བོད་ཡིག |
289b8 rgya gar gyi mkhan po dge slong a dzi ta shrI b+ha dra dang / zhu chen gyi lo ts+tsha ba seng kar dge slong shAkya 'od kyis bsgyur/ /@#/ / rgya gar skad du/ dwi da sha lo tsa na nA ma sU tra/ bod skad du/
290a1 mig bcu gnyis pa zhes bya ba'i mdo/ grub par gyur cig /sangs rgyas bcom ldan 'das rgyal po'i khab kyi grong khyer 'od ma'i tshal na bzhugs te/ de'i tshe glog byung / skar mda' ltung / gnam
290a2 lcags bab pa dang / de nas rgyal po gzugs can snying po 'khor dang bcas pas ltas mkhan bram ze rnams bkug nas smras pa/ ci'i rgyu ci'i rkyen gyis gnam kun 'khrug par 'gyur/ bram ze rnams
290a3 kyis gsol pa/ ltas 'di lta bu dag mig bcu gnyis zhes bgyi ba'i gtsug lag las 'byung ste/ bdag gis khrel bar rngo mi thog go/ /de nas rgyal po gzugs can snying po bcom ldan 'das ga la ba
290a4 der song ste/ zhabs la phyag 'tshal nas 'di skad gsol to/ /bcom ldan 'das sems can gyi don du thugs brtse bar dgongs te/ mig bcu gnyis kyi ltas kyi gtsug lag bshad du gsol/
290a5 bcom ldan 'das kyis bka' stsal pa/ rab tu byung bas ni phyi rol pa 'jig rten gyi gtsug lag 'di lta bu dag bshad pa'i cha ma yin no/ /de nas yang rgyal po gzugs can snying pos bcom ldan
290a6 'das la bskyar te gsol pa/ bcom ldan 'das bdag la thugs brtse bar dgongs te the tsom 'di dgrol du gsol/ de nas bcom ldan 'das kyis bshad par gnang nas sngon gyi gleng gzhi bka'
290a7 stsal pa/ rgyal po chen po sngon 'das pa'i dus na gangs kyi ri drung na b+ha ga zhes bya ba zhig gnas pa de dus gzhan na stag mo gzhon nu zhig 'khyam pa mthong ba dang 'dod chags skyes te/ drang srong gis 'khrig
290a8 pa'i chos spyad pa las lo dus su bu bcu gnyis byung bar gyur to/ /bu btsas nas lo bdun lon pa dang / pha ma gnyis shi nas phru gu rnams kyis lo bcu gnyis kyi bar du tshangs pa'i dngos grub bsgrubs nas/
290b1 bsam pa dang re ba bskang bar gsol ba dang / de nas tshangs pas snying rjes bltas te/ brgya byin lha'i dbang po dang / rgyal po chen po bzhi 'khor dang bcas par 'dzam bu'i gling du lhags te/ de nas tshangs pas byis pa de
290b2 rnams la smras pa/ bu khyed rnams ci 'dod/ de nas byis pa rnams kyis tshangs pa la smras pa/ lha bdag cag rnams ni byis pa'i rang bzhin shin du blo dman pa lags te/ legs nyes ma 'tshal
290b3 lags na/ nyi zla dang / gza' dang / rgyu skar gyi ltas dang / dkyil 'khor dang / gtsug lag ji lta bu lags pa bshad du gsol/ de nas brgya byin lha'i dbang pos tshangs pa la 'di skad ces
290b4 smras so/ /lha'i ston pa khyod kyis byis pa 'di rnams la dngos grub stsal ba'i rigs so/ /de nas tshangs pas byis pa rnams la smras pa/ byis pa nyon cig /rgyu skar nyi shu rtsa brgyad dang /
290b5 skar ma thams cad kyi dkyil 'khor dang / ltas dang / nyi zla dang / gza' dang / gnam lcags 'bab pa dang / sa g.yo zhing 'gul ba dang / ltas kyi gtsug lag ji lta bu yin pa dag
290b6 bstan par bya'o/ /dgun zla ra ba yar gyi ngo dang / mar gyi ngo dang / tshes brgyad dang / bcu bzhi dang / bcwa lnga la nyi ma'i 'od mun pa 'dra ba nag por gyur na mi ya rabs 'dzangs shing mkhas pa
290b7 rnams la bgegs chen po 'byung bar 'gyur ro/ /rgyu skar a tha skar shwi nI'i nyi ma la nyi ma las du ba 'dra ba byung ste/ 'khor zhing 'thul na lo bcu gnyis kyi bar du char mi 'bab par 'gyur ro/ /rgyu skar b+ha ra NI(bra nye)'i nyi ma la nyi ma gser
290b8 gyi mdog 'dra bar gyur na nye skor gyi rgyal khams kyi yul 'jig pa dang dbus su mu ge chen po 'byung ngo / /dgun zla tha chungs kyi ngo rgyu skar karti ka(smin drug)'i nyi ma la nyi ma lhag par gsal bar gyur na mtha'i yul khams 'jig cing dbus su
291a1 char mi 'ong ngo / /dpyid zla ra ba'i ngo rgyu skar A grA(lag)'i nyi ma la nyi ma khyims pa dang / nyi ma gnyis su snang na mi nad 'byung / rgyal po sde gnyis la gnod pa'i bgegs 'byung / dgun zla 'bring po'i ngo rgyu skar pu Sh+ya(rgyal)'i nyi
291a2 ma la nyi ma mun pa 'dra bar 'gyur zhing nyi ma nub kar kha dog skya bor gyur na rgyal po chen po la bgegs 'byung / dpyid zla tha chungs kyi ngo rgyu skar b+ha ra NI(bra nye)'i dus la nyi zla gzas zin na blon pos rgyal po bsad par 'ong ngo / /dbyar zla ra ba'i ngo
291a3 rgyu skar pUr ba b+ha dra pA dA(khrums stod)'i dus la nyi ma dmar por gyur na/ rgyal po dang / blon po dang / de'i yul 'khor du gnod pa'i bgegs chen po 'byung / dbyar zla 'bring po'i ngo rgyu skar pUrbA shA TA(chu stod)'i dus la zla ba nya la gzas zin na
291a4 yul 'khor 'khrug pa dang / mi nad dang / mu ge 'byung / dbyar zla tha chungs kyi ngo rgyu skar mU la~M(basnrub)'i dus la nyi zla gas shing ser ga byung bar snang na yul der gnod pa chen po 'byung / ston zla ra ba'i ngo rgyu skar a shwi nI(tha skar)'i dus
291a5 la nyi zla dus cig tu shar na yul 'khor der khrag 'khrug chen pos khrag 'bab par 'ong ngo / /ston zla 'bring po'i ngo rgyu skar kArti ka(smin drug)'i dus zla ba nya la zla ba me'i kha dog 'dra bar gyur na yul 'khor der dgra'i dmag
291a6 gis yul 'jig par 'gyur/ dgun zla ra ba'i ngo rgyu skar b+ha ra NI(bra nye)'i nyi ma la rlung dmar nag po byung la nyi ma mi gsal bar gyur na/ dgra'i tshogs kyis yul 'jig par 'gyur ro/ /dgun zla tha chungs kyi ngo rgyu
291a7 skar pUr ba phal gu nI(gre)'i nyi ma la sa bab cing rlung dmar chen po byung na rgyal po chen po la gnod pa 'byung / dpyid zla ra ba dang 'bring po'i ngo rgyu skar bi shA khA(sa ga)'i nyi ma la ser ba bab na yul 'khor der khrag nad dang
291a8 gnod pa 'byung / dpyid zla tha chungs kyi ngo rgyu skar dz+yeSh+ThA(snron)'i nyi ma la nam langs kar skar ma nyi ma bas 'od bzang por gsal bar byung na gza' thams cad la bgegs chen po 'byung / dbyar zla ra ba'i ngo rgyu skar
291b1 pUrbA shA DA(chu stod)'i nyi ma la sa bab cing nyi ma mi gsal na rgyal po stong 'khrug cing 'thab par 'gyur/ yang dbyar zla ra ba'i ngo rgyu skar pUrbA shA TA(chu stod)'i nyi ma la rlung chen po byung na chu dkon/ kha zas dang /
291b2 'bru zan ma rung bar 'gyur/ dbyar zla 'bring po'i ngo rgyu skar shra ba NA(gro bzhin)'i nyi ma la rlung drag por langs shing nam mkha' mun par gyur na nyen skor gyi yul khams gzhan du 'jigs pa chen po 'byung / dbyar
291b3 zla 'bring po'i ngo rgyu skar pUr bA b+ha drA pA dA(khrum stod)'i nyi ma la ser ba bab/ gnam lcags grum na yul 'khor der nad dang mu ge 'byung / dbyar zla tha chungs kyi ngo rgyu skar pUrbA b+ha drA pa dA(khrum stod)'i nyi ma la byang phyogs
291b4 nas rlung dmar chen po langs nas lha khang dang / mchod rten dang / khang khyim dang / shing sdong po chen po bsgyel na yul khams su gnod pa chen po 'byung ngo / /ston zla ra ba'i ngo rgyu skar A shwi
291b5 nI(tha skar)'i nyi ma la thog bab bam/ skar mda' ltung ngam/ ser ba bab na yul khams der thab mo chen po 'ong / dgun zla ra ba'i ngo rgyu skar ma g+hA(mchu')'i nyi ma la char pa bab na yul khams thams cad kha zas mod par
291b6 'ong / dgun zla tha chungs kyi ngo rgyu skar A grA(lag)'i nyi ma la gnam me'i kha dog 'dra bar gyur na ltas rab tu ngan te/ yul khams su mi bde ba dang 'jigs pa chen po 'byung ngo / /dpyid zla tha chungs kyi ngo rgyu skar
291b7 b+ha ra NI(bra nye)'i nyi ma la byang phyogs nas sgra chen po byung ngam/ gnam ser por song na dgra thams cad kyis yul khams gshig par 'gyur ro/ /dpyid zla ra ba'i ngo rgyu skar swA tI(sa ri)'i nyi ma la char bab la rlung ma
291b8 langs par 'ja' byung na grong khyer chen po mes tshig par 'gyur ro/ /dbyar zla ra ba'i ngo rgyu skar pu Sh+ya(rgyal)'i nyi ma la glog dang / sbur ma dang / nyal nyil gyi char bab na yul khams der mu ge 'byung / dbyar zla 'bring po'i ngo rgyu skar mU laM(bsnubs)'i nyi ma la char
292a1 cher bab la 'ja' byung na/ rgyal rigs rnams la gnod par 'gyur/ dbyar zla tha chungs kyi ngo rgyu skar ud ta ra b+ha dra pA dA(khrum stod)'i nyi ma la sa las sgra byung ngam/ rlung nag po langs na yul der mu ge 'byung / dbyar zla 'bring po'i ngo
292a2 phyogs mtshams dag nas sgra chen po byung na yul phyogs der khrag khrug chen po 'byung / ston zla ra ba'i ngo rgyu skar b+ha ra NI(bra nye)'i nyi ma la gnam las sgra chen po byung na btsun pa dang / dka' thub can rnams la gnod pa 'byung / ston zla ra
292a3 ba'i ngo dbang po'i nyi ma la gnam nas sgra byung na mi le lo can dang / phyugs la gnod pa 'byung / ston zla tha chungs kyi ngo rgyu skar d+ha niSh+tha(mon gru)'i nyi ma la gnam las rol mo'i sgra byung na rtswa dang / lo tog legs par 'gyur/ char
292a4 dus su 'bab/ mjug tu mi nad 'byung / dgun zla ra ba'i ngo rgyu skar swA ta(sa ri)'i nyi ma la gnam las sgra chen po 'byung zhing gnam 'khrug na yul 'khor der 'jigs pa chen po 'byung / dgun zla tha chungs kyi ngo rgyu skar dz+yeSh+tha(basnron)'i nyi ma la
292a5 tshub ma langs shing sa g.yos na dge sbyong dang / bram ze rnams la bgegs dang gnod pa 'byung / dpyid zla ra ba'i ngo rgyu skar pUr bA b+ha drA pa dA(khrum stod)'i nyi ma la nyin par sa g.yos na lo gnyis kyi bar du dus su yul khams der dmag
292a6 'ong / dpyid zla 'bring po'i ngo rgyu skar pUrbA shA DA(chu stod)'i nyi ma la sa 'gul na blon pos rgyal po bsad pa dang / yul khams der 'khrug pa chen po 'byung / dbyar zla 'bring po'i ngo rgyu skar mU laM dbang ba la nub mo sa
292a7 g.yos na khams kyi dbang po rnams la gnod pa 'byung / dbyar zla tha chungs kyi ngo rgyu skar ro hi NI(snar ma) dbang ba la nub mo sa g.yos shing rlung mar byung / char ma bab na 'bru zan ma rungs par 'gyur zhing dmag
292a8 'ong / ston zla 'bring po'i ngo rgyu skar ud ta ra b+ha dra pa dA(khrum smad)'i nyi ma la nyin par sa g.yos na pha rol gyi dgras rgyal po de pham par 'gyur/ yul phyogs kyang chom rkun gyis 'jigs par 'gyur/ ston zla
292b1 tha chungs kyi ngo rgyu skar kArti kA(smin drug)'i nyi ma la sa g.yos na grong khyer chen po dang / khang khyim 'jig cing mu ge 'byung / dgun zla ra ba'i ngo rgyu skar a shwi nI(tha kar) dang / ud ta ra phal gu NI dbang ba'i nub mo sa g.yos na byis pa chung ngu dang / bud med sbrum ma la
292b2 bgegs dang gnod pa 'byung / dgun zla 'bring po'i ngo rgyu skar mr-i ga shi rA(mgo') dang / pUrbA b+ha drA pa dA(khrum stod)'i nyin par sa g.yos na rkang 'gros la bgegs dang gnod pa 'byung / dbang po 'am/ ma g+hA(mchu')'i nyi ma la gtsug lag khang sku gzugs g.yos zhing 'gul
292b3 lam/ sa 'phos na yul khams de myur du 'jig par 'gyur/ gtsug lag khang gi sku gzugs gdan las 'phos sam/ dngul lta bu byung ngam/ 'gyel na yul khams de rgyal po dang bcas par rgyal khams gzhan gyi dbang du 'gyur/
292b4 gtsug lag khang gi sku gzugs 'phos sam/ spyan nas mchi ma byung na yul khams de'i mi dpa' bo gces pa bu smad dang bcas par yul byung bar 'gyur/ gtsug lag khang gi sku gzugs gdan las 'phos sam 'gul la lha khang nas
292b5 dud pa 'dra ba/ byung na yul khams de'i rgyal po la gnod par 'gyur/ gtsug lag khang chen po dang / gnas khang lta bu g.yos na/ grong khyer de phyogs rgyal khams gzhan gyis gnangs su bcad pa
292b6 'am mes tshig par 'gyur/ zla ba'i zur la gza' phur bu byung na mi phyug po la rgyal pos nor 'phrog cing gnod par 'gyur/ nyi zla dmar por song na khams kyi dbang po la gnod pa 'byung /
292b7 gza' spen pa zla ba'i steng du byung na yul 'khor der 'jigs pa chen po dang bgegs 'byung / ltas 'di rnams byung ba'i dus su zla ba gzas zin na rgyal po chen po rnams la gnod pa dang bgegs 'byung /
292b8 rgyal po dang po skyes pa'i rgyu skar gyi steng du zla ba byung zhing / zla ba'i steng du yang gza' mjug rings byung na/ yul khams de'i rgyal po dang / rgyal khams nye ba gzhan gyi rgyal po dang 'thab
293a1 mo 'ong / gza' spen pa rgyu skar ro ha NI dang / kArti kA'i dbus su shar na rgyal khams de'i mi thams cad la gnod pa chen po dang / bgegs byung nas mi sum cha cig lus par 'gyur/ gza' pa ba sangs dang /
293a2 rgyu skar ma g+hA dang / pUrba phal gu ni zla ba'i dbus su shar na lo tog la gnod pa 'byung / gza' phur bu dang / pa ba sangs dang / spen pa rnams dmar por song na yul khams der 'jigs pa chen po 'byung / gza' mjug rings
293a3 rgyu skar pu Sh+yA'i steng du shar na ring po mi thogs par phyogs bzhi nas dmag chen po 'byung / gza' phur bu dang / mig dmar rgyu skar shra ba NA'i steng du shar na lo gsum gyi bar du yul khams der 'jigs pa chen po dang gnod
293a4 pa 'byung / gza' phur bu dang / spen pa rgyu skar bi shA khA'i steng du shar na mi mang po 'thab mo la 'chi bar 'gyur ro/ /lha khang dang khang pa chen po'i steng du bya rog gar byed cing 'phyang mo nyug na yul khams der
293a5 'thab mo chen po 'byung / bud med la mi ma yin pa'i bu byung ngam/ yang na phyugs la mi'i bu byung na yul khams de'i bud med la bgegs dang gnod pa chen po 'byung / ma'i mngal na bu yod pa rgod dam/
293a6 smra 'am/ ngu na yul khams de 'jig par 'gyur/ bud med kyi mngal nas bu rkang gcig pa 'am/ gsum pa 'am/ rkang bzhi pa byung na yul de'i rgyal po la gnod pa 'byung / bud med kyi lto nas
293a7 bu ma ning mtshan gnyis pa byung na yul khams de'i rgyal po 'chi bar 'gyur/ bud med las byol song gi bu dang / bu mgo mang po can byung na yul khams de 'jig par 'gyur/ bud med las bu mgo
293a8 gcig la gdong gnyis mig gsum pa byung na yul khams de myur du 'jig par 'gyur/ bud med las bu grul bum mgo bzhi pa byung na yul 'khor der 'jigs pa chen po 'byung / bud med las bu phag gi
293b1 gdong can byung na phyogs bzhi nas yul khams de 'jig par 'gyur/ bud med las bu nyi ma'i 'od bzhin 'bar ba byung na nang 'khrug gis yul khams de 'jig par 'gyur/ byis pa tshem bu na gnas pa chen
293b2 po bzhin tshig smra na yul 'khor de 'jig par 'gyur/ ma nyid kyis ma tshor bar mngal nas bu byung na 'dre gdon dang / bgegs nad kyis yul khams de 'jig cing 'jigs pa chen po 'byung / bud med
293b3 las bu skye nub pa dang / so skyes pa byung na yul khams de dgon par 'gyur te/ mi thams cad kyang phyogs gzhan du 'gro bar 'gyur/ bud med las bu mgo med pa lag pa gcig pa byung na yul khams der
293b4 gnod pa chen po 'byung / yul khams su me tog dang / shing tog 'bras bu las khu ba 'dzag na rgyal po'i rgyal 'tshab la bgegs dang gnod pa 'byung / dus ma yin par bza' shing las me tog dang 'bras
293b5 bu skye na rgyal po dang / yul mir bcas pas yul bor bar 'gyur/ bza' shing gi 'bras bu lhag par mdog bzang por gyur tam/ yang na khrag 'dra ba 'dzag na yul khams der 'jigs pa chen po dang /
293b6 nad dang / mu ge 'byung / bskyed shing gi grib ma mi 'khor bar phyogs gcig tu 'dug na dgra'i dmag byin chen pos yul phyogs de bcom par 'gyur/ bskyed shing 'gro ba ltar snang na yul khams
293b7 der 'jigs pa chen po 'byung / bskyed shing lhag par brjid cing gsal bar snang na yul khams de'i rgyal po tshe thung bar 'gyur/ 'jig rten pa'i lha mchod pa'i tshe lha smra 'am 'dzum na/ rgyal po la
293b8 bgegs dang gnod pa 'byung / me tog gi char 'bab pa 'am/ rlung dmar langs shing gnam las srin bu bab na yul khams der chom rkun gyis 'jig par 'gyur/ 'jig rten pa'i
294a1 lha khang du me ma bus par du ba byung zhing / lha yang mtshan dang cho 'phrul ston na rgyal po la bgegs dang gnod pa 'byung / 'jig rten pa'i lha khang du me mar ma bus par me mar 'dra bar snang na rgyal po'i gnang chen la bgegs dang gnod pa
294a2 'byung / rgyal po btsun mo'i 'khor du song ste 'dod chags mi ldang na rgyal po'i pho brang mes tshig cing rgyal po la mi dge ba sna tshogs 'byung / char pa dang ser ba 'bab la/ gnam la kha dog gsal ba dag byung na yul khams der 'jigs pa chen
294a3 po 'byung / grong khyer tshub mas bskor cing 'gro ba dang / rlung mar langs shing char pa khrag 'dra ba bab na yul khams der 'jigs pa chen po 'byung / glog 'byung zhing char pa 'bab la sprin 'khor ling 'khor ling du chad de/ sprin ling du chad pa'i
294a4 bar bar na dri za'i grong khyer 'dra ba snang na yul khams der 'jigs pa chen po 'byung / zla ba dmar por gyur na yul khams der grong khyer mes tshig pa dang / rims kyis mi ngas par 'gyur/ zla ba mtha' dmar la dbus nag por
294a5 song na yul khams der 'jigs pa chen por 'gyur/ zla ba'i kha dog btsag 'dra bar dmar por snang la slar yang 'phral du dkar po'i rang bzhin du gyur na rlung mi ldang bar drag por 'bab/ ro skam lta bur chu mig byung na lo tog legs par 'gyur/
294a6 me ma bus par yul khams der du ba byung na yul khams der 'jigs pa chen po 'byung / mda' gzhu skyis kor la me'am dud pa byung na yul khams der dgra'i 'jigs pa 'byung ngo / /de skad ces bcom ldan 'das
294a7 kyis bka' stsal pa dang / rgyal po gzugs can snying po 'khor dang bcas pa bcom ldan 'das kyis gsungs pa la yi rangs te mngon par bstod do/ /mig bcu gnyis pa zhes bya ba'i mdo/ rdzogs so// //
294a8 zhus te dag go/ /yang zhus she bsod nams chen po'i dpal gyis phyogs las rnam par rgyal ba gtsug lag gnyis kyi mdzad pas bstan pa rin po che'i zhabs tog dang / 'gro ba dpag tu med pa'i mgon
294b1 skyabs dang dpung gnyen dam par gyur pa sngon gyi smon lam rnam par dag pa yongs su rdzogs pas 'jig rten gyi bya ba rnams snying po med par gzigs te rnam g.yeng gi dri ma kun spangs nas ri khrod dben gnas
294b2 kho nar bzhugs shing bslab gsum gyi khangs bzang mang du thos pa'i nor gyis phyug la thugs rje'i rgyal mtshan rdo rje lta bu'i ting nge 'dzin gyi tog gis mdzes pa dpal ldan bla ma bzang po'i mtshan can dge
294b3 sbyong chen po de'i thugs dgongs rdzogs par bya ba'i phyir dang / 'gro ba ma lus pa'i gnas skabs dang mthar thug gi phan bde ma lus pa'i 'byung gnas rgyal ba'i bstan pa rin po che yun ring du gnas shing
294b4 phyogs kun du dar cing rgyas par bya ba'i phyir bod khams su smon lam gyi stobs can mnga' bdag lha btsan po byang chub sems dpa' rnams dang / lo paN skye mched khyad par can rnams kyi bdag rkyen la
294b5 brten nas/ bde bar gshegs pa'i gsung rab thog mtha' bar du dge zhing / sgro skur gyi mtha' dang bral la/ gzhung lugs ngan pa'i dri mas dben pa mdo sde dang / rgyud sde'i phyogs snga phyir 'gyur ro cog
294b6 rnams dpal ldan rgyal ba'i sdes/ ti sh+hi kun dga' rgyal mtshan dpal bzang po bstan pa/ skyong ba'i dus rgyal ba'i bstan pa lnga brgya bdun pa'i mthar nye ba 'gro ba'i bla ma ston pa gdul
294b7 bya'i/ ngor zhi bar gshegs pa'i tshul bstan nas/ lo sum stong bzhi brgya brgyad bcu 'das pa me mo phag lo la dbu gtsugs te/ bzhengs pa rnams rgyal sras byang chub dpal gyis rgyu'i dngos
294b8 po bzang zhing kha na ma tho ba med pa rnams kyis bstan pa'i 'byung gnas dpal na len dra dang mtshungs pa'i chos gra chen po dpal gung thang gi gtsug lag khang du dad pa dang / brtson 'grus che zhing blo gros
295a1 gsal la tshul khrims kyi rgyan dang ldan pa'i dge ba'i bshes gnyen rnams kyis zhus dag lan gsum mdzad pa 'di sa mo glang gi lo gsar gyi zla ba lo stong lnga brgya bcwa brgyad bstan pa'i
295a2 lhag mar yod pa'i dus su legs par grub pa'o/ /kha ta dang dos rnams btsun pa thang chen pa kun dga' 'bum la sogs pa sdom brtson dam pa mang du thos shing sde snod 'dzin pa rnams kyis
295a3 rgya gar skad la sogs pa legs par sbyar ba'i skad sor bzhag rnams ni sngon gyi lo ts+tsha ba chen po rnams kyi mdzad pa bye brag tu rtogs byed chen po dang / sgra sbyor bam po gnyis pa
295a4 la sogs pa la brten nas dag par byas shing / bod skad rnams ni yul skad dang / 'phral skad ngan pa rnams dang ma 'dres par bod yul gyi sngon gyi brda mas mkhan po rnams
295a5 dang / sgyur byed dam pa snga phyir byon pa rnams kyi brda gsar rnying / skad gsar bcad la sogs pa'i rjes su 'brangs nas ma mya da drag sa stsogs la sogs pa yod
295a6 med rnams mkhas pa rnams kyis ji ltar mdzad pa ltar gsung rab kyi dpi byi rnams la snga zhus gsung rab gsum gsum dang gtugs te brda don ma nor bar dag
295a7 par bgyis nas gzhi dung gi sa bzhi ltar dkar zhing 'jam la mkhregs pa'i lho rgyal po lha khang gi sho gu la/ dam che zhing mdangs gsal ba ud pa la
295a8 sngon po lta bu rgya nag chen po las 'ongs pa'i snag tshas/ /'bur dkyus tshugs gsum la mkhas pa'i mthar phyin pas yi ge'i rig byed la slob dpon kyi go 'phang thob pas
295b1 dag snyoms mdzes par bzhengs pa/ dbus gtsang gi yi ge pa yid gzhungs shing mkhas pa rnams kyis legs par bris pa la phyi zhus lan gsum du bgyis te bzhengs pa rnams las khyad par du
295b2 thugs dam mdo mangs skye dgu'i blo gros mun sel phan bde'i gter chen zhes bya ba 'di bla ma dam pa chos kyi rgyal po rin po che'i thugs dam lha mi'i rgyan mchog ma zhes bya ba dang / pho brang chen po gtsang
295b3 chu mig ring mo'i gtsug lag khang gi mdo mangs rnams kyi nang nas mchog tu gyur pa dge ba'i shes gnyen 'dar phyar kyis bzhengs pa'i mdo mangs 'dar phyar ma zhes grags pa dang / 'brang mtshams phug chud
295b4 ma zhes grags pa dang / dga' 'bar ma zhes grags pa dang / dpal snar thang gi gtsug lag khang gi mdo mangs rnams kyi mchog tu gyur pa mkhan po chen po mchims kyi thugs dam mdo mangs gser
295b5 gzhung ma dang / phyug rgyal ma dang / dgon gsar ma la sogs pa rnams dang / gzhan yang bla ma gru spang rtsa ba'i thugs dam mdo mangs 'dzam gling rgyan dang / shog chung gi gtsug
295b6 lag khang gi mdo mangs drug bcu rtsa gnyis dum dang / spun gsum gyi gtsug lag khang gi mdo mangs dang / zha lu gser khang gi gtsug lag gi mdo mangs gzhi ma dang / smon dar zhes grags
295b7 pa la sogs pa mdo sna mang zhing go rims legs pa rnams la dpe phyi byas nas snar thang du bzhengs pa rnams phyi mor gdan drangs te/ mdo dngos ma yin pa rgyud sder gtogs pa'i gzungs rnams ni rgyud 'bum gyi nang du bris
295b8 shing / gser mdog gi rtogs pa brjod pa dang / dge ba'i bshes gnyen gyi rtogs pa brjod pa dang / kun la'i rtogs pa brjod pa dang / dge 'dun 'phel gyis lung bstan pa dang / li lung bstan pa la sogs pa rnams ni bde bar gshegs
296a1 pa mya ngan las 'das nas phyis 'phags pa rnams kyis mdzad pa yin zhing / gdags pa'i bstan bcos rnams kyang mdo sde pa la sogs pa grub mtha' smra ba kha cig bkar mi 'dod la/ skyes rabs dang /
296a2 sangs rgyas bcom ldan 'das la bstod pa bsngags par 'os pa bsngags pa la sogs pa'i bstod pa rnams dang / gzhon nu ma bdun gyi rtogs pa brjod pa la sogs pa rnams ni phyis slob dpon dpa' bo la sogs pa
296a3 bstan bcos mkhan po rnams kyis mdzad pa yin pa'i phyir dang / thub pa drang srong garga'i ltas kyi rnam pa bstan pa la sogs pa 'ga' zhig phyi rol pa'i rig byed kyi gzhung gi cha shas su snang bas bstan bcos 'gyur
296a4 ro cog gi nang du bris pas 'dir ni theg pa che chung gi mdor nges pa rnams theg pa dang brjod bya 'thun pa dang / mtshan 'thun pa dang / sde tshan 'thun pa rnams so sor bsdebs te grangs dang go rims tshang la ma nor bar rgyu bzang zhing bkod
296a5 pa legs par bzhengs pa yin no/ /de ltar bsod nams dpal gyis rab mtho ba/ /dpal ldan bla ma dge sbyong chen po de'i/ /thugs kyi dgongs pa rdzogs par bya ba'i phyir/ /mkhas pa'i 'byung gnas dpal gyi snar thang nas/ /
296a6 bka' 'gyur dri med phyi mor gdan drangs te/ /chos kyi rgyal po dpal ldan rgyal ba'i sdes/ /phan dang bde ba'i 'byung gnas rgyal ba yi/ /bstan pa spel phyir bde bar gshegs pa'i gsung / /gangs ri'i
296a7 khrod 'dir ji snyed 'gyur ro cog /legs par bzhengs par gyur pa de dag las/ /'di ni skye dgu'i blo gros mun sel zhing / /phan bde'i gter chen zhes bya'i mdo sde'o/ /de ltar dpal ldan lhag
296a8 bsam dag pa'i mthus/ /gsung rab rin chen tshul bzhin bzhengs pa las/ /byung ba'i dge ba ston ka'i zla 'od dang / /mkha' ltar dag cing yangs pa gang thob des/ /'gro kun phan
296b1 bde'i 'byung gnas rgyal ba yi/ /bstan pa rin chen phyogs dus kun khyab cing / /sde 'dzin skyong dang srung ba'i dam pa rnams/ /skye dgu'i dpal du yun ring bzhugs gyur cig /gang gis
296b2 gsung rab dri med 'di bzhengs pa/ /chos kyi rgyal po dpal ldan rgyal ba'i sde/ /bstan dang 'gro ba'i rtsa lag dam par ni/ /sa chen steng 'dir yun ring bzhugs gyur cig /
296b3 khyad par du yang des pas sa skyong ba'i/ /mi dbang yon mchod 'khor dang bcas pa rnams/ /snyun med sku tshe ring zhing chab srid brtan/ /byams brtse'i thugs kyis skye
296b4 dgu skyong gyur cig /srid 'bangs rnams kyang phan tshun byams ldan zhing / /nad dang mu ge 'thab rtsod la sogs pa/ /phyi nang nyer 'tshe'i gnod pa kun zhi nas/ /
296b5 tshe ring 'byor ldan bstan la dad gyur cig /gang dag 'di la sgo gsum gus pa yis/ /bya ba byed dang rjes su yi rang dang / /rgyu rkyen 'bul dang chos spyod rnam bcu
296b6 yis/ /tshul bzhin sgrub par byed pa de dag kyang / /'dir yang tshe ring nad med 'byor ldan zhing / /skye zhing skye ba'i skye ba thams cad du'ang / /'khor lo
296b7 bzhi dang yon tan rnam bdun dang / /rnam smin brgyad ldan dal 'byor lus thob nas/ /mthong dang bsgom pas spong bya'i nyon mongs dang / /shes bya'i sgrib pa bag chags
296b8 bcas pa kun/ /spong byed gnyen po lam lnga sa bcu rnams/ /rim gyis bgrod nas kun mkhyen thob par shog /gang la brten nas nyes tshogs rnam spong zhing / /gnas skabs
297a1 mthar thug dge legs kun 'byung ba/ /spobs pa bzhi ldan bde bar gshegs pa'i gsung / /mdo sde dkon mchog rnams kyi bkra shis shog /zhus te/ dag go/ /
297a2 yang zhus she/ dus phyis mdo mangs kyi po ti rang ga rnams kyi gzhung lugs dang 'thun pa'i 'chos dgos rnams legs par gtan la phab nas dag par bzhugs pa skar mas bgyis so/ /bkra shis par gyur cig/ //
297a3 ye d+harmA he tu pra b+ha bA he dun te ShA~M ta thA ga to h+ya ba data/ te ShAny+tsa yo ni ro d+ha e ba~M bA dI ma hA shra ma NaH// //mdo mangs pu ti sum bcu rtsa gnyis la/ mdo grangs nyis brgya brgyad bcu rtsa bzhi bzhugs// //
CLOSE WINDOW