བོད་ཡིག |
91b5 bshes gnyen dgen rin gnyis kyis legs par zhus shing dag go/ /dge'o/ / @#/ /rgya'i skad du/ de'i phang bya na phur po'u in kyeng sU phim de'i ir/ bod skad du/ thabs
91b6 mkhas pa chen po sangs rgyas drin lan bsab pa'i mdo/ bam po dang po/ 'di skad bdag gis thos pa dus gcig na/ bcom ldan 'das rgyal po'i khab bya rgod spungs pa'i ri la/ dge slong gi
91b7 dge 'dun chen po dge slong nyi khri brgyad stong thams cad kyang bya ba byas pa/ tshangs par spyod pa spyad pa/ srid par kun du sbyor ba yongs su zad pa/ klu chen po ltar sems kyi dbang thob pa sha
91b8 stag la 'di lta ste/ 'od srung chen po dang / rab 'byor dang / kun shes kau Di n+ya dang / mdzes bzang dang / byams ma'i bu gang po dang / lam chan bstan dang / shA ri'i bu dang /
92a1 kA t+ya'i bu chen po dang / kun dga' bo dang / sgra gcan 'dzin la sogs pa cang shes pa dag dang thabs gcig tu bzhugs so/ /byang chub sems dpa' sems dpa' chen
92a2 po sum khri brgyad stong dag dang thabs gcig ste/ byang chub sems dpa' de dag thams cad kyang yun ring por dge ba'i rtsa ba bskyed pas sangs rgyas bye ba brgya stong tshad med pa rnams la rtag tu tshangs
92a3 par spyod pa spyad pa/ smon lam chen po yongs su rdzogs pa/ ting nge 'dzin brgya stong snyed khong du chud cing rtogs pa/ gzungs yongs su rdzogs pa/ snying rje chen po mi
92a4 gtong ba/ sems can chen po ji lta ba bzhin du thams cad la phan par brtson pa/ dkon mchog gsum gyi gdung mi 'chad par 'tshob pa/ chos kyi rgyal mtshan rnam par
92a5 'dzugs pa/ so so'i ma bskul ba'i dge ba'i bshes gnyen du gyur pa/ ye shes chen po'i 'gram du phyin pas kun du grangs med pa sha stag la 'di lta ste/ byang chub
92a6 sems dpa' spyan ras gzigs dbang phyug dang / byang chub sems dpa' mthu chen thob dang / byang chub sems dpa' rtag par brtson dang / byang chub sems dpa' yon
92a7 tan dam pa dang byang chub sems dpa' glog gi 'od dang / byang chub sems dpa' kun du mnyam pa dang / byang chub sems dpa' yon tan gtso bo dang / byang chub
92a8 sems dpa' ri rab rgyal po dang / byang chub sems dpa' spos kyi glang po dang / byang chub sems dpa' spos kyi glang po chen po dang / byang chub sems dpa' stobs 'dzin
92b1 dang / byang chub sems dpa' khams gsum 'phags dang / byang chub sems dpa' rtag par snying rje dang / byang chub sems dpa' lag na rin chen dang / byang chub sems dpa'
92b2 'od btsan dang / byang chub sems dpa' dam pa'i dpal dang / byang chub sems dpa' rin chen zla ba dang / byang chub sems dpa' stobs po che dang / byang chub sems dpa' blo gros tshad
92b3 med dang / byang chub sems dpa' bzang skyong dang / byang chub sems dpa' seng ge'i sgra dang / byang chub sems dpa' seng ge byed dang / byang chub sems dpa' seng ge rnam par
92b4 bsgyings pa dang / byang chub sems dpa' smon lam rdzogs dang / byang chub sems dpa' rin chen brtsegs dang / byang chub sems dpa' byams pa dang / byang chub
92b5 sems dpa' 'jam dpal gzhon nur gyur pa la sogs pa 'khor mang po dang yang thabs gcig tu bzhugs so/ /de ma yin pa gzhan yang / 'dod pa'i khams kyi lha'i bu tshad med pa
92b6 brgya stong dag kyang lhags nas lha rdzas kyi me tog dang spos rnams thogs shing / /lha rdzas kyi rol mo dkrol nas steng gi nam mkha' la 'khod do/ /de
92b7 ma yin pa lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang /
92b8 mi dang / mi ma yin pa dang / de la sogs pa so so nas 'khor brgya stong snyed lhags nas sangs rgyas kyi zhabs la mgo bos phyag 'tshal te/ phyogs gcig tu
93a1 'khod do/ /de'i tshe na bcom ldan 'das la 'khor mang pos yongs su bskor te/ rim gro dang mchod pa byas/ bkur sti dang bcas pas yongs su bstod pa byas so/ /de'i tshe na bcom ldan 'das kyi byin gyis brlabs kyis kun dga'
93a2 bo snga dro'i dus kyi tshe rgyal po'i khab tu zhugs nas mthar gyis bsod snyoms blangs so/ /de'i dus na bram ze pha ma la sri zhu cher byed pa/ khyim so zhig nas ci yang mi bdog pa cig kyang ma rgan khur du khyer te/ mthar gyis slongs mo byed de/ de yang kha
93a3 zas zhim po ro dang ldan pa'am/ shing tog bzang po dag rnyed na pha ma la stobs so/ /kha zas ngan pa ro med pa 'am/ shing tog skam po dag rnyed na bdag za'o/ /kun dga' bos de lta bu dag mthong nas rab tu dga' ba'i sems skyes te/ mi
93a4 de la legs so/ /legs so zhes snyan par bstod nas/ rigs kyi bu pha ma la sri zhu byed cing mchod pa byed pa ngo mtshar che ste legs so zhes smras so/ /de nas kun du rgyu ston pa drug gi bstan pa la phyogs shing grogs su gyur pa cig dbang
93a5 po rno la gtsug lag dang / rig byed rnam pa bzhi la mkhas par gyur pa/ skar ma dang rtsis la mkhas pa/ dge sdig gi ltas rno ba/ mo dang gtsug lag gi rig pas pha rol gyi sems shes pa/ phal mang po'i slob dpon du gyur pa/
93a6 kun gyis bkur ba cig lta ba ngan pa la zhen nas khe dang grags pa'i phyir dam pa'i chos 'jig par byed/ sangs rgyas dang / chos dang / dge 'dun la phrag dog byed de smod pa'i phyir kun dga' bo la 'di skad ces smras so/ /khyod kyi
93a7 ston pa gau ta ma shAg rigs kyi bu nga ni dge ba yin te/ yon tan chen po dang ldan no zhes smra ba yang ming tsam du zad de bden pa'i dngos po med do/ /khyod kyi ston pa gau ta ma ni yang dag par na sdig pa can yin te/ btsas nas zhag
93a8 bdun lon pa na ma yang shi bas sdig pa can yin par mngon no/ /rgyal po'i pho brang na 'dug pa las pho brang nang nas bros pas yab rgyal po yang mya ngan gyis non te/ sems 'khrugs nas brgyal ba las chus gtor te/ zhag bdun lon
93b1 pa dang dran pa phyir rnyed de cho nges btab nas nga'i lha'i bu cig deng du stor ro zhes snying rje rje skad du ngus nas/ nga'i yul dang srid kyang khyod 'ba' shig dbang bar zad na ci'i phyir nged spangs te ri dgon par chas shes smre sngags 'don du bcug pas
93b2 khyod kyi ston pa gau ta ma drin mi shes te ci la'ang ma bltas par langs te song bas na sri zhu med par yang mngon no/ /yab rgyal pos pho brang brtsigs nas chung ma blangs pa las kyang chung ma'i las ma byas te mya ngan gyis gdungs
93b3 par byas pas na khrel med pa yang yin par mngon no/ /kun dga' bos de skad ces smras pa'i tshig de dag thos nas ngo tsha zhing skyengs te/ bsod snyoms blangs te phyir sangs rgyas ga na bar 'ongs nas zhabs la mgo bos
93b4 phyag 'tshal te phyogs gcig tu thal mo sbyar ba btud de bcom ldan 'das la 'di skad ces gsol to/ /bcom ldan 'das sangs rgyas kyis bstan pa'i chos la pha ma la sri zhu bgyi ba lta ma mchis sam/
93b5 sangs rgyas kyis kun dga' bo la bka' stsal pa/ 'di skad du zhu ba 'di khyod la su zhig gis bstan/ lha 'am mi 'am/ mi ma yin pas bstan tam/ 'on te khyod nyid kyi shes pa'i blos de bzhin
93b6 gshegs pa la zhu bar gyur ces bka' stsal pa dang / kun dga' bos gsol pa/ bdag la lha 'am/ klu 'am/ yi dags sam/ mi 'am/ mi ma lags pa gang gis kyang bstan pa ma mchis te/
93b7 snga dro bsod snyoms slong du mchis pa'i shul du ston pa drug gi 'khor kun du rgyu gcer bu pa gcig dang mjal ba dang / bdag la tshig rtsub mo dag mchi'o zhes rgyas par gsol to/ /de'i tshe bcom ldan 'das 'dzum
93b8 pa mdzad nas zhal gyi sgo nas kha dog rnam pa du ma dang ldan pa'i 'od byung bas shar phyogs logs su sangs rgyas kyi zhing tshad med pa bye ba brgya stong 'das pa'i pha rol na 'jig rten gyi khams bla ma mchog ces bya ba snang bar
94a1 byas so/ /'jig rten gyi khams de na sangs rgyas dga' ba'i rgyal po zhes bya ba de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar
94a2 gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ ston pa rgyal ba/ sangs rgyas bcom ldan 'das/ sangs rgyas kyi zhing rab tu bkod pa zhes bya ba na bzhugs te/ sangs rgyas kyi
94a3 zhing de yang shin du mnyam zhing gzhi bai dUr+ya las byas pa/ gser btso mas thig re'u bres pa/ rin po che sna bdun gyi shing bskyed pa/ shing de dag kyang mda' rgyang tsam du mtho ba/ me tog dang / 'bras bu dang / yal ga dang 'dab
94a4 mas shin du brgyan pa/ rlung mi drag pas bskyod na sgra snyan pa 'byung ba/ sgra de dag so so'i skye bos thos pas mi ngoms pa/ skabs skabs na chu mig dang / mtshe'u dang / khrus kyi rdzing bu yod la yon tan brgyad dang ldan pa'i chus
94a5 yongs su gang ba/ rdzing gi zhabs kyang gser gyi bye mas brdal ba/ rdzing gi ngos bzhi na bsung dam pa dang ldan pa'i me tog pad ma dang / puN Da ri ka dang / pA ru Sha ka dang / de ma yin pa'i me tog sngon po dang / ser po dang / dmar
94a6 po dang / dkar po shing rta'i phang lo tsam gyis chu'i steng yongs su khebs te/ chu de'i nang na bya rnam pa sna tshogs kyang shin du yid du 'ong ba'i sgra snyan pa 'byin to/ /rdzing de'i nang na rin po che sna bdun las byas pa'i gru yod de/ de na
94a7 sems can mang po 'dod dgur rtse zhing longs spyod do/ /rin po che'i shing de dag gi bar bar na seng ge'i khri mtho khyad kyi tshad dpag tshad gcig pa bshams nas rin po che sna bdun gyis brgyan te/ lha rdzas kyi na bza' khri'i steng du rim
94a8 par bting ba/ lha rdzas kyi spos kyi dri 'thul ba/ lha rdzas kyi me tog gis chal par bkram pa'i khri de la de bzhin gshegs pa dga' ba'i rgyal po skyil mo dkrung du bcas shing bzhugs pa la byang chub sems dpa' tshad med pa bye ba
94b1 brgya stong snyed mdun du bdar te thal mo sbyar ba btud nas de bzhin gshegs pa de la so so nas tshig 'thun par 'di skad ces gsol to/ /bcom ldan 'das ci'i rgyu ci'i rkyen gyis 'od bzang po kha dog sngon po dang / ser po dang / dmar po dang / dkar po
94b2 dang ldan pa/ rab tu gsal ba/ dper mi bzod pa 'di nub phyogs logs nas 'khor mang po 'di dag la snang bar gyur te/ gang la 'od kyis reg pa de dag thams cad lus dang sems bde bar 'gyur ba de thugs brtse ba'i slad du bcom ldan 'das
94b3 kyis bstan du gsol/ de la bcom ldan 'das des 'di skad ces bka' stsal to/ /rigs kyi bu dag legs par nyon la shin du yid la zung shig dang khyod la dgrol zhing bshad par bya'o/ /'di nas nub phyogs logs su 'jig rten gyi
94b4 khams tshad med pa bye ba brgya stong 'das pa'i pha rol na sangs rgyas kyi zhing mi mjed ces bya ba yod de/ de na sangs rgyas shAkya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su
94b5 ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ ston pa rgyal ba/ sangs rgyas bcom ldan 'das shes bya ba 'khor mang pos yongs su bskor nas/ 'khor mang po thams cad
94b6 la thabs mkhas pa chen po drin lan bsab pa'i mdo sde ston cing / sems can thams cad la phan pa dang bde ba'i don gyi phyir/ sems can thams cad kyi log par lta ba'i zug rngu rtsa nas gdon pa'i phyir/ sems thog ma pa'i byang chub
94b7 sems dpa' dag byang chub kyi lam las phyir mi ldog cing brtan par bya ba'i phyir/ nyan thos dang rang sangs rgyas thams cad mthar phyin pa'i theg pa gcig gi lam la dgod pa'i phyir/ byang chub sems dpa' chen po rnams myur du
94b8 mngon par byang chub cing sangs rgyas kyi drin lan bsab pa'i phyir sems can thams cad kyis drin lci ba dran par bya ba'i phyir/ sems can thams cad sdug bsngal gyi rgya mtsho las bsgral ba'i phyir so so'i skye bo mtha' dag pha ma dag
95a1 la sri zhu bya bar 'dod pa'i phyir 'od 'di snang bar gyur pa yin no/ /de'i tshe 'khor de'i nang na byang chub sems dpa' 'khor mang po'i gtso bo dang ston par gyur pa stong phrag bcu snyed stan las langs te/ bla gos phrag pa
95a2 gcig tu byas nas pus mo g.yas pa'i lha nga sa la btsugs te bcom ldan 'das la 'di skad ces gsol to/ /bcom ldan 'das kyi byin gyi brlabs kyis bdag cag rnams mi mjed kyi 'jig rten gyi khams der mchi zhing / de bzhin gshegs
95a3 pa shAkya thub pa la mchod pa dang / bsnyen bkur bgyi ba dang / thabs mkhas pa chen po sangs rgyas drin lan bsab pa'i mdo dam pa nyan cing mchi bar byin gyis brlab tu gsol/ de nas sangs rgyas des byang chub sems dpa' de rnams la 'di skad
95a4 ces bka' stsal to/ /rigs kyi bu dag khyed mi mjed kyi 'jig rten gyi khams der phyin nas sangs rgyas bcom ldan 'das de la mchod cing bkur sti bya ba dang / shin du phrad par dka' ba'i 'du shes bskyed par bya'o/ /de ci'i phyir zhe na/ sangs rgyas
95a5 shAkya thub pa ni bskal pa grangs med pa bye ba khrag khrig gi bar du shin du spyad dka' ba spyad de/ snying rje chen pos smon lam 'di skad ces btab bo/ /gal te mngon par sangs rgyas pa na 'jig rten gyi khams sdig pa can ri dang / shang shong dang gyo mo
95a6 dang / gseg ma dang / tsher ma la sogs pa yod pa'i gnas su sems can dag kyang nyon mongs pa dang bcas pa/ mtshams med pa lnga dang / mi dge ba bcu rdzogs par spyod pa'i gnas der mngon par rdzogs par sangs rgyas te/
95a7 phan pa dang bde ba'i don du sdug bsngal thams cad yongs su spyad de/ bde ba thams cad dang yongs su ldan par byas nas chos kyi sku yongs su rdzogs shing lhag ma ma lus pa'i mya ngan las 'das par gyur cig ces smon lam
95a8 du btab bo/ /sangs rgyas bcom ldan 'das des thog ma de skad ces smon lam btab pas khyed rnams 'jig rten gyi khams der phyin nas ji ltar sangs rgyas nyid gshegs pa dang / ji ltar sangs rgyas nyid bzhugs pa dang 'dra
95b1 bar gnas par bya'o zhes bka' stsal pa dang / byang chub sems dpa' de dag thams cad kyis tshig 'thun par bcom ldan 'das kyi bka' bzhin du bgyi'o zhes gsol nas byang chub sems dpa' de dag re re yang 'khor byang chub sems
95b2 dpa' bye ba khrag khrig brgya stong snyed kyis yongs su bskor te mi mjed kyi 'jig rten gyi khams gang na ba der song ngo / /de dag 'jig rten gyi khams gang dang gang du phyin par 'jig rten gyi khams de dag rnam pa drug tu g.yos te/ 'od zer chen
95b3 po yang kun du snang bar gyur/ steng gi bar snang las lha rnams kyis me tog man dA ra ba dang / man dA ra ba chen po yang char bzhin phab bo/ /'od zer chen pos snang bar byas shing rdzu 'phrul gyis 'jig rten gyi khams gang gA'i klung gi bye ma
95b4 snyed dag kyang g.yos so/ /de ma yin pa gzhan yang lha rdzas kyi rol mo tshad med pa brgya stong snyed kyang steng gi bar snang la ma dkrol bar rang zer bzhin du byang chub sems dpa' de dag bya rgod spungs pa'i ri ga la ba der de bzhin gshegs
95b5 pa'i spyan sngar lhags nas zhabs la mgo bos phyag 'tshal te/ sangs rgyas la lan gsum bskor ba byas nas phyogs gcig tu 'khod do/ /de'i tshe de bzhin gshegs par shAkya thu pa bas kha dog rnam pa lnga dang ldan pa'i 'od zer gyis
95b6 nub phyogs logs su sangs rgyas kyi zhing tshad med pa bye ba khrag khrig brgyad stong 'das pa'i pha rol na 'jig rten gyi khams dag pa'i shes bya ba snang bar byas so/ /'jig rten gyi khams de na sangs rgyas kyi mtshan nyi zla mar me'i
95b7 'od ces bya ba de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa skyes bu 'dul ba'i kha lo sgyur ba bla na med pa/
95b8 ston pa rgyal ba/ sangs rgyas bcom ldan 'das sangs rgyas kyi zhing bde ba can zhes bya ba na bzhugs te/ sangs rgyas kyi zhing de yang shin du mnyam zhing gzhi be dUr+ya las byas pa/ gser btso mas/ thig re'u bres pa/
96a1 rin po che sna bdun gyi shing bskyed pa/ shing de dag kyang mda' rgyang gang tsam du mtho ba/ me tog dang / 'bras bu dang / yal ga dang / mdab mas shin du brgyan pa/ rlung mi drag pas bskyod pas sgra snyan pa 'byung ba/ sgra de
96a2 dag so so'i skye bos thos pas mi ngoms pa/ skabs skabs na chu mig dang / mtshe'u dang / khrus kyi rdzing bu yod la yon tan brgyad dang ldan pa'i chus yongs su gang zhing / rdzing gi zhabs kyang gser gyi bye mas brdal ba/ rdzing gi ngos
96a3 bzhi na bsung dam pa dang ldan pa'i me tog pad ma dang / puN Da ri ka dang / pA ru Sha ka dang / de ma yin pa'i me tog sngon po dang / ser po dang / dmar po dang / dkar po dang shing rta'i phang lo tsam chu'i steng yongs su khebs te/ chu'i nang na yang
96a4 bya rnam pa sna tshogs kyang shin du yid tu 'ong ba'i sgra snyan pa 'byin to/ /rdzing de'i nang na rin po che sna bdun las byas pa'i gru yod de/ de na sems can mang po 'dod dgur rtse zhing longs spyod do/ /rin po che'i shing de dag gi bar bar na seng ge'i
96a5 khri mtho khyad kyi tshad dpag tshad gcig pa bshams nas rin po che sna bdun gyis brgyan pa/ lha rdzas kyi na bza' khri'i steng du rim par bting ba/ lha rdzas kyi spos kyi dri 'thul ba/ lha rdzas kyi me tog gi chal par bkram pa'i khri de la de
96a6 bzhin gshegs pa nyi zla mar me'i 'od skyil mo dkrung bcas shing bzhugs pa la byang chub sems dpa' tshad med pa bye ba brgya stong snyed mdun du bdar te thal mo sbyar ba btud nas de bzhin gshegs pa de la so so nas tshig 'thun par 'di skad
96a7 ces gsol to/ /bcom ldan 'das ci'i rgyu ci'i rkyen gyis 'od bzang po kha dog sngon po dang / ser po dang / dmar po dang / dkar por bcas pa dang ldan pa/ rab tu gsal ba/ dper mi bzod pa 'di shar phyogs logs
96a8 nas 'khor mang po 'di dag snang bar gyur te/ gang la 'od kyis reg pa de dag thams cad lus dang / sems bde bar gyur pa thugs brtse ba'i slad du bcom ldan 'das kyis bstan du gsol/ de nas bcom ldan 'das des 'di skad
96b1 ces bka' stsal to/ /rigs kyi bu legs par nyon la shin du yid la legs par zung shig dang / khyed dgrol bar bshad par bya'o/ /'di nas shar phyogs logs su 'jig rten gyi khams bye ba khrag khrig brgya stong 'das pa'i
96b2 pha rol na sangs rgyas kyi zhing mi mjed ces bya ba yod de/ de na sangs rgyas shAkya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/
96b3 'jig rten mkhyen pa/ skyes bu 'dul ba'i kha lo sgyur ba bla na med pa/ ston pa rgyal ba/ sangs rgyas bcom ldan 'das shes bya ba 'khor mang pos yongs su bskor nas/ 'khor mang po thams cad la thabs mkhas pa chen po
96b4 lan bsab pa'i mdo sde ston cing / sems can thams cad la phan pa dang bde ba'i don gyi phyir sems can thams cad kyi log par lta ba'i zug rngu rtsa nas 'don pa'i phyir/ sems thog ma pa'i byang chub sems dpa' dag
96b5 byang chub kyi lam las mi ldog cing brtan par bya ba'i phyir/ nyan thos dang rang sangs rgyas thams cad mthar phyin pa'i theg pa gcig gi lam la dgod pa'i phyir/ byang chub sems dpa' chen po rnams myur du mngon par byang
96b6 chub cing sangs rgyas kyi drin lan bsab pa'i phyir/ sems can thams cad kyis drin lci ba dran par bya ba'i phyir/ sems can thams cad sdug bsngal gyi rgya mtsho las bsgral ba'i phyir/ so so'i skye bo dag pha ma la sri zhu bya
96b7 bar 'dod pa'i phyir 'od 'di snang bar gyur pa yin no/ /de'i tshe 'khor de'i nang na byang chub sems dpa' 'khor mang po'i gtso bo dang ston par gyur pa stong phrag bcu snyed stan las langs te/ bla gos phyogs gcig tu byas nas
96b8 pus mo g.yas pa'i lha nga sa la btsugs te bcom ldan 'das de la 'di skad ces gsol to/ /bcom ldan 'das kyi byin gyi brlabs kyis bdag cag rnams mi mjed kyi 'jig rten gyi khams der mchi zhing de bzhin gshegs pa shAkya thub pa
97a1 la mchod pa dang / bsnyen bkur bgyi ba dang / thabs mkhas pa chen po sangs rgyas drin lan bsab pa'i mdo sde dam pa nyan cing mchi bar byin gyis brlab tu gsol/ de nas sangs rgyas des byang chub sems dpa'
97a2 de dag la 'di skad ces bka' stsal to/ /rigs kyi bu dag khyed mi mjed kyi 'jig rten gyi khams der phyin nas sangs rgyas bcom ldan 'das de la mchod pa dang bkur sti bya ba dang / shin du phrad dka' ba'i 'du shes bskyed par bya'o/ /
97a3 de ci'i phyir zhe na/ sangs rgyas shAkya thub pa ni bskal pa grangs med pa bye ba khrag khrig gi bar du shin du spyad dka' ba spyad de snying rje chen pos smon lam 'di skad ces btab bo/ /gal te mngon par sangs rgyas pa na
97a4 'jig rten gyi khams sdig pa can/ ri dang / shang shong dang / gyo mo dang / gseg ma dang / tsher ma la sogs pa yod pa'i gnas su sems can dag kyang nyon mongs pa dang bcas pa mtshams med lnga dang / mi dge
97a5 ba bcu rdzogs par spyod pa'i gnas der mngon par sangs rgyas te/ phan pa dang bde ba'i don du sdug bsngal thams cad yongs su bcad de/ bde ba thams cad dang ldan par byas nas chos kyi sku yongs su rdzogs shing lhag ma
97a6 ma lus pa'i mya ngan las 'das par gyur cig ces smon lam btab bo/ /sangs rgyas bcom ldan 'das des thog ma de skad ces smon lam btab pas khyed rnams 'jig rten gyi khams der phyin nas ji ltar sangs rgyas nyid gshegs
97a7 pa dang / ji ltar sangs rgyas nyid bzhugs pa dang 'dra bar bya'o/ /zhes bka' stsal pa dang / byang chub sems dpa' de dag thams cad kyis tshig 'thun par/ bcom ldan 'das kyi bka' bzhin du bgyi'o
97a8 zhes gsol nas/ byang chub sems dpa' de dag re re yang 'khor byang chub sems dpa' bye ba khrag khrig brgya stong snyed kyis yongs su bskor te mi mjed kyi 'jig rten gyi khams gang na ba der song ste/ /de dag 'jig rten gyi
97b1 khams gang dang gang du phyin par 'jig rten gyi khams de dag rnam pa drug tu g.yos te/ 'od zer chen po kun du snang bar gyur/ steng gi bar snang las lha rnams kyis me tog man dA ra ba dang / man dA ra ba chen po yang char bzhin phab bo/ /
97b2 'od zer chen pos snang bar byas shing / rdzu 'phrul gyis 'jig rten gyi khams gang gA'i klung gi bye ma snyed dag kyang g.yos so/ /de ma yin pa'i gzhan yang lha rdzas kyi rol mo tshad med pa brgya stong snyed kyang steng gi bar snang la ma dkrol bar rang
97b3 zer bzhin du byang chub sems dpa' de dag kyang bya rgod spungs pa'i ri ga la ba der de bzhin gshegs pa'i spyan sngar lhags nas zhabs la mgo bos phyag 'tshal te/ sangs rgyas la lan gsum bskor ba byas nas phyogs gcig tu 'khod do/ /
97b4 de'i tshe de bzhin gshegs pa shAkya thub pas kha dog rnam pa lnga dang ldan pa'i 'od zer gyis byang phyogs logs su sangs rgyas kyi zhing bye ba khrag khrig lnga brgya 'das ba'i pha rol na 'jig rten gyi khams dbang phyug grags pa'i rgyal po zhes
97b5 bya ba snang bar byas so/ /'jig rten gyi khams de na sangs rgyas pad mo le brgan gyi 'od ces bya ba/ de bzhin gshegs pa dgra bcom pa yang dag par rdzogs pa'i sangs rgyas/ rig pa dang / zhabs su ldan pa/ bde bar
97b6 gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ ston pa rgyal ba/ sangs rgyas bcom ldan 'das sangs rgyas kyi zhing dri ma dang bral ba zhes bya ba na bzhugs te/ sangs rgyas kyi zhing
97b7 de yang shin du mnyam zhing gzhi bai dUr+ya las byas pa/ gser btso mas thig re'u bres pa/ rin po che sna bdun gyi shing bskyed pa/ shing de dag kyang mda' rgyang gang tsam du mtho ba/ me tog dang / 'bras bu dang / yal ga dang /
97b8 'dab mas shin du brgyan pa/ rlung mi drag pas/ bskyod pas sgra snyan pa 'byung ba/ sgra de dag so so'i skye bos thos na mi ngoms pa/ skabs skabs na chu mig dang / mtshe'u dang / khrus kyi rdzing bu yod la/ yon tan brgyad dang
98a1 ldan pa'i chus yongs su gang zhing rdzing gi zhabs kyang gser gyi bye mas brdal ba/ rdzing gi ngos bzhi na bsung dam pa dang ldan pa'i me tog pad ma dang / puN Da ri ka dang / pA ru Sha ka dang / de ma yin pa'i me tog sngon
98a2 po dang / ser po dang / dmar po dang / dkar po shing rta'i phang lo tsam du chu'i steng yongs su khebs te/ chu'i nang na bya rnam pa sna tshogs kyang shin du yid tu 'ong ba'i sgra snyan pa 'byin to/ /rdzing de'i nang na rin po che sna bdun las byas
98a3 pa'i gru yod de/ de na sems can mang po 'dod dgur rtse zhing longs spyod do/ /rin po che'i shing de dag gi bar bar na seng ge'i khri mtho khyad dpag tshad gcig pa bshams nas rin po che sna bdun gyis brgyan te/ lha rdzas kyi na bzas
98a4 khri'i steng du rim par bting ba/ lha rdzas kyi spos kyi dri 'thul ba/ lha rdzas kyi me tog gi chal par bkram pa'i khri'i thog na/ de bzhin gshegs pa pad mo'i le brgan gyi 'od chags pa/ skyil mo'i dkrung du bcas
98a5 shing bzhugs pa la byang chub sems dpa' tshad med pa bye ba brgya stong snyed mdun du dngar te thal mo sbyar ba btud nas/ de bzhin gshegs pa de la so so nas tshig 'thun par 'di skad ces gsol to/ /bcom ldan 'das
98a6 ci'i rgyu ci'i rkyen gyis 'od bzang po kha dog sngon po dang / ser po dang / dmar po dang / dkar por bcas pa dang ldan pa/ rab tu gsal ba/ dper mi bzod pa 'di lho phyogs logs nas 'khor mang po 'di
98a7 dag la snang snang bar gyur te/ gang la 'od kyis reg pa de dag thams cad lus dang sems bde bar 'gyur pa thugs brtse ba'i slad du bcom ldan 'das kyis bstan du gsol/ de la bcom ldan 'das des 'di skad ces
98a8 bka' stsal to/ /rigs kyi bu dag legs par nyon la shin du yid la zung shig dang / khyed la dgrol zhing bshad par bya'o/ /'di nas lho phyogs logs su 'jig rten gyi khams bye ba khrag khrig brgya stong 'das pa'i pha rol
98b1 na sangs rgyas kyi zhing mi mjed ces bya ba yod de/ de na sangs rgyas shAkya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas/ rig pa dang / zhabs su ldan pa/ bde bar
98b2 gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ ston pa rgyal ba/ sangs rgyas bcom ldan 'das shes bya ba 'khor mang pos yongs su bskor nas/ 'khor mang po
98b3 thams cad la thabs mkhas pa chen po drin lan bsab pa'i mdo sde ston cing / sems can thams cad la phan pa dang bde ba'i don gyi phyir/ sems can thams cad kyi zug rngu rtsa nas gdon pa'i phyir/ sems thog ma pa'i byang
98b4 chub sems dpa' dag byang chub las phyir mi ldog cing brtan par bya ba'i phyir/ nyan thos dang rang sangs rgyas thams cad mthar phyin pa'i theg pa gcig la dgod pa'i phyir/ byang chub sems dpa' chen po rnams myur du mngon par byang
98b5 chub cing sangs rgyas kyi drin lan bsab pa'i phyir/ sems can thams cad kyis drin lci ba dran par bya ba'i phyir/ sems can thams cad sdug bsngal gyi rgya mtsho las bsgral ba'i phyir/ so so'i skye bo dag pha ma la
98b6 sri zhu bya bar 'dod pa'i phyir 'od 'di snang bar gyur pa yin no/ /de'i tshe 'khor de'i nang na byang chub sems dpa' 'khor mang po'i nang na/ gtso bo dang ston par gyur pa/ stong phrag bcu snyed stan las langs par gyur nas/
98b7 bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das de la 'di skad ces gsol to/ /bcom ldan 'das kyi byin gyi brlabs kyis bdag cag rnams mi mjed kyi 'jig rten
98b8 gyi khams der mchi zhing de bzhin gshegs pa/ shAkya thub pa la mchod pa dang / bsnyen bkur bgyi ba dang thabs mkhas pa chen po sangs rgyas drin lan bsab pa'i mdo sde dam pa nyan cing mchi bar byin gyis
99a1 brlab tu gsol/ de nas sangs rgyas des byang chub sems dpa' rnams la 'di skad ces bka' stsal to/ /rigs kyi bu dag khyed mi mjed kyi 'jig rten gyi khams der phyin nas sangs rgyas bcom ldan
99a2 'das de la mchod cing bkur sti bya ba dang / shin du phrad dka' ba'i 'du shes bskyed par bya'o/ /de ci'i phyir zhe na/ sangs rgyas shAkya thub pa ni bskal pa grangs med pa bye ba khrag khrig gi bar du shin du spyad dka' ba
99a3 spyad pas/ snying rje chen pos smon lam 'di skad ces btab po/ /gal te mngon par sangs rgyas pa na/ 'jig rten gyi khams sdig pa can/ ri dang / shang shong dang / gyo mo dang / gseg ma dang
99a4 tsher ma la sogs pa yod pa'i gnas su sems can dag kyang nyon mongs pa dang bcas pa/ mtshams med pa lnga dang / mi dge ba bcu rdzogs par spyod pa'i gnas der mngon par sangs rgyas te/ phan pa dang bde
99a5 ba'i don du sdug bsngal thams cad yongs su bcad de/ bde ba thams cad dang ldan par byas nas chos kyi sku yongs su rdzogs shing / lhag ma ma lus pa'i mya ngan las 'das par gyur cig ces smon lam btab bo/ /
99a6 sangs rgyas bcom ldan 'das des thog ma de skad ces smon lam btab pas/ khyed rnams 'jig rten gyi khams der phyin nas/ ji ltar sangs rgyas nyid gshegs pa dang / ji ltar sangs rgyas nyid bzhugs pa dang 'dra
99a7 bar gnas par bya'o zhes bka' stsal pa dang / byang chub sems dpa' de dag thams cad kyis tshig 'thun par bcom ldan 'das kyi bka' bzhin du bgyi'o zhes gsol nas/ byang chub sems dpa' de dag re re
99a8 yang 'khor byang chub sems dpa' bye ba khrag khrig brgya stong snyed kyis yongs su bskor te/ mi mjed gyi 'jig rten gyi khams gang na ba der dong ste/ de dag 'jig rten gyi khams gang dang gang du phyin par 'jig
99b1 rten gyi khams de dag rnam pa drug tu g.yos te/ 'od zer chen po yang kun du snang bar gyur/ steng gi bar snang las lha rnams kyis me tog man dA ra ba dang / man dA ra ba chen po yang char bzhin phab bo/ /'od zer chen
99b2 pos snang bar byas shing rdzu 'phrul gyis 'jig rten gyi khams gang gA'i klung gi bye ma snyed dag kyang g.yos so/ /de ma yin pa gzhan yang lha rdzas kyi rol mo tshad med pa brgya stong snyed kyang steng gi bar snang la ma dkrol
99b3 bar rang zer bzhin du/ byang chub sems dpa' de dag /bya rgod spungs pa'i ri ga la ba der de bzhin gshegs pa'i spyan sngar lhags nas zhabs la mgo bos phyag 'tshal te/ sangs rgyas la lan gsum
99b4 bskor ba byas nas phyogs gcig tu 'khod do/ /de bzhin du phyogs mtshams bzhi dang / steng dang / 'og gi phyogs dang / phyogs bcu nas lhags pa'i byang chub sems dpa' chen po thams cad
99b5 kyis so so nas 'khor brgya stong grangs med pa dang bcas te/ bcom ldan 'das gang na ba der lhags nas/ mchod pa dang bkur sti byas/ bstod pa byas nas thams cad kyis mgrin gcig tu tshigs su
99b6 bcad pa brgya stong snyed kyis/ bcom ldan 'das la yongs su bstod do/ /de ltar sangs rgyas la bstod nas kyang / phyogs gcig tu 'khod do/ /de'i tshe mi mjed kyi 'jig rten gyi khams kyang yongs su
99b7 dag par gyur te/ ri khrad khrod dang / ri chen po dang / chung ngun dang / gtsang po dang / chu klung dang / mtshe'u dang / rdzing dang / lteng ka dang / shang shong dang / ngam grog dag med cing / de na
99b8 gnas pa'i sems can rnams kyang 'od kyis snang bar byas pas/ sangs rgyas gang na ba der lhags te/ dga' zhing mgu ba'i sems kyis thal mo sbyar ba btud nas mgo bos phyag 'tshal te mig mi 'dzums par
100a1 chags pa'i yid kyis lta zhing 'khod do/ /de nas bcom ldan 'das kyis 'od zer phyir 'dus par mdzad de/ 'od zer de dag gis sku la lan bdun bskor nas dbu'i spyi gtsug tu nub par gyur to/ /
100a2 de ltar gyur pa kun dga' bos mthong nas 'khor mang po thams cad kyang the tsom skyes par sems kyis rab tu shes pas/ de bzhin gshegs pa'i mdzad pa thabs mkhas pa mngon par bstan pa dang / phyis ma 'ongs
100a3 pa'i skye bo dag gi shes rab kyi mig skye ba dang / so so'i skye bo thams cad sred pa'i chu klung las rgal zhing pha rol du phyin pas bde ba la dgod pa dang / so so'i skye bo dag la pha ma dang / slob dpon dang / bla ma'i
100a4 drin lci ba dran zhing shes par bya ba'i phyir stan las langs nas/ gos tshags su bcos nas bla gos phyogs gcig tu byas nas pus mo sa la btsugs nas thal mo sbyar ba btud de/ bcom ldan 'das la 'di skad ces
100a5 gsol to/ /btsun pa bcom ldan 'das bdag kun dga' bos sangs rgyas kyi zhabs 'bring na mchis nas 'dzum pa mdzad pa mthong ste 'di la nges par dgongs pa ni mnga' na 'khor mang po'i the tsom gyi dra ba bcad
100a6 pa'i slad du/ bcom ldan 'das kyis bstan du gsol/ sangs rgyas kyis bshad du gsol/ thabs mkhas pa chen po sangs rgyas drin lan bsab pa'i mdo las gleng gzhi'i le'u zhes bya ste dang po'o// //
100a7 de'i tshe de'i dus na 'khor mang po 'dus pa der rin po che sna bdun las/ grub pa'i pad ma'i sdong po dngul las byas/ mdab ma ni gser las byas/ gzhi ni rin po che shel las byas/ mu tig gi dra
100a8 bas kun du brgyan pa gcig de nyid nas byung bar gyur to/ /de nas bcom ldan 'das shAkya thub pa bzhugs pa las bzhengs nas pad mo de la skyil mo dkrung bcas nas bzhugs so/ /de la bzhugs ma thag tu
100b1 yongs su dag pa'i sku mngon par bstan to/ /sku de lam rgyud lnga'i lus kyi tshogs bstan/ lus kyi tshogs re re la yang gzugs tha dad pa rnam pa khri brgya stong snyed bstan to/ /gzugs rnam pa de re re la yang
100b2 sku'i tshogs brgya stong snyed bstan/ sku'i tshogs de dag re re la yang gang gA'i klung bzhi'i bye ma snyed kyi sku'i tshogs bstan to/ /gang gA'i klung bzhi'i bye ma snyed kyi sku'i tshogs de dag re re la yang gling bzhi'i rdul phra rab
100b3 snyed kyi sku'i tshogs bstan to/ /rdul phra rab snyed kyi sku'i tshogs de dag re re la yang stong gsum gyi stong chen po'i 'jig rten gyi khams kyi rdul phra rab snyed kyi sku'i tshogs bstan to/ /rdul phra rab snyed kyi sku'i tshogs
100b4 de dag re re la yang phyogs bcur phyogs re rer yang sangs rgyas kyi zhing bye ba khrag khrig brgya stong gi rdul phra rab snyed kyi sku'i tshogs bstan nas/ nam mkha'i dbyings kyis klas pa/ chos kyi dbyings dang mnyam pa
100b5 bsam gyis mi khyab pa snyed kyi sems can gyi lus kyi tshogs mngon par bstan to/ /de'i tshe de bzhin gshegs pas de snyed kyi lus kyi tshogs mngon par bstan nas kun dga' bo dang phyogs bcu nas 'dus shing
100b6 tshogs pa'i byang chub sems dpa' sems dpa' chen po rnams dang / 'khor mang po rnams la 'di skad ces bka' stsal to/ /rigs kyi bu dag deng de bzhin gshegs pas thams cad mkhyen pa'i ye shes
100b7 kyis yang dag pa'i tshig gang yin pa de bka' stsal par bya'o/ /chos la tshig tu brjod pa med kyi de bzhin gshegs pas/ thabs mkhas pa'i dbang gis mtshan ma dang ming med pa'i chos la ming dang
100b8 mtshan mar bstan par bya'o/ /'di lta ste/ de bzhin gshegs pa ni thog mar skyes shing 'khor bar 'khor ba'i tshe bsam gyis mi khyab pa'i rdul phra rab snyed kyi lus kyi tshogs rnam pa tha dad pa de dag
101a1 thams cad rdzogs par myong ste/ de ltar lus kyi tshogs de dag kun myong bas na/ sems can thams cad kyang de bzhin gshegs pa'i pha mar ma gyur pa med/ de bzhin gshegs pas kyang sems
101a2 can gyi pha mar ma gyur pa med de/ pha mar gyur pa thams cad kyi phyir rgyun du shin du spyad dka' ba yang spyad/ shin du gtang dka' ba yan lag gi dam pa mgo dang / mig dang / glad rgyas dang / yul dang / grong
101a3 khyer dang / chung ma dang / bu pho dang / ban glang dang / rta dang / rin po che sna bdun gyi shing rta dang / theg pa dang / gos dang / zas dang / skom dang / mal cha dang / nad kyi rkyen rtsi dang / dgos pa'i yo
101a4 byad thams cad gang yang ma btang ba med do/ /shin du 'bad pa'i brtson 'grus kyis tshul khrims bsrungs pa dang / sbyin pa byas pa dang / mang du thos pa dang / bsam gtan bsgoms pa dang / shes rab spyad
101a5 pa nas spyad dka' ba thams cad spyad de/ skyo ba dang / ngal ba med cing rgyun mi 'chad par brtson 'grus su 'bad pa yang pha ma la sri zhu bya ba dang / drin shes pa dang / drin lan bsab pa dang / sems can
101a6 thams cad myur du bla na med pa yang dag par rdzogs pa'i byang chub la dgod pa dang / de bzhin gshegs pa'i sngon gyi smon lam yongs su rdzogs par bya ba dang / de ltar na sems can thams cad la sangs rgyas
101a7 kyi bka' drin chen po yod par shes par bya ba dang / de bzhin gshegs pa'i thugs rje chen pos sems can yongs su mi gtong ba dang / rtag par shin du thabs mkhas pas khams gsum pa'i srid pa nyi shu rtsa
101a8 lngar gnas pa'i sems can thams cad la bskal pa bsam gyis mi khyab pa'i bar du mnyam snyoms pa'i byams pa bsgoms shing / btang snyoms dang ldan pa'i thabs mkhas pas spyod de/ sems can thams cad stong pa
101b1 nyid tu rtogs pa dang / chos stong pa nyid dang / phung po lnga stong pa nyid du rtogs shing phyir mi nur ba dang / mi 'bying ba dang / mi rgod pa stong pa nyid tu yang dag pa'i mtshan nyid la thabs mkhas pas bsgom par bya ba
101b2 dang / theg pa gsum mi spong zhing chub par slob pa'i thabs la mkhas pas shin du zab mo'i spyod yul dam pa spyad pa la thabs mkhas par bya ba'i phyir/ chos kyi mtshan nyid la shin du gsal bar rtogs te/ sangs
101b3 rgyas kyi chos rnams thog ma dang tha ma'i bar du gcig ma yin par rtogs shing chud kyang so so'i skye bo dag ni myos shing bslad pas gdung ba gsum gyis yongs su gdungs te/ sdug bsngal gyi mtshor nub par gyur to/ /
101b4 phyin ci log bzhis bsgribs pas zag pa dang bcas pa'i chos la phyin ci log tu gyur to/ /mi bden pa kun du rtogs pas bdag med pa la bdag tu lta/ mi rtag pa la rtag par lta/ mi bde ba la bde bar lta/ mi gtsang ba la
101b5 gtsang bar lta zhing skye ba dang / rga ba dang / na ba dang / 'chi bas gzir te skad gcig tu mi rtag pas sgrib pa lnga dang / kun nas glags pa bcus kun du glags te/ srid pa gsum du 'khor zhing skye shi thog ma dang tha ma med pa
101b6 myong bar gyur to/ /de bas na de bzhin gshegs pas ci dang cir 'phrod pa bzhin sde snod gsum dang / mdo sde dgu nas mdo sde bcu gnyis kyi bar du rnam par 'phye zhing bstan to/ /so so'i 'dod pa bzhin mdo sde mang po
101b7 gsungs so/ /tshig la chags pa kha cig bdag ni 'di kho nas chog ste/ mya ngan las 'das pa thob ces 'dzin pa yang yod do/ /de yang de bzhin gshegs pa'i sngon gyi thugs rje chen po'i smon lam gyi shugs kyis phyogs
101b8 bcu'i 'jig rten gyi khams na las 'thun pa thams cad bsdus so/ /de ltar las 'thun pa kun 'dus pa 'khor mang po'i dkyil 'khor der dam pa'i mdo sde gsungs par dgongs te/ gzugs brnyan gyi chos nam du yang rgyun mi
102a1 'chad cing so so'i skye bo thams cad bde ba chen po thob par mdzad do/ /de bas na de bzhin gshegs pa 'dul zhing ston pa yang dus las mi yol bar shes/ dus las mi yol bar mya ngan las 'da'o/ /'jig
102a2 rten gyi khams kha cig tu de bzhin gshegs pa rnam par snang mdzad ces bya ba dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i
102a3 kha lo sgyur ba bla na med pa/ ston pa rgyal ba/ sangs rgyas bcom ldan 'das shes grags so/ /skabs kha cig tu ni dga' ldan gnas su gshegs nas lha rnams kyi ston pa mdzad do/ /skabs kha cig tu ni dga' ldan gnas
102a4 nas babs te/ 'dzam bu'i gling du sku tshe lo brgyad bcur bzhugs pa yang ston to/ /de bas na de bzhin gshegs pa ni bsam gyis mi khyab bo/ /'jig rten gyi khams kyang bsam gyis mi khyab bo/ /las kyi rnam par smin pa
102a5 yang bsam gyis mi khyab bo/ /sems can gyi bsam pa yang bsam gyis mi khyab bo/ /bsam gtan gyi ting nge 'dzin yang bsam gyis mi khyab bo/ /klu'i mthu yang bsam gyis mi khyab bo/ /'di ni sangs rgyas bsam
102a6 gyis mi khyab pa ste/ sems can thams cad kyis sangs rgyas kyi thugs la dgongs pa shes par 'dod na sems can dbang po zhan pa tha ma'i bar du yang kun shes par mdzad do/ /sems can thams cad las gang yang
102a7 sangs rgyas mthong bar 'dod na de ma thag tu mthong bar mdzad do/ /gal te mthong bar mi mdzad na mig sngar bab kyang mi mthong ngo / /de bas na nyan thos dang / rang sangs rgyas dag lha'i mig gi mngon par shes pa yod kyang
102a8 mthong bar mi nus so/ /de ma yin pa gzhan yang sangs rgyas kyis 'od zer chen po bkye nas srid pa'i rtse mo man chad mtshams med pa'i sems can dmyal ba yan chad snang bar mdzad kyang gang 'dul ba'i skal ba dang ldan
102b1 pas ni mthong bar 'gyur/ gang skal ba dang mi ldan pas ni mig sngar bab kyang mi mthong ngo / /de bzhin gshegs pa skabs kha cig tu skul ba mdzad/ skabs kha cig tu ni cang mi gsung bas na/ sangs rgyas bcom ldan 'das ni
102b2 bsam gyis mi khyab ste/ shin du dpag par dka' ba/ shin du shes shing rtogs par dka' na/ ji ltar khyod kyis de bzhin gshegs pa la spyod dka' ba shin du zab mo dri ba la spobs par gyur/ khyod kyis zhus pa 'di ni
102b3 yang dag par sems can thams cad la byams shing snying brtse ba yin te/ ngan 'gro gsum gyi lam bkag nas lha dang mi'i lam btod pa yin no/ /kun dga' bo ngas da khyod la pha ma la sri zhu bya ba'i spyad dka' ba mdo
102b4 tsam zhig bstan par byas legs par nyon la yid la zung shig dang / bcom ldan 'das kyis kun dga' bo dang / byang chub sems dpa' sems dpa' chen po de dag dang / 'khor mang po rnams la 'di skad ces bka'
102b5 stsal to/ /sngon byung ba bskal pa tshad med pa mtha' yas grangs med pa 'das pa'i pha rol na yul bA ra Na sIr sangs rgyas rnam par gzigs shes bya ba de bzhin gshegs pa dgra bcom pa yang dag par rdzogs pa'i
102b6 sangs rgyas rig pa dang zhabs su ldan pa bde bar gshegs pa 'jig rten mkhyen pa skyes bu gdul ba'i kha lo sgyur ba bla na med pa/ ston pa rgyal ba/ 'jig rten gyi gtso bo/ lha dang mi'i ston pa 'jig rten du byung ngo / /sangs rgyas
102b7 de'i sku tshe'i tshad kyang bskal pa chung ngu nyi shur bzhugs so/ /dam pa'i chos kyang bskal pa chung ngu nyi shur gnas so/ /gzugs brnyan gyi chos kyang bskal pa chung ngu nyi shur gnas so/ /gzugs brnyan gyi chos la spyod pa'i tshe mi'i
102b8 rgyal po rA dza zhes bya ba 'jig rten du byung ste/ yul bA ra Na sI la dbang sgyur ro/ /rgyal po de la btsun mo ni nyi khri yod/ blon po ni bzhi stong snyed yod/ bal gyi glang po che yang lnga brgya yod/ rgyal phran drug bcu la dbang / grong khyer brgyad
103a1 brgya zhig yod/ rgyal po de la rgyal bu gsum yod de/ gsum char yang rgyal phran re re byed do/ /de'i tshe de'i dus na yul bA ra Na sI'i rgyal po de mkhas shing shes rab dang ldan te/ rtag tu yang drang ba'i chos kyis yul gyi srid
103a2 'dzin pas gang yang gtams las chad ces bya ba med do/ /rgyal po'i bsod nams dang yon tan gyi mthus char chu dus las mi yol te/ lo tog rgyun du legs pas de na gnas pa'i mi rnams kyang bde skyid do/ /de'i tshe na bA ra Na sI'i
103a3 rgyal po de la blon po nag po sgra gcan zhes bya ba zhig yod do/ /blon po sgra gcan rgyal po la 'khus nas dmag rnam bzhi bshams pa la 'di lta ste/ ba glang gi tshogs dang / shing rta'i tshogs dang / rta'i tshogs dang / dpung bu chung gi
103a4 tshogs bshams nas bA ra Na sI'i rgyal po la brgal nas rgyal po'i srog bcad do/ /de ltar rgyal po bsad nas kyang dmag gi tshogs rnam pa bzhi bkye nas mtha'i rgyal phran rgyal bu rab kyang bsad do/ /de nas rgyal bu 'bring po yang phab
103a5 nas mtha'i rgyal phran rgyal bu tha chungs kyi thog tu dmag drang bar bshams so/ /rgyal bu tha chungs de ngo mtshar du gzugs byad bzang la/ 'phags par mdzes shing rang bzhin gyis dge ba/ dul ba/ 'dzum zhing smra ba smra'o cog kyang phan
103a6 pa'i don du smra zhing 'gyur gyi gnod pa med pa/ rtag tu drang po'i chos kyis yul gyi srid 'dzin te/ log pas mi 'tsho bas yul gyi mi rnams kyang bde skyid la dar ba/ longs spyod dang nor rin po cher ldan pa/ bang mdzod gang ba/ rgyal po de'i
103a7 yon tan la kun gyis bsngags shing bstod pa/ bar snang gi lha dang / 'jig rten gyi lha thams cad kyis kyang dga' zhing bkur ba/ de'i tshe na rgyal po de la rgyal bu su sha de ba zhes bya ba gcig pu zhig yod de/ shin du yid gzhungs shing
103a8 gsal ba/ byams pa'i sems dang ldan pa/ sbyin pa la dga' ba/ lus kyi mdog gser du 'dug pa/ gnas bdun mnyam par gang ba/ skyes bu'i mtshan rdzogs par ldan pa/ lo bdun lon pa zhig yod pa de la yab rgyal po yang
103b1 shin du byams shing sdug par sems so/ /de'i tshe na pho brang srung ba'i lha zhig rgyal po de la 'di skad ces smras so/ /rgyal po mkhyen tam/ blon po sgra gcan 'khus nas yul srid phrogs te rgyal po yab kyang bkrongs/ dmag gi tshogs
103b2 bzhi yang bkye nas/ rgyal po gcen gnyis kyang srog gi dbang po dang phral te/ dmag gi tshogs rnams ring po mi thogs par 'dir phyin na rgyal po ci'i phyir srog bskyabs shing gud tu mi 'gro/ de'i tshe rgyal po des de skad smras pa thos nas
103b3 lus kyi ba spu kun zing zhes byed de/ lus kyang 'dar nas yi mug cing mya ngan gyis sems gdungs te/ sa la 'gre zhing brgyal bar gyur nas ring zhig lon pa dang / cung zad sangs te dal gyis nam mkha'i lha la 'di skad ces smras so/ /
103b4 'di ltar smra ba'i skad ni yod la gzugs ni mi snang ba khyod ci yin/ smras pa'i tshig 'di yang dag par bden nam/ lhas smras pa bdag ni rgyal po'i pho brang srung ba'i lha yin te/ rgyal po khyod shes pa dang ldan zhing bsod nams dang yon tan
103b5 du bcas pas drang po'i chos kyis yul srid 'dzin te/ de bas na bdag gis smras pa yin te/ sdug bsngal gyis nyon mongs par ma gyur par myur du byol zhing 'gro ba'i rigs so/ /de nas rgyal po de pho brang du zhugs nas da ni bdag yul
103b6 gzhan zhig tu 'gro dgos so snyam du bsams so/ /yang 'di snyam du bsams so/ /yul pha rol du 'gro ba'i lam gnyis yod do/ /lam nye bar zhugs na ni zhag bdun gyis yul pha rol du phyin par 'gyur/ lam ring por zhugs
103b7 na ni zhag bcu bzhis phyin par 'gyur bas/ ci nas lam nye bar 'gro'o snyam bsams nas zhag bdun gyi rgyags dang chas te/ pho brang gi phyi rol du phyin pa dang / phyir pho brang gi nang du log nas rgyal bu su sha de ba phang du blangs te
103b8 mig mi 'dzums par lta zhing dngangs pa ltar langs nas phyir yang 'dug go/ /de'i tshe na btsun mos de ltar mi bde zhing skrag pa ltar gyur pa mthong nas rgyal po la 'di skad ces gsol to/ /rgyal po chen po ci'i slad du 'jigs skrag pa lta bu'i
104a1 gzugs ston cing sku la yang rdul gyis gos pa lta bu/ skra yang 'dzings te/ dbugs kyang mi bde ste/ yul stor la thug pa 'am/ mdza' sdug pa dang bye ba 'am/ dgra sdang ba dang phrad pa lta bu dang / bkra mi shis pa'i
104a2 mtshan ma dag gda' ba 'di ci lags bstan du gsol/ rgyal pos smras pa kho bo ci nyes pa khyod kyis shes pa ma yin gyis ma smra zhig btsun mos gsol pa/ bdag dang rgyal por lus gzugs gnyis kyang sems gcig ste/
104a3 dper na bya'i 'dab ma gnyis sam/ lus kyi rkang pa gnyis sam/ mgo'i m-ig gnyis sam/ de dang 'dra na ci'i slad du bdag la gsang ste mi gsung / rgyal pos btsun mo la smras pa/ khyod mi shes sam/ blon po sgra gcan ngan
104a4 sems skyes nas rgyal po la 'khus te yab rgyal po yang dkrongs te gcen rgyal bu yang srog gi bar chad byas nas da ltar dmag dang chas te nga la rgol du 'ong bas/ kho bo yul gzhan du 'byol du 'gro zhes smras nas rgyal bu dge don
104a5 pang du blangs te lam du zhugs so/ /de nas btsun mo yang rgyal po'i phyir 'brangs te song ngo / /de'i tshe rgyal po mya ngan gyis non te/ yid 'khrugs nas zhag bcu bzhi'i lam du zhugs pas lam yang nor te/ lam de yang bgrod
104a6 dka' zhing rtswa yang rtsub/ rtswa chu tsam yang med de/ zhag du ma zhig song song ba las rgyags kyang chad do/ /thog ma gsang ste rgyal po gcig pu 'gro bar byas nas zhag bdun gyi rgyags las kyang ma brdzangs pa las lam yang nor/
104a7 mi gsum gyis kyang zos te/ zhag bcu bzhi'i lam du zhugs pas da dung lam ring zhig yod pa las rgyags chad nas de'i tshe rgyal po dang btsun mos skad phyung nas ngus so/ /kyi hud kyi hud re sdug thog ma bces nas da tsam
104a8 gyi bar du 'di 'dra ba ma myong ba da 'dir myong bar gyur te/ da 'dir sdug cing phongs so zhes zer te lag pas mgo la brdabs so/ /sa la 'gre zhing lus la rdul gyis gos nas tshig 'di skad du smre sngags 'don to/ /bdag cag
104b1 gis tshe snga ma la sdig pa mi dge ba'i las ci zhig byas/ 'on te pha ma dang dgra bcom pa bsad dam/ 'on te dam pa'i chos la skur pa btab bam/ 'on te 'thun pa'i dge 'dun gyi dbyen bgyis sam/ 'on te rngon pa dang / nya pa byas
104b2 sam/ 'on te srang dang bre bcos te pha rol la phrog rlom byas sam/ 'on te dge 'dun gyi nor la spyod spyod dam/ ci byas na 'di 'dra ba'i sdug bsngal myong bar gyur ces de skad smre zhing cung zad bstir ni dgras slebs na srog
104b3 gi bar chad nges par 'byung / lam du zhugs nas 'gror ni bkres pa dang skom pas nyen nas/ srog la bab tu cha'o/ /rgyal po dang btsun mo de lta bu'i sdug bsngal gyis nyen te skad phyung ste ngus pa dang sa la 'gyel
104b4 nas brgyal bar gyur to/ /de nas ring zhig lon pa dang sangs nas 'di snyam du gsum char lhan cig tu 'di kho nar 'chi bar 'gyur gyis/ btsun mo bsad la bdag dang bu'i srog thar bar bya'o snyam bsams nas ral gri phyung ste btsun
104b5 mo bsad par bshams pa dang / rgyal bu dge don gyis rgyal po'i lag pa nas bzung ste/ da ltar ci zhig mdzad dgongs shes gsol to/ /yab rgyal pos mig nas mchi mas gang bzhin du rgyal bu la 'di skad ces smras
104b6 so/ /khyod kyi ma btsun mo dam pa bsad la khyod kyi srog gso snyam mo/ /gal te ma bsad kyang rang 'chi bar 'gyur te/ kho bo ni 'chi 'am gson yang rung na bu khyod kyi srog gso ba'i phyir khyod kyi ma btsun mo bsad snyam
104b7 mo/ /de nas rgyal bu dge don gyis yab rgyal po la 'di skad ces gsol to/ /gal te btsun mo bsad par gyur na de'i sha la bdag mi 'tshal te/ gang na yang ma'i sha la bu za ba mi srid pas bdag kyang 'chi bar 'gyur na
104b8 yab rgyal po ci'i slad du bdag bkum ste/ pha ma'i srog thar bar mi mdzad/ yab rgyal pos de skad ces smras pa thos nas mod la 'khams te 'gyel nas sa la 'gre zhing rgyal bu la 'di skad ces smras so/ /khyod kho bo'-i
105a1 mig dang 'dra na su zhig rang gi mig phyung ste za bar byed/ kho bo ni shi'ang bla bas bu mi gsod do/ /bu bsad de sha mi nus so/ /de nas rgyal bu dge don gyis yang yab rgyal po la 'di skad ces gsol to/ /gal te yab yum
105a2 gyis bdag bkum na sha khrag kyang ring po mi thogs par rul sungs nas dgos pa ma mchis par 'gyur te/ bdag gis gsol ba gcig cig ma gnang na byams pa'i yab yum ma lags pas bdag gi yid dang mi 'gal bar mdzad tu
105a3 gsol/ de nas yab rgyal pos sras rgyal bu la khyod kyi yid dang mi 'gal bar bya bas ci gsol ba rnams myur du smros shig ces bsgo ba dang / rgyal bu dge don gyis yab rgyal po la 'di skad ces gsol to/ /
105a4 yab yum gyis bdag la thugs brtse ba'i slad du nyin re re zhing bdag gi lus las sha rgya ma gsum gsum bcad de/ cha gnyis ni yab yum la 'bul/ cha gcig ni bdag rang 'tshal na lus srog gi gzungs su 'gyur
105a5 ro/ /de nas rgyal pos kyang rgyal bus gsol pa bzhin du gnang nas nyin gcig bzhin sha rgya ma gsum gsum bcad de/ cha gnyis ni rgyal po dang btsun mo za/ cha gcig ni rgyal bu rang za ste/ lus dang
105a6 srog gi gzungs byas nas lam du zhugs te song ba las zhag gnyis kyis yul pha rol ma slebs par rgyal bu'i lus kyi sha zad de rus pa'i tshigs dang chu ba tsam zhig 'brel te srog gi lhag ma tsam zhig lus nas sa
105a7 la 'gyel to/ /de nas rgyal po dang btsun mos rgyal bu pang du blangs nas skad chen po phyung nas cho nges chen po btab ste 'di skad ces smras so/ /nged gnyis kyis ma rig pas khyod kyi sha zos te khyod 'di lta bu'i na tsha ba'i
105a8 sdug bsngal myong bar gyur la/ lam yang da dung ring bas/ khyod kyi lus kyi sha ni zad de/ da ni lhan cig tu gnas 'dir ro gzhag go/ /de nas rgyal bu dge don gyis skad chung ngus
105b1 yab rgyal po la 'di skad ces gsol to/ /da 'di nas pha rol du zhag gcig tsam gyi lam las ma lus te/ bdag ni g.yo zhing bskyod mi nus pas srog 'dir 'dor ro/ /rgyal po dang btsun mo ni mi ma rabs ngan pa ltar
105b2 lhan cig tu gnas 'dir ro gzhag go ma gsung shig /bdag la byams shing thugs brtse bar dgongs na bdag gis bsams pa dang mi 'gal bar mdzad du gsol/ da dung yang bdag gi rus pa'i gseb na sha ci yod
105b3 pa ma lus par btogs la yul pha rol du gshegs su gsol/ de nas rgyal pos yang rgyal bus gsol pa bzhin du tshigs dang rus pa'i gseb na sha ci yod pa zad par btogs nas cha gsum du bgos te/ cha gnyis ni rgyal po dang
105b4 btsun mos zos/ cha gcig ni rgyal bu rang gis zos te/ rgyal po dang btsun mo yang lam du zhugs nas dong ngo / /rgyal bu dge don langs nas 'greng bzhin du rgyal po dang btsun mo song ba la blta'o/ /rgyal po dang btsun mo gnyis
105b5 skad phyung nas ngu zhing song nas rgyal bu dge don gyis mig gis mi sod kyi bar du rgyal po dang btsun mo la chags pa'i sems kyis mig mi btsum par blta blta nas ring zhig lon pa dang phyir sa la 'gyel to/ /sha dang
105b6 khrag gi dri bro bas phyogs bcu nas sbrang ma dang sha sbrang mang po 'dus nas rgyal bu yog pa tsam du lus la za zhing 'dzugs te sdug bsngal gyis gdungs so/ /de'i tshe na rgyal bu de srog gi lhag ma tsam zhig ma chad de skad phyung
105b7 nas 'di skad ces smon lam du btab bo/ /bdag gi sngon gyi mi dge ba'i las rnams ni 'dis byang zhing zad par gyur cig /deng slan cad mi bgyid do/ /bdag gi lus pha ma la phul te sbyin pa byas pas bdag gi pha ma bas lhag pa'i
105b8 bsod nams bcu gcig dang ldan te bde bar nyal ba dang bde bar sad pa dang rmi lam ngan pa mi rmi ba dang lhas srung ba dang / mis bkur ba dang zhal mchu dang / rkun po dang dgra dang rku lto byed pa med cing dus thams
106a1 cad tu bkra shis par shog shig /bdag gi lus lhag ma tsam sha khrag sbrang ma la byin pas thams cad du 'drangs shing tshim par gyur te bdag ma 'ongs pa'i dus na sangs rgyas su grub par shog shig /sangs rgyas su
106a2 grub nas chos kyi sku thob nas kyang chos kyi skus thams cad kyi bkres skom pa'i mu ge dang skye shir 'khor ba'i nad lci ba sel bar shog shig /rgyal bus de skad ces smon lam btab pa na gnam sa yang rnam pa drug tu g.yos nyi ma
106a3 yang 'od mi gsal bar gyur/ gcan zan dang ri dgas rnams kyang skrag nas kun du rgyug /rgya mtsho yang rab tu 'khrugs/ ri rab kyang 'gul zhing ldeg /sum bcu rtsa gsum gnam gyi bar du yang rab tu g.yos so/ /de'i tshe brgya byin lha'i dbang
106a4 pos 'dod pa'i khams kyi lha dag dang 'dzam bu'i gling dag tu babs nas rgyal bu don grub bsdigs pa'i phyir seng ge dang / stag dang 'phar spyang la sogs pa'i lus su sprul nas mig bgrad kha gdangs/ spu bsgrengs nas skad chen po'i nga ro phyung ste/
106a5 rgyal bu la mchong ba bzhin bsdigs so/ /de'i tshe rgyal bu don grub kyis gcan zan khro bo de dag mthong nas kyang skad mi che bas 'di skad ces smras so/ /khyed rnams kho bo za 'dod na ci bder zo zhig /'di 'dra ba'i mthu rtsal gyis bsdigs ci dgos
106a6 shes bsgo'o/ /de nas brgya byin lha'i dbang pos smras pa/ bdag cag ni seng ge 'am gcan zan ma yin gyi/ brgya byin lha'i dbang po yin te khyod bgam zhing sad du 'ongs so/ /de'i tshe rgyal bus brgya byin lha'i dbang po mthong nas shin du dga' mgu rangs
106a7 par gyur to/ /de nas brgya byin gyis rgyal bu la smras pa/ khyod kyis shin du dka' ba btang ste/ lus kyi sha khrag gis pha ma la bstabs pa 'di'i bsod nams kyis khyod bdud kyi rgyal po 'dod dam/ 'on te tshangs pa'i rgyal po 'dod dam/ lha'i dbang
106a8 po 'am/ mi'i rgyal po 'am/ 'khor los sgyur ba'i rgyal po 'dod/ rgyal bus smras pa/ bdag ni bdud kyi rgyal po 'am/ tshangs pa 'am/ lha'i rgyal po 'am/ mi'i rgyal po 'am/ 'khor los sgyur ba'i rgyal po gang yang mi 'dod de/ sems can thams cad
106b1 rnam par grol bar bya ba'i phyir bla na med pa yang dag par rdzogs pa'i byang chub 'dod do/ /brgya byin gyis smras pa/ khyod ni shin du yang gti mug can zhig yin pa 'dra/ bla na med pa yang dag par rdzogs pa'i byang chub ni yun ring po nas shin du dka' ba
106b2 bsgrubs pas bzod 'grub ce'o/ /khyod kyis shin du sdug bsngal ba bzod dam/ rgyal bus smras pa/ gal te lcags kyi 'khor lo 'bar ba bdag gi spyi bo'i steng nas rgyun du 'khor yang sdug bsngal de tsam gyis bdag bla na med pa yang dag par
106b3 rdzogs pa'i byang chub las phyir mi ldog go/ /brgya byin gyis smras pa/ khyod kyis smras pa stong pa 'di la su zhig yid ches par 'gyur/ de nas rgyal bus dam bcas nas smon lam 'di skad ces btab bo/ /gal te bdag gis smras pa'i tshig
106b4 brdzun te lha'i dbang po bslus par gyur na bdag gi lus kyi rma 'di nam du yang 'tsho bar ma gyur cig /gal te smras pa'i tshig bden na bdag gi lus kyang sor chud cing khrag kyang 'o mar gyur cig ces smras ma thag tu lus kyi rma yang snga mkho
106b5 bzhin sor chud de/ khrag kyang 'o mar gyur nas rgyal bu'i byad gzugs kyang snga ma bas lhag par bzang zhing sdug pa dang mdzes par gyur te langs nas lha'i dbang po'i rkang pa la mgo bos phyag byas so/ /de nas lha'i dbang po brgya byin gyis
106b6 rgyal bu khyod legs so/ /shin du legs so/ /shin tu dpa' ba'i brtson 'grus kyis gdon mi za bar bla na med pa yang dag par rdzogs par byang chub par 'gyur ro/ /ring po mi thogs par bla na med pa yang dag par rdzogs pa'i byang chub
106b7 thob pa na/ thog mar bdag gi don mdzad par gyur cig ces smras nas brgya byin lha'i dbang po yang nam mkha'i phyogs de nyid tu mi snang bar gyur to/ /de'i tshe yang rgyal po dang btsun mo yang rgyal po pha rol po de'i drung du phyin nas rgyal po des
106b8 kyang rgyang ma nas bsu nas dgos pa'i yo byad yid bzhin du sbyar ro/ /de'i tshe rgyal po dang btsun mo des rgyal bu'i lus kyi sha khrag gis pha ma la ji ltar bstabs pa rgyal po de la zhib tu brjod pa dang / rgyal po des ji ltar gyur pa de dag
107a1 thos nas rgyal bu des lus kyi sha khrag gis pha ma la bstabs pas sri zhu cher byas pa'i drin lan bsams nas/ dmag rnam bzhi bshams nas rgyal po de dang yul bA ra na sIr dmag drangs so/ /de'i tshe rgyal po de dmag rnam bzhi dang
107a2 chas nas lam du zhugs te/ rgyal bu dang bral ba'i gnas su phyin pa dang / 'di snyam du bdag gi bu ni gdon mi za bar 'di nyid du shi na bu'i rus pa tsam bsdus te phyir bdag gi yul du bkur ro snyam du bsams nas skad phyung nas ngu zhing bu'i rus bu
107a3 sdud tu song song ba las rgyang ma nas bdag gi bu lus kyi rma yang sos nas snga bas kyang bzang zhing mdzes te drung du 'ongs so/ /de nas rgyal pos pang du blangs te khyod da dung gson nam zhes smras pa dang / rgyal bus ji ltar gyur pa yab rgyal po dang
107a4 btsun mo la smras so/ /rgyal po dang btsun mo rab tu dga' ste/ thams cad ban glang la zhon nas phyir bdag gi yul du phyin pa dang / rgyal bu de'i bsod nams kyi mthus bdag gi yul yang phyir thob nas rgyal bu don grub rgyal por dbang bskur
107a5 te rgyal por bcug go/ /bcom ldan 'das kyis kun dga' bo la bka' stsal pa/ de'i tshe de'i dus na yab rgyal por gyur pa de gzhan zhig yin snyam du khyed sems na de de ltar mi blta'o/ /de ci'i phyir zhe na/ de'i tshe de'i dus na yab rgyal po de ni da
107a6 ltar nga'i yab zas gtsang ma zhes bya bar gyur to/ /de'i tshe de'i dus na yum du gyur pa de ni gzhan zhig yin snyam du khyod sems na de de ltar mi blta ste de ni da ltar nga'i yum lha mdzes shes bya ba yin no/ /de'i tshe de'i dus na rgyal bu don grub
107a7 ces bya bar gyur pa de gzhan zhig yin snyam du khyod sems na de de ltar mi blta'o/ /de'i tshe de'i dus na rgyal bu de ni da ltar shAkya thub pa zhes bya ba nga yin no/ /de'i tshe de'i dus na brgya byin lha'i dbang por gyur pa de ni da ltar kun shes kau Di n+ya zhes
107a8 bya ba yin no/ /bcom ldan 'das kyis pha ma la sri zhu byed pa'i le'u 'di bstan pa'i tshe 'khor gyi dkyil 'khor de na byang chub sems dpa' khri phrag nyi shu snyed kyis 'gro ba thams cad la phan pa dang bde ba'i don la mkhas pa'i tshig gi spobs pa
107b1 thob par gyur to/ /byang chub sems dpa' khri phrag bcu gnyis kyis mi skye ba'i chos la chos kyi bzod pa thob bo/ /gzhan yang phyogs bcu nas 'dus pa'i nyan thos dang / rang sangs rgyas rdul phra rab snyed kyis theg pa gnyis kyi sems spangs te
107b2 theg pa gcig gis mthar phyin par gyur to/ /dge bsnyen dang / dge bsnyen ma rdul phra rab snyed kyis 'bras bu dang po nas theg pa gnyis kyi 'bras bu'i bar du thob par gyur to/ /lha dang mi brgya stong snyed ni bla na med pa yang dag par rdzogs pa'i byang
107b3 chub tu sems bskyed do/ /de ma yin pa lha dang klu dang yi dags dang lha ma yin dang dri za dang nam mkha' lding dang mi 'am ci dang lto 'phye chen po dang mi dang mi ma lags pa la sogs pa'i tshogs mang po rnams la la ni bla na med pa'i byang chub tu
107b4 sems bskyed nas nyan thos dang rang sangs rgyas kyi bar du sems bskyed par gyur to/ /bcom ldan 'das kyis kun dga' bo la bka' stsal pa/ byang chub sems dpa' dag gis sems can thams cad kyi don du pha ma la sri zhu bya ba'i
107b5 phyir lus kyi sha dang khrag gis kyang pha ma la bstabs shing shin du spyad dka' ba spyod pa ni 'di lta bu yin no/ /'khor mang po thams cad kyis sangs rgyas kyis gsungs pa thos nas so so nas phan pa dang bde ba'i don rnyed de/ dga'
107b6 rangs nas mgo bos phyag 'tshal te g.yas phyogs nas bskor ba byas nas phyir dong ngo / /thabs mkhas pa chen po sangs rgyas drin lan bsab pa'i mdo las sri zhu'i le'u zhes bya ste gnyis pa'o// // thabs mkhas
107b7 pa chen po sangs rgyas drin lan bsab pa'i mdo/ bam po gnyis pa/ de'i tshe de'i dus na bcom ldan 'das 'khor gyi dkyil 'khor mang po'i nang nyi ma'i dkyil 'khor gyis skar ma mang po zil gyis mnan pa lta bu 'am/
107b8 klu 'khyil pa'i 'ja' tshon ltar 'tsher zhing gsal ba la lta na mig mi chags pa bzhin nam/ bsams na yid 'khrul pa tsam du 'od zer lham me/ lhang nger bzhugs te/ dper mi bzod pa ni srin bu me khyer gyi 'od ny-i ma shar
108a1 ma thag tu mi snang ba 'am/ nyi zla la 'od zer brgya stong snyed yod kyang brgya byin gyi drung na sol phung lta bu 'am/ brgya byin la 'od gsal ba yod kyang tshangs pa chen po'i 'od zer gyi drung na gyo mo 'am gseg ma lta bu 'am mtshan mo dang nor bu rin
108a2 po che'i 'od du bsgrun pa tsam 'am/ tshangs pa'i rgyal po chen po la 'od zer dam pa brgya stong snyed yod pa'i 'od thams cad kyang de bzhin gshegs pa'i 'od zer gyi drung na sol ba'i phung po ltar gyur to/ /de ci'i phyir zhe na/ de bzhin gshegs
108a3 pa'i 'od zer gyi mdog gang gis phyogs bcu'i 'jig rten gyi khams kun du snang bar gyur to/ /de dag na gnas pa'i sems can dag la 'od zer des reg na dmus long ni mig gis gzugs mthong bar 'gyur/ lus sgur po ni lus
108a4 rangs par 'gyur/ dbang po nyams pa rnams ni dbang po tshang zhing yan lag dang nying lag dang ldan par 'gyur/ myos pa rnams ni dran pa phyir rnyed par gyur/ mdor na ji tsam du yid tu mi 'ong ba thams cad dang bral te 'dod pa bzhin thob
108a5 par 'gyur ro/ /de'i tshe 'khor gyi dkyil 'khor de nyid tu byang chub sems dpa' sems dpa' chen po bdun bcu snyed stan las langs nas sangs rgyas kyi zhabs la mgo bos phyag 'tshal te lan brgya stong du bskor ba byas nas phyogs
108a6 gcig tu 'khod do/ /thams cad kyis skad 'thun par tshigs su bcad pa brgya stong gis de bzhin gshegs pa la mngon par bstod pa byas pa la 'di lta ste/ byang chub sems dpa' bsam gyis mi khyab pa dang / byang chub sems
108a7 dpa' rtog med dbyangs dang / byang chub sems dpa' bde ba 'ba' zhig sems dang / byang chub sems dpa' dri ma med par grags pa dang / byang chub sems dpa' tshad med dbyangs dang / byang chub sems dpa' grags pa chen po dang / byang chub sems
108a8 dpa' gtsug phud 'od dang / byang chub sems dpa' brtan pa'i seng ge dang / byang chub sems dpa' 'ba' zhig rol dang / byang chub sems dpa' rtog pa spong ba dang / byang chub sems dpa' ye shes brtsegs dang /
108b1 byang chub sems dpa' dge gnas blo gros dang / byang chub sems dpa' rab tu mtshan med dang / byang chub sems dpa' blo gros 'od zer dang byang chub sems dpa' khro zhi blo gros dang / byang chub sems dpa' shin
108b2 du bsrung 'gyur dang / byang chub sems dpa' dad pa btsan dang / byang chub sems dpa' me tog 'phags dang / byang chub sems dpa' kun du bde dang / byang chub sems dpa' 'phags pa'i shes rab las dang /
108b3 byang chub sems dpa' ngo 'phral 'chad dang / byang chub sems dpa' bsam du med pa dang / byang chub sems dpa' tshangs pa sbyin dang / byang chub sems dpa' rin chen las dang / byang chub sems dpa' lha'i
108b4 me tog gnas dang / byang chub sems dpa' shin du sems dang / byang chub sems dpa' dpag med chos dang / byang chub sems dpa' grags pa'i yid dang / byang chub sems dpa' spobs pa brtsegs dang / byang chub
108b5 sems dpa' dbang phyug sgo dang / byang chub sems dpa' stobs bcu dang / byang chub sems dpa' stobs bcu 'chang dang / byang chub sems dpa' 'phags pa chen pos skyong dang / byang chub sems dpa' 'das
108b6 pa med pa dang / byang chub sems dpa' zhi ba rol dang / byang chub sems dpa' de na gnas dang / byang chub sems dpa' grangs med lha dang / byang chub sems dpa' ri rab 'od dang / byang chub sems dpa'
108b7 rab tu lci ba'i sdong po dang / byang chub sems dpa' rgyu las 'phags dang / byang chub sems dpa' gcig pu 'gro dang / byang chub sems dpa' gzi brjid 'phags dang / byang chub sems dpa' sde chen mkhas dang
108b8 byang chub sems dpa' ris skyob dang / byang chub sems dpa' 'jig rten gsum 'dzin dang / byang chub sems dpa' ngo 'phral yod dang / byang chub sems dpa' grags pa brjod dang / byang chub sems dpa' nyi 'od
109a1 gsal dang / byang chub sems dpa' seng ge btsan dang / byang chub sems dpa' dus tshod rgyal po dang / byang chub sems dpa' seng ge'i snying po dang / byang chub sems dpa' srid mngon ston dang /
109a2 byang chub sems dpa' 'od rgyang gsal dang / byang chub sems dpa' seng ge'i ri dang / byang chub sems dpa' srid len sbyin dang / byang chub sems dpa' rgyal ba sbyin dang byang chub sems dpa' rgyal mtshan mchog dang / byang chub sems dpa' dga' mgu rangs dang /
109a3 byang chub sems dpa' brtson 'grus brtan dang / byang chub sems dpa' 'gribs med dang / byang chub sems dpa' grags ldan dang / byang chub sems dpa' 'jigs med dang / byang chub sems dpa' ma chags lha dang / byang chub
109a4 sems dpa' sgron ma chen po dang / byang chub sems dpa' 'jig rten 'od dang / byang chub sems dpa' dam pa'i dbyangs dang / byang chub sems dpa' thabs chen stobs dang / byang chub sems dpa' mun nag sel dang / byang chub
109a5 sems dpa' mnyam med phyogs la sogs pa byang chub sems dpa' de dag thams cad kyis sangs rgyas kyi spyan sngar yi dam 'di skad bcas so/ /bdag cag rnams kyis bcom ldan 'das mya ngan las 'das pa'i 'og tu sangs rgyas kyi chos
109a6 bsrung zhing phyogs bcu'i 'jig rten gyi khams kun du rgyas par bgyi zhing rgyun mi 'chad par bgyi'o/ /de ci'i slad du zhe na/ bdag cag gis de bzhin gshegs pa'i 'od zer dam pa bsam gyis mi khyab pa mthong nas 'od zer de dag las
109a7 sangs rgyas kyi chos bsam gyis mi khyab par yang thos par gyur/ chos de dag thos nas sems kyi sgrib pa dang bral te kun nas nyon mongs pa thams cad byang nas/ lha'i rin po che gser ltar sems rnam par dag par gyur pas
109a8 thams cad gsal bar snang bar gyur pa'i phyir ro/ /bdag cag gis phan pa dang / bde ba'i yon tan 'di lta bu dran pas de bzhin gshegs pa la ston pa chen por 'du shes skyes so/ /byams pa'i pha ma lta bu'i 'du shes skyes nas
109b1 rtag tu sangs rgyas kyi bka' drin dran te sangs rgyas bka' drin shes par bgyid do/ /de ci'i phyir zhe na/ dam pa'i chos thos pas ring po mi thogs par byang chub kyi snying po la 'dug cing dam pa'i chos kyi 'khor lo bskor te sems can thams cad sgrol bar
109b2 'gyur ro/ /de dag kyang chos thos pas bla na med pa yang dag par rdzogs pa'i byang chub thob par 'gyur ba'i phyir ro/ /de nas de bzhin gshegs pas 'khor mang po la 'di skad ces bka' stsal to/ /byang chub sems dpa' sems
109b3 dpa' chen po bdun bcu po 'di dag yun ring po nas bskal pa grangs med pa bye ba khrag khrig brgya stong gi rdul phra rab snyed kyi sngon rol na/ sangs rgyas bcom ldan 'das gang gA'i klung gi bye ma snyed brgya stong snyed kyi 'jig rten gyi khams kyi rdul phra
109b4 rab snyed la bsnyen bkur byas te/ sangs rgyas de dag las rtag tu tshangs par spyod pa spyad cing rgyal ba de dag la mi skyo ba'i sems kyis mnyes par byas nas/ byams pas bdag gi lus bsrungs te sangs rgyas kyi chos 'dzin cing snying
109b5 rje chen pos rgyun du phyogs bcur thams cad la phan pa dang bde ba'i don byed do/ /sems can gang zhig tha ma shi kar byang chub sems dpa' de dag la gcig gi ming ngam/ gnyis sam/ gsum 'am/ bzhi nas bdun bcu'i bar du bde
109b6 par thos te/ de la srog phyogs skyabs su song na tshe 'phos ma thag tu gang na sangs rgyas bzhugs pa'i 'jig rten gyi khams su pad mo las rdzus te skye bar 'gyur zhing 'dod chags dang yongs su bral ba dang / mngal gyi gnas nas
109b7 mi skye ba dang / mnam zhing tsog pa dang bral bar 'gyur te/ lus yongs su dag cing lus dri zhim pa dang / thams cad kyi yid du 'ong zhing bkur sti byed par 'gyur ro/ /kun gyi yid tu 'ong zhing bkur sti byas pas sems
109b8 rab tu dga' bar 'gyur ro/ /sems rab tu dga' bas bla na med pa yang dag par rdzogs pa'i byang chub tu sems bskyed par 'gyur ro/ /bla na med pa yang dag par rdzogs pa'i byang chub tu sems bskyed pas
110a1 sems can thams cad la byams pa dang snying rje chen po'i sems bskyed par 'gyur/ de ltar byams pa dang snying rje'i sems bskyed pas 'gro ba ma lus pa la btang snyoms su mi gtong ba'i sems skye
110a2 bar 'gyur/ gzhan yang sems can la phan pa dang bde bar 'gyur ba'i sems dang / bdag dang gzhan gyi don byed pa'i sems dang / sgrib pa dang / bar chad du 'gyur ba bsal ba'i sems dang / nyon mongs pa zhi bar byed pa'i
110a3 sems dang / dge ba'i bshes gnyen la bsnyen cing rtag tu bkur sti byed pa'i sems dang / 'dun pa'i yid kyis chos nyan pa'i sems dang / mi brjed par yid la byed cing don bzang po gzungs su 'dzin pa'i sems dang /
110a4 nyung du thos la don mang du shes pa'i sems dang / mang du thos la don mi shes pa mi 'dod pa'i sems skye bar 'gyur ro/ /de nas yang dag pa nyid la dang ba'i sems dang / de bzhin nyid kyi don bden pa la dad pa'i sems
110a5 skye bar 'gyur/ yang dag pa'i don bden pa la dad pa'i sems skyes pas ji ltar bstan pa bzhin du rnal 'byor spyod pa'i sems skye bar 'gyur ro/ /ji ltar bstan pa bzhin du rnal 'byor spyod pa'i sems skyes pas
110a6 phyir mi ldog pa'i sems skye bar 'gyur/ de ltar phyir mi ldog pa'i sems skyes pas sems can de dag thams cad la mnyam snyoms pa'i gnyen po'i sems skye bar 'gyur ro/ /ji ltar bdag khams gsum pa'i
110a7 srid pa nyi shu lngar skye bar mi dga' ba bzhin du gzugs yod pa dang / gzugs med pa dang / rkang bzhi dang / rkang mangs dang / grog sbur nas srog chags thams cad kyang de dang 'dra ste/ de bas na byang chub sems
110a8 dpa' ni lus dang srog gi bar du stor yang pha rol po'i srog 'phrog pa'i las mi byed do/ /ji ltar bdag la nor rdzas dang / 'bru dang / gos dang / zas dang / skom dang / ban glang dang / shing rta dang / theg pa dang / yul dang
110b1 grong khyer dang / chung ma dang / bu dang / lus kyi yan lag gi bar du longs spyod rnams la srung zhing rim gro byed do/ /gzhan gyis khyer zhing 'phrog pa la mi dga' ba bzhin du sems can thams cad kyang de dang 'dra ste/ de bas na byang chub sems
110b2 dpa' ni bdag gi lus dang srog stor kyang sems can rnams kyi nor dang / gos dang / zas dang / skom dang / longs spyod la 'phrog pa'i sems mi skyed do/ /ji ltar bdag gi gzugs dam pa sring mo 'am/ chung ma 'am/ slas la
110b3 gzhan gyi mi rigs par byed mi 'dod pa de bzhin du sems can thams cad kyang de dang 'dra ste/ de bas na byang chub sems dpa' ni bdag gi lus dang srog stor kyang pha rol po'i gzugs dam pa la 'du shes ngan pa log pa'i sems mi
110b4 skyed na mi rigs pa'i chos ngan pa lta ci smos/ ji ltar bdag phra ma dang tshig rtsub po 'khrug par 'gyur ba la mi dga' ba bzhin du sems can rnams kyang de dang 'dra ste/ de bas na byang chub sems dpa' ni bdag gi lus dang srog yal
110b5 yang brdzun du smra ba dang phan tshun 'khrug pa'i tshig mi smra'o/ /ji ltar bdag rdo dbyug gis rdeg pa dang / lcag gis gzhu ba dang / nan la 'bor ba la mi dga' ba bzhin du sems can thams cad kyang de dang 'dra ste/ de bas na byang chub sems
110b6 dpa' ni bdag gi lus dang srog yal yang rdo dbyug dang / lcag dang chad pas gcad pa'i las kyis sems can rnams la mi 'tshe'o/ /ji ltar bdag lcags sgrog dang / khong sgril dang / bzung ba dang / btags pa dang / bcing bas bcings
110b7 pa'i gnod pa rnams la mi dga' ba bzhin du sems can kun kyang de dang 'dra ste/ de bas na byang chub sems dpa' ni lus dang srog yal yang lcags sgrog dang / khong sgril dang / bzung ba dang / bcing ba la sogs pa gnod pas 'tshe bar mi
110b8 byed do/ /ji ltar bdag gzhan gyis brnyas pa dang / dbang dang / drag shul byed pa dang / dbang rlom btsan byed/ snyems shing ngan du byed pa la mi dga' ba bzhin du sems can thams cad kyang de dang 'dra ste/ de bas na byang chub sems dpa'
111a1 ni bdag gcig pu'i lus dang srog yal yang tshul bzhin ma yin pa'i mi rigs pas sems can la gnod pa mi byed do/ /ji ltar bdag la pha rol po gzhan gyis bkur sti byed cing mchod dam tshig snyan pas bstod na bdag dge
111a2 ba la dga' ba bzhin du bdag kyang sems can rnams la gos dang / zas dang / skom dang / mal cha dang / nad kyi rkyen rtsi dang / bde ba'i yo byad thams cad kyis sbyin par byed do/ /gal te bdag gis las chen po zhig sgrub pa 'am/
111a3 sangs rgyas kyi phyir ram/ chos kyi phyir ram/ dge 'dun gyi phyir ram/ don sgrub pa las blos mi lcogs te don grub par ma gyur nas/ mi dga' zhing mya ngan gyis gdungs pa las mkhas pa blo dang ldan pa zhig gis bdag gis
111a4 bsgrub pa'i don ma grub pas mi dga' zhing mya ngan byed par mthong na bdag la 'di skad zer ro/ /rigs kyi bu khyod mi dga' ba ma byed cig /khyod kyi don grub pa'i grogs bya'o/ don yid bzhin du bsgrub par bya'o/ /zhes zer na de la
111a5 rab tu dga' ba'i sems skye bar 'gyur te/ de bas na bdag gis sems can la phan pa dang bde ba'i don du bsgrub pa'i las kyi grogs bya'o/ /ji ltar bdag la rgyal po dang / rkun po dang chu 'am/ mes gnod par 'gyur ram/ blon po
111a6 la sogs pas/ bzung ngam/ btags sam/ bcings na mi dga' ba'i mya ngan gyis gdungs par gyur pa las mkhas pa blo dang ldan pa zhig gis bdag de ltar mya ngan gyis gdungs pa mthong na/ snyan pa sgra'i tshig dag la khyed mya ngan ma byed cig /
111a7 khyod kyi phyir kho bos rgyal po 'am/ blon po chen po la gsol ba btab ste/ gal te na nor gsug sbyin pa 'am/ thabs rnam pa sna tshogs kyis ci nas kyang khyod mi bde ba'i sdug bsngal las thar bar bya'o zhes zer na/ bdag gis tshig de thos pa
111a8 tsam gyis sems dga' bar 'gyur te/ de bas na byang chub sems dpa' ni shes par bya ba'i sgyu rtsal dang bzo'i bar du mthar phyin par brtson 'grus su slob bo/ /'di lta ste/ shes par bya ba rig pa'i gnas dang / bzo'i gnas dang / rol mo dang / rtsed
111b1 mo dang / grangs dang / rtsis dang / mig 'phrul gyis bsngags dang / sman dang / ban glang dang / rta dang / bzhon pa dang / dgra chos dang / dmag drang ba dang / dpyad la sogs pa la mkhas par slob ste/ de ltar sgyu rtsal ci la yang mkhas par bslabs nas 'gro
111b2 ba mang po dang / rgyal po dang / blon po chen po la sogs pa yang bsams pa'i yid dang 'gal bar mi byed/ de ma yin pa gzhan yang longs spyod kyi rkyen gos sam/ nor ram/ zas sam/ bza' ba 'am/ btung ba 'am/ nor bu 'am/ gdu bu 'am/ lus kyi
111b3 rgyan nam/ gser ram/ dngul lam/ bai dUr+ya 'am/ man shel lam/ spug gam/ mu tig gam/ a sma gar b+ha 'am/ nor bu rin po che 'am/ ban glang ngam/ rta 'am/ theg pa 'am/ bran po 'am/ las byed pa'i mi 'am/ chung ma 'am/ slas kyang yod/
111b4 chu mig gam/ khrus kyi rdzing bu 'am/ rin po che'i yang tog bzang po 'am/ longs spyod kyi yo byad rnam pa sna tshogs yod kyang byang chub sems dpa' de la rlom pa 'am rgyags pa'i sems med do/ /de ltar sgyu rtsal kun la yang mkhas/ rin po
111b5 che'i bang mdzod brgya stong dang yang ldan/ ban glang dang / rta dang / theg pa yang yod/ na chung bzang mo yang grangs med par yod/ yang tog bzang po yang yod/ chu mig dang khrus kyi rdzing bu la sogs pa 'dod pa'i longs spyod gang yang yod
111b6 mod kyi/ de la ma chags te rtag tu 'dod pa nyung ba dang / chog shes pa la dga' zhing / bas mtha' dgon pa dang / ri dang / tshal dang / shing drung du bsam gtan la zhi bar gnas pa la mos so/ /skye bo mang po dang / smra zhing gtam zer yang /
111b7 sems ni rtag tu gnyen po'i sgor 'jug par byed do/ /so so skye bo dang spyod tshul 'thun pa ltar byed kyang sems can la phan pa'i don du nor bu rin po che gtong bar byed kyis sems can la gnod pa mi phan pa'i don mi byed do/ /gang dbul ba/
111b8 phongs pa nyam thag par gyur pa dag byang chub sems dpa' la slong du 'ongs na de la ci 'dod pa bzhin byang chub sems dpa' sbyin par byed do/ /sems can gang zhig sangs rgyas kyi chos la mos shing dad de byang chub sems dpa' la bsnyen
112a1 bkur dang / mchod pa bya ba'i phyir rim gro dang g.yog byed cing rkang pa 'khru ba'i las byed dam/ lus bkru ba dang mnye ba'i las byed dam/ chag chag dang phyag dar byed dam/ so shing dang khrus chur sbyor ram/ mal stan 'dings
112a2 shing mal gos sprug pa'i las byed dam/ srod dang tho rangs la mar me 'bud dam/ khye'u sus dang / dro la kha zas tha na pa na dang / pu shi na dang / kha da ne 'bul lam/ 'thung ba'i skom yu li shi dang / bu la sha ka'i 'bras bu'i skom dang /
112a3 rgun chu dang / kha ra nag po'i chu la sogs pa sbyar sbyar nas yo byad de lta bus zhag bdun nas zhag dgu bcu'i bar du byang chub sems dpa' la chos 'dod pa'i phyir 'bul bar byed na byang chub sems dpa' de'i tshe mchod pa'i yo byad 'bul ba
112a4 de la dga' ba'i sems med do/ /de ci'i phyir zhe na/ byang chub sems dpa' ni bskal pa grangs med pa yun ring po nas sangs rgyas kyi chos tshol ba'i phyir/ sems can thams cad la skyed dbri'i sems med pa'i phyir/ byams
112a5 pa dang snying rje'i sems dang ldan pa'i phyir/ mnyam snyoms pa'i sems la gnas pa'i phyir ro/ /de bas na dus kha gcig tu 'khor los sgyur ba'i rgyal po byed de/ rtag tu dge ba bcu'i chos kyis sems can gyi don byed do/ /
112a6 sems can de dag kyang rgyal po'i yid bzhin du dga' zhing spyod pas tshe'i dus byas na yang lha dang mi'i 'jig rten du 'dod pa lnga'i longs spyod mchog dam pa dang ldan te/ rigs che zhing mtho bar skye bar 'gyur/ bsams pa'i yid
112a7 bzhin du nyal ba dang / ldang ba dang / 'gro ba la gnod pa med par 'gyur/ gnas gang du 'gro yang bzhon pa'i rta dang theg par ldan te bskyed mos tshal du rtsed mo dang rol mo la rtse zhing longs spyod par 'gyur/ bza' ba dang btung ba dam pa
112a8 dang dga' mgur spyod par 'gyur yang tha ma mi rtag pa bsten te/ rga ba dang na bas gzir te shi bar gyur na khyim gyi bu smad myang ngan gyis gdungs te skad phyung nas ngu zhing la la ni mgo la thal mo rdebs/ la la ni rang rang gi skra 'bal te mchi ma
112b1 'dzag cing sa la 'gre'o/ /de nas khyogs sam shing rta'i steng du bzhag nas dur khrod tu bskyel te/ de ltar bskyal nas kyang bu smad dag gis phyir khyim du 'ongs nas mya ngan gyis gdungs te la la ni brgyal nas sa la 'gre/ la la ni de'i rkyen gyis nad
112b2 tu 'gyur/ la la ni mi dran nas myos/ la la ni tshe'i bar chad tu shi bar byas te/ de ltar byas kyang gson pa rnams la ni phan pa med/ shi ba la ni rab tu gnod do/ /de'i tshe de'i dus na 'khor los sgyur ba'i rgyal po 'khor dang bcas te yul rgyu zhing
112b3 song ba las sems can mya ngan gyis gzir ba mthong nas snying brtse ba'i sems skyes te 'di skad zer ro/ /rgyal po zhes bya ba ni yul sa dbang gis 'gro ba mang po'i dbang sgyur te/ de ltar dge ba bcu'i lam gyis 'gro ba rnams btul te/
112b4 'bras bu 'dod pa lnga mchog dam pa thob tu zin kyang skye ba dang / rga ba dang / na ba dang / 'chi ba dang / mi rtag pas 'jigs pa las thar bar ma gyur na/ bdag gis drang po'i chos kyis yul gyi srid btsas kyang phan pa'i don med do/ /de ltar 'gro
112b5 ba rnams la phan pa'i don med na 'khor los sgyur ba'i rgyal po chen po zhes kyang ji skad bya/ byams pa chen po'i pha zhe 'am/ sman pa'i rgyal po chen po zhe 'am/ 'dren pa'i ston pa chen po zhes bya ba ni yang dag pa'i lam du 'dren
112b6 cing mya ngan las 'das pa'i lam ston te/ 'dus ma byas pa'i rab tu bde ba thob par byed do/ /bdag cag ni ming dang spyod par mi 'thun te/ dper na mi zhig skom pas gdungs nas srog la bab pa las chu 'dod pa'i phyir phan tshun
112b7 brgyugs te/ khron pa skam po zhig dang phrad nas rab tu dga' ba'i sems skyes te 'di snyam du sems so/ /da ni bdag gi lus 'di 'chi ba las phyir sos so/ /de ci'i phyir zhe na/ gal te chu dang ma phrad na srog 'di 'chi ba las mi ring
112b8 ba las da khron pa bzang po dang phrad nas gdon mi za bar chu dong grang mo gtsang ma dang phrad de ngoms shing tshim par 'gyur bas srog 'tsho bar 'gyur ro snyam bsams nas myur ba myur bar khron pa'i drung du bsnyen to/ /khron pa'i drung du phyin nas
113a1 lus la gyon pa'i gos phud de/ phyogs gcig tu sbas nas chu 'dod pa'i phyir khron pa'i nang du zhugs so/ /khron pa'i gting du phyin na chu ni med kyi sbrul gdug pa dang / smigs pa dang / sdig pa dang / rtsangs pa dang /
113a2 sbal pa dang / gyo mo dang / de la sogs pa gseg ma dang / shing dang / rtswa nyal nyil 'ba' zhig mthong bar gyur to/ /de'i tshe skom pas nyam thag par gyur pa de thog ma re ba bzhin du chu yang ma rnyed la gdug pa mang pos bzas nas
113a3 khron pa de las phyir byung bar gzas kyang khron pa rnyings shing zhig la zabs kyang mda' rgyang gang tsam yod de/ de'i nang na skas sam thag srad dam/ 'bru ba'i shing tsam yang med de/ mas mchong du brtsal yang nyam thag la stobs zhan pas
113a4 'phar mi nus te/ phyir yang zhabs su lhung nas sbrul gdug pa la sogs pas za zhing 'jib bo/ /de cung zad cig srog ma chad kyi bar du 'di skad ces zer ro/ /bdag khron pa 'di'i nang na chu med par sngar shes na lta khron pa 'di la mig gis blta yang
113a5 mi phod na 'di'i nang du zhugs pa lta smos kyang ci dgos te/ da ni khron pa 'di'i rkyen gyis sdug bsngal ba'i sdug bsngal myong bar gyur to zhes smre sngags 'don to/ /'khor los sgyur ba'i rgyal po yang de ltar so so'i skye bo dag gcig shi ba'i 'og tu khyim
113a6 gang gi bu smad dang gnyen rnams kyis sdug pa dang bye bral ba'i sdug bsngal gyis gdungs pa mthong nas 'di skad zer ro/ /bdag gi lus 'di ni khron pa skam po de dang 'dra ste/ khron pa ming tsam yod kyi chu ni med pas na 'jug pa yod kyang thob
113a7 pa med pas de lta bu'i lus dang srog stor ba'i sdug bsngal myong bar gyur to/ /da ltar bdag 'khor los sgyur ba'i rgyal po'i dbang sgyur zhing rin po che sna bdun dang ldan te/ dge ba bcu'i las kyis 'gro ba 'dul zhing drang po'i chos kyis yul
113a8 gyi srid btsas nas skye bo mang po dag lha dang mi'i mtho ris kyi gnas su bkod de 'dod pa lnga'i yon tan mchog dam pa la longs spyod du bcug kyang de dag skye ba dang / rga ba dang / na ba dang / 'chi ba dang / sdug pa dang bye bral ba dang / dgra sdang ba dang phrad pa'i
113b1 sdug bsngal las thar bar ma nus te/ gcig la gcig ngu zhing cho nge byed pa 'di ni bdag gis nyes kyi sems can rnams kyis ma nyes so/ /de ji lta zhe na/ bdag la 'jig rten las 'das pa'i chos 'gro ba mang po la phan pa'i don du 'gyur ba med de/
113b2 bdag las dge ba'i chos 'dod cing rab tu bde ba 'dod kyang sdug bsngal gyi mtsho las rgal mi nus so/ /de'i tshe 'khor los sgyur ba'i rgyal po yang 'di snyam du sems so/ /da ltar bdag gi lus 'di ni dper na shes pa med pa gti mug can gyi
113b3 sbyin bdag dang 'dra'o/ /de'i tshe dus gzhan zhig na lo bdun gyi bar du char ma bab pas than pa chen po byung ste/ rtsi shing yang skams/ 'bru yang rab tu dkon par gyur/ mu ge chen po byung ste/ gcig la gcig 'cha' zhing za bar gyur gcig gi
113b4 sha khrag la gcig za ste/ la la ni bu'i sha khrag la pha ma za/ la la ni pha ma'i sha la bu za zhing / pha ma dang / phu nu dang / khyo shug dang / bu pho dang / bu mo yang gcig gi sha la gcig za bar gyur to/ /de'i tshe na sbyin bdag chen po de 'chag cing 'phyan du
113b5 song song ba las sems can mang po dag ltogs nas da rod nyams de rid cing skams la nyam chung la mdog ngan pa dang / skra yang 'dzings nas lus gnag la rkem pa dag phrag pa la mi ro khur du khyer te/ kha cig ni mi'i mgo dang / lag pa dang
113b6 rkang pa dang / lhu tshigs dang / lag ngar dang / phrag pa dang / tshigs pa dang / sgal pa dang / brla dang / rje ngar dang / yan lag dang / nying lag gi bar du khyer/ kha cig ni nang khrol mchin pa dang / mtsher pa dang / glo ba dang / rgyu ma dang /
113b7 gzhang rnams khyer ba mthong ngo / /de lta bu dag mthong nas sbyin bdag des de dag mthong nas/ khyed khur du khyer ba 'di dag ci yin zhes dris so/ /de dag gis smras pa/ bdag cag gi khur du khyer ba 'di dag ni mi ro ste/ mi'i mgo dang
113b8 rkang lag dang / brla dang / rje ngar dang / yan lag dang / nying lag gi bar du'o/ /khyed mi'i mgo dang / yan lag dang / nying lag gi bar du khyer ba 'di ci dgos ci zhig bya zhes dris pa dang / de dag gis smras pa/ khyod mi shes sam/ mu ge
114a1 chen po byung nas 'bru rab tu dkon par gyur te/ mi kun ltogs nas da ltar gcig la gcig za bas/ bdag cag gi khur bu khyer ba 'di ni bdag cag gi zas yin no/ /de'i tshe sbyin bdag chen po des de skad ces smras pa de thos nas dngangs
114a2 te/ spu zing zhes byed nas 'khams te sa la 'gyel ba las chu grang mos gdong du gtor nas ring zhig lon pa dang / sems sor chud nas 'o na khyod kyi zas yin na 'di dag su'i sha yin dris pa dang / de dag skad chen po phyung nas ngus te/ sbyin bdag la
114a3 brjod du mi rung ngo zhes smras so/ /kye ma'o bdag cag ni sdug go/ /kye ma'o bdag cag ni sdug go/ /kyi hud kyi hud khyod la drang por mi smrar mi rung ste/ bdag cag khur du khyer ba 'di la la ni pha'i sha /la la ni ma'i sha /la la ni bu'i sha /la la ni phu nu bo'i
114a4 sha /la la ni gnyen bshes kyi sha yin no zhes ltogs pa de dag gis so so nas khyim bdag la drang por gtam byas nas/ bdag cag ni shin du ltogs pas gcig la gcig nying sha za bar gyur to/ /de'i tshe sbyin bdag des dbugs kyis brnangs pa
114a5 tsam du mi ltogs pa rnams la 'di skad ces smras so/ /khyed rnams deng phyin chad gcig la gcig nying sha za bar ma byed cig /khyed rnams la dgos pa'i yo byad gang yang rung / bgo ba'i gos sam/ bza' ba 'am/ btung ba 'am/ nad kyi
114a6 rkyen rtsi 'am/ yo byad ci dgos pa thams cad sbyin par bya ste/ zhag bdun na khyed rnams kho bo'i sgor shog shig dang / yid bzhin du gos sam/ kha zas sam/ nad kyi rkyen rtsi 'am/ ji 'dod pa tshim par bya'o zhes bsgo ba dang /
114a7 de dag rab tu dga' rangs nas shin du legs so legs so/ /ngo mtshar che'o zhes bstod pa byas so/ /de nas sbyin bdag de phyir khyim du 'ongs nas chung ma dang / bu rnams dang / bran khol dang / las byed pa'i mi rnams kyang
114a8 bsdus te/ dga' ba'i mdangs phyung ste/ 'jam zhing yid tu 'ong ba'i tshig snyan pas bu smad dang / bran khol dang / las byed pa'i mi rnams la 'di skad ces bsgo'o/ /khyed rnams shes par gyis shig /kho bos smras pa'i tshig
114b1 legs par nyon cig /khyed shes sam than pa chen pos mu ge byung nas/ mi thams cad ltogs te grangs med pa gcig shi bar gyur to/ /bdag gi khyim na bang mdzod kun gang zhing lud de 'bru yang grangs med pa zhig yod pas dus las ma yol
114b2 bar bdag cag bsod nams bya'o zhes bu smad kun gyis de skad ces bsgo ba thos nas legs so legs so/ /bdag cag gi srog lus sbyin pa byas kyang mi phangs na bang mdzod dang / nor rdzas dang / kha zas lta smos kyang ci dgos/ de nas sbyin
114b3 bdag kyang rab tu dga' rangs nas khyed rnams ni yang dag par kho bo'i bla na med pa'i byang chub thob par bya ba'i grogs yin pa lta dge'o legs so/ /khyed rnams kyang so so nas ci dang ci bya ba rnams ci dang ci bsgrub pa skol bya ba'i rigs pa
114b4 yang mod la bya/ bsgrub pa'i rigs pa yang myur du bsgrub ste/ da ste zhag bdun na nges par 'byor bar bya'o/ /de'i tshe sbyin bdag des so sor bsgo nas khyim gyi phyi rol du byung ste/ gang nas mnyam zhing yangs la bde ba'i gnas zhig
114b5 bltas nas mod la sa gzhi dag par nyal nyil dang sa rdo med par byas phyags te khri stan bshams so/ /de ltar mang po 'du ba'i gnas sbyin pa sbyin pa'i sa gzhi bshams nas ban glang lnga brgya la kha zas bkal te sbyin pa'i sar bskyal nas/
114b6 kha zas ni ri bzhin du spungs/ zho chu ni mtsho bzhin bskyil/ mar dang / 'bru mar dang / khur ba la sogs pa kha zas ro brgya dang ldan pa cho ma cho dgu sbyar te/ de ma yin pa gzhan yang gos dang / gdu bu dang / phreng ba dang / lus
114b7 kyi rgyan sna tshogs dang / ban glang dang / rta dang / rin po che sna bdun la sogs te/ thams cad phun sum tshogs par sbyar nas zhag bdun lon pa'i skya reng shar nas zhag bdun gyi nyi ma la dril rnga brdungs/ dung bus te/ skad chen
114b8 pos thams cad sbyin pa'i gnas 'dir 'dus shig ces bos so/ /de'i tshe na thams cad kyis bos pa'i skad thos nas 'phags pas byin gyis brlabs pa tsam du dga' ba'i sems skyes te/ thams cad sbyin pa gtong ba'i
115a1 gnas su lhags te/ yid bzhin du gos dang / mal cha dang / zas skom dang / lus kyi rgyan sna tshogs pa dang / nad kyi rtsi sman mang po dang / ban glang dang / rta dang / rin po che sna bdun la sogs pa ci dang ci 'dod pa yid
115a2 bzhin du drangs nas sbyin pa'i rdzas ci yod pa thams cad kyis ma lus par khyer ro/ /de nas sbyin bdag de dga' nas phyir khyim du 'ongs nas chung ma dang bu rnams dga' ba bzhin du 'dod pa lnga la longs spyod do/ /de nas zhag bdun tsam lon pa
115a3 dang mi dag na re sbyin bdag des sngar gos dang / zas dang / skom la sogs pa sbyin pa byas na kha zas zos pa rnams dug langs nas thams cad shi'o zhes zer ro/ /de ltar shi bar gyur pas thams cad tshig tu brjod de ngo mtshar che'o ngo mtshar che'o/ /
115a4 de ltar sbyin bdag chen po des kun la snying brtse ba'i phyir ci 'dod pa bzhin du kha zas la sogs pas tshim par byas te lus dang srog gson par byas par gyur na phyis zhag mang po ma lon par dug langs nas thams cad shi'o bar sgra sgrogs par gyur to/ /
115a5 de'i tshe sbyin bdag chen po des de ltar gyur pa de thos nas yi mug cing mi dga' bar gyur te/ chung ma dang / bu la sogs pa la khyed kyi kha zas ji ltar sbyar na kha zas kyi nang du dug ma rungs pa ji ltar 'ongs shes dris pa dang /
115a6 chung ma dang / bu dang / bran khol dang / las byed pa'i mi rnams kyi mchid nas dug mi srid do/ /dug 'di ga las 'ongs zhib tu rtogs shig ces smras so/ /de nas sbyin bdag de khyim gyi zhal ta byed cing mthar gyis song song
115a7 ba las khron pa zhig steng bkab cing g.yogs pa mthong ngo / /khron pa 'di ci'i phyir g.yogs shes dris pa dang / khron pa 'di ni khyim bdag khyod bus pa chung ngu'i tshe na sbrul gdug pa gsum zhig gso gso ba las khron pa 'di
115a8 brkos nas sbrul gdug pa gsum bcug go/ /khron pa 'di ni sbrul gdug pa 'dug pa'i khron pa yin no/ /chu yang gdug pas chu 'di yang 'thungs pas na ste 'chi bar 'gyur ro/ /sbyin bdag des tshig de dag thos nas las byed
115b1 pa dag la khyed de bar kha zas g.yo ba'i tshe khron chu 'di las bcus te kha zas ma g.yos sam/ las byed pas smras pa/ kha zas mang du g.yos pas rings nas chu 'di yang bcus nas kha zas kyi g.yos byas so zhes bsgo'o/ /khyim
115b2 bdag mi dga' ste/ ngo mtshar che'o/ /bdag ni gti mug can shes pa'i blo med pa yin pa 'dra ste/ ci'i phyir sbrul gdug pa gso zhing khron pa gdug pa rko zhes 'gyod nas chung ma dang / bu la bsgo ba/ sbrul gdug pa gsum gyi khron
115b3 pa myur du tshongs shig /sbrul gdug pa gsum yang kho bo bdag gis bsreg go zhes bsgo ba dang / las byed pa'i mi rnams kyis de ma thag tu khron pa de yang bsubs nas med par byas so/ /de nas sbyin bdag des sbrul gdug
115b4 pa'i khron pa de med par byas nas phyi rol du 'chag tu song ba las sbyin bdag gi kha zas dug can gyi shi bar gyur pa las thams cad tshig 'thun par sbyin bdag 'dis bdag cag la kha zas dug can byin nas bdag cag sngar shi bar gyur pa
115b5 yin no/ /bdag cag gis de ltar shes na der ma song yang rung zhes 'gyod pa skyes so/ /de bzhin du 'khor los sgyur ba'i rgyal po de yang dge ba bcus sems can btul te/ sems can dag lha dang mi'i mtho ris su skye zhing 'dod pa lnga
115b6 la 'dod dgur longs spyod mod kyi skye ba dang / rga ba dang / na ba dang / 'chi ba las mi thar ba yang de dang 'dra'o/ /de nas 'khor los sgyur ba'i rgyal po de de'i mod la bdag bla na med pa'i sangs rgyas kyi chos dang / 'jig rten
115b7 las 'das pa'i chos bsgrubs te/ sems can rnams kyang de la klog pa dang / 'don pa dang / 'dri ba dang / goms par bya ste/ skye shi'i 'khor ba yongs su spang zhing mya ngan las 'das pa 'thob par bya'o zhes dam
115b8 bcas so/ /de'i tshe na 'khor los sgyur ba'i rgyal po sangs rgyas kyi chos tshol ba'i phyir/ 'dzam bu'i gling na/ sangs rgyas kyi chos/ sus shes zhes/ gnas kun du/ bkar btags so/ /
116a1 'khor los sgyur ba'i rgyal po chos 'dod pa'i phyir gnas kun du bkar btags kyang shes pa ma byung ngo / /mtha' 'khob kyi yul chung ngu cig tu phyin pa dang / de na bram ze gcig cig sangs rgyas kyi chos shes so zhes zer
116a2 ro/ /de nas bram ze de'i steng du pho nya btang nas pho nya des bram ze ga la ba der phyin nas btsun pa sangs rgyas kyi chos shes sam zhes dris na shes so zhes zer ro/ /de nas pho nyas bram ze'i rkang pa la mgo bos phyag byas nas btsun pa
116a3 'khor los sgyur ba'i rgyal pos spyan 'dren du btang gis 'khor los sgyur ba'i rgyal po de ga la ba der gshegs su gsol/ /de nas bram ze yang der 'ongs nas 'khor los sgyur ba'i rgyal pos rgyang ma nas bsu ste rkang pa la mgo bos
116a4 phyag 'tshal nas bde bar byon tam/ lam du nyon mongs par ma gyur tam/ ngal bar ma gyur tam zhes gtam dris te pho brang gi nang du khrid nas pho brang gi dbus su rgyal po'i gdan la bzhag go/ /bram zes kyang gdan la skyil
116a5 mo dkrung bcas te 'dug nas de'i tshe rgyal pos bram ze de bde bar 'dug nas dgos pa'i yo byad rnams kun phul te sbyin pa byas nas thal mo sbyar te bram ze de la ston pa chen po sangs rgyas kyi chos shes sam zhes dris pa dang / bram ze
116a6 na re bdag gis sangs rgyas kyi chos shes so zer ro/ /de nas rgyal pos bram ze la ston pa chen po bdag la bstan cing bshad tu gsol zhes byas nas/ bram ze na re rgyal po khyod ni shin du glen no/ /kho bos sangs rgyas kyi
116a7 chos bslabs pa na/ yun ring du na dka' ba'i sdug bsngal myong nas gdod lobs pa yin na/ da rgyal pos thal byung du thos par 'dod dam/ rgyal pos smras pa/ ston pa chen po 'o na ci zhig 'dod/ bram zes smras pa/ bdag
116a8 la mchod pa phul cig rgyal pos smras pa/ ston pa chen po mchod pa ci zhig 'dod/ gos zas sam/ mal cha 'am/ bza' ba 'am/ btung ba 'dod dam/ 'on te gser ram/ dngul lam/ rin po che 'dod dam/ bram zes
116b1 smras pa/ bdag de 'dra ba'i mchod pa mi 'dod do/ /rgyal pos smras pa/ mchod pa de dag mi 'dod na 'o na ban glang ngam/ rta 'am/ theg pa 'dod dam/ 'on te yul lam/ grong khyer ram/ chung ma'am/ bu 'dod dam/ rol mo'am/
116b2 glu 'am gar byed pa 'dod dam/ bram zes smras pa/ bdag ni de dag gang yang mi 'dod do/ /gal te lus la rma stong phyung ste rma'i nang du mar blugs la me mar snying po btsugs te mar me stong 'bar bas mchod na sangs rgyas kyi chos
116b3 bstan cing bshad par bya'o/ /gal te de ltar mi nus na bdag langs te 'gro zhes smras nas rgyal pos skad cig tsam lan ma smras kyi bar du khri las babs so/ /de nas rgyal pos pang du blangs nas ston pa chen po cung zad nyag bsring du
116b4 gsol/ bdag shes pa zhan zhing bsod nams chungs pas cung zad bsams te mchod par bgyid do zhes smras so/ /de'i tshe 'khor los sgyur ba'i rgyal po de 'di snyam du sems par gyur te/ bdag gi lus 'di thog ma med pa'i dus nas shi
116b5 ba grangs med par myong na yang chos kyi phyir ma shi'i/ da yang bdag gi lus 'di yang mthar 'jig cing rul bar 'gyur bas phan pa med de/ da ni dus las bab bo snyam bsams nas ston pa bram ze la 'di skad ces smras so/ /ston
116b6 pa chen po bdag mchod pa 'dod pa bzhin bgyid do/ /de nas rgyal po pho brang du song nas btsun mo rnams la da ni bdag cag bye 'bral lo zhes smras so/ /btsun mo rnams de skad ces smras pa thos nas dngangs shing 'khams te ci nyes
116b7 gtol med de rgyal po da ltar ci zhig mdzad snyam dgongs shes gsol lo/ /rgyal pos smras pa/ bdag gi lus 'di la mar me stong zhig btsugs te ston pa bram ze la mchod pa bya snyam mo/ /btsun mo rnams kyis de skad ces
116b8 smras pa thos nas sa la 'gre zhing cho nges btab ste brgyal lo/ /ring zhig lon pa dang / phyir dran pa rnyed do/ /rgyal po chen po 'jig rten na bdag gi lus las phangs pa med de/ nyes te dogs nas gso ba'i rim gro cher byed na ci'i phyir
117a1 bdag gi lus la mtho 'tsham zhing gnod pa bgyid/ rgyal po ni mkhas pa'i blo dang ldan pa lags na da ltar myos sam/ 'on te yi dags kyis brlams sam/ ci nongs/ rgyal pos smras pa/ de lta bu gang yang ma yin no/ /'o na
117a2 ci'i phyir de lta bu'i gnod pa mdzad cing bram ze la mchod par dgongs/ rgyal pos smras pa/ bdag ni sangs rgyas kyi chos 'dod de/ sems can thams cad kyi don byed par sems so/ /de ltar sems can thams cad la dgongs na da ci'i phyir bdag
117a3 cag rnams bkol bar gyur/ rgyal pos smras pa/ 'jig rten na mdza' sdug thams cad mthar bye bral du 'gyur te de bas na bdag gis lus kyi mchod pa byas te/ khyed dang sems can thams cad kyi mun gnag gi khang par ye shes chen po'i
117a4 sgron ma gzugs shing skye shir 'khor ba'i ma rig pa'i mun pa snang bar byas la/ kun nas bkris pa'i nyon mongs pa'i mdud pa bcad de/ 'khor ba'i skyon las bsgral nas mya ngan las 'das pa'i gnas su dgod pa'i ched tu bsams kyis
117a5 khyed rnams bar chad dang bgegs ma byed cig /de'i tshe btsun mo rnams de skad ces bsgo ba thos nas brnangs pa ltar cang mi smra zhing skad chen po phyung ste ngu zhing rang rang gi skra 'bal lo/ /bdag cag la bsod nams med de bkra mi shis pas
117a6 gson por bdag cag la lha med par gyur ces smre'o/ /rgyal po de la rgyal bu lnga brgya yod de thams cad kyang mnga' byad bzang zhing sdug pa/ yid gzhungs shing mkhas pa'i blo dang ldan pa/ mi'i mtshan dang rdzogs par ldan pa/ rgyal po yang
117a7 mig bzhin du phangs shing byams so/ /de'i tshe rgyal pos rgyal bu rnams la smras pa/ kho bo da mchod pa'i las shig byed snyam na lus dang srog nyam chung ngu dogs te khyed dang bral ba snyam/ yul gyi srid dang 'bangs rnams kyi tshis ni che rims
117a8 kyis byos shig ces bsgo'o/ /rgyal bu rnams de skad bsgo ba de thos nas lus kyi yan lag dang rtsa rnams bcad pa tsam du sdug bsngal gyis gdungs te/ dper na mi brnangs pa la skyug tu yang med/ mid tu yang med pa bzhin du rgyal po la 'di
117b1 skad ces gsol to/ /ci'i slad du bdag cag rnams spangs te skyabs su ma mchis par mdzad/ la la ni rgyal po'i gnya' ba nas 'khyud/ la la ni lag pa dang / rkang pa la bzung nas skad phyung zhing ngu / kyi hud kyi hud ci'i phyir mgon dang skyabs med par
117b2 'gyur zhes smras so/ /de nas rgyal pos rgyal bu rnams la spro ba bskyed pa'i phyir 'jig rten na mdza' zhing sdug pa thams cad mthar bye bral bar 'gyur ro zhes bsgo'o/ /de skad ces bsgo ba thos kyang yid la gcags te 'bral mi phod na bdag gi gsol
117b3 ba gcig gnang bar mdzad du gsol/ /bdag cag gi lus dang srog rgyal po la 'bul na ston pa bram ze la mchod pa mdzad du gsol/ rgyal pos smras pa/ bu khyed rnams ni da dung shed ma bye la chung bas de 'dra ba'i mchod pa byed mi bzod kyis/
117b4 kho bo ni ston pa lam ring po nas gnyer te mchod pa bya bar khas blangs pa'i yid dang 'gal bar byar mi rung bas bu sri zhu can ni pha'i yid dang 'gal bar mi byed na khyed rnams kho bo'i yid dang 'gal bar byed dam/ rgyal bu rnams de skad smra ba thos nas
117b5 skad phyung ste cho nges btab pas yul gyi lha rnams kyang dngangs te ri 'gyel ba bzhin du thams cad lus sa la brdabs so/ /de'i tshe rgyal po la yul mtha'i rgyal phran thams cad kyis kyang mchi phyag byas nas pho brang gi nang ston pa chen po ga la
117b6 ba der song ste/ de'i drung du phyin nas lus kyi rgyan thams cad kyang bkrol nas gos kyang phud nas phyogs gcig tu bzhag nas lus drang por bsrang ste 'dug go/ /'dug ma thag tu rgyal phran rnams dang / blon po dang / rgyal bu lnga brgya dang
117b7 btsun mo nyi khri la bsgo'o/ /khyed rnams las gang gis kho bo'i lus la rma stong zhig gcod sus nus zhes smras na/ btsun mo dang / rgyal bu dang / blon po dang / rgyal phran gyi mi rnams tshig 'thun par bdag cag gis rang gi lus
117b8 la gri thogs te mig phyung yang bla'i rgyal po'i lus la rma 'byin mi phod do/ /de nas rgyal po mi dga' bar gyur nas da ni bdag 'e 'ur gyur pa lta 'khor mang po 'di snyed kyi nang na mi 'ga' yang kho bo'i grogs su 'gyur ba med dam zhes smre
118a1 bar gyur to/ /de'i tshe na rgyal po de la rigs ngan shan pa rang bzhin gyis khro la kun kyang 'jigs su rung ba zhig yod pa zhig bos so/ /shan pa de der 'ongs so/ /shan pa de 'ongs nas rgyal bu rnams la khyed mya ngan ma byed cig /
118a2 rgyal po chen po don mi 'grub pa'i thabs bdag la mchis kyis/ don ma grub na snga mkho bzhin du rgyal po'i srid gzung du zad do zhes smras so/ /rgyal bu rnams kyis tshig de skad ces smras pa thos nas rab tu dga' ba'i sems skyes
118a3 par gyur to/ /de nas shan pa de rgyal po'i drung du 'ongs nas rgyal po chen po da ltar ci zhig mdzad par dgongs shes gsol pa dang / rgyal pos smras pa/ kho bo'i lus la mar me stong btsugs la ston pa chen po bram ze la mchod par
118a4 sems so/ /shan pas smras pa/ de lta na sku la gcod nus so/ /rgyal pos de skad smras pa thos nas rab tu dga' ba'i sems su gyur nas shan pa la khyod ni yang dag par kho bo'i bla na med pa'i byang chub sgrub pa'i grogs yin no zhes
118a5 smras so/ /de nas shan pas rgyal po'i drung du 'greng bzhin ngu ngam ngur ba'i skad chen pos rgyal po la 'di skad ces gsol to/ /rgyal po mkhyen tam/ mi gsad pa'i chos kyis ni sngar mgo bcad par dgos te/ gnya' ba gtubs la
118a6 rkang lag kyang phral te/ chu ba dang / rgyus pa yang dbyung dgos na rgyal po chen po de 'dra ba'i na tsha'i sdug bsngal bzod dam/ rgyal pos de skad smras pa thos nas rab tu dga' ba'i sems su gyur nas/ de nas shan pas gnag lce lta bu'i
118a7 gri thogs te ring po ma thogs par rgyal po'i lus la rma stong tshang bar bcad do/ /shan pa rgyal po'i sems phyir nur ba tsam du sems pa las/ sems ma nur bas de gri yang sa la bor nas bros so/ /de nas rgyal po chen po'i lus
118a8 la rma stong bcad pa'i nang du mar khu blugs nas ras bzang po'i snying po btsugs te mar me stong btsugs so/ /de'i tshe bram ze ston pa chen pos de ltar byas pa mthong nas 'di snyam du da ni myur du chos ma bshad na lus srog 'tsho 'am
118b1 mi 'tsho gtol med pas/ gal te srog ma sos na sus chos mnyan par 'gyur snyam bsams nas/ rgyal po la 'di skad ces smras so/ /sangs rgyas kyi chos thos par 'dod pas shin du dpa' ba'i brtson 'grus kyis bya dka' ba'i
118b2 spyod pa spyad pas legs par nyon la shin du yid la zung shig dang / da rgyal po la sangs rgyas kyi chos bstan par bya'o/ /de skad ces smras pa thos nas rgyal po rab tu dga' ba'i sems su gyur te/ dper na bu sri zhu can zhig pha ma
118b3 shi na rab tu mi dga' ste/ sdug bsngal gyis gdungs pa las pha ma phyir sos pa na bu de ji ltar rab tu dga' ba ltar rgyal po de yang rab tu dga' bar gyur to/ /de nas bram ze des rgyal po la smras pa/ skye ba yod na 'chi bar 'gyur/
118b4 'gog pa 'di ni bde ba yin/ /zhes tshigs su bcad pa phyed pa 'di bstan to/ /rgyal pos dam pa'i chos bstan pa thos nas rab tu dga' ba'i sems su gyur te/ rgyal bu dang blon po rnams la 'di skad ces bsgo'o/ /khyed
118b5 rnams kho bo la sdug cing brtse ba'i sems yod na chos 'di ma brjed par yid la bzung la yul phyogs su gang na mang po 'du ba'i gnas dang / grong dang / grong khyer dang / tshong 'dus su 'gro ba mang po la 'di skad ces bkar
118b6 thogs shig /'khor los sgyur ba'i rgyal po chen pos sems can mang po sdug bsngal gyi rgya mtshor bying ba dag 'don pa dang / sems can thams cad la snying rje chen po'i sems bskyed nas lus la mar me stong btsugs
118b7 te/ tshigs su bcad pa'i tshigs bcad phyed thos pa 'di rgyal po chen po 'di'i byams pa dang snying rje'i sems grub par bya ba'i phyir thams cad kyis yi ger bris te gdon pa dang / kha ton du bya ba dang / 'dri ba dang / goms par
118b8 byed pa dang / don yang yid la bya zhing ji ltar gtams pa bzhin du nan tan du spyad par bya'o/ /de'i tshe na mi mang pos de skad ces bsgo ba thos nas rab tu dga' zhing mgu bar gyur te/ thams cad kyis tshig 'thun par rgyal po
119a1 la bstod nas shin du dga'o/ /rgyal po chen po bdag cag gi snying rje chen po'i pha yang dag pa yin no/ /sems can thams cad kyi phyir shin du spyad dka' ba spyad do zhes kun gyis bsngags te/ shog shog dang / dar dang / shun
119a2 pa dang / shing dang / rdo la yi ger bris te kha ton du slob bo/ /gang na mi mang po 'du ba'i gnas su yang yi ger bris te/ thams cad kyis mthong bar byas nas bla na med pa'i byang chub tu sems bskyed du bcug go/ /de'i tshe rgyal po chen pos
119a3 lus la mar me stong btsugs te ston pa chen po bram ze la mchod pa byas pa'i 'od zer gyis phyogs bcu'i zhing 'jig rten gyi khams snang bar gyur te/ mar me de'i 'od de las tshigs su bcad pa'i tshigs bcad phyed kyi chos kyi sgra
119a4 yang grags par gyur nas thams cad bla na med pa yang dag par rdzogs pa'i byang chub tu sems bskyed do/ /mar me de'i 'od des sum bcu rtsa gsum gnam gyi lha'i khang pa yang snang bar byas nas mar me'i 'od des lha'i 'od kun zil
119a5 gyis mnan pas sum bcu rtsa gsum gnam gyi lha rnams mar me'i 'od des kun du snang bar byas pas de dag 'di snyam du gyur to/ /ci'i rgyu ci'i rkyen gyis 'od zer 'di lta bu snang bar gyur snyam lha'i mig gis bltas pas 'jig rten gyi
119a6 khams na 'khor los sgyur ba'i rgyal po chen pos snying rje'i sems bskyed de/ 'gro ba thams cad kyi don du lus la mar me stong gtsugs nas ston pa chen po bram ze la mchod pa byas par mthong ngo / /lha de dag rab tu dga' ba'i sems
119a7 skyes nas 'jig rten gy-i khams su babs nas mi tha mal pa'i lus su sprul nas rgyal po ga la bar lhags te rgyal po chen po la 'di skad ces smras so/ /rgyal po chen po lus la mar me stong btsugs te/ shin du yang spyad dka'
119a8 ba spyad cing tshigs su bcad pa phyed cig thos pas ci zhig bya/ rgyal pos smras pa/ rigs kyi bu bdag ni sems can thams cad bla na med pa yang dag par rdzogs pa'i byang chub tu sems bskyed du gzhug pa'i phyir ro/ /de nas sprul
119b1 pa'i mi de phyir brgya byin gyi lus su bsgyur nas lus kyi 'od kyis kun du snang bar byas te/ rgyal po chen po la 'di skad ces smras so/ /rgyal po chen po 'di ltar mchod pa byas pa 'dis lha'i rgyal po 'dod dam/ bdud kyi rgyal po 'dod
119b2 dam/ tshangs pa'i rgyal po 'dod dam/ 'khor los sgyur ba'i rgyal pos brgya byin la smras pa/ lha'i dbang po bdag ni lha dang mi'i longs spyod gang yang mi 'dod kyi bla na med pa yang dag par rdzogs pa'i byang chub 'dod de/ so so'i skye
119b3 bo thams cad mi bde ba rnams bde ba'i gnas su dgod pa dang / ma grol ba rnams grol bar bya ba dang / pha rol du ma phyin pa rnams phyin par bya ba dang / byang chub ma thob pa thob par bya bar 'dod do/ /brgya byin gyis smras pa/
119b4 rgyal po chen po khyod ni rab tu blun pa'o/ /bla na med pa yang dag par rdzogs pa'i byang chub ni yun ring por shin du spyad dka' ba spyad pas thob par 'gyur na ci'i phyir bla na med pa'i byang chub 'thob par 'gyur/ rgyal pos brgya byin la
119b5 smras pa/ ci ste bdag gi spyi bo'i steng na lcags kyi 'khor los shin du 'bar ba rgyun du 'khor yang sdug bsngal de tsam gyis bla na med pa'i byang chub las phyir mi ldog go/ /brgya byin gyis smras pa/ tshig de skad ces smras pa
119b6 la su zhig yid ches par 'gyur/ de nas 'khor los sgyur ba'i rgyal pos brgyan byin la smras pa/ gal te bdag bla na med pa yang dag par rdzogs pa'i byang chub 'dod pa ma yin la lha'i dbang po khyod bslus par gyur na/ bdag
119b7 gi lus kyi rma 'di dag nam du yang 'tsho bar ma gyur cig /gal te de lta ma yin na khrag kyang 'o mar gyur cig /rma rnams kyang sos par gyur cig ces dam bcas ma thag tu rma rnams kyang sos par gyur to/ /brgya byin lha'i
119b8 dbang pos/ rgyal po la shin du dge'o zhes bstod nas/ rgyal po chen po khyod ni yang dag par snying rje chen po dang ldan pa ste/ snying rje chen po'i spyod pa'o/ /de ltar spyod dka' ba spyad pas/ ring po mi thogs par bla na
120a1 med pa yang dag par rdzogs pa'i byang chub 'thob par 'gyur bas/ nam bla na med pa'i byang chub thob pa na/ thog ma bdag gi don sngar byas par shog shig ces smras nas/ brgya byin lha'i dbang pos lus
120a2 kyi 'od zer gyis rgyal po'i lus kun du snang bar byas nas/ lha'i 'khor brgya stong dang bla na med pa yang dag par rdzogs pa'i byang chub tu sems bskyed do/ /rgyal bu lnga brgya rnams de ltar yab rgyal po'i lus kyi rma sos te
120a3 snga mkho bzhin du gyur pa mthong nas/ rab tu dga' rangs te rgyal po'i rkang pa la mgo bos phyag 'tshal nas phyogs gcig tu 'khod de/ thal mo sbyar ba btud nas tshig 'thun par 'di skad ces smras so/ /'di lta bu mdzad pa
120a4 ngo mtshar che ste/ yab rgyal po ni yang dag par 'gro ba thams cad la snying rje che ba'o zhes bstod do/ /rgyal pos smras pa/ bu khyed nga la sri zhu byed pa bden na thams cad bla na med pa yang dag par rdzogs pa'i byang chub
120a5 tu sems bskyed cig ces bsgo nas rgyal bu rnams yang dag par rdzogs pa'i byang chub tu sems bskyed par gyur to/ /de bzhin du btsun mo nyi khri dang pho brang gi slas brgya stong snyed kyang byang chub tu sems bskyed do/ /de'i tshe
120a6 'khor de'i nang na gnas pa'i sems can gang gA'i klung gi bye ma bcu bdun snyed kyis nyan thos dang / rang sangs rgyas su sems bskyed par gyur to/ /lha dang / klu dang / gnod sbyin dang / dri za dang / lha ma yin dang / nam mkha' lding dang /
120a7 mi 'am ci dang / lto 'phye chen po dang / mi dang mi ma yin pa la sogs pa grangs med pa rnams 'di lta bur gyur pa mthong thos nas thams cad kyis byang chub tu sems bskyed de rab tu dga' nas phyir dong ngo / /thabs mkhas pa
120a8 chen po sangs rgyas drin lan bsab pa'i mdo las/ gnyen po'i le'u zhes bya ste gsum pa'o// // de'i tshe na 'khor gyi dkyil 'khor de na byang chub sems dpa' sems dpa' chen po dga' ba'i rgyal po stan las langs
120b1 te bla gos phyogs gcig tu byas nas pus mo g.yas pa'i lha lnga sa la btsugs nas/ bcom ldan 'das ga na ba de logs su thal mo sbyar ba btud nas bcom ldan 'das la 'di skad ces gsol to/ /byang chub sems dpa' ji
120b2 ltar na drin shes par bgyi/ ji ltar na drin bsab par bgyi zhes gsol pa dang / bcom ldan 'das kyis byang chub sems dpa' dga' ba'i rgyal po la 'di skad ces bka' stsal to/ /rigs kyi bu legs par nyon cig /byang chub sems
120b3 dpa' sems dpa' chen po drin shes pa ni bla na med pa yang dag par rdzogs pa'i byang chub tu sems bskyed pa'o/ /drin lan bsab pa ni sems can pha rol po thams cad bla na med pa yang dag par rdzogs pa'i byang chub tu sems bskyed du
120b4 gzhug pa'o/ /gsol pa/ byang chub tu sems bskyed ces bgyi ba ji ltar sems bskyed par bgyi/ byang chub sems dpas dngos po gang gi rkyen gyis byang chub tu sems bskyed par 'gyur/ rigs kyi bu byang chub sems dpa'
120b5 sems dpa' chen po thog ma bla na med pa yang dag par rdzogs pa'i byang chub tu sems bskyed pa'i tshe/ 'di skad du yi dam chen po bca'o/ /bdag bla na med pa yang dag par rdzogs pa'i byang chub thob pa'i tshe sems can thams cad
120b6 la phan pa dang bde ba'i don du sems can thams cad mya ngan las 'das pa chen po la nges par dgod par dam bca'o/ /gzhan yang sems can thams cad shes rab kyi pha rol du phyin pa yongs su rdzogs par bya bar dam bca' bar bya'o/ /
120b7 de ni bdag gi don dang gzhan gyi don byed pa zhes bya ste/ de bas na thog ma byang chub tu sems bskyed nas byang chub kyi rgyu dang ldan pa zhes bya/ sems can gyi rgyu dang ldan pa zhes bya/ yang dag pa'i don gyi rgyu dang ldan pa zhes bya/ byang
120b8 chub kyi phyogs kyi chos sum bcu rtsa bdun gyi chos dang ldan pa zhes bya/ dge ba'i chos thams cad sdud pa'i gzhi zhes bya/ de bas na byang chub sems dpa' ni dge ba zhes bya/ dge ba chen po zhes bya sems can thams cad
121a1 kyi dge ba'i rtsa ba zhes kyang bya/ sems can thams cad kyi lus dang / ngag dang / yid kyi las sbyong ba zhes bya ste/ las ngan pa gsum sbyangs pas 'jig rten na smon lam gang yang bla na med pa yang dag
121a2 par rdzogs pa'i byang chub tu sems bskyed pa las 'da' ba med de smon lam mchog dam pa bla na med pa'o/ /byang chub sems dpa' sems dpa' chen po thog ma byang chub tu sems bskyed pa'i tshe dngos po lnga dang ldan par bya'o/ /
121a3 lnga gang zhe na/ rang bzhin dang / spyod pa dang / spyod yul dang / yon tan dang / bskyed pa'o/ /byang chub sems dpa' de ltar byang chub tu sems bskyed na byang chub sems dpa' sems dpa' chen po zhes bya ste/ gdon mi za bar bla
121a4 na med pa yang dag par rdzogs pa'i byang chub thob cing theg pa chen po spyod par 'gyur ro/ /de bas na thog ma byang chub tu sems bskyed pas dge ba'i chos thams cad sdud par 'gyur ro/ /byang chub sems dpa' sems dpa'
121a5 chen po byang chub tu sems bskyed nas ji ltar spyod pa bzhin du bla na med pa yang dag par rdzogs pa'i byang chub thob par 'gyur ro/ /gal te byang chub tu sems ma bskyed na nam du yang byang chub thob par mi 'gyur te/ de bas na byang
121a6 chub tu sems bskyed na bla na med pa yang dag par rdzogs pa'i byang chub kyi gzhi thob par 'gyur ro/ /byang chub sems dpa' sems dpa' chen po sems can sdug bsngal gyis gzir ba mthong na byams shing snying rje ba'i sems skye ste/
121a7 de bas na byang chub sems dpa' ni byams pa dang / snying rje'i sems kyis rgyu byas pas bla na med pa yang dag par rdzogs pa'i byang chub tu sems bskyed par 'gyur ro/ /bla na med pa yang dag par rdzogs pa'i byang chub tu sems
121a8 bskyed pa'i rgyus byang chub kyi phyogs kyi chos sum bcu rtsa bdun sgrub par 'gyur ro/ /byang chub kyi phyogs kyi chos sum bcu rtsa bdun bsgrubs pa'i rgyus bla na med pa yang dag par rdzogs pa'i byang chub 'thob ste/ de bas na byang chub tu
121b1 sems bskyed pa ni gzhi 'am rtsa ba zhes bya'o/ /byang chub tu sems bskyed pas byang chub sems dpa'i tshul khrims spyod par 'gyur te/ de bas na byang chub tu sems bskyed pa ni rtsa ba zhes bya'o/ /yan lag ces kyang bya/ sdud pa zhes kyang bya/ go
121b2 rims zhes kyang bya/ sa bon zhes kyang bya/ byang chub sems dpa' byang chub tu sems bskyed pa yang mthar phyin pa dang / mthar mi phyin pa yod de/ bla na med pa yang dag par rdzogs pa'i byang chub kyi bar du thob par byed pa ni nam du yang phyir ldog pa 'am
121b3 nur ba med pas mthar phyin pa'o/ /mthar mi phyin pa ni ldog pa dang nyams par 'gyur te/ phyir ldog pa la rnam pa gnyis te/ mthar ldog pa dang / mthar ldog pa ma yin pa yod do/ /mthar phyir ldog pa ni bla na med pa yang dag par rdzogs pa'i
121b4 byang chub tu sems bskyed pa las phyir mi ldog pa'i chos gang yin pa de bsgrub pa 'am nan tan du spyod mi nus pa'o/ /mthar phyin pa ma yin pa ni byang chub tu sems bskyed nas chos gang yin pa bsgrub cing nan tan du spyod pa'o/ /byang chub
121b5 sems dpa'i spyod pa la rnam pa bzhi ste/ rigs kyi bu 'am/ rigs kyi bu mo/ gang zhig sangs rgyas sam/ byang chub sems dpa'i don gyi dngos po bsam gyis mi khyab pa thos sam/ mthong na de'i tshe dad cing 'dun pa'i sems skye
121b6 bar 'gyur te/ 'di snyam du sangs rgyas dang byang chub sems dpa'i don kyi dngos po ni bsam gyis mi khyab pa ste/ sangs rgyas dang byang chub sems dpa'i don gyi dngos po bsam gyis mi khyab pa de ni thob par bya ba yin pas bdag gis bla
121b7 na med pa yang dag par rdzogs pa'i byang chub thob par bya'o snyam sems te/ de bas na sems rtse gcig tu dran par byed cing byang chub tu sems bskyed pa dang / kha cig ni sangs rgyas dang / byang chub sems dpa' rnams kyi don gyi dngos
121b8 po bsam gyis mi khyab pa ma mthong yang / sangs rgyas dang / byang chub sems dpas dgongs te gsungs pa'i snying po thos pa tsam gyis dad cing 'dun pa'i sems skyes te/ dad pa'i sems skyes pas/ bla na med pa yang dag par
122a1 rdzogs pa'i byang chub dang / rnam pa thams cad mkhyen pa nyid thob par bya ba'i phyir/ byang chub tu sems bskyed pa dang / kha cig ni sangs rgyas dang / byang chub sems dpa'i don gyi dngos po bsam gyis mi khyab pa yang
122a2 ma mthong / dgongs te gsungs pa'i chos ma thos kyang dam pa'i chos 'jig par 'gyur bar mthong na/ de 'di snyam du bla na med pa'i sangs rgyas kyi chos sems can rnams kyi nyon mongs pa grangs med pa zhi bar byed cing / bde ba dang
122a3 phan pa'i don du 'gyur ba 'di ni sangs rgyas dang / byang chub sems dpa' 'ba' shig gis yun ring du gnas shing mi nub par mdzad de/ da bdag kyang byang chub tu sems bskyed la sems can thams cad kyi nyon mongs pa yongs su
122a4 spong pa'i phyir bdag gi lus 'di sdug bsngal chen po myong yang / sangs rgyas kyi chos 'jig rten na yun ring du gnas par bya'o snyam du sems nas byang chub tu sems bskyed pa dang / kha cig ni sangs rgyas kyi chos 'jig pa ma
122a5 mthong yang dus ngan pa'i sems can rnams nyon mongs pa shin du lci ba 'dod chags dang / zhe sdang dang / gti mug rnams dang / ngo tsha med pa dang / khrel med pa dang / ser sna rnams dang / phrag dog dang / khong khro ba dang / 'khrug
122a6 pa rnams dang / ma dad pa dang / the tsom dang / le lo la sogs pa nyon mongs pa'i dngos po 'di dag mthong na/ de 'di snyam du shin du dus ngan pas sems can 'di dag ni dge ba mi spyod de/ de ltar dus ngan pas theg pa gnyis kyi
122a7 sems kyang bskyed mi nus na bla na med pa yang dag par rdzogs pa'i byang chub tu sems bskyed pa lta ci smos snyam sems nas byang chub tu sems bskyed pa'o/ /de ltar byang chub tu sems bskyed nas sems can thams cad
122a8 kyang bla na med pa yang dag par rdzogs pa'i byang chub tu sems bskyed pa la brtson par byed do/ /de nas byang chub sems dpa' dga' ba'i rgyal pos bcom ldan 'das la 'di skad ces gsol to/ /bcom ldan 'das byang chub
122b1 sems dpa' drin lan shes pa ni bdag byang chub tu sems bskyed pa'o/ /byang chub sems dpa' drin lan bsab pa ni sems can pha rol po byang chub tu sems bskyed du bcug pa'o zhes bgyi na/ de bzhin gshegs pa sngon 'khor
122b2 ba na 'khor ba'i tshe thog ma dngos po ci'i rgyus byang chub tu sems bskyed par gyur/ bcom ldan 'das kyis bka' stsal pa/ rigs kyi bu sngon gyi bskal pa grangs med pa'i bar du skye shir 'khor ba na 'khor zhing
122b3 lus dang ngag dang / yid kyi nyon mongs pa'i las chen pos sems can dmyal ba chen po brgyad myong bar gyur to/ /'di lta ste/ a ha ha'i sems can dmyal ba dang / a la la'i sems can dmyal ba dang / a tsha tsha'i sems can
122b4 dmyal ba dang / zangs khol ma'i sems can dmyal ba dang / zangs khol ba chen po'i sems can dmyal ba chen po dang / rdo nag po'i sems can dmyal ba dang / rdo nag po chen po'i sems can dmyal ba nas/ me'i shing rta'i dmyal ba
122b5 'i bar du'o/ /nga de'i tshe na me'i shing rta'i dmyal bar lhung nas gud nas gcig dang gnyis kyis me'i shing rta 'dren te/ dmyal ba'i srungs ma a bang ni shing rta'i steng na 'dug cing mig sgrad so gtsigs te me 'bud pa/ kha dang / mig
122b6 dang / rna ba dang / sna nas me 'bar/ dud pa 'thul te srungs ma de yang lus shin du che zhing gnag la/ shing rta'i steng na skyil mo dkrung bcas te 'dug nas lag pa na lcags kyi dbyug pa thogs te nga la rdeg go/ /de'i tshe nga na
122b7 ba'i sdug bsngal ma bzod nas stobs ci nus kyis shing rta drangs so/ /nga'i grogs shig nyam chung ste 'dren ma nus pas dmyal ba'i srungs ma a bang gis lcags kyi mdung rtse gsum pa thogs nas brang du btsugs te/ lcags
122b8 thos brdabs nas khrag char par phab bo/ /de'i tshe mi de na ba'i sdug bsngal mi bzod pas na tsha'i skad chen po phyung nas bar 'ga' ni pha ma zhes 'bod/ bar 'ga' ni chung ma bu zhes bos kyang phan pa med do/ /nga de'i tshe na de lta bu'i sdug
123a1 bsngal chen po myong ba mthong nas snying rje'i sems skyes so/ /de ltar snying rje'i sems chen po skyes pa'i rkyen gyis byang chub tu sems bskyed par gyur to/ /de nas sdug bsngal myong ba de'i phyir dmyal ba'i srungs ma a bang la sdug bsngal myong ba'i
123a2 mi 'di la snying rje'i sems cung zad skyed cig ces gsol ba btab pa dang / dmyal ba'i srungs ma khros nas zhe sdang gi sems skyes pas lcags kyi mdung rtse gsum pa thogs nas nga'i gnya' bar btsugs nas der tshe'i dus byas pas me'i shing
123a3 rta'i sems can dmyal ba las thar te bskal pa brgyad stong kyi mi dge ba'i sdig pa byang bar gyur to/ /de ltar ngas bla na med pa yang dag par rdzogs pa'i byang chub tu sems bskyed pas me'i shing rta'i sems can dmyal ba las thar bar gyur to/ /bcom
123a4 ldan 'das kyis dga' ba'i rgyal po la bka' stsal pa/ de'i tshe me'i shing rta 'dren pa de ni da ltar nga yin te/ byang chub tu sems bskyed pas myur du sangs rgyas su grub par gyur to/ /de bas na sems can thams cad kyis byang chub tu sems
123a5 bskyed pa ni don gyi dngos po ni gcig tu ma zad de/ la la ni snying rje'i rkyen gyis skye'o/ /la la ni zhe sdang gi rkyen gyis skye'o/ /la la ni sbyin pa'i rkyen gyis skye'o/ /la la ni ser sna'i rkyen gyis skye'o/ /la la ni dga' ba'i rkyen gyis
123a6 skye'o/ /la la ni mya ngan gyi rkyen gyis skye'o/ /la la ni 'dod pa dang bye bral gyi rkyen gyis skye'o/ /la la ni dgra sdang ba dang phrad pa'i rkyen gyis skye'o/ /la la ni dge ba'i bshes gnyen la sten pa'i rkyen gyis skye'o/ /la la ni mi dge ba'i
123a7 bshes gnyen gyi rkyen gyis skye'o/ /la la ni sangs rgyas mthong ba'i rkyen gyis skye'o/ /la la ni chos thos pa'i rkyen gyis skye'o/ /de bas na sems can rnams la byang chub tu sems bskyed pa ni de ltar so sor mi mthun te/ dga' ba'i rgyal po
123a8 byang chub sems dpa' sems dpa' chen pos drin lan shes pa dang / drin lan bsab pa'i don gyi dngos po 'di ltar rig par bya'o/ /de'i tshe chos 'di bstan pa na skye bo khri brgya stong snyed kyis bla na med pa yang dag par rdzogs pa'i
123b1 byang chub tu sems bskyed par gyur to/ /'khor mang mo de dag las la la ni rgyun du zhugs pa'i 'bras bu thob pa nas dgra bcom pa'i 'bras bu'i bar du thob par gyur to/ /lha dang / klu dang / yi dags dang / mi dang mi ma yin pa la
123b2 sogs pa thams cad nyan thos dang / rang sangs rgyas su sems bskyed par gyur te/ chos thos pa la rab tu dga' rangs nas mgo bos phyag 'tshal te g.yas phyogs nas bskor ba byas nas phyir dong ngo / /thabs mkhas pa chen po
123b3 sangs rgyas drin lan bsab pa'i mdo las byang chub tu sems bskyed pa zhes bya ba'i le'u ste bzhi pa'o// // thabs mkhas pa chen po sangs rgyas drin lan bsab pa'i mdo/ bam po gsum pa/ de'i tshe de bzhin gshegs pa yum
123b4 lha mdzes dang lha rnams kyi don du zhag dgu bcu'i bar du lha rnams la chos ston du gshegs te/ 'dzam bu'i gling gi mi rnams kyis zhag dgu bcu'i bar du/ de bzhin gshegs pa ga la bzhugs pa ma rtogs so/ /maud gal gyi bu chen po
123b5 rdzu 'phrul gyi mchog tu gyur pas kyang rdzu 'phrul gyi mthus gtugs te phyogs bcur brtags kyang ma rtogs so/ /'phags pa nye bar skyong lta bu lha'i mig mchog gis phyogs bcur stong gsum gyi stong chen po'i 'jig rten gyi khams
123b6 kun du bltas kyang ma mthong ngo / /de bzhin du 'phags pa'i 'khor lnga brgya'i bar du kun gyis brtags kyang ma mthong ngo / /de ltar de bzhin gshegs pa ma mthong bas de dag mi dga' ste mya ngan gyis sems gdungs par gyur to/ /
123b7 de'i tshe rgyal po u tra ya nas de bzhin gshegs pa ma mthong bas mi dga' ba'i sems skyes te/ de bzhin gshegs pa dran pa'i phyir glang mgo'i shing tsan dan las de bzhin gshegs pa'i sku gzugs byas nas phyag 'tshal ba dang
123b8 mchod pa byed pa de yang de bzhin gshegs pa mngon sum dang / 'dra bar bzhugs par dmigs nas mchod pa byas so/ /de'i tshe rgyal po chen pos mu stegs can gyi ston pa drug bos nas de bzhin gshegs pa da ltar ga la bzhugs
124a1 zhes dris na ston pa drug gis rgyal po la 'di skad ces smras so/ /rgyal po chen po mi mkhyen nam/ dge sbyong gau ta ma ni sgyu 'phrul can yin te de 'dra'o/ /sgyu 'phrul gyi sgyu ma ni bden pa'i dngos po med pas bdag cag gi
124a2 gtsug lag las lo stong ngam nyis stong na sgyu 'phrul can sgyu ma zhig 'byung ngo zhes 'chad pas dge sbyong gau ta ma ni sgyu ma de kho na yin no/ /de'i tshe 'phags pa nye bar skyong rgyal po chen po ga la bar song nas/ rgyal po la 'di skad ces gsol
124a3 to/ /rgyal po chen po mkhyen tam/ de bzhin gshegs pa ni da ste zhag bdun na sum bcu rtsa gsum gnam nas 'dzam bu'i gling du gshegs so/ /rgyal pos de skad ces smras pa thos nas rab tu dga' ba'i sems su gyur te/
124a4 yul mi bsdus nas chag chag dang phyag dar byas te/ spos dang / me tog kyang bshams/ dar gyi lda ldi dang / ba dan dang / gdugs bres te/ zhal zas mang po dang / rol mo la sogs pa mchod pa'i yo byad rnam pa sna tshogs
124a5 bshams shing sbyar ba dang / mu stegs can gyi ston pa drug der 'ongs nas khyed rnams 'di ltar mchod pa'i yo byad bshams shing sbyar ba 'di rgyal po spyan 'dren nam/ de dag gis de ma yin no zhes smras pa dang / 'o na blon po chen po
124a6 'bod dam/ bram ze 'am khyim bdag 'bod dam/ de ma yin na gnyen bshes kyi dus ston byed dam/ smras pa de ma yin te/ sangs rgyas bcom ldan 'das gshegs su gsol lo/ /ston pa drug gis smras pa/ sangs rgyas shes
124a7 bya ba su zhig /smras pa/ thams cad mkhyen pa'o/ /yang rnam pa thams cad mkhyen pa zhes bya ba de su zhig /smras pa/ byams pa dang / snying rje chen po'i yab bo/ /khyed mi shes sam/ rgyal po zas gtsang ma'i rigs mtho
124a8 zhing btsun la mchog tu gyur pa/ thog ma bskal pa dang po nas btsun mo chen po'i sras gcig cig gis gdung bsabs te 'khor los sgyur ba'i rgyal po byas so/ /bar du rabs gnyis kyis 'khor los sgyur ba'i rgyal po ma
124b1 byas mod kyi 'dzam bu'i gling gi rgyal po byas so/ /rgyal po de la sras mched gsum zhig mnga'o/ /rab ni rgyal po zas gtsang ma zhes bya/ de'i bar ni bre bo zas zhes bya/ de'i tha chungs ni zas zil mngar gyi zas zhes bya
124b2 'o/ /rgyal po zas gtsang ma la sras gnyis shig mnga'/ chen po ni don grub ces bya/ sras chung ngu ni dga' bo zhes bya/ rgyal po bre bo zas la sras gnyis shig mnga'/ chen po ni lha sbyin zhes bya/ sras chung ngu ni kun
124b3 dga' bo'o/ /rgyal po zil mngar gyi zas la sras mo gcig yod de/ bu mo zil mngar gyi ro zhes bya'o/ /de'i tshe na spun gyi rab rgyal bu don grub pho brang gi phyi rol du 'chag tu ltad mo ltar song song ba las rga ba dang / na ba dang /
124b4 shi ba dag mthong nas mi dga' bar gyur te/ kha zas kyang mi za zhing snying rje'i sems kyis sems pa la zhugs te/ mir skyes pa la mtho dma' med par gzugs su red pa thams cad la de 'dra ba'i nad dang skyon yod de gcig
124b5 kyang mi thar ro snyam bsams nas/ mtshan mo pho brang nas bros nas byang chub kyi shing drung du lo drug gi bar du spyod pa dka' ba spyad nas rnam pa thams cad mkhyen pa zhes bya bar gyur te/ thams cad mkhyen pa'i ye shes can
124b6 zhes mngon par sangs rgyas te/ stobs bcu dang / mi 'jigs pa bzhi dang / ma 'dres pa'i chos bcwa brgyad dang ldan zhing rnam pa thams cad mkhyen pa zhes bya bar gyur to/ /bltam nas zhag bdun lon nas yum lha mdzes
124b7 dus byas te/ sum cu rtsa gsum gnam gyi lha'i nang du skyes nas yum la zhag dgu bcu'i bar du chos bshad de/ da ste zhag bdun na 'dzam bu'i gling du gshegs so/ /de'i tshe mu stegs can gyi ston pa drug gis de skad ces
124b8 smras pa thos nas phrag dog gi sems skyes te/ rab tu mi dga' ba'i mya ngan gyis gdungs nas ston pa drug 'khor dang bcas pa lhan cig tu 'dug ste 'di skad ces bgros so/ /dge sbyong gau ta ma gal te 'dzam bu'i gling 'dir phyin
125a1 te 'ongs na mi thams cad kyis bdag cag spong zhing dge sbyong gau ta ma la mchod pa byed par 'gyur bas bdag cag ni brel zhing phongs la srog la bab par 'gyur ro zhes bgros nas/ mu stegs can gyi ston pa drug
125a2 gis yang 'di snyam bsams so/ /bdag cag mi mang po 'dus pa'i gnas su myur du song la mi mang po'i nang du 'di skad ces bsgrag par bya'o/ /de skad kun shes par gyis/ dge sbyong gau ta ma ni yang dag par na ci yang shes pa med de/ byis pa
125a3 chung ngu na kha nyag gcig shAg rigs kyi pho brang nas byung ste/ byang chub kyi shing drung na 'dug 'dug nas nga ni rnam pa thams cad mkhyen pa'i ye shes thob po zhes zer te/ tshig de ni brdzun te bden pa ma yin no/ /de ci'i phyir zhe na/ rgyal po a khyi tas
125a4 bsod snyoms sbyin par bos nas rta chas 'ba' shig byin te ngan du byas kyang ma shes te der song bas na thams cad mkhyen pa ma yin no/ /gzhan yang kun dga' bo la da ste zhag du na tshul du 'jug ces dris na/ kun dga' bos zhag bdun
125a5 zhig lus shes smras so/ /yang kun dga' bo la kun dga' ra ba na bya mang po ci'i phyir ca co'i skad 'byin ces dris na/ bya mang po zas gtod pa'i phyir ro zhes smras so/ /btsas nas zhag bdun lon nas ma yang shi bar gyur pas de dang
125a6 sbyar na thams cad shes pa ma yin no/ /bkra mi shis te shin du sdig pa can yin no/ /der cis mngon zhe na/ btsas ma thag tu ma yang shi'o/ /yang gcig tu na sri zhus pha la rim gro byed pa'i rigs na/ rim gro mi byed par ri la langs
125a7 te song ba las drin mi shes pa yin no/ /yab rgyal pos btsun mo skye dgu'i bdag mo blangs pa las chung ma'i tshul du ma byas te/ btsun mo skye dgu'i bdag mo sdug bsngal chen po myong bar byas pas drin mi shes shing drin mi dran pa
125a8 yin no/ /dge sbyong gau ta ma'i 'khor ni bzang ngan med de slob ma lnga brgya po yang so so nas nga ni mchog yin no/ /zhes zer te/ mkhan po la yang chos lugs med pas slob ma la yang chos lugs sam spyod pa'i las med do/ /
125b1 chung ngu na stan 'dings pa'i mi dge slong tha bye'u lta bu yang nga ni kun gyi mchog yin no zhes zer/ yid gzhungs shes rab che ba blo rno ba'i mchog shA ri'i bu lta bu yang de na yod/ shes rab rtul ba shes pa med pa dge slong phan thig de
125b2 yang de la 'jug /chung ngu na 'dod chags chung ba dge slong ma grags 'dzin yang de la 'jug /mnyan du yod pa na sbrul 'tshong ma rung ma ud pa la'i mdog kyang de la 'jug /chung ngu na shed ma bye ba shes pa med pa bus pa tsun da yang de
125b3 la 'jug /nang gi rgas 'khogs pa de su bar ta la zhes bya ba lo brgya nyi shu lon pa de yang de la 'jug /rigs btsun pa che ba shag rigs kyang de la 'jug /mnyan du yod pa na nang gi rigs ngan phyag dar lung skyed pa yang de la 'jug /
125b4 de bas na dge sbyong gau ta ma'i chos ni go 'dun bsdus pa bzang ngan med pa ste/ mchod par 'os pa 'am/ bkur stir bya ba'i gnas ma yin no/ /dper na rlung chen po langs na shing lo ma 'am 'dab ma thams cad lhan cig 'phungs
125b5 pa ltar sangs rgyas kyi chos kyang de dang 'dra'o/ /dper na bya mang po ni mis bor ba'i kha zas sam bar bur la 'du ba ltar dge sbyong gau ta ma'i 'khor yang de dang 'dra ste/ rnyed rnyed len cing za'o/ /de bas na khyed rnams ci'i phyir/ dge
125b6 sbyong gau ta ma la mchod pa bya bar sems shes bsgrags so/ /de'i tshe na mi mang pos de skad smras pa thos kyang / dper na sa chen po bskyod du med pa bzhin de bzhin gshegs pa la skoms pas gdungs pa tsam du mos shing 'dud
125b7 pa'i sems ma nur to/ /'khor mang po rnams su mu stegs can gyi ston pa drug gis smras pa'i tshig gis sems phyir ma nur ba ni ji ltar rdo rje ltar brtan par gyur te/ skyed bri med pas de bzhin gshegs pa la skom pas gdungs
125b8 pa ltar mos shing dad pas zhag bdun lon nas/ de bzhin gshegs pa yang sum cu rtsa gsum gnam nas slar 'dzam bu'i gling du gshegs te/ lha'i 'khor grangs med pa brgya stong gis bskor cing de bzhin gshegs pa'i
126a1 'od zer gyis kun du snang la gsal bar byas nas lha'i rol mo tshad med pa brgya snyed kyis mchod pa nas/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto
126a2 'phye chen po dang mi dang mi ma yin pa'i bar du thams cad 'dus te phyag 'tshal nas mchod pa byas so/ /de'i tshe rgyal po ud tra ya na yang 'khor dang bcas te/ rgyang ma nas de bzhin gshegs pa bsu nas mgo bos de bzhin gshegs pa'i
126a3 zhabs la phyag 'tshal nas phyogs gcig tu 'khod do/ /de nas mu stegs can gyi ston pa drug kyang phyogs gcig tu 'dus nas 'di snyam du sems par gyur to/ /bdag cag gi byur zhes bya ba 'dir 'ongs te/ mi mang po'i nang du 'di
126a4 skad ces bsgrags kyang yid ches la ma phan pas/ da ni bdag cag gis lha dang mi'i tshogs pa'i nang du bsgrags na bye brag ma phyed do snyam bsams so/ /de'i tshe mu stegs can gyi ston pa drug gis de snyam bsams nas 'khor brgya stong
126a5 snyed dang mdun gyis byas te/ 'khor mang po 'dus pa'i nang du 'ongs nas phyogs gcig tu 'khod do/ /de'i tshe na dri za'i bu chos kyi phreng ba zhes bya ba rin po che sna bdun las byas pa'i pi bang thogs nas de bzhin gshegs pa gang na bar 'ongs
126a6 te zhabs la mgo bos phyag 'tshal nas phyogs gcig tu 'khod do/ /phyogs gcig tu 'dug nas glu dang bcas pa'i rol mo byas nas rol mo'i sgra skad shin du snyan pa des 'khor thams cad kyi yid kyang tshim par gyur te/ nyan thos shA ri'i
126a7 bu la sogs pa ma tshor bar lus bskyod cing g.yos te gar byas par gyur/ ri rab lhun po yang 'gul g.yos par gyur to/ /de'i tshe de bzhin gshegs pa mtshan ma yod ces bya ba'i ting nge 'dzin du zhugs nas ting nge 'dzin de'i mthus pi
126a8 bang gi sgras stong gsum gyi stong chen po'i 'jig rten gyi khams kun du grags shing / pi bang gi sgra de las sdug bsngal ba dang / stong pa dang / mi rtag pa dang / mi gtsang ba dang / bdag med pa zhes bya ba'i sgra byung ste/ sems can thams cad kyis
126b1 rol mo'i sgra de las de bzhin gshegs pa'i drin gzo ba dang / drin lan bsab pa dang / bskal pa tshad med/ grangs med pa'i bar du pha ma la sri zhu bya ba'i sgra grag par gyur to/ /sgra de thos pa'i sems can thams cad 'dzam bu'i gling du sangs rgyas
126b2 ga na ba der lhags nas zhabs la mgo bos phyag 'tshal te/ phyogs gcig tu 'khod do/ /de'i tshe de bzhin gshegs pa ting nge 'dzin du zhugs pa la 'khor mang po rnams mig mi 'dzums par de bzhin gshegs pa la blta zhing cang mi smra bar 'khod
126b3 pa las/ 'khor gyi dkyil 'khor de nyid du rin po che sna bdun las byas pa'i mchod rten rgyal mtshan dang / ba dan grangs med pas brgyan pa/ rin po che'i dril bu brgya stong gis btags pa/ rlung gis bskyod na shin du sgra snyan pa 'byung ba/
126b4 sa'i nang nas byung ba nam mkha' la 'phags te gnas so/ /de'i tshe 'khor mang po thams cad rin po che'i mchod rten sa las byung ba de la the tshom du gyur te/ ci'i rgyu ci'i rkyen gyis rin po che'i mchod rten 'di lta bu sa las byung snyam the tsom du gyur
126b5 te/ shA ri'i bu la sogs pa'i shes pa'i blos gtugs te brtags kyang ma rtogs/ mi mjed kyi 'jig rten gyi khams nyid na gnas pa'i byang chub sems dpa' sems dpa' chen po byams pa'i bar du yang ma rtogs so/ /de nas mu stegs can
126b6 gyi ston pa drug 'di snyam du sems par gyur te/ ci'i rgyu ci'i rkyen gyis rin po che'i mchod rten 'di lta bu byung bar gyur pa/ mi gzhan zhig gis gal te bdag cag la dris la/ ci de dag gis ma shes na thams cad mthong zhing shes pa zhes kyang ji
126b7 skad bya/ da dge sbyong gau ta mas 'khor mang po la myur du bstan cing bshad na ci ma rung snyam par sems par gyur te/ de nas bcom ldan 'das ting nge 'dzin de las bzhengs pa dang / brgya byin lha'i dbang po sum bcu rtsa gsum gnam gyi lha dang /
126b8 seng ge'i khri bshams te lha rdzas kyi gos bting ngo / /de bzhin gshegs pa seng ge'i khri la ji ltar ri rab lhun po/ rgya mtsho'i nang na gnas pa bzhin skyil mo dkrung bcas nas bzhugs so/ /de'i tshe byang chub sems dpa' byams pas 'khor
127a1 mang po the tsom du gyur pa yang sems kyis shes/ bdag kyang the tsom du gyur te/ ma rtogs pas stan las langs nas sangs rgyas gang na bar logs su zhabs la mgo bos phyag 'tshal nas thal mo sbyar ba btud de/ bcom
127a2 ldan 'das ci'i rgyu ci'i rkyen gyis rin po che'i mchod rten 'di lta bu byung bar gyur ces gsol pa dang / bcom ldan 'das kyis byang chub sems dpa' byams pa la 'di skad ces bka' stsal to/ /bsngon 'das pa bskal pa grangs med pa
127a3 bsam gyis mi khyab pa'i pha rol na sangs rgyas rnam par gzigs shes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes
127a4 bu 'dul ba'i kha lo sgyur ba bla na med pa/ ston pa rgyal ba zhes bya ba 'jig rten du byung nas so so'i skye bo grangs med pa bye ba khrag khrig brgya stong snyed bla na med pa yang dag par rdzogs pa'i byang chub la brten par byas so/ /sangs
127a5 rgyas de mya ngan las 'das nas gzugs brnyan gyi chos la spyod pa'i tshe yul bA ra Na sI zhes bya ba zhig yod de/ bA ra Na sI zhes bya ba'i rgyal po chen po de mkhas pa'i blo dang ldan zhing rtag tu drang ba'i chos kyis yul gyi srid 'tsho ste/ mi rnams
127a6 kyang bde skyid/ rgyal po chen po de rgyal phran drug bcu la dbang bsgyur te/ grong khyer brgyad brgya yod kyang rgyal po la sras med do/ /de ltar sras med pas 'jig rten gyi lha dang / lha thams cad la lo bcu gnyis kyi bar du mi ngal mi skyo
127a7 bar mchod 'brang byas pas btsun mo chen mo la sras shig mnga' bar gyur te/ zla ba bcu tshang nas sras bu gcig bltam mo/ /sras bu de yang sdug cing mdzes la mtshan phun sum tshogs pa gcig btsas ma thag tu blon po chen po rnams
127a8 dang / mtha'i rgyal po rgyal phran kun bsdus te rgyal bu'i mtshan bltas nas rgyal bu rang bzhin gyis khro mi shes shing dge ba zhig ste/ mtshan yang rgyal bu bzod pa zhes btags so/ /rgyal bu bzod pa de cher skyes nas sbyin pa sbyin pa
127b1 la dga' zhing mkhas pa'i blo dang ldan te/ sems can mang po la snying rje'i sems cher skyes so/ /de'i tshe na rgyal po chen po de la blon po chen po rang bzhin gyis khro ba/ g.yo dang sgyus 'tsho ba/ nyes pa med par stabs las
127b2 gcod pa kun gyis mi 'dod cing snying du mi sdug pa drug zhig yod do/ /blon po chen po drug po de dag bdag gi lus la skyon yod par shes nas rtag tu phrag dog byed do/ /rgyal bu de la mi dga'o/ /de'i tshe rgyal po chen po nad tshabs chen pos btab
127b3 nas nad kyis gzir te/ nyam chung zhing rid par gyur pas srog la bab tu nye ba dang / rgyal bu bzod pas blon po rnams la yab rgyal po snyun tshabs che 'am/ sku tshe'i bar chad du mi 'gyur ram zhes dris na/ blon po rnams khros te rgyal bu la
127b4 rgyal po'i sku tshe ring po mi thogs so zhes smras so/ /de ci'i phyir zhe na/ sman bzang po mi rnyed pas de bas na sku tshe yang ring po mi thogs so/ /rgyal bus de skad ces smras pa thos nas rab tu mi dga' ba'i sems su gyur te/ 'khams nas sa la 'gyel
127b5 ba dang / blon po chen po drug po gnas dben par song nas 'di skad ces bgros so/ /rgyal bu bzod pa 'di med par ma byas na bdag cag nam du yang bde bar mi 'gyur ro snyam bsams shing bgros pa las/ blon po gcig gis smras pa/ rgyal bu
127b6 'di la nyes pa ye med na ji ltar med par bya/ blon po gcig gis smras pa/ bdag la rgyal bu med par bya ba'i thabs yod do zhes smras nas rgyal bu gang na ba der song nas rgyal bu la 'di skad ces smras so/ /bdag cag gis mtha'i rgyal
127b7 phran drug bcu'i yul dang / grong khyer brgyad brgya'i nang du sman btsal yang rnyed par ma gyur to/ /rgyal bus smras pa/ rgyal po'i sman du ci zhig dgos na de ltar mi rnyed ces bsgo ba dang / blon pos smras pa/ rgyal bu mkhyen tam/ rgyal po'i
127b8 sman du gces pa ni thog ma btsas nas tha ma skyes kyi bar du khro mi shes pa'i mi'i mig gi 'bras bu dang / rkang dgos te/ sman 'di lta bu rnyed na rgyal po'i srog 'tsho'i gal te mi rnyed na mi 'tsho bas/ 'di lta bu ni gang nas kyang ma byung ngo / /
128a1 rgyal bus de skad smras pa thos nas mi dga' zhing mya ngan gyis sems skyes te blon po rnams la da ltar bdag de dang ldan no zhes smras so/ /de ci'i phyir zhe na/ bdag ni thog ma btsas nas da tsam gyi bar du khro ma myong ngo / /blon
128a2 pos smras pa/ rgyal bu de dang ldan yang don 'di ni shin du bya dka' ba yin no/ /de ci'i phyir zhe na/ 'jig rten na bdag gi lus las phangs pa med pa'i phyir ro/ /rgyal bus smras pa/ blon po khyod smra ba ltar ma yin te/ yab rgyal po snyung ba
128a3 las 'tsho bar 'gyur na lta bdag gis lus brgya stong gtong na yang nus te dka' ba ma yin no/ bdag gi lus mi gtsang ba 'di btang ba lta ci smos/ blon pos smras pa/ don 'di lta bu dag ni rgyal bus ci mdzad du bas so/ /de nas rgyal bu
128a4 bzod pa rab tu dga' nas dga' ba'i sems skyes te/ sman 'dis yab rgyal po'i snyun 'tsho na lta myur du bya ba'i dus la bab bo snyam bsams nas pho brang gi nang du song ste/ yum gyi drung du phyin nas yum gyi rkang pa la mgo bos
128a5 phyag byas te thal mo sbyar ba btud nas yum la 'di skad ces smras so/ /da ltar bdag gi lus 'di yab rgyal po'i sman du bgos te/ gal te na srog mi 'tshor dogs pas yum la mchi phyag 'tshal gyis yum mi dgyes par
128a6 ma mdzad cig /yum gyis de skad ces smras pa thos nas 'khams te phyogs kyang bslad par gyur nas/ dper na mi brnangs pa mid du yang med skyug tu yang med pa ltar skrag nas rgyal bu pang du blangs nas sa la 'gyel to/ /de nas
128a7 gdong du chu grang mo gtor nas ring zhig lon pa dang phyir sangs te yum la yang 'di skad ces gsol to/ /yab rgyal po'i sku tshe ring por mi thogs te/ bdag gi don 'di myur du bsgrubs la rgyal po'i sku tshe 'tsho bar bgyi'o/ /de nas
128a8 rgyal bu bzod pas blon po rnams dang / rgyal phran rnams dang / 'khor mang po rnams la bdag mchi phyag bya'o zhes smras so/ /de'i tshe blon po chen pos rigs ngan pa'i shan pa gcig bos nas rgyal bu'i rus pa ni bcag /rkang
128b1 ni phyung / mig gnyis kyi 'bras bu yang phyung ngo / /de nas blon po de dag gis sman de dag brdungs nas sbyar te/ rgyal po la byin pa dang / rgyal po chen pos kyang sman de zos nas nad kyang sos par gyur to/ /rgyal po nad sos nas blon po rnams la khyed
128b2 kyis 'di lta bu'i sman bzang po nga'i nad sos shing srog las thar ba ga las rnyed ces smras so/ /blon po rnams kyis gsol pa/ sman 'di ni rgyal bu bzod pas sbyar ba lags so/ /bdag cag gis rnyed cing sbyar ba ni ma lags so/ /rgyal pos de skad ces
128b3 smras pa thos nas dngangs te 'gyel lo/ /lus kyi spu yang langs so/ /blon po rnams la rgyal bu bzod pa da ltar ga re zhes dal gyis dris so/ /blon pos gsol pa/ rgyal bu bzod pa da ltar phyi rol na lus kyi rma gso zhing mchis te srog
128b4 mi 'tshor dogs so/ /rgyal pos tshig de thos nas skad chen po phyung nas kyi hud kyi hud ces smras nas/ lus sa la brdabs te sa dang rdul gyis lus la gos nas kho bo ni yang dag par khrel med pa yin te/ ci'i phyir bu'i sha sman du zos shes smras
128b5 nas bu ga la bar song ba las ma slebs par rgyal bu yang tshe 'das so/ /rgyal po dang btsun mo dang blon po rnams dang 'khor mang po thams cad kyis bskor cing / yum yang rgyal bu'i ro'i steng du lus brdabs nas/ bdag gis sngon sdig pa ci
128b6 zhig byas na bdag gi bu 'di ltar sdug bsngal myong bar gyur/ bdag gi lus 'di rdul du btags kyang sla na/ ci'i phyir bu 'di shi bar gyur ces smre sngags 'don to/ /de nas yab rgyal po dang / rgyal phran rnams kyis spos glang mgo'i tsan dan
128b7 spungs te rgyal bu'i ro bsregs nas rgyal bu'i rus pa bsdus te rin po che sna bdun gyi mchod rten byas so/ /de'i tshe bcom ldan 'das kyis byang chub sems dpa' byams pa la 'di skad ces bka' stsal to/ /rigs kyi bu dag khyed rnams shes par gyis
128b8 shig /de'i tshe de'i dus na bA ra Na sI'i rgyal po chen po de gzhan yin par sems na de ltar mi blta'o/ /de'i tshe de'i dus na rgyal po de ni da ltar nga'i yab rgyal po zas gtsang ma yin no/ /de'i tshe de'i dus na btsun mo de ni gzhan yin par sems na de ltar mi
129a1 blta ste/ de'i tshe de'i dus na btsun mo de ni da ltar nga'i yum lha mdzes yin no/ /de'i tshe de'i dus na rgyal bu bzod pa de ni da ltar nga yin te/ byang chub sems dpa' ni bskal pa tshad med grangs med pa'i bar du pha ma la sri zhu bya ba'i phyir dgos dang /
129a2 zas dang / btung ba dang / gnas dang / mal cha dang / lus kyi sha dang / khrag dang / rkang gi bar du sbyin par byed de/ de'i rgyu de'i rkyen gyis mngon par sangs rgyas pa'i bar du'o/ /da ltar rin po che'i mchod rten sa las byung ba 'di ni ngas sngon pha ma'i phyir lus
129a3 kyi rkang dang srog gi bar du phul te 'di nyid du mchod rten brtsigs te mchod pa byas pas da mngon par sangs rgyas na yang mngon par byung nas snang bar gyur pa yin no/ /de'i tshe na 'khor mang po lha dang / klu dang gnod sbyin dang / mi la sogs pa grangs med pa
129a4 rnams de skad ces gsung ba thos nas dga' ba dang mi dga' bar 'dres par byung ste/ thams cad mchi ma blags nas skad 'thun par/ de bzhin gshegs pa'i yon tan brgya stong bsngags shing bstod de dus gcig tu bla na med pa yang dag
129a5 par rdzogs pa'i byang chub tu sems bskyed do/ /gzhan yang sems can tshad med pa brgya stong snyed kyis/ /nyan thos dang rang sangs rgyas su sems bskyed do/ /de ma yin pa gzhan yang skye bo tshad med pa snyed rgyun du zhugs pa'i 'bras bu thob pa
129a6 nas dgra bcom pa'i 'bras bu'i bar du thob par gyur to/ /gzhan yang byang chub sems dpa' sems dpa' chen po tshad med pa bye ba khrag khrig brgya stong snyed ring po mi thogs par bla na med pa yang dag par rdzogs pa'i byang chub tu mngon par sangs rgyas
129a7 so/ /de bas na de bzhin gshegs pa ni yang dag par pha ma la sri zhu byed pa'o/ /gzhan yang byang chub sems dpa' ni pha ma'i yon tan shes shing sngon gyi smon lam gyis de bzhin gshegs pa'i sku btsas par shes so/ /de ltar de bzhin gshegs
129a8 pa'i smon lam rdzogs par bya ba'i phyir yum gyis phyag bya bar mi 'dod pa'i phyir tshe'i dus byas pa yin no/ /de'i tshe na 'khor mang po thams cad kyis tshig 'thun par yum lha mdzes la legs so/ /yum lha mdzes de bzhin gshegs pa lha
129b1 dang mi'i ston pa 'jig rten na dpe zla med pa btsas pa shin du legs so/ /de nas dri za'i bu chos kyi phreng ba 'dug pa las langs te/ bla gos phrag pa gcig tu gzar te/ pus mo g.yas pa'i lha nga sa la btsugs nas sangs rgyas gang na bar thal mo sbyar ba
129b2 btud de bcom ldan 'das la 'di skad ces gsol to/ /yum lha mdzes 'di bsod nams ci bgyis na ci'i rgyu ci'i rkyen gyis de bzhin gshegs pa bltam par gyur/ bcom ldan 'das kyis bka' stsal pa/ legs par nyon la shin du yid la zung
129b3 shig dang khyod la bshad par bya'o/ /sngon 'das pa grangs med pa bsam gyis mi khyab pa'i pha rol na sangs rgyas rnam par gzigs shes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang / zhabs su
129b4 ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med pa/ ston pa rgyal ba zhes bya ba 'jig rten du byung ngo / /sangs rgyas de'i dam pa'i chos nub nas gzugs brnyan la chos spyod pa'i bar du nub par gyur
129b5 nas/ de'i tshe yul bA ra Na sI zhes bya ba na 'phags pa gnas zhes bya ba'i ri zhig yod de/ ri de la rang sangs rgyas shes bya ba brgya stong snyed gnas so/ /ri de la drang srong mngon par shes pa lnga dang ldan pa grangs med pa zhig kyang ri de la gnas so/ /
129b6 da de ltar 'phags pa dang drang srong mang po gnas pa'i phyir/ /ri de la drang srong gcig ni ri de'i lho phyogs na gnas so/ /drang srong gcig ni ri de'i byang phyogs na gnas te/ drang srong de gnyis gnas pa'i bar na chu mig gcig yod de chu mig de'i drung
129b7 na pha bong phya leb bzang po gcig yod do/ /de'i tshe de'i dus gcig na ri'i lho phyogs logs na gnas pa'i drang srong de pha bong de'i steng du gos dang rkang pa bkrus te phyir gnas su song ba dang / ring po ma lon par sha ba yu mo cig chu mig la chu
129b8 'thung du 'ongs pa dang / chu mig la chu 'thungs pa'i 'og tu pha bong de'i steng na drang srong gis gos bkrus pa'i khu ba 'thungs so/ /gos bkrus pa'i khu ba 'thungs pa'i 'og tu phyir 'phongs rol du bltas te mo mtshan la bldags so/ /de nas sha
130a1 ba yu mo de'i ltor bu chags te zla ba tshang ba dang / ri dgas kyi chos kyis bu 'byung ba na thog ma gnas gang du mngal du chags pa der bu 'byin pas chu mig gi dngor 'ongs te pha bong de'i steng du ngu zhing 'gre nas bu mo gcig byung ngo / /de'i tshe na lho
130a2 phyogs kyi drang srong des sha ba ngu ba'i skad thos nas snying rje ba'i sems skyes te sha ba'i drung du ltar song ba dang / sha ba yu mo de la bu mo gcig byung ste sha ba de la ldag cing 'dug pa las drang srong der 'ongs pa dang sha ba yang bu bor nas song ngo / /de nas drang srong
130a3 de sha ba la btsas pa'i bu mo de mdzes shing sdug la mtshan dang ldan par mthong bas snying rje'i sems kyis rtswa'i gos kyis dkris te phang du blangs nas phyir gnas su 'ongs nas shing rtog dang / 'bras bu brngas nas gsos gsos pa dang /
130a4 mthar gyis cher skyes nas lo bcu bzhi lon pa dang / drang srong yang bu mo de la shin du byams te rtag tu rgyun mi 'chad par me gsor bcug pa las nyi ma gcig le lo byas nas me shi bar gyur pa dang / drang srong gis tshig gis spyos te bu mo thog ma bskyed
130a5 nas da tsam gyi bar du me shi ma myong na ci'i phyir me bsad ces gshes te/ ri byang phyogs logs na gnas pa'i drang srong gi thad tu me len du btang ngo / /de nas bu mo des phas bsgo ba bzhin du ri byang phyogs logs su song ba las gom pa re re zhing
130a6 rkang pa'i 'og nas pad mo re re skyes te/ 'gro ba'i rjes bzhin khod mnyam par dngar ba dang pad mo skyes nas ri byang phyogs logs su me len du song ngo / /de'i tshe na drang srong des bu mo de shin du bsod nams dang ldan zhing rkang pa'i 'og nas pad mo skyes
130a7 pa mthong nas bu mo de la 'di skad ces smras so/ /khyod me 'dod na kho bo'i spyil po 'di lan bdun skor la gom pa'i bar mnyam pa dang / nye ring thag ran par gom pa'i 'og nas pad mo skyes par byos shig /de ltar lan bdun bskor ba byas nas kyang
130a8 bu mo la khyod me 'dod na phyir yang g.yas phyogs nas bskor te song shig dang me sbyin no bar bsgo'o/ /de'i tshe na bu mo de me 'dod pa'i phyir drang srong gis bsgo ba bzhin byas te me blangs nas phyir song ngo / /bu mo de phyir song nas ring po ma lon par
130b1 yul bA ra Na sI'i rgyal po dang blon po chen po dang / 'khor brgya stong snyed dang bcas su ri de la 'chag cing ri dgas la lings 'debs su 'ongs pa dang / de nas bA ra Na sI'i rgyal po bal gyi glang po che la zhon nas ri byang phyogs logs kyi drang srong
130b2 ga la ba der 'ongs nas der phyin pa dang / drang srong de'i spyil po la pad mos 'khor bar bskor ba de mthong nas rab tu dga' rangs pa'i sems skyes te/ drang srong chen po la shin du legs so legs so/ /yon tan chen po dang ldan pa'i drang srong ston
130b3 cing 'dren pa'i yon tan dang ldan pa dge'o zhes bstod do/ /de nas drang srong des rgyal po la 'di skad gsol to/ /rgyal po chen po mkhyen tam/ pad mo 'di dag ni bdag gi nus pa ma lags so/ /rgyal pos smras pa/ 'o na 'di sus byas/
130b4 drang srong gis gsol pa/ rgyal po chen po ri lho phyogs logs na gnas pa'i drang srong la ri dgas kyis btsas pa'i bu mo byad bzhin bzang zhing sdug pa/ mi'i mtshan dang ldan pa/ 'jig rten na dkon pa 'gro ba'i rjes bzhin rkang pa'i 'og nas pad mo skye
130b5 ba cig yod do/ /rgyal pos de skad smras pa thos nas sems rab tu dga' rangs te/ ri'i lho phyogs logs kyi drang srong ga la ba logs su song ste phyin pa dang / drang srong de'i rkang pa la mgo bos phyag 'tshal nas drang srong des sgor phyung nas bsus te
130b6 rgyal po chen po shul ring po nas gshegs na rab tu ngal bar ma gyur tam zhes bro dris so/ /de nas rgyal po chen pos drang srong de la 'di skad ces smras so/ /btsun pa khyod la bu mo zhig yod pa de gnyen bya bar 'dod do/ /drang srong gis smras pa/
130b7 rgyal po chen po bdag phongs pa la bu mo gcig pu zhig yod pa de chung la ci yang mi shes te/ chung nas ri la bskyed bskyed pas mi'i chos tshul ci yang ma rtogs te/ rtswa'i rtsa ba dang 'bras bu gzhan mi za na/ ji ltar rgyal po la dbul du
130b8 rung bu mo 'di yang ri dgas kyis btsas te dbul du mi rung ngo zhes ji ltar gyur pa rgyus kyis zhib tu gsol ba'i bar du'o/ /rgyal pos smras pa/ de lta bu yin yang slad ltar gang na 'dug ston cig /drang srong gis smras pa/ de ltar spyil
131a1 po'i nang na 'dug go zhes smras so/ /de'i tshe rgyal po chen po spyil po'i nang du zhugs nas bu mo la bltas te rab tu dga' ba'i sems skyes te ri dgas kyi bu mo spos chus bkrus nas de lta bu'i mi mang po ma mthong bas dngangs
131a2 shing skrag go/ /de'i tshe drang srong de ri mthon po'i khar song nas bu mo de la mig mi 'dzums par lta zhing 'di snyam du da ni bdag gi bu mo yang je ring je ring song bas ma mthong bar gyur nas phyir gnas su 'gro snyam bsams nas mig mchi
131a3 ma zag cing mchis te/ bdag gis bu mo gsos pa 'di ci yang shes pa med par bral bar gyur to/ /yang 'di snyam du bsams te/ bdag da dung gnas 'di las mi g.yo bar bya'o/ /de ci'i phyir zhe na/ gal te bdag gi bu mo phyir bdag la lta
131a4 bar gyur la/ ci ste ma mthong bar gyur na mi dga' zhing sdug bsngal gyis gdungs par 'gyur gyis/ re shig kho nas bsdad do snyam nas/ de nas kyang ring zhig bsdad de ma mthong gi bar du bltas kyang bu mos phyir ma bltas so/ /de ltar
131a5 bu mos phyir ma bltas pas drang srong de khro ba'i sems skyes nas 'di skad ces smras so/ /yong yang byol song las skyes pas nga la yang phyir ma bltas te/ ngas chung ngu nas gsos gsos nas da mir gyur te rgyal pos phrogs
131a6 pas bdag ye 'ur gyur to zhes spyil por zhugs nas rig sngags byas te/ gal te rgyal pos bden par gyur na ni der yang zad do/ /ci ste gces pu byas la bden par ma gyur na bsams pa ltar ma grub cig ces sngags kyis
131a7 btab bo/ /de'i tshe na bA ra Na sI'i rgyal po chen po de pho brang du phyin nas gces su byas nas mtshan yang btsun mo ri dgas ma zhes btags so/ /mtha'i rgyal phran dang / blon po rnams kyang 'dus nas rgyal po la snyan pas bstod
131a8 nas rgyal po yang rab tu dga' rangs par gyur to/ /de nas kyang ring po ma lon par mngal du bu chags par gyur nas rgyal po nyid btsun mo'i rim gro byed de/ mal cha dang / kha zas dang / btung ba la sogs pa bzang zhing 'jam
131b1 por sbyor to/ /de nas zla ba bcu tshang nas bu khye'u cig /btsas na rgyal po'i gdung 'tshob par re ba las zla ba tshang nas pad mo cig btsas so/ /drang srong gi rig sngags kyi mthus rgyal po khros par gyur nas 'di skad du/ byol song las
131b2 skyes pa bden zhes btsun mo las phyung ste pad mo yang bor du bcug go/ /de nas ring zhig lon pa dang bA ra Na sI'i blon po rnams dang bskyed mos tshal du ltad mo lta zhing rtser phyin pa dang / rtse zhing rol mo byed de rta dang glang po che yang 'thab tu
131b3 bcug /gyad rnams kyang stobs 'gyed du bcug pa las gyad kyi nang na gyad rab tu mchog tu stobs che ba gcig rdog pa sa la brdabs na sa yang 'gul te/ drung na pad mo'i rdzing zhig yod pa yang 'gul bar gyur to/ /pad mo'i rdzing gi
131b4 drung na pha bong zhig yod de/ de'i 'og na pad mo zhig yod pa rdzing gi nang du lhung / /rdzing du lhung ba'i pad mo de mdog rab tu bzang la kha dog le brgan du 'dug la 'tsher ba'i 'od chags pa rgyal pos mthong nas sems rab tu dga' ste/ blon
131b5 po rnams la pad mo 'di lta bu ni sngon chad yang mthong ma myong ngo zhes smras so/ /de nas pad mo de chu'i nang nas phyung shig ces bsgo nas pad mo len du btang ba las/ pad mo de la 'da' ma lnga brgya yod de/ 'da' ma re re'i 'og na khye'u
131b6 gzhon nu byad bzhin bzang zhing mdzes la phal las 'phags pa re re yod par mthong ngo / /de nas pad mo len pa'i mi des pad mo de la ngo mtshar che ba de lta bu dag mthong nas/ rgyal po chen po pad mo de la 'dab ma lnga brgya mchis
131b7 te/ 'dab ma re re'i 'og na lha'i bu re re yod do zhes gsol to/ /rgyal pos tshig de thos nas ba spu kun langs pa tsam du dngangs nas mi de la yang dag par bden nam zhes bka' stsal to/ /de nyid btsun mo ri dgas mas btsas
131b8 pa'i pad mo yin nam zhes btsun mo las btsas pa'i pad mo gar bor zhes dris na/ btsun mos gsol pa/ rgyal po chen po pad mo de rdzing gi 'gram na pha bong zhig mchis pa'i 'og tu sbas so zhes gsol pa dang / de nyid btsun mo
132a1 ri dgas mas btsas pa yin par yid ches pas phyir pho brang gi nang du 'ongs so/ /phyir pho brang du phyin nas btsun mo ri dgas ma la bdag ni gti mug can/ shes pa med pa/ 'dzangs ngan mi rtogs pas btsun mo bden par 'ong ngo
132a2 snyam nas btsun mo'i yid dang 'gal bar gyur pa bshags so zhes smras nas phyir btsun mo dam par dbang bskur ro/ /de nas rgyal po shin du dga' nas blon po rnams dang / bram ze dang / rgyal phran dang / mtshan mkhan kun bsdus nas rgyal bu lnga
132a3 brgya pang du blangs nas mtshan mkhan rnams la mtshan bzang ngan bltar bcug go/ /mtshan mkhan gyis gsol pa/ rgyal bu 'di dag ni rgyal po'i bsod nams dang dbang thang gis grub ste/ gal te khyim na gnas na mtha' bzhi rang 'du zhing
132a4 lha rnams kyang 'go bar 'gyur/ gal te rab tu byung na gdon mi za bar skye shi'i rtsa ba gcod cing 'dod pa'i chu klung las thar te 'khor ba'i rgya mtsho'i pha rol tu phyin cing / rig pa gsum dang / mngon par shes pa drug dang ldan zhing dge sbyong gi 'bras bu
132a5 bzhi thob par 'gyur ro/ /rgyal pos tshig de thos nas lhag par dga' bar gyur nas/ rgyal bu lnga brgya gso ba'i ma ma lnga brgya btus pa dang / de nas btsun mo ri dgas mas rgyal po la 'di skad ces gsol to/ /rgyal po chen po yul khams
132a6 kun du ma ma btu mi dgos te/ da ltar rgyal po'i pho brang na btsun mo lnga brgya yod la/ btsun mo de dag bdag la bu yod pas thams cad phrag dog byed do/ /da rgyal pos btsun mo re re zhing rgyal bu re re gsor bcug na rgyal bu rnams kyang sos
132a7 par 'gyur ro/ /rgyal pos btsun mo la smras pa/ btsun mo lnga brgya btsun mo la phrag dog byed na gzhu ba dang / brdeg pa dang / spang ba dang srog la dbab pa'i bar du btsun mo'i yid dang mi 'gal bar bdag byed na/ ci'i phyir dgrar
132a8 gyur pa de dag la de lta bu'i shin du bzod dka' ba nyams su len cing / gnam sa'i bar na bdag gi bu btsun mo rnams la sbyin par sems/ de'i tshe btsun mo lnga brgyas de skad ces smras pa thos te rab tu dga' nas btsun mo ri dgas
132b1 mas bdag cag la bde ba dang skyid pa rgyun du bstabs la da yang sras bu bdag cag la byin pas rab tu dga'o zhes smras so/ /de'i tshe na 'khor brgya stong snyed kyang tshig de dag thos nas rab tu dga' ba'i sems skyes te byang chub tu sems bskyed
132b2 par gyur to/ /de nas rgyal po chen pos btsun mo la ngo mtshar che ste/ bdag ni khyod tsam mi phod do zhes smras so/ /btsun mos smras pa/ phrag dog gi dbang gis zhe sdang skye ste/ nyes pa'i gnyen por ni mi bzod pa sgom/ khro ba'i
132b3 gnyen por byams sems bskyed dgos te/ bdag ni thog ma nas ci la yang rtsod pa ma myong ste/ btsun mo rnams rang la 'tshe zhing gnod pa byed do/ /dper na mi zhig mtshan mo song song ba zhig las shing dum cig mthong ba las dgra
132b4 'am yi dags su 'du shes skyes te/ mod la dngangs skrag nas bros so/ /mun khung du bros pa las la la ni brag mthon po la g.yang du lhung / la la ni chu 'am/ me 'am/ tsher phung ngam/ nags tshal gyi nang du lhung nas lus
132b5 rmas shing zhig par gyur to/ /de ltar 'du shes log pa'i rkyen gyis de lta bu'i gnod pa dang phrad do/ /de bzhin du sems can thams cad kyang rang skye/ rang 'chi ba ni dar gyi srin bu 'am/ phye ma leb mer song ba dang 'dra ste sus kyang
132b6 gzhen ma btab bo/ /nyes pa thams cad ni mi bden par 'du shes byung ste/ btsun mo'i rnams kyang de dang 'dra bas na bdag ni shes pa med pas/ phal dang rtsod pa ci yang med do/ /btsun mo lnga brgya po rnams btsun mo ri dgas
132b7 ma la phyag byas te/ rang gi nyes pa mthol bshags nas btsun mo ri dgas ma'i g.yog dang rim gro byed cing ma 'am/ bu mo ltar sems te/ rgyal bu la yang bdag gi bu dang 'dra bar gso zhing rim gro byed do/ /de nas rgyal
132b8 bu lnga brgya bags kyis cher skyes nas/ rgyal bu gcig cig gis mthu stobs mi stong thub pas/ mtha'i rgyal phran dag ldog cing bka' mi nyan pa yod na/ dmag rnam bzhi mi dgos par rgyal bu nyid 'bebs shing rgol du 'gro
133a1 ste/ de'i tshe na yul yang bde zhing skyid la srungs ma'i lha yang dga' bas/ rlung dang / char chu yang dus bzhin du ldang 'bebs so/ /mi rnams kyang dal la bde skyid do/ /rgyal bu lnga brgya yang bal gyi glang po dam pa la zhon zhing bskyed
133a2 mos tshal du yid bzhin du rtse dga' zhing 'khod pa la pha ma yang rgyal bu de dag la mig gi 'bras bu dang 'dra bar sems te byams so/ /de'i tshe rgyal bu lnga brgya cher skyes te/ shed rdzogs nas phyis dus gzhan zhig na thams cad pad mo'i
133a3 rdzing de'i 'gram du 'dus te 'dug 'dug pa las so so'i gzugs brnyan rdzing gi chu la snang bar gyur nas gcig la gcig 'di skad ces smras so/ /'di lta ste/ chos thams cad ni sgyu ma 'am/ sprul pa 'am/ rmi lam 'am/ chu'i gzugs
133a4 brnyan lta bu ste/ bden pa 'am/ yang dag pa med do/ /bdag cag kyang da ltar de dang 'dra ste/ rigs che zhing btsun la pho brang gi nang na gnas nas 'dod pa lnga la bag med par spyod pas longs spyod mod kyi/ dar ba'i tshe lo dang
133a5 gzugs bzang po ni yid brtan du mi rung ste/ grub pa yod na 'jig par 'gyur te gzhon zhing dar ba yang ring por mi thogs te rgas shing rgud par 'gyur/ kha zas kyi tshod ma zin na na bar 'gyur/ tshe lo brgya thub na yang tha mar shi dgos
133a6 so zhes rgyal bu rnams mi dga' ba'i mya ngan gyis non to/ /zas dang skom yang mi 'dod par phyir pho brang du 'ongs nas yab rgyal po la 'di skad ces gsol to/ /'jig rten dag ni sdug bsngal ba ste bde ba ma mchis pas yab
133a7 rgyal po bdag cag rab tu 'byung bar gsol lo/ /rgyal pos rgyal bu rnams la smras pa/ skye ba dang / rga ba dang / na ba dang / shi ba ni thams cad la yod par 'dra na khyed 'ba' shig mya ngan byar yang ci yod/ rgyal bus gsol
133a8 pa/ bdag cag ni shi nas skye ba yang nas yang du len pa'i nyon mongs pa dang / 'gro ba lngar rgyun du 'gro bar mi bzod do/ /de nas rgyal pos kyang rgyal bu'i yid dam ma bzlog ste/ rab tu 'byung bar gnang ngo / /btsun mos rgyal
133b1 bu rnams la smras pa/ khyed rab tu byung nas kho mo spangs la lam ring du ma 'gro bar pho brang rgyab kyi bskyed mos tshal na rab tu dben la shing dang tshal yang dben pa yod kyis/ der 'du shig dang / yo byad rnam bzhis mi brel bar bya zhing 'bul lo/ /
133b2 rgyal bu rnams rab tu byung nas btsun mos gsol pa bzhin rgyab kyi bskyed mos tshal na gnas pa las/ rgyal bu de dag thams cad kyis re re nas mthar gyis rang sangs rgyas kyi byang chub thob par gyur to/ /de ltar rgyal bu bzhi brgya dgu bcu rtsa
133b3 dgu mthar gyis rab tu byung / rang byang chub kyi 'bras bu thob par gyur nas rgyal po'i pho brang du lhags te/ yab rgyal po dang yum la bdag cag rab tu byung ba'i don de thob bo zhes smras nas/ dge slong de dag steng gi nam mkha' la
133b4 'phags te shar phyogs nas mi snang bar gyur na nub phyogs nas byung ngo / /nub phyogs nas mi snang bar gyur na shar phyogs nas byung ngo / /lho phyogs nas mi snang bar gyur na byang phyogs nas byung ngo / /byang phyogs nas mi snang bar
133b5 gyur na/ lho phyogs nas byung ngo / /ched 'ga' ni lus chen pos nam mkha'i khams gang bar gyur/ ched 'ga' ni lus gcig las lus grangs med par sprul/ ched 'ga' ni lus kyi cha stod na chu 'bab na/ lus kyi cha smad
133b6 na me 'bar ba la sogs pa cho 'phrul rnam pa sna tshogs pa bstan nas lus la me btang nas mya ngan las 'das so/ /de nas btsun mo ri dgas mas sku gdung bsdus nas rgyab kyi bskyed mos tshal du mchod rten bzhi brgya dgu bcu
133b7 rtsa dgu byas nas mchod pa byed do/ /rgyal bu nang gi chung ngu yang zhag dgu bcu 'das nas rang sangs rgyas kyi byang chub thob ste/ de yang yab dang yum la cho 'phrul chen po bstan nas mya ngan las 'das so/ /de nas btsun mo ri dgas mas
133b8 sku gdung bsdus nas mchod rten brtsigs te mchod pa byas so/ /de'i tshe na btsun mo ri dgas mas nyin gcig bzhin bdug spos dam pa dang / me tog dam pa dang / rol mo sna tshogs kyis rang sangs rgyas lnga brgya'i mchod rten la mchod
134a1 pa byed cing mchod rten de dag gi drung na mi dga' zhing mya ngan byed de 'di skad ces smras so/ /bdag gis bu lnga brgya btsas nas rab tu byung mod kyi/ de la gcig tsam yang bla na med pa'i byang chub tu sems bskyed pa med pas 'di
134a2 skad ces smon lam btab bo/ /bdag gis rang sangs rgyas lnga brgya la mchod pa byas shing mchod rten lnga brgya brtsigs te/ sku gdung la mchod pa'i bsod nams ci yod pa sems can thams cad la bsngo'o/ /bdag ma 'ongs pa'i dus
134a3 na bu mang du btsas shing bla na med pa'i byang chub tu sems mi bskyed pa mi 'dod kyi/ bu gcig pu zhig btsas la bla na med pa'i byang chub tu sems bskyed de tshe de nyid la rab tu byung nas thams cad mkhyen pa'i ye shes dang ldan par shog shig ces
134a4 smon lam du btab bo/ /bcom ldan 'das kyis kun dga' bo la bka' stsal pa/ de'i tshe de'i dus na btsun mo ri dgas ma de gzhan zhig yin snyam du sems na de ltar mi blta ste/ de'i tshe de'i dus na btsun mo ri dgas ma de nyid ni da ltar yum lha
134a5 mdzes nyid yin no/ /yum lha mdzes de ltar rang sangs rgyas lnga brgya la mchod pa byas te dge ba'i rtsa ba grangs med pa bskyed pas de bas na da ltar de bzhin gshegs pa'i sku bltam pa yin no/ /sangs rgyas kyi chos 'di bstan pa na lha dang mi
134a6 grangs med pa 'bras bu dang po thob pa nas 'bras bu bzhi pa'i bar du thob par gyur to/ /sems can tshad med pa snyed ni bla na med pa yang dag par rdzogs pa'i byang chub tu sems bskyed par gyur to/ /de nas kun dga' bos bcom ldan
134a7 'das la 'di skad ces gsol to/ /yum lha mdzes sngon las ci zhig bgyis na dud 'gro'i nang du dud 'gro la btsas te ri dgas kyi bu mor gyur/ bcom ldan 'das kyis kun dga' bo la bka' stsal pa/ khyod legs par nyon cig /yum
134a8 lha mdzes sngon 'das pa'i dus na las ci byas pa'i rgyu dang rkyen khyod la dgrol zhing bshad par bya'o/ /sngon 'das pa'i dus na bskal pa grangs med tshad med pa 'das pa'i pha rol na/ de'i tshe de'i dus na sangs rgyas bcom ldan 'das rnam par gzigs
134b1 shes bya ba de bzhin gshegs pa dgra bcom pa yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ ston pa rgyal ba 'jig rten du
134b2 byung ste/ sems can gyi don mdzad nas mya ngan las 'das pa'i 'og tu gzugs brnyan la chos spyod pa na/ de'i tshe de'i dus na yul bA ra Na sI zhes bya bar bram ze zhig la bu mo gcig pu zhig byung nas bram ze de tshe'i dus byas so/ /bram ze de'i
134b3 chung ma des bu mo de gsos so/ /bu mo de yang bags kyis cher skyes so/ /bu mo ma smad la bza' shing gi ra ba zhig yod de mas bu mo ra ba srung du bcug go/ /ma mo bdag ni zas tshol zhing ci rnyed pa phyir 'ongs nas bu mo dang lhan cig za'o/ /rtag tu de bzhin
134b4 du zas tshol ba la nyi ma gcig 'phyis nas dus las yol nas bu mo bkres pa dang skom pas gdungs pas khro sems skyes nas bdag gi ma de rkyen ci byung na da tsam gyi bar du kha zas ma byin te/ bdag 'di ltar bkres shing skom par byas shes
134b5 khros nas bdag gi ma dud 'gro tsam yang mi phod de/ dud 'gros gcan zan dang / ri dgas dang / bya yang bu la bkres skom dran te dus bzhin du snyod tu 'ong ngo zhes smras so/ /de skad ces smras pas ring po ma lon par mas zas thogs te/
134b6 'ongs nas za ba'i 'phro las rang sangs rgyas dge sbyong gi gzugs can zhig lho phyogs nas byang phyogs su nam mkha' la 'gro ba de bu mo des mthong nas dge slong de la dga' ba'i sems skyes te 'dug pa las langs nas thal mo sbyar te/ mgo bos
134b7 phyag 'tshal nas spyan drangs so/ /stan gtsang ma bting ste me tog bzang pos mchod nas kha zas de las bgos nas dge slong de la phul lo/ /dge slong des zas kyi bya ba byas nas dam pa'i chos bstan nas spro ba dang bar byas pas de'i che bu mo des
134b8 'di skad ces smon lam du btab bo/ /bdag ma 'ongs pa'i dus na 'phags pa dang phrad cing de la rim gro dang / mchod pa dang / phyag byed par gyur cig /bdag byad bzhin bzang zhing mdzes pa dang / che zhing btsan pa dang / 'gro ba'i gom pa'i
135a1 'og nas pad mo skyes te rkang pa 'degs par shog shig ces smon lam btab bo bcom ldan 'das kyis kun dga' bo la bka' stsal pa/ de'i tshe de'i dus kyi bu mo de ni btsun mo ri dgas ma yin no/ /de ltar rang sangs rgyas la bsod
135a2 snyoms gcig phul te/ me tog bzang pos mchod pas tshe rabs lnga brgya'i bar du che zhing btsan la/ gos dang zas yid bzhin du ldan te rkang pa'i 'og nas pad mo skyes so/ /smon lam gyi mthus da yang rang sangs rgyas lnga brgya dang phrad de/
135a3 mchod pa dang rim gro dang / phyag byas par 'gyur ro/ /de'i tshe drin mi shes te tshig ngan pa gcig gis ma la dud 'gro dang 'dra'o zhes smras pa'i ngag gi las ngan pa'i rkyen gyis tshe rabs lnga brgya'i bar du ri dgas kyi ltor skyes so/ /bcom ldan 'das
135a4 kyi kun dga' bo la bka' stsal pa/ 'jig rten du skyes so cog gi nyes pa ni rang gi kha nas byung bas ngag gi las bsrung bar bya'o/ /ngag gi las ni me 'bar bas tshig pa bas lhag ste/ me 'bar bas tshig pa de ni tshe gcig par zad do/ /ngag
135a5 gi las mi dge ba'i me 'bar bas ni skye ba grangs med par 'tshig go/ /me 'bar bas ni 'jig rten gyi nor tsam 'tshig go/ /ngag mi dge ba'i me 'bar bas ni 'phags pa'i nor bdun tshig par 'gyur ro/ /de bas na kun dga' bo sems
135a6 can thams cad kyi nyes pa ni kha nas byung ste/ kha dang lce ni lus gcod pa'i mtshon zhes bya'o/ /bcom ldan 'das kyis de skad gsungs pa na dge bsnyen dang dge bsnyen ma stong snyed dag gi las bsrungs pas 'bras bu dang po thob par gyur to/ /
135a7 lha dang mi grangs med pa snyed ni bla na med pa yang dag par rdzogs pa'i byang chub tu sems bskyed pa nas rang sangs rgyas kyi bar du sems bskyed par gyur to/ /'khor mang po thams cad bcom ldan 'das kyis gsungs pa la mngon par dga'
135a8 nas phyag byas te phyir dong ngo / /de'i tshe bcom ldan 'das dang kun dga' bo rgyal po'i khab tu bsod snyoms blangs nas slar gshegs pa dang / grong khyer gyi phyi rol na grog po zab mo cig yod/ /rgyal po'i khab kyi grong khyer gyi mi rnams bshang gci
135b1 dang / mi gtsang ba thams cad grog po der skyel lo/ /char pa bab na gru char gyi chu rnams kyang der 'bab bo/ /de'i tshe grog po'i chu btsog pa de'i nang na srin bu mi'i gzugs 'dra ba la rkang lag mang ba zhig gis rgyang ma nas de bzhin gshegs pa byon pa
135b2 mthong nas chu'i nang nas mgo bteg nas de bzhin gshegs pa la bltas nas mig nas mchi ma zag go/ /bcom ldan 'das kyis de gzigs nas thugs rje bar dgongs te mi dgyes par gyur nas slar bya rgod spungs pa'i ri la gshegs so/ /de nas
135b3 kun dga' bos de bzhin gshegs pa'i gdan gding ba bting nas skyil mo dkrung bcas nas bzhugs so/ /de nas kun dga' bos 'khor thams cad la bltas te 'khor gyi bsam pa sems kyis shes nas bcom ldan 'das la 'di skad ces
135b4 gsol to/ /bcom ldan 'das da ci chab btsog pa'i nang na srin bu zhig mchis pa de sngon las ci bgyis pas chab btsog pa de'i nang du skyes/ der skyes nas ni ji srid gcig lags/ de yang nam zhig de las thar bar 'gyur/ bcom ldan
135b5 'das kyis kun dga' bo dang 'khor mang po la 'di skad ces bka' stsal to/ /khyod legs par nyon cig /khyod la legs par dgrol bar bshad par bya'o/ /kun dga' bo sngon 'das pa'i dus na bskal pa grangs med pa stong 'das
135b6 pa'i sngon rol na/ de'i tshe de'i dus na sangs rgyas 'jig rten du gshegs nas sems can gyi don mdzad de yongs su mya ngan las 'das so/ /mya ngan las 'das nas gzugs brnyan la chos spyod pa na bram ze zhig gis dge 'dun gyi gnas
135b7 khang byas te dge 'dun la phul lo/ /de'i tshe na yon bdag zhig gis dge 'dun la mar dang / 'bru mar dag phul te de na dge slong 'dron po dag cig kyang lhags so/ /de'i tshe gang zag gi las gtsang sbyor byed pa zhig /dge slong 'dron
135b8 po 'ongs pa mthong nas 'khren te mar dang / 'bru mar bcabs shing bsris nas dge 'dun 'dron po la ma byin no/ /dge 'dun 'dron pos gtsang sbyor la mar dang / 'bru mar dang / sbrang rtsi 'ongs pa nged la mi sbyin nam zhes dris pa dang
136a1 gtsang sbyor gyis khyed ni 'dron po/ /nged ni gza' yin no zhes smras so/ /dge slong 'dron pos yon bdag gis mngon sum gyi dge 'dun la phul ba ma yin nam zhes smras pa dang / de'i tshe na gtsang sbyor gyi las byed pa de khros shing 'jigs
136a2 su rung ba zhig pas/ dge slong 'dron po la khyed bshang gci mi za bar nga la mar dang / 'bru mar 'dod dam zhes tshig ngan pa smras so/ /de ltar tshig ngan pa smras pa'i las kyis bskal pa bye ba dgu bcu'i bar du rgyun du chu btsog pa 'dir skyes par gyur
136a3 to/ /de'i tshe de'i dus na gtsang sbyor gyi las byed pa de ni da ci chu btsog pa'i nang na 'dug pa'i srin bu de yin no/ /de ltar 'das pa'i dus na tshig ngan pa gcig dge 'dun la smras pas tshe rabs bgrangs pa brgya stong gi bar du gnas der skyes so/ /
136a4 bcom ldan 'das kyis nye gnas rnams la bka' stsal pa/ khyed rnams ngag gi las sdom zhing srungs shig /ngag gi nyes pa ni me 'bar ba las lhag go/ /pha ma dang dge 'dun ni bsngags shing bstod par 'os pas tshig 'jam por smra zhing rgyun
136a5 du drin dran par bya'o/ /dge 'dun zhes bya ba ni khams gsum las 'da' bar byed pa'i bsod nams kyi zhing ngo / /pha ma ni khams gsum gyi bsod nams kyi zhing mchog dam pa'o/ /de ci'i phyir zhe na/ dge 'dun gyi nang na skyes bu zung
136a6 bzhi ya brgyad dang 'phags pa bcu gnyis yod de/ rim gro byas na bsod nams 'thob la bsgrubs na byang chub 'grub bo/ /pha ma ni zla ba bcu'i bar du ltor bzhag la byung nas kyang gsher ni bor/ skam ni len nu zho
136a7 bsnun nas cher bskyed do/ /skyes nas kyang rig byed mkhas par slob cing dus las mi yol bar rim gro byed do/ /gal te rab tu byung na bsod nams byed pas skye shi'i 'khor ba'i rgya mtsho las rgal te/ bdag gi don dang / sems
136a8 can thams cad la phan pa dang / bde ba'i don byed do/ /de bas na kun dga' bo pha ma dang / dge 'dun ni sems can thams cad kyi bsod nams kyi zhing gnyis shes bya ste/ lha dang mi gnyis de rnams kyi rkyen gyis mya ngan las 'da'
136b1 ba rnam par grol ba'i 'bras bu dam pa thob pa yang dag pa'i byang chub du sems bskyed de/ la la ni nyan thos dang / rang sangs rgyas su sems bskyed do/ /so so nas thal mo sbyar nas sangs rgyas la phyag 'tshal nas bskor
136b2 ba byas te/ rab tu dga' bas phyir dong ngo / /gzhan yang yul bA ra Na sI na/ blon po bram ze rab tu phyug pa nor rin po che mang ba/ gser dang dngul dang / be dUr+ya dang / mal shel dang / byi ru dang / spug dang / bal gyi glang po che
136b3 dang / rta dang / ba lang dang / lug dang / zhing 'brog dang / bran khol dang las byed pa'i mi mang du yod pa zhig la/ lo brgyad bcu lon nas khye'u zhig byung ngo / /khye'u de yang byad bzhin bzang la sdug pa/ mdzes pa mi'i mtshan rdzogs
136b4 par ldan pas pha ma gnyis rab tu dga' nas mtshan mkhan bos te mtshan bltas so/ /mtshan mkhan gyis mtshan bltas nas khye'u de'i ming yang tsun da zhes btags nas gsos bskyed de lo bdun lon nas pha ma gnyis
136b5 byams che bas rab tu byung bar gnang ngo / /rab tu byung ba'i phyir dbang phyug gi ri zhes bya bar de bzhin gshegs pa gang na bzhugs par khrid do/ /de'i tshe na de bzhin gshegs pa la 'khor rnam bzhi dang / lha dang klu dang /
136b6 gnod sbyin dang / de la sogs pa la mdun gyis byas te 'khor mang po la 'jig rten gyi rig byed kyi gtsug lag dang / 'jig rten las 'das pa'i chos ston to/ /de nas bram ze des bcom ldan 'das la 'di skad ces
136b7 gsol to/ /bcom ldan 'das bdag rgas 'khogs nas khye'u zhig mchis pa/ bcom ldan 'das la 'bul gyis/ thugs rje chen pos bskyab cing bdag gi bu 'di nye gnas su bzhes su gsol lo zhes smras so/ /de nas
136b8 bcom ldan 'das kyis legs par 'ongs so zhes bka' stsal nas/ skra yang rang byi nas chos gos lus la rang yod par gyur te/ gzengs bstod/ spro ba dang dga' ba'i sems bskyed de/ lam gyi 'bras bu yang thob ste/ rig pa
137a1 gsum dang / mngon par shes pa drug dang / rnam par thar pa brgyad dang ldan par gyur to/ /de'i tshe kun dga' bos 'khor mang po la bltas te/ kun gyi the tsom dgrol ba'i phyir stan las langs te gos tshags bcos nas/ bla gos
137a2 phyogs gcig byas nas thal mo sbyar ba btud de bcom ldan 'das la 'di skad ces gsol to/ /dge sbyong tsun da sngon 'das pa'i dus na bsod nams ci zhig bgyis na bcom ldan 'das dang 'dir phrad de myur du 'bras bu thob par gyur/ bcom
137a3 ldan 'das kyis kun dga' bo la 'di skad ces bka' stsal to/ /dge sbyong tsun da 'di dus 'di gcig pur ma zad de/ sngon 'das pa'i dus su yang pha ma dang dge 'dun la bsod nams mchog byas pas dge ba'i bshes gnyen dang phrad de
137a4 lam gyi 'bras bu thob pa yin no/ /kun dga' bos gsol pa/ bcom ldan 'das de'i dngos po bstan du gsol/ bcom ldan 'das kyis kun dga' bo la bka' stsal pa/ legs par nyon cig /sngon 'das pa'i dus tshe lo tshad med pa stong
137a5 'das pa'i pha rol na sangs rgyas bcom ldan 'das rnam par gzigs shes bya ba 'jig rten du byung ste/ lha dang mi la phan pa dang bde ba'i don mdzad nas yongs su mya ngan las 'das so/ /mya ngan las 'das nas dam pa'i chos la spyod pa'i
137a6 dge slong gzhon nu cig ma mo dang / mdo sde dang / 'dul ba la shin du mkhas pa/ byad gzugs mdzes shing bzang ba/ mi'i mtshan dang ldan pa/ chos ston pa la spobs pa/ chos smra ba'i nga ro dang tshig snyan pas rgyal rigs dang bram ze rnams kyang
137a7 de dang bshes shing de la rim gro dang mchod pa byed do/ /de'i tshe na dge slong rgan po cig byad bzhin rab tu mi sdug la mi'i mtshan dang yang mi ldan pa/ skad nga ro yang mi snyan pa/ rgyun du dkon mchog gsum la tshig dang nga ror bcas pas bstod
137a8 pa zhig byung ngo / /de na mdzod gsum dang ldan pa'i dge slong gzhon nu des dge slong nga ro mi snyan pa de la 'di skad ces smras so/ /de nas 'di lta bu'i nga ro mi snyan pa zer ba ni khyi zugs pa'i skad dang 'dra'o zhes smras so/ /de nas dge slong rgan po des
137b1 dge slong gzhon nu la ci khyod nga mi shes sam/ nga la tshig ngan pa brjod ces smras so/ /de dge slong mdzod gsum dang ldan pas smras pa/ bdag khyod shes te khyod ni sangs rgyas rnam par gzigs kyi dam pa'i chos la rab tu byung ba'i dge slong rgan po ma ha la zhes
137b2 bya ba yin te/ ngas ci'i phyir mi shes/ dge slong ma ha las smras pa/ da ni bya ba byas so/ /tshangs par spyod pa spyad do/ /srid pa phyi ma mi len no zhes smras so/ /de nas mdzod gsum dang ldan pa'i dge slong gzhon nus tshig de thos pa dang / skyi bung zhes
137b3 byas te dngangs par gyur to/ /de nas dge slong gzhon nus dge slong ma ha la lag pa g.yas pas bteg ste/ lag pa las 'od zer chen po bkye nas phyogs bcur snang bar byas so/ /de nas mdzod gsum dang ldan pa'i dge slong gzhon nus dge slong
137b4 rgan po'i rkang pa la mgo bos phyag 'tshal nas 'gyod tshangs byas te bdag ni mi shes pa'i gti mug gis khebs pas 'phags pa yin par ma shes te/ sdig pa'i las byas pa ma shes pa 'di sdig par mi 'gyur zhing bdag ma 'ongs pa'i dus
137b5 su dge ba'i bshes gnyen dang phrad cing ston pa 'phags pa khyod dang phrad de/ zag pa zad par shog shig ces bshags shing 'thol lo/ /bcom ldan 'das kyis kun dga' bo la bka' stsal pa/ de'i tshe de'i dus na dge slong gzhon nu mdzod gsum
137b6 dang ldan pa des tshig brlang po gcig gis dge slong rgan po la smras pas tshe rabs lnga brgya'i bar du khyi'i lus myong bar gyur to/ /bcom ldan 'das kyis de skad ces gsungs nas 'khor mang po rnams e ma'o e ma'o 'jig rten 'di
137b7 na gdug pa'i mchog ni ngag gi las las 'da' ba med do/ /zhes 'khor mang po thams cad kyis tshigs su bcad de 'di skad ces dam bcas so/ /lcags kyi 'khor lo tsha ba dag /spyi bo'i steng na rgyun 'khor yang / /sdug bsngal bar ni
137b8 mi 'dzin te/ /nam du'ang tshig ngan mi smra'o/ /lcags kyi 'khor lo tsha ba dag /spyi bo'i thog na rgyun 'khor yang / /sdug bsngal bar ni mi 'dzin te/ /tshig ngan 'phags la mi smra'o/ /bcom ldan 'das kyis bka' stsal pa/ shA ri'i bu ni sems can
138a1 mang po'i dge ba'i bshes gnyen du gyur pas/ nyin mtshan dus drug tu lha'i mig gis 'gro ba lnga'i skye bo rnams la rtog cing lta ste/ 'dul ba'i dus la bab na de'i don byed do/ /de'i tshe na yul ma ga d+hA dang / yul 'di gnyis kyi bar na tshong pa lnga brgya zhig rtag tu
138a2 phan tshun rgyu ba las/ phan tshun du rgyu ba'i lam de yang 'jigs pa che bas tshong pa cig la khyi dkar po cig yod do/ de'i tshe tshong pa gcig gis srod la sha btsos nas bzhag go/ /nam gyi cha smad la khyi des brkus nas zos/ /phyi de nyin nam nangs nas tshong pa grogs
138a3 pos sha bza' bar byas pa las ma rnyed pas gdungs nas/ khros te mtshon thogs te khyi de'i rkang lag bzhi bcad de su ra khung du bor nas dong ngo / /su ra khung na khyi de sdug bsngal chen po myong ba de shA ri'i bus nam gyi cha stod la lha'i mig gis kun du btags nas rgyang
138a4 ma nas khyi sdug bsngal ba de mthong ngo / /de nas phyi de nyin par nam nangs nas chos gos bgos/ lhung bzed thogs nas grong khyer nas bsod snyoms blangs nas/ gang na 'jigs pa'i lam su ra khung du phyin nas bsod snyoms bslangs pa khyi de la bsnyod do/ /de nas
138a5 spro ba dang dga' ba'i chos bshad do/ /khyi des chos thos na ngo tsha zhing mi dga' ste/ de nas zhag bdun lon nas sdig pa'i las bor nas thar te de nas mir skyes so/ /bcom ldan 'das kyis kun dga' bo la bka' stsal pa/ de'i tshe de'i dus na khyi dkar po de ni da ltar dge
138a6 sbyong tsun da 'di yin no/ /sngon 'das pa'i dus na 'phags pa la tshig ngan pa smras pas ngan 'gror skyes te/ de ma thag tu 'gyod cing bshags nas ngo tsha ba'i sems skyes te/ bdag ma 'ongs pa'i dus na dge ba'i bshes gnyen dang phrad par shog shig par smon lam
138a7 btab bo/ /de ltar smon lam btab pas dge ba'i bshes gnyen dang phrad de sdig pa'i las byang nas mir skyes te sangs rgyas dang phrad pas zag pa zad par gyur to/ /bcom ldan 'das kyis kun dga' bo la bka' stsal pa/ pha ma dang dge ba'i bshes gnyen gyi drin
138a8 dran par gyis shig /de nas de ltar drin du gzo ba shes nas drin lan bsab par bya'o/ /dge ba'i bshes gnyen zhes bya ba ni phan pa'i don du 'gyur ba'i rgyu yin no zhes bka' stsal pa dang / de'i tshe sems can tshad med pa brgya stong snyed bla na med pa yang dag par rdzogs
138b1 pa'i byang chub tu sems bskyed pa nas nyan thos dang rang sangs rgyas kyi bar du sems bskyed do/ /'khor mang po rnams sangs rgyas kyis gsungs pa la rab tu dga' nas phyag byas te phyir dong ngo / /thabs mkhas pa chen po sangs rgyas drin lan bsab pa'i mdo las bstan bcos
138b2 kyi le'u zhes bya ste lnga pa'o// // thabs mkhas pa chen po sangs rgyas drin lan bsab pa'i mdo/ bam po bzhi pa/ de'i tshe bcom ldan 'das la 'khor bzhi pos mdun gyis byas nas mchod pa byas/ rim gro byas bkur sti byas te tshig gis bstod pa
138b3 byas so/ /de'i tshe de bzhin gshegs pas 'dzum pa mdzad de zhal gyi sgo nas 'od zer sngon po dang / ser po dang dmar po dang / dkar po dang ldan pa snying rje chen po zhes bya ba bkye nas/ phyogs bcu'i 'jig rten gyi khams srid pa'i rtse mo man chad sems can
138b4 dmyal ba chen po bcwa brgyad kyi bar du snang bar byas nas/ lha sbyin gyi lus la yang 'od kyis snang bar gyur te/ lha sbyin sdug bsngal myong ba las bde bar byas so/ /de nas 'khor mang po'i rnams thams cad tshig 'thun par de bzhin gshegs pa legs so
138b5 legs so zhes bstod de/ bcom ldan 'das ni byams pa chen po dang ldan pa/ thugs rje chen po dang ldan pa yang dag pa ste/ dgra dang gnyen la thugs snyoms pa'o/ /lha sbyin lta bu rtag par bcom ldan 'das la gnod pa dang dgrar bgyid pa lags na/ bcom ldan
138b6 'das ni gnod pa la thugs brtse bar dgongs te thugs rje chen po'i 'od bkye nas lha sbyin gyi lus la reg par byas te sdug bsngal las thar bar mdzad do/ /de nas bcom ldan 'das kyis 'khor mang po la 'di skad ces bka' stsal to/ /lha sbyin
138b7 'di ni tshe 'di 'ba' shig la nga la gnod pa byed par ma zad kyi/ sngon 'das pa'i dus na yang nga la rtag tu gnod pa byas kyang byams pa dang snying rje'i shugs kyis rtag par phan pa dang bde ba'i don byas so/ /de nas kun dga' bos
138b8 'khor mang po'i bsam pa sems kyis shes te/ kun gyi the tsom gcod pa'i phyir/ stan las langs nas/ bla gos phyogs gcig tu byas te/ pus mo g.yas
139a1 pa'i lha nga sa la btsugs nas thal mo sbyar ba btud de/ de nas bcom ldan 'das la 'di skad ces gsol to/ /lha sbyin 'di sngon 'das pa'i dus na/ bcom ldan 'das la gnod pa ci dag bgyis pa bcom ldan 'das kyis dngos po de dag
139a2 bstan du gsol/ bcom ldan 'das kyis kun dga' bo la bka' stsal pa/ legs par nyon cig dang khyod la dgrol zhing bshad par bya'o/ /bcom ldan 'das kyis bka' stsal pa/ sngon lo tshad med pa stong 'das pa'i pha rol na yul bA ra Na sI zhes
139a3 bya bar sangs rgyas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ ston pa rgyal ba
139a4 'jig rten du byung ste/ lo stong phrag bcu'i bar du sems can gyi don mdzad nas mya ngan las 'das so/ /mya ngan las 'das pa'i 'og tu dam pa'i chos lo khri phrag nyi shu'i bar du gnas par gyur to/ /gzugs brnyan gyi chos kyang nub cing med pa nas
139a5 yul bA ra Na sI zhes bya ba'i rgyal po ma hA rA dzA zhes bya ba rang bzhin gyis dge zhing mkhas pa'i blo dang ldan pa/ yang dag pa'i chos kyis yul gyi srid 'tsho ste mi rnams kyang bde skyid do/ /rgyal po de mtha'i rgyal phran drug bcu dang / grong khyer chen po
139a6 brgyad brgya la dbang sgyur te/ bal gyi glang po che lnga brgya yang yod do/ /btsun mo nyi khri yod kyang sras med pas/ rgyal po de rgyun du 'jig rten gyi lha dang / ri dang chu klung dang / shing gi lha rnams la mchod 'bras byed cing gsol ba btab nas lo bcu
139a7 gnyis lon pa dang / btsun mo chen mo la yang sras mnga' bar gyur/ btsun mo 'bring mo la yang sras mnga' bar gyur te/ rgyal po shin du dga' nas rgyal po lag dar te rim gro dang / bkur sti dang / mal cha bya ba dang / zas dang / skom dang / de la sogs
139a8 pa yo byad kyi bar du 'jam zhing bzang ba sbyar te/ rim gro byas so/ /de ltar zla ba bcu'i bar du rim gro byas nas btsun mo chen mo la sras mnga' byad bzang la mdzes shing mtshan bzang pos brgyan pa/ mi'i mtshan rdzogs par ldan pa zhig byung ngo / /btsun
139b1 mo 'bring mo la yang sras cig byung bas rgyal po rab tu dga' bas blon po rnams dang / mtshan mkhan rnams dang / bram ze rnams bsdus nas sras bu bstan nas mtshan bstan to/ /mtshan mkhan gyis mtshan bltas nas rgyal bu'i mtshan gdags pa'i phyir
139b2 sras bu 'di bltam pa'i tshe ltas ji lta bu byung zhes dris so/ /rgyal pos smras pa/ rgyal bu chen po'i yum btsun mo chen mo ni sngon rang bzhin gyis khro la phrag dog che zhing / nga rgyal byed pa las sras mngal du chags nas ni rang bzhin gyis dge des par
139b3 gyur nas/ rtag tu 'dzum pa dang ldan zhing sems can la yang bu gcig pa dang 'dra bar byams shing brtse ba'i sems kyis 'dzum pa dang ldan zhing gsong por smra bar gyur to/ /de nas mtshan mkhan gyis rgyal bu'i mtshan dge don zhes btags so/ /btsun mo 'bring
139b4 mo la sras mnga' ba'i tshe snga ltas ji lta bu byung zhes dris na/ sras bu 'di'i ma rang bzhin gyis dge des 'dzum pa dang ldan zhing tshig gis sngar gsong por smra zhing kun gyi yid tshim par byed pa las/ sras mngal du chags nas rang bzhin gyis khro zhing zhe sdang che
139b5 ba dang / phrag dog dang nga rgyal byed par gyur to/ /mtshan mkhan gyis smras pa/ 'di yang sras bu'i sngon gyi las 'phro yin pas/ sras bu'i mtshan ngan don zhes btags so/ /de nas rgyal bu gnyis gsos bskyed de lo bcu bzhi lon nas rgyal bu
139b6 dge don rang bzhin gyis mkhas pa'i blo dang byams pa'i sems su ldan te/ sbyin pa byed pa la dga' bas pha ma yang lhag par sras bu de la mig dang 'dra bar sems so/ /rgyal bu ngan don ni rang bzhin gyis khro bas na pha ma yang de la mi dga' ste/
139b7 sdang bas rgyal bu ngan don rgyun du phrag dog byed de phu bo la gnod pa bya bar sems so/ /phyis dus gzhan zhig na rgyal bu dge don 'khor dang bcas pa rol mo byed cing pho brang gi phyi rol du ltad mo lta zhing 'chag tu song ba las zhing rmo
139b8 ba'i rol nas srin bu dag byung ba las bya mang po dag thu zhing za ba mthong ngo / /rgyal bu dge don gyis de lta bu dag mthong nas snying rje ba'i sems skyes te/ bdag ni pho brang zab mo nas skyes pas 'di lta bu'i dngos po ma mthong ma thos
140a1 na/ 'khor rnams la 'di dag ci'i phyir gcig la gcig gnod pa byed cing za zhes dris so/ /'khor rnams kyis rgyal bu la smras pa/ da ltar rgyal po mnga' ba'i yul 'di yang 'bangs la rten te/ 'bangs kyang kha zas la ltos te kha zas ni zhing rmos pa las 'bru sna
140a2 lnga skyes te sems can gyi srog 'dzin to/ /rgyal bus de la re sdug re sdug ces smras te/ yang song song ba las skyes pa dang / bud med dag skud pa 'khal ba dang 'thag pa'i las byed de/ phan tshun bskyod cing nyon mongs par mthong ngo / /de dag mthong nas mi 'di
140a3 dag ci byed ces g.yog po g.yas g.yon na 'dug pa la dris so/ /de dag gis smras pa/ mi 'di dag ni bkal ba dang 'thag pa'i las byed de/ des bdag gi lus g.yog cing bdag gi gos byed do/ /de dag yang re sdug nyon mongs par gyur pa'i las byed
140a4 do/ /de nas yang song song ba las mi mang po dag ba lang dang / rnga mo dang / rta dang phag dang / lug gsod cing lpags pa bshu ba dag mthong nas 'di dag ci byed ces dris so/ /smras pa 'di dag ni gsod pa'i las byed de/ shas 'tsho zhing bgo ba dang
140a5 bza' ba'i spogs byed do/ /des srog 'tsho bar byed do/ /rgyal bus de skad ces thos nas/ ba spu dang lus kyi sha kun 'gul te/ kyi hud kyi hud gsod pa la snying mi bzod do/ /gcig gis gcig gi nying sha nying za zhing bskal pa bgrangs pa'i
140a6 bar du gcig la gcig gsod pa'i las byed do/ /de nas yang song song ba las mi mchis po dag cig nya rgya dang bya rgya thogs shing bya dang / nya gsod de/ gcig la gcig nyid sha za bar mthong ngo / /de nas 'di ci byed ces dris so/ /gsol pa/
140a7 'di dag ni bya dang nya shor ba yin te/ gsod pa'i las 'di lta bu byed cing bgo ba dang zas tshol lo/ /rgyal bu dge don gyis de skad ces smras pa'i tshig de thos nas mig mchi mas gang ste/ 'jig rten gyi sems can 'di dag ni sdig pa mi dge
140a8 ba'i las byed de/ sdug bsngal las nam du yang mi thar ro snyam nas mi dga' zhing mya ngan gyis non te phyir pho brang du 'ongs so/ /yab rgyal pos rgyal bu mi dga' zhing mya ngan byed pa'i tshul gyis phyir 'ongs pa mthong nas rgyal bu la ci
140b1 zhig gis mi dga' zhes dris pa dang / rgyal bus kyang ji ltar mthong ba'i dngos po de dag yab rgyal po la zhib tu gsol to/ /rgyal pos rgyal bu la smras pa 'di lta bu'i dngos po ni yongs kyi yod cing srid pa yin na mya ngan byar yang ci zhig
140b2 yod rgyal bus gsol pa/ bdag rgyal po la 'dod pa gcig cig gsol na rgyal pos gnang ngam/ rgyal pos smras pa/ nga la bu khyod gcig pur zad de byams shing sdug pas khyod kyi yid dang 'gal bar mi byed do/ /rgyal bus
140b3 gsol pa/ bdag ni yab rgyal po'i bang mdzod na nor dang rin po che dang / bza' ba dang / btung ba thams cad sems can thams cad la sbyin par bgyi'o zhes gsol pa dang / rgyal pos kyang khyod kyi yid dang 'gal bar mi byed kyis ci dga'
140b4 mgur sbyin pa gyis shig ces bka' stsal to/ /de nas rgyal bu dge don gyis blon po bkug nas rgyal po'i bang mdzod phye nas bal gyi glang po che lnga brgya la nor dang rin po che bkal te grong khyer gyi sgo bzhir spungs nas 'gro ba mang po dag bgo ba 'dod
140b5 dam/ bza' ba dang btung ba 'dod dam/ ci 'dod pa yid bzhin du long la khyer cig ces phyogs bzhir bsgrags so/ /de ltar rgyal bu dge don gyi snyan pa phyogs su bsgrags pas thams cad 'dus nas ci 'dod pa yid bzhin du khyer ro/ /
140b6 ring po ma lon par rgyal po'i bang mdzod sum cha zhig zad nas/ blon po rnams kyis rgyal po la dkor mdzod sum cha gcig bas/ rgyal bus ma mchis par bgyis kyis rgyal po dgongs shig ces gsol pa dang / rgyal pos nga ni
140b7 rgyal bu'i yid dang 'gal bar byed mi nus so zhes bka' stsal to/ /da ni rgyal po'i bang mdzod sum cha gnyis bas kyi rgyal po dgongs shig bka' stsal pa/ nga ni rgyal bu'i yid dang 'gal bar byed mi nus so/ /khyod kyis thabs ci legs
140b8 su cung zad bkag ste yid dang mi 'gal bar gyis shig par bka' stsal to/ /de nas yang rgyal bu dge don bang mdzod 'byed tu song ba las/ bang mdzod la dbang ba'i blon po don gnyer du song nas ring zhig ma khugs te 'phyis par gyur pas rgyal bu dge don 'di skad du/ bang
141a1 mdzod bsrung ba'i blon po chung ngu bdag gi yid dang 'gal bar byed pa'i thugs mi thub ste/ 'di ni rgyal po yab kyi bka' yin du nges pas bu sri zhu can zhes bya ba pha'i bang mdzod stongs par bya bar mi rigs kyis da bdag nyid kyis nor dang rin po che btsal la
141a2 sems can thams cad tshim par bya'o/ /gal te bdag gis sems can thams cad la bgo ba dang / bza' ba dang / btung ba yid bzhin du chog par sbyin mi nus na rgyal po chen po'i sras su ji skad gdags shes smras nas blon po chen po dang / blon po phra mo
141a3 yan chad bsdus te/ nor dang / khe spogs tshol ba dag ci'i sgo nas mchog tu 'gyur zhes bgos so/ /de la blon po chen po gcig gis smras pa/ de ltar spogs shig bya na zhing rmo ba las 'da' ba med de gcig la khrir 'gyur ro/ /yang blon po chen po gcig
141a4 gis smras pa/ 'jig rten na khe spogs bya ba'i nang na rkang 'gros las khyu btsugs la 'brog bzang por bzhag na mang du 'phel te spogs de las che ba med do/ /yang blon po gcig gis smras pa/ 'jig rten na khe spogs shig bya na rgya mtshor
141a5 zhugs la nor bu rin po che btsal ba las 'da' ba med do/ /gal te yid bzhin gyi nor bu rin po che rnyed na yid bzhin du sems can thams cad la tshim par sbyin par 'gyur ro/ /dge don gyis smras pa/ 'di ni bdag gi yid la bab ste rung ngo zhes
141a6 pho brang du song ste/ yab rgyal po la bdag ni rgya mtsho chen por zhugs te/ nor bu rin po che len du 'gro bar 'dod do zhes gsol to/ /rgyal pos tshig de thos nas dper na mi brnangs pa ltar skyug du yang med la mid tu yang med pa ltar mi bde ba ltar gyur nas
141a7 rgyal bu la 'di skad ces smras so/ /yul 'di yang khyod kyi yul yin te/ bang mdzod dang / nor ril dang / rin po che ci yod pa yang khyod dbang bas yid bzhin du spyad du yod pas na bdag nyid rgya mtshor 'jug ci dgos/ khyod ni rgyal po'i sras yin te/ pho brang zab mo'i nang du skyes pas nyal
141a8 na ni gur yol ba can gyis bskor/ kha zas ni ci 'dod pa dang ldan te/ lam du zhugs te 'dron du 'gro na nyon mongs shing bkres pa dang / skom pa dang / tsha bas nyen par 'gyur yang sus shes de ma yin pa rgya mtsho'i nang na bgegs su gyur pa yang gcig tu ma zad de mang ngo / /'di lta ste/
141b1 yi dags ma rungs pa dang / klu gdug pa dang / dba' rlabs 'khyil pa dang / rlung drag pos bsgul zhing g.yeng ba dang / chu'i mdog dang / ri dang / chu srin dang / nya chen po la sogs pa bgegs mang bas brgya stong tsam song yang phyir yang 'khor ba ni gcig gnyis tsam las
141b2 med na ci'i phyir khyod rgya mtsho chen por 'gro bar sems de ni kho bo mi nyan to/ /de nas rgyal bu dge don lus smad lnga sa la kha sbub tu sa la phab ste/ rkang lag bzhi yang brkyang nas yab rgyal po dang yum la 'di skad ces gsol to/ /gal te bdag rgya mtshor
141b3 mchir ma gnang na bdag 'di kho nar srog yongs su 'dor gyi 'di las mi ldang ngo / /de'i tshe rgyal po chen po dang btsun mo dag de ltar gyur pa mthong nas mig mi btsum pa ltar blta zhing / rgyal bu khyod longs la bza' ba dang / btung ba 'thung shig ces thabs sna
141b4 tshogs kyis spro ba bskyed kyang / rgyal bu dge don ma nyan te/ bdag rgya mtsho chen por mchir mi gnang na nam du yang bza' ba dang btung ba dag mi 'tshal lo zhes gsol to/ /rgyal po dang btsun mo mi dga' ba'i mya ngan gyis gdungs te drung na ngu zhing smre sngags 'don nas
141b5 sa la 'gre'o/ /de bzhin du nyi ma gcig ma zos ma 'thungs pa nas zhag gnyis/ zhag gsum zhag drug gi bar du ma zos ma 'thungs pas yab yum lhag par yang mya ngan gyis gdungs par gyur te/ srog mi 'tsho bar dogs nas zhag bdun lon pa
141b6 dang yab yum gyis rkang lag pang du blangs te rkang lag la 'o byas te tshig snyan pa 'jam pos da longs la bza' ba dang / btung ba 'thung shig /kha zas kyis bsdus pa'i lus 'di ni kha zas la brten pa'i rkyen gyis gson pa yin gyis/ ma zos ma 'thungs na khyod
141b7 srog mi 'tsho'o zhes spro ba bskyed kyang rgyal bu ma nyan te/ yab dang yum gyis bdag mchi bar ma gnang na nges par 'di kho na las nam du yang mi ldang ngo zhes gsol to/ /de'i tshe na btsun mo chen mos rgyal po la 'di skad ces gsol to/ /rgyal bus bsams pa'i sems
141b8 'di shin du spyod dka' bas rgyal bu 'di nyid du tshe'i dus byed par thugs bzod dam/ yid dang 'gal bar mdzad mi rigs kyi/ thugs rje bar dgongs te rgya mtsho chen por mchi bar gnang ba'i rigs so/ /mchir gnang na gal te brgya lam na slar 'khor yang srid kyis/
142a1 da ma gnang na gdon mi za bar tshe'i dus bgyid par 'gyur ro zhes gsol to/ /rgyal pos kyang thugs ma bzod nas 'gro bar gnang ngo / /de ltar gnang nas de'i tshe rgyal bu dge don nyal ba langs te rab tu dga' mgu rangs nas yab rgyal po'i zhabs la
142a2 mgo bos phyag 'tshal lo/ /rgyal po'i 'khor btsun mo dang slas rnams dang / mi mang po brgya ston snyed gcig la gcig 'di skad du/ rgyal bu dge don da ltar langs te rab tu dga' nas bza' ba dang btung ba'i las byed do zhes smras so/ /de nas rgyal
142a3 pos rgyal bu la khyod 'di ltar dus kyis rgya mtshor 'gror gsol pa 'di'i don ci zhig yod/ rgyal bus gsol pa/ rgyal po chen po bdag yid bzhin gyi nor bu rin po che chen po blangs te sems can thams cad kyi dgos pa chog par bgyid 'tshal
142a4 lo/ /de nas rgyal po chen pos kun bkar btags te/ su dag rgya mtshor 'gro bar 'dod/ gal te rgya mtsho nas slar 'khor na rabs bdun gyi bar du bgo ba dang / kha zas dang / nor dang / rin po che mi brel bar sbyin la/ rgya mtshor 'jug pa'i yo
142a5 byad thams cad kyang sbyin zhing sbyar ro zhes bkar btags so/ /rgyal bu dge don rgya mtshor 'jug cing nor bu rin po che len du 'gro zhes thos nas thams cad rab tu dga' nas 'dus so/ /de'i nang na mi lnga brgya zhig bdag cag kyang
142a6 rgyal bu'i zhabs 'bring du mchi bar gsol lo zhes khas blangs so/ /de'i tshe yul bA ra Na sI na rgya mtsho'i sa mkhan gcig cig snga phyir lan du ma zhig rgya mtshor phyin te/ thar ba dang mi thar ba'i lam rgyus shin du mkhas pa/ lo
142a7 brgyad bcu lon pa/ mig gnyis kyang mi mthong ba zhig yod de/ de'i tshe rgyal po chen po nyid lam mkhan gyi der gshegs nas lam mkhan la 'di skad ces bka' stsal to/ /nga la bu gcig las med pas sgor byung yang ma myong na rgya mtshor
142a8 'gro bar 'dod de khyod kyang zhabs 'bring du 'gro dgos so/ /de'i tshe lam mkhan des rgyal po'i gsung thos nas skad chen po phyung nas ngus te/ rgyal po chen po rgya mtsho chen por 'jug pa ni bgegs dang bar chad mang ste/ nyon mongs par 'gyur
142b1 ba yang gcig tu ma zad pas brgya stong grangs med pa gcig song yang slar 'khor ba gcig gnyis tsam las med na/ rgyal po chen po ci'i slad du rgyal bu 'di lta bu'i lam ring po ya nga bar gtong / rgyal pos smras pa/ rgyal bu la byams shing brtse
142b2 bas ngo ma zlogs te btang ba yin no/ /lam mkhan gyis bdag kyang 'o na mchi'o zhes gsol to/ /de nas rgyal bu dge don gyis mi lnga brgya'i lam rgyags dang yo byad sbyar te rgya mtsho'i ngogs su skyas so/ /de'i tshe nu bo ngan don 'di snyam du
142b3 rgyal bu dge don la yong yang yab yum lhag par byams te/ da rgya mtshor nor bu rin po che len du 'gro ba gal te phyir yang 'khor na dge don la je byams je byams shing bdag la ni lhag par sdang zhing ben par 'gyur ro snyam bsams nas
142b4 bdag kyang rgyal bu dge don gyi phyi bzhin du rin po che len du 'gro'o zhes gsol pa dang / yab yum gyis 'gro bar gnang ste/ 'di yang song na lam ya nga ba 'am/ mi bde ba dag tu spun gnyis 'grogs na gdon mi za bar gcig
142b5 la gcig phan no zhes gsungs nas rgyal bu ngan don yang btang ngo / /de nas rgyal bu dge don gru'i nang na zhugs nas gru la lcags kyi nyag thag bdun btags te zhag bdun gyi bar du bsdad do/ /thog mar grur zhugs pa'i nang par nyi ma shar ba na rgyal bu dge
142b6 don gyis rnga brdungs te skad chen pos 'di skad ces bos so/ /khyod la sogs pa su rgya mtshor 'gro 'dod pa ni cang ma smra shig /su pha ma dang / phu nu dang / bu smad la chags te 'dzam bu'i gling gi longs spyod dang / bde ba la dad pa rnams ni 'di nas phyir deng
142b7 shig /bdag gi phyir 'gyod par gyur ta re/ de ci'i phyir zhe na/ rgya mtsho'i nang na bgegs rab tu mang bas song ba grangs med kyang phyir 'khor ba gcig gnyis tsam las med do zhes skad chen pos bos kyang 'khor mang po rnams ni cang mi smra bas
142b8 nyag thag gcig bcad de gru'i steng du drangs so/ /de bzhin nyin re lan re zhag bdun gyi bar du bos kyang kun kha rog 'dug ste cang mi smra bas nyag thag bdun char bcad de nyag thag gru'i steng du drangs so/ /de nas rlung phyogs su g.yor mo bsgrengs
143a1 nas song ngo / /rgyal bu'i snying rje'i sems dang bsod nams kyi shugs kyis nye zho med par rgya mtsho'i gling nor bu rin po che'i drung du phyin no/ /rin po che'i drung du phyin nas rgyal bu dge don gyis yang rnga brdungs te mi mang po la lam ring zhing
143a2 ya nga bas/ khyed rnams 'di nas rin po che long la zhag bdun zhig bstis la phyir deng shig par bsgo'o/ /yang 'di skad du rin po che 'di dag ni 'dzam bu'i gling na ngo mtshar du rin che ba yin gyis/ ha cang yang ma lci zhig /lcis na gru 'bying bar 'gyur
143a3 ro/ /ha cang yang na lam ring por nyon mongs pa'i don med pas ran par byos la deng shig ces mi de dag la khyed rnams yul du bde bar phyin par gyur cig bdag ni yid bzhin gyi nor bu rin po che tshol du 'gro'o zhes bsgo nas mchi phyag byas te so sor
143a4 dong ngo / /de'i tshe rgyal bu dge don ni lam mkhan dang gnyis chas nas zhag bdun gyi bar du chu pus mo las mi nub pa'i nang du song ngo / /de nas zhag bdun ni brkyal te pha rol rgya mtsho'i gling du phyin no/ /rgya mtsho'i gling de sa gzhi dngul gyi bye ma brdal
143a5 ba zhig tu phyin nas lam mkhan gyis sa gzhi 'di ci yin zhes dris na rgyal bus sa gzhi 'di ni dngul gyi bye ma 'ba' shig yod do zhes smras so/ /lam mkhan gyis smras pa/ phyogs bzhir ltos shig dang / ri dkar po zhig snang ba'i rigs na khyod
143a6 mthong ngam/ rgyal bus smras pa/ shar lho'i mtshams na ri dkar po zhig snang ngo / /lam mkhan gyis smras pa/ phar 'gro ba'i lam ni ri de'i drung na yod de/ de'i 'gram pha zad cig na gser gyi bye ma brdal ba'i sa gzhi zhig yod pa'i
143a7 rigs shes smras nas/ ngal chad de nyam thag nas sa la 'gyel te rgyal bu la 'di skad ces smras so/ /bdag ni nyam thag nas ma nus par 'dir 'chi'o/ /rgyal bu khyod 'di nas shar phyogs su zhag bdun gyi bar du song shig dang /
143a8 gser gyi ri dang phrad pa rigs so/ /de nas zhag bdun gyi bar du song shig dang / sa gzhi pad mo sngon po 'ba' zhig yod par phyin pa'i rigs so/ /de nas yang zhag bdun song shig dang / pad ma le brgan 'ba' zhig yod pa dang phrad
143b1 pa'i rigs so/ /pad mo de'i pha rol na rin po che sna bdun gyi mkhar zhig yod de/ mkhar de'i nyen ni gser las byas/ cog par dngul las byas/ mda' yab ke ke ru dmar po las byas/ man shel dang / spug la sogs pa rin po che
143b2 sna tshogs kyis spras te/ mu tig dmar po'i dra bas steng g.yogs la/ mtha' ma bai dUr+ya mthon mthing gi 'obs rim pa bdun gyis bskor ba'i nang na klu'i rgyal po'i pho brang yod kyis klu'i rgyal po de'i rna ba'i nang na yid bzhin gyi nor bu
143b3 rin po che yod kyis slongs shig /de thob par gyur na 'dzam bu'i gling du rin po che sna bdun gyi char 'bebs shing / gos dang / zas dang / nad kyi rkyen sman dang rol mo dang / dgos pa'i yo byad thams cad yid bzhin du char 'bebs so/ /
143b4 de bas na yid bzhin gyi nor bu rin po che zhes bya'o/ /gal te rgyal bus thob na smon pa thams cad nges par 'grub par 'gyur ro zhes smras nas tshe'i dus byas par gyur te/ de'i tshe rgyal bu dge don gyi lam mkhan de pang du blangs nas skad
143b5 phyung ste ngus so/ /kyi hud kyi hud ci'i phyir bdag gi lha nang cig stor bar gyur ces lam mkhan gyi rus bu gser gyi bye ma'i nang du sbas nas g.yas phyogs nas lan gsum bskor ba byas te phyag byas nas song ngo / /de nas song song ba
143b6 las gser gyi ri'i drung du phyin no/ /gser gyi ri'i drung pha rol du phyin nas pad mo sngon pos sa gzhi khebs par 'dug pa de na pad mo de dag gi 'og na sbrul gdug pa chen pos gang bar mthong ngo / /sbrul gdug pa can de dag la gdug pa
143b7 rnam pa gsum yod de/ 'di lta ste/ zin pa'i gdug pa dang / reg pa'i gdug pa dang / kha rlangs kyi gdug pa'o/ /sbrul gdug pa de dag pad ma'i sdong bu la 'khri zhing kha ni gdangs/ mig ni sgrad de/ rgyal bu la blta'o/ /de'i tshe na
143b8 rgyal bu dge don byams pa'i sems kyi ting nge 'dzin du zhugs nas ting nge 'dzin gyi mthus de nas chas te/ pad mo de dag la rdog pas brdzis shing song yang sbrul gdug pa de dag gis gnod par ma gyur to/ /de ltar byams pa'i sems kyi
144a1 ting nge 'dzin gyi shugs kyis song song ba las klu'i pho brang gi drung du phyin no/ /klu'i rgyal po'i pho brang gi phyi rol 'obs rim pa bdun gyis bskor te/ 'obs de dag gi nang na klu gdug pa gcig la gcig 'khri zhing mgo bteg
144a2 ste mkhar sgo srung ngo / /de'i tshe na rgyal bu dge don mkhar sgo der phyin te/ klu gdug pa de mthong nas byams pa'i sems kyis 'dzam bu'i gling gi sems can thams cad yid la byas te/ bdag sems can gyi don du song song ba las gal
144a3 te klu gdug pas gnod pa byas na/ phan pa dang bde ba'i don med par 'gyur ro snyam du bsams nas/ rgyal bu dge don gyis lag pa g.yas pa bteg nas klu gdug pa rnams la 'di skad ces bsgo'o/ /khyed rnams shes par gyis shig /bdag ni
144a4 sems can thams cad kyi don du klu'i rgyal po dang phrad par 'dod do/ /de nas klu gdug pa rnams kyis lam phye ste/ 'obs rim pa bdun gyi bar du thal te song nas mkhar sgor phyin no/ /mkhar sgo de na shel gyi bu mo gnyis shig shel gyi skud pa
144a5 'khal zhing 'dug pa mthong nas khyed ci yin zhes dris na kho mo ni klu'i rgyal po'i phyi sgo srung ba'i bran mo yin no zhes zer ro/ /de nas yang nang du zhugs te song ba las bar sgo na shel gyi bu mo bzhi zhig dngul gyi skud pa 'khal zhing 'dug pa mthong
144a6 ngo / /bu mo de la khyed klu'i rgyal po'i btsun mo yin nam zhes dris na ma yin te/ bdag cag ni klu'i rgyal po'i bar sgo srung ba'i bran mo yin no zhes zer ro/ /de nas yang rgyal bu sgo de'i nang du zhugs te song ba las nang sgo de la shel gyi bu mo brgyad
144a7 cig gser gyi skud pa 'khal zhing 'dug pa mthong ngo / /khyed ci yin zhes dris na bdag cag ni klu'i rgyal po'i pho brang gi nang sgo srung ba'i bran mo yin no zhes zer ro/ /de nas rgyal bu dge don gyis bu mo de dag la bdag ni 'dzam bu'i gling gi yul bA ra
144a8 Na sI'i rgyal po'i bu dge don zhes bya ba yin te/ rgyal po dang phrad 'dod pas da ltar sgo na 'dug go zhes phrin gyis shig ces bsgo'o/ /de nas sgo srungs des kyang klu'i rgyal po la de bzhin gsol pa dang / klu'i rgyal po ngo mtshar du 'dzin
144b1 te 'di snyam du 'di ni bsod nams dang dge ba'i rtsa ba shin du byang ba zhig ma yin par tha mal pa gzhan zhig gis lam 'di lta bu bgrod cing 'ong mi nus so snyam bsams nas nang du bos te klu'i rgyal po nyid kyis bsu nas pho brang gi nang
144b2 du khrid do/ /klu'i rgyal po'i pho brang gi nang ni sa gzhi bai dUr+ya las byas/ khri stan ni rin po che sna bdun las byas so/ /'od rnam pa sna tshogs ni mig gis mi bzod pa tsam du 'tsher ro/ /de nas klu'i rgyal pos rgyal bu dge don stan
144b3 bting ba la bzhag nas gtam byas so/ /de nas rgyal bu dge don de las glengs te klu'i rgyal po la spro ba dang / gzeng stod pa dang / dga' ba'i gtam rnam pa sna tshogs dang / sbyin pa'i gtam dang / tshul khrims kyi gtam dang /
144b4 lha dang mi la sogs pa rgyas par smras te chos bshad do/ /de nas klu'i rgyal po rab tu dga' zhing rangs par gyur te/ 'di ltar bgrod dka' ba bgrod cing lam ring po nas 'ongs pa 'di ci 'dod ces smras pa dang / rgyal bu dge don gyis
144b5 klu'i rgyal po la 'di skad ces smras so/ /'dzam bu'i gling gi sems can rnams ni gos dang / nor dang zas dang skom gyi phyir mtha' med pa'i sdug bsngal chen po myong bar gyur pas rgyal po'i snyan g.yon pa'i nang na nor bu rin po che
144b6 'dod do/ /klu'i rgyal pos smras pa/ zhag bdun gyi bar du bdag gis mchod pa sbyar ba tsam bzhes su gnang na nor bu sbyin no zhes smras so/ /de nas rgyal bu dge don klu'i rgyal pos spyan drangs pa bzhin zhag bdun gyi bar du klu'i pho brang
144b7 na 'dug nas yid bzhin gyi nor bu rin po che khyer te phyir 'dzam bu'i gling du 'gro bar chas pa las/ de'i tshe na klu'i rgyal po chen pos klu rnams kyi mthus nam mkha' la 'phur te rgya mtsho'i tshu rol gyi ngogs su bsgral to/ /der phyin pa dang nu bo ngan
144b8 don dang phrad do/ /rgyal bus nu bo ngan don la khyod kyi grogs po kun ga re zhes dris nas khyod gcig pu 'di na 'dug gam zhes smras pa dang / rgyal bu ngan don na re gru bying nas thams cad shi ste/ bdag 'ba' shig ro zhig la 'ju 'ju nas phyin te gzhan
145a1 ni gcig car kun shi'o/ /rgyal bu dge don gyis smras pa/ 'jig rten na rin po che'i mchog ni bdag gi lus las 'da' ba med do/ /nu bos smras pa/ de ltar ma yin te phyug bzhin du shi yang sla'i dbul bzhin du mi gson no/ /der
145a2 ci mngon zhe na/ bdag dur khrod cig na 'dug par phyin pa na/ dur khrod de na yod pa'i ro dag de skad ces zer ba thos so/ /rgyal bu dge don rang bzhin gyis drang bas nu bo la khyod rin po che med kyang tshod yod kyis/ bdag la klu'i rgyal po'i yid
145a3 bzhin gyi nor bu rin po che yod do/ /nu bos nor bu ga re zhes dris na/ phu bos smras pa/ yid bzhin gyi nor bu rin po che bdag gi do ker gyi nang na yod do zhes smras so/ /nu bos de skad ces smras pa thos nas phrag dog gi sems kyis
145a4 lhag par 'khrug cing zhe sdang gi sems skyes te/ 'di snyam du yab rgyal po dang yum bdag la lhag par sdang ba'i steng du da phu bos ni yid bzhin gyi nor bu rin po che rnyed pas/ da ni lhag par bdag la sdang zhing sa rdo dang 'dra bar ben no par 'gyur
145a5 ro snyam bsams nas phu bo dge don la 'di skad ces smras so/ /shin du legs so/ /nor bu rin po che thob pa shin du legs kyis da 'jigs pa 'dir legs par bsrung dgos so/ /de nas rgyal po dge don gyis do ker bkrol te nor bu ni nu bo ngan
145a6 don gyi lag du byin te/ khyod ngal zhing chad de nyal ba'i tshe kho bos btsa' zhing bsrung ngo / /kho bo ngal te nyal ba'i tshe na khyod kyis btsa' zhing srungs shig /de'i tshe ngan don nor bu srung res la bab nas phu bo dge don de gnyid log cing 'dug
145a7 pa las/ ngan don gyis smyig ma skam po'i tshal pa gnyis kyis dge don gyi mig gnyis kyi nang du btsugs nas nor bu rin po che khyer te bros so/ /de nas rgyal bu dge don gyis nu bo ngan don bos te/ nga'i mig gnyis su rkun pos shing tshal btsugs
145a8 kyis nor bu rin po che thogs la bros shig ces bos nas cang mi grag pas/ da ni bdag gi nu bo ngan don yang dgras bsad pa lta cang mi grag go zhes skad chen pos lha rnams thos pa tsam du bos kyang ring zhig gi bar du cang mi grag go/ /
145b1 de nas shing ljon pa'i lha zhig 'di skad ces smra'o/ /khyod kyi nu bo ngan don nyid dgra yin te/ khyod kyi mig gnyis phyung nas nor bu rin po che khyer te phyir bros nas song ba la ngan don zhes bos pas ci phan zhes smras so/ /yang rgyal bu dge don gyis tshig de thos
145b2 nas mya ngan gyis gdungs te yi mug par gyur to/ /de'i tshe rgyal bu ngan don nor bu rin po che khyer te phyir bdag gi yul du phyin nas yab yum dang phrad de yab rgyal po dang yum la 'di skad ces smras so/ /bdag ni bsod nams dang ldan te nye zho med par slar
145b3 mchis so/ /rgyal bu dge don dang grogs gzhan ni bsod nams chung bas chur gum ste zad par shi'o/ /yab rgyal po dang yum gyis tshig de thos nas skad chen po phyung nas ngus so/ /brgyal te sa la 'gyel to/ /de nas chu grang mo gtor
145b4 bas ring zhig lon pa dang phyir sangs nas rgyal bu ngan don la ngo so ci yod na nged dang phrad cing 'ongs shes smras pa dang / rgyal bu ngan don mi dga' nas khros te nor bu rin po che dben pa zhig tu sa brkos nas sbas so/ /de'i tshe rgyal bu dge don mig
145b5 gnyis su smyig ma'i tshal pa skam po zug pa 'byin pa'i mi med pas sdug bsngal gyis gdungs te sa la 'gre'o/ /gar 'gro yang mi shes te bkres pa dang skom pas gdungs na/ gson na gson du yang med/ shi na shir yang med de bags
145b6 kyis 'thom zhing song ba las rgyal po li shi bar gyi yul 'dab tu phyin to/ /li shi bar gyi rgyal po de la bu mo zhig yod pa ni yul bA ra Na sI'i rgyal po'i sras rgyal bu dge don la sbyin par byas so/ /rgyal bu li shi bar de la rdzi'u ba lang lnga
145b7 brgya 'tsho ba zhig yod de/ rtswa dang chu ga la yod par 'tsho zhing 'gro'o/ /de'i tshe na rgyal bu dge don lam ka zhig na 'dug pa las rdzi'u des gnag phal po che ded nas der phyin pa dang / ba lang phal gyis brdzis ma khad pa las ba lang
145b8 de'i nang na khyu mchog gi rgyal po cig yod pas rgyal bu'i steng du zhon te ba lang phal kun thal ba'i 'og tu pha zad song nas sa la 'gre zhing rgyal bu la lta zhing phyir langs te/ rgyal bu'i mig gnyis su lces bldags pa dang smyig
146a1 ma'i tshal pa yang phyung ngo / /de nas gnag rdzi yang phyi bzhin der 'ongs nas khyod su zhig ces dris so/ /dge don gyis 'di snyam du bdag gis cho rigs dang ji ltar gyur pa zhib tu smras na gal te bdag gi nu bo sdug bsngal chen po
146a2 myong ngo snyam bsams nas bdag ni long ba mu lto ba yin no zhes smras so/ /de nas gnag rdzi des bltas na/ mtshan gzhan las dpags te tha mal pa ma yin par mthong nas kho bo'i khyim 'di nas mi ring ba zhig na yod de/ khyod kyi 'tsho
146a3 ba sbyar gyis nga'i khyim du 'dong ngo zhes smras nas rgyal bu dge don khyim du khrid do/ /gnag rdzi des khyim du khrid nas zas dang skom dang / dgos pa thams cad sbyar nas/ khyim gyi bu dang bu mo dang / khyim gang gi mi thams cad
146a4 la khyed thams cad kyis long ba 'di la nga dang 'dra bar rim gro byos shig ces bsgo'o/ /de nas de bzhin du zla ba gcig lhag gi bar du khyim na gso gso ba las skyo bar gyur nas 'di skad du/ da ni so tshis kyang dmas pas rtag tu long
146a5 ba 'di gso sus nus zhes smras so/ /dge don gyis tshig de skad smras pa thos nas sems nyam nga bar gyur te/ de'i mtshan mo 'das nas phyi de nyin khyim bdag la da bdag mchiso zhes smras pa dang / khyim bdag gis smras pa/ ci zhig ma
146a6 rangs na bdag cag spangs nas 'gro bar sems/ dge don gyis smras pa/ bza' dang mgron ni chos kyis yun ring du 'grogs shing gnas pa ma yin no/ /dge don gyis yang smras pa/ khyod 'di ltar bdag la byams na bdag la rol mo
146a7 jeng snyan pa cig byas te/ gang na mi mang po 'du ba'i gnas sam/ grong khyer chen po zhig tu skyol cig /de nas khyim bdag des kyang de'i yid bzhin du dgos pa sbyar nas rgyal po li shi bar gyi grong khyer du mi mang po'i nang du bskyal
146a8 nas bde bar phyir log go/ /de nas rgyal bu dge don jeng la shin du mkhas pas jeng gi sgra snyan pa yid du 'ong bas thams cad kyis 'tsho ba'i yo byad byin no/ /bza' ba dang btung bas mi brel bar byas so/ /de'i tshe li shi bar gyi yul na sprang po
146b1 lnga brgya yod pa yang thams cad bza' ba dang btung bas chog par byas so/ /de'i tshe na rgyal po de la bza' shing gi ra ba zhig yod de/ 'bras bu rab tu rgyas nas rtag tu bya mi thub ste/ ra ba srung ba'i sna bos de'i tshe na rgyal bu dge don la
146b2 'di skad ces smras so/ /khyod bdag gi shing tog gi ra ba srung zhing 'dug mi nus sam/ bdag gis khyod la dgos pa'i yo byad sbyar ro/ /dge don gyis smras pa/ bdag la mig gnyis med de mi mthong na ji ltar khyod kyi ra ba srung zhing bya rnams
146b3 bskrad nus/ ra ba'i sna bos smras pa/ bdag la thabs yod de/ bdag gi skyed shing gi khar thag pa bres te thag pa la dril bu btags la thag pa khyod kyi lag tu bzhag la bya skad nam grag pa dang thag pa nas drangs pas chog go/ /
146b4 dge don gyis smras pa/ de ltar byas na bdag gis nus kyi shing drung du khrid cig ces smras nas der song ngo / /rgyal bu dge don ra ba de na shing tog srung zhing rol mo jeng byed de rtse zhing 'dug go/ /de'i tshe na rgyal po'i bu mo 'khor rnams dang bza' shing
146b5 gi ra bar 'chag cing ltad mo ltar song ba las long ba de mthong nas long ba'i drung du song ste/ khyed su'i mi yin zhes dris so/ /smras pa/ bdag ni dmus long mu lto ba yin no/ /rgyal po'i bu mos long ba de mthong nas de la snying chags te
146b6 gtong ma phod do/ /rgyal pos bu mo 'bod tu btang ba las kho mo mi 'gro'o/ /bza' ba dang btung ba 'dir skyol cig /bdag long ba 'di dang lhan cig za'o/ /de ltar long ba dang lhan cig zan zos nas rgyal po la 'di skad ces gsol to/ /
146b7 bdag long ba 'di la stsal du gsol/ de la stsal na bdag gi yid tshim par 'gyur ro/ /rgyal pos smras pa/ bu mo khyod 'dre gdon gyis brlams sam/ 'on te smyos sam/ snying myos sam/ ci'i phyir long ba de dang lhan cig tu gnas/
146b8 khyod mi shes sam/ sngar bA ra Na sI'i rgyal pos bu dge don gyi chung mar bslangs te de la sbyin par byas nas rgyal bu da ltar rgya mtshor song ba las phyir ma 'khor na ci'i phyir na mu lto ba zhig gi chung ma byed par sems/ bu mos gsol pa/ de lta lags
147a1 mod kyi srog 'di yal yang long ba mi gtong ngo / /rgyal pos tshig de thos nas bu mo'i ngo ma zlogs nas long ba bkug nas pho brang gi nang du phyogs dben pa zhig tu bzhag go/ /de nas rgyal po'i bu mo de long ba'i thad du song nas 'di skad ces smras
147a2 so/ /mkhyen tam/ da bdag khyod dang gza' shug tu 'du'o/ /dge don gyis smras pa/ khyod su'i bu mo yin te bdag dang gza' shug tu 'du bar sems/ smras pa bdag ni rgyal po li shi bar gyi bu mo yin no/ /dge don gyis smras pa/ khyed ni rgyal po'i bu mo
147a3 yin te bdag ni mu lto ba yin na gcig la gcig ji ltar bkur sti byed par 'gyur chung mas smras pa/ bdag snying nas khyod kyi rim gro bya ste yid dang 'gal bar mi bya'o/ /de ltar zhag dgu bcu'i bar du 'dus shing 'khod pa las nyin gcig chung mas khyim thab la ma byas
147a4 par phyi rol du song ba las ring zhig lon pa dang phyir 'ongs so/ /dge don gyis chung ma la khyod gsang ste gar song song / bdag la yang gtam ma byas par gang du phyin gang nas phyir log ces smras so/ /chung mas smras pa/ bdag gsang ste song ba med do/ /dge don gyis
147a5 smras pa/ khyod gsang ngam mi gsang mi sus shes/ chung mas mi dga' ste yi chad nas mig mchi mas gang bzhin du 'di skad du smras te dam bcas so/ /gal te bdag khyod la gsang ba zhig la song bar gyur na khyod kyi mig gnyis nam du yang 'tsho bar
147a6 ma gyur cig /gal te de lta ma yin na khyod kyi mig ya cig sngon bzhin du mthong bar gyur cig ces dam bcas pa'i tshig smras ma thag tu khyim thab kyi mig ya gcig sngon bzhin du mthong zhing gsal bar gyur te/ skar ma ltar bkra la
147a7 mngon par chung mas mthong bar gyur pa dang / chung mas smras pa/ da khyod yid ches sam/ dge don 'dzum dmul te cang mi smra'o/ /chung mas smras pa/ khyod ni khrel med pa drin mi shes pa zhig ste/ bdag ni rgyal po chen po'i bu mo
147a8 zhig ste/ khyod ni mi tha mal pa zhig las bdag gis snying nas rim gro byas na 'on kyang khyod yid mi ches so/ /khyim thab kyis smras pa/ nga su yin pa khyod kyis shes sam/ smras pa/ mi shes te khyod mu lto ba yin no/ /khyim thab kyis smras pa
147b1 ma yin no/ /kho bo ni yul bA rA Na sI'i rgyal po'i sras rgyal bu dge don bya ba yin no/ /chung mas smras pa/ khyod ni cher glen pa zhig go/ /ci'i phyir de skad ces smra/ bA ra Na sI'i rgyal po'i sras rgya mtshor zhugs te/ rin po che len du song ba las
147b2 da dung phyir ma 'khor na/ ci'i phyir khyod de yin zhes zer/ khyod brdzun zer bas kho mo yid mi ches so/ /rgyal bu dge don gyis smras pa/ bdag ni thog ma skyes nas da tsam gyi bar du brdzun zer ma myong ngo / /chung mas smras pa/ khyod smras pa bden
147b3 nam brdzun pa su zhig yid ches par 'gyur/ khyim thab kyis smras pa/ kho bos smras pa'i tshig 'di brdzun te khyod bslus par gyur na kho bo'i mig ya cig gtan mi mthong bar shog shig /gal te tshig bden na bdag gi mig ya cig kyang sngon
147b4 bzhin du mthong bar shog shig ces smras ma thag tu mig ya gcig gi 'bras bu yang sngon bzhin du gsal zhing mthong bar gyur to/ /rgyal bu dge don gyi mig gnyis sngon bzhin du gsal zhing mdzes pa dang / mi'i mtshan dang ldan zhing
147b5 yid du 'ong la 'jig rten na dpe med par chung mas mthong nas rab tu dga' ba'i sems skyes te 'phags pas byin gyis brlabs pa tsam du spro zhing mig mi 'dzums pa tsam du lta'o/ /de nas pho brang du song ste/ yab rgyal po la bdag gi khyim
147b6 thab de ni rgyal bu dge don yin zhes gsol pa dang / rgyal pos smras pa/ glen ma 'di smyos sam/ yi dags kyis bslus sam/ ci nyes na 'di skad ces zer rgyal bu dge don ni rgya mtshor zhugs te da dung yang ma 'khor zer na/
147b7 ci'i phyir khyod mu lto ba zhig la rgyal bu dge don zhes zer/ bu mos gsol pa/ de lta ma lags te/ rgyal po thugs mi ches na spyan kyis gzigs par ci gnang zhes gsol pa dang / rgyal pos gzigs ma thag tu rgyal bu dge don
147b8 yin par rtogs so/ /de ltar rtogs nas dngangs te 'di skad du/ gal te bA ra Na sI'i rgyal pos thos na bdag cag la dpyas par 'gyur ro snyam zhes smras nas/ rgyal bu dge don bdag gis sngar rgyal bu yin par ma shes par nyes pa bshags
148a1 so zhes smras so/ /rgyal bus smras pa/ de la nyes pa med de/ rgyal po'i gnag rdzi de la sbyin pa byin cig ces smras so/ /de nas rgyal po li shi bar gyis gnag rdzi de la gser dang / dngul dang / rin po che dang / gos dang /
148a2 bza' ba dang / btung ba yang byin gnag lnga brgya yang thal byung byin no/ /de nas gnag rdzi de yang shin du dga' nas rgyal bu dge don la bdag gis phan pa'i drin ci zhig byas na bdag la nor dang / rin po che 'di snyed cig
148a3 byin zhes mi mang po'i nang du skad chen pos gsang ma mkhyud de sbyin pa byas kyang drin mngon sum du 'ongs pas sbyin pa byas pa'i 'bras bu'i rnam par smin pa ni 'di ltar rgya che'o zhes bsgrags so/ /de'i tshe na 'khor mang po kun
148a4 rab tu dga' nas sbyin pa la dga' ba'i sems skyes so/ /gang sangs rgyas 'dod pas ni thams cad sbyin par bya'o zhes lha rnams kyang mi de la bsngags shing bstod pas de bzhin du grub par gyur to/ /de'i tshe na rgyal bu dge don rgya
148a5 mtshor ma zhugs pa pho brang na 'dug pa na ngang pa dkar po cig gsos te rtag tu 'grogs shing bza' ba dang / btung ba dang / 'go ba dang / sdod pa dang / 'dug pa dang / nyal ba na rtag par lhan cig go/ /de nas yum btsun mos
148a6 bya ngang pa'i drung du song nas 'di skad ces smras so/ /rgyal bu 'dug pa'i tshe khyod dang rtag par 'grogs na da rgya mtshor song ste shi 'am gson gtol med de bdag mi shes na khyod rgyal bu mi dran nam/ ngang pas tshig de thos nas skad
148a7 phyung ste sa la 'gre nas mig mchi mas gang bzhin du btsun mo la 'di skad ces smras so/ /btsun mo bdag rgyal bu tshol bar bka' stsal na mchi'o zhes smras nas de'i tshe btsun mos yi ger bris te ngang pa'i mgul du btags nas rgyal bu
148a8 tshol du btang ngo / /de nas ngang pa des rgyal bu gang logs su song ba dris nas nam mkha' la 'phur nas rgya mtsho'i logs su song ngo / /btsun mos de ltar ngang pa song ba mthong nas da ci bdag gi bu gson nam shi ba'i gtam nges par nye bar thos par 'gyur
148b1 snyam sems so/ /de nas ngang pa des rgya mtsho'i steng gi nam mkha' la lding lding nas kun du brtags nas btsal kyang rgyal bu ma mthong nas mthar gyis rgyal po li shi bar gyi yul du phyin pa dang / rgyang ma nas rgyal bu dge don rgyal po'i pho brang
148b2 na 'dug pa mthong ngo / /de nas ngang pa de de nyid du babs te rgyal bu gang na bar 'ongs te/ snying rje rje skad phyung ste rab tu dga' bas rgyal bu la blta'o/ /de nas rgyal bus ngang pa'i mgul nas yi ge blangs nas mgo bos gus par phyag 'tshal to/ /
148b3 de nas yi ge phye nas bklags so/ /rgyal po yab yum gnyis nyin mtshan du rgyal bu dran pas rtag tu ngu bas myig gnyis ldongs par rtogs so/ /de nas rgyal bu dge don gyis ji ltar gyur pa zhib tu yi ger bris te/ phyir yang ngang
148b4 pa'i mgul du btags nas phyir btang ngo / /de nas ngang pa rab tu dga' zhing phyir yab rgyal po dang yum gyis der 'ongs so/ /rgyal pos yi ge 'ongs pa mthong nas rab tu dga' mgu rangs te/ spro ba tshad med par gyur/ rgyal bu dge don yang
148b5 ngan don gyis rku byas te/ rin po che yang phrogs pas sdug bsngal mang po myong bar rtogs so/ /de nas yab rgyal pos de ma thag tu ngan don bzung nas lag pa dang rkang pa khong sgril du bcug /gnya' ba yang lcags thag gis
148b6 btags nas khri mon du bor ro/ /de nas rgyal po li shi bar gyi steng du pho nya btang nas ci'i phyir rgyal bu bkag ste bdag cag mya ngan gyis gdungs par byas shes springs so/ /de nas rgyal po li shi bar skrag nas rgyal bu dge
148b7 don gos dang rgyan gyis brgyan te sa mtshams su bzhag ste/ pho nya la spring ba ltar byas nas rgyal bu dge don rgya mtsho nas slar 'khor te da 'dir gshegs so zhes pho nya 'ongs pa ltar byas so/ /de'i tshe rgyal po li shi bar gyis
148b8 gang nas 'ongs pa'i sa phyogs de kun phyag dar byas/ chag chag btab nas rgyal mtshan dang / ba dan dang / gdugs bres te/ dril bu dang / rnga brdungs nas rol mo sna tshogs byas te/ rgyang ma nas rgyal po nyid 'khor
149a1 dang bcas pas rgyal bu pho brang gi nang nas bsu nas bu mo chung mar byin te yul bA ra Na sIr skyel du btang ngo / /bA ra Na sI'i rgyal po dang / btsun mos rgyal bu 'ongs shes thos nas rab tu dga' mgu rangs te/ bal
149a2 gyi glang po che rab la zhon nas rgyal bu bsus so/ /bsu ba'i sa phyogs der phyag dar dang chag chag byas te/ bdug spos dang / ba dan dang rgyal mtshan dang / gdugs la sogs pa sbyar cing bres nas rol mo sna tshogs
149a3 kyang byas so/ /yul de na gnas pa'i yul mi pho mos thams cad kyis rgyal bu dge don rgya mtsho nas bde bar phyir 'khor bar thos nas thams cad rab tu dga' nas kun gyis rgyal bu bsus so/ /de nas rgyal bu dge don gyis
149a4 yab rgyal po dang / yum btsun mo'i zhabs la mgo bos phyag 'tshal te/ rgyal po dang / btsun mo mig ldongs te rgyal bu mi mthong bas lag pas mnams byugs nas khyod nga'i bu dge don yin nam khyod rtag par dran
149a5 te mya ngan gyis gdungs pas 'di ltar gyur to/ /rgyal bus yab rgyal po dang btsun mo la phyag byas nas rgyal phran rnams dang / blon po rnams dang / mi mang po la lag pa bteg ste skad chen pos spro ba bskyed do/ /bdag nyon
149a6 mongs kyang khyod kyi yon tan gyis phyir 'khor ro zhes smras so/ /de nas rgyal bu dge don gyis yab rgyal po la bdag gi nu bo ngan don da ltar ga re/ gang na mchis shes gsol pa dang / yab rgyal pos bka' stsal pa/ khyod de'i
149a7 gtam ma 'dri shig /sdig pa can de da ltar khri mon na yod de gtang zhes bya ba med do/ /rgyal bu dge don gyis gsol pa/ bdag ngan don dang phrad tu stsol cig ces de bzhin du lan gnyis lan gsum gyi bar du ngus shing gsol nas
149a8 yid ma bzlogs te khri mon nas ngan don phyung ngo / /ngan don gyi lag pa dang / rkang pa nas lcags dang khong sgril phyung shig par gsol lo/ /de nas btson cha nas phyung nas ngan don pang du 'khyud nas khyod rab tu nyon mongs sam zhes tshig 'jam pos
149b1 spro ba bskyed de gtam byas nas nga'i nor bu rin po che khyer ba ga re zhes lan gnyis lan gsum gyi bar du dris pa dang / gdod sa'i 'og na sbas shing 'dug go zhes smras so/ /de nas rgyal bu dge don gyis gnas de nas rin po che phyung nas blangs so/ /de nas
149b2 yab rgyal po dang yum btsun mo'i drung du 'ongs te/ nor bu rin po che la bdug spos bzang pos bdugs nas pus mo btsugs te smon lam 'di skad ces btab bo/ /yid bzhin gyi nor bu rin po che yin yang dag na yab rgyal po dang yum
149b3 btsun mo'i spyan sngon bzhin du phyir mthong bar shog shig ces smras ma thag tu yab rgyal po dang yum gnyis kyi spyan sngon bzhin du gsal bar mthong bar gyur nas rab tu dga' mgu rangs par gyur to/ /de'i tshe rgyal bu dge don zla ba nya ba'i dus tshes bcwa lnga'i
149b4 nyin par khrus byas nas gos sar pa gtsang ma gyon nas nor bu rin po che yang tog gi steng du bzhag ste/ lag na bdug spos kyi snod thogs nas yid bzhin gyi nor bu rin po che la mgo bos phyag 'tshal nas 'di skad ces smon lam du btab
149b5 bo/ /bdag gis 'dzam bu'i gling gi sems can thams cad kyi phyir sdug bsngal chen po nyams su blangs te nor bu rin po che blangs so zhes smras ma thag tu/ de'i tshe shar phyogs nas rlung chen po langs nas sprin dang na bun bus te nam
149b6 mkha' yongs su dag par byas te/ 'dzam bu'i gling na mi gtsang ba'i nyal nyil dang / bshang gci dang / phyag dar dang / mi sdug pa thams cad rlung gis bus te yongs su dag par byas nas nor bu rin po che'i byin gyis 'dzam bu'i gling
149b7 du ma rmos par rang grub pa'i 'bras sA lu de yang 'jam zhing kha dog dang ror ldan pa/ shang shong thams cad kyang gang nas pus mo nub tsam du bab bo/ /de'i 'og tu bgo ba'i gos dam pa dang / lus kyi rgyan gdub dang / nor bu gdub bu la sogs pa
149b8 char bzhin du bab bo/ /de'i 'og tu gser dang / dngul dang rin po che dang / de la sogs te rol mo sna tshogs dang / mdor na sems can thams cad kyi dgos pa'i yo byad ci 'dod pa thams cad char bzhin du bab nas thams cad chog cing tshim par byas so/ /byang
150a1 chub sams dpa'i snying rje chen po'i shugs kyis sbyin pa'i pha rol du phyin pa la spyod de/ sems can thams cad la dgos pa'i yo byad chog par sbyin pa'i don ni 'di lta bu yin no/ /bcom ldan 'das kyis kun dga' bo la bka'
150a2 stsal pa/ de'i tshe de'i dus na yul bA ra Na sI'i rgyal po chen po de gzhan zhig yin snyam du sems na de ltar mi blta'o/ /de'i tshe de'i dus na rgyal po chen po de ni da ltar nga'i yab rgyal po zas gtsang ma yin no/ /de'i tshe de'i dus na btsun mo de gzhan
150a3 zhig yin snyam du sems na de ltar mi blta'o/ /de'i tshe de'i dus na btsun mor gyur pa de ni da ltar nga'i yum lha mdzes yin no/ /de'i tshe de'i dus na rgyal bu ngan don de ni da ltar lha sbyin nyid yin no/ /de'i tshe de'i dus na rgyal bu dge don de ni da lta rang nyid
150a4 yin te/ lha sbyin 'di ni sngon 'das pa'i dus na yang nga la rgyun du ngan sems kyis nga la gnod pa byas kyang ngas ni bzod pa rtag tu dang du blangs nas rtag tu de la drin byin pas rgyun du bde bar byas na/ da mngon par sangs rgyas pa lta smos kyang
150a5 ci dgos/ bcom ldan 'das kyis de skad ces gsungs pa na lha dang mi brgya stong snyed rgyun du zhugs pa'i 'bras bu thob pa nas dgra bcom pa'i 'bras bu'i bar du thob par gyur to/ /gzhan yang lha dang mi tshad med pa brgya
150a6 stong snyed bla na med pa yang dag par rdzogs pa'i byang chub tu sems bskyed nas/ sems can tshad med pa brgya stong snyed nyan thos dang / rang sangs rgyas kyi bar du sems bskyed par gyur to/ /kun dga' bos sangs rgyas la gsol pa/
150a7 bcom ldan 'das mdo sde 'di'i ming ci zhes bgyi/ ji ltar gzung bar bgyi/ bcom ldan 'das kyis bka' stsal pa/ mdo sde 'di'i ming thabs mkhas pa sangs rgyas drin lan bsab pa sems can thams cad la tshim par
150a8 sbyin pa zhes bya'o/ /'khor mang po rnams mdo sde 'di gsungs pa la rab tu dga' nas phyag byas te phyir dong ngo / /gzhan yang lha sbyin ni sangs rgyas kyis bstan pa'i rjes su rab tu byung mod kyi/ khe bkur dang rnyed pa'i phyir rgyun du
150b1 phrag dog byed de/ lha sbyin mdo sde spos kyi glang po che'i khal drug khri snyed kha don du 'don shes kyang mtshams med pa'i sems can dmyal ba las ma thar ro/ /de'i tshe na lha sbyin rgyal po ma skyes dgra dang rab tu mdza' nas gcig la gcig
150b2 dga' zhing nye bar sems te/ gcig gi tshig la gcig yid ches so/ /de nas lha sbyin gyis rgyal po ma skyes dgra la 'di skad ces smras so/ /khyod ni rgyal po sar pa byos shig /bdag ni sangs rgyas sar pa bgyi'o/ /rgyal po ma skyes dgras smras pa/
150b3 da ltar yab rgyal po yang bzhugs pas de ltar mi rung ngo / /lha sbyin gyis smras pa/ de med par byar rung ngo / /bdag kyang sangs rgyas med par byas la/ de'i 'og tu rgyal po sar pa dang / sangs rgyas sar pas sems can gyi don byas pa mi skyid dam/ de nas rgyal po ma skyes
150b4 dgras lha sbyin gyis smras pa bzhin yab rgyal po bkrongs te rgyal po'i khab yul bA rA Na sI gzung ngo / /lha sbyin gyis rgyal po ma skyes dgra la smras pa/ bdag kyang de bzhin gshegs pa med par bya'o/ /ma skyes dgras smras pa/ de
150b5 bzhin gshegs pa ni rdzu 'phrul chen po'i mthu mnga' bas gzhan gyis bsam pa'i sems shes na khyod kyis ji ltar med par bya bar nus/ de bzhin gshegs pa la gzhan yang nye gnas chen po shA ri'i bu dang / maud gal gyi bu chen po dang / na bun dang /
150b6 ma 'gags pa la sogs pa yod pas mi nus so/ /lha sbyin gyis rgyal po ma skyes dgra la smras pa/ rgyal po khyod kyis bdag gi grogs gyis shig /rgyal pos smras pa/ khyod las ci zhig byed par sems lha sbyin gyis smras pa/ rgyal po
150b7 chen pos yul phyogs su bkar btags te/ su yang dge slong rnams la gos dang / bza' ba dang / btung ba dang / bsod snyoms byin du ma stsal cig /de nas rgyal po ma skyes dgras kyang bkar btags te/ dge slong rnams la
150b8 su yang gos dang / zas dang / bsod snyoms sbyin par gyur na rkang lag bcad do zhes bkar btags so/ /de'i tshe bcom ldan 'das dge slong gi dge 'dun chen po'i 'khor dang bcas te/ bya rgod spungs pa'i ri nas bsod snyoms
151a1 slong du song ba las ci yang ma rnyed do/ /de bzhin du zhag gcig nas zhag bdun gyi bar du ci yang ma rnyed pas shA ri'i bu la sogs pa slob ma chen po rnams ni rdzu 'phrul gyi mthus yul khams gzhan du gos dang / zas dang
151a2 bsod snyoms slong du song ngo / /de'i tshe na lha sbyin gyis rgyal po ma skyes dgra la 'di skad ces smras so/ /da ltar sangs rgyas kyi slob ma chen po gcig kyang med de/ de bzhin gshegs pa gcig pu bzhugs kyis rgyal pos de bzhin
151a3 gshegs pa spyan 'dren du thong shig /pho brang gi nang du 'ongs na bdag cag gis bal gyi glang po che nag po ma rungs pa lnga brgya la chang blud de rab tu myos par byas la sangs rgyas spyan drangs te/ pho brang gi nang du 'ongs nas bal glang rmis shing myos pa
151a4 de dag gis brdzis te gsad par bya'o/ /de nas rgyal po ma skyes dgras de bzhin gshegs pa spyan 'dren du btang nas/ sangs rgyas dang / dgra bcom pa lnga brgya rgyal pos spyan drangs par gshegs par gnang ste rgyal po'i khab tu gshegs
151a5 so/ /de nas rgyal po ma skyes dgras bal glang rmis shing myos pa lnga brgya bkye nas bal glang rmis pas shing bcag ra ba yang dral/ rtsig pa yang bsgyel te ngar ba'i sgra chen po phyung ste/ de bzhin gshegs pa dang dgra bcom pa lnga brgya'i
151a6 logs su mchongs te song ngo / /de nas dgra bcom pa lnga brgya rab tu skrag nas steng gi nam mkha' la 'phags te sangs rgyas kyi steng gi nam mkha' la 'khod do/ /de'i tshe kun dga' bo 'ba' shig de bzhin gshegs pa dang
151a7 ma bral te 'dug go/ /de'i tshe de bzhin gshegs pas byams pa dang snying rje'i shugs kyis phyag g.yas pa'i sor mo lnga las seng ge kha gdangs shing sgra chen po sgrogs par sprul nas bal glang rmis pa lnga brgya 'jigs
151a8 skrag nas sa la 'gyel lo/ /de nas de bzhin gshegs pa 'khor mang pos bskor te rgyal po'i pho brang du gshegs nas rgyal po ma skyes dgra phyi rol du byung ste/ de bzhin gshegs pa bsu nas gdan la bzhugs su gsol lo/ /gdan la
151b1 bzhugs nas 'thol zhing 'gyod tshangs byas te/ sangs rgyas la 'di skad ces gsol to/ /bcom ldan 'das 'di ni bdag gis bgyis pa ni ma lags so/ /lha sbyin gyis bgyid tu stsal lo/ /bcom ldan 'das kyis bka' stsal pa/
151b2 de ngas shes te lha sbyin 'dis rtag tu nga la gnod pa byas te/ da ltar 'ba' shig tu ma zad de/ 'das pa'i dus na yang rtag tu nga la gnod pa byas na yang ngas ni thugs rje chen po'i shugs kyis rtag tu phan pa byas so/ /
151b3 de'i tshe rgyal po ma skyes dgras thal mo sbyar te bcom ldan 'das la 'di skad ces gsol to/ /lha sbyin 'dis sngon 'das pa'i dus na de bzhin gshegs pa la gnod pa bgyis pa gang dang gang lags/ bcom ldan 'das kyis
151b4 bka' stsal pa/ legs par nyon cig dang dgrol zhing bshad par bya'o/ /sngon 'das pa'i dus na bskal pa grangs med pa 'das pa'i pha rol na rgyal po chen po ngang pa'i sha la dga' ba zhig byung ste/ rgyun du rngon pa zhig
151b5 bya ngang pa shor du bcug go/ /de'i tshe bya ngang pa lnga brgya zhig byang phyogs nas nam mkha' la lho phyogs su 'phur ba las ngang pa'i rgyal po de rngon pa'i bya rgya la zin no/ /de'i tshe rngon pa de rab tu dga' ba'i sems su
151b6 gyur nas spyil bu nas byung ste/ bsad par gzas pa las/ ngang pa mo zhig 'phur te drung du 'ongs nas snying rje rje skad tu zer ba'i sgra byung ngo / /de nas rngon pa des gzhu bdungs/ mda' ltong du bcug ste gsad par
151b7 gzas na yang 'das ma skrag ste/ 'dab ma gnyis brdabs nas ngang pa'i rgyal po'i steng du mchongs so/ /ngang pa phal lnga brgya yang de'i steng gi nam mkha' la 'khor zhing lding ngo / /de'i tshe na rngon pa des ngang mo de snying rje ba'i
151b8 skad phyung ste/ kha nas khrag skyug cing srog la yang mi lta bar ngang pa'i rgyal po la chags pa mthong nas rngon pa de 'di snyam du/ dud 'gro'i skye gnas su gyur pa'i bya yang 'di ltar gcig la gcig chags te lus dang srog kyang 'dor
152a1 na/ bdag ji lta bu'i snying zhig ngang pa'i rgyal po 'di bsad snyam bsams nas bya rgya bteg ste btang ngo / /de'i tshe ngang mo yang rab tu dga' ste phyi bzhin 'phur te/ ngang pa lnga brgyas bskor nas 'phur te song ngo / /de'i tshe rngon pa des
152a2 rgyal po la 'di skad ces gsol to/ /bdag gis ngang pa'i rgyal po gcig zin te dbul bar bgyis pa las ngang pa mo zhig kha nas khrag skyug cing mda' gzhu la yang mi 'dzem par ngang pa'i rgyal po'i steng du mchongs pas bdag snying gis ma bzod nas
152a3 btang ba las ngang pa lnga brgyas bskor nas nam mkha' la 'phur te song ngo / /de'i tshe rgyal po de tshig de thos nas sems mi bde bar gyur te/ snying rje ba'i sems skyes nas dud 'gro'i skye gnas su gyur pa la yang gcig la gcig chu gang byed de/ lus
152a4 dang srog kyang mi phangs so snyam bsams nas rgyal po yang ngang pa'i sha mi za bar yi dam bcas so/ /de'i tshe de'i dus na rgyal po chen po de ni da ltar rgyal po chen po nyid yin no/ /de'i tshe de'i dus na rngon par gyur pa de ni da ltar lha sbyin nyid yin
152a5 no/ /de'i tshe de'i dus na ngang pa mo kha nas khrag skyug pa de ni da ltar kun dga' bo yin no/ /de'i tshe de'i dus na ngang pa lnga brgya ni da ltar dgra bcom pa lnga brgya yin no/ /de'i tshe de'i dus na ngang pa'i rgyal por gyur pa de ni da ltar nga yin no/ /de bas na de ltar kun
152a6 dga' bos da ltar nga la chags pa yang sngon dang 'dra'o/ /de'i tshe na dgra bcom pa lnga brgya steng gi nam mkha' la 'phags pa yang sngon gyur pa dang 'dra'o/ /de'i tshe na yang lha sbyin nga la gnod pa byed pa yang ngas ni snying rje chen po'i shugs kyis rgyun
152a7 du phan pa'i don byas so/ /chos 'di bstan pa'i tshe lha dang mi brgya stong snyed 'bras bu dang po thob pa nas 'bras bu bzhi pa'i bar du thob par gyur to/ /la la ni bla na med pa yang dag par rdzogs pa'i byang chub tu sems bskyed nas nyan thos dang /
152a8 rang sangs rgyas kyi bar du sems bskyed par gyur to/ /gzhan yang lha sbyin ngan sems ma zhi nas 'di snyam du bdag gi sor mo bcu'i sen mo ring du skyes la/ sen mo'i bar du dug bcug la de bzhin gshegs pa gang na bar song la
152b1 mgo bos zhabs la phyag 'tshal lo/ /de ltar phyag 'tshal te zhabs la bzung ba'i tshe sen mo bcu'i 'og na dug yod pas zhabs la bskus te/ dug langs nas gdon mi za bar tshe'i dus byed par 'gyur ro snyam bsams nas/ ji ltar
152b2 bsams pa ltar de bzhin gshegs pa gang na bar song nas der phyin pa dang / zhabs la mgo bos phyag 'tshal nas zhabs la lag pas bzung ste dug bskus pa dang / de'i tshe dug de dag ni zil mngar du gyur te de bzhin gshegs pa la
152b3 gnod par ma gyur to/ /de ltar lha sbyin gyis bsams pa ltar ma gyur nas yang 'di snyam du de bzhin gshegs pa da ltar bya rgod spungs pa'i ri la gcig pu bzhugs kyis/ ri de'i steng du song la pha bong rbab du btang la gsad par bya'o snyam
152b4 bsams nas ri'i rtse mor song ste rbab btang ba las/ sangs rgyas kyi zhabs mthe'u chung rmas kyang nga'i thugs rje chen po'i shugs kyis dgra dang gnyen la mnyam snyoms so/ /gzhan yang lha sbyin gyis sngon 'das pa'i dus bskal
152b5 pa grangs med pa'i pha rol de'i tshe de'i dus na/ sangs rgyas bcom ldan 'das rigs par ston pa zhes bya ba de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar
152b6 gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ ston pa rgyal ba 'jig rten du byung ngo / /sangs rgyas de mya ngan las 'das nas gzugs brnyan la chos spyod pa'i tshe bsam gtan byed pa'i
152b7 dge slong zhig dgon pa'i tshal na 'dug pa las de'i tshe dge slong de la shig mang du za'o/ /de nas dge slong des shig dang 'di skad tu dam bcas so/ /kho bo bsam gtan byed pa'i tshe khyed ma 'gul bar yib cing sdod cig ces
152b8 dam bcas nas shig rnams kyang de bzhin du byed do/ /de nas dus gzhan zhig na 'ji ba zhig der 'ongs nas shig la 'di skad ces so/ /khyod la 'di ltar tsho zhing nyam mtshag bzang ba ci las gyur ces dris na/ shig gis smras pa/
153a1 bdag gi gnas po rtag tu bsam gtan byed pa des bdag cag gi zas dang skom dus las mi yol bar dus bzhin du za bas na nyam mtshag bzang ba yin no/ /'ji bas smras pa/ bdag kyang khyed dang lhan cig tu 'dug go zhes smras
153a2 nas de na lhan cig tu 'dug go/ /de'i tshe dge slong de bsam gtan byed pa las 'ji ba des sha dang khrag gi dri tshor nas dge slong de la btsugs so/ /de nas dge slong de sems 'khrugs nas gos phud de me'i nang du bor nas bsregs so/ /de'i tshe de'i
153a3 dus na bsam gtan byed pa'i dge slong de ni sangs rgyas 'od srung yin no/ /de'i tshe de'i dus na 'ji ba de ni lha sbyin nyid yin no/ /de'i tshe de'i dus na shig tu gyur pa de ni da ltar nga yin no/ /lha sbyin de khe bkur dang rnyed pa'i phyir nga la gnod par byas
153a4 na da mngon par sangs rgyas na yang khe bkur dang grags pa'i phyir sangs rgyas kyi sku la khrag phyung ba sems can dmyal ba chen por lhung ngo / /lha sbyin gyis rtag tu nga la ngan sems kyis de bzhin gshegs pa la gnod pa byas pa ni bskal
153a5 par yang brjod kyis mi rdzogs te/ de bzhin gshegs pa ni rtag tu thugs rje chen pos byams shing brtse ba'i thugs kyis bskyabs so/ /nga ni lha sbyin dang phrad pas myur du sangs rgyas su grub par gyur te/ drin dran pa'i phyir rtag tu
153a6 thugs rjes bskyabs so/ /de'i tshe na de bzhin gshegs pas kun dga' bo la 'di skad ces bka' stsal to/ /khyed sems can dmyal ba'i nang du song la lha sbyin khyod sdug bsngal gyis rab tu nyon mongs sam dris la shog shig /de nas kun
153a7 dga' bos sangs rgyas kyi bka' bzhin du sems can dmyal ba'i nang du song nas dmyal ba'i sgor phyin te/ dmyal ba'i srungs ma a bang khyod lha sbyin bos shig ces smras so/ /a bang gis smras pa/ khyod sangs rgyas gang gi lha sbyin 'dod/
153a8 'das pa'i sangs rgyas thams cad la yang lha sbyin zhes bya ba yod do zhes smras nas/ de nas a bang gis lha sbyin la kun dga' bo da ltar sgo'i phyi rol na sdod de khyod dang phrad dgos so zhes zer ro/ /lha sbyin der 'ongs te kun dga' bo
153b1 la legs par 'ongs sam/ ci de bzhin gshegs pa gsung bdag la da ltar mtshams med pa'i sems can dmyal ba 'di na bde ba ni dge slong bsam gtan gsum pa la zhugs pa'i bde ba thob pa dang 'dra'o/ /bcom ldan 'das kyis
153b2 bka' stsal pa byang chub sems dpa' chen po sems can gyi don du thabs mkhas pa chen pos skye shi'i 'khor ba'i sdug bsngal chen po grangs med pa myong ngo / /yang de la gnod par mi mdzin to/ /gang zhig lha sbyin ni yang dag par sdig pa can yin
153b3 te/ mtshams med pa'i sems can dmyal bar ltung snyam sems na de ni gnas med do/ /de'i tshe de bzhin gshegs pa las 'khor mang po rnams lha sbyin gyi spyod pa thabs mkhas pa shin du zab mo 'di gsungs pa thos nas byang chub sems
153b4 dpa' tshad med pa brgya stong snyed mi skye ba'i chos la bzod pa thob par gyur to/ /lha dang mi tshad med pa brgya stong snyed ni bla na med pa yang dag par rdzogs pa'i byang chub tu sems bskyed do/ /lha dang mi tshad med pa brgya stong snyed ni rgyun du
153b5 zhugs pa'i 'bras bu thob pa nas dgra bcom pa'i 'bras bu'i bar du thob par gyur to/ /de'i tshe bar snang gi lha rnams kyis steng gi nam mkha' las lha rdzas kyi me tog char bzhin du phab/ lha rdzas kyi rol mo byas nas 'od zer
153b6 chen pos kun du snang bar byas te/ de bzhin gshegs pas gsungs pa ngo mtshar che ste dge'o zhes bstod do/ /bcom ldan 'das kyis de skad ces gsungs pa la 'khor mang po mngon par dga' nas mgo bos phyag 'tshal te
153b7 phyir dong ngo / /thabs mkhas pa chen po sangs rgyas drin lan bsab pa'i mdo las ngan don gyi le'u zhes bya ste drug pa'o// // thabs mkhas pa chen po sangs rgyas drin lan bsab pa'i mdo/ bam po lnga pa/ de'i tshe bcom
153b8 ldan 'das la 'khor mang pos rim gro byas bkur stir byas/ mchod pa byas nas bsngags shing bstod pa byas te/ yongs su bskor nas mdun gyis bltas te bzhugs so/ /de nas de bzhin gshegs pa shin du zab mo'i spyod yul tshad med pa
154a1 la rol te/ skye bo mang po srid pa gsum gyi mi bzad pa'i sdug bsngal las gdon pa dang / sgrib pa lnga bsal ba dang / kun nas klag shing 'ching ba dgrol ba dang / sems can thams cad rnam par grol ba thob par bya zhing 'dus
154a2 ma byas pa'i bde ba la dgod pa'i phyir bsod nams kyi zhing rnam pa gnyis phye zhing ston to/ /gnyis gang zhe na/ mngon par 'du byed pa'i bsod nams kyi zhing dang / mngon par 'du byed pa ma yin pa'i bsod nams kyi zhing ngo / /de yang gang zhe na/
154a3 pha ma dang / mkhan po dang / bla ma dang / sangs rgyas dang / chos dang / dge 'dun dang byang chub sems dpa' rnams yin te/ sems can gyis de'i phyogs su mchod pa'i bsod nams byas na/ lam gyi 'bras bu thob par 'gyur ro/ /de nas
154a4 bcom ldan 'das kyis shes rab can gyi mchog shA ri'i bu la sogs pa nye gnas chen po rnams la 'di skad ces bka' stsal to/ /khyed rnams shes par gyis shig /de bzhin gshegs pa ni ring po mi thogs par mya ngan las 'da'o/ /shA ri'i bus
154a5 de skad ces bka' stsal pa thos nas lus kyi yan lag la khab kyis btsags pa ltar mi bde zhing mya ngan gyis non nas sa la 'gyel te brgyal ba las gdong du chu grang mos gtor nas ring zhig lon pa dang phyir sangs te/ langs nas thal
154a6 mo sbyar ba btud de tshigs su bcad pa 'di dag gis mngon par bstod do/ /sangs rgyas bstan pa'i bdud rtsi la/ /nyan pa ngal zhing skyo ba med/ /le lo'i dbang du gyur pa 'am/ /phan par mi 'gyur gang yang med/ /rgyud lngar
154a7 'khor ba'i rgya mtshor ni/ /rnyog pa'i 'dam du 'bying ba bzhin/ /sred cing 'dod pas bcings pas na/ /shes pa med pas 'jig rten 'khor/ /sngon tshe yang dag drang spyad de/ /sbyin pa snyoms par mdzad pas na/ /smin
154a8 mtshams mtshan dang ldan gyur te/ /'od kyi snang ba dpag tu med/ /spyan ni zla ba tshes pa 'dra/ /phyogs bcu'i yul khams ma lus gzigs/ /'gro ba kun kyi sems kyi mig /mthong bas rab tu dga' bar 'gyur/ /de'i tshe shA
154b1 ri'i bus tshigs su bcad pa brgya stong gis de bzhin gshegs pa la bstod nas mgo bos zhabs la phyag 'tshal te/ lan brgya stong gi bar du bskor ba byas nas lha rnams dang / klu dang mi dang mi ma yin pa rnams la 'di skad ces smras
154b2 so/ /rigs kyi bu dag kyi hud kyi hud 'jig rten stongs so/ /e ma 'o e ma 'o 'jig rten stongs so/ /re sdug re sdug 'jig rten stongs so/ /rin po che dam pa'i chos kyi gru zam zhig go/ /bla na med pa'i byang chub kyi shing chag go/ /
154b3 rin po che dam pa'i rgyal mtshan 'gyel lo/ /bla na med pa'i sangs rgyas kyi nyi ma mya ngan las 'das pa chen po'i ri phag tu nub bo/ /de skad ces smras pa dang / 'khor mang po thams cad dngangs nas lus kyi ba spu kun langs pa tsam du skrag par
154b4 gyur to/ /nyi ma yang 'od mi gsal zhing ri rnams kyang 'gyel lo/ /sa chen po yang rab tu g.yos so/ /de nas shA ri'i bus 'khor mang po la tshigs su bcad pa 'di dag smras so/ /bdag gis sangs rgyas sku mthong ba/ /btso ma gser
154b5 gyi ri bo 'dra/ /mtshan dang yon tan kun 'gags te/ /ming tsam 'ba' shig lus par 'gyur/ /'jig rten gsum las 'byung ba'i phyir/ /brtson 'grus dbang du 'bad par bya/ /dge ba'i las rnams gdam bya na/ /mya ngan 'da' ba mchog
154b6 tu bde/ /de nas shA ri'i bus 'khor mang po la spro ba bskyed nas rdzu 'phrul gyi mthu mngon du bstan to/ /rdzu 'phrul gyi mthus steng gi nam mkha' la 'phags nas rin po che'i bal glang chen po mgo bo stong dang ldan pa zhig tu sprul to/ /
154b7 bal gyi glang po che gcig la gcig 'khri zhing mgo bo stong phyir lta bar bstan to/ /bal gyi glang po de re re yang mche ba bdun bdun dang ldan te/ mche ba re re la yang khrus kyi rdzing bu re re yod do/ /rdzing bu re re la yang me tog pad mo bdun
154b8 bdun yod do/ /pad ma re re la yang sprul pa'i sangs rgyas re re bzhugs so/ /sprul pa'i sangs rgyas re re la yang nye gnas shA ri'i bu re re yod la/ shA ri'i bu re res kyang 'od zer chen po bkye nas phyogs bcu'i 'jig rten gyi khams
155a1 gang gA'i klung gi bye ma snyed snang bar byas te/ rgyu 'thun pa thams cad bsdus so/ /rgyu dang ldan pa thams cad 'dus nas de nas shA ri'i bus lus chen pos nam mkha' yongs su gang ba bstan to/ /lus chen po las
155a2 chung ngur bsgyur ba bstan pa yang bstan te/ sa'i nang du chu la bya ba bzhin du 'jug cing 'byung ba dang zhugs par yang mi mngon te/ lus kyi smad nas me 'bar ba dang / lus kyi stod nas chu 'bab pa yang bstan to/ /steng gi nam
155a3 mkha' la thogs pa med par brgya nas stong gi bar du cho 'phrul grangs med pa rnam pa sna tshogs pa bstan nas/ nam mkha' las babs te 'khor mang po la chos rgyas par bstan nas spro ba dang / gzengs stod pa dang / dga'
155a4 bar byas nas sems can tshad med pa brgya stong snyed ni bla na med pa yang dag par rdzogs pa'i byang chub tu sems bskyed du bcug /sems can tshad med pa brgya stong snyed ni rgyun du zhugs pa nas dgra bcom pa'i 'bras bu'i
155a5 bar du thob par byas nas/ gzhan yang sems can tshad med pa brgya stong snyed ni nyan thos dang / rang sangs rgyas su sems bskyed du bcug go/ /shA ri'i bus de ltar phan pa dang bde ba'i don tshad med pa byas pas 'khor mang po
155a6 la 'di skad ces smras so/ /bdag gis ji lta bu zhig snyed kyis de bzhin gshegs pa sngar mya ngan las 'da' ba mi mthong bar bya zhes te/ steng gi nam mkha' la 'phags nas bdag gi lus las me phyung nas lus bsregs
155a7 nas mya ngan las 'das so/ /de'i tshe na 'khor mang po'i rnams yid la gcags nas mig mi 'dzums par shA ri'i bu la lta zhing skad chen pos cho nges btab ste lus la sa rdul gyis gos par gyur/ nyi ma yang 'od mi gsal zhing gnam
155a8 sa yang cher g.yos so/ /de nas 'khor mang pos shA ri'i bu'i rus pa bsdus te mchod rten brtsigs te mchod pa byas so/ /de'i tshe na 'khor mang po brgya stong snyed ni shA ri'i bu dran pa'i phyir/ sdug bsngal gyis sems gdungs nas
155b1 myos shing 'thoms te dran pa nyams par gyur to/ /de nas de bzhin gshegs pas thugs rje'i shugs kyis shA ri'i bur sprul nas 'khor gyi nang na 'dug par byas nas 'khor mang po de dag shA ri'i bu de mthong nas mi dga' ba'i
155b2 sdug bsngal zhi nas phyir rab tu dga' bar gyur to/ /de ltar dga' ba'i sems su gyur nas thams cad kyis bla na med pa yang dag par rdzogs pa'i byang chub tu sems bskyed do/ /de nas kun dga' bos de bzhin gshegs pa'i
155b3 byin gyi brlabs kyis 'khor mang po the tsom du gyur pa sems kyis shes na stan las langs te/ bla gos phyogs gcig tu byas nas pus mo g.yas pa'i lha nga sa la gtsugs te thal mo sbyar ba btud de/ sangs rgyas la 'di skad
155b4 ces gsol to/ /bcom ldan 'das ci'i rgyu ci'i rgyan gyis shA ri'i bu 'di de bzhin gshegs pa bas sngar mya ngan las 'das te 'khor mang po mi dga' ste mya ngan byed par 'gyur/ /bcom ldan 'das kyis kun dga' bo dang / 'khor
155b5 mang po la bka' stsal pa/ shA ri'i bu 'di da ltar 'di 'ba' shig tu de bzhin gshegs pa bas mya ngan las sngar 'das par ma zad de/ sngon 'das pa'i dus na yang nga sngar 'das pa mthong bar mi bzod nas sngar 'das so/ /de nas kun
155b6 dga' bos sangs rgyas la gsol ba/ bcom ldan 'das sngon 'das pa'i dus na shA ri'i bu sngar 'das pa'i dngos po ji lta bu lags/ bcom ldan 'das kyis bka' stsal pa/ khyed legs par nyon cig /sngon 'das
155b7 pa'i dus bskal pa grangs med pa'i pha rol de'i tshe de'i dus na/ yul bA ra Na sI zhes bya ba zhig yod de/ yul bA ra Na sI'i rgyal po de ni 'od zer chen po zhes bya'o/ /rgyal po 'od zer chen po zhes bya ba de la mtha'i
155b8 rgyal phran drug bcu dang / grong khyer brgyad brgya la dbang sgyur te/ rgyal po de rgyun du snying rje'i sems dang ldan pas thams cad la yid dang mi 'gal bar sbyin pa yongs su gtong ngo / /de'i tshe na mtha'i rgyal phran gcig rgyal
156a1 po de la mi dga' ste rgyun du ngan sems skye'o/ /rgyal po 'od zer chen pos zla ba ngo re re zhing dus drug gi nyi ma dang sbyar te/ bal gyi glang po che lnga brgya la rin po che dang / nor rdzas dang / gos dang / bza' ba dang / btung ba
156a2 bkal te tshong 'dus dang / grong khyer gyi sgo bzhir spungs nas thams cad la sbyin pa byed do/ /de'i tshe na rgyal phran dgrar gyur pa des de ltar rgyal po 'od zer chen po thams cad la yid dang mi 'gal bar gos dang / zas dang / gser
156a3 dang / dngul dang / rin po che'i bar du ci 'dod pa las sbyin pa byed do zhes thos nas mtha'i rgyal phran des rgyal po 'od zer chen po sbyin pa'i bsod nams byed pa la phrag dog gi sems skyes te/ blon po rnams bsdus nas khyed
156a4 rnams las su zhig bA ra Na sI'i rgyal po 'od zer chen po'i mgo slong du 'gro nus shes bsgo ba dang / blon po rnams kyis bdag cag ni gang yang rngo mi thog ces smras so/ /de nas yang thams cad la bkar btags te/
156a5 su zhig bA ra Na sI'i rgyal po 'od zer chen po'i mgo bslangs te 'ongs na gser rgya ma stong sbyin par btags pa dang / bram ze cig gis bdag gis slong du 'gro nus kyis/ bdag gi yo byad dang rgyags sbyor cig ces bsgo'o/ /
156a6 yul 'di nas bA ra Na sIr rgyang grags drug stong yod pas de bzhin du rgyags dang yo byad sbyar nas/ bram ze bA ra Na sIr song ngo / /de'i tshe bram ze de yul bA ra Na sI'i yul phyogs der phyin pa las sa chen po yang rnam pa drug du g.yos/
156a7 gcan zan dang ri dgas rnams kyang skrag nas bros/ nyi ma dang zla ba yang bsgribs pa bzhin mi gsal zhing mi snang bar gyur/ gza' lnga dang / skar ma rnams kyang dus bzhin du mi rgyu/ 'ja' lta bu dmar po dang / nag po dang dkar
156a8 po dang / nyin mtshan dus dus su snang / skar ma yang 'khrug cing lhung bar gyur/ yul de'i 'bab chu dang / chu mig dang / khrus kyi rdzing dang / me tog dang / 'bras bu'i shing rgyas pa yid du 'ong ba rnams kyang skams par gyur to/ /
156b1 de nas bram ze yang yul bA ra Na sI'i rgyal po'i pho brang gi sgor phyin to/ /de'i tshe na pho brang gi sgo srung ba'i lhas sgo ba'i mi la 'di skad ces smras so/ /bram ze ma rungs pa 'di lam ring po nas rgyal po 'od zer chen po'i mgo slong du
156b2 'ongs kyis khyod nang du ma btang shig /de nas bram ze de pho brang nang du 'gror med de/ zhag bdun gyi bar du sdod sdod nas sgo srungs de la 'di skad ces smras so/ /bdag ni lam ring po nas 'ongs te rgyal po chen po dang phrad 'dod do zhes gsol
156b3 cig /de nas sgo srungs kyis kyang de bzhin du bram ze cig lam ring po nas 'ongs te da ltar sgo na sdod do zhes gsol to/ /rgyal pos tshig de thos nas de ma thag tu sgor byung ste bsu nas ji ltar pha dang bu phrad pa bzhin du phyag byas
156b4 te khyod gang nas 'ongs lam du nyon mongs shing ngal bar ma gyur tam zhes smras so/ /bram zes smras pa/ bdag yul gzhan nas rgyal po khyod kyis mi'i yid dang mi 'gal bar sbyin pa gtong ba'i yon tan thos te/ khyod
156b5 kyi ming snyan pa ni gnam sa'i bar kun du grags nas khyod kyi yon tan mi brdzun te bden no zhes thos pas bdag kyang ched du la lung bgrod de re ba yod pas 'ongs so/ /rgyal pos smras pa/ bdag ni da ltar thams cad sbyin pa zhes bya ste/
156b6 slong ba 'am/ dgos pa yod na the tsom ma byed par slongs shig /bram zes smras pa bden yang dag gam/ bdag ni gzhan ni ci yang mi dgos kyi/ mchod sbyin chen po zhig byed pas rgyal po'i mgo slong du 'ongs so/ /rgyal
156b7 pos tshig de thos nas 'di snyam du sems te/ bdag thog ma med pa nas skye shir 'khor te/ lus 'di 'dra ba chud gsan kyang tshul bzhin chos kyi phyir ni ma yin gyi/ don med par skye shir 'khor bas bdag nyon mongs so/ /
156b8 bdag gi lus 'dis sems can thams cad kyi phyir bla na med pa'i byang chub bsgrub par dam bcas pas da ma byin par gyur na bdag gi thog mar bsams pa dang yang 'gal la/ gal te lus 'di ma byin na/ bla na med pa yang
157a1 dag par rdzogs pa'i byang chub thob par yang ji ltar 'gyur snyam bsams nas bram ze la shin du dge'o/ /bdag yul srid kyi gdams pa dang / btsun mo dang / rgyal bu dang / de dag la bsgo ba chung zad byas te/ de nas
157a2 zhag bdun na khyod 'dod pa sbyin no zhes smras so/ /de nas rgyal po chen po pho brang gi nang du song nas btsun mo rnams la 'di skad ces bsgo'o/ /gnam sa'i bar na mdza' zhing sdug pa thams cad ni bye zhing 'bral bar 'gyur/ mi la skye ba
157a3 yod na 'chi ba yod la/ grub pa srid na 'jig pa yang srid de/ dbyar sa las ci skyes pa thams cad dgun ni kun skams par 'gyur ro zhes smras so/ /btsun mo dang rgyal bu rnams kyis rgyal pos smras pa'i tshig de thos nas dper na mi brnangs pa dang 'dra ste
157a4 skyug tu yang med/ mid tu yang med pa ltar gyur te/ rgyal po la ci'i slad tu 'di skad gsungs shes gsol pa dang / rgyal pos 'di skad ces smras so/ /bram ze zhig lam ring po nas 'ongs te nga'i mgo slong du 'ongs so/ /ngas kyang sbyin par byas so/ /
157a5 btsun mo dang / rgyal bu rnams kyis tshig de thos nas lus sa la brdabs nas cho nges btab nas skra yang 'bal/ gos kyang gshags dral te 'di skad ces gsol to/ /rgyal po chen po 'jig rten na bdag gi lus las phangs pa med
157a6 na/ ci'i slad tu 'di ltar shin du gtang dka' ba gtong zhing sbyin pa mdzad ces gsol to/ /de'i tshe na blon po lnga brgyas kyang bram ze la khyod 'di ltar rnag khrag dang bcas pa mnam zhing btsog pa'i mgo 'di cir dgos zhes smras pa dang / bram
157a7 zes smras pa/ bdag dgos pas bdag gis bslangs pa la khyed kyis drir yang ci yod/ blon po rnams kyis smras pa/ khyod bdag cag gi yul du 'ongs pas bdag cag gis kyang dri zhing khyod kyang tshul bzhin du smra bar
157a8 rigs so/ /de nas bram zes drang por smrar yang blon po rnams kyis srog gi dbang po dang phral du dogs nas 'jigs pas cang ma smras so/ /de nas blon po lnga brgyas bram ze de la khyod ma skrag shig /khyod la mi 'jigs pa sbyin no zhes
157b1 smras so/ /de nas bram ze de la bram ze dbul po khyod la rnag khrag gi mgo mnam po des ci zhig rung / nged blon po lnga brgyas mi gcig cing yang rin po che sna bdun las byas pa'i mgo re rer brje zhing / khyod ci dgos pa yang mi rabs
157b2 bdun gyi bar du chog par sbyin no zhes smras so/ /bram ze na re mi 'dod do zhes smras so/ /blon po chen po rnams kyang bsams pa ltar ma gyur nas mya ngan gyis yid gdungs te skad phyung ste ngus nas rgyal po la 'di skad ces gsol to/ /
157b3 rgyal po chen po bram ze mi gcig gi phyir yul sa dang / 'bangs dang / btsun mo dang rgyal bu la sogs pa thams cad bor te bdag cag gtan dwar bor zhing / lus par thugs kyis bzod dam/ rgyal pos smras pa/ nga ni khyed sems
157b4 can thams cad kyi phyir lus 'di gtong zhing sbyin par byed do/ /de'i tshe na blon po nang gi chen po cig gis rgyal pos gsungs pa thos nas rgyal pos ni gdon mi za bar bram ze 'di la sku btang ngo bar chad do snyam bsams nas/ bdag
157b5 ji ltar rgyal po lus gtong ba la snying mi bzod cing blta bar mi bya snyam bsams nas/ khang pa dben par song ste/ mtshon rnon po thogs te bdag gi srog bcad do/ /de nas rgyal po chen po pho brang gi rgyab kyi ra bar song ste/
157b6 bram ze bos te tshur shog da nga'i mgo khyer cig /khyod la byams shing brtse ba'i phyir khyod kyi sems dang yid ma zlogs nas/ sbyin pa 'dis ma 'ongs pa'i dus su shes rab kyi mgo thob par gyur cig ces smras nas/ thal mo sbyar te
157b7 phyogs bcur phyag byas so/ /phyag byas nas 'di skad ces smras so/ /phyogs bcu'i sangs rgyas rnams dang / byang chub sems dpa' rnams bdag la thugs brtse bar dgongs te/ bdag gi bsam pa 'di grub par
157b8 byin gyis brlab tu gsol ces smras nas bram ze la da khyod la sbyin gyis khyer cig ces smras so/ /bram zes smras pa/ rgyal po la gyad gyi stobs yod te/ na tsha mi bzod pas phyir bdag la gnod pa byed par 'gyur gyis/
158a1 rgyal po khyod yang dag par de ltar nus na rgyal po nyid kyis skra bkrol te shing la thogs shig /rgyal pos tshig de thos nas lhag par snying brtse ba'i sems skyes te/ bram ze 'di rid la nyam chung bas gal te bdag gi
158a2 mgo gcod ma nus na bdag gi bsam pa chen po mi 'grub bo snyam bsams nas rgyal po nyid kyis thor to shing la btags te/ bram ze la khyod bdag gi mgo chod la phyir bdag gi lag par zhog shig /bdag gi lag gis
158a3 khyod la sbyin par bya'o/ /de nas bram zes ral gri thogs nas drung du spags pa las/ de'i tshe shing de'i lhas bram ze la tshugs byas pas brgyal te sa la 'gyel to/ /de nas rgyal po 'od zer chen pos shing gi lha la 'di skad
158a4 ces smras so/ /khyod kho bo'i grogs mi byed par phyir kho bo'i dge ba'i bgegs dang bar chad byed dam/ de nas shing gi lha mya ngan gyis gdungs te kyi hud kyi hud ces smras nas nam mkha' la sprin med par char pa khrag
158a5 tu bab ste sa chen po yang rab tu g.yos/ nyi ma yang mi gsal zhing mun par gyur/ de nas bram zes rgyal po'i mgo bcad de phyir yul du song ngo / /de nas rgyal bu lnga brgyas blon po rnams dang / rgyal po 'od zer chen po'i
158a6 rus bu bsdus nas mchod rten brtsigs te mchod pa byas so/ /bcom ldan 'das kyis kun dga' bo la bka' stsal pa/ de'i tshe de'i dus na blon po nang gi chen pos rgyal po 'od zer chen pos mgo sbyin pa chen po byed pa la mthong bar snying mi
158a7 bzod nas sngar tshe'i dus byas pa ni da ltar shA ri'i bu yin no/ /de'i tshe de'i dus na rgyal po 'od zer chen por gyur pa ni da ltar de bzhin gshegs pa shAkya thub pa nga yin no/ /byang chub sems dpa' de ltar na shin du
158a8 spyad dka' ba spyad par dam bcas te/ sems can thams cad kyi phyir sangs rgyas rnams kyi drin bsabs nas bla na med pa yang dag par rdzogs pa'i byang chub tu mngon par sangs rgyas so/ /de nas shA
158b1 ri'i bu nga mya ngan las 'da' ba mig gis mthong bar mi bzod pas sngar mya ngan las 'das te/ sngon 'das pa'i dus na yang nga sbyin pa byed pa la mthong bar mi bzod nas sngar tshe'i dus byas so/ /pho brang rgyab kyi ra ba
158b2 'dir shing 'di kho na la 'khor los sgyur ba'i rgyal po byas pa'i mgo yang stong tshang bar yongs su btang na lus kyi yan lag lag pa dang / rkang pa la sogs pa sbyin pa byas pa lta smos kyang ci dgos/ sangs rgyas
158b3 kyis dka' thub mdzad pa 'di bstan pa'i tshe sems can tshad med pa brgya stong snyed bla na med pa yang dag par rdzogs pa'i byang chub tu sems bskyed par gyur to/ /lha dang mi tshad med pa brgya stong snyed ni rgyun du zhugs pa'i 'bras
158b4 bu thob pa nas dgra bcom pa'i 'bras bu'i bar du thob par gyur to/ /lha dang mi tshad med pa brgya stong snyed ni nyan thos dang rang sangs rgyas su sems bskyed do/ /bcom ldan 'das kyis de skad ces bka' stsal
158b5 pa la lha dang / klu dang / gnod sbyin dang / mi dang mi ma yin pa la sogs pa 'khor mang po thams cad mngon par dga' bas phyir dong ngo / /gzhan yang 'di lta ste/ yul ma ga d+hA na mi rgod ri brags pa
158b6 lnga brgya zhig rtag tu chom po byed de/ 'dron po phan tshun rgyur med par gyur nas/ de'i tshe yul ma ga d+hA'i rgyal pos dmag rnam bzhi bshams te mi rgod rnams phab nas mig phyung / rna ba dang sna yang
158b7 bcad de ri brags ya nga bar bor ro/ /de'i tshe na mi rgod lnga brgya po lus kyi na tshas sdug bsngal bar gyur te srog la bab bo/ /mi rgod lnga brgya po de'i nang na sangs rgyas kyi slob mar gyur pa gcig yod de/
158b8 des smras pa/ bdag cag ni tshe'i dus byed pa las mi ring na/ ci'i phyir kun gyis sangs rgyas la skyabs su mi gsol zhes smras so/ /de nas mi rgod lnga brgya'i rnams skad 'thun par sangs rgyas shAkya thub
159a1 pa la phyag 'tshal lo zhes smras pa dang / de'i tshe na de bzhin gshegs pa bya rgod spungs pa'i ri la bzhugs pa las/ thugs rje chen po'i shugs kyis ri gan d+ha zhes bya ba la gshegs nas rlung
159a2 chen po langs te/ ri de la shing tsan dan gyi tshal yod par phye ma bus nas nam mkha'i khams yongs su gang bar byas te mi rgod rnams gnas pa'i ri la yang tsan dan gyi phye ma phyin par gyur te/ tsan dan gyi phye ma des
159a3 mi rgod kyi rma'i steng du gos nas mig dang / sna dang lus kyi rma thams cad sos te khrag kyang 'o mar gyur pas thams cad kyis 'di skad ces smras so/ /bdag cag ni sangs rgyas kyi thugs rje chen pos lus kyi rma kun sos
159a4 nas bde bar gyur te/ sangs rgyas kyi bka' drin bsab pa'i phyir bla na med pa yang dag par rdzogs pa'i byang chub tu sems bskyed do zhes smras nas thams cad kyis tshig 'thun par so so'i skye bo bde ba ma thob pa rnams ni bde
159a5 ba thob par bya'o/ /ma grol ba rnams ni grol bar bya'o/ /pha rol du ma phyin pa rnams ni pha rol du phyin par bya'o/ /'bras bu ma thob pa rnams ni 'bras bu thob par bya'o zhes dam bcas so/ /gzhan yang 'di lta ste/
159a6 de bzhin gshegs pa'i thugs rje chen po dang thabs mkhas pa'i rdzu 'phrul ni bsam gyis mi khyab po/ /sangs rgyas mnyan du yod pa na bzhugs pa'i tshe mi rgod lnga brgya zhig ri brags na gnas te 'dron po 'joms shing chos
159a7 ma yin pa byed do/ /de'i tshe na de bzhin gshegs pa thabs mkhas pa'i shugs kyis mi zhig tu sprul nas bal gyi glang po che bzang po la zhon nas lus la yang gos gyon zhing mda' gzhu dang mtshon cha thogs te/ bal gyi
159a8 glang po che yang rin po che sna bdun gyis brgyan te/ bdag gi lus la yang rin po che sna bdun gyis brgyan nas gcig pu mi rgod 'dug pa'i ri brags logs su song ngo / /de'i tshe na mi rgod lnga brgya'i rnams rgyang nas mi de lta
159b1 bu zhig 'ong ba mthong nas gcig la gcig bdag lo mang du mi rgod byas na 'di lta bu ma mthong ngo zhes smras so/ /de'i tshe na mi rgod de dag gi dpon po zhig yod pa des khyed rnams ci mthong zhes dris na/ de dag gis mi gcig cig gis
159b2 bal gyi glang bzang po zhig la zhon te 'ong ba zhig yod do/ /mi de'i gos dang rgyan yang rin po che sna bdun las byas/ bal glang yang rin po che sna bdun gyis brgyan te gnam sa la yang 'od 'tsher ba de lta bu zhig lam thog thag tu 'ong
159b3 ngo / /gal te bdag cag gis thebs shing zin na mi rabs bdun gyi bar du phyug pa'i nor yod do zhes smras so/ /de'i tshe mi rgod kyi dpon po des tshig de thos nas rab tu dga' ste 'di skad ces bgros so/ /bdag cag gis
159b4 dal gyis bzhabs la drung du phyin pa dang / kun gyis mda' 'phangs te gzung bar bya'o/ /de nas mi rgod lnga brgyas drung du bsnyen nas gcig car skad phyung nas kus btab bo/ /de'i tshe na sprul pa'i mi des byams shing
159b5 brtse ba'i sems kyis gzhu bdungs nas mda' 'phangs pa dang mi rgod lnga brgya rnams la mda' re phog ste mi bzod pa'i na tsha myong nas sa la 'gre zhing skad chen po phyung nas ngus so/ /de dag gis mda' phyung bar
159b6 bskyod na mda' rab tu dam pas stobs ci yod pas gtsal kyang ma nus so/ /de nas mi rgod lnga brgyas skrag nas da ni bdag cag gdon mi za bar 'chi'o snyam mo de ci'i phyir zhe na/ bdag cag 'di snyed kyis mi gcig
159b7 pu zhig ma thub pa ngo mtshar che'o zhes thams cad tshig 'thun par 'di skad ces smras so/ /mi yi nang na khyod ci yin/ /lha 'am klu 'am yi dags sam/ /'on te rig sngags kyi mthu yin nam/ /mda' cig 'phangs pas lnga brgya
159b8 rmas/ /na ba'i sdug bsngal bzod dka' bas/ /bdag cag khyod la srog phyogs kyis/ /gdug pa'i mda' rnams dbyung du gsol/ /phyin cad 'gal ba mi bgyid do/ /de nas sprul pa'i mi des tshigs su bcad de smras pa/ sta re rma las 'da' ba med/ /
160a1 'phen pa'i nang na mde'u thung mchog /lang tsho gyad kyis mi byin te/ /mang du thos pas med par 'gyur/ /de'i tshe sprul pa'i mi des tshigs su bcad pa 'di smras nas phyir sangs rgyas kyi skur bsgyur te 'od zer chen po bkye
160a2 nas phyogs bcu'i 'jig rten gyi khams thams cad snang bar byas nas 'od des reg pa'i sems can rnams ni long ba rnams ni mig gis gzugs mthong bar gyur/ lus zha bo sgur po rnams ni phyir rangs par gyur/ lus kyi
160a3 rkang lag ma tshang ba rnams ni yan lag dang ldan par gyur/ smyos pa rnams kyang dran pa rnyed par gyur/ /mdor na ji tsam du yid tu mi 'ong ba thams cad yid tu 'ong bar gyur to/ /de'i tshe na de bzhin gshegs pas mi rgod lnga brgya la chos
160a4 rnam pa sna tshogs bstan te/ spro ba dang / gzengs stod pa dang / dga' bar byas pas mi rgod lnga brgya rnams chos thos nas rab tu dga' nas lus kyi rma yang sos/ khrag kyang 'o mar gyur te/ bla na med pa yang dag par rdzogs pa'i byang
160a5 chub tu sems bskyed nas thams cad tshig 'thun par tshigs su bcad pa 'di dag gsol to/ /bdag cag byang chub sems bskyed de/ /sems can phan don rgyas par bgyi/ /sangs rgyas bstan pa rjes su bslab/ /bkur sti rim
160a6 gro rgyun du bgyi/ /sangs rgyas thugs rje'i shugs kyis bskyabs/ /sdug bsngal las thar sems lus bde/ /sangs rgyas byang chub sems dpa' dang / /dge ba'i bshes gnyen drin dran bgyi/ /slob dpon bla ma pha ma dang / /
160a7 de las gzhan pa sems can rnams/ /byams sdang kun la mnyam par sems/ /drin gyi bsod nams gnyis su med/ /de'i steng gi nam mkha' la 'dod pa'i khams kyi lha brgya byin lha'i dbang po la sogs pas lha rdzas kyi me tog
160a8 char bzhin du phab nas lha rdzas kyi rol mos de bzhin gshegs pa la mchod pa byas te/ skad 'thun par tshigs su bcad pa 'di skad ces gsol to/ /bdag cag sngon gyi bsod nams kyis/ /'od zer snang ba mchog tu mdzes/ /mchod pa'i
160b1 yo byad dam pa yis/ /kun la phan pa'i don bgyi'o/ /sangs rgyas phrad par shin du dka'/ /dam chos thos par rab tu dka'/ /sngon tshe dge rtsa bskrun pas na/ /shag rigs lha dang phrad par gyur/ /sangs rgyas bka' drin dran slad
160b2 du/ /byang chub tu ni sems bskyed de/ /bdag cag sangs rgyas mthong ba dang / /theg pa gsum gyi dge ba rnams/ /'gro ba ma lus don gyi phyir/ /bla med byang chub yongs su bsngo/ /de'i tshe lha rnams kyis tshigs su bcad pa de dag
160b3 smras nas lan brgya stong du bskor ba byas te/ sangs rgyas la mgo bos phyag byas nas/ steng gi nam mkha' la phyir dong ngo / /gzhan yang 'di lta ste/ de bzhin gshegs pa'i thabs mkhas pa dang / thugs rje chen po'i dge ba'i
160b4 rtsa ba'i stobs bsam gyis mi khyab bo/ /de'i tshe yul yangs pa can na bram ze zhig log par lta ba la zhen te/ nga rgyal gyis mngon par zin pas/ shA ri'i bu dang / maud gal gyi bu chen pos bram ze de dang bshes te rgyun du khyim du song
160b5 nas chos bstan kyang dad par ma gyur te ngan par lta ba la chags so/ /bram ze de rab tu phyug pa las nor rin po che rab tu mang yang de la bu med de/ gal te shi bar gyur na nor phyugs thams cad slar sdud do snyam bsams so/ /
160b6 de nas ri gnyan gyi lha dang / shing gi lha dang / de dag la sogs pa la mchod cing gsol nas zhag dgu bcu lon pa dang chung ma la bu yod par gyur to/ /de nas zla ba tshang ba dang bu khye'u byad gzugs bzang ba/ blta na sdug pa/ mi'i
160b7 mtshan dang ldan pa/ pha ma'i snying du sdug pa/ mang po'i yid tu 'ong ba cig btsas so/ /bu de gsos pa bskyed de/ lo nyi shu lon pa dang grogs po dang phyi rol du 'khyam zhing ltad mo ltar song ba las lam du ba lang rmis pa dang phrad pas
160b8 brdzis te shi bar gyur to/ /de ltar bu shi ba pha mas thos nas skad phyung nas ngu zhing cho nges btab nas sa la 'gre zhing lus la sa rdul bgos te skra yang bal nas nang gcig tu bdag gi rin po che med par gyur to zhes smras te/
161a1 cho nges btab ste bu'i ro ga na ba der song nas bu ro pang du blangs te brgyal zhing phyir sangs pa tsam du ngu ngu nas myos par gyur to/ /gos kyang bor nas sgren mor song song ba las de bzhin gshegs pa dang phrad do/ /
161a2 de nas de bzhin gshegs pa'i thugs rje chen po'i shugs kyis de'i bur sprul te bu dang phrad par byas nas bu'i pha ma rab tu dga' ba'i sems skyes te/ bu pang du blangs te myos pa yang sangs te/ sems phyir sor chud nas
161a3 de bzhin gshegs pas de la chos ston to/ /des chos thos nas mod la bla na med pa yang dag par rdzogs pa'i byang chub tu sems bskyed par gyur to/ /gzhan yang 'di lta ste/ de bzhin gshegs pa'i thugs rje
161a4 chen po dang / dge ba'i rtsa ba'i stobs ni bsam gyis mi khyab bo/ /de'i tshe rgyal po bai dUr+yas dmag rnam bzhi bshams nas yul ser skya ba rnams pham par byas te shAg rigs kyi bu rnams bzung nas mchan
161a5 khung nub pa tsam du sa brkos nas g.yo zhing 'gul mi nus par sa thams su bcug go/ /de ltar sa thams su bcug nas zhag bdun lon pa dang de bzhin gshegs pas thugs rje chen po'i stobs kyis sa
161a6 thams de khrus kyi rdzing bur sprul te/ rdzing bu'i chu de yang yon tan brgyad dang ldan la me tog pad mas steng yog go/ /'di lta ste/ me tog pad ma dang / puN Da rI ka dang / kha dog sngon po dang / ser po dang / dkar
161a7 po shing rta'i 'phang lo tsam gyis yongs su khebs la bya rnam pa sna tshogs kyang skad snyan pa 'byin par sprul to/ /de'i tshe shAg rigs kyi bu rnams de ltar gyur pas rab tu dga' ba'i sems bskyed nas mod la bla na med pa yang dag par
161a8 rdzogs pa'i byang chub tu sems bskyed do/ /byang chub tu sems bskyed nas rgyal po bai dUr+yas bal gyi glang po che nag po ma rungs pa lnga brgya chang blud de rmis par byas nas rkang pa la lcags kyi rmig pa bskon nas sna la ral gri rnon po btags nas skad ngan
161b1 phyung ste shAg rigs kyi bu rnams rdzir bcug go/ /ba lang rmig pa rnams kyis shAg rigs kyi bu rnams brdzis nas lhu tshigs dang / sha dang lpags pa dang / rus pa kun zhib mor sa la gtsog gtsog ltar bzhag go/ /de bzhin
161b2 gshegs pa'i thugs rje chen po'i stobs kyis de dag sems dang lus la mi bde ba med par gyur/ lus dang sems bde bas byang chub tu sems bskyed par gyur/ byang chub tu sems bskyed pas sems can thams cad la mnyam
161b3 snyoms pa'i sems su gyur/ sems mnyam par gyur pas zhe sdang gi sems med par gyur/ zhe sdang med pas tshe 'phos nas mtho ris kyi lhar skyes so/ /de ltar mtho ris kyi lhar skyes nas lha'i mig gis thog ma rgyu ci las gyur pa
161b4 brtags nas gcig la gcig 'di skad tu bdag cag ni sangs rgyas kyi thugs rje chen po'i bka' drin gyis lhar skyes te/ rin po che sna bdun gyi gzhal yas khang dang lha rdzas kyi gos dam pa dang ldan te/ lus la 'od kyang yod
161b5 la rol mo dang bde ba'i longs spyod thams cad ldan par gyur to zhes smras so/ /de ltar de bzhin gshegs pa'i rdzu 'phrul gyi mthus de ltar gyur pas na bdag cag kyang sems can thams cad la phan pa dang bde ba'i don du snying
161b6 rje chen po'i sems bskyed de/ sangs rgyas kyi chos gang na yod pa na grong ngam/ grong rdal lam/ ri 'am/ tshal lam shing drung ngam/ pho brang 'khor ram khang khyim 'am/ gang na mdo sde 'di 'dri 'am klog gam/
161b7 'don tam/ 'chad pa'i gnas der ces kyang mi brel ba yid bzhin du sbyar zhing dbul bar bya'o/ /gnas der mtshon gyis gnod par byed pa dang / rim nad dang / mu ge mi 'byung bar bdag cag gis nyin mtshan du bsrung zhing bskyab
161b8 par bgyi'o zhes de skad ces smon lam btab nas lha de dag gi tshe dang / stobs dang / lus kyi mdog dang / 'od gsal ba snga bas lhag par bzang bar gyur te/ de dag rab tu dga' nas nam mkha'i phyogs nas phyir dong ngo / /
162a1 gzhan yang de bzhin gshegs pa'i thabs mkhas pa'i thugs rje chen po dang / dge ba'i rtsa ba'i stobs ni bsam gyis mi khyab bo/ /de'i tshe rgyal po bai dUr+yas yul ser skya phab nas shAg rigs kyi bu rnams
162a2 med par byas pa'i 'og tu shAg rigs kyi bu mo ci la yang mkhas pa gzhan pas lhag pa lnga brgya zhig gdams nas bu mo lnga brgyas skor te/ rol mo byas nas phyir bdag gi yul du 'ongs te/ btsun mo dang slas rnams bcas su pho brang du 'dus
162a3 tshogs nas skyil mo krung bcas te 'dug go/ /gdan la 'dug nas bdag skyid de legs so zhes smras so/ /de nas shAg rigs kyi bu mo rnams kyis rgyal po bai dUr+ya la khyod cis skyid ces smras so/ /rgyal pos smras pa/ kho bo dgra las rgyal
162a4 bas skyid do/ /bu mo rnams kyis smras pa/ khyod rgyal ba ma yin no/ /ji ste rgyal po'i dmag rnam bzhi kun log na yang shAg rigs kyi bu gcig las mi thub bo/ /bdag cag shAg rigs kyi mi rnams sangs rgyas kyi slob mar gyur te/ ci la
162a5 yang brtod pa med pas rgyal po rgyal bar zad do/ /gal te ngan sems bskyed nas khyod snga phyi lan gsum bzhi'i bar du yul ser skyar dmag rnam bzhi drangs pa na rtag tu pham par byas pa ma yin nam/ khyod thog ma dmag drangs pa'i tshe
162a6 shAg rigs kyi bu rnams 'di skad zer ro/ /rgyal po bai dUr+ya khrel med pa drin mi shes par gnod pa byed du 'ong ba de dang 'gyed par gyur na 'dzangs ngan gyi bye brag gang yang med dkar nag kyang mi mngon gyis/ bdag cag gis skrag pa tsam byas te
162a7 phyir bzlog pa'i phyir thams cad kyis 'di skad ces dam bcas so/ /bdag cag gis mda' cig car 'phangs la pha rol la smas shing gnod par mi bya'o zhes dmag rnam bzhi bshams nas rgyang grags bzhi bcu'i mdun du khyod kyi dmag
162a8 bsu nas kun gyis mda' 'phangs na mda'i rgyun ma chad de/ rgyal po khyod skrag nas phyir ma log gam/ de nas yang zhag dgu bcu lon pa'i 'og tu phyir dmag rnam bzhi drangs nas shAg rigs la drangs te brgal ba
162b1 na/ de'i tshe shAg rigs kyi bu rnams 'di skad ces bgros so/ /rgyal po bai dUr+ya sdig pa can khrel dang ngo tsha mi shes pa de yang bdag cag la gnod pa byed tu 'ongs pas bdag cag shAg rigs rnams kyis 'di ltar dam bca'o/ /dgra de dag la bdag gis gcig
162b2 car mda' 'phangs la de dag gi lus la gnod par mi 'gyur bar de'i ya lad kyi rgyun kun bcad de/ khrab kyi sa la lhags par bya'o zhes dam bcas nas shAg rigs kun gyis mda' 'phangs nas khrab kyi rgyun kun bcad de bsgren mor bzhag go/ /
162b3 de nas rgyal bu khyod skrag nas de ni bdag cag gi srog la bab na ji ltar bya zhes bgros pa las blon po gcig gis 'di skad ces gros ma btab bam/ shAg rigs rnams ni sangs rgyas kyi slob ma yin pas srog mi gcod pa'i khrims
162b4 srungs te snying rje che bas bdag cag la gnod pa ma byas kyi de lta ma yin na bdag cag gi lus dang srog med par 'gyur ro zhes smras nas de ltar bden na da dung brgal lo zhes smras te/ de'i tshe na shAg rigs kyi bu rnams ni lag pa mi
162b5 'gul bar sdod do/ /rgyal po bai dUr+ya'i dmag rnam bzhi drung du bsnyen kyang shAg rigs kyi bu rnams mi rgol bar sdod do/ /de nas bram ze zhig 'dug pas shAg rigs rnams la 'di skad ces smras so/ /da mi bde ba byung bzhin du ci'i phyir mi rgol bar
162b6 sdod ces smras pa dang / shAg rigs rnams kyis smras pa/ bdag cag ni ci la yang brtod pa med de/ 'di dang brtod par gyur na sangs rgyas kyi slob mar mi rung ngo zhes smras so/ /de nas bram ze de dag gis smras pa la ma rangs te/
162b7 gcig pu shAg rigs kyi mdun du 'phags nas rgyal po bai dUr+ya'i dmag la brgal te mda' gcig 'phangs pas bdun bdun smras par byas pas ring po mi thogs par smas pa dang shi ba mang bar gyur te/ rgyal po khyod dmag rnam
162b8 bzhi dang phyir ma log gam/ dmag phyir log pa'i 'og tu shAg rigs rnams 'di snyam du sems par gyur to/ /bdag cag rnams bram ze 'di dang lhan cig 'dug cing 'grogs pa'i mi rigs so snyam bsams
163a1 nas shAg rigs rnams 'dus nas bram ze yul de nas bskrad do/ /bram ze de bskrad pa'i 'og tu yang rgyal pos dmag rnam bzhi drangs nas yul ser skya phab nas rgyal bar byas pa yin no/ /de nas rgyal po
163a2 bai dUr+ya skyengs te ngo tsha bar gyur to/ /de nas rigs ngan pa'i shan pa bkug nas shag rigs kyi bu mo rnams rkang pa dang lag pa gtubs la sna dang rna ba bcad de shing rtas bskyas nas dur khrod tu bor ro/ /de'i tshe shAg rigs kyi bu mo rnams
163a3 rkang lag bcad nas sa la 'gre zhing sdug bsngal chen po myong bar gyur nas srog la bab bo/ /de'i tshe shag rigs kyi bu mo rnams sdug bsngal gyis gdungs pas la la ni pha ma dang ming po pho nu mo'i ming nas 'bod/ la la
163a4 ni gnam 'bod/ la la ni sa 'bod/ la la ni rab tu sdug bsngal bar 'bod par gyur to/ /de'i nang na shAg rigs kyi bu mo mchog tu gyur pa gcig gis bu mo rnams la 'di skad ces smras so/ /phu nu mo dag 'di ltar
163a5 rig par gyis shig /bdag gis sngon sangs rgyas las 'di ltar thos so/ /gang zhig phongs shing nyam thag par gyur pa na sems rtse gcig tu sangs rgyas yid la byas te mtshan nas brjod la srog phyogs na bsam pa bzhin du 'grub
163a6 cing bde bar 'ong bar thos so/ /de nas shAg rigs kyi bu mo lnga brgya rnams sems rtse gcig tu btud nas 'thun par sangs rgyas shAkya thub pa dgra bcom pa yang dag par rdzogs pa'i sangs rgyas la phyag 'tshal lo zhes brjod de/
163a7 kyi hud kyi hud/ e ma re sdug /e ma re sdug /bcom ldan 'das bde bar gshegs pa zhes bos so/ /de skad smras ma thag tu de bzhin gshegs pa thugs rje chen po'i shugs kyis steng gi nam mkha' la snying rje chen po'i sprin
163a8 chags te/ snying rje chen po'i sprin las char pa bab nas char pa'i thigs pas bu mo'i lus la phog go/ /char pas phog ma thag tu bu mo de dag gi lag pa dang / rkang pa de dag la sogs pa snga mkho bzhin du sos par gyur to/ /
163b1 de'i tshe shAg rigs kyi bu mo rnams rab tu dga' bar gyur nas thams cad tshig 'thun par de bzhin gshegs pa byams pa'i pha ma dang / bla na med pa bcom ldan 'das ni 'jig rten gyi sman dam pa'o/ /'jig rten gyi snang ba'i spyan
163b2 no/ /khams gsum gyi sdug bsngal las thar bar mdzad pa'o/ /shin du bde ba sbyin pa'o/ /de ci'i phyir zhe na/ bdag cag sdug bsngal gyis gdungs pa las thar bar gyur pas bdag cag gis sangs rgyas kyi bka' drin dran par
163b3 bya ba'i phyir da sangs rgyas kyi bka' drin bsab par bya na thabs ji lta bu zhig gis bka' drin bsab par bya/ de bzhin gshegs pa'i sku ni rdo rje'i sku/ rtag tu gnas pa'i sku/ bkres pa dang skom pa med pa'i sku/ gzugs dam pa'i sku/
163b4 bsam gtan dang ting nge 'dzin dang / dbang po dang stobs dang / byang chub kyi yan lag bsam gyis mi khyab pa phun sum tshogs pa dang ldan pa'o/ /mtshan sum bcu rtsa gnyis dang / dpe byad bzang po brgyad bcus yongs su brgyan
163b5 pa'o/ /yongs su mya ngan las 'das pa chen po la gnas shing sems can thams cad la sgra gcan 'dzin dang 'dra bar gzigs so/ /dgra dang gnyen la yang mnyam par gzigs te lan mi re ba yin na/ da bdag cag gis sangs rgyas kyi bka' drin bsab
163b6 par bya na/ bdag cag rab tu byung ste tshul khrims bsrungs la dam pa'i chos bzung ngo snyam bsams nas/ chos gos dang lhung bzed btsal te/ dge slong ma'i gtsug lag khang du song nas rab tu 'byung bar gsol te dge slong ma'i gnas su phyin nas dge slong ma drug sde dang sngar phrad
163b7 par gyur te/ dge slong ma drug sdes bdag cag la 'di skad ces bsgo'o/ /bu mo khyod rnams gzhon zhing lang tsho'i dus la bab la byad bzhin bzang la sdug na ci'i phyir 'di lta bu gtang dka' ba gtong bar sems shing rab tu 'byung bar sems/
163b8 de bas na 'jig rten gyi 'dod pa lnga las longs spyad na mi skyid dam/ skyid pa myong nas tshe nar phyin te rab tu byung na mi slebs sam zhes bsgo'o/ /drug sde ma rnams kyis bsams
164a1 pa/ 'di dag rab tu ma byung na gdon mi za bar bdag cag gi chos gos dang / lhung bzed dang / 'dod pa thams cad dbul lo bar bsams nas shAg rigs kyi bu mo rnams rab tu 'byung ba'i bgegs byas
164a2 so/ /bu mo rnams kyis tshig de thos nas lhag par mi dga' zhing mya ngan gyis non par gyur te/ ci'i phyir da dung yang 'di lta bu'i 'jigs pa chen po dang phrad par 'gyur/ kha zas bzang po'i nang na dug ma rungs pa yod pa ltar dge
164a3 slong ma de dag kyang de dang 'dra ste/ 'jig rten gyi 'dod pa lnga ni 'jigs pa'i skyon mang bar bdag cag gis kyang shes na/ ci'-i phyir 'di dag de la yon tan tu lta snyam bsams nas skad phyung ste ngus so/ /de nas phyir byung ste
164a4 song song ba las dge slong ma ud pa la'i mdog dang phrad de/ bdag cag la ci'i phyir ngu zhes dris so/ /bdag cag gis dge slong ma la bsams pa ltar ma gyur pas ngu ba yin no zhes smras so/ /ud pa la'i mdog gis
164a5 smras pa/ khyed cir bsams na ma grub par gyur/ bdag cag gis rab tu dbyung bar gsol ba las/ rab tu 'byung du ma btang ngo / /ud pa la'i mdog gis smras pa/ khyed rab tu 'byung bar dga' na kho bos rab tu dbyung
164a6 ngo / /shAg rigs kyi bu mo rnams rab tu dga' nas ud pa la'i mdog gi slob mar rab tu byung ngo / /de ltar rab tu byung nas thams cad 'dus te 'di skad ces gtam byas so/ /bdag cag rnams rab tu ma byung na sdug bsngal
164a7 'ga' tsam myong bar ma zad de/ pha ma dang gnyen bshes kyang dgras bsad/ bdag cag kyang sna dang / rna ba dang rkang lag kun bcad gtubs te sdug bsngal mi zad mi srid pa myong ngo / /ud pa la'i mdog gis smras pa/
164a8 khyod kyis sdug bsngal de tsam myong ba la gtam yang byar ci yod/ kho mo rab tu ma byung ba tsam na sdug bsngal myong ba'i gtam de mi gtol to/ /shAg rigs kyi bu mo rnams kyis thal mo sbyar nas slob dpon la rab tu ma
164b1 byung ba'i tshe/ sdug bsngal ji lta bu myong ba bstan du gsol zhes smras so/ /de nas dge slong ma ud pa la'i mdog ting nge 'dzin du zhugs nas mngon par shes pa'i mthus 'od zer chen po bkye ste 'dzam bu'i gling snang bar
164b2 byas nas las dang rgyu 'thun pas lha dang / klu dang / gnod sbyin dang / mi dang mi ma yin pa la sogs pa bsdus nas 'khor mang po la 'di skad ces smras so/ /kho mo rab tu ma byung ba na yul mnyan du yod pa can na
164b3 'dug pa na kho mo'i pha mas byang phyogs na 'dug pa la bag mar btang ngo / /byang phyogs kyi mi de dag gi yul chos kyis bu btsa' kar phyir pha ma'i yul du bu btsar btong ste/ de bzhin du lo du mar de ltar snga phyir bu
164b4 btsas nas phyis bu zhig btsa' ba'i tshe khyim thab dang 'grogs te bzhon pa rta dang theg par bcas te pha ma'i yul du song ba las/ lam phyed du phyin pa las chu klung yod pa chu brug ste ma thar nas de'i nub mo 'brog dgon
164b5 pa'i chu 'gram der nyal lo/ /de'i nub mo bu btsas pa dang rtswa'i nang nas sbrul gdug pa yod pa khrag gi dri tshor nas bdag bu btsas pa'i phyogs su 'ongs so/ /bdag gi drung du ma phyin par bdag gi khyim thab dang bran nyal
164b6 ba'i steng du 'ongs nas btsugs te sngar bran bsad do/ /de nas khyim thab kyi thog tu 'ongs nas bdag gis sbrul 'ongs so/ /sbrul 'ongs so zhes khyim thab la bos na ma tshor te khyim thab kyang bsad do/ /de nas rta dang /
164b7 ba lang dang / bzhon pa kun bsad do/ /kho mo 'ba' shig thar te phyi de nyin nam nangs nas bltas na khyim thab kyi ro yang bam/ sa la khrag gtsog gtsog ltar 'dug pa mthong nas kho mo skrag 'khams
164b8 nas sa la 'gyel to/ /de nas skad chen po phyung ste ngus nas khu tshur gyis brang brdungs/ skra yang bal nas ro'i steng du 'gyel to/ /de bzhin du zhag du mar chu las ma thar te/ chu 'gram na 'dug 'dug pa las phyis chu
165a1 brug pa bri nas bu chen po tshu rol du bzhag bu 'bring po khur du khyer/ bu chung ngu thu ba'i nang du bcug /thu ba sos bzung ste chu 'bogs pa las chu phyed tu phyin pa dang bu chen po stag cig 'ongs nas bzung ba mthong ba dang /
165a2 kha gdangs te khus btab pa las thu ba shor ba dang bu chung ngu chur lhung ngo / /bu chung ngu bsnyabs pa las rgyab na mo'i bu yang shor nas bu kun shi'o/ /de ltar bu gcig stag gis zos/ gzhan chur shi bas bdag pha rol du phyin te
165a3 snying gas pa tsam du sdug bsngal gyis gdungs nas kha nas khrag skyugs te/ kyi hud kyi hud ces cho nges btab nas nang gcig tu 'di 'dra ba'i sdug bsngal myong bar mthong bar gyur to zhes ngu zhing 'dug 'dug pa las/ ring po ma thogs par
165a4 'dron po mang po zhig der lhags so/ /de'i tshe na 'dron po de dag gi nang na khyim bdag gcig cig kho mo'i pha ma dang mdza' zhing bshes pa ste/ kho mo de'i gan du song ste pha ma'i gtam dris so/ /de la khyim bdag des 'di skad ces
165a5 smras so/ /khyod kyi pha ma dang khyim du me thar te khyim yang tshig go/ /khyod kyi pha ma yang tshig go/ /bdag gis tshig de thos nas brgyal te sa la 'gyel to/ /de nas ring zhig lon pa dang phyir sangs te song song ba las grogs po
165a6 rnams mi rgod lnga brgya dang phrad de bcom mo/ /de'i tshe mi rgod kyi dpon pos bdag chung mar blangs nas rtag tu sgo srung du bcug go/ /sgo srung du bcug pa na rings drag cig byung ba na tshor sangs cher byos la nang du sbron cig ces bsgo'o/ /de nas dus gzhan
165a7 zhig na khyim thab de mi rgod rnams dang 'phrog cing 'joms su song song ba las rgyal po'i grong khyer gyi mi rnams kyis brdas nas nyam thag ste phyir gnas su bros pa las de'i thad kar kho mo bu btsa' ba'i thad kar bab ste/ khyim thab sgo na 'bod pa
165a8 thos kyang sgo 'byed ma nus pas/ de'i tshe khyim thab de 'di snyam du sems par gyur to/ /bdag gi chung ma 'di ni nga la gnod pa sems pa lta/ sgo 'byed du yang ma btub bo snyam bsams nas rtsig pa la rgal nas nang du 'ongs so/ /des chung ma la
165b1 ci'i phyir sgo mi 'byed ces byas so/ /chung mas smras pa/ bdag bu btsa' zhing 'dug pas sgo 'byed ma nus so/ /de'i tshe na khyim thab de khros nas ji tsam du lus yod na bu yod par 'gyur te/ khyod nga la gnod pa byas pas bu de bdog na yang ci ru
165b2 rung myur du sod cig ces bsgo'o/ /de'i tshe bdag bu la byams ches pas gsod ma phod do/ /de nas bdag gi khyim thab kyis ral gri phyung nas bu'i rkang lag bcad de sha 'di zo shig /sha ma zos na mgo bcad do zhes smras so/ /de nas bdag
165b3 skrag nas bu'i sha zos so/ /de ltar bu'i sha zos nas khro ba yang zhi bar gyur to/ /de nas yang dus gzhan zhig na rku zhing 'phrog tu song song ba las rgyal sos zin te khrims dang sbyar nas srog bcad do/ /de'i tshe na rgyal po de'i yul
165b4 chos kyis rkun po bsad nas rkun po'i ro dang chung ma gson por dur du bcug go/ /kho mo brgyan dang bcas su dur du bcug par gzhan gyis mthong nas de nas mod la gzhan gyis bdag gi rgyan 'dod pa'i phyir mtshan mo dur brus nas
165b5 bdag kyang khrid de chung mar blangs nas dur rkun de yang ring po ma lon par yang rgyal pos zin nas khrims dang sbyar nas bsad do/ /yul chos kyis rkun po'i chung ma yang gson por ro dang dur du bcug go/ /de nas ring po
165b6 ma lon par spyang ki ltogs pa'i ro zos nas phyir byung nas bdag kyang de nas thar te myos bzhin du 'thom zhing song song ba las mi mang po zhig dang phrad de/ mi de dag la 'di skad ces smras so/ /bdag shin du sdug bsngal
165b7 mang pos yongs su gzir bar gyur pas da mya ngan med pa'i bde ba'i gnas shig 'dod do/ /de nas khyim bdag bram ze zhig bdag la snying brtse ba'i phyir bdag la 'di skad ces smras so/ /sangs rgyas shAkya thub pa'i chos la zhugs na nyon
165b8 mongs pa'i rkyen med de rab tu bde'o zhes thos so/ /bdag gis tshig de thos nas rab tu dga' ba'i sems skyes te/ dge slong ma skye dgu'i bdag mo chen mo grags 'dzin ma ga la ba der song nas phyin pa dang rab tu byung ngo / /rab tu byung nas
166a1 mthar kyis bsgoms nas 'bras bu thob par gyur te/ rig pa gsum dang / mngon par shes pa drug dang / rnam par thar pa brgyad dang ldan par gyur to/ /de'i rgyu de'i rkyen gyis kho mo rab tu ma byung ba'i tshe de lta bu'i sdug
166a2 bsngal chen po myong ngo / /myong nas de'i rkyen gyis rab tu byung nas 'bras bu yang thob par gyur to/ /de'i tshe shag rigs kyi bu mo rnams de skad ces smras pa thos nas rab tu dga' ba'i sems skyes te chos la chos kyi mig rnam par
166a3 dag pa thob par gyur to/ /chos nyan pa'i 'khor rnams kyang byang chub tu smon lam btab nas dga' bas phyir dong ngo / /de'i tshe na sangs rgyas kyi yum sru dge slong ma gau ta mIs dge slong ma dang / bar khrims ma dang / dge sbyong ma dang
166a4 dge bsnyen ma la sogs te bud med thams cad 'di skad ces smras so/ /sangs rgyas kyi chos ni thams cad la phan pa dang bde bar 'gyur ba'i yon tan dang ldan te/ 'bras bu rnam pa gsum thob par bya ba'i phyir de bzhin gshegs pa'i
166a5 chos rgya mtshor 'jug pa la sems can thams cad thob pa'i skal ba yod mod kyi bdag cag bud med thams cad la ni ma gnang ngo / /de yang bud med thams cad la bsgribs pa mang zhing gtong mi phod pa chags shing zhen pa dang / kun
166a6 nas nyon mongs pa'i las grangs med pas klags pa dang / shes pa chung zhing zhan pa dang / le lo byed cing nga rgyal che ba dang / lus 'di nyid kyis byang chub kyi rgyur du mi 'gyur zhing mtshan sum cu rtsa gnyis thob par mi rung ba dang /
166a7 'khor bar 'khor ba na 'khor los sgyur ba'i rgyal po'i 'bras bu'i mchog dge ba bcu'i chos kyis 'gro ba mang po sdud mi nus pa dang / tshangs pa'i rgyal po'i thabs bla na med pa mi 'thob cing sems can thams cad la phan pa
166a8 dang bde ba'i don du dam pa'i chos kyi 'khor lo bskor bar bskul mi nus pa'i phyir de bas na de bzhin gshegs pas bud med rnams chos la 'jug pa'i slob mar ma gnang ngo / /lha'i bdud dam ngan par lta ba dang / mu stegs can thams cad
166b1 rtag tu ngan par lta ba la chags shing zhen te dam pa'i chos med par bya ba dang / sangs rgyas dang / chos dang / dge 'dun gshig par 'dod pa dang 'dra bar de bzhin gshegs pas bud med rnams sangs rgyas kyi chos la mos kyang
166b2 'jug tu ma gnang ste/ kho mos bud med thams cad kyi phyir de bzhin gshegs pa la yang dang yang lan gsum gyi bar du sangs rgyas kyi chos la 'jug par gsol na ma gnang ngo / /de ltar lan gsum gyi bar du gsol kyang ma
166b3 gnang nas bsams pa bzhin ma gyur nas kho mo mi dga' ba'i mya ngan gyis non te/ mig mchi mas gang ste phyir byung ste song song ba las lam du kun dga' bo dang phrad nas kun dga' bos kho mo la yum ci'-i phyir 'di ltar
166b4 mi dga' zhing mya ngan byed ces dris so/ /kho mos de'i tshe na kun dga' bo la 'di skad ces smras so/ /bdag sangs rgyas kyi chos la dad cing mos te lan gsum gyi bar du de bzhin gshegs pa la gsol ba las ma gnang bas
166b5 de'i phyir bdag mi dga' zhing mya ngan byed do zhes smras pa dang / de'i tshe kun dga' bos bdag la 'di skad ces smras so/ /yum mi dga' ba ma byed cig /bdag gis de bzhin gshegs pa la gsol te yum sangs rgyas kyi bstan pa la
166b6 'jug par bya'o zhes smras so/ /de nas bdag mod la dga' bar gyur to/ /de nas kun dga' bos sangs rgyas gang na ba der song nas phyin pa dang 'di skad ces gsol to/ /bcom ldan 'das bdag zhu zhing gsol ba'i skabs dbye
166b7 bar gnang na bcom ldan 'das la zhu'o zhes gsol pa dang / bcom ldan 'das kyis bka' stsal pa/ ci dang ci 'dod pa dris shig par bka' stsal to/ /de nas bcom ldan 'das la kun dga' bos 'di skad ces gsol to/ /yum gau ta mI ni
166b8 de bzhin gshegs pa'i gzugs kyi sku gso zhing bskyed bskyed de/ da mngon par sangs rgyas pa'ang yum gyi rkyen gyis mngon par rdzogs par sangs rgyas pa lags te/ yum ni de bzhin gshegs pa la drin che ba lags na de bzhin gshegs pas
167a1 sems can thams cad kyang sangs rgyas kyi bstan pa la 'jug tu gnang na yum sangs rgyas kyi bstan pa la 'jug pa lta smos kyang ci 'tshal/ bcom ldan 'das kyis kun dga' bo la bka' stsal pa/ khyod smras pa bzhin te/
167a2 de bzhin gshegs pa la yum drin che bar de bzhin gshegs pas mi mkhyen pa ma yin na/ bud med rnams sangs rgyas kyi bstan pa la 'jug par ma gnang ngo / /gal te de bzhin gshegs pas sangs rgyas kyi bstan pa la bud med 'jug
167a3 tu gnang bar gyur na dam pa'i chos lo lnga brgyas sngar nub par 'gyur te/ de bas na de bzhin gshegs pa ni bud med rnams sangs rgyas kyi bstan pa la 'jug par mi dgyes so/ /de nas kun dga' bos sangs rgyas kyi zhabs la mgo bos
167a4 phyag 'tshal te/ thal mo sbyar ba btud de/ yang bcom ldan 'das la 'di skad ces gsol to/ /bdag mngon du dran pa 'das pa'i sangs rgyas thams cad 'khor bzhi dang ldan na sangs rgyas shAkya thub pa 'ba' zhig 'khor bzhi dang
167a5 ldan pa ma lags sam/ sangs rgyas kyis kun dga' bo la bka' stsal pa/ de ltar gau ta mI sangs rgyas kyi chos la dad na brtson 'grus chen po bskyed de/ btsun par bya ba'i chos rnam pa brgyad yongs su dag par spyod na sangs
167a6 rgyas kyi chos la 'jug tu gnang ngo / /de nas kun dga' bos sangs rgyas kyi zhabs la mgo bos phyag 'tshal te/ lan gsum bskor ba byas nas phyir song ste yum la 'di skad ces smras so/ /bdag gis de bzhin
167a7 gshegs pa la nan gyis gsol nas yum chos la 'jug tu gnang ngo / /shin du legs so/ /kun dga' bo de bzhin gshegs pa la yang dang yang du gsol te yum bsam pa ltar gyur pa legs so/ /yum gyis kun dga'
167a8 bo la de bzhin gshegs pa'i bstan pa la 'jug tu gnang ba thos nas rab tu dga' nas bdag gi lus mi rtag pa 'dis deng 'dir rtag pa'i rin po che'i lus su gyur to/ /bdag gi srog 'di yang skad cig skad cig cing 'gyur zhing 'pho
167b1 ba las deng 'dir rin po che'i srog tu gyur to/ /da ltar bdag gi lus dang / srog dang / nor yang rkyen 'dus pa las yod par zad de/ da ni rin po che'i nor rnyed par gyur to/ /de ltar bdag gis phan pa dang bde ba'i yon tan chen po mthong
167b2 bas kun dga' bo la lhag par bkur sti bya ba dang rim gro bya ba'i sems skyes te kun dga' bo la 'di skad ces smras so/ /the tsom ma za zhig /de bzhin gshegs pas dgongs te gsungs pa'i rjes su spyod cing lus dang srog yal yang
167b3 nyams par mi bgyid do/ /de nas de bzhin gshegs pas btsun par bya ba'i chos rnam pa brgyad nyams par mi bya ba yang zhib tu bstan to/ /de'i tshe yum gau ta mI snying rje chen po'i shugs kyis ma 'ongs pa'i bud med thams cad kyi phyir bcom
167b4 ldan 'das la yang 'di skad ces gsol to/ /btsun pa bcom ldan 'das ma 'ongs pa'i dus na sangs rgyas kyi chos la dad cing mos pa zhig mchis na de yang bstan pa la 'jug par gnang bar mdzad du gsol/ /bcom ldan 'das
167b5 kyis bka' stsal pa/ legs so/ /bud med gang sangs rgyas kyi chos srung zhing 'dzin la mthar gyis tshul khrims dang / sbyin pa dang mang du thos pa dang / dge ba'i chos rnams nyams su len na rab tu 'byung ba dang / khyim par
167b6 'dug kyang skyabs su 'gro ba gsum dang / gtan khrims lnga dang / khrims rdzogs pa'i bar du nod cing rnam par thar pa dang / byang chub kyi yan lag gi chos kyi bar du 'jug tu gnang ngo / /de la nan tan byas na 'bras
167b7 bu rnam pa gsum yang 'thob cing lha dang mi'i mya ngan las 'da' ba'i bar du thob par 'gyur ro/ /gau ta mIs de skad gsungs pa thos nas rab tu dga' mgu rangs dga' ba'i sems su gyur te/ bcom ldan 'das la
167b8 'di skad ces gsol to/ /bdag gis 'bras bu thob par gyur pa yang sangs rgyas kyi bka' drin lags so/ /bcom ldan 'das kyis bka' stsal pa/ de skad ma zer cig /de bzhin gshegs pa ni sems can
168a1 rnams la drin yod pa ma yin no/ /de bzhin gshegs pa ni sems can rnams la drin yod ce 'am/ drin med ces mi dgongs so/ /gal te de bzhin gshegs pa sems can rnams la drin bgrang na
168a2 mnyam snyoms pa'i thugs nyams par 'gyur te/ gau ta mI de bzhin gshegs pa ni sems can la drin yod ce 'am med ces dgongs na mnyam snyoms pa yang med par 'gyur ro/ /de ci'i phyir zhe na/ sems can gang gis sangs
168a3 rgyas la gnod pa zhig byas na yang de la zhe sdang ba yang med/ sems can gang spos tsan dan gyi 'de gus de bzhin gshegs pa'i sku la bskus na yang de la de bzhin gshegs pa dgyes par mi dgongs so/ /de bzhin gshegs
168a4 pa ni sems can la mnyam snyoms par gzigs te/ 'di ni kun dga' bo'i drin yin gyi de bzhin gshegs pa'i drin ma yin na/ kun dga' bo'i rkyen gyis bud med rnams sangs rgyas kyi bstan pa la 'jug par
168a5 gyur to/ /gau ta mI ma 'ongs pa'i dus na dge slong ma dang / dge bsnyen ma dang / bud med rnams rtag par sems rtse gcig tu kun dga' bo la soms shig /bkur sti dang rim gro cher byas te ming nas yang brjod la rgyun du
168a6 drin dran par bya'o/ /de ma yin na nyin mtshan dus drug tu yang mi brjed par bya'o/ /dran par bya'o/ /de nas gau ta mIs dge slong ma rnams dang / bud med rnams la 'di skad ces bsgo'o/ /bdag cag rnams kyis ston pa kun
168a7 dga' bo la skyabs su gsol te srog phyogs so/ /bud med gang zhig rtag tu bde skyid pa dang / bkra shis pa dang / 'bras bu thob par 'dod na rtag tu dpyid zla 'bring po'i tshes brgyad dang / ston zla 'bring po'i tshes brgyad la gos sar
168a8 pa gtsang ma bgos te/ sems rtse gcig tu nyin zhag gcig khrims brgyad mnos la dus drug tu brtson 'grus bskyed de mchod pa byas na kun dga' bos rdzu 'phrul gyi mthus skyob cing bsams pa bzhin du grub par byed do/ /
168b1 'khor mang po rnams chos thos pas rab tu dga' nas bskor ba byas nas phyir dong ngo / /thabs mkhas pa chen po sangs rgyas drin lan bsab pa'i mdo las snying rje'i le'u zhes bya ste bdun pa'o// // thabs mkhas pa chen
168b2 po sangs rgyas drin lan bsab pa'i mdo/ bam po drug pa/ de'i tshe de bzhin gshegs pa la 'khor mang pos yongs su bskor nas mchod pa dang rim gro byas/ bkur sti dang phu dud du byas/ bsngags shing bstod nas
168b3 'khod do/ /de nas kun dga' bos 'khor mang po'i the tsom sems kyis rtags nas stan las langs nas sangs rgyas la 'di skad ces gsol to/ /bcom ldan 'das ci'i slad du ma 'gags pa lta bu ma rabs rigs ngan pa yang
168b4 rab tu 'byung du gnang / ma 'gags pa rab tu byung bas rgyal rigs dang rje'u rigs thams cad kyi dad pa dang gus pa'i sems nyams par gyur to/ /de ltar dad pa'i sems nyams pas bsod nams kyi dngos po yongs su nyams
168b5 par gyur/ rgyal po zas gtsang ma'i sras dge slong dga' bos kyang brnyas pa'i sems skyes par gyur to/ /de nas bcom ldan 'das kyis kun dga' bo dang / 'khor mang po rnams la 'di skad ces bka' stsal to/ /
168b6 khyed rnams legs par nyon cig /khyed rnams kyis de bzhin gshegs pa la mnyam snyams pa'i thugs rje chen po dang / dran pa nye bar bzhag pa gsum dang / ye shes lnga dang / ting nge 'dzin med do zhes smras kyang
168b7 sla'i/ dge slong ma 'gags pa 'di yang dag par ma rabs rigs ngan yin zhe 'am/ spyod pa tha ma 'am/ smon lam tha ma 'am brtson 'grus tha ma yin no zhes byar rung ngam/ khyed rnams kyis de bzhin gshegs pa ni nyon
168b8 mongs pa dang bcas pa'o/ /mi rtag pa'o/ /'gyur zhing 'pho ba'o zhes byas kyang sla'i/ dge slong ma 'gags pa ma rabs rigs ngan las rab tu byung ba yin no zhes bya bar mi rung ngo / /de bzhin gshegs
169a1 thams cad mkhyen pa'i ye shes kyis yang dag pa bden pa'i tshig gsung bas khyed rnams de bzhin gshegs pas gsungs pa la yid ches par bya'o/ /de bzhin gshegs pa ni 'khor ba'i skyon dang nyes pa gzigs
169a2 shing mkhyen pas rang mngon par rdzogs par sangs rgyas te/ dge slong ma 'gags pa lta bu rab tu byung bas rig pa gsum dang / mngon par shes pa drug dang / rnam par thar pa brgyad dang ldan te/ lha dang mi rnams kyi mchod pa'i gnas
169a3 su gyur to/ /dam pa'i chos srung zhing 'dul ba 'dzin pa'i mchog dam par gyur te/ thams cad kyis mchod pa'i gnas su gyur pas na so so'i skye bo dag kyang 'bras bu dam pa gsum thob par byed do/ /'di lta ste/ da ltar gyi 'bras bu
169a4 thob pa dang / skye ba'i 'bras bu dang / ma 'ongs pa'i 'bras bu thob par byed de/ de bas na ma 'gags pa ni spyod pa mchog dam pa dang ldan te/ phyogs gcig tu snying rje che ba'i sems dpa'o/ /sngon 'das pa'i dus na yang
169a5 sangs rgyas grangs med pa bye ba brgya stong snyed la dge ba'i rtsa ba bskyed la bsnyen bkur byas nas sangs rgyas de dag gi chos la yang 'dul ba 'dzin pa'i mchog byas/ da ltar sangs rgyas shAkya thub pa'i chos la yang 'dul ba 'dzin pa'i
169a6 mchog tu gyur to/ /de'i tshe dge slong dga' bas sangs rgyas kyis gsungs pa thos nas 'dug pa las langs te/ mgo bos 'phags pa kauN+Di n+ya'i rkang pa la phyag 'tshal te/ mthar gyis ma 'gags pa'i drung du phyin nas
169a7 thal mo sbyar nas 'dud pa tsam byas so/ /de nas bcom ldan 'das kyis dga' bo la tshigs su bcad de bka' stsal pa/ dga' bo khyod ni shes par byos/ /dbul zhing sdug par 'gyur ba 'am/ /che btsan nyams par mi 'gyur gyi/ /
169a8 rab tu byung ba'i chos nyid do/ /bcom ldan 'das kyis de ltar dga' bo la bstan pa dang / gzengs stod pa dang / dga' ba'i chos rnam pa du ma gsungs nas dga' bo rab tu dga' mgu rangs te/ gos tshags bcos nas 'phags pa ma 'gags pa'i rkang
169b1 pa la mgo bos phyag 'tshal ba dang / de ma thag tu gnam sa yang rnam pa drug tu g.yos so/ /lus dang sems mnyen zhing las su rung bar gyur te/ bdag gi don rab tu rnyed cing bya ba byas par gyur to/ /de nas bcom ldan 'das kyis 'phags pa ma 'gags pa
169b2 la khyod kyis myur du seng ge'i sgra sgrogs shig /'di lta ste/ dkon mchog dang / bden pa bzhi dang / khyim dang / rab tu byung ba'i 'khor bdun gyi khyad par dang / de dag gi skyabs su 'gro ba gsum dang / gtan khrims lnga nas tshul khrims thams cad kyi bar du sems can la
169b3 phan pa'i tshul khrims dang / nyon mongs pa sbyong ba'i tshul khrims dang spyod lam gyis gdul ba'i tshul khrims dang / bsam gtan gyi tshul khrims dang / zag pa med pa'i tshul khrims bstan te dkon mchog gsum gyi gdung rgyas par byos shig /
169b4 de nas ma 'gags pas bcom ldan 'das la 'di skad ces gsol to/ /de bzhin gshegs pas rdzu 'phrul gyi mthus bdag la byin gyis brlabs na bdag gis de bzhin gshegs pa la chung zad cig zhu'o/ /gsol pa/ dkon mchog gsum zhes
169b5 bgyi ba gang lags sangs rgyas dang / chos dang dge 'dun zhes bgyi ba dkon mchog gsum la mtshan nyid ma mchis na ci'i slad tu chos dang dge 'dun bye brag dang khyad par mchis shing / dkon mchog gsum la skyabs su mchi ba ji ltar gzungs
169b6 su gzung / skyabs su mchi ba gsum gal te gcig lags na gsum zhes gsung ba yang mi rigs/ gal te skyabs su mchi ba gsum du gsungs na/ ci'i slad du 'khor rnam pa bdun mchis par gsungs/ bcom ldan 'das
169b7 ci la skyabs su mchi na skyabs su mchi ba zhes bgyi/ de nas bcom ldan 'das kyis don de dag so so nas rnam par bkrol te 'di skad ces bka' stsal to/ /sangs rgyas shes bya ba ni tshor ba ste/ chos kyi mtshan nyid thams cad
169b8 mngon sum du tshor ba'i phyir ro/ /gzhan yang sems can thams cad ni khams gsum na rgyun du gnyid kyis myos te/ sangs rgyas ni byang chub kyi spyan bye bas na bdag kyang tshor la pha rol po yang tshor bar byed pas tshor
170a1 ba zhes bya'o/ /sangs rgyas ni chos thams cad la thabs thob pa thams cad gsungs pa'o/ /gsol ba ji ltar na sangs rgyas kyis thams cad gsungs pa zhes bgyi ba lags/ 'on te dus tshod las ma yol bar
170a2 dbang po ci dang 'phrod pa bzhin du gsungs pa la bgyi ba 'am/ 'on te so so'i sde tha dad pa bzhin du rjes su gsungs pa la bgyi/ bka' stsal pa/ sangs rgyas ni dbang po ji bzhin dus las mi yol bar chos thams cad gsungs na phyis
170a3 nye gnas rnams kyis chos kyi sde snod bsdus pa'i tshe sde sde'i bag la bstan to/ /sangs rgyas kyis ni skabs kha cig tu nye gnas rnams la/ tshul khrims ji lta ba dang / ltung ba dang / ltung ba med pa bcas te 'dul ba'i sde
170a4 snod du phye'o/ /skabs kha cig tu ni rgyu dang 'bras bu'i mtshan nyid las nyon mongs pa dang / nye ba'i nyon mongs pa skye bas las kyi mtshan nyid gsungs te chos mngon pa'i sde snod phye'o/ /lha dang mi'i 'jig rten du bcas pa la
170a5 ci dang 'phrod pa bzhin du bstan cing gsungs pa ni gzhung gcig nas 'phros pa zhes bya ste/ 'dul ba'i skal ba dang ldan pa'i gang zag rnams kyis spyod pa'i las su gsungs so/ /sems can dbang po rnon po rnams
170a6 la don zab mo rnam pa mang po gsungs pa ni gzhung bar ma zhes bya ste/ slob ma rnams kyi spyod pa'i las su gsungs so/ /bsam gtan gyi chos rnam pa sna tshogs gsungs pa ni gzhung sil bu zhes bya ste/ gang zag
170a7 bsam gtan byed pa rnams kyi spyod pa'i las su gsungs so/ /mu stegs can mang po gzhig pa'i don du gzhung ring po gsungs so/ /gsol pa/ gal te sangs rgyas thams cad gsungs pa la gnas na mdo sde las
170a8 sangs rgyas shing ljon pa zhig gi drung du bzhugs te/ shing de'i yal ga gcig gi 'dab ma las bzung nas nye gnas rnams la yal ga bzung ba 'di'i 'dab ma mang ngam/ shing ljon pa chen po'i 'dab ma mang zhes bka' stsal nas shing
170b1 ljon pa'i 'dab pa'i 'dab ma mang ngo zhes gsol pa las sangs rgyas kyis kyang ngas mkhyen pa'i chos ni shing ljon pa'i 'dab ma dang 'dra'o/ /ngas bshad pa'i chos ni lag pas bzung ba'i 'dab ma dang 'dra'o zhes gsungs na sangs rgyas
170b2 ni thams cad gsungs pa'o zhes bgyir rung ngam/ bka' stsal pa/ mtshan nyid tha dad pa thams cad kyi thams cad dang / mtshan nyid gcig pa thams cad kyi thams cad yod do/ /'dir ni mtshan nyid tha dad pa'i thams cad la dgongs
170b3 te sangs rgyas ni thams cad gsungs pa'o zhes bshad do/ /de yang sems can gyi zad par gzung mi nus pa la bya'i/ sangs rgyas kyis gsungs mi nus pa ni ma yin no/ /gzhan yang thams cad mkhyen pa la yang thams cad gsungs pa
170b4 zhes bya'i/ drang thabs su thams cad gsungs pa zhes byar mi rung ngo / /gsol pa/ gal te sangs rgyas kyis mkhyen pas gsungs pa lags na nyan thos dang / rang sangs rgyas kyang shes pa la brten te smra na ci'i slad du de la yang sangs rgyas
170b5 shes ming gdags/ bka' stsal pa/ de lta bu ma yin te sangs rgyas ni mkhyen pa dang gsungs pa gnyis ga'i mthar phyin to/ /theg pa gnyis kyi shes pa dang smra ba ni chos kyi mthar ma phyin pa'i phyir ro/ /gzhan yang sangs rgyas ni
170b6 chos thams cad chub par mkhyen pas ming btags pa yang mkhyen gyi/ theg pa gnyis kyis de ltar mi nus so/ /gzhan yang sangs rgyas ni chos brnyes pa yang mtha' yas la chos gsungs pa yang mtha' yas te/ theg pa
170b7 gnyis kyis de ltar mi nus so/ /gzhan yang sangs rgyas brnyes pa'i thun mong ni theg pa gnyis kyis thob pa dang thun mong ba yang yod/ nyan thos kyis thob pa dang / thun mong ma yin pa yang yod do/ /theg pa gsum
170b8 gyi shes pa thun mong ni theg pa 'bring gis thob/ theg pa gnyis kyi shes pa thun mong ni sangs rgyas 'ba' shig gis brnyes te theg pa gnyis kyis mi shes pa yang sangs rgyas nyag gcig gis mkhyen to/ /gzhan
171a1 yang ji tsam du sgrom che na kha gab kyang che ste/ chos che na mtshan nyid kyang mtha' yas pas sangs rgyas ni mtha' yas pa'i ye shes kyis mtha' yas pa'i chos gsungs te/ theg pa gnyis kyi ye shes ni mtha' yod pas
171a2 chos kyi mtshan nyid ces mi gdags so/ /gzhan yang dbang po dang don du ldan te/ dbang po zhes bya ba ni shes rab kyi dbang po'o/ /don zhes bya ba ni shes rab bo/ /dbang po'i don zhes bya ba ni shes rab kyis dmigs pa'i chos so/ /
171a3 sangs rgyas ni dbang po dang don gnyis rdzogs te/ shes rab kyis dmigs pa'i chos kyang mthar ma phyin pa med do/ /theg pa gnyis kyis ni dbang po dang don gnyis ka ma rdzogs so/ /gzhan yang sangs rgyas ni chos thams
171a4 cad kyi mtshan nyid yang dag pa ji lta ba bzhin du mkhyen pa'i yang dag pa'i ye shes brnyes pa yin no/ /theg pa gnyis kyis ni chos kyi gting chub par mi shes pas yang dag pa'i ye shes shes bya bar mi rung ste/ de ltar don rnam pa mang
171a5 po'i sgo nas theg pa gnyis la sangs rgyas shes byar mi rung ngo / /bcom ldan 'das shes bya ba ni tshig dang sgra'i sgo nas gdags su mi rung gi/ don gyi sgo nas btags pas bcom ldan 'das shes bya ste/ de yang gnyen po'i
171a6 chos thams cad mkhyen pa'i phyir ro/ /gzhan yang 'jig rten pa'i sgra skad mi mthun pas 'jig rten pa rang gis mi shes par zad kyi/ sangs rgyas kyis ni kun mkhyen pas bcom ldan 'das shes bya'o/ /gzhan yang dge
171a7 slong rtsib logs ces bya ba'i gzhung las theg pa gnyis dang so so'i skye bo dag ni kha cig dben zhing zhi ba la dad pa yang yod/ kha cig ni bsam gtan dang ting nge 'dzin la dad pa yang yod/ kha cig ni rkyen gzhan gyis gsang mkhyud de mi ston pa
171a8 yang yod kyi/ sangs rgyas brnyes pa'i chos ni byams pa dang thugs rje'i mthur ldan pas gzhan la ston cing gsung bar spro'o/ /gzhan du na gdug pa gsum bcom pas na bcom ldan 'das shes bya'o/ /gsol pa/ theg pa gnyis kyang gdug pa gsum
171b1 bcom na ci'i slad du bcom ldan 'das shes mi gdags bka' stsal pa/ de lta ma yin te/ theg pa gnyis ni phyir ldog pa yod kyi/ sangs rgyas la ni phyir ldog pa med pa'i phyir ro/ /phyir ldog pa la yang rnam pa gsum ste/
171b2 'bras bu phyir ldog pa dang / 'bras bu ma yin pa'i phyir ldog pa dang / spyod pa'i las phyir ldog pa'o/ /'bras bu phyir ldog ces bya ba ni nyan thos kyi 'bras bu gsum phyir ldog par zad kyi/ 'bras bu tha ma phyir mi ldog pa dang / theg pa bar
171b3 ma la rnam pa gnyis te/ gal te bskal pa brgya'i bar du rnal 'byor spyod pa'i rang sangs rgyas ni 'bras bu phyir mi ldog go/ /gal te thog ma nas theg pa chung ngu'i 'bras bu gsum las rang sangs rgyas su gyur na de'i 'bras bu ni
171b4 phyir ldog par 'gyur gyi/ sangs rgyas kyi 'bras bu ni phyir mi ldog go/ /'bras bu ma yin pa'i phyir ldog pa ni gal te theg pa gsum la phyogs pa'i gang zag 'bras bu ma thob par phyir ldog pa dang / dge slong rnal 'byor can
171b5 le lo byed pa dang / brtson 'grus med pa dang / rnal 'byor spyod pa la nyams te mi brtson pa 'di gsum ni 'bras bu ma yin pa'i phyir ldog pa zhes bya'o/ /spyod pa'i las phyir ldog ces bya ba ci tsam du thob par bya ba'i chos mngon sum du
171b6 las su mi rung ba'o/ /dper na sangs rgyas kyi stobs bcu dang / theg pa chung ngu'i ye shes bcu lta bu gcig la las su byas kyi lhag ma gzhan mi dgos pa 'am/ mdo sde'i tshigs su bcad pa 'bum kha ton du shes pa las gal
171b7 te kha ton ma byas pa'i dus na de kun la spyod pa'i las phyir ldog pa zhes bya'o/ /theg pa chung ngu la yang 'bras bu phyir mi ldog pa yod/ theg pa bar ma la yang 'bras bu ma yin pa'i phyir ldog pa yod kyi/ sangs rgyas la ni 'bras bu ma yin pa'i phyir
171b8 ldog pa med do/ /de yang chos thams cad la brtson 'grus ma byas pa med pa'i phyir ro/ /theg pa gnyis la ni spyod pa las phyir ldog pa yod kyi/ sangs rgyas la ni gcig tu ma nges te/ stobs bcu las gcig las su byas pas chog gi dgu
172a1 las su bya mi dgos pas ldog go zhes bya'o/ /yang gzhan du na las su bya ba la/ mi dgos pa'i phyir ldog pa med de/ dper na mdo sde tshigs su bcad pa khri phrag nyi shu kha ton du 'don shes na gang zag ni mthu zhan pas nyin zhag gcig
172a2 gam/ nyin zhag gnyis kyi bar du rdzogs par 'don nus kyi/ sangs rgyas ni skad cig tsam gyis rdzogs pas stobs bcu yang de dang 'dra ste/ las su bya dgos na skad cig tsam gyis mdzad pa tshad med pas las su bya ba la mi dgos pa'i phyir ldog pa
172a3 med do/ /gzhan yang sangs rgyas la las su bya ba la mi dgos pa'i phyir ldog pa med de/ dper na na bza' smad g.yogs gsol ba'i tshe so so'i skye bo'i chos lta bur gzhung med par gsol ba ni ma yin te/ de yang sems can mang po la phan pa'i
172a4 don du phrin las ci mdzad kyang phan pa yod na las de mdzad kyi/ phan pa med na las de mi mdzad do/ /de ltar las su bya ba la mi dgos pa'i phyir ldog pa med kyi/ so so nas dgos pa yod de gcig tu ma nges pas sangs rgyas kyi dgongs
172a5 pa bsam gyis mi khyab pa zhes bya'o/ /gsol pa/ nyan thos la ci'i slad du 'bras bu gsum ni phyir ldog la/ 'bras bu tha ma phyir mi ldog pa lags/ bka' stsal pa/ 'bras bu gsum ni sngon yang thob pas na phyir ldog go/ /'bras bu
172a6 tha ma ni da dung ma thob pas na phyir mi ldog go/ /dper na gang zag bkren pa zhig kha zas zhim po dang phrad na yun ring por mi brjed pa ltar don 'di yang de dang 'dra'o/ /gzhan yang 'bras bu tha ma ni bzod pa thogs pa med pa'i lam du 'gyur la ye
172a7 shes rnam par grol ba'i lam du 'gyur ro/ /'bras bu gsum ni ye shes thogs pa med pa'i lam du ma gyur la ye shes rnam par grol ba'i lam du ma gyur pa'i phyir ldog go/ /gzhan yang bden pa mthong ba'i lam ni phyir mi
172a8 ldog gi/ bsam pa'i lam ni phyir ldog ste/ dag pa dang ma dag pa'i 'du shes kyis nyon mongs pa'i mdud pa bcad pa'i phyir ro/ /sems pa la ni kun nas nyon mongs pa yod kyi/ bden pa mthong ba la kun nas nyon mongs
172b1 pa med de/ bden pa mthong bas kun nas nyon mongs pa med cing bden pa mthong bas/ kun nas nyon mongs pa yang mthong la don mthong bas don zab mo sems pa yang skye ste/ kun nas nyon mongs pa phyir mi ldog go/ /gzhan yang
172b2 bden pa mthong ba'i ye shes kyi stobs che ba ni dper na sdong po chen pos rdzas mnan pa dang 'dra ste/ sems shing yid la byed pa'i shes rab zhan pas phyir ldog pa yod do/ /gzhan yang bden pa mthong bar 'dod pa'i khams kyi bzod
172b3 pa dang / shes rab kyi sems gnyis kyis ni dgu pa'i kun nas nyon mongs pa'i mdud pa gcod do/ /khams gong ma'i bzod pa dang shes rab kyi sems gnyis kyis ni kun nas nyon mongs pa bdun cu rtsa gnyis gcod de/ /gzugs med pa'i
172b4 khams kyi mthar phyin pas phyir ldog pa med do/ /don de lta bas na de 'ba' shig la bcom ldan 'das shes bya'o/ /gzhan yang sangs rgyas la ni bag chags kyi rnam pa med kyi/ theg pa gnyis ga yi ni bag chags ma zad do/ /dper
172b5 na dge slong rtag tu ldad pa zhes bya ba rtag par ba lang ltar ldad pa yang tshe rabs snga ma la tshe rabs du mar ba lang byed byed pa las mir skyes pa'i phyir ro/ /dper na dge slong zhig zag pa zad kyang rtag tu me long la blta ba ni tshe rabs du mar
172b6 bud med sbrul 'tshong ma las mir skyes pa'i phyir ro/ /dper na dge slong zhig khri dang rdang la 'dzeg par dga' ba yang tshe rabs du mar spre'o byed byed pa las mir skyes te/ de dag la ni bcom ldan 'das shes byar mi rung ngo / gsol
172b7 pa/ 'di skad bdag gis thos shes bgyi ba sangs rgyas bzhugs pa'i tshe bdag gis thos shes gsungs sam/ sangs rgyas mya ngan las 'das pa'i 'og tu thos shes gsungs/ chos kyi mdzod bsdus pa'i tshig las bdag
172b8 gis thos shes bya na sangs rgyas shing bstan pa yang bdag la ma lus par bstan cing bshad par gsol lo zhes ma smras sam/ gsol pa/ lo nyi shu'i bar du chos kyi tshig ci bshad pa de ji ltar bstan par bgyi/ bka' stsal pa/ sangs rgyas kyi
173a1 thabs mkhas pas tshigs su bcad pa gcig gis kyang chos grangs med pa ston la/ chos grangs med pa'i don yang tshigs su bcad pa gcig gis ston te/ sangs rgyas kyi mdo tsam zhig bstan na yang kun dga' bos ma lus
173a2 par shes pa ni rno ba'i shes rab kyis gzungs su 'dzin pa'i stobs che ba'i phyir ro/ /chos brgyad khri yod ces bya ba ni dper na shing gi rtsa ba dang / yal ga dang / lcug ma dang / 'dab ma la spyir sdong po gcig ces bya ba ltar/ sangs rgyas kyis
173a3 sems can gyi don du thog ma nas tha ma'i bar du chos bstan pa la sde snod gcig ces bya ste/ de ltar na brgyad khri'o/ /gzhan du na sangs rgyas gdan gcig las ma g.yos par lo nyi shu'i bar du chos bshad kyang kun dga' bos ma thos na ci'i slad
173a4 du bdag gis thos shes bgyi/ bka' stsal pa/ lha rnams kyis kun dga' bo la smras shes kyang bya/ gzhan du na sangs rgyas bcom ldan 'das kun rdzob 'jig rten pa'i thugs kyis kun dga' bos shes par byas shes kyang bya/ gzhan du na
173a5 dge slong rnams la chos shes kyang bya'o/ /gzhan yang kun dga' bos 'di skad ces sangs rgyas la gsol ba btab bo/ /sangs rgyas kyi na bza' rnying pa bdag la mi stsal cing yon bdag gi bsod snyoms bdag mi stsal bar gsol to/ /bdag
173a6 ni chos 'dod pa'i phyir sangs rgyas la phu dud dang rim gro bgyid de/ ci bzhed pa sbyor gyi gos dang zas kyi phyir ma yin no/ /dge slong gzhan rnams ni snga dro dang phyi dro'i dus kyi tshe/ sangs rgyas mthong gi/ bdag ni nam lta 'dod pa na mthong bar
173a7 gsol lo/ /gzhan yang lo nyi shu'i bar du chos gsungs/ chos bstan pa la sde snod gcig ces bya ste/ de ltar na brgyad khri'o/ /yang gzhan du na yi ge'i tsheg bar bcu drug la tshigs su bcad pa phyed do/ /yi ge'i tsheg bar sum bcu
173a8 rtsa gnyis la tshigs su bcad pa gcig ces bya ste/ de ltar brgyad khri'o/ /yang gzhan du na tshigs bcad kyi rkang pa ring thung las yi ge'i tsheg bar bzhi bcu rtsa gnyis la tshigs su bcad pa gcig ste/ de ltar na brgyad khri'o/ /yang gzhan
173b1 du na zla ba phyed phyed cing tshul khrims bstan pa la sde snod gcig ces bya ste/ de ltar na brgyad khri'o/ /yang gzhan du na sangs rgyas kyis gsungs pa'i tshigs su bcad pa drug khri drug stong la sde snod gcig ces bya ste/ de ltar na brgyad khri'o/ /
173b2 yang gzhan du na sangs rgyas kyis nyon mongs pa brgyad khri'i gnyen por chos kyi sman brgyad khrir gsungs pas chos kyi sgo mo brgyad khri zhes bya'o/ /gsol pa ci'i slad du mdo sde dang chos mngon pa sangs rgyas kyis sngar ma smos la 'dul ba
173b3 sangs rgyas kyis sngar smos bka' stsal pa/ mchog yin pa dang / sangs rgyas kyis bcas pa'i phyir ro/ /dper na mdo sde lta bu ni nye gnas rnams kyis chos bstan pa yang yod/ /dper na brgya byin lha'i dbang po lta bu bdag ni sbyin pa byin pa'i nang na
173b4 mchog go/ /de ci'i phyir zhe na/ bdag gis sbyin pa byin pas lha'i dbang por gyur te bsam pa yid bzhin no zhes smras te/ sangs rgyas kyis kyang de bzhin no zhes gsungs pa yang yod/ dus kha cig tu sangs rgyas sprul pa'i sangs rgyas
173b5 su sprul te/ sprul pa'i sangs rgyas kyis chos gsungs pa yang yod kyi/ 'dul ba ni de lta bu ma yin te thams cad sangs rgyas kyis gsungs pas de bas na sangs rgyas kyis sngar smos so/ /yang gzhan du na mdo sde ni gnas gang na
173b6 bzhugs pa bzhin gsungs kyi/ 'dul ba ni de lta bu ma yin te/ gnas gang na nyes pa byung na de nyid du khrims bca' ba ma yin gyi/ mtshams kyi phyi rol du bca' ba dang / khyim pa'i nang na nyes pa byung na dge 'dun gyi nang du bca' ba dang
173b7 grong khyer gcig tu nyes pa byung na yang dge 'dun gyi nang du bca' ba dang / 'khor rnam lnga'i nang du nyes pa byung na dge slong dang / dge slong ma'i nang du bca' dgos pas de bas na sangs rgyas kyis sngar smos pa yin no/ /yangs pa can zhes bya ba ni yul
173b8 kha cig ni rgyal po'i mtshan las btags pa yang yod/ yul kha cig yul sa las btags pa yang yod/ kha cig ni grong khyer las btags pa yang yod/ yul 'di ni klu las yul gyi ming du btags so/ /ka lan ta ka'i gnas
174a1 shes bya ba ni bya las ming du btags te/ grong khyer zhes bya ba ni grong gi bdag po'i ming ngo / /lha sbyin zhes bya ba yang de'i pha mas lha la gsol ba btab pas bu rnyed pas na lha sbyin zhes ming du btags so/ /btsan phyug ces bya ba
174a2 ni phyug pa la rnam pa gnyis te/ sems can gyi bag dang / sems can ma yin pa'i bag go/ /sems can ma yin pa zhes bya ba ni gser dngul dang / rin po che sna bdun gyi bang mdzod dang / nor dbyig dang / zhing dang / khang khyim mang du yod pa'o/ /sems can zhes bya ba ni bran pho dang
174a3 bran mo dang / las byed pa'i mi dang / bal glang dang rta dang / ba lang dang lug dang / dbang byed pa'i grong khyim mang du yod pa ste/ de ni phyug po zhes bya'o/ /btsan zhes bya ba ni dbang dang ldan pa 'am/ legs pa'i yon tan dang ldan te mi'o cog gis phu dud byed pa
174a4 cing btsun par byed pas btsan zhes bya'o/ /dkon mchog gsum la phyogs shing skyabs su 'gro ba gsum mnos pa'o/ /gsol pa skyabs su 'gro ba gsum gyi rang bzhin ji lta bu lags/ ston pa kha cig ni skyabs su 'gro ba gsum ni cho ga yin
174a5 gyi cho ga la mtshan nyid med do/ /skyabs su 'gro ba gsum nod pa'i tshe pus mo btsugs la thal mo sbyar te/ skyabs su 'gro ba gsum kha nas tshig tu brjod pa ni lus dang ngag gi cho ga bstan pa'o/ /gal te sems rtse cig tu byas na lus dang ngag yod kyang cho
174a6 gas bstan pa med de/ de ni cho ga bstan pa med pa zhes bya'o/ /gzhan du na skyabs su 'gro ba gsum ni lus dang ngag dang / yid kyi las kyi rang bzhin gsum zhes bya'o/ /yang gzhan du na skyabs su 'gro ba gsum ni phung po lnga dge ba ste/ sems
174a7 can gyi phung po lnga dge bas gsum la skyabs su 'gro bar byed de/ dkon mchog gsum ni skyabs su 'gro ba'i gnas so/ /skyabs su 'gro zhes bya ba ni mgon skyabs sam dpung gnyen gyi don te/ dper na mi zhig la nyes pa chen po byung ba las
174a8 yul gzhan du 'phos pa las rgyal po pha rol po la phar skyabs su btsal na/ yul pha rol gyi rgyal pos de la khyod mi 'jigs pa 'dod na nga'i yul 'di nas mi 'gro zhing ngas bstan pa nyan na mgon skyabs bya'o zhes bsgo ba dang 'dra bar
174b1 so so'i skye bo yang de dang 'dra ste/ bdud kyi dbang du gyur la skye shir 'khor ba'i nyes pa yod pas dkon mchog gsum la phyogs te skyabs su 'gro bar bya'o/ /gal te dkon mchog gsum la rtse gcig tu phyogs shing skyabs su song la sangs
174b2 rgyas kyi bstan pa las 'gal bar ma byas na bdud kyi rgyal po sdig pa can gyis ci byar yang med do/ /sngon phug ron gcig khras nyen nas shA ri'-i bu'i phag grib mar song ba las 'on kyang skrag cing dngang ba bzhin no/ /de nas sangs rgyas kyi grib
174b3 ma'i phag tu song ba las 'jigs pa med de 'dar ba yang med do/ /gal te rgya mtsho chen po 'pho zhing 'gyur yang srid kyi phug ron de ni bsgyur du med de/ de bas na sangs rgyas ni byams pa chen po dang thugs rje chen por ldan gyi/ shA ri'-i bu la ni byams
174b4 pa dang snying rje chen po med do/ /sangs rgyas la ni bag chags med kyi/ shA ri'i bu la ni bag chags ma zad do/ /sangs rgyas ni bskal pa grangs med pa gsum gyi bar du byang chub sems dpa'i spyad pa spyod kyi/ shA ri'i bu ni bskal pa drug bcu'i
174b5 bar du dka' thub spyad de/ de bas na phug ron yang shA ri'i bu'i grib mar song ba na 'on kyang skrag cing 'jigs kyi/ sangs rgyas kyi grib mar song na 'jigs pa med par gyur to/ /gsol pa gal te dkon mchog gsum la skyabs su song bas
174b6 sdig pa mi dge ba byang zhing 'jigs par mi 'gyur na/ ci'i slad tu lha sbyin lta bu dkon mchog gsum la skyabs su song bas dad pas khyim nas rab tu byung ste tshul khrims kyang rdzogs pa las/ mtshams med pa gsum bgyis
174b7 nas mtshams med pa'i sems can dmyal bar ltung bar 'gyur/ bka' stsal pa/ mgon skyabs bya ba yang skyabs bya bar 'os pa la skyabs su bya ba yin te/ lha sbyin lta bu ni mi dge ba'i sdig pa chen po byas la gdon mi za bar myong ba'i las dang yang
174b8 bcas pas de'i phyir yang mgon skyabs byar yang dka'o/ /gsol pa/ gal te sdig pa chen po bgyis pa la sangs rgyas kyis mgon skyabs mi mdzad na sdig pa'i las ma mchis pa la sangs rgyas kyis mgon skyabs bgyi yang ci 'tshal/ dkon
175a1 mchog gsum la mgon skyabs mnga'o zhes kyang ji skad bgyi/ bka' stsal pa lha sbyin gyis dkon mchog gsum la skyabs su song ba yang yang dag pa'i sems kyis ma yin te skyabs su 'gro ba gsum ma rdzogs so/ /de ni rgyun du
175a2 rnyed pa dang / bkur sti dang / grags pa 'dod pa'i phyir bdag ni thams cad mkhyen pa'i ye shes can no zhes sangs rgyas la yang sdo bas na/ de'i phyir dkon mchog gsum la mthu stobs chen po yod mod kyi mgon skyabs su mi 'gyur ro/ /dper na
175a3 rgyal po ma skyes dgra lta bu la mtshams med pa'i sdig pa yod de/ mtshams med pa'i sems can dmyal bar ltung bar rigs pa las yang dag pa'i sems rtse gcig tu sangs rgyas la skyabs su gsol bas mtshams med pa'i sdig pa byang
175a4 nas/ thig nag po'i sems can dmyal bar lhung nas mi'i nang nas sdig pa lci ba myong bas lci ba dang 'dra bar zhag bdun myong ba tsam gyis sdig pa kun byang bas na de ni dkon mchog gsum gyi mgon skyabs kyi mthu zhes bya'o/ /gsol pa/ lha sbyin gyis
175a5 sdig pa bgyis pa'i mgon skyabs byar mi rung ngo zhes bgyis pa mdo sde'i nang nas gang su yang rung sangs rgyas la skyabs su song na ngan song gsum du mi ltung ngo zhes bgyi ba'i don ji lta bu lags/ bka' stsal pa/ lha sbyin gyis dkon
175a6 mchog gsum la skyabs su song bas mtshams med pa'i sems can dmyal bar song mod kyi sdug bsngal myong ba yang zhing chung la bsti ba'i dus skabs yod do/ /dper na mi zhig ri 'am/ nags tshal lam/ 'brog dgon pa 'jigs pa'i
175a7 gnas su phyin pa las/ gal te sangs rgyas yid la byas shing bsams na de'i yon tan gyis 'jigs shing skrag pa zhi bar 'gyur te/ de bas na dkon mchog gsum la skyabs su song na mgon skyabs su 'gyur ba yang mi brdzun no/ /gsol pa/ dkon
175a8 mchog gsum zhes bgyi ba bden pa bzhi la bden pa gang gi nang du bsdu/ dbang po nyi shu rtsa gnyis la dbang po gang gi nang du bsdu/ khams bcwa brgyad la khams gang gi nang du bsdu/ skye mched bcu gnyis la skye mched gang gi nang du bsdu/ phung po lnga
175b1 la phung po gang gi nang du bsdu bar bgyi/ bka' stsal pa/ dkon mchog gsum ni bden pa bzhi la 'gog pa'i bden par bsdu ste/ lam gyi bden pa'i phyogs cha gcig go/ /dbang po ni mi shes pa kun shes par bya ba'i dbang por bsdu'o/ /
175b2 khams bcwa brgyad la yid kyi rnam par shes pa'i khams dang / chos kyi khams su bsdu'o/ /skye mched bcu gnyis la yid kyi skye mched dang / chos kyi skye mched kyi nang du bsdu'o/ /phung po lnga la zag pa med pa'i phung po lnga'i nang du bsdu'o/ /
175b3 de la sangs rgyas dkon mchog ni bden pa bzhi la lam gyi bden pa'i/ phyogs cha gcig go/ /chos dkon mchog ni bden pa bzhi la 'gog pa'i bden par bsdu'o/ /dge 'dun dkon mchog kyang bden pa bzhi la lam gyi bden pa'i phyogs cha
175b4 gcig go/ /sangs rgyas dkon mchog ni dbang po nyi shu rtsa gnyis la kun shes pa'i dbang por bsdu'o/ /chos dkon mchog ni 'gog pa'i bden pa yin pas 'dus ma byas pa ste dbang pos bsdu ba ma yin no/ /dge 'dun dkon mchog ni
175b5 dbang po nyi shu rtsa gnyis la zag pa med pa'i dbang po gsum gyi nang du bsdu'o/ /sangs rgyas dkon mchog ni khams bcwa brgyad la yid kyi khams dang / yid kyi rnam par shes pa'i khams dang / chos kyi khams kyi phyogs cha
175b6 gcig gi nang du bsdu'o/ /skye mched bcu gnyis la yid kyi skye mched dang / chos kyi skye mched kyi phyogs cha gcig gis nang du bsdu'o/ /phung po lnga la zag pa med pa phung po lnga'i phyogs cha gcig gi nang du bsdu'o/ /chos
175b7 dkon mchog ni khams bcwa brgyad la chos kyi khams kyi phyogs cha gcig gi nang du bsdu'o/ /skye mched bcu gnyis la chos kyi skye mched kyi phyogs cha gcig gi nang du bsdu'o/ /chos dkon mchog ni phung po lngar bsdus pa
175b8 ma yin no/ /phung po lnga ni 'dus byas pas chos ni 'dus ma byas pa'i phyir ro/ /dge 'dun dkon mchog ni khams bcwa brgyad la yid kyi khams dang / yid kyi rnam par shes pa'i khams dang / chos kyi khams kyi
176a1 phyogs cha gcig gi nang du bsdu'o/ /skye mched bcu gnyis la yid kyi skye mched dang chos kyi skye mched kyi phyogs cha gcig gi nang du bsdu'o/ /phung po lnga la zag pa med pa'i phung po lnga'i phyogs cha gcig gi nang du bsdu'o/ /
176a2 gsol pa/ sangs rgyas la skyabs su gsol zhes bgyi ba sangs rgyas shAkya thub pa la skyabs su gsol lam/ 'on te dus gsum gyi sangs rgyas la skyabs su gsol/ bka' stsal pa/ dus gsum gyi sangs rgyas la skyabs su
176a3 gsol lo/ /ji lta zhe na sangs rgyas kyi chos kyi sku gcig tu 'thun pa'i phyir ro/ /sangs rgyas gcig la skyabs su song ba nyid sangs rgyas thams cad la skyabs su song ba ste/ sangs rgyas la tha dad pa med pa'i phyir ro/ /yang
176a4 gzhan du na dus gsum gyi sangs rgyas la skyabs su gsol lo zhes bgyi ba lha rnams las kha cig ni bdag sangs rgyas 'od srung gi nye gnas yin par smra/ kha cig ni bdag sangs rgyas rnam par gzigs kyi nye gnas yin par smra ste/
176a5 de bzhin du sangs rgyas bdun char la yang so so nas bdag ni sangs rgyas che ge mo zhig gi nye gnas yin zhes smra bas de bas na sangs rgyas gcig la nga skyabs su gsol bar 'os kyi dus gsum mi rigs so/ /gzhan yang de ltar
176a6 mi rung ngo zhes smra ba yang yod de/ de ci'i phyir zhe na/ dper na rnam thos kyi bus dris pa'i mdo las rgyal po rnam thos kyi bu dkon mchog gsum la skyabs su gsol ba ni 'das pa dang / ma byon pa dang / da ltar bzhugs pa'i sangs rgyas
176a7 la skyabs su gsol lo zhes gsungs te/ don de dang sbyar na dus gsum gyi sangs rgyas rnams la skyabs su gsol bar mngon no/ /gsol pa/ gal te de lta bu lags na lha'i bu dag so so nas bdag ni sangs rgyas che ge mo zhig gi nye
176a8 gnas lags so zhes bgyi ba'i don ji lta bu lags/ bka' stsal pa/ lha'i bus smras pa la don nges par chad pa yang ci yod/ lha'i bu kha cig ni sangs rgyas gcig la skyabs su 'gro ba yang yod/ kha cig ni dus gsum gyi sangs rgyas la
176b1 skyabs su song ba yang yod de/ mdor na sangs rgyas gcig la bya'o/ /gsol pa/ gcig la skyabs su mchis na ni sangs rgyas la skyabs su song ba zhes bgyi/ bka' stsal pa/ skyabs su 'gro ba zhes bya ba ni ngag gi 'khor lo ste/
176b2 thams cad mkhyen pa slob pa med pa'i yon tan la skyabs su song ba'o/ /gsol pa gzugs kyi sku la skyabs su mchi 'am/ chos kyi sku la skyabs su mchi/ bka' stsal pa/ chos kyi sku la skyabs su 'gro'i gzugs kyi sku la skyabs
176b3 su 'gro ba ma yin te/ gzugs sangs rgyas ma yin pa'i phyir ro/ /gsol pa/ gzugs kyi sku sangs rgyas ma lags na ci'i slad du sangs rgyas kyi sku la khrag phyung bas mtshams ma mchis pa'i las bgyis par 'gyur/ bka' stsal
176b4 pa/ gzugs kyi sku ni chos kyi sku'i snod yin te/ chos kyi sku'i gnas so/ /de bas na gzugs kyi sku la gnod pa byas pas mtshams med pa'i las su 'gyur gyi/ gzugs kyi sku sangs rgyas yin pas mtshams med pa'i las
176b5 su 'gyur ba ni ma yin no/ /gsol pa/ ci la skyabs su mchi na chos la skyabs su mchi ba zhes bgyi/ bka' stsal pa/ skyabs su 'gro ba zhes bya ba ni ngag gi 'khor lo ste/ 'dod pa dang / 'dod pa med pa'i mthar phyin cing
176b6 mya ngan las 'das pa la skyabs su song ba ni chos la skyabs su song ba zhes bya'o/ /gsol pa/ bdag gi lus mthar phyin pa la skyabs su mchi 'am/ gzhan gyi lus mthar phyin pa la skyabs su mchi/ bka' stsal pa/ bdag
176b7 gi lus mthar phyin pa dang / gzhan gyi lus mthar phyin pa la skyabs su 'gro ba ni chos la skyabs su song ba zhes bya'o/ /gsol pa/ ji ltar na dge 'dun la skyabs su mchi ba lags/ bka' stsal pa/ skyabs su 'gro ba ni ngag gi
176b8 'khor lo ste/ bsod nams kyi zhing slob pa dang / mi slob pa'i nyan thos kyi yon tan la skyabs su 'gro ba ni dge 'dun la skyabs su song ba zhes bya'o/ /gsol pa/ kun rdzob kyi bden pa'i dge 'dun la skyabs su mchi 'am/ don dam pa'i
177a1 bden pa'i dge 'dun la skyabs su mchi/ gal te don dam pa'i bden pa'i dge 'dun la skyabs su mchi na ni sngon sangs rgyas kyis de wi dang / pa ri la skyabs su 'gro ba gsum phog pa'i tshe/ phyis
177a2 dge 'dun zhes bya ba yod par 'gyur gyis de la skyabs su song shig ces gsung ba'i mi rigs te/ don dam pa'i bden pa'i dge 'dun ni rtag tu 'jig rten na mchis pa lags/ bka' stsal pa/ kun rdzob kyi bden pa'i
177a3 dge 'dun ni don dam pa'i dge 'dun gyi rten pa'i gnas yin pas na phyis dge 'dun yod par 'gyur gyis de la skyabs su song shig ces gsungs pa yin no/ /yang gzhan du na kun rdzob kyi bden pa'i dge 'dun la bkur zhing
177a4 btsun par bya ba'i phyir yang de skad ces gsungs te/ sangs rgyas kyis ni 'khor thams cad kyi nang na sangs rgyas kyi 'khor mchog go/ /dper na 'o ma las zho 'byung la/ zho las mar 'byung mar las mar gyi snying po 'byung
177a5 ste/ mar gyi snying po ni mchog rab gya nom pa dang 'dra ste/ sangs rgyas kyi 'khor dge 'dun yang de dang 'dra ste/ nye gnas dge 'dun yod na de'i nang na 'jug pa bzhi dang / 'bras bu bzhi thob pa bla na med pa'i bsod nams
177a6 kyi zhing yod pas na 'khor rnam pa dgu bcu rtsa drug gi nang na dge 'dun ni gya nom pa/ mchog rab dpe zla med pa ste/ de bas na phyis dge 'dun yod par 'gyur gyis skyabs su song shig ces gsungs pa la don dang 'gal
177a7 ba med do/ /gsol pa/ sangs rgyas nyid chos lags la/ chos nyid kyang dge 'dun lags te/ dge 'dun nyid kyang chos lags pas yang dag par na chos gcig tu bas na khyad par ram bye brag ci mchis
177a8 bka' stsal pa/ chos de dag mchis mod kyi don gyi sgo nas bye brag yod do/ /dkon mchog gsum zhes bya ba bstan pa med par ye shes chen po dang / slob pa med pa'i sa non te/ yon tan thams cad dang ldan
177b1 pa ni sangs rgyas dkon mchog ces bya'o/ /'gog pa'i bden pa dang / 'dus ma byas pa ni chos dkon mchog ces bya'o/ /nyan thos kyi slob pa dang mi slob pa'i yon tan dang shes rab tu ldan pa ni dge 'dun dkon mchog ces bya'o/ /
177b2 chos kyi sgo nas dbye na bstan pa med pa dang / bslab pa med pa'i chos ni sangs rgyas dkon mchog ces bya'o/ /'gog pa'i bden pa dang / 'dus ma byas pa dang / slob pa yang ma yin/ mi slob pa yang ma yin pa'i chos ni chos dkon mchog
177b3 ces bya'o/ /nyan thos kyi slob pa dang / mi slob pa ni dge 'dun dkon mchog ces bya'o/ /dbang po'i sgo nas dbye na sangs rgyas ni kun shes pa'i dbang po'o/ /chos ni dbang po'i chos ma yin pa'o/ /dge 'dun ni zag pa med pa'i dbang po
177b4 gsum mo/ /bden pa'i sgo nas dbye na sangs rgyas ni lam gyi bden pa'i phyogs cha gcig go/ /chos ni 'gog pa'i bden pa'o/ /dge 'dun yang lam gyi bden pa'i phyogs cha gcig go/ /dge sbyong gi 'bras bu'i sgo nas dbye na sangs rgyas
177b5 ni dge sbyong ngo / /chos ni dge sbyong gi 'bras bu'o/ /dge 'dun ni dge sbyong ngo / /chos dkon mchog ni dge sbyong gi 'bras bu'o/ /bram ze'i sgo nas dbye na sangs rgyas ni bram ze'o/ /chos ni bram ze'i 'bras bu'o/ /dge 'dun ni bram ze'o/ /
177b6 chos dkon mchog ni bram ze'i 'bras bu'o/ /tshangs par spyod pa'i sgo nas dbye na sangs rgyas ni tshangs par spyod pa'o/ /chos ni tshangs par spyod pa'i 'bras bu'o/ /dge 'dun ni tshangs par spyod pa'o/ /chos dkon mchog ni tshangs par spyod
177b7 pa'i 'bras bu'o/ /rgyu dang 'bras bu'i sgo nas dbye na sangs rgyas ni rgyu'o/ /chos ni 'bras bu'o/ /dge 'dun ni rgyu'o/ /chos dkon mchog ni 'bras bu'o/ /lam dang 'bras bu'i sgo nas dbye na sangs rgyas ni lam mo/ /chos ni 'bras bu'o/ /
177b8 dge 'dun ni lam mo/ /chos dkon mchog ni 'bras bu'o/ /sangs rgyas kyi ston pa ni chos yin te/ chos las sangs rgyas skyes pas na chos ni sangs rgyas kyi yum yin te/ sangs rgyas ni chos la gnas so/ /gsol pa/ sangs rgyas kyi ston pa chos
178a1 lags na ci'i slad du dkon mchog gsum la chos sngar mi smos/ bka' stsal pa/ sangs rgyas kyis ston pa chos yin mod kyi chos kyang sangs rgyas ma yin pa gzhan gyis mi ston te/ lam zhes bya ba yang mis bsgrub
178a2 dgos pas de bas na sangs rgyas sngar smos so/ /de nas ma 'gags pas yang bcom ldan 'das la 'di skad ces gsol to/ /bcom ldan 'das dkon mchog gsum la skyabs su gsol ba mnod pa'i tshe/ sngar chos dkon mchog
178a3 smos la/ phyis sangs rgyas dkon mchog smos na gsum la skyabs su mchi bar rung ngam/ bka' stsal pa/ rtogs shing shes pa med na go rims nor na yang nyes pa med de skyabs su 'gro bar chud do/ /gal te shes bzhin du ched tu nor bar
178a4 smras na nyes pa dang yang bcas la gsum la skyabs su 'gro bar yang mi chud do/ /gsol pa/ sangs rgyas dang chos smos la dge 'dun ma smos na skyabs su mchi ba gsum du rung ngam/ gal te chos dang dge 'dun smos la sangs rgyas ma smos na
178a5 skyabs su mchi bar rung ngam/ gal te sangs rgyas dang dge 'dun smos la chos ma smos na gsum la skyabs su mchi bar chud dam/ bka' stsal pa/ de gang yang mi rung ste mi chud do/ /gsol pa/ /gsum la skyabs su ma mchis par tshul khrims lnga
178a6 thob par rung ngam/ gal te gsum la skyabs su ma mchis par yang yan lag brgyad kyi tshul khrims thob par rung ngam/ gal te gsum la skyabs su mchi ba ma mchis par tshul khrims bcu thob par rung ngam/ zhu ba dang gsol ba bzhi'i
178a7 las ma bgyis par tshul khrims rdzogs par mnod du rung ngam/ bka' stsal pa/ de dag gang yang mi rung ngo / /gal te tshul khrims lnga nod na sngar gsum la skyabs su 'gro bar bya'o/ /gsum la skyabs su song ba'i 'og
178a8 tu khrims lnga thob par 'gyur te/ de nas khrims lnga gang yin pa brjod de/ pha rol pos khrims lnga'i ming shes par bya'o/ /de bzhin du gsol pa dang zhu ba bzhi'i las byas nas tshul khrims rdzogs par 'gyur te/ de'i 'og tu gnas bzhi
178b1 dang / rtsa ba bzhi dang / dge 'dun gyi lhag ma bcu gsum shes shing khong du chud par bya ba'i phyir brjod cing bstan par bya'o/ /yang gzhan du na skyabs su 'gro ba byas nas srog mi gcod pa'i khrims bstan na khrims thob par 'gyur te/ de bas na khrims gcig
178b2 bshad pas khrims lnga thob ces bya ste/ gal te khrims gcig thub na khrims lnga char thub ces bya'o/ /yang gzhan du na khrims lnga gcig la gcig 'brel pa yang yin la thog ma nas khrims lnga mnod par dam bcas pa'i phyir ro/ /yang gzhan du na khrims
178b3 lnga ni mnos pa'i 'og tu khrims thob bo/ /ston pa kha cig ni skyabs su 'gro ba gsum byas nas khrims lnga thob ces bya ba ni don bden pa ste/ ji ltar gsol pa dang / zhu ba'i las byas pa bzhin no/ /yan lag brgyad pa'i khrims
178b4 nod pa dang / khrims bcu nod pa dang / khrims lnga nod pa bshad pa bzhin no/ /gsol pa/ gal te sngar gsum la skyabs su mchis te/ dge bsnyen du gyur pa slad kyis gal te khrims lnga nod dam/ khrims bcu nod kyang rung
178b5 skyabs su mchi ba gdod bgyi 'tshal lam/ bka' stsal pa/ skyabs su 'gro ba gsum ma byas kyang sngar gsum la skyabs su song bas tshul khrims kun thob bo/ /gsol pa/ gal te gsum la skyabs su mchi ba yang bgyis/ gsol
178b6 pa dang zhu ba'i las kyang ma bgyis na khrims thob par 'gyur ram/ bka' stsal pa/ khrims lnga dang / yan lag brgyad pa'i khrims dang / khrims bcu nod pa gsum la skyabs su song nas khrims 'thob bo/ /gal te tshul khrims rdzogs
178b7 par mnod pa ni gsol ba dang / zhu ba bzhi'i las byas pas tshul khrims rdzogs par 'gyur gyi gsum la skyabs su song bas ni ma yin no/ /tshul khrims rdzogs par mnod pa ni de'i yon tan dang bsod nams che bas na las cung zad tsam 'am/
178b8 rkyen cung zad tsam gyis sgrub par mi 'gyur bas de bas na skyabs su 'gro ba gsum dang / dge 'dun bcu'i nang du gsol ba dang zhu ba bzhi'i las byas pas tshul khrims thob par 'gyur ro/ /khrims lnga dang / yan
179a1 lag brgyad pa'i khrims dang / khrims bcu ni yon tan dang mthu de tsam du mi che bas de bas na gsum la skyabs su song bas na tshul khrims thob par 'gyur te/ las mang po dang / rkyen mang po mi dgos so/ /
179a2 gsol pa/ tshul khrims rdzogs par mnos pa'i 'og tu rtsa ba bzhi dang / dge 'dun gyi lhag ma bcu gsum 'ba' shig ni bstan la gzhan dag rdzogs par mi ston/ bka' stsal pa/ tshul khrims rnam pa 'di gnyis
179a3 ni nang gi lci ba yin te/ rtsa ba bzhi las gcig nyams na yang phyir gsor mi rung ngo / /lhag ma ni gsor rung mod kyi gso dka' ste/ de yang dge 'dun la mgu ba dang / chad pa'i las byas la gang na dge 'dun nyi shu yod pa'i mdun
179a4 du nyes pa bshags dgos te/ 'di ni bsrung dka' bas bsrung dgos pa'i phyir smos so/ /gzhan slabs na bsrung sla ba'i phyir smos mi dgos te/ de bas na rnam pa 'di gnyis smos kyi gzhan ma smos pa yin no/ /
179a5 gsol pa/ so sor thar pa'i khrims 'di zag pa med pa'i khrims lags sam/ bsam gtan gyi tshul khrims lags/ bka' stsal pa/ zag pa med pa'i khrims kyang ma yin/ bsam gtan gyi tshul khrims kyang ma
179a6 yin no/ /so sor thar pa'i tshul khrims 'di ni gal te sangs rgyas 'jig rten du gshegs na ni tshul khrims 'di yod kyi/ gal te sangs rgyas 'jig rten du ma gshegs na tshul khrims 'di med do/ /zag pa med pa dang / bsam
179a7 gtan gyi tshul khrims ni sangs rgyas 'jig rten du gshegs kyang rung / ma gshegs kyang rung dus thams cad kyi thams cad tu yod do/ /so sor thar pa'i tshul khrims ni bcas pa las yod par 'gyur gyi/ zag pa med pa dang / bsam
179a8 gtan gyi tshul khrims ni bcas pa las yod pa ma yin no/ /so sor thar pa'i tshul khrims ni gzhan las thob par 'gyur gyi/ zag pa med pa dang / bsam gtan gyi tshul khrims ni gzhan las thob pa ma yin no/ /so sor thar pa'i
179b1 tshul khrims ni gnyid kyis log gam/ ma log pa 'am/ dge ba 'am/ sdig pa 'am/ lung du mi ston pa'i sems kyi dus thams cad du yod do/ /zag pa med pa dang bsam gtan gyi tshul khrims ni bsam gtan du 'dug
179b2 pa dang / zag pa med pa'i sems la nges pa'i tshe tshul khrims yod kyi/ /sems gzhan thams cad la med do/ /so sor thar pa'i tshul khrims ni mi'i nang 'ba' shig na yod kyi/ zag pa med pa dang / bsam gtan gyi tshul
179b3 khrims ni lha dang mi gnyis la yod do/ /so sor thar pa'i tshul khrims ni 'dod pa'i khams 'ba' shig na yod kyi/ zag pa med pa dang / bsam gtan gyi tshul khrims ni 'dod pa'i khams dang / gzugs kyi khams
179b4 na rdzogs par yod do/ /zag pa med pa'i tshul khrims dang / so sor thar pa'i tshul khrims ni sangs rgyas kyi slob ma 'ba' shig la yod mod kyi/ bsam gtan gyi tshul khrims ni mu stegs can la yang yod do/ /
179b5 gsol pa/ dge bsnyen gyi khrims lnga la du ni rang bzhin gyi sdig lags/ du ni bcas pa'i sdig lags/ bka' stsal pa/ bzhi ni rang bzhin gyi sdig /chang 'thung ba'i khrims gcig ni bcas pa'i sdig go/ /chang 'thungs pa ni
179b6 bag med pa le lo'i gnas yin pa ste/ sdig pa bzhi'i grogs su 'gyur ro/ /khrims lnga la chang 'thung ba ni bag med pa'i gzhi yin pas/ khrims bzhi yang nyams par byed de/ dper na sangs rgyas 'od srung gi tshe dge
179b7 bsnyen zhig chang 'thungs pa'i rkyen gyis gzhan gyi chung ma la 'dod pas log par g.yem pa yang byas/ pha rol po'i bya yang brkus nas bsad do/ /gzhan zhig gis khyod ci'i phyir 'di ltar byed ces dris na bdag gis
179b8 byas pa med ces zer te/ de ltar chang 'thungs pas khrims bzhi char cig char nyams par byas so/ /chang 'thungs na mtshams med pa bzhi yang byed par 'gyur te/ dge 'dun gyi dbyen 'ba'
180a1 shig byed mi nus so/ /'di yang sngon gyi las kyis gnyer ba ma yin mod kyi/ 'on kyang smyo ba dang mi dran par smyo ba myong bar 'gyur ro/ /chang 'thungs pas ban glang rmyis pa ltar myos shing 'khrug par 'gyur te/ chang gis myos
180a2 na yang dag pa'i las su bya ba bsam gtan dang / mdo sde klog pa dang / 'don pa dang / dge 'dun gyi las bya ba rnams shor bar 'gyur te/ rang bzhin gyi sdig pa ma yin mod kyi rang bzhin gyi sdig pa dang 'dra'o/ /de nas ma 'gags pas
180a3 yang bcom ldan 'das la 'di skad ces gsol to/ /dge snyen gyi khrims lta bu sems can 'ba' shig las khrims thob bam/ sems can ma yin pa las kyang thob par rung / 'on te gsad du rung ba dang / rkur yod pa dang / mi
180a4 tshangs par spyad du rung ba dang / brdzun smrar rung ba'i sems can las khrims thob par 'gyur ram/ 'on te gsad du ma rung ba dang / rkur ma mchis pa dang / mi tshangs par spyad du mi rung ba dang / brdzun smrar mi rung ba dang /
180a5 sems can las kyang khrims thob par 'gyur/ bka' stsal pa/ sems can las ni khrims bzhi thob par 'gyur gyi sems can ma yin pa las chang mi 'thung ba'i khrims thob par 'gyur ro/ /sems can du gtogs pa gsod
180a6 du rung ba 'am/ gsod du mi rung ba 'am/ mi tshangs par spyad du rung ba 'am/ mi rung ba 'am/ rkur rung ba 'am/ mi rung ba 'am/ brdzun smrar rung ba 'am/ mi rung ba thams cad las tshul khrims thob ste/ mtshams
180a7 med pa'i sems can dmyal ba yan cad/ 'du shes med 'du shes med min gyi skye mched man chad stong gsum gyi stong chen po'i 'jig rten gyi khams su gtogs pa de bzhin gshegs pa'i bar du srog dang bcas pa thams cad las tshul
180a8 khrims 'di bzhi thob par rung ste/ de yang thog ma tshul khrims nod pa'i tshe srog chags thams cad kyi srog mi gcod pa dang / thams cad ma byin par mi len pa dang / thams cad la mi tshangs par mi spyod pa dang / brdzun thams cad mi smra'o zhes bya ba'i
180b1 mtha' dang tshad gzung du med pas de bas na sems can thams cad las tshul khrims mi thob par 'gyur ba med do/ /tshul khrims 'bogs pa cho ga bzhin du byas na sngar khong du chud cing yid ches par bya ba'i phyir chos bshad la sems can thams cad la
180b2 byams pa dang snying rje'i sems bskyed du gzhug go/ /de ltar lhag par mos pa'i sems skyes na lhag pa'i tshul khrims thob par 'gyur ro/ /yang tshul khrims thob pa ni sems can thams cad las so so nas tshul khrims bzhi thob par 'gyur te/ tshul
180b3 khrims bzhi so so nas dbye na tshul khrims bcu gnyis su 'gyur ro/ /sems can las srog mi gcod pa dang / ma byin par mi len pa dang / mi tshangs par mi spyod pa dang / brdzun mi smra bas bzlog pa'i nyes pa bzhi skye ba yang rgyu dang rkyen gsum
180b4 gyi phyir te/ de yang 'dod chags las skye ba dang / zhe sdang las skye ba dang / gti mug las skye ba'o/ /sems can thams cad la mi dge ba bcu gnyis po 'di yod de/ mi dge ba 'di las bzlog na dge ba'i tshul khrims kyi rnam par rig byed
180b5 gyi gzugs bcu gnyis thob par 'gyur ro/ /dpag tu med pa'i sems can thams cad las thob pa yang de dang 'dra'o/ /gal te dgra bcom pa khri phrag brgya 'am/ 'bum phrag brgya mya ngan las 'das kyang thog mar dgra bcom pa de dag
180b6 las tshul khrims thob na dgra bcom pa mya ngan las 'das kyang tshul khrims nyams par 'gyur ba ma yin no/ /chang mi 'thung ba'i khrims ni lus 'di thog ma nas tha ma'i bar du stong gsum gyi stong chen po'i 'jig rten gyi khams
180b7 ji tsam tshad du gtogs pa thams cad la rngub re zhing khrims kyi rnam par rig byed kyi gzugs 'thob ste/ thog ma khrims nod pa'i tshe chang thams cad mi 'thung ngo zhes byas pas gal te chang thams cad zad kyang tshul khrims ni rtag tu yod
180b8 pas mi nyams so/ /gsol pa/ thog ma khrims nod pa'i tshe bud med thams cad kyi sgo gsum nas 'dod pas log par mi g.yem pa'i khrims mnos la phyis chung ma blangs na tshul khrims 'di nyams par 'gyur ram/ bka' stsal pa/ nyams par
181a1 mi 'gyur ro/ /ji lta zhe na/ thog ma bud med la 'dod pas log par mi g.yem pa'i khrims thob la 'di ni bdag gi chung ma yin pas 'dod pas log par g.yem pa ma yin te/ khrims 'di ni nyams par mi 'gyur ro/ /don 'di
181a2 dang sbyar na thams cad 'thun te/ khrims brgyad dang khrims bcu dang / sems can dang / sems can ma yin pa rnams las tshul khrims thob pa yang de dang 'dra'o/ /tshul khrims nyis brgya lnga bcu yang sems can kun la so so nas
181a3 tshul khrims bdun bdun zhig thob ste/ de yang rnam par dbye na tshul khrims nyi shu rtsa gcig tu 'gyur ro/ /sems can thams cad la lus dang ngag gi sdig pa bdun 'byung ste/ sdig pa 'byung ba 'di yang rgyu dang rkyen rnam pa gsum gyis
181a4 skye'o/ /de yang 'dod chags kyis skye ba dang / zhe sdang gis skye ba dang / gti mug gis skye ba ste/ de ltar na rgyu dang rkyen gsum gyis sdig pa bdun skye ste/ de ltar na mi dge ba'i sdig pa bdun gsum nyi shu gcig go/ /sdig pa de las bzlog na
181a5 tshul khrims su 'gyur te/ sems can gcig la tshul khrims kyi rnam par rig byed kyi gzugs nyi shu rtsa gcig yod pa bzhin du sems can thams cad la yang de dang 'dra'o/ /don de dang sbyar na dus gcig tu tshul
181a6 khrims grangs med pa thob par ni rung gi/ dus gcig tu cig char nyams par 'gyur ba 'am/ dus gcig tu med par 'gyur ba ni ma yin no/ /tshul khrims nyams shes bya ba ni gal te tshul khrims kyi rtsa ba nyams
181a7 na gong nas gong du 'phar bar mi 'gyur te/ ji ste tshul khrims phul la phyis nod na yang tshul khrims thob par mi 'gyur ro/ /dper na nyin zhag gcig gi yan lag brgyad pa'i khrims kyi rtsa ba nyams na phyis khrims
181a8 brgyad dam/ khrims lnga 'am/ khrims bcu'am/ khrims rdzogs pa 'am/ bsam gtan gyi tshul khrims sam/ zag pa med pa'i tshul khrims sam/ tshul khrims 'di dag gang yang nod du mi rung ngo / gal te tshul khrims
181b1 lnga'i rtsa ba nyams na yang khrims brgyad dam/ bcu 'am/ tshul khrims rdzogs pa 'am/ bsam gtan gyi tshul khrims sam/ zag pa med pa'i tshul khrims kyang thams cad thob par mi rung ngo / /gal te khrims lnga nyams pa'i 'og tu khrims lnga phul la
181b2 khrims bcu nod pa de ni gnas ma yin no/ /gal te khrims lnga phul ba'i 'og tu khrims lnga nod kyang rung / khrims brgyad dam/ khrims bcu 'am/ khrims rdzogs pa 'am/ bsam gtan gyi tshul khrims sam/ zag pa med pa'i khrims mnos kyang
181b3 khrims gang yang mi 'thob bo/ /gal te khrims bcu 'am/ khrims rdzogs pa'i rtsa ba nyams na gong nas gong du 'phar ba 'am/ khrims phul te khrims nod pa ni ji ltar khrims lnga las bshad pa dang 'dra'o/ /gsol pa/ bsam gtan gyi tshul khrims
181b4 dang / zag pa med pa'i tshul khrims dang / so sor thar pa'i tshul khrims dang / tshul khrims 'di gsum las tshul khrims mchog ces bgyi ba gang lags/ bka' stsal pa/ bsam gtan gyi tshul khrims mchog te/ gzhan du na so sor thar pa'i
181b5 tshul khrims kyang mchog yin no/ /de ji lta zhe na/ gal te sangs rgyas 'jig rten du gshegs na tshul khrims 'di yod par 'gyur gyi/ bsam gtan gyi tshul khrims dang / zag pa med pa'i tshul khrims ni thams cad
181b6 kyi dus su yod do/ /so sor thar pa'i tshul khrims ni sems can dang sems can ma yin pa las kyang thob par rung gi/ bsam gtan gyi tshul khrims dang / zag pa med pa'i tshul khrims ni sems can thams cad las thob pa
181b7 yin no/ /so sor thar pa'i tshul khrims ni sems can thams cad la byams pa'i sems kyis thob par 'gyur gyi/ bsam gtan gyi tshul khrims dang zag pa med pa'i tshul khrims ni byams pa'i sems kyis thob pa ma yin no/ /so sor
181b8 thar pa'i tshul khrims ni sangs rgyas kyi chos 'dzin par 'khor rnam pa bdun 'jig rten na yod cing theg pa rnam gsum gyi 'bras bu rgyun mi 'chad par byed pa'i gzhir 'gyur ba yin gyi/ bsam gtan gyi khrims dang / zag pa med pa'i khrims ni de lta bu
182a1 ma yin te/ de bas na khams gsum na mchog rab phul du gyur pa yin no/ /thog ma khrims nod pa'i tshe gsol ba dang zhu ba bzhi'i las byas ma thag tu tshul khrims rdzogs par 'gyur te/ thog ma'i sems skad cig ma dang po'i tshul khrims kyi rnam
182a2 par rig byed kyi gzugs ni las shes kyang bya/ las kyi lam zhes kyang bya'o/ /sems skad cig ma phyi ma las khrims kyi rnam par rig byed kyi gzugs byung ba ni las shes bya'i/ las kyi lam ma yin no/ /de lta bas na sems kyi skad cig ma
182a3 dang po las tshul khrims kyi rnam par rig byed kyi gzugs bsam pa yongs su rdzogs te/ bsam pa dang ldan pas bsam pa'i las kyi lam zhes bya'o/ /tshul khrims snga mas rgyu byas te/ tshul khrims lhag ma'i rnam par rig byed kyi gzugs
182a4 lhun gyis grub pas de bas na de la las shes bya'i las kyi lam ma yin no/ /dang po'i sems skad cig ma gcig gi khrims ni cho ga dang yang bcas la cho ga med pa yang ma yin no/ /phyis rim gyis skye ba'i khrims ni cho ga med pa 'ba' shig
182a5 dang ldan gyi/ cho ga dang bcas pa ma yin no/ /thog ma'i sems skad cig ma gcig gi khrims ni tshul khrims shes kyang bya/ dge bar spyod pa zhes kyang bya/ 'dul ba zhes kyang bya'o/ /phyis rim gyis de ma thag tu skye ba'i tshul khrims
182a6 kyang don de dang ldan no/ /de nas ma 'gags pas yang bcom ldan 'das la gsol pa/ dus gsum du bkum pa'i nang na dus gang gis tshul khrims thob par 'gyur/ bka' stsal pa/ da ltar gyi dus kyi sems skad cig ma
182a7 gcig gis khrims thob par 'gyur ro/ /'das pa dang ma 'ongs pa ni chos yin te/ sems can ma yin pas khrims mi 'thob kyi/ da ltar gyi sems skad cig ma gcig ni sems can yin pas na khrims 'thob bo/ /
182a8 gsol pa/ dge ba'i sems kyis tshul khrims thob bam/ mi dge ba'i sems sam/ 'on te lung du ma bstan pa'i sems kyis sam/ sems med pas khrims thob par 'gyur/ bka' stsal pa/ thams cad kyis thob par
182b1 'gyur te/ thog ma dge ba'i sems kyis dge 'dun gyi rkang pa la phyag byas la chos gos dang lhung bzed blangs te mkhan po gang yin pa la gsol ba gdab bo/ /de nas tsog tsog por 'dug ste thal mo sbyar la gsol ba dang zhu ba bzhi'i las bar chad
182b2 med par dge ba'i sems kyis khrims rdzogs pa ni dge ba'i sems kyis tshul khrims thob pa zhes bya'o/ /gal te de ltar cho ga rims kyis byed pa na rtag tu dge ba'i sems dang ldan te/ las byed pa las gsol ba dang zhu ba bzhi'i las byed
182b3 pa'i tshe/ 'dod chags dang zhe sdang la sogs pa mi dge ba'i bsam pa byung na sems can de nyid kyis tshul khrims kyi rnam par rig byed kyi gzugs dang ldan yang de ni mi dge ba'i sems kyis khrims thob pa zhes bya ste/ de yang thog ma'i
182b4 dge ba'i sems dang / dge ba'i las kyi shugs kyis khrims thob pa yin gyi mi dge ba'i sems kyis thob pa ma yin no/ /sngar dge ba'i sems kyis cho ga'i las byas la gsol ba dang zhu ba bzhi'i las byed pa'i tshe/ gal te gnyid log gam
182b5 yur na log cing yur ba'i sems las khrims kyi rnam par rig byed kyi gzugs skye ba ni lung du ma bstan pa'i sems kyis khrims thob pa zhes bya'o/ /sngar dge ba'i sems kyis cho ga byas la gsol ba dang zhu ba bzhi'i las byed
182b6 pa'i 'gog pa'i ting nge 'dzin la snyoms par zhugs na de'i tshe khrims kyi rnam par rig byed kyi gzugs dang ldan pas de ni sems med pa las khrims thob pa zhes bya'o/ /ma 'gags pas yang gsol pa gal te khyim pas khrims
182b7 lnga ma mnos par thal byung khrims bcu mnos na/ khrims thob par 'gyur ram/ bka' stsal pa/ dus gcig du dge bsnyen gyi khrims dang / dge sbyong gi khrims rnam pa gnyis thob bo/ /gal te khrims lnga yang ma mnos/ khrims bcu yang ma mnos par thal byung khrims
182b8 rdzogs par mnos na yang dus gcig tu khrims gsum char thob par 'gyur ro/ /ma 'gags pas gsol pa/ bcom ldan 'das gal te khrims rdzogs par mnos pas dus gcig tu khrims rnam pa gsum char thob par 'gyur na/ rims kyis
183a1 sngar khrims lnga mnos la de'i 'og tu khrims bcu mnos te/ phyis khrims rdzogs par mnod do zhes bgyir yang ci 'tshal/ bka' stsal pa/ dus gcig tu tshul khrims gsum char thob mod kyi/ gang sangs rgyas kyi chos la lhag
183a2 par mos pa ni gdon mi za bar rims kyis sngar khrims lnga mnos te/ dul bar byas la dad pa dang / mos pa lhag par skyes nas de'i 'og tu khrims bcu nod do/ /khrims bcu mnos nas dge ba'i rtsa ba lhag par skyes nas de'i 'og tu tshul
183a3 khrims rdzogs par mnos na/ de ltar rims kyis sangs rgyas kyi chos kyi ro thob cing mos pa brtan pa mi shigs par 'gyur ro/ /dper na rgya mtsho chen por 'jug pa yang bags kyis zab pa dang 'dra bar sangs rgyas kyi chos kyi rgya mtshor
183a4 'jug pa yang de dang 'dra ste/ tshul khrims rdzogs par cig car mnos na go rims kyang shor la spyod lam yang nyams par 'gyur ro/ /gzhan du na tshul khrims kyang sems can kha cig ni khrims lnga mnos pas lam gyi 'bras bu thob par
183a5 'gyur ba yang yod do/ /sems can kha cig ni tshul khrims bcu mnos pa'i rkyen gyis lam gyi 'bras bu thob pa yang yod de/ de ltar rgyu dang rkyen rnam pa tha dad pas na de bzhin gshegs pas go rims bstan pa yin no/ /gal te
183a6 sngar khrims lnga mnos la de'i 'og tu khrims bcu mnos na khrims bcu mnos pa'i tshe yang khrims gnyis ka dang ldan no/ /khrims lnga dang khrims bcu mnos pa'i 'og tu khrims rdzogs par mnos na rdzogs par mnos pa'i tshe khrims gsum
183a7 char dang yang ldan no/ /khrims lnga dang khrims bcu dang / khrims rdzogs par mnod pa rnam pa bdun la gsol ba dang zhu ba bzhi'i las byed pa'i khrims 'ba' shig ni rim gyis dus gsum du thob bo/ /lhag ma rnam pa drug nod pa ni dus gcig
183a8 gis thob kyi/ dus gsum gyi rim pa med do/ /de ltar tshul khrims rnam pa gsum dus gcig tu thob pa 'gal te tshul khrims phyir dbul ba'i tshe bdag ni deng phyin chad dge sbyong yin te/ dge slong ma yin no zhes smras pas tshul khrims rdzogs pa med kyang
183b1 tshul khrims gnyis med pa ma yin te yod do/ /tshul khrims lnga dang / tshul khrims bcu mnos pa las da phyin cad bdag dge bsnyen yin te/ dge sbyong ma yin no zhes smras na khrims bcu med par zad kyi/ khrims lnga yod do/ /gal te bdag ni khyim
183b2 pa dang rab tu byung ba'i tshul khrims thams cad dbul te/ bdag la skyabs su 'gro ba'i dge bsnyen du zung shig ces smras na tshul khrims rnam pa gsum cig char med kyang skyabs su 'gro ba gsum med pa ma yin no/ /go rims kyis tshul khrims rnam pa gsum
183b3 thob pa dang / phyir dbul ba'i cho ga dang / rim pa ni ji ltar dus gcig tu khrims thob pa bstan pa dang 'dra'o/ /gsol pa gal te sngon dge bsnyen las rab tu byung ste khrims bcu mnos na khrims lnga ma mchis par mi 'gyur ram/ bka' stsal pa/ med par mi 'gyur te/ ming
183b4 dang go rims brjes par zad kyi/ khrims med par 'gyur ba ma yin no/ /de yang dge bsnyen gyi ming stor te dge sbyong gi ming thob bo/ /khyim pa'i go rims stor gyi rab tu byung ba'i go rims thob bo/ /gsol pa dge slong gi tshul khrims rdzogs par mnos na
183b5 khrims bcu dang khrims lnga ma mchis par mi 'gyur ram/ bka' stsal pa med par mi 'gyur te/ de yang ming dang go rims stor bar zad de/ dge sbyong gi ming stor nas dge slong gi ming thob bo/ /dge sbyong gi go rims stor nas/ dge slong gi go rims
183b6 thob ste/ thog ma dang tha ma'i bar du tshul khrims yin gyi/ ming tsam ni 'phral la 'dogs so/ /dper na bskyed shing dang shing gi lo ma lta bu dpyid dang dbyar ni sngo/ ston ni ser/ dgun ni skya ste/ de yang dus kyis bsgyur bas shing gi lo ma kha dog tha dad
183b7 par 'gyur gyi/ thog ma nas tha ma'i bar du shing gi lo mar zad de tshul khrims yang de dang 'dra bar rtag tu tshul khrims gcig tu zad na dus kyis tha dad par 'gyur ro/ /gzhan yang dper na 'o ma dang / zho dang / mar dang / mar gyi snying
183b8 po ni rnam pa bzhir tha dad de/ de ltar dus kyi tha dad kyang gcig tu zad pa dang 'dra bar/ tshul khrims kyang de dang 'dra ste/ dus gsum gyis tha dad kyang / tshul khrims la tha dad pa med do/ /ma 'gags
184a1 pas yang gsol pa/ bcom ldan 'das dge bsnyen khrims nod pa nyams kyis rdzogs par nod par mi nus pa tshul khrims gcig gam/ gnyis sam/ bzhi'i bar du mnos na tshul khrims mnos par chud dam/ bka' stsal pa/ des
184a2 khrims mi 'thob bo gsol pa/ gal te khrims mi thob na mdo sde dag las phyogs cha chung ba'i dge bsnyen dang / phyogs cha che ba'i dge bsnyen dang / phyogs cha rdzogs pa'i dge bsnyen mchis par gsungs na de'i don de ji lta bu lags/ bka'
184a3 stsal pa/ de skad ces gsungs pa yang khrims bsrungs pa'i yon tan che chung yod pa las dgongs te gsungs kyi/ de ltar tshul khrims mnod du rung ba ni ma yin no/ /ma 'gags pas yang gsol pa/ bcom ldan 'das khrims lnga nod pa'i nyin
184a4 zhag gcig gam/ nyin zhag gnyis nas nyin zhag bcu'i bar du de ltar mnos na khrims thob par 'gyur ram/ bka' stsal pa/ de ltar mi rung ngo / /sangs rgyas kyis tshul khrims bcas pa yang so so nas dus dang tshad yod de/ de yang tshul
184a5 khrims lnga nod pa ni gdon mi za bar nam 'tsho'i bar du mnod dgos so/ /gal te yan lag brgyad pa'i khrims mnod na gdon mi za bar nyin zhag gcig pa mnod dgos te/ de bas na snga ma mi rung ngo / /gsol ba dang zhu ba bzhi'i las byas te
184a6 khrims nod pa yang rab dang / 'bring dang / tha ma yod do/ /de la khrims lnga ni khrims tha ma'o/ /khrims bcu ni khrims 'bring po'o/ /khrims rdzogs pa ni khrims rab ces bya'o/ /khrims lnga la yang rab 'bring rnam pa gsum ste/
184a7 gal te chung zhing zhan pa'i sems kyis khrims mnos pa ni khrims tha ma zhes bya'o/ /sems 'bring gis tshul khrims mnos pa ni khrims 'bring thob par 'gyur ro/ /gal te sems rab kyis tshul khrims mnos pa
184a8 ni khrims rab thob par 'gyur ro/ /tshul khrims rdzogs pa la rab 'bring gsum yod pa yang khrims lnga bstan pa bzhin no/ /gal te sngar sems tha mas khrims mnos pa'i 'og tu khrims rab 'bring gis
184b1 khrims bcu mnos na khrims lnga ni snga ma las skye zhing lhag pa med kyi/ khrims lnga ma gtogs par kha zas dus ma yin par mi bza' ba'i bar du khrims lhag ma lnga ni lhag pa'i khrims su 'gyur te/ tshul khrims sngar mnos pa lnga ni tha
184b2 mar 'gyur ro/ /sems tha mas sngar khrims lnga mnos la/ de'i 'og tu sems rab dang 'bring gis khrims rdzogs par mnos na yang khrims sngar mnos pa lnga ni skye ba 'am lhag pa med kyi/ khrims snga ma lnga ma gtogs par tshul khrims
184b3 gzhan thams cad tshul khrims rdzogs par mnod pa'i tshe rab dang lhag pa'i sems kyis mnos pas lhag pa'i tshul khrims rab thob par 'gyur ro/ /de bas na so sor thar pa'i tshul khrims ni nyis rim du thob pa med de rim par dbye na khrims
184b4 ris lnga ni tha ma zhes bya'o/ /khrims bcu ni 'bring zhes bya/ tshul khrims rdzogs pa ni rab ces bya'o/ /don gyi sgo nas dbye na sems rab kyi khrims lnga mnos na khrims de ni rab ces bya/ sems 'bring gis khrims bcu mnos na khrims
184b5 'bring zhes bya/ sems tha mas tshul khrims rdzogs par mnos na tshul khrims tha ma zhes bya'o/ /don dang sbyar na sems rab dang / 'bring dang / tha ma las tshul khrims thob pa mi mthun te/ nges par gcig tu chad pa med do/ /gal te
184b6 mkhan po zhig la khrims bcu nod par gsol ba btab pa las khrims bcu nod pa'i tshe mkhan po mngon sum du ma gyur kyang khrims bcu thob bo/ /gal te khrims bcu nod pa'i tshe mkhan po shi na shi bar shes sam thos na khrims mnos kyang
184b7 khrims mi 'thob bo/ /gal te shi bar mi shes ma thos na khrims thob bo/ /gsol ba dang zhu ba bzhi'i las byed pa'i tshul khrims mnod pa ni mkhan po mngon sum du ma gyur na khrims mnod kyang khrims thob par mi 'gyur te/ dge
184b8 'dun gyi grangs ma tshang ba'i phyir ro/ /gal te dge 'dun gyi grangs tshang na mkhan po med kyang khrims mnod du rung ngo / /ma 'gags pas yang gsol pa/ bcom ldan 'das dge bsnyen gyi khrims lnga pas tshong
185a1 spogs bgyir rung ngam/ bka' stsal pa/ tshong spogs byar rung ste/ las rnam pa 'di lnga ni mi bya'o/ /rkang 'gros phyugs kyi tshong spogs kyi las mi bya'o/ /bdag nyid kyi phyugs yod na tshong du gnang gi/ shan pa la btsong du mi rung ba dang / mda' gzhu mtshon
185a2 cha'i bag tshong spogs bgyir mi rung ba dang / bdag la yod pa ni 'tshong du rung ba dang / chang gi tshong spogs kyi las byar mi rung ste/ bdag nyid la yod na 'tshong du rung ba dang srin bu mang du 'chi bas 'bru mar 'tshir tu mi rung ba dang / rgya gar gyi chos kyis de bzhin te/ ga
185a3 bu sha tshun chad ni 'bru mar 'tshar ba'i nang na srin bu med na nyes pa med do/ /kha dog tshon chen po rnam pa lnga btso blag byed pa yang srin bu mang du 'chi bas mi rung ste/ yog sha la sogs pa yul gzhan dag na tshon gyi btso blag med pa las srin bu mang du 'chi
185a4 ste/ de bas na ma gnang ngo / /yul rgya yul yang kha dog mthing ka btso ba ni srin bu mang du 'chi bas btso blag rnam pa lnga'i nang du gtogs so/ /ma 'gags pas yang gsol pa/ bcom ldan 'das nyin zhag gcig gis khrims brgyad ces bgyi
185a5 ba dus ma lags par phyem red kha zas mi 'tshal ba ma gtogs pa dgur 'gyur na ji ltar brgyad ces bgyi/ bka' stsal pa/ khrims shes bya ba ni chos kyis phyem red dus ma yin par kha zas mi za ba yin te/ khrims brgyad kyi
185a6 yan lag yin te/ grogs su gyur pas yan lag gi khrims brgyad ces bya'i/ dgur ni ma yin no/ /gsol pa/ yan lag brgyad pa'i khrims mnos na gang zag de 'khor rnam pa bdun la 'khor gang gi nang
185a7 du bsdu/ bka' stsal pa/ nam 'tsho ba'i bar gyi khrims ma mnos kyang nyin zhag gcig gi khrims yod pas de la yang dge bsnyen zhes bya'o/ /gzhan du na dge bsnyen zhes byar ni nam 'tsho ba'i bar du tshul khrims
185a8 mnos pa med la/ dge bsnyen ma yin zhes byar ni nyin zhag gcig gi khrims yod pas de ni gang zag bar ma do zhes mdo sde las kyang 'byung ngo / /ma 'gags pas yang gsol pa/ bcom ldan 'das 'khor bdun ma
185b1 gtogs par so sor thar pa'i tshul khrims mchis sam/ bka' stsal pa/ yod de yan lag brgyad kyi khrims nyid yin no/ /don de dang sbyar na yan lag brgyad kyi khrims mnos pa 'khor rnam pa bdun gyi nang du ma gtogs so/ /yan
185b2 lag brgyad pa'i khrims mnos pa'i chos kyis ni nyin zhag gcig gi bar du srog mi gcod do zhes tshig de skad chad pas na khrims gzhan nam 'tsho'i bar du mnos pa dang bsrer yang mi rung ngo / /gsol pa/ yan lag brgyad kyi khrims mnod
185b3 pa nyin zhag gnyis sam/ gsum 'am/ bcu'i bar du cig char mnod du rung ngam/ bka' stsal pa/ thog ma sangs rgyas kyis nyin zhag gcig gi khrims su bcas pas de las 'dar mi rung ngo / /gal te nyams kyis mnod nus
185b4 na nyin zhag gcig cing lan re mnod dgos te/ nyin zhag du mnos kyang rung ngo / /nyin zhag gcig gi yan lag brgyad kyi khrims mnod pa'i thabs ni pha rol po gzhan las mnod dgos te/ de yang gang las mnod ce na/ 'khor
185b5 lnga po gang yang rung ba las mnod dgos so/ /yan lag brgyad kyi khrims mnos pa'i 'og tu gal te sems can la brdeg btsog byas na tshul khrims rnam par dag pa ma yin no/ /khrims mnos pa'i nyin par brdeg btsog
185b6 ma byas la phyi de nyin brdeg btsog bya bar dam bcas na yang tshul khrims rnam par dag pa ma yin te/ mdor na lus dang ngag gis ji tsam du tshul bzhin ma yin pa'i las byas na khrims ma nyams mod kyi rnam par dag pa ma yin no/ /
185b7 gal te lus dang ngag rnam par dag kyang sems kyis 'dod chags kyi rnam par rtog pa bskyed dam/ zhe sdang gis 'tshe ba'i rnam par rtog pa bskyed na yang rnam par dag pa ma yin no/ /gal te lus dang ngag dang yid kyi las
185b8 gsum rnam par dag kyang rjes su dran pa drug yid la ma byas na de yang tshul khrims rnam par dag ces mi bya'o/ /yan lag brgyad kyi khrims mnos pa'i 'og tu rjes su dran pa drug yid la byas na tshul khrims rnam par dag ces
186a1 bya'o/ /mdo sde dag las 'dzam bu'i gling gi rgyal po 'dzam bu'i gling gi khams su ma gtogs pa'i mi thams cad dang / de'i nang na yod pa'i gser dang / dngul dang / nor dbyig thams cad la dbang ba'i bsod nams kyis
186a2 yan lag brgyad pa'i tshul khrims rnam par dag pa'i bsod nams bcu drug char yang dgos pa'i cha gcig tsam yang mi phod do zhes 'byung ngo / /su yang rung yan lag brgyad pa'i khrims nod par byas la bag med par rang nyam du rol
186a3 mo 'am/ gal te na kha zas zhim po la bag med par bza' ba dang / rtsed mo rnam pa sna tshogs yid bzhin du bag med par byas pa'i 'og tu khrims mnod pa ni snga dro la yang rung phyi dro la yang rung khrims thob par mi 'gyur ro/ /
186a4 gal te snga nas khrims mnod pa'i sems med la bag med pa'i las rnam pa sna tshogs byas pa'i 'og tu dge ba'i bshes gnyen dang phrad de khrims mnos na snga dro yang rung phyi dro yang rung dus thams cad du khrims thob bo/ /khrims
186a5 mnod par chas pa las bgegs sam bar chad byung ste dbang med pa las/ phyis bgegs dang bar chad med pa'i 'og tu khrims mnos na snga dro yang rung phyi dro yang rung dus thams cad du khrims thob bo/ /gsol pa/ gal
186a6 te nyin par khrims bsrungs la mtshan mo mi srung ba'i khrims mnos na yan lag brgyad kyi khrims thob bam/ gal te mtshan mo khrims srung la nyin par mi srung ba'i khrims mnos na yan lag brgyad kyi khrims thob par
186a7 'gyur ram/ bka' stsal pa/ gang yang khrims mi thob bo/ /de bas na sangs rgyas kyis thog ma nas nyin zhag gcig pa'i khrims su bcas te/ nges pa'i tshad yin pas 'gal bar byar mi rung ngo / /ma
186a8 'gags pas yang gsol pa/ bcom ldan 'das 'o na de ltar khrims mi thob na mdo dag las dge slong ig zhi zhig 'brog dgon pa zhig na yi dags kha cig sdug bsngal sna tshogs myong ste/ la la ni nyin par longs
186b1 spyod bgyid la mtshan mo sdug bsngal bgyid pa yang mchis/ la la ni mtshan mo longs spyod bgyid la nyin par sdug bsngal myong ba dag mthong ngo / /de bas na de dag kyang sngon mi'i nang na nyin par khrims srung la mtshan mo ni sdig pa bgyid
186b2 pa 'am/ yang na mtshan mo khrims srung la nyin par sdig pa'i las bgyid pa mi mthun pa'i don de dag ji lta bu lags/ bka' stsal pa/ skye ba snga ma'i rgyu dang rkyen 'ba' shig la brten du yang mi rung ste/ 'di skad du bshad pa
186b3 yang mdo sde 'am 'dul ba las bshad pa ma yin te/ de la bden pa'i don nges pa zhes byar yang mi rung ngo / /gzhan du ni 'di skad bshad pa 'di ni 'phags pa kA ta ya nas ig zhi zhig gdul ba'i phyir sprul pa yin gyi yang dag pa ma
186b4 yin no zhes 'byung ngo / /yan lag brgyad pa'i khrims mnos pa las khrims phyir 'bul na nges par 'khor rnam pa lnga la 'bul mi dgos kyi/ pha rol po gang zag gcig la khrims phyir dbul lo zhes tshig gcig smras pas khrims
186b5 phul bar 'gyur ro/ /so sor thar pa'i khrims thob pa'i sgo nas dbye na lam rgyud lngar gtogs pa la ma'i rgyud du gtogs pa 'ba' shig gis khrims thob kyi rgyud lhag ma gzhan gyis khrims mi thob bo/ /dper na lha'i rgyud du gtogs
186b6 pa ni bde ba'i longs spyod la chags shing zhen pas khrims mi thob bo/ /dper na sngon 'phags pa maud gal gyi nye gnas shig nad kyis btab pa las 'phags pa maud gal sum bcu rtsa gsum gnam du sman pa 'tsho byed la dpyad
186b7 'drir song ba las/ de'i tshe lha'i bu rnams rab tu dga' ba'i bskyed mos tshal du rtser 'dong ba'i khar babs nas 'phags pa maud gal de dag 'gro ba'i lam kar sdod cing 'dug pa las lha'i bu rnams 'phags pa maud gal la mig gis
186b8 blta tsam yang mi khom par song ngo / /'tsho byed kyi thad kar phyin pa dang / rgyang ma nas maud gal lag pa bteg pa tsam zhig byas nas shing rta khrid de song ngo / /de nas 'phags pa maud gal 'di snyam du sems so/ /'tsho byed
187a1 'di sngon mi'i nang na 'dug pa'i tshe bdag gi slob ma yin na da ni lha'i longs spyod la chags te/ sngon gyi dran pa nyams par gyur to snyam bsams nas rdzu 'phrul gyis 'tsho byed kyi shing rta 'gro ba med par byin gyis brlabs so/ /de nas 'tsho
187a2 byed shing rta las babs te 'phags pa maud gal gyi rkang pa la phyag byas nas maud gal gyis rgyu rkyen mang po rnam pa sna tshogs gtams so/ /'tsho byed kyis maud gal la smras pa/ bdag mi'i nang na 'dug pa'i tshe btsun pa'i slob ma yin
187a3 pas lag pa tsam bteg ste bro dris kyi lha'i bu gzhan dag de ltar byed pa yod dam/ lhar skyes pa ni bde ba'i longs spyod la zhen cing chags pas dbang med de de ltar gyur pa yin no/ /maud gal gyis 'tsho byed la smras pa/ slob ma zhig nad kyis
187a4 btab ste na na de la ji ltar gso bar bya 'tsho byed kyis smras pa/ re shig kha zas mi bza' bar bya'o/ /de nas maud gal gyi bus lha'i dbang po brgya byin la 'di skad ces bskul to/ /sangs rgyas 'jig rten du gshegs pa yang shin
187a5 du phrad dka' na ci'i phyir skabs skabs su drung du song ste dam pa'i chos mi gleng / de nas brgya byin lha'i dbang pos 'phags pa maud gal gyi bsam pa sems kyis shes nas lha'i bu zhig mngags te/ lha'i bu zhig 'bod du btang ba
187a6 las lan gsum gyi bar du bos na ma 'ongs so/ /lha'i bu de la lha'i bu mo gcig dang rol mo byed pa gcig las med kyang 'dod pa la chags shing zhen pas lha'i dbang po tshig btsan mod kyi gtong ma phod de phyis gdod 'ongs so/ /
187a7 de nas brgya byin gyis ci'i phyir de ltar gyur ces dris na ji ltar gyur pa drang por gsol to/ /brgya byin gyis maud gal la gsol pa/ lha'i bu 'di la lha'i bu mo gcig dang rol mo byed pa gcig las med kyang gtong mi phod do/ /
187a8 rtse dga' na lha'i dbang por gyur te/ gzhal med khang sna tshogs mang po dang lha'i bu mo grangs med pas bskor/ lha'i zhal zas ro brgya dang ldan pa sna tshogs dang lha'i rol mo brgya stong snyed la longs spyod cing rtse dga' bas shar phyogs
187b1 su bltas na nub phyogs kyang brjed pa de lta ci smos te/ sangs rgyas 'jig rten du gshegs pa dang phrad pa yang dka'/ dam pa'i chos thos pa yang shin du dka' bar shes mod kyi 'dod pa'i bde bas bcings glags te rang dbang med pas shes
187b2 kyang byar med par gyur to/ /tshul khrims mnos pa'i chos ni dpa' zhing rtul phod pa'i sems kyis chad par dam bcas pas khrims thob par 'gyur te/ lha'i bu lta bu ni 'dod pa'i bde ba la chags pas mi dge ba'i sems kyi shas
187b3 che ste/ dge ba'i sems kyi mthu chung na ci'i dbang gis khrims thob par 'gyur/ yi dags lta bu ni bkres pa dang skom pas sdug bsngal te lus dang sems 'bar zhing tshig pa'i phyir ro/ /sems can dmyal ba pa ni tsha grang gi sdug bsngal
187b4 grangs med pas gzir te mi gzod pa sna tshogs myong zhing lus dang sems gdungs par gyur pas khrims thob pa'i rgyu med do/ /dud 'gro lta bu ni las kyis bsgribs te shes pa med pas khrims mnod pa'i cho ga med do/ /mdo sde kha cig las
187b5 skabs kha cig tu klus tshul khrims mnos par 'byung ba dge ba'i sems kyis yan lag brgyad pa'i khrims mnos pas nyin zhag gcig gi bar du dge ba'i sems kyis bsod nams ni thob kyi las kyis bsgribs pas tshul khrims ni thob
187b6 pa ma yin no/ /gling bzhis dbye na lho'i 'dzam bu'i gling dang / nub kyi ba lang spyod dang / shar gyi lus 'phags gling dang / gling gsum po 'dir gtogs pa'i rgya mtsho'i gling phran na 'khod pa'i mi rnams kyis khrims thob bo/ /dper na nub kyi ba
187b7 lang spyod na 'phags pa'i phin 'dul gnas par sangs rgyas kyis lung bstan te/ da ltar sangs rgyas kyi mdzad pa chen po rgyas par byed pas 'khor rnam bzhi yang yod do/ /shar gyi lus 'phags gling na yang dge slong yod de/ de na yang sangs
187b8 rgyas kyi chos byed pas 'khor bzhi po dag yod do/ /byang gi sgra mi snyan 'ba' shig na sangs rgyas kyi chos med de/ tshul khrims kyang mi thob bo/ /de yang bsod nams kyi las kyi rnam par smin pas bsgribs shing gti mug
188a1 gis bsgribs pa'i phyir 'phags pa'i chos kyi snod du ma gyur to/ /gang zag la rnam pa bzhi ste/ gang zhe na/ skyes pa dang / bud med dang / ma ning dang / mtshan ma gnyis pa'o/ /rnam pa 'di bzhi la skyes pa dang bud med gnyis
188a2 kyis ni khrims thob par rung / ma ning dang mtshan ma gnyis gnyis kyis khrims mi 'thob/ de yang skyes pa dang bud med la yang gang pha ma bsad pa dang / dgra bcom pa bsad pa dang / sangs rgyas kyi sku la ngan sems kyis khrag phyung ba
188a3 dang / dge 'dun gyi dbyen byas pa dang / dge slong ma la mi tshangs par spyad pa dang / gca' 'phrang du chom po dang rkun gnas byed pa dang / dge ba'i rtsa ba bcad pa dang / gang zag 'di dag ni gang yang tshul khrims mi thob bo/ /de la don
188a4 chen po'i sgo nas brtags na sangs rgyas kyi chos la shin du dad cing mos pa ni 'dir mi gtogs te/ lha 'am/ klu 'am/ yi dags sam/ gnod sbyin nam/ byang gi sgra mi snyan nam/ ma ning ngam/ mtshan ma gnyis pa 'am/ sdig
188a5 pa mi dge ba sna tshogs byas kyang skyabs su 'gro ba gsum mnod du rung ngo / /gsol pa/ dus gsum gyi sangs rgyas rnams tshul khrims brnyes pa mnyam 'am/ bka' stsal pa/ mi mnyam mo/ /tshul khrims
188a6 thob ces bya ba ni sems can dang sems can ma yin pa'i ris las khrims thob par 'gyur te/ sangs rgyas gcig 'jig rten du gshegs na sems can grangs med pa ji snyed kyi don mdzad de lhag ma ma lus pa'i mya ngan las
188a7 bzlas pas phyis sangs rgyas 'jig rten du gshegs pa dag sems can de dag gang las kyang tshul khrims brnyes te/ de ltar na sangs rgyas rnams snga phyir tshul khrims brnyes pa mi mnyam mo/ /dper na
188a8 sangs rgyas 'od srung gis sems can grangs med pa zhig btul te lhag ma ma lus par mya ngan las bzlas kyang sangs rgyas 'od srung gis ni sems can de dag kun las tshul khrims brnyes na/ sangs
188b1 rgyas shAkya thub pas ni sems can de dag gang las kyang tshul khrims ma brnyes so/ /sangs rgyas thams cad 'dra bar dngos po 'di gsum ni mnyam mo/ /gang zhe na/ spyod pa'i tshogs mnyam pa dang /
188b2 chos kyi sku mnyam pa dang / sems can gyi don mdzad pa mnyam pa'o/ /sangs rgyas thams cad 'dra bar bskal pa grangs med pa gsum gyi bar du byang chub sems dpa'i spyod pa spyad de/ yan lag lnga'i chos kyi sku yongs
188b3 su rdzogs shing stobs bcu dang / mi 'jigs pa bzhi dang / sangs rgyas kyi chos ma 'dres pa bcwo brgyad yongs su rdzogs te thams cad kyis sems can grangs med pa ji snyed mya ngan las bzlas so gsol pa/ mdo
188b4 sde dag las sangs rgyas gcig 'jig rten du gshegs na sems can bye ba khrag khrig dgu bcu snyed mya ngan las 'da' ba'i don mdzad do zhes 'byung na/ ci'i slad du sems can grangs med pa'i don mdzad ces gsungs/
188b5 bka' stsal pa/ mdo sde dag las sangs rgyas gcig 'jig rten du gshegs na sems can bye ba khrag khrig dgu bcu snyed kyi don mdzad ces smos pa ni sangs rgyas de las grol bar gyur pa la bya ste/ grol ba'i sems can
188b6 de dag kyang la la ni sangs rgyas nyid kyis don mdzad pa yang yod/ kha cig ni slob mas don mdzad pa yang yod/ kha cig ni bzhag pa'i chos kyis grol ba yang yod de/ sems can bye ba khrag khrig dgu bcu zhes smos pa ni sangs
188b7 rgyas nyid kyis don mdzad pa la bya/ sems can grangs med pa lhag ma ma lus pa'i mya ngan las bzlas shes bya ba ni spyir don mdzad pa la bya'o/ /dus gsum gyi sangs rgyas thams cad mnyam pa ni dus gsum mnyam
188b8 gyi tshul khrims brnyes pa ni mi mnyam mo/ /gsol pa/ sdom pa ma yin pa'i khrims shes bgyi ba sems can dang sems can ma yin pa las thob par 'gyur ram/ zin pa dang ma zin pa kun gyis khrims
189a1 thob par 'gyur/ bka' stsal pa/ sems can las sdom pa ma yin pa'i khrims thob par 'gyur gyi/ sems can ma yin pa las sdom pa ma yin pa'i khrims mi thob bo/ /gzhan du na gsod du rung
189a2 ba'i sems can las sdom pa ma yin pa'i khrims thob kyi/ gsod du mi rung ba'i sems can las khrims mi thob bo/ /yang gzhan du na gsod du rung ba dang / gsod du mi rung ba'i sems can gnyis ga las sdom pa ma
189a3 yin pa'i khrims thob ces bya'o/ /dper na shan pa lug gsod pa ni rtag tu gsod pa'i sems dang chas te lug gsod pa 'ba' shig yid la byed pas de'i tshad gzung du med do/ /ji ste lha dang mir skyes na 'phral du gsod
189a4 pa'i las mi byed kyang skye ba gcig nas gcig tu 'khor bas phyir lug tu skye ba'i chos yod do/ /de bas na sems can thams cad las sdom pa ma yin pa'i khrims thob par 'gyur te/ sdom pa ma yin pa'i khrims
189a5 bcu gnyis kyang de dang 'dra'o/ /sdom pa ma yin pa'i khrims bcu gnyis shes bya ba ni 'di lta ste/ shan pa dang / gshed ma dang / phag gso ba dang / bya gso ba dang / nya shor ba dang / rngon pa dang / bya
189a6 shor ba dang / sbrul shor ba dang / klu la sngags 'debs pa dang / btson rdzi byed pa dang / rkun po byed pa dang / rkun po 'dzin pa dang bcu gnyis so/ /dar gyi srin bu gso ba yang sdom pa ma yin pa'i khrims kyi nang
189a7 du 'dus so/ /sdom pa ma yin pa'i khrims nyams pa'i dus gsum yod de/ shi ba'i dus dang chags shing zhen pa zad pa'i dus dang / sdom pa'i tshul khrims mnod pa'i dus so/ /dper na skyabs su 'gro ba
189a8 gsum mnod pa'i tshe thog ma'i tshig dang po gcig smras pas sdom pa ma yin pa'i khrims nyams so/ /de'i 'og tu tshig gnyis pa dang gsum pa smras pa'i tshe na dge ba'i tshul khrims thob par 'gyur ro/ /
189b1 gsol pa gang zag gis sdom pa ma yin pa'i las byed pa na dus ched gang gi tshe dge ba'i tshul khrims nyams shing mi dge ba'i khrims thob par 'gyur/ bka' stsal pa/ shan pa'o zhes tshig gcig dang por smra ba'i tshe dge
189b2 ba'i khrims nyams par 'gyur la shan pa'o zhes lan gnyis lan gsum smras pas mi dge ba'i khrims thob par 'gyur ro/ /yang gzhan du na gang gi tshe dge ba'i khrims btang ba de nyid kyi tshe mi dge ba'i khrims thob bo/ /
189b3 ji ste dge ba'i khrims srung ba'i gang zag gcig bdag shan pa'o zhes dam ni ma bcas/ khe dang rnyed pa tsam la chags te phag phrug gso zhing gsod pa'i las byed na de'i tshe dge ba'i khrims nyams pa zhes bya ste/ de ni dge ba'i
189b4 khrims gtang ba mi dge ba'i khrims thob pa zhes bya'o/ /gal te bdag shan pa'o zhes nges par dam bcas na yang mi dge ba'i khrims thob par 'gyur ro/ /mi dge ba'i khrims nod pa ni bdag gis dam bcas pa tsam gyis thob par
189b5 'gyur te/ pha rol gzhan las mnod mi dgos so/ /gal te mi dge ba'i khrims nyin zhag gcig gam gnyis nas nyin zhag bcu 'am/ lo gcig gam/ lo gnyis kyi bar du mnod par dam bcas na dam bcas pa'i
189b6 dus ring thung las de bzhin thob par 'gyur te/ de bas na sdig pa mi dge ba'i chos ni skye shi 'khor ba la gzhol bar byed kyi gong nas gong du 'phar ba'i don med do/ /de ltar na mi dge ba'i khrims ni dngos po de nyid kyis
189b7 thob pa yin te/ dge ba'i tshul khrims dang mi 'dra'o/ /thabs mkhas pa chen po sangs rgyas drin lan bsab pa'i mdo las ma 'gags pa'i le'u zhes bya ste brgyad pa'o// //
189b8 thabs mkhas pa chen po sangs rgyas drin lan bsab pa'i mdo/ bam po bdun pa ste tha ma/
190a1 gzhan yang byang chub sems dpa' sems dpa' chen po drin lan shes pa dang / drin lan bsab pa dang / thabs mkhas pa chen pos sems can rnams la phan pa dang bde ba'i don byed pa dag dus dang skabs
190a2 shes na bstan cing bcos pa la gnod par mi 'gyur ro/ /rigs kyi bu sangs rgyas mngon par 'jig rten du byung ba 'jigs pa med pa'i rgyal po zhes bya ba de bzhin gshegs pa dgra bcom pa yang dag par rdzogs pa'i sangs rgyas
190a3 rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ ston pa rgyal ba 'jig rten du gshegs te/ skal ba dang ldan pa'i don mdzad do/ /skal ba dang
190a4 ldan pa rnams kyi don mdzad nas yongs su mya ngan las 'das so/ /mya ngan las 'das nas dam pa'i chos la spyod pa'i tshe bram ze'i bu yid gzhungs shing rno ba'i shes rab dang ldan pa gtan khrims lnga srung ba/ dam pa'i chos 'dzin
190a5 pa zhig byung ngo / /dus gzhan zhig na bram ze'i bu de yul gzhan zhig tu don gnyer du song song ba las 'gron du 'gro ba'i lam de 'jigs sa che bas lam grogs lnga brgya dang 'grogs te song ngo / /lam grogs de
190a6 dag dang 'jigs sar phyin nas 'jigs sa de na mi rgod lnga brgya zhig gnas te/ rtag tu 'dron po rgyu ba rnams 'joms so/ /de'i tshe na mi rgod de dag gis 'dron po de dag gzhom par byas nas mi rgod kyi dpon po des mi gcig
190a7 sngar 'dron po de dag ji ltar 'gro ba lta zhing rtog tu btang ngo / /de'i tshe mi rgod de dag gi nang na mi gcig cig sngon bram ze'i bu de dang mdza' zhing bshes pas sngar mi de dag gi nang du 'ongs te bram ze'i bu de la 'di skad ces bsgo'o/ /
190a8 rigs kyi bu khyod 'di ltar rig par byos shig /do nub nam gyi cha stod la dgra 'ong gis/ ci nas kyang khyod nyid la gnod pa dang smas par ma gyur par khyod nyid kyis byol ba'i thabs byos shig par bsgo'o/ /
190b1 de'i tshe bram ze'i bu des tshig de dag thos nas dper na mi brnangs pa ltar mid du yang med la skyug tu yang med pa bzhin mi bde bar gyur nas grogs po rnams la gtam byar ni grogs po rnams kyis mi de bsad kyis dogs/ ci ste
190b2 grogs po rnams kyis mi de bsad na grogs po rnams ngan 'gro gsum du sdug bsngal grangs med pa myong bar 'gyur ba ste/ gal te grogs po rnams la ma smras na ni dgras grogs po rnams bsad par 'gyur ro/ /gal
190b3 te grogs po rnams bsad na dgra rnams ngan 'gro gsum du ltung zhing sdug bsngal grangs med pa myong ngo snyam bsams nas bdag gis sems can la phan pa dang / bde ba'i thabs byas te/ bdag nyid ngan 'gro gsum
190b4 du ltung zhing sdug bsngal myong yang sla'o snyam bsams nas ral gri thogs nas sbron pa'i mi de bsad nas grogs po rnams bde bar byas so/ /de'i tshe na grogs po rnams kyis de ltar gyur pa mthong nas bram ze'i bu
190b5 de la 'di skad ces smras so/ /bram ze'i bu khyod ni mi'i nang na mchog tu gyur pa shin du dge ba yin na/ ci'i phyir deng 'dir 'di lta bu'i sdig pa chen po byed ces smras so/ /de'i tshe bram ze'i bu des pus mo sa la
190b6 btsugs nas thal mo sbyar te ngo mtshar dang ldan pa'i sems kyis grogs po dag la 'di skad ces smras so/ /bdag de ring bya bar mi rigs pa'i sdig pa chen po byas te/ de yang sems can rnams la phan pa dang /
190b7 grogs po rnams la bde bar bya ba'i phyir ro/ /grogs po rnams kyis smras pa/ khyod nyid kyis mi bsad pa la nged bde bar byas so zhes brjod du yang ci yod/ bram ze'i bus smras pa/
190b8 bdag gis bsad pa'i mi 'di ni dgra ma rungs pa yin te/ dgra 'dis grogs po khyed gsod du 'ongs pas bdag ni grogs po khyed kyi phyir mi 'di'i srog bcad pas na khyed rnams ni bde bar yul du
191a1 phyin te/ bdag ni sems can dmyal ba'i sdug bsngal myong yang sla'o/ /de nas grogs po lnga brgya rnams kyis skad phyung ste ngus nas 'di skad ces smras so/ /gnam mtha'
191a2 'og na phangs par bya ba ni srog las 'da' ba med do/ /'jigs pa'i nang na 'chi ba las 'da' ba med de/ de bas na sems can thams cad ni lus dang srog gi phyir gser dang / dngul dang / rin po che dang /
191a3 yul sa dang / chung ma dang / bu dang zas dang gos kyang yongs su gtong ste/ bdag cag ni deng du phyir lan cig 'tsho ba'i srog thob bo zhes smras nas bram ze'i bu khyod sems can gyi phyir ngan 'gro gsum gyi
191a4 sdug bsngal khyad du bsad pas bdag cag ni khyod kyi drin shin du lci ba dran par byed do/ /drin lci ba dran pas na deng bdag cag bla na med pa yang dag par rdzogs pa'i byang chub tu sems bskyed do/ /zhes smras nas thams
191a5 cad byang chub tu sems bskyed do/ /de'i tshe na mi rgod lnga brgya rnams kyis kyang 'di skad ces smras so/ /khyod ni kun gyi mchog shin du dge ba yin no zhes zer na ci'i phyir 'di lta bu'i sdig pa chen po byed/ bram ze'i bus smras
191a6 pa/ bdag ni bya bar mi rigs pa'i sdig pa chen po byas te/ de yang sems can thams cad la phan pa dang / khyed rnams kyi lus dang srog gi skyabs bya ba'i phyir ro/ /de nas mi rgod de dag gis bram ze'i bu la smras
191a7 pa/ khyod nyid kyis mi bsad pa la bdag cag la phan pa yang ci zhig yod/ bram ze'i bus smras pa/ mi rgod khyed rnams 'di na 'dug par snga nas shes kyang bdag kyang ma smras te/ rgyal po yang ma sbran/
191a8 bdag gi grogs po rnams la yang ma smras/ gtam ma byas pas khyed kyi lus dang srog bde bar gyur pa yin no/ /de'i tshe mi rgod dag gis de skad ces smras pa thos nas 'di snyam du gyur to/ /bdag cag gi lus
191b1 dang srog kyang gzod gson no snyam bsams nas bram ze'i bu la thal mo sbyar te/ skyes bu chen po shin du legs so/ /snying rje chen po dang ldan pa bdag cag gis deng phyin chad ci dang ci bya ba bstan du gsol/
191b2 bram ze'i bus smras pa khyed rnams myur du bla na med pa'i byang chub tu sems bskyed cig /de nas mi rgod rnams kyang drin lan bsab pa'i phyir de ma thag tu bla na med pa yang dag par rdzogs pa'i byang chub tu sems bskyed par
191b3 gyur to/ /bcom ldan 'das kyis kun dga' bo la bka' stsal pa/ byang chub sems dpa' brtson 'grus la gnas pa byang chub yongs su brgyan pa dang / sangs rgyas kyi bka' drin gyi lan
191b4 bsab par 'dod pa dag rtag tu sems can thams cad la bu gcig pa dang 'dra bar 'du shes bskyed cing dran par bya'o/ /rigs kyi bu 'di ltar rig par bya ste/ de'i dus de'i tshe na bram ze'i bu de gzhan zhig
191b5 yin par ma sems shig /de ltar mi blta'o/ /de'i tshe bram ze'i bur gyur pa de ni da ltar nga nyid yin no/ /de'i rgyu de'i rkyen kyis bskal pa dgu bcu snyed kyi 'khor ba las 'das nas myur du bla na med
191b6 pa yang dag par rdzogs pa'i byang chub tu mngon par rdzogs par sangs rgyas so/ /gzhan yang byang chub sems dpa' thabs mkhas pa chen po spyod cing drin lan shes pa dang / drin lan bsab pa ni 'di lta ste/
191b7 sangs rgyas bcom ldan 'das 'od ma'i tshal na bzhugs pa na/ dge slong cig lus la 'brum bu'i nad kyis btab nas lus la kun nas rnag khrag rgyun du zag pas thams cad kyis mi 'dod de/ btsug lag
191b8 khang gi phyi rol gnas khang zhig par gyur pa tha ma zhig gi nang du bzhag go/ /de'i tshe de bzhin gshegs pas rdzu 'phrul gyi mthus 'khor mang pos gcig gis kyang mi shes par byin gyis brlabs nas de bzhin
192a1 gshegs pa nyag gcig dge slong nad pa'i thad tu gshegs te/ chus bkru bar dgongs nas 'dod pa'i khams kyi lha rnams shes par bya ba'i phyir brgya byin lha'i dbang po lha'i 'khor tshad med pa brgya stong gis bskor te lha rdzas
192a2 kyi me tog char bzhin du phab/ lha rdzas kyi rol mo rnam pa sna tshogs byas nas steng gi nam mkha' la 'khod do/ /de'i tshe na sum cu rtsa gsum gnam gyi lha'i dbang po bsod nams brgya las grub pa'i bum pa dam pa'i nang na snying rje chen po'i
192a3 chu gtsang mas bkang nas lag na thogs te/ de bzhin gshegs pa'i zhabs la mgo bos phyag 'tshal nas de bzhin gshegs pa la mdun nas bsu ste phyogs gcig tu sdod do/ /de'i tshe na de bzhin gshegs pas bsod nams brgya
192a4 dang ldan pa'i phyag brkyang nas phyag sor mnyen zhing ring ba lnga las 'od zer chen po bkye nas lha dang 'khor mang po de dag rnams snang bar byas te/ 'khor mang po de dag 'dug nas de bzhin gshegs pa nyid dge slong nad pa'i drung du gshegs te
192a5 dbu'i spyi gtsug nas 'od zer bkye nas dge slong nad pa snang bar byas so/ /dge slong nad pa de la reg ma thag tu na ba'i sdug bsngal byang bar gyur te/ rma'i rnag khrag dang bcas pa'i lus kyis skyabs su gsol nas lus kyis de bzhin
192a6 gshegs pa la phyag 'tshal ma nus pas de bzhin gshegs pas phyag g.yas pas brgya byin lha'i dbang po las rin po che'i bum pa blangs te dge slong nad pa'i spyi bo nas chu blugs te/ phyag g.yon pas dge slong nad pa'i lus kyi rma bkrus
192a7 shing byugs pas dge slong nad pa'i rma thams cad de bzhin gshegs pa'i phyag gi rjes su sos par gyur to/ /de ltar rma kun sos nas dge slong de dga' mgu rangs par gyur te sangs rgyas shAkya thub pa la phyag 'tshal lo/ /thugs
192a8 rje chen po'i yab la phyag 'tshal lo/ /bla na med pa'i sman pa'i rgyal po mchog la phyag 'tshal lo zhes brjod do/ /bdag gi lus kyi nad rnams ni deng du sos par gyur na sems kyi nad 'ba' shig ma sos pas de bzhin
192b1 gshegs pas thugs brtse ba'i slad du bdag la chos kyi sman stsal cing sems kyi nad kyang gso bar gsol to/ /de nas de bzhin gshegs pas dge slong nad pa de la 'di skad ces bka' stsal to/ /de bzhin gshegs pa ni khyod kyi drin shin
192b2 du lci bar dgongs pas na de bzhin gshegs pas khyod kyi drin lan bsab par mdzad do/ /de'i tshe dge slong nad pa de shin du dga' bar gyur te/ de bzhin gshegs pas spro ba dang / dga' ba dang / gzengs stod pa mdzad nas dge slong nad pa de dgra
192b3 bcom pa'i 'bras bu thob nas rig pa gsum dang / mngon par shes pa drug dang / rnam par grol ba brgyad dang ldan par gyur to/ /brgya byin lha'i dbang po la sogs pa lha'i 'khor thams cad the rtsom du gyur te/ de bzhin gshegs pa
192b4 la 'di skad ces gsol to/ /ci'i slad du de bzhin gshegs pa nyid phyag dar te dge slong nad pa'i lus kyi rma khrag kun bkrus te/ dge slong 'di la shin du drin lci ba yod do zhes gsungs pa'i don bdag cag la bkrol zhing bshad tu gsol/
192b5 sangs rgyas kyis brgya byin lha'i dbang po dang lha'i 'khor mang po rnams la 'di skad ces bka' stsal to/ /khyed rnams legs par nyon la shin du yid la zung shig dang / dngos po de dag bstan par bya'o/ /brgya byin lha'i dbang po sngon 'das pa'i
192b6 dus bskal pa grangs med tshad med pa'i pha rol na rgyal po sdig pa can chos ma yin par byed pa kun la 'phrog rlom byed pa zhig byung ngo / /de'i tshe rgyal po sdig pa can de la blon po lnga brgya zhig bkug nas dku gsang gcig tu byas te/ gsang la
192b7 btags nas blon po de la 'di skad ces bsgo'o/ /gang su yang rung khrims las 'gal bar byas na khyed kyis chad pas gcad par dbang bskur gyis/ khyed kyis nor ci thob kyang rung nga dang thun mong du bya'o zhes bsgo'o/ /de'i tshe na lnga brgya po des rtag
192b8 tu gzhu rdeg byed de nor mang du thob pa ni de bzhin du btang / gang nor med pa la ni srog la bab kyi bar du gnod pa byed de/ de'i tshe na dge bsnyen cig khrims las 'gal ba cung zad cig byas pas lnga brgya'i gan du khrid nas gzhu brdeg bya bar byas pa las
193a1 dge bsnyen shin du dge ba yin no zhes pas gnod pa ma byas par yan par btang ngo / /de'i rkyen gyis dge bsnyen de yang shin du dga' bar gyur to/ /kau shi ka 'di ltar rig par bya ste/ de'i tshe de'i dus na lnga brgya po de ni dge slong nad pa 'di yin no/ /de'i tshe
193a2 de'i dus na dge bsnyen du gyur pa de ni da ltar nga yin no/ /de bas na byang chub sems dpa' ni bskal pa grangs med pa'i sngon rol gyi drin yang ba yang lci bas glan pa yin te/ mngon par sangs rgyas kyi bar du yang rtag tu mi brjed do/ /de'i tshe na brgya byin lha'i
193a3 dbang po dang lha'i 'khor mang po rab tu dga' bar gyur te/ lha'i 'khor bzhi khri brgyad stong snyed kyis bla na med pa yang dag par rdzogs pa'i byang chub tu sems bskyed par gyur to/ /byang chub tu sems bskyed nas lha rdzas kyi rol mo byas te/ phyir rang rang gi gnas su song
193a4 ngo / /bcom ldan 'das kyis kun dga' bo la bka' stsal pa/ rigs kyi bu 'am rigs kyi bu mo gang drin shes pa dang / drin lan bsab pa ni don rnam pa 'di bzhi la nan tan bya'o/ /bzhi gang zhe na/ dge ba'i bshes gnyen bsten pa dang / sems rtse gcig tu
193a5 chos nyan pa dang / don yid la byed pa dang / ji ltar bstan pa bzhin du spyod pa'o/ /gzhan yang chos rnam pa bzhi la gnas par bya'o/ /bzhi gang zhe na/ chos la gnas kyi gang zag gi rjes su mi gnas pa dang / don la gnas kyi yi ge'i rjes su mi
193a6 gnas pa dang / ye shes la gnas kyi rnam par shes pa'i rjes su mi gnas pa dang / nges pa'i don gyi mdo sde la gnas kyi bkri ba'i don gyi mdo sde la mi gnas pa ste/ chos 'di brgyad la nan tan byed na ni drin lan shes pa zhes bya'o/ /gzhan yang
193a7 chos rnam pa brgyad dang ldan na drin lan bsab pa zhes bya'o/ /brgyad gang zhe na/ 'di lta ste/ rnyed pa dang / khe dang / smad pa dang / bstod pa dang grags pa dang / 'phya ba dang / sdug bsngal dang / bde ba'o/ /gzhan yang dngos po 'di bzhi la nan tan byed pa ni drin lan shes pa zhes
193a8 bya/ drin lan bsab pa zhes kyang bya'o/ /bzhi gang zhe na/ 'di lta ste/ byams pa bsgoms pa'i rkyen gyis sems can sdig pa can dag mthong na byams shing snying brtse ba'i sems bskyed pa dang / snying rje bsgoms pa'i rkyen gyis sdug bsngal ba'i sems can rnams mthong na mi
193b1 skyo bar lta zhing mi gtong ba dang / dga' ba bsgoms pa'i rkyen gyis slob dpon dang / bla ma dang pha ma dang / yon tan dang ldan pa rnams mthong na dga' ba'i sems bskyed pa dang / btang snyoms bsgoms pa'i rkyen gyis dgrar gyur pa'i sems can mthong na zhe sdang gi sems mi
193b2 bskyed pa'o/ /de'i tshe kun dga' bos gos tshags su bcos nas sangs rgyas la 'di skad ces gsol to/ /bcom ldan 'das de bzhin gshegs pa thog ma nas byang chub tu sems bskyed pa na drin shes pa dang / drin lan bsab pa'i don gyi dngos po bzhi ci ltar nan
193b3 tan du mdzad pa lags/ bcom ldan 'das kyis kun dga' bo la bka' stsal pa/ sngon 'das pa'i dus bskal pa grangs med dpag tu med tshad med pa'i pha rol na sangs rgyas rnam par gzigs shes bya ba de bzhin gshegs pa dgra bcom pa yang dag par rdzogs pa'i
193b4 sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa ston pa rgyal ba 'jig rten du byung ste/ skal ba dang ldan pa rnams kyi don mdzad do/ /skal ba dang ldan pa rnams kyi don mdzad nas
193b5 yongs su mya ngan las 'das te/ dam pa'i chos dang gzugs brnyan las chos bya ba yang nub nas yul bA ra Na sI zhes bya ba na mi rnams kyang skyid cing bde lo yang legs te rgyal po de yang drang po'i chos kyis yul gyi srid 'tsho'o/ /yul de na ri drang srong 'phags shes
193b6 bya ba zhig yod de/ ri de la rgyun du rang sangs rgyas lnga brgya gnas so/ /de ma yin pa mngon par shes pa lnga dang ldan pa'i drang srong yang mang du gnas so/ /de'i tshe ri de la ri dgas dang gcan zan yang mang du gnas te/ de na seng ge yi dam brtan zhes bya ba zhig lus kyi
193b7 spu gser gyi mdog tu 'dug pa/ mthu stobs dang gzi brjid che ba/ skad phyung na bya rnams kyang sa la ltung ba/ ri dgas rnams kyang 'bros pa zhig yod de/ ri de la 'gro zhing rgyu ba dang / rang sangs rgyas dge sbyong gi gzugs dang spyod lam du ldan pa
193b8 cig dang phrad nas de la shin du dga' ba'i sems skyes te/ nyin gcig bzhin du nye bar bsnyen nas rgyun du mdo sde klog pa dang dam pa'i chos 'chad pa thos par gyur to/ /de'i tshe na rngon pa chen po ma rungs pa zhig gis seng ge'i lpags pa gser gyi mdog tu 'dug pa
194a1 de mthong nas rab tu dga' ba'i sems skyes te 'di snyam du sems so/ /gal te bdag gis gser gyi seng ge bsad de lpags pa bshus la rgyal po la phul na gdon mi za bar bya dga' chen po thob par 'gyur te/ rabs bdun gyi bar du phongs
194a2 pa med par 'gyur ro snyam bsams nas/ yang 'di snyam du bsams so/ /seng ge yi dam brtan zhes bya ba 'di ni gcan zan gyi rgyal po yin pas mda' gzhus kyang mi rdzi/ snyi dang rgyas kyang byar med de/ da bdag gis thabs 'di lta bu zhig bya'o/ /ri dgas
194a3 kyi rgyal po seng ge 'di ltar dge sbyong gi phyi bzhin 'brang bas bdag kyang dge sbyong gi gzugs su byas la/ chos gos kyi 'og tu mda' gzhu sbas la mig phab la gom pa dal bus song ste shing drung zhig tu 'dug na/ des bdag mthong ma thag tu gdon
194a4 mi za bar bdag gi drung du 'ong ste/ gal te bdag gi drung du 'ongs na gzhu brdungs bkang ste dug mda' 'phangs na gdon mi za bar sod do snyam bsams nas phyir khyim du 'ongs te 'di skad ces smras so/ /bdag rgyud kyis rngon pa byed byed de gnas na
194a5 gcan zan la spu gser du 'dug pa yong ma thos na mthong ba lta ci smos te/ da bdag gis de bsad pa'i phyir skra dang kha spu bregs la/ chos gos gyon nas phyir yang ri de la song nas shing drung zhig na 'dug na/ de'i tshe seng ge yi dam brtan gyis
194a6 dge slong mthong nas rab tu dga' ste mchong rgal nas dge slong de'i drung du bsnyen te/ rkang pa la bldag go/ /de nas rngon pa des seng ge la mda' 'phangs so/ /de nas dug mdas sdug bsngal bar gyur te skad phyung nas gzung zhing mchong bar byas pa la
194a7 'di snyam bsams so/ /'di ni dge sbyong gi kha dog bsgyur ba gyon pa yin te/ dus gsum gyi sangs rgyas kyi 'phags pa'i rgyal mtshan yin pas 'di la bdag gis gnod pa byas na dka' ba ma yin na/ gal te 'di la gnod pa byas te srog gi
194a8 dbang po dang phral na sangs rgyas rnams kyi 'phags pa'i rgyal mtshan ma rungs par byas pa yin no snyam bsams nas cang ma byas par bsdad pa las ring po ma lon par dug langs nas lhag par sdug bsngal mi bzod par gyur to/ yang bza'
194b1 zhing bca' ba 'am snyam bsams pa las 'di ni dka' ba ma yin na/ gal te bdag gis 'di la gnod pa byas na sangs rgyas rnams dang 'phags pa rnams kyis smod par 'gyur te/ 'jig rten na dge ba byed pa dang / sdig pa byed pa yang bye brag med de/ 'di ni sdig pa
194b2 can yin te bdag gsod tu 'ongs pas gal te bdag gis de la bzod pa ma byas na ni sdig pa can de dang tha dad pa yang med de/ gang yang bzod pa sgom pa de la thams cad byams par 'gyur ro/ /gang mi bzod pa de la ni thams cad sdang bar 'gyur bas de la nyon mongs pa
194b3 skye bar 'gyur te/ nyon mongs pa skyes par gyur na skye shi'i 'khor bar 'gyur ro/ /skye shir 'khor ba na mi khom pa'i gnas su skye bar 'gyur/ mi khom pa'i gnas su skyes na dge ba'i bshes gnyen dang 'bral bar 'gyur/ dge ba'i bshes gnyen dang bral na dam
194b4 pa'i chos mi thos par 'gyur/ dam pa'i chos ma thos na the tsom gyi dra bas klags par 'gyur/ the tsom gyi dra bas klags par gyur na bla na med pa yang dag par rdzogs pa'i byang chub dang bral bar 'gyur te/ de bas na bdag ni sdig pa'i sems mi bskyed do snyam
194b5 bsams nas tshigs su bcad pa 'di skad ces smras so/ /bdag gi lus srog yal bla yi/ /mi dge sdig pa'i sems mi bskyed/ /bdag ni srog dang bral yang rung / /ngur smrig gyon la gnod mi bya/ /rab tu byung ba'i mi dag la/ /nam du 'ang ngan sems
194b6 mi skyed do/ /tshigs su bcad pa 'di dag smras nas tshe'i dus byas par gyur te/ gnam sa yang lan drug tu g.yos so/ /gcan zan dang ri dgas kyang skrag nas phyogs bzhir bros so/ /sprin med par char pa bab nas nyi ma yang 'od mi snang bar gyur
194b7 to/ /de'i tshe rngon pa des gos phud nas gri thogs nas lpags pa bshus te phyir khyim du song ngo / /phyir khyim du song nas rgyal po la phul lo/ /rgyal pos lpags pa de mthong nas rab tu dga' ste blon po rnams la 'di skad ces smras so/ /bdag skyes nas
194b8 dud 'gro la lus kyi lpags pa spu gser gyi mdog tu 'dug pa yang yong ma thos te/ da 'dir mig gis mngon sum du mthong ba ngo mtshar che'o zhes rngon pa de la khyod ji lta bu zhig gi thabs byas te lpags pa 'di lta bu thob ces dris so/ /de nas rngon pas rgyal po
195a1 la 'di skad gsol to/ /rgyal po chen po 'jigs pa med pa stsal na drang por smra'o zhes gsol lo/ /rgyal pos kyang khyod ci 'dod pa bzhin gnang ngo bar bsgo nas rngon pa des kyang ji ltar gyur pa bzhin du gsol to/ /rgyal pos kyang tshig de thos nas mya ngan gyis
195a2 non te/ dper na mi brnangs pa bzhin mid du yang med la skyug tu yang med pa ltar mi bde bar gyur te/ /blon po chen po thams cad dang / rgyal phran dang / 'khor mang po kun bsdus te 'di skad ces bsgo'o/ /khyed rnams shes par gyis shig ngas sngon mkhas pa shes
195a3 rab can dag las 'di skad ces thos te/ dud 'gro'i khams su skyes pa'i nang na lus kyi spu mdog gser ltar bur 'dug na gdon mi za bar byang chub sems dpa' yin no zhes zer te/ gal te so so'i skye bo las gcig tsam bla na med pa'i byang chub tu sems bskyed
195a4 na sems can thams cad la phan pa dang bde ba'i don chen po byed pa yin na ci'i phyir rngon pa sdig pa can 'dis de 'dra ba'i thabs byas te byang chub sems dpa' 'di gal te bdag gis blon thabs sam/ bya dga' 'am/ bal gyi glang po che 'am/ rta 'am/ rin
195a5 po che sna bdun nam/ gos sam zas sam/ nor ram/ 'bru 'am/ nor 'di ltar byin par gyur na sdig can de dang 'thun par gyur te de'i grogs su 'gyur ro snyam bsams nas rngon pa de'i srog gi dbang po bcad do/ /de ltar rngon pa de'i srog gi dbang po bcad nas
195a6 seng ge'i lpags pa thogs te ri de la song nas shing glang mgo'i tsan dan spungs te seng ge'i lpags pa dang ro bsregs so/ /de ltar seng ge'i ro bsregs nas rus pa bsdus te mchod rten brtsigs nas mchod pa byas so/ /bcom ldan 'das kyis kun dga' bo la
195a7 'di skad ces bka' stsal to/ /rigs kyi bu dag de'i tshe de'i dus na seng ge yi dam brtan zhes bya ba de ni da ltar shAkya thub pa nga nyid yin no/ /de bas na byang chub sems dpa' ni dge ba'i bshes gnyen dang bsten pa'i phyir lus dang srog gi phyir yal yang sla'i sdig
195a8 pa'i sems mi bskyed do/ /de ci'i phyir zhe na/ drin shes pa dang drin lan bsab pa'i phyir ro/ /de ltar ji ltar zhe na/ byang chub sems dpa' ni dge ba'i bshes gnyen dang bsten pas bla na med pa yang dag par rdzogs pa'i byang chub myur du thob par 'gyur ro/ /
195b1 rigs kyi bu byang chub sems dpa' ni rgyun du brtson 'grus su dge ba'i bshes gnyen la bsten te khams gsum gyi nyon mongs pa gzhom zhing rgud par bya ba'i phyir sangs rgyas kyi chos tshig gcig tsam 'am/ tshigs su bcad pa gcig gam/ don
195b2 gcig tsam gyi bar du nyan pa la rab tu brtson par byed do/ /de ltar byang chub sems dpa' sems rtse gcig tu sangs rgyas kyi gsung rab tshol ba na chos 'dod pa'i sems dang shin du ldan pas lus dang srog kyang mi phangs par me ma mur gyi lcags
195b3 sam sa gzhi las kyang 'bog cing 'gro ste gnod par mi sems so/ /byang chub sems dpa' ni tshigs su bcad pa 'ga' tsam gyi phyir yang lus dang srog mi phangs na mdo sde bcu gnyis lta ci smos/ tshigs su bcad pa gcig tsam gyi phyir yang
195b4 lus dang srog mi phangs na de ma yin pa phyi'i zang zing lta ci smos/ chos thos pa'i don gyis lus dang sems shin du bde bar 'gyur te/ shin du dad pa'i sems skyes pas yang dag pa'i lta ba'i sems thob par 'gyur ro/ /chos ston pa mthong na pha
195b5 ma mthong ba ltar nga rgyal gyi sems mi skye'o/ /sems can gyi don du chos nyan gyi rnyed pa dang grags pa'i phyir ma yin sems can la phan pa dang bde ba'i don byed kyi bdag la phan pa'i don gyi phyir ma yin no/ /dam pa'i chos kyi phyir rgyal po dang /
195b6 bkres skom dang grang ba dang / tsha ba dang stag dang / spyang ki la sogs te/ gcan zan khro bo dang / rkun po dang / dgra la sogs pas 'jigs pa ma yin no/ /sngar dbang po rnams kyi nyon mongs pa btul nas de'i 'og tu chos nyan par byed kyi dus ma
195b7 yin par nyan pa ni ma yin te/ sems rtse gcig tu nyan par byed do/ /chos la bkur sti bya ba'i phyir chos ston pa la rim gro gos par byed pa ni byang chub sems dpa' drin shes pa dang drin lan bsab pa zhes bya'o/ /ji ltar na byang chub sems
195b8 dpa' sems rtse gcig tu chos nyan pa zhe na/ chos nyan pa la rnam pa bzhi ste/ yang dag pa'i sems dang / rtse gcig pa'i sems dang / thams cad du thams cad kyi sems dang / dge ba'i sems dang bzhi ste/ de ni byang chub sems dpa' mdo ste bcu
196a1 gnyis tshol ba la brtson pa zhes bya'o/ /de ci'i phyir zhe na/ sangs rgyas kyi bka' drin lci ba dran pa ni sangs rgyas thams cad kyi dam pa'i chos kun du rgyas par bya ba'i phyir/ sangs rgyas kun gyi dam pa'i chos skye zhing 'phel bar bya ba'i phyir/ 'jig rten
196a2 pa dag sangs rgyas kyi chos la dad par bya ba'i phyir sems can thams cad bla na med pa'i byang chub par bya ba'i phyir/ de bas na byang chub sems dpa' phyogs bcu'i sems can grangs med pa dran par byed do/ /sangs rgyas kun gyi bka' drin lci ba bsab pa'i phyir byang
196a3 chub sems dpa' ni mdo sde bcu gnyis tshol ba la brtson par byed do/ /byang chub sems dpas brtson 'grus su sangs rgyas kyi chos tshol ba ni sems can thams cad dad pa'i sems bskyed pa'i phyir rgyu'i rig pa'i bstan bcos slob par byed do/ /gzhan
196a4 yang nyes pa'i skyon thams cad shes par bya ba dang / mu stegs can gyi ngan par lta ba'i gtsug lag gzhig par bya ba dang / sems can gdul ba'i thabs mkhas pa shes par bya ba dang / de bzhin gshegs pas gsungs pa'i don dang / 'jig rten
196a5 pa'i tshig gi don rnam par dbye bar bya ba'i phyir byang chub sems dpa' rgyu'i rig pa'i bstan bcos slob par byed do/ /byang chub sems dpa' ci'i phyir sgra'i rig pa'i bstan bcos slob par byed ce na/ sgra'i tshig yongs su dag par brgyan pa dang / yongs
196a6 su ma dag pa'i tshig gis don gsal bar ston mi nus pa dang / don thams cad shes shing khong du chud par bya ba dang / yang dag pa'i tshig mi nyams pas nga rgyal gyis mi shigs pa dang / ngan par lta ba las bzlog cing sems can gdul ba'i thabs
196a7 mkhas pa shes par bya ba'i phyir byang chub sems dpa' sgra'i rig pa'i bstan bcos slob par byed do/ /byang chub sems dpa' ci'i phyir sman dpyad kyi rig pa'i bstan bcos slob ce na/ sems can rnams mi dge ba'i nad brgya rtsa bzhi dang dbral bar bya ba
196a8 dang / sems can thams cad la byams shing snying brtse ba'i phyir sems can rnams dad pa'i sems bskyed par bya ba dang / de ltar nad dang bral bas dga' ba'i sems skye bar bya ba dang / de ltar dga' ba'i sems skyes pas rtag tu sangs rgyas dran par 'gyur te/
196b1 snying rje chen pos sems can rnams pha rol du phyin par bya ba'i phyir byang chub sems dpa' sman dpyad kyi rig pa'i bstan bcos slob par byed do/ /byang chub sems dpa' ni ci'i phyir 'jig rten gyi bzo'i rig pa slob par byed ce na/ sems can la phan par bya ba'i
196b2 phyir nor zang zing rnyed sla bas sems can rnams dad pa bskyed par bya ba rnams dang / 'jig rten gyi bya ba'i dngos po kun shes pas nga rgyal gzhom pa dang / sems can gdul bar bya ba dang / srid pa'i chos thams cad kyi bsgribs pa kun bsal ba'i phyir byang
196b3 chub sems dpa' bzo'i rig pa slob par byed do/ /gal te byang chub sems dpa' rig pa'i dngos po lngar ma bslabs na nam du yang bla na med pa yang dag par rdzogs pa'i byang chub tu thams cad mkhyen pa'i ye shes thob par mi nus so/ /de bas na bla na med pa'i
196b4 byang chub thob pa'i phyir rig pa'i dngos po lnga bslab par bya'o/ /byang chub sems dpa' ni drin shes pa dang / drin lan bsab pa ni sems can la bshad pa'i dngos po bshad cing bstan par bya'o/ /ji ltar bshad ce na/ bla na med pa yang dag par rdzogs
196b5 pa'i byang chub thob par bya ba'i phyir rig pa lnga dang ldan par bshad par bya'o/ /bshad pa la yang rnam pa gnyis te/ rim gyis bshad pa dang / yongs su dag par bshad pa'o/ /de la ji ltar na rim gyis bshad pa zhe na/ sngar sbyin pa'i pha rol du phyin
196b6 pa bshad la de'i 'og tu tshul khrims kyi pha rol du phyin pa nas shes rab kyi pha rol du phyin pa'i bar du bshad pa dang / drin shes pa dang / drin bsab pa'i phyir don yid la byed cing chos bzhin du gnas pa ni rim gyis bshad pa zhes bya'o/ /de la yongs su dag
196b7 par bshad pa zhes bya ba ni gang zhe na/ nyan pa 'dug la 'chad pa 'greng na de la bshad par mi bya'o/ /gal te nyan pa chos la skyon tshol lam bshad pa la skyon tshol na de la bshad par mi bya'o/ /gal te nyan pa gang zag la rten gyi chos la mi rten na chos la
196b8 mi rten pas de la bshad par mi bya'o/ /gal te nyan pa yi ge la rten la don la mi rten na bshad par mi bya ba nas bkri ba'i don la rten gyi nges pa'i don gyi bar la mi rten na bshad par mi bya'o/ /de ci'i phyir zhe na/ gang
197a1 zag de ni sangs rgyas dang / byang chub sems dpa' rnams kyi yongs su dag pa'i chos la ma gus pa'i phyir ro/ /gal te bshad cing ston pa yang chos la bkur sti byed la/ chos nyan pa gang gus pa'i sems kyis
197a2 rtse gcig tu nyan cing nga rgyal gyi sems med pa ni yongs su dag par bshad pa zhes bya'o/ /gzhan yang rim gyis bshad pa zhes bya ba ni thams cad bshad pa'o/ /thams cad bshad pa zhes bya ba ni mdo sde bcu gnyis nas tshig gcig gam/ tshigs
197a3 su bcad pa gcig gam/ tshigs su bcad pa phyed kyi bar du bshad pa ste/ de yang tshig gi sgra dang / don dang / chos su ldan la/ chos dang don bstan pa yang spro ba dang / gzengs stod pa dang / dga' bar bya ba'i phyir dus su bstan pa dang /
197a4 dus kha cig tu gshe zhing spyo ba dang / dus kha cig tu drang por thad kar bstan pa dang / dus kha cig tu dpe rnams bstan te ci dang 'phrod pa bzhin du bstan pa dang / dus kha cig tu de bas nye zhing sla bar bstan pa dang / dus kha cig tu ji ltar mos pa
197a5 bzhin du 'jug sla ba bstan pa ni byang chub sems dpa'i drin shes pa dang / drin bsab pa la mkhas pa'i mchog chos rim gyis bshad pa zhes bya'o/ /gzhan yang yongs su dag par bshad pa zhes bya ba ni byang chub sems
197a6 dpa' sems dpa' chen po dgra sdang ba la byams pa'i sems sgom ste/ byams pa'i sems kyis sems can sdig pa dang / bcas pa dang gang zag bag med pa dang le lo can dag la thabs rnam pa mang po nas chos
197a7 bstan nas rgyags shing dregs pa dang / gang zag dbul phongs pa'i bar du thabs rnam pa mang pos chos ston par byed kyi bdag stod pa 'am/ gzhan smod pa 'am/ bza' ba dang / btung ba dang /
197a8 rnyed pa dang / grags pa'i phyir ma yin pa ni byang chub sems dpa' drin shes shing drin bsab pa la mkhas pa'i chos yongs su dag pa bshad pa zhes bya'o/ /de la ji ltar na chos bzhin du gnas pa yin zhe na/
197b1 lus dang / ngag dang / yid kyi las dge ba'i chos sgom zhing yongs su dag pa dang ldan te/ drin shes pa dang / drin bsab pa yang bla na med pa yang dag par rdzogs pa'i byang chub yongs su bstan pa'o/ /gzhan yang byang chub
197b2 sems dpa' sems dpa' chen po drin shes shing drin bsab pa ni don yid la byed de/ mang du thos pas gzungs thob par byed cing chos kyi sgron ma 'bar bar bya ba'i phyir sems can thams cad la phan pa dang bde ba'i don du sbyin pa dang / tshul
197b3 khrims dang / mang du thos pa la brtson par bya/ chos ston cing 'chad pa la mchod pa dang rim gro bya'i chos la skyon mi gdags/ ston cing 'chad pa la skyon mi gdags/ gnod pa dang 'tshe ba med pa'i sems kyis sems can la mi
197b4 'jigs pa sbyin pa ni drin shes pa zhes bya'o/ /lha dang mi'i longs spyod myong zhing mya ngan las 'da' ba'i lam thob pa ni drin shes pa dang / drin bsab pa zhes bya'o/ /byang chub sems dpa' ni gzhan yang dngos po bzhis bzod pa bsgom
197b5 zhing mi bzod pa yongs su spangs te byang chub brgyan pa'i phyir sems can mang po bsdus nas bzod pa bsgom pa la bkod de/ bdag kyang bzod pa byed/ gzhan yang bzod pa byed pa la 'god cing 'jigs pa dang bral ba
197b6 ni drin shes pa zhes bya'o/ /de ltar bzod pa byas pa'i rkyen gyis zhe sdang gi sems mi 'byung bas 'khor phun sum tshogs pa dang ldan te/ sdug bsngal ba 'am nyon mongs pa mi 'byung bas 'gyod pa'i sems
197b7 med de lus 'di dang bral nas kyang lha dang mi'i longs spyod myong zhing mya ngan las 'da' ba thob pa ni drin bsab pa zhes bya'o/ /rigs kyi bu gzhan yang byang chub sems dpa' dngos po rnam pa bzhis brtson
197b8 'grus rtsom ste/ le lo yongs su spangs nas byang chub brgyan pa'i phyir sems can yongs su sdud do/ /byang chub kyi lam gyi phyir brtson 'grus rtsom pas nyal na yang bde ste/ nyon mongs pa dang
198a1 bral bas bde ba'i chos skye zhing 'phel te lus kyis bde ba'i longs spyod myong ba ni bdag la phan pa'i don byed pa zhes bya'o/ /byang chub sems dpa' brtson 'grus rtsom yang sems can la mi 'tshe ste/ 'tshog rdeg dang /
198a2 gshe ba dang / spyo ba med pa ni gzhan la phan pa'i don byed pa zhes bya ste/ lus 'di dang bral nas kyang lha dang mi'i longs spyod myong zhing mthu dang dbang du ldan te/ byang chub kyi lam thob pas 'bras bu chen po thob par 'gyur te/ 'di ni byang
198a3 chub sems dpa' brtson 'grus rtsom pa'i dngos po bzhi zhes bya'o/ /byang chub sems dpa'i ting nge 'dzin sgom pas 'khrug pa'i sems yongs su spangs te byang chub brgyan pa'i phyir sems can yongs su sdud do/ /byang chub kyi lam gyi
198a4 phyir ting nge 'dzin bsgoms pas tshe 'di la yang 'jig rten gyi bde ba myong la/ lus dang sems dben zhing zhi ba ni drin lan shes pa zhes bya'o/ /de ltar lus dang sems dben zhing zhi bas sems can la mi 'tshe ba ni drin bsab pa zhes bya
198a5 ste/ byang chub sems dpa' lus 'di dang bral nas rnam par dag pa'i lus thob cing bde ba phun sum tshogs pa'i longs spyod myong ste/ yongs su mya ngan las 'da' ba thob pa ni byang chub sems dpa'i bsam gtan sgom pa'i dngos
198a6 po bzhi zhes bya'o/ /gzhan yang byang chub sems dpa' drin shes pa dang / drin bsab pa ni shes rab dang ldan pas ma rig pa bcom ste byang chub yongs su brgyan pa'i phyir bsdu ba'i chos rnam pa bzhis sems can yongs su sdud
198a7 do/ /byang chub kyi phyir shes rab bsgoms pas chos kyi dbyings shes shing rtogs pa'i phyir lus kyi bde ba'i longs spyod myong ba ni bdag la phan pa'i don zhes bya'o/ /sems can rnams kyi 'jig rten gyi don dang 'jig rten
198a8 las 'das pa'i don bskyed pa ni gzhan la phan pa'i don zhes bya'o/ /nyon mongs pa dang shes bya'i sgrib pa rnam pa gnyis yongs su spangs pas na 'bras bu chen po zhes bya ste/ 'di ni drin shes shing drin bsab pa'i byang chub
198b1 sems dpa'i shes rab kyi dngos po bsam gyis mi khyab pa bzhi zhes bya'o/ /gzhan yang byang chub sems dpa' sngon gyi gnas dran pa'i mngon par shes pas sngon 'das pa'i dngos po shes rab kyis rtogs te/ sems can rnams kyi dge ba
198b2 dang sdig pa'i las brtags nas dge ba'i ris su 'thun pa'i sems can thams cad la phan pa dang / bde ba'i don du byang chub sems dpa' sems dpa' chen po thabs mkhas pas dga' ldan gnas su tshe phun sum tshogs par skyes so/ /de na
198b3 mchog tu gyur pa gsum dang ldan te/ tshe mchog tu gyur pa dang / gzugs mchog tu gyur pa dang / grags pa mchog tu gyur pa'o/ /thog ma gnas de nas babs pa'i tshe 'od zer chen po bkye nas phyogs bcu snang bar byas te yum gyi lhums
198b4 su 'jug pa dang / lhums na ji srid gnas pa dang / lhums nas bltam pa'i dus mkhyen to/ /phyogs bcur phyogs re rer yang mis ma brten par gom pa bdun bdun bor te 'di skad ces bsgrags so/ /bdag gi da ltar gyi lus
198b5 'di ni nangs kyi tha ma ste/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams kyis me tog dang / bdug spos dang / rol mo dang / sil snyan dang /
198b6 ba dan dag dang / gdugs dam pa rnams kyis mchod pa byas so/ /skyes bu chen po'i mtshan sum bcu rtsa gnyis dang ldan pas de'i lus las mchog tu gyur pa gzhan med do/ /byams pa'i shugs kyis bdud kyi dpung rnams
198b7 bcom mo/ /lhu tshigs re re la yang gyad mthu bo che'i stobs re re dang ldan no/ /gzhon nu bus pa'i tshe 'jig rten gyi dngos po ma bslabs par thams cad kun rtogs shing shes so/ /ston pa med par rang btsal te bla na med
198b8 pa yang dag par rdzogs pa'i byang chub lhun gyis grub bo/ /tshangs pa'i lha'i dbang pos bskul nas sems can rnams la chos kyi 'khor lo bskor to/ /ting nge 'dzin la mnyam par bzhag pas 'brug sgra bsgrags kyang ma
199a1 g.yos so/ /gcan zan rnams nye bar bsten te pha ma bzhin du sdug par bsams so/ /byol song gis bsod snyoms phul ba yang sangs rgyas kyis de'i bsam pa mkhyen to/ /lha dang klus char phab ste lus kyi khrus
199a2 byas so/ /shing ljon pa'i yal ga yang de'i phyogs su btud de grib mas skyabs byas so/ /mngon par sangs rgyas nas kyang lo drug gi bar du bdud ma rungs pas rgyun du glags btsal kyang glags ma rnyed do/ /rgyun du ting nge 'dzin la mnyam
199a3 par bzhag pas dran pa nye bar gzhag pa'i sems yongs su rdzogs te/ rnam par rtog pa 'byung ba dang 'gag pa la shin du mkhas pas de ni byang chub sems dpa'i skye ba thun mong ba bsam gyis mi khyab pa zhes bya'o/ /skye ba thun mong
199a4 ma yin pa ni sems can la phan pa dang / bde ba'i don du dper na gang zag smyos pa dag de bzhin gshegs pa mthong ba'i rkyen gyis sngon gyi sems sor chud pa 'am/ dmus long gis mthong bar gyur pa 'am/ mngal mgo log tu
199a5 gyur pa legs par btsas pa 'am/ 'on pa rna bas thos par gyur pa 'am/ 'dod chags dang / zhe sdang dang / gti mug can dug gsum byang bar gyur pa de lta bu ni skye ba thun mong ma yin pa bsam gyis mi khyab pa zhes
199a6 bya'o/ /gzhan yang skye ba thun mong zhes bya ba ni de bzhin gshegs pa'i mdzad pa bsam gyis mi khyab pa ste/ rtag tu glo g.yas pa phab nas gzims pa dang / seng ge'i rgyal po lta bur rtswa 'jag ma ltar mi 'grub
199a7 pa dang / rlung gi rgyal po be ram bas kyang na bza'i mtha' tsam mi g.yos pa dang / gshegs pa'i gom stabs ri dgas kyi rgyal po seng ge 'am ngang pa'i rgyal po ltar gshegs pa dang / gshegs su cha ba na zhabs
199a8 g.yas pa sngar 'dor ba dang / gang dang gang du gshegs kyang sa gzhi mtho dma' mnyam pa dang / bsod snyoms la dri nga ba'i skyon med cing zhal nas phyir mi 'brul ba ni skye ba thun mong ba bsam gyis mi khyab pa zhes bya'o/ /
199b1 gzhan yang skye ba thun mong ba bsam gyis mi khyab pa ni 'di lta ste/ zhabs kyi mthil mnyam zhing gang ba yin zhabs kyi mthil na 'khor lo rtsibs stong dang ldan pa yod pa yin/ phyag sor phra la ring ba yin/ zhabs kyi rting ba zlum la
199b2 gang ba yin/ phyag sor gyi bar dra bas 'brel ba yin/ phyag dang zhabs 'jam zhing mnyen pa yin/ zhabs kyi byin pa ri dgas kyi rgyal po e na ya ltar zlum la shugs kyis gzhol ba yin/ zhabs kyi long bu phyir mi snang ba yin/
199b3 phyag pus mor slebs pa yin/ rta'i rgyal po ltar mtshan sbubs kyi nang du nub pa yin/ shing n+ya gro d+ha ltar sku'i yan lag yongs su rdzogs pa yin/ sku'i ba spu gyen du nyal ba yin/ ba spu re re nas g.yas su 'khyil ba yin/
199b4 sku mdog gser btso ma ltar 'dug pa yin/ rtag pa'i 'od 'dom gang dang ldan pa yin/ lpags pa mnyen zhing 'jam la rdul dang dri mas mi gos pa yin/ gnas bdun yongs su gang ba yin/ sku'i stod seng ge ltar 'dug pa yin/ phyag
199b5 gi lag ngar zlum la shugs kyis gzhol ba yin/ sgrog rus mnyam par gang ba yin/ sku'i stod smad 'byes pa'i mtshan dang ldan pa yin/ zhal gyi tshems bzhi bcu dang ldan pa yin/ tshems kyi thags bzang zhing mnyam pa yin
199b6 tshems kyi mdog dkar ba yin/ 'gram pa ri dgas kyi rgyal po seng ge ltar gang ba yin/ ro bro ba'i mchog dang ldan pa yin/ sha'i do ker gyi mtshan dang ldan pa yin/ ljags ring la yangs pa yin/ tshangs pa'i sgra dbyangs dang ldan
199b7 pa yin/ spyan gyi mdog mthon mthing ltar 'dug pa yin/ spyan khyu mchog gi rgyal po ltar 'dug pa yin/ smin mtshams kyi mdzod spu dkar po dang ldan no/ /de bzhin du bsam gyis mi khyab pa'i dpe byad bzang po brgyad bcu dang
199b8 ldan te/ dpe byad bzang po re re la yang dpe byad bzang po'i mchog dam pa brgya stong snyed yod de/ dpe byad bzang po de dag re re la yang byang chub sems dpa' thog ma byang chub tu sems bskyed nas byang chub la shin du brtan pas drin
200a1 shes shing drin bsab pa'i phyir spyod pa dam pa de dag spyad de/ de bas na bla na med pa'i byang chub thob par gyur to/ /sangs rgyas kyis bka' stsal pa/ de bzhin gshegs pa ni sngon yun ring po bskal pa grangs med pa/
200a2 tshad med pa'i bar du tshul khrims yongs su dag par bsrungs pas zhabs kyi mthil mnyam par gang ba'i mtshan dang ldan par gyur pa yin no/ /pha ma dang slob dpon dang / bla ma dang / gang zag yon tan dang ldan pa la mchod pa dang bkur sti byas
200a3 pa'i rkyen gyis zhabs kyi mthil 'khor lo'i mtshan dang ldan par gyur pa yin no/ /sems can rnams la mi 'tshe zhing 'phrog pa dang rku ba'i sems med la pha ma dang / slob dpon dang bla ma dang / yon tan dang ldan pa'i gang zag la
200a4 rgyang ma nas bsu bskyal byas shing khri stan bting la nga rgyal spangs te/ rim gro dang / bkur sti dang / phyag byas pas de'i rgyu de'i rkyen gyis sor mo phra zhing ring bar gyur pa'i mtshan dang ldan par gyur pa yin no/ /gong du smos pa'i bya
200a5 ba gsum dang ldan pas rting ba zlum la gang ba'i mtshan dang ldan par gyur pa yin no/ /bsdu ba'i chos rnam pa bzhis 'gro ba mang po yongs su bsdus pas de'i rgyu de'i rkyen gyis sor mo'i bar dra bas 'brel pa'i mtshan dang ldan
200a6 par gyur pa yin no/ /mar dang 'bru mar gyis pha ma dang / slob dpon dang / bla ma dang / yon tan dang ldan pa'i gang zag gi lus la bskus shing mnyes pas de'i rgyu de'i rkyen gyis rkang lag mnyen zhing ring la 'jam pa yin no/ /
200a7 dge ba'i chos bsgom pa la mi skyo bas de'i rgyu de'i rkyen gyis thal gong mnyam la lag ngar zlum zhing shugs kyis gzhol ba yin no/ /chos thos par dga' zhing gzhan la chos ston par yang mos te/ chos kyi phyir mngag
200a8 gzhug gi las byas na de'i rgyu de'i rkyen gyis long bu'i rus pa mi snang ba'i mtshan dang ldan no/ /sgo gsum yongs su dag cing nad g.yog dang / sman gyi sbyin pa byin te/ nga rgyal med la bza' ba dang / btung ba la chog shes pa'i
200b1 rgyu dang rkyen gyis lus drang por 'greng na lag pas pus mor slebs pa yin no/ /'khon gcugs su gyur pa la tshig 'jam pos bsdums te/ bdag kyang ngo tsha ba dang ldan pa'i chos spyad de gzhan yang spyod du bcug na de'i rgyu de'i rkyen
200b2 gyis rta'i rgyal po ltar mtshan sbubs kyi nang du nub pa yin no/ /bdag gi sgo gsum yongs su dag la gzhan yang yongs su dag par byed cing / sems can dag 'byung ba chen po bzhi 'khrugs te/ nad du gyur pa'i sman dpyad kyis
200b3 gsos na de'i rgyu de'i rkyen gyis lus kyi mtshan yongs su rdzogs pa yin no/ /chos thos par dga' zhing gzhan la chos ston par mos na lus kyi ba spu gyen du nyal ba'i mtshan dang ldan pa yin/ chos kyi don zab mo yid la bgyid cing dge
200b4 ba'i chos sgom par mos la/ pha ma dang / slob dpon dang / bla ma dang / yon tan dang ldan pa'i gang zag la mchod pa byas pa dang / sangs rgyas kyi mchod rten dang / dge 'dun gyi gnas khang dang lam srang na 'dug pa'i bong ba 'am/
200b5 rdo ba 'am/ tsher ma 'am/ mi gtsang ba med par byas na de'i rgyu de'i rkyen gyis spu re re nas g.yas phyogs su 'khyil pa'i mtshan dang ldan par gyur pa yin no/ /pha rol po gzhan dag la zas dang / skom dang / rgyan dang / de la sogs pa byin
200b6 zhing zhe sdang gi sems med na de'i rgyu de'i rkyen gyis gser btso ma'i mdog dang ldan pa dang / 'od rtag pa'i mtshan nyid dang ldan pa yin no/ /ci'i las kyis ba spu'i khung bu re re nas spu re re skyes pa'i mtshan dang ldan zhe na/ las de nyid
200b7 kyi rgyu las gyur te/ las kyi rgyu de nyid kyis lus mnyen zhing 'jam la rdul dang dri mas mi gos pa'i mtshan dang ldan pa yin no/ /sems can dag la dgos pa'i zang zing rgyun du gtong bas na de'i rgyu de'i rkyen gyis gnas bdun mnyam par
200b8 gang ba'i mtshan dang ldan pa yin no/ /bdag gi nga rgyal dang dregs pa bcom nas rang bzhin gyis mnyen zhing des pa'i sems kyis sems can gyi yid dang sbyor te/ /chos bzhin du spyod la mi dge ba'i chos spangs pa'i phyir dge ba'i chos
201a1 ston na de'i rgyu de'i rkyen gyis ro stod ri dgas kyi rgyal po seng ge lta bu'i mtshan dang / smin mtshams dang / sgrog rus mnyam par gang ba'i mtshan dang / sor mo ring ba'i mtshan dang / lus kyi mtha' yang zhing 'jam pa'i mtshan
201a2 dang ldan pa yin no/ /phra ma yongs su spangs te rtsod cing 'khon pa'i sdums byas pas de'i rgyu de'i rkyen gyis so bzhi bcu dang ldan pa'i mtshan dang / so'i thags bzang ba'i mtshan dang / so mnyam pa'i mtshan dang ldan pa yin no/ /'dod
201a3 pa'i khams kyi byams pa bsgoms pas de'i rgyu de'i rkyen gyis so dkar ba'i mtshan dang ldan pa yin no/ /slong ba mthong na dga' ba'i sems kyis bsu bskyal byas pas de'i rgyu de'i rkyen gyis seng ge'i 'gram pa lta bu'i mtshan dang ldan par
201a4 gyur pa yin no/ /sems can thams cad la bu gcig pa bzhin du 'dra bar lta bas de'i rgyu de'i rkyen gyis ro bro ba'i mchog gi mtshan dang ldan pa yin no/ /sems can la bla na med pa'i chos kyi ro rtag tu gtong zhing brjed cing mi dran pa la yang
201a5 dran par byas te/ bdag kyang tshul khrims lnga srung la gzhan yang bsrung bar bskul zhing byams pa'i sems kyis chos kyi sbyin pa chen po byas na de'i rgyu de'i rkyen gyis sha'i gtsug tor gyi mtshan dang lce ring zhing yangs pa'i mtshan dang ldan
201a6 pa yin no/ /bden pa'i tshig dang / chos kyis dga' ba'i tshig dang / mnyen des pa'i tshig smra'i/ dus ma yin pa'i tshig mi smra bas de'i rgyu de'i rkyen gyis tshangs pa'i sgra dbyangs dang ldan pa yin no/ /snying rje'i sems bsgoms pas sems
201a7 can rnams la pha ma lta bur lta bas de'i rgyu de'i rkyen gyis mig mthon mthing ltar 'dug pa dang / mig khyu mchog gi rgyal po lta bu'i mtshan dang ldan pa yin no/ /yon tan dang ldan pa'i legs pa mi bcabs shing bstod cing
201a8 bsngags pas de'i rgyu de'i rkyen gyis mdzod spu dkar po'i mtshan dang ldan pa yin no/ /mtshan sum bcu rtsa gnyis 'di dag gi rgyu dang rkyen so sor bshad mod kyi de'i rgyu de'i rkyen yang dag pa ni tshul khrims dang brtson 'grus so/ /
201b1 de ci'i phyir zhe na/ gal te tshul khrims ma bsrungs/ brtson 'grus ma spyad na mi'i lus kyang thob par mi nus na mtshan sum bcu rtsa gnyis thob pa lta smos kyang ci dgos/ spyi gtsug bltar mi snang ba dang / sha'i gtsug tor gyi mtshan
201b2 gnyis la tha dad pa med do/ /gzhan yang ci byed do cog la gcig du ma nges te 'gyod pa'i sems med na de'i rgyu de'i rkyen gyis rkang mthil mnyam par gang ba'i mtshan thob bo/ /de yang sems rtse gcig tu byas na de'i rgyus 'khor lo'i
201b3 rtsibs stong dang ldan pa'i mtshan dang / mtshan gsum pa dang bzhi pa dang / sor mo'i bar 'brel pa dang / gnas bdun mnyam par gang ba dang / mnyen zhing 'jam pa dang / phrag pa zlum pa dang / sgrog rus gang ba dang / lus drang
201b4 ba dang / lce ring zhing yangs pa'i mtshan dang ldan pa yin no/ /de yang bya ba rtag tu byas na de'i rgyus sor mo ring ba'i mtshan dang / lag pas pus mor slebs pa dang / 'od rtag pa 'dom gang gi mtshan dang / so thags
201b5 bzang zhing ya yo med pa'i mtshan thob bo/ /bya ba yongs su dag par byas na de'i rgyus mtshan lhag ma gzhan rnams thob par 'gyur ro/ /gzhan yang sems can dag la dge ba 'ba' shig gi sems bskyed pas de'i rgyus
201b6 rkang lag mnyen zhing 'jam pa dang / lpags pa mnyen zhing 'jam la rdul dang dri mas mi gos pa'i mtshan thob bo/ /rim gyis bsgom zhing spyod pa dang / dus bzhin du bsgoms shing spyod pas de'i rgyus gnyis pa dang / gsum
201b7 pa dang / bzhi pa'i mtshan thob bo/ /dge ba'i chos bsgom pa la mos shing 'gyod pa'i sems med pas de'i rgyus lus kyi mdog gser lta bu dang / 'od rtag pa dang / so dkar ba dang / smin mtshams kyi mdzod spu'i
201b8 mtshan thob bo/ /bstod cing bsngags na yang nga rgyal mi skye la/ bdag gi legs pa bcabs te rlom sems med na de'i rgyus rta lta bur mtshan sbubs su nub pa'i mtshan thob bo/ /dge ba'i las ci byas pa
202a1 byang chub tu bsngos na de'i rgyus ba spu'i khung re re nas spu re re skye ba'i mtshan dang / ba spu gyen du nyal ba dang / so bzhi bcu dang ldan pa dang / ro bro ba'i mchog gi mtshan thob bo/ /rtag tu brtson 'grus byas na de'i rgyus 'gram pa'i lha
202a2 nga zlum pa dang / lus kyi stod seng ge lta bu'i mtshan thob bo/ /sems can thams cad la bu gcig pa dang 'dra bar sdug par bsams pas de'i rgyus so thags bzang ba dang / mig mthon mthing du 'dug pa dang / mig khyu mchog gi
202a3 rgyal po lta bu'i mtshan thob bo/ /dge ba'i chos sgrub pa la skyo zhing ngal ba'i sems med pas mtshan lhag ma gzhan rnams thob bo/ /byang chub sems dpa' sems dpa' chen po mtshan nyid la spyod cing gnas pa'i tshe mtshan sum
202a4 cu rtsa gnyis kyi las byed do/ /rnam par dag pa'i spyod pa la gnas pa'i tshe mtshan sum cu rtsa gnyis yod mod kyi yongs su rdzogs pa'am/ gsal ba ma yin no/ /spyod pa bcu gsum pa la gnas pa na mtshan rnams kyang
202a5 mngon par gsal bar yongs su rdzogs so/ /sangs rgyas kyi chos kyi mtshan grangs med mod kyi sems can rnams la mi mthun te/ rab dang 'bring dang / tha ma yod pas bsam gyis mi khyab pas na de bas na sangs
202a6 rgyas kyis mtshan bzang po sum cu rtsa gnyis gsungs so/ /sems can thams cad kyi bsod nams ji tsam yod pa phyogs gcig tu bsdus te spungs nas de bzhin gshegs pa'i ba spu gcig gi mtshan dang mnyam mo/ /ba spu'i
202a7 khung bu thams cad kyi bsod nams ji snyed cig yod pa gcig tu bsdus te spungs nas dpe byad bzang po gcig dang mnyam mo/ /dpe byad bzang po ji tsam yod pa'i bsod nams ji snyed yod pa de las brgya 'gyur du byas na mtshan
202a8 gcig dang mnyam ste/ smin mtshams kyi mdzod spu dkar po'i mtshan dang / spyi gtsug bltar mi snang ba'i mtshan ni ma gtogs so/ /de ma yin pa mtshan gzhan thams cad gcig tu bsdus te stong 'gyur du byas na mtshan gong ma gnyis su
202b1 'gyur ro/ /mtshan sum cu rtsa gnyis dang / dpe byad bzang po brgyad bcu po'i bsod nams ji snyed yod pa gcig tu bsdus spungs te khri phrag stong 'gyur du byas pa dang / de bzhin gshegs pa'i 'brug sgra lta bu'i dbyangs zab cing rgyang ring por grags
202b2 pa'i mtshan dang mnyam ste/ gsung sgra des ni sangs rgyas kyi zhing tshad med mtha' yas bsam gyis mi khyab pa'i rdul phra rab snyed du grags shing / sems can gyi don du byams pa dang snying rje chen po spyod pas/ drin shes pa dang / drin bsab pa 'di
202b3 ni bsam gyis mi khyab bo/ /de ltar mtshan dang dpe byad bzang po de dag re res kyang so so'i skye bo tshad med grangs med pa bye ba brgya stong gis sa chen po'i rdul phra rab snyed la phan pa dang bde ba'i don byas nas byang chub tu sems bskyed du bcug
202b4 go/ /de ltar mthar gyis bsgrub pa yongs su rdzogs nas mtshan dang dpe byad bzang po rnam gnyis thob ste/ mtshan dang dpe byad bzang po yongs su rdzogs nas byang chub kyi shing drung du song ste/ bdud kyi dpung rnams btul te mngon par sangs
202b5 rgyas nas/ yang dag par chos kyi 'khor lo bskor to/ /so so'i skye bo la phan pa dang bde ba'i don du 'dod pa'i chu'i klung las bsgral nas shes rab kyi pha rol du phyin pa'i 'gram du bkod de/ sems can thams cad la phan pa dang bde ba'i
202b6 don yongs su rdzogs par byas so/ /bcom ldan 'das kyis kun dga' bo dang / byang chub sems dpa' sems dpa' chen po la sogs te 'khor mang po thams cad la 'di skad ces bka' stsal to/ /rigs kyi bu dag khyed rnams la
202b7 su zhig sangs rgyas kyi bka' drin rtag tu gzo zhing dam pa'i chos bsrung ba'i phyir thabs mkhas pa chen po drin lan bsab pa'i mdo sde shin du zab mo 'di glegs bam du bri ba dang / klog pa dang / kha ton byed par 'gyur/ su zhig
202b8 gis phyi ma'i dus ngan pa'i tshe brtson 'grus chen po bskyed de bla na med pa yang dag par rdzogs pa'i byang chub 'di srung zhing gzungs su 'dzin par 'gyur/ su zhig gis chos bsrung ba'i phyir mdo sde 'di rgyas par spel zhing sems can thams
203a1 cad la phan pa dang bde ba'i don byed par nus shes bka' stsal pa dang / de'i tshe 'khor de nyid na byang chub sems dpa' sems dpa' chen po khri brgya stong snyed 'dug pa las langs te/ gos tshags bcos nas bla gos
203a2 phyogs gcig tu gzar te/ pus mo g.yas pa'i lha nga sa la btsugs thal mo sbyar ba btud nas sangs rgyas la 'di skad ces gsol to/ /bcom ldan 'das bdag cag gis slad ma'i dus ngan pa'i tshe bla na med pa yang dag par
203a3 rdzogs pa'i byang chub 'di bsrung zhing dam pa'i chos gzungs su bzung ste sems can mang po la phan pa'i don byed par spro'o/ /de nas byang chub sems dpa' seng ges 'di skad ces gsol to/ /bcom ldan 'das bdag kyang thabs rnam
203a4 pa sna tshogs kyis sems can rnams yongs su bsdu bar spro'o/ /byang chub sems dpa' rdo rjes gsol pa/ sems can gang ngan 'gro gsum tu ltung bar 'gyur ba dag bdag gis ci nas kyang mi ltung bar bgyi bar spro'o/ /byang chub sems
203a5 dpa' 'jam dpal gyis gsol pa/ sems can rnams ci dang ci 'dod pa bdag gis thams cad yongs su rdzogs par bgyi bar spro'o/ /byang chub sems dpa' ye shes rgyal mtshan gyis gsol pa/ bdag gis ni sems can rnams la
203a6 ye shes chen po'i chos kyi rgyal mtshan sbyin par bgyi ba spro'o/ /byang chub sems dpa' chos kyi rgyal mtshan gyis gsol pa/ bcom ldan 'das bdag gis ni sems can rnams la chos yongs su sbyin par spro'o/ /byang chub sems dpa'
203a7 nyi 'od kyis gsol pa/ bcom ldan 'das bdag gis ni sems can rnams la bde ba sbyin par spro'o/ /byang chub sems dpa' zla 'od kyis gsol pa/ bcom ldan 'das bdag gis ni sems can rnams la bsod nams kyi las
203a8 byed du gzhug par bskul bar spro'o/ /byang chub sems dpa' dge sbyong gis gsol pa/ bcom ldan 'das bdag gis ni sems can rnams la thams cad bag med pa la mi gnas par bskul bar spro'o/ /byang chub sems dpa' blo
203b1 gros mi zad pas gsol pa/ bcom ldan 'das bdag gis ni sems can thams cad la zad pa mi shes pa'i dbyings kyi don mthong bar bstan par spro'o/ /byang chub sems dpa' zla 'od bus gsol pa/ bcom ldan 'das bdag ni
203b2 sems can thams cad la bla na med pa'i bde ba sbyin pa bgyi bar spro'o/ /zhes byang chub sems dpa' de dag so so nas dam bcas so/ /byang chub yongs su brgyan cing sems can thams cad la phan zhing bde ba dang / sangs rgyas kyi bka' drin dran
203b3 zhing sangs rgyas kyi bka' drin bsab pa'i phyir stan las langs nas thal mo sbyar ba btud de/ sangs rgyas kyi mdo sde 'di bdag cag la gtad du gsol zhes gsol to/ /de'i tshe tshe dang ldan pa kun dga' bos 'di skad ces gsol to/ /bcom
203b4 ldan 'das mdo sde 'di'i mtshan ci zhes bgyi/ ji ltar yongs su gzung / bcom ldan 'das kyis kun dga' bo la bka' stsal pa/ mdo sde 'di'i ming dge ba'i dngos po kun bsdu ba zhes kyang bya/ thabs mkhas pa chen po zhes kyang bya/ dgongs pa
203b5 dam pa'i spyod pa zhes kyang bya/ sangs rgyas drin lan bsab pa zhes kyang bya'o/ /bcom ldan 'das kyis kun dga' bo dang / byang chub sems dpa' sems dpa' chen po rnams la 'di skad ces bka' stsal to/ /khyed rnams ji ltar
203b6 bstan pa bzhin tu nan tan du spyod cig /sangs rgyas kyis yongs su gdams pa'i le'u 'di bstan pa'i tshe nyan thos bdun khri nyis stong gis bla na med pa'i byang chub tu sems bskyed par gyur to/ /gzhan yang lha dang / klu dang / gnod
203b7 sbyin dang / dri za dang / mi 'am ci dang / lto 'phye chen po dang / mi dang / mi ma yin pa dang / de la sogs pa thams cad sangs rgyas kyis gsungs pa la rjes su yi rang bar gyur to/ /thabs mkhas pa chen po sangs rgyas drin
203b8 lan bsab pa'i mdo las nye bar bsnyen pa'i le'u zhes bya ste dgu pa'o/ /thabs mkhas pa chen po sangs rgyas drin lan bsab pa zhes bya ba'i mdo/ rdzogs so// //
CLOSE WINDOW