal zas kyi bya ba mdzod cig /tshe dang ldan pa 'char kas der 'dug ste zas kyi bya ba byas pa dang / bram ze de chung ma dang bcas pa tshe dang ldan pa 'char ka'i mdun du chos mnyan pa'i phyir 'dug nas tshe dang ldan pa 'char kas de'i bsam pa dang / bag la nyal dang / khams dang rang bzhin khong du chud nas/ 'di ltar bram ze de chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa bdag gis dge ba'i bshes gnyen btsun pa 'char ka la brten nas btsun pa 'char kas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang / mdza' bshes dang rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang / thar pa'i sgo dag ni phye/ sems can dmyal ba dang / dud 'gro dang yi dags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang / chos dang / dge slong gi dge 'dun la skyabs su mchi yis/ bdag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang / gnas mal dang / bsnyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni gzhan la phan pas rjes su 'dzin pa la zhugs pa yin pas bram ze gzhan dag la yang phan pa bya dgos so/ /zhes smras te dang du ma blangs so/ /de na tshe dang ldan pa 'char kas mnyan yod du bram ze'i khyim gsum pa gnyi ga nas btul cing bzhag go/ /tshe dang ldan pa 'char kas bsams pa/ gang gdul ba'i dus yin snyam na/ mnyan yod na bram ze nad pa zhig 'dug pa de sman pa dag gis sman kha ba dang / tsha ba dang bska ba dag gis yid byung nas des sgo ba la khyod kyis sman pa 'ga' yang nang du ma btang shig ces bsgo nas/ tshe dang ldan pa 'char kas bsams pa/ bram ze de gdul ba'i dus yin no snyam nas/ tshe dang ldan pa 'char ka sman pa'i cha lugs su byas te bram ze de'i khyim sgor sman pa 'ongs so zhes byas te bsdad pa dang / sgo bas smras pa/ kho bo la bram zes khyod kyis sman pa 'ga' yang nang du ma btang shig ces bsgo ste kho bo de nyid kyi phyir bzhag go/ /tshe dang ldan pa 'char kas smras pa/ khyod song la bram ze la sman pa 'ongs te de na re sman yang mi sbyin/ bya dga' yang mi slong bar gsang sngags dag gis sos par bya'o zhes zer ro zhes byos shig /sgo ba song ste bram ze de la de skad rgyas par brjod pa dang / des smras pa/ nang du thong shig /tshe dang ldan pa 'char ka nang du zhugs nas des gsang sngags dag gis de sos par byas nas tshe dang ldan pa 'char kas sman pa'i cha lugs mi snang bar byas te rang gi cha lugs kyis 'dug pa dang / bram ze de ngo mtshar skyes nas des smras pa/ btsun pa 'char ka ci'i slad du 'dir byon/ khyod nyid gdul ba'i don du'o/ /btsun pa 'char ka de'i slad du 'di nyid du bzhugs te zhal zas kyi bya ba mdzod cig /tshe dang ldan pa 'char ka der 'dug ste zas kyi bya ba byas pa dang / bram ze de chung ma dang bcas pa tshe dang ldan pa 'char ka'i mdun du chos mnyan pa'i phyir 'dug nas tshe dang ldan pa 'char kas de'i bsam pa dang / bag la nyal dang / khams dang / rang bzhin khong du chud nas 'di ltar bram ze de chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa bdag gis dge ba'i bshes gnyen btsun pa 'char ka la brten nas btsun pa 'char kas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang yi dags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang chos dang / dge slong gi dge 'dun la skyabs su mchi yis/ bdag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang / gnas mal dang bsnyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni gzhan la phan pas rjes su 'dzin pa la zhugs pa yin pas bram ze gzhan dag la yang phan pa bya dgos so zhes smras te dang du ma blangs so/ /de na tshe dang ldan pa 'char kas mnyan yod du bram ze'i khyim bzhi pa gnyis ga nas btul cing bzhag go/ /tshe dang ldan pa 'char kas bsams pa/ gang gdul ba'i dus yin snyam na/ mnyan yod na bram ze phyug pa nor mang ba/ longs spyod che ba/ yongs su gzung ba yangs shing rgya che ba/ ser sna can mig phra ba/ bya rog la yang gtor ma mi ster ba/ yo byad kun du 'dzin pa zhig 'dug pa de sgo drung na bram ze'i khye'u lnga brgya tsam bram ze'i gsang tshig dag klog tu 'dzud nas/ tshe dang ldan pa 'char kas bsams pa/ bram ze de gdul ba'i dus yin no snyam nas/ tshe dang ldan pa 'char kas gdul ba la ltos pas yang dang yang du der bsod snyoms la zhugs na/ des der lan 'ga' yang bsod snyoms ma thob nas/ de de nas phyir byung ba bram ze des mthong nas/ des smras pa/ kye dge sbyong khyod yang dang yang du der 'jug na rnyed pa cung zad yod dam/ tshe dang ldan pa 'char kas de'i dad pa'i nor las bsams te smras pa/ bram ze khyod nyid la yang med na ci zhig sbyin par byed/ bram ze des spyos te smras pa/ dge sbyong khyod khyim mi dang bcas pa thams cad la sbyin par bya'o/ /tshe dang ldan pa 'char kas thabs yin no zhes smras te song ngo / /de na bram ze'i khye'u dge slong gi rgyus shes pa zhig gis bram ze de la smras pa/ mkhan pos de dag gi thabs yin no zhes bgyi ba de'i don ci lags mkhyen tam/ des smras pa/ mi shes so/ /skol gyis dang du blangs so zhes smras pa gang lags pa de'i don ni de dag gi thabs yin no zhes smras pa de lags so/ /des yang smras pa/ mkhan pos de dag gi khyim mi dang bcas pa thams cad ces bgyi ba de'i don ci lags mkhyen tam/ des smras pa/ mi shes so/ /de dag gi khyim mi dang bcas pa thams cad ces bgyi ba ni rgyal rigs dge sbyong gau ta ma 'khor stong nyis brgya lnga bcu dang bcas pa lags te/ de ltar na mkhan pos don gyis sangs rgyas la sogs pa dge slong gi dge 'dun spyan drangs par gyur to/ /bram ze des smras pa/ kho bos bram ze rig byed gsum dang ldan pa dag ma mthong ngam ci na gang gi phyir dge sbyong mgo reg dag la sbyin par byed/ des smras pa/ dge sbyong des deng mkhan po'i mtshan gyis sangs rgyas la sogs pa dge slong gi dge 'dun sang mkhan po'i sdum par spyan 'dren par bgyid do/ /bram zes smras pa/ ci'i phyir de de ltar byed/ des smras pa/ mkhan po gal te bdag la thugs mi ches na bram ze'i khye'u zhig rtog tu gtang du gsol des bram ze'i khye'u zhig rtog tu btang ba dang / ji tsam na tshe dang ldan pa 'char kas sangs rgyas la sogs pa dge slong gi dge 'dun tshogs pa na rgan pa'i mtha' logs su 'dug ste/ bram ze che ge mo zhig sangs rgyas la sogs pa dge slong gi dge 'dun khyim gzhan du gdugs tshod la spyan 'dren no zhes bram ze de'i ming gis sangs rgyas la sogs pa dge slong gi dge 'dun khyim gzhan du spyan drangs pa des thos so/ /bram ze'i khye'u des de thos nas phyir 'ongs te bram ze de la smras pa/ mkhan po de bzhin te/ btsun pa 'char kas mkhan po'i mtshan gyis sangs rgyas la sogs pa dge slong gi dge 'dun sang mkhan po'i sdum par spyan drangs kyis zhal zas sta gon bgyid du stsol cig /des smras pa/ kho bos bram ze rig byed gsum dang ldan pa dag ma mthong ngam ci na/ gang gi phyir dge sbyong mgo reg dag la sbyin par byed/ de dag khyim bdag mgon med zas sbyin gyi khyim du za bar 'gyur grang / ji tsam de nang par langs pa dang / dge slong chu'i gtsang sbyor dag bram ze de'i khyim du lhags te smras pa/ bram ze chu gang du gzhag par bya/ bram ze des smras pa/ khyim bdag mgon med zas sbyin gyi sdum par ro/ /de bzhin du bshos kyi gtsang sbyor dag lhags te smras pa/ bram ze zhal zas gang du brtag par bya/ bram ze des smras pa/ khyim bdag mgon med zas sbyin gyi sdum par ro/ /bcom ldan 'das kyis gang gi ngor mgron du bos pa des dus sngar 'gro bar bya zhing ma zin pa dag zin par bya'o zhes bka' stsal pas/ tshe dang ldan pa 'char ka nang par sngar langs te 'phags pa dang / khyim bdag mgon med zas sbyin gyis lam kar de mthong nas smras pa/ btsun pa 'char ka gar bzhud/ des smras pa/ bram ze zhig gis bdag las brten te sangs rgyas la sogs pa dge slong gi dge 'dun khyim gzhan du gdugs tshod la spyan drangs pas der 'gro'o/ /khyim bdag gis smras pa/ bram ze de ni ma dad pa lags kyis sangs rgyas la sogs pa dge slong gi dge 'dun gyi gdugs tshod bcad par gyur na mi rung gis bdag kyang mchi'o/ /de gnyis der dong ba dang / ji tsam na bram ze de snying las chung ngur 'dug nas/ khyim bdag mgon med zas sbyin gyis de la smras pa/ bram ze khyod kyis sangs rgyas la sogs pa dge slong gi dge 'dun khyim gzhan du gdugs tshod la spyan drangs na ci'i phyir snying las chung ngur 'dug /zhal zas sta gon byed na ci nyes/ bram ze des smras pa/ kho bos bram ze rig byed gsum dang ldan pa dag ma mthong ngam ci na/ dge sbyong mgo reg dag la sbyin par byed/ khyod bdag gi khyim du zan zo cig /khyim bdag gis smras pa/ bram ze ci kho bo la 'byor pa med snyam 'am/ kho bos sangs rgyas la sogs pa dge slong gi dge 'dun la ji srid 'tsho'i bar du bsod snyoms dang / na bza' dang / gnas mal dang / bsnyung ba'i rkyen dang / sman gyi yo byad dag gis bsnyen bkur byed par yang spro mod kyi 'on kyang kho bo khyod la phan gdags pa'i phyir smras/ khyed snying las chung ngur ma 'dug par zhal zas sta gon gyis shig /'di ltar sangs rgyas la sogs pa dge slong gi dge 'dun ni ko sa lar byung ba'i rgyal po gsal rgyal dang / btsun mo phreng ldan ma dang / rgyal rigs dbyar tshul ma dang / bla mkhyen drang srong byin dang / rnying pa dang kho bo dang / gzhan yang bram ze dang / khyim bdag rgya che dgu dag gis bkur stir byas/ bla mar byas/ ri mor byas/ mchod par byas pa yin pas gal te khyod la brten nas sangs rgyas la sogs pa dge slong gi dge 'dun gdugs tshod bcad par gyur na/ khyod la rgyal po gdon mi za bar gnod pa byed par 'gyur zhing khyod phyag sbal du bcug pas 'chi dgos par 'gyur ba gang yin pa de lta bu'i gnas kyang yod par 'gyur ro/ /bram ze de skrag ste bsams pa/ de ltar 'gyur ro snyam nas des smras pa/ khyim bdag bdag gis zhal zas sta gon ma byas na da ji ltar bya/ khyim bdag gis smras pa/ bram ze mnyan yod na gang nyo bas mi rnyed pa'i rdzas de lta bu med kyis kar sha pa ṇa dag 'on cig dang kho bos zhal zas sta gon bya'o/ /bram zes smras pa/ khyim bdag kar sha pa ṇa ji snyed dag gis sangs rgyas la sogs pa dge slong gi dge 'dun gyi gdugs tshod 'byor par 'gyur/ khyim bdag gis smras pa/ kar ṣā pa ṇa lnga brgyas so/ /bram ze des khyim bdag la kār ṣā pa ṇa lnga brgya phul nas/ khyim bdag mgon med zas sbyin gyis de dag gi steng du kar sha pa ṇa gzhan dag gis kyang bsnan te zhal zas sta gon byas so/ /bram ze des smras pa/ khyim bdag bdag la sang sder dag kyang mi bdog go/ /khyim bdag mgon med zas sbyin gyis smras pa/ bram ze khyod sang sder dag gis ma 'tsher bar snying las chung ngur 'dug shig dang / de dag drang srong gi snod dang bcas te gshegs par 'gyur ro/ /de nas sangs rgyas la sogs pa dge slong gi dge 'dun gshegs te bzhugs nas dge slong rnams kyis lhung bzed dag byi dor byas pa bram ze des mthong nas des bsams pa/ re shig snod dag kyang bdag gis byi dor bya mi dgos so snyam nas de mngon par dad par gyur te/ tshe dang ldan pa 'char ka la smras pa/ btsun pa 'char ka khyod bdag gi dge ba'i bshes gnyen lags kyis khyod kyis kyang brim pa mdzod la slad kyis bshos gsol cig /sangs rgyas la sogs pa dge slong gi dge 'dun gsol nas bcom ldan 'das kyis yon bshad pa mdzad de gdan las bzhengs te gshegs so/ /de nas bram ze des smras pa/ btsun pa 'char ka da khyod bzhugs te zhal zas kyi bya ba mdzod cig /de 'dug pa dang bram ze des zas brims te des zas kyi bya ba byas pa dang / bram ze de chung ma dang bcas pa tshe dang ldan pa 'char ka'i mdun du chos mnyan pa'i phyir 'dug nas/ tshe dang ldan pa 'char kas de'i bsam pa dang / bag la nyal dang / khams dang rang bzhin khong du chud nas/ 'di ltar bram ze de chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa bdag gis dge ba'i bshes gnyen btsun pa 'char ka la brten nas/ btsun pa 'char kas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang yi dags dag nas ni rkang pa phyung lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang / chos dang / dge slong gi dge 'dun la skyabs su mchi yis/ bdag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang / gnas mal dang / bsnyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni gzhan la phan pas rjes su 'dzin pa la zhugs pa yin pas/ bram ze gzhan dag la yang phan pa bya dgos so/ /zhes smras te dang du ma blangs so/ /de na tshe dang ldan pa 'char kas mnyan yod du bram ze'i khyim lnga pa gnyi ga nas btul cing bzhag go/ /tshe dang ldan pa 'char kas bsams pa/ gang gdul ba'i dus yin snyam na/ mnyan yod na bram ze zhig 'dug pa de'i chung ma gzugs bzang ba/ blta na sdug pa mdzes pa yin nas de de la shin du lhag par chags pas khyim du 'ga' yang 'jug tu mi ster nas/ tshe dang ldan pa 'char kas bsams pa/ bram ze de gdul ba'i dus yin no snyam nas/ de bram ze de'i khyim du song ba dang / ji tsam na bram ze de gcin gci zhing 'dug pas tshe dang ldan pa 'char ka mthong nas des smras pa/ dge sbyong ma 'jug par sdod cig /tshe dang ldan pa 'char kas 'di ltar bram ze'i gcin gyi rgyun mi 'chad pa de ltar byin gyis brlabs nas/ tshe dang ldan pa 'char ka nang du zhugs te bram ze de'i chung ma de yang 'di ltar de'i lto na nang grol gang dag yod pa de dag thams cad phyi rol nas snang ba de ltar byin gyis brlabs nas tshe dang ldan pa 'char ka phyir byung ba dang / bram ze des smras pa/ btsun pa 'char ka khyod kyis bdag gi mchis brang gzigs sam/ des smras pa/ mthong ngo / /ci 'dra khyod kyis ji ltar mthong bar gyur pa de 'dra'o/ /de zhugs te bltas na de ltar mi sdug par mthong nas des de la smras pa/ bram ze mo khyod kyis btsun pa 'char ka la cung zhig ma smras sam/ des smras pa/ cung zad kyang ma smras te/ 'di ltar des bdag spyos te dmod mo bgyis kyis bzhud la de la bzod pa gsol cig /de song ste smras pa/ btsun pa 'char ka bdag gi mchis brang la bzod pa mdzad du gsol/ tshe dang ldan pa 'char kas smras pa/ bzod par bya'o/ /des de sngon ji lta ba bzhin du gyur pa dang / bram ze de dad par gyur nas des smras pa/ btsun pa 'char ka ci'i slad du byon/ khyod nyid gdul ba'i don tu'o/ /btsun pa 'char ka de'i slad du 'di nyid du bzhugs te zhal zas kyi bya ba mdzod cig /tshe dang ldan pa 'char ka der 'dug ste zas kyi bya ba byas pa dang / bram ze de chung ma dang bcas pa tshe dang ldan pa 'char ka'i mdun du chos mnyan pa'i phyir 'dug nas/ tshe dang ldan pa 'char kas de'i bsam pa dang / bag la nyal dang / khams dang rang bzhin khong du chud nas 'di ltar bram ze de chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa bdag gis dge ba'i bshes gnyen btsun pa 'char ka la brten nas btsun pa 'char kas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang / thar pa'i sgo dag ni phye/ sems can dmyal ba dang dud 'gro dang / yi dags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun tu zhugs pa'i 'bras bu ni thob ste/ btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang / chos dang dge slong gi dge 'dun la skyabs su mchi yis/ bdag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang / gnas mal dang / bsnyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni gzhan la phan pas rjes su 'dzin pa la zhugs pa yin pas bram ze gzhan dag la yang phan pa bya dgos so zhes smras te dang du ma blangs so/ /de na tshe dang ldan pa 'char kas mnyan yod du bram ze'i khyim drug pa gnyi ga nas btul cing bzhag go/ / tshe dang ldan pa 'char kas bsams pa/ gang gdul ba'i dus yin snyam na/ mnyan yod na bram ze zhig 'dug pa de'i chung ma gzugs bzang ba/ blta na sdug pa/ mdzes pa yin te/ bram ze de me tog dang / yam sreg shing gi phyir phyi rol du byung ba dang / tshe dang ldan pa 'char kas bsams pa/ bram ze de gdul ba'i dus yin no snyam nas/ de bram ze'i khyim du song ba dang de'i chung ma des tshe dang ldan pa 'char ka sgo khang du mthong nas de nang du zhugs pa dang / tshe dang ldan pa 'char ka yang khyim gyi nang du zhugs so/ /de gnas khang du zhugs pa dang / tshe dang ldan pa 'char ka yang de'i phyi bzhin gnas khang du zhugs so/ /de gnas khang nas phyir byung ste skas las khang steng du 'dzeg par brtsams pa dang / tshe dang ldan pa 'char kas kyang de'i phyi bzhin skas las khang steng du 'dzeg par brtsams so/ /des skas phul ba dang / tshe dang ldan pa 'char ka sa la sgyel nas de 'gog pa la snyoms par zhugs pa dang / des bsams pa/ ma shi 'am snyam nas de babs te bslang bar brtsams na 'gul bar yang ma nus so/ /bram ze 'ongs nas dris pa/ 'di ci yin/ bram ze mos rgyas par brjod pa dang / des smras pa/ khyod kyis 'di de ltar phul ba ni ma legs pa byas te/ 'di ni bram ze mdun na 'don gyi bu las rab tu byung ba/ rgyal po gsal rgyal gyi chung po grogs/ btsun mo phreng ldan ma'i slob dpon yin te/ 'di dag gis rgyal po las gzhon nu'i yongs su spang ba thob pas bdag cag rgyal pos phyag sbal du bcug pas 'chi bar bya dgos pa gang yin pa de lta bu'i gnas yod par 'gyur ro/ /bram ze mos tshe dang ldan pa 'char ka'i rkang pa gnyis la gtugs te/ 'phags pa khyod kyis mi mkhyen pa dang / mi gzigs pa dang / mi rig pa dang / rnam par mi mkhyen pa ci yang ma mchis kyis bzod par gsol zhes bzod pa gsol ba dang / tshe dang ldan pa 'char ka langs te smras pa/ bzod par bya'o/ /bram ze de ngo mtshar skyes nas des smras pa/ btsun pa 'char ka ci'i slad du byon/ khyod nyid gdul ba'i don du'o/ /btsun pa 'char ka de'i slad du 'di nyid du bzhugs te zhal zas kyi bya ba mdzod cig /tshe dang ldan pa 'char kas der 'dug ste zas kyi bya ba byas pa dang / bram ze de chung ma dang bcas pa tshe dang ldan pa 'char ka'i mdun du chos mnyan pa'i phyir 'dug nas tshe dang ldan pa 'char kas de'i bsam pa dang / bag la nyal dang / khams dang rang bzhin khong du chud nas 'di ltar bram ze de chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa bdag gis dge ba'i bshes gnyen btsun pa 'char ka la brten nas/ btsun pa 'char kas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang yi dags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang chos dang / dge slong gi dge 'dun la skyabs su mchi yis/ bdag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang / gnas mal dang / bsnyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni gzhan la phan pas rjes su 'dzin pa la zhugs pa yin pas bram ze gzhan dag la yang phan pa bya dgos so zhes smras te dang du ma blangs so/ /de nas tshe dang ldan pa 'char kas mnyan yod du bram ze'i khyim bdun pa gnyi ga nas btul cing bzhag go/ /tshe dang ldan pa 'char kas bsams pa/ gang gdul ba'i dus yin snyam na/ mnyan yod na bram ze zhig 'dug pa de'i chung ma gzugs bzang ba/ blta na sdug pa/ mdzes pa yin te/ bram ze de me tog dang / yam sreg shing gi phyir phyi rol du byung ba dang / tshe dang ldan pa 'char kas bsams pa/ bram ze de gdul ba'i dus yin no snyam nas/ de bram ze de'i khyim du song ba dang / bram ze mo de gzugs kyi rgyags pa dang / lang tsho'i rgyags pa dang / rigs kyi rgyags pa dang / dbang phyug gi rgyags pas rgyags nas tshig kyang mi ster ro/ /tshe dang ldan pa 'char kas de'i sngon gyi las zad pa las bsams nas tshigs su bcad pa smras pa/ sring mo rnying pa za byed cing / /sar pa chung zad skyed mi byed/ /bag med brgyan pa mthong nas ni/ /mchi mas brnangs pa'i bzhin gyis ngu / /zhes smras te song ngo / /bram ze mo de 'dis bdag spyos so zhes gshe zhing des gos dri ma can gyon te khri zhigs pa'i steng du nyal te 'dug go/ /bram ze de 'ongs pa dang / des de mthong nas smras pa/ bram ze mo 'di ci nyes/ bram ze mos gshes te smras pa/ gal te khyod la gang sgo na 'greng ba'i mi gcig la yang bza' ba dang / bgo ba sbyin pa'i 'byor pa med na khyod la khyim mi mo blangs pas ci bya/ dge sbyong 'char ka gang yin pa des kho mo spyos so/ /bram zes smras pa/ bzang mo de ni bram ze mdun na 'don gyi bu las rab tu byung ba yin gyis de la bzod par gyis shig /bram ze mos smras pa/ gal te de gson na kho mo mi gson no/ /bram zes smras pa/ bzang mo de ni ko sa lar byung ba'i rgyal po gsal rgyal gyi chung po grogs/ btsun mo phreng ldan ma'i slob dpon yin te/ de dag gis rgyal po las gzhon nu'i yongs su spang ba thob pas gal te bdag gis de la sdug bsngal cung zad bskyed par gyur na/ bdag cag rgyal pos phyag sbal du bcug pas 'chi bar bya dgos pa gang yin pa de lta bu'i gnas yod par 'gyur gyis bzod par gyis shig /bram ze mos smras pa/ bram ze mang du smras te ci rung / gal te de gson na kho mo mi gson no/ /'dod pa sten pas ni sdig pa'i las mi bya ba ci yang med pas bram ze de ral gri mchan du bcug ste/ 'phags pa dang / tshe dang ldan pa 'char kas thag ring po kho na nas de mthong na/ de sems ji lta bus 'ong snyam na/ ji tsam na gsod pa'i sems kyis 'ong bar mthong nas/ tshe dang ldan pa 'char kas lo ma ma yin pa'i spyil bu mngon par sprul nas der zhugs te 'dug go/ /bram ze des smras pa/ btsun pa 'char ka sgo phye shig /tshe dang ldan pa 'char kas smras pa/ khyod skyes bzang pos 'ongs par gyur na/ kho bos ci'i phyir sgo mi dbye/ ral gri bor cig /bram zes bsams pa/ bgags te gsad do snyam nas des ral gri bor ro/ /tshe dang ldan pa 'char kas smras pa/ sdig pa'i sems de yang bor cig /bram ze des bsams pa/ 'di ni bdag nyid chen po zhig ste/ bdag gi sems kyang shes so snyam nas de mngon par dad par gyur pa dang / tshe dang ldan pa 'char kas rdzu 'phrul mngon par 'du bya ba de phyir bsdus nas de bzhin du 'dug go/ /bram ze des tshe dang ldan pa 'char ka'i rkang pa gnyis la phyag 'tshal te chos mnyan pa'i phyir mdun du 'dug pa dang / tshe dang ldan pa 'char kas de'i bsam pa dang / bag la nyal dang / khams dang / rang bzhin khong du chud nas/ 'di ltar bram ze des stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa bdag gis dge ba'i bshes gnyen btsun pa 'char ka la brten nas btsun pa 'char kas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang yi dags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang chos dang / dge slong gi dge 'dun la skyabs su mchi yis/ bdag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /de nas bram ze des smras pa/ btsun pa 'char ka khyod bdag gi sdum par byon tam/ son to/ /btsun pa 'char kas bdag gi bram ze mo la ji skad bka' stsal/ tshe dang ldan pa 'char kas smras pa/ kho bos de la 'di skad ces/ sring mo rnying pa za byed cing / /sar pa cung zad skyed mi byed/ /bag med brgyan pa mthong nas ni/ /mchi mas brnangs pa'i bzhin gyis ngu / /zhes smras so/ /btsun pa tshigs su bcad pa de'i don ci lags/ bram ze sngon byung ba 'das pa'i dus na ri brags shig tu dus ston byung nas/ de na khyim bdag gi chung ma rab tu mang po dag rang gi rgyan dag gis brgyan te skyed mos tshal gyi sar dong ba de dag grong sprang mo zhig gis mthong nas de bdag nyid rgud pa'i mya ngan byed do/ /sangs rgyas rnams 'byung ba med pa'i tshe rang sangs rgyas dman pa dang / bkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur pa dag 'jig rten du byung ngo / /rang sangs rgyas shig de la phan gdags pa'i phyir phyogs der song ba dang / de'i lus mdzes pa dang / sems mdzes pa grong sprang mo des mthong nas des sprang zan cung zad cig rnyed pa dang / des bsams pa/ bdag gis sbyin gnas 'di lta bu la mchod pa ma byas pas des na gnas skabs 'di lta bur gyur gor ma chag gis/ gal te bcom ldan 'das 'di bdag las bsod snyoms cung zad len par 'gyur na bdag gis 'di la dbul bar bya'o snyam mo/ /rang sangs rgyas des de la snying brtse ba'i phyir lhung bzed bzed pa dang / des de la phul lo/ /rang sangs rgyas de de la snying brtse bas ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod par byed pa yin pas de shing ljon pa rtsa ba nas bcad pa bzhin du rang sangs rgyas de'i rkang pa gnyis kyi drung du 'gyel nas/ des smon lam 'di skad ces bdag las 'di'i rnam par smin pas nam yang sdug bsngal bar ma gyur cig ces btab bo/ /bram ze de'i tshe de'i dus na grong sprang mo gang yin pa de ni khyod kyi chung ma de yin te/ des rang sangs rgyas la mchod pa byas pa'i las de'i rnam par smin pas da ltar 'di lta bur skyes te kho bos de'i las kyi rnam par smin pa de zad pa las bsams nas 'di skad ces/ sring mo rnying pa zad byed cing / /sar pa cung zad skyed mi byed/ /bag med brgyan pa mthong nas ni/ /mchi mas brnangs pa'i bzhin gyis ngu / /zhes smras so/ /btsun pa 'char kas don gyis na bdag gi mchis brang la bskul ba mdzad do/ /btsun pa 'char kas sang bdag gi sdum par gdugs tshod gsol bar ci gnang / tshe dang ldan pa 'char kas bram ze de la cang mi smra bas dang du blangs so/ /de nas bram ze des tshe dang ldan pa 'char kas cang mi smra bas dang du blangs par rig nas song ngo / /bram ze mo de yang 'gyod pa skyes te bdag gis bram ze 'char ka sod cig ces mngags pa ni ma legs pa byas te bram ze des btsun pa 'char ka bsad par ma gyur tam snyam mo/ /bram ze de 'ongs pa dang chung mas smras pa/ rje'i sras khyod kyis btsun pa 'char ka ma bkrongs sam/ bram zes smras pa/ de ni bdag nyid chen po yin pas su zhig gis bkrongs par nus/ chung mas smras pa/ 'o na khyod kyis de spyan ma drangs sam/ bram zes smras pa/ kho bos sang khyim gzhan du gdugs tshod la spyan drangs kyis zhal zas sta gon gyis shig /bram ze mo des zhal zas grang cha gang dag yin pa de dag ni de nyid kyi nyin mo sta gon byas/ drod bag gang dag yin pa de dag ni phyi de nyin par sta gon byas so/ /tshe dang ldan pa 'char ka yang phyi de nyin par snga dro sham thabs bgos chos gos dang lhung bzed thogs te bram ze de'i khyim ga la ba der song nas phyin pa dang / stan bshams pa nyid la 'dug go/ /de nas bram ze de chung ma dang bcas pas tshe dang ldan pa 'char ka bde bar 'dug par rig nas bca' ba dang bza' ba gtsang zhing bsod pas rang gi lag nas tshim par byed/ stobs par byed do/ /rnam grangs du mar bca' ba dang bza' ba gtsang zhing bsod pas rang gi lag nas tshim par byas shing bstabs nas/ tshe dang ldan pa 'char ka zan zos shing / lag pa bsnyal lhung bzed bzhag par rig nas stan ches dma' ba zhig blangs te tshe dang ldan pa 'char ka'i mdun du chos mnyan pa'i phyir 'dug pa dang / tshe dang ldan pa 'char kas bram ze mo de'i bsam pa dang / bag la nyal dang / khams dang / rang bzhin khong du chud nas 'di ltar bram ze mo des stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa bdag gis dge ba'i bshes gnyen btsun pa 'char ka la brten nas/ btsun pa 'char kas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang yi dags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang / chos dang dge slong gi dge 'dun la skyabs su mchi yis/ bdag dge bsnyen mar gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang / gnas mal dang bsnyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni gzhan la phan pas rjes su 'dzin pa la zhugs pa yin pas bram ze gzhan dag la yang phan pa bya dgos so zhes smras te dang du ma blangs so/ /de na tshe dang ldan pa 'char kas mnyan yod du bram ze'i khyim brgyad pa gnyi ga nas btul cing bzhag go/ /tshe dang ldan pa 'char kas bsams pa/ gang gdul ba'i dus yin snyam na/ mnyan yod na bram ze phyug pa/ nor mang ba/ longs spyod che ba/ yongs su gzung ba yangs shing rgya che ba/ ser sna can mig phra ba/ bya rog la yang gtor ma mi ster ba/ yo byad kun du 'dzin pa zhig 'dug pa des ri brags shig tu zhing blas kyi mtha' rmor bcug nas/ des bang ba dag rgyas btab ste chung ma la lto rgyags tsam byin nas ri brags der song ste rang gis zhal ta byas nas zhing blas kyi mtha' dag byed du 'dzud do/ / tshe dang ldan pa 'char kas bsams pa/ bram ze de gdul ba'i dus yin no snyam nas/ des bsod snyoms brgyus te/ bram ze de'i khyim du song nas des smras pa/ bram ze mo lhung bzed kyi chu bslang ngo / /des de la 'bras can phul ba dang / phru ba de de bzhin du gang bar 'dug go/ /bram ze mos smras pa/ 'phags pa bdag gi khyim thab ser sna can/ mig phra ba bya rog la yang gtor ma mi ster ba/ yo byad kun du 'dzin pa lags kyis slan chad ma byon cig /tshe dang ldan pa 'char kas smras pa/ thabs yin gyis sang kho bo bdag nyid dang gnyis 'ong ngo / /tshe dang ldan pa 'char ka phyi de nyin par bdag nyid dang gnyis der song ba dang / des de la de bzhin du 'bras can phul lo/ /de bzhin du bdag nyid dang drug bcu'i bar du nyin re lan re song ste bram ze'i khyim der bsod snyoms zos pa dang / ngos kyi sdum tshes dag shes ldan dag ltos shig /bram ze des lag pas bcal ba brgya dag gis longs spyod dag bsgrubs na/ de dag bram ze mo des shākya'i bu'i dge sbyong dag dang lhan cig za bar byed do zhes smod par byed/ phyar ka gtong bar byed/ kha zer bar byed do/ /bram ze'i khye'u zhig bya ba 'ga' zhig la mnyan yod nas ri brags der song ba dang / bram ze des bram ze'i khye'u de thag ring po kho na nas mthong nas des bram ze'i khye'u de la dris pa/ bram ze'i khye'u khyod ga las 'dir 'ongs des smras pa/ mnyan yod nas so/ /khyod kyis kho bo'i khyim gyi gtam thos sam/ thos te/ mnyan yod na khyim bdag mgon med zas sbyin gyi khyim ni shākya'i bu'i dge sbyong dag gi khyim dang po lags so/ /mkhan po'i khyim ni shākya'i bu'i dge sbyong dag gi khyim gnyis pa lags te/ shākya'i bu'i dge sbyong drug bcu nyin re lan re mchis te bsod snyoms 'tshal lo/ /bram ze des bsams pa/ 'dis kho bo ser sna can la tho 'tsham par byed kyis gzhan la yang dri bar bya'o snyam nas/ de lam gar song ste bsdad pa dang / ji tsam na bram ze'i khye'u gzhan zhig bya ba 'ga' zhig la mnyan yod nas ri brags der song ba dang / bram ze des bram ze'i khye'u de thag ring po kho na nas mthong nas/ des bram ze'i khye'u de la dris pa/ bram ze'i khye'u khyod ga las 'dir 'ongs/ des smras pa/ mnyan yod nas so/ /khyod kyis kho bo'i khyim gyi gtam thos sam/ thos te/ mnyan yod na khyim bdag mgon med zas sbyin gyi khyim ni shākya'i bu'i dge sbyong dag gi khyim dang po lags so/ /mkhan po'i khyim ni shākya'i bu'i dge sbyong dag gi khyim gnyis pa lags te/ shākya'i bu'i dge sbyong drug bcu nyin re lan re mchis te/ bsod snyoms 'tshal lo/ /bram ze des bsams pa/ de dang 'di 'thun pas de ltar gyur gyis bram ze mo des longs spyod dag zos par gyur na mi rung gis 'gro'o snyam mo/ /de nas bram ze de phyir 'ongs te bram ze mo de la smras pa/ bram ze mo ngan pa kho bos lag pas gzhal ba brgya dag gis longs spyod dag bsgrubs na/ khyod de dag shākya'i bu'i dge sbyong dag dang lhan cig za bar byed dam/ khyod kyis bram ze rig byed gsum dang ldan pa dag ma mthong ngam ci na/ dge sbyong mgo reg de dag la sbyin par byed ces des de brdeg par brtsams pa dang / des smras pa/ bram ze khyod kyis kho mo la gtad pa'i bang ba dag kho mos rgya nyams par byas sam/ ci je so sor rtogs shig /bram ze des bang ba dag so sor brtags pa dang / ji tsam na de bzhin du rgya ma nyams par 'dug pa dag mthong nas/ des chung ma la smras pa/ khyod kyis zas de snyed ga las rnyed/ des smras pa/ bdag gi phru ba 'dir 'bras can dang / sran tshod btsos na 'bras chan des dge slong drug bcu dang bdag kyang 'drangs par gyur to/ /bram ze des smras pa/ ci'i phyir de ltar gyur/ des smras pa/ bdag gis khyod kyi mngon sum du 'gyur bar bya'o zhes des phyi de nyin par tshe dang ldan pa 'char ka bdag nyid dang drug bcu der 'ongs pa la de bzhin du bsod snyoms phul nas des smras pa/ bram ze khyod kyis mthong ngam/ bram ze de mngon par dad par gyur nas/ des smras pa/ btsun pa 'char kas sang bdag gi sdum par gdugs tshod gsol bar ci gnang / tshe dang ldan pa 'char kas smras pa/ bram ze ci 'di 'dra bas sam/ 'on te zas yang dag pas mgron du 'bod/ bshos yang dag pas spyan 'dren to/ /tshe dang ldan pa 'char kas bram ze de la cang mi smra bas dang du blangs te song ngo / /de nas bram ze des tshe dang ldan pa 'char kas cang mi smra bar dang du blangs par rig nas/ de nyid kyi mtshan mo bca' ba dang bza' ba gtsang zhing bsod pa dag sta gon byas so/ /tshe dang ldan pa 'char ka yang phyi de nyin par snga dro sham thabs bgos lhung bzed dang chos gos thogs te bram ze'i khyim ga la ba der song ste phyin nas stan bshams pa nyid la 'dug go/ /de nas bram ze des tshe dang ldan pa 'char ka bde bar 'dug par rig nas bca' ba dang bza' ba gtsang zhing bsod pas rang gi lag nas tshim par byed/ stobs par byed do/ /rnam grangs du mar bca' ba dang bza' ba gtsang zhing bsod pas rang gi lag nas tshim par byas shing bstabs nas/ tshe dang ldan pa 'char ka zan zos shing lag pa bsnyal lhung bzed bzhag par rig nas/ stan ches dma' ba zhig blangs te tshe dang ldan pa 'char ka'i mdun du chos mnyan pa'i phyir 'dug go/ /tshe dang ldan pa 'char kas de'i bsam pa dang bag la nyal dang / khams dang rang bzhin khong du chud nas 'di ltar bram ze de chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa bdag gis dge ba'i bshes gnyen btsun pa 'char ka la brten nas btsun pa 'char kas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang dud 'gro dang / yi dags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang chos dang dge slong gi dge 'dun la skyabs su mchi yis/ bdag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang gnas mal dang / bsnyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni gzhan la phan pas rjes su 'dzin pa la zhugs pa yin pas bram ze gzhan dag la yang phan pa bya dgos so zhes smras te dang du ma blangs so/ /de na tshe dang ldan pa 'char kas mnyan yod du bram ze'i khyim dgu pa gnyi ga nas btul cing bzhag go/ //'dul ba rnam par 'byed pa/ bam po drug bcu rtsa bdun pa/ tshe dang ldan pa 'char kas bsams pa/ gang gdul ba'i dus yin snyam na/ mnyan yod na bram ze zhig 'dug pa des rigs mnyam pa las chung ma b langs nas/ de de dang lhan cig rtse bar byed/ dga' bar byed/ dga' mgur spyod par byed do/ /de la bu zhig byung nas de bsrings shing bskyed de chen por gyur to/ /de'i chung ma de gtum pa/ brlang ba/ rtsub pa/ rgya ba/ gshe ba/ spyo ba zhig yin pas rtag tu ngos kyi sdum tshes dag dang lhan cig thab krol byed nas/ de'i ming gtum mo gtum mo zhes bya bar gyur to/ /dus gzhan zhig na mnyan yod du dus ston byung nas bram ze des bu la smras pa/ bu khyod kyi ma 'di gtum pas gzhan dag dang lhan cig 'thab krol byed pas bdag cag khri mon du bcug pas 'chi bar bya dgos pa gang yin pa de lta bu'i gnas yod par 'gyur gyis/ re shig dus ston thal gyi bar du ri brags gzhan du 'dong zhing 'khod la de'i 'og tu phyir 'ong bar byas/ khyod song la ma la dris shig /bu des ma la smras pa/ yum bdag bgyi ba chung zhig gi slad du ri brags ga ge mo zhig tu mchi'o/ /gtum mos smras pa/ gang du kho mo'i dang po'i gos song ba der song shig / bram zes kyang smras pa/ kho bo yang 'gro'o/ /gtum mos smras pa/ gang nas yang phyir mi 'ong ba der song shig /de gnyis dong ba dang / gtum mos bu mo mngag gzhug ma la smras pa/ bu mo khur slang tshugs shig dang / je snog zan bya'o/ / des khur slang btsugs te khur ba dag bya bar brtsams pa dang / tshe dang ldan pa 'char kas bsams pa/ gtum mo de gdul ba'i dus yin no snyam nas de snga dro sham thabs bgos lhung bzed dang chos gos thogs te mnyan yod du bsod snyoms la zhugs nas/ de mthar gyis bsod snyoms la rgyu ba na gtum mo'i khyim du 'jug par brtsams pa dang / de 'jug pa gtum mos mthong nas des bu mo mngag gzhug ma la smras pa/ bu mo dge sbyong 'di bskrod cig /des bskrad pa dang tshe dang ldan pa 'char ka ches dang por nang du zhugs shing bu mo mngag gzhug ma phyis zhugs so/ /de gtum mos yang mthong nas des bu mo mngag gzhug ma la smras pa/ bu mo khyod kyis dge sbyong 'di ma bskrad dam/ des smras pa/ bskrad do/ /'o na 'di ga las zhugs/ yang skrod la sgo chod cig /des de bskrad de sgo bcad nas zhugs pa dang / tshe dang ldan pa 'char ka ches dang por zhugs so/ /de gtum mos yang mthong nas des bu mo mngag gzhug ma la smras pa/ bu mo khyod kyis dge sbyong 'di bskrad de sgo ma bcad dam/ des smras pa/ bskrad de sgo bcad do/ /'o na 'di gang nas zhugs/ de nas gtum mos smras pa/ dge sbyong ci slong / tshe dang ldan pa 'char kas smras pa/ khur ba'o/ /gtum mos smras pa/ khyod bu thu bor gyur te 'ongs na khyod la khur ba ci'i phyir mi sbyin/ tshe dang ldan pa 'char kas bu thu bor sprul te 'ongs pa dang / gtum mos smras pa/ gal te lag pa dang rkang pa dag ser por byas kyang khyod la khur ba mi sbyin no/ /tshe dang ldan pa 'char kas lag pa dang rkang pa dag ser por sprul pa dang / gtum mos smras pa/ gal te mig gnyis khar phor lta bur lta na yang khyod la khur ba mi sbyin no/ /tshe dang ldan pa 'char kas mig gnyis khar phor lta bur sprul pa dang / gtum mos smras pa/ gal te nam mkha' la dril bu bzhin du khra la la 'khrol zhing 'dug na yang khyod la khur ba mi sbyin no/ / tshe dang ldan pa 'char kas nam mkha' la dril bu bzhin du khra la la 'khrol zhing 'dug pa dang / gtum mos smras pa/ gal te khyod phyed phyed du dum bu gnyis su gas kyang khyod la khur ba mi sbyin no/ /tshe dang ldan pa 'char kas bdag nyid phyed phyed du dum bu gnyis su gas par sprul te sa la sgyel ba dang / bu mo mngag gzhug mas smras pa/ jo mo khyod kyis gdung bar bgyid pa mang po dag bsgrubs pa de dag gi nang na 'di ni ches gdung bar bgyid pa lags te/ dge sbyong 'di ni ko sa lar byung ba'i rgyal po gsal rgyal gyi chung po grogs/ btsun mo phreng ldan ma'i slob dpon lags pas/ bdag ni shin tu thag ring por mchis kyang bran mo nyid du bas kyi/ jo mos ni gser gyi chu bum gyis rgyal po'i pho brang du chab bcu 'tshal bar 'gyur ro/ /gtum mo skrag te bsams pa/ de ltar 'gyur ro snyam nas des smras pa/ bu mo dong rkos shig dang sba'o zhes des dong rkos te sba bar brtsams pa dang / tshe dang ldan pa 'char ka 'gog pa la snyoms par zhugs nas des bsgul bar yang ma nus so/ /de nas gtum mos tshe dang ldan pa 'char ka'i rkang pa gnyis la gtugs te smras pa/ 'phags pa khyod kyis mi mkhyen pa dang / ma gzigs pa dang / ma rig pa dang / rnam par mi mkhyen pa ci yang ma mchis kyis bdag la bzod pa mdzod cig dang khyod la khur ba gsol lo/ /tshe dang ldan pa 'char ka langs te cha lugs tha mal pa bstan pa dang / gtum mos bsams pa/ 'di la khur ba sbyin no zhes khas blangs na/ khur ba 'di dag ni ha cang che ches pas phangs kyis 'di'i phyir khur ba chung ngu gzhan zhig bya'o snyam nas/ des khur ba chung ngu zhig sreg par brtsams pa dang / khur ba des khur bslang thams cad yog par gyur nas/ gtum mos bsams pa/ bdag gis khur ba 'di mi sbyin par khur ba snga ma las gcig sbyin no snyam nas/ des khur ba gcig drang bar brtsams pa dang / ji tsam na khur ba thams cad 'ongs nas gtum mos smras pa/ ci 'phags pa khur ba thams cad bzhed dam/ tshe dang ldan pa 'char kas smras pa/ 'dod do/ /gtum mos smras pa/ bzhes su gsol/ tshe dang ldan pa 'char kas smras pa/ sring mo gal te yongs su btang na/ khyim bdag mgon med zas sbyin gyis deng sangs rgyas la sogs pa dge slong gi dge 'dun khyim gzhan du gdugs tshod la spyan drangs kyis der dong la rang gi lag nas brims shig /gtum mos smras pa/ 'phags pa dag gtum mo zhes thams cad du rig pas bdag der 'jug tu ga la chud/ tshe dang ldan pa 'char kas smras pa/ sring mo kho bos khyod 'jug tu gzhug go/ /de nas gtum mos khur ba de dag thogs te khyim bdag mgon med zas sbyin gyi khyim du 'jug par brtsams pa dang / sgo bas smras pa/ gtum mo don ci'i phyir 'dir 'ongs ma 'jug shig /tshe dang ldan pa 'char kas smras pa/ bzhin bzangs 'jug tu chug shig /sgo bas gtum mo nang du btang ba dang / des sangs rgyas la sogs pa dge slong gi dge 'dun mang po mthong nas khur ba de dag gtub par brtsams pa dang / tshe dang ldan pa 'char kas smras pa/ ma gtub par rangs par brims shig /gtum mos smras pa/ khyed par mi 'gyur ro/ /tshe dang ldan pa 'char kas smras pa/ brims shig dang khyed par 'gyur ro zhes des 'di ltar sangs rgyas la sogs pa dge slong gi dge 'dun thams cad la khyed pa'i phyi na lhag kyang byung ba de ltar byin gyis brlabs so/ /gtum mos sangs rgyas la sogs pa dge slong gi dge 'dun thams cad la khur bas khyed par brims te gsol nas/ bcom ldan 'das kyis yon bshad pa mdzad nas gdan las bzhengs te gshegs so/ /gtum mos smras pa/ btsun pa 'char ka khyod bdag gi dge ba'i bshes gnyen lags kyis tshur gshegs/ bdag gi sdum par bzhud la khyod der gdugs tshod gsol cig /tshe dang ldan pa 'char ka gtum mo'i khyim du song ba dang / gtum mos tshe dang ldan pa 'char ka la zan byin nas gtum mo tshe dang ldan pa 'char ka'i mdun du chos mnyan pa'i phyir 'dug pa dang / tshe dang ldan pa 'char kas de'i bsam pa dang / bag la nyal dang / khams dang / rang bzhin khong du chud nas 'di ltar gtum mo stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun tu zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa bdag gis dge ba'i bshes gnyen btsun pa 'char ka la brten nas/ btsun pa 'char kas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang / rtsa lag gi tshogs kyis kyang ma bgyis ste/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang yi dags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu ni thob ste/ btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang / chos dang / dge slong gi dge 'dun la skyabs su mchi yis/ bdag dge bsnyen mar gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /de nas tshe dang ldan pa 'char kas de la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar byas nas stan las langs te song ngo / /de nas gtum mos rang gi khyim phyag dar legs par byas/ chag chag legs par btab/ byug pas legs par byugs te me tog dag dgram par byas nas spyod lam zhi bas 'dug go/ /bram ze de yang dus ston thal nas phyir 'ongs te skyed mos tshal du bsdad nas des bu la smras pa/ bu khyod song la khyod kyi ma khri mon gang du bcug cing 'dug pa ltos shig dang dbyung bar bya'o/ /bu de khyim du song ba dang gtum mos thag ring mo kho na nas bu mthong nas des smras pa/ bu 'ongs pa legs so 'ongs pa legs so/ /tshur shog ngal sos shig /khyod kyi pha de 'ongs sam/ bus smras pa/ mchis te/ skyed mos tshal na sdod cing mchis so/ /bu de zan zos nas pha'i gan du song ba dang phas dris pa/ bu khyim bde 'am bus smras pa/ yab yum gyi spyod lam de lta bu ni sngon lan 'ga' yang ma mthong ste/ 'di ltar spyod lam zhi bas mchis so/ /bram ze de khyim du zhugs pa dang gtum mos thag ring po kho na nas mthong nas des smras pa/ rje'i sras byon pa legs so byon pa legs so/ /bzhugs su gsol/ de 'dug nas bsams pa/ bye brag 'di lta bu ni sngon ma byung ci las gyur snyam nas/ des tshigs su bcad pa smras pa/ 'di ltar sngon dang mi 'dra bar/ /log pa nyid du khyod snang na/ /khyod ni smyo byed ldan gyur tam/ /'on te myos par gyur tam ci/ /gtum mos tshigs su bcad pa smras pa/ jo bo bdag ni smyos pa min/ /myos par gyur pa 'ang ma lags te/ /bdag gis sangs rgyas bstan pa la/ /'phags pa'i bden pa mthong bar bgyis/ /rje'i sras bdag la 'phags pa 'char kas 'di ltar bdag slan chad 'khor ba na 'khor ba'i tshe nyon mongs pa de lta bu dag kun tu spyod par mi 'gyur ba de ltar chos bstan pa mdzad do/ /bram ze de ngo mtshar skyes te bsams pa/ bdag gis brdeg pa dang / bcing ba dang / smad pas thul bar ma nus pa gang yin pa de btsun pa 'char kas chos bstan pas btul bas gang gi phyir chos bstan pas 'di btul ba ni 'phags pa 'char kas bdag la phan pa mang du mdzad do/ /'phags pa 'char kas bdag la legs pa mang du mdzad kyis/ bdag song la 'phags pa 'char ka sang khyim gzhan du gdugs tshod la spyan drang ngo snyam nas/ de tshe dang ldan pa 'char ka ga la ba der song ste phyin nas/ tshe dang ldan pa 'char ka'i rkang pa gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas tshe dang ldan pa 'char kas bram ze de la chos dang ldan pa'i gtam gyis yang dag par ston par byed/ yang dag par 'dzin du 'dzud par byed/ yang dag par gzeng stod par byed/ yang dag par rab tu dga' bar byed do/ /rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi smra'o/ /de nas bram ze de stan las langs te tshe dang ldan pa 'char ka ga la ba de logs su thal mo sbyar ba btud nas tshe dang ldan pa 'char ka la 'di skad ces smras so/ /btsun pa 'char kas sang bdag gi sdum par gdugs tshod gsol bar ci gnang / tshe dang ldan pa 'char kas bram ze de la cang mi smra bas dang du blangs so/ /de nas bram ze des tshe dang ldan pa 'char kas cang mi smra bas dang du blangs par rig nas/ tshe dang ldan pa 'char ka'i rkang pa gnyis la mgo bos phyag 'tshal te song ngo / /de nas bram ze des de nyid kyi mtshan mo bca' ba dang bza' ba gtsang zhing bsod pa dag sta gon byas so/ /tshe dang ldan pa 'char ka yang phyi de nyin par snga dro sham thabs bgos lhung bzed dang chos gos thogs te bram ze de'i khyim ga la ba der song ste phyin nas stan bshams pa nyid la 'dug go/ /de nas bram ze des tshe dang ldan pa 'char ka bde bar 'dug par rig nas bca' ba dang bza' ba gtsang zhing bsod pas rang gi lag nas tshim par byed/ stobs par byed do/ /rnam grangs du mar bca' ba dang bza' ba gtsang zhing bsod pas rang gi lag nas tshim par byas shing bstabs nas/ tshe dang ldan pa 'char ka zan zos shing lag pa bsnyal lhung bzed bzhag par rig nas stan ches dma' ba zhig blangs te tshe dang ldan pa 'char ka'i mdun du chos mnyan pa'i phyir 'dug go/ /tshe dang ldan pa 'char kas de'i bsam pa dang / bag la nyal dang / khams dang rang bzhin khong du chud nas 'di ltar bram ze des stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun tu zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa bdag gis dge ba'i bshes gnyen btsun pa 'char ka la brten nas/ btsun pa 'char kas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang / yi dags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun tu zhugs pa'i 'bras bu ni thob ste/ btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang / chos dang dge slong gi dge 'dun la skyabs su mchi yis/ bdag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang / gnas mal dang bsnyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni gzhan la phan pas rjes su 'dzin pa la zhugs pa yin pas bram ze gzhan dag la yang phan pa bya dgos so zhes smras te dang du ma blangs so/ /bram ze des smras pa/ gal te btsun pa 'char kas dang du mi bzhes na bdag gis drang srong gi gdan bsham par bgyi yis/ btsun pa 'char ka gshegs te longs spyad par gsol/ tshe dang ldan pa 'char kas bram ze de la cang mi smra bas dang du blangs so/ /tshe dang ldan pa 'char kas de la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar byas nas stan las langs te song ngo / /de na tshe dang ldan pa 'char kas mnyan yod du bram ze'i khyim bcu pa gnyi ga nas btul cing bzhag go/ /tshe dang ldan pa 'char kas bsams pa/ gang gdul ba'i dus yin snyam na/ mnyan yod na bram ze gzhon nu dga' 'dun lnga brgya tsam chung ma dang bcas pa dag bca' ba dang bza' ba dang / dri dang phreng ba rgyu mang po thogs te rtse ba'i phyir skyed mos tshal gyi sar byung ba dang / tshe dang ldan pa 'char kas bsams pa/ 'di dag gdul ba'i dus yin no snyam nas/ de de dag gi gan du song ba dang / de dag gis smras pa/ btsun pa 'char ka khyod bram ze mdun na 'don gyi bu yin na ci'i phyir shākya'i bu'i dge sbyong 'di dag thams cad za ba dag gi nang du rab tu byung / tshe dang ldan pa 'char kas 'di ltar de dag gi phreng ba gang dag yin pa de dag ni kun dong gi phreng bar gyur/ khur ba gang dag yin pa de dag ni ba lang gi ko bar gyur/ sha gang dag yin pa de dag ni ba lang gi shar gyur/ btung ba gang dag yin pa de dag ni chang du gyur pa de ltar byin gyis brlabs nas/ tshe dang ldan pa 'char kas de dag la lhung bzed bstan te smras pa/ shes ldan dag ltos shig /kho bo'i lhung bzed na skun 'dong dang / ba lang gi ko ba dang / ba lang gi sha dang / chang yod snyam 'am/ ci khyed cag ni mgo la yang skun 'dong gi phreng ba thogs/ zas su yang ba lang gi ko ba dang ba lang gi sha za btung bar yang chang 'thung bas khyed cag thams cad za ba yin no/ /de dag gis gcig la gcig bltas na ji tsam na bdag cag thams cad kyi mgo la skun 'dong gi phreng ba thogs pa dang / khur ba thams cad ba lang gi ko bar gyur pa dang / sha thams cad ba lang gi shar gyur pa dang / btung ba thams cad chang du gyur par mthong nas/ de dag gis smras pa/ 'phags pa 'char ka khyod kyis bdag cag la dmod pa bor gyis bdag cag la bzod pa mdzad du gsol/ tshe dang ldan pa 'char kas smras pa/ bzod par bya'o/ /de nas de dag snga mkho bzhin du gyur pa dang / de dag ngo mtshar skyes nas de dag gis smras pa/ btsun pa 'char ka ci'i slad du byon/ khyod cag nyid gdul ba'i don du 'ongs kyis 'khod cig dang chos bstan par bya'o/ /de dag tshe dang ldan pa 'char ka'i mdun du chos mnyan pa'i phyir 'khod pa dang / tshe dang ldan pa 'char kas de dag chung ma dang bcas pa'i bsam pa dang / bag la nyal dang / khams dang / rang bzhin khong du chud nas 'di ltar bram ze de dag chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu mngon du byas pa de ltar chos bstan to/ /de dag gis bden pa mthong nas smras pa/ btsun pa bdag cag gis dge ba'i bshes gnyen btsun pa 'char ka la brten nas btsun pa 'char kas bdag cag la gang mdzad pa 'di lta bu ni bdag cag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes rnams kyis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang dud 'gro dang / yi dags dag nas ni rkang pa phyung / lha dang mi'i nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa bdag cag ni mngon par zhugs pa lags so/ /btsun pa bdag cag ni mngon par zhugs pa lags te/ btsun pa bdag cag bcom ldan 'das dang / chos dang dge slong gi dge 'dun la skyabs su mchi yis/ bdag cag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag cag gi bsod snyoms dang / na bza' dang / gnas mal dang / bsnyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni gzhan la phan pas rjes su 'dzin pa la zhugs pa yin pas bram ze gzhan dag la yang phan pa bya dgos so/ /zhes smras te dang du ma blangs so/ /bram ze de dag gis smras pa/ gal te btsun pa 'char kas dang du mi bzhes na bdag cag gis drang srong gi gdan bsham par bgyis/ btsun pa 'char ka gshegs te longs spyad par gsol/ tshe dang ldan pa 'char kas bram ze de dag la cang mi smra bas dang du blangs so/ /de nas tshe dang ldan pa 'char kas de dag la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar byas nas stan las langs te song ngo / /de na tshe dang ldan pa 'char kas mnyan yod du bram ze'i khyim lnga brgya lhag tsam gnyi ga nas btul zhing bzhag go/ / de nas bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong khyim dad par byed pa rnams kyi nang na mchog ni 'di lta ste/ dge slong 'char ka nag po 'di yin no/ /tshe dang ldan pa 'char kas bsams pa/ gang gdul ba'i dus yin snyam na mnyan yod na bram ze zhig gsang sngags dag gis mi ma yin pa dbang du byas nas shing rta bcas te 'dren du 'dzud par byed nas/ tshe dang ldan pa 'char kas bsams pa/ bram ze de gdul ba'i dus yin no snyam nas tshe dang ldan pa 'char ka bram ze de gdul ba'i phyir 'phags pa dang / ji tsam na bram ze de gsang sngags dag gis mi ma yin pa dbang du byas nas shing rta bcas te 'dren du bcug nas mnyan yod kyi pha rol du song ba na/ bram ze de shing rta las babs nas gcin gci bar brtsams pa dang / tshe dang ldan pa 'char kas 'di ltar bram ze de'i gcin rgyun mi 'chad pa de ltar byin gyis brlabs nas tshe dang ldan pa 'char kas gsang sngags kyi phur bu phyung ba dang mi ma yin pa de bros te song ngo / /ji tsam na bram ze de langs pa dang mi ma yin pa bros par mthong nas des smras pa/ sus kho bo'i mi ma yin pa'i phur bu phyung / tshe dang ldan pa 'char kas smras pa/ kho bos so/ / ci'i phyir khyod bram zer gyur nas mi ma yin pa spyod dam/ des smras pa/ su zhig bdag gi bsnyen bkur byed par 'gyur/ tshe dang ldan pa 'char kas de la lhung bzed bstan nas smras pa/ 'di khyod kyi bsnyen bkur byed par 'gyur ro/ /des smras pa/ 'dis ci 'grub par 'gyur/ tshe dang ldan pa 'char kas smras pa/ gang sems pa dang / gang 'dod pa de dag thams cad 'grub par 'gyur ro/ /ji tsam na bram ze de gang sems pa dang / gang 'dod pa de dag thams cad lhung bzed de las grub par gyur pa dang / bram ze de ngo mtshar skyes te des smras pa/ btsun pa 'char ka ci'i slad du 'di ltar 'gyur/ tshe dang ldan pa 'char kas smras pa/ kho bos lhung bzed kyi rig pa shes so/ /des smras pa/ btsun pa 'char ka lhung bzed kyi rig pa de bdag la stsol cig /tshe dang ldan pa 'char kas tshigs su bcad pa smras pa/ rig pa su la 'ang sbyin mi bya/ /rig dang bcas te 'chi bar bya/ /rig pa rig dang gus pa dang / /nor gyi phyir ni sbyin par bya/ /bram zes smras pa/ bdag khyod la gus par bgyid do/ /tshe dang ldan pa 'char kas smras pa/ kho bo khyim pa las bsnyen bkur bdag gir mi byed kyi kho bo ni rab tu byung ba las bsnyen bkur bdag gir byed do/ /des smras pa/ bdag rab tu 'byung ngo / /tshe dang ldan pa 'char kas smras pa/ rab tu phyung shig ces des de rab tu phyung rdzogs par bsnyen par byas te gdams ngag byin no/ /de de ltar rab tu byung nas gcig pu dben pa bag yod pa brtun pa dang ldan pa bdag nyid btang bar gnas so/ /gcig pu dben pa bag yod pa brtun pa dang ldan pa bdag nyid btang bar gnas pa na rigs kyi bu dag gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing / dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bur rig pas sgo nga'i sbubs dral bar gyur cing / rig pa dang mngon par shes pa dang / so so yang dag par rig pa thob pa/ srid pa dang 'dod pa'i rnyed pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang mngon tu smra bar bya bar gyur to/ /tshe dang ldan pa 'char kas bsams pa/ gang gdul ba'i dus yin snyam na yul mi'i gyad gcig gis yul dag tu gyad rnams brdabs nas mnyan yod du 'ongs te/ mnyan yod na sgo khar rkang pa brkyang ste 'dug cing de gang la la 'ong ba de la 'di skad ces yang na ni kho bo la stobs rgol cig /yang na ni kho bo'i rlig bar du song shig ces zer ro/ /de na skye bo phal po che'i tshogs 'du ba dag las 'ga' yang de la stobs kyang mi rgol de'i rlig bar du yang mi 'gro'o/ / tshe dang ldan pa 'char kas bsams pa/ gyad de gdul ba'i dus yin no snyam nas tshe dang ldan pa 'char ka phyogs der song ste smras pa/ 'di su zhig yin/ skye bo phal po che'i tshogs kyis smras pa/ gyad 'di'i mchid nas 'di skad ces yang na ni kho bo la stobs rgol cig /yang na ni kho bo'i rlig bar du song shig ces mchi'o/ /tshe dang ldan pa 'char kas de la smras pa/ ci je kho bo dang lhan cig stobs bya 'am/ 'on te kho bos brdabs pa'i gyad gsum po gang dag yin pa de dag dang lhan cig stobs 'gyed/ des smras pa/ khyod kyis brdabs pa'i gyad gsum po gang dag yin pa de dag dang lhan cig stobs bya'o/ /tshe dang ldan pa 'char kas smras pa/ kho bos 'dod chags kyi gyad brdabs/ zhe sdang gi gyad brdabs/ gti mug gi gyad brdabs kyis khyod de dag dang lhan cig stobs khye shig ces tshe dang ldan pa 'char kas de btul nas des de rab tu phyung rdzogs par bsnyen par byas te gdams ngag byin no/ / de de ltar rab tu byung nas gcig pu dben pa bag yod pa brtun pa dang ldan pa bdag nyid btang bar gnas so/ /gcig pu dben pa bag yod pa brtun pa dang ldan pa bdag nyid btang bar gnas pa na rigs kyi bu dag gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing / dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa tsan dan bzhag pa lta bu rig pas sgo nga'i sbubs dral bar gyur cing rig pa dang / mngon par shes pa dang / so so yang dag par rig pa thob pa/ srid pa dang 'dod pa'i rnyed pa dang / bkur sti la rgyab kyis phyogs pa/ dbang po dang / nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /gtum mo des bu'i chung ma blangs nas dus gzhan zhig na gtum mo yang dus la bab/ de'i khyim thab kyang dus la bab bo/ /gtum mo'i bu de kha ton gyi zhor la yul gzhan du song ngo / /gtum mo'i mna' ma de gos dang zas bzang zhing zhim pa la longs spyod spyod pas nyon mongs pa dag gis gdungs par gyur nas des bu mo mngag gzhug ma la smras pa/ bu mo song la skyes pa lus brtan pa/ mkhrang ba dam pa 'ga' ci snang tshol cig dang de dang lhan cig dga' mgur spyad par bya'o/ /bu mo mngag gzhug mas smras pa/ jo mo khyod kyi gyos po dang sgyug mo gnyis ni bden pa mthong ba lags na/ khyod drang srong gi khyim 'di lta bur byon na nyes par spyod pa de lta bu ji ltar bgyir rung / drang srong gi khyim gyi mi snyan pa skyed par mdzad dam ci/ des smras pa/ kwa'i khyod la bsam pa des ci bya/ je song la khrid de shog shig /gal te khrid de ma 'ongs na khyod la mtshams chen po gcad par bya'o/ /bu mos bsams pa/ bu zan ma'i bu mo 'dis drang srong gi khyim btsog gis dgang bar chad de/ bdag la dka' ba med kyis dgug go snyam nas/ de srang du song ba dang / des de na chom rkun pa'i dmag dpon lus brtan pa/ mkhrang ba dam pa zhig mthong nas/ des de la smras pa/ kye btsun po khyod kho mo'i jo mo dang lhan cig dga' mgur spyod phod dam des smras pa/ phod do/ /des de khrid de jo mo dang sprad nas de de dang lhan cig dga' mgur spyod par byed do/ /tshe dang ldan pa 'char ka der dus dang dus su 'gro bas de mthong nas/ tshe dang ldan pa 'char kas bsams pa/ bud med kyi yul 'di ni 'dod chags spyod pa zhig yin no snyam nas/ des de la 'dod chags kyi bsngags pa ma yin pa brjod do/ /des bsams pa/ 'phags pa 'char ka ni gzhan gyi sems shes pa la mkhas pa yin pas des bdag 'phrigs kyis/ gal te de ma bsad na des bdag gi khyim thab la byas shing de bdag la gnod pa byed par 'gyur du 'ong gis bdag gis de bsad do snyam nas des chom rkun pa'i dmag dpon la smras pa/ 'phags pa 'char ka ni gzhan gyi sems shes pa la mkhas pa yin pas/ des bdag cag 'phrigs kyis gal te de ma bsad na bdag gi khyim thab la byas shing de bdag cag la gnod pa byed par 'gyur du 'ong gis khyod kyis de sod cig /chom rkun pa'i dmag dpon gyis smras pa/ kho bo de mi gsod de/ de ni ko sa lar byung ba'i rgyal po gsal rgyal gyi ni chung po grogs/ btsun mo phreng ldan ma'i ni slob dpon yin gyis kho bos de bsad par gyur na kho bo rgyal pos rgya skyegs kyi khang par bcug ste/ sregs pas 'chi bar bya dgos pa gang yin pa de lta bu'i gnas yod par 'gyur ro/ /des smras pa/ gal te khyod de gsod na de lta na legs/ gal te mi gsod na khyod phyin chad kho mo'i khyim du 'jug par mi bya'o/ /'dod pa sten pa dag gis ni sdig pa'i chos mi bya ba ci yang med pas chom rkun pa'i dmag dpon des smras pa/ gal te de gzhan gyi sems shes pa la mkhas pa yin na kho bos ji ltar gsad par bya/ des smras pa/ thabs kyi rnam pa zhig bya'o zhes des dus ma yin par tshe dang ldan pa 'char ka'i gan du mngag pa btang ste/ btsun pa 'char ka bdag bro 'tshal bar gyur na khyod kyis bdag gzigs par ci gnang zhes spring ngo / /dgra bcom pa dag ni ma bsams par shes pa dang mthong ba mi 'jug pas tshe dang ldan pa 'char ka yang dus ma yin par zhugs te de la chos bstan pa byas nas de phyir 'byung bar brtsams pa dang / des smras pa/ 'phags pa bdag khyod mthong na glo ba dga' bas yud tsam zhig bzhugs su gsol zhes des tshe dang ldan pa 'char ka ji srid kyis shin tu nam sros par gyur pa de srid du bzung nas chom rkun pa'i dmag dpon yang ral gri shubs nas phyung ste sgo na sdod do/ /de nas tshe dang ldan pa 'char ka phyir byung ba dang / chom rkun pa'i dmag dpon snying rje med pa'i sems dang ldan pa 'jig rten pha rol btang ba des tshe dang ldan pa 'char ka'i mgo drung ba nas bcad de sa la bsgyel to/ /de 'phags pa gsod cing 'dug pa bud med rgan mo zhig gis mthong nas smras pa/ gzu lums byed pa 'di su zhig yin/ chom rkun pa'i dmag dpon gyis smras pa/ su la yang ma zer cig kho bos khyod kyang 'di'i gnas skabs lta bur byas par gyur ta re/ de skrag nas 'phral du smra ma phod de bdag nyid chen po 'di'i rjes gcod pa 'ga' zhig phyis 'ong grang snyam nas de nyid na cang mi smra bar 'dug go/ /snying rje med pa'i sems dang ldan pa 'jig rten pha rol btang ba de gnyis kyis tshe dang ldan pa 'char ka'i lus de phyag dar gyi phung po zhig du sbas te bzhag go/ /de'i nyin mo gso sbyong gi zhal ta ba rgan pa'i mtha' logs su 'dug ste smras pa/ 'ga' zhig gis btsun pa 'char ka'i 'dun pa blangs sam/ btsun pa 'char ka med do/ /de nas bcom ldan 'das kyis dge slong rnams la bka' stsal pa/ dge slong dag khyim dad par byed pa rnams kyi mchog de bsad kyis chos gos dag long shig dang de'i lus la mchod pa bya'o/ /bcom ldan 'das 'phags pa dang ji tsam na mnyan yod kyi sgo chod nas bcom ldan 'das kyis gser gyi 'od lta bu'i 'od btang ba mdzad pa dang / des mnyan yod thams cad gser btso ma'i 'od lta bus snang bar gyur to/ / ko sa lar byung ba'i rgyal po gsal rgyal gyis bsams pa/ ci'i phyir mnyan yod thams cad gser btso ma'i 'od lta bus snang bar gyur snyam nas des yang bsams pa/ bcom ldan 'das gshegs par bzhed gor ma chag snyam nas de btsun mo'i 'khor dang bcas pas mnyan yod kyi lde mig khyer te sgo phye ba dang bcom ldan 'das mnyan yod du gshegs so/ /ko sa lar byung ba'i rgyal po gsal rgyal gyis bsams pa/ ci'i phyir bcom ldan 'das dus ma yin par mnyan yod du gshegs snyam na/ sangs rgyas bcom ldan 'das rnams ni bsnyen par dka' ba dang / bzod par dka' ba yin pas des sangs rgyas bcom ldan 'das la zhu bar ma nus so/ /bcom ldan 'das nyan thos kyi dge 'dun dang bcas pa mdun du gshegs nas ko sa lar byung ba'i rgyal po gsal rgyal btsun mo'i 'khor dang bcas pa bcom ldan 'das kyi slad bzhin slad bzhin du rjes su 'brang zhing song ba dang / ji tsam na phyag dar gyi phung po'i phyogs der byon to/ /de nas bcom ldan 'das kyis dge slong rnams la bka' stsal pa/ dge slong khyim dad par byed pa rnams kyi mchog de 'dir sbas kyis phyung shig /de phyung ba dang de na gang dag tshe dang ldan pa 'char ka la brten nas 'phags pa'i bden pa dag mthong ba de dag gis gsol pa/ 'di bdag cag gi dge ba'i bshes gnyen lags na bcom ldan 'das kyis bdag cag 'di'i lus la mchod pa bgyid par ci gnang / bcom ldan 'das kyis ma gnang ngo / /ko sa lar byung ba'i rgyal po gsal rgyal gyis gsol pa/ 'di bdag gi chung po grogs lags na/ bcom ldan 'das kyis bdag 'di'i lus la mchod pa bgyid par ci gnang / bcom ldan 'das kyis ma gnang ngo / /btsun mo phreng ldan mas gsol pa/ 'di bdag gi slob dpon lags na bcom ldan 'das kyis bdag 'di'i lus la mchod pa bgyid par ci gnang / bcom ldan 'das kyis gnang ngo / /de nas btsun mo phreng ldan mas tshe dang ldan pa 'char ka'i lus de sa dkar gyis dril phyi byed du bcug nas spos chus 'khrur bcug ste/ ras kha dog sna tshogs dag gis khyogs spyil brgyan nas der bcug ste bzhag go/ /de nas bcom ldan 'das nyan thos kyi dge 'dun dang bcas pa mdun du gshegs nas rgyal po btsun mo'i 'khor dang bcas pa de'i phyi bzhin phyi bzhin du rjes su 'brang zhing song ste/ sa phyogs go skabs yangs pa zhig tu bzhag nas/ btsun mo phreng ldan mas spos kyi shing thams cad kyis phung por bcer te bsregs nas phung po de 'o mas zhi bar byas te rus pa de dag gser gyi bum par bcug nas lam po che'i bzhi mdor lus kyi mchod rten rtsig tu bcug ste/ gdugs dang rgyal mtshan dang / ba dan bsgreng zhing dri dang / phreng ba rgyu dang bdug spos dang / phye ma dang / sil snyan dag gis mchod pa byas rkang pa gnyis la phyag 'tshal nas bcom ldan 'das kyis yon bshad pa mdzad de gshegs so/ /de nas bcom ldan 'das gtsug lag khang du byon nas dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag nyes dmigs 'di dang gzhan dag kyang dge slong dag dus ma yin par grong du 'jug pa las gyur pas dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dus ma yin par grong du 'jug na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /dge slong nad ngan can dag 'khod pa dag gis yun ring du 'dug par mi nus pa nas dge slong nad g.yog dag gis kyang nad pa dag gi bya ba nyams par byed/ dge slong zhal ta byed pa dag gis kyang dge 'dun gyi bya ba nyams par byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong 'dug pa la smras te 'gro bar bya'o/ /bcom ldan 'das kyis dge slong 'dug pa la smra bar bya'o zhes bka' stsal nas/ dge slong zhig gis khyim gzhan du lhung bzed dang chos gos bzhag nas ji tsam na der me shor nas dge slong des der 'gro bar brtsams te de lam gyi phyed du son pa dang / bdag gis dge slong 'dug pa la ma smras so snyam pa'i dran pa skyes nas de phyir log ste/ ji srid du dge slong 'dug pa la smra bar byed pa de srid du de'i lhung bzed dang chos gos tshig nas des der song ba dang / khyim bdag gis smras pa/ 'phags pa khyod ci'i slad du khyod 'phyis te byon/ des na khyod kyi lhung bzed dang chos gos tshig gi gal te khyod myur du byon par gyur na khyod kyi lhung bzed dang chos gos tshig par mi 'gyur ro zhes zer zhing / dge slong de yang phongs par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na de 'dra ba'i rkyen ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang bslab pa la yo byad bsnyungs pa'i bsngags pa brjod nas dge slong rnams la de dang 'thun pa dang / de'i shas che ba dang de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos kyis 'dul ba la bslab pa'i gzhi 'di ltar gdon par bya ste/ yang dge slong gang dus ma yin par grong du 'jug cing dge slong 'dug pa la mi smra na de 'dra ba'i rkyen ma gtogs te ltung byed do/ /yang dge slong gang zhes bya ba ni chos 'di pa 'am/ gzhan yang de lta bu gang yin pa'o/ /dus ma yin par zhes bya ba ni dus ma yin pa gnyis su ste/ skya reng ma shar ba dang phyed yol bar ro/ /grong du zhes bya ba ni gang na srang dang / bzhi mdo dang sum mdo dag yod par ro/ / 'jug cing zhes bya ba ni 'gro zhing ngo / /dge slong 'dug pa la mi smra na zhes bya ba ni de na dge slong gang 'dug pa la'o/ /de 'dra ba'i rkyen ma gtogs te zhes bya ba ni de 'dra ba'i rkyen bzhag ste'o/ /ltung byed do zhes bya ba ni sems can dmyal ba dang / dud 'gro dang yi dags ngan song dang / ngan 'gro log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis dus ma yin pa la dus ma yin par 'du shes pas grong du 'jug na ltung byed du 'gyur ro/ /dus ma yin pa la yid gnyis za bas grong du 'jug na ltung byed du 'gyur ro/ /dus la dus ma yin par 'du shes pas grong du 'jug na nyes byas su 'gyur ro/ /dus la yid gnyis za bas grong du 'jug na nyes byas su 'gyur ro/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /btsun mo phreng ldan mas ko sa lar byung ba'i rgyal po gsal rgyal la smras pa/ lhas dge slong rnams la ni gzhon nu'i yongs su spang ba stsal/ dge slong ma rnams la ni btsun mo'i 'khor gyi yongs su spang ba stsal cing / 'phags pa 'char ka lha'i ni chung po grogs lags/ bdag gi ni slob dpon lags te/ dge slong rab tu grags pa de lta bu yang btsan thong du bkum na dge slong rab tu ma grags pa gzhan dag la bka' mchid kyang rmed par 'gyur/ lhas 'phags pa 'char ka de sus 'gums su stsal ba dang sus bkum pa bkas rma bar ci gnang / ko sa lar byung ba'i rgyal po gsal rgyal gyis zho shas 'tsho ba dag la bsgo ba/ shes ldan dag deng la 'phags pa 'char ka de sus gsod du bcug pa dang / sus bsad pa smros shig /de dag de rmed cing phyogs der dong ba dang / de dag gis de na bud med rgan mo de mthong zhing des ni de dag ma mthong ba na bud med rgan mo des byung rgyal du smras pa/ phyogs 'dir khyim dad par byed pa rnams kyi mchog de sbas pa ni de dang de dag gis bsad do/ /de dag gis de thos nas smras pa rgan mo ci zer/ rgan mo des smras pa/ cang mi zer ro/ /de dag gis de bzung ste bsdigs nas de sus bsad smros shig ces byas pa dang / des smras pa/ bram ze'i bu mo 'dis gsod du bcug go/ /chom rkun pa'i dmag dpon 'dis bsad do/ /de dag gis kyang bsdigs te ci de gnyis kho nar zad dam zhes smras pa dang / des smras pa/ gzhan yang g.yon can lnga brgya yod do/ /rgyal po'i mi de dag gis bram ze'i bu mo de dang chom rkun pa'i dmag dpon de dang / g.yon can lnga brgya po de dag bzung ste rgyal po la phul nas smras pa/ lha 'phags pa 'char ka ni bram ze'i bu mo 'dis 'gums su stsal te/ chom rkun pa'i dmag dpon 'dis bkum mo/ /g.yon can lnga brgya po 'di dag gi dmag dpon ni 'di lags so/ /rgyal pos smras pa/ shes ldan dag deng la bram ze'i bu mo 'di rte'u dmu rgod kyi rkang pa gnyis la thogs shig /chom rkun pa'i dmag dpon 'di ni rgya skyegs kyi khang par chug la sregs shig /g.yon can lnga brgya po 'di dag ni lag pa dang rkang pa dag chod cig /de dag gis bram ze'i bu mo de ni rte'u dmu rgod kyi rkang pa gnyis la btags so/ /chom rkun pa'i dmag dpon de ni rgya skyegs kyi khang par bcug ste bsregs so/ /g.yon can lnga brgya po de dag ni lag pa dang rkang pa dag bcad do/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa 'char kas las ci bgyis na de'i rnam par smin pas sdang ba ma mchis pa dang / gnod pa ma bgyis bzhin du de gnyis kyis bkum par gyur cing de gnyis kyang bkum par gyur/ g.yon can lnga brgya po dag kyang lag pa dang rkang pa dag bkum par gyur/ bcom ldan 'das kyis bka' stsal pa/ dge slong dag de dag nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa gdon mi za bar 'byung bar 'gyur ba dag byas shing bsags pas de dag nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang skye mched dag la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba 'das pa'i dus na bā rā ṇa sī na rgyal po tshangs byin zhes bya bas rgyal srid byed du bcug pa'i tshe nyam nga ba dang bcas pa'i dus byung ba na mu stegs can dag gis lo bcu gnyis su than pa 'byung ngo zhes lung bstan nas/ rgyal po tshangs byin gyis dril bsgrag pa byed du bcug ste/ gang la lo bcu gnyis kyi zan yod pa de ni 'dug shig /gang la med pa de ni song shig ces bsgo'o/ /de'i mdun na 'don de bram ze'i khye'u lnga brgya tsam bram ze'i gsang tshig bklog tu 'dzud pa de la bram ze'i khye'u de dag gis smras pa/ mkhan po bdag cag la lo bcu gnyis kyi 'tshal ma ma mchis kyis bdag cag mchi'o/ /des smras pa/ bu dag 'khod cig dang kho bos khyed la mkho ba bstabs par bya'o/ /rgyal po tshangs byin gyi rmi lam na bdag gi rgyu ma dag gis grong khyer thams cad dkris par mthong ngo / /mthong nas kyang de gzhi 'dis bdag rgyal srid las nyams pa 'am/ tshe'i bar chad 'byung ba 'am gcig tu mi 'gyur grang snyam du 'jigs pa skyes par gyur nas des rmi lam de mdun na 'don de la bzlas pa dang / mdun na 'don des bsams pa/ lhas rmi lam bzang po zhig gzigs mod kyi 'on kyang bram ze'i khye'u dag gi rnyed pa'i bar chad du gyur na mi rung gis ngan par bsnyad par bya'o snyam nas/ des rgyal po la smras pa/ lhas rmi lam ngan pa zhig gzigs pas gzhi 'dis rgyal srid las nyams pa 'am/ sku tshe'i bar chad 'byung ba 'am cig tu 'gyur ro/ /rgyal pos smras pa/ 'di la ci zhig bya/ des smras pa/ lha ba lang gi mchod sbyin stsal bar bgyi'o/ /rgyal pos smras pa/ de ltar bya'o/ /des ba lang stong phrag du ma dag bsogs pa dang / rgyal po phyir byung nas rgyal pos ba lang de dag mthong ba dang ba lang de dag gis ba lang gi 'u sgra chen po phyung ngo / / rgyal pos de dag mthong zhing thos nas de snying rje skyes te mdun na 'don la smras pa/ 'di dag thams cad gsad par bya 'am/ mdun na 'don gyis bsams pa/ rgyal po 'di dag thams cad bsad par mi 'dod do snyam nas des smras pa/ lha thams cad dgum par mi bgyi'o/ /de'i tshe na rnga bran zhig rnga bran mo zhig la rgyab rgal byed nas mdun na 'don gyis smras pa/ lha rnga bran dang rnga bran mo 'di gnyis dgum par bgyi'o/ /bram ze'i khye'u de dag gis kyang lag pa brkyang ste 'di gnyis lags so zhes bstan nas de gnyis bshas pa na sems g.yos pa/ bdag cag gnyis sdang ba med pa dang / gnod pa ma byas bzhin du bsad pa gang yin pa de thams cad ni mdun na 'don 'di dang bram ze'i bu lnga brgya po 'di dag gi le lan yin gyis bdag cag gnyis gang dang gang du skyes pa na bdag cag gnyis kyis mdun na 'don 'di sdang ba med pa dang gnod pa ma byas bzhin du gsod pa dang / bram ze'i khye'u lnga brgya po 'di dag kyang lag pa dang rkang pa dag gcod du 'dzud par gyur cig ces snyam du dam bcas so/ /dge slong dag de'i tshe de'i dus na rgyal po tshangs byin gang yin pa de ni da ltar ko sa lar byung ba'i rgyal po gsal rgyal yin no/ /de'i tshe de'i dus na rgyal po tshangs byin gyi btsun mo gang yin pa de ni da ltar btsun mo phreng ldan ma yin no/ /de'i tshe de'i dus na mdun na 'don gang yin pa de ni da ltar dge slong 'char ka yin no/ /de'i tshe de'i dus na bram ze'i khye'u lnga brgya po gang dag yin pa de dag ni da ltar g.yon can lnga brgya po dag yin no/ /de'i tshe de'i dus na rnga bran gang yin pa de ni da ltar chom rkun pa'i dmag dpon yin no/ /de'i tshe de'i dus na rnga bran mo gang yin pa de ni da ltar bram ze'i bu mo yin te/ mdun na 'don de dang bram ze'i khye'u lnga brgya po de dag gis rnga bran dang / rnga bran mo de gnyis sdang ba med pa dang / gnod pa ma byas bzhin du gsod du bcug pa'i las de'i rnam par smin pas da ltar yang chom rkun pa'i dmag dpon 'di dang / bram ze'i bu mo 'di gnyis kyis 'char ka dang / g.yon can lnga brgya po dag sdang ba med pa dang / gnod pa ma byas bzhin du gsod du bcug go/ /btsun pa tshe dang ldan pa 'char kas las ci zhig bgyis na las de'i rnam par smin pas phyug pa nor mang ba/ longs spyod che ba'i khyim du skyes/ las ci bgyis na des bcom ldan 'das kyi spyan sngar rab tu byung nas nyon mongs pa thams cad spangs pas dgra bcom pa nyid mngon sum du bgyis/ las ci zhig bgyis na des dgra bcom pa nyid thob kyang mtshon gyis yongs su mya ngan las 'das/ bcom ldan 'das kyis bka' stsal pa/ dge slong dag rigs kyi bu 'char ka nyid kyis las tshogs rnyed pa/ rkyen yongs su bsgyur ba 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas 'char ka nyid kyis byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba 'das pa'i dus na sangs rgyas rnams 'byung ba med pa'i tshe rang sangs rgyas dman pa dang bkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur pa 'jig rten du byung ngo / /ji tsam na ri brags shig na rngon pa zhig 'dug ste/ ri brags de dang ha cang mi ring ba zhig na ri dgas dang / bya mang po dag gi rten du gyur pa mtshe'u zhig yod pa der rngon pa de nyi ma re re zhing ri dgas dang / bya mang po dag drungs dbyung ba'i phyir dang / nyams par bya ba'i phyir dang / tshul ma yin pas sdug bsngal bar bya ba'i phyir rngon spyad dang / snyi dang rnyong mang po dag 'dzugs par byed do/ /de'i rngon spyad dang / snyi dang rnyong de dag kyang don yod pa yin no/ /ji tsam dus gzhan zhig na rang sangs rgyas shig ljongs rgyu zhing song ba na ri brags der phyin nas lha'i gnas shig tu mtshan mo gnas par khas blangs nas de snga dro sham thabs bgos lhung bzed dang chos gos thogs te ri brags der bsod snyoms la zhugs so/ /der bsod snyoms brgyus nas bsams pa/ lha'i gnas 'di nyin mo rgyun lugs mang ba yin gyis ri brags kyi phyi rol gyi gnas zhi ba zhig tu bsod snyoms bza'o snyam nas/ de ri brags nas byung ste 'di ni zhi ba'o 'di ni zhi ba'o zhes mtshe'u de ga la ba der song ste phyin nas lhung bzed dang chu tshags mtha' gcig tu bzhag ste rkang pa gnyis bkrus nas lag pa gnyis bsnyal te chu btsags nas lo ma lhags pa dag blangs te 'dug nas zas kyi bya ba byas te lag pa gnyis bsnyal nas kha bkrus te lhung bzed dang chu tshags gnas ji lta ba bzhin du bzhag nas rkang pa gnyis bkrus te shing drung zhig tu brten nas brang 'gro'i rgyal po nyal ba'i lus bskyil ba ltar skyil mo krung bcas te spyod lam zhi bar 'dug pa dang de'i nyin mo mi'i dris ri dgas gcig kyang ma zin to/ /de nas rngon pa de nang par sngar langs te mtshe'u de ga la ba der song nas des rngon spyad dang / snyi dang / rnyong de dag byul bar brtsams pa dang / ri dgas gcig kyang ma mthong nas de 'di snyam du sems te/ bdag gi rngon spyad dang snyi dang rnyong 'di dag don yod pa yin na/ gang gi phyir der ri dgas gcig kyang ma zin pa 'di'i rgyu gang yin snyam nas/ des mtshe'u de'i than kor byul bar brtsams pa dang / mi'i rjes mthong nas de rjes de'i phyi bzhin du song ba dang / rang sangs rgyas spyod lam zhi bas 'dug pa de mthong nas des bsams pa/ rab tu byung ba sems zhi ba 'di dag gnas 'di lta bu dag tu mngon par dga' bar byed pas/ gal te bdag gis 'di'i srog bcad par ma byas na 'di dag gis nges par bdag gi 'tsho ba gcod par byed kyis rnam pa thams cad du 'di gsad par bya'o snyam nas snying rje med pa'i sems dang ldan pa 'jig rten pha rol btang ba des mda' dug can gyis gzhu rnga'i dbyibs 'dra bar rna drung du thug par bkang ste rang sangs rgyas de'i gnad tu bsnun to/ /rang sangs rgyas bdag nyid chen po des bsams pa/ rngon pa nyon mongs pa 'di ha cang smas pa dang nyams par gyur na mi rung gis da 'di la lag nas drang ba zhig bya'o snyam nas des ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod par byed pa yin pas rngon pa de shing ljon pa rtsa ba nas bcad pa bzhin du rang sangs rgyas de'i rkang pa gnyis kyi drung du 'gyel nas smras pa/ yon gnas yang dag par gyur pa mar gshegs su gsol/ mar gshegs su gsol/ nyon mongs pa'i 'dam du bying ba bdag gi sug pa nas drang ba stsal du gsol/ rang sangs rgyas de rngon pa de la rjes su snying brtse ba'i phyir steng gi nam mkha' las shod du babs so/ /de nas rngon pa des zug rngu med par byas te/ rma lhan gyis klan nas smras pa/ 'phags pa sdum par gshegs su gsol/ gal te 'dir gser gyi lhan pas klan par mdzad na/ de yang bdag gis sbyar bar bgyi'o/ /rang sangs rgyas kyis bsams pa/ bdag gis rnag gi lus 'dis thob par bya ba gang yin pa thob zin pas de'i phyir da ni phung po'i lhag ma med pa'i mya ngan las 'das pa'i dbyings su 'jug par bya'o snyam nas/ de rngon pa de nyid kyi mdun du yang nam mkha'i dkyil du 'phags te cho 'phrul rnam pa sna tshogs dag rnam par bstan nas phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /rngon pa de nor dang ldan pa yin pas/ des spos kyi shing thams cad kyis phung por bcer te bsregs nas phung po de 'o mas zhi bar byas te/ rus pa de dag gser gyi bum par bcug nas lam po che'i bzhi mdor lus kyi mchod rten rtsig tu bcug ste/ gdugs dang rgyal mtshan dang / ba dan dag bsgreng zhing dri dang / phreng ba rgyu dang / bdug spos dang / phye ma dang / sil snyan dag gis mchod pa byas nas rkang pa gnyis la phyag 'tshal te smon lam 'di skad ces bdag yon gnas yang dag par gyur pa 'di lta bu la gnod pa byas pa gang yin pa'i las de'i cha dang 'thun par ma gyur par mchod pa byas pa gang yin pa'i dge ba'i rtsa ba 'dis bdag phyug pa/ nor mang ba/ longs spyod che ba'i khyim du skye bar gyur cig ces btab bo/ /dge slong dag de la de'i tshe de'i dus na rngon pa gang yin pa de ni 'char ka 'di yin te/ des rang sangs rgyas kyi gnad du mda' dug can gyis bsnun pa gang yin pa'i las de'i rnam par smin pas bskal par sems can dmyal ba chen po mnar med par gdungs nas las de nyid kyi lhag mas tshe rabs lnga brgyar mtshe'u 'gram de nyid du ri dgas su skyes shing mtshon gyis dus la bab ste/ da ltar gyi bar du yang dgra bcom pa thob kyang de mtshon gyis yongs su mya ngan las 'das so/ / mchod pa byas nas smon lam btab pa gang yin pa des ni da ltar phyug pa nor mang ba longs spyod che ba'i khyim du skyes so/ /btsun pa tshe dang ldan pa 'char kas las ci bgyis na las de'i rnam par smin pas 'di dus la bab pa'i lus phyag dar gyi phung por sbas pa dang / 'dis ston pa mnyes par bgyis shing thugs byung bar ma bgyis pa dang / 'di dus la bab pa'i lus la ston pa nyan thos kyi dge 'dun dang bcas pa dang / rgyal po'i btsun mo 'khor dang bcas pas lus kyi mchod pa bgyis pa de lta bu'i yon tan gyi tshogs thob par 'gyur/ dge slong dag 'char ka nyid kyis las tshogs rnyed pa/ rkyen yongs su bsgyur ba 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas 'char ka nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang skye mched dag la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba 'das pa'i dus na sangs rgyas rnams 'byung ba med pa'i tshe rang sangs rgyas dman pa dang / bkren pa la rjes su snying brtse ba bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur pa dag 'jig rten du byung ngo / /gangs kyi sul zhig na rang sangs rgyas lnga brgya gnas te/ de na rang sangs rgyas gcig cig na bar gyur nas gzhan dag gis de la smras pa/ khyod bzhud la sman pa la rmos te cho ga mdzod cig /de ri brags gzhan zhig tu song nas mtshan mo rdza mkhan gyi ra ba zhig tu gnas par khas blangs pa dang / de mtshan mo na bar gyur nas dus la bab bo/ /rdza mkhan des de mthong nas des bsams pa/ rab tu byung ba 'di rdza so btang ba dang ma btang ba dag gi nang du dus la bab pas 'jig rten ni gtsang sbra 'dod pa yin pas gal te skye bo dag gis tshor bar gyur na 'ga' yang snod nyo bar mi 'gyur ro snyam nas des rang sangs rgyas kyi lus de phyag dar gyi phung po zhig tu sbas te bzhag go/ /rang sangs rgyas gzhan dag gis bsams pa/ bdag cag gi tshangs pa mtshungs par spyod pa de gar song snyam nas bltas pa dang / ji tsam na yongs su mya ngan las 'das par mthong nas de dag gis de nyid nas spos kyi shing dag steng gi nam mkha' las khyer te 'ongs nas rdza mkhan gyi ra bar babs pa dang / rdza mkhan gyis de dag mthong nas des smras pa/ 'phags pa dag gar gshegs/ de dag gis smras pa/ tshangs pa mtshungs par spyod pa la mchod pa byed du'o/ /rdza mkhan gyis smras pa/ 'dis kyang khyod kyi yon tan gyi tshogs lta bu dag thob bam/ de dag gis smras pa/ thob bo/ /rdza mkhan gyis smras pa/ bdag gis 'di la bkur sti ma lags pa bgyis pas da bkur sti bgyi ba'i bar du yud tsam zhig gzhes su gsol/ de song ste rgyal po la smras pa/ lha bdag gi ra bar rab tu byung ba brtul zhugs grub pa zhig dus la bab kyis lhas de la bkur sti mdzad du gsol/ rgyal po btsun mo'i 'khor dang bcas pa phyir byung nas des rang sangs rgyas kyi lus de spos kyi shing thams cad kyis phung por bcer te bsregs nas phung po de 'o mas zhi bar byas te rus pa de dag gser gyi bum par bcug nas lam po che'i bzhi mdor lus kyi mchod rten rtsig tu bcug ste/ gdugs dang rgyal mtshan dang / ba dan bsgreng zhing dri dang / phreng ba rgyu dang bdug spos dang / phye ma dang / sil snyan dag gis mchod pa byas so/ /rdza mkhan des rkang pa gnyis la phyag 'tshal te smon lam 'di skad ces bdag yon gnas yang dag par gyur pa 'di lta bu la gnod pa byas pa gang yin pa'i las de'i cha dang 'thun par ma gyur par mchod pa byas pa gang yin pa'i dge ba'i rtsa ba 'dis bdag 'di bas ches khyad par du 'phags pa'i ston pa mnyes par byed cing thugs byung bar byed par mi 'gyur ba dang / bdag dus la bab pa'i lus la yang ston pa nyan thos kyi dge 'dun dang bcas pa dang / rgyal po'i btsun mo'i 'khor dang bcas pa mchod pa mdzad par gyur cig ces btab bo/ /dge slong dag de'i tshe de'i dus na rdza mkhan gang yin pa de ni da ltar dge slong 'char ka 'di yin te/ 'dis de'i tshe rang sangs rgyas de dus la bab pa'i lus de phyag dar gyi phung por sbas pa'i las de'i rnam par smin pas ni da ltar 'di dus la bab pa'i lus phyag dar gyi phung por sbas so/ /'dis de'i tshe rang sangs rgyas kyi lus de la mchod pa byas te smon lam de skad btab pa'i las de'i rnam par smin pas ni da ltar 'dis rang sangs rgyas bye ba phrag 'bum pas ches khyad par du 'phags pa'i ston pa nga mnyes par byas shing thugs byung bar ma byas te 'di dus la bab pa'i lus la ston pa nyan thos kyi dge 'dun dang bcas pa dang / rgyal po'i btsun mo 'khor dang bcas pas lus kyi mchod pa byas par gyur to/ /btsun pa tshe dang ldan pa 'char kas las ci bgyis na las de'i rnam par smin pas bcom ldan 'das kyis khyim dad par bgyid pa rnams kyi mchog tu bstan/ de ni smon lam gyi dbang gis te/ gang du smon lam btab ce na/ dge slong dag sngon byung ba 'das pa'i dus na bskal pa chen po bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa lha dang mi rnams kyi ston pa/ sangs rgyas bcom ldan 'das 'od srung 'jig rten du byung ste/ de bā rā ṇa sī na drang srong smra ba ri dgas kyi nags na nye bar brten cing bzhugs so/ /de'i bstan pa la 'di rab tu byung nas dge slong gang gis de rab tu phyung ba'i dge slong de de bzhin gshegs pa yang dag par rdzogs pa'i sangs rgyas 'od srung gis khyim dad par byed pa rnams kyi mchog tu bstan to/ /de na 'dis tshe ji srid par tshangs par spyod pa spyad na yon tan gyi tshogs 'ga' yang ma thob nas de'i 'og tu 'chi ba'i tshe smon lam 'di skad ces bdag gis bcom ldan 'das de bzhin gshegs pa yang dag par rdzogs pa'i sangs rgyas yon gnas bla na med pa 'od srung la tshe ji srid par tshangs par spyod pa spyad kyang yon tan 'ga' yang ma thob ste/ bdag gis tshe ji srid par tshangs par spyod pa spyad pa'i dge ba'i rtsa ba 'dis bcom ldan 'das de bzhin gshegs pa yang dag par rdzogs pa'i sangs rgyas 'od srung gis bram ze'i khye'u bla ma la bram ze'i khye'u khyod ma 'ongs pa'i dus na skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das shākya thub pa zhes bya bar 'gyur ro zhes lung bstan pa de'i bstan pa la bdag rab tu byung nas nyon mongs pa thams cad spangs pas dgra bcom pa nyid mngon du byed cing ji ltar mkhan po 'di bcom ldan 'das de bzhin gshegs pa yang dag par rdzogs pa'i sangs rgyas 'od srung gis khyim dad par byed pa rnams kyi mchog tu bstan pa de bzhin du bdag kyang bcom ldan 'das shākya thub pa/ shākya'i seng ge/ shākya'i rgyal po'i gtso bo des khyim dad par byed pa rnams kyi mchog tu bstan par gyur cig ces gdab par brtsams pas smon lam de'i dbang gis da ltar de bzhin gshegs pas khyim dad par byed pa rnams kyi mchog tu bstan to/ /dge slong dag de ltar na las gcig tu gnag pa rnams kyi rnam par smin pa yang gcig tu gnag pa yin la/ gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang / 'dren ma rnams spangs te las gcig tu dkar ba rnams la brtsal bar bya ste/ dge slong dag khyed kyis de ltar bslab par bya'o/ /dus ma yin par 'gro ba'i ltung byed de brgyad bcu pa rdzogs sho// //'dul ba rnam par 'byed pa/ bam po drug bcu rtsa brgyad pa/ sdom la/ zas bcas skya reng da gdod dang / /khab ral dang ni khri rkang dang / /bdal dang gding ba g.yan pa dang / /ras chen bde gshegs chos gos so/ / sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa de'i khyim du nye dga' dus dang dus su 'gro zhing des de skyabs su 'gro ba dang / bslab pa'i gzhi dag la bzhag go/ /dus gzhan zhig na des de la rdzas las byung ba'i bsod nams bya ba'i gzhi bdun po dag gi bsngags pa rgya cher brjod pa dang / des smras pa/ 'phags pa bdag gis kyang rdzas las byung ba'i bsod nams bya ba'i gzhi cung zad bgyi'o/ /nye dgas smras pa/ legs kyis de bzhin gyis shig ci zhig byed/ sangs rgyas la sogs pa dge slong gi dge 'dun gdugs tshod gsol lo/ /khyim bdag khyod kyis sems rgya chen po bskyed kyis gdugs tshod gsol cig /'phags pa khyod kyis bdag gi ming gis sangs rgyas la sogs pa dge slong gi dge 'dun sang bdag gi sdum par gdugs tshod la spyan drang ba'i rigs so/ /des dang du blangs so/ /de nas tshe dang ldan pa nye dgas khyim bdag de la a rog khya zhes byas te song nas de gtsug lag khang du song ste/ des khyim bdag de'i ming gis sangs rgyas la sogs pa dge slong gi dge 'dun khyim gzhan du gdugs tshod la spyan drangs pa dang / dge slong rnams kyis smras pa/ tshe dang ldan pa nye dgas khyim bdag de ma dad pa yin na khyod kyis ji ltar rjes su 'jug par byas/ nye dgas smras pa/ tshe dang ldan pa dag nye dga' la de tsam yang mi gnas sam/ rjes su 'jug par byas pa 'ba' zhig tu ma zad kyi skyabs su 'gro ba dang / bslab pa'i gzhi dag la yang bzhag go/ /dge slong rnams kyis smras pa/ legs par byas kyis 'dong la bza' bar bya'o/ / chos nyid kyis na gang gi ngor dge slong gi dge 'dun spyan drangs pa de dus sngar 'gro ba yin pas tshe dang ldan pa nye dga' dus sngar der song nas des khyim bdag de la smras pa/ khyim bdag kho bo khyim du 'gro ba'i khyim dag lta'i bar du khyod re shig zhal zas sta gon gyis shig /kho bo ma 'ongs kyi bar du yang khyod kyis re shig brim par mi bya'o zhes smras te song ngo / /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la khyim bdag de rgyus mi shes pa yin pas des spyan 'dren gtong bar mi byed kyis dus sngar sheg shig dang 'dong ngo zhes sgo zhig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas dge slong rnams la bsgo ba dang / dge slong rnams chas te lhags so/ /de nas bcom ldan 'das dge slong gi tshogs kyis yongs su bskor cing dge slong gi dge 'dun gyis mdun du bdar nas khyim bdag de'i khyim ga la ba der gshegs te sgo drung na gzhes so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la khyim bdag de la sangs rgyas la sogs pa dge slong gi dge 'dun sgo drung na gzhes kyis ci bde gyis shig ces sgo shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas nang du song ste/ khyim bdag de la khyim bdag sangs rgyas la sogs pa dge slong gi dge 'dun sgo drung na gzhes kyis ci bde gyis shig /khyim bdag gis smras pa/ 'phags pa bdag gis khyed cag gi ci bde ci lags ni ma 'tshal gyi/ 'di ltar khyed cag kho na'i slad du gdan dag bshams kyis bzhugs su gsol/ tshe dang ldan pa kun dga' bos bcom ldan 'das la gsol pa/ bcom ldan 'das khyim bdag de'i mchid nas bdag gis khyed cag gi ci bde ci lags ni ma 'tshal gyi/ 'di ltar khyed cag kho na'i slad du gdan bshams kyis bzhugs su gsol zhes mchi'o/ /bcom ldan 'das kyis bka' stsal pa/ gal te de skad zer na khyed cag kho na'i phyir stan dag bshams pas ci bde byas par brjod par bya ste/ 'dug par bya zhing 'di la 'gyod par mi bya'o/ /sangs rgyas la sogs pa dge slong gi dge 'dun bzhugs pa dang ji tsam na gdugs tshod la bab tu nye bas/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la khyim bdag la gdugs tshod la bab tu nye bas zhal zas brims shig /zas 'dis khyod la ci zhig bya zhes gyis shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas khyim bdag la bsgo ba dang / des smras pa/ 'phags pa nye dga' mchis sam/ tshe dang ldan pa kun dga' bos smras pa/ khyim bdag ma 'ongs so/ /des smras pa/ 'phags pa de mchi'i bar du yud tsam zhig gzhes su gsol/ bcom ldan 'das la tshe dang ldan pa kun dga' bos gsol pa/ bcom ldan 'das khyim bdag de'i mchid nas nye dga' mchis sam zhes mchi nas bdag gis ma mchis so zhes bgyis pa dang / de'i mchid nas de mchi'i bar du yud tsam zhig gzhes su gsol zhes mchi'o/ /bcom ldan 'das kyis yud tsam zhig gzhes nas yang tshe dang ldan pa kun dga' bo la bka' stsal pa/ kun dga' bo song la khyim bdag la gdugs tshod la bab kyis zhal zas brims shig /zas rul bar gyur pa 'dis khyod la ci bya zhes gyis shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas khyim bdag la bsgo ba dang / des smras pa/ 'phags pa nye dga' mchis sam/ tshe dang ldan pa kun dga' bos smras pa/ khyim bdag ma 'ongs so/ /des smras pa/ 'phags pa de mchi'i bar du yud tsam zhig gzhes su gsol/ bcom ldan 'das la tshe dang ldan pa kun dga' bos gsol pa/ bcom ldan 'das khyim bdag de'i mchid nas nye dga' mchis sam zhes mchis nas/ bdag gis ma mchis so zhes bgyis pa dang / de'i mchid nas de mchi'i bar du yud tsam zhig gzhes su gsol zhes mchi'o/ /bcom ldan 'das kyis bka' stsal pa/ kun dga' bo khyod song la khyim bdag la nye dga' 'ongs par ma gyur na zan sbyin par mi byed dam zhes gyis shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas khyim bdag la de skad smras pa dang / des smras pa/ 'phags pa mi gsol lo/ /bcom ldan 'das la tshe dang ldan pa kun dga' bos gsol pa/ bcom ldan 'das mi gsol lo zhes mchi'o/ /de nas bcom ldan 'das kyis tshigs su bcad pa bka' stsal pa/ gzhan dbang thams cad sdug bsngal te/ /bdag dbang thams cad bde ba yin/ /thun mong dag gis gnod byed de/ /'brel pa shin tu 'da' bar dka'/ /ji tsam na gdugs tshod kyi mtha' la bab pa na nye dga' 'ongs nas des smras pa/ khyim bdag mi 'brim par ci sdod/ des smras pa/ 'phags pa khyod kyi zhal nas kho bo ma 'ongs kyi bar du re shig brim par mi bya'o zhes byung la da 'di skad ces gsung ngam/ nye dga' shags med nas cang mi smra bar 'dug go/ /de nas khyim bdag des brim par brtsams pa dang / ji tsam na gdugs tshod yol nas dge slong kha cig gis ni zan thob nas zan bcad pa byas/ kha cig gis ni zan ma thob pa kho nar zan bcad pa byas nas bcom ldan 'das kyis yon bshad pa mdzad de gshegs so/ /nye dga' ngo tsha bar gyur pa'i snying gis de nyid du 'dug go/ /de'i nyin mo gso sbyong gi zhal ta pa rgan pa'i mtha' logs su 'dug ste/ dge slong rnams la yang dag par bsgo zhing smras pa/ btsun pa nye dga' ma mchis sam/ 'ga' zhig gis de'i 'dun pa blangs sam/ dge slong rnams kyis smras pa/ de ma 'ongs te sus kyang de'i 'dun pa yang ma blangs so/ /dge slong gzhan dag gis smras pa/ tshe dang ldan pa dag nye dgas bdag cag snga dro zang zing gi ched la ches tho btsams la/ da ni chos kyi ched la tho 'tsham par byed do/ /dge slong don chung ngu dag ci'i phyir dge slong dag zas dang bcas pa'i khyim du mgron du bos nas snga dro dang / phyi dro khyim dag tu rgyu bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga' khyod zas dang bcas pa'i khyim du mgron du bos nas snga dro dang / phyi dro khyim dag tu rgyu bar byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su 'thun pa ma yin pa rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zas dang bcas pa'i khyim du mgron du bos nas snga dro dang / phyi dro khyim dag tu rgyu na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /dge slong nad ngan can dag 'khod pa dag gis yun ring du 'dug mi nus nas dge slong nad g.yog rnams kyis nad pa'i bya ba nyams par byed cing / dge slong zhal ta byed pa dag gis kyang dge 'dun gyi bya ba nyams par byed nas bcom ldan 'das kyis bka' stsal pa/ khyim pa 'dug pa la bsgo bar bya'o/ /bcom ldan 'das kyis khyim pa 'dug pa la bsgo bar bya'o/ /zhes bka' stsal nas/ dge slong zhig gis khyim gzhan du lhung bzed dang chos gos bzhag nas ji tsam na der me shor nas/ dge slong des der 'gro bar brtsams te/ de lam gyi phyed du son pa dang / bdag gis khyim pa 'dug pa la ma bsgo'o snyam pa'i dran pa skyes nas de phyir log ste/ ji srid du khyim pa 'dug pa la bsgo bar byed pa de srid du de'i lhung bzed dang / chos gos tshig nas de der song ba dang khyim bdag gis smras pa/ 'phags pa khyod ci'i slad du 'phyis te byon/ des na khyod kyi lhung bzed dang chos gos tshig gi/ gal te khyod myur du byon par gyur na khyod kyi lhung bzed dang chos gos tshig par mi 'gyur ro/ /zhes zer zhing dge slong de yang phongs par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na de 'dra ba'i rkyen ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zas dang bcas pa'i khyim du mgron du bos nas snga dro dang phyi dro khyim dag tu rgyu zhing khyim pa 'dug pa la mi sgo na de 'dra ba'i rkyen ma gtogs te ltung byed do/ /yang dge slong gang zhes bya ba ni shākya'i bu nye dga' 'am/ gzhan yang de lta bu gang yin pa'o/ /zas dang bcas pa'i zhes bya ba ni mgron du bos pa dang bcas pa'i 'o/ /khyim du zhes bya ba ni bram ze dang khyim bdag gi khyim du'o/ /mgron du bos nas shes bya ba ni bsod snyoms kyi phyir ro/ /snga dro zhes bya ba ni snga dro nyid de khyim gnyis las lhag par rgyu na'o/ /phyi dro zhes bya ba ni phyi dro nyid de khyim gsum las lhag par rgyu na'o/ /khyim dag tu zhes bya ba ni bram ze dang / khyim bdag gi khyim dag tu'o/ /rgyu zhing zhes bya ba ni 'gro zhing ngo / /khyim pa 'dug pa la mi sgo na zhes bya ba ni de na khyim pa gang 'dug pa la'o/ /de 'dra ba'i rkyen ma gtogs te zhes bya ba ni de 'dra ba'i rkyen bzhag ste'o/ /ltung byed do zhes bya ba ni sems can dmyal ba dang / dud 'gro dang yi dags ngan song dang ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong ji tsam cung zad zas dang bcas pa'i khyim du mgron du bos nas snga dro khyim gnyis las lhag par rgyu zhing phyi dro yang khyim gsum las lhag par rgyu na thams cad du ltung byed du 'gyur ro/ /de'i ngor mgron du bos pa ma yin na ltung ba med do/ /las dang po pa dang / smyos pa dang sems 'khrug pa dang / tshor ba dag gis nyen pa la ltung ba med do/ /grong rgyu ba'i ltung byed de brgyad bcu rtsa gcig pa rdzogs sho// // sgo gtan gyi bslab pa'i gzhi'i bar sdom la/ dga' bo nye dga' zhag bdun dang / /bzang byin sdums byed tshul khrims dang / /nag po tshigs bcad 'char ka dang / /bcu dang bslab gzhi'i rim pa dang / /grong khyer gnyis dang g.yul gzhi dang / /lha mo khar phor 'phyang ba dang / /sngo bsangs rgyal srid pog ka na/ /ma la khar ba byin pa dang / /lham gyi dbang phyug mnyan yod dang / /sngon gyi tshul dang nor bzangs dang / /drang srong rnams dang gtsug lag khang / /mgu byed dang ni gzungs byed dang / /stong thub dang ni 'brog gnas dang / /lag brgyud dang ni sngo bsangs can/ /mi gdung rnams su skyes pa dang / /dpa' chen dang ni sgur mchog dang / /dpe med ma dang lcags mgar dang / /sing ga la dang shar pa dang / /snyan smra dang ni tshig pa dang / /sgur dang thos pa 'dzin pa dang / /bran mo dang ni bram ze mo/ /mgu byed dpal ldan gyur pa dang / /shā ri'i bu ni zhugs pa dag /sgo gtan yang dag bsdus pa yin/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong dag dgon pa dang shing drung dang / khyim gyis stong pa dang / ri sul dang / ri phug dang rtswa spyil dang / bla gab med pa dang / dur khrod dang / nags khrod dang / ri drung dang / bas mtha'i gnas mal 'di dag tu bsam gtan gyis shig /dge slong dag bag yod par bsgrubs la phyis 'gyod par mi 'gyur bar gyis shig /'di ni nga'i gdam ngag dang rjes su bstan pa yin no/ /bcom ldan 'das kyis dge slong rnams la de skad ces bka' stsal nas/ dge slong rnams dgon pa dang / shing drung dang / khyim gyis stong pa dang / ri sul dang ri phug dang / rtswa spyil dang / bla gab med pa dang / dur khrod dang / nags khrod dang / ri drung dang / bas mtha'i gnas mal dag tu zhugs te/ kha cig ni ri rab kyi bang rim na bsam gtan byed/ kha cig ni gser gyi ri bdun po dag la/ kha cig ni mtsho chen po ma dros pa na/ kha cig ni rdzing bu dal gyis 'bab pa na/ kha cig ni rnal 'byor pa'i skye bo dang rjes su mthun pa'i grong dang / grong rdal dang / yul dang yul 'khor dang / rgyal po'i pho brang gi phyogs de dang de dag na bsam gtan byed do/ /ri'i rgyal po ri rab dpag tshad brgyad khri ni chu'i nang du nub/ dpag tshad brgyad khri ni chu las mngon par 'phags te de la dpag tshad 'bum drug khri yod do/ /ri'i rgyal po ri rab kyi ngos re re la dpag tshad brgyad khri brgyad khri yod de/ de dag la dpag tshad sum 'bum nyi khri yod do/ /ri'i rgyal po ri rab rin po che sna bzhi las byas pa gzugs bzang ba/ blta na sdug pa/ mdzes pa yin te/ der klu'i rgyal po dga' bo dang / nye dga' gnyis skyes nas de gnyis kyi lus kyis de lan gsum dkris te 'khod cing bskal par gnas pa sa 'dzin pa/ 'dab chags kyi rgyal po 'dab bzangs kyis dbyung bar mi nus pa yin no/ /de gnyis 'di snyam du sems te/ bdag cag gnyis kyi bsod nams kyi gnas 'di byung ngo snyam nas de gnyis ser snas kun nas dkris pas nyin mo lan gsum mi mthun pa'i rlung gtong ste/ des ri rab kyi bang rim la gnas pa'i ri dgas dang / bya mang po dag tshul ma yin pas sdug bsngal bar gyur to/ /de na dge slong gang dag ri rab kyi bang rim na bsam gtan byed pa de dag kyang mi mthun pa'i rlung des skya bo bseng bseng por gyur cing / rid pa dang nyam chung ba dang / rke ba dang lus ma thob par gyur nas de dag dbyar gyi zla ba gsum po dag 'das nas bcom ldan 'das kyi zhabs la phyag 'tshal du mnyan yod du lhags pa dang / dge slong rnams kyis de dag mthong nas smras pa/ tshe dang ldan pa dag 'ongs pa legs so/ /'ongs pa legs so/ /khyed cag ga las 'dir 'ongs/ khyed cag dbyar gang du gnas par khas blangs/ de dag gis smras pa/ tshe dang ldan pa dag bdag cag ri rab kyi bang rim nas 'dir 'ongs so/ /bdag cag ri rab kyi bang rim du dbyar gnas par khas blangs so/ /dge slong rnams kyis smras pa/ tshe dang ldan pa dag khyed cag ci'i phyir skya bo bseng bseng por gyur cing / rid pa dang nyam chung ba dang / rke ba dang lus ma thob par gyur/ de dag gis smras pa tshe dang ldan pa dag ri rab kyi bang rim du klu'i rgyal po dga' bo dang nye dga' gnyis skyes nas de gnyis kyi lus kyis de lan gsum dkris te 'khod cing bskal par gnas pa/ sa 'dzin pa/ 'dab chags kyi rgyal po 'dab bzangs kyis dbyung bar mi nus pa yin no/ /de gnyis 'di snyam du sems te/ bdag cag gnyis kyi bsod nams kyi gnas 'di byung ngo snyam nas de gnyis ser snas kun nas dkris pas nyin mo lan gsum mi mthun pa'i rlung gtong ste/ des ri rab kyi bang rim la gnas pa'i ri dgas dang / bya mang po dag tshul ma yin pas sdug bsngal bar gyur to/ /bdag cag kyang mi mthun pa'i rlung des skya bo bseng bseng por gyur cing / rid pa dang nyam chung ba dang / rke ba dang lus ma thob par gyur to/ /dge slong rnams kyis smras pa/ tshe dang ldan pa dag khyed kyis de gnyis gdul bar mi nus sam/ de dag gis smras pa/ tshe dang ldan pa dag re shig de gnyis bdag cag gis gdul ba ma yin no/ /'o na sus gdul ba yin/ nyan thos chen pos gdul ba yin no zhes zer ba'i skabs de dge slong rnams kyis bcom ldan 'das la gsol to/ /de nas bcom ldan 'das kyis dgongs pa/ de gnyis gang gis gdul ba yin snyam na/ dge slong maud gal gyi bu chen pos gdul ba yin par gzigs shing mkhyen nas/ tshe dang ldan pa maud gal gyi bu chen po la bka' stsal pa/ maud gal gyi bu ri rab kyi bang rim na klu'i rgyal po dga' bo dang / nye dga' gnyis la soms shig /tshe dang ldan pa maud gal gyi bu chen pos btsun pa bka' bzhin 'tshal zhes bcom ldan 'das las mnyan nas 'di lta bu'i ting nge 'dzin la snyoms par zhugs te/ ji ltar sems mnyam par bzhag na mnyan yod nas mi snang bar gyur cing / ri rab kyi bang rim du son par gyur pa de lta bu'i ting nge 'dzin la snyoms par bzhugs so/ /de'i tshe na klu'i rgyal po dga' bo dang nye dga' gnyis gnyid log par gyur nas des se gol gyis sad par bya bar brtsams na de gnyis ma sad do/ /des de gnyis kyi steng du bcag par brtsams na de lta na yang de gnyis ma sad do/ /des de gnyis kyi ltor zhugs te sprin chen bzhin du 'brug bsgrags par brtsams na de lta na yang de gnyis ma sad do/ /des klu chen po'i lus kyis ri'i rgyal po ri rab la lan bdun dkris te steng du gdengs ka chen po byas te 'dug pa dang / de gnyis khur lci bas mnan pas sad de ji tsam na klu chen po zhig gis bdag cag gnyis mnan par mthong nas de gnyis kyis bsams pa/ klu rdzu 'phrul chen po zhig byung ste bdag cag gnyis gnas 'di nas nyams par gyur gyis bros te 'dong ngo snyam du rig nas skrag ste/ bram ze'i khye'u'i kha dog tu bdag nyid mngon par sprul nas 'bros par brtsams so/ /de nas tshe dang ldan pa maud gal gyi bu chen pos rdzu 'phrul mngon par 'du bya ba de phyir bsdus nas de gnyis kyi mdun du 'dug ste smras pa/ klu'i dbang po gnyis gar 'dong / de gnyis kyis smras pa/ klu rdzu 'phrul chen po zhig byung ste/ bdag cag gnyis 'di nas nyams par gyur gyis 'bros su 'gro'o/ /des smras pa/ tshur shog klu de ci 'dra ba blta'o/ /de gnyis de dang lhan cig phyir log pa dang / ji tsam na mi snang nas de gnyis kyis smras pa/ 'phags pas bdag cag gnyis la ku re ma bgyis sam/ des smras pa/ de yin no 'o na bdag cag gnyis kyis nongs pa ci bgyis/ rga ba'i chos can khyed gnyis kyis sangs rgyas kyi pho nya 'ongs pa la ma bsams so/ /'phags pa khyod sangs rgyas kyi pho nya lags sam/ sangs rgyas kyi pho nya yin no/ /'phags pa gal te khyod sangs rgyas kyi pho nya lags na bdag cag gnyis kyis ci bgyi ba stsal du gsol/ tshur shog bcom ldan 'das kyi spyan snga kho nar 'dong ngo / /'phags pa ma nongs te de bzhin bgyis bzhud do/ /de nas tshe dang ldan pa maud gal gyi bu chen pos klu'i rgyal po dga' bo dang / nye dga' gnyis khrid nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la tshe dang ldan pa maud gal gyi bu chen pos 'di skad ces gsol to/ /btsun pa bcom ldan 'das kyis gang gi slad du bdag la bka' stsal pa'i klu'i rgyal po dga' bo dang nye dga' de gnyis ni 'di lags so/ /de nas bcom ldan 'das kyis klu'i rgyal po dga' bo dang nye dga' la 'di skad ces bka' stsal to/ /klu'i dbang po khyed gnyis sngon gyi nyes par spyad pas klu'i skye gnas ngan par skyes shing khyed gnyis da ltar drag shul can/ lag pa khrag gis gos pa/ nyams pa dang / rab tu nyams pa la zhen pa/ gzhan gyi srog 'phrogs pa/ gzhan gyi srog bcad pas 'tsho bar byed de/ 'di nas shi 'phos na khyed gnyis kyi 'gro ba ni cir 'gyur/ skye ba ni cir 'gyur/ tshe phyi ma ni cir 'gyur/ de gnyis kyis gsol pa/ bcom ldan 'das bdag cag gnyis kyis ci zhig bgyi ba bka' stsal du gsol/ bcom ldan 'das kyis bka' stsal pa/ klu'i dbang po gnyis tshul shog nga'i drung du skyabs su 'gro ba dang / bslab pa'i gzhi dag long la ri rab kyi bang rim la gnas pa'i ri dgas dang / bya rnams la mi 'jigs pa byin cig /de gnyis kyis gsol pa/ btsun pa bdag cag gnyis bcom ldan 'das kyi spyan sngar skyabs su mchi ba dang / bslab pa'i gzhi dag len cing ri rab kyi bang rim la gnas pa'i ri dgas dang / bya rnams la mi 'jigs pa stsol to/ /de gnyis kyis bcom ldan 'das kyi spyan sngar skyabs su 'gro ba dang / bslab pa'i gzhi dag blangs nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas dong ngo / /dge slong rnams the tshom skyes nas/ the tshom thams cad gcod pa sangs rgyas bcom ldan 'das la zhus pa/ btsun pa klu'i rgyal po dga' bo dang nye dga' gnyis kyis las ci bgyis na las de'i rnam par smin pas klu'i nang du skyes/ las ci bgyis na des rin po che sna bzhi las bgyis pa'i gnas mngon par grub cing lha'i bdud rtsi'i zas dang sbrang rtsi'i chang gi btung ba dang / re re la yang 'khor nyis stong lnga brgya dang ldan par gyur/ las ci bgyis na des na bskal par gnas pa sa 'dzin pa/ 'dab chags kyi rgyal po 'dab bzangs kyis dbyung bar rngo mi thog par gyur/ bcom ldan 'das kyis bka' stsal pa/ dge slong dag 'di gnyis kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing / bsags pas 'di gnyis kyis las byas shing / bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang / mi dge ba byas shing bsags pa dag ni zin pa'i phung po dang / khams dang skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ / rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba bskal pa chen po bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de dge slong nyi khris bskor cing grong khyer bā rā ṇa sī na drang srong smra ba ri dgas kyi nags na nye bar brten cing bzhugs so/ /de'i tshe na grong khyer bā rā ṇa sī na rgyal po kri ki zhes bya ba rgyal srid 'byor pa rgyas pa/ bde ba lo legs pa/ skye bo dang mi mang pos gang ba/ thab mo dang / 'thab pa dang / phyi dgra dang nang 'khrug rab tu zhi ba/ chom rkun dang mu ge dang bral ba/ sā lu dang bu ram shing gi phreng ba dang / ba lang dang ma he phun sum tshogs pa byed du bcug ste/ chos dang ldan pa chos kyi rgyal pos chos kyi rgyal srid byed du bcug go/ /rgyal po kri kis de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od srung 'jig rten du byung ste/ de dge slong nyi khris bskor cing grong khyer bā rā ṇa sī na drang srong smra ba ri dgas kyi nags na nye bar brten cing bzhugs shes thos so/ /thos nas kyang rgyal po'i 'byor pa chen po dang / rgyal po'i mthu chen pos yang dag par rdzogs pa'i sangs rgyas 'od srung ga la ba der song ste/ rgyal po kri kis yang dag par rdzogs pa'i sangs rgyas 'od srung skyes bu chen po'i mtshan sum bcu rtsa gnyis kyis sku legs par brgyan pa/ dpe byad bzang po brgyad bcus sku rnam par mdzes pa/ 'od 'dom gang gis gzugs can brgyan pa/ nyi ma stong bas lhag pa'i 'od dang ldan pa/ rin po che'i ri bo kun du 'gro ba ltar bzang ba mthong ngo / /mthong ma dag tu rgyal po kri ki bcom ldan 'das 'od srung la shin tu dad pa skyes nas yang dag par rdzogs pa'i sangs rgyas 'od srung ga la ba der song ste phyin nas yang dag par rdzogs pa'i sangs rgyas 'od srung gi zhabs gnyis la mgo bos phyag 'tshal te mtha' gcig tu 'dug go/ /yang dag par rdzogs pa'i sangs rgyas 'od srung gis rgyal po kri ki'i bsam pa dang / bag la nyal dang / khams dang rang bzhin thugs su chud nas gang thos na/ rgyal po kri kis stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan pa mdzad do/ /des bden pa mthong nas btsun pa bcom ldan 'das kyis bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang dud 'gro dang / yi dags dag nas ni rkang pa phyung / lha dang mi rnams kyi nang du ni bzhag go zhes lan gsum ched du brjod pa ched du brjod do/ /yang smras pa/ khyod mthus rab drag nyes pa mang ldan pa'i/ /ngan song shul bkag bsod nams rab ldan pa'i/ /mtho ris 'gro ba phye zhing bdag gis ni/ /mya ngan 'das pa'i shul yang thob par 'gyur/ /shin du rnam dag khyod brten bdag gis ni/ /de ring skyon bral dag pa'i mig thob cing / /go 'phang zhi ba 'phags pa dgyes thob ste/ /sdug bsngal rgya mtsho'i pha rol rgal bar gyur/ /'gro bar lha min mi dang lhas mchod pa/ /skye dang rga dang na 'chi bral ba po/ /srid pa stong du mthong ba rab dkon pa/ /thub pa de ring khyod mthong 'bras bu mchis/ /shes smras te stan las langs nas yang dag par rdzogs pa'i sangs rgyas 'od srung la lan gsum bskor ba byas te zhabs gnyis la mgo bos phyag 'tshal nas song ngo / / gang gi tshe rgyal po kri kis yang dag par rdzogs pa'i sangs rgyas 'od srung gi spyan sngar bden pa dag mthong ba de'i tshe na de don gyi gnas su 'dug ste/ blon po dang grong khyer pa dang / yul mi rnams la smras pa/ kwa'i blon po dang / grong khyer pa dang / yul mi dag nyon cig /ngas bcom ldan 'das yang dag par rdzogs pa'i sangs rgyas 'od srung gi spyan sngar bden pa dag mthong bas da ngas chos dang chos ma yin pas rgyal srid byed du 'jug mi nus kyis de'i phyir khyed kyis gzhon nu legs skyes rgyal srid kyi dbang phyug gi bdag por zhog shig /nga yang dag par rdzogs pa'i sangs rgyas 'od srung gi spyan sngar skra dang / kha spu dag bregs te gos ngur smrig dag bgos nas yang dag pa kho nar dad pas khyim nas khyim med par rab tu byung ngo / /de la blon po'i mchog dga' bo dang / nye dga' zhes bya ba gnyis shig yod pa de gnyis kyis de'i rkang pa gnyis la gtugs te smras pa/ lhas mtshan ma tsam 'ba' zhig mdzod cig dang bdag cag gnyis kyis chos kyis lha'i rgyal srid bgyid du stsal to/ /rgyal pos smras pa/ gal te de lta na byed du chug shig /de gnyis kyis ji srid pa de srid du chos kyis rgyal srid byed du bcug nas yang chos dang chos ma yin pas rgyal srid byed du gzhug par brtsams pa dang / de gnyis kyi nye du yang dag par rdzogs pa'i sangs rgyas 'od srung gi bstan pa la rab tu byung ba de dag de gnyis kyi gan du 'ongs te smras pa/ tshe dang ldan pa gnyis chos kyis rgyal srid byed du chug shig /chos dang chos ma yin pas byed du ma gzhug shig /sems can dmyal ba la gzhol bar ma byed cig /de gnyis kyis de dag las thos nas ji srid pa de srid du chos kyis rgyal srid byed du bcug nas yang chos dang chos ma yin pas rgyal srid byed du gzhug par brtsams pa dang / de dag yang de gnyis kyi gan du 'ongs te smras pa/ tshe dang ldan pa gnyis chos kyis rgyal srid byed du chug shig /chos dang chos ma yin pas byed du ma gzhug shig /sems can dmyal ba la gzhol bar 'gyur bar ma byed cig /de gnyis kyis smras pa/ 'phags pa dag bdag cag blon po dag ni rgyal srid bgyid du stsol ba gsang tshig 'thun pas 'tsho ba lags pas gcig tu chos kyis rgyal srid bgyid du stsol ba'i rngo mi thog ste/ nges par kho nar khyad par can ma lags pa dag ni tshar bcad par bgyi zhing khyad par can dag ni yongs su bskyang bar bgyi 'tshal lo/ /de dag gis smras pa/ gal te de lta na yo byad thams cad phun sum tshogs pa'i gtsug lag khang byed du chug la yang dag par rdzogs pa'i sangs rgyas 'od srung nyan thos kyi dge 'dun dang bcas pa la phul la/ dge slong rnams la ni gzhon nu'i yongs su spang ba byin cig / dge slong ma rnams la ni btsun mo'i 'khor gyi yongs su spang ba byin cig dang / des khyod gnyis la yun ring po'i don dang / phan pa dang bde bar 'gyur ro/ /de gnyis kyis smras pa/ 'phags pa dag ma nongs kyis de bzhin bgyi'o zhes de gnyis kyis yo byad thams cad phun sum tshogs pa'i gtsug lag khang byed du bcug ste yang dag par rdzogs pa'i sangs rgyas 'od srung nyan thos kyi dge 'dun dang bcas pa la phul zhing / dge slong rnams la ni gzhon nu'i yongs su spang ba byin/ dge slong ma rnams la ni btsun mo'i 'khor gyi yongs su spang ba byin no/ /dge slong dag de'i tshe de'i dus na rgyal po kri ki'i blon po'i mchog dga' bo dang / nye dga' zhes bya ba de gnyis ni da ltar klu'i rgyal po dga' bo dang / nye dga' 'di gnyis yin te/ de gnyis kyis chos dang chos ma yin pas rgyal srid byed du bcug pa gang yin pa des ni klu rnams kyi nang du skyes so/ /yo byad thams cad phun sum tshogs pa'i gtsug lag khang byed du bcug ste yang dag par rdzogs pa'i sangs rgyas 'od srung nyan thos kyi dge 'dun dang bcas pa la phul ba gang yin pa des ni rin po che sna bzhi las byas pa'i gnas mngon par grub cing lha'i bdud brtsi'i zas dang / sbrang rtsi'i chang gi btung ba dang / re re la yang 'khor nyis stong lnga brgya dang ldan par gyur te/ dge slong rnams la gzhon nu'i yongs su spang ba byin pa dang / dge slong ma rnams la btsun mo'i 'khor gyi yongs su spang ba byin pa gang yin pa des ni bskal par gnas pa/ sa 'dzin pa 'dab chags kyi rgyal po 'dab bzangs kyis dbyung bar mi nus par gyur to/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang 'dren ma rnams spangs te/ las gcig tu dkar ba rnams la brtsal bar bya ste/ dge slong dag khyed kyis de ltar bslab par bya'o/ /gang gi tshe bcom ldan 'das kyis klu'i rgyal po dga' bo dang nye dga' gnyis skyabs su 'gro ba dang / bslab pa'i gzhi dag la bkod pa de'i tshe na de gnyis tshes brgyad dang / tshes bcu bzhi dang / tshes bcwa lnga la ri rab kyi bang rim du 'ongs nas bcom ldan 'das la bsnyen bkur byed do/ /de gnyis gang gi tshe mtshan mo bcom ldan 'das la bsnyen bkur byed pa de'i tshe na ni gzhal med khang pa'i cha lugs kyis bsnyen bkur byed cing / gang gi tshe nyin mo bcom ldan 'das la bsnyen bkur byed pa de'i tshe na ni khyim bdag gi cha lugs kyis bsnyen bkur byed do/ /dus gzhan zhig na de gnyis nyin mo khyim bdag gi cha lugs kyis bcom ldan 'das kyi spyan sngar song ngo / /ji tsam na ko sa lar byung ba'i rgyal po gsal rgyal yang rgyal byed kyi tshal ga la ba der song ngo / /rgyal rigs ni mngon pa'i nga rgyal can yin pas rgyal po de gang gi tshe bcom ldan 'das kyi spyan sngar 'gro ba de'i tshe na bdag bcom ldan 'das kyi spyan sngar song ba na 'ga' zhig bdag la mngon sum du ldang bar mi 'gyur ba med grang snyam nas mi dag pa'i mtha' can gtong bar byed pa yin pas de nas ko sa lar byung ba'i rgyal po gsal rgyal gyis rgyal byed kyi tshal gyi sgor bsdad de mi dag pa'i mtha' can zhig la smras pa/ kwa'i nang rje song la bcom ldan 'das la su dag bsnyen bkur byed pa ltos shig /mi dag pa'i mtha' can des lha bka' bzhin 'tshal zhes ko sa lar byung ba'i rgyal po gsal rgyal las mnyan nas bcom ldan 'das ga la ba der song ba dang / ji tsam na khyim bdag gnyis shig bcom ldan 'das la bsnyen bkur byed pa mthong ngo / /mthong nas kyang ko sa lar byung ba'i rgyal po gsal rgyal ga la ba der song ste phyin nas ko sa lar byung ba'i rgyal po gsal rgyal la 'di skad ces gsol to/ /lha khyim bdag gnyis shig bcom ldan 'das la bsnyen bkur bgyid de de gnyis lha'i yul na gnas pa dag lags gor ma bkum mo/ /rgyal pos bsams pa/ khyim bdag de gnyis bdag gi yul na gnas pa yin pas de gnyis kyis bdag mthong na mngon du ldang bar 'gyur grang snyam nas de bcom ldan 'das ga la ba der song ngo / /klu'i rgyal po dga' bo dang nye dga' gnyis kyis ko sa lar byung ba'i rgyal po gsal rgyal thag ring po kho na nas mthong ngo / /mthong nas kyang de gnyis kyis bcom ldan 'das la 'di skad ces gsol to/ /btsun pa ci lags re shig dam pa'i chos la bsnyen bkur bgyi 'am/ 'on te rgyal po la bsnyen bkur bgyi/ bcom ldan 'das kyis bka' stsal pa/ klu'i dbang po gnyis re shig dam pa'i chos la bsnyen bkur gyis shig /sangs rgyas bcom ldan 'das rnams ni dam pa'i chos la gus par mdzad de dgra bcom pa dag kyang chos bla mar byed do/ /de nas bcom ldan 'das kyis byung ba 'di la tshigs su bcad pa dag bka' stsal pa/ sangs rgyas gang dag 'das pa dang / /sangs rgyas gang dag ma byon dang / /sangs rgyas mya ngan sel mdzad pa/ /da ltar mang po gang bzhugs dag / thams cad dam pa'i chos la ni/ /gus par gnas gyur gnas 'gyur zhing / /de bzhin gus par gnas mdzad de/ /de ni sangs rgyas chos nyid yin/ /de phyir bdag la legs 'dod cing / /bdag nyid chen po mngon 'dod pa/ / sangs rgyas bstan pa dran byed na/ /'di la dam chos gus par bya/ /de gnyis kyis ko sa lar byung ba'i rgyal po gsal rgyal la mngon du ldang bar ma byas pa dang / rgyal po khros te bsams pa/ khyim bdag 'di gnyis bdag gi yul na gnas pa dag yin na bdag la mngon du ldang bar mi byed do snyam nas de khro bas kun nas dkris bzhin du bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /bcom ldan 'das kyis 'di khro bas kun nas dkris so snyam nas bka' mchid gzhan dag mdzad par brtsams te chos ston par mi mdzad pa dang / des gsol pa/ bcom ldan 'das chos bstan du gsol/ /bde bar gshegs pa chos bstan du gsol/ / de skad ces gsol pa dang / bcom ldan 'das kyis tshigs su bcad pa dag bka' stsal pa/ rab tu dang sems med pa dang / /zhe sdang can dang 'khrugs pa yis/ /yang dag rdzogs sangs bstan pa yi/ /dam chos kun shes bya mi nus/ /gang gis nyes rtsom btul byas shing / /rab dang med pa'i sems bsal te/ /kun nas mnar sems 'di spong ba/ /des ni legs gsungs shes par 'gyur/ /rgyal po rgya cher de gnyis la khros te bsams pa/ 'di gnyis la brten nas bcom ldan 'das kyis chos mnyan pa yang rgyun bkum mo snyam du rig nas sdod cig ces byas te/ bcom ldan 'das kyi zhabs gnyis la mgo bos phyag 'tshal nas stan las langs te song ngo / /gang gi tshe klu'i rgyal po dga' bo dang / nye dga' gnyis nyin mo bcom ldan 'das la bsnyen bkur byed pa de'i tshe na de gnyis kyi zho shas 'tsho ba dag gis ri rab kyi bang rim nas mnyan yod kyi bar gyi lam ji srid pa'i lam gyi ngos gnyis su rtsig pa dngar te 'khod par byed do/ / ko sa lar byung ba'i rgyal po gsal rgyal gyis blon po rnams la bsgo ba/ shes ldan dag gang gi tshe khyim bdag 'di gnyis bcom ldan 'das kyi spyan snga nas phyir byung bar gyur pa de'i tshe na 'di gnyis kyi mgo bo drung pa nas chod la sa la sgyel bar gyis shig /tshig de skad ces smras pa/ klu'i rgyal po dga' bo dang / nye dga' gnyis kyi zho shas 'tsho ba dag gis thos so/ /thos nas kyang de dag 'khrugs nas ko sa lar byung ba'i rgyal po gsal rgyal gyi steng du rdo rje rtse gcig pa dang / 'khor lo dang mda' bo che dang / mtshon rtse gcig pa la sogs pa'i mtshon dag 'phang bar brtsams so/ /sangs rgyas bcom ldan 'das rnams ni bsnyel ba mi mnga' ba'i chos can yin pas de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu ko sa lar byung ba'i rgyal po gsal rgyal 'khor dang bcas pa dang / mnyan yod na gnas pa'i skye bo'i tshogs la soms shig /tshe dang ldan pa maud gal gyi bu chen pos btsun pa bka' bzhin 'tshal zhes bcom ldan 'das las bka' mnyan nas/ byams pa'i ting nge 'dzin la snyoms par zhugs so/ /de la snyoms par zhugs pa'i bye brag gis rdo rje rtse gcig pa dang / 'khor lo dang / mda' bo che dang / mtshon rtse gcig la sogs pa'i mtshon de dag lha'i me tog utpa la dang / pad ma dang / ku mu ta dang / pad ma dkar po dang / man dā ra ba dag tu gyur te/ ko sa lar byung ba'i rgyal po gsal rgyal gyi steng du 'bab par brtsams so/ /de lha'i me tog utpa la dang / pad ma dang / ku mu ta dang / pad ma dkar po dang / man dā ra ba dag gis gang bzhin du khyim du zhugs nas des btsun mo'i 'khor dang / gzhon nu dang blon po dang khrom gyi ru sna dang / grong rdal gyi mi dang / yul mi dang / bram ze dag la smras pa/ shes ldan dag nga rgyal byed kyi tshal du zhugs tshun chad nas lha'i me tog utpa la dang / pad ma dang / ku mu ta dang / pad ma dkar po dang / man dā ra ba dag gis gang bzhin du khyim du zhugs pa 'di ci yin su yi mthu yin/ de na gang dag snyan pa dang 'jam par smra ba la mkhas pa de dag gis smras pa/ lha gzhan su zhig gis 'di 'tshal bar 'gyur/ 'di gzhan su zhig gi mthu lags/ 'di ltar lha nyid chos kyis rgyal srid bgyid du stsol bas 'di lha nyid kyi mthu lags so/ /rgyal pos smras pa/ shes ldan dag de bden te/ nga chos kyis rgyal srid byed du 'jug pas 'di gor ma chag par nga'i mthu yin no/ /btsun mo'i 'khor gyis smras pa/ bdag cag lha las gzhan pa'i skyes pa'i gan du mi mchi zhing bdag po las mi 'phyo bas 'di ni bdag cag gi mthu lags so/ /gzhon nu rnams kyis smras pa/ bdag cag yab yum la gus shing sri zhu che bas 'di ni bdag cag gi mthu lags so/ /blon po rnams kyis smras pa/ bdag cag chos kyis lha'i rgyal srid bgyid du stsol bas 'di ni bdag cag gi mthu lags so/ /khrom gyi ru sna dag gis smras pa/ bdag cag lha'i bka' chos dang ldan par sgrub par bgyid pas 'di ni bdag cag gi mthu lags so/ /grong rdal gyi mi dang yul gyi mi dag gis smras pa/ bdag cag lha la chos dang ldan par dpya 'bul bas 'di ni bdag cag gi mthu lags so/ /rgyal pos bsams pa/ 'di dag so so nas bdag cag gi mthu'o/ /bdag gi mthu'o zhes zer na su'i mthu yin pa mi shes kyis/ 'di ltar sangs rgyas bcom ldan 'das 'di thams cad mkhyen pa/ thams cad gzigs pa/ mkhyen pa dang shes bya la bla na med pa'i mnga' brnyes pa yin gyis sangs rgyas bcom ldan 'das la zhur 'gro'o snyam du rig nas lha'i me tog utpa la dang / pad ma dang / ku mu ta dang / pad ma dkar po dang / man dā ra ba de dag gis thu ba bkang nas bcom ldan 'das ga la ba der song ste/ phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas ko sa lar byung ba'i rgyal po gsal rgyal gyis skabs de bcom ldan 'das la rgyas par gsol pa dang / bcom ldan 'das kyis bka' stsal pa/ rgyal po chen po de ni khyod kyi mthu yang ma yin/ btsun mo'i 'khor gyi yang ma yin/ gzhon nu rnams kyi yang ma yin/ blon po rnams kyi yang ma yin/ khrom gyi ru sna'i yang ma yin/ grong rdal gyi mi dang / ljongs kyi mi rnams kyi yang ma yin/ bram ze rnams kyi yang ma yin te/ 'di ltar de ni dge slong maud gal gyi bu chen po'i mthu yin te/ gal te dge slong maud gal gyi bu chen pos khyod btsun mo'i 'khor dang / gzhon nu dang / blon po dang grong rdal gyi mi dang / yul gyi mi dang bcas pa la ma bsams su zin na deng nyid du mnyan yod spyod yul du mi 'gyur ba zhig na/ de ni dge slong maud gal gyi bu des khyod btsun mo'i 'khor dang / gzhon nu dang / blon po dang / grong rdal gyi mi dang / yul mi dang bcas pa la bsams pa'i mthu yin gyis de la sems mngon par dad par gyis shig /rgyal pos gsol pa/ bcom ldan 'das de ltar dge slong maud gal gyi bu'i mthu lags shing bcom ldan 'das kyi yang ma lags nyan thos chen po gzhan dag gis yang ma lags par ji ltar 'tshal bar bgyi/ rgyal po chen po de ni nga'i mthu yang ma yin/ nyan thos chen po gzhan dag gi yang ma yin te/ 'di ltar de ni dge slong maud gal gyi bu'i mthu yin no/ /gal te khyod som nyi dang yid gnyis za na lha'i me tog utpa la dang / pad ma dang / ku mu ta dang / pad ma dkar po dang / man dā ra ba 'di dag sa la 'or cig /des de dag sa la bor ba dang / rdo rje rtse gcig pa dang / 'khor lo dang / mda' bo che dang / mtshon rtse gcig la sogs pa'i mtshon sha stag tu gyur to/ /des de dag mthong nas nyam nga bar gyur te gsol pa/ bcom ldan 'das 'di ci lags/ bcom ldan 'das kyis bka' stsal pa/ rgyal po chen po khyod kyis klu'i rgyal po dga' bo dang / nye dga' gnyis la rab tu sdang ba'i sems bskyed pas de las 'di byung ngo / /rgyal pos gsol pa/ btsun pa bdag gis klu'i rgyal po dga' bo dang / nye dga' gnyis mthong bar yang mi dran na rab tu sdang ba'i sems bskyed par lta ga la 'gyur/ rgyal po chen po ngas khyod la dran par bya'o/ /btsun pa bcom ldan 'das kyis dran par mdzad du gsol/ /rgyal po chen po khyod kyis nga'i mdun du khyim bdag gnyis shig chos nyan pa gang yin pa de gnyis kyis khyod la mngon du ldang ba ma byas pa de dran nam/ bcom ldan 'das de dran no/ /rgyal po chen po khyim bdag de gnyis ni klu'i rgyal po dga' bo dang / nye dga' gnyis yin no/ /des gsol pa/ bcom ldan 'das de gnyis 'khrugs par ma gyur tam/ rgyal po chen po de gnyis ni 'khrugs par ma gyur te/ de gnyis kyi zho shas 'tsho ba dag 'khrugs par gyur to/ /bcom ldan 'das bdag gis de gnyis la ji ltar bsgrub par bgyi/ rgyal po chen po bzod pa gsol bar bya'o/ /bcom ldan 'das de gnyis ni ri rab kyi bang rim na mchis la/ bdag ni 'di na mchis na bdag gis ji ltar de gnyis la bzod pa gsol bar bgyi/ bcom ldan 'das kyis bka' stsal pa/ rgyal po chen po de gnyis tshes brgyad dang / tshes bcu bzhi dang / tshes bcwa lnga la nga'i rkang pa la phyag 'tshal du 'dir 'ong gis khyod kyang tshes brgyad dang / bcu bzhi dang / tshes bcwa lnga la 'dir shog shig dang ngas khyod la de gnyis bstan par bya'i khyod kyis bzod pa gsol cig /des gsol pa/ btsun pa ci lags bdag gis de gnyis kyi rkang pa gnyis la gtug par bgyi 'am/ bcom ldan 'das kyis bka' stsal pa/ rgyal po chen po khyod kyis de gnyis kyi rkang pa gnyis la gtug par mi bya ste/ 'di ltar mi ma rabs dag gi rkang pa la phyag 'tshal ba gang yin pa de ni mi gtso bo dag gis lag pa nas bzung ba yin gyis khyod kyis lag pa g.yas pa rkyong la klu'i dbang po gnyis bzod pa mdzod cig ces bzod pa gsol cig dang de gnyis bzod par 'gyur ro/ /des gsol pa/ btsun pa ma nongs te de bzhin du bgyi'o zhes gsol nas bcom ldan 'das kyi zhabs gnyis la mgo bos phyag 'tshal te song ngo / /ji tsam dus gzhan zhig na klu'i rgyal po dga' bo dang / nye dga' gnyis ri rab kyi bang rim du 'ongs nas bdag nyid khyim bdag gi cha lugs su mngon par sprul te/ bcom ldan 'das ga la ba der dong nas phyin pa dang / bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /ko sa lar byung ba'i rgyal po gsal rgyal yang bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug pa dang / bcom ldan 'das kyis de la brda mdzad do/ /de nas ko sa lar byung ba'i rgyal po gsal rgyal stan las langs te bla gos phrag pa gcig tu byas nas lag pa g.yas pa brkyang ste smras pa/ klu'i dbang po gnyis bzod pa mdzod cig /de gnyis kyis smras pa/ rgyal po chen po bzod par bgyi'o/ /de nas ko sa lar byung ba'i rgyal po gsal rgyal gyis klu'i rgyal po dga' bo dang / nye dga' gnyis la bzod pa gsol nas bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bdag gis 'phags pa maud gal gyi bu chen po la mchod pa'i slad du bcom ldan 'das dge slong gi dge 'dun dang bcas pas bdag gi sdum par dgung bdun gyi bar du gdugs tshod gsol bar ci gnang / bcom ldan 'das kyis ko sa lar byung ba'i rgyal po gsal rgyal la cang mi gsung bas gnang ngo / /de nas ko sa lar byung ba'i rgyal po gsal rgyal gyis bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te song nas des blon po rnams la bsgo ba shes ldan dag ngas 'phags pa maud gal gyi bu chen po mchod pa'i phyir bcom ldan 'das nyan thos kyi dge 'dun dang bcas pa zhag bdun du gdugs tshod la spyan drangs kyis khyed kyis grong khyer mdzes par gyis la gdugs tshod sta gon gyis shig /rgyal po rnams ni tshig gis 'grub pa yin la/ lha rnams ni sems kyis 'grub pa yin/ rnal 'byor pa rnams ni sems bskyed pa tsam gyis thams cad 'grub pa yin pas blon po rnams kyis lha bka' bzhin 'tshal zhes ko sa lar byung ba'i rgyal po gsal rgyal las mnyan nas rgyal byed kyi tshal dang mnyan yod kyi bar gyi lam ji srid pa dag mchog tu mdzes par byas shing mnyan yod kyang rdo ba dang gseg ma dang / gyo mo med par rnam par gnas par byas te/ tsan dan gyi chus chag chag btab cing bdug spos dri zhim po'i snod nye bar bzhag ste dar gyi chun po'i tshogs dpyangs shing rgyal mtshan dang / ba dan bsgreng ste me tog sna tshogs bkram zhing lha rnams kyi lha'i mdun sa chos bzangs ltar nyams dga' bar byas so/ /zhal zas kyang kha dog dang / dri dang ro phun sum tshogs pa dang ldan pa/ skyu rum sna tshogs dang bcas pa/ spyan gzigs sna tshogs kyis mdzes par byas pa bshams nas 'byor pa de lta bu 'dis nyi ma re re zhing sangs rgyas la sogs pa dge slong gi dge 'dun rgyal po'i pho brang du gdugs tshod gsol to/ /de na mtshan mo khur ba 'tshod pa dag tu me shor nas des ko sa lar byung ba'i rgyal po gsal rgyal gyi glang po che yan lag mchog dang ldan pa mang po dag tshig par gyur to/ /de nas gdugs tshod zhag bdun thal nas ko sa lar byung ba'i rgyal po gsal rgyal gyis mnyan yod du dril bsgrag pa byed du bcug nas mnyan yod du sus kyang mtshan mo me sbar bar mi bya'o/ /gang me sbar bar byed na de kār sha pa ṇa drug bcu'i chad pas bcad par bya ba 'am/ phyag sbal du bcug ste 'chi bar bya dgos so zhes bsgo'o/ /de'i tshe na mnyan yod na khyim bdag bzang byin zhes bya ba phyug pa/ nor mang ba longs spyod che ba/ yongs su gzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig tu 'dug ste/ des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ / de dus gzhan zhig na bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das khyim bdag bzang byin la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas khyim bdag bzang byin stan las langs te bla gos phrag pa gcig tu byas nas bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pa sang bdag gi sdum par gdugs tshod gsol bar ci gnang / bcom ldan 'das kyis khyim bdag bzang byin la cang mi gsung bas gnang ngo / /de nas khyim bdag bzang byin gyis bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas khyim bdag bzang byin gyis de nyid kyi mtshan mo bca' ba dang / bza' ba gtsang zhing bsod pa sta gon byas te nang par sngar langs nas gdan dag bshams te chu ra bzhag nas/ bcom ldan 'das la spyan 'dren gyis gdugs tshod g.yar dgongs 'tshal na/ bcom ldan 'das kyis da de'i dus la bab par dgongs su gsol zhes spyan drangs so/ /de nas bcom ldan 'das snga dro sham thabs gsol lhung bzed dang chos gos bsnams te/ dge slong gi tshogs kyis yongs su bskor cing dge slong gi dge 'dun gyis mdun du bdar nas khyim bdag bzang byin gyi khyim ga la ba der gshegs te byon nas dge slong gi dge 'dun gyi gong du gdan bshams pa nyid la bzhugs so/ /de nas khyim bdag bzang byin gyis sangs rgyas la sogs pa dge slong gi dge 'dun bde bar bzhugs par rig nas bza' ba dang bca' ba gtsang zhing bsod pas rang gi lag nas tshim par byed/ stobs par byed do/ /rnam grangs du mar bca' ba dang / bza' ba gtsang zhing bsod pas rang gi lag nas tshim par byas shing bstabs nas bcom ldan 'das gdugs tshod gsol cing phyag bcabs lhung bzed bzhag par rig nas stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go/ /bcom ldan 'das kyis de'i bsam pa dang / bag la nyal dang / khams dang rang bzhin thugs su chud nas 'di ltar khyim bdag bzang byin chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan pa mdzad do/ /des bden pa mthong nas btsun pa bcom ldan 'das kyis bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal dang dud 'gro dang / yi dags dag nas ni rkang pa phyung / lha dang mi rnams kyi nang du ni bzhag go zhes lan gsum du ched du brjod pa ched du brjod do/ /yang smras pa/ khyod mthus rab drag nyes pa mang ldan pa'i/ /ngan song shul bkag bsod nams rab ldan pa'i/ /mtho ris 'gro ba phye zhing bdag gis ni/ /mya ngan 'das pa'i shul yang thob par gyur/ /shin tu rnam dag khyod brten bdag gis ni/ /de ring skyon bral dag pa'i mig thob cing / /go 'phang zhi ba 'phags pa dgyes thob ste/ /sdug bsngal rgya mtsho'i pha rol rgal bar gyur/ /'gro ba lha min mi dang lhas mchod pa/ /skye dang rga dang na 'chi bral ba po/ /srid pa stong du mthong bar rab dkon pa/ /thub pa de ring khyod mthong 'bras bu mchis/ /bcom ldan 'das kyis chos bstan pa mdzad nas gshegs so/ /khyim bdag bzang byin chung ma dang bcas pas gang gi nyin mo bden pa mthong bar byas pa de'i nyin mo de'i chung ma la sems can zhugs par gyur to/ /khyim bdag bzang byin gyis kyang bcom ldan 'das nyan thos kyi dge 'dun dang bcas pa khyim gzhan du spyan drangs te bshos gsol nas bcom ldan 'das kyis khyim bdag bzang byin chung ma dang bcas pa la gang thos nas de gnyis kyis phyir mi 'ong ba'i 'bras bu mngon sum du byas shing rdzu 'phrul yang mngon par bsgrubs par gyur pa de ltar chos bstan pa mdzad do/ /gang gi nyin mo khyim bdag bzang byin chung ma dang bcas pas phyir mi 'ong ba'i 'bras bu mngon sum du byas shing rdzu 'phrul mngon par bsgrubs pa de'i nyin mo de'i chung ma la bu btsas pa las khye'u gzugs bzang ba/ blta na sdug pa mdzes pa/ gsal ba gser gyi mdog 'dra ba/ mgo gdugs lta bu dang ldan pa lag pa ring ba/ dpral ba'i dbyes che ba smin ma 'jar ba/ sna'i bzangs mtho ba zhig byung ngo / /de'i nye du dag 'dus shing lhags nas nyi ma bdun gsum nyi shu gcig tu btsas pa'i btsas ston rgya cher byas nas khye'u yi ming cir gdags shes ming 'dogs par byed do/ /nye du dag gis smras pa/ gang gi phyir khye'u 'di'i pha ma gnyis kyis nyi ma gang la phyir mi 'ong ba'i 'bras bu mngon sum du byas shing rdzu 'phrul mngon par bsgrubs par gyur pa'i nyi ma de la btsas pas de'i phyir khye'u'i ming rdzu 'phrul len ces bya'o zhes de'i ming rdzu 'phrul len ces bya bar btags so/ /khye'u rdzu 'phrul len pa ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsen grogs kyi ma ma gnyis la rjes su gtad do/ /de ma ma brgyad po de dag gis 'o ma dang zho dang mar dang zhun mar dang mar gyi nying khu dang gzhan yang yo byad kyi bye brag gtso bo/ gtso bo dag gis sring bar byed/ skyed par byed cing rdzing na gnas pa'i pad ma bzhin du myur du skyed par byed do/ /de gang gi tshe chen por gyur pa de'i tshe yi ge dang / grangs dang rtsis dang lag rtsis dang dbyung ba dang / gzhug pa dang / bzhag pa la nye bar zhugs nas de yi ge'i mthar phyin cing / 'byed pa dang klog pa dang / mkhas pa dang spyod pa gsal ba dang / brtag pa brgyad po 'di lta ste/ rin po che brtag pa dang / gzhi brtag pa dang / gos brtag pa dang / shing brtag pa dang / glang po che brtag pa dang / rta brtag pa dang / bud med brtag pa dang / skyes pa brtag pa la mkhas par gyur to/ /de ko sa lar byung ba'i rgyal po gsal rgyal gyi btsun mo'i 'khor gyi drung du song ba dang / de'i btsun mo'i 'khor gyis steng gi khang bzangs kyi gzhir gtogs pa nas de la me tog gi phreng ba 'phangs so/ /'jig rten ni mdza' bshes dang / dgra bo dang tha mal pa yin pas ji tsam na gzhan dag gis ko sa lar byung ba'i rgyal po gsal rgyal la smras pa/ lha gzhon nu rdzu 'phrul len ni lha'i btsun mo'i 'khor don du gnyer ro/ /rgyal po dag ni mi rtog par byed pas des blon po rnams la bsgo ba/ shes ldan dag ngas khyim bdag bzang byin gyi bu gzhon nu rdzu 'phrul len yongs su btang ngo / / blon po rnams kyis de ka ra bi ra'i me tog gi phreng bas mgul pa bcings te gos sngon po gyon pa'i mi dag bskri nas grong khyer gyi dbus nas phyir byung ste bsad sar phyin nas gsod du bcug go/ /mnyan yod kyi skye bo'i tshogs dang / yul tha dad pa nas lhags pa'i mi dag gis rgyal po sdig can 'di ni ma brtags par byed pa ngan pa yin te/ des khyim bdag gi bu gzhon nu rdzu 'phrul len khon med pa/ 'gran mi tshol ba/ mi 'khu ba bsad do zhes brjod do/ /de bzhin du btsun mo'i 'khor dang / gzhon nu dang / blon po rnams kyis kyang ngan pa des khyim bdag gi bu gzhon nu rdzu 'phrul len khon med pa/ 'gran mi tshol ba/ mi 'khu ba bsad pa ni legs pa ma byas so/ /shin du ma byas so zhes brjod do/ /khyim bdag bzang byin gyis bsams pa/ bdag gis bdog cing bdag dbang ba su la yang yongs su ma btang ba gang yin pa de thams cad ni gzhon nu rdzu 'phrul len la bltos pa yin na de ni sngon gyi las kyi nyes pas rgyal pos ma brtags par lnga pa nyid du bsgrubs pas da su'i phyir bcad par bya ste/ dman pa dang / mgon med pa dang / bkren pa dang / sdug phongs pa dag la yongs su gtang bar bya'o snyam nas de kār ṣa pā ṇa gcig cig zong gi rgyur bzhag nas nor gyi rnam pa gzhan thams cad dman pa dang / mgon med pa dang / bkren pa dang / sdug phongs pa dag la yongs su btang ngo / /des kar ṣa pā ṇa gcig po des zong nyos shing btsongs pas des kār ṣa pā ṇa bzhi rnyed nas des kār ṣa pā ṇa gcig gis ni bcom ldan 'das kyi dri gtsang khang spos kyi byug pas byugs so/ / gnyis pas ni g.yog 'khor gyi zan sbyar to/ /gsum pas ni dge 'dun gyi phyir dge slong la chos ston byin to/ /bzhi pa ni zong gi rgyur bzhag go/ /de'i longs spyod srabs pa'i phyir sbyin pa ngan pa dag kyang sbyin par byed/ mchog tu ngan pa dag kyang sbyin par byed pas de'i ming ngan pa bzang byin zhes bya bar gyur to/ /de bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas/ bcom ldan 'das kyis khyim bdag ngan pa bzang byin la 'di skad ces bka' stsal to/ /khyim bdag ji ltar khyod kyi khyim na sbyin pa dag byin nam/ bsod nams byed dam/ btsun pa de bzhin te/ bdag gi sdum pa na sbyin pa dag kyang stsol cing bsod nams dag kyang bgyid na/ de dag ni ngan pa dag dang mchog tu ngan pa dag lags so/ /khyim bdag sbyin pa ngan pa 'am/ bzang po sbyin yang rung ste/ de gnyis ka longs spyod kyi rnam par smin pa can yin no/ /khyim bdag sbyin pa ngan pa 'am/ bzang po sbyin yang rung ste/ de yang dad pas ma yin/ gus pas ma yin/ rang gi lag nas ma yin/ dus su ma yin/ gnod pa med pa ma yin/ gang gi tshe de'i rnam par smin pa so sor myong bar 'gyur ba de'i tshe na de'i sems khyim gyi longs spyod rgya chen po dag la 'jug par mi 'gyur/ zas kyi longs spyod rgya chen po dag la 'jug par mi 'gyur/ gos kyi longs spyod rgya chen po dag la 'jug par mi 'gyur/ gnas mal gyi longs spyod rgya chen po dag la 'jug par mi 'gyur/ bzhon pa'i longs spyod rgya chen po dag la 'jug par mi 'gyur/ gzugs dang sgra dang dri dang ro dang reg bya rgya chen po dag la 'jug par mi 'gyur te/ khyim bdag sbyin pa de lta bu byin pa'i 'bras bu rnam par smin pa ni de lta bur 'dod par bya'o/ /khyim bdag sbyin pa ngan pa 'am/ bzang po sbyin yang rung ste/ de yang dad pas yin/ gus pas yin/ rang gi lag nas yin/ dus su yin/ gnod pa med pa yin na/ gang gi tshe de'i rnam par smin pa so sor myong bar 'gyur ba de'i tshe na de'i sems khyim gyi longs spyod rgya chen po dag la 'jug par 'gyur/ zas kyi longs spyod rgya chen po dag la 'jug par 'gyur/ gos kyi longs spyod rgya chen po dag la 'jug par 'gyur/ gnas mal gyi longs spyod rgya chen po dag la 'jug par 'gyur/ bzhon pa'i longs spyod rgya chen po dag la 'jug par 'gyur/ gzugs dang sgra dang dri dang ro dang reg bya rgya chen po dag la 'jug par 'gyur te/ khyim bdag sbyin pa de lta bu byin pa'i 'bras bu rnam par smin pa ni de lta bur 'dod par bya'o// //'dul ba rnam par 'byed pa/ bam po drug bcu rtsa dgu pa/ khyim bdag sngon byung ba bram ze dus dpog ces bya ba shing sā la chen po lta bu zhig byung bar gyur te/ des bram ze rnams la sbyin pa 'di lta bu 'di byin te glang po che gser gyis brgyan pa/ gser gyis mdzes par byas pa/ gser gyi rgyal mtshan can/ gser gyi dra bas g.yogs pa brgyad khri bzhi stong bram ze rnams la sbyin par byin no/ /rta gser gyis brgyan pa/ gser gyis mdzes par byas pa/ gser gyi rgyal mtshan can/ gser gyi dra bas g.yogs pa brgyad khri bzhi stong bram ze rnams la sbyin par byin no/ /shing rta rnam bzhi gser las byas pa dang / dngul las byas pa dang / bai dūrya las byas pa dang / shel las byas pa dang / seng ge'i lpags pas g.yogs pa dang / stag lpags kyis g.yogs pa dang / gung lpags kyis g.yogs pa dang / ar mo nig gis bkab pa/ rnam par rgyal byed yid du 'ong ba dang ldan pa'i shing rta brgyad khri bzhi stong bram ze rnams la sbyin par byin no/ /khang pa brtsegs pa rnam bzhi gser las byas pa dang / dngul las byas pa dang / bai dūrya las byas pa dang / shel las byas pa'i khang pa brtsegs pa brgyad khri bzhi stong bram ze rnams la sbyin par byin no/ /khri rnam bzhi gser las byas pa dang / dngul las byas pa dang / bai dūrya las byas pa dang / shel las byas pa/ shur bus blas pa/ stan sbyar ma bting ba/ stan nang tshangs can bting ba/ stan khra bo bting ba/ stan chen po bting ba/ stan bzang po bting ba/ su mtshan gyi gos kyi steng g.yogs bting ba/ steng nas bgo ba'i gos dang bcas pa/ gnyis su rgyab rten dmar po bzhag pa'i khri brgyad khri bzhi stong bram ze rnams la sbyin par byin no/ /gser gyi snod brgyad khri bzhi stong bram ze rnams la sbyin par byin no/ /dngul gyi snod brgyad khri bzhi stong bram ze rnams la sbyin par byin no/ /gser gyi snod dngul phyes gang ba brgyad khri bzhi stong bram ze rnams la sbyin par byin no/ /dngul gyi snod gser phyes gang ba brgyad khri bzhi stong bram ze rnams la sbyin par byin no/ /ras zung rnam bzhi ka shi ka'i ras phran dang / zar ma'i ras phran dang / du gu la'i ras phran dang / ko tam pa'i ras phran zung brgyad khri bzhi stong bram ze rnams la sbyin par byin no/ /ba gser gyi rwa can rmig pa dngul las byas pa be'u 'thun pa dang bcas pa khar ba'i ze ba can/ ras bcos bu phrugs kyis g.yogs pa brgyad khri bzhi stong bram ze rnams la sbyin par byin no/ /bu mo gser gyi dpung rgyan can mgul rgyan dang bcas pa/ rgyan bzang pos brgyan pa brgyad khri bzhi stong bram ze rnams la sbyin par byin no/ /zas dang skom dang bca' ba dang bza' ba dang bldag pa dang / bzhib pa gzhan lta smos kyang ci dgos te/ bram ze rnams la sbyin par de lta bu de byin no/ /khyim bdag bram ze shing sā la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya zan byin pa gang yin pa de ni sbyin pa de bas sbyin pa 'di ches 'bras bu che'o/ /bram ze shing sā la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya zan byin pa dang / gang gis so so'i skye bo 'dzam bu'i tshal du 'ongs pa gcig la zan bza' ba byin pa gang yin pa de ni sbyin pa de bas sbyin pa 'di ches 'bras bu che'o/ /bram ze shing sā la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa gcig zan byin pa gang yin pa de ni sbyin pa de bas sbyin pa 'di ches 'bras bu che'o/ /bram ze shing sā la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya zan byin pa dang / gang gis rgyun tu zhugs pa'i 'bras bu mngon sum du bya ba'i phyir zhugs pa brgya zan byin pa dang / gang gis rgyun du zhugs pa gcig zan byin pa gang yin pa ni sbyin pa de bas sbyin pa 'di ches 'bras bu che'o/ /bram ze shing sā la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya zan byin pa dang / gang gis rgyun tu zhugs pa brgya zan byin pa dang / gang gis lan cig phyir 'ong ba'i 'bras bu mngon sum du bya ba'i phyir zhugs pa gcig zan byin pa gang yin pa de ni sbyin pa de bas sbyin pa 'di ches 'bras bu che'o/ /bram ze shing sā la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya zan byin pa dang / gang gis rgyun du zhugs pa brgya zan byin pa dang / gang gis lan cig phyir 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis lan gcig phyir 'ong ba gcig zan byin pa gang yin pa ni sbyin pa de bas sbyin pa 'di ches 'bras bu che'o/ /bram ze shing sā la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya zan byin pa dang / gang gis rgyun du zhugs pa brgya zan byin pa dang / gang gis lan cig phyir 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis lan gcig phyir 'ong ba brgya zan byin pa dang / gang gis phyir mi 'ong ba'i 'bras bu mngon sum du bya ba'i phyir zhugs pa gcig zan byin pa gang yin pa ni sbyin pa de bas sbyin pa 'di ches 'bras bu che'o/ /bram ze shing sā la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya zan byin pa dang / gang gis rgyun du zhugs pa brgya zan byin pa dang / gang gis lan cig phyir 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis lan cig phyir 'ong ba brgya zan byin pa dang / gang gis phyir mi 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis phyir mi 'ong ba gcig zan byin pa gang yin pa ni sbyin pa de bas sbyin pa 'di ches 'bras bu che'o/ /bram ze shing sā la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya zan byin pa dang / gang gis rgyun du zhugs pa brgya zan byin pa dang / gang gis lan cig phyir 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis lan cig phyir 'ong ba brgya zan byin pa dang / gang gis phyir mi 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis phyir mi 'ong ba brgya zan byin pa dang / gang gis dgra bcom pa'i 'bras bu mngon sum du bya ba'i phyir zhugs pa gcig zan byin pa gang yin pa ni sbyin pa de bas sbyin pa 'di ches 'bras bu che'o/ /bram ze shing sā la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya zan byin pa dang / gang gis rgyun du zhugs pa brgya zan byin pa dang / gang gis lan cig phyir 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis lan cig phyir 'ong ba brgya zan byin pa dang / gang gis phyir mi 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis phyir mi 'ong ba brgya zan byin pa dang / gang gis dgra bcom pa'i 'bras bu mngon sum du bya ba'i phyir zhugs pa brgya zan byin pa dang / gang gis dgra bcom pa gcig zan byin pa gang yin pa ni sbyin pa de bas sbyin pa 'di ches 'bras bu che'o/ /bram ze shing sā la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya zan byin pa dang / gang gis rgyun du zhugs pa brgya zan byin pa dang / gang gis lan cig phyir 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis lan cig phyir 'ong ba brgya zan byin pa dang / gang gis phyir mi 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis phyir mi 'ong ba brgya zan byin pa dang / gang gis dgra bcom pa'i 'bras bu mngon sum du bya ba'i phyir zhugs pa brgya zan byin pa dang / gang gis dgra bcom pa brgya zan byin pa dang / gang gis phyogs bzhi'i dge slong gi dge 'dun la kun dga'i ra ba phul ba gang yin pa ni sbyin pa de bas sbyin pa 'di ches 'bras bu che'o/ /bram ze shing sā la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod 'dod pa rnams las 'dod chags dang bral ba brgya zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya zan byin pa dang / gang gis rgyun du zhugs pa brgya zan byin pa dang / gang gis lan cig phyir 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis lan gcig phyir 'ong ba brgya zan byin pa dang / gang gis phyir mi 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis phyir mi 'ong ba brgya zan byin pa dang / gang gis dgra bcom pa'i 'bras bu mngon sum du bya ba'i phyir zhugs pa brgya zan byin pa dang / gang gis dgra bcom pa brgya zan byin pa dang / gang gis phyogs bzhi'i dge slong gi dge 'dun la kun dga'i ra ba phul ba dang / gang gis kun dga'i ra ba de nyid du gtsug lag khang brtsig tu bcug pa gang yin pa ni sbyin pa de bas sbyin pa 'di ches 'bras bu che'o/ /bram ze shing sā la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya zan byin pa dang / gang gis rgyun du zhugs pa brgya zan byin pa dang / gang gis lan cig phyir 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis lan cig phyir 'ong ba brgya zan byin pa dang / gang gis phyir mi 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis phyir mi 'ong ba brgya zan byin pa dang / gang gis dgra bcom pa'i 'bras bu mngon sum du bya ba'i phyir zhugs pa brgya zan byin pa dang / gang gis dgra bcom pa brgya zan byin pa dang / gang gis phyogs bzhi'i dge slong gi dge 'dun la kun dga'i ra ba phul ba dang / gang gis kun dga'i ra ba de nyid du gtsug lag khang rtsig tu bcug pa dang / gang gis gtsug lag khang de nyid du gnas mal 'di lta ste/ khri dang khri'u dang / stan nang tshangs can dang / la ba dang sngas dang / gor bu dag phul ba gang yin pa de ni sbyin pa de bas sbyin pa 'di ches 'bras bu che'o/ /bram ze shing sā la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya zan byin pa dang / gang gis rgyun du zhugs pa brgya zan byin pa dang / gang gis lan cig phyir 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis lan cig phyir 'ong ba brgya zan byin pa dang / gang gis phyir mi 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis phyir mi 'ong ba brgya zan byin pa dang / gang gis dgra bcom pa'i 'bras bu mngon sum du bya ba'i phyir zhugs pa brgya zan byin pa dang / gang gis dgra bcom pa brgya zan byin pa dang / gang gis phyogs bzhi'i dge slong gi dge 'dun la kun dga'i ra ba phul ba dang / gang gis kun dga'i ra ba de nyid du gtsug lag khang rtsig tu bcug pa dang / gang gis gtsug lag khang de nyid du gnas mal 'di lta ste/ khri dang khri'u dang / stan nang tshangs can dang / la ba dang sngas dang / gor bu dag phul ba dang / gang gis gtsug lag khang de nyid du gtan gyi rkyen ris dang 'thun pa'i mchod sbyin 'bul ba dang / sangs rgyas la skyabs su 'gro ba dang / chos la skyabs su 'gro ba dang / dge 'dun la skyabs su 'gro ba dang / bslab pa'i gzhi dag len pa gang yin pa ni sbyin pa de bas sbyin pa 'di ches 'bras bu che'o/ /bram ze shing sā la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya zan byin pa dang / gang gis rgyun tu zhugs pa'i 'bras bu mngon sum du bya ba'i phyir zhugs pa brgya zan byin pa dang / gang gis rgyun du zhugs pa brgya zan byin pa dang / gang gis lan cig phyir 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis lan cig phyir 'ong ba brgya zan byin pa dang / gang gis phyir mi 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis phyir mi 'ong ba brgya zan byin pa dang / gang gis dgra bcom pa'i 'bras bu mngon sum du bya ba'i phyir zhugs pa brgya zan byin pa dang / gang gis dgra bcom pa brgya zan byin pa dang / gang gis phyogs bzhi'i dge slong gi dge 'dun la kun dga'i ra ba phul ba dang / gang gis kun dga'i ra ba de nyid du gtsug lag khang rtsig tu bcug pa dang / gang gis gtsug lag khang de nyid du gnas mal 'di lta ste/ khri dang khri'u dang / stan dang / stan nang tshangs can dang / la ba dang sngas dang / gos bu dag phul ba dang gang gis gtsug lag khang de nyid du gtan gyi rkyen ris dang 'thun pa'i mchod sbyin phul ba dang / gang sangs rgyas la skyabs su 'gro ba dang / chos la skyabs su 'gro ba dang / dge 'dun la skyabs su 'gro ba dang / bslab pa'i gzhi dag len pa dang / gang gis sems can srog chags 'byung po thams cad la byams pa'i sems bsgom pa gang yin pa ni sbyin pa de bas sbyin pa 'di ches 'bras bu che'o/ /khyim bdag bram ze shing sā la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya zan byin pa dang / gang gis rgyun du zhugs pa brgya zan byin pa dang / gang gis lan cig phyir 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis lan cig phyir 'ong ba brgya zan byin pa dang / gang gis phyir mi 'ong ba'i 'bras bu mngon sum du bya ba'i phyir zhugs pa brgya zan byin pa dang / gang gis phyir mi 'ong ba brgya zan byin pa dang / gang gis dgra bcom pa'i 'bras bu mngon sum du bya ba'i phyir zhugs pa brgya zan byin pa dang / gang gis dgra bcom pa brgya zan byin pa dang / gang gis phyogs bzhi'i dge slong gi dge 'dun la kun dga'i ra ba phul ba dang / gang gis kun dga'i ra ba de nyid du gtsug lag khang rtsig tu bcug pa dang / gang gis gtsug lag khang de nyid du gnas mal 'di lta ste/ khri dang khri'u dang / stan dang stan nang tshangs can dang / la ba dang sngas dang / gor bu dag phul ba dang / gang gis gtsug lag khang de nyid du gtan gyi rkyen ris dang 'thun pa'i mchod sbyin phul ba dang / gang sangs rgyas la skyabs su 'gro ba dang / chos la skyabs su 'gro ba dang / dge 'dun la skyabs su 'gro ba dang / bslab pa'i gzhi dag len pa dang / gang gis sems can srog chags 'byung po thams cad la byams pa'i sems sgom pa dang / gang 'du byed thams cad la mi rtag par rjes su lta zhing gnas pa dang / zad par rjes su lta/ 'dod chags dang bral bar rjes su lta/ 'gog par rjes su lta/ spong bar rjes su lta zhing gnas pa gang yin pa ni sbyin pa de bas sbyin pa 'di ches 'bras bu che'o/ /khyim bdag de lta bas na khyod kyis 'di ltar 'du byed thams cad la mi rtag par rjes su lta zhing gnas par byed pa dang zad par rjes su lta/ 'dod chags dang bral bar rjes su lta/ 'gog par rjes su lta/ spong bar rjes su lta zhing gnas par bya'o/ /zhes bslab par bya ste/ khyim bdag khyod kyis de ltar bslab par bya'o/ /de nas khyim bdag ngan pa bzang byin gyis bcom ldan 'das kyis bka' stsal pa la mngon par bstod pa dang rjes su yi rang bar byas nas/ bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de dus gzhan zhig na rang gi khyim na mtshan mo mar me sbar te sangs rgyas kyi bka' klog pa na rgyal po'i zho shas 'tsho ba grong khyer nyul ba dag gis sgo gtan gyi bu gu nas de mthong nas/ de dag gis de la smras pa/ khyim bdag rgyal pos dril bsgrags pa byed du bcug ste mnyan yod du sus kyang mtshan mo me sbar bar mi bya'o/ /gang sbar bar byed pa de kār ṣa pā ṇa drug bcu'i chad pas bcad par bya ba 'am/ phyag sbal du bcug ste 'chi bar bya'o zhes bka' btags na khyod kyis ci'i phyir mtshan mo me sbar/ des smras pa/ shes ldan dag 'di ni me ma yin te mar me yin no/ /khyim bdag ci 'dis me'i bya ba byed mi nus sam/ yang na ni kār ṣa pā ṇa drug bcu phul cig /yang na ni phyag sbal na 'dug shig /shes ldan dag kho bo la kār ṣa pā ṇa drug bcu'i 'byor pa ga la yod/ phyag sbal du 'dug go/ /ko sa lar byung ba'i rgyal po gsal rgyal gyi phyag sbal ni rim pa gsum yod de/ mi gtso bo gang dag yin pa de dag ni steng rim du 'jog par byed/ mi bar ma gang dag yin pa de dag ni bar du 'jog par byed/ mi ngan pa gang dag yin pa de dag ni gting du 'jog par byed pas de mi gtso bo yin pa'i phyir de dag gis steng rim du bzhag go/ /de nas rgyal po chen po bzhi mtshan mo'i thun dang po la khyim bdag ngan pa bzang byin ga la ba der song ste phyin nas khyim bdag ngan pa bzang byin la 'di skad ces smras so/ /khyim bdag khyod phyag sbal na 'dug pa tshul dang 'thun pa ma yin na ci'i phyir khyod phyag sbal na 'dug /des smras pa/ nye dbang dag kho bo rang dbang gis phyag sbal na 'dug pa ma yin te/ 'di ltar rgyal po'i zho shas 'tsho ba dag gis phyag sbal du bcug go/ /ci'i phyir kār ṣa pā ṇa drug bcu'i phyir te kho bo la de dag gi 'byor pa med pas de'i phyir phyag sbal na 'dug go/ /khyim bdag de'i phyir khyod sems bskyed la tshig brjod cig /khyod kyi khyim 'am/ chu'i gnas gang dag dbyig dang / gser gyis dgang bar bya/ nye dbang dag khyed snying las chung ngur gyis shig dang / bdag la rgyal po dad pas dad pa'i dbang du bya ba byed par 'gyur ro/ /gal te 'dod na 'dug shig dang khyod la chos bstan par bya'o/ /de dag chos mnyan pa'i phyir de'i mdun du 'dug pa na de dag gi lus 'di 'dra ste/ 'di lta ste dper na me'i phung po chen po bzhi 'bar ba/ rab tu 'bar ba/ kun tu rab tu 'bar ba/ me lce gcig tu gyur cing sreg pa dag 'dra'o/ /ko sa lar byung ba'i rgyal po gsal rgyal gyis mtshan mo'i thun dang po la phyag sbal na me'i phung po chen po bzhi 'bar ba/ rab tu 'bar ba/ kun tu rab tu 'bar ba/ me lce gcig tu gyur cing sreg pa dag mthong ngo / /de nas lha'i dbang po/ brgya byin mtshan mo'i gung thun la khyim bdag ngan pa bzang byin ga la ba der song ste phyin nas khyim bdag ngan pa bzang byin la 'di skad ces smras so/ /khyim bdag khyod phyag sbal na 'dug pa tshul dang 'thun pa ma yin na ci'i phyir khyod phyag sbal na 'dug /des smras pa/ kau shi ka kho bo rang dbang gis phyag sbal na 'dug pa ma yin te/ 'di ltar rgyal po'i zho shas 'tsho ba dag gis phyag sbal du bcug go/ /ci'i phyir/ kār ṣa pā ṇa drug bcu'i phyir kho bo la de dag gi 'byor pa med pas de'i phyir phyag sbal na 'dug go/ / khyim bdag de'i phyir khyod sems bskyed la tshig brjod cig /khyod kyi khyim 'am/ chu'i gnas gang dag dbyig dang / gser gyis dgang bar bya/ kau shi ka khyod snying las chung ngur gyis shig dang bdag la rgyal po dad pas dad pa'i dbang du bya ba byed par 'gyur ro/ /gal te 'dod na 'dug shig dang khyod la chos bstan par bya'o/ /de chos mnyan pa'i phyir de'i mdun du 'dug pa na de'i lus 'di 'dra ste/ 'di lta ste dper na me'i phung po chen po snga ma bzhi 'bar ba/ rab tu 'bar ba/ kun du rab tu 'bar ba/ me lce gcig tu gyur cing sreg pa dag pas ches 'phags pa dang / ches gya nom pa'i me'i phung po chen po 'bar ba/ rab tu 'bar ba/ kun tu rab tu 'bar ba/ me lce gcig tu gyur cing sreg pa 'dra'o/ /ko sa lar byung ba'i rgyal po gsal rgyal gyis mtshan mo'i gung thun la phyag sbal na me'i phung po chen po snga ma bzhi 'bar ba/ rab tu 'bar ba/ kun du rab tu 'bar ba/ me lce gcig tu gyur cing sreg pa dag pas ches 'phags pa dang / ches gya nom pa'i me'i phung po chen po 'bar ba rab tu 'bar ba/ kun du rab tu 'bar ba me lce gcig tu gyur cing sreg pa mthong ngo / /de nas mi mjed kyi bdag po tshangs pa mtshan mo'i thun tha ma la khyim bdag ngan pa bzang byin ga la ba der song ste phyin nas khyim bdag ngan pa bzang byin la 'di skad ces smras so/ /khyim bdag khyod phyag sbal na 'dug pa tshul dang 'thun pa ma yin na ci'i phyir khyod phyag sbal na 'dug /des smras pa/ tshangs pa kho bo rang dbang gis phyag sbal na 'dug pa ma yin te/ 'di ltar rgyal po'i zho shas 'tsho ba dag gis phyag sbal du bcug go/ /ci'i phyir/ kār ṣa pā ṇa drug bcu'i phyir te/ kho bo la de dag gi 'byor pa med pas de'i phyir phyag sbal na 'dug go/ /khyim bdag de'i phyir khyod sems bskyed la tshig brjod cig /khyod kyi khyim 'am/ chu'i gnas gang dag dbyig dang / gser gyis dgang bar bya/ tshangs pa khyod snying las chung ngur gyis shig dang / bdag la rgyal po dad pas dad pa'i dbang du bya ba byed par 'gyur ro/ /gal te 'dod na 'dug shig dang khyod la chos bstan par bya'o/ /de chos mnyan pa'i phyir de'i mdun du 'dug pa na de'i lus 'di 'dra ste/ 'di lta ste dper na me'i phung po chen po snga ma bzhi 'bar ba/ rab tu 'bar ba/ kun du rab tu 'bar ba/ me lce gcig tu gyur cing sreg pa dag pas ches 'phags pa dang / ches gya nom pa'i me'i phung po chen po 'bar ba/ rab tu 'bar ba/ kun du rab tu 'bar ba/ me lce gcig tu gyur cing sreg pa bas kyang ches 'phags pa dang / ches gya nom pa'i me'i phung po chen po 'bar ba/ rab tu 'bar ba/ kun du rab tu 'bar ba/ me lce gcig tu gyur cing sreg pa 'dra'o/ /ko sa lar byung ba'i rgyal po gsal rgyal gyis mtshan mo'i 'thun tha ma la phyag sbal na me'i phung po chen po snga ma bzhi 'bar ba/ rab tu 'bar ba/ kun du rab tu 'bar ba/ me lce gcig tu gyur cing sreg pa dag pas ches 'phags pa dang / ches gya nom pa'i me'i phung po chen po 'bar ba/ rab tu 'bar ba/ kun du rab tu 'bar ba/ me lce gcig tu gyur cing sreg pa bas kyang ches gya nom pa'i me'i phung po chen po 'bar ba/ rab tu 'bar ba/ kun du rab tu 'bar ba/ me lce gcig tu gyur cing sreg pa mthong ngo / /mthong nas kyang phyag sbal srung ba'i mi mngag pas bkug ste smras pa/ kwa'i nang rje ngas dril bu sgrag pa byed du bcug ste mnyan yod du sus kyang mtshan mo me sbar bar mi bya'o zhes bsgo na/ nga nyid kyi phyag sbal na mdang mtshan mo thog thag me'i phung po chen po sbar ba de ci'i phyir/ des smras pa/ lha sus kyang mtshan mo phyag sbal du zhugs me sbar te/ lhas der ci zhig gzigs ma 'tshal to/ /rgyal pos zho shas 'tsho ba rnams la bsgo ba shes ldan dag deng la ci bden nam brdzun pa phyag sbal rtogs shig /de dag dong ste phyag sbal brtags na thal ba yang mi snang nas/ de dag phyir log ste rgyal po la smras pa/ lha bdag cag gis phyag sbal brtags na thal ba yang mi gda'o/ /rgyal pos phyag sbal srung ba'i mi la smras pa/ kwa'i nang rje de na mi gtso bo gang 'dug /lha khyim bdag ngan pa bzang byin mchis so/ /de bos shig /des lha bka' bzhin 'tshal zhes de bos pa dang / rgyal pos de la smras pa/ khyim bdag ngas dril bsgrags pa byed du bcug ste sus kyang mnyan yod tu mtshan mo me sbar bar mi bya'o zhes bsgo na khyod kyis ci'i phyir/ phyag sbal du mtshan thog tag me sbar/ des smras pa/ lha bdag gis yud tsam yang zhugs ma bltam na mtshan thog tag lta ci smos/ khyim bdag nga nyid kyis mtshan mo'i thun dang po la me'i phung po chen po bzhi 'bar ba rab tu 'bar ba/ kun du rab tu 'bar ba/ me lce gcig tu gyur cing sreg pa dag dang / mtshan mo'i gung thun la me'i phung po chen po snga ma bzhi 'bar ba/ rab tu 'bar ba/ kun du rab tu 'bar ba/ me lce gcig tu gyur cing sreg pa dag pas ches 'phags pa dang / ches gya nom pa'i me'i phung po chen po 'bar ba rab tu 'bar ba/ kun du rab tu 'bar ba/ me lce gcig tu gyur cing sreg pa dang mtshan mo'i thun tha ma la me'i phung po chen po snga ma bzhi 'bar ba/ rab tu 'bar ba/ kun du rab tu 'bar ba/ me lce gcig tu gyur cing sreg pa dag pas ches 'phags pa dang / ches gya nom pa'i me'i phung po chen po 'bar ba rab tu 'bar ba/ kun du rab tu 'bar ba/ me lce gcig tu gyur cing sreg pa dag pas kyang ches 'phags pa dang / ches gya nom pa'i me'i phung po chen po 'bar ba/ rab tu 'bar ba/ kun du rab tu 'bar ba/ me lce gcig tu gyur cing sreg pa mthong bzhin du khyod na re de skad ces bdag gis yud tsam yang me ma sbar na mtshan thog tag lta ci smos shes zer na de ci yin/ lha de ni mad de/ bdag gis ni mtshan mo zhugs ma sbar mod kyi 'di ltar mdang mtshan mo'i thun dang po la rgyal po chen po bzhi bdag ga la ba der mchis te phyin nas bdag la 'di skad ces khyim bdag khyod phyag sbal na 'dug pa tshul dang 'thun pa ma yin na ci'i phyir khyod phyag sbal na 'dug ces mchis nas/ bdag gis de dag la 'di skad ces nye dbang dag kho bo rang dbang gis phyag sbal na 'dug pa ma yin te/ 'di ltar rgyal po'i zho shas 'tsho ba dag gis phyag sbal du bcug go zhes bgyis pa dang / de dag bdag la 'di skad ces ci'i phyir zhes mchis nas bdag gis de la 'di skad ces kār ṣa pā ṇa drug bcu'i phyir te/ kho bo la de dag gi 'byor pa med pas de'i phyir phyag sbal na 'dug go/ /zhes bgyis na/ de dag bdag la 'di skad ces khyim bdag de'i phyir khyod sems bskyed la tshig brjod cig khyod kyi khyim 'am/ chu'i gnas gang dag dbyig dang / gser gyis dgang bar bya zhes mchis nas/ bdag gis de dag la 'di skad ces nye dbang dag snying las chung ngur gyis shig /bdag la rgyal po dad pas dad pa'i dbang du bya ba byed par 'gyur ro/ /gal te 'dod na 'dug shig dang khyod la chos bstan par bya'o zhes bgyis pa dang / de dag chos mnyan pa'i slad du bdag gi mdun du mchis pa na/ de dag gi lus 'di 'dra ste/ 'di lta ste dper bgyi na zhugs kyi phung po chen po bzhi 'bar ba/ rab tu 'bar ba/ kun du rab tu 'bar ba/ me lce gcig tu gyur cing sreg pa dag 'dra'o/ /de nas mtshan mo'i gung thun la lha'i dbang po brgya byin bdag ga la ba der mchis te phyin nas/ bdag la 'di skad ces khyim bdag khyod phyag sbal na 'dug pa tshul dang 'thun pa ma yin na ci'i phyir khyod phyag sbal na 'dug ces mchis nas/ bdag gis de la 'di skad ces kau shi ka kho bo rang dbang gis phyag sbal na 'dug pa ma yin te/ 'di ltar rgyal po'i zho shas 'tsho ba dag gis phyag sbal du bcug go zhes bgyis pa dang / de bdag la 'di skad ces ci'i phyir zhes mchi nas/ bdag gis de la 'di skad ces kār ṣa pā ṇa drug bcu'i phyir te kho bo la de dag gi 'byor pa med pas de'i phyir phyag sbal na 'dug go zhes bgyis na/ de bdag la 'di skad ces khyim bdag de'i phyir khyod sems bskyed la tshig brjod cig dang / khyod kyi khyim 'am/ chu'i gnas gang dag dbyig dang gser gyis dgang bar bya zhes mchi nas/ bdag gis de la 'di skad ces kau shi ka khyod snying las chung ngur gyis shig dang / bdag la rgyal po dad pas dad pa'i dbang du bya ba byed par 'gyur ro/ /gal te 'dod na 'dug shig dang khyod la chos bstan par bya'o zhes bgyis pa dang / de chos mnyan pa'i slad du bdag gi mdun du mchis pa na de'i lus 'di 'dra ste/ 'di lta ste dper bgyi na zhugs kyi phung po chen po snga ma bzhi 'bar ba/ rab tu 'bar ba/ kun du rab tu 'bar ba/ me lce gcig tu gyur cing sreg pa dag pas ches 'phags pa dang / ches gya nom pa'i zhugs kyi phung po chen po 'bar ba/ rab tu 'bar ba/ kun du rab tu 'bar ba/ me lce gcig tu gyur cing sreg pa dag 'dra'o/ /de nas mtshan mo'i thun tha ma la mi mjed kyi bdag po tshangs pa bdag ga la ba der mchis te/ phyin nas bdag la 'di skad ces khyim bdag khyod phyag sbal na/ 'dug pa tshul dang 'thun pa ma yin na/ ci'i phyir khyod phyag sbal na 'dug ces mchis nas/ bdag gis de la 'di skad ces tshangs pa kho bo rang dbang gis phyag sbal na 'dug pa ma yin te/ 'di ltar rgyal po'i zho shas 'tsho ba dag gis phyag sbal du bcug go zhes bgyis pa dang / de bdag la 'di skad ces ci'i phyir zhes mchis nas/ bdag gis de la 'di skad ces kār ṣa pā ṇa drug bcu'i phyir te kho bo la de dag gi 'byor pa med pas de'i phyir phyag sbal na 'dug go zhes bgyis na/ de bdag la 'di skad ces khyim bdag de'i phyir khyod sems bskyed la tshig brjod cig /khyod kyi khyim 'am chu'i gnas gang dag dbyig dang / gser gyis dgang bar bya zhes mchi nas/ bdag gis de la 'di skad ces tshangs pa khyod snying las chung ngur gyis shig dang / bdag la rgyal po dad pas dad pa'i dbang du bya ba byed par 'gyur ro/ /gal te 'dod na 'dug shig dang khyod la chos bstan par bya'o zhes bgyis pa dang / de chos mnyan pa'i slad du bdag gi mdun du mchis pa na de'i lus 'di 'dra ste/ 'di lta ste dper bgyi na zhugs kyi phung po chen po snga ma bzhi 'bar ba/ rab tu 'bar ba/ kun du rab tu 'bar ba/ me lce gcig tu gyur cing sreg pa dag pas ches 'phags pa dang / ches gya nom pa'i zhugs kyi phung po chen po 'bar ba/ rab tu 'bar ba/ kun du rab tu 'bar ba/ me lce gcig tu gyur cing sreg pa bas kyang ches 'phags pa dang / ches gya nom pa'i zhugs kyi phung po chen po 'bar ba/ rab tu 'bar ba/ kun du rab tu 'bar ba/ me lce gcig tu gyur cing sreg pa dag 'dra'o/ /rgyal pos smras pa/ khyim bdag gal te de lta na ngas kyang khyod la dam pa sbyin gyis ci 'dod pa smros shig /des smras pa/ lha gal te khyod bdag la thugs dad na bdag dgung la zhugs mar gyi 'od la sangs rgyas kyi bka' klog par 'tshal lo/ /rgyal pos smras pa/ khyim bdag khyod 'ba' zhig la gnang bar ma zad kyi 'di ltar khyod nyid la brten nas/ gzhan gang dag mtshan mo me mar gyi 'od la sangs rgyas kyi bka' klog par 'dod pa thams cad la yang gnang ngo / /de nas khyim bdag ngan pa bzang byin rgyal pos btang bas dga' mgu rab tu dga' ste rgyal po'i drung nas song nas bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /ko sa lar byung ba'i rgyal po gsal rgyal yang bcom ldan 'das kyi zhabs la phyag 'tshal du rgyal byed kyi tshal du song ngo / /rgyal rigs ni mngon pa'i nga rgyal can yin pas des rgyal byed kyi tshal gyi sgor bsdad de mi dag pa'i mtha' can zhig la smras pa/ kwa'i nang rje song la bcom ldan 'das la su dag bsnyen bkur byed pa ltos shig /mi dag pa'i mtha' can des lha bka' bzhin 'tshal zhes ko sa lar byung ba'i rgyal po gsal rgyal las mnyan nas bcom ldan 'das ga la ba der song ba dang / ji tsam na khyim bdag ngan pa bzang byin bcom ldan 'das la bsnyen bkur byed pa mthong ngo / /mthong nas kyang ko sa lar byung ba'i rgyal po gsal rgyal ga la ba der song ste phyin nas ko sa lar byung ba'i rgyal po gsal rgyal la 'di skad ces smras so/ /lha khyim bdag ngan pa bzang byin bcom ldan 'das la bsnyen bkur bgyid cing mchis so/ /rgyal pos bsams pa/ khyim bdag de bdag gi yul na gnas pa yin pas des bdag mthong na mngon du ldang bar 'gyur grang snyam nas/ de bcom ldan 'das ga la ba der song ngo / /khyim bdag ngan pa bzang byin gyis ko sa lar byung ba'i rgyal po gsal rgyal thag ring po kho na nas mthong ngo / /mthong nas kyang des bcom ldan 'das la 'di skad ces gsol to/ /btsun pa ci lags/ re shig dam pa'i chos la bsnyen bkur bgyi 'am/ 'on te rgyal po la bsnyen bkur bgyi/ bcom ldan 'das kyis bka' stsal pa/ khyim bdag re shig dam pa'i chos la bsnyen bkur gyis shig /sangs rgyas bcom ldan 'das rnams ni dam pa'i chos la gus par mdzad de dgra bcom pa dag kyang chos bla mar byed do/ /de nas bcom ldan 'das kyis byung ba 'di la tshigs su bcad pa dag bka' stsal pa/ sangs rgyas gang dag 'das pa dang / /sangs rgyas gang dag ma byon dang / /sangs rgyas mya ngan sel mdzad pa/ /da ltar mang po gang bzhugs dag /thams cad dam pa'i chos la ni/ /gus par gnas gyur gnas 'gyur zhing / /de bzhin gus par gnas mdzad de/ /de ni sangs rgyas chos nyid yin/ /de phyir bdag la legs 'dod cing / /bdag nyid chen po mngon 'dod pas/ /sangs rgyas bstan pa dran byed na/ /'di la dam chos gus par bya/ /khyim bdag ngan pa bzang byin gyis ko sa lar byung ba'i rgyal po gsal rgyal la mngon du ldang ba ma byas pa dang / rgyal po khros te bsams pa/ khyim bdag 'di bdag gi yul na gnas pa yin na bdag la mngon du ldang ba mi byed do snyam nas/ de khro bas kun nas dkris bzhin du bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /bcom ldan 'das kyis 'di khro bas kun nas dkris so snyam du mkhyen nas/ bka' mchid gzhan dag mdzad par brtsams te chos ston par mi mdzad pa dang / des gsol pa/ bcom ldan 'das chos bstan du gsol/ bde bar gshegs pa chos bstan du gsol/ de skad ces gsol pa dang / bcom ldan 'das kyis de la tshigs su bcad pa dag bka' stsal pa/ rab tu dad sems med pa dang / /zhe sdang can dang 'khrugs pa yis/ /yang dag rdzogs sangs bstan pa yi/ /dam chos kun shes bya mi nus/ /gang gis nyes rtsom btul byas shing / /rab dang med pa'i sems bsal te/ /kun nas mnar sems 'dir spong ba/ /des ni legs gsungs shes par 'gyur/ /rgyal pos bsams pa/ khyim bdag 'di la brten nas bcom ldan 'das kyis chos mnyan pa yang rgyun bkum mo snyam nas/ de la rgya cher khro ba'i sems skyes te sdod cig ces byas nas/ bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas ko sa lar byung ba'i rgyal po gsal rgyal gyis blon po rnams la bsgo ba/ shes ldan dag gang gi tshe khyim bdag ngan pa bzang byin bcom ldan 'das kyi spyan snga nas phyir byung ba de'i tshe de la khyod nga'i yul na ma 'dug shig ces bsgo shig /de nas lha gang khyim bdag ngan pa bzang byin la mngon par dad pa des srog chags tre ma bu ka dang / trai la ta ka mang po dag btang nas de dag gis rgyal po de kun nas bskor te zin pa na de nyam nga bas rang gi khyim du phyin cing der btsun mo'i 'khor dang / gzhon nu dang / blon po dang khrom gyi ru sna dang / glang po che dang / rta dag kyang kun nas bskor cing zin par gyur/ mnyan yod na gnas pa'i skye bo'i tshogs thams cad kyang kun nas bskor cing zin par gyur to/ /de nas rgyal po skrag ste myur ba myur bar glang po che la zhon nas bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la ko sa lar byung ba'i rgyal po gsal rgyal gyis 'di skad ces gsol to/ /btsun pa re shig de'i tshe yang klu'i rgyal po dga' bo dang / nye dga' gnyis/ 'khrugs par gyur na da su zhig 'khrugs lags/ rgyal po chen po ji ltar gyur/ bcom ldan 'das bdag srog chags tre ma bu ka dang / trai la ta ka dag gis kun nas skor cing zin par gyur/ mchis 'brang gi 'khor dang / gzhon nu dang / blon po dang / khrom gyi ru sna dang / glang po che dang / rta dag kyang kun nas bskor cing zin par gyur/ mnyan yod na gnas pa'i skye bo'i tshogs thams cad kyang kun nas skor cing zin par gyur to/ /rgyal po chen po khyod kyis khyim bdag ngan pa bzang byin la rab tu sdang ba'i sems bskyed do/ /bcom ldan 'das ci lags khyim bdag de 'khrugs par gyur tam/ rgyal po chen po de ni phyir mi 'ong ba yin pas 'khrugs pa skyed par mi byed de/ 'di ltar lha gang de la mngon par dad pa de 'khrugs par gyur to/ /bcom ldan 'das bdag gis de la ji ltar bsgrub par bgyi/ rgyal po chen po khyod kyis de la bzod pa gsol bar bya'o/ /bcom ldan 'das ci lags bdag gis de'i rkang pa gnyis la gtugs par bgyi 'am/ rgyal po chen po rkang pa gnyis la gtug par mi bya ste/ 'di ltar mi ma rabs dag gi rkang pa la phyag 'tshal ba gang yin pa de ni mi gtso bo dag gis lag pa nas bzung ba yin gyis/ khyod kyis lag pa g.yas pa rkyong la khyim bdag bzod par gyis shig ces bzod pa gsol cig dang des bzod par 'gyur ro/ /de nas ko sa lar byung ba'i rgyal po gsal rgyal gyis bcom ldan 'das kyis bka' stsal pa la mngon par bstod pa dang rjes su yi rang ba byas te/ bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo / /mnyan yod na khyim bdag sdums byed dang / tshul khrims tshong dpon zhes bya ba gnyis shig yod do/ / de na btams pa srung ba rnams la ni sdums byed drang po yin/ gcig pus che bzhi 'byed pa rnams la ni tshul khrims tshong dpon drang po yin la/ de yang ngo tsha dang ldan pas bshang ba'i sar thag ring du 'gro ba yin no/ /mnyan yod na ston zla tha chungs kyi g.yon can zhes bya ba chom rkun pa dag 'khod pa de dag gi kun tu spyod pa ni dgag dbye byas ma thag tu 'dus nas shes ldan dag bdag cag gis las ci zhig byas na des btsal mi dgos par lo skor du longs spyod cing bde bar 'khod par 'gyur zhes phan tshun gros byed do/ /de dag las gcig gis smras pa/ shes ldan dag khyim bdag sdums byed 'di btams pa 'dzin pa yin pas 'di la brgal zhing brtag par bya'o/ /gzhan dag gis smras pa/ ma nyes kyis de bzhin bya ste/ 'di ltar khyim bdag tshul khrims tshong dpon 'di gcig pus che bzhi 'byed pa rnams la drang ba yin la/ de yang ngo tsha dang ldan pas bshang ba'i sar thag ring du 'gro bas de bzung ste bsdigs na des che bzhi 'byed par 'gyur ro zhes de dag gis de'i bya ra byas te/ de bshang ba'i sar song ba bzung nas bsdigs te smras pa/ khyim bdag khyod gson nam 'chi/ des smras pa/ shes ldan dag khyed kyis ji ltar bsams pa'o/ /de dag gis smras pa/ khyim bdag gal te de lta na kho bo cag khyim bdag sdums byed la nor brgya 'am stong gis rgol zhing rtog gis khyod kyis che bzhi phye shig /des smras pa/ shes ldan dag ci yang dag pas sam/ yang dag pa ma yin pas/ khyim bdag yang dag pa ma yin pas so/ /shes ldan dag kho bo yang dag pa ma yin pas che bzhi mi 'byed de/ kho bos tshe gcig gi sdug bsngal las thar bar bya ba'i don du tshe rabs mang po'i sdug bsngal skyed par mi nus so/ /de dag gis smras pa/ khyim bdag gal te re shig che bzhi 'byed na de lta na legs/ gal te mi 'byed na kho bo cag gis khyod mgo drung pa nas bcad de sa la bsgyel bar bya'o/ /des tshigs su bcad pa smras pa/ kho bo chos la gnas na myur du shi yang bla/ /chos la rgyab kyis phyogs na gson par ma gyur cig /chos la gnas pa sum bcu lha yi bde ba spyod/ /chos las nyams pa mi bzad 'jigs pa'i ngan song ltung / /de nas ston zla tha chungs kyi g.yon can de dag gis khyim bdag de'i rkang pa gnyis la gtugs te smras pa/ khyim bdag bdag cag la mi 'jigs pa stsol cig /des smras pa sbyin no/ /ston zla tha chungs kyi g.yon can de dag gis de'i rkang pa gnyis la gtugs te dong ngo / /mnyan yod na ko sa lar byung ba'i rgyal po gsal rgyal gyi nu bo rgyal bu nag po zhes bya ba gzugs bzang ba blta na sdug pa mdzes pa/ dad pa dang ldan zhing bzang la dge ba'i bsam pa can/ sangs rgyas la skyabs su song / chos dang dge 'dun la skyabs su song ba zhig 'dug pa de yan lag brgyad dang ldan pa'i gso sbyong la nye bar gnas pa'i gan du bdud kyi ris kyi lha mo zhig 'ongs te/ rigs pas bskyed pa ma yin pas mgron du gnyer ba ni des de dang du ma blangs so/ /ji tsam dus gzhan zhig na khyim bdag ngan pa bzang byin dang / khyim bdag sdums byed dang / khyim bdag tshul khrims tshong dpon dang / rgyal bu nag po rnams bcom ldan 'das ga la ba der dong ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /ko sa lar byung ba'i rgyal po gsal rgyal yang rgyal po'i 'byor pa chen po dang / rgyal po'i mthu chen pos bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das kyis ko sa lar byung ba'i rgyal po gsal rgyal la 'di skad ces bka' stsal to/ /rgyal po chen po khyim bdag ngan pa bzang byin ni 'di yin no/ /de nas ko sa lar byung ba'i rgyal po gsal rgyal stan las langs te lag pa g.yas pa brkyang nas smras pa/ khyim bdag bzod pa mdzod cig /khyim bdag gis smras pa lha bzod par 'tshal lo/ /de nas bcom ldan 'das la ko sa lar byung ba'i rgyal po gsal rgyal gyis 'di skad ces gsol to/ /btsun pa bdag ni rgyal po rgyal rigs spyi bor dbang bskur ba lags na bdag gis bdag gi yul na gnas pa'i 'bangs la bzod pa gsol ba gang lags pa de ngo mtshar mi che 'am/ bcom ldan 'das kyis bka' stsal pa/ rgyal po chen po rje dpon gyis bzod pa gsol ba ngo mtshar che'o/ /de nas bcom ldan 'das la khyim bdag ngan pa bzang byin gyis 'di skad ces gsol to/ /btsun pa bdag la kār ṣa pā ṇa gcig mchis pa des bdag gis zong mjal cing btsongs nas de las kār ṣa pā ṇa bzhi grub cing de dag las gcig gis ni bcom ldan 'das kyi dri gtsang khang du spos kyi byug pas byugs/ gnyis pa ni dge 'dun gyi slad du dge slong mchod ston stsal/ gsum pas ni g.yog 'khor gyi 'tsho ba sbyar/ bzhi pa ni zong gi rin du bzhag ste/ btsun pa bdag ni nor ma mchis pa'i sbyin pa gang lags pa de ngo mtshar mi che 'am/ bcom ldan 'das kyis bka' stsal pa/ khyim bdag nor med pa'i sbyin pa ngo mtshar che'o/ /de nas bcom ldan 'das la khyim bdag tshul khrims tshong dpon gyis 'di skad ces gsol to/ /btsun pa bdag slad rol du mchis pa dang / ston zla tha chungs kyi g.yon can dag gis bzung nas bsdigs te/ de dag bdag la 'di skad ces khyim bdag ci khyod gson nam 'chi zhes mchi nas bdag gis de dag la 'di skad ces shes ldan dag khyed kyis ji ltar bsams pa'o zhes bgyis pa dang / de dag bdag la 'di skad ces khyim bdag gal te de lta na kho bo cag khyim bdag sdums byed la nor brgya 'am/ stong gis rgol zhing rtog gis khyod kyis che bzhi phye shig ces mchi nas/ bdag gis de dag la 'di skad ces shes ldan dag ci yang dag pas sam/ yang dag pa ma yin pas shes bgyis na/ de dag bdag la 'di skad ces khyim bdag yang dag pa ma yin pas so zhes mchi nas/ bdag gis de dag la 'di skad ces shes ldan dag kho bo yang dag pa ma yin pas che bzhi mi 'byed de/ kho bos tshe gcig gi sdug bsngal las thar bar bya ba'i don du tshe rabs mang po'i sdug bsngal bskyed par mi nus so zhes bgyis pa dang / de dag bdag la 'di skad ces khyim bdag gal te re shig che bzhi 'byed na de lta na legs/ gal te mi 'byed na kho bo cag gis khyod mgo drung pa nas bcad de sa la bsgyel bar bya'o zhes mchi nas/ bdag gis tshigs su bcad pa 'di skad ces/ kho bo chos la gnas na myur du shi yang bla/ /chos la rgyab kyis phyogs na gson par ma gyur cig /chos la gnas pa sum bcu lha yi bde ba spyod/ /chos las nyams pa mi bzad 'jigs pa'i ngan song ltung / /zhes smras pa dang / de dag gis bdag gi rkang pa gnyis la gtugs te/ bdag la 'di skad ces khyim bdag bdag cag la mi 'jigs pa stsol cig ces mchi nas/ bdag gis de dag la 'di skad ces sbyin no zhes bgyis te/ btsun pa bdag phongs par gyur pas kyang chos yongs su ma btang ste/ bdag gis phongs par gyur pa na chos spyad pa ngo mtshar mi che 'am/ bcom ldan 'das kyis bka' stsal pa/ khyim bdag phongs par gyur pa na chos spyad pa ngo mtshar che'o/ /de nas bcom ldan 'das la rgyal bu nag pos 'di skad ces gsol to/ /btsun pa bdag yan lag brgyad dang ldan pa'i gso sbyong la nye bar gnas pa'i gan du bdud kyi ris kyi lha mo zhig mchis nas rigs pas bskyed pa ma lags pas mgron du gnyer ba na bdag gis de dang du ma blangs te/ bcom ldan 'das bdag nor mang la 'dod pa dag las dben pa de ngo mtshar mi che 'am/ bcom ldan 'das kyis bka' stsal pa/ gzhon nu nor mang la 'dod pa dag las dben pa ngo mtshar che'o/ /de nas bcom ldan 'das kyis byung ba 'di la tshigs su bcad pa bka' stsal pa/ rje dpon bzod gsol nor med sbyin pa dang / /phongs par gyur pa chos spyod byed pa dang / /nor mang 'dod pa dag las dben byed pa/ /bzhi po de dag shin tu bya dka' yin/ /de nas khyim bdag ngan pa bzang byin dang / khyim bdag sdums byed dang / khyim bdag tshul khrims tshong dpon dang / rgyal bu nag po rnams kyis bcom ldan 'das la chos mngon pa dang / 'dul ba mngon pa'i zhu ba zhus nas/ bcom ldan 'das kyis de dag la gong nas gong du bka' lan stsal pa dang / ko sa lar byung ba'i rgyal po gsal rgyal yang de dag gi gdong du lta zhing 'dug ste/ des yud tsam zhig chos dang ldan pa'i gtam mnyan nas bcom ldan 'das kyi zhabs gnyis la mgo bos phyag 'tshal te/ stan las langs nas song ste/ de btsun mo'i 'khor gyi nang du zhugs nas btsun mo phreng ldan ma la smras pa/ phreng ldan ma deng khyim bdag ngan pa bzang byin dang / khyim bdag sdums byed dang / khyim bdag tshul khrims tshong dpon dang / rgyal bu nag po rnams kyis bcom ldan 'das la chos mngon pa dang / 'dul ba mngon pa'i zhu ba zhus nas/ bcom ldan 'das kyis kyang de dag la gong nas gong du lan bka' stsal pa dang / nga yang de dag gi gdong du lta zhing kha rog par 'dug 'dug nas langs te song ngo / /phreng ldan mas smras pa/ lha khyod kyis kyang ci'i slad du bcom ldan 'das la ma zhus/ phreng ldan ma nga ni thos pa nyung ba yin la/ de dag ni thos pa mang ba yin pas ngas ci zhig zhur yod/ lha khyod kyang ci'i slad du sangs rgyas kyi bka' glog par mi mdzad/ phreng ldan ma nga rgyal po'i bya ba dang / rgyal po'i byed pa dag la rtag tu brel bas ji ltar klog /gal te khyod 'ga' zhig las sangs rgyas kyi bka' klog na ngas mtshan mo khyod las klag par bya'o/ /lha de ltar bgyi'o/ /rgyal pos btsun mo rgyal rigs dbyar tshul ma la smras pa/ khyod su las klog /des smras pa/ lha 'phags pa shā ri'i bu las so/ /btsun mo phreng ldan ma la smras pa/ khyod su las klog /des smras pa/ lha 'phags pa 'char ka las so/ /de nas ko sa lar byung ba'i rgyal po gsal rgyal tshe dang ldan pa shā ri'i bu ga la ba der song ste phyin nas/ tshe dang ldan pa shā ri'i bu'i rkang pa gnyis la mgo bos phyag 'tshal te tshe dang ldan pa shā ri'i bu la 'di skad ces smras so/ /'phags pa rgyal rigs dbyar tshul ma 'phags pa las sangs rgyas kyi bka' klog par 'tshal na/ klog tu stsal bar gsol/ des smras pa/ lha bcom ldan 'das la zhu'o zhes de nas tshe dang ldan pa shā ri'i bu bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal nas mtha' gcig tu 'dug go/ /mtha' gcig tu 'dug nas bcom ldan 'das la tshe dang ldan pa shā ri'i bus 'di skad ces gsol to/ /btsun pa ko sa lar byung ba'i rgyal po gsal rgyal 'di skad ces rgyal rigs dbyar tshul ma klog tu stsol cig ces mchi na/ bdag gis de la ji skad brjod par bgyi/ bcom ldan 'das kyis bka' stsal pa/ shā ri'i bu klog tu chug shig /tshe dang ldan pa shā ri'i bus ko sa lar byung ba'i rgyal po gsal rgyal la lha klog tu stsal to zhes khas blangs so/ /rgyal pos de'i rkang pa gnyis la mgo bos phyag 'tshal te tshe dang ldan pa 'char ka ga la ba der song ste/ phyin nas tshe dang ldan pa 'char ka'i rkang pa gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas ko sa lar byung ba'i rgyal po gsal rgyal gyis tshe dang ldan pa 'char ka la 'di skad ces smras so/ /'phags pa phreng ldan ma 'phags pa las sangs rgyas kyi bka' klog par 'tshal na klog tu stsal par gsol/ des smras pa/ lha bcom ldan 'das la zhu'o zhes de nas tshe dang ldan pa 'char kas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la tshe dang ldan pa 'char kas 'di skad ces gsol to/ /btsun pa ko sa lar byung ba'i rgyal po gsal rgyal 'di skad ces phreng ldan ma klog tu stsol cig ces mchi na/ bdag gis de la ji skad brjod par bgyi/ bcom ldan 'das kyis bka' stsal pa/ 'char ka klog tu chug shig /tshe dang ldan pa 'char kas ko sa lar byung ba'i rgyal po gsal rgyal la lha klog tu stsol to zhes khas blangs nas/ rgyal pos de'i rkang pa gnyis la phyag 'tshal te song ngo // //'dul ba rnam par 'byed pa/ bam po bdun bcu pa/ tshe dang ldan pa shā ri'i bu ni dus shes pa dang / dus rig pa yin pas de dus su song nas rgyal rigs dbyar tshul ma klog tu 'jug gi dus ma yin par mi 'gro'o/ /tshe dang ldan pa 'char ka ni dus mi shes pa dang / dus mi rig pa yin pas dus su yang song ste phreng ldan ma klog tu 'jug la/ dus ma yin par yang 'gro'o/ /ji tsam dus gzhan zhig na ko sa lar byung ba'i rgyal po gsal rgyal ri brags gzhan zhig tu bya ba cung zhig byung nas de mtshan mo nyid du langs te der 'phags pa dang / tshe dang ldan pa 'char ka glang po che'i sgra dang / rta'i sgra dang / dung gi sgras sad nas des bsams pa/ btsun mo phreng ldan ma la bzlas pa sbyin du 'gro'o snyam nas/ de rgyal po'i pho brang gi sgor song ba dang sgo bas smras pa/ 'phags pa dus ma lags par rgyal po'i pho brang du ma 'jug par re shig gzhes la slad kyis zhugs shig /de khros te smras pa/ bkren pa ji srid du gsus po che 'di gson pa de srid du kho bo 'dir dus su yang 'jug la/ dus ma yin par yang 'jug go/ /'di shi na 'dir gdol pa dag dang chom rkun pa dag 'jug par 'gyur zhing 'di mi gtsang ba'i ra ba dang / btson ra dang wa lam can du 'gyur ro/ /sgo ba skrag nas cang mi smra bar 'dug pa dang / tshe dang ldan pa 'char ka nang du zhugs pa na btsun mo phreng ldan ma gnyid log cing 'dug nas des se gol gyi sgras de bslang ba dang / des de'i rkang pa la phyag 'tshal te mdun du 'dug go/ /btsun mo phreng ldan ma btsun mo'i 'khor la 'os pa'i gos dag gyon pas tshe dang ldan pa 'char ka dbang po rnams bsdus te 'dug pa dang / btsun mo phreng ldan mas bsams pa/ ci'i phyir 'phags pa 'char ka dbang po rnams bsdus te 'dug snyam nas des yang bsams pa/ bdag gis btsun mo'i 'khor la 'os pa'i gos dag gyon pas de'i phyir 'phags pa 'char ka dbang po rnams bsdus te 'dug go snyam du rig nas/ de gnas khang du zhugs te gos stug po dag gyon nas phyir byung ba dang / tshe dang ldan pa 'char kas de la bzlas pa byin/ lung gzhan yang phog pa dang / btsun mo phreng ldan mas smras pa/ 'phags pa ci lags deng dge 'dun spyan drangs sam/ 'on te bsod snyoms mdzad/ des smras pa/ bsod snyoms bgyid do/ /btsun mo phreng ldan mas smras pa/ 'phags pa gal te bsod snyoms mdzad na bdag las lhag par bsod pa 'bul ba su zhig mchis te/ bdag nyid kyis 'bul lo zhes des bca' ba dang bza' ba gtsang zhing bsod pas lhung bzed bkang ste de de la phul lo/ /tshe dang ldan pa 'char kas de blangs te phyir byung ba dang / tshe dang ldan pa shā ri'i bu nang du 'jug pa dang phrad nas des smras pa/ don nyung ngu khyod kyis brtson 'grus 'di lta bus zag pa zad par byas sam/ ci na khyod da gzod 'ong kho bos ni bzlas pa byin nas lung gzhan yang phog ste/ kho bos bca' ba dang bza' ba gtsang zhing bsod pas lhung bzed gang ba 'di yang thob bo/ /tshe dang ldan pa shā ri'i bus smras pa/ de'i phyir khyod drug sde yin no/ /dge slong don nyung ngu dag gis thos nas ci'i phyir dge slong dag nam ma nangs/ skya reng ma shar rin po che dag gam/ rin po cher smos pa dag ma bsdus par rgyal po rgyal rigs spyi bor dbang bskur ba'i sgo gtan tam/ sgo gtan gyi nyen kor las 'da' bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la smras pa/ 'char ka khyod nam ma nangs/ skya reng ma shar/ rin po che dag gam/ rin po cher smos pa dag ma bsdus par rgyal po rgyal rigs spyi bor dbang bskur ba'i sgo gtan nam/ sgo gtan gyi nyen kor las 'da' ba bden nam/ btsun pa mad do sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no/ /ci'i phyir zhe na/ dge slong dag rgyal po'i pho brang du 'gro ba la nyes dmigs bcu po 'di dag yod pa'i phyir te/ bcu gang zhe na/ dge slong dag 'di la rgyal po btsun mo dang lhan cig 'dug cing dge slong yang rgyal po'i pho brang du 'gro la/ de nas btsun mos dge slong mthong nas 'dzum 'byin par byed na de la rgyal po 'di snyam du 'di ltar btsun mos dge slong mthong nas 'dzum 'byin par byed pa las na dge slong gis dben par sdig pa'i las 'ga' zhig bya bar sems par mi 'gyur ram snyam du sems par 'gyur te/ de ni rgyal po'i pho brang du 'gro ba'i nyes dmigs dang po yin no/ /gzhan yang rgyal po btsun mo'i gan du song ba brjed dam/ sbrum pa btsun mo'i 'khor gyi nang du zhugs par gyur la/ dge slong yang rgyal po'i pho brang du 'gro na/ de la rgyal po 'di snyam du dge slong rgyal po'i pho brang 'dir 'gro ba las na de'i las ma yin nam snyam du sems par 'gyur te/ de ni rgyal po'i pho brang du 'gro ba'i nyes dmigs gnyis pa yin no/ /gzhan yang rgyal po'i pho brang nas rin po che 'am/ rin po cher smon pa stor bar gyur la dge slong yang rgyal po'i pho brang du 'gro na de la rgyal po 'di snyam du dge slong rgyal po'i pho brang 'dir 'gro ba las na de'i las ma yin nam snyam du sems par 'gyur te/ de ni rgyal po'i pho brang du 'gro ba'i nyes dmigs gsum pa yin no/ /gzhan yang rgyal po'i pho brang nas gsang tshig phyi rol du 'phel bar gyur la dge slong yang rgyal po'i pho brang du 'gro na de la rgyal po 'di snyam du dge slong rgyal po'i pho brang 'dir 'gro ba las na de'i las ma yin nam snyam du sems par 'gyur te/ de ni rgyal po'i pho brang du 'gro ba'i nyes dmigs bzhi pa yin no/ /gzhan yang rgyal po gzhon nu rnams la gsod par sems la/ dge slong yang rgyal po'i pho brang du 'gro na de na gang dag yid mi dga' ba de dag 'di snyam du dge slong rgyal po'i pho brang du 'gro ba las na de'i las ma yin nam snyam du sems par 'gyur te/ de ni rgyal po'i pho brang du 'gro ba'i nyes dmigs lnga pa yin no/ /gzhan yang gzhon nu rnams rgyal po gsod par sems shing dge slong yang rgyal po'i pho brang du 'gro na de na gang dag yid mi dga' ba de dag 'di snyam du dge slong rgyal po'i pho brang 'dir 'gro ba las na de'i las ma yin nam snyam du sems par 'gyur te/ de ni rgyal po'i pho brang du 'gro ba'i nyes dmigs drug pa yin no/ /gzhan yang rgyal pos blon po mthon po dag gnas dma' bar 'jog par byed cing dge slong yang rgyal po'i pho brang du 'gro na de na gang dag yid mi dga' ba de dag 'di snyam du/ dge slong rgyal po'i pho brang 'dir 'gro ba las na de'i las ma yin nam snyam du sems par 'gyur te/ de ni rgyal po'i pho brang du 'gro ba'i nyes dmigs bdun pa yin no/ /gzhan yang rgyal pos blon po dma' ba dag gnas mthon por 'jog par byed cing dge slong yang rgyal po'i pho brang du 'gro na de na gang dag yid mi dga' ba de dag 'di snyam du dge slong rgyal po'i pho brang 'dir 'gro ba las na de'i las ma yin nam snyam du sems par 'gyur te/ de ni rgyal po'i pho brang du 'gro ba'i nyes dmigs brgyad pa yin no/ /gzhan yang rgyal po dpung gi tshogs yan lag bzhi pa glang po che'i tshogs dang / rta pa'i tshogs dang / shing rta pa'i tshogs dang dpung bu chung gi tshogs go skon te ljongs dag tu 'gro ba dang ldog par byed cing dge slong yang rgyal po'i pho brang du 'gro na de na gang dag yid mi dga' ba de dag 'di snyam du dge slong rgyal po'i pho brang 'dir 'gro ba las na de'i las ma yin nam snyam du sems par 'gyur te/ de ni rgyal po'i pho brang du 'gro ba'i nyes dmigs dgu pa yin no/ /gzhan yang rgyal po ma phebs pa 'bebs par byed cing phebs pa gnas par byed la/ thob rgyal du bsgrags nas de'i 'og tu chad pa chen pos rjes su rton par byed cing / dge slong yang rgyal po'i pho brang du 'gro na de na gang dag yid mi dga' ba de dag 'di snyam du dge slong rgyal po'i pho brang 'dir 'gro ba las na de'i las ma yin nam snyam du sems par 'gyur te/ de ni rgyal po'i pho brang du 'gro ba'i nyes dmigs bcu pa yin no/ /dge slong dag de ltar na rgyal po'i pho brang du 'gro ba ni glang po che'i gnod pa dang / rta'i gnod pa dang / shing rta'i gnod pa dang / dpung bu chung gi gnod pa 'byung bar 'gyur te/ dge slong dag rgyal po'i pho brang du 'gro ba ni rung ba ma yin pa/ tshul dang 'thun pa ma yin pa/ dge sbyong gi tshul dang mi mthun pa yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang nam ma nangs skya reng ma shar/ rin po che dag gam/ rin po cher smos pa dag ma bsdus par rgyal po rgyal rigs spyi bor dbang bskur ba'i sgo gtan nam sgo gtan gyi nyen kor las 'da' na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /de'i tshe na 'dzam bu'i gling na grong khyer chen po rgyal po'i khab dang / sgra sgrogs zhes bya ba gnyis yod de/ gang gi tshe rgyal po'i khab rgud pa de'i tshe na ni sgra sgrogs 'byor par 'gyur la/ gang gi tshe sgra sgrogs rgud pa de'i tshe na ni rgyal po'i khabs 'byor par 'gyur ro/ /grong khyer chen po sgra sgrogs na rgyal po u tra ya na zhes bya bas rgyal srid 'byor pa rgyas pa bde ba lo legs pa/ skye bo dang mi mang pos gang ba/ thab mo dang 'thab pa dang phyi sgra dang nang 'khrug rab tu zhi ba/ chom rkun dang mu ge dang / nad dang bral ba/ sā lu dang bu ram shing gi phreng ba dang ba lang dang / ma he phun sum tshogs pa byed du bcug ste chos dang ldan pa/ chos kyi rgyal pos chos kyi rgyal srid byed du bcug go/ /de na shing ljon pa dag kyang rtag tu me tog dang 'bras bu 'chags pa yin zhing / lhas kyang dus dang dus su char gyi rgyun legs par 'bebs pas lo tog shin tu phun sum tshogs par gyur to/ /de la btsun mo zla 'od ces bya ba gzugs bzang ba/ blta na sdug pa/ mdzes pa/ yan lag dang nying lag thams cad dang ldan pa dang / bu rgyal tshab gtsug phud can zhes bya ba dang blon po'i mchog he ru ka dang bhe ru ka zhes bya ba gnyis yod do/ /grong khyer rgyal po'i khab na ma ga dhar byung ba'i rgyal po bzo sbyangs gzugs can snying pos rgyal srid 'byor pa/ rgyas pa/ bde ba lo legs pa/ skye bo dang mi mang pos gang ba/ thab mo dang 'thab pa dang / phyi dgra dang nang 'khrug rab tu zhi ba/ chom rkun dang / mu ge dang / nad dang bral ba/ sā lu dang / bu ram shing gi phreng ba dang / ba lang dang / ma he phun sum tshogs pa byed du bcug ste/ chos dang ldan pa chos kyi rgyal pos chos kyi rgyal srid byed du bcug go/ /de na yang shing ljon pa dag kyang rtag tu me tog dang / 'bras bu 'chags shing lhas kyang dus dang / dus su char gyi rgyun legs par 'bebs pas lo tog shin du phun sum tshogs par gyur to/ /de la btsun mo lus 'phags ma zhes bya ba gzugs bzang ba/ blta na sdug pa/ mdzes pa yan lag dang nying lag thams cad dang ldan pa dang / bu rgyal tshab ma skyes dgra zhes bya ba dang / blon po'i mchog ma ga dha'i sna chen po la gtogs pa bram ze dbyar tshul zhes bya ba yod do/ /ji tsam dus gzhan zhig na rgyal po'i khab nas tshong pa dag zong thogs te yul gzhan du 'phags nas de dag mthar gyis grong dang / grong rdal dang yul 'khor dang / rgyal po'i pho brang dag tu tshong 'dus dag la rnam par lta ba na grong khyer chen po sgra sgrogs su phyin to/ /ji tsam na rgyal po u tra ya na blon po'i tshogs kyis yongs su bskor te don gyi gnas na 'dug pa na tshong pa de dag skyes thogs te rgyal po u tra ya na'i gan du song ba dang / rgyal po u tra ya nas de dag la 'ongs pa legs zhes bya ba'i tshig gis kun tu spyad nas gnas ji lta ba bzhin du 'khod do/ /rgyal po u tra ya nas de dag mthong nas blon po rnams la smras pa/ shes ldan dag yul 'byor pa/ rgyas pa/ bde ba/ lo legs pa/ skye bo dang / mi mang pos gang ba 'di lta bu dang / shing ljon pa rtag tu me tog dang / 'bras bu 'chags pa 'di lta bu dang / lhas dus dang dus su char gyi rgyun legs par 'bebs shing lo tog shin du phun sum tshogs pa dang ldan pa'i rgyal po gzhan 'ga' zhig yod dam/ tshong pa de dag gis smras pa/ lha mchis te/ shar gyi yul na grong khyer rgyal po'i khab ces bgyi ba de na rgyal po gzugs can snying po zhes bgyi bas rgyal srid 'byor pa/ rgyas pa/ bde ba/ lo legs pa/ skye bo dang / mi mang pos gang ba bgyid du stsol ba de na yang shing ljon pa dag kyang rtag tu me tog dang / 'bras bu 'chags shing / lhas kyang dus dang dus su char gyi rgyun legs par 'bebs pas lo tog shin tu phun sum tshogs pa lags so/ /rgyal po u tra ya nas thos nas de la rjes su chags pa skyes nas des smras pa/ shes ldan dag rgyal po de'i yul na ci zhig dkon blon po rnams kyis smras pa/ lha ni rin po che'i mnga' bdag lags la/ rgyal po de ni gos kyi bdag po lags pas de la rin po che dag dkon no/ /rgyal pos smras pa/ shes ldan dag gal te de lta na rin po che rtog pa dag bos shig ces rgyal pos rin po che dag brtags shing brtags shing sgrom bkang nas tshong pa de dag gi lag tu skyes su bskur zhing phrin yig kyang / shed 'thun dgyes pa khyod bdag gis ma mthong ba'i grogs lags kyis/ gal te grong khyer sgra sgrogs su khyod la bgyi ba cung zad mchis na bdag la phrin yig skur cig dang thams cad bsgrub bo zhes bris te bskur ro/ /de nas tshong pa de dag gis skyes dang / phrin yig dang zong rin khyer te rgyal po'i khab du 'phags nas mthar gyis rgyal po'i khab tu phyin to/ /de nas lam gyis dub pa'i ngal bsos nas rin po che'i sgrom dang / phrin yig de dag khyer te/ rgyal po gzugs can snying po'i gan du dong nas rkang pa gnyis la gtugs te/ sgrom dang phrin yig dag phul nas smras pa/ lha grong khyer sgra sgrogs nas rgyal po u tra ya na zhes bgyi ba des lha la skyes dang phrin yig 'di dag bskur ro/ /rgyal po gzugs can snying pos phrin yig blags te smras pa/ shes ldan dag rgyal po de'i yul na ci zhig dkon/ blon po rnams kyis smras pa/ lha ni gos kyi mnga' bdag lags la/ rgyal po de ni rin po che'i bdag po lags pas de la gos dag dkon no/ /de nas rgyal po gzugs can snying pos gos rin po che dag gis sgrom bkang ste skyes su bskur zhing / phrin yig kyang shed 'thun dgyes pa khyod kyis phrin yig spring pa des mjal te khyod kyang bdag gis ma mthong ba'i grogs lags kyis rgyal po'i khab tu khyod la yang bgyi ba cung zad mchis na bdag la phrin yig spring shig dang / thams cad bsgrub bo zhes bris te blon po rnams la bsgo ba/ skyes dang phrin yig 'di dag khyer la pho nya dag las skur cig /blon po rnams kyis pho nya dag las bskur ba dang de dag gis skyes dang phrin yig de dag khyer te/ sgra sgrogs su 'phags nas mthar gyis sgra sgrogs su phyin to/ /de nas lam gyis dub pa'i ngal bsos te gos kyi sgrom dang phrin yig de dag khyer nas rgyal po u tra ya na'i gan du song ste rkang pa gnyis la gtugs nas sgrom dang phrin yig dag phul te smras pa/ lha rgyal po gzugs can snying pos lha la skyes 'di dang phrin 'di bskur ro/ /rgyal po u tra ya nas phrin yig blags te smras pa/ shes ldan dag rgyal po de'i chu zheng ci 'dra/ de dag gis smras pa/ lha'i ci 'dra ba kho na lta bu'o/ /blon po rnams kyis smras pa/ lha de lta bu lags mod kyi 'on kyang rgyal po de rang gis mtshon 'debs pa/ nyen 'khor gyi mkhar gyi rgyal po rnams dang lhan cig rang gis g.yul 'gyed cing g.yul 'gyed du stsol ba lags so/ /rgyal po u tra ya na la nor bu'i khrab yan lag lnga po dus tshigs su reg pa bde ba dang / gcad dka' ba dang / dbug dka' ba dang / dug 'jil ba dang / snang ba'i bdag nyid dang ldan pa zhig yod nas/ rgyal po u tra ya nas blon po rnams la smras pa/ shes ldan dag rgyal po de gal te rang gis mtshon 'debs pa/ nyen kor gyi mkhar gyi rgyal po rnams dang lhan cig g.yul 'gyed cing 'gyed du 'dzud pa yin na de la nor bu'i khrab 'di bskur gyis pho nya dag sta gon gyis shig /de dag gis pho nya dag sta gon byas nas/ rgyal po u tra ya nas rin po che'i khrab de dang phrin yig kyang 'di skad ces shed 'thun dgyes pa khyod la bdag gis nor bu'i khrab 'di skyes su bskur te/ 'di yang yon tan lnga po dus tshigs su reg pa bde ba dang / gcad dka' ba dang / dbug dka' ba dang / dug 'jil ba dang / snang ba'i bdag nyid dang ldan pa lags kyis khyod kyis 'di bdag dang rkyen pas rang nyid kyis bcang bar bgyi zhing su la yang stsal bar mi bgyi'o zhes bris te bskur ro/ /pho nya rnams kyis skyes de dang phrin yig khyer te rgyal po'i khab du 'phags nas mthar gyis rgyal po'i khab tu phyin to/ /de nas lam gyis dub pa'i ngal bsos nas nor bu'i khrab de dang phrin yig khyer te/ rgyal po gzugs can snying po'i gan du dong nas rkang pa gnyis la gtugs te nor bu'i khrab dang / phrin yig phul nas smras pa/ lha rgyal po u tra ya nas lha la skyes 'di dang phrin yig 'di bskur ro/ /rgyal po gzugs can snying pos phrin yig blags te nor bu'i khrab de mthong nas mchog tu ya mtshan skyes te/ blon po rnams la smras pa/ shes ldan dag rin po che rtog pa dag bos shig /de dag gis rin po che rtog pa dag bos nas rgyal pos smras pa/ shes ldan dag rin po che 'di'i rin thang chod cig /rin po che rtog pa dag gis nor bu'i khrab dang ldan pa'i rin po che re re nas brtag par brtsams na rin po che re re yang rin thang med par mthong nas/ de dag gis rgyal po la smras pa/ lha 'di la nor bu rin po che re re yang rin thang ma mchis pa lags so/ /chos nyid kyis na rin po che gang gis rin thang gdab par mi nus pa de'i rin thang bye bar 'debs so/ /rgyal po gzugs can snying pos rin po che dag bgrangs nas/ bdag gis de la skyes lan ci zhig bskur bar bya snyam du nyam nga bar gyur nas lag pa la 'gram pa gtad de sems khongs su chud cing 'dug nas blon po rnams la smras pa/ shes ldan dag rgyal po u tra ya nas nga la skyes 'di lta bu bskur na ngas de la skyes lan ci zhig bskur bar bya/ ma ga dha'i sna chen po la gtogs pa bram ze dbyar tshul gyis smras pa/ lha khyod kyi yul du yang 'jig rten gsum las ches khyad par du 'phags pa'i rin po che byung ba 'di lta ste/ de bzhin gshegs pa dgra bcom pa yang dag par rdzogs pa'i sangs rgyas lags kyis/ khyod kyis kyang ras la sangs rgyas kyi sku gzugs 'brir stsol la skyes lan du bskur bar gsol/ rgyal pos smras pa/ gal te de lta na bcom ldan 'das la zhu'o zhes de nas rgyal po gzugs can snying po bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go/ /mtha' gcig tu 'dug nas bcom ldan 'das la rgyal po gzugs can snying pos 'di skad ces gsol to/ /btsun pa grong khyer sgra sgrogs na rgyal po u tra ya na zhes bgyi ba bdag gis ma mthong ba'i grogs shig mchis pa des bdag la nor bu'i khrab yan lag lnga dang ldan pa zhig skyes su bskur te/ de'i slad du gal te bcom ldan 'das kyis gnang na bdag gis kyang ras la bcom ldan 'das kyi sku gzugs 'brir stsal te de la skyes lan du bskur bar bgyi'o/ /bcom ldan 'das kyis bka' stsal pa/ rgyal po chen po gnang gis skur cig /khyod kyi sems skyes pa bzang ste/ rgyal po u tra ya nas mthong ma thag kho nar dad pa skye bar 'gyur zhing bden pa mthong bar byed par 'gyur ro/ /rgyal po gzugs can snying pos bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /des yul thams cad na gnas pa'i ri mo mkhan dag bkug ste smras pa/ shes ldan dag bcom ldan 'das kyi sku gzugs ras la bris shig /de dag gis smras pa/ lha bri bar 'tshal lo/ /de dag gis bcom ldan 'das kyi mtshan ma gzung bar brtsams pa dang / sangs rgyas bcom ldan 'das rnams ni blta bas chog mi shes pa yin pas de dag gis bcom ldan 'das kyi mtshan ma gzung bar ma nus nas de dag yi chad de rgyal po'i gan du song nas smras pa/ lha bdag cag gis bcom ldan 'das kyi mtshan ma gzung bar rngo ma thog ste/ gal te lhas bcom ldan 'das pho brang gzhan du spyan drangs te gdugs tshod gsol na/ de lta na bdag cag gis bcom ldan 'das kyi mtshan ma gzung bar rngo thog go/ /rgyal po gzugs can snying pos bcom ldan 'das pho brang gzhan du spyan drangs kyang sangs rgyas bcom ldan 'das rnams ni blta bas chog mi shes pa yin pas 'di ltar de dag gis bcom ldan 'das kyi sku mthong ba na de dang de la blta bas ngoms par ma gyur nas/ de lta na yang bcom ldan 'das kyi mtshan ma gzung bar ma nus nas bcom ldan 'das kyis bka' stsal pa/ rgyal po chen po ri mo mkhan rnams kyis de bzhin gshegs pa'i mtshan ma gzung bar mi nus kyi yi chad par ma byed par ras de 'on cig dang ngas grib ma gtang bar bya'o/ /rgyal pos ras phul ba dang / bcom ldan 'das kyis der grib ma btang ste ri mo mkhan rnams la bka' stsal pa/ shes ldan dag grib ma 'dir tshon sna tshogs kyis khong shig /rgyal po la yang bka' stsal pa/ rgyal po chen po sku gzugs byas zin nas 'og tu skyabs su 'gro ba dang / bslab pa'i gzhi dag dang / rten cing 'brel bar 'byung ba'i yan lag bcu gnyis lugs su 'byung ba dang / lugs las bzlog pa dag bri bar bar bya'o/ /steng du tshigs su bcad pa gnyis po/ brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes bya ba dag bri bar bya'o/ /pho nya dag la yang phrin du sa phyogs go skabs yangs par bkur sti chen pos sku gzugs dbye bar bya ste/ gal te 'di ci yin zhes 'dri na/ 'di ni 'jig rten gsum las ches khyad par du 'phags pa sangs rgyas bcom ldan 'das kyi sku gzugs yin no/ /zhes brjod par bya'o/ /gal te 'og tu bris pa 'di ci yin zhes 'dri na 'di ni khas len pa'o/ /'di ni bslab pa'i gzhi dag go/ /'di ni 'jig rten gyi 'byung ba dang ldog pa'o zhes brjod par bya'o gal te steng du bris pa 'di ci yin zhes 'dri na 'di ni mngon par spro bar bya ba'o zhes brjod par bya'o zhes sgo zhig /rgyal pos thams cad bris shing 'brir bcug nas dri sna tshogs kyis bsgos te legs par dril nas gser gyi dong bur bcug ste/ gser gyi dong bu yang dngul gyi dong bur bcug /dngul gyi dong bu yang zangs kyi dong bur bcug / zangs kyi dong bu yang dri sna tshogs kyis bsgos pa'i gos dag gis dkris te/ glang po che'i rgyab tu bkal nas grong khyer mdzes pa dang / lam mdzes pa chen pos grong khyer nas phyung ste/ rgyal po u tra ya na la phrin yig 'di skad ces shed 'thun dgyes pa khyod la bdag gis 'jig rten gsum las ches khyad par du 'phags pa'i skyes 'di bskur gyis khyod kyis 'di dpag tshad phyed dang gsum du grong khyer mdzes pa dang / lam mdzes par bya zhing bdag nyid dpung gi tshogs yan lag bzhi dang ldan pas bsu bar bya ste sa phyogs go skabs yangs par mchod pa dang bkur sti chen po byas te dbye bar bya'o/ /des na khyod kyis bsod nams chen po 'thob par 'gyur ro zhes bris te bskur ro pho nya rnams la yang khyed kyis 'di dang 'di skad ces brjod par bya'o zhes bsgo nas/ de dag gis sku gzugs dang phrin yig de khyer te sgra sgrogs su 'phags so/ /de dag mthar gyis sgra sgrogs kyi 'dab tu phyin nas de dag gis lam gar bsdad de rgyal po u tra ya na la phrin yig bskur ro/ /rgyal po u tra ya nas phrin yig blags nas khro bas kun nas dkris par gyur te/ blon po rnams la smras pa/ shes ldan dag des nga la phrin yig 'di skad spring ba la nyon cig /des nga la skyes ji lta bu zhig bskur na de'i phyir ngas dpag tshad phyed dang gsum du grong khyer mdzes pa dang / lam mdzes par bya zhing bdag nyid dpung gi tshogs yan lag bzhi dang ldan pas bsu bar bya'o zhes zer/ dpung gi tshogs yan lag bzhi pa sta gon gyis shig dang da song la de'i yul 'khor gzhom par bya'o/ /blon po rnams kyis smras pa/ lha rgyal po de ni bdag nyid chen po zhig lags shes gda' bas des lha'i zhal sngar skyes ngan ngon zhig bskur bar rngo mi thog pas je brtag par bgyis te/ gal te lha'i thugs mnyes na de lta na legs/ gal te ma mnyes na bdag cag gis de la dus 'tshal bar bgyi'o/ /de dag gis dpag tshad phyed dang gsum tshun chad du lam mdzes pa byed du bcug ste/ grong khyer sgra sgrogs kyang rdo ba dang / gseg ma dang / gyo mo med par rnam par gzhag nas tsan dan gyi chus chag chag btab cing bdug spos dri zhim po'i snod dag dngar te dar gyi chun po'i phreng ba dpyangs shing / gdugs dang / rgyal mtshan bsgreng ste/ me tog sna tshogs bkram zhing lha'i skyed mos tshal dga' ba'i tshal zhes bya ba ltar dga' bar 'gyur bar byas nas rgyal po bdag nyid dpung gi tshogs yan lag bzhi dang ldan pas bsu nas grong khyer gyi nang du 'jug tu bcug go/ /de nas srog chags bye ba 'bum phrag du ma dag kyang der 'dus par gyur/ nam mkha'i dkyil du yang lha 'bum phrag du ma dag 'dus par gyur nas sa phyogs go skabs yangs par de dag gi nang du mchod pa chen po byas te sku gzugs de phye ba dang / yul dbus nas tshongs pa mang po zong thogs te grong khyer sgra sgrogs su lhags pa de dag gis sangs rgyas kyi sku gzugs de mthong nas sangs rgyas la phyag 'tshal lo/ /sangs rgyas la phyag 'tshal lo zhes thams cad kyis skad cig tu sgra phyung ngo / /rgyal po u tra ya nas sangs rgyas shes bya ba'i sgra sngon ma thos pa thos nas spu'i khung bu thams cad zing zhes byed par gyur nas ya mtshan skyes te yun ring mo zhig tu mig tshugs su brtags nas smras pa/ shes ldan dag sangs rgyas shes bya ba de su yin/ de dag gis smras pa/ lha yul dbus na gangs kyi ri ngos dang nye ba chu klung skal ldan shing rta pa'i 'gram drang srong ser skya'i bsti gnas dang ha cang mi ring bar shākya rnams kyi gzhon nu byung ste/ de bram ze ltas pa dang mtshan mkhan dag gis gal te gzhon nu de pho brang gi nang na bzhugs par gyur na 'khor los sgyur ba'i rgyal po mtha' bzhir rgyal ba/ chos kyi rgyal po/ chos dang ldan pa/ rin po che sna bdun dang ldan par 'gyur te/ de'i rin po che sna bdun po de dag ni 'di lta bur 'gyur te/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / dmag dpon rin po che nyid ni bdun pa yin no/ /'di la bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa stong tshang ba yod par 'gyur ro/ /de rgya mtsho la thug pa'i sa chen po ma lus par gnod par sdo ba med cing 'tshe ba med pa 'di nyid 'tshe ba med cing mtshon gyis bda' ba med la chos dang 'thun zhing snyoms pas legs par phab ste gnas par 'gyur ro/ /gal te skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung na ni/ de bzhin gshegs pa dgra bcom pa yang dag par rdzogs pa'i sangs rgyas 'jig rten du rnam par grags pa'i sgra dang ldan par 'gyur ro zhes lung bstan te/ lha 'di ni de'i sku gzugs lags so/ /rgyal po rgya cher yid dga' nas smras pa/ shes ldan dag de ni shes kyis 'di dri'o/ /'og tu bris pa 'di ci yin/ lha 'di ni khas len pa lags so/ /'di ni bslab pa'i gzhi dag lags so/ /'di ni 'jig rten gyi 'byung ba dang ldog pa dag lags so/ /shes ldan dag de yang shes kyis 'di dri'o/ /steng du bris pa 'di ci yin/ lha 'di ni mngon par spro bar bgyi ba lags so/ /rgyal po u tra ya nas rten cing 'brel bar 'byung ba'i yan lag bcu gnyis lugs su 'byung ba dang / lugs las bzlog pa yang bzlas pa yang bzlas nas legs par gzung ba byas te/ mtshan mo nam nangs pa'i tshe don thams cad dang las kyi mtha' thams cad bag yangs su byas te 'dug nas skyil mo dkrung bcas te lus drang por bsrang nas dran pa phyogs par bzhag ste/ rten cing 'brel bar 'byung ba'i yan lag bcu gnyis lugs su 'byung ba dang / lugs las bzlog pa la rnam par lta bar byed de/ 'di lta ste 'di yod pas 'di 'byung la/ 'di skyes pa'i phyir 'di skye ba ste/ 'di lta ste ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar na sdug bsngal gyi phung po chen po 'ba' shig po 'di 'byung bar 'gyur ro/ /'di lta ste 'di med pas 'di mi 'byung la/ 'di ma skyes pa'i phyir 'di mi skye ba ste/ 'di lta ste ma rig pa 'gags pas 'du byed rnams 'gag /'du byed rnams 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag / sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang smre sngags 'don pa dang / sdug bsngal ba dang / yid mi bde ba dang 'khrug pa rnams 'gag par 'gyur te/ de ltar na sdug bsngal gyi phung po chen po 'ba' shig po 'di 'gag par 'gyur ro zhes rnam par lta bar byed de/ des rten cing 'brel par 'byung ba'i yan lag bcu gnyis lugs su 'byung ba dang lugs las bzlog pa la rnam par lta ba na 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun tu zhugs pa'i 'bras bu mngon sum du byas so/ /des bden pa mthong nas tshigs su bcad pa smras pa/ ring na bzhugs pa'i sangs rgyas kyis/ /shes rab kyi mig rnam par sbyangs/ /gang la de 'dra'i gsos mnga' ba/ /sman pa'i mchog la phyag 'tshal lo/ /des shes nas dad pa dang ldan pas rgyal po gzugs can snying po la phrin yig 'di skad ces shed 'thun dgyes pa khyod la brten nas bdag gis sems can dmyal ba dang / dud 'gro dang yi dags dag nas ni rkang pa phyung / lha dang mi rnams kyi nang du ni bzhag /'khor ba ni mthar byas/ khrag dang mchi ma'i rgya mtsho ni bskams/ rus pa'i ri dag las ni bsgal/ ngan song gi sgo dag ni bcad/ mtho ris dang thar pa'i sgo dag ni phye/ thog ma med pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni mngon sum du byas te/ bdag dge slong mthong bar 'dod kyis khyod kyis dge slong 'ga' zhig gtang ba'i rigs so zhes bris te spring ngo / /rgyal po gzugs can snying pos phrin yig de blags nas/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la rgyal po gzugs can snying pos 'di skad ces gsol to/ /btsun pa rgyal po u tra ya nas bden pa dag mthong nas des bdag la phrin yig bskur te/ dge slong mthong bar 'tshal gyis dge slong 'ga' zhig gtang ba'i rigs so zhes mchi na/ de'i slad du 'di la ji ltar bsgrub par bgyi/ bcom ldan 'das kyis dgongs pa/ rgyal po u tra ya na 'khor dang bcas pa dang grong khyer sgra sgrogs na gnas pa'i skye bo'i tshogs dge slong gang gis gdul ba yin snyam du dgongs na dge slong kā tyā ya na chen po'i gdul ba yin par gzigs nas/ bcom ldan 'das kyis tshe dang ldan pa kā tyā ya na chen po la bka' stsal pa/ kā tyā ya na grong khyer sgra sgrogs na rgyal po u tra ya na 'khor dang bcas pa dang / sgra sgrogs na gnas pa'i skye bo'i tshogs la soms shig /tshe dang ldan pa kā tyā ya na chen pos btsun pa bka' bzhin 'tshal zhes bcom ldan 'das las mnyan nas/ bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas tshe dang ldan pa kā tyā ya na chen po de nyid kyi mtshan mo 'das nas snga dro sham thabs bgos lhung bzed dang chos gos thogs te rgyal po'i khab tu bsod snyoms la zhugs so/ /rgyal po'i khab du bsod snyoms brgyus nas zas kyi bya ba byas te phyi ma'i zas kyi bsod snyoms las phyir log pas ji ltar longs spyad pa'i gnas mal mkhos su phab ste/ lhung bzed dang chos gos thogs nas 'khor lnga brgya dang grong khyer sgra sgrogs ga la ba der dong ngo / /rgyal po gzugs can snying pos kyang rgyal po u tra ya na la phrin yig shed 'thun dgyes pa khyod kyi phyir bdag gis dge slong ston pa dang 'dra ba 'di 'khor lnga brgya dang btang gis khyod kyis dpag tshad phyed dang gsum du lam mdzes pa dang / grong khyer mdzes par bya zhing bdag nyid dpung gi tshogs yan lag bzhi dang ldan pas bsu bar bya ste/ grong khyer gyi phyi rol du gtsug lag khang lnga brgya byed du gzhug cing khri dang / khri'u dang / stan nang tshangs can dang / la ba dang sngas dang / gor bu lnga brgya yang sbyin par bya/ bsod snyoms lnga brgya yang sbyor du gzhug par bya ste/ des na khyod kyis bsod nams chen po 'thob par 'gyur ro zhes bris te bskur ro/ /rgyal po u tra ya nas phrin yig blags nas dga' ba dang / mchog tu dga' ba skyes te des dpag tshad phyed dang gsum du lam dang grong khyer mdzes par byed du bcug nas bdag nyid dpung gi tshogs yan lag bzhi pa dang / skye bo 'bum phrag du ma'i 'khor dang bcas pas bsu nas bkur sti chen pos grong khyer sgra sgrogs su 'jug tu bcug cing / grong khyer gyi phyi rol du gtsug lag khang lnga brgya yang byed du bcug /khri dang khri'u dang stan nang tshangs can dang / la ba dang sngas dang gor bu lnga brgya yang 'bul du bcug /bsod snyoms lnga brgya yang sbyor du bcug ste/ sa phyogs go skabs yangs par stan shom du bcug go/ /tshe dang ldan pa kā tyā ya na chen po dge slong gi dge 'dun gyi gong du stan bshams pa nyid la 'dug go/ /srog chags 'bum phrag du ma dag kyang kha cig ni ltad mo skyes pa na/ kha cig ni sngon gyi dge ba'i rtsa ba dag gis bskul ba na der 'dus par gyur to/ /de nas tshe dang ldan pa kā tyā ya na chen pos 'khor de'i bsam pa dang / bag la nyal dang / khams dang / rang bzhin khong du chud nas srog chags 'bum phrag du ma dag gis gang thos nas khyad par chen po rtogs par gyur pa de lta bu'i chos bstan pa byas te/ kha cig gis ni rgyun du zhugs pa'i 'bras bu mngon sum du byas/ kha cig gis ni lan cig phyir 'ong ba'i 'bras bu mngon sum du byas/ kha cig gis ni phyir mi 'ong ba'i 'bras bu mngon sum du byas/ kha cig gis ni rab tu byung ste nyon mongs pa thams cad spangs pas dgra bcom pa nyid mngon sum du byas so/ /kha cig gis ni nyan thos kyi byang chub tu sems bskyed/ kha cig gis ni rang byang chub tu sems bskyed/ kha cig gis ni bla na med pa yang dag par rdzogs pa'i byang chub tu sems bskyed do/ /'khor phal cher ni sangs rgyas la gzhol ba dang / chos la 'bab pa dang / dge 'dun la bab par bkod do/ /grong khyer sgra sgrogs na khyim bdag rgyal dang / skar rgyal zhes bya ba gnyis shig 'khod pa de gnyis tshe dang ldan pa kā tyā ya na chen po ga la ba der dong ste phyin nas tshe dang ldan pa kā tyā ya na chen po'i rkang pa gnyis la mgo bos phyag 'tshal te mtha' cig tu 'khod do/ /mtha' gcig tu 'khod nas khyim bdag rgyal dang / skar rgyal gnyis kyis tshe dang ldan pa kā tyā ya na chen po la 'di skad ces smras so/ /'phags pa kā tyā ya na chen po bdag cag gnyis legs par gsungs pa'i chos 'dul ba la rab tu 'byung ba dang rdzogs par bsnyen pa'i dge slong gi dngos po dang / bdag cag gnyis kyis 'phags pa kā tyā ya na chen po'i drung du tshangs par spyod pa spyad pa 'thob 'am/ tshe dang ldan pa kā tyā ya na chen pos de gnyis rab tu phyung rdzogs par bsnyen par byas te gdam ngag dang rjes su bstan pa byin nas de gnyis kyis spro ba dang / 'bad pa dang / brtsal ba byas pas gong nas gong du yid la byed pa'i khyad par thob nas 'khor ba'i 'khor lo cha lnga pa g.yo ba dang mi g.yo ba 'di nyid rig ste 'du byed kyi rnam pa thams cad nyams pa dang / ltung ba dang rnam par 'thor ba dang rnam par 'jig pa'i chos nyid kyis zil gyis mnan nas nyon mongs pa thams cad spangs pas rigs kyi bu dag gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing / dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bu rig pas sgo nga'i sbubs dral bar gyur cing / rig pa dang mngon par shes pa dang / so so yang dag par rig pa thob pa/ srid pa dang / 'dod pa'i rnyed pa dang / bkur sti la rgyab kyis phyogs pa/ dbang po dang / nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de gnyis kyis 'bar ba dang / gsal ba dang / char 'bab pa dang / glog 'byin pa'i cho 'phrul dag byas nas phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de gnyis kyi nye du dag gis lus la lus kyi mchod pa byas nas mchod rten gnyis byed du bcug ste gcig ni rgyal gyi'o/ /gcig shos ni skar rgyal gyi'o/ /rgyal po u tra ya na nyin re nyin re zhing tshe dang ldan pa kā tyā ya na chen po'i drung du song nas chos mnyan te btsun mo'i 'khor la 'phags pa kā tyā ya na chen po chos dngar ba dngar ba ston par byed de/ sbrang bu sbrang rtsi 'byin pa bzhin no zhes rjod par byed do/ /de dag gis smras pa/ lha sangs rgyas 'byung ba ni 'bras bu dang bcas pa lags so/ /ji ltar gang gi slad du khyod chos gsan pas so/ /gal te de lta na khyed cag kyang ci'i phyir chos mi nyan/ lha bdag cag ni ngo tsha dang ldan pa lags pas ji ltar der mchis te chos mnyan par bgyi/ gal te 'phags pa kā tyā ya na chen po 'di nyid du mchis te chos ston par bgyid na de lta na bdag cag kyang chos nyan to/ /rgyal po u tra ya nas tshe dang ldan pa kā tyā ya na chen po la smras pa/ 'phags pa btsun mo'i 'khor chos nyan par 'tshal lo/ /des smras pa/ rgyal po chen po dge slong dag ni btsun mo'i 'khor gyi nang du zhugs shing chos mi ston to/ /bcom ldan 'das kyis btsun mo'i 'khor gyi nang du 'jug pa bkag go/ /'phags pa 'o na su zhig btsun mo'i 'khor la chos ston par bgyid/ rgyal po chen po dge slong ma'o/ /rgyal po u tra ya nas rgyal po gzugs can snying po la phrin yig 'di skad ces shed 'thun dgyes pa bdag gi btsun mo'i 'khor chos nyan par 'tshal na de'i slad du dge slong ma 'ga' zhig gtang ba'i rigs so zhes bris te bskur ro/ /rgyal po gzugs can snying pos phrin yig de blags nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la rgyal po gzugs can snying pos 'di skad ces gsol to/ /btsun pa rgyal po u tra ya nas phrin yig spring ste btsun mo'i 'khor chos nyan par 'tshal gyis de'i slad du dge slong ma 'ga' zhig gtang ba'i rigs so zhes mchi na de'i slad du 'di la ji ltar bsgrub par bgyi/ bcom ldan 'das kyis dgongs pa/ rgyal po u tra ya na'i btsun mo'i 'khor gyi bud med dang grong khyer sgra sgrogs na gnas pa'i bud med rnams dge slong ma gang gis gdul ba yin snyam du dgongs na/ dge slong ma ri ma'i gdul ba yin par gzigs nas de nas bcom ldan 'das kyis dge slong ma ri ma la bka' stsal pa/ ri ma grong khyer sgra sgrogs na rgyal po u tra ya na'i btsun mo'i 'khor gyi bud med dang / sgra sgrogs na gnas pa'i bud med rnams la soms shig /dge slong ma ri mas btsun pa bka' bzhin 'tshal zhes bcom ldan 'das las mnyan nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas dge slong ma ri ma de nyid kyi mtshan mo 'das nas snga dro sham thabs bgos lhung bzed dang chos gos thogs te rgyal po'i khab du bsod snyoms la zhugs so/ /rgyal po'i khab tu bsod snyoms brgyus nas zas kyi bya ba byas te phyi ma'i zas kyi bsod snyoms las phyir log pas ji ltar longs spyad pa'i gnas mal mkhos su phab ste/ lhung bzed dang chos gos thogs nas 'khor lnga brgya dang grong khyer sgra sgrogs ga la ba der song ngo / /rgyal po gzugs can snying pos kyang rgyal po u tra ya na la phrin yig 'di skad ces shed 'thun dgyes pa khyod kyi phyir bdag gis nyan thos ma chen mo ston pas bsngags pa 'di 'khor lnga brgya dang gtang gis khyod kyis kyang dpag tshad phyed dang gsum du lam dang grong khyer mdzes par bya zhing bdag nyid dpung gi tshogs yan lag bzhi dang ldan pas bsu bar bya ste/ grong khyer gyi nang du dbyar khang lnga brgya yang byed du gzhug par bya/ khri dang khri'u dang / stan nang tshangs can dang / la ba dang sngas dang / gor bu lnga brgya yang 'bul bar bya/ bsod snyoms lnga brgya yang sbyor du gzhug par bya ste/ des na khyod kyis bsod nams chen po 'thob par 'gyur ro zhes bris te bskur ro/ /rgyal po u tra ya nas phrin yig de blags nas dga' ba dang mchog tu dga' ba skyes te/ des dpag tshad phyed dang gsum du lam dang grong khyer mdzes par byed du bcug nas bdag nyid dpung gi tshogs yan lag bzhi pa dang / skye bo 'bum phrag du ma'i 'khor dang bcas pas bsu nas bkur sti chen pos grong khyer du 'jug tu bcug cing / grong khyer gyi nang du dbyar khang lnga brgya byed du bcug ste/ khri dang khri'u dang / stan nang tshangs can dang la ba dang sngas dang gor bu lnga brgya yang 'bul du bcug /bsod snyoms lnga brgya yang sbyor du bcug go/ /dge slong ma ri ma nyin re zhing rgyal po u tra ya na'i btsun mo'i 'khor dang / grong khyer sgra sgrogs na gnas pa'i bud med rnams kyi nang du zhugs te chos ston par byed do/ /rgyal po u tra ya na ni pi bang mkhas pa yin la/ btsun mo zla 'od ni gar mkhas pa yin pas ji tsam du dus gzhan zhig na rgyal po u tra ya nas pi bang sbrings te btsun mo zla 'od gar byed do/ /des de gar byed pa na chud za ba'i mtshan ma mthong nas des de la mgo 'jug tu brtags te bsams na zhag bdun 'das na 'di dus byed par 'gyur ro snyam nas de'i lag nas pi bang shor te sa la lhung ba dang / btsun mo zla 'od kyis smras pa/ lha bdag gis gar ma legs sam ci nongs/ zla 'od khyod kyis gar ma legs pa ma yin te/ 'di ltar ngas khyod gar byed pa na chud za ba'i mtshan ma mthong bas nyi ma bdun pa la khyod dus byed par 'gyur ro/ /btsun mo zla 'od kyis rgyal po'i rkang pa gnyis la gtugs te smras pa/ lha gal te de ltar na bdag gis lha la bsnyen bkur ni bgyis lags na/ gal te lhas gnang na bdag rab tu 'byung ngo / /rgyal pos smras pa/ zla 'od dus yin gyis gnang ngo / /gal te khyod rab tu byung nas nyon mongs pa thams cad spangs pas dgra bcom pa nyid mngon sum du byed na ni de nyid khyod kyi sdug bsngal gyi mtha' yin no/ /gal te kun tu sbyor ba lhag ma dang bcas pas dus byas te lha rnams kyi nang du skyes par gyur na ni khyod lhar gyur pas nga la blta bar bya'o/ /des smras pa/ lha bka' bzhin 'tshal/ rgyal po u tra ya nas btsun mo zla 'od dge slong ma ri ma la gtad de smras pa/ 'phags ma btsun mo zla 'od legs par gsungs pa'i chos 'dul ba la rab du 'byung ba dang rdzogs par bsnyen pa dge slong ma'i dngos po 'tshal gyis de'i slad du 'phags mas 'di rab tu 'byung ba dang / rdzogs par snyen par mdzad pa'i rigs so/ /dge slong ma ri mas smras pa/ de ltar bgyi'o zhes des de rab tu phyung zhing rdzogs par bsnyen par byas so/ /dge slong ma ri mas bsams pas/ de la 'chi ba'i 'du shes sgoms shig ces gdam ngag byin no/ /btsun mo zla 'od kyis 'chi ba'i 'du shes bsgom par brtsams nas de nyi ma bdun pa la dus la bab nas rgyal chen bzhi'i ris kyi lha rnams kyi nang du skyes so/ /lha'i bu 'am lha'i bu mo'i chos nyid ni skyes nas ring po ma lon pa la sems gsum skye ste/ gang nas shi 'phos pa dang / gang du skyes pa dang / las gang gis skyes pa'o/ /lha'i bu mo zla 'od kyis bsams pa/ bdag gang nas shi 'phos snyam na/ mi rnams kyi nang nas shi 'phos pa dang / gang du skyes snyam na rgyal chen bzhi pa'i nang du skyes pa dang / las gang gis skyes snyam na bcom ldan 'das kyi bstan pa la tshangs par spyod pa spyad pa nyid kyis skyes par mthong ngo / /de nas lha'i bu mo zla 'od 'di snyam du sems te/ gang gi phyir bdag yongs su gnas pa bsten te bcom ldan 'das la blta ba dang / bsnyen bkur bya ba'i phyir nye bar 'gro ba ni bdag gi tshul dang 'thun pa ma yin gyis bdag yongs su gnas pa ma bsten pa kho nar bcom ldan 'das la blta ba dang / bsnyen bkur bya ba'i phyir nye bar 'gro'o snyam mo/ /de nas lha'i bu mo zla 'od rna cha gdub 'khor g.yo zhing dri ma med pa thogs te do shal dang se mo dos brgyan pa'i lus kyis lha'i utpa la dang / pad ma dang / ku mu da dang / pad ma dkar po dag gis thu ba bkang ste kha dog shin tu 'das pas mtshan mo la bab pa dang / bcom ldan 'das ga la ba der song ste phyin nas bcom ldan 'das la me tog dag gis mngon par gtor te bcom ldan 'das kyi zhabs gnyis la mgo bos phyag 'tshal nas mtha' gcig tu 'dug pa dang / 'di ltar lha'i bu mo zla 'od kyi kha dog gi mthus 'od ma'i tshal ka lan da ka'i gnas thams cad snang ba chen pos khyab par gyur to/ /de nas bcom ldan 'das kyis lha'i bu mo zla 'od kyi bsam pa dang bag la nyal dang / khams dang / rang bzhin thugs su chud nas gang thos nas lha'i bu mo zla 'od kyis stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan pa mdzad do/ /des bden pa mthong nas btsun pa bcom ldan 'das kyis bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang / yi dags dag nas ni rkang pa phyung / lha dang mi rnams kyi nang du ni bzhag go zhes lan gsum du ched du brjod pa ched du brjod do/ /yang smras pa/ khyod mthus rab drag nyes pa mang ldan pa'i/ /ngan song shul bkag bsod nams mang ldan pa'i/ /mtho ris 'gro ba phye zhing bdag gis ni/ / mya ngan 'das pa'i shul yang thob par gyur/ /shin du rnam dag khyod rten bdag gis ni/ /de ring skyon bral dag pa'i mig thob cing / /go 'phang zhi ba 'phags pa dgyes thob ste/ /sdug bsngal rgya mtsho'i pha rol rgal bar gyur/ /'gro ba lha min mi dang lhas mchod pa/ /skye dang rga dang na 'chi bral ba po/ /srid pa stong du mthong ba rab dkon pa/ /thub pa de ring khyod mthong 'bras bu mchis/ /de nas gdud byas do shal rab 'phyang bas/ /zhabs la phyag 'tshal rangs pa skyes gyur nas/ /dgra thul g.yas nas yongs su bskor byas te/ /lha yi 'jig rten mngon phyogs mkha' la song / /de nas lha'i bu mo zla 'od tshong pa khe spogs rnyed pa lta bu dang / zhing pa lo tog 'byor pa lta bu dang / dpa' bo g.yul las rnam par rgyal ba lta bu dang / nad pa nad thams cad las yongs su thar ba lta bur gyur te cha lugs gang gis bcom ldan 'das kyi spyan sngar 'ongs pa'i cha lugs de nyid kyis rang gi gnas su song ngo / /de 'di snyam du sems te/ bdag gis rgyal po u tra ya na la khas blangs pas da de blta ba'i dus yin no/ /snyam nas/ de nas lha'i bu mo zla 'od rgyal po u tra ya na ga la ba der song ngo / /de'i tshe na rgyal po u tra ya na gcig pu steng gi khang bzangs kyi gzhir gtogs pa na nyal zhing 'dug nas des de snang ba rgya chen pos khyab par byas te se gol gyi sgras bslang ba dang / de gnyid kyis non pa'i mig dang rnam par shes pa mi gsal bas smras pa/ khyod su des smras pa/ bdag zla 'od do/ /rgyal pos smras pa/ tshur shog dga' mgur spyad par bya'o/ /des smras pa lha bdag shi zhing dus la bab nas rgyal chen bzhi'i ris kyi lha rnams kyi nang du skyes te/ gal te bdag dang lhan cig mjal bzhed na bcom ldan 'das kyi spyan sngar rab tu byung zhig dang / gal te tshe 'di nyid la nyon mongs pa thams cad spangs pas dgra bcom pa nyid mngon sum du mdzad na ni de nyid khyod kyi sdug bsngal gyi mtha' lags so/ /gal te kun du sbyor ba lhag ma dang bcas pas dus bgyis te rgyal chen bzhi'i ris kyi lha rnams kyi nang du skyes par gyur na ni der khyod bdag dang mjal bar 'gyur ro zhes smras te de nyid du mi snang bar gyur to// // 'dul ba rnam par 'byed pa/ bam po bdun bcu rtsa gcig pa/ rgyal po u tra ya nas mtshan thog tag tu rab tu 'byung ba rjes su bsams nas nang par sngar langs te blon po rnams la smras pa/ shes ldan dag btsun mo zla 'od ga la 'dug ltos shig / de dag gis smras pa/ lha dus la bab bo/ /rgyal po u tra ya nas bsams pa/ gang gi phyir bdag la lha mos bskul nas bdag khyim pa khyim gyi nang na gnas shing sogs 'jog gi longs spyod dang 'dod pa la yongs su spyod pa ni bdag gi tshul dang 'thun pa ma yin gyis/ bdag gis gzhon nu gtsug phud can rgyal srid la dbang bskur te bdag skra dang kha spu bregs nas gos ngur smrig dag bgos te/ yang dag pa kho nar dad pas khyim nas khyim med par rab tu 'byung ngo snyam nas/ des blon po'i mchog he ru ka dang / bhi ru ka gnyis mngag pas bos te smras pa/ shes ldan gnyis bu gzhon nu gtsug phud can nga la ci 'dra ba de kho na bzhin du khyed gnyis la yang de 'dra ba yin gyis khyed gnyis kyis de gnod pa las bzlog par bya zhing phan pa la nges par sbyar bar gyis shig /nga ni legs par gsungs pa'i chos 'dul ba la rab tu 'byung ngo / /de gnyis kyis thos nas mchi mas brnangs te 'khod do/ /rgyal pos gzhon nu gtsug phud can la smras pa/ bu khyod ji lta nga'i tshig mnyan pa dang bya bar sems pa de bzhin du/ khyod kyis blon po'i mchog he ru ka dang bhi ru ka 'di gnyis kyi tshig mnyan pa dang bya bar soms shig /nga ni legs par gsungs pa'i chos 'dul ba la rab tu 'byung ngo / /des kyang thos nas mchi mas brnangs te 'dug go/ /de nas rgyal po u tra ya nas grong khyer sgra sgrogs su dril bsgrag pa byed du bcug ste/ grong khyer sgra sgrogs na gnas pa dag dang / pho brang 'khor gyi mi dag dang / yul tha dad pa nas lhag pa'i skye bo'i tshogs rnams la shes ldan dag nyon cig / nga ni skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung gis ngas rgyal srid byed du bcug pa na gang la gnod pa cung zad ci byas pa de bzod par gyis shig ces bsgo'o/ /grong khyer sgra sgrogs na gnas pa rnams dang / pho brang 'khor gyi mi rnams dang / yul tha dad pa nas lhags pa'i skye bo'i tshogs rnams rgyal po la rjes su chags pa yin pas de dag gis thos nas thams cad mchi mas brnangs te 'khod do/ /de nas rgyal po u tra ya nas gzhon nu gtsug phud can rgyal srid la bzhag nas rtsa lag gi skye bo rnams la bzod pa gsol te/ dge sbyong dang / bram ze dang / bkren pa dang / sdug phongs pa rnams la sbyin pa dag byin/ bsod nams dag byas te mi bsnyen bkur ba cig dang / rgyal po'i khab logs su phyogs te 'phags so/ /de nas rgyal po gtsug phud can btsun mo'i 'khor dang / gzhon nu dang / blon po dang / pho brang 'khor gyi mi dang bcas pa dang / gzhan yang yul tha dad pa nas lhags pa'i skye bo'i tshogs rnams phyi bzhin phyi bzhin du 'brang ste/ srog chags 'bum phrag du ma dag gis bskyal bzhin du grong khyer sgra sgrogs nas phyir byung ste/ skyed mos tshal shing ljon pa'i tshal sna tshogs kyis brgyan pa/ me tog dang 'bras bu dang / chu rgyun sna tshogs dang ldan pa/ ngang pa dang / khrung khrung dang / rma bya dang / ne tso dang / ri skegs dang / khu byug dang / shang shang te'u sgra 'byin pa zhig tu yud tsam zhig bsdad nas grong khyer sgra sgrogs logs su rnam par bltas te rgyal po gtsug phud can la smras pa/ bu ngas chos kyi rgyal srid byed du bcug pas de'i phyir srog chags 'bum phrag 'di snyed nga'i phyi bzhin du 'brang bar gyur gyis/ khyod kyis kyang chos kyis rgyal srid byed du gzhug par bya'o/ /skye bo'i tshogs de la yang bag phab ste smras pa/ shes ldan dag ngas khyed kyi rgyal por 'di bskos kyis phyir deng la bde bar sgrubs shig ces smras te song ngo / /rgyal po gtsug phud can btsun mo'i 'khor dang / gzhon nu dang / blon po dang pho brang 'khor gyi mi dang bcas pa dang yul tha dad pa nas lhags pa'i skye bo'i tshogs rnams mchi mas dkrugs pa'i mig gis yud tsam yud tsam phyi bzhin rtog cing rtog cing grong khyer sgra sgrogs su phyir log go/ /de nas rgyal po u tra ya na mthar gyis grong khyer rgyal po'i khab tu phyin nas des skyed mos tshal du bsdad de/ mi de la smras pa/ kwa'i nang rje rgyal po gzugs can snying po'i gan du song la rgyal po u tra ya na skyed mos tshal na sdod do zhes sbron cig /mi de song ste rgyal po gzugs can snying po la lha rgyal po u tra ya na skyed mos tshal na sdod do zhes sbran to/ /des thos nas 'phral kho na la langs te zho shas 'tsho ba rnams la smras pa/ shes ldan dag rgyal po de dpung chen po dang ldan pa yin na des ma sbran pa kho nar 'ongs pa khyed cag sus kyang ma shes so/ /des smras pa/ lha de la dpung ga la mchis te dpon g.yog gnyis pu zhig mchis so/ /rgyal po gzugs can snying pos bsams pa/ gang gi phyir bdag gis rgyal po rgyal rigs spyi bor dbang bskur ba bgyis na de bzhin du grong khyer du gzhug pa ni bdag gi tshul dang 'thun pa ma yin gyis/ bdag gis bkur sti chen pos 'jug tu gzhug go snyam du rig nas/ lam mdzes pa dang grong khyer mdzes par byed du bcug nas dpung gi tshogs yan lag bzhi pas bsu'o/ /de nas gnya' ba sprad de glang po che'i rgyab tu zhon nas grong khyer rgyal po'i khab tu bcug ste/ spos sna tshogs dang sbyar ba'i chus khrus byed du bcug nas rgyal po la 'os pa'i gos dag dang / spos dang / phreng ba rgyu dang / byug pa sna tshogs dag gis legs par brgyan nas zan byin te lam gyis dub pa'i ngal bsos nas smras pa/ shed 'thun dgyes pas rgyal srid rgyas pa dang / btsun mo'i 'khor dang / gzhon nu dang / blon po dang pho brang 'khor gyi mi rnams spangs te 'dir ci la byon/ sa gzhan gyi rgyal po 'ga' zhig gis yul 'khor gzhom par bgyis pa 'am/ gzhon nu rgyal srid la mngon par dga' ba blon po skyon chags pas bslus pa 'ga' zhig gis brtul ba 'am gcig tu ma gyur tam/ des smras pa/ shed 'thun dgyes pa de ltar ma gyur te/ bdag legs par gsungs pa'i chos 'dul ba la rab tu 'byung ba dang rdzogs par bsnyen pa dge slong gi dngos po 'tshal lo/ /rgyal po gzugs can snying pos thos nas yid dga' zhing dga' ste/ ro stod bsrang nas lag pa g.yas pa brkyang ste/ kye ma sangs rgyas/ kye ma chos/ kye ma dge 'dun/ kye ma chos kyi legs par gsungs pa nyid 'di ltar skyes bu gtso bo 'di lta bu dag gis rgyal srid rgyas pa dang / btsun mo'i 'khor rgyas pa dang / mdza' bshes dang / rtsa lag gi tshogs rgya chen po dang / mdzod dang / bang ba dang / khyim rgya chen po dag spangs te legs par gsungs pa'i chos 'dul ba la rab tu 'byung ba dang rdzogs par bsnyen pa dge slong gi dngos po 'dod pa ngo mtshar che'o zhes lan gsum ched du brjod pa ched du brjod pa smras nas rgyal po u tra ya na khrid de bcom ldan 'das ga la ba der song ngo / /de'i tshe na bcom ldan 'das 'khor 'bum phrag du ma'i gong na bzhugs shing chos ston par mdzad do/ /bcom ldan 'das kyis ma ga dhar byung ba'i rgyal po bzo sbyangs gzugs can snying po thag ring po kho na nas gzigs so/ /gzigs nas kyang dge slong rnams la bka' stsal pa/ dge slong dag 'di ni rgyal po gzugs can snying po yin te/ de skyes dang bcas pas nga'i gan du 'ong ngo / /de bzhin gshegs pa'i skyes ni 'di lta ste/ gdul ba'i skyes lta bu gzhan med do zhes bka' stsal nas cang mi gsung bar bzhugs so/ /rgyal po gzugs can snying pos bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la rgyal po gzugs can snying pos 'di skad ces gsol to/ /btsun pa rgyal po u tra ya na 'di legs par gsung pa'i chos 'dul ba la rab tu 'byung ba dang rdzogs par bsnyen pa dge slong gi dngos po 'tshal na bcom ldan 'das kyis thugs brtse ba'i slad du 'di rab tu dbyung du gsol/ rdzogs par bsnyen par mdzad du gsol/ bcom ldan 'das kyis de la dge slong tshur shog ces pas rab tu phyung zhing / dge slong tshur shog tshangs par spyad pa spyod cig ces bka' stsal pa dang / de bcom ldan 'das kyi bka'i mjug kho nar skra byi ba dang / snam sbyar gyon par gyur te/ skra dang kha spu zhag bdun skyes pa tsam dang / lag pa lhung bzed dang / bya ma bum gyis 'brel pa dang / dge slong rdzogs par bsnyen nas lo brgya lon pa'i spyod lam lta bur gnas par gyur to/ /yang smras pa/ de bzhin gshegs pas tshur shog bka' stsal pas/ skra byi snam sbyar gyon pa'i lus ldan zhing / /mod la dbang po rab zhir gnas gyur te/ /sangs rgyas dgongs pas lus gzugs bkab par gyur/ /de nas tshe dang ldan pa u tra ya na snga dro sham thabs bgos lhung bzed dang chos gos thogs te/ rgyal po'i khab du bsod snyoms la zhugs so/ /de skye bo phal po che'i tshogs kyis mthong nas grong khyer rgyal po'i khab thams cad du bcom ldan 'das kyis rgyal po u tra ya na rab tu phyung rdzogs par bsnyen par mdzad nas de bsod snyoms la rgyal po'i khab tu zhugs so zhes de lta bu'i sgra sgrogs par gyur to/ /de skad thos nas srog chags 'bum phrag du ma dag 'dus par gyur cing / khyim gyi nang na gnas pa'i bud med dag kyang skar khung dang / skar khung dra ba can dang / lan kan dag gi drung du 'khod de lta bar byed do/ /rgyal po gzugs can snying po la blon po rnams kyis smras pa/ lha rgyal po u tra ya na rgyal po'i khab tu bsod snyoms la zhugs te srog chags 'bum phrag du ma dag gis bskor cing mchis so/ /rgyal po gzugs can snying pos de thos nas dge slong u tra ya na ga la ba der song ste phyin nas dge slong u tra ya na la tshigs su bcad pa 'di skad ces smras so/ /mi dbang grong khyer stong dang ni/ /sgra sgrogs kyang ni spyad byas nas/ /bor ba'i bsod snyoms tshol byed pa/ /ji lta yongs su mi gdung ngam/ / gser dang de bzhin dngul gyi snod/ /srang tshad brgya pa spyad byas nas/ /sa yi lhung bzed spyod byed pa/ /ji lta yongs su mi gdung ngam/ /sa lu'i 'bras chan gtsang ma dag /sha yis brlan pas spyad byas nas/ /zan dron khengs pa spyod byed pa/ / ji lta yongs su mi gdung ngam/ /srin bal ras bal zar ma dang / /ko tam ka shi'i gos spangs nas/ /phyag dar khrod dag srel byed pa/ /ji lta yongs su mi gdung ngam/ /rlung med sgo gtan bsdams pa yi/ /khang pa brtsegs par khyod nyal nas/ /shing ljon drung du gnas gyur pa/ /ji lta yongs su mi gdung ngam/ /'jam zhing ras bal 'dra ba yi/ /mal khri dag la khyod nyal nas/ /rtswa yi stan la nyal gyur pa/ /ji lta yongs su mi gdung ngam/ /btsun mo mtshungs pa yid 'ong ba/ /gus par nyal cing snyan smras pa/ / du ma khyod kyis rnam spangs pa/ /ji lta yongs su mi gdung ngam/ /glang chen gnya' dang shing rta dang / /rta yi bzhon pas khyod song nas/ /rkang pas sa la rgyu byed pa/ /ji lta yongs su mi gdung ngam/ /nor mang ldan pa'i mdzod dang ni/ /khang pa dag kyang rnam spangs te/ ci yang med pa thob gyur pa/ /ji lta yongs su mi gdung ngam/ /u tra ya nas smras pa/ rgyal po gal te gdul dka' ba/ /gzhan gyi zas kyis 'tsho byed na/ /ma grub pas ni de 'dul te/ /gnya' shing ba lang 'dul ba bzhin/ /rgyal po gzugs can snying pos smras pa/ / rgyal po khyod yid mi bde 'am/ /ci phyir dman pa bzhin du smra/ /rgyal srid phyed ni sbyin bya yis/ /khyod ni sngon bzhin longs spyod kyis/ /rgyal po khyod yid mi bde 'am/ /ci phyir dman pa bzhin du smra/ /yid kyis gang dang gang 'dod pa'i/ /longs spyod rab mchog sbyin par bya/ /u tra ya nas smras pa/ rgyal po gang zhig 'jig rten na/ /lus kyi chos reg bkren pa med/ /de ni nges par lha nyid dang / /yang na mya ngan 'da' bar 'gyur/ /mi dbang gang zhig chos spangs zhing / /'di la chos min dga' byed pa/ /rgyal po de bkren shes par bya/ /mun nas mun par 'gro bar 'gyur/ /khyod la chos ni bstan bya yis/ /rgyal po chen po bdag la nyon/ /chos thos 'og tu rgyal po ni/ /gang du 'dod par 'gro bar 'gyur/ /yon tan med pa'i lus la ni/ /gcig nyid yon tan chen po ste/ /ji lta ji ltar gzung byas pa/ /de lta de ltar rjes 'jug 'gyur/ /rgyal po bcu pa'i bcu po 'di/ /skyes bu'i cher ni brjod par bya/ /bu dang chung ma nor de la/ /rtsed mo dga' ba ci zhig yod/ /bu yis dga' ba ston byed de/ /chung mas khengs pa rjod par byed/ /chom rkun nor ni sgrub byed de/ / rgyal po dag ni bcings las grol/ /mthar byed pa las sman dag dang / /nor dang nye dus skyob mi nus/ /rig sngags kun dang dpung dag dang / /dpa' brtul gyis kyang bskyob nus min/ /'di na mthu chen gnas mtho la/ /gnas pa'i lha tshe ring po yang / /de yang tshe zad nyams 'gyur bas/ /'chi las de ring su zhig 'thar/ /mthu chen nor ldan grags 'bar ba/ /rgyal srid byas pa khyab 'jug dang / /mun byed sgra ngan skya bseng bu/ /des kyang 'chi ba bzlog ma nus/ /rgyal po sdom brtson dka' thub dang / /las dang brtson 'grus rtul ba dang / /'khor tshogs rgya chen nor dag gis/ /'chi las ji ltar thar mi nus/ /bar snang rgya mtsho'i nang dang ni/ /ri yi sul du zhugs pa 'am/ /gang du gnas na 'chi bdag gis/ /mi tshugs 'gyur ba'i sa phyogs med/ /bar snang rgya mtsho yi nang dang ni/ /ri yi sul du zhugs pa 'am/ /gang du gnas na las rnams kyis/ /mi tshugs 'gyur ba'i sa phyogs med/ /rus pa thi ba'i mdog 'dra ba/ /bor zhing phyogs phyogs rnam 'thor ba/ /gang dang gang yin de dag ni/ /mthong na 'di la su zhig dga'/ /thod pa dung gi mdog 'dra ba/ /bor zhing sku ba lhung lta bu/ /gang dang gang yin de dag ni/ /mthong na 'di la su zhig dga'/ /rgyal po tsha na sgrib byed cing / /grang na g.yog par byed pa yi/ /khyod kyi bdag nyid ces bya ba/ /gang yin de yang 'chi bas 'joms/ /mi yis ji tsam zas zos shing / /gyon nam yang na byin pa de/ /de yi rang gir shes bya ste/ /gzhan ni bor te 'gro bar 'gyur/ /mi yi rkun pos mi 'phrogs dang / /gzhan dang thun mong ma yin pa'i/ /gter ni sbyin pa 'am yang na ni/ / legs byas gzhan gyis sba bar bya/ /stag gis ri dgas bsad 'dren ltar/ /na rga 'chi bas khyod myur 'dren/ /mdza' bshes blon tshogs kun 'dus pa/ /khyod kyi nad ni sel mi nus/ /de la spyad lhag nor 'bru dang / /gser dngul gang dag yod pa la/ /bu dang chung ma 'khor bcas dag /bgo skal nyid du sems par byed/ /gal te pha shi bu lon chags/ /bu sdug de la me mi khyer/ /shi na 'chi bzhin mi ngu zhing / /bdag gi pha 'am rjer mi smra/ /phyug shes bdag gi pha zer zhing / /skra bshig mchi ma'i bzhin gyis ngu / /me yang mdun du khyer byed cing / /kye ma 'di ni lhar 'gyur zer/ /gos kyis bkab bzhin khyer byed cing / /me btang de nas sreg par byed/ /nye du ngu zhing gos gcig gis/ /de sregs spangs te longs spyod byed/ /de gcig skye zhing skye tshe gcig /de bzhin gcig 'chi 'chi tshe gcig /skye 'dir gcig pus sdug bsngal myong / /'khor bar 'gyur la grog med do/ /de mthong 'di la dam pa rnams/ /rab 'byung khyim na 'dug mi byed/ /de dag chags pa kun bral nas/ /phyin chad mngal na 'jug mi 'gyur/ /de nas rgyal po gzugs can snying po dge slong u tra ya nas gong nas gong du spobs pas lan glan pas cang mi smra zhing spobs pa med par gyur te song ngo / /de nas rgyal po gtsug phud can gyis re shig ji srid du chos kyi rgyal srid byed du bcug nas chos ma yin pas rgyal srid byed du gzhug par brtsams pa dang / de la blon po'i mchog he ru ka dang bhi ru ka gnyis kyis smras pa/ lha chos kyis rgyal srid bgyid du stsol la/ chos ma lags pas bgyid du ma stsal cig /de ci'i slad du zhe na/ lha yul gyi mi dag ni me tog gi shing ljon pa dang / 'bras bu'i shing ljon pa dag dang 'dra ba'i slad du ste/ lha 'di lta ste/ dper bgyi na me tog gi shing ljon pa dang / 'bras bu'i shing ljon pa dag ni dus dang dus su legs par yongs su bskyangs pa na bar chad ma mchis pa'i sbyor bas dus ji lta ba bzhin du me tog dang / 'bras bu dag 'byin par bgyid do/ /lha de bzhin du yul gyi mi dag kyang dus dang dus su legs par yongs su bskyangs pa na bar chad ma mchis pa'i sbyor bas dus ji lta ba bzhin du dpya dang lo thang dag 'bul bar bgyid do/ /de de gnyis kyis bzlog pa na re shig ji srid du chos kyis rgyal srid byed du bcug nas yang chos ma yin pas rgyal srid byed du gzhug par brtsams pa dang / de la de gnyis kyis lan gsum gyi bar du yang smras na srid pa 'phos pa dang ldan pas bzlog kyang mi sdod de de khros nas blon po gzhan dag la smras pa/ shes ldan dag gang gis rgyal po rgyal rigs spyi bor dbang bskur ba'i bka' lan gsum gyi bar du yang gcog pa de'i chad pa ji lta bu yin/ de na blon po skyon chags pa kha cig gis smras pa/ lha 'di la rma ci 'tshal te/ de'i chad pa ni dgum pa lags so/ /tshigs su bcad pa dag kyang smras pa/ blon po skyon ni chags pa dang / /'gul bar gyur pa'i so dang ni/ /zas la skyon ni chags pa dag /phyung ba 'ba' shig bde bar gyur/ /blon po blo dang ldan gyur cing / /shes rab dang ni 'dul la mkhas/ /mdzod nas go 'phang gnas pa ni/ /gang gis mi gsod de gsod 'gyur/ /rgyal po gtsug pud can gyis smras pa/ shes ldan dag 'di gnyis ni nga'i yab kyis bskos pa yin pas nga 'di gnyis gsod par mi byed kyis/ 'di ltar 'di gnyis kyis nga'i mig sngar 'dug par mi bya'o/ /zhes de gnyis kyi sgo bzlog nas skyon chags pa gzhan gnyis shig blon por bskos pa dang / de gnyis kyis smras pa/ lha til ma brdungs pa dang / ma stsal ba dang / ma bsros pa dang / ma btsir ba dag gis til mar mi 'byin te/ mi'i dbang po skye bo dag kyang de dang 'dra'o/ /rgyal pos smras pa/ khyed gnyis kyis byas pa gang yin pa de ni mchog tu brtson pa yin no/ / de gnyis kyis yul gyi mi dag la gnod pa bya bar brtsams so/ /ji tsam dus gzhan zhig na tshong pa zhig zong thogs te grong khyer sgra sgrogs nas rgyal po'i khab tu phyin pa dang / tshe dang ldan pa u tra ya nas de mthong nas ngo shes te smras pa/ ji lta sgra sgrogs dag na gtsug pud can/ /'khor dang tshogs bcas stobs ldan nad med dam/ /de la phas kyi sdo ba 'ga' med cing / /rang gi rgyal srid chos kyis byed 'jug gam/ /des smras pa/ lha de bzhin sgra sgrogs dag na gtsug pud can/ /'khor dang tshogs bcas stobs ldan bro ma 'tshal/ /de la phas kyi sdo ba ma mchis te/ /rgyal srid rtag tu chos ma lags pas bgyid/ /de nas tshe dang ldan pa u tra ya nas mthar gyis dri bar brtsams pas/ de na blon po gang ni gtso bo yin/ /gang ni gtso bo ma yin/ gang gi dbang gis ni gtsug pud can yul gyi mi dag la gnod pa byed/ des smras pa/ lha blon po'i mchog he ru ka dang bhi ru ka gnyis kyi sgo ni bzlog /skyon chags pa gzhan gnyis shig ni blon por bskos te/ de gnyis kyi dbang gis gtsug pud can yul gyi mi dag la gnod pa bgyid do/ /u tra ya nas smras pa/ kwa'i nang rje khyod song la sgra sgrogs na gnas pa'i skye bo'i tshogs legs par dbugs phyung shig dang / yang der bzlog tu 'ong ste/ nga nyid kyis gtsug pud can ci nas kyang yul gyi mi rnams la gnod pa mi byed pa de ltar gnod pa las bzlog par bya zhing phan pa la nges par sbyar bar bya'o/ /tshong pa des zong bsgyur te zong rin khyer nas 'phags te mthar gyis sgra sgrogs su phyin nas des nye du rnams la gsang ste smras pa/ shes ldan dag kho bos zong thogs te rgyal po'i khab tu son nas kho bos der rgyal po bgres po mthong nas/ de'i zhal nas kwa'i nang rje khyod song la sgra sgrogs na gnas pa'i skye bo'i tshogs legs par dbugs phyung shig dang nga yang der bzlog tu 'ong ste/ nga nyid kyis gtsug phud can ci nas kyang yul gyi mi rnams la gnod pa mi byed pa de ltar gnod pa las bzlog par bya zhing phan pa la nges par sbyar bar bya'o zhes byung ngo / /de dag gis kyang gzhan dag la brjod cing de dag gis kyang gzhan dag la brjod pas de ltar sgra de rna ba gcig nas gcig tu brgyud pas blon po skyon chags pa de gnyis kyi rnar son nas de gnyis kyis bsams pa/ gal te rgyal po rgan po 'ong bar gyur na des gdon mi za bar he ru ka dang / bhi ru ka gnyis yang blon po'i mchog tu sko zhing bdag cag gnyis la gnod pa byed par 'gyur gyis/ de'i phyir gang gis de lam kar gsod du 'jug par 'gyur ba'i thabs kyi rnam pa zhig bya'o snyam nas de gnyis kyis rgyal po gtsug pud can la smras pa/ lha rgyal po bgres po byon par 'gyur ro zhes gda'o/ /des smras pa/ de rab tu byung bas de ci'i phyir 'dir 'ong bar 'gyur/ de gnyis kyis smras pa/ lha gang gis gdugs gcig rgyal srid bgyid du stsal ba de ni rgyal srid ma mchis pas dga' bar ga la 'gyur te/ de yang rgyal srid bgyid du stsol bar 'tshal lo/ /gtsug pud can gyis smras pa/ gal te de rgyal por gyur na nga nyid kyis gzhon nu byas te/ 'di la 'gal ba ci yod/ de gnyis kyis smras pa/ lha de ni tshul dang 'thun pa ma lags te gzhon nu dang / blon po dang / pho brang 'khor gyi mi dang yul gyi mi dag gis thal mo stong dag gis phyag bgyis pas rgyal srid bgyid du stsal nas yang ji ltar gzhon nu'i gnas su gnas par mdzad yul yongs su btang ba ni mi sdo yi gzhon nu'i gnas su gnas pa ni mi rung ste/ 'di lta ste dper bgyi na mi zhig glang po che'i gnya' bar mchis nas rta'i rgyab tu mchi ba dang / rta'i rgyab tu mchis nas shing rtas mchi ba dang / shing rtas mchis nas rkang pa gnyis kho nas mchi ba bzhin du/ rgyal srid bgyid du stsal nas yang gzhon nu'i gnas na gnas pa yang de dang 'dra'o/ /de gnyis kyis bslus nas des smras pa/ 'o na 'di la gang rigs/ 'di la ji ltar bsgrub par bya/ de gnyis kyis smras pa/ lha de 'gums su stsal bar bgyi'o/ /gal te 'gums su ma stsal gor ma bkum par blon po skyon chags pa dag dang bsdongs te lha nyid 'grongs par bgyid do/ /de skad ces smras pa dang / de bzhin gyur cing nyams te yud tsam zhig cang mi smra bar 'dug nas mchi mas brnangs pa'i snying gis snying rje bzhin zhum pa dang / thogs pa'i yid dag gis smras pa/ shes ldan gnyis ji ltar yab dgrongs su rung / de gnyis kyis smras pa/ lhas/ pha 'am yang na spun dag gam/ /rang las skyes pa'i bu yang rung / /gal te dgra khrod zhugs gyur na/ /sa phung 'phel ba nyid du bya/ /zhes bgyi ba ma gsan tam/ yang smras pa/ lhas gang la bu pho stong bdog cing / thams cad gru gcig zhugs gyur pa/ /der ni dgra bo gcig tu byung / /de yi don du de nub bya/ /zhes bgyi ba ma gsan tam/ lhas gzhan dag nas/ khyim gyi phyir ni gcig gtang bya/ /grong phyir khyim ni gtang bar bya/ /ljongs phyir grong ni gtang bya ste/ /bdag nyid phyir ni sa gtang bya/ /zhes 'byung ba yang ma gsan tam/ lha 'di la dgongs par bgyi ba ci yang ma mchis te/ de ni dgum par bgyi lags pas 'gums su stsal bar bgyi'o/ /gal te lha 'di la phyi shol mdzad nas lha la rjes su chags pa'i gzhon nu dang / blon po dang / pho brang 'khor gyi mi dang yul gyi mi gang dag lags pa de dag 'khrugs par gyur na gor ma bkum par lha la gnod pa bgyid par 'gyur ro/ /'dod pa dag la bsten pas ni sdig pa'i las mi bya ba ci yang med pas des de ltar gyis shig ces khas blangs so/ /de nas blon po skyon chags pa de gnyis dga' ba dang mgu ba dang mchog tu dga' ba skyes nas mi gshed ma ba dag la smras pa/ shes ldan dag deng la rgyal po rgan po sod cig dang khyed cag la longs spyod dag gis bgo bsha' bya'o/ /rgyal po de la pho brang 'khor gyi mi dang yul mi thams cad rjes su chags pas de gsod par spro ba 'ga' yang med do/ /de gnyis kyis de dag la lan gsum gyi bar du yang dbyig dang / gser dang grong sbyin pa la sogs pas spro bar byed na spro ba 'ga' yang ma byung nas/ de nas de gnyis khro bas kun nas dkris pas phyag sbal srung ba rnams la bsgo ba/ shes ldan dag deng la mi de dag bu dang / chung ma dang rtsa lag dang mdza' shes dang / nye du'i tshogs dang bcas pa chings la chug shig /de dag gis thos nas skrag par gyur te smras pa/ lha nyag mi bzhes su gsol/ bdag cag ni phyag rjed bka' nyan pa dag lags kyis mchi'o/ /zhes de dag gis ral gri rnon po mchan du bcug ste 'phags so/ /tshe dang ldan pa u tra ya na dbyar gyi zla ba gsum po dag 'das nas chos gos byas pa dang ldan/ chos gos zin pa dang ldan pas lhung bzed dang chos gos thogs nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ bcom ldan 'das la 'di skad ces gsol to/ /btsun pa bdag grong khyer sgra sgrogs su ljongs rgyu zhing mchi bar 'tshal lo/ /bcom ldan 'das kyis bka' stsal pa/ u tra ya na song la khyod kyis las bdag gir bya ba yid la bya'o/ /de nas tshe dang ldan pa u tra ya nas/ bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas tshe dang ldan pa u tra ya na de nyid kyi mtshan mo 'das nas snga dro sham thabs bgos/ lhung bzed dang chos gos thogs te rgyal po'i khab tu bsod snyoms la zhugs so/ /rgyal po'i khab tu bsod snyoms brgyus nas zas kyi bya ba byas te phyi ma'i zas kyi bsod snyoms las phyir logs par ji ltar longs spyod pa'i gnas mal mkhos su phab ste lhung bzed dang chos gos thogs nas las kyi stobs kyis bdas te song ngo / /las kyis ring du 'dren byed de/ /ring las las kyis 'dren par byed/ /gang du las rnams smin 'gyur ba/ /der ni las kyis rab tu 'dren/ /de grong khyer sgra sgrogs ga la ba der song nas mthar gyis rgyu zhing 'gro ba na lam ka na ri brags shig yod pa der bsod snyoms la zhugs nas de de nas bsod snyoms brgyus te song ba dang / mi gshed ma pa de dag dang phrad nas de dag gis de mthong ngo / /des kyang de dag ngo shes nas de dag dang lhan cig skyed mos tshal zhig tu mtshan mo gnas par khas blangs nas des de dag la dri bar brtsams pa/ ji lta sgra sgrogs dag na gtsug pud can/ /'khor dang tshogs bcas stobs ldan nad med dam/ /de la phas kyi sdo ba 'ga' med cing / /rang gi rgyal srid chos kyis byed 'jug gam/ /de dag gis smras pa/ lha de bzhin sgra sgrogs dag na gtsug pud can/ /'khor dang tshogs bcas stobs ldan bro ma 'tshal/ /de la phas kyi sdo ba ma mchis te/ /rgyal srid rtag tu chos ma lags pas bgyid/ /mi mchog khyod kyi tshul dang 'thun pa yi/ /'phags dngos mngon brtags gang lags khyod kyis mdzod/ /zhi ba de yi tshul 'thun gang lags pa/ /de ni de ring nye bar gzigs par 'gyur/ /tshe dang ldan pa u tra ya nas smras pa/ shes ldan dag ci deng der 'ong ba la mngon par mi dga' 'am/ de dag gis smras pa/ lha mngon par mi dga'o/ /des smras pa/ shes ldan dag gal te de lta na mi 'gros phyir ldog par bya'o/ /de dag gis tshigs su bcad pa smras pa/ skyes bu dpa' khyod slar ni gang du gshegs/ / sras ni khyod gson mngon pa mi dga' ste/ /bdag cag byur ngan rgyal pos bskos rnams kyis/ /'dir ni khyod dgrongs slad du mchid kyis 'tshal/ /tshe dang ldan pa u tra ya nas smras pa/ shes ldan dag khyed cag nga gsod pa'i mi gshed ma pa dag yin nam/ lha bdag cag khyod dgrongs pa'i gshed ma pa dag lags so/ /tshe dang ldan pa u tra ya nas bsams pa/ bcom ldan 'das kyis bdag la u tra ya na song la khyod kyis las bdag gir bya ba yid la bya'o zhes bka' stsal pa gang yin pa de ni 'di yin pa lta ste/ 'khor ba ni rnam pa thams cad du ngan pa snying po med pa 'jig pa'i chos can yin no snyam du rig nas de dag la smras pa/ bzhin bzangs dag nga don gang gi phyir rab tu byung ba'i don de ngas da dung ma thob kyis re shig nga rang gi don rjes su sgrub kyi bar du yud tsam zhig sdod cig /de dag gis phan tshun gros byas te smras pa/ lha de ltar mdzod cig /de nas tshe dang ldan pa u tra ya na shing ljon pa zhig gi drung du brten nas brang 'gro'i rgyal po gnyid log pa'i lus bskyil ba ltar skyil mo dkrung bcas te spyod lam zhi bas 'dug go/ /bcom ldan 'das kyis mang du thos pa la phan yon lnga yod de/ phung po la mkhas pa dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas pa dang / de'i gdam ngag dang rjes su bstan pa gzhan la rag ma las pa yin no zhes gsungs pas des brtson 'grus brtsams pas 'khor ba'i 'khor lo cha lnga pa g.yo ba dang mi g.yo ba 'di nyid rig ste/ 'du byed kyi rnam pa thams cad nyams pa dang / ltung ba dang rnam par 'thor ba dang / rnam par 'jig pa'i chos nyid kyis zil gyis mnan nas nyon mongs pa thams cad spangs pas rigs kyi bu dag gang gi phyir skra dang kha spu dag bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de tshe 'di nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing / dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bu/ rig pas sgo nga'i sbubs dral bar gyur cing / rig pa dang / mngon par shes pa dang / so so yang dag par rig pa thob pa/ srid pa dang 'dod pa'i rnyed pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de nas tshe dang ldan pa u tra ya nas dgra bcom pa nyid thob nas rnam par grol ba'i dga' ba dang bde ba so so yang dag par rig pa na de'i tshe tshigs su bcad pa smras pa/ dge slong u tra ya na ni/ /mdud pa sbyor ba zug rngu dang / /de bzhin bsgrib las thar gyur kyang / /rgyal po'i chos las deng ma thar/ /ces smras nas mi gshed ma de dag la smras pa/ bzhin bzangs dag ngas thob par bya ba gang yin pa de thob zin gyis da ni khyed cag don gang gi phyir 'ongs pa'i don de thob par bya'o/ /de dag gis smras pa/ lha gal te rgyal po gtsug phud can bdag cag la rgyal po rgan pos 'chi ba'i dus kyi tshe ci zhig smras shes rmed na/ bdag cag gis de la ji skad brjod par bgyi/ bzhin bzangs dag de la 'di skad ces/ rgyal srid phyir ni pha bsad pas/ /bsod nams ma yin mang po bskyed/ /nga ni yongs su mya ngan 'da'/ /khyod ni mnar med 'gro bar 'gyur/ /zhes brjod par bya'o/ /gzhan yang 'di skad ces/ khyod kyis mtshams med pa gnyis byas te/ pha srog dang phral ba gang yin pa dang / dge slong dgra bcom pa zag pa zad pa srog dang phral ba gang yin pa de gnyis kyis khyod yun ring por sems can dmyal ba chen po mnar med par gnas par bya dgos kyis sdig pa sna tshogs las shogs shig dang / de lta las bsrabs pa nyid dang / yongs su zad pa dang / yongs su mthar thug par 'gyur ro zhes brjod par bya'o/ /tshe dang ldan pa u tra ya nas yang bsams pa/ sems can de sems can dmyal ba chen po las gzhol bar gyur na mi rung gis rdzu 'phrul gyis 'gro'o snyam nas/ des rdzu 'phrul gyi thabs gang dang gang yin brtsams na de'i las kyis non pas rdzu zhes bya ba tsam yang snang bar ma gyur na rdzu 'phrul lta smos kyang ci dgos/ de nas mi gshed ma pa de dag las mi snying rje med pa'i sems dang ldan pa/ 'jig rten pha rol btang ba gcig gis ral gri shubs nas phyung ste/ de'i mgo drung pa nas bcad nas sa la bsgyel to/ /de nas bcom ldan 'das 'dzum pa mdzad do/ /chos nyid kyis na gang gi tshe sangs rgyas bcom ldan 'das rnams 'dzum pa mdzad pa de'i tshe na zhal nas 'od gzer sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung nas kha cig ni 'og logs su dong / kha cig ni steng logs su 'dong bas gang dag 'og logs su 'dong ba de dag ni sems can dmyal ba yang sos dang / thig nag dang / bsdus gzhom dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a cu zer dang / utpal ltar gas pa dang / pad ma ltar gas pa dang / pad ma ltar gas pa chen por dong ste/ sems can dmyal ba tsha ba gang dag yin pa de dag tu ni bsil bar gyur te 'bab par byed la/ sems can dmyal ba grang ba gang dag yin pa de dag tu ni dro bar gyur te 'bab par byed do/ /des sems can de dag gi gnod pa'i bye brag dag rgyun gcod par byed cing de dag 'di snyam du/ shes ldan dag ci bdag cag 'di nas shi 'phos sam/ 'on te gzhan du skyes snyam du sems so/ /de dag dad pa bskyed par bya ba'i phyir bcom ldan 'das kyis sprul pa gtong bar mdzad de/ de dag gis sprul pa mthong nas 'di snyam du shes ldan dag bdag cag 'di nas shi 'phos pa ma yin la/ gzhan du skyes pa yang ma yin te/ 'di ltar sems can sngon ma mthong ba 'di'i mthus bdag cag gi gnod pa'i bye brag rgyun chad par gyur to snyam du sems so/ /de dag sprul pa la sems mngon par dad par gyur nas sems can dmyal ba myong bar 'gyur ba'i las de zad par byas nas gang du bden pa dag gi snod du gyur par 'gyur ba'i lha dang mi rnams kyi nang du nying mtshams sbyor ba len par byed do/ /gang dag steng logs su 'dong ba de dag ni rgyal chen bzhi pa dang / sum bcu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs chen dang / 'od chung dang tshad med 'od dang / 'od gsal dang / dge chung dang / tshad med dge dang / dge rgyas dang sprin med dang / bsod nams skyes dang / 'bras bu che dang / mi che ba dang / mi gdung ba dang / gya nom snang dang / shin tu mthong dang / 'og min gyi lha rnams kyi nang du dong nas mi rtag pa dang / sdug bsngal ba dang / stong pa dang / bdag med pa zhes bya ba'i sgra sgrogs par byed cing tshigs su bcad pa gnyis po/ /brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes bya ba yang smras so/ /de nas 'od zer de dag gis stong gsum gyi stong chen po'i 'jig rten gyi khams byul nas bcom ldan 'das kyi slad bzhin slad bzhin du rjes su 'dong ste/ de la gal te bcom ldan 'das 'das pa'i las lung ston par bzhed na ni bcom ldan 'das kyi snam logs su nub par 'gyur ro/ /ma 'ongs pa'i las lung ston par bzhed na ni mdun logs su nub par 'gyur/ sems can dmyal bar skye bar lung ston par bzhed na ni zhabs kyi mthil du nub par 'gyur/ dud 'gror skye ba lung ston par bzhed na ni zhabs kyi long bur nub par 'gyur/ yi dags su skye ba lung ston par bzhed na ni zhabs kyi mthe bor nub par 'gyur mir skye ba lung ston par bzhed na ni pus mor nub par 'gyur/ stobs kyi 'khor los sgyur ba'i rgyal srid lung ston par bzhed na ni phyag mthil g.yon par nub par 'gyur 'khor los sgyur ba'i rgyal srid du lung ston par bzhed na ni phyag mthil g.yas par nub par 'gyur/ lhar skye ba lung ston par bzhed na ni lte bar nub par 'gyur/ nyan thos kyi byang chub lung ston par bzhed na ni zhal du nub par 'gyur/ rang sangs rgyas kyi byang chub ston par bzhed na ni mdzod spur nub par 'gyur/ bla na med pa yang dag par rdzogs pa'i byang chub lung ston par bzhed na ni gtsug tor du nub par 'gyur ro/ /de nas 'od zer de dag gis bcom ldan 'das la lan gsum bskor ba byas te bcom ldan 'das kyi zhabs gnyis kyi mthil du nub bo de nas tshe dang ldan pa kun dga' bos thal mo sbyar te bcom ldan 'das la zhus pa/ kha dog sna tshogs stong gis bkra ba yi/ /tshogs rnams zhal gyi sgo nas byung gyur te/ /de yis phyogs rnams thams cad snang bgyis pa/ /nyi gdugs brdal bar gyur pa ci bzhin no/ /yang tshigs su bcad pa smras pa/ rgod bral zhum dang rgyags pa rab spangs pa/ /sangs rgyas 'gro ba mchog gi rgyur gyur pa/ /rgyal ba dgra thul byed rgyu ma mchis pa/ /rtsa lag dung ltar dkar 'dzum ston mi mdzad/ /de slad brten pa rang blos dus mkhyen nas/ /thub pa khyu mchog dge sbyong skye dbang po/ /nyan pa'i skye bo som nyi ldan rnams la/ /the tshom skyes pa gsung tshig brtan pa dang / /dam pa dge ba dag gis bsal du gsol/ /tshwa chu ri rgyal lta bur brtan pa yi/ /sangs rgyas mgon rnams glo bur 'dzum mi ston/ /brtan nas ci slad 'dzum pa ston mdzad pa/ /skye bo'i tshogs rnams de ni nyan par 'tshal/ /bcom ldan 'das kyis bka' stsal pa/ kun dga' bo de de bzhin no de de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad de/ kun dga' bo 'di ltar dge slong u tra ya na ni/ /mdud pa sbyor ba zug rngu dang / /de bzhin sgrib las thar gyur kyang / /rgyal po'i chos las deng ma thar/ /kun dga' bo grong khyer sgra sgrogs na gnas pa'i rgyal po gtsug pud can sdig pa'i grogs pos bskor bas dge slong u tra ya na/ dgra bcom pa nyid thob pa srog dang bral bar byas te/ des pha dgra bcom pa srog dang bral bar byas pas nges par sems can dmyal ba chen po mnar med par skye bar 'gyur ro/ /btsun pa tshe dang ldan pa u tra ya na dgra bcom pa nyid thob cing srog dang bral bar gyur tam/ kun dga' bo u tra ya na dgra bcom pa nyid thob cing srog dang bral bar gyur to/ /tshe dang ldan pa kun dga' bos de thos nas mchi mas brnangs te 'dug go/ /de nas gshed ma pa mi de dag gis tshe dang ldan pa u tra ya na'i lhung bzed dang / chos gos dang khar gsil khyer te grong khyer sgra sgrogs su phyin nas de dag gis blon po skyon chags pa de gnyis la smras pa/ rgyal po rgan po bsad do/ /de gnyis kyis thos nas dga' ba dang mchog du dga' ba skyes te rgyal po gtsug pud can ga la ba der dong nas smras pa/ lha dgyes pa skyed cig /da ni lha'i rgyal srid la tsher ma ma mchis so/ /ji ltar gyur lha'i dgra gang lags pa de bkum mo/ /nga'i dgra gang yin/ lha rgyal po rgan po'o/ /de bsad pa ji ltar shes/ de gnyis kyis mi gshed ma pa dag bstan te smras pa/ lha mi 'di dag ni gshed ma pa lags te 'di dag gis de bkum mo/ /rgyal po gtsug pud can gyis de dag mthong nas smras pa/ shes ldan dag rgyal po rgan po la dbang ji tsam yod/ lha de la dbang ga la mchis te lhung bzed dang / chos gos dang khar gsil 'di lags so/ /rgyal po gtsug pud can gyis de mthong nas brgyal te sa la sgyel nas chus btab ste dbugs phyir byung nas smras pa/ shes ldan dag rgyal po rgan pos 'chi ba'i tshe ci smras/ lha rgyal po rgan po srog dang bral kar 'di skad ces/ rgyal srid phyir ni pha bsad pas/ /bsod nams ma yin mang po bskyed/ /nga ni yongs su mya ngan 'da'/ /khyod ni mnar med 'gro bar 'gyur/ /zhes mchi'o/ /gzhan yang 'di skad ces/ khyod kyis mtshams med pa'i las gnyis byas te/ pha srog dang phral ba gang yin pa dang / dge slong dgra bcom pa zag pa zad pa srog dang phral ba gang yin pa des khyod yun ring por sems can dmyal ba chen po mnar med par gnas par bya dgos kyis sdig pa sdig pa las shogs shig dang / de lta na las bsrabs pa nyid dang / yongs su zad pa dang / yongs su gtugs par 'gyur ro/ /zhes mchi'o/ /de mya ngan gyi zug rngus gzir bas 'dam bu sngon por brngas pa bzhin du rnyis par gyur nas/ des blon po'i mchog he ru ka dang bhi ru ka gnyis bos te smras pa/ shes ldan gnyis khyed gnyis kyis nga las de lta bu byed pa las ma bzlog go/ /de gnyis kyis smras pa/ lhas bdag cag gnyis spyan lam du ma bzhag na ji ltar bzlog par bgyi/ des blon po skyon chags pa de gnyis mig lam du mi snang bar bzhag nas he ru ka dang / bhi ru ka gnyis phyir blon po'i mchog tu bskos pa dang / blon po skyon chags pa de gnyis kyis gsang ste/ tshe dang ldan pa rgyal dang / skar rgyal gyi mchod rten gnyis la khung bu gnyis brkos nas der byi la'i phru gu gnyis bzhag ste/ de gnyis kyis nyi ma re re zhing sha sri re re byin nas 'di skad ces rgyal dang skar rgyal gnyis bden pa dang bden pa'i tshig gang gis khyod gnyis kyis sgyu mas 'jig rten bslus te/ dad pas sbyin par bya ba chud gsan pas byi la'i skye gnas ngan par skyes pa'i bden pa dang bden pa'i tshig des sha sri long la rang rang gi mchod rten la bskor ba bgyis te/ rang rang gi khung du zhugs shig ces slob par byed do/ /gang gi tshe de gnyis legs par lobs par gyur pa de'i tshe na blon po skyon chags pa de gnyis u tra ya na'i btsun mo'i gan du song ste smras pa/ lha mo khyod kyi sras rid pa dang / nyam chung ba dang / rke ba dang / lus ma thob par gyur na ci'i slad du khyod btang snyoms mdzad/ des smras pa/ khyod gnyis nyid kyis de las de lta bu byed du bcug na da kho mos ji ltar bya/ de gnyis kyis smras pa/ lha mo ci gang du bum pa lhung ba der dpyang thag kyang lhung bar bgyi 'am/ des smras pa/ de shes te re shig de'i pha bsad pa ni kho mos gsang bar bya na/ dgra bcom pa bsad pa sus gsang bar 'gyur/ de gnyis kyis smras pa/ lha mo dgra bcom pa bsad pa bdag cag gnyis kyis gsang bar bgyi'o/ /des smras pa/ gal te de lta na legs so zhes de de'i gan du song ste smras pa/ sras ci'i slad du khyod skya bo bseng bseng po rid pa dang / nyam chung ba dang / rke ba dang / lus ma thob par gyur/ des smras pa/ yum khyod kyang de skad ces ci'i phyir khyod skya bo bseng bseng po rid pa dang / nyam chung ba dang / rke ba dang / lus ma thob par gyur ces gsung ngam/ gang gi slad du bdag blon po skyon chags pa gnyis kyis bslus pas mtshams med pa'i las gnyis bgyis te yab srog dang phral ba gang lags pa dang / dge slong dgra bcom pa zag pa zad pa srog dang phral ba gang lags pa des bdag yun ring por sems can dmyal ba chen po mnar med par gnas par bgyi 'tshal na/ bdag ji ltar skya bo bseng bseng po rid pa dang / nyam chung ba dang / rke ba dang / lus ma thob par mi 'gyur du rung / des smras pa/ sras ci mi 'jigs pa stsol cig dang / gang med pa de bka' mchid bgyi'o/ /des smras pa/ yum gsol gyis ji ltar lags pa gsungs shig /sras de ni khyod kyi yab ma lags te/ 'di ltar bdag gis zla mtshan bkru ba'i slad du skyes pa gzhan dag dang lhan gcig dga' mgur spyod pa de las khyod 'khrungs so/ /des bsams pa/ de lta na pha bsad par ma gyur to snyam du rig nas smras pa/ yum gal te de lta na pha bsad pa ni ma mchis na dgra bcom pa bsad pa mchis pa de ji ltar mthar thug par bgyi/ des smras pa/ sras 'di la shes pa la mkhas pa dag smra bar bgyi ste/ de dag gis de mthar thug par bgyid par 'gyur ro/ /zhes smras te song nas/ des blon po skyon chags pa de gnyis bos te smras pa/ kho mos de'i pha bsad pa ni bsal zin gyis da khyod gnyis kyis dgra bcom pa bsad pa sol cig /rgyal po gtsug pud can gyis blon po rnams la bsgo ba/ blon po gang dag shes pa la mkhas pa thams cad sdus shig /de dag gis blon po gang dag shes pa la mkhas pa thams cad bsdus pa dang blon po skyon chags pa de gnyis kyang der 'dus par gyur to/ /de nas rgyal po gtsug pud can gyis de dag la smras pa/ shes ldan dag ngas dgra bcom pa bsad pa gang yin pa de ji ltar mthar thug par bya/ de na rgyal pos nye bar 'tsho ba'i mi thams cad kyis ni mi mthun par smra bar brtsams te/ de na kha cig gis smras pa/ lha des dgra bcom pa nyid mngon sum du bgyis par sus mthong / kha cig gis smras pa/ lha dgra bcom pa dag ni thams cad mkhyen pa dang 'dra ste nam mkha' la mchi'o/ /blon po skyon chags pa de gnyis kyis smras pa/ lha 'di la thugs ngan bgyir ci mchis/ des smras pa/ khyed gnyis kyang de skad ces 'di la mya ngan byar ci yod zer ram/ khyed gnyis nyid na re dgra bcom pa gsod du bcug go zhes mi zer ram/ de gnyis kyis smras pa/ lha dgra bcom pa dag ma mchis na dgra bcom pa dag bkum pa mchis re skan/ des smras pa/ ngas mngon sum kho nar dgra bcom pa rgyal dang / skar rgyal gnyis kyis 'bar ba dang / gsal ba dang / char 'bab pa dang / glog 'byin pa'i cho 'phrul dag byas te phung po'i lhag ma med pa'i mya ngan las 'das pa'i dbyings su yongs su mya ngan las 'das pa mthong bzhin du khyed gnyis kyis de skad ces/ dgra bcom pa dag med na dgra bcom pa bsad pa yod re skan/ zhes zer ram/ de gnyis kyis smras pa/ lha ji ltar de gnyis kyis sgyu mas 'jig rten bslus te dad pas sbyin par bgyi ba chud gzan pas byi la'i skye gnas ngan par skyes te/ deng sang nyid du yang rang rang gi mchod rten na mchis pa lha'i mngon sum du bgyi'o/ /rgyal pos blon po rnams la smras pa/ shes ldan dag gal te de lta na tshur shog dang ci yang dag pa 'am/ yang dag pa ma yin pa ltar 'dong ngo / /grong khyer sgra sgrogs thams cad du ji ltar rgyal dang / skar rgyal gnyis byi la'i skye gnas su skyes te rang rang gi mchod rten na 'dug nas rgyal po ltar song ngo zhes bya ba'i sgra des khyab par gyur nas srog chags 'bum phrag du ma dag ltad mo skyes nas rgyal po'i phyi bzhin du 'brang ngo / /de nas blon po skyon chags pa de gnyis kyis rgyal po dang bcas pa'i 'khor 'bum phrag du ma'i mdun du smras pa/ rgyal dang skar rgyal gnyis nyon cig bden pa dang bden pa'i tshig gang gis khyed gnyis kyis sgyu mas 'jig rten bslus te dad pas sbyin par bya ba chud gzan pas byi la'i skye gnas ngan par skyes te rang rang gi mchod rten na 'dug pa'i bden pa dang bden pa'i tshig des sha sri 'di long la rang rang gi mchod rten la bskor ba bgyis te rang rang gi khung du zhugs shig /de skad smras pa dang / de gnyis kyis rang rang gi khung nas byung ste sha sri blangs nas rang rang gi mchod rten la bskor ba byas nas rang rang gi khung du zhugs pa srog chags 'bum phrag du ma dag gis mthong nas/ blon po skyon chags pa de gnyis kyis smras pa/ lha gzigs sam/ des smras pa mthong ngo / /de gnyis kyis smras pa/ lha de ltar na 'jig rten na dgra bcom pa ma mchis te de ni skye bo'i bka' mchid 'ba' zhig tu bas so/ /de nas rgyal po de la 'jig rten dgra bcom pa dag yod do snyam pa'i lta ba yod pa gang yin pa de med par gyur to/ /de na gang dag ma dad pa de dag la ni med par lta ba skyes par gyur to/ /gang dag bar mar gnas pa de dag ni yid gnyis za bar gyur to/ /gang dag dad pa de dag ni gnong zhing mi dga' ba dang / mi 'jigs pa med par gyur to/ /de nas rgyal po gtsug pud can gyis bsams pa/ gal te 'jig rten na dgra bcom pa dag med na bdag gis ci'i phyir 'phags pa kā tyā ya na chen po 'khor lnga brgya dang / dge slong ma ri ma 'khor lnga brgya dang ldan pa la bsod snyoms dbul snyam nas des dge slong rnams dang / dge slong ma rnams kyi bsod snyoms bcad nas dge slong rnams dang / dge slong ma rnams kyang grong khyer sgra sgrogs nas dong ngo / /tshe dang ldan pa kā tyā ya na chen po dang / dge slong ma ri ma ni gdul ba la ltos pas de nyid na 'khod do/ /ji tsam dus gzhan zhig na rgyal po gtsug pud can grong khyer sgra sgrogs nas phyir byung ba na tshe dang ldan pa kā tyā ya na chen po grong khyer sgra sgrogs su bsod snyoms la zhugs pa dang / des rgyal po mthong nas 'di mi dga' bar sems par gyur na mi rung ngo snyam nas mtha' gcig tu song ste sdod do/ /rgyal po gtsug pud can gyis de mtha' gcig tu sdod pa mthong ngo / /mthong nas kyang blon po rnams la smras pa/ shes ldan dag ci'i phyir 'phags pa kā tyā ya na chen po 'di nga mthong nas mtha' gcig tu song ste sdod/ de'i phyi bzhin blon po'i mchog hi ru ka dang / bhi ru ka gnyis 'gro ba de gnyis kyis smras pa/ lha 'phags pa kā tyā ya na chen po'i thugs lam na lha ga shed du gzigs mo dang dge mtshan la gshegs pas mi dgyes par dgongs par gyur na mi rung ngo snyam pa dang / tshon gyi las bgyi ba dka' bas chos gos dag rdul gyis phog par gyur na mi rung ngo snyam du dgongs so/ /rgyal po cang mi smra bar song ngo / /tshe dang ldan pa kā tyā ya na chen pos grong khyer sgra sgrogs su bsod snyoms brgyus te byung ba na rgyal po gtsug pud can nang du 'jug nas tshe dang ldan pa kā tyā ya na chen po de bzhin du mtha' gcig tu song ste sdod do/ /rgyal po gtsug pud can gyis de mtha' gcig na sdod pa mthong ngo / /mthong nas kyang blon po rnams la smras pa/ shes ldan dag 'phags pa kā tyā ya na chen po 'dis sngar nga mthong nas mtha' gcig tu song ste sdod pa'i rgyu ni de yin na da ltar yang mtha' gcig tu song ste sdod pa'i rgyu ci yin/ de'i phyi bzhin blon po skyon chags pa gnyis 'gro ba de gnyis kyis smras pa/ lha 'di'i mchid nas kho bo pha gsod pa 'di'i rdul gyis mi reg par bya'o zhes mchi'o/ /rgyal po de ni yongs su mi rtog pa yin pas de skad thos nas khro bas kun nas dkris par gyur te 'khor thams cad la smras pa/ shes ldan dag khyed cag las gang dang gang nga la dga' ba de dang des dge sbyong mgo reg 'di'i steng du sa sbar mo re res gtor cig /skye bo'i tshogs thams cad kyis sa spar mo re re gtor to/ /rgyal po de dpung che ba yin pas re res sa sbar mo re re tshe dang ldan pa kā tyā ya na chen po'i steng du gtor ba dang / de'i steng du sa phung chen po rnam par gnas par gyur to/ /tshe dang ldan pa kā tyā ya na chen pos kyang de'i dbus su lo ma ma yin pa'i spyil bu mngon par sprul te 'dug go/ /de dag de las 'thor ba na ba lang rdzi dang phyugs rdzi dag gis mthong nas de dag smod bzhin du mtha' 'khor zhing sdod pa na blon po'i mchog hi ru ka dang / bhi ru ka gnyis phyi bzhin 'brang zhing 'ong ba phyogs der phyin nas de gnyis kyis dris pa/ shes ldan dag 'di ci yin/ de dag gis smras pa/ rgyal po thab krol can pha gsod pa des 'phags pa kā tyā ya na chen po nyes pa med pa gnod pa mi byed pa sas bkab bo/ /de gnyis mchi mas brnangs te ngu ba'i bzhin gyis ba lang rdzi dang phyugs rdzi dag dang lhan cig sa phyag par brtsams pa dang / tshe dang ldan pa kā tyā ya na chen po byung nas de gnyis kyis rkang pa gnyis la gtugs te dris pa/ 'phags pa 'di ci lags/ des smras pa/ las dag yin mod gzhan ci zhig 'byung bar 'gyur// // 'dul ba rnam par 'byed pa/ bam po bdun bcu rtsa gnyis pa/ de gnyis kyis smras pa/ 'phags pa gtsug pud can skye bo phal po che dang bcas pas las 'di lta bu bgyis pa gang lags pa de'i rnam par smin pa cir 'gyur/ des smras pa/ deng nas nyi ma bdun na grong khyer sgra sgrogs sas non par 'gyur ro/ /'phags pa rim pa ji lta bur 'gyur/ tshe dang ldan pa gnyis re shig nyi ma dang po la rlung mo che byung nas grong khyer sgra sgrogs rdo ba dang / gseg ma dang / gyo mo med par rnam par 'jog par 'gyur ro/ /nyi ma gnyis pa la me tog gi char 'bab par 'gyur ro/ /nyi ma gsum pa la gos kyi char 'bab par 'gyur ro/ /nyi ma bzhi pa la dngul gyi char 'bab par 'gyur ro/ / nyi ma lnga pa la gser gyi char 'bab par 'gyur ro/ /de'i 'og tu grong khyer sgra sgrogs kyi nyen kor na gnas pa gang dag gis las 'thun par byas pa de dag grong khyer sgra sgrogs su 'jug par 'gyur zhing / de dag zhugs pa na nyi ma drug pa la rin po che'i char 'bab par 'gyur ro/ /nyi ma bdun pa la sa'i char 'bab par 'gyur ro/ /de gnyis kyis smras pa/ 'phags pa ci lags/ bdag cag gnyis kyang las de'i cha can lags sam/ bzhin bzangs gnyis khyed gnyis ni las de'i cha can ma yin no/ /'phags pa gal te de lta na bdag cag gnyis kyis grong khyer 'di nas ji ltar 'byung bar bgyi/ des smras pa/ bzhin bzangs gnyis khyed gnyis kyis rang gi khyim nas chu klung gi bar du phug rkor chug la khyim drung du gru bzhag ste sdod la gang gi tshe rin po che'i char 'bab pa de'i tshe na rin po che dag gis gru 'gengs su chug la bros shig /de gnyis kyis de'i rkang pa gnyis la gtugs te grong khyer sgra sgrogs su zhugs nas de gnyis rgyal po'i gan du song ste smras pa/ 'phags pa kā tyā ya na chen po la cung zhig bgyis sam/ ci na dog sas bkab/ des smras pa/ shes ldan gnyis de gson nam/ lha gson no/ /ci zer/ lha de 'di skad ces deng nas gdugs 'dun na grong khyer sgra sgrogs dog sas non par 'gyur zhes mchi'o/ /rim pa ji ltar 'gyur/ de gnyis kyis smras pa/ lha de 'di skad ces re shig nyi ma dang po la rlung mo che byung nas grong khyer sgra sgrogs rdo ba dang / gseg ma dang / gyo mo med par rnam par 'jog par 'gyur ro/ /nyi ma gnyis pa la me tog gi char 'bab par 'gyur ro/ /nyi ma gsum pa la gos kyi char 'bab par 'gyur ro/ /nyi ma bzhi pa la dngul gyi char 'bab par 'gyur ro/ /nyi ma lnga pa la gser gyi char 'bab par 'gyur ro/ /de'i 'og tu grong khyer sgra sgrogs kyi nyen kor na gnas pa gang dag gis las 'thun par byas pa de dag grong khyer sgra sgrogs su 'jug par 'gyur zhing de dag zhugs pa na nyi ma drug pa la rin po che'i char 'bab par 'gyur ro/ /nyi ma bdun pa la sa'i char 'bab par 'gyur ro zhes mchi'o/ /blon po skyon chags pa de gnyis kyis smras pa/ lha bram ze gang la slongs mo stsal nas yang bcad na de legs pa ci zhig sems to/ /lhas de 'khor lnga brgya dang ldan pa la bsod snyoms stsal nas bcad cing sas kyang g.yogs pas de 'di skad mchi ba las gzhan pa ches shis pa'i tshig smra bar ga la 'gyur/ rgyal po gtsug pud can gyis bsams pa/ de bden no snyam pa dang / blon po'i mchog hi ru ka dang / bhi ru ka gnyis kyis bzhin bsgyur cing lag pa gnyis yongs su dril te dong ngo / / de na hi ru ka la bu sngo bsangs shes bya ba khye'u zhig yod la/ bhi ru ka la yang bu mo sngo bsangs can zhes bya ba bu mo zhig yod nas/ hi ru kas khye'u sngo bsangs tshe dang ldan pa kā tyā ya na chen po la phul te smras pa/ 'phags pa gal te 'di la dge ba'i rtsa ba 'ga' zhig mchis na rab tu dbyung du gsol/ gal te ma mchis na 'di khyod nyid kyi zhabs 'bring ba lags so/ /bhi ru kas kyang bu mo sngo bsangs can dge slong ma ri ma la phul te smras pa/ 'phags ma gal te 'di la dge ba'i rtsa ba 'ga' zhig mchis na rab tu dbyung du gsol/ gal te ma mchis na kau shambī na khyim bdag gdangs can zhes bgyi ba bdag gi chung po grogs shig mchis pa de la gtad du gsol/ des khas blangs so/ /de nas dge slong ma ri ma bu mo sngo bsangs can khrid de rdzu 'phrul gyis grong khyer sgra sgrogs nas song nas/ des bu mo de kau shambīr khyim bdag gdangs can la gtad nas phrin ji skad spring ba yang bzlas so/ /tshe dang ldan pa kā tyā ya na chen po ni de nyid du 'dug go/ /blon po'i mchog hi ru ka dang bhi ru ka gnyis kyis khyim nas chu klung gi bar du phug rkor bcug ste khyim drung du gru bzhag nas bsdad do/ /ji tsam na nyi ma de la rlung mo che byung nas des grong khyer sgra sgrogs de rdo ba dang / gseg ma dang / gyo mo med par rnam par bzhag go/ /nyi ma gnyis pa la me tog gi char 'bab pa dang / blon po skyon chags pa de gnyis kyis smras pa/ lha rgyal po nga las nu la dgung bdun du dbyig gi char bab ces gda' bas lha la yang me tog gi char 'di bab pas ring po mi thogs par gos kyi char 'bab par 'gyur ro/ /nyi ma gsum pa la gos kyi char bab pa dang / blon po skyon chags pa de gnyis kyis smras pa/ lha la gos kyi char bab pas ring po mi thogs par dngul gyi char 'bab par 'gyur ro/ /nyi ma bzhi pa la dngul gyi char bab pa dang / blon po skyon chags pa de gnyis kyis smras pa/ lha la dngul gyi char 'di bab pas ring po mi thogs par gser gyi char 'bab par 'gyur ro/ /nyi ma lnga pa la gser gyi char bab pa dang / blon po skyon chags pa de gnyis kyis smras pa/ lha la gser gyi char 'di bab pas ring po mi thogs par rin po che'i char 'bab par 'gyur ro/ /de'i 'og tu grong khyer sgra sgrogs kyi nyen kor na gnas pa gang dag gis las 'thun par byas pa de dag grong khyer sgra sgrogs su zhugs shing de dag zhugs pa na nyi ma drug pa la rin po che'i char bab pa dang / blon po'i mchog hi ru ka dang / bhi ru ka gnyis kyis rin po che dag gis gru 'gengs su bcug ste bros so/ /de na hi ru kas phyogs gzhan zhig tu hi ru ka'i rtsal zhes bya ba'i grong khyer rtsig tu bcug nas/ de'i ming hi ru ka'i rtsal hi ru ka'i rtsal ces bya bar gyur to/ /bhi ru kas kyang phyogs gzhan zhig tu bhi ru ka'i rtsal ces bya ba'i grong khyer rtsig tu bcug nas de'i ming bhi ru ka'i rtsal bhi ru ka'i rtsal ces bya bar gyur to/ /nyi ma bdun pa la sa'i char 'bab par brtsams pa dang / grong khyer sgra sgrogs su sgra mthon po dang / sgra chen po byung nas rgyal pos smras pa/ shes ldan dag sgra mthon po dang / sgra chen po de ci blon po rnams kyis smras pa/ lha sa'i char bab po/ /rgyal pos smras pa/ shes ldan dag gal te de lta na blon po'i mchog hi ru ka dang / bhi ru ka ga na 'dug tshol cig /de dag gis btsal bar brtsams pa dang / ji tsam na de gnyis bros par tshor nas/ de dag gis rgyal po la smras pa/ lha de gnyis bros te ma mchis so/ /de nas rgyal po gtsug pud can 'bros par brtsams pa dang / mi ma yin pa dag gis sgo bcad do/ / khye'u sngo bsangs kyis smras pa/ 'phags pa grong khyer du sgra mthon po dang sgra chen po byung ba 'di ci lags/ tshe dang ldan pa kā tyā ya na chen pos smras pa/ bu skar khung nas khar phor phyir phyung shig /des skar khung nas khar phor phyir phyung ba dang sas phyed tsam gang bar gyur nas tshe dang ldan pa kā tyā ya na chen pos bsams pa/ da dung spyod yul lhag ma dang bcas pa yin no snyam mo/ /ji tsam na yang khar phor phyi rol du phyung ba dang byur bur gang bar gyur nas/ tshe dang ldan pa kā tyā ya na chen pos bsams pa/ da ni spyod yul med par gyur gyis 'gro'o snyam mo/ /de nas grong khyer sgra sgrogs na gnyug mar gnas pa'i lha mo gang yin pa de tshe dang ldan pa kā tyā ya na chen po ga la ba der song ste phyin nas rkang pa gnyis la phyag 'tshal te smras pa/ 'phags pa bdag kyang mchi ste 'phags pa'i bsnyen bkur bgyi'o/ /des dang du blangs so/ /tshe dang ldan pa kā tyā ya na chen pos sngo bsangs la smras pa/ bu chos gos kyi grwa nas zung shig dang 'dong ngo / /des chos gos kyi grwa nas bzung ba dang des khye'u sngo bsangs khrid de rdzu 'phrul gyis steng gi nam mkha' las song ngo / /sgra sgrogs na gnyug mar gnas pa'i lha mo yang rang gi rdzu 'phrul gyis de'i phyi bzhin song ba dang / grong khyer sgra sgrogs kyang sas non par gyur to/ /de dag mthar gyis kha ra ba na zhes bya ba'i ri brags su phyin nas de dag de na g.yul gyi gzhi na 'khod do/ /tshe dang ldan pa kā tyā ya na chen pos khye'u sngo bsangs g.yul gyi gzhir bzhag ste bsod snyoms la zhugs pa dang / lha mo de'i mthus g.yul gyi gzhi der 'bru 'phel bar gyur nas de na mi gang 'dug pa des khye'u de mthong nas de'i gan du song ste smras pa/ kye khye'u khyod kyi mthus g.yul gyi gzhir 'bru 'phel bar gyur to/ /des smras pa/ kho bo'i mthus g.yul gyi gzhir 'bru 'phel bar gyur pa ma yin te/ 'di ltar grong khyer sgra sgrogs na gnyug mar gnas pa'i lha mo 'dir 'ongs te phyogs ga ge mo zhig na 'dug pa de'i mthus g.yul gyi gzhir 'bru 'phel bar gyur to/ /de de'i gan du song ste rkang pa gnyis la gtugs nas smras pa/ lha mo bdag grong du mchi ste slar mchi'i bar du re shig lde mig dang / lde mig khyog po 'di gzung zhing khyod kyis bdag ma lags pa gzhan su la yang mi stsal bar gsol/ des blangs pa dang / mi de yang ri brags su song nas ri brags na gnas pa'i skye bo'i tshogs bsdus te smras pa/ shes ldan dag grong khyer sgra sgrogs na gnyug mar gnas pa'i lha mo 'dir 'ongs te g.yul gyi gzhi na 'dug pas de'i mthus g.yul gyi gzhir 'bru 'phel bar gyur nas bdag gis de'i lag tu lde mig dang / lde mig khyog po byin te bdag gis de la bdag grong du mchi ste slar mchi'i bar lde mig dang / lde mig kyog po 'di gzung zhing khyod kyis bdag ma gtogs pa gzhan su la yang stsal bar mi bgyi'o zhes smras kyis/ de'i phyir grong mi rnams la gal te bdag gi bu gtso bor dbang bskur na kho bo bdag nyid srog dang 'bral bar gsol ba 'debs te/ de lta na lha mo bdag cag gi gnas nas gar yang 'gro bar mi 'gyur bas khyed cag longs spyod dag gis mngon par 'phel bar 'gyur zhing yams kyi nad thams cad kyang nye bar zhi bar 'gyur ro/ /de dag gis de'i bu gtso bor dbang bskur nas des kyang bdag nyid srog dang bral bar byas so/ /de nas de dag gis gnas de thams cad spos dang me tog gis mdzes par byas shing gdugs dang rgyal mtshan gyis brgyan te/ gtor ma thogs nas lha mo de ga la ba der dong ste phyin nas rkang pa gnyis la gtugs te smras pa/ lha mo khyod 'di nyid na bzhugs par gsol/ /des smras pa/ kho mo ni 'phags pa kā tyā ya na chen po la bsnyen bkur byed pa yin pas 'di na kho mo'i gnas med do/ /tshe dang ldan pa kā tyā ya na chen pos smras pa/ lha mo khyod kyis gang las lde mig dang / lde mig khyog po blangs pa soms shig /des bsam pa la zhugs pa dang / ji tsam na mi de dus la bab par mthong nas des gnas de na gnas pa'i skye bo'i tshogs la smras pa/ shes ldan dag kho mo dam tshig gis gnas par bya ste/ gal te kho mo'i gnas gzhi ji lta bu byed du 'jug pa de lta bur 'phags pa'i gnas gzhi yang byed du 'jug na kho mo 'dug go/ /de dag gis khas blangs nas/ de dag gis lha mo de'i gnas ji lta bu byed du bcug pa de lta bur tshe dang ldan pa kā tyā ya na chen po'i gnas kyang byed du bcug go/ /lha mo de'i gnas su mar me btsugs pa gang yin pa de des khyer te tshe dang ldan pa kā tyā ya na chen po'i gnas su 'dzugs par byed do/ /de mar me khyer te 'gro ba rtsig drung na 'dug pa'i mi zhig gis mthong nas des bsams pa/ lha mo 'di 'phags pa kā tyā ya na chen po'i gan du 'dong bas 'gro'o snyam pa dang / des de'i sems shes nas khros te ri brags 'di na gnas pa'i skye bo'i tshogs 'di ni sdig pa'i sems kun du spyod pa yin te/ 'phags pa kā tyā ya na chen po 'dod pa'i dri nga ba med pa la brdzun gyis bskur pa 'debs par byed do snyam nas/ des ri brags der mi ngas phyung ste skye bo phal po che shi bar gyur nas skye bo shi ba'i ro phyir 'byin pa na khri dang khri dag 'dom par gyur to/ / gnas de na gnas pa'i skye bo'i tshogs kyis ltas pa dag bkug ste/ dris pa/ 'di ci las gyur/ de dag gis smras pa/ lha mo 'khrugs so/ /de dag gis de la bzod pa gsol bar brtsams pa dang / des smras pa/ khyed cag 'phags pa kā tyā ya na chen po 'dod pa'i dri nga ba med pa la brdzun gyis bskur ba 'debs par byed do/ /de dag gis yang smras pa/ lha mo bzod pa mdzod cig dang 'ga' yang bsnyen bkur ma lags pa bgyid par mi 'gyur ro/ /des smras pa/ dam tshig gis bzod par bya ste/ gal te khyed cag kho mo la ji ltar bsnyen bkur byed pa de ltar 'phags pa kā tyā ya na chen po la yang byed na bzod par bya'o/ /de dag gis smras pa/ lha mo ches khyad par du 'phags par bgyis bzod par mdzod cig /des de dag la bzod par byas so/ /de dag gis kyang tshe dang ldan pa kā tyā ya na chen po la ches khyad par du 'phags pa'i bsnyen bkur byas so/ /tshe dang ldan pa kā tyā ya na chen pos de nyid du dbyar gnas par khas blangs nas khye'u sngo bsangs khrid de lha mo la smras nas 'phags pa dang / lha mos smras pa/ 'phags pa bdag la mtshan ma cung zhig stsol cig dang bdag de la mchod pa bgyid cing mchis so/ /des de la khar phor byin nas des de la khas phub ste mchod rten du byas nas dus ston byed du bcug nas/ khar phor gyi dus ston khar phor gyi dus ston zhes bya ba'i ming du gyur te/ deng sang yang dge slong mchod rten la phyag 'tshal ba dag phyag 'tshal bar byed do/ /khye'u sngo bsangs tshe dang ldan pa kā tyā ya na chen po'i chos gos kyi grwa nas 'jus te de 'phyang zhing 'gro ba ba lang rdzi dang phyugs rdzi dag gis mthong nas/ de dag gis 'phyang ba pa 'phyang ba pa zhes bya ba'i sgra chen po phyung bas yul de'i mi rnams kyi ming 'phyang ba pa 'phyang ba pa zhes bya ba'i ming du gyur to/ /tshe dang ldan pa kā tyā ya na chen po'i ri brags zhig tu phyin nas der khye'u sngo bsangs shing ljon pa'i drung du bzhag ste bsod snyoms la zhugs so/ /ri brags de na rgyal po bu med par dus la bab nas pho brang 'khor gyi mi dang blon po dang / yul mi dag 'dus te smras pa/ shes ldan dag gang zhig rgyal por dbang bskur bar bya/ de na kha cig gis smras pa/ gang bsod nams dang dbang che bar grags pa'o/ /kha cig gis smras pa/ de ji ltar shes par bya/ kha cig gis smras pa/ rtog pa dag bsko bar bya'o/ /de dag gis rtog pa dag bskos nas de dag gis phan tshun btsal bar brtsams pa dang / de dag gis khye'u de shing ljon pa'i drung na gnyid log pa mthong nas/ de dag gis de'i mtshan ma gzung bar brtsams pa dang / ji tsam na shing ljon pa gzhan dag gi grib ma shar phyogs su gzhol ba dang / shar phyogs su 'bab pa dang / shar phyogs su bab par gyur na shing ljon pa de'i grib mas khye'u de'i lus mi gtong bar mthong ngo / /mthong nas kyang gros bya bar brtsams pa/ shes ldan dag khye'u 'di bsod nams dang dbang che bar grags pa yin gyis 'di dbang bskur bar bya'o/ /de dag gis de sad par byas te smras pa/ khye'u rgyal srid long shig /khye'us smras pa/ kho bo rgyal srid don du gnyer ba ma yin te/ kho bo ni 'phags pa kā tyā ya na chen po'i bsnyen bkur ba yin no/ /tshe dang ldan pa kā tyā ya na chen pos thos nas ci khye'u 'di la rgyal srid du 'gyur ba'i las dag yod dam med snyam du bsams nas yod par mthong nas des smras pa/ bu rgyal srid long la 'di ltar khyod kyis chos kyis byed du chug shig /des mnos te/ de dag gis de dbang bskur nas khye'u sngo bsangs kyis der rgyal srid byed du bcug pas sngo bsangs kyi rgyal srid sngo bsangs kyi rgyal srid ces bya ba'i ming du gyur to/ /tshe dang ldan pa kā tyā ya na chen po yul bog ka nar phyin nas/ tshe dang ldan pa kā tyā ya na chen po'i ma bog ka nar skyes pa des tshe dang ldan pa kā tyā ya na chen po mthong nas smras pa/ bu khyod yun ring zhig lon nas mthong ngo / /bu khyod yun ring zhig lon nas mthong ngo / /de'i nu ma gnyis las kyang 'o ma'i rgyun 'dzag go/ /tshe dang ldan pa kā tyā ya na chen pos de la yum yum zhes bag phab pa dang / des tshe dang ldan pa kā tyā ya na chen po zan byin nas/ tshe dang ldan pa kā tyā ya na chen pos de'i bsam pa dang / bag la nyal ba dang / khams dang / rang bzhin khong du chud nas gang thos nas/ des stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan par byas so/ /des bden pa mthong nas btsun pas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang dud 'gro dang yi dags dag nas ni rkang pa phyung / lha dang mi rnams kyi nang du ni bzhag go zhes lan gsum ched du brjod pa ched du brjod do/ /yang smras pa/ dka' ba byed pa'i ma la ni/ /bu pho bzang pos gang bya ba/ /de ni khyod kyis bdag la bgyis/ /sems ni mtho ris gzhol bar gyur/ /ngan song dag nas legs phyung zhing / /khyod kyis mtho ris thar pa la/ /rab tu 'bad pas bdag bzhag ste/ /khyod kyis dka' ba legs par mdzad/ /tshong pas khe spogs rnyed pa ltar/ /mtho ris rnyed pa bdag gis rnyed/ /dge ba'i bshes gnyen rnams la ni/ /nye bar brten pa bzang ba lags/ de nas tshe dang ldan pa kā tyā ya na chen pos bu mo bzang mo de bden pa dag la bzhag nas smras pa/ yum bltas lags kyis bdag mchi'o/ /des smras pa/ bu gal te de lta na bdag la mtshan ma cung zhig stsol cig dang bdag de la mchod pa bgyid cing mchis so/ /des de la khar ba byin nas des mchod rten byas te/ der btsugs nas khar ba'i mchod rten khar ba'i mchod rten zhes bya ba'i ming du gyur te/ deng sang yang dge slong mchod rten la phyag 'tshal ba dag phyag 'tshal bar byed do/ /tshe dang ldan pa kā tyā ya na chen po yul dbus su 'gro 'dod nas yul sin dur phyin pa dang / de nas byang lam na gnas pa'i lha mo gang yin pa des tshe dang ldan pa kā tyā ya na chen po la 'di skad ces smras so/ /'phags pa bdag la yang mtshan ma cung zhig stsol cig dang bdag de la mchod pa bgyid cing mchis so/ /des bsams pa/ bcom ldan 'das kyis yul dbus su lham sgrog gu can bcang bar mi bya'o zhes bka' stsal pas 'di de la sbyin no snyam nas/ des lham sgrog gu can de de la byin pa dang / des gnas gzhi byed du bcug ste der bzhag pa dang / kha cig gis ni lham gyi dbang phyug ces bya bar shes so/ /kha cig gis lham gyi gzhi zhes bya bar shes so/ /tshe dang ldan pa kā tyā ya na chen po mthar gyis mnyan yod du phyin nas dge slong rnams kyis mthong nas smras pa/ tshe dang ldan pa 'ongs pa legs so/ /'ongs pa legs so/ /ji ltar bde bar brgyus sam/ des smras pa/ tshe dang ldan pa dag cung zad bde bar yang brgyus/ cung zad sdug bsngal bar yang brgyus so/ /dge slong rnams kyis smras pa/ ji ltar bde bar brgyus/ ji ltar sdug bsngal bar brgyus/ des smras pa/ sems can gyi bya ba byas pa/ gang yin pa de dag ni bde bar brgyus pa yin no/ /rgyal po gtsug pud can dang / grong khyer sgra sgrogs na gnas pa'i skye bo'i tshogs kyis bdag sas mnan pa gang yin pa dang / blon po'i mchog he ru ka dang / bhe ru ka gnyis tshegs chen pos bros pa gang yin pa de ni sdug bsngal bar brgyus pa yin no/ /dge slong don nyung ngu dag gis smad de smras pa/ de ni pha gsod pa yin te/ des tshe dang ldan pa u tra ya na dgra bcom pa nyid thob pa nyes pa med pa gnod pa mi byed pa bsad de/ 'di ni de'i me tog tsam yin gyi 'bras bu ni gzhan 'byung bar 'gyur ro/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa u tra ya nas las ci bgyis na des phyug pa nor mang la longs spyod che ba'i khyim tu skyes shing / bcom ldan 'das kyi bstan pa la rab tu byung nas nyon mongs pa thams cad spangs pas/ dgra bcom pa nyid mngon du bgyis nas mtshon gyis bkum par gyur/ bcom ldan 'das kyis bka' stsal pa/ dge slong dag dge slong u tra ya na nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas u tra ya na nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang skye mched dag la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon 'byung ba 'das pa'i dus na sangs rgyas rnams 'byung ba med pa'i tshe rang sangs rgyas dman pa dang / bkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur pa dag 'jig rten du byung ngo / /ji tsam du ri brags shig na rngon pa zhig 'dug ste/ ri brags de dang ha cang mi ring ba zhig na ri dgas dang bya mang po dag gi rten du gyur pa mtshe'u zhig yod pa der rngon pa de nyi ma re re zhing ri dgas dang bya mang po dag drungs dbyung ba'i phyir dang / nyams par bya ba'i phyir dang / tshul ma yin pas sdug bsngal bar bya ba'i phyir rngon spyad dang / snyi dang rnyong mang po dag 'dzugs par byed do/ /de'i rngon spyad dang / snyi dang rnyong de dag kyang don yod pa yin no/ /ji tsam dus gzhan zhig na rang sangs rgyas shig ljongs rgyu zhing song ba na ri brags der phyin nas lha'i gnas shig tu mtshan mo gnas par khas blangs nas de snga dro sham thabs bgos lhung bzed dang chos gos thogs te ri brags der bsod snyoms la zhugs so/ /der bsod snyoms brgyus nas bsams pa/ lha'i gnas 'di nyin mo rgyun lugs mod pa yin gyis/ ri brags kyi phyi rol gyi gnas zhi ba zhig tu bsod snyoms bza'o snyam nas de ri brags nas byung ste/ 'di ni zhi ba'o/ /'di ni zhi ba'o/ /zhes mtshe'u de ga la ba der song ste/ phyin nas lhung bzed dang chu tshags mtha' gcig tu bzhag ste/ rkang pa gnyis bkrus nas lag pa gnyis bsnyal te chu btsags nas/ lo ma lhags pa dag blangs te 'dug nas zas kyi bya ba byas te/ lag pa gnyis bsnyal nas kha bkrus te lhung bzed dang / chu tshags gnas ji lta ba bzhin du bzhag nas/ rkang pa gnyis bkrus te shing drung zhig tu brten nas brang 'gro'i rgyal po nyal ba'i lus bskyil ba ltar skyil dkrung bcas te spyod lam zhi bar 'dug pa dang / de'i nyin mo mi'i dris ri dgas gcig kyang ma zin to/ /de na rngon pa de nang par sngar langs te mtshe'u de ga la ba der song nas/ des rngon spyad dang / snyi dang rnyong de dag byul bar brtsams pa dang / ri dgas gcig kyang ma mthong nas de 'di snyam du sems te/ bdag gi rngon spyad dang / snyi dang rnyong 'di dag don yod pa yin na/ gang gi phyir der ri dgas gcig kyang ma zin pa 'di'i rgyu gang yin snyam nas/ des mtshe'u de'i then kor byul bar brtsams pa dang mi'i rjes mthong nas/ de rjes de'i phyi bzhin du song ba dang / rang sangs rgyas spyod lam zhi bar 'dug pa de mthong nas des bsams pa/ rab tu byung ba sems zhi ba 'di dag gnas 'di lta bu dag tu mngon par dga' bar byed pas gal te bdag gis 'di'i srog gcad pa ma byas na 'di dag gis nges par bdag gi 'tsho ba gcod par byed kyis rnam pa thams cad du 'di gsad par bya'o snyam nas/ snying rje med pa'i sems dang ldan pa/ 'jig rten pha rol btang ba des mda' dug can gyis gzhu rnga'i dbyibs 'dra ba rna drung du thug par bkang ste rang sangs rgyas de'i gnad du bsnun to/ /rang sangs rgyas bdag nyid chen po des bsams pa/ rngon pa nyon mongs pa 'di ha cang smas pa dang / nyams par gyur na mi rung gis/ 'di la lag nas drang ba sbyin no snyam nas des ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod par byed pa yin pas rngon pa de shing ljon pa rtsa ba nas bcad pa bzhin du rang sangs rgyas de'i rkang pa gnyis kyi drung du sgyel nas smras pa/ yon gnas yang dag par gyur pa mar gshegs su gsol/ mar gshegs su gsol/ nyon mongs 'dam du bying ba bdag gi sug pa nas drang ba stsal du gsol/ rang sangs rgyas de rngon pa de la rjes su snying brtse ba'i phyir steng gi mkha' las shod du babs so/ /de nas rngon pa des zug rngu med par byas te/ rma lhan gyis klan nas smras pa/ 'phags pa sdum par gshegs su gsol/ gal te 'dir gser gyi lhan pas klan par mdzad na de yang bdag gis sbyar bar bgyi'o/ /rang sangs rgyas kyis bsams pa/ bdag gis rnag gi lus 'dis thob par bya ba gang yin pa thob zin pas de'i phyir da ni phung po'i lhag ma med pa'i mya ngan las 'das pa'i dbyings su 'jug par bya'o snyam nas/ de rngon pa de nyid kyi mdun du yang nam mkha'i dkyil du 'phags te/ cho 'phrul rnam pa sna tshogs dag rnam par bstan nas phung po'i lhag ma med pa'i mya ngan las 'das pa'i dbyings su mya ngan las 'das so/ /rngon pa de nor dang ldan pa yin pas des spos kyi shing thams cad kyis phung por bcer te bsregs nas phung po de 'o mas zhi bar byas te rus pa de dag gser gyi bum par bcug nas lam po che'i bzhi mdor lus kyi mchod rten rtsig tu bcug ste/ gdugs dang / rgyal mtshan dang / ba dan dag bsgreng zhing dri dang / phreng ba rgyu dang / bdug spos dang / phye ma dang / sil snyan dag gis mchod pa byas nas rkang pa gnyis la phyag 'tshal te smon lam 'di skad ces/ bdag yon gnas dam par gyur pa 'di lta bu la gnod pa byas pa gang yin pa'i las de'i cha dang 'thun par mi 'gyur bar mchod pa byas pa gang yin pa'i dge ba'i rtsa ba 'dis bdag phyug pa nor mang ba/ longs spyod che bar skye zhing 'di bas ches khyad par du 'phags pa'i ston pa mnyes par byed cing thugs byung bar mi byed pa'i yon tan gyi rnam pa de lta bu thob par gyur cig ces btab bo/ /dge slong dag de la de'i tshe de'i dus na rngon pa gang yin pa de ni dge slong u tra ya na yin te/ des rang sangs rgyas kyi gnad du mda' dug can gyis bsnun pa gang yin pa'i las de'i rnam par smin pas bskal par sems can dmyal ba chen po mnar med par gdungs nas las de nyid kyi lhag mas tshe rabs lnga brgyar mtshe'u de nyid du ri dgas su gyur nas mda' dug can gyis gnad du bsnun cing dus la bab ste/ da ltar gyi bar du yang dgra bcom pa thob kyang de mtshon gyis yongs su mya ngan las 'das so/ /mchod pa byas nas smon lam btab pa gang yin pa des ni da ltar phyug pa/ nor mang ba/ longs spyod che bar skyes shing nga'i bstan pa la rab tu byung nas nyon mongs pa thams cad spangs pas dgra bcom pa nyid mngon du byas shing / 'dis rang sangs rgyas bye ba phrag 'bum pas ches khyad par du 'phags pa'i ston pa nga mnyes par byas shing thugs byung bar ma byas so/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang 'dren ma rnams spangs te/ las gcig tu dkar ba rnams la brtsal bar bya ste/ dge slong dag khyed kyis de ltar bslab par bya'o/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa rgyal po gtsug pud can dang / grong khyer sgra sgrogs na gnas pa'i skye bo'i tshogs dang / tshe dang ldan pa kā tyā ya na chen pos las ci bgyis na des dog sas non par gyur/ blon po'i mchog he ru ka dang / bhe ru ka gnyis kyis las ci zhig bgyis na bros par gyur/ bcom ldan 'das kyis bka' stsal pa/ dge slong dag de dag nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas de dag nyid kyis las byas shing / bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba ri brags shig na khyim bdag zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de la bu khye'u zhig byung ngo / /yang rtse bar byed/ dga' bar byed/ dga' mgur spyod par byed pa de la bu mo zhig byung nas/ de gnyis bsrings shing bskyed de chen por gyur to/ /bu mo de dang na mnyam pa'i bu mo dag slong ba 'ongs na/ bu mo de la slong ba 'ga' yang ma 'ongs so/ /sangs rgyas rnams 'byung ba med pa'i tshe rang sangs rgyas dman pa dang bkren pa la rjes su snying brtse bas/ bas mtha'i gnas mal la dga' ba bse ru lta bu gcig pu 'jig rten gyi yon gnas su gyur pa dag 'jig rten du byung ngo / /ji tsam na rang sangs rgyas shig ljongs rgyu zhing song ba na ri brags der phyin nas bu mo des khyim phyag nas phyag dar rib ma'i steng nas bor ba de rang sangs rgyas bsod snyoms la rgyu ba de'i mgo la phog go/ /bu mo des der phog pa mthong nas 'gyod pa'i sems kyang ma skyes la/ stes dbang gis de nyid kyi nyin mo de slong ba 'ongs nas ming pos de la dris pa/ deng khyod kyis ci byas na des na khyod slong ba 'ongs/ des smras pa/ bdag gis deng rab tu byung ba'i steng du phyag dar bor ro/ /des 'dzum phyung ba dang / bu mo des bu mo gzhan dag la sbran cing des kyang gzhan dag la sbran nas/ 'jig rten la bu mo gang dang gang slong ba mi 'ong ba des rang sangs rgyas kyi steng du phyag dar bor na de la slong ba 'ong ngo / /zhes sdig pa can gyi lta ba'i rnam pa de lta bu byung ngo / /bdag nyid chen po rnams ni bsnyen bkur ma yin pas 'jigs pas rang sangs rgyas de ri brags de nas song ba dang / drang srong mngon par shes pa lnga dang ldan pa rnams kyi sting du dor bar brtsams nas de dag kyang dong ba dang / pha ma dag gi steng du bor bar brtsams so/ /ri brags de na khyim bdag dge ba'i chos can gnyis shig 'khod pa de gnyis kyis smras pa/ shes ldan dag dam pa ma yin pa'i chos 'phel ba 'di bzlog par bya'o/ /zhes de gnyis kyis bzlog cing spangs so/ /dge slong dag de'i tshe de'i dus na bu mo gang gis rang sangs rgyas kyi steng du phyag dar bor ba de ni rgyal po gtsug pud can 'di yin no/ /ri brags de na gnas pa'i skye bo'i tshogs gang yin pa de ni grong khyer sgra sgrogs na gnas pa'i skye bo'i tshogs 'di dag yin te/ 'di dag gis rang sangs rgyas dang / drang srong dang / pha ma dag gi steng du phyag dar bor ba gang yin pa de'i las kyi rnam par smin pas sas non par gyur to/ /khyim bdag gnyis kyis bzlog pa gang yin pa de ni blon po'i mchog he ru ka dang / bhe ru ka gnyis yin te/ las de'i rnam par smin pas bros par gyur to/ /bu mo'i ming po gang gis 'dzum phyung ba de ni dge slong kā tyā ya na chen po yin te/ des 'dzum phyung ba gang yin pa'i las de'i rnam par smin pas sas g.yogs te/ gal te dge slong kā tyā ya na chen pos yon tan gyi tshogs 'di lta bu rtogs par ma gyur du zin na/ dge slong kā tyā ya na chen po yang sas non cing tshul ma yin pas sdug bsngal bar 'gyur ro/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa dang 'dren ma rnams spangs te/ las gcig tu dkar ba rnams la brtsal bar bya ste/ dge slong dag khyod kyis de ltar bslab par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /kau shambī na khyim bdag nor bzangs shes bya ba phyug pa/ nor mang ba/ longs spyod che ba zhig 'dug pa de'i khyim rgyal po shar pa'i drung na 'dug cing de nang par sngar langs te las kyi mtha' dag la rtog tu 'gro'o/ /de dbyig gi gdangs can yin pas rgyal po shar pas sgra'i gdangs las de la gser bzhag pa 'bum yod par shes so/ /ji tsam dus gzhan zhig na rgyal po shar pa don gyi gnas na 'dug pas blon po rnams la smras pa/ shes ldan dag khyim bdag nor bzangs nyi ma re re zhing nang par sngar langs te rang nyid las kyi mtha' dag la rtog tu 'gro ste/ 'di la gser bzhag pa 'bum yod ces grag na ci'i phyir bdag nyid ngal bar byed/ blon po rnams kyis smras pa/ lha 'di la gser bzhag pa 'bum ga la mchis te/ gal te 'di la gser bzhag pa 'bum mchis na ci'i slad du bdag nyid ngal bar bgyid/ rgyal pos smras pa/ shes ldan dag gal te khyed cag yid mi ches na khyim bdag nor bzangs bos shig dang dri'o/ /de dag gis khyim bdag nor bzangs bos nas rgyal pos dris pa/ khyim bdag khyod la gser bzhag pa 'bum yod dam/ lha mchis te/ gal te bzhed na bzhes su gsol/ khyim bdag nga ni gser don du gnyer ba ma yin gyi/ 'di ltar ngas khyod la ci yod dam med ces dri bar zad do/ /lha mchis te lhas ji ltar mkhyen pa de zhu'o/ /rgyal pos smras pa/ khyim bdag khyod dbyig gi gdangs can yin pas ngas sgra'i gdangs shes so/ /khyim bdag nor bzangs rgyal pos gdangs las shes pas de'i ming khyim bdag gdangs can khyim bdag gdangs can zhes bya bar gyur to/ /rgyal pos de la smras pa/ khyim bdag khyod phyug por gyur pa yin na ci'i phyir khyod rang gis zhal ta byas te las kyi mtha' dag byed du 'jug /des smras pa/ lha gal te bdag gis rang gi zhal ta bgyis te las kyi mtha' bgyid du ma stsal na/ bdag gi longs spyod dag 'phel zhing rgyas pa dang / yangs par yang mi 'gyur la/ lhas kyang bdag dbyig gi gdangs can lags par mkhyen par mi 'gyur ro/ /rgyal pos smras pa/ khyim bdag khyod ci'i phyir glang po che dang rta dag gis mi 'gro/ lha bdag khyim khol lags pas glang po che dang rta dag gis mchi ba bdag gi tshul dang 'thun pa ma lags so/ /rgyal pos bsams pa/ grogs 'di lta bus rgyal srid byed du gzhug par nus kyis/ 'di blon po kho nar gzhug go snyam du rig nas smras pa/ khyim bdag blon po gyis shig dang / lhan cig tu rgyal srid byed du gzhug go/ /des smras pa/ lha de skad bka' stsal pa mi rigs te/ bdag ni khyim khol lags pas bdag zhing las kyi mtha' rjes su bsgrub par rigs kyi/ blon por mi rigs so/ /rgyal pos de lta de ltar nan gyis mnan na ci nas kyang gdon mi za bar khas len par shes te/ mnan nas des kyang khas blangs so/ /de nas rgyal pos de blon por bcug nas khyim bdag gdangs can gyis chos dang / rigs pas rgyal po'i bya ba dang / rgyal po'i byed pa dag bya bar brtsams nas/ des blon po gzhan thams cad zil gyis mnan pa dang / de dag phrag dog skyes te yid mi bde bar gyur nas 'dus te smras pa/ shes ldan dag bdag cag 'di ltar khyim bdag gdangs can gyis zil gyis mnan par gyur na 'di la ji ltar bsgrub par bya/ de na kha cig gis smras pa/ 'di la ci'i phyir bsgrub tu med/ 'di ji srid du gtan du gting tshugs par ma gyur pa de srid du 'di la rgyal pos chad pas gcod du bzhug par bya'o/ /kha cig gis smras pa/ ma nyes kyis de ltar bya'o zhes de dag thams cad 'dus te rgyal po'i gan du dong nas smras pa/ lha rgyal po su lags/ des smras pa/ khyed cag ga las the tshom za/ rgyal po nga yin mod gzhan su zhig yin/ de dag gis smras pa/ lha gdangs can rgyal po lags kyi khyod ni ma lags te/ gal te de 'tshal bar gyur na lha bkrongs te rang nyid cod pan bcings nas rgyal srid kyi dbang phyug gi bdag po bgyid du stsol bar 'gyur ro/ /rgyal pos smras pa/ shes ldan dag ci'i phyir de de ltar 'gyur te/ de ni chos gtso bor byed pa yin pas ji ltar de ltar byed par 'gyur/ de dag gis smras pa/ bdag cag gis lha'i mngon sum du 'gyur bar bgyi'o/ /ji tsam dus gzhan zhig na khyim bdag gdangs can rgyal pos nye bar 'tsho ba'i rgol ba dang / phyir rgol ba dag gis yongs su bskor cing rgyal po'i pho brang du zhugs nas/ rgyal po'i pho brang du thams cad skye bo'i tshogs kyis gang bar des rgyal po'i bya ba dang / rgyal po'i byed pa dag byas nas rgyal po'i pho brang nas phyir byung ba dang / rgyal pos nye bar 'tsho ba snga na 'khod pa dag kyang de dang lhan cig phyir byung ste rgyal po'i tshogs med par 'dug pa dang / blon po de dag gis rgyal po la smras pa/ lha gzigs sam/ bdag cag gis gsol pa gang lags pa de ni 'di lags te/ gal te 'di 'tshal bar gyur na lha bkrongs te rang nyid cod pan bcings nas rgyas srid kyi dbang phyug gi bdag po bgyid du stsol bar 'gyur ro/ /rgyal pos bsams pa/ re shig 'di brtag par bya'o snyam nas/ des de rgyu ba dang gnas pa las brtag par brtsams pa dang / ji tsam na byang lam nas ded dpon gyis zong rta ded de kau shambīr phyin nas rgyal pos gdangs can la bsgo ba/ gser 'bum gyis rta dag nyos shig /des gser 'bum gyis rta dag nyos pa dang / rgyal pos gdangs can la bsgo ba/ 'bum gyi phyed byin la 'di skad ces bdag gis 'bum tshang bar byin zin to/ /zhes byos shig /des smras pa/ lha de mi rigs te/ gal te de ltar bgyis na slan cad 'dir chibs rta 'tshong ba dang / gzhan 'ga' yang mchi bar mi 'gyur gyis 'di ltar lha'i dkor las 'bum phyed stsol cig dang bdag gis 'bum phyed stsal to/ /rgyal pos smras pa/ khyim bdag nga'i tshig de bzhin smras na 'di ci 'gal/ des smras pa/ lha bdag gis tshe gcig gi sdug bsngal gyi don du tshe rabs mang po'i sdug bsngal skyed par rngo mi thog go/ /rgyal pos de la lan gsum gyi bar du smras na yang de ma btub nas/ de nas rgyal pos blon po rnams la smras pa/ shes ldan dag gang gis rgyal po rgyal rigs spyi bor dbang bskur ba'i bka' lan gsum gyi bar du bcag pa de'i chad pa ci yin/ blon po rnams kyis smras pa/ lha de'i chad pa ni dgum pa lags so/ /des smras pa/ shes ldan dag gal te de lta na ngas khyim bdag gdangs can yongs su btang ngo / /blon po rnams kyis mi gshed ma pa dag la bsgo ba/ shes ldan dag lhas bka' stsal pa/ khyim bdag gdangs can sod cig ces byung ngo / /rgyal pos mi gshed ma pa de dag la gsang ste bsgo ba/ khyed kyis khyim bdag gdangs can gsad par mi bya bar 'di ltar bsdigs par bya'o/ /de dag gis de'i mgrin par ka ra bi ra'i phreng ba btags te grong khyer gyi dbus nas gsod sar khrid pa dang / de'i nye du dag dong ste smras pa/ khyim bdag 'di la lhas bka' ci stsal pa de ltar gyis la bdag nyid gsod du ma gzhug shig /des smras pa/ kho bos lha'i bka' chos dang ldan pa bcag gam/ ci gal te lhas kho bos nyes pa med pa gnod pa mi byed pa gsod na gsod du zad/ kho bos tshe gcig gi sdug bsngal gyi phyir tshe rabs mang po'i sdug bsngal skyed par mi nus so/ /mi gshed ma pa de dag gis de gsod sar khrid de smras pa/ khyim bdag lhas bka' ci stsal pa de ltar gyis la bdag nyid gsod du ma gzhug shig /des smras pa/ kho bos lha'i bka' chos dang ldan pa bcag gam ci/ gal te lhas kho bo nyes pa med pa/ gnod pa mi byed pa gsod na gsod du zad/ kho bos tshe gcig gi sdug bsngal gyi phyir tshe rabs mang po'i sdug bsngal skyed par mi nus so/ /mi gshed ma pa de dag gis de rgyal po'i gan du khrid de smras pa/ lha khyim bdag gdangs can 'di 'di skad mchi'o/ /rgyal pos smras pa/ khyim bdag nga khyod gsod par 'dod pa ma yin te/ 'di ltar brtag par 'dod do/ /des smras pa/ lhas bdag brtag pa'i dgongs pas gnas skabs 'di lta bu stsal na/ gal te bkyon na ji ltar bgyis par 'gyur/ 'di ltar gal te lha bdag la dgyes na bdag sbyin pa dag stsol cing / bsod nams dag bgyid par ci gnang / rgyal pos smras pa/ khyim bdag gal te de lta na gnang gis ci dgar sbyin pa dag byin cig /bsod nams dag gyis shig /de nas khyim bdag gdangs can gyis sbyin pa'i khang pa rtsig tu bcug ste/ sbyin pa'i zhal ta pa mi bsko nas smras pa/ shes ldan dag gal te 'dir sngon ma byung ba'i rtags dang / cha lugs can gyi dge sbyong ngam/ bram ze 'am/ gzhan dag 'ongs par gyur na kho bo la sbron cig /ji tsam na lho lam nas drang srong lnga brgya tsam yul dbus su 'phags pa de dag mthar gyis lam du 'dong ba na dgon pa'i lam du phyin nas de dag dgon pa'i nang du son pa na chu zad nas de dag chu dang bral bas skom gyis gdungs nas dgon pa'i lam der phan tshun byul bar brtsams pa dang / de phan tshun nyul ba de dag gis ha cang thag mi ring ba na gsing ma sngon po'i phyogs na shing ljon pa zhig mthong nas de na kha cig gis smras pa/ shes ldan dag gsing ma sngon po'i phyogs 'di na shing ljon pa zhig snang gis tshur sheg dang / 'di na chu yod par 'gyur gyis ltar 'dong ngo / /gzhan dag gis smras pa/ legs kyis de bzhin bya'o zhes de dag dong ba dang ci tsam na chu med par mthong nas de dag gis gsol ba gdab par brtsams te/ shes ldan dag sa phyogs dang shing ljon pa 'di lha 'am/ klu 'am/ gnod sbyin nam/ nam mkha' lding ngam/ dri za 'am/ mi 'am ci 'am/ lto 'phye chen po gang gnas pa des bdag cag drang srong lnga brgya skom gyis gdungs pa rnams la chu byin cig ces smras so/ /ji tsam na shing ljon pa de las lag pa rgyan thams cad kyis brgyan pa zhig gser gyi ril ba bhring gar thogs te byung nas drang srong rnams kyis snyim pa bzed de chu btung bar brtsams nas/ ji tsam na myangs na chu yan lag brgyad dang ldan pa yin te/ bsil ba dang / mngar ba dang / yang ba dang / 'jam pa dang / gsal ba dang / dri nga ba med pa dang / 'thung na mgul la mi gnod pa dang / 'thungs pa na lto mi na ba yin te/ de dag tshim par gyur nas ril ba bkang ste shis pa brjod nas 'phags te dong ba dang / de dag la blo skyes pa/ shes ldan dag bdag cag gis de lta bu'i ya mtshan mthong nas de la khyod su yin/ las gang gis 'dir skyes shes ma dris pa ni bdag cag nyams pa yin gyis/ tshur sheg phyir log la dri'o snyam nas de dag thams cad 'dus te phyir log nas shing ljon pa de'i drung du 'khod de smras pa/ shing ljon pa de la lha 'am/ klu 'am/ gnod sbyin nam nam mkha' lding ngam/ dri za 'am mi 'am ci 'am/ lto 'phye chen po gang gnas pa gang gis bdag cag dgon pa'i lam du song ba/ gnod pa dang nyam nga ba mi bde bar gyur cing 'chi ba'i dbang du gyur pa rnams la chu yan lag brgyad dang ldan pas tshim par byas pa des bdag gang yin pa dang / las gang gis 'dir skyes pa smros shig /ji tsam na shing ljon pa de las tshig byung ba/ shes ldan dag 'dzam bu'i gling pa'i mi rnams ni yid ches par dka' ba yin pas kho bo su yin pa dang / las gang gis 'dir skyes pa yid ches par mi 'gyur bas ji ltar smra bar bya/ drang srong rnams kyis smras pa/ kye bdag cag gis mngon sum kho nar mthong na ji ltar yid ches par mi 'gyur/ the tshom ma za bar smros shig /des smras pa/ shes ldan dag gal te de lta na nyon cig dang / kho bo gang yin pa dang / las gang gis 'dir skyes pa smra bar bya'o/ /yul ko sa la dag na grong khyer mnyan yod ces bya ba de na khyim bdag mgon med zas sbyin zhes bya ba 'dug pa de'i khyim drung na kho bo bzang mkhan byed cing 'dug 'dug ste/ de mgon med pa rnams la zas sbyin par byed pas yul tha dad pa na gnas pa'i slongs mo ba dag lhags shing lhags shing kho bo la khyim bdag mgon med zas sbyin gyi khyim gang yin zhes dris nas/ kho bos lag pa g.yas pa brkyang ste/ de dag la khyim bdag mgon med zas sbyin gyi khyim 'di yin no zhes smras pa dang / de dag gis de nas lag pa gang ba dang / snod gang ba dang / 'byor pa thob pa dang / rnyed pa thob cing 'dong ba de dag kho bos mthong ngo / /mthong nas mchog tu dga' ba skyed par byed de/ kho bo las des rgyal chen bzhi'i ris kyi lha rnams kyi nang du skyes shing / shing ljon pa 'di la gnas te/ de'i phyir kho bo'i lag pa g.yas pa shin tu lham me/ lhan ne/ lhang nger gyur to/ /de dag gis shis pa brjod pas bstod de dong ngo / /ji tsam na phyogs gzhan zhig tu phyin nas bza' ba dang btung ba zad de/ de dag bkres pas gdungs shing skom pas gdungs nas kun du brtag par brtsams pa dang / ji tsam na ha cang thag mi ring ba zhig na shing ljon pa chen po lo ma sngo zhing snum pa zhig snang nas de dag gis smras pa/ shes ldan dag shing ljon pa chen po lo ma sngo zhing snum pa 'di lta bu snang ste/ sngar yang bdag cag gis shing ljon pa 'di lta bu kho nas chu grub kyis 'dir 'dong dang gal te na chung zad 'grub par 'gyur ro/ /zhes de dag der dong ste gsol ba gdab par brtsams pa/ shes ldan dag sa phyogs dang shing ljon pa 'di la lha 'am/ klu 'am/ gnod sbyin nam/ nam mkha' lding ngam/ dri za 'am/ mi 'am ci 'am/ lto 'phye chen po gang gnas pa de bdag cag drang srong lnga brgya bkres pas gdungs pa dang skom pas gdungs pa rnams la zas dang skom byin cig ces smras so/ /ji tsam na shing ljon pa de las tshig byung ba/ shes ldan dag deng shig dang 'di nas ha cang mi ring ba na rdzing bu zhig yod pa de'i 'gram na shing ljon pa zhig yod pa de'i drung na 'bras chan gyis bre bo gang zhing 'dug pa de las zos shing 'thungs nas bza' ba dang btung ba ci 'dod pa khyer cig /de dag dong ba dang / ji tsam na rdzing bu bya ngang pa dang / ka raṇ ḍa ka dang / ngur pas mdzes par byas pa zhig 'dug pa de'i 'gram na shing ljon pa zhig 'dug pa de'i drung na 'bras can tshod ma sna tshogs dang bcas pas gang ba zhig 'dug pa mthong nas/ de dag gis der khrus byas te zos shing chu mthungs nas ril ba chus bkang ste/ bza' ba dang btung ba ci 'dod pa khyer nas shis pa brjod de dong ba dang / de dag la blo skyes pa/ shes ldan dag bdag cag gis de lta bu'i ya mtshan mthong nas de la khyod su yin/ las gang gis 'dir skyes shes ma dris pa ni bdag cag nyams pa yin gyis tshur sheg phyir log la dri'o/ /snyam nas de dag thams cad 'dus te phyir log nas shing ljon pa de'i drung du 'khod de smras pa/ shing ljon pa 'di la lha 'am/ klu 'am/ gnod sbyin nam/ nam mkha' lding ngam/ dri za 'am/ mi 'am ci 'am/ lto 'phye chen po gang gnas pa gang gis bdag cag dgon pa'i lam du song ba gnod pa dang / nyam nga ba dang / mi bde bar gyur cing 'chi ba'i dbang du gyur pa rnams la chu yan lag brgyad dang ldan pa dang / zas kyis tshim par byas pa des bdag gang yin pa dang / las gang gis 'dir skyes pa smros shig /ji tsam na shing ljon pa de las tshig byung ba/ shes ldan dag 'dzam bu'i gling pa'i mi rnams ni yid ches par dka' ba yin pas kho bo su yin pa dang / las gang gis 'dir skyes pa yid ches par mi 'gyur bas ji ltar smra bar bya/ drang srong rnams kyis smras pa/ kye bdag cag gis mngon sum kho nar mthong na ji ltar yid ches par mi 'gyur/ the tshom ma za bar smros shig /des smras pa/ shes ldan dag gal te de lta na nyon cig dang kho bo gang yin pa dang / las gang gis 'dir skyes pa smra bar bya'o/ /yul ko sa la dag na grong khyer mnyan yod ces bya ba de na khyim bdag mgon med zas sbyin zhes bya ba zhig 'dug pa de mgon med pa rnams la zas sbyin par byed nas ri brags shig na bram ze zhig 'dug pa longs spyod srabs nas des bsam pa/ mnyan yod na khyim bdag mgon med zas sbyin 'dug pa de mgon med pa rnams la zas sbyin par byed kyis de'i gan du song na de las cung zad 'grub par 'gyur ro snyam nas de de'i gan du song ba dang / khyim bdag mgon med zas sbyin yang sangs rgyas la sogs pa dge slong gi dge 'dun bshos gsol bar 'dod nas rgyal byed kyi tshal du 'phags pa na/ des de mthong nas smras pa/ khyim bdag bdag la zas kyi mgron gyis shig /des de la smras pa/ bram ze tshur shog /rgyal byed kyi tshal du 'dong la der zo shig /de de dang lhan cig 'phags pa dang / ji tsam na khyim bdag mgon med zas sbyin gyis lam kar zho'i bum pa zhig rnyed nas des de bram ze de la byin nas smras pa/ bram ze'i zho'i bum pa 'di dge 'dun la brims shig /khyim bdag mgon med zas sbyin gyis sangs rgyas la sogs pa dge slong gi dge 'dun zhal zas bsod pas tshim par byas pa dang / bram ze des kyang zho'i bum pa de dge 'dun la brims so/ /khyim bdag mgon med zas sbyin gyis sangs rgyas la sogs pa dge slong gi dge 'dun gdugs tshod gsol nas khyim pa dag zan sbyin par brtsams te/ des khyim pa gzhan dag la ni zas bsod pa byin/ bram ze de la ni ngan pa byin pa dang / des de la smras pa/ khyim bdag rab tu byung ba rnams ni bslab pa yang dag par blangs pa yin pas re shig 'di dag la ni bsod pa sbyin par rigs na/ bdag cag khyim pa bslab pa yang dag par ma blangs par 'dra na ci'i phyir khyim pa gzhan dag la ni zas bsod pa sbyin la bdag la ni zas ngan pa sbyin/ des de la smras pa/ bram ze khyim pa 'di dag kyang bslab pa yang dag par blangs pa yin te/ 'di dag gis kyang yan lag brgyad dang ldan pa'i gso sbyong blangs so/ / des de la smras pa/ khyim bdag gal te bdag gis kyang yan lag brgyad dang ldan pa'i gso sbyong len na bdag la yang zas bsod pa sbyin nam/ des de la smras pa sbyin no/ /des yan lag brgyad dang ldan pa'i gso sbyong blangs pa dang / de nas khyim bdag mgon med zas sbyin gyis de zas bsod pas tshim par byas nas des zos te 'phags pa dang / khyim bdag mgon med zas sbyin gyis smras pa/ bram ze yud tsam zhig sdod cig dang skom 'ong bar 'gyur ro/ /des skom 'thungs te song ba dang / nyi ma nub pa'i dus la bab nas mnyan yod dang ha cang mi ring ba na ri brag shig yod pa der bram ze'i khyim zhig tu gnas pa dang / bram ze des de la smras pa/ bram ze zan zo shig /des smras pa/ kho bos zan mi za'o/ /des smras pa/ ci'i phyir/ des smras pa/ kho bo dge sbyong gau ta ma la yan lag brgyad dang ldan pa'i gso sbyong blangs so/ /des de la smras pa/ bram ze gal te re shig za na de lta na legs/ gal te mi za na kho bo'i khyim du gnas par mi bya'o/ / des dus ma yin par zos nas gso sbyong ral lo/ /ri brags na gnas pa'i bram ze gang yin pa gang gis yan lag brgyad dang ldan pa'i gso sbyong blangs nas dral ba de ni kho bo yin te/ kho bos yan lag brgyad dang ldan pa'i gso sbyong blangs te/ thams cad ma dral na kho bo sum bcu rtsa gsum pa'i lha rnams kyi nang du skye bar 'gyur ba zhig na/ kho bos yan lag brgyad dang ldan pa'i gso sbyong blangs nas dus ma yin par zos te/ gso sbyong dral bas kho bo rgyal chen bzhi'i lha rnams kyi nang du skyes te/ shing ljon pa 'di la gnas shing / de'i phyir kho bo la rgyal chen bzhi'i ris kyi lha rnams kyis lha'i bu rdzu 'phrul che ba mthu che ba gso sbyong ral zhes bya bar shes so// // 'dul ba rnam par 'byed pa/ bam po bdun bcu rtsa gsum pa/ drang srong de dag mchog tu ngo mtshar skyes te smras pa/ shes ldan dag bdag cag drang srong rnams kyis dus 'di srid du brtul zhugs la gnas pas kyang 'di'i 'bras bu cir 'gyur mi shes na/ lha'i bu gso sbyong ral 'dis bram zer gyur pa na yan lag brgyad dang ldan pa'i gso sbyong blangs shing / de dral na yang 'di rgyal chen bzhi'i ris kyi lha rnams kyi nang du skyes kyis/ bdag cag kyang gang du 'dis yan lag brgyad dang ldan pa'i gso sbyong blangs pa der 'dong ngo / /de ltar bya'o zhes de dag gis gros byas te/ mnyan yod du 'phags nas ji tsam na mthar gyis kau shambīr phyin pa dang / khyim bdag gdangs can gyi sbyin pa'i zhal ta byed pa'i mi rnams kyis de dag mthong nas/ de dag gis khyim bdag gdangs can la sbran pa/ khyim bdag khyod kyis bdag cag la bsgo ba/ sngon ma byung ba'i rtags dang cha lugs can dag mthong na kho bo la sbron cig ces byung ba de dag lhags te sgo na sdod do/ /des smras pa/ 'jug tu chug shig /de dag gis 'jug tu bcug pa dang / khyim bdag gdangs can gyis de dag mthong nas dris pa/ shes ldan dag khyed cag gang nas 'ongs/ de dag gis smras pa/ khyim bdag lho lam nas so/ /des smras pa/ shes ldan dag khyed kyis lho lam du ngo mtshar ba mthong ba dang thos pa ci yod/ de dag gis smras pa/ khyim bdag re shig bdag cag gis sngar mthong ba dang thos pa'i ngo mtshar gzhan dag lta zhog gi/ te por mthong ba dang thos pa'i ngo mtshar gang yin pa dag smra bar byas nyon cig /des smras pa/ shes ldan dag smros shig dang kho bo ngo mtshar de dag nyan to/ /de dag gis khyim bdag gdangs can la ji ltar gyur pa rgyas par brjod pa dang / khyim bdag gdangs can gyis thos nas mchog tu ngo mtshar skyes te de dag zan byin nas smras pa/ shes ldan dag gang du 'deng / de dag gis smras pa/ khyim bdag mnyan yod du 'dong ngo / /shes ldan dag de na ci yod/ khyim bdag de na lha'i bu gso sbyong ral gyis gang la brten te/ yan lag brgyad dang ldan pa'i gso sbyong blangs pa'i khyim bdag mgon med zas sbyin yod do/ /des smras pa/ shes ldan dag gal te de lta na de kho bo'i yang ma mthong ba'i grogs yin gyis 'di nyid du dbyar gyi mtshan mo gyis la dbyar 'das nas kho bo dang lhan cig 'dong ngo / /de dag de nyid du dbyar gyi mtshan mo gnas te/ dbyar 'das nas mnyan yod du 'phags pa dang khyim bdag gdangs can gyis bad sa'i rgyal po shar pa la smras pa/ lha bdag mnyan yod du bgyi ba cung zhig mchis na/ gal te lhas gnang na der mchi'o/ /rgyal pos smras pa/ khyim bdag gal te de lta na song la khyod kyis don bsgrub pa byas nas myur du phyir shog shig /de rgyal pos gnang nas drang srong lnga brgya po de dag dang lhan cig 'phags te mthar gyis mnyan yod du phyin nas skyed mos tshal na sdod cing 'dug go/ /khyim bdag mgon med zas sbyin gyis khyim bdag gdangs can 'dir 'ongs te/ skyed mos tshal na sdod cing 'dug go zhes thos so/ /thos nas kyang des bsams pa/ bdag gis khyim bdag gdangs can ma tshor ba kho nar gnas su 'jug tu gzhug pa ni bdag gi tshul dang 'thun pa ma yin gyis/ bkur sti chen pos 'jug tu gzhug go snyam nas des de bkur sti chen pos 'jug tu bcug ste lam gyis dub pa'i ngal bsos nas zan byin no/ /de nas drang srong de dag lhags nas khyim bdag mgon med zas sbyin gyis 'ongs pa legs so zhes bya ba'i tshig gis kun du spyad de smras pa/ shes ldan dag khyed cag ga las 'ongs/ 'dir ci la 'ongs/ de dag gis smras pa/ khyim bdag khyod kyis lha'i bu gso sbyong ral la gang byin pa de bdag cag la yang byin cig des smras pa/ shes ldan dag mi dran no/ /khyim bdag bdag cag gis khyod la dran par bya'o/ /shes ldan dag legs so/ /de dag gis dran par byas nas des smras pa/ shes ldan dag ci kho bo las len nam/ 'on te bcom ldan 'das las len/ khyim bdag khyod kyis su las blangs/ shes ldan dag bcom ldan 'das las so/ /khyim bdag gal te de lta na bdag cag kyang de kho na las len to/ / shes ldan dag legs kyis de ltar gyis shig ces des de dag khrid de bcom ldan 'das ga la ba der song ngo / /de'i tshe na bcom ldan 'das dge slong gi 'khor brgya phrag du ma'i mdun na chos ston cing bzhugs so/ /bcom ldan 'das kyis khyim bdag mgon med zas sbyin thag ring po kho na nas gzigs so/ /gzigs nas kyang dge slong rnams la bka' stsal pa/ dge slong dag khyim bdag mgon med zas sbyin thag ring po kho na nas 'ong ba mthong ngam/ btsun pa mthong ngo / /dge slong dag khyim bdag mgon med zas sbyin 'di skyes dang bcas pas 'ong ste/ de bzhin gshegs pa'i skyes ni 'di ltar gdul ba'i skyes lta bu gzhan med do/ /de nas khyim bdag mgon med zas sbyin drang srong lnga brgya'i 'khor dang bcas pas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la khyim bdag mgon med zas sbyin gyis 'di skad ces gsol to/ /btsun pa drang srong lnga brgya po 'di dag bcom ldan 'das las yan lag brgyad dang ldan pa'i gso sbyong len par 'tshal na/ de'i slad du bcom ldan 'das kyis 'di dag ci nas kyang sangs rgyas dang / chos dang / dge 'dun la skyabs su mchi ba dang / dge bsnyen nyid du 'tshal bar 'gyur ba de ltar chos bstan du gsol/ de nas bcom ldan 'das kyis drang srong lnga brgya po de dag gi bsam pa dang / bag la nyal dang / khams dang / rang bzhin thugs su chud nas gang thos nas drang srong lnga brgya po de dag gis phyir mi 'ong ba'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan pa mdzad do/ /de dag gis bden pa mthong nas/ bcom ldan 'das kyi zhabs gnyis la gtugs te gsol pa/ btsun pa bdag cag legs par gsungs pa'i chos 'dul ba la rab tu 'byung ba dang / rdzogs par bsnyen pa dge slong gi dngos po 'thob cing bcom ldan 'das kyi spyan sngar tshangs par spyad pa spyod do/ /bcom ldan 'das kyis de dag la dge slong tshur shog ces pas rab tu phyung zhing dge slong dag tshur shog /tshangs par spyad pa spyod cig ces bka' stsal pa dang / de dag bcom ldan 'das kyi bka'i 'jug kho nar skra byi ba dang / snam sbyar gyon par gyur te/ skra dang kha spu zhag bdun skyes pa tsam dang / lag pa lhung bzed dang / bya ma bum gyis 'brel ba dang / dge slong rdzogs par bsnyen nas lo brgya lon pa'i spyod lam lta bur gnas par gyur to/ /yang smras pa/ de bzhin gshegs pas tshur shog bka' stsal pas/ /skra byi snam sbyar gyon pa'i lus ldan zhing / /mod la dbang po rab zhir gnas gyur te/ /sangs rgyas dgongs pas lus gzugs bkab par gyur/ /bcom ldan 'das kyis de dag la gdams ngag byin nas de dag gis spro ba dang / 'bad pa dang / brtsal ba dag gis nyon mongs pa thams cad spangs pas dgra bcom pa nyid mngon du byas shing dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bu rig pas sgo nga'i sbubs dral bar gyur cing rig pa dang / mngon par shes pa dang / so so yang dag par rig pa thob pa/ srid pa dang / 'dod pa'i brnyed pa dang / bkur sti la rgyab kyis phyogs pa/ dbang po dang / nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de nas khyim bdag gdangs can bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go/ /mtha' gcig tu 'dug nas bcom ldan 'das khyim bdag gdangs can la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzeng stod par mdzad/ yang dag par rab tu dga' bar mdzad cing / sangs rgyas bcom ldan 'das rnams kyi dus sngar mdzad pa'i chos dang ldan pa'i bka' mchid gang yin pa 'di lta ste/ sbyin pa'i bka' mchid dang / tshul khrims kyi bka' mchid dang / mtho ris kyi bka' mchid dang / 'dod pa rnams kyi ro myang ba'i nyes dmigs dang / kun nas nyon mongs pa dang / rnam par byang ba dang / nges par 'byung ba dang / rab tu dben pa'i phan yon dang / rnam par byang ba'i phyogs dang 'thun pa'i chos dag rgya cher ston par mdzad do/ /gang gi tshe bcom ldan 'das kyis de sems rangs pa dang / sems nyams bde ba dang / sems dga' ba dang / sems la sgrib pa med pa dang / yang dag phul gyi chos bstan pa kun shes pa'i skal ba dang ldan zhing mthu yod par gzigs pa de'i tshe na sangs rgyas bcom ldan 'das rnams kyis yang dag phul gyi chos bstan pa gang yin pa 'di lta ste/ 'phags pa'i bden pa bzhi po sdug bsngal dang / kun 'byung ba dang / 'gog pa dang / lam dag rgya cher ston par mdzad do/ /'di lta ste dper na gos dag pa nag nog med pa kha bsgyur du rung ba/ tshon du bcug na tshon legs par 'jen par 'gyur ba de bzhin du/ khyim bdag gdangs can gyis kyang stan de nyid la 'dug bzhin du 'phags pa'i bden pa bzhi po 'di lta ste/ sdug bsngal dang / kun 'byung ba dang / 'gog pa dang / lam mngon par rtogs par gyur to/ /de nas khyim bdag gdangs can chos mthong ba dang / chos thob pa dang / chos rig pa dang / chos kyi gting slebs pa dang / som nyi las rgal ba dang / the tshom las rgal ba dang / ston pa'i bstan pa la gzhan gyi dring mi 'jog pa dang gzhan gyis mi bkri zhing chos rnams la mi 'jigs pa thob nas stan las langs te bla gos phrag pa gcig tu byas nas bcom ldan 'das ga la ba der logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang / chos dang / dge slong gi dge 'dun la skyabs su mchi yis bdag dge bsnyen du gzung du gsol/ deng slan cad nas ji srid 'tsho'i bar du glo ba thag pa nas mngon par dad pas skyabs su mchi'o/ /de nas bcom ldan 'das kyis khyim bdag gdangs can la bka' stsal pa/ khyim bdag khyod ming ci/ btsun pa bdag nor bzangs shes bgyi ba las rgyal po shar pas bdag gdangs las 'tshal bas de'i slad du bdag skye bo dag gis khyim bdag gdangs can zhes bgyi bar 'tshal to/ /bcom ldan 'das kau shambīr gshegs par gsol/ bdag gis bcom ldan 'das dge slong gi dge 'dun dang bcas pa la ji srid 'tsho'i bar du na bza' dang / bsod snyoms dang / gnas mal dang / bsnyung ba'i rkyen dang / sman gyi yo byad dag gis bsnyen bkur 'tshal lo/ /khyim bdag kau shambī na gtsug lag khang yod dam/ btsun pa ma mchis so/ /khyim bdag dge slong dag ni gang na gtsug lag khang yod pa der bgrod pa dang / 'gro ba dang / gnas par sems so/ /bcom ldan 'das gshegs su gsol dang / bdag gis ji ltar kau shambī na gtsug lag khang mchis par 'gyur ba dang / dge slong rnams kyang bgrod pa dang / mchi ba dang / gnas par sems par 'gyur ba de ltar bgyi'o/ /bcom ldan 'das kyis khyim bdag gdangs can la cang mi gsung bas gnang ngo / /de nas khyim bdag gdangs can gyis bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song nas/ de la mnyan yod na bya ba 'am/ byed pa ci yod pa thams cad byas shing bsgrubs nas yang bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das kyis bdag la grogs dge slong 'ga' zhig stsol cig dang bdag gis de dang lhan cig bcom ldan 'das kyi slad du gtsug lag khang rtsig tu stsal bar bgyi'o/ /bcom ldan 'das kyis khyim bdag gdangs can 'khor dang bcas pa dang / kau shambī na gnas pa'i skye bo'i tshogs dag dge slong gang gi gdul ba yin snyam du dgongs na dge slong skul byed chen po'i gdul ba yin par gzigs nas/ de nas bcom ldan 'das kyis tshe dang ldan pa skul byed chen po la bka' stsal pa/ skul byed khyim bdag gdangs can 'khor dang bcas pa dang / kau shambī na gnas pa'i skye bo'i tshogs la soms shig /tshe dang ldan pa skul byed chen pos bcom ldan 'das las cang mi smra bas dang du blangs so/ /de nas tshe dang ldan pa skul byed chen po de nyid kyi mtshan mo 'das nas snga dro sham thabs bgos lhung bzed dang / chos gos thogs te/ mnyan yod du bsod snyoms la zhugs so/ /mnyan yod du bsod snyoms la brgyus nas zas kyi bya ba byas te/ phyi ma'i zas kyi bsod snyoms las phyir log pas ji ltar longs spyad pa'i gnas mal mkhos su phab ste/ lhung bzed dang / chos gos thogs nas khyim bdag gdangs can dang 'grogs te/ kau shambī ga la ba de logs su song nas mthar gyis rgyu zhing 'gro ba na kau shambīr phyin to/ /de nas khyim bdag gdangs can kau shambīr ma zhugs pa kho nar kun dga' ra ba nas kun dga'i ra bar skyed mos tshal nas skyed mos tshal du/ tshal nas tshal du dang gol bar song ste/ gang du bdag gis bcom ldan 'das kyi phyir gtsug lag khang rtsig tu gzhug pa'i sa phyogs kau shambī nas ha cang yang mi ring ha cang yang mi nye ba nyin mo rgyun lugs nyung zhing blag cor chung ba/ mtshan mo sgra chung zhing 'ur sgra chung ba/ sha sbrang dang / sbrang bu dang / rlung dang / nyi ma dang / sdig sbrul gyi reg pa nyung ba de lta bu ci yod ces btsal na/ khyim bdag gdangs can gyis rang gi kun dga' ra ba kau shambī nas ha cang yang mi ring ha cang yang mi nye ba nyin mo rgyun lugs nyung zhing blag cor chung ba/ mtshan mo sgra chung zhing 'ur sgra chung ba/ sha sbrang dang / sbrang bu dang / rlung dang / nyi ma dang / sdig sbrul gyi reg pa nyung bar mthong ngo / /mthong nas kyang 'di snyam du sems te/ sa phyogs 'di bzang gis 'dir bcom ldan 'das kyi phyir gtsug lag khang rtsig tu gzhug go snyam mo/ /de na khyim bdag gdangs can dang / tshe dang ldan pa skul byed chen pos/ skyed mos tshal der bcom ldan 'das kyi phyir gtsug lag khang rta babs mthon po dang ldan pa/ skar khung dang / skar khung zlum po dang / lan kan gyis brgyan pa rtsig tu bcug go/ /de nas gtsug lag khang byas shing zin nas khyim bdag gdangs can gyis tshe dang ldan pa skul byed chen po la 'di skad ces smras so/ /'phags pa bcom ldan 'das shul du gshegs pa'i gshegs rgongs kyi tshad ci tsam/ khyim bdag 'di lta ste dper na 'khor los sgyur ba'i rgyal po dang 'dra'o/ /'phags pa 'khor los sgyur ba'i rgyal po'i ji tsam/ khyim bdag 'khor los sgyur ba'i rgyal po lam du 'gro ba'i rgongs mal ni rgyang grags bcu'o/ /khyim bdag gdangs can gyis rgyang grags bcu bcur gshegs rgongs sa dag shom du bcug nas bcom ldan 'das kyi spyan sngar pho nya btang ste/ bcom ldan 'das kau shambīr gshegs su gsol/ bdag gis bcom ldan 'das dge slong gi dge 'dun dang bcas pa ji srid 'tsho'i bar du na bza' dang / bsod snyoms dang / gnas mal dang / bsnyung ba'i rkyen dang / sman gyi yo byad dag gis bsnyen bkur bgyi'o zhes gsol to/ /pho nyas kyang bcom ldan 'das kyi spyan sngar song ste gsol to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la dge slong dag bcom ldan 'das bad sa dag tu ljongs rgyur gshegs kyis khyed cag las gang de bzhin gshegs pa dang thabs gcig bad sa dag tu ljongs rgyur 'gro bar spro ba des chos gos dag long shig ces bsgo shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas dge slong rnams la tshe dang ldan pa dag bcom ldan 'das bad sa dag tu ljongs rgyur gshegs kyis khyed cag las gang de bzhin gshegs pa dang thabs gcig bad sa dag tu ljongs rgyur 'gro bar spro ba des chos gos dag long shig ces bsgo'o/ /de nas bcom ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa/ mdzes pa 'khor mdzes pa dang ldan pa/ khyu mchog ltar ba lang gi tshogs kyis yongs su bskor ba/ glang po che ltar glang po che'i phrug gu'i tshogs kyis yongs su bskor ba/ seng ge ltar mche ba can gyi tshogs kyis yongs su bskor ba/ ngang pa'i rgyal po ltar ngang pa'i tshogs kyis yongs su bskor ba/ nam mkha' lding ltar bya'i tshogs kyis yongs su bskor ba/ bram ze ltar slob ma'i tshogs kyis yongs su bskor ba/ sman pa mkhas pa ltar nad pa'i tshogs kyis yongs su bskor ba/ dpa' bo ltar ru pa'i tshogs kyis yongs su bskor ba/ sa mkhan ltar lam du zhugs pa'i tshogs kyis yongs su bskor ba/ ded dpon ltar tshong pa'i tshogs kyis yongs su bskor ba/ tshong dpon ltar 'khor gyi tshogs kyis yongs su bskor ba/ mkhar gyi rgyal po ltar blon po'i tshogs kyis yongs su bskor ba/ 'khor los sgyur ba ltar bu stong gi tshogs kyis yongs su bskor ba/ zla ba ltar rgyu skar gyi tshogs kyis yongs su bskor ba/ nyi ma ltar 'od zer stong gi tshogs kyis yongs su bskor ba/ yul 'khor srung ltar dri za'i tshogs kyis yongs su bskor ba/ 'phags skyes po ltar grul bum gyi tshogs kyis yongs su bskor ba/ mig mi bzang ltar klu'i tshogs kyis yongs su bskor ba/ nor sbyin ltar gnod sbyin gyi tshogs kyis yongs su bskor ba/ thags bzangs ris ltar lha ma yin gyi tshogs kyis yongs su bskor ba/ brgya byin ltar sum bcu rtsa gsum pa'i tshogs kyis yongs su bskor ba/ tshangs pa ltar tshangs ris kyi tshogs kyis yongs su bskor ba/ dbang po rnams kyis shin du dul ba/ spyod lam dang spyod pa ma 'khrugs pa/ chu gter ltar ting nge ba/ sprin ltar chu dang bcas pa/ glang po che'i rgyal po ltar dregs pa dang bral ba/ skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus sku rnam par mdzes pa/ 'od 'dom gang gis gzugs can brgyan pa/ nyi ma stong bas lhag pa'i 'od dang ldan pa/ rin po che'i ri bo 'gro ba ltar kun du bzang ba/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa kun shes kauṇḍi nya dang / rlangs pa dang / ming cen dang / ma 'gags pa dang / shā ri'i bu dang / maud gal gyi bu dang / 'od srung dang / kun dga' bo dang / nam gru la sogs pa nyan thos chen po dag dang / gzhan yang dge slong gi dge 'dun mang pos bskor te/ kau shambī ga la ba der rgyu zhing gshegs nas mthar gyis rgyu zhing gshegs pa na kau shambīr byon to/ /de nas khyim bdag gdangs can gyis gtsug lag khang yo byad thams cad dang ldan pa de bcom ldan 'das nyan thos kyi dge 'dun dang bcas pa la phul nas/ 'di ltar gnas brtan dag gis kyang / bcom ldan 'das kau shambī na gdangs can gyi kun dga' ra ba na bzhugs so zhes mdo sde'i mtha' nye bar sbyar to/ /de nas khyim bdag gdangs can bcom ldan 'das nyan thos kyi dge 'dun dang bcas pa la gtsug lag khang phul nas dga' ba dang mchog tu dga' ba skyes te rang gi khyim du song ngo / /de nas tshe dang ldan pa skul byed chen po bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la tshe dang ldan pa skul byed chen pos 'di skad ces gsol to/ /btsun pa gang dang ldan na rigs kyi bu 'am/ rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag tu rgyun mi 'chad par bsod nams 'ba' shig mngon par 'phel ba dang / bsod nams 'ba' shig nye bar skye ba/ rdzas las byung ba'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba gdags su rung ngam/ bcom ldan 'das kyis de la bka' stsal pa/ skul byed rung ste/ skul byed bdun po 'di dag ni gang dag dang ldan na rigs kyi bu 'am/ rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag tu rgyun mi 'chad par bsod nams 'ba' shig mngon par 'phel ba dang / bsod nams 'ba' shig nye bar skye ba rdzas las byung ba'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba dag yin te/ bdun gang zhe na/ skul byed 'di la rigs kyi bu 'am/ rigs kyi bu mo dad pa dang ldan pas phyogs bzhi'i dge slong gi dge 'dun la kun dga'i ra ba 'bul bar byed pa 'di ni skul byed gang dang ldan na rigs kyi bu 'am/ rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag tu rgyun mi 'chad par bsod nams 'ba' shig mngon par 'phel ba dang / bsod nams 'ba' shig nye bar skye ba rdzas las byung ba'i bsod nams bya ba'i gzhi shin du 'bras bu che ba/ phan yon che ba/ snang ba che ba/ rgyas pa che ba dang po yin no/ /skul byed gzhan yang rigs kyi bu 'am/ rigs kyi bu mo dad pa dang ldan pas kun dga'i ra ba de nyid du gtsug lag khang rtsig tu 'jug pa 'di ni skul byed gang dang ldan na rigs kyi bu 'am/ rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag tu rgyun mi 'chad par bsod nams 'ba' shig mngon par 'phel ba dang / bsod nams 'ba' shig nye bar skye ba rdzas las byung ba'i bsod nams bya ba'i gzhi shin du 'bras bu che ba/ phan yon che ba/ snang ba che ba/ rgyas pa che ba gnyis pa yin no/ /skul byed gzhan yang rigs kyi bu 'am/ rigs kyi bu mo dad pa dang ldan pas gtsug lag khang de nyid du gnas mal 'di lta ste/ khri dang / khri'u dang / stan nang tshangs can dang / la ba dang / sngas dang / gor bu dag 'bul bar byed pa 'di ni skul byed gang dang ldan na rigs kyi bu 'am/ rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag du rgyun mi 'chad par bsod nams 'ba' shig mngon par 'phel ba dang / bsod nams 'ba' shig nye bar skye ba rdzas las byung ba'i bsod nams bya ba'i gzhi shin du 'bras bu che ba/ phan yon che ba/ snang ba che ba/ rgyas pa che ba gsum pa yin no/ / skul byed gzhan yang rigs kyi bu 'am/ rigs kyi bu mo dad pa dang ldan pas gtsug lag khang de nyid du gtan gyi rkyen ris rjes su 'thun pa'i mchod sbyin 'bul bar byed pa 'di ni skul byed gang dang ldan na rigs kyi bu 'am/ rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag tu rgyun mi 'chad par bsod nams 'ba' shig mngon par 'phel ba dang / bsod nams 'ba' shig nye bar skye ba rdzas las byung ba'i bsod nams bya ba'i gzhi shin du 'bras bu che ba/ phan yon che ba/ snang ba che ba/ rgyas pa che ba/ bzhi pa yin no/ /skul byed gzhan yang rigs kyi bu 'am/ rigs kyi bu mo dad pa dang ldan pas glo bur du 'ongs pa dang 'gro bar chas pa la sbyin pa sbyin par byed pa 'di ni skul byed gang dang ldan na rigs kyi bu 'am/ rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag tu rgyun mi 'chad par bsod nams 'ba' shig mngon par 'phel ba dang / bsod nams 'ba' shig nye bar skye ba rdzas las byung ba'i bsod nams bya ba'i gzhi shin du 'bras bu che ba/ phan yon che ba/ snang ba che ba/ rgyas pa che ba lnga pa yin no/ /skul byed gzhan yang rigs kyi bu 'am/ rigs kyi bu mo dad pa dang ldan pas nad pa dang nad g.yog la sbyin pa sbyin par byed pa 'di ni skul byed gang dang ldan na rigs kyi bu 'am/ rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag tu rgyun mi 'chad par bsod nams 'ba' shig mngon par 'phel ba dang / bsod nams 'ba' shig nye bar skye ba rdzas las byung ba'i bsod nams bya ba'i gzhi shin du 'bras bu che ba/ phan yon che ba/ snang ba che ba/ rgyas pa che ba drug pa yin no/ /skul byed gzhan yang rigs kyi bu 'am/ rigs kyi bu mo dad pa dang ldan pas rlung langs pa 'am/ yul ngan byung ba 'am/ char pa bab pa 'am/ lhags pa byung ba gang dag yin pa de lta bu'i rlung langs pa 'am/ yul ngan byung ba 'am/ char bab pa 'am/ lhags pa byung ba'i tshe dge 'dun la 'bras chan dag gam/ skyo ma dag gam/ thug pa'i btung ba dag bskyal te/ 'dis 'phags pa 'di dag lus mi rlan pa dang / chos gos mi gsher ba dang / longs spyad na bde ba la reg par 'gyur ro snyam pas 'bul bar byed pa 'di ni skul byed gang dang ldan na rigs kyi bu 'am/ rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag tu rgyun mi 'chad par bsod nams 'ba' shig mngon par 'phel ba dang / bsod nams 'ba' shig nye bar skye ba rdzas las byung ba'i bsod nams bya ba'i gzhi shin du 'bras bu che ba/ phan yon che ba/ snang ba che ba/ rgyas pa che ba bdun pa yin no/ /skul byed rigs kyi bu 'am/ rigs kyi bu mo dad pa dang ldan pa rdzas las byung ba'i bsod nams bya ba'i gzhi bdun po 'di dag dang ldan pa'i bsod nams sam/ bsod nams kyi 'bras bu 'am/ bsod nams kyi 'bras bu rnam par smin pa 'di tsam mo zhes bsod nams kyi tshad gzung bar mi nus te/ 'di ltar bsod nams mang ba'i phyir bsod nams kyi phung po chen po zhes bya ba'i grangs su 'gro'o/ /skul byed 'di lta ste dper na gang du chu klung chen po lnga po 'di lta ste/ gang gā dang / ya mu na dang / sa ra yu dang / gnas can dang / ma hi zhes bya ba tha mi dad par 'bab par 'gyur ba de la ni chu 'am/ chu'i bum pa 'am/ chu'i bum pa brgya phrag gam/ chu'i bum pa stong phrag gam/ chu'i bum pa 'bum phrag 'di snyed yod do zhes chu'i tshad gzung bar mi nus so/ /skul byed de bzhin du rigs kyi bu 'am/ rigs kyi bu mo dad pa dang ldan pa rdzas las byung ba'i bsod nams bya ba'i gzhi bdun po 'di dag dang ldan pa'i bsod nams sam/ bsod nams kyi 'bras bu 'am/ bsod nams kyi 'bras bu rnam par smin pa yang 'di tsam mo zhes bsod nams kyi tshad gzung bar mi nus te/ 'di ltar bsod nams mang ba'i phyir bsod nams kyi phung po chen po zhes bya ba'i grangs su 'gro'o/ /de skad ces bka' stsal pa dang / bcom ldan 'das la tshe dang ldan pa skul byed chen pos 'di skad ces gsol to/ /btsun pa gang dang ldan na rigs kyi bu 'am/ rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag tu rgyun mi 'chad par bsod nams 'ba' shig mngon par 'phel ba dang / bsod nams 'ba' shig nye bar skye ba rdzas las byung ba ma lags pa'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba gdags su rung ngam/ bcom ldan 'das kyis bka' stsal pa/ skul byed rung ste/ skul byed bdun po 'di dag ni gang dang ldan na rigs kyi bu 'am rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' shig nye bar skye ba rdzas las byung ba ma yin pa'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba dag yin te bdun gang zhe na/ skul byed 'di la rigs kyi bu 'am rigs kyi bu mo dad pa dang ldan pas de bzhin gshegs pa 'am/ de bzhin gshegs pa'i nyan thos grong tshigs ga ge mo zhig na nye bar brten cing bzhugs pa thos shing thos nas kyang dga' ba dang / mchog tu dga' ba rgya chen po dge ba nges par 'byung ba dang ldan pa thob par byed pa 'di ni skul byed gang dang ldan na rigs kyi bu 'am rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag tu rgyun mi 'chad par bsod nams 'ba' shig mngon par 'phel ba dang / bsod nams 'ba' shig nye bar skye ba rdzas las byung ba ma yin pa'i bsod nams bya ba'i gzhi shin du 'bras bu che ba/ phan yon che ba/ snang ba che ba/ rgyas pa che ba dang po yin no/ /skul byed gzhan yang rigs kyi bu 'am rigs kyi bu mo dad pa dang ldan pas de bzhin gshegs pa 'am/ de bzhin gshegs pa'i nyan thos de nyid du tshur gshegs par rtsol bar thos shing thos nas kyang dga' ba dang / mchog tu dga' ba rgya chen po dge ba nges par 'byung ba dang ldan pa thob par byed pa 'di ni skul byed gang dang ldan na rigs kyi bu 'am rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag tu rgyun mi 'chad par bsod nams 'ba' shig mngon par 'phel ba dang / bsod nams 'ba' shig nye bar skye ba rdzas las byung ba ma yin pa'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba gnyis pa yin no/ /skul byed gzhan yang rigs kyi bu 'am rigs kyi bu mo dad pa dang ldan pas de bzhin gshegs pa 'am/ de bzhin gshegs pa'i nyan thos de nyid shul du zhugs pa thos shing thos nas kyang dga' ba dang / mchog tu dga' ba rgya chen po dge ba nges par 'byung ba dang ldan pa thob par byed pa 'di ni skul byed gang dang ldan na/ rigs kyi bu 'am rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag tu rgyun mi 'chad par bsod nams 'ba' shig mngon par 'phel ba dang / bsod nams 'ba' shig nye bar skye ba rdzas las byung ba ma yin pa'i bsod nams bya ba'i gzhi shin du 'bras bu che ba/ phan yon che ba/ snang ba che ba/ rgyas pa che ba gsum pa yin no/ / skul byed gzhan yang rigs kyi bu 'am rigs kyi bu mo dad pa dang ldan pas de bzhin gshegs pa 'am/ de bzhin gshegs pa'i nyan thos de nyid grong tshigs de nyid du byon par thos shing thos nas kyang dga' ba dang / mchog tu dga' ba rgya chen po de dge ba nges par 'byung ba dang ldan pa thob par byed pa 'di ni skul byed gang dang ldan na rigs kyi bu 'am rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag tu rgyun mi 'chad par bsod nams 'ba' shig mngon par 'phel ba dang / bsod nams 'ba' shig nye bar skye ba rdzas las byung ba ma yin pa'i bsod nams bya ba'i gzhi shin du 'bras bu che ba/ phan yon che ba/ snang ba che ba/ rgyas pa che ba bzhi pa yin no/ /skul byed gzhan yang rigs kyi bu 'am rigs kyi bu mo dad pa dang ldan pas de bzhin gshegs pa 'am/ de bzhin gshegs pa'i nyan thos de nyid la blta ba dang / bsnyen bkur bya ba'i phyir 'gro zhing mthong nas kyang dga' ba dang / mchog tu dga' ba rgya chen po dge ba nges par 'byung ba dang ldan pa thob par byed pa 'di ni skul byed gang dang ldan na rigs kyi bu 'am rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag tu rgyun mi 'chad par bsod nams 'ba' shig mngon par 'phel ba dang / bsod nams 'ba' shig nye bar skye ba rdzas las byung ba ma yin pa'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba lnga pa yin no/ /skul byed gzhan yang rigs kyi bu 'am rigs kyi bu mo dad pa dang ldan pas de bzhin gshegs pa 'am/ de bzhin gshegs pa'i nyan thos de nyid kyi drung nas chos tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba yang dag par rab tu ston pa nyan cing thos nas kyang dga' ba dang / mchog tu dga' ba rgya chen po dge ba nges par 'byung ba dang ldan pa thob par byed pa 'di ni skul byed gang dang ldan na rigs kyi bu 'am/ rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag tu rgyun mi 'chad par bsod nams 'ba' shig mngon par 'phel ba dang / bsod nams 'ba' shig nye bar skye ba rdzas las byung ba ma yin pa'i bsod nams bya ba'i gzhi shin du 'bras bu che ba/ phan yon che ba/ snang ba che ba/ rgyas pa che ba drug pa yin no/ /skul byed gzhan yang rigs kyi bu 'am rigs kyi bu mo dad pa dang ldan pas de bzhin gshegs pa 'am de bzhin gshegs pa'i nyan thos de nyid kyi drung nas chos thos nas sangs rgyas la skyabs su 'gro/ chos dang dge 'dun la skyabs su 'gro zhing bslab pa'i gzhi dag len par byed pa 'di ni skul byed rigs kyi bu 'am rigs kyi bu mo dad pa dang ldan pa rgyu ba 'am/ gnas pa 'am/ nyal ba 'am/ mi nyal ba las rtag tu rgyun mi 'chad par bsod nams 'ba' shig mngon par 'phel ba dang / bsod nams 'ba' shig nye bar skye ba rdzas las byung ba ma yin pa'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba bdun pa yin no/ /skul byed rdzas las byung ba ma yin pa'i bsod nams bya ba'i gzhi bdun po 'di dag dang ldan pa'i rigs kyi bu 'am rigs kyi bu mo dad pa dang ldan pa'i bsod nams sam/ bsod nams kyi 'bras bu 'am/ bsod nams kyi 'bras bu rnam par smin pa ni 'di tsam mo zhes bsod nams kyi tshad gzung bar mi nus te 'di ltar bsod nams mang ba'i phyir bsod nams kyi phung po chen po zhes bya ba'i grangs su 'gro'o/ /skul byed 'di lta ste dper na gang du chu klung chen po lnga po 'di lta ste gang gā dang / ya mu na dang / sa ra yu dang / gnas can dang / ma hi zhes bya ba tha mi dad par 'bab par 'gyur ba de la ni chu 'am/ chu'i bum pa 'am/ chu'i bum pa brgya phrag gam/ chu'i bum pa stong phrag gam/ chu'i bum pa 'bum phrag 'di snyed cig yod do/ /zhes chu'i tshad gzung bar mi nus te/ 'di ltar chu mang ba'i phyir chu'i phung po chen po zhes bya ba'i grangs su 'gro'o/ /skul byed de bzhin du rdzas las byung ba ma yin pa'i bsod nams bya ba'i gzhi bdun po 'di dag dang ldan pa'i rigs kyi bu 'am rigs kyi bu mo dad pa dang ldan pa'i bsod nams sam/ bsod nams kyi 'bras bu 'am bsod nams kyi 'bras bu rnam par smin pa yang 'di tsam mo zhes tshad gzung bar mi nus te/ 'di ltar bsod nams mang ba'i phyir bsod nams kyi phung po chen po zhes bya ba'i grangs su 'gro'o/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to/ /mi dang ri dgas tshogs kyis bsten pa yi/ /chu klung tha dad 'bab par gyur pa dag /mtsho mchog bkra shis gtsang ma ngogs bde ba/ /rin chen 'byung gnas rgya mtshor 'bab pa ltar/ /de bzhin bsod nams rgyun kyang rnam kun tu/ /sbyin bdag gos sbyin zas skom sbyin pa dang / /mal cha stan dang gding sbyin mi la 'bab/ /chu klung chu 'bab rgya mtshor ji bzhin no/ /bcom ldan 'das kyis de skad ces bka' stsal nas/ tshe dang ldan pa skul byed chen po bcom ldan 'das kyis gsungs pa la yi rangs te mngon par bstod do/ /de nas khyim bdag gdangs can ni dad pa dang ldan la de'i 'khor ni ma dad nas des bsams pa/ bdag gi 'khor 'di ma dad na bdag gi gtsug lag khang du ji ltar spyod pa je brtag go snyam nas de cha lugs mi mngon par byas te sham thabs dma' bar bgos nas gtsug lag khang du song ste tshigs su bcad pa'i dbyangs kyis mchod rten la phyag 'tshal nas gtsug lag khang du 'jug par brtsams pa dang / rgan zhugs shig sgo khang na 'dug nas des de'i rkang pa la phyag 'tshal te smras pa/ 'phags pa gtsug lag khang snying dang mig 'phrog par bgyid pa mtho ris kyi them skas su gyur pa 'di su'i lags/ des smras pa/ khyim bdag gdangs can gyi'o/ /'phags pa ci 'di gtsug lag khang lags sam/ 'on te phongs pa lags/ bzhin bzangs gtsug lag khang ni ji lta bu/ phongs pa ni ji lta bu/ 'phags pa gang na yo byad phun sum tshogs pa ni gtsug lag khang lags la/ gang na yo byad ma mchis pa ni phongs pa lags so/ /bzhin bzangs 'di phongs pa yin no/ /ji ltar gyur/ khyim bdag de ni dad pa dang ldan pa yin na de'i 'khor ma dad pas mkho ba mi stobs so/ /'di ltar khyim bdag de la bu mo mngag gzhug ma mgu byed ces bya ba dad pa dang ldan zhing bzang la dge ba'i bsam pa can zhig yod na/ 'on kyang de'i khyim de na dbang med de/ gal te de la dbang yod par gyur na de dge slong rnams la mkho ba stobs par byed pas 'di gtsug lag khang du 'gyur ro/ /khyim bdag gdangs can gyis bsams pa/ da ltar bdag gson pa nyid na yang bdag gi gtsug lag khang na dge slong rnams kyi gnas skabs 'di 'dra na bdag shi na ci 'dra bar 'gyur snyam du rig nas dge slong de'i rkang pa la phyag 'tshal te/ rang gi khyim du song nas nang mi rnams la smras pa/ khyed cag las gang sangs rgyas la sogs pa dge slong gi dge 'dun la bsnyen bkur byed par spro ba des tshul shing long shig /de'i tshe na mgu byed bum pa thogs te chu bcu ba'i phyir phyir byung ba dang / des der ras ma zhig rnyed nas/ bcom ldan 'das kyang de la phan gdags pa'i slad du phyogs der gshegs pa dang / des bcom ldan 'das la brtag par brtsams so/ /bcom ldan 'das kyis rdzu 'phrul gyis na bza' chos gos kyi grwa rdol bar de la bstan pa dang / des bsams pa/ gal te bcom ldan 'das kyis bdag gi ras ma 'di bzhes su gnang na bdag gis 'di bcom ldan 'das la dbul lo snyam mo/ /bcom ldan 'das kyis de'i sems thugs kyis mkhyen nas bka' stsal pa/ mgu byed gal te khyod kyis yongs su btang na phul cig /des bcom ldan 'das la sems mngon par dad pa byas nas gus pa bskyed de phul lo/ /bcom ldan 'das kyis de de nyid kyi mdun du na bza' chos gos kyi grwa klan te btsems pa dang / kha dog mthun par gyur to/ /de dad pa skyes pas zhabs gnyis la gtugs te smon lam btab pa/ dge ba'i rtsa ba 'dis bdag bran mor ma gyur cig /dbul bar ma gyur cig ces smras nas bum pa chus bkang ste khyim du song ngo / /khyim bdag gdangs can gyis nang mi la tshul shing brims pa dang / mgu byed kyis smras pa/ khyim bdag 'di ci lags/ gdangs can gyis smras pa/ mgu byed khyed cag las gang sangs rgyas la sogs pa dge slong gi dge 'dun la bsnyen bkur byed par spro ba des tshul shing long shig dang kho bo la longs spyod rgya chen po dag yod do/ /des myur ba myur bar chu'i bum pa bzhag ste tshul shing blangs nas smras pa/ bdag sangs rgyas la sogs pa dge slong gi dge 'dun la bsnyen bkur bgyid par spro ste/ bdag gis bcom ldan 'das nyan thos kyi dge 'dun dang bcas pa la yo byad thams cad kyis bsnyen bkur bgyi yis khyod thugs las chung ngur mdzod cig ces des sangs rgyas la sogs pa dge slong gi dge 'dun la yo byad thams cad kyis bstabs te gus par bsnyen bkur bya bar brtsams so/ /khyim bdag gdangs can gyis yang cha lugs mi mngon par byas te sham thabs dma' bar bgos nas gtsug lag khang du song ste tshigs su bcad pa'i dbyangs kyis mchod rten la phyag 'tshal nas gtsug lag khang du 'dug par brtsams pa dang / yang rgan zhugs gzhan zhig sgo khang na 'dug nas des de'i rkang pa la phyag 'tshal te smras pa/ 'phags pa gtsug lag khang snying dang mig 'phrog par bgyid pa mtho ris kyi them skas su gyur pa 'di su'i lags/ des smras pa/ khyim bdag gdangs can gyi'o/ /'phags pa ci gtsug lag khang lags sam/ 'on te phongs pa lags/ bzhin bzangs/ gtsug lag khang ni ji lta bu/ phongs pa ni ji lta bu 'phags pa gang na yo byad phun sum tshogs pa ni gtsug lag khang lags la/ gang na yo byad ma mchis pa ni phongs pa lags so/ /bzhin bzangs 'di sngon ni phongs par gyur pa las da ni gtsug lag khang du gyur to/ /ji ltar gyur/ bzhin bzangs khyim bdag gdangs can la bu mo mngag gzhug ma mgu byed ces bya ba/ dad pa dang ldan zhing bzang la dge ba'i bsam pa can zhig yod pa de khyim bdag des 'dir las su bskos te sangs rgyas la sogs pa dge slong gi dge 'dun la yo byad thams cad kyis stobs shig ces bsgo nas/ da ltar de sangs rgyas la sogs pa dge slong gi dge 'dun la yo byad thams cad kyis bsnyen bkur byed pas des na 'di gtsug lag khang yin te phongs pa ma yin no/ /khyim bdag gdangs can gyis thos nas dga' ste khyim du song nas des bu mo mgu byed kyi lag tu lde mig dang / lde mig kyog po gtad nas nang mi rnams la smras pa/ khyed cag mgu byed kyis ci byin pa des gnas par gyis shig /kau shambī na gnas pa'i skye bo'i tshogs rnams kyang bsdus te smras pa/ shes ldan dag kho bos bu mo mgu byed 'di bran mo las phyung ste khyim gyi bdag mor bcug go zhes bsgrags so/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa khyim bdag gdangs can rgyal po shar pas gdangs las 'tshal ba la gzigs/ bcom ldan 'das kyis bka' stsal pa/ dge slong dag da ltar du ma zad de 'di ltar 'das pa'i dus na yang khyim bdag gdangs can 'di rgyal po shar pas gdangs las shes par gyur te de nyon cig /dge slong dag sngon byung ba grong khyer bā rā ṇa sī na rgyal po tshangs byin zhes bya bas rgyal srid 'byor pa/ rgyas pa/ bde ba/ lo legs pa/ skye bo dang mi mang pos gang ba/ thab mo dang / 'thab pa dang / phyi dgra dang / nang 'khrug rab tu zhi ba/ chom rkun dang / mu ge dang / nad dang bral ba/ sā lu dang / bu ram shing gi phreng ba dang / ba lang dang / ma he phun sum tshogs pa byed du bcug ste/ chos dang ldan pa chos kyi rgyal pos chos kyis rgyal srid byed du bcug go/ /ji tsam dus gzhan zhig na ltas pa dag gis lo bcu gnyis su char mi 'bab par lung bstan nas rgyal po tshangs byin gyis rang gi yul du dril bsgrags pa byed du bcug ste phyogs su bsgo ba/ nga'i yul na gnas pa dang / pho brang 'khor gyi mi dag nyon cig /ltas pa dag gis lo bcu gnyis su char mi 'bab par lung bstan gyis de'i phyir khyed cag las gang dag la lo bcu gnyis kyi zan bdog pa de dag gis ni 'khod par bya'o/ /gang dag la mi bdog pa de dag gis ni gzhan du 'dong bar bya zhing lo bcu gnyis 'das nas phyir 'ong bar bya'o/ /de'i tshe na bā rā ṇa sī na khyim bdag gzungs byed ces bya ba phyug pa/ nor mang ba/ longs spyod che ba/ yongs su gzung ba yangs shing rgya che ba zhig 'dug pa des mdzod pa bos te smras pa/ kwa'i nang rje mdzod pa kho bo 'khor dang bcas pa'i lo bcu gnyis kyi zan yod dam/ des smras pa/ jo bo mchis so/ /sangs rgyas rnams 'byung ba med pa'i tshe rang sangs rgyas dman pa dang bkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur pa dag 'jig rten du byung ngo / /ji tsam na rang sangs rgyas lnga brgya ljongs rgyu zhing 'dong ba na bā rā ṇa sīr phyin nas de dag khyim bdag gzungs byed kyi gan du dong ste phyin nas smras pa/ khyim bdag khyod kyis kho bo cag rab tu byung ba lnga brgya la lo bcu gnyis su mkho ba stobs par nus sam/ des smras pa/ 'phags pa dag je mdzod pa la smras te slad kyis gsol lo zhes des mdzod pa bos te smras pa/ kwa'i nang rje mdzod pa kho bo 'khor dang bcas pa dang / rab tu byung ba lnga brgya po 'di dag gi lo bcu gnyis kyi zan yod dam/ des smras pa/ jo bo mchis so/ /khyim bdag gzungs byed kyis rang sangs rgyas lnga brgya po de dag la smras pa/ 'phags pa dag mchis kyis bzhugs shig dang gsol lo/ /de dag der 'khod do/ /ji tsam na rang sangs rgyas gzhan lnga brgya ljongs rgyu zhing 'dong ba na bā rā ṇa sīr phyin nas de dag kyang khyim bdag gzungs byed kyi gan du dong ste phyin nas smras pa/ khyim bdag khyod kyis kho bo cag rab tu byung ba lnga brgya la lo bcu gnyis su mkho ba stobs par nus sam/ des smras pa/ 'phags pa dag khyed la gsol lags na/ ci'i slad du yang sgrub par mdzad/ khyim bdag de dag kyang gzhan la kho bo cag kyang gzhan no/ /'phags pa dag je mdzod pa la smras te slad kyis gsol lo zhes des mdzod pa bos te smras pa/ kwa'i nang rje mdzod pa kho bo 'khor dang bcas pa dang / rab tu byung ba stong gi lo bcu gnyis kyi zan yod dam/ des smras pa/ jo bo mchis so/ /khyim bdag gzungs byed kyis rang sangs rgyas lnga brgya po de dag la smras pa/ 'phags pa dag mchis kyis bzhugs shig dang gsol lo/ /de dag kyang der 'khod do/ /khyim bdag gzungs byed kyis sbyin pa'i khang pa rtsig tu bcug ste/ sbyin pa'i zhal ta pa'i mi dag dang spyan 'dren bskos nas/ spyan 'dren des nyi ma re re zhing song ste gdugs tshod la 'bod par byed do/ / spyan 'dren des khyi zhig gsos pa de nyi ma re re zhing spyan 'dren de dang lhan cig 'gro bar byed do/ /ji tsam dus gzhan zhig na spyan 'dren de la brel ba zhig byung nas/ des je 'di bsgrubs te phyis spyan drang bar bya'o snyam nas de gzhan du song ba dang / khyi des de ma rnyed nas sngon goms pas rang sangs rgyas rnams kyi gan du song ba dang / der yang de ma mthong nas des skad phyung ngo / /rang sangs rgyas de dag gi dge 'dun gyi gnas brtan gang yin pa des smras pa/ tshe dang ldan pa dag spyan 'dren dus las yol nas khyi 'dis spyan drangs kyis tshur spyon bzhud do/ /de ltar bgyi'o zhes de dag 'phags pa dang / spyan 'dren 'ongs te khyi des de mthong nas skad dbyung bar brtsams pa dang / spyan 'dren gyis bsams pa/ 'dis 'di dag spyan drangs pas des na bdag nyid chen po 'di dag byon gor ma chag snyam du rig nas smras pa/ 'phags pa dag khyed sus spyan drangs/ de dag gis smras pa/ bzhin bzangs khyi 'dis so/ /des smras pa/ 'phags pa dag ma nongs kyis slad kyis kyang gang gi tshe bdag la brel ba 'ga' zhig byung ba de'i tshe na 'di nyid khyed spyan 'dren par 'gyur gyis khyed cag gshegs su gsol/ dge slong dag de'i tshe de'i dus na khyim bdag gzungs byed gang yin pa de ni nga nyid yin no/ /de'i tshe de'i dus na mdzod pa gang yin pa de ni khyim bdag mgon med zas sbyin yin no/ /de'i tshe de'i dus na spyan 'dren gang yin pa de ni bad sa'i rgyal po shar pa yin no/ /de'i tshe de'i dus na khyi gang yin pa de ni khyim bdag gdangs can yin te/ khyim bdag gdangs can 'di de'i tshe yang rgyal po shar pas gdangs las shes par gyur la/ de ltar yang 'di des gdangs las shes so/ /rgyal po gzugs can snying po'i gan du mi stong thub gcig 'ongs nas rgyal pos de la smras pa/ kwa'i nang rje khyod su yin/ des smras pa/ lha bdag stong thub lags so/ /rgyal pos blon po rnams la bsgo ba/ shes ldan dag stong thub la 'tsho ba byin cig /de dag gis de la 'tsho ba byin no/ /gang gi tshe bcom ldan 'das kyis ma ga dhar byung ba'i rgyal po bzo sbyangs gzugs can snying po lha brgyad khri dang ma ga dha pa'i bram ze dang / khyim bdag 'bum phrag du ma dang lhan cig bden pa dag la bzhag pa de'i tshe na des rgyal po'i khab tu dril bsgrags pa byed du bcug ste bsgo ba/ rgyal po'i khab na gnas pa dang / pho brang 'khor gyi mi dang / yul tha dad pa nas lhags pa'i skye bo'i tshogs shes ldan dag nyon cig /nga'i yul du sus kyang rkun po mi bya'o/ /nga'i yul du gang rkun po byed pa de ngas yul med par bya zhing brkus pa rnams kyi nor ni nga rang gi mdzod dang bang ba nas sbyin no zhes bsgo'o/ /gang gi tshe bcom ldan 'das kyis ko sa lar byung ba'i rgyal po gsal rgyal gzhon nu'i dpe'i mdos btul ba de'i tshe na des kyang mnyan yod du dril bsgrags pa byed du bcug ste bsgo ba/ nga'i yul du sus kyang rkun po mi bya'o/ /nga'i yul du gang rkun po byed pa de ngas gsad par bya zhing brkus pa rnams kyi nor ni nga rang gi mdzod dang bang ba nas sbyin no zhes bsgo'o/ /bar du yul ma ga dha na gnas pa'i chom rkun pa gang dag yin pa dang / yul ko sa la na gnas pa'i chom rkun pa gang dag yin pa de dag mtshams kyi bar du dong ste 'khod cing yul ma ga dha nas don 'thun pa gang dag 'ong ba de dag kyang 'joms par byed/ yul ko sa la nas don 'thun pa gang dag 'ong ba de dag kyang 'joms par byed nas thams cad du yul ma ga dha na 'khod pa'i chom rkun pa gang dag yin pa dang / yul ko sa la na 'khod pa'i chom rkun pa gang dag yin pa de dag mtshams kyi bar du dong ste 'khod cing don 'thun 'joms par byed pas don 'thun 'gro ba dang 'ong ba rgyun chad de/ rgyal po'i dpya dang lo thang mi 'du'o zhes bya ba de lta bu'i sgra grags par gyur to/ /rgyal po gzugs can snying pos de thos nas ru gcig btang na de bcom zhing rab tu bcom ste phyir 'ongs so/ /de bzhin du ru gnyis pa dang / ru gsum pa btang na de yang bcom zhing rab tu bcom ste phyir 'ongs so/ /ji tsam na yul ma ga dha nas don 'thun yul ko sa lar 'phags pa de chom rkun pas 'jigs pas rgyal po'i khab tu zhugs te bsel ba tshol bar byed nas blon po rnams kyis rgyal po la smras pa/ lha stong thub 'di lha'i 'tsho bas 'tsho na ci'i slad du don 'thun gyi bsel mi bgyid/ rgyal pos smras pa/ de 'gro la rag gis thong shig /blon po rnams kyis de bos te smras pa/ kwa'i nang rje khyod rgyal po'i 'tsho bas 'tsho la ci'i phyir rgyal po'i bka' bzhin mi byed/ des smras pa/ khyed kyis bsgo ba gang zhig kho bos ma byas na de skad du spyo bar byed/ de dag gis smras pa/ don 'thun 'di yul ko sa lar 'gros 'di'i bsel gyis shig /des smras pa/ ma nyes kyis de ltar bya'o zhes des mda' lnga brgya pa'i dong pa gnyis thogs te shing rtar zhugs nas don 'thun gyi mdun du 'phags so/ /chom rkun pa rnams kyis de don 'thun gyi mdun nas 'ong ba thag ring po kho na nas mthong nas/ de la pho nya btang ste bsgo ba/ chom rkun pa'i dmag dpon na re shing rta phyir zlog shig / gnod pa thob par gyur ta re zhes zer ro/ /des smras pa/ dpa' bo la dpa' bo'i yongs su spang ba byin cig /chom rkun pa'i pho nyas smras pa/ ci khyod gcig pu dpa' bo yin nam/ kho bo cag kyang dpa' bo yin gyis phyir log shig /de nas phan tshun mda' khar dgye bar brtsams nas des chom rkun pa'i pho nya'i gnad du bsnun nas de phyir log go/ /de bzhin du chom rkun pa gnyis dang / bzhi dang / brgyad dang / bcu drug dang / sum bcu rtsa gnyis dang / drug bcu rtsa bzhi nas chom rkun pa lnga brgya'i bar dag lhags nas des de dag gi gnad du bsnun nas de dag phyir log go/ /de bzhin du chom rkun pa gzhan lnga brgya lhags nas des de dag la smras pa/ ngas khyed kyi chom rkun pa lnga brgya bsad na khyed cag kyang srog gis 'gebs par mi 'dod dam/ phyir log shig /chom rkun pa rnams kyis smras pa/ nged kyi gcig kyang ma sod na ci'i phyir nged phyir ldog khyod kyang rung nged kyang rung ngo / /des smras pa/ gal te khyed cag yid mi ches na gang dag ngas bsnun pa de dag gi go phud cig /de dag gis go 'bud par brtsams pa dang / gang gis ji ltar go phud pa de de ltar dus la bab nas chom rkun pa de dag mi 'di ni gnod sbyin zhig go zhes byer te dong ngo / /stong thub mtshams kyi bar na 'dug cing de don 'thun yul ko sa la nas 'ong ba gang yin pa de'i bsel yang byed/ yul ma ga dha nas 'ong ba gang yin pa de'i bsel yang byed do/ /des bsams pa/ bdag gis ci'i phyir phar 'gro tshur 'gro bya 'di nyid du 'dug par bya'o snyam nas des der khyim brtsigs te 'dug nas don 'thun gnyi ga'i bsti gnas su 'ang gyur/ de 'brog na gnas pa yin pas 'brog gnas 'brog gnas shes bya ba'i ming du gyur to// //'dul ba rnam par 'byed pa/ bam po bdun bcu rtsa bzhi pa/ 'brog gnas su don 'thun dag lhags nas kha cig gis ni 'bras btsong bar brtsams so/ /kha cig gis ni phye btsong bar brtsams/ kha cig gis ni be reg /kha cig gis ni khur ba/ kha cig gis ni ril bu btsong bar brtsams so/ /chang 'tshong dag gis kyang chang btsong bar brtsams te/ de nyid du 'khod nas der tshong 'dus chags par gyur to/ /'brog gnas kyis rgyal po gzugs can snying po la phrin yig lha bdag gis 'dir tshong 'dus btsugs kyis lhas 'dir zhal ta pa btang ba'i rigs so zhes spring ngo / /rgyal pos bsams pa/ gang du bdag gi ru gsum bcom zhing rab tu bcom zhing 'ongs pa der des tshong 'dus btsugs pas de ni de nyid kyir gyur cig snyam nas des de la phrin yig ngas tshong 'dus de khyod la byin gyis der dpya dang lo thang ci 'du ba de dag khyod nyid ci dgar spyod cig ces spring ngo / /'brog gnas su tshong 'dus btsugs nas 'brog gnas 'brog gnas shes bya ba'i ming du gyur to/ /'brog gnas na gnas pa'i skye bo'i tshogs rnams kyis bsams pa/ shes ldan dag bdag cag gang cung zad bde bar gnas pa gang yin pa de thams cad 'brog gnas kyi mthu yin pas bdag cag gis 'di la phan pa cung zad bya gor ma chag go snyam mo/ /de na kha cig gis smras pa/ ma nyes kyis de bzhin bya'o/ /ci zhig bya/ de na kha cig gis smras pa/ bdag cag las gang su yang rung ba bag ma gtong ba 'am/ bag ma len pa des de 'khor dang bcas pa zan sbyin zhing gos phrugs re yang bskon par bya'o/ /ma nyes kyis de ltar bya'o zhes de dag las gang bag ma gtong ba 'am/ bag ma len pa des 'brog gnas 'khor dang bcas pa zan sbyin zhing gos phrugs re skon par byed do/ /ji tsam na mi dbul po zhig bag ma len du nye nas de 'di snyam du sems te/ bdag la 'brog gnas 'khor dang bcas pa zan sbyin zhing gos phrugs re bskon pa'i 'byor pa ga la yod kyis/ 'di ltar bdag gis bag ma de blangs nas dang po kho nar 'brog gnas la dga' mgur spyod du phul la/ des dga' mgur spyad nas de'i 'og tu bdag gis spyad par bya'o snyam du rig nas/ de 'brog gnas kyi gan du song ste mgo bos phyag 'tshal nas smras pa/ grong dpon bdag bag ma len du nye na bdag la khyod 'khor dang bcas pa bshos gsol zhing na bza' phrugs re gsol ba'i 'byor pa ma mchis kyis/ 'di ltar bdag gis bag ma de blangs nas dang po kho nar khyod la dga' mgur spyod du 'bul gyis/ khyod kyis dga' mgur spyad nas de'i 'og tu bdag gis spyad par bgyi'o/ /'brog gnas kyis smras pa/ kye nang rje gang yang rung ba bag ma len pa 'am/ bag ma gtong ba de thams cad kyis kho bo 'khor dang bcas pa zan sbyin zhing gos phrugs re bskon mi dgos kyis khyod song la bag yangs su bag ma long shig /grong dpon de lta lags mod kyi 'on kyang bdag 'di ltar dgas dang du bzhes cig /bud med kyi yul ni dbang po rnams 'phrog cing don du gnyer bar 'gyur ba yin pas 'brog gnas kyis dang du blangs so/ /des kyang bag ma blangs nas dang po kho nar 'brog gnas la phul nas des kyang dga' mgur spyad do/ /'brog gnas 'dod pa la 'dod chags kyis lhag par chags pas mi de la byams par bya bar brtsams so/ /gzhan zhig gis de la smras pa/ kye nang rje khyod la 'brog gnas te por byams par gyur pa 'di la rgyu ci yod/ des ji ltar gyur pa smras pa dang / des kyang de bzhin bya bar brtsams so/ /gzhan zhig gis de la dris pa dang / des kyang de la ji ltar gyur pa brjod pa dang / des kyang de bzhin bya bar brtsams so/ /gzhan zhig gis kyang de la dris pa dang / des kyang de la ji ltar gyur pa brjod pa nas des kyang de bzhin bya bar brtsams te/ de lta bu'i tshul gyis de na dam pa ma yin pa'i chos 'phel bar gyur to/ /'brog gnas kyis tshong 'dus der lha khang rtsig tu bcug nas de na gang yang rung bas bag ma blangs pa des bu mo de lha khang de bskor du bcug nas 'brog gnas kyi gan du gtong zhing 'brog gnas kyis de dang por dga' mgur spyod par byed do/ /ji tsam dus gzhan zhig na gzhon nu ma chen mo zhig bag mar 'gror nye nas des bsams pa/ bdag la yang dang por 'brog gnas dga' mgur spyod par 'gyur zhing phyis khyim thab spyod par 'gyur na mi rung gis ci nas kyang 'brog gnas 'di gsad par 'gyur ba de lta bu'i thabs kyi rnam pa zhig bya'o snyam nas des ji tsam nas phyogs shig tu skye bo phal po che'i tshogs 'dug cing 'thun par gyur pa de logs su kha bltas te sgren mor byung nas gcin rgyang byas pa dang / skye bo phal po che'i tshogs kyis de mthong nas de dag mi dga' bar sems par gyur te smras pa/ bu mo ngo tsha dang khrel med pa skye bo phal po che'i tshogs la mdun gyis phyogs te sgren mor byung nas gcin rgyang byed pa 'di su'i yin/ bu mo des de thos nas smras pa/ khyed cag kyang pho yin nam/ 'o na nged ci yin/ khyed cag pho ma yin gyi 'brog gnas 'ba' shig pho yin pas des khyed kyi chung ma blangs so cog dang por dga' mgur spyad de/ khyed cag phyis de'i mi gtsang ba 'khru bar byed do/ /de dag gis smras pa/ shes ldan dag 'dis bdag cag gnas su spyos na/ 'di la bdag cag gis ji ltar bsgrub par bya/ de na kha cig gis smras pa/ 'di la gzhan bsgrub tu ci yod 'brog gnas gsad par bya'o/ /gzhan dag gis smras pa/ de ji ltar gsad par bya ba dpyad par bya'o zhes de dag de ltar gros byed pa na khyim bdag gzhan zhig gi rdzing bu 'bul ba nye bar gyur nas/ de dag gis smras pa/ shes ldan dag khyim bdag che ge mo zhig gi rdzing bu 'bul ba nye bar gyur pas der de mgron du bos pa'i tshe gsad par bya'o/ /ji tsam na khyim bdag des rdzing bu 'bul ba'i tshe de mgron du bos pa dang / des kyang dang du blangs so/ /rgyal po gzugs can snying pos dril bsgrag pa byed du bcug ste/ phyogs su bsgo ba/ nga'i yul du dge slong gang la la zhig 'ong bar gyur na/ de gal te nga'i mdzod dang / khyim na bza' ba dang btung ba yod na zan sbyin par bya'o/ /gal te med na sus mthong ba rang gis byin cig dang phyis skyin pa nyis gyur tu sbyin no zhes btsigs yig tu yang bris te bzhag go/ /bar du tshe dang ldan pa shā ri'i bu dang / maud gal gyi bu chen po gnyis ma ga dha dag tu ljongs rgyu zhing 'dong ba na 'brog gnas su phyin to/ /grong dpon 'brog gnas kyis tshe dang ldan pa shā ri'i bu dang / maud gal gyi bu chen po gnyis ma ga dha dag tu ljongs rgyu zhing 'dong ba na 'brog gnas su phyin ces thos so/ /thos nas kyang de 'di snyam du sems te/ rgyal po gzugs can snying po de bsod nams dag gis ngoms mi myong bas sbyin pa dag sbyin bsod nams dag byed na/ bdag gis kyang ci'i phyir sbyin pa dag mi sbyin/ bsod nams dag mi bya snyam du rig nas tshe dang ldan pa shā ri'i bu dang / maud gal gyi bu chen po gnyis ga la ba der song ste phyin nas rkang pa gnyis la mgo bos phyag 'tshal te chos mnyan pa'i phyir mdun du 'dug go/ /de gnyis kyis de la chos bstan nas/ des de gnyis bsod snyoms la bos te zan byin no/ /khyim bdag des 'brog gnas g.yar 'dren gyis bos pa dang / des yon bshad pa ma mnyan pa kho nar rdzing bu 'bul bar song ngo / /'brog gnas na gnas pa'i skye bo'i tshogs kyis kyang brda byas mtshon thogs nas der dong ste/ de dag gis 'brog gnas rdzing bur zhugs pa dang / skra bkru'o zhes 'gyur byed tsha ba mgor blugs nas mig chu 'dzag par gyur te cung zad kyang mi mthong ba dang / de nas de'i steng du 'khor lo dang / rdo rje rtse gcig dang / mda' bo che dang / mtshon rtse gcig pa la sogs pa'i mtshon dag 'phang bar brtsams te/ de gsad par bshams pa na des smras pa/ shes ldan dag kho bos khyed la nyes pa ci byas/ de dag gis smras pa/ khyed kyis kho bo cag gi bag ma dang por dga' mgur spyad cing phyis kho bo cag gis spyad do/ /des smras pa/ khyed cag nyid kyis dam pa ma yin pa'i chos 'di phyung bas 'di la kho bos ci nyes/ ma gsad par thong shig /de dag gis de de ltar shags 'debs bzhin du gsad par brtsams pa dang / des srog dang 'bral kar gnad 'chad ka dang tshig 'grol kar sems bskyed de smon lam btab pa/ bdag gis 'phags pa shā ri'i bu dang / maud gal gyi bu chen po lha dang mis mchod pa gnyis la bsod snyoms phul ba'i dge ba'i rtsa ba des bdag gang du 'di dag gsod par 'gyur ba der skye bar gyur cig ces btab bo/ /chos nyid kyis na mar 'bri ba'i dus kyi tshe na smon lam log pa btab pa de ni myur du 'grub pa yin pas des smon lam log pa btab ste/ shi zhing dus la bab nas gnod sbyin gdug pa rnams kyi nang du skyes so/ /de nas de gnas 'dod pas rgyal po chen po rnam thos kyi bu'i gan du song ste smras pa/ bzod ldan bdag la gnas stsol cig /des smras pa/ 'brog gnas khyed kyi gnas 'brog gnas de nyid yin gyis song shig /de 'brog gnas su 'ongs nas mi ngas phyung ste skye bo mang po shi bar gyur nas khri dang khrir 'dom par byas so/ /'brog gnas na gnas pa'i skye bo'i tshogs kyis ltas pa dag bkug ste dris pa/ shes ldan dag gang gi phyir 'di lta bu'i yams byung bar gyur pa 'di la rgyu ci yod/ de dag gis smras pa/ shes ldan dag khyed kyis 'brog gnas bsad pa gang yin pa des smon lam log pa btab pas gnod sbyin gdug pa rnams kyi nang du skyes te des 'di lta bu'i yams phyung ngo / / de dag gis shing rta dang bcas te 'bros par brtsams pa dang / des kyang 'jigs pa dang 'jigs su rung ba chen por bdag nyid mngon par sprul nas 'brog gnas na gnas pa'i skye bo'i tshogs 'bros pa'i mdun du 'dug ste smras pa/ da gar 'dong deng khyed cag thams cad bza'o/ /de dag kun du skrag par gyur te smras pa/ grong dpon bdag cag sdig pa byed pa rnams la bzod pa mdzod cig /des smras pa/ dam tshig gis bzod par bya ste/ gal te nga la nyi ma re re zhing mi stong stong 'bul na bzod do/ /de dag gis smras pa/ grong dpon gal te khyod la nyi ma re re zhing mi stong stong phul na ring po mi thogs par 'brog gnas 'di mi snang bar 'gyur gyis dngan dus 'di thong la bdag cag phyag 'tshal ba rnams la bzod pa mdzod cig /des smras pa/ shes ldan dag kho bo yun ring po nas smon pa/ kye ma 'brog gnas 'di mi snang bar gyur cig snyam mod kyi/ 'on kyang kho bo la nyi ma re re zhing mi lnga brgya lnga brgya phul cig dang bzod par bya'o/ /de dag gis yang de bzhin gsol nas des kyang mi nyis brgya lnga bcu dang brgya'i bar du phul cig ces smras so/ / de dag gis smras pa/ grong dpon de lta na yang bdag cag nyams par gyur gyis mang pos ci bya/ bdag cag gis khyod la nyi ma re re zhing ba lang drug dang ldan pa'i shing rta zas kyis bkang ba dang / de khrid pa'i mi gcig dbul gyis bzod pa mdzod cig / des smras pa/ de rung gis 'di ltar khyed kyis ngu ba dag gis dbul bar mi bya bar bro dang / glu dang / sil snyan gyi sgras dbul bar bya'o/ /de dag gis kyang khas blangs so/ /de nas 'brog gnas na gnas pa'i skye bo'i tshogs thams cad 'dus te gros bya bar brtsams pa/ shes ldan dag gnod sbyin gyis bdag cag gnas skabs de ltar byas na 'di la ji ltar bsgrub par bya/ de na kha cig gis smras pa/ res kyis res kyis dbul bar bya'o/ /kha cig gis smras pa/ gang la res bab par gyur pa de la brjod pa na 'khrug pa skye bar 'gyur gyis/ 'di ltar khyim byang bris te rdza mar bcug la gang gi khyim byang byung ba de 'gro bar bya ste/ des kyang mi tshal za dag mi gtang bar bdag nyid 'gro bar bya ba 'am/ bu gtang bar bya'o/ /gang la brel ba byung ste ma 'dus pa de la bab na de'i khyim du khyim byang dpyangs te bzhag go/ /de'i tshe na 'brog gnas na khyim bdag cig 'dug pa de la bu med nas de yun ring po nas kye ma bdag la bu yod par gyur cig ces smon nas stes dbang gis de'i chung ma la sems can zhugs par gyur to/ /chung ma de btsa' ba'i dus kyi tshe khyim bdag de bya ba zhig la phyi rol du byung ba dang / de'i nyin mo de la gnod sbyin la gtor ma sbyin pa'i khyim byang byung nas de'i res sbron par bskos pa'i mi dag gis de'i khyim byang sgor dpyangs te bzhag go/ /skabs der chung ma de btsas pa las khye'u zhig byung ngo / /ji tsam na khyim bdag de phyir 'ongs pa dang / des khyim du 'jug kar khyim byang de mthong nas de sdug bsngal zhing yid mi bde bar gyur te/ khyim du zhugs nas cang mi smra bar 'dug go/ /chung mas de la smras pa/ rje'i sras dgyes pa skyed cig /khyod kyi sras bltam mo/ /de lta na yang de cang mi smra ba kho nar 'dug go/ /chung mas de la lan gsum gyi bar du de skad smras kyang de cang mi smra ba kho nar 'dug nas yang chung mas smras pa/ rje'i sras khyod yun ring po nas kye ma bdag la bu yod par gyur cig ces smon pa gang lags pa de da btsas na ci'i slad du cang mi gsung bar bzhugs/ mchog tu dgyes pa skyed cig /des smras pa/ bzang mo 'di ni skyes na kho bo ni ma skyes so/ /rje'i sras ci nongs/ bzang mo gnod sbyin la gtor ma dbul ba'i phyir khyim byang 'ongs so/ /rje'i sras gal te de lta na khyod kyi sras mchi bar bas mod/ skol cag yang mjal na khyod la sras mchis par 'gyur ro/ /bzang mo 'di ni khrag gi thigs pa yin pas 'di ji ltar gtang bar bya/ rje'i sras tshogs pas khrims su bgyi ba rnam par bzhag pa las bdag nyid 'gro bar bya ba 'am/ bu gtang bar bya'o zhes mi 'byung ngam/ 'di khyod kyi sras lags pas bdag nyid dang mnyam pa'i sdug pa gzhan ma mchis kyis sras 'di thong shig /des gal te khyod dga' na song shig ces dang du blangs so/ /de nas khyim bdag gi chung ma des mtshan mo'i mig lam chad pa dang / mar me dang / bdug spos dang / phreng ba rgyu dang / me tog dag gis mchod pa byas nas kha shar phyogs su bltas te gsol ba gdab par brtsams pa/ 'jig rten dge dul zhi ba dang / /dbang thul rnams kyis mi stong bas/ /bu yi don du der 'dud kyis/ /bdag gi byis pa bskyab tu gsol/ /de'i skabs su sangs rgyas bcom ldan 'das rnams la ni mi mkhyen pa dang / ma gzigs pa dang / ma rig pa dang / rnam par mi mkhyen pa cung zad kyang mi mnga' bas thugs rje chen po dang ldan pa/ 'jig rten la phan par zhugs pa srung ba gcig pu pa/ nyag gcig dpa' ba/ gnyis pa med pa/ gnyis su mi gsung ba/ zhi gnas dang lhag mthong gis bzhugs pa/ rig pa gsum gsal bar mdzad pa/ bslab pa gsum la legs par bslabs pa/ dul ba'i gnas gsum gyi gzhi la mkhas pa/ chu bo bzhi las rgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos po bzhi la yun ring po nas yongs su sbyang ba mdzad pa/ mi 'jigs pa bzhis bsnyengs pa mi mnga' ba/ yan lag lnga spangs pa/ 'gro ba lnga las yang dag par 'das pa/ yan lag drug dang ldan pa pha rol du phyin pa drug yongs su rdzogs pa/ rtag tu gnas pa drug gis gnas pa/ byang chub kyi yan lag bdun gyi me tog gis phyug pa/ lam gyi yan lag brgyad ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang sgyur ba las khyad par du 'phags pa rnams kyi chos nyid ni nyin lan gsum/ mtshan lan gsum sangs rgyas kyi spyan gyis 'jig rten la rnam par gzigs nas gang ni nyams par gyur/ gang ni 'phel bar gyur/ gang ni gnod par gyur/ gang ni nyam nga bar gyur/ gang ni mi bde bar gyur/ gang ni gnod pa dang / nyam nga ba dang / mi bde bar gyur/ gang ni ngan song la gzhol/ gang ni ngan song la 'bab/ gang ni ngan song la bab/ ngas gang ni ngan song gi lam nas bslang ste mtho ris dang / thar pa dang / 'bras bu la gzhag par bya/ 'dod pa'i 'dam du bying ba gang gi lag nas ni drang bar bya/ 'phags pa'i nor gyi dbyig dang bral ba gang ni 'phags pa'i nor gyi dbang phyug la gzhag par bya/ gang gi sangs rgyas 'byung bas brgyan pa'i 'jig rten ni 'bras bu dang bcas par bya/ gang gi dge ba'i rtsa ba dag ma bskyed pa ni bskyed par bya/ gang gi dge ba'i rtsa ba dag bskyed pa ni yongs su smin par bya/ yongs su smin pa gang ni rnam par grol bar bya zhes mkhyen pa dang gzigs pa 'jug go/ /smras pa/ chu srin gnas kyi dug can pa/ /dus las 'da' bar 'gyur srid kyi/ /sangs rgyas gdul la byams pa ni/ /dus las 'da' bar mi 'gyur ro/ /ji ltar ma ni bu sdug gcig pu la/ /rtog cing de srog srung bar byed pa ltar/ /de bzhin gshegs pa 'ang gdul ba'i skye bo la/ / rtog pa mdzad cing de srog srung bar mdzad/ /kun mkhyen rgyud la mnga' ba'i thugs rje yi/ /bzhon ma gdul ba'i be'u tshol mi skyo ste/ /srid dang ngan 'gros nyams la byams pa ni/ /rab nyams be'u la byams pa'i ba bzhin no/ /bcom ldan 'das kyis dgongs pa/ khye'u de ni sngon gyi sangs rgyas rnams la bya ba lhag par byas pa yin pas de la phan gdags par bya zhing / gnod sbyin 'brog gnas kyang gdul bar bya'o snyam du rig nas ma ga dha dag tu ljongs rgyu zhing gshegs nas 'brog gnas su byon te gnod sbyin 'brog gnas kyi gnas su mtshan mo gnas par zhal gyis bzhes so/ /de'i tshe na gnod sbyin 'brog gnas gnod sbyin rnams kyi gnod sbyin 'du bar song bar gyur to/ /gnod sbyin bong bu bas bcom ldan 'das gnod sbyin 'brog gnas kyi gnas su mtshan mo gnas par zhal gyis bzhes pa mthong ngo / /mthong nas kyang gnod sbyin 'brog gnas ga la ba der song ste phyin nas gnod sbyin 'brog gnas la 'di skad ces smras so/ /grong dpon khyod kyi gnas su bcom ldan 'das mtshan mo gnas par zhal gyis bzhes pa gang yin pa de ni khyod kyis rnyed pa legs par rnyed do/ /grong dpon mir gyur pa yang bdag gi gnas su mtshan mo gnas par khas len tam/ grong dpon de de bzhin no/ /de de bzhin te/ 'di lta ste/ de bzhin gshegs pa dgra bcom pa yang dag par rdzogs pa'i sangs rgyas so/ /grong dpon de de bzhin gshegs pa dgra bcom pa yang dag par rdzogs pa'i sangs rgyas yin nam/ 'on te ma yin pa da shes par bya'o/ /de nas gnod sbyin 'brog gnas kyis gnod sbyin rnams kyi gnod sbyin 'du ba zil gyis mnan nas rang gi gnas ga la ba der song ste phyin nas bcom ldan 'das la 'di skad ces gsol to/ /dge sbyong phyir byung shig /bcom ldan 'das kyis 'di ni gzhan gyis yongs su bzung ba'o snyam du dgongs nas slar byung ngo / /dge sbyong zhugs shig /bcom ldan 'das rgyags pa dang / nga rgyal nges par bcom pa'i phyir zhugs so/ /gnod sbyin 'brog gnas kyis lan gnyis su yang bcom ldan 'das la 'di skad ces gsol to/ /dge sbyong phyir byung shig /bcom ldan 'das kyis 'di ni gzhan gyis yongs su bzung ba'o snyam du dgongs nas slar byung ngo / /dge sbyong zhugs shig /bcom ldan 'das rgyags pa dang / nga rgyal nges par bcom pa'i phyir zhugs so/ /gnod sbyin 'brog gnas kyis lan gsum du yang bcom ldan 'das la 'di skad ces gsol to/ /dge sbyong phyir byung shig /bcom ldan 'das kyis 'di ni gzhan gyis yongs su bzung ba'o snyam du dgongs nas slar byung ngo / /dge sbyong zhugs shig /bcom ldan 'das rgyags pa dang / nga rgyal nges par bcom pa'i phyir zhugs so/ /gnod sbyin 'brog gnas kyis yang bcom ldan 'das la 'di skad ces gsol to/ /dge sbyong phyir byung shig /de nas bcom ldan 'das kyis gnod sbyin 'brog gnas la 'di skad ces bka' stsal to/ /grong dpon khyod kyis nga lan gsum gyi bar du gnas su spyan drangs pas da ni mi 'byung ngo / /dge sbyong de'i phyir khyod la dri ba dris/ dri ba lan gdab pa des gal te kho bo'i sems rangs par byed na de lta na legs/ gal te sems rangs par mi byed na khyod kyi sems g.yengs pa 'am/ snying dgas pa 'am/ kha nas khrag tsha ba skyug pa 'am/ lag pa gnyis nas bzung ste chu klung skal ldan shing rta'i pha rol gyi 'gram du 'phang bar bya'o/ /bcom ldan 'das kyis bka' stsal pa/ grong dpon ngas 'jig rten lha dang bcas pa/ bdud dang bcas pa/ tshangs pa dang bcas pa/ dge sbyong dang bram ze'i skye dgu dang bcas pa/ lha dang mi dang bcas pa'i nang na gang gis de bzhin gshegs pa dgra bcom pa yang dag par rdzogs pa'i sangs rgyas kyi sems g.yengs pa 'am/ thugs dgas pa 'am/ zhal nas khrag tsha ba bsgral ba 'am/ phyag gnyis nas bzung ste chu klung skal ldan shing rta pa'i pha rol gyi 'gram du 'phen pa yang dag par rjes su ma mthong gis grong dpon 'di ltar ci dang ci 'dod pa zhus shig /de nas 'brog gnas kyis de'i tshe tshigs su bcad pa gsol pa/ bar sdom la/ gang dang ji ltar du dang ni/ /gang zhig rgal dang ci yis rgal/ /'di na skyes bu'i nor mchog gang / /ci zhig legs spyad bde spyod 'gyur/ /ro rnams nang na mngar mchog ci/ /ji ltar 'tsho na 'tsho mchog bstan/ /bcom ldan 'das kyis bka' stsal pa/ dad pa skyes bu'i nor mchog yin/ /chos la legs spyod bde spyod 'gyur/ /bden pa'i ro rnams mngar mchog yin/ /shes pas 'tsho na 'tsho mchog bstan/ /gnod sbyin gyis gsol pa/ ji ltar grags dang ldan par 'gyur/ /longs spyod ldan par ji ltar 'gyur/ /ji ltar snyan pa thob 'gyur zhing / /mdza' bshes ji ltar rnyed par 'gyur/ /bcom ldan 'das kyis bka' stsal pa/ tshul khrims kyis ni grags ldan 'gyur/ /sbyin pas longs spyod ldan par 'gyur/ /bden pas snyan pa thob 'gyur te/ /snying rjes mdza' bshes rnyed par 'gyur/ /gnod sbyin gyis gsol pa/ du zhig gis ni 'jig rten 'byung / /du yis 'dris pa thob par 'gyur/ /du zhig gis ni 'jig rten bkur/ /du yis 'jig rten zil gnon 'gyur/ /bcom ldan 'das kyis bka' stsal pa/ drug gis 'jig rten 'byung 'gyur te/ /drug gis 'dris pa thob par 'gyur/ /drug gis 'jig rten bkur 'gyur te/ /drug gis 'jig rten zil gnon 'gyur/ /gnod sbyin gyis gsol pa/ gdugs mtshan g.yel ba ma mchis pa/ /gang zhig 'ong ba 'di las rgal/ /dmigs med rten pa ma mchis pa/ /zab mor gang zhig 'byed mi 'gyur/ /bcom ldan 'das kyis bka' stsal pa/ rnam kun tshul khrims ldan pa dang / /legs mnyam bzhag cing shes rab ldan/ /nang du sems shing dran ldan pa/ /shin tu rgal dka' 'di las rgal/ /'dod pa'i 'du shes chags bral zhing / /gzugs kyi kun sbyor mthar gyur pa/ /de ni dmigs med rten med pa'i/ /zab mor 'bying bar mi 'gyur ro/ /gnod sbyin gyis gsol pa/ ci yis 'od pa rgal bar 'gyur/ /ci zhig gis ni rgya mtsho rgal/ /ci yis sdug bsngal spong bar 'gyur/ /ci zhig gis ni yongs dag 'gyur/ /bcom ldan 'das kyis bka' stsal pa/ dad pas 'od pa rgal bar 'gyur/ /bag yod pas ni rgya mtsho rgal/ /brtson pas sdug bsngal spong bar 'gyur/ /shes rab kyis ni yongs dag 'gyur/ /bden dul gtong ba ma gtogs pa'i/ /chos gzhan 'ba' zhig yod dam zhes/ /dge sbyong bram ze so so la/ /gzhan dang gzhan du khyod dris shig /gnod sbyin gyis gsol pa/ dge sbyong bram ze so so la/ /ci slad bzhin du bdag 'dri bgyid/ /'di ltar dpa' chen khyod kyis ni/ /chos 'di legs par rab tu bshad/ /kye ma gnod sbyin bong bu pa/ /gang gis ded dpon bla na med/ /sangs rgyas bdag la bstan gyur pa/ /khyod la kho bo byas pa bzo/ /'di nas kho bo grong nas grong / /khyim nas khyim du rdzogs sangs dang / /chos kyi chos nyid bzang po la/ /'dud bzhin du ni spyad par bya/ /de nas bcom ldan 'das kyis gnod sbyin 'brog gnas la 'di skad ces bka' stsal to/ /bzhin bzangs khyod kyis dge slong shā ri'i bu dang / maud gal gyi bu gnyis zan byin pas sum bcu rtsa gsum pa'i lha rnams kyi nang du skye bar bya ba las khyod kyis smon lam log pa btab pas gnod sbyin gdug pa rnams kyi nang du skyes te/ da ltar drag shul can/ lag pa khrag gis gos pa/ nyams pa dang rab tu nyams pa la zhen pa/ gzhan gyi srog 'phrog pa/ gzhan gyi srog gcod pas 'tsho bar byed de/ 'di nas shi 'phos na khyod kyi 'gro ba ni cir 'gyur/ skye ba ni cir 'gyur/ tshe phyi ma ni cir 'gyur/ des gsol pa/ bcom ldan 'das bdag gis ci bgyi ba bka' stsal du gsol/ bzhin bzangs tshur shog /khyod nga'i spyan sngar skyabs su 'gro ba dang / bslab pa'i gzhi dag long la 'brog gnas na gnas pa'i skye bo'i tshogs la mi 'jigs pa byin cig /btsun pa bdag bcom ldan 'das kyi spyan sngar skyabs su mchi ba dang / bslab pa'i gzhi dag len cing deng slan cad 'brog gnas na gnas pa'i skye bo'i tshogs la mi 'jigs pa stsol to/ /des bcom ldan 'das kyi spyan sngar skyabs su 'gro ba dang / bslab pa'i gzhi dag blangs te/ des bslab pa'i gzhi dag blangs nas tshigs su bcad pa smras pa/ kye ma ston pa bdag don tu/ /sdum par yang dag gshegs gyur te/ /bdag gis de ring phyi ma yi/ /don ni rab tu shes par gyur/ /de nas khyim bdag des ba lang drug dang ldan pa'i shing rta zas kyis bkang ste khye'u de yang shing rtar bcug nas bro dang / glu dang rol mo'i sgras gnod sbyin gyi drung du 'phags pa dang / bram ze dang / khyim bdag kha cig gis thos nas smras pa/ shes ldan dag bro dang / glu dang / rol mo'i sgra 'di ci yin/ kha cig gis smras pa/ khyed kyis mi shes sam/ 'di ni khrag gi thigs pa de gnod sbyin gyi gan du khyer ba yin no/ /skye bo phal po che'i tshogs 'dus te smras pa/ shes ldan dag khrag gi thigs pa 'dis gnod sbyin mi mgu bas gal te 'di ma bzlog na gdon mi za bar gnod sbyin 'khrugs par 'gyur zhing / bdag cag thams cad la gnod par byed par 'gyur gyis/ 'di bzlog par bya'o zhes de dag gis de bzlog par brtsams pa dang / des smras pa/ shes ldan dag tshogs kyis khrims su bya ba bcas pa las bdag nyid 'gro bar bya ba 'am/ bu gtang bar bya'i zhes 'byung bas 'di kho bo'i bu yin na ci'i phyir zlog par byed/ mi ldog par 'gro'o/ /de dag cang mi smra bar 'khod do/ /bcom ldan 'das kyis bro dang / glu dang rol mo'i sgra de gsan to/ /gsan nas kyang gnod sbyin 'brog gnas la bka' stsal pa/ grong dpon bro dang / glu dang rol mo'i sgra 'di ci yin/ btsun pa bdag dam pa ma lags pa'i chos sdig pa de las slar log kyang skye bo dag gis da dung de bzhin du 'dzin par bgyid na ji ltar bsgrub par bgyi ma 'tshal to/ /bcom ldan 'das kyis bka' stsal pa/ grong dpon 'di ci yin/ des ji ltar gyur pa gsol pa dang / bcom ldan 'das kyis bka' stsal pa/ grong dpon deng zas dang / skom long la mi yang ma len/ glang yang ma len cig /des bsams pa/ 'ongs kyang rung gis bdag gi zan tha ma 'di bcom ldan 'das la bsod snyoms dbul lo snyam mo/ /khyim bdag des khye'u de shing rta nas phyung ste gnod sbyin la byin no/ /gnod sbyin gyis kyang bcom ldan 'das la phul lo/ /bcom ldan 'das kyis kyang pha la stsal to/ /de nas phas gsol pa/ bcom ldan 'das khye'u 'di ming cir gdags bcom ldan 'das kyis tshigs su bcad pa'i dbyangs kyis bka' stsal pa/ byis pa gang tshe gnod sbyin gyi/ /lag nas nga yi lag tu thob/ /nga yi lag nas pha yi lag /de yi phyir na lag brgyud yin/ /de'i ming lag brgyud ces bya bar btags so/ /khyim bdag des de khyer te 'brog gnas su song ba dang / skye bo'i tshogs kyis mthong nas smras pa/ shes ldan dag 'di 'di ltar gyur cing / khrag gi thigs pa de khyer te 'ongs pa las na/ gor ma chag par 'dis gnod sbyin 'khrugs par byas so/ /des smras pa/ shes ldan dag gnod sbyin ga la 'khrugs te/ bcom ldan 'das khye'u 'di la thugs brtse ba'i slad du de'i gnas su mtshan mo gnas par zhal gyis bzhes nas/ bcom ldan 'das kyis de btul te skyabs su 'gro ba dang bslab pa'i gzhi dag la bzhag nas/ des 'brog gnas na gnas pa'i skye bo'i tshogs la mi 'jigs pa byin gyis 'tsher 'grib med par gyis shig /de dag shin tu dga' ste smras pa/ khye'u 'di skyes ma thag tu gnod sbyin 'brog gnas btul bas khye'u 'di'i ming lag brgyud 'brog gnas shes bya'o zhes de'i ming lag brgyud 'brog gnas shes bya bar btags so/ /de chen por gyur nas yi ge dang yig 'bru dag dang / sgyu rtsal gzhan dag la yang shin tu mkhas par gyur to/ /gang gi tshe sngo bsangs can mgo bsgyur ran par gyur pa de'i tshe na de slong ba rgyal po dag dang / nor can dag dang / tshong dpon dag dang ded dpon dag dang / shākya dag dang / kro'u dya dag dang / li tsha byi dag dang / gzhan yang mang po dag lhags par gyur nas/ khyim bdag gdangs can 'di snyam du mang po dag sngo bsangs can slong ste/ gang dag la ma byin pa de dag bdag gi dgra bor 'gyur ro snyam nas lag pa la 'gram pa gtad de sems khongs su chud cing 'dug go/ /sngo bsangs can gyis de mthong nas smras pa/ yab khyod ci'i slad du phyag la zhal gtad de sems khongs su chud cing bzhugs/ des smras pa/ bu mo khyod slong ba rgyal po dag dang / nor can dag dang / tshong dpon dag dang / ded dpon dag dang / shākya dag dang / kro'u dya dag dang / li tsa bi dag dang / gzhan yang mang po dag lhags pas gang dag la khyod ma byin pa de dag nga'i dgrar 'gyur na/ kho bo ji ltar lag pa la 'gram pa gtad de sems khongs su chud cing mi 'dug tu rung / des smras pa/ yab gal te de lta na mi dgyes par ma mdzad cig dang / deng nas gdugs bdun na ngan bu rang gis gnas btsal bar bgyi'o/ /des smras pa/ bu mo de ltar gyis shig /'on kyang re shig lha la zhu bar bya'o zhes de bad sa'i rgyal po shar pa'i gan du song ste smras pa/ lha deng nas gdugs bdun na sngo bsangs can rang gis gnas tshol bar 'gyur gyis lhas gnang bar mdzod cig /rgyal pos bsams pa/ des nga ma gtogs pa gzhan su zhig la gnas tshol bar 'gyur snyam nas gnang ngo / /des gnang nas blon po rnams la bsgo ba/ shes ldan dag grong khyer mdzes par byed du chug la/ 'di skad ces deng nas nyi ma bdun nas sngo bsangs can rang gis gnas tshol bar 'gyur ro zhes dril sgrogs shig /blon po rnams kyis grong khyer de rdo ba dang / gseg ma dang / gyo mo med par rnam par bzhag nas tsan dan gyi chus chag chag btab ste/ bdug spos dri zhim po'i snod nye bar bzhag nas dar gyi chun po dpyangs te/ rgyal mtshan dang / ba dan bsgrengs nas me tog sna tshogs bkram ste/ lha'i skyed mos tshal ltar dga' bar 'gyur bar byas nas dril bsgrag pa byed du bcug ste/ 'di skad ces kau shambī na gnas pa dang / pho brang 'khor gyi mi dang / yul tha dad pa dag nas lhags pa'i skye bo'i tshogs shes ldan dag nyon cig /deng nas nyi ma bdun na sngo bsangs can rang gis gnas tshol bar 'gyur gyis/ de'i phyir khyed cag gis 'byor pa ji lta ba bzhin du 'du bar bya'o zhes bsgo'o/ /de nas srog chags 'bum phrag du ma dag 'dus par gyur pa na nyi ma bdun pa la sngo bsangs can rgyan thams cad kyis klubs te/ shing rta la zhon nas me tog phreng gi chun po thogs te phyir byung nas skye bo phal po che'i tshogs la brtag par brtsams pa dang / bad sa'i rgyal po shar pa 'di snyam du/ 'dis gor ma chag par bdag gi steng du me tog phreng gi chun po 'phen par 'gyur ro snyam nas/ sems bsdus te bag yod par rtog cing 'dug go/ /sngo bsangs can gyis kun du skye bo'i tshogs la rnam par bltas nas dris pa/ shes ldan dag glang po che'i rgyab tu zhon pa 'di dag gang gang yin/ de dag gis smras pa/ 'di ni rgyal po gzugs can snying po'o/ /'di ni rgyal po gsal rgyal lo/ /'di ni rgyal po tshangs byin no/ /'di ni bad sa'i rgyal po shar pa'o/ /de bzhin du nor can dag dang / tshong dpon dag dang / ded dpon dag dang / kro'u dya dag dang / shākya dag dang / li tsa byi dag dang / gzhan yang mang po thams cad so sor dris nas/ de'i 'og tu smras pa/ shes ldan dag lag brgyud 'brog gnas shes bya ba gang yin pa bcom ldan 'das kyis gnod sbyin las thar bar byas pa de 'dir shog shig /skye bo'i tshogs kyis smras pa/ de ma 'ongs so/ /de phyogs gang na 'dug /ga ge mo zhig na'o/ /des de'i phyogs su kha bltas te/ de bdag gi khyim thab yin no zhes me tog phreng gi chun po 'phangs pa dang / rgyal po dag dang / nor can dag dang / tshong dpon dag dang / ded dpon dag dang / kro'u dya dag dang / shākya dag dang / li tsa bi dag dang / gzhan yang mang po 'dus pa dag phyir phyogs te rang rang gi yul du dong ngo / /khyim bdag gdangs can bag tsha zhing yid mi bde nas sngo bsangs can la smras pa/ bu mo gal te khyod kyis lag brgyud bdams pas kho bo la rgyal po dag gnod pa byed par gyur na mi rung gis myur du song shig /des smras pa/ yab ma nongs kyis de bzhin bgyi'o/ /khyim bdag gdangs can gyis de bzhon pa bzang po sbyar te rgyan rnam pa sna tshogs kyis brgyan nas 'khor dang bcas te 'brog gnas su btang ngo / /de'i skabs su sangs rgyas bcom ldan 'das rnams la ni mi mkhyen pa dang / ma gzigs pa dang / ma rig pa dang / rnam par mi mkhyen pa cung zad kyang mi mnga' bas thugs rje chen po dang ldan pa/ 'jig rten la phan par zhugs pa/ srung ba gcig pu pa/ nyag gcig dpa' ba/ gnyis pa med pa/ gnyis su mi gsung ba/ zhi gnas dang lhag mthong gis bzhugs pa/ rig pa gsum gsal bar mdzad pa/ bslab pa gsum la legs par bslabs pa/ dul ba'i gnas gsum gyi gzhi la mkhas pa/ chu bo bzhi las rgal ba/ rdzu 'phrul gyi rkang pa bzhis/ spyod pa'i gzhi la legs par gnas pa/ bsdu ba'i dngos po bzhi la yun ring po nas yongs su sbyang ba mdzad pa/ mi 'jigs pa bzhis bsnyengs pa mi mnga' ba/ yan lag lnga spangs pa/ 'gro ba lnga las yang dag par 'das pa yan lag drug dang ldan pa/ pha rol du phyin pa drug yongs su rdzogs pa/ rtag tu gnas pa drug gis gnas pa/ byang chub kyi yan lag bdun gyi me tog gis phyug pa/ lam gyi yan lag brgyad ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang sgyur ba la khyad par du 'phags pa rnams kyi chos nyid ni nyin lan gsum mtshan lan gsum sangs rgyas kyi spyan gyis 'jig rten la rnam par gzigs nas/ gang ni nyams par gyur/ gang ni 'phel bar gyur/ gang ni gnod par gyur/ gang ni nyam nga bar gyur/ gang ni mi bde bar gyur/ gang ni gnod pa dang / nyam nga ba dang mi bde bar gyur/ gang ni ngan song la gzhol/ gang ni ngan song la 'bab/ gang ni ngan song la bab/ ngas gang ni ngan song gi lam nas bslang ste mtho ris dang / thar pa dang 'bras bu la gzhag par bya/ 'dod pa'i 'dam du bying ba gang gi lag nas ni drang bar bya/ 'phags pa'i nor gyi dbyig dang bral ba gang ni 'phags pa'i nor gyi dbang phyug la gzhag par bya/ gang gi sangs rgyas 'byung bas brgyan pa'i 'jig rten ni 'bras bu dang bcas par bya/ gang gi dge ba'i rtsa ba dag ma bskyed pa ni bskyed par bya/ gang gi dge ba'i rtsa ba dag bskyed pa ni yongs su smin par bya/ yongs su smin pa gang ni rnam par grol bar bya zhes mkhyen pa dang gzigs pa 'jug go/ /smras pa/ chu srin gnas kyi dug can pa/ /dus las 'da' bar 'gyur srid kyi/ /sangs rgyas gdul la byams pa ni/ /dus las 'da' bar mi 'gyur ro/ /ji ltar ma ni bu sdug gcig pu la/ /rtog cing de srog srung bar byed pa ltar/ /de bzhin gshegs pa 'ang gdul ba'i skye bo la/ /rtog par mdzad cing de srog srung bar mdzad/ /kun mkhyen rgyud la mnga' ba'i thugs rje yi/ /bzhon ma gdul ba'i be'u tshol mi skyo ste/ /srid dang ngan 'gros nyams la byams pa ni/ /rab nyams be'u la byams pa'i ba bzhin no/ /bcom ldan 'das kyis dgongs pa/ gal te lag brgyud 'brog gnas kyis bden pa ma mthong bar sngo bsangs can mthong bar gyur na bden pa dag gi snod du mi 'gyur gyis/ de la phan gdags pa'i phyir 'brog gnas su 'gro'o snyam du rig nas/ ma ga dha dag tu ljongs rgyu zhing gshegs pa na 'brog gnas su byon nas 'brog gnas su mtshan mo ba lang gi lam du rtswa bting ba la gnas par zhal gyis bzhes so/ /ba lang rdzi dag dang / phyugs rdzi dag dang / rtswa thun dag dang / shing thun dag dang / lam gyis 'tsho ba dag dang / lam gol bas 'tsho ba'i mi dag gis bcom ldan 'das mtshan mo ba lang gi lam na rtswa bting ba la gnas par zhal gyis bzhes pa mthong ngo / /mthong nas kyang myur ba myur bar lag brgyud 'brog gnas kyi gan du dong ste smras pa/ khyim bdag gang gis khyod gnod sbyin las thar bar mdzad pa'i bcom ldan 'das de 'brog gnas su byon nas mtshan mo ba lang gi lam na rtswa bting ba la gnas par zhal gyis bzhes so/ /lag brgyud 'brog gnas kyis bsams pa/ gal te sang 'gro bar bya na/ bcom ldan 'das gzhan du gshegs par 'gyur ba gang yin pa de lta bu'i gnas yod par 'gyur gyis nga nyid 'gro'o snyam du rig nas/ myur ba myur bar 'phags pa dang ji tsam na sgo chod do/ /de'i skabs su sngo bsangs can yang sgo drung du phyin pa dang / des kyang nang du ma chud de sgo drung du mtshan mo gnas par khas blangs so/ /nam nangs nas lag brgyud 'brog gnas myur ba myur ba kho nar shing rta la zhon te 'brog gnas nas phyir byung ba dang / sngo bsangs can yang shing rta la zhon te/ nang du 'jug pa na lag brgyud 'brog gnas kyis smras pa/ shing rta zur cig /sngo bsangs can gyis kyang smras pa/ khyod kyi shing rta zur cig /des kyang ma bzur/ gcig shos kyis kyang ma bzur nas/ sngo bsangs can gyis brtags te smras pa/ khyod lag brgyud 'brog gnas yin nam/ des smras pa/ kho bo skye bo dag gis de ltar shes so/ /lag brgyud 'brog gnas kyis kyang smras pa/ khyod kyang sngo bsangs can yin nam/ des kyang smras pa/ bdag skye bo dag gis de ltar shes so/ / lag brgyud 'brog gnas kyis smras pa/ kho bo bcom ldan 'das kyi spyan sngar 'gros shing rta zur cig /khyod kyang re shig khyim du song shig /sngo bsangs can gyis smras pa/ skyes bu dam pa'i gan du song shig ces sngo bsangs can gyi shing rta mtha' gcig tu bzur to/ /lag brgyud 'brog gnas kyang bcom ldan 'das ga la ba der song ste phyin nas bcom ldan 'das la khyim bdag gi so sor kun dga' bar bya bas/ bcom ldan 'das ji lta bde bar gzims sam zhes so sor kun dga' bar byas so/ /de nas bcom ldan 'das kyis lag brgyud 'brog gnas la 'di skad ces bka' stsal to/ /lag brgyud 'jig rten na gang dag bde bar nyal bar byed pa de dag gi nang na nga yang 'ga' zhig yin no/ /btsun pa dog sa sra zhing ba lang gi rtsid pa'i gzhi can du ras srab mo'i gdan bshams shing dgun smad kyi dus kyi tshe tshes brgyad kyi bar la 'od ma 'gas pa'i bser ma dag ldang la/ khyod kyi na bza' ngur smrig 'di dag ni srab pas sku yongs su gdung bar bgyid kyang / bcom ldan 'das de skad ces 'jig rten na gang dag bde bar nyal bar byed pa de dag gi nang na nga yang 'ga' zhig yin no zhes gsung ngam/ lag brgyud de'i phyir khyod nyid la dris/ khyod kyis ji ltar bzod pa de ltar lan thob shig / lag brgyud 'di lta ste dper na 'di na khyim bdag gam/ khyim bdag gi bu phyug pa/ nor mang ba/ longs spyod che ba 'ga' zhig yod par gyur la/ de'i don tu khang bzangs rtsig tu bcug cing khang bzangs der khang pa brtsegs pa rtsig tu bcug la/ khang pa brtsegs pa der khri shur bus blas pa stan sbyar ma bting ba/ stan nang tshangs can bting ba/ stan khra bo bting ba/ stan chen po bting ba/ stan bzang po bting ba/ sum tshan gyi gos kyi steng g.yogs bting ba/ steng nas bgo ba'i gos dang bcas pa gnyis su rgyab rten dmar po bzhag pa bshams shing til mar gyi mar me mtshan thub btsugs nas chung ma yid du 'ong ba zhig 'di lta ste/ dga' mgur spyad par bya ba'i phyir nye bar bzhag na lag brgyud 'di ji snyam du sems/ mi de'i mal bcas pa bde ba 'am/ sdug bsngal ba yin snyam/ btsun pa bdag 'di snyam bgyid de/ 'jig rten na gang dag bde bar mchis nyal ba de dag gi nang na mi de 'ga' zhig lags snyam bgyid do/ /lag brgyud 'di ji snyam du sems/ 'di ltar mi de lta bu'i bde ba dang / de lta bu'i yid du 'ong ba dang ldan pa de la 'dod pa las skyes pa'i yongs su gdung ba dang / zhe sdang las skyes pa dang / gti mug las skyes pa'i yongs su gdung ba dag skye zhing yongs su gdung ba de dag gis yongs su gdungs pa na mi de sdug bsngal bar nyal zhing bde bar mi nyal ba'i 'dod pa las skyes pa'i yongs su gdung ba dang / zhe sdang dang / gti mug las skyes pa'i yongs su gdung ba de dag de bzhin gshegs pas yongs su mkhyen cing rtsa ba nas bcad de ta la'i mgo bzhin du mi snang ba dang / gzhi med pa dang / phyis kyang mi skye ba'i chos nyid du mdzad pas de'i phyir nga de skad ces 'jig rten na gang dag bde bar nyal ba de dag gi nang na yang 'ga' zhig yin no zhes zer ro/ /de nas bcom ldan 'das kyis de'i tshe tshigs su bcad pa dag bka' stsal pa/ bram ze mya ngan yongs 'das pa/ /gang zhig 'dod pas ma gos shing / /phung po dag las rnam grol ba/ /rnam kun bde bar nyal ba yin/ /'di la 'dod pa kun bcad cing / /snying gi rims nad bsal gyur pa/ / nyer zhi zhi ba thob pa yi/ /sems kyis bde bar nyal ba yin/ /de nas bcom ldan 'das lag brgyud 'brog gnas la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad cing sangs rgyas bcom ldan 'das rnams kyi dus sngar mdzad pa'i chos dang ldan pa'i bka' mchid gang yin pa 'di lta ste/ sbyin pa'i bka' mchid dang / tshul khrims kyi bka' mchid dang / mtho ris kyi bka' mchid dang / 'dod pa rnams kyi ro myang ba'i nyes dmigs dang / kun nas nyon mongs pa dang / rnam par byang ba dang / nges par 'byung ba dang / rab tu dben pa'i phan yon dang / rnam par byang ba'i phyogs dang 'thun pa'i chos dag rgya cher ston par mdzad do/ /gang gi tshe bcom ldan 'das kyis de sems rangs pa dang / sems nyam bde ba dang / sems dga' ba dang / sems la sgrib pa med pa dang / yang dag phul gyi chos bstan pa kun shes pa'i skal ba dang ldan zhing mthu yod par gzigs pa de'i tshe na sangs rgyas bcom ldan 'das rnams kyi yang dag phul gyi chos bstan pa gang yin pa 'di lta ste/ 'phags pa'i bden pa bzhi po sdug bsngal dang / kun 'byung ba dang / 'gog pa dang / lam dag rgya cher ston par mdzad do/ 'di lta ste dper na gos dag pa/ nag nog med pa kha sgyur du rung ba tshon du bcug na/ tshon legs par 'jen par 'gyur ba de bzhin du lag brgyud 'brog gnas kyis kyang stan de nyid la 'dug bzhin du 'phags pa'i bden pa bzhi po 'di lta ste/ sdug bsngal dang / kun 'byung ba dang / 'gog pa dang lam mngon par rtogs par gyur to/ /de nas lag brgyud 'brog gnas chos mthong ba dang / chos thob pa dang / chos rig pa dang / chos kyi gting slebs pa dang / som nyi las rgal ba dang / the tsom las rgal ba dang / ston pa'i bstan pa la gzhan gyi dring mi 'jog pa dang / gzhan gyis mi bkri zhing chos rnams la mi 'jigs pa thob nas stan las langs te bla gos phrag pa gcig tu byas nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang / chos dang / dge slong gi dge 'dun la skyabs su mchi yis/ bdag dge bsnyen du gzung du gsol/ deng slan cad nas ji srid 'tsho'i bar du glo ba thag pa nas mngon par dad pas skyabs su mchi'o/ /de nas lag brgyud 'brog gnas kyis bcom ldan 'das kyi spyan snga nas skyabs su 'gro ba dang / bslab pa'i gzhi dag blangs nas phyir mi 'ong ba'i 'bras bu thob ste/ bcom ldan 'das la 'di skad ces gsol to/ /btsun pa bdag deng kho na sngo bsangs can gyis btsal cing bdag gis deng kho na phyir mi 'ong ba'i 'bras bu mngon sum du bgyis na 'di la ji ltar bsgrub par bgyi/ bcom ldan 'das kyis bka' stsal pa/ lag brgyud song shig /khyod kyi bslab pa ni 'di yin no/ /sngo bsangs can yang ji ltar khas blangs pa bzhin zas dang / gos kyis mkho ba stobs shig /de ni 'jig rten gyi chos nyid yin no/ /de nas lag brgyud 'brog gnas kyis bcom ldan 'das kyi zhabs gnyis la mgo bos phyag 'tshal te rang gi khyim du song nas/ des sngo bsangs can la smras pa/ kho bo deng kho na khyod kyis btsal na/ kho bos kyang deng kho na bcom ldan 'das kyi spyan snga nas skyabs su 'gro ba dang / bslab pa'i gzhi dag blangs shing phyir mi 'ong ba'i 'bras bu thob par gyur kyis/ de'i phyir gal te khyod 'dod na pha'i khyim du song shig /gal te mi 'dod na 'di nyid du 'dug shig dang zas dang gos kyis mkho ba bstab par bya'o/ /des bsams pa/ gal te song bar gyur na skye bo dag lag brgyud kyis 'di bkra mi shis par rig nas ma blangs so zhes zer gyis/ 'di ni sangs rgyas kyi sras yin pas 'di nyid la bsnyen bkur byed cing 'dir 'dug go snyam nas/ de de nyid du 'dug go/ /lag brgyud 'brog gnas kyis kyang yo byad thams cad dang ldan pa'i gtsug lag khang rtsig tu bcug ste/ bcom ldan 'das nyan thos kyi dge 'dun dang bcas pa la phul nas 'di ltar gnas brtan dag gis kyang bcom ldan 'das 'brog gnas na 'brog gi nags mchog na bzhugs so zhes mdo sde'i mtha' nye bar sbyar ba byas so// //'dul ba rnam par 'byed pa/ bam po bdun bcu rtsa lnga pa/ de nas dus gzhan zhig na la g brgyud 'brog gnas nad kyis btab ste/ sdug bsngal zhing nad tshabs che bar gyur nas/ de nas lag brgyud 'brog gnas nad de nyid kyis dus la bab bo/ /de dus la bab ma thag tu mi gdung ba'i lha ris su skyes so/ /de nas lha'i bu lag brgyud 'brog gnas 'di snyam du sems te/ gang gi phyir bdag yongs su gnas pa bsten te/ bcom ldan 'das la blta ba dang / bsnyen bkur bya ba'i phyir nye bar 'gro ba ni bdag gi tshul dang 'thun pa ma yin gyi/ bdag yongs su gnas pa ma bsten pa kho nar bcom ldan 'das la blta ba dang / bsnyen bkur bya ba'i phyir nye bar 'gro'o snyam mo/ /de nas lha'i bu lag brgyud 'brog gnas 'di lta ste dper na skyes bu stobs dang ldan pa'i lag pa bskums pa las brkyang ba 'am/ brkyang ba las bskums pa tsam gyis mi gdung ba'i lha'i ris nas mi snang bar gyur te/ bcom ldan 'das kyi spyan sngar 'dug pa dang / 'di ltar lha'i bu lag brgyud 'brog gnas kyi lus sa la mi thogs shing thim par gyur te/ 'di lta ste dper na zhun mar ram/ 'bru mar bye ma 'am/ thal ba'i steng du blugs pa mi thogs shing thim par 'gyur ba bzhin no/ /de nas bcom ldan 'das kyis lha'i bu lag brgyud 'brog gnas la bka' stsal pa/ lag brgyud re shig lus rags par mngon par sprul la sa'i 'du shes bskyed de/ 'dug pa'i mtshan ma yid la gyis shig /de nas lha'i bu lag brgyud 'brog gnas kyis lus rags par mngon par sprul te sa'i 'du shes bskyed cing 'dug pa'i mtshan ma yid la byas nas bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug pa dang / 'di ltar lha'i bu lag brgyud 'brog gnas kyi kha dog gi mthus 'brog gi nags mchog thams cad snang ba rgya chen pos khyab par gyur to/ / mtha' gcig tu 'dug nas bcom ldan 'das kyis lha'i bu lag brgyud 'brog gnas la 'di skad ces bka' stsal to/ /lha'i bu ji ltar khyod sngon mir gyur pa na chos gang dag bton cing lobs pa de dag da ltar lobs sam/ btsun pa bdag sngon mir gyur pa na chos gang dag bton cing lobs pa de dag da ltar te por lobs te/ btsun pa bdag sngon mir gyur pa na chos gang dag bton cing ma lobs pa de dag kyang da ltar lobs par gyur te/ 'di ltar bcom ldan 'das kyis legs par gsungs pa'i chos ni bde bar gyur pas mngon par brjod par bgyid do/ /ji ltar bcom ldan 'das 'dzam bu'i gling na 'khor bzhi po dge slong dang / dge slong ma dang / dge bsnyen dang / dge bsnyen ma rnams kyis bskor cing bzhugs pa na/ bcom ldan 'das bdag cag la chos gang dang gang ston par 'gyur ba'i chos de dang de bdag cag gis mnyan nas de lta de ltar bsgrub par bya ste/ de ni bdag cag la yun ring po'i don dang / phan pa dang bde bar 'gyur ro snyam pa de bzhin du/ btsun pa bdag kyang mi gdung ba'i lha'i ris na mi gdung ba'i ris kyi lha rnams kyis yongs su bskor cing mchis pa na/ lha'i bu lag brgyud 'brog gnas bdag cag la chos gang dang gang ston par 'gyur ba'i chos de dang de dag bdag cag gis mnyan nas de lta de ltar bsgrub par bya ste/ de ni bdag cag la yun ring po'i don dang phan pa dang / bde bar 'gyur ro snyam du sems so/ /lag brgyud khyod chos du dag gis ma ngoms shing phyir ma spangs pas lus zhig nas mi gdung ba'i lha'i ris su skyes par gyur/ btsun pa bdag chos gsum gyis ma ngoms shing slar ma spangs pas lus zhig nas mi gdung ba'i lha'i ris su skyes te/ gsum gang lags she na/ btsun pa bdag bcom ldan 'das la lta bas ma ngoms shing slar ma spangs pas lus zhig nas mi gdung ba'i lha'i ris su skyes so/ /btsun pa bdag chos mnyan pas ma ngoms shing slar ma spangs pas lus zhig nas mi gdung ba'i lha'i ris su skyes so/ /btsun pa bdag dge 'dun la bsnyen bkur bgyi bas ma ngoms shing slar ma spangs pas lus zhig nas mi gdung ba'i lha'i ris su skyes so/ /de nas lha'i bu lag brgyud 'brog gnas kyis de'i tshe tshigs su bcad pa dag smras pa/ bdag ni bcom ldan blta ba dang / /dam chos nyan dang dge 'dun la/ /bsnyen bkur bgyid pas lan 'ga' yang / /ngoms shing phyir spong ma myong ngo / /'phags pa'i chos rnams yang dag blangs/ /ser sna 'dul la brtson gyur cing / /chos gsum chog mi shes pa yis/ /lag brgyud mi gdung skyes par gyur/ /de nas lha'i bu lag brgyud 'brog gnas kyis bcom ldan 'das kyis bka' stsal pa la mngon par dga' ba dang rjes su yi rang ba byas te/ bcom ldan 'das kyi zhabs gnyis la mgo bos phyag 'tshal te bcom ldan 'das la lan gsum bskor ba byas nas de nyid du mi snang bar gyur to/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis gnod sbyin 'brog gnas las dri ma can dang phral te skyabs su mchi ba dang / bslab pa'i gzhi dag la bkod pa la gzigs/ bcom ldan 'das kyis bka' stsal pa/ dge slong dag da ltar nga 'dod chags dang bral ba/ zhe sdang dang bral ba/ gti mug dang bral ba/ skye ba dang rga ba dang na ba dang 'chi ba dang mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su grol zhing / thams cad mkhyen pa/ thams cad gzigs pa/ mkhyen pa dang shes bya thams cad la mnga' brnyes pa gnod sbyin 'brog gnas las dri ma can dang phral te skyabs su 'gro ba dang / bslab pa'i gzhi dag la bzhag pa 'di la ngo mtshar ci che/ nga 'das pa'i dus na 'dod chags dang bcas pa/ zhe sdang dang bcas pa/ gti mug dang bcas pa/ skye ba dang rga ba dang na ba dang 'chi ba dang mya ngan dang smre sngags 'don pa dang / sdug bsngal ba dang / yid mi bde ba dang 'khrug pa dag las yongs su ma grol bas kyang gnod sbyin 'brog gnas las dri ma can dang phral te skyabs su 'gro ba dang / bslab pa'i gzhi dag la bzhag ste de nyon cig /dge slong dag sngon byung ba grong khyer bā rā ṇa sī na ded dpon dpa' chen zhes bya ba phyug pa/ nor mang ba/ longs spyod che ba/ yongs su gzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig byung bar gyur te/ de dus gzhan zhig na tshong pa lnga brgya dang lhan cig dgon pa'i lam du zhugs pa dang / lam de srin po spu ral can gyis bsdigs shing bgags par gyur nas/ ded dpon dpa' chen don 'thun gyi mdun du 'gro bar brtsams pa dang / ji tsam na srin po spu ral can de bram ze'i cha lugs su mngon par sprul nas lam gar 'dug ste/ ded dpon dpa' chen la smras pa/ ded dpon lam 'di srin po spu ral can gyis bsdigs shing bgags nas kho bo yang tshegs chen pos 'ongs kyis lam gzhan du song shig /des smras pa/ bram ze snying las chung ngur gyis shig /des kho bo la byar ci yod 'gro'o/ /de skad ces smras pa dang / srin po spu ral can de 'khrugs nas bzhin bsgyur te/ lag pa gnyis brkyang nas ral pa sa la blags te/ mig dmar po byas nas mig gnyis bgrad de smras pa/ ded dpon je kho bo la rgol la phyis song shig /de nas ded dpon dpa' chen gyis shin tu 'jigs su rung ba de mthong nas gzhu rna drung du thug par bkang ste mda' dag 'phang bar brtsams pa dang / de dag thams cad ral pa dag la thogs so/ /gzhu 'phangs pa dang / de yang thogs so/ /de bzhin du shing dang bong ba la sogs pa dag 'phangs na de dag kyang ral pa dag la thogs so/ /de nas tsham tshom med par mthus brgal ba dang / lus thams cad ral pa dag la thogs nas srin pos tshigs su bcad pa smras pa/ khyod kyis lag gnyis rkang gnyis dang / /lnga pa mgo yang thogs gyur cing / /lus kyang nga yi lus la thogs/ /phyi na ma thogs ci zhig yod/ /ded dpon gyis kyang tshigs su bcad pa dag smras pa/ nga yi lag gnyis rkang gnyis dang / /lnga pa mgo yang thogs gyur cing / /lus kyang khyod kyi lus la thogs/ /phyi na ma thogs sems yod do/ /gsang ba ji srid kho bo yi/ /sems dang brtson 'grus ma nyams pa/ /de srid khyod dang 'gyed bya ste/ /brtan byos nga la mi gnod do/ /srin pos kyang tshigs su bcad pa dag smras pa/ gang gis brtson 'grus 'di 'dra ba/ /dpa' chen khyod la phyag 'tshal lo/ /khyod kyi brtson 'grus 'di 'dra bas/ /sdug bsngal kun las 'bros par nus/ /dpa' chen khyod dang 'dra ba yi/ /gang zag med par bdag gis shes/ /khyod kyi mthu yis tshong pa dag /bde legs su ni 'dong la rag /'byung po kun la snying brtse ba/ /ded dpon khyod la phyag 'tshal lo/ /khyod kyi mthu yis tshong pa dag /zhi ba nyid du 'dong la rag /de ltar de na ded dpon dpa' chen gyis srin po spu ral can la gang thos nas srin po spu ral can las dri ma can dang phral te brtul zhugs lnga po dag la bzhag pa de 'dra ba'i chos bstan pa byas so/ /dge slong dag de'i tshe de'i dus na ded dpon dpa' chen gang yin pa de ni nga nyid yin no/ /de'i tshe de'i dus na srin po spu ral can gang yin pa de ni gnod sbyin 'brog gnas yin te/ de'i tshe yang ngas 'di las dri ma can dang phral te brtul zhugs lnga la bzhag la/ da ltar yang ngas 'di las dri ma can dang phral te skyabs su 'gro ba dang / bslab pa'i gzhi dag la bzhag go/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa lag brgyud 'brog gnas kyi las ci bgyis na des skyes ma thag tu gnod sbyin gyi gtor mar stsal cing / bcom ldan 'das de thar bar bgyi ba'i slad du brtson par gyur/ bcom ldan 'das kyis bka' stsal pa/ dge slong dag lag brgyud 'brog gnas nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas lag brgyud 'brog gnas kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur te/ 'di ltar las dge ba dang / mi dge ba byas shing bsags pa dag ni zin pa'i phung po dang khams dang / skye mched dag kho na la rnam par smin par 'gyur ro/ /las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba bskal pa chen po bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'od srung 'jig rten du byung ste/ de bā rā ṇa sī na drang srong smra ba ri dgas kyi nags na nye bar rten cing bzhugs so/ /de'i bstan pa la 'di dge bsnyen du gyur to/ /ri brags shig na rgyal po zhig 'dug pa de shin tu bya gag la dga' nas gang yang rung ba la rgyal po'i pho brang du bya ba cung zad byung na de sug tu bya gag thogs te rgyal po'i gan du 'gro'o/ /ji tsam dus gzhan zhig na dge bsnyen de la rgyal po'i pho brang du bya ba cung zhig byung nas de de bzhin song ba dang / rgyal po des de'i dgos pa ma bsgrubs nas gzhan dag gis de la smras pa/ rgyal po 'di bya gag la dga' bas gal te khyod la dgos pa 'grub pa dgos na/ de la bya gag phul cig /des rgyal po la bya gag gcig phul ba dang / rgyal pos de phyag tsang gi tshang mang du gtad nas/ dge bsnyen de'i dgos pa yang bsgrubs so/ /dge bsnyen des bsams pa/ bdag gis bya gag phul ba ma legs pa byas kyi song la rin gyis blu'o snyam nas/ des phyag tsang gi lag par rin byin te/ bya gag thar bar byas nas smon lam btab pa/ bdag gis rnyed pa 'dod pa'i phyir rgyal po la bya gag phul ba gang yin pa'i las de'i cha dang mthun par mi 'gyur bar bdag gis bya gag phongs par gyur pa thar bar byas pa'i dge ba'i rtsa ba 'dis bdag phongs par gyur pa thar bar bya ba'i phyir bcom ldan 'das brtson par gyur cig ces btab bo/ /dge slong dag de'i tshe de'i dus na dge bsnyen gang yin pa de ni lag brgyud 'brog gnas 'di yin te/ des rnyed pa 'dod pa'i phyir rgyal po la bya gag phul ba gang yin pa'i las de'i rnam par smin pas gnod sbyin gyi gtor mar byin no/ /phyis 'gyod pa skyes nas thar bar byas shing smon lam btab pa gang yin pa'i las de'i rnam par smin pas nga 'di thar bar bya ba'i phyir brtson par gyur cing ngas 'di gnod sbyin las thar bar byas so/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis lag brgyud 'brog gnas sngo bsangs can las thar bar mdzad nas phyir mi 'ong ba'i 'bras bu la bzhag pa la gzigs/ bcom ldan 'das kyis bka' stsal pa/ dge slong dag da ltar du ma zad de/ 'di ltar 'das pa'i dus na yang ngas 'di gzugs can ma las thar bar byas nas mngon par shes pa lnga la bzhag ste/ de nyon cig /dge slong dag sngon byung ba bā rā ṇa sī na rgyal po tshangs byin zhes bya bas rgyal srid 'byor pa/ rgyas pa/ bde ba lo legs pa/ skye bo dang mi mang pos gang ba/ 'thab mo dang / 'thab pa dang / phyi dgra dang nang 'khrug rab tu zhi ba/ chom rkun dang mu ge dang / nad dang bral ba/ sa lu dang / bu ram shing gi phreng ba dang / ba lang dang / ma he phun sum tshogs pa byed du bcug ste/ chos dang ldan pa'i chos kyi rgyal pos chos kyis rgyal srid byed du bcug go/ /de'i mdun na 'don des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i chung ma la dus gzhan zhig na sems can zhugs par gyur nas de zla ba brgyad dam/ dgu 'das te btsas pa las khye'u rkang lag dra bas 'brel ba zhig byung ngo / /de'i nye du dag 'dus shing lhags nas nyi ma bdun gsum nyi shu gcig tu btsas pa'i btsas ston rgya cher byas nas khye'u 'i ming cir gdags shes ming 'dogs par byed do/ /de dag 'di snyam du sems te/ gang gi phyir khye'u 'di rkang lag dra bas 'brel ba de'i phyir khye'u 'i ming rkang lag dra ba can zhes bya'o zhes de'i ming rkang lag dra ba can zhes bya bar btags so/ /yang de rtse bar byed/ dga' bar byed/ dga' mgur spyod par byed pa de'i chung ma la dus gzhan zhig na sems can zhugs par gyur nas de zla ba brgyad dam/ dgu 'das te btsas pa las khye'u rkang lag dra bas ma 'brel ba zhig byung ngo / /de'i nye du dag 'dus shing lhags nas nyi ma bdun gsum nyi shu gcig tu btsas pa'i btsas ston rgyas par byas nas khye'u 'i ming cir gdags shes ming 'dogs par byed do/ /de dag 'di snyam du sems te/ gang gi phyir khye'u 'di rkang lag dra bas 'brel ba med pa de'i phyir khye'u 'i ming rkang lag dra ba med ces bya'o zhes de'i ming rkang lag dra ba med ces bya bar btags so/ /de gnyis bsrings shing bskyed de chen por gyur to/ /ji tsam na bu thu bo rkang lag dra ba can gyis pha chos dang chos ma yin pas mdun na 'don byed du 'jug pa mthong nas/ des bsams pa/ bdag 'di 'das nas mdun na 'don du gyur na bdag kyang chos dang chos ma yin pas mdun na 'don byed du 'jug par 'gyur na/ bdag chos dang chos ma yin pas mdun na 'don byed du bcug nas sems can dmyal ba la gzhol bar 'gyur na mi rung gis rnam pa thams cad du rab tu 'byung ngo snyam nas/ de pha'i gan du song ste smras pa/ yab bdag rab tu 'byung bar ci gnang / phas smras pa/ bu gang gi phyir mchod sbyin sbyin par byed/ sbyin sreg sreg par byed/ dka' thub kyis gdung bar byed pa'i mdun na 'don de khyod kyi lag mthil du 'ongs na ci'i phyir rab tu 'byung bar byed/ des tshigs su bcad pa smras pa/ nags na shing shun shun pa'i gos gyon 'bras bu za/ /ri dgas gdug pa rnams dang lhan cig gnas bla yi/ /mkhas pa 'jig rten pha rol 'jigs pas rgyal srid phyir/ /gsad dang bcing dang brdeg pa'i las dag byar mi rung / /phas de dus kyis 'chi bar shes nas gnang ba dang / de drang srong rnams kyi nang du song ste rab tu byung nas des spro ba dang / 'bad pa dang / brtsal ba byas pas mngon par shes pa lnga bskyed par gyur to/ /bu gnyis pa rkang lag dra ba med ni gsang tshig gi phyir gsang tshig tshol du yul gzhan du song ngo / lho lam na ri brags shig na bram ze zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i chung ma las bu mo zhig btsas nas/ des bsams pa/ bdag gis bu mo 'di rigs kyi phyir yang mi sbyin/ nor gyi phyir yang mi sbyin gyi/ rigs byed bzhi blags pa la sbyin par bya ste/ gang gis bdag gi drung nas rig byed bzhi blags pa de la bdag gis bu mo 'di sbyin no snyam mo/ / ji tsam na bram ze'i khye'u rkang lag dra ba med de phan tshun 'khor ba na lho lam du phyin nas des phyogs gzhan zhig tu lam gyis dub pa ngal bsos te thos pa gcig nas gcig tu brgyud pas bram ze de thos nas de'i gan du song ste/ mngon du smra ba byas nas smras pa bdag mkhan po'i zhabs la bsnyen bkur bgyid par 'tshal lo/ /ci'i phyir/ rig byed klag pa'i slad du'o/ /bu de bzhin gyis shig /des de'i gan du rig byed klag par brtsams pa dang / de spyod pa gsal bas de'i drung nas dus cung zad cig gis rig byed bzhi lhogs so/ /lhogs nas bram ze des de la bu mo byin no/ /bram ze'i khye'u de de dang lhan cig khang tog na nyal ba'i tshe ji tsam na bu mo de'i bsil yab shod du lhung ba dang / des lag pa glang po che'i sna lta bu brkyang ste des blangs pa dang / des de mthong nas sngangs par gyur to/ /yang mar me shi la thug pa dang / des lag pa glang po che'i sna lta bu brkyang ste de gsos so/ /de yang des mthong nas yang rgya cher sngangs par gyur te/ de dang lhan cig bag yangs su dga' mgur spyod par mi byed do/ /bu mos smras pa/ rje'i sras khyod ci'i phyir bdag mthong na dbang po rnams sdud cing bdag dang lhan cig bag yangs su gcugs par mi byed/ khye'us smras pa/ khyod kyis 'chi bdag dang lhan cig gcugs par byed pa 'ga' mthong ngam/ bu mos smras pa/ rje'i sras ma 'jigs shig dang / kho mo khyim thab la 'khu ba'i sems mi bskyed do/ /khye'us smras pa/ 'di la kho bos dus shes par bya'o/ /bu mo de skyengs nas de gnyid log pa la sdod cing 'dug go/ /khye'u des gnyid ma log bzhin du gnyid log pa'i cha lugs su byas te 'dug pa dang / bu mo des de gnyid log par rig nas gzugs can ma rnams kyi nang du song ngo / /khye'u de yang dal bus langs te de'i rjes bzhin du song ba dang / ji tsam gzugs can ma de dag thams cad sgren mor byung zhing skra bshig ste/ 'jigs 'jig ltar 'dug pa dag mthong nas de shin tu sngangs shing skrag nas phyir log go/ /de yang de'i rjes bzhin du 'ongs pa dang / des smras pa/ bzang mo kho bo 'dug mi phod kyis 'gro'o/ /des de gdon mi za bar dus kyis 'chu bar shes nas smras pa/ rje'i sras gal te nges pa kho nar 'gro 'dod na song la su la yang ma zer cig /de cang mi zer bar bram ze de'i gan du song ste smras pa/ mkhan po khyod bltas kyis mchi'o/ /des smras pa/ bu gal te de lta na bu mo yang khrid la song shig /mkhan po bdag de nyid kyis 'jigs pas mchi'o/ /bu ci'i phyir khyod des 'jigs/ mkhan po de gzugs can ma lags so/ /bu ci'i phyir de de ltar 'gyur/ de cang mi smra bar song ngo / /bram ze des bu mo la smras pa/ bu mo khyod khyim thab kyang rjes su mi srung ngam/ yab de ji skad mchi/ bu de na re khyod gzugs can ma yin zhes zer ro/ /yab bdag gzugs can ma ma lags te/ des bdag la sho bes skur pa btab ste mchis so/ /de cang mi smra bar 'dug go/ /gzugs can ma de yang kun nas dkris pa drag pos kun nas dkris par gyur nas/ rkang lag dang mig bsgyur te lam gar song nas/ de'i mdun du 'dug ste smras pa/ bu zan ma'i bu khyod la kho mos su la yang ma zer cig ces byas na/ khyod kyis kho mo'i pha nyid la byas kyis da ni khyod la mtshams chen po gcad par bya'o/ /zhes des de la gnod pa bya bar brtsams pa dang / de skrag pas sgra chen po phyung ste 'phags pa rkang lag dra ba can la phyag 'tshal lo/ /'phags pa rkang lag dra ba can la phyag 'tshal lo/ /phyag 'tshal lo zhes brjod pa dang / de nas rkang lag dra ba can la mngon par dga' ba'i lha mo gang yin pa de myur ba myur bar song ste rkang lag dra ba can la smras pa/ 'phags pa khyod kyi gcung po gnod pa dang / nyam nga ba dang / mi bde bar gyur gyis de la dgongs su gsol/ de rdzu 'phrul gyis de'i gan du song ste smras pa/ bu mo 'di la gnod pa ma byed cig /'di khyod la ci nyes bdag gis 'di bzlog na 'dis bdag gi pha la bdag gzugs can ma lags so zhes bgyis kyis bdag gis 'di bzas khyod bzhud cig /des smras pa/ sring mo 'di ni bkren pa yin pas 'khrug pas chog gis thong shig /des smras pa/ 'phags pa dam tshig gis gtang bar bgyi ste/ gal te rab tu 'byung na'o/ /des smras pa/ sring mo thong shig dang rab tu dbyung ngo / /des de btang nas des kyang de rab tu phyung ste/ gdams ngag byin nas des spro ba dang / 'bad pa dang / btsal ba byas pas mngon par shes pa lnga bsgrub par gyur to/ /dge slong dag de'i tshe de'i dus na mdun na 'don gyi bu thu bo rkang lag dra ba can gang yin pa de ni nga nyid yin no/ /de'i tshe de'i dus na de'i nu bo rkang lag dra ba med gang yin pa de ni lag brgyud 'brog gnas 'di yin no/ /de'i tshe de'i dus na gzugs can ma gang yin pa de ni sngo bsangs can 'di yin te/ ngas de'i tshe yang lag brgyud 'brog gnas 'di gzugs can ma las thar bar byas te mngon par shes pa lnga la bzhag la/ da ltar yang ngas 'di sngo bsangs can las thar bar byas te phyir mi 'ong ba'i 'bras bu la bzhag go/ /gang gi tshe lag brgyud 'brog gnas dus la bab pa de'i tshe na sngo bsangs can kau shambīr song nas/ kau shambī ba'i skye bo'i tshogs kyis gang gi nyin mo sngo bsangs can gyis lag brgyud 'brog gnas btsal ba de'i nyin mo lag brgyud 'brog gnas kyis phyir mi 'ong ba'i 'bras bu thob pas bu mo de ma smas pa kho nar 'dir 'ongs so/ /shes thos nas thos pa gcig nas gcig tu brgyud pas bad sa'i rgyal po shar pas thos pa dang / des khyim bdag gdangs can bos te smras pa/ khyim bdag gang gi nyin mo sngo bsangs can gyis lag brgyud 'brog gnas btsal ba de'i nyin mo lag brgyud 'brog gnas kyis phyir mi 'ong ba'i 'bras bu thob nas bu mo de ma smas pa kho nar 'dir 'ongs shes grag na/ ci de bden nam/ 'on te brdzun/ des smras pa/ lha mad do/ /gal te de lta na ci'i phyir nga la mi sbyin/ lha gsol lo/ /rgyal pos btsun mo'i 'khor gyi nang du bcug ste bsnyen bkur ma lnga brgya yang byin/ nyi ma re re zhing dri dang phreng ba rgyu'i rin kār ṣa pā ṇa stong stong yang byin/ khang bzangs me tog gi so zhes bya ba yang byin no/ /de la bu mo mngag gzhug ma sgur mchog ces bya ba zhig yod pa de nyi ma re re zhing kār ṣa pā ṇa stong stong gis dri dang phreng ba rgyu dag nyo bar byed do/ /de dus gzhan zhig na spos 'tshong gi khye'u zhig dang lhan cig sten par gyur nas des kār ṣa pā ṇa lnga brgyas ni dri dang me tog phreng ba dag nyo bar byed/ lnga brgya ni de dang lhan cig za bar byed do/ / spos 'tshong gi khye'u de dad pa can yin pas des sangs rgyas la sogs pa dge slong gi dge 'dun khyim gzhan du gdugs tshod la spyan drangs nas des sgur mchog la smras pa/ kho bos sangs rgyas la sogs pa dge slong gi dge 'dun khyim gzhan du gdugs tshod la spyan drangs kyis khyod kyang shog la brims shig /des de'i mtshan mo bca' ba dang bza' ba gtsang zhing bsod pa sta gon byas nas nang bar sngar langs te gdan bshams nas chu ra bzhag ste spyan 'dren btang nas/ bcom ldan 'das la btsun pa gdugs tshod g.yar dgongs 'tshal na/ bcom ldan 'das kyis da de'i dus la bab par dgongs su gsol zhes spyan drangs so/ /de nas bcom ldan 'das sham thabs gsol lhung bzed dang chos gos bsnams te/ dge slong gi tshogs kyis yongs su bskor cing dge slong gi dge 'dun gyis mdun du bdar te/ spos 'tshong gi khye'u 'i bkad sa ga la ba der gshegs nas/ dge slong gi dge 'dun gyi gong du gdan bshams pa nyid la bzhugs so/ /de nas spos 'tshong gi khye'u sgur mchog dang bcas pas sangs rgyas la sogs pa dge slong gi dge 'dun bde bar bzhugs par rig nas/ rang gi lag nas bca' ba dang / bza' ba gtsang zhing bsod pas tshim par byed stobs par byed do/ /rnam grangs du mar bca' ba dang bza' ba gtsang zhing bsod pas rang gi lag nas tshim par byas shing bstabs nas/ sangs rgyas la sogs pa dge slong gi dge 'dun gdugs tshod gsol cing phyag bcabs/ lhung bzed bzhag par rig nas stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go/ /bcom ldan 'das kyis sgur mchog gi bsam pa dang / bag la nyal dang / khams dang / rang bzhin thugs su chud nas gang thos nas sgur mchog gis stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu mngon sum du byas pa de ltar 'phags pa'i bden pa bzhi yang dag par so sor rtogs par byed pa'i chos bstan pa mdzad do/ /des bden pa mthong nas gsol pa/ btsun pa bdag gis dge ba'i bshes gnyen bcom ldan 'das la brten nas/ bcom ldan 'das kyis bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang yi dags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang / chos dang dge slong gi dge 'dun la skyabs su mchi yis/ bdag dge bsnyen mar gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /de nas bcom ldan 'das kyis de gnyis la chos bstan pa mdzad nas gshegs so/ /sgur mchog gis spos 'tshong gi khye'u de la smras pa/ rje'i sras da ni bdag gis gzhan gyi til gyi phub ma yang ma byin par len pa'i rngo mi thog gis kār ṣa pā ṇa stong gi yo byad dag stsol cig /des smras pa/ ma nyes kyis shes des de la kār ṣa pā ṇa stong gi yo byad dag byin no/ /des de khyer te sngo bsangs can gyi gan du song ba dang / des smras pa/ sgur mchog khyod kyis deng 'di mgo phyir bstan te nyal ba gang las thob/ des smras pa/ jo mo sngon ni bdag gis brkus kyis/ da ni bdag gi slan cad nyon mongs pa de lta bu dag kun du spyod par mi 'gyur ba'i yon tan gyi rnam pa de lta bu rtogs so/ / khyod kyis deng ci byas/ de thos pa 'dzin pa yin pas skabs de rgyas par smras pa dang / des smras pa/ sgur mchog khyod kyis bcom ldan 'das kyi spyan snga nas chos mnyan nas kho mo la smros shig /khyod kyi las ni de yin no/ /de ltar bgyi'o/ / de nas sgur mchog gis bcom ldan 'das kyi spyan snga nas chos mnyan nas de la brjod do/ /bcom ldan 'das kyis sgur mchog la rmas pa/ sgur mchog khyod btsun mo'i 'khor la chos ston tam/ bcom ldan 'das ston to/ /ji ltar ston/ bcom ldan 'das bdag ni 'greng ste ston la/ de dag ni mchis te nyan to/ /bka' stsal pa/ gal te de dag sgur mchog chos ston cig ces zer na mi bstan to zhes brjod par bya'o/ /ci'i phyir zhes zer na/ 'di ltar bcom ldan 'das kyis bskal pa grangs med pa gsum gyis dka' ba spyod pa 'bum phrag du ma dag gis pha rol du phyin pa drug yongs su rdzogs par mdzad nas bla na med pa'i mkhyen pa thugs su chud pa yin na/ bdag khyed cag gus pa med pa/ rje sa med pa/ stan ches mthon po la 'khod pa rnams la ga la ston ces brjod par bya'o/ /ji tsam dus gzhan zhig na sgur mchog gis bcom ldan 'das kyi spyan snga nas chos mnyan nas btsun mo'i 'khor gyi nang du song ba dang / de dag gis de la smras pa/ sgur mchog chos ston cig /des smras pa/ mi ston to/ /ci'i phyir 'di ltar bcom ldan 'das kyis bskal pa grangs med pa gsum gyis dka' ba spyad pa 'bum phrag du ma dag gis pha rol du phyin pa drug yongs su rdzogs par mdzad nas bla na med pa'i mkhyen pa thugs su chud na/ bdag khyed cag gus pa med pa dang / rje sa med pa stan ches mthon po la 'khod pa rnams la ga la ston/ sngo bsangs can gyis thos nas seng ge'i khri btsugs so/ /gzhan dag gis kyang stan nang tshangs can bting ngo / /gzhan dag gis kyang bteg ste der bzhag nas/ sgur mchog seng ge'i khri la 'dug ste/ de dag la gang thos nas sngo bsangs can la sogs pa bud med lnga brgyas khyad par chen po rtogs te/ kha cig gis ni rgyun tu zhugs pa'i 'bras bu mngon sum du byas/ kha cig gis ni lan gcig phyir 'ong ba'i 'bras bu/ kha cig gis ni phyir mi 'ong ba'i 'bras bu mngon sum du byas pa de ltar chos bstan pa byas so/ /de dag sgur mchog la chos kyi rgyu las byung ba'i dad pa skyes nas de dag gis bad sa'i rgyal po shar pa la smras pa/ lha bdag cag sangs rgyas mthong bar 'tshal lo/ /des smras pa/ de ltar bya ste/ bcom ldan 'das kyi spyan sngar je 'gro'o zhes de bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go/ /mtha' gcig tu 'dug nas bcom ldan 'das la bad sa'i rgyal po shar pas 'di skad ces gsol to/ /bcom ldan 'das mchis 'brang gi 'khor bcom ldan 'das mthong bar 'tshal lo/ /bcom ldan 'das kyis bka' stsal pa/ rgyal po chen po de bzhin gshegs pa dgra bcom pa yang dag par rdzogs pa'i sangs rgyas rnams ni btsun mo'i 'khor gyi nang du mi 'jug go/ /des song ste de dag la smras pa dang / sngo bsangs can gyis smras pa/ lha gal te bcom ldan 'das btsun mo'i 'khor gyi nang du mi gshegs na khang bzangs me tog gi so la skar khung mang po dag gdod cing / bdag cag skar khung dag nas bcom ldan 'das la lta bar ci gnang / rgyal pos khang bzangs me tog gi so la skar khung lnga brgya btod do/ /gang gi tshe bcom ldan 'das phyogs der gshegs pa de'i tshe na btsun mo'i 'khor de dag gis bcom ldan 'das skar khung nas mthong nas/ mchod pa dang bsnyen bkur byed cing me tog dag dang / spos dag dang / na bza' dag dang / me tog phreng gi chun po dag kyang 'thor bar byed do/ /sna tshogs gdul na kun tu rgyu ma du zhes bya ba de la chung ma bur ma zhes bya ba zhig yod pa de las bu mo gzugs bzang ba/ blta na sdug pa/ mdzes pa/ yan lag dang / nying lag thams cad dang ldan pa zhig btsas nas/ de'i rus pa dag phra zhing shin tu phra la dpe bya bar mi nus so/ /de'i nye du dag 'dus shing lhags nas zhag bdun gsum nyi shu gcig tu btsas pa'i btsas ston rgya cher byas nas bu mo'i ming cir gdags shes de'i ming 'dogs par byed do/ /nye du rnams kyis smras pa/ bu mo 'di gzugs bzang ba/ blta na sdug pa/ mdzes pa/ yan lag dang nying lag thams cad dang ldan zhing / 'di'i rus pa dag phra zhing shin tu phra la dpe bya bar mi nus pas bu mo 'di la dpe med pas 'di'i ming dpe med ma zhes bya bar gdags so zhes de'i ming dpe med ma zhes bya bar btags so/ /de bsrings shing bskyed nas chen mor gyur to/ /ma dus bsams pa/ bdag gi bu mo 'di su la yang rigs kyi phyir yang mi sbyin/ nor gyi phyir yang mi sbyin/ thos pa'i phyir yang mi sbyin gyi/ bdag gis gang 'di dang gzugs mnyam pa 'am/ lhag pa de la sbyin no snyam mo/ /de'i skabs su bcom ldan 'das sgra mi snyan dag tu ljongs rgyu zhing gshegs pa na sna tshogs gdul du byon nas sna tshogs gdul na sgra mi snyan gyi grong rdal na bzhugs so/ /de nas bcom ldan 'das snga dro sham thabs gsol/ lhung bzed dang chos gos bsnams te sna tshogs gdul du bsod snyoms la zhugs so/ /sna tshogs gdul du bsod snyoms brgyus nas zas kyi bya ba mdzad de/ phyi ma'i zas kyi bsod snyoms las slar log pas ji ltar longs spyad pa'i gnas mal mkhos su phab ste/ shing ljon pa zhig gi drung du brten nas brang 'gro'i rgyal po nyal ba'i lus bskyil ba ltar skyil mo dkrung bcas te bzhugs so/ /de'i tshe na kun tu rgyu ma du me tog dang / yam sreg shing gi phyir phyi rol du byung ba dang / kun tu rgyu ma dus thag ring po kho na nas bcom ldan 'das shing ljon pa zhig gi drung du rten cing brang 'gro'i rgyal po nyal ba'i lus bskyil ba ltar skyil mo dkrung bcas te bzhugs pa mdzes pa/ dang bar 'gyur ba/ dbang po zhi ba/ thugs zhi ba/ mchog tu sems dul ba/ nye bar zhi ba dang ldan pa/ gser gyi mchod sdong ltar 'bar ba mthong ngo / /mthong nas kyang dga' ba dang mchog tu dga' ba skyes te bsams pa/ dge sbyong mdzes pa dad par bya ba 'di lta bu 'di ni 'dzam bu'i gling mtha' dag gi bdag por 'os pa yin na/ dpe med ma'i bdag por lta smos kyang ci dgos te/ bdag gis dmag pa rnyed do snyam du rig nas/ rang gi khyim ga la ba der song ste phyin nas chung ma la smras pa/ bzang mo shes par gyis shig /ngas bu mo'i dmag pa rnyed kyis rgyan byos shig dang dpe med ma sbyin no/ /des smras pa/ su la sbyin/ des smras pa/ dge sbyong gau ta ma la'o/ /des smras pa/ ji ltar 'dong ngo zhes de ma du dang lhan cig 'phags pa dang / lam gar de la dran pa skyes nas des tshigs su bcad pa smras pa/ bram ze bdag gis drang srong chen po de/ /sna tshogs gdul du bsod snyoms zhugs mthong nas/ /des mnan sa phyogs mthon po dmar 'gyur zhing / /bteg na dma' ba 'ang mthon po nyid du 'gyur/ /khyim thab de ni gzhon nu mi sten gyis/ / phyir log rang gi sdum pa nyid du 'dong / /des kyang tshigs su bcad pa smras pa/ kye ma bur ma bkra mi shis pa khyod/ /bkra shis dus su bkra shis ma yin smra/ /gal te brtul zhugs thabs kyis blangs gyur na/ /de ni phyir yang 'dod yon sten par 'gyur/ /des dpe med ma gos dang rgyan dag gis brgyan te 'phags pa dang / bcom ldan 'das kyang nags khrod de nas nags khrod gzhan du gshegs so/ /kun tu rgyu ma dus bcom ldan 'das kyi gdan ran bting ba mthong ngo / /mthong nas kyang chung ma la smras pa/ bzang mo shes par gyis shig /'di ni bu mo'i dmag pa'i stan rtswa bting ba yin no/ /des tshigs su bcad pa smras pa/ chags par gyur pa'i mal ni 'khrugs par 'gyur/ /sdang ba'i mal ni gya tshom bur mar 'gyur/ /rmongs pa'i mal ni rkang pa'i mthar 'gro 'gyur/ /'di ni shin tu chags bral gnas yin te/ /khyim thab de ni gzhon nu mi sten gyis/ /phyir log rang gi sdum pa nyid du 'dong / /des kyang tshigs su bcad pa smras pa/ kye ma bur ma bkra mi shis pa khyod/ /bkra shis dus su bkra shis ma yin smra/ /gal te brtul zhugs thabs kyis blangs gyur na/ /de yi phyir yang 'dod yon sten par 'gyur/ /kun tu rgyu ma dus bcom ldan 'das kyi zhabs kyi rjes dag mthong ngo / /mthong nas kyang chung ma la smras pa/ bzang mo 'di ni bu mo'i mag pa'i rjes dag yin no/ /des tshigs su bcad pa smras pa/ skyes bu chags pa'i rjes ni gsal mi 'gyur/ /zhe sdang ldan pa'i rjes ni zab pa yin/ /rmongs par gyur pa'i rjes ni nogs par 'gyur/ /shin tu chags bral rjes ni 'di 'dra ste/ /khyim thab de ni gzhon nu mi sten gyis/ /phyir logs rang gi sdum pa nyid du 'dong / /des kyang tshigs su bcad pa smras pa/ kye ma bur ma bkra mi shis pa khyod/ /bkra shis dus su bkra shis ma yin smra/ /gal te brtul zhugs thabs kyis blangs gyur na/ /de ni phyir yang 'dod yon sten par 'gyur/ /bcom ldan 'das kyis gsung bsal ba'i sgra mdzad pa dang / kun tu rgyu ma dus bcom ldan 'das kyi gsung bsal ba'i sgra thos so/ /thos nas kyang chung ma la smras pa/ bzang mo 'di ni bu mo'i dmag pa'i skad bsal ba'i sgra grag pa yin no/ /des tshigs su bcad pa smras pa/ chags pa'i mi yi skad ni ngar ngar po/ /sdang ba'i mi yi skad ni rtsub pa yin/ /rmongs pa'i mi yi skad ni 'khrugs par 'gyur/ /tshangs pa'i rnga sgra 'di ni sangs rgyas te/ /khyim thab de ni gzhon nu mi sten gyis/ /phyir log rang gi sdum pa nyid du 'dong / /des kyang tshigs su bcad pa smras pa/ kye ma bur ma bkra mi shis pa khyod/ /bkra shis dus su bkra shis ma yin smra/ /gal te brtul zhugs thabs kyis blangs gyur na/ /de ni phyir yang 'dod yon sten par 'gyur/ /bcom ldan 'das kyis thag ring po kho na nas kun du rgyu ma du la gzigs pa dang / kun du rgyu ma dus bcom ldan 'das gzigs pa mthong ngo / /mthong nas kyang chung ma la smras pa/ bzang mo 'di ni bu mo'i dmag pa lta ba yin no/ /des tshigs su bcad pa smras pa/ chags pa'i mi ni rig rig lta bar byed/ /sdang ba'i mi ni dug drag sbrul bzhin lta/ /rmongs pa'i mi ni mun khrod rtog bzhin lta/ /shin tu chags bral gnya' shing tsam du lta/ /khyim thab de ni gzhon nu mi sten gyis/ /phyir log rang gi sdum pa nyid du 'dong / /des kyang tshigs su bcad pa smras pa/ kye ma bur ma bkra mi shis pa khyod/ /bkra shis dus su bkra shis ma yin smra/ /gal te brtul zhugs thabs kyis blangs gyur na/ /de ni phyir yang 'dod yon sten par 'gyur/ /bcom ldan 'das 'chag par mdzad pa dang / kun du rgyu ma dus bcom ldan 'das 'chag pa mthong ngo / /mthong nas kyang chung ma la smras pa/ bzang mo 'di ni bu mo'i dmag pa 'chag pa yin no/ /des tshigs su bcad pa smras pa/ ji ltar 'di spyan ji ltar gzigs pa dang / /ji ltar 'di sku brtan par gshegs pa dang / /ji ltar 'di yi sgros dang zhal dag ni/ /rdul dang bral ba nyid du snang ba las/ /khyim thab de ni gzhon nu mi sten gyis/ /phyir log rang gi sdum pa nyid du 'dong / /des kyang tshigs su bcad pa dag smras pa/ kye ma bur ma bkra mi shis pa khyod/ /bkra shis dus su bkra shis ma yin smra/ /gal te brtul zhugs thabs kyis blangs gyur na/ /de ni phyir yang 'dod yon sten par 'gyur/ /gnas 'jog gser mdog o ta la dag kyang / /bu yi don du 'dod pas rmongs gyur te/ /'di ni chos bzhin phul bas thub rnams kyis/ /rtag par rgyun du bu dag bskyed par gyur/ /de nas kun du rgyu ma du bcom ldan 'das ga la ba der song ste phyin nas bcom ldan 'das la 'di skad ces gsol to/ /bdag gi bu mo dam pa gzugs ldan zhing / /dar ba brgyan pa 'dod pa don gnyer ba/ /khyod la 'bul ba 'di la khyod gzigs shing / /mkha' la dgung zla smin drug mjal ba ltar/ /'di dang lhan cig legs par khyod dgyes mdzod/ /bcom ldan 'das kyis dgongs pa/ gal te ngas dpe med ma la rjes su chags pa'i tshig brjod na dpe med ma 'dod chags kyis gdungs te dus byed par 'gyur ba gang yin pa de lta bu'i gnas yod par 'gyur gyis bdag gis 'di la khong khro ba'i tshig brjod par bya'o snyam du rig nas tshigs su bcad pa bka' stsal pa/ bram ze nga yis bdud kyi bu mo ni/ /sred ma dga' byed de bzhin dga' mo dag /pham byas 'dod pa dag la lan 'ga' yang / /nga yis 'dun pa'i sems bskyed ma gyur pas/ /bshang dang gci bas gang ba 'di la ni/ /rkang pas reg par spro ba 'ang mi skyed do/ /ma dus tshigs su bcad pa gsol pa/ bdag gi bu mo yan lag nyams gyur cing / /'dod ldan yon tan bral bar gzigs sam ci/ /ji slad 'dod spyod yid 'ong gzugs dag la/ 'dun drag bgyid ltar 'di la khyod mi mdzad/ /bcom ldan 'das kyis kyang tshigs su bcad pa dag bka' stsal pa/ bram ze rmongs pa gang zhig yul 'dod pa/ /de ni khyod kyi bu mo 'di sgrub cing / /yul la chags shing khro bar zhugs gyur pa/ / 'di la rab rmongs skye bo chags bral min/ /nga ni sangs rgyas thub gtso mnga' bdag ste/ /nga yis byang chub bla med zhi ba brnyes/ /ji ltar pad ma chus mi chags pa ltar/ /chags pa med pa nyid du 'jig rten rgyu/ /utpal sngon po rdzab dang chu nang na/ /rdzab dang chu yis gos pa med pa ltar/ /bram ze de bzhin nga yis 'jig rten na/ /'dod pa dag la rnam grol sems kyis spyod/ /de nas dpe med ma bcom ldan 'das kyis bshang ba dang gci ba zhes bya ba'i tshigs gis kun du spyad pas rangs pa dang bral te/ yid mi bde bar gyur nas de'i 'dod chags kyi kun nas dkris pa gang yin pa de med par gyur cing / zhe sdang gi kun nas dkris pa skyes pas rus pa dag sbom por gyur cing / mig gnyis kyang mching bu lta bur gyur to/ /de'i tshe na rgan zhugs shig bcom ldan 'das kyi snam logs na 'dug par gyur to/ /de nas bcom ldan 'das la rgan zhugs des 'di skad ces gsol to/ /kun du gzigs pa bud med blang mdzad de/ /bcom ldan de ni bdag la stsal du gsol/ /dpa' bo bdag gis dregs pas brgyan pa 'di/ /ci nas rjes su 'thun pa spyad par bgyi/ /de skad ces gsol pa dang / bcom ldan 'das kyis rgan zhugs de la 'di skad ces bka' stsal to/ /mi gti mug can nga'i mdun na ma 'dug par phar song shig /de khros te tshigs su bcad pa smras pa/ khyod kyi lhung bzed 'di dang chos gos 'di/ /khar ba ril ba 'di yang zad gyur cig /bslab pa 'di yang ji ltar ma ma yi/ /pang par gzhon nu 'dzin ltar rang srel cig /rgan zhugs des de skad ces smras nas bslab pa phul te nyams pa'i phyir zhugs nas kun tu rgyu ma du ga la ba der song ste phyin nas kun du rgyu ma du la 'di skad ces smras so/ /ma du dpe med ma kho bo la byin cig / des khros te smras pa/ rgan zhugs khyod la blta ba yang mi sbyin na reg pa lta smos kyang ci dgos/ de skad ces smras pa dang / rgan zhugs des kun du rgyu ma du la 'di lta bu'i kun nas dkris pa skyes te des khrag tsha ba skyugs nas dus la bab ste sems can dmyal ba rnams su skyes so// //'dul ba rnam par 'byed pa/ bam po bdun bcu rtsa drug pa/ dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis dpe med ma brnyes pa na ma bzhes pa la gzigs/ bcom ldan 'das kyis bka' stsal pa/ dge slong dag da ltar du ma zad de/ 'di ltar 'das pa'i dus na yang ngas 'di rnyed pa na ma blangs te de nyon cig /dge slong dag sngon byung ba ri brags shig na lcags mgar zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i chung ma la dus gzhan zhig na sems can zhugs par gyur nas/ de zla ba brgyad dam dgu 'das te btsas pa las bu mo gzugs bzang ba/ blta na sdug pa/ mdzes pa zhig byung nas de bsrings shing bskyed de chen mor gyur to/ /lcags mgar des bsams pa/ bdag gis bu mo 'di su la yang rigs kyi phyir yang mi sbyin/ gzugs kyi phyir yang mi sbyin/ nor gyi phyir yang mi sbyin gyi/ 'di ltar gang bdag dang bzos mnyam pa 'am lhag pa de la bdag gis 'di sbyin par bya'o snyam mo/ /ji tsam na bram ze'i khye'u zhig slongs mo'i don du de'i khyim du zhugs pa dang / bu mo des zas khyer te phyir byung ba na bram ze'i khye'u des mthong nas smras pa/ bu mo khyod 'ga' zhig la byin nam/ 'on te ma byin/ des smras pa/ bdag gi pha ji skad zer ba dang sbyar na des bdag su la yang sbyin par dka'o/ /khyod kyi pha ji skad zer/ bdag gis bu mo 'di su la yang rigs kyi phyir yang mi sbyin/ gzugs kyi phyir yang mi sbyin/ nor gyi phyir yang mi sbyin gyi/ 'di ltar gang bdag dang bzos mnyam pa 'am lhag pa de la bdag gis 'di sbyin par bya'o zhes zer ro/ /khyod kyi pha bzo ji lta bu shes/ khab gang chu'i steng na 'phyo ba de lta bu shes so/ /bram ze'i khye'u des bsams pa/ 'di ltar bdag 'di don du mi gnyer mod kyi 'di'i nga rgyal bcag par bya'o snyam nas/ de mkhas pa yin pas des bzo'i gnas dang / las kyi gnas de dang de dag nas lcags mgar gyi mgar spyad dag brnyas te khab gang dag chu'i steng na 'phyo ba de lta bu dag brdungs shing khab sbom po gcig brdungs nas de'i mig tu khab phra mo bdun bcug na de dang lhan cig chu'i steng na 'phyo ba brdungs so/ /des de dag brdungs nas lcags mgar de'i khyim du 'ongs te smras pa/ khab su nyo khab su nyo zhes byas pa dang / bu mo des mthong nas tshigs su bcad pa smras pa/ grogs po khyod ni smyos pa 'am/ /'on te sems med gyur pa yin/ /gang phyir lcags mgar khyim du khyod/ /khab dag 'tshong du 'ongs par gyur/ /des kyang tshigs su bcad pa dag smras pa/ bzang mo kho bo smyos pa min/ /sems med gyur pa 'ang ma yin te/ /nga rgyal bcag par bya ba'i phyir/ /kho bos bzo dag nye bar bsgrubs/ /gal te kho bo'i bzo 'dra ba/ /khyod kyi pha yis shes gyur na/ /khyod dang nor gyi rnam pa ni/ /mang po gzhan yang sbyin par gyis/ /des smras pa/ khyod kyis bzo ji lta bu shes/ khab gang dag chu'i steng na 'phyo ba de lta bu dag shes so/ /des ma la sbran pa/ yum bzo bo'i bu zhig mchis so/ /des smras pa/ 'jug tu chug shig /des 'jug tu bcug pa dang / lcags mgar gyi chung mas smras pa/ khyod bzo ji lta bu shes/ des smras pa dang / des khyim thab la sbran pa/ rje'i sras bzo bo'i khye'u 'dis bzo 'di lta bu 'tshal to/ /des smras pa/ gal te de lta na chu 'on cig dang blta'o/ /des chus snod bkang ste phul ba dang / des khab gcig bcug na de 'phyo bar brtsams so/ /de bzhin du khab gnyis pa dang / gsum pa nas bdun pa'i bar du bcug na de yang 'phyo bar brtsams so/ /des khab sbom po de bcug na de yang 'phyo bar brtsams so/ /yang der khab gcig bcug ste bcug na de lta na yang 'phyo bar brtsams so/ /de bzhin du khab gnyis pa dang / gsum pa nas bdun pa'i bar dag bcug ste bcug na de lta na yang 'phyo bar brtsams so/ /lcags mgar gyis bsams pa/ 'di bdag pas bzo ches lhag pa yin gyis 'di la bu mo sbyin no snyam du rig nas/ bu mo de rgyan thams cad kyis klubs te lag pa g.yon pas bzung nas lag pa g.yas pas ril ba bhring gar thogs te bram ze'i khye'u de'i mdun du 'dug nas smras pa/ bram ze'i khye'u khyod la kho bos bu mo 'di chung mar sbyin no/ /des smras pa/ kho bo 'di don du mi gnyer te/ 'di ltar kho bos khyod kyi nga rgyal gcag par bya ba'i phyir bzo nye bar bstan to/ /dge slong dag de'i tshe de'i dus na bram ze'i khye'u gang yin pa de ni nga nyid yin no/ / de'i tshe de'i dus na lcags mgar gang yin pa de ni kun du rgyu ma du 'di yin no/ /de'i tshe de'i dus na lcags mgar gyi chung ma gang yin pa de ni bur ma 'di yin no/ /de'i tshe de'i dus na lcags mgar gyi bu mo gang yin pa de ni dpe med ma 'di yin te/ de'i dus na yang ngas dpe med ma 'di rnyed pa na ma blangs la da ltar yang ngas 'di rnyed pa na ma blangs so/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa rgan zhugs 'di dpe med ma la brten nas tshul ma lags pas sdug bsngal bar gyur pa la gzigs/ bcom ldan 'das kyis bka' stsal pa/ dge slong dag da ltar du ma zad de/ 'di ltar 'das pa'i dus na yang 'di dpe med ma la brten nas btsun mo'i 'khor dang bcas pa tshul ma yin pas sdug bsngal bar gyur te de nyon cig /dge slong dag sngon byung ba rgyal po'i pho brang seng ge lta bu na rgyal po seng ge ral pa can gyis rgyal srid 'byor pa/ rgyas pa/ bde ba/ lo legs pa/ skye bo dang mi mang pos gang ba/ thab mo dang 'thab pa dang / phyi dgra dang / nang 'khrug rab tu zhi ba/ chom rkun dang / mu ge dang nad dang bral ba/ sa lu dang / bu ram shing gi phreng ba dang / ba lang dang / ma he phun sum tshogs pa byed du bcug ste/ chos dang ldan pa chos kyi rgyal pos chos kyi rgyal srid byed du bcug go/ / de'i tshe na rgyal po'i pho brang seng ge lta bu na ded dpon seng ge zhes bya ba phyug pa/ nor mang ba/ longs spyod che ba/ yongs su gzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug pa des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod pa de'i chung ma la sems can zhugs par gyur to/ / bud med kyi yul mkhas pa'i rang bzhin can la la la ma 'dres pa'i chos lnga yod de/ lnga gang zhe na/ skyes pa chags par gyur pa shes shing chags pa dang bral ba shes pa dang dus shes shing zla mtshan shes pa dang / mngal na gnas pa zhugs pa shes pa dang / gang las mngal na gnas pa zhugs pa de shes pa dang / khye'u shes shing bu mo shes pa ste/ gal te khye'u yin na dku g.yas par rten cing 'dug la/ gal te bu mo yin na dku g.yon par rten cing 'dug pa'o/ /de yid dga' zhing yid dga' nas khyim thab la smras pa/ rje'i sras mkhyen par mdzod cig /bdag la sems can zhugs par gyur pa ni 'di ltar bdag gi dku g.yas par rten cing mchis pas nges par khye'ur 'gyur ro/ /de yang yid dga' zhing yid dga' nas 'di skad ces kho bo yun ring po nas mngon par 'dod pa bu'i ngo mthong ba dang / kho bo dang 'thun par skye zhing mi mthun par mi skye ba dang / kho bo'i bya ba dag byed pa dang / gsos pas phyir gso ba dang / bgo skal la spyod pa dang / kho bo'i rigs rgyud yun ring du gnas par 'gyur ba dang / bdag cag shi zhing dus la bab pa dag la nyung ngu 'am mang po yang rung ba'i sbyin pa dag byin zhing bsod nams dag byas nas/ 'di de gnyis gang du skyes par 'gro zhing rjes su 'gro bar gyur cig ces ming gis yon bshad pa byed par gyur cig ces ched du brjod pa ched du brjod par byed do/ /de la sems can zhugs par rig nas 'di lta ste/ mngal na gnas pa yongs su smin par bya ba'i phyir steng gi khang bzangs kyi gzhir gtogs par grang ba na grang ba'i yo byad dag dang / dro ba na dro ba'i yo byad dag dang / sman pas bcas pa'i zas ha cang mi kha ba dang / ha cang mi skyur ba dang / ha cang lan tshwa mi che ba dang / ha cang mi mngar ba dang / ha cang mi tsha ba dang / ha cang mi bska ba dang / kha ba dang / skyur ba dang / lan tshwa dang / mngar ba dang / tsha ba dang / bska ba rnam par spangs pa'i zas dag dang / do shal dang / se mo do dang / rgyan gyis klubs pa'i lus lha'i bu mo dga' ba'i tshal na rnam par spyod pa lta bu dang / khri nas khrir dang / khri'u nas khri'ur dang / shod kyis gzhir mi 'bab pa dang / des sgra yid du mi 'ong ba cung zad kyang mi thos par gnod pa med pa nyid du rim gro byed du 'jug go/ /de zla ba brgyad dam dgu 'das te btsas pa las khye'u gzugs bzang ba/ blta na sdug pa/ mdzes pa/ gsal ba/ gser gyi mdog 'dra ba/ mgo gdugs lta bu dang ldan pa/ lag pa ring ba/ dpral ba'i dbyes che ba/ smin ma 'jar ba/ sna'i gzangs mtho ba zhig byung ngo / /de'i nye du dag 'dus shing lhags nas nyi ma bdun gsum nyi shu gcig tu btsas pa'i btsas ston rgya cher byas nas/ khye'u ming cir gdags shes ming 'dogs par byed do/ /de'i nye du dag gis smras pa/ gang gi phyir khye'u 'di ded dpon seng ge'i bu yin pa de'i phyir khye'u 'di'i ming sing ga la zhes bya'o/ /zhes de'i ming sing ga la zhes bya bar btags so/ /khye'u sing ga la ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsed grogs kyi ma ma gnyis la rjes su gtad do/ /de ma ma brgyad po dag gis 'o ma dang / zho dang / mar dang zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad ma bzhin du myur du skyed par byed do/ /de gang gi tshe chen por gyur pa de'i tshe yi ge dang / grangs dang rtsis dang / lag rtsis dang / dbyung ba dang gzhug pa dang / gzhag pa la nye bar zhugs nas/ de'i yi ge mthar phyin cing 'byed pa dang / klog pa dang / mkhas pa dang / spyod pa gsal ba dang / brtag pa brgyad po 'di lta ste/ rin po che brtag pa dang / gzhi brtag pa dang / gos brtag pa dang / shing rta brtag pa dang / glang po che brtag pa dang / rta brtag pa dang / bud med brtag pa dang / skyes pa brtag pa la mkhas par gyur to/ /phas de'i chung ma'i 'khor gsum po rab dang / 'bring dang / tha ma dag rnam par bzhag go/ /'dug pa'i gnas gsum po dgun gyi dang / dpyid kyi dang / dbyar gyi dag byed du bcug go/ /skyed mos tshal gsum po dgun gyi dang / dpyid kyi dang / dbyar gyi dag byed du bcug go/ /de steng gi khang bzangs kyi gzhir gtogs pa na skyes pa med par sil snyan gyis rtse bar byed/ dga' bar byed/ dga' mgur spyod par byed do/ / de dus gzhan zhig na pha la smras pa/ yab bdag rgya mtsho chen por 'jug par ci gnang / des smras pa/ bu re shig kho bo la nor gyi rnam pa mang du yod de/ gal te khyod til dang / 'bras dang rgya shug dang / rgya sran la sogs pa la spyod pa bzhin du rin po che dag la spyod par byed kyang de lta na yang kho bo'i longs spyod srabs pa nyid dang / yongs su zad pa dang / yongs su gtugs par mi 'gyur gyis/ de'i phyir ji srid du kho bo gson pa de srid du khyod rtse bar gyis/ dga' bar gyis/ dga' mgur spyod par gyis la kho bo 'das pa dang nor bsgrub par gyis shig /des yang dang yang du smras pa/ yab bdag rgya mtsho chen por 'jug par ci gnang / des gdon mi za bar dus kyis 'chi bar shes nas smras pa/ bu de ltar gyis shig /'di ltar khyod kyis 'jigs pa dang / 'jigs su rung ba dag bzod par bya'o/ /des rgyal po'i pho brang seng ge lta bur dril bsgrags pa byed du bcug ste/ rgyal po'i pho brang seng ge lta bu na gnas pa dang / yul tha dad pa nas lhags pa'i tshong pa shes ldan dag nyon cig /ded dpon sing ga la rgya mtsho chen por 'jug par 'gyur gyis/ khyed cag las gang ded dpon sing ga la dang lhan cig sho gam med pa dang / la can med pa dang / gru btsas med par rgya mtsho chen por 'jug par 'dod pa des rgya mtsho chen por 'gro ba'i zong sta gon gyis shig ces bsgo'o/ /tshong pa lnga brgyas rgya mtsho chen por 'gro ba'i zong sta gon byas so/ /de nas ded dpon sing ga las pha ma dang / gzhan yang snying du sdug cing 'brel ba'i rtsa lag dag la bltas nas nyi ma dang / tshes grangs dang / yud tsam dang / sbyor bas dge mtshan dang / bkra shis dang / bde legs su 'gyur ba byas nas/ shing rta dag dang / khur dag dang / gle ba dag dang / spyad dag dang / rnga mo dag dang / ba lang dag dang / bong bu mang po dag gis rgya mtsho chan por 'gro ba'i zong khyer te tshong pa lnga brgya'i 'khor dang lhan cig 'phags so/ /de mthar gyis grong dang / grong khyer dang / grong rdal dang / yul 'khor dang / rgyal po'i pho brang dag tu tshong rdal dag la rnam par lta zhing 'gro ba na rgya mtsho chen po'i 'gram du phyin to/ /des rnying pa lnga brgyas gru sbyar nas zho shas 'tsho ba lnga po stobs par byed pa dang / sel bar byed pa dang / gru pa dang / rkyal chen pa dang / rlung yor thogs pa dag khrid de lan gsum dril bsgrags pa byas te rgya mtsho chen por 'jug par brtsams so/ /de nas tshong pa de dag 'di snyam du sems te/ shes ldan dag bdag cag rgya mtsho chen po'i nang du dong ba rnams la 'di lta ste/ phan tshun bde ba nyid kyis nges par rgal ba shes par dkas/ bdag cag nor sgrub pa dag gis so so/ so so dag nas phongs pa'i don du chur rkyal pa dag thogs te rgya mtsho chen por 'jug par byas/ bdag cag las kha cig gis ni shal ma la'i spang leb dag bkur/ kha cig gis ni sngas shing bal can dag bkur/ kha cig gis ni bsku ba'i gzings dag bkur/ kha cig gis ni ra rkyal dag bkur ro snyam nas/ de nas nor sgrub pa de dag gis de ltar so sor brtags nas so so so so dag nas phongs pa'i don du chur rkyal ba/ kha cig gis ni shal ma la'i spang leb dag /kha cig gis ni sngas shing bal can dag /kha cig gis ni bsku ba'i gzings dag /kha cig gis ni ra rkyal dag khyer te rgya mtsho chen por zhugs so/ /de dag rgya mtsho chen po'i nang du dong ba chu srin nya'i rigs kyis rgya mtsho'i gru bcag go/ /de dag rgya mtsho'i gru bcag pa na so so so so dag nas phongs pa'i don du chur rkyal ba khyer te 'ongs pa dag la zhon te 'di lta ste/ kha cig gis ni shal ma la'i spang leb dag la zhon/ kha cig gis ni sngas shing bal can dag la zhon/ kha cig gis ni bsku ba'i gzings dag la zhon/ kha cig ni ra rkyal dag la zhon te chu'i steng na 'phyo'o/ /de dag gi las kyi rnam par smin pas byang phyogs nas rlung langs nas des de dag lho phyogs kyi 'gram du bdas pa dang / zangs gling na srin mo khrung khrung gzhon nu ma zhes bya ba dag 'khod pa de dag tshong pa gru chag pa rnams la gtam snyan pa dang dga' ba'i tshul gyis slu bar byed do/ /de dag la rgyal mtshan dga' ba'i gnas dang 'thun pa dang / phongs pa'i gnas dang 'thun pa gnyis yod de/ ji tsam na dga' ba'i gnas dang 'thun pa'i rgyal mtshan g.yo bar brtsams pa dang / de dag gis smras pa/ phu nu mo dag dga' ba'i gnas dang 'thun pa'i rgyal mtshan g.yos pas 'dzam bu'i gling pa'i tshong pa dag gi rgya mtsho'i gru chu srin nya'i rigs kyis bcag ste 'ong gor ma chag gis btsal lo zhes de dag gis rgya mtsho'i 'gram du btsal bar brtsams pa dang / ji tsam na skye bo phal po che'i tshogs chur rkyal ba sna tshogs dag gis rkyal zhing 'ong ba mthong ngo / /mthong nas kyang bdag nyid gzugs bzang mor mngon par sprul nas rgyan sna tshogs kyis brgyan te/ lha'i gos dang / phreng ba rgyus klubs nas rgya mtsho'i 'gram nas bod par brtsams pa/ jo bo dag tshur spyon/ bzhin bzangs dag tshur spyon/ bdag cag khyim thab ma mchis pa rnams kyi khyim thab mdzod cig /bdag po ma mchis pa rnams kyi bdag po mdzod cig / gnas ma mchis pa rnams kyi gnas mdzod cig /gling ma mchis pa rnams kyi gling mdzod cig /skyob pa ma mchis pa rnams kyi skyob pa mdzod cig /skyabs ma mchis pa rnams kyi skyabs mdzod cig /dpung gnyen ma mchis pa rnams kyi dpung gnyen mdzod cig /'di dag ni khyed kyi zas kyi gnas dag dang / skom gyi gnas dag dang / gos kyi gnas dag dang / gnas mal gyi gnas dag dang / kun dga'i ra ba dga' bar 'gyur ba dag dang / nags tshal dga' bar 'gyur ba dag dang / rdzing bu dga' bar 'gyur ba dag dang / 'dzam bu'i gling pa'i rin po che mang po 'di lta ste/ nor bu dag dang / mu tig dag dang / bai dūrya dag dang / man shel dkar po dag dang / byi ru dag dang / dngul dag dang / gser dag dang / rdo'i snying po dag dang / spug dag dang / dmar po dag dang / g.yas su 'khyil ba dag lags kyis/ khyed cag tshur spyon bdag cag dang lhan cig rtse ba dang / dga' ba dang / dga' mgur spyod par mdzod cig /khyed cag las 'ga' yang shin du myos par gyur kyang lho lam du 'gro bar mi bya'o zhes zer ro/ / bcom ldan 'das kyis dge slong dag ngas 'di lta ste/ skyes pa la bud med kyi gzugs ji ltar chags par 'gyur ba dang / rgyags par 'gyur ba dang / 'dod par 'gyur ba dang / sdug par 'gyur ba dang / byams par 'gyur ba dang / rngod par 'gyur ba dang / brgyal bar 'gyur ba dang / 'ching bar 'gyur ba dang / sgrub par 'gyur ba dang / kun du sbyar bar 'gyur ba de lta bu'i gzugs gzhan cig kyang yang dag par rjes su ma mthong ngo zhes gsungs pas/ de dag srin mo de dag gis brngod pa na rgya mtsho chen po las rgal te de dag dang lhan cig rtse bar byed/ dga' bar byed/ dga' mgur spyod par byed do/ /de dag de dag dang lhan cig rtse bar byed/ dga' bar byed/ dga' mgur spyod par byed pa dag la bsten pa'i rgyu las bu dang bu mo dag kyang byung ngo / /de nas ded dpon sing ga la 'di snyam du sems te/ ci'i phyir bud med 'di dag lho lam shin du srung bar sems/ bdag bud med 'di dang lhan cig nyal zhing de gnyid log pa dang mal du zhugs par rig nas khad kyis dal bu dal bus mal chen po las babs te/ ral gri rnon po mchan du bcug nas lho lam du 'gro'o snyam mo/ /de nas ded dpon sing ga la bud med gang dang lhan cig nyal ba de gnyid log cing mal du zhugs par rig nas/ khad kyis dal bu dal bus mal chen po nas babs te/ ral gri rnon po mchan du bcug nas lho lam du song ba dang / des de na skye bo phal po che smre sngags 'don pa'i sgra kyi hud pha/ kyi hud ma/ kyi hud phu nu/ kyi hud bu sring / kyi hud 'dzam bu'i gling dga' bar 'gyur ba sna tshogs/ 'dzam bu'i gling dga' bar 'gyur ba khyod kyis bdag cag spangs sam zhes zer ba thos so/ /thos nas kyang de 'jigs pa dang / skrag pa dang sngangs pa dang / spu zing zhes byed par gyur to/ /de nas ded dpon sing ga la yud tsam zhig cang mi smra bar 'dug ste/ 'jigs pa dang / skrag pa dang / sngangs pa dang / spu zing zhes byed pa de dag bsal nas lho lam de nyid du song ba dang / des de na lcags kyi grong khyer chen po phang mtho ba/ thag gru che ba zhig mthong nas des grong khyer de la sge'u chung 'ga' zhig yod dam snyam nas kho ra khor yug tu byul na/ des grong khyer de'i kho ra khor yug tu byul ba na grong khyer de la tha na byi la 'dzul ba tsam gyi sge'u chung yang ma rnyed do/ /de'i byang phyogs kyi ngos na shing ljon pa shi ri sha chen po phang mtho ba/ thag gru che ba dag yod nas/ de shing ljon pa shi rî sha chen po phang mtho ba/ thag gru che ba de la 'dzegs te skye bo phal po che'i tshogs de la 'di skad ces smras so/ /shes ldan dag khyed ci'i phyir kyi hud pha/ kyi hud ma/ kyi hud phu nu/ kyi hud bu sring / kyi hud 'dzam bu'i gling dga' bar 'gyur ba sna tshogs/ 'dzam bu'i gling dga' bar 'gyur ba khyod kyis bdag cag spangs sam zhes shin tu smre sngags 'don par byed/ de dag gis smras pa/ bzod ldan kho bo cag ni 'dzam bu'i gling pa'i tshong pa nor sgrub pa rgya mtsho'i gru bsgrubs te rgya mtsho chen por 'jug 'dod nas kho bo cag 'di snyam du sems te/ shes ldan dag bdag cag rgya mtsho chen po'i nang du dong ba rnams la 'di lta ste/ phan tshun bde ba nyid kyis nges par rgal bar shes par dkas bdag cag nor sgrub pa dag gis so so so so dag nas phongs pa'i don du chur rkyal ba dag thogs te rgya mtsho chen por 'jug par byas/ bdag cag las kha cig gis ni shal ma la'i spang leb dag bkur/ kha cig gis ni sngas shing bal can dag bkur/ kha cig gis ni bsku ba'i gzings dag bkur/ kha cig gis ni ra rkyal dag bkur ro snyam nas/ de nas nor sgrub pa bdag cag gis de ltar so sor brtags nas/ so so dag nas phongs pa'i don du chur rkyal ba kha cig gis shal ma la'i spang leb dag /kha cig gis ni sngas shing bal can dag /kha cig gis ni bsku ba'i gzings dag /kha cig gis ni ra rkyal dag khyer nas rgya mtsho chen por zhugs so/ /bdag cag rgya mtsho chen po'i nang du dong ba na chu srin nya'i rigs kyis rgya mtsho'i gru bcag go/ /bdag cag rgya mtsho'i gru bcag pa na so so so so dag nas phongs pa'i don du chur rkyal ba khyer te 'ongs pa dag la zhon te 'di lta ste/ kha cig ni shal ma la'i spang leb dag la zhon/ kha cig ni sngas shing bal can dag la zhon/ kha cig ni bsku ba'i gzings dag la zhon/ kha cig ni ra rkyal dag la zhon te chu'i steng na 'phyo'o/ /bdag cag gi las kyi rnam par smin pas byang phyogs nas rlung langs nas des bdag cag lho phyogs kyi 'gram du bdas pa dang / zangs gling 'di na srin mo khrung khrung gzhon nu ma zhes bya ba 'khod pa de dag bdag cag tshong pa gru chag pa rnams la gtam snyan pa dang dga' ba'i tshul gyis slu bar byed do/ /de dag la rgyal mtshan dga' ba'i gnas dang 'thun pa dang / phongs pa'i gnas dang 'thun pa gnyis yod de/ ji tsam na dga' ba'i gnas dang 'thun pa'i rgyal mtshan g.yo bar brtsams pa dang / de dag gis smras pa/ phu nu mo dag dga' ba'i gnas dang 'thun pa'i rgyal mtshan g.yos pas 'dzam bu'i gling pa'i tshong pa dag gi rgya mtsho'i gru chu srin nya'i rigs kyis bcag ste 'ong gor ma chag gis btsal lo zhes de dag gis rgya mtsho'i 'gram du btsal bar brtsams pa dang / ji tsam na bdag cag tshong pa phal po che'i tshogs chur rkyal ba sna tshogs dag gis rkyal zhing 'ong ba mthong ngo / /mthong nas kyang bdag nyid gzugs bzang mor mngon par sprul nas/ rgyan sna tshogs kyis brgyan te/ lha'i gos dang / phreng ba rgyus klubs nas rgya mtsho'i 'gram nas bod par brtsams pa/ jo bo dag tshur spyon/ bzhin bzangs dag tshur spyon/ bdag cag khyim thab ma mchis pa rnams kyi khyim thab mdzod cig /bdag po ma mchis pa rnams kyi bdag po mdzod cig /gnas ma mchis pa rnams kyi gnas mdzod cig /gling ma mchis pa rnams kyi gling mdzod cig /skyob pa ma mchis pa rnams kyi skyob pa mdzod cig /skyabs ma mchis pa rnams kyi skyabs mdzod cig /dpung gnyen ma mchis pa rnams kyi dpung gnyen mdzod cig /'di dag ni khyed kyi zas kyi gnas dag dang / skom gyi gnas dag dang / gos kyi gnas dag dang / gnas mal gyi gnas dag dang / kun dga' ra ba dga' bar 'gyur ba dag dang / nags tshal dga' bar 'gyur ba dag dang / rdzing bu dga' bar 'gyur ba dag dang / 'dzam bu'i gling pa'i rin po che mang po 'di lta ste/ nor bu dag dang / mu tig dag dang / bai dūrya dag dang / man shel dkar po dag dang / byi ru dag dang / dngul dag dang / gser dag dang / rdo'i snying po dag dang / spug dag dang / dmar po dag dang / g.yas su 'khyil pa dag lags kyis khyed cag tshur spyon bdag cag dang lhan cig rtse ba dang / dga' ba dang / dga' mgur spyod pa mdzod cig /khyed cag las 'ga' yang shin du myos par gyur kyang lho lam du 'gro bar mi bya'o zhes zer ro/ /bdag cag srin mo de dag gis brngod pa na rgya mtsho chen po las rgal te/ de dag dang lhan cig rtse bar byed/ dga' bar byed/ dga' mgur spyod par byed do/ /bdag cag de dag dang lhan cig rtse bar byed/ dga' bar byed/ dga' mgur spyod par byed pa dag la bsten pa'i rgyu las bu dang bu mo dag kyang byung ngo / /bud med de dag bdag cag dang lhan cig rtse bar byed/ dga' bar byed/ dga' mgur spyod par byed pa na ji srid du 'dzam bu'i gling pa'i tshong pa mang po gzhan dag chu srin nya'i rigs kyis rgya mtsho'i gru bcag ste 'ong bar ma thos kyi bar du de dag bdag cag dang lhan cig rtse bar byed/ dga' bar byed/ dga' mgur spyod par byed do/ /gang gi tshe de dag gis 'dzam bu'i gling pa'i tshong pa rab tu mang po gzhan dag chu srin nya'i rigs kyis rgya mtsho'i gru bcag ste 'ong bar thos pa de'i tshe na de dag bdag cag gi gan du 'ongs shing bdag cag las gzhan dag zos nas/ 'di ltar skyes bu za ba na skra dang / spu dang / sen mo dang / so'i lhag ma gang dag yin pa de dag kyang ma lus par za bar byed cing / de dag skyes bu za ba na khrag dron mo'i thigs pa sa la lhung ba gang dag yin pa de dag kyang sor mo'i rtse mos byogs shing byogs shing sa dang bcas bzhin du khar 'jug par byed do/ /ma zos pa de dag gi lhag ma ni kho bo cag yin te/ lcags kyi mkhar chen po 'dir bcug ste/ bzod ldan bud med de dag ni srin mo yin gyis bzod ldan khyod kyang bdag nyid srungs shig /sing ga las smras pa/ shes ldan dag gang gis khyed cag dang kho bo cag bde legs dang / bde ba dag tu 'dzam bu'i gling du phyin par 'gyur ba'i thabs 'ga' yod dam/ de dag gis smras pa/ bzod ldan kho bo cag la ni gang gis bde legs dang / bde ba dag tu 'dzam bu'i gling du phyin par 'gyur ba'i thabs 'ga' yang med do/ /de ci'i phyir zhe na/ bdag cag gis gal te 'di snyam du kye ma bdag cag lcags kyi grong khyer 'di'i 'og brtol te 'bros so snyam na/ de 'og nyis 'gyur sum 'gyur du skyel/ gal te 'di snyam du kye ma bdag cag lcags kyi grong khyer 'di'i steng nas rgal te 'bros so snyam na/ de'i steng nyis 'gyur sum 'gyur du skye ba'i phyir te/ bzod ldan de'i phyir kho bo cag la ni gang gis bde legs dang / bde ba dag tu 'dzam bu'i gling du phyin par 'gyur ba'i thabs 'ga' yang med do/ /khyed cag la ni gang gis bde legs dang / bde ba dag tu 'dzam bu'i gling du phyin par 'gyur ba'i thabs yod do/ /shes ldan dag gang gis kho bo cag bde legs dang / bde ba dag tu 'dzam bu'i gling du phyin par 'gyur ba'i thabs de gang yin/ bzod ldan 'di na bdag cag gis steng na lha dag rnam par rgyu ba'i sgra thos pa/ kye 'dzam bu'i gling pa'i tshong pa byis pa dag 'di nyid kyi gso sbyong bcwa lnga pa la byang lam du deng shig dang / de na rta'i rgyal po sprin gyi shugs can zhes bya ba ma rmos ma btab pa'i 'bras sa lu'i 'bru zos nas bde ba dang / nad med pa dang / stobs dang ldan pa dang / dbang po tshim pas ro stod bsrang ste pha rol du su 'gro/ pha rol du su 'gro/ su zhig pha rol du bkur bar bya/ su zhig bde legs dang / bde ba dag tu 'dzam bu'i gling du phyin par bya zhes lan gsum ched du brjod pa ched du rjod par byed kyis/ khyed cag de'i gan du song la 'di skad ces bdag cag pha rol du 'gro'o/ /bdag cag pha rol du 'gro'o/ /bdag cag pha rol du khyer cig /bdag cag bde legs dang / bde ba dag tu 'dzam bu'i gling du phyin par gyis shig ces brjod par bya'o zhes zer ba thos kyis/ bzod ldan gang gis khyed cag bde legs dang / bde ba dag tu 'dzam bu'i gling du phyin par 'gyur ba'i thabs ni de yin no/ / de nas ded dpon sing ga la skye bo phal po che'i tshogs kyis smras pa'i tshig de legs par shin du bzung ste/ kun chub par byas nas khad kyis dal bu dal bus shing ljon pa shi ri sha chen po de las babs nas yang mal de nyid du song ngo / /de nas ded dpon sing ga las bud med gang dang lhan cig nyal ba de gnyid log cing mal du zhugs par rig nas khad kyis dal bu dal bus nyal lo/ /de nas ded dpon sing ga la nang par sngar langs te 'dzam bu'i gling pa'i tshong pa rab tu mang po ga la ba der song ste phyin nas 'dzam bu'i gling pa'i tshong pa rab tu mang po la 'di skad ces smras so/ /shes ldan dag tshur sheg /skyed mos tshal dben pa zhig yod pa der kho bo khyed cag dang phag tu gsang ste smra ba cung zhig yod kyis khyed cag las gang gis kyang shin tu myos par gyur na yang khye'u dang bu mo dag khrid de ma 'ong shig /de nas 'dzam bu'i gling pa'i tshog pa rab tu mang po nang par sngar langs nas skyed mos tshal dben pa ga la ba der song ngo / /de nas ded dpon sing ga las 'dzam bu'i gling pa'i tshong pa rab tu mang po la skye bo phal po che'i tshogs de dang bar skabs su gtam ci byas pa de dag thams cad rgyas par brjod nas smras pa/ shes ldan dag 'di dag gi ni bud med ma yin gyi/ 'di dag ni srin mo yin gyis bdag nyid srungs shig /de nas 'dzam bu'i gling pa'i tshong pa rab tu mang po dag de nyid kyi gso sbyong bcwa lnga pa la byang lam du dong ngo / /de'i tshe na rta'i rgyal po sprin gyi shugs can ma rmos ma btab pa'i 'bras sa lu'i 'bru za zhing 'dug go/ /tshong pa rtag pa'i rang bzhin can zhig gis rta'i rgyal po sprin gyi shugs can ma rmos ma btab pa'i 'bras sa lu'i 'bru za zhing 'dug pa mthong ngo / /mthong nas kyang 'dzam bu'i gling pa'i tshong pa rab tu mang po la 'di skad ces smras so/ /shes ldan dag rta'i rgyal po sprin gyi shugs can 'di ma rmos ma btab pa'i 'bras sa lu'i 'bru za zhing 'dug gis 'di'i gan du song la 'di skad ces bdag cag pha rol tu 'gro'o/ /bdag cag pha rol du 'gro'o/ /bdag cag pha rol du khyer shig /bdag cag bde legs dang / bde ba dag tu 'dzam bu'i gling du phyin par gyis shig /ces brjod par bya'o/ /de nas ded dpon sing ga las 'dzam bu'i gling pa'i tshong pa rab tu mang po la 'di skad ces smras so/ /shes ldan dag kho bos skye bo phal po che'i tshogs de'i smras pa'i don shes pas da dung bdag cag rta'i rgyal po sprin gyi shugs can gyi gan du song ste/ 'di skad ces bdag cag pha rol du 'gro'o/ /bdag cag pha rol du 'gro'o/ /bdag cag pha rol du khyer cig /bdag cag bde legs dang / bde ba dag tu 'dzam bu'i gling du phyin par gyis shig ces brjod par bya ba'i dus la ma bab bo/ /'di ltar kho bos skye bo phal po che'i tshogs de'i smras pa'i don shes te/ gang gi tshe rta'i rgyal po sprin gyi shugs can ma rmos ma btab pa'i 'bras sā lu'i 'bru zos nas bde ba dang / nad med pa dang / stobs dang ldan pa dang / dbang po tshim pas ro stod bsrang ste/ pha rol du su 'gro/ pha rol du su 'gro/ su zhig pha rol du bkur bar bya/ su zhig bde legs dang / bde ba dag tu 'dzam bu'i gling du phyin par bya zhes lan gsum ched du brjod pa ched du rjod par byed pa de'i tshe na bdag cag rta'i rgyal po sprin gyi shugs can gyi gan du song ste/ 'di skad ces bdag cag pha rol du 'gro'o/ /bdag cag pha rol du 'gro'o/ /bdag cag pha rol du khyer shig /bdag cag bde legs dang / bde ba dag du 'dzam bu'i gling du phyin par gyis shig ces brjod par bya'o/ /de nas rta'i rgyal po sprin gyi shugs can gyi ma rmos ma btab pa'i 'bras sā lu'i 'bru zos nas bde ba dang / nad med pa dang / stobs dang ldan pa dang / dbang po tshim pas ro stod bsrang ste/ pha rol du su 'gro/ pha rol du su 'gro/ su zhig pha rol du bkur bar bya/ su zhig bde legs dang / bde ba dag tu 'dzam bu'i gling du phyin par bya'o/ /zhes lan gsum ched du brjod pa ched du brjod par byed do/ /de nas 'dzam bu'i gling pa'i tshong pa rab tu mang po rta'i rgyal po sprin gyi shugs can ga la ba der dong ste phyin nas/ bla gos phrag pa gcig tu byas te pus mo g.yas pa'i lha nga sa la btsugs te rta'i rgyal po sprin gyi shugs can ga la ba de logs su thal mo sbyar ba btud nas rta'i rgyal po sprin gyi shugs can la 'di skad ces smras so/ /bdag cag pha rol du 'gro'o/ /bdag cag pha rol du 'gro'o/ / bdag cag pha rol du khyer cig /bdag cag bde legs dang / bde ba dag tu 'dzam bu'i gling du phyin par gyis shig /de nas rta'i rgyal po sprin gyi shugs can gyis 'dzam bu'i gling pa'i tshong pa rab tu mang po la shes ldan dag bud med de dag ches gzugs bzang ba dang / ches blta na sdug pa dang / ches mdzes par bsgyur nas khye'u dang bu mo dag thogs te 'di skad ces jo bo dag tshur spyon/ bzhin bzangs dag tshur spyon/ bdag cag khyim thab ma mchis pa rnams kyi khyim thab mdzod cig /bdag po ma mchis pa rnams kyi bdag po mdzod cig /gnas ma mchis pa rnams kyi gnas mdzod cig /gling ma mchis pa rnams kyi gling mdzod cig /skyob pa ma mchis pa rnams kyi skyob pa mdzod cig /skyabs ma mchis pa rnams kyi skyabs mdzod cig / dpung gnyen ma mchis pa rnams kyi dpung gnyen mdzod cig /'di dag ni khyed kyi zas kyi gnas dag dang / skom gyi gnas dag dang / gos kyi gnas dag dang / gnas mal gyi gnas dag dang / kun dga' ra ba dga' bar 'gyur ba dag dang / nags tshal dga' bar 'gyur ba dag dang / rdzing bu dga' bar 'gyur ba dag dang / 'dzam bu'i gling pa'i rin po che mang po 'di lta ste/ nor bu dag dang / mu tig dag dang / bai dūrya dag dang / man shel dkar po dag dang / byi ru dag dang / dngul dag dang / gser dag dang / rdo'i snying po dag dang / spug dag dang / dmar po dag dang / g.yas su 'khyil pa dag lags kyis tshur spyon/ khyed cag bdag cag dang lhan cig rtse ba dang / dga' ba dang / dga' mgur spyad pa mdzod cig /gal te khyed cag las su yang bdag cag don du mi gnyer na re shig rang rang gi khye'u dang bu mo 'di dag snoms te bzhud cig ces zer bar 'gyur gyis/ de la khyed cag las gang dag 'di snyam du bdag gi chung ma 'am/ bu 'am bu mo 'am/ zas kyi gnas dag 'am/ skom gyi gnas dag gam/ gos kyi gnas dag gam/ gnas mal gyi gnas dag gam/ kun dga' ra ba dga' bar 'gyur ba dag gam/ nags tshal dga' bar 'gyur ba dag gam/ rdzing bu dga' bar 'gyur ba dag gam/ 'dzam bu'i gling pa'i rin po che mang po 'di lta ste nor bu dag dang / mu tig dag dang / bai dūrya dag dang / man shel dkar po dag dang / byi ru dag dang / dngul dag dang / gser dag dang / rdo'i snying po dag dang / spug dag dang / dmar po dag dang / g.yas su 'khyil pa dag yin no snyam du sems pa de dag ni nga'i gshul lam rgyab tu zhon par gyur tu zin kyang de dag shing tog smin pa rtse dag las 'brul ba bzhin du ltung bar 'gyur zhing bud med de dag 'ongs shing 'ongs shing za bar 'gyur te/ 'di ltar skyes bu za ba na skra dang / spu dang sen mo dang / so'i lhag ma gang dag yin pa de dag kyang ma lus par za bar 'gyur la/ de dag skyes bu za ba na khrag dron mo'i thigs pa sa la lhung ba gang dag yin pa de dag kyang sor mo'i rtse mos byogs shing byogs shing sa dang bcas par khar 'jug par 'gyur ro/ /de la khyed cag las gang dag 'di snyam du bdag gi chung ma 'am/ bu 'am bu mo 'am/ zas kyi gnas dag gam/ skom gyi gnas dag gam/ gos kyi gnas dag gam/ gnas mal gyi gnas dag gam/ kun dga' ra ba dga' bar 'gyur ba dag gam/ nags tshal dga' bar 'gyur ba dag gam/ rdzing bu dga' bar 'gyur ba dag gam/ 'dzam bu'i gling pa'i rin po che/ mang po 'di lta ste/ nor bu dag dang / mu tig dag dang / bai dūrya dag dang / man shel dkar po dag dang / byi ru dag dang / dngul dag dang / gser dag dang / rdo'i snying po dag dang / spug dag dang / dmar po dag dang / g.yas su 'khyil pa dag yin no snyam du mi sems pa de dag ni nga'i spu dag la 'jus par gyur du zin kyang de dag bde legs dang / bde ba dag tu 'dzam bu'i gling du phyin par 'gyur ro zhes legs par shin tu yang dag par bsgo/ yang dag par bstan to/ /de nas rta'i rgyal po sprin gyi shugs can gyis 'dzam bu'i gling pa'i tshong pa rab tu mang po la legs par shin tu yang dag par bsgo/ yang dag par bstan nas rgyab bzed pa dang / de nas 'dzam bu'i gling pa'i tshong pa rab tu mang po de dag las kha cig ni rta'i rgyal po sprin gyi shugs can gyi rgyab du zhon/ kha cig ni gshul du zhon/ kha cig ni spu dag la 'jus so/ /de nas rta'i rgyal po sprin gyi shugs can gyis mthar gyis lus kyi mthu dang stobs bskyed nas/ de'i 'og tu steng gi nam mkha' la song ngo / /srin mo de dag gi phongs pa'i gnas dang 'thun pa'i rgyal mtshan g.yo bar brtsams pa dang / de dag gis bsams pa/ 'di ltar bdag cag gi phongs pa'i gnas dang 'thun pa'i rgyal mtshan g.yos pa las na 'dzam bu'i gling pa'i tshong pa rab tu mang po dag byer bar gyur gor ma chag snyam nas/ de dag de nas ches gzugs bzang ba dang / ches blta na sdug pa dang / ches mdzes par bsgyur nas/ khye'u dang bu mo dag thogs te 'di skad ces jo bo dag tshur spyon/ bzhin bzangs dag tshur spyon/ bdag cag khyim thab ma mchis pa rnams kyi khyim thab mdzod cig /bdag po ma mchis pa rnams kyi bdag po mdzod cig /gnas ma mchis pa rnams kyi gnas mdzod cig /gling ma mchis pa rnams kyi gling mdzod cig /skyob pa ma mchis pa rnams kyi skyob pa mdzod cig /skyabs ma mchis pa rnams kyi skyabs mdzod cig /dpung gnyen ma mchis pa rnams kyi dpung gnyen mdzod cig /'di dag ni khyod kyi zas kyi gnas dag dang / skom gyi gnas dag dang / gos kyi gnas dag dang / gnas mal gyi gnas dag dang / kun dga'i ra ba dga' bar 'gyur ba dag dang / nags tshal dga' bar 'gyur ba dag dang / rdzing bu dga' bar 'gyur ba dag dang / 'dzam bu'i gling pa'i rin po che mang po 'di lta ste nor bu dag dang / mu tig dag dang / bai dūrya dag dang / man shel dkar po dag dang / byi ru dag dang / dngul dag dang / gser dag dang / rdo'i snying po dag dang / spug dag dang / dmar po dag dang / g.yas su 'khyil pa dag lags kyis tshur spyon/ khyed cag bdag cag dang lhan cig rtse ba dang / dga' ba dang / dga' mgur spyad pa mdzod cig /gal te khyed cag las su yang bdag cag don du mi gnyer na re shig rang rang gi khye'u dang bu mo 'di dag snoms te bzhud cig ces zer ro/ /de la de dag las gang dag 'di snyam du bdag gi chung ma 'am/ bu 'am bu mo 'am/ zas kyi gnas dag gam/ skom gyi gnas dag gam/ gos kyi gnas dag gam/ gnas mal gyi gnas dag gam/ kun dga' ra ba dga' bar 'gyur ba dag gam/ nags tshal dga' bar 'gyur ba dag gam/ rdzing bu dga' bar 'gyur ba dag gam/ 'dzam bu'i gling pa'i rin po che mang po 'di lta ste/ /nor bu dag dang / mu tig dag dang / bai dūrya dag dang / man shel dkar po dag dang / byi ru dag dang / dngul dag dang / gser dag dang / rdo'i snying po dag dang / spug dag dang / dmar po dag dang / g.yas su 'khyil pa dag yin no snyam du sems pa de dag ni de'i gshul lam rgyab tu zhon par gyur du zin kyang de dag shing tog smin pa rtse dag las 'brul ba bzhin du lhung bar gyur cing bud med de dag 'ongs shing 'ongs shing zos par gyur te/ 'di ltar skyes bu za ba na skra dang / spu dang / sen mo dang / so'i lhag ma gang dag yin pa de dag kyang ma lus par zos par gyur la/ de dag skyes bu za ba na khrag dron mo'i thigs pa sa la lhung ba gang dag yin pa de dag kyang sor mo'i rtse mos byogs shing byogs shing sa dang bcas par khar bcug par gyur to/ /de la de dag las gang dag 'di snyam du bdag gi chung ma 'am/ bu 'am bu mo 'am/ zas kyi gnas dag 'am/ skom gyi gnas dag 'am/ gos kyi gnas dag 'am/ gnas mal gyi gnas dag 'am/ kun dga'i ra ba dga' bar 'gyur ba dag 'am/ nags tshal dga' bar 'gyur ba dag 'am/ rdzing bu dga' bar 'gyur ba dag 'am/ 'dzam bu'i gling pa'i rin po che mang po 'di lta ste/ nor bu dag dang / mu tig dag dang / bai dūrya dag dang / man shel dkar po dag dang / byi ru dag dang / dngul dag dang / gser dag dang / rdo'i snying po dag dang / spug dag dang / dmar po dag dang / g.yas su 'khyil pa dag yin no snyam du mi sems pa de dag ni de'i spu dag la 'jus par gyur du zin kyang de dag bde legs dang / bde ba dag tu 'dzam bu'i gling du phyin par gyur to/ /dge slong dag de bzhin du khyed cag las gang dag bdag mig go/ /bdag gi mig go/ /bdag rna ba'o/ /sna'o/ /lce'o/ /lus so/ /yid do/ /bdag gi yid do/ /bdag gzugs so/ /bdag gi gzugs so/ /bdag sgra'o/ /dri'o/ /ro'o/ /reg bya'o/ /chos so/ /bdag gi chos so/ /bdag sa'i khams so/ /bdag gi sa'i khams so/ /bdag chu'i khams so/ /me'i khams so/ /rlung gi khams so/ /nam mkha'i khams so/ /rnam par shes pa'i khams so/ /bdag gi rnam par shes pa'i khams so/ /bdag gzugs kyi phung po'o/ /bdag gi gzugs kyi phung po'o/ /bdag tshor ba'i phung po'o/ / 'du shes kyi phung po'o/ /'du byed kyi phung po'o/ /rnam par shes pa'i phung po'o/ /bdag gi rnam par shes pa'i phung po'o snyam du sems pa de dag ni srin mo rnams kyis tshong pa dag sdug bsngal bar 'gyur ba ji bzhin no/ /dge slong dag khyed cag las gang dag bdag mig go/ /bdag gi mig go/ /bdag rna ba'o/ /sna'o/ /lce'o/ /lus so/ /yid do/ /bdag gi yid do/ /bdag gzugs so/ /bdag gi gzugs so/ /bdag sgra'o/ /dri'o/ /ro'o/ /reg bya'o/ /chos so/ /bdag gi chos so/ /bdag sa'i khams so/ /bdag gi sa'i khams so/ /bdag chu'i khams so/ /me'i khams so/ /rlung gi khams so/ /nam mkha'i khams so/ /rnam par shes pa'i khams so/ /bdag gi rnam par shes pa'i khams so/ / bdag gzugs kyi phung po'o/ /bdag gi gzugs kyi phung po'o/ /bdag tshor ba'i phung po'o/ /'du shes kyi phung po'o/ /'du byed kyi phung po'o/ /rnam par shes pa'i phung po'o/ /bdag gi rnam par shes pa'i phung po'o snyam du mi sems pa de dag ni/ sprin shugs can gyi tshong pa dag /bde legs pha rol 'gro ba bzhin/ /mi gang byis pa 'dra ba dag /sangs rgyas bstan la ma dad pa/ /srin mo rnams kyis tshong pa dag /sdug bsngal 'gyur ba ji bzhin no/ /mi gang shes rab ldan pa dag /sangs rgyas bstan la dad byed pa/ /sprin shugs can gyi tshong pa dag /bde legs pha rol 'gro ba bzhin/ /tshong pa de dag thams cad rta'i rgyal po sprin gyi shugs can las lhung nas srin mo de dag gis zos so/ /ded dpon sing ga la 'ba' shig bde legs pa dang / bde ba dag tu 'dzam bu'i gling du phyin to// //'dul ba rnam par 'byed pa/ bam po bdun bcu rtsa bdun pa/ ded dpon sing ga la'i chung ma srin mo de la srin mo gzhan dag gis smras p a/ kho mo cag gis ni rang rang gi khyim thab dag zos na khyod kyis rang gi khyim thab btang gis gal te je khrid de 'ongs na de lta na legs/ gal te mi 'ong na khyod nyid bza' bar bya'o/ /de skrag nas smras pa/ gal te khyod cag de ltar dngan dus byed na mi rings par sdod cig dang khrid de 'ong ngo / /de dag gis smras pa/ ma nyes kyis de bzhin gyis shig /de mchog tu 'jigs su rung ba'i gzugs su sprul nas myur ba myur ba kho nar song ste ded dpon sing ga la'i mdun du 'dug pa dang / ded dpon sing ga las ral gri shubs nas phyung ste bsdigs pa dang de skrag ste bros so/ /ji tsam na yul dbus nas don 'thun 'ongs pa dang / srin mo des ded dpon gyi rkang pa gnyis la gtugs te smras pa/ ded dpon bdag ni zangs gling gi rgyal po'i bu mo ded dpon sing ga la'i mchis 'brang du stsal ba lags na rgya mtsho chan po'i nang du mchis pa'i gru chu srin nya'i rigs kyis bcag nas des bdag bkra mi shis so zhes bor na/ de'i slad du bdag la thugs brtse bas bzod pa bgyid du stsal bar ci gnang / des bzod pa byed du gzhug go zhes dang du blangs so/ /de de'i gan du song nas bag dbab pa'i gtam brjod pas yud tsam zhig bsdad de smras pa/ shed 'thun khyod kyis zangs gling gi rgyal po'i bu mo blangs pa de gnas ma yin par yongs su ma dor bar bzod pa gyis shig /des smras pa/ shed 'thun de ni de'i rgyal po'i bu mo ma yin te/ zangs gling nas 'ongs pa'i srin mo yin no/ /'o na 'dir ji ltar 'ongs/ des ji ltar gyur pa brjod pa dang de cang mi smra bar 'dug go/ /ded dpon sing ga la mthar gyis rang gi khyim du phyin pa dang / srin mo de yang bu thogs te rgyal po'i pho brang seng ge lta bur phyin nas ded dpon sing ga la'i khyim gyi sgo drung na sdod do/ /skye bo'i tshogs kyis khye'u de mthong nas bzhin gzugs las ngo shes nas de dag gis smras pa/ shes ldan dag khye'u 'di ni ded dpon sing ga la'i bu yin par shes so/ /srin mos smras pa/ shes ldan dag khyed kyis shes te 'di ni de'i bu yin no/ / de dag gis smras pa/ sring mo khyod ga las 'ongs/ khyod su'i yin/ des smras pa/ shes ldan dag bdag ni zangs gling gi rgyal po'i bu mo ded dpon sing ga la'i chung mar byin pa yin na/ de rgya mtsho chen por song ba'i gru chu srin nya'i rigs kyis bcag nas des bdag bkra mi shis so zhes gnas ma yin par bor nas 'dir ji lta zhig tu phyin te/ bu chung ngu dang bdag la ded dpon sing ga la bzod pa bgyid du stsal ba'i rigs so/ /de dag gis de'i pha ma gnyis la sbran pa dang / de gnyis kyis de la smras pa/ bu rgyal po'i bu mo de ma dor bar bu chung ngu dang nyon mongs ma 'di la bzod pa gyis shig /yab yum gnyis 'di ni rgyal po'i bu mo ma lags te/ 'di ni zangs gling nas mchis pa'i srin mo lags so/ /de gnyis kyis smras pa/ bu bud med lta zhig thams cad kyang srin mo yin gyis bzod pa gyis shig /des smras pa/ yab yum gnyis gal te khyed cag 'di la dgyes na 'di khyim du srel cig /bdag ni gzhan du mchi'o/ /de gnyis kyis smras pa/ bu nged kyis khyed kyi don du 'di shin du srel ba yin na/ gal te khyod 'di mi 'dod na nged kyis 'di ci'i phyir mi bskrad ces de gnyis kyis de bskrad do/ /de nas srin mo de rgyal po seng ge ral pa can gyi gan du song ba dang / blon po rnams kyis rgyal po la sbran pa/ lha bud med gzugs 'di lta bu lang tsho la bab pa zhig rgyal po'i chab sgo na sdod do/ /rgyal pos smras pa/ bltas 'jug tu chug shig /de dag gis de 'jug tu bcug go/ /bud med kyi gzugs ni dbang po rnams 'phrog pa yin pas rgyal pos de mthong nas 'dod chags kyis gzir bas 'ongs pa legs so zhes bya ba'i kun tu spyad pas de la kun tu spyad nas smras pa/ bzang mo khyod ga las 'dir 'ongs/ khyod su'i yin/ des rkang pa gnyis la gtugs te smras pa/ lha bdag ni zangs gling gi rgyal po'i bu mo ded dpon sing ga la'i mchis 'brang du stsal ba lags na/ de rgya mtsho chan po'i nang du mchis pa'i gru chu srin nya'i rigs kyis bcag nas/ des bdag bkra mi shis so zhes gnas ma lags par bor te/ ji lta zhig tu 'dir mchis na/ lhas bu chung ngu dang bdag la ded dpon sing ga la bzod pa bgyid du stsal bar ci gnang / rgyal pos de'i bag phab nas blon po rnams la bsgo ba/ shes ldan dag deng la ded dpon sing ga la bos shig /de dag gis de bos pa dang / rgyal pos de la smras pa dang / sing ga la rgyal po'i bu mo 'di ma dor bar bu chung ngu dang / 'di la bzod pa gyis shig /des smras pa/ lha 'di ni rgyal po'i bu mo ma lags te/ 'di ni zangs gling nas mchis pa'i srin mo lags so/ /rgyal pos smras pa/ ded dpon bud med lta zhig thams cad kyang srin mo yin gyis 'di la bzod pa gyis shig /'on te khyod mi 'dod na ni nga la byin cig /des smras pa/ lha 'di ni srin mo lags pas bdag mi dbul mi zlog go/ /rgyal pos de btsun mo'i 'khor gyi nang du bcug nas des rgyal po dbang du byas so/ /ji tsam dus gzhan zhig na des rgyal po btsun mo'i 'khor dang bcas pa gnyid log par byas nas zangs gling du srin mo de dag gi nang du song ste smras pa/ phu nu mo dag khyed la ded dpon sing ga las ci bya/ kho mos rgyal po seng ge ral pa can btsun mo'i 'khor dang bcas pa gnyid log par byas kyis tshur sheg de bza' bar bya'o/ /de dag gis rkang lag dang mig bsgyur te bdag nyid 'jigs pa dang / 'jigs su rung ba chen mor mngon par sprul nas mtshan mo rgyal po'i pho brang seng ge lta bur lhags te/ de dag gis rgyal po seng ge ral pa can 'khor dang bcas pa zos so/ /mtshan mo nam nangs pa na rgyal po'i pho brang gi sgo 'byed pa med de/ ma phyed pa na rgyal po'i pho brang gi steng nas mi ro za ba'i bya mang po dag rgyu bar brtsams so/ /blon po dang / khrom gyi ru sna dang / grong rdal gyi mi dang / yul gyi mi dag kyang rgyal po'i pho brang gi sgo na sdod do/ /rgyal po'i pho brang seng ge lta bu kun tu sgra 'di skad ces rgyal po'i pho brang gi sgo 'byed pa med de/ ma phyed pa na rgyal po'i pho brang gi steng nas mi ro za ba'i bya mang po dag rgyu zhing blon po dang / khrom gyi ru sna dang / grong rdal gyi mi dang / yul gyi mi dag kyang rgyal po'i pho brang gi sgo na sdod cing 'khod do zhes bya ba de lta bu grags par gyur to/ /ded dpon sing ga las de thos nas de myur ba myur ba kho nar ral gri mchan du bcug ste song nas smras pa/ shes ldan dag srin mo des rgyal po zos kyis thabs soms shig /blon po rnams kyis smras pa/ 'di la ji ltar bsgrub par bya/ ya gad 'on cig dang 'dzegs te blta bar bya'o/ /de dag gis khyer te 'ongs pa dang / ded dpon sing ga la ral gri thogs te 'dzegs nas des de dag bsdigs pa dang / srin mo de dag kha cig ni mi'i rkang lag dag thogs te byer/ kha cig ni mgo dag thogs te byer ro/ /de nas ded dpon sing ga las rgyal po'i pho brang gi sgo dag phye nas blon po rnams kyis rgyal po'i pho brang byi dor byas nas/ pho brang 'khor gyi mi dang / blon po dang / yul mi dag sdus te smras pa/ shes ldan dag rgyal po btsun mo'i 'khor dang bcas pa srin mos zos te gzhon nu yang med na su zhig rgyal por dbang bskur bar bya/ de na kha cig gis smras pa/ gang snying stobs can shes rab dang ldan pa'o/ /kha cig gis smras pa/ ded dpon sing ga la las snying stobs can shes rab dang ldan pa su zhig yod kyi ded dpon sing ga la rgyal por dbang bskur bar bya'o/ /de ltar bya'o/ /zhes de dag gis ded dpon sing ga la la smras pa/ ded dpon rgyal srid long shig /des smras pa/ kho bo ni tshong pa'i tha snyad kyis 'tsho ba yin pas kho bo la rgyal srid kyis ci bya/ de dag gis smras pa/ ded dpon gzhan gyis rgyal srid byed du 'jug mi nus kyis long shig /des smras pa/ dam tshig gis blang bar bya ste/ gal te khyed cag kho bo'i tshig bzhin byed na'o/ /de dag gis smras pa/ byed kyis long shig /ma nyes so/ /de dag gis grong khyer mdzes par byas nas ded dpon sing ga la bkur sti chen pos rgyal srid la dbang bskur to/ /rgyal po sing ga las yul tha dad pa na gnas pa'i rig sngags smra ba dag bos te rig sngags rgya cher slob tu bcug go/ /de bzhin du yul tha dad pa na gnas pa'i 'phongs gi slob dpon dag kyang bos te rgya cher 'phong slob tu bcug nas blon po rnams la bsgo ba/ shes ldan dag dpung gi tshogs yan lag bzhi pa go skon cig /srin mo de dag zangs gling nas skrod du 'dong ngo / /blon po rnams kyis dpung gi tshogs yan lag bzhi pa go bskon nas rgyal po sing ga las dpung gi tshogs yan lag bzhi pa glang po che ba'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs grur btsud de zangs gling du 'phags so/ /mthar gyis rgya mtsho'i 'gram du phyin pa dang / srin mo de dag gi phongs pa'i gnas dang 'thun pa'i rgyal mtshan g.yo bar brtsams nas de dag gis gros bya bar brtsams pa/ phu nu mo dag phongs pa'i gnas dang 'thun pa'i rgyal mtshan g.yos pa las na 'dzam bu'i gling pa'i mi g.yul 'gyed par 'dod pa dag lhags gor ma chag gis blta'o zhes de dag rgya mtsho'i 'gram du dong ba dang / ji tsam na gru bo che ba du ma dag rgya mtsho'i 'gram du phyin pa mthong ngo / /mthong nas srin mo de dag gis kyang g.yul bshams pa dang / de nas rig sngags smra ba dag gis rig sngags dag gis phab nas 'phong gi slob dpon dag gis phal cher bsad do/ / lhag ma rnams kyis rgyal po sing ga la'i rkang pa gnyis la gtugs te smras pa/ lha bzod par gsol/ des smras pa/ dam tshig gis bzod par bya ste/ gal te khyed cag gi grong khyer 'di phyung ste/ gzhan du 'dong zhing nga'i yul du gnod pa 'ga' yang mi byed na bzod do/ /de dag gis smras pa/ de ltar bgyi'o/ /ma nyes so/ /de dag gis grong khyer de dag phyung nas gzhan du dong ste 'khod do/ /rgyal po sing ga las kyang der grong khyer brtsigs nas rgyal po sing ga las gnas bcas pas sing ga la'i gling sing ga la'i gling zhes bya ba'i ming du gyur to/ /dge slong dag de'i tshe de'i dus na ded dpon sing ga la gang yin pa de ni nga nyid yin no/ /de'i tshe de'i dus na rgyal po seng ge ral pa can gang yin pa de ni rgan zhugs 'di nyid yin no/ /de'i tshe de'i dus na srin mo gang yin pa de ni dpe med ma 'di yin te/ de'i tshe yang dpe med ma 'dis 'di btsun mo'i 'khor dang bcas pa tshul ma yin pas sdug bsngal bar byas la/ da ltar yang 'dis 'di tshul ma yin pas sdug bsngal bar byas so/ /kun tu rgyu ma dus dpe med ma khrid de kau shambīr 'ongs nas skyed mos tshal zhig na 'dug go/ /skyed mos tshal srung ba'i mis rgyal po shar pa la sbran pa/ lha bud med gzugs bzang ba/ blta na sdug pa/ mdzes pa zhig skyed mos tshal na mchis te/ de ni lha la 'os pa lags so/ /rgyal pos thos nas skyed mos tshal du song ba dang des mthong ngo / /bud med kyi yul ni dbang po rnams 'phrog pa yin pas mthong ma thag tu chags par gyur nas/ des kun du rgyu ma du la smras pa/ ma du 'di su'i bu mo yin/ lha bdag gi bu mo lags so/ /su la byin/ lha su yang ma stsal to/ /nga la ci'i phyir mi sbyin/ lha gsol lo/ /rgyal pos bag mar blangs te/ btsun mo'i 'khor gyi nang du bcug nas de la khang bzangs me tog gi so'i phyed kyang byin/ bsnyen bkur ma lnga brgya yang byin/ nyi ma re re zhing dri dang / phreng ba rgyu'i rin kar sha pa ṇa lnga brgya lnga brgya yang byin no/ /kun du rgyu ma du yang blon po'i mchog tu bcug go/ /de'i tshe na bad sa'i rgyal po shar pa la blon po'i mchog gsum yod de/ sbyor ba 'dzin dang / gdangs can dang / ma du'o/ /ji tsam dus gzhan zhig na bad sa'i rgyal po shar pa'i gan du mi zhig 'ongs nas rgyal pos dris pa/ khyod su yin/ des smras pa/ lha bdag snyan smra lags so/ /rgyal pos blon po rnams la bsgo ba/ shes ldan dag snyan smra la 'tsho ba byin cig /de dag gis de la 'tsho ba byin no/ /ji tsam na yang rgyal po'i gan du mi zhig 'ongs nas rgyal pos de la dris pa/ khyod su yin/ des smras pa/ lha bdag mi snyan smra lags so/ /rgyal pos blon po rnams la bsgo ba/ shes ldan dag mi snyan smra la 'tsho ba byin cig /de dag gis smras pa/ lha gal te na lhas mi snyan pa gsan par 'gyur yang gda' bas 'di la 'tsho ba mi stsal to/ /rgyal pos smras pa/ shes ldan dag rgyal po'i bya ba dag ni rgya ches byin cig /de dag gis de la yang 'tsho ba byin no/ /ji tsam dus gzhan zhig na bad sa'i rgyal po shar pa btsun mo sngo bsangs can dang / dpe med ma dang lhan cig 'dug pa na de na rgyal po sbrid pa byung ba dang / sngo bsangs can gyis sangs rgyas la phyag 'tshal lo zhes smras pa dang / dpe med mas lha la phyag 'tshal lo zhes byas te smras pa/ lha sngo bsangs can lha'i 'tshal ma 'tshal zhing dge sbyong gau ta ma la phyag 'tshal ba la gzigs/ rgyal pos smras pa/ dpe med ma 'di la nyes pa med de/ sngo bsangs can dge bsnyen ma yin pas los kyang dge sbyong gau ta ma la phyag 'tshal mod/ de cang mi smra bar 'dug go/ /des bu mo mngag gzhug ma la smras pa/ bu mo gang gi tshe lha sngo bsangs can dang / kho mo dang lhan cig dben pa na bzhugs pa de'i tshe na khyod kyis them skas nas khar phor rbab tu thong shig /des jo mo bka' bzhin 'tshal zhes gang gi tshe de dag lhan cig 'dug pa de'i tshe na them skas nas khar phor rbab tu btang ba na/ sngo bsangs can gyis sangs rgyas la phyag 'tshal lo zhes smras pa dang / dpe med mas lha la phyag 'tshal lo zhes byas te smras pa/ lha sngo bsangs can lha'i 'tshal ma 'tshal zhing dge sbyong gau ta ma la phyag 'tshal ba la gzigs/ rgyal pos smras pa/ dpe med ma thong shig /nyes rtsom ma byed cig /'di la nyes pa med de/ sngo bsangs can dge bsnyen ma yin pas los kyang dge sbyong gau ta ma la phyag 'tshal/ de cang mi smra bar 'dug go/ /rgyal po shar pa nyi ma gcig ni sngo bsangs can gyi gan du zan za la/ nyi ma gnyis pa la ni dpe med ma'i gan du zan za'o/ /dpe med mas bya pa la bsgo ba/ gang gi nyin mo lha sngo bsangs can gyi gan du bshos gsol ba'i res bab pa de'i nyin mo gong ma sreg gson po dbul bar bya'o/ /bya pas gang gi nyin mo rgyal po sngo bsangs can gyi gan du zan za ba de'i nyin mo rgyal po la gong ma sreg gson po phul ba dang / rgyal pos smras pa/ dpe med ma la gtod cig /dpe med mas thos nas des smras pa/ lha bdag gi res ma lags te/ sngo bsangs can gyi res lags so/ /rgyal pos smras pa/ kwa'i bya pa song la sngo bsangs can la gtod cig /des sngo bsangs can la phul te smras pa/ lha'i don du g.yos mdzod cig /des smras pa/ ci kho mo bya pa mo 'am/ kho mo srog gcod par mi byed kyis song shig /des rgyal po'i gan du song ste smras pa/ lha sngo bsangs can gyi mchid nas/ ci kho mo bya pa mo 'am/ kho mo srog gcod par mi byed kyis song zhig ces mchi'o/ /dpe med mas thos nas smras pa/ lha gal te de la dge sbyong gau ta ma'i slad du g.yos gyis shig ces bgyis na ni da tsam 'khor dang bcas te g.yos bgyid par 'gyur ro/ /rgyal pos bsams pa/ de ltar 'gyur ba snyam zhes des mi de la smras pa/ kwa'i bya pa song la 'di skad ces bcom ldan 'das kyi phyir g.yos gyis shig ces byos shig /de 'phags pa dang / dpe med mas lkog tu sod la phul cig ces bsgo nas/ des bsad de sngo bsangs can la phul nas smras pa/ lha'i zhal nas bcom ldan 'das kyi phyir g.yos gyis shig ces byung ngo / /sngo bsangs can 'khor dang bcas pas g.yos bya bar brtsams so/ /bya pas song ste rgyal po la smras pa/ lha sngo bsangs can 'khor dang bcas pas g.yos bgyi bar brtsams so/ /dpe med mas smras pa/ lhas gsan tam/ gal te srog gcod par mi bgyid na ni dge sbyong gau ta ma'i slad du yang mi bgyid la/ lha'i slad du yang mi bgyid pa'i rigs na/ dge sbyong gau ta ma'i slad du ni bgyid la/ lha'i slad du ni mi bgyid pa de ji lta bu zhig /rgyal po khros par gyur nas gzhu bkang ste 'phags so/ /'jig rten ni mdza' bshes dang / dgra bo dang tha mal pa yin pas kha cig gis ni sngo bsangs can la smras pa/ lha shin tu khros nas gzhu bkang ste 'ong gis thabs soms shig /des rang gi 'khor la smras pa/ nu mo dag khyed cag thams cad byams pa la snyoms par zhugs shig /de dag thams cad byams pa la snyoms par zhugs so/ /rgyal pos gzhu rna drung du thug par bkang ste mda' 'phangs pa dang / de lam phyed du ltung ngo / /mda' gnyis pa 'phangs pa dang / de phyir log ste rgyal po'i drung du ltung ngo / /mda' gsum pa 'phang bar brtsams pa dang / sngo bsangs can gyis smras pa/ lha ma 'phen cig /khyod thams cad kyi thams cad du ma mchis par 'gyur ba ma mdzad cig /rgyal po skrag ste smras pa/ khyod lha mo 'am/ klu mo 'am/ gnod sbyin mo 'am/ dri za mo 'am/ nam mkha' lding mo 'am/ mi 'am ci mo 'am/ lto 'phye chen mo 'am su yin/ des smras pa/ lha bdag ni lha mo yang ma lags/ klu mo yang ma lags/ gnod sbyin mo yang ma lags/ dri za mo yang ma lags/ mi 'am ci yang ma lags/ lto 'phye chen mo yang ma lags so/ /'o na khyod su yin/ lha bdag ni bcom ldan 'das kyi nyan thos ma phyir mi 'ong ba ste/ bdag gis bcom ldan 'das kyi drung nas phyir mi 'ong ba'i 'bras bu mngon sum du bgyis so/ /bud med lnga brgya po 'di dag gis kyang bden pa dag mthong ngo / /rgyal po mngon par dad par gyur nas smras pa/ khyod la dam pa ci zhig sbyin par bya ba smros shig /des smras pa/ gal te lha bdag la mngon par dad na gang gi tshe lha btsun mo'i 'khor gyi nang du gshegs pa de'i tshe na bdag la sring mo'i 'du shes nye bar zhog shig /rgyal pos smras pa/ ma nyes kyis de bzhin bya'o/ /rgyal po de dpe med ma dang lhan cig rtse ba dang / dga' ba dang / dga' mgur spyod par byed pa nyams su myong bar byed do/ /sngo bsangs can la chos kyi rgyu las byung ba'i dad pa skyed par byed cing / de la lo tog sar pa dang / 'bras bu sar pa dang / dus tshigs sar pa pa gang dag 'grub pa de dag kyang dang po kho nar sngo bsangs can la 'bul bar byed do/ /bud med kyi yul ni phrag dog gi rang bzhin can yin pas dpe med mas bsams pa/ rgyal po 'di bdag dang lhan cig rtse ba dang / dga' ba dang / dga' mgur spyod par byed pa nyams su myong bar byed la/ 'di la lo tog sar pa dang / 'bras bu sar pa dang / dus tshigs sar pa pa gang dag 'grub pa de dag ni dang po kho nar sngo bsangs can la 'bul bar byed pas gang gis sngo bsangs can 'di gsad par 'gyur ba de lta bu'i thabs kyi rnam pa zhig bya'o snyam nas/ de gsad pa'i phyir glan ka tshol zhing de lhur len cing 'dug go/ /ji tsam dus gzhan zhig na bad sa'i rgyal po shar pa'i ri brags pa zhig log nas/ des der ru gcig btang na de bcom zhing rab tu bcom ste 'ongs so/ /de bzhin du ru gnyis pa dang / gsum pa btang na de yang bcom zhing rab tu bcom ste 'ongs nas/ blon po rnams kyis smras pa/ lha'i dpung ni nyams shing ri brags pa'i dpung ni skyes te/ gal te lha rang nyid ma gshegs na de phebs dka' bar 'gyur ba gang lags pa de lta bu'i gnas mchis par 'gyur ro/ /des kau shambīr dril bsgrag pa byed du bcug ste/ nga'i yul na gang dag mtshon chas 'tsho ba ji snyed 'khod pa de dag thams cad kyis 'dong bar bya'o zhes bsgo ste de nas 'phags so/ /rgyal pos sbyor ba 'dzin la smras pa/ khyod sngo bsangs can la mkho ba stobs shing 'di nyid na 'dug shig /des smras pa/ lha de ltar mi rung ste/ bdag kyang lha nyid dang thabs gcig mchi'o/ / rgyal pos gdangs can la smras pa/ khyod sngo bsangs can la mkho ba stobs shing 'di nyid na 'dug shig /des kyang smras pa/ lha de ltar mi rung ste/ bdag kyang lha nyid dang thabs gcig mchi'o/ /rgyal pos ma du bzhag ste smras pa/ khyod sngo bsangs can la mkho ba stobs shing 'di nyid na 'dug shig ces bsgo ste 'phags pa dang / des kyang phyi bzhin skyel bzhin du lha de ltar mi rung ste/ bdag kyang lha nyid dang thabs gcig mchi'o zhes lan gsum gyi bar du gsol kyang rgyal pos ma gnang nas des khas blangs so/ /ma du dpe med ma'i gan du song ba dang / des dris pa/ yab lhas 'dir su bzhag /bdag bzhag go/ /des bsams pa/ ma nyes kyis grogs 'dis khon gyi sha glan par nus so snyam du rig nas smras pa/ yab sngo bsangs can bdag gi cir 'ong mkhyen tam/ bu mo 'tshal te chen ma'o/ /yab bud med kyi yul la chos gang shin tu gnod pa mkhyen tam/ bu mo 'tshal te/ phrag dog dang ser sna'o/ /yab gal te de lta na sngo bsangs can khum shig /bu mo ci bdag la mgo gnyis mchis sam/ rgyal pos lan gsum gyi bar du sngo bsangs can la mkho ba stobs shig ces bka' stsal gyi/ khyod kyi ming yang ma smos so/ /des smras pa/ yab khyod 'di ltar glen nam/ bu mo'i don du pha la cung zad 'tshol ba su yod de/ rgyu med par yang de la byams par byed do/ /de'i phyir gal te je de gsod na de lta na legs/ gal te mi gsod na kho mos khyod sngon gyi gnas nyid du gzhag par bya'o/ /de skrag ste bsams pa/ rgyal po de bud med kyi dbang du song ba yin pas de ltar 'gyur ro snyam du rig nas/ smras pa/ bu mo gyi na de bzhin du gsad par mi nus te/ 'di ltar thabs kyi rnam pa zhig bya'o/ /des smras pa/ ma nyes kyis de bzhin gyis shig /des sngo bsangs can la smras pa/ lha mo ci bgyi bka' stsol cig /des smras pa/ ma du bya ba cung zad kyang med de/ 'di ltar bu mo 'di dag mtshan mo me mar la sangs rgyas kyi bka' klog pas der gro ba dang / 'bru mar dang / snag tsha dang / smyug gu dang shing bal dgos so/ /des smras pa/ lha mo ma nongs kyis sbyor du stsal to zhes des mang po sbyor du bcug ste nang du bskyas nas sgo khang du phung por bcer te bzhag go/ /sngo bsang can gyis smras pa ma du chog gis thong shig ma dus smras pa/ lha mo 'jug stsal te slan chad yang dang yang du 'jug tu mi stsal bar bgyi'o zhes des 'jug tu bcug nas gro ba'i khur phyi mar me bcug ste 'jug tu bcug pa dang / me 'bar ba des sgo khang la mched nas kau shambī na gnas pa'i skye bo'i tshogs kyis me gsod du brgyugs pa dang / ma dus ral gri shubs nas phyung ste/ khyed cag ci'i phyir rgyal po'i btsun mo'i 'khor gyi nang du 'jug par 'dod/ sdod cig ces skye bo'i tshogs phyir bzlog par brtsams so/ /'khrul 'khor gyi sgyu rtsal gyi slob dpon gyis smras pa/ kho bos sgo khang me mched pa 'di 'khrul 'khor gyis gnas gzhan du spo bar bya'o/ /ma dus de yang de bzhin du phyir bzlog go/ /sngo bsangs can rdzu 'phrul gyis nam mkha' la gyen du 'phags te smras pa/ nu mo dag bdag cag gis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas bdag cag gis las byas shing bsags pa dag gzhan su zhig gis so sor myong bar 'gyur/ bcom ldan 'das kyis kyang / bar snang rgya mtsho'i nang dang ni/ /ri yi sul du zhugs gyur tam/ /gang du gnas na las rnams kyis/ /mi tshugs 'gyur ba'i sa phyogs med/ /ces gsungs pas bdag cag la las de gzhol bar 'gyur ro zhes smras nas tshigs su bcad pa smras pa/ bdag gis rtsig ngos skar khung nas/ / bcom ldan 'das ni mthong 'gyur te/ /sangs rgyas kyi ni bstan pa la/ /bden pa dag ni kun shes byas/ /de dag phye ma leb bzhin du gyen du mchong zhing mchong zhing mer lhung bar gyur to/ /de na sngo bsangs can la sogs pa bud med lnga brgya ni tshig go/ /sgur mchog ni chu'i stor khung nas bros so/ /ma dus bud med lnga brgya po de dag gi ro dur khrod du bor nas rgyal po'i pho brang nang dang phyi rol dang bcas pa'i byi dor byas te/ kau shambi na gnas pa dang / yul tha dad pa nas lhags pa'i skye bo'i tshogs ngu ba dag bzlog go/ /de nas dge slong rab tu mang po dag snga dro sham thabs bgos/ lhung bzed dang chos gos thogs te/ kau shambir bsod snyoms la zhugs pa dang / dge slong rab tu mang po dag kau shambir bsod snyoms la rgyu bas/ bad sa'i rgyal po shar pa ljongs su song ba'i btsun mo'i 'khor sngo bsangs can la sogs pa bud med lnga brgya tsam mes tshig ces thos so/ /thos nas kyang kau shambir bsod snyoms brgyus nas/ zas kyi bya ba byas te/ phyi ma'i zas kyi bsod snyoms las phyir log pas ji ltar longs spyad pa'i gnas mal mkhos su phab ste/ rkang pa gnyis bkrus nas bcom ldan 'das ga la ba der dong ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'dug nas bcom ldan 'das la dge slong rab tu mang po dag gis 'di skad ces gsol to/ / btsun pa 'di na bdag cag dge slong rab tu mang po dag snga dro sham thabs 'tshal lhung bzed dang chos gos thogs te kau shambir bsod snyoms la zhugs pa na/ btsun pa bdag cag dge slong rab tu mang po kau shambir bsod snyoms la rgyu ba dag gis bad sa'i rgyal po shar pa ljongs su mchis pa'i mchis brang gi 'khor sngo bsangs can la sogs pa bud med lnga brgya tsam zhugs kyis dral ces thos so/ /dge slong dag gang gis bad sa'i rgyal po shar pa ljongs su song ba'i btsun mo'i 'khor sngo bsangs can la sogs pa bud med lnga brgya tsam mes bsregs pa'i mi gti mug can des bsod nams ma yin pa mang po bskyed do/ /dge slong dag 'di ltar mi gti mug can des bsod nams ma yin pa mang po bskyed mod kyi/ bud med de dag ni 'bras bu med par dus la bab pa ma yin no/ /de ci'i phyir zhe na/ btsun mo'i 'khor de na bud med gang dag gis tha ma'i cha dang 'thun pa'i kun du sbyor ba lnga spangs pas rdzus te skye zhing / der yongs su mya ngan las 'da' ba phyir mi 'ong ba yang 'jig rten 'dir phyir mi ldog pa'i chos can de lta bu'i bud med dag btsun mo'i 'khor de na yod pa dang / btsun mo'i 'khor de na bud med gang dag gis kun du sbyor ba gsum spangs pas 'dod chags dang zhe sdang dang / gti mug srabs pa'i phyir lan cig phyir 'ong ba lan cig 'jig rten 'dir 'ongs nas sdug bsngal mthar byed par 'gyur ba de lta bu'i bud med dag kyang btsun mo'i 'khor de na yod pa dang / btsun mo'i 'khor de na bud med gang dag gis kun du sbyor ba gsum spangs pas rgyun du zhugs pa log par mi ltung ba'i chos can rdzogs pa'i byang chub la nges par gzhol ba re ltar thogs na srid pa lan bdun pa lan bdun lha dang mi rnams su mtshams sbyar nas sdug bsngal mthar byed par 'gyur ba de lta bu'i bud med dag kyang btsun mo'i 'khor de na yod pa dang / btsun mo'i 'khor de na bud med gang dag rang gi srog gi phyir yang bslab pa dag las 'da' bar mi byed pa de lta bu'i bud med dag kyang btsun mo'i 'khor de na yod pa dang / btsun mo'i 'khor de na bud med gang dag nga la sems dad pas dus byas shing lus zhig nas bde 'gro mtho ris kyi 'jig rten lha rnams kyi nang du skye ba de lta bu'i bud med dag kyang btsun mo'i 'khor de na yod pa'i phyir ro/ /dge slong dag tshur sheg sngo bsangs can la sogs pa bud med lnga brgya po dag gi ro ga la ba der 'dong ngo / /dge slong rnams kyis btsun pa bka' bzhin 'tshal zhes bcom ldan 'das las mnyan to/ /de nas bcom ldan 'das dge slong rab tu mang po dag dang thabs gcig bud med lnga brgya po de dag gi ro ga la ba der gshegs te byon nas/ dge slong rnams la bka' stsal pa/ dge slong dag bud med lnga brgya'i ro 'di dag ni gang la bad sa'i rgyal po shar pa chags pa dang / zhen pa dang / 'chums pa dang / mdud pa bor ba dang / brgyal ba dang / lhag par chags pa dang / lhag par chags shing 'dug pa dag yin na/ da ni 'di dag la rkang pa dag gis reg par yang su zhig byed/ tshigs su bcad pa yang bka' stsal pa/ 'jig rten snying po med brel la/ /skal ldan su zhig lta bar byed/ /byis pa nyon mongs bcings gyur cing / /mun pa yongs su bskor ba dag /dam pa min la dam par lta/ /mthong ba rnams la ci yang med/ /dge slong dag de lta bas na khyed kyis 'di ltar bslab par bya ste/ ka ba tshig pa gang yin pa la yang sems rab tu sdang bar mi bya na/ rnam par shes pa dang bcas pa'i lus la lta smos kyang ci dgos te/ dge slong dag khyed kyis de ltar bslab par bya'o/ /kau shambi na gnas pa dang / pho brang 'khor gyi mi dag 'dus te gros bya bar brtsams pa/ shes ldan dag rgyal po la gnod pa 'di lta bu byung na de bdag cag las gang gis rgyal po la brjod par bya/ de na kha cig gis smras pa/ mi snyan smra gang yin pa de rjod du gzhug gis de bod do/ /gzhan dag gis smras pa/ ma nyes kyis de ltar bya'o zhes de dag gis de bos te smras pa/ lha la mi snyan pa 'di go rims bzhin du gsol cig /des smras pa/ de'i tshe khyed cag na re ci'i phyir mi snyan smra la 'tsho ba sbyin par bya zhes zer na/ da de'i dus 'di yin gyis khyed cag nyid kyis gsol cig /de dag gis smras pa/ de'i don nyid du khyod la 'tsho ba byin pa yin na gzhan su zhig gsol bar byed/ khyod kyis gsol cig /des smras pa/ dam tshig gis gsol bar bya ste/ kho bo ci zer ba de bzhin gyis shig dang gsol bar bya'o/ /smros shig dang / de bzhin bya'o/ /go rims 'di ltar gsol bar bya ste/ kho bo la glang po che lnga brgya dang / bal lang mo lnga brgya dang / rta lnga brgya dang / rgod ma lnga brgya dang / gzhon nu lnga brgya dang / gzhon nu ma lnga brgya dang / gser 'bum dang / ras la kau shambi'i gnas dang / khang bzangs me tog gi so dang / ji ltar ma dus gro ba dang / 'bru mar dang / snag tsha dang / smyu gu dang / shing bal bskyas shing gro ba'i khur phyi ma'i nang du me bcug pa dang / ji ltar sgo khang la me mched pa dang / ji ltar kau shambi na gnas pa'i skye bo'i tshogs kyis me gsod du brgyugs pa na ma dus ral gri shubs nas phyung ste/ phyir bzlog pa dang / ji ltar 'khrul 'khor gyi sgyu rtsal gyi slob dpon gyis sgo khang la me mched pa 'khrul 'khor gyis gnas gzhan du spo'o zhes zer ba na ma dus de bzhin du phyir bzlog pa dang / ji ltar sngo bsangs can la sogs pa bud med lnga brgya phye ma leb bzhin du gyen du 'chong zhing 'chong zhing mer lhung ba dag ri mor bris te byin cig /de dag gis smras pa/ de ltar bya'o zhes de dag gis de la glang po che lnga brgya dang / ba lang mo lnga brgya dang / rta lnga brgya dang / rgod ma lnga brgya dang / gzhon nu lnga brgya dang / gzhon nu ma lnga brgya dang / gser 'bum dang / ras la kau shambi'i gnas dang / khang bzangs me tog gi so dang / ji ltar ma dus gro ba dang / 'bru mar dang / snag tsha dang / smyu gu dang / shing bal bskyas shing gro ba'i khur phyi ma'i nang du me bcug pa dang / ji ltar sgo khang la me mched pa dang / ji ltar kau shambi na gnas pa'i skye bo'i tshogs kyis me gsod du brgyugs pa na ma dus ral gri shubs nas phyung ste phyir bzlog pa dang / ji ltar 'khrul 'khor gyi sgyu rtsal gyi slob dpon gyis sgo khang la me mched pa 'khrul 'khor gyis gnas gzhan du spo'o zhes zer ba na ma dus de bzhin du phyir bzlog pa dang / ji ltar sngo bsangs can la sogs pa bud med lnga brgya phye ma leb bzhin du gyen du 'chong zhing 'chong zhing mer lhung ba dag ri mor bris te byin no/ /de nas mi snyan smras blon po rnams la yi ge spring ste/ rgyal po la gnod pa 'di lta bu byung ba kho bos thabs 'dis brjod par byas/ khyed kyis grogs gyis shig ces byas so/ /des de dag la yi ge spring nas dpung gi tshogs yan lag bzhi pa go bskon te phyogs gzhan zhig tu song nas der bsdad de/ rgyal po shar pa la phrin yig 'di skad ces lha bdag ni yul ga ge mo zhig gi rgyal po ste/ bdag gi bu 'chi bdag gis phrogs nas de'i phyir bdag de dang lhan cig g.yul sprod par byed de/ gal te re shig g.yul sprad pas de pham par nus na de lta na legs/ gal te ma nus na glang po che lnga brgya dang / ba lang mo lnga brgya dang / rta lnga brgya dang / rgod ma lnga brgya dang / gzhon nu lnga brgya dang / gzhon nu ma lnga brgya dang / gser 'bum phul nas bu blangs te 'ong ngo zhes bris te bskur ro/ /rgyal po shar pa'i ri brags pa de dpung dang ldan pas ma phebs nas/ des blon po rnams la smras pa shes ldan dag rgyal po de 'di ltar blun pa la ltos/ 'chi bdag gis bu phrogs pa phyir khrugs par nus pa 'ga' yang yod re skan/ de ni mjal gyis de la phrin yig 'di skad ces kho bo'i ri brags pa zhig log pa ma phebs kyis je kho bo'i grogs gyis shig dang / kho bos kyang phyis khyod kyi grogs bya'o zhes bris te skur cig /blon po rnams kyis de la phrin yig de skad ces bris te bskur ba dang / des phrin yig blags nas blags ma thag tu ri brags der 'ongs nas de ha cang thag mi ring ba zhig na 'dug pa dang / ri brags pa dag gis thos nas bsams pa/ bdag cag rgyal po dag gis phyogs bcu dag nas bskor bar chad de/ rgyal po gnyis pa 'di yang nye bar 'ongs kyis yul ni rnam pa thams cad du phyir 'thob par yang rung gi/ srog ni phyir 'thob par mi rung gis phyir 'byung ngo snyam nas/ de dag ral gri mgul nas phog ste phyir byung nas/ rgyal po shar pa'i rkang pa gnyis la gtugs pa dang / rgyal po shar pas de dag lo thang dang / dpya 'jal du bcug go/ /de nas mi snyan smra rgyal po'i yo lang gis rgyal po shar pa'i gan du song ste smras pa/ lha bdag gi bu 'chi bdag gis phrogs te lhas bdag gi grogs gyis shig dang / bdag de dang lhan cig g.yul sprod par byed do/ /gal te re shig g.yul sprad pas de pham par nus na de lta na legs/ gal te ma nus na de la glang po lnga brgya dang / bal lang mo lnga brgya dang / rta lnga brgya dang / rgod ma lnga brgya dang / gzhon nu lnga brgya dang / gzhon nu ma lnga brgya dang / gser 'bum phul te blang bar bya'o/ /rgyal po shar pas smras pa/ shed 'thun khyod glen pa zhig ste/ 'chi bdag las phyir len par nus pa 'ga' yang yod re skan/ des smras pa/ lha mi nus sam/ mi nus so/ /gal te de lta na ri mo 'di ltos shig /des ri mo brkyang ste/ rgyal pos ri mo brtags nas gnad du bsnun pa dang 'dra bar gdung bzhin du smras pa/ kye ji skad sngo bsangs can la sogs pa bud med lnga brgya mes tshig ces zer ram/ des cod pan dang / thor tshugs phog ste tshigs su bcad pa smras pa/ bdag ni rgyal po ma lags rgyal srid min/ /lha khyod zhabs 'bring zhabs kyis 'tsho ba ste/ /mi snyan don 'di khyod la gsol slad du/ /bdag 'dir khyod kyi zhabs kyi drung du mchis/ /rgyal po shin tu brtags nas 'di ni grong khyer kau shambi'o/ /'di ni rgyal po'i pho brang ngo / /'di ni khang bzangs me tog gi so'o/ /'di ni ma du'o/ /'di ni gro ba la sogs pa'i sbyor bas sreg pa'o/ /'di dag ni sngo bsangs can la sogs pa bud med lnga brgya phye ma leb bzhin du gyen du 'chong zhing 'chong zhing mer lhung ba dag go zhes rnam par dpyod par byed do/ /rnam par dpyad nas smras pa/ kwa'i nang rje ji skad sngo bsangs can la sogs pa bud med lnga brgya mes tshig ces zer ram/ lha bdag de skad mi mchi'o/ /'di ltar lha nyid de skad gsung ngo / /kwa'i nang rje khyod kyis nga la thabs kyis gsol bar zad kyi gzhan du na ngas khyod kyi mgo drung pa nas bcad de/ sa la bsgyel bar 'gyur ro zhes smras nas/ rgyal po brgyal te sa la sgyel to/ /de nas chus gdab pas dbugs phyir byung nas smras pa/ shes ldan dag dpung gi tshogs yan lag bzhi pa go skon cig /kau shambir 'dong ngo / /blon po rnams kyis dpung gi tshogs yan lag bzhi po go bskon nas rgyal po kau shambir 'phags te mthar gyis kau shambir phyin pa dang / des pho brang 'khor gyi mi rnams kyi nang na ches rgyus mkhas pa thams cad smras so/ /de nas blon po'i mchog sbyor ba 'dzin la bsgo ba/ sbyor ba 'dzin song la ma du rgya skyegs kyi khang par chug la sregs shig /dpe med ma yang rte'u ma dul ba'i rkang pa la thogs la 'or cig /sbyor ba 'dzin gyis ma du rgya skyegs kyi khang par bcug ste bsregs so/ /de nas bsams pa/ dpe med ma ni gal te rgyal pos bsams nas dpe med ma 'on cig ces zer na bdag gis ji ltar byas/ re shig sdod cig snyam nas des dpe med ma sa khang du bcug ste bzhag go/ /rgyal po nyi ma bdun pa la mya ngan sangs nas de mya ngan sangs pas smras pa/ sbyor ba 'dzin dpe med ma ga re/ des lha bdag gis rte'u ma thul ba'i rkang pa la btags te bor ro/ /rgyal pos smras pa/ ma nyes so/ /ma dus ni sngo bsangs can bsad la/ khyod kyis kyang dpe med ma bsad kyis da nga rab tu 'byung bar bya'o/ /sbyor ba 'dzin gyis smras pa/ lha de nyid kyi slad du bdag gis dpe med ma sa khang du stsal te bzhag go/ /gal te gson na blta'o/ /des de sa khang nas phyung ba dang / gnas skabs de kho na bzhin du nyon mongs pa can ma yin pa dang / lus ma rnyis par 'dug go/ /rgyal pos mthong nas bsams pa/ ji ltar 'di gnas skabs de kho na bzhin du nyon mongs can ma yin pa dang / lus ma rnyis par 'dug la/ na yang mi na/ zas kyang mi za ba las na gor ma chag par skyes pa gzhan dang lhan cig dga' mgur spyad do snyam du rig nas smras pa/ dpe med ma khyod kyis 'khrul pa byas so/ /des smras pa/ lha sdig pa ci zhig /bdag de ltar mi bgyid do/ /ci mngon/ lha khyod bcom ldan 'das la mngon par dad dam/ rgyal pos smras pa/ de ni mjal te/ khyod de'i tshe na ni dge sbyong gau ta ma zhes zer la/ da ni bcom ldan 'das zhes zer mod/ 'di ltar nga ro dang 'dra ba khyod kyi phyir bcom ldan 'das la mi zhu'i/ sngo bsangs can gyi don du bcom ldan 'das la zhu'o zhes de bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la bad sa'i rgyal po shar pas 'di skad ces gsol to/ /btsun pa sngo bsangs can la sogs pa bud med lnga brgyas las ci bgyis na/ des zhugs kyis gral cing / sgur mchog ni chab kyi stor khung nas bros par gyur/ bcom ldan 'das kyis bka' stsal pa/ rgyal po chen po de dag nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas de dag nyid kyis las byas shing bsags pa dag gzhan su zhig gis so sor myong bar 'gyur/ rgyal po chen po las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /rgyal po chen po sngon byung ba grong khyer bā rā ṇa sī na rgyal po tshangs byin zhes bya bas rgyal srid 'byor pa rgyas pa/ bde ba lo legs pa/ skye bo dang mi mang pos gang ba/ thab mo dang / 'thab pa dang / phyi dgra dang / nang 'khrug rab tu zhi ba/ chom rkun dang / mu ge dang / nad dang bral ba/ sa lu dang / bu ram shing gi phreng ba dang / ba lang dang / ma he phun sum tshogs pa byed du bcug ste/ chos dang ldan pa chos kyi rgyal pos chos kyi rgyal srid byed du bcug go/ /sangs rgyas rnams 'byung ba med pa'i tshe rang sangs rgyas dman pa dang / bkren pa la rjes su snying brtse ba dang / bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur pa dag 'jig rten du byung ngo / /ji tsam na rang sangs rgyas zhig ljongs rgyu zhing 'gro ba na bā rā ṇa sīr phyin nas de skyed mos tshal zhig na spyil bu na gnas so/ /rgyal po tshangs byin gyi btsun mo'i 'khor lnga brgya skyed mos tshal der byung nas/ btsun mo'i 'khor de dag rtsed mo'i rdzing du khrus byas nas grang bas sbrebs nas/ de na btsun mo dam pas bu mo mngag gzhug ma la smras pa/ bu mo shin du grang bas sbrebs kyis song la/ spyil bu 'di la me thong shig /des sgron me sbar te song ba dang / rang sangs rgyas de mthong nas des btsun mo'i mchog la smras pa/ lha mo 'di na rab tu byung ba zhig mchis so/ /des smras pa rab tu byung ba 'dug kyang rung / gzhan 'dug kyang rung gis me thong shig /des ma btang bar bros pa dang / de nas btsun mo'i mchog de 'khrugs nas de rang gis me btang ba dang / rang sangs rgyas de phyir byung ngo / /btsun mo'i 'khor gzhan dag gis kyang lha mo khyod kyis zhugs btang ba legs pa bgyis te bdag cag thams cad zhugs 'de'o zhes rjes su yi rang ba byas so/ /rang sangs rgyas bdag nyid chen po des bsams pa/ btsun mo'i 'khor nyon mongs pa 'di dag ha cang smas pa dang / nyams par gyur na mi rung gis 'di dag la lag nas drang ba sbyin no snyam nas/ des ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang / gsal ba dang / char 'beb pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod par byed pa yin pas btsun mo'i 'khor de dag shing ljon pa rtsa ba nas bcad pa bzhin du rang sangs rgyas de'i rkang pa'i drung du 'gyel nas smras pa/ yon gnas yang dag par gyur pa mar gshegs su gsol/ mar gshegs su gsol/ nyon mongs pa'i 'dam du bying ba bdag cag gi sug pa nas drang pa stsal du gsol/ rang sangs rgyas de btsun mo'i 'khor de dag la rjes su snying brtse ba'i phyir steng gi nam mkha' las shod du babs so/ /de dag gis de la mchod pa byas nas rkang pa gnyis la phyag 'tshal te smon lam 'di skad ces bdag cag yon gnas yang dag par gyur pa 'di lta bu la gnod par byas pa gang yin pa'i las de'i cha dang 'thun par ma gyur par mchod pa byas pa gang yin pa'i dge ba'i rtsa ba 'dis bdag cag 'di bas ches khyad par du 'phags pa'i ston pa mnyes par byed cing / thugs byung bar mi byed pa'i yon tan gyi rnam pa de lta bu thob par gyur cig ces btab bo/ /rgyal po chen po de'i tshe de'i dus na rgyal po tshangs byin gyi btsun mo dam pa gang yin pa de ni sngo bsangs can 'di yin no/ /de'i tshe de'i dus na bud med gzhan bzhi brgya dgu bcu rtsa dgu po gang dag yin pa de dag ni bud med bzhi brgya dgu bcu rtsa dgu po 'di dag yin no/ / de'i tshe de'i dus na bu mo mngag gzhug ma gang yin pa de ni sgur mchog 'di yin no/ /de dag gis rang sangs rgyas kyi spyil bu bsregs shing rjes su yi rang ba byas pa gang yin pa'i las de'i rnam par smin pas lo mang po dag tu sems can dmyal ba chen po rnams su bsregs nas da ltar bden pa mthong gi bar du yang mes tshig par gyur to/ /sgur mchog me gtong du ma btubs pas ni da ltar chu'i stor khung nas bros par gyur to/ /de dag gis rang sangs rgyas la mchod pa byas nas smon lam btab pa gang yin pa des ni da ltar nga'i drung du bden pa mthong bar byas shing / de dag gis rang sangs rgyas bye ba phrag 'bum pas ches khyad par 'phags pa'i ston pa nga mnyes par byas shing thugs byung bar ma byas so/ /rgyal po chen po de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /rgyal po chen po de lta bas na las gcig tu gnag pa rnams dang / 'dren ma rnams spangs nas las gcig tu dkar ba rnams la brtsal bar bya ste/ rgyal po chen po khyod kyis de ltar bslab par bya'o/ /de nas bad sa'i rgyal po shar pas bcom ldan 'das kyis bka' stsal pa la mngon par dga' ba dang rjes su yi rang ba byas nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo // //'dul ba rnam par 'byed pa/ bam po bdun bcu rtsa brgyad pa/ dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa sgur mchog gis la s ci bgyis na des na sgur bar gyur/ bcom ldan 'das kyis bka' stsal pa/ dge slong dag sgur mchog nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa gdon mi za bar 'byung bar 'gyur ba dag byas shing bsags pas de nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ de ltar las dge ba dang mi dge ba byas shing bsags pa dag ni zin pa'i phung po dang / khams dang skye mched dag la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba grong khyer bā rā ṇa sī na rgyal po tshangs byin zhes bya bas rgyal srid 'byor pa/ rgyas pa/ bde ba lo legs pa/ skye bo dang mi mang pos gang ba/ thab mo dang / 'thab pa dang / phyi dgra dang / nang 'khrug rab tu zhi ba/ chom rkun dang / mu ge dang nad dang bral ba/ sa lu dang bu ram shing gi phreng ba dang ba lang dang ma he phun sum tshogs pa byed du bcug ste/ chos dang ldan pa chos kyi rgyal pos chos kyi rgyal srid byed du bcug go/ /ji tsam dus gzhan zhig na ltas pa dag gis lo bcu gnyis su char mi 'bab par lung bstan nas/ rgyal po tshangs byin gyis bā rā ṇa sīr dril bsgrag pa byed du bcug ste/ 'di skad ces gang la lo bcu gnyis kyi zan yod pa des ni gnas par bya'o/ /gang la med pa des ni gzhan du 'gro bar bya zhing lo bcu gnyis 'das nas phyir yang 'ong bar bya'o zhes bsgo'o/ /de'i tshe bā rā ṇa sī na khyim bdag gzungs byed ces bya ba phyug pa/ nor mang ba/ longs spyod che ba/ yongs su gzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug pa des mdzod pa bos te smras pa/ kwa'i nang rje mdzod pa kho bo 'khor dang bcas pa'i lo bcu gnyis kyi zan yod dam/ des smras pa/ jo bo mchis so/ /sangs rgyas rnams 'byung ba med pa'i tshe rang sangs rgyas dman pa dang bkren pa la rjes su snying brtse ba/ bas mtha'i gnas mal la dga' ba bse ru lta bu gcig pu 'jig rten gyi yon gnas su gyur pa dag 'jig rten du byung ngo / /ji tsam na rang sangs rgyas lnga brgya ljongs rgyu zhing 'dong ba na bā rā ṇa sīr phyin nas de dag khyim bdag gzungs byed kyi gan du dong ste phyin nas smras pa/ khyim bdag khyod kyis kho bo cag rab tu byung ba lnga brgya la lo bcu gnyis su mkho ba stobs par nus sam/ des smras pa/ 'phags pa dag je mdzod pa la rmas te slad kyis gsol lo zhes des mdzod pa bos te smras pa kwa'i nang rje mdzod pa kho bo 'khor dang bcas pa dang / rab tu byung ba lnga brgya po 'di dag gi lo bcu gnyis kyi zan yod dam/ des smras pa/ jo bo mchis so/ /khyim bdag gzungs byed kyis rang sangs rgyas lnga brgya po de dag la smras pa/ 'phags pa dag mchis kyis bzhugs shig dang gsol lo/ /de dag de nyid du 'khod do/ /ji tsam na rang sangs rgyas gzhan lnga brgya ljongs rgyu zhing 'dong ba na bā rā ṇa sīr phyin nas de dag kyang khyim bdag gzungs byed kyi gan du dong ste phyin nas smras pa/ khyim bdag khyod kyis kho bo cag rab tu byung ba lnga brgya la lo bcu gnyis su mkho ba stobs par nus sam/ des smras pa/ 'phags pa dag khyed cag la gsol lags na ci'i slad du yang sgrub par mdzad/ khyim bdag de dag kyang gzhan la kho bo cag kyang gzhan no/ /'phags pa dag je mdzod pa la rmas te slad kyis gsol lo zhes des mdzod pa bos te smras pa/ kwa'i nang rje mdzod pa kho bo 'khor dang bcas pa dang / rab tu byung ba stong po 'di dag gi lo bcu gnyis kyi zan yod dam/ des smras pa/ jo bo mchis so/ /des rab tu byung ba gzhan lnga brgya po de dag la smras pa/ 'phags pa dag mchis kyis bzhugs shig dang gsol lo/ /de dag kyang der 'khod do/ /des sbyin pa'i khang pa rtsig tu bcug ste/ des sbyin pa'i zhal ta pa'i mi dang spyan 'dren yang bskos so/ /der nyi ma re re zhing rang sangs rgyas stong stong zan za'o/ /de na rang sangs rgyas gcig na bar gyur nas de de'i nyin mo ma 'ongs pa dang / khyim bdag gzungs byed la bu mos smras pa/ yab deng rab tu byung ba gcig ma mchis so/ /des smras pa/ bu mo ji lta bu zhig /des rgyab btud de smras pa/ yab 'di lta bu zhig go/ /dge slong dag de'i tshe de'i dus na khyim bdag gzungs byed kyi bu mo gang yin pa de ni sgur mchog 'di yin te/ 'dis rang sangs rgyas la tho brtsams pa gang yin pa'i las de'i rnam par smin pas sgur bar gyur to/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa sgur mchog gis las ci bgyis na des na thos pa 'dzin par gyur/ bcom ldan 'das kyis bka' stsal pa/ dge slong dag sgur mchog nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas de nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag khyim bdag gzungs byed kyi sbyin gnas rang sangs rgyas stong po de dag nyid kyi dge 'dun gyi gnas brtan gang yin pa de rlung nad can yin pas de lag pa 'dar bas zan za ba na lhung bzed 'gul nas gzungs byed kyi bu mo des rang gi lag pa las gdu bu rgyan can phud de rang sangs rgyas de la phul te smras pa/ 'phags pa 'di'i steng du lhung bzed bzhag tu gsol/ des de'i steng du lhung bzed bzhag pa dang / mi g.yo ba nyid du 'dug nas/ des de'i rkang pa gnyis la gtugs te smon lam btab pa/ ji ltar lhung bzed 'di mi g.yo bar 'dug pa de bzhin du bdag gi rgyud la chos gang dag zhugs pa de dag kyang mi g.yo ba nyid du gyur cig ces btab bo/ /las de'i rnam par smin pas 'di da ltar thos pa 'dzin par gyur to/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa sgur mchog gis las ci bgyis na des bran mor gyur/ bcom ldan 'das kyis bka' stsal pa/ dge slong dag sgur mchog nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas de nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag de nyid na 'di dbang phyug gi dregs pas rgyags pas 'khor gyi mi rnams la bran gyi tshig gis kun du spyad pas las de'i rnam par smin pas da ltar bran mor gyur to/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa dpe med mas las ci bgyis na des gdugs bdun du zan ma mchis par sa khang du stsal cing nyon mongs pa can ma lags pa dang / lus ma rnyis par phyung bar gyur/ bcom ldan 'das kyis bka' stsal pa/ dge slong dag dpe med ma nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas de nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba ri brags shig na rgyal rigs kyi bu mo zhig dang / bram ze'i bu mo phan tshun bshes pa gnyis shig 'khod do/ /sangs rgyas rnams 'byung ba med pa'i tshe rang sangs rgyas dman pa dang bkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur pa dag 'jig rten du byung ngo / /ji tsam du na rang sangs rgyas shig sa phyogs zhi ba zhig tu mtshan mo gnas par khas blangs nas phyi de nyin par snga dro sham thabs bgos lhung bzed dang chos gos thogs te ri brags der bsod snyoms la zhugs pa dang / rgyal rigs kyi bu mo des de'i nyin mo de la bsod snyoms byin to/ /de bzhin du nyi ma gnyis pa dang / gsum pa dang / nyin gcig mi chad par yang de la bsod snyoms sbyin par brtsams so/ /rgyal rigs kyi bu mo de dus gzhan zhig na bram ze'i bu mo des mgron du bos nas de'i khyim du song ba dang / rang sangs rgyas de yang bsod snyoms la rgyu zhing rgyal rigs kyi bu mo de'i khyim du zhugs pa na de med nas/ mthar gyis bram ze'i bu mo de'i khyim du zhugs pa dang / rgyal rigs kyi bu mo des mthong nas des bram ze'i bu mo de la smras pa/ bu mo 'phags pa 'di la bsod snyoms phul cig /des smras pa/ ji srid du lha dang / bram ze dang / snying du sdug cing 'brel ba'i rtsa lag dag la ma phul gyi bar du dge sbyong mgo reg 'di la ga la sbyin/ des smras pa/ nu mo gal te de lta na kho mo re shig 'di la bsod snyoms 'bul du 'gros phul nas phyir 'ong ngo / /des smras pa/ che ge gal te de lta na 'dug shig dang / bdag gis 'di la bsod snyoms dbul lo/ /des de la bsod snyoms phul nas smon lam log pa btab ste/ bdag gis dge sbyong mgo reg 'di la bsod snyoms phul ba gang yin pa 'di dag la 'jig rten 'dir yang rnam par smin par ma gyur la/ 'jig rten pha rol du yang rnam par smin par ma gyur cig ces btab bo/ /dge slong dag de'i tshe de'i dus na bram ze'i bu mo gang yin pa de ni dpe med ma 'di yin te/ 'dis rang sangs rgyas la bsod snyoms phul nas smon lam log pa 'di skad ces bdag gis dge sbyong mgo reg 'di la bsod snyoms phul ba gang yin pa 'di 'jig rten 'dir yang rnam par smin par ma gyur la/ 'jig rten pha rol du yang rnam par smin par ma gyur cig ces btab pa gang yin pa'i las de'i rnam par smin pas 'di nyi ma bdun du zan med par sa khang du bcug cing nyon mongs pa can ma yin pa dang lus ma rnyis par phyung ngo / /dus gzhan zhig na mgu byed rgas par gyur nas des 'chi ba'i dus kyi tshe smon lam btab pa/ bdag gis dge slong gi dge 'dun la ji srid 'tsho'i bar du bsnyen bkur byas pa'i dge ba'i rtsa ba gang yin pa 'dis bdag khyim bdag gdangs can gyi chung ma'i mchog gi mngal du skye zhing sngo bsangs can gyi mchu zheng ci 'dra ba de lta bu bdag kyang gyur te/ bad sa'i rgyal po shar pa bdag gi khyim thab tu gyur cig ces btab bo/ /de shi zhing dus la bab nas khyim bdag gdangs can gyi chung ma'i mchog gi mngal du skyes so/ /gang gi nyin mo skyes pa de nyid kyi nyin mo khyim de dpal dag gis snang bar gyur to/ /de zla ba brgyad dam/ dgu 'das te btsas pa las bu mo gzugs bzang ba/ blta na sdug pa mdzes pa zhig byung ngo / /byung ma thag tu yang des pha'i khyim rgya cher dpal dag gis snang bar gyur to/ /de'i nye du dag 'dus shing lhags nas nyi ma bdun gsum nyi shu gcig tu btsas pa'i btsas ston rgya cher byas nas bu mo 'di'i ming cir gdags shes ming 'dogs par byed do/ /nye du rnams kyis smras pa/ gang gi phyir bu mo 'di gang gi nyin mo ma'i mngal du zhugs pa de nyid kyi nyin mo khyim de dpal dag gis snang bar gyur la/ btsas pa na yang 'dis pha'i khyim rgya cher dpal dag gis snang bar gyur pa de'i phyir bu mo 'di'i ming dpal ldan du gdags so zhes de'i ming dpal ldan zhes bya bar btags so/ /gang gi tshe de smra shes par gyur pa de'i tshe na dge slong gang dag khyim der bsod snyoms la zhugs pa de dag gi gan du song ste/ rkang pa la phyag 'tshal nas snyun gsol bar byed do/ /ji tsam na tshe dang ldan pa kun dga' bo der bsod snyoms la zhugs pa dang / de de'i gan du song ste rkang pa gnyis la phyag 'tshal nas smras pa/ btsun pa kun dga' bo ji ltar bcom ldan 'das dang / dge slong gnas brtan gnas brtan che ge mo dag gnod pa chung ngam/ nyam nga ba chung ngam/ bskyod pa yang ngam/ 'tsho 'am/ stobs dang ldan nam/ bde 'am/ kha na ma tho ba ma mchis sam/ bde ba la reg par gnas sam/ des smras pa/ sring mo bcom ldan 'das dang / dge slong gnas brtan gnas brtan che ge mo dag gnod pa chung / nyam nga ba nyung / bskyod pa yang / 'tsho ba stobs dang ldan/ bde/ kha na ma tho ba med/ bde ba la reg par gnas so/ /de smras pa'i tshig thos nas khyim bdag gdangs can gyi nang mi dag mchog tu ngo mtshar bar gyur to/ /de nas tshe dang ldan pa kun dga' bos a rog khya zhes byas te song nas/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te gsol pa/ bcom ldan 'das khyim bdag gdangs can gyi bu mo byis pa zhig /bcom ldan 'das dang / dge slong gnas brtan gnas brtan dag la snyun gsol zhing / khyim bdag gdangs can gyi nang mi dag gis de thos nas mchog tu ngo mtshar skyes par gyur to/ /bcom ldan 'das kyis bka' stsal pa/ kun dga' bo khyod kyis bu mo de mi shes sam/ bcom ldan 'das ma 'tshal to/ /kun dga' bo de ni mgu byed yin te/ smon lam gyi dbang gis khyim bdag gdangs can gyi chung ma'i mchog gi mngal du skyes te da ltar bu mo dpal ldan zhes bya'o/ /gang gi tshe dpal ldan chen mor gyur pa de'i tshe na de slong ba rgyal po dag dang / nor can dag dang / tshong dpon dag dang / ded dpon dag dang / kro'u dya dag dang / shākya dag dang / li tsa bi dag dang / gzhan yang mang po dag 'ong bar brtsams so/ /khyim bdag gdangs can 'di snyam du dpal ldan slong ba mang po dag 'ong ste/ gang dag la ma byin pa de dag bdag gi dgrar 'gyur ro snyam nas/ de lag pa la 'gram pa gtad de sems khongs su chud cing 'dug go/ /dpal ldan gyis de mthong nas smras pa/ yab khyod ci'i slad du phyag la zhal gtad de sems khongs su chud cing bzhugs/ des smras pa/ bu mo khyod slong ba rgyal po dag dang / nor can dag dang / tshong dpon dag dang / ded dpon dag dang / kro'u dya dag dang / shākya dag dang / li tsa bi dag dang / gzhan yang mang po dag 'ong ste/ gang dag la ma byin pa de dag bdag gi dgrar 'gyur na/ ji ltar lag pa la 'gram pa gtad de sems khongs su chud cing mi 'dug tu rung / des smras pa/ yab thugs ngan ma mdzad cig /bdag gis khyim thab 'tshal lags so/ /bu mo gang / yab bad sa'i rgyal po shar pa'o/ /bu mo gal te de lta na je go rims bya'o/ /yab go rims ji lta bu lags/ bu mo kho bos bad sa'i rgyal po shar pa 'di nyid du spyan drang gis/ gang gi tshe des bshos gsol ba de'i tshe na khyod steng gi khang bzangs kyi gzhi na 'dug pas pho long 'phang bar bya'o/ /yab ma nongs kyis de bzhin bgyi'o/ /des bad sa'i rgyal po shar pa khyim gzhan du mgron du bos te zan zos pa dang / dpal ldan steng gi khang bzangs kyi gzhi na 'dug pas pho long 'phangs so/ /rgyal pos steng du brtag par brtsams pa dang / rgyal pos de mthong nas smras pa/ gdangs can khyod na re sngo bsangs can dus la bab ces zer na 'di na 'dug pa 'di ma yin nam/ lha 'di ni sngo bsangs can ma lags so/ /'o na 'di ci ming / lha 'di ni sngo bsangs can gyi nu mo dpal ldan zhes bgyi'o/ /ci 'ga' zhig la byin nam/ lha su la yang ma stsal to/ /gal te de lta na nga la ci'i phyir mi sbyin/ lha gsol lo/ /khyim bdag gdangs can gyis byin nas bad sa'i rgyal po shar pas dpal gyi 'byor pas bag mar blangs te btsun mo'i 'khor gyi nang du bcug go/ /dus gzhan zhig na des rgyal po la smras pa/ lha bdag dge slong mthong bar 'tshal lo/ /rgyal pos smras pa/ khyod 'dod mod kyi/ dge slong dag rgyal po'i pho brang du mi 'jug go/ /lha de lta na bdag rnam pa thams cad du btson rar stsal du bas mod/ gal te dge slong mthong bar mi gnang na/ deng slan cad 'tshal ma yang mi 'tshal/ phyag kyang mi 'tshal lo/ /des zan gcad pa la zhugs pa dang / rgyal pos khyim bdag gdangs can la smras pa/ khyim bdag khyod so sor mi rtog gam/ lha ci lags/ dpal ldan zan gcad pa la zhugs so/ /lha ci'i slad du dge slong mthong bar 'dod na dge slong dag rgyal po'i pho brang du mi 'jug go/ /lha 'o na 'di la ji ltar bsgrub par bgyi/ khyim bdag de'i phyir khyod kyis bdag nyid kyi ming gis ra bar dge slong gi dge 'dun spyan drongs te/ bar du sgo thod la bshos gsol cig /khyim bdag gdangs can gyi khyim rgyal po dang 'dab chags su 'dug pas des ra ba'i bar du sgo gtod nas sa'i byi dor byed du bcug go/ /de nas de bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das khyim bdag gdangs can la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzeng bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug / yang dag par gzeng bstod/ yang dag par rab tu dga' bar mdzad nas cang mi gsung ngo / /de nas khyim bdag gdangs can gyis bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ / bcom ldan 'das dge slong gi dge 'dun dang bcas pas sang bdag gi sdum par gdugs tshod gsol bar ci gnang / bcom ldan 'das kyis khyim bdag gdangs can la cang mi gsung bas gnang ngo / /de nas khyim bdag gdangs can gyis bcom ldan 'das kyi cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas khyim bdag gdangs can gyis de nyid kyi mtshan mo bza' ba dang / bca' ba gtsang zhing bsod pa dag sta gon byas nas nang par sngar langs te gdan bshams nas chu ra bzhag ste/ bcom ldan 'das la spyan 'dren gyis btsun pa gdugs tshod g.yar dgongs 'tshal na/ bcom ldan 'das kyis da de'i dus la bab par dgongs su gsol zhes spyan drangs pa dang / tshe dang ldan pa shā ri'i bu la sogs pa dge slong gi dge 'dun ni zhugs so/ /bcom ldan 'das ni rdzas las byung ba na bzhugs shing bsod snyoms mngon par bsgrubaso/ /sangs rgyas bcom ldan 'das rnams ni rgyu lngas rdzas las byung ba na bzhugs shing bsod snyoms mngon par sgrub par mdzad de/ lnga gang zhe na/ nang du yang dag 'jog bzhed pa dang / lha rnams la chos ston par bzhed pa dang / nad pa la lta bar bzhed pa dang / gnas mal la rtog par bzhed pa dang / 'dul ba la nyan thos rnams kyi bslab pa'i gzhi bca' bar bzhed pa'o/ /don 'dir ni bcom ldan 'das 'dul ba la nyan thos rnams kyi bslab pa'i gzhi bca' bar bzhed pas rdzas las byung ba na bzhugs shing bsod snyoms mngon par sgrub par mdzad do/ /tshe dang ldan pa shā ri'i bu 'jug pa na rgyal po btsun mo'i 'khor dang bcas pa 'dug nas de'i phyir ldog par brtsams pa dang / rgyal pos mthong nas smras pa/ 'phags pa shā ri'i bu gshegs su gsol/ de nas tshe dang ldan pa shā ri'i bus dge slong rnams la smras pa tshe dang ldan pa dag bzhi po dag gi tshig ni mi gcag pa yin te/ de bzhin gshegs pa dgra bcom pa yang dag par rdzogs pa'i sangs rgyas kyi bka' dang / dge slong dgra bcom pa zag pa zad pa'i tshig dang / dge bskos kyi tshig dang / rgyal po rgyal rigs spyi bor dbang bskur ba'i tshig yin gyis/ tshe dang ldan pa dag dran pa nye bar zhog shig dang 'jug par bya'o zhes de zhugs nas/ dge slong gi dge 'dun gyi gong du stan bshams pa nyid la 'dug go/ /de nas btsun mo dpal ldan gyis tshe dang ldan pa shā ri'i bu la sogs pa dge slong gi dge 'dun bde bar 'khod par rig nas/ rang gi lag nas bca' ba dang / bza' ba gtsang zhing bsod pas tshim par byed/ stobs par byed do/ /rnam grangs du mar rang gi lag nas bca' ba dang / bza' ba gtsang zhing bsod pas tshim par byas shing bstabs nas/ tshe dang ldan pa shā ri'i bu la sogs pa dge slong gi dge 'dun gdugs tshod gsol cing phyag bcabs lhung bzed bzhag par rig nas/ stan ches dma' ba zhig blangs te/ chos mnyan pa'i phyir tshe dang ldan pa shā ri'i bu mdun du 'dug go/ /de nas tshe dang ldan pa shā ri'i bu btsun mo dpal ldan la chos dang ldan pa'i gtam gyis yang dag par ston par byed/ yang dag par 'dzin du 'jug par byed/ yang dag par gzeng stod par byed/ yang dag par rab tu dga' bar byed do/ /rnam grangs du mar chos dang ldan pa'i gtam gyis yang dag par bstan/ yang dag par 'dzin du 'jug /yang dag par gzeng bstod/ yang dag par rab tu dga' bar byed na des bden pa dag ma mthong ngo / /tshe dang ldan pa shā ri'i bus bsams pa/ ci 'di la dge ba'i rtsa ba dag yod dam/ 'on te med snyam na/ yod par mthong ngo / /su la rag las snyam na/ bdag nyid la rag las par mthong nas/ de de la chos ston cing rnam par dpyod pa na nyi ma nub pa'i dus la bab nas dge slong rnams stan las langs te dong ngo / /tshe dang ldan pa shā ri'i bus bsams pa 'di ltar bcom ldan 'das kyis ma gnang mod kyi/ 'di nyid rkyen du mdzad nas gnang bar 'gyur ba gang yin pa de lta bu'i gnas yod par 'gyur ro/ /snyam nas/ de gdul ba la ltos pas de nyid du 'dug go/ /tshe dang ldan pa shā ri'i bus btsun mo dpal ldan gyi bsam pa dang / bag la nyal dang / khams dang / rang bzhin khong du chud nas/ gang thos nas btsun mo dpal ldan gyis stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de ltar chos bstan pa byas so/ /des bden pa mthong nas smras pa/ 'phags pa bdag gis dge ba'i bshes gnyen 'phags pa shā ri'i bu la brten nas 'phags pas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang / mdza' bshes dang / rtsa lag gi tshogs dag gis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni sgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang / yi dags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang / chos dang / dge slong gi dge 'dun la skyabs su mchi yis/ bdag dge bsnyen mar gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /de nas tshe dang ldan pa shā ri'i bus btsun mo dpal ldan bden pa dag la bzhag ste song nas/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas tshe dang ldan pa shā ri'i bus skabs de bcom ldan 'das la rgyas par gsol pa dang / bcom ldan 'das kyis bka' stsal pa/ shā ri'i bu legs so legs so/ /bdun po dag gi tshig ni mi gcag pa yin te/ de bzhin gshegs pa dgra bcom pa yang dag par rdzogs pa'i sangs rgyas kyi bka' dang / dge slong dgra bcom pa zag pa zad pa'i tshig dang / dge 'dun gyi gnas brtan gyi tshig dang / dge bskos kyi tshig dang / mkhan po'i tshig dang / slob dpon gyi tshig dang / rgyal po rgyal rigs spyi bor dbang bskur ba'i tshig go/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni rjes su gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang nam ma nangs/ skya reng ma shar/ rin po che dag gam/ rin po cher smos pa dag ma bsdus par rgyal po rgyal rigs spyi bor dbang bskur ba'i sgo gtan nam/ sgo gtan gyi nyen kor las 'da' na de 'dra ba'i rkyen ma gtogs te ltung byed do/ /yang dge slong gang zhes bya ba ni 'char ka 'am/ gzhan yang de lta bu gang yin pa'o/ /nam ma nangs zhes bya ba ni nam nangs par ma gyur pa'o/ /skya ring zhes bya ba ni skya ring gsum po skya ring dang po dang / skya ring bar ma dang / skya ring tha ma'o/ /de la skya ring dang po ni sngon por snang ba'o/ /skya ring bar ma ni ser por snang ba'o/ /skya ring tha ma ni dmar por snang ba ste/ 'dir ni skya ring tha ma yin par dgongs so/ /ma shar ces bya ba ni ma byung ba'o/ /rin po che dag ces bya ba la/ rin po che dag ces bya ba ni nor bu dag dang / mu tig dag dang / bai dūrya dag dang / man shel dkar po dag dang / byi ru dag dang / gser dag dang / dngul dag dang / rdo'i snying po dag dang / spug dag dang / dmar po dag dang / g.yas su 'khyil ba dag go/ /rin po cher smos pa dag ces bya ba la/ rin po cher smos pa dag ces bya ba ni g.yul ngor spyad pa'i mtshon cha thams cad dang / rol mor spyad pa'i cha spyad thams cad do/ / ma bsdus pa zhes bya ba ni ma brtul bar ro/ /rgyal po rgyal rigs spyi bor dbang bskur ba'i zhes bya ba ni 'di lta ste/ bud med rgyal srid la dbang bskur bas dbang bskur bar gyur na de yang rgyal po rgyal rigs spyi bor dbang bskur ba yin la/ rgyal rigs dang / bram ze dang / rje'u rigs dang / dmangs rigs rgyal srid la dbang bskur bas dbang bskur bar gyur na de yang rgyal po rgyal rigs spyi bor dbang bskur ba yin no/ /sgo gtan nam zhes bya ba ni sgo gtan rnam pa gsum ste/ grong khyer gyi sgo gtan dang / rgyal po'i pho brang gi sgo gtan dang / btsun mo'i 'khor gyi sgo gtan no/ /sgo gtan gyi nyen kor las shes bya ba ni de'i drung las so/ /'da' na zhes bya ba ni 'gro na'o/ /de 'dra ba'i rkyen ma gtogs te/ zhes bya ba ni de 'dra ba'i rkyen bzhag ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ dge slong gis nam ma nangs pa la nam ma nangs par 'du shes pas grong khyer gyi sgo gtan las 'da' na nyes byas su 'gyur ro/ /nam ma nangs pa la yid gnyis za bas grong khyer gyi sgo gtan las 'da' na nyes byas su 'gyur ro/ /nam nangs pa la nam ma nangs par 'du shes pas grong khyer gyi sgo gtan las 'da' na nyes byas su 'gyur ro nam nangs pa la yid gnyis za bas grong khyer gyi sgo gtan las 'da' na nyes byas su 'gyur ro/ /dge slong gis nam ma nangs pa la nam nangs par 'du shes pas rgyal po'i pho brang gi sgo gtan las 'da' na nyes byas su 'gyur ro/ /nam ma nangs pa la yid gnyis za bas rgyal po'i pho brang gi sgo gtan las 'da' na nyes byas su 'gyur ro/ /nam nangs pa la nam ma nangs par 'du shes pas rgyal po'i pho brang gi sgo gtan las 'da' na nyes byas su 'gyur ro/ /nam nangs pa la yid gnyis za bas rgyal po'i pho brang gi sgo gtan las 'da' na nyes byas su 'gyur ro/ /dge slong gis nam ma nangs pa la nam ma nangs par 'du shes pas btsun mo'i 'khor gyi sgo gtan las 'da' na ltung byed du 'gyur ro/ /nam ma nangs pa la yid gnyis za bas btsun mo'i 'khor gyi sgo gtan las 'da' na ltung byed du 'gyur ro/ /nam nangs pa la nam ma nangs par 'du shes pas btsun mo'i 'khor gyi sgo gtan las 'da' na nyes byas su 'gyur ro/ /nam nangs pa la yid gnyis za bas btsun mo'i 'khor gyi sgo gtan las 'da' na nyes byas su 'gyur ro/ /rgyal po dang / btsun mo dang / gzhon nu dang / blon po dag gis bos pa dang / bar chad brgyad po rgyal po dang chom rkun dang / mi dang mi ma yin pa dang / gdug pa dang / me dang chu dang klu dag nye bar gnas pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /rgyal po'i pho brang du nub mo 'gro ba'i ltung byed de/ brgyad bcu rtsa gnyis pa rdzogs so// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis zla ba phyed phyed cing so sor thar pa'i mdo 'don pa gdon par bya'o zhes bka' stsal pa dang / zla ba phyed phyed cing so sor thar pa'i mdo gdon pa 'don pa'i tshe drug sde dag gus par byas te/ chos nyan par mi byed/ bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ rna blags te mi byed/ sems thams cad kyis bsams te chos nyan par mi byed cing dge slong rnams la yang 'di skad ces tshe dang ldan pa dag 'di ltar chos 'di yang mdo'i nang du gtogs/ mdo'i nang du 'dus par bdag cag gis da gdod shes so zhes zer nas dge slong rnams kyis de dag la smras pa/ tshe dang ldan pa dag gis so sor thar pa'i mdo gdon pa 'don pa da gdod thos sam ci na gang gi phyir de skad zer/ de dag gis smras pa/ tshe dang ldan pa dag ci kho bo cag la las de tsam 'ba' zhig tu zad dam/ 'dod pa'i rnam par rtog pa la yang rnam par brtag dgos so/ /gnod sems kyi rnam par rtog pa dang / rnam par 'tshe ba'i rnam par rtog pa la yang rnam par brtag dgos so/ /dge slong don nyung ngu dag ci'i phyir dge slong dag zla ba phyed phyed cing so sor thar pa'i mdo gdon pa 'don pa'i tshe gus par byas te chos nyan par mi byed/ bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ rna blags te mi byed/ sems thams cad kyis bsams te chos nyan par mi byed cing / dge slong rnams la yang 'di skad ces/ tshe dang ldan pa dag 'di ltar chos 'di yang mdo'i nang du gtogs/ mdo'i nang du 'dus par bdag cag gis da gzod shes so zhes zer nas smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed zla ba phyed phyed cing so sor thar pa'i mdo gdon pa 'don pa'i tshe gus par byas te chos nyan par mi byed/ bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ rna blags te mi byed/ sems thams cad kyis bsams te chos nyan par mi byed cing / dge slong rnams la yang 'di skad ces tshe dang ldan pa dag 'di ltar chos 'di yang mdo'i nang du gtogs/ mdo'i nang du 'dus par bdag cag gis da gdod shes so zhes zer ba bden nam btsun pa mad do/ / sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa tshul dang 'thun pa ma yin pa de ni rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zla ba phyed phyed cing so sor thar pa'i mdo gdon pa 'don pa'i tshe 'di skad ces tshe dang ldan pa dag 'di ltar chos 'di yang mdo'i nang du gtogs/ mdo'i nang du 'dus par bdag gis da gdod shes so zhes zer la/ de la gal te dge slong rnams kyis kyang tshe dang ldan pa 'di sngon gso sbyong gi las gnyis sam/ gsum gyi tshe 'dug par shes shing lan mang du lta ci smos na/ tshe dang ldan pa de mi shes pas mi 'grol bas de ltung ba gang byung ba de chos bzhin du byed du gzhug gi steng du khyod zla ba phyed phyed cing so sor thar pa'i mdo gdon pa 'don pa'i tshe gus par byas te chos nyan par mi byed/ bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ rna blags te mi byed/ sems thams cad kyis bsams te chos nyan par mi byed pas tshe dang ldan pa khyod kyis ma rnyed de/ rnyed pa ma yin zhing nyes pa rnyed de/ legs pa rnyed pa ma yin no zhes 'gyod par bya'o/ / tshe dang ldan pa de la 'gyod par bya ba ni de yin te ltung byed do/ /yang dge slong gang zhes bya ba ni drug sde 'am/ gzhan yang de lta bu gang yin pa'o/ /zla ba phyed phyed cing zhes bya ba ni zla ba phyed phyed cing so sor thar pa zhes bya ba la so sor thar pa zhes bya ba ni pham par 'gyur ba'i chos bzhi dang / dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum bcu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po dag go/ /mdo gdon pa zhes bya ba la/ mdo gdon pa zhes bya ba ni yang dag par sbyor ba'o/ /'don pa'i tshe zhes bya ba ni rab tu ston pa'i tshe'o/ /'di skad ces zhes bya ba ni 'di skad ces zer na'o/ /tshe dang ldan pa dag 'di ltar chos 'di yang mdo'i nang du gtogs/ mdo'i nang du 'dus par bdag gis da gdod shes so zhes zer la zhes bya ba ni bcom ldan 'das kyis gsungs pa'i chos 'di yang ngo / /de la gal te dge slong rnams kyis kyang zhes bya ba ni de na dge slong gang dag 'khod pa rnams kyis kyang ngo / /tshe dang ldan pa 'di zhes bya ba ni dge slong gang yin pa 'di'o/ /sngon gso sbyong gi las gnyis sam/ gsum gyi tshe 'dug par shes shing zhes bya ba ni 'dis so sor thar pa lan gnyis sam/ gsum thos par shes shing ngo / /lan mang du lta ci smos na zhes bya ba ni lan mang du 'dug par shes pa lta ci smos na'o/ /tshe dang ldan pa de mi shes pas mi 'grol bas shes bya ba ni de des ltung ba las mi 'grol bas de ltung ba dang bcas pa nyid yin pa'o/ /de la ltung ba gang byung ba zhes bya ba ni ltung byed do/ /de chos bzhin du byed du gzhug ces bya ba ni 'chags su gzhug pa'o/ /steng du khyod zla ba phyed phyed cing so sor thar pa'i mdo gdon pa 'don pa'i tshe gus par byas ste chos nyan par mi byed/ bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ rna blags te mi byed/ sems thams cad kyis bsams te chos nyan par mi byed pas tshe dang ldan pa khyod kyis ma rnyed de/ rnyed pa ma yin zhing nyes pa rnyed de/ legs pa rnyed pa ma yin no zhes 'gyod par bya'o zhes bya ba ni 'gyod du gzhug par bya'o/ /tshe dang ldan pa de la 'gyod par bya ba ni 'di yin te zhes bya ba ni de ltar 'gyod par bya'o/ /ltung byed do zhes bya ba ni sems can dmyal ba dang / dud 'gro dang yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad pham par 'gyur ba'i chos bzhi dang / dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum bcu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po dag gdon pa 'don pa'i tshe gus par byas te/ chos nyan par mi byed/ bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ rna blags te mi byed/ sems thams cad kyis bsams te chos nyan par mi byed cing / 'di skad ces tshe dang ldan pa dag 'di ltar chos 'di yang mdo'i nang du gtogs/ mdo'i nang du 'dus par bdag gis da gdod shes so/ /zhes zer na thams cad du ltung byed du 'gyur ro/ /lam gol bar rgas par gyur cing yang dag pa kho nar mi shes na ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab pa'i gzhi'i dngos po la khyad du gsod pa'i ltung byed de/ brgyad bcu rtsa gsum pa rdzogs so// // 'dul ba rnam par 'byed pa/ bam po bdun bcu rtsa dgu pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na gcer bu pa'i nyan thos chos zhes bya ba ba so mkhan zhig 'dug pa de gcer bu pa dag la shin du mngon par dad do/ /de dus gzhan zhig na dge slong bsod snyoms pa zhig gis chos bstan pas btul nas/ des kyang de las skyabs su 'gro ba dang / bslab pa'i gzhi dag blangs so/ /yang bsod snyoms pa des de la rdzas las byung ba'i bsod nams bya ba'i gzhi bdun gyi bsngags pa rgya cher brjod pa dang / de mngon par dad par gyur nas smras pa/ 'phags pa bdag gis kyang rdzas las byung ba'i bsod nams bya ba'i gzhi cung zad cig yang dag par blags te 'jug par bgyi'o/ /bzhin bzangs ci zhig byed/ 'phags pa dge slong gi dge 'dun la rang gis bzos bsnyen bkur bgyi'o/ /ma nyes kyis de bzhin gyis shig /bsod snyoms pas gtsug lag khang du song ste/ dge slong rnams la smras pa/ tshe dang ldan pa dag bdag gis gcer bu pa'i nyan thos chos shes bya ba ba so mkhan de skyabs su 'gro ba dang / bslab pa'i gzhi dag la bzhag nas de dge slong gi dge 'dun la rang gi bzos bsnyen bkur byed kyis su ci 'dod pa des de byed du chug shig /ji tsam na dge slong zhig la khab ral med nas de de'i gan du song ste smras pa/ bzhin bzangs kho bo la khab ral med kyis de gyis shig /'phags pa ji lta bu zhig bgyi/ gang bzang ba'o/ /'phags pa ba so las bgyis pa bzang ngo / /bzhin bzangs ba so las byas pa gyis shig /des de'i khab ral ba so las byas pa byas te byin no/ /dge slong des de dge slong rnams la bstan pa dang / dge slong gzhan gyis kyang de lta bu byed du bcug cing / gzhan gyis kyang byed du bcug /gzhan gyis kyang byed du bcug pas de'i ba so zad par gyur to/ /dge slong gzhan zhig kyang 'ongs te smras pa/ bzhin bzangs kho bo'i khab ral gyis shig /'phags pa ji lta bu zhig bgyi/ gang bzang ba'o/ /'phags pa ba so las bgyis pa bzang na ba so de ni bas so/ /gal te bzhed na rus pa las bgyis pa bgyi'o/ /bzhin bzangs ma nyes kyis gyis shig /des de'i khab ral rus pa las byas pa byas te byin no/ /dge slong des de dge slong rnams la bstan pa dang / dge slong gzhan gyis kyang de lta bu byed du bcug cing / gzhan gyis kyang byed du bcug / gzhan gyis kyang byed du bcug pas de'i rus pa yang zad par gyur to/ /dge slong gzhan zhig kyang 'ongs te smras pa/ bzhin bzangs kho bo'i khab ral gyis shig /'phags pa ji lta bu zhig bgyi/ gang bzang ba'o/ /'phags pa ba so las bgyis pa bzang na ba so de ni bas so/ /bzhin bzangs gal te de lta na rus pa las byas pa gyis shig /'phags pa rus pa yang bas so/ /gal te bzhed na rwa las bgyis pa bgyi'o/ /bzhin bzangs ma nyes kyis gyis shig /des de'i khab ral rwa las byas pa byas te byin no/ /dge slong des de dge slong rnams la bstan pa dang / dge slong gzhan gyis kyang de lta bu byed du bcug cing / gzhan gyis kyang de lta bu byed du bcug /gzhan gyis kyang de lta bu byed du bcug pas de'i rwa yang zad par gyur to/ /de rang gi zan dang / rang gi yo byad dag gis dge slong rnams kyi las byed pa ni dbul por gyur to/ /gcer bu pa dag chos 'di gang gi tshe kho bo cag la mngon par dad par gyur pa de'i tshe na 'di thams cad phun sum tshogs par gyur na/ 'di da ltar shākya'i bu'i dge sbyong rnams la mngon par dad pas zan yang slong bar byed do zhes 'phya ba la zhugs pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong rnams la rmas pa/ dge slong dag khyed ba so las byas pa dang / rus pa las byas pa dang / rwa las byas pa'i khab ral byed du 'jug pa bden nam/ btsun pa mad do/ /sangs rgyas bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par smad pa mdzad do/ /de nas bcom ldan 'das kyis 'dod pa chung ba dang / chog shes pa dang / gso sla ba dang / dgang sla ba dang / phri ba dang / yo byad bsnyungs pa dang / sbyangs pa'i yon tan dang / mdzes pa dang / drod rig pa nyid kyi bsngags pa brjod pa mdzad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang ba so 'am/ rus pa 'am/ rwa'i khab ral byed du 'jug na bcag nas ltung byed do/ /yang dge slong gang zhes bya ba ni chos 'di pa'o/ /ba so 'am zhes bya ba ni ba so nyid do/ /rus pa 'am zhes bya ba yang rus pa nyid do/ /rwa'i zhes bya ba yang rwa nyid kyi'o/ /khab ral zhes bya ba ni khab ral gnyis te/ sbub bu can dang / chang pa lta bu'o/ / don 'di ni gnyi ga yin par dgongs so/ /byed du 'jug na zhes bya ba ni rang gis sam gzhan no/ /bcag nas ltung byed do zhes bya ba ni dngos po de bcag nas ltung byed kyi ltung ba bshags par bya ba'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ dge slong gis ji tsam cung zad ba so 'am/ rus pa 'am/ rwa'i khab ral byed dam/ byed du 'jug na thams cad du ltung byed du 'gyur ro/ /gang gi mdun du 'chags par byed pa des khyod kyis dngos po de bcag gam/ zhes dri bar bya'o/ /ma dris par 'chags pa dang du len na nyes byas su 'gyur ro/ /ltung ba de yang bshags pa ma yin pas yang bshags par bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /khab ral 'chos pa'i ltung byed de brgyad bcu rtsa bzhi pa rdzogs sho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong zhig ljongs rgyu zhing 'gro ba na mnyan yod du phyin nas mnyan yod du lam gyis dub pa'i ngal bsos te/ rgyal byed kyi tshal du song nas de sgo khang du 'dug go/ /de khri dma' ba zhig rnyed nas des de nyid kyi mdun du rkang pa gnyis bkrus nas skyil mo dkrung bcas te 'dug go/ /sos ka'i tsha ba'i dus la bab pas sbrul dug myur du khyab par byed pa tsha bas gdungs pas bsil ba 'dod pa zhig phyogs der bskyil te nyal ba dang / ji tsam na dge slong de lam gyis dub pas yur bar brtsams nas de'i lus yud tsam yud tsam zhing mchog pas khri yang sgra tseg tseg zer ro/ /sbrul dug myur du khyab par byed pa des bsams pa/ 'di bdag la 'tshe'o snyam nas/ des gdengs ka byas te 'dug go/ /ji tsam na yang de lus mchog cing khri sgra tseg tseg zer nas des de'i 'phral bar bzung ste/ spyod lam de nyid kyis shi zhing dus la bab nas sum bcu rtsa gsum pa'i lha'i ris bzang po rnams kyi nang du skyes so/ /de'i gan du lha'i bu mo dag lhags pa dang / des se gol gyi sgras de dag phyir bzlog nas de dag lha'i dbang po brgya byin gyi gan du song ste smras pa/ lha 'di ni lha'i bu skyes nas ring po ma lags pa zhig skyil mo dkrung bcas te mchis nas bdag cag de'i drung du mchis pa dang / des se gol gyi sgras bdag cag slar bzlog go/ /brgya byin gyis smras pa/ lha mo dag de ni sngon dge slong yin gyis de'i mdun du me long zung shig dang / dran pa rnyed par 'gyur ro/ /de dag gis de'i mdun du me long bzung ba dang / des bdag nyid dpung rgyan dang / rna cha gdub kor dang / phreng ba rgyu dang / rgyan sna tshogs kyis brgyan par mthong nas dran pa rnyed do/ /de nas des de dag 'dod par brtsams pa dang / de dag gis smras pa/ bzod ldan bdag cag de bzhin du bsnyen bkur mi byed de/ gang lha'i dbang po brgya byin la phyag 'tshal ba de la bdag cag bsnyen bkur byed do/ /des bsams pa/ bdag gis bcom ldan 'das 'dod pa'i dri nga ba med pa la phyag byas nas da ji ltar lha'i dbang po brgya byin 'dod pa'i longs spyod can la phyag bya snyam du rig nas smras pa/ sring mo dag gang gis lha'i dbang po brgya byin la phyag 'tshal bar mi byed pa de lta bu'i thabs 'ga' yod dam/ bzod ldan yod de/ gang na lha'i drang srong dag tshangs par spyad pa spyod cing 'khod pa de dag gi nang du gang tshangs par spyad pa spyod par byed pa de ni lha'i dbang po brgya byin la phyag mi 'tshal te/ lha'i dbang po brgya byin nyid de la phyag 'tshal lo/ /de de dag gi nang du zhugs pa dang / lha'i dbang po brgya byin gyis ji ltar de lha'i drang srong gi nang du zhugs te tshangs par spyad pa spyod pa thos nas lha'i dbang po brgya byin de'i gan du song ste phyin nas rkang pa la phyag 'tshal te song ngo / /de nas sngon dge slong lha'i bu de 'di snyam du sems te/ gang gi phyir bdag yongs su gnas pa bsten te/ bcom ldan 'das la blta ba dang bsnyen bkur bya ba'i phyir nye bar 'gro ba ni bdag gi tshul dang 'thun pa ma yin gyis bdag yongs su gnas pa ma bsten pa kho nar bcom ldan 'das la blta ba dang bsnyen bkur bya ba'i phyir nye bar 'gro'o snyam mo/ /de nas sngon dge slong lha'i bu rna cha gdub kor g.yo zhing dri ma med pa thogs te/ do shal dang / se mo dos brgyan pa'i lus kyis lha'i utpa la dang / pad ma dang / ku mu ta dang / pad ma dkar po dag gis thu ba bkang ste/ kha dog shin du 'das pas mtshan mo la bab pa dang / bcom ldan 'das ga la ba der song ste phyin nas bcom ldan 'das la me tog dag gis mngon par gtor te/ bcom ldan 'das kyi zhabs gnyis la mgo bos phyag 'tshal nas mtha' gcig tu 'dug pa dang / 'di ltar sngon dge slong lha'i bu kha dog gi mthus rgyal byed kyi tshal thams cad snang ba rgya chen pos khyab par gyur to/ /de nas sngon dge slong lha'i bus bcom ldan 'das la tshigs su bcad pa'i dbyangs kyis zhu ba zhus pa/ rmongs pa zhes bgyi'i tshal de ni/ /lha mo'i tshogs kyis kun sgrags shing / /sha za mo bzhin yongs bskor na/ /ji ltar mchi ma 'byung bar 'gyur/ /bcom ldan 'das kyis bka' stsal pa/ /drang po zhes bya'i lam de nas/ /'jigs med phyogs shes bya ba der/ /sgra med ces bya'i shing rta ni/ /chos kyi rtog pas bskyod gyur pa/ /de yi dmigs pa ngo tsha shes/ /dran pa de yi 'khor yin te/ /kha lo sgyur ba shes rab yin/ /sna 'dren yang dag lta zhes bya/ /skyes pa 'am bud med gang la 'ang rung / /bzhon pa 'di 'dra yod gyur cing / /de 'dra'i bzhon pa zhon gyur na/ /de ni 'jigs med phyogs su 'gro/ /de nas bcom ldan 'das kyis sngon dge slong lha'i bu'i bsam pa dang bag la nyal dang / khams dang / rang bzhin thugs su chud nas gang thos nas dge slong lha'i bus stan de nyid la 'dug bzhin du 'jigs tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan pa mdzad do/ /des bden pa mthong nas btsun pa bcom ldan 'das kyis bdag la gang mdzad pa 'di lta bu ni bdag la phas kyang ma bgyis mas kyang ma bgyis rgyal pos kyang ma bgyis lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang / yi dags dag nas ni rkang pa phyung / lha dang mi rnams kyi nang du ni bzhag go zhes lan gsum ched du brjod pa ched du brjod do/ /yang smras pa/ khyod mthus rab drag nyes pa mang ldan pa'i/ /ngan song shul bkag bsod nams rab ldan pa'i/ /mtho ris 'gro ba phye zhing bdag gis ni/ /mya ngan 'das pa'i shul yang thob par gyur/ / shin du rnam dag khyod brten bdag gis ni/ /de ring skyon bral dag pa'i mig 'thob cing / /go 'phang zhi ba 'phags pa dgyes thob ste/ /sdug bsngal rgya mtsho'i pha rol rgal bar gyur/ /'gro bar lha min mi dang lhas mchod pa/ /skye dang rga dang na 'chi bral ba po/ /srid pa stong du mthong ba rab dkon na/ /thub pa de ring khyod mthong 'bras bu mchis/ /de nas gdud byas do shal rab 'phyang bas/ /zhabs la phyag 'tshal rangs pa skyes gyur nas/ /dgra thul g.yas nas yongs su bskor byas te/ /lha yi 'jig rten mngon phyogs mkha' la song / /de nas sngon dge slong lha'i bu tshong pa khe spogs rnyed pa lta bu dang / zhing pa lo tog 'byor pa lta bu dang / dpa' bo g.yul las rnam par rgyal ba lta bu dang / nad pa nad thams cad las yongs su thar ba lta bur gyur te/ cha lugs gang gis bcom ldan 'das kyi spyan sngar 'ongs pa'i cha lugs de nyid kyis rang gi gnas su song ngo / /ji tsam na mtshan mo nam nangs nas khang skyong gis sgo phye ste phyags ma thogs nas sgo khang phyag par brtsams pa dang / de skyil mo dkrung gis 'dug pa mthong nas des smras pa/ tshe dang ldan pa longs shig /ci khyod mdo sder bsam gtan byed pa yin nam/ de tshig mi smra nas/ des de'i lag pa gnyis nas bzung ste bsgul bar brtsams pa dang / ji tsam na dus la bab par mthong ngo / /des 'di ci zhig gis dus la bab ces brtag par brtsams pa dang / ji tsam na khri 'og na sbrul dug myur du khyab par byed pa 'dug pa mthong nas de sngangs te/ dge slong rnams kyi gan du song ste smras pa/ tshe dang ldan pa dag dge slong sgo khang du nyal ba gang yin pa de sbrul dug myur du khyab par byed pas bzung ste dus la bab bo/ /dge slong rnams kyis de dur khrod du bskyal te bsregs nas phyir lhags pa'i skabs de dge slong rnams kyis bcom ldan 'das la gsol to/ /bcom ldan 'das kyis dgongs pa/ nyes dmigs gang cung zad ci byung ba de thams cad dge slong dag khri dma' ba la mal 'cha' zhing de'i mdun du rkang pa gnyis 'khrus pa las gyur pa yin no/ /snyam du dgongs nas bka' stsal pa/ de lta bas na dge slong gis khri dma' ba la mal bca' bar mi bya zhing khri'i mdun du rkang pa gnyis bkru bar mi bya'o/ /bcom ldan 'das kyis dge slong gis khri dma' ba la mal bca' bar mi bya zhing khri'i mdun du rkang pa gnyis bkru bar mi bya'o zhes bka' stsal nas dge slong gzhan dag la mchil lham mi bdog pa de dag la gnod par gyur nas bcom ldan 'das kyis bka' stsal pa/ gang dag la mchil lham mi bdog pa de dag gis mgo logs dang rkang pa logs su rkang pa gnyis bkru bar bya ste 'di la 'gyod par mi bya'o/ /drug sde dag gis dge slong khri dma' ba la nyal ba sbrul dug myur du khyab par byed pas zin te dus la bab nas bcom ldan 'das kyis dge slong gis khri dma' ba la mal bca' bar mi bya'o/ /zhes bkag pa thos nas de dag gis khri rkang pa khru bcu gnyis pa bcas te ya gad mthon po btsugs pa dang / dge slong rnams kyis de dag la smras pa/ tshe dang ldan pa dag ci khyed cag bya ra byed dam/ de dag gis smras pa/ su zhig bya ra byed/ khyed kyis dge slong sbrul dug myur du khyab par byed pas zin te dus la bab pa ma mthong ngam ci/ khyed drug sde dag kyang sbrul dug myur du khyab par byed pas bzung ste dus la bab cing / kho bo cag shi ba'i yo byad dag 'ged par 'dod dam/ dge slong don nyung ngu dag ci'i phyir dge slong dag dge slong rnams kyis bzlog pa na de dang / de skad zer zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ / de nas bcom ldan 'das kyis byung ba 'di dang / gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed dge slong rnams kyis bzlog pa na de dang de skad zer ba bden nam/ btsun pa mad do/ / sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis dge 'dun gyi khri 'am khri'u byed du 'jug na rtsa ba bde bar gshegs pa'i sor brgyad kyi tshad du byed du gzhug par bya'o/ /de las lhag pa byed du 'jug na bcad nas ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' bar mdzad do/ /tshe dang ldan pa 'char ka tshad las shin du 'das pa yin pas de'i pus mo gnyis ko sko la reg pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na bu gar gzhug pa ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni rjes su gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis dge 'dun gyi khri 'am/ khri'u byed du 'jug na rtsa ba bu gar gzhug pa ma gtogs par bde bar gshegs pa'i sor brgyad kyi tshad du byed du gzhug par bya'o/ /de las lhag pa byed du 'jug na bcad nas ltung byed do/ /dge slong gis shes bya ba ni chos 'di pas so/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /khri 'am zhes bya ba ni khri nyid kyi'o/ /khri'u zhes bya ba yang khri'u nyid do/ /byed du 'jug na zhes bya ba ni bdag nyid kyis sam/ gzhan no/ /rtsa ba bu gar gzhug pa ma gtogs par zhes bya ba ni rtsa ba bu gar gzhug pa bzhag ste'o/ /bde bar gshegs pa'i sor brgyad kyi tshad du byed du gzhug par bya'o zhes bya ba la bde bar gshegs pa zhes bya ba ni ston pa'o/ /de'i sor brgyad gang dag yin pa de la ni tshad dang ldan pa'i khru gang ngo / /de las lhag pa byed du 'jug na zhes bya ba ni de las gong ma'o/ /bcad nas ltung byed do zhes bya ba ni dngos po de bcad nas ltung byed kyi ltung ba bshags par bya ba'o/ / ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad dge 'dun gyi khri 'am/ khri'u rtsa ba bu gar gzhug pa ma gtogs par bde bar gshegs pa'i sor brgyad kyi tshad las lhag pa byed du 'jug na thams cad du ltung byed du 'gyur ro/ /gang gi mdun du 'chags par byed pa des khyod kyi dngos po de bcad dam zhes dri bar bya'o/ /ma dris par 'chags pa dang du len par byed na nyes byas su 'gyur ro/ /ltung ba de yang ma bshags pa yin pas yang bshags par bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /khri rkang 'chos pa'i ltung byed de brgyad bcu rtsa lnga pa rdzogs sho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /nye dga' gsar bu yin pas de'i khri thob bo cog ches rgan pas phrogs shing gnas mal sko ba'i dus la yang bab nas des bsams pa/ gang gis bdag gi khri mi phrogs pa'i thabs de lta bu ci yod snyam pa dang / des bya ba 'ga' zhig gi phyir shing bal dag kyang blangs nas de la blo skyes pa/ shing bal gyis bdal te bzhag go snyam nas des khri'i steng du shing bal bdal te bzhag go/ /ji tsam na dge slong ches rgan pa zhig 'ongs nas des smras pa/ tshe dang ldan pa 'di su'i/ nye dgas smras pa/ kho bo'i shing bal lo/ /de nas dge slong zhig 'dug pa des smras pa/ nye dga' ji skad zer ba de bzhin te/ shing bal ni nye dga'i yin no/ /'di ltar khri ni dge 'dun gyi yin no/ /de skad ces smras pa dang / nye dga' khros nas des shing bal khyer te khri de'i steng du shing bal cung zad cung zad bdal te bzhag go/ /dge slong des so sor ma brtags pa nyid du der nyal nas mtshan mo nam nangs te langs pa dang gos thams cad shing bal gyis skya bor gyur nas dge slong rnams kyis de la smras pa/ ci khyod g.yul gyi gzhir nyal lam/ des ji ltar gyur pa brjod pa dang / dge slong don nyung ngu dag ci'i phyir dge slong dag dge 'dun gyi khri 'am/ khri'u la shing bal bdal te 'jog par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa nye dga' la rmas pa/ nye dga' khyod dge 'dun gyi khri la shing bal bdal te 'jog pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi khri 'am khri'u la shing bal 'dal lam/ 'dal du 'jug na bsdus nas ltung byed do/ /yang dge slong gang zhes bya ba ni shākya'i bu nye dga' 'am/ gzhan yang de lta bu gang yin pa'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /khri 'am zhes bya ba ni khri nyid do/ /khri'u la zhes bya ba yang khri'u nyid la'o/ /shing bal zhes bya ba ni lnga po shal ma li'i dang / a ka'i dang / ka sha'i dang / bu ka'i dang / e ra ka'i shing bal dag las gang yang rung ba'o/ /bdal lam zhes bya ba ni bdag nyid kyis so/ /bdal du 'jug na zhes bya ba ni gzhan no/ /bsdus nas ltung byed do zhes bya ba ni dngos po de bsdus nas ltung byed kyi ltung ba bshags par bya ba'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad dge 'dun gyi khri 'am khri'u la shing bal 'dal lam 'dal du 'jug na thams cad du ltung byed du 'gyur ro/ /gang gi mdun du 'chags par byed pa des khyod kyis dngos po de bsdus sam zhes dri bar bya'o/ / ma dris par 'chags pa dang du len par byed na nyes byas su 'gyur ro/ /ltung ba de yang bshags pa ma yin pas yang bshags par bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /shing bal gyis gos par byas pa'i ltung byed de/ brgyad bcu rtsa drug pa rdzogs sho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong gis gding ba byed du gzhug go zhes bka' stsal nas/ dge slong dag tshad las ha cang lhag pa byed du 'jug nas dge slong don nyung ngu dag bcom ldan 'das kyis dge slong gis gding ba byed du gzhug go zhes bka' stsal na/ ci'i phyir dge slong dag tshad las ha cang lhag par byed du 'jug ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong rnams la rmas pa/ dge slong dag ngas dge slong gis gding ba byed du gzhug go zhes bka' stsal na/ khyed cag tshad las ha cang lhag par byed du 'jug pa bden nam/ btsun pa mad do/ /sangs rgyas bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par spang pa mdzad do/ /de nas bcom ldan 'das kyis 'dod pa chung ba dang / chog shes pa dang / gso sla ba dang / dgang sla ba dang / phri ba dang / yo byad bsnyungs pa dang / sbyangs pa'i yon tan dang / mdzes pa dang / drod rig pa nyid kyi bsngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis gding ba byed du 'jug na tshad bzhin du byed du chug shig /de la gding ba'i tshad ni 'di yin te/ srid du bde bar gshegs pa'i mtho'i mtho do/ /zheng du mtho phyed dang do'o/ /de las lhag pa byed du 'jug na bcad nas ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /tshe dang ldan pa 'char ka tshad las ha cang lhag pas de'i gding ba des mi chog nas des gnas mal srung ba'i phyir rkang pa'i mtha' logs su lo ma'i chun po dag bzhag go/ /sangs rgyas bcom ldan 'das 'tsho zhing bzhugs la gson zhing gzhes pa rnams kyi chos nyid ni gdul bar gyur pa'i skye bo la rjes su thugs brtse bas dus dang dus su sems can dmyal ba rgyur gshegs pa dang / dud 'gro rgyu ba dang / yi dags rgyu ba dang / lha rgyu ba dang / ljongs rgyu ba dang / chu klung rgyu ba dang / ri rgyu ba dang / dur khrod rgyu ba dang / gtsug lag khang rgyur gshegs pas don 'dir ni sangs rgyas bcom ldan 'das gtsug lag khang rgyur gshegs par bzhed nas bcom ldan 'das tshe dang ldan pa 'char ka'i gtsug lag khang ga la ba der gshegs so/ /bcom ldan 'das kyis tshe dang ldan pa 'char ka'i rkang pa'i mtha' logs na lo ma'i chun po dag bzhag pa gzigs so/ /gzigs nas kyang tshe dang ldan pa kun dga' bo la bka' stsal pa/ kun dga' bo 'di su'i mal/ btsun pa tshe dang ldan pa 'char ka'i 'o/ /'o na ci'i phyir rkang pa'i mtha' logs su lo ma'i chun po dag bzhag /btsun pa bcom ldan 'das kyis dge slong gis gding ba byed du 'jug na tshad bzhin du byed du chug shig /de la gding ba'i tshad ni 'di yin te/ srid du bde bar gshegs pa'i mtho'i mtho do/ zheng du mtho phyed dang do'o/ /de las lhag pa byed du 'jug na bcad nas ltung byed do zhes 'dul ba la nyan thos rnams kyi bslab pa'i gzhi de ltar bca' ba mdzad nas tshe dang ldan pa 'char ka tshad las ha cang lhag pas de'i gding ba des mi 'tshal nas des gnas mal srung ba'i slad du sug pa'i mtha' logs su lo ma'i chun po dag bzhag go/ /kun dga' bo de lta bas na srid du mtho gang gis srings shig / de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang 'thun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa dge slong dag de lta bas na snga ma ni bcas pa yin la/ 'di ni rjes su gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis gding ba byed du 'jug na tshad bzhin du byed du chug shig /de la gding ba'i tshad ni 'di yin te/ srid du bde bar gshegs pa'i mtho'i mtho do/ /zheng du mtho phyed dang do'o/ /srid du mtho gang gis srings shig /de las lhag pa byed du 'jug na bcad nas ltung byed do/ /dge slong gis shes bya ba ni chos 'di pas so/ /gding ba zhes bya ba ni steng rim du gding ba'o/ /byed du 'jug na zhes bya ba ni bdag nyid kyis sam gzhan no/ /tshad bzhin du byed du 'jug ces bya ba ni gding ba'i tshad gang yin pa de bzhin du'o/ /de la gding ba'i tshad ni 'di yin te/ srid du bde bar gshegs pa'i mtho'i mtho do/ zheng du mtho phyed dang do zhes bya ba la srid du zhes bya ba ni chur ro/ /bde bar gshegs pa zhes bya ba ni ston pa'o/ /de'i mtho'i mtho do gang yin pa de la ni tshad dang ldan pa'i khru gsum mo/ /zheng du zhes bya ba ni rgyar ro/ /mtho phyed dang do zhes bya ba la bde bar gshegs pa'i mtho phyed dang do gang yin pa de la ni tshad dang ldan pa'i khru do dang sor drug go/ /srid du mtho gang gis srings shig ces bya ba ni mi chog na srid du bde bar gshegs pa'i mtho gang gis bsring ba ste/ bde bar gshegs pa'i mtho gang yin pa de la ni tshad dang ldan pa'i khru phyed dang do ste/ des na gding ba'i srid kyi tshad ni tshad dang ldan pa'i khru phyed dang lnga'o/ /de las lhag pa byed du 'jug na zhes bya ba ni de las gong ma'o/ /bcad nas ltung byed do zhes bya ba ni dngos po de spangs pa'i bcad nas ltung byed kyi ltung ba bshags par bya'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad gding ba'i srid du khru phyed dang lnga/ zheng du khru do dang sor drug las lhag pa byed du 'jug na thams cad du ltung byed du 'gyur ro/ /gang gi mdun du 'chags par byed pa des khyod kyi dngos po de bcad dam zhes dri bar bya'o/ /ma dris par 'chags pa dang du len par byed na nyes byas su 'gyur ro/ /ltung ba de yang ma bshags pa yin pas yang bshags par bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /gding ba las gyur pa'i ltung byed de brgyad bcu rtsa bdun pa rdzogs sho// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong gis g.yan pa dgab pa byed du gzhug go zhes bka' stsal pa/ dge slong dag tshad las ha cang lhag pa byed du 'jug nas dge slong don nyung ngu dag bcom ldan 'das kyis dge slong gis g.yan pa dgab pa byed du gzhug go zhes bka' stsal nas/ dge slong dag ci'i phyir tshad las ha cang lhag pa byed du 'jug ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong rnams la rmas pa/ dge slong dag ngas dge slong gis g.yan pa dgab pa byed du gzhug go zhes bka' stsal na/ khyed cag tshad las ha cang lhag pa byed du 'jug pa bden nam/ btsun pa mad do/ /sangs rgyas bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par smad pa mdzad do/ /de nas bcom ldan 'das kyis 'dod pa chung ba dang / chog shes pa dang / gso sla ba dang / dgang sla ba dang / phri ba dang / yo byad bsnyungs pa dang / sbyangs pa'i yon tan dang / mdzes pa dang / drod rig pa nyid kyi bsngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis g.yan pa dgab pa byed du 'jug na tshad bzhin du byed du chug shig /de la g.yan pa dgab pa'i tshad ni 'di yin te/ srid du bde bar gshegs pa'i mtho'i mtho bzhi/ zheng du mtho do'o/ /de las lhag pa byed du 'jug na bcad nas ltung byed do/ /dge slong gis shes bya ba ni chos 'di pas so/ /g.yan pa dgab pa zhes bya ba ni na ba'i gos so/ /byed du 'jug na zhes bya ba ni bdag nyid kyis sam gzhan no/ /tshad bzhin du byed du chug shig ces bya ba ni g.yan pa dgab pa'i tshad gang yin pa de bzhin du'o/ /de la g.yan pa dgab pa'i tshad ni 'di yin te/ srid du bde bar gshegs pa'i mtho'i mtho bzhi/ zheng du mtho do'o zhes bya ba la/ srid du zhes bya ba ni mchur ro/ /bde bar gshegs pa zhes bya ba ni ston pa'o/ /de'i mtho'i mtho bzhi gang yin pa de la ni tshad dang ldan pa'i khru drug go/ / zheng du zhes bya ba ni rgyar ro/ /mtho do'o zhes bya ba la/ bde bar gshegs pa'i mtho do gang yin pa de la ni tshad dang ldan pa'i khru gsum mo/ /de las lhag pa byed du 'jug na zhes bya ba ni de las gong ma'o/ /bcad nas ltung byed do zhes bya ba ni dngos po de bcad nas ltung byed kyi ltung ba bshags par bya ba'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad g.yan pa dgab pa srid du khru drug /zheng du khru gsum las lhag pa byed du 'jug na thams cad du ltung byed du 'gyur ro/ /gang gi mdun du 'chags par byed pa des khyod kyi dngos po de bcad dam zhes dri bar bya'o/ /ma dris par 'chags pa dang du len par byed na nyes byas su 'gyur ro/ /ltung ba de yang bshags pa ma yin pas yang bshags par bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ / g.yan pa dgab pa las gyur pa'i ltung byed de/ brgyad bcu rtsa brgyad pa rdzogs sho// //sangs rgyas bcom ldan 'das mnyan yod na rgyal byed kyi tshal mgon med zas sbyin gy i kun dga' ra ba na bzhugs so/ /bcom ldan 'das kyis dge slong gis dbyar gyi gos ras chen byed du gzhug go zhes bka' stsal nas/ dge slong dag ha cang tshad las lhag pa byed du 'jug nas dge slong don nyung ngu dag bcom ldan 'das kyis dge slong gis dbyar gyi gos ras chen byed du gzhug go zhes bka' stsal na/ ci'i phyir dge slong dag ha cang tshad las lhag pa byed du 'jug ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong rnams la smras pa/ dge slong dag ngas dge slong gis dbyar gyi gos ras chen byed du gzhug go zhes bka' stsal na khyed tshad las ha cang lhag pa byed du 'jug pa bden nam/ btsun pa mad do/ /sangs rgyas bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par smad pa mdzad do/ /de nas bcom ldan 'das kyis 'dod pa chung ba dang / chog shes pa dang / gso sla ba dang / dgang sla ba dang / phri ba dang / yo byad bsnyungs pa dang / sbyangs pa'i yon tan dang / mdzes pa dang / drod rig pa nyid kyi bsngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis dbyar gyi gos ras chen byed du 'jug na tshad bzhin du byed du chug shig /de la dbyar gyi gos ras chen gyi tshad ni 'di yin te/ srid du bde bar gshegs pa'i mtho'i mtho drug /zheng du mtho phyed dang gsum mo/ /de las lhag pa byed du 'jug na bcad nas ltung byed do/ /dge slong gis shes bya ba ni chos 'di pas so/ /dbyar gyi gos ras chen zhes bya ba ni char pa skyob pa'i gos so/ / byed du 'jug na zhes bya ba ni bdag nyid kyis sam gzhan no/ /tshad bzhin du byed du chug shig ces bya ba ni dbyar gyi gos ras chen gyi tshad gang yin pa de bzhin du'o/ /de la dbyar gyi gos ras chen gyi tshad ni 'di yin te/ srid du bde bar gshegs pa'i mtho'i mtho drug /zheng du mtho phyed dang gsum mo zhes bya ba la srid du zhes bya ba ni chur ro/ /bde bar gshegs pa zhes bya ba ni ston pa'o/ /de'i mtho'i mtho drug gang yin pa de la ni tshad dang ldan pa'i khru dgu'o/ /zheng du zhes bya ba ni rgyar ro/ /mtho phyed dang gsum mo zhes bya ba la/ bde bar gshegs pa'i mtho phyed dang gsum gang yin pa de la ni tshad dang ldan pa'i khru gsum dang sor bcwa brgyad do/ /de las lhag pa byed du 'jug na zhes bya ba ni de las gong ma'o/ /bcad nas ltung byed do zhes bya ba ni dngos po de bcad nas ltung byed kyi ltung ba bshags par bya ba'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad dbyar gyi gos ras chen srid du khru dgu dang / zheng du khru gsum dang sor bcwa brgyad las lhag pa byed du 'jug na thams cad du ltung byed du 'gyur ro/ /gang gi mdun du 'chags par byed pa des khyod kyis dngos po de bcad dam zhes dri bar bya'o/ /ma dris par 'chags pa dang du len par byed na nyes byas su 'gyur ro/ /ltung ba de yang ma bshags pa yin pas yang bshags par bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dbyar gyi ras chen las gyur pa'i ltung byed de/ brgyad bcu rtsa dgu pa rdzogs sho// // sangs rgyas bcom ldan 'das mnyan yod na rgyal byed kyi tshal mgon med zas sbyin gy i kun dga' ra ba na bzhugs so/ /tshe dang ldan pa nye dga' bzang mkhan gyi gan du song ste/ yud tsam zhig gtam 'dre bas 'dug nas smras pa/ bzhin bzangs bde bar gshegs pa'i chos gos kyi tshad kyi chos gos 'tshem nus sam/ des smras pa/ 'phags pa khyod la bde bar gshegs pa'i chos gos kyi tshad kyi chos gos kyis ci bya/ des smras pa/ bkren pa khyod la 'dir ci 'god/ gal te gla 'dod na tshems shig /des bsams pa/ 'di zer ba ma nyes te/ bdag la 'dir ci 'god/ bdag la gla dgos kyis btsem mo snyam du rig nas smras pa 'phags pa btsem mo/ /des de la ras dang gla byin pa dang / des de btsems so/ /nye dga' de las chung shig gyon te lhag ma phrag pas khyer te 'phags pa dang / de dge slong zhig gis mthong nas des smras pa/ gnas brtan gtur bu gzigs shig dang / ngal sor gzhug go/ /nye dgas smras pa/ tshe dang ldan pa 'di gtur bu ma yin no/ /'o na ci lags/ bde bar gshegs pa'i chos gos so/ /gnas brtan khyod bde bar gshegs pa'i chos gos gyon du rung ngam/ dgra bo dag gi gnya' ba rdog pas mnan na rung ngo / /gnas brtan la yang dgra bo dag yod dam/ je dang por khyod kho bo'i dgra bo'i thu bo yin te/ des na kho bo bde bar gshegs pa'i chos gos gyon pa mi bzod do/ /dge slong don nyung ngu dag ci'i phyir dge slong dag bde bar gshegs pa'i chos gos kyi tshad kyi chos gos 'chang bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga' khyod bde bar gshegs pa'i chos gos kyi tshad kyi chos gos byed du 'jug pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su 'thun pa ma yin pa rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bde bar gshegs pa'i chos gos kyi tshad kyi chos gos byed du 'jug na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' bar mdzad do/ /bcom ldan 'das kyis yang dge slong gang bde bar gshegs pa'i chos gos kyi tshad kyi chos gos byed du 'jug na ltung byed do zhes 'dul ba la nyan thos rnams kyi bslab pa'i gzhi de ltar bca' ba mdzad pa dang / tshe dang ldan pa nye dgas lhag pa byed du bcug nas dge slong don nyung ngu dag bcom ldan 'das kyis yang dge slong gang bde bar gshegs pa'i chos gos kyi tshad kyi chos gos byed du 'jug na ltung byed do zhes 'dul ba la nyan thos rnams kyi bslab pa'i gzhi de ltar bca' ba mdzad na/ ci'i phyir dge slong dag de bas lhag pa byed du 'jug ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag de lta bas na snga ma ni bcas pa yin la/ 'di ni rjes su bcas pa yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bde bar gshegs pa'i chos gos kyi tshad kyi chos gos byed du 'jug gam/ bde bar gshegs pa'i chos gos las lhag pa byed du 'jug na ltung byed do/ /de la bde bar gshegs pa'i chos gos kyi tshad ni 'di yin te/ srid du bde bar gshegs pa'i mtho bcu/ zheng du mtho drug ste/ de la 'di ni bde bar gshegs pa'i chos gos kyi tshad do/ /yang dge slong gang zhes bya ba ni shākya'i bu nye dga' 'am/ gzhan yang de lta bu gang yin pa'o/ /bde bar gshegs pa zhes bya ba ni ston pa'o/ /de'i chos gos kyi tshad kyi zhes bya ba ni bde bar gshegs pa'i chos gos kyi tshad gang yin pa de'i 'o/ /chos gos shes bya ba ni bdun po bal gos dang / sha na'i gos dang / zar ma'i gos dang / ko tam pa'i gos dang / du gu la'i gos dang / ras bal gyi gos dang / nyi 'og gi gos dag las gang yang rung ba'o/ /byed du 'jug gam zhes bya ba ni bdag nyid kyis sam gzhan no/ /bde bar gshegs pa'i chos gos las lhag pa byed du 'jug na zhes bya ba ni de'i gong ma'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ / gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la bde bar gshegs pa'i chos gos kyi tshad ni 'di yin te/ srid du bde bar gshegs pa'i mtho bcu/ zheng du mtho drug ste/ de la 'di ni bde bar gshegs pa'i chos gos kyi tshad do zhes bya ba la/ bde bar gshegs pa'i mtho bcu gang yin pa de la ni tshad dang ldan pa'i khru bcwa lnga'o/ /bde bar gshegs pa'i mtho drug gang yin pa de la ni tshad dang ldan pa'i khru dgu'o/ /de la ltung bar ji ltar 'gyur zhe na/ dge slong gis ji tsam cung zad bde bar gshegs pa'i chos gos kyi tshad kyi chos gos sam/ bde bar gshegs pa'i chos gos las lhag pa'i chos gos byed du 'jug na thams cad du ltung byed du 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bde bar gshegs pa'i chos gos kyi tshad las gyur pa'i ltung byed de dgu bcu pa rdzogs sho// //ltung byed 'ba' shig tu 'gyur ba rnams rdzogs sho// //'dul ba rnam par 'byed pa/ bam po brgyad bcu pa/ sdom la/ grong dang khyim gzhan nyid dang ni/ /slab pa rnams dang dgon pa ni/ /sangs rgyas phan pa gsung ba yis/ /so sor bshags par bya bar gsungs/ sangs rgyas bcom ldan 'das 'od ma'i tshal ka lan da ka'i gnas na bzhugs so/ /rdo 'jog na khyim bdag phyug pa/ nor mang ba/ longs spyod che ba/ yongs su gzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug pa des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i chung ma la dus gzhan zhig na sems can zhugs par gyur nas/ de zla ba brgyad dam dgu 'das te btsas pa las bu mo gzugs bzang ba/ blta na sdug pa/ mdzes pa/ mig utpa la 'dra ba/ utpa la'i dri dang ldan pa/ utpa la'i ze 'bru'i mdog 'dra ba zhig byung ngo / /de'i nye du dag 'dus shing lhags nas zhag bdun gsum nyi shu gcig tu btsas pa'i btsas ston rgya cher byas nas bu mo 'di'i ming cir gdags shes de'i ming 'dogs par byed do/ /nye du dag gis smras pa/ gang gi phyir bu mo 'di mig utpa la dang 'dra ba/ utpa la'i dri dang ldan pa/ utpa la'i ze 'bru'i mdog 'dra ba de'i phyir bu mo 'di'i ming utpa la'i mdog ces bya bar gdags so zhes de'i ming utpa la'i mdog ces bya bar btags so/ /de bsrings shing bskyed nas chen mor gyur to/ /de'i pha la bu med nas des bsams pa/ bdag gis bu mo 'di su la yang rigs kyi phyir yang mi sbyin/ nor gyi phyir yang mi sbyin/ gzugs kyi phyir yang mi sbyin gyi/ 'di ltar gang bdag gi khyim na 'dug pa'i dmag par 'dug pa de la bdag gis sbyin par bya'o snyam mo/ /rdo 'jog na khyim bdag gzhan zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i chung ma la dus gzhan zhig na sems can zhugs par gyur nas/ de zla ba brgyad dam dgu 'das te btsas pa las khye'u zhig byung nas de yang rigs dang 'thun pa'i ming btags nas des bsrings shing bskyed de chen por gyur to/ /dus gzhan zhig na de'i pha ma gnyis dus la bab nas/ de phan tshun 'khyam pa na stes dbang gis khyim bdag de'i khyim du phyin pa dang / khyim bdag des smras pa/ bu khyod su'i/ khyim bdag che ge mo zhig gi'o/ /bu khyod kyi pha ga re/ dus la bab bo/ /bu khyod kyi ma ga re/ de yang dus la bab bo/ /bu gal te de lta na kho bos khyod la bu mo sbyin gyis/ khyod kho bo'i khyim na 'dug pa'i dmag pa gyis shig / yab ma nongs te bdag kyang pha ma gnyis dang bral nas phan tshun 'khyam zhing yi chad par gyur na/ khyod de skad gsung ba ma nongs kyis de bzhin bgyi'o/ /khyim bdag des de la utpa la'i mdog byin nas nyi ma dang / tshes grangs dang / yud tsam gyi sbyor bas bag mar btang nas khye'u des kyang khyim der 'dug par brtsams so/ /ji tsam na dus gzhan zhig na utpa la'i mdog gi pha dus la bab nas de'i ma ci dga' mgur gnas pa dang / rgyu ba'i sbyor bas zas dang gos bzang po dag gis rtas pas nyon mongs pa dag gis gnod par brtsams pa dang / des bsams pa/ gal te bdag gis 'dir skyes pa gzhan bkug na bdag gi dmag pa 'dis shes par 'gyur gyis/ bdag 'di nyid dang lhan cig rtse bar bya ba dang / dga' ba dang / dga' mgur spyad pa nyams su myong bar bya'o snyam nas des de la mtshan ma bstan to/ /bud med kyi yul ni dbang po dag 'phrog cing don du gnyer 'dod par 'gyur ba yin pas des de la brtags par gyur to/ /yang des de la mtshan ma bstan pa dang / de de dang lhan cig sten par gyur to/ /de'i tshe na utpa la'i mdog la sems can zhugs par gyur cing / de btsa' ba'i dus la bab nas des bu mo mngag gzhug ma la smras pa/ bu mo song la yum bos shig /de song ba dang ji tsam na de dmag pa dang lhan cig dben pa na 'dug pa mthong nas des yud tsam zhig rtog cing der bsdad pa dang / ji tsam na de phyir byung nas des smras pa/ utpa la'i mdog khyod la 'bod kyis bzhud do/ /de der song ba dang / ji tsam na bu mo zhig btsas nas utpa la'i mdog gis bu mo mngag gzhug ma la smras pa/ bu mo khyod ci thogs/ des smras pa/ khyod kyi yum dang khyim thab nad med par gyur cig /des smras pa/ des ci nyes/ des ji ltar gyur pa brjod pa dang / des smras pa bu mo khyod kho mo'i ma dang khyim thab la skur pa 'debs sam/ des smras pa/ jo mo khyod thugs mi ches na/ bdag gis khyod kyi mngon sum du 'gyur bar bgyi'o zhes de de gnyis kyi skabs btsal ba de lhur len cing 'dug pa dang / ji tsam na de gnyis dben par 'dug par gyur nas des myur ba myur bar song ste/ utpa la'i mdog la smras pa/ tshur spyon da gzigs shig /de yang myur ba myur bar song ste bltas pa dang / de gnyis sten par mthong nas/ utpa la'i mdog gis bsams pa/ skal chad ma 'dis rdo 'jog na skyes pa gzhan ma mthong ngam ci na/ gang gi phyir dmag pa dang lhan cig sten par byed/ skal chad pa 'dis kyang rdo 'jog na bud med gzhan ma mthong ngam ci na/ gang gi phyir sgyug mo dang lhan cig sten par byed snyam du rig nas mi bzod pa skyes nas des khyim thab la skal chad pa khyod da phyin chad 'di dang lhan cig dga' mgur spyod cig ces bu mo de pha'i gan du 'phangs pa dang / de pha'i lus las 'dril nas sgo'i them par lhung ste glad pa zhom mo/ /utpa la'i mdog mgo g.yogs te khyim nas byung ba dang / ji tsam na don 'thun bcom brlag tu 'phags pa mthong nas/ de de dang lhan cig 'phags pa dang / ded dpon gyis mthong nas/ de de'i gzugs dang lang tsho mdzes pa la chags nas/ des smras pa/ sru khyod su'i/ ded dpon kho mo gang kho mo la zas dang gos sbyin pa de'i 'o/ /ded dpon des de chung mar byas nas don 'thun mthar gyis bcom brlag tu phyin pa dang / des de nyid du bzhag go/ /de de nas ded dpon des zong bsgyur nas zong gi rin khyer te phyir rdo 'jog tu 'ongs pa dang / de na tshong pa de dag phan tshun khyim gzhan du mgron du bos te ston mo byed pa na/ ded dpon des 'ga' yang zan ma byin nas tshong pa dag gis smras pa/ ded dpon khyod kyis 'ga' yang g.yar drangs te 'tshal ma ma stsal to/ /des smras pa/ khyed cag ni khyim mi mo dag bdog pas des na ston mo byed mod/ kho bo la ni gang bsnyen bkur byed pa 'ga' yang med pas kho bos ji ltar zan sbyin/ de dag gis smras pa/ gal te de lta na ci'i slad du bu mo mi tshol/ des smras pa/ kho bo'i chung ma dang 'dra ba'i bu mo 'ga' zhig yod na de bag mar blang ngo / /de dag gis smras pa/ je khyod kyi btsun mo ci 'dra bltas gsungs shig /des utpa la'i mdog gi gzugs dang / lang tsho mdzes pa brjod pa dang / de dag gis smras pa/ ded dpon de ni bud med rin po che zhig ste/ 'on kyang de lta bu gzhan 'ga' mchis kyang gangs btsal lo zhes de dag gis btsal bar brtsams pa dang / ji tsam na utpa la'i mdog nyid kyi bu mo de de 'dra bar mthong nas de dag gis bu mo slong ngo zhes de bslangs pa dang / de dag gis smras pa/ su'i phyir/ ded dpon che ge mo zhig yod pa de'i phyir ro/ /shes ldan dag bdag cag gis ni sbyin la rag na/ 'di ltar khyed la skyon yod de khyed kyis bag ma blangs nas bor te 'dong ngo / /mi dor ro/ /gal te de lta na sbyin no de dag gis de bslangs nas ded dpon gyis bag mar blangs so/ /de nas tshong pa de dag gis zong bsgyur te zong rin khyer nas yang bcom brlag tu 'phags pa dang / ji tsam na mthar gyis bcom brlag dang ha cang mi ring ba na ri brags shig yod pa der phyin to/ /ded dpon des zong de dang bu mo de ri brags der bzhag nas nyung shas shig dang bcom brlag tu song ba dang / utpa la'i mdog gis byon pa legs so zhes bya ba'i tshig gis kun du spyad de smras pa/ ded dpon bde bar byon tam/ des smras pa/ bzang mo ga la bde bar 'ongs/ kho bo bcom mo/ /rje'i sras khyod gson por byon pa dgyes mod/ nor lta slad kyis kyang mchis par 'gyur ro/ /de dus cung zad cig 'dug nas smras pa/ bzang mo kho bo bcom pa'i rdzas tshol du 'gro'o/ /des smras pa/ ma nongs kyis bzhud cig /de song ma thag kho nar de'i shed 'thun 'ongs te/ utpa la'i mdog la dris pa/ ded dpon gar song des smras pa bcom pa'i rdzas tshol du song ngo / /de gang du sus bcom/ bdag kyang mi shes te de na re kho bo bcom gyis/ bcom pa'i rdzas tshol du 'gro'o zhes zer ro/ /des smras pa/ de da ltar ji ltar phun sum tshogs shing 'ongs pa de ltar sngon lan 'ga' yang phun sum tshogs shing ma 'ongs pas des khyod brid do/ /shed 'thun gtam byos shig /gtam gzhan ci zhig bya/ des rdo 'jog nas sa 'dzin ma 'di lta bu zhig khrid de 'ongs pas khyod de'i rkang pa gnyis 'khru bar yang mi rung ngo / /shed 'thun de bden nam/ bden no/ /des sdod cig ces byas te cang mi smra bar 'dug go/ /ji tsam na ded dpon de 'ongs nas des brnyas thabs sngon du btang ste smras pa/ rje'i sras khyod kyis bcom pa'i rdzas btsal tam/ bzang mo btsal to/ /rje'i sras khyod kyis kho mo brid de/ khyod gang du sus kyang ma bcom gyi/ kho mos ji ltar khyod kyis rdo 'jog nas sa 'dzin ma zhig khrid de 'ongs shes thos kyis de 'di nyid du khrid de spyon cig /gang gi gnas gnyis su 'god par 'gyur ba de'i longs spyod dag ni srabs pa nyid dang / yongs su zad pa dang / yongs su mthar thug par 'gyur ro/ /bzang mo gal te de lta yin du zin kyang khyod kyis gang gi khyim na chung ma gnyis yod pa des lan 'ga' yang skyo ma grang mo mi 'thungs shing 'thab mo dang / 'tshang 'dru ba dang / rtsod pa dang / 'gyed par 'gyur ro zhes bya ba ma thos sam/ rje'i sras de zhi bar gyur cig /de ltar mi 'gyur gyis de khrid de spyon cig /gal te nu mo tsam zhig na nu mo'i 'du shes nye bar gzhag par bgyi'o/ /gal te bu mo tsam zhig na bu mo'i 'du shes nye bar gzhag par bgyi'o/ /des smras pa/ bzang mo gal te de lta na ma nyes kyis khrid de 'ong ngo zhes des de khrid de 'ongs pa dang / des de mthong nas rjes su chags pa skyes so/ /dus gzhan zhig na utpa la'i mdog gis bu mo de'i skra bya bar brtsam pa dang / mgo la sgros yod pa mthong ngo / /mthong nas kyang dris pa bu mo 'di ci nyes/ des smras pa/ bdag gis kyang ma 'tshal te/ bdag gi phyi mo'i mchid nas khyod kyi ma pha la khros pas khyod 'phangs pas sgo'i them par ltung ste/ der sgros 'di byung ngo zhes mchi'o/ /khyod kyi phyi mo ci ming / che ge mo zhig go/ /khyod kyi ma ci ming / utpa la'i mdog go/ /des bsams pa bdag der ni ma dang chen chung ngu gyur la/ 'dir ni bu mo dang chen chung ngu gyur gyis rnam pa thams cad du 'gro bar bya'o snyam nas/ de mgo g.yogs te khyim nas byung ba dang / ji tsam na don 'thun yul yangs pa can du 'phags pa mthong nas/ de yang de dang lhan cig 'phags pa dang de tshong pa dag dang lhan cig dga' mgur spyod cing yangs pa can du song ngo / /yangs pa can na gnas pa'i tshogs can ma dag gis smras pa/ bcom brlag pa'i tshong pa 'di dag bdag cag dang lhan cig rtsed mo dang / dga' ba dang dga' mgur spyod pa nyams su myong bar mi byed do de na tshogs can ma gcig gis smras pa/ de dag gis sa 'dzin ma 'di lta bu zhig khrid de 'ongs pas bdag cag de'i rkang pa gnyis 'khru bar yang mi rung bas ci'i phyir de dag bdag cag dang lhan cig rtse ba dang / dga' ba dang dga' mgur spyod pa nyams su myong bar byed/ tshogs can ma de dag 'dus te utpa la'i mdog gi gan du dong nas smras pa/ sa 'dzin ma khyod kho mo cag gi 'tsho bas byed na ci'i phyir kho mo cag gi nang du mi 'jug /des mgo g.yogs pa bshus te smras pa/ bdag deng phyin chad khyed cag gi nang du 'jug go zhes de de dag gi nang du zhugs so/ /ji tsam dus gzhan zhig na tshogs can ma de dag chang gral du tshogs shing gtam zer ba na smras pa/ bdag cag las gang gis tshong pa gang nor ji tsam dang bral bar byas/ de na gcig gis smras pa/ kho mos ni tshong pa che ge mo zhig nor 'di tsam dang bral bar byas so/ /gzhan dag gis smras pa/ kho mo cag gis ni tshong pa che ge mo dag nor 'di tsam dang bral bar byas so/ /yang gzhan dag gis smras pa/ kho mo cag gis kyang tshong pa che ge mo dag nor 'di tsam dang bral bar byas so/ /yangs pa can na spos 'tshong gi khye'u mi sdug pa thob pa zhig 'dug pa de tshogs can ma 'gas kyang rjes su 'jug par ma byas nas tshogs can ma de dag gis smras pa/ bdag cag las gang gis spos 'tshong gi khye'u che ge mo zhig rjes su 'jug par byed nus pa'i bud med de ni bud med kyi yon tan dang ldan par bdag cag smra'o/ /utpa la'i mdog gis smras pa/ ci de skyes pa skyes pa'i dbang po dang ldan pa yin nam/ 'on te ma yin de dag gis smras pa/ de skyes pa skyes pa'i dbang po dang ldan pa yin no/ /gal te kho mos de rjes su 'jug par byas na khyed kyi kho mo thu mo'i gnas su gzhag gam/ gzhag go/ /gal te khyod kyis de rjes su 'jug par ma nus na khyod ji ltar bya/ kho mos khyed la kar ṣa pa ṇa drug bcu gzhal lo/ /ma nyes kyis de ltar gyis shig /utpa la'i mdog gi khyim bdag spos 'tshong gi khye'u de'i drung dgas blangs pas des bu mo mngag gzhugs ma slob tu bcug ste/ bu mo khyod kyis spos 'tshong gi khye'u che ge mo zhig las nyi ma re re zhing spos nyo bar bya'o/ /gal te su'i gan du khyer zhes zer na/ utpa la'i mdog gi gan du rigs kyi bu zhig 'ongs pa de'i gan du khyer ro zhes brjod par bya'o/ /bu mo mngag gzhug ma de spos 'tshong gi khye'u de las nyi ma re re zhing spos nyo bar byed do/ /des de la smras pa/ bu mo khyod nyi ma re re zhing su'i gan du spos khyer bar byed/ des smras pa/ utpa la'i mdog gi gan du rigs kyi bu zhig 'ongs pa de'i gan du khyer ro/ /yang utpal la'i mdog gis bu mo mngag gzhug ma de la smras pa/ bu mo spos 'tshong gi khye'u de las sman bska ba dang / kha ba dang / tsha ba dag nyo bar bya'o/ /gal te su'i gan du khyer zhes zer na rigs kyi bu de na bas de'i sman gyi phyir khyer ro zhes brjod par bya'o/ /gal te dbyig su'i yin zhes zer na/ utpa la'i mdog gi yin no zhes brjod par bya'o/ /bu mo mngag gzhug ma des kar ṣa pa ṇa dag khyer te spos 'tshong gi khye'u de'i gan du song nas smras pa/ sman bska ba dang / kha ba dang / tsha ba dag byin cig /des smras pa/ su'i gan du khyer/ des smras pa/ rigs kyi bu de na bas na de'i sman gyi phyir khyer ro/ /des smras pa/ dbyig su'i yin/ des smras pa/ utpa la'i mdog gi'o/ /des bsams pa/ de ni na cung chen mo zhig ste/ rang gi sman gyis bsnyen bkur byed do/ /snyam nas de de la rjes su chags pa skyes nas/ des bu mo de la smras pa/ bu mo utpa la'i mdog la spos 'tshong gi khye'u de khyod lta bar 'dod do zhes gyis shig /bu mo des utpa la'i mdog la brjod pa dang / des smras pa/ bu mo song la 'di skad ces/ da dung rigs kyi bu de ma sos so zhes gyis shig /de song ste de la de skad brjod pa dang / de yang dang yang du bu mo de la nyi ma gang la 'ong bar bya zhes 'dri'o/ /des utpa la'i mdog la brjod pa dang / des bsams pa/ de lhag par chags par gyur gyis thabs kyi rnam pa legs pa zhig bya'o snyam nas de rtswa mi zhig byas te/ khri'i steng du bzhag nas dur khrod du khyer te bsregs nas de'i 'og tu skra bshig cing ngu ba'i bzhin gyis spos 'tshong gi khye'u de'i tshong khang dang ha cang thag mi ring ba nas 'gro bar brtsams pa dang / spos 'tshong gi khye'u des de mthong ngo / /bcom ldan 'das kyis bud med kyis skyes pa rnam pa brgyad kyis 'ching bar byed de/ gar dang / glu dang / rol mo dang / gad mo dang / ngu ba dang / lta ba dang / reg pa dang / rma 'byed pas so zhes gsungs pas spos 'tshong gi khye'u de de la shin tu chags par gyur nas bu mo de la yang smras pa/ bu mo da 'ong ngo / /des utpa la'i mdog la brjod pa dang / des smras pa/ bu mo song la 'di skad ces rig kyi bu de der dus la bab ste/ da dung mya ngan ma sangs pas mthong bar ga la 'gyur zhes byos shig /utpa la'i mdog gis ji lta ji ltar bskyangs pa de lta de ltar spos 'tshong gi khye'u de chags pa dang bcas pas mthong 'dod par gyur nas/ utpa la'i mdog gis de la sdum par ma byon par skyed mos tshal ga ge mo zhig tu spyon cig ces phrin spring ba dang / spos 'tshong gi khye'u de bza' ba dang / btung ba dang gos dang / phreng ba rgyu mang po thogs te skyed mos tshal der 'ongs nas/ des utpa la'i mdog dang lhan cig re shig zos shing 'thungs pa dang / ji tsam na de ra ro zhing chang gi dbang gis bdag nyid mi dran par gyur nas utpa la'i mdog gis bsams pa/ da ni 'di skye bo mang pos tshor bar bya'o snyam nas/ des de'i mgo la phreng ba btags te gnya' ba bsgril nas khyim du khrid pa dang / tshogs can ma de dag gis de mthong nas de dag mchog tu ngo mtshar skyes te smras pa/ sa 'dzin ma 'dis spos 'tshong gi khye'u mi sdug pa thob pa rjes su 'jug par byas pa legs so zhes de dag gis de thu mo'i gnas su bzhag go/ /de de dang lhan cig rtse bar byed/ dga' bar byed/ dga' mgur spyod par byed pa las ji tsam dus gzhan zhig na de la sems can zhugs par gyur to/ / yangs pa can na sgo ba gnyis yod de/ shar kyi dang / nub kyi'o/ /de gnyis phan tshun bshes par gyur nas de na gcig gis smras pa/ shed 'thun gang gis bdag cag gnyis shi zhing dus la bab kyang bshes pa'i rgyun mi chad par 'gyur ba de lta bu'i thabs ci yod/ gcig shos kyis smras pa/ shed 'thun bdag cag gnyis kyi bu mo phan tshun sha glag bya ste/ gal te kho bo la bu yod la khyod la bu mo yod na khyod kyi bu mo kho bo'i bu la sbyin par bya'o/ /gal te khyod la bu yod la/ kho bo la bu mo yod na kho bos bu mo khyod kyi bu la sbyin par bya ste/ des na bdag cag gnyis shi zhing dus la bab na yang bshes pa'i rgyun mi 'chad par 'gyur ro/ /ma nyes kyis de ltar bya'o/ /utpa la'i mdog zla ba dgu 'das te btsas pa las khye'u zhig byung nas des bsams pa/ bud med gang la bu chung ngu yod pa de skyes pa dag gis 'di yongs su spang ngo / /zhes yongs su spong bar rig nas des bu mo mngag gzhug ma la smras pa/ bu mo khye'u 'di dang mar me khyer la lam po cher song ste der gnas gcig tu khye'u zhog ste/ mar me tshugs la 'ga' zhig gis blangs kyi bar du mtha' gcig tu sdod cig /des de khyer te shar gyi sgo ba dang ha cang thag mi ring ba'i gnas shig tu bzhag ste/ mar me btsugs nas mtha' gcig tu bsdad pa dang / shar gyi sgo ba des mar me mthong nas the tshom za zhing der song ba dang / ji tsam na khye'u de mthong nas des de blangs te chung ma'i gan du song nas smras pa/ bzang mo khyod kyi bu 'di re/ de rab tu dga' bas blangs so/ /de nas mtshan mo nam nangs pa dang kun dga' bar 'gyur ba byas so/ /khyim tshes kyi skye bo dag gis phan tshun smras pa/ shes ldan dag shar gyi sgo ba 'di'i khyim na ci zhig gis kun dga' bar 'gyur ba byung / de na kha cig gis smras pa/ 'di'i bu byung ngo / /kha cig gis smras pa/ 'di'i chung ma mi sbrum na 'di'i bu ga las byung / kha cig gis smras pa/ shes ldan dag bud med kha cig gi mngal na gnas pa mi mngon pa yang yod do/ /nub kyi sgo bas thos nas des bsams pa/ de'i bu byung bas gal te bdag la bu mo yod par gyur na de bdag gis dmags par 'gyur ro snyam nas des de la gos dang rgyan dag bskur ro/ /de bsrings shing bskyed de chen por gyur nas ji tsam na de dga' 'dun gyi nang du zhugs so/ /ji tsam dus gzhan zhig na yang utpa la'i mdog la sems can zhugs par gyur nas de zla ba dgu 'das te btsas pa las bu mo zhig byung nas des yangs bsams pa/ bud med gang la bu mo chung ngu yod pa de skyes pa dag gis 'di yongs su spang ngo zhes yongs su spong bar rig nas des bu mo mngag gzhug ma la smras pa/ bu mo bu mo 'di dang mar me khyer la lam po cher song ste/ der gnas gcig tu bu mo zhog ste/ mar me tshugs la 'ga' zhig gis blangs kyi bar du mtha' gcig na sdod cig /des de khyer te nub kyi sgo ba dang ha cang thag mi ring ba'i gnas shig tu bzhag ste/ mar me btsugs nas mtha' gcig tu bsdad pa dang / nub kyi sgo ba des mar me mthong nas the tshom za zhing der song ba dang / ji tsam na bu mo de mthong nas des de blangs te chung ma'i gan du song nas smras pa/ bzang mo khyod kyi bu mo 'di re/ de rab tu dga' bas blangs so/ /de nas mtshan mo nam nangs pa dang / kun dga' bar 'gyur bar byas so/ /khyim tshes kyi skye bo dag gis phan tshun smras pa/ shes ldan dag nub kyi sgo ba 'di'i khyim na ci zhig gis kun dga' bar 'gyur ba byung / de na kha cig gis smras pa/ 'di'i bu mo byung ngo / /kha cig gis smras pa/ 'di'i chung ma mi sbrum na 'di'i bu mo ga las byung / kha cig gis smras pa/ shes ldan dag bud med kha cig gi mngal na gnas pa mi mngon pa yang yod do/ /shar gyi sgo bas thos nas des bsams pa/ de'i bu mo byung bas de bdag gi mna' mar 'gyur ro snyam nas des de la gos dang rgyan dag bskur ro/ /de bsrings shing bskyed de chen mor gyur nas ji tsam na de yang dga' 'dun ma'i nang du zhugs so/ /ji tsam dus gzhan zhig na dga' 'dun lnga brgya skyed mos tshal du 'phags pa dang de dag gis gros bya bar brtsams pa/ bdag cag gyi na de bzhin du skyed mos tshal du dong ste cir rung / 'jud 'thun ma 'ga' zhig bkri'o/ /de ltar bya'o/ /gang bkri/ sa 'dzin ma'o/ /ma nyes te 'di ltar khrims su bya ba bab ste/ bdag cag las gang de dang lhan cig dga' mgur spyod par mi byed pa de la dga' 'dun dag gis kar sha pa ṇa drug bcu dbab bo/ /de dag gis sa 'dzin ma utpa la'i mdog kar ṣa pa ṇa lnga brgyas glas te skyed mos tshal du khrid nas dga' 'dun de dag thams cad kyis res kyis de dang lhan cig dga' mgur spyod do/ / shar gyi sgo ba'i bu de dga' mgur spyod par mi 'dod nas utpa la'i mdog gis de la smras pa/ rje'i sras dga' mgur spyod cig /gzhan du na 'di dag gis khyod la kar ṣa pa ṇa drug bcu phab par 'gyur ro/ /des chad pas 'jigs pas dga' mgur spyad pa dang / de utpa la'i mdog la rjes su chags pa skyes nas des de gcig pus chung ma khud par byas so/ /li tsa bi dag khros nas shar gyi sgo ba'i bu des tshogs kyis spyad par bya ba'i bud med de gcig pus chung ma khud par byas kyis de gsod du 'dong ngo zhes zer ro/ /'jig rten ni mdza' bshes dang dgra bo dang tha mal pa yin pas gzhan zhig shar gyi sgo ba de'i gan du song ste ji ltar gyur pa smras pa dang / shar gyi sgo ba de skrag nas li tsa bi rnams kyi gan du song ste rkang pa gnyis la gtugs nas smras pa/ bu'i slongs mo stsol cig /de dag gis smras pa/ kwa'i nang rje de ci nyes/ des de dag la rgyas par brjod pa dang / de nas kha cig gis smras pa/ shes ldan dag shar gyi sgo ba 'di bdag cag la yun ring po nas phan pa byed byed pa yin gyis/ gal te 'di'i bu tshogs can ma 'dod na sbyin no/ /gzhan dag gis smras pa/ ma nyes kyis de bzhin bya'o zhes de dag gis de la utpa la'i mdog byin no/ /shar gyi sgo ba'i bu des tshogs las thob pas bag tsha ba med par utpa la'i mdog chung mar blangs so/ /de nas de'i phas nub kyi sgo ba la smras pa/ shed 'thun khye'u la bu mo bag mar thong shig /des smras pa/ shed 'thun khyod kyi bus chung ma blangs zin na bag ma gzhan gyis ci bya/ des smras pa/ shed 'thun sngar 'thams zin gyis da byin cig dang / gal te kho bo la 'byor pa yod par gyur na kho bo'i bu'i chung ma'i 'khor rnam par 'jog par byed do/ /nub kyi sgo bas sngar 'thams pa'i phyir shar gyi sgo ba'i bu la bu mo byin no/ /shar gyi sgo ba'i bu des kyang nyi ma dang / tshes grangs dang / yud tsam gyi sbyor bas de bag mar blangs so/ /de'i tshe na tshe dang ldan pa maud gal gyi bu chen po shar gyi sgo ba de'i khyim du 'gro bas des bu mo de la smras pa/ bu mo khyod kyi chen ma gang yin pa de ni khyod kyi ma'o/ /khyod kyi khyim thab gang yin pa 'di ni khyod kyi ming po yin gyis/ ma la rab tu sdang ba'i sems ma skyed cig /sems can dmyal ba la gzhol bar 'gyur bar ma byed cig /utpa la'i mdog de dang lhan cig rtse bar byed/ dga' bar byed/ dga' mgur spyod par byed pa las bu byung nas bu mo des khye'u de sgo khang gi phyi rol du rtser gzhug par brtsams pa dang / ji tsam na bram ze zhig lam de nas 'gro ba des mthong nas des tshigs su bcad pa smras pa/ mi rnams nang na mchog gi rab kyi mchog /mtshungs med rgyal ba skyob pa'i nyan thos ma/ /me tog man dā ra ka rab 'dra ba/ /sring mo khye'u 'di khyod kyi ci zhig yin/ /des kyang tshigs su bcad pa smras pa/ bram ze 'di ni bdag gi ming po dang / /ming po'i bu dang bu dang skud po yin/ /'di yi pha de bdag gi pha yin te/ /ming por gyur nas da ltar khyo 'di yin/ /utpa la'i mdog gis thos nas des bu mo mngag gzhug ma la smras pa/ bu mo 'di gnyis ci zer/ des smras pa/ 'di gnyis mad pa mchi'o/ /sho be mi mchi'o/ /'di la ci bden/ khyod kyi bu bdag gis shar sgor bor ba gang lags pa de ni da ltar khyod kyi khyim thab 'di lags so/ /khyod kyi bu mo bdag gis nub sgor bor ba gang lags pa de ni da ltar khyod kyi chun ma 'di lags so/ /utpa la'i mdog gis bsams pa/ sngon ni bdag ma dang chen chung du gyur nas yang bu mo dang chen chung du gyur/ da yang bdag bu mo dang chen chung du gyur cing bu khyim thab du gyur gyis/ rnam pa thams cad du 'gro bar bya'o snyam nas/ de mgo g.yogs te khyim nas byung ba dang / ji tsam na don 'thun rgyal po'i khab tu 'phags pa mthong nas de de dang lhan cig rgyal po'i khab tu song ngo / /der yang 'jud 'thun ma'i 'tsho bas 'tsho bar byed do/ /ji tsam na dga' 'dun lnga brgya skyed mos tshal du 'phags nas de dag gis gros bya bar brtsams pa/ shes ldan dag bdag cag gyi na de bzhin du skyed mos tshal du dong ste ci rung / 'jud 'thun ma 'ga' zhig bkri'o/ /de ltar bya'o/ /gang bkri/ sa 'dzin ma'o/ /ma nyes so zhes de dag gis sa 'dzin ma utpa la'i mdog kar ṣa pa ṇa lnga brgyas glas te skyed mos tshal du khrid do/ /de dag zos shing 'thungs nas de dang lhan cig rtse bar byed/ dga' bar byed/ dga' mgur spyod par byed do/ /tshe dang ldan pa maud gal gyi bu chen po utpa la'i mdog gdul ba'i dus shes nas de dag dang ha cang thag mi ring ba na shing ljon pa zhig gi drung na 'chag cing 'dug go/ /de na dga' 'dun gcig gis smras pa/ 'phags pa maud gal gyi bu chen po 'di ni nyon mongs pa'i 'ching ba 'di lta bu las grol ba yin gyi bdag cag ni 'dod pa'i 'dam du bying ba yin no/ /utpa la'i mdog gis smras pa/ bdag gis yangs pa can du spos 'tshong gi khye'u mi sdug pa thob pa rjes su 'jug par byas so/ /dga' 'dun des smras pa/ smras pa de'i don ci 'di yang rjes su 'jug par byed 'dod dam/ des smras pa/ ci 'di skyes pa skyes pa'i dbang po dang ldan pa yin nam/ 'di skyes pa skyes pa'i dbang po dang ldan pa yin no/ / kho mos gal te 'di rjes su 'jug par bya na khyed la ci dbab/ kar ṣa pa ṇa lnga brgya'o/ /gal te khyod kyis 'di rjes su 'jug par ma nus na khyod la ci dbab/ khyod gcig pu'i chung ma khud pa'o/ /ma nyes kyis de ltar gyis shig /utpa la'i mdog gis khas blangs nas de tshe dang ldan pa maud gal gyi bu chen po ga la ba der song ste phyin nas bud med kyi g.yo dag dang / bud med kyi gya gyu dag dang / bud med kyi ya yo dag dang / bud med kyi sgyu gang dag yin pa de dag nye bar bstan par brtsams pa dang / tshe dang ldan pa maud gal gyi bu chen po dbang po dag phab ste 'dug go/ /des bsams pa/ bud med kyi yul gyi reg pa ni dug yin pas bdag gis 'khyud na 'di bdag gi dbang du 'gyur ro snyam nas/ des 'khyud par brtsams pa dang / tshe dang ldan pa maud gal gyi bu chen po ngang pa'i rgyal po 'dab ma brkyang ba ltar steng gi nam mkha' la mngon par 'phags nas tshigs su bcad pa dag smras pa/ rus pa'i 'khrul 'khor gcer bu la/ /chu bas yongs su dkris gyur cing / /mi gtsang rul ba dri nga ba/ /gzhan la sten cing bdag gir byed/ /brtsogs pas gang ba'i rkyal pa khyod/ /gsong ldong phol mig ngal skyen ldan/ /rgyun lam dgu nas rtag tu ni/ /mi gtsang rab tu 'dzag pa yin/ /ji ltar kho bos khyod shes ltar/ /skye bos khyod ni shes gyur na/ /dbyar dus phyi sa'i gnas bzhin du/ /thag ring rnam par spong bar 'gyur/ /gang phyir byis pa gti mug gis/ /mun pas bsgribs pas mi shes pa/ /de phyir rdzab la glang rgan bzhin/ /de dag khyod la chags par byed/ /utpa la'i mdog gis kyang tshigs su bcad pa dag smras pa/ skal ba chen po de lta lags/ /'phags pas ji skad gsungs pa bzhin/ /rus pa'i 'khrul 'khor spyil bu la/ /chu bas yongs su dkris gyur cing / /mi gtsang rus pa dri nga ba/ / gzhan la sten cing bdag gir bgyid/ /btsog pas ltam pa'i rkyal pa bdag /gsong ldong phol mig ngal skyen ldan/ /rgyun lam dgu nas rtag tu ni/ /mi gtsang rab tu 'dzag pa lags/ /ji ltar 'phags pas bdag mkhyen ltar/ /skye bos bdag ni 'tshal gyur na/ /dbyar dus slad sa'i gnas bzhin du/ /thag ring rnam par spong bar 'gyur/ /gang phyir byis pa gti mug gi/ /mun pas bsgribs pas ma 'tshal ba/ /de phyir rdzab la glang rgan bzhin/ /de dag bdag la chags par bgyid/ /skal ba chen po mar gshegs te/ /'phags pa chos ni bstan du gsol/ /shes rab mchog gi bstan pa la/ /bdag gis khyod kyi nyan thos bgyi/ /de nas tshe dang ldan pa maud gal gyi bu chen po steng gi nam mkha'i dkyil nas babs nas des de'i bsam pa dang / bag la nyal dang / khams dang / rang bzhin khong du chud nas/ 'di ltar utpa la'i mdog gis stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de ltar 'phags pa'i bden pa bzhi yang dag par so sor rtogs par byed pa'i chos bstan pa byas so/ /des bden pa mthong nas smras pa/ 'phags pa bdag gis dge ba'i bshes gnyen 'phags pa la brten nas 'phags pas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang dud 'gro dang yi dag nas ni rkang pa phyung / lha dang mi rnams kyi nang du ni bzhag /thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun tu zhugs pa'i 'bras bu ni thob ste/ 'phags pa bdag ni mngon par zhugs pa lags so/ /'phags pa bdag ni mngon par zhugs pa lags te/ 'phags pa bdag bcom ldan 'das dang / chos dang dge slong gi dge 'dun la skyabs su mchi yis/ bdag dge bsnyen mar gzung du gsol/ deng slan chad nas ji srid du 'tsho'i bar du glo ba thag pa nas rab tu dang bas skyabs su mchi'o/ /de nas rigs kyi bu mo utpa la'i mdog gis tshe dang ldan pa maud gal gyi bu chen po'i rkang pa gnyis la gtugs te smras pa/ btsun pa maud gal gyi bu chen po bdag legs par gsungs pa'i chos 'dul ba la rab tu 'byung ba dang rdzogs par bsnyen pa dge slong ma'i dngos po 'thob na/ bdag bcom ldan 'das kyi spyan sngar tshangs par spyad pa spyod do/ / des smras pa/ sring mo song la khyim thab dag la gsol cig /de de dag gi gan du song ste smras pa/ rje'i sras dag bdag rab tu 'byung bar ci gnang / de dag gis smras pa/ sa 'dzin ma ci'i phyir kho bo cag la co 'dri bar byed/ des smras pa/ mad par rab tu 'byung ste co 'dri bar mi bgyid do/ /de dag gis smras pa/ gal te de lta na rab tu byung shig /de de dag gis gnang nas tshe dang ldan pa maud gal gyi bu chen po ga la ba der song ba dang / des de khrid nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la tshe dang ldan pa maud gal gyi bu chen pos 'di skad ces gsol to/ /btsun pa utpa la'i mdog 'di legs par gsungs pa'i chos 'dul ba la rab tu 'byung ba dang rdzogs par bsnyen pa dge slong ma'i dngos po 'tshal lo/ /bcom ldan 'das kyis bka' stsal pa/ ma nyes kyis rab tu 'byung ba legs so zhes bka' stsal nas/ rang nyid kyis skye dgu'i bdag mo chen mo la phrin yig bri bar brtsams so/ /bcom ldan 'das phrin yig mdzad pa na rgyal po gzugs can snying po 'ongs te gsol pa/ bcom ldan 'das 'jud 'thun ma 'di ci'i slad du 'dir mchis/ bcom ldan 'das kyis bka' stsal pa/ rgyal po chen po de skad ma zer cig /khyod kyi chos kyi sring mo 'di legs par gsungs pa'i chos 'dul ba la rab tu 'byung ba dang rdzogs par bsnyen pa dge slong ma'i dngos po 'dod do/ /bcom ldan 'das gang du phrin yig mdzad/ rgyal po chen po mnyan yod du skye dgu'i bdag mo chen mo la'o/ /bcom ldan 'das bdag gis kyang 'di la bsel ba stsal bar bgyi'o/ /rgyal po chen po ma nyes so/ /rgyal pos de'i bsel ba bskos so/ /utpa la'i mdog gis phrin yig mnos te mnyan yod du song ba dang / skye dgu'i bdag mo chen mo gau ta mīs de rab tu phyung rdzogs par bsnyen par byas te/ gdams ngag byin nas de gcig tu dben pa bag yod pa rtun pa dang ldan pa/ bdag nyid btang bar gnas pa na 'khor ba'i 'khor lo cha lnga pa g.yo ba 'di nyid rig ste 'du byed kyi rnam pa thams cad nyams pa dang / ltung ba dang rnam par 'thor ba dang / /rnam par 'jig pa'i chos nyid kyis zil gyis mnan nas nyon mongs pa thams cad spangs pas rigs kyi bu mo dag gang gi phyir skra bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bu rig pas sgo nga'i sbubs dral bar gyur cing / rig pa dang mngon par shes pa dang / so so yang dag par rig pa thob pa/ srid pa dang 'dod pa'i rnyed pa dang bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de nas bcom ldan 'das kyis dge slong rnams la bka' stsal pa/ dge slong dag nga'i nyan thos ma rdzu 'phrul che ba/ mthu che ba rnams kyi nang na 'di lta ste/ dge slong ma utpa la'i mdog 'di mchog yin no/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa utpa la'i mdog gis las ci zhig bgyis na des mig utpa la 'dra ba/ utpa la'i dri dang ldan pa/ utpa la'i ze 'bru'i mdog 'dra bar gyur/ las ci zhig bgyis na des skyes pa dag gis phongs pa ma mchis par gyur cing / bcom ldan 'das kyi bstan pa la rab tu byung nas nyon mongs pa thams cad spangs pas dgra bcom pa nyid mngon sum du bgyis/ las ci zhig bgyis na de nyan thos ma rdzu 'phrul che ba mthu che ba rnams kyi mchog tu bstan/ bcom ldan 'das kyis bka' stsal pa/ dge slong dag utpa la'i mdog nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas utpa la'i mdog nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang skye mched dag la rnam par smin par 'gyur te/ las rnams bskal pa brgyar yang ni/ /chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba ri brags shig na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ /dga' bar byed/ /dga' mgur spyod par byed do/ /de dus gzhan zhig na zong thogs te yul gzhan du song ngo / /de'i chung ma gos dang zas bzang bas nyon mongs pa dag gis gnod par gyur nas/ de dang ha cang thag mi ring ba na 'jud 'thun ma'i khyim zhig 'dug pa der skyes pa gzhan dag 'jug cing gzhan dag 'byung ba mthong nas des bsams pa/ bud med 'di ni bsod nams byas pa yin pas 'di skyes pa dag gis phongs pa med pa yin na/ bdag kyang gang gis skyes pa dag gis phongs pa med par 'gyur ba de lta bu'i thabs ci yod snyam nas de de ltar sems pa na/ der gcer bu pa'i nyan thos ma zhig 'ongs nas des de la smras pa/ phu nu mo gang gis gang sems pa dang gang sgrub pa de thams cad 'grub par 'gyur ba de lta bu'i thabs ci yod/ /des smras pa/ phu nu mo kho mo'i ming po rab tu byung ba brtul zhugs grub pa bdag nyid chen po zhig yod pa de la zan byin la smon lam thob shig dang / khyod gang sems pa dang gang sgrub pa de thams cad grub par 'gyur ro/ /des smras pa/ phu nu mo gal te de lta na song la bdag nyid chen po de kho mo'i khyim du zan la bos shig /des de zan la bos so/ /khyim bdag gi chung ma des kyang zan sbyar cing / utpa la dag gis lag pa sta gon byas so/ /gcer bu pa dag ni dus su yang zan za la/ dus ma yin par yang za bas de yun ring zhig thogs so/ /sangs rgyas rnams 'byung ba med pa'i tshe/ rang sangs rgyas dman pa dang bkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur pa dag 'jig rten du byung ngo / /ji tsam na rang sangs rgyas shig ljongs rgyu ba na ri brags der phyin nas de snga dro sham thabs bgos lhung bzed dang chos gos thogs te bsod snyoms la rgyu ba na khyim der zhugs pa dang / khyim bdag gi chung ma des lus mdzes pa/ sems mdzes pa de mthong nas des bsams pa/ 'di ni brtul zhugs grub pa/ bdag nyid chen po de yin gyis zan sbyin no snyam nas/ des de zas bsod pas tshim par byas shing de la utpa la dag gis kyang mchod pa byas so/ /bdag nyid chen po de dag ni lus kyis chos ston gyi tshig gis chos mi ston pas rang sangs rgyas de zas kyi bya ba byas nas/ de la snying brtse ba'i phyir ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod par byed pa yin pas khyim bdag gi chung ma des gus par bsgrim pa dang bcas pas de'i rkang pa gnyis la phyag 'tshal te smon lam btab pa/ bdag gis yon gnas yang dag par gyur pa 'di lta bu la mchod pa byas pa gang yin pa'i dge ba'i rtsa ba 'dis bdag skyes pa dag gis phongs pa med par 'gyur zhing 'di bas ches khyad par du 'phags pa'i ston pa mnyes par byed cing thugs byung bar mi byed pa'i yon tan gyi rnam pa de lta bu dag kyang thob par gyur cig ces btab bo/ /dge slong dag de'i tshe de'i dus na khyim bdag gi chung ma gang yin pa de ni utpa la'i mdog 'di yin te/ 'dis rang sangs rgyas la zan byin te utpa la dag gis mchod pa byas pa gang yin pa'i las de'i rnam par smin pas ni da ltar mig utpa la 'dra ba/ utpa la'i dri dang ldan pa/ utpa la'i ze 'bru'i mdog 'dra bar gyur to/ /bdag gis yon gnas yang dag par gyur pa 'di lta bu la mchod pa byas pa gang yin pa'i dge ba'i rtsa ba 'dis bdag skyes pa dag gis phongs pa med par 'gyur zhing / 'di bas ches khyad par du 'phags pa'i ston pa mnyes par byed cing thugs byung bar mi byed pa'i yon tan gyi rnam pa de lta bu dag kyang thob par gyur cig ces smon lam btab pa des ni skyes pa dag gis phongs pa med par gyur cing / nga'i bstan pa la rab tu byung nas nyon mongs pa thams cad spangs pas dgra bcom pa nyid mngon sum du byas shing / 'dis rang sangs rgyas bye ba phrag 'bum bas ches khyad par du 'phags pa'i ston pa nga mnyes par byas shing thugs byung bar ma byas so/ /nyan thos ma rdzu 'phrul che ba/ mthu che ba rnams kyi mchog tu bstan pa gang yin pa de ni smon lam gyi dbang gis te/ gang du smon lam btab ce na/ dge slong dag sngon byung ba bskal pa chen po bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od srung 'jig rten du byung ste/ de bā rā ṇa sī na drang srong smra ba ri dgas kyi nags na nye bar rten cing bzhugs so/ /de'i bstan pa la 'di rab tu byung nas dge slong ma gang gis de rab tu phyung ba'i dge slong ma de de bzhin gshegs pa yang dag par rdzogs pa'i sangs rgyas 'od srung gis nyan thos ma rdzu 'phrul che ba/ mthu che ba rnams kyi mchog tu bstan to/ /de na 'dis tshe ji srid par tshangs par spyod pa spyad na yon tan gyi tshogs 'ga' yang ma thob nas/ de'i 'og tu 'chi ba'i tshe smon lam 'di skad ces bdag gis bcom ldan 'das de bzhin gshegs pa yang dag par rdzogs pa'i sangs rgyas yon gnas bla na med pa 'od srung la tshe ji srid par tshangs par spyod pa spyad na yon tan gyi tshogs 'ga' yang ma thob ste/ bdag gis tshe ji srid par tshangs par spyod pa spyad pa'i dge ba'i rtsa ba 'dis bcom ldan 'das de bzhin gshegs pa yang dag par rdzogs pa'i sangs rgyas 'od srung gis bram ze'i khye'u bla ma la bram ze'i khye'u khyod ma 'ongs pa'i dus na skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das shākya thub pa zhes bya bar 'gyur ro zhes lung bstan pa de'i bstan pa la bdag rab tu byung nas nyon mongs pa thams cad spangs pas dgra bcom pa nyid mngon du byed cing / ji ltar mkhan mo 'di bcom ldan 'das de bzhin gshegs pa yang dag par rdzogs pa'i sangs rgyas 'od srung gis nyan thos ma rdzu 'phrul che ba/ mthu che ba rnams kyi mchog tu bstan pa de bzhin du/ bdag kyang bcom ldan 'das shākya thub pa/ shākya'i seng ge/ shākya'i rgyal po'i gtso bo des nyan thos ma rdzu 'phrul che ba/ mthu che ba rnams kyi mchog tu bstan par gyur cig ces gdab par brtsams pas smon lam de'i dbang gis da ltar de bzhin gshegs pas nyan thos ma rdzu 'phrul che ba/ mthu che ba rnams kyi mchog tu bstan to/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa utpa la'i mdog gis las ci zhig bgyis na des chol bar gyur/ bcom ldan 'das kyis bka' stsal pa/ dge slong dag utpa la'i mdog nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pa/ utpa la'i mdog nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang skye mched dag la rnam par smin par 'gyur te/ las rnams bskal pa brgyar yang ni/ / chud mi za ba 'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba ri brags shig na 'di bud med smyan byed pa zhig tu gyur nas de na 'dis bu lta bu mang po dag ma lta bu dag dang lhan cig bsdus shing / ming po lta bu mang po dag kyang sring mo lta bu dag dang lhan cig bsdus pas las de'i rnam par smin pas da ltar chol bar gyur to/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang / 'dren ma rnams spangs nas las gcig tu dkar ba rnams la brtsal bar bya ste/ dge slong dag khyed kyis de ltar bslab par bya'o/ /utpa la'i mdog gi kun du spyod pa ni bsod snyoms brgyus nas bsod snyoms kyi phud dang por dge 'dun la 'bul zhing phyis gzhan du brgyus te bdag nyid za bar byed de/ ji tsam dus gzhan zhig na de bsod snyoms la zhugs nas des bsod snyoms kyi phud dge 'dun la phul nas/ de'i 'og tu bdag nyid kyi don du brgyus pa dang / dge slong glo bur du 'ongs pa zhig bsod snyoms la zhugs pa na de spyod yul la mi mkhas pas ci yang ma rnyed pa de utpa la'i mdog gis mthong nas smras pa/ 'phags pa ci yang ma brnyes sam/ 'phags ma ci yang ma rnyed do/ /des bdag nyid kyi bsod snyoms de bsod snyoms pa de la phul nas de'i zan chad par gyur to/ /nye dgas de mthong nas des bsams pa/ sring mo 'di ni dge 'dun la mngon par dad pa 'ba' shig tu ma zad kyi gang zag la yang mngon par dad pa 'dra na/ 'di bgam par bya'o snyam nas phyi de nyin par utpa la'i mdog bsod snyoms la zhugs nas/ des bsod snyoms kyi phud dge 'dun la phul nas bdag nyid kyi don du gnyis pa bsgrubs pa dang / nye dga' yang 'ongs nas smras pa/ 'phags ma rnyed pa cung zad yod dam/ des smras pa/ 'phags pa mchis na gsol na bzhed dam/ lha'i gnas kyi lhag ma ji lta ba bzhin no/ /'phags pa gal te de lta na lhung bzed bzed du gsol/ des lhung bzed bzed pa dang / des bsod snyoms de de'i lhung bzed du phul lo/ /utpa la'i mdog nyi ma gnyis su zan chad pas nyam chung ba'i sbyor bas brgyal te sa la sgyel ba dang / ma dad pa dag gis glags rnyed nas/ shes ldan dag utpa la'i mdog 'di 'dod chags dang bral lo zhes grag na/ shākya gzhon nu gzugs bzang ba 'di mthong nas 'dod chags kyis brgyal te sa la sgyel bar gyur pa de ji lta zhes smod pa la zhugs pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga' khyod dge slong ma nye du ma yin pa lam po che na 'dug pa bsod snyoms kyi phyir grong du 'gro ba las bca' ba dang bza' ba rang gi lag gis blangs te 'cha' zhing za ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma nye du ma yin pa lam po che na 'dug pa bsod snyoms kyi phyir grong du 'gro ba las bca' ba dang / bza' ba rang gi lag gis blangs te 'cha' 'am za na dge slong des phyi rol kun dga' ra bar song ste/ dge slong rnams la tshe dang ldan pa dag bdag la smad pa'i gnas mi rigs pa so sor bshags par bya ba byung gis chos de so sor 'chags so zhes so sor bshags par bya ste/ chos 'di ni so sor bshags par bya ba'o/ /yang dge slong gang zhes bya ba ni shākya'i bu nye dga' 'am/ gzhan yang de lta bu gang yin pa'o/ /dge slong ma zhes bya ba ni chos 'di pa'o/ /nye du ma yin pa zhes bya ba ni phyi mo dang / mes po dang / phrugs las brten pa'i bdun pa tshun cad ni nye du yin la de phan cad ni nye du ma yin no/ /lam po che na 'dug pa zhes bya ba ni srang du song ba'o/ /bsod snyoms kyi phyir grong du 'gro ba zhes bya ba la/ grong zhes bya ba ni gang na lam po che dang srang dang bzhi mdo dang sum mdo dag yod pa'o/ /las shes bya ba ni gan nas so/ /bca' ba dang bza' ba zhes bya ba ni bca' ba lnga dang bza' ba lnga'o/ /rang gi lag gis shes bya ba ni lag gis lag tu'o/ /blangs te zhes bya ba ni byin len stobs su bcug ste'o/ /'cha' 'am za na zhes bya ba ni mgul du mid na'o/ /dge slong des shes bya ba ni dge slong gang yin pa des so/ /phyi rol kun dga' ra bar song ste zhes bya ba ni grong gi phyi rol gtsug lag khang du song ste'o/ /dge slong rnams la zhes bya ba ni de na dge slong gang dag 'khod pa la'o/ /tshe dang ldan pa bdag la smad pa'i gnas shes bya ba ni smad par bya ba'o/ /mi rigs pa zhes bya ba ni tshul dang mi 'thun pa'o/ /so sor bshags par bya ba zhes bya ba ni 'thol bar bya ba'o/ /byung gis shes bya ba ni ltung ba byung gis so/ /chos de zhes bya ba ni chos ma yin pa chos kyi sgrar gsungs pa de'o/ /so sor 'chags so zhes bya ba ni 'thol lo zhes so/ /so sor bshags par bya ste zhes bya ba ni 'thol bar bya ste'o/ /chos 'di ni so sor bshags par bya ba'o zhes bya ba ni chos 'di ni 'thol bar bya ba ste/ des na so sor bshags par bya ba'o zhes gsungs so/ /de la ltung bar ji ltar 'gyur zhe na/ dge slong gis dge slong ma nye du ma yin pa lam po che na 'dug pa bsod snyoms kyi phyir grong du 'gro ba las nye du ma yin par 'du shes pas bca' ba dang / bza' ba rang gi lag gis blangs te 'cha' 'am za na so sor bshags par bya bar 'gyur ro/ /nye du ma yin pa la yid gnyis za bas bca' ba dang / bza' ba rang gi lag gis blangs te 'cha' 'am za na so sor bshags par bya bar 'gyur ro/ /dge slong gis dge slong ma nye du lam po che na 'dug pa bsod snyoms kyi phyir grong du 'gro ba las nye du ma yin par 'du shes pas bca' ba dang bza' ba rang gi lag gis blangs te 'cha' 'am za na nyes byas su 'gyur ro/ /nye du la yid gnyis za bas bca' ba dang / bza' ba rang gi lag gis blangs te 'cha' 'am za na nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dge slong ma las zas len pa'i so sor bshags par bya ba ste dang po rdzogs sho// // 'dul ba rnam par 'byed pa/ bam po brgyad bcu rtsa gcig pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na mu ge nyam nga ba dgon pa slongs mo bas zas rnyed par dka' zhing / pha ma dag kyang rang gi bu dag la zas sbyin pa dang bya bar sems pa dka' na slong mo pa dag la lta smos kyang ci dgos pa byung ngo / /drug sde dag snga dro sham thabs bgos lhung bzed dang / chos gos thogs te mnyan yod du bsod snyoms la zhugs pa dang / la la nas thob/ la la nas ma thob nas de dag bkres pas nyen nas bcu gnyis sde dag gi gan du dong ba dang / de dag gis 'phags pa dag bzhugs su gsol zhes stan dag bshams so/ /de dag 'khod pa dang bcu gnyis sde dag gis rkang pa la phyag 'tshal te mdun du 'khod nas smras pa/ 'phags pa dag 'tsho 'am/ sring mo dag 'di na ji ltar 'tsho/ kho bo cag bkres pas nyen to/ /'phags pa dag gal te de lta na sang spyon cig dang zhal tshus gsol lo/ /sring mo dag sang khyed kyis sbyin na gnangs sus sbyin/ 'phags pa dag bdag cag nyid kyis gsol lo/ /sring mo dag de ltas 'tsho bar mi nus kyis/ 'di ltar sangs rgyas la sogs pa dge slong gi dge 'dun gang du spyan drangs pa der khyed cag gis zhal ta gyis la kho bo cag la yang dang yang du byin cig dang / de lta na kho bo cag 'tsho bar 'gyur ro/ /sbom dga' mos smras pa/ 'phags pa dag de ltar bgyir rung ngam/ /sring mo dag legs par rung ngo / /shin du rung ngo / /sus bkag /gang du bkag /des smras pa/ 'phags pa dag gal te rung na ma nongs kyis de bzhin bgyi'o/ /de dag gis a rog khya zhes byas te dong ngo / /ji tsam na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs pa dang / dge slong gi dge 'dun ni zhugs so/ / bcom ldan 'das ni rdzas las byung ba na bzhugs shing bsod snyoms mngon par bsgrubs so/ /sangs rgyas bcom ldan 'das rnams ni rgyu lngas rdzas las byung ba na bzhugs shing bsod snyoms mngon par bsgrub par mdzad de/ lnga gang zhe na/ nang du yang dag 'jog bzhed pa dang / lha rnams la chos ston par bzhed pa dang / nad pa la lta bar bzhed pa dang / gnas mal la rtogs par bzhed pa dang / 'dul ba la nyan thos rnams kyi bslab pa'i gzhi bca' bar bzhed pa'o/ /don 'dir ni sangs rgyas bcom ldan 'das 'dul ba la nyan thos rnams kyi bslab pa'i gzhi 'cha' bar bzhed pas rdzas las byung ba na bzhugs shing bsod snyoms mngon par sgrub par mdzad do/ /khyim bdag de nang mi dang bcas pas dge slong gi dge 'dun la brim par brtsams pa dang / sbom dga' mo rgan pa'i mtha' logs su 'dug ste/ smras pa/ khyim bdag 'di ni 'phags pa dga' bo ste/ shākya las rab tu byung ba/ sde snod gsum dang ldan pa/ chos sgrogs pa/ rigs pa dang grol ba'i spobs pa can yin gyis 'di la yang gsol cig /'di ni 'phags pa nye dga'o/ /'di ni 'gro 'gyogs so/ /'di ni nab so'o/ /'di ni 'dun pa ste/ 'di dag kyang shākya las rab tu byung ba sde snod gsum dang ldan pa/ chos sgrogs pa/ rigs pa dang grol ba'i spobs pa can yin gyis 'di dag la yang yang gsol cig /'di ni 'phags pa 'char ka ste/ bram ze mdun na 'don gyi bu rab tu byung ba/ sde snod gsum dang ldan pa/ chos sgrogs pa/ rigs pa dang grol ba'i spobs pa can yin gyis 'di la yang yang gsol cig /khyim bdag des de bzhin du de dag la yang dang yang du byin no/ /de bzhin du sbom dga' mos 'brim mkhan dag la yang smras nas/ de dag gis kyang de bzhin du de dag la yang dang yang du byin no/ /de na dge slong kha cig la ni 'bras can chad/ kha cig la ni tshod ma chad/ kha cig la ni bca' ba chad/ kha cig la ni bza' ba chad/ kha cig gis ni zas cung zad thob nas zan chad par gyur/ kha cig gis ni zan ma thob par zan chad par gyur to/ /de na dge slong gang dag 'ching ba mtha' dag yod pa de dag gis khyim bdag de la tho brtsams pa/ khyim bdag gal te khyod la 'byor pa med na ci'i phyir sangs rgyas la sogs pa dge slong gi dge 'dun spyan 'dren par byed/ des smras pa/ 'phags pa dag bdag gis zhal zas mang po sta gon bgyis na sbom dga' mo bgres pa'i mtha' logs su mchis pas bgres pa'i mtha' logs su 'ba' zhig tu yang dang yang du stobs su stsal bas de la bdag gis ji ltar bgyi zhes zer ba'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed kyis mi mdzes pa de lta bu de byas pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong rab tu mang po khyim rnams su mgron du bos nas zan za ba'i tshe de na gal te dge slong ma zhig 'di la ni bca' ba byin cig /'di la ni 'bras can byin cig /'di la ni sran tshod byin cig /'di la ni yang byin cig ces sgo zhing 'dug na dge slong ma de la dge slong de rnams kyis 'di skad ces sring mo khyod dge slong zan za ba'i bar du re shig sdod cig ces bsgo bar bya'o/ /gal te dge slong gcig gis kyang dge slong ma de la de skad smra ma spobs na dge slong de dag thams cad kyis phyi rol kun dga'i ra bar dong ste/ dge slong rnams la tshe dang ldan pa dag bdag cag la smad pa'i gnas mi rigs pa so sor bshags par bya ba byung gis chos de so sor 'chags so zhes so sor bshags par bya ste/ chos 'di yang so sor bshags par bya ba'o/ /dge slong rab tu mang po zhes bya ba ni gnyis las lhag pa ni rab tu mang po'o/ /khyim rnams su zhes bya ba ni bram ze dang / khyim bdag gi khyim rnams su'o/ /mgron du bos nas zhes bya ba ni zan gyi phyir ro/ /zan za ba'i tshe zhes bya ba ni bca' ba lnga dang / bza' ba lnga dag go/ /de la gal te dge slong ma zhig ces bya ba ni sbom dga' mo 'am/ gzhan yang de lta bu gang yin pa'o/ /dge slong ma de la zhes bya ba ni sbom dga' mo 'am/ gzhan yang de lta bu gang yin pa la'o/ /dge slong de rnams kyis shes bya ba ni de na dge slong gang dag 'khod pa rnams kyis so/ /'di skad ces shes bya ba ni 'di skad ces bsgo bar bya ba'o/ /sring mo khyod dge slong rnams zan za ba'i bar du re shig sdod cig ces bsgo bar bya'o zhes bya ba ni sring mo khyod dge slong rnams zan za ba'i bar du re shig yud tsam zhig kha rog par sdod cig ces brjod par bya ba'o/ /gal te dge slong gcig gis kyang dge slong ma de la de skad smra ma spobs na zhes bya ba ni gal te dge slong gcig gis kyang dge slong ma de la de skad ma smras na'o/ /dge slong de dag thams cad kyis shes bya ba ni de na dge slong gang dag 'khod pa de dag thams cad kyis so/ /phyi rol kun dga' ra bar dong ste zhes bya ba ni grong gi phyi rol gtsug lag khang du dong ste'o/ /dge slong rnams la tshe dang ldan pa dag bdag cag la smad pa'i gnas zhes bya ba ni smad par bya ba'o/ /mi rigs pa zhes bya ba ni tshul dang mi mthun pa'o/ /so sor bshags par bya ba zhes bya ba ni 'thol bar bya ba'o/ /byung gis shes bya ba ni ltung ba byung gis so/ /chos de shes bya ba ni chos ma yin pa chos kyi sgrar gsungs pa de'o/ /so sor 'chags so zhes bya ba ni 'thol lo zhes bya ba'o/ /so sor bshags par bya ste zhes bya ba ni 'thol bar bya ste'o/ /chos 'di yang so sor bshags par bya ba'o zhes bya ba ni chos 'di yang 'thol bar bya ste/ des na so sor bshags par bya ba'o zhes gsungs so/ /de la ltung bar ji ltar 'gyur zhe na/ dge slong rnams khang tog na zan za zhing gzhan dag bar khang na zan za ba'i tshe de na gal te dge slong ma zhig sgo zhing 'dug na dge slong de dag gis dge slong ma de la bsgo bar bya'o/ /ma bsgo bar za na so sor bshags par bya bar 'gyur ro/ /gang dag bar khang na za ba de dag gis dge slong ma de la bsgo 'am zhes dri bar bya'o/ /ma dris par za na nyes byas su 'gyur ro/ /dge slong rnams 'og khang na zan za zhing gzhan dag sgo khang na zan za ba'i tshe de na gal te dge slong ma zhig bsgo zhing 'dug na dge slong de dag gis dge slong ma de la bsgo bar bya'o/ /ma bsgo bar za na so sor bshags par bya bar 'gyur ro/ /gang dag sgo khang na za ba de dag gis dge slong ma de la bsgo 'am zhes dri bar bya'o/ /ma dris par zos na nyes byas su 'gyur ro/ /dge slong kha cig zos te phyir 'byung zhing gzhan dag nang du 'jug na de na gang dag nang du 'jug pa de dag gis dge slong ma de la bsgo 'am zhes dri bar bya'o/ /ma dris par za na nyes byas su 'gyur ro/ /de'i ngor mgron du bos pa dang / yang dag par 'dzin du 'jug pa la ltung ba med do/ /byug ris ston pa dang / ma byin pa la sbyin du 'jug pa la ltung ba med do/ /las dang po pa dang / smyos pa dang / sems 'khrug pa dang / tshor ba dag gis nyen pa la ltung ba med do/ /gral rims su ma phebs par 'drim du 'jug pa ma bzlog par za ba'i so sor bshags par bya ba ste gnyis pa rdzogs sho// // sangs rgyas bcom ldan 'das yangs pa can na spre'u rdzing gi 'gram khang pa brtsegs pa'i khang bzangs na bzhugs so/ /gang gi tshe dmag dpon seng ges bcom ldan 'das kyi spyan snga nas bden pa dag mthong ba de'i tshe des cha gcig bzung nas 'di ltar khyu mchog rlabs po che'i tshig smras shing 'khor gyi nang du seng ge'i sgra yang dag par bsgrags te/ deng phyin cad gcer bu pa dag dang / gcer bu ma dag dang / gcer bu pa'i nyan thos dag dang / gcer bu pa'i nyan thos ma dag gi sgo ni bcad/ bcom ldan 'das kyi nyan thos dge slong dag dang / dge slong ma dag dang / dge bsnyen dag dang / dge bsnyen ma dag gi sgo ni phye'o zhes bsgrags shing zhing las kyi mtha' dag kyang kha na ma tho ba dang bcas pa yin no zhes yongs su btang ngo / /de dad pa dang ldan zhing bzang la dge ba'i bsam pa can te/ des sangs rgyas sam/ chos sam/ dge 'dun nam/ yid du 'thad pa'i dge slong rnams la ma phul ba 'am/ yongs su ma btang ba ci yang med de/ des de ltar phul zhing yongs su btang bas longs spyod srabs shing yongs su zad de/ yongs su mthar thug par gyur to/ /de'i skabs su tshe dang ldan pa shā ri'i bu dang / maud gal gyi bu chen po gnyis ljongs rgyu zhing 'dong ba na yangs pa can du phyin nas dmag dpon seng ges de gnyis khyim gzhan du zan la mgron du bos nas de de gnyis kyi zan sbyar ba'i phyir bdag nyid srang du song ba dang gcer bu pa dag gis mthong nas/ de dag shes ldan dag gang gi tshe dmag dpon seng ge bdag cag la mngon par dad pa de'i tshe na 'di'i thams cad phun sum tshogs par gyur na/ da ltar shākya'i bu'i dge sbyong dag la mngon par dad pas 'di la bcar med bzar yang med de bdag nyid khyim gyi las byed do zhes smod pa la zhugs pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dmag dpon seng ge dang gzhan yang de lta bu gang yin pa la bslab pa'i sdom pa byin cig /'di ltar sbyin par bya ste/ gnas mal bsham pa byas nas/ gaṇ ḍi brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa la dge slong gcig gis gsol ba 'ba' shig gi las bya ste/ dge 'dun btsun pa rnams gsan du gsol/ dmag dpon seng ge ni dad pa dang ldan zhing bzang la dge ba'i bsam pa can te/ des sangs rgyas sam/ chos sam/ dge 'dun nam/ yid du 'thad pa'i dge slong rnams la ma phul ba 'am/ yongs su ma btang ba ci yang ma mchis te/ des de ltar phul zhing yongs su btang bas longs spyod srabs shing yongs su bas te yongs su mthar thug na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dmag dpon seng ge la bslab pa'i sdom pa stsol to/ /'di ni gsol ba'o/ /dge 'dun gyis gang la bslab pa'i sdom pa byin pa der dge slong gis khyim du 'gro bar mi bya/ stan la longs spyad par mi bya/ bsod snyoms bza' bar mi bya/ chos bstan par mi bya'o/ /bcom ldan 'das kyis gang la dge 'dun gyis bslab pa'i sdom pa byin pa der dge slong gis khyim du 'gro bar mi bya/ stan la longs spyad par mi bya/ bsod snyoms bza' bar mi bya/ chos bstan par mi bya'o zhes bka' stsal nas/ tshe dang ldan pa shā ri'i bu dang / maud gal gyi bu gnyis sngar mgron du bos pa yang de'i khyim du ma dong ngo / /de nas dmag dpon seng ges kha zas sta gon byas nas/ tshe dang ldan pa shā ri'i bu dang / maud gal gyi bu chen po gnyis ga la ba der song ste phyin nas/ tshe dang ldan pa shā ri'i bu dang / maud gal gyi bu gnyis kyi rkang pa la mgo bos phyag 'tshal te 'di skad ces smras so/ /'phags pa gnyis gdugs tshod g.yar dgongs 'tshal na da de'i dus la bab par dgongs su gsol/ de gnyis kyis smras pa/ khyim bdag khyod la dge 'dun gyis bslab pa'i sdom pa byin gyis mi 'gro'o/ /des smras pa/ 'phags pa gnyis bdag gis khyed gnyis sngar spyan drangs kyis gshegs su gsol/ de gnyis kyis smras pa/ khyim bdag 'o na bcom ldan 'das la zhu'o zhes de gnyis kyis skabs de bcom ldan 'das la rgyas par gsol pa dang / bcom ldan 'das kyis bka' stsal pa/ sngar mgron du bos pa gang yin pa des bza' bar bya ste 'di la 'gyod par mi bya'o/ /de gnyis dmag dpon seng ge'i khyim du 'phags pa dang / drug sde dag gis de gnyis mthong nas/ de dag gis smras pa/ khyod gnyis gar bzhud/ dmag dpon seng ge'i khyim du'o/ /de la dge 'dun gyis bslab pa'i sdom pa ma byin nam/ gang la byin pa de la byin gyis kho bo cag gnyis sngar mgron du bos so/ /gal te de lta na kho bo cag ches sngar mgron du bos te/ gang gi tshe dmag dpon seng ges bcom ldan 'das kyi spyan snga nas bden pa dag mthong ba de'i tshe na/ des cha gcig bzung nas/ 'di ltar khyu mchog rlabs po che'i tshig smras shing 'khor gyi nang du seng ge'i sgra yang dag par bsgrags te/ deng phyin cad gcer bu pa dag dang / gcer bu ma dag dang / gcer bu pa'i nyan thos dag dang / gcer bu ma'i nyan thos ma dag gi sgo ni bcad do/ /bcom ldan 'das kyi nyan thos dge slong dag dang / dge slong ma dag dang / dge bsnyen dag dang / dge bsnyen ma dag gi sgo ni phye'o zhes bsgrags pas de'i phyir kho bo cag ches sngar mgron du bos so/ /de gnyis cang mi smra bar dong ba dang de dag kyang de gnyis kyi phyi bzhin phyi bzhin du rjes su 'brang ba na dmag dpon seng ges dge slong rab tu mang po dag 'ong ba mthong nas mchog tu dga' ba bskyed de khyim mi la dgos pa gang dag yin pa de dag kyang dge slong rnams la brims so/ /de dag gis zos te dong ba dang de'i bu dag gis zas bslang bar brtsams pa na des smras pa/ bu dag khyim mi la dgos pa gang yin pa de dag kyang dge slong rnams la brims kyis gzhan sgrub kyi bar du re shig sdod cig /de dag gis ngu bar brtsams pa thos nas dge slong don nyung ngu dag ci'i phyir dge slong dag slob pa dag gi khyim gang dag dge 'dun gyi bslab pa'i sdom pas bsdams pa dag tu sngar mgron du ma bos par dong ste rang gi lag gis bca' ba dang / bza' ba blangs nas 'cha' bar byed/ za bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ / sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed slob pa dag gi khyim gang dag dge 'dun gyi bslab pa'i sdom pas bsdams pa de dag tu sngar mgron du ma bos par dong ste/ rang gi lag gis bca' ba dang / bza' ba blangs nas 'cha' zhing za ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ / nga'i nyan thos rnams kyis 'dul ba la bslab pa'i gzhi 'di ltar gdon par bya ste/ slob pa dag gi khyim gang dag dge 'dun gyi bslab pa'i sdom pas bsdam par gyur la/ yang dge slong gang slob pa dag gi khyim gang dag dge 'dun gyi bslab pa'i sdom pas bsdams pa de lta bu dag tu sngar mgron du ma bos par song ste rang gi lag gis bca' ba dang / bza' ba blangs nas 'cha' 'am za na dge slong des phyi rol kun dga'i ra bar song ste/ dge slong rnams la tshe dang ldan pa dag bdag la smad pa'i gnas mi rigs pa so sor bshags par bya ba byung gis chos de so sor 'chags so zhes so sor bshags par bya ste/ chos 'di yang so sor bshags par bya ba'o/ /gang gi tshe bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad pa de'i tshe na dge slong 'ga' yang dmag dpon seng ge'i khyim du mi 'gro'o/ /de nas dmag dpon seng ge'i chung mas dmag dpon seng ge la 'di skad ces smras so/ /rje'i sras mkhyen par mdzod cig /dge 'dun gyis skol cag la bslab pa'i sdom pa stsal nas/ dge slong 'ga' yang mi mchi bas don gyis na dge 'dun gyis tshul shing gis skol gyi dge slong rnams kyi bshos shin du bkag kyang gdan gyi longs spyod dang / chos ston pa la nongs pa ci mchis shes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong dag gis dmag dpon seng ge'i khyim du 'gro bar bya/ stan la longs spyad par bya/ chos bstan par bya zhing bsod snyoms blang bar ni mi bya'o/ /dge slong dag lhung bzed stong pa kho nas dang por de'i khyim du 'jug cing 'byung nas/ dmag dpon seng ge'i chung mas de mthong ba dang / sngon ni 'phags pa 'di dag lhung bzed stong pa kho nas dang por bdag gi khyim du zhugs nas lhung bzed gang ba dang lag pa gang ba dag gis 'byung na/ da ni lhung bzed stong pa dang lag pa stong pa dag gis 'byung ngo zhes ngu bar brtsams pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong dag gis lhung bzed stong pa kho nas dang por de'i khyim du 'jug par mi bya'o/ /dge slong dag gis bsod snyoms brgyus nas lhung bzed gang bas de'i khyim du 'jug par brtsams pa dang / de'i bu byis pa khye'u dag bca' ba dag slong ba na dge slong rnams kyis ma byin nas/ bcom ldan 'das kyis bka' stsal pa/ sbyin par bya'o/ /dge slong dag gis ril por sbyin par brtsams pa dang / byis pa khye'u dag gis blangs nas 'cha' zhing phyir byung ba gcer bu pa dag gis mthong nas/ dris pa khye'u dag khyed cag gis bca' ba ga las rnyed/ 'phags pa dag gis byin no/ /ma nyes so bum pas bum pa 'gengs te/ khyed kyang de dag la sbyin la/ de dag kyang khyed la sbyin no zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong dag gis bca' ba ril por mi sbyin par dum bur byas te sbyin par bya'o/ /ji tsam dus gzhan zhig na dmag dpon seng ge'i chung mas dge slong 'ongs pa rnams la ga gon dang la bug la sogs pa 'bras bu dang / rtsa ba dag dang / ldam ldum la sogs pa tshod ma dag phul ba dang / dge slong dag mi len nas des smras pa/ 'phags pa dag 'di dag gis bdag cag gi mdzod dang / bang ba dag bas par 'gyur ram ci bzhes shig ces zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong dag gis ga gon dang la pug la sogs pa 'bras bu dang / rtsa ba dag dang / ldam ldum la sogs pa tshod ma khyim nas 'byung ba blang bar bya'o/ /de'i tshe na yangs pa can gyi li tsa bi dag dpang sa'i khang pa na gtam 'dre zhing 'khod pa de dag gis dge slong de dag dmag dpon seng ge'i khyim nas byung ba mthong nas de na gang dag ma dad pa de dag gis smras pa/ shes ldan dag gang gi tshe dmag dpon seng ge dge sbyong gau ta ma la mngon par dad par gyur pa de tshun chad nas de'i longs spyod dag srabs pa dang / yongs su zad pa dang / yongs su gtugs par gyur to/ /dad pa can dag gis smras pa/ shes ldan dag gang bcom ldan 'das la mngon par dad pa de'i longs spyod dag srabs pa dang / yongs su zad pa dang / yongs su gtugs par ga la 'gyur/ 'di ltar dmag dpon seng ges ni bcom ldan 'das kyi spyan snga nas bden pa dag mthong nas de'i zhing las kyi mtha' dag kha na ma tho ba dang bcas pa yin no zhes rgyun bcad pas des na de'i longs spyod dag srabs pa dang / yongs su zad pa dang / yongs su gtugs par gyur to/ /yangs pa can gyi li tsa bi dag gis gros byas nas/ dmag dpon seng ge'i zhing pa dag la smras pa/ shes ldan dag khyed ci'i phyir dmag dpon seng ge'i zhing las kyi mtha' dag mi byed/ gla ma thob bam ci/ de dag gis smras pa/ shes ldan dag gla ma thob pa ma yin te/ dmag dpon gyis bdag cag bkag na ji ltar bya/ khyed cag la tshogs kyis bsgos/ deng la dmag dpon gyi zhing las kyi mtha' dag gyis shig /de dag gis yangs pa can gyi li tsa bi dag gi tshig gis dmag dpon seng ge'i zhing las kyi mtha' dag bya bar brtsams pa dang / lhas dus su char gyi rgyun legs par phab nas lo tog gi 'byor pa chen po skyes par gyur to/ /dmag dpon seng ge yang longs spyod dag gis mtho bar gyur nas de bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la dmag dpon seng ges 'di skad ces gsol to/ /btsun pa sngon bdag gi longs spyod dag srabs pa dang / yongs su bas pa dang / yongs su gtug par gyur nas dge 'dun don bzhed pa/ phan pa bzhed pa bdag la bslab pa'i sdom pa stsal na/ da ni yangs pa can gyi li tsa bi'i tshogs kyis bdag gi longs spyod bsgrubs nas longs spyod dag 'phel bar gyur na/ bcom ldan 'das kyis thugs brtse ba'i slad du bdag la bslab pa'i sdom pa gzhig pa mdzad na legs so/ /bcom ldan 'das kyis dmag dpon seng ge la cang mi gsung bas gnang ngo / /de nas dmag dpon seng ges bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas bcom ldan 'das kyis dge slong rnams la bka' stsal pa/ dge slong dag dmag dpon seng ge dang gzhan yang de lta bu gang yin pa'i bslab pa'i sdom pa gzhig par bya'o 'di ltar gzhig par bya ste/ gnas mal bsham pa byas nas gaṇ ḍi brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa na dmag dpon seng ges phyag byas te rgan pa'i mtha' logs su tsog tsog por 'dug nas thal mo sbyar te 'di skad ces brjod par bya'o/ /dge 'dun btsun pa rnams gsan du gsol/ bdag dmag dpon seng ge dad pa dang ldan zhing bzang la dge ba'i bsam pa can te/ bdag gis 'di lta ste/ sangs rgyas sam/ chos sam/ dge 'dun nam/ yid du 'thad pa'i dge slong rnams la ma phul ba 'am/ yongs su ma btang ba ci yang ma mchis te/ bdag gis de ltar phul zhing de ltar yongs su btang bas longs spyod srabs shing yongs su bas te yongs su mthar thug nas dge 'dun don bzhed pa/ phan pa bzhed pas bdag la bslab pa'i sdom pa stsal ba las bdag dmag dpon seng ge yang longs spyod 'phel nas/ bdag dmag dpon seng ge bslab pa'i sdom pa stsal ba/ bslab pa'i sdom pa gzhig par gsol na/ thugs brtse ba can dge 'dun btsun pa rnams kyis thugs brtse ba'i slad du bdag la bslab pa'i sdom pa gzhig pa stsal du gsol/ de skad lan gnyis lan gsum du bzlas so/ /de nas dmag dpon seng ge thos pa'i nyen kor nas bkar te mthong ba'i nyen kor du bzhag nas dge slong gcig gis gsol ba 'ba' zhig gi las bya'o/ /dge 'dun btsun pa rnams gsan du gsol/ dmag dpon seng ge de ni dad pa dang ldan zhing bzang la dge ba'i bsam pa can te/ des sangs rgyas sam/ chos sam/ dge 'dun nam/ yid du 'thad pa'i dge slong rnams la ma phul ba 'am/ yongs su ma btang ba ci yang ma mchis te/ des de ltar phul zhing yongs su btang bas longs spyod srabs shing yongs su bas te yongs su mthar thug nas de la dge 'dun don bzhed pa/ phan pa bzhed pas bslab pa'i sdom pa stsal ba las dmag dpon seng ge de yang longs spyod 'phel te/ dmag dpon seng ge bslab pa'i sdom pa stsal ba dge 'dun las sdom pa gzhig par gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dmag dpon seng ge la bslab pa'i sdom pa gzhig pa mdzad do/ /'di ni gsol ba'o/ /dge 'dun gyis gang la bslab pa'i sdom pa bshig pa der dge slong rnams kyis 'gro bar bya/ stan la longs spyad par bya/ bsod snyoms blang bar bya/ chos bstan par bya'o/ /slob pa dag gi zhes bya ba la/ slob pa dag ces bya ba ni rgyun tu zhug pa dag dang / lan cig phyir 'ong ba dag dang / phyir mi 'ong ba dag go/ /khyim gang dag ces bya ba ni bram ze dang / khyim bdag gi khyim dag go/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /bslab pa'i sdom pas bsdams par gyur la zhes bya ba ni gsol ba'i las kyis so/ /yang dge slong gang zhes bya ba ni drug sde 'am/ gzhan yang de lta bu gang yin pa'o/ /slob pa dag gi khyim gang dag dge 'dun gyi bslab pa'i sdom pas bsdams pa de lta bu dag tu zhes bya ba ni ji skad bstan pa lta bu dag tu'o/ /sngar mgron du ma bos par zhes bya ba ni sngar ma bstan par ro/ /song ste zhes bya ba ni song nas so/ /rang gi lag gis shes bya ba ni lag pas lag par ro/ /bca' ba dang bza' ba zhes bya ba ni bca' ba lnga dang bza' ba lnga'o/ /blangs na shes bya ba ni byin len stobs su bcug nas so/ /'cha' 'am za na zhes bya ba ni mgul du mid na'o/ /dge slong des shes bya ba ni dge slong gang yin pa des so/ /phyi rol kun dga' ra bar song ste zhes bya ba ni grong gi phyi rol gtsug lag khang du song ste'o/ /dge slong rnams la zhes bya ba ni de na dge slong gang dag 'khod pa rnams la 'o/ /tshe dang ldan pa dag bdag la smad pa'i gnas shes bya ba ni smad par bya ba'o/ /mi rigs pa zhes bya ba ni tshul dang mi mthun pa'o/ /so sor bshags par bya ba zhes bya ba ni 'thol bar bya ba 'o/ /byung gis shes bya ba ni ltung ba byung gis so chos de zhes bya ba ni chos ma yin pa chos kyi sgrar gsungs pa de'o/ /so sor 'chags so zhes bya ba ni mthol lo zhes so/ /so sor bshags par bya ste zhes bya ba ni 'thol bar bya ste'o/ /chos 'di yang so sor bshags par bya ba'o zhes bya ba ni chos 'di yang 'thol bar bya ba ste/ des na so sor bshags par bya ba'o zhes gsungs so/ /de la ltung bar ji ltar 'gyur zhe na/ dge slong gis ji tsam cung zad slob pa dag gis khyim gang dag dge 'dun gyi bslab pa'i sdom pas bsdams pa de lta bu dag tu sngar mgron du ma bos par song ste rang gi lag gis bca' ba dang bza' ba blangs nas 'cha' 'am za na thams cad du so sor bshags par bya bar 'gyur ro/ /sngar mgron du bos pa la ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /bslab pa dral te khyim du 'jug pa'i so sor bshags par bya ba ste gsum pa rdzogs sho// // sangs rgyas bcom ldan 'das ser skya'i gnas na ser skya'i gnas kyi nags su dbyar gnas par zhal gyis bzhes so/ /bcom ldan 'das kyis dge slong rnams kyis zhag bdun nam brgyad na dgag dbye 'byung bar 'gyur ba na spyod yul gyi grong du zhag 'di snyed na dgag dbye 'byung bar 'gyur ro/ /zhes brjod par bya'o zhes bka' stsal nas dge slong rnams dong ste brjod do/ /de nas ser skya'i gnas na gnas pa'i shākya dag de gnyis kyi dgag dbye bcwa lnga pa la bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ / mtha' gcig tu 'khod nas bcom ldan 'das ser skya'i gnas na gnas pa'i shākya rnams la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas cang mi gsung ngo / /de nas ser skya'i gnas na gnas pa'i shākya rnams kyis bcom ldan 'das kyis bka' stsal pa la mngon par dga' ba dang rjes su yi rang ba byas nas bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas sang 'di nyid du bdag cag gi gdug tshod gsol bar ci gnang / sang dge slong 'gas kyang bsod snyoms la 'jug par mi bgyi ste/ bdag cag bsod snyoms 'tshal te mchi zhing / bcom ldan 'das nyan thos kyi dge 'dun dang bcas pa la rang gi sug pa nas tshim zhing stobs par bgyid do/ /bcom ldan 'das kyis ser skya'i gnas na gnas pa'i shākya rnams la cang mi gsungs bas gnang ngo / /de nas ser skya'i gnas na gnas pa'i shākya rnams kyis bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas dong ngo / /de dag gis ser skya'i gnas su dong ste/ de nyid kyi mtshan mo bca' ba dang bza' ba gtsang zhing bsod pa dag sta gon byas nas de nas nang par sngar langs te bca' ba dang bza' ba dag gis shing rta dag bkang nas shākya mo rnams la smras pa/ khyed cag shing rta dag zhon la deng shig dang kho bo cag kyang phyi bzhin 'ong ngo / /de nas de dag rgyan thams cad kyis brgyan te shing rta dag la zhon nas 'phags so/ /ser skya'i gnas kyi nyen kor thibs po yin pas de dag lam kar chom rkun pa dag gis mthong nas de dag gis smras pa/ shes ldan dag shākya mo rgyan thams cad kyis brgyan pa 'di dag 'dong gis tshur sheg gzhom mo/ /chom rkun pa'i dmag dpon gyis smras pa/ shes ldan dag 'dong du zad mod khyed cag la 'di dag bcom pas ci bya/ shākya gdug pa pha rol gnon pa dag gnon pa byed par 'gyur gyis thong shig /de dag gis smras pa/ dmag dpon zla ba'i rgyab sus mthong / gzhom mo zhes de dag gis de'i tshig tshig ma yin par byas te de dag bcom nas/ gos dang rgyan thams cad phrogs te dong ngo / /shākya mo de dag kyang 'jigs shing skrag nas sgren mor tshang tshing dang nags ma dag gi nang du yib ste 'khod do/ /shing rta ded pa dag kyang skrag nas byer ro/ /glang dag kyang chu dag bcad nas ci dgar yan cing 'khod do/ /shing rta dag kyang shing rta'i mda' dang bral te 'dug go/ /drug sde dag gis phan tshun gros bya bar brtsams pa/ dga' bo nye dga' shākya bag med pa dag yun ring du thogs pas bdag cag gis zan gcad par bya 'am ci/ bsod snyoms la 'dong ngo / /de ltar bya'o zhes de dag lhung bzed dang chos gos thogs te 'phags pa dang / ji tsam na lam ka na shing rta bca' ba dang / bza' bas gang ba shing rta'i mda' dang bral ba dag 'dug pa dang / glang dag chu dag bcad de ci dgar yan cing 'khod pa dag mthong nas de dag gis phan tshun rnam par bltas nas bod par brtsams pa/ shes ldan dag 'di na su 'khod/ de dag gis skad phyung ba dang / drug sde dag gis smras pa khyed cag su yin/ 'phags pa dag bdag cag shākya mo dag go tshur sheg kho bo cag la brims shig /'phags pa dag bdag cag chom rkun pa dag gis bcom ste sgren mor mchis so/ /kho bo cag gdug tshod yol gyis tshur sheg khyed cag gi yan lag dang nying lag dag las kho bo cag gis sngon ma mthong ba gang yod tshur sheg de dag lo ma dag gis g.yogs te byung nas brim par brtsams pa dang / drug sde dag gis smras pa/ dga' bo nye dga' ltos shig shākya mo 'di dag gi mig ci 'dra/ sna ci 'dra mchu ci 'dra nu ma ci 'dra lag pa ci 'dra rked pa ci 'dra/ rkang pa ci 'dra ltos shig /de dag de ltar gtses pa na ngo tsha nas tshang tshing dang nags ma de dag nyid kyi nang du yib ste 'khod do/ /bsel ba dag gis shākya rnams la shākya mo rnams bcom mo zhes sbran pa dang / de nas shākya dag mda' gzhu lag na thogs shing mtshon gzas pa dag gis lam gar dong ste/ lam bgags nas de dag gis chom rkun pa de dag bzung ngo / /de na kha cig gis smras pa/ 'di dag la btang snyoms byar ci yod gsad do kha cig gis smras pa/ re shig der khrid la shākya mo rnams la dris te/ gang la yan lag gang gis nyes pa byas pa de'i de gcad par bya'o/ /de dag gis de dag khrid nas shākya mo rnams kyi gan du dong ste smras pa/ tshur sheg chom rkun pa 'di dag las gang gis khyed cag la yan lag gang gis nyes pa byas pa smros shig /de dag gis smras pa/ chom rkun pa'i dmag dpon 'di ni nyes pa med pa gnod pa mi byed pa yin te/ 'dis de dag bzlog na de dag ma btub pas 'di ni thong shig /de dag gis de btang ngo de srog de'u chad pa las phyir thob nas des de dag gi rkang pa la gtugs te smras pa/ shes ldan dag khyed cag dad pa skyes te/ sangs rgyas la sogs pa dge slong gi dge 'dun gdugs tshod gsol du 'gro ba yin na 'di dag bsad pas khyed la ci bya/ nyes pa byed pa 'di dag kyang btang bar gsol/ de dag gis de dag las bcom pa'i rdzas dag phyir bkug ste btang ngo / /de nas shākya de dag gis shākya mo de dag gos bskon cing rgyan thogs su bcug nas shing rta dag kyang chu dag btags te shing rta la zhon nas bcom ldan 'das kyi spyan sngar dong ngo / /bcom ldan 'das dge slong gi dge 'dun gyi gong du gdan bshams pa nyid la bzhugs pa dang / shākya dang shākya mo rnams kyis sangs rgyas la sogs pa dge slong gi dge 'dun la brim par brtsams so/ /shākya mo rnams drug sde dag la zas mi sbyin nas shākya rnams kyis smras pa/ ci'i phyir 'phags pa dag la zhal zas mi gsol/ de dag gis smras pa/ 'di dag gis zos zin to/ /gang du gsol/ de nyid du'o sus brims/ kho mo cag gis so/ /khyed cag sgren mo dag gis ji ltar brims/ de'i phyir 'di dag gis kho mo cag tho brtsams te ji ltar kho mo cag lo ma dag gis g.yogs te tshang tshing dang nags ma dag gi nang nas byung ste brim par brtsams pa dang / 'di dag gis tho brtsams te 'di ltar brjod par bya ba mang du yod do/ /de ni mjal gyis 'di dag ni gnas ngan len kun tu spyod pa yin gyis 'di dag la zas mi sbyin no/ /de dag cang mi smra bar 'khod do/ / de nas de dag gis dge slong gi dge 'dun la brims nas smras pa/ 'phags pa dag kye ma khyed kyis lam 'di 'jigs pa dang bcas pa yin no zhes bka' stsal na bdag cag bag bgyid cing mchi'o zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong nags nyul ba bsko bar bya ste/ dge slong nags nyul ba chos lnga dang ldan pa ni ma bskos pa yang bsko bar mi bya la/ bskos pa yang dbyung bar bya ste/ lnga gang zhe na 'dun pas 'gro ba dang zhe sdang gis 'gro ba dang gti mug gis 'gro ba dang / 'jigs pas 'gro ba dang / nags byul ba dang ma byul ba mi shes pa'o/ /nags nyul ba chos lnga dang ldan pa ni ma bskos pa yang bsko bar bya la/ bskos pa yang dbyung bar mi bya ste/ lnga gang zhe na 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / nags byul ba dang ma byul ba shes pa'o/ /'di ltar bsko bar bya ste gnas mal bsham pa byas nas gaṇ ḍi brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing 'thun par gyur pa na rje dang por spro bar bya ste/ ming 'di zhes bya ba khyod dge 'dun gyi nags nyul bar spro 'am/ gal te spro na des spro'o zhes brjod par bya'o/ /de nas dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi nags nyul bar spro na gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba dge 'dun gyi nags nyul bar bsko ste/ dge slong nags nyul ba ming 'di zhes bgyi ba 'di dge 'dun gyi nags nyul lo/ /'di ni gsol ba'o las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi nags nyul bar spro na/ de'i slad du dge 'dun gyis ming 'di zhes bgyi ba nags nyul bar bskos te ming 'di zhes bgyi ba 'di dge 'dun gyi nags nyul na/ tshe dang ldan pa gang dag ming 'di zhes bgyi ba nags nyul bar bsko bar bzod pa de dag ni cang ma gsung shig /gang dag mi bzod pa de dag ni gsungs shig dge 'dun gyis bzod cing gnang nas dge 'dun gyis dge slong ming 'di zhes bgyi ba nags nyul bar bskos lags so/ /ming 'di zhes bgyi ba 'di dge 'dun gyi nags nyul te 'di ltar cang mi gsung bas de de bzhin du 'dzin to/ / ngas dge slong nags nyul ba'i kun tu spyod pa'i chos dag bca' bar bya ste/ dge slong nags nyul bas dpag tshad phyed nas bzung ste kho ra khor yug tu nags byul bar bya'o/ /bcom ldan 'das kyis dge slong nags nyul bas dpag tshad phyed nas bzung ste kho ra khor yug tu nags byul bar bya'o/ /zhes bka' stsal nas de lam gyis dub cing gcig pu 'jigs par gyur nas/ bcom ldan 'das kyis bka' stsal pa/ de gal te 'dod na khye'u sus sbyin par bya zhing grogs kyang sbyin par bya'o/ /gal te nags 'jigs pa dang bcas pa nyid yin na des dud brda gtul bar bya'o/ /ba dan sngon po bsgreng bar bya'o/ /'dab ma'i chang bu dag lam kar gzhag par bya'o/ /gal te nags 'jigs pa med pa nyid yin na ba dan dkar po bsgreng bar bya'o/ /dge slong nags nyul bas kun tu spyod pa'i chos ji ltar bcas pa dag yang dag par blangs te 'jug par mi byed na 'gal tshabs can du 'gyur ro/ /dge slong don nyung ngu dag ci'i phyir dge slong nags sngar ma byul bar kun dga'i ra ba'i phyi rol tu bca' ba dang bza' ba blangs te 'cha' zhing za zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed sngar nags ma byul bar kun dga'i ra ba'i phyi rol tu bca' ba dang bza' ba blangs te 'cha' zhing za ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su 'thun pa ma yin pa/ rung ba ma yin pa/ tshul dang 'thun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge 'dun gyi gnas mal dgon pa gang dag dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags par gyur la/ yang dge slong gang dge 'dun gyi gnas mal dgon pa gang dag dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa de lta bu dag tu sngar ma byul bar kun dga'i ra ba'i phyi rol tu bca' ba dang bza' ba blangs te 'cha' 'am za na dge slong des phyi rol kun dga' ra bar song ste/ dge slong rnams la tshe dang ldan pa dag bdag la smad pa'i gnas mi rigs pa so sor bshags par bya ba byung gis/ chos de so sor 'chags so zhes so sor bshags par bya ste chos 'di yang so sor bshags par bya ba'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /gnas mal dgon pa gang dag ces bya ba la dgon pa zhes bya ba ni rdul phra rab drug la rdul phra mo gcig go/ /rdul phra mo drug la chu rdul gcig go/ /chu rdul drug la lcags rdul gcig go/ /lcag rdul drug la ri bong gi rdul gcig go/ /ri bong gi rdul drug la lug rdul gcig go/ /lug rdul drug la glang rdul gcig go/ /glang rdul drug la nyi zer gyi rdul gcig go/ /nyi zer gyi rdul drug la sro ma gcig go/ /sro ma drug la shig gcig go/ /shig drug la nas gcig go/ /nas drug la sor gcig go/ /sor bzhi drug la khru gang ngo / /khru phyed dang bzhi la mi'i srid do/ /khru bzhi la gzhu'o/ /gzhu lnga brgya la rgyang grags gcig ste/ grong nas rgyang grags gcig ni dgon pa ste/ de na gtsug lag khang gang yod pa de ni gnas mal dgon pa yin no/ /dogs pa dang bcas par grags pa zhes bya ba ni chom rkun pa dang g.yon can gyis 'jigs par grags pa'o/ /'jigs pa dang bcas par grags pa zhes bya ba ni seng ge dang / stag dang gung gis 'jigs par grags pa'o/ /'jigs pa tha dad pas 'jigs su rung ba dang bcas par grags par gyur la zhes bya ba ni sha sbrang dang sbrang bu mchu rings dang / rlung dang nyi ma dang sdig sbrul gyi 'jigs pa tha dad pas 'jigs su rung ba dang bcas par grags par gyur la'o/ /yang dge slong gang zhes bya ba ni drug sde 'am gzhan yang de lta bu gang yin pa'o/ / dge 'dun gyi gnas mal dgon pa gang dag dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa de lta bu dag du zhes bya ba ni ji skad bstan pa lta bu dag tu'o/ /sngar ma byul bar zhes bya ba ni nags nyul bas sngar ma byul bar ro/ /kun dga' ra ba'i phyi rol tu zhes bya ba ni gtsug lag khang gi phyi rol tu'o/ /bca' ba dang bza' ba zhes bya ba ni bca' ba lnga dang bza' ba lnga'o/ /blangs te zhes bya ba ni byin len stobs su bcug ste'o/ /'cha' 'am za na zhes bya ba ni mgul du mid na'o/ /dge slong des shes bya ba ni dge slong gang yin pa des so/ /phyi rol kun dga' ra bar song ste zhes bya ba ni grong gi phyi rol gtsug lag khang du song ste'o/ /dge slong rnams la zhes bya ba ni de na dge slong gang dag 'khod pa rnams la'o/ /tshe dang ldan pa dag bdag la smad pa'i gnas shes bya ba ni smad par bya ba'o/ /mi rigs pa zhes bya ba ni tshul dang mi mthun pa'o/ /so sor bshags par bya ba zhes bya ba ni mthol bar bya ba'o/ /byung gis shes bya ba ni ltung ba byung gis so/ /chos de zhes bya ba ni chos ma yin pa chos kyi sgrar gsungs pa de'o/ /so sor 'chags so zhes bya ba ni mthol lo zhes pa'o/ /so sor bshags par bya ste zhes bya ba ni 'thol bar bya ste 'o/ /chos 'di yang so sor bshags par bya ba'o zhes bya ba ni chos 'di yang mthol bar bya ba ste des na so sor bshags par bya ba'o zhes gsungs so/ /de la ltung bar ji ltar 'gyur zhe na/ dge slong gis nags ma byul ba la ma byul bar 'du shes pas kun dga' ra ba'i phyi rol tu bca' ba dang bza' ba blangs te 'cha' 'am za na so sor bshags par bya bar 'gyur ro/ /nags ma byul ba la yid gnyis za bas kun dga' ra ba'i phyi rol du bca' ba dang bza' ba blangs te 'cha' 'am za na so sor bshags par bya bar 'gyur ro/ /dge slong gis nags byul ba la ma byul bar 'du shes pas kun dga' ra ba'i phyi rol du bca' ba dang bza' ba blangs te 'cha' 'am za na nyes byas su 'gyur ro/ /nags byul ba la yid gnyis za bas kun ra ba'i phyi rol du bca' ba dang bza' ba blangs te 'cha' 'am za na nyes byas su 'gyur ro/ /nags nyul ba shi 'am bros na ltung ba med do/ /las dang po pa dang smyos pa dang / sems 'khrugs pa dang tshor ba dag gis nyen pa la ltung ba med do/ /nags brtag pa las gyur pa'i so sor bshags par bya ba ste bzhi pa rdzogs sho/ /so sor bshags par bya ba rnams rdzogs sho// //'dul ba rnam par 'byed pa/ bam po brgyad bcu rtsa gnyis pa/ spyi sdom la/ sham thabs zlum dang chos gos zlum/ /mgo mi g.yog dang mi mchod dang / /mig mi bsgyur d ang ma bsgo dang / /legs blang legs bza' tsug tsug dang / /'bru nas tha dad lag mi bldag /'phya dang lhung bzed 'dug pa dang / /mgo g.yogs do ker glang chen zhon/ /khar ba dang ni 'greng ba dang / /shing la 'dzeg par mi bya ba/ /bslab pa brgya po bsdus pa yin/ / sangs rgyas bcom ldan 'das bā rā ṇa sī na drang srong smra ba ri dgas kyi nags na bzhugs so/ /gang gi tshe bcom ldan 'das kyis lnga pa dag skyon med pa la 'jug pas dge slong nyid la bkod pa de'i tshe na de dag sngon gom pa'i sbyor bas sham thabs khyim pa bzhin du gyon par byed nas/ bram ze dang khyim bdag dad pa can dag gis mthong nas smras pa/ 'phags pa dag ji ltar khyed sham thabs gsol ba 'di ltar nor can dag dang tshong dpon dag dang / ded dpon dag 'tshal bar bgyid do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden gyis ngas sngon gyi yang dag par rdzogs pa'i sangs rgyas rnams kyi nyan thos dag sham thabs ji ltar gyon par gyur pa bsam mo snyam du dgongs pa dang / lha rnams kyis bcom ldan 'das la gsol pa/ btsun pa 'di lta ste/ gnas gtsang ma'i ris kyi lha rnams ji lta ba bzhin no/ /bcom ldan 'das nyid la yang 'di lta ste/ gnas gtsang ma'i ris kyi lha rnams lta bur mkhyen pa dang gzigs pa byung ngo / /de nas bcom ldan 'das kyis dge slong rnams la bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sham thabs zlum por bgo bar bslab par bya'o/ /bcom ldan 'das kyis sham thabs zlum por bgo bar bslab par bya'o zhes bka' stsal nas/ dge slong lnga pa dag gis sham thabs zlum por bgo bar brtsams so/ /de bzhin du nye lnga dag dang mngon par mtho ba lnga bcu dang / bzang sde'i tshogs drug bcu dang / gzhan yang bcom ldan 'das kyis brgyud pas dge slong dag gis rab tu phyung ba gang dag yin pa de dag gis kyang sham thabs zlum por bgo bar brtsams so/ /gang gi tshe drug sde dag rab tu phyung ba de'i tshe na de dag gis sham thabs ha cang rtsengs par bsgo bar brtsams pa dang / bram ze dang khyim bdag dad pa can dag gis mthong nas smod par byed de/ 'phags pa dag dwa dag dang / rgyan po pa dag dang nal gyi bu dag sham thabs 'di ltar 'chol bas 'di ni tshul dang mthun pa ma lags kyis sham thabs ha cang rtsengs par ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ rje dang por khyed cag nyid mi shes pa dang bral ba dang bslab par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sham thabs ha cang rtsengs pa ma yin par bgo bar bslab par bya'o/ /bcom ldan 'das kyis sham thabs ha cang rtsengs pa ma yin par bsgo bar bslab par bya'o/ /zhes bka' stsal nas/ drug sde dag gis ha cang 'jol bar bgo bar brtsams pa dang / bram ze dang khyim bdag dad pa can dag gis mthong nas smod par byed de/ 'phags pa dag tag ka'i yul na gnas pa'i bud med dag dang rigs kyi mna' ma dag sham thabs 'di ltar 'tshal bas 'di ni tshul dang 'thun pa ma lags kyis/ sham thabs ha cang 'jol bar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sham thabs ha cang 'jol ba ma yin par bgo bar bya'o/ /drug sde dag sham thabs gyon pa na mdun 'phyang bar byed nas bram ze dang / khyim bdag dad pa can dag smod par byed de/ 'phags pa dag byis pa khye'u dag dang chang gis ra ro ba dag dang / 'byung po dang sha zas brlams pa dag sham thabs 'di ltar 'tshal bas 'di ni tshul dang 'thun pa ma lags kyis sham thabs 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sham thabs glang po che'i sna ltar ma yin par bgo bar bslab par bya'o/ /drug sde dag sham thabs gyon pa na glo dag tu ltebs par byed nas/ bram ze dang khyim bdag dad pa can dag smod par byed de/ 'phags pa dag gar mkhan dag tshogs kyi nang du sham thabs 'di ltar 'tshal bas 'di ni tshul dang 'thun pa ma lags kyis sham thabs 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sham thabs ta la'i lo ma ltar bltab pa ma yin par bgo bar bslab par bya'o/ /drug sde dag sham thabs gyon pa na glor bltab ste phur ma ltar 'jog par byed nas/ bram ze dang khyim bdag dad pa can dag smod par byed de/ 'phags pa dag nor can dag dang tshong dpon dag dang ded dpon dag dang / bud med dag sham thabs 'di ltar 'tshal bas 'di ni tshul dang 'thun pa ma lags kyis sham thabs 'di ltar ma gsol cig /de dag gis smras pa/ shes ldan 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sham thabs 'bru'i phur ma ltar ma yin par bgo bar bslab par bya'o/ /drug sde dag sham thabs gyon pa na lte ba'i 'og tu sbrul mgo'i gdengs ka ltar byed nas/ bram ze dang khyim bdag dad pa can dag smod par byed de/ 'phags pa dag rgyan po bgyid pa dag sham thabs 'di ltar 'tshal bas 'di ni tshul dang 'thun pa ma lags kyis sham thabs 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod par zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sham thabs sbrul mgo'i gdeng ka ltar ma yin par bgo bar bslab par bya'o/ /bslab pa bsdu ba'i mdo ni sham thabs zlum por bgo bar bslab par bya/ sham thabs ha cang rtsengs pa ma yin pa dang / ha cang 'jol ba ma yin pa dang / glang po che'i sna ltar ma yin pa dang / ta la'i lo ma ltar bltab pa ma yin pa dang / 'bru'i phur ma ltar ma yin pa dang / sbrul mgo'i gdengs ka ltar ma yin par bgo bar bslab par bya'o/ /bcom ldan 'das kyis dge slong gis sham thabs zlum por bgo bar bslab par bya/ sham thabs ha cang rtsengs pa ma yin pa dang / ha cang 'jol ba ma yin pa dang / glang po che'i sna ltar ma yin pa dang / ta la'i lo ma ltar bltab pa ma yin pa dang / 'bru'i phur ma ltar ma yin pa dang sbrul mgo'i sdeng ka ltar ma yin par bgo bar bslab par bya'o/ /zhes bka' stsal nas/ dge slong dag chos gos gyon pa na ji ltar bgo ba mi shes nas bcom ldan 'das kyis bka' stsal pa/ de lta bas na dge slong rnams kyis chos gos zlum por bgo bar bslab par bya'o/ /bcom ldan 'das kyis chos gos zlum por bgo bar bslab par bya'o zhes bka' stsal nas/ drug sde dag chos gos ha cang rtsengs par gyon par byed nas/ bram ze dang khyim bdag dad pa can dag smod par byed de/ 'phags pa dag dwa dag dang / rgyan po pa dag dang / nal gyi bu dag stod g.yogs 'di ltar 'tshal bas 'di ni tshul dang 'thun pa ma lags kyis chos gos 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ chos gos ha cang rtsengs pa ma yin par bgo bar bslab par bya'o/ /bcom ldan 'das kyis chos gos ha cang rtsengs pa ma yin par bgo bar bslab par bya'o zhes bka' stsal nas/ drug sde dag ha cang 'jol bar gyon par byed nas/ bram ze dang khyim bdag dad pa can dag smod par byed de/ 'phags pa dag tag ka'i yul na gnas pa'i mi dag dang / rigs kyi mna' ma dag stod g.yogs 'di ltar 'tshal bas 'di ni tshul dang 'thun pa ma lags kyis chos gos 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ chos gos ha cang 'jol ba ma yin par bgo bar bslab par bya'o/ /drug sde dag lag pa dang rkang pa rkyong bar byed cing khyim gzhan du 'dong nas bram ze dang / khyim bdag dad pa can dag smod par byed de/ 'phags pa dag byis pa khye'u dag dang / chang gis ra ro ba dag dang 'byung po dang sha zas brlams pa dag lag pa dang rkang pa 'di ltar rkyong bar bgyid cing mchi bas 'di ni tshul dang 'thun pa ma lags kyis 'di ltar ma bzhud cig de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste shin tu bsdams shing khyim gzhan du 'gro bar bslab par bya'o/ /drug sde dag chos gos bsdus shing phrag pa la gzar te khyim gzhan du 'gro bar byed nas/ bram ze dang khyim bdag dad pa can dag smod par byed de/ 'phags pa dag gyad 'gyed sar mchi ba dag stod g.yogs 'di ltar 'tshal bas 'di ni tshul dang 'thun pa ma lags kyis chos gos 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslab par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ legs par bgos shing khyim gzhan du 'gro bar bslab par bya'o/ /drug sde dag byung rgyal smra bas sgra 'byin cing khyim gzhan du 'dong nas/ bram ze dang khyim bdag dad pa can dag smod par byed de/ 'phags pa dag byis pa khye'u dag dang / chang gis ra ro ba dag dang / 'byung po dang / sha zas brlams pa dag 'di ltar byung rgyal smra bas sgra 'byin cing mchi bas 'di ni tshul dang 'thun pa ma lags kyis/ 'di ltar sgra 'byin cing ma bzhud cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sgra bskyung zhing tshig nyung ngus khyim gzhan du 'gro bar bslab par bya'o/ /drug sde dag mig yengs shing khyim gzhan du 'gro ba na de dag glang po che 'khrul pa dang lhan cig 'dom pa dang / rta 'khrul pa dang / shing rta 'khrul pa dang / rkang tang 'khrul pa dang 'dom zhing de dag gis brngos shing phul ba na mi gtsang ba dang / rdzab kyi khung dang / phyag dar gyi khrod du sgyel nas/ bram ze dang / khyim bdag dad pa can dag smod par byed de/ 'phags pa dag skar ma la rtog pa dag dang / mig btsums pa dag bzhin ci'i phyir gzigs/ sa la gzigs na ci nongs/ 'di ni tshul dang 'thun pa ma lags kyis/ 'di ltar yengs shing ma bzhud cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mig g.yeng bar mi bya zhing khyim gzhan du 'gro bar bslab par bya'o/ /drug sde dag mig rgyang ring por lta zhing khyim gzhan du 'dong ba na/ de dag spyod lam nyams shing lam shor ba la sogs par gyur nas/ bram ze dang / khyim bdag dad pa can dag smod par byed de/ 'phags pa dag skar ma la rtog pa dag dang / bya ra ba dag 'di ltar lta bar bgyid pas 'di ni tshul dang 'thun pa ma lags kyis 'di ltar gzigs shing ma bzhud cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ gnya' shing gang tsam du blta zhing khyim gzhan du 'gro bar bslab par bya'o/ /bslab pa bsdu ba'i mdo ni/ chos gos zlum por bgo bar bslab par bya/ chos gos ha cang rtsengs pa ma yin pa dang / ha cang 'jol ba ma yin par bgo bar bslab par bya'o/ /shin du bsdams pa dang / legs par bgos pa dang / sgra bskyung ba dang / mig g.yeng bar mi bya ba dang / gnya' shing gang tsam du blta zhing khyim gzhan du 'gro bar bslab par bya'o/ /drug sde dag mgo g.yogs shing khyim gzhan du 'dong bar byed nas/ bram ze dang khyim bdag dad pa can dag smod par byed de/ 'phags pa dag rigs kyi mna' ma dag dang / mig na ba dag dang / sbrang rtsi'i sbrang bus 'jigs pa dag 'di ltar bgyid pas 'di ni tshul dang 'thun pa ma lags kyis 'di ltar ma g.yogs shig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mgo mi g.yog par khyim gzhan du 'gro bar bslab par bya'o/ /drug sde dag sham thabs brdzes te khyim gzhan du 'dong bar byed nas/ bram ze dang / khyim bdag dad pa can dag smod par byed de/ 'phags pa dag bshang ba dang gci ba bgyid pa'i mi dag 'di ltar bgyid pas 'di ni tshul dang 'thun pa ma lags kyis 'di ltar ma brdze shig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi brdze bar khyim gzhan du 'gro bar bslab par bya'o/ /drug sde dag chos gos phrag pa la gzar te khyim gzhan du 'dong bar byed nas/ bram ze dang / khyim bdag dad pa can dag smod par byed de/ 'phags pa dag dwa dag dang / rgyan po pa dag dang / nal gyi bu dag 'di ltar bgyid pas 'di ni tshul dang 'thun pa ma lags kyis 'di ltar ma gzar cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi gzar bar khyim gzhan du 'gro bar bslab par bya'o/ /drug sde dag lag pa gnya' gong du bsnol te khyim gzhan du 'dong bar byed nas bram ze dang / khyim bdag dad pa dag smod par byed de/ 'phags pa dag dwa dag dang / rgyan po pa dag dang / nal gyi bu dag 'di ltar bgyid pas 'di ni tshul dang 'thun pa ma lags kyis 'di ltar gnya' gong du ma bsnol cig / de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa/ bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ gnya' gong du mi bsnol bar khyim gzhan du 'gro bar bslab par bya'o/ /drug sde dag lag pa ltag par bsnol te khyim gzhan du 'dong bar byed nas/ bram ze dang / khyim bdag dad pa can dag smod par byed de/ 'phags pa dag g.yog dag 'di ltar bgyid pas 'di ni tshul dang 'thun pa ma lags kyis 'di ltar ltag par ma bsnol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ dge slong dag de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ ltag par mi bsnol bar khyim gzhan du 'gro bar bslab par bya'o/ /bslab pa bsdu ba'i mdo ni mgo mi g.yog pa dang / mi brdze ba dang / mi gzar ba dang / gnya' gong du mi bsnol ba dang / ltag par mi bsnol bar khyim gzhan du 'gro bar bslab par bya'o/ /drug sde dag rib ma la mchong zhing khyim gzhan du 'dong nas/ bram ze dang khyim bdag dad pa can dag smod par byed de/ 'phags pa dag 'jigs pas skrag cing 'bros pa dag 'di ltar bgyid pas 'di ni tshul dang 'thun pa ma lags kyis 'di ltar ma mchong shig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi mchong bar khyim gzhan du 'gro bar bslab par bya'o/ /drug sde dag gom pa ha cang chen po dag gis khyim gzhan du 'dong nas bram ze dang / khyim bdag dad pa can dag smod par byed de/ 'phags pa dag chang gis ra ro ba dag dang / 'byung po dang / sha zas brlams pa dag 'di ltar bgyid pas 'di ni tshul dang 'thun pa ma lags kyis 'di ltar ma bzhud cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi brkyang bar khyim gzhan du 'gro bar bslab par bya'o/ /drug sde dag tsog pus khyim gzhan du 'dong nas/ bram ze dang khyim bdag dad pa can dag smod par byed de/ 'phags pa dag 'gros nyams pa dag dang / rkang bam can dag dang / byis pa khye'u dag 'di ltar bgyid pas 'di ni tshul dang 'thun pa ma lags kyis 'di ltar ma mdzad cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ tsog pus ma yin par khyim gzhan du 'gro bar bslab par bya'o/ /drug sde dag rkang pa'i brang ba dag gis khyim gzhan du 'dong bar byed nas bram ze dang khyim bdag dad pa can dag smod par byed de/ 'phags pa dag byis pa khye'u smig ma bzhin du rtse ba dag dang / rkang mthil smas pa dag 'di ltar bgyid pas 'di ni tshul dang 'thun pa ma lags kyis 'di ltar ma bzhud cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ brang bas ma yin par khyim gzhan du 'gro bar bslab par bya'o/ /drug sde dag lag pa gnyis dkur brten te khyim gzhan du 'dong bar byed nas/ bram ze dang / khyim bdag dad pa can dag smod par byed de/ 'phags pa dag nor can dag dang / tshong dpon dag dang ded dpon dag 'di ltar bgyid pas 'di ni tshul dang 'thun pa ma lags kyis 'di ltar ma bzhud cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dkur mi brten par khyim gzhan du 'gro bar bslab par bya'o/ /bslab pa bsdu ba'i mdo ni mi mchong ba dang / mi brkyang pa dang / tsog pus ma yin pa dang / brang bas ma yin pa dang / dkur mi brten par khyim gzhan du 'gro bar bslab pa bya'o/ /drug sde dag lus bsgyur zhing khyim gzhan du 'dong bar byed nas/ bram ze dang / khyim bdag dad pa can dag smod par byed de 'phags pa dag gzugs 'tsho ma dag dang / glang po che dag dang / bal glang mo dag 'di ltar mchi bas 'di ni tshul dang 'thun pa ma lags kyis 'di ltar ma bzhud cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lus mi bsgyur bar khyim gzhan du 'gro bar bslab par bya'o/ /drug sde dag lag pa dkyog cing khyim gzhan du 'dong bar byed nas/ bram ze dang / khyim bdag dad pa can dag smod par byed de/ 'phags pa dag dwa dag dang / rgyan po pa dag dang nal gyi bu dag 'di ltar mchi bas 'di ni tshul dang 'thun pa ma lags kyis 'di ltar ma bzhud cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lag pa mi dkyog par khyim gzhan du 'gro bar bslab par bya'o/ /drug sde dag lus bsgyur zhing khyim gzhan du 'dong bar byed nas/ bram ze dang / khyim bdag dad pa can dag smod par byed de/ 'phags pa dag glang po che dag dang / srog chags rtsangs pa dag 'di ltar mchi bas 'di ni tshul dang 'thun pa ma lags kyis 'di ltar ma bzhud cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mgo mi bsgyur bar khyim gzhan du 'gro bar bslab par bya'o/ /drug sde dag phrag pa sprad cing khyim gzhan du 'dong ba na/ ji tsam na mi zhig spos dang me tog gis brgyan te/ 'jig rten la bu tsam du sems shing 'gro nas drug sde dag gis smras pa/ dga' bo nye dga' bkren pa 'di 'jig rten la bu tsam du sems shing 'gro na/ ci 'di'i snying lam na drug sde dag gis sngon lan 'ga' yang dri dang me tog thogs ma myong snyam pa 'dras tshur sheg 'di mi dga' bar bya'o/ /de ltar bya'o zhes de na de dag gcig dang gcig phrag pa sprad cing gzhan dang gzhan yang phrag pa sprad de/ de phul ba dang sa la 'gyel nas des smras pa/ bdag gis khyed cag la nongs pa ci bgyis/ bkren pa khyod kyi snying lam na drug sde dag gis sngon lan 'ga' yang spos dang me tog thogs ma myong snyam pas khyod de ltar mi dga' bar bya'o/ /de smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim bdag de gnas su smod par byed do snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ phrag pa mi sprad par khyim gzhan du 'gro bar bslab par bya'o/ /drug sde dag lag pa sbrel cing khyim gzhan du 'dong ba na/ ji tsam na mi zhig spos dang me tog gis brgyan te/ 'jig rten la bu tsam du sems shing 'gro nas/ drug sde dag gis smras pa/ dga' bo nye dga' bkren pa 'di 'jig rten la bu tsam du sems shing 'gro na/ ci 'di'i snying lam na drug sde dag gis sngon lan 'ga' yang dri dang me tog thogs ma myong snyam pa 'dras/ tshur sheg 'di mi dga' bar bya'o/ /de ltar bya'o zhes de na de dag gcig dang gcig lag pa sbrel cing / gzhan dang gzhan yang lag pa sbrel te phul ba dang sa la 'gyel nas/ des smras pa/ bdag gis khyed cag la nongs pa ci bgyis/ bkren pa khyod kyi snying lam na drug sde dag gis sngon lan 'ga' yang spos dang me tog thogs ma myong snyam pas khyod de ltar mi dga' bar bya'o/ /des smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim bdag de gnas su smod par byed do snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lag pa mi sbrel bar khyim gzhan du 'gro bar bslab par bya'o/ /bslab pa bsdu ba'i mdo ni lus mi bsgyur ba dang / lag pa mi dkyog pa dang / mgo mi bsgyur ba dang / phrag pa mi sprad pa dang / lag pa mi sbrel bar khyim gzhan du 'gro bar bslab par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na bram ze gtsang sbra 'dod pa zhig 'dug pa des sgo khang du mal bshams nas/ de na bu mo zhig bsil yab thogs te sbrang ma skyob cing 'dug go/ /tshe dang ldan pa nye dga' de'i khyim du bsod snyoms la zhugs nas des smras pa/ bu mo bram ze'i gan du song la nye dga' sgo na sdod do zhes gyis shig /des smras pa/ 'phags pa bdag 'di na sbrang ma skyob cing mchis pas mi mchi'o/ /des smras pa/ bu mo gal te de lta na kho bos re shig bsrung gis khyod song la smros shig /de song ba dang nye dga' rkang pa dang bcas par 'dzegs te/ mal de'i steng du 'dug go/ /bram ze de phyir byung ba dang nye dga' rkang pa dang bcas pa'i mal gyi steng du 'dzegs te 'dug pa mthong ngo / /mthong nas kyang smras pa/ 'jig rten gyi gtsang sbra ni tha dad pa yin na/ ci'i phyir khyod 'dir rkang pa dang bcas par 'dzegs te 'dug des smras pa/ bram ze dge slong gis mal la longs spyad pa gang yin pa ni khyod kyi khyim bdun pa tshun chad la phan btags pa yin no/ /de smod par byed phyar ka gtong bar byed/ kha zer bar byed pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ bram ze de gnas su smod do snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ ma bsgo bar khyim gzhan du stan la mi 'dug par bslab par bya'o/ /gang gi tshe tshe dang ldan pa 'char kas gtum mo btul ba de'i tshe na des drang srong gi stan bshams nas tshe dang ldan pa 'char kas longs spyad cing spyad cing 'gro'o/ /ji tsam dus gzhan zhig na des gtum mo la smras pa/ sring mo khyod bltas kyis ljongs rgyur 'gro'o/ /des smras pa/ 'phags pa myur du slar spyon cig /sdod skyo ba skyed par ma mdzad cig /des smras pa/ sring mo ma nyes kyis de bzhin du bya'o/ /des de bltas te rgyal byed kyi tshal du song ba dang / bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la bcom ldan 'das nyi ma bdun pa la ljongs rgyur gshegs kyis/ khyed cag las gang bcom ldan 'das dang thabs gcig ljongs rgyur 'gro bar spro ba des chos gos kyi las gyis shig ces sgo shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas/ dge slong rnams la tshe dang ldan pa dag bcom ldan 'das nyi ma bdun pa la ljongs rgyur gshegs kyis/ khyed cag las gang bcom ldan 'das dang thabs gcig ljongs rgyur 'gro bar spro ba des chos gos kyi las gyis shig ces bsgo'o/ /tshe dang ldan pa 'char kas bsams pa/ sangs rgyas ljongs rgyur gshegs pa la phan yon bcwa brgyad yod kyis bcom ldan 'das nyid dang thabs gcig 'gro'o snyam nas de ma 'phags so/ /de'i tshe na gtum mo'i khyim na khye'u btsas nas ring po ma lon pa zhig yod nas/ des bu mo de la smras pa/ bu mo khye'u 'di drang srong gi gdan la snyol cig dang yun ring du 'tsho zhing tshe ring du skyong bar 'gyur ro/ /des de gos dkar po bskon te bsnyal ba dang / tshe dang ldan pa 'char ka mnyan yod du bsod snyoms la zhugs nas des bsams pa/ je gtum mo'i khyim du stan la longs spyod du 'gro zhing phyis bsod snyoms brgyus te 'gro'o snyam nas de der song ngo / /dgra bcom pa dag ni ma bsams par shes pa dang mthong ba mi 'jug pas/ de stan de nyid la gya tshom du 'dug pa dang / nang mi brtad pa dang bcas pas 'phags pa khye'u khye'u zhes smras pa dang / de myur ba myur bar langs nas ji tsam nas de dag gis dus la bab par mthong nas/ de dag ngu bar brtsams pa dang / des smras pa/ sring mo dag 'di la ci ngu / 'du byed thams cad kyi chos nyid 'di lta bu yin no/ /'on kyang kho bo la brten te bcom ldan 'das 'dul ba la nyan thos rnams kyi bslab pa'i gzhi 'cha' bar 'gyur bas 'di la kho bos ngu bar bya ba yin no/ /'khor ba na sems can rnams nye du la byams pa ni thog ma med pa'i dus nas goms pa yin pas de dag de bzhin du ngu zhing mi sdod pa thos nas dge slong rnams kyis skabs de bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ stan la ma brtags par khyim gzhan du stan la 'dug par mi bya bar bslab par bya'o/ /gang gi tshe bcom ldan 'das mngon par byung nas lo bcu gnyis lon zhing / rdzogs par sangs rgyas nas lo drug lon nas ser skya'i gnas su byon pa de'i tshe na nyi ma gcig ni yab kyi gan du gdugs tshod gsol/ nyi ma gnyis pa la ni rang gi btsun mo'i 'khor du gdugs tshod gsol ba na tshe dang ldan pa 'char kas btsun mo grags 'dzin bshos 'brim pa la rkang pas rkang pa la phul ba dang / de stobs dang ldan pas ma 'gyel nas/ des btsun mo sa 'tsho ma la smras pa sa 'tsho ma/ 'phags pa 'char kas bdag sangs rgyas la sogs pa dge slong gi dge 'dun gyi spyan sngar tho brtsams so/ /ci byas des ji ltar gyur pa brjod pa dang / des smras pa/ de ci nas kyang phyin cad de ltar byed par mi 'gyur ba de ltar mi dga' bar bya'o/ /ji tsam nyi ma gzhan zhig la btsun mo grags 'dzin gyis khri'u ma brgyus pa zhig ras kyis g.yogs nas bu mo mngag gzhug ma la smras pa/ bu mo song la re shig rgyal po'i pho brang gi sgor sdod la/ gang gi tshe 'phags pa 'char ka 'ong ba de'i tshe na khyod kyis 'di skad ces bram ze bram ze zhes brjod par bya'o/ /gal te bram zes ci bya zhes zer na de la btsun mo'i 'khor du 'bod do zhes brjod par bya'o/ /bu mo de byung ba dang / tshe dang ldan pa 'char ka yang 'ongs nas/ der bram ze bram ze zhes bod par brtsams pa dang / des smras pa/ bu mo bram zes ci bya/ 'phags pa btsun mo'i 'khor du 'bod do/ /des bsams pa/ der gor ma chag par sbyin par byed kyis 'gro'o snyam nas de myur bar myur bar song ba dang / btsun mo grags 'dzin gyis bu mo la smras pa/ bu mo kho mos khyod la bram ze bos shig ces bsgo na khyod kyis ci'i phyir dge sbyong mgo reg bos des cang mi zer bar 'dug go/ /tshe dang ldan pa 'char kas smras pa/ gal te kho bo khyod kyi khyim thab kyi gan du rab tu byung zhes te kho bo'i bram ze yang nyams snyam 'am ci/ gal te bram ze na ni oṃ bhur bhu ba swā zhes zer la/ 'on te rab tu byung na ni/ /sdig pa thams cad mi bya ste/ /dge ba phun sum tshogs par bya/ /rang gi sems ni yongs su gdul/ /'di ni sangs rgyas bstan pa yin zhes zer ro/ /des smras pa/ khyod bram ze yang rung / dge sbyong yang rung ste/ kho mos ni bcom ldan 'das dka' ba spyod pa na/ gal te bcom ldan 'das ser skya'i gnas su gshegs na de'i phyir bdag gis bram ze la 'di dang 'di sbyin par bya'o zhes gsol ba byas so/ /des smras pa/ bcom ldan 'das kyis srog chags 'bum phrag du ma dag lta ba'i rnam pa dang bral bar mdzad na khyod ni lta ba'i rnam pa dang bral bar ma mdzad do/ /des smras pa/ 'phags pa bud med kyi yul ni dbral dka' ba lags pas ji ltar bgyi/ des smras pa/ de ni mjal gyis/ je slongs mo pa dag la ji zhig sbyin pa de blta'o/ /'phags pa zho'i kham phor 'di dang phye'i kham phor 'di 'greng ste long la khri'u 'di la bzhugs shig /ci khri'u 'di yang kho bo la sbyin nam/ 'phags pa khri'u ni mi gsol lo/ /des bsams pa/ gal te khri'u mi ster na khri'u 'di bcag par bya'o snyam du rig nas/ de khri'u de nyid la lus thams cad kyi ljid kyis phab ste 'dug pa dang / sgyel nas zho'i kham phor dang phye'i kham phor de de'i mgor bo ba dang / de dag gis rta gad kyis btab ste/ lag pa dang rkang pa dag nas bzung nas byang chub sems dpa' rol pa'i rdzing du 'phangs so/ /de langs te gos dag 'tshir ba dge slong rnams kyis mthong nas smras pa/ tshe dang ldan pa 'char ka 'di ci nyes/ des smras pa/ kho bos ku re cung zhig byas na nyes dmigs 'di lta bu 'di byung ngo / /de dag smod par byed/ phyar ka gtong bar byed/ kha zer bar byed pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ de dag gnas su smod do snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lus thams cad kyi ljid kyis mi dbab par khyim gzhan du stan la 'dug par bslab par bya'o/ /drug sde dag khyim gzhan du rkang pa bsnol te 'dug par byed nas/ bram ze dang / khyim bdag dad pa can dag smod par byed de/ 'phags pa dag dwa dag dang / rgyan po pa dag dang / nal gyi bu dag 'di ltar mchis pas 'di ni tshul dang 'thun pa ma lags kyis/ 'di ltar ma bzhugs shig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ rkang pa mi bsnol bar khyim gzhan du stan la 'dug par bslab par bya'o/ /drug sde dag khyim gzhan du brla bsnol te 'dug par byed nas/ bram ze dang / khyim bdag dad pa can dag smod par byed de/ 'phags pa dag dwa dag dang / rgyan po pa dag dang / nal gyi bu dag 'di ltar mchis pas 'di ni tshul dang 'thun pa ma lags kyis 'di ltar ma bzhugs shig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ brla mi bsnol bar khyim gzhan du stan la 'dug par bslab par bya'o/ /drug sde dag long bu'i steng du long bu bzhag ste khyim gzhan du 'dug par byed nas/ bram ze dang / khyim bdag dad pa can dag smod par byed de/ 'phags pa dag dwa dag dang / rgyan po pa dag dang / nal gyi bu dag 'di ltar mchis par bgyid pas 'di ni tshul dang 'thun pa ma lags kyis 'di ltar ma bzhugs shig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ long bu'i steng du long bu mi gzhag par khyim gzhan du stan la 'dug par bslab par bya'o/ /drug sde dag rkang pa bkug ste khyim gzhan du 'dug par byed nas/ dge bsnyen ma dag lhags te phyag 'tshal ba na de dag a rog khya mi zer nas de dag gis smras pa/ 'phags pa dag ci'i slad du a rog khya mi gsung / de dag gis smras pa/ khyed cag gis kho bo cag gi rkang pa la phyag ma byas so/ /de dag de dag gi rkang pa la phyag 'tshal ba na rkub tsos 'jal bar byed cing / dga' bo nye dga' 'di dag gi rkub tsos che khyad la ltos shes smras pa dang / de dag ngo tsha nas cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ rkang pa mi dgug par khyim gzhan du stan la 'dug par bslab par bya'o/ /drug sde dag rkang pa gdangs te khyim gzhan du 'dug par byed nas/ dge bsnyen ma dag lhags te phyag 'tshal ba na de dag a rog khya lhag ma dang bcas par zer nas/ de dag gis smras pa/ 'phags pa dag ci'i slad du a rog khya lhag ma dang bcas par gsung / de dag gis smras pa/ khyed cag gis kho bo cag gi rkang pa la phyag ma byas so/ /de dag de dag gi rkang pa la phyag 'tshal ba na rkub tsos 'jal bar byed cing dga' bo nye dga' 'di dag gi rkub tsos che khyad la ltos shes smras pa dang / de dag ngo tsha nas cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ rkang pa mi gdang bar khyim gzhan du stan la 'dug par bslab par bya'o/ /drug sde dag mdoms snang bar stan la 'khod cing sgren mor snang nas/ bram ze dang khyim bdag dad pa can dag smod par byed de 'phags pa dag byis pa khye'u dag dang / chang gis ra ro ba dag dang / 'byung po dang / sha zas brlams pa dag 'di ltar mchis pas 'di ni tshul dang 'thun pa ma lags kyis 'di ltar ma bzhugs shig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mdoms mi snang bar khyim gzhan du stan la 'dug par bslab par bya'o/ /bslab pa bsdu ba'i mdo ni ma bsgo bar khyim gzhan du stan la mi 'dug par bslab par bya/ stan la ma brtags pa dang / lus thams cad kyi ljid kyis mi dbab pa dang / rkang pa mi bsnol ba dang / brla mi bsnol ba dang / long bu'i steng du long bu mi gzhag pa dang / rkang pa mi dgug pa dang / rkang pa mi gdang ba dang / mdoms mi snang bar khyim gzhan du stan la 'dug par bslab par bya'o/ /sangs rgyas bcom ldan 'das chu srin byis pa gsod kyi ri la 'jigs rung gi tshal ri dgas kyi nags na bzhugs so/ /rgyal bu rtogs ldan gyis khang bzangs pad ma can tshon brgya rtsa gcig gis bris pa der dge slong gi dge 'dun spyan drangs te bshos gsol ba na/ rgyal bu rtogs ldan ni dad pa dang ldan pa yin la/ 'khor ni ma dad pas 'brim mkhan rnams kyis la thu dag gis dge slong rnams kyi lhung bzed dag gcog par byed nas/ drug sde dag gis gros byas pa/ 'di dag mi dga' bar bya'o zhes de dag 'bras chan dang / tshod ma 'brim pa na drug sde dag gis lhung bzed phyir bkyed pa dang / de dag sa la bo nas de dag gis smras pa/ 'phags pa dag rgyal bu rtogs ldan gyi khang bzangs pad ma can tshon brgya rtsa gcig gis bris pa'i sa gzhi khyed kyis ma rung bar byas so/ /de dag gis smras pa/ bkren pa dag khyed cag sa gzhi ma rung ba na mi dga' bar byed na/ dge slong gang dag gi lhung bzed dag chag pa de dag ji ltar byed ces zer ba thos nas skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ legs par zas blang bar bslab par bya'o/ /drug sde dag rgyal bu rtogs ldan gyi khyim du bsod snyoms la zhugs nas/ de dag dang por 'bras chen ji tsam gyis lhung bzed gang ba de tsam len par byed pa na/ bsod snyoms 'bul ba dag gis smras pa/ 'phags pa dag kyu rum gang du stsal/ de dag gis smras pa/ 'di nyid du lugs shig /de dag gis der blugs pa dang / de steng du lud de sa la bo nas de dag gis smras pa/ 'phags pa dag rgyal bu rtogs ldan gyi khang bzangs pad ma can tshon brgya rtsa gcig gis bris pa'i sa gzhi khyed kyis ma rung bar byas so/ /de dag gis smras pa/ bkren pa dag re shig rgyal bu rtogs ldan gyis 'di la lhag par chags par byas nas gang du skye bar 'gyur ba ni ma shes kyi/ khyed cag ni 'di la lhag par chags par byas nas yi dags lba ba can rnams kyi nang du skye bar 'gyur ro zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mu dang kha da chad du ma yin par zas blang bar bslab par bya'o/ /drug sde dag rgyal bu rtogs ldan gyi khyim du bsod snyoms la zhugs nas/ de dag dang por tshod ma ji tsam gyis lhung bzed gang ba de tsam len par byed pa na bsod snyoms 'bul ba dag gis smras pa/ 'phags pa dag 'bras chan gang du stsal de dag gis smras pa/ 'di nyid du lugs shig /de dag gis der blugs pa dang / de'i steng du lud de bo nas de dag gis smras pa/ 'phags pa dag rgyal bu rtogs ldan gyi khang bzangs pad ma can tshon brgya rtsa gcig gis bris pa'i sa gzhi khyed kyis ma rung bar byas so/ / de dag gis smras pa/ bkren pa dag re shig rgyal bu rtogs ldan gyis 'di la lhag par chags par byas nas gang du skye bar 'gyur ba ni ma shes kyi/ khyed cag ni 'di la lhag par chags par byas nas yi dags lba ba can rnams kyi nang du skye bar 'gyur ro zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ tshod ma dang mnyam pa ma yin par zas blang bar bslab par bya'o/ /drug sde dag zan za ba na tshod ma mi len par phyis thag ring du song ba dang 'bod par byed nas/ 'brim mkhan dag brel bar gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mthar chags su zas blang bar bslab par bya'o/ /mnyan yod na khyim bdag cig 'dug pa des sangs rgyas la stsogs pa dge slong gi dge 'dun khyim gzhan du gdugs tshod la spyan drangs nas/ des zhal zas bsod pa sta gon byas nas/ des dang por zan brim par brtsams pa dang / dge slong rnams kyis mang du blang bar brtsams pa na des smras pa/ 'phags pa dag bdag gis zhal zas bsod pa dag sta gon bgyis kyis mang du ma bzhes shig /drug sde dag gis smras pa/ dga' bo nye dga' khyim bdag bkren pa 'di rnam pa 'dis zan yang 'gog par byed kyis mang du blang ngo zhes de dag gis mang du blangs so/ /ji tsam na rgan pa'i mtha' logs su bca' ba bsod pa dag 'brim pa drug sde dag gis mthong nas/ de dag gi 'og na dge slong rgan zhugs shig 'dug pa de rgan pa'i mtha' logs su rnam par lta ba'i tshe drug sde dag gis de'i lhung bzed zan gyi chang bus bkang ngo / /khyim bdag des bca' ba brims pa na rgan zhugs de la bca' ba byin pa dang / de lhung bzed kyi gzhir lhung nas/ des khyim bdag gi gdong du lta bar brtsams pa dang / des smras pa/ 'phags pa ci'i slad du khyod kyis zan mang po dag blangs/ khyim bdag bdag gis ma blangs so/ /'o na 'di dag ga las mchis/ ma shes so/ /drug sde dag gis smras pa/ khyim bdag rgyal po nga las nu la nyi ma bdun du dbyig gi char bab ces grag pas rgan zhugs 'di la yang de dang 'dra bar zan gyi chang bu'i char bab bo/ /de cang mi smra bar 'dug pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lhung bzed la blta zhing zas blang bar bslab par bya'o/ /drug sde dag bsod snyoms la zhugs pa na ji srid du bsod snyoms mi sbyin pa de srid du lhung bzed bzed de sdod nas/ bram ze dang / khyim bdag dad pa can dag smod par byed de/ 'phags pa dag ci'i slad du bca' ba dang bza' ba ma mchis par lhung bzed bzed de gzhes par mdzad/ 'di ni tshul dang 'thun pa ma lags kyis 'di ltar ma mdzad cig /de dag gis smras pa/ shes ldan dag 'di la dgos pa yod do/ /de dag gis smras pa/ 'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas/ skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bca' ba dang bza' ba ma 'ongs par lhung bzed mi bzed par bslab par bya'o/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas/ khyim bdag de la 'bras chan mang / tshod ma ni nyung nas/ drug sde dag gis 'bras chan gyis tshod ma bkab pa dang / khyim bdag des 'bras chan mthong nas smras pa/ 'phags pa dag skyu rum ma mchis sam ci/ de dag gis smras pa/ khyim bdag 'dir ltos shig /des tshod ma gzhan yang byin no/ / dge slong rnams gtsug lag khang du dong ste smras pa/ tshe dang ldan pa dag khyim bdag des 'bras chan bzang po byas na 'di ltar tshod ma nyung ngo / /drug sde dag gis smras pa/ kho bo cag gis ni tshod ma mang du thob bo/ /ji ltar de dag gis ji ltar gyur pa brjod pa dang / dge slong rnams kyis smras pa/ khyed cag de ltar byar rung ngam/ rung yang srid mi rung yang srid de/ kho bo cag gis ni de ltar byas so zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong gis 'bras can gyis tshod ma mi dgab par bslab par bya'o/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas/ khyim bdag de la tshod ma ni mang / 'bras chan ni nyung nas/ drug sde dag gis tshod mas 'bras chan bkab pa dang / khyim bdag des tshod ma mthong nas smras pa/ 'phags pa dag 'bras chan ma mchis sam ci de dag gis smras pa/ khyim bdag 'dir ltos shig /des 'bras can gzhan yang byin no/ /dge slong rnams gtsug lag khang du dong ste smras pa/ tshe dang ldan pa dag khyim bdag des tshod ma bzang po byas na 'di ltar 'bras chan nyung ngo / /drug sde dag gis smras pa/ kho bo cag gis ni 'bras chan mang du thob bo/ /ji ltar de dag gis ji ltar gyur pa brjod pa dang / dge slong rnams kyis smras pa/ khyed cag de ltar byar rung ngam/ rung yang srid mi rung yang srid de/ kho bo cag gis ni de ltar byas so zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong gis tshod mas 'bras can mi dgab par bslab par bya'o/ /mnyan yod na dge slong bsod snyoms pa zhig bsod snyoms la rgyu ba na des 'bras chan dang tshod ma thob nas/ yang tshod ma dang 'bras can thob pa dang / de bdag gis 'bras can gyis tshod ma bkab cing / tshod mas 'bras can bkab par ma gyur tam snyam du 'gyod pa skyes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag 'di la ni nyes pa med de/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang 'dod pa'i phyir 'bras chan gyis tshod ma mi dgab/ tshod mas 'bras chan mi dgab par bslab par bya'o/ /drug sde dag bca' ba dang bza' ba'i steng du lhung bzed 'dzin par byed nas/ bram ze dang khyim bdag dad pa can dag smod par byed de/ 'phags pa dag gtsang sbra ni tha dad pa lags na ci'i slad du bca' ba dang bza' ba'i steng du lhung bzed 'dzin par mdzad/ 'di ni tshul dang 'thun pa ma lags kyis 'di ltar ma mdzad cig /de dag gis smras pa/ shes ldan dag 'di la dgos pa yod do/ /de dag gis smras pa/ 'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bca' ba dang bza' ba'i steng du lhung bzed mi gzung bar bslab par bya'o/ /bslab pa bsdu ba'i mdo ni legs par zas blang bar bslab par bya/ mu dang kha da chad du ma yin pa dang / tshod ma dang mnyam par ma yin pa dang / thar chags su dang lhung bzed la blta ba dang / bca' ba dang bza' ba ma 'ongs par lhung bzed mi bzed pa dang yang 'dod pa'i phyir 'bras chan gyis tshod ma mi dgab tshod mas 'bras chan mi dgab pa dang / bca' ba dang bza' ba'i steng du lhung bzed mi gzung bar bslab par bya'o// //'dul ba rnam par 'byed pa/ bam po brgyad bcu rtsa gsum pa ste tha ma/ drug sde dag rnam par 'gyur ba dag gis zas za bar byed nas/ bram ze dang khyim bdag dad pa can dag smod par byed de/ 'phags pa dag byis pa khye'u dag dang / gzugs 'tsho ma dag 'di ltar 'tshal bar bgyid pas 'di ni tshul dang 'thun pa ma lags kyis 'di ltar ma gsol cig /de dag gis smras pa/ shes ldan dag 'di la dgos pa yod do/ / 'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ legs par zas bza' bar bslab par bya'o/ /drug sde dag khyim gzhan du zan za ba na kham ha cang chung ngur za bar byed nas/ bram ze dang / khyim bdag dad pa can dag smod par byed de/ 'phags pa dag byis pa khye'u dag dang / rigs kyi mna' ma dag dang gzugs 'tsho ma dag 'di ltar 'tshal bas 'di ni tshul dang 'thun pa ma lags kyis 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ kham ha cang chung ba ma yin par zas bza' bar bslab par bya'o/ /drug sde dag khyim gzhan du zan za ba na kham ha cang chen por za bar byed nas/ bram ze dang / khyim bdag dad pa can dag smod par byed de/ 'phags pa dag mu lto ba dag 'di ltar 'tshal bas 'di ni tshul dang 'thun pa ma lags kyis 'di ltar ma gsol cig / de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ kham ha cang chen po ma yin par zas bza' bar bslab par bya'o/ /drug sde dag khyim gzhan du zan za ba na kham ran pa ma yin par za na bram ze dang / khyim bdag dad pa can dag smod par byed de/ 'phags pa dag byis pa khye'u dag dang / mu lto ba dag 'di ltar 'tshal bas 'di ni tshul dang 'thun pa ma lags kyis 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ kham ran par zas bza' bar bslab par bya'o/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs pa dang / ji tsam na drug sde dag gi 'og na dge slong rgan zhugs shig /'dug pa de kha gdangs te rgan pa'i mtha' logs su lta bar byed pa dang / nye dgas de'i khar bong ba bcug ste/ je 'di zo shig ces smras pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ kham ma gzas par kha mi gdang bar bslab par bya'o/ /drug sde dag kha kham gyis bkang ste smra bar byed pa na skad nyams par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ kha kham gyis bkang ste mi smra bar bslab par bya'o/ /bslab pa bsdu ba'i mdo ni legs par zas bza' bar bslab par bya/ kham ha cang chung ba ma yin pa dang / kham ha cang chen po ma yin pa dang / kham ran pa dang / kham ma gzas par kha mi gdang ba dang / kha kham gyis bkang ste mi smra bar bslab par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas des tshod ma te por mngar ba dag sta gon byas pa dang / drug sde dag gis khas sgra phyung ste smras pa/ dga' bo nye dga' tshod ma dag te por skyur ro/ /khyim bdag des thos nas de skyengs te cang mi smra bar 'dug pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ tsug tsug mi bya bar zas bza' bar bslab par bya'o/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas des tshod ma te por skyur ba dag sta gon byas pa dang / drug sde dag gis khas sgra phyung ste smras pa/ dga' bo nye dga' tshod ma te por mngar ro/ /khyim bdag des thos nas de skyengs te cang mi smra bar 'dug pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ balcag balcag mi bya bar zas bza' bar bslab par bya'o/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas/ khyim bdag de la snod spyad med pas des 'bras chan btsos te sgrom du blugs pa dang / de tsha nas drug sde dag gis khas sgra phyung ste smras pa/ dga' bo nye dga' 'bras can 'di ste por grang gis kha'i dbugs kyis bsros te bza'o/ /khyim bdag des thos nas de skyengs te cang mi smra bar 'dug pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ hu hu mi bya bar zas bza' bar bslab par bya'o/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas/ des 'bras chan btsos te re lder bdal ba dang de grangs par gyur nas/ drug sde dag gis khas sgra phyung ste smras pa/ dga' bo nye dga' 'bras chan 'di te por tsha bas kha'i dbugs kyis bsgrang ste bza'o/ /khyim bdag des thos nas de skyengs te cang mi smra bar 'dug pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ phu phu mi bya bar zas bza' bar bslab par bya'o/ /drug sde dag khyim gzhan du zan za ba na lce phyung ste lta zhing mchu gnyis la ldag par byed nas dge slong rnams kyis de dag la smras pa/ tshe dang ldan pa dag ci'i phyir lce phyung ste lta/ de dag gis smras pa/ tshe dang ldan pa dag ma bcas par mid na mi rung bas de blta'o/ /de dag smod par byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lce phyung ste zas mi bza' bar bslab par bya'o/ / bslab pa bsdu ba'i mdo ni tsug tsug mi bya ba dang / balcag balcag mi bya ba dang / hu hu mi bya ba dang / phu phu mi bya ba dang / lce phyung ste zas mi bza' bar bslab par bya'o/ /drug sde dag khyim gzhan du zan za ba na 'bras chan 'bru re re nas thu zhing za nas bram ze dang / khyim bdag dad pa can dag smod par byed de/ 'phags pa dag byis pa khye'u dag dang / dwa dag dang / rgyan po pa dag dang / nal gyi bu dag 'di ltar 'tshal bas 'di ni tshul dang 'thun pa ma lags kyis 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'bru nas tha dad du mi bya bar zas bza' bar bslab par bya'o/ /drug sde dag khyim gzhan du zan za ba na dga' bo nye dga' tshod ma 'di dag ha cang kha'o/ /ha cang skyur ro zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'phyas mi gdags par zas bza' bar bslab par bya'o/ /drug sde dag khyim gzhan du zan za ba na mkhur ba nas mkhur bar kham spo zhing za bar byed nas/ bram ze dang khyim bdag dad pa can dag smod par byed de/ 'phags pa dag byis pa khye'u dag dang / mu lto ba dag 'di ltar 'tshal bas 'di ni tshul dang 'thun pa ma lags kyis 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mkhur ba mi spo bar zas bza' bar bslab par bya'o/ /drug sde dag khyim gzhan du zan za ba na rkan sgra gtog par byed nas bram ze dang / khyim bdag dad pa can dag smod par byed de/ 'phags pa dag byis pa khye'u dag dang / mu lto ba dag 'di ltar 'tshal bas 'di ni tshul dang 'thun pa ma lags kyis 'di ltar ma gsol cig /de dag gis smras pa/ bzhin bzangs dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ rkan mi gtogs par zas bza' bar bslab par bya'o/ /drug sde dag khyim gzhan du zan za ba na kham blangs nas phyed khar 'dzud cing phyed lhung bzed du lhung bar byed nas bram ze dang / khyim bdag dad pa can dag smod par byed de/ 'phags pa dag byis pa khye'u dag dang / gzugs 'tsho ma dag 'di ltar 'tshal bas 'di ni tshul dang 'thun pa ma lags kyis 'di ltar ma gsol cig /de dag gis smras pa/ shes ldan dag 'di la dgos pa yod do/ / 'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ kham 'phror mi bcad par zas bza' bar bslab par bya'o/ /bslab pa bsdu ba'i mdo ni 'bru nas tha dad du mi bya ba dang / 'phyas mi gdags pa dang / mkhur ba mi spo ba dang / rkan mi gtog pa dang / kham 'phror mi bcad par zas bza' bar bslab par bya'o/ /drug sde dag khyim gzhan du zan za ba na lag pa ldag par byed nas dge slong rnams kyis smras pa/ tshe dang ldan pa dag ci'i phyir mi mdzes pa 'di lta bu byed/ de dag gis smras pa/ tshe dang ldan pa dag snying po gang yin pa de 'di la chags so/ /de dag smod par byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lag pa mi bldag par zas bza' bar bslab par bya'o/ /drug sde dag khyim gzhan du zan za ba na lhung bzed byog par byed nas dge slong rnams kyis smras pa/ tshe dang ldan pa dag ci'i phyir mi mdzes pa 'di lta bu byed/ de dag gis smras pa/ tshe dang ldan pa dag snying po gang yin pa dag 'di la chags so/ /de dag smod par byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lhung bzed mi byog par zas bza' bar bslab par bya'o/ /drug sde dag khyim gzhan du zan za ba na lag pa sprug par byed pas dge slong rnams la lag pa'i chus phog nas de dag smod par byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lag pa mi sprug par zas bza' bar bslab par bya'o/ /drug sde dag khyim gzhan du zan za ba na de dag gi 'og na dge slong snam sbyar dmar ser can zhig 'dug nas drug sde dag gis smras pa/ dga' bo nye dga' bkren pa 'di'i snying lam na yu bu cag gis sngon lan 'ga' yang snam sbyar 'di lta bu gyon ma myong snyam gyis 'di mi dga' bar bya'o zhes de dag gis lhung bzed bskyoms pa dang / dge slong de'i snam sbyar lhung bzed kyi chus ma rung bar gyur nas/ de smod pa la zhugs pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lhung bzed mi bskyam par zas bza' bar bslab par bya'o/ /mnyan yod na khyim bdag cig 'dug pa de gcer bu pa dag la mngon par dad do/ /de dus gzhan zhig na bcom ldan 'das la mngon par dad par gyur nas des dge slong gi dge 'dun khyim gzhan du gdugs tshod la spyan drangs nas der phye dag brims pa dang / drug sde dag gis de dag sbrus te mchod rten 'dra ba rnam par bzhag go/ /la pug gi phyed tshal dag brims pa dang / de yang de nyid la btsugs te srog shing 'dra bar rnam par bzhag go/ /khur ba dag brims pa dang / de yang la phug de nyid kyi steng du gdugs 'dra bar rnam par bzhag go/ /de nas smras pa/ dga' bo nye dga' mchod rten 'di ni ngan 'gro rdzogs par byed pa rdzogs byed kyi yin no zhes zer ro/ /yang bcom ste za zhing smras pa/ dga' bo nye dga' ngan 'gro rdzogs par byed pa rdzogs byed kyi mchod rten rdib bo zhes zer ro/ /khyim bdag des thos nas des smras pa/ 'phags pa dag bdag ni sdig pa can gyi lta ba'i rnam pa de dang bral lags na khyed cag da rung yang zhe sdang dang ma bral lo/ /de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mchod rten 'dra ba bcom ste zas mi bza' bar bslab par bya'o/ /bslab pa bsdu ba'i mdo ni lag pa mi bldag pa dang / lhung bzed mi byog pa dang / lag pa mi sprug pa dang / lhung bzed mi bskyam pa dang / mchod rten 'dra ba bcom ste zas mi bza' bar bslab par bya'o/ /drug sde dag khyim gzhan du zan za ba na de dag gi drung na 'dug pa'i dge slong mang du za ba dang / drug sde dag 'phyas 'dogs shing dga' bo nye dga' rgan zhugs 'di mang po 'di snyed za ba la ltos shig zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ drung na 'dug pa'i dge slong gi lhung bzed la 'phyas gdags pa'i phyir mi blta bar bslab par bya'o/ /drug sde dag khyim gzhan du zas za ba na lag pa zas dang 'bags pas chu snod la 'dzin par byed nas/ ma dad pa dag shākya'i bu'i dge sbyong dag ni lag pa zas dang 'bags pas chu snod la 'dzin pas gtsang sbra med pa yin no zhes co 'dri bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lag pa zas dang 'bags pas chu snod la mi gzung bar bslab par bya'o/ /drug sde dag khyim gzhan du zan za ba na de dag gi 'og na dge slong snam sbyar dmar ser can zhig 'dug nas drug sde dag gis smras pa/ dga' bo nye dga' bkren pa 'di'i snying lam na yu bu cag gis sngon lan 'ga' yang snam sbyar 'di lta bu gyon ma myong snyam gyis 'di mi dga' bar bya'o zhes de dag gis zas dang 'bags pa'i chus gtor ba dang / dge slong de'i snam sbyar zas dang 'bags pa'i chus ma rung bar gyur nas/ de smod pa la zhugs pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ drung na 'dug pa'i dge slong la zas dang 'bags pa'i chus mi gtor bar bslab par bya'o/ /sangs rgyas bcom ldan 'das chu srin byis pa gsod kyi ri 'jigs rung gi nags ri dgas kyi tshal na bzhugs so/ /rgyal bu rtogs ldan gyis khang bzangs pad ma can tshon brgya rtsa gcig gis bris pa der dge slong gi dge 'dun spyan drangs te bshos gsol pa na/ drug sde dag gis lhung bzed kyi chu de nyid du pho ba dang / 'brim mkhan dag 'phags pa dag rgyal bu rtogs ldan gyi khang bzangs pad ma can tshon brgya rtsa gcig gis bris pa'i sa gzhi khyed kyis ma rung bar byas so/ /zhes smod par byed pa dang / drug sde dag gis smras pa/ rgyal bu rtogs ldan gyis re shig 'di la chags par byas nas gang du skye bar 'gyur ba ni ma shes kyi/ khyed cag ni 'di la chags par byas nas yi dags lba ba can rnams kyi nang du skye bar 'gyur ro/ /de dag smod pa la zhugs pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ chu zas dang 'bags pa khyim gzhan du mi dbo bar bslab par bya'o/ /mnyan yod na khyim bdag cig gis khyim rtsig tu bcug nas dge slong gi dge 'dun gdugs tshod la spyan drangs te bshos gsol ba na/ dge slong rnams chu zas dang 'bags pa khyim gyi phyi rol tu 'bod par byed nas khyim bdag des smras pa/ 'phags pa dag 'di nyid du pho zhig dang bdag gi khyim gyis spyad par 'gyur ro zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gal te khyim pa na re pho zhig ces zer na dbo bar bya'o/ /gzhan du na dbo bar mi bya'o/ /de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ khyim pa 'dug pa la ma dris par chu zas dang 'bags pa khyim gzhan du mi dbo bar bslab par bya'o/ /bslab pa bsdu ba'i mdo ni drung na 'dug pa'i dge slong gi lhung bzed la 'phyas gdags pa'i phyir mi blta bar bslab par bya/ lag pa zas dang 'bags pas chu snod la mi gzung bar bslab par bya/ drung na 'dug pa'i dge slong la zas dang 'bags pa'i chus mi gtor bar bslab par bya/ khyim pa 'dug pa la ma dris par chu zas dang 'bags pa khyim gzhan du mi dbo bar bslab par bya'o/ / mnyan yod na bram ze zhig 'dug pa de'i bu na bar gyur nas de sman pa'i gan du song ste smras pa/ bzhin bzangs kho bo'i bu na bas sman ston cig /sman pa de dad pa can zhig yin pa des smras pa/ bram ze 'phags pa rnams kyi lhung bzed kyi chus khrus gyis shig /de rgyal byed kyi tshal du song ba dang / drug sde dag las gang yang rung bas rgyal byed kyi tshal gyi sgo stong par mi 'jog pas tshe dang ldan pa nye dga' rgyal byed kyi tshal gyi sgo na 'chag cing 'dug nas/ bram ze des de'i rkang pa la phyag 'tshal te smras pa/ 'phags pa bdag gi bu bro 'tshal te/ de la 'phags pa dag gi lhung bzed kyi chab cig 'tshal na stsal du gsol/ des smras pa/ bram ze 'di nyid du re shig sdod cig dang lhung bzed kyi chu khyer te 'ong ngo / / des gtsug lag khang du song ste lhung bzed du phye nyung shas shig dang / 'bras chan nyung shas shig dang / khur ba nyung shas shig dang / sha nyung shas shig dang / rus pa nyung shas shig blugs te chus blugs nas phyir byung ste/ smras pa/ bram ze des long zhig bram ze des mthong nas smras pa/ 'phags pa khyed kyi lhung bzed kyi chab 'di lta bu 'am/ bram ze 'di lta bu'o/ /'phags pa bdag gi bu gum pa ni legs kyi/ 'di lta bu'i mi gtsang bas bkru ba ni mi rung ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lhung bzed kyi nang du zas kyi lhag ma blugs te mi dor bar bslab par bya'o/ /'di ltar gang lhung bzed kyi chu slong ba de la lhung bzed lan gsum bkrus te/ gtsug lag gi tshigs su bcad pa dag gis bzlas brjod byas pa'i lhung bzed kyi chu sbyin par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong dag 'og gzhi med pa'i sa phyogs su lhung bzed 'jog par byed nas/ de btsas zos pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'og gzhi med pa'i sa phyogs su lhung bzed mi gzhag par bslab par bya'o/ /dge slong dag lhung bzed gad khar 'jog par byed nas de 'dril te chag pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ gad kha ma yin par lhung bzed gzhag par bslab par bya'o/ /dge slong dag lhung bzed g.yang sar 'jog par byed nas de 'dril te chag pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ g.yang sa ma yin par lhung bzed bzhag par bslab par bya'o/ /dge slong dag lhung bzed dkan gzar por 'jog par byed nas de 'dril te chag pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dkan gzar po ma yin par lhung bzed gzhag par bslab par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig 'greng ste lhung bzed 'khru nas dge slong rnams kyis de la smras pa/ tshe dang ldan pa 'greng ste lhung bzed ma 'khru zhig /des smras pa cir 'gyur shor te chag par 'gyur mod/ gzhan ci zhig tu 'gyur/ de dag gis bzlog pa na de ma btub nas/ lhung bzed de shor te chag pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'greng ste lhung bzed mi bkru bar bslab par bya'o/ /dge slong dag lhung bzed gad kar 'khru bar byed nas de shor te 'dril nas chag pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ gad ka ma yin par lhung bzed bkru bar bslab par bya'o/ /dge slong dag lhung bzed g.yang sar 'khru bar byed nas de shor te 'dril nas chag pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ g.yang sa ma yin par lhung bzed bkru bar bslab par bya'o/ /dge slong dag lhung bzed dkan gzar por 'khru bar byed nas de shor te 'dril nas chag pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dkan gzar po ma yin par lhung bzed bkru bar bslab par bya'o/ /dge slong dag 'bab chu drag po'i rgyun las bzlog ste lhung bzed kyis chu 'chu bar byed nas de shor te chus khyer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'bab chu drag po'i rgyun las bzlog ste lhung bzed kyis chu mi bcu bar bslab par bya'o/ /bslab pa bsdu ba'i mdo ni lhung bzed kyi nang du zas kyi lhag ma blugs te mi dor bar bslab par bya/ 'og gzhi med pa'i sa phyogs su lhung bzed mi gzhag par bslab par bya/ gad ka ma yin pa dang / g.yang sa ma yin pa dang / dkan gzar po ma yin par lhung bzed gzhag par bslab par bya/ 'greng ste lhung bzed mi bkru bar bslab par bya/ gad ka ma yin pa dang / g.yang sa ma yin pa dang / dkan gzar po ma yin par lhung bzed bkru bar bslab par bya/ 'bab chu drag po'i rgyun las bzlog ste lhung bzed kyis chu mi bcu bar bslab par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag mi na bar 'dug pa la 'greng ste chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa 'dug pa rnams la 'greng ste chos 'chad par byed dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar 'dug pa la 'greng ste chos mi bshad par bslab par bya'o/ /drug sde dag mi na bar nyal ba la 'dug ste chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa nyal ba rnams la 'dug ste chos 'chad par byed dam zhes smod par byed nas de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar nyal ba la 'dug ste chos mi bshad par bslab par bya'o/ /drug sde dag mi na bar stan mthon po la 'dug pa la stan dma' ba la 'dug ste chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes nas/ khyed cag rje sa med pa dang / gus pa med pa stan mthon po la 'dug pa rnams la stan dma' ba la 'dug ste chos 'chad par byed dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar stan mthon po la 'dug pa la stan dma' ba la 'dug ste chos mi bshad par bslab par bya'o/ /drug sde dag mi na bar mdun du 'gro ba la phyi nas 'gro zhing chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa mdun du 'gro ba rnams la phyi nas 'gro zhing chos 'chad par byed dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar mdun du 'gro ba la phyi nas 'gro zhing chos mi bshad par bslab par bya'o/ /drug sde dag mi na bar lam nas 'gro ba lam gyi 'gram nas 'gro zhing chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa lam nas 'gro ba rnams la lam gyi 'gram nas 'gro zhing chos 'chad par byed dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar lam nas 'gro ba la lam gyi 'gram nas 'gro zhing chos mi bshad par bslab par bya'o/ /bslab pa bsdu ba'i mdo ni mi na bar 'dug pa la 'greng ste chos mi bshad par bslab par bya/ mi na bar nyal ba la 'dug ste/ chos mi bshad par bslab par bya/ mi na bar stan mthon po la 'dug pa la stan dma' ba la 'dug ste chos mi bshad par bslab par bya/ mi na bar mdun du 'gro ba la phyi nas 'gro zhing chos mi bshad par bslab par bya/ mi na bar lam nas 'gro ba la lam gyi 'gram nas 'gro zhing chos mi bshad par bslab par bya'o/ /drug sde dag mi na bar mgo g.yogs pa la chos 'chad par byed nas bram ze dang khyim bdag dad pa can dag / 'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa mgo g.yogs pa rnams la chos 'chad par byed dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar mgo g.yogs pa la chos mi bshad par bslab par bya'o/ /drug sde dag mi na bar rdzes pa la chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa brdzes pa rnams la chos 'chad par byed dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar brdzes pa la chos mi bshad par bslab par bya'o/ /drug sde dag mi na bar gzar ba la chos 'chad par byed nas bram ze dang / khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med par gzar ba rnams la chos 'chad par byed dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar gzar ba la chos mi bshad par bslab par bya'o/ /drug sde dag mi na bar gnya' gong du bsnol ba la chos 'chad par byed nas bram ze dang khyim bdag dad pa can dag 'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa gnya' gong du bsnol ba rnams la chos 'chad par byed dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar gnya' gong du bsnol ba la chos mi bshad par bslab par bya'o/ /drug sde dag mi na bar ltag par bsnol ba la chos 'chad par byed nas bram ze dang khyim bdag dad pa can dag 'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med par ltag par bsnol ba rnams la chos 'chad par byed dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar ltag par bsnol ba la chos mi bshad par bslab par bya'o/ /bslab pa bsdu ba'i mdo ni mi na bar mgo g.yogs pa dang / brdzes pa dang / gzar ba dang / gnya' gong du bsnol ba dang / ltag par bsnol ba la chos mi bshad par bslab par bya'o/ /drug sde dag mi na ba skra do ker can la chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa skra do ker can rnams la chos 'chad par byed dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na ba skra do ker can la chos mi bshad par bslab par bya'o/ /drug sde dag mi na ba zhwa gyon pa la chos 'chad par byed nas/ bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa zhwa gyon pa rnams la chos 'chad par byed dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na ba zhwa gyon pa la chos mi bshad par bslab par bya'o/ /drug sde dag mi na ba mgo cod pan can la chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa mgo cod pan can rnams la chos 'chad par byed dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na ba mgo cod pan can la chos mi bshad par bslab par bya'o/ /drug sde dag mi na ba mgo phreng ba can rnams la chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa mgo phreng ba can rnams la chos 'chad par byed dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na ba mgo phreng ba can la chos mi bshad par bslab par bya'o/ /drug sde dag mi na ba mgo dkris pa rnams la chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa mgo dkris pa rnams la chos 'chad par byed dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na ba mgo dkris pa la chos mi bshad par bslab par bya'o/ /bslab pa bsdu ba'i mdo ni mi na ba skra do ker can dang / zhwa gyon pa dang / mgo cod pan can dang / mgo phreng ba can dang / mgo dkris pa la chos mi bshad par bslab par bya'o/ /drug sde dag mi na bar glang po che zhon pa rnams la chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa glang po che zhon pa rnams la chos 'chad par byed dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar glang po che zhon pa rnams la chos mi bshad par bslab par bya'o/ /drug sde dag mi na bar rta zhon pa rnams la chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa rta zhon pa rnams la chos 'chad dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar rta zhon pa la chos mi bshad par bslab par bya'o/ /drug sde dag mi na bar khyogs na 'dug pa rnams la chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa khyogs na 'dug pa rnams la chos 'chad dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar khyogs na 'dug pa la chos mi bshad par bslab par bya'o/ /drug sde dag mi na bar bzhon pa'i steng na 'dug pa rnams la chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa bzhon pa'i steng na 'dug pa rnams la chos 'chad dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar bzhon pa'i steng na 'dug pa la chos mi bshad par bslab par bya'o/ /drug sde dag mi na bar mchil lham gyon pa rnams la chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med par mchil lham gyon pa rnams la chos 'chad dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar mchil lham gyon pa la chos mi bshad par bslab par bya'o/ / bslab pa bsdu ba'i mdo ni mi na bar glang po che zhon pa dang / rta zhon pa dang / khyogs na 'dug pa dang / bzhon pa'i steng na 'dug pa dang / mchil lham gyon pa la chos mi bshad par bslab par bya'o/ /drug sde dag mi na bar lag na khar ba thogs pa rnams la chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa lag na khar ba thogs pa la chos 'chad dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar lag na khar ba thogs pa la chos mi bshad par bslab par bya'o/ /drug sde dag mi na bar lag na gdugs thogs pa rnams la chos 'chad par byed nas bram ze dang khyim bdag dad pa can dag 'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa lag na gdugs thogs pa rnams la chos 'chad dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar lag na gdugs thogs pa la chos mi bshad par bslab par bya'o/ /drug sde dag mi na bar lag na mtshon thogs pa rnams la chos 'chad par byed nas bram ze dang khyim bdag dad pa can dag 'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa lag na mtshon thogs pa rnams la chos 'chad dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar lag na mtshon thogs pa la chos mi bshad par bslab par bya'o/ /drug sde dag mi na bar lag na ral gri thogs pa rnams la chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa lag na ral gri thogs pa rnams la chos 'chad dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar lag na ral gri thogs pa la chos mi bshad par bslab par bya'o/ /drug sde dag mi na bar lag na dgra cha thogs pa rnams la chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol du phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa lag na dgra cha thogs pa rnams la chos 'chad par byed dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar lag na dgra cha thogs pa la chos mi bshad par bslab par bya'o/ /drug sde dag mi na bar go cha gyon pa rnams la chos 'chad par byed nas bram ze dang khyim bdag dad pa can dag /'phags pa dag bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa go cha gyon pa rnams la chos 'chad dam zhes smod par byed nas/ de dag cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar go cha gyon pa la chos mi bshad par bslab par bya'o/ /bslab pa bsdu ba'i mdo ni mi na bar lag na khar ba thogs pa dang / lag na gdugs thogs pa dang / lag na mtshon thogs pa dang / lag na ral gri thogs pa dang / lag na dgra cha thogs pa dang / go cha gyon pa la chos mi bshad par bslab par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa nye dga' 'greng bzhin du bshang gci byed nas bram ze dang khyim bdag dad pa can dag smod par byed de/ 'phags pa dag ston pa'i nyan thos ni ngo tsha dang ldan pa lags na/ nyan thos ngo tsha dang khrel med pa 'di 'greng bzhin du bshang gci bgyid pa ga la gda' zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar 'greng ste bshang gci mi bya bar bslab par bya'o/ / sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa nye dga' btso blag mkhan gyi gan du song ste smras pa/ bzhin bzangs gos 'di khrus te byin cig / des smras pa/ 'phags pa khyod kyis sngon ni bdag cag bsrung ba byas par gyur na/ deng sang mi byed pas ci'i phyir khyod kyi gos bkrus te sbyin/ des sdod cig ces byas te song nas des bsams pa/ bkren pa de mi dga' bar bya'o snyam nas des bkru sman zos te mi gtsang bas gyo mo bkang nas btso blag mkhan de'i bkru bshal sar blugs so/ /de nas btso blag mkhan de nang par sngar langs te gos dag bkru bar brtsams pa dang / ji tsam na mi gtsang ba'i dri bro nas de lag pa 'gram pa la gtad de sems khong du chud cing 'dug pa dang / nye dgas ched du bsams te phyogs der song nas des smras pa/ bzhin bzangs khyod ci'i phyir sems khongs su chud cing 'dug /des smras pa/ 'phags pa bkru bshal sa 'dir gcig gis mi gtsang ba blugs te las bgyir ma mchis pas da ji ltar btso chab sbyar bar bgyi ma 'tshal to/ /nye dgas smras pa/ bkren pa khyod de ltar mi dga' bar bya'o/ /de smod pa la zhugs pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar chu'i nang du bshang gci mi bya bar bslab par bya'o/ /thams cad chus gang ste go skabs med pa ni ma gtogs so/ /bshang gci ji lta ba bzhin du chu'i nang du mchil ma dang / snabs dang / skyugs pa dang / rlugs pa mi dor bar bslab par bya ba yang de bzhin no/ /sangs rgyas bcom ldan 'das ser skya'i gnas na nya gro dha'i kun dga' ra ba na bzhugs so/ /tshe dang ldan pa nye dga' ldum pa'i gan du song ste smras pa/ bzhin bzangs ldum chung zhig byin cig /'phags pa khyod kyis sngon ni bdag cag bsrung ba byas par gyur na deng sang mi byed pas ci'i phyir khyod la ldum sbyin/ des sdod cig ces byas te song nas des bsams pa/ bkren pa de mi dga' bar bya'o snyam nas/ des bkru sman zos te mi gtsang bas gyo mo bkang nas phyags ma thogs te ldum zhing gi steng thams cad du mi gtsang bas gtor nas ldum thams cad ma rung bar byas so/ /mi gtsang ba'i dris der wa dag 'dus nas de dag gis kyang ldum thams cad ma rung bar byas so/ /de nas ldum pa de ldum btsong ba'i phyir nang par sngar langs te ldum rar song ba dang / ji tsam na ldum thams cad mi gtsang bas gtor cing was kyang zos te zong du mi rung bar mthong nas de lag pa 'gram pa la gtad de sems khongs su chud cing 'dug pa dang / nye dgas ched du bsams te phyogs der song nas des smras pa/ bzhin bzangs khyod ci'i phyir sems khongs su chud cing 'dug /des smras pa/ 'phags pa ldum zhing 'dir gcig gis mi gtsang bas gtor te zong du mi rung bas da ji ltar 'tsho ba sbyar ba bgyi ma 'tshal to/ /nye dgas smras pa bkren pa khyod de ltar mi dga' bar bya'o/ /de smod pa la zhugs pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar rtswa sngon po yod pa'i sa phyogs su bshang gci mi bya bar bslab par bya'o/ /thams cad sngos gang ste go skabs med pa ni ma gtogs so/ /bshang gci ji lta ba bzhin du rtswa sngon po yod pa'i sa phyogs su mchil ma dang / snabs dang / skyugs pa dang rlugs pa mi dor bar bslab par bya ba yang de bzhin no/ /bslab pa bsdu ba'i mdo ni mi na bar 'greng ste bshang gci mi bya bar bslab par bya mi na bar chu'i nang du bshang gci dang / mchil ma dang / snabs dang / skyugs pa dang / rlugs pa mi dor bar bslab par bya/ mi na bar rtswa sngon po yod pa'i sa phyogs su bshang gci dang / mchil ma dang / snabs dang / skyugs pa dang / rlugs pa mi dor bar bslab par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs pa na tshe dang ldan pa nye dga' la dge bskos kyi bsod snyoms nod pa'i res bab nas des bsams pa/ gang gis dge bskos 'di zan gcad par bya ba de lta bu'i thabs ci yod snyam nas de 'di snyam du sems te/ bdag la 'ga' zhig mnyan yod nas rgyal byed kyi tshal thag ji srid yod ces 'dri na bdag gis de la ji skad brjod par byas/ rnam pa thams cad du gom pa dag gis sa gzhi gzhal bar bya'o snyam nas/ de gom pa dag gis sa gzhi 'jal zhing dal bus 'ong ba na dge bskos kyis bsams pa/ de yun ring du thogs pas bdag zan chad na mi rung gis blta'o snyam nas/ de shing ljon pa zhig la 'dzegs te blta bar brtsams pa dang / ji tsam na tshe dang ldan pa nye dga' dal bu dal bus 'ong ba mthong nas des bsams pa/ 'di ji ltar 'ong ba'i stangs las na 'dis bdag zan gcod par byed do snyam du rig nas de shing ljon pa de las babs te 'dug go tshe dang ldan pa nye dga' yang 'ongs pa dang / de tsam na gdugs tshod yol nas des smras pa/ tshe dang ldan pa khyod 'gros de lta bur 'ong ba las na don gyis na khyod kyis ched du bsams te kho bo zan gcod du bcug go khyod kyis kho bo ji ltar mthong / kho bos shing ljon pa la 'dzegs te bltas so/ /khyod shing ljon pa la 'dzeg tu rung ngam/ rung yang srid mi rung yang srid de/ kho bos ni 'dzegs so zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong gis shing la mi 'dzeg par bslab par bya'o/ /bcom ldan 'das kyis dge slong gis shing la mi 'dzeg par bslab par bya'o zhes bka' stsal nas dge slong dag tshon rtsi'i las byed par 'dod pas gzar thag gang du gdags pa mi shes nas bcom ldan 'das kyis bka' stsal pa/ shing la mi gang tsam du 'dzeg par bya ste/ de lta bas na dge slong gis shing la mi gang tsam las mthor mi 'dzeg par bslab par bya'o/ /bcom ldan 'das kyis dge slong gis shing la mi gang tsam las mthor mi 'dzeg par bslab par bya'o zhes bka' stsal nas/ dge slong zhig don 'thun dang lhan cig ljongs rgyur 'phags pa dang / don 'thun dgon pa'i lam du mtshan mo btab pa na der stag gi 'jigs pa byung nas/ don 'thun dag ni shing ljon pa la mthor 'dzegs te 'khod do/ /dge slong de shing ljon pa la mi gang tsam du 'dzegs te 'dug pa dang / ji tsam na stag 'ongs nas don 'thun rnams kyis smras pa/ 'phags pa stag mchis kyis myur du mthor 'dzegs shig /des bsams pa/ bcom ldan 'das kyis shing la mi gang tsam las mthor 'dzegs par ma gnang bas ji ltar mthor 'dzeg snyam nas de de nyid du 'dug pa dang / stag gis mchongs pa byas te bsad pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ gnod pa byung ba ma gtogs par shing la mi gang tsam las mthor mi 'dzeg par bslab par bya'o/ /bslab pa'i chos mang po rnams rdzogs so// // sdom la/ mngon sum dran pa ma myos pa/ /de bzhin gang mang ngo bo nyid/ /rtswa rnams bkram pa lta bu d ang / /khas blangs par yang bya ba'o/ /mngon sum du 'dul bar 'os pa la mngon sum du 'dul ba sbyin no/ /dran pas 'dul bar 'os pa la dran pas 'dul ba sbyin no/ /ma myos pas 'dul bar 'os pa la ma myos pas 'dul ba sbyin no/ /gang tshul shing mang po sbyin par 'os pa la tshul shing mang po sbyin no/ /de'i ngo bo nyid tshol du gzhug par 'os pa la de'i ngo bo nyid btsal ba sbyin no/ /rtswa bkram pa lta bur 'os pa la rtswa bkram pa lta bu sbyin no/ /gang khas blang bar 'os pa la khas blang bar bya'o/ /rtsod pa byung bar gyur pa rnams rtsod pa zhi bar bya ba'i chos bdun po 'di dag gis chos dang / 'dul ba dang / ston pa'i bstan pa bzhin du dul bar bya/ zhi bar bya/ rnam par zhi bar bya'o/ /rtsod pa zhi bar bya ba'i chos bdun rdzogs sho// //bzod pa dka' thub dam pa bzod pa yi/ /mya ngan 'das pa mchog ces sangs rgyas gsung / / rab tu byung ba gzhan la gnod pa dang / /gzhan la 'tshe ba dge sbyong ma yin no/ /mig ldan 'gro ba yod pa yi/ /nyam nga ba dag ji bzhin du/ /mkhas pa 'tsho ba'i 'jig rten 'dir/ /sdig pa dag ni yongs su spong / /skur pa mi gdab gnod mi bya/ /so sor thar pa 'ang bsdam par bya/ /zas kyi tshod kyang rig par bya/ /bas mtha'i gnas su gnas par bya/ /lhag pa'i sems la yang dag sbyor/ /'di ni sangs rgyas bstan pa yin/ /ji ltar bung ba me tog las/ /kha dog dri la mi gnod par/ /khu ba bzhibs nas 'phur ba ltar/ /de bzhin thub pa grong du rgyu/ /bdag gi rigs dang mi rigs la/ /brtag par bya ste gzhan rnams kyi/ /mi mthun pa dang gzhan dag gi/ byas dang ma byas rnams la min/ /lhag pa'i sems la bag byas te/ /thub pa'i thub gzhi rnams la bslab/ /nyer zhi rtag tu dran ldan pa'i/ /skyob pa mya ngan med pa yin/ /sbyin pas bsod nams rab tu 'phel/ /legs bsdams dgra sogs mi 'byung ngo / /dge dang ldan pas sdig pa spong / /nyon mongs zad pas mya ngan 'da'/ /sdig pa thams cad mi bya ste/ /dge ba phun sum tshogs par bya/ /rang gi sems ni yongs su gdul/ /'di ni sangs rgyas bstan pa yin/ /lus kyi sdom pa legs pa ste/ /ngag gi sdom pa 'ang legs pa yin/ /yid kyi sdom pa 'ang legs pa ste/ /thams cad du ni sdom pa legs/ /kun du bsdams pa'i dge slong ni/ /sdug bsngal kun las rab tu 'grol/ /ngag rnams bsrung zhing yid kyis rab bsdams te/ /lus kyis mi dge ba dag mi byed cing / /las lam gsum po 'di dag rab sbyangs na/ /drang srong gsungs pa'i lam ni 'thob par 'gyur/ /sangs rgyas rnam gzigs gtsug tor thams cad skyob/ /'khor ba 'jig dang gser thub 'od srung dang / /shākya thub pa gau tam lha yi lha/ /mi 'dul kha lo bsgyur ba bla na med/ /'jig rten mgon po skyob pa mchog /sangs rgyas dpa' bo bdun po dag /grags ldan rnams kyis so sor thar/ /'di ni rab tu rgyas par bstan/ /'di la sangs rgyas rnams dang gang / /sangs rgyas nyan thos rnams kyang gus/ /'di la gus dang bcas gyur pas/ /'dus ma byas pa thob par gyis/ /brtsam par bya zhing dbyung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ / sdug bsngal tha mar byed par 'gyur/ /'dul ba rnam par 'byed pa/ rdzogs sho// //dbang phyug dam pa'i mnga' bdag dpal lha btsan po'i bka' lung gis/ 'phags pa gzhi thams cad yod par smra ba'i 'dul ba 'dzin pa kha che'i bye brag tu smra ba'i slob dpon dzi na mi tra dang / zhu chen gyi lo tstsha ba ban de klu'i rgyal mtshan gyis bsgyur cing zhus te gtan la phab/ 'di la shu lo ka ni nyi khri lnga stong yod/ bam po ni brgyad bcu rtsa gsum byas so// //maṁ ga laṁ// //