བོད་ཡིག |
242a2 / // @/ /rgya gar skad du/ shA rdul kar+Na a ba dA na/ bod skad du/ stag rna'i rtogs pa brjod pa/ sangs rgyas dang / byang chub sems dpa' thams cad la phyag 'tshal lo/ /'di
242a3 skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas tshe dang ldan pa kun dga' bo snga dro'i dus su chos
242a4 gos dang lhung bzed thogs nas mnyan yod du bsod snyoms la zhugs so/ /de nas tshe dang ldan pa kun dga' bo bsod snyoms spyad de zas gyi bya ba byas nas chu mig gzhan zhig tu chu'i phyir phyin no/ /der phyin pa
242a5 dang / yang de'i tshe chu mig de la gdol pa'i bu mo gzugs bzang mo zhes bya ba chu 'chu zhing 'dug go/ /de nas tshe dang ldan pa kun dga' bos gdol pa'i bu mo gzugs bzang mo la 'di skad ces smras so/ /sring
242a6 mo bdag la chu byin cig /de nas gdol pa'i bu mo gzugs bzang mos tshe dang ldan pa kun dga' bo la 'di skad ces smras so/ /btsun pa kun dga' bo bdag ni gdol pa'i bu mo lags so/ /sring mo rus dang
242a7 rigs 'dri ba ma yin gyis/ 'on kyang de nas chu chus la byin cig btung bar bya'o/ /de nas gdol pa'i bu mo gzugs bzang mos tshe dang ldan pa kun dga' bo la chu byin no/ /de nas tshe dang ldan pa kun dga' bos chu
242a8 'thungs nas song ngo / /de nas gdol pa'i bu mo gzugs bzang mos tshe dang ldan pa kun dga' bo'i bzhin dang / lus dang / skad gdangs rnams rab tu legs par mtshan mar bzung ste/ tshul ma yin pa'i
242b1 yid la byed pas kun tu chags pa skyes par gyur te/ tshe dang ldan pa kun dga' bo la kho mo'i 'dod pa skyes na/ bdag gi mas rig sngags shes pas de'i mthus/ 'phags pa kun dga' bo bkug la khyo bya'o snyam
242b2 du bsams so/ /de nas gdol pa'i bu mo gzugs bzang mo chu thogs nas/ gdol pa'i khyim gang na ba der song ste phyin nas/ chu bum phyogs gcig tu bzhag nas rang gi ma la 'di skad ces smras so/ /
242b3 kye yum mkhyen par mdzod cig /kun dga' bo zhes bya ba'i dge slong dge sbyong gau ta ma'i nyan thos bsnyen bkur ba de bdag khyor 'tshal gyis yum khyod kyis dpyod kyis de 'dir khug shig /de'i mas smras pa/
242b4 ngas kun dga' bo zhi ba dang / 'dod chags dang bral ba ma yin na dgug par nus mod kyi/ 'on kyang ko sa la'i rgyal po gsal rgyal dge sbyong gau ta ma la mchog tu dad pas bsten zhing bsnyen bkur byed pas/ gal
242b5 te des shes na des gdol pa'i rigs rnams brlag par 'gyur ro/ /dge sbyong gau ta ma ni 'dod chags dang bral ba thams cad zil gyis gnon zhes thos so/ /de skad ces smras pa dang / gdol
242b6 pa'i bu mo gzugs bzang mos ma la 'di skad ces smras so/ /gal te dge sbyong gau ta ma de 'dod chags dang bral ba yin yang rung de'i nye gnas dge slong kun dga' bo de ma bkug na bdag lceb bo/ /
242b7 gal te de khugs na ni bdag 'tsho bar 'gyur ro/ /mas smras pa/ dge sbyong kun dga' bo dgug gis srog ma dor cig /de nas gdol pa'i bu mo gzugs bzang mo'i mas khang pa'i dbus
242b8 lci bas byugs nas gru bzhir byas te/ dur ba rngas nas me sbar zhing me tog dang / arga brgya rtsa brgyad la sngags bzlas nas re re nas mer bskyur ro/ /de la rig sngags ni 'di yin te/ a ma le bi
243a1 ma le ku ku se ma ma ne ye na ban d+ho smi bin du na i tsu yA de bo bi ra sha Sha ti bi d+yo ti ta gar dza ti bi sma ya pa rA dza ya ma b+hi bar+d+ha yi tu~M de be b+h+yo ma nu She b+h+yo gan d+ha ra be b+h+yaHshe ki khi gra ha de bA bi shi ki gra ha do
243a2 pa A nan dA s+ya a ga ma nA ya kra ma ne ya dzu ho mo swA hA/ de nas tshe dang ldan pa kun dga' bo sems g.yos te/ gtsug lag khang de nas langs nas gdol pa'i khyim gang na ba der song ngo / /
243a3 de nas tshe dang ldan pa kun dga' bo rgyang ring mo nas 'ong ba gdol pa mos mthong ngo / /mthong nas kyang gzugs bzang mo la 'di skad ces smras so/ /bu 'ong ba 'u ni ni dge sbyong kun dga' bo yin
243a4 gyis shes par gyis shig /de nas gdol pa'i bu mo gzugs bzang mo dga' zhing mgu la yi rangs te/ tshe dang ldan pa kun dga' bo'i mal bshams so/ /de nas tshe dang ldan pa kun dga' bo gdol
243a5 pa'i khyim gang na ba der song ste phyin nas stegs bu la brten nas phyogs gcig tu 'dug ste/ tshe dang ldan pa kun dga' bo ngu zhing 'di skad ces smras so/ /bdag gis nyam nga ba'i gnas skabs 'di thob
243a6 na/ da ltar bcom ldan 'das bdag la mi dgongs so/ /de nas bcom ldan 'das kyis tshe dang ldan pa kun dga' bo la dgongs par mdzad do/ /dgongs ma thag tu yang dag par rdzogs pa'i
243a7 sangs rgyas kyi sngags kyis gdol pa'i sngags nyams par mdzad do/ /de'i sngags ni 'di yin te/ s+thi ti ra tsu ti ra ni swa ti sarba prA Ni b+h+yaHse ra pra sa na~M ni rdo sha~M ta~M sarba to pA ya~M i ta
243a8 yo ya tra shA s+yan+ta b+ha yA ni tsa li tA ni tsA ta~M be de bA na maH sh+yaM ti sarba sid d+ha tsa yo gi na e te na sa t+ya bA kye na swa s+t+ya A nan da ya bi k+Sha be/ de nas tshe dang ldan pa kun dga' bo gdol pa'i rig sngags bkrol
243b1 nas gdol pa'i khyim nas byung nas rang gi gtsug lag khang gang na ba der 'gro bar brtsams so/ /gdol pa'i bu mo gzugs bzang mos mthong nas/ tshe dang ldan pa kun dga' bo la bltas nas rang
243b2 gi ma la 'di skad ces smras so/ /kye yum dge slong kun dga' bo 'di mchi zhing gda'o/ /de'i mas smras pa/ bu nges par dge sbyong gau ta mas dran par byas pas des na bdag gi sngags nyams par gyur to/ /
243b3 gzugs bzang mos smras pa/ yang ci yum dge sbyong gau ta ma'i sngags khyad par du stobs dang ldan la bdag cag gi de lta ma yin nam/ de la mas slar smras pa/ bu dge sbyong gau ta ma'i sngags khyad par du
243b4 stobs dang ldan pa yin gyi/ bdag cag gi de lta ma yin no/ /bu 'jig rten na sngags mthu dang ldan pa'i sngags gang yin pa de dag thams cad dge sbyong gau ta ma 'dod na rab tu 'joms par byed do/ /yang 'jig
243b5 rten pa'i sngags mthu dang ldan pa thams cad kyis dge sbyong gau ta ma'i sngags rab tu gzhom par mi nus so/ /de lta bas na dge sbyong gau ta ma'i sngags ni ches stobs dang ldan pa yin no/ /de nas tshe dang ldan
243b6 pa kun dga' bo bcom ldan 'das ga la ba der song ste/ rim gyis phyin nas bcom ldan 'das kyi zhabs la spyi bos gtugs nas phyogs gcig tu 'dug go/ /phyogs gcig tu 'dug nas/
243b7 bcom ldan 'das la tshe dang ldan pa kun dga' bos gnas skabs de gsol pa dang / bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis yi ge drug
243b8 pa'i rig sngags 'di bstan gyis zung la chongs shig /lhogs la kun tu bzung na bdag nyid la phan pa dang bde bar 'gyur zhing / dge slong dang / dge slong ma dang / dge bsnyen dang / dge bsnyen
244a1 ma rnams la phan pa dang bde ba thob par 'gyur ro/ /kun dga' bo yi ge drug pa'i rig sngags ni 'di yin te/ de bzhin gshegs pa dgra bcom pa yang dag par rdzogs pa'i sangs rgyas drug gis gsungs
244a2 shing / rgyal po chen po bzhi dang / lha'i dbang po brgya byin dang / mi mjed kyi bdag po tshangs pa dang / da ltar yang dag par rdzogs pa'i sangs rgyas ngas kyang gsungs pa yin gyis/ de lta bas na khyod kyis zung shig /thon cig /
244a3 kun du lhogs shig /'di lta ste/ aN Da re ke yu re d+hi ha ste sa ra ge be ban+ta ma ti d+ha ri bi Sha tsi la mi li sA ta na yu sna tha ya sa~M b+ha gI lA go la pa ti ka Da~M tsi la/ kun dga' bo yi ge drug pa'i rig sngags 'di ni yongs su srung ba dang / bdag
244a4 nyid bkra shis par byed pa yin te/ bsad pa'i ni chad pas grol bar 'gyur ro/ /chad pas bcad pa ni brgyad pas bral bar 'gyur ro/ /brgyad par 'os pa ni yang de bzhin du smras pas bral bar 'gyur ro/ /kun dga' bo ngas
244a5 lha dang bcas pa bdud dang bcas pa/ tshangs pa dang bcas pa'i 'jig rten na/ dge sbyong dang bram zer bcas pa'i skye dgu'i tshogs dang / lha dang / mi rnams las gang zhig yi ge drug pa'i rig sngags 'dis bsrung ba byas
244a6 nas/ bsrung skud dpung pa la btags na bkra shis par byed de/ las kyi rnam par smin pa ma gtogs par gzhan gyis zil gyis gnon par nus pa de lta bu yang dag par rjes su ma mthong ngo / /de nas gdol pa'i bu mo
244a7 gzugs bzang mos de nyid kyi mtshan mo lus khrus byas gos sar pa bgos nas mu tig do shal gyis brgyan te/ grong khyer mnyan yod ga la ba de nas byung ste song nas grong khyer gyi sgo drung du bsdad de/ tshe dang ldan pa
244a8 kun dga' bo 'ong ba la sdod cing nges par 'dir dge slong kun dga' bo 'ong ngo zhes sems so/ /de nas tshe dang ldan pa kun dga' bo snga dro'i dus su chos gos dang lhung bzed thogs nas/ mnyan yod du bsod snyoms
244b1 la zhugs so/ /gdol pa'i bu mo des tshe dang ldan pa kun dga' bo rgyang ring po nas 'ong ba mthong ngo / /mthong nas kyang tshe dang ldan pa kun dga' bo'i phyi bzhin du 'brang ngo / /'dug na 'dug cing 'gro na 'gro bar byed do/ /khyim gang dang
244b2 gang du bsod snyoms la zhugs pa de dang der sgor cang mi smra bar sdod do/ /de nas tshe dang ldan pa kun dga' bos gdol pa'i bu mo gzugs bzang mo phyi bzhin du 'brang ba mthong ngo / /mthong nas kyang ngo tsha zhing khrel gyis dogs
244b3 pas sdug bsngal zhing yid mi bde bas myur du mnyan yod nas byung nas/ rgyal byed kyi tshal ga la ba der song ngo / /de nas gdol pa'i bu mo gzugs bzang mo tshe dang ldan pa kun dga' bo'i phyi bzhin du rjes su
244b4 'brang ngo / /tshe dang ldan pa kun dga' bo bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ /de nas tshe dang ldan pa kun
244b5 dga' bos bcom ldan 'das la 'di skad ces gsol to/ /bcom ldan 'das gdol pa'i bu mo gzugs bzang mo 'di phyi bzhin du rjes su 'brang zhing mchis la mchi na/ khyim gang dang gang du bsod snyoms
244b6 la zhugs pa'i khyim de dang de'i sgor mchis nas cang mi smra bar mchis so/ /bcom ldan 'das bdag la bskyab tu gsol/ bde bar gshegs pa bdag la bskyab tu gsol/ de skad ces gsol pa dang /
244b7 bcom ldan 'das kyis tshe dang ldan pa kun dga' bo la 'di skad ces bka' stsal to/ /ma 'jigs ma 'jigs shig /de nas bcom ldan 'das kyis gdol pa'i bu mo gzugs bzang mo la 'di
244b8 skad ces bka' stsal to/ /ci gzugs bzang mo dge slong kun dga' bo khyim thab tu bya bar 'dod dam/ btsun pa 'tshal lags so/ /bcom ldan 'das kyis bka' stsal pa/ gzugs
245a1 bzang mo pha mas dge slong kun dga' bo la rjes su 'gro bar gnang ngam/ bcom ldan 'das gnang lags so/ /bde bar gshegs pa gnang lags so/ /bdag gis slar yang go bar bgyi'o/ /de nas
245a2 gdol pa'i bu mo gzugs bzang mos bcom ldan 'das la rab tu mnyan nas/ bcom ldan 'das kyi zhabs la spyi bos gtugs nas lan gsum bskor ba byas te/ bcom ldan 'das kyi thad nas slar
245a3 song ste/ gang na rang gi pha ma yod pa der song ste phyin nas/ pha ma'i rkang pa la mgo bos phyag 'tshal nas/ phyogs gcig tu 'dug ste/ rang gi pha ma la 'di skad ces smras so/ /yab yum
245a4 dge sbyong gau ta ma rang gis dge slong kun dga' bo stsal to/ /de nas pha mas gdol pa'i bu mo gzugs bzang mo khrid nas/ bcom ldan 'das ga la ba der song ste phyin nas/ bcom ldan 'das kyi zhabs la
245a5 spyi bos phyag byas te phyogs gcig tu 'dug go/ /gdol pa'i bu mo gzugs bzang mos kyang bcom ldan 'das kyi zhabs la spyi bos phyag 'tshal nas phyogs gcig tu 'dug go/ /phyogs gcig tu
245a6 'dug nas kyang gdol pa'i bu mo gzugs bzang mos bcom ldan 'das la 'di skad ces gsol to/ /'di gnyis ni bdag gi pha ma lags so/ /de nas bcom ldan 'das kyis gdol pa'i bu mo gzugs
245a7 bzang mo'i pha ma la 'di skad ces bka' stsal to/ /bu mo gzugs bzang mo dge slong kun dga' bo la ster ram/ de gnyis kyis gsol pa/ bcom ldan 'das stsal lo/ /bde bar gshegs pa stsal
245a8 lo/ /de lta na khyed gnyis rang gi khyim du slar song shig /de nas gdol pa'i bu mo gzugs bzang mo'i pha mas bcom ldan 'das kyi zhabs la spyi bos phyag 'tshal nas/ bcom ldan 'das la lan gsum
245b1 bskor ba byas te/ bcom ldan 'das kyi thad nas song ngo / /de nas bcom ldan 'das kyis gdol pa'i bu mo gzugs bzang mo'i pha ma song nas ring mo ma lon par thugs su chud nas/ gdol pa'i bu
245b2 mo gzugs bzang mo la 'di skad ces bka' stsal to/ /gzugs bzang mo dge slong kun dga' bo don du gnyer ram/ bcom ldan 'das don du gnyer lags so/ /bde bar gshegs pa don du gnyer
245b3 lags so/ /de lta yin na gzugs bzang mo dge slong kun dga' bo'i cha byad du gyis shig /bcom ldan 'das gzung bar bgyi'o/ /bde bar gshegs pa gzung lags so/ /bcom ldan 'das
245b4 rab tu 'byung du gsol/ bde bar gshegs pa bdag rab tu dbyung du gsol/ de nas bcom ldan 'das kyis gdol pa'i bu mo gzugs bzang mo la 'di skad ces bka' stsal to/ /dge slong ma
245b5 'dir legs par tshangs par spyod cig ces bcom ldan 'das kyis bka' stsal pa dang / gdol pa'i bu mo gzugs bzang mo skra byi zhing snam sbyar bgos par gyur to/ /de nas bcom ldan 'das kyis gdol
245b6 pa'i bu mo gzugs bzang mo de ltar dge slong mar gyur zhing rab tu byung ba la chos kyi gtam yang ston par mdzad/ yang dag par 'dzin du 'jug par mdzad/ yang dag par gzengs stod par mdzad/ yang
245b7 dag par rab tu dga' bar mdzad de/ gang zhig 'di ltar yun ring por 'khor bar bying ba'i sems can rnams kyi gnyen por gyur pa mnyan par bya ba 'di lta ste/ sbyin pa'i gtam dang / tshul khrims kyi gtam dang /
245b8 mtho ris kyi gtam dang / 'dod pa'i ro myang bar bya ba ma yin zhing smad pa'i gtam dang / nges par 'byung ba'i gtam dang / 'jigs pa dang / nyon mongs pa dang / kun nas nyon mongs pa dang / rnam par byang ba
246a1 dang / byang chub kyi phyogs kyi chos rnams dge slong ma de la bcom ldan 'das kyis yang dag par bstan pas/ de nas dge slong ma gzugs bzang mo de la/ bcom ldan 'das kyis yang dag par
246a2 bstan/ yang dag par 'dzin du bcug /yang dag par gzengs stod/ yang dag par rab tu dga' bar mdzad/ sems dga' ba las su rung ba dang / rab tu dga' ba'i sems dang / sgrib pa med pa'i sems dang / tha
246a3 ba med pa'i sems kyis bcom ldan 'das kyi bka' gang yin pa shes nas dge slong ma gzugs bzang mo dga' ba'i bsam pa dang / las su rung ba'i sems dang / rab tu dga' ba'i sems dang / sgrib
246a4 pa med pa'i sems dang / tha ba med pa'i sems kyis bsgoms pa'i stobs rab tu ldan pa yang dag par gsal bar byed pa'i chos bstan pa kun tu shes te/ de'i tshe sangs rgyas bcom ldan 'das kyis kun gsal
246a5 bar byed pa'i chos bstan pa 'di lta ste/ sdug bsngal dang / kun 'byung dang / 'gog pa dang / lam rnams bcom ldan 'das kyis dge slong ma gzugs bzang mo la rgya cher bstan pas/ de nas dge slong ma gzugs
246a6 bzang mo stan de nyid la 'dug bzhin du 'phags pa'i bden pa bzhi po sdug bsngal dang / kun 'byung dang / 'gog pa dang / lam mngon par rtogs par gyur te/ 'di lta ste/ gos bkrus pa dri ma med pa tshon gyis bsgyur na
246a7 tshon yang dag par len pa bzhin du/ dge slong ma gzugs bzang mo stan de nyid du 'dug nas bden pa bzhi po sdug bsngal dang / kun 'byung dang / 'gog pa dang / lam rnams mngon par rtogs par gyur to/ /de
246a8 nas dge slong ma gzugs bzang mos chos mthong zhing chos thob la chos rtogs shing chos mthar thug par khong du chud nas/ the tsom las rgal zhing som nyi spangs/ tha snyad rnams dang bral zhing dri ma med pa thob
246b1 pas gzhan gyi rkyen gyis mi bkri bar ston pa'i bstan pa la chos kyi rjes su 'brang bas/ bcom ldan 'das kyi zhabs la spyi bos gtugs te/ bcom ldan 'das la 'di skad ces gsol to/ /bcom ldan 'das bdag
246b2 gis ni nongs lags so/ /bde bar gshegs pa bdag gis nongs lags so/ 'di ltar byis pa/ 'di ltar rmongs pa/ 'di ltar mi gsal ba/ 'di ltar mi dge ba/ bdag ni shes rab 'chal pa'i rang bzhin can lags te/
246b3 gang bdag gis dge slong kun dga' bo khyim thab tu 'tshal ba kun nas tshul ma lags so/ /de lta bas na btsun pa bdag gis nongs pa la nongs par khums shing / yang nongs pa la mchog tu nongs par khums nas
246b4 nongs pa de bshags par bgyi'o/ /slan chad kyang nongs pa bsdam par bgyi'o/ /de lta bas na bcom ldan 'das kyis nongs par bzung nas nongs pa bsdam par bgyi'o/ /gzugs bzang mo khyod kyis nyes pa
246b5 la nyes par shes nas/ 'di ltar byis pa/ 'di ltar rmongs pa/ 'di ltar mi gsal ba/ 'di ltar mi dge ba/ shes rab 'chal pa'i rang bzhin gyis gang khyod kyis dge slong kun dga' bo la khyim thab tu 'dzin
246b6 zhing tshul bzhin ma yin pa byas pa la chos 'dul ba rtogs nas gang khyod kyis nyes pa la nyes par yang dag par lta zhing / nyes pa la nyes par yang dag par mthong nas de bzhin du nyes pa 'chags shing phyin chad sdom
246b7 pa ni ngas kyang khyod kyi nyes pa la nyes par bzung bar bya'o/ /phyin cad sdom la dge ba'i chos rnams 'phel ba nyid bsgrub par bya'i nyams par ni mi bya'o/ /de nas dge slong ma gzugs bzang mo la bcom ldan 'das kyis bstan zhing khyad par du
246b8 rjes su gdams pas gcig pu dben par gnas shing bag yod pas bsdams shing dran pa dang shes bzhin rab tu nyams pa med pas bdag nyid gnas te/ gcig pu dben par bag yod pas bsdams shing dran pa dang shes bzhin nyams pa med pas bdag nyid gnas
247a1 pas gang gi don du rigs kyi bu mo skra bregs nas chos gos bgos te/ yang dag par dad pas khyim nas khyim med par rab tu byung ba de bla na med pa'i tshangs par spyod pa la kun tu gnas pa ni mthong ba'i chos nyid la rang gis mngon par shes pa mngon du byas shing
247a2 bskyed nas lung ston par byed pa yin pas/ des tshangs par spyad pas bya ba byas shing skye ba zad de srid par skye ba gzhan mi len par gyur to/ /mnyan yod kyi bram ze dang / khyim bdag rnams kyis bcom ldan 'das kyis gdol pa'i bu mo rab tu phyung ngo zhes thos so/ /
247a3 thos nas kyang ji ltar gdol pa'i bu mo dge slong rnams dang yang dag par spyod par byed ces smod par byed do/ /de bzhin du dge slong ma rnams dang / dge bsnyen rnams dang / dge bsnyen ma rnams dang yang dag par spyad pa spyod par byed ces smod par byed cing / ji ltar
247a4 gdol pa'i bu mo la bram ze dang / rgyal rigs dang / khyim bdag shing sA la chen po lta bu rnams blta bar bya zhes zer ro/ /ko sa la'i rgyal po gsal rgyal gyis bcom ldan 'das kyis gdol pa'i bu mo rab tu phyung zhes grag pa thos so/ /thos nas kyang
247a5 ji ltar gdol pa'i bu mo zhes bya ba dang / dge slong rnams yang dag par spyad pa spyod par byed/ dge slong ma rnams dang / dge bsnyen rnams dang / dge bsnyen ma rnams dang yang dag par spyad pa spyod par byed/ ji ltar bram ze dang / rgyal rigs dang / khyim bdag
247a6 shing sa la chen po lta bu rnams kyis blta bar bya zhes smod la sems par byed cing bzhon pa bzang po sbyar te/ bzhon pa bzang po la zhon nas mnyan yod kyi bram ze dang / khyim bdag gi tshogs chen pos yongs su bskor te mdun du bdar nas
247a7 mnyan yod nas 'phags te/ rgyal bu rgyal byed kyi tshal mgon med zas sbyin gyi kun dga' ra ba ga la ba der song ste/ ji srid bzhon pas 'gro ba'i sa de srid du bzhon pas phyin nas bzhon pa las babs nas rkang thang gi
247a8 'khor gyis bskor te/ mgon med zas sbyin gyi kun dga' ra bar zhugs so/ /zhugs nas kyang bcom ldan 'das ga la ba der song ste phyin nas/ bcom ldan 'das kyi zhabs la spyi bos phyag byas nas phyogs
247b1 gcig tu 'dug go/ /mnyan yod kyi bram ze dang / khyim bdag gi tshogs chen po de dag kyang tha snyad lnga dang ldan pas 'khod do/ /yang bcom ldan 'das dang lhan cig mngon du phyogs te yang dag par dga' ba dang / mgu bar gyur pa'i gtam sna
247b2 tshogs mdzad de mjug brtul ba dang phyogs gcig tu 'dug go/ /yang gzhan dag gis bcom ldan 'das la rang rang gi pha ma'i rgyus dang / ming dang / rigs dang / rus rnams bsnyad nas phyogs gcig tu 'dug go/ /yang gzhan
247b3 dag gis lhan cig tu bcom ldan 'das ga la ba'i logs su thal mo sbyar te phyag byas nas phyogs gcig tu 'dug go/ /gzhan dag ni yang 'thun par cang mi smra bar phyogs gcig tu 'khod do/ /de nas bcom ldan 'das kyis
247b4 ko sa la'i rgyal po gsal rgyal dang / mnyan yod kyi bram ze dang / khyim bdag gi tshogs chen po de rnams kyi sems thugs kyis mkhyen nas/ dge slong ma gzugs bzang mo'i sngon gyi gnas skabs bstan par
247b5 mdzad pa'i phyir dge slong ma de bkug nas dge slong rnams la dge slong dag de bzhin gshegs pa las mngon sum du dge slong ma gzugs bzang mo'i sngon gyi gnas skabs las brtsams nas chos kyi gtam nyan
247b6 par 'dod dam/ dge slong rnams kyis bcom ldan 'das la gsol pa/ bcom ldan 'das de'i dus la bab lags so/ /bde bar gshegs pa de'i dus la bab lags te/ bcom ldan 'das gang dge slong
247b7 ma gzugs bzang mo'i sngon gyi gnas skabs las brtsams nas chos kyi gtam bstan du gsol/ bcom ldan 'das las mnyan nas gzung bar 'tshal lo/ /dge slong dag de lta bas na/ legs par rab
247b8 tu nyon la yid la zung shig dang ngas bshad do/ /bcom ldan 'das legs so legs so zhes gsol te/ dge slong de dag bcom ldan 'das la slar nyan to/ /de dag la bcom ldan 'das kyis 'di skad ces
248a1 bka' stsal to/ /dge slong dag sngon byung ba 'das pa'i dus na/ chu bo gang gA'i 'gram na a ti mug ta ka dang / sA la'i tshal gyi nags kyi phyogs gcig yod de/ de na tre shang ku zhes bya ba'i gdol pa'i rgyal po yod de gdol
248a2 pa stong phrag du ma'i tshogs chen po dang lhan cig gnas so/ /yang de'i tshe dge slong dag gdol pa'i rgyal po tre shang ku zhes bya ba des skye ba snga ma'i rig byed kyi yan lag dang / nye ba'i yan lag dang bcas pa dang / gsang ba dang bcas
248a3 pa dang / nges par sbyar ba'i brda dang bcas pa dang / yi ge'i rab tu dbye ba dang bcas pa rnams dang / bzhad gad ces bya ba dang / lnga pa dang / bstan bcos gzhan yang rkyang ba dang / bya ka ra Na dang / rgyang pan pa'i gtsug lag dang /
248a4 mchod sbyin gyi rabs dang / skyes bu chen po'i mtshan rnams la rjes su mkhas shing ji ltar chos bshad pa dang / rig byed kyi brtul zhugs dang / rten pa med par bshad pa la mkhas pa zhig ste/ yang rgyal po tre shang ku de la gzhon
248a5 nu stag rna zhes bya ba'i bu yod pa de gzugs dang ldan pa/ rigs dang ldan pa/ tshul khrims dang ldan pa/ yon tan dang ldan pa/ yon tan thams cad dang ldan pa/ gzugs bzang zhing blta na sdug pa/ kha dog mdzes
248a6 shing mchog tu kha dog rgyas pa dang ldan pa zhig yod do/ /de nas rgyal po tre shang kus gzhon nu stag rna la skye ba snga ma'i rig byed dran pa bslabs te/ 'di lta ste yan lag dang / nye ba'i yan lag dang / gsang ba dang
248a7 bcas pa dang / nges par sbyar ba'i brda dang bcas pa dang / yi ge'i rab tu dbye ba dang bcas pa dang / bzhad gad zhes bya ba dang / lnga pa dang / bstan bcos gzhan yang chos ji ltar bshad pa dang / rig byed kyi brtul
248a8 zhugs bslabs nas/ de nas rgyal po tre shang kus 'di snyam du bsams te/ bdag gi bu gzhon nu stag rna 'di ni gzugs dang ldan pa/ rig pa dang ldan pa/ tshul khrims dang ldan pa/ yon tan dang ldan pa/ yon tan
248b1 thams cad kyis brgyan pa/ gzugs bzang zhing blta na sdug pa/ kha dog mdzes shing mchog tu kha dog rgyas pa dang ldan pa/ sngags dang rig byed kyi pha rol tu phyin pa yin gyis/ khyim bya ste yang gang bdag gis gzhon
248b2 nu stag rna dang 'thun par gzugs dang ldan pa/ rigs dang ldan pa/ tshul khrims dang ldan pa/ yon tan dang ldan pa de lta bu'i bu mo zhig gang nas btsal snyam mo/ /yang dus gzhan zhig gi tshe/ bram ze pad ma'i
248b3 snying po zhes bya ba gyen du 'byung ba'i lung pa'i sgo zhes bya ba na/ khyab par sa dang / chu dang / shing dang ldan pa rtag tu 'bru rnams smin pa/ rgyal po mi sbyin zhes bya bas bram ze de la byin nas de na gnas so/ /
248b4 yang bram ze pad ma'i snying po'i pha ma bram ze'i rigs yongs su dag pa dang ldan pa/ rigs 'khrugs pa med pa/ rigs dang rus ma smad pa/ pha mes dang ma mes bdun rgyud kyi mkhan por gyur pa/ klog pa
248b5 dang / gsang sngags 'dzin pa/ rig byed gsum gyi pha rol tu phyin pa yan lag dang bcas pa dang / nye ba'i yan lag dang bcas pa dang / brda nges par sbyar ba dang bcas pa dang / bzhad gad ces bya ba dang /
248b6 lnga pa dang / rkang pa dang / bya ka ra Na dang / 'jig rten rgyang pan pa'i gtsug lag dang / mchod sbyin gyi rabs dang / skyes bu chen po'i mtshan rnams rjes su sbyar ba rgyas shing grol bar ston pa zhig go/ /yang bram
248b7 ze pad ma'i snying po de la gzugs bzang mo zhes bya ba'i bu mo yid du 'ong ba/ gzugs dang ldan pa/ tshul khrims dang ldan pa/ yon tan dang ldan pa/ yon tan thams cad kyis brgyan pa/ gzugs bzang zhing blta na sdug pa/
248b8 mdzes shing mchog tu kha dog rgyas pa dang ldan pa/ bdag gi gzhon nu stag rna dang 'thun pas chung mar 'os so zhes bsams te/ de nas rgyal po tre shang kus don de nyid mtshan mo phal cher sems shing mtshan mo 'das nas nang
249a1 par nam nangs te/ thams cad dkar ba'i shing rta la zhon nas/ gdol pa'i blon po'i tshogs kyis bskor nas gdol pa'i pho brang nas byung nas byang phyogs su chas te/ gyen du 'byung ba'i lung pa'i sgo ga la ba der
249a2 song ste/ de nas gdol pa'i rgyal po tre shang kus gyen du 'byung ba'i lung pa'i sgo'i byang shar gyi mtshams na yid bde ba zhes bya ba'i bskyed mos tshal shing sna tshogs pas khyab pa/ shing sna tshogs pa'i me tog dang ldan pa/
249a3 bya sna tshogs pa sgra snyan pa sgrogs pa/ lha rnams kyi dga' ba'i tshal ltar mdzes pa zhig yod de/ der phyin nas bram ze pad ma'i snying po 'ong ba la sdod do/ /bram ze pad ma'i snying po bram ze'i khye'u rnams la bram ze'i
249a4 sngags 'chad do/ /de nas pad ma'i snying po de nyid kyi mtshan mo 'das nas thams cad dkar ba'i rta'i shing rta la zhon nas/ bram ze'i khye'u lnga brgya'i slob ma'i tshogs kyis yongs su bskor te gyen du 'byung ba nas 'phags te/
249a5 bram ze'i khye'u rnams la bram ze'i sngags 'chad do/ /gdol pa'i rgyal po tre shang kus bram ze pad ma'i snying po nyi ma'i 'od zer kyi tshogs kyis bskor ba lta bu/ me 'bar ba 'od kyis bskor ba lta bu/ mchod sbyin byed pa
249a6 bram ze'i tshogs kyis bskor ba lta bu/ gangs can sman tshogs kyis mdzes pa lta bu/ rgya mtsho rin po ches mdzes pa lta bu/ zla ba rgyu skar gyi tshogs kyis yongs su bskor ba lta bu/ rnam thos sras gnod
249a7 sbyin gyi tshogs kyis yongs su bskor ba lta bu/ brgya byin lha'i tshogs kyis yongs su bskor ba lta bu/ bram ze slob ma'i tshogs kyis yongs su bskor ba mdzes pa rgyang ring po nas 'ong ba mthong ngo / /mthong nas
249a8 kyang bsu ste chos bzhin du byas nas 'di skad ces smras so/ /kye pad ma'i snying po legs par 'dir byon gyis bya ba cung zhig smrar yod kyis de nyon cig /de skad ces smras pa dang / bram ze pad ma'i snying pos gdol pa'i
249b1 rgyal po tre shang ku la 'di skad ces smras so/ /kye tre shang ku bram ze ma yin pas kye zhes bod par mi nus shing rigs pa ma yin no/ /pad ma'i snying po bdag gis kye zhes bod par nus shing byar rung ste/ gang gis nus par
249b2 byar rung bar 'gyur la/ gang gis de mi nus pa ni de ltar yang mi bya'o/ /kye pad ma'i snying po skyes bu'i mnyam par rtsom pa ni sngon gyi mnyam par rtsom pa las 'gyur ro/ /'di lta ste bdag gi don dang / gzhan kyi don dang /
249b3 bdag gi 'khor gyi don dang / 'byung po thams cad kyi don bsdus pa ni da ltar 'dir khyad par du don che ba gang yin pa smra yis nyon cig /bdag la bu stag rna zhes bya ba yod kyis de'i chung mar bu mo byin cig rin gang zhig
249b4 'dod pa de sbyin par bya'o/ /tshig de lta bu yang thos pa dang / gdol pa'i rgyal po tre shang ku la bram ze pad ma'i snying po mchog tu khros 'khrugs shing don de la yid 'khrugs shing sdang bas de'i rkyen gyis dpral bar
249b5 khro gnyer gsum bsdus nas bzhin rnam par gyur pas mig rnam par 'gyur zhing ne le ltar ser skyar gyur te/ gdol pa'i rgyal po tre shang ku la 'di skad ces smras so/ /tha mal pa'i gdol pa/ dman pa/ smad pa/
249b6 du ma za ba/ ngan pa ni gang bram ze rig byed kyi pha rol tu phyin pa la gdol pa dman pa/ bcugs pa med par 'joms par byed pa/ khyod kyis tshig 'di lta bu smra bar rigs sam/ kye blo ngan mngon pa'i nga rgyal gyis
249b7 tha mal pa yin par sems sam/ dman pa don ma yin pa la don du ma gnyer/ gser nam yang thal bar mi 'gyur ro/ /snang ba dang mun pa gnyis sam/ gdol pa'i skye gnas su skyes pa yang bram
249b8 ze dam pa rnams dang / dman pa khyod dang 'brel par 'dod pa ji ltar ma rmongs/ gdol pa'i skye gnas su skyes pa dang / kho bo dam par skyes pas dman pa dang mchog gnyis 'brel par mi 'dod do/ /
250a1 bram ze mchog dang mchog tu 'brel par byed par 'dod kyi/ mchog dang dman pa gnyis su 'brel par mi 'dod do/ /rigs phun sum tshogs shing rigs yongs su dag cing 'khrugs pa med pa/
250a2 sngags kyi pha rol tu phyin pa klog pa dang / sngags mchog las byung zhing rig byed kyi pha rol tu son pa/ brda nges par sbyar ba dang bcas pa/ bram ze gang gis rig byed klags pa de lta bu'i bram ze dang 'brel
250a3 bar bya ba yin gyi/ rigs mchog dang dman par 'brel bar byar ni mi 'dod do/ /don du gnyer bar bya ba ma yin pa don du gnyer ba ni rlung zhags pas 'dzin par rtsom pa la 'jug pa yin te/ gang
250a4 nga dang khyod 'brel par byed par 'dod pa de bzhin no/ /ro dang rigs dman pa gnyis ni 'jig rten thams cad la mi gtsang ba yin gyis dman pa myur du phar khyed cig /'di lta bu nyid ji ltar sems gdol pa
250a5 dang / gdol par lhan cig pa yin la/ dur bsrungs rnams dang ni dur bsrungs lhan cig pa yin te/ rigs gang dang gang yin pa de dang de 'brel bar byed pa yin te/ rgyal rigs rnams dang ni rgyal
250a6 rigs lhan cig pa yin la/ bram ze rnams dang bram ze lhan cig pa yin la/ de bzhin du rje'u rigs rnams kyang rje'u rigs dang lhan cig pa yin la/ de bzhin du dmangs rigs rnams
250a7 kyang dmangs rigs dang lhan cig tu 'dra ba rnams phan tshun 'jug pa yin gyi/ gdol pa rnams dang bram ze ni 'brel pa med do/ /rigs thams cad las dman pa dang rigs mchog rnams
250a8 ji ltar 'brel du 'dod/ bram ze pad ma'i snying pho las lan du de lta bu'i tshig thos pa dang / gdol pa'i rgyal po tre shang kus 'di skad ces smras so/ /ji ltar gser dang thal ba'i khyad
250b1 par dmigs pa ltar bram ze rnams dang / rigs gzhan de lta bu'i khyad par ni mi dmigs so/ /ji ltar mun pa dang snang ba'i khyad par dmigs pa ltar bram ze rnams dang rigs gzhan de lta bu'i khyad par ni mi
250b2 dmigs so/ /gang bram ze rnams nam mkha' dang rgya mtsho las skyes pa ni ma yin no/ /gtsub shing gis me phyung ba ltar sa rnams las skyes pa 'ang ma yin no/ /bram ze'i skye gnas gang yin pa de nas gdol pa'i
250b3 rigs kyang skyes pa yin te/ mchog nyid dang dman pa nyid du bram ze rnams la ci dmigs/ bram ze mchog rnams kyi ro 'ang spong zhing mi gtsang bar byed do/ /rigs rnams la de lta bas na gzhan dang de la khyad par ci zhig yod/
250b4 'di ltar sdig pa'i las cung zad byed cing rnyog pa dang / rtsod pas sems can rnams la gnod pa bya bar bram ze rnams rab tu ston to/ /byad dang ro langs kyi las bram ze rnams rab tu ston to/ /las mi bzad pa rnams la yang
250b5 bsod nams yin par bram ze rnams ston to/ /sha za bar 'dod pas bram ze rnams kyi cho ga sbyar ba sngags bzlas nas ra lug bsad na mtho ris su 'gro bar smra'o/ /gang de lta bu mtho ris kyi lam yin na ci'i phyir
250b6 bram ze bdag nyid dang gzhan yang nye du dang / pha dang ma dang / spun zla dang / sring mo dang / de bzhin du bu dang / bu mo dang / chung ma rnams sngags bzlas nas bsad par mi ston/ mdza' bo dang / gnyen dang /
250b7 bdag nyid kyang yul na gnas pa sngags de bzlas nas yang mtho ris su 'gro ba drug po rnams ci'i phyir mi gtong / thams cad chom pas dus gcig tu dag cing bde 'gro mchog tu 'gro bar 'gyur na/ ci'i phyir
250b8 phyugs rnams kyis mchod sbyin byed kyi bdag nyid kyis ci'i phyir mi byed/ bde 'gro mtho ris su ra lug 'gro bar bstan par mi bya ste/ mtho ris kyi lam de dag pa ma yin te/ brdzun bstan pa yin no/ /bram ze rnams
251a1 sdang ba'i sems kyis sha bza' bar 'dod pas rnam grangs du mas thabs bsams te/ phyugs rnams gsad pa'i cho ga bstan pa yin no/ /gzhan yang bdag gis bram ze rnams kyi cho ga gang yin pa
251a2 brjod par bya ste/ rig byed bzhi las sdig pa bya bar bstan te/ gser rku ba dang chang 'thung dang / /bla ma'i chung ma spyod pa dang / /sdom pa'i tshogs ni 'jig pa ste/ /sdig pa bzhi ru bram ze 'dod/ /gser rku ba ni spang bar bya/ /
251a3 de bzhin las gzhan sdig yod min/ /bram ze gang gis gser rkus na/ /de dag bram ze min par 'dod/ /chang ni btung bar mi bya ste/ /gzhan ni btung bar bya bar 'dod/ /bram ze gang zhig chang 'thung ba/ /de dag bram zer mi 'gyur
251a4 ro/ /bla ma'i chung ma spyad mi bya/ /gzhan gyi chung ma bgrod par bya/ /bla ma'i chung ma la 'gro ba/ /de dag bram zer mi 'gyur ro/ /bram ze gcig kyang bsad mi bya/ /bram ze min pa du ma bsad/ /gang zhig bram ze gsod byed pa/ /
251a5 de dag bram zer mi 'gyur ro/ /bzhi po de dag gang yin pa/ /bram ze rnams la sdig par 'gyur/ /de dag las gzhan sdig med 'dod/ /bzhi po de las gcig byas na/ /de ni bram ze yin mi 'gyur/ /bram ze rnams
251a6 ni tshogs pa ru/ /chud min phyag kyang mi bya'o/ /stan dang chu rnams mi bstab cing / /bsu bar yang ni mi bya'o/ /bram ze nyams pa de la yang / /de ni 'byung ba'i thabs snang ste/ /de yis lo ni bcu gnyis
251a7 su/ /bong bu'i lpags pa bgo bya zhing / /kha Ta~M kha ni thogs par bya/ /thod pa'i nang du bza' bar bya/ /dka' thub 'di ni yang dag bzung / /nges par rgyun ni ma bcad par/ /gang gis brtul
251a8 zhugs yang dag blang / /phyir yang bram ze 'gro bar 'gyur/ /lo ni bcu gnyis tshang ba na/ /phyi nas de ni bram zer 'gyur/ /de ni 'byung ba'i thabs su bstan/ /bram ze yi ni dka' thub yin/ /rmongs
251b1 pas las ni ngan pa ste/ /'byung ba med par bstan par bya/ /bram ze de ni 'di lta ste/ /'di shes tha mal tsam nyid du/ /'jig rten gang yin rjod par byed/ /bram ze yang de lta bu'o/ /rgyal rigs kyang de lta bu'o/ /
251b2 rje'u rigs kyang de lta bu'o/ /dmangs rigs kyang de lta bu yin no/ /de dag thams cad de lta bu yin pas rnam pa thams cad du bdag gi bu gzhon nu stag rna la bram ze'i bu mo gzugs bzang mo chung ma'i don du byin cig /
251b3 rin gang bab pa de 'dod pa de bzhin du bcal bar bya'o/ /gdol pa'i rgyal po tre shang ku las de lta bu'i tshig thos pa dang / bram ze pad ma'i snying po mchog tu khros 'khrugs shing don de la yid sdang bas de'i rkyen gyis
251b4 dpral bar khro gnyer gsum bsdus nas/ kha nas du ba 'thul zhing ne le ltar ser skyar gyur pas mig rnam par sgyur zhing gdol pa'i rgyal po tre shang ku la 'di skad ces smras so/ /dmangs rigs khyod ma
251b5 brtags par 'di lta bu'i tha snyad kyis 'jig rten rnams mnyam zhing rigs gcig cing tha dad pa ma yin par ston nam/ 'di ltar ji ltar dman pa'i rigs/ /bram ze rig byed pha rol phyin/ /dman pa'i rigs su
251b6 gyur pa yis/ /rnam par nyams par khyod 'dod dam/ /rgyal por gyur nas de dman la/ /bye brag gyur par shes pa med/ /'di lta ste yul khrims dang / grong khyer gyi khrims dang / grong gi khrims dang /
251b7 ljongs kyi khrims dang / sho gam gyi lugs dang / bag ma gtong ba'i khrims dang / bag ma len pa'i khrims dang / sngon gyi las kyi chos rnams kyang mi shes so/ /dmangs rigs rigs ni bzhi po 'di dag
251b8 yin te/ 'di lta ste/ bram ze'i rigs dang / rgyal rigs dang / rje'u rigs dang / dmangs rigs zhes bya ba ste/ de dag gi bag ma len pa'i khrims kyang bram ze rnams kyi chung ma ni rnam pa bzhir 'gyur te/ 'di lta
252a1 ste/ bram ze mo dang / rgyal rigs mo dang / rje'u rigs mo dang / dmangs rigs mo yin no/ /kye dman pa rgyal rigs kyi chung ma ni rnam pa gsum du 'gyur te/ rgyal rigs mo dang / rje'u rigs mo dang /
252a2 dmangs rigs mo zhes bya ba yin no/ /rje'u rigs kyi chung ma ni rnam pa gnyis su 'gyur te/ rje'u rigs mo dang / dmangs rigs mo'o/ /dmangs rigs kyi chung ma ni gcig ste/ dmangs rigs mo nyid yin no/ /
252a3 kye dman pa bram ze rnams kyi bu ni rnam pa bzhir 'gyur te/ 'di lta ste/ bram ze mo dang / rgyal rigs mo dang / rje'u rigs mo dang / dmangs rigs mo la skyes pa yin no/ /rgyal rigs rnams kyi bu ni rnam pa
252a4 gsum du 'gyur te/ rgyal rigs mo dang / rje'u rigs mo dang / dmangs rigs mo las skyes pa yin no/ /rje'u rigs rnams kyi bu ni gnyis su 'gyur te/ rje'u rigs mo dang / dmangs rigs mo las skyes pa
252a5 yin no/ /dmangs rigs rnams kyi bu ni gcig tu 'gyur te/ dmangs rigs mo las skyes pa yin no/ /kye dman pa bram ze rnams kyi bu ni lus kyi stod kha nas skyes pa yin no/ /brang las ni rgyal
252a6 rigs skyes pa yin no/ /lte ba nas ni rje'u rigs skyes pa yin no/ /rkang pa nas ni dmangs rigs skyes pa yin te/ kye dman pa nges par bram ze rnams ni 'jig rten thams cad sgrub par byed pa de las bdag
252a7 cag skyes pa yin no/ /de nas ni rgyal rigs rnams so/ /de nas ni rje'u rigs te gsum pa'o/ /de nas ni dmangs rigs te bzhi pa yin par 'dod do/ /kye dman pa khyod rigs de lta bu bzhi pa yin par ma mthong
252a8 ngam/ bdag rigs gyi mchog /rigs kyi gtso bo/ phul du byung ba/ rigs kyi rab mchog dam par gyur pa dang / yang dag par 'brel par 'dod dam/ dman pa khyod spang bar bya ba yin gyi bdag gi drung nas phyir
252b1 khyed cig /yang tshig de lta bu bram ze pad ma'i snying po las thos pa dang / gdol pa'i rgyal po tre shang kus 'di skad ces smras so/ /bram ze nyon cig 'dir khyed kyis 'jig rten thams cad sgrub par byed pa de las bdag
252b2 cag skyes pa yin pas thu bo bdag cag yin la/ de nas rgyal rigs rnams so/ /de nas rje'u rigs te gsum pa'o/ /de nas ni dmangs rigs te bzhi pa yin par 'dod do zhes bstan pa la rkang pa dang bcas pa/ brla dang bcas
252b3 pa/ lag pa dang bcas pa/ rtsib logs dang bcas pa/ mir gyur pa yin na yang cha cig la khyad par ci zhig yod de/ de bas na rigs bzhi ni mi grub bo/ /de lta bas na de dag la bye brag gang gis khyad par du byed pa smros shig /de bas na
252b4 khyad par med pa de'i phyir yang rigs rnams bzhir grub pa ma yin no/ /gang zhig 'di ltar byis pa rtse ba ni lam po cher 'jim pa'i gong bu las bsgongs nas bdag nyid ming 'dogs par byed de/ 'di ni 'o ma'o/ /'di ni zho'o/ /'di ni
252b5 mar ro/ /'di ni sha'o zhes brjod pas byis pa de dag la 'o ma la sogs pa bzhir 'gyur ba ni ma yin no/ /yang 'jim pa bsgongs pa'i sbyor ba'i bye brag yin par shes pa ltar skras ma yin/ rna bas ma yin/ mgo bos ma yin/
252b6 mig gis ma yin/ khas ma yin/ snas ma yin/ mgrin pas ma yin/ dpung pas ma yin/ brang gis ma yin/ rtsib logs kyis ma yin/ lto dang rgyab kyis ma yin te/ /brla dang de bzhin sgyid pas min/ /
252b7 rkang pa lag pas kyang ma yin/ /dbyangs kyis ma yin kha dog min/ /gnas dang 'dod pa spyod pas min/ /sna tshogs khyad par thams cad ni/ /mi rnams la ni gang yod pa/ /de ltar rang gi bsod nams rigs/ /
252b8 skyes pa bud med mtshan mas phye/ /rkang pa lag pa 'thun pa na/ /de la rigs su gang gis 'dod/ /mgo bo dang ni brang rnams dang / /lpags pa dbang po'i bya bar bcas/ /lto bar ldan la yod ma yin/ /cha gcig gnas
253a1 la bye brag med/ /rigs bzhir gnas pa gang gis rtogs/ /de ltas mchog ni gang zhig yod/ /khyad par gang 'dod 'di ru smros/ /rab mchog bye brag 'dir yod min/ /rigs bzhi bye brag med par bshad/ /'dir
253a2 nyes pa de lta bu yod pas gang gi tshe/ khyod kyis brjod pa de lta bu de ni rigs pa ma yin no/ /kye shes ldan bdag la slar nyon cig dang legs par bshad pa mchog tu dkar zhing mthar thug pa'i chos kyi gleng gzhi bstan par bshad par
253a3 bya yis thos nas rigs pa dang mi ldan na slar smros shig /gang yang 'dir bstan pa nges pa dang ldan zhing rigs pa med par smra na/ phyi phyir bdag las thos nas shes ldan khong du chud na mi rnams la mchog tu gyur pa'i chos kyi
253a4 bye brag ni med do/ /bram ze khyod kyis rjes su dpag pa'i tshad ma gang gis de la rnam par dpyad na bram ze rnams dang gcig yin te/ 'dir de lta bas na skye dgu rnams rigs gcig pa nyid de/ bdag dang yang rigs gcig pa nyid ma yin no/ /
253a5 bdag dang rigs tha dad pa nyid ma yin no/ /tshangs pas 'jig rten 'di thams cad bskyed do zhes smra ba ni/ gal te tshangs pas bskyed ces bya ba 'di tshang mas rigs pa ma yin te/ rigs bzhi po bstan pa bram ze dang /
253a6 rgyal rigs dang / rje'u rigs dang / dmangs rigs kyi tshangs pa ni rgyu ma yin te/ bram ze rnams la yang dag par dpyad na/ mi rnams kyi rigs sna tshogs pa'i rgyu 'dus pa yin te/ 'di lta ste/ mgo bo dang /
253a7 kha dang / mig dang / rna ba dang / sna dang / bzhin dang / kha dog dang / dbyibs dang / rnam pa dang / skye gnas dang / zas kyi bye brag tu gyur pa rnams kyis sna tshogs par shes par bya'o/ /kye pad ma'i snying po
253a8 'di lta ste/ ba lang dang / rta dang / bong bu dang / khyi dang / rnga mo dang / ri dgas dang / bya dang / ra lug rnams sgo nga las skyes pa dang / mngal nas skyes pa dang / drod gsher las skyes pa dang / brdzus te skyes pa
253b1 rnams kyis sems can rnams tha dad par shes par bya'o/ /'di lta ste/ yang rkang pa dang / gdong pa dang / kha dog dang / dbyibs dang / zas dang / skye gnas kyi sna tshogs par yang shes par bya'o/ /yang de lta
253b2 bas na rigs bzhi po rnams tha dad par shes par mi bya'o/ /de lta bas na 'di dag bram ze rnams dang 'dra zhing gcig pa yin no/ /shing 'di dag kyang gang gis 'bras bu a mra dang / dzam bu dang / khardzu ra dang / pa na
253b3 sa dang / pha le pa dang / dge tsa ka dang / rgun 'brum dang / pyi sor dang / ka pi ta dang / starga dang / na li ke ra dang / ting ni ka dang / sardza ka dang / 'bras bu dang ldan pa sna tshogs par rig par bya'o/ /'di lta
253b4 ste/ rtsa ba dang / sdong bu dang / shun lpags kyi cha dang / me tog dang / mtha' yas pa ste/ lo ma dang / me tog dang / 'bras bu dang / sna tshogs par rig par bya'o/ /'bras bu med pa'i me tog rnams sna
253b5 tshogs par rig par bya'o/ /yang de bas rigs bzhi po rnams tha dad pa ma yin no/ /bram ze 'di lta ste/ 'di dag ni skams las skyes pas shing ste/ sA la dang / na da dang / ta ma la dang / kar ni ka dang /
253b6 lo ma bdun pa dang / shi ri sha dang / 'o bo da ra dang / tsan dan dang / sha ba dang / da pa dang / seng ldeng la sogs pa sna tshogs par rig par bya'o/ /'di lta ste/ rtsa ba dang / sdong bu dang / shun lpags kyi
253b7 cha dang / me tog tsam dang / snying po dang / lo ma dang / me tog dang / 'bras bu sna tshogs par rig par bya'o/ /yang de bas na rigs bzhi po'i rigs rnams la tha dad pa med par shes par bya'o/ /
253b8 'di lta ste/ 'di dag ni 'o ma can gyi shing ste/ u dum ba ra dang / pa lak+Sha dang / a shwad tha dang / n+ya gro d+ha dang / bal gu zhe bya ba la sogs pa sna tshogs par rig par bya'o/ /'di lta ste/ rtsa ba dang /
254a1 sdong bu dang / shun lpags kyi cha dang / me tog tsam dang / snying po dang / lo ma dang / me tog dang / 'bras bu rnams tha dad par rig par bya'o/ /yang de bas na rigs bzhi po'i rigs rnams la tha dad pa med par
254a2 shes par bya'o/ /pad ma'i snying po 'di lta ste/ yang 'di dag ni 'bras bu sman du gyur pa'i shing rnams te/ a ma la dang / a ru ra dang / skyu ru ra dang / ba ru ra dang / a ru sha ka la sogs pa dang / gzhan yang sna tshogs
254a3 pa'i sman rigs sna tshogs pa las skyes pa dang / rtswa dang nags nas skyes par tha dad med par shes par rig par bya'o/ /yang de bas na rigs bzhi po rnams la tha dad med par shes par bya'o/ /bram ze 'di lta ste/
254a4 'di dag ni thang las skyes pa'i me tog rnams te/ a ti mug ta ka dang / tsam pa ka dang / pa ta la dang / su ma na dang / ba ri shi ka dang / da tsu skar la sogs pa sna tshogs par rig par bya'o/ /'di lta ste/ gzugs dang
254a5 kha dog dang / dri dang / dbyibs sna tshogs par rig par bya'o/ /bram ze 'di lta ste/ 'di dag ni chu las skyes pa'i me tog ste/ pad ma dang / ud pa la dang / ku mu ta dang / so'u gan di ga dang / dri zhim la sogs pa sna
254a6 tshogs par rig par bya'o/ /'di lta ste/ gzugs dang / dri dang / kha dog dang / dbyibs tha dad par rig par bya'o/ /yang de bas na rigs bzhi po'i rigs rnams la tha dad pa med par shes par bya'o/ /bram ze bram
254a7 ze'i rigs kyang de lta bu'o/ /rgyal rigs kyang de lta bu'o/ /rje'u rigs kyang de lta bu'o/ /dmangs rigs kyang de lta bu yin te/ de lta bas na thams cad gcig pa yin no/ /gzhan yang khyod la bram ze rnams kyi rtog pa
254a8 brjod par bya ste/ 'di ltar skye dgu'i bdag po tshangs pa'i nam mkha' skar ma'i tshogs dang bcas pa ni mgo bo yin no/ /lto ba ni ri rnams yin no/ /brla gnyis dang rkang pa gnyis ni sa'o/ /mig gnyis ni nyi ma dang zla ba'o/ /
254b1 ba spu rnams ni rtswa dang nags kyi tshogs so/ /nam mkha' las char 'bab pa ni mchi ma'o/ /chu bo rnams ni de'i gcin no/ /mtsho rnams ni de'i mi gtsang ba yin no/ /de lta bu ni skye dgu'i bdag po tshangs par 'dod do/ /tshangs pa rang
254b2 gi mtshan nyid ni de lta yin par rigs sam/ /khyod rang gis dpyod cig /tshangs pa gang yin pa de las bram ze rnams kyang byung / rgyal rigs rnams kyang byung / rje'u rigs rnams kyang byung / dmangs rigs rnams kyang byung bar
254b3 gyur cing de ltar na gal te skyes par nges par gyur na yang 'di ltar 'gyur zhing rigs bye brag tu byas par 'gyur te/ bram ze rnams tshangs pa'i 'jig rten du 'gro bar 'gyur zhing rigs gsum po mtho ris su mi 'gro na ni de ltar na rigs
254b4 bye brag tu byas par 'gyur ro/ /de lta ma yin na rigs bzhir mi 'gyur ro/ /gang gi phyir rigs bzhi po tha dad pa rnams ni dge ba'i las byas pas mtho ris su 'gro bar 'gyur te/ yang des na drang srong rnams kyang zhi ba'i dka' thub spyod par
254b5 'gyur ro/ /de'i phyir bram ze rnams la khyad par du gyur pa med do/ /gal te bram ze gcig la 'dir lce gnyis yod par 'gyur zhing de bzhin dbang po gnyis dang / ra bzhi dang / mgo gnyis yod na de lta ni bram ze'i rigs khyad par du
254b6 byas par 'gyur ro/ /chags pas phyin nas gzhan dag gsod pa dang / de lta bur 'gro zhing gsod par byed pa dang / sems can rnams la las kyi sun 'byin zhing des yang 'di ltar bram ze rnams ni mi dge ba'i bshes
254b7 gnyen yin no/ /'thab cing rtsod pa dang / pha dang yang 'khrug cing ba lang gsod par sems pa ni 'dir bram ze rnams kyi lugs so/ /srid srung gi rig byed las sngags kyis skrag par byed pa ni bram ze rnams kyi bya ba
254b8 yin par bstan to/ /sdig pa byed pa dang / skye bo du ma slu ba dang / sgyu dang mi bzad pa de lta bu'i rnyog pas 'di ltar pha rol la gnod pa rjes su sems shing de'i rjes la mtho ris nyid du 'gro bar 'dod na de mtho ris kyi lam ma
255a1 yin te/ bram ze gang zhig dka' thub mchog gis thul zhing brtul zhugs dang / tshul khrims dang ldan pa mi 'tshe zhing zhi ba la mngon par dga' ba'i bram ze de ni tshangs pa'i gnas su skye'o/ /sha dang rus par bcas pa
255a2 dang / sen mo dang bcas pa dang / lpags pa dang bcas pa dang / bde ba dang / sdug bsngal dang / gcin dang phyi sa ldan par gcig la dbang po rnams la khyad par med pas de'i phyir rigs bzhi nyid du ma grub pa'o/ /
255a3 bram ze 'di lta ste/ yang skyes bu 'ga' zhig la bu bzhi yod par gyur la/ de dag la ming dga' byed ces bya ba dang / 'tsho byed ces bya ba dang / mya ngan med ces bya ba dang / tshe brgya pa zhes bya bar btags pas pad ma'i snying po skyes bu de'i bur gyur
255a4 pa de las dga' byed ces bya ba des dga' bar byed dam/ 'tsho byed ces bya ba des 'tsho bar byed dam/ mya ngan med ces bya ba des yid bde bar byed dam/ gang tshe brgya pa zhes bya ba des lo brgya 'tsho bar byed pa ni ma yin gyi/ yang bram ze de dag ni
255a5 ming gis tha dad par rig par bya'o/ /rigs kyis ni ma yin no/ /de ci'i phyir zhe na/ 'di ltar pha yang gcig las skyes pa'i bu yin te/ de la 'dir bod pa'i ched du pha dang / ma dang / spun zla dang / nye dus btags pa de nyid rigs yin te/ gang de ltar
255a6 rnam par shes pa de las gzhan du gyur pa ni 'ga' yang med do/ /bram ze bdag nyid legs par dpyod cig /bram ze'i rigs shes bya ba dang / rje'u rigs shes bya ba dang / dmangs rigs shes bya ba gang zhig yin/ rgyu thams cad
255a7 kyis lag pa 'jas pa dang / sgur po dang / 'gog pa dang / 'brum bu dang / mdze dang / sha bkra dang / tha dad pa rab tu gnas te/ sha dang glad pa dang / lpags pa dang / gzhung pa dang / rtsib logs dang / gsus pa dang / bzhin
255a8 rang rang gi las kyis grub pa yin te/ de lta bu'i 'gro ba la bram zer gyur pa ni yod pa ma yin/ gang gis rigs khyad par du byas pa de bas ni rigs yod pa ma yin/ bye brag yod pa ma yin te rigs bzhi nyid du ma grub bo/ /
255b1 de lta bas na bram ze khyod la bdag 'di skad smra ste/ gang 'jig rten 'di'i bram ze zhes bya ba dang / rgyal rigs zhes bya ba dang / rje'u rigs zhes bya ba dang / dmangs rigs zhes bya ba 'di dag gcig pa yin te thams cad la tha dad pa ni med do/ /
255b2 de bas na bdag gi bu gzhon nu stag rna la bu mo gzugs bzang mo chung ma'i don du byin cig /rin du gang bab cing 'dod pa de sbyin par bya'o/ /de lta bu'i tshig gdol pa'i rgyal po tre shang ku las thos pa dang / bram ze pad ma'i snying pos 'di
255b3 skad ces smras so/ /yang ci khyod kyis nges brjod kyi rig byed kyang bklags/ mchod sbyin gyi rig byed kyang bklags/ snyan dngags kyi rig byed kyang bklags/ srid srungs kyi rig byed kyang bklags/ tshe'i rig byed kyi cho ga yang bklags/
255b4 nang gi zla ba'i dkyil 'khor khyod kyis bklags sam/ gzhan yang yan lag gi rig pa dang / dngos po brtag pa dang / bkra shis pa'i ltas dang / la nye brtag pa yang bslabs shing gzhan yang khyod kyis sgra gcan 'dzin gyi 'gros dang /
255b5 gza'i 'gros dang / pa ba sangs kyi 'gros khyod kyis bklags sam/ gzhan yang khyod kyis 'jig rten rgyang pan pa dang / rnam par bshad pa'i gsung rab dang / byA ka ra Na rnams dang / zla ba phyed pa rnams bklags sam/ de skad
255b6 ces dris pa dang / gdol pa'i rgyal po tre shang kus bram ze pad ma'i snying po la 'di skad ces smras so/ /bram ze de bzhin te/ bdag gis de dag yang dang yang du rgya cher bklags te/ bram ze 'di ltar bdag ni 'dir rig pa'i pha rol
255b7 tu phyin pa thob par gyur pa yin te/ de lta bas na khyod la bram ze'i lhan cig pa'i chos de dag rjes su dpag pa'i sgo nas bshad par bya'o/ /bram ze bskal pa dang po sngon byung ba na 'di lta ste/ bram ze'i rigs shes bya ba dang /
255b8 rgyal rigs shes bya ba dang / rje'u rigs shes bya ba dang / dmangs rigs shes bya ba 'di thams cad gcig ste tha dad pa med do/ /sems can mi 'dra ba rnams dang / de bzhin 'dra ba de dag gi nang nas sems can 'ga' zhig
256a1 gis 'bras kyi zhing gcig tu rmos shing bsrungs nas bdag gir byas so/ /de lta bu de rnams la rgyal rigs rgyal rigs zhes tha snyad du byas so/ /bram ze gzhan yang de dag gi nang nas sems can gzhan zhig gis 'di snyam
256a2 du bsams nas nad kyis yongs su bar du gcod pa dang / lba ba'i bar chad dang / zug rngu'i bar chad gang yin pa bdag gis bar chad rnams spangs nas dgon par phyin la rtswa dang / shing dang / lo ma dang / 'dab ma dang / yal ga
256a3 rnams las rtswa'i spyil bu dang / lo ma'i spyil bu byas nas bsam gtan byed cing gnas te/ dus tshigs su zas don du gnyer bar nang par grong du bsod snyoms su rgyu'o/ /de nas grong khyer na gnas pa'i sems can rnams 'di
256a4 snyam du sems te/ kye ma sems can 'di dag ni mchog tu dka' ba byed pa ste/ bdag tu 'dzin pa yongs su spangs nas grong dang / grong khyer dang / ljongs dang / yul nas 'phags pas de dag la phyi rol du dga' ba phyi rol du
256a5 dga' ba zhes tha snyad du byas so/ /de la yang grong khyer la dga' ba'i sems can bkur stir byed/ bla mar byed/ phu dud du byed/ mchod par byed cing de dag la sbyin par sems so/ /de na sems can de dag nyid sems can
256a6 gzhan khrims la gnas pa'i nor don du gnyer bar grong khyer du babs nas sngags kyi tshig klog du 'jug go/ /de la grong khyer na gnas pa rnams 'di skad du 'di 'ba' zhig ma yin gyi sems can gzhan klog tu 'jug pas
256a7 sems can de la klog tu 'jug pa klog tu 'jug pa zhes 'jig rten gyi tha snyad du byas so/ /rgyu 'di dang rkyen 'dis 'jig rten du bram ze'i rigs byung bar gyur to/ /sems can gzhan dag ni dus la bab na rigs pas las
256a8 kyi mtha' byed pas de dag la rje rigs shes tha snyad du byas so/ /rgyu 'di dang rkyen 'dis 'jig rten du rje'u rigs byung bar gyur to/ /sems can gzhan dag ni smad pa'i las byed pas bdag 'tsho bas na de dag la dmangs
256b1 rigs dmangs rigs zhes tha snyad du byas so/ /rgyu 'di dang rkyen 'dis 'jig rten du dmangs rigs byung bar gyur to/ /bram ze sngon byung ba na skye dgu gzhan zhig bag ma len du shing rta zhon nas dgon pa'i phyogs gzhan zhig tu phyin pa dang /
256b2 phyogs der shing rta chag pas de bas na gdol pa gdol pa zhes tha snyad du byas so/ /zhing rmo ba la zhing pa zhing pa zhes tha snyad du byas so/ /de dag la sems can 'ga' zhig gis tshong byas nas 'tsho bar byed pas tshong pa tshong pa zhes tha
256b3 snyad du byas so/ /chos dang ldan pa'i tshig gis 'khor rnams dga' bar byed pas na 'jig rten gyi tha snyad du ngag 'jam pa la rgyal po rgyal po zhes 'jig rten gyi tha snyad du byas so/ /yang de dag las sems can gzhan dag gis
256b4 rab tu byung nas gzhan las rgyal bas na rab tu byung ba zhes bya ste/ rab tu byung ba rab tu byung ba zhes 'jig rten gyi tha snyad du byas so/ /gzhan yang bram ze gcig tu tha snyad du byas pa de khyod la rab tu bshad par bya'o/ /
256b5 tshangs pa'i 'jig rten du de rig byed klog par byed pas tshangs pa'o/ /lha'i dka' thub mchog tu gyur pas lha'i dbang po kau shi ka'i rig byed klog par byed cing lha'i dbang po gau ta ma'i rig byed glog pa nas mnyes byed gau ta ma
256b6 dkar gnas gau ta ma zhes brjod cing dkar gnas gau ta ma zhes zer ro/ /mkhas pa bzang po las rig byed klog pas na bzang po'i rig byed klog ces bya'o/ /'di lta ste/ rig byed rnam par 'byed cing 'di ltar
256b7 rgyas par rnam par 'grel zhing phyogs dang sdeb sbyor gyi tshogs ston pa'i slob dpon ni nyi shu rtsa gcig go/ /lam gyi mchod sbyin dang srid bsrung gi sde rnams rnam par 'grel pas na bram ze de dag thams cad la 'chad pa zhes
256b8 bya'o/ /gcig tu gyur pa las nyi shu rtsa lngar phye ba ni 'di lta ste/ skem 'dzin dang / rgyas 'dzin dang / snying po zhes bya ste/ de la skem 'dzin ni bcu'o/ /rgyas 'dzin ni brgyad do/ /snying po ni bdun no/ /
257a1 'di dag ni bram ze rnams kyis gcig tu gyur pa las bye brag nyi shu rtsa lnga ru rnam par 'grel to/ /bram ze rjes su dpag pa'i tshad mas sdeb sbyor 'don pa'o/ /phyogs gcig tu gyur pa las rnam pa stong du
257a2 bstan te/ 'di lta ste/ tshul khrims shing shun dang / dgon pa dang / 'jig rten gyi mig dang / gau ta ma dang / bram ze dang mnyam pa dang / chen po dang mnyam pa dang / bzhon pa chen po dang ldan pa dang / bden drag dang / rig byed
257a3 thams cad pa'o/ /de nas tshul khrims shing shun la ni nyi shu'o/ /dgon pa la ni mtshan ma nyi shu'o/ /'jig rten gyi mig la ni nyi shu rtsa bzhi'o/ /gau ta ma la ni brgya'o/ /bram ze dang mnyam pa la ni brgya'o/ /chen po
257a4 dang mnyam pa la ni lnga brgya'o/ /bzhon pa chen po la ni brgya'o/ /bden drag la ni brgya'o/ /rig byed thams cad pa la yang brgya ste/ 'di dag ni bram ze'i sdeb sbyor gyi 'don pa'i cha'i phyogs gcig tu gyur pa'i
257a5 las rnams stong du phye nas bstan pa'o/ /bram ze rnams kyi rjes su dpag pa'i tshad ma 'dis lam mtshon pa ni bram ze thams cad kyi lam mo/ /lam gcig tu gyur pa las nyi shu rtsa gcig tu phye ba ni 'di lta ste/
257a6 ka tha dang / yid sdud dang / gnas sde dang / rgyal ba'i rna dang / rang gi rkang mchog go/ /de las ka tha ni bcu'o/ /yid sdud la ni bcu'o/ /gnas sde la ni bcu gcig go/ /rgyal ba'i rna ba la ni bcu gsum
257a7 mo/ /rang gi rkang mchog la ni bcu drug go/ /drang srong ni bzhi bcu rtsa gcig ste/ 'di ltar bram ze lam gyi cha ni nyi shu rtsa gcig tu gyur pa las nyi shu rtsa gcig tu phye ba yin no/ /bram ze rnams kyi rjes su dpag
257a8 pa'i tshad ma ni srid srung gi sde tshan rnams te/ de dag ni bram ze rnams kyi srid srung gi sde tshan yin no/ /mchod sbyin gcig tu gyur pa las gnyis su dbye'o/ /'byung ba rnam pa bzhi las dbye ba byas pas brgyad do/ /
257b1 brgyad pa las dbye ba byas pas nyi shu rtsa gnyis so/ /bram ze 'di dag ni srid srung gi dbye ba'i mchod sbyin gcig tu bsdus pa la nyi shu rtsa gnyis so/ /bram ze rnams kyi rjes su dpag pa'i tshad ma la tha dad par phye na brgya
257b2 nyi shu rtsa gnyis so/ /yang rig byed bcu drug gi dbye ba sngon gyi bram ze gang yin pa rnams kyis yang dag par bstan to/ /'don pa ni gnas dang / byA ka ra Na dang / 'jig rten rgyang pan pa'i gtsug lag dang / rkang pa dang /
257b3 dpyod pa'i gtsug lag dang / 'di dag rnams las mi shes pa med de khong du chud do/ /de bas na 'di dag thams cad gcig nyid du shes par bya ste/ gcig tu grub pa yin no/ /bram ze de bas ni 'di dag ni 'jig rten gyi
257b4 ming tsam dang / tha snyad tsam du bstan te/ bram ze'i rigs shes bya ba dang / rgyal rigs shes bya ba dang / rje'u rigs shes bya ba dang / dmangs rigs shes bya ba 'di dag thams cad ni gcig pa yin te/ tha dad pa
257b5 med kyis bdag gi bu gzhon nu stag rna la bu mo gzugs bzang mo chung ma'i don du byin cig /rin gang bab cing 'dod pa de bzhin du gzhal bar bya'o/ /gdol pa'i rgyal po tre shang ku las de lta bu'i tshig thos pa dang /
257b6 bram ze pad ma'i snying po cang mi smra bar gyur to/ /zhum zhing phrag pa glod nas mgo smad de lan la spobs pa med pa de ni tha chad kyi gnas yin no/ /de nas gdol pa'i rgyal po tre shang kus bram ze pad ma'i snying po
257b7 zhum par gyur cing phrag pa'i ga sha glod de mgo smad nas lan la spobs pa med par gnas shing cang mi smra bar gyur pa mthong ngo / /mthong nas kyang 'di skad ces smras so/ /bram ze khyod gang gi tshe 'di ltar
257b8 mi 'dra ba med pas bdag dang lhan cig tu 'brel bar gyur par shes par bya'o/ /'on te de ltar ma yin na ni bram ze khyod kyis 'di ltar shes par bya ste/ de la ji snyam du sems/ bram ze gang thos pa dang /
258a1 tshul khrims dang / shes rab dang / yon tan rnams dang ldan pa bram ze yin no/ /mchog gang yin pa de bdag gi bu gzhon nu stag rna la yang yon tan de dag nyid yod pas bram ze nyid du 'gyur ro/ /gang zhig
258a2 snod ldan gyi mchod sbyin byed cing rta bsang gi mchod sbyin dang / mi bsang gi mchod sbyin dang / yang dag par spyod pa'i mchod sbyin dang / gtan pa med pa'i mchod sbyin byed pas de dag thams cad lus dang bral nas bde
258a3 'gro mtho ris kyi 'jig rten du skye zhing 'di byed pa bram ze yin par 'dod pa ni bram ze yang de ltar ni blta bar mi bya ste/ de ci'i phyir zhe na/ bram ze rnams snod ldan gyi mchod sbyin byed cing rta bsang gi mchod sbyin dang / mi bsang
258a4 gi mchod sbyin dang / yang dag par spyod pa'i mchod sbyin dang / gtan pa med pa'i mchod sbyin byed cing sna tshogs pa'i sngags kyis srog gcod pa la 'jug par byed de/ de lta bas na bram ze khyod la bshad par bya ste/
258a5 de ni mtho ris kyi lam ma yin te/ bdag gis bram ze khyod kyi lam bshad par bya yis nyon cig /tshul khrims srung zhing blo gros don du gnyer bas bde ba gsum gyis sems rab tu zhi bar gnas pa ni 'jig rten
258a6 pha rol du bde 'gro dag thob bo/ /bram ze 'di ltar snga ma bzhin du snod ldan gyi mchod sbyin la dga' ba dang / rta bsang gi mchod sbyin dang / mi bsang gi mchod sbyin dang / yang dag par spyod pa'i mchod
258a7 sbyin dang / gtan pa med pa'i mchod sbyin dag sbyin pa la dga' zhing yongs su 'dzin pa de dag ni med pa la mos pa ste/ mtho ris la dga' zhing 'dod pas bram ze 'di ltar phyis kyang snod ldan gyi mchod sbyin byed cing rta
258a8 bsang gi mchod sbyin dang / mi bsang gi mchod sbyin dang / yang dag par spyod pa'i mchod sbyin dang / gtan pa med pa'i mchod sbyin byed pa ni don med cing mchog tu bcom pa chen por 'gyur ro/ /bram ze bdag gis
258b1 smras pa de lta bu yin pa'i phyir 'dir bdag dang khyod lhan cig 'brel bar bya ste/ de ci'i phyir zhe na/ chos kyi gdol pa mi gtsang ba ni ma yin no/ /gzhan yang bram ze/ dad pa tshul khrims dka' thub gtong / /thos
258b2 dang shes rab de bzhin dang / /lta ba mtho ris brtul zhugs gnas/ /rnam pa brgyad po de dag gis/ /mtho ris gnas su 'gro bar 'dod/ /phal cher shes pa'i khyad par gyis/ /sna tshogs du ma'i mchod sbyin 'dir/ /
258b3 rnam par brgyad du nges par bstan/ /ma mnyam sring mo'i 'jig rten te/ /rab tu 'jug ldan 'di lta ste/ /nyi ma'i lha las skyes pa yin/ /mi skyes rnams ni mi las skyes/ /ba skyes ba'i bzhon pa las/ /
258b4 gser mdog ldan las skyes pa dang / /klu rnams las ni skyes pa dang / /ma chen sa las skyes pa ni/ /chen po'i chen po 'od srung ste/ /drang srong bde ba'i yid kyis shes/ /de nas yang bram ze pad ma'i snying po la
258b5 bdag gis bram ze rnams kyi rigs bshad par bya yis de nyon cig /rigs ni 'di lta ste/ gau ta ma dang / bad sa dang / kod sa dang / kau shi ka dang / 'od srung dang / rgyas pa dang / snying po'i rigs te/ 'di dag ni
258b6 bram ze'i rigs rnam pa bdun no/ /rigs de dag re re la yang rnam pa bdun bdun du 'gyur te/ de la gau ta ma ni/ kau thu ma dang / de ga rgya dang / ba ra dwa dza dang / be ra brgyad pa dang / be ka na sa dang / rdo rje rkang pa ste/
258b7 de dag go/ /de la bad sa las ni a dre ya na dang / me tre ya na dang / brga dang / sam la ni dang / mang po skyes dang / sa pa rna dang / a nya tsa ste de dag go/ /de la ko sa las ni maud gal ya na dang / 'go na ya na dang / lang cha la
258b8 ba dang / bdun tshad lag na dang / so na bu ga na de dag go/ /de la kau shi ka lA ni ka na ya na dang / ba ki na dang / lo ka a kha dang / lo ki ha da ste de dag go/ /de la 'od srung las ni pan dwa ra dang / shu kar dang / san ti la dang /
259a1 ro tsa ni ya dang / a na pa khra dang / ag ni be sha ste de dag go/ /de la rgyas pa las ni dza tu karna dang / d+ha na ma dang / 'dza ya ya na dang / pa ra sa ra dang / bya khra na ga dang / kan tA ya na dang / o ba man nya ste de dag go/ de la
259a2 snying po las ni man da ya na dang / 'do mra ya na dang / ka ta ya na dang / sha ka ya na dang / yu gan da ya na dang / kha na ya na dang / ka pi sta la ya na ste de dag go/ /de la bram ze 'di lta bu'i rigs lnga bcur gcig gis ma tshang ba
259a3 yin no/ /yang dag pa'i lta ba dang / sdeb sbyor gyi gdon pa dang / byA ka ra Na dang / rkang pa dang / spyod pa pa'i gtsug lag dang / rigs pa gzhan pa dag rgyas par bdag gis bklags kyi/ gzhan gyis ni ma yin par rig
259a4 par bya'o/ /'di ltar gnyen du bya ba la nges pa med par khyod kyis shes par gyis shig /de lta bas na bram ze'i rigs shes bya ba ni 'jig rten tha mal pas tha snyad du bya ba yin no/ /'di ltar bram ze'i rigs shes bya ba
259a5 dang / rgyal rigs shes bya ba dang / rje'u rigs shes bya ba dang / dmangs rigs shes bya ba yang de ltar shes par bya'o/ /de lta bas na 'di dag thams cad ni gcig pa yin te/ tha dad pa ni med do/ /bdag gi bu gzhon
259a6 nu stag rna la bu mo gzugs bzang mo chung ma'i don du byin cig /gang rin bab pa 'dod pa de bzhin du sbyin par bya'o/ /yang tshig de lta bu gdol pa'i rgyal po tre shang ku las thos pa dang / bram ze pad ma'i snying po zhum
259a7 par gyur cing phrag pa bcum nas mgo smad de lan la spobs pa med pa 'di ni tha chad kyi gnas yin pas cang mi smra bar gyur to/ /de nas gdol pa'i rgyal po tre shang kus bram ze pad ma'i snying po zhum par gyur cing phrag
259a8 pa bcum nas mgo smad de lan la spobs pa med pa ni tha chad kyi gnas yin pas cang mi smra bar gyur pa mthong ngo / /mthong nas kyang 'di skad ces smras so/ /ci 'di 'dra ba'i sa bon btab/ /de 'dra ba'i 'bras bur 'gyur/ /
259b1 skye dgu 'di ni gcig yin te/ /khyad par gyur pa de la med/ /dbang po sna tshogs de dag gis/ /bya ba tha dad mthong bar bstan/ /bram ze dang ni rigs gzhan la/ /bye brag cung zad yod ma yin/ /bdag nyid kun du stod byed kyang / /
259b2 'dir ni rigs pa ma yin te/ /skye gnas gnyis ni phrad pa las/ /khu ba khrag gnyis 'dus pa yin/ /rigs bzhi dag ni rab bstan pa/ /de ltar yin na dud 'gro ltar/ /khyod ni sring mo la 'jug pa/ /sring mo chung mar
259b3 rigs ma yin/ /gang tshe re shig 'jig rten 'di/ /tshangs las skyes par rang gis shes/ /bram ze'i chung ma sring mo nyid/ /rgyal rigs rgyal po'i sring mo nyid/ /de bzhin rje'u rigs rje rigs mo/ /dmangs rigs
259b4 dmangs rigs de rigs min/ /gal te bram zes shes na ni/ /chung mar rigs pa ma yin no/ /sems can bram ze'i rigs min te/ /'di dag nyon mongs las las skyes/ /dman pa dag ni mchog tu snang / /
259b5 sems can sna tshogs rten tha dad/ /khyod ltar 'di dag rigs mchog ste/ /bram ze rgyal rigs de bzhin du/ /rje'u rigs dmangs rigs de dag la/ /tha snyad 'jug pa yod ma yin/ /nges brjod rig byed mchod sbyin dang / /
259b6 snyan dngags rig byed srid srung ste/ /'di ltar bzhad gad nges sbyar dang / /sdeb sbyor ji ltar don med min/ /bdag nyid kyis ni brjod byas pa/ /byams rigs de bzhin gso ba dang / /go rims dang ni rmongs byed dang / /
259b7 'dod pa'i gzugs dang yid mgyogs dang / /dri za 'jigs dang shang ka dang / /sprul dang rin chen sngags dang ni/ /mig 'phrul rnams ni 'jigs pa dang / /grangs la mkhas par gyur pa dang / /bdag la skyes bu'i rigs
259b8 yod de/ /mtsho'i snying po rin chen dang / /rang gi sring mo rnams la dga'/ /lha yi rdzu 'phrul yang dag 'thob/ /gso ba yi ni rig pa rnams/ /gdol pa yis ni ma bslabs shing / /bram ze'i rig byed
260a1 pha rol phyin/ /ser skya la sogs skyes nas ni/ /sngags mchog gi ni pha rol phyin/ /bram ze'i bu ni ma yin no/ /bram ze min yang bsam par gyis/ /rigs ngan las skyes drang srong nag /thub pa byi ba ya na dang / /
260a2 drag shul las skyes gzi brjid ldan/ /'jigs byed mngon shes lnga ldan pa/ /thub pa chen po de dag ni/ /bram ze las skyes ma yin no/ /ci yin bram ze yang brjod kyis/ /tha snyad du ni btags pa ste/ /rdul ldan ma ni
260a3 rgyal rigs las/ /mkhas shing dul dang ldan pa dang / /bstan chos thams cad legs rtogs pa/ /thub pa dga' byed de las skyes/ /bram ze'i bu ni ma yin no/ /bram ze ci yang mi brjod kyis/ /gzi brjid dka' thub
260a4 dang ldan la/ /mkhas shing dul dang ldan pa ste/ /drang srong 'jig rten du grags pa/ /gang yin de ni ma nus bskyed/ /bram ze'i bu ni ma yin no/ /ci yin bram ze yang brjod kyis/ /'di dag 'jig rten tha snyad de/ /bram ze
260a5 rgyal rigs de bzhin te/ /de ltar rje'u rigs dmangs rigs ni/ /tha snyad du ni 'jigs pa yin/ /de la bram ze khyod kyis smras/ /'di dag 'jig rten tha snyad tsam/ /'di lta ste/ bram ze'i rigs shes bya ba dang /
260a6 rgyal rigs shes bya ba dang / rje'u rigs shes bya ba dang / dmangs rigs shes bya ba 'di dag ni thams cad gcig cing de la tha dad pa med do/ /bdag gi bu gzhon nu stag rna la bu mo gzugs bzang mo chung ma'i don du byin cig /
260a7 rin gang bab pa de 'dod pa bzhin du gzhal bar bya'o/ /gdol pa'i rgyal po tre shang ku las 'di lta bu'i tshig thos nas/ bram ze pad ma'i snying pos gdol pa'i rgyal po tre shang ku la 'di skad ces smras so/ /khyod kyi rigs
260a8 ci yin bdag gi a tre ya'o/ /sngar ci zhig /sngar ming ngo / /ci zhig spyod par byed/ byams pa mang du'o/ /rabs du yin/ gsum ste/ 'di lta ste/ bad sa dang / kau sa dang / ba ra dwa dza'o/ /ci zhig la goms/ /tshangs par
260b1 spyod pa dang bcas pa'i sdeb sbyor 'don pa la'o/ /sdeb sbyor gyi gdon pa du zhig /drug po 'di lta ste/ kau ta ma dang / ra ma ya ni dang / lang ga li dang / sau pad tsa la dang / ka pi tsa li ya dang / a ra shi se na zhes bya ba yin no/ /khyod
260b2 kyi ma'i rigs ci yin/ par sha ri yum mo/ /khyod kyis sa bya ti bklags sam/ ji ltar yin/ de la yi ge du zhig /gdon pa ni du zhig /tshig ni du zhig /rkang pa ni du zhig /yi ge ni nyi shu rtsa bzhi'o/ /gdon pa ni gsum
260b3 mo/ /tshig ni gsum mo/ /rkang pa ni yi ge brgyad do/ /khyod kyis sa byin tra thon cig /pad ma'i snying po de bzhin te/ lhan cig skyes pa'i sngags bshad par bya yis nyon cig /khyod kyis shod cig /smras pa/ bram ze
260b4 sngon byung ba 'das pa'i dus na ba su zhes bya ba'i drang srong mngon par shes pa lnga dang ldan pa/ gzi brjid 'bar zhing mthu che ba/ bsam gtan rnams thob pa zhig byung ste/ des shing mkhan gyi bu mo ser skya ma zhes bya ba
260b5 chung ma'i don du blangs so/ /de la kun du chags pa'i sems kyis bu mo de dang lhan cig chags pa spyad pas rdzu 'phrul las nyams shing bsam gtan shor ro/ /de bdag nyid kyi nyes par spyod pas nyams pas rjes su
260b6 'gyod do/ /de'i tshe sngags 'di dag smras so/ /'di lta ste/ oM b+hur b+hu ba swa tad sa pi tur pa re N+ya b+har g+ho d+he bas/ d+hi ma hi ts+ho yo yon pra tso da yA yad/ bram ze sngags 'dis rtog pa med par bcos nas de nyid kyi nyin
260b7 zhag la bram ze sngags bzlas te/ sngon byung ba'i skye dgu'i bdag pos ral pa dang dka' thub byas te/ nags kyi nang na 'dug ste/ dben pa'i gnas su yang de dang bdag dga' bar byed cing dka' thub byas pas lhas zas
260b8 mchog byin nas gnas shing sngags 'di bzlas so/ /ba~M nya ka a ta sA ka n+ya ar ta tha phra khri na/ 'di ni rgyal rigs kyi dag byed kyi sngags yin te/ oM tsin tra ma hid d+he be sha ka pa~M sha sha ta~M sha tra da~M sha da~M/ 'di ni rje'u rigs
261a1 rnams kyi dag byed kyi sngags yin te/ oM a ta pa pra ta pa dze me d+ha ha ma/ 'di ni dmangs rigs rnams kyi dag byed kyi sngags yin te/ oM kA mA hi/ lo ke pra pa ra mam pha dzra na~M/ de sha ma a pra ha na/ tsa b+hu bA na
261a2 ta ra ya/ de lta bas na khyod kyis 'dod pa rab tu spangs nas/ mnyam pa med pa'i tshangs pa'i 'jig rten thob bo/ /bram ze 'di ni tshangs pa mi mjed kyi bdag pos dag byed du smras pa yin te/ sngon gyi yang dag par rdzogs
261a3 pa'i sangs rgyas rnams kyis rjes su yi rang bar mdzad pa yin no/ /kye tre shang ku khyod kyis rgyu skar gyi dbang rnams bklags sam/ kye de bzhin te/ bdag gis rgyu skar gyi dbang tshad rnams khyod la bshad kyis nyon
261a4 cig /'di lta ste/ smin drug dang / snar ma dang / mgo dang / lag dang / nam so dang / rgyal dang / skag dang / mchu dang / gre dang / dbo dang / me bzhi dang / nag pa dang / sa ri dang / sa ga dang / lha mtshams dang /
261a5 snon dang / snrums dang / chu stod dang / chu smad dang / gro bzhin dang / byi zhin dang / mon gru dang / mon gre dang / khrums stod dang / khrums smad dang / nam gru dang / tha skar dang / bra nye rnams te/ kye bram ze pad ma'i snying
261a6 po de dag ni rgyu skar nyi shu rtsa brgyad do/ /de la rgyu skar ni du/ dbyibs ni ji snyed yod/ yud tsam dang ldan pa ni ji snyed/ zas ni ci/ rus ni ci/ lha rnams ni gang / kye bram ze pad ma'i snying po can smin drug ni skar ma drug
261a7 ste/ dbyibs ni spu gri lta bu ste/ yud tsam sum bcu'i cha dang ldan pa'o/ /zas ni zho'o/ /lha ni me'o/ /rus ni rje'u rigs so/ /rgyu skar snar ma ni skar ma lnga ste/ dbyibs ni shing rta'i 'phang lo gnyis pa
261a8 lta bu'o/ /yud tsam ni bzhi bcu rtsa lnga'i cha dang ldan pa'o/ /zas ni ri dgas kyi sha'o/ /lha ni skye dgu'i bdag po'o/ /rus ni pa ra dwa dza'o/ /rgyu skar mgo ni skar ma gsum ste/ dbyibs ni ri dgas kyi mgo lta
261b1 bu'o/ /yud tsam bcwa lnga'i cha dang ldan pa'o/ /zas ni 'bras bu dang rtsa ba'o/ /lha ni zla ba'o/ /rus ni mig ya na'o/ /rgyu skar lag ni skar ma gcig ste/ dbyibs ni thig le lta bu'o/ /yud tsam sum bcu rtsa lnga'i cha dang ldan
261b2 pa'o/ /zas ni mar gyi snying khu'o/ /lha ni nyi ma'o/ /rus ni rgyas pa'o/ /rgyu skar nam so ni skar ma gnyis te/ dbyibs ni rkang pa lta bu'o/ /yud tsam bcwa lnga'i cha dang ldan pa'o/ /kha zas ni sbrang rtsi'o/ /lha ni phur bu'o/ /
261b3 rus ni dbang byed do/ /rgyu skar rgyal ni skar ma gsum ste/ dbyibs ni ril ba lta bu'o/ /yud tsam sum bcu'i cha dang ldan pa'o/ /kha zas ni sbrang rtsi dang yos so/ /lha ni phur bu'o/ /rus ni yid nye'o/ /rgyu skar skag ni skar ma gcig ste/
261b4 dbyibs ni thig le lta bu'o/ /yud tsam bcwa lnga'i cha dang ldan pa'o/ /kha zas ni 'o ma dang 'bras chen no/ /lha ni rlung lha'o/ /rus ni sbrul lo/ /bram ze pad ma'i snying po rgyu skar 'di bdun ni shar sgor gtogs pa'o/ /rgyu skar mchu ni skar ma lnga
261b5 ste/ dbyibs ni chu bo mgur lta bu'o/ /yud tsam sum bcu'i cha dang ldan pa'o/ /zas ni til gyi ril lu dang 'o ma'o/ /lha ni spen pa'o/ /rus ni ser skya'o/ /rgyu skar gre ni skar ma gnyis te/ dbyibs ni rkang pa lta bu'o/ /yud tsam sum
261b6 bcu'i cha dang ldan pa'o/ /kha zas ni bil ba'o/ /lha ni skal ldan no/ /rus ni gau ta ma'o/ /rgyu skar dbo ni skar ma gnyis te/ dbyibs ni khri lta bu'o/ /yud tsam bzhi bcu rtsa lnga'i cha dang ldan pa'o/ /kha zas ni rdo sbal gyi sha'o/ /lha ni 'phags
261b7 pa'o/ /rus ni kau shi ka'o/ /rgyu skar me bzhi ni skar ma lnga ste/ dbyibs ni lag pa lta bu'o/ /yud tsam sum bcu'i cha dang ldan pa'o/ /zas ni bya sna tshogs dang sred da'o/ /lha ni nyi ma'o/ /rus ni sred da ldan no/ /rgyu skar nag pa ni skar ma
261b8 gcig ste/ dbyibs ni pad ma'i snying po lta bu'o/ /yud tsam sum bcu'i cha dang ldan pa'o/ /kha zas ni shing tog sna tshogs za'o/ /lha ni nyi ma'o/ /rus ni nag pa ya na'o/ /rgyu skar sa ri ni skar ma gcig ste/ dbyibs ni thig
262a1 le lta bu'o/ /yud tsam bcwa lnga'i cha dang ldan pa'o/ /kha zas ni sran sde'u dang / 'bras dang / mar ro/ /lha ni rlung lha'o/ /rus ni yid can gyi rgyud do/ /rgyu skar sa ga ni skar ma bzhi ste/ dbyibs ni rwa'i rten mgo lta bu'o/ /yud
262a2 tsam ni bzhi bcu rtsa lnga'i cha dang ldan pa'o/ /kha zas ni me tog go/ /lha ni dbang po dang me lha'o/ /rus ni bsdus pa ya na'o/ /kye pad ma'i snying po rgyu skar bdun po 'di dag ni lho phyogs kyi sgor gtogs pa'o/ /rgyu skar lha mtshams ni skar
262a3 ma bzhi ste/ dbyibs ni glang po che'i mgo dang sna lta bu'o/ /yud tsam sum bcu'i cha dang ldan pa'o/ /zas ni sha dang chang ngo / /lha ni phur bu'o/ /rus ni dmigs pa ya na'o/ /rgyu skar snron ni skar ma gsum ste/ dbyibs ni them
262a4 skas lta bu'o/ /yud tsam bcwa lnga'i cha dang ldan pa'o/ /kha zas ni 'bras dang nas dang gro'o/ /lha ni dbang po'o/ /rus ni ring po'i rgyud do/ /rgyu skar snrums ni skar ma dgu ste/ dbyibs ni sdig pa lta bu'o/ /yud tsam
262a5 sum bcu'i cha dang ldan pa'o/ /zas ni rtsa ba dang 'bras bu'o/ /lha ni dmangs rigs sdom pa can no/ /rus ni ka ta ya na'i rgyud do/ /rgyu skar chu stod ni skar ma bzhi ste/ dbyibs ni ba lang gi mjug ma bsgreng ba lta bu'o/ /
262a6 yud tsam sum bcu'i cha dang ldan pa'o/ /kha zas ni n+ya gro d+ha'i thang chu'o/ /lha ni chu lha'o/ /rus ni dur ba'i rgyud do/ /rgyu skar chu smad ni skar ma bzhi ste/ dbyibs ni glang po che mchong ba lta bu'o/ /yud tsam bzhi bcu
262a7 rtsa lnga'i cha dang ldan pa'o/ /kha zas ni sbrang rtsi dang yos so/ /lha ni rgyas pa'o/ /rus ni maud gal ya na'o/ /rgyu skar byi bzhin ni skar ma gsum ste/ dbyibs ni ba lang gi mgo lta bu'o/ /yud tsam drug gi cha dang
262a8 ldan pa'o/ /kha zas ni rlung ngo / /lha ni tshangs pa'o/ /rus ni tshangs pa dang ldan pa'o/ /rgyu skar gro bzhin ni skar ma gsum ste/ dbyibs ni rnga lta bu'o/ /yud tsam sum bcu'i cha dang ldan pa'o/ /kha zas ni
262b1 bya sha'o/ /lha ni khyab 'jug go/ /rus ni ka ta ya na gsum pa'o/ /kye bram ze pad ma'i snying po rgyu skar bdun po de dag ni nub kyi sgor gtogs pa'o/ /rgyu skar mon gre ni skar ma bzhi ste/ dbyibs ni bya lta bu'o/ /yud tsam
262b2 sum bcu'i cha dang ldan pa'o/ /kha zas ni rgya sran dang sran chung ngo / /lha ni nor lha'o/ /rus ni kau Di n+ya'o/ /rgyu skar mon gru ni skar ma gcig ste/ dbyibs ni thig le lta bu'o/ /yud tsam bcwa lnga'i cha dang ldan pa'o/ /kha zas
262b3 ni nas dang gro'o/ /lha ni chu lha'o/ /rus ni dan da ya na'o/ /rgyu skar khrums stod ni skar ma gnyis te/ dbyibs ni rta ba 'dra ba'o/ /yud tsam sum bcu'i cha dang ldan pa'o/ /kha zas ni lug gi sha dang khrag go/ /lha ni klu dang gza'
262b4 lag go/ /rus ni bram ze rna can no/ /rgyu skar khrums smad ni skar ma gnyis te/ dbyibs ni rkang pa lta bu'o/ /yud tsam bzhi bcu rtsa lnga'i cha'o/ /kha zas ni bal sran no/ /lha ni 'phags pa'o/ /rus ni nor rgyas kyi rgyud do/ /
262b5 rgyu skar nam gru ni skar ma gcig ste/ dbyibs ni thig le lta bu'o/ /yud tsam sum bcu'i cha'o/ /kha zas ni zho'o/ /lha ni rgyal po'o/ /rus ni sring mo brgyad kyi rgyud do/ /rgyu skar tha skar ni skar ma gnyis te/ /
262b6 dbyibs ni rta 'gro ba lta bu'o/ /yud tsam sum bcu'i cha dang ldan pa'o/ /kha zas ni sbrang rtsi'i thug pa'o/ /lha ni dri za'o/ /rus ni rna 'jig nas kyi rgyud do/ /rgyu skar bra nye ni skar ma gsum ste/ dbyibs ni mo mtshan lta bu'o/ /
262b7 yud tsam sum bcu'i cha dang ldan pa'o/ /zas ni til dang 'bras so/ /lha ni gshin rje'o/ /rus ni brga'i rgyud do/ /kye pad ma'i snying po rgyu skar bdun po de rnams ni byang gi sgor gtogs pa'o/ /kye pad ma'i snying po rgyu skar
262b8 nyi shu rtsa brgyad po de dag las rgyu skar drug ni yud tsam bzhi bcu rtsa lnga'i cha dang ldan te/ 'di lta ste/ snar ma dang / nam so dang / gre dang / sa ga dang / chu smad dang / khrums smad ces bya ba 'di dag go/ /rgyu skar lnga ni yud tsam
263a1 bcwa lnga'i cha dang ldan te/ 'di lta ste/ lag dang / skag dang / sa ri dang / snron dang / sa ga zhes bya ba de dag go/ /drag po'i yud tsam gyi cho ga dang ldan pa gang zhe na/ snga ma las gzhan pa ste/ yud tsam sum bcu'i cha dang ldan
263a2 pa'o/ /kye pad ma'i snying po byi bzhin dang bdun po 'di dag ni shar gyi sgo ba ste/ smin drug ni dang po'o/ /skag ni tha ma'o/ /bdun po 'di dag ni lho sgo'i sgo ba ste/ mchu ni dang po'o/ /sa ga ni tha ma'o/ /rgyu skar bdun po 'di dag ni
263a3 nub kyi sgo ba ste/ lha mtshams ni dang po'o/ /byi bzhin ni tha ma'o/ /rgyu skar bdun po 'di dag ni byang phyogs kyi sgo ba ste/ mon gre ni dang po'o/ /bra nye ni tha ma'o/ /kye pad ma'i snying po rgyu skar nyi shu rtsa brgyad po de dag las bdun ni/
263a4 stobs dang ldan pa ste/ bdun gang zhe na 'di lta ste/ shar phyogs kyi bzhi dang / sa ga dang / lha mtshams dang / sa ri'o/ /gsum ni drag po ste/ lag dang / skag dang / bra nye zhes bya'o/ /bzhi ni mchod par bya ba ste/ /byang phyogs
263a5 kyi gsum dang snar ma'o/ /lnga ni 'jam pa ste/ gro bzhin dang / nam gru dang / mon gre dang / snron dang / snrums zhes bya'o/ /lnga ni 'dzin pa'i rigs te/ me bzhi dang / nag pa dang / skag dang / mchu dang / byi bzhin no/ /bzhi ni myur
263a6 bar byed pa ste/ smin drug dang / mgo dang / rgyal dang / tha skar ro/ /kye pad ma'i snying po rgyu skar nyi shu rtsa brgyad po de dag ni rim gyis 'jug pa gsum dang ldan ste/ khyu mchog gi 'jug pa dang / be'u yi 'jug pa dang / zung lhan
263a7 cig tu 'jug pa'o/ /de la rgyu skar sngon du 'gro zhing zla ba phyi nas 'gro ba ni khyu mchog gi 'jug pa zhes bya'o/ /gang gi tshe zla ba sngon du 'gro zhing rgyu skar phyir 'byung ba la ni be'u 'jug pa zhes bya'o/ /yang gang gi tshe
263a8 zla ba dang / rgyu skar gnyis lhan cig tu 'jug pa de lta bu ni 'dir zung du 'jug pa zhes bya'o/ /gzhan yang pad ma'i snying po gza' rnams bshad par bya yis nyon cig /'di lta ste/ pa ba sangs dang / gza'
263b1 lhag pa dang / spen pa dang / phur bu dang / mig dmar dang / sgra gcan dang / mjug rings dang / nyi ma dang / zla ba zhes bya ba yin no/ /'di dag dang / rgyu skar 'jig rten du 'dzom pa bshad cing ji ltar nyin mtshan ring ba yang bshad par bya ste/ de la dgun
263b2 gyi zla ba gnyis pa'i tshes brgyad la/ rgyu skar snar ma nyin par la yud tsam bcu gnyis su 'gyur ro/ /mtshan mo la ni yud tsam bcwa brgyad do/ /sos ka'i zla ba tha ma'i tshes brgyad la rgyu skar ni snar ma'o/ /nyin mo la ni yud tsam bcwa brgyad
263b3 du 'gyur ro/ /mtshan mo la ni yud tsam bcu gnyis so/ /dbyar gyi zla ba tha ma'i tshes brgyad la rgyu skar ni snar ma'o/ /nyin mo la yud tsam bcu bzhi'o/ /mtshan mo la ni yud tsam bcu drug go/ /kye tre shang ku nyin par rnams nyin par dang /
263b4 phyi de nyin par rjes su 'gro ba yin nam/ ci yar ngo dang mar ngo rjes su 'gro ba yin nam/ ci lo rnams dgun zla tha chungs kyis 'phel ba yin nam/ ci dus rnams dbyar zla bas 'phel ba yin nam/ kye tre shang ku skad cig ma rnams kyi tshad grub pa ji lta bu/
263b5 yud tsam rnams kyi ni ji lta bu yin/ kye pad ma'i snying po bud med ras bal 'khal ba 'da' ba shin du ring ba dang thung bar 'dren pa ma yin pa de lta bu ni de nyid de'i skad cig ma de'i tshad do/ /de'i skad cig ma nyi shu rtsa drug la ni skad cig gcig skad cig drug la
263b6 ni thang cig gcig go/ thang cig gsum la ni yud tsam cig go/ /de lta bu'i rim pas rjes su 'brel pa'i yud tsam sum bcu la ni zhag tu shes par bya'o/ /yud tsam de dag la 'di lta bu'i ming du 'gyur te/ nyi ma shar ba na skyes bu drug bcu
263b7 rtsa dgu'i grib ma 'jam pa ni mthon po bzhi pa zhes bya ba'i yud tsam du 'gyur ro/ /skyes bu drug bcus gzhal ba'i grib ma ni dkar po zhes bya ba'i yud tsam du 'gyur ro/ /skyes bu bcu gnyis kyis gzhal ba'i grib ma'i yun yang dag
263b8 par 'phel ba zhes bya ba'i yud tsam du 'gyur ro/ /skyes bu drug gis gcal ba'i grib ma'i yun la ston zhes bya ba'i yud tsam du 'gyur ro/ /skyes bu lnga yis gcal ba'i grib ma'i yun la mngon par 'phel ba zhes bya ba'i yud tsam du
264a1 'gyur ro/ /skyes bu bzhi yis gcal ba'i grib ma'i yun la gang gsum bya ba'i yud tsam du 'gyur ro/ /skyes bu gsum gyis gcal ba'i grib ma'i yun la bzhin legs shes bya ba'i yud tsam du 'gyur ro/ /nyi ma gung na gnas pa ni
264a2 gang gi rdo rje zhes bya ba'i yud tsam du 'gyur ro/ /de'i rjes la ni srin po zhes bya ba'i yud tsam du 'gyur ro/ /dbus nas cung zhig yol ba skyes bu gcig gis gcal ba'i grib ma'i yun ni ro hi ta zhes bya ba'i yud tsam du 'gyur ro/ /skyes bu
264a3 bzhi yis gcal ba'i grib ma'i yun ni stobs zhes bya ba'i yud tsam du 'gyur ro/ /skyes bu lngas gcal ba'i grib ma'i yun ni rnam par rgyal ba zhes bya ba'i yud tsam du 'gyur ro/ /skyes bu drug gis gzhal ba'i grib ma'i yun
264a4 ni ro thams cad pa zhes bya ba'i yud tsam du 'gyur ro/ /skyes bu bcu gnyis kyi gcal ba'i grib ma'i yun ni nor zhes bya ba'i yud tsam du 'gyur ro/ /skyes bu brgyad kyis gzhal ba'i grib ma'i yun ni blta na sdug ces bya ba'i yud tsam
264a5 du 'gyur ro/ /skyes bu drug bcu rtsa dgus gcal ba'i grib ma'i yun ni gzhan 'jigs shes bya ba'i yud tsam du 'gyur ro/ /de dag ni nyi ma nub par rtsom pa zhes bya ba'i yud tsam du 'gyur te/ de dag ni nyin mo rnams kyi yud tsam
264a6 yin no/ /kye pad ma'i snying po mtshan mo rnams kyi yud tsam bshad par bya ste/ 'di lta ste/ nyi ma nub pa ni drag po zhes bya ba'i yud tsam du 'gyur ro/ /de'i rjes la ni skar ma rgyu ba zhes bya ba'i yud tsam du 'gyur ro/ /de nas yang
264a7 dag zung zhes bya ba'i yud tsam mo/ /de nas da ltar zhes bya ba'i yud tsam mo/ /de nas mtha' med ces bya ba'i yud tsam mo/ /de nas bong bu zhes bya ba'i yud tsam du 'gyur ro/ /de nas sring mo zhes bya ba'i yud tsam mo/ /
264a8 nam gyi gung la gnas pa na ni cha shas zhes bya ba'i yud tsam mo/ /nam gyi gung 'das pa na bram ze zhes bya ba'i yud tsam mo/ /de nas nyis skyed ces bya ba'i yud tsam mo/ /de nas marga zhes bya ba'i yud tsam mo/ /de nas mun 'jigs
264b1 zhes bya ba'i yud tsam mo/ /de nas me zhes bya ba'i yud tsam mo/ /de nas nyi mas gdungs pa zhes bya ba'i yud tsam mo/ /de nas byi bzhin zhes bya ba'i yud tsam mo/ /pad ma'i snying po yud tsam sum bcu po de dag ni nyin zhag yin par
264b2 shes par bya'o/ /de yi skad cig thang cig yud tsam ni/ yud tsam sum bcu'i cha mchog thang cig go/ /thang cig cha mchog drug cha thang cig go/ /skad cig nyi shu brgya cha de skad cig /ji ltar bud med ring thung gis/ /ras bal 'da'
264b3 ba 'dren spangs pa/ /'dir de skad cig ring po ste/ /de yi skad cig brgya nyi shu/ /skad cig gcig de drug thang cig /thang cig sum bcu yud tsam cig /de lta bu yi sbyor ba yis/ /yud tsam sum bcu nyin zhag gcig /nyin zhag sum
264b4 bcu zla gcig ste/ /zla ba bcu gnyis lo gcig go/ /bzhi mthon dkar dang 'jam bcas dang / /nyi skyes bzhin legs spong byed dang / /ro hi stobs ldan rnam rgyal dang / /thams cad ro pa nor dang ni/ /man da ra dang gzhan 'jigs dang / /
264b5 drag po dang ni skar ma spyod/ /yang dag gzung dang da ltar dang / /mtha' yas dang ni bong bu dang / /srin po cha shas bram ze dang / /arga dang ni sgrub pa dang / /me dang me yis gdungs pa dang / /byi bzhin zhes ni bya ba rnams/ /yud tsam
264b6 rnams kyi ming yin no/ /yang bram ze dus rnams kyi 'byung ba bshad par bya yis nyon cig /dus rnams ji ltar 'gyur ba yang brjod par bya'o/ /mig 'byed 'dzums gnyis la thang cig gcig go/ /thang cig bzhi la mchog dka'
264b7 gcig go/ /mchog dka' gcig la ni dus tshod gcig go/ /dus tshod gsum la chu tshod gcig go/ /de la chu tshod gnyis la ni yud tsam cig go/ /yud tsam cig gi tshad ci tsam zhe na/ chu srang brgya bum par blugs nas
264b8 'dzags pa'i chu tshod kyi bum pa'i tshad ci tsam zhe na/ 'ol ma se gcig gis gser sor bzhir bsnyad de/ phyogs bzhi nas mnyam par zlums pa'i tshad kyi bum pa'i zhabs su brtol nas/ chu zad pa de ni chu tshod gcig gi
265a1 tshad do/ /chu tshod gnyis ni yud tsam gcig go/ /bram ze de lta bu'i yud tsam sum bcu la ni nyin zhag gcig tu 'dod do/ /mig 'byed 'dzums bcu drug ni mchog dka'o/ /mchog dka' bcu drug la ni dus tshod gcig
265a2 go/ /dus tshod drug bcu rtsa bzhi la ni yud tsam cig go/ /yud tsam sum bcu la ni nyin zhag gcig go/ /nyin zhag sum bcu la zla ba gcig go/ /zla ba bcu gnyis la ni lo gcig go/ /'dir mig phye ba dang btsums pa
265a3 bye ba phrag bcu drug pa 'bum phrag lnga bcu rtsa brgyad dang / stong phrag brgyad bcu la ni lo ste/ yang de lta bu de ni re shig bram ze dus 'byung ba bshad pa yin no/ /bram ze rgyang grags dang dpag tshad bskyed pa nyon cig /
265a4 rdul phra rab bdun la ni rdul phran gcig go/ /rdul phran bdun la ni mthong ba thams cad las phra ba'i nyi zer gyi rdul gcig go/ /nyi zer gyi rdul bdun la ni ri bong gi rdul gcig go/ /ri bong gi rdul bdun la ni lug rdul
265a5 gcig go/ /lug rdul bdun la ni glang rdul gcig go/ /glang rdul bdun la ni sro ma gcig go/ /sro ma bdun la ni shig gcig go/ /shig bdun la ni nas gcig go/ /nas bdun la ni sor gcig go/ /
265a6 sor bcu gnyis la ni mtho gang ngo / /mtho do la ni khru gang ngo / /khru bzhi la ni gzhu gang ngo / /gzhu stong la ni rgyang grags gcig go/ /rgyang grags bzhi la ni ma ga d+ha'i dpag tshad gcig go/ /dpag tshad gcig
265a7 la rdul phra rab bye ba phrag 'bum phrag nyi shu rtsa bzhi dang / bye ba brgya stong phrag sum bcu rtsa dgu yod de/ yang de lta bu ni dpag tshad do/ /bram ze gser bskyed pa'i tshad bshad par bya yis nyon cig /nas
265a8 bcu gnyis la ni ma sha ka gcig go/ /ma sha ka bcu drug la ni zho gcig ste/ gser gyi tshad do/ /bram ze nyon cig /zho gcig la rdul phra rab bye ba phrag gnyis dang / stong phrag nyi shu rtsa lnga dang /
265b1 brgya phrag lnga dang nyag brgyad yod do/ /bram ze yang de lta bu de ni gser bskyed pa'i tshad yin no/ /bram ze srang gi tshad nyon cig /ma sha ka drug bcu rtsa bzhi la ni ma ga d+hA'i srang gi srang gcig go/ /de ni srang gi tshad mdor bsdus pa yin no/ /
265b2 srang gcig la rdul phra rab bye ba phrag brgyad dang brgya stong phrag bzhi bcu rtsa bzhi dang / bdun stong nyis brgya dang nyag brgyad bcu yod de/ bram ze yang de lta bu de ni srang gi tshad yin no/ /bram ze khu ba gzhal ba rnams kyi tshad nyon cig /
265b3 ma ga d+hA'i srang nyi shu rtsa bzhi bre gang ste/ khu ba rnams gcal ba'i tshad do/ /ma ga d+hA pa rnams kyi srang dang / bre mdor bstan pa yin te/ bre gang la rdul phra rab bye ba phrag nyis brgya rtsa gsum dang / brgya stong phrag sum bcu rtsa
265b4 dgu dang / stong phrag bdun bcu rtsa bzhi dang / bdun brgya dang nyag nyi shu yod do/ /bram ze yang de lta bu de ni khu ba rnams gcal ba yin no/ /bram ze 'bru rnams gcal ba'i tshad nyon cig /srang nyi shu rtsa dgu dang zho gnyis ni ma ga d+hA'i
265b5 bre gang ste/ 'bru gcal ba'i tshad do/ /ma sha ka drug bcu ni yang bre'i tshad do/ /mdor bstan pa yin no/ /bre gang la rdul phra rab bye ba phrag brgya lnga bcu dang / brgya stong phrag brgyad bcu rtsa gnyis dang / stong phrag drug bcu
265b6 rtsa gcig dang lnga brgya yod do/ /yang bram ze de lta bu de ni 'bru gcal ba'i tshad yin no/ /yang kye tre shang ku rgyu skar rnams kyi lung bstan klags na smros shig /kye gzhan yang bdag gi rgyu skar rnams kyi lung bstan
265b7 pa'i le'u zhes bya ba bshad kyis nyon cig /kye bram ze smin drug la skyes pa ni grags pa dang ldan par 'gyur ro/ /snar ma la skyes pa ni legs shing skal ba dang ldan par 'gyur ro/ /mgo las skyes pa ni thab mo
265b8 don du gnyer bar 'gyur ro/ /lag la skyes pa ni khro ba blun zhing longs spyod dang ldan par 'gyur ro/ /nam so las skyes pa ni zhing rmo zhing ba lang skyong bar 'gyur ro/ /rgyal las skyes pa ni tshul khrims dang ldan par 'gyur ro/ /
266a1 skag las skyes pa ni 'dod chags che bar 'gyur ro/ /mchu las skyes pa ni mthu che bar 'gyur ro/ /gre las skyes pa ni tshe thung bar 'gyur ro/ /dbo las skyes pa ni bsnyen gnas la gnas shing tshul khrims dang ldan par pha
266a2 rol tu mtho ris su 'gyur ro/ /me bzhi las skyes pa ni lag pa nas rku bar 'gyur ro/ /nag pa las skyes pa ni glu dang gar la mkhas shing cho ga dang / rig pa dang ldan par 'gyur ro/ /sa ri la skyes pa ni rtsis la mkhas shing
266a3 tshogs chen po'i gtso bor 'gyur ro/ /sa ga las skyes pa ni rgyal po'i mngag gzhug par 'gyur ro/ /lha mtshams la skyes pa ni zong dang bcas pa'i tshong par 'gyur ro/ /snron las skyes pa ni longs spyod chung bar 'gyur ro/ /
266a4 snrums las skyes pa ni grags pa bsten cing bu dang ldan par 'gyur ro/ /chu stod las skyes pa ni rnal 'byor par 'gyur ro/ /chu smad la skyes pa ni rigs btsun zhing dbang phyug dang ldan par 'gyur ro/ /byi bzhin la skyes pa ni
266a5 grags pa dang ldan pa'i skyes bur 'gyur ro/ /gro bzhin la skyes pa ni rgyal pos mchod par 'gyur ro/ /mon gre las skyes pa ni rig pa chung bar 'gyur ro/ /mon gru la skyes pa ni phreng rgyud mkhan du 'gyur ro/ /khrums stod
266a6 la skyes pa ni chom rkun pa'i sde dpon du 'gyur ro/ /khrums smad la skyes pa ni dri zhim par 'gyur ro/ /nam gru la skyes pa ni gru par 'gyur ro/ /tha skar la skyes pa ni rta 'tshong bar 'gyur ro/ /bra nye la skyes pa ni
266a7 shan par 'gyur ro/ /kye pad ma'i snying po de ni rgyu skar lung bstan pa'i le'u yin no/ /kye tre shang ku rgyu skar nges par bstan pa'i le'u klags na shod cig /pad ma'i snying po gzhan yang rgyu skar nges par bstan
266a8 pa zhes bya ba'i le'u bstan par bya yis de nyon cig /smin drug la nges par brtsams pa'i grong khyer de ni dpal 'bar zhing rin po che'i 'od kyis gsal ba nyid du nges par bstan to/ /snar ma la nges par brtsams
266b1 pa'i grong khyer ni rnam par ston cing chos dang ldan pa'i skye bos gang bar 'gyur zhing nor mang po sogs la rang bzhin gyi rig pa dang ldan pa la rang gi chung mas chog shes par 'gyur ro/ /mgo la nges par brtsams pa'i grong khyer ni dpal dang
266b2 ldan zhing ba lang dang / nor dang / phreng ba dang / longs spyod dang ldan la khyu mchog gis gang bar 'gyur ro/ /lag la nges par brtsams pa'i grong khyer ni bza' ba dang / bca' ba mang po dang ldan par 'gyur zhing rmongs pa'i rang bzhin gyis gang
266b3 bar 'gyur ro/ /nam so la nges par brtsams pa'i grong khyer ni dpal 'bar zhing nor dang 'bru mang po dang ldan par 'gyur zhing phyis ni 'jig par 'gyur ro/ /rgyal la nges par brtsams pa'i grong khyer ni yang dpal dang ldan zhing skye bo mi bzad pa
266b4 yang sems zhi bar 'gyur la/ skye bo dam pa mang zhing chos dang ldan la der tshe ring ba dang / mi gzi brjid dang ldan la der phyis ni 'bru'i bcud thams cad nub par 'gyur ro/ /skag la nges par brtsams pa'i grong khyer ni bsod nams chung
266b5 zhing thab mo la dga' la skal ba dman zhing tshul khrims dang / sdug bsngal dang bcas pa dang / shin du skal ba dman zhing skye bo ma dul bas gang bar 'gyur ro/ /mchu la nges par brtsams pa gang yin pa de ni rig pa dang / nor che ba dang
266b6 rang gi chung mas chog shes pa skyes bu mchog tu rnam par rgyal bar gnas par 'dod do/ /gre la nges par brtsams pa'i grong khyer ni bud med dang / phreng ba dang / zas dang / gos bzang po dang / ba lang dang / nor dang ldan par
266b7 'gyur ro/ /dbo la nges par brtsams pa'i grong khyer ni nor dang / 'bru dang ldan zhing skyes bu dang / bud med rmongs pas gang bar 'gyur ro/ /me bzhi la nges par brtsams pa'i grong khyer ni rig pa dang ldan zhing nor mang la phan tshun
266b8 gcugs shing mal stan dang ldan par 'gyur ro/ /nag pa la nges par brtsams pa'i grong khyer ni bud med dang / skyes bu thams cad dpal dang ldan zhing phyis grong khyer mes tshig par 'gyur ro/ /sa ri la nges par brtsams pa'i
267a1 grong khyer ni nor mang po tshogs shing brkam chags dang / zhe sdang dang ldan zhing rmongs pa mang bar 'gyur ro/ /sa ga la nges par brtsams pa'i grong khyer ni dpal gyis 'bar zhing mchod sbyin pa dang / bstan bcos la
267a2 mkhas pa sdug par 'gyur zhing phyis der 'bru dang / bcud mes bsregs nas 'jig par 'gyur ro/ /lha mtshams la nges par brtsams pa'i grong khyer ni chos dang / tshul khrims kyis dbang po las rgyal zhing rang gi chung
267a3 mas chog shes la skyes bu rnams la bzlas pa dang / sbyin sreg gis pha rol don du gnyer bar 'gyur ro/ /snron la nges par brtsams pa'i grong khyer ni rin po che dang / 'bru rnams dang ldan zhing rtag tu rig byed dang ldan
267a4 pas gang bar 'gyur ro/ /snrums la nges par brtsams pa'i grong khyer ni nor dang 'bru sogs shing tshul khrims 'chal pa'i skye bos gang zhing phyis ni sas 'jig par 'gyur ro/ /chu stod las nges par brtsams pa'i
267a5 grong khyer ni nor gyi skal ba dang ldan zhing brkam chags dang / zhe sdang che la rmongs shing ma dul ba'i skye bos gang bar 'gyur ro/ /chu smad la nges par brtsams pa'i grong khyer ni nor dang / 'bru mang zhing rang bzhin
267a6 gyis rig pa phun sum tshogs pa dang ldan la skye bo rtsod pa la dga' bar 'gyur ro/ /gro zhin la nges par brtsams pa'i grong khyer ni nor dang 'bru sten cing nad med la skye bo 'brel ba'i bstan bcos la mkhas shing
267a7 goms par 'gyur ro/ /mon gre la nges par brtsams pa'i grong khyer ni bud med las rgyal zhing gos dang / phreng ba dang / 'dod pa'i longs spyod mang po med par 'gyur ro/ /mon gru la nges par
267a8 brtsams pa'i grong khyer ni rig pa dang mi ldan zhing g.yo la dga' zhing bud med dang / btung ba dang ldan zhing phyis ni chu yis 'jig par 'gyur ro/ /khrums stod la nges par brtsams pa'i grong khyer ni de dag bde ba
267b1 la dga' zhing pha rol la gnod pa sbyor ba la rmongs pas bde ba spong bar 'gyur ro/ /khrums smad la nges par brtsams pa'i grong khyer ni rin po che dang / 'bru dang zas skom gyis phyug cing rtag tu khyad par 'phel bar 'gyur ro/ /
267b2 nam gru la nges par brtsams pa'i grong khyer ni skye bo rnams blta na sdug cing bong bu dang / rnga mo dang / ba lang dang / nor dang / 'bru mang po dang ldan par 'gyur ro/ /tha skar la nges par brtsams pa'i grong khyer ni shis pa la
267b3 sogs pa rten cing skye bo nad med cing blta na sdug pas gang bar 'gyur ro/ /bra nye la nges par brtsams pa'i grong khyer ni rtsod pa la dga' zhing skal ba chung la tshul khrims nyams shing sdug bsngal 'byung ba'i skye bo ma dul ba
267b4 gnas par 'gyur ro/ /grong dang / rgyal po'i pho brang dang / de bzhin grong rnams rgyu skar gang la brtsams pa yang mkhas pas de bzhin du rab tu brtag par bya'o/ /bzang po la dga' zhing 'jug pa de ni bdag gis skye ba snga ma
267b5 la shes par byas pa yin no/ /kye pad ma'i snying po de dag ni rgyu skar nges par bstan pa'i le'u yin no/ /kye pad ma'i snying po gzhan yang rgyu skar nyi shu rtsa brgyad po de dag gi gnas nges par bshad par bya ste/ kye pad ma'i
267b6 snying po rgyu skar smin drug gi gnas ni nad ga da dang / yul ka ling ka'o/ /snar ma ni skye dgu thams cad la gnas so/ /mgo ni lus 'phags dang / rgyal po'i zhabs 'bring ba la gnas so/ /lag dang /
267b7 nam so dang / rgyal dang / skag rnams ni klung dang gangs can la gnas so/ /mchu ni shar phyogs kyi mi rnams la gnas so/ /gre ni rkun ma rnams la gnas so/ /dbo ni sa bon 'di rnams la gnas so/ /
267b8 me bzhi ni yul 'khor ba rnams la gnas so/ /rgyu skar nag pa ni bya dang / rkang gnyis pa rnams la gnas so/ /sa ri ni rab tu byung ba thams cad la gnas so/ /sa ga ni chu la gnas pa'i
268a1 sems can rnams la gnas so/ /lha mtshams ni tshong pa zong dang ldan pa rnams la gnas so/ /snron ni sgo srungs rnams la gnas so/ /snrums ni 'dron po rnams la gnas so/ /chu stod ni pa h+ni ka pa rnams la gnas
268a2 so/ /chu smad ni kam po tse'i gling na gnas so/ /gro bzhin ni rkun ma dang pho nya rnams la gnas so/ /byi bzhin ni lho phyogs pa thams cad dang / zangs gling pa rnams la gnas so/ /mon gru ni kau shi ka pa
268a3 dang / srid srungs ba rnams la gnas so/ /mon gre ni ku ru dang / lnga mtshan na gnas so/ /khrums stod ni gan d+ha ra ba rnams dang / nas gling pa rnams dang / kam po tse rnams la gnas so/ /khrums smad ni
268a4 dri za rnams la gnas so/ /nam gru ni gru pa rnams la gnas so/ /tha skar ni rta 'tsho ba rnams la gnas so/ /bra nye ni zhing pa bzang po rnams la gnas so/ /kye pad ma'i snying po de dag ni rgyu skar rnams
268a5 kyi gnas nges par bstan pa'i le'u'o/ /kye tre shang ku dus gang la char 'bab pa zhes bya ba'i le'u bklags sam klags so/ /kye de ltar yin na khyod kyis shod cig /kye pad ma'i snying po de ltar na dus gang la char
268a6 'bab pa zhes bya ba'i le'u bshad kyis de nyon cig /smin drug dang ldan pa'i sos ka'i zla ba tha ma la char 'bab pa ni a lang ka drug bcu'i char nub bcu'i bar du 'bab cing pa ba sangs sngon du gnas pa ni char rgyun chad
268a7 med par mtshan mo char 'bab par yang dag par shes par bya ste/ dgun dang / dpyid kyi bar gsum bzung bar gyur pa ni ma'i stobs shes bya bar 'gyur te/ smin drug gi yin par bstan to/ /snar ma dang ldan
268a8 pa sos ka'i zla ba'i tha ma la gang du char bab pa de a lang ga nyi shu rtsa gcig 'bab cing der zhing rmos na las byed pa des 'bras bu dang bcas shing 'bru rnams phun sum tshogs shing der nad gnyis 'byung bar 'gyur te/ pho ba'i nad dang /
268b1 mig nad dang / yul du rkun po mang ba ni snar ma'i yin par bstan to/ /mgo dang ldan pa'i sos ka'i zla ba tha ma la gang du char pa bab pa de ni a lang ka drug bcu rtsa bzhi'i char 'bab cing 'bras
268b2 bu dang bcas shing phyis kyang yang dag par 'bab par shes par bya zhing rgyal po'i chad pa med cing bde ba dang / gnod pa med par gyur pas ljongs rnams dga' bar gyur pa ni mgo'i yin par bstan to/ /lag pa
268b3 dang ldan pa'i sos ka'i zla ba tha ma la gang char bab pa ni a lang ka bcwa brgyad kyi char 'bab cing der zhing las la sbyor bas rlan chung ba spang bar bya zhing yul du rkun ma mang la der yang nad gsum stobs dang ldan par 'gyur te/ rims dang /
268b4 tsha ba dang / lkog nad kyis bu chung dang / khye'u dang / bu mo rnams 'chi bar 'gyur te/ lag gi yin par bstan to/ /nam so dang ldan pa'i sos ka'i zla ba tha ma la gang du char bab pa de ni a lang ka dgu
268b5 bcu'i char 'bab cing sprin chen po 'byung zhing dpyid zla tha chungs la bab pa bde bar 'bab cing bar dang bcas shing rgyun du 'bab par 'gyur zhing rgyal po'i chad pa med par 'gyur te/ nam so yin par bstan to/ /
268b6 rgyal dang ldan pa'i sos ka'i zla ba tha ma la gang du char bab pa de ni a lang ka sum bcu rtsa gnyis kyi char 'bab par 'gyur te/ dma' bar zhing las bya zhing skams spang bar bya'o/ /nges par nyin dang mtshan du 'bru bzang po
268b7 phun sum tshogs shing bram ze dang / rgyal rigs der phan tshun rtsod cing / mche ba can stobs dang ldan par 'gyur la nad gsum stobs dang ldan par 'gyur te/ 'brum bu dang 'brum bu phra mo dang / shu ba'o/ /
268b8 'di ni rgyal du shes par bya'o/ /skag dang ldan pa'i sos ka'i zla ba tha ma la gang du char bab pa de ni a lang ka nyi shu rtsa gcig 'bab cing de la dma' bar zhing las bya zhing skams spang bar bya ste/ rlung mi bzad par
269a1 ldang zhing rig pa dang ldan pa la bar chad 'byung zhing char des 'bru thams cad phun sum tshogs shing rgyal po dang / blon po 'khrug par 'gyur te/ skag gi yin par bstan to/ /mchu dang ldan pa'i sos ka'i zla ba tha ma la
269a2 gang du char bab pa de ni a lang ka drug bcu rtsa bzhi'i char 'bab cing char des 'bru thams cad phun sum tshogs shing bya dang / phyugs dang / ri dgas rnams kyi mngal 'jig par 'gyur zhing skye ba dang / 'chi bar
269a3 'gyur te/ mchu yin par bstan to/ /gre dang ldan pa'i sos ka'i zla ba tha ma la gang du char bab pa de ni a lang ka brgyad bcu'i char 'bab cing / char des 'bru thams cad phun sum tshogs shing 'bru de dag kyang gzhan
269a4 gyi dmag gis khyer zhing mi rnams sdug bsngal dang ldan la mi dang phyugs rnams kyi mngal 'jig par 'gyur te gre'i yin par bstan to/ /dbo dang ldan pa'i sos ka'i zla ba tha ma la gang du char bab pa der ni a lang ka lnga
269a5 bcu rtsa dgu'i char bab cing 'bru thams cad phun sum tshogs shing rgyal po'i mtshon gyis char pa 'bebs shing bram ze dang / rgyal rigs rnams rtsod par gyur cing myur bar tshul ma yin pas skye dgu rnams brlag
269a6 par 'gyur te/ dbo'i yin par bstan to/ /me bzhi dang ldan pa'i sos ka'i zla ba tha ma'i nyi ma la gang du char bab pa der ni a lang ka lnga bcu rtsa dgu 'bab cing de la 'di lta ste/ skye bo rnams bden pa med pa
269a7 dang / nad kyis mchog tu gnod cing 'bras bu chung zhing chu med pas lo nyes par 'gyur te/ me bzhi'i yin par bstan to/ /nag pa dang ldan pa'i sos ka'i zla ba tha ma la char bab pa der ni a lang ka drug bcu rtsa
269a8 bzhi'i char 'bab cing snying po dang ldan la/ phyis kyang 'bab cing rgyal po'i mtshon spangs shing ljongs kyi skye bo rnams dga' bar 'gyur te/ nag pa'i yin par bstan to/ /sa ri dang ldan pa'i sos ka'i zla ba tha ma'i
269b1 nyi ma la gang du char bab pa der ni a lang ka nyi shu rtsa gcig gi char 'bab cing rgyal po'i mtshon dang / bral bar 'gyur zhing rkun ma stobs dang ldan par 'gyur te/ sa ri'i yin par bstan to/ /sa ga dang ldan pa'i sos ka'i zla
269b2 ba tha ma la gang du char bab pa der ni a lang ka lnga bcu'i char 'bab cing 'bru thams cad phun sum tshogs shing rgyal po dang / skye bo rnams sangs par 'gyur te/ me mched pa dang / mche ba can stobs dang ldan pas zad par
269b3 gyur te/ sa ga'i yin par bstan to/ /lha mtshams dang ldan pa'i sos ka'i zla ba tha ma la a lang ka drug bcu'i char 'bab cing 'bru rnams phun sum tshogs la lo ma rnams rgyas par 'gyur te/ lha mtshams kyi yin par bstan
269b4 to/ /snron dang ldan pa'i sos ka'i zla ba tha ma la a lang ka bcu drug gi char 'bab cing der las kyi mtha' spang bar bya zhing gshol thogs pa spangs shing de nas 'gro bar bya ste/ gzhan gyi dmag tshogs kyis ljongs de 'jig par
269b5 'gyur te/ snron gyi yin par bstan to/ /snrums dang ldan pa'i sos ka'i zla ba tha ma la a lang ka drug bcu rtsa bzhi'i char 'bab cing 'bru rnams phun sum tshogs la/ yul der rkun ma mang bar 'gyur zhing pha rol
269b6 dang / rtsib logs gzer ba dang / mig na ba 'byung la me tog dang / 'bras bu phun sum tshogs pa dang / rgyal pos mtshon spongs bar 'gyur te/ snrums kyi yin par bstan to/ /chu stod dang ldan
269b7 pa'i sos ka'i zla ba tha ma la a lang ka drug bcu rtsa bzhi'i char 'bab cing gza' gnyis sngon du 'gro bas/ rta 'thab pa'i zla ba phyed kyi char 'bab cing der 'bru rnams phun sum tshogs shing lto ba'i nad dang / mig gi nad
269b8 gnyis der rab tu stobs dang ldan par 'gyur te/ chu stod kyi yin par bstan to/ /chu smad dang ldan pa'i sos ka'i zla ba tha ma la a lang ka rdzogs pa'i brgya'i char 'bab cing de la mtho bar zhing las bya zhing dma' bar spang
270a1 bar bya'o/ /chu bo rnams cher 'bab cing dang po'i char bab pas 'bru rnams phun sum tshogs shing / g.yan pa dang / 'brum bu dang / phol mig ste nad gsum rab tu stobs dang ldan par 'gyur te/ chu smad kyi yin
270a2 par bstan to/ /gro bzhin dang ldan pa'i sos ka'i zla ba tha ma la a lang ka drug bcu rtsa bzhi'i char 'bab cing yul gcig tu bab par gyur nas/ phyis char phun sum tshogs par 'gyur zhing chu na gnas pa rnams la gnod par
270a3 'gyur la nad mang ba dang / rgyal po'i chad pa drag por 'gyur te/ gro bzhin gyi yin par bstan no/ /mon gre dang ldan pa'i sos ka'i zla ba tha ma la a lang ka drug bcu rtsa gcig gi char 'bab cing char gle gar 'bab pas de la
270a4 ni dma' bar zhing las byed cing mtho ba spang bar bya'o/ /mtshan mo gnod pa'i sgor 'gyur zhing 'bru rnams phun sum tshogs la nad gcig stobs dang ldan te g.yan pa'o/ /rgyal po mtshon thogs par 'gyur te/
270a5 mon gre'i yin par bstan to/ /mon gru dang ldan pa'i sos ka'i zla ba tha ma la char cung zhig 'bab pas dma' bar zhing las bya zhing mtho ba spang bar bya ste/ char des 'bru thams cad phun sum tshogs shing dmag gi
270a6 tshogs kyis ljongs bskor bar gyur pas mi rnams bu phrag par thogs nas yul gzhan du 'gro bar bstan te/ mon gru'i yin par bstan to/ /khrums stod dang ldan pa'i sos ka'i zla ba tha ma la a lang ka drug bcu
270a7 rtsa bzhi'i char bab cing dus dang po'i mtshan mo'i sgo nas mtshan mo nyi shu rtsa dgu'i bar du thab mo 'byung zhing me tog dang 'bru rnams nyams par 'gyur zhing dus der rkun ma mang zhing nad chen po gnyis 'byung ste/ dang por ni
270a8 'khrigs pa'i rims dang / phyis ni gza' chen po'i stobs kyi gnod pas bud med dang / skyes pa rnams 'chi bar 'gyur te/ khrums stod kyi yin par bstan to/ /khrums smad dang ldan pa'i sos ka'i zla ba
270b1 tha ma la a lang ka rdzogs pa brgya'i char 'bab par 'gyung zhing chu bo rnams cher 'bab la nad chen po bzhi stobs dang ldan par 'gyur te 'di lta ste/ pho ba'i nad dang / mig gi nad dang / cham pa dang / rims byung bas khye'u
270b2 dang / bu mo rnams 'chi bar 'gyur zhing der mthon por zhing las bya zhing dma' ba spang bar bya'o/ /nad chen pos 'chi ba mang zhing me tog dang 'bras bu phun sum tshogs par 'gyur te/ khrums smad kyi yin par bstan to/ /
270b3 nam gru dang ldan pa'i sos ka'i zla ba tha ma la a lang ka drug bcu'i char 'bab cing gang dma' bar zhing las bya zhing mtho ba ni spang bar bya'o/ /char des lo thog thams cad phun sum tshogs shing rgyal pos mtshon spangs pas
270b4 'bru de dag kyang mdza' bo dang gnyen mi rnams kyis longs spyod cing ljongs la gnod pa med par gyur pas/ mdza' bo dang ldan par 'gyur te/ nam gru'i yin par bstan to/ /tha skar dang ldan pa'i sos ka'i zla ba tha ma
270b5 la a lang ka bzhi bcu rtsa bzhi'i char 'bab cing bar du char che bas der ni dma' bar zhing las bya zhing mtho bar spang bar bya'o/ /gnyis su char phun sum tshogs shing skye bo rnams 'dus pa ldan zhing rkun ma stobs dang ldan
270b6 par 'gyur te/ tha skar gyi yin par bstan to/ /bra nye dang ldan pa'i sos ka'i zla ba tha ma la gang du char bab pa der a lang ka rdzogs par brgya 'bab pa de mtho bar zhing las bya zhing dma' ba spang bar bya'o/ /
270b7 de lo nyes pas skye bo rnams 'chi bar 'gyur zhing / rgyal po phan tshun 'thab cing bu dang bu mo rnams 'chi bar 'gyur te/ bra nye'i yin par bstan to/ /kye pad ma'i snying po de dag ni dus gang la char bab pa'i le'u'o/ /
270b8 kye pad ma'i snying po rgyu skar de rnams dang gza' sgra gcan du ldan pas 'bras bu smin par bshad par bya'o/ /kye pad ma'i snying po smin drug dang gza' sgra gcan du ldan pas ni yul ka ling ka dang / ma ga d+hA pa rnams
271a1 rnams la nad nye bar 'byung bar 'gyur ro/ /gang gi tshe snar ma dang sgra gcan du ldan pas ni skye dgu rnams la nad nye bar 'byung bar 'gyur ro/ /gang gi tshe mgo dang gza' sgra gcan du ldan pas ni lus 'phags pa
271a2 rnams dang / rgyal po'i zhabs 'bring ba rnams la nad nye bar 'byung bar 'gyur ro/ /de bzhin du lag dang / nam so dang / rgyal dang / skag dang / gang gi tshe sgra gcan du ldan pas ni klu rnams dang / gangs can pa
271a3 rnams la nad nye bar 'byung bar 'gyur ro/ /gang gi tshe mchu dang sgra gcan du ldan pas ni shar phyogs pa rnams la nad nye bar 'byung bar 'gyur ro/ /gang gi tshe gre dang gza' sgra gcan du ldan pas ni rkun ma'i gnas nye bar
271a4 'byung bar 'gyur ro/ /gang gi tshe dbo dang gza' sgra gcan du ldan pas ni a ban ti pa rnams la nad nye bar 'byung ngo / /gang gi tshe me bzhi dang sgra gcan du ldan pas ni yul 'khor ba rnams la nad nye bar 'byung ngo / /gang gi
271a5 tshe nag pa dang sgra gcan du ldan pas ni bya dang / rkang gnyis pa rnams la nad nye bar 'byung ngo / /gang gi tshe sa ri dang sgra gcan du ldan pas ni rab tu byung ba thams cad la nad 'byung ngo / /gang gi tshe sa ga dang sgra gcan du ldan
271a6 pas ni chu'i sems can rnams la nad du 'gyur ro/ /gang gi tshe lha mtshams dang sgra gcan du ldan pas ni zong dang ldan pa'i tshong pa rnams la nad 'byung ngo / /gang gi tshe snron dang sgra gcan du ldan pas ni sgo srungs rnams
271a7 la nad 'byung ngo / /gang gi tshe snrums dang sgra gcan du ldan pas ni 'dron po rnams la nad 'byung ngo / /gang gi tshe chu stod dang sgra gcan du ldan pas ni a ban ti pa rnams la nad 'byung ngo / /gang gi tshe chu smad dang sgra gcan du
271a8 ldan pas ni kam po tse'i gling pa rnams dang na pa li ka rnams la nad 'byung ngo / /gang gi tshe byi bzhin dang sgra gcan du ldan pas ni lho phyogs pa thams cad dang / zangs gling pa rnams la nad 'byung ngo / /
271b1 gang gi tshe gro bzhin dang sgra gcan du ldan pas ni rkun ma la nad 'byung ngo / /gang gi tshe mon gre dang sgra gcan du ldan pas ni ku ru pa dang / rna can pa rnams la nad 'byung ngo / /gang gi tshe mon gru dang sgra gcan du ldan pas ni gser
271b2 'tshong ba rnams la nad 'byung ngo / /gang gi tshe khrums smad dang sgra gcan du ldan pas ni rol mo pa rnams la nad 'byung ngo / /gang gi tshe nam gru dang sgra gcan du ldan pas ni gru pa rnams la nad 'byung ngo / /gang gi tshe tha skar dang
271b3 sgra gcan du ldan pas ni rta 'tsho ba rnams la nad 'byung ngo / /gang gi tshe bra nye dang sgra gcan du ldan pa'i che zhing bzang po rnams la nad 'byung ngo / /kye pad ma'i snying po 'di dag ni gza' sgra gcan du ldan pas 'bras bu rnam par
271b4 smin pa zhing bya ba'i le'u'o/ /rgyu skar so so'i las kyi dgos pa bshad pa khong du chud par bya ste/ rgyu skar gang gi las gang yin pa'i drang srong rnams ni 'di ltar 'dod do/ /smin drug ni skar ma drug yin par rig par bya ste/
271b5 de la ni me'i bya ba bya ste/ me lha mnyes par bya ba dang / sbyin bsreg byas na 'phel bar 'gyur ro/ /de la ba lang gi gnas bya zhing zho dkrogs na mar che la/ ra dang lug nyo bar bya zhing ba glang dgye bar bya'o/ /
271b6 lcags bzhu ba dang / snod thams cad bya ba dang / rin po che bcang ba dang / las kyi mtha' bya ba dang / mtshon bcang ba dang / nang khang dang khyim du me sbar ba dang / me tog ser po dang / dmar po'i sa bon gdab pa
271b7 dang / khyim byas pa la der 'dug par bsgrub pa dang / gos sar pa bgo bar bya zhing rin gyis ni nyo bar mi bya'o/ /las drag po bsgrub pa g.yul 'gyed pa dang / bcing ba rnams la bzang zhing mkhas pas pha rol dang
271b8 rtsod pa'i sbyor ba ni mi bya'o/ /spu gri bya ba dang bca' ba thams cad bya zhing / me dang ldan pa'i snod der bya zhing tshe spel ba dang / skra bkru ba dang / bud med rnams la sgeg pa dang / nyi ma de la char bab na dgra ldang zhing
272a1 khro ba dang / dga' ba dang / drag po'i las brtsam zhing rkun ma 'gyed par bzang zhing de la skyes pa tshe ring ba dang grags pa dang ldan pa dang / mchod sbyin byed cing tshul khrims dang ldan par 'gyur te/ de dag ni smin
272a2 drug la bya'o/ /snar ma la ni sa gzhi la zhing las thams cad bya ba dang / zhing dang / dngos po dang / gtsug lag khang dang / khyim gsar bya ba dang / bdag nyid kyis drag shul bya dgos pa rnams dang / phyugs kyi
272a3 gnas dang / sa bon thams cad gdab pa dang / gos bgo bar bya bar bstan to/ /bu lon brdar mi rung ste/ dgra 'phel ba dang / ston mo dang chang gi sbyor ba gnyis spang bar bya'o/ /nyin par de la bab nas gang
272a4 skyes kyang bkra shis shing snying rje dang bzod pa dang ldan zhing bud med dga' ba dang / zas la brkam pa dang / tshe ring zhing phyugs mang la nor dang 'bru mang zhing longs spyod che zhing de la rgyal bar 'gyur te/ snar ma la bya'o/ /
272a5 zla ba dang mgor ldan pa la rig pa tshegs chung ngus khyad par du 'phags pa dang / dal ba'i las thams cad bya ste/ las gang snar ma la bya bar bstan pa de dag thams cad la bya'o/ /'o ma dang ldan pa'i shing las bzho
272a6 ba dang / 'o ma can gyi sa bon gdab pa dang / rgyal po rgyal sar 'jug pa dang / gnas kyi don du 'gro ba dang / rta dang / glang po dang / ba lang gdul ba la mchog tu bzang ngo / /gos sar pa bgo ba dang / rgyan
272a7 gyis brgyan par mi bya zhing bram ze rnams kyi las thams cad de la bya bar rung ngo / /nyi ma de la char bab pa de ni legs par bab par bstan to/ /nyi ma de la skyes pa gnyid che zhing yid g.yengs par 'gyur te/
272a8 mgo'i yin par bstan to/ /lag la ni don gnyer ba dang / las bzang po bya ba dang / drag po'i las rnams 'grub pas mkhas pas 'bad par bya'o/ /khron pa dang / 'obs dang / rdzing bu de la bya bar bzang ngo / /ba thul
272b1 sar ma nyo na 'grub/ mar khu btsir ba'i las dang / chang btsong ba dang / bur shing gi sa bon gzugs pa dang / nyi ma de la char bab na char mang du 'bab par shes par bya'o/ /nyi ma de la skyes pa khro zhing ri dgas kyi rngon pa
272b2 byed par 'gyur te lag la bya'o/ /nam so la ni kha dog bcang bar bya ba dang / ba lang sbyin pa dang / gtsug phud gzhag pa la rung zhing sngags thams cad 'grub po/ /bu don du gnyer bar chung ma blang ba dang / yang dang yang
272b3 du bya bar 'dod pa'i las de rnams bsgrub par bzang ste/ gal te 'chi ba'i dogs pa yod pas g.yo ba'i las mi bya'o/ /nyin zhag de la skyes pa mchog tu shis shing 'dod pa chung la bud med kyi chags pa skyes bu de che zhing sna
272b4 tshogs pa shes shing / gcig la mi 'jug par bstan te/ nam so la bya'o/ /rgyal la ni bsod nams dang / grags pa dang / tshe bsring ba dang / mchod pa rtag tu bya bar bzang ngo / /bram ze'i las thams cad bya bar
272b5 rung zhing rgyal po dang / blon po gzhug pa dang / bla ma la bsnyen bkur ba dang / dul ba spyad pa dang / rgyal po dbang bskur ba dang / rang gi bu la rgyan gdags pa dang / kha spu breg pa'i bya ba rnams de la mkhas par bya'o/ /
272b6 mdun na 'don bsko ba dang / rgyal mtshan gzugs par bya'o/ /nyi ma de la char bab pa ni kun du gnod par 'bab cing rkun ma dang nad med pas rtag tu bde bar 'gyur zhing rgyal la las thams cad bya bar rung ngo / /
272b7 dgra dang 'khon pa'i sbyor ba spang bar bya'o/ /de la skyes pa tshe ring ba dang / grags pa dang / longs spyod che bar 'gyur te/ rgyal la bya'o/ /skag la drag po'i las rnams byas na khyad par du 'grub ste/ rgyan
272b8 brdung ba dang / ra ba brtsig pa dang / rdzing dang lam bcad par bzang ngo / /de la sbrang bu dang mchu sbrang mang zhing char gnod par 'bab cing de la skyes pa ni khro zhing gnyid che bar 'gyur te/ skag la bya'o/ /mchu la ni 'bru
273a1 thams cad kyi sa bon bya ba dang / bsdu bar bya ba dang / sa bon gzugs pa dang / mdzod bya zhing 'bru rnams gzhug pa dang / pha'i bya ba dang / dad pas bya ba thams cad de la bya zhing nyi ma de la char bab pas ni 'bru
273a2 rnams 'phel bar 'gyur zhing nye du'i don du dad ba bya ba dang / bcud rnams bskyed pa dang / rang 'dod pa bya'o/ /nyi ma de la skyes pa ni tshe ring zhing bu mang ba dang / bud med la chags pa che zhing zas la gdung ba dang / g.yul du thog
273a3 mar 'gro zhing rgyal bar 'gyur te/ drag po'i las thams cad la mkhas pas de la spang bar bya'o/ /mchu la bya'o/ /gre la ni dge ba dang / zhing pa'i las don du gnyer bar bya'o/ /de la skyu ru ra la sogs pa 'bras bu khyad
273a4 par mnyam pa rnams kyi las bya ba dang / gzhon pa rnams bkra shis kyi khrus bya ba dang / bag phebs par bya ba dang / gnas bya ba dang / skal ba dang ldan zhing nye bar 'tsho ba'i las rnams bya ba dang / byis pa'i skra bkru ba dang /
273a5 skra mdzes par bya ba dang / skal ba dang ldan pa'i las dang / nyi ma de la char bab pa legs par bab pa bstan te 'gre la'o/ /dbo la ni las thams cad bya ste/ khang pa rnying pa gso ba la sogs pa thams cad bya'o/ /de la skyes pa
273a6 yid gzhungs pa dang grags pa dang ldan par 'gyur te/ gzhan yang de la byin mi nyams shing thams cad brtan par bstan to/ /de la char bab na ni thams cad phun sum tshogs par rig par bya ste/ dbo la bya'o/ /me bzhi
273a7 la las phra ba thams cad bya zhing bram ze'i las thams cad bya bar bzang ngo / /glang po dang / glang po mchog bzhon pa dang / rdzing bu bya ba dang / rkus na 'grub ste/ mkhas pas gzhan ni spang bar bya'o/ /nyi ma de la char
273a8 bab pa mchog tu 'grub par 'gyur zhing de la skyes pa ni dpa' zhing rku ba dang / blo dang ldan la rig pa thams cad la mkhas shing nad med cing yun ring du 'tsho ste me bzhi la bya'o/ /nag pa la ni gos bzang po bgo ba dang /
273b1 rgyan gdags pa dang / rgyal po rgyan gyis brgyan pa dang / dmag chas pa la bzang bar blta'o/ /gser dang / dngul dang / rdzas dang / grong khyer rnams gzhal ba dang / bdag nyid rgyan gyis brgyan pa dang / dri dang spos kyis
273b2 byug pa dang / yon tan gyi las glu dang / gar bya ba dang / rnga rdung ba dang / lder so bya ba dang / bsrung ba dang / rol mo dang / zhal zhal dang / lag gi bzo rnams bya bar bzang ngo / /nyi ma de la char 'bab pas sna tshogs kyi las 'grub
273b3 par bstan to/ /de la skyes na yid gzhungs pa dang / mkhas shing 'dod pa chung ba dang / tshol ba'i ngang tshul can dang / skal ba dang ldan zhing blo rgod par 'gyur te/ tshe ring zhing bsod nams che la bud med la dga' bar 'gyur te/ nag pa'i
273b4 bya ba'o/ /sa ri la ni rta dang bong bu dgye ba'i dgos pa dang / tshogs la ston mo sbyin pa dang / kha zas phra mo dgye ba dang / rnga dang / rdza rnga dang / khar rnga dang / glu rnams bya ba la myur zhing 'grub bo/ /bag ma blang ba dang / bag ma
273b5 gtang ba dang / gnyen bya ba dang / gnas dang / grogs po dang / mal cha dang / khyim du 'jug pa la bzang ngo / /nyi ma de la char bab na rlung mi 'chad par ldang ngo / /nyi ma de la skyes pa ni yid gzhungs shing nad mang la mkhas par
273b6 'gyur te/ sa ri'i bya ba'o/ /sa ga la ni zhing gi las kyi mtha' rnams bya ba dang / nas dang gro'i las kyi mtha' spang bar bya'o/ /lgang bu can rnams spang bar bya zhing / 'bru dang / til dang / sran ma dang / de dag dang /
273b7 shing dang / tshod ma rnams gdab cing / khang pa'i las rnams bya ba dang / skra bkru ba dang / gtsang sbra bya ba la bzang ngo / /nyi ma de la char bab pa ni bskal pa'i chu dang 'dra bar rig par bya'o/ /de la skyes pa ni yid
273b8 bde bar lta zhing blo rno ba dang / khro zhing skal ba dma' ba la bu med par 'gyur te/ sa ga'i bya ba'o/ /lha mtshams la ni sdums bya ba dang / dal ba'i las thams cad bya ba dang / brtson 'grus brtsams la mkhas pas
274a1 bsngags so/ / de la skra breg pa dang / mtshon gyi las bya ba dang / bsdu ba'i sbyor ba rnams 'grub par bya ste/ de brtan par 'gyur ro/ /gzhan ni nyon mongs pas gdungs shing nyams par bstan to/ /nyi ma de la char
274a2 bab pa legs par 'bab par bstan to/ /de la skyes pa gnyen dang grogs por ldan la chos dang tshul khrims su bcas par 'gyur te/ lha mtshams kyi bya ba'o/ /snron la ni thog mar rgyal po dbang bskur bar bzang zhing gzhan
274a3 ni nyon mongs pas gdungs par 'gyur ro/ /grong dang / grong khyer dang / ljongs rnams bgo bsha' bya ba dang / rgyal po'i las thams cad bya ba la bzang zhing / de la skyes pa ni spun rnams kyi phu bor 'gyur zhing tshe ring ba dang / grags pa
274a4 dang ldan zhing ngo mtshar du mkhas par 'gyur ro/ /rta dang / glang po bzhon pa dang / khang bzangs su 'jug pa dang / grong dang / grong khyer dang / yul 'khor rnams gzung ba la mchog tu bsngags so/ /yang de la smas pa ni mi 'tsho bar
274a5 bstan to/ /drag po'i las rnams 'grub par bstan to/ /mkhas pas gzhan ni spang bar bya'o/ /nyi ma de la char bab pa ni legs par 'bab par bstan te/ snron gyi bya ba'o/ /snrums la ni rtsa ba dang / la phug dang / rtsa ba
274a6 don du gnyer bas rtsa ba'i sa bon gzugs pa'i sbyor ba rung zhing rtsa ba ma yin pa rnams la ni ma yin no/ /bu lon rnying pa brdas na mdun na nor gnas par 'gyur ro/ /rtsa ba don du gnyer bar grub cing de bzhin du bud med thams
274a7 cad dang / gso ba'i rigs dang / bud med dang / khye'u dang / bu mo dang / khyo ga rnams khrus bya ba dang / rtsa ba thams cad sbyar ba dang / bkra shis kyi las bya ba dang / drag po'i las rnams 'grub cing phye btag
274a8 pa dang / chang gi sbyor ba la rtag tu bzang zhing de la skyes pa nor dang ldan zhing bu mang la 'bras bu dang ldan par 'gyur te/ de la snad pa mi 'tsho bar bstan to/ /de la char bab pa legs par 'bab par mngon par bstan te/
274b1 snrums kyi bya ba'o/ /chu stod la ni chu bsgyur ba dang / yur ba drang ba dang / zhing la chu blug pa dang / khron pa bya ba dang / lam du sbyin pa'i chu gzhag pa dang / rdzing bu bya ba dang / 'bras bu dang me tog la chu blug pa dang / bskyed mos
274b2 tshal bya ba dang / slong ba dgos pa la sbyar ba la bzang zhing drang ba'i las rnams 'grub cing de las gzhan ni mkhas pas mi bya'o/ /de la mes tshig pa dang / rims kyis btab pa mi 'tsho bar bstan to/ /nyi ma de la skyes
274b3 pa ni tshe ring zhing tshul khrims kyi ngang tshul can dang / blta na sdug par 'gyur te/ chu stod kyi bya ba'o/ /chu smad la ni dgra mi bya zhing gos drub pa bya zhing bgo bar ni mi bya'o/ /bsdu bskyog mi bya zhing khyim mi dbub ste/ byas na
274b4 'grub par mi 'gyur ro/ /phyugs kyi gnas dang / de bzhin du grong dpon bsko ba dang / tshong dpon bsko ba dang / rgyal po'i dgos pa rnams de la bya bar bzang ngo / /nyi ma de la skyes pa 'khor mang ba'i ngang tshul can dang /
274b5 byas pa gzo bar 'gyur ba dang / grogs po dang gcugs shing bsod nams dman zhing mkhas par 'gyur ro/ /tsha bas btab pa mi sos shing brtan par bstan to/ /nyi ma de la char bab pa legs par 'bab par bstan te/
274b6 chu smad kyi bya ba'o/ /byi bzhin la tshangs pa'i lha'i mchod pa mi bya zhing / gro bzhin la ni g.yul sprad par bya'i/ rol mo bslab pa dang / bklags pa rnams myur bar 'grub po/ /rna cha gdags pa dang /
274b7 rgyal por dbang bskur ba dang / bram ze'i las thams cad de la bya zhing gtor ma gtong ba dang / dpung la blta bar bzang ngo / /de la skyes pa ni nad med pa dang / stobs dang ldan pa dang / mchog sbyin gyi ngang tshul can du
274b8 'gyur ro/ /nyi ma de la char bab pa ni legs par 'bab par 'gyur ro/ /de la gro zhin dang zla bar 'dzom na stor ba phyir rnyed par 'gyur te/ gro zhin gyi bya ba'o/ /mon gre ni myur ba'i rgyu skar te/ mchod pa'i las thams cad
275a1 dang bram ze'i rig byed bklag pa dang / khrus bya ba dang / rgyal por dbang bskur ba dang / bram ze'i las bya ba dang / tshong dpon bsko ba dang / grong khyer gyi tshogs kyi dpon po bsko ba la bzang ngo / /de la skyes pa ni
275a2 yid gzhungs shing grags pa dang ldan pa longs spyod che la nor mang ba dang / bu mang zhing dul ba'i bdag nyid can du 'gyur ro/ /stor ba dang / tshig pa dang / bsdams pa dang / bcings pa rnams dga' bas phyir 'thob bo/ /nyi ma de
275a3 la char bab pa ni zhag bzhi'i bar du 'bab te/ mon gre'i bya ba'o/ /mon gru la ni rtag tu sman sbyar ba dang / grags pa'i las dang / srid bsrung gi las rnams byas na 'grub cing zong btsong ba dang / chang btsong ba dang / de la chu
275a4 'byung ba dang / til dang sran ma bdab pa dang / rgya mtshor tshong pa chas pa bsgrub par bzang ngo / /de la rgyal po'i bka' gsal ba dang / sdig pa'i las mi bya'o/ /pho nya gtang ba dang sgo bsrungs dang / yi ge pa bsko ba dang /
275a5 sman btu ba dang / sman gtang ba dang / nyi ma de la gter brko zhing brdzang ba ni mi bya'o/ /gter sar pa bzhag cing sman bza' bar bzang zhing stor ba yun ring po nas btsal ba rnyed par 'gyur ro/ /de la skyes pa ni nad med pa
275a6 dang / khro zhing gnyid che bar 'gyur te/ nyi ma de la char bab pa ni legs par 'bab par bstan to/ /mon gru'i bya ba'o/ /khrums stod la ni drag po'i sbyor ba thams cad 'grub par brjod do/ /smas pa dang rims kyis
275a7 btab pa de dag mi 'tsho bar bstan te/ de la skyes pa dag ni rna ba gsang zhing longs spyod che la gnyen rnams yid du 'ong zhing nor che la las 'thun par byed cing spro thung bar 'gyur ro/ /nyi ma de la char 'bab pa ni drag
275a8 por 'bab par bstan to/ /khrums stod kyi bya ba'o/ /khrums smad la ni tshe ring ba dang / rgyas pa'i las bya'o/ /lho phyogs su mi 'gro zhing grong mi brtsam mo/ /de la skyes pa ni tshe ring zhing grags pa dang tshe dang ldan pa dang /
275b1 sum 'gyur gyis lto che zhing 'jigs pa med par 'gyur ro/ /nyi ma de la char bab pa ni bde bar 'bab par bstan to/ /khrums smad kyi bya ba'o/ /nam gru la ni gser dang / dngul dang / rin po che dang / 'bru bsgrub pa dang / mdzod bya ba
275b2 dang / rigs rgyud kyi bya ba dang / chang gi las kyi bya bar bzang zhing gtang ba'i las mi bya'o/ /lam sar pa gtod pa dang / chu bsgyur ba dang / khang par 'jug pa dang / mig sman sbyar ba dang / gos sar pa bgo ba dang / dbyig blang ba
275b3 bzang ngo / /de la skyes pa ni slong zhing sbyin pa dang / tshul khrims dang ldan la phongs shing gnyen rnams kyis bsten cing chos shes par 'gyur ro/ /char legs par 'bab cing stor ba rnyed par 'gyur bar bstan
275b4 to/ /nam gru'i bya ba'o/ /tha skar la ni skyes pa dang / bud med dang / rta sbyar ba dang / me thab bya ba dang / rta bsgrub pa dang / shing rta bya ba dang / bu lon bya ba dang / sa bon gdab pa dang / rta dang glang po gdul ba dang / gar bya ba dang /
275b5 sman sbyar ba dang / sman gtang bar bzang ngo / /de la skyes pa ni blta na sdug pa dang / yid gzhungs pa dang / rgyal po'i gnang chen phun sum tshogs pa dang / nad med pa la bu skye zhing skal ba bzang po dang ldan par 'gyur ro/ /char
275b6 legs par 'bab cing stor ba rnyed par bstan to/ /tha skar gyi bya ba'o/ /bra nye la ni skar ma gsum yod pas/ drag po'i las bya ba dang / bran dang gla pa bsko ba dang / gla pa btsal ba dang / chung ma blang bar bzang ngo / /de la skyes pa
275b7 ni thab krol dang / bslus pa byed pa dang / gya gyu can dang / brdzun che ba dang / blo rno ba dang / sdig pa spyod pa dang / gtsang sme chung bar 'gyur ro/ /de la snad pa dang / nad kyis btab pa/ sdug bsngal bar 'gyur ro/ /'gro ba spang bar bya'o/ /
275b8 de la char nges par 'bab pa de ltar drang srong chen po rnams kyis bstan to/ /rgyu skar de'i lha gshin rje yin pas shi ba'i phyir zas sbyin no/ /de la skyes pa ni tshul khrims nyams shing bla ma la gnod pa dang / pha rol la gnod pa byed
276a1 pa dang / brkam chags che ba dang / pha rol la dgra byed par 'gyur te bra nye'i bya ba'o/ /smin drug la sogs pa'i rgyu skar bdun dang / bra nye'i bar 'di dag las 'di ni bsdu bar bya ste/ de dag gi nang nas gang dag 'bru thams
276a2 cad dang / sman thams cad phun sum tshogs pa la gnod par byed pa'i gza' gnas pas bsrung bar bya'o/ /gzhan yang rgyu skar rnams kyi ming gi le'u bshad par bya ste/ kye pad ma'i snying po 'di lta ste/ rgyu skar bzhi po 'di
276a3 dag ni bde bar byed pa ste/ smad gsum dang snar ma'o/ /de bram ze gnas par byed pa ste/ de la gnas bya ba dang / rgyal po dbang bskur ba dang / gang so sor bstan pa'i las rnams bya bar bzang zhing gzhan yang de la
276a4 gshig pa dang / bsreg pa dang / bcing ba rnams byas na bkra shis par 'gyur bar bstan to/ /gzhan yang de la skyes pa bkra shis pa dang / sbyor ba chen po dang ldan par rig par bya'o/ /kye pad ma'i snying po rgyu skar
276a5 bzhi po 'di dag ni bde bar byed pa ste/ rgyal dang / me bzhi dang / byi bzhin dang / tha skar te/ las bya ba la myur zhing kha ton brtsam pa dang / lam du 'gro ba dang / rgod ma bzhon pa dang / lam rnams myur bar bya zhing mtshon
276a6 gyi las dang / sman gyi las rnams bya zhing zla ba bzhi pa'i mchod sbyin bya bar brtsam pa dang / gzhan yang de la gshig pa dang / bsreg pa dang / bcing ba rnams bkra shis par brjod par rig par bya'o/ /gzhan
276a7 yang de la skyes pa ni bkra shis shing longs spyod dang ldan pa'i rgyal por 'gyur ba dang / dbang phyug dang longs spyod du ldan zhing gong ma la sbyin pa dang / tshul khrims dang ldan pa'i rgyal rigs su 'gyur ba 'am/ yang bram
276a8 ze zhig mdun na 'don du 'gyur ro/ /kye pad ma'i snying po rgyu skar lnga po 'di dag drag po ste/ 'di lta ste/ mchu dang / stod gsum dang / bra nye dang lnga ste/ yang de dag la bshig pa dang / bsreg pa dang / bcings pa rnams
276b1 mi 'tsho bar brjod do/ /'di dag ni mngon sum ste/ 'di lta ste/ lag dang / skag dang / sa ri dang / snron dang / mon gru zhes bya ba ste/ cha shas dgu dang / dum bu drug go/ /bra nye ni zhing gnyis so/ /nam so dang / sa ga dang / smad gsum
276b2 gnyis kyi cha'o/ /zhing ni bcwa lnga'o/ /mchu dang / snrums dang / stod gsum po de dag ni cha nges pa yin no/ /mgo dang / rgyal dang / me bzhi dang / nag pa dang / lha mtshams dang / gro zhin dang / nam gru dang / tha skar te/ rgyu skar 'di
276b3 dag cha phyi ma'o/ /yud tsam sum bcu'i zhing dang / byi zhin gyi yud tsam mnyam pas rgyal rigs so/ /gzhan yang bram ze dge ba'i yud tsam du 'gyur ba dang / mi dge ba'i yud tsam dang / rgyu skar thams cad dang ldan zhing
276b4 gang gi gnyis ga dge ba'i yud tsam dang ldan pa'i dge bar 'gyur ro/ /yang gang gi tshe dge ba dang / mi dge bar 'gyur ba de'i tshe thun mong ma yin par 'gyur ro/ /ji ltar nyin par dang mtshan mo ring thung du 'gyur bar bshad
276b5 par bya'o/ /dbyar zla ra ba dang / rgyu skar mchu dang / tshes gnam stong du ldan par gyur la/ gnam stong snga ma gro bzhin dang 'dzom na nyin par la yud tsam bcu bdun yod do/ /mtshan mo la yud tsam bcu gsum du 'gyur
276b6 ro/ /shing bu sor drug pa nyi ma phyed la btsugs nas grib ma la sor phyed phyed kyis 'phel zhing nyi ma 'gyur la/ chu stod dang mtshan mo ldan la nyi ma dang mgo 'grogs shing dbyar gyi zla ba gnyis pa'i gnam stong dang
276b7 mchur 'dzom pa na/ dbyar gyi gnyis pa'i bcwa lnga dang khrums stod du ldan na nyin par ni yud tsam bcu drug tu 'gyur ro/ /mtshan mo la ni yud tsam bcu bzhir 'gyur ro/ /sor gnyis kyi grib ma 'phel zhing 'gyed do/ /
276b8 gro zhin dang mtshan mor ldan pa la nyi ma dang rgyal du 'grogs shing dbyar zla tha chungs kyi gnam stong dang chu stod du 'dzom par 'gyur zhing tshes bcwa lnga la tha skar du 'dzom na/ /yud tsam bcwa lnga nyin par la yod do/ /mtshan
277a1 mo la yang yud tsam bcwa lnga yod do/ /sor gsum gyis grib ma 'phel zhing nyi ma 'gyed do/ /chu stod dang mtshan mor ldan la mchu dang nyin mor 'grogs shing nag pa dang dbyar gyi zla ba bzhi pa'i gnam stong du
277a2 'dzom la smin drug dang tshes bcwa lngar 'dzom na nyin par la yud tsam bcu gsum yod do/ /mtshan mo la ni yud tsam bcu bdun yod do/ /sor bzhi'i grib mas nyi ma 'gyed la rgyu skar tha skar dang mtshan mor ldan la/ chu stod dang
277a3 nyi mor 'grogs na dgun gyi zla ba dang po'i gnam stong dang lha mtshams su 'dzom zhing mgo dang bcwa lngar ldan na/ nyin par la yud tsam bcu gsum yod do/ /mtshan mo la yud tsam bcu bdun yod do/ /sor lnga'i grib mas nyi
277a4 ma 'gyed cing smin drug dang mtshan mor 'dzom la/ nag pa dang nyin par 'grogs shing dgun gyi zla ba gnyis pa'i gnam stong dang snron du 'dzom par 'gyur zhing rgyal dang bcwa lngar ldan na/ nyin par la yud tsam bcu gnyis
277a5 yod do/ /mtshan mo la ni yud tsam bcwa brgyad yod do/ /sor drug gi grib mas nyi ma 'gyur zhing mgo dang mtshan mor 'dzom la/ sa ga dang nyi mar 'grogs shing dgun gyi zla ba gnyis pa'i gnam stong dang chu stod du 'dzom
277a6 la mchu dang bcwa lngar ldan na/ nyin par la ni yud tsam bcu gsum yod do/ /mtshan mo la ni yud tsam bcu bdun yod do/ /sor lnga'i grib ma 'gribs pas nyi ma 'gyur zhing rgyal dang mtshan mor 'dzom la/ snron dang nyi ma 'grogs
277a7 shing dgun gyi zla ba bzhi pa'i gnam stong dang gro bzhin du 'dzom la chu stod dang bcwa lngar 'dzom na/ nyin par la yud tsam bcu bzhi'o/ /mtshan mo la ni yud tsam bcu drug go/ /sor bzhi'i grib mas nyi ma 'gyur zhing mchu dang /
277a8 mtshan mor 'dzom la/ chu stod dang nyi ma 'grogs shing dpyid zla ra ba'i gnam stong dang khrums stod du 'dzom par 'gyur zhing nag pa dang bcwa lngar 'dzom na/ nyin par la ni yud tsam bcwa lngar 'gyur ro/ /mtshan mo la yang yud tsam
277b1 bcwa lngar 'gyur zhing sor gsum gyi grib mas nyi ma 'gyur zhing chu stod dang mtshan mor 'dzom la gro zhin dang nyi mar 'grogs par 'gyur zhing dpyid kyi zla ba gnyis pa'i gnam stong dang tha skar du 'dzom la sa ga dang bcwa lngar
277b2 'dzom na nyin par la ni yud tsam bcu drug tu 'gyur ro/ /mtshan mo la ni yud tsam bcu bzhi'o/ /sor gnyis kyi grib mas nyi ma 'gyur zhing nag pa dang mtshan mor 'dzom la khrums stod dang nyi mar 'grogs par gyur cing dpyid kyi
277b3 zla ba gsum pa'i gnam stong dang smin drug tu 'dzom par gyur la snrums dang bcwa lngar 'dzom na/ nyin par la ni yud tsam bcu bdun du 'gyur ro/ /mtshan mo la ni yud tsam bcu gsum mo/ /sor gnyis kyi grib mas nyi ma
277b4 'gyur zhing snron dang mtshan mor 'dzom la smin drug dang nyi mar 'dzom par gyur cing / dpyid kyi zla ba bzhi pa'i gnam stong dang rgyal du 'dzom par gyur la chu stod dang bcwa lnga ru 'dzom na/ nyin par la ni yud tsam bcwa brgyad
277b5 du 'gyur ro/ /mtshan mo la ni yud tsam bcu gnyis su 'gyur ro/ /nyi ma phyed skad la sor phyed pa'i grib mas nyi mar 'gyur zhing chu stod dang mtshan mor 'dzom la rgyal dang nyin par 'grogs par gyur cing / lo btsal bas
277b6 yud tsam gyi bye brag rnams kyis rgyu skar de thams cad la cha dang cha ru bgo zhing gnam stong dang bcwa lngar phye bas mtshan mo dang nyin zhag tu shes par bya'o/ /lo lnga lnga zhing zla ba re re lhag par 'gyur zhing zla ba drug nyin
277b7 mtshan mnyam par gyur la de las gzhan zla ba drug ni nyi ma ring la yang zla ba drug ni mtshan mo ring ngo / /zla ba drug drug ni yud tsam de dag mnyam par rig par bya ste/ zla ba drug ni nyi ma byang phyogs su 'gro la zla ba drug
277b8 ni lho phyogs su rgyu'o/ /zla ba drug ni rgya mtsho la lhag par 'bab par 'gyur zhing zla ba'i 'gros dang / nyi ma'i 'gros kyis dus 'phel bar 'gyur zhing rtsis dang bral bas shes par mi nus pa de ni 'di ltar lo yin par
278a1 bshad par 'gyur ro/ /nyi ma dang / zla ba dang / sgra gcan/ phur bu dang / spen pa dang / mig dmar dang / gza' lag dang / 'di rnams kyi gtso bo ni phur bu'o/ /spen pa dang / gza' lag dang / mig dmar dang /
278a2 pa ba sangs te/ de dag ni dkyil 'khor 'gros so/ /bra nye dang / smin drug dang / snar ma dang / mgo ste/ de dag ni thun mong gi dang po'i dkyil 'khor ro/ /lag dang / nam so dang / rgyal dang / skag dang / de dag ni thun mong ba ste/
278a3 dkyil 'khor gnyis pa'o/ /mchu dang / gre dang / dbo gnyis dang / me bzhi dang / nag pa ste/ de dag ni thun mong gi dkyil 'khor gsum pa'o/ /sa ri dang / sa ga dang / lha mtshams dang / de dag ni thun mong ba'i dkyil
278a4 'khor bzhi pa'o/ /snron dang / snrums dang / chu smad dang / chu stod dang / gro zhin te/ de dag ni 'jigs pa chen por gyur pa'i dkyil 'khor lnga pa'o/ /mon gre dang / mon gru dang / khrums gnyis dang / nam gru dang / tha skar
278a5 dang / bra nye ste de dag ni thun mong ba'i dkyil 'khor drug pa'o/ /gang gi tshe rgyu skar gyi dkyil 'khor las nad de dang de'i ljongs su de'i nad yin par blta'o/ /yud tsam bcu gnyis pa'i nyin par ni gza' bcu gnyis te/
278a6 mtshan mo yud tsam drug drug rgyu ste/ drug gang zhe na/ dbyar zla ba rdzogs pa dang / nyin mor la yud tsam bcu bdun yod cing nyi ma shar nas bzhi mthon zhes bya ba'i yud tsam du 'gyur ro/ /nyi ma 'phags nas ni rnam par
278a7 'gro ba zhes bya ba'i yud tsam du 'gyur ro/ /yud tsam bcu gsum dang ldan pa'i mtshan mo la yud tsam drug la yang dag par sbyor ba zhes bya ba'i yud tsam du 'gyur ro/ /tsha bas gdungs pa zhes bya ba'i yud tsam du nam
278a8 nangs pa dang 'gyur ro/ /dbyar gyi zla ba gnyis pa'i bcwa lnga la yud tsam bcu drug nyin par la yod cing nyi ma shar ba na bzhi mthon zhes bya ba'i yud tsam du 'gyur ro/ /phyed la ni mi 'pham zhes bya ba'i yud tsam du
278b1 'gyur ro/ /nyi ma 'phags nas ni drag po zhes bya ba'i yud tsam du 'gyur ro/ /yud tsam bcu bzhi dang ldan pa'i mtshan mo la ni nyi ma nub par rtsom pa rnam par rgyu ba zhes bya ba'i yud tsam du 'gyur ro/ /mtshan phyed
278b2 la ni sgyu ma chen po zhes bya ba'i yud tsam du 'gyur ro/ /nam langs pa na ni me yis gdungs pa zhes bya ba'i yud tsam du 'gyur ro/ /rta 'thab pa'i bcwa lnga ni yud tsam bcwa lnga dang ldan pa'i nyin par la nyi ma
278b3 'char ba la ni bzhi mthon zhes bya ba'i yud tsam du 'gyur ro/ /nyi ma 'phags nas ni mi 'pham pa zhes bya ba'i rjes thogs la dbus ma zhes bya ba'i yud tsam du 'gyur ro/ /nyi ma de las 'phags pa'i lha'i
278b4 char zhes bya ba'i yud tsam du 'gyur ro/ /yud tsam bcwa lnga dang ldan pa'i mtshan mo nyi ma nub pa dang drag po zhes bya ba'i yud tsam du 'gyur ro/ /mi 'pham pa zhes bya ba'i yud tsam dang / 'gro ba zhes bya ba'i yud
278b5 tsam gyi rjes thogs la mtshan mo phyed du gyur nas nam nangs pa na me yis gdungs pa zhes bya ba'i yud tsam du 'gyur ro/ /rta 'thab pa'i zla ba'i tshes bcwa lnga la nyin mtshan mnyam pa zhes bya ba'i nyin par la yud tsam
278b6 bcwa lngar 'gyur zhing mtshan mo la yud tsam bcwa lnga'o/ /yud tsam nyin mtshan mnyam pa na nyi ma shar ba na bzhi mthon zhes bya ba'i yud tsam du 'gyur ro/ /cha mnyam par dbus na gnas pa na mnyam pa zhes bya ba'i yud
278b7 tsam du 'gyur ro/ /nyi ma nub nas mtshan mo la bab pa na lha'i cha zhes bya ba'i yud tsam du 'gyur ro/ /mtshan phyed la ni mi 'pham pa zhes bya ba'i yud tsam du 'gyur ro/ /nam nangs pa na ni me yis gdungs pa zhes bya ba'i yud tsam
278b8 du 'gyur ro/ /ston zla 'bring po'i bcwa lnga la yud tsam bcu bzhi nyin mo la yod cing nyi ma shar ba na bzhi mthon zhes bya ba'i yud tsam du 'gyur ro/ /dga' bral dang mnyam pa'i sgo zhes bya ba'i yud tsam gyi rjes la dbus su 'gyur nas
279a1 nyi ma nub pa na chu zla zhes bya ba'i yud tsam du 'gyur ro/ /mtshan mo la yud tsam bcu drug dang ldan la nyi ma nub pa rgyud ces bya ba'i yud tsam du 'gyur ro/ /srin po zhes bya ba dang / mi 'pham pa zhes bya ba de'i rjes
279a2 la mtshan mo phyed du gyur nas nam langs pa na me yis gdungs pa zhes bya ba'i yud tsam du 'gyur ro/ /dgun zla ra ba'i bcwa lnga la yud tsam bcu gsum dang nyin par ldan la nyi ma shar ba na bzhi mthon zhes bya ba'i yud tsam du
279a3 'gyur ro/ /phyed la ni dga' bral zhes bya ba'i yud tsam du 'gyur ro/ /nyi ma nub pa la ni bden bral zhes bya ba'i yud tsam du 'gyur ro/ /yud tsam bcu bdun dang ldan pa'i mtshan mo la nyi ma nub pa tsam na chu lha zhes bya ba'i yud
279a4 tsam du 'gyur ro/ /mtshan phyed la ni srin po zhes bya ba'i yud tsam du 'gyur ro/ /nam langs pa na me yis gdungs pa zhes bya ba'i yud tsam du 'gyur ro/ /dgun zla 'bring po'i bcwa lnga la ni yud tsam bcu gnyis dang ldan pa'i
279a5 nyin par nyi ma shar ba na bzhi mthon zhes bya ba'i yud tsam du 'gyur ro/ /dga' byed dang / dga' bral zhes bya ba'i rjes la dbus su gyur nas nyi ma nub pa na rdul med ces bya ba'i yud tsam du 'gyur ro/ /yud tsam bcwa
279a6 brgyad dang ldan pa'i mtshan mo nyi ma nub tsam na bden bral zhes bya ba'i yud tsam du 'gyur ro/ /bong bu dang / srin po zhes bya ba'i rjes la mtshan phyed du gyur nas/ nam langs pa na me yis gdungs pa zhes bya ba'i yud tsam
279a7 du 'gyur ro/ /ji ltar sos ka'i dang po de ltar dbyar dang po/ /ji ltar dpyid ka'i gnyis pa de ltar dbyar gnyis pa/ /ji ltar dpyid ka dang po de ltar ston dang po/ /ji ltar dgun gyi bzhi pa'i de ltar ston tha chungs/ /ji ltar dgun
279a8 'bring de ltar dgun dang po / /ji ltar dgun 'bring de ltar sos ka'i gnyis/ /de lta bur ni rgyu skar rnams/ /rgyu zhing rgyu bar shes par bya/ /rgyu skar rgyu ba dang po'i le'u'o/ /ji ltar rgyu skar de dag gi nang nas nyin mtshan du ldan pas
279b1 'phel ba dang / 'grib par 'gyur bas 'gribs pa las nyin par 'phel ba'i bcwa lnga la zla ba phyed las gnyis pa dang / drug pa dang / dgu pa dang / bcu gnyis pa de dag gi mtshams kyi zhag 'das nas nub mo sa 'dzin pa'i
279b2 rgyal po chen po bzhi po shin du 'chi ba zhes bya ba dang / rnam par dag pa zhes bya ba dang / 'phel ba zhes bya ba dang / tha dad pa'i rim pa zhes bya ba de dag 'thabs pas 'byung ba chen po bzhi g.yo ba las sa 'gul lo/ /chu dang / dbang
279b3 po dang / rlung dang / me ste legs ldan rnam pa bzhi po yang gang du zla ba phyed la lan gsum g.yos te/ zla ba gcig la lan drug g.yos par gyur na pha rol gyi dmag tshogs 'ong bar 'gyur te/ dpyid zla 'bring po la sa g.yos
279b4 na zhag bcu'i bar du 'jigs pa 'byung ngo / /sos ka'i zla ba dang po la yang dang yang g.yos na zhag bcu gnyis kyi bar du 'jigs pa 'byung ngo / /sos ka'i zla ba gnyis pa la yang yang g.yos na nyi shu rtsa lnga'i bar du 'jigs
279b5 pa 'byung ngo / /dbyar zla ra ba la yang yang g.yos na zhag bdun bcu rtsa lnga'i bar du 'jigs pa 'byung ngo / /dbyar zla 'bring po la yang yang g.yos na zla ba gsum dang zhag bcu'i bar du 'byung ngo / /ston zla tha chungs la yang yang
279b6 g.yos na zhag lnga'i bar du 'byung ngo / /dgun gyi zla ba gnyis pa la yang yang g.yos na zhag lnga bcu rtsa lnga'i bar du 'byung ngo / /dgun gyi zla ba gsum pa la yang yang g.yos na zhag brgya'i bar du 'jigs pa 'byung ngo / /dgun
279b7 gyi zla ba bzhi pa la yang yang g.yos na zhag nyi shu rtsa lnga'i bar du 'jigs pa 'byung ngo / /dpyid zla ra ba la yang yang g.yos na zhag sum bcu'i bar du 'jigs pa 'byung ngo / /de dag ni sa g.yos pa'i dus ji tsam na
279b8 smin pa yin par bstan to/ /de dag gi las kyi 'jug pa ni 'di ltar zla ba thams cad la dus rtag tu sa g.yo zhing shing dang / ri dang / chu rnams g.yo zhing shing rnams kyi lo ma ltar g.yo na bskal pa lta bu'i 'jigs
280a1 pa 'byung bar bstan to/ /grong khyer dang / grong dang / 'brog rnams na gnas pa'i mi rnams myur du 'pho zhing dgon par lo bcwa lnga'i bar du gnas par 'gyur ro/ /phyogs rnams nas sa rnam par g.yos
280a2 na mi bde ba mi 'byung ngo / /smin drug la sa g.yos na grong khyer dang / grong rnams yang dang yang du mes bsregs pas rtswa yang ma lus par 'gyur ro/ /de las rnam par g.yos na sol ba mkhan dang / nor bu mkhan dang /
280a3 khye'u dang / mes skor byas pa'i gza' dang / de la skyes pa dang / lam du zhugs pa na zhing sdug bsngal bar 'gyur ro/ /snar ma la sa g.yos na sa bon thams cad nyams pas 'bru rnams 'thob par mi 'gyur zhing sdug
280a4 bsngal bar 'gyur ba dang / bud med sbrum ma rnams kyi mngal la nad 'byung ba dang / mu ge 'byung ba dang / smas pa dang / nad kyis btab pa'i mi rnams sum cha 'tsho bar 'gyur/ bdag nyid chen po dang / rgyal po dang / dpal dang ldan
280a5 pa'i mi dang mi'i mchog rnams nad kyis btab par 'gyur ro/ /mgo la sa g.yos na sman rnams nyams shing sman pa dang / mchod sbyin rtsom pa dang / mchod sbyin byed pa dang / bram ze nags na gnas pa dang / dka' thub pa de
280a6 dag la nad 'byung bar 'gyur ro/ /lag la sa rnam par g.yos na 'o ma can gyi shing rnams nyams shing zas dang skom dkon cing 'gron po yul 'khor chas pa dang / dong dang 'obs brko ba dang / sdig pa can dang / rkun ma rnams
280a7 la sa rnam par g.yos pas nad kyis 'debs par 'gyur ro/ /yang nam so la sa rnam par g.yos na dkyil 'khor byed pa'i zhal ta pa dang / lam gyi nor can dang / lam du 'gro ba dang / 'khor lo ba dang / byis pa dang / srub
280a8 mkhan dang / shan pa dang / dud 'tsho ba rnams la sa rnam par g.yos pas nad kyis 'debs par 'gyur ro/ /rgyal la sa rnam par g.yos na bram ze rnams dang / de bzhin du gtso bo rnams dang / tshong pa rnams dang /
280b1 ded dpon rnams dang / tshong pa ring por 'gro ba rnams la nad 'byung bar 'gyur zhing ser bas 'bru rnams rlog cing ri khrod na gnas pa'i rgyal po'i bsnyen bkur ba rnams sa rnam par g.yos pas nad kyis 'debs par
280b2 'gyur ro/ /skag la sa rnam par g.yos na klu rnams dang / sbrul kha sdig pa dang / grog ma rnams dang / grog phran rnams dang / sril rnams dang / khyim rnams dang / klu mgo gcig pa rnams dang / dug sngags mkhan rnams dang
280b3 dug byed pa rnams dang / sems can khung du 'jug pa rnams sa rnam par g.yos pa nad kyis 'debs par 'gyur ro/ /mchu la sa rnam par g.yos na rgyal po rnams la nad 'byung zhing mchod sbyin dang / shing las
280b4 log pa rnams dang / 'dus pa'i ston mo las log pa rnams dang / lha'i mchod sbyin las log pa rnams dang / de la log pa thams cad dang / gang zhig de la skyes pa dang / bskyed pa dang / gang mkhas pa'i mchog tu gyur
280b5 pa dang / glu mkhan rnams 'chi bar 'gyur zhing de dag dang rigs mthon po rnams nad kyis thebs par 'gyur ro/ /chu stod la sa rnam par g.yos na dus 'gyur zhing chos la dga' ba'i dang / sho gam gyi 'tsho ba rnams la
280b6 sa g.yos na nad kyis 'debs par 'gyur ro/ /gal te chu smad la sa rnam par g.yos na tshong pa gling du 'gro ba rnams dang / ded dpon rnams dang / ri khrod na 'tsho ba rnams dang / ang ga dang / lus 'phags po dang ma ga
280b7 d+hA pa rnams dang / ni ti'i bud med blangs pa rnams sa rnam par g.yos pas nad kyis 'debs par 'gyur ro/ /me bzhi la sa rnam par g.yos pas na rdza mkhan rnams dang / sman pa rnams dang / tshogs kyi gtso
280b8 bo rnams dang / blon po chen po rnams dang / dmag dpon rnams sa rnam par g.yos pas nad kyis 'debs par 'gyur ro/ /'di ltar nam so la sa g.yos pa yang snga ma bzhin du blta'o/ /sa ri la sa rnam
281a1 par g.yos na rkun ma tshul khrims nyams pa rnams dang / shan pa dang shan pa la dga' ba rnams dang / shan pa'i bdag po dang / rlung za'i dka' thub pa rnams sa g.yos nas nad kyis
281a2 'debs par 'gyur ro/ /sa ga la sa rnam par g.yos na ri chen po rnams 'chad par 'gyur ro/ /rta rgyug pa rnams dang / lam na 'gro ba la rlung drag pos rdo rnams 'thor bas stobs med par byed la sa g.yos
281a3 pas de dag nad kyis 'debs par 'gyur ro/ /yang nag pa la sa g.yos na rkun ma chen pos gnod pa byed pa 'ong zhing byi rgyug pa dang / cho lo pa rnams dang / mdud pa 'grol ba'i mi rnams dang / an dra ba rnams dang /
281a4 bu ram shing 'phel ba rnams dang / phu lin pa rnams la skyabs med pa'i 'jigs pa 'ong zhing grogs dang 'bral zhing stobs che ba 'byung ngo / /snron la sa g.yos na rgyal po chen po la gnod pa 'byung zhing khra dang / byi ba
281a5 dang / sbrul dang / de bzhin du gcan zan gdug pa can rnams dang / gzhan gnod pa byed pa dang / su ra se na pa dang / ma la pa rnams dang / ba lhi ba gra ha pa dang / gnod pa med pa dang / de la gus pa'i mi rnams myur
281a6 bar sa g.yos pas nad kyis 'debs par 'gyur ro/ /snrums la sa g.yos na rkang bzhi pa rnams dang / rkang gnyis dang / de bzhin du gnod sbyin rnams dang / yi dags rnams dang / sems can de dag dang / ri
281a7 khrod pa rnams dang / chu med pas lo nyes shing myur du mu ge 'byung zhing ri rnams 'chad par 'gyur ro/ /chu stod la sa g.yos na chu la gnas pa'i nya rnams dang / shu shu ma dang / nya phyis rnams dang / chu srin
281a8 rnams dang / rus sbal dang / rigs dang rus btsun pa rnams dang / nor dang ldan pa rnams dang / mkhas pa rnams dang / gnyis pa rigs dang ldan pa rnams la 'jigs pa chen po 'byung zhing sa g.yos pas de
281b1 dag nad kyis 'debs par 'gyur ro/ /chu smad la sa g.yos na bzo bo mkhas pa rnams la gnod pa mi 'byung zhing mgar ba rnams dang / zhal zhal mkhan rnams dang / mda' mkhan rnams dang / shing
281b2 mkhan rnams dang / dbul po rnams dang / gzhan yang bzo sna tshogs pa byed pa dang / grong dang nye ba'i skam la gnas pa la gnod par 'gyur ro/ /gro bzhin la sa g.yos na mi gang zhig rgyal po mchod pa dang /
281b3 klog pa rnams dang / bstan bcos mkhas pa rnams dang / snyan dngags mkhan rnams dang / glu mkhan rnams dang / su ra se na pa dang / rjes su 'jug pa rnams dang / gos 'tshong ba dang / gi shi ta dang / sa
281b4 ra dan dang / de dag gi bsam pa 'grub bo/ /mon gre la sa g.yos na nor can rnams la gnod pa 'byung zhing phyug po rnams dang / grong khyer chen po dang / tshong dpon rnams dang / spyi cher rnams dang / bkra shis
281b5 pa dang / bzang po sngags mkhan dang / ri khrod pa rnams dang / pa ri ke pa dang / ma la pa dang / grong khyer che ba gzhan rnams la gnod pa 'byung bar 'gyur ro/ /mon gru la sa g.yos na chu la gnas pa rnams la
281b6 gnod pa chen po 'byung zhing / glang po dang / rta dang / bong bu dang / rnga mo rnams la cher sdug bsngal 'byung ngo / /de bzhin du so pi ra ka pa dang / ma dra ba dang / bi li kan pa dang / ke ka yan pa dang / rten med pa dang /
281b7 'khor lo gcig pa dang / yul de dag gi skye bo rnams la nad 'byung ngo / /me bzhi la sa rnam par g.yos na srin po'i gdon gyis 'dzin cing / de bzhin du shan pa dang / phag 'tshong ba dang / so ba ri pa rnams 'chi
281b8 bar 'gyur ro/ /tshong gis 'tsho ba'i rje'u rigs dang / dmangs rigs rnams dang / zlos gar mkhan rnams dang / nas gling pa rnams dang / rta rnams dang / gyad gyi yul pa rnams dang / khu ljo dang ldan pa'i bud med rnams dang /
282a1 mdud pa 'grol ba rnams med par 'gyur ro/ /mon gru la sa g.yos na tshong pa rnams la nad 'byung zhing / chos la dga' ba dang / grub pa rnams dang / sho gam gyi las byed pa rnams dang / rgyal rigs srid sgrub
282a2 kyi rgyud dang / mdza' ba rnams dang / sin du ba'i rgyal po dang / mda' gzhu thogs pa rnams yun ring por don med par 'gyur ro/ /nam gru la sa rnam par g.yos na g.yul drag po shom par 'gyur zhing / grong 'joms par
282a3 'gyur ba dang / grong gis grong phung ba dang / ni ra ta pa rnams dang / rgya yul pa rnams dang / ra ma ta na gnas pa rnams dang / zhing las bzang po byed pa rnams lung par gnas pa'i gtso bo dang / dmag dpon thams cad nges
282a4 par bsregs par 'gyur ro/ /tha skar la sa rnam par g.yos na rta rnams la nad 'byung zhing grong rnams 'joms pa dang / spun zla gsod par 'gyur zhing de la mngal chags pa dang / de la skyes pa dang / gsum sdug
282a5 bsngal dang / rgyun du ldan par 'gyur zhing bdun brgyud dang mngal na gnas pa dang / bza' btung 'thung ba dang / srid sgrub kyi rgyal rigs rnams phan tshun gsod par 'gyur ro/ /bra nye la sa g.yos na rkun ma rnams la
282a6 nad chen po 'byung zhing rtsod pa 'byung ngo / /cho lo mkhan dang / mdud pa 'grol ba dang / me long gi 'khor los slu bar byed pa rnams dang / de bzhin du btson bsrungs rnams dang / zas sdom pa dang / gnod pa byed pa'i
282a7 skye bo mi bzad pa rnams 'chi bar 'gyur ro/ /sa g.yos nas zhag bdun na sprin chen po g.yo bar 'gyur te/ snum zhing gnag la ri bo lta bu ldang bar 'gyur ro zhes drang srong rnams kyis bshad do/ /gnyid 'phel ba
282a8 dang / gzhan yang bkra shis kyi dbyangs dang / dbang po rdo rje lta bu dang / de bzhin du der dus tshigs ltar nyi ma dang zla ba sgrib cing de la kun nas sprin chen po'i mtshan nyid dang ldan zhing de dang 'dra bar mthong zhing the tsom skyed
282b1 pa'i sprin ldang zhing 'brug bsgrags pa 'byung bar rig par bya'o zhes drang srong rnams kyis bshad do/ /de ltar shes nas gdon mi za bar sa bon thams cad gdab par bya'o/ /bya rnams bsrug na tshong pa rnams kyis bya
282b2 ba 'grub bo/ /de lta bu'i sa g.yos na thams cad du bkra shis par brjod do/ /yang sa g.yos nas de'i rjes la zhag bdun na sprin ldang ste/ yang 'di ltar ka shi ka'i gos 'dra ba'i sprin gyis khyab cing mi mthun pa'i sgra
282b3 sgrogs pas nub phyogs su 'gro la chu la gnas pa'i shu shu ma ra dang / ba lu ka dang / nya dang / chu srin 'dra ba'i sprin snang zhing nyi ma dang / zla ba sgrib pa de lta bu'i mtshan nyid dang ldan pa snang na/ de ni chus sprul pa yin par rig
282b4 par bya'o zhes drang srong chen po rnams kyis de skad bstan pa yin no/ /sgang dang ri'i rtse mo dang / zhing dang / rlan dang bral ba de dag rnams la sa bon gdab par bya ste/ dma' bar nyams par 'gyur ro/ /de bzhin du 'dam
282b5 dang chur 'gyur zhing dma' bar 'dus par 'gyur ro/ /de lta bu'i sa g.yos na ni chu'i yin pas shis pa yin par rig par bya'o/ /yang 'di ltar sa g.yos nas de'i rjes la zhag bdun gyi nang du rlung drag po mi bzad pa ldang dus
282b6 tshigs ltar ser skyar snang la nyi ma dang zla ba dmar por mthong zhing mtshan nyid de lta bu dang ldan par snang na/ de ni rlung gi sa g.yos pa yin par rig par bya'o/ /de lta bu gyur pa ni drang srong rnams kyis bstan pa yin no/ /de lta bu la
282b7 mkhas pas 'gro bar mi bya ste/ bdag nyid bsrung bar bya zhing dgra zla las 'jigs pa chen po 'byung bas ra ba dang 'obs kyis mchog tu bsrung bar bya'o/ /de lta bu ni sa'i sa g.yos pa'i yon tan thams cad bstan pa yin no/
282b8 mi rnams kyis me yis sa g.yos pa'i khyad par rig par bya ste/ gal te sa g.yos nas de'i rjes la zhag bdun gyi nang du skar mda' drag po ltung zhing dus tshigs ltar dmar la nyi ma dang zla ba yang dmar bar snang ba de lta bu'i mtshan nyid
283a1 dang ldan par snang ba ni me yis g.yos pa yin par rig par bya'o/ /bud shing las me mched par 'gyur bas nor bsregs shing du ba'i phreng ba snang zhing mtshon mchog tu 'bab la chu 'khyil ba snang ba zla ba dgu pa'i
283a2 bar du char mi 'bab po/ /de lta bu'i sa g.yos pa mi bzad pa ni me yis g.yos pa yin te/ rgyal po dang rgyal rigs rnams la snga dro'i tsha ba'i gnod pa 'byung bar 'gyur zhing rta dang glang po dang blon po chen po
283a3 rnams la ni phyed la tsha ba'i nad 'byung la phyi dro ni ba lang dang phyugs rnams la 'byung ngo / /mtshan mo rkun ma rnams la gnod pa 'byung ngo / /nam langs pa na mtha' 'khob pa rnams la 'chi ba'i 'jigs pa
283a4 'byung ngo / /de bzhin du nam phyed na ni zhag brgyad kyi bar du na bar 'gyur zhing de nas sos par 'gyur te/ de'i lha ni nyi ma yin pas mar dang phran sngon gyi gtor ma btang na gtor ma des nad de las ldang bar 'gyur ro/ /
283a5 sa ri la skyes pa 'am/ bud med nad kyis btab pa ni zug zer che la zhag nyi shu rtsa brgyad kyi bar du na bar 'gyur zhing / de'i lha ni rlung lha yin pas sna tshogs phreng ba'i gtor ma btang na/ gtor ma des nad de las
283a6 ldang bar 'gyur ro/ /sa ga la skyes pa 'am bud med nad kyis btab pa ni nad lci zhing zhag nyi shu rtsa gcig gi bar du na bar 'gyur zhing / de nas sos par 'gyur ro/ /de'i lha ni me lha dang / dbang po yin pas byug pa dang phreng
283a7 ba'i gtor ma btang na/ gtor ma des nad de las ldang bar 'gyur ro/ /lha mtshams la skyes pa 'am bud med nad kyis btab pa ni zla ba phyed kyi bar du na bar 'gyur zhing de nas sos par 'gyur te/ de'i lha nyi ma yin pas
283a8 mar gyis gang ba'i gtor ma btang na/ gtor ma des nad de las ldang bar 'gyur ro/ /snron la skyes pa 'am/ bud med nad kyis btab pa ni nad tshabs che zhing zhag bcu gsum na bar 'gyur zhing de nas sos par 'gyur te/ de'i lha ni
283b1 dbang po yin te/ byug pa dang phreng ba'i gtor ma btang na/ gtor ma des nad de las ldang bar 'gyur ro/ /snrums la skyes pa 'am/ bud med nad kyis btab pa ni zla ba gcig na bar 'gyur zhing de nas sos par 'gyur te/ de'i
283b2 lha ni dmangs rigs yin pas sha'i gtor ma btang na/ gtor ma des nad de las ldang bar 'gyur ro/ /chu stod la skyes pa 'am/ bud med nad kyis btab pa ni nad tshabs che zhing zla ba brgyad kyi bar du na bar 'gyur zhing de nas sos
283b3 par 'gyur te/ de'i lha ni chu lha yin pas 'bras dang til btags pa'i gtor ma btang na/ gtor ma des nad de sos par 'gyur ro/ /chu smad la skyes pa 'am/ bud med nad kyis btab pa ni zhag bdun gyi bar du na zhing de nas
283b4 sos par 'gyur te/ de'i lha ni sna tshogs pa yin pas 'bras dang 'o thug gi gtor ma btang na/ gtor ma des nad de las ldang bar 'gyur ro/ /gro bzhin la skyes pa 'am/ bud med nad kyis btab pa ni nad lci zhing lo gcig
283b5 gi bar du na bar 'gyur te/ de'i lha ni khyab 'jug yin pas byug pa dang / phreng ba'i gtor ma btang na/ gtor ma des nad de las sos par 'gyur ro/ /mon gre la skyes pa 'am/ bud med nad kyis btab pa ni nad lci zhing
283b6 zla ba bcu gsum gyi bar du na bar 'gyur te/ de'i lha ni ba su de ba yin pas byug pa dang / phreng ba'i gtor ma btang na/ gtor ma des nad de las ldang bar 'gyur ro/ /mon gru la skyes pa 'am/ bud med nad kyis btab
283b7 na zhag bcu gsum gyi bar du na bar 'gyur zhing / de nas sos par 'gyur te/ de'i lha ni chu lha yin pas 'bras dang 'o thug gi gtor ma btang na/ gtor ma des nad de las ldang bar 'gyur ro/ /khrums stod la skyes pa 'am
283b8 bud med nad kyis btab par gyur na/ zhag bdun na bar 'gyur zhing / de nas sos par 'gyur te/ de'i lha ni klu yin pas byug pa dang / phreng ba'i gtor ma btang na/ gtor ma des nad de las ldang bar 'gyur ro/ /nam gru la
284a1 skyes pa 'am/ bud med nad kyis btab pa ni nad yang zhing zhag nyi shu rtsa brgyad na bar 'gyur zhing de nas sos par 'gyur te/ de'i lha ni rgyal yin pas spos dang me tog gi phreng ba'i gtor ma btang na/ gtor
284a2 ma des nad de las ldang bar 'gyur ro/ /tha skar la skyes pa 'am/ bud med nad kyis btab par gyur na zug zer che la zhag nyi shu rtsa brgyad kyi bar du na bar 'gyur la/ de nas yang bud med dang skyes pa la 'byung zhing
284a3 thun gsum pa ni zhing rmo ba'i rang bzhin gyi las byed pa rnams la gnod pa 'byung ngo / /mar ngo la ni drag shul gyi las byed pa'i gtum po rnams la nad 'byung ngo / /yar ngo la ni bram ze mchod sbyin byed pa dang / zhing pa
284a4 rnams dang / byis pa rnams dang / rgan mo rnams dang / chos la gnas pa'i gtso bo rnams la tsha ba'i nad 'byung bar 'gyur ro/ /dman pa dang / dge ba dang / dma' bar 'gyur ba rnams shes shing gang gis snga ma'i rang
284a5 bzhin du gyur pa shes pa'i bram ze'i nyi mar gyur par blta'o/ /yang phur bu'i mnyam pa'i dge ba'i las rnam pa bzhi dang / dmangs rigs kyi las rnam pa bzhi dang / mnyam pa'i snyan dngags kyi las rnams shes
284a6 pa dang / so ma'i las rnam pa bzhi dang / tshangs pa'i las des mnyam par shes pa rnams la gnod pa 'byung ngo / /kye gzhan yang pad ma'i snying po rgyu skar nyi shu rtsa brgyad po de dag gi nad kyi le'u bshad par bya'o/ /
284a7 smin drug la skyes pa 'am/ bud med nad kyis btab pa zhag bzhi nas sos par bstan to/ /de'i lha ni me lha yin pas zho'i gtor ma btang na/ gtor ma des nad las ldang bar bshad do/ /snar ma la skyes pa 'am/ bud
284a8 med nad kyis btab pa ni zhag lnga'i bar du na bar 'gyur ro/ /de nas sos par 'gyur te/ de'i lha ni skye dgu'i bdag po yin pas me tog gi phreng ba gtsang ma'i gtor ma btang bas/ gtor ma'i las des nad las ldang
284b1 bar 'gyur ro/ /mgo la skyes pa 'am/ bud med nad kyis btab pa ni zhag brgyad nas nad de las sos par 'gyur ro/ /de'i lha ni zla ba yin pas sran sngon gyi khur ba'i gtor ma btang na/ gtor ma des nad las
284b2 ldang bar 'gyur ro/ /lag la skyes pa 'am/ bud med nad kyis btab pa ni zhag bcu'i bar du na bar 'gyur zhing de nas sos par 'gyur ro/ /de'i lha ni drag po yin pas 'bras dang / 'o thug gi gtor ma btang na/
284b3 gtor ma des nad de las ldang bar 'gyur ro/ /nam so la skyes pa 'am/ bud med nad kyis btab pa ni zhag brgyad kyi bar du na zhing de nas sos par 'gyur ro/ /de'i lha ni nyi ma yin pas spos dang byug pa'i gtor
284b4 ma btang na/ gtor ma des nad de las ldang bar 'gyur ro/ /rgyal la skyes pa 'am/ bud med nad kyis btab pa ni zhag lnga'i bar du na zhing de nas sos par 'gyur ro/ /de'i lha ni phur bu yin pas byug pa dang / phreng ba'i
284b5 gtor ma btang na/ gtor ma des nad de las ldang bar 'gyur ro/ /skag la skyes pa 'am/ bud med nad kyis btab pa ni sman gyis gso bas mi sos te/ de'i lha ni sbrul yin pa'i phyir ro/ /mchu la skyes pa 'am/
284b6 bud med nad kyis btab pa ni zhag brgyad kyi bar du na zhing / de nas sos par 'gyur te/ de'i lha ni mtshun yin pas 'bru dang til btags pa'i ri lu'i gtor ma btang na/ gtor ma des nad de las ldang bar
284b7 'gyur ro/ /gre la skyes pa 'am/ bud med nad kyis btab pa ni zhag bdun na bar 'gyur zhing / de nas nad de las sos par 'gyur te/ de'i lha ni klu yin pas byug pa dang / phreng ba'i gtor ma btang na/ gtor
284b8 ma des nad de las ldang bar 'gyur ro / /dbo la skyes pa 'am/ bud med nad kyis btab pa ni gso ba'i sman gyis sos par mi 'gyur te/ de'i lha ni gshin rje yin pa'i phyir ro/ /me bzhi la skyes pa 'am/ bud
285a1 med nad kyis btab pa ni zhag lnga na bar 'gyur zhing / de nas sos par 'gyur te/ de'i lha ni nyi ma yin pas byug pa dang / phreng ba'i gtor ma na/ gtor ma des nad de las ldang bar 'gyur ro/ nag
285a2 pa la skye ba 'am/ bud med nad kyis btab pa sos par 'gyur te/ de'i lha ni dri za yin pas nas kyi ljang pu'i gtor ma btang na/ gtor ma des nad de las ldang bar 'gyur ro/ /bra nye la skyes pa 'am/ bud med
285a3 gang nad kyis btab par gyur na sman gyis mi 'tsho ste/ de'i lha ni gshin rje yin pa'i phyir ro/ /mkhas pas tshul khrims la sbyar bar bya ste/ des mtho ris su 'gro bar 'gyur ro/ /kye pad ma'i snying po de ni nad kun
285a4 nas 'byung ba zhes bya ba'i le'u yin no/ /gzhan yang kye pad ma'i snying po bcings pa thar pa zhes bya ba'i le'u bshad kyis nyon cig /kye pad ma'i snying po smin drug la btson du bzung ba ni zhag gsum nas thar bar 'gyur ro/ /
285a5 zhes bstan to/ /snar ma la btson du bzung ba ni yang zhag gsum nas thar bar 'gyur ro/ /mgo la btson du bzung ba ni zhag nyi shu nas thar bar 'gyur ro/ /lag la btson du bzung ba ni zla ba phyed nas thar bar
285a6 'gyur ro/ /nam so la btson du bzung ba ni zhag gcig nas thar bar 'gyur ro/ /rgyal la btson du bzung ba ni zhag gsum nas thar bar 'gyur ro/ /skag la btson du bzung ba ni yang zhag gsum nas thar bar 'gyur ro/ /
285a7 mchu la btson du bzung ba ni zhag bcu drug nas thar bar 'gyur ro/ /gre la btson du bzung ba ni zhag bcu nas thar bar 'gyur ro/ /dbo la btson du bzung ba ni zhag bdun nas thar bar 'gyur ro/ /me bzhi la btson
285a8 du bzung ba ni zhag lnga nas thar bar 'gyur ro/ /nag pa la btson du bzung ba ni zhag bdun nas thar bar 'gyur ro/ /sa ri la btson du bzung ba ni zhag bcu gnyis nas thar bar 'gyur ro/ /sa ga la btson du bzung ba ni
285b1 zhag nyi shu rtsa drug nas thar bar 'gyur ro/ /lha mtshams la btson du bzung ba ni zhag nyi shu rtsa dgu nas thar bar 'gyur ro/ /snron la btson du bzung ba ni zhag bcu nas thar bar 'gyur ro/ /snrums la btson du bzung ba
285b2 ni zhag nyi shu rtsa drug nas thar bar 'gyur ro/ /chu stod la btson du bzung ba ni zhag bcu bzhi nas thar bar 'gyur ro/ /de bzhin du chu smad la yang brjod par bya'o/ /gro bzhin dang / mon gre dang / mon gru dang / khrums stod
285b3 dang / khrums smad dang / nam gru ste/ de dag la btson du bzung ba ni zhag bcu bzhi nas thar bar 'gyur ro/ /tha skar la btson du bzung ba ni zhag gsum nas thar bar 'gyur ro/ /bra nye la btson du bzung ba
285b4 ni nyon mongs shing mi shor bar bstan to/ /kye pad ma'i snying po de dag ni bcings pa thar pa zhes bya ba'i le'u yin no/ /kye pad ma'i snying po gzhan yang sme ba'i mtshan ma bshad par bya yis de nyon cig /mgo dkyil
285b5 na sme ba phra zhing sa dkar po'i kha dog lta bu yod na/ bud med de ni rgyal po'i btsun mor 'gyur ro/ /de ni mchu pad ma ltar dmar bar 'gyur ro/ /bud med gang gi mgo la sme ba phra zhing lig bu mig gi kha dog lta bu yod
285b6 na/ de ni dmag dpon gyi chung mar 'gyur te/ nu ma gnyis kyi dkyil na thig le lta bu'i sme ba yod par 'gyur ro/ /smin ma gnyis kyi mtshams na sme ba yod na/ de ni khyim thab las 'phyo zhing bag med par spyod
285b7 la/ khyo lnga yod par 'gyur zhing / zas dang skom mang du rnyed par 'gyur ro/ /gsang ba'i gnas na sme ba'i thig le yod na khyo lnga par 'gyur ro/ /gang gi 'khur tshos la sme ba yod na/ de ni khyim thab las 'phyo
285b8 bar 'gyur zhing bzod par dka' ba'i sdug bsngal thob par 'gyur ro/ /brla'i phye gsham na sme ba theg le lta bu yod pa dang / rna ba la sme ba yod pa ni thos pa mang zhing bag med par bstan to/ /gang gi
286a1 mjug to na thig le lta bu'i sme ba yod pa ni thos pa mang zhing khyim thab kyi brtul zhugs can du 'gyur ro/ /gang gi ya mchu la sme ba nag po yod pa de ni brdzun du smra zhing khyim thab las 'phyo
286a2 la sdug bsngal mi bzad pa myong bar 'gyur ro/ /gang gi brla la sme ba yod pa de ni snga ma dang 'dra'o/ /gang gi mchu la sme ba yod pa de ni bag chung zhing khyim thab las 'phyo bar bstan to/ /gang gsang
286a3 ba'i nang na sme ba yod pa de ni zas dang / skom mang du rnyed par 'gyur ro/ /kos ko dang gsang ba'i nang na sme ba yod pa ni khyim thab las 'phyo zhing zas dang gos mang du rnyed par 'gyur ro/ /kye pad ma'i snying po de
286a4 ni sme ba lung bstan pa zhes bya ba'i le'u 'o/ /kye pad ma'i snying po gzhan yang skyes pa'i yon tan gyi le'u bshad kyis nyon cig /smin drug la skyes pa'i mi ni dka' thub dang ldan zhing rkun ma la dga' la dpa'
286a5 zhing gtum pa dang / lugs ston pa'i skyes bur 'gyur ro/ /snar ma la skyes pa'i skyes bu ni nor dang ldan pa dang / chos la dga' zhing brtson 'grus brtan zhing dpa' la bde ba dang ldan par 'gyur ro/ /mgo la skyes
286a6 pa'i skyes bu ni 'jam zhing mdzes la blta bar 'os pa dang / khyad par du bud med la dga' bar 'gyur ro/ /lag la skyes pa ni gsod cing gtum la pha rol 'jigs par byed cing las drag po la sbyor la khang po bzang
286a7 po rnyed par 'gyur ro/ /nam so la skyes pa ni 'dod pa chung zhing blo dang ldan la chos dang tshul khrims dang bcas shing spro thung bar 'gyur ro/ /rgyal la skyes pa ni bram ze chen po gzi brjid dang ldan pa 'am/
286a8 rgyal rigs su gyur nas rje'u rigs dang / dmangs rigs kyis mchod par 'gyur ro/ /skag la skyes pa ni sna 'bud cing khro la spro thung zhing skyes bu ngan pa rnams la lung gsol bar bstan to/ /
286b1 mchu la skyes pa ni shes rab dang ldan zhing lag pa gtsang la bsod nams che zhing / de bzhin du nor dang / longs spyod du ldan par 'gyur ro/ /gre la skyes pa ni chos ma yin pa'i blo dang ldan zhing rtag tu bla ma
286b2 la smod par 'gyur ro/ /dbo la skyes pa ni longs spyod dang ldan zhing lha'i mngon par shes pa dang ldan pa'i bsod nams kyi skal ba can gyi skyes bur 'gyur ro/ /me bzhi la skyes pa ni bdag nyid skyon med cing
286b3 rnam par gnon la zas bzang po za zhing dmag dpon byed cing 'joms par 'gyur ro/ /nag pa la skyes pa ni mig mdzes shing gtam sna tshogs la mkhas la/ blta na sdug cing dbang dang ldan la tshul
286b4 khrims dang ldan par 'gyur ro/ /sa ri la skyes pa ni gnyen dang ldan zhing mkhas la 'jam zhing dad pa che la grogs dad che bar 'gyur ro/ /sa ga la skyes pa'i skyes bu ni gzi brjid dang ldan la nor mang zhing
286b5 dpa' zhing pha rol gnon la/ gtong ba dang ldan zhing skal ba che bar 'gyur ro/ /lha mtshams la skyes pa'i skyes bu ni grogs po dang ldan zhing khyim dang ldan la/ dag cing byas pa gzo la chos kyi bdag nyid
286b6 can du 'gyur ro/ /snron la skyes pa'i skyes bu ni grogs dad che la kun nas rgyal zhing 'phong gi bstan bcos la mkhas shing bud med la dga' ba'i blo can du 'gyur ro/ /snrums la skyes pa ni byas pa
286b7 mi gzo la chos la mi dga' zhing dpa' zhing brtan la sdig pa can du 'gyur ro/ /chu stod la skyes pa'i skyes bu ni ser sna che la dbang po rgod pa dang / nya'i sha la sred cing shan par 'gyur ro/ /chu
286b8 smad la skyes pa'i skyes bu ni spro thung zhing gtong ba la dga' zhing mkhas la/ dga' mdza' dang ldan zhing gnyen bshes mang bar 'gyur ro/ /gro bzhin la skyes pa ni bstan bcos la mkhas
287a1 shing bya ba dang ldan la tshe ring bar 'gyur ro/ /mon gre la skyes pa ni blo rgod cing nor mang la skyes bu thams cad 'joms par 'gyur ro/ /mon gru la skyes pa ni zhe sdang che zhing tshul
287a2 khrims dang mi ldan la byi rgyug par 'gyur ro/ /khrums stod la skyes pa ni spyod pa'i yon tan dang ldan zhing byas pa gzo la de kha ra bar 'gyur ro/ /khrums smad la skyes pa ni shin du mkhas
287a3 shing blo dang ldan la bu mang zhing chos dang tshul khrims ldan zhing nor mang bar 'gyur ro/ /nam gru la skyes pa ni chos shes shing rig pa sten la dbul zhing nor nyung la gtong ba la dga' bar 'gyur ro/ /
287a4 tha skar la skyes pa ni mkhas shing skye bo'i tshogs dga' la dpa' zhing skal ba dang ldan par 'gyur ro/ /bra nye la skyes pa ni sdig pa la spyod cing mi mkhas la sngar zhing sbyin pa la dga' zhing
287a5 gzhan la rten pas 'tsho bar 'gyur ro/ /kye pad ma'i snying po de ni skyes pa'i yon tan gyi le'u'o/ /gzhan yang bram ze bdag gis sngon gyi gnas rjes su dran pa'i shes pas mngon sum
287a6 du byas nas/ sems kyis rig pa rnams gtan la phab cing sna tshogs pa'i sngon gyi gnas rjes su dran te/ tshangs pa mchog tu gyur pa de/ khyod gzhan zhig yin snyam na/ de
287a7 ltar blta bar mi bya ste/ nga nyid de'i tshe de'i dus na lha rnams kyi tshangs pa mchog tu gyur to/ /bdag de nas shi 'phos nas lha'i dbang po brgya byin du gyur to/ /de nas shi 'phos
287a8 nas bram ze dgon pa pa mu khyud gau ta ma zhes bya bar gyur to/ /de nas shi 'phos nas drang srong dkar po'i tog ces bya bar gyur to/ /de nas shi 'phos nas tha mal pa'i pan Di ta ne tso
287b1 zhes bya bar gyur to/ /de'i tshe bdag gis rig byed bzhi bklags te/ 'di lta ste/ rgyal zhes bya ba'i gnod pa'i phyogs dang / sdeb sbyor gyi gnod pa dang / cha nyi shu rtsa gcig pa byas shing srid
287b2 srung rnams bdag gis byas so/ /bram ze khyod yang de'i tshe de'i dus na drang srong ba su zhes bya bar gyur pa de gzhan zhig yin snyam du de de ltar mi blta ste/ nga nyid de'i tshe de'i dus na drang srong ba su
287b3 zhes bya bar gyur to/ /de'i tshe ngas shing mkhan gyi bu mo ser skya mo zhes bya ba chung ma'i don du blangs so/ /de la bdag kun du chags pas rdzu 'phrul nyams shing bsam gtan dang bral te/ des
287b4 bdag nyid 'gyod nas de'i tshe dag byed kyi sngags 'di dag smras te/ oM b+hur b+hu ba swa/ tad sa b+hi tu ra ba re N+ya~M b+har go de ba sa d+h+ri ma hi d+hi yo na bra dzo da ya/ de bas na bram ze ngas khyod la bshad
287b5 par byas te/ bdag ni tha mal pa tsam nyid de/ 'jig rten du 'di ltar bram ze zhes bya ba dang / rgyal rigs shes bya ba dang / rje'u rigs shes bya ba dang / dmangs rigs shes bya ba 'di
287b6 thams cad gcig pa nyid de/ thams cad tha dad pa ma yin no/ /de bas na bdag gi bu gzhon nu stag rna la bu mo gzugs bzang mo chung ma'i don du byin cig /gang rin ji snyed bab pa de 'dod
287b7 pa bzhin du gzhal bar bya'o/ /gdol pa'i rgyal po tre shang ku las tshig de lta bu de thos pa dang / bram ze pad ma'i snying pos 'di skad ces smras so/ /khyod ni gcig tu gyur pa'i gtso bo
287b8 mnyam pa med pa/ lha dang bcas pa'i 'jig rten na mnyam pa med pa'i bram ze chen por gyur te/ khyod kyi bu la nga'i bu mo gzugs bzang mo sbyin par byas ste/ gzhon nu stag rna dang / gzugs
288a1 bzang mo gnyis tshul khrims dang gzugs dang yon tan dang ldan zhing bzang zhing mdzes pa yin te/ 'di ni bdag kyang 'dod pa yin no/ /de nas bram ze'i khye'u lnga brgya po de dag gis sgra
288a2 chen pos kye rig pa dang ldan pa'i bram ze rnams gdol pa dang gnyen ma mdzad cig /mkhan po rig pa dang ldan pa'i bram ze rig pa gsum rnams gdol pa dang lhan cig tu gnyen mdzad dam/ de nas
288a3 bram ze pad ma'i snying pos gleng gzhi bshad cing lan gyi tshigs su bcad pa rnams smras pa/ tre shang ku des gang smras pa/ /de bzhin de nyid de lta bur/ /de nyid yin te brdzun pa min/ /yang dag
288a4 mthar gyur bden pa nyid/ /de nas bram ze pad ma'i snying pos bram ze'i khye'u de dag la smad nas/ gdol pa'i rgyal po tre shang ku la 'di skad ces smras so/ /kye tre shang ku tshangs pa 'di/ /mi mjed
288a5 bdag pos 'byung bzhi las/ /skyes bu rnam par sprul pa ste/ /mgo ni skar tshogs nam mkha' yin/ /de bzhin lto ba bar snang yin/ /ri bo rnams ni brla gnyis te/ /rkang pa gnyis ni sa ru
288a6 gnas/ /nyi ma zla ba mig gnyis yin/ /rtswa dang shing rnams ba spu ste/ /mchi ma bar snang char pa'o/ /rgya mtsho rnams ni gcin du 'dod/ /ri bo rnams ni phyi sa yin/ /de ni tshangs pa mi mjed bdag /khyod
288a7 dang shes pa mnyam pa med/ /de de bzhin du bdag gis brjod/ /kye tre shang ku de la ni 'dir bdag nyid ci zhig smra ru yod/ yang rang gi mtshan nyid mngon sum du dpyad pas pha dang mas sbyor ba byas pa las
288a8 gyur cing / bde ba 'dod pas bslus nas sems can rnams mngal du 'jug pa yin te/ 'ga' yang ma skyes pa ni med do/ /'jig rten thams cad ni skye ba yin te/ bram ze'i rigs dang / rgyal rigs dang /
288b1 rje'u rigs dang / dmangs rigs de dag thams cad la zhar ba dang / lag pa 'jas pa dang / 'theng po dang / mdze dang / 'brum bu dang / rjed byed rnams dang / sha bkra dang / de bzhin du sems can thams cad
288b2 tha dad par gnas pa'i phyir te/ rus pa dang / lpags pa dang / sen mo dang / sha dang / bde ba dang / sdug bsngal dang / gshang ba dang / gci ba dang ldan zhing dbang po rnams ni rnam par dbye ba med pa'i phyir rigs bzhi
288b3 'grub par mi 'gyur ro/ /bram ze gal te bram ze'i sngags kyi 'bras bu mtho ris su 'gro ba yin na/ dge sdig gi las kyi 'bras bu med cing chud za bar 'gyur ro/ /gang zhig 'gro ba lnga rnams la dge sdig
288b4 las kyi 'bras bu rnam par smin par ni mthong ngo / /de nas gdol pa'i rgyal po tre shang kus bram ze pad ma'i snying po grags pas tshar bcad do/ /de nas bram ze des gdol pa'i rgyal po
288b5 tre shang ku la smras pa/ khyod ni tshangs pa dang / lha'i dbang po kau shi ka dang / gau ta ma rtsibs kyi mu khyud dang / dkar po'i tog dang / ne tso mkhas pa'i rig byed rnams bshad par gyur
288b6 cing / lha'i drang srong chen por grags pa dang ldan pa'i mchog da ltar yang khyod nyid yin te/ 'dir rig pa mchog gis bstan bcos thams cad byed cing mchog tu khyad par can 'jig rten 'di'i mchog tu gyur
288b7 pa rigs pa dang ldan par spyod pa khyod yin pas/ tshul khrims dang ldan pa gzugs dang ldan pa/ yon tan dang ldan pa'i bu mo gzugs bzang mo mna' ma'i don du bdag gis khyod la sbyin par bya'o/ /gzhon nu stag rna dang / gzugs bzang mo
288b8 gnyis mdzes shing 'thun pas kyang 'di la mos shing dga' 'o zhes smras nas/ gser gyi bum pa chus bkang ba thogs nas/ bram ze mngon par dad cing dga' ba dang / mgu ba dang ldan pas chu sbrengs nas bu mo byin te/ 'di skad du yang bu mo gzugs
289a1 bzang mo 'di gzhon nu stag rna'i chung ma ru dga' ba'i sems kyis long shig /de nas gdol pa'i rgyal po tre shang kus bu la de blangs nas/ rang grong khyer du phyir log ste/ chos dang ldan par grags pas rang gi rgyal srid
289a2 bskyangs par gyur to/ /yang dge slong dag khyed de'i tshe de'i dus na gdol pa'i rgyal po tre shang ku zhes bya ba de gzhan zhig yin snyam du sems na/ de ltar blta bar mi bya ste/ nga nyid de'i tshe de'i dus na gdol pa'i rgyal po tre
289a3 shang ku zhes bya bar gyur to/ /yang de'i tshe de'i dus na/ gzhon nu stag rna zhes bya ba gdol pa'i rgyal po tre shang ku zhes bya ba'i bur gyur pa de gzhan zhig yin snyam du sems na/ de ltar blta bar mi bya ste/
289a4 dge slong kun dga' bo 'di nyid de'i tshe de'i dus na gzhon nu stag rna zhes bya bar gyur to/ /yang khyed de'i tshe de'i dus na bram ze pad ma'i snying po zhes bya bar gyur pa de gzhan zhig yin snyam du sems na/ de ltar
289a5 blta bar mi bya ste/ dge slong shA ra dwa ti'i bu de'i tshe de'i dus na/ bram ze pad ma'i snying po zhes bya bar gyur to/ /yang de'i tshe de'i dus na bu mo gzugs bzang mo zhes bya ba bram ze pad ma'i
289a6 snying po'i bu mor gyur pa de gzhan zhig yin snyam du sems na/ de ltar blta bar mi bya ste/ dge slong ma gzugs bzang mo 'di nyid de'i tshe de'i dus na/ pad ma'i snying po'i bu mor gyur te/ der
289a7 gcugs pa dang / mdza' ba'i rgyus da ltar dge slong kun dga' bo 'gro na rjes su 'gro zhing / 'dug na 'dug la khang pa gang dang gang du bsod snyoms la zhugs pa na/ sgo de dang der mi smra bar gnas
289a8 par gyur to/ /de nas bcom ldan 'das gleng gzhi'i rnam pa 'di nyid bstan nas/ de'i tshe tshigs su bcad de bka' stsal pa/ skye ba sngon gyi bag chags kyis/ /da ltar yang ni brtse nyid de/ /de yis
289b1 gcugs pa skyes gyur pa/ /chu nang nas skyes ci bzhin no/ /de lta bas na dge slong dag 'phags pa'i bden pa bzhi mngon par rtogs pa mngon du ma byas pas brtson 'grus dang mngon par 'bad pa dang / spro ba dang / 'dun
289b2 pa drag pos tshig tu ma yin par rtogs par bya zhing dran pa dang / shes bzhin gyis spyad par bya'o/ /bzhi po de dag gang zhe na/ sdug bsngal 'phags pa'i bden pa sdug bsngal dang / kun 'byung 'phags pa'i
289b3 bden pa sdug bsngal dang / 'gog pa 'phags pa'i bden pa sdug bsngal dang / lam 'phags pa'i bden pa sdug bsngal te/ 'phags pa'i bden pa bzhi po de dag mngon par ma rtogs pa mngon par rtogs pa'i
289b4 phyir brtson 'grus dang / mngon par 'bad pa dang / spro ba dang / 'dun pa drag pos tshig tu ma yin par rtogs par bya zhing dran pa dang / shes bzhin gyis sbyar bar bya'o/ /chos kyi rnam grangs 'di bshad pa na/
289b5 dge slong drug bcu len pa med par zag pa rnams las sems rnam par grol lo/ /mnyan yod kyi skye bo'i tshogs chen po bram ze dang / khyim bdag rnams chos kyi mig rdul med cing dri ma dang bral bar gyur to/ /
289b6 dge slong de dag dang / ko sa la'i rgyal po gsal rgyal dang / mnyan yod kyi skye bo'i tshogs chen po dang / bram ze dang / khyim bdag dang / lha dang / klu dang / lha ma yin dang / nam mkha' lding dang /
289b7 mi 'am ci dang / lto 'phye chen po dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa stag rna'i mdo/ rdzogs so// //
CLOSE WINDOW